Text

ff. 1a–375b · 750 folio sides

  1. 1a

    yang dag pa'i rgyud ces bya ba/

  2. 1b

    bod skad du/ yang dag pa'i rgyud ces bya ba/ dpal badz+ra he ru ka la phyag 'tshal lo// de nas bcom ldan 'das dpa' bo 'dul ba zhes bya ba'i ti nge 'dzin la snyoms par zhugs nas/ thugs yang dag pa las yi ge a zhes gsungs pas/ skye ba med pa las skye ba'i cho 'phrul du 'khor rnams rang bzhin du byung ngo / bka'// / de nas yang dpa' bo mchog gis shU n+ya ta'i sngags kyis thams cad zil gyis gnon te/ 'khor rnams la bka' stsal pa/ bkra shis byin can gnas rnams su// blang dang sbyang ba rtags thon nas// thig bzhi re mig dgu pa bri// tshon legs mdzes par bya ba dang // ma hA dam pa'i ting 'dzin bya// rgyu yi sa bon las 'byung ba// rang bzhin rim pa dmigs nas ni// bruM

  3. 2a

    las 'das brgyad rtsibs dang ldan// zhe sdang rgyu yi sa bon can// bton nas de dang steng 'og can// hUM mdzad la sogs rnam par grags// tsin+ta hA dang bcas pa nyid// rgyu yi sa bon yab yum 'khril// tsan d+ha b+h+rUM las sangs rgyas rigs// spyan mas sa bon tsan da'o// rdo rje ra ba bar khyams can// gru bzhi sgo khyud bzhi dang ldan// ka ba brgyad mchog khyad par can// sur+ya tsan tra'i steng du dag/ hUM las dkar po rtse lnga grub// rgyu yi sa bon rab bsam gsal// rdo rje'i rigs su gyur pa ni// dbus dkar g.yas mthing g.yon pa dmar// badz+ra tsakra rat+na dang // pad+ma tshon chen yum gyi rgya// mnyam par thabs dang shes rab tu// bud med dbus su 'khor rnams rgyas// kun gyi dbugs kyi 'byung ba yin// hUM

  4. 2b

    tre hri a dza du baM/ hUM dang muM badz+ra d+h+rika/ badz+ra bu su swa b+ha wA At+ma ko&haM/ yaM raM baM dang yaM dang suM/ b+h+yAM dang rnam pa yongs kyis so// hUM muM bzlas pa mthar phyin nas// mig rten ri mo mdun du bzhug/ phrin gdags bsod nams tshogs bskyed nas// yab yum gnyis med khyab par las// thal chen khrag dang zhag kyang dgod// nyan pa la sogs rtags kyi mchog/ sa ma ya dang dam rdzas sbyin// lha dang 'dres pa dam pa'i dam// de nas bdag po'i sku las/ thams cad lha dang lha mor byin gyis brlabs pa'i thabs 'di dag bka' stsal to// phyi nang gsang ba'i dbang dag ni// legs par mchod de sbyin par bya// sangs rgyas rnams kyi mdzad spyod bzhin// gsang ba don du gnyer ba'i phyir// srog lus bu dang bu mo dang // rab tu gces dang yid 'thad dbul// gnas ci ra na mchod pa'o// de bzhin gshegs pa thams cad kyi rang bzhin yang dag grub pa'i rgyud las/ rang bzhin bstan pa'i le'u ste gnyis pa'o// // de nas zil gyis gnon pa'i ting nge 'dzin la snyoms par zhugs nas/ he ru ka sogs lha mo brgyad// yig 'bru la ni yang dag bsam// de bzhin kham por 'od dang bcas// zhing la sogs pa de bzhin no// bro gar 'du 'phro byas nas su// 'bru brgyad pas ni shes pa sbyang // sku gsung thugs kyi gsang ba sbyin// bsnyen pa mthar ru phyir

  5. 3a

    nas ni// thams cad 'dus nas mnyam pa nyid// thig le rab tu gsal ba yin/ de bzhin gshegs pa thams cad kyi rang bzhin yang dag bsgrub pa'i rgyud las/ khro bo ston pa'i le'u ste gsum pa'o// // de nas rgyu'i ting nge 'dzin la snyoms par zhugs nas bka' stsal pa/ rim mam cig car 'jug pa'i gnas// ri rtse chu 'gram sa gzhi legs// bdud rtsi byug pa byas nas ni// chos rnams rang bzhin rnams dag las// yi ge so so'i ngo bo ru// dbang bas don de 'jug brtag bya// yi ge bkod pa'i 'jug spyod pa ni// so sor rtog pa'i ye shes so// de yi rang bzhin ye shes so// de yi rang bzhin 'od gsal ba// gsal la dag pa dri ma med// de las sgyu ma'i sku rnams rdzogs// mtshan dang dpe byad rnam dag pa// me long ye shes las grub pa// mtshan ma la sogs sbyor ba gang // rang bzhin med pa'i rang bzhin gyis// mnyam nyid las ni grub pa yin// ye shes de ni 'dir bshad do// de nas sgyu ma yi gnas su// thams cad mkha' ltar dag pa yin// bka' yi 'khor lo sbyor ba dang // lha yi pho brang sgyu ma'i sku// mkha' la sogs pa du ma'i rgya// bya ba'i rig pa thams cad dag/ rang bzhin mnyam pa nyid yin no// tshon sku pad+ma lha yi rigs// sku gsung thugs su brlab par bya// de bzhin gshegs pa thams cad kyi

  6. 3b

    rang bzhin yang dag pa bsgrub pa las/ ye shes kyi rim pa bstan pa'i le'u ste bzhi pa'o// // de nas nyid kyi sngags kyi bdag po chen po'i don dang ldan par mdzad pa'i phyir/ 'khor la bka' stsal pa/ bgegs rnams rab tu zhi ba'i phyir// bsnyen pa'i las ni yin par bshad// nye bar bsgrub pa'i las yin te// sgrub pa chen po 'grub par gsungs// dbu la rigs lnga'i rgyal bas brgyan// sku gsung thugs kyi lha rnams rdzogs// skye mched la ni lha mo yang // byang chub sems las dkyil 'khor bskyed// nyi zla'i dkyil 'khor brtsegs ma la// a dang kA la sogs pa yi// sgra dang dbyangs kyi yi ge rnams// nyis 'gyur rin pa rab tu dgos// d+hu pa puSh+pa a lo ka g+han d+ha/ au a hUM dang swa hA lnga// sa ma ya stam rab tu bsam// a nu ra ga gnyis med bde// IM a d+ha ri shadz+nyA na sogs/ ka kha ga g+ha nga / tsa tsha dza dz+ha nya/ Ta Sha Da d+ha Na/ ta tha da d+ha na/ pa pha ba b+ha ma/ ya wa ra la/ sha Sha sa ha k+Sha A/ a a/ i I/ u u/ ri ri/ li lI/ e e/ o au/ AM a/ de bzhin gshegs pa thams cad kyi rang bzhin yang dag bsgrub pa las/ yi ge 'phreng ba bstan pa'i le'u ste lnga pa'o// // dpal 'jigs byed chen po de zil gyis gnon pa'i ting nge 'dzin la snyoms par zhugs nas/ 'khor rnams lus ngag yid gsum rdo rjer byin gyis brlabs nas//

  7. 4a

    rang bzhin 'di lta bu bka' stsal pa/ bar du gcod pa'i bgegs rnams gzhi la// byin brlabs de las byung ba yi// mkha'i dkyil du bskyed dang rdzogs// bskyed pas dbyings kyi dkyil 'khor ro// phyi dang nang dang gsang bas bslab// oM badz+ra shri he ru ka/ badz+ra kro d+hi shwa ri stom/ badz+ra ko'u ri ha/ badz+ra tsau ri ha/ badz+ra pra mo ha/ badz+ra be ta li ha/ badz+ra pu ka si ha/ badz+ra g+ha sa ma ri ha/ badz+ra sma sha ni ha/ badz+ra tsan+da la ha/ b+h+yo b+h+yo b+h+yo/ b+h+yo b+h+yo b+h+yo b+h+yo/ b+h+yo b+h+yo b+h+yo/ b+h+yo b+h+yo b+h+yo b+h+yo/ b+h+yo b+h+yo b+h+yo/ b+h+yo b+h+yo b+h+yo b+h+yo/ b+h+yo b+h+yo b+h+yo/ b+h+yo b+h+yo b+h+yo b+h+yo/ mthar phyin pa'i yi ge bsam/ mtshan gsum bzlas dang spyan drang mchod// bstim nas gzhan la las rnams bcol// las la gzung cing gnad pa bsdam// de 'og dngos grub yang dag go/ thugs ni shin tu bstan pa'o// de bzhin gshegs pa thams cad kyi rang bzhin las dpal yang dag grub pa'i thugs kyi 'khor lo bstan pa'i le'u ste drug pa'o// // dpal yang dag grub pa'i rgyud las// tsit+ta'i dkyil 'khor dam pa rdzogs so sa ho// // rgya gar gyi mkhan po dz+nyA na gar+b+ha dang / bod kyi lo tsA ba be ro tsa nas bskur// //

  8. 4b

    rgya gar skad du/ badz+ra ma ha gu h+ya karma tan tra/ bod skad du/ rdo rje gsang ba chen po las kyi rgyud/ bcom ldan 'das dpal rdo rje kun tu bzang po la phyag 'tshal lo// 'di skad bshad pa'i dus gcig na/ bcom ldan chos thams cad kyi bdag nyid chen po de/ 'og min chos kyi dbyings nam mkha'i gzhal yas dbus med pa na/ dus gsum gyi sangs rgyas dang / khams gsum gyi sems can dang / chos thams cad dang / kun mnyam par bzhugs pa'i dus na/ bcom ldan 'das rdo rje kun tu bzang po de nyid kyi chos nyid kyi rang bzhin de la/ nyid kyi dgongs pa la zhugs pas/ chos thams cad sangs rgyas par mkhyen to// de nas bcom ldan 'das rdo rje kun tu bzang po rigs kyi bdag po des/ dus gsum gyi sangs rgyas dang / khams gsum gyi sems can dang / chos thams cad nyid dang mnyam par bzhed nas ma skyes pa'i chos nyid la bzhugs so// de nas ma bskyed pa'i chos nyid de kun la snang bar bzhed nas/ ye shes kun tu snang ba zhes bya ba'i ting nge 'dzin la zhugs nas/ ma skyes pa'i snying po/ ye shes kyi a zhes bya ba'i snying po 'di bsgrags so// khams gsum kun la ar gsal lo// chos thams cad ma skyes pa ye shes kyi rang bzhin de a las au snang bar byas so// khams gsum kun la or gsal lo// o'i sgra yang grags so// kun

  9. 5a

    la oM du gsal lo// de nas oM du snang bar byas so// oM gyi sgra yang grags so// khams gsum kun la A~M du gsal lo// de nas badz+ra pany+tsa/ zhes bya ba'i sgra bsgrags nas// gser gyi rdo rje rtse lnga pa nyid du byas so// kun tu rdo rjer gsal lo// de nas badz+ra b+ha dra zhes bya ba'i sgra grags nas// nyid rdo rje kun tu bzang po ye shes kyi skur snang bar mdzad do// ye shes kyi skur snang bar mdzad nas/ ma skyes pa'i ting nge 'dzin la yang dag par zhugs nas/ chos kyi dbyings nam mkha'i gzhal yas/ de bzhin nyid du mnyam par gshegs so// rdo rje gsang ba las kyi rgyud las/ gleng gzhi'i le'u ste dang po'o// // de nas khams gsum gnas pa'i lha chen po tshangs pa'i rigs dang / brgya byin dbang po'i rigs dang / ma hA de ba chen po dang / steng lha'i rigs dang / 'og sa bdag gi rigs dang / shar dri za'i rigs dang / lho gshin rje'i rigs dang / nub klu'i rigs dang / byang gnod sbyin gyi rigs dang / me lha'i rigs dang / srin po'i rigs dang / rlung lha'i rigs dang / dbang ldan gyi rigs dang / lha ma yin ma yin pa'i dang / rje bo dang bran mor gyur pa rnams dang / bdag tu rtogs pa ni ma spongs/ 'khrul pa'i gzung 'dzin ni ma bral/ blang dor med pa'i theg pa la ma zhugs pa'i dbang gis/ de dag thams cad la

  10. 5b

    sngon rdo rje kun tu bzang po'i 'thad pa'i sgo nas 'dul tshad du bstan pa de bkrid drang du ma rtogs/ nges par rtag pa'i dbang gtso ste/ rdo rje kun tu bzang pos ye shes kyi skur snang bar mdzad de/ chos thams cad sangs rgyas par mdzod pa de la/ bdag tu rtogs pas gzung 'dzin blang dor du brtags te/ ye shes kyi sku la/ sku khro ba/ ngag gtum pa/ sems gdul la/ 'o dod chen po 'bod cing / shin tu slong ba'i skad 'byin pa/ mnar med pa'i nyon mongs pa/ bskal pa stong phrag nyi shu'i bar du gnas pa dang / de bzhin nyid la brtag tu med pa las/ rang rang du rtog pa'i chos nyid la zhed pa'i mthu brtas pas/ dug lnga'i 'bras bu smin te/ mi 'tshams pa'i lus dang mi 'tshams pa'i bsam pa dang / mi 'tsham pa'i rnam par smin pa dang / mi 'tshams pa'i 'bras bu dang / mi 'tsham pa'i sdug bsngal dang / mnar med pa'i nyon mongs pa dang / bskal pa stong phrag nyi shu'i bar du gnas pa dang / dus med par lha dang mi'i 'jig rten phung bar byed pa/ de nas mi 'tshams pa'i sdug bsngal zad nas/ gti mug dran med pa'i sdug bsngal dran pa dbyings su chud de/ byang chub skye ba'i thabs gting med par gnas so// rdo rje gsang ba las kyi rgyud las rtog pa rnam smin gyi le'u ste gnyis pa'o// // de nas rdo rje kun tu bzang po des/ thugs rje ye shes

  11. 6a

    skyes nas/ chos kyi de bzhin nyid las bzhengs nas 'di skad gsungs so// oM/ yod med stong pa ye shes rnal 'byor sku// nam mkha' bzhin du khyab pa'i thugs rje yi// mi 'tshams nyon mongs sdug bsngal zhi mdzad pa// ye shes kun tu snang mdzad skur bzhengs shig/ ces ma skyes pa mngon du skur bzhengs su gsol lo// de nas dus gsum gyi sangs rgyas thams cad ma skyes pa'i dbyings nas skur bzhengs so// de nas dus gsum gyi sangs rgyas thams cad bdag nyid chen po'i dkyil 'khor du byin gyis brlabs pa/ oM/ snang srid snod bcud bsdus pa thams cad kun// bdag gi rdo rje skye mched rang bzhin te// ye nas rang 'byung ye shes lha yi lha// mthun pa'i sdug bsngal can rnams zhi bar mdzod// ces gsungs pas/ de nas dus gsum gyi sangs rgyas thams cad rgyud ma dag pa'i sdug bsngal can zhi bar mdzad pa'i sku/ rdo rje kun tu bzang po'i skur bzhugs so// rdo rje kun tu bzang po des/ sangs rgyas thams cad kyi che ba lnga ldan pa'i rtags bkod pa/ oM sarba ta thA ga ta kA ya pa Na tsa A~M/ oM sarba ta thA ga ta ba ka paN au.I/ hUM sarba ta thA ga ta tsit+ta pa Na tsa hUM/ swa sarba ta thA ga ta gu na pan tsa swa/ ha sarba ta thA ga ta karma pa Na tsa ha/ A~M sarba ta thA ga ta swa b+ha wa At+ma ko&haM/ rdo rje gsang ba las kyi rgyun las/ che ba byin gyis brlabs

  12. 6b

    pa'i le'u ste gsum pa'o// // de nas rdo rje kun tu bzang po de/ rdzogs pa'i dkyil 'khor 'di sku dang / gsung dang / thugs rdo rje las byung ngo // oM badz+ra ma hA shrI he ru ka/ badz+ra mahA kro d+hi shwa ra s+t+waM/ oM b+h+yaH mahA shrI he ru ka/ bud+d+ha mahA kro d+hi shwa ri stAM/ au rat+na ma hA shri he ru ka/ rat+na mahA kro d+hi shwa ri staM/ AM pad+ma ma hA shri he ru ka/ pad+ma kro d+hi shwa ri stAM/ IM karma ma hA shri he ru ka/ au karma kro d+hi shwa ri staM/ zhes 'bar ba chen po lnga phyung nas/ oM a hUM/ hUM pa ra na phaT/ ces spros/ hUM hUM hUM/ zhes bsdus nas/ gnas 'dir phyag rgya bzhi dang ldan par byas so// de nas ha ha ha ha ha ha ha ha spros so// de nas he he he he he he he he spros so// de nas phaT phaT phaT phaT ces spros nas/ oM A hUM/ hUM pa ra na phaT/ saM ha ra na hUM hUM hUM/ zhes bsdus nas/ khro mo dang / 'phra men ma dang / sgo ma'i tshigs spros te/ phyag rgya bzhi dang ldan par bya'o// rdo rje kun tu bzang po 'di'i sku nyid du bzhugs so// sku gsung thugs las byung nas sku nyid dkyil 'khor gyi lhar bstan nas bzhugs so// rdo rje gsang ba las kyi rgyud las/ sku la rdzogs pa'i dkyil 'khor yongs su rdzogs par bstan pa'i le'u ste bzhi pa'o// // de nas rdo rje kun tu bzang po nges sku lnga mngon du phyung ste/ zhe sdang dang zhe sdang gi yul gnas su dag pa badz+ra he ru ka yab yum phyung ngo // 'dod chags yul dang chas pa

  13. 7a

    gnas su dag pa pad+ma he ru ka yab yum phyung ngo // gti mug yul dang chas pa gnas su dag pa bud+d+ha he ru ka yab yum phyung ngo // phrag dog yul dang chas pa gnas su dag pa karma he ru ka yab yum phyung ngo // nga rgyal yul dang chas pa gnas su dag pa rad na he ru ka yab yum phyung ngo // de nas sku rnam pa lnga po de ltar phyung nas/ 'gro ba lnga'i gnas su mthing nag dang / smug nag dang / ser nag dang / dmar nag dang / ljang nag la sogs pa sku mdog dang phyag mtshan rdo rje dang / dbyug tho dang / kha TaM kha dang / zhags pa dang / gar gyi rgya gram dang / zhal gsum phyag drug/ lha chen po rnams kyi gdan la zhabs brgyad brkyang bskum dang / gyed kyi 'dor stabs su bzhugs nas/ rigs drug dang mthun pa'i skad kyis 'gro ba'i don mdzad do// rdo rje gsang ba las kyi rgyud las/ sku lnga rdzogs par bstan pa'i le'u ste lnga pa'o// // de nas rdo rje kun tu bzang po des khams gsum dbang du sdud pa 'di gsungs so// dus gsum gyi sangs rgyas dang / khams gsum gyi sems can thams cad hUM hUM hUM zhes pas mngon sum du bsdus nas/ nyid la thim par mdzad do// oM sarba ta thA ga ta kA ya si d+hi saM ha ra na hUM/ zhes khams gsum he ru ka nyid sku gcig gis gang bar mdzad do// oM sarba ta thA ga ta bA ka si d+hi saM ha ra na hUM/ zhes pas khams

  14. 7b

    gsum gsung gcig gis gang bar mdzad do// oM sarba ta thA ga ta tsit+ta si d+hi sang ha rat+na hUM zhes pas/ khams gsum he ru ka nyid sku gcig gi sku gsung thugs las/ gzhan cang mi gnas par mdzad de/ yang bag chags ngan pa'i mthu langs nas/ rang rang gi lus grub ste las ngan pa spyad pa las/ de nas he ru kas hUM hUM hUM bi sha badz+ra kro d+ha dza la man Da la phaT phaT phaT/ ha la ha la ha la hUM/ zhes brjod pa las/ 'jig rten drug gi phyogs bcu kun g.yogs so// 'ur chem gyi sgra phyung ngo // rab tu zhu nas rdul gtor bas/ lha klu gnod sbyin gyi rigs/ mthu che ba dbang phyug chen po la sogs pa brgyal du yang nas yang bcug nas/ bkrag dang / gzim mdangs dang / shes pa'i bcud bsdus nas/ shes pa nyams pa thams cad byas so// rdo rje gsang ba las kyi rgyud las/ drag po dbang sdud kyi le'u ste drug pa'o// // de nas snying po bzlas brjod kyi le'u 'du gsungs so// rdo rje 'dzin pas glu drug po 'di blangs pas/ chos kyi dbyings na bzhugs pa'i sangs rgyas dang / khams gsum na gnas pa'i sems can thams cad kyi don lhun gyis grub par bya ba'i phyir/ sangs rgyas thams cad kyi bdag po dpal chen po nyid kyi don gyi sgra 'di brjod do// oM badz+ra shrI he ru ka badz+ra mahA kro d+hi shwa ri sa ma ya s+t+waM/ oM ru lu ru lu hUM b+h+yo hUM/ zhes gsungs so// gsungs pas

  15. 8a

    don gyi sgra'i rgyas btab nas/ thams cad bde ba la gnas so// de nas sku gsung thugs yon tan 'phrin las kyi sprul pa he ru ka lnga phyung ste/ don gyi sgra phyung ba dang che ba bskyed pa/ oM badz+ra shrI he ru ka hUM/ badz+ra kro d+hi shwa ri s+t+waM/ oM ru lu ru lu hUM b+h+yo hUM/ oM bud+d+ha shrI he ru ka hUM/ bud+d+ha ko d+hi shwa ri s+t+wam/ oM ru lu ru lu hUM b+h+yo hUM/ oM rat+na shri he ru ka hUM phaT/ rat+na kro d+hi shwa ri stam/ oM ru lu ru lu hUM b+h+yo hUM/ oM pad+ma shri he ru ka hUM/ pad+ma kro d+hi shwa ri stam/ au ru lu ru lu hUM b+h+yo hAM/ karma shri he ru ka hUM/ karma kro d+hi shwa ri hAM/ IM ru lu ru lu hUM b+h+yo hUM/ zhes che ba bskyed cing don gyi sgra phyung nas/ rnam par smin pa gsum dang / 'gro ba rigs drug gi sems can gnas nas stongs par byas nas/ thugs gsang ba'i dbyings su bsdus/ ye shes kyi sras su bskyed/ 'phags pa yang mchod don yang byas/ sangs rgyas thams cad kyi sku gsung thugs kyi dngos grub thabs cad bsdus so// de nas sku gsung thugs kyi yan lag khro mo dang / 'phra men dang / sgo ma dang 'phrin las kyi lha phyung ste/ oM badz+ra ke'u ri ha/ oM badz+ra tsa'u ri ha/ oM badz+ra pra mo ha/ oM badz+ra be ta li ha/ oM badz+ra pu ka si ha/ oM badz+ra g+ha sa ma ri ha/ oM badz+ra sma sha ni ha/ oM badz+ra tsaN+Da li ha/ oM badz+ra sing ha mu kha he/ oM badz+ra bya g+hi mu kha he/ oM badz+ra sri la mu kha he/ oM badz+ra shwa na mu kha he/ oM badz+ra kri ta mu kha he/ oM badz+ra kang ka

  16. 8b

    mu kha he/ oM badz+ra ka ka mu kha he/ oM badz+ra hu ka lu mu kha he/ oM badz+ra ar+ya de tsa te da tsa phaT/ oM badz+ra a mo ka hUM phaT/ oM badz+ra lo ka paM phaT/ oM badz+ra pa smin pa la yab to ho phaT/ oM ma nu ra sha si/ oM pra ma ni/ oM ro'u tri/ au be sna bi/ ko ma ri/ in tra ma/ badz+ra bing ka lam/ a mri te/ so'u ma/ da Na Da ma/ rag sha si/ bag sha se/ ra ti ra/ ru ti ra ma ti/ e ka tsa ra/ ma nu ha raM/ si hi ka raM/ ba yaM be/ badz+ra ma ra ni/ badz+ra ag ne/ b+ha ra hi/ badz+ra tsa mun ti/ pu tan/ ba ru na/ ma hA ka la/ tsa kra li/ gum pa ka ra/ lam bo d+ha ra b+h+yo/ au ru lu ru lu hUM b+h+yo hUM/ zhes don gyi sgra phyung nas/ rnam par smin pa gsum dang / 'gro ba rigs drug gi sems can gnas nas stongs par byas nas/ thugs gsang ba'i dbyings su bsdus/ ye shes kyi sras su bskyed/ 'phags pa mchod/ don yang byas nas/ dngos grub thams cad bsdus so// rdo rje gsang ba las kyi rgyud las/ snying po bzlas brjod kyi le'u ste bdun pa'o// // de nas bcom ldan 'das sangs rgyas thams cad kyi bdag po des/ gsung sgra don gyi le'u 'di bstan to// kye kun gyi snying po byang chub sems ni kun gyi rgyu// nga ni kun gyi rang bzhin te// byang chub sems ni rang bzhin bshad// bya ba ye nas skye ba med// spros dang bral ba'i rang bzhin te// chos sku ma skyes rnam par byang // chub pa kun la

  17. 9a

    khyab par byed// 'dod pa'i longs spyod rdzogs pa'i phyir// skye ba med la thams cad skyes// sems ni kun gyi snying po ste// 'dod pa thams cad sems pa'i phyir// de phyir bskyed pa'i snying po byed// gang 'dod sems ni de bskyed pa// byang chub sems kyi rang bzhin no// skye med 'dod pas de bzhin nyid// rnam dag chos kyi skur 'dod pa'o// skye bar 'dod pa kun tu snang // longs spyod rdzogs pa'i rang bzhin no// sems de skyes pa'i snying po ni// ma skyes snying po a de rgyu// kun tu sprul byed yi ge'i tshogs// a rni su tri pri du tshogs// 'gro ba drug tu snang ba yang // kun tu sprul byed chos nyid do// ma skyes a ni rdo rje ste// rdo rje ye nas kun tu bzang // da ni kun gyi snying por bshad// yan lag lnga ni sangs rgyas lnga// rnam dbang yul dus chos mtshan nyid// byang chub sangs rgyas dkyil 'khor bshad// sangs rgyas dkyil 'khor tshogs rnams kyis// dus gsum sangs rgyas thams cad kyis// che ba'i yon tan rdzogs byas te// gsung sgra gsang ba'i snying brjod pas// don gyi dbyangs sgra drug tu grags// oM ru lu ru lu hUM b+h+yo hUM/ A~M dang ru dang lu dang ni// hUM dang b+h+yo dang hUM ste drug/ gsang ba'i snying po 'di brjod pas// dug gsum rnam smin ru tra dang // khams gsum rgyud drug nyon mongs rnams// gzigs pa'i thugs rje chen po yis// bla

  18. 9b

    med byang chub thob bya'i phyir// gsang ba'i snying po 'di brjod do// dper na dbang chen rje de yis// yang bran khol du bos pa bzhin// spyan sngar mi 'du thabs med 'dus// dbyings su bsdus nas sras bskyed spros// mchod cing 'dod pa bsdu bar mdzad// de don 'bru 'di bshad bya nyon// chos sku ye nas skye ba med// ma skyes pa yi snying po a// skye ba'i cho 'phrul yon tan au// yan lag rdzogs pas IM du snang // au ni sku yi snying po ste// bde gshegs sku yi snying por bshad// sku ni phyag rgya bzhi ldan sku// ru ni ru tra'i snying po ste// ra tra ru tra ma ra tra// ra ga ra ta rag sha ste// dug gsum rnam par smin pa ste// ru tra gsum gyi snying por bshad// lus ni 'khor ba phyin ci log/ dug lnga smin pa'i rgyud drug ste// rgyud drug spyi yi snying por bshad// hUM ni sdud pa'i snying po ste// dbyings su bsdus nas sbyor ba yis// ye shes sems dpa'i sras su bskyed// b+h+yo ni bskul ba'i snying po ste// 'phags pa mchod cing 'gro don byed// hUM ni sdud pa'i snying po ste// 'dod pa sku gsung dngos grub sdud// de don 'dod ltar rim par gyis// badz+ra he ru kas 'di brjod pas// gsang ba A~M gyi snying po la// rang rgyud dag pa'i bsnyen pa ste// badz+ra phyag rgya bzhi ldan gsal// gsang ba ru yi snying po yis// ru tra rnam gsum snying nas 'dren// gsang ba lu yi snying po yis// 'khor ba

  19. 10a

    rgyud drug zugs rjes 'dren// rang rgyud dag pa'i thugs rje yis// dmyal ba'i 'jig rten stongs par mdzad// tshe grang sdug bsngal gtan sa len// yang nas yang de lan gnyis so// hUM gis gsang ba'i dbyings bsdus nas// gnyis med sbyor bas sras su bskyed// b+h+yo ni bskul ba'i snying po ste// gzugs bzhi gzugs de spros byas la// spros med dbyings kyi pho brang na// sangs rgyas nam mkha'i khams gang mchod// hUM gis slar bsdus dngos grub de// sku gzung yon tan 'phrin las thugs// phyag rgya bzhi ldan gnas su sdud// bdag dang gzhan don rnam pa gnyis// lhun grub mthar phyin grub pa ste// thugs rje 'gro don mdzad las byung // bdag nyid lhun grub don mi gnyer// rgyal ba'i rigs chen he ru ka lngas// gsang ba'i snying po oM brjod pas// rang rgyud dag pa'i gnyen po lnga// phyag rgya bzhi dang ldan gyur nas// dregs pa rnam gsum 'dul ba dang // rang rgyud dag pa'i 'dul skal gyis// rgyud drug stongs mdzad gong ma bzhin// dus gsum sangs rgyas thams cad kyis// 'phrin las lhag ma med par lags// 'khor ba rgyud drug gnas stongs nas// bla med byang chub sangs rgyas mnyam// zhes gsungs/ rdo rje gsang ba las kyi rgyud las/ ru lu don gyi le'u ste brgyad pa'o// // de nas kun bzang dges pa des// glu drug

  20. 10b

    dbyangs kyi don bshad pa// 'go ru dbyangs dang kun de'u dbyangs// sha ta ba dang gar bzang ba// breng de dbyangs dang dung nge dbyangs// 'go ru dang po sgra chen sgrogs// kun de'i bar du 'gug par byed// sha tas don gyi snying po 'dzin// gar zas de yi las byed la// breng nges par chad med pa'am// dung nges dga' dang 'gugs par byed// oM gyi snying po dbyangs blangs pas// dkyil 'khor phyag brgya bzhi ldan gsal// ru yi snying po dbyangs blangs pas// ma DaM ka dang kha TaM kha// a ka ra dang rnam pa gsum// dug gsum lus ngag yid gsum gyis// khams gsum ru tra rnam gsum 'dul// lu yi snying po dbyangs blangs pas// rgyud drug spyi yi snying po ste// dug lnga smin pa lam lnga nas// 'khor ba rgyud drug gnas nas 'dren// thugs rje'i rang bzhin yang dang yang // hUM zhes gsang ba'i dbyangs 'di yis// gdul bya yang dag dbyings su sdud// bskul ba b+h+yo yi dbyangs 'di yis// dbyings nas ye shes de yis ni// 'phags mchod 'gro ba'i don yang byas// hUM zhes bsdad pa'i dbyangs de yis// gang 'dod don de grub par byed// rigs zhes bya ba'i nges pa ni// skra gsung yon tan 'phrin las thugs// nga yi rang bzhin bstan pa yin// 'di las ma gtogs pa yis chos// nga yis su la bstan pa med// nga las ma byung chos yod na//

  21. 11a

    nga min pa yi ston pa dgos// nga las byung ba'i rigs chen lnga// don grub ldan pa'i dbyangs blangs pas// 'jig rten drug ni stongs par mdzad// sdug bsngal drug ni gtan nas brlags// rigs chen lnga yi rigs su 'gyur// sku gsung thugs dang yon tan las// rigs chen lnga dang mnyam par 'gyur// zhes gsungs so// rdo rje gsang ba las kyi rgyud las/ dpal he ru ka dbyangs drug gis/ ru tra dang rgyud drug rigs lngar bsgral ba'i le'u ste dgu pa'o// // de nas kun tu bzang po des bdag nyid chen po'i dkyil 'khor 'di phyung nas/ sangs rgyas dang sems can thams cad nyid kyi bcud bsdus so// bdag ni sangs rgyas thams cad kyi// bdag po dpal chen he ru ka/ bdag la gnas pa'i chos rnams ni// ye nas rang byung grub pa'i lha// bdag gi phung po rnam lnga ni// ye nas rang byung bcom ldan 'das// rigs lnga he ru sku lnga gsal// 'byung ba rnam shes yul dus rnams// 'khor gyi dkyil 'khor byas nas ni// phyag rgya bzhi dang ldan pa yis// sangs rgyas phal chen thams cad kyi// lhun grub che ba rnam lnga'o// sangs rgyas lnga yi bdag nyid kyis// ji ltar snang ba'i chos rnams dang // khams gsum rgyud drug thams cad kun// bla med byang chub drang ba'i phyir// dbyangs drug gsung sgra brjod don ni// tshangs pa la sogs phyogs skyong

  22. 11b

    tshogs// pha dang ma dang chung ma dang // bu dang bu mo ming por bcas// sngon byung bdag nyid chen po'i// bka'i nos 'khrul te nyams pa yis// lha mi 'jig rten kun phyung ba// gong du smos pa de ltar dang // bar du khro mo la sogs pa'i// srin po'i tshogs kyi phung ba ni// phyogs skyong rnams kyi bu mo ste// srin mo dri 'thor bu mo ni// srin mo ke'u ri ma zhes bya// sngon mo zhing gi dbyug pa thogs// des kyang 'jig rten phung bar byed// srin po gshin rje'i bu mo ni// srin mo rtse'u ri ma zhes bya// ser mo mda' gzhu kun la 'phen// des kyang 'jig rten phung bar byed// srin mo blun mo'i bu mo ni// srin mo pra mo ha zhes bya// dmar mo mdung rtse gsum pa thogs// des kyang 'jig rten phung bar byed// srin mo gnod sbyin bu mo ni// srin mo pe ta li zhes bya// nag mo rdo rje byis pa za// des kyang 'jig rten phung bar byed// srin mo me za'i bu mo ni// srin mo pu ka si zhes bya// dmar ser byis pa'i rgyu ma 'dren// des kyang 'jig rten phung bar byed// srin mo chen mo'i bu mo ni// srin mo kas ma ri zhes bya// dmar mo b+han d+ha'i khrag 'thung ma// des kyang 'jig rten phung bar byed// srin mo rlung mo'i bu mo ni// srin mo sma sha ni zhes bya// mthing nag byis pa'i snying za ma// des kyang 'jig rten phung bar byed// srin mo bgegs chen bu mo ni// srin mo tsaN+Da li zhes bya// ser skya'i

  23. 12a

    mgo dang lus su 'brel// des kyang 'jig rten phreng bar byed// dri za gshin rje klu mo dang // mnod sprin chen mo la sogs pas// seng ge stag dang wa sbrang bzhi// 'jigs byed dpal brtul sbal mthong nas// 'jigs ma bzhi'i bu byung ba// srin mo lus la 'jigs byed mgo/ ming ni 'jigs byed ming btags te// sing nga dang ni bya kri dang // sri la sho la rnam pa bzhi// srin mo bu mo sing ngam// ser mo kha na ro yang thogs// des kyang 'jig rten phung bar byed// srin mo bu mo bya kri ma// dmar mo lus kyi khog pa 'dral// des kyang 'jig rten phung bar byed// srin mo bu mo sri la ma// nag mo bam chen ldag par byed// des kyang 'jig rte phung bar byed// srin mo bu mo sho na ma// mthing nag khog 'dral sha chen za// des kyang 'jig rten phung bar byed// me rlung 'tshams kyi srin mo bzhi// mgyogs par byed pa'i sbrul 'dod nas// rgod dang dur bya bya rog dang // mthong byed 'ug pa la sogs te// mgyogs byed bzhi yi bu byung ba// srin mo bu mo kri ta ma// dmar mo baM gri thogs pa mo// des kyang 'jig rten phung bar byed// srin mo bu mo kang ka ma// snar mo zhing chen phrag la khur// des kyang 'jig rten phung bar byed// srin mo bu mo kha kha ma// nag mo rgyu ma 'dren par byed// des kyang 'jig rten phung ba byed// srin mo bu mo hA lu ma// ser mo glo

  24. 12b

    snying srog 'dzin ma// des kyang 'jig rten phung bar byed// srin mo bum sna'i bu mo ni// rta yi gdong pa lcags kyu thogs// des kyang 'jig rten phung bar byed// srin mo rnam 'joms bu mo ni// phag gi gdong pa zhags pa thogs// des kyang 'jig rten phung bar byed// srin mo sha za'i bu mo ni// spre'u'i gdong pa lcags sgrog thogs// des kyang 'jig rten phung bar byed// srin mo 'bod 'grogs bu mo ni// sbrang khu'i gdongs pa dril bu thogs// des kyang 'jig rten phung par byed// 'jig rten 'di na dbang che ba// ma rtogs gnod sbyin nyi shu brgyad// srin po tshangs pa lha chen dang // gtogs 'dod la sogs chung ma ni// dbang phyug nyi shu rtsa brgyad de// lus kyi mdog dang sna tshogs la// lag cha rnam pa sna tshogs thogs// ma rtog pa las grub pa yi// mthu che 'di rnams ma rigs 'jig rten phung bar byed// de kun bdag po chen po yi// ma hA de ba lha chen dang // srin po tshangs pa la sogs pa// ston pa'i zhal mthong don ma rig/ de dag yongs su 'dul ba'i phyir// skye med skye ba'i cho 'phrul ni// dpal chen he rur skur sprul nas// dbang chen rnams ni drag shul btul// rmad du byung ba'i mdzad sbyor kyis// thams cad byin gyis brlabs nas ni// rigs kyi gdan du bkod de bzhag/ de nas thugs rje bdag po des// rang las byung

  25. 13a

    ba'i chos rnams na// thang ba rigs lnga'i skang bskrad nas/ can rnams kyi gdan la bzhag/ 'thung tham dug la 'tshal// rnam shes brgyad mtsham brgyad// thal brgyad laman 'dra brgyad// chad med bzhi la khro ma ba'i// 'phrin las rnam pa bzhi las ni// dbang phyug ci cu rtsa brgyad byung // mthun pa'i mthun pa gnam pa'i phyir// lus dang mdog dang lag cha dang // meng dang las rnams mthun byas nas// lha mo ke re brgyad kyis ni// zin mo ke ri brgyad rnams btul// lha mo 'gra med brgyan kyis ni// srin mo 'phra med brgyan rnams btul// wa mo ska ma bzhi rnams kyis// srin mo rna ma pa rnams btul// sa mo dbang phyug nyi shu rtsa brgyad kyis// srin mo chen mo nyi shu rtsa brgyad btul// de yang ji ltar btul zhe na// ming lus las rnams mthun byas nas// srin mo tshogs byas de dag la// lha mo rnams kyis smras pa'i tshig/ kye phrin mo grogs mo'i chags// lus kyi mdog ni ci me don// brgyab cing za ba tsi yi don// ces smras so// srin mo rnams kyis smras pa'i tshig/ grogs mo chen mo lha mo rnams// lus mdog pa dang ma yis bskyed// lag cha brgyab cing za ba'i don// pha dang ma yis brkos pa yin// zhes smras so// lha mo rnams kyis sbas pa'i tshig/ ltung ba'i sdug bsngal lha la che// 'gyur ba'i sdug bsngal ma la

  26. 13b

    che// las ngan sdug bsngal ngan song gsum la che// zhes smras pa dang / srin mo rnams kyis smras pa'i tshig/ lha mo chen mo grogs mo dag/ khyed kyi lus mdog ci yi don// brgyab cing za ba ci yi don// de skad ces ni smras pa las// lha mo rnams kyis smras pa'i tshig/ bdag gi sku mdog nag pa ni// bdag ni sangs rgyas thams cad kyi// bdag po dpal chen he ru ka'i// thugs ni mi 'gyur rtags su byung // lag cha 'khor ba'i nying thos 'joms pa'i rtags// lha mo rnams kyis de smras so// de ru srin mo'i tshogs rnams kun// bdag cag rnams kyang bka' la 'jug/ ces zer bas/ lha mo rnams kyis smras pa'i tshig/ 'o na khyod kyi snying po gang // zhes smras pa dang / srin po rnams kyis snying po smras pa/ ru tra ru tra ma ra ta/ bdag cag kun gyi snying po ni// ru ru ru tra zhes bya ba lags// de skad ces smras pas lha mo rnams// dpal chen thugs la zhugs pa ni// ru lu zhes brjod cing // dpal chen thugs la kun kyang zhugs// de nas 'khor bcas dkyil 'khor des// dus gsum sangs rgyas lhun grub kyis// che ba'i yon tan bsdu ba'i phyir// gnas bzhi phyag brgya bzhi ldan gyis// bsnyen bsgrub rnam bzhi rdzogs byas te// nyid kyi don du che ba bsdu// 'gro ba'i don du snying po bzlas// oM ru lu ru lu hUM b+h+yo hUM/ zhes rdo rje gsang ba'i rgyud las/ gsung gi khams

  27. 14a

    gsum sgrol ba'i le'u ste bcu pa'o// // rdo rje gsang ba chen po'i rgyud rdzogs so// // @#// rgya gar skad du/ badz+ra gu h+ya karma tan tra/ bod skad du/ rdo rje gsang ba las kyi rgyud/ dpal kun tu bzang po la phyag 'tshal lo// de nas rdo rje kun tu bzang po des chos thams cad skye 'jig med pa'i skur phyung ste/ nyid kyi 'khor skye 'jig med pa/ rtog pa thams cad 'joms pa'i sguskur gyur pa'i phyir/ rang nyid mi snang bar byas nas/ nam mkha' las sgra 'di phyung ngo // a A/ e o/ oM au/ skye med cho 'phrul drag po'i skus// nam mkha'i khams kun gang bar 'gyur// zhes pa'i sgra phyung ngo // nyid kyi sku dpal rdo rje kun tu bzang po'i sku dang / dpal rigs lnga he ru ka'i sku dang / dpal rdo rje gzhon nu'i sku dang / ye shes rig pa'i sku dang / gti mug 'joms pa'i sku dang / zhe sdang 'joms pa'i sku dang / nga rgyal 'joms pa'i sku dang / 'dod chags 'joms pa'i sku dang / phrag dog 'joms pa'i sku dang / gzugs 'joms pa'i sku dang / tshor ba 'joms pa'i sku dang / 'du shes 'joms pa'i sku dang / 'du byed 'joms pa'i sku dang / rnam par shes pa 'joms pa'i sku dang / 'dzin byed chen mo gti mug 'dzin pa dang / zhe sdang 'dzin pa dang / nga rgyal 'dzin pa dang / 'dod chags 'dzin pa dang / phrag dog 'dzin pa

  28. 14b

    dang / gzugs 'dzin pa dang / tshor ba 'dzin pa dang / 'du shes 'dzin pa dang / rnam par shes pa 'dzin pa'i sku dang / khro bo chen po bcu dang / khro mo chen mo bcus/ phyogs bcu'i 'jig rten gtams nas bzhugs so// de las sprul pa'i sku grangs med pa yang byung bar gyur to// de la rdo rje kun tu bzang pos bsgo ba/ kye skye ba med pas rdo rje la// 'jig pa med pa'i gzhon nu'i sku// 'gyur ba med pas mthing nag mdog/ thams cad dbang sdud rgyas 'debs 'khril// g.yas pa theg dgu rdzogs rtags kyis// don mtshon nyon mongs dgu ni 'joms par mdzad// g.yon pa me dpung 'bar ba yis/ khams gsum bud shing bsreg par mdzad// bar ma rtse lnga rtse gsum gyis// 'phags mchod dug gsum rtsad nas gcod// tha gnyis bsnams pa'i phyag mtshan gyis// mtshan chen ri rab phur bu des// sngon po lcags kyi phur pa bsnams// stong gsum 'jig rten khams 'di ni// rdo rje ri rab phur bu 'dril// sku stod zhal gsum phyag drug pa'i// khro bo bcu'i sgrar bzhugs pa la// skra smad lcags kyi phur gsum bsnams// 'og ni rdzarje gtan nas blangs// dkar nag mtshams su btab pa yis/ khams gsum sdug bsngal rtsad nas gcod// rnam pa'i mthu dang rdzu 'phrul 'phrog/ hUM gis thugs kyi dbyings nas bsdus// phyogs bcu khro rgyal sras

  29. 15a

    su bskyed// khyed ni sangs rgyas thams cad kyi// sras te rdo rje gzhon nu'i sgra// khams gsum sgrol ba'i las mdzad cig/ de nas dpal rdo rje gzhon nu des// rang gi dkyil 'khor thams cad 'od zer spros// slar hUM gis bsdus nas/ nyid kyi sku gsung thugs la 'thim par mdzad do// de nyid kyi dus gsum gyi sangs rgyas kyi che ba bsdu ba'i phyir/ oM aM hUM bzhi gnas bzhir bkod/ de nas s+pha ra na phaT ces 'bru bzhi spros nas/ chos kyi dbyings na bzhugs pa yis// lhun gyis grub pa'i sangs rgyas la// sku gsung thugs mnyes pa'i mchod pa phul nas/ slar saM ha rat+na hUM gis/ sku gsung thugs yon tan 'phrin las kyi dngos grub thams cad bdag gis gnas dbyig bsdus nas/ de nas don mdzad par dgongs/ yab yum gnyis su med pa las/ thugs rje ye shes kyi sras/ 'joms byed dang / 'dzin byed kyi tshogs thams cad sprosmos pa ni/ 'di lta ste/ oM badz+ra kro d+ha hUM hUM/ kar gar rdza gar rdza hUM phaT/ ces brjod pas steng gi phyogs su spros/ oM badz+ra kro d+ha hUM/ bi dza ya ha na ha na hUM phaT/ shar du brjod/ oM badz+ra kro d+ha hUM/ ya man ta ka pa tsa hUM phaT/ lho'i phyogs su sprul pas/ srid pa'i chos 'joms byed chen po lho ru brjod/ oM badz+ra kro d+ha hUM/ ha ya g+hi ba hu lu hu lu hUM phaT/ nub tu'o// oM badz+ra kro d+ha hUM/ a mri ta kun Da li tshin d+ha tshin d+ha hUM phaT/ byang

  30. 15b

    du'o// au kro d+ha hUM/ ni la dan Da da ha da ha hUM phaT/ shar lhor ro// badz+ra kro d+ha hAM/ ar+ya a tsa la b+han d+ha ban d+ha hUM phaT/ lho nub tu'o// oM badz+ra kro d+ha hAM/ a pa ra dzi ta stiSh+Tha stiSh+Tha hUM phaT/ nub byang du'o// au badz+ra kro d+ha hUM/ trai lo kya bi dza ya b+hin d+ha b+hin d+ha hUM phaT/ byang shar du'o// oM badz+ra kro d+ha hUM/ ma hA ba la pho ta pho ta hUM phaT/ 'og gi phyogs su spros/ phyogs bcur spros pas srid pa'i chos 'joms byed chen po khro bo bcu dang / rtogs byed chen mo bcus/ phyogs bcu ru sku mdog dang phyag mtshan du chas nas/ 'dul ba'i gdan gyi steng 'thon te bzhugs pa ni/ 'di lta ste/ steng gi phyogs na khro bo chen po hUM ka ra/ sku mdog sngo skya zhal gsum phyag drug pa/ rdo rje gshog pas khams gsum dbang du sdud// sku smad zhabs drug brkyang bskum gyad kyi dor stabs kyis// bgegs kyi rgyal po nyi zla tshangs pa'i gdon tshogs gnon// zhal gsum g.yas pa ser ba g.yon dmar ba// dbus ni sngo sku sku dang mthun zhing phyag rgya bzhi dang ldan// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs la// sku smad lcags kyi phur pa zur gsum bsnams// sgra 'byin srid pa'i chos kun 'dzin dang gnyis su med par bzhugs// sprul pa'i 'phra men phag dang smig pu grangs med 'byin// phyag mtshan dang po gnyis ban d+ha dang rdo rje 'khrug cing gsol

  31. 16a

    pa// bar ma gnyis sprul pa'i phyag mtshan sna tshogs spyi mthun te// steng gi phyogs na bzhugs so// shar gyi phyogs na khro bo chen po rnam par rgyal// sku mdog dkar po zhal gsum phyag drug pa// sku mdog zhal gsum phyag drug rdo rje gshog pa can// sku smad zhabs drug brkyang bskum gyad kyi 'dor thabs kyis// bgegs kyi rgyal po dri za'i gdon rnams gnon pa// zhal gsum g.yas sngo g.yon pa ljang ser dbus dkar po// phyag mtshan rdo rje ri rab phur bu ste// sku stod zhal gsum phyag drug khro bo'i gzugs can la// sku smad lcags kyi phur pa zur gsum bsnams// 'dzin byed bsnyems ma nyid dang gnyis su med par bzhugs// lho'i phyogs kyi khro bo chen po gshin rje gshed po ni// zhal gsum phyag drug sku mdog sngon po la// sku stod zhal gsum phyag drug rdo rje gshog pa can// sku smad zhabs drug brkyang bskum gyad kyi 'dor thabs kyis// bgegs kyi rgyal po gshin rje'i gdon tshogs gnon// zhal g.yas sngo skya g.yon pa ljang nag dbus sngon po// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// 'dzin byed dur khrod bdag dang gnyis med bzhugs// nub kyi phyogs na khro bo chen po rta mchog dpal/ zhal gsum phyag drug sku mdog dmar

  32. 16b

    po la// sku stod zhal gsum phyag drug pa// rdo rje gshog pas khams gsum dbang du sdud// sku smad zhabs drug brkyang bskum gyad kyi 'dod thabs kyis// bgegs kyi rgyal po klu yi gdon tshogs gnon// zhal ni g.yas dkar g.yon sngo dbus dmar zhal// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// yum chen gtum mo sku dang gnyis med bzhugs// byang gi phyogs su khro bo bdud rtsi 'khyil// zhal gsum phyag drug sku mdog ljang ku la// sku stod zhal gsum phyag drug rdo rje gshog pa can// sku smad zhabs drug brkyang bskum gyad kyi dor stabs kyis// bgegs kyi rgyal po gnod sbyin gdon tshogs gnon// zhal ni g.yas pa ser la g.yon dud kha// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// 'dzin byed rlung 'byin gnyis su med par bzhugs// shar lho mtshams kyi khro bo dbyug sngon po// zhal gsum phyag drug sku mdog sngo skya la// sku stod zhal gsum phyag drug rdo rje gshog pa can// sku smad zhabs drug gyad kyi 'dor thabs kyis// bgegs kyi rgyal po me lha'i gdon tshogs gnon// zhal gsum g.yas dkar g.yon dmar dbus sngo zhal// phyag mtshan rdo

  33. 17a

    rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// 'dzin byed rdo rje sder dang gnyis med bzhugs// lho nub mtshams su khro bo mi g.yo mgon// zhal gsum phyag drug sku mdog ljang sngon la// sku stod zhal gsum phyag drug rdo rje gshog pa can// sku smad zhabs drug brkyang bskum gyad kyi 'dor thabs kyis// bgegs kyi rgyal po srin po'i gdon gyi tshogs rnams gnon// zhal gsum g.yas pa ljang nag g.yon smug dbus ljang sngon// phyag mtshan ri rab phur bu ni// sku stod zhal gsum phyag drug khro bo bcu'i gzugs can la// sku smad lcags kyi phur bu zur gsum bsnams// 'dzin byed gtun khung ma dang gnyis med bzhugs// nub byang mtshams su khro bo chen po gzhan gyis mi thub pa// zhal gsum phyag drug sku mdog dmar skya la// sku stod zhal gsum phyag drug rdo rje gshog pa can// sku smad zhabs drug brkyang bskum gyed kyi 'dor thabs kyis// bgegs kyi rgyal po rlung len gdon gyi tshogs rnams gnon// zhal nas g.yas ser g.yon ldang dbus dmar sku// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// 'dzin byed mda' byed mda' bsnyems ma

  34. 17b

    dang gnyis med bzhugs// byang shar mtshams kyi khro bo chen po khams gsum rnam par rgyal// zhal gsum phyag drug sku mdog ser po la// sku stod zhal gsum phyag drug rdo rje gshog pa can// sku smad zhabs drug brkyang bskum 'dor thabs kyis// bgegs kyi rgyal po dbang ldan gdon gyi tshogs rnams gnon// zhal gsum g.yas dkar g.yon dmar dbus ser zhal// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum bsnams// yum chen gsod skyen ma dang gnyis med bzhugs// 'og gi phyogs su khro bo chen po stobs po che// zhal gsum phyag drug rdo rje gshog pa can// sku smad zhabs drug gyad kyi 'dor thabs kyis// bgegs kyi rgyal po sa bdag gdon gyi tshogs rnams gnon// zhal ni g.yas pa ljang nag g.yon dmar nag/ dbus ni dud kha sku dang mthun// phyag mtshan rdo rje ri rab phur bu ste// sku stod zhal gsum phyag drug khro bo bcu'i gzugs can la// sku smad lcags kyi phur ba zur gsum bsnams// yum chen skul byed ma dang gnyis su med par bzhugs// zhes gsungs so// rdo rje gsang ba las kyis rgyud las/ khro rgyal bzhugs tshul gyi le'u ste dang po'o// // de nas bcom ldan 'das dpal rdo rje gzhon nu des/ dus gsum gyi sangs rgyas thams cad

  35. 18a

    kyi che ba bsdus pa'i phyir/ rang gi dkyil 'khor phyogs bcu nas hUM gsum gyis/ bskal pa'i me 'bar ba/ gru gsum mthing nag 'bar ba/ zla gam dbang gi tshul dang / zlum po zhi ba'i tshul dang / rgyas pa gru bzhi'i dkyil 'khor bsdus te/ dpal rdo rje gzhon nu nyid kyi sku gsung thugs las/ oM aM hUM hUM sgra sgrogs pas chos kyi dbyings dang nam mkha'i khams kun khyab pas/ lhun gyis grub pa'i sangs rgyas kun mnyes te/ hUM gis bsdus te rang rang gis dkyil 'khor thams cad sku gsung thugs yon tan 'phrin las kyi phyag rgya bzhi dang ldan par gyur to// nyid kyi dbu ni rigs lngas brgyan// rigs lnga phyag rgya bzhi dang ldan// ye shes kyi sras khro bo bcu rnams kyang // rang rang gi sku ni rgyan chas rdzogs par bzhugs so// de nas dpal rdo rje gzhon nus 'di skad ces gsungs so// kye chos sku skye ba med pa las// skye ba'i cho 'phrul sgra byung ba// a a la sogs sgra yis ni// chos kyi dbyings nam mkha'i khams kun tu grags pa'i sgra de'i/ dus gsum sangs rgyas thams cad dang // lhun gyis grub pa'i sangs rgyas kyis// khams gsum 'khor ba 'joms pa dang // srid pa 'joms pa'i bdag po ru// bdag gis dkyil 'khor byung ba ste// khams gsum sgrol ba'i dbang bskur ba// sku mdog phyag mtshan yan chad kyang // khro bo sgrol bar dbang

  36. 18b

    bskur cig/ 'joms byed ye shes khro bo bcu rnams dang // 'dzin byed khro mo chos dbyings bcu rnams la// gnyis su med pa'i byin gyi brlabs kyi ni// rdo rje 'phrul chen sprul pa 'jig byed dang // gsod byed 'byin par byed pa'i khro mo rnams la dbang bskur cig/ rdo rje 'phra men rdo rje 'jigs byed la// phyogs bcu'i 'jig rten 'dul bar dbang bskur cig/ dus gsum sangs rgyas lhun gyis grub pa yis// phyag rgya bzhi dang ldan pa'i gnas su ni// sku lnga gsung lnga thugs lnga yon tan lnga// 'phrin las lnga yis sangs rgyas don mdzad bzhin// sangs rgyas che ba'i yon tan lnga po 'dis// khams gsum 'khor ba sgrol ba'i dbang bskur cig/ ces dus gsum lhun gyis grub pa'i sangs rgyas la dbang nos so// rdo rje gsang ba las kyi rgyud las/ khro rgyal sgrol ba dbang nos kyi le'u ste gnyis pa'o// // de nas chos kyi dbyings dang / nam mkha'i khams na mo'i sangs rgyas thams cad 'dus te/ gru gsum mthing nag bskal pa'i me 'bar ba'i gnas der/ dpal rdo rje gzhon nu la/ dpa' bo 'bru lnga'i 'phro 'du yis// sku gsung yon tan 'phrin las thugs// rgyal ba rigs lnga byin brlabs ni// khams gsum sgrol ba'i dbang 'byin no// 'joms byed khro mo bcu rnams dang // 'dzin byed khro mo bcu rnams la// phyag rgya bzhi yi 'bru bkod nas// khams

  37. 19a

    gsum sgrol ba'i dbang bskur ro// 'dod pa'i khams dang gzugs kyi khams// khams gsum srid pa'i chos 'di ni// phyag mtshan rdo rje ri rab tu// byin gyis brlabs te dbang yang bskur// ye shes khro bo lha bkod nas// khams gsum sgrol ba'i dbang yang bskur// rdo rje gsang ba las kyi rgyud las/ khams gsum sgrol ba'i dbang bskur ba'i le'u ste gsum pa'o// // de nas sangs rgyas thams cad kyis// khro rgyal 'bar ba'i dkyil 'khor du// thams cad la gsung drag po'i 'phrin las kyi dbang bskur ba 'di gsungs so// kye dpal chen rdo rje gzhon nu dang // ye shes khro bo bcu rnams dang // chos dbyings khro mo bcu rnams dang // sprul pa 'phra men tshogs rnams kyis// oM badz+ra kI li kI la ya sarba big nan baM hUM hUM phaT/ drag po'i gsung sgra 'di zlos shig/ 'di yis khams gsum sgrol bar byed// de yang ji ltar sgrol zhe na// drag po sgra 'di bshad par bya// ma skyes pa yi snying po a// cho 'phrul 'byung ba o ru snang // yan lag rdzogs pa IM du snang // IM ni sku yi snying po ste// bde bar gshegs pa sku'i snying por bshad// badz+ra na ni rdo rje ste// rdo rje'i rang bzhin skye 'jig med// rdo rje khro bo khro mo rnams// skye 'jig med pa'i sku yis ni// kI li kI la phyag na bsnams// kI li kI la ya zhes pa// rdo rje ri rab phur pa ste// ya

  38. 19b

    ni chags med byang chub sems// thugs rjes 'gro ba sems can gyi// don la chags pa med par mdzod// sarba na ni thams cad de// 'khor ba'i chos dang mya ngan 'das// snang srid snod bcud thams cad yin// big nan na ni bag chags te// rnam par rtog pa'i bag chags kun// baM ni dbang gi snying po ste// bag chags thams cad dbang bsdus nas// hUM ni bsdus pa'i snying po ste// hUM gnyis yang nas yang du'o// thugs ni gsang ba'i dbyings rum du// gnyis su med pa'i sbyor ba yis// ye shes sems dpa'i sras bskyed pa// ye shes khro bcu sku ltar bskyed// phaT ces bya ba spros pa ste// chos dbyings nam mkha'i khams spros pas// lhun gyis grub pa'i sangs rgyas rnams// sras dang spun du de bzhin ngam// khams gsum sgrol ba'i sku 'byung snyams// de las che ba rnam pa lngas// 'gro ba'i don dbang de la bskur// des ni khams gsum sgrol bar byed// ces dpal chen rdo rje 'khor tshogs la drag po gsung sgra phog ste dbang bskur ro// de nas rdo rje kun tu bzang po des/ dpal rdo rje gzhon nu 'khor dang bcas pa la/ bsgo ba'i gsung 'di gsungs so// kye bcom ldan rdo rje gzhon nu dang // khams gsum ma lus rgyas 'debs dang // 'joms byed 'dzin byed gsod byed tshogs// dus gsum sangs rgya thams cad kyis// khams gsum

  39. 20a

    sgrol ba'i dbang bskur nas// cho ga lnga dang bsnyen bsgrub bzhis// rang lus rdo rje go cha bgos// sangs rgyas che ba thob byas la/ khams gsum sgrol ba'i las gyis shig/ bsnyen bsgrub cho ga gang zhe na// ting 'dzin rnam gsum gsal ba ni// rdo rje cho ga dang po ste// bdag sku lha ru shes pa ste// bsnyen pa ru ni shes par bya// phung po khams dang skye mched de// ye nas lha ru gsal ba ni// rdo rje cho ga gnyis pa ste// nye ba'i bsnyen par shes par bya// phung po khams dang skye mched de// thabs dang shes rab gnyis med pa'i// mkha' la 'phro 'dus lhar gsal ba ni// rdo rje cho ga gsum pa ste// mkha' las dkyil 'khor rdzogs ston pas// rdo rje cho ga bzhi pa ste// bsgrub pa ru ni shes par bya// dkyil 'khor rdzogs pa'i lha rnams la// phyag rgya chen po bzhi bzhir ldan// rdo rje cho ga lnga pa ste// sgrub pa chen po nga yis bshad// sgrub pa chen po de yis ni// dus gsum sangs rgyas rgyas lhun grub la// sku gsung yon tan 'phrin las thugs// re re la ni lnga lnga ste// gang gis 'dul ba'i dus tsam na// thugs ni mi rtog don mdzad bzhin// rdo rje tshogs kyi don mdzod cig/ 'phrin las rnam bzhi rdzogs par gyis// zhes gsungs so// de nas rdo rje kun tu bzang po des/ khams gsum sgrol ba'i dbang bskur ro// nyid dpal rdo rje

  40. 20b

    gzhon nu'i skur bsgyur te// nyid kyi 'khor la dbang 'di bskur te bsgo'o// hUM bskal pa me ltar 'bar ba'i klong dkyil nas// gru gsum mthing nag 'bar ba'i dkyil 'khor 'dir// rdo rje srin po 'joms byed khro bo bcu// rdo rje srin mo 'dzin byed khro mo bcu// 'jigs byed za tshogs mgyogs byed 'gugs pa'i tshogs// shar lho nub byang steng 'og phyogs mtshams nas// sprul pa bye ba mang po'i tshogs kyis ni// sku ni sna tshogs chos nyid sangs rgyas sku// zhal gsum phyag drug rdo rje gshog can gyis// rdo rje gshog pas khams gsum dbang du sdud// phyag mtshan rdo rje ri rab phur bu ni// sku stod zhal gsum phyag drug khro bo bcu'i gzugs can la// sku smad lcags kyi phur pa zur gsum ni// rtse mo drag po zur gsum phaT nag gis// khams gsum sgrol la dug gsum rtsad nas chos// rdo rje ri rab phur ba dril ba yis// stong gsum 'jig rten khams ni brdar thag gcod// 'og gi rdo rje gtan la blangs pa yis// dmyal ba'i 'jig rten gtan nas len// sgrol cig khams gsum ma lus sgrol/ khams gsum 'khor ba sgrol ba'i dbang bskur ro// srid gsum gdug pa sgrol ba'i dbang bskur ro// dug gsum rtsad nas chod cig dbang bskur ro// dug lnga stongs par mdzod cig dbang bskur ro// gzung 'dzin rnam rtog sgrol

  41. 21a

    cig dbang bskur ro// zhes 'khor ba sgrol ba'i dbang bskur ro// rdo rje gsang ba las kyi rgyud las// bsgrub pa gsum gyi le'u ste bzhi pa'o// // rdo rje gsang ba las kyi rgyud rdzogs sa ho// // @#// lha mo gnas mkhar gyi rgyud/ lha mo gnas mkhar skal chen ma// grub pa'i rnal 'byor mar bstan ma// lha chen lha mo gnas mkhar skal chen ma// grub pa'i rnal 'byor mar bstan ma// lha chen de la gnas pa'i tshe// gangs ri'i bu mos yongs zhus pa// blang bar bgyi ba ji lta bu// spang bar bgyi ba ji lta bu// mtshan nyid rnam pa du zhig mchis// smad par bgyi ba du zhig gsungs// 'jigs byed kyis ni tshig gsungs pa// e ma lha mo blo chen khyod// sems can kun la phan byed ma// bzhin bzang las la ma rtogs pa// brgya byin ser skya dga' byed dang // tshangs dang khyab 'jug dbang chen gyis// bdag la 'di skad tshig mi dris// lha mo khyod la da bshad kyis// rtse gcig pa yi yid kyis nyon// bdag gis bshad pa gang zhe na// dum bu gcig dang dum bu gnyis// gsum pa dang ni bzhi pa lnga pa dang // drug pa dang ni bdun pa dang // dum bu brgyad par rab tu grags// bram ze rgyal po rje rigs dang // dmangs rigs bud med rigs ma nges// dkar dmar dang ni dkar sngo dang // sngo dang de bzhin

  42. 21b

    ser skya ste// thal ba'i mdog dang mdog sdug dang / kha dog drug tu kun tu grags// nyi rim dang ni glang po'i rgyab// 'khor lo de bzhin bya rog rjes// dung sngo ba dang dung gnyis dang // chags pa dang ni 'tshams bye ba// 'di dag thams cad rab rtags te// kun tu brtags nos sbyang ba bya// shin tu mnyam pa'i sa phyogs sam// snyi ba'am ni yangs pa'i sar// sngags kyi sngags te gnam du bskor// lhung ba'i mtshan nyid rig par bya// shar gyi phyogs bltas bdag nyid gsod// me yi phyogs bltas shi'u shun med// lho phyogs kha bltas bram ze'i med// srin po'i phyogs bltas ban lang rtol// chu yi phyogs bltas rigs ngan yin// rlung gi phyogs bltas gsang mi thub// byang gi phyogs bltas phyug por 'gyur// dbang ldan phyogs bltas sngags sgrub gter// shar tu bltas na bdag nyid gsod// 'og tu bltas na rkun po mod// steng du bltas na bud med gsod// lho ru bltas na rigs ngan gsod// snod kyi mtshan nyid 'di rnams so// de nas gzhan yang bshad par bya ste// dge bar sprul pa'i snod dag ni// dum bu gcig pa sa la dbang // gnyis pa de ni rgyal phran 'gyur// gsum pa de ni yang nor la dbang // bzhi pa de ni sngags 'grub 'gyur// lnga pa de bzhin mchog kyang 'grub// drug pa drug de ni slong pa yin// bdun pa de ni brtul

  43. 22a

    zhugs gsod// brgyad pa yongs su spang bar bya// bu ga gcig pa bram ze'i rigs// gnyis pa de ni rgyal rigs te// gsum pa rje'u rigs yin pas// bzhi pa de ni dmangs rigs so// bu ga med dang mang ba ni// mkhas pas shin tu spang bar bya// bong chung ba dang srab pa dang // gang dag ser por gyur pa ni// bud med yin par shes par bya// bud med rang du rmos pas na// de bas rab tu spang bar bya// rigs ma nges kyang spang bar bya// ser skya dang ni dkar pa dag/ kha dog sna tshogs spang bar bya// dung med pa dang dung gnyis dang // lha mo'i sprul pas mi blang ngo // dung sngo bdag ni sdug bsngal che// bya rog rje ni 'thab rtsod 'gyur// nyi rim gyis ni gsod 'gyur te// glang po'i rgyab ni nad du 'gyur// 'di las gzhan yang bshad bya ste// gsang ba'i grub thob mtshan nyid ni// yal ka che 'phra mang ba'i bdag/ dpag bsam shing ni yong gyur na// 'dod pa'i 'bras bu thob 'gyur te// sngags pas de las the tsom med// dbus na shong bu bzhi yod na// de ni 'dod pa'i ba zhes bya// mdun na shong bu gnyis yod na// yid bzhin nor bu zhes bya'o// 'di 'dra'i mtshan nyid ldan pa'i snod// su dag rtag tu 'chang ba ni// longs spyod thar pa thob par 'gyur// de la lha mo the tshom med// de nas rigs ni rnams bshad de// snod rnams kyi ni bye

  44. 22b

    brag tu// dung dang kun dang mda' 'dra ba'i// snum la blta na sdug pa'i ni// sngags rnams thams cad grub pa ste// dbang phyug chen mor shes par bya// thal ba'i mdog la bongs kyang che// pad+ma dbyings la pad+mas brgyan// tshangs pa'i skud pa gsang ba yod// de ni tshangs mar rig par bya// sbrang rtsi ser skya'i mdog 'dra la// zhi ba'i thig les rnam par brgyan/ khyab 'jug ma yi snod yin te// rtag tu dgra rnams 'joms par byed/ kha dog dmar zhing lnga pa la// pad+ma dmar pos brgyan pa dang // zum pa shin tu snum pa yis// snod 'di gzhon nu ma zhes bya// cung zad sar zhing zags// gang dag rdo rje'i mtshan yod pa// 'di 'dra'i snod kyi mtshan nyid ni// dbang phyug ma yi rigs can yin// b+ha ga'i mdog dbyibs 'dra ba la// bar du mkhregs shing mu tig mdog/ sha yi dri ngad mnam pa ni// snod 'di phag gdong ma zhes bya// thal ba'i mdog la bong che ste// thig le dmar po rnam par brgyan/ khrag 'dzag pa yi dri mnam na// 'jigs byed ma yi snod ces bya// snod kyi khyad par shes par bya// sngags pas 'di dag rtags bcas na// bdag gi bka' ni bzhin bzang ma// de la bgegs ni mi tshugs te// 'di las gzhan yang bshad bya ba// snod kyi dngos po'i khyad par ni// tshangs ma bram ze bcangs par bya// rtag tu dngos grub sbyin par bya// sgrub pa yi/

  45. 23a

    dab @ na // sa can na sa/ nanam gas dbang can ma// thA dang ldan pas bzag cing bcas// bsad dang thang dang bskrad pa'i byed// dmangs rigs rten dag gdang bcas/ sas dang rigs rnams bams cad pa// 'gas cad grub pa// ra ba med pa'i bdag cad pa// thub pa'i thab par 'dugs pas// 'dud pa med par bdag pa mas te// rtag tu 'di dag snang kyang bcang // gang gi dngas thub b+hab pa// de nas thagapa na can raza/ na mo thathal te/ ma gaper ba du ba yang tha gan pa san/ me dang ka la man pa thag tu 'ab/ sa thabal ba'am/ matog gas/ rgyal lan bcwa rtsa brgyad thas bcam tho da mi gtsang dam tha bya'o// rdzogs saso//

  46. 23b

    rgya gar skad du/ bar pa ta mu ti ri ti dka'/ baM ri thod pa mkhar/ bod skad du/ lha mo gnas mkhar/ dpal he ru ka 'byung ba'i nang nas 'byung ba/ pad+ma b+han d+ha la snod gsum du bstan te/ dus gsum dang sbyar ro// snga rabs ni thal chen dang thod pa skam po la bya'o// da ltar bzhugs pa ni ban d+ha rlon pa la bya'o// slad kyis 'byon pa ni ru tra la bya ste/ ban d+ha skra dang sha ra raM can la bya'o// de la snga rabs 'das pa sna la bshad de/ bcom ldan 'das dpal chen po 'khor dang bcas pa la phyag 'tshal lo// lha mo gsum pa/ yul ni rgyal ku ku ra tsa'i yul lo// ri ni mi ri me ri 'bar zhes bya/ ri baM ri bya'o// ri de'i rtse la ston pa ni dpal chen po shrI he ru ka'o// 'khor ni kro d+hi shwa ri dang / khro bo bcu dang khro mo bcu dang 'phra men ma bcu drug dang / rgya mtsho cig 'tshogs pa las/ 'khor rgya mtsho cig la bka' stsal pa/ de nas 'khor tshogs rgya mtsho rnams la/ ston pas bka' stsal pa/ shin tu rnal 'byor lha yi lha/ yang dag dbang phyug dbang phyug che// de bzhin gshegs pa theg chen che// nyan thos mdo sde bsam gtan gsum// tshul dang spyod pa so sor bstan// de bzhin spyod lam rnam bzhi yang // 'jig rten rim pa so sor bstan// kri ya u pa yo ga gsum// tshul dang spyod pa so sor bstan// bskyed dang rdzogs dang rdzogs chen

  47. 24a

    gsum// spyod lam rnam bzhi so sor bstan// de nas de bzhin spyod lam bzhi// 'jig rten khams ni gsal bar bstan// rgyu drug gnas pa'i sems can rnams// gnas dang zas dang gos dang spyod// 'di bzhi tshang bar yod pa las// thams cad mkhyen pas gzigs pa yin// byol song gcig la gcig gsad nas// de dag bzang bar 'jigs pa dang // 'dod pa'i khams na gnas pa'i// dbang phyug chen po 'khor dang bcas pas// gnas dang yo byad las dang tshul// spyod lam bzhi po 'di byed de// 'dod khams 'jigs shing skye ba'i lam// dngos po lha la chags zhing 'khor// de nas ston pas 'khor rnams la// bzhad pa'i zhal ni 'dzum bstan nas// gsang ba'i lung 'di bka' stsal to// nga ni thams cad mkhyen pa yis// spyod lam rnam bzhi 'di bstan no// skye shi lam gnyis dgag par bya'o// thugs rje zigs nas 'gro don du// 'ga' na dang ni sta na'i gnas// de tshe dgos pa skra'i brgyan// yon tan rmad du bstan pa yin// shri mur ha ma ta pa la// bkra shis dpal ldan lhung lo can// pan tsi gu la lhung lo can// bkra shis dpal ldan lcang lo can// dbyangs kyi nang yang dpal ldan lcang lo can// mi 'gyur sra mkhregs rdo rje lcang lo can// ma ta gangs dpal ldan lcang lo can// u ya la la dpal ldan lcang lo

  48. 24b

    can// kha sa kha'i dpal ldan lcang lo can// mi la de byi dpal ldan lcang lo can// phan tsi gu la lcang lo can// khu ba su mi'i dpal ldan lcang lo can// bkra shis don 'byung dpal ldan lcang lo can// bde gshegs mtshan ldan dpal ldan lcang lo can// gnya' na mur ti dpal ldan lcang lo can// gtsug phud dge tsug dpal ldan lcang lo can// yang dag don ldan dpal ldan lcang lo can// a pi ru ka dpal ldan lcang lo can// phug skyid tshe ring dpal ldan lcang lo can// gnyis med don thob dpal ldan lcang lo can// pu tra mang 'phel dpal ldan lcang lo can// kro ta ta gu li dpal ldan lcang lo can// e ke tsa ra 'dza ti dpal ldan lcang lo can// si ti pa la dngos grub bder gnas dpal ldan lcang lo can// gnyis med don thob dpal ldan lcang lo can// pu tra mang 'phel dpal ldan lcang lo can// bram ze rgyal rigs rje rigs bzhi// mchog tu bsgral ba'i ni nyi shu rtsa brgyad do// de rnams bzang ba yin no// de la yang nang gi ri mo ngan pa bcu drug yod do// ngan pa lnga ste nyi shu rtsa gcig go/ 'di yan chad gleng gzhi bstan to// 'di man chad khungs kyi bye grag gi gtan tshig dang / baM gyi bshad pa kun gyi brda dang / rgya gar skad du bstan to// kengs pa la tso la/ khra kha'u/ 'da' na/ de dang po ru tshe ring ba dang / thung ba'i khungs bstan te/ skyes pa

  49. 25a

    pan d+ha lung lo can la mtshan ma rnam pa lnga tshogs pa yod pa ni sgra gnag cing 'tsher ba'i lcang lo 'jam pa ni/ keng zhes bya'o// rga zhes bya ste sprin ma gnag pa la sdug pa'o// kha rna byarna bya ste rna ba la ring ba'o// tsa kru zhes bya ste mig dkar la zlum pa'o// kha bu zhes bya ste mkhur tshos rus pa mtho ba'o// de ldan pa'i ban d+ha ni/ pan tsa ku la dpal ldan lcang lo can zhes bya ste/ su 'chang ba de ni btsan zhing skyid par 'ong ngo // shri ma dang zhes bya ste/ bong che la skye sbom pa'i ban d+ha cang lo can 'di ni bkra shis shing dpal ldan lcang lo can zhes bya ste/ phyag btsan gong ma dang 'dra'o// baM lung zhes bya ste/ lhag pa'i rus mdud 'bur 'bur por 'jug pa la/ lus logs su nye bar 'dug la/ nye na rgyab tu nye ste/ ban d+ha 'du su 'chang ba phyug btsan par 'ong / ma hA ba la bkra shis dpal ldan lcang lo can zhes bya ste bkres so// pa la dpyad ces bya ste mchog ma'i rus pa 'bur 'bur 'dug/ zur zur por 'dug pa'i ban d+ha 'di dgra bsad na/ na sha stam pa ya zhes bya ste/ su 'chang ba mthu che ste khro bo bsgrub par bzang ngo // kha rna ha ra zhes bya ste rna ba'i rgyud 'dzin pa'i skra dang mnyam pa rna ba'i 'jug mas kha'i thad khar phyin pa'i ban d+ha ni tshe ring phyug par 'ong ngo // ra smi 'bu zhes bya ste/ hri la phar te rna ba'i nang nas spu ring po yod pa skyes pa'i ban d+ha de

  50. 25b

    ni sa dang po non par byed pa'i dang / srid pa la dbang byed pa'i bdag po ste/ bkra shis dpal ldan mtshan ldan lcang lo can zhes bya ste bzang ngo // rna ba'i drung nas mkhur tshos kyi bar du rus rgyud ma chad par 'bur 'bur breng nge 'dug na bzang ngo // hUM ri pa zhes bya ste sa bcu bdun non cing dbang rdzogs par byed pa'i ban d+ha ste bzang ngo // ta thA g+ha ta na ban d+ha zhes bya ste so sum cu yod pa lce ring ba'i ban d+ha de ni/ sa ya'i dam tshig skongs pa yin pas de bzhin gshegs pa'i sgrub pa'i ban d+ha yin te/ bde gshegs sgrub byed dpal ldan lhung lo can zhes bya ste bzang / gnya' na zhes bya ste ye shes 'byung byed rdzu 'phrul can zhes te ye shes 'byung byed dpal ldan lcang lo can zhes bya ste bzang ngo // mur sti 'du hi zhes bya ste spyi bo gtsug drang por gnyis sgril mar byung ba de ni// rke gtsug klu gtsug ste klu yin pas klu sgrub par bzang ngongo// bkra shis phud yul dpal ldan lcang lo can zhes bya ste bzang / ba ra ha zhes bya ste spyi bo gtsug yon na bar chad yong ste ngan no// ba lirma zhes lhag pa'i rus pa tsog tsog po'i 'og gnas gnya' ba shur po gnyis yod na/ g.ya' chu ba breng breng 'dug pa la srid pa dbang byed pa'i ban d+ha yin te/ btsan zhing kun la dbang byed pa'i ban d+ha lcang lo kun la dbang byed ban d+ha lcang lo can zhes bya ste bzang ngo // a ru ka

  51. 26a

    zhes bya ste lhag pa'i spu drang po byi gzhug gam/ skyeg 'jug ltar 'dug pa'i ban d+ha ni blo rno ba thos pa 'dzin pa 'grub pa yin pas las rnams 'grub byed dpal ldan lcang lo can zhes bya ste bzang ngongo// ke sa smi li 'bar zhes bya ste skra li ba ni gyen du 'khyil ba ni ye shes lnga'i dngos grub thob ste bzang / shrI khra dang zhes bya ste/ kun d+ha li zhes kyang zer te/ skra g.yas gyen du 'khyil ba'i ban d+ha ni/ khro bo 'khyil pa ste/ las drag po thams cad 'grub pa ste bzang ngo // yang dag don ldan dpal ldan lcang lo can zhes bya ste bzang ngo // sgra mi e ka bi ra zhes bya ste/ smin ma'i bar na spu ring ba cig skyes pa'i ban d+ha de ni tshe ring dpal chen phyug por 'gyur pa de 'dod pa'i don 'grub dpal ldan lcang lo can zhes bya ste bzang ngo // dpral ba'i dbyes na 'dzer pa yod pa'i ban d+ha de ni/ mi mang por 'gyur te sa gcig non par bzang rab bo// ba ta ro ke zhes bya ste dngos grub bde gnas dpal ldan lcang lo can zhes bya ste/ bi d+ha d+ha ri tsak+Shu zhes bya ste mig gnyis kyi bar tshon gang yod pa'i ban d+ha de ni ban d+ha'i rgyal po ste/ 'gro ba mang po'i don byed nus pa'i cong cing yang ston pas gnyis med don thobs dpal ldan lcang lo can zhes bya ste bzang ngo // skra ring thung can ngan/ mche ba rno ba ngan/ so ring zhing thags ngan pa ngan/ smin ma log pa ngan/ nang gi

  52. 26b

    mdog kyang lnga ste/ dkar po/ ser po/ dmar po/ ljang ku/ dum bu'i grangs la/ gcig pa/ gnyis pa/ gsum pa/ bzhi pa/ lnga pa/ drug pa/ bdun pa/ brgyad pa/ dgu pa/ nang la bya rog rjes/ sum rjes nas shong ba/ sran chung yungs kar shong ba/ sreg pa'i rjes byi ba'i so bong 'dzin 'dra ba/ ti ste khung 'dra ba/ phying pa la dud pas bdugs pa 'dra ba dud pa'i mdog/ khab lcags rna ba ldan pa nang thag thung can bam gyi ri bo bshad pa la brda dang / rgya gar skad 'di nas mar/ karma ka tsa kru ka la mtha' na/ mi sri kha hAM shrI mur ti/ khengs pa la ti/ tshongs pa ste/ na hongs/ 'dzin dzi ha/ tan ta/ gri ba/ bri sha/ khar bye la/ su su ru sha/ be la/ su sha/ na ra ha/ tsha ra ma baM ri a ka/ dbang ba re/ bri tu a gung / ti ri sa tar/ ma te ma/ a na mo/ i na de/ u ta ra ba de/ badz+ra ga na/ sa ra sa ra ta ne/ tsid ta/ hid de/ a ta re/ na ga tsit+ta/ sho ga pir pa ta/ a badz+re na/ go ro tsa na/ a hA sa ti/ de nas khro rgyal 'khor bcas kyis// pad+ma ban d+ha bshad par gsol// dpal chen pos bka' stsal pa/ khro rgyal 'khor bcas khyed nyon cig/ dpal dang ldan pa'i snod brtag pa// srubs gcig pa dang srubs gnyis pa// dum bu bzhi pa ye shes 'grub// lnga pas bsam pa thams cad 'grub// mang na thod pa gang ba dag/ ban d+ha dpal dang ldan pa ni// ma gas ma chag

  53. 27a

    khyad par can// rnam dag chos nyid snod kyang yin// mkhyen rab ye shes dbyings kyang yin// chags pas rak+ta dbyings kyang yin// de dag ma lus kun kyang yin// sku rgyan rdzogs pa'i ban d+ha ste// che ba don gyi ban d+ha ste// sgrub pa las kyi ban d+ha ste// mtshan ma rtags kyi ban d+ha dang // 'bras bu 'og min ban d+ha dang // bde gshegs gdung can ban d+ha dang // de la dpal ldan ban d+ha'i don lngas bshad nas bstan to// thugs rje byams pa chen pa'i dpal dang // ltung ba mi mnga' ba'i dpal dang // yon tan rdzogs pa'i dpal dang 'khor ba'i 'dod pa chen po las sgrol ba'i dpal dang ldan pa'i snod gzhag par bya'o// de ltar dpal dang lcang lo can la don bdun no// gzhag pa la yang / mi g.yo ba'i chos nyid dang / me 'gyur ba'i bdud rtsi gnyis so// snod la don bzhis bstan te/ rtogs pa gzhom pas the tshom gyi mtshan ma bcad pa dang // don rtogs nas don grub pa dang / yin nges pa dang / de lta bu yin pas sngags pa'i snod du dpal chen pos byin gyis brlabs pa yin no// rus sbal/ bram ze/ rgyal rigs/ rje rigs// dmangs rigs/ 'di rnams byin gyis brlabs pa yang don bzhis bstan te/ dpal chen po'i ra sa ma ti'i dgongs pas byin gyis brlabs pa dang / bcing ba lag gis phyag rgyas byin gyis brlabs pa dang /

  54. 27b

    gsang ba'i sngags kyi yi ge'i 'bras bus byin gyis brlabs dang / khro bo dang / khro mo dang / 'phra men ma la dbang bskur ba'i byin gyis brlabs pa dang ngo // de'i sngags a mri ta la bsngags te ban d+ha la gtor ro// phur bu la bsngags te kha 'am rna ba'i bu gar gdab bo// ud dar ya ma di rangs gan/ phra mi da ra dang / ha ra phaT swA hA/ lan nyi shu rtsa gcig bar du bzlas te/ ban d+ha skam po sngar bzlas pa yin pas mdun drang por bskur/ ban d+ha lo gnyis lon pa lcang lo can da ltar bzhugs pa yin pas bdag gi g.yas su bskur ro// bu chung skad byung ba pu tra khu zhom/ lo lnga man chad thod pa skra rings chags pa man chad slad kyis 'byon pa yin pas lhag pa dang rgyab tu bsgyur ro// de yang gong du bsgrubs pa'i thabs dam tshig gi rdzas dang / gsang ba'i mig dang / skyon dang / yon tan dang / gsang ba yid ches pa'i man ngag bzhis bstan to// de yang gang zhe na/ yang nyid kyi lus sgyu ma'i mtshan nyid du yid ches pa dang / gang brjod pa las 'das par yid ches pa dang / sems ye nas ma skyes par yid ches pa dang / bsgrubs rdzas don ban d+ha gnyis kyang brtags pa dang / brjod pa las 'das par lung gis yid ches pa'o// de ltar ma gyur na skyon bzhi la/ rang gi mtshan nyid dbang du ma gyur pa dang / dam rdzas mtshan nyid byin gyis ma rlobs pa

  55. 28a

    dang / sgrub pa'i lung nges par ma thob pa dang / sbubs pa chen po'i dbang dam pa'i drod tshad ma thob pa rnams kyis zas zlas dang / thugs thub dang / rang byan du ngar tsam la brten nas byas na bdag nyid dus men par 'chi zhing / glo bur gyi bag chags mang zhing / ngan song dang yi dgas kyi gnas su 'gyur zhing / ltung ba'i gnas su skye'o// don yid ches pa bzhi/ byin gyis brlabs pa bzhi/ skyon gyis bar chad 'byung ba bzhi ste bcu gnyis kyi byin gyis brlabs pa bstan to// de la ban d+ha cang lo can gyi gnas ni/ brtul zhugs khros pa'i gnas yin no// sna tshogs su ldan pa brtul zhugs kyis gnas pas yin la/ lcang lo can gyi pho brang gi gnas kyang yin no// de la baM gyi ri bo bshad pa'i gnas lus la rus pa'i dum bu dgu brgya rtsa drug yod do// sha'i nya mgo lnga brgyas 'ga'i brdzus so// don snying lnga ni/ glo snying / mkhal ma/ mchin pa/ mtsher pa/ mkhris pa'o// nang khrol rnam pa drug ni/ pho ba/ grod pa/ rgyu ma/ gnya' ma/ long ka/ sul mang drug go/ de la dang po mig chags de nas lte ba la bsdus so// de dag kun 'jug shun pas bsdus so// shun pas g.yogs nas bsdus pa ste/ de bshad par bka' stsal to// pad+ma ban d+ha la don rnam pa bzhis ston te/ me tog pad+ma dang / dkyil 'khor pad+ma dang / nang yum gyi pad+ma dang / gsang

  56. 28b

    ba pad+ma ban d+ha lcang lo can no// pad+ma'i dbus zlum pa la mtha' rgyas pa la bya'o// ban d+ha ni lcang lo la bya'o// pad+ma ni nang gi snod la bya'o// ban d+ha ni phyi'i yul lcang lo can la bya'o// lha mo gnas mkhar gyi le'u rdzogs sa ho// // @#// rgya gar skad du/ badz+ra b+ha ra hi ku ku pa ra gu ha tan tra ra tsa nA ma/ bod skad du/ rdo rje phag mo bram ze lcam dral gsang ba rgyud kyi rgyal po/ pho thems mo thems zhes bya ba/ rdo rje mkha' 'gro ma la phyag 'tshal lo// 'di skad bdag gis thos pa'i dus gcig na/ bram ze blo ldan mchog sred ces bya ba/ u rgyan gyi yul na yum gyi b+ha ga la rje btsun ma nyid la byin rlabs zhu zhing snyom par zhugs so// de'i tshe bkra shis byin rlabs 'byung ba'i gnas ni/ 'di lta ste/ gnas dang nye ba'i gnas/ zhing dang nye ba'i zhing / dur khrod dang nye ba'i dur khrod/ 'dus pa dang nye ba'i 'dus pa/ mtshan d+ho dang nye ba'i mtshan d+ho/ u rgyan yul gyi lho nub/ rgyal po dza'i khang 'gram tshangs pa klu gnod kyi lha khang rtsub 'gyur tshal gyi dur khrod na/ shing dang / me tog dang / bya sna tshogs skad 'byin pa/ rnga dang cang te'u pi wang // sil snyan la sogs pa'i sgra dang / sgra sna tshogs kyis brgyan pa/ lce spyang dang / ba zhad dang / ne tso dang / dur bya/ kang ka/ khra dang 'ug pa la sogs pa mang po ni/ la la ni lding / la la ni 'phur/ la la ni

  57. 29a

    mchod / la la ni rngam/ 'tshigs pa dang / rgyug pa dang / 'dral ba dang / kun kyang sgra skad sna tshogs kyi sgra gyen la sgrogs pa/ ri bo kun ni keng rus kyi ri la/ ka ra ka ra dang / ha ha dang / he rtse dang / sprug pa'i sgra sna tshogs sgrogs pa'i dbus na/ bcom ldan 'das ma rdo rje phag mo de/ sku mnyam pa'i ngang las ma g.yos kyang sbrul sku gdug pa 'dul ba'i don du/ ro'i gdan la brjid pa'i gzi mdangs dang bcas nas/ sgeg mo'i tshul du bzhugs so// yul dang / gnas dang / sku bzhugs pa'i le'u ste dang po'o// // de nas bram ze mchog sred kyis/ lha rnams dang / brgya byin dang / tshangs pa dang / srin po dang / lha ma yin dang / dri za dang / mi 'am ci dang / lto 'phye chen po dang / klu dang / gnod sbyin dang thabs cig tu bzhugs so// de nas 'khor rnams kyis me tog dang / spos dang / mar me dang / byug pa dang / zhal zas dang / sgra la sogs pa sna tshogs kyis mchod do// de nas bram ze mchog sred kyis/ mkha' 'gro ma'i gtso mo rdo rje phag mo la 'di skad bstod nas zhus so// dpal ldan rdo rje mkha' 'gro ma// mkha' 'gro ma yi 'khor lo sgyur// bskal pa me ltar 'bar ba'i 'od// mkha' 'gro khyod la phyag 'tshal lo// 'khor ba mya ngan 'das spangs shing // 'khor ba mya ngan 'das la bzhugs// kun rdzob don dam gnyis su

  58. 29b

    med// gnyis med gzugs la phyag 'tshal lo// g.yas pa rtog med phag gi zhal// g.yon pa chags tshul khro mo'i zhal// zhal gnyis su ni sbrul mdzad ma// sgrub pa po la grogs mdzad ma// rdo rje rnam 'byor ma la bstod// phag mo khyod la phyag 'tshal lo// g.yas g.yon brkyang bskum thabs dang shes rab 'brel// spros med chos kyi dbyings las ma g.yos kyang // thabs kyis gang la gang dgos 'dul ba yi// smon lam dbang gi 'gro ba'i don mdzad ma// yid bzhin nor bu khyod la phyag 'tshal lo// g.yas pa skyon kun gcod byed gri gug bsnams// shin tu dkar ba'i thod pa g.yon na bsnams// pad+ma'i gdan la ya bdud zil gyis gnon// rje btsun rdo rje rnal 'byor ma la phyag 'tshal bstod// lan gsum skor ba byed cing phyag btsal nas// spyan sngar thal sbyar dbus btsugs mig gdangs te// ngag tu 'di skad ces zhus so// kye rje btsun rdo rje phag mo khyod// 'gro ba sems can gdul slad du// sbrul sku 'gro ba'i don du bzhengs su gsol// kye ho rdo rje 'dzin pa bskul ma 'debs// kye ho thod pa dgu brtsegs chos 'byung gzhal yas nas// chos nyid don rtogs chos sku'i phag mo sku bzhengs 'tshal// bde ba byin rlob longs sku'i phag mo sku bzhengs 'tshal// sna tshogs ston zhing sbrul sku'i phag mo sku bzhengs 'tshal// nag mo'i cha lugs bdud

  59. 30a

    mo'i phag mo sku bzhengs 'tshal// legs nyes stangs 'dzin dam tshig phag mo sku bzhengs 'tshal// dgra bgegs bdud mdzad bstan srungs phag mo sku bzhengs 'tshal// sku yi sprul pa dkar mo nyi khri sku bzhengs 'tshal// gsung gi sprul pa dmar mo nyi khri sku bzhengs 'tshal// thugs kyi sprul pa nag mo nyi khri sku bzhengs 'tshal// 'jig rten pa dang ye shes lha// ma lus par ni sku bzhengs 'tshal// zhes bskul lo// brdas bskul ba'i le'u ste gnyis pa'o// // de nas yang dag bshad bya ba// mnyam pa'i ngang las ma g.yos kyang // rdo rje phag mo 'gro ba'i don du sku bzhengs pa bstan te/ g.yas kyi phag zhal phye ste/ spyan g.yas pa las/ sbrul sku'i yi ge oM bskul bar ston te/ ti sta ra pra na ye/ dpal ldan rgyal po yul 'khor srung // chos sku rnam dag don du sku mdog dkar po sbrul// nges don sgrogs phyir pi wang rgyud mang bsnams// shar phyogs dri za'i gdon rnams bsrung ba dang // zhi ba'i 'phrin las mdzad pa'i don du sprul// spyan g.yon longs sku'i tshul du a ston te// bi ta ra sha ga to me/ dpal ldan rgyal po spyan mi bzang // 'gro ba'i don la ma chags sku mdog dmar// 'khor ba bcings pa'i zhags pa phyag na bsnams// nub phyogs klu yi gdon rnams bsrung ba dang // dbang gi 'phrin las mtha' ru dbyung du gsol// spyan

  60. 30b

    ni dbus ma chos sku hA ston te// be du rag sha be/ dpal ldan rgyal po 'phags skyes po// che ba'i yon tan rgyas pas sku mdog ser// 'khor ba'i bag chags 'joms phyir be con bsnams// lho phyogs grub bum gdon tshogs bsrungs pa dang // rgyas pa'i 'phrin las mtha' ru dbyung du gsol// de gsum ngo bo nyid kyi tshul du rab gri ste// mtha' gnyis 'joms mdzad be he she na ma re ye// dpal ldan rgyal po rnam thos sras// mdzad pa'i 'phrin las mthar phyin sku mdog ldang // 'khor ba'i bag chags 'joms phyir be con ral gri bsnams// byang phyogs gnon sbyin tshogs rnams bsrung ba dang // drag po'i 'phrin las mtha' ru dbyung du gsol// chos kyi rgyal po dung lta bu dang / dmar po sgrib sel me lta bu dang / 'jigs skyob gser lta bu dang / gdug pa 'dul byed mun nag lta bu dang / de las gyad bzhir sbrul/ de las lnga brgya rtsa gcig sprul/ de las dmag dpon bzhi ru sbrul thabs kyi tshul du sprul pa yin/ g.yas kyi phag zhal las dpa' bo sprul pa'i le'u ste gsum pa'o// // de nas yang dag bshad bya ba// de ltar de rnams sprul pa las// bram ze mchog sred ngo mtshar skyes// e ma ngo mtshar rmad kyi chos// 'khor ba bud med gdul ba'i phyir// sprul pa 'gyed pa ngo mtshar che// g.yas kyi phag gdong nag mo las// rtog med ro dang bcas pa DA

  61. 31a

    ki 'bum// g.yon gyi khro zhal dmar mo las// bde chen las la 'khor ba'i DA ki 'bum// spyi gtsug zod pa dum bu bdun pa las// sangs rgyas rab bdun ldan pa'i DA ki 'bum// rin chen rnam lngas dbu rgyan byas pa las// rigs lnga yab dang ldan pa'i DA ki 'bum// g.yung drung dmar po g.yon du 'khyim pa las// nyon mongs bag chags sreg byed DA ki 'bum// dga' ba'i tsa kra myur du 'khor ba las// bde chen gnyis med rtogs pa'i DA ki 'bum// bskal pa'i me chen 'ur 'ur 'bar ba las// tha dad rtog pa sreg pa'i DA ki 'bum// g.yas na zangs gri rnon po bsnams pa las// rnam rtog dri ma gcod byed DA ki 'bum// g.yon pa thod pa phyi dkar nang dmar bsnams pa las// bde ba yab kyi zhal du stob pa'i DA ki 'bum/ kha T+wAM rtse gsum rab tu 'bar ba las// dug gsum rtsad nas gcod pa'i DA ki 'bum// thod pa gsum gyis rab tu 'bar ba las// dur khrod rgyal mtshan 'dul ba'i DA ki 'bum// Da ma ru yi sgra chen sgrogs pa las// snyan brgyud gdams ngag ston pa'i DA ki 'bum// drang cing yu ba dkar po 'dril ba las// lha men g.yul ngo bzlog pa'i TI ka 'bum// mi mgo lnga bcu'i do shal byas pa las// 'du byed lnga bcu rtsa gcig sprul bar mdzad pa'i DA ki 'bum// g.yon brkyang g.yas bskum zhabs kyi

  62. 31b

    bzhugs tshul las// 'khor ba'i 'dam las sgrol ba'i DA ki 'bum// ro yi gdan la brjid par bzhugs pa las// dur khrod sha la mi pod rdzi ba'i DA ki 'bum// phyag gnyis gser gyi gdu bu khrol ba las// srog gcod nyon mongs spong byed DA ki 'bum// dpung pa'i rgyan rnams rab tu 'bar ba las// nyon mongs gnyen pos 'dul byed DA ki 'bum// mche ba zla tshes dkar po gcig pa las// 'khor ba rtsad nas gcod pa'i DA ki 'bum// phag zhal gyen la spyan gsum gzigs pa las// sku gsum lhun gyis grub pa'i DA ki 'bum// rtsa zhal spyan gsum thur du gzigs pa las// khams gsum zil gyis gnon pa'i DA ki 'bum// snyan cha gser gyi rna rgyan mdzad pa las// dam tshig gzhung ltar bsrung ba'i DA ki 'bum// pad+ma'i gdan la rab tu brjid pa las// bde chen gnyis med rtogs pa'i DA ki 'bum// spyi bo ha las gyur pa'i DA ki las// lta ba nyams su len pa'i DA ki 'bum// mgrin pa ri las gyur pa'i DA ki las// ma bsgoms byin gyis brlob pa'i DA ki 'bum// snying kha ni las gyur pa'i DA ki las// spyod pa sna tshogs bskur pa'i DA ki 'bum// lte ba sa las gyur pa'i DA ki las// 'bras bu gser khung rdol ba'i DA ki 'bum// gzhan yang sku yi sprul pa pra ma ha ti dang // gsung gi sprul pa pad+ma da ri dang // thugs kyi sprul pa lang kun da

  63. 32a

    ri dang // yon tan sprul pa kha sran ma kun dang // 'phrin las sprul pa rdo rje DA ki dang // rat+na DA ki dang / pad+ma DA ki dang / karma DA ki dang / de las sprul ba'i rigs kyi pho nya mang po sbrul// g.yung mo DA ki ma dang / ko ta ma dang / gu gu d+ha ri ha dang / gzugs can ma dang / khwa gdong ma dang / 'ug gdong ma dang / khyi gdong ma dang / phag gdong ma dang / gshin rje sreg byed ma dang / gshin rje mche ba ma dang / gshin rje pho nya ma dang / gshin rje 'joms ma dang / rab tu gtum mo dang / mig btsum ma dang / 'od ldan ma dang / sna chen ma dang / dpa' bo blo gros ma dang / mi'u thung ma dang / lang ka'i dbang phyug ma dang / shing grib ma dang / sa srungs ma dang / 'jigs byed ma dang / rlung shugs ma dang / chang 'thung ma dang / sngo bsangs ma dang / shin tu bzang mo dang / rta sna mo dang / gtsug phud can dang bya gdong ma dang / 'khor lo shugs can ma dang / dum skyes ma dang / sho na ding dang / 'khor lo go cha ma dang / shin tu dpa' mo dang / stobs chen mo dang / 'khor lo sgyur ba mo dang / brtson chen mo dang / de la sogs pa mkha' 'gro ma bye ba phrag 'bum phrag mang po sprul lo// rdo rje phag mo'i sku las mkha' 'gro dpa' mo sprul pa'i le'u ste bzhi pa'o// // de nas mkha' 'gro 'bum gyis bstod pa/ bcom ldan 'das ma'i sku bstan te/ spyan

  64. 32b

    'khor la gzigs nas/ zhal 'dzum pa mdzad de/ 'di skad ces bka' stsal to// 'khor ba'i sems can gdul slad du// thabs kyis 'dul ba'i rim pa dang // rgyal po gsang zhing bsgrub par bya'o// bcom ldan phag mo bsam mi khyab// ces gsungs nas thugs de nyid las ma g.yos bzhin du/ 'gro ba'i don du las kyi phag mor sku sprul te/ sku la rgyan gsol te/ sku gsung thugs yon tan 'phrin las lnga las/ yi ge ma sngon du bstan te/ ma ha ra ni sa/ yi ge bzhi pa dang lnga pa dang / gsum pa dang / gnyis pa dang / gcig pa dang / drug pa dang / bdun pa dang / de las yi ge lnga pa la// dang por mngon par sangs rgya ba'i yi ge dang / gnyis pa thun mong gi zas tshogs 'du ba'i yi ge dang / gsum pa 'byung ba ro snyoms pa'i yi ge dang / bzhi pa lha 'dre dpung bskyed pa'i yi ge dang / tshe sring bar byed pa'i yi ge dang lnga'o// de'i dang po la bzhi/ zhes sdang gi sgo nas sangs rgya bar byed pa'i yi ge dang / 'dod chags kyi/ gti mug gi/ gnyid dang bsam gtan chos skur sre bar byed pa'i yi ge'o// thun mong gi zas tshogs 'du bar byed pa'i yi ge la/ nor sgrub pa dang / chu sbyin pa dang / tsha tsha dang zang sku la mchod pa byed pa dang / dpal po'i ston mo dang / ga'u'i sbyor ba/ sngags kyi sbyor ba/ phag mo chang dgug pa/ lha mo'i mtshan dgug pa/ chu la mi bying ba/

  65. 33a

    mngon par shes pa'i sbyor ba/ mes mi tshig pa/ bcud 'phel bar byed pa/ rma sngags/ mdze gso ba/ zho chang bsrung ba/ sri'u gso ba/ ser ba bsrung ba/ 'chi ba bzlog pa/ rmi lam ngan pa bzlog pa/ lam 'jigs pa bsrung ba phyogs ngan bzlog pa/ mig mthong / pra dbab pa/ 'go nad bzlog pa/ sha ro dbyung ba/ yi dam lha'i zhal mthong bar bya ba/ byin brlabs dbab pa/ bsrung ba gdags pa dang / sa 'og gi gdon mthong ba dang / rgyal po chen po dbang du bsdu ba dang / pho brang grong khyer g.yo bar bya ba dang / btsun mo g.yo bar bya ba dang / mi dang rtsod pa rgyal bar bya ba dang / rta phyugs bsrung ba dang / rkun mo mi 'byung ba'o// de rnams phan gdags pa'o// tshar gcad pa la/ mthu dang / klu la gtad pa dang / thog ser dbab pa dang / smyo ba dang / 'byed pa dang / bza' mi 'byed pa dang / zor dang / ltas ngan dang / bya dmag dang / khyi dmag dang / zhing sel dang / khang sel dang / dur sel dang / lkugs pa dang / rengs pa dang / rmugs pa dang / dbu rdeb pa dang / brtul zhugs pa la sogs pa'o// las tshogs kyi le'u ste lnga pa'o// // lha 'dre dpung bskyed pa'i yi ge la brgyad de/ brtul zhugs kyi dpung dang / lha'i/ glu'i/ sngags kyi/ 'byung ba bzhi'i/ sbyin sreg gi/ rdzas dang sngags kyi dpung / rig pa ye shes kyi dpung

  66. 33b

    ngo ngo// dpung bskyed pa'i le'u ste drug pa'o// // 'byung ba bzhi ro snyoms pa'i yi ge la drug ste/ tsa kra bzhi la brten pa'i yi ge bzhi dang / lha mo bskyed pa'i yi ge dang / lha sgom bzhi'i yi ge dang / yi ge 'gro bzlog gi yi ge dang / 'byung ba ro snyoms kyi yi ge bzhi dang / mngon shes 'char ba'i yi ge bzhi'o// 'byung ba ro snyoms kyi yi ge bzhi'i le'u ste bdun pa'o// // tshe sring bar byed pa'i yi ge bzhi la/ phyi nang gsang ba de kho na nyid kyi bcud len no// phyi'i bcud len ni/ srid pa pho'i bcud cong zhi'i bcud len dang / srid pa mo'i bcud brag zhun gyi bcud len dang / 'byung ba pho'i bcud chu'i bcud len dang // 'byung ba mo'i bcud sa'i bcud len dang bzhi'o// nang shi bcud len ni/ bdud rtsi lnga ste/ dri chen/ dri chu/ sha chen/ pad+ma rak+ta/ byang sems dang lnga'o// gsang ba'i bcud len ni/ bu mo lo bcu drug lon pa'o// bla na med pa'i bcud len ni/ lha sgom spyod gsum mo// tshe bsring ba'i bcud len gyi le'u ste brgyad pa'o// // de nas bram ze mchog sred ngo mtshar skyes nas/ ye shes DA ki ma la bstod pa/ e ma ho/ rdo rje phag mo bde gshegs yum// 'dod pa'i dbang phyug skal ldan ma// mkha' 'gro chen mo rnal 'byor gtso// rdo rje dbyings kyi DA ki yum// phyag rgya chen po rdo rje'i sku// he ru ka dang yang dag sbyor// dbu stong ma

  67. 34a

    la spyan stong ma// stong phrag bcu yi zhal gdong can// nyi ma 'bum gyi gzi brjid can// spyan mig dmar ser glog stong 'gyu// kha gnyer mche ba rab tu gtsigs// dbu skra gyen brdzes thog ser 'bebs// seng ge'i gzugs can 'dab bzangs gzugs// glang po chen po che ba'i gzugs// 'jig rten gsum po lto ba can// rgya mtsho'i mtha' dag ske rags can// thod pa dang ni kha T+wAM 'dzin// rdo rje zangs gris 'byung po 'joms// mi rus 'phreng ba'i rgyan chas can// mi mgo skam po'i do shal can// bde gshegs 'bum ni khyod kyi 'khor// che ba'i lha tshogs khyod kyi bran// rig pa'i rgyal po gdon gzugs can// rnal 'byor che ba'i dngos grub 'bebs// dpa' bo dngos grub cher gsal nas// hUM dang phaT kyi 'brug sgra can/ khro bo'i gzugs kyis khams gsum sgrol// rgya mtsho'i gling rnams skems par byed// sna tshogs chos rnams zil gyis gnon// srid pa gsum ni za bar byed// zas su ma hA mangs gsol// ma hA rak+ta bde bar gshegs// ma lus gdug pa skrag par byed// 'jigs par mdzad cing gsod par byed// dmag gi dpung rnams rengs par byed// ngo mtshar 'dod pa'i gzugs mnga' ba// yid la 'dod pa'i dngos grub gsol// phag mo khyod la phyag 'tshal bstod// bdag gis khyod la gang gsol ba// don

  68. 34b

    de de ring grub par mdzod// bcom ldan 'das ma phag gdong can// skyon kun gcod byed gri gug g.yas// thod dkar khrag gis bkang ba g.yon// bdud kyi snying mnan khyod la 'dud// g.yon pa chags tshul khro mo'i zhal// g.yas pa phag gdong rtog med zhal// sku mdog dmar mo 'od zer 'phro// phag mo'i sku la phyag 'tshal bstod// bden pa gnyis kyi don ldan pa'i// zhal gnyis su ni sbrul mdzad ma// sgrub pa po la grogs mdzad ma// rnal 'byor ma la phyag 'tshal bstod// dus gsum bde gshegs kun gyi yum// rtog pa thams cad rnams spangs shing // sku ni phag mor ston mdzad ma// sbrul sku khyod la phyag 'tshal bstod// 'khor ba mya ngan 'das spangs shing // don dam kun rdzogs dbyer med pas// gnyis med sku la phyag 'tshal bstod// spyod med dbyings las ma g.yos kyang // gang la gang gis 'dul don du// smon lam thugs rjes don mdzad ma// yid bzhin nor bu khyod la bstod// ces bstod do// bstod pa'i le'u ste dgu pa'o// // slob dpon pad+ma 'byung gnas kyis/ jo mo mkhar chen mtsho rgyal la gdams pa/ mkha' 'gro ma nor bu 'phreng ba'i rgyud rdzogs so// // gtad rgya/ gter rgya/ sbas rgya// /

  69. 35a

    rgya gar skad du/ DA ki ni rat+na mA le pi pa ra tan tra nA ma/ bod skad du/ mkha' 'gro ma nor bu 'phreng ba phyi ma bshad pa'i rgyud ces bya ba/ rdo rje mkha' 'gro ma la phyag 'tshal lo// bram ze blo ldan mchog sred kyis/ rdo rje mkha' 'gro ma la 'di skad zhus/ e ma ho/ rtsa ba'i rgyud du gsungs pa yi// 'phrin las rim par gsungs pa rnams// rim pa rgyas par bshad du gsol// de skad zhus pas gsan nas kyang // ye shes mkha' 'gros bka' stsal ba// nyon cig rigs 'dzin rdo rje rtsal// e ma mkha' 'gro gsang ba'i skad// ha ri ni sa/ ra tsa hri ya/ yi ge bzhi pa mkha' 'gro'i srog/ ma ha ri ni sa/ yi ge lnga pa mkha' 'gro lnga/ hri ra tsa hri ya/ yi ge lnga pa dpa' bo lnga// A~M AHhUM/ yi ge gsum pa sku gsung thugs// hri ma/ yi ge gnyis pa yab yum gnyis// hUM yi ge gcig pa dbang sdud sngags// dzaHyi ge gcig pa 'gugs pa'i sngags// hri ma ha ri ni sa/ yi ge drug pa mkha' 'gro'i sngags// ra tsa hri ya hUM dza phaT/ yi ge bdun pa mtha' bsgyur sngags// mkha' 'gro ma yi brda skad 'di// chos dang chos men thams cad 'grub// mngon par sangs rgya'i yi ge lnga// phan gdags las tshogs yi ge lnga// thun mong dngos grub yi ge lnga// tshar gcad dgra bgegs 'dul ba'i yi ge lnga// lha 'dre dpung bskyed yi ge lnga// 'byung ba ro

  70. 35b

    snyoms yi ge lnga// tshe sring bar byed pa'i yi ge lnga'o// yi ge rnam par 'byed pa'i le'u ste dang po'o// // de nas yang dag bshad bya ba// mngon par 'tshang rgya ba'i yi ge la/ zhe sdang sgo nas 'tshang rgya ba// zhe sdang rdo rje mkha' 'gro yin// zhe sdang spangs na rdo rje mkha' 'gro spangs// zhe sdang rang dang ldan pas na// rig pa ye shes rang dang ldan// zhe sdang gsal ba shas chen// me long ye shes gsal dngas che// zhe sdang bskur ba dka' bas na// rdo rje mkha' 'gro 'gyur ba med// zhe sdang rdo rje mkha' 'gro ma// ma spangs rang 'byung sangs rgyas so// zhe sdang sgo nas sangs rgya ba'i le'u ste gnyis pa'o// // 'dod chags sgo nas 'tshang rgya ba// 'dod chags pad+ma mkha' 'gro yin// 'dod chags spangs na pad+ma mkha' 'gro spangs// 'dod chags bde ba che bas na// ma bcos bde ba chen po yin// 'dod chags dga' ba'i nyams dang ldan// kun rtogs ye shes dga' bzhir ldan// 'dod chags spang bar dka' bas na// pad+ma mkha' 'gro chags pas grol// 'dod chags pad+ma mkha' 'gro mar// ma spangs rang byung sangs rgyas so// 'dod chags sgo nas sangs rgya ba'i le'u ste gsum pa'o// // gti mug sgo nas 'tshang rgya ba la// gti mug ye shes mkha' 'gro ma// gti mug spangs na ye shes mkha' 'gro spangs// gti mug ma rig rang bzhin

  71. 36a

    zin// rig pa'i rang bzhin po shes gsal// gti mug mo rtog thams dang ldan// chos nyid rnam par rtog pa med// gti mug ma rig sa gnas pas// chos dbyings ye shes ye nas gnas// gar+b+ha mug ye shes mkha' 'gro ma// ma spangs rang byung sangs rgyas so// gti mug sgo nas sangs rgya ba'i le'u ste bzhi pa'o// // gnyis dang bsam gtan bsre ba ni// srod la dbang po gnas bsdus la// shes pa sprin mtshams 'khor lo gtad// gcid tshogs chen dpral bar 'thob// gnyid kyi dbang po mgo nas 'bab// nam byed rnam shes snying du gzhug/ gnyid log shes pa snying khar gtad// rnam shes mazin rmi lam 'ong // rnam shes zin pas rmi lam med// rnam par mi rtog chos nyid dang // gnyid dang bsam gtan 'dres pa yin// zo rangs 'od gsal lam du khyer// gnyid sad shes pa gsal mdangs byed// rang byung ye shes rang la shar// gnyid dang bsam gtan gnyis su med// byar med nyal ba'i 'khor lo yin// gnyid dang bsam gtan bsre ba'i le'u ste lnga pa'o// // mngon par sangs rgya ba'i yi ge'i skabs te dang po'o// // de nas yang dag bshad bya ba// thun mong las tshogs yi ge la// ha ri ni sa/ mkha' 'gro bzhi yi nor smrab ni// mtshan ldan thod pa kha sbyor la// pho 'khor mo 'khor bris nas ni// tshon gyis

  72. 36b

    legs par phye nas ni// sra rtsis chu yis mi 'jig bya// gser dngul zangs lcags 'bru sna dang // dar zab la sogs dkor chas dgang // dngos grub ci 'dod gsol bya la// thod pa maN+Dal dbus su bzhag/ rang nyid phag mor bsgom byas la// ha ri ni sa ra tsa hri ya/ b+ha su d+he ba na kha d+he puSh+paM ku ru swA hA/ zhes bzlas/ grub rtags nor gyi dngos grub 'byung // nor sgrub le'u ste drug pa'o// / mkha' 'gro ma yi chu sbyin la// rin chen zangs kyi gzhong pa ru// dzam b+ha la yi sku gzugs bzhugs// mkha' 'gro rigs bzhis bskor bar bsam// rin chen bum par chu blug la// bdud rtsir yig 'bru gsum gyis bsgom// ha ri ni sa ra tsa hri ya/ dzam b+ha la dza len tA yes swA hA/ chu de lag pa g.yas pa yis// khyor ba brgya dang brgyad dbul lo// dzam b+ha la ni mnyes pa dang // mkha' 'gro pho mo tshim par bsam// bar chad sel cing nor rnams 'phel// chu sbyin le'u ste bdun pa'o// // mkha' 'gro ma yi tsha tsha ni// rang nyid zas la rol pa'i tshe// phud kyis bla ma dkon mchog mchod// yi dam mkha' 'gro tshogs kyis mchod// de nas tsha tsha btab byas nas// phyi ni tsha tsha mchod rten la// nang ni mkha' 'gro'i lha tshogs gsal// oM A hUM ha ri ni sa/ ra tsa hri ya/ zhes pa bzlas la/ lan gsum brjod la rab gnas bya// tshe ring

  73. 37a

    zas 'du dngos grub byung // tsha tsha'i le'u ste brgyad pa'o// / mkha' 'gro zang sku'i mchod pa ni// mkha' 'gro'i zang sku legs mchod la// phyi nang mchod pa legs bshams la// bstod cing mchod pa dbul ba dang // yan lag bdun pas tshogs bsags la// ci 'dod gsol ba gdab par bya// IM A hAM/ ha ri ni sa/ ra tsa hri ya/ badz+ra sarba bud+d+ha DA ki ni si d+hi pha la hUM/ zhes brgya rtsa brgyad bzlas so// ci 'dod dngos grub thob par 'gyur// zang sku mchod pa'i le'u ste dgu pa'o// // mkha' 'gro dpa' bo'i ston mo ni// rnal 'byor pho mo 'tshogs nas ni// zhal zas sna tshogs 'byor tshad bshams// bdag nyid rdo rje phag mor bsgom// mched rnams dpa' bo dpa' mor bsgom// zhal zas bdud rtsi chen por bsgom// oM AHhUM/ ha ra ni sa/ ra tsa hri ya/ g+ha na pU tsa kha hi kha hi/ zhes pa yis// phud kyis bla ma dkon mchog mchod// yi dam mkha' 'gro mnyes par byas// bar pa rnal 'byor mched rnams rol// lhag ma las kyi mkha' 'gro mchod// tshogs sogs longs spyod dngos grub 'byung // dpa' bopo'i ston mo'i le'u ste bcu pa'o// // mkha' 'gro ga 'u'i sbyor ba ni// zangs kyi ga'u kha sbyar la// chos 'byung sngags dang bcas pa bri// pho 'khor mo 'khor dbang sdud sngags// lha 'dre mi gsum snying po

  74. 37b

    bri// bdag nyid rdo rje phag mor bsgom// 'khor lo mchan khung bcug byas la// ha ri ni sa ra tsa hri ya/ ni a bri bshang ku ru ye/ lha 'dre mi gsum dbang du sdus cig/ ces bzlas/ grub rtags lha 'dre mi gsum 'du// ga'u'i sbyor ba'i le'u ste bcu gcig pa'o// // mkha' 'gro'i sngags kyi sbyor ba ni// rang nyid rdo rje phag mor bsgom// snying khar pad+ma 'dab bzhi la// yi ge 'bru brgyad bkod par bsam// ha ri ni sa ra tsa hri ya ni 'gul 'gul ma ma hring hring / ma ma kha shi/ mi snying sbrul sbrul/ mi 'gram chog cho ga/ hri hri/ bsdus bsdus/ ma ma kha shi baM swA hA/ 'gro ba mi yi snying dkyil nas// rnam shes nya mig lta bu de// 'od zer dmar pos drangs nas ni// rang gi snying la bstim par bya// mi snying mi lag 'gul bar byed// snang ba dbang de 'du bar byed// sngags kyi sbyor ba'i le'u ste bcu gnyis pa'o// // mkha' 'gro ma'i dngos grub chang dgug pa ni// maN+Dal chos 'byung bris pa'i steng // thod pa mtshan ldan chang gis dgang // bdag nyid rdo rje phag mor bsgom// ha ri ni sa/ ra tsa hri ya/ su ra pa ni si d+hi pha la a hUM dza/ zhes bzlas pa'i// sngags kyi 'od zer dmar po yis// lha yi bdud rtsi mi yi chang // shing thog me tog bcud bsdus nas// thod pa'i chang la bstim par bya// de nas 'bru btsos phabs btab la// langs nas thod pa'i chang gis

  75. 38a

    bsing // sngags dang ting 'dzin gong ltar bya// 'bru bcud chang de 'dzad mi 'gyur// chang dgug pa'i le'u ste bcu gsum pa'o// // mkha' 'gro'i lha mo'i mtshan dgug pa ni// lha mo mi mo gzugs bris la// b+ha ga'i nang du 'khor lo bri// bdag gi 'doms su bcug nas ni// ha ri ni sa ra tsa hri ya pad+ma kha na kha na/ yid yid dud pa kha na yer yer yug yug/ khang khang swA hA/ gang la byas pa'i pad+ma la// 'od zer dmar po'i me yis bskul// bdag gi rdo rje'i rtse mor dgug/ tshangs pa'i bu mo yin yang khugs// phyag rgya ma dgug pa'i le'u ste bcu bzhi pa'o// // mkha' 'gro chu la mi bying ba// bdag nyid rdo rje phag mor bsgom// chu ni sa yi steng du bsam// rkang pa rlung gi dkyil 'khor bsam// ha ri ni sa ra tsa hri ya yaM ma la hri na swA hA/ na mo rat+na tra ya ya bi tri yang swA hA/ sngags de shing la bris byas la// rang gi ske la gdags byas la// chu dang sa steng 'gro ba 'dra// chu la mi bying ba'i le'u ste bco lnga pa'o// / mkha' 'gro ma yi mngon shes sgrub pa la// rang nyid rdo rje phag mor bsgom// snying dkyil zla ba'i dkyil 'khor la// sngags kyi 'khor lo bsam par bya// ha ri ni sa ra tsa hri ya/ tad+ya thA/ g+hi pa tsak+Shu swA hA/ sngags kyi 'khor lo'i 'od zer gyis// snang srid thams cad gsal bar bsam// 'jig rten khams kun

  76. 38b

    mthong ba dang // gzhan gyi sems kun shes par 'gyur// mngon shes 'ong ba'i le'u ste bcu drug pa'o// // mkha' 'gro'i 'byung ba mes mi 'tshig pa/ bdag nyid rdo rje phag mor bsgom// snying khar chu yi 'khor lo bsgom// ha ri ni sa ra tsa hri ya/ me shi du shi swA hA/ me yi gnod pa byung ba dang // me la brtul zhugs byed pa'i tshe// chu yis me de bsad par bsgom// 'byung ba me yis tshig mi 'gyur// mes mi tshig pa'i le'u ste bcu bdun pa'o// // mkha' 'gro'i lus kyi bcud 'phel ba// bdag nyid rdo rje phag mor bsgom// srid pa pho'i bcud cong zhi dang // da pyid sgo nga tsha ba gsum// sbrang rtsir sbyar la bza' bar bya// ha ri ni sa ra tsa hri ya shu tra swA hA/ stong du bzlas shing zos pa na// bcud 'phel sa bon bu phor 'gyur// rgas pa med cing tshe ring 'gyur// bcud 'phel ba'i le'u ste bco brgyad pa'o// // mkha' 'gro ma yi rma sngags la// mi lus rin chen lnga phung la// rdo mtshon gri dang dbyug pa dang // sha snang rtsa dang chu rgyus chod// tshabs chen klad pa lug pa dang // brdabs dang rus pa chag pa dang // khyi rma la sogs sngags 'di 'tsho// ha ri ni sa/ khre bas an li sbal zhi khrag tshong swA hA/ tsha tsha yi zhabs kyi sa dang // rus chen thal ba sbyar nas ni// byis pa'i chu dang sbyar la byug/ rnal 'byor spyod pa byed pa la// gzhan gyis brdags kyang

  77. 39a

    'di yis 'tsho// lus kyi rma gso ba'i le'u ste bcu dgu pa'o// // mkha' 'gro ma'i mdze gso ba ni// bdag nyid rdo rje phag mor bsgom// gu gul nag po gla rtsi dang // shu dag nag po shing kun dang // bdud rtsi dri chen mar nag sbyar// ha ri ni sa ra tsa hri ya na ga nA ga mA ra ya khug/ nA ga ma ra ya sod/ sngags de rdzas la btab byas la/ khong du btang cing byug par bya// phag skad ngur zhing brtul zhugs bya// klu rnams zas su za bar bsam// mdze po rkang lag chad kyang 'tsho// mdze gso ba'i le'u ste nyi shu pa'o// // mkha' 'gro ma'i zho chang bsrung ba ni/ rang nyid rdo rje phag mor bsgom// rde'u dkar nag phabs la ni// ha ri ni sa ra tsa hri ya ma hA ma shi kha nyi swA hA/ brgya 'am stong du bzlas nas ni// zho 'am 'o ma'i snod du gzhug/ chang la phabs su btab la btang // nges par thub par the tshom med// zho chang bsrung ba'i le'u ste nyer gcig pa'o// // mkha' 'gro ma'i sri'u bsrung ba'i man ngag la// rdo rje phag mo'i bsnyen pa rdzogs pa yis// sngags dang bsrung ba'i 'khor lo yis// seng ldeng phur pa sngags bzlas pa// phag mo'i sku ru bsgoms la gdags// bsrung skud dmar po sngags mdud can// gri gug rdo rje 'phreng bar bsam// sri'u'i lus la gdags par bya// ha ri ni sa ra tsa hri ya/ pu tra bu la rak+Sha rak+ta/ zhes bzlas par bya//

  78. 39b

    gtor ma gtang zhing mkha' 'gro mchod// lo yi dus na gtang rag gtang // sri'u sos par the tshom med// sri'u gso ba'i le'u ste nyer gnyis pa'o// // mkha' 'gro ma'i ser ba bsrung ba ni/ bdag nyid rdo rje phag mor bsgom// kha nas rlung dang 'tshub ma yis// sprin dang 'byung ba gtor bar bsam// sdigs mdzub bsgrengs la mdzub rigs bya// ha ri ni sa ra tsa hri ya cher ya chur yA ra ma ni mA ra ya shig bzlog/ ces bzlas/ ser ba char par 'gyur nas 'gro// ser ba bzlogs pa'i le'u ste nyer gsum pa'o// // mkha' 'gros 'chi ba bzlog pa ni// bdag la na tsha drag po dang // 'chi ltas la sogs byung tsam na// gtor tshogs bzang pos mkha' 'gro bskang // bstod cing gsol ba gdab par bya// bdag nyid rdo rje phag mor bsgom// mkha' 'gro dpa' bo dpa' mo yis// bdud dang gshin rje'i lag nas ni// bdag gi bla tshe bkug nas ni// rang gi snying la bstim par bsam// ha ri ni sa ra tsa hri ya/ a yu tshe a yu pa ru mi ta bruM swA hA/ zhes bzlas cing bstim// tshe nyams tshe zad dus min 'chi// bzlog par 'gyur bar the tsom med// 'chi ba bzlog pa'i le'u ste nyer bzhi pa'o// // mkha' 'gros rmi lam ngan pa bzlog pa ni// bdag la rmi lam ngan pa na// langs la mkha' 'gro mchod par bya// bdag nyid rdo rje phag mor bsgom//

  79. 40a

    ri ni sa ra tsa hri ya/ pa ra tsa tra a pa na ya rmi lam ngan pa b+h+yo bzlog b+h+yo/ zhes stong bzlas nas/ thal mo lan gsum brdab par bya// de nas rmi lam 'khrul snang la// ngan dang bzang ba med par bsgom// rmi lam ltas ngan thams cad bzlog/ rmi lam ngan pa bzlog pa'i le'u ste nyer lnga pa'o// // mkha' 'gros lam gyi 'jigs pa bzlog pa las// dgra la sogs pa bzlog pa ni// bdag nyid lam du zhugs pa'i tshe// bdag nyid rdo rje phag mor bsgom// dgra dang mi mthun thams cad kun// bdag nyid mdun du lcags kyi phag mo bdun// thams cad za yin 'gro bar bsam// ha ri ni sa ra tsa hri ya thar nu thar nu dgra rkun 'byung po chings/ che dgra chung dgra chings/ mtshon gyi rtse chings/ zhes brgya rtsa brgyad bzlas la 'gro// dgra dang chom rkun thams cad bzlog/ lam gyi 'jigs pa bzlog pa'i le'u ste nyer drug pa'o// // mkha' 'gros phyogs ngan bzlog pa ni// rang nyid gar 'gro'i phyogs kyi sar// them pa'i phyi logs thon pa dang // sa la mda' gzhu'i gzugs byas la// mchog ma rdog pas mnan nas ni// bdag nyid rdo rje phag mor bsgom// lcags kyi mda' gzhu bkang nas ni// gar 'gro'i sa ru 'phangs pa yis// shul lam sngon la byung ba dang // phyogs ngan sa ru brdeg par sgom// ha ri ni sa ra tsa hri ya ma

  80. 40b

    hA tha na hUM phaT/ nyi shu rtsa gcig bzlas nas ni// sa ris rdog pas bsubs la 'gro// don dang bsam pa 'grub par 'gyur// phyogs ngan bzlog pa'i le'u ste nyer bdun pa'o// // mkha' 'gro ma'i mig mthong pra dbab pa/ 'ug pa'i mig dang spug po'i mig/ byi la'i mig dang pu shud mig/ khye'u 'thung ba'i nu zho dang // me long nang du sbyar nas ni// rang nyid rdo rje phag mor bsgom// ha ri ni sa ra tsa hri ya tsak+Shu tsak+Shu ma hA ha ra/ badz+ra tsak+ShA pra be sha phaT/ ces sum stong bzlas nas mig la byugs na/ srid pa gsum gyi lha 'dre mthong bar 'gyur ro// gzhan gyi mig la byugs na yang // lha 'dre thams cad mthong ba dang // legs nyes thams cad mthong bar 'gyur// mig mthong gi le'u ste nyer brgyad pa'o// // mkha' 'gro ma'i 'go nad bzlog pa la/ bdag nyid rdo rje phag mor bsgom// shu dag nag po yung ba dang // btsan dug gu gul nag po bzhi// sbyar la sngags 'di bzlas par bya// ha ri ni sa ra tsa hri ya/ b+ha ra zhi b+hu ra zhi nan/ pra mo nan/ zhi na yag mo b+h+yo/ dam b+h+yo/ snying gzer b+h+yo/ 'bram gzer b+h+yo/ 'brum gzer b+h+yo/ rgyug gzer b+h+yo/ lholkog gzer b+h+yo/ rigs gzer b+h+yo/ sod sod 'dre mA ra ya 'dre kha tham/ che ge mo la srungs shig srungs shig/ srungs shig srungs shig/ rdzas de gang la btags pa des// rims nad char ltar babs

  81. 41a

    kyang thub// rigs nad 'go nad bzlog pa'i le'u ste nyer dgu pa'o// // lus la sha ro dbyung ba ni// gnam srung dkar po/ sa srung nag po/ bar srung khra bo gsum la ni// bdag ni rdo rje phag mor bsgom// ha ri ni sa ra tsa hri ya/ la ni la praM suM/ seng ge la gya gyu/ chu ser gyi bu mo/ hor gal grongs grongs/ zhes bzlas nas ni/ rang gi mchu yis chu ser 'jib// rdzas gsum phag tshil sbyar la byug/ sha ro gar byung zon par 'gyur// sha ro dbyung ba'i le'u ste sum cu pa'o// // phan gdags pa'i las tshogs kyi skabs te gnyis pa'o// // de nas yang dag bshad bya ba// yi dam mkha' 'gro'i zhal lha na// rab tu dben pa'i gnas dag tu// maN+Dal byi dor byas nas ni// bdud rtsi lnga yis chag chag gdab// rdo rje phag mo'i sku gzugs dgram// phyi nang mchod pas mnyes par bya// dang po sku gzugs la sems gzung la// de la gsal bar zin pa dang // bdag nyid rdo rje phag mor bsgom// ha ri ni sa ra tsa hri ya DA ki nI DA ki nI/ dz+nyo ki ni dz+nyo ki ni/ phob phob ston ston/ ces bzlas pa 'bum phrag rdzogs pa dang // mkha' 'gro'i gzugs rnams mthong ba dang // lung ston chos 'chad byed pa 'ong // yi dam lha'i zhal lta ba'i le'u ste so gcig pa'o// // mkha' 'gro'i byin rlabs dbab pa ni// phyi nang mchod pa bshams nas

  82. 41b

    ni// mkha' 'gro bstod mchod mnyes par bya// slob ma bdun du bzhag nas ni// bdag nyid rdo rje phag mor bsgom// thugs nas mkha' 'gro rnam bzhi bton// slob ma'i mdun na gar byed bsam// ha ri ni sa ra tsa hri ya ni ru ri pa snying ni sangs hUM/ sngags kyi 'od zer 'phros pa yis// slob ma 'bar cing gar byed bsam// 'gro ba thams cad 'phar bar byed// byin rlabs dbab pa'i le'u ste sum cu gnyis pa'o// // mkha' 'gro ma'i bsrung ba gdags pa ni// bdag nyid rdo rje phag mor bsgom// sngags kyi 'khor lo bris nas ni// dpa' bo dpa' mor byin brlabs nas// rang dang gzhan la gdags par bya// ri ni sa ra tsa hri ya ni ru/ che ge mo la srungs shig srungs shig/ ces pa bzlas// bsrung skud dmar po sum sgril la// sngags mdud byas la rdo rjer bsam// seng ldeng phur pa sor bzhi la// sngags bzlas phag mor bsams la gdags// gdon dang nad las grol bar 'gyur// bsrung ba'i le'u ste so gsum pa'o// // sa 'og sa steng sa bla thams cad lta bar 'dod na/ shing gcig gi sar phyin la/ zha nye'i rkong bu ru/ ro ras la sdong bu bya// mi'i zhun la mar khu byas la me mar btang / thod pa gcig gis kha bcad/ thod pa gsum la skyed bu bya/ rang rdo rje phag mor bsgom/ ha ri ni sa ra tsa hri ya/ sarba 'dod ston/ pheM pheM pheM/ sngags

  83. 42a

    'di khri bzlas/ de nas mi rkang gnyis kyi nang nas mig lta'o// dud pa rang gi dri chu dang sbyar la mig la bsku'o// des sa 'og sa stengs sa bla thams cad sal le mthong ngo // mig mthong gi le'u ste so bzhi pa'o// // mkha' 'gro mas rgyal po chen po dbang du bsdu ba ni/ 'khor lo pho 'khor mo 'khor bri// rgyal po 'khor bcas ming bris la// 'khor lo zangs kyi gab rtser bzhug/ bdag nyid rdo rje phag mor bsgom// ha ri ni sa ra tsa hri ya/ ra dzA tsakra hri ti pa shang ku ru sa ha/ zhes bzlas pa 'bum du bya/ zangs kyi gab rtse tshon skud dmar pos cings/ bdag gi rkang pa g.yon pa'i 'og tu gzhug/ sngags bzlas rgyal po 'khor bcas rnams// bdag gi bka' 'og gnas par bsam/ nges par bdag gi dbang du 'du// rgyal po dbang du bsdu ba'i le'u ste so lnga pa'o// // mkha' 'gros pho brang grong khyer g.yo bar bya ba ni/ 'khor lo pho 'khor mo 'khor bca'// grong khyer gtso 'khor ming bris la// 'khor lo zangs kyi ga 'ur gzhug/ bdag nyid rdo rje phag mor bsgom// ha ri ni sa ra tsa hri ya ni sarba ma nu tsakra hri ti pa shaM ku ru swA hA/ gab ce rkang pa'i 'og tu gzhug/ sngags kyi 'od zer dmar po yis// grong khyer 'khor bcas dbang bsdus bsam// bdag gi bran bzhin bka' nyin bsam// nges par dbang du 'dus par 'gyur// grong khyer g.yo ba'i

  84. 42b

    le'u ste so drug pa'o// // mkha' 'gros btsun mo dbang du bsdu ba/ 'khor lo pho 'khor mo 'khor bcas// btsun mo bud med ming bris la// 'khor lo zangs kyi ga 'ur gzhug/ bdag nyid rdo rje phag mor bsgom// ha ri ni sa ra tsa hri ya pad+ma ma nu tsakra hri ti a pa na ya pa shang ku ru swA hA/ gab rtse rkang g.yon 'og tu gzhug/ yang na 'doms su bcug la bzlas// sngags kyi 'od zer dmar po yis// btsun mo bud med rnam shes dgug/ dbang 'dus dngos su 'khris su yong // btsun mo g.yo ba'i le'u ste so bdun pa'o// // mkha' 'gro ma'i rtsod pa rgyal 'dod na/ bdag nyid rdo rje phag mor bsgom// lce 'og mgron bu sbram pa gzhug/ lce ni gos dkar mo ru bsam// phyogs bzhir gom pa bzhi bor la// ha ri ni sa ra tsa hri ya pa ti ka sta hA/ zhes bzlas na gzhan dang rtsod pa las rgyal bar 'gyur ro// ha ri ni sa ra tsa hri/ ya rang na ta mi na swA hA/ kar sha pa Na la brgya rtsa brgyad bzlas/ mtshan du bcug gam btags na rgyan las rgyal bar 'gyur ro// ha ri ni sa ra tsa hri ya puSha Di ku ru ya na swA hA/ sa la btab la mdun nas gtor// zhal che las ni bdag rgyal 'gyur// gzhan dang rtsod pa las rgyal ba'i le'u ste so brgyad pa'o// // mkha' 'gros rta phyugs nor srung na// ras sam gro gshog bu la// lce sbrang kha phyi logs su

  85. 43a

    gzugs bris la// khong par sngags rnams 'khor bar bre// dkyil du gang bsrung mi rnams bri// ha ri ni sa ra tsa hri ya/ oM IM choms rkun chings tsag khru mu khaM/ ban d+ha ban d+ha swA ha/ nor srungs shig/ swA hA/ A~M A hUM/ dgra bgegs 'byung po kha tha ma kha thaM/ zhes kha la bris/ ting 'dzin lce sbrang khog pa ru// nor rnams chud par bsam par bya// mdzod dang ra bar gzugs par bya// stor rlag rkun mo rgyun yang 'chad// mal du btsugs na bud med thub// lus la bcangs na dgra yang thub// rta phyugs nor srungs le'u ste so dgu pa'o// // thun mong gi las mtha' dgu'i skabs te gsum pa'o// // de nas yang dag bshad bya ba// mkha' 'gro'i mthu yi bya thabs la// dben pa'i gnas su 'dug nas ni// dkyil 'khor mda' gang gru bzhi la// dbus su gru gsum khru gang brko// gri bor shi ba'i thod pa la// 'khor lo/ sas bzhi bris byas la// ra tsa hri ya bri bar bya// gri mor shi ba'i thod pa la// ha ri ni sa zhes pa bri// nang du gri bo gri mo yi// snying gshegs nang du ling ga gzhug/ bdag nyid rdo rje phag mor bsgom// yungs kar yungs nag dag la bsngags// pho thod bsam la thun gyis brab// ha ri ni sa ra tsa hri ya dgra bo che ge mo mA ra ya tsit+ta snying la rbud/ ces pa bzlas/ grub rtags ling ga 'tsheg pa 'ong // ling ga bton la phur

  86. 43b

    pas gdab// sbyin sreg byas la mnan pa bya// tshangs pa'i tshe dang ldan yang 'chi// mthu'i las kyi le'u ste bzhi bcu pa'o// // mkha' 'gro ma'i gtad khram la/ gro ga gtsang ma dag la ni// dgra'i ling ga mtshal dang klu sman sbyar la bri// dril la la cha'i sbal par gzhug/ yang na glang ru'i nang du gzhag/ bdag nyid rdo rje phag mor bsgom// ha ri ni sa ra tsa hri ya na ga ra tsa sa ma ya dgra bo'i snying la dam dza dza/ dgra bo'i lus la sbrul gyis za bar bsgom// zhag gsum bsgrubs la klu la gtad// gang la byas pa mdze yis 'khyer// yang na dgra yi ling ga dang // zag pa rdzas dang bcas pa rnams// thod pa mtshan ngan nang du gzhug/ ha ri ni sa ra tsa hri ya/ ya ma rag sha stam b+ha ya nan/ dur khrod lha 'dre 'tshogs sar mnan// gang la bya ba mod la 'chi// gtad kyi le'u ste zhe gcig pa'o// // mkha' 'gro'i thog ser dbab pa ni// yungs kar yungs nag thun rdzas la// zhag grangs nyi shu rtsa gcig bzlas// bdag nyid rdo rje phag mor bsgom// ha ri ni sa ra tsa hri ya/ ya ma rA dza ging ka ra nA ga rA dza shar phob/ rag sha ha la phreM phob ya/ rag mo rtsa pa la hril hril phob ya/ du pa ka ri ya myags myags/ pho ba ya/ sa ma yan thun b+h+yo/ hri dza/ grub rtags ser ba dngos su 'ong // gang 'dod sa ru thun gtor bas// chu 'khyag ser ba glo bur

  87. 44a

    'bab// ser ba'i le'u ste zhe gnyis pa'o// // mkha' 'gros sbyo ru gzhug pa ni// gro gshog bu dag la ni// rlung gi sha ba'i khog pa ru// 'khor lo bris la ming rus bri// smyo 'bogs thod par 'khor lo gzhug/ bdag nyid rdo rje phag mor bsgom// thang phrom thun gyis brab par bya// ha ri ni sa ra tsa hri ya che ge mo un ma ta ya phaT/ skyo ba'i sha la sbyin sreg bya// dgra de smyo zhing 'bog cing 'chi// sbyo ru gzhug pa'i le'u ste zhe gsum pa'o// // mkha' 'gro ma yi nye 'byed la// bya rog 'ug pa'i lto ba ru// sngags kyi 'khor lo bris byas la// dgra bo'i ming rus dbus su bzhag/ bya rog 'ug pa'i gung ru dang // tshon skud sngon pos bcings byas nas// lha dang 'byed na lha rten 'og/ dgra bo nang 'byed rgyu srang 'og/ bza' mi nang 'byed them pa'i 'og/ yul khams 'byed na rlung la phyar// ha ri ni sa ra tsa hri ya a ni trag shag phye/ sha truM mA ra ya phye/ ni che ge mo'i tsit+ta dkrugs dkrugs/ shag phye shag phye/ zhes bzlas la sbyar/ gang 'dod nges par 'grub par 'gyur// nye 'byed kyi le'u ste zhe bzhi pa'o// // mkha' 'gro ma'i zozer gyi bya thabs ni// thod pa mtshan ngan nang du ni// dmar gyi gtor ma chen po bshams// gang la bya ba'i ling ga gzhug/ dmar gyi gtor mas mkha' 'gro mchod// ling ga dgra bo dngos su bsam// mkha'

  88. 44b

    'gros dngos su bsgral bar bsam// yungs kar yungs nag zangs phye la// drag pos thun rdzas byas la brdeg/ bdag nyid rdo rje phag mor bsgom// thun rdzas mtshon cha'i tshogs su bsgom// sngags ni mkha' 'gro'i dmod par yin// ha ri ni sa ra tsa hri ya DA ki ni rag mo kha la kha tse dgra bo ma ra ya thun b+h+yo/ dgra bo'i snying khrag tshal pa thun b+h+yo/ dgra bo'i snying khrag baM ri la thun b+h+yo/ dgra bo'i snying khrag hur bu thun b+h+yo/ zhes brdeg go/ gtor ma khol dang ling ga 'tsheg/ rtags byung gtor thun dgra phyogs 'phangs// nye na khang pa mkhar la bdeg/ myur du phung bar gdon mi za// zor thun gyi le'u ste zhe lnga pa'o// // mkha' 'gro ma'i ltas ngan btang ba ni/ bdag nyid rdo rje phag mor bsgom// rdzas ni chu gtsang zangs gzhong gang // ba bla gla ba'i klad pa dang // snying dang rkang dang spu dang ni// 'ug pa wa spre'u khyi nag gi/ klad pa snying dang rkang dang spu// bsres la chu yi nang du gdab// sngags 'di khri ru bzlas byas na// chu yi nang gi rdzas la gdab// dgra yi khang zur nang du gtor// ha ri ni sa ra tsa hri ya/ ho la kang she'u re'u hUM/ tra to ya shi'u re'u hUM// go ri shi'u re'u hUM/ tsi ta shi'u re'u hUM/ kas te shi'u re'u hUM/ zhes pa'i sngags/ ba bla las ni 'od du snang // gla ba 'ug pa wa spre'u khyi// sems can lnga po khyim du 'ong // gang la bya ba bred cing sngangs// ltas ngan gyi

  89. 45a

    le'u ste zhe drug pa'o// // mkha' 'gro ma'i bya dmag dbab pa ni/ bdag nyid rdo rje phag mor bsgom// bya rog snying ni sgom par gzhug/ nyi ma'i zer la shar du kha bltas la// ha ri ni sa ra hri ya/ bya g+hu ldi ma ti dun/ kha kha gu ling ma ti chum/ kha kha gu la ma ti k+Sha ma/ bya gu ling ma ti sha la/ kha kha snying dun dun/ kha kha ma/ snying dun dun/ bya gu ling ma ti chum/ zhes bzlas/ rdzas ni mda' pho rog ma/ gla rtsi khyi sha khyi khrag dang // rta khrag mu zi tshi ba dang // yungs kar sbyar la mda' la byug/ dgra yi khyim gyi thog tu gtor// sngags ni khri tsam bzlas pa dang // bya ni sngon du khugs pa dang // chang phud gtsang ma'i nang du ni// bya snying bdar la gtor bar bya// dgra la bya dmag phob cig ces brjod/ dgra bo'i steng du bya dmag 'bebs// bya dmag dbab pa'i le'u ste zhe bdun pa'o// // mkha' 'gro ma'i khyi dmag drang pa la// wa yi sha khrag spyang khu'i tshil// khyi sha khyi'i tshil khrag mi sha dang khrag tshil/ rta sha rta khrag rta'i tshil// sbur pa byang ba gla rtsi rnams// sbyar la sngags kyis gdab par bya// ha ri ni sa ra tsa hri ya ku kur tsa kha kha khang khang kang kang kyang kyang zugs zugs dgra bo che ge mo la khyi dmag phob/ ces rdo rje phag mor bsgoms la bzlas so// rdzas de dgra bo'i sgo re ba la byugs la/ re bzhi ya them khar rdzas kyi thum po sbas la

  90. 45b

    bzhag/ khyi rnams thams cad 'dus nas ni// sgo la kha gtad ngu zhing za'o// khyi dmag drang ba'i le'u ste zhe brgyad pa'o// // mkha' 'gro ma'i zhing sel ni// rabs chad thod pa mtshan ngan du// mkha' 'gro'i pho 'khor mo 'khor bri// lha 'dre rnams kyi sngags kyis bskor// badz+ra san ti ya/ ma ti ya/ kha ta ya/ shan ku ru ya/ zhung yang / tri sha me ka ya/ badz+ra sa pa ya/ badz+ra bong ya/ badz+ra ra tri ya/ badz+ra ma zhung ya/ badz+ra ra tri ya/ tritre ma ra ya/ tsu ta ni tsa tra ya/ mA ra na tri tsa ya/ tri lan du ya/ ru la na tri ya/ zhes lha 'dre'i sngags kyis bskor// thod pa'i nang du bra bo dang // sren ma tshigs ma spang skam blug/ bdag nyid rdo rje phag mor bsgom// ha ri ni sa ra tsa hri ya/ che ge mo'i zhing la hab thob le ho ba le/ skams skams tshigs tshigs swA hA/ zhes bzlas par byas la/ thod pa re bas gril nas ni// zhing gi dkyil du gzhug par bya// lo tog skye ba'i rgyun yang 'chad// mu zi tshur nag bul tog dang // khyi yi 'o ma sbyar byas nas// thag pa la ni byugs nas su// snye ma'i tshigs la byugs pa na// mig mi'i chags shing ste lor 'gro// mtshur nag dud pa tshig ma dang // pha ba go go la bon du bsre// rta dang chu dang sbyar nas ni// thag pa la ni rdzas byugs nas// bzhar nas snye ma bon dud 'gro// a cang sdig che bya ba med// zhing sel gyi le'u ste zhe dgu pa'o// /

  91. 46a

    mkha' 'gro ma'i khang sel ni/ zhing sel bzhin du 'khor lo bri// rabs chad nag po'i thod pa ru// lha khang rnying pa'i skor rdzas dang // rgyal po chags pa'i rten rdzas dang // phung shul khang pa'i sa sna dang // bkra mi shis pa'i rdzas sna tshogs// blug la re bas gril nas ni// bdag nyid rdo rje phag mor bsgom// ha ri ni sa ra tsa hri ya/ che ge mo kha phung gnam stib sod sod rbad rbad dkrugs dkrugs/ ling ling chom chom rbad/ ces pa zhag gsum bya/ thod pa khang pa'i rmad du gzhug/ khang pa rmad nas 'gyel ba dang // khyim phung brdal nag 'chi bar 'gyur// khang sel gyi le'u ste lnga bcu pa'o// // mkha' 'gro ma'i dur sel ni/ 'khor lo zhing sel bzhin du bri// phang sri phag thod khyi thod gzhug/ rus shed thod pa mtshan ngan du// dgra bo'i pha mes bu tsha dang // mi rabs bdun rgyud ming bris gzhug/ rang nyid rdo rje phag mor bsgom// ha ri ni sa ra tsa hri ya/ che ge mo ro la khyi khye/ shu truM ro la khrag 'thungs/ dur dkrugs phung sri slongs// bdun rgyud rtsad chod drungs phyung / zhes bzlas/ thod pa dur du khyer nas ni// dur gyi dbus su skyed khar gzhug/ dur sri phung sri gshin sri la// gtor ma gtang la 'phrin las bcol// pha tshan rtsa ba 'chad par 'gyur// dur sel gyi le'u ste nga gcig pa'o// // mkha' 'gro ma'i lkugs su gzhug pa ni/ lkugs

  92. 46b

    pa'i thod par 'khor lo bri// dbus su dgra bo'i ling ga la// lce yi dbang po phyir bton la// che ge mo a ti pa ra ngag nan/ a mu kam lkugs su chug/ ces bri/ mu zi nag po mtshur nag byug/ bdag nyid rdo rje phag mor bsgom// ha ri ni sa ra tsa hri ya/ gong gi sngags kyi sham bur gdags// seng ldeng phur pa sor bzhi la// sngags bzlas lce la gdab par bya// sa bdag lkugs pa yod sar mnan// nges par dgra bo lkugs par 'gyur// lkugs su gzhug pa'i le'u ste nga gnyis pa'o// // mkha' 'gros rengs su gzhug pa ni// sug pa mu zi ldong ros dang // mtshur nag btsan dug dud pa dang // bsre 'bras spyang dug sbyar bar bya// sbyor tshe rang gi sna bug tu// ra tshil ba mar bsku bar bya// rang gi lus la mi 'dul bsrel// rang nyid rdo rje phag mor bsgom// ha ri ni sa ra tsa hri ya/ kying kying rings rengs/ ha da ha da hed hed/ du na ma ya mA ra ya chings/ zhes rdzas la bzlas so// rang gi sna bug rdzas kyis bsrung // dgra yi gdong du srib kyis gdab// dgra bo rengs par gdon mi za// rengs su gzhug pa'i le'u ste nga gsum pa'o// // mkha' 'gro mas rmugs su gzhug pa ni/ gti mug phag gi thod pa ru// dgra bo'i ling ga bcug nas ni// dug sna khrag sna gu gul dang // yungs kar yungs nag rdzas rnams la// bdag nyid rdo rje

  93. 47a

    phag mor bsgom// gti mug phag gi lto ba na// dgra bo rmugs shing myos par bsam// sngags kyi 'khor lo drag tu bskor// ha ri ni sa ra tsa hri ya/ che ge mo myos myos/ bying bying myog myog thib thib thul zul rmugs rmugs/ zhes thun gyis brab cing 'khor lo bskor/ brag nag dmu yi rten sar mnan// dgra bo myos shing gnyis du 'bying // myos su gzhug pa'i le'u ste nga bzhi pa'o// // mkha' 'gro'i rdeb par bya ba ni// rang nyid rdo rje phag mor bsgom// mgo lo rdo rje yod par bsgom// rlung gzung / ha ri ni sa ra tsa hri ya/ zhes bzlas/ mi dang srog chags thams cad la// mgo yi rdo rjes rdungs pa yis// thams cad brgyal dang rengs par 'gyur// rdo shing bem po thams cad ni// 'od dang na bun lta bur bsam// de la brdungs pas thog med bsam// brag 'gas rdo chag thams cad joms// bgegs gnod nad pa tshabs chen la// phag mo'i ting 'dzin gsal ba yis// phag skad ngur cing brdung bar bya// rgyal 'gong la sogs gdon bgegs 'dul// dbu rdeb kyi le'u ste nga lnga pa'o// // tshar bcad bgegs 'dul ba'i skabs te bzhi pa'o// // de nas yang dag bshad bya ba// lha 'dre pho mo dpung bskyed pa'i// yi ge la ni las brgyad de// brtul zhugs drag pos dpung

  94. 47b

    bskyed pa// rang nyid rdo rje phag mor bsgom// rtsal chen seng ge'i brtul zhugs kyis// rig pa'i rtsal bskyed gdeng dang ldan// nyam nga med pa'i brtul zhugs bya// dpa' ba stag gi brtul zhugs kyis// rig pa dpa' bskyed nga rgyal gyis// dpa' gsum rig pa'i brtul zhugs bya// gtum pa dom gyi brtul zhugs kyis// rig pa gtum khros thogs med pas// khros pa'i yid kyis brtul zhugs bya// zug pa khyi yi brtul zhugs kyis// yengs med rang byung rang shar bas// ma yengs mel tshe'i brtul zhugs bya// gdug pa sbrul gyi brtul zhugs kyis// zhe sdang chen po'i ye shes kyis// dgra bgegs gdul ba'i brtul zhugs bya// brtul zhugs drag pos spyad pa yis// dgra bgegs dug lnga gdul bar bya// brtul zhugs kyi le'u ste nga drug pa'o// // mkha' 'gros lha yi dpung bskyed pa// rang nyid rdo rje phag mor bsgom// ye shes mkha' 'gros nam mkha' gang // rdo rje mkha' 'gro dpa' bo'i tshogs// rin chen mkha' 'gro dpa' bo dang // pad+ma mkha' 'gro dpa' bo dang // las kyi mkha' 'gro dpa' bo dang // sprul pa'i mkha' 'gro dpa' bos par snang gang // dam tshig mkha' 'gro dpa' bo dang // 'jig rten mkha' 'gro dpa' bo dang // thams cad mkha' 'gro dpa' bo dang // log 'dren mkha' 'gro dpa' bo dang // las kyi mkha' 'gros

  95. 48a

    sa gzhi gang // kun kyang mkha' 'gro'i rang bzhin las// dgra bgegs bya ba'i ming yang med// lus ni lha yi dpung dang ldan// ngag ni sngags kyi dpung dang ldan// yid ni chos nyid dpung dang ldan// dgra bgegs nyon mongs 'joms pa yin// lha'i dpung bskyed pa'i le'u ste lnga bcu rtsa bdun pa'o// // mkha' 'gros glu yi dpung bskyed pa// mkha' 'gro ma yi glu tshig ni// hUM/ rang bzhin med pa'i rang bzhin las// skyes la ma skyes rgyas btab pas// 'khor ba zil gyis non pa nyid// 'di ni rnal 'byor dam pa'i lam// rdo rje rigs kyi mkha' 'gro'i glu// oM badz+ra ti te hUM/ te na te te hUM/ hUM/ gnyis med ye shes bde chen po// nyams su myong ba byas pa nyid// ro rnams spyod pa gsal byas nas// ri khrod bu mo 'byung bar 'gyur// rin chen mkha' 'gro ma yi glu// rat+na te te hUM/ te na te te hUM/ hUM/ thams cad 'khor los bskor byas na// longs spyod bde chen bla na med// de mthong ba yis bdag rgyal nas// sngon chad 'pham byed dgra las rgyal// pad+ma mkha' 'gro ma yi glu// pad+ma te te hUM/ te na te te hUM/ hUM/ rdo rje rigs la sems bskyed cing // rin chen rigs la dbang mchog thob// pad+ma shes rab bla na med// las kyi chos dbyings dag par 'gyur// las kyi mkha' 'gro ma yi glu// hUM/ karma te te hUM/ te na te te hUM/ hUM/ las kyi phyag rgya bde

  96. 48b

    ba rgyas// chos kyi phyag rgya stong pa rgyas// phyag rgya chen pos bdag sangs rgyas// dam tshig phya rgya gzhan don 'byung // 'di ni thams cad mkha' 'gro'i glu// sarba te te hUM/ te na te te hUM/ hUM/ dur khrod chen po'i gnas nyid du// dri chen dri chu khu ba dang // khrag dang sha la rab spyad na// 'di ni dam tshig rgyal por 'gyur// dam tshig mkha' 'gro ma yi glu// sa ma ya te te hUM/ te na te te hUM/ hUM/ rnal 'byor pho mo bde spyod ni// 'jigs med ngo tsha med par spyod// re dogs med par spyod pa ni// ting 'dzin las ni 'byung bar 'gyur// 'jig rten mkha' 'gro ma yi glu// lo ka te te hUM/ te na te te hUM/ hUM/ sha za lta bu'i spyod pas 'gro// gdol pa lta bu'i zas kyis 'tsho// rten med sems ni nam mkha' 'dra// bla ma bzang po brten las byung // log 'dren mkha' 'gro ma yi glu// bi sha te te hUM/ te na te hUM/ hUM/ gang la gang gis rgyas btab pa// de dang de yi ngo bos grol// rgyas btab gsum gyi bde ba che// dbugs dbyung ba yi mchog tu gsungs// 'di ni sangs rgyas mkha' 'gro glu// bud d+ha te te hUM/ te na te te hUM/ mkha' 'gro ma yi glu blangs pas// ma la bu 'bod bzhin du 'ong // glu'i dpung gi le'u ste nga brgyad pa'o// // mkha' 'gro ma'i sngags kyi dpung bskyed pa ni/ oM sarba bud d+ha DA ki ni ye hUM phaT/ badz+ra DA ki ni ye hUM phaT/ rat+na DA ki ni ye hUM

  97. 49a

    phaT/ pad+ma DA ki ni ye hUM phaT/ karma DA ni ye hUM phaT/ sa ma ya DA ki ni ye hUM phaT/ sarba DA ki ni ye hUM phaT/ bi sha DA ki ni ye hUM phaT/ lo ga DA ki ni ye hUM phaT/ sangs rgyas mkha' 'gro rdo rje mkha' 'gro dang // rin chen mkha' 'gro pad+ma mkha' 'gro dang // las kyi mkha' 'gro dam tshig mkha' 'gro dang // thams cad mkha' 'gro log 'dren mkha' 'gro dang // 'jig rten mkha' 'gro rnams kyi dpung bskyed nas// 'kha' 'gro thams cad bka' bzhin las byed 'gyur// sngags kyi dpung bskyed pa'i le'u ste nga dgu pa'o// // mkha' 'gros 'byung bzhi dpung bskyed pa// ha ni sa ste sangs rgyas spyan// ri ni me ste gos dkar mo// ni ni chu ste ma ma ki/ sa ni rlung ste dam tshig sgrol// nam mkha' kun tu bzang mo'i dbyings// ha ni rdo rje mkha' 'gro rlung // ri ni rin chen mkha' 'gro me// ni ni pad+ma mkha' 'gro chu// sa ni las kyi mkha' 'gro sa// hUM ni dam tshig mkha' 'gro nyi ma// phaT ni 'jig rten mkha' 'gro zla ba// IM ha ri ni sa hUM phaT/ yi ge bdun pa bzlas pa yis// 'byung lnga yum lnga mkha' 'gro rnams// bdag gi dbang 'dus las rnams byed// 'byung ba bzhi yi dpung la bzhi// gzugs snang kun tu 'degs pa'i sa// mi 'gyur yongs su brtan pa'i sa// thams cad bskyed cing 'byung ba'i sa// skye shi med pas cis kyang mi tshugs

  98. 49b

    pa'o// mngon par dag pa'i chu dang ni// dag pa chos nyid ngang gi chu// rlan pa sdud pa gzugs kyi chu// 'pho ba sprul pa nam mkha'i chu// thugs rje chen po ye shes me// byams pa chen po drod 'bebs me// ye shes chen po rlung gi me// srid pa 'jig rten sreg byed me'o// mi g.yo chos nyid rlung dang ni// g.yo bar byed pa nyon mongs rlung // 'degs par byed pa las kyi rlung // 'dzin par byed pa skye gnas rlung ngo // 'byung bzhi dbang du 'dus pa yis// mkha' 'gro sde bzhi dbang du 'dus// sa chu me rlung 'byung ba bzhi'i dpung bskyed pa'i le'u ste drug cu pa'o// // mkha' 'gros sbyin sreg dpung bskyed la// bsod nams tshogs bskyed me tshogs bya// me tshogs snod tshogs gos tshogs dang // zas tshogs gtong tshogs bya ba'o// me tshogs rgya shug la sogs la// gru bzhi brtsigs la me sbar ro// me yi nang du rdo rje phag mo bsgom// mkha' 'gro'i tshogs kyis bskor bar bsam// phye dang mar gyis mchod bya'o// ha ri ni sa ra tsa hri ya dza la ram kha hi/ bud d+ha DA ki ni dza la ram kha hi/ badz+ra DA ki ni dza la ram kha hi/ rad na DA ki ni dza la ram kha hi/ pad+ma DA ki ni dza la ram kha hi/ karma DA ki ni dza la ram kha hi/ zhes pas dbul lo// phye mar 'dod yon char du bsam// zas tshogs zas sna thams cad bsreg/ gos tshogs gos dang dar zab bsreg/ snod tshogs

  99. 50a

    'bod cog brdabs la bsreg/ nad pa la sogs 'dre gdon la// drag po'i shing la me sbar la// pra phye mu zi tsha ba gsum// lcags phye sbam skam tshig phye dang // nad pa'i sgra yang sreg par byed// rdzas kyis me dang nad pa la brdeg/ 'dre la gang dmigs ling ga bsreg/ nad dang gdon yang thub par 'gyur// sbyin sreg dpung gi le'u ste re gcig pa'o// // mkha' 'gro'i rdzas dang sngags kyi mchod pa'i dpung ni/ thod pa mtshan ldan ka pA lar// dam rdzas gtor ma bshams nas ni// phyi ltar spos dang me tog dang // dri chab bshos gtsang mar me rnams// mkha' 'gro rnams la lha mos dbul// nang ltar tshil chen spos chen dang // dbang po lnga yi me tog dang // rak+ta'i a rge dri chu'i chab// tshil chen mar me gtor mar 'bul// gsang ba dri chen dri chu dang // byang sems dkar dmar sha chen dang // bdud rtsi rnam lngas mkha' 'gro mchod// sbrang rtsi klad pa rak+ta sbyar// ni ma khyi yi tshil bu dang // glang po'i mkhris pa lce sbrang sha// sna tshogs sha skam gu gul spos// mkha' 'gro dam rdzas rnams kyis mchod// AM b+hud d+ha DA ki/ ni/ badz+ra DA ki ni/ rad na DA ki ni/ pad+ma DA ki ni/ karma DA ki ni/ ha ri ni sa ra tsa hri ya/ ma hA pU tsa sa ma ya/ AM aHhUM kha hi kha hi/ zhes phul ba yis/ mkha' 'gro mnyes cing dngos grub thob// rdzas dang sngags

  100. 50b

    kyi mchod pa'i dpung bskyed pa'i le'u ste drug cu rtsa gnyis pa'o// // mkha' 'gro ma'i rig pa ye shes kyi dpung bskyed pa ni/ rig pa rang byung rang gnas pa// chos kyi dbyings kyi ye shes te// sangs rgyas mkha' 'gro'i ngo bor gnas// rig pa gsal la ma 'gags pa// me long lta bu'i ye shes te// rdo rje mkha' 'gro'i ngo bor gnas// rig pa mnyam la ma 'dres pa// mnyam pa nyid kyi ye shes te// rin chen mkha' 'gro'i ngo bor gnas// rig pa gsal la ma 'dres pa// so sor rtogs pa'i ye shes te// pad+ma mkha' 'gro'i ngo bor gnas// rig pa rang la ye shes gnas// bya ba nan tan ye shes te// las kyi mkha' 'gro'i ngo bor gnas// rig pa ye shes rnam pa lnga// mkha' 'gro'i ngo bor rtogs tsam na// nyon mongs rnam dag ka nas dag/ rig pa ye shes dpung gi le'u ste re gsum pa'o// // lha 'dre pho mo dpung bskyed pa'i skabs te lnga pa'o// // de nas yang dag bshad bya ba// mkha' 'gros 'byung bzhi'i ro snyoms pa// de la drug gis bstan pa la// 'khor lo bzhi la brten pa'i yi ge bzhi// spyi gtsug bde ba'i 'khor lo na// rtsa 'dab sum cu rtsa gnyis na// ha ni rlung gi rang bzhin gnas// mgrin pa longs spyod 'khor lo na// rtsa 'dab bcu drug yod pa na// ri ni me yi rang bzhin yin// snying kha chos kyi 'khor lo na// rtsa 'dab brgyad ni yod pa

  101. 51a

    na// ni ni chu yi ngo bor gnas// lte ba sprul pa'i 'khor lo na// rtsa 'dab drug cu rtsa bzhi yod// sa ni sa yi ngo bor gnas// yi ge bzhi la 'byung bzhu gnas// lus kyi 'byung ba cha snyoms byed// 'khor lo bzhi la brten pa'i yi ge bzhi'i le'u ste re bzhi pa'o// // lha mo bskyed pa'i yi ge bzhi// rang nyid rdo rje phag mor bsgom// spyi gtsug bde chen 'khor lo na// rdo rje mkha' 'gro sku mdog mthing // mgrin pa longs spyod 'khor lo na// rin chen mkha' 'gro sku mdog ser// snying kha chos kyi 'khor lo na// pad+ma mkha' 'gro sku mdog dmar// lte ba sprul ba'i 'khor lo na// las kyi mkha' 'gro sku mdog ldang // phyag mtshan rigs kyi phyag rgya 'dzin// snang la rang bzhin med par bsgom// lha mo bskyed pa'i yi ge bzhi'i le'u ste re lnga pa'o// // lha sgom bzhi yi yi ge bzhi// ha ni phyed po lta ba'o// ri ni 'gyur med sgom pa'o// ni ni dbang sdud spyod pa la// sa ni sra brtan 'bras bu'o// lta ba bltar med bya 'phur rjes med 'dra// sgom pa yengs med chu bo rgyun pa 'dra// spyod pa nyams myong phyir shog mtsho rdol 'dra// 'bras bu spyad pas mi 'dzad sa dang 'dra// lta ba gser phur btab pa 'dra// sgom pa glang chen smyon pa 'dra// spyod pa gser 'gyur rtsi dang 'dra// 'bras bu gser khung rdol ba 'dra// lta ba phub dang go cha

  102. 51b

    'dra// sgom pa mda' mo 'phen pa 'dra// spyod pa 'khrug pa byed pa'i dpa' bo 'dra// 'bras bu mthar phyin pa ral gri btab pa 'dra'o// lta ba rdo rje pha lam 'dra// sgom pa bu ram ro dang 'dra// spyod pa glu blangs pa dang 'dra// 'bras bu sman gyi sdong po 'dra// lha sgom bzhi yi le'u ste re drug pa'o// // yi ge 'gro ldog gi yi ge bzhi ni/ rang nyid rdo rje phag mor bsgom// spyi bor ha/ mgrin par ri/ snying khar ni/ lte bar sa// rkang mthil du yaM las rlung gi dkyil 'khor/ gsang bar me'i dkyil 'khor/ rlung gis me rbar/ me yi yi ge bzhi po las/ 'od zer me lta bu phyir phog pas gang la bya ba'i lus sems 'dar phri li li 'dug par bsam/ 'od zer tshur 'dus pas/ lha 'dre mi gsum gyi lus ngag yid gsum dbang du 'dus par bsam mo// yi ge 'gro ldog gi le'u ste re bdun pa'o// // 'byung ba ro snyoms pa'i yi ge bzhi ni/ spyi bor ha ni rlung yang snyoms// mgrin par ri ni me yang snyoms// snying khar ni ni chu yang snyoms// lte bar sa ni sa yang snyoms// yi ge bzhi la sems gtad la// ngag tu yi ge bzhi pa bgrang // 'byung bzhi stod la non pa yin// phyi yi gnod sbyin pho mo zhi// bar na tsha grang sdug bsngal zhi// nang na dug lnga rnam rtog zhi// 'byung ba ro snyoms kyi le'u ste re brgyad pa'o// // mngon shes 'char ba'i yi ge bzhi ni// rang nyid rdo rje phag

  103. 52a

    mor bsgom// snying ni khog stod 'od gsal na// mdun du ha ni dkar por bsam// g.yas su ri ni ser por bsgom// g.yon du ni ni dmar por bsgom// rgyab tu sa ni ljang khur bsgom// lus ni mi da la bskul bskyod bya// ngag ni yi ge bzhi pa bzlas// sems ni gsal stong dang la bzhag/ mngon par shes pa sems la 'char// nyin mo mi yi tshogs rnams 'du// mtshan mo mkha' 'gro'i tshogs rnams 'du// nang nub zas dang longs spyod 'du// lus la byin rlabs zhugs pas drod skye/ ngag la byin rlabs zhugs pas nus pa thon/ sems la byin rlabs zhugs pas bde gsal 'char ro// mngon shes 'char ba'i le'u ste re dgu pa'o// // 'byung ba ro snyoms pa'i skabs te drug pa'o// / de nas yang dag bshad bya ba// tshe ring bar byed pa'i yi ge bzhi// phyi nang gsang ba'i bcud len la// dang po phyi yi bcud len bshad// bdud rtsi cotsong zhi zhes bya ba// srid pa pho yi sa bon yin// de yi mtshan nyid bstan pa ni// rab ni dung dang shel ltar mkhregs// 'bring ni ba so'i mdog 'dra la// 'bri yi nu ma'i tshul du yod// tha ma kha dog gzi ba 'dra// sa 'tshams dag tu brdal nas skyes// de ni bcud len rgyu ru bshad// cong zhi legs par brdungs nas ni// a ru ra ni gser mdog dang // tsha ba gsum gyi zhad re btang // sbrang dang bu ram

  104. 52b

    sbyar byas nas// lcags la byas pa'i snod du blug/ yang na rdza yi nang du blug/ dkyil 'khor pad+ma 'dab bzhi bri// de yi dbus su bdud rtsi bzhag/ rang nyid rdo rje phag mor bsgom// thugs khar mgon po tshe dpag med// phyag na tshe yi bum pa 'dzin// sku mdog dkar po bsgom par bya// byin gyi brlabs pa'i sngags 'di bzlas// ha ri ni sa ra tsa hri ya badz+ra si d+hi a mri ta si d+hi pe la li/ tsan d+ha li swA hA/ a mri ta si d+hi tsutshur sna ya swA hA/ su la ha ka na/ zhes bzlas pas/ tshe dpag med kyi bum pa nas// bdud rtsi babs nas 'khyil bar bsam// grub rtags ro mchog sna tshogs ldan// zos pas tshe yi rigs 'dzin thob// stobs ni glang chen 'dra ba dang // bud med stong la sbyor nus dang // zag pa zad pas nam mkha' 'phur// nad dang gdon las thar par 'gyur// cong zhi'i bcud len gyi le'u ste bdun cu pa'o// // de nas brag zhun bcud len bstan// bdud rtsi brag zhun ces bya ba// srid pa mo yi sa bon yin// brag zhun mtshan nyid bstan pa la// brag la khu brag bzhin du 'bab// zla smad la ni mang bar 'dzag/ sbyor ba'i rtsi ni sbrang rtsi/ 'dra// mdog ni dmar la sprug par 'bab// brag byi mjug sdum rtag tu za// de yi bcud len bstan pa ni// brag zhun zhun ma rnyed na legs// de yang rab tu dkon pa yin// phal cher brag byi'i brun dang

  105. 53a

    'dres// de la dbye ba'i man ngag ni// brag zhun rnyed tshad chu nang bsring // dngas ma yang yang bzhur nas ni// chu de bsdus la gar sla ni// lug zho tsam du red pa dang // bu ram 'o ma sbrang rtsi dang // a ru ra ni nag po dang // bud med mtshan ldan pad+ma'i khrag/ de rnams sbyar la ka pA la// mtshan ldan dag tu blug par bya// maN+Dal pad+ma 'dab bzhi bri// maN+Dal dbus su bzhag nas kyang // rang nyid rdo rje phag mo ni// sku mdog dmar mo bsgom par bya// sngags 'dis bdud rtsir byin gyis brlabs// ha ri ni sa ra tsa hri ya A~M AHhUM/ a mri ta i hUM shur d+he sarba sho d+ha ya/ a mri ta sid+d+hi hUM/ nyi shu rtsa gcig rab tu bsgrub// du ba rlangs pa thon pa dang // lha mo'i gzugs ni mthong ba dang // mang du 'phel na 'grub pa yin// de zos yon tan bsam las 'das// tshe ring nad med bde ba rgyas// mkha' 'gro dbang du 'du ba dang // 'gro ba bud med dbang du 'dus// bkrag mdang gzi mdangs rgyas pa dang // mkha' spyod dag ni 'grub pa dang // tshe yi rigs 'dzin thob par 'gyur// brag zhun bcud len gyi le'u ste bdun cu rtsa gcig pa'o// // bdud rtsi chu yi bcud len bstan// bdud rtsi chu zhes bya ba ni// sems can kun gyi gsos yin te// 'byung ba pho yi bcud kyi sa bon yin// chu la dbye na rnam pa gsum// sman chu rdo chu chu rang

  106. 53b

    gsum// sman chu chu tshan yin pas te// rdo sol kha ru tsha yi chu// de rtags tshan mo ko ru la bro// rdo chu tsong zhi'i chu yin te// de rtags rdo la tsong zhi chags// grang la mngar ba'i ro mchog bro// chu rang gang sa g.ya' chu yin// shing chu mtshur chu lu ma chu// gtsang chu khron pa'i chu la sogs// chu ngan yin pas spang bar bya// chu sna mang po bsdus nas ni// lcags kyi snod dam rdza yang shis// chu ni bskol la btung bar bya// rtsam pa bcad nas chu la brten// nas 'ga' tsam ni bsdus shing btang // rang nyid rdo rje phag mo ni// sngon mo'i sku ru bsgom par bya// chu ni sngags 'dis byin gyis brlabs// ha ri ni sa ra tsa hri ya/ oM aHhUM sarba i ho shud d+he sho d+ha ya/ a mri ta bi sho d+he sid d+hi hUM/ zhes brgya rtsa brgyad bzlas la btung // rus pa tshon po skabs su mur// 'bri mar bu ram sbyar la bza'// chu yi dka' thub yon tan ni// gzung 'dzin gnyis las grol ba dang // phyi nang srin bu dag pa dang // lus ni yang la rta bas mgyogs// gnyid chung 'byung ba snyoms pa dang // sha dkar gnyer ma mi yong dang // mu ge'i bskal pa mi 'byung dang // dug gsum rtsa ba 'chad pa dang // ting 'dzin las su rung ba dang // tshe ni nyi zla dag dang mnyam// chu'i bcud len gyi le'u ste don gnyis pa'o// // nor 'dzin sa yi bcud len bstan// sa la rigs ni rnam pa gsum// sa yi zhag

  107. 54a

    dang sa yi tshil// sa yi sha dang rnam pa gsum// sa ni srid pa mo yi gzhi// thams cad sa las skyed par byed// sa zhag mngar la sa mdog dkar// lce yi steng du bzhag pas 'ju// sa tshil ser po ro mchog bska// sa yi sha ni sngo la 'phyag/ de rnams rab 'bring tha ma yin// thog mar sa ni len pa'i tshe// sa yi bdag po gtor mas mchod// sa de skyo mar byas pa la// rdza sogs snod du blug nas ni// tsha ba gsum po zhad re gdab// nas kyi phye yang zi gcig gdab// mang bar gyur kyang skyon med 'gyur// de rnams mchod par dkrugs pa dang // bdag nyid rdo rje phag mo ni// ser mo'i sku ru gsal bar bsgom// sngags 'dis sa yang gdul bar bya// ha ri ni sa ra tsa hri ya/ oM AHhUM/ ru ha ri ya/ tsu chu skum pa ke'u ri/ b+ha ri maM/ dz+nya ba b+hau/ ha ri ya/ kaM ga ri ma ga/ ba ri ba Di/ g+ha ti b+ha ti/ ye dam ma d+he/ sid d+hi sid d+hA/ ku ru ba sa na/ zhes lan bdun bzlas/ de nas sa de bdun rtsir bsam// zos rjes lus ni tsog pur bsdad// steng rlung 'og rlung mnan nas ni// pho ba rdeb ther rdeb ther bya// dri ma gdon pa dka' ba na// chu grang btang bas gdon pa sla// 'di yi yon tan bstan pa ni// lus po mkhrang zhing ltogs pa sel// ltogs pa med cing nad rnams sel// gdon gyis mi tshugs par chad med// sha dkar gnyer ma med pa

  108. 54b

    dang // tshe ring dge sbyor grogs su 'gro// rigs 'dzin sa la 'gro bar 'gyur// sa'i bcur len gyi le'u ste don gsum pa'o// // de nas nang gi bcud len bstan// rnal 'byor rig pa stobs ldan pas// snying po lnga la rtag spyad na// mkha' 'gro sku lnga'i bdag gnyid thob// snying po lnga ni bdud rtsi'i gter// dri chen dri chu sha chen dang // byang sems dkar dmar rtsa ba lnga// cu gang gla rtsi gur kum dang // shing kun go stod spos chen po// bdud rtsi lnga yi skyobs lnga yin// gzhi ni dkar gsum mngar gsum dang // yang na sman mar sbyar ba'o// dur khrod lta bu'i dben gnas su// maN+Dal pad+ma 'dab bzhir bri// bdud rtsi rnam lnga thod pa blug/ maN+Dal dbus su bzhag nas ni// rang nyid rdo rje phag mor bsgom// dpa' bo dpa' mo 'khor du bskyed// gsang sngags 'di yis byin gyis brlab// ha ri ni sa ra tsa hri ya/ oM AHhUM/ sarba pany+tsa a mri ta hUM hri thA/ zhes bzlas pa yis// dam rdzas bdud rtsi 'od du zhu// 'o ma zangs su lud pa ltar// khol nas dkar ni lhud lhung bsam// gang zos thogs med mthu dang ldan// des ni grol ba'i lam thob nas// tshe 'dir bde ba phun sum tshogs// rkang mgyogs rta dang 'dra ba dang // tshe ni nyi zla gnas dang mnyam// bde gshegs rnams kyis byin gyis rlob// mkha' 'gro rnams kyis rtag tu mchod// mkha' 'gro sku

  109. 55a

    lnga lhun grub pa'i// phyag rgya chen po thob par 'gyur// nang bdud rtsi lnga'i bcud len gyi le'u ste don bzhi pa'o// // gsang ba'i bcud len bstan pa ni// mtshan ldan mi mo bkra shis ma// smin dkyus ring la lag sor phra// tshigs mig zlum la 'gying zhing spyod// kha nas ut+pal ngad bsnam pa// lus la tsan dan ga pur dri// ro stod ro smad sked skabs phyed// skra 'jam mthon mthing g.yas su 'khyil// so dkar tshags dam snying thung dmar// smin dkyus ring zhing zar ma'i me tog 'dra// dpral ba'i dbyes che skra mtshams zla gam 'dra// sna bzur mdog gsal pad+ma'i mdog 'dra ma// lus dang skye ring byang chub sems dang ldan// 'di ni mi mo mtshan ldan bkra shis yin// de lta bu yi mi mo la// rdo rje phag mor byin brlabs la// bde gshegs lnga yi sa bon dgod// oM AHhUM swA hA/ spyi gtsug mgrin pa snying kha dang // lte ba gsang bar rim par dgod// rigs lnga yab yum rgyas btab ste// bdag nyid lha yi skur gsal te// mtshan ldan pad+ma rdo rje gzhug/ byang chub sems ni dbab cing bskyil// steng rlung mnan cing 'og rlung 'then// chu mig gyen la log pa dang // rgya mtsho ri rab dag la brdab// gsang ba rdo rje'i rtse mo ru// byang sems phebs par gyur pa dang // hig dang hUM gis drag tu 'then// de la goms par gyur pa dang // pad+ma'i nang nas

  110. 55b

    bcud blangs te// byang sems dkar dmar ma shar blang // bdag nyid rtsa la dgram cing dgang // lus ni sprug cing gsig par bya// de ltar bcud len byas pa na// tshe ring bkra shis phun sum tshogs// mdog log skra dkar gnyer ma med// chags pa spyad pas thar pa thob// 'di ni shin tu gsang bar bya// gsang ba'i bcud len bstan pa'i le'u ste don lnga pa'o// // de kho na nyid kyi bcud len ni/ 'di ltar nyams su blang bar bya/ lta ba chos nyid rang lugs chen po/ ma bcos tha mal gyi ye shes chen po ngo shes/ sgom pa rtsom bral bde ba chen po rang byung lhug par gnas/ spyod pa ma bcos mnyam pa chen po/ rang shes dang rang grol rtsol ba dang bral bar spyod/ 'bras bu rang gnas chos sku chen po/ ma grub ye gnas su grub/ 'das pa'i rjes ma rjes ma bcad/ sngar zhen gyi bag chags dang bral/ ma 'ongs pa'i sngon mi bsu/ phyis zhen gyis bag chags sogs mi nus/ da ltar ba rkyen khar ma shor/ sdug bsngal chos nyid du grol/ rang gi so ru bzhag pas/ dgag sgrub dbye bsam med/ shes med gsal dngas ngo bo rtsis btab med par rtogs// phyogs ris rtsis gdab med pas/ zhen 'dod med pa'i dgongs pa/ gang nas kyang mi skye bar rig pa skye med/ yid la byas pa nyams myong med pas/ blo'i nyams dang bral/ lta ba zhe na 'dod dang bral bas/ des

  111. 56a

    'khrul pa chos skur shes/ 'khrul pa log pas lta ba rgyud la shar/ gzhi ngo shes pas chos nyid ma dang phrad/ phyis mi 'khrul pas ye shes rang sa zin/ snying po rig pa/ chos nyid klong nas 'char/ ye shes ngo shes shing gti mug sangs pas/ bar dor bag chags kyi gnas chod/ phyis lus mi len pas/ skye shi med pa'i gdengs rnyed/ rmi lam gyi spros pa chod de lam lugs thebs/ phyi rol gyi snang ba sems su shes pas/ bde bar gshegs pa'i zhing khams dang gzhal yas khang di 'char/ phyi dgra dang nang dgra/ nyon mongs pa dug lnga dang / gsang ba gzung 'dzin las grol bas gsang ba'i dgra gsum gsod/ phung po la rgas pa med pas phung po'i bdud bcom/ nyon mongs pa'i ro mo ldang bas nyon mongs pa'i bdud bcom/ bar chod rkyen ngan grogs su shar bas lha'i bdud bcom/ sems skye 'chi med pa'i don skye med rtogs pas/ 'chi bdag gi bdud bcom/ 'jigs pa'i bdud bzhi bcom/ sems la rang dbang thob/ skye med chos sku rtogs pas/ 'gro drug g.yang sa chod/ sems sangs rgyas su shes pas/ gzhan la re mi che/ rang byung ye shes gdeng rnyed pas/ 'khor ba la dogs mi tsha/ re dogs bdud las grol bas/ sgrib pa rnam gnyis ma spangs par dag/ tshogs gnyis ma bsags par rdzogs/ sa rnams ma bgrod par non to// de kho

  112. 56b

    na nyid kyi bcud len gyi le'u ste don drug pa'o// // bcud len phyi nang gsang ba de/ kho na nyid kyi skabs te bdun pa'o// // de nas DA ki rdo rje phag mos/ bram ze blo ldan mchog sred la rgyud gtad de/ e ma ho/ rigs 'dzin dpa' bo grub thob khyed/ mkha' 'gro ma'i rang srog/ yid bzhin nor bu dgos 'dod 'byung ba'i rgyud 'di chongs shig/ sgrubs shig/ gang bsams pa 'grub par 'gyur ro// zhes gsungs nas mi snang ba chos kyi dbyings su thim mo// rgyud yongs su gtad pa'i le'u ste bdun cu rtsa bdun pa'o// // rgyud gtad pa'i skabs te brgyad pa'o// // mkha' 'gro ma nor bu 'phreng ba'i bshad pa'i rgyud phyi ma le'u bdun cu rtsa bdun pa skabs brgyad pa rdzogs sa ho// // slob dpon pad+mas jo mo mtsho rgyal la/ mkha' 'gro dpang du btsugs nas gtad do// gter rgya/ sbas rgya/ gtad rgya// //

  113. 57a

    rgya gar skad du/ DA ki ni rat+na pra ti tan+t+ra nA ma/ bod skad du/ mkha' 'gro ma rin po che 'phreng ba zhes bya ba'i rgyud/ rdo rje mkha' 'gro ma la phyag 'tshal lo// 'di skad bdag gi zos pa'i dus gcig ni/ bram ze mchog sred ces bya ba de/ u rgyan yul gyi dur khrod bsim pa'i tshal zhes bya ba de na/ chos nyid sgyu ma la rtog cing dur khrod kyi ro la longs spyod cing / dgongs pa mdzad cing bzhugs so// de'i tshe DA ki ma thams cad dbang dus nas/ dpa' bo dang dpa' mo rnams kyis bskor te mchod pa byed cing bzhugs so// de'i tshe mkha' 'gro ma rnams kyi gtso mo/ ye shes kyi DA ki ma rdo rje phag mo zhes bya ba de sku bzhengs te/ skye med rnam dag chos kyi dbyings nyid las// skye ba'i cho 'phrul cir yang sbrul mdzad ma// 'gro ba'i don rnams mdzad pa'i mkha' 'gro ma// skye med ngang las ma g.yos sku mdog gnag/ gcer bu zhal bgrad mche gtsigs longs spyod rdzogs pa'i sku// nyon mongs dug 'joms phag pa'i dbu bstan nas// sna tshogs sbrul skus 'gro ba'i don mdzad ma// phyag g.yas gri gug nyon mongs dug gsum 'joms// phyag g.yon thod skam skye med dbyings su sbyor// dbu skra gyen thur sbrul sku sna tshogs 'gyed// dur khrod rus pa'i rgyan gyis DA ki dbang du sdud// ye shes me ris ma rig mun pa 'joms// g.yas brkyang g.yon

  114. 57b

    bskum thabs dang shes rab dang // shes rab ye shes gos med nyi zla pad+ma'i gdan// mthong dang dran pa tsam gyis ye shes skyes// yon tan bye bas brgyan pa'i DA ki sku bzhengs la// bram ze mchog sred nyid kyis gsol ba btab// bde ba'i rang bzhin gnyis med la// 'khor 'das ro gcig phag mo'i sku// bde chen gtum mo gar mdzad dges// dur khrod phyogs gnas rnal 'byor ma// dpa' bos thugs bskul sems can sbyong // rnal 'byor kun la dngos grub ster// DA ki khyod la phyag 'tshal bstod// ma rtogs sid+d+hi ma thob pas// bdag gzhan sid+d+hi thob bya'i phyir// mkha' 'gro'i bsgrub thabs bshad du gsol// zhes zhus so// gleng gzhi'i le'u ste dang po'o// // de nas mkha' 'gros bka' stsal pa// rdo rje DA ki bsgrub pa ni// gsang thub dam tshig ldan pa dang // bla ma la gus sgrub la brtson// bden par smra zhing bsam ba brtan// DA ki la mos gtsang sbra che// brtul zhugs bzang por gnas pa yin// shing gcig dur khrod ma mo gnas pa'i khyim// nags tshal 'thug po chu gling dang // ri bo'i rtse 'am bas mtha' dang // dben pa'i sa phyogs yid 'ong dang // grong khyer stong pa ri yi skyabs// brag dmar lho nub mtshams bltas par// nan tan du ni 'bad de sgrubs// bde ba'i stan la 'dug nas ni// shes pa'i phyogs su kha

  115. 58a

    bltas te// mchod dang gtor ma chang sogs rnams// yid kyis yan lag bdun pa bya// rten ni rang la bsdu byas nas// rang nyid stong pa'i ting 'dzin las// DA ki chos 'byung gru gsum nyid// dmar po'i mdog nyid chags pa'i gzugs// de dbus pad+ma'i lte ba la// pheM las bskyed pa'i DA ki ma// mdog nag gcer bu chen mo ni// phyag gnyis gri dang zod pa 'dzin// kha Ta kha ni sku la rten// zhabs gnyis ro yi steng na rol// g.yon brkyang bde bar rab tu 'gying // zhal ni gtum mo phag gi gzugs// spyan gsum gyen lha gdang mig 'gyu// zhal nas pheM pheM hri hri sgrogs// ljags 'dril rab tu myur bar bshad// thod rlon 'phreng bas do shal byas// gcer bu pad+ma rak+ta 'dzag/ sku la bskal pa'i me 'od 'phro// de ltar lha mo bdag bskyed la// spyi bor bla ma bsgom par bya// dbyibs la brtags la sems kyis sgom// dbyibs la legs par grub pa dang // sngags kyi sgra la brlab par bya// shin tu bsdu dang bsdus dang rgyas// sgra la man ngag bzhin du bya// sgra la lobs par gyur pa dang // mi rtog thugs la bslab par bya// 'og sgo bskyed pa tsa kra ni// rim pa gnyis kyi rnam 'byor te// phyag rgya gnyis po zhes kyang grags// sa gsum pa ni 'grub par 'gyur// srin po'i zhal ni rab tu bsdam// chos kyi 'byung gnas myur du

  116. 58b

    g.yos// g.yung drung 'khyil pa mkha' la khyab// mkhas pas grub par gdon mi za// de ni bsnyen pa'i rim pa yin// de nas blo ldan de yis su// pho dang mo yi thod pa la// gsang ba'i rdzas kyis bri bar bya// pad+ma 'khor lo mu khyud bcas// ha ri ni sa zhes pa dang // ra tsa hri ya zhes pa bri// gsang ba'i sngags bri// IM hUM bcas pas// badz+ra DA ki ni zhes pa dang // rat+na pad+ma karma DA ki ni// mu khyud dag la rim pas bskor// 'khor lo'i mtshams su hUM zhes bri// de nas thod pa de yi nang // phyag mtshan gri gug kha T+wAM ka/ thod pa rdo rje rin chen dang // pad+ma rgya gram ral gri dang // ras la sogs la bris la gzhug/ gzhan yang rin chen sna tshogs dang / kha zas dkor mdzod sna tshogs dang // longs spyod mdzes pa dag gis dgang // thod pa kha sbyar dar gyis gril// gru gsum nang du gzhug par bya// de nas bdag nyid lhar bskyed cing // mdun gyi thod pa lhar bskyed la// 'og gi thod pa dpa' mor bskyed// steng gi thod pa dpa' bor bskyed// bdag nyid mtshan mo dpa' mor bskyed// nyin par dpa' 'bor bskyed par bgyi// mtshan mor ha ri ni sa bzlas// nyin mo ra tsa hri ya bzlas// nang nub thun 'tshams dug tu bzlas// pho dang mo gnyis sbrel bar bya// pho rtsub mo yis mgo yang mnan// mo rtsub pho yis mgo yang mnan// de ni sgrub pa'i rim

  117. 59a

    pa'o// de nas las la sbyar ba ni// sgrub pa rdzogs pa'i tho rangs kha// thod pa'i kha zas bza' bar bya// rin chen rnams ni lus la gdags// phyag mtshan thod par bcas pa nyid// sgrub pa'i gnas khang yin par sba// yang na gangs dang g.ya' dag dang // DA ki gnas pa'i sa ru sba// bdag nyid gcer bu thal bas byug/ rus pa'i rgyan gyis lus brgyan te/ kha Ta thod pa lag tu thogs// cang te'u thod rnga'i sgra bsgrag cing // dur khrod la sogs 'jigs pa'i gnas// sna tshogs dag tu gcer bu rgyu// gal te bya ba'i don yod na// zhi rgyas dbang dang gsad par bya// ci 'dod bsams pa tsam gyis 'grub// thugs kyi mkha' 'gro ma 'khor bcas bsgrub pa'i le'u ste gnyis pa'o// // 'jig rten gsum gyis gtso mdzad 'gran zla med pa'i sku// mkha' 'gro dkar mor bstan la phyag 'tshal lo// byin rlabs ldan pa'i rnal 'byor pas// byin rlabs brtan par bya ba'i phyir// phag mo dkar mo bsgrub par bya// 'khor ba blo yis gtang bar bya// mchod dang bral ba'i lha khang ngam// gangs dang g.ya' yi phug pa ru// gsang thub dam tshig gcig pa'i grogs// dbang ldan phyogs nas sa bslangs la// maN+Dal zlum po dkar po bya// dkar mo ra dang ba dmar mo// 'o ma ma ki ta dang sbyar// rlung lha'i phyogs nas chag chag gdab// rgyal srid rin

  118. 59b

    chen sna bdun gyi// tsa ka li yang gzugs par bya// byang sems dkar dmar gla rtsi dang // rgun 'brum sbrang rtsi bdud rtsi lnga// gnam zhal dkar po srubs med la// skyes bu bdud kyis zin pa'i khrag/ rgyab tu 'khor lo rtsi brgyad bri// ha ri ni sa bzhi po dang // ra tsa hri ya bzhi po dgod do// mchog dang thun mong dngos grub rdzas// nang du blug la rnal 'byor pas// mi gtsang ngo tsha spang bar bya// pad+ma'i khog pas kha yang bcad// de bzhin gshegs pa'i ring bsrel la// gsol btab bsngags la gtsug tu gdags// bdag nyid mkha' 'gro phag mo ni// sku mdog dkar mo phag zhal g.yas// gri gug g.yon pa kha T+wAM kha// brkyang bskum zhabs kyis bzhugs par bsgom// dang po 'bru gsum sngags dang ni// mkha' 'gro sde bzhi'i sngags kyis bsgrubs// oM AHhUM ha ri ni sa// grub tshad 'bum tsho gsum gyis ni// dud pa byung na rkang mgyogs 'grub// dri la sa 'og 'grub pa ste// lha mo'i gzugs kyis rab gri 'grub// 'od kyis mkha' spyod 'grub par 'gyur// rgyu skar rgyal la bab pa'i tshe// pha ma tshangs pa'i khye'u dang // mtshan dang ldan pa'i bu mo la// dpa' bo'i chas su bcug la brtag/ mtha' nas rma bya'i mdongs kyis phyag/ rgun 'brum sbrang rtsi de rnams kyis// chu lha'i phyogs su bsdu bar bya// che chung rgya shug 'bras bu tsam// le brgan dar gyis kha

  119. 60a

    bcad de// nag po'i tshes gcig nas bzung ste// mi sgra zla ba gcig gi bar// gzungs zag btags la sngags 'dis sbubs// oM AHhU tri traM/ mig gi 'khor lo rnam pa bzhi// gdul bya yul bzhi zil gyis mnan// spyi mdo ltung ba bcu bzhi 'byang // lce yi 'og tu bcug byas na// dngos grub ma lus rdzogs par 'gyur// rdzas gcig gis ni dam bskongs pa// e ma/ mkha' 'gro gsang ba'i gnad// log lta can gyi spyod yul min// mkha' 'gro phag mo dkar mo'i bsgrub pa// byin brlabs mi yal ba'i rgyas btab pa// rten 'brel rdzas kyi man ngag/ sku'i phag mo dkar mo 'khor mkha' 'gro sde bzhi dang bcas pa bsgrub pa'i le'u ste gsum pa'o// // de nas yang dag bshad bya ba/ rang bzhin spros bral zag med bde ba rgyas// yum mchog mkha' 'gro de la phyag 'tshal lo// dbang bzhi rdzogs pa'i rnal 'byor pas// sid+d+hi rnam gnyis thob bya'i phyir// rang byung rgyal mo bsgrub par bya// gzung 'dzin chags zhen rnam par spangs// shing gcig 'gram mam sgo dpag sar// mtshan ldan las kyi phyag rgya rten// rlung dang me gcig bde ba'i khams// bskyil dang bzlog dang dgram zhing bstim// bla mas bstan pa'i ting 'dzin ngo sprad cing // dga' bzhi'i ting 'dzin ngos su gzung // rtog med ro yi gdan la bzhugs// le brgan

  120. 60b

    dar la 'khor lo bri// rtsibs la yi ge bzhi pa bri// rab gnas byas la mgul du gdags// man ngag snod kyi sgrub pa ni// mtshan ldan dum bu gcig pa ru// byang sems dkar pos pad+ma bri// rtsa ba'i snying po 'bru bzhi yang // khyi mo nag mo'i 'o ma dang // sin d+hA ra blug srin lag mnyes// bya rog 'ug pa'i dang rus blang // ling ga smyug gus bri bar bya// rigs kyi lha mo bzhi po bskyed// dbus su rang nyid bsgom par bya// sku mdog dmar mo 'bar ba la// g.yas pa rtog med phag mo'i zhal// g.yon pa chags tshul khro mo'i zhal// phyag gnyis gri gug thod pa 'dzin// zhabs gnyis brkyang bskum ro stengs mnan// de lta bu ru bdag bsgoms la// tsan d+han chu dag me long bcad// gsang ba'i snying po 'bru bdun bzlas// oM AHhUM/ ha ri ni sa/ 'bum tsho bzhi thon nang par la/ dpa' bos gzi mdangs bskyed la btung // lhag ma mig la byugs gyur na// sa 'og sa bla sa stengs gsum// de gsum rnal 'byor pa yis mthong // 'di ni mkha' 'gro bstan pa 'am// dang po rtags kyi ye shes yin// spyi gtsug bde ba'i 'khor lo'i dbus// g.yung drung 'khyil ba'i dbus su ni// a nu ta ra bzhi bsgoms nas// ngag tu bye ba bzhi thon nas// skyes bu rig pa 'byongs par 'gyur// rang 'byung ye shes yi ge bzhi// dbyings nas shar nas dbyings su grol//

  121. 61a

    bzang bya thal dang 'dan thang mas/ dag don la grub pa da// sab sa las byung ba'o// gas gcagags na byang thag// mab 'grogs ba gnas// rlu s+yAng bral men// dag pa sags kyi man pa// gsang gi lag ma dmar pa/ 'bar mkha' 'gro ba bzhi dang bcas pa'i lan ban pal// / de nas yang dag bshad byag// jug pa rgyas thal gsal 'dus ma thus// mi shes mkha' 'gro de la zag 'tshal la// gdengs dang ldan pa'i rnal 'byor pas// tshogs gnyis rdzogs par bya ba'i phyir// dur khrod bdag po bsgrub par bya// 'jig rten zla brna bcang ste// dur zad gnas sa rba b+ha sa// grags pa bangs bcal la btsun pa bcam// shing gi phan la 'dug nas ni// mkha' 'gro sde bzhin byeng pa bzlas/ rin pa/ ma su sa da ma dang // zhes rab ma pa mtshal thigs kyis// chos 'byung bsnol mar bri bar bya// sa dang n+ya dang me dang rlung // sbed par byed pa'i sa ngon las// 'dod chags bya dang ni sdang skal// gta mug dag gi gdas blangs su// bdud bzhi las rgyal tshwa ma ni// sgra mdog ser ma gser btsa 'dra// gri gug thod pa kha N+Da 'dzin// bkrung bskum zhabs kyis gdan la bzhugs// bral gsum gsal bar gyur pa dang // lag 'dra

  122. 61b

    gsum gyis rang la bsdu// oM AHhUMHbde ba longs spyod rnam gnyis te// chos dang sprul pa'i gnas rnams su// 'khor lo rim pa bzhi bskyed nas// ha ri ni sa zhes bya ba// rigs lnga rgyal po 'bru bzhi bskul// g+hi hang dag gi 'khor lo rtsibs// smin ma'i mtshams su byug gyur na// de mthong 'jig rten gsum la dbang // phag pa nag po'i rtsit+ta la// sha ba'i khrag dang gcin rnams byug/ rigs bzhi lha yi phyag mtshan dang // rtsa ba'i snying po gser gyis bri// stag gi sbar ba'i nang btsud nas// sgrub pa po yi lus la bcang // rten 'brel 'di yi byin brlabs ni// mkha' lding gtsug gi nor bu 'dra// grangs kyi bsnyen pa 'bum tsho bzhi// tha mal shes pa zlog par byed// zla drug nyams kyi sbyor ba yis// skyes bu rtog pa zad par byed// rnal 'byor ming yang de dus thob// A li kA li las byung ba'i// sngags gcig gis ni don kun 'grub// e ma mkha' 'gro gsang ba'i gnad// rtog ge ba yi spyod yul men// dur khrod bdag mo bsgrub pa yi// tshogs gnyis yongs su rdzogs pa'i thabs// nus pa sngags kyi man ngag go/ yon tan gyi phag mo ser mo 'khor mkha' 'gro sde bzhi dang bcas pa bsgrub pa'i le'u ste lnga pa'o// // de nas yang dag bshad bya ba// 'phrin las rgya mtsho las kun rdzogs pa yi// rdo rje mkha' 'gro ma la phyag 'tshal lo// nyams su

  123. 62a

    dga' ba'i gnas dag tu// 'bol ba'i gdan la 'dug nas ni// byang chub mchog tu sems bskyed de// stong pa nyid du gsal byas nas// 'byung ba bzhi yi yi ge las// rdo rje rnal 'byor ma ru sgom// ha ri ni sa/ sku mdog sngon mo gcer bu la// mche gtsigs rus pa'i rgyan chas can// g.yas g.yon kha TaM thod pa bsnams// zhabs ni g.yas brkyang g.yon pa bskum// dbu skra gyen brjes thur la 'phyang // gzhon sha can de ha las bskyed// snying khar pad+ma dkar po la// ha ri ni sa bzhi po bsam// de las 'od zer 'phros pa las// bla ma bde gshegs DA ki dgug/ de la mchod bstod tshul bzhin bya// yi ge gsum gyis byin gyis brlabs// gnas bzhir yi ge DA ki bzhi// lus la mkha' 'gros gang ba yi// DA ki'i 'khor ni mang po yis// longs spyod 'dod yon mang po 'byung // steng rlung mnan cing 'og rlung bsdam// lus la bde ba 'bar ba dang // ngag la byin rlabs 'bar ba dang // sems la ye shes 'bar ba 'o// 'khor lo bzhi la gnas pa yi// yi ge bzhi yi spro bsdu yis// drod dang ye shes skyed par byed// bde ba ye shes mi rtog pa// 'dod yon lnga sogs ye shes grogs// brtul zhugs ci byas ye shes grogs// DA ki ma rten ye shes grogs// nus pa byung bas par chod sol// byang chub lam du gyur pa

  124. 62b

    yin// gang zhig 'di la sus spyod pa// tshe dang 'bras bu thob par nges// 'phrin las gsang ba'i man ngag go/ 'phrin las kyi phag mo sngon mo 'khor DA ki ma sde bzhi dang bcas pa bsgrub pa'i le'u ste drug pa'o// // de nas yang dag bshad bya ba// legs byin slob pa'i DA ki ma// mkha' 'gro ma la phyag 'tshal lo// shar du kha bltas zangs kyi mdog/ skad kyis mi zos brag skyibs su// dpa' bo brtul zhugs ldan pa yis// rtog pa le lo the tshom spang // nan tan snying rus mos pas sgrub// rdo rje rin chen pad+ma las// sku gsung thugs dang yon tan dang // 'phrin las rnams kyi sgrub pa'i thabs// A~M AHhUM ma ha ri ni sa/ yi ge 'bru brgyad mkha' 'gro'i gnad// ma la bu 'bod ces bya yin// spu gri lta bu'i gsang sngags 'di// sred byed rgyun ldog dpa' min grub// nam du yang ni brjod mi bya// skyo bar gyur na yid bzlas so// gnad kyi snying po 'bru bzhi dang // rtsa ba'i yi ge 'bru bzhi yis// la sogs gong 'og spel bas 'grub// yi ge spyan gyi tsa kra yis// ma rungs rnam bzhi zil gyis gnon// sngags drug me yi 'khor lo yis// bar du gcod pa rnam bzhi bzlog/ rnam par shes pa'i yi ge ni// zla drug nyams kyi sbyor ba yis// 'grub 'gyur 'di la the tshom med// de nas rnal 'byor blo ldan gyis// skye bo las 'phags ri bo

  125. 63a

    ni// sog po khros pa'i smin phrag tu// bde ba'i gdan la 'dug byas te// yid kyi tsher ma dbyung bya'i phyir// 'dod yon spangs la 'khri ba bcad// 'khor ba'i skyon kun shes par bya// mdzes pa'i maN+Dal zlum po yis// pad+ma 'dab brgyad legs bris te// kha dog mdzes pa'i tshon rtsis bsgyur// de dbus lte ba la ni zhi rgyas dang // dbang dang mngon spyod gang byed pa'i// shis pa'i shing rnams gru bzhir brtsig/ bram ze'i khyim nas me blangs la// sman dang rin chen 'bru lnga'i phye// gsang sngags 'di yis dbul bar bya// oM AHhUM/ ha ri ni sa/ rnam bzhi gang bu gang gang gis ni// gzung 'dzin rnam gnyis rang sar dag/ yul 'khor srung gi bu yis ni// dngos grub rnam gnyis rdzogs par 'gyur// gro ga ras sam shing shun la// gur kum chu yis 'khor lo ni// rtsibs drug mtha' ma mu khyud ldan// nang du yi ge 'bru gsum dgod// rnal 'byor mgul du btags gyur na// bar chod rnam bzhis tshugs mi 'gyur// skye gnas dud 'gror skad bzhi yis// 'du ba rnam bzhi 'joms par byed// 'khor lo bzhi la gnas pa yi// yi ge bzhi yi spro bsdu yis// tha mal shes pa 'gyur bar nus// yi ge gcig nas brgyad kyi bar// las tshogs thams cad 'grub par 'gyur// mkha' 'gro ma la bu 'bod 'ong // sku gsung thugs yon tan 'phrin

  126. 63b

    las lnga gcig tu grol ba'i le'u ste bdun pa'o// // de nas yang dag bshad bya ba// mkha' 'gro spyi ru sgrub pa'i thabs// dur khrod DA ki 'dug gnas su// shis pa'i sa la maN+Dal bya// bdud rtsi lnga yis chag chag gdab// tshon sna lnga yi srad bu yis// dkyil 'khor legs par thig btab la// ye shes lnga ldan sa tshon gyis// pad+ma 'dab bzhi mu khyud dang // gru chad sgo dang sgo rgyan dang // 'khor yug bcas pa bri bar bya// de la bsgrub pa'i dam rdzas ni// thod pa mkha' 'gro bris pa dang // gtor ma rak+ta bdud rtsi dang // ltag sprod rnga dang rkang gi dung // tshil chen gsur gyi spos dud btang // mtshan ldan dum bu gcig pa la// 'khor lo sngags dang bcas pa bri// dngos grub sna tshogs rdzas kyis dgang // mchog dang thun mong bsgrub par bya// de nas ting 'dzin rim pa ni// dang po stong pa nyid kyi ngang / khyab pa snying rje chen po dang // rang sems hri yi byin rlabs las// 'byung ba dbang chen gzhal yas khang // ro dang nyi zla pad+ma'i steng // hri las spros dang bsdus pa yis// bdag nyid dpa' bo rta mgrin sku// dmar nag zhal gcig phyag gnyis pa// g.yas pa gri gug g.yon pa thod khrag bsnams// zhabs gnyis ro dang nyi ma'i steng // dbu gtsug rta mgo rta skad 'tsher// dpa' bo rus pa'i rgyan gyis brgyan// dpa' mo rdo rje phag mor

  127. 64a

    'khril// g.yas pa gri gug yab la 'khyud// g.yon pa thod khrag yab la stob// spyi gtsug phag gdong ngur sgra 'don// sku mdog dmar mo rus pas brgyan// zhabs gnyis gtso la 'khril nas sbyor// yab yum thugs kyi sprul pa las// ha ri ni sa ra tsa hri ya// yig 'bru brgyad pa pad+ma'i steng // spros bsdus mkha' 'gro yab yum bzhi// kun kyang sku mdog dmar mo la// phyag mtshan rgyan dang cha byad yab yum kun dang 'dra// skad cig rdzogs pa'i tshul du ni// dam tshig ye shes gnyis med bsgom// oM AHhUM/ hri ma ha ri ni sa ra tsa hri ya hUM dza/ yig 'bru bco lnga DA ki'i srog/ dbang sdud zil gnon 'gugs pa yin// rang sngags sgra ru sgrogs par bsgom// mkha' 'gro ma la bu 'bod kyis// rab ni mkha' 'gro dngos su yong // 'bring ni nyams snang 'ong ba yin// tha ma rmi lam grub rtags ston// rab kyis phyag rgya chen po thob// 'bring gis mkha' spyod gnas su 'gro// za ma bar dor lung ston byed// thun mong zas nor mi gsum 'du// mkha' 'gro spyi'i gsang bsgrub kyi le'u ste brgyad pa'o// // mkha' 'gro rdo rje phag mo yis// chos sku rnam par mi rtog las// ma 'gags longs spyod rdzogs skur bzhengs// sbrul sku sku gsung thugs dang ni// yon tan 'phrin las lngar bstan nas// mkha' 'gro rgyud kyi rgyal por bshad// bram ze

  128. 64b

    mchog sred yi rangs nas// e ma mkha' 'gro gsang ba'i gnas// sbrul sku 'gro ba'i don mdzad ma// sna tshogs gcig la tha dad snang // chos dbyings skye med ma la bstod// ces yum chos nyid la gnas so// mkha' 'gro rin po che 'phreng ba zhes bya ba'i rgyud yongs su gtad pa'i le'u ste dgu pa'o// // mkha' 'gro ma rin po che 'phreng ba'i rgyud rdzogs sa ho// // rgya rgya rgya/ 'gu ru blo ldan mchog sred kyis/ jo mo mkhar chen bza' la thugs dam du gtad pa'o// // rdzogs so// mkha' 'gro'i rgyud bzhugs pa tsam gyis mkha' 'gro 'du bar 'gyur gsungs sa so// / @#// rgya gar skad du// DA ki ni tsa kru tan ma tan tra na ma/ bod skad du/ mkha' 'gro dpa' bo dpa' mo pho thems mo thems kyi rgyud ces bya ba/ mkha' 'gro sde bzhi la phyag 'tshal lo// 'di skad bdag gis thos pa'i dus gcig na/ dur khrod chen po'i gnas mchog na// mkha' 'gro rdo rje phag mo la// 'khor du mkha' 'gro sde bzhis bskor// dpa' bo dpa' mo bskor ba'i tshe// bram ze blo ldan mchog sred kyis// mkha' 'gro ma la 'di skad zhus// e ma mkha' 'gro ye shes che/ ye shes mkha' 'gro sgrub pa la// pho thems mo thems ji ltar bdog/ de yi gdams pa bstan du gsol// zhes zhus so// gleng gzhi'i le'u ste dang po'o// / ye shes mkha' 'gros bka' stsal pa// e

  129. 65a

    ma mkha' 'gro gsang ba'i gnad// yi ge bzhi pa zhes bya ba// mkha' 'gro pho mo'i gnad yin te// ha ri ni sa zhes bya ba// mkha' 'gro sde bzhi'i snying po yin// ra tsa hri ya zhes bya ba// dbang chen sde bzhi'i snying po yis// 'di yi sgrub thabs rnam pa lnga// sku bsgrub pa dang gsung bsgrub pa// thugs bsgrub pa dang yon tan bsgrub// 'phrin las bsgrub pa dag dang lnga// de dag re la bzhi bzhi ste// sku bsgrub pa yi/ yi ge bzhi// byin rlabs nus pa'i yi ge bzhi// snang ba bsgyur ba'i yi ge bzhi// bar chad bsal ba'i yi ge bzhi// longs spyod bsdu ba'i yi ge bzhi// gsung bsgrub pa la rnam pa bzhi// rang nyid smra ba'i seng ger gtang ba'i yi ge bzhi// gzhan lkugs su gzhug pa'i yi ge bzhi// thos pa 'dzin pa'i yi ge bzhi// rig sngags mnan pa'i yi ge bzhi// thugs bsgrub pa la rnam pa bzhi// mngon shes 'ong ba'i yi ge bzhi// rten 'brel 'char ba'i yi ge bzhi// bsam gtan 'phar ba'i yi ge bzhi// yid 'phrog pa yi yi ge bzhi// yon tan bsgrub pa la yang rnam pa bzhi// rkang mgyogs 'ong ba'i yi ge bzhi// drod skye ba yi ge bzhi// mi snang bsgrub pa'i yi ge bzhi// mkha' spyod bsgrub pa'i yi ge bzhi// 'phrin las bsgrub pa'i yi ge bzhi// brgya byin lha'i dbang pos 'khor lo sgyur ba'i rgyal po zil gyis mnan pa/ ha ya grI ba mig gi 'khor los glang

  130. 65b

    po che zil gyis mnan pa/ lang ga mgrin bcu mig gi 'khor los mi rgod zil gyis mnan pa/ ku ku ra tsa mig gi 'khor los lce spyang zil gyis mnan pa'o// man ngag nyi shu bstan pa'o// phyi skor gdams pa'i man ngag bzhi// nang skor snying gi man ngag bzhi// gsang skor mig gi gdams pa bzhi// yang gsung thugs kyi man ngag bzhi// de ltar man ngag bcu drug yod// mi sdod pa gsum gyis dkyil 'khor gsum lam du bslang / go bgo pas dran pa gsum lam du bslang / yi ge 'bru bzhis 'khor lo gsum lam du bslang / mtshungs pa gsum gyis 'du ba gsum lam du bslang / lha'i zhal mthong bar 'dod pa na sangs rgyas kyi sku la sa rde gzugs/ mi brjed pa'i gzungs thob par 'dod na/ drang srong gsung la sa rdo gzugs/ gnas lugs kyi don rtogs par 'dod na/ ye shes kyi thugs la sa rde'u gzugs/ thun mong gi dngos grub thob par 'dod na/ dka' thub la sa rde'u gzugs/ nad rnam pa bzhi sems can bzhi'i skad kyis yul 'don/ tha mal pa bzhi'i 'khor lo bzhi'i mtshan nyid kyis yul gdon/ rtsa'i dug gsum 'byung ba gzhug pa'i yi ges yul gdon/ bsdus pa'i yi ge lnga/ mngon par sangs rgya ba'i yi ge/ 'jig rten gyi mi ma yin dpung tshogs bskyed pa'i yi ge/ thun mong gi zas tshogs dang gos tshogs 'du ba'i yi ge/ 'byung

  131. 66a

    ba ro snyoms pa'i yi ge/ las phran tshegs kyi yi ge/ de ltar gnad dang thems dag gis// mkha' 'gro sde bzhi gnad la bor ba gces// thems mdor bstan pa'i le'u ste gnyis pa'o// // de nas bram ze blo ldan mchog sred kyis zhus pa/ e ma ye shes mkha' 'gro ma// ye shes mkha' 'gro ji ltar bsgrub// las kyi thems rnams ji ltar bgyi// man ngag rgyas par bshad du gsol// de skad gsol pa gsan nas kyang // ye shes mkha' 'gros bka' stsal ba// ye shes mkha' 'gro gsang ba'i gnad// rgya skad tshigs bzhi'i sgor 'jug pa// dad dang brtson 'grus snying rjer ldan pa gces// bka' babs lung la dbang thob gces// yid dam bsnyen pa 'thems pa gces// 'jig rten bya bzhag 'khor ba blos gtang gces/ dur khrod gling dang g.ya' dang gangs la sdod pa gces/ de ltar gces pa lngas bstan nas/ rig pa btsan thabs su shar pa'i gtum mo/ mkha' 'gro ma'i 'bar gnad/ gsang ba sngags kyi yang snying / nyams su blang ba'i rim pa/ zhi bar bsnyen dang drag por bsgrub// zhi bar bsnyen pa bya 'dod na// rang nyid dran rdzogs phag mor bsgom// spyi bor bla ma bsgom par bya// snying khar dpa' bo sde lnga bsam// lte bar dpa' mo sde lnga bsam// hri ma/ ha ri ni sa/ ra tsa hri ya/ dpa' bo dpa' mo bsgrub pa'i sngags// bsnyen pa

  132. 66b

    sngon du song ba dang // drag pos bsgrub pa bya ba ni// snying kha g.yas su ye shes DA ki ma// g.yon du rin chen DA ki ma// mgrin par pad+ma DA ki la// lte bar las kyi DA ki ma// dbang chen po bzhi ngag dang ldan// de ltar gsal gdab sngags 'di bzlas// ha ri ni sa/ ra tsa hri ya/ de la grub pa'i rtags bstan pa// ri bo'i kha na 'dug pa dang // skye bo'i tshogs kyis phyag byed dang // bud med mang pos bskor ba dang // chu bo chen po brgal ba dang // me chen 'bar bas bsregs pa dang // rlung chen byung nas kheg pa dang // zas skom gos kyis bkur byed dang // de ltar byung na grub pa yin// yug sar byung na bshags pa bya// sbrang por byung na gtor tshogs bya// ngu zhing byung na dka' thub bya// rgyal po btsun mor byung ba na// yi ge gsum gyis mgo yang mnan// mi reng phyugs su byung na dka' thub bya// mdze mor byung na dam tshig bskang // phyir la bskyed na bsgrub par bya// de ltar rtags dang sbyar bar bya// lus ni mi dal sbrul bskyod bya// ngag ni mi dam bzlas pa bya// yid ni mi dal gsal stong bsgom// dpal gyi mkha' 'gro gsang ba 'di// 'gro kun chags yid bral bar 'gyur// zhes mkha' 'gro bsgrub pa'i le'u ste gsum pa'o// // de nas yang dag bshad bya ba// byin rlabs 'byung ba'i yi ge bzhi// bdag nyid rdo rje phag mor bsgom// snying kha g.yas

  133. 67a

    g.yon lte ba dang // gsum du DA ki bskyed par bya// bla ma'i spyi bor bsgom par bya// sngags kyi nga rgyal bzlas pa ni// ha ri ni sa/ sngags dang mkha' 'gro ngo sprad nas// snang ba zil gyis mnan par bya// rtog pa har por btang nas ni// ha ni rdo rje mkha' 'gro ma// ri ni rin chen DA ki ma// ni ni pad+ma DA ki ma// sa ni las kyi DA ki ma// mkha' 'gro rnam bzhis byin gyis rlobs// zhes byin brlabs nus pa'i yi ge bzhi bstan pa'i le'u ste bzhi pa'o// // de nas yang dag bshad bya ba// snang ba bsgyur ba'i yi ge bzhi// ha chad po de lta ba/ ri mi 'gyur ba sgom pa/ ni dbang du sdud pa spyod pa/ sa sra zhing mkhregs pa 'bras bu bstan// lta ba lta ru med pa chu la ral gri brgyab pa 'dra// sgom pa yengs med chu bo'i rgyun dang 'dra// spyod pa nyams myong phyir shor ba mtsho rdol ba 'dra// 'bras bu spyad kyis mi zad pa sa dang 'dra// zhes snang ba bsgyur ba'i yi ge bzhi bstan pa'i le'u ste lnga pa'o// // de nas yang dag bshad bya ba// bar chad bsal ba'i yi ge bzhi// has ni klu yi bar chad sel// ris ni gnyen gyi bar chad sel// nis ni srin mo'i bar chad sel// sa yis sa bdag bar chad sel// gnas bzhir ha ri ni sa bsgom// ha ri ni sa'i cho 'phrul las// ye shes lha yang mi snang na// bar chad rnam bzhi lta ci smos// zhes

  134. 67b

    bar chad sel ba'i yi ge bzhi'i le'u ste drug pa'o// // de nas yang dag bshad bya ba// longs spyod bsdu ba'i yi ge bzhi// ha ri ni sa zhes bya ba// has ni chos rnams 'du ba yin// ris ni zas rnams 'du ba yin// nis ni mi rnams 'du ba yin// sas ni nor rnams 'du ba yin// de rnams 'du bar 'dod pa na// phyi yi sbyin sreg mkha' 'gro mchod// rang gi za 'phro 'bor snying 'dod na bor// gzhan la gter bar byed na yang // mkha' 'gro ma la byin par bsam// ci za ci 'thung mkha' 'gro mchod// des ni 'du ba rnam bzhi 'byung // zhes longs spyod bsdu ba'i yi ge bzhi bstan pa'i le'u ste bdun pa'o// // de nas yang dag bshad bya ba// rang smra ba'i seng ger gtang ba'i yi ge bzhi/ ha ri ni sa zhes bya ba// ha mkha' 'gro ma'i brda'i skad// ri gnod sbyin srin po 'dre yi skad// ni saM kri ta lha'i skad// sa rdol pa bod kyi rang skad// skad bzhi tshangs pa'i sgra skad bzlas// ngag tu ji skad zer snying 'don par bya// de nas chos dang sgra skad rnams// rang bzhin dag gis 'ong bar 'gyur// 'gro drug lha klu gang yin yang // sgra skad dag ni shes par 'gyur// phyi nang chos la mkhas par 'gyur// mthu sogs gsang sngags gang yang 'grub// legs nyes rgyu 'bras kha nas smra// smra ba'i seng ger bdag 'gyur ro// rang smra ba'i seng ger btang ba'i le'u

  135. 68a

    ste brgyad pa'o// // de nas yang dag bshad bya ba// gzhan lkugs su gzhug pa'i yi ge bzhi// ha ri ni sa zhes bya ba// has ni rlung yang gnon pa yin// ris ni yid kyang gnon pa yin// nis ni ngag kyang gnon pa yin// sas ni lus kyang gnon pa las// gzhan dag zil gyis gnon pa ni// lce ni lha mo gos dkar mor sgom// lce lkog mgron bu bu che gzhug/ phyogs bzhir gom pa bdun bdun bor// ha ri ni sa brjod pa yis// gzhan gyis smra bar mi nus so// gzhan lkugs su gzhug pa'i le'u ste dgu pa'o// // de nas yang dag bshad bya ba// zos pa 'dzin pa'i yi ge bzhi// ha ri ni sa zhes bya ba// has ni blo rnams 'phel bar byed// ris ni shes rab 'phel bar byed// nis ni dran pa myur bar byed// sas ni yid rnams gzung bar byed// khyor gang chu la brgya bzlas la/ khrus byas khong du btang ba na// gsang sngags phyi nang sde snod chos// rtog ge la sogs mod la 'dzin// thos pa 'dzin pa'i yi ge'i le'u ste bcu pa'o// // de nas yang dag bshad bya ba// rig sngags mnan pa'i yi ge bzhi// has ni nub pa sngags rnams gnon// ris ni dmigs pa'i las rnams gnon// nis ni dngos kyis gnon pa gnon// sas ni rten 'brel rdzas rnams gnon// dur khrod thod pa mtshan ngan du// rig sngags gtong ba'i ming

  136. 68b

    rus gzhug/ mkha' 'gro 'du ba'i gnas su sba// nus pa sngags dang rten 'brel rdzas// dmigs pa'i ting 'dzin mi rnams dngos// gang gis gnod pas mi tshugs 'gyur// rig sngags mnan pa'i le'u ste bcu gcig pa'o// // de nas yang dag bshad bya ba// mngon shes 'ong ba'i yi ge bzhi// ha ri ni sa zhes bya ba// ha ni sangs rgyas mkha' 'gro ma// sangs rgyas thob pa'i lung yang ston// ri ni dam tshig mkha' 'gro ma// mi ma yin dbang du sdud pa'i lung yang ston// ni ni chos kyi mkha' 'gro ma// phyi yi 'byung ba gtan la 'bebs// nang gi 'byung bzhi bcud la bor zhing lung yang ston// sa ni las kyi DA ki ma// thun mong dngos grub 'byung ba'i lung yang ston// mngon par shes pa 'ong ba'i le'u ste bcu gnyis pa'o// // de nas yang dag bshad bya ba// rten 'brel 'char ba'i yi ge bzhi// ha ri ni sa zhes bya ba// ha ni sems kyi rten 'brel yin// ri ni rdo rje'i rten 'brel yin// ni ni chu yi rten 'brel yin// sa ni sa yi rten 'brel yin// gzhan yang phan 'dogs byed pa na// rig pa ci shar byed du gzhug/ ma btub rten 'brel mi mthun pas// btub na de la phan 'dogs 'gyur// rang gi sems la 'di phan snyam pa bya// des ni de la phan 'dogs 'gyur// shes pa 'thum nas dka' thub rem la bya// rten 'brel khong nas 'char bar

  137. 69a

    'gyur// rten 'brel 'char ba'i le'u ste bcu gsum pa'o// // de nas yang dag bshad bya ba// bsam gtan 'phar ba'i yi ge bzhi// ha ri ni sa zhes bya ba// has ni sangs rgyas thob par byed// ris ni mi ma yin dbang du sdud// ni sa ni mngon par shes pa 'byung // sas ni las kun thams cad 'grub// rang nyid rdo rje mkha' 'gror bsgom// rkang pa'i mthil du rlung gi dkyil 'khor yaM gyis mtshan pa sran ma'i gang bu tsam re sgom// de nas rlung gis me sbar te// lte 'og gtum mo me'i rang bzhin la phog/ lte ba'i pad 'dab brgyad kyi steng // me chu kha sbyor yi ges bskor// me chu mnan par bsgoms la bzlas// des ni bsam gtan 'phar bar 'gyur// de nas 'phro gcod pa na// lte ba'i me rtse gsum du gzhug/ snying kha mgrin pa spyi bor rims kyis bteg nas// mthar kun mi dmigs par bya'o// bsam gtan 'phar bar bya ba'i le'u ste bcu bzhi pa'o// // de nas yang dag bshad bya ba// yid 'phrog pa'i yi ge bzhi la// ha ri ni sa zhes bya ba// ha rdo rje mkha' 'gro ma// ri rin chen mkha' 'gro ma// ni pad+ma mkha' 'gro ma/ sa las kyi DA ki ma/ rdo rje mkha' 'gro mas mo'i yid 'phrog/ rin chen DA ki mas nor gyi yid 'phrog/ pad+ma DA ki mas pho'i yid 'phrog/ las kyi DA ki mas kun gyi yid 'phrog/ ha ri ni sa bzlas

  138. 69b

    pa yis// lha 'dre mi gsum yid 'phrog ste// khyad par bu mo dbang du sdud// brgya byin lha yi bu mo 'gugs// mi yi bu mo smos ci dgos// yid 'phrog pa'i le'u ste bco lnga pa'o// // de nas yang dag bshad bya ba// rkang mgyogs 'ong ba'i yi ge bzhi// ha ri nis zhes bya ba// has ni rlung yang 'degs par byed// ris ni rus pa 'debs par byed// nis ni sa rnams 'degs pa yin// sas ni sha yang 'degs pa yin// bya rgod tshil dang 'bru mar bsre// ha ri ni sa bzlas byas nas// rkang pa'i mthil la byug par bya// 'gro tshe rkang mthil rlung gi ba dan gyis// tshig chen bzhi la bskyod par bsam// 'gro ba rta bas mgyogs par 'gyur// rkang mgyogs kyi le'u ste bcu drug pa'o// // de nas yang dag bshad bya ba// mkha' spyod bsgrub pa'i yi ge bzhi// ha ri ni sa zhes bya ba// ha ni rnam rtog nyon mongs pa'i snang ba log pa'o// ri ni mya ngan 'das pa'i skam sa chen po'i snang ba log pa'o// ni ni 'jig rten gyi mi ma yin gyi snang ba log pa'o// sa ni snga ma gnyis tha mi dad kyi snang ba log pa'o// ha ri ni sa bzlas pa yi// sangs rgyas mkha' 'gros zhen pa rang log tu 'gro// dam tshig DA kis thun mongs dngos grub 'byung // chos kyi DA kis zhag nyi shu rtsa gcig na mngon shes 'char/ las kyi DA kis thun mong ma yin pa'i dngos grub drod rang

  139. 70a

    'bar chen po zhag bdun nas 'byung / khye'u bu mo mtshan ldan lo bdun lon pa'i sha la bsgrubs/ mes mi tshig/ chus mi khyer/ mtshon gyis mi tshugs/ grang bas mi tshugs/ lus la na tshas mi tshugs/ tshe nyi zla dang mnyam/ nang gi 'byung bzhi bcud la mnan pa'o// mkha' spyod bsgrub pa'i le'u ste bcu bdun pa'o// // de nas yang dag bshad bya ba// drod skye ba'i yi ge bzhi/ ha ri ni sa zhes bya ba/ ha rlung sro// ri drod skye/ ni rtsa sro/ sa lus sro/ bdag nyid mkha' 'gro'i skur bsgoms la/ gsang gnas yaM las rlung bskyed la/ raM las phog pas me 'bar/ yi ge bzhi dmar hril li li 'dug pa yud tsam bsam/ ngag tu yi ge bzhi pa bgrang grang na lus po sbrul gsig/ brtul zhugs bya'o// de ni drod rang 'bar du 'byung / drod skye ba'i le'u ste bco brgyad pa'o// // de nas yang dag bshad bya ba// mi snang bsgrub pa'i yi ge bzhi// ha ri ni sa zhes bya ba// ha ni rlung gi sgrib shing yin// ri ni chu yi sgrib shing yin// ni ni me yi sgrib shing yin// sa ni sa yi sgrib shang yin// bya mo nag mo'i sgo nga ru// srin bu me khyer bdun bstsal nas// kha ru bcug la 'bru bzhi bzlas// gzhan gyis bdag nyid mi mthong la// bdag gis gzhan ni mthong bar 'gyur// sa chu me rlung gang gis kyang // bdag la tshugs par mi 'gyur ro// mi snang ba bsgrub pa'i le'u ste bcu dgu

  140. 70b

    pa'o// // de nas yang dag bshad bya ba// brgya byin lha yi 'khor lo yis// rgyal po zil gyis mnan pa ni// ras sam shin shun gro ga la// lha dbang brgya byin lto ba ru// ha ri ni sa zhes pa dang // ra tsa hri ya zhes pa bri// dbus su gang la bya ba bri// 'khor los sgyur ba la sogs pa// mi dang mi ma yin pa yi// rgyal po thams cad zil gyis gnon/ brgya byin lha'i 'khor los rgyal po zil gyis gnon pa'i le'u ste nyi shu pa'o// // de nas yang dag bshad bya ba// ha ya g+hi ba'i mig gi 'khor lo yis// glang chen zil gyi mnan pa ni// rta mgrin lto bar 'khor lo bri// ha ri ni sa zhes pa dang // ra tsa hri ya zhes bya bri// 'khor lo sngags kyis bskor byas nas// klu dang byol song glang chen rnams// byol song rigs rnams zil gyis gnon// ha ya g+hi ba'i mig gi 'khor lo'i le'u ste nyer gcig pa'o// // de nas yang dag bshad bya ba// lang ga mgrin bcu'i 'khor lo yis// mi rgod zil gyis mnan pa ni// srin po'i lte bar 'khor la bri// ha ri ni sa zhes pa dang // ra tsa hri ya zhes pa bri// 'khor lo sngags kyis bskor byas nas// dgra dang 'dre rgod 'byung po'i tshogs// thams cad zil gyis gnon par byed// lang ga mgrin bcu'i 'khor lo'i le'u ste nyer gnyis pa'o// // de nas yang dag bshad bya ba// ku ku ra tsa'i mig gi 'khor lo

  141. 71a

    yis// lce spyang zil gyis mnan pa ni// seng ge dkar mo'i pags bu la// seng ge dkar mo'i lto ba ru// ha ri ni sa zhes pa dang // ra tsa tri ya zhes pa bri// 'khor lo sngags kyis bskor byas nas// rang gi lus la btags pa na// lce sbrang ri spyang lung spyang dang // stag gzig dom dred gcan gzan rnams// thams cad zil gyis gnon par byed// ku ku ra tsa'i mig gi 'khor lo'i le'u ste nyer gsum pa'o// // de nas yang dag bshad bya ba// phyi skor gdams pa'i yan lag bzhi// spyi bo bde chen 'khor lo na// ye shes mkha' 'gro rtogs pa bskyed// mgrin pa longs spyod 'khor lo na// dam tshig mkha' 'gro dbang du sdud// snying kha chos kyi 'khor lo na// chos kyi mkha' 'gros dngos grub ster// lte ba sprul pa'i 'khor lo na// las kyi mkha' 'gros 'byung ba gtsun// phyi skor gdams pa'i yan lag gi le'u ste nyer bzhi pa'o// // de nas yang dag bshad bya ba// nang skor snying gi yan lag bzhi la// rdo rje mkha' 'gro dbang du ma 'dus pas// rtogs pa skye ru ma btub na// bdud rtsi lnga la spyod par bya// snang ba zil gyis ma non na// rin chen mkha' 'gro dbang du ma 'dus pas// de la dka' thub rem la bya// lus la drod du ma skyes na// pad+ma mkha' 'gro dbang du ma 'dus pas// de la tshogs 'khor rem la bya// zas dang 'du

  142. 71b

    'dzim 'dus na// las kyi DA ki dbang du ma 'dus pas// de la zas kyi sbyin sreg bya// nang skor snying gi le'u ste nyer lnga pa'o// // de nas yang dag bshad bya ba// gsang skor mig gi gdams pa ni// mi rtog pa yi ye shes dang // rdzas dang longs spyod khong nas 'char// bde ba dang drod gang 'dod pa'i 'khor lo bzhi g.yon phyogs su bskor/ lus kyi bde ba/ ngag gi nus pa/ sems kyi rtogs pa la g.yas nas bskor/ snang ba bsgyur ba/ bar chad bsal ba/ longs spyod bsdu ba gsum/ gang 'dod bshams la gdags par bya/ gsang skor gdams pa'i le'u ste nyer drug pa'o// // de nas yang dag bshad bya ba// yang gsang thugs kyi man ngag bzhi// ting 'dzin dran pa gnad kyi gzer gyi yi ge bzhi/ ha phyed po mtha' bral lta ba/ ri mi 'gyur ba gsal ba sgom pa/ ni thams cad dbang sdud spyod pa/ sa sra zhing brtan pa de 'bras bu'o// a wa d+hU ti'i kha phye/ mkha' 'gro ma kun d+ha ra ma g.yas su bcug la/ de la mi sbar bar bsam/ yang gsang thugs kyi man ngag gi le'u ste nyer bdun pa'o// // de nas yang dag bshad bya ba/ yi ge 'bru bzhi'i 'khor lo bzhi nyams su blang ba ni/ ha ri ni sa yi ge bzhi// DA ki sde bzhi'i snying po ste// longs spyod spel zhing drod dang ldan// lus la bde chen 'bar bar 'gyur// bde bar 'dod na spyi bor

  143. 72a

    bskor// longs spyod 'dod na mgrin par bskor// lung ston 'dod na snying khar bskor// me drod 'dod na lte bar bskor// 'khor lo bzhi nyams su blang ba'i le'u ste nyer brgyad pa'o// // nas mi sdod pa gsum gyi dkyil 'khor lam du blang ba ni/ lus mi sdod pa lha'i dkyil 'khor lam du blang / ngag mi sdod pa sngags kyi dkyil 'khor lam du blang / sems mi sdod pa chos nyid kyi dkyil 'khor lam du blang ba ni/ dkyil 'khor lam slong gi le'u ste nyer dgu pa'o// // mtshungs pa gsum gyis 'du ba gsum lam du blang ba ni/ lus DA ki dang mtshungs pas nub mo mkha' 'gro 'du/ sngags dngos grub kyi gter dang mtshungs pas/ nang nub zas 'du/ rang bkur nas rgyal po dang mtshungs pas/ nyin mo mi 'du'o// mtshungs pa gsum gyi le'u ste sum cu pa'o// // de nas yang dag bshad bya ba/ yi dam lha'i zhal mthong bar 'dod na/ rang sangs rgyas kyi sa la sa rdo gzugs pa ni/ gdams ngag la nang byan chud pa/ sems nyid la gdeng chud pa/ snang ba la byan chud pa'o// de gsum dang ldan na sangs rgyas kyi sa la sde tshugs/ tshugs pa gsum gyi le'u ste so gcig pa'o// // mi brjed pa'i gzungs thob par 'dod na/ drang srong gi gsung la sa rde gzugs par 'dod pa ni/ shes bya sgro 'dogs chod pas mnyan pa'i

  144. 72b

    gzungs thob/ shes bya nyams su blangs pas bsam pa'i sgro 'dogs chod/ shes bya gtan la phab pas sgom pa'i sgro 'dogs chod/ de gsum gyis sgro 'dogs chod pas mi brjed pa'i gzungs thob bo// sgo 'dogs chod pa gsum gyi le'u ste so gnyis pa'o// // gnas lugs kyi don rtogs par 'dod na/ ye shes kyi thugs la sa je gzugs pa ni/ lus bde bas 'byung ba'i na tshas mi tshugs/ ngag bde bas bgegs kyis mi tshugs/ yid bde bas rnam par rtog pas mi tshugs so// bde ba gsum gyi le'u ste so gsum pa'o// // thun mong gi dngos grub thob par 'dod na/ dka' thub la sa rje gzugs pa ni/ bla ma sangs rgyas su mthong bas byin brlabs kyi dngos grub 'byung / gdams ngag la bdud rtsir mthong bas/ nyams myong gi byin brlabs 'byung / bka' lung la nor bu rin po cher mthong bas/ mi bslu ba'i dngos grub 'byung ngo // mthong ba gsum gyi le'u ste so bzhi pa'o// // rtsa'i dug gsum la 'byung ba gzhug pa gsum gyis yul gdon pa ni/ lus la bde ba 'bar/ ngag la nus pa 'bar/ sems la rtogs pa 'bar/ tha mal gyi nyon mongs pa bag la zha/ ye shes rgyas pas nyon mongs pa'i dug yul thon/ 'bar ba gsum gyi le'u ste so lnga pa'o// // tha mal rnam pa bzhis 'khor lo bzhi'i mtshan nyid yul gdon pa ni//

  145. 73a

    rig pa tha mal du ma bzhag par/ rig pa la ngar btags pas snang ba mi 'gyur ba'i dbang med/ lus za mal du ma bsdad chur nyal bas drod mi skye ba'i dbang med/ lus kyi bya za mal du ma bzhag brtul zhugs byas pas/ 'byung po la bar chad bya ba 'di dbang med/ mi'i zla la tha mal du ma bsdad gcig pur bsdad na nyams myong la mi skye ba'i dbang med/ dbang med bzhi'i le'u ste so drug pa'o// // nad rnam pa bzhi sems can bzhi'i skad kyis yul gdon pa ni/ tshang pa la has gdon/ rlung la ris gdon/ grang ba la sas gdon/ 'dus pa la ni sa cha mnyam mo// nad gdon zhi ba'i le'u ste so bdun pa'o// // de nas yang dag bshad bya ba/ mngon par 'tshang rgya ba'i yi ge ni/ ha ni mi rtog chos kyi dbyings// ri ni mi 'gyur chos kyi sku// ni ni yang dag mi 'gyur ba// sa ni bsam gtan yang dag don// 'di yi don dang gang ldan pa// mngon par 'tshang rgya ba'i yi ge yin/ mngon par 'tshang rgya'i yi ge'u le'u ste so brgyad pa'o// // de nas yang dag bshad bya ba// lha 'dre dpung tshogs bskyed pa'i yi ge ni/ ha ri ni sa/ mo rgyun rnams kyi dpung bskyed pa yin/ ra tsa hri ya/ pho rgyud dpung tshogs bskyed pa yin// pho rgyud mo rgyud dpung gis ni// bar chad tshar ni gcod par byed// lha 'dre dpung tshogs bskyed pa'i le'u ste so dgu

  146. 73b

    pa'o// // de nas yang dag bshad bya ba// zas tshogs gos tshogs 'du ba'i yi ge ni/ ha ri ni sa/ ra tsa hri ya/ zhes gang 'dod me la sbyin sreg bya/ mkha' 'gro tshogs dang gtor mas bskangs// zas dang nor rnams 'byung bar 'gyur// zas tshogs gos tshogs bsdu ba'i le'u ste bzhi bcu pa'o// // 'byung ba ro snyoms pa'i yi ge bzhi la/ 'byung ba me la chu btang ba/ chu la sa btang ba la sogs pa'o// grang ba skyes na rkang mthil nas rlung gzhu ltar du 'phangs pas/ gsang bar raM las me 'bar bas/ lus zo stong lta bu'i nang nas yar me 'bar bar bsam/ tshad paskyed na ha dngul chu lta bu las/ ye shes kyi bdud rtsi bab par bsam/ rlung la mar khu lta bur bzhag/ 'byung ba ro snyoms pa'i le'u ste zhe gcig pa'o// // las phran tshegs kyi yi ge ni/ oM AHhUM ma ha ri ni sa/ zhes pa'i yi ge brgyad/ dbu rdeb pa'i yi ge 'o// ha a ri ni ma sa/ yi ge drug pas khrag kyang bcad// ha ri ni IM AHhUM ma/ yi ge bdun gyis rma yid gso// sa IM ha a ri ni/ yi ge drug gis sha ro 'byin// ri ni ma sa IM A/ yi ge drug gis zas kyang 'ju// hUM ni sa ma oM/ yi ge lnga yis lus kyi gdon yang 'byin// A hUM ha ri ni/ yi ge lnga yis 'du ba'i mgo yang gnon// ma sa IM ha A/ yi ge lnga yis dri chu 'gags pa sel// sa ni oM ma/ yi ge bzhi yis bying ba gseng // sa A~M

  147. 74a

    ha/ yi ge gsum gyis 'thor ba sdud// ri A hUM/ yi ge gsum gyis gnyid kyang 'gug/ ni ma/ yi ge gnyis kyis rlung yang bzung // ha/ yi ge gcig gis tshad pa 'don// A/ yi ge gcig gis skye ba med pa'i don btsal bar bya'o// las phran tshegs kyi le'u ste zhe gnyis pa'o// // de nas chos mkha' 'gros chos kyi dbyings su gnas/ 'khor rnams rang gnas su dengs so// pho thems mo thems kyi rgyud rdzogs sa ho// / sa ma yaHrgya rgya rgyaHgter rgya'o// sras rgya'o// / @#// rgya gar skad du/ DA ki ni pany+tsa karma d+ha la sa mud tan tra nA ma/ bod skad du/ mkha' 'gro sde lnga las rgya mtsho'i rgyud ces bya ba/ mkha' 'gro sde lnga la phyag 'tshal lo// 'di skad bdag gis zos pa'i dus gcig na/ u rgyan gyi yul dur khrod bang so dmar po na/ mkha' 'gro sde lnga 'khor DA ki 'bum dang bcas pa/ dur khrod na ro la longs spyod cing bzhugs so// de'i tshe sgrub pa po bram ze blo ldan mchog sred ces bya ba/ grub pa thob pa'i rnal 'byor pa mkha' 'gro sde bzhi bran du 'khol ba des/ de'i tshe mkha' 'gro rnams la tshogs kyi 'khor lo byas te zhus pa/ kye ma mkha' 'gro sde lnga'i tshogs// DA ki'i sgrub pa ji ltar bgyi// mkha' 'gro'i srog gi gnad ni gang // dbang phyug nga la bstan du gsol// zhes zhus so// de nas mkha'

  148. 74b

    'gro sde lnga dgyes nas/ las kyi DA ki mas ye shes kyi mkha' 'gro rnams la bskor ba byas te/ bshad par zhu ba phul lo// gleng gzhi'i le'u ste dang po'o// // de nas ye shes mkha' 'gro mas bka' stsal pa/ nyon cig dpa' bo dbang phyug che// mkha' 'gro sde lnga bsgrub 'dod na// dben pa'i gnas sam dur khrod du// bde ba'i stan la 'dug nas ni// skad cig ma las phag mor bsgom// sku mdog sin+d+hu ra dang mtshungs// g.yas pa rtog med phag gdong zhal// g.yon pa chags tshul khro mo'i zhal// g.yas pa zangs kyi gri gug bsnams// g.yon pa thod pa khrag bkang thogs/ kha TaM kha ni mtshan khung bcug/ gzugs dang lang tsho phun sum tshogs// g.yas bskum g.yon brkyang ro gdan bzhugs// IM dang AHdang hUM gsum gyis// sku gsung thugs su byin brlabs la// mi dmigs pa yi ngang las su// 'khor lo bzhi po lus la dgod// spyi bor bla ma bsgom par bya// de yi dbu gtsug 'khor lo'i steng // rdo rje DA ki sku mdog mthing // gcer bu spyan gsum mche ba gtsigs// g.yas pa gri gug g.yon thod pa// dbu skra gyen bsgreng zur 'phyang ba// g.yas bskum g.yon brkyang nyid la bzhugs// sku lus rus pa'i rgyan gyis brgyan// gzhon sha chags pa ha las bskyed// mgrin pa longs spyod 'khor lo la// rin po che yi mkha' 'gro ma// sku mdog

  149. 75a

    ser mo gcer bu la// spyan gsum zhal bgrang mche ba gtsigs// g.yas pa rin chen g.yon dril bu// rgyan dang cha lugs gong dang mthun// yi ge ri las bskyed par bya// snying kha chos kyi 'khor lo na// pad+ma rigs kyi DA ki ma// sku mdog dmar mo gcer bu la// g.yas pa pad+ma g.yon dril bu// rgyan dang cha lugs gong dang mthun// yi ge ni las bskyed par bya// lte ba sprul pa'i 'khor lo na// las kyi rigs kyi DA ki ma/ sku mdog ljang khu gcer bu la// g.yas pa rgya gram g.yon dril bu// rgyan dang cha lugs gong dang mthun// yi ge sa las bskyed par bya// 'khor lo bzhi la mkha' 'gro bzhi// rtsa ni nyi khri gcig stong yang // DA ki nyi khri gcig stong gang // ba spu sa ya dung phyur dang // lus rnams thams cad DA kis gang // mkha' 'gro thugs kyi snying po 'di// ha ri ni sa zhes pa yang // de ltar yi ge bzhi las ni// phyi ltar na ni lha mo bzhi// ha ni sangs rgyas spyan ma yin// ri ni gos dkar mo yin no// ni ni mA ma ki yin no// sa ni dam tshig sgrol ma'o// nang ltar na ni DA ki bzhi// ha ni rdo rje mkha' 'gro ste// ri ni rin chen DA ki ma// ni pad+ma DA ki ma// sa ni las kyi DA ki ma// gsang ba ltar na chos nyid bzhi// ha ni chos rnams 'gag pa med pa lta ba/ ri ni chos rnams mi dmigs pa sgom pa/ ni ni nyon mongs pa thams cad dag ste spyod pa/ sa

  150. 75b

    ni chos thams cad mnyam pa nyid de 'bras bu/ yi ge bzhi las lus kyi rtsa grol/ lus la bde ba 'char ba dang / lus la drod 'byung ba dang / ngag la nus pa 'byung ba dang / sems la rtogs pa 'chang ba dang / lus ngag yid gsum byin gyis rlobs// mtshon dang me dang chus mi 'jig/ dgra bgegs bsad cing dgug pa dang // lha mo klu mo mi mo 'gugs// chos dang nor dang zas gsum 'du// lha 'dre mi gsum dbang du 'du// shes pa rgya bskyed ye shes bsal gdab// nyon mongs pa thog brdzi sa bya/ rig pa shugs rdol 'byung ngo // mkha' 'gro sde lnga bsgrub pa'i le'u ste gnyis pa'o// // de nas yang dag bshad bya ba// dang po stong pa nyid bsgoms la// paM las pad+ma 'dab brgyad dbus/ kha dog dmar po las gyur pa'i// nyi ma'i dkyil 'khor steng dag tu// yi ge hUM las yongs gyur pa'i// bdag nyid rdo rje rnal 'byor ma// drag po yi ni 'od can ma// gces bu g.yon ni brkyang bar gnas// zhal gcig ma la phyag gnyis ma// chu 'dzin mdzes shing mnan pa'o// sku mdog dmar mo chen mo ni// 'dod chags chen po'i rang bzhin las// rab tu gtum pa'i spyan gsum ma// smin ma khro gnyer yongs gyur pa// mche ba gtsigs pa'i zhal mnga' ba// ljags ni 'dril la skra grol ba// ro yi gdan la bzhugs pa ste// gzhon sha che la chags tshul che// dra ba dra

  151. 76a

    phyed dril bu'i sil snyan sgrogs// rin chen g.yer kha'i sgra sgrogs ma// phyag rgya lnga dang ldan pa la// lha dang lha min khrag bkang ba'i// thod pa g.yon na bsnams pa la// rdo rje gri gug sdigs mdzub g.yas// shin tu 'jigs pa'i gzugs can ma// dur khrod la sogs gnas su bsgom// sgom pa skyo na 'das pa bya// oM sarba bud+d+ha DA ki ni ye/ oM badz+ra wa ra NA ni ye/ oM badz+ra bai ro tsa na ni ye/ hUM hUM hUM/ ha ri ni sa// phaT phaT phaT swA ha/ rtsa ba'i sngags ni/ oM badz+ra yo gi ni ye hUM phaT/ ha ri ni sa/ snying po'i sngags ni/ oM badz+ra yo gi ni hUM phaT/ ha ri ni sa/ gtor ma'i sngags ni/ oM badz+ra DA ki ni bya i dan b+ha ling g+hi na g+hi na/ ha ha ha/ kha kha khA/ a a A/ ma sid+hi/ pra pa tsa/ ha hUM phaT/ tshes brgyad bcu dang bcu bzhi la// gtor ma mchod pa dag gis mchod// hUM/ bcom ldan rdo rje phag mo ni// g.yas pa rtog med phag gdong zhal// g.yon pa chags tshul khro mo'i zhal// sku mdog dmar mo 'od zer 'phro// zhal gnyis su ni sbrul mdzad ma// sgrub pa po la grogs mdzad ma// rje btsun rnal 'byor ma la phyag 'tshal bstod// 'khor ba mya ngan 'das spangs shing // 'khor ba mya ngan 'das la bzhugs// kun rdzob don dam gnyis su med// gnyis med gzugs la phyag 'tshal bstod// spros med dbyings las ma g.yos kyang // thabs kyis 'dul ba

  152. 76b

    gang dang gang gi ngor// smon lam dbang gis 'gro ba'i don mdzad ma// yid bzhin nor bu 'dra ma khyod la phyag 'tshal bstod// g.yas na nyon mongs skyon kun gcod pa'i gri gug thogs// shin tu dkar ba'i thod khrag g.yon na bsnams// zhabs gnyis brkyang bskum ya bdud zil gyis gnon pa'i gtso mo ste// rdo rje rnal 'byor ma la phyag 'tshal bstod// ces 'dod pa'i don la gsol ba gdab bo// ye shes sems dpa' gshegs su gsol// lha yi ngo bor bdag dmigs te// rgyun du spyod lam de ltar bya// phag mo dmar mo gsung bsgrub pa'i le'u ste gsum pa'o// // de nas yang dag bshad bya ba// sku yi dngos grub thob 'dod na// dur khrod lta bu'i gnas su ni// bde ba'i stan la rab brten nas// stong pa nyid kyis ngang las ni// bdag nyid rdo rje phag mor bsgom// sku mdog dkar mo phyag gnyis ma// g.yas pa rtog med phag mo'i zhal// phag ral g.yas pa gyen du gsig/ g.yon pa chags tshul khro mo'i zhal// cung zad khro bo'i tshul ston pa// g.yas pa gri gug nyon mongs gcod// g.yon pa chags mdzad zod khrag bsnams// sku smad stag gi sham thabs gsol// ro dang nyi ma'i steng du ni// zhabs g.yas bgrad la g.yon pa 'gying // phyag rgya lngas ni brgyan par bsgom// de nas rang gi snying kha nas// 'od 'phros ye shes phag mo dgug/ gnyis su

  153. 77a

    med par bstim pa las// 'dod yon lha mor rnams sprul te// mchod rdzas rnams ni dbul bar bya// rang gi snying kha'i hri las su// oM au au/ sarba bud+d+ha DA ki ni ye/ badz+ra wa raN+Da ni ye/ badz+ra be ro tsan ni ye/ hUM hUM hUM/ phaT phaT phaT/ swA ha/ zhes g.yon du 'khor bar bsam mo// de la sems gtad bzlas pa bya// bzlas pa skyon gtor ma btang // rje btsun rdo rje mkha' 'gro ma// stong nyid snying rje'i bdag nyid can// khams gsum pa yi ngo bo nyid// bskal pa me ltar 'bar ba'i 'od// rdo rje rnal 'byor ma'i tshogs la 'dud// dpal ldan rdo rje mkha' 'gro ma// mkha' 'gro ma yi 'khor lo sgyur// ye shes lnga dang sku gsum nyid// 'gro ba skyob la phyag 'tshal bstod// ji snyed rdo rje mkha' 'gro ma// kun tu rtog pa 'ching mdzad cing // 'jig rten bya ba la 'jug pa'i// de rnams bskyed la phyag 'tshal bstod// ces bstod la/ ye shes sems dpa' gshegs su gsol// lha yi ngo bor dmigs byas te// nyal ba'i spyod lam bya ba'o// sku'i dngos grub thob par 'gyur ro// sku'i phag mo dkar mo bsgrub pa'i le'u ste bzhi pa'o// // de nas yang dag bshad bya ba// phag mo nag mo bsgrub 'dod na// dben pa'i gnas su 'dug nas ni// dur khrod sol bas lus byugs te// stong nyid skad cig gnas pa las// paM las pad+ma a las zla ba ste// hri

  154. 77b

    nag yongs su gyur pa las// bdag rang rdo rje rnal 'byor ma// phag mo shin tu khros ma ni// sku mdog nag mo shin tu skem// rus pa'i rgyan lngas mdzes par brgyan// gcer bu sku la zod 'phreng gsol// dbu skra gyen brdzes ral pa 'khrigs// phag zhal mche gtsigs ljags 'gul ma// phyag na gri gug sngo nag thogs// phyag g.yon thod khrag thogs nas kha DaM 'khyud// me dpung sngo nag 'bar dbus na// ya bdud pho mo'i gdan la ni// skyil krung phyed pa'i gar gyis bzhugs// oM dang AHdang hUM gsum gyis// sku gsungs thugs su byin gyis brlabs// de nas rang gi snying kha'i steng // hri nag sngags kyi 'phreng bskor bsam// de las 'od zer 'phros pa yis// ye shes sems dpa' bkug la bstim// oM badz+ra wa ra hri hUM hUM phaT swA hA/ oM badz+ra war NA ni ye hUM phaT/ ces 'bum phrag dag tu bzlas par bya// rang gi lte dkyil chos 'byung ni// gru gsum dmar por bsam par bya// g.yung drung ris su bsgom par bya// de dkyil sngo nag hri bsams te// zhor la 'og rlung bsdams pa las// hri las me 'bar lte ba sprul pa'i 'khor lo bsregs// spyi gtsug haM zhu a wa 'du ti nas mar byang chub sems dkar nar ra ra 'bab par bsams la lte bar bsgom// cung zhig bde skyes drod thob nas// stong pa nyid du rgyas gdab bya// oM badz+ra wa ra ti ha ha hi/ pheM pheM pheM//

  155. 78a

    kha kha/ kha hi kha hi/ nam phyed na chang dang bcas pa'i gtor ma sbyin/ hUM/ skye med rnam dag chos kyi dbyings nyid pas// skye ba'i cho 'phrul cir yang sbrul mdzad ma// 'gro ba'i don mdzad rdo rje mkha' 'gro ma// dug gsum 'joms mdzad phag mo'i sku la bstod// skye med ngang las ma g.yos sku mdog gnag/ gces bu zhal bgrad mche gtsigs longs spyod rdzogs pa'i sku// longs spyod rdzogs pa'i sku la bstod// nyon mongs dug gsum 'joms mdzad phag mo'i skur bstan nas// sna tshogs sbrul skus 'gro ba'i don mdzad ma// rdo rje phag mo'i sku gsung thugs la bstod// phyag g.yas gri gug nyon mongs dug gsum 'joms// phyag g.yon thod skam skye med dbyings su sbyor// dbu skra gyen thur sbrul sku sna tshogs 'gyed// rdo rje phag mo 'gro don mdzad la bstod// dur khrod rus pa'i rgyan gyis mkha' 'gro dbang du ye shes me yis ma rig mun nag 'joms// g.yas brkyang g.yon bskum thabs dang shes rab dang // rdo rje phag mo longs spyod ldan la bstod// shes rab skyon med nyi zla pad+ma'i gdan// bde bar gshegs pa'i gsang ba'i yum gcig ma// mthong dang dran pa tsam gyis ye shes skye// yon tan kun rdzogs ma la phyag 'tshal bstod// yon tan bye bar brgyan pa'i phag mo la// rtag tu dad pas khyed la mchod

  156. 78b

    bstod pas// rnal 'byor bdag la byin gyis brlab tu gsol// oM AHhUM/ zhes bstod/ phag mo nag mo thugs kyi bsgrub pa'i le'u ste lnga pa'o// // de nas yang dag bshad bya ba/ mkha' 'gros gtor ma dngos su len par 'dod na/ dben pa'i gnas sam dur khrod du// DA ki bsnyen dang bsgrub pa dang // 'phrin las so sor bya ba ni// maN+Dal zla gam gru bzhi la// grub gsum dmar nag gdengs pa la// ro yi rgyal mtshan bsnol ba la// de dbus che ge mo bri bar bya// shin tu sgeg pa'i cha byad la// dkar mo dar dkar la'u can// rgyan cha shin tu sgeg la// phyag na kha TaM ban d+ha can// mkha' 'gro ma yi tshegs kyis bskor// ting 'dzin de dang ldan par ni// zhal nas mkha' 'gro'i sngags 'di bzlas// oM gal mdzo ki ni phra tsan hUM hUM hring hring / zhag ni bdun nam dgu'i bar du// sgra bcad byas nas bzlas par bya// sngon du stag dang sbrul dang me// bya dang seng ge 'byung bar 'gyur// shar du me tog gtor ma bzhag/ lho ru keng rus gtor ma bzhag/ nub tu sha yi gtor ma bzhag/ byang du 'bru'i gtor ma bzhag/ dbus su kun gyi gtor ma bzhag/ rtags ni gang byung gtor ma btang // rtags kun byung na gtor ma rdzogs par gtang // bsnyen pa de nyid rdzogs pa'i rtags// gong gi rtags de 'byung ba'o// de nyid byung na sngags

  157. 79a

    'di bzlas// g+ha la ni g+ha la ni d+ho gi ni/ pra tsan de tsan de hUM hUM hring dring / de nas bsgrub pa'i sngags 'di bzlas// ar+ha b+ho ga/ a g+ho ga pha ta ye/ hUM hUM hring hring / kha kha hi/ gtor ma mkha' 'gro ma la btang ba'o// ting ting gal dz+nyo gi ni/ yo gi ni traM hring / dbang skur bya zhing las kun bcol// de nas Da ma ru 'am thod rnga dkrol// gtor ma gsar la 'di skad brjod// hUM ma g.yeng ma g.yel mkha' 'gro'i tshogs// bzhengs shig dur khrod gnas nas bzhengs// bskul lo thugs dam gnad nas bskul// rdo rje rigs kyi DA ki ma// chos dbyings ngang las skur bzhengs la// bka' yi gtor ma 'di long zhig/ rat+na rigs kyi DA ki ma// chos kyi dbyings las sku bzhengs la// bka' yi gtor ma 'di long zhig/ pad+ma rigs kyi DA ki ma// chos kyi dbyings las sku bzhengs la// bka' yi gtor ma 'di long zhig/ las kyi rigs kyi DA ki ma// rang bzhin gnas nas sku bzhengs la// bka' yi gtor ma 'di long zhig/ ma dang mkha' 'gro gying gi tshogs// DA ki 'bum dang phungs se phungs// zhi ba can stong dang si li li// mkha' 'gro glu len k+Shu ru ru// DA ki'i brda skad ldab ma ldib// dri zhim ngad pa thu lu lu// dar gyi ru mtshon lhub se lbub// 'dir sbron dgyes pa'i dam rdzas mchis// rnal 'byor pho mo dam re

  158. 79b

    gtsang // mkha' 'gro'i tshogs de dang re spro// dur khrod gnas de nyams re dga'// zhing chen bla re rgyan dang ldan// gsur chen dud pa dri re zhim// bam gyi khog stod gcod 'phror ldan// sha sna snying sna bsam mi khyab// DA ki'i tshogs rnams 'dir spyon cig/ bka' yi gtor ma 'di long zhig/ badz+ra DA ki ni pra ti dza b+ha ling ta kha hi// bud+d+ha DA ki ni pra ti dza b+ha ling ta kha hi/ rad na DA ki ni pra ti dza b+ha ling ta kha hi/ pad+ma DA ki me/ ni pra tits+tsha ba ling ta khA hi/ karma DA ki ni pra ti dza b+ha ling ta kha hi/ lo ka DA ki ni pra ti dza b+ha ling ta kha hi/ zhes dbul lo// rab ni zhag bdun dag nas 'ong // 'bring zhag bcu bzhi dag nas 'ong // tha ma nyi shu rtsa gcig na// mkha' 'gro ma ni dngos su 'ong // gtor ma dngos su len pa dang // ci bcol bsgo ba byed pa dang // dngos grub sna tshogs ster ba 'byung // mkha' 'gro sde lnga bsgrub pa gtor len gyi le'u ste drug pa'o// // de nas yang dag bshad bya ba// rnal 'byor bar chad bsgral ba'i phyir// mkha' 'gro dngos su bsgrub par bya// bar chod dgra bgegs bsgral bar bya// mkha' 'gro ma gtor ma rang zan 'di yi bca' thabs la/ dang po nas kyi maN+Dal gyi steng // gtor ma lnga bshams la// bdag nyid rdo rje phag mo'i ting nge 'dzin la zhugs la/ de nas lha bsgrub pa'i sngags 'di bzlas so// gal ni gal dz+nyo gi ni/ pra tsan

  159. 80a

    d+ha/ gal ni gal ni rta ga ni pra tsan d+he tsan d+he/ tsAts+tsha thing zing kha kha/ da tshal ni rtags ma byung bar bgrang bar bya'o// rtags ni stag byung na shar phyogs kyi gtor ma gtang / sbrul byung na lho phyogs kyi gtor ma gtang / me byung na nub phyogs kyi gtor ma btang / rlung byung na byang phyogs kyi gtor ma gtang bar bya'o// seng ge byung na dbus kyi gtor ma gtang bar bya'o// dang po seng ge byung na lha grub pa yin pas/ gtor ma lnga char dus gcig la gtang bar bya'o// de ni grub pa'i rtags so// grub rtags de rnams byung tsa na// bsrung ba'i sngags 'di rnams bzlas so// ha ra sid+d+hi/ de ba sid+d+ha la/ de khri tsam bzlas la/ de nas dgra bo dgug pa'i sngags 'di bzlas so// a dz+nya b+hi ga/ a dz+ha b+hi ga la/ ga ba ta ye hUM hUM/ hring hring / kha kha/ de la khri tsho tsam gdon/ de nas yungs dkar gyis brab pa'i sngags 'di bzlas so// ti ti mA ra ya hus pa/ ti ti ma ra ya hus pa/ ma hA ro sha ni/ pra tsan d+ha pra tsan d+ha/ hUM hUM/ hring hring / kha kha/ de tsho la stong tsam gdon te bsad sngags so// de nas phur thun gyi bzlas pa bya/ a ka ra shi/ ka li stam ba li/ ma hA ni dal ta hUM/ de la stong bzlas la gdab bo// de nas las kyi mtha' sdud rdo thun gyi sngags 'di bzlas la gdab bo// pra ta ma tsag khra ye khrag tsag khra/ rdo'i tsag khra/ tsag khri tsag khra/ hUM hUM/ hring hring / kha kha/

  160. 80b

    yungs thun phur thun byas pa'i ling ga sman ma de/ rdo'i thun gyis brlag par byas te/ las kyi mtha' bsdu'o// yang rang la rtags 'byung ste/ snying 'khro na sbrang khu'i skad 'byung kha 'khro na lce mnar/ dgra la thun 'debs pa'i dus su/ dgongs pa khang rul gyi du ba bzhin zhe gnag ting de bya/ sems gzhan du ma yengs par ba rnams la bya'o// de nas gtor ma gtong ba'i sngags 'di bzlas so// oM badz+ra DA ki ni pra ti dza b+ha ling ta kha hi/ gtor ma btang re na sngags 'di bzlas so// rdo rje mkha' 'gro ma dur khrod kyi DA ki ma dang bcas pa'i sgrub thabs yin pas/ zla ba gnyis mtshams la gnas na/ mkha' 'gro dngos su gtor ma zar nges so// sngags mkhan dang dngos su gtam byar 'ong ngo // zhag gsum na mtshan ma 'ong ngo // de nas bskul ba 'di skad do// b+h+yo/ rdo rje rigs kyi mkha' 'gro ma// bzhugs ni rgya gar yul na bzhugs// dur khrod brgyad ni gnas kyang 'cha'// sku la dar nag lnga'u gsol// dar nag ral pa pu ru ru// g.yas pa gri khug khugs se khugs// g.yon na thod skam khrag gis bkang / khrag dang zhag tu khyi li li// mkha' 'gro'i tshogs de 'dir spyon cig/ bdag la bar chad dgra mchis kyis// thams cad ma lus mkha' 'gros sgrol// zhes 'bod do// zhag nyi shu rtsa gcig na bar chod kyi dgra bgegs thams cad

  161. 81a

    dngos su sgrol bar 'gyur ro// mkha' 'gro ma dngos su dbab pa'i le'u ste bdun pa'o// // de nas yang dag bshad bya ba// DA ki rnam bzhi bsgrubs byas la// gdon sogs zhi bar bya ba ni// yid 'ong gnas su nyer 'dug ste// bde ba'i stan la 'dug nas ni// bdag nyid lha yi skur bsgoms la// 'byung ba'i lha mo bzhi bskyed la// gsang sngags 'di ni bzlas par bya// oM sid d+hi/ oM sid d+hi/ oM sid d+hi/ shri si la a nan d+he ba pa de bya/ au a shrI ga g+ha na a nan ta de ba sa de bya/ au AHhUM shri ka ma la/ a nan d+he ba pa de bya/ oM AHhAM ho shri swA hA/ dza ya b+han d+ha de ba pa de bya/ bi shaM saM ba raM/ dz+nya ga maM dre shi bi shaM/ sa ma gr-i na sha ya na sha ya/ a sa a mu ka swA hA/ zla ba drug tu bzlas par bya// zla ba dang pos nad pa'i gdon rnams zhi// gnyis pas klu rnams dbang du 'gyur// gsum pas mkha' 'gro'i sprul pa mthong // bzhi pas 'jig rten pa rnams dbang du sdud// lnga pas mkha' 'gros rmi lam ston// mkha' spyod gter rnams thams cad mthong // zla ba drug tu bsgrubs pa na// ci 'dod pa yi bsam pa 'grub// rgas dang na dang 'chi ba dang // chu bo bzhi las brgal bar 'gyur// nyi zla dag la zhon nas rgyu// mkha' 'gro rnam bzhis bskur bar 'gyur// mkha' 'gro nub par sgrub pa'i le'u ste brgyad pa'o// // de nas

  162. 81b

    yang dag bshad bya ba// mkha' 'gro rnam bzhi'i byin brlabs dbab par 'dod na/ bdag lus zo ba stong par bsam// bud med bzang mo bzhis/ bdag gi mgo la 'od kyi thod bskon par bsam// de las me mched pas/ bdag gi tshangs pa'i bu ga na mar song bar bsam la/ lus me dpung du song bar bsgoms la/ rkang mthil gnyis kyi 'og tu yaM las rlung gi da la bskyed/ de las rlung gis me sbar ro// de ni bskyed pa'i rim pa'o// sngags kyi rim pa bstan pa ni// oM bar min bar gyi de ba na ga li swA ha/ AM a pa sha dam stam b+ha ya rA rA dza la ni swA hA/ de nas mkha' 'gro ma la gtor ma sbyin/ gsol ba gdab/ de nas byin brlabs 'bar te/ lus ltar ba 'byung ngo // mkha' 'gro bsam gtan 'bar ba'i le'u ste dgu pa'o// // de nas yang dag bshad bya ba// mkha' 'gro'i mtshan ma dbab 'dod na// dben pa'i gnas su 'dug nas ni// maN+Dal zlum po legs byas te// steng du me tog tshom bu dgram// de steng khrus kyi bum pa bzhag/ de steng me long gan rkyal bzhag/ me long mtha' ma me tog 'phreng bas bskor// maN+Dal dbus su mkha' 'gro 'gul byed ma// btso ma gser gyi kha dog 'dra// na bza' dar ni mthing kha gsol// zhal gcig ma la phyag gnyis ma// phyag g.yas shes rab ral gri bsnams// g.yon na me tog ut+pal

  163. 82a

    bsnams// rin chen sna tshogs rgyan gyis brgyan// zla ba'i gdan la bzhugs pa bsgom// me tog tshom bu bzhi po ni// rigs kyi mkha' 'gro bzhi por bskyed// sgrub pa'i sngags ni 'di yis bsgrubs// au tsa le tsu le tsun d+he dang sha ya/ sarba pA la swA hA/ zhes 'bum du tshang na dbab par bya'o// mkha' 'gro dngos su 'ong bar 'gyur// grong pa'i chos kyi ma 'brel ba'i// pha ma tshang ba'i bu mo bzhi// khrus byas gos bskon mgo la me tog bcing // mig gnyis oM dkar byin gyis brlabs// lha'i mig tu byin gyis brlabs pa'i sngags// IM tar+ya thA/ tsak+Shu tsak+Shu dz+nyA na tsak+ShA phye swA hA/ lan bdun nam nyi shu rtsa gcig bzlas lag tu me long gtad pa'i sngags 'dis mthong bar bya'o// IM tsa le tsu le tsun d+he/ pra be sha ya pra be sha ya/ a pra ku ma ku ma ri/ ka sho sha ri rang / shi ri ri/ pra pe sha/ dang pa ya/ sarba ya/ b+hud ta ya/ sarba bud d+ha d+harma sang ga sa b+he ta ya/ b+ha ga ba ti/ ma bi lam pa/ bA ra ma sha ye/ pa ri bu re ye swA hA/ zhes bzlas/ bu mo la ni DA ki dbab// legs nyes rgyu 'bras lta ba dang // srid pa gsum yang mthong bar 'gyur// me long nang du thams cad gsal// mkha' 'gro dngos su dbab pa'i le'u ste bcu pa'o// // de nas yang dag bshad bya ba// mkha' 'gro mda' la dbab pa ni// nas la pad+ma 'dab bzhi bri// steng du

  164. 82b

    mkha' 'gro rnam bzhi bskyed// mda' bzhi stong sprad sngags 'di gdab// oM ni sha mi ni theg/ pra ti ti theg/ ma skrag pra bzang mo theg/ hur yer slong theg/ nyi shu rtsa gcig bzlas pa dang // mda' ni 'gul dang lang par 'gyur// oM pra ma ni swA hA/ oM d+ha sha ma ni swA hA/ oM pra mun swA hA/ oM sho mun swA hA// dang po sngags brgya bzlas par bya// rbad khar lnga brgya bzlas par bya// lha dang mi gnyis ltong sprad la// dgra dang 'dre gnyis ltong sprad do// de la mkha' 'gro'i pra rtags brtag/ lhas ni 'dre ni phyir phyung nas// lha mda' phugs su yel ba na// lha la khas blang dmod bcol bya// gnyis ka dus gcig phul byung nas// rgya 'dre che bas gang phan dmod// lhas su 'dre ni phyir phyung nas// lha nyid dbus na 'dug na bzang // gnyis bsnol gtam bsgom bye bral mi 'grub pa'o// gnyis ka mi 'gul phyi thal yin// ji ltar dmod pa nyan na gang 'dod 'grub// 'dres su lha mnan sprugs na ngan// lha yis 'dre mnan sprugs na bzang // dang po 'bab pa dkar na mda' 'dzin mi yang brje// 'dug sa spros la bzlas pa bya// ji ltar 'dod pa dmod pas 'ong // DA ki bzhi la dam bdar bya// bden brdzun legs nyes gsal bar ston// mi sdong po dang yug sa mo// mdze po sdig can dag la 'dzem// mkha' 'gro mda' la dbab pa'i le'u ste bcu gcig

  165. 83a

    pa'o// // de nas yang dag bshad bya ba// rnal 'byor 'khrig pa'i 'dod chags kyis// sems 'phrog sdom pa skrod pa la// lha mo ban tsi ka ni dgug bya ste// sa phyogs dben sar maN+Dal byi dor bya// tsan dan chu yis maN+Dal byug/ shar gyi phyogs su kha bltas la// 'dzab ni ma yengs pa ru bzlas// IM de ba tsan tra sur+ya ma rgya hri dza zhes pa'i 'dzab ni khri yis 'ong bar 'gyur// de nas 'dris shing spyad legs na// rtag tu spyad du rung ba dang // gzungs mar yang ni shis pa yin// lha mo'i rang bzhin yin pas na// grib la bdar bas gzab// ma 'dris par la ba gzon bya// 'dris dang mdza' mo dag dang 'dra// sha tsha brtse gdung che bar 'gyur// rnal 'byor spyod la dga' ba'i don// nyams spyod 'phra men yul la 'jug/ lha'i bu mo dgug pa ste le'u bcu gnyis pa'o// // de nas yang dag bshad bya ba// mkha' 'gro rnam rgyal dngos dgug pa// rnam par rgyal ma'i snying po ni// oM shi hUM/ 'bum phrag dag tu bzlas pa bya// gu gul spos ni bsreg par bya// nya la nub rengs bzlas par bya// nya'i tho rangs kha ni bsgrub pa bya// nyal nas 'bras bu ram tshogs kyang bya// dkar gsum bza' zhing spyod pa gtsang bar bya// de nas bdag gis ji ltar bya zer nas 'ong ste/ bdag gi khol mo gyis shig bya/ mi byed na rdo rje myal bar song

  166. 83b

    byas la mna' dgag/ tsan dan gyis arga sbyin/ sgrub pa'i rdzas dang zas thams cad ster bar 'gyur ro// sbyor ba bya/ mgu na chung mar 'gyur ro// bcud dang bcud len thams cad ster ro// tshe ring la bkra shishes par 'gyur ro// mkha' 'gro ma dngos su dgug pa ste le'u bcu gsum pa'o// // de nas yang dag bshad bya ba// ting 'dzin lha mo bkug nas ni// 'dod yon lnga la longs spyod nas// dben pa'i gnas su 'dug nas ni// 'du 'dzi med pa'i dgon pa ru// bde ba'i stan la skyil krung bca'// lus bsrang dbang po yan par btang // bdag gi mdun na na chung ni// sgeg mo mdzes pa'i rgyan gyis brgyan// yid du 'ong ba'i bu mo yis// gser dngul gzhong pa'i nang du ni// 'bru zan rtsi mchog ro ldan pa// bdag gi mdun du drangs par bsam// shin tu nyams ldan lus sems bde// ro ni so sor tshor ba dang // 'grangs shing nyams bag ston par 'gyur// de bzhin yang nas yang du bstan// kham gyi zas ni khab kyis srab// ting 'dzin zas ni yun du brten// zla ba drug gam lo gcig nas// zla ba bcu drug bar du brtag/ de ltar yun rings bstan pas na// 'dod pa'i yon tan rnam lnga la// rang byung ma 'gags rol pas na// rang sems de yi rnam par shes// sems la sems nyid rol pa dang // ye shes la ni ye shes

  167. 84a

    rol// rgyu rkyen zas dang bral nas ni// lus ni bal gyi 'dab ma bzhin// sems lhun sdug cing ngo mtshar bar 'gyur ro// de tsam na rnal 'byor dbang phyug chen po zhes bya'o// de ltar ma yin ting nge 'dzin gyi nyams dang / shes rab kyi rtog pa 'jol te/ shes rab rkyang pa la/ sngags che ba'i yon tan tsam la stobs te// ye nas byas zin zhes pa dang / sgom sgrub bya brtsal dang bral zhes pa dang / gdong nas sangs rgyas bya ba tsam la rten pa ni/ shes rab rkyang pa tsam la rten pa ste/ ngo ma shes shing ma rnyed de/ mun khung na gser la 'gom pa dang 'dra ste/ tshig tsam du song bas grub par ma bshad do// ting nge 'dzin gyi yon tan lha mo dgug pa'i le'u ste bcu bzhi pa'o// // de nas yang dag bshad bya ba// mi yi bu mo dgug 'dod na// 'khor lo'i rtsibs ni bcu gnyis kyi// lte bar mi mo'i ming bris la// mo yi rkang rjes 'og sa la// gzugs bya byed la dmar por byug/ lto bar 'khor lo gzhug par bya// bal tshon sna lnga'i the gus ske nas gdags// lag tu bzung la zhag bdun bsgrubs// gnas ni dben par bsgrub par bya// oM A yid kyi ling has wa ra ma bas che ge mo hring / rang gi snying kha zla ba'i dkyil 'khor las/ mo yi rnam shes snying gi dkyil gyi me mar lta bur de bkug la ling ga la bstim/ rtags ni mo'i chas gos dang bud med me

  168. 84b

    long ston pa 'ong / nu ma la rme ba rmi/ gang 'dor khugs par 'gyur ro// sbubs kyi bar du 'dod chags dang / rang gi khu ba lag par 'dod pa spong / mi'i bu mo dgug pa'i le'u ste bco lnga pa'o// // chos dbyings ye shes DA ki mas// mkha' 'gro'i las rgyun de bshad nas// mi mngon chos kyi dbyings su thim// las kyi DA ki rang sar 'khod// bram ze mchog sred yi rangs te// chos dbyings skye med DA ki'i tshul ston pa// ye shes mkha' la gnyis med thabs kyis 'gro// dbyings dang ye shes gnyis med chos kyi dbyings// mkha' 'gro'i las rgyud bshad pa ngo mtshar che// zhes bstod do// las kyi mkha' 'gros bram ze mchog sred la rgyud gtad pa/ DA ki las kyi rgyam mtsho 'di// dpa' bos yun gyis btsas su zhog/ bdag cag mkha' 'gro sde bzhi yis// rnal 'byor gang bsgrub bu bzhin bgyi'o// zhes rjes su yi rangs te/ rang sar dengs so// rjes su yi rangs shing / rgyud yongs su gtad pa'i le'u ste bcu drug pa'o// // mkha' 'gro ma las rgya mtsho'i rgud rdzogs so// slob dpon pad+ma 'byung gnas kyis/ jo mo mtsho rgyal la gdams pa'o// gter rgya/ gtad rgya/ sbas rgya// /

  169. 85a

    rgya gar skad du/ DA ki nI karma ku ru sa taM tan tra na ma/ bod skad du/ mkha' 'gro ma las rgya mtsho phyi ma'i rgyud ces bya ba/ sna tshogs mkha' 'gro ma la phyag 'tshal lo// ye shes mkha' 'gro mas bram ze blo ldan mchog sred la/ mkha' 'gro ma'i snyan brgyad du gdams pa'o// sa ma yA a thi yA/ mkha' 'gro ma thams cad dbang du bya zhing sgrub par 'dod pa'i rnal 'byor pas thog mar dur khrod dam g.ya' phrag gangs phrag tu song la/ maN+Dal dang / mchod pa dang / gtor ma bshams la/ dang po kho nar rang byin gyis brlabs pa ni/ spyi bor bla ma bsgoms la mos gus drag tu bya/ de nas rang gi spyi bor oM dkar po/ mgrin par AHdmar po/ snying khar hUM mthing kha bsam mo// de rnams kyi 'od zer gyis lus 'od du zhu nas/ stong pa'i ngang las hri dmar po rang gi sems kyi mtshan nyid hri tshon gang po de 'od du zhu ba las rang skad cig ma las rdo rje phag mo sku mdog dmar mo zhal gcig phyag gnyis ma/ g.yas zangs kyi gri gug/ g.yon thod khrag bsnams par bsam la/ kha TaM kha mtshan khung du bcug pa/ zhabs g.yas bskum g.yon brkyang ba ro'i gdan la bzhugs pa/ sku gcer bu la rus pa'i rgyan gyis brgyan par bsgom mo// de'i gnas bzhir 'khor lo bzhi bsgom ste/ spyi bor rlung gi 'khor lo dkar po'i steng du ha las rdo rje mkha' 'gro

  170. 85b

    sku mdog dkar mo g.yas rdo rje g.yon dril bu'o// mgrin par me'i 'khor lo dmar po la ri las rin chen mkha' 'gro ser mo g.yas rin po che g.yon dril bu'o// snying khar chu'i 'khor lo sngon po'i steng du ni las pad+ma mkha' 'gro dmar mo g.yas pad+ma g.yon dril bu'o// lte bar sa'i 'khor lo ser por sa las las kyi mkha' 'gro ljang ku g.yas ral gri g.yon dril bu'o// snying khar thams cad mkha' 'gro sku sna tshogs 'od du 'bar ba g.yas rdo rje rgya gram g.yon thod pa'o// phrag pa g.yas par dam tshig mkha' 'gro dkar mo me long gri gug thod pa/ phrag pa g.yon du sna tshogs rdo rje mkha' 'gro ma khra mo gri gug dang thod pa'o// rkang pa g.yas par 'jig rten mkha' 'gro ma nag mo gri gug dang thod pa 'dzin pa'o// rkang pa g.yon par log 'dren mkha' 'gro ma dud kha gri gug dang thod khrag thogs par bsgom mo// ba spu'i bu ga thams cad mkha' 'gro mas gang bar bsgom mo// de nas sngags bzlas te/ oM a hri swA hA/ ha ri ni sa/ zhes bzlas so// mi rtog pa skye bar 'dod na/ spyi bor ha la yi ge bzhis bskor bar bsams la bzlas so// skyes pa 'du bar 'dod na/ mgrin par ri la yi ge bzhi'i bskor bar bsams la bzlas so// bud med 'du bar 'dod na/ snying khar ni la yi ge bzhi pas bskor bar bsams la bzlas so// drod skye bar

  171. 86a

    'dod na/ lte bar sa la yi ge bzhi pas skor bar bsams la bzlas so// bsrung bar 'dod na/ yi ge bzhi ka la yi ge bzhis bskor bar bsgoms la bzlas so// sangs rgya bar 'dod na/ oM A/ hUM hri ha ri ni sa hUM phaT swA hA/ snang ba bskul na/ ha ri ni sa bsdus bsdus/ nor 'dod na/ ha ri ni sa ba su bsdus bsdus/ bar chod byung na/ ha ri ni sa ha ha sol sol/ zas 'du bar 'dod na/ ha ri ni sa kha kha chum chu ma hUM hUM dgra mi yong bar 'dod na/ ha ri ni sa hUM hUM phaT phaT/ sngags zlos snying mi 'dod na/ ha ri ni sa bun bun yer yer swA hA/ 'gro snying 'dod na/ ha ri ni sa non non/ lAM lAM hUM hUM hUM/ gdon la/ ha ri ni sa ma ra ya dza dza ya ya hUM hUM phaT phaT/ lus grang na/ ha ri ni sa 'ur 'ur raM raM/ 'bras la/ ha ri ni sa zhi zhi traM traM swA hA/ gag lhog la/ ha ri ni sa phyung phyung phaT/ rma la/ ha ri ni sa 'ubs khubs sum sum nan rbad swA hA/ gzhan yang yi ge bzhi gang 'dod sham bur bsgyur la bzlas/ 'dod dgu 'byung ba'i sngags su bzlas/ mi sdod pa gsum gyis lam du bslang / lus mi sdod par bsgral bskyod bya/ ngag mi sdod par bzlas pa bya/ yid mi sdod par ting nge 'dzin bsgom/ 'du ba gsum 'byung / lus la mi 'du/ ngag la chos 'du/ yid la rtogs pa 'du/ de las grol ba gsum 'byung / lus lhar grol/ ngag sngags su grol//

  172. 86b

    sems nyon mongs pa las grol/ 'jig rten 'das pa dang ma 'das pa thams cad kyi srog gi snying po yin pas/ mchog gi dngos grub dang thun mong gi dngos grub sngags bzlas pa tsam gyis grub pa yin pas 'di la brtson par bya'o// mkha' 'gro ma yi ge bzhi pa las mkha' 'gro ma phyi bsgrub pa'i le'u ste dang po'o// // mkha' 'gro mkha' spyod bsgrub par 'dod pa'i rnam 'byor pas stan bde ba la 'dug la/ phyi nang gi dngos po thams cad stong par sgom/ de'i ngang las rang gi lus mi dmigs pa la sems kyi mtshan nyid stong pa'i ngang las mkha' 'gro ma mkha' spyod ma sku mdog dmar mo zhal gcig phyag gnyis ma/ spyan gsum pa phyag g.yon pas zhabs g.yon pa'i brlan yar 'khyud pa/ thod pa byang chub sems kyis bka' ba zhal du gsol ba/ phyag g.yas brkyang nas gri gug bsnams pa/ zhabs g.yon gnam na yar brkyang ba/ zhabs g.yas pus mo btsugs pa ltar bskum pa/ spyan gsum gyen la gzigs pa/ dbu skra nag po sil bus dpung pa'i kha tsam non pa/ shin du khros pa ma yin pa/ gting na 'dzum bag dang ldan pa/ nu ma rgyas pa nam mkhar ling nge ba cig bsgom mo// de yi thugs kha nas yi ge baM dmar po la rtsa ba'i sngags kyis bskor nas yod par bsgom mo// rus pa'i rgyan drug gis sku la brgyan par bsgom mo// de ni bskyed pa'i rim

  173. 87a

    pa'o// de nas sngags yid kyis bzlas te/ oM badz+ra yo gi ni hUM phaT swA hA/ zhes bzlas pas/ rang gi thugs kha'i sngags 'phreng las 'od du 'phros pas mdun gyi nam mkha' la sangs rgyas dang / byang chub sems dpa' dang / bla ma yi dam mkha' 'gro rnams kyi thugs ka nas byang chub sems kyi thig le phyag gi thod par babs/ thod pa nas zhal nas mar gsol bas lus kyi nang thams cad byang chub sems kyi bdud rtsis gang nas lus la bde ba rgyas/ de nas byang chub sems mar babs te// gsang gnas chos 'byung nang du babs pas shin tu yang bde ba skyes par bsam mo// des bde ba chen po'i nyams skye'o// de ni bskyed pa'i rim pa'o// de nas rdzogs pa'i rim pa bsgom pa ni// rang mkha' spyod ma mi dmigs pa las nam mkha' sprin med pa ltar gyur pa las byang chub sems kyi thig le mthe bong gang tsam du dkar dril gyur pa las/ de je chung je chung la nam mkha' la sprin dengs pa ltar gyur pa las rnam par rtog pa med pa gsal lhan bzhag go/ de las chos nyid 'od gsal zhes kyang bya/ rnam par mi rtog pa'i ye shes zhes kyang bya/ de la blo gnas tshad du bzhag go/ de ltar bsgoms pas ting nge 'dzin gsal cha chen tshe 'di la mkha' spyod du 'gro'o// gsal cha chung yang bar dor mkha' spyod du mi 'gro mi srid do// rdzas la

  174. 87b

    brten nas mkha' spyod bsgrub pa ni/ skye ba bdun pa'i sha ste/ skye bdun pa ni skye ba bdun brgyad bstud nas blangs pa'i mi de'i rtags su sgra kham pa/ mig shes mig/ so dung so 'khor bar yod pa/ ya rkan gyi dkyil na so yod pa/ dpral ba na sme ba yod pa/ smin ma'i bar ma chad pa/ smin mtshams mdzod spu yod pa/ lag sor dra bas 'brel pa/ mtshan ma bdun po de 'dzom na skye ba bdun pa yin nges pas/ de shi ba'i ro blangs la/ mkha' 'gro ma la mchod pa byas la/ sha sna dang dbang po thams cad bskams la/ sha rnam pa sna tshogs dang bdun rtsi bsres pa'i ril bu byas la thod pa mtshan ldan bkang la maN+Dal dbus su bzhag la/ mkha' spyod ma'i thugs kha nas sngags kyi 'od zer 'phos pas phyogs bcu'i sangs rgyas dang / byang chub sems dpa' dang / dpa' bo dang / dpa' mo rnams kyi thugs kha nas byang chub sems kyi bdud rtsi'i bcud drangs te zod par babs zhal du song nas mar babs pas mkha' la 'khyil te/ de nas thod pa'i rdzas la babs par bsam la/ oM badz+ra yo ge ni hUM bruM ma hA ya na swA hA/ zhes bzlas pas ril bu la 'od dang / du ba dang / me stag 'ong ste/ ril bu bdun bdun gang gis zos pa de mkha' spyod kyi gnas su 'gro ste/ tshe nyi zla dang mnyam/ ting nge 'dzin gyi zas za/ sangs rgyas dang byang chub sems dpa' stong la chos

  175. 88a

    na par / ma ga// mnga' 'jas da pa brlab pas/ dang gtan man pa dang pal lags par ga tha ma dang / dang / dpa' bo dang / dpa' mo mchod/ de'i rjes la phyi nang gi chos thams cad stong pa nyid du bsgom/ baM las pad+ma/ a las zla ba/ nyi ma'i steng du rang gi sems nyid dri dkar po gcig tu gyur pa las/ de las 'od 'phros 'dus pa las rang nyid mkha' 'gro ma sa spyod ma sku mdog dkar mo zhal gcig phyag gnyis ma/ spyan gsum dmar ba/ mche ba cung zad gtsigs pa/ skra bkrol ba/ phyag g.yas rdo rje rtse lnga bsnams pa/ g.yon pa thod pa bdud rtsis bkang ba bsdams pa/ kha T+wAM ga mtshan khung du bcug pa/ zhabs g.yas brkyang g.yon bskum du bzhugs pa/ rus pa'i rgyan gyis brgyan pa gcig gsal bar bsgom mo// lte bar sna tshogs pad+ma 'dab bzhi la ha ri ni sa bsam/ de'i lte ba la pad+ma dang nyi ma'i gdan bsam/ de'i steng du tri dkar po bsam/ da las 'od zer dkar po 'phros pas/ bdag gi sna brag g.yas nas rlung phyir byung ba dang 'grogs nas song ste phyogs bcu'i 'jig rten gyi khams kyi sangs rgyas dang byang chub sems dpa' thams cad kyi shang bug g.yon nas zhugs nas lte ba'i hri la thim pas/ oM badz+ra bai ro tsa na

  176. 88b

    ni hUM bruM ma hA ya swA hA/ zhes bzlas pas sangs rgyas kyi shang khung g.yas nas 'ongs nas bdag gi sna bug yon par zhugs nas lte ba'i hri la thim pas/ bdag gi lus la sangs rgyas kyi mtshan dang dpe byad bsdus nas mdangs dang stobs dang ldan par bsam mo// de nas sangs rgyas kyi zhing khams kyis la gnas pa'i sku la longs spyod par 'gyur ro// gsung gi dbang phyug bsgrub par 'dod pas/ rang gi mgrin par pad+ma 'dab ma bzhi pa gnyis brtsegs bsam/ de'i dbus su hri bsam/ 'dab bzhi la ha ri ni sa bsam/ de la 'od 'phros pas bdag gi sna bug g.yas nas 'thon song pas de bzhin gshegs pa thams cad kyi shang khung g.yon du song / mgrin pa'i hri la phog pas sangs rgyas thams cad kyi gsung gi yon tan gsung dbyangs yan lag drug cu la sogs pa thams cad 'dus nas 'od tshur 'dus pa las/ oM badz+ra wa rna ni ye ha ri ni sa hUM phaT/ ces pa sangs rgyas thams cad kyi yon tan thams cad bsdus nas bdag gi sna bug g.yon nas mar song nas mgrin pa'i hri la phog pas bdag gi ngag gsung dbyangs drug cu dang ldan par bsgom/ des sangs rgyas thams cad kyi gsung gi yon tan la longs spyod par 'gyur ro// thugs kyi dbang phyug thob par 'dod pas/ snying khar pad+ma 'dab bzhi bsam/ lte ba la hri/ pad+ma 'dab ma bzhi la ha ri ni

  177. 89a

    sas bskor bar bsam/ de las 'od 'phros nas bdag gi sna bug g.yas nas rlung phyir 'gro ba dang 'grogs nas phyogs bcu'i sangs rgyas thams cad kyi shang khung g.yon nas zhugs nas thugs khar hri la phog pas sangs rgyas thams cad kyi shes bya ji lta ba dang ji snyed pa'i ye shes kyi yon tan thams cad bsdus nas/ oM sarba bud d+ha DA ki ni ha ri ni sa hUM phaT/ ces bzlas pas bdag gi sna bug g.yon na mar song nas/ snying kha'i hri la phog pas bdag la sangs rgyas thams cad kyi thugs rnam pa thams cad mkhyen pa'i yon tan gyi bcud bsdus ste/ mi shes pa'i gti mug rmongs pa thams cad bsam nas mkhyen pa'i ye shes gsal zhing rgyas par bsgom mo// des sangs rgyas thams cad kyi thugs kyi yon tan la longs spyod par 'gyur ro// de la sangs rgyas thams cad phyogs bcu'i zhing khams na sa la bzhugs pa'i sku gsung thugs la sbyangs pas/ ting nge 'dzin gsal cha che na tshe 'di la sangs rgyas kyi sa la lus ma bor bar 'gro yo// rtsal chung na bar dor lus mi len par sangs rgyas kyi sa la rdzus nas skye'o/ mkha' 'gro ma sa spyod bsgrub pa'i le'u ste gsum pa'o// // mkha' 'gro ma'i ting nge 'dzin 'byung ba rgyun gcod la gsum ste/ phyi 'byung ba rgyun gcod nang 'byung ba rgyun gcod/ gsang ba 'byung ba rgyun gcod do// phyi

  178. 89b

    'byung ba rgyun chod pas snang ba las log/ nang 'byung ba rgyun chod pas 'dod pa'i yon tan las log/ gsang ba 'byung ba rgyun chod pas chos nyid dang mi 'bral bar grub pa thob bo// de la phyi 'byung ba rgyun bcad pa ni// dang po gtor ma dang / tshogs 'khor dang / bshags pa bya/ bla ma yi dam mkha' 'gro la gsol ba gdab/ sems bskyed dang skyabs 'gro bya/ dkon mchog gsum la phyag 'tshal lo// bla ma rje btsun rnams la skyabs su mchi'o// rdo rje rnal 'byor ma la skyabs su mchi'o// dpa' bo dang dpa' mo rnams la skyabs su mchi'o// zhes lan gsum brjod do// dkon mchog gsum nam mkha' la bsgoms la ngan song gsum gyi sgo bkag par bsam mo// bla ma spyi bor bsgoms la byin gyis brlab par bsam mo// mkha' 'gro snying khar bsgoms pas dngos grub ster par bsam mo// de nas bla ma dang dkon mchog me long la ha btab pa bzhin zhu nas rang la thim par bsam mo// de nas rdo rje rnal 'byor ma sku mdog dkar mo zhal gcig phyag gnyis ma/ g.yas gri gug g.yon thod pa bdud rtsis bkang ba bsnams pa/ zhabs g.yas bskum g.yon brkyang ba nyi zla pad+ma'i gdan la rus pa'i rgyan drug gis brgyan pa gcig skad cig gis bskyed do// de nas sems can thams cad ma rig 'khrul pa'i dbang gis snying 'thur la bstan nas pags pa

  179. 90a

    'thug pos khyebs yod/ byang chub sems dpa' rnams kyi thugs ni thams cad mkhyen pa'i ye shes mnga' bas rtse mo gyen la bstan te pags pa srab pa'o// bde bar gshegs pa thams cad kyi thugs ni rtse mo gyen la bstan nas yar la gyes pas sul bzhi lte ba dang bcas pa thams cad mkhyen pa'i ye shes dang ldan pas sems can gyi don byed pa'o// de nas rang gi snying rin po che yang de ltar bsams te/ kha gyen la bstan pa/ rtse mo rno ba/ pags pa sbas pa/ 'dab ma bzhi rgyas pa'o// lte bar rtsa bug pa can gcig bsam mo// der yi ge baM gcig bsam/ pad+ma 'dab bzhi la ha ri ni sa bsam mo// de nas mdun gyi nam mkha' la sna tshogs pad+ma 'dab ma bzhi'i steng du dbus su hUM las sangs rgyas mkha' 'gro mthing ka thal mo sbyar nas 'khor lo thogs pa/ shar du hUM dkar po las rdo rje mkha' 'gro dkar mo rdo rje thogs pa/ lho ru hUM ser po las rin chen mkha' 'gro ser mo rin po che thogs pa/ nub tu hUM dmar po las pad+ma mkha' 'gro dmar mo pad+ma thogs pa/ byang du hUM ljang ku las las kyi mkha' 'gro ljang khu rgya gram thogs pa/ g.yon pa thams cad thod pa bdud rtsis bkang pa bdun rtsis bkang ba bsnams pa'o// de rnams thams cad bdag la zhal bston spyan gyis gzigs nas dngos grub ster bar bsgom mo// de

  180. 90b

    nas snying kha'i yi ge lnga las 'od zer 'phros pas/ mdun gyi nam mkha'i zad kar mkha' 'gro ma lnga'i thugs khar phog pas/ de rnams kyi thugs kha'i hUM so so la phog pas bdud rtsi babs nas so so'i thod pa gang / thod pa nas bum pa nas chu byung ba ltar bdag gi kha ru babs shing 'dus pa las lus byang khog man chad bdud rtsis khengs nas bdag gi lus zag med kyi bde bas khengs par bsam mo// de ltar yang yang bsgom ltogs tsam na bsgom mo// kham gyi zas khad kyis dbri zhing mkha' 'gro ma'i bdud rtsi'i bcud yang yang blang ngo // las dang skal bar ldan pas rab zhag bdun/ 'bring bcu bzhi/ tha ma nyi shu rtsa gcig nas 'bras bu thob ste/ 'byung ba kham gyi zas rgyun chod nas ting nge 'dzin gyi zas kyis 'tsho bar 'gyur ro// des ma grub na las 'phro med pas tshogs 'khor bya/ mkha' 'gro ma'i thugs dam bskang ngo // gtor tshogs chen po bya/ bshags pa bya'o// de nas gzod ting nge 'dzin gyi bcud len bya'o// de'i phan yon ni/ tshe 'di la mkha' 'gro sku lnga'i dngos grub thob/ phyi ma la ye shes lnga'i sku thob/ kham gyi zas la rten mi dgos/ rin po che bdud rtsi'i zas la longs spyod 'byung ba'i lus rdo rje mi 'gyur bas rdo rje'i tshe/ lus la gos mi dgos pas lhan cig skyes pa'i ye shes kyi drod/ bar chad kyis mi tshugs pas stong nyid kyi go cha

  181. 91a

    ste mi ma yin gyis mi tshugs/ mi mthong / mngon par shes pa phyogs med du 'char bas 'gro ba'i don phyogs med du bya'o// ting nge 'dzin gyi bcud len phyi 'byung ba rgyun gcod pa'i le'u ste bzhi pa'o// // nang 'byung ba rgyun gcod pa ni/ rang gi snying gi dkyil du hUM gcig bsgom/ de las lha mo dkar mo g.yas ral gri/ g.yon bdud rtsi'i bum pa bsnams pa gcig bsgom/ lha mo des snying gyen la glog pas snying dkar nag gi mtshams su ral gris bcad pas rtsa bug lnga yod pa'i nag po bor nas dkar po'i rtsa sbubs su lha mo'i g.yon gyi bum pa bdud rtsis gang ba de byo nas dkar mer song bar bsam mo// de nas steng rlung mnan 'og rlung bskyil bas rtsa sbugs thams cad dkar mer la rgyal grod zhos bkang ba ltar song bar bsam mo// de nas par chod sel ba'i sngags ni/ oM badz+ra ka sa ma hri ta A yu ba de ba rak+Sha hUM phaT swA hA/ ral gri 'debs tsa na yang bzlas so// rdo rje rigs kyi mkha' 'gro ma// skye shi med pa rdo rje'i sku// bdag la byin gyis brlab tu gsol// zhes brjod pas nag po nyon mongs pa yin pas bor/ dkar po ye shes kyi cha yin pas bdud rtsis bkang bas bde ba gsal cing nyams myong skye bar bsam mo// 'di nyams su blang ba'i dus su mi bsdad pa rnam pa gsum bya/ lus lhan cig mi bsdad tsog bu la/ rkang

  182. 91b

    pa g.yas kyis g.yon gyi gong mnan/ lag pa sgom thag lta bur bya lus bsgral bskyod bya/ ngag mi bsdad mkha' 'gro'i sngags bzlas/ oM badz+ra DA ki ni ye ye hUM hUM phaT swA hA/ ha ri ni sa/ zhes bzlas so// sems mi bsdad nyams myong chos nyid bdud rtsi la dmigs pa gtad/ gzugs ci mthong thams cad mkha' 'gro mar bsam/ sgra ci thos thams cad ha ri ni sar bsam/ sems ci dran thams cad rang sangs su btang // zas skom thams cad bdud rtsir bsam mo// sngags bzlas pa'i dus na snying pad+ma 'dab bzhir bsam pa'i dbus na rdo rje mkha' 'gro ma sde bzhis ce re blta bar bsam la/ gtso mos 'khor gtsun/ 'khor gyi sa las byed do// bzlas pa rgyun chad med par bya/ bdud rtsis rtsa sbugs gang bar dmigs/ spyod pa ma bcos par bya/ shugs 'byung mi dgag/ bdud rtsi lnga mkha' 'gro ma'i zas yin pas brten/ skom na chu bskol mi rkang gis rdor byas la btang ngo // mkha' 'gro mas dngos grub ster/ kham gyi zas la 'dod pa mi skye ba lags so// zhag re la mkha' 'gro'i mchod pa dang gtor ma mi bcag go/ nang gi bcud len gyi le'u ste lnga pa'o// // gsang ba'i 'byung ba rgyun gcod pa ni/ phyag rgya chen po gnyis med don bsgom pa'i man ngag la/ dang po byin brlabs gtor ma'i rim pa la/ gtor ma thod pa gang bdud rtsi chang gis zan

  183. 92a

    la/ oM AHhUMHlan gsum gyis dang po dag pa chen por byin gyis brlabs la/ gnyis pa 'dod yon lngar brlabs/ tha ma bdud rtsi'i bcud bsdus nas dkar mer la song bar bsam mo// de nas mkha' 'gro ma la mchod cing gsol ba btab pa ni/ hUM/ chos kyi dbyings kyi gzhal yas nas// brgyud pa'i bla ma gshegs su gsol// sku dang ye shes zhing khams nas// yi dam lha tshogs gshegs su gsol// chos kyi dbyings kyi pho brang nas// sangs rgyas mkha' 'gro gshegs su gsol// dag pa sprul ba'i zhing khams nas// rdo rje mkha' 'gro gshegs su gsol// rin chen rigs kyi pho brang nas// rin chen mkha' 'gro gshegs su gsol// rang bzhin dag pa'i gzhal yas nas// pad+ma mkha' 'gro gshegs su gsol// dur khrod chen po'i pho brang nas// las kyi mkha' 'gro gshegs su gsol// snang srid sgyu ma'i gzhal yas nas// sha za mkha' 'gro gshegs su gsol// sa dang lam gyi zhing khams nas// rigs 'dzin byang chub sems dpa' rnams kyang gshegs su gsol// bde gshegs rigs kyi mkha' 'gro/ ni// nam mkha' lta bur 'dus ma byas// bdag la byin gyis brlab tu gsol// rdo rje rigs kyi mkha' 'gro ni// skye shi med pa rdo rje'i sku// bdag la byin gyis brlab tu gsol// rin chen rigs kyi mkha' 'gro/

  184. 92b

    ni// mi zad pa yi gter dang ldan// bdag la byin gyis brlab tu gsol// pad+ma rigs kyi mkha' 'gro ni// chags pa med pa'i skyon dang bral// bdag la byin gyis brlab tu gsol// las kyi rigs kyi mkha' 'gro ni// 'phrin las rnam bzhi lhun gyis grub// bdag la byin gyis brlab tu gsol// sangs rgyas mkha' 'gros dngos grub gsol// rdo rje mkha' 'gros dngos grub gsol// rin chen mkha' 'gros dngos grub gsol// pad+ma mkha' 'gros dngos grub gsol// las kyi mkha' 'gros dngos grub gsol// gsang ba'i gtor ma dbul ba ni// rang tha mal pa'i lag pa g.yas par gri gug yod par bsams la// rje gri gug gis rang gis thod pa skra mtshams nas rbad gcad la lag pa g.yon du thogs la/ rgya khyon stong gsum tsam du bsams la/ mdun gyi nam mkha' la mkha' 'gro ma rigs lnga la bsam la dbul lo// sangs rgyas mkha' 'gro skad pa de// sems kyi sems nyid ma lags sam// snang ba thams cad gtor mar 'bul// rdo rje mkha' 'gro skad pa de// skye med ye shes ma lags sam// rnam rtog thams cad gtor mar 'bul// rin chen mkha' 'gro skad pa de// 'dod pa'i don dam ma lags sam// dgos 'dod thams cad gtor mar 'bul// pad+ma mkha' 'gro skad pa de// chags med mtha' bral ma lags

  185. 93a

    sam// 'dod yon thams cad gtor mar 'bul// las kyi mkha' 'gro skad pa de// 'phrin las gtsor byed ma lags sam// 'phrin las rnam bzhi mchod par 'bul// bdag la byin gyis brlab tu gsol// zhes mchod pas/ mkha' 'gro ma rnams kyi spyi bo dang / mgrin pa dang / snying kha gsum nas 'od byung nas bdud rtsi babs/ ye shes kyi bdud rtsi dkar dmar nag po gsum rang gi thod pa'i kha phye ba na mar babs pas rang gi lus rkyang pa zhos bkang ba ltar bsam mo// de nas bdud rtsi dngul chu'i thigs pa lta bu ba spu'i bu ga na mar spro bsdu bya'o// rang gi thod pa bcad pa de kha bsgrigs pas/ bdud rtsis 'byar bar bsam mo// de nas lus bde bas gang nas bdud rtsis tshims nas/ bkres skom dang bral bar bsam mo// de nas bsam med phyag rgya chen po gang gis 'bad rtsol med pa chos nyid bde ba chen po'i ngang la bzhag go/ de ltar yang yang bsgoms pas/ kham gyi zas mi dgos pa dang chos nyid zag pa med pa'i bde ba rgyud la skye bar 'gyur ro// lus la rtsa bcad kyang khrag mi yong ba dang / drang srong lta bu'i lus su 'gyur ro// zag pa zad pas lus nam mkha' la 'phur ba dang / chu la mi bying ba la sogs pa 'ong / sems zag pa zad pas phyag rgya chen po'i dngos grub thob par 'gyur ro// gsang ba rgyun 'byung ba gcod pa'i le'u ste

  186. 93b

    drug pa'o// // mkha' 'gro ma'i 'chi ba bslu ba'i gdams pa ni/ dang po brtags te/ phyi'i 'chi ltas/ nang gi 'chi ltas dang / gsang ba'i 'chi ltas dang / de kho na nyid kyi 'chi ltas so// de la phyi'i 'chi ltas gsum ni/ sgra dang / 'od dang / du ba gsum med na zla ba bzhi nas 'chi/ mig gi 'do dkar gsum med na 'chi/ 'od dkar chung na na tsha 'ong / rna ba'i bu ga bkag ste mnan pas 'ur sgra med na 'chi/ 'ur sgra chung na na tsha 'ong / snga dro nyi ma shar tshe rgyab nyi ma la bstan/ kha nub tu bltas pas mgo bo la grib ma 'dra ba'i du ba med na 'chi/ rab rib tsam las med na tsha 'ong / 'chi ltas gsum po de gcig gnyis tsam las mi 'dug na 'chi ba bslus pas tshegs med/ gsum ka tshangs na tsha tsha mang du gdab/ phar phyin bklag go/ dge 'dun la ston mo drang // mkha' 'gro ma la tshogs 'khor bya/ rang gi lus ngag yid gsum dge sbyor la sngar bas grims su bya/ des lus la 'ong yong ngo // mig gi a 'bras med na na tsha dang 'chi nges pas gzhan gyis ma tshor bar 'gro chas bya'o// bdog pa thams cad bla ma la dbul/ grogs tshangs par mtshungs par spyod pa la tshogs 'khor bya/ mkha' 'gro la gtor ma btang / dkon mchog gsum la mchod pa dbul/ lus dang longs spyod la ltos pa med par byas la 'pho ba bya'o// de nas nang gi 'chi ltas bstan pa ni//

  187. 94a

    sna'i rtse mo mi mthong ba dang / glo bur du sna 'khyog pa dang / sna'i lag ngar chag pa dang / spro ba'i srubs med pa dang / sna gong du gser shog chags pa dang / spyi dang rkang mthil du zug pa dang / skyed la klu lce 'khor pa dang / sha res 'ga' che res 'ga' chung ba de rnams byung na zla ba bzhi nas 'chi bar nges pa yin/ de la 'chi sku'i thabs ni/ bla ma dkon mchog la mar me'i 'phreng bas mchod/ yi dam mkha' 'gro la til gyi sbyin sreg bya/ dam tshig ldan pa'i rnal 'bor pa la tshogs 'khor bya/ dge slong tshul khrims rnam par dag pa bcu la tsha tsha gdab/ yi dam mkha' 'gro la thabs dang shes rab ldan pa'i gtor ma btang / lus ngag gi dge sbyor drug 'gyur du bya'o// bskyed rim tshad du bsgom mo// shar du rgyal po la gtor ma btang ngo // lhor gshin rje la sha khrag gi gtor ma btang ngo // nub tu klu la dkar gtor btang ngo ngo// byang du gnod sbyin la sha khrag gi gtor ma btang ngo // de ltar byas na sngon gyi las kyi rnam par smin pa 'am tshe zad pa ma gtogs par nang gi 'chi ltas rten 'brel des bzlog nges so// gsang ba'i 'chi ltas bstan pa ni/ skyes pa'i thig le nag por 'ong na zla ba bzhi nas 'chi/ bud med thig le dkar por 'ong na zla ba bzhi nas 'chi/ 'khrig pa'i 'dod chags ma spyad par thig le zad nas mi 'ong na zla ba bzhi nas

  188. 94b

    'chi/ rdo rje nor bu'i sbu gu'i sgo ru snga na med pa'i sme ba nag po byung na/ 'dod chags g.yems pa la rgyun chad med par yid la bud med dang 'dod chags 'ba' zhig sems na dbang gsum pa'i dam tshig nyams te rdo rje dmyal bar 'gro ba'i rtags yin pas/ thig le nyams pa gso bar bya ste/ dus rtag tu bdud rtsi lnga'i ril bu rten/ dri chen dang dri chu sbyangs la g.yon gyi sna bug gis rngub/ bdud rtsi lnga'i phye mas ci za ci 'thung la bran la bza'// grub thob kyi gnas su rnal 'byor pho mo lnga la tshogs 'khor bya/ dus gsum gyi sangs rgyas thams cad mdun gyi nam mkha' la spyan drangs la tshangs pa'i bu gar dbab bo// gsang ba'i ltas byung na lus kyi 'khrul 'khor gyis gcad pa ni/ rkang pa rdo rje skyil krung bcas/ srin lag gis mthe bong mnan la/ khu tshur gnyis brang la bcang te lag pa gnyis brang du bsnol te kha skal pa la bcar/ mig gyen la bgrad la spyi bor yab yum gyi sbyor mtshams nas byang sems babs nas rang gi tshangs pa'i bu ga na mar thim pas rang gi lus dang rtsa thams cad rkyal pa 'o mas bkang ba ltar bsam zhag bdun rgyun ma chad par byas na 'chi ba bzlog nges so// thig le bsrung bar ma byas na 'chi ba bzlos par mi 'gyur bas/ tshul khrims gtsang la thig le bo ba med pa'i rnal 'byor pas rang gi lus dri chen mar khus byugs/ yang

  189. 95a

    na skyes pa gri ri sha ba'i tshil chen gyis byug/ dkon mchog gsum la mchod pa dbul/ bla ma rnams la gsol ba gdab/ yid dam lha la bzlas bsgom bya/ bud med lnga la tshogs 'khor bya/ mdun gyi nam mkha' la dpa' bo dang dpa' mo sbyor ba byas pa'i byang sems kyi bdud rtsi tshangs pa'i bu gar babs pas lus thams cad gang bar bsgom mo// rdo rje'i nang du hUM dkar po gcig sangs rgyas stong rtsa gnyis kyi ngo bor bsams la/ de las 'od 'phros pas 'gro drug gi bdud rtsi nyams pa'i dri ma dag nas hUM la thim par bsam/ sha lnga bdud rtsi lnga rtag tu bsten no// de rnams kyis thig le ma bzlog na/ spyi bo nas spu mtshams su a wa d+hu ti bsgoms la dga' ba bcu drug gi dus su byang sems kyi thig le bcu drug mu tig gi rdog ma ltar bsgom/ de las bdud rtsi babs pas lus kyi gnas rnams khengs par bsam mo// des ma bzlog na sngon gyi las kyi rnam par smin pa yin pas dkon mchog la mchod pa dbul/ mkha' 'gro la gtor ma btang / rdo rje spun la tshogs kyis mchod/ lus dang longs spyod thams cad kyis rdo rje slob dpon mnyes par byas la 'pho ba'i gdams ngag la 'jug par bya'o// 'chi ltas bzhi pa de kho na nyid kyi 'chi ltas ni/ gang dang 'grogs kyang khro snying 'dod/ gang na 'dug kyang 'jigs pa dang / dkon mchog gsum

  190. 95b

    la mos gus shor/ bla ma rnams la sdang zhing smod/ gang na 'dug kyang skyo ba dang / 'khor 'dab rnams dang 'bras snying 'dod/ g.yeng ba dang nor la dga' chags pas g.yeng ba tshol/ nga rgyal dang phrag dog gcig stengs su gcig gis non pa rgyun mi 'chad par 'ong ba dang / chos ldan grogs dang 'bras snying 'dod pa dang / sdig pa'i grogs la snyan grags brjod pa dang / tshe 'dir sdug gis dogs pa dang / bla ma dkon mchog gi nor rnams rku ba dang / rnam par rtog pas sems g.yeng na de kho na nyid kyi 'chi ltas yin pas/ 'chi ba slu ba'i thabs ni/ stong nyid bde chen dam pa'i chos bshad/ de yang lus skyil krung sems gsal bar byas la/ mdun gyi nam mkha' la dus gsum gyi sangs rgyas kyi ngo bo bla ma bsams la yid kyis phyag 'tshal/ mchod pa dngos dang yid kyis dbul/ gsol ba lan gsum du gdab/ de nas spyi bo na mar thim pas byin gyis brlabs par bsam/ chos sku skye ba med pa spros pa'i mtha' thams cad dang bral bar bsam/ skye shi'i 'jigs po bral nas chos sku'i ngang la gnas par bya'o// de nas 'chi ba cis kyang ma bzlos na 'pho ba bya ste/ de la gnyis las btsan thabs su 'pho ba dang sbyangs te 'pho ba'o// btsan thabs su 'pho ba ni/ lus bsrang la sgom tshigs su bya/ mig sna rtse la phab/ rdo rje phag mo bsgom/ bshang lam

  191. 96a

    dang chu lam bruM res dgag/ lte ba snying kha gnyis/ srin lag smin mtshams gnyis/ mig gnyis hUM res dgag/ lce la hUM gis dgag/ lte ba'i 'og sor bzhi tsam nas rtsa 'dab gsum yod pa'i dbu ma na yi ge baM dmar po gcig bsam mo// de ka la ka hig ka hig ces pas nyi shu rtsa gcig gis yar drangs pa ni mar dbab/ de la shes pas zin pa dang / gang la yang chags pa med par byas la spyi bo tshangs pa'i bu ga sgo phye la/ lte ba'i de ka hig ces gdon te spyi bor rdo rje phag mo'i thugs khar thim par bsam mo// des rdo rje phag mo'i skur gyur te/ phyag rgya chen po'i dngos grub thob par 'gyur ro// sbyangs te 'pho ba ni/ gong lnga nas bskyed rdzogs la sbyangs te 'chi khar 'pho bar bya'o// 'chi rtags dang / 'chi slu dang / 'pho ba'i le'u ste bdun pa'o// / phyag rgya chen po 'byung ba gos su bgo ba'i/ phyag rgya chen po tsaN+Da li/ gtum mo'i gdams pas drod skyed par byed pa ni gsum ste/ drod skye bar byed pa bca' ba lus kyi gnad dang / ting nge 'dzin skye bar byed pa rig pa sems kyi gnad dang / yon tan 'byung bar byed pa 'gyu ba rlung gi gnad do// dang po drod skye bar byed pa la/ bca' ba lus kyi gnad ni lus kyi 'khrul 'khor te lnga'o// rkang pa mag la me ltar brtseg/ g.yas kyi mthil gyis g.yon gyi bol gong mnan/ pus mo skyed pa lta

  192. 96b

    bur btsugs te og lho'i 'og tu gzugs/ lag pa zhag pa ltar bcings te pus mo la 'khyud/ mgo bo phru ba ltar dgal te pus mo'i steng du bzhag go/ mgrin pa pad+ma ltar dgug ste mgo bo dgug go/ tshigs pa gzhu ltar du sdud de/ sgal tshigs dgug de rnams lus gnad do// gnyis pa ting nge 'dzin skye bar byed pa rig pa sems kyi gnad la gsum ste/ phyi sbyang ba dang / nang sbyang ba dang / gsang ba sbyang ba'o// dang po phyi sbyang ba ni/ rang yid dam lhar bsgom ste/ rdo rje phag mo'i skur bsgom mo// mi gsal na zhal phyag gsal du bsgom mo// de'ang rgyan dang cha lugs ldan par bsgom/ nang sbyang ba ni/ lha'i nang stong pa na nang khrol la sogs pa med pa phyi nas bltas na nang gsal/ nang nas bltas na phyi gsal ba gcig bsgom/ gsang ba sbyang ba ni lnga ste/ me'i sa bon bskyed pa ni/ rang gi rkang mthil gnyis su rlung gi dkyil 'khor gzhu'i dbyibs lta bu de'i steng du raM dmar nag re bsam/ rlung gis me bus me mo khab tsam nyug nyug byung bar bsam mo// gnyis pa me sbyar ba ni/ me bol skud tsam gcig gis pus mo man chad bsgres par bsam/ gsum pa me de'i mtshan nyid ni kha dog dmar ba/ reg bya tsha ba/ byed pa myur ba/ bde ba'i rang bzhin can du bsgom mo// bzhi pa me bsring ba ni brla gnyis nas yang la mda' sug tsam re lte ba'i 'og tu bslab

  193. 97a

    par bsgom/ lnga pa me sbar ba ni/ srin po'i zhal rab tu bsdam pa la mdoms nas raM las me 'bar bas me gsum lte ba'i 'og tu me lce phrad pas mkha' 'gro ma lnga'i ngo bo lte ba na ha ri ni sa'i dbus na baM gnas pa las me 'bar bas me bzhi dza bzhis bskor ba la/ reg bya tsha ba bde ba g.yon du sgo ro ro 'khor bas 'khor lo lte bar bskor ba yin te/ phyogs bzhi steng 'og gnyis su sgo ro ro 'khor bar bsgom mo// je drag je drag skor ro// de nas bsrings te bskor ba ni/ de nas snying khar bskor/ hUM zhe sdang sbyangs/ de nas mgrin par bskor/ a 'dod chags sbyangs/ de nas klad par bskor/ oM gti mug sbyangs/ de nas phyi nyi ma drug skor gyi man ngag ni/ rang gi phyogs bzhir kun tu nyi ma re/ steng 'og gnyis su nyi ma gnyis te drug/ nyi ma drug gi 'od zer ba spu'i bu ga na tshur 'ong bar bsgom mo// nang me dpung 'bar ba brtseg mar bskor ba lte ba nas mgrin pa snying kha rnams su me lce rtse lnga brtsegs mar 'bar bas phyi ru me'i 'od 'phros pas phyi bsregs bar du me dang nyi ma'i 'od zer bsnol pas 'od zer gyi lus dang rtsa gos pas lus la bde ba skyes par bsam mo// nad dang sdug bsngal gdon pa ni// rtsa spyil gyi nang du dud pa btang ba bzhin du nad dang / 'byung ba'i dngas snyigs dang / dug lnga dang / rnam rtog thams cad

  194. 97b

    bsregs nas dud pa bzhin du phyi ru rgyang la byung ste/ spyi bo dang ba spu'i bu ga na phar la sngo thul lu lu song bar bsam mo// bde ba skye bar 'dod na/ spyi bo tshangs pa'i bu ga man chod nas gsang ba rdo rje yan chad du rtsa gtsang ma stug ma 'dra ba gcig bsgom/ ra sa ya dang la la na gnyis yar rtse sna bug gnyis la zug/ mar rtse lte ba'i 'og tu a ba d+hU tir tshud pa'i nang du lte ba nas mkha' 'gro ma'i gtum mo 'bar bas zin te rngub pa yang yar je mtho je mtho la spyi bo tshangs pa'i bu ga la haM dkar po mgo zur la bsten pa de zhu ba las/ byang chub sems kyi thig le dngul chu lta bu de rtsa gsum la sgo ro ro 'khor bas yas mar 'dzags pas a shad drod pa las rtsa'i nang nas mar bde ba dang bcas nas nar ra ra'ang bar bsgom mo// bde ba chen po gsang ba'i rdo rje 'gas pa tsam gyis bde ba byung ba dang de la ma chags ma zhen pa ci'i ngo bor yang ma grub pa bde ba gsal la mi rtog pa la sems glod la gzhi phyag rgya chen po'i ngang du bsgom mo// chu dngas ma rtogs pa 'am/ mar me rlung gis ma bskyod pa ltar sing nge yer re gsal snang du bsgom/ drod kyi rta ma rgya mtsho'i gting du sba ba ni me rnams yar mar rtse mo gug nas gsang gnas na ra dmar po yod pa de la rtse mo zug par bsam mo// mkha' khung gnyis chu'i khams yin pas me dmar ring nge ba re bsam mo/ de me

  195. 98a

    bsnyam pa dang 'dra'o// des drod mi 'chor ba yin no// nyal ba'i gnad ni/ rkang pa bskum pa brtsegs/ grum 'og ma mkhal ma'i gdan du bting / lag pa g.yas steng ma mkhal ma'i steng du brkyang / mgo bo bkug la gting du gzhug go/ des drod mi 'chor ba'i gnad yin no// gtum mo zas su za ba ni/ mkha' 'gro la gtor ma gtang / gsol ba gdab/ zas kyi 'dod pa chung ba dang / skom pa'i rtsol ba chung ba dang / gdung ba chung bar 'gyur ro// rdo rje mkha' 'gros rtogs pa bskyed// sangs rgyas mkha' 'gros bdegs la skye// rin chen mkha' 'gros zas mi dgos// pad+ma mkha' 'gros nyon mongs pa 'dod chags mi skye// las kyi mkha' 'gros dug lnga 'joms// zas dang gos dang 'dod pa dang bral nas/ lus zag pa zas de/ mkha' spyod gnas su 'gro yo/ gtum mo rta ru zhon pa ni/ rkang pa'i mthil gnyis su rlung gi dkyil 'khor bsgom/ tshigs sor bzhi pa rlung gi ba dan 'phyar/ mthe bong gnyis kyis srin lag gnyis kyi rtsa ba mnan/ dmigs pa lte ba'i a la gtad/ 'gro ba rta bas mgyogs par 'gyur ro// mkha' 'gro ma'i snyan brgyud/ las rgya mtsho'i rgyud phyi ma las/ tsaN+Da li bsgom pa'i le'u ste brgyad pa'o// // slob dpon chen po pad+ma 'byung gnas kyis mkha' 'gro ma zhi ba'i mtsho la zhus pa'o// jo mo mkha' chen bza' mtsho rgyal la/

  196. 98b

    mkha' 'gro dbang du btsugs nas gtad pa'o// rdzogs saho// rgya rgya rgya/ gri gug gi rgya/ mkha' 'gro'i rgya/ zod pa'i rgya// / @#// rgya gar skad du/ DA ki ni karma ma le tan tra nA ma/ bod skad du/ mkha' 'gro ma las sna tshogs kyi rgyud ces bya ba/ sna tshogs mkha' 'gro ma la phyag 'tshal lo// rnal 'byor pas mkha' 'gro ma'i dngos grub thob par 'dod pa'i mkha' 'gro ma sbyor ba drug pa zhes bya ba gsang ba gnad kyi nyams len gyi rim pa 'di skal ldan las 'phro can gyi chos yin no// de la rtogs pa skye ba dang gcig nyin mo mi 'du ba dang gnyis/ nub mo DA ki ma 'du ba dang gsum/ nang nub zas 'du ba dang bzhi/ brtul zhugs nus pa bskyed pa dang lnga/ rten 'brel mngon shes 'char ba dang drug go/ de la rtogs pa bskyed pa la rdo rje phag mo bsgrub/ nyin mo mi 'du ba la rdo rje mkha' 'gro bsgrub/ nub mo mkha' 'gro 'du ba la pad+ma mkha' 'gro bsgrub/ nang nub zas nor 'du ba la rin chen mkha' 'gro bsgrub/ brtul zhugs nus pa bskyed pa la las kyi mkha' 'gro bsgrub/ rten 'brel mngon shes 'char ba la dam tshig mkha' 'gro bsgrub bo// spyi don gyi le'u ste dang po'o// // dang po rtogs pa bskyed pa la/ ye shes mkha' 'gro rdo rje phag mo bsgrub ste/ dang po skad cig ma las lus rdo rje phag mo/ sku mdog dmar mo

  197. 99a

    zhal khro zhal dang phag zhal yod pa/ phyag gnyis gri gug thod pa 'dzin pa/ zhabs gnyis g.yon brkyang g.yas bskum pa/ rus pa'i rgyan gyis brgyan pa/ ro'i gdan la bzhugs pa bsgom/ snying khar pad+ma 'das bzhi la/ ha ri ni sa bzhi'i dbus su hUM dmar po bsgoms la/ sngags 'di bzlas so// oM badz+ra sarba bud d+ha DA ki ni ye ha ri ni sa hUM phaT/ ces bzlas so// rang gi rig pa lam du khyer te/ ci shar byed pa yin no// rig pa ltengs su mi gzhug go/ rig pa gang shar nyams su len no// de tsam na mkha' 'gro mas las byed do// rang gi rig pa 'ur na mkha' 'gro mas byin gyis brlabs pa'i rtags yin pas snang ba gang shar zad kar bcad/ snang ba ci shar 'bod cog la sogs pas mkha' 'gro ma mchod pa sbyin pa/ zhen pa bzlog pa tshul khrims/ mi phod pa brtson 'grus/ rkyen thog tu 'gel ba bzod pa/ rig pa gcer bur 'don pa bsam gtan/ rig pa thog zugs med pa shes rab bo// de ltar nyams su blangs pas rtogs pa khong nas 'char ro// sangs rgyas mkha' 'gro'i le'u ste gnyis pa'o// // nyin mo mi 'du bar 'dod na/ rdo rje mkha' 'gro ma bsgrub ste/ bdag rdo rje mkha' 'gro ma sku mdog mthing nag/ g.yas rdo rje/ g.yon thod pa/ kha TaM kha mchan khung du bcug pa/ rus pa'i rgyan gyis brgyan pa/ zhabs g.yon brkyang ba/

  198. 99b

    g.yas bskum pa ro'i gdan la bzhugs par bsgom/ snying khar pad+ma 'dab ma bzhi la ha ri ni sa bsam/ oM badz+ra DA ki ni ha ri ni sa ni tsit+ti khug bsdus bsdus zhes bzlas shing 'gro ba thams cad snying 'gul bar bsam/ tsan dan shug pa'i me la sha sna dang phye bsreg cing mi mched bya/ mi thams cad rang dbang med par 'du'o// rdo rje mkha' 'gro'i le'u ste gsum pa'o// // zas nor dbang du 'du bar 'dod na/ rin chen mkha' 'gro bsgrub ste/ bdag nyid rin chen mkha' 'gro ma/ sku mdog ser mo/ g.yas rin po che/ g.yon thod pa/ kha TaM kha mchan khung du bcug pa/ zhabs g.yas brkyang g.yon bskum pa/ gdan rin po che la bzhugs par bsgom mo// snying khar pad+ma 'dab ma bzhi la ha ri ni sa bsam/ oM rat+na DA ki ni ha ri ni sa/ mi snying bskul bskul ni khug khug/ ba su nA ga kha he bsdus bsdus/ zhes bzlas shing sna mang po bsags la zas dang / 'bru dang / rin po che rnams la me mchod bya'o// zas nor thams cad dbang med ster ba 'ong ngo // rin chen mkha' 'gro ma'i le'u ste bzhi pa'o// // nub mo mkha' 'gro ma 'du bar 'dod na/ pad+ma mkha' 'gro bsgrub/ bdag pad+ma mkha' 'gro sku mdog dmar mo/ g.yas pa pad+ma/ g.yon thod pa/ kha TaM kha mtshan khung du bcug pa/ zhabs g.yas bskum g.yon brkyang gis pad+ma'i gdan

  199. 100a

    la bzhugs pa/ sku gcer bu la rus pa'i rgyan gyis brgyan par bsgom snying khar pad+ma 'dab ma bzhi la ha ri ni sa bsam/ oM pad+ma DA ki ni ha ri ni sa DA ki ni DA ki ni/ d+ho ki dz+nyo ki ni/ hUM hUM dza dza/ zhes bzlas shing mjo mo'i shing la sha chen dang sha sna krag sna'i me mchod bya'o// mkha' 'gro ma dngos su 'ong ste 'phrin las bcol lo// pad+ma mkha' 'gro'i le'u ste lnga pa'o// // brtul zhugs nus pa bskyed pa la// las kyi mkha' 'gro'i bsgrub pa ni/ bdag nyid las kyi mkha' 'gro sku mdog ljang khu/ g.yas ral gri/ g.yon thod pa/ kha TaM kha mchan khung du bcug pa/ zhabs g.yas bskum g.yon brkyang pas ral gri mnan pa'i gdan la bzhugs pa/ gcer bu rus pa'i rgyan gyis brgyan par bsgom/ thugs khar pad+ma 'dab ma bzhi la ha ri ni sa bsam/ oM karma DA ki ni ha ri ni sarba karma hUM hUM phaT phaT/ ces bzlas shing mer mchod ba dang / chur mchod ba dang / g.yang la mchong ba dang / dbu rdeb pa dang / brtul zhugs kyi spyod pa sna tshogs byed do// las kyi mkha' 'gro ma'i le'u ste drug pa'o// // mngon shes 'char ba la/ dam tshig mkha' 'gro bsgrub pa ni/ bdag nyid dam tshig mkha' 'gro dkar mo g.yas 'phrul gyi me long / g.yon pa thod pa/ kha TaM kha mtshan khung du bcug pa/ zhabs g.yas brkyang g.yon bskum pas pad+ma'i gdan la

  200. 100b

    bzhugs pa/ gcer bu rus pa'i rgyan gyis brgyan par bsgom/ thugs khar pad+ma 'dab ma bzhi la ha ri ni sa bsam/ oM sa ma ya DA ki ni ha ri ni sa ru tra ru tra mu mu/ shig shig phye phye ston ston/ zhes bzlas shing sman dang spos chis khrus bya/ rab mngon sum/ 'bring nyams/ tha ma rmi lam du legs nyes thams cad ston to// dam tshig mkha' 'gro'i le'u ste bdun pa'o// // sna tshogs mkha' 'gro bsgrub pa ni/ bdag nyid thams cad mkha' 'gro ma sku mdog sna tshogs 'od du 'bar ba/ g.yas rdo rje rgya gram/ g.yon thod pa/ kha T+wAM kha mchan khung du bcug pa/ zhabs g.yas brkyang g.yon bskum pa/ rdo rje rgya gram gyi gdan la bzhugs par bsgom/ snying khar pad+ma 'dab ma bzhi la ha ri ni sa bsam/ oM bud d+ha bud d+ha/ badz+ra badz+ra/ rat+na rat+na/ pad+ma pad+ma/ karma karma Da ki ni ye/ ma ma ha ri ni sa hUM hUM phaT phaT/ ces bzlas shing rig pa la ci shar cu byed snying 'dod pa bya/ mkha' 'gro mas dngos grub sna tshogs ste ro// me mchod bya zhing bdud rtsi bsnams pa bsreg/ sna tshogs mkha' 'gro ma'i le'u ste brgyad pa'o// // 'jig rten mkha' 'gro bsgrub pa ni/ bdag nyid rdo rje phag mor bsgoms la/ 'jig rten gyi khams thams cad mkha' 'gro mas gang bar bsgom/ ha ri ni sa war lam ni hUM hUM hring hring / sa ni re he/ DA ki mi d+ha ko hUM dza/ sa ni ri ha/ ri mi sang kri

  201. 101a

    ta hUM/ sa ni ri ha sa phe ma dza la ta swA hA/ zhes bzlas shing gcer bu bya/ gar bya/ ri ka la bsdad/ mi tshil gyi dud pa btang / mkha' 'gro ma thams cad 'khrugs nas bka' nyan gsung sdod par 'gyur ro// mkha' 'gro ma'i dkrug yig 'jig rten mkha' 'gro'i le'u ste dgu pa'o// // thams cad mkha' 'gro bsgrub 'dod na/ bdag nyid rdo rje phag mor bsgom/ snying khar pad+ma 'dab bzhi la/ ha ri ni sa bkod la/ mkha' 'gro bzhi'i ngo bor bsam/ ha ri ni sa/ sa ri ni ha/ ri ha sa ni/ ni sa ri ha/ war ma ni hUM hUM hring / DA ki mi d+ha ki hUM dza/ ri mi ye ta kri hUM/ sa pheM dza la ta swA ha/ zhes bzlas/ snang ba thams cad mkha' 'gro ma'i rang bzhin du bsam mo// snang ba la ci shar bya/ 'gro 'dug bskor ba/ ldang 'dug lha phyag/ 'bod gcog gtor ma/ brgyab kyis dogs pa dang bsad kyis dogs pa la sogs pa mi bya/ re gas dang nyam nga med par brdzi'o// g.yang la mchong pa dang / me dang chu la sogs pa la sems 'gyur ba med par brdzi'o// gdon gnod sbyin pho mo dang / lha klu gdug pa can dang / bar chad kyi rkyen bgegs la nyam nga med par brdzi'o// thams cad mkha' 'gro'i le'u ste bcu pa'o// // mkha' 'gro sde lnga bsgrub pa ni// rang nyid rdo rje phag mor bsgom// spyi gtsug bde chen 'khor lo ru// rdo rje mkha' 'gro sku mdog

  202. 101b

    mthing // g.yas pa rdo rje g.yon thod pa// mgrin pa longs spyod 'khor lo ni// rin chen mkha' 'gro sku mdog ser// g.yas pa rin chen g.yon thod pa// snying kha chos kyi 'khor lo na// sangs rgyas mkha' 'gro sku mdog dkar// g.yas pa 'khor lo g.yon thod pa// lte ba sprul pa'i 'khor lo na// las kyi mkha' 'gro sku mdog ldang // g.yas pa ral gri g.yon thod pa// gsang ba bde ba'i 'khor lo na// dam tshig mkha' 'gro bde stong gnyis med gnas// mkha' 'gro rnam bzhi'i snying kha na// pad+ma 'dab bzhi gnas pa la// ha ri ni sa gnas par bsgoms// ngag tu sngags 'di bzlas so// oM AHhUM swA hA/ ha ri ni sa hUM phaT/ lus mi bsdad bskul bskyod bya/ ngag mi bsdad sngags bzlas/ sems mi bsdad mi rtog pa la bsdad/ lus la bde ba 'byung / ngag la nus pa 'byung / sems la rtogs pa 'byung ngo // mkha' 'gro sde lnga'i le'u ste bcu gcig pa'o// // sangs rgyas mkha' 'gro sgrub pa'i thabs ni/ skad cig ma las bdag nyid rdo rje phag mo zhal gcig phyag gnyis pa/ rdo rje gri gug thod pa kha TAM kha 'dzin pa'o// zhabs g.yas tung g.yon bskam gyis 'jigs byed dang dus mtshan man pa/ rus pa'i rgyan gyis brkun pa/ me dpung nang na bzhugs par bsgom/ snying khar pad+ma 'dab bzhi la/ ha ri ni sa bkod la/ de las 'od zer 'phros

  203. 102a

    pas mkha' 'gro dpa' bo dang dpa' mo thams cad spyan drangs te rang gi lus la gzud par bya'o// rtsa dang ba spu'i bu ga thams cad mkha' 'gro mas gang bar bsam mo// oM sarba bud+d+ha DA ki ni ye badz+ra war NA nI ye/ badz+ra bai ro tsa ni ye ha ri ni sa hUM hUM phaT phaT swA ha/ snying kha'i dbus na gtso mo'i sngags pad+ma 'dab ma bzhi la yi ge bzhu gnas pa la dmigs la bzlas/ lus mkha' 'gros gang nas sngags de ri ri zlos par bsam/ rtags lus la bde ba/ ngag la nus pa/ sems la rtogs pa 'char/ mkha' 'gro ma grub pas thun mong gi dngos grub sna tshogs 'byung ngo // sangs rgyas mkha' 'gro ma'i le'u ste bcu gnyis pa'o// // 'jig rten dbang phyug bsgrub 'dod na/ bdag rdo rje phag mor bsgoms la/ spyi bor pad+ma 'dab bzhi'i steng du ha ri ni sa bkod la/ ngag tu yang ha ri ni sa bzlas pas/ 'khor lo las 'od zer dkar po'i 'phros pas phyogs bcu'i sangs rgyas dang / byang chub sems dpa' dang / dpa' bo dang / dpa' mo thams cad kyi sku'i yon tan thams cad bsdus nas bdag gi spyi bor thim pas bdag gi lus mdangs dang stobs dang ldan par bsgom mo/ 'jig rten gyi mi thams cad kyis bkur gnas su 'gyur ro// 'jig rten dbang phyug gi le'u ste bcu gsum pa'o// // ngag gi dbang phyug bsgrub 'dod na//

  204. 102b

    bdag rdo rje phag mor bsgoms la/ mgrin pa pad+ma 'dab bzhi'i steng du ha ri ni sa bkod la/ sngags bzlas pas 'khor lo las 'od zer dmar po 'phros pas phyogs bcu'i sangs rgyas dang / byang chub sems dpa' dang / dpa' bo dang dpa' mo thams cad kyi gsung gi yon tan thams cad bsdus nas mgrin pa longs spyod 'khor lo la thim pas bdag gi ngag la gsung dbyangs drug cu dang ldan par byin gyis brlabs pa bsgom mo// 'gro ba thams cad ji ltar bsgo ba ltar bka' nyan par 'gyur ro// ngag gi dbang phyug gi le'u ste bcu bzhi pa'o// // thugs kyi dbang phyug bsgrub na/ bdag rdo rje phag mor bsgoms/ snying khar pad+ma 'dab ma bzhi'i steng du ha ri nis bkod la sngags bzlas pas 'khor lo las 'od zer mthing ka 'phros pas phyogs bcu'i sangs rgyas dang / byang chub sems dpa' dang / dpa' bo dang / dpa' mo de dag thams cad kyi thugs kyi yon tan thams cad bsdus nas bdag gi snying kha'i yi ge 'khor lo la thim pas/ mi shes pa'i rmongs pa'i dri ma thams cad bsal nas chos thams cad kyi don shes par byin gyis brlabs par bsam/ chos thams cad kyi don khong du chud par 'gyur ro// thugs kyi dbang phyug gi le'u ste bco lnga pa'o// // 'phrin las kyi dbang phyug gi bsgrub pa ni/ bdag nyid rdo rje phag mor bsgoms

  205. 103a

    la/ lte bar pad+ma 'dab ma bzhi'i steng du ha ri ni sa bkod la/ sngags bzlas pas 'khor lo las 'od zer dkar po/ ser po/ dmar po/ nag po 'phros pas/ phyogs bcu'i sangs rgyas dang / byang chub sems dpa' dang / dpa' bo dang / dpa' mo rnams kyi 'phrin las kyi yon tan thams cad bsdus nas bdag gi lte ba'i yi ge la thim pas bdag gi nad dang / gdon bgegs zhi ba dang / tshe dang bsod nams rgyas pa dang / log par lta ba'i mi dang mi ma yin pa dbang du 'dus pa dang / dgra bgegs tshar bcad par bsam mo// 'phrin las rnam pa bzhi 'grub par 'gyur ro// 'phrin las kyi dbang phyug bsgrub pa'i le'u ste bcu drug pa'o// // bde ba'i dbang phyug bsgrub par 'dod na/ bdag rdo rje phag mor bsgoms la/ gsang bar pad+ma 'dab bzhi'i steng du ha ri ni sa bsam/ sngags bzlas pas phyogs bcu'i sangs rgyas dang / byang chub sems dpa' dang / dpa' bo dang / dpa' mo rnams kyi sbyor mtshams nas byang sems dkar dmar zabs shes rab kyi bcud thams cad tshur bsdus te bdag gi gsang bar thim nas bde bas lus rgyas nas bde ba dang stong par bsgom/ bde stong gnyis med kyi nyams skye bar 'gyur ro// bde ba'i dbang phyug gi le'u ste bcu bdun pa'o// // snang stong gnyis med kyi don bsgom na/ bdag rdo rje

  206. 103b

    phag mor bsgoms/ snying pad+ma 'dab bzhi la ha ri ni sa bkod la/ yi ge bzhi pa bzlas pas snang ba 'di me long gi gzugs brnyan nam/ 'ja' tshon nam/ sgyu ma 'am/ smig sgyu 'am/ snang la rang bzhin med par bsgoms/ de ltar bsgoms na snang ba 'di bun bun lang long 'ong ste snang bzhin du stong / stong bzhin du snang / snang la rang bzhin med par bsgom/ snang ba la thog rdugs med par 'gro bar 'gyur ro// snang stong gnyis med kyi don bsgom pa'i le'u ste bco brgyad pa'o// // gsal stong dbyer med kyi nyams bsgom na/ bdag rdo rje phag mor bsgoms/ snying khar pad+ma 'das brgyad la ha ri ni sa bkod la yid kyis bzlas/ shes pa bzlas pa'i rjes mi bcad/ ma 'ongs pa'i sngon mi bsu/ da ltar gyi shes pa skad cig ma 'di rkyen khar mi btang bar shes pa sal le sing nge gsal la ma 'gag pa rang 'byung rang gsal du bzhag/ de la dang po yid tsam/ de nas skad cig tsam/ de nas yun je ring rje ring las rig pa gsal dngas phyed par 'gyur ro// gsal stong dbyer med kyi le'u ste bcu dgu pa'o// // bde stong dbyer med kyi don bsgom pa ni/ bdag rdo rje phag mor bsgoms la/ snying khar pad+ma 'dab bzhi bkod la/ ha ri ni sa bzhi bsam/ yid kyis bzlas te shes pa glod la bde 'ba' le shig ge lhod de bzhag/ rnam rtog mi

  207. 104a

    bcos/ mi bsgyur/ mi dgag/ rang byung rang dngas su bzhag/ de la gnas pa dang / lus bde ba dang / ting nge 'dzin gtong mi phod pa dang / lus yod pa mi tshor bar 'gyur ro// bde stong gnyis med kyi le'u ste nyi shu pa'o// // rig stong dbyer med kyi don bsgom pa ni/ bdag rdo rje phag mor bsgoms/ snying khar pad+ma 'dab bzhi la ha ri ni sa bkod la yid kyis bzlas/ rig pa skad cig ma 'di thig drihridreg bun bun lang lang yer yer gzhi la ma bzhag par 'ur 'ur bskyangs pas rig pa 'ur te khrog ge shes pa 'ur re sbyangs se/ tha mal gyi shes pa 'gyur/ bag la nyal las khog rig pa'i rtsa ba stong par shes pa 'di kho na lam du bgyir ro// mkha' 'gro mas rig pa byin gyis brlabs pas rnal 'byor pa snang ba'i chags zhen las grol bar 'gyur ro// rig stong dbyer med kyi le'u ste nyer gcig pa'o// // bla ma'i byin rlabs kyi don bsgom pa ni/ bdag rdo rje phag mor bsgoms la/ spyi bor bla ma rang gi yi dam lha'i cha byad can yum dang snyoms 'jug mdzad pa pad+ma dmar po 'dab bzhi'i steng na bzhugs par bsgoms/ yab yum gyi sbyor mtshams nas byang chub sems rtsa rar babs pas/ bdag gi spyi bo tshangs pa'i bu ga na mar song bas bdag gi sdig sgrib dang dam tshig nyams chag thams cad nag nyil nyil dag nas dkar sangs

  208. 104b

    la rkang pa'i mthe bong dang bshang lam mar song bar bsam/ de la nyin gsum mtshan gsum du bsgom mo// thun za ma la bla ma yab yum 'od du zhu nas spyi bo tshangs pa'i bu ga na mar thim rang lhar bsgoms pa 'od du lhan gyis zhu nas de'i ngang la 'od gsal du bsgom mo// bla ma'i byin rlabs thams cad rang la 'jug pa yin no// bla ma bsgom pa'i le'u ste nyer gnyis pa'o// // rdo rje phag mo'i sku bsgom pa ni/ phag mo'i zang sku cig mdun du bkram la/ phyi nang gi mchod pa bshams la/ thang sku de la nyin mo gcer zin du bsgom/ nub rang rdo rje phag mo'i skur bsgom/ gsal ba'i 'phro la bzhag/ yang zang sku de dran par byas la skad cig gis rdo rje phag mor bsgom/ nyi mo'i zang sku la sems gzung / 'dris su gzhug/ nub mo yang bsgoms pas goms tsa na dran pa yer la lha gsal ba yong ste/ de ltar byung tsa na snang ba 'gro ba pho mo thams cad rdo rje phag mo dang mkha' 'gro pho mor bsgom mo// de yang snang la rang bzhin med pa rmi lam sgyu ma lta bur bsgom mo// 'jug tu snang ba lha'i dkyil 'khor mkha' 'gro mar mthong bar 'gyur ro// rdo rje phag mo dbyibs la bslab pa'o// rdo rje phag mor bsgom pa'i le'u ste nyer gsum pa'o// // rdo rje phag mo'i bzlas pa la bslab pa ni/ rang rdo rje phag mo'i sku ru gsal ba dang / pad+ma 'dab ma 'dab ma

  209. 105a

    bzhi'i nang na dbus nam dmar mo/ pad+ma 'dab bzhi la ha ri ni sa bzhi la rnam pa yi ge lnga la ngo bo mkha' 'gro ma lnga yin pas/ yi ge lnga rlung la zhon nas ngag tu 'thon pas ring la 'khrug pa mkha' 'gro ma'i gdungs 'dzab tu na ra ra drangs pas/ rlung tha mal du ma song yig 'bru'i sgra ru grags pas/ yid de la chags pas sems gsal stong gi nyams skyes pas rgyun du na rar bgrang ngo // ma mo dang mkha' 'gro ma rnams kyis byin gyis rlob ste/ sems bde gsal mi rtog pa'i nyams skyes so// bzlas pa la bslab pa'o// rdo rje phag mo'i bzlas pa'i le'u ste nyer bzhi pa'o// // rlung dang 'od gsal gnyis med la bslab cing bsgom pa ni/ bdag rdo rje phag mor bsgom/ spyi bor bla ma bsgom rlung ni snying gi nang na 'byung ba lnga yi rlung kha dog lnga'i ngo bor gnas/ srog 'dzin pa'i las byed/ rgyu ba sna sgo gnyis re mos su rgyu ste/ g.yas nas rgyu tsa na nyon mongs pa'i rlung yin pas mi bsgom g.yon nas rgyu tsa na ye shes kyi rlung yin pas bsgom/ gnyis ka nas byung tsa na chos nyid kyi rlung a wa d+ha te nas rgyu ba yin pas/ de'i dus su chos nyid rang chas su 'char ro// rlung sum gnyis gnan sum cha btang la/ phyi nas sor brgyad tsam du g.yung drung g.yon du 'khyil pa kha dog dmar po gcig bsam/ rlung phyi ru 'byung ba'i dus su hUM du 'gyur/ g.yung drung

  210. 105b

    'khril pa la drag tu phog pas g.yon du drag tu sgo ro ro 'khor bar bsam/ rlung nang du 'jug tsam na IM gyi rnam pas nang du 'jug/ bar na gnas tsam na AH'i rnam pas bar na gnas/ rlung nang du zin tsam na rtog pa'i 'gyu ba chad de/ g.yung drung ris tshur je nye je nye la sna rtse tsam du 'khor ba dang / mi dmigs par bsam/ de'i ngang la rtog med 'od gsal du gsal ba ni/ rlung sems 'dres pa'i rlung dang 'od gsal zung 'jug yin no// rlung dang 'od gsal zung 'jug gi le'u ste nyer lnga pa'o// // yig 'bru 'od gsal zung 'jug bsgom pa ni/ bdag rdo rje phag mor bsgoms/ rang snying pad+ma 'dab bzhi la ha ri ni sa bkod la/ yid kyis yi ge bzhi pa bzlas pas yi ge 'od du sgo ra ra 'dug par bsam la/ yi ge bzhi 'od du lam ste zhu nas lus sems gang yang med par chos nyid kyi 'od gsal ngos gzung ste/ gsal la ma 'gags pa sa la le bal bzhag go/ de la goms pas mkha' 'gro mas mchog gi dngos grub ster bar 'gyur ro// yi ge 'od gsal zung 'jug gi le'u ste nyer drug pa'o// // phyag rgya chen po zung 'jug bsgom pa ni// phyi las kyi phyag rgya/ nang dam tshig gi phyag rgya/ gsang ba chos kyi phyag rgya/ de kho na nyid kyi phyag rgya chen po'o// de la phyi las kyi phyag rgya ni/ las dang nyon mongs pa thams cad ma bkag rang byung du shar ba las kyi

  211. 106a

    phyag rgya/ nyon mongs pa la rang bzhin med par shes pas nyon mongs pa bde bar skyed par byed/ nyams myong ni las kyi phyag rgyas las snang srid bde ba chen pos nyams su myong / rtogs pa ni las kyi phyag rgyas 'khor 'das gnyis su med par sems su rtogs so// nang dam tshig gi phyag rgya ni/ bdag phag mor bskyed pa ni bskyed rim/ de la rang bzhin med pa rdzogs rim/ bskyed rdzogs gnyis la mi 'da' 'o// las ni dam tshig gi phyag rgyas bskyed rdzogs zung 'bel de nyid mi stong par byed do// nyams myong ni dam tshig gi phyag rgyas/ bdag gzhan gnyis su med pas mnyam pa rim med du rtogs so// gsang ba chos kyi phyag rgya ni/ chos thams cad sgyu ma gnyis su med pa'i don la sbyor ro// las ni chos kyi phyag rgyas thams cad sems su rtogs pas/ chos ma yin pa sel bar byed/ nyams myong ni chos kyi phyag rgyas/ chos nyid sems zung 'jug yul bral du nyams su myong ngo // rtogs pa ni chos kyi phyag rgyas rlung sems gnyis med du rtogs so// de kho na nyid phyag rgya chen po ni skye med dang gnyug ma gnyis su med/ blo bral ngos bzungs dang bral bar don la gnas/ las ni phyag rgya chen po'i don bsam brjod dang bral ba ci yang med par rtogs/ nyams myong ni skye med rten dang bral bar nyams su myong rtogs pa ni phyag rgya chen pos blo dngos

  212. 106b

    gnyis med chos sku bde ba chen por rtogs so// phyag rgya bzhi zung 'jug gi le'u ste nyer bdun pa'o// // rdo rje phag mo'i sku brdar bshad pa/ sku mdog dmar mor bzhugs pa ni// 'gro don thugs rje chags pa'i brda// khro mo'i tshul du bzhugs pa ni// thugs rdo rje khros pa 'dul ba'i brda// phag gdong gyen la bltas pa ni// rnam rtog thams cad za ba'i brda// khro zhal thur la gzigs pa ni// 'khor ba'i 'dam nas 'don pa'i brda// spyi gtsug g.yung drung ris su 'khor ba ni// chos rnams 'gyur ba med pa'i brda// dbu la thod pa dum bu bdun pas brgyan pa ni// sangs rgyas rabs bdun dbu la brgyan pa'i brda// rin chen rnam lngas dbu la brgyan pa ni// rigs lnga'i sangs rgyas dbu la brgyan pa'i brda// rna ltag me long cod pan btags pa ni// lha mos tshul du khros pa'i brda// rna ltag rna rgyan btags pa ni// 'gro drug chos smras 'dul ba'i brda// mgul du mgul rgyan btags pa ni// gsung la 'gag pa med pa'i brda// dbu skra sil bur 'dug pa ni// chos rnams ma 'dres rdzogs pa'i brda// spyan mig dkar nag phyed pa ni// snang ba zil gyis gnon pa'i brda// mche ba dkar po gtsigs pa ni// srid gsum zil gyis gnon pa'i brda// g.yas pa gri gug thogs pa ni// 'khri ba thams cad gcod pa'i brda// g.yon pa thod khrag bsnams pa

  213. 107a

    ni// bde stong dbyer med nyams ldan brda// kha T+wAM mchan khung bcug pa ni// sku gsung thugs dang ldan pa'i brda// phyag la phyag gdub gsol ba ni// srog gcod gnyen po spong ba'i brda// dpung pa la dpung rgyan btags pa ni// nyon mongs gnyen pos 'dul ba'i brda// mi mgo lnga bcu'i do shal byas pa ni// rnam rtog lnga bcu sbrul skur 'char ba'i brda// mi skra skud pas zag pa byas pa ni// skye ba gsum la mnga' bsnyems brda// sked la sked rgyan btags pa ni// phyag rgya bzhi dang ldan pa'i brda// zhabs gnyis brkyang bskum bzhugs pa ni// sgeg mo'i tshul du bzhugs pa'i brda// nyi ma'i gdan la bzhugs pa ni// thugs la gsal 'grib med pa'i brda// zhabs la zhabs gdub btags pa ni// 'khor ba dong spug mdzad pa'i brda// 'jigs byed dus mtshan mnan pa ni// mi phod rnam gnyis brdzi ba'i brda// pad+ma'i gdan la bzhugs pa ni// 'khor ba'i skyon gyis ma gos brda// me ri'i nang du bzhugs pa ni// rnam rtog thams cad bsregs pa'i brda// rdo rje phag mo'i sku brdar bstan pa'i le'u ste nyer brgyad pa'o// // gsung gi brda rnams sngags yin te/ hUM/ pad+ma chen po'i gdan stengs na// rdo rje phag mo'i thugs kha na// sna tshogs pad+ma 'dab bzhi la// sku gsung thugs kyi sngags gsum gsal// phar 'phros pa

  214. 107b

    ni sku la thim// sku ni 'gyur ba med pa'i sku// tshur 'dus pa ni gsung la thim// gsung ni 'gag pa med pa'i gsung // gnyis su med pa'i thugs la thim// thugs ni skye shi med pa'i thugs// dngos grub stsol cig sku gsung thugs// byin gyis rlobs shig rnal 'byor ma// 'phrin las mdzod cig mkha' 'gro'i tshogs// oM sarba b+hu d+hA DA ki na ye ha ri ni sa hUM phaT/ oM badz+ra wa rna ni ye ha ri ni sa hUM phaT/ oM badz+ra bai ro tsa na ni ye ha ri ni sa hUM phaT/ oM badz+ra yo gi ni ye ha ri ni sa hUM phaT/ oM badz+ra ba ra hi ha ri ni sa hUM phaT/ ces sku gsung thugs yon tan 'phrin las kyi sngags so// gsung brdar bstan pa'i le'u ste nyer dgu pa'o// // thugs kyi brda ni chos nyid don/ rdo rje phag mo'i thugs ni mtshan ma'i skyon bral bas// nam mkha' lta bur zhi zhing bsam gyis mi khyab ngo bo nyid// gdod ma nyid nas thugs ni ma bcos lhun gyis grub// bde ba chen po 'od gsal dri ma med pa'i dpal// dus gsum sangs rgyas thams cad bskyed pa yum gyi mchog/ skye 'gag med pa spros pa nyer zhi ba// thugs kyi rdo rje phag mo'i thugs la 'dud// rje btsun lha mo khyod ni me long ye shes ngo bo nyid// chos rnams gzugs brnyan lta bur gsal ba ni// so sor rtog dang bya ba nan tan ye shes rab brgyan pa'o// chos dbyings rnam par dag pas dri med ye shes

  215. 108a

    mchog/ mnyam nyid ye shes don ldan thugs la 'dud// rje btsun lha mo khyod ni sangs rgyas kun gyi thugs la gnas pa ste// mkha' 'gro kun gyi ye shes rdo rje sangs rgyas che// rdo rje mnakha' 'gro chu ma'i gzugs can ma// rin chen mkha' 'gro dngos grub kun gyi gter// pad+ma mkha' 'gro ge sar yid du 'ong // las kyi mkha' 'gro srid gsum 'khor lo 'chang // skye med thugs kyi dkyil 'khor 'chang // skye med thugs kyi dkyil 'khor shin tu mdzes// rigs rnams 'dus pa'i mkha' 'gro thugs la 'dud// rdo rje phag mo'i thugs kyis byin gyis rlobs// hUM hAM hAM/ thugs kyi brda'i le'u ste sum cu pa'o// // mchod pa'i brda phyag rgya bzhi yis dbul ba ni/ dag pa ye shes b+ha ga nas// rdo rje mkha' 'gro gshegs su gsol// mi 'gyur gnas pa'i b+ha ga nas// sangs rgyas mkha' 'gro gshegs su gsol// shes rab btsun mo'i b+ha ga nas// las kyi mkha' 'gro gshegs su gsol// u rgyan dur khrod rang byung nas// 'jig rten mkha' 'gro gshegs su gsol// dgongs sam rdo rje mkha' 'gro ma// rdo rje mkha' 'gro skad pa de// phyag rgya chen po ma lags sam// snang ba thams cad mchod par 'bul// byin gyis rlob cing gshegs su gsol// dgongs sam ye shes mkha' 'gro ma// ye shes mkha' 'gro skad pa

  216. 108b

    de// chos kyi phyag rgya ma lags sam// 'dus byas thams cad mchod par 'bul// byin gyis rlob cing gshegs su gsol// dgongs sam las kyi mkha' 'gro ma// las kyi mkha' 'gro skad pa de// las kyi phyag rgya ma lags sam// phung po lnga yi mchod par 'bul// byin gyis rlob cing gshegs su gsol// dgongs sam 'jig rten mkha' 'gro ma// 'jig rten mkha' 'gro skad pa de// dam tshig phyag rgya ma lags sam// bdud rtsi lnga'i mchod par 'bul// byin gyis rlob cing gshegs su gsol// badz+ra DA ki ni/ bud d+ha DA ki ni/ d+harma DA ki ni/ karma DA ki ni/ ma ha mu tra/ d+harma mu tra/ karma mu tra/ sa ma ya mu tra/ kha kha kha hi kha hi/ mchod pa brda'i le'u ste so gcig pa'o// // mkha' 'gro'i rtags kyi bstan pa ni// ma dang sring mo'i cha lugs ni// snying nye myur du 'go ba'i brda// grogs mo mdza' mor 'ong ba ni// gsang thub dngos grub ster ba'i brda// bran mo khol mor 'ong ba ni// dbang bsdus bkol du btub pa'i brda// chung ma mna' mar 'ong ba ni// phrag dog 'khor lo 'phreng ba'i brda// btsan mo jo mor 'ong ba ni// dbang du ma 'dus mi 'grub brda// g.yu dang rgyan cha mdzes pa ni// thugs dam bskongs nas dag pa'i brda// shon dang phyag 'tshal byed pa ni// dam tshig skyon med 'grub pa'i brda// bud med mang po zas nor ster// dngos grub nor

  217. 109a

    tshogs 'du ba'i brda// zod pa chang gis bkang nas ster ba ni// mchog gi dngos grub ster ba'i brda// bud med tshogs kyi nang na 'dug/ mkha' 'gro'i tshogs rnams 'du ba'i brda// rin chen gter rnams rnyed pa dang // mchod cha sna tshogs rnyed pa dang // na chung phyag rgyar 'bul ba ni// thugs kyi dngos grub thob pa'i brda// la dong gru rnyed chos rnams rnyed dang bltas pa ni// chos kyi dngos grub thob/ pa'i brda// rdo rje dril bu rnyed pa dang // bdud rtsi chu la 'thungs pa dang // rang la nyi ma shar ba ni// tshe yi dngos grub thob pa'i brda// shes dang rin chen rnyed pa ni// dam tshig ma nyams bsam 'grub brda// rnga chen brdungs dang dung chen 'bud// gdugs dang rgyal mtshan 'phyar ba ni// chos kyi snyan grags thob pa'i brda// gangs dkar rtse la 'dug pa dang // ri bo'i rtse la 'dug pa dang // mchod rten rtse la 'dzeg pa dang // mgo la nyi ma shar ba ni// mchog gi dngos grub thob pa'i brda// bzang po'i brda rtags le'u ste so gnyis pa'o// // ngan pa'i brda rtags bstan pa ni// mun nag 'thibs dang rmugs pas gtibs// sa sros nub mor 'dug pa ni// las sgrib che ba'i brda dang rtags// bud med 'thab cing 'dzin ba dang // yug sa mo dang mdze ma dang // rkub dang mo mtshan ston pa dang // bud med nyal po byed pa

  218. 109b

    dang // bud med pho mtshan ston pa ni// nyams grib bar chad 'ong ba'i brda// bud med mang po 'khrug pa dang // rgol du 'ong dang the les 'debs// ngu dang brang rdung 'o dod bod// mkha' 'gro 'khrugs dang khrod pa'i brda// bud med slong du 'ong ba dang // ston mo'i 'dod dang khral 'dod drang // rang yang ltogs dang skom pa ni// mkha' 'gro ma bskongs pa yi brda// rgyang glu len cing phyir 'gyes dang // rta dang bong bu mthong ba ni// mi 'grub phyi thal yin pa'i brda// khro ba'i tshogs su 'ong ba dang // skya bshar zhib can mang po 'ong // pho yis bar chad byed pa'i brda// mi rang lag cha med pa dang // bdag dang gzhan 'thabs kho rgyal dang // tshe long rgyan byas 'pham pa ni// bar chad 'ong ba'i brda dang rtags// yul ngan kha ba bu yug dang // 'dam rdzab mi gtsang phyi sa dang // blo dang rnag khrag 'gos pa ni// nyams grib mi gtsang ba yi brda// bud med ngo mi shes pa dang // skya bshar ngo mi shes pa dang // gri la yu ba med pa dang // mda' la mde'u med pa dang // phur ba rtse mo chag pa ni// gdam ngag lhag chad byung ba dang // sngags la sel yig zhugs pa'i brda// ngan pa'i rtags kyi le'u ste so gsum pa'o// // ngan rtags bzang por ston pa'i brda// rtsi shing mes bsregs rgya mtsho bskams// lus la rnag khrag 'byung ba dang // yar skyug mar

  219. 110a

    bshal 'byung ba dang // rang lus rang gis bgos pa dang // don snying nang khrol rang gis mthong // gcer bu byas nas mchod rgyug dang // las dang sgrib pa zad pa'i brda// bzang rtags ngan par ston pa'i brda// gser dang zas ni rnyed pa dang // lha khang nang du phyag btsal dang // mchod rten nang du 'dug pa dang // gsung rab mang po 'don pa dang // rta rgod zhon du ma btun dang // rta pa mang po khros pa dang // btsun pa btsang po dge shes dang // mya ngan kha mchu phyi thal rnams// rgyal po'i bar chad 'ong ba'i brda// phyi rtags 'chol bar ston pa'i brda// sngon la pho yi cho 'phrul 'ong // grub rtags nye ste 'khu ldog che// skye bo'i tshogs kyis phyag 'tshal dang // bud med mang po 'dud pa dang // ri bo'i rtse la 'dug pa dang // chu bo che las brgal ba dang // gru dang gzings la 'gro ba dang // me chen 'bar dang rlung chen 'tshubs// dmag dang ltad mo byed pa dang // rgya gar skad ris mig cig pa// chos 'chad skyo ba'i tshul ston dang // zang zing 'du long mang po ni// mkha' 'gro pho mo 'chol pa rnams// bdag la 'go zhing 'grub pa'i brda'o// brda rtags gsum gyi le'u ste so bzhi pa'o// // nyams dang mngon sum par rtags ni// chos byed snying 'dod pa dang // sngar bas lus yangs bde ba dang // byin dang byin brlabs thibs shing

  220. 110b

    'ur// bag dro nyams dga' mkha' 'gro mthong // chos nyid don la sems gnas dang // chos rnams mthong bas don shes dang // gnyid dang bsam gtan 'dres pa dang // rmi lam na yang chos dang 'grogs// smras pa thams cad chos su 'gro// bka' bsgo tsam gyis lha 'dre nyan// byin brlabs byas pas gdon zhi dang // nyams dang rtogs pa khong nas 'char// nyon mongs dug lnga zhi ba dang // skye 'chi'i sdug bsngal rtag tu dran// 'khor ba las ni blo log pa// DA ki'i byin brlabs zhugs pa'i brda'o// nyams dang byin brlabs kyi brda rtags le'u ste so lnga pa'o// // slob dpon pad+ma 'byung gnas kyis// dur khrod chen po dga' ba'i tshal du/ mkha' 'gro ma zhi ba'i mtsho la zhus pa/ DA ki ma'i snyan brgyad dgongs don 'byung ba'i las sna tshogs/ bskyed rim gnyis kyi man ngag gi rgyud/ slob dpon pad+mas jo mo mkhar chen bza' mtsho rgyal la gdams pa rdzogs so// rgya rgya rgya//

  221. 111a

    rgya gar skad du/ badz+ra mi phyed rtsa g+ha gu h+ya tan tra na ma/ bod skad du/ rdo rje stong gsal snying po gsang ba'i rgyud ces bya ba/ dpal rdo rje mkha' 'gro ma la phyag 'tshal lo// 'di skad bdag gis thos pa'i dus gcig na/ ye shes klong yangs 'khyil pa'i gnas// ma bsgribs gsal ba'i gzhal yas nas// rdo rje stong gsal ma zhes te// 'dus pa'i 'khor la snying po'i don// chos nyid gsung gi brda mdzad do// snying po gsang ba'i rgyud las gleng gzhi'i le'u ste dang po'o// // 'khor rnams rang gi gnas bzhengs pa// rdo rje rin chen pad+ma las// de bzhin ye shes chos nyid dang // sprul pa'i mkha' 'gro rong bzhengs nas// mkha' 'gro mi 'gyur mas zhus pa// kye mkha' 'gro chen mo yis// don gyi rang bzhin bstan du gsol// spyi btud thal sbyar zhus pa las// stong gsal ma yis bka' stsal ba// gsang ba don gyi gsung bsgrags pas// la la mnyam pa'i ngang la bzhugs// la la nges pa'i don kyang mthong // la la bde ba chen por 'bar// la la ye shes nang nas shar// la la chos nyid don la spyod// la la 'khrab cing la la sprug/ la la brgyal zhing la la skrag/ snying po gsang ba'i rgyud las/ gleng bslang ba'i le'u ste gnyis pa'o// // kye ma mkha' 'gro gsang ba'i bdag/ don gyi rang bzhin bstan du gsol// stong gsal ma

  222. 111b

    yis bka' stsal ba// nyon cig mkha' 'gro gsang ba'i tshogs// snying po hUM gi rang bzhin ni// dug lnga ma lus sreg pa'i me// snying po hUM du drang bar bya// sdug bsngal ma lus 'khru ba'i chu// snying po hUM du drang bar bya// 'khor ba'i zhen pa chags pa'i rlung // snying po hUM du drang bar bya// mkha' 'gro'i pho brang bskyed pa'i phyir// snying po hUM du drang bar bya// mkha' 'gro thams cad 'dus pa'i gsung // snying po hUM du drang bar bya// byin rlabs thams cad 'byung ba'i rgyu// snying po hUM du drang bar bya// dam chos thams cad 'du ba'i don// snying po hUM du drang bar bya// sangs rgyas kun gyi gsang ba'i thugs// snying po hUM du drang bar bya// bde gshegs thams cad gshegs pa'i lam// snying po hUM du drang bar bya// snying po gsang ba'i rgyud las/ don gyi rang bzhin bstan pa'i le'u ste gsum pa'o// // kye ma mkha' 'gro gsang ba'i bdag/ lha gnas snying po bstan du gsol// mkha' 'gro ma yis bka' stsal pa// dam tshig sems dpa'i lhar gsal bas// 'khor lo bzhi yi gnas dag tu// snying po hUM du drang bar bya// klad pa bde chen 'khor lo na// bcom ldan 'jam dpal gshin rje gshed// zhal gsum phyag drug zhabs bzhi pa// gshin rje khro mo yum dang sbyor// rigs bzhi gshin rje 'khor dang bcas// mgrin pa longs spyod 'khor lo na// bcom ldan pad+ma

  223. 112a

    dbang gi lha// zhal gsum phyag drug zhabs bzhi pa// pad+ma khro mo yum dang sbyor// rigs bzhi rta mgrin 'khor dang bcas// snying kha chos kyi 'khor lo na// bcom ldan badz+ra he ru ka/ zhal gsum phyag drug zhabs bzhi pa// badz+ra khro mo yum dang sbyor// rigs bzhi badz+ra 'khor dang bcas// lte ba sprul pa'i 'khor lo na// bcom ldan rdo rje gos sngon can// zhal gsum phyag drug zhabs bzhi pa// rdo rje khro mo yum dang sbyor// rigs bzhi phyag rdor 'khor dang bcas// 'khor lo'i srog shing 'du ti rtsa// spyi gtsug gsang gnas bar du rgyu// rdo rje hUM gi lam du byung // 'og min zhes bya'i spyi gtsug na// bla ma bde gshegs mos gus rten// rlung sems hUM gi sbyar bar bya// ye shes sprul pa'i 'phro 'du yis// phyi shur nang shar thog rdzis ldan// phyi nang grong khyer lha'i dkrogs// bsod nams tshogs kyi 'khor lo bskor// 'od gsal stong pa lam du blang // rdzogs pa'i sangs rgyas zhi bar bsdu// lte ba snying kha mgrin pa dang // bde ba chen po'i 'khor lo ru// bstan pa'i mnga' bdag shAkya thub// mthu stobs bdag po rdo rje sems// thugs rje'i bdag po spyan ras gzigs// mkhyer rab mnga' bdag 'jam pa'i dbyangs// lha rnams kun gyi thugs kha nas// gser gyi rdo rje mtshon re la// rdo rje lte ba'i bum nang du// hUM gi rang bzhin pa thag tsam// stong gsal

  224. 112b

    hUM du drang bar bya// dgongs pa chos nyid klong du bzhag/ snying po gsang ba'i rgyud las/ lha gnas bstan pa'i le'u ste bzhi pa'o// // kye ma mkha' 'gro gsang ba'i bdag/ nyon mongs gnas sa bstan du gsol// mkha' 'gro ma yis bka' stsal ba// spyi bo gti mug gnas sa yin// mgrin par 'dod chags gnas sa yin// snying kha zhe sdang gnas sa yin// lte ba nga rgyal gnas sa yin// gsang ba phrag dog gnas sa yin// de na gdon gang gnas pa ni// bdud dang ma mo spyi bor gnas// btsan dang dmug mo mgrin par gnas// lha dang rgyal po snying khar gnas// dmu dang bse mo lte bar gnas// klu dang sa bdag gsang gnas gnas// gdon gyi rkyen las nad byung ba// 'dus pa mgo nas 'jug pa yin// khrag nad mgrin pa dag nas bskyed// tshad mkhris snying khar gnas pa yin// bad kan pho mtsher dag na gnas// rlung gi gsang ba'i gnas nas 'phel// las kyi 'tshams sbyar skye gnas ni// gti mug las kyis byol song du// 'dod chags las kyis mi yi gnas// zhe sdang las kyis dmyal ba ru// ser sna'i las kyis yi dgas gnas// nga rgyal las kyis lha gnas skyes// phrag dog las kyi lha min gnas// snying po gsang ba'i rgyud las/ nyon mongs 'khrug pa bstan pa'i le'u ste lnga pa'o// // kye ma mkha' 'gro gsang ba'i

  225. 113a

    bdag/ bde gshegs gnas sa bstan tu gsol// mkha' 'gro ma yis bka' stsal pa// sku yi lha tshogs spyi bor gnas// gsung gi lha tshogs mgrin par gnas// thugs kyi lha tshogs snying khar gnas// sprul pa'i lha tshogs lte bar gnas// rigs lnga'i lha tshogs kha dog ni// dkar po dmar po ser po ljang // lha dang ldan pa'i mkha' 'gro ni// rin chen rigs dang pad+ma'i rigs// rdo rje rigs dang las kyi rigs// mkha' 'gro ma rigs dmar smug yin// ye shes rim po'i bskyed lugs ni// chos kyi dbyings kyi ye shes dang // me long lta bu'i ye shes dang // mnyam pa nyid kyi ye shes dang // so sor rtogs pa'i ye shes dang // bya ba grub pa'i ye shes so// lha dang mkha' 'gro'i ye shes de// rlung sems hUM du dril la btang // bde chen zung 'jug gnad du btang // snying po gsang ba'i rgyud las/ bde bar gshegs pa'i gnas bstan pa'i le'u ste drug pa'o// // kye ma mkha' 'gro gsang ba'i gnas// rlung bcu'i gnas sa bstan du gsol// mkha' 'gro ma yis bka' stsal pa// rig pa 'dzin pa sa yi rlung // rig pa sdud pa chu yi rlung // rig pa smin pa me yi rlung // rig pa g.yo ba rlung gi rlung // rig pa khyab pa nam mkha'i rlung // skyes par byed pa pha yi rlung // bsdud par byed pa ma yi rlung // smin par byed pa bu yi rlung // gsal bar

  226. 113b

    byed pa las kyi rlung // thog par byed pa 'bras bu'i rlung // rlung bcu dril te lnga ru bsdus// mi rtsom lhun grub rlung du bsdus// gsal ba ye shes rlung du bsdus// mi phyed gnyis med rlung du bsdus// rang byung mi 'gag rlung du bsdus// stong gsal rig pa rlung du bsdus// rlung pos gcig tu dril ba de// mkhar la nyi ma shar ba 'dra// snying po hUM gi 'khor lo bskor// ye shes thog ser nyams su blang // snying po gsang ba'i rgyud las/ rlung bcud dbang du bsdu ba'i le'u ste bdun pa'o// // kye ma mkha' 'gro gsang ba'i bdag/ yid kyi mngon sum bstan du gsol// mkha' 'gro ma yis bka' stsal pa// yid kyi mngon sum nga las byung // rdo rje 'chang chen khro bdag gang // rdo rje mkha' 'gro ma la sogs// sku gsung thugs kyi rang bzhin nga // thabs dang shes rab ye shes nga // thams cad yid kyi lam du byed// na tsha'i sdug bsngal yid kyi lam// tsha ba'i nad rigs ci na yang // lus kyi 'khrul 'khor bskul bskyod bya// ngag tu hri hri drangs la ston// lus ni rtswa spyil lta bu la// nad ni du ba lta bu ste// ba spu kun gyi bu ga nas// nad rnams phyi ru thon bsam ste// rlung sems dril la drag tu bsgom// bsil bar bsdad cing mal cha srab// bsil zas bsil sman bshad la bza'// khong pa rgyu ma na ba na// rkang pa bsnol te pus mo btsugs// pus mo'i snyan gong

  227. 114a

    lag gnyis bsnol// lus bsdam dmigs thugs rlung mnan la// lag ngar gsus pa shud shud bya// sems bzung dbugs ni hUM bcas btang // ro stod glo snying mi bde na// ro stod dgye dgu bya zhing sprug/ dbugs ni dam la ring bas bton// na sar 'od gsal stong par bsgoms// pho mchin gsum pa 'gyings shing na// skyug mer zos pa mi 'jug na// gsus pa'i 'khrul 'khor shes pa yin// yid la rlung drung rlung sems dril// ma yengs rtse gcig nyams sa brangs// grang ba'i nang ni lci na yang // lus bsdam mgo gtums rlung gzung la// ha ha hus drod bskyed la// nad kyi steng du gsal btab ste// ma yengs bsgom pa gnad du che// nad rlangs mgo bo na ba na// 'jing ba bkug la 'khrul 'khor bya// hri hri drang zhing stong gsal sgom// grang rlung tsha zhing skrag pa na// lus slad bsdams te hri hri drang // 'od gsal med dang bcas la sgom// tshad nad rig pa phyi ru bzhag/ grang nad rig pa nang du sgril// ji ltar rma ni gang yin yang // rma nang a dkar gsal ba las// a de zhu nas bdud rtsir sgom// lus kyi gar dang ngag gi sgra// yid kyi dmigs pas nad rnams ston// rnying po gsang ba'i rgyud las/ mngon sum bstan pa'i le'u ste brgyad pa'o// // kye ma mkha' 'gro gsang ba'i bdag/ tshe grib 'chi rtags bstan du gsol// mkha'

  228. 114b

    'gro ma yis bka' stsal pa// dus bzang yar ngo'i zla grib la// gzugs brnyan brtags na 'di ltar 'chi// ro gtugs 'dra na za ltar 'chi// mgo bo med na zla gsum 'chi// yan lag ma tshangs zla drug 'chi// de ni nam mkha'i brtag pa yin// lus kyi gnas gzhan brtag pa ni// gnas sa sbrel zag chad dam lta// glog lcam dmar mo sring ngam brtag/ chu rta lam na rgyug gam brtag/ ri rab srin chen yal lam brtag/ gangs dkar 'od dang bral lam brtag/ mkha' 'gro sgra skad chag gam brtag/ snying po gsang ba'i rgyud las/ 'chi rtags bstan pa'i le'u ste dgu pa'o// // kye ma mkha' 'gro gsang ba'i bdag/ gnas skabs 'chi slu bstan du gsol// mkha' 'gro ma yis bka' stsal ba// mi rta khyi yi rus pa la// thum po byas te dong du sba// gtor ma btang zhing dge las bya// des kyang bzlog par ma gyur na// chos 'khor tshogs 'khor chen po bya// des kyang bzlog par ma gyur na// 'khor gsum yongs dag spongs dag bya// des kyang bzlog par ma gyur na// bla med mchod pa chen po bya// chos nyid don gyi ngang la bzhag/ dus min 'chi ba byung srid na// bdud kyi bar chad srog 'phrog yin// nang du rig pa btson du gzung // phyi ru snang pa rang sar bzhag/ ma bcos chos nyid ngang la 'pho// don gyi 'chi ba med pa yin// snying

  229. 115a

    po gsang ba'i rgyud las/ 'chi ba bsla ba'i le'u ste bcu pa'o// // kye ma mkha' 'gro gsang ba'i bdag/ rnal 'byor nyams snang bstan du gsol// mkha' 'gro ma yis bka' stsal pa// rig pa rang byung gtan la phebs// rig pa ye shes rang la shar// don mthong yid ches bde bar 'bar// rlung sems las su rung ba yis// yid dam lha yis lung bstan 'byung // mkha' 'gro rnams kyis byin gyis rlob// gnod sbyin pho mo zhi bar byed// na tsha sdug bsngal sran yang tshugs// thun mong mchog gi dngos grub thob// cha mthun mngon par shes pa 'char// rig pa rang grol chos sku thob// 'khor dang longs spyod thams cad 'du// lus bde sems bde bde bar ldan// ngag la nub pa sna tshogs 'byung // tshe ring nad med gnod pa bral// lha sgom spyod 'bras shugs las 'byung // snying po gsang ba'i rgyud las// na yon bstan pa'i le'u ste bcu gcig pa'o// / kye ma mkha' 'gro gsang ba'i bdag/ 'di phyi'i 'char lugs bstan du gsol// mkha' 'gro ma yis bka' stsal pa// gdeng dang ldan pa'i rnam 'byor la// 'di dang bar do phyi ma la// rig pa'i 'char lugs 'di ltar mchis// dus 'dir 'od gsal rtogs pa yin// lta ba 'od gsal stong par rtogs// sgom pa 'od gsal yengs pa med// spyod pa 'od gsal

  230. 115b

    'gag pa med// nyams nyid 'od gsal zhen pa med// 'bras bu 'od gsal 'bral ba med// zhing khams 'od gsal rnam par dag/ de ltar rtogs pa'i bar do ru// rig pa rang byung gcer bu de// gling pa yu ba med pa la// rjen pa rang sar 'char ba yin// zag med bde ba kho na nyid// ye shes bde rlung kho na nyid// shes pa rang snang kho na nyid// rig pa rang byung kho na nyid// sems nyid rang grol kho na nyid// dran pa rang stong kho na nyid// nang gi 'gyur ba drangs sangs grol// phyi yi dngos po bden med grol// lus ni longs sku'i mkha' 'gror grol// ngag ni sbrul sku'i mkha' 'gror grol// sems ni chos sku'i mkha' 'gror grol// snying po gsang ba'i rgyud las/ 'char lugs bstan pa'i le'u ste bcu gnyis pa'o// // kye ma mkha' 'gro gsang ba'i bdag/ phyi nang bsdu ba bstan du gsol// mkha' 'gro ma yis bka' stsal pa// rang lus rgyal ba'i dkyil 'khor la// gzhal yas khang du bstan pa yin// dkyil 'khor lha rnams rang la 'dug/ sha dang rus pa sa'i dkyil 'khor// khrag dang chu ser chu'i dkyil 'khor// drod kyi rang bzhin me'i dkyil 'khor// dbugs kyi sdang 'jug rlung gi dkyil 'khor// nang gi don snying lnga po ni// lha yi pho brang dam pa yin// mig dang rna ba sna dang lce// sgo bzhi dag gi bkod pa yin// kha dog lnga ru gsal

  231. 116a

    ba ni// pany+tsa re ga'i rtsig pa yin// sgal tshigs khyams su bcas pa la// rtsib ma gdung dang phyam du bkram// pags pa thog tu phub pa yin// tshogs drug 'dod yon lha rnams la// tshil bu rin chen pha gu yin// ba spu dra ba dra phyed de// yan lag rta babs rang bzhin no// sor mo rnams kyi lcags ris bskor// de ltar dkyil 'khor yod pa la// rtogs tshogs lha yi rang bzhin bzhugs// gzhan yang gsang ba'i rtsa rnams ni// las kyi mkha' 'gro gnas pa na// lte ba sprul pa'i 'khor lo na// rtsa 'dab drug cu rtsa bzhin// mkha' 'gro drug cu rtsa bzhi gnas// snying kha rtsa 'das brgyad pa la// mkha' 'gro brgyad du gnas pa yin// mgrin pa rtsa 'dab bcu drug la// mkha' 'gro ma yang bcu drug gnas// klad pa bde chen 'khor lo la// rtsa 'dab sum cu rtsa gnyis na// mkha' 'gro sum cu so gnyis gnas// phyag mtshan bum pa bsnams pa ste// kha dog dmar ser sna tshogs ldan// lha 'khor rigs mthun lha tshogs ni// dpa' bo dpa' mo 'jigs pa'i tshogs// sgeg po sgeg mo mdzes pa'i tshogs// khro bo khro mo grams med bzhugs// phung po khams dang skye mched dang // rnam shes tshogs brgyad la sogs kun// ye gsal ye shes chen po yis// dam rdzas rang chas yod pa yin// bskul bskyod byas pa phyag rgya che// phyi ru mi mchod nang

  232. 116b

    du mchod// snying po hUM du di ri ri// rlung sems hUM du hri li li// 'od gsal stong pa lam du slong // snying po gsang ba'i rgyud las/ phyi nang du bsdu ba'i le'u ste bcu gsum pa'o// // kye ma mkha' 'gro gsang ba'i bdag/ tshogs mchod dbang bskur bstan du gsol// mkha' 'gro ma yis bka' stsal pa// mtshon pa tsam du dam bris la// bum pa rdzas dang ldan pa dang // mchod rdzas rnams ni legs par bshams// mchod rdzas byin gyis brlabs nas ni// bla ma yi dam mkha' 'gro dang // phyi nang bde bar gshegs pa rnams// spyan drangs bzhengs bskul bzhugs gsol nas// yan lag bdun gyi mchod pa 'bul// bum pa byin gyis brlabs nas ni// bum pa bla mas blangs pa de// spyi gtsug la sogs sgo bzhir bzhag/ a b+hi Shany+tsa'i sngags brjod la// dbang bzhi legs par bskur ba dang // tshogs kyi yo byad btegs nas ni// thod pa mtshan ldan dpa' dang bcas// 'dod yon lha mor byin brlabs te// tshogs 'khor bskor la dbang bskur zhu// 'dod pa'i don 'grub gsol ba gdab// bla mas thod pa blangs nas ni// rigs lnga yab yum snying po brjod// hUM ni rgyun chad med pa'i bar// badz+ra sid d+hi sid d+hi hUM/ b+hud d+ha sid d+hi sid d+hi hUM/ rat+na sid d+hi sid d+hi hUM/ pad+ma sid d+hi sid d+hi hUM/ karma sid d+hi sid d+hi hUM/ hUM hUM hUM hUM hUM/

  233. 117a

    ban d+ha'i dbang bzhi bskur bar bya// gsang ba'i mchod pa phul nas ni// gsang ba'i dbang bzhi bskur bar bya// don gyi mchod pa phul nas ni// don gyi dbang bzhi bskur bar bya// shi ba'i ro la dbang bskur bya// gnod pa'i lha 'dre dag la yang // snying rje yid kyis dbang bskur bya// ha ha he he tshar bcad btang // lte ba a a sgra ru btang // glu ru hUM nga hUM nga blang // hUM ring hUM zung 'gog pa dang // shib bu rdo rje ting 'dzin bzlas// snying po gsang ba'i rgyud las/ tshogs mchod dbang bskur ba'i le'u ste bcu bzhi pa'o// // kye ma mkha' 'gro gsang ba'i bdag/ phyi nang gsang ba bstan du gsol// mkha' 'gro ma yis bka' stsal pa// phyi stong nang stong gsang ba stong // stong pa'i dbyings las yangs dog med// yangs dog med pa b+ha ga'i klong // stong gsal bde chen sangs rgyas yin// phyi gsal nang gsas gsang bar gsal// gsal ba rang byung 'gag pa med// 'gag pa med pa nges med shugs// stong gsal bde chen sangs rgyas yin// phyi shes nang shes gsang ba shes// ye shes ma bcos btsal ba med// btsal ba med pa 'gyur med dang // stong pa ye shes sangs rgyas yin// phyi rig nang rig gsang ba rig/ rig pa rjen pa dri ma med// dri ma med pa zangs thal che// stong rig bde chen sangs rgyas yin// phyi bde nang bde zag med

  234. 117b

    bde// bde chen rgyun mi 'chad pa yin// ye shes gsal ba'i nyi ma shar// ma rig mun pa rang sar dag/ rang sems chos sku gtan la phebs// dug lnga dug gsum rtsa ba rul// sangs rgyas zhing du da ltar bslab// khams gsum 'khor ba'i g.yang sa chod// skye med dbyings su brtsa nas zin// mngal kha brgya yis thebs pa yin// snying po gsang ba'i rgyud las/ phyi nang gsang ba bstan pa'i le'u ste bco lnga pa'o// // de nas mkha' 'gro chen mo yis// mkha' 'gro rnams la rgud gtad pa// rgyud kyi rgyal po lung gi 'grel// man ngag kun gyi rtsa ba yin// theg pa yang rab bla na med// dngos grub thams cad 'byung ba'i gnas// mkha' 'gro rnams kyis 'di zung zhig/ zung la legs par bcang bar bya// nga yi bka' las 'da' ma byed// de skad ces gsungs gtad rgya mdzad// 'khor rnams legs pa'i don mthong nas// mkha' 'gro la lags btud de// e ma ho ste legs par gsungs// legs so legs so legs par gsungs// don gyi snying po rgyud kyi bcud// legs par gsungs pa yi rang ngo // mi 'gyur rtsal la sogs pa dges// snying po gsang ba'i rgyud las/ yongs su gtad pa dang / gtang rag gi le'u ste bcu drug pa'o// // rdo rje stong gsal gsang ba'i rgyud ces bya ba/ mkha' 'gro mas gsungs pa

  235. 118a

    rdzogs so// // @#// rgya gar skad du/ dz+nyA na DA ki ni tsit+ta sarba g+hA ya bin du na ma/ bod skad du/ ye shes kyi mkha' 'gro ma rnams kyi thugs gsang ba'i thigs pa zhes bya ba/ dpal ldan mkha' 'gro sde lnga la// rnam par btud de phyag 'tshal lo// bde bar gshegs pa thams cad kyis// ye shes rgya mtsho rab zab thugs// bsam gtan man ngag mdor bsdus don// gnas lugs thabs dang mngon gyur pa'o// gnas lugs byang chub snying po ste// rgyu rkyen bral ba'i byang chub sems// snang med stong mthar mi gnas pa'o// thig le chen po yi sangs rgyas// thabs ni lam yin rnam gsum ste// thag chod nyams med spyod rigs kyis// dmigs med kun 'byung de bzhin nyid// shes thob byed pas thabs lam bya'o// lta ba'i ngo bo mtshan nyid dang // lta bzhi rnam grangs rtogs tshul dang // yon tan rnam pa drug shes bya// ngo bo cir yang mi dmigs pa'i// mthar 'dzin rtog pa kun grol ba'o// mtshan nyid chos rnams thams cad kyis// spyi dang rang gi mtshan nyid rnams// ma 'dres yongs rdzogs rtogs pa dang // ma 'dres yongs rdzogs dbyer med do// lha gzhi snying po byang chub dang // de las byung ba'i chos rnams te// rnam grangs brdal ba chen po dang // gsang dbang chen po'i lta ba dang // mkha' klong rnam par

  236. 118b

    dag pa'o// rtogs tshul brdal ba chen po yis// rang las ma g.yos ye shes rtogs// gsum pa ma skyes ma 'gags dang // gnyis med yul bral ye shes gsal// gsum pa mkha' klong rnam dag pa'i// thig le chen po chos skur bshad// mkha' ltar dag pa'i sems nyid la// phyi nang gsang ba yang gsang dang // 'du 'phro la sogs mi dmigs pas// ngo bo ma skyes stong pa'i mkha'// byang chub sems kyi thig le las// rol pa'i phyag rgya kun shar pas// stsal snang ma 'gags ye shes klong // yid bzhin nor bu 'od 'bar bzhin// byang chub sems kyi rang bzhin ni// ma skyes ma 'gag ro gcig pas// dbyer med gter chen po nyid do// ji ltar sbrul mdud grol ba bzhin// stong mthar mi gnas cir yang gsal// gsal ba nyid na ma skyes stong // gsal stong dbyer med spyod yul bral// yon tan skyes pa gnyid sad ltar// sdug bsngal ma spangs bde chen dang // 'khor ba ma spangs ye sangs rgyas// ting 'dzin sngon 'gro bslab thabs dang // brten par bya dang bogs dbyung dang // thob pa'i rtags dang gsal ba'i tshad// bcos thabs yon/ tan brgyad shes bya// sngon 'gro byang chub sems bskyed do// ston pa chu bo bzhi ldan pas// rgyud bkrol ba dang dbang thob nas// bar chad med pa'i gnas mchog tu// cha rkyen rnam gnyis 'tshogs pa dang // rdo rje

  237. 119a

    go cha bgos par bya'o// bslab pa'i thabs la rnam bzhi ste// thob par bya dang mtshan nyid dang // rang bzhin thun gyi 'phel 'grib bo// thob pa'i man ngag ni// dpe dang bskyed rim thog babs dang // log gnon stobs kyis thob par 'gyur// dpe las thob 'dod rnal 'byor pas// ran byas byi dor ldan pa'i sa// bsam gtan khang pa yid 'ong bar// bde ba'i stan la chos bdun tshul// ston pa man ngag gsum ldan pas// mtshan ldan 'od dang gzugs sku zhig/ rnal 'byor de la rdzogs par sbyin// snang dang mi snang thabs kyi bslab// rlung sems gcig tu dril byas la// snang ba thams cad phyag rgya ste// phyag rgya zabs dang gsal brtan nas// mi snang tshe na'ang thob par bya// de nyid gsal rdzogs gom brten nas// lus la gzud pa'i sbyor ba yang // bde chen gnas su spyan drangs la// thig le chen por bzhu brtul bya// thig les 'khor lo drug rgyas pa// rkyen gyi stobs kyis ltar gsal phyir// bdag nyid phyag rgya'i rnal 'byor du// yongs su rdzogs pas bde ba che// bskyed pa'i rim pa'i rnal 'byor ni// rtsa ba'i yi ge hUM muM dang // ha he ma byo phaT rims las// dpal chen yum drug rje mo dang // sman mo lnga bcu rtsa drug gis// ting 'dzin sngags kyi skur gsal ba// rlung sems 'dres pa'i skyes bu yis// ma yengs rgyun du gnas par

  238. 119b

    gyis// thog babs lung bstan rnal 'byor pas// stong nyid sngags kyis lus sbyangs la// sems kyi ye shes chen po nyid// ma bskyed rdzogs pa'i phyag rgyar bsgom// log non snang med g.yung drung du// sems kyi 'du 'phro kun spangs te// rig pa stong nyid lcags su bzhug/ gti mug gnyid kyis tshims par byos// lnga bdun ngag gis rtags rdzogs nas// gsal la dben pa'i sa phyogs su// rten gyi rnal 'byor sgor zhugs nas// ye shes chen po'i phyag rgyar gsal// mtshan nyid don dang rtag ldan pas// tshad dang sku mdog bzhugs thabs dang // phyag mtshan rgyan sogs ye shes sku// chags tshad skabs kyi bye brag gis// khru brgyad bzhi dang gnyis pa dang // mchod bzhi gang dang phyed ma las// che dang chung bar ma bshad do// sku mdog gtso 'khor khyad par gyis// gtso gzungs ye shes rnam lnga'i phyir// mthing ka'i khyad par rnam lda la// 'khor rnams rigs kyi bye brag gis// mthing kha dkar ser dmar ldang sogs// mkha' la 'ja' snang ji bzhin du// shin tu gsal la ma 'dres pa'o// bzhugs thabs zhi dang khro bos te// skyil krung phyed dang 'gying tshul gyis// gdul bya sems can thams cad la// rang gi ngo bos chos ston to// phyag mtshan ye shes rang snang bas// khro bo rdo rje dril bu dang // dril zhags ban d+ha la sogs te// zhi ba rnam thar sgo

  239. 120a

    gsum dang // thugs kyi dkyil du bka' rkan tshogs// gdul bya dbang po'i bye brag gis// gcig las gnyis su phye bar zad// rgyan yang rin chen dur khrod sogs// rang gi yon tan rgyas phyir brgyan// 'od zer kun tu mtha' yas pas// thugs rje chen po'i sprul pa nyid// rang bzhin chu zla'i dkyil 'khor ltar// yod pa ma yin spyod yul bral// med pa ma yin phyag rgya'i sku// yod med dbu mar mi rtog pa'i// lhun grub ye shes rang snang phyir// sems nyid ye shes sgyu ma'i sku// snang la rang bzhin med par ro// thun ni rnal 'byor gnyis dbang gis// gsar bu rnams kyis bslab pa ni// mtshan mo mi sgom bde bar nos// nyin mo rtsol dang mi rtsol ba'i// thun chung brgyad gnyis bcu drug tu// phyi nang gsang ba'i thun tshod kyis// shes par byas la thun tu gzhug/ de la brtan pa'i rnal 'byor pas// 'bris yang chen por dril byos la// rang gsal rtog med ye shes sku// thun bzhi'i rnal 'byor brten par bya// rnying pa rnams kyi nyams len tshe// mtshan mo yang ni bsgom par bya// nyin mo bzhi dang mtshan mo bzhi// bsam gtan brgyad pa'i rnal 'byor bsgom// de nas nyin zhag phrugs gcig la// thun 'bring gnyis gnyis bsgoms pa yin// thun bzhi sgom pa'i rnal 'byor te// cung zad yengs kyang ye shes sku// de nas rnal 'byor chen po

  240. 120b

    ste// nyin kyang nus la mtshan kyang nus// nyin mtshan gcig tu dril nus pas// rnam par smin ces de la brjod// phyi nang gsang ba'i rtags gsum ni// yi ge zug mtshan phra mo yis// nam mkha'i khams kun gang ba dang // gzungs su 'ja' dang 'od 'byung dang // gti mug med dang bde yang ldan// rang lus rgyal pa'i phyag rgya che// dbugs kyi rgyu ba mi tshor zhing // snying rje che dang chags pa chung // chos kyi sgo mo nang nas 'char// spyod yul ye shes sgyu mar gsal// sangs rgyas byang chub sems dpa' dang // mkha' 'gro'i tshogs kyis mchod byed cing // nyams pa re dogs med par 'byung // bsam gtan sbyor dngos rjes gsum las// gsal ba'i tshad ni 'byung ba ste// dang po ma bu'i 'du shes bzin// mi ngal ba yi sems kyis ni// snang stong dbyer med ye shes sku// bde gsal dang la gnas pa'i rkyen// bde ba bum gzugs til sgron bzhin// sems nyid ye shes sgyu ma'i sku// rigs dang sku mdog phyag mtshan sogs// shin tu gsal la mi rtog pa'o// tham bcud la na bu 'phang ltar// gnas pas mi ngoms gtang bar dka'// dmigs pa dag gi rjes la ni// mi dmigs chos nyid shugs las 'char// yongs su brtan pa'i cho ga ni// rang bzhin mtshan nyid chog shes dang // stong rims rje shes rnam lnga ste// rang bzhin dmigs med de bzhin nyid// chu

  241. 121a

    zla'i dkyil 'khor ji bzhin du// shin tu gsal la mi rtog pa// thog ma nyid nas gnas pa yin// mtshan nyid dkyil 'khor rang snang ba// dngul dkar me long bzhin ltar snang // gsal la rdzogs par bsgom bya ste// phyal ba rab 'bring thun rkyang spang // cho ga shes ye shes sgyu ma'i sku// gsal ba'i chen thun bskyungs te// khams sogs nus pa mdzad pa'i rgyu// thun ches pa dang grags pa spangs// stong rims mkha' sprin mkhar dengs bzhin// rims kyis gtang bar bya ba las// mi rtogs ye shes 'gag pa'i rgyu// skad cig drag pos ma gtong ngo // rjes shes thun tshad gcig dag tu// dmigs pa kun gyi gzhir gyur pa'i// gnyis med ngang la blo bzhag la// spyod yul kun dang bsre par bya// bogs 'byung phyi nang gsang ba yi// rig pa'i rtsal sbyong rnam gsum gyis// rang snang dbyer med rdo rje'i sku// ngo bo nyid kyis rgyas par 'gyur// dang po gdeng ldan rnal 'byor pas// mnyam pa'i ngang la bzhengs nas ni// snyan pa'i dbyangs dang ldan pa yis// bskyed dang spyan drang mchod rim sogs// chu zla lta bur shes pas ni// de bzhin nyid las mi byed pa'i// lha tshogs sgom pa'i grogs su 'gyur// de nas rnal 'byor chen po yis// lus ngag bya ba kun spangs te// dmigs pa med pa'i ngang nyid las// mi gsung mnyam pa'i sngags tshig

  242. 121b

    gis// rigs kyis yang na cig car du// dpal ldan mkha' 'gro'i tshogs rnams la// ting nge 'dzin gyi rnam dag gis// mnyes par bya zhing 'du 'phro bskul// sems kyi cho 'phrul rang snang ba'i// rang bzhin dkyil 'khor bsgom bya ste// brjod du med pa'i 'phrin las dang // mnyam pa chen po'i dam tshig gis// bsam gtan yongs su 'phel ba zhes// yang dag rdzogs sangs rgyas kyis bshad// rnal 'byor bla na med pa yis// lha bdag gnyis su dbyer med pa'i// ye shes chen po'i phyag rgya la// dri ma med pa'i blo gzhag ste// 'du 'phro med pa'i ting 'dzin gyis// ngang la gnas pa'i rnal 'byor ni// rgyal ba rnams kyi sku gsung thugs// phyogs dus kun las 'khyil ba'i dpal// bcos thabs spyi dang khyad par las// spyi skyon bying rgod ldengs gsum ni// zas dang spyod lam dus tshod dang // khams dang ting 'dzin 'phel 'grib kyis// gnas skabs kun tu gang babs pa'i// skyon deng yongs su spang bar bya// khyad par dmigs pa 'byams pa dang // ma thob pa dang 'gyur bas te// mtshan nyid ldan pa'i gzugs sku la// ma yengs pa yi bsam gtan gyis// so so'i skabs dang sbyor shes pas// de dag kun las grol bar 'gyur// phan yon rnam pa gnyis bshad de// sgrib pa byang dang tshogs rdzogs pa'o// mkha' ltar dag pa'i sems nyid

  243. 122a

    la// 'ja' ltar gsal ba'i lha bsgoms pas// kun rtags 'khrul snang dag pa'i phyir// 'das pa'i sa la phyir sgrib cing / kha cig mtho ris tsam 'gog pa'i// nyi shu rtsa gcig sgrib byang nas// sgyu spyod bsod nams tshogs chen sku// lha yi ting 'dzin gsal rdzogs te// lus kyi rgya mdud grol ma thag/ ye shes sku yi phyag rgyar gsal// phyag rgya nyid ni rang snang ste// rang snang spyod yul bral ba dang // rgyu 'bras dbyer med rtogs goms pas// sangs rgyas sa la sgribs byed pa'i// shes dang lha sgrib phra ba dang // phra ba'i phra ba'ang dag gyur nas// 'bras bu ye shes tshogs kyi sku// rang lus rgyal ba'i phyag rgyar gsal// mtshan dang dpe byad ma 'dres rdzogs// sangs rgyas kun dang cung zad mnyam// skrod pa'i nges tshig rnam grangs dang // spyad pa'i thabs dang nyes dmigs dang // phan yon rnam pa lngar shes bya// nges tshig longs spyod 'gro 'dug tshe// zag gcod pa dang nyams len gyis// shugs las byung dang mgo mtshungs par// mi 'bras spyod pas spyod shes bya// rnam grangs thabs lam grol lam gyis// phye bas gnas skabs gnyis su gyur// spyad thabs dang po thabs lam ni// skye shi med pa'i stan dang // 'ching grol med pa'i 'ga' na la// gdengs ldan skyes bu chen po yis// grol lam phyi nang gsang ba yi// kun spyod

  244. 122b

    yon tan rnam lngar yang // ma 'gag pa dang gsal ba'i phyir// spyad par bya ba'i longs spyod des// chos kyi dbyings kyi rol pa las// ma 'dres gsal bar longs spyod che// rang bzhin med dang ma skyes pas// chags par byed pa gnas ma yin// thig le chen po'i rang bzhin la// ma skyes ma 'gags dbyer med dang // gsal dang stong par mi dmigs pas// spyod bya spyod byed tha dad min// rang rgyud spyod lam ma grol bar// thar pa chen por dam bcas kyang // brkam chags lnga yi me dpung gis// byang chub myu gu bsreg par 'gyur// de las grol ba'i yon tan ni// nyon mongs sdig pas ma gos pas// thabs dang tshad dang dgos ched do// thabs kyi rlung gi 'khor lo nas// rdo rje kha tong gzhu bdungs te// shes rab ye shes med 'u las// spros pa'i thig le dgu rnams 'phangs// chags tshad thun dang bstan pa'o// thun ni rab 'bring tha ma ste// drug dang bzhi dang gnyis par bsgom// brtan pa las dang ye shes kyis// gtum mo lus la 'bar ba'o// dgos ched dpal ldan rigs lnga yi// mkha' 'gro'i tshogs kyi dkyil 'khor du// gdod ma nyid nas gnas pa'i don// rang la 'bar bar byed pa'o// rjes shes thun tshod gcig dag tu// bde ba gsal ba mi rtog pa'i// ngang la mnyam par gzhag nas ni// spyod yul kun dang bsre bar

  245. 123a

    bya// mngon du gyur pa'i 'bras bu ni// bdag dang gzhan don grub pas te// nges pa'i sku dang gsung dang thugs// yon tan 'phrin las rnam pa lnga// byang chub sems kyi bde klong du// gcig tu 'khyil ba bdag gi don// he ru ka yi thugs las ni// sprul pa'i yi ge hUM du shar// hUM gis 'gro ba sems can gyi// bag chags sbyong ba gzhan gyi don// mkha' 'gro ma tshogs thams cad kyis// rgyud chen rgya mtsho mtha' yas pa'i// dgongs pa kun 'dus gsang ba'i bcud// byang chub sems kyi gter du sbas// dur khrod chen po bsil ba'i tshal du/ oM rgyan gyi mkhan po pad+ma 'byung gnas la/ ye shes kyi mkha' 'gro ma rnams kyis dngos su lung bstan pa'i dgongs can sa rnal 'byor pa rnams kyi yid bzhin gyi nor bu rin po che nyid do// bsam gtan sgron ma zhes bya ba rdzogs so// /

  246. 123b

    rgya gar skad du/ bo d+hi tsit+ta badz+ra sa ma ti na ma/ bod skad du/ byang chub kyi sems rdo rje lta bu'i bsam gtan ces bya ba/ kun bzang he ru ka la phyag 'tshal lo// chos rnams ma lus 'byung ba'i gzhi// thig le chen po'i rang bzhin ni// rdo rje snying po rang 'khrungs dpal// snang dang brjod pa'i mtha' las grol// rgyal ba'i dgongs pa 'byung ba'i gnas// rnal 'byor gsum gyi me long du// spros bral sems kyi ngo bo nyid// dbyer med nyid bzhi ngo sprad pas// ngo bo nyid de mthong gyur nas// rtog bcas yul las grol ba dang // mi rtog ye shes shar ba'i phyir// bde ba chen po'i rtags gsum 'char// 'du 'phrod dbyings su dag pa dang // rig pa ye shes yul med pas// chos nyid ma dang phrad pa'i phyir// dgongs pa kun gyi mchog ces bya// dbyings kyi mkha' 'gro rnam lnga yis// dgongs pa'i ngang las rig pa ni// gzi ldan 'bar ba'i snying po bzhin// de nyid ma bcos ngang la zhog/ rigs dang sku mdog phyag mtshan dang // yi ge snying po 'phro 'du yang // ma bkag dbyings su grol ba'i phyir// kun tu bzang po nyid du zung // dbyings kyi snying po ye shes nyid// sems kyi dkyil 'khor dngas pa la// ye shes lnga ru shar ba'i phyir// kun tu bzang po nyid du zung // bde gsal dbyings dang ye shes kyis// ngang las ma spangs rtog pa yi// mthu dang bral

  247. 124a

    ba'i ngo bo la// bde ba chen po nyid du zung // bying na ye shes 'char sgo lha// rgod pa dbyings kyi ngang la zhog/ bying rgod med par snyoms pa na// dbang po mi bsdam yan du dgyer// sku dang gsung dang thugs yon tan// 'phrin las nyi shu rtsa lnga yang // ngo bo nyid du gcig pa'i phyir// 'bras bu mngon du gyur pa'i mchog/ blang dor bral ba'i snying po la// mtsho dang 'o ma'i dpe bzhin tu// dri ma med pa'i ye shes kyis// ma nor snying po dmigs nas zung // chos dbyings ye shes mkha' 'gro yi// bsam gtan man ngag mdor bsdus 'di// skal ldan rigs kyi bu mchog dang // mtha' yas sems can 'dren par shog/ rgyud lung le'u gnyis pa'i gdams// u rgyan gyi mkhan po pad+ma saM b+ha ba'i thugs dam rdzogs so// // dge'o// //

  248. 124b

    @/ rgya gar skad du/ sarba pany+tsa a mr-i ta/ bod skad du/ thams cad bdud rtsi lnga'i rang bzhin/ bcom ldan 'das dpal kun tu bzang po la phyag 'tshal lo// 'di skad bshad pa'i dus gcig ste/ bcom ldan 'das gsang ba mchog gi dkyil 'khor na// shin tu rnal 'byor dbang phyug tshogs// skal ldan rnams dang thabs gcig ste// mdo sde'i byang chub sems dpa' dang // dgra bcom nyan thos rang rgyal dang // theg dman ming yang med nang du// gsang sngags gsang ba'i snying po 'di// bdud rtsi mchog gi lta ba dang // spyod pa bsgrub pa 'di gsungs so// bsam gyis mi khyab bstan pa dang // brgyad khri bzhi stong rnam grangs kyang // theg pa'i sgo ni gsum du gsungs// gsang nyid thig par bsdus dang bzhi// ldem por dgongs pa'i mdo don yang // kri ya'i don te sangs rgyas yin// rna brgyud ston pas thugs brtol to// nges pa'i lung yang sangs rgyas la// sangs rgyas mnyam dang dbyings su 'gro// byang chub sems de kun tu dag/ rdzogs pa'i ye shes de bzhin nyid// ma rtog sbyong ba'i yul ma yin// ma lus mtha' dag nyid kyi rgya// ye nas bya med bya mi dgos// rgyu dang 'bras bu 'khrul ba'i sgra// byang chub nyid de ltung gnas med// b+ha ga ji bzhin bde bar gnas// rgyud dang lung dang man ngag dang // dmangs dang rje dang rgyal po'i

  249. 125a

    tshul// khrud par rtsal 'phang thag ring yang // gcig la gcig brten gcig gi ngang // gcig ste rnam pa yongs kyis med// de bas sku gsung thugs kyi bdag/ sku dang brgyan dang 'khor lo yang // lung chen zab mo'i nang nas gsal// lnga bzhin nang du 'khor ba yang // ye nas sangs rgyas bde chen nyid// lta ba 'di la gnas pa'i// rnal 'byor 'di ni skal ba bzang // ci spyad bsgoms shing ci bsgrubs kyang // bdud rtsi nyid de sman gyi mchog/ bde gshegs kun gyi thugs dam nyid// byin brlabs ngo mtshar rgya cher 'byung // rgyal ba rgya mtsho rnams kyi gsos// sangs rgyas de bzhin nyid las 'byung // mtha' yas sems can don gyi phyir// rang la mchod cing rang gis bza'// bsgrub pa po ni nan tan bya// bcom ldan 'das dang gnyis med phyir// las 'di lung gis bsgrub byas na// mi spang ba dang dang du len// spyad pa'i dam tshig bco lnga bsdu// de yang ma hA sa ma ya// bzhi pa rdzogs nas kun tu bzang // zhi rgyas dbang dang mngon spyod dang // gnan bzlog drug ni gcig tu'o// sta na g+ha na'i lung bshad de// bcom ldan 'das ni nyid kyi bka'// lha yi bdud dang phung po'i bdud// nyon mongs bdud dang 'chi bdag bcom// phyag rgya chen po bzhi dang ldan// byang chub 'khor ba mya ngan 'das// sangs rgyas sems

  250. 125b

    can thams cad dang // mtshan mar brtags pa thams cad kun// de bzhin nyid las gzhan ma yin// de bzhin nyid las gzhan pa'i chos// sangs rgyas nyid kyis mi mkhyen no// phyi nang ma lus snod bcud kyang // yab yum bde ba'i ngang du gsal// 'di ni snying po byang chub lung // yang dag ma rig 'khyam 'gyur ba// khams gsum thams cad bsgral ba'i zhing // ma skyes pas na 'jig pa med// bdag dang gnyis med mnyam pa'i// thugs rje chen po cir mi mdzad// yang dag nyid la yang dag sgrol// yang dag bsgral na bde ba thob// stong gsum ma lus bskyab pa bas// skyes bu chen po rnal 'byor gyis// bsgral ba 'ba' zhig snying rje'i mchog/ mi ldog dbyings su yang dag nyid// thig le chen pos dbang bskur te// zla gsang dbus na byang chub sems// rdzogs sangs rgyas la som nyi med// rnam dag dri chen snang ba'i mchog/ mi bskyod byang chub sems nyid de// rin chen mang ba 'byung ldan gtso// snang ba mtha' yas rak+ta'i thugs// don yod dri chu las grub pas// thams cad ma lus sangs rgyas lnga// lus pa med pas ye shes dang // ma bcos ye nas 'di nyid do// de phyir sman chen dngos grub mchog/ bdud rtsi zhes ni 'di la bya// rtog pa'i klong du su 'dris pa// mi zhes mi bya sangs rgyas yin// bcom ldan 'das ni gud na med// rigs lnga bde

  251. 126a

    bar gshegs la phyag 'tshal lo// byin brlabs mtshams bcad bstan par bya// yid 'ong gnas su 'dug nas ni// bya ba med pa'i las 'di bsgrub// maN+Dal brgyad pa gzhung bzhin du// dpal dang ldan pa'i snod bzhag ste// stong las 'byor bas ye nas dag/ btsal dang btsag dang btag pa yis// nyi zla gsal ba'i dkyil 'khor du// 'bru lnga ye shes 'phro 'du las// stong khams khyab par don byas te// bcud kyi dam pa kun bsdus nas// dus gsum sangs rgyas mchod pa'i phyir// mu tig dkar po dri med ltar// bsgrub pa pos ni nan tan bya// gu h+ya lag pa'i phyag rgya yis// gzhung bzhin bstan nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du bya// gsal ba 'byung 'jug lhan ne seng // rtags dang mtshan ma bdun gyis 'byung // 'od dang du ba dri dang sgra// lha mo'i gzugs kyang ston par 'gyur// mang du 'phel na grub rdzas yin// de la ya mtshan bskyed mi bya// mtshan ma 'di dag ma byung na// bskang gso'i cho ga rgya cher bya// spogs thabs bsgyur zhing rtsal shugs dbyung // rdzas rnams kyang ni gsar bar bya// de nas mchod cing dngos grub blang // slob ma la yang dbang bskur

  252. 126b

    ro// tshe dang bskong dang yid du 'ong // nad med bran dang ci 'dod pa'i// bgegs rnams zhi ba la sogs pa'i// yon tan rtsa brgyad 'di yis 'thob// snying po tshim byed bcud kyi mchog/ gtso bo lnga dang 'bras bu lnga// 'di dag rab tu bskyab pa'i phyir// dri zhim bcud ldan thams cad kun// mang po 'dus pa mthu byin che// yangs shing rgyud la goms pa dang // slob ma dpa' brtul gtsang sbra can// zla gsang dkar dmar rlung kar lci// nyungs yang pany+tsa yan chad kyis// mi phyed pas ni bdud gnas pa'o// thugs kyi dngos grub dam pa 'di// re ba med pas grub pa blangs// 'di tshe 'bru ni brtag par bya// ma dag pa ni mtshams gcad do// las kyi gtsor ni bskang ba dang // dbyangs dang bstod dang mchod pa yi// nan tan gyis ni brtson 'grus bya// the tshom med na nges par 'grub// ces bka' stsal nas shin tu rnal 'byor gyis dbang phyug kun yi rangs te// bcom ldan 'das kyis gsungs pa la mngon par bstod do// e ma gsang ba las byung ba/ byang chub bde chen nyid la rdzogs// ma rig mun sel ye shes sgron// dpa' bo khyod la skyabs su mchi// bdud rtsi mchog gi lung rdzogs so// //

  253. 127a

    de nas rdo rje kun tu bzang po sku kun tu 'gyur ba'i rgyal po des/ nyid kyi 'khor de rnams skyes pa med cing rtog pa thams cad dang bral ba/ bdud rtsi chen po thob par bya ba'i phyir/ nyid mi snang bar byas te/ nam mkha' sgra sgrogs pa'i gsung / a A zhes pa'i sgra byung bas/ 'khor gyi chos thams cad skye ba med par rig go/ e e zhes pa'i sgra byung bas chos thams cad nam mkha' ltar gsal lo// oM o zhes pa'i sgra byung bas/ chos thams cad skye ba'i cho 'phrul 'byung bar gsal lo// oM oM zhes pa'i sgra byung bas/ rdo rje kun tu bzang po nyid kyi sku/ che mchog yongs su rdzogs pa'i sku/ rigs lnga dang / yum khro mo gnam zhal dang / khro bo chen po bcu dang / 'jigs byed dang / 'phra men dang / khro mo brgyad dang / 'phra men brgyad dang / sgo ma bzhi dang / dkyil 'khor gyi lha tshogs rdzogs pa'i gsal lo// de nas rdo rje kun tu bzang po des/ dang po snod bcud kyi dkyil 'khor bskyed pa 'di gsungs so// e yaM khaM su bruM/ zhes dbang chen gyi dkyil 'khor yongs su rdzogs par bskyed/ de nas bdud rtsi char phab nas// thams cad rgyas shing smin par byas// thams cad rang byung bdud rtsir smin// de nas snod bcud bsdu ba'i phyir// shun chen gnas gzhi gdan stengs su// ba na d+ha mtshan ldan rnam lnga la// dpa' bo 'bru lnga'i 'phro 'du

  254. 127b

    yis// rigs chen lnga'i 'phro 'du yis// snod bcud thams cad de ru bsdu// snod bcud bsdus pa'i dkyil 'khor ro// snod der gsol ba'i sman rnams ni// 'byung ba lnga las skyes pa yi// stong rtsa brgyad dam grangs med pa'i// la la'i dug kyang la la'i sman// mtha' yang brjod kyis mi lang bsog/ med du mi rung brgya rtsa brgyad// de yang gang dang gang zhe na// rtsa ba brgyad dang 'bras bu lnga// sha lnga dbang po lnga yi gzugs// de 'phrad shing thog rnams pa lnga// dri sna lnga dang dri rgyal lnga// de bzhin spos chen rnam lnga dang // chu lnga dang ni rus pa lnga// sna lnga dang ni lce lnga dang // rna ba lnga yang med mi rung // de bzhin mig lnga lag pa lnga// tsha lnga dag kyang rab tu sbyar// rtsit+ta lnga dang klad pa lnga// me tog rnam pa lnga rnams sbyar// rin po che ni rnam pa lnga// dam rdzas lnga'i 'phrad sbyor bas// de rnams me du mi rung ngo // de la rtsa ba brgyad rnams ni// mgo tsi hA dang leng leng hA// g+hi hang chung ji b+hang ras yan// ga bur mu tig lan tshwa rnams// de la rtsa ba brgyad ces bya'o// nang gi 'bras bu rnam lnga ni// a 'bras rgun 'brum pa na se// ger ya a ru ka dang lnga'o// seng ge glang chen rta chog sha// rma bya sha dang shang shang sha'o// dbang po lnga'i gzugs lnga ni// mig dang rna ba sna dang lce// gtso bo tsit+ta nyid dang lnga'o// de 'phrad shing thog rnam lnga ni// rgun 'brum dang ni ka ko

  255. 128a

    la// a 'bras pa se bum sha lnga'o// dri ni chen po sna lnga ni// na ga ge sar shing tsha dang // sug smel g+haM ta pa tra dang // kun du ra dang rnam pa lnga'o// dri bo rgyal po rnam lnga ni// rgya spos 'dza' ti pa la dang / ga pur tsan dan li shi lnga'o// de bzhin spos chen rnam lnga ni// a ka ru dang du ru ka/ pog dang sbrang rtsi lce pog lnga'o// de bzhin chu lnga bstan pa ni// rgya mtsho lba ba gangs kyi chu// sna tshogs lan tshwa dri chu dang // bsgral ba'i chu ni rnam pa lnga'o// sra byed rus pa rnam lnga ni// dung dang 'brug rus gdung dang ni// bsgral dang ma bsgral rus pa lnga// sna ni rnam pa lnga rnams ni// rigs las phye ba'i sna lnga'o// lce lnga dag kyang de bzhin te// de 'phrad me tog kha dog lnga'o// mig lnga sna lnga lag pa lnga'o// rigs lnga gdan khri dag las brtsal// tsha lnga dag kyang sbyar ba bya// klad pa lnga dang tsit+ta lnga// de yang rigs kyi gdan las btsal// rin po che ni rnam pa lnga// de yang kha dog nges par spyad// de rnams med du mi rung ste// med mi rung gi gtan tshigs ni// grub pa'i rtags kyi dngos grub 'thob// mig dang rna ba sna dang lce// dbang po tsit+ta rnam lnga yis// mngon shes rnam lnga 'thob pa dang / dngos po thams cad 'thob pa ni// gzugs sgra dri ro reg la sogs// 'dod yon lnga'i dngos grub 'thob// chu lngas bdud rtsi'i dngos

  256. 128b

    grub thob// rus pas las kyi dngos grub thob// sna lnga tshangs pa'i gsungs yang 'thob// lce yis gsung gi dngos grub thob// klad pas mdangs kyi dngos grub thob// snying lngas mngon shes lnga yang 'thob// lag pas phyag rgya'i dngos grub thob// gcig gis chos kyi sku thob la// gnyis thob thabs dang shes rab thob// gsum 'thob rdo rje sku gsum thob// gzhi thob phyag rgya bzhi thob la// lnga yis sku lnga ye shes lnga// de la sogs te bsam mi khyab// de ni mdo tsam bstan pa yin// rdo rje gsang ba las kyi rgyud las/ med du mi rung brtag pa'i le'u ste dang po'o// // de nas dbye zhing dgod pa'i rim pa 'di gsungs so// rigs dang kha dog dri dang ro// mthun pa bzhi yis dgod par bya// de yang ji ltar dbye zhe na// de la rigs kyi dgod pa ni// dam rdzas lnga ni rim gyis dgod// dbus su byang chub sems chen la// shar du rdo rje dri chen no// lho ru maM sa sha chen la// nub tu pad ma rag ta dgod// byang du rdo rje dri chu dgod// yang na kha dog lngas dgod de// dbus su ser la shar la shar du dkar// lho ru sngo la nub tu dmar// byang du ldang ste kha dog mthun// yang na dri zhim 'dod chags pad ma'i rigs// mi zhim zhe sdang rdo rje'i rigs// gnyis ka ma yin gti mug pas// de bzhin rigs su dgod par bya// dab pa'i dri ni byang du la// bsung

  257. 129a

    ba'i dri ni lho ru dgod// yang na ro yis dgod par bya/ kha ba dang ni mngar ba dang / kha tsha ro med rnam pa lnga/ kha ba rdo rje rigs su dgod// mngar ba pad ma'i rigs su dgod// tsha ba las kyi rigs su dgod// ro med de bzhin rigs su dgod// skur ba rin chen rigs su dgod// dgod pa de yi snod rnams ni// dbus su ban da sul med la// shar du sul bu 'greng ba bzhag/ lho ru ban d+ha sul mangs la// nub tu ban da zla kham gzhag/ byang du rdo rje rgya gram ste// shong bu bzhi pa gzhag par bya// yab yum snying po rim bzhin sbyar// rnam gcig mi dbye gsog pa ni// zhing chen g.yang gzhi ma nyams pa'i// dkyil du dpa' bo 'bru lnga bri// de steng snod bcud spung pa ni// dpa' bo 'bru lnga sku bskyed la// sku lnga'i 'phro 'du byas pa ni// rgyud lnga'i gnas dag sbyangs pa ni// de nyid rigs lngas sbyangs pa yin// rgyal ba rigs lnga de nyid la// gzugs dang sgra dang dri dang ro// reg la sogs pa'i sems dpas bskor// phyag rgya chen po bzhir bzhir ldan// de yis sgro dang bsdu byas nas// dam pa rigs brgyas sbyangs pa yin// rigs lnga rigs brgyas sbyangs pa yis// snang srid snod bcud thams cad kun// rgyal ba rig chen lnga rnams dang // gzugs sgra dri ro reg sogs kyi// sems dpa' bcu drug sgo ba bzhi// sangs rgyas rdo/

  258. 129b

    rje dbyings su rgyas// ma skyes rdo rje dbyings su rgyas// zhes rdo rje gsang ba las kyi rgyud las// sman dbye gsog bya ba'i le'u ste gnyis pa'o// // de nas rdo rje kun bzang che mchog des/ yongs su rdzogs pa'i skur bzhes pa 'di gsungs so// nga yis sku ni yongs su rdzogs// nga yi zhabs kyi sprul pa las// khro bo chen po bcu sprul nas// phyogs bcu 'jig rten dbang bsdus nas// bgegs rgyal gnon pa'i sprul pa yin// nga yi sku gdung 'bar ba las// rigs lnga rtsa ba 'dzin sprul nas/ khams gsum rgyud drug dab nga bsdus nas// rgyud lnga sbyong ba'i sprul pa yin// nga yi thugs gsang dbyibs rum las// yum chen khro mo gnam zhal sprul// snang srid snod bcud dbang bsdus nas// bdud rtsi 'byung ba'i yum chen 'tshal// nga yi sku ni rdzogs pa las// sangs rgyas thams cad rdzogs pa'i sku// dbu ni nyi shu rtsa gcig la// phyag ni bzhi bcu rtsa gnyis te// zhabs ni rnam pa brgyad du ldan// sku gcig yongs su rdzogs pa la// dus gsum sangs rgyas thams cad tshang // de yang ji ltar dgongs pa mdzad// bdud rtsi sbyor ba'i sku ru rdzogs// de yang ji ltar rdzogs she na// nga yi zhabs kyis sprul pa las/ khro bo chen po bcu phyung nas// sku mdog so sor rigs dang mthun// phyag rgya bzhi ldan 'phro 'du dang // gu h+ya rta mchog phyag rgya dang / dgu pa 'dzab kyi 'phro

  259. 130a

    'du yis// phyogs bcu'i bgegs kyi rgyal btul nas// hUM gis thugs ni gsang bar sdud// thugs ni gsang ba'i dbyings rum du// bdud rtsi byang chub sems su sbyor// nga yi sku gdung 'bar ba las// rigs lnga rtsa ba 'dzin pa'i sku// sku mdog so so'i rigs dang 'thun// zhabs bcu khro bcu'i dbu dang sbyor// phyag rgya bzhi ldan 'phro 'du dang // gu h+ya rta mchog phyag rgya dang // dgu pa'i 'dzab kyi 'phro 'du yis// rgyud lnga sdug bsngal gtan sbyangs nas// hUM gis thags ni gsang bar sdud// thugs ni gsang ba'i dbyings rum du// gnyis su med pa'i sbyor ba yis// bdud rtsi byang chub sems su sbyor// nga yi thugs kyi gsang ba las// yum chen khro mo gnam zhal ma// dbu dgu phya ni bco brgyad de// stong pa bco brgyad thabs kyi 'dren// sku mdog smug nag 'bar ba la// zhabs bzhi rigs bzhi dbu dang sbyor// phyag rgya bzhi ldan 'phro 'du dang // gu h+ya rta mchog phyag rgya dang // dgu pa 'dzab kyi 'phro 'du yis// snang srid snod bcud thams cad kun// hUM gis thugs ni gsang ba'i dbyings rum du// gnyis su med pa'i sbyor ba yis// bdud rtsi byang chub sems su sbyor// rdo rje kun bzang nga sku las// che mchog yongs su rdzogs pa'i sku// dbu ni nyi shu rtsa gcig la// phyag ni bzhi bcu rtsa gnyis so// zhabs ni rnam pa brgyad du ldan// che

  260. 130b

    mchog yongs su rdzogs sku de// sku ni mthing nag 'bar ba la// zhi ba'i dbu la phyag rgyar ldan// bzhi bcu rtsa gnyis nga yi phyag/ zhabs brgyad gnam zhal sbyor ba mdzad// phyag rgya bzhi dang 'phro 'du dang // gu h+ya rta mchog phyag rgya dang // dgu pa 'dzab kyi 'phro 'du 'di// dus gsum sangs rgyas thams cad dang / khams gsum sems can thams cad dang // snang srid snod bcud thams cad kun// hUM gis thugs ni gsang bar sdud// thugs ni gsang ba'i dbyings rum du// gnyis su med pa'i sbyor ba yis// bdud rtsi byang chub sems su sbyor// bdud rtsi byang chub sems de ni// mu tig dkar po dri med mdog/ dngos ni chos nyid byang chub sems// rigs lnga ye shes lnga yi dngos// sangs rgyas rnams kyi sku gsung thugs// zhes rdo rje gsang ba las kyi rgyud las// bdud rtsi che mchog gis dgongs pa'i le'u ste gsum pa'o// // de nas rdo rje kun tu bzang po des/ che mchog sku dang dgongs pa bshad pa 'di gsungs so// che mchog yongs su rdzogs pa'i sku// mi 'dul ba yang ma mchis la// ma btul ba yang ma mchis so// ma grub pa yang ma mchis so// de yang ji ltar gtul zhe na// sku gcig la ni sku bzhi rdzogs// zhabs ni khro bcu'i dkyil 'khor la// sku gdung 'bar ba'i sku lnga ni// rigs lnga he ru'i dkyil 'khor ro// thugs ni gsang ba'i dbyings rum

  261. 131a

    ni// yum chen khro mo gnam zhal te// snod bcud 'dzin pa'i dkyil 'khor ro// che mchog rdzogs pa'i sku de ni// zhi khro rdzogs pa'i skur bstan te// sangs rgyas thams cad rdzogs pa'i sku'o// mthing nag chos nyid 'gyur ba med// smug nag drag po'i las kyang mdzad// kha dog rnam lnga yon tan rtags// dbu ni nyi shu rtsa gcig po// ye shes nyi shu rtsa gcig ste// sems dpa' bcu drug rgyal po lnga// kun tu gsal bar byed pa'o// phyag ni bzhi bcu rtsa gnyis ni// khro bo 'bar gtum phyag mtshan te// dang po gnyis kyi phyag mtshan ni// rang rtags rdo rje dril bu 'dzin// ma skyes rdo rje sgra yang sgrogs// g.yas kyi bar ma bco brgyad na// kai ri brgyad dang 'jigs byed bcu// g.yon gyi bar ma bco brgyad na// sing ha brgyad dang mgyogs byed bcu'o// g.yas gnyis g.yon gnyis tha ma bzhi// sgo skyong mdong mo 'gugs 'ching bzhi// zhi dang khro bor bcas pa yi// sangs rgyas dkyil 'khor sku la rdzogs// dbus kyi gtso bo rdo rje la// gsang ba'i khro bo bzhi yis bskor// spro dang bsdu dang 'gags dang 'joms// sangs rgyas kun kyang rang re yi// dgongs pa'i 'phrin las rang re mdzad// sems dpa' brgyad gnyis bcu drug dang // rigs kyi gtso bo lnga rnams la// phyag rgya chen po bzhi bzhir ldan// dbus kyi gtso bo rdo rje la// gsang ba'i khro

  262. 131b

    bo bzhis bskor ba// phyag rgya bzhi bzhi lnga tshan lnga// dam pa rigs su bshad pa yin// che mchog sku la kun rdzogs pas// sangs rgyas thams cad sku la rdzogs// nyid las ma byung sangs rgyas med// ces gsungs so// rdo rje gsang ba las kyi rgyud las/ thams cad dgongs pa'i le'u ste bzhi pa'o// // de nas rdo rje kun tu bzang po des// lta spyod dam tshig 'di gsungs so// kye 'khor gyi drang srong sgrub pa rnams// dang po lta ba 'di ltar ltos// dus gsum sangs rgyas thams cad dang / khams gsum sems can thams cad dang // snang srid snod bcud thams cad kun// byang chub sems las byung bar mnyam// ye nas bdud rtsi yin pa'i phyir// bdud rtsi nyid las gzhan med do// lnga bzhi drug tu snang ba yang // sangs rgyas sku dang ye shes yin// chos nyid dbyings na rang bzhin gnas// ye nas bde chen sangs rgyas pas// bdud rtsi zhes ni de la bya// lta ba 'di la gang gnas pa// shin tu rnam 'byor skal ba bzang // zhes gsungs so// lta ba de la gnas nas ni// spyod pa'i dam tshig 'di ltar spyod// stong rtsa brgyad kyi dam tshig ni// mi spang ba dang dang du blang // shes pa lnga dang spyad pa lngas// grub par bya ba'i thabs dag ni// mi 'dod kun kyang spong byed pa'i// 'dod chags zhe sdang gti mug dang // nga rgyal phrag don rnam pa

  263. 132a

    lnga// ye shes lnga lan spang ma bya// dri chen dri chu rag ta dang // mas byang chub sems lnga ni// rgyal ba'i sgra lngar bsgrub pa'i phyir// ma dar dang du blang bar bya// phung po lnga dang 'byung ba lnga// rnam shes dbang po yul dus rnams/ chos nyid dkyil 'khor ye yin pas// ma rmongs shes par bya ba yin// sta na dang ni 'ga' na dang // smad par bya ba'i rdzas lnga'o// ma byin blangs dang mi tshangs spyod// mi rtogs sgrub pa'i thabs yin pas// dngos su spyod par bya ba yin// bsgrub par bya ba rnam lnga ni// stong rtsa brgyad du gsungs pa de// sku gsung thugs kyis gsungs pa ste// rnam gsum cho ga lnga po yi// bsnyen pa dang ni nye bsnyen po// sgrub pa dang ni bsgrub chen pos// bzhi po rdzogs nas kun tu bzang // zhi dang rgyas dang dbang dang mngon spyod dang // mnan bzlog drug ni dus gcig ste// sta nas mnan la 'ga' nas bzlog/ 'ga' nas bzlog pa'i thabs 'di gsungs// gzungs ma yon tan kun ldan de// byin gyi brlabs pa'i dkyil 'khor bsgom// dri zhim rnams kyis lus bskus la// gos bzang rgyan chas brgyan pa ni// ji bzhin bde ba'i stan la bzhag/ de la bsnyen sgrub bzhi bkod la// b+ha ga de nyid byin brlabs la// gnyis med mnyam par sbyor ba yis// bdud ni rnam pa bzhi bcom ste// phyag rgya chen po bzhi dang

  264. 132b

    ldan// byang chub sems phebs 'phro ba'i tshe// byang chub sems kyi 'od zer des// sangs rgyas thams cad mchod pa yin// sangs rgyas mnyes nas 'od 'dus pas// dus gsum sangs rgyas thams cad kyis// dkyil 'khor lha ni de ru gsal// bdud bcom rtog pa der bzlog go/ sta nas mnan pa'i lung bstan pa// ye nas rgyud dag chos nyid la// nga dang bdag tu 'dzin pa yis// rgyud drug khams ni gsum du 'khor/ khams gsum de dag bsgral ba'i zhing / raM yaM khaM tra tha phaT kyis de bsgral lo// mi g.yo phyag rgya chen po'i ngang // chos sku dang las bzhengs nas ni/ khams gsum bsgral ba'i zhing gzigs nas// skye shi mi gnas dur khrod kyi// rang bzhin yin par gzigs nas ni// thugs rje chen po'i byin brlabs kyis// 'gro ba thams cad bsgral bar mdzad// bdud dang gshin rje zhing bcu kun// ma trang gnas kyi gzugs byas la// oM sarba pa pha ka ra ke ha hi sa si staM// traM ka ru hUM dza dza/ ma traM rnam shes gzugs la phab// DA ki bdag ni nub tu bltas// gnas kyi sgo su yis bcad// sems kyi bdag pos bcad dam ci// gzung 'dzin rkang pa bsnol ba 'di// yul las 'das pas sgo phye zhig/ ces brjod la sgo dbye'o// ka ta ka ri/ ka ta ka na/ pra ta be sha/ DA ki chen po'i zhabs g.yon gyis// ru tra'i gzugs ni mnan pa

  265. 133a

    yis// lha chen brgyad kyis smras pa'i tshig/ gnas kyi sgo 'di bcad bzhin du// bde bar gshegs pas bsgrub tu gsol// 'tsho ba'i bdag po tshe dang srog/ 'chi ba'i sdug bsngal 'dir byung ngo // ki brgyad kyis bka' stsal pa// dregs pa ma rungs lha chen khyod// sems kyi sgo kun da phye zhig/ rdo rje 'bar ba'i spu gri yis// gnas kyi sgo kun des phye nas// sems kyi bdag po bzung bar bya// zhes gsungs so// de nas rdo rje kun bzang gis// lha chen rnams la chos bshad pa// skyes pa rkyen gyis 'chi ba yin// sdig pa'i rkyen gyis bcom pas 'chi// nga yi bstan pa 'di la gzung // phung po lnga ni rgyal ba lnga// lha chen dregs pa khyed rnams kyi// 'byung ba lnga ni yum chen lnga// rnam shes dbang po yul dus rnams// sangs rgyas yin par lung bstan pas// las la bab pa'i rnal 'byor pas// rdo rje dbyings kyi dkyil 'khor du// dus la bab pa'i sems can des// rang lus rdo rje dkyil 'khor mthong // yid tsam thugs rjes gzung zhes pas// rdo rje kun bzang de yis ni// ngan song gsum gyi sgo 'di bcad// ma tha ma tha sarba pre ta ka te// he du hUM hUM phaT/ pa tsa pa tsa sarba ting ya ga te he tuM hUM phaT/ da ha da ha sarba na ra ga te he tuM hUM phaT/ de ltar ngan song sgo bcad nas// raM yaM khaM ye shes 'bar ba'i mes bsregs te// mtshan nyid mi gnas stong

  266. 133b

    par gyur// de nas rgyal ba'i sras bskyed pa// dpa' bo 'bru lngas lam lnga bkag/ oM A hUM swA hA/ 'og min bla med byang chub tu// ye shes rlung gis bteg nas ni// sbyor ba'i lhums su phaT kyis 'phang // gsang ba'i dbyangs su hUM gis bsdu// sku bskyed ye shes skur spros te// dbyings dang ye shes lhun grub pas// sangs rgyas zhing khams rab 'byams dang // bde gshegs pho brang dkyil 'khor du// rdzu 'phrul zhabs dang ldan pa yis// 'phags pa'i lam gyi rlung zhugs nas// chos kyi 'khor lo bskor zhing gshegs// 'jig rten lha dang gtso bor bcas// nyan thos rang rgyal sa bcu las// 'jig rten 'das pa'i mchod pas mchod// rdzu 'phrul zhabs dang ldan pa yis// stug po bkod pa'i sa las 'das// pad+ma spyan gyi sa la gnas// skyed 'jig med pa'i sku thob pas// stong gsum ma lus bton pa ni// 'bum gyi char yang mi phod do// zhes rdo rje gsang ba las kyi rgyud las// sta nas mnan pa'i le'u ste lnga pa'o// // de nas rdo rje kun tu bzang po des/ thams cad bdud rtsir bsgrub pa'i gnas dang / dus dang / sgrub thabs 'di gsungs so// kye tshangs dang drang srong klu rnams dang // shing dang sman gyi lha mo rnams// thams cad bdud rtsir bsgrubs nas ni// rgyal ba rigs lngar grub nas ni// sku lnga grub par 'dod pa'i tshe// gnas dang

  267. 134a

    dus ni 'di bstan to// ri mdun dang ni nags tshal mdun// gangs ri dkar po'i mdun dang ni// sribs ri smug po'i mdun logs na// rtsi shing nags tshal sna tshogs dang // me tog kha dog sna tshogs tshang // bsgrub pa'i gnas mchog der sgrubs shig/ dus ni bzang po dus bzhi ste// dang po tshe sgrub dbyar bsgrub la// bar du longs spyod sman bsgrub// 'bras bu smin pa'i ston gsum bsgrub// dbang du bsdu ba'i dus bstan pa// thams cad rgyas 'debs dgun dbang bsgrub// zhi rgyas dbang dang mngon spyod kyi// las bzhi lhun gyis grub 'dod pa// dpyid gsum mar gyi ngo la'o// de dus zhag dang tshes grangs ni// dbyar gsum tshe bsgrub dus tshes ni// gcig dang gnyis gsum dus tshogs la// tshe rtags nam byung bar du'o// ston sman sgrub pa'i dus tshes ni// gcig dang lnga gsum dus tshogs la// brgyad la btsugs la nya la gdon// ma grub spobs thabs bsgyur la bya// gnas der dus der tshogs nas ni// dang por dkyil 'khor bstan pa ni// che chung tshad ni spyir tshad med// lha mi tshangs pa la sogs pa'i// rang lus rdo rje phung po la// che chung tshad ni de la bya// 'dom gang gzugs kyi phung po la// lha yi dkyil 'khor tshom bur ldan// de yi dkyil 'khor tshad brtsigs la// dri sna lnga dang bdud rtsi lngas// chag chag

  268. 134b

    skyang nul byas la ni// lhun gyis grub pa'i sangs rgyas la// sta gon bskul phyir gnas thig gdab// rang lus rdo rje lha dgod phyir// bzhi bcu rtsa gnyis dkyil 'khor ni// thig bzhi btab pas le tshe dgu// rdo rje dbyings kyi dkyil 'khor la// sems dpa' bcu drug sgo ba bzhi// bcu gnyis lnga'i lha bkod la// de la rigs brgya'i 'phro 'du yis/ khrol bu bdud rtsi di la bsgrub// de nas 'khor gyi dkyil 'khor de// yab yum gnyis med sbyor ba las// 'od 'phros 'khor la thim pa las// 'khor rnams 'od des bdud rtsir zhu// hUM gis bdud rtsi thugs lngar bsdus// rgyal ba rigs chen lnga po des// rgyud lnga gnas su 'od 'phros pas// rgyud lnga'i sdug bsngal gtan sbyangs nas// hUM gis thugs lngar bsdus nas ni// gnyis med byang chub sems su sbyar// de nyid rigs lngar sgrub pa'o// gsang chen rigs rig bsgrub lugs ni// dkyil 'khor bzhi bcu rtsa gnyis so// rdo rje kun bzang ngo bo la// ma spros rang bzhin tshang mod kyi// sgra ni rdo rje kun bzang sku// thugs ni rdo rje sems dpa'i thugs// gsung ni dgu pa'i gsang rigs gcig/ oM badz+ra tsat+ti sa ma ya hUM hri tha/ rdo rje sems dpa' nyid grub pa'o// de nas lha rnams thams cad kyang // byang chub bsgrub cing bdud rtsis mchod// ces dus dang / gnas dang / dkyil 'khor dang / khrol bu

  269. 135a

    rigs so so sgrub pa bstan to// rdo rje gsang ba las kyi rgyud las// gnas dang dkyil 'khor dang / dus kyi le'u ste drug pa'o// // de nas ston pa rdo rje kun tu bzang po des/ sgrub pa don gyi mtha' yod par bya ba'i phyir/ rtags dang dngos grub dbang thob par bya ba 'di gsungs so// kye tshangs dang drang srong klu yi tshogs// gong bshed yid 'ong gnas de ru// bya ba med pa'i las sgrub pa// byin brlabs mtshams bcad brtan byas la// dkyil 'khor lus gang gru bzhi ni// dri sna lnga dang dam rdzas lngas// maN+Dal byas la gdan bya ba// thig bzhi btab pas dkyil 'khor brgyad// maN+Dal brgyad pa'i las gzhung bzhin// de yi rtse mo brgyad la yang // yid bzhin nor bu 'bar 'dra bri// de dbus bzhag pa'i gzhal yas ni// srid gsum ban d+ha bzang khor yug/ ye nas rang byung ma bcos snod// dpal dang ldan pa'i snod bzhag la// de yi nang du blugs pa'i sman// ye nas rang byung bdud rtsi lnga// dam rdzas lnga ni bdud rtsi mchog/ stong las 'byor pas ye nas dag/ btags dang btsag dang gzhal ba yis// nyi zla gsal ba'i dkyil 'khor bdag/ 'bru lnga ye shes 'phro 'du las// rigs chen lnga yi sku ltar gsal// sku lngar gnas kyi 'phro 'du yis// chos kyi dbyings dang nam mkha'i khams// dus gsum sangs rgyas thams

  270. 135b

    cad kyi// sku gsung thugs kyi bcud kyang bsdus// snang srid snod bcud thams cad kyi// bcud kyi dam pa kun bsdus nas// dus gsum sangs rgyas mchod pa'i phyir// gu h+ya lag gi phyag rgya la// dbus su klu bdag sa bon bsam// gzhung bzhin bstan pa'i 'phro 'du yis// bka' bzhin bstan pa'i dngos grub blang / mu tig dkar po dri med ltar// sgrub pa pos ni nan tan bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du byas// oM las ye shes 'od 'byung bzhin// oM gyis mes bsregs thal bar 'gyur// hUM gis kun gzhi rnam par dag/ gsal la byung 'jug lhan ne bos// rtags dang mtshan ma bdun gyis 'byung // rtags byung dngos grub sbyar te blang / rtags bzang 'byin par byed pa ni// sngon tshe 'das dus dang po la// tshangs dang drang srong klu rnams dang // shing dang sman gyi lha mo yis// kun bzang lha yi spyan snga ru// khas blangs dam bcas dbang nos pa// dngos bzhi lnga yi dam rdzas la// rgyal ba'i sku lnga bsgrub pa dang // gzugs sgra dri ro reg rnams la// dkyil 'khor lha rnams bsgrubs nas ni// ji ltar 'dod pa'i rtags 'byung ste// byang chub sems las sgra byung ba// rma lung bu mo thang bzangs kyis// sgra de snyan pa sgrogs par byed// rag ta mdangs las 'od 'byung ba// shing

  271. 136a

    gi lha mo 'od 'chang mas// 'od dang du ba gsal bar ston// dri chen las ni dri byung bas// grub pa'i lha mo blo gros mas/ grub rtags dri zhim 'byung bar byed// dri chu las kun grub byed las// lha mo mdzes pa'i sku grub ste// lha yi gzugs kyang ston par byed// sman gyi lha mo rnam pa bzhis// ji ltar 'dod pa'i rtags ston pa// kun bzang lha la dam nos pas// dgongs rgyud gsal ba'i 'phro 'du dang // pany+tsa yan chad 'bru gtsang gis// re dogs med par 'grub par 'gyur// de nas dngos grub blang ba ni// lhun gyis grub pa'i chos dbyings na// rang bzhin lhun gyis grub pa yi// dus gsum sangs rgyas thams cad la// ma brtsal lhun gyis grub pa yi// sku gsung yon tan 'phrin las thugs// lnga lnga ma btsal lhun grub bzhugs// de yi thugs rje ci 'dra na// mkha' la nyi ma shar 'dra ste// bsnyen pa dang ni nye bsnyen pa// sgrub pa dang ni sgrub chen pos// dkyil 'khor phyag rgya bzhi ldan gyis// gnas bzhir nyi zla'i dkyil 'khor steng // rang rig thugs mtshan dgu pas bskor// de nas chos dbyings gnas su 'phros// lhun gyis grub pa'i sangs rgyas rnams// sku gsung thugs kyang mnyes par 'gyur// sku gsung thugs kyi dngos grub des// su 'dod mkha' la nyi shar bzhin// sku gsung thugs kyi dngos grub de// sgo

  272. 136b

    khud du ni 'byung 'gyur thob// de nas ston pa kun bzang gis// tshigs su bcad pa 'di yang brjod// gdod nas ma skyes rnam dag sems kyi dbyings// dag dang ma dag mi rtog rtog las 'das// dus gsum gcig la sku bstan phyi bshol med// dngos grub sna tshogs rlabs chen 'bar ba can// su 'dod sbyin gyis da lta 'di ru long // bskal par bsgribs dang gti mug min sel ba// sprin mthongs nyi shar khung par dro ba ltar// bdud rtsi rgyal po dbang chen 'di byin pas// rig 'dzin rgyal po'i go 'phang thob par 'gyur// yon tan tshe skyong yid du 'ong ba dang // bgegs zhi nad bral ci 'dod yon tan thob// ces bka' stsal te// slob ma la yang dbang bskur ro// sku gsung yon 'phrin las thugs// che ba lnga lnga'i dbang bskur bas// 'gro ba ston pa'i dbang thob 'gyur// zhes rdo rje gsang ba las kyi rgyud las/ dngos grub blang zhing dbang bskur ba'i le'u ste bdun pa'o// // de nas rdo rje kun tu bzang po des// gsung gi dngos pos don thams cad grub par bya ba'i phyir// sngags kyi snying po 'bru bshad kyi le'u 'di gsung so// kye tshangs dang drang srong klu'i tshogs// shing dang sman gyi lha mo rnams// dang por snod bcud sdud tsam na// ban da rigs mthun lnga nang du// dpa' po 'bru lnga dgod pa ni// oM dang AHdang hUM dang ni// swA dang hA ni rnam pa

  273. 137a

    lnga// rgyal ba rigs lnga'i sku bskyed la// sgrub chen phyag rgya bzhi rdzogs kyis// 'phros 'dus snod bcud thams cad sdud// ma skyes pa yi snying po a// cho 'phrul 'byung bas yo du snang // yan lag rdzogs pas oM du snang // oM sku yi snying po ste// bder gshegs sku yi snying por bshad// oM ni sku las 'od kyang 'byung // aM ni gsung gi snying po ste// gsung las ye shes me 'bar bsreg/ hUM ni thugs kyi snying po ste// mi rtog rnam par dag pa yin// swa ni rin chen snying po ste// 'dod pa sbyin pas zhi bar bshad// ha ni don gyi snying po ste// don rnams las kyis 'grub par byed// snod bcud de yis bsdus pa yang // a dza s+pha ra na phaT ces spros// sang ha ra na hUM gis bsdu// snod bcud de ltar bsdus nas ni// snang srid snod bcud thams cad kun// bsdus te snying po 'bru bkod nas// 'phros 'dus lha yi dkyil 'khor gsal// rdo rje dbyings kyi dkyil 'khor gyi// lha rnams bsnyen bsgrub rdzogs pa yi// 'phro 'dus chos dbyings nam mkha'i khams// 'phro 'dus sku gsung thugs rnams dang // bcud kyi dam pa kun bsdus nas// bdud rtsi byang chub sems su sbyor// de'i sngags kyi 'bru bshad pa// oM aM hUM sarba pany+tsa a mri ta/ ra sa ya na ta na dzA ya guh+ya sid+d+hi hUM hri tha/ oM aM hUM ni sku gsung thugs// sarba thams cad don bshad pa// pany+tsa lnga yi rang

  274. 137b

    bzhin la// a mri bdud rtsi rang bzhin la// ta ni mi 'da' dam tshig go/ ra sa ya na sman gyi ming // ta na bsam gtan ting nge ste// dza ya 'dzin pa zhes su bshad// gu h+ya gsang ba'i don bshad la// sid+d+hi dngos grub rang bzhin sgra// hUM ni sdud pa'i snying po la// hri ni dbang byed rta yi snying // tha ni mi 'da' gong bshad bzhin// rdo rje dbyings kyi snying por bshad// rigs brgya khrol bur 'grub pa'o// de nas rgyud lnga sbyang ba ni// de nyid rigs lnga'i bsgrub pa ni// gtso bo lnga yi 'phro 'du yis// 'khor gyi tshogs la 'od 'phros pas// 'khor tshogs 'od du zhu ba ste// hUM gis thugs kyi gsang bar bsdus// thugs kyi gsang ba'i dbyings rum du// sku gsung thugs kyi bcud du byas// phyag rgya bzhi dang ldan byas nas// 'phro 'du snying po 'di brjod do// oM A hUM swA ha/ a pa dzaHswa Na phaT/ saM ha ra na hUM sdud pa'o// de yi sngags kyi 'bru bshad pa// 'bru lnga gong bshad brtag par bya// a dzaH'od zer gyi rang bzhin// sbar spro bar gyur pa la// phaT ni spros pa'i rang bzhin yin// rgyud lnga 'gro drug gtan sbyangs nas// hUM gis gsang ba'i dbyings su bsdus// rgyud lnga rigs lngar gnas sbyangs pa// de nyid rigs lnga'i bsnyen pa'o// de nas rdo rje kun tu bzang po dang // rigs lnga bde bar gshegs pa la// 'khor nye ba'i sras brgyad kyis don zhus pas// 'di

  275. 138a

    gsungs so// tshangs dang drang srong gtsang ma za// klu dang bram ze gtsang ma za// byol song rtswa mchog za ba yang // ji srid 'tsho ba'i bar du bza'// de dag grol bar ngas ma bshad// yang dag don gyi lung 'di nyon// rnal 'byor thabs ldan rnams kyis ni// chos sku gcig la tha dad pa'i// rigs lnga'i rang bzhin 'di ltar bstan// rang bzhin ye nas dag pa'i rdzas// mnyam pa'i dbyings su rab rtogs na// gnyis med mnyam pa'i don gyis zin// ji ltar dmigs pa bzhin du 'grub// dngos po dngos med rtog pa'i mtshan// mkhas pa mi gnyis gnas ni 'gyur// ye shes sku lnga 'di nyon cig/ byang chub sems ni ye nas dkar// dri med dkar bas ye shes sku// rag ta dmar bas chags pa med// chags med rnam dag chos kyi sku// maM sa yid bzhin rin chen sngo// sna tshogs 'byung ldan mnyam nyid sku// dri med gser mdog snang mdzad sgra// mngon 'byung sprul pa chos kyi sku// dri chu dag byed sku mdog lnga// kun tu don byed las rab sku// sku lnga lhun grub bdud rtsi 'di// so so'i lus la gnas pa yin// dri chen dri chu rag ta dang // maM sa sems chu 'di rnams kun// sems can rtog pa bzlog pa'i phyir// gtso ru dang du blang bar bya'o// gtsang rme med par kun gyis spyod// de dag grol bar ngas bshad do// zhes gsungs so// de nas

  276. 138b

    rigs lnga sku lnga 'od du zhu ba dang // thams cad gcig tu bsdus nas ni// bdagag gis thugs su bsdus te sbyang ba ni// gsang chen rigs gcig rdo rje sems dpar bsgom// oM a hUM/ sarba pany+tsa mri ta badz+ra tsaSh+Ti sa ma ya hUM hriHtha/ de nas rdo rje sems dpa' rab bsgoms pas// rdo rje sems dpa' nyid du 'gyur// de yi sngags kyi 'bru bshad pa// oM la sogs pa gong bshad bzhin// badz+ra rdo rje tsit+ta thugs su bcad// sa ma ya ni dam tshig hUM ni bdud rtsir sdud// hriHni rta snying bcud la dbang byed yin// tha ni bdud rtsi dam tshig gso bar byed// kun kyang gcig tu 'dus pas gsang bar bshad// de nas btag btsag bya ba ni// zhing chen g.yang gzhi'i steng du ni// thig le dgu pa bri bya ste// zhi khro ma mo'i bsnyen pa drang // zhing chen g.yang gzhi'i steng la ni// lcags kyi gtan gtun kha sprad de// yab yum rkang pa bsnol bar du// mtshan ma'i rnam shes yul dang bcas// chos dbyings e'i gtun khung du// mi dmigs ye shes thob pa yis// snang srid 'khor ba'i mtshan ma 'jig/ sta na sgrol ba'i dkyil 'khor du// thabs dang shes rab gnyis med pa'i// bdud rtsi byang chub sems su sbyor// bdud rtsi 'khyil ba'i dkyil 'khor du// oM A hUM kra ha na ta/ kra ha na ta/ ha na ha na/ hUM phaT kyis btag/ oM aM gong du bshad pa bzhin// kra ha na ta na rim pas

  277. 139a

    btag/ ha na ha na rdung ba'i sngags// mu sa la yis bsra zhing sbal// gsang ba'i mkha' snod der blugs la// rgyas btab khro bos mtshams bcad la// skra bzhi rdzogs pa'i mkha' la bzhag/ de yang dmigs la bskyil la ni// rdo rje so so lam nas byung nas ni// tshal chen gnam zhal mkha' la dbab par bya// oM a hUM gi bzhag pa ni// snod bcud 'dzin pa gnam zhal mkha'// zhes gsungs so// de nas rtags byung bsgril ba'i sngags// oM aM hUM sarba pany+tsa a mr-i ta kuN Da li hUM hriHtha/ bdud rtsi 'khyil ba'i snying por bshad// so so'i mkha' la bsgril la ni// rdo rje so so lam nas byung nas ni// tshal tshon gnam zhal mkha' la dbab par bya// oM a hUM ma ha me pra be sha phebs phebs hUM hriHtha/ bdud rtsi 'khyil ba'i snying por bshad// de nas dngos grub blangs te mchod pa ni// chos dbyings nam mkha'i khams na bzhugs pa yi// lhun gyis grub dang dus gsum sangs rgyas mchod// ces rdo rje gsang ba las kyi rgyud las le'u brgyad pa'o// // rdo rje gsang ba las kyi rgyud ces bya ba bdud rtsi sman sgrub rdzogs so//

  278. 139b

    rgya gar skad du/ a mri ta kuN+Da li karma tan tra nA ma/ bod skad du/ bdud rtsi 'khyil pa las kyi rgyud ces bya ba/ dpal phyag na rdo rje la phyag 'tshal lo// de skad bdag gis thos pa'i dus gcig na// gsang ba'i don rnams nyer bkod nas// de nyid rim par phye nas bshad// bcom ldan gsang ba'i bdag po yis// de nyid don de legs gsungs te// mnyam nyid ngang la snyoms zhugs te// bcom ldan bdud rtsi 'khyil ba yis// gsang ba'i don 'di legs par gsungs// de nas 'dus pa chen po rnams// bdud rtsi 'khyil la legs btud de// thal mo sbyar te 'di skad gsol// gsang ba'i bdag po gos sngon gyi// sgrubs pa'i thabs dang ldan rnams kyis// legs par gyur nas bdag la gsol// gsang chen bdag la phyag 'tshal bstod// ces gsol ba dang / bka' stsal pa/ ji ltar gsang bdag bsgrub pa yi// don dris khyod ni ngo mtshar che// gang gis sgrub pa'i thabs 'byung ba// de nyid bdag gis bstan par bya// yid dang mthun pa'i dben pa ru// dpal ldan sku gzugs bkram byas te// mchod pa bstod pa sngon song nas// gsang sngags kyi ni bzlas pa rtsam// oM na mo badz+ra pa Ni ma hA yag k+Sha se na pa ti badz+ra kro d+ha ni lam ba ra hUM phaT/ de ni skyon rnams spangs te bzlas// bdun khri'am 'bum du them gyur nas// de nas

  279. 140a

    bsgrub pa sbyar ba bya// de la dang po phan bsgrub pa'i// sbyor ba dang po bshad par bya// gnod sbyin nyen gyis zin gyur na// dang po maN+Dal sngon por bya// 'khor lo rtsibs brgyad zig btab la// dbus su dpal ldan gos sngon bri// rtsibs la gtso bo dpal ldan bri// shes rab gtsang mar gyur pa la// dri yi chu yis legs bkrus te// dkon mchog gsum la phyag 'tshal nas// ri rab rtse la byang phyogs nas// chu blangs rin chen snod du blugs// ku sha la yis kha rgyan bya// kha dog sngon pos mgul chings byas// gzungs thag sngon pos mgul nas gdags// rnal 'byor srin lag dag la gdags// bum pa'i dbus su gos sngon bskyed// dkrug nas spos dag 'bru sna blugs// lag pa g.yas kyis 'bru sna thogs// gsang sngags 'di yis bsgrubs byas te// bum par blugs shing bstim par bya// oM na mo badz+ra pA Ni ye ma hA yag k+Sha se na pa ta ye/ na mo badz+ra kro d+ha ni lam bar badz+ra hUM/ ma hA yak+Sha ha na ha na shud d+he shud d+he hUM phaT/ sarba yag sha ku ru ba ya mo ha ya hUM phaT// yak+Sha bid ta na su ru su ru hUM phaT/ yak+Sha sarba bid tan na sha ya ma hA pa la hUM phaT/ ces pa'o// de ltar stong du grangs them nas// nad pa de ni mdun bzhag ste// sems bskyed cho ga sngon 'gro bas// bu mos nad pa bkru bar bya// yang na bdag gis

  280. 140b

    khar blugs te// nad pa'i lus la gtor ba yis// khro mo'i sprul pa mang po spros// nad pa'i lus la btags par bsam// de yis gnod sbyin 'bros par 'gyur ro// gnod sbyin bzlog pa'i cho ga'o// klu bzlog pa'i cho ga'i las dag ni// maN+Dal sngon po chag gang gdab// steng du 'khar gzhong bzang po ru// zhib pa yi ni phye dag dang // me tog sngon po'i chu yis bkrus// pad ma 'dab ma drug byas te// gcig la khe dang bu mo dgod// gcig la sbrul gyi chun po dgod/ sbal pa nya dang lcong mo ni// 'dab ma gcig la dgod par bya// gcig la gtsang ba mgo dgu dgod// gcig la ba glang dmar po dgod// gcig la nor bu rin chen dgod// tha ma'i phyogs su bal po yi// se'u yi lcug ma dgod par bya// dngul gyi gzhong pa chus bkang la// nang du lcug ma bdun gzhug bya// lo brgyad lon pa'i bus pa la// gsang ba'i bdag pos dbang bskur nas// lcug ma klu zin lus la brdeg/ bdag nyid gos sngon gsang ba yis// rma bya'i lcug mas bya bar bya// bum pa'i sbyor ba gong bzhin te// de dag gis sngags gsungs pa 'di'o// oM nI lAM bar hUM/ nA ga rA dza sarba duSh+TAn/ ta ka ta ka/ ha la ha la/ ban d+ha ban d+ha phaT// nA ga ni nA ga ni/ na ya ni na ya ni hUM phaT/ tri ni ku ru ka la pa ra nA ga hri da ta ya hUM phaT/ oM du ru du ru/ du ru ni ku ru hUM phaT sngags bzlas 'od

  281. 141a

    kyang 'bras pa las// gas ldan rgyu ba'i thar thur nas// nad pa'i lus la thub par bsam// thal nas rags drug gnas pa dgrag/ dug gnas bdud cu ldan thus gas// de nas klu sa gnas bskul// lan ci shu rtsa gcig go// lan gcig gis ni 'grub 'gyur na// mang du byas na thos ci dgos// k+Sha nad bzlog pa'i cho ga'o// / yi dgas brjed byed bzlog pa ni// maN+Dal sngon po legs blugs // thang du dpal ldan rtswa gzugs dgram// mtshad dang bzod pa sngon song ba'o// dkyil 'khor gnyis kyi bdag cad kyis// dung dang kun da'i mdog 'dra ba'i// skud pa dkar pos legs bzhag ste// 'ad sa dpal ldan sku rba bas ma// bdug bsam 'od su slar gnas pas// de cid skar gnas smad pa de// kha dog lnga dang 'od ldan pasam// de la mdud pa stong rtsa gces// bum pa dag tu sngags te bzlas// grang dang ni rnamal// sngags te bta la sras la gta/ nams man rtag sa pa rten brnyanas rna ma bangag ta sa par g+ha/ rbatA ba bani ga kar can tam b+ha sa/ bab ca sa/ pags pa @6/ b+he ta ba na sha ka oM ta pa Ta la hA phaT/ barba ba tra nan pa cang bkra rba swAm+b+ha/ a du rus tang la sa hA laT/ bral nas dag pa'i chag tha// sangs par gsum ze smad pa de// mtha' dang dbus tha brta

  282. 141b

    byas nas// zin pa'i ske ru gdags par bya// yi dwags brjed byed bsrung ba yi// cho ga 'dir ni bshad pa yin// rims la sogs pa bsrung 'gyur na// maN+Dal sngon po gos sngon bsgrub// me tog sngon po'i khu ba la// spangs pa skud pa sngon po ste// gsang ba'i bdag por byin brlabs te// dgug gzhug zhu ba'i skud pa de// mdud byas gong ma'i sngags kyis 'tsho// byis pa'i gdon rnams bsrung 'dod na// skud pa gong dang 'dra byas la// byis pa'i mgul du btags pas 'tsho// dug gis zin pa gso 'dod na// sngon du sbrul gyi gzugs byas la// bdag nyid gsang ba'i bdag po yis// rtswa ni ku shas lus la byab// nad pa'i lus la dug byung nas// sbrul gyi lus la thim par bsam// gnas gsum por ni zla ba gsum// de steng yi ge a gsum las// bdud rtsi'i rgyud kyi lus dag nas// dug gi sbrul rnams 'byung bar bsam// yang na snying nas hri 'phros pas// lus kyi dug rnams bsdus nas ni// stong gsum gzhan du song bar bsam// de ni dug gis zin pa rnams// myur du sos par the tshom med// nor sgrub cho ga'i las dag ni// mdun du stegs bu gru bzhi la// gos sngon sgrub pa sngon song nas// sprul pa brgyad po rnam thos dang // ar+ya dz+ha ma b+ha bsam par bya// rin chen ma spyad snod dag tu// 'bru dang sman dang rin chen gzhug/ yid bzhin nor bus

  283. 142a

    gang ba bskyed// dbang bskur byin gyis brlabs byas nas// de yi bsgrub pa'i gsang sngags bzlas/ oM rat+na nI lam ba ra da ha dza ma b+ha la dza len dra ya swA hA/ da ra sa ra rba bid tra sid d+hi sa ma ya hUM/ zhes bzlas so// de ltar bzlas pa'i bsam pa ni// bdag gi sngags las 'od zer 'phros// ye shes sangs rgyas kun la phog/ sangs rgyas 'od dang 'dres nas ni// yid bzhin nor bu'i tshul du dgug/ yang 'phros nor gyi lha la phog/ de nas nor lha phra mo'i tshogs// stong gsum nor rnams bkug nas ni// rang gi rten la bstim par bya// rmi lam nor bu spyod pa dang // dkon mchog gsum yang dran par bya// dran par gyur pa'i rnal 'byor pas// nor gyi dngos grub thob par 'gyur// cho gas nor ni bsgrub pa'o// gsang ba'i cho ga'i las byed na// lho ru drag po'i dkyil 'khor bru// de nas khrag dang dug gis dgang // rkang rjes la sogs dug dang sbyar// gang yin pa'i gzugs byas te// snying khar gru gsum brus nas ni// shing shun ming rus bris la gzhug/ kha bcad khung du gzhug par bya// yang na dug gis me sbar te// rab tu tsha bas byugs shing skam// des ni tsha bas 'chi bar 'gyur// de bzhin du grang ba'i sbyor ba'ang de// phur bus btab na 'chi bar 'gyur// oM na mo nI lAM pa ra hUM/ kI li kI la ya ma ra ya phaT/ yungs kar yungs nag ske tshe

  284. 142b

    dang // dug 'brum lan tshwa la sogs pa// gos sngon phra mos byin brlabs te// gsang ba'i sngags 'di bzlas shing brdeg/ oM na mo ni lAM ba ra badz+ra hUM/ che ge mo mA ra ya mA ra ya// na sha na ya saM ga sha hUM mA ra ya hUM phaT/ ma hA rA dza ka la nan mA ra ya phaT/ ces pa'o// mnan pa'i las kyi cho ga ni// gang yin gzugs dang ming rus te// lam srang dag tu mnan byas te// khung du gru gsum khru gang la// zab su sor ni bcu drug go/ nang du gdug pas chag chag gdab// gang yin tshon skud sna lngas bcing // rgya gram 'bar bas steng nas mnan// yang na ri rab sbyor ba ste// steng du las kyi gos sngon gyis// gzir ba byas nas 'grub par 'gyur// mnan pa las kyi cho ga'o// rengs par 'gyur ba'i cho ga ni// khug par gyur pa'i gdul bya la// spyi bo'i gtsug tu phur bas gdab// lus kun khyab nas rengs par 'gyur// de dag byung bar gyur nas ni// 'o ma sbrang rtsi bu ram dang // dza ti pa la bsres pas byug/ zla ba a li chu rgyun la// a mr-i ta yi sngags bzlas na// 'tsho bar 'gyur ba the tshom med// smyo 'bogs kyi cho ga ni// gang yin sha yi steng du bzhag/ snying nas khams gsal rnam par rgyal// rlung gi gdan la 'dug par bskyed// oM na mo ni laM ba ra hUM/ che ge mo mu khang ku ru hUM/ ma hA rA dza nr-i u tsa ta ya hUM phaT/ sngags gzer 'od zer gnyis 'phros

  285. 143a

    pas// snying nas 'og gi rlung bskul zhing // sha ba yis ni 'phros par 'gyur// zhes gsungs so// de nas bcom ldan 'das phyag na rdo rje'i ting 'dzin las bzhengs te/ bdud rtsi 'khyil ba la legs so zhes bya ba byin te/ legs so dpal ldan bdud rtsi 'khyil// gsang sngags bdag po khyod legs so// gang phyir dpal ldan rdo rje 'dzin// mi gnyis pa'i don kun spyod// bdud rtsi'i bdag po khyod la bstod// ces gsungs so// 'phags pa bdud rtsi 'khyil ba las las gnyis kyi don gnyis gtan la phab pa rdzogs so// // de nas yang dag bshad bya ba// thams cad thogs pa med gyur pa// rgyud rnams ma lus kun 'dus pa'i// las kyi rgyud 'di bshad par bya// lcang lo can gyi pho brang du// gsang ba'i bdag po gos sngon can// byang chub tshogs dang lhan cig tshe// don rnams sdud par byed pa'o// stobs dang mthu dpung gzhan las 'phags// de tshe gsang ba'i rgyud chen gsungs// de nas lha yi dbang po rnams// ri rab ri yi rtse mo la// sprul pa'i sku yi tshul bstan nas// bzhi stong yod pa'i las kyi rgyud// sna tshogs pa yi/ rgyud chen bshad// de don bsdus pa'i rgyud chen 'di'o// tshogs pa rnams la bdag gis bshad// zhi ba dang ni rgyas pa dang // dbang dang drag po bsad pa dang // rengs pa dang ni skugs pa dang // myos pa dang ni

  286. 143b

    gso ba dang // smyo ba dang ni 'bogs pa ste// zhi ba la ni gcig tu 'gyur// rgyas pa la ni rnam pa bzhi// nor dang 'bru dang tshe dang ni// yon tan thams cad rgyas pa'o// dbang la rnam pa gnyis yin te// lha la sogs pa'i 'byung po dang // rgyal po dbang du bya ba'o// bsad pa nyid ni gcig tu 'gyur// dgug pa las ni rnam pa brgyad// lha mo klu mo ma mo dgug/ tshe dgug pa dang bcud dgug dang // khu ba dgug dang 'byung po dgug/ de dag rgyas par bshad bya ba// dang po zhi ba'i las byed pa// zhi ba'i dkyil 'khor zlum po la// pad dkar 'dab ma bzhi dang ldan// dbus su dpal ldan gos sngon can// cha lugs zhi ba'i rang bzhin la// rnam par snang mdzad dbu rgyan can// snying khar zla steng bzlas pa tsam// oM na mo nI lAM ba ra hUM// shAn ting ku ru swA hA/ brgya 'am stong du bzlas pa brtsam// de nas mdun du hom khung bru// zlum la dkar ba'i tshon gyis byug/ steng du zho can shing brtsigs te// nang du zhi ba me lha bskyed// me sbar me lha spyan drangs te// gnyis med gyur nas mchod pa dbul// bstod nas nang du gos sngon bskyed// bskyed nas mchod pa dbul bar bya// me tog dkar dang mar me dri// lha bshos zlum pos mchod par bya// 'bras bu 'o thug dbul bar bya// zhi bar bya ba'i gdung bya dgug/ dngul lam dkar po'i phur bas gdab// oM na

  287. 144a

    mo ni lAM ba ra hUM phaT// mo ki li ki lA ya shAn ting ku ru swA hA/ zhi ba'i tshogs kyi 'khor lo bskor// zhi ba'i gtor ma gtang bar bya'o// des ni bdud dang srin po dang // 'jig rten grags pa zhi bar 'gyur// 'o ma la sogs dkar po'i chus// me la btab pa byas gyur nas// zhi bar gyur cig brjod pa yis// zhi bar 'gyur ba the tshom med// zhi ba'i cho ga sngon 'gro nas// sa gzhi byin gyis brlabs la sogs// de dag thams cad rdzogs par bya// sa chen gzung ba'i dam tshig ni// yongs su brtags te gzung bar bya// rgyas pa gnyis kyi cho ga ni// ri dbyibs gru bzhi'i bde gnas su// gru bzhi me tog ser por ldan// rin chen gos sngon sku mdog ser// dbu la rin chen 'byung ldan brgyan// ma spyad pa yi snod chen du// bdud rtsi lnga dang sha lnga dang // thun mong rdzas su gyur par blugs// oM na mo ni lAM ba ra hUM/ rat+na puSh+Ti ku ru hUM/ phyi nang dgugs pa'i don la dmigs// skyon rnams spangs pas yon tan 'gyur// brgya'am stong du grangs thim pas// mdun du stegs bu grub bzhi la// zab khung gru bzhi ser por byug/ 'khor lo 'phreng ba yang dag ldan// gser gyi mdog dang ldan pa la// mchod rten dbyibs su brtsig par bya// nang du rgyas pa'i me lha bskyed// ye shes me lha bkug nas bstim// gnyis med gyur la mchod pa

  288. 144b

    'bul// mchod dang bstim pa legs gnas te// der ni rgyas pa'i gos sngon bskyed// ye shes gos sngon bkug nas bstim// gnyis med gyur la phyag mchod 'bul// spos dang me tog ser po dang // mar me dang ni dri chab dang // lha bshos gru bzhir gyur bas mchod// gser mdog shing dang ser po rdzas// thams cad bsreg phyir rgyas par bya// gser ram ser po'i shing rnams la// rgyas pa'i phur pa rab byas nas// sngags bzlas rgyas pa'i yul la gdab// oM na mo nI lAM ba ra hUM// kI li ki la ya puSh+TiM ku ru swA hA/ de nas gser gyi mtshor ldan chus// me la gtor bas gser du 'gyur/ rgyas par gyur cig brjod pa yis// rgyas par 'gyur ba gdon mi za// yang na rgyas pa'i sbyor ba ni// rdzas nyid 'od zhu yi ge sra// de las rin chen 'byung ldan sku// ye shes bkug la gnyis med bstim// rgyas par gyur pa'i gsang sngags bzlas// 'od kyi ye shes bdud rtsi dang // khams gsum 'gro ba'i bcud rnams kun// bsam gtan de dang ldan gyur nas// de nas 'phags dang 'khol ba 'byung // zos pas dngos grub gang 'dod 'byung // rmi lam gser gyi dong tshe rnyed// yid bzhin nor bu spyod pa 'byung // de ltar byung bar gyur pa ni// rgyas pa grub pa'i rtags su bshad// yang na rgyas pa'i las dag ni// za ma tog dang khams gsum rgyal// rnam thos

  289. 145a

    sras dang bcas pa bskyed// de las ye shes bdud rtsi bkug/ bkrag dang gzi brjid ldan pa la// gser gyi phur pa gdab pa dang // de yi gsang sngags brjod pa'i tshe// khams gsum rnams rgyal 'od 'phros te// rnam thos sras la nor sbyin bsgo// ster ba'i rtags ni gong ma bzhin// gter la sogs pa 'byung ba dang // 'dod pa'i yon tan gzhan yang 'byung // yang na rgyas pa'i las dag ni// rgyal rigs dag gi phung po la// dang po bslang ba'i cho ga bya// bdag por gyur la gtor ma sbyin// steng du bdag gi phyag rgya rdzogs// phyogs mtshams bltas pas 'byung po bskrad// rdo rje bsrung ba'i phyag rgya rdzogs// bdag gi lus la go cha bgo// de nas phung po 'od zhu nas// yi ge lang dang bya ldan bsam// de las gser gyi sa gzhir gyur// steng du sa las rnam thos sras// rin chen 'byung ldan dbu rgyan can// de la ye shes sems dpa' bstim// gnyis med gyur nas mchod pa dbul// sngags kyi bsnyen pa rdzogs par bya// oM na mo ni lam pa ra hUM// sarba ta thA ga rat+na sid+d+hi hUM/ zhes pas de la 'dod pa'i dngos grub 'byung // de ni rgyas pa'i cho ga ste// bud med dag la byin gyur na// bu pho bu mo gang 'dod 'byung // shes rab 'dod pas zos na 'byung // tshe dpag med kyi snying po'am// brgya'am stong du bzlas nas bza'// des ni tshe'ang 'grub par

  290. 145b

    'gyur// dbang gi cho ga bshad bya ba// ri dbyibs zla ba phyed 'dra ba// dmar la gdangs pa'i kha dog tu// stegs bu zla gam dmar po la// me tog dmar pos yang dag brgyan// gos sngon snang ba mtha' yas ldan// ma spyad pa'i snod chen la// dmar po dag gi tshon byugs nas// nang du sha lnga bdud rtsi lnga// oM na mo nI lAM ba ra hUM/ pa shang ku ru hUM phaT/ phyi nang bskul ba rab dmigs te// mi dmigs dbang gi lha tshogs kun// bdag la dgugs pas bdag gis bskus// dbang gi las la thogs med 'gyur// brgya'am stong du grangs thim nas// dbang gi zab khung zla kham la// dmar po'i tshon gyis byugs pa dang // pad ma'i 'phreng bas yang dag brgyan// nang du dbang gi me lha bskyed// spyan drangs bkug nas gnyis med la// mchod bstod la sogs bstim par bya// nang du dpal ldan gos sngon la// ye shes gos sngon bkug nas bstim// gnyis med gyur la mchod pa 'bul// spos dang me tog dmar po dang // mar me dri dang rnam lnga dbul// 'dod pa lnga yi mchod pa yang // de bzhin phul bas mnyes par bya// de rnams dmar po'i rdzas rnams la// pa shang ku ru'i sngags ldan pas// phul nas gang 'dod dbang du 'gyur// zangs la sogs pa'i shing rnams la// dbang gi phur bu byin brlabs nas// btab pas de nyid dbang du 'gyur// oM na/

  291. 146a

    mo ni lAM ba ra hUM/ kI li kI lA ya ba shang ku ru hUM phaT// yang na dmar ba'i rdzas rnams kun// gcig par snod chen bkang byas te// byin gyis brlabs pa'i gtor ma'i steng // bdag gis gos sngon gsal byas te// gong gi gsang sngags bzlas pa yis// mi 'gyur sangs rgyas thams cad kun// dbang gi skur ni rab bzhengs nas// sbyor ba'i bdud rtsi dbab byas nas// dbang gi lha yi spyi gtsug bzhugs// rdo rje'i lam byung gnyis med thim// dmar la gdangs par 'grub pa dang // 'od zer gtor ma'i lha la phog/ dbang gi las rnams grub par bcol// 'od du zhu bas shin tu dmar// lha rnams dbang du byed 'dod na// thugs ka'i zer sna lnga las// dbang gi gos sngon dmar por 'phros// mdun du dbang gi gzhal yas bskyed// dkug par gyur la gtor ma sbyin// reg pa tsam gyis dbang du 'gyur// 'thungs ba tsam gyis smos ci dgos// klu dang gnod sbyin gsang ba po// 'byung po rgyal po srin po dang // rnal 'byor ma yang dbang du 'gyur// yang na rgyal po'i ro blangs la// bslang la bsrung la byin gyis brlab// 'od zhu raM las me glong du// dbang gi gos sngon rab bskyed nas// ye shes dbang gi gos sngon dgug/ gnyis med gyur la mchod pa dang / gong ma'i sngags kyis bsnyen pa bya// me dpung rmi ba byung yang 'grub// dbang

  292. 146b

    gi las rnams grub par bcol// bstim ste sha la gong ma bzhin// byas pas de yi dbang du 'gyur// dbang gi sbyor ba mdor bsdus pa'o// // gsod pa'i las kyi cho ga ni// ri dbyibs zur gsum gdengs pa 'am// yang na kha ral gdengs pa 'am// nag po'i mdog tu gnas pa de// dkyil 'khor gru gsum zla kham ldan// yang na gru gsum 'bar bar ldan// dug dang khrag dang lan tshwa dang // dur khrod sol bas nag por byug/ steng du me tog nag po dgram// drag po'i 'phags pa gos sngon can// dbu la don yod grub pas brgyan// ma spyad bkra mi shis pa 'am// yang na ser ka dug yod par// dug dang ske tshe nas nag dang // yungs kar yungs nag lan tshwa dang // bdud rtsi lnga dang sha lnga dang // myos pa'i chu yis sbyang bar bya// oM na mo nI lAM ba ra hUM/ che ge mo mA ra ya phaT/ phyi dang nang gi dmigs grub nas// bde gshegs drag pos bkug cing bstim// ha ha dang bcas bzlas pa ni// bar ma chad pa stong du bzlas// mdun du stegs bu gru gsum bya// gru gsum nang du dug chu dang // sol chen bsres la byug par bya// kha la dral gro phur bu dgod// tsher ma dug dang ldan pa'i shing // b+ha ga'i dbyibs su brtsibs par bya/ nang du drag po'i me lha bskyed// me sbal dgug dang bzhug bya ste// gnyis med gyur nas mchod pa dang // bstod dang

  293. 147a

    bstim pa legs gnas te// nang du drag po'i me lha bskyed// spyan drangs bstim nas mchod pa dbul// spos ni sha chen bsregs pa ste// dkar dmar khu ba me tog yin// yang na me tog nag pos bya// spos ni gu gul sbyar ba ste// mar me tshil chen khu bas bya// khrag ni arga 'dod pa'o// dri chab bdud rtsi ba yi chu// sha chen po ni lha bshos te// yang na 'bru las gyur pa la// zur gsum khrag dang sol las byug/ bsreg pa'i rdzas ni 'di lta ste// sha chen po dang yam shing dang // de bzhin drag po'i gtor ma bsag/ khrag dang sol chen bsreg pa yis// kha dog nag por bsgyur la dbul// yang na lcags sam nag po'i shing / drag po'i phur bur byin brlabs te// btab pa nyid kyis 'chil bar 'gyur// oM na mo ni lAM ba ra hUM/ kI li ki la ya che ge mo mA ra ya phaT/ yang na drag po'i gtor ma de// byin brlabs steng du drag po'i lha// 'bar ba'i gos sngon bskyed byas te// ye shes drag po'i gos sngon dgug/ 'od 'phros sngags bzlas bsam gtan bsgom// ye shes dbyibs la gnas pa kun// drag po'i sku ru ram langs te// bkug cing bstim pa yang dang yang // de nas gsod pa'i las bcol te// bstim dang gtor ma nag po la// 'od dang 'od zer nag por gyur// 'byung po la sogs bkug byas nas// de la gtor ma brdeg par bya// snying

  294. 147b

    nas phur bu khro chung dang // sbrul gyi gzugs ni gnas par bsam// de la gong ma'i sngags bzlas pas// sngags gzer lcags bsregs tshul can gyis// de la phog pas me ni 'bar// phung po me yis bsreg par bsam// tsha ba'i nad kyi 'chi bar 'gyur// las 'dis phyag na rdo rje nyid// 'chi 'gyur gzhan la smos ci 'tshal// bsad pa'i las kyi rim pa'o// lha mo dgug pa'i cho ga ni// gnas ni dbang dang mthun par bsam// yang na lam gyi gzhi mdo 'am// rgyal po la sogs 'du khang du// dbang gi dkyil 'khor chen po steng // rtsa ba'i sku yi bdag nyid can// rnga mo'i steng na legs bzhugs pa'i// dbu la rdo rje sems dpas brgyan// ba lang sha yi gtor ma bya// oM na mo nI lAM ba ra hUM// aM ku sha ya A kar Sha ya dza dza/ phyi nang sku ni gsal gyur nas// 'od zer bde gshegs zhing du 'phros// 'gug pa sku yi zhing du 'gyur// 'od byung bdag la phog pa 'am// dngos po nyid du bkug par gyur// bstim pas ri rab lta bu ste// 'od kyi dkyil 'khor chen po'i nang // lcags kyu can sogs bsam mi khyab// mdun du stegs bu zlum po'i nang // pad ma'i dbyibs kyis thab khung bru// thal chen la sogs dri chus sbrus// nang du byug cing bkru bar bya// kha khyer rdo rje'i 'phreng ba'am// yang na lcags kyu'i 'phreng ba bya// yang na ti ka'i 'phreng ba bya// las thams cad

  295. 148a

    pa'i me lha bskyed// tsan dan shing las me bus te// bkug cing bcug nas gnyis med bstim// ba lang sha yis gtor ma blugs// yang na bdag las sprul pa yi// lha mo bkug ste 'od 'bar bsam// de la gtor ma byin pas 'gugs// oM na mo ni lam ba ra hUM/ be ro tsa na gr-ih+Na gr-ih+Na hUM phaT/ zhe'o// lha mo 'gugs par gyur pa'i tshe// sbyor bar 'dod na sbyor bar 'gyur// sa 'og 'dod kyang 'byung bar 'gyur// yang na ji ltar 'dod pa 'byung // klu mo'i mi mo de bzhin no// tshe dgug cho ga'i las dag ni// rten can rten med rnam pa gnyis// brten bcas bum pa'i 'od zhu bas// b+h+rUM gyur yang na baM du gyur// de nyid 'od zhu gzhal yas khang // ma chag gsal dang shin tu gsal// steng du hUM las mi bskyod pa// shar du rnam par snang mdzad de// lhor ni rin chen 'byung ldan bsam// nub tu snang ba mtha' yas te// byang du don yod grub pa'o// dkar dmar ser ljang mthing kha mdog/ phyag rgya lnga yi bdag nyid can// ye shes dbang bskur bcug nas bstim// 'od zhu de las gos sngon gyur// de yi spyi gtsug 'od dpag med// sku mdog dmar po zhal gcig pa// 'bar ba'i phyag ni gnyis pa ste// pad ma'i steng na bum pa bsnams// gsang ba'i yum bzhi 'khor du bskor// dbang thob sku la mchod par 'bul// bstod pas

  296. 148b

    mnyes nas gsang sngags bzlas// oM na mo ni lAM ba ra hUM// A yu She hUM dza/ bsam gtan sngags las 'od 'phros pas// stong gsum tshe ni dgug cing dgang // de yis tshe 'gugs gdon mi za// bcud dgug pa yi cho ga ni// bcud rten bum par yi ger bsam// 'od zhu bum pa'i gzhal yas su// rang las lha mo mA ma ki/ ser mo phyag gnyis bsnol ba'i steng // rin po che yis rab mtshan pa'i// bdud rtsi bum pa 'dzin pa'i tshul// oM nI lAM ba ra hUM/ rat+na mA ma ki traM/ go'u na su b+h+yo bo d+hi sa twa traM dza dza/ phar 'phros tshur 'dus rgyun mi 'chad// 'od zer phra mo mang po 'phros// stong gsum 'jig rten bcud bkug nas// slar 'dus yum gyi spyi gtsug zhugs// gang bar gyur pa'i bsam gtan bya// de yis de la grub par 'gyur// yang na ro yi phung po gcig/ zla ba brgyad la blang byas te// de yi bslang dang bsrung ba bya// 'od zhu gzhal yas khang du bsam// sngags kyi 'od zer phyogs bcur 'phros// bcud bkug phung po'i dbyibs su bstim// rgyas nas zla ba'i mdog tu 'dug/ yang na yid bzhin rin chen dgug/ de la bstim pas nor chen dgug/ tshe nyams pa yis zos gyur na// de yi tsha dang ldan par 'gyur// nyams pa chen pos zos gyur na// 'gyod dang ldan na sor cud 'gyur// de la sogs pa'i yon tan tshogs// rgyud 'dir bsam gyis mi

  297. 149a

    khyab bstan// khu ba 'gugs pa'i cho ga ni// rnam pa gnyis te bdag dang gzhan// gzhan gyi khu ba 'gugs pa ni// snying khar zla ba'i dkyil 'khor bsam// de steng yi ge a dkar las// 'od zer kha dog sna lngar 'phros// ye shes bde gshegs sku la phog/ de nyid 'od du thim pa las// khu ba 'gugs pa'i cho ga'o// gshang ba'i lam nas yar byung ste// bde chen byang chub sems phab nas// rdo rje'i lam du byung nas bstim// de yang khu ba 'gugs pa'o// yang na 'od zer rab 'phros pas// bde gshegs sku la phog gyur pas// chags pa skyed pa'i tshul can gyis// thabs dang shes rab sbyor bar 'gyur// gnyis med dkar dmar byang chub sems// bdag gi tshangs pa'i bu gar zhugs// lus rnams rgyas te bde bar 'gyur// khu ba dgug pa'i cho ga'o// yang na 'gugs pa'i cho ga ni// mdun du pad+ma 'dab brgyad bskyed// yi ge lnga la rigs lnga'i skur// yum lnga dag dang bcas pa bsam// ye shes gnas nas bkug cing bstim// de las 'od 'phros 'phags pa bskul// byang chub sems phab rigs lnga'i sku// spyi gtsug thim nas gsang bar byung // de nyid yi ge gsum dang 'grogs// bdag gi lce yi dbus su zhugs// sangs rgyas bde ba skye bar 'gyur// bdag gi khu ba dgug pa ni// spyi bor bde chen gzhal yas bsam// de steng yi ge a

  298. 149b

    dkar po// zla ba'i gdan la bsam par bya// lte bar pad+ma 'dab brgyad la// zla ba'i steng du aM bsam te// aM las dza'i 'od 'phros pas// kha dog lnga dang yang dag ldan// zla ba'i bu gar zhugs pa yin// a bskul de la 'od 'phros pas// bdud rtsi chu yis lus rgyas 'gyur// bsam gtan de dag gang ldan yang // gzhogs bskams pa dang bas lhags dang // g.yan pa me dpal la sogs pa// de nyid kyis ni zhi bar 'gyur// gzhan la bkug pa de bzhin 'grub// 'byung po dgug pa'i cho ga ni// thugs ka'i phaT kyi tshogs 'phros pas// lce la lha mo lcags kyu can// grangs med pa yis 'byung po kun// snying nas bzung zhing zhags pas bcing // rlung gi rnga mo ga pa la// phaT kyis brteg ste 'phangs par bsam// tho ba can gyis brteg bzhin du// drag po'i steng du dbab par bya// yang na lcags kyu can gyis 'grub// zhags pa can kyang de bzhin no// oM na mo nI lAM ba ra hUM/ sarba bi b+ha nan aM ku shar ya/ A kar Sha ya hUM dza dza/ gsang ba'i sngags dang rab ldan pas// 'gugs par 'dod na khugs par byed// 'ching bar 'dod na 'ching bar byed// 'du bar 'dod na 'du bar byed// 'bral bar 'dod 'bral bar byed// skrod par 'dod na skrod par byed// bsreg par 'dod na sreg par byed// gang zhing las kyi cho ga ni// 'dzin pa can gyis

  299. 150a

    'grub par byed// dus gang la yang yan lag bcu// gos sngon bsnyen pa'i cho ga dang // bskyed dang dbang bskur cho ga dang // bskur dang de yis 'khor lo yis// rtsa ba yan lag ldan pa yis// bsgrubs na mngon du 'byung bar 'gyur// de bas nga yis bstan pa 'di// nges don gtan la ma phebs shing // rtog pa'i dug gis dbang gyur nas// nyon mongs las rnams spyod pa la// rna bar ming yang mi grag go/ gsang sngags rgyud la sems dad cing // bra ma la ni bsnyen bkur byed// nges pa yis ni don yang ston// sgra dang dgongs pa gtan la 'bebs// nga rgyal bcom nas zhe sdang gis// mtshon bral 'dod chags dra ba 'grol// de la rtag tu bstan par bya// gsang ba'i bdag po lag na rdo rje gos sngon po can gyi rgyud las le'u legs par byung ba'i gsang ba'i yang snying shin tu gsang ba rtogs pa chen po'i rgyal po'i rgyud ces bya ba rdzogs so// /

  300. 150b

    @/ rgya gar skad du/ sarba ta thA ga ta kA ya wA ka tsit+ta gu h+ya dz+nyA na gar+b+ha/ shri a mr-i ta ma hA su kha tan+t+ra ma hA rA dza nA ma/ bod skad du/ de bzhin gshegs pa thams cad kyi sku gsung thugs gsang ba'i ye shes kyi snying po dpal bdud rtsi bde ba chen po zhes bya ba rgyud kyi rgyal po chen po/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs pa thams cad kyi sku dang / gsung dang / thugs dang / yon tan dang / 'phrin las kyi bdag nyid gsang ba'i ye shes bkod pa rmad du byung ba'i rgyal po don gyi mchog khyad par du gyur pa'i ngo bo gsang ba'i de kho na nyid kyi rang bzhin gsang sngags rmad du byung ba'i gter chen po/ khams gsum gyi gcong snying sel ba'i bdud rtsi dam pa 'chi ba'i gnyen por gyur pa'i bdag nyid de/ rigs kyi btsun mo bdud rtsi'i rgya mtshos kun nas 'khyil ba'i rlan can/ pad ma'i 'dab ma stong rab tu rgyas shing / ge sar gyi dpal rin po che'i gur rmad du rgyur pa'i snying po la/ ga 'u'i rtse mos kun nas dkrigs shing spras pa/ myur zhing mgyogs pa'i glog gcig nas dmed cing gcig tu 'gyur ba las/ shel dmar po dang / mal shel dang / byi ru'i pa dag gzings pa/ gar dang / nye ba'i gar dang / klu dang steg pa dang / 'phar ba dang / rdebs pa dang / thal

  301. 151a

    lcag dang / rtse ba dang / 'gyur ba dang / 'jo ba dang / 'dud pa dang / 'khril zhing brtan pas rnam par rtog pa'i rgyun bcad de mi gnyis pa las/ rang rang gi mtshan nyid 'dzin pas gtso bo la 'khril te tha mi dad pa'i bzhugs tshul gyis bzhugs so// gnas rmad du grags pa ni/ 'di lta ste/ mtha' dang dbus med pa'i pho brang / rigs pa'i rgya mtshos khyad par du sbags 'phags pa/ gang dang gang na rang rig pa'i 'od kyis khyab cing gsal bar gyur kyang / nga'am/ nga'i 'am/ nga'o pa'i rgya mo bcad pa/ dbyings gting dpag dka' ba'i klong du 'gram por zhing ye shes khyad par can gyi rtsig pa rang byung bar brtsig pa'i khang pa/ rtse mo'i 'phang du tshad med cing nam mkha'i mthar gtugs pa la/ rdo rje'i gur du rang bzhin gyis gtams te 'khyil ba/ snang ba ma 'gags pa'i yon tan rnam par 'byung ba/ 'byung ba'i dkyil 'khor brtsigs shing 'phyo ba'i khang pa bzang po'i gnas na asma gar+b+ha'i ka ba khong skabs can la/ rin po che'i sa tshar sna 'phyong can brtseg mas lus g.yogs pa las 'od 'phro ba/ bai DUr+ya ljang khu'i ka gdan dang / gser gyi ka lo la nyi ma dang zla ba'i phra bkod pas brgyan pa las pad+ma dkar po'i pa tras dpyangs pa/ rdo rje'i gdug gtams pa'i thog tu/ thugs rje'i bla brel bkab cing / gser dngul gyi g.yer kha tshangs pa'i

  302. 151b

    gsung sgrogs pas mtha' kun nas bskor ba/ tsha grang skyob pa'i thugs rjes kun la khyab cing bsil ba'i gdugs kyis phyogs bcu nas khebs shing klubs pa/ bdud bzhi las rnam par rgyal ba'i rgyal mtshan phyogs bcur bsgrengs pa/ byang chub kyi yan lag bdun gyi 'phan pa dang 'phan phran tshad dang bral ba las thugs rje'i ser bus bskyod pa/ dra ba dang dra ba rkyang pa'ang / mu tig dkar dmar dang / sa le sbram dang / byu ru dang / a sa la gar ba dang / mu sa la gar ba dang / spug dang / rdo rje'i snying po dang / ke ke ru ljang ser dang / sang ma 'dri stang la sogs pa/ pad ma'i skud pa la brgyus pa'i dkyil na/ rin po che chu 'dangs dang / zla ba dang / nyi ma dang / rdo rje rangs pas brgyan pa'i dra ba dang / sna la rin po che'i dril bu g.yer kha dpyangs pa'i phyed pa dang / rin po che rtsig pa rang 'bar ba la/ tshags thams cad skar ma'i gzer 'ge dang / skar phran gyi gzer gtab pa'i nang nas/ pad+ma sna tshogs pa'i pa tra'i rtsa lag bkye ba/ rta babs dang / them skas dang / khye'u dang / snam rten dang / rkang stegs dang / rin po che'i phur pa dang / dar gyi chun po dang / me long dang / pho long 'phar ma btags pa dang / rig pa 'dzin pa dang / gyad stobs che rtse bran gyi rgyan gyis brgyan pa rnams rin po che'i pha bong ri bran tsam sgong du 'dril ba dang / bya sna tshogs pa skad

  303. 152a

    snyan pa du ma sgrogs shing / rdzing bu bdud rtsi'i chus bkang ba la/ 'phur zhing 'bab pa dang / lha mo brgyan du mas brgyan pa rnams 'dod pa'i yo byad sna tshogs thogs te/ gar bskur ba'i dpung gis kun nas dkrigs te 'khod pa'i gnas na/ byang chub sems dpa' mi se ba la bzod pa thob pa rnams kyi lus kyi gdan du byas pa ni mi 'jigs pa'i seng ge dang / stobs kyi glang po che dang / rdzun 'phrul gyi rta dang / dbang gi rma bya dang / thogs pa med pa nam mkha' lding gi khri'i bar bar na/ rab tu bsdu ba bzhi'i rin po che'i khri rkang gis bteg pa skyon dang bral ba'i pad+ma dang / thabs dang shes rab 'brel ba'i nyi zla'i gdan la bsnyengs pa mi mnga' bar bzhugs so// de'i tshe 'khor rdul phra rab dpag tu med cing brjod du med pa'i yang brjod pa las 'das pa mang por 'dus shing tshogs pa ni 'di lta ste/ gsang ba chen mo rdo rje rgyas 'debs ma dang / gsang ba chen mo rdo rje za byed ma dang / gsang ba chen mo rdo rje rmongs byed ma dang / gsang ba chen mo rdo rje tshe 'phel ma ste gsang ba'i 'khor dang / de bzhin gshegs pa gti mug chen po dang / de bzhin gshegs pa nga rgyal chen po dang / de bzhin gshegs pa 'dod chags chen po dang // de bzhin gshegs pa phrag dog chen po ste de bzhin gshegs pa'i 'khor dang / gzhan yang btsun mo dam pa sra

  304. 152b

    ba'i rgyal po chen mo dang / btsun mo dam pa mnyen pa'i rgyal mo chen mo dang / btsun mo dam pa dro ba'i rgyal mo chen mo dang / btsun mo dam pa bskyod pa'i rgyal mo chen mo ste btsun mo dam pa'i 'khor dang / byang chub sems dpa' rdo rje kun gyi bdag nyid dang / byang chub sems dpa' rdo rje 'gugs par brtson pa dang / byang chub sems dpa' rdo rje chags par byed pa dang / byang chub sems dpa' rdo rje legs par stobs dang / byang chub sems dpa' rdo rje dbang sbyin byed dang / byang chub sems dpa' rdo rje 'od ldan dang / byang chub sems dpa' rdo rje rgyal rab dang / byang chub sems dpa' rdo rje dga' ba mchog dang / byang chub sems dpa' rdo rje pad+ma gzigs dang / byang chub sems dpa' rdo rje 'khor ba gcod pa dang / byang chub sems dpa' rdo rje 'khor lo bskor ba dang / byang chub sems dpa' rdo rje dgongs pas 'chad pa dang / byang chub sems dpa' rdo rje las kyi rgya mtsho dang / byang chub sems dpa' rdo rje bsrung ba chen po dang / byang chub sems dpa' rdo rje 'jigs par byed pa dang / byang chub sems dpa' rdo rje brtan pa ste byang chub sems pa'i 'khor dang / sems ma chen mo rdo rje 'jo sgeg ma dang / sems ma chen mo rdo rje tshim par byed par dang / sems ma chen mo rdo rje kun 'gugs ma chen mo dang / sems ma chen mo rdo rje brtan par mos dang / sems

  305. 153a

    ma chen mo rdo rje rgyan gyi rgyal mo chen mo dang / sems ma chen mo rdo rje mdzes par byed pa dang / sems ma chen mo rdo rje rab tu 'ching bar byed pa dang / sems ma chen mo rdo rje mos par byed pa dang / sems ma chen mo rdo rje sgra snyan dang / sems ma chen mo rdo rje gsal ba'i 'od dang / sems ma chen mo rdo rje yal bar mi 'dor ba dang / sems ma chen mo rdo rje chags pa mdzes dang / sems ma chen mo rdo rje dgyes pas gar bsgyur ma dang / sems ma chen mo rdo rje mnyen mnyen 'jam ma dang / sems ma chen mo rdo rje tshangs pa'i dbyangs dang / sems ma chen mo rdo rje myur du bsgrub la sogs pa sems ma'i 'khor dang / gzhan yang 'joms pa chen po rdo rje gshed 'dul dang / 'joms pa chen po rdo rje gshis mchog tu che ba dang / 'joms pa chen po rdo rje rta'i zhal gdangs pa dang / 'joms pa chen po rdo rje bdud rtsi kun tu bdud pa ste 'joms pa chen po'i 'khor dang / gzhan yang rol pa chen po rdo rje rta'i zhal dang / rol pa chen mo rdo rje phag gi zhal dang / rol pa chen mo rdo rje spre'u'i zhal dang / rol pa chen mo rdo rje khu byug gi zhal te rol pa chen mo'i 'khor dang / gzhan yang rnal 'byor gyi dbang phyug chen po dang / rnal 'byor gyi dbang phyug la sogs pa brjod kyi mi lang zhing / brjod par mi nus pa rnams dang thabs gcig tu bzhugs so// gzhan

  306. 153b

    yang de'i tshe na lha tshangs pa chen po dang / tshangs pa kun grol dang / tshangs pa gtsug phud 'dzin dang / tshangs pa 'od mchog dang / tshangs pa rnam grol grags pa la sogs pa/ tshangs ris kyi lha 'bum phrag du ma chung ma dang / bu dang / blon po dang / sde dpon dang / dmag dpung dang bcas pa rnams kyang 'khor der 'dus pa'i sems kyis lhags te/ lha'i me tog rin po che las grub pa dpag tshad tsam dri mchog tu gyur pa sna tshogs dang / sman sna tshogs dang / bcud sna tshogs ro mchog dang ldan pa dang / shing sna tshogs lcug ma dang / lcug phran la sogs pa'i yo byad bsam gyis mi khyab pa thogs nas/ bcom ldan 'das dpa' bo chen po de la mchod cing chos mnyan pa'i slad du kun nas bskor te 'di snyam du sems so// bdag cag gis mchod pa'i rdzas khyad par can yon tan sna tshogs pa dang ldan pa 'di dag gis rgyal ba'i rigs kyi gtso bo mchog gi bdag nyid ston pa gsang ba'i bdag nyid la yang mchod cing / 'gro ba ma lus pa rnams kyi gcod rnying ci yod pa sbyang bar bya'o// zhes sems so// tshangs pa'i bu mo zur phud can zhes bya ba kha dog dang ldan pa/ tshul mchog tu shis pa/ lo grangs bcu gnyis lon pa/ rin po che yis sprad pa'i rgyan gyis brgyan te lag na bdud rtsi'i bum pa thogs nas/ bsnyen te 'dzum mul zhing dga' ba dang / dang ba

  307. 154a

    dang / mchog tu dad pa'i bsam pas gnas so// lha'i dbang po mig stong pa yang / btsun mo sha tsi pur ba si dang lhan cig tu glang po che las babs te/ nye dbang po dang / sde dpon dang / bran dang / yang bran dang / pho nya ba'i 'khor 'bum phrag du mas bskor cing / lag na lha'i me tog la sogs pa mchod pa'i yo byad dpag tu med pa thogs nas bsam pa dang bcas par 'khod pa ni snga ma bzhin no// dbang po de'i bu mo ser skya mdog ces bya ba/ ri rab kyi 'og na gnas pa/ lo nyi shu lon pa/ bkrag dang / gzi mdangs dang / lang tshor ldan pa/ lag na dri rnam pa lnga'i snod rin po che las byas pa thogs nas 'khod pa yang de bzhin no// rgyal po chen po bzhi yang rang rang gi 'khor dang bcas pa yang gong bzhin 'dus so// 'jig rten skyong ba brgyad chung ma dang bcas pa yang de bzhin no// dregs pa can gyi gnod sbyin gyi sde dpon dang / gza' dang / rgyu skar dang / skar phran dang / kun tu rgyu la sogs pa rang rang gi chung ma dang bcas pa rnams kyang de bzhin du 'dus so// sa'i lha phag chen po spun rang rang gi 'khor tshad med pa dang bcas nas sa la skye 'khrung gi bdud rtsi ma lus par thogs nas 'khor der 'dus pa yang snga ma bzhin te/ cung zad kyi nye ba na sa bdag chen po'i bu mo gser 'phreng ma zhes bya ba dam tshig gtsor len pa ri bdun

  308. 154b

    la gnas te lag na bdud rtsi'i bum pa thogs pa yang gong bzhin gnas so// las kyi mkha' 'gro ma chen mo rta skad 'tsher dang / khro gnyer dgu brtsegs ma/ la sogs pa me tog glog 'gyu ma drug cu rtsa gcig 'khor dang bcas pa de bzhin no// lhag par bsnyen te nam mkha'i bu mo seng ge rnam par rol pa chen mo zhes pa mkhas khyab par spyod pa gsang ba'i gar la rol pa ste de bzhin no// chu la gnas pa'i lha dang klu dpag tu med pa yang / rgya mtsho'i chu dang / gang ga dang / pag shu dang / si ta dang / si d+hA dang / mtsho che phra dang / 'bab chu che phra dang / rdzing che phra dang / lu ma dang / chu mig dang / lteng ka dang / khron pa che phra dang / gangs dang / ser ba dang / brag dang / rdo ba'i chu rnams las rin po che'i sgyogs kyis ston pa mchod de gong ma bzhin no// de las kyang rgya mtsho chen po'i lha b+he lu kra shre zhes bya ba'i bu mo dbyings phyug rgyal mo zhes bya ba/ rgya mtsho'i dbyings nas skyes pa de yang 'khor der 'dus pa ni gong bzhin no// li ts+tsha byi dang / shAkya la sogs pa mi'i rigs bsam gyis mi khyab pa rnams kyang rin po che bdun la sogs pa'i mi'i 'byor pa ji srid yod pas mchod cing 'tshogs pa yang de bzhin no// shing yongs 'du dang / dpag bsam gyi shing dang / gel ba dang / pa la k+Sha la sogs pa'i rigs sna tshogs pa la dbang bsgyur ba'i lha dga' ba'i sgo na

  309. 155a

    ma la sogs pa yang / shing de dag gi rtsa ba dang / sdong po dang / yal ga dang / lo ma dang / me tog dang / 'bras bu dang / shun phrags dang / thang chu la sogs pa'i khu bcud can mang po thogs nas 'dus shing tshogs pa yang snga ma bzhin no// a ru ra dang / ga pur dang / dza ti pa la dang / ru rta la sogs pa'i sman rnam pa sna tshogs pa kha ba dang / dngar ba dang / skyur ba dang / bsngal ba dang / lan tshwa ba la sogs pa pha rol rnam pa sna tshogs dang ldan pa 'du ba'i nad ci las gyur kyang zhi bar byed cing sel ba la dbang byed pa'i lha mo nor gyi rgyun dang // gdung ba sel dang / ro nye tha skar skyong dang / bcud 'phel dga' ba mo la sogs pa rnams kyang / rang rang gi sman nus pa dang ldan pa thogs te bsam pa sna tshogs dang bcas par 'khod pa yang snga ma bzhin du'o// rtsi mchog gi rgyal po ku sha dang / dur ba dang / phi phu sti dang / shi bi ra la dang / kra ma be lu zhes pa'i rtsis dud 'gro'i gsos byed cing / bde ba'i rgyun bskyed pa rnams la dbang byed pa'i lha mo grub pa'i blo gros zhes bya ba'ang de ltar ro// ri rab kyi 'og rgya mtsho'i gnas rin po che'i gling la rin chen sgron ma thog ces bya ba'i lha mo rin po che sil ma sna tshogs pa la longs spyod pa yang rang gi yo byad thogs nas 'khod do// gser gyi sa gzhi la gnas pa gser 'od thog ces

  310. 155b

    bya ba/ zil dngar phun sum tshogs pa la dbang byed pa yang nye bar 'dus so// ri gnya' shing 'dzin pa'i gnod sbyin brgya byin skyes kyang shing thog piny+tsa pu ra thogs nas bde bar der 'khod do// de'i sring mo gdong yang ma zhes bya ba de yang sems can thams cad la phan par bya'o// zhes sems bskyed nas gzhan ma bas bsnyen te 'khod do// lha ma yin gyi rgyal po thag bzangs ris dang / he ra na ke shu la sogs pa yang ya lad sna tshogs gyon cing mtshon sna tshogs pa thogs nas/ khros pa'i bzhin rab tu 'bar bas/ bcom ldan 'das la log par sems pa rnams tshar bcad ces sems nas 'khod do// seng ge dang / glang po che dang / rta dang / bya khyung dang / ngang pa dang / rma bya dang / sa ra sa la sogs pa byol song rigs bsam gyis mi khyab pa rnams kyang 'di snyam du/ bdag gi lus ngan pa 'di dag ji srid gnas kyang don med cing gti mug gi rab tu rmongs pas brgyal te thar pa'i dus med pas sha dang / pags pa dang / khrag dang / rkang dang / klad pa dang / nang khrol dang bcas pa 'di dag thams cad mkhyen pa yang mchod cing sha khrag za zhing 'thung pa la yang sbyin par btang la/ rlung la sogs pa zhi bar byas te don yod par bya'o zhes bsam nas 'khod do// yi dwags mgrin rings la sogs pa mang po dang / dmyal ba phag mig lto bo che la

  311. 156a

    sogs pa bgrang bas mi lang ba rnams kyang rang rang gi nus tshad phyung nas 'di snyam du sems te/ bdag cag gis gsang ba pa chen po 'di'i gsung thos nas/ sdug bsngal 'di dag grol bar 'gyur srid de/ ci'i phyir zhe na/ bdag cag gi gtso bo yang 'di'i thad du dong zhing / skyabs su gsol/ de ltar ma gyur kyang bdud rtsi 'di dag las bcud rku ba 'am/ dbrog pa byas te bdag cag la phan par bya'o// bsam nas 'khod do// de bzhin du nam mkha'i gtos kyis khyab pa'i gnas na gnas shing spyod pa thams cad ma lus par 'tshogs te 'khod do// bcom ldan 'das gar gyi dbang phyug bdud rtsi bde ba chen po// gsang ba pa chen po de ni/ seng ge ltar rab tu brjid de/ mnyam pa nyid kyi 'od bskal pa tha ma'i me 'bar ba lta bu/ brgya stong gis 'phro zhing 'du bar gyur te/ lham me lhang nge lhag ger chos thams cad mnyam pa nyid/ ji bzhin pa mi rtog/ rab tu mi rtog/ kun tu mi rtog/ rtog pa las 'das te brtags pas mi rtogs pa'i dbyings la rnal bzhin bzhugs so// de'i tshe yum chen mo bdud rtsi dbyings phyug ma des 'dzum pa'i mdangs phyung nas spyan zur gyis bltas te 'di skad ces glengs so// e ma ho stong nyid kun dngos mkhas kyang bskrun par dka' bar yul las 'das shing yul dang bral// bsam dpag med cing thar lam bde

  312. 156b

    chen bde ba mchog gi bdud rtsi mchog gi rgyal po de dang 'dra ba med// kun gyis ma rtogs skran snying 'tsho med sdug bsngal bzod dkas kun gzir sgrub dang bral zhing 'khyams so skyes// chos nyid bde ba'i pad+ma kha zum bung ba dang 'dra'i 'gro ba rab tu bcings shing bsdams gyur la// thugs rje'i nyid zer lta bus dri dang ldan zhing ser bus bskyod de pad+ma kha byed ji bzhin bcings pa kha dbye rigs ho// zhes bskul bas// bcom ldan 'das ni snga ma ltar brnal te ci'ang mi gsung bar bzhugs so// de nas yum thar pa chen po'i lam ston pa des/ spyan bag dang ldan pa des bltas te/ 'di skad ces gsol ba btab bo// e ma ho mkha' gsal dag la nyi zla'i gzugs shar kun la gsal dro kun la dbye ba sring med pa la// sprin dang mun nags 'thibs pos dkrugs pas 'gro kun rmongs nas ngan song g.yang sar lhung ste 'chi ba'i dus ni nye ba la// thugs rje chen po'i ser bus sprin brlan nyi zla shar ba'i 'od kyis 'gro kun mig rnyed sems brtan pas// dal ba rnyed de dbugs phyin 'jigs bral bde ba myong / de bzhin du ni rmongs 'thibs don du thugs rje'i snang shar mdzod// ho/ zhes gsol bas/ yang snga ma kho na bzhin bzhugs par gyur to// 'dus pa phal che'i 'khor thams cad kyang yi blong bar gyur to// de nas dbyings gsang ba'i lha mo des rdo

  313. 157a

    rje'i gar bsgyur te/ 'gying bag tu khu tshur gnyis skur bzhag nas/ spyan pad+ma rgyas pa ltar mdzad de/ rdo rje don 'byin pa zhes bya ba'i klus gsol pa/ e ma ho 'gro ba phal cher gnas 'dir 'dus rnams skal ngan te// de bzhin gshegs pa'i zhing 'dir myur bar 'dus kyang don med 'khyams// 'khor ba'i nad rnying bzod dka' lus gdungs mgon pos spangs shing gzir// sman pa'i rgyal pos bdud rtsi sil dngar ro yi nad gzhi brtags te ma gsos pa// myur ba nyid du shi bar gyur nas brlag ste slan chad gso ci lo// bde gshegs mgon po thugs rje che zhes 'gro kun brjod kyang don chung chu bo dag las sgrol mi mdzad// mun nag thibs por 'khyams te lam ster g.yang sar ltung bar nges kyang sgron mi 'degs// nyi tshe'i thugs rjes bdag 'dus pa'i 'khor la phan par mi 'gyur drang ngo kye// zhes gsol bas/ bcom ldan 'das bdud rtsi mchog gi rgyal pos rnam par mi rtog pa'i thugs rjes rlan par mdzad nas/ ye shes gsal ba'i spyan phye nas bzhugs te thams cad la khyab par mdzad do// de'i tshe yang yum bdud rtsi dbyings phyug mas/ zhal 'dzum pa'i mdangs phyung ste/ 'di skad ces gsol to// ci'i phyir cang mi gsung bzhugs shing / bdag la spyan ras ci la mdzad// bdag gis nyid kyis don rig na// sems can don ni

  314. 157b

    mdzad do// zhes gsol bas/ bcom ldan 'das kyis bka' stsal pa/ ye nas dag pa'i dbyings nyid na// btags pa'i tha snyad rnams dang bral// rnam grol byang chub snying po la// bya dang byed pa'i tha snyad med// ces gsungs nas/ zhal 'dzum pa mdzad nas bzhugs so// yang yum gyis gsol ba/ ye nas rnam dag rtsal bral zhing // spyod yul kun las 'das mod kyang / mun pa phyogs med thibs po yis// kun nas g.yogs pa'i rmongs pa rnams// rang rig snang ba thob bya'i phyir// chos kyi sgron ma gdeg tu gsol// nges rkyen sgra dang bral rnams la// sgra mchog chos dung 'bud du gsol// 'khor ba'i 'dam du bying kun la// bla med rgyal mtshan bsgreng du gsol// chu bo rab med ma brgal ba// byang chub skam sar gdon du gsol// 'khor ba'i tha ba bskams pa la// thugs rje char bsil dbab tu gsol// dug lnga'i skran rnying sos med la// bdud rtsi sman mchog sbyar du gsol// ces gsol ba btab pa dang / bcom ldan 'das kyis bka' stsal pa// nga ni thog ma med pa nas// thugs rje'i ngang las ma g.yos kyang // dus 'dir dus la ma bab cing // 'dus pa'i bcud du ma gyur pas// nga ni gcig kyang mi gsung ngo // zhes bka' stsal to// tshul dag pa dang ldan pa'i yum dam pa des phra ba'i spyod pas thugs mnyes par byas nas//

  315. 158a

    bzhad pa'i sgra dang bcas pas gsol ba/ e ma ho gsang bdag rigs kyi gtso// phyag 'tshal dpa' bo chen po la// bdag la sogs pa'i 'khor tshogs rnams// bcud kyi dam pa'i snod min zhes// gsung ba dag ni ngo mtshar che// chos kun bya brtsal bral ba'i gling // thig le chen por sangs rgyas nas/ snod du gyur dang ma gyur ces// ci yi slad du gsung bar mdzad// ces gsol ba dang / bdud rtsi mchog gi rgyal pos bka' stsal pa// nga ni thabs mchog bsam yas pas// kun la phan par byed 'gyur yang / bdag 'dzin rmongs pa'i 'gro ba rnams// rang rang rdzas la mngon 'tshal bas// blang dor spyod pa snod ma yin// bcud dang sman dang 'bras bu'i mchog/ khyad par can gyis nga mchod cing / gzhan dag spong bar byed pa rnams// bdud rtsi mchog gi snod ma yin// chen pos bskyed par mtshungs mod kyang // dri ro/ nus par ldan pa mchog/ rang gi nus pa dpag med kyang // dri ngan ro ngan sha khrag khu// mi bsnyen kun tu spong ba min// ngan skyugs mchil snabs 'bu dang rnag/ rkang dang tshil bu sha sogs bcud// spang dang blang ba'i spyod pa ni// gtsang sme med pa'i gnod ma yin// dbyings phyug gsang ba'i pad+ma ni// dus gsum rgyal ba'i pho brang la// ngan khung 'dab rdzas zhes smod pa// thabs mchog bla med snod ma yin// lhun grub rang

  316. 158b

    sems rnam dag klong // gnyis med ye nas yin pa la// rgyu 'bras bsgrub bya byed zer ba// gsang sngags mchog gi snod ma yin// khyad par sman gyi rnam pa yis// rlung sogs 'du ba'i nad gsal zhing // zhe sdang la sogs nad rnying rnams// gsol la mi brtson 'jog byed pa// ra sa ya na'i snod ma yin// zhes bka' stsal pas/ 'dus pa'i 'khor phal po che rnams yid gnyis gyur te/ 'di snyam du sems so// e ma bdag cag gi rdzas lha dang mi la sogs pa'i yul na rab tu dkon pa 'di dag la/ 'di skad ces gsung ba 'di/ ji 'dra ba'i rdzas ngo mtshar zhing rmad du gyur pa zhig mnga' ba de zhu bar bya'o snyam sems so// de nas 'khor de'i nang nas sems dpa' chen po rdo rje rnon po zhes bya ba des/ 'khor rnams kyi bsam pa de lta bu thugs su rtsol nas/ rang gi bstan las langs te/ shes rab kyi ral gri phyar te/ phyogs bcur btab pa las kyang / gcad pa'i dngos po ma rnyed de/ dper na nam mkha' la btab pa bzhin du gyur nas/ bcom ldan 'das kyi zhabs kyi pad+ma yang nas yang du btugs te gsol ba/ bcom ldan dri med bde ba che/ snang chen gtso bo don rig pa// khyod kyis bdag la bka' drin gsungs// nam mkhas khyab pa'i zhing khams na// nor mchog khyad par can gyi rdzas// gang lags bdag la bka' drin gsungs// de nas

  317. 159a

    bcom ldan 'das kyis gdung ba thams cad rnam par sel ba/ don bkod pa zhes bya ba'i ting nge 'dzin la zhugs te 'di skad ces bka' stsal to// yid bzhin rin chen 'od 'bar ba/ gzhan nas ma rnyed rang las byung // mun pa'i 'dam gyis ma gos pa'i// rang gi sems nyid nor mchog ste// sman mchog gnad sel bdud rtsi'o// yang gsol ba// nad pa'i tshogs ni gang dang gang // nad gzhi rtag na ji lta/ bu// yun ni ji srid cig gnas na// mkhas par gyur pa'i sman pa su// sman gyi rnam grangs kha mngar rnams// sbyar gzhi ji ltar byas na phan// nad pas spyod pa ji ltar bsrung // nad sos bde ba ci ltar 'gyur// tshe 'phel yun ni ji srid gnas// de yi 'dod spyod tshad ji tsam// de ltar gyur pa su la phan// bcom ldan 'das kyis bka' stsal ba// nam mkha'i mtha' klas khams gsum gyi// sems can ma lus nad pa'o// sems 'phrul pa las byung ba yi// 'dod chags zhe sdang gti mug dang // nga rgyal phrag dog nad bzhi'o// yul ni 'khrul nas ma grol bar// thabs med sos glags med pa na// kun la mkhas pa'i sman pa ni// nga dang bla ma mkhas rab bo// sman ni khyad par can gyi thabs// kha mngar zhi khros phye ba'o// ngas gsungs theg pa'i bye brag lam// rgyud dang gang 'tsham sbyar gzhi ste// 'khru skyug slar 'thung nad la

  318. 159b

    phan// so sor thar dang byang chub sems// bla na med pa'i dam tshig rnams// nad dang mthun par spyod pa bsrung // nad dang bral nas ci bde bar// bag yangs kun la dga' dgu spyod// thog ma tha ma med par du// chu bo las rgal lhun grub nas// nam mkha' yod par de srid gnas// de nas kun la spyod 'gyur te// spang blang med par kun la'o// 'gro ba rmongs pa thams cad kyi// pha mar 'gyur te kun la phan// de ltar nga yi bstan pa yang // 'du ba'i nad phyir ma yin te// dug lnga'i nad gso'i bdud rtsi'o// zhes bka' stsal pa/ yang sems dpa' des gsol ba/ bcom ldan 'das kyis gsungs pa'i nad// bzod dka' sos par dkar ba gang // de dag sbyang zhing gzhil ba'i sman// brtse bas bdag cag rnams la gsungs// bka' stsal pa/ nga ni thabs mchog tha dad pa// kun la phan par mdzad 'gyur yang // snod men ngan pa bzhi sogs dang // gtsang sme spong len can rnams la// cung zad tsam ni mi smra'o// sangs rgyas kyis kyang thos dka' na// khyed la sogs pas smos ci dgos// ces gsungs pas 'khor thams cad rtab rtab por gyur nas/ gcig la gcig lta zhing cang mi smra bar 'gyur ro// de nas yang bka' stsal pa/ nga ni thugs rjes dbang byas shing // smon lam dag las skyes gyur yang // bdag 'dzin dra ba ma bcad pa'i// sems kyi

  319. 160a

    mdud pa ma grol bas// khyed la rab tu nga mi gsung // zhes bka' stsal pa dang / de nas gnas shing tshogs pa thams cad rab tu dngangs nas brgyal/ kun tu brgya la/ kun tu rab brgyal bar gyur to// de nas ring zhig nas sems dpa' rdo rje rnon po dran pa rnyed nas// rnal 'byor mchog gi cha lugs bzhin byas te gsol pa/ kyi hud bdag cag skal ba chung // bcom ldan dbri mkhyud mi mdzad kyang // bdag cag snod du ma gyur pas// thar pa thob pa'i sa bon bral// 'on kyang rnam bkod rdzas mchog rnams// dad pas 'bul lo thugs rjes bzhes// bslad ma byin gyis brlabs nas kyang // 'gro la sman pa mdzad du gsol// ces gsol ba btab pas/ de'i tshe bcom ldan 'das kyi 'od 'bebs pa sangs rgyas gsal ba'i rgyan rnam par bkod pa zhes bya ba'i ting nge 'dzin la snyoms par zhugs te/ phyogs bcu'i sangs rgyas thams cad bsdus te nyid kyi sku la bstims te rgyas par mdzad do// de nas yang gdung ba thams cad rnam par sel ba zhes bya ba'i ting nge 'dzin la snyoms par zhugs nas// gsal zhing dri ma med pa thams cad du khyab pa sku'i ba spu nas bton te 'khor de dag la thim par mdzad do// de ltar thim pas 'dus pa de dag brgyal ba las sangs shing / dran pa gsal po rnyed nas 'di skad ces

  320. 160b

    gsol to// bcom ldan 'das thugs rje chen po'i mnga' bdag/ 'khor ba'i g.yul pham par mdzad pa'i dmag dpon/ bdag cag la dbye ba sri mi mdzad kyang / snod du ma gyur pas gnas su mchi bar bgyid pas bdag cag gi rdzas sman dang / rtsi dang / bcud dang / me tog dang / ldum bu dang / sdong po dang / zil mngar la sogs pa 'di dag byin gyis brlab tu gsol/ nus pa dang ldan par mdzad du gsol/ nad thams cad gso bar mdzad du gsol// nyid kyis mchod par bzhes su gsol zhes gsol pa dang / yang bcom ldan 'das 'khor ba las kun tu sgrol ba dam pa can bde bar byed pa zhes bya ba'i ting nge 'dzin la snyoms par zhugs nas/ 'od zer dang bcas pa'i sngags 'di gsungs so// oM pa tsi ka ma la a mri ta ma hA gu na ma hA d+ha ra pa sha sarba g+hu na b+hi sha badz+ra/ ta thA ga ta hUM hUM a mr-i ta su kha hUM hUM hUM aM aM aM/ oM AM IM zhes sna tshogs pa'i sman dang / rtsi la sogs pa thams cad kyang 'jig rten pa'i bdud rtsi 'du ba thams cad sel nus par byin gyis brlabs te/ de dag nyid kyis bzhes nas rgyu dang 'bras bu'i chos ma bshad de/ de dag chud ma son par thugs rjes bzung nas 'di skad ces bka' stsal to// dper na nyi ma'i snying po la/ mun pa rdul tsam mi gnas bzhin// nga yis gsungs pa'i bka' la yang / the tshom med par

  321. 161a

    nges pas na// de dag nan tan dag tu sgrubs// ces gsungs nas nam mkha'i dbyings rnam par spros pa rgyas par gtong ba zhes bya ba'i ting nge 'dzin la snyoms par zhugs te/ tsham rngam gyis log pa can tshar gcod pa'i dam pa 'di drag tu brjod do/ hUM hUM hUM badz+ra kro d+ha a mr-i ta ha la ma hA kro a mr-i ta suM b+ha ni/ sprod ka si rak+Sha ha ha ha phaT phaT phaT/ ces gsang ba'i snod du ma gyur pa rnams rang dbang med par dpag tshad tsam gyis chod par gtang ngo // de dag kyang gtso bo'i zhabs la phyag 'tshal nas yi rang bas rang rang gi gnas su deng ngo // de nas sems dpa' rdo rje rnon pos phyag rnal 'byor gyi lugs su lus sa la brdabs te 'tshal nas 'di skad ces gsol ba btab bo// dpa' bo chen po chos kun bdag/ thugs rjes 'gro ba'i don la rol// sos dka' gcong gis zin pa yi// nad pa rnams kyi slad du ni// nyid kyi mtshan dang mthun pa yi// bla med snying po bshad du gsol// ces gsol ba btab pa las/ gsang ba chen po'i mnga' bdag gis bka' stsal pa/ dus gsum rgyal ba'i thugs kyi gter// dgongs pa'i bcud phyung snying po 'di// byin gyis ma brlabs khyed rnams la// gang yang ngas ni bstan mi nus// yang gsol pa/ gtso chen khyod kyis thugs rje yis// bdag cag rnams la byin gyis brlabs// gnas dang gzhi ru

  322. 161b

    smod mdzad de// de slad 'khor la gsung du gsol// de nas bcom ldan 'das rnam par snang mdzad nam mkha' ltar snang zhing rdul dang bral la yongs su dag pa zhes bya ba'i ting nge 'dzin la snyoms par zhugs te/ brjod pa med par 'di skad ces rang grags par gyur to// rgyu dang 'bras bu'i chos rnams ni// sprin med mkha' ltar rnam par dag/ dag pa'i bdag nyid dbyings nyid pas// thams cad kun gyi bdag nyid do// zhes gsungs so// de nas yang bcom ldan 'das mi bskyod pas/ chos kyi dbyings rang snang ba thams cad gsal bar byed pa'i gzhi'i sgra dam pa zhes pa'i ting nge 'dzin la snyoms par zhugs nas/ rang bzhin gyi sgra 'di rang grags par gyur to// a a A i I u U r-i r-I l-i l-I e ai o o aM a/ zhes grag go/ de nas yang de bzhin gshegs pa rin po che 'byung bas/ spros pa dang bral zhing bsod nams dang ye shes dpag tu med par dbyings su mnyam pa zhes bya ba'i ting nge 'dzin la snyoms par zhugs so// de'i tshe rang bzhin yi ge 'di dag rang snang bar gyur to// ka kha ga g+ha nga / tsa tsha dza dz+nya nya/ Ta Sha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+Sha/ Da D+ha da d+ha ra la/ zhes so// de nas yang bcom ldan 'das 'od dpag tu med pas/ chos thams cad thugs kyi dbyings brjod pa dang bral zhing brjod pa zhes bya

  323. 162a

    ba'i ting nge 'dzin la snyoms par zhugs nas/ 'di skad ces grag go/ hUM hUM badz+ra At+ma ko&haM/ de nas yang de bzhin gshegs pa don thams cad grub pas/ gsang bar grub pa'i mchog gnyis su med pa'i sku rnam par rdzogs pa zhes bya ba'i ting nge 'dzin la snyoms par zhugs nas/ gsang ba grub pa'i snying po dam pa 'di gsungs so// oM badz+ra sa twa sa ma ya a haM/ de nas dpal rdo rje sems dpa' dbu gsum par rnam par gyur te/ btsun mo dang snyoms par bzhugs nas/ b+ha ga'i dkyil 'khor 'dab ma stong dang ldan par mdzad de/ de bzhin du chos kyi srog shing btsugs nas gnyis su med par mdzad do// de nas yang nye bar byin gyis rlob pa sprin bkod pa yongs su bde ba'i las zhes bya ba'i ting nge 'dzin la snyoms par zhugs nas 'khor thams cad byin gyis brlabs te/ bdud rtsi char pas rgyud brlan par mdzad de/ rang rang gi rigs kyis mtshan cing / rang rang gi mtshan ma lag tu byin te/ chos kyi sgras bsgrags nas ming gi dbang gis dbang bskur ro// de nas yang brtan par mdzad de/ dam tshig byin nas 'di skad ces brtul zhugs bsgo'o// kye khyed mi bya mi bza' med// rang bzhin rjes su spyad pa spyod// gdul dka' rang bzhin khyed kyis su// spyad rgyu med pa thabs kyis spyod// de nas 'khor de dag dbugs phyung

  324. 162b

    nas lung bstan te gnang ba byin no// de nas yang bcom ldan 'das kyis 'od rnam par byed thams cad 'bebs pas rgyud yongs su sbyangs pa zhes bya ba'i ting nge 'dzin la zhugs nas// de dag gi rgyud sbyangs te tshim par mdzad nas bde ba la rgyun snyoms par bzhag nas skal ba dang ldan par mdzad do// de nas yang bcom ldan 'das kyis 'od zer lta bur byed cing sangs rgyas thams cad/ 'bebs pa zhes bya ba'i ting nge 'dzin la snyoms par zhugs nas bdag nyid dang 'khor thams cad la bsdus te/ thams cad byin gyis brlabs nas snod du mdzad de 'di skad ces bka' stsal to// ngas ni 'gro ba thams cad sa la bkod do// mdzes par byas so// zhes gsungs so// de nas rdo rje rnon po la sogs pas lus dang / ngag dang / sems bde ba rnyed nas/ rab tu rang rang la dam pa skyes te ngo mtshar ba'i tshig 'di skad ces brjod do// e ma'o ye nas rnam dag byang chub sems// thig le ngang gis gsal mod kyang // mun par 'khyams pa'i bdag cag rnams// byin rlab snod du mdzad pa mtshar// ces so// yang 'khor 'dus pa de dag gi mchod pa'i rnams grangs sman dang me tog la sogs pas mchod de/ phyag rnal 'byor gyi lugs su byas nas gsol ba/ bcom ldan mi rtog nam mkha' khyod// bcom ldan kun snyoms nyi ma khyod// bcom

  325. 163a

    ldan gsal byed zla ba khyod// bcom ldan nad sel bdud rtsi khyod// bcom ldan khyod kyis bdag cag la// thugs brtse ba yis bshad du gsol// zhes gsol ba dang / bcom ldan 'das kyi 'od zer rnam par spros pas kun la khyab pa zhes bya ba'i dgongs pa la bzhugs nas 'di skad ces bka' stsal to// nga ni rigs rnams kun gyi bdag/ nga ni snying rje sngon du btang // nga ni thabs mchog bla med pas// sos med gcong rnying gdon par bya// yang gsol ba/ log par lta ba'i nad chen po// sos med skran zhen bya ba de// gzhi ni ci las gyur pa lags// nad kyi dngos po ci lta bu// 'chi bar 'gyur ba gang lag gsungs// shi nas phyi mthar ci ltar 'gyur// brtse bas bdag cag rnams la shod// gsang sngags bdag pos bka' stsal pa// nad gzhi don gyi snying po ste// na dang mi na 'tsho dang 'chi// dngos med tha snyad las 'das kyang // mun pa mun nag dkrigs 'thibs pas// nam mkha'i mtha' dang lam gyi phyogs// gnas kyi cha tsam ming shes pas// g.yang sar 'khyams te yang yang 'chi// las kyis slar la'ang 'tsho byed de// ma rig 'khrul bcas sems nyid gzhi'o// dngos po bdag 'dzin bdag las byung // zhe sdang mnar sems nga dang bdag/ byams dang lhan cig mi gnas te// srog gcod la sogs sna tshogs pa// nga'o snyam

  326. 163b

    pa sos med nad// gti mug rmongs pa sems nyid 'thibs// shes rab gsal dang lhan mi cig/ mun gtibs rmongs sogs sna tshogs pa// nga med snyam pa sos med nad// 'dod chags zhen pa yul ngan bcas// gtong chags sde dang lhan mi cig/ log par g.yem sogs tha dad pa// nga la snyam pa sos med nad// nga rgyal che ba phrag dog nad// btang snyoms dag dang lhan mi cig/ dregs dang khengs pa la sogs pa// nga las che ba med pa nad// phrag dog ser sna la sogs pa// re ba spangs dang lhan mi cig/ ngas ni snyam pa sos med nad// nyi shus bsdus pa'i rtog 'dzin de// gnyis med dbyings dang lhan mi cig/ so sor 'dzin dang bdag gzhan sogs// 'khor ba'i gcong rong 'khyam pa yi// bsam gyis mi khyab nad yod kyang // lnga dang gsum dang gnyis nad de// 'chi bas 'di zin sos par dka'// kun gyi gzhi ni gcig yin te// sman gyi rgyu yang kho na nyid// dper na 'byung bas skyed 'dra la// dug dang sman gyis 'tsho dang 'chi// sngags dang thabs su ldan gyur na// dug nyid sman gyi mchog 'gyur la// sman kyang dug 'gyur de bzhin no// 'chi ba khams gsum 'khor ba pa'i// 'gro drug sems can ma lus rnams// yun ring na bas nyon mongs te// skye rga na dang 'chi bar 'gyur// phyi mthar dar cig dbang med de// shi nas ji ltar

  327. 164a

    'gyur ba ni// zhe sdang nad chen mi bzad pas// shi nas dmyal khams mang brgyud de// de nas skye ba bgrang las 'das// gti mug nad kyis rmongs pa rnams// byol song rigs ni tha dad par// la nying gis za ba ni// yang nas yang du brgyud nas su// chags shing skam pa'i nad kyis ni// nam yang thar par mi 'gyur te// rang lus mchog tu 'dzin pa yi// ring po sdug bsngal can du'o// nga rgyal rab tu khengs pa'i nad// bzod par dka' bas shi 'og tu// 'thab rtsod lhur len lha ma yin// gal te gzhan na'ang rtsod la dga'// phrag dog bdag yod gzhan la men// nad kyis brgyal bar gyur shi nas// zas dang btung dang bgo bde bas// gdungs shing mnar ba'i yi dwags skye// gzhan yang nad sna mang po yis// mi bde rmogs shing tshi chad nad// sdug bsngal 'gyur ba'i bye brag ni// dbang pos khams gsum 'khor ba ltos// yang gsol ba/ thugs rje che mnga' gsang ba'i bdag/ de dag sos par bya ba'i thabs// gzhi las byung ba'i sman gyi dngos// gang lags brtse bas bshad du gsol// sbyar thabs bza' bsrel ba'ang shod// de skad ces ni gsol ba las// gsang sngags dbang pos bka' stsal pa// gzhi ni nad dang 'dra ba yin// dngos ni rnam pa lnga yin te// gtsang smer mi 'byed sbyar ba'i thabs// dang du blang ba bza'

  328. 164b

    ba'i thabs// rang dang rgyal ba mchod bskul gsol// rgyun du bya ba bsrel ba'o// sems dpa' mchog gis yang gsol ba// lnga zhes bgyi pa gang dang gang // bzhi drug sogs rnams spangs pa yi// lnga ru nges pa ji lta bu// lnga po skye ba'i sa gzhi gang // rkyen ni gang gi dbang gi skye// btu dang rko dang skam thabs rnams// sman mchog rgyal bas bdag la gsungs// de la gtso bos bka' stsal pa// lnga zhes nges par bshad pa ni// sha dang bshang gci khu ba khrag/ ji bzhin bsam gyis khyab kyang // mdor bsdus lnga po kho nar nges// nyon mongs lnga yi gcod sbyong zhing // rigs lngar tshe mchog bsring ba'i phyir// bzhi dang drug spangs lnga ru nges// nyon mongs dug lnga sbrul lta bus// 'tsho ba'i srog gcod sbyong bar byed// rang gi phung por sha khrag las// rab tu skye ba'i gzhi yin no// de bzhin zhing khams thams cad na/ khyab par yod pas sa gzhi 'dra// rkyen ni bsnyen pa nye bsnyen po// sgrub dang sgrub chen dag gis su// bla med byang chub 'grub pas skye// thabs la mkhas pa'i sbyor ba yin// 'khor ba nyid las btu bar bya// lnga gsum gnyis dang bsam yas pa// rtsad nas dbyung la brko zhes bya// 'khor ba'i rgya mtsho gting ring bas// shes rab 'od kyis bskam par bya// de skad ces bka' stsal pa dang / byang chub sems dpa' chen po rdo rje rnon pos yang gsol

  329. 165a

    pa// bde gshegs rnams kyis gsungs pa'i don// bdag gi khong du ma chud de// mi gtsang lus kyi snyigs ma la// bde gshegs gtsang mar byin rlob pa// nam mkha' rdzas su 'gyur re na// bcom ldan 'das kyis bka' stsal pa/ nam mkha' rdzas su su zhig bsgyur// gdod nas dag pa'i nam mkha' la// na bun sprin gyis sgrib g.yogs pas// gsal bar mi 'gyur mun par 'gyur// nyi 'od shar bas skad cig la// mtha' gsal rab tu'ang gsal 'gyur bzhin// rnams lnga dag pa'i byang chub sems// rang byung dag pa'i rdzas mchog ste// mun pa lta bu'i ma rig pas// shin tu bsgribs pas gtsang dang sme// bdag dang bdag tu 'dzin pas mnar// rang rig gsal bar shar ba'i tshe// rnam rtog bsal bas bdud rtsi ste// rnam dag byang chub sems chen po// gdod nas dag pas gnyis su med// yang gsol ba// sha khrag bshang dang khu ba gci// mi dang glang po rta dang bya// khyi la sogs pa'i sha rnams dang // la phug sgog skya sran chan dang // tsher ma can gyi shing zog sogs// 'byung po gdon dang mkha' 'gro dang // 'phra men la sogs dman rigs kyi// mngan zas chen po smad pa las// bsngags shing blang bar ma thos so// yang bka' stsal pa/ gtsang mas gtsang bar rtog pa dang // 'byung po'i mngan zas ched byed pa// bus pa

  330. 165b

    byed la rtsod med kyang // skyes bu mi chen ga la yin// dper na zla ba'i dkyil 'khor la// ri bong gzugs kyis bsgribs na'ang // 'od med nag 'gyur ga la srid// rang bzhin nyid kyi rang 'byung dag/ yang gsol ba// bcom ldan nyid ni rang byung ste// tha snyad kun bral dag ces bya// snyigs ma rnam pa lnga la sogs// khams kyi zas las byung bas na// rang byung ma yin gzhan byung yin// dag ces bya ba chos kyi dbyings// gnas skabs gang dang gang du'ang // gcig dang du mar mi gnas shing // kun bzang nyid pas dag ces pa'o// ngang gis brtags bral gsung mod kyang // mi gtsang smad cing gzung bas na// kun nas skyon can dri nga bas// dag ces ci slad gsung ba nor// bka' stsal pa/ zas ni 'byung ba'i rgyun yin te// 'byung ba shes rab rigs kyi yum// yum gyi mkha' klong rang byung ste// de las byung bas rang byung ngongo// yang dag de kho na nyid ni// shes rab pha rol phyin ma'i klong // gdod nas smra bsam las 'das pas// gdod nas dag ces bshad pa yin// 'di ni bde gshegs thugs kyi gter// rdo rje dbyings kyi mdzod chen po// yid bzhin rin chen 'dod pa'i dbyig/ nam mkha' g.yung drug 'khyil ba'o// sems dpa' chen po de lta bas na 'di lnga ni sangs rgyas so// chos so// chos kyi dbyings so// byang chub kyi sems

  331. 166a

    so// byang chub sems bde ba chen po'o// rdo rje'i mdzod bsgyings pa chen po ma nor ba'i skyes bu chen po'i dkor dam pa dpag bsam gyi shing gi 'bras bu dbang bskur ba'i bum pa bzang po ste/ 'khor ba'i dpung 'joms pa'i dmag dpon chen po// skran snying sbyong ba'i sman/ dug sel ba'i ka la ya te/ bde bar gshegs pa thams cad kyi thugs dam/ mkha' 'gro ma thams cad kyi srog/ rnal 'byor pa thams cad kyi lta ba'o// yang gsol ba/ rnam grangs mang por rnam phye ste// bcom ldan 'das kyis gsungs mod kyang // bdag cag 'dus pa'i 'khor rnams kyi// rtog pa'i mdud phur ma phyin cing // gzung 'dzin rgya mdud ma bkrol bas// yang dag dgongs pa bshad du gsol// ces gsol to// yang bka' stsal pa/ tshangs dang bram ze gtsang ma za// ba yi 'o ma btung ba'i mchog/ gzhan dag rnam par spangs na yang // byang chub grol thob ngas ma bshad// klu dang bram ze gtsang ma za// 'bras kyi khu ba btung ba'i mchog/ de dag mchog gi gzhan spangs kyang // yang dag ye shes ga la 'grub// byol song rtswa mchog za ba yang // ji srid 'tsho yi bar du za// chu mchog lan tshwa'i ro bro 'thung // sa bon brlag med ga la yin// yi dwags ngan skyugs bshang gci dang // stor khung 'babs dang smad kun za// dri nga dug chu la spyod

  332. 166b

    kyang // bla med sa bon tshig ma yin// de bas blang dang dor spangs te// gnyis med klong du zag chod na// gzung dang 'dzin pa'i nad bral bas// bla med byang chub da ltar ro// chos nyid don gyi nam mkha' las// thugs rje rgyun gyi char phab pas// ri bo mchog dang ri bdun dang // gling dang gling phran lcags ri sogs// lung bu sal sul yan chad brlan// sman dang gel ba rtsi dang 'bru// 'dab ma me tog skyes gyur te// 'gro ba'i nad sel gsos gyur dang // lus las byung ba'i lnga gnyis dag/ ji bzhin spros bral rgyu yi rgyu// chen po lnga yis rgyu byas te// 'dus byas dngos por gcig pa la// gtsang smer phye bas khyed cag 'khrul// chos nyid rgyan gyi mkha' klong du// dag dang ma dag rtog pa kun// thig le'i dbyings su rgyas btab la// phyi nang mtshan mas phye bas 'khrul// gdos bcas dbyibs dang kha dog gdangs// dran rig shes pa thams cad kun// rang byung ye shes rang snang la// rgyu dang 'bras bur phye ba 'khrul// de bas rtog pa'i sems spangs te// bde ba chen po khyab brdal bas// sems kyi 'du byed tshar chod la// bdud rtsi mchog la nan tan byos// yang sems dpas rang gi sems la dmigs te brtags na/ dus gsum gyi bde bar gshegs pa thams cad ni skyon du bya ba thams cad spangs pa la 'di lta bu'i mchod pa mi rigs so bsam

  333. 167a

    nas gsol pa/ e ma ho ci ste bde gshegs rgyal ba'i zhabs// ngan skyugs 'dam rdzab mi gtsang bas// mchod par dmigs te bskang byas na// rnam smin las kyi rgya mo yis/ khams gsum 'khor ba'i 'dam rdzab la// thar med nad kyis mi 'chi bas// bcom ldan dpa' bos thugs dgongs te// gsung med gsung gis bka' stsal pa// tha snyad gdags pa'i gzhi nyid ni// gdong nas byang chub snying po ste// 'di la gtsang dang mi gtsang zhes// gzhigs cing smra ba'i skyes bu blun// gsal ba'i nam mkha' sgrib bral la// bskyor ba'i rtsig pas brtsibs g.yogs te// mun du gyur pas mi shes bzhin// chos nyid rang bzhin 'od gsal zhing // rtog pa'i dri ma rgyun chad kyang // mun pa'i sgrib g.yogs kun 'thibs pas// gzung 'dzin mthas bcings don ma shes// nam mkha' nam mkha' mnyes mchod na// nam mkha'i rdul gyis ga la gos// chos nyid la ni ye shes mchod// mchod pa'i tshig ste mtha' las 'das// de la gang zhig rtog byed pa// nam mkha'i sprin la phus btab ltar// tshe chad sprin sangs ga la srid// yang dag 'dod phyir yang dag tshol// btsal bas yang dag mi rnyed de// don rtogs yang dag bde chen 'grub// bdag gzhan mtha' las ma grol zhing // sems kyis sems kyi mtha' bsdams pas// nam yang thar cing grol ba

  334. 167b

    ni// 'byung bar nga yis ma mthong ste// dper na dar gyi srin bu bzhin// rang gis rang bcings snying rje'i yul// ces bka' stsal pas/ sems dpa' chen po rdo rje rnon po la sogs pa rnams kyi mtha' cha gcig tsam rtogs kyang / sems nyid kyi mtha' kun tu ma chud pas gdung ba'i thag chod par ma gyur to// de'i tshe bcom ldan 'das kyis gsang ba nye bar bkod pa'i klong kun tu gsal ba zhes bya ba'i dgongs pa la yun ring du bzhugs so// de ltar bzhugs nas 'khor de dag gi sems la yang dag par brtags na da dung de nyid de kho na nyid du ma son par thugs su brtsol nas 'di skad ces gsungs so// e ma'o rang bzhin rnam dag mtshan ma'i yul las 'das// cir yang snang la ci yang ma yin ci 'dod rang bzhin 'byung // dpe med dpe las 'das te dpe dang bral bas nam mkha' 'dra// 'dod pa kun sgrub 'dod pa'i skyon gyis ma gos pad+ma ltar// yongs la gsal zhing yongs khyab yongs kyi dngos gzhi bdud rtsi ste// gtsang sme dbyer med gtsang ma'i mchog ste gtsang zhes zer pa 'dug/ nam mkha' dag la nyi shar sprin gyis g.yogs na 'od bral mun bzhin du// rang sems 'dod nas 'od gsal nyi ma 'bum shar 'dra yang sprin 'dra mun gtibs pas// don gyi phyogs tsam snang yang mngon du ma gyur da dung sems la ltos// rigs kyi bu mnyam pa

  335. 168a

    la zhog ste rang gi sems la bsrings te rtogs shig dang // des khong du chud par 'gyur ro// de nas sems dpa' chen po la sogs pa'i 'khor rnams kyi skyil krung bcas te// sems dpa' bstod/ lag pa bsnol/ mig zam zim du btsums/ dbugs bsrings/ sgra bcag/ tshig pa dpyangs te/ rang gi sems nyid 'di rgyu ci las byung / rkyen cis bskyed/ ngo bo ji ltar bu/ 'bras bu ci 'thob pa brtags na/ de la'ang bcom ldan 'das bzhad de/ bka' stsal pa/ ngar 'dzin mdud pa mkhrol te// bdag tu lta ba'i phur pa dam// bdag gzhan rtog pa yod pas na// skyil krung tsog pu brkyang bskum 'khrul// bdud rtsi chen po'i 'dug thabs bde// nam mkha' 'od kyi dkyil 'khor las// nyi zla 'ja' dang skar ma glog/ sems nyid mtha' dbus med khyab la// rtog bcas ci snang sems nyid pas// bstod dang smad ces btags pa 'khrul// bdud rtsi mchog gi rang gsal bde// lus sems btags pa'i tha snyad la// yan lag phye ba'i rtog gzhi med// rigs su phye ba'i phyag rgya la// mnyam nyid mchog tu 'dzin pa 'khrul// dri med bdud rtsi'i rgya bcings bde// phyogs mtha' kun tu ma spros kyang // bka' med rang byung ye shes gsal// yul dang dbang po dbyer med la// bdag tu 'dzin pa'i lha stongs 'khrul// gnyis med bdud rtsi la bltas

  336. 168b

    bde// dbyings dang ye shes dbye med pa// g.yung drung rgyun gyi rtag pa la// bcu dang lnga ru brtag byas te// bsrings dang bsdam zhes rtog pa 'khrul// bdud rtsi bsrings te bstims na bde// chos nyid rnam dag ngo bopo'i gsung // brjod pa la 'das smrar med la// kun la bsgrags phyir mi ma 'gags// zhen rtog dbang gis sgra bkag 'khrul// bdud rtsi'i sgra nyid gsung gi mchog/ shes pa rang snang phung po nyid// ma bcos gnad mchog dam pa ste// 'byung ba'i ri rab gzhal yas la// rin chen gtsang sbrar bya ba 'khrul// snod mchog bdud rtsi bum pa bde// rang sems gdod nas dag pa la// phra rab rdul las grub pa med// bya dang byed pas bsgrubs pa min// gdod nas rgyun bcas de bzhin nyid// rkyen bral bya dang byed spangs shing // bdag med stong pa'i rang bzhin las// 'dod pa kun 'byung bsam 'phel bzhin// rkyen ces bya ba ga la srid// ngo bo logs zhes yod med ste// bstan cing bshad pa'ang de nyid las// kha dog dbyibs su bcas pa dang // bdag gzhan mtshan dngos ga la srid// lam nyid rgyu dang 'bras bu ste// 'bras bu nyid kyang rgyu lam 'dra// mun dang snang bas phye ba las// so sor sgrub cing smin pa med// ji ltar 'khor los sgyur ba dag/ rin chen bdun dang dpung tshogs dang // tha ma'i 'gro ba rmongs pa la'ang // mi bkol dang du mi

  337. 169a

    len bzhin// chos nyid byang chub sems bdud rtsi// rtogs pa'i lta ba gdeng chung na// gtsang sme bzang ngan mi 'byed cing // blang dor byed pa bsgyur rgyal bzhin// ces bka' stsal pa dang / brtags pas kyang / rgyu rang gi sems las byung // rkyen ma rig pa mun pa dang 'dra bas byas// ngo bo bdag dang bdag gir 'dzin par gyur// 'bras bu ngan song gsum du smin te lhung bar yang nas yang du gyur ro// yang brtags pas/ rgyu ma bcos pa'i thig le rang snang ba las byung // rkyen rang rig pa'i ye shes rang gsal rgyal pos byas// ngo bo cir yang snang la cir yang ma grub pa rang byung thabs kyi rgyal por gyur/ 'bras bu snying po byang chub kyi sems gsal khyab dri ma med par gyur// de gnyis kyang rig pa dang // ma rig pa'i khyad par las byung bas// bdud ces pa dang / rtsi zhes par btags pa'ang // nan gyis btags pa ste// de'i phyir btags pa dang bral bas bdud rtsi zhes bgyi ba lags ces grangs ces gsol ba dang // bcom ldan 'das kyis bka' stsal pa// rtogs dang ma rtogs khyad par las// 'khor ba myang 'das gnyis snang yang // chos dbyings snying por don gcig pa// rtogs shing chud pa legs so legs// de ltar yang dag don rtogs pa// 'bral med sems kyi dngos po ni// gzhan zhes btags pa ma yin te// bdud rtsi

  338. 169b

    bde ba chen po zhes// nga dang rgyal ba kun gyis gsungs// ces bka' stsal pa dang / sems dpa' chen po rdo rje rnon po la sogs pa 'khor 'dus pa rnams rang rang gi shes rab la dam par gyur nas// 'gying bag tu bde bar gnas so// de nas yang bcom ldan 'das kyis bka' stsal pa/ sems nyid nga dang bral ba la// nga zhes 'dzin pa'i srin bu 'dra// bdag 'dzin phur pa dam pas 'khor// gnyis med mtha' spangs khyad par 'phags// de nas rtog med bde bar gnos// sems dpa' chen po 'khor ba'i bdud nyid mya ngan las 'das pa'i rtsi'o// de bas bdud rtsi'o// yang dag pa'o// bde ba chen po'o// sangs rgyas kyi zhing khams yongs su sbyangs pa'o// byang chub kyi snying po'o// 'khor ba'i rgya mtsho rtsad bcad pa'o// mya ngan las 'das par rgyas btab pa'o// ngan song ming med pa'o// sdug bsngal nyid bde ba'o// mi mthun pa nyid gnyen po'o// 'jig rten pa'i sman nyid 'chi ba med pa'i ra sa ya na'o// smad pa'i rdzas nyid bdud rtsi'o// ye shes lnga'o// rigs lnga'o// kha dog lnga'o// de bzhin gshegs pa lnga'o// yum lnga'o// byang chub sems dpa' 'o// sems ma'o// khro bo'o// khro mo'o// chos kyi dbyings so// chos kyi sku'o// chos kyi sku'o// longs spyod rdzogs pa'o// sprul pa'o// gsang ba'o// yang sbrul dang // zhe sbrul dang / bran dang / yang bran

  339. 170a

    dang / pho nya dang / las mkhan dang / ci bgyi dang / ma dag pa'ang de kho na nyid do// zhes gsungs pas/ thams cad kyang sems kyi snang bar kho thag chod de/ lha med pa'i ngangal g.yo ba med par bde ba chen po lhun gyis grub nas bzhugs par gyur to// de bzhin gshegs pa thams cad kyi sku dang / gsung dang / thugs gsang ba dpal bdud rtsi bde ba chen po zhes bya ba rgyud kyi rgyal po chen po las/ gleng gzhi bstan pa dang / rang bzhin gyi bdud rtsi gtan la phab pa'i le'u ste dang po'o// // de nas yang bcom ldan 'das bdud rtsi mchog gi rgyal pos 'khor gyi gtso bo rnams la/ kye zhes bos nas bka' stsal pa/ kyekyi dam pa rnams khyed kyis rang rang gi ji ltar rtogs pa'i snying po byang chub kyi sems thig le chen po rang bzhin gyis 'od gsal ba de ci dgar smros shig dang / de ni bdud rtsi bde ba chen po yin no zhes pa dang // de bzhin gshegs pa mi bskyod pas rang gi zhing khams na 'khod pa'i 'khor rnams la/ byams pa'i spyan gyis gzigs nas 'di skad ces gsungs so// sems las rang byung zhe sdang tshogs// dmyal ba nyid kyang de nyid de// ji snyed rdzas su btags pa rnams// ma skyes skye dang 'gag pa dang // gnas dmigs 'gro dang 'ong med pas// rang sems gdod nas dag pa ste// nam mkha' glong nas rgyun skyes

  340. 170b

    pa// thabs mkhas snying rjes kun don du// bsgrubs na nga dang rdo rje rigs// me long lta bu'i ye shes te// bdud rtsi byang chub sems su 'grub// de bas sa bon rtog pa nad// ces smras so// de nas de bzhin gshegs pa rnam par snang mdzad kyis 'khor rnams la gong ma bzhin te/ ston pa'i zhal du bltas te/ 'di skad ces gsungs so// sems las sna tshogs gti mug snang // byol song nyid kyang de nyid de// 'khor ba'i rdzas rnams bsam yas pa// btags pa yod med snang grags kun// sems nyid snang bar shar ba stang // thugs rje 'od kyi rgyun shar ba// thabs la mkhas pa'i spyod pa ste// dang pos bsgrubs na bde gshegs rigs// nga dang chos dbyings ye shes dang // rnam dag bdud rtsi dri chen nges// des na dri chen ngar 'dzin dug/ spang blang med par 'grub par 'gyur// zhes bshad nas gsungs so// de nas bcom ldan 'das rin po che nyi mas rang gi 'khor dang bcas bzhin du phyag 'tshal te/ 'di skad ces glengs so// yid bzhin rin chen 'bar sems las// nga zhes nga rgyal dpag med snang // lha dang lha med nyid kyang de// sha dang rdzas rnams bsam mi khyab// ji snyed ma lus thams cad kun// yid bzhin nor bu 'bar shar te// thabs kyi thugs rje rang snang ba// spyod pa bla med khyad par can// bsgrubs na rin chen 'byung

  341. 171a

    ldan rigs// mnyam nyid ye shes chen po dang // sha tshogs nyid kyang bden par 'grub// btsang dang sme ba'i shar phye dug/ ces rab tu btud nas gsungs so// de nas bcom ldan 'das 'od dpag tu med pas/ pad ma'i rigs kyi sems dpa' rnams dang bcas te/ ston pa la phyogs nas 'di skad ces gleng ba glengs so// skyon dang bral ba'i byang chub sems// chags dang mngon par zhen par snang // gling bzhi gnas pa'i mi rnams de// pad+ma las byung khrag dang rdzas// 'jig rten ji snyed rnam snang ba// 'dam bral pad+ma ji bzhin du// rgya cher yangs pa'i 'od zer gyis// rtogs pa rang snang rgyal po ste// mnyer na dpag med pad ma'i rigs// so sor kun tu rtogs 'gyur te// ra ga rag ta pad+ma 'grub// mngal las byung ba'i khrag rnams sme// 'dzin pa'i dug gi dug chen yin// zhes gsungs so// de nas bcom ldan 'das gdon mi za bar grub pas rang gi sde dang lhan cig tu thal mo sbyar te 'di skad ces gsungs so// sna tshogs 'byung ba'i gzhi las kyang // phrag dog bdag rgyal gzhan 'pham 'byung // dpag med yi dgas de bzhin te// gci dang de rigs gyur pa'i rdzas// yod mthong snang grags thams cad kun// sna tshogs gzhi las grub pa ste// spyod pa mchog 'gyur nyid snang las// bdag nyid chen por nyid

  342. 171b

    bsgrubs na// gdon mi za dang las kyi rigs// bya ba'i bya ba ye shes nyid// rdo rje chu yis 'grub par 'gyur// dag dang ma dag 'byed pa dug/ ces gus par gsungs so// de nas bcom ldan 'das bdud rtsi mchog gi rgyal po chen po rigs thams cad kyi bdag nyid sangs rgyas thams cad kyi spyi gzugs gsang sngags kyi bdag nyid chen po 'di skad ces bka' stsal to// e ma ngas ni gsang ba'i don// ci yang ma yin cir snang bas// brdal khyab klong du thag chod do// ma 'dres yongs su rdzogs pas na// thams cad lhun grub ye shes gtso// de yang btsal med rang shar ba'o// sngar snang lnga yi bsdus pa'i chos// lnga ru thag kun bcad pas na// de bas lnga zhes bsnyad pa yang / rang bzhin la ni nan gyis btags// byang chub sems la skye ba med// de las thams cad cir yang skyes// skyes tsam nyid na rtog med pas// skyes dang ma skyes tha snyad bral// dri chen la ni 'gags pa med// thams cad du yang 'gag par byed// 'gag rtsam nyid na ma 'gags pas// 'gag ces bya ba'i tha snyad bral// sha la gnas pa'i tha snyad med// tha snyad med nyid gnas pa ste// gnas su zhes par gyur pa nyid// gang du gnas med rtog pa med// khrag ces dmigs pa ci yang med// de tshe dmigs pas dmigs par snang // de na'ang med de btags bral bas// de

  343. 172a

    ltar dmigs pa med pa'o// dri chu 'gro ba'i rtog pa med// de tshe kun tu 'gro bar byed// 'gro ba'i zhes pa tha snyad de// de tshe btags med rnam dag go/ thams cad kun la 'ong ba med// de nyid la ni 'ong zhes btags// de ltar 'ong bar gyur pa'i tshe// 'ong nyid dmigs su med pa'o// sha chen nam mkha' ltar dag cing // mtshon par byed kyang btags dang brang // dbyings phyug b+ha ga zhes bsnyad kyang // de las gzhan du ci'ang med// glang chen sha ni sa ltar snang // dngos su sa zhes grub pa med// spyan gyi b+ha ga dag yin te// de 'ang gzungs pas gzung ba yin// rta sha rin chen rgya mtsho chu// ma 'gas rang shar de nyid grub// bdag nyid ma'i b+ha gar snang // de nyid kho nar nges pa'o// khyi yi sha sogs ci snang yang // 'od gsal med nyid de lta bu'o// dkar mo'i b+ha ga nyid snang ste// btags dang bral ba'i btags pa'o// rma bya la sogs 'dab chags kyis// sha ni thogs med rlung las gnas// sgrol ma'i b+ha ga'i klong nyid las// gzhan med de nyid kho nas shes// ji snyed yod mthong snang grags rnams// dmigs med cha mnyam gsang ba'i klong // kun gyi bdag nyid b+ha ga nyid// de ltar snang bas de nyid nges// ji snyed 'jig rten bsam yas pa'i// me tog shing dang 'bru bcud sman/ rang rang nus mthur ldan pa kun// rtsa ba sdong po yal ga/

  344. 172b

    dang // lo ma me tog 'bras bu dang // shun phrags thang chu'i bcud bcas kun// phyag rgya chen po de bzhin nyid// sems dpa'i gtso dang sems ma'i yum// gtso dang gnyis med mnyam sbyor bas// de ltar snang ba'ang btags pa'o// sna tshogs dza gad ro mchog bcas// lus bcud sngags pa'i 'o ma dang // gser dngul zang lcags rin chen tshogs// rgya mtsho ba glang rmig rjes chu// bsam yas rdzas su bstan pa yang // khro bo khro mo yang sbrul gyis// thugs rje kun bdag sku gsung thugs// rgyan gyi 'khor los snang bas na// de nyid bdud rtsi dam par bshad// thams cad mnyam nyid kun tu bzang // ma bcos don gyi snying po ste// 'gyur med klong du zag chod na// de nyid 'chi ba'i nad bral ba'i// yang dag bdud rtsi chen por bstan// 'di don phyin ci ma log par// rtogs pa'i rnal 'byor gang yin pa// de ni skyes bu skal ba bzang // ci bsgoms ci bsgrubs ci spyad kyang // bdud rtsi nyid de sman gyi mchog/ dam pa'i bde gshegs nyid yin te// 'khor ba nyid na mya ngan 'das// srid pa nyid na rnam par grol// dug lnga nyid na bdud rtsi dbyings// rang byung ye shes mngon du shar// rang snang dkyil 'khor ma bsgoms gsal// lhun grub dang du mngon sangs rgyas// dam pa de las des don med// de las nges don

  345. 173a

    bla med cig/ dus gsum rgyal bas mi brnyes so// moM hUM AmAM/ zhes gsungs so// de skad ces kun gyis brjod cing gsungs pas/ ston pa bdud rtsi gsang ba mchog gi rgyal po dang / 'khor thams cad dgongs pa gcig par gyur te// mnyam pa nyid la bzhugs so// dpal bdud rtsi bde ba chen po zhes bya ba rgyud kyi rgyal po chen po las/ chos thams cad gtan la phab ste bdud rtsir bstan pa'i le'u ste gnyis pa'o// // de nas yang sems dpa' chen po rdo rje rnon pos rang gis stan bde ba las langs te/ rang gi shes rab kyi ral gris 'khor ba thams cad rtsad bcad de// ston pa la rnal 'byor gyi cha lugs bzhin tu 'tshal te gsol ba btab pa// kye ho ston pa rdo rje 'chang // bdud rtsi gsang ba mchog gi rgyal// sems can rnams la thug brtse'i phyir// ting 'dzin dkyil 'khor dam pa dag/ bdud 'dul dpa' bos bshad du gsol// ces gsol ba dang / bcom ldan 'das kyis bka' stsal pa// nga ni thabs che thugs rjer ldan// spyod pa mchog tu gyur pas na// ting 'dzin dkyil 'khor dam pa dag/ zhus pa nga yis bshad par bya// dang po ston pa'i byang chub sems// gnyis pa la ni sa bon 'byung // gsum pa la ni gzugs rdzogs te// bzhi pas phyi rol dag tu dgod// de nas bcom ldan 'das bdud rtsi mchog

  346. 173b

    gi rgyal pos ye shes la rab tu brten pa kun tu 'od zer gyi snying po zhes bya ba la snyoms par zhugs nas gzhi yi snying po 'di gsungs so// bruM/ de nas 'di skad ces gsungs so// dus gsum rgyal ba bzhugs pa'i gnas// pho brang yid bzhin rin po che// dkyil 'khor brgyad ldan sgo khang bcas// 'byung ba ri rab gdan la bzhugs// ces gsungs pas rin po che 'od kyi gzhal yas khang rang snang bar gyur to// de nas yang bcom ldan 'das kyis thugs mi rtog par snang ba chos kyi dbyings ces bya ba'i ting nge 'dzin la bzhugs nas// rdo rje'i rigs kun tu 'byung ba zhes bya ba'i snying po 'di gsungs so// hUM/ 'od kyi tshul du rab 'phros te// zhes sdang can gyi lam sbyangs nas// 'khyil lam rab 'bar rdo rje che// thugs las byung bas sems bkod nas// skur gyur lus bcom 'phro 'du yis// bdag nyid la ni sman byas so// oM badz+ra a k+Sho b+ha hUM/ dbu gsum zla ba rgyas 'dra'i mdog/ g.yas ser dmar po g.yon pa na// rdo rje 'khor lo rin chen g.yas// dril bu rigs 'khyud pad+ma dang // rgya gram sna tshogs rgyan dang ldan// byang chub sems ni kun nas gang // de nas yang shes rab kun tu rgyas pas bde bar byed pa zhes bya ba la snyoms par zhugs nas// pad+ma ltar 'dam kun tu spangs pa'i snying po 'di dag gsungs so// hUM hUM hUM hUM/ snying po phyag rgya skur

  347. 174a

    rdzogs te// 'phro dang 'du ba tshul bzhin du// bdag nyid mdun g.yas rgyab g.yon du// 'khril 'khyud bde ba snyoms zhugs so// oM satwa badz+ra hUM/ dkar dang sngo dang g.yon pa dmar// g.yas pa 'khyud pas khu tshur brtan// rdo rje dang ni 'khor los brgyan// rin chen pad+ma dril bcas g.yon// rin chen rgyan dang nu mas mdzes// oM rad na badz+ra hUM/ mthing ka g.yas dkar g.yon pa dmar// dang pos pad ma'i kha 'byed cing // rin chen rdo rje g.yas gnyis na// pad+ma rgya gram 'khor lo g.yon// nu ma la sogs de bzhin no// oM d+harma badz+ra hUM/ mar me lta bu kha dog dbus// g.yas ni dung la g.yon pa mthing / me tog/ 'phreng dang pad+ma ni// g.yas kyi dang por shes par bya// rdo rje rin chen 'og ma ste// dril bu 'khor lo rgya gram gong // oM karma badz+ra hUM/ ljang dang dkar dmar dbus g.yas g.yon// mda' gzhu rgya gram g.yas dang popo// rdo rje 'khor lo 'og gnyis na// rin chen pad+ma g.yon 'og gnyis// na chung rgyan can ku tsas mdzes// 'di dag nges par bstan pa ni// za byed ma dang tshe 'phel ma// rgyas 'debs rmongs byed chen mo ste// na gzhon bkrag bzang chags tshul te// 'khyud pas bde bar bzhugs pa'o// de nas yang bcom ldan 'das kyi chos thams cad me long ltar gsal ba'i 'od ces bya ba'i ting nge 'dzin la snyoms par zhugs

  348. 174b

    nas// de bzhin gshegs pa yongs su rdzogs pa zhes bya ba'i snying po 'di nyid kyi thugs gsang ba las phyung ngo // oM/ yi ge 'phro dang 'du byas pas// gti mug ngag lam bsgral byas te// 'khor los rtogs bcas sems nyid dbyings// de las snang mdzad gti mug lus// oM bai ro tsa na A~M/ snang mdzad gser mdog g.yas pa dkar// g.yon pa dmar po 'khor lo dang // rin chen pad g.yas rdo rje dang // rgya gram dril bcas nu ma 'dzin// rgyan bcas dri chen kun rgyas pa'o// de nas yang rdo rje mi 'gyur zhing brtan pa zhes bya ba la bzhugs te/ de bzhin gshegs pa rab tu mnyes par byed pa 'di nyid kyi thugs gsang ba las phyung ngo / laM/ gser dang 'dra ba'i kha dog la// thor tshags do shal sogs pas mdzes// g.yas pa dkar la g.yon pa dmar// dang po ut+pal 'dzin pas 'khyud// rdo rje spyan g.yas dril bu dang // pad+ma bi dz+ra pra ra'i shing // g.yon 'dzin gtso la mnyes byed pa'o// la ta sha ra te/ de nas bcom ldan 'das bdud rtsi mchog gi rgyal po'i mdun na/ lnga'i dkyil 'khor gyi dbus su 'khod de gsang ba'i cha yang rdzogs par mdzad do// de nas bcom ldan 'das rnam par snang mdzad/ dbye ba med pa'i tshul rdo rje snang ba/ rnam pa kun tu cha 'dzin par mdzad pa zhes bya ba'i dgongs pa la bzhugs te/ rdo rje kun bdag bkod pa zhes

  349. 175a

    bya ba dang / rdo rjes 'gugs pa mngon par byed pa zhes bya ba dang / rdo rjes rjes su chags shing zhen pa zhes bya ba dang / rdo rjes kun nas dgyes pa rab tu grub pa zhes bya ba 'di dag nyid kyi thugs gsang ba las phyung ngo // hUM dza hos/ dkar po zhal gsum mthing kar dmar// rdo rje rin chen pad+ma g.yas// rgya gram kha T+wAM sdigs mdzub g.yon// rgyan dang rab ldan sems skyil krung / oM badz+ra satwa hUM/ mthing ka g.yas dkar g.yon pa dmar// lcags kyu rdo rje rin chen tog/ pad+ma kha T+wAM rgya gram g.yon// do shal gdub 'khor la sogs mdzes// oM badz+ra ra dza dz+ha/ dmar gsal g.yas dkar g.yon mthing ka/ dang po gnyis ni mda' dang gzhu// rtse gsum rgya gram gnyis g.yas 'og kha T+wAM pad sdong rgyan bcas pa'o// oM badz+ra ra ga ho/ ljang ku g.yas dkar g.yon pa ser// se gol rin chen 'phreng pad ma// mchod sbyin kha T+wAM bum pa g.yon// sna tshogs skud dang sems skyil krung // AM badz+ra sA d+ha ste/ 'di dag snang mdzad gtso bo yi// mdun g.yas g.yon dang rgyab dag tu// pad steng nyi zla'i beg tse la// dbu btud nyan par spro bas 'khod/ nas yang bcom ldan 'das kyis dbyings kun tu ma skyes par sbyor ba zhes bya ba'i ting nge 'dzin la bzhugs nas// rang gi rigs dgyes par byed pa zhes bya ba'i snying po 'di dag gsungs so// la d+hA a d+he/ dang

  350. 175b

    po sgeg mo dkar btsan dmar// phyag gnyis chu shel me long dag/ 'gying tshul sku ru 'dzin pa ste// rin chen nu mas rab brgyan brjid// oM badz+ra lA se la/ gnyis pa dpal phreng mthing shun mdog/ lag gnyis rin chen sna tshogs snod// 'gying bas 'dzin cing spos rgyun 'byin// lus mnyen 'khril bag nu ma rgyas// oM badz+ra d+hU pe d+hu/ gsum pa lcags kyu byu ru'i mdog/ rdo rje lcags kyi thugs kar g.yas// g.yon pa rdo rje khu tshur skur// bag gis khros bzhin mche ba can// oM badz+ra aM gu sha aM/ bzhi pa rab tu brtan ma ste// ljang ku'i mdog la gzhon tshul can// g.yas pa ut+pal dmar thugs kar// g.yon pa bgrang 'phreng skur brten no// AM badz+ra d+he bi shra bya de d+he/ de nas yang bdud rtsi mchog gi rgyal po des thams cad mnyam pa nyid gcig tu mkhyen pa zhes bya ba'i dgongs pa la bzhugs te/ rin po che bsod nams thams cad rdzogs pa zhes bya ba'i snying po 'di nyid gsang ba'i thugs ka nas phyung ngo // sra/ yig 'brus nga rgyal dag bcom zhing // rin po che yis de sems bcos// lha men sku yis sa la bkod// sha chen rab rgyas 'byung ldan sku// oM rat+na swa b+ha ba swa/ dbu gsum in dra nI la'i mdog/ dbus 'dra g.yas dkar g.yon pa dmar// rin chen rdo rje 'khor lo g.yas// pad+ma rgya gram dril bu g.yon// rdzogs longs spyod pa'i rgyan kun

  351. 176a

    ldan// sa rad na d+h+rig/ de nas yang rdo rje kun nas mnyen zhing tshim pa zhes bya ba la bzhugs te/ rin po che kun tu tshim par mdzad pa zhes bya ba 'di nyid kyi thugs gsang ba las byung ngo // maM/ rin chen mthon mthing gsal ba'i mdangs// shel 'dra rgya skyegs 'dra g.yas g.yon// bud med rab mdzes rgyan ldan zhing // rdo rje rtse gsum pad+ma dang // skyabs sbyin g.yas te klu shing dang // dung dang a 'bra'i shing thog g.yon// maM mo ha ra ti/ de dag kyang rin po ches yon tan rgyas par mdzad pas ston pa nyid kyi g.yas na sngar snang ba'i dbus su gnas te cha gnyis po rab tu rgyas par mdzad nas/ bde bar bzhugs so// de nas bcom ldan 'das rdo rje nyi ma mchog ces bya bas rang gi rigs rtag tu rgyas par spro ba zhes bya ba'i ting nge 'dzin la snyoms par bzhugs nas/ rdo rje dbang gter bar mdzad pa zhes bya ba dang / rdo rje 'od kyis ma rig pa sel ba zhes bya ba dang / rdo rje mdzod chen po bdud las rgyal ba zhes bya ba dang / rdo rje dgongs pa'i rgyud la rab tu bzhad pa ces bya ba'i snying po 'di dag nyid kyi thugs gsang ba las phyung ngo// A~M aM traM ha/ mthing ka 'od ldan dkar dmar zhal// rin chen 'bar ba rdo rje pad// g.yas na 'dzin no g.yon pa na// 'khor lo rgyas gram kha TAM 'dzin// sems dpa'i skyil krung sna tshogs brgyan// oM

  352. 176b

    badz+ra rad na oM/ dmar ser rab tu bzhad pa'i zhal// g.yas dkar g.yon pa mthing nyi ma// rdo rje rin chen g.yas pad ma// kha T+wAM ral gri mdzes pa'i rgyan// sna tshogs brgyan cing 'gying bag bzhugs// oM badz+ra te tsa aM/ dmar gsal g.yas dkar g.yon pa ldang // nor bu rgyal mtshan rdo rje dang // 'khor lo g.yas pa rgya gram dang // kha T+wAM 'phreng ba g.yon na 'dzin// rna rgyan gdub bu la sogs brgyan// oM badz+ra ke du traM// pad+ma rtsa dang 'dra g.yas g.yon gnyis// ser dang dmar la so'i 'phreng // rtse 'dzin dang po g.yas dang g.yon// rin chen 'khor lo kha T+wAM pad// phyag 'dzin ha ha zhes su dgod// oM badz+ra ha sa ha/ de nas yang bcom ldan 'das kyis dbyings las kun tu nyams pa med pa med par rang gi rigs tshim par byed pa zhes bya ba'i ting nge 'dzin la snyoms par zhugs nas/ rin po che kun tu tshim zhing mnyes pa zhes bya ba'i rig pa 'di dag/ rang gi thugs gsang ba las 'byung ngo // ma pu ba rad/ mthing skya 'od 'phreng nu ma rgyas// lag gnyis rin chen sna tshogs pa'i// 'phreng ba bgying ba'i mtheb 'dzub sna// 'gro kun dbang bskur ba la mos// oM badz+ra ma le mA/ rin chen pu sha gar ltar ser// gser sogs mdzes pa'i bum snod du// pad+ma ut+pal sil mas bkang // g.yon du 'dud tshul 'thor bar byed// oM badz+ra puSh+pe pu/ nag mo khros bzhin mche

  353. 177a

    ba can// mche ba bsdams dang zhags pa ni// g.yon dang g.yas pas bzung nas su// sems dpa' mnyes par mdzad la brtson// oM badz+ra pA sha pa/ zhal gcig phyag ni gnyis pa la// ma rgad ta ltar ljang la 'tsher// bdud rtsis gtams pa'i za ma tog/ thugs kar brtan pas rnam par rol// oM badz+ra rat+na ra ti raT/ de nas yang bcom ldan 'das bdud rtsi rgyal po chen pos rgyud thams cad ji lta bar so/ sor snang ba zhes bya ba'i ting nge 'dzin la snyoms par zhugs nas/ gsung kun tu rgyas pa'i pad+ma rdul dang bral ba zhes bya ba'i snying po 'di nyid kyi thugs gsang ba las phyung ngo // aM/ 'dod chags can gyi ngag yig 'brus// sems rdul med par pad ma'i 'od// me lus mtha' yas nyid kyis te// yan lag ra ga rag tas so// oM a mi de ba AM// dbu gsum mtshal gyi kha dog dang // dkar gsal g.yas la g.yon mthing ka/ pad+ma rdo rje rin chen g.yas// nu ma dril bcas rin chen dang // rgya gram g.yon pa rgyan kun rdzogs// de nas yang chags pas kun tu tshim pa zhes bya ba la bzhugs te/ pad ma kun tu tshim par mdzad pa zhes bya ba'i snying po 'di nyid kyi thugs gsang ba las phyung ngo // pyaM/ byu ru'i mdog can 'tsher ba'i mdangs// g.yas pa dkar la g.yon pa ser// pad ma'i sdong bu bum pa dang // za ma tog g.yas g.yon pa

  354. 177b

    na// a ru ra yi sdong po dang // 'phreng ba dril bu rgyan bcas 'dud// oM byaM ra ga ra ti/ de gnyis kyang chags pa'i nyes pa mi mnga' ba'i sim bag gis/ ston pa nyid kyi rgyab tu lnga gnyis kyi dbus na mdzes shing sgesgresgegs pa'i rgyan rgyas par mdzad nas bag bde bar bzhugs so// de nas gar gyi dbang phyug pad+ma 'od des rang gis rigs brtan pas chags pa dang bral ba zhes bya ba'i ting nge 'dzin la bzhugs nas/ rtog pa yongs su mdzes pas rdul gsal ba zhes bya ba dang / rdo rje nyon mongs rtsad gcod pa zhes bya ba dang / rdo rje 'khor los rgyud 'grol ba zhes bya ba dang // rdo rje brjod pa bral bas rab tu brjod pa zhes bya ba'i snying po 'di dag nyid kyi thugs gsang ba las phyung ngo // hri d+haM maM raM/ dpal ldan pad rtsa lta bur dkar// pad+ma rdo rje rin chen g.yas// 'khor lo kha T+wAM ral gri g.yon// rab tu mdzes pa'i bus pa'i rgyan// 'od 'phros sems dpa'i skyil mo krung // oM badz+ra d+harma hri/ skra sngo zhal gyi dbus kyang sngo// g.yas pa dkar la dmar po g.yon// ral gri s+pho ti dang po gnyis// rdo rje kha T+wAM bar na 'dzin// 'khor lo rin chen za ma na// rgyun la sogs pa de bzhin no// oM badz+ra tig sna d+haM/ pad+ma dmar po'i 'dab 'dra dbus// g.yas pa dkar la g.yon pa sngo// 'khor lo nu ma bcas dang po// snye ma rin chen za ma tog/ pad+ma kha T+wAM ral gri g.yon// oM badz+ra

  355. 178a

    b+ha sha maM/ dbus gsum ldang ku rab tu mdzes// dbus 'dra g.yas dkar g.yon pa nag/ rdo rje ljags bcas nu ma g.yas// dbyug pa rin chen 'phreng 'og gnyis// rgya gram kha T+wAM ral gri g.yon// oM badz+ra b+ha sha ram/ de nas yang bcom ldan 'das kyis dbyings brjod pa med pas/ chags pa kun tu stob pa zhes bya ba'i ting nge 'dzin la bzhugs nas/ chags pas nye bar dgyes pa stob pa zhes bya ba'i snying po 'di rang gi thugs gsang ba'i klong nas phyang ngo // gI a s+pho ra Ta/ phyi ru bcag pa'i sku dang zhal// pi wang 'dzin cing 'gying ba'i tshul// tshangs pa'i dbyangs kyi glu len cing // sems dpa' la ni btud de gnas// oM badz+ra gir ti gi/ dmar la mdangs ni shin tu gsal// g.yas pa skyabs sbyin phyag rgya la// g.yon pa mun sel mar me sdong // pad+ma ra ga'i 'phreng bas brgyan// oM badz+ra A lo ke a/ dmar la yid tsam gnag pa'i mdangs// dag gis bros bzhin lcags kyu ni// dam du bsdams te nu gnyis brgyan// g.yon brkyang nyi steng 'khyud pa'o// oM badz+ra pho Ta paM/ ljang khu ldem bag yid gdangs dmar// nu ma dang ni sha kun rgyas/ khar bsil kha T+wAM g.yas g.yon du// bzung nas sems dpa' mnyes la brtson// oM badz+ra ra ga ra ti raT/ de nas yang bcom ldan 'das bdud rtsi mchog gi rgyal po des 'gro ba thams cad

  356. 178b

    la nan tan du bde bas bde bar byed pa zhes bya ba'i dgongs pa la snyoms par zhugs nas/ mos pa sna tshogs gtan la 'bebs pa'i las rab tu gyur pa zhes bya ba'i rig pa dam pa 'di nyid kyi thugs gsang ba las phyung ngo // ha/ phrag dog can ngag yi ges sbyangs// rgya gram gyis sems las rigs btsud// sku'i lus kun bsgral byo song // thams cad kun tu dri chus sbyangs// oM a mo g+ha sid+ha hi/ in dra nI la'i mdog ldan zhing // dbu gsum dbus 'dra g.yas pa dkar// g.yon pa rgya skyegs dang 'dra 'od// ral gri rdo rje 'khor lo g.yas// dril bu rin chen pad g.yon te// rdo rje snying pos rgyan kun byas// de nas yang rnam par cing yang snang ba'i las snang bar byed pa zhes bya ba la bzhugs nas/ yang dag par 'dren pa snang ba'i rgyan ces bya ba'i rig pa dam pa 'di nyid kyi thugs gsang ba las phyung ngo // tAM/ rab tu 'tsher zhing ljang khu'i mdog/ g.yas pa dkar la g.yon pa nag/ pad ma'i sdong bu pa tra bcas// 'khyud cing de 'og 'phreng ba tog/ ro'i snod dang lcug ma dung // b+ha ga rlan bcas bgrad tshul bzhugs// taM badz+ra ra ga ra ti taM/ de gnyis kyang las bzhis 'dul zhing lngas sbyor ba la brtsol ba'i stobs dang ldan pas/ gtso bo'i g.yon phyogs su tshom bu lnga'i dbus ma la longs spyod chen po'i rgyan du mas rab tu brgyan cing / gnyis pa'i yan

  357. 179a

    lag rab tu mdzes pas nyid la nyid ched du ngam zhing mdangs phyung nas bzhugs so// de nas thogs pa med pa'i las rgya mtsho chen po des tshogs kyi dkyil 'khor yongs su smin pa zhes bya ba'i ting nge 'dzin la snyoms par bzhugs nas/ rdo rje las sna tshogs mthar 'byin pa zhes bya ba dang / rdo rje srin pos gdug pa can kun tu za bar byed pa zhes bya ba dang / rdo rjes bsnyengs pa thams cad kyi tshogs las rab tu rgyal ba dang / rdo rje brtan pas mi 'gyur bar byed pa sgyu ma lta bu zhes bya ba'i snying po 'di dag nyid kyi thugs gsang ba'i dbyings las phyung ngo // kAM hUM aM maM/ ljang khu zhal gyi dbus dang 'dra// g.yas dkar bzhad tshul g.yon pa dmar// g.yas kyi dang po rgya gram bsnams// rdo rje rin chen g.yas 'og gnyis// gser 'phreng thugs kar g.yon dang pos/ kha T+wAM ral gri rgyan bcas mdun// oM badz+ra karma kaM/ mthing nag dbus la g.yas dkar dmar// g.yon te dang po mche ba dang // 'khor lo rin chen g.yas rims bzhin// pad+ma kha T+wAM rgya gram g.yon// mdzes spras klubs pas brgyan pa'o// oM badz+ra ya k+Sha haM/ ser la gdong nag dbus la g.yas// dkar la g.yon pa ljang ku khros// rdo rje go cha brtan g.yas dang // rin chen 'phreng dang pad ma'i sdong // 'khor lo kha T+wAM dbyig pa g.yon// oM badz+ra ra k+Sha aM/ ljang nag dbus la g.yas g.yon

  358. 179b

    gnyis// gser dang pad+ma ra ga 'dra// dang po gnyis ni rdo rje yi// khu tshur brtan dang rdo rje dang // rin chen g.yas la kha T+wAM pad// oM badz+ra san d+hi maM/ de nas yang bcom ldan 'das kyis dbyings mtshan ma med cing 'od gsal ba las rnams bde ba zhes bya ba'i ting nge 'dzin la bzhugs nas/ dga' ba chen po las yongs su tshim pa zhes bya ba'i snying po 'di dag rang gi thugs gsang ba'i dkyil 'khor nas phyung ngo // nir ga g+ha ta/ i NA nI la ltar ldang zhing // rab tu 'gying bas lus bcus te// lag gnyis gar bsgyur spyi bor 'grol// sha dang nu ma zla rgyas bzhin// oM badz+ra nir Ti Nir/ ser ldang 'od 'bar gzhon tshul chags// g.yas pa sbom po dbang sbyar brkyang // g.yon pa dung chos dri yi chus// bkang nas 'thor zhing 'jug la brtson// oM badz+ra gan da ga/ gser ltar snang zhing gsang ba'i sgra// sgrogs pas shes rab pha rol phyin// dril bu tshangs pa'i gsung 'byin pa// g.yas pas thugs kar g.yon pa skur// oM badz+ra gan de g+ha/ ser skya chags pa'i bzhugs pas bzhugs// spyan dang sman ma'i dkyus ring gzigs// nA ga ge gsar me tog g.yas// g.yon pa sgrom bu bzung nas 'khyud// oM badz+ra ra ti ga/ de nas yang bcom ldan 'das bdud rtsi mchog gi rgyal po des thams cad du rnam par rgyal bas rtog pa rab tu sel ba zhes bya ba'i ting

  359. 180a

    'dzin la bzhugs nas/ nyon mongs pa 'joms pa rab tu 'joms pa'i gshed ces bya ba dang / 'chi bdag rab tu gnon pa'i stobs ces bya ba dang / phung po zad par sbyong ba'i mgrin zhes bya ba dang / lha rnams stobs rnam par 'joms par byed cing 'khyil pa zhes bya ba'i snying po 'di dag gsungs so// a ma ha A/ rab tu khros bzhin mthing nag mche ba can// g.yas pa'i zhal dkar g.yon pa dmar la rngam// rdo rje drag po kha T+wAM thod dbyug g.yas// sdigs mdzub tho ba zhags pa g.yon pa'i phyag/ thod pa sbrul dang nyi zla'i rna chas brgyan// gsus khyim rab tu bshal zhing g.yas brkyang bzhugs// oM ya man ta krid a/ smin ma'i dbus bsdus spyan gsum bzlog nas gzigs// g.yas dkar zhi tshul g.yon pa dmar la rngam// dbus ma dmar nag zhal gdangs mche ba gtsigs// mi mgos 'joms tshul tri shul rgyu zhags g.yas// thod khrag ral gri sti ra'i dbyug pa g.yon// hUM dang phaT ces ljags kyi rtse nas 'don// oM pra dz+nyA na ta krid ma/ rta mchog rdo rje dbus ni dmar nag bzhad// g.yas pa dkar la 'tsher ba'i gsung dang ldan// g.yon pa ut+pal sngon po rgyas 'dra rngam// thod sprul zhing dbyug sbrul gyi zhags pa g.yas// dung khrag gri dang ral gri g.yon pa na// dur khrod rgyan ldan g.yon pa brkyang nas so// oM pad+ma kri da ha/ bgegs

  360. 180b

    'joms dpa' bo'ang gsum gyi zhal phyag drug/ dbus ma ldang nag g.yas ser g.yon pa dmar// dbu skra gyen brdzes stag sham glang chen lpags// rdo rje rgya gram rtse lnga rde'u chung g.yas// dug khrag kha T+wAM ba dan gsum pa'i phyag/ thod pa ser la dbu dang gdu bus mdzes// oM big nan ta krid a/ de nas yang bcom ldan 'das kyis rang bzhin gyis khyab pas bsdu ba sdud pa zhes bya ba'i ting nge 'dzin la snyoms par zhugs te/ byams pas 'gugs pa zhes bya ba dang / snying rje 'ching ba zhes bya ba dang / dga' bas sdom pa zhes bya ba dang / btang snyoms kyi dgyes par byed pa zhes bya ba 'di nyid kyi thugs gsang ba las phyung ngo // dzaHhUM baM ho/ dkar mo spyan gsum bag gis khros// g.yas brkyang tshul gyis nyi ma mnan// rdo rje lcags kyu g.yas pas su// thugs kar bzung nas 'debs tshul du// g.yon pa rdo rje khu tshur skur// oM badz+ra mu ti dza/ mthing nag spyan gsum 'dri tshul lta// g.yas pa rdo rje zhags pa sdog/ g.yon pa phag chen mche ba gtsigs// srin po'i ngag gis hUM zhes sgrogs// g.yon brkyang ba yi gnas pas gnas// oM badz+ra mu sti hUM/ kun sdom zhes pa'i dga' ba'i bdag/ dmar nag rab tu spyan bgrad de// nyi ma zla bas brgyan pa yi// lcags sgrogs 'dzin pas rab tu dgyes// 'thun pa'i stabs kyis nub tu'o// oM badz+ra mu sti baM//

  361. 181a

    dgyes par byed pa ljang ku'i mdog/ sha tshugs rlugs la nu ma bshal// dril bu tshangs pa'i dbyangs ldan g.yas// g.yon pa pad snod rgya gram bcas// byang sgo bzang po'i stobs kyis bzhugs// oM badz+ra mu sti ho/ thabs rnams zhal gsum phyag drug la// shes rab zhal gcig gnyis pa'i phyag/ pho dang mo yi rgyan gyis brgyan// dbang po mchog dang kha spus phye/ kha spu med dang nu ma dang / gsang ba'i dbang pos ma lus phye// mi 'jigs pa dang stobs dang ni// rdzu 'phrul dbang dang thogs med dang // rin chen khri rkang nyi zla dang // pad ma'i gdan la gtso bzhugs pa// dbus su lnga dang bzhi gnyis gnyis// mnyam pa'i skyil krung brtan pas bzhugs// mdun nas 'khril te 'khyud tshul brtan// pad ma zla ba glod brtan la// sems dpa'i skyil krung zla rgyab sten// pad+ma nyi zla'i stan la ni// sems ma mnyen lcug 'khril 'khyud ldem// rdo rje brag chen nyi ma la/ khro bo g.yas brkyang khro mo g.yon// me long dbus na khros bzhin no// de nas yang bcom ldan 'das kyis 'di skad ces brjod pa med par sgra bka' stsal to// e ma'o ci yang dmigs med brjod bral cir yang mi rtog dbyings nyid la// rgyu dang rkyen bral rang snang dkyil 'khor rang byung brtsal med ngang la snang / kha dog dbyibs dang mtshon cha dag dang rgyan rnams tha

  362. 181b

    da cir yang snang // snang ba nyid na don nyid mtshon te de nyid de ltar snang la snang tsam nyid na de las gzhan ma yin/ de ltar 'gro gang mos la de kho na nyid de dag gis su rtogs par bya phyir de bshad do// zhes gsungs pas nam mkha'i mtha' klas pa thams cad rang byung bdud rtsi lnga'i dkyil 'khor du rang snang bar gyur to// dpal bdud rtsi bde ba chen po zhes bya ba rgyud kyi rgyal po chen po las/ sku gsungs thugs nyid ting nge 'dzin gyi dkyil 'khor rnam par spros te bkod pa zhes bya ba'i le'u ste gsum pa'o// // de nas yang sems dpa' chen po rdo rje rnon pos/ rang gi stan bde ba las langs te/ lan brgya phrag du mar rnal 'byor gyi phyag ston pa la 'tshal te/ 'di skad ces gsol to// bcom ldan dpa' bo thugs rje can// bdag cag rmongs la 'aka' drin gsungs// chos nyid bya btsal bral ba nyid// mtshon phyir ting nge 'dzin gsungs pa de// gang zhes rtogs par ma gyur na// mtshan ma'i dkyil 'khor dam pa dag/ brtse bas bshad par mdzad du gsol// de skad gsol pa gsan nas kyang // bcom ldan ston pas bka' stsal pa// thugs rje sngon du btang zin pas/ phyi nas bskyab tu med mod kyang // mi shes rmongs pa la bstan phyir// phyi rol rdul tshon dkyil 'khor bshad// dang por dam pa bshad pa la// bla ma'i mtshan nyid rab tu

  363. 182a

    gces// slob dpon dbang thob dam tshig can// rgyud kyi don la rab tu mkhas// lta ba yangs shing spyod pa zhig/ dkyil 'khor bri ba'i las la bzo// sman gyi gtsug lag mthar phyin cing // ci la'ang ma rmongs shes rab che// rang gi rigs ldan thabs mkhas pas// dkyil 'khor bri ba'i las bya ste// bdag 'dra 'am cung zad dman kyang rung // bzod ldan drang la g.yo sgyu med// dbang po tshang dang yan lag bde// kun la byams pa'i grogs mchog bde// kun shes kun gyi bdag nyid gtso// kun byed kun la ma rmongs pa'i// thams cad gtsang sme med pa za// dpa' zhing brtul zhugs mchog dang ldan// skyon drug rnam par spangs pa yi// mi phyed dgur ldan gtsang sbra can// dam tshig thams cad ma nyams pas// yang nas yang du gsol gdab pa// rdzas la sogs pa mnyes byas la'o// de nas gnas mchog btsal bya pab// ri rtse nyams dga' mdangs sdug pa'i// yid 'ong gnas su bya ba ni// shing dang nags kyi lha mo'i gnas// drang srong rnams kyis bsgrubs sa 'am// 'phra men ma'i sbyor sa 'am// rtsi sman 'khrungs pa'i sa phyogs sam// ri bor sman ljongs can dan tshal// nags kyi gseb bam chu ngogs sam// brag phug stong pa'i thibs po'am// bkra shis yid dga'i sa phyogs ni// mnyam zhing snum pa'i sa snag can// zug rdo srin

  364. 182b

    brag med pa'i gnas// tshwa sgo sa dang ba tsha med// ma grub ma gas mnyam po la// sgrub pa'i gnas mchog der bya'o// rab tu brtags pa'i gnas mchog der// bslang ngam nyi 'am dbang byas nas// spyan dang bslang dang sbyar byas te// byin brlabs bskrad nas brtan brtags pas// sa de rgyal ba'i zhing du bya// rin chen bum pa ma nyams par// sman lnga 'bru lnga snying po lnga// rin chen lnga dang bza' btung dang // bcud kyis gtams nas sba bar bya// rab tu cha mnyam dkyil 'khor la// dri lngas byugs te sta gon bya// phyi nang khyams kyi cha rnams su// dri zhim me tog rab gtor te// bdag po'i gsang sngags bzla ba ni// brgya rtsa brgyad dam nyi shu gcig/ yang na bdun du bzlas bya'o// bla bre gdugs dang ba dan bcas// rgyal mtshan phyogs mtshams rnams su bre// me tog 'phreng dang mu tig 'phreng // dar gyi chun po g.yer ka dang // sil sil sgra rnams gdags pa dang // me long rnga yab de bzhin no// de nas rnal 'byor 'khrus byas te// mi 'chi lnga yis lugs byugs te// lha yi bsam gtan la gnas pas// rgyal ba rnams la snyan cha gsol// slob ma la yang khrus byas te// gtsang ma'i sems kyis sems bskyed bya// pus btsugs thal sbyar sman sems kyis// bla ma la yang gsol ba gdab// dri chus snying khar byugs nas ni// hUM gis mna'

  365. 183a

    yis snying po bsgag/ sku sha tshems shing bsrung skud sbyin// dge dang mi dge brtag par bya// gser dngul rin chen las byas pa'ang // tha na'ang khams las byas te// phyag rgya ldan pa gas chag med// sna tshogs yo byad ldan byas te// ras dkar dag gam yang na lngas// bcing zhing me tog 'phreng ba gdags// rnam rgyal bum pa bkra shis rdzas// lo mas kha yang dgab par bya// lhag ma re re 'am yang na spyir// gcig gis byas kyang gnang bar bshad// de nas blo ldan rnal 'byor pas// gsal ba'i bsnyen pa bya ba ni// 'bum phrag bdun nam khri gsum mam// yang na lo gcig zla ba drug/ so sor bsnyen pa khas blangs dang // mtshan ma brtan par gyur kyi bar// rnam pa gsum gyis bzlas mchod 'bad// ras bal rab tu mdzes pa la// bsgrims te gsum pa kha dog lnga// yig 'brus bskyed la bkug bstims te// brtan par gyur dang phye ma'i gzugs// rdul phran las ni srad bur byas// ye shes gzugs su brtan byas la// bsgril nas gcig tu gyur pa dang // bde ba'i thig mchog gdab par bya// oM badz+ra sa ma ya sU tra ma ti kra ma a mr-i ta maN+Dal hUM/ shar nas nub tu brgyang ba dang // de nas lho dang byang du gdab// phyogs mtshams rab tu mnyam pa la// thig gi dbye bas cha bsnyams te// brgyad btab sa brgyad mngon par 'grub// ka ba

  366. 183b

    brgyad dang ldan pa yis// cha dgu pa ru snyoms par bya// gru bzhi khyams dang yang dag ldan// sgo bzhi sgo khang dag dang bcas// sna tshogs mdzes pa'i rgyan gyi sa// thams cad kun tu snyoms pa ni// lhag pa chad pa med par bya// de nas gser sogs rin chen lnga// bdar cing gtubs te phyar byas pa 'am// yang na sA lu phyer brdungs nas// mthing shun la sogs btsos byas te// mdzes pa'i kha dog lngar byas pa'am// tha ma 'ang rdo sogs kha dog lnga// phyir btags ras la sbyar byas nas// yang na nyi shu lngar byas te// dkyil 'khor dag la bde bar dgye// nyi ma zla ba g.yas dang g.yon// ma dang Ta las bskyes nas kyang // rdzi ma bkug pas drang bar bya// rang rang kha dog ldan pa yi// yi ge 'phreng ba lnga las ni// gyur pa'i ye shes tshon rtsi lngar// byas te mchod nas bstod cing bzlas// oM badz+ra tsit+ta sa ma ye a mr-i ta maN+Dal ma hA sa ma ya hUM// de nas sa gzhi dag pa la// cha rnams bgos te thig gdab pa// srad pu 'jur mdud med pa yis// bdud rtsi lnga dang bsres nas ni// khu bas rab tu 'dzin par bya// 'khor lo la sogs sngar gyi bzhin// rim pas ma nor brtags byas te// de nas tshon rtsi dgye bar brtsams// dang por bla ma slob dpon de// lha mo dag dang lhan cig tu// snyoms par gnas nas g.yas g.yon gyi// mtheb mdzub bar nas drang bar

  367. 184a

    bya// dkar po ser dang ljang khu dang // de nas dmar dang nag po rnams// lnga yi rim pas yang dag bshad// re'u cha dkar po che snyam la// nyi ma'i gdan lnga bstar ba ni// dbus ma'i cha la rdzogs pa ru// gtso dang gzungs mas bri bar bya// shar du ser po bri bar bya// lho na sngon po nub tu dmar// byang na an+di lta bur ldang // mtshams bzhir rigs kyi kha dog ldan// shar gyi khyams la sogs pa yang // rang rang rigs kyi kha dog ldan// sgo khang bzhi dang yang dag bcas// 'dod pa'i yon tan rin chen 'phreng // dra ba dra ba phyed pa dang // dril bu g.yer kha dar dang bcas// tA ra Na dang rta babs dang // rdo rje 'phreng bar yang dag ldan// 'od dpung bskal pa'i me 'bar ba// bya skad 'don pa'i rdzing bur bcas// sna tshogs rgyan dang ldan pa bri// dbus su rdo rje chen po sngon// shar du 'khor lo dkar la gsal// lho ru rin chen gser gyi mdog/ pad+ma ra ga'i mdog 'dra nub// rgya gram ljang khu byang du ste// dbus kyi re'u cha dbus nyid la'o// shar gyi re'u cha'i phyogs bzhi dang // dbus nyid du'ang 'khor lo dang // ut+pal bsdams 'khyud bri bar bya// rdo rje dang ni me long bdun// lcags kyu spos me bcas pa g.yas// mda' dang lcags kyu g.yon du bri// se gol dang ni ut+pal rgyab// lho'i dbus su bri ba ni// rin chen rdo rje rtse gsum mo// rin chen

  368. 184b

    'bar ba 'phreng ba bdun// nyi ma me tog gzhong pa g.yas// rgyal mtshan dang ni zhags pa g.yon// so 'phreng za ma tog ni rgyab// re'u cha nub kyi dbus nyid du// pad+ma pad+ma'i sdong bu bri// pad+ma dkar po'i pi wang mdun// ral gri mar me'i sdong bu g.yas// 'khor lo dang ni lcags sgrog g.yon// rdo rje lce dang 'khar gsil rgyab// byang dbus bri ba'i phyag rgya ni// ral gri pad ma'i pa tra'o// rgya gram dang ni gar sbyar mdun// mche ba dang ni byug pa g.yas// rdo rje go dang dril bu g.yon// khu tshur brtan na klu shing rgyab// shar sgo bri ba'i phyag rgya ni// rdo rje lcags kyu bri bar bya// lhor ni mi mgo'i zhags pa'o// thod sbrul lcags sgrog nub tu'o// byang du rgya gram dril bu bri// tA ra Na yi g.yas g.yon du// sman dang shing dang me tog dang // rtsi dang bcud dang zil mngar dang // 'bru dang chang dang 'o ma chu// de kun dbang byed lha mo dang // lha dang klu yi rigs 'dzin dang // mi dang drang srong gnod sbyin gyi// dus gsum rgyal ba'i gdung 'tsho ba kun// gsang ba'i snod du byas pa rnams// ming ngam brda 'am mtshan ma 'am// phyag mtshan du yag bri bar bya// de ltar phyag rgya bkod pa yang // re re zhing ni yig 'bru las// chu bur lta bur bskyed byas te// thugs ka 'am gsang ba las phyung la// bstims ste gnyis su med par bya'o// yang na rnal 'byor rjes mthun

  369. 185a

    par// byas te ga bu las phab la// gdan la bzhugs par bya zhes gsungs// rjes su rnal 'byor rdzogs byas nas// gur kum lde gus rdzogs byas nas// de yi phyi nas byugs pa gzhan// de rjes yon chab rdzas la sogs// sna tshogs pas ni mnyes par bya// sgra dang rol mo la sogs pa// bye brag mang pos re re mchod// brgya 'am stong las lhag pa'i spos// me tog gzhong pa mar mer bcas// zhal zas kyi ni rnam grangs dang // 'khur ba la tu nya sha dang // btsong dang sgog skya chan sna tshogs// sha dang tshil bu rkang dang zhag/ btsos bsregs skam po rlon par byas// mchod pa'i phyir na btung ba mchog/ ro yi dam pa dza gad kyis// snod mchog bkang la 'khor bar dgram// rnga dang rdza rnga rnga bo che// rnga rings ti mi la dang dung // pi wang gling bu ker ko ta// cha lang tsa shing ka ba ste// gar dang rab tu mnyes pa'i gar// rkang pa sgyur dang lag pa sgyur// kun la khyab pa bdud rtsi lnga// g.yas su 'khor ba rab bskor te// dkyil 'khor bskor te dgram par bya// rab tu sgrub la brtson bya'i phyir// gling bu bud cing glu blangs te// yang nas yang du bskor bya zhing / brgya 'am nyi shu rtsa gcig bzlas// chad dam nyes pa sor gzhug cing // lhag pa hUM bzlas dbyi bar bya// de nas rol mo sna tshogs kyis// drangs te bum pa dgod bya

  370. 185b

    ba// shar sgo'i ngos su rnam par rgyal// ras kyi steng du bzhag pa 'am// yang na rin chen khri la'o// las kun byed pa byang shar mtshams// lhag ma rang rang dag gi phyogs// phyi rol bum pa gang ba bkod// bdud rtsi rnam pa lnga rnams ni// snod kyi mchog ni bkang byas te// mtshams bzhir gzhag cing gtso bo'i snod// rnam rgyal bum pa'i steng du bzhag/ de ltar nan tan rab bskyed de// rdul tshon dkyil 'khor bri bar bya'o// dpal bdud rtsi bde ba chen po zhes bya ba rgyud kyi rgyal po chen po las// gzugs brnyan gyi dkyil 'khor bri bar bstan pa'i le'u ste bzhi pa'o// // de nas yang byang chub sems dpa' chen po rdo rje rnon po de nyid kyis// ston pa 'khor dang bcas pa la mchod pa'i ling long mang pos lan brgya stong du mchod pa byas te thal mo sbyar nas 'di skad ces gsol to// bcom ldan 'das dpa' bo chen po thabs kyi bdag nyid/ mchod pa dam pa ci lta bu zhig gis mchod par bgyi lags bka' stsal du gsol/ ston pas bka' stsal pa/ chos nyid byang chub sems chen po// rang bzhin 'od gsal bde ba che// rnam rtog rdul gyis ma gos pa// kun la khyab cing 'dod dgur bsgyur// dbang sgyur dbang phyug chen po des// kun tshim kun la khyab pas na// mchod pa'i mchog tu de bshad do// rang rig gsal ba'i ye shes ni// mchod pa kun gyi

  371. 186a

    mchog yin te// thams cad dpag gis mi lang bas// rgyal ba kun la rab tu mchod// oM sarba ta thA ga ta pu tsa badz+ra swa b+ha ba Ad ma ko haM/ mchod bya mchod byed tha snyad spangs// nga dang nga yi rtogs bral ba'i// bde chen gsang ba'i mchod pa ste// thabs mkhas rtog pa rab spangs nas// gsang ba snyoms pa'i mchod pas mchod// oM hUM bde ba chen po bde chen snyoms 'jug pas// gsang ba las byung de ni rab mchog rgyal ba mnyes// rab tu dgyes par 'gyur ba chags rab dga' ba kun dang mnyam par sbyor// dkyil 'khor kun tu rab mnyes rab tu dgyes par mdzad par gyur to// de nas yang rab tu dam pas tshig 'di skad ces gsungs so// de bzhin gshegs pa thams cad kun// rab tu mnyes par 'gyur ba la// kun tu bsngags par gyur pa ni// dga' bas kun khyab mchod yon dbul// byang chub yan lag mnyes pas na// me tog zhabs la dbul bar bya// kun tu tshims pas rab mnyes pas// spos ni shangs dang gsang bar dbul// shes rab gsal bas mun sel bas// mar me 'od kyi dkyil 'khor du// tshul khrims kyis ni tshims pas na// dri chab thugs kar byug par bya// btang snyoms lhun gyis grub sbyor bar// zhal zas ljags la tshim par bya// gzugs rnams spyan dang sgra rnams snyan// dri ni shangs la dbul bar

  372. 186b

    bya/ kha mngar ro ni ljags la dbul// reg bya lus kyi gnas kun tu// chos kun bde bar tshim byed sems// gdugs ni dbu yi dkyil 'khor la// rgyal mtshan sku la bstab pa'o// bla re 'od kyi dkyil 'khor la// 'phreng ba rin chen 'phreng ba dang // me tog 'phreng dang sna tshogs pa// dpral bar thod tshul dag tu bcing // dar dpyangs snyan cha ltag tu dpyang // snyan cha snyan gyi gong dang 'og/ ze'u 'dir dang ni dbu brgyan dbu// mdun rgyan sa yi 'khor yug tu// rin chen sil ma zang mar brdal// za ma tog dang rin chen sgrom// phung po mig mangs ris su bri// bye mar brdal la gcal du bkram// grang zhing bsil 'jam reg gnyen mdang // bya skad snyan sgrogs tshangs pa'i gsung // bar bar dag tu ljon pa'i shing // me tog 'bras bu lo mar bcas// g.yer ka dar gyi rnam pa la// shes rab rlung gis bskyod pa rnams// rdul phran tsam du bkod pa'o// dpung rgyan do shal se mo do// phyag dang zhabs kyi gdu bu rnams// so so'i gnas su dbul zhing gdags// 'jam mnyen reg na bde ba'i gos// stod dkris la dang ba ti dang // za bug tshig dgu la sogs pa// rang rang bde ba'i gnas su dbul// btung ba dri dang bcud dang chang // shing gi bcud mchog sa la'i khu// dam pa'i zas bcud gnyis po dang // ro yi btung ba ji snyed pa// gsung gi rdo rje

  373. 187a

    gnas su bstim// byang chub sems ni thugs kar ro// dri chen dpral bar dbul bar bya// pad+ma rag ta gsung la'o// sha ni lte ba dag tu bya// dri chu gsang ba'i gnas su bstim// sha chen thugs kyi rdo rje mnyes// glang po'i shas ni sku rdo rje/ khyi shas gsung gi rdo rje la// rta yis yon tan mchog tu 'grub// bya ni las kyi rdo rje la// gzhan yang mchod pa'i khyad par ni// rang gi rigs la dbul bya ste// thams cad bdag nyid chen po yis// thugs kyi dbyings su bstim pa ni// mchod pa bla na med pa'o// nam mkha' bde ba'i dbyings nyid du// nam mkha' khyab byed dbyer med thim// nam mkha' la gnas nam mkha' ni// nam mkha'i ngang du bde chen thim// dper na dri za'i grong khyer ni// mkha' 'am sa gzhi ri ngos sam/ brag gam chu la snang ba la// char gyi rgyun nam na bun nam// sbugs sil rgyun dag byung ngam khyab// bab bam kun tu brlan byas na// zos sam 'thungs sam spyad pa dag/ cung zad tsam ni med mod kyang // de dag gis ni lus dang ngag/ lus bde yang dag thob par 'dra// de ltar mchod pa'i rdzas dang gnas// dbul ba'i thabs sogs de ltar spyad// hUM gis sbyangs la AHgis spel// oM gyis 'dod dgur thams cad bsgyur// de nas rgyal ba kun bdag mnyes// rab tu tshim par ngas bshad do// traM las gyur

  374. 187b

    pa'i 'od kyis ni// rin po che'i tshogs byin rlabs// dbu rgyan la sogs sku'i rgyan// gzi brjid snying po'i phung po haM// dar dpyangs ho las rab tu bskyed// do shal se mo do la sogs// paM las byung bar bya zhes bshad// dar gyi stod smad na bza' rnams// kaM dang byaM la sogs pa'o// bza' ba'i tshogs ni hUM nyid la// au ni yongs su gyur pa las// cang la sogs pa rab tu dbul// mchod yon a dang spos me tu// pU las me tog pa ma las su// mar mer byin brlabs dbul bar bya// g+ha las dri'i rgyan dbyung zhing // shaM las lha bshos yang na 'dra// hUM gis byang chub sems su bya// oM gyis dri chen swa las sha/ A~M ni pad ma rag ta'o// ha yis dri chu byin gyis brlab// mAM gis sha chen laM gyis su// glang po'i sha ni byin brlab bya// maM gis rta sha pyaM gyis su/ khyi sha taM gyis bya'i sha// byin rlabs rab tu brtan par bshad// rU yis gzugs sdug lha'i byad// g+ha yis sgra'i tshogs brlab bo// ti las dra'i rnam pa'o// paM las ro rnams mnyes phyir brlab// sham las yang na b+ha las su// reg bya gang yang rung ba brlab// sa gzhi rnams ni su las su// paM las rdzing bu che phra rnams// rin chen phung po sil ma'i tshogs/ khams las gyur pa bya zhes bshad// dpag bsam shing dang tsu da dag/ lcug phran yal ga bcas pa rnams// baM gis nye bar sbyangs par

  375. 188a

    bshad// rta dang glang po'i khyu dag ni// bran dang bcas pa thams cad kun// tsam las byung ba'i sprin dpung tsam// rgyal ba rab tu mnyes par bya// de nas lha mo 'am mi mo 'am/ klu mo 'am byin brlabs tshul lta bur// byas te rab tu sbyar nas su// mnyen pas rab tu mnyes par bya// oM b+ha ga ne rod d+ha pad+ma rag ta/ badz+ra ne rod ta bo d+he tsid+ha ma hA g+hu h+ya pu tsa mA ha pu tsa hUM hUM/ gar gyi rnam par rol pa yis// bdag gi dkyil 'khor mchod par bya// lus ni rdo rje mi bskyod pa// hUM las phra rab rdul gyis bkang // lag g.yas de bzhin gshegs pa ste// oM las rnam par snang mdzad do// rkang g.yas rin chen 'byung ldan no// swa las phra rab rdul phran dgod// lag g.yon snang ba mtha' yas kyi// rdul phran aM las pad ma'i rigs// las kyi rigs ni rkang pa g.yon// ha las don yod grub pa ste// shes rab tshogs dang bcas pa'o// lag g.yas phyar te g.yon bshal mnan// mgo bo yid tsam g.yon du btud// 'phar dang gsig dang brtan sprugs na// des ni rgyal ba rgya mtsho mnyes// oM badz+ra karma tsa tur ku ru ni ra t+ya ha haM hUM dza phaT ka ra// de bzhin rkang g.yas phyar te gcu// g.yon pa sa la brdab cig mnan// lan gsum bya ba de bzhin gshegs// thams cad du ni zhi pa 'grub// oM pud+d+ha shan ting sarba ta ma tha he he tra ta ka ra na

  376. 188b

    pa he hUM hUM phaT ka ra/ rkang pa g.yas pas g.yon pa gnan// lag pa gnyis kyang bzlog nas brkyang // mgo lus gsig cing 'dar ba'i tshul// tha mar thal brdab rgyas pa'o// oM rad na puSh+Ti sarba n+ya ta ku ru te b+ha ba he du he hUM hUM phaT ka ra// lag g.yon phyar nas cung zad brjid// mig gnyis chags tshul smin ma bsgyur// rkang gnyis rting sprad sor mo dgyed// 'phyongs shing gar bskur dbang du 'gyur// oM pad+ma mo ha na sarba staM b+ha ri ku ru te ha ha ha du hUM paM phaT ka ra/ rkang pa g.yon pa gyen du 'degs// g.yas pa sa brtan rab tu brkyang // lag gnyis thal mo brdab cing brkyang // khros pas 'bri tshugs drag po 'grub// oM karma mA ra na yA sarba ma ra du pra be sha yA phaT hUM hUM phaT ka ra/ dang bas lus rnams rab tu gsig/ lag pa gyen du sbyar nas bgreng // rkang pa bcus la res mod bstan// gsang ba'i mi mngon rgyas btab la// phaT kyi sgra ni drag tu bsgrags// pad+ma'i phyag rgya smin mar bcing / khros nas rab tu bkrol bar bya'o// de ltar mchod pa'i sprin spros la// rgyal ba bdag gi tshogs bcas la// rab tu dgyes pas mnyes bya'i phyir// gsang sngags lan gsum brjod cing dbul// au ba hUM pu tsa ma hA pU dza/ de bi pU dza/ gu h+ye pU tsa/ g+hu na pU dza/ sta na pU dza/ maM sa pU dza/ rag ta pU dza/ tsit+ta pU dza/ ba su ta pU dza/ ma tsa pU dza/ me tsa pU dza sarba ta thA ga ta

  377. 189a

    badz+ra pra ti dza man khA khA le la ha ho haM/ zhes gsungs pas/ phyogs bcu nam mkha'i mthas klas pa'i bde bar gshegs pa zhing gi rdul phra rab snyed mnyes par gyur to// dpal bdud rtsi bde ba chen po zhes bya ba// rgyud kyi rgyal po chen po las/ mnyes pa'i mchod pa stan pa'i le'u ste lnga pa'o// // de nas yang bcom ldan 'das bdud rtsi mchog gi rgyal po chen po des/ thams cad gnyis su med par byin gyis rlob pa dbang bsgyur zhing thabs rdzogs pa zhes bya ba'i ting nge 'dzin la snyoms par bzhugs te cang mi gsung par gyur to// de'i tshe nam mkha'i mthas klas pa thams cad de bzhin gshegs pa'i skus kun nas gang bar gyur te/ dper na til gyi gang bu bzhin du rgyas par gyur to// de dag re re'i sku las kyang 'od zer don mdzad par spyod pa bsam gyis mi khyab pas thams cad nas thams cad du khyab par mdzad do// de dag gi rtse mo las kyang pad+ma kha dog sna tshogs su 'dug pa/ 'dab ma stong stong dang ldan pa// lte ba dang ge sar du bcas pa// dri phun sum tshogs pas 'gro ba thams cad kyi rgyud tshim par mdzad pas kun nas khyab par mdzad de// de dag gi lte ba la yang rigs lnga'i sangs rgyas rdul phra rab/ chu klung gi rdul phra rab dang mnyam pa/ mtshan dang dpe byad thun mong dang / khyad par mchog tu gyur pas rnam par spras pa

  378. 189b

    rnams bzhugs so// de dag re re'i yang gnas lnga lnga nas 'od kyi dra bas rnam par brgyan pa'i lha mo/ pad ma'i rtsa ba ltar dkar ba'i mdangs can/ rtsa dmar bar 'dzum pa'i mdangs dang ldan pa lag ngar man cad gser gyi gdu bus gtams te/ rin po che gzhan sna tshogs pa'i rna rgyan dang / rkang gdub dang / dpung rgyan dang / sor gdub dang / rtse bran gyi cod pan dang / rkang gdub la sogs pas rab tu brgyan pa'i phyag na/ rin po che'i bum pa/ dpag bsam gyi shing 'bras bu can gyis kha brgyan pa/ lha'i ras kyis mgul ba bcings pa// nang bdud rtsi lnga'i chu bos gtams pa thogs shing / g.yon pas ras dang / me tog 'phreng dang / tsan dan dang / gur kum gyi phye mas phyogs kun tu char 'bebs shing bkra shis kyi glus tshigs su bcad pa 'don pa dpag tu med pas/ nam mkha'i mtha' khyab nas gang bar gyur to// de lta bu'i mdzad pa mngon du mdzad pa'i tshe/ byang chub sems dpa' rdo rje rnon po rang gi stan las langs nas/ bcom ldan 'das la rnal 'byor gyi dbang phyug lugs bzhin byas nas rab tu gus pas btud de gsol pa// e ma ho gsang ba mchog tu gyur pa yi// bde gshegs rnams kyi gsang mchog ste// dbang mchog dam pa bskur ba'i thabs// 'jug pas 'jug dang bcas pa rnams// brtse bas bdag la bshad du

  379. 190a

    gsol// de skad gsol ba gsan nas kyang // 'gro ba'i gtso bos bka' stsal pa// gsang ba bas kyang ches gsang ba'i// yang gsang dbang bskur rmad byung ba'i// thabs mchog yang gsang bla na med pa'i gtso// khyed la yang dag bshad par bya// yon tan kun ldan rab brtags pa'i// chos kyi bu ru gang 'os pas// dad pa brtan por byas nas ni// byang chub sems la rtag mos pas/ khrus byas gtsang ma'i gos gyon la// tshad med bzhi la gnas par bya// snying po'i dkyil 'khor chen po la// mdun te gnas nas dga' sems kyis// gser sogs rdzas kyis snyim pa dgang // yang nas yang du slob dpon dang // lha rnams la ni gsol ba gdab// bde bar gshegs dang slob dpon la// bdag ni gus pas phyag 'tshal lo// khyed la rtag tu bdag 'bul lo// 'khor ba 'di las bskyab pa'i phyir// khyed kyi thugs rjes bdag la dgongs// thog mtha' med pa'i mun gtibs pas// shes rab sgron ma bdag la theg/ chu bo rab med chen po las// bdag ni bsgral te skam sar khod// bdag ni pham gyur 'khor bas na// yang dag byang chub chen po la// bdag ni ding 'di nyid du 'khod// de nas rdo rje slob dpon gyis// snying rje chen po bskyed nas kyang // 'di skad ces ni lan gdab bo// bu khyod dad pa cher ldan zhing // bdag dang

  380. 190b

    gzhan dag bsgral ba'i phyir// dag pa'i dkyil 'khor chen po ru// 'jug pa 'dod pa khyod legs te/ yang dag lam mchog dpal ldan par// nyams su len par 'dod pa na// bslab pa dag la gnas nus sam// des kyang nus par bgyi zhes gsol// de nas dag par khrus bya ba// las kun byed pa'i chus bya'o// dar la de yis btab byas la// dkris te yol ba'i phyi rol bzhag/ de nas thal sbyar pus btsug nas// bla med 'dod pas gsol ba gdab// bla med khang par 'jug sngon du// bdag la spyod pa mchog bslab cing // sdom pa mchog ni bdag la stsol// bdag sems brtan par nyid kyis mdzod// de la 'di skad bka' stsal bya// nga dang bde gshegs thams cad kyi// dam pa ji snyed gsungs pa yang // bdam par bya ba nyid las su// bsngags pa gzhan ni gang yang med// khyod kyi lus kyi mi bya ba// srog gcod 'dod pas spyod pa dang // gzhan gyis ma byin rdzas len pa// pha ma rdo rje slob dpon gyi// phyir yang mi bya gzhan ci smos// ngag gis brdzun dang phra ma dang / 'khyal ba'i ngag dang rtsub pa'i tshig/ nam du'ang dus la ma bab pa/ khyod kyis smra bar ma byed cig/ ngan sems dang ni gnod par sems// log par lta ba phyin ci log/ dgos ched yod kyang gzhar mi bya// lha dang bla ma smad mi bya// mu stegs nye gnas can dag

  381. 191a

    dang // 'gro kun la yang gshe mi bya// snying po yang dag ldan pas na// shan pa nya pa la sogs la'ang // gshe ba dag tu yongs mi bya// gtsug lag khang dang byang chub chen// dge slong bram ze pa dang ma/ khyad par du yang bla ma'i rdzas// til 'bru'i phub ma'ang blang mi bya// bsgo ba thob na nyes pa med// phul ba'i rdzas ni mi bsgom zhing // bsngos pa la ni mi rlom mo// thun mong de las lhag bsrung ba// gsang ba rmad byung sgo 'di ru// mi bya ba ni cung zad med// gong las lhag pa gnyis yin te// bzlog ste thams cad bya ba ni// yol ba'i nang du drangs la sbyin// bu khyod rigs kyi sras mchog ste// bla ma sangs rgyas nyid du blta// rdo rje dang ni dril bu blang // nyin re'ang dus drug sbyin pa gtang // phyi nang gsang ba'i dam chos bzung // thams cad mchod pa'i las rnams bya// don dam dang ni kun rdzob kyi// sems ni nan tan dag tu bskyed// 'dod pa'i yon tan lnga rnams kyang // bag dang ldan pas spyad par bya// don dang bzang zhes las rnams la/ khyad par dbye bar ga la bya// sman rnams la ni kha mngar ro// zhu rjes bcad de mi bsre bsrel// gtsang dang sme zhes dbye med par// mi la sogs pa'i sha bsrel zhing // bdag dang gzhan yang za ru gzhug/ mi mo gang la'ang mi smad cing // shin te ma la'ang dpya ba min// gnyis pos legs par

  382. 191b

    bshad byas nas/ snod dang ldan la gsang sdom ni// brtags nas sbyin te kun la min// gzungs chen zabs dang ldan pa'i bu// chur shog rab tu gsang ba'i tshul// sdom pa khyod pa sbyin par bya// khyod kyi srog ni gcad par bya// ma bcos don gyi snying po la// nga dang gzhan zhes mi 'byed pas// gcad dang gcod par bya mi dmigs// ma byin par yang blang bar bya// bdag gzhan rdzas su 'dzin pa'i blo// gzung 'dzin rtog dang bcas pa ni// de bzhin nyid kyi klong la med// chags pas kun la spyad par bya// dug sngags snying la gnas gyur na// sbrul dang btsan dug dbyig sbyar ma'i// gnod pa de la'ang 'byung mi 'gyur// lce dang rkan las byung ba'i rdzun// smras pas log pa'i gzhi med de// don gyi snying po rab ldan pa'i// blo la rdzun gyi gzhi med do// myos byed bag dang ldan par btung // sems nyid brtan pa'i skyes mchog ni// ci'ang men pas rab brtan te// nyes par gyur pa'i gzhi mi srid// bag gis spang med blang dor med// bdud rtsi lnga la longs spyad de// rtag par bdag gi brgyan du bya// sha lnga bza' bar bya ba ste// bshang gci khu khrag ngan pa med// rmad byung bstan pa'i sgo 'di ru// mi bya ba ni ci yang med// de bzhin mi bsres pa yang med// bu khyod kyis ni brtan par zung // 'on tang rgyal ba'i gdung 'dzin te// dper na 'khor lo sgyur rgyal

  383. 192a

    po// nor bu rin chen la sogs pa// rgyal srid bdun dang lang long dang // lung dang mi gtsang mi 'byed par// kun la dbang sgyur rgyal chen po// de bzhin 'khor dang myang ngan 'das// spang blang med par spyod pas na// rdo rje theg chen bla med do// de bas nga'i bsgo ba 'di// nyon la nan tan cher gyis shig/ des ni don la 'byor bar 'gyur ro// de nas hUM gis sbyor ba yis// de'i snying kar zla ba yi// steng du rtse lnga'i rdo rje bsam// de las rdo rje sems dpa' gtso// bskyed las 'od kyi rgyal ba'i tshogs// bkug ste snying kar kun brtan pas// dam tshig la ni nan tan du// bya ba'i phyir na rnam gsum la// chu dang dpal bo bdud rtsir bcas// rlon pa dang ni dri chu dang // sbyar te lce la gsum gsum sbyin// IM i d+han te na ra ka na te/ b+ha ra hi ste/ sa ma ya/ yak+Sha khang kha tshin d+ha hUM phaT/ IM AM a mr-i ta kuN+Da li ha na ha na hUM phaT/ oM AHhUM sarba pany+tsa a mr-i ta kuN Da li rag sha kro d+ha ha na ha na badz+ra si d+ha hUM tha tha/ de nas bu des 'di skad gsol// dri chen rdo rje bla ma yis// bde gshegs thams cad bsdu mdzad de// bdud rtsi bdag la dbab tu gsol// bdag rgyud tha ba rgon gdung la// byang chub myu gu bskyed bya dang // bla med 'bras bur bsgrub pa'i phyir// shes rab thabs kyi ngo bo las// ye shes bdag la dbab tu gsol// bla mas phyogs

  384. 192b

    bcu'i zhing khams na// 'od kyi thams cad bskul bkug ste/ spyi bo zla ba'i a brgyud de// ba spu'i lam nas mgo zhabs su// rang gi ye shes bskyed bya zhing // phyag rgyas rang brgyud brtan par bya// oM badz+ra A be sha a a a/ sa rtsa ra sa'i bdug pas bdug/ rang gi lag mthil g.yon pa ru// nr-i las ci byas sdig pa'i tshogs// bsams te til dang yung kar ram// yang na dug gi me tog bsreg/ gtso bo'i gsang sngags bzlas pa bya// yang na zhi ba'i 'phreng ba bzlas// bdag ni rmongs 'thibs mun par 'khyams// gsal ba'i ye shes sbyar bas su// dbang po nyid la cha snang ba// bstan pas rtogs su bdag 'gyur mod/ khyod la dbang por gyur pa rnams// stobs su 'gyur ram mi 'gyur phyir// bsdus te dkyil 'khor yid la gyis// ci snang nga la rdzun spang smros// bla ma la ni gus btud de// ci snang bzlas pa'i sgo nas shes// des na rigs su nges par bya// de nas A khaM bI ra hUM dza/ shar nas bde gshegs 'khor bcas la// spyi bo sa la gtugs gsum btsal// che ba'i brjod na rab tu bsngags// hUM/ lho nas rin chen rigs tshogs la// yon tan brjod de phyag bya ba// dpral ba'i rin chen sa dbab bya// baM pad+ma la ni nub sgo nas// gsung gi sngags pa brjod byas te// pad+ma'i kha mgrin sa la dbab// ho/ byang nas las kyi rigs tshogs

  385. 193a

    la// las kyi bsngags pa glengs nas kyang / lus kun sa la brdab byas gsum// rtsa ba'i ni sgo shar phyogs nas// snying po rdo rje sa la dbab// rdo rje che brjod phyag gsum bya// rdo rje rtse mo gcig pa'i rgya// bcings pa'i bar du gser dngul 'phreng // rang gi rig pa brtan byas nas// sngags 'dis dkyil 'khor dag tu dor// lha'i thugs kar bstim par bya'o// oM badz+ra pra ti dza badz+ra ho// ma hA sa ma ye badz+ra puSh+pa pu dza pra ti dza badz+ra ho/ gang dang gang du bab pa'i tshe// dngos grub de las shes byas te// ye shes khong par ma chud na// lan gsum dag tu bsgyur te bya// des kyang yid ches ma gyur na// skal ngan de ni dbyung bya ste// sems bskyed de dag tsam la brten// bdag ni ma rig mun pas khebs// gtibs chad ngan song g.yang sa ru// lhung gyur 'di las bskyab mdzad de// mun pa thibs po bsal du gsol// rang rig gser gyi mig zur gyis// aM rdza dang 'dra rab rib dag/ nga yi thugs rjes bsal byas te// rang sems dkyil 'khor blta bar gyis// des na mthong ba dam pa yin// de nas dkyil 'khor phyi dang nang // legs bltas rang sems mthong zhes bya// de nas lus kyis phyag btsal te// pus btsugs gus pas btud de gnas// de nas 'phreng ba'i dbang bya ste// lha nyid gral las bzhengs nas su// bu de'i rgyud

  386. 193b

    la bstim par bya// 'di ni rgyal ba kun gyi bdag khyod kyi thog ma med nas bsgrubs// de ring khyod la babs gyur te// nam du'ang 'bral ba ma byed cig/ de nas gsang ba bsgrags par bya// de ring phan chad rgyal ba'i sras// tshe ring bde ba phun sum tshogs// rgyal ba'i rigs su 'khrungs gyur cing // byang chub nyid du mngon sangs rgyas// de bas bu khyod don mchog 'grub// nges pa nyid du yang dag sbyor// de nas bla mas byin pa'i lha// rang gi nus pa ma nyams pas// bsgom dang mchod dang bzlas bstod de// de ni bsgoms pas mthong ba yin// de nas seng ge khri brtsigs te// dkyil 'khor 'dab brgyad bkra shis brgyad// dar ram ras kyi g.yogs pa'i steng // skyil krung yang na bzang po yis// 'dug thabs lta bur gnas brgyan te// steng nas bla bres dgab pa dang // gos dkar gyon zhing mnyam pa yi// phyag rgyas gnas te bsgoms par bya// me tog snyim pa bkang nas su// gtor te gsol ba gdab pa ni// sangs rgyas byang chub sems kun dang // bla ma la ni bdag nyid 'bul// sems dpa' mchog gis bdag bzung ste// dad pas khyed kyi 'bangs su mchi// sa rab mchog la gnas pa yi// rnal 'byor bdag gi skal ba bzang // bdud rtsi mchog gi snod lags pas// bdag la dbang bskur stsal du gsol// sngon du bcom ldan bdud

  387. 194a

    rtsi mchog/ bde chen dpal ldan kun bzang gis// byang chub sems dpa' skal ldan kun// dbang mchog rmad byung rab bskur nas// gtso mo chen por mdzad pa bzhin// bdag kyang de'i rjes su slob// de la yang ni 'di skad du// nga ni bdud rtsi bde ba che// sangs rgyas yongs pas sngar sangs rgyas// nga ni rdo rje 'dzin pa dpal// sems can yongs kyi sems nyid do// gnyis med lhun grub chen po ste// rgyal ba dpag med yongs kyi rje// rang bzhin smos bal de bzhin nyid// tha snyad bzhi bral sems nyid ni// sa chen sangs rgyas sgyid dpal sa// 'di rtogs rig pa mchog yin te// rang dbang rgyal po rang bzhin rdzogs// bskur ba'i tha snyad bral ba ste// ye nas btsal dang bral ba yin// de nyid thob par byed 'dod pas// 'dod chags la sogs ji bzhin pa// de bzhin nyid du rtogs bya'i phyir// bum pa la sogs rdzas lnga yis// lus kyi spyi bor btugs te bskur// oM badz+ra a b+hi Shany+tsi hUM/ zhes gsungs pas/ de bzhin gshegs pa rnams lha mo dang bcas pas bum pas dbang byin te/ de nyid kyang gnas gnas su zhugs te dbyer med par gyur te/ dbang byin no// de nas yang 'di skad ces bka' stsal to// rab tu dbang bskur bstan bya'i phyir// rdo rjes thugs rjes 'gro la bstan// dril bus chos kyi gsung sgra bstan// gnyis kyis

  388. 194b

    gnyis med phyag rgya bstan// gnyis pa brtan par bya ba'i phyir// 'khor lo ba dan tri shu la// bgrang 'phreng rnga yab za ma tog/ me tog ste ma bum pa dang // bcas pas rdo rje rtse gcig bskur// gsum pa rab tu blta bya'i phyir// dung dang gaN+DI ras yug dang // sman gyi snod dang gleg bam rnga// mdung dang sog le rtse gcig bum// bzhi pa kun tu brtan bya'i phyir// ral gri dang ni gri dang mda'// gzhu dang pad+ma bla bre dang // bsil yab ra dung rtse gsum dang // bum pa bcas pas dbang bskur ro// lnga pa yang dag brtan bya'i phyir// tho ba gtun shing sgron ma dang // gshan ti ka dang dgra sta shing // me long sgreng du 'khar ba'i rngadza// bum par bcas pa snga ma bzhin// drug pa 'di bar brtan ched du// rin chen mar me dar dpyangs dang // zla ba gdugs dang sbrang yab dang // mche ba rdo rje rtse lnga phub// bum pa yis ni 'dir yang gsungs// bdun pa shin tu brtan bya'i phyir// rdo rje rgya gram dra ba khab// ral gri rtse gcig gshol dang ni// pad ma'i 'bring dang so 'phreng gri// bum pa bzang ldan 'di la sbyar// brgyad pa la ni bsti ba'i phyir// shar sgor 'khor lo nor bu rta// btsun mo dmag dpon blon po ste// rin chen bdun gyi dbang bskur ro// khri snyen sa le zhwa dag lham// tshangs pa'i skud pa gdub bu khab// mda' gzhus lhor bskur nye ba

  389. 195a

    @/ bdun// nub tu dpal be'u 'khor lo gdugs// rgyal mtshan pad ma bum pa dung // rin chen gser gyi nyas bskur te// bkra shis rtags kyi bkra shis bya// byang du ku sha bil pa dang // li khri g+hi haM me long zho// yungs kar dung ste rdzas brgyad bskur// bla bre gdugs dang rgyal mtshan 'phan// do shal pung rgyan se mo do// mgur chu snyan cha phyag zhabs kyis// gdub bu sor gdub bza' btung gos// rdo rje brtul zhugs dbugs dbyung ste// lung bstan gnang ba'ang sbyin par bya// dgu dang bcu dang bcu gcig la// rang rang lta ba dag bya'i phyir// 'bru lnga sman lnga rin chen lnga// snying po lnga dang bum par bcas// gsum dang bzhi dang gnyis bar gyi// phyag rgya sngags dang phyag rgya yis// ye shes brlab phyir dbang bskur ro// bcu gnyis bcu gsum bcu bzhi la// gsang dang shes rab ye shes dang // de ltar de bzhin bzhi pa yang // mtshon te bskur bas dbang kun rdzogs// bcwo lnga bskur ba'i tha snyad sngangs// rang rig de nyid rang byung gis// kun khyab gsal bas don gyi mchog/ bskur dang blang pa'i tha snyad bral// ces gsungs so// gsang ba'i 'khor thams cad rab tu mgu ste// dam par 'gro ba'i bka' lung gis rang rang gi rgyud tshim par gyur to// dpal bdud rtsi bde ba chen po zhes bya ba rgyud kyi rgyal po

  390. 195b

    chen po las/ dbang rnal 'byor du skur bas mthar phyin pa zhes bya ba bstan pa'i le'u ste drug pa'o// // de nas yang sems dpa' chen po rdo rje rnon pos/ bcom ldan 'das la 'di skad ces gsol to// kye ma bcom ldan dam tshig bdag/ gsang ba'i sgo 'dir zhugs pa yi// rnal 'byor gsang sngags rigs 'dzin pas// bsrung ba'i gnas rnams bshad du gsol// de nas bcom ldan mi 'da' bas// bsrung bar bya ba dam pa dag/ 'gro ba phan phyir 'di skad gsungs// snying po thig le sems kyi dngos// ma bcos byang chub sems chen po// gnyis med rgyu dang rkyen med pas// skye dag 'gag pa yongs bral ba// nga las mi 'da' dam tshig ste// de las bsrung dang bsrung bya med// bsrung du med pa'i dam tshig ni// 'gyur med byang chub klong chen por// spros med dbyings su rgyas btab pas// de las lhag pa'i bsrung bya med// de ltar rtogs pa'i skyes bu yis// ci byas ci bsgoms ci spyad kyang // dam tshig mchog ste dam pa'o// yang dag 'gro ba'i don du ni// bsrung bya bla med bsrung ba ni// rag dga' bag med nyams 'gyur bas// 'das na bde gshegs nyid kyang 'tshig/ de la bsrung bar bya ba ni// spyi ste thun mong khyad par dang // lhag pa nyid du bstan pa'o// de la thun mong bstan pa ni// rtsa ba dang ni yan lag go/ rtsa

  391. 196a

    pa dag ni rnam gsum ste// ri bo mchog rab mi bskul te// shing mchog sman sdong mes mi bsreg/ bsam par yang ni mi bya na// dngos su ci smos byas na brlag/ gcan gzan rgyal po seng ge'i sgra// gangs kyi ljongs na ngur ba'i gdangs// gzugs blta sgra rnams rgyun mi gcad// de las 'das na dmyal bar nges// rgya mtsho gting dang ri rab rmang // sbas pa'i gser sogs gter mi gdon// 'phyar g.yeng gcan bus bton gyur na// rgyal po la sogs kyis phrogs nas// bdag 'pham nor dang ldan mi 'gyur// nyes byas srog thung dmyal ba che// rdo rje zhes byar brlag par nges// 'di dag nyes byas dper bstan pa// rtsa ba rul pa'i ljon shing la// sdong bu yal ga 'bras bu dang // lo ma me tog mi 'byung dang // sol ba dkar por mi 'gyur zhing // de las lcug ma mi skyes dang // sa bon sad kyis bsad bsregs 'dra// gsos pas sos pa'i klags med de// bskal pa 'bum dang nyis 'bum dang // 'bum phrag gsum du skabs mi srid// gsos na de nas gdod skye srid// yan lag bcwo lngar bstan pa ni// mi spang ba ru brjod pa ste// rdul dang mun pa snying stobs dang // zhor byung gnyis dang lngar bstan to// dang du blang ba lnga po ni// gcod pa dang ni ma byin len// 'dod spyod brdzun du smra ba dang // 'chal sogs

  392. 196b

    brlang por smra ba'o// spyad pa lnga yang 'di lta ste// zla ba nyi ma sman chen po// rdo rje gur kum chu lnga ni// lus kyi bcud du gyur pas so// de yi zhor las byung ba yi// dngul gser lcags dang zangs dang ni// mkha' ra'i lcags kyu lnga'ang de bzhin no// kun gyi zhor las 'byung ba ni// phung po lnga la sogs pa rnams// lnga lnga lnga ste lnga phrag brgyad// rigs kyi dbang gis sngar bstan pa'o// rdo rje rin chen pad+ma las// de bzhin gshegs pa'i rigs dang lnga// re re la yang sku lnga dang // gsung lnga thugs lnga yon tan lnga// 'phrin las lnga ste bsgrub 'bras bu// 'di las mi 'da' dam tshig gtogs// khyad par dag tu bshad pa ni// duM gi rgyurgyangs pa rgyun du bzhi pa// de bas bde bar dang du slang // pad+ma'i zil pa bung bas bzhi pa// chags pas 'gro ba mi gtang ngo // bla med dri mchog du ru ka/ skyes bus bza' zhing bsku mnye bya// ri rab la brkos rtsa ba ni// gsang ba zlos pas khar bcug mur// brag las 'dzags pa'i zhun chu ni// tshangs pa'i dbyangs dang ldan pas btung // a 'bra rgun 'brum pa na se// pa ri br-i sha dag dang bzhi// na le ker ya bza' bar bya// rtsa ba sdong bu shun pa dang // lo ma me tog 'bras bu dang // shun phrags thang chu bza' zhing btung // gsang ba'i sngags kyi sbyor ba yi// btab cing dug kyang bza' bar bya// spang dang blang ba med pa

  393. 197a

    yis// re dogs spangs te kun tu spyad// zla ba'i dus la bab pa'i tshe// lus la bsku ba'i sbyor bas mnye// de tshe pad ma'i kha mi dbye// dus su mi dbye ga la srid// zhi ba'i sbyor bas thams cad bya// gang zhig 'dul bar ma gyur na/ khros pa'i sbyor bas nan tan bya// bzang ngan dri dang dug sman la// blang dang dor ba bya ba min// yo byad rdzas dang mi ldan pa'i// bsgrub la 'jug par bya ba min// rtog pa'i sems dang ldan pa na// 'phags dang mkha' 'gro ci phyir mchod// rtog bral 'phags rgyun du mchod// mkha' 'gro ma'ang mchod pa dang // bdag nyid kyis ni rgyun du myang // dam tshig pa rnams rgyun du bskang // des ni khyad par dam pa'o// brtul zhugs dam tshig nyi shu gsum// nam du'ang 'bral ba med pa ni// dus gsum bsngo zhing bgrangs nas ni// rab bskur gso la brtson par bya// spyod pa'i dam tshig nyi shu gnyis// dam tshig kun gyi sngon du 'gro// rgyun du mi 'da' rab tu bsdam// bsrungs pas nyes byas byung srid na// bskang dang gsol la rab brtsol bas// byang chub rgyu ru 'gyur bar bya// de dag gso la brtson pa na// yo byad dag ni rab bstar te// bzlas la 'bad pas gang 'das pa// sor gzhug yang ni ma rtog pa// yun rings nan tan byas na skongs// yang na bla ma mchod pas skongs// yang na tshogs kyi 'khor lo

  394. 197b

    bskor// gsungs rab 'don dang sku gdung bzhengs// srog gdon chos kyi sbyin pa dang // sman gyi sbyin pa'ang chu klung dor// yang dag spyod pa 'di dag gis// skongs par 'gyur bar gdon mi za// yang na rgyal ba 'khor dang bcas// mdun du phab nas mchod byas te// gdung ba dag gis sgrengs te bshags// des kyang phra mo skong bar 'gyur// de skad dam tshig rgyal po ches// 'khor rnams kun la brtse ba'i phyir// bsrung gnas gso ba'i thabs bcas pa// dgongs nas nyid kyis rab gsungs pa'o// dpal bdud rtsi bde ba chen po zhes bya ba'i rgyud kyi rgyal po chen po las/ dam tshig gi gnas dag gso ba la brtson pa zhes bya ba'i le'u ste bdun pa'o// // de nas yang sems dpa' chen po rdo rje rnon pos/ bcom ldan 'das la phyag 'tshal te gsol pa/ kye ho bcom ldan rdo rje gtso// gsang ba'i dbang phyug sngags kyi bdag/ bzlas pa tsam gyis 'grub pa yis// gsang ba de nyid bshad du gsol// de skad zhus pa'i tshig gsan nas// sngags kyi dbang phyug chen po yis// rdo rje rnam par dag pa'i mchog/ kun tu gsal bar byed ces pa'i// ting nge 'dzin la snyoms zhugs nas// zla ba'i hUM dang tha ma yi// chos kyi snying po rab 'bar las// dpag tu med pa'i 'od 'phros pas// 'gro kun lam la gnas byas shing // slar yang bdag

  395. 198a

    nyid dbyings bsdus nas// gsang sngags gsung 'di bka' stsal to// bsnyen pa ma byas 'bras mi 'byin/ sngags rnams ma bzlas mi 'grub ste// bla med sngags la rab brtson pas// thams cad bzlas pas 'grub par bshad// sku yi rdo rje thugs ka nas// zla ba la gnas 'khor lo'i ste// oM las 'bar ba'i 'od zer ni// dung dang ba mo zla ltar dkar// yig 'bru 'khor lo rnam snang sku// gsal dang zla 'od rab rib tu// 'phros pas zhi ba'i las rnams 'grub// 'od dpag med la rang snying du// pad+ma la gnas pad+ma yi// ge gsar la gnas aM gyi mdog/ mtshal gyi khu ba 'am byu ru 'dra// gsung dang phyag mtshan sku phra mo'i// gsal la mi gsal 'di 'od tsam// 'phro 'dus dbang gi las bya'o// mi 'khrugs rdo rje'i thugs ka ru// mthing shun lta bu'i kha dog gi/ hUM ni rdo rje'i bum par gnas// nyi ma'i dbus nas thugs ka ru// de nas sku gsung thugs kyi rgya// rab 'bring tha ma'i shes rab kyis// sgro bsdus drag po'i las bya'o// rin chen dpal ni lte bar bsgom// zur brgyad dbus su yi ge swa// gser bsregs kha dog rab tu 'bar// tshe dang bsod nams 'dod pa'i phyir// shes rab brtan dang mi brtan pa'i// 'phro dang 'du ba 'khrigs pa yis// rgyas par gyur pa'i las bya'o// gzir dang mnan pa'i las bsgrubs na// don kun grub

  396. 198b

    pa'i thugs ka ru// rgya gram me yid dkyil 'khor gyi// dbus su ha mchog bsgom pa ni// spangs ma'i 'od ldan rab tu 'tsher// spros bsdus mnan dang gzir ba dang // thams cad kun tu bya ba ni// rang snying sems dpa'i thugs dkyil du// nyi zla pad+ma rin chen me// dbus nas hUM IM swa AM ha/ kha dog lnga ldan rdo rje'i dbus// stong gi 'jig rten khyab byas te// las dang mthun pa'i las byas te// bsdu ba dag ni rab byas na// thams cad thams cad 'grub 'gyur te// rigs rnams kun gyi bla mar bshad// bzlas pa 'grub pa'i gsang sngags ni// oM rad na ka re ma ku b+ha ba yod ta ra na bu d+d+ha swA hA/ oM rad na ka de bshang de b+hi Ta ku lan d+ha ri pad+ma swA hA// au rad na ka re ma ra na yAn tad tra mA ma kI badz+ra swA hA// IM rad na ka re puSh+Ti ban+d+ha ra pad+ma swA hA/ IM rad na ka re mo haM staM ba ta d+ha ra ki ra ma swA hA/ IM rad na ka re pany+tsa ku la karma sarba bsdu bai s+thA ma oM swA hA hA swA hA/ rang snying yang na gsang ba'i dbus// nyi zla'i ga'u skar khung can// g.yo med sems kyi rang bzhin te// til 'bru brgyar gshegs 'od kyi 'phreng // pad ma'i skabs brkus byas te// skar khung bla 'og la btags te// yar 'gro mar 'gro brtags pa las// rang gi rig pa'i ye shes skye// je gsal je gsal 'byung 'gyur zhing // snang ba nam mkha' ltar mthong ste// rnam dag ye shes gsal

  397. 199a

    mthong ba// yang dag sems kyi bzlas pa'o// yang na sna yi bu ga gnyis// nyi ma g.yon la zla ba g.yas// sran chung tsam gyi steng du ni// dkar po'i kha dog hUM dang muM// 'khor bar 'od kyi 'phreng ba can// rdo rje ut+pal til 'bru tsam// lte ba la ni bsgom par bya// sgo rnam gzhan du phaT kyis dgag/ sna las sgrol ma'i ba dag ni// dal gyis dal gyis gtang bar bya// thams cad rang gi sems nyid du// bags kyis byas te bsdus nas su// gzhi mo la ni bslan byas te// ji srid brtan gyi bar du gzung // ma gyur gong dang 'dra ba las// bsring bas bags kyis brtan par du// rgyun mi 'chad par spro bsdu bya// rang sems bde bar brtan par du// gzhan gyi don yang de bzhin 'gyur// bde gshegs rigs la IM dang laM// gser gyi mdog can 'khor lo dang // dril bu'i dbus su bsam pa ni// thams cad gong dang 'dra ba'o// rin chen rigs la swa dang maM// iN+Da nI la'i mdog ltar 'tsher// rin chen dril bu'i dbus su ni// bsams te thams cad gong dang 'dra// pad+ma'i rigs las aM dang byaM// pad+ma ra ga lta bu'i 'od// 'dab brgyad dril bu'i dbus bsams te// lhag ma gong dang 'dra bar bshad// las kyi rigs la bsam pa ni// ha dang taM ni iN+Da'i 'od// rgya gram dril bu la bsams te// 'phro 'du byas brtan gong dang 'dra// yang

  398. 199b

    nas yang du nan tan ni// bla med rang sems nyid las snang // rang rig rang gi ye shes las// gzhan nas 'ongs pa ma yin no// 'di ni sems kyi bzlas pa ste// dngos grub mchog tu nye ba ni// 'di las gzhan pa yod ma yin// ma 'ong 'gro kun nan tan byos// yang na phyag rgya chen po ru// gsal bar rab tu sgom pa yi// rdo rje'i bum par zla dkyil 'khor// de steng thig le til 'bru tsam// rdo rje de yi phyed dkyil du// de yi bzhi cha tsam gyi hUM// pad+ma la yang de bzhin te// nyi ma dang ni pad+ma dang / yi ge muM ni rnam par bsams// dbugs su gyur pa'i byang chub sems// rdo rje sgrol mas yid bskyod de// rdo rje las ni pad+mar spro// pad+ma las kyang rdo rje spro// dkar dmar las kyi khyad par las// 'od kyi thig le tsa na ka/ g.yo ba'i sgrol mas spro bya'i tshe// ba spu'i sgo re nas dbyung ba// gang bas 'gro ba'i sems bsdus te// rang dbang dag tu byas nas ni// spro bsdu gong gi sbyor bas bya// lus kun bde bas khyab bzung ste// rab tu brtan pa'i bde ba des// ji snyed rgyal ba kun bde ste// 'gro kun dag kyang de bzhin no// 'di ltar rnal 'byor gang gnas pa// sangs rgyas thams cad mkhyen pa nyid// ma 'ongs dus na ga la yin// phyi bshol dus su mi rtog go/ de nas bla na med pa'i don// gsang chen thabs kyi sbyor bral bas// rang rigs gsal ba'i

  399. 200a

    bzlas pa 'di// rigs gzhan dag gis dbang btsan na'ang / gdan dang yig 'bru'i sbyor ba yis// rigs kyi khyad par shes par bya'o// de skad ces gsungs nas yang gsungs pa/ bzlas pa'i don mchog dam pa ste// gnyis med mi rtog spro bsdu bral// gang sgro gang gi don du spro// thams cad kun gzhi brdal ba'i klong // chos dbyings mu mtha' bral ba la// bdag dang gzhan med brdal ba'i dbyings// nyag gcig thig ler sangs rgyas so// de ltar gang shes bzlas pa'i don// rmad byung da lta nyid grub bo// zhes gsungs pas/ thams cad du 'khod pa'i 'khor rnams rab tu tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ bzlas pa'i thabs mchog dam pa bstan pa zhes bya ba'i le'u ste brgyad pa'o// // de nas yang sems dpa' chen po des yan lag rnams bskyod de// gar gyi sbyor bas phyogs bzhi nas phyag 'tshal te 'di skad ces gsol to// kye bcom ldan 'das bdag cag 'khor rnams dang / ma 'ongs pa'i 'gro ba mtha' dag la sman par bgyi ba'i slad du/ bcom ldan 'das kyis mdzad pa'i 'phrin las rnam grangs dang bcas par bshad du gsol/ gtan la phab ste bshad du gsol/ bka' stsal pa/ rigs kyi bu rgyu 'bras kyi chos thams cad ni ma bcos/ ma bslad/ ma bsgyur

  400. 200b

    ba'i de kho na nyid rang rig pa byang chub kyi sems de kho na nyid de/ de las bcos pa'am/ bsgyur ba'am/ bslad pa ni ngas cung zad tsam yang ma mthong la/ de bzhin gshegs pa dus gsum du 'gro ba'i don dbri bkol mi mdzad pa rnams kyis kyang ma gzigs/ mi gzigs/ gzigs par mi 'gyur ro// de lta bu'i chos nyid der/ mtshan ma'i rnam par rtog pa thams cad ngang gis zhi bas na zhi ba'o// sangs rgyas kyi yon tan bsags par rgyas pa ni rgyas pa'o// de'i ngang du thams cad ma 'dus pa med pa ni dbang ngo // gdug pa can rnams kyang rgyas ma thebs pa med pa ni drag po'o// 'khor ba nyid de kho nar bzlog pa ni bzlog pa'o// de nyid las gzhan ming mi grag par zil gyis mnan pa ni mnan pa'o// yang bdud rtsi chen po 'byung ba'i gnas// bde ba mchog gi pho brang // rgyal ba'i bzhugs gnas de na/ 'dod chags dang zhe sdang la sogs pa 'khor ba'i chos thams cad/ de bzhin pa de nyid du zhi bas so// phung po dang khams la sogs pa nyid lha'i dkyil 'khor du lhang nge bar rgyas la/ de dag kyang de kho na nyid bde ba'i ro rgyas pa'o// thams cad zil gyis mnan te/ bu ga'i sgor dbang du ma 'dus pa med pa'o// zhe sdang la sogs pa de'i stobs kyis rang dbang med par drag shul du 'jom pas so// slar la yang bzlog ste kun tu tshim la/

  401. 201a

    de las kyang bzlog nas don byed nus pa ni de'o// rtog pa'i ri bo thams cad mnan pa yang ngo // yang thabs bla na med pas 'khor ba rtsad gcad de/ mya ngan 'das par rgyas rang bzhin gyis btab pa'i dus na/ gdug pa can dang / de la brten te nam mkha'i mthas gtugs pa thams cad kyi sems rang bzhin gyis dbyings dang ye shes su zhi bas na'o// ros bcas pa men te/ mtshan dang dpe byad kyis brgyan pa'i sku/ rang dang rang gi rigs 'dzin pa'i/ nam mkha'i mthas klas pa kun tu rgyas pa na'o// rig pa'i skyo bas rigs drug gi gnas nas/ rang dbang med par gnas de nyid du/ dbang du bsdus nas 'jug pa ni'o// de nyid thabs mkhas pas shugs chen po'i snying rjes yal bar mi 'dor ba ni'o// 'khor ba nyid mya ngan las 'das par ru bzlog pa ni'o// des mya ngan las 'das pa'i g.yul rgyal bar byas te/ mnan pa med par 'khor ba skya lings chen po btang ste rtsad nas bcad nas/ thugs rje'i rmang 'og tu mnan pa ni'o// de dag las thabs mkhas pa'i spyod pas bsgral dang / thugs rje chen po'i lcags kyus drang ba ni 'di lta ste/ bsam pa'i dbang gis ni mtha' yas so// las kyi nyi shu gcig go/ rigs kyi dbang gis lnga'o// dgongs pa drug ste/ gang zhe na/ zhi ba dang / rgyas pa dang / dbang dang / mngon spyod dang / mnan pa

  402. 201b

    dang / bzlog pa'o// de la zhi ba'i dbyibs ni/ zlum po dang / 'khor lo rtsibs brgyad pa lta bu dang / pad+ma lta bu'o// rgyas pa ni gru bzhi dang / rin po che 'bar ba dang / zur brgyad pa'i rin po che lta bu'o// dbang ni zla gam dang / lcags kyu lta bu dang / gzhu gdungs pa lta bu'o// drag po ni gru gsum pa dang / b+ha ba lta bu dang / rdo rje rtse gcig pa lta bu'o// mnan pa ni rdo rje rgya gram lta bu'o// zlog pa ni/ ral gri lta bu ste/ 'di dag kyang rab 'bring tha ma'i don du/ khru gang ba dang / do ba dang / bzhi pa'o// mu khyud kyang sor bzhi pa dang / brgyad pa dang / bcu drug pa ste/ khams gsum nyid du sku gsung thugs su sbyor bas che phra gsum brtseg go/ mtshan ma ni 'khor lo dang / rin po che dang / pad+ma dang / rdo rje rtse dgu pa dang / rdo rje rgya gram dang / hri shu la'o// kha dog ni dkar po dang / ser po dang / dmar po dang / mthing nag dang / ljang khu dang / nag po'o// dus ni dbyar dang / ston dang / dpyid dang / dgun dang nam dus la bab pa dang / nam dgos pa'o// yang nam nangs pa dang / gung dang / dgongs dang / nam phyed dang / 'jug pa dang / 'byung ba ste ma nges pa'o// don chen ni sgrib pa sbyang ba dang / nad dang / da la yams dang / 'khrug pa dang / rims dang / sa bdag gi gdug pa dang / yul khams bkra shis par bya ba dang / shi ba rnams kyi don du'ang rung

  403. 202a

    ngo // rgyas pa ni tshe bsring ba dang / rgyal sar 'gro ba dang / dbang bskur ba dang / 'bru dang / rkang 'gros spel ba dang / bran dang bza' grangs spel ba dang / rigs brgyud 'phel ba'i phyir ro// dbang ni ma dad pa rnams sems rangs par bya ba dang / rgyal po dang / rgyal phran dang / tshong dpon dang / bram ze dang / lha dang / mi'i bu mo dang / gar mkhan dang / btso blag mkhan dang / rta dang glang po che dang / gser dngul la sogs pa'i rdzas dang / khar ma la sogs pa'i 'bru dang / 'khor yug la sogs pa rnams dbang du bya ba'i phyir ro// mngon spyod ni dkon mchog gsum la gnod pa byed pa dang / bla ma dang dkon mchog gsum la phul ba'i rdzas la 'phrog cing rlom par byed pa dang / mu stegs dam pa'i chos la dpya zhing skur par byed pa dang / mched 'khor 'gal bar byed pa rnams thar pa la 'god pa'i phyir ro// mnan pa ni mi ma yin pa rnal 'byor pa la 'tshe ba dang / mi kun la 'gal bar byed pa dang / yul khams su bgegs byed pa dang // rims nad gtong ba la sogs pa byed pa dang / bsgrub pa che bra dang / sngags zlos pa la bar chad byed pa rnams la bya'o// bzlog pa ni pha rol gyi sbyor ba ngan pa dang / mu stegs kyi gser sngags dang / sad ser dang / phung byed kyi sbyor ba dang / dug dang / dbyig dug dang /

  404. 202b

    sbyar dug dang / gcan gzan gyi dug dang sbyor ba ngan pa thams cad bzlog pa'i phyir ro// kha khyer gyi 'phreng ba'ang rigs bzhin no// zhi ba la ni til dkar po'o// rgyas pa la ni 'bras kyi lag pan no// dbang la dur ba'i myu gu'o// drag shul spyod pa la ni ko ta ba'i gcin khrag dang bcas pa'o// mnan pa la ni da du ra'i 'bras bu'o// bzlog pa la ni yungs kar dang rus pa'i phye mas bya'o// zhi ba'i yon chu ni 'o ma dang bcas pa'o// rgyas pa ni zho dang bcas pa'o// dbang ni khrag dang bcas pa'o// drag shul spyod pa ni ba'i gcin dang khrag cung zad dang bcas pa'o// mnan pa'i 'bru'i chang dang bcas pa'o// bzlog pa la ni chu dang bas so// zhi ba'i shing ni tsan dan dkar po dang / bal bu la sogs pa dri zhim zhing 'o ma can la bya'o// rgyas pa'i shing ni a 'bra dang / 'bra ko dang / rgun shing la sogs pa 'bras bu can sna tshogs las bya'o// dbang gi ni tsan dan dmar po dang / gur kum dang / sra ta ka r+ya la sogs pa la bya'o// drag shul spyod pa ni seng ldeng dang / skyer pa dang / ga ra'i shing la sogs pa tsher ma can sna tshogs pas bya'o// mnan pa ni ma tang dang / pe la sogs pas bya'o// zlog pa ni thang shing dang / sregs la sogs par bya'o// yang zhi ba la ni 'bras kyi chan bsreg pa'o// rgyas pa la ni 'bras sa lu'i chan nam/ nas chen

  405. 203a

    bsres la bsreg go/ dbang la ni 'bras ang g+ha'i chan nam nas chan dang bro bsres la bsres go// mngon spyod la ni sran ma sha'i chan bsreg go// mnan pa la ni N+ya'i pra sran bsreg go// bzlog pa la ni ji tse'i chan bsreg go/ yang zhi ba la ni gtsub shing las byas pa'o// rgyas pa la ni rgyal po 'am tshong dpon gyi mes bya'o// dbang la ni rdo rje rigs sam smad 'tshong ma'i mes so// mngon spyod la ni shan pa 'am gdol ba'i mes bya'o// mnan pa la ni rdol ba las byung ba'i mes bya'o// zlog pa la ni gar mkhan nam btso blag gi mes bya'o// yang zhi ba la ni ras dkar po gyon pa dang / shing lham dang / dngul lam ku sha'i sor gdub dang / shing shun dang ku sha'i stan dang / tshangs pa'i skud pas brgyan te shar nas bya'o// rgyas pa la ni zab 'og gam/ tshig gu 'am/ ras ser po'ang rung bgyon cing / gser gyi rgyan dang / rma bya'i 'bol stan dang / khri mthon po dang / gur kum gyis lus byugs te bya'o// dbang la ni/ ud dpal dmar po las byas pa'i 'phreng ba dang zangs dang bzhon dmar las byas pa'i gdu bu dang / gsor gdub dang / rna rgyan dang / tsan dan dmar po'i lde gu dang / gur kum du sbyar ba'i lde gus lus la bsku bar byas te bya'o// mngon spyod la ni/ lcags dang / zha nye dang / gar bu zhes bya ba'i lcags las byas pa'i rgyan dang / du

  406. 203b

    gu la'i ras rtsub mo nag por byas pa la/ khrag dang dri chus gsher ba'i gos dang / gu gul nag po lde gus lus byugs pa 'am/ yang g.yang gzhi byon te/ bdud rtsi lngas lus byugs la bya'o// bzlog pa'ang de dang 'dra'o// mnan pa ni ma du sha ka zhes bya ba'i gos me tog gis brgyan pa 'am/ yang cis kyang ma brgyan kyang rung ste rdo rje thogs la bya'o// zhi ba la sogs pa gsum gyi rdzas ni phal du 'dra bar mngar ba/ ro mchog dang ldan pa las sbyar te/ mar khu dang chan dang / 'o ma dang / zho dang / 'bru sna tshogs pa dang / a 'bra la sogs pa'i shing thog ro zhim pa srog chags med pa dang // 'o thug dang / zas g.yos su byas pa sna tshogs cher dbul te/ kun kyang bdud rtsi lnga dang bsre bar gces so// mngon spyod la ni/ dug sna tshogs dang / ke tse dang / lan tshwa dang / til nag dang thal chen dang / sha dang / khrag dang / rus pa dang / zhag dang / shing thog kha ba dang / tsher ma las skyes pa dang / rul sums can/ bdud rtsi dang bsre ste/ mar ni yungs nag gi khu bas bya'o// gnyis kyang shas de dang 'dra ste/ rang rang dang ci mthun du bya'o// zhes bdud rtsi mchog gi rgyal pos gsungs so// de nas bcom ldan 'das kyis de dag grub par bya ba'i gsang sngags 'di dag gsungs so// oM sarba ta thA ga ta de ba shan ti maN+Dal sha ti/ gu ru sha na ti ma nu sarba shan ti ma/

  407. 204a

    che ge mo shan ti swA hA/ zhes pa ni zhi ba'i 'o// oM sarba ta thA ga ta rad na ka ra ya bu ste/ mahA puSh+Ti/ sarba puSh+Ti/ che ge mo praSh+Ti/ ku ru swA hA/ zhes pa rgyas pa'i 'o// oM sarba ta thA ga tA ya pad+ma b+ha ba mo ha na ya ho/ ka ra da d+ha Na ra mo ha na ya ho/ b+hi tA ra ka mo ha na ya ho/ che ge me mo ha na ya ho/ zhes pa ni dbang gi'o// A~M sarba ta thA ga ta badz+ra ku la ma ha ma ra na/ rad na tra ya u man ta ma ra Na ha na da ha ba tsa ga ra dza pho Ta hU lu tiSh+Tha ban d+ha ma ta che ge mo mA ra ya phaT/ drag po'o// A~M badz+ra dza la man tra suM b+ha ni hUM hUM kro d+ha ni hUM sum b+ha ni sum b+ha ni hUM phaT Na na Na na/ zhes pa ni mnan pa'o// A~M kro d+ha badz+ra ha la la ta shan ti kro d+ha hUM hUM phaT dza la dza la ha la ha la raM raM phaT phaT/ ces pa ni bzlog pa'o// 'di ni gsang ba'i yang dag gtso// thabs chen bla med gsang ba'i las// bde gshegs thugs kyi snying po ste// bsgrub la rab tu bsngags pa yin// zhes gsungs so// dpal bdud rtsi bde ba chen po zhes bya ba/ rgyud kyi rgyal po chen po las/ 'phrin las rnam pa drug gtan la dbab pa'i le'u ste dgu pa'o// // de nas bcom ldan 'das gsang ba'i dbang phyug chen po des/ las de dag lhun gyis grub par bya ba'i phyir/ nyid kyi sangs rgyas kyi yon tan thams cad bsdus te nyid kyi sku la brtan par mdzad nas rdo rje tshe bsdu ba'i snying po 'di gsungs so// bruM

  408. 204b

    badz+ra a mr-i ta A yu ti hUM bruM a a a/ zhes gsungs so// de nas sems dpa' chen po rdo rje rnon pos 'di skad ces gsol to// bcom ldan rdo rje tshe yi dngos// thams cad kun tu brtan pa'i bdag/ 'gro ba'i tshe mchog bsdu ba'i phyir// gsang ba grub pa bshad du gsol// sgrub la bar chad mi 'byung phyir// tshe 'dis thob par bya phyir du// bdud rtsi bsgrub pa'i tshe gsungs shig/ de nas bcom ldan 'das kyis kyang // bdud rtsi tshe mchog 'di gsungs so// sa gzhi rab tu bkra shis pa'i// gnas mchog dag par bsgrub par bya// dkyil 'khor zlum po legs sbyangs la// tshad ldan ras kyi srad bu yis// thig gdab dkyil 'khor bri ba ni// zla gam dbang gi kha sprod la// 'khor lo brgyad dang bcas pa bya/ khang pa sgo khang bcas pa dang // ta ra Na dang ldan par bya// dbus su rdo rje bdud rtse'i tshe// dmar skya g.yas pa pad+ma'i sdong / g.yon pa bdud rtsi'i bum pa brten// longs spyod rdzogs pa'i rgyan dang ldan// shes rab rgyan dang bcas pas 'khyud// de la 'khril ba'i yum bzhi yang // rgyas 'debs rmongs byed za byed ma// tshe 'phel dang ni bcas 'khyud do// brgyad la sems dpa' brgyad po yang // sems ma brgyad dang bcas pa'o// khyams la bkra shis brgyad kyang dgod// sgo ba khro bo yab yum kyang / khros pa'i tshul gyis brjid gnon

  409. 205a

    pa'i// bdag nyid rnal 'byor cher gnas pas// yang dag mchod cing rgyas pa dang // de nas bar chad med par bzlas// stegs bu dbus su ka pA la/ kha sbyar nang du tshe yi rten// bu ram mar ram 'o mas dgang / sman dang 'bru dang rin po che// snying po bdud rtsi lngar bcas pa// dkar dmar ras kyis bcings nas kyang / kha dog lnga yi skud pas bcings// tsan dan dmar po'i phur bas su// tshe yi rten du bya bar bshad// me mar lnga yang rgyun mi gcad// yang na lha yi grangs mnyam pa'i// pad ma'i me tog tshom bu dang // tshe rten de bzhin dag tu bya// snying ni rin chen dmar gur// de nang 'dab brgyad tshe yi gdan// ba dag brgyad ni tshe yi dngos/ kha dog sna lnga tshe yi 'od// 'byung ba lnga yi bcud dkyil na// tshe yi dngos po thig le sems// 'gyur ba med pas bde chen po// 'phel 'grib dbang du mi 'gyur yang // bdag nyid skyon gyi dngos 'dzin pas// bag chags 'go srid bzlas pa bya// IM badz+ra a mr-i ta tra tha hAM/ muM ba ga dza la baM/ raM badz+ra kro d+hi shwa ri dza/ ho mug ti du sha ho/ IM rak+Sha rak+Sha TaM/ du sha yu ti k+ShaM/ badz+ra ka ba dza tuM/ 'di dag bsam pa mngon byas te// dang po nyid kyi dngos gzhi shes// de nyid b+ha ga'i rgya mtsho bsdams// gzhan pa khro mos dbrog cing bstim// de nyid nyi zla'i ga'ur gzhug/ phyi rol bar chad byed pa bsrung // de la sgo/

  410. 205b

    dgur khro bos bsrung // rdo rje go bgos kun tu bskrad// dmigs par bya ba nyid la'o// de tshe bsten par bya ba'i zas// ka sho kan d+ha'i phye ma dang // 'da' hu pa la ba yi mar// yang na ba yi 'o mar sbyar// nang re zhing ni bskyed cing bza'// lus las byung ba'i chu btung zhing // nyi ma dag las rab bsgrim spang // yang na dngul chu dag pa dang // mu zi gser ltar gdas pa dag/ ba yi mar dang bskol btsos te// a ru ra yang bsregs la mur// nang re srang re bskyed cing bza'// sum cha res ni lus bsku zhing / ba yi 'o ma bskol grangs btung // lus kyi skyon rnams dag gyur nas// dung dang zla ba ltar dkar rgyas// byis pa lta bur gzhon sha chags// tshe ring lus bde nad 'bral zhes// gsang ba'i bdag po nga nyid kyis// rnal 'byor yongs la brtse ba'i phyir// 'di la the tshom med par bshad// dpal bdud rtsi bde ba chen po zhes bya ba rgyud kyi rgyal po chen po las// bdud rtsi tshe'i sgrub pa bstan pa zhes bya ba'i le'u ste bcu pa'o// // de nas byang chub sems dpa' rdo rje rnon po rang gi stan bde ba las langs te/ dpal bdud rtsi bde ba chen po la rnal 'byor mchog gi phyag lugs bzhin btsal nas thal mo sbyar te gsol ba// bcom ldan 'das kye bdag la dgongs// 'khor ba nyid ni bsgrub bya zhes// de yi thabs ni bdag nyid kyi// sa bon las ni

  411. 206a

    byang chub che// spang blang med par bka' stsal na// 'di 'dra'i thabs kyi rang bzhin de// bdag 'dra rmongs la gsung du gsol// bdud rtsi mchog gis bka' stsal ba// nga ni thabs mkhas thugs rje che// 'gro ba kun la bu bzhin du// phyin ci ma log sems pas na// yang dag don ni bshad kyis nyon// lus la sems gnas sems nyid lus// ci yang min las cir yang snang // snang tsam nyid na ma grub pas// de bas sems nyid rtag dka' ste// rgyal ba kun gyis mi rtogs na// sems dpa' khyod kyis smos ci dgos// dper na blun pos mdzub mo'i rtses// nam mkha'i mtha' la mtshon byas nas// de yis mtshon par nus ma yin// de bzhin sems kyi nam mkha' la// tshig gis mtshon te smra byed pa// rang nyid myos te ga la mtshon// tshad mas sems nyid rjes gcod pa// spre 'us nam mkha'i rgya dang tshad// lag pa'i mthil gyis bkab byas te// char rgyun mi gnod 'dod pa 'dra// sems nyid rgya mtsho chen po'i gting // cis kyang g.yo bar mi nus la// mnyan pa dag la rgyal pos gsungs// gzings 'di brtan par chos la khyod// nga yis sbyar ba'i zas khyer te// rgya mtsho dkyil nas de nyid la// zabs dang rgya dang dpangs dag ltos// de nas sems can rigs dang grangs// nges par khyer la nga la smros// nga yis khyod ni ci dgar bya// men te

  412. 206b

    srog la dbab ces bsgo// srog ni bcad pas rab 'jigs te// gzings dang sman dang sngags dag gi/ sbyor ba byas te phyin 'gyur bas// mtha' ma tsom du phyin pas su// bcas pas phan thogs ma gyur te// shi nas gnyen mtshan brlag pa ltar// sems nyid rgya mtsho'i gting 'dra la// ma rig log brtags rgyal po 'dras// 'du shes chung bas mnyan pa la// 'du byed gzings dang rdzas 'dra ba'i// gtsang ma'i phyi rol sgra brlags te// sems kyi rgya gting mtshan nyid dang // sems las byung ba'i 'khor ba dang // mya ngan 'das pa'i mtha' rtag phyir// 'chi 'dri gtan la ma phebs pas// bsdigs te btang bas ga la rtogs// sgo skur gyis ni dmyal bar ltung // 'o na gang gi'ang yul med pas// 'gro ba'i yul du ma gyur te// nam yang thob par mi 'gyur zhes// kun la khyab pas btsal mi dgos// ye nas yin pas bsgrub dang bral// bu ram shing dang mngar ba'i ro// tha dad min pas mgo zhabs khyab// dper na seng ge'i nga ro'i sgra// bsgrags pas thams cad mi gnas ltar// rang gis rang gi don rig na// 'khor ba zhes bya mi gnas pas// byang chub sems zhes de la bya// de ltar rtog pa'i dam pa ni// gser gyi nyi ma shar ba ste// zhes sdang mun pa ka dag nas// chos dbyings ye shes khyab brdal bas// rdo rje rigs kyi gdung

  413. 207a

    'tshob cing // khams gsum 'khor ba rigs drug gi/ spros med zhe sdang gcod sbyor ba// sman gyi dam par gyur pa ni// rang dang sems can thams cad cad kyi// lus las byung ba'i khu ba'o// ci phyir de las sangs rgyas 'byung // rigs drug skye ba'i sa bon te// bcud mchog dam pa 'di las so// 'di don rtogs pa'i rnal 'byor pas// bla med bdud rtsi ma bsgrubs 'grub// rnal 'byor dbang phyug chen po zhes// lha dang mi yi rigs kun sgrogs// rtsa ba'i bdud rtsi 'di med par/ su zhig nad dang bral bya'i phyir// bdud rtsi bsgrub la brtson pa ni// sa bon med par 'bras bu 'dod// skyes bu de ni blun po ste// gyi nas bdud rtsi 'grub pa med// de bas rang gi sems nyid kyi// mtshan nyid rab tu brtags byas la// bdud rtsi mchog tu bsgrub bya'i phyir// lhag pa'i byang chub sems btsal bya// zhes gsungs pas// 'khor thams cad da dung du rtog pa'i dra ba rgya ma chad par gyur to// dpal bdud rtsi bde ba chen po zhes bya ba/ rgyud kyi rgyal po chen po las/ bdud rtsi byang chub sems kyi rang bzhin bstan pa'i le'u ste bcu gcig pa'o// // de nas yang sems dpa' chen po rdo rje rnon po des 'di skad ces gsol to// kye ho ston pa gsang chen gtso// kye ho brjod bral gsang ba'i gsung // kye ho bde chen brjod bral thugs// bla med don

  414. 207b

    gyi snying po de// dang du blangs te bsgrub 'tshal na// bdag la byung ba'i byang chub sems// thabs kyis btsal ba'i rgyal po de// bdag cag rnams la bshad du gsol// de nas bcom ldan bdud rtsi mchog/ bde ba chen po nyid kyis ni// gdan las bzhengs te bzhad mdzad nas// thabs dang shes rab gnyis med pa'i// bde ba dam pa'i rgyun zhes pa'i// ting nge 'dzin la bzhugs nas su// btsal ba'i thabs 'di bka' stsal to// gnyis su med pa'i thabs shes rab// dbyer med snying rje rtog bral ba// de las byung ba'i thabs chen po// yangs pa mkhas pa rgya che ba// dpag tu med pa ngas bshad do// 'di ni gsang ba'i snying po mchog/ bla med bsgrub pa'i lam yin te// ji snyed gsungs pa'i thabs rnams las// nga yis snying po gsungs pa yin// man ngag gsang ba'i thigs pa ste// rtsol bar bcas pas dngos grub thob// ma brtsal lhun gyis grub pa ni// bla med sbyor ba sbyar ba yin// dper na gser la mgar bas gzugs// bde gshegs sku dang ban glang rta// rna cha gdu bu bum pa snod// ci brdungs dbyibs ming las rnams kyang // da gser du gyur pa las// de dag gzo pos byas pa yin// btsal dang bral ba'i sems nyid ni// sangs rgyas sems can rgyur snang ste// dag pa sgrub byed rnal 'byor pas// thabs dang shes rab ldan 'grub

  415. 208a

    ste// gser las bde gshegs sku bzhin no// bdag nyid phyag rgya mnyam gzhag ste// thabs dang shes rab ldan par bya// gsang ba rigs kyi btsun mo la// byin brlabs sbyor ba'i gtsug lag gis// sbyar na mchog gi dngos grub thob// rdzas dang thun mong smos ci dgos// dang po las kyi phyag rgya ste// gnyis pa dam tshig dag gi rgya// gsum pa chos kyi phyag rgya ste// bzhi pa phyag rgya chen por bshad// dang po bya'i gdong par bskyil// gnyis pa bde ba 'dus pa'o// gsum pa snying ka 'am spyi gtsug mgrin// bzhi pa tha snyad rnam par spangs// de la dang po'i gnas bshad pa// yon tan bcu gcig yang dag ldan// bzhin bzangs mig gi dkyus ring ba// stod smad phyed la rked pa phra// tshigs sor zlum la sor mo ring // yon tan 'od can bcu gnyis lo// ye shes rigs can yin par bshad// shan pa gdol pa gar mkhan nam// khrus mkhan bzhi 'am bzang po bzhi// 'os dang ldan pa 'dir gzung ngo // 'gris shing skyo ngas med pa dang // dad pa chen po gang yod 'os// pad+ma can dang dung can dang // ban glang can dang ri mo can// rigs bzhi dag tu rgyud 'dir grags// de yang gang dang gang zhe na// pad+ma can ni zhi des che// dmar smug smin ma 'phra la ring // so dkar tshags dam ngang pa'i 'gros// zhi zhing des la khong gzos

  416. 208b

    pa'o// dung can ma ni 'jam tshig smra// bzhin dkar zlum la so zho chags// skad sbom zhing ni bde bar smra// ban glang can ni tshig mi ster/ kha dog gnag la skra gzengs 'khro// sha chen yan lag sdong po 'dra// bzhin log kun dang sgra mi byed// ri mo can ni sgra lce mang // lus po ring la kha dog ser// 'khyer zhing 'gro la yid tsam dga'// thams cad kun tu smra la dga' 'o// pad+ma can la rdo rje rgya// dung can 'khor lo 'am pad+ma rgya// ban lang kha TAM tri shul rgya// ri mo 'bri ku sum brtseg go/ pad+ma can ni 'jam la dam// tsan dan du ru ka yi dri// dung can ma ni ud pa la dri// dam la 'dred par shes par bya// ban glang can ni che la yangs// gla rtsi 'am yang na gur kum dri// ri mo can ni sher la rtsub// sha yi dri 'am ba tsha'i dri// bde gshegs rigs dang rin chen dang // pad+ma las kyi rigs te 'di// bzhi 'am rim pa bzhin du sbyar// rdo rje rigs rnams kun la'o// bltas na rtag bzod gcig pa ste// 'gro na stabs sdug gnyis pa yin// gsum pa 'dug na tshul yang mkhas// bzhi ni sgran ngag kyang snyan// tshul bzhin ldan pa nye gnas so// na tshod bab dang lus ran dang // rgyan cig pa dang rigs lnga'i tshul// bkod pa'i rgyan dang lus kyi rgyan// bka' nyan mnyes pa bkod pa dang // 'dzum dang gsang ba mi 'byed dang // sgom zhing 'phreng ba la mkhas

  417. 209a

    te// thams cad ldan pa bcu gcig go/ zhe skar 'on 'thang dbang po lnga// ma chang ba ni lus kyi spyan// dig dang kha man pa tho// brdzun dang phrag ma la dga' dang // log sgra ha cang rgad pa dag/ zhe sdang nga rgyal phrag dog dang // gti mug 'dod ches drags dang lnga// 'di dag yid kyi sgron lnga'o// rlung mkhris bad kan can dang ni// skrangs dang shu tor can dag dang // brlal dang rma can nad sgron spangs// mi brtsol snying rje chung ba dang / brling pos pha rol nye 'gems dang // ser sna can dang le lo can// dge ba'i bar du gcod pa ste// bcu gnyis lnga'i skyon spangs pa'o// lhag pa'i skyon dgu shin tu spangs// shing rta'i srog shing rnga mo'i kha// yon po lug pa so bya'i mgrin// ku shugs dang ud pal bskams// rtag 'jigs pa dang mes gdungs te// rtag tu 'di 'dra'i pad+ma ni// rnal 'byor dbang phyug chen pos spangs// brten na dngos grub nyams par bshad// de ltar brtags pa'i phyag rgya la// dbang bskur dam tshig ldan byas te// mkhas pas brlabs te don shes bya// brda dang gtsug lag rgyas bslabs te// khrus bya rgyan gyis mdzes par klubs// rab tu dben pa'i gnas dag tu// gtsug lag brtsen pas glu blang bya// stod smad rked pa g.yon du bcu// thal mos 'gram pa spyi bor brten// mnyam pa'i gar gyis rkang bskyod

  418. 209b

    la// rdo rje hUM gi glu blang ngo // mnyes cing 'khril bas g.yas su bcu// mchan khung snying kar lag gnyis bsdam// skra 'am cod pan brdab bya zhing / e hang glu yis mnyes par bya// lha yi rnal 'byor ldan byas te// byin gyis brlab cing rigs lnga yi// phra rab rdul gyis lus dgang ngo // gsang ba mchog gi dkyil 'khor ni// byin brlabs yang dag par byas nas// bkug cing mchod pa dbul ba dang // las rnams mthar ni dbyung bar bya// de nas chags pas 'di skad du// hUM/ bdag ni kun tu bzang mo ste// dus gsum rgyal ba'i thugs dam skongs// rin chen gzhal yas kha phye la// ma chags hUM gi gzhes su gsol// ho a/ hUM/ bdag ni bcom ldan dpa' bo ste// rin chen 'bar ba kha phye la// dgyes pa'i rdo rje rab bskyod nas// rgyal ba rgya mtsho'i thugs dam bskang // a dzA hUM/ spyi bo rna ba mig dang kha/ kha la kha yig gdab par bya// dpung pa nu ma lag mthil gnyis// snying kha lte ba brla yi nang // g.yas g.yon rtsib ma mchan khung du// byin pa rkang mthil 'jug byed du/ kha lag so dang thal mos brtsen// rtsa rnams spyod cing g+hu blang ngo // la phug sgog pa sha dang nya// chang yang bag tsam btung bar bya// 'di ni nye bar gyur pa'i zas// sbyor la rab nas rab tu bsngags// rnam lnga bdud rtsi ri lu ni// lcags gsum dag dang ldan par bya// oM

  419. 210a

    AHhUM gis byin brlabs te/ sbyor ba'i dus su gnyis pos bza'// de nas gsang ba'i brdas mtshon te// sa sar rang rang ting 'dzin la// gsal bar gnas pas 'di skad du// 'da' med pas na 'da' bar dka'// dam tshig 'di ni bla med rgyu// lam mchog byang chub sems ni bdag/ bzung ba tsam gyis bdag sangs rgyas// sa ma ya s+t+waM zhes byas btang // sbyor ba'i lam mchog dpal dang ldan// dam tshig chen po 'dir gnas pas// nga ni mngon par grub byed pas// sgyu ma'i dam tshig dus la bab// sa ma ya ho/ 'phags pa ji snyed bzhugs mchod cing // mkha' 'gro 'khor tshogs bskang pa dang // sems can don la rab chags pas// shes rab la ni bdag chags so// ra g+ho ya haM/ bdag ni rmad byung gsang ba yi// rigs kun gtso mo rmad byung rab// chags pa chen po lam mchog la// chags pas de 'dra chags par bgyi// rA ga ya mi/ dzaHhUM baM ho'i phyag rgyas su/ bkug bcug bcings dang dgyes bya'i phyir// spro ba phaT dang dbye bya zhing // bstim pa a yis bya bar bshad// cho ga bu dang ni g.yas brkyang dang // g.yon dang 'phreng dang gan rkyal dang // rul sbal nyal 'dra seng ge rta// shing rta'i 'khor lo pad+ma brtsegs// pha wang phur 'dra seng ge'i tshul// 'di dag lha yi sbyor shes pas// sbyar na ye shes 'dod pa skye// mchog dang thun

  420. 210b

    mong 'grub par bshad// b+ha ga la ni ling ga bzhag/ mnyam pas thal mo phyogs bcur brdab// sgo dgu las ni srog rtsol bsdam// hUM brjod sems ni lte bar bskyil// 'brug dang ba glang rma bya dang // rta sogs 'dod pa drug gi glu// mi 'gyur dal la men pas blang // sems ni gzhan du mi btang bskyil// chu tshags kyis ni chu bzung ltar// 'di las phyi rol ma yin no// hUM/ de nas nyams dga'i glu blang ngo // hUM/ rnam dag dri med 'dam gyi pad ltar nyes pa'i skyon bral ba// shes rab shel ltar gsal ba'i thugs ni kun la ro snyoms pas// bdag 'dra'i rnam rtog zhi bar byed pa'i gzungs ma khyod 'dra med/ khyod la bdag ni bde bar gyur pas rtog bral rab tu rtogs// de phyir gsang ba'i btsun mo khyod dang nam yang 'bral bar mi byed do// hUM/ 'gro ba'i mos pa ci 'dra thabs rnams ston byed pa// de yis thar lam bde bar gyur pas/ ngan song 'joms par byed/ gsang ba'i rdo rjes byang chub sems kyi char chen 'bebs byed pa// dge ba'i lo tog bskyed pas bde chen 'bras bu rnam par smin mdzad pas// bdag ni khyod bsten nam yang 'bral bar mi byed khyod la bdag bstod do// gal te brten par ma nus na'ang // nyi zla gza' yis gzung byas te// nam yang gtang ba ma yin no// skad cig thang cig yud tsam dang // je je bskal pa mtha' yi/

  421. 211a

    bar// brtan pas zla ba drug nyid na'o// gal te de ltar stobs med na// A dag dang ni dbyer med mtha'// 'phro dang 'du ba'i bya ba yis// 'od dang bcas pa'i hUM de nyid// phyung la gsang sngags brjod de bza'// gsum du byas te ma nus na// gser lam dngul lam nya phyis dung // mchog gi ka pA lar blugs te// gur kum dang bsres bsgrub par bya/ oM badz+ra tsit+ta ma hA sa ma ya a// ho su kha bo d+hi tsit+ta hUM// bsgrub pa chen po'i dus su ni// lha'i sbyor bas mnyam sbyar nas// lan gsum bar du khu ba 'byung // gsang ba'i sngags ni btab nas su// 'bar dang bsgrub pa'i rdzas su bsngags// de men 'grub par ngas ma gsungs so// thabs rnams ji snyed yod pa las// 'di ni snying por gsungs pa ste// gsang ba'i gsang ba bla med pas// 'di ni bla med thob pa'i thabs// skal ldan rnal 'byor dbang phyug gis// bsten na dngos grub thob 'gyur gyis// snod dang mi ldan ngang tshul ngan// chags shing rmongs pas bsten na nyams// de skad dpal ldan bdud rtsi che// rang byung dpal bos bka' stsal to// dpal bdud rtsi bde ba chen po zhes bya ba// rgyud kyi rgyal po chen po las// lhag pa byang chub kyi sems bskyil zhing btsal ba'i le'u ste bcu gnyis pa'o// // de nas sems dpa' chen po des yang / bcom ldan 'das la

  422. 211b

    gsol ba// kye bcom ldan 'das byang chub kyi sems dam pa de'i rtsa ba dang / yan lag gi 'du bar 'dus pa de dag lta bu mchis sam/ mchis na de dag gang dang gang lags/ btsal ba'i thabs ni ji lta bur stsal bar bgyi/ de skad gsol ba dang / bcom ldan 'das kyis bka' stsal pa// nyon cig sems dpa' chen po khyod// 'gro ba kun la phan gdags phyir// khyod kyis zhus pa bshad par bya// rnam par mi rtog chos dbyings las// g.yo med thugs rje'i rgyun shar te// nyi ma'i 'od kyis kun tu khyab// sa gzhi thams cad snum mdzad de// khyab par skyes pas 'gro kun gso// thams cad thugs rje'i snang ba'o// de'ang rtsa ba rnam pa brgyad// phyi dang nang dang gsang ba'o// dang por gsang ba bshad bya ba// mig dang rna ba sna dang lce// 'dam bu'i me tog dung dang spos// bu ram brgyad par bshad pa ste// zhe sdang rtsa ba yin pa'i phyir// rtsa ba brgyad ces sbrul la bya// nang la gnyis te sbas pa dang // mngon pa phyi yi bzhi ste brgyad// mig skra so dang sem mo phyi// go ro tsa na gzhungs pa dang // be la gre ba gsang ba sbas// tsan dan dkar po dri mchog gis// rtsa ba sdong po shun pa dang // yal ga lo ma me tog dang // 'bras bu thang chu brgyad ni phyi// ga pur khur mangs bes zho dang / khron bu dang ni byar byi dang / sen mo'i thang chu sha ri ram// men te tha skar 'brug

  423. 212a

    rus brgyad// bi na ha ste dam pa'i 'o// na skyes 'ba' hu b+hi ra ha// se na shu dang ni byar byi dang // le she ra dang hu la ka/ ba sha re'u dang sbar ha// brgyad ni mig gi yin par bshad// rna ba'i kha sho ser po dang // mig mi dang mi snun ta re// shu dag dkar po dang // she ra she dang a mra'i shun// d+ha ba ke dang brgyad du brtan// lce yi khyi lce dkar po dang // la hu ra ne she pa ra// kyi 'di chu gang kas sgra dang / khyag ra wa rten brgyad yin no// shri shing rtsa ba kan ne ra// ba mo glo glo tsam pa ka/ sug spel ug chos rtsa ba dang // glam pa ra dang mtshal ba yi// zang chu brgyad ni sna yi'o// 'dab bu'i dra ba la dang ka ka sha/ tsi na ru pa sha pa tsa// dza ti dkar po a ta ra// pa la ha ra ta pi la// dung la kar sha pa ne dang // 'gron bu rgya dung bya dgod mchu// ya bag k+Sha ra khyim bya'i rus// dza sa ra rus pas ldan brgyad// spos ni tshe sbya ra dang ni// gang ga d+hi dang nyungs smug dang // le ra pa sha tsin d+ha dang // ba sha pa dang hUM lu sing // thad ta ha ste brgyad yin no// bu ram la ni sha ka ra// ma myo ra dang ga li dang // nA ga ge sar bum pa'i rtsi// mig po che yi rtsi dang ni// gan d+ha ha ra ba ra ka/ brgyad de gsang ba'i rtsa ba'o// lung zang dkar po 'ba' sug dang // zha tA was dang 'ang ba la// byi tshe dkar po pu 'bur ma// ling spring ka dang min tsher ba// brgyad ni

  424. 212b

    sems kyi mtha' yi'o// sgra ni me tog khyag ra tse// pad skud phag gi ze ba dang // dom gyi snying lpags glang dgod rnga// spras ma'i gdong bu ban glang rnga'o// sa yi phag rgod mche ba dang // d+hi gang ga dang rdo sol dang // lug se'i sdong bu spa 'bras dang // karka na dang se wa tsang ga/ pa san ta ra'i me tog brgyad// sen mo'i chu srin sder mo dang // rgya mtsho'i 'bu shun nya phyis dang // rdo zag dag dang de bzhin du// dbang po lag pa wang ga se// zhar ga ya dang mig la ko'o// dri sha'i klad pa rta dang khyi// phag pa'i klad pa shing ka ya// bil ba ba se lu gu ra// lug ngal 'bras bu klad pa'i 'o/ sbyangs pa'i pi tsi tra ka mu la// bil ba'i rkang dang ya ra sha/ ka ra ba sha du na has// bo ga ling dang sen ta tha// kum bi ra dang rnam pa brgyad// be la kri ba'i sku ba dang // pang sha mo dang glo tsha dang / rgya tsha sne ta tsha dang ni// 'bings ga'i 'bras bu sha sangs dang // hing ka kha dang rnam pa brgyad// rdo rje se na'i sdong bu dang // bo d+hi mu la mu la ka sa dang // mu la ring po bag tse ta// sgra bang mu la ya s+tha ra// sgra tshil brgyad de nang gi'o// rgya shug tsu ta pang ka ra// rnam par rgyal ba'i a ru ra// ku mu ta dang tsang ga d+hI// ag me ra dang rag na ta// 'di brgyad rtsa ba rtsa ba'i stongs// sdong bu yal ga dang lo ma// me tog 'bras bu shun pa dang // thang chu brgyad ni thang chu'i stongs// blo dang

  425. 213a

    ldan pas shes bya ste// mdor bsdus nga yis bstan pa yin// nying lag 'bum phrag g.yas pa'i bcud// sman du ma gyur gcig kyang med// byang chub sems su gtogs pa kun/ khyad par dag ni ma shes na/ kha dog ros ni shes bya ste// dkar dang kha ba'i rnam pa kun// byang chub sems su shes par bya// de skad ston pas bka' stsal pas// sems dpa' che sogs 'khor rnams kyis// snod bcud ji snyed yod grags kun// byang chub sems su khong du chud// bde ba nyams su lon gyur to// dpal bdud rtsi bde ba chen po zhes bya ba'i rgyud kyi rgyal po chen po las/ byang chub sems su ma 'dus pa med cing ngos gzung ba'i le'u ste bcu gsum pa'o// // de nas yang sems dpa' rdo rje rnon pos/ ston pa la gsol ba/ kye ho nad sel sman pa'i mchog/ 'khor ba'i khri mun gting rings nas// thon pa'i dus ring 'gro ba rnams// sos pa'i glags med zhe sdang nad// byang chub sems kyi sman sbyar bas// myur ba nyid du zug rngu sangs// bde bar gyur pa rab tu legs// 'di ltar gyur pa'i rtsi mchog 'di// 'jig rten 'du ba'i nad rnams la// phan pa'i nus mthu mchis ma mchis// dpa' bo thugs rjes bshad du gsol// bcom ldan 'das kyi bka' stsal pa// bla med byang chub nges 'grub cing // bzod med zhe sdang sel nus la// 'di yi yon tan

  426. 213b

    smos ci dgos// de dag bshad kyis khyed rnams nyon// byang chub sems ni rtag bstan na// kun gyi yid 'ong dga' 'gyur te// rgyal po'ang bran bzhin bsgo ba nyan// snying skran tsha ba'i nad rnams 'jil// rtsa ba brgyad kyi yon tan ni// mig gis mig rnon thob par byed// rna bas 'on dang 'thibs pa sel// snas ni rgyun du rigs byed shes// lces ni smra la rab tu mkhas// 'dam bu'i me tog skad 'gags sel// dung gis mig sprin khrag can sel// spos kyis 'jig rten lha rnams skyob// bu ram rma dang grang ba 'joms// mig gis 'jig rten gsum mthong ste// skra bsregs gzhob kyis skrangs pa sel// so yis so srin sbyong 'gyur zhing // sen mos yan lag zha ba rengs// lhad pa lhad zer bdud rtsir che// bskyungs pas lus drang legs par 'grub// rlig pas rigs rgyud 'phel byed cing // pho mtshan gyis ni rtsal dang ldan// tsan dan dkar po'i rtsa ba yis// klu yi gdon rnams 'joms par byed// sdong bus snying gi rlung sel lo// shun pas sbrul dang 'bu srin sbyong // yal gas bud med bu rnyed de// lo ma zos na sa bon 'phel// me tog gis ni brgya byin 'grub// 'bras bus rims nad thams cad sel// thang chus sprin las char pa phebs// yan lag rnams kyi mthu rtsal ni// ga pur rtsa ba gtan nas sel/ khur mas

  427. 214a

    mkhal ma'i chu ser 'dren// bse zhos bad kan 'khru bar byed/ khron bus bus pa'i nu zho 'dren// byar byid rtsa sbugs khrag nad sel// se na'i thang chus pho mtshan 'greng // sha ri ram mam tha skar gyis// rus pa rdo rje sra mkhregs byed// 'brug gi rus pas rlung mdze sel// yan lag gzhan kyang yon tan mchog/ re re ldan par dpa' bos bshad/ khams gsum 'khor ba'i gcong snying dang // dug rnams sel bar byed pa la// sman mchog bsgrub par rab tu bshad// de skad 'gro ba'i gnyen gcig pu// rdo rje bdud rtsi yang dag bshad// dpal bdud rtsi bde ba chen po zhes bya ba rgyud kyi rgyal po chen po las// rtsa ba dang yan lag sman 'jig rten gyi yon tan dang ldan par bstan pa'i le'u ste bcu bzhi pa'o// // de nas yang bcom ldan 'das dpal bdud rtsi bde ba chen pos 'di skad ces gsungs so// hUM/ byang chub sems 'di ye shes rang bzhin te// dri med rin chen char bzhin 'bab pa las// 'gro ba kun bskyed yid bzhin nor bu'i tshul// gdod nas dag pas bdud rtsi'i rang bzhin la// gnyis med sbyar bas rdo rje rigs chen 'grub// chos dbyings ye shes 'di nyid yin par bshad// ces gsungs pas/ snod bcud thams cad bdud rtsi bde ba chen po byang chub kyi sems su sangs rgyas te// chos kyi dbyings kyi ye shes su

  428. 214b

    lhun gyis grub par gyur to// de nas yang bcom ldan 'das dpal bdud rtsi bde ba chen pos gsang ba de kho na nyid bdud rtsir dbang sgyur ba zhes bya ba'i dgongs pa la snyoms par bzhugs nas/ 'od kun du 'byung bas thams cad la byin gyis rlob par bsgrub pa zhes bya ba'i gsang sngags 'di nyid kyi thugs las phyung ngo // oM AHhUM badz+ra sa twa hUM/ sarba e'u shu d+d+he/ badz+ra a mr-i ta su kha ma hA yo ga hUM tsit+ta hUM/ oM AHhUM ak+ko b+hu dwe Sha ra ti sa ma ya s+t+waM/ zhes gsungs pas snod bcud thams cad 'bar/ rab tu 'bar/ kun tu rab tu 'bar bas/ thams cad bdud rtsi byang chub sems su rgyas thebs par gyur to// de la yang 'di skad ces gsungs so// nyi ma'i 'od kyi dkyil 'khor la// byang chub sems chen yi ge hUM// skyon bral zla rgyas kha dog la// ye shes 'od kyis mtha' ma bskor// 'bar 'phro glog gi tsha tsha 'phro// brjod pa seng ge ngur ba'i gdangs// mtshan dpe ldan pa'i bde gshegs sku// yon tan zad med rin po che// thogs med kun 'dul 'phrin las bdag/ 'du 'phro klong du bdud rtsi bsgril// stong gsum 'jig rten ban d+ha'i snod// mtshan ldan bkra shis gzhal yas khang // rtsa yi skar khung nam mkha'i sgo// shel gyi zar bu bcud kyi mchog/ mi bskyod rgyal ba'i zhing khams na// bai DUr bkod pa'i gzhal yas su// byu ru'i bum pa mthe bong tsam// ka

  429. 215a

    ra bi ra'i lcug ma la// 'khril te bde ba'i ro yis mchod// rdo rje bkod pa'i zhing khams sbyangs// rgyal ba'i thugs ka'i bdud rtsi bsdus// stong gsum 'gro ba zhe sdang can// mi 'gyur dpal be'u dbyings su bsgral// bgrod pa med par sa mchog non// thams cad byang chub sems su zhu// gsang ba'i dngos grub dbyings su bskyil// brtan pa rtse lnga'i rgya yis btab// hUM chen klong gis mtshan ma byas// rdzas kyi dngos po 'od kyis bsregs// thig le nyag gcig dbyings su thim// ye nas rnam dag yin pa'i don// don ldan skyes bus de ltar sbyangs// zhes gsungs pas 'khor thams cad rab tu bde ba'i ros tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ byang chub sems sbyangs pa'i sngags dang ting nge 'dzin bstan pa'i le'u ste bco lnga pa'o// // de nas yang sems dpa' chen po rdo rje rnon po zhes bya ba des/ rab tu dga' ba'i mdangs phyung nas/ bcom ldan 'das kyi zhal du bltas te bgad nas 'di skad ces gsol to// bcom ldan gsang sngags gsang ba'i bdag/ sems can kun gyi gnyen gcig pu// chu bo rab med sgrol ba'i gzings// bdud rtsi byang chub sems 'di la// grub dang ma grub khyad par gyi// rtags rnams bdag cag rnams la

  430. 215b

    shod// sems can rnams ni rmongs pas na// dge dang mi dge'i don dag la// shed ni ma byed 'khyams pas na// bar du gcod pas ya cha'o// de skad gsol pas rgyal ba'i yab// bdud rtsi dbang sgyur bde ba ches// tshangs pa'i gsung ni 'di skad ces// 'gro ba byams pas bka' stsal pa// bdud rtsi mchog gi bsgrub pa la// byang chub sems ni grub pa'i rtags// khyed la yang dag bshad par bya// 'di la gtso cher 'od 'byung bas// de yi khyad par 'di lta ste// grub pa'i 'od dang bar chad do// dkar dang dmar la sogs pa'i 'od// rab tu gsal zhing mdangs dang ldan// sems kyang dga' zhing gzeng dang ldan// lus yang sgrosgo dang bying rmugs med// de dag rang sems grub pa'i rtags// dbyibs kyang nyi zla 'dra ba dang // skar ma me mar 'ja' tshon 'dra// glog dang me stag tsha tsha 'dra// skar mda' 'dra dang me tog 'dra// yud tsam zer du ston pa bcu// stong gsum khyab cing yun ring gnas// 'khor yug khyab cing cung zad gnas// khang pa rdzas bcas yud tsam gsal// rab 'bring za mar shes par bya// yang dag rnal 'byor las byung rab// bdud rtsi las byung 'bring du bshad// rdzas dang gnas khang las byung na// tha ma dag tu rab tu bshad// de dag dge bar rab shes nas// re dang chags pa'i sems spangs la// hUM du gsal bar dmigs

  431. 216a

    byas te// tshig gis mtshon tsam gdon mi bya'o// rdo rje rigs kyi gtso chen por// bdag nyid rab tu gsal bsgoms te// nyi ma'i dbus su hUM bsgoms te// til 'bru tsam du bsgom par bya// rlung gi lcags kyu 'od lta bus// rang dbang med par bkug nas su// snying khar bstim pas mgo zhabs su// byang chub sems kyis khyab byas te// log par brtags pa'i dri mas sbyangs// til 'bru mar dang ldan pa bzhin// gsal la brtan pa phab byas te// rang gi gnas su bskyil la gzung / brtan nas rjes su dran pa yis// sgro dang bsdu bas yang nas yang // las su gyur par nan tan bya'o// e ma rang rig sems kyi don// rnam dag byang chub sems yin te// 'od ltar gsal ba'i dngos po gang // de ni bdag ste hUM yin no// zhes pas yang yang nan tan bya// de las gzhan pa'i 'od dag ni// nag dang mi gsal mog mog po// 'ur cog zer dang dman dang 'thibs// rlon bro gnyid kyi dbang gyur na// bar chad byed par shes par bya// de ni nag po lto 'phyangs te// rang gi sems las brtags pa'i bdud// de bzlog don du bzlog pa yi// bdud brtsi 'khyil pa brgya rtsa brgyad// yang nas yang du bsreg par bya// yang na rdo rje hUM bzhi pa'i// gsang sngags brgya rtsa brgyad du bzlas// yang na sems kyi rtsad bcad de/ kha dog dbyibs dang rtags

  432. 216b

    pa'i ming // kun kyang mi rtog chos kyi dbyings// skye 'gag med pa'i don bsgom bya// des ni rnam rtog rtsad chod nas// bdud rtsi bde ba mchog thob 'gyur// de skad dpa' bo bdud rtsi mchog/ rmad byung gis ni bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi byang chub sems grub ma grub kyi rtags bstan pa'i le'u ste bcu drug pa'o// // de nas yang sems dpa' rdo rje rnon pos gsol ba/ bcom ldan 'das 'gro ba'i mgon po bshad du gsol/ bdud rtsi byang chub sems ra sa ya na 'di lta bu sgrub pa des/ spyod pa ji lta bu zhig la spyad par bgyi bde bshad du gsol/ bcom ldan 'das kyi bka' stsal pa/ sems dpa' chen po de lta bu'i bsgrub pa la gnas pas spyod pa ni 'di lta bu la gnas par bya'o// bla med mchod de bdud rtsi ches// bla ma bkur te 'dod yon lngas// dam tshig lus g.yo dag bral yid// gsog med par ni bsrung bar bya// sngags dang phyag rgya rgyun mi gcad// byang chub sems nyid mi gtang zhing // kun rdzob sems kyang mi dor phyir// de la yang dag nan tan bya// bud med shes rab rigs kyi lha// kun tu bzang mo b+ha ga'i klong // 'du 'bral med par mnyes par bya// sems can che phra gang yang rung // bred cing dngas dang gtse mi bya// srog 'phrog pa lta ga la srid// 'du ba

  433. 217a

    bzhi yis gdungs pa yis// sems can rnams la snying brtse bar// byas te gang dang gang dag la// phan pa'i sman rnams sbyin par bya// zhu rjes bcad de mi gnod pa'i// sman rnams btags te mang dang // bu ram dag dang ldan byas te// srog chags mang po 'du ba yi// mtsho 'am 'bab chu rdzing chen por// dor te chags med sbyin par bya// zas skom gos sam gnas dag gis// nyen pa'i 'gro gang nyam thag la// nye du'i 'du shes bzhag nas ni// gang gi sgo nas phan par bya// de yi stobs dang mi ldan na'ang // snying rje'i shugs kyis gdung ba bskyed/ khong khro gshe dang brgyad mi bya// des ni byin dang bsod nams 'dra// srog gi nyen pa mthong bas na// rang gi srog la bab kyang ni/ de la phan pa'i cho ga bya// brdzun smras pa la'ang nyes pa med// dkon mchog mchod cing bkur ba bzhin// pha dang ma la de bzhin no// de dag pas klang bla ma lhag/ nags sam gangs sam chu 'gram du// byang chub sems kyi rigs skyes pa'i// sman dag mthong bar gyur pa na// de la rab tu dga' sems kyis// khyer te bdag gi gnas su bzhag/ thor tho bar bur mi bskyer bar// de nyid khung bur bcug nas ni// sa de nyid kyis slar la g.yog/ se gol brdabs te 'di skad du// de bzhin nyid kyi bden pa dang // bdud rtsi chen po'i byin brlabs

  434. 217b

    kyis// slar yang skye bar gyur nas su// 'gro ba'i nad rnams sel bar shog/ dug kyang rgyun chad ma gyur cig/ swA hA zhes ni brjod par bya// sems can phan phyir ma gtogs pa// ma brtags gang yang bya ba min// spyod pa bla med don ldan bdag/ bor nas bdud rtsi btung byas kyang // bla med 'grub par mi 'gyur bas// spyod pa mchog la nan tan bya// de skad bcom ldan bdud rtsi che/ phan byed mgon gyi bka' stsal pas// sems dpa' che sogs 'khor rnams kun// bag med rtsing po'i las bor nas// spyod pa mchog la nan tan du// gyur nas thal sbyar spyan sngar 'khod// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi byang chub sems kyi spyod pa mchog bstan pa'i le'u ste bcu bdun pa'o// // de nas yang bcom ldan 'das bdud rtsi bde ba chen pos/ me long lta bu ye shes chen po mun pa sel ba zhes bya ba'i dgongs pa la bzhugs te cang mi gsung ba gyur to// de nas byang chub sems dpa' chen po rdo rje rnon pos 'khor de dag la spyan gyi lta zur gyis blta na/ thams cad rang bzhin rab tu gnags nas 'khod pa mthong ngo // de nas 'khor de na bdud rtsi dbang phyug 'od mchog 'phreng zhes bya ba zhig lha mo rab tu gzugs byad bzang zhing / rin po che'i rgyan sna tshogs pas brgyan te// lag pa gnyis kar myur bar

  435. 218a

    bsgyur zhing rang gi pad ma'i stan las langs nas/ 'dzum pa'i mdangs dmyal te sems dpa' rdo rje rnon po la 'di skad ces smras so// sems dpa' chen po/ bcom ldan 'das ni sems can gyi khams thams cad bdud rtsi'i dbyings la bkod zin cing dgongs nas cang mi gsung bar bzhugs na/ da dung 'khor 'di ba'i tshogs dang khams gsum bsam gyis mi khyab pa na gnas pa'i sems can gti mug can thams cad da dung gcig kyang grol bar ma gyur na/ sems dpa' chen po khyod dpa' bo chen po la gsol ba dang bskul ba mi byed pa de ces smras pa dang // byang chub sems dpas slar smras pa/ bdag gis ni don mang du zhus pas bkas gnang ba'ang mdzad la/ sems can gyi mdzad pa'ang mdzad zin na/ ci khyod kyis zhu ba spobs shig/ lha mos smras pa/ bdag gis kyang zhu ba mi spobs pa ma yin te spobs mod kyang / sems dpa' chen po khyod ni shes rab mchog tu gyur pas bya ba thams cad la ma rmongs shing / bde bar gshegs pas kyang byin gyis brlabs te sras kyi dam pa kho nar mdzad pas zhu ba spobs pa can kyang yin la/ bdag cag kyang de kho na ltar spro bas/ sems dpa' khyod kyi zhus shig/ ces smras pa dang / 'khor thams cad kyis kyang de bzhin no zhes smras so// de nas sems dpa' des rang gi shes rab kyi ral gris khams

  436. 218b

    gsum gyi sems can rab tu rmongs pa rnams la btab ste/ gti mug gi dra ba ci yod pa rnams khrag med par brdal te// rang rang gi sems kyi snang ba ltar bcug ste/ ral gri de stan la bzhag nas/ bcom ldan 'das la phyag 'tshal te gsol pa/ kye ma bcom ldan thugs rje'i bdag/ ma rig rgya mo chud pa yis// gti mug mun par 'khyams pa rnams// sangs rgyas sa la lhun grub phyir// de yi don rnams bshad du gsol// gti mug sems las tha dad min// me long lta bur gsal dag cing // dri ma ma spangs de nyid ces// gsungs don bdag cag rnams la shod// bcom ldan bdud rtsis bka' stsal pa// sems las gti mug tha dad par// 'dzin pa'i 'gro ba blun po ste// des ni byang chub thob par dka'// dper na chu dang lan tshwa gnyis// gcig ste rnam pa med pa la// 'byed par 'dod pa de ni 'phrul// de bzhin sems logs gti mug ces// spang dang blang bar byed pa ni// ngo bo nyid la yongs ma grub// sems nyid cir yang mi sems shing // ci la'ang 'jug pa dang bral la// rnam grangs nges pa'i bdag la rmongs// gti mug ces ni tha snyad btags// ji ltar btags kyang dpag dka' ste// dper na mchog rab lhun po la// phra rab rdul du bshig byas nas// grangs kyi nges par byed pa 'dra// gti mug ces su gtags pa nyid// me

  437. 219a

    long lta bu'i ye shes te// mi rtog pa la thams cad gsal// de nyid bde bar gshegs pa'i rigs// rnam par snang mdzad rgyal ba'i gtso// spangs pas mi spongs nang sbyangs shing // de nyid dbyings su thag gcad phyir// lus las byung ba'i 'dri chen po// shes rab can gyi dang du blang // spangs pas mi spongs gyur pa ni// dper na nyi ma'i snying po la// mun pa'i gzhi ni cung zad tsam// med de ye nas gsal dag kyang // mkha' las byung ba'i sprin chen pos// gtibs pas gsal bar ma gyur kyang / 'od la dbye bsri ming med de// thugs rje'i snang ba shar gyur kyang // ri nag po yis bsgribs byas nas// gling bar dag na mi snang bzhin// gti mug ces pa'ang de dang 'dra// de nyid bsal bar bya ba'i thabs// blang dang dor ba dbyings nyid du// gcig pas bcu dang snyigs ma zhes// spang blang med pas dang du blang // rgyu nyid gtsang la 'bras bu ni// mi gtsang bar 'dzin 'gro ba 'khrul// 'bras bu gtsang la rgyu nyid ni// mi gtsang de yang ga la rigs// rgyu dang 'bras bu dbye med de// rgyu gtsang 'bras bu dag kyang gtsang // bzlog pa dag kyang de bzhin pas// rgyu 'bras gnyis la spang blang med// de bas theg chen bla med 'dir// thams cad chos nyid brdal ba ste// de ltar ma rtogs bsgral ba dang // bshang ba mchog tu 'dzin byed cing / de la zhen

  438. 219b

    rnams dag bya'i phyir// mtshan nyid khong du chud byas la// de nas dri chen bsgrub par bya// de skad bdud rtsi mchog nyid kyis// gti mug can rnams bsgral phyir bshad// dpal bdud rtsi bde ba chen po zhes bya ba rgyud kyi rgyal po chen po las/ dri chen po'i rang bzhin bstan pa'i le'u ste bco brgyad pa'o// // de nas yang sems dpa' rdo rje rnon pos/ bcom ldan 'das la 'di skad ces gsol to// bcom ldan rdo rje bdud rtsi che// kun rdzob sgyu ma'i tshul tsam du// bdud rtsi dri chen btsal ba'i thabs// bdud rtsi bde bas bshad du gsol// de nas bcom ldan dgyes chen po// bdud rtsi rgyun chen zhes bya ba'i// ting 'dzin mchog la bzhugs nas ni// dri chen btsal ba'i thabs bshad do// rnal 'byor de bzhin nyid rtogs nas// bsgom dang sgrub la dad mos pas// bdag med pa la gnas par bya// de las g.yos dang bskyod med par// rnam par snang mdzad yab yum du// 'dris shing goms par nan tan bya// yang na byin pa'i lha bsgoms te// 'dod pa lnga yis bdag mchod de// gsang sngags bzlas pa rgyun mi gcad/ khar ma dkar po dang bcas pa'i// zho dang 'o ma mar dag dang // tsit+ta kra dang bcas par bza'// lus kyi stobs rnams bskyed pa'i phyir// chang yang bag tsam btung bar bya// gangs dang nags la gnas pa yi// d+ha na ka yi sha yang

  439. 220a

    bza'// gzhan yang ma he me sha ka/ e n+ya ya la sogs pa'i sha/ til mar rtsi mar la sogs dang // shing kun pi pi ling bcas par// bcos nas rang gis tshod bzung ste// bag yangs par ni bza' bar bya// 'du ba'i nad la mi gnod pa'i// sman rnams bza' zhing bskus pa btung // zang lag snyoms par bgo bar bya'o// lus dang khong pa la gnas pa'i// srin bu sbyangs pa'i cho ga bya// til mar gur kum bcas pa yis// nyin re zhing ni bsku bar bya// de nas spyi bor zla stengs su// gnas pa'i 'od kyis rnam snang mdzad// spyan drangs mchod de khar thim nas// zas dang dbye med zhu gnas su// 'od du zhu nas dri chen du// gyur nas sems can don du dbyung // bza' btung bye brag thams cad kun// rjes su mthun par byin brlabs te// rang gi lha la mchod par bya// 'od zhu dri chen snang mdzad du// gyur te sems can don bya'o// gser dngul zangs lcags mkha' ra'i snod// tha ma'ang rdza sa'i snod du blugs// shing gi snod du mi blugs so// 'bu srin sbrang ma la sogs pa// gcig tsam yang ni mi gnas par// sa la byi dor legs byas te// lci ba mar dang 'o ma gcin/ kha chas yang nas yang byugs par// gtsang ma'i ras la skam pa ni// rul pa la sogs skyon med bya// de ltar bskems par gyur pa dang // lcags gtun la ni zhib

  440. 220b

    par brdungs// rdzas la ni byas pa'i snod// u rgyan gyi ni bre tshad gang // gcig ni bum pa lta bu la// gnyis ni thod pa zlum po 'dra// cung tsam sor bzhi zlum po yi// bu ga zhabs na yod par bya/ kha dang zhabs su bsdams byas te// lan tshwa med pa'i chu bre gang // bar du ku sha'i 'khor lo bzhag/ steng du bdud rtsi bre do blugs// rgun this lo ma ku sha yis// bcad na kas+tha be ra'am// be shing me yis btso bar bya// ji srid ma tshos par du ni// sngags 'di bar chad med par bzlas// oM bud+d+ha sa man ta pany+tsa a mri ta ha ha ba su Ta pa tra hUM/ phyi ro la mar du btsos 'drar byung // tshos pa'i rtags su bstan pa ste// shing lo dag gi steng du dbab// ji srid grangs par gyur pa na/ kha zhabs phye la gnas dben bzhag/ des ni shu ba g.yon can dang // mdze nad bco brgyad nges par 'joms// 'og gi snod na bdud rtsi ni// chu la chu bzhag dkar la 'tsher// gzung bas zin par mi 'gyur te// dper na gur kum chu bzhin nam// dngul chu dag pa bzhin du 'gyur// bkra shis thod pa gser snod du// blugs te du ru ka yi bcud// lde gur byas pa dag dang bsre// zla steng oM 'bar 'khor lo bcas// 'bar 'phro de bzhin gshegs bkug ste// bdud rtsir bcas pa de la bstim// gsang sngags ci mang bzlas pa ni// oM bai ro tsa na bud d+ha lo tsa na kha la shu n+ya tA swa b+ha ba

  441. 221a

    oM/ des ni yon tan dpag med 'grub// lus la bskus na gnyer ma med// bkrag dang ldan zhing gzhon sha chags// mgo la bskus na sgra dkar med// mig rno u dpal mthing ka 'dra/ kha ru 'thungs na so skye ste// lce yang pad ma'i 'dab 'dra zhing // skad snyan ngang pa gzhon nu 'dra// rna bas rigs drug rang sgra rnams// dam chos bdud rtsi skad du thos/ khong du 'thungs na nad rnams med// tshe ni rang nyid ci dgar gnas// rtag tu sa bon 'phel 'gyur te// rta dang glang po cang shes bzhin// dpral bar thig le nyi re bya// oM 'bar zla ba'i gdan can bsgom// lhag ma bsgrub pa'i rdzas su bzhag/ ma 'ongs kun la sems kyis// dri chen btsal ba'i thabs mchog 'di// bsgrub pa po yi don du bshad// theg pa dman la rab dad cing // rmongs pa rnams la sba bar bya// bstan na nyams te dmyal bar 'gro// de skad phan mdzad bdud rtsis gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen btsal ba'i le'u zhes bya ste bcu dgu pa'o// // de nas yang sems dpa' rdo rje rnon po des 'di skad ces gsol to// kye bcom ldan 'das bdud rtsi rmad du byung ba dri chen po de la rtsa ba dang yan lag tu gyur pa dag mchis srid na yang de dag ngos gzung zhing btsal ba'i thabs bdag cag la bshad du gsol//

  442. 221b

    de skad ces gsol ba dang / bcom ldan 'das kyis bka' stsal pa// nga thams cad kyi bdag nyid du gyur te// kun la rab tu mkhas pas/ dri chen gyi rtsa ba dang yan lag rnams bshad kyis nyon cig/ bdud rtsi dam pa de nyid ni// de bzhin phyi nang gsang ba yi// rtsa ba brgyad yang dag ldan// gti mug can gyi sems can de'i// dbang po bzhi dang yul bzhi brgyad// de yi rdzas su bya ba ni// phag pa'i mig rna sna dang lce// mi gangs me tog phan tsan dang // bya rgod spos dang tig ta brgyad// nang gi mngon pa phyi dang nang // ku ku ra dang phug ron dang // nya dang rang shi bam gyi bzhi'o// sbas pa nang gi dri chen bzhi// rgyu lnga bsgral ba'i bla ma'i dang // drang srong dben dang tshig mthun phag/ de ltar brgyad du bstan pa ni// phyi yi rtsa bar bstan pa ni// a ka ru yi rtsa ba dang // sdong bu shun pa yal ga dang // lo ma me tog 'bras bu dang // zang chu dang ni rnam pa brgyad// de ltar nyi shu rtsa bzhi ni// dri chen gyi ni rtsa ba'o// de yis yan lag bshad par bya// brgyad ni dam pa'i ni ru ha// dza ti pa la po nga ser// yungs kar tsher sngon skyer ba dang // yung ba na ga pus pa dang // lug ru ser po dag dang brgyad// lha ma rtsa ba re re'ang brgyad// sngar bshad bzhin du shes par bya// de yang spang skyes b+ha hu dang // am pa sa dang mi g.yo ba// son kya ra la re/

  443. 222a

    ka dang // kle ra tsha dang pan tse sa// gim b+hi ri rti dag dang brgyad// ka sho kan d+ha'i me tog dang // lug ngal me tog sha ra ki'i// rta rngon dza ti ba da dang // sha sho sa ri ki'i dang // gran ta dang ni wa la se// de ltar brgyad kyi me tog brgyad// rna ba'i stongs dang 'phrad yin no// sri shing sdong bu shun par bcas// byid sang dur byid ser po dang // e ra ta dang ni sgra dang // yo ri ka dang shag sa na// i min dza dang brgyad ni sna// lce yi ba do le dang ni// ba mi ga tsa kyi lce ba'i// me tog dang ni dug mo nyungs// kan d+ha ka ri ba shu ka// sen ta sa ra dza ti ka'i// me tog dag dang brgyad kyis bya// mi gangs pas kyi bu ram gyi// sa bon me tog ka ne dang // sbrang ma me tog sngo 'jib rtsi// phub ra dang ru rag sha dang // sle tres ga mu bya nya dang // a ge tsa rnams dgod par bya// pan tsan gyi yang gze ma dang // gan d+ha pa tra si ra ta// she sha hA dang lan tsa'i// me tog me tog pa shi ka/ bi dang ka dang brgyad yin no// bya dgod spos kyi bshad pa ni// bla rtsi sug smel skya 'bram dang // sho mangs dang ni lu mi dang // lbu gangs pa dag bar ba tang // zangs rtsi ba dang brgyad du bshad// tig ta'i sho sha sa ri pa tra dang // sho no sa ri li ga ngur// lig mi ra dang lig sho sha// hAg pa sa dang be la tsha// de ltar brgyad du shes par bya// ku ku ra yi dri chen

  444. 222b

    gyis// sti tsha dang ni sni bebs// krug she krug re ra dang ni// mi ra pas sma zhes bya dang // khyu ba dkar po'i dri chen dang // seng ge spyang ki'i dri chen brgyad// ha gangs bya bang thi ba dang // ngang pa dang ni ko ki la// dur pa man tri skye ka'i dang // brgyad kyi dri chen phug ron gyi// sgra ting ka dang sprul pa dang // gag por sungs kyi dri chen dang // su su da ra shugs dkar po// dzo ti ra dang kang ka kang // dza ti s+tha dang brgyad ni nya'i// rang shi bam gyi dri chen la// ra ga ra ras ra ti sha/ spyang tsher pho dang de'i mo// gla sran dug se du na ga/ phag tshe ba dang brgyad yin no// rgyud lnga bsgral ba'i dri chen gyis// rdo rje slob dpon dri chen dang // skyes bu mtshon bsad dri chen dang // shra sang ga ra'i dri chen dang // rang ga ra dang hUg ga ra// mir ma'i 'bras bu ri ma mang // shog ti has dang brgyad yin no// dbang bskur ba dang 'chad pa'i dang // gsang ba'i yum gyi dri chen dang // kha rkag nag po ya na kha// kha ra kha na trad ser// bi na ra bes dag dang brgyad// drang srog dben pa'i dri chen gyi// bde ra tsha dang tha na ka/ wa da ga ler zod dkar dang / sgra ra ra dza sbrang ga ra// stag pa'i 'bras bu 'dzi ta ra// de ltar brgyad du bstan pa yin// ma du sa dang gang ga ras// sha ba ne bas dang skyas 'bram dang // kum ne'i 'brum bu shang ga shang // ya ra tas ha khyed ra wa

  445. 223a

    sa// 'di brgyad tshig mthun phag gi yin// phyi yi rtsa bar bstan pa yi// ud pa la dang shas sha shing // a shang tha dang a ru ra/ skem bu rigs kyi shing bu dang // skyu ru ra dang nim pa dang // pu phag gi ni shing ste brgyad// shing 'di rnams kyi rtsa ba ni// rtsa ba'i stongs su shes par bya// sdong bu shun pa yal ga dang // lo ma me tog 'bras bu dang // thang chu brgyad kyang thang chu'i stongs// gzhan yang rigs su gtogs pa rnams// dman pas 'grol bar mi nus na// gcig kyang gzhag pa ma yin te/ kha dog ser dang ro mchog bska// de dag dri chen dag gi stongs// thams cad de bzhin gshegs pa'i rigs// sgrub par byed pa'i rdzas mchog yin// de skad bdud rtsi bde ba che// de bzhin gshegs pas bka' stsal te// bdud rtsi sgrub la phan phyir ro// dpal bdud rtsi bde ba chen po zhes bya ba rgyud kyi rgyal po chen po las// bdud rtsi dri chen po'i rigs kyi sman ngos gzung bar bstan pa'i le'u ste nyi shu pa'o// // de nas sems dpa' rdo rje rnon pos/ bdud rtsi'i rgyal po chen po la gsol ba/ bcom ldan 'das bdud rtsi dri chen po 'di dam pa dang / rtsa ba dang / yan lag 'di dag ma bsgrubs pas kyang yon tan mchog sgrub pa mchis srid na/ de bdag cag rnams la bshad du gsol/ legs par bshad du gsol/ de skad ces gsol ba dang /

  446. 223b

    bcom ldan 'das kyis bka' stsal pa// rang byung bdud rtsi dri chen po'i// yon tan gong du bstan pa yin// gzhan yang longs spyod chen po 'phel// rtsa ba'i don rnams bshad bya na// phag gi mig gis rigs kun mthong // rna bas lha klu'i skad rnams thos// snas ni gzugs med dri tshor te// lces ni 'gro drug skad smra shes// mi gangs pas ni bad skad sel// ban can gyis ni lho pa 'joms// bya dgod spos kyis gdon skrod de// tig tas bad mkhris bsdongs pa 'dren/ khyi yi dri chen skrangs pa 'dul// phug ron dri chen dmu rdzing 'joms// nya yi dri chen sbrul skrod do// rang shi'i dri chen lceb gdon gsod// rgyu lnga'i dri chen shu ba skems// grub pa'i dri chen chos snod ldan// drang srong dri chen sprin gdol te// tshig mthun dri chen rus mdzes sbyong // a ka ru yi rtsa ba yis// mkhal rtsa bskams pa gso bar byed// sdong bu drang srong lha mnyes te// shun pas ma he 'phel bar 'gyur// yal gas bu mo'i sa bon 'phel// lo mas rgyal po'i yul 'khor skyong // me tog gis ni stobs chen dga'// 'bras bus 'bras kyi zhing 'phel te// zang chus bus pa'i gdon rnams 'joms// dza ti pa las snying tsha sel// bo nga ser pos khrag 'khrugs 'byed// yungs kar gyis ni bgegs rnams skrod// tsher sngon pa lang sbos pa 'jib// skyer bas mig nad tsha ba sel// yung bas

  447. 224a

    kha lkog skrangs pa sel// nA ga pus pas klu gdug 'joms// lug ru ser pos mkha' 'bras sbyong / gzhan yang bshad pa'i yan lag mchog/ brgya dang dgu bcu rtsa gnyis dag/ gzhan yang kha dog ros phye ba// de dag re re'ang yon tan mchog/ ldan 'gyur sbyar bas smos ci dgos// de nas rnal dbyor sgrub pa pos// dus rnams kun tu nan tan mchog/ bskyed de g.yo sgyu med pas bsten// de skad phan byed mgon po yis// kun la phan phyir bshad cing bstan// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po'i rtsa ba dang yan lag gi sman yon tan dang ldan par bstan pa'i le'u ste nyer gcig pa'o// // de nas bcom ldan 'das 'chi ba med pa'i bdud rtsi'i bdag nyid des/ bdud rtsi dri chen po byin gyis brlab par bya ba'i don 'di gsungs so// oM/ smad pa mi gtsang sgyu ma 'di// rtog pa de nyid snyigs ma yin// tshe mchog 'dzin pa'i bdud rtsi ste// gdod nas dag pa'i rang bzhin pas// bde gshegs kun gyi thugs dam nyid// gnyis med sku ru sbyor bas na// me long ye shes dam tshig 'grub// AM AHhUM bai ro tsa na mo ha ra ti sa mA ya s+t+waM/ ma hA yo ga a ti sbar na pa ni d+he/ a mr-i te a tsit+ta a ti tiSh+Thi IM/ zhes ched du gsungs pas/ nam mkha'i mthas klas pa'i snod bcud thams cad 'thul/

  448. 224b

    kun tu 'thul/ kun tu rab tu 'thul bar gyur to// de nas bcom ldan 'das rtag pa chen po'i g.yung drung gis/ gsang ba tshe 'dzin pa'i mchog rdo rje zhes bya ba'i ting nge 'dzin la snyoms par zhugs nas/ de bzhin gshegs pa'i rigs mi nub pa'i dri yongs su dag pa zhes bya ba'i snying po gong ma lta bu phyung ste/ mdzad pa'i tshul gyis 'od zer gyis don mdzad de/ bdud rtsi dri chen po byin gyis brlabs so// de nas bcom ldan 'das kyis de skad ces don phyin ci ma log par gsungs so// zla ba rab mdzes gdan stengs su// dri chen rang bzhin yi ge oM/ yon tan lhun grub gser gyi mdog/ ye shes gsal ba'i 'phreng bas bskor// yig 'bru tsha tsha 'bar ba'i 'phreng // ka la bing ga'i tshangs pa'i dbyangs// rab mdzes rin chen 'od kyi bu// zad med yon tan 'brel ba'i 'od// sdug bsngal thams cad zhi mdzad las// spros shing 'dus pas dri chen bskyil// nam mkha'i mthas klas ban d+ha'i snod// gzhal yas tshangs pa'i skud pa can// gser gling gnam sgo shes rab thabs// bcud kyi gtso bo gser zil 'bab// rnam snang zhing khams byang chub rgyan// dngul gyi tsong tsong 'khril ba la// pad+ma pa tra lu gu rgyud// gcig nas bo zhing gcig tu 'khyil// 'khor lo dbus su rab sbyangs nas// bde gshegs dpral ba'i mdzod pu gnas// dri chen bcud

  449. 225a

    bsdus gti mug sbyangs// 'gyur med mdzod bu'i lam du thim// phyin med ye shes bla ma'i sa// thams cad dri chen dbyings su zhu// sku yi dngos grub ca nar bsgril// 'khor lo 'gyur med rgya yis btab// oM 'bar gtsug tor ljon pa'i tshal// dngos po 'od kyi me lces bsregs// nyag gcig bdud rtsi gong bur bsdus// ye nas de ltar yin pa las// thabs kyis sbyangs pas yin par shes// de ltar dri chen shes par gyis// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po dag par sbyangs pa'i thabs bstan pa'i le'u ste nyer gnyis pa'o// // de nas 'khor gyi gtso bo sems dpa' rdo rje rnon po zhes bya ba des/ dri chen po sbyangs te gti mug rab tu gsal ba'i ye shes su gyur pas yid tshim par gyur nas/ yang bcom ldan 'das la gsol pa// bcom ldan bdud bdul bdud rtsi'i bdag/ 'khor ba ma spangs mya ngan 'das// bshang pa ma spangs dri chen sman// dug gsum nad rnams sbyong mdzad pa'i// dpa' bo khyod la zhu ba mchis// dri chen bsgrubs pas grub pa'i rtags// bar chad 'byung na ji lta bu// dge na blang bar bya ba dang // bzlog par bya ba'i khyad par dag/ bcom ldan bdud rtsis bshad du gsol// dbang phyug chen pos de gsan nas// rab tu 'gro ba thugs brtse bas// dge zhing

  450. 225b

    blang ba'i khyad par dang // mi dge mnan pa bshad pa ni// 'di skad bdud rtsi bdag pos bshad/ dri chen las ni grub pa'i rtags// du ba 'byung bar ngas bshad do// de la gnyis te dge mi dge/ dge bar bstan pa dbyibs rgyu ste// mchod rten 'dra dang du ba ni// rdo rje 'khor lo rin po che// pad+ma ral gri lcags kyu 'dra// mda' dang zhags pa dang 'dra ba'o// yang na yig 'bru 'dra ba yi// bdag dang bdud rtsi gzhan dag la// rab 'bring 'di yi sngar gsungs bzhin// dpral bar zla dkyil 'theb long tsam// oM 'bar gser gyi 'od 'dra ba// 'od zer lnga dang bcas pa las// ci 'dra ba'i 'od 'byung bas// rgyal ba'i zhing khams mtha' dag tu// dri chen 'grub ste du ba la// du ba de nyid bdag la ni// dbang du bsdu zhing bstim byas te// sdom pa'i gnas nyid mdzod pu yi// gnas su bskyil te bstan pa las// 'phel te bdag la gsal ba ni// mgo zhabs yan chad pa spu yi// bu ga'i gnas su thim byas te// dga' bde bde ba'i dri chen po// so so ma yin tha mi dad// dbyer med don gyi mnyam gzhag ste// gcig la mtshon tsam brjod mi bya// nam zhig bstan par gyur pa'i tshe// sangs rgyas chos dang dge 'dun dang // rdo rje khro bo la sogs pa'i// rjes su dran pa bcu drug gis// 'gro ba'i don du spro bar bya'o// de tshe brjod med brjod bya'i don// e ma ho

  451. 226a

    dngos grub sna tshogs pa// 'byung ba'i rgyal mtshan che rang bzhin// nga ste rang yid kun grub phyir// rang bzhin du ni grub pa yin// oM bud+d+ha sid+d+ha i haM/ de las gzhan pa'i du ba ni// sngo nag mdog las bun bun po// sbar mo bkug 'dra zhags pa 'am// sbrul 'khyil ba dang rnga chag 'dra// ri mo dbyibs med cher 'byung zhing // mi gsal shes pa 'thibs gong bzhin// 'di dag mi dge bar chad bdud// rnam dag yon po zhes bya ste// yungs nag dug dang ldong ros kyis// bzlog pa'i sbyin sreg brgyad bya'o// gang dag chos nyid brjod med cing // bya brtsal bral ba'i byang chub sems// ji bzhin don gyi snying po de// blo la gdeng chen brtan byas tshe// bar chad bgegs kyi sbyor ba ni// 'byung bar bya ba'i gzhi med de// me la sbrang ma mi 'chags bzhin// sbyor ba ngan pa ming mi srid// de skad bcom ldan ston pa'i gtso// bdud rtsi bde ba chen po yis// sgrub la brtson pa'i don du bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chen po grub pa dang ma grub pa'i rtags bstan pa'i le'u ste nyer gsum pa'o// // de nas yang byang chub sems dpa' sems dpa' chen po rdo rje rnon pos phyag btsal te gsol ba/ bcom ldan 'das spyad du med pa'i spyod pa'i bdag nyid dpa' bo chen po/ rnal 'byor pa gang

  452. 226b

    zhig bdud rtsi dri chen po la brten nas/ mya ngan las 'das pa sgrub par byed pa'i rnal 'byor bas/ spyod pa bla na med pa ji lta bu zhig spyad par bgyi ba de bdag cag la bshad du gsol/ de skad ces gsol ba dang / de la bcom ldan 'das kyi bka' stsal pa/ sems dpa' de bzhin gshegs pa'i rigs// 'tsho ba'i rgyal sras dam pa rnams kyis spyod pa ni/ gang yang spyad du med pa bdud rtsi chen po 'gyur ba med pa'i klong / thig le chen po'i g.yung drung sbas pa med pa'i gter chen po spyad par bya'o// de 'dra la gnas spyod pa'i gter// zad med 'gro ba kun gyi dpal// re dang dogs pa rnams spangs te// spyad par bya ba'i dmigs bstan pa// sa gzhi dge dang bkra shis gnas// yid 'ong bar chad med pa bsten// lha dang slob dpon mchod pa'i phyir// rdzas rnams gtsang gdang mang bar bsog/ dbang phyug rang nyams dge bya'i phyir// 'gro 'ong 'grul pa mtshams gcad bya// mi dang byol song thams cad kyi// snyigs ma'i mi gtsang smad mi bya// bud med thams cad las kyi rgya// dus kun bcing ba ma yin kyang // dang por gshe dang smad mi bya// dam tshig phyag rgya mi 'bral zhing // gso la rab tu brtson par bya// sems can gdug pa 'dul ba'i phyir// sbod gtong las la rab tu brtson// sha ni glang chen myos pa yang // byin gyis brlabs te bza'

  453. 227a

    bya na// gzhan dag bza' ba smos ci dgos// 'gro tshe rta mchog glang chen dang // shing rta la ni zhon pa'i tshe// traM las bskyed de 'gro ba'i tshe// don du sa rnams rim bgrod de// theg chen spyod pas don bya'o// nga rgyal zhi ba'i sems ldan pas// byams pas kun la brtson par bya// srung dang ldebs dang bzhad ga kun// lha dang dkyil 'khor chen po dang // tshogs kyi dkyil 'khor nye 'khor dang // bla ma'i spyan sngar bya ba min// gnang ba byin nas kun bya ste// thams cad kun tu bka' btsan bya// tsan dan shing bu rtsad mi gcad// dug sdong de bzhin rtsad mi gcad// chags pas 'khrigs pa gcad mi bya// dgos pa'i tshe na dor mi bya// sman dang me tog brda ba 'am// brko phyir lcags kyi 'jor thogs nas/ khrus byas gtsang ma'i gos gyon te// drung du phyin nas shar du blta// phyag gsum btsal nas thal sbyar te// 'di skad ched du brjod par bya// phyag 'tshal de bzhin gshegs khyod la// phyag 'tshal sman gyi lha khyod la// 'di la gnas pa'i lha mo khyod// bdag la dgyes par dgongs mdzad de// sman gyi dngos grub bdag la stsol// oM a mr-i ta pa ta pa li swA hA/ rtsad nas bton nas btu 'am brda// snying po la sogs bzung nas ni// thor tho bar bur slar la sba// sa yis bkang ste 'thas par bcag/ bde dang skye 'khrung

  454. 227b

    legs gyur cig/ brjod de rul sums med par skam// spyod pa mchog tu gyur pa 'di// rnal 'byor pa la phan bya'i phyir// bdud bcom thams cad mkhyen pa yis// yang dag par ni bka' stsal to// dpal bdud rtsi bde ba chen po zhes bya ba brgyud kyi rgyal po chen po las/ bdud rtsi dri chen po'i spyod pa bstan pa'i le'u ste nyer bzhi pa'o// // de nas yang bcom ldan 'das ston pa thams cad mkhyen pa des/ mnyam pa nyid kun tu spros pa zhi ba zhes bya ba'i ting nge 'dzin la snyoms par zhugs te/ nga rgyal chen po'i don la bzhad de bzhugs so// de bzhin du byang chub sems dpa' rdo rje rnon po yang / ral gri de nyid du bskor nas rang gi snying kar bstan par bzhag nas/ gzengs bstod de cang mi smra bar gyur to// de nas lho phyogs ngos rin po che brtsegs shing bkod pa zhes bya ba'i zhing khams nas 'ongs shing dbang thob pa zhig 'khod der 'ongs pa'i lha mo// rin chen sgron ma'i dbyig ces bya ba des/ rang gi pad+ma'i 'dab ma rab tu rgyas par bya te/ gser gyi rgyan ces rnams lus las bkrol te/ ston pa dang / sems dpa' de la gtor te/ sems dpa' de la 'di skad ces smras so// sems dpa' chen po gson cig/ bdag gis 'khor ba pa'i sems can 'di dag la bstan na/ da phyis ta ga la yang thon te/ kha yang srid par ma gyur te/

  455. 228a

    nga rgyal gyi ri chen pos non nas theg pa'i glags med na/ bcom ldan 'das kyis ci lta bu zhig la dgongs nas/ don mnyam pa nyid la bzhugs/ sems dpa' khyod nyid kyang / bcom ldan 'das la bskul bar mi byed pa 'di las dpags na/ 'khor ba pa 'di dag gtes chad de bla na med pa'i sgrub pa'i thabs dang bral ba'am/ 'on te sems can gyi don mi spyod dam/ 'on te sems can gyi don mi spyod dam/ don ci lags/ de nas sems dpa' rdo rje rnon pos slar la smras pa/ lha mo khyod shes rab mchog dang ldan zhing / sems can gyi don la mos pa ste/ yid tshim par ma gyur na/ da dung bcom ldan 'das la gsol cig/ sems can ma bsgral ba rnams mthar sgrol bar 'gyur ro// de nas yang lha mos smras pa/ ci sems dpa' khyod bdag la she 'am/ 'on te bgam par mdzad pa lags/ sems dpa' khyod ni bdag cag 'khor 'dus pa'i nang na gtso bo/ rab mchog/ dam par dgongs te/ bcom ldan 'das kyis lag tu shes rab dang ye shes kyi rtags byin nas/ dbang bskur te 'gro ba rnams la ci dang ci dgongs pa gsol ba 'debs par bkas gnang la/ gang dang gang zhus pa de dang de bshad par zhal gyis bzhes pas/ sems dpa' khyod kyis zhu ba dbul bar rigs la/ bdag kyang de ltar bskul bas/ sems dpa'

  456. 228b

    khyod kyis nga rgyal can nga rgyal spong bar mi nus pa de dag/ ma spangs par bde ba rnyed pa'i thabs dam pa bshad par gsol ba thob cig/ de skad ces smras pa dang / 'khor thams cad kyis kyang sems dpa' de la btud de de bzhin du bdag cag kyang spro bar bgyid do// zhes glengs so// de nas byang chub sems dpa' des/ shes rab kyi ral gri des/ sems can thams cad la btab ste/ re re 'ang lus rdul du gtugs te/ nga rgyal gyi ngo bo ji lta bu zhig btsal zhing bltas na/ cung zad kyang rnyed par ma gyur nas/ yang bsnan te/ yun ring du brtags pas/ nga rgyal la bdag med do zhes phyogs gcig tsam shes kyang / legs par khong du ma chud nas/ ral gri de phyis na yang dag par bya ba'i rgyu yang ma rnyed de/ sems can bsad pa rnams kyang snga 'khor snang nas/ bcom ldan 'das la phyag btsal te gsol pa/ bcom ldan rnam pa thams cad mkhyen// bdud 'dul bdud rtsi mchog gi mchog/ sems can rnams ni nga rgyal gyi// ri bos mnan te thar med nas// ro bam gling du 'khyams lags na// 'di don bdag cag rnams la shod// de skad gsol bas thams cad mkhyen// nyid kyis gsungs kyis 'di skad gsungs// ngar 'dzin dra bas bcings mod kyang / tshig gi sgros btags rmongs pa las// nga rgyal sems las tha mi dad// nga rgyal med na sems med

  457. 229a

    de// sems med byang chub snying po'ang med// de med nyi tshe chad pa ste/ khams gsum srog phrogs pas sdig che// nga nyid rang byung chen po ste// ye shes bla na med pa'o// bya ba'i nang na 'di mchog ste// nga rgyal dang ni ye shes che// don nyid dbyings su mnyam pas na// mnyam nyid ye shes zhes su btags// de nyid rin chen zad med mdzod// bkod pa kun tu ma nyams shing // 'gro ba'i don du mngon 'byung bas// yid bzhin nor bu kun 'byung rigs// ye nas de ltar yin shes na// bdud rtsi zhes ni zhing kun grags/ de ltar shes par ma gyur te// mun par 'khyams pa'i 'gro ba rnams// bdag dang gzhan du rnam btags pas// nga rgyal thar med nad chen pos// bsad nas ngan song sdug bsngal myong // phyi ma'i don la legs btsud pas// bdud rtsi zhes ni bya bar bshad// des ni chos nyid ro mchog dag/ 'gro kun rgyud la rgyas pa dang // dregs pa'i nga rgyal gzhom pa'i phyir// de la sha chen zhes bya'o// log dang yang tha me dang // gnyis med dbyings su sus rtogs pa// de la bsgrub pa zhes bya'o// de ltar gdeng ldan rnal 'byor pas// rang bzhin bdud rtsi sha chen po// dam pa'i mchog de blang bya'i phyir// spang blang med par sha chen bsgrub// gtsang sme zhes su btags pa ni// rmongs shing 'khrul pa rnams la snang // yang dag don gyi snying po

  458. 229b

    la// gtsang dang sme ba'i tha snyad bral// des na sha chen dang du blang // gang yang dor bar mi bya'o// de skad rang byung bdud rtsi dag/ bcom ldan kun tu bzang po yis// nga rgyal can la phan phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen po'i rang bzhin bstan pa'i le'u ste nyer lnga pa'o// // de nas yang sems dpa' rdo rje rnon pos ston pa la phyag 'tshal te/ 'di skad ces gsol ba btab bo// snang srid thams cad sa le'o// ston pa kun mkhyen rmongs pa sel// 'gro ba'i gnyen gcig dam pa'i gtso// bdag cag rnams la yang dag pa'i// sman mchog sha chen nad sel ba// log pa'i nga rgyal gzhom slad du// ji ltar btsal ba bshad du gsol// de skad gsol pas bdud rtsi che// dga' chen ston pa mgo bo yis// 'od kyi 'byung gnas bde ba'i mchog/ sgron mas snang ba zhes bya ba'i// ting 'dzin mngon du mdzad nas ni/ khams gsum bdud rtsir bsgrub pa'i phyir// dur khrod rdzas mchog btsal ba'i thabs// thugs las phyung ste 'di skad gsungs// nyon cig 'dud pa mang po'i 'khor// rnam par mi rtog chos kyi sku// rang bzhin 'od gsal bde ba che// blo yi yul du ma gyur kyang // blo nyid yin phyir shes gsal bya// de nyid bden pa gnyis med pa// rin chen dbang phyug thabs shes

  459. 230a

    rab// rang rig blos ni de ltar ro// ston pas snang zhing 'brel bas na// drug pa'i lha ni mchog shes te/ de yi rigs ni 'dzin pa'o// bdud rtsi lnga dang 'dod yon lngas// rang dang rangs pa rtag tu mchod// rang sngags bsnyen pa bzlas pas ni// thams cad 'grub par ngas bshad do/ khro bdag chen po'i lus bzung nas// rang lus rgyan dang bcas par bya// hUM zhes bya ba'i sbyor ba yis/ khros pas rdo rje'i gar bya yi// phaT kyis rab tu khros nas ni// dur khrod dag tu gar gyis 'gro/ khro bo rngam pa'i rol thabs bya// 'phra men ma yi 'tsho tshul dang // dbang phyug ma yi rngam stabs dang // gnod sbyin ma yi 'phrog stangs dang // mgo brnyan ma yi 'bri tshugs kyis// dang po ro de brtag par bya// bdun dang lnga dang gsum pa la// mtshan dang dpe byad yod pa la// sor mo dra bar 'brel ba dang // so tshags dam zhing lhag pa dang // smin dkyus ring zhing bar ma chad// sgra mdog nag la 'jam pa dang // 'khyil cing gyen du 'greng ba la// mngon shes dag dang ldan pa'o// shi nas gsum mam lnga dag las// rul te bsgrub pa'i rdzas men pas// 'gre ldog rgod dang 'dzum pa dang // sgra 'byin 'bros dang bkrag 'byin dang // thal mo brdebs pa mchog yin pas// de las bsgrub pa'i rdzas btsal lo// dang po hUM gi bro yis sbyang // yi ge lnga yi 'phro

  460. 230b

    'du yis// mtshon cha lnga yi char pa dbab// 'bru gsum sa bon bsreg bkru gtor// nyi steng b+h+rUM las gzhal yas khang // rin chen rigs kyi lha bkod bzhugs// mchod de pho nyas spyan yang drang // bag chags bsgrub pa'i rdzas min pa// sgo bzhir bro bzhis sbyang bar bya// khro bo chen po lhag pa'i lha// stobs chen pha rol dpung 'joms par// byin brlabs rdo rje phur pa ni// dur gcan gdul phyir bkra shis phyir// ro'i khur bu 'am shul du gdab// rdo leb thog tu bzhag nas ni// thal ba yungs kar til nag la// hUM bzhi gsang sngags phaT dang bcas// brgya rtsa brgyad 'das brab par bya// de nas gtsang ma'i chu yis bkru// ga pur gur kum bdud rtsi lngas// de la bskus shing byugs nas ni// lha yi sbyor bas steng 'dug ste// gsang sngags khri phrag bdun du bzlas// oM badz+ra rdza la kro d+ha ma tang ro na b+hi Ta hUM hUM ha lA ha la phaT phaT/ oM badz+ra khad ga ha na ha na hUM phaT/ oM sarba mahA maM sa a mri ta kun Da li shud d+ho swa b+hA ba hUM phaT/ 'phar dang sgra dang drod byung nas/ khrod pas 'jam dpal rno thogs te// gang g.yo mod la gcad par bya// de nas snod nyid gcad byas te// bdud rtsi mchog gi snod du bya// dge dang mi dge'i mtshan ma kun// ngas gsungs 'jigs byed chen po yi// rgyud las 'byung ba ji bzhin brtag/ rigs kyi khyad par shes par bya// dang po thams

  461. 231a

    cad ngar byas te// dgongs pa'i don dang sbyang bar bya// de nas spu gri mtshon chen po// thogs te dpa' bo chen po yis// nya bzhi btsos brgyad brab par bya// zha nye'i snod du bzhag nas ni// bdud rtsi bsgrub pa'i rtsa bar sbyar// lhag ma'i rdzas kun bsdus nas ni// chu gtsang dag tu btso ba ni// 'khar ba'am ro nye'i snod dag tu'o// seng ldeng tsher ma can gyi me// che chung ran par bud par bya// bre gsum la ni bre do btso// gnyis ka srang la gcal bar bya// bcud thon tshos par gyur pa na// sing ga ra'i ris gtum te// lcags gtan pa 'am rdo yang rung // bcud kun thon par mnan par bya// ci byung 'khar bar lkugs nas ni// bsdus te tsha ba gsum dang sbyar/ khongs su 'thungs na bad rlung sel// lus la bskus na shu tor sbyong // rtag tu bcangs na khrags 'bras 'dul// nam gyi gung la 'o ma dang // sbyar te khur ba gsum gsum gtung // bsres te bag dang ldan byas na// pho mtshan stobs ldan sa bon 'phel// bskyil ba'i zabs la rtsal ldan no// dngos po dri ma la bskams nas// lcags kyi gtan gtun la btags te// ras la sbyangs te ka pA lar// skyu ru ra yi khu bas sbrus// phyi rol til mar bsku byas te// 'dab to pa la'i lo mar gril// rtas nas ri lu a 'bras tsam// byas te za ma tog tu blugs// 'di ni sha chen dam

  462. 231b

    pa ste// rul dang sums shing bam pa dang // bad mkhris bag dang ma bral ba// sgra kha yis ni 'bras bu dra// 'di dag spang bar ngas bshad do// de skad bdud rtsi bde ba che// rang byung dpa' bo chen po yis// 'khor ba'i nga rgyal nad sbyang phyir// kun la brtse bas bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen btsal ba'i thabs bstan pa'i le'u ste nyer drug pa'o// // de nas yang sems dpa' rdo rje rnon pos bcom ldan 'das la phyag 'tshal te gsol pa/ kye ma ho bcom ldan 'das snod bcud thams cad ye nas bdud rtsi sha chen por ma gyur pa med do zhes gsungs na/ de dag rtsa ba dang yan lag tu bcas pa ngos 'tshal bar bgyi ba de dag bshad du gsol// thugs rje'i bdag nyid bshad du gsol// de skad ces gsol pa dang / bcom ldan 'das bdud rtsi chen pos bka' stsal pa/ nga thog ma med pa'i dus snga ba'i yang snga ba nas/ sems can thams cad shugs chen pos bsgral te/ bdud rtsi rgya mtshor bskyil zin kyang 'gro ba gang dar gyi srin bu bzhin/ rang gis rang bcings pa rnams dgrol bar bya ba'i thabs// sha chen po'i rtsa ba dang yan lag tu bcas pa rnams ngos gzung ba bshad kyis nyon cig/ byang chub sems ni ji bzhin te// rtsa ba dang ni yan lag go/ rtsa ba phyi nang

  463. 232a

    gsang ba gsum// nga rgyal can gyi sems can gang // de yi brgyad ni gsang ba yi// sa bon yin par ngas bshad de// mig dang rna ba sna dang lce// spangs ma srin bu ka ka ri// rgya spos lan tshwa sngon po brgyad// gsang ba'i rtsa ba'i rdzas yin no// nang gi sbas pa'i bzhi dag dang // mngon pa bzhi dang brgyad yin no// lce dag snying dang mkhal ma dang // tshil khra bzhi ni nang gi'o// rje ngar lag ngar nya gnyis gnyis// bzhi ni phyi yi rdzas su dgod// du ru ka yi rtsa ba dang // sdong bu shun pa yal ga dang // 'dab ma me tog 'bras bu dang // thang chu brgyad ni phyi yi ste// de ltar nyi shu rtsa bzhi ni// sha chen rtsa bar bstan pa yin// de dag yan lag bshad pa ni// brgyad ni dam pa'i ni ru ha// glang po che dang phag rgod sha/ khyim bya'i sha dang smig ma'i sha/ 'bras bu dang ni sa lu 'bras// til dang ji tse ka ni hAg/ brgyad ni dam pa'i stong du 'gyur// 'ba' hu lug mig ston skyes dang // sha ka ra yi sdong bu dang // sa bon dang mi sug tse ban// ka ni ha sta spang rgyan dang // ha he sa ni ser po dang // tha 'bri brgyad ni mig gi 'o// ka sho kan d+hi shun pa dang // se lnga ka ni ka sngon po// dza ti ser po ha ser po// stag tsher ba dang seng tsher dang // bya na ha rnams rna ba'i 'o// sna yi sri shing thang chu dang // lo na ha dang bi rgya dza// hag med tang dang sgron shing dang // shar

  464. 232b

    ya dang mi lig mi dza// kum bi rgya dang brgyad yin no// lce yi khyi lce smug po dang // sha na ra dang sha ser ge/ len da ra dang ser po ta// kun tra se dang gang ga phus// shu ra ta ni phus pa brgyad// stongs su 'gyur bas dgod par bya// bal phu dang ni ldong ros dang // shu dang gangs dang she na ra// gag ga le dang ral pa sha/ ker yur ha ga me ru rnams// spangs ma yi ni stongs su bya// sgog skra tshong dang la phug dang // brag sha ba dang 'dzi na ru// kos nam ru dang sha sang ge/ lo ha ri dang rnam pa brgyad// ka ka ri'i yin par bshad// rgya spos rigs su bstan pa ni// du ru sha dang bring ga ya// tad tA le ra ga na ra// lig mi tsa dang tsan d+ha dang // sha ma tri bi ta to ban// brgyad po dag ni dgod pa'i stongs// bri ya tsha dang glo tsa dang // shu ga tsa dang shing tsha dang // pi pi ling dang sgo'u gsher dang // li bar ag dang li k+She khra// de brgyad lan tshwa sngon po'i 'o// nang gi rtsa ba'i yan lag ni// lce'i dug ra re'u lcag pa// ka pre ta dang wa yi lce// ban glang khyi yi lce gnyis dang // se ra kum bi ra dza brgyad// snying sho sha dang pad+ma nag/ dkar po lo na ha ru sha/ bir ba sgraskra dang bi na tang // dzid ta ra dang tshil sha mang // 'di brgyad snying gi stongs su 'gyur// mkha' ma'i rigs su gyur pa ni/ kha sral bi na ru 'bras bu// ba mkhal dang ni do ke'u ra// chag gi sha dang so ban

  465. 233a

    ru// 'di ba ka ra ro ras pa// 'di brgyad yin par ngas bshad do// dong ka dang ni ngo ma ri// shas sta dang ni raM ra re// ku na ha sa sta snga d+ho bis// shang ze ba dang lug ti khyar// 'di brgyad gzhang gi yin zhes bshad// ka la ho phag ka re ra// ra ro sa dang sho na bi// 'ba' ba tang ta hur ur dang // se na ru sha se sa bas// 'di brgyad skyod byed g.yas kyi yin// g.yon gyi kam ka le dang ni// sur bu dang ni kug tra sa// wan tra ta dang sha rgya ba// bil sus sa dang tam mra dang // hU ga ra se dang brgyad yin no// lag pa g.yas kyi shim pa dang // ser bu bang dag gug tra pa// sbyin ra dang ni shu mu za// kar ka le ba tsa ro dang // sur bu'i me tog brgyad yin no// g.yon pa yi ni rti ra rug/ bra ga bra ma'i me tog dang // tsin tra bin dang lus se ba// tshar dza le dang ngar pa dang // gi ra dang ni hA mu se// brgyad ni 'di yi stongs su bstan// phyi yi rtsa ba brgyad kyi ni// shing brgyad dag tu shes bya ste// ba lu ki dang rang gi rta// dum bu se dang kar yur dang // gser mdog pa'i a ru ra// ba ru ra dang mu ta sa// spri yang ku dang brgyad rnams kyi// rtsa ba rnams ni du ru ka'i// rtsa ba'i stongs su shes par bya// de bzhin sdom bu shun pa dang // yal ga 'dab ma me tog dang // 'bras bu dang ni thang chu brgyad// thang chu'i rogs te gzhan yang 'dra// 'di dag

  466. 233b

    phyi yi yan lag go/ sha chen rigs kyi sman gzhan dag/ thams cad rdzogs par bya ba ni// drang srong dag gis bshad pa bzhin// gal te dbye bar ma nus na'ang / kha dog sngo dang mngar ba'i ro// de dag thams cad ma lus pa// rin chen rigs kyi sman yin no// de skad ston pa mchog nyid kyis// bzhad nas gsungs pa'i don 'di ni// nga rgyal thabs kyis bskur slad du// sha chen gtan la dbab phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen gyi rigs kyi sman ngos gzung bar bya ba'i le'u ste nyer bdun pa'o// // de nas yang sems dpa' chen po rdo rje rnon pos// gsang ba mchog gi rgyal po rdo rje bdud rtsi'i mchog la gsol ba/ kye bcom ldan 'das/ rgyal bas byin gyis brlabs shing rin po che'i rigs kyi bdud rtsi dag ma bsgrubs shing byin gyis ma brlabs kyang rang bzhin gyis thugs rje'i snang ba lags na ci/ mthu mchis par 'gyur ram/ de ji ltar lags pa de bshad du gsol/ de skad ces gsol bas/ gtso bo gar gyi dbang phyug des thugs su chud nas 'di skad ces gsungs so// nyon cig skal ldan sems dpa' che// zhus pa'i don rnams bshad kyis nyon// sha chen po ni sman gyi mchog/ nad sel gang yin gong du bshad// rtag tu bsnyen pas mthu che'o// rtsa ba la

  467. 234a

    sogs bshad bya na// rtsangs pa'i mig gis lho phyogs kyi// sa ya sum cu tshun chad mthong // rna bas de yi sgra kun zos// snas ni yon tan ci ldan tshor// lces ni chos kyi yon tan 'chad// spangs mas srin bu 'bum sel te// ka ka ri yis chu 'gags sbyong // rgya spos mig phyid nges par sos// lan tshwa sngon pos grang ba 'joms// lce yis kun la smras pa nyan// snying gis dran pa rgya cher skye// mkhal mas rked pa'i chu ser sbyong // gzhang gis pha rol dregs pa 'joms// byin snying g.yas pas rgyal po'ang 'gro// g.yon pas bud med khyab par sbyong // lag ngar g.yas pas ci bcol 'grub// g.yon pas bshang ba 'gags pa sel// du ru ka yi rtsa ba yis// tshong dpon tshong bcas dbang du sdud// sdong bus cang shes 'phel bar byed// yal gas bse rigs bgegs skrod de// shun pas bas lhags gting nas sel// 'dab mas gtsug lag sbyor la mkhas// me tog gis ni khyab 'jug mnyen// 'bras bus byi ba srin bu 'ching // thang chus bud med g.yem pa 'jil// yan lag brgyad brgyad sman kun gyis// 'du ba'i nad rnams sbyar bas sel/ kha dog dag ni ros phye ste// rin chen rigs su gtogs pa rnams// 'du ba'i nad rnams re re la// mi phan pa ni gcig kyang med// de dag 'gro ba phan mdzad phyir// ngas ni yang dag

  468. 234b

    par bshad do// de skad ston pa mchog gis gsungs// dpal bdud rtsi bde ba chen po zhes bya ba rgyu kyi rgyal po chen pa las/ bdud rtsi sha chen po rtsa ba dang yan lag gi sman yon tan chen po yod par bstan pa'i le'u ste nyer brgyad pa'o// // de nas sems can gyi don la rab tu brtson pa'i thig le chen po'i bdag nyid des// bdud rtsi sha chen po rnam par sbyang bar bya ba dang / tha snyad byin gyis brlab pa 'di/ nyid kyis sku gsung thugs las phyung ngo // sra/ sems can rnams ni gnas la chags// nor bas bdag nyid gtsang mar 'dzin// don gyis sun ni ma phyung na// bsod nams thams cad bral ba yi// yi dwags skam zag chad pa yang // bdag lus gtang bar mi phod na// lha la sogs pa'i bsod nams kyis// lus can rnams lta smos ci dgos// de bas 'di kun sun dbyung zhing // rang byung bdud rtsi bstan pa'i phyir// bstan kyang lha yi bdag nyid bza'// mi la sogs pa de bzhin du// rnal 'byor pas sbyad cing bza' 'o// de ltar bdag gzhan mi 'byed pas// blang dor med par grol ba yis// mnyam pa nyid kyi don mthong nas// thams cad mnyam nyid ye shes sku// bde gshegs rin chen rigs mchog 'grub// ces gsungs pas/ khams gsum 'khor ba'i chos thams cad ma spangs bdud rtsi dam pa sha chen por

  469. 235a

    sangs rgyas te/ mnyam pa nyid kyi ye shes su ngang gis gnas par gyur to// de nas yang bcom ldan 'das rab tu dgyes pa'i bdud rtsi chen po des nges par grub par byed pa'i rdo rje mi 'gyur ba'i gsang ba zhes bya ba'i dgongs pa la zhugs nas/ snang ba nye bar bkod pas dug nye bar sel bar byed pa zhes bya ba'i sngags dam pa 'di nyid kyi thugs las phyung ngo // oM AHhUM ma hA maM sa ma hA s+pha ra na ra ho haM rad na ra Ti sa ma ya s+t+waM/ zhes gsungs pas/ nam mkha'i mthas khyab pa'i snod bcud thams cad bro/ rab tu bro/ kun tu bro bas/ ma lus shing lus pa med pa thams cad bdud rtsi sha chen por chub par gyur to// de nyid la don 'di skad ces gsungs so// rin chen zur brgyad dbus su ni// sha chen rang bzhin yi ge sra// bai dUr+ya 'dra 'od zer 'phreng // ye shes sgron ma ba dag bzhin// 'phro 'du srin bu me kyer 'dra// 'brug chen gdangs ngar brjod pa'i gsungs// mkha' la 'ja' tshon gsal 'dra sku// bsam dgur re skongs yon tan 'bar// 'gro gang cis 'dul de 'dra'i las// lnga yi 'phro 'du sel byed rtsi// srid gsum ban da'i zangs kongs ni// sul mangs gling bzhir ri rab lnga// nam mkha'i thig skor le brgan 'od// mtshal gyi zhu ba pad+ma'i rtsa// rin chen rgyal po bkod pa'i zhing // grang 'brum asma gar b+ha'i

  470. 235b

    gnas// le'u tshen gce'u 'bar uta pa la// 'od kyi b+ha ga bdud rtsi'i sbrus// bskyod de rin chen rigs kun mchod// dpal ldan ljon pa'i tshal sbyangs te// sku dang gsung thugs bdud rtsir bsdus// nga rgyal mtha' la gnas par byangs// srid pa mdo bsdus thig ler bsgral// gnas med yang dag lam la gnas// bdud rtsi sha chen thig le 'bar// rmad byung dngos grub mkha' la bstibs// zur brgyad ka ma tsit+ta la// sa yi mtshon te rgyu drug sbyangs// mtshan ma'i btags pa rab tu bsregs// bde 'byam gser gyi nyi mar thim// gdod nas rnam dag de yin las// thabs mkhas skyes bus de ltar sbyangs// don kun de ltar shes par byos// ces gsungs pas/ 'dus pa phal mo che'i tshogs thams cad/ bdud rtsi sha chen po'i ros tshim par gyur to// dpal bdud rtsi bde ba chen po zhes bya ba rgyud kyi rgyal po chen po las/ sha chen po sbyang ba'i sngags dang ting nge 'dzin bstan pa'i le'u nyer dgu pa'o// // de nas 'khor der 'dus pa'i gtso bo sems dpa' chen po rdo rje rnon po zhes bya ba des/ sha chen po zhes btags pa'i nad de nyid bdud rtsir mdzad nas/ bya ba'i ye shes kyis khyad par du nga rgyal can gtings phyung nas/ bgrod pa med pa'i sa mthar phyung ste/ rab tu bde ba rnyed pas/ yid tshim par gyur kyang / da dung rtog pa'i dra ba rgyun ma chad nas//

  471. 236a

    yang gsol ba/ nad sos sman pa'i rgyal po mchog/ dug nyid sman la bdud nyid rtsi// 'khor ba'i zhig nyid bde gshegs gnas// spang blang med par sgrub mdzad la// bdag cag rnams ni zhu ba mchis// sha chen bsgrubs te grub pa'i rtags// ji ltar lags pa bshad du gsol// grub dang 'dres nas bar chad dag/ 'byung na grub par mi 'gyur zhing // 'gro kun rmongs pas mi shes pas// gsal bar phye/ ste bshad du gsol// dge dang mi dge byung na ci// blang dang bzlog pa'i thabs bshad 'tshal// bar chad ngos bzung bgegs ni gang // bcom ldan 'das kyis bshad du gsol// bdud 'dul rgyal pos bka' stsal pa// de dag zhus pa rab tu legs// dge dang mi dge bcas bshad kyis// phal cher 'dus pa rnams nyon cig/ sha chen bsgrubs nas grub gyur na// de nyid rtags ni dri 'byung nges// dge ba rnams pa bdun du bshad// gla rtsi dang ni a ka ru// du ru ka dang gur kum dang // dza ti pa la ga pur dri// sing ha ka ro bdun 'byung ste/ sman gyi dri nyid ma yin pas// dus gsum dag tu dus dus 'byung // nyams dga' la sogs de bzhin te// bdag nyid rigs kyi bdag po 'am// byin pa nyid du gsal ba dang // lte baM dpral bar zur brgyad pa'i// rin chen ljang sngon gsal steng du// gser 'dra'i swa ni 'od bcas las// 'bar

  472. 236b

    'gro gsal ba'i kyo bas su// 'jig rten khams kyi rgyal ba'i tshogs// bkug ste dri dag dbyer med par// bdag gi gnas su yang yang bstim// dbang po'i sgo kun kun bsdus te// dal bus dal bus je je bsring // brtan nas ngag gis 'di yang gling // gzhan du gcig tsam ma yin no// e ma'o sna tshogs drir snang ba// bdag las gzhan pa ma yin te// brtan par gyur nas blangs thob na// rin chen lta bur dgos 'dod skong // au rad na sid+ha a mr-i ta a haM/ sha ru la dri nga rul pa dang // slon gda' bshang gci rku dang sngab// 'di dag bar chad byed pa ni// gnod sbyin sgra skyes stobs ldan bu// sgra mkhas ha ra mig ces bya// 'di byung brtan pa'i blo can gyis// rang rig ci yang ma yin la// cir yang snang la mi rtog pa'i// don la blo yi 'byor ba ni// ngar gyis yun ring gnas par bya// gal te de ltar ma gyur na// mar dang 'o ma til nag pos// zhi ba'am yang na bzlog pa yi// sbyin sreg brgya rtsa brgyad du bya// des ni rnam rtog bgegs zhi 'gyur// rang nyid rang gi rtog pa bgegs// rtog pa med na bgegs med pas// rtog bral sems ni bgegs kyi gnyen// de bas mnyam gzhag sems nyid ni// bgegs rnams kun gyi gnyen por che// de skad 'gro ba kun la yang // brtse phyir ngas ni bshad pa yin// dpal bdud rtsi bde ba chen po zhes bya ba

  473. 237a

    rgyud kyi rgyal po las/ bdud rtsi sha chen po grub pa dang ma grub pa'i rtags bstan pa'i le'u ste sum cu pa'o// // de nas byang chub sems dpa' chen po des// bcom ldan 'das la gsol ba/ bcom ldan 'khor ba'i chos 'di la ji ltar spyad kyang / bde bar gshegs pa'i mdzad spyod khyad par can lags kyang / 'gro ba rnams des tshims par mi 'gyur ro// de ci'i slad du zhe na/ da dung ngar 'dzin pa'i dra ba ma bcad pa'i slad du lags so// de'i slad du bdud rtsi sha chen po 'di'i spyod pa legs par bshad du gsol/ dpa' bo chen pos legs par bshad du gsol/ de skad ces gsol pa thugs su chud de bka' stsal pa/ sems dpa' chen po rin po che'i gdung 'tshob pa'i sras dam pa rnams kyis spyod pa ni/ chos bde ba chen po brtsal sems dang bral ba la ni/ spyod pa dang spyad par bya ba ci yang med de/ ci spyad pa thams cad bde ba chen po bdud rtsi chub pa'o// nges pa'o// rgyas thebs pa'o// 'ub chub pa nyid du spyad par bya'o// de ltar spyod pa skal pa bzang // rnal 'byor chen po spyod pa bde// ngar 'dzin bdag dang bcas pa yi// gang spyod ci spyod 'ching ba ste// dpag tu med pa'i bskal pa ru// spyad pad 'bras bu thob pa min// rmongs shing 'khor ba'i 'gro ba rnams// shes rab gsal zhing rgyas bya'i phyir// gang ltar 'os dang ci/

  474. 237b

    'tshal ba'i// chos kyi sbyin pa'i char chen dbab// bkres skom grang bas nyen pa yi// 'gro gang nyam thag gyur pa la// zas skom gos sogs phan gdags te// yo byad che chung gang yang gdags// bdud dang mu stegs sbyor ba dang // rgyal po'i chad pas srog 'phrog pa// bdag gi srog la bab kyang bskyab// dbyen brdzun 'thabs brdegs kyang nyes pa med// nyi tshan bye tshan mes gdungs dang // lteng kar chad pa'i sems can sogs// sha khrin ded pas nyen pa la// gtsug lag khang dang kun dga' ra// mkhar sogs gnas kyi sbyin la bskyab// shes rab mun par 'khyams rnams la// sangs rgyas byang chub sems sogs kyis// spyod pa ci spyad lo rgyus snyan// bad kan rlung mkhris 'dus pa'ang rung // shu thor 'bras dang mtshon brgyab pa'i// nad pa'i tshogs la bkur bya zhing // dpon gyis sgo ba'i 'tsho ba sbyar// mi dang glang po rta khyi bya// nam yang srog dang mi bsrel na// bsgrub dang chos phyir ga la yin// de dag sha la blang dor dga'// cung zad tsam yang bya ba men// chu phrog bdag gir mi bya ste// tshong dus dag tu rin gyis nyo// gzhan la dgos par gyur pa'i tshe// gser gyis nyos la ci dgos sbyin// rdo rje slob dpon 'thad na yang // rang las bcad pa'ang dbul ba tsam// dur khrod song nas dgos tshol tshe// dge slong mu stegs la sogs

  475. 238a

    pa'i/ kha na ma zo bsrung ba'i phyir// phyi rol dag la rab sba bya// gzhan pas sngar spyad rdzas kyi zed// til 'bru tsam yang spyad mi bya// bslang dang nyo dang btsong mi bya// brtul zhugs chung bas khu 'phrig gam// gtsang sme nad kyis zin gyur na// nams kyang grub par 'gyur ba men// de skad rdo rje bdud rtsi che// 'gro mgon chen pos bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha chen po bsgrub pa'i spyod pa khad par can bstan pa'i le'u ste sum cu gcig pa'o// // de nas ston pa thams cad mkhyen pa'i ye shes chen po/ don dang bya ba mang po la phyi bshol mi mnga' ba des/ so sor rtog pas ma rmongs pa sa le bar kun tu mkhyen pa zhes bya ba'i ting nge 'dzin la snyoms pa zhugs nas/ 'dod pa la zhen pa mi mnga' bar 'dod chags chen po lhun gyis grub ste/ mngon par zhen par mdzad nas/ brnal te cang mi gsung bar bzhugs so// snga ma bzhin du sems dpa' de yang chags pa'i mdangs kyis rab tu dga' ba dang bcas nas 'khod do// de ltar ston pa dang / sems dpa' chen po gnyis cang mi gsung mi smra bas/ 'khor rnams rab tu ngo mtshar bar gyur te/ gcig la gcig mig blta zhing / lag pa bsnol te gnas pa las/ nub phyogs kyi logs bde ba can pad+ma rab tu rgyas pa'i

  476. 238b

    tshal mdzes pas rab tu bag yangs pa zhes bya ba'i zhing khams nas 'ongs pa/ rgyal po lag bzangs zhes bya ba'i bu mo dbang thob cing dam tshig la gnas pa/ rnal 'byor ma chen mo pad+ma'i 'od ces bya ba zhig der 'ongs nas 'khod pa des/ snyim pa gser dang dngul gyi dong tshes bkang nas/ sems dpa' de'i zhabs la gtor te/ ti mi la rdung zhing steg pa'i gar byas te/ glu blangs nas gsol ba kye rgyal ba'i sras gson cig/ nyid zhal mdog gnags te/ ston pa la yang zhu ba mi spobs la// bdag cag 'khor byin la yang sman 'dogs par mi mdzad/ ma 'ongs pa'i 'gro ba la yang thugs rje nye bar mi 'jog pa de ji lta bu'i mdzad pa la dgongs ces smras pa las/ lan smras pa/ nga la ni bsam zhes bya ba dang / mi bsam zhes bya ba gang du yang mi rtog na khyed ci ltar ma spro/ yang smras pa/ bdag cag ni sems can rnams 'dod chags kyi gzer te gang la yang grol bar ma gyur pas/ 'di dag grol na ci ma rung snyam ste de ltar sems so// slar smras pa/ ngas ni sems can gyi don bya ba'i nus pa chung ste/ kyed mos pa ltar na da gzod bcom ldan 'das la phyogs 'ga' zhu'o zhes smras so// de nas sems dpa' rdo rje rnon pos/ sems ma des rang la gtor ba'i dong tshe mang po dag/ bcom ldan 'das la gtor nas gsol ba/ 'dod chags kyis ni rab

  477. 239a

    gzir ba'i// 'gro gang nyam zag sdug bsngal te// ngan song gsum du gdon mi za// de dag mya ngan 'das thob pa'i// thabs mchog bshad par mdzad du gsol// de nas bcom ldan dpa' bo yis// pad+ma kha phye ji bzhin du// spyan mchog rgyas par phyi nas su// tshangs pa'i gsung gis bka' stsal pa// nga yi ye shes spyan gyis su// nam mkha'i mthas klas par bltas na// grol dang ma grol zhes pa dang // ris su phye ba'ang ma gzigs nas// slar yang cang mi gsung bar bzhugs// de nas sems dpa' des rang gi ral gri de phyar nas/ 'dod chags kyi dra ba bcas par dgongs nas btab ste/ 'dod chags can rnams bsad de/ khrag thams cad drangs te bag med par 'thungs so// de nas sems dpa' de nyid cung zad cig brgyal te sangs nas langs te phyogs bcur bltas na/ ci 'ang mthong ba med par thams cad gsal bar mthong nas/ 'di snyam du ci bdag spyos sam/ 'on te bdud kyis byin gyis brlabs/ sangs rgyas kyi bstan pa la gnas pa rnams ni kun la brtse ba ste/ gnod pa cung zad tsam kyang mi byed na// 'di ltar gsod pa ci snyam na// bdag nyid la brtags na/ sems nyid kyi dngos po 'ang bsad par shes te/ bdag gi sems 'di ltar na// gang yang bsad pa med grang / ci bsad pa dang ma bsad pa

  478. 239b

    gnyis ka yang yul las 'das pa'i zhes sems shing rnal 'byor pa gyur to// de nas bcom ldan 'das kyis bka' stsal pa/ khyod kyis sems can 'dod chags can rnams bsad dam/ gsol pa/ bsad lags so// bka' stsal pa/ rang gi gsal ba'i mtshon chen pos// bdag 'dzin rgyal mo bral byas te// ma rig bdag don mi shes pa// 'gyur med bde chen klong du bsad// yang bka' stsal pa/ khrag thams cad 'thungs sam/ gsol ba/ 'thungs lags so// bka' stsal pa/ log dang 'dod pa'i 'dod chags khrag/ 'gyur med dbyings kyi klong dkyil du/ gnyis pa'i tha snyad kun bsdus te// spang dang blang med dbyings su btung // zhes bka' stsal pas/ sems dpa' de rab tu dga' nas phyag 'tshal te gsol ba/ nad sel rdo rje bdud rtsi mchog/ 'gro ba'i gnyen gyur byams pa'i gtso// 'dod pa'i 'dam du bying ba yis// sems can skam gsar gdon pa'i phyir// rak+ta gang lags bshad du gsol// de nas thams cad 'dren mdzad pa'i// pad+ma'i bdag nyid chags chen pos// yang dag ye shes so sor rtog/ ye shes gsal bas bka' stsal pa// nyon cig sems dpa' rnon po che// 'dod chags sems las tha dad min// sems nyid so sor rtog pa ste// de nyid chos nyid spros bral bas// 'dod chags gzhan nas 'ongs pa

  479. 240a

    med// dper na nam mkha' dang ba las// rlung gi rkyen gyis bskyod byas na// sprin char ser ba thog dang 'ja'// sna tshogs ji ltar snang mod kyang // nam mkha' nyid kyi cho 'phrul las// bkol ba ma yin de dang 'dra// 'khor ba 'dor bar mi byed cing // mya ngan 'das la'ang 'dod pa med// ma 'dres chos kyi dbyings nyid du// yongs su rdzogs pa 'dod chags che/ khrag ni 'dod chags bde la zhe na// de bas 'dod chags khrag ces bshad// pad+ma'i rigs mchog de nyid de// bde gshegs gsung dang tha mi dad// mnyam sbyor dbyings kyi thig le las// log rtog chags pa spang ba'i phyir// thabs ldan skyes bu chen po yis// 'dod chags khrag rnams mi spangs ste// so sor brtags te blang bar bya// des ni 'dod chags nad rnams sos// de skad rmad byung bdud rtsi che// 'dod chags gtso bos bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+ta'i rang bzhin bstan pa'i le'u ste sum cu gnyis pa'o// // de nas bcom ldan 'das bdud rtsi'i mnga' bdag de la/ chos kyi lde mig chen po sems dpa' dam pa des/ dga' ba'i tshal chen po nas skyes pa'i me tog shing rta'i 'phang long tsam gyis sku phyed nub tsam du gtor te/ bskyang nas phyag 'tshal te gsol pa/ kye kye dga' dbang bdud rtsi

  480. 240b

    mchog/ nad sel sman pa kun gyi bdag/ bdud dpung thams cad tshar gcod pa'i// dmag dpon khyod la gsol ba mchis// 'dod chags nad sel sman gyi mchog/ rag ta 'dod 'bar longs spyod sel// ye shes rang byung ngang gis dag/ 'di yi btsal thabs khyad par can// ston pas snga slad ma gsungs pa// dus 'dir bdag cag 'khor la shod// de skad gsol bas chags pa'i bdag/ ston pa mchog gis nyon mongs pa'i// gdung ba rab tu sel ba'i mchog/ kun tu ma rmongs zhes bya ba'i// ting nge 'dzin la bzhugs nas ni// 'di myos ris drug 'gro ba rnams// nad gnyis sman du bsgyur ba dang // pad+ma rigs kyi gdung bsab phyir// rak+ta dga' ba'i tshal chen po// 'di skad ces ni bka' stsal to// rdo rje rnon po la sogs 'khor// ji bzhin byang chub snying po nyid// blang dang dor ba rnam spangs pa// dman pa'i yul du ma gyur cing // mun pa thibs pos rab rmongs kyang // sems las ma gtogs 'dod chags med// 'dod pa kho na byang chub sems// sems dang 'dod chags dbyer med pas// rag ta btsal bas ga la rnyed// 'o na kyang rmongs la phan gdags phyir/ rag ta kun rtog ye shes so// mi rtog byang chub stong chen las// pad+ma ma gar gyi dbang phyug gtso// dkar mor 'khril 'khyud gsal ba 'am// dang po'i lha mo yang rung bar

  481. 241a

    bshad// shes rab 'tshal lam zhing chen nam// gzhan yang gang yang rung ba ste/ dug nad shi dang mdze nad can// bu tsha bcas dang thi ba'i khrag/ bdud rtsi min te bam rul men// lhag ma dung ngam nya phyis bsag/ ma ga d+ha yi bre gang tsam// mi bskul dben pa'i gnas dag tu// smig ma'i 'dab ma'i steng du bzhag/ chags te brtan par gyur pa dang // gnam lcags las byas gri thogs te// sngags 'di bzla zhing gtub par bya// oM pad+ma rak+ta mu la khad kha khad kha tsin d+ha ma hA be la a kra be sha nya ya ta wang ga le swA hA/ drug las gnyis su gyur pa na// mtshal dang da trig gur kum dang // mu 'ja' ra rnams cha bsnyams te// srang drug dag dang bsres nas ni// ri lu rgya sran tsam byas te// da lis lo ma'i nang du gril// grib ma la ni gzhag par bya// bsgrub pa mchog gi rdzas yin pas// rnal 'byor pas ni rtag tu bsten// gzhan gyis mthong bar bya ba ni// cung zad tsam yang ma yin no// d+ha du ra yi khu ba dang // sbyar te gang la blang gyur na// de ni spyospro bar the tshom med// de gnyis 'o ma dang sbyar te// 'thungs na rdzas rnams thams cad kun// gser gyi mdog tu mthong bar 'gyur// sha kha ra dang sbyar bas ni// snying khrag 'khrugs pa'i nad sel te// de las lhag pa'i sman med do// de ltar phyi yi btsal thabs bshad// dam pa'i don du gsungs pa

  482. 241b

    ni// rak+ta 'od 'bar lus kyis bcud// chags dang len pa'i dus su 'byung // pad+ma rgyas pa las 'byung ste// btsod kha rgya skyegs khu ba'i mdog/ tha ma dang ni 'bring yin te// 'dzin pa'i sa bon kha dog ni// mtshal gyi mdog 'dra dmar gsal 'khyug/ mchog gi rak+tar der bshad do// dgos pa'i dus su ma ldan na// myur ba nyid du grub bya ba// sngar gsung rigs kyi phyag rgya ni/ khrus byas ha sa ki ra'i mar// hA lu ka yi dri dang sbyar// nyin gcig gsum du bsku mnye bya// skyu ru ra yi khu ba bsdus// grangs par bsgrangs pa hub gsum gsum// blud de de nas brtsed par bya// mig dang rna ba sna dang ni// nu ma gnyis dang mthil bzhi dang // rtsib ma'i mtshan khung lkog ma'i 'og/ dung gi phur pas gdab ba dang // sen mos brtson pa yang yang bya// de dag kun tu 'o gdab cing // b+ha ga la yang 'o gdab bya// de nas glang po'i phyag rgya yis// bya rog gdong par g.yas pas brud// g.yon pas lte bar dal gyis mnye// gsum gyis nges par 'dzag par 'gyur// gal te na ni mkhal mar mnyen// thal lcag dal bas brtan byas na'o// de nas smos pa'i snod nang du// gzags te gur kum dag dang bsre// yang na ga bur dag dang bsre// dpral ba snying kha mgrin pa ru// thig le bya zhing lte bar bya// lan gsum lce la blang bar bya// des ni rab tu dngos

  483. 242a

    grub nye// phyi rol g.yeng ba rab spangs te// yang dag bsam gtan la gnas pas// cung zad tsam yang mi dbab ste// nam mkha' la ni rak+ta bsgril// rdo rje cha yi dkrugs na yang / sgrol ma bsrings pas don bsgrub bo// de las yang dag ye shes skye// bla med snying po gdon mi za// gal te brten par ma gyur na// sngar gsungs pa yi sbyor ba yis// bsgrub pa'i don du nan tan bya// de skad chags rab don ldan pa'i// bde ba chen pos yang dag gsungs// 'dod chags dbyings su bsgral phyir ro// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rag ta btsal ba'i thabs bstan pa'i le'u ste sum cu gsum pa'o// // de nas sems dpa' rdo rje rnon po de rab tu yid tshim par gyur kyis kyang / da dung bdud rtsi rag ta de'i rtsa ba dang yan lag gang lags pa de khong du ma chud nas gsol ba/ dga' ba'i bdud rtsi bdud bdul gtso// mi mkhyen mi mnga' sa le'o// ji ltar rak+ta'i rtsa ba dang // yan lag bcas pa bshad du gsol// de skad gsol bas 'khor ba las// rgyal ba'i dpa' bos bka' stsal pa// nga ni thabs mkhas snying rje'i bdag/ sems can rab med chu bo las// sgrol bar byed pa'i gzings chen po// thams cad byang chub snying po ru// bsgral zin bsgrubs zin grub zin kyang // rkyen bral rang ngo

  484. 242b

    rang gis su// shes par ma gyur rmongs pa rnams// kun rtog pad+ma'i dbyings bsgral cing // rag ta'i rtsa ba yan lag dag/ legs par khong du chud bya'i phyir// gtan pa phab ste bshad kyis nyon// byang chub sems bzhin rag ta yang // shes par bya ba ngas bshad de// phug ron mig dang rna ba sna// lce ste dbang po bzhi rnams dang // rma bya'i mdongs kyi sgo dag dang // smig ma'i sdong bu brag spos dang // go la yi ni 'bras bu brgyad// gsang ba'i rtsa ba'i rdzas su shes par bya// sbas nang bzhi dang mngon pa bzhi// brgyad ni nang gi rtsa ba ste// snying dang mchin pa mkhal ma dang // 'tsher ba bzhin ni mdzod dang mtsho// rgyun srang snyings ma nang gi bzhi// mdzod bzhi snying gi rag ta dang // na sa pad ma'i khrag dang yang // rtsa ba'i khrag dang bzhi ni phyi'o// phyi ni tsan dan dmar po yi// rtsa ba sdong bu shun pa dang // yal ga lo ma me tog dang // 'bras bu zang chu brgyad yin no// de ltar rtsa ba bshad byas nas// yan lag bshad par bya ba ni// brgyad ni dam pa ni ru ha/ kha la mun dza shir shir sha// dzu tri ra dang kug ke ra// gang ga d+hA shi zhes bya dang // ra tri sa dang big ru sha/ kha ru tsha la brgyad yin no// sos skyes pa hA lug mig dang // dag ru sha dang ser seng ku// rma bya dang ni phug ron mig/ do re sha dang bu rug pu// cha la wa te ta dang brgyad// de ni mig gi stengs

  485. 243a

    yin no// rna ba'i dag tu bstan pa ni// ka sho kan d+ha'i 'dab ma dang // spre'u'i rna ba ka la pa sa// byi na ru rta sha kri ra// ku ku ma ra lo 'de ta// sa ma po ka ra brgyad do// sna yi sring shring pad 'dra yis// me tog dang ni sha ro ha// ku lu ku ma la dang ni// ka ru sa yi me tog dang // 'dza' ti pa la da trig gi/ me tog gnyis dang 'dza' ti ka'i// me tog shu dag smug po brgyad// ha se ki la ya rtsa sdong bcas// shu ru ra dang pad+ma dmar// ma li tsan dang du ru ha// ku la cha ra da ga ra// dang ra pas dang brgyad lce'o// mdangs kyi kha la dza mun khrag/ po re rak+ta 'bar ma dang // bya bang khrag dang di ra gra// rgo ba dang ni khyi dmar khrag/ sha ra ba yi khrag dang brgyad// sa yi 'bras bu lte ba ka/ shu dag me tog sa lu ldang // ma sha mon sran rgya sran dang // sran chung brgyad ni mig 'bras kyi// spos mchog brag la skyes pa yi/ khu byug dang ni khu ru sha// len d+ha pas dang ram bu dang // bra ga dang ni rdo breg dmar// si ra sang dang khar ka tang // brgyad ni brag skyes spos kyi stongs// mtshal dang li khri ldong ros dang // btsag dang khye da ra ha dang // mun dung dang ni u tu dang // he ga ras ni go la'i stongs// de dag gsang ba'i rtsa ba'i stong // snying gi skra gor zho sha dang // pir pa khur bu na se dang // dong kha'i me tog tra ta ra// tsa ra ta ta byi rgya par// kug ne wa ga be brgyad

  486. 243b

    yin no// mchin pa'i ni mu 'dzar// big ne ra dang snag ti ru// yang na be du ga la be// hA na kun brgya dang rtsa brgya khyer// tsi ra tsa dang brgyad yin no// rgya skyegs rgya skyegs me tog dang / kha phug re dang rbin da dang // skyu ru ra dang glang skal dang // sha sho hi ya me tog gsum// pe na ra tra dang brgyad dgod do// mcher pa'i 'phang ma'i 'bras bu dang // bal bu'i me tog mtshar pa'i tog/ 'bram bu skyi 'bras me tog bcas// lug ngal me tog sha ra tra// brgyad po dag tu ngas bstan no// tsit+ta rak+ta gur kum dang // shring shring shi ga ras star bu/ kha sral rgu 'brum yar pa ta// ling ga dmar po brgyad mdzod kyi// na sa phag dang rma bya'i khrag/ stag dang dom dang ma he'i khrag/ me sha ba dang phar ba'i khrag/ brgyad ni bla ma'i na sa'i stongs// pad ma'i khrag ni stongs dam pa// ti la ka dang ga chu ha// le'u le ha ste pu spa bzhi// shi na'o sran ma'i zom shing gi/ 'om bu ud dpal dmar po brgyad// rtsa ba'i khrag gir gyur pa yang // bye'u rug 'bri mog da thig dang // ra mnye ba dang nag ti ra// spyan bag sha ma ru tse// byi dang ka dang brgyad yin no// phyi yi ba brgyad kyi ni// a ru ra ni be ta dang // a smra dang ni tsha shi ra// pad+ma shi na ra ga dang // tsam pa ka dang bi shi ka/ bang ga le ba dag dang brgyad// rtsa ba phyi yi rtsa ba'i stongs// sdong bu shun pa yal ga dang // lo ma

  487. 244a

    me tog 'bras bu dang // zang chu brgyad ni zang chu'i stongs// de dag phyi yi rtsa ba'i yin// dus 'dir 'dod chags can gdul zhing // yang dag don du rab bsgrub phyir// bla med snying pos bka' stsal te// 'dod chags don du rab bstan pas// de bas thabs 'di ngas bshad do// 'dod chags rnams ni mi spangs te// bde ba dam pa mi 'byung bas// 'dod chags khrag rnams dang du blang // gzhan yang pad+ma rak+ta'i rigs// ma gyur 'jig rten dag na med// thams cad shes par mi nus na/ kha dog dmar dang mngar ba nub// de ltar shes nas rab bsgrub par// bdud rtsi bde ba mchog gis bshad// dpal bdud rtsi bde ba chen po zhes bya ba rgyud kyi rgyal po las/ bdud rtsi rag ta'i rigs su gtogs pa ngos gzung bar bstan pa'i le'u ste sum cu bzhi pa'o// // de nas yang sems dpa' chen po de rab tu chags pa'i mdangs dang ldan pa des/ gsang sngags rmad du byung ba'i mnga' bdag/ bcom ldan 'das bdud mchog gi rgyal po la gsol ba/ bdud rtsi chen po pad+ma rag ta'i stongs dang / rigs su gyur pa 'di dag/ 'jig rten 'di'i yon tan mchis pa lags sam ma lags// ma mchis na ni thugs rje'i snang ba shar// zhes bgyid rung ba lags sam// mchis na ni gang lags/ de dag bdag cag rnams la bshad du

  488. 244b

    gsol/ de nas nyon mongs pa'i nad zhi bar mdzad pa'i/ gtso bos 'dzum pa mdzad de bka' stsal pa/ nga ni bdud 'dul dpa' bo ste// nga ni thabs mkhas 'gro drug sgrol// dag pa'i yon tan chen po rnams// bshad kyis sems dpa' la sogs nyon// pad+ma'i rag ta sman chen po// yon tan dpag med gong du bshad// mdog sdug pos rdo'i nad rnams 'joms// 'dod chags mig gis pad+ma mthong // rna bas gsung gi gsang ba 'thob// snas ni bde dang mi bde shes// lces ni gsung rab rgya mtsho sgrogs// rma bya'i mdongs kyis klu gdon skod// smig ma'i sdong bus bu mang ste// brag spos kyis ni ra byi skrod// sha go les niso mdzes sdug/ snying gis snying gi rlung nad sel// mchin pas khrag rgyas rnam par 'joms// mkhal mas chu 'gags 'dron pa byed// mtsher bas cang shes rta gsod do// snying khrag gi ni 'phra men dga'// sna yi khrag gis dbang po gsal// pad+ma'i khrag gis chags pa skye// rtsa ba'i khrag gis mu ge sel// tsan dan dmar po'i rtsa ba yis/ khrag dang rlung du 'khrugs pa sel// sdong bus mtsher nad bcu gsum 'joms// shun pas ma mo'i gdon rnams skrod// yal gas lce mi bde ba sbyor// lo mas glang chen myos nas dpa'// me tog gis ni tshangs pa mnyes// 'bras bus mchin skran rnam par sbyong // thang chus

  489. 245a

    mchin pa'i khrag rgyas skems/ kha la mun rdzas glad zer sos// shir shing sha yis lkog skrangs zhi// dza tri ra yis rgyun nad sbyong // krug ke ra yis khrus la drag/ gang ga d+hi shas skya nad sbyong // de men ra tris gzhang 'brum 'dul// big du sha ras 'on pas thos/ kha ru tsha la rlung skran 'dul// yan lag brgya dang dgu bcu gnyis// thams cad stobs dang ldan par bshad// snod bcud rag ta'i rigs rnams kyis// 'byung ba las gyur 'gro ba yi// 'du ba bzhi dang skyen gyi rnams// thams cad kun la re res phan// pad+ma'i rigs mchog 'grub pa ni// sbyor ba bla na med pas so// de skad rgyal ba thams cad mkhyen// ston pa mchog gis rab gsungs pa// rigs kyi rgyud du byung ba yi// bsgrub pa yongs la phan gdags phyir// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+tir rigs rtsa ba dang yan lag tu bcas pa thams cad rang bzhin gyi yon tan chen po dang ldan par bstan pa'i le'u ste sum cu lnga pa'o// // de nas bcom ldan 'das dpal bdud rtsi bde ba chen pos/ dus gsum gyi bde bar gshegs pa thams cad kyi gsung spros pa med pa'i thig le chen po'i klong du/ ye nas sangs rgyas pa'i don 'gro ba'i rig pa la gsal bar bya ba'i thabs bdud rtsi pad+ma rak+ta nyid/ so sor rtog

  490. 245b

    pa'i ye shes su dbang sgyur ba'i gyi rlabs chen po 'di nyid kyi sku gsung thugs las phyung ngo // AM rak+ta pad+ma las 'byung // smad pa mi gtsang rdzas 'di dag/ chags yul bde ba'i gnas yin te// pad+ma rigs kyi dam tshig 'grub// so sor rtog pa'i ye shes yin// zhes gsungs pas// dus gsum gyi chos thams cad// 'dod chags chen po ji bzhin pa'i dbyibs su ye nas sangs rgyas te// so sor rtogs pa'i ye shes su byung thebs par gyur to// de nas yang bcom ldan 'das chags pa'i dam tshig rdo rje des// 'od kyis gdon mi za bar grub pa mthar 'byin pa zhes bya ba'i ting nge 'dzin la zhugs nas/ gsal ba'i rgya mtsho tshogs yongs su smin par byed pa zhes bya ba'i sngags dam pa 'di nyid kyi thugs las phyung ngo // oM AHhUM ma hA pad+ma rak+ta mu la/ a mi de ba ra ga ra ti sa ma ya hUM su kha ho/ zhes gsungs pas/ stong gsum gyi snod bcud du bcas pa thams cad bdud rtsi rak+ta'i klong chen por gyur nas/ grags/ rab tu grags/ kun tu rab tu grags pas/ thams cad nas thams cad du pad+ma'i rigs su sangs rgyas te/ 'dod chags nyid dka' bsgyur bar gyur to// de nyid kho na yid ches par bya ba'i ched du/ 'di skad ces nyid kyis gsungs so// pad+ma le brgan 'dab brgyad dbus// rak+ta nyid ni yi ge AM// ra ga dmar smug 'khrigs pa'i

  491. 246a

    mdog/ nyon mongs dbyings spyong 'phreng ba lnga// 'phro 'du mar me'i sdog bu'i rtse// rdo rje srin po rngam pa'i gsung // glog ltar mur mgyogs sprul pa'i sgra// zad med gter chen rin chen bkod// rgya mtsho rlabs ltar bskyod pa'i las// ye shes 'od zer bdud rtsi'i rkyen// snod kyi 'jig rten ban d+ha'i snod// zla gam dug gsum sku gsung thugs// rtsa yi 'khor lo ka ma la// bcud kyi dam pa bdud rtsi'i gtso// snang ba mtha' yas bde ba'i zhing // pad ma'i ze'u 'bu kun Da li// mu tig zar bu shel gyi skas// dngul gyi sbu gu g.yung drung bcud// kun tu 'phro 'dus mchod de bskul// kun 'byung tsan dan nags tshal gshegs// sku dang gsung dang thugs kyi bcud// bsdus te log pa'i 'dod chags sbyangs// ngag gi 'byung gnas bcud du bsdus// thob med gsung gi dngos grub thob// pad+ma rak+ta thigs par shar// pad+ma b+ha ga'i klong du bskyil// 'dab brgyad skye 'chi dbyings su thim// AM gyis ngan song 'tshams sbyar te// mi bde 'gyur med byang chub klong // nyi ma 'od kyi snying po la// dngul gyi gzer chen zam se thams// ye nas de ltar gsal ba'i don// don dang ldan pa'i skyes bu yis// brtson 'grus ldan pas de ltar sbyang // de dag mkhas par rab tu bya'o// 'gro mgon sems dpas bshad pa yin// dpal bdud rtsi bde ba chen po

  492. 246b

    zhes bya ba rgyud kyi rgyal po chen po las/ pad+ma rak+ta sbyang ba dang / bsgrub pa dang / ting nge 'dzin bstan pa'i le'u ste sum cu so drug pa'o// // de nas byang chub sems dpa' chen po rdo rje rnon po zhes bya ba'i skyes bu dam pa 'gro ba'i don lha cher spyod pa des rak+ta zhes 'khrul pas btags pa'i gcod rnying pa de rang byung gi bdud rtsir mdzad pas// so sor rtog pa'i ye shes chen pos 'dod chags ros bcad nas/ phyin pa med par ye shes bla na med pa lhun gyis grub ste/ bde bar gshegs pa'i mdzad pa ma brtsal bar mthar phyung nas/ bde ba rnyed nas ngal sos kyang // da dung phyin ci log la mngon par 'chel pa'i 'gro ba/ mun pa'i klong nas 'thon pa rnams 'grol bar bya ba'i phyir dang / nges pa'i shes pa'i grub gdeng rnyed par bya ba'i ched du gsol ba/ lha mi yongs kyi ston pa'i gtso// 'khor ba'i rgya mo 'dral ba'i mchog/ nad sbyong sman pa'i che mchog gtso// kun mkhyen khyed la gsol ba ni// dam pa'i spyod pa cher bsgrub pa'i// 'gro gang rak+ta bsgrub brtson pas// grub dang ma grub drod dang rtags// blang dang bzlog pa'i thabs mchog dag/ rang byung bdud rtsis bka' stsal 'tshal// don 'di khong du ma chud na// dge dang mi dge ma 'tshal bas// grub pa'ang don med brlag pa dang // bar chad dam par byas pa yis// bsgrub la nyes pa 'byung 'gyur

  493. 247a

    bas// des na bdag cag tshim par mdzod// de skad zhus pa zug chud nas// bcom ldan bdud rtsis bka' stsal pa// rak+ta bsgrub la brtson pa yis// grub dang ma grub khyad par dag/ legs par bsdus te bshad bya yis// nyon cig sems dpa' la stsogs 'khor// rak+ta'i rtags ni gtsor smos pa// sgra dag 'byung bar nges pa ste// bar chad de dang shan 'dres pa'o// de la dge ba gang zhe na// go zhing shes pas zin pa dang // ma go shes pas ma zin pa'o// go ba phyi dang nang du bshad// phyi ni 'byung ba bzhi yi dang // tha dad cir yang snang ba ste// ma nges 'brug la stsogs pa'o// nang ni dkon mchog gsum dag dang // pha rol phyin dang dngos grub sgra// go zhing khong du chud pa'o// shes pas ma zin gang zhe na// 'ur dang thug che thog la sogs// bdud rtsi nyid la grag pa'o// 'bru lnga'i sgra sogs dge ba'o// 'di dag grag par gyur pa na// bla ma phyag rgya la gsang na// grogs la sogs la smos ci dgos// sod dang rgyob dang rlag par gyis// dug dang mi dge bar chad sgra// mi snyan bar chad bdud bgegs sgra// de dag mi dge yin par bshad// de dag bye brag shes bya la// re dang dog pa rnam spangs la// mi rtog mnyam gzhag rang rig la// rab gsal ye nas lhun grub pas// mi rtog pa la nan tan bya// yang na 'od dpag med

  494. 247b

    pa'am// 'dod pa'i lha ru gsal byas te// mgrin pa'i lce'u chung dbus su yang // 'dab brgyad dbus su AM bsam pa// rgya mtshal bcag pa lta bu las// 'od zer dmar po lcags kyu dang // 'dra bas phyogs bcu'i bde gshegs gsung // 'od kyi tshul bkug sgral ba bstim// de nyid chags pa'i kha dog gis// sngar gyi gnas su bstim pas su// gsung gi dngos grub brtan byas la// tshig 'dis brtan pa'i nga rgyal bya// sna tshogs sgra ni tha dad rnams// e ma ho ngo mtshar gzhan men te// bdag nyid sgrar snang ngag brtan phyir// rak+ta rang sems rmad byung nyid// au pad+ma sid d+hi ma hA rak+ta AM A haM/ des ni dngos grub rab tu brtan// gcig ltar snang dang rmugs 'thibs dang // mi gsal skrag la sogs snang ba// gnod sbyin sgras shes bya ba'i bu// bum sna lto 'phyangs yin shes bya// de la yungs kar rgyal po dang // gu gul gyis ni sbyin sreg bya// brgya rtsa brgyad du nges pa'o// rnal 'byor lta ba nga dang bdag/ gzung dang 'dzin par mngon 'chel pa// de ni bgegs ces nga yis gsungs// chos dbyings dag pas de 'joms so// rmongs pa rnams kyis shes bya zhing // bsgrubs pa'i 'bras bu yod pa dang // bar chad dbang du mi 'gyur phyir// rak+ta'i rtags ni ngas bstan to// dpal bdud rtsi bde ba chen po zhes bya ba rgyud kyi rgyal po chen po las//

  495. 248a

    bdud rtsi rak+ta grub pa dang ma grub pa'i rtags dge mi dge bstan pa'i le'u ste so bdun pa'o// // de nas sems dpa' chen po don kun la rab tu ma rmongs shing sa le bar mkhyen pa des/ gtso ba thams cad mkhyen pa de la gsol ba/ kye bcom ldan 'das 'khor ba dang mya ngan las 'das pa thams cad spyad pa dang spyod pa'i khyad par ci tsam zhig mchis/ bka' stsal pa/ 'khor ba zhes bya ba ni ji lta bu// mya ngan las 'das pa zhes bya ba ni ji lta bu/ de gnyis kyi spyad pa spyod pa zhes bya ba ni ji lta bu zhig pa des/ khyod nyid kyis zhu ba spongs shig/ gsol ba/ bcom ldan 'das sngar nyid kyis gsungs pa'i don ni bdag gis 'di ltar khong du chud de/ 'khor ba ni 'jig rten pa'i chos te dor bar bya ba/ mya ngan las 'das pa ni 'jig rten las 'das pa/ 'bras bu spangs blang so sor sgrub pa ni spyod pa zhes khong du chud do// bka' stsal pa/ 'jig rten pa zhes pa ni ji lta bu/ 'jig rten las 'das pa zhes pa ni ji lta bu/ spyod pa zhes ji lta bu zhig blang dor byed smros shig/ gsol pa/ gang bdag tu lta ba la mngon par zhen pa// bdag tu rmongs pa/ bdag tu ngar 'dzin pa/ ril por 'dzin pa'o// 'jig rten las 'das pa ni de las bzlog pa ste/ de dag gang du'ang 'dzin pa med pa'o// de dag la spang ba dang blang ba'i khyad par shes te/

  496. 248b

    dge ba dang mi dge ba'i las la 'jug pa ni spyod pa'o zhes thob ste nyid las so// bka' stsal pa/ de lta bu'i chos spang blang gis phye ba de dag rtsa ba ci las byung / gsol pa/ rtsa ba ni sems las byung ngo // bka' stsal pa/ sems zhes pa de dngos gzhi ji lta bu zhig/ gsol pa/ dngos gzhi ni ji lta bu yang ma yin pa ste/ kha dog med pa/ dbyibs med pa/ ming med pa/ mtshan ma med pa ste ci yang ma yin pa'o// bka' stsal pa/ de lta na ci yang ma yin par cir yang mi snang ste sa bon tshig pa lta bu ba'o// gsol pa/ de ni ci yang ma yin pa las/ cir yang snang bas ci yang 'grub pa ste/ bsam 'phel gyi nor bu lta bus sa bon ma tshig par nges pa'o// bka' stsal pa/ sems can chen po de bas na spyad du med pa'i de kho na nyid la/ ci spyad kyang cung mi za ste/ dper na yul ma ga d+ha'i sa gzhi/ lta bu ste 'di dag go/ bla ma dkon mchog pa dang ma// dus gsum brjed med dus drug mchog/ nor dang 'tsho ba'i zas dang gos// ci 'byor pas ni ci dgar mchod// dri gtsang khang bzang mdzes brgyan par// dri zhim spos kyis byi dor bya// lhab lhub la sogs rab brgyan cing // rta bas mdzes par gsung chen dag/ rgyun mi 'chad par sbyin par bklag/ nyan thos sdom la rab gnas pa// bsnyen te so sor thar pa yi// sdom pa skyon med kun la bshad// rten 'brel 'byung

  497. 249a

    dgag la mos na// ma rig la sogs gtan la dbab// theg chen bla med dga' sems la// bdag med chos la'ang de bzhin te// zag med don la gzung bar bya// bram ze la sogs rang gi rigs// gtsang 'dzin gtsang ma'i chos can la// bya dang byed pa rab tu brjod// sems nyid gtsor 'dzin sems dpa' la// rnal 'byor dag la blo bzhag go/ chags sdang las la 'chel ba la// thabs dang shes rab nges don brjod// sgrol bral blo la rab sbyor na// nges par bdag nyid mngon sbyor ba'i// rtog med dbyings dang ye shes gzhag/ ji bzhin spros bral yang dag brjod// 'khor ba'i sems can thams cad kun// cis kyang thar pa'i lam la gzud/ gcig kyang dor bar mi bya'o// ngag gi brjod pa don yod cing // 'bras bu mchog tu 'byin pas na// gang la dad pa'i sngags sbyin ni// sems can thar pa la gzud phyir// ngag gi spyod pa bya bar ni// ston pa ngas ni gnang bar bshad// bro dang sten rtsig 'tshal bgad rtsogs// kun tu smra ba zhig brjod mi bya// ngag gi spyod pa la gzud phyir// ston pa bdag nyid chen pos gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rak+ta sgrub pa'i ngag gi spyod pa mchog bstan pa'i le'u ste so brgyad pa'o// // de nas bcom ldan 'das log pa'i

  498. 249b

    sdes mi bsnyengs shing tshar gcod pa'i mi'i seng ge chen po des/ bya ba nan tan gyis le lo can 'khor ba'i 'dod khrid la mngon par 'chel ba'i phrag dog thabs kyis sbyor ba zhes bya ba'i ting nge 'dzin la snyoms par zhugs nas/ gang la yang phrag dog pa mi mnga' bar chos/ mnyam pa nyid du rgyas thebs te 'gyur ba mi mnga' zhing gdeng gis kun tu chub par gyur nas/ zhal 'dzum pa dang bcas pas brjod pa med par bzhugs so// sems dpa' de yang zhibs zhi ba'i gzigs thabs su rnal 'byor la nye ba nyid du zhugs nas bzhugs so// 'khor rnams kyang 'khor ba'i khams na gnas pa'i sems can zhe sdang can dang / gti mug can dang / nga rgyal can dang / 'dod chags can rnams rang bzhin dang thabs kyis phyis phyung yang / da dung 'gro ba gang phrag dog gi mtha' la mngon par zhen pa rnams kha yang ma srid na/ ston pa yang cang mi gsung la/ sems dpa' yang zhu bar mi byed pa ni/ de'i sems can 'di dag bcom ldan 'das kyis mi 'dul lam/ 'dul te 'di dag las kyis bsgyur te skal ba med dam/ 'on te btang snyoms su bzhugs te don mi mdzad dam sems nas so sor 'khod do// gnas der byang phyogs kyi logs nas 'jig rten gyi khams rgyal ba bkod pa'i mdzod ces bya ba sangs rgyas sgra dbyangs bsgrags pa'i rgyal po'i zhing khams na//

  499. 250a

    'khor los sgyur ba'i rgyal po gser can 'od ces bya ba'i sras mo 'od gsal ba'i rgya mtsho zhes bya ba bu mo dam pa/ rin po che'i rna chas bsgegs pa/ ud pa la lta bu'i mig rab tu rgyas pa/ shin tu mdzes pa'i kha dog zla ba lta bur rgyas pa cig 'ongs nas gnas pa des/ phyogs bcur bltas nas stan las langs te/ rin po che'i me tog sil ma snyim pa bkang nas ston pa dang sems dpa' la gtor te/ phyag 'tshal nas sems dpa' la smras pa/ sems dpa' chen po nyid sangs rgyas thams cad kyis byin gyis brlabs te// sras kyi dam pa yin pas ci gsol ba gnang ba lags na/ ston pa mchog la gsol ba sngar kyang btab pas ci gsol ba gnang la// da dung yang gsol na gnang bar 'gyur bas mi gsol bar phyi bshol mdzad pa de/ phrag dog can 'dul bar mi 'gyur ba lags sam/ sems can gyi don mdzad pa mi spro ba lags sam/ ston pas mi gnang ba lags sam/ sems dpas slar smras pa/ nga ni thabs mkhas shing sems can gyi don du ci dka' ba dang du blang bar bya'o// zhes go cha gyon pas ci ltar sems can 'dul ba bzhin bya bar sems dpa' yin kyang / ston pa dgongs pa ji bzhin pa la snyoms par zhugs pa la zhu ba mi spobs so// lha mos smras pa/ ci don du bya ba thams cad ni sems can gyi don du yin na ci'i

  500. 250b

    phyir gsol ba mi spobs/ smras pa/ sems can gyi don du zhu ba spobs kyis kyang da dung tshod la ma bab cing 'dul ba'i dus la ma bab kyang khyed zhu ba la spro na/ da bdag gis gsol bar bgyi'o zhes smras nas// rang gi mtshan rab tu rno ba'i dpal dag ldan pa des/ sems can phrag dog can rnams snying phyung ste rtse mo la bkal te/ bcom ldan 'das la 'bul zhing gsol ba/ kye kye dga' chen bdud rtsi mchog/ bdag gis phrag dog can bsad de// snying phyung dpa' bo bzhes su gsol// shes rab mtshon chen dpal rno bas/ khams gsum 'khor ba'i rtsad bcad do// bcom ldan 'das kyis bka' stsal pa/ gang bsad gang gi gang ltar bsad/ khyod ci bdag 'dzin dra bas bcings// nga ni kun tu mi rtog cing // bdag gzhan dra ba bcad pas na// gsad bya gsod byed ngas ma mthong // rang rig gsal bas kun 'byung zhing // thams cad rang snang dkyil 'khor mchog/ phrag dog de nyid las kyi rigs// bya ba nan tan bde gshegs thugs// kun tu bskyod pas ka nas dag/ bdud rtsi dri chu sman chen po// 'chi ba med pas dug nyid dngos// rgyal ba rgya mtsho'i thugs dam nyid// bsrung med dam tshig nyams pa'i gsos// las kyi mkha' 'gro bsnyen pa'i rdzas// bdag gzhan don kun 'grub pa'i rgyu/ dngos med dngos grub ma brtsal 'grub//

  501. 251a

    'khor 'das kun gyi dngos bzhi pas// rdo rje dri chu zhes bya'o// rang sems brtag pas stong bdag med// snying rje chen po las byung bas// rdo rje las ni dri chu'i bdag/ kun tu phrag dog zhen spangs zhes// spang du med las btags pa yin// spang blang zhes pas 'tsho med nad// shi nas mnar med yi dwags 'gro// dug nyid sman 'gyur ji bzhin du// spang blang med pa sman gyi mchog/ khams las byung ba'i snyigs ma chu// smad spangs dor bar byed pa ci// rang las byung bas rang nyid dor// rang mi dor na de nyid kyang // dor ba'i tha snyad ga la yod// sems dor byang chub ga la rnyed// phra dog sems kyi ye shes te// de las dri chu las kyi rigs// btags pa'i sku mchog don yod grub// bya ba'i las rnams mthar phyin te// de ni rnam dag dri chur bshad// de skad gsungs pas rab dga' ste// 'khor kun bdud rtsi khong chud nas// sems nyid kho thag chod par gyur// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rang bzhin bstan pa zhes bya ba'i le'u ste sum cu dgu pa'o// // de nas yang gsang sngags mchog tu gyur pa'i mnga' bdag rdo rje bdud rtsi chen po la/ sems dpa' chen po rdo rje rnon pos shes rab kyi pad+ma kha phye ste/ phyag 'tshal nas gsol ba/ 'khor bar 'khyams pa'i sa mkhan

  502. 251b

    gtso// btson ra dam po nas 'don pa'i// thugs rje'i bdag nyid bdag la dgongs// sems can 'khor bar bying ba las// skam sar gdon pa'i thabs chen po// bdud rtsi dri chu bsgrub 'tshal na// rten dang rten can thams cad kun// dri chu btsal na ji ltar btsal// bdag cag 'khor la bshad du gsol// phyogs cha kun tu g.yeng 'gyur ba'i// dug nyid rang snang srog gcod cing // de las spang med zag bral chu// btsal ba'i khyad par bdag la shod// de skad gsol pas phrag dog bdag/ rang byung dpa' bo chen po ste// rang snang byung ba'i dkyil 'khor mchog/ bya brtsal bral ba'i klong dkyil nas// ngo bo nyid kyi gsung nyid las// spros te tshig tu 'di yi don// tshul bzhin bshad kyis legs par nyon// rang sems gsal lam 'dres te// byang chub chen po yongs su rdzogs// ji bzhin bya ba de nyid ni// btsal zhes bsams brjod mi rnyed de// gdod nas rang gi ngang du rdzogs// tha snyad cir yang snang ba yang // nan gyis brtags shing brjod par zad// thig le nyid las g.yos pa med// log brtags 'khrul pa'i skye bopo rnams// thabs mchog rmad du byung ba yis// dam pa nyid la gzud pa'i phyir// rdo rje chu ni tshol 'dod pas// thog mar rnam mi rtog pa'i don// yang dag pa la rnal 'byor bya// snang dang stong pa gnyis med

  503. 252a

    pas// las kyi rgyal por gsal ba dang // phyag rgya dang yang gnyis su med// yang na thog mtha' med pa ru// 'brel pas 'phangs te phogs pa'i lha// yan lag yongs su rdzogs par bya// de sa gsang sngags zlos la brtson// mchod dang bstod dang sbyin sreg dang // phyag rgya mnyes par byed pa yis// dpa' bo ro mchog ldan btung zhing // sman gyi khu ba dam pa dang // sa li shun pa nan pa'ang rung // btsos dang sbyar la bskus pa yi// ro dang ldan pa btung bar bya// 'khar can mar dang ldan pa dang // zho dang pan tse'i tshod ma dang // yang na sha yi tshod ma'ang rung // drug cu pa dang lo ma dang // shing 'bras bcud med shun pa dang // hab rtse la sogs rnam spangs te// thog mar lus mchog stobs ldan bya// chags shing zhen pa rnam par spang // til mar bsung ldan dri dang bcas// yang na ha sa ki ra'i mar// hu lu ka dang bcas pa yis// gtsug nas mthil sogs khyab pa ru// dus drug tha ma'ang nyin rer bsku/ khang bzangs khri la nyal nas kyang // ka shi ras la bde bar ro// nam nangs nyi ma nub kha ru// 'khar ba dag bkrus mdzes pa ru// blugs nas dngas snyigs phyed pa dang // ras tshags nas ni phyung la bsag/ khal phyed tsam gyi snod bkang nas// thab khor gru gsum brtsegs pa ru// be yi shing la me bus la// lcags sam zangs su btso

  504. 252b

    bar bya// lcags las byas pa'i thur mas dkrug/ dbu ba ljang khu'i mdog dang 'dra// mkhris pa'i nad du shes par bya// ser po bad kan nad yin no// dkar la 'tsher ba rlung yin no// nag gam lcags kyi mdog 'dra na// nad rnams 'dus par ngan par bshad// chag gam chad dam snod 'drams na// dbu ba khrag gi mdog dang 'dra// shing gi rtse la blang byas te// phyi rol dag tu dor bar bya// de nas sum cha gcig bskams nas// brag zhun srang gcig mnyes la blugs// cha gnyis bskams par gyur pa dang // gur kum bskus pa'i chu srang ni// gsum dang lhan cig bskol byas te// du nas then dang mtho gang dang / khru dang mda' gang 'ong ba de// dri chu'i mchog tu rab tu bshad// gang ga na sa dang sbyar nas// byad la byugs na zla rgyas bzhin// shu thor 'dzer pa dag par 'gyur// 'bras kyi khu ba dang sbyar te// rma la bskus na bdud rtsi bzhin// yan lag gang la bskus pa yi// mdzer pa dag kyang dag par byed// skyu ru ra yi khu ba dang / kha bo rtsa yi khu ba dang // ha se ki la ya'i khu ba gsum// cha bsnyams 'thungs par gyur pa na// mkhris pa'i nad rnams sel ba ste// mig ser la sogs thams cad sel// 'khru ba drag po gcod par byed// skad ni ngang ba gzhon nu ltar// so la byugs na dam la dkar// rab mdzes 'jam dpal lta bur 'gyur// 'di yi

  505. 253a

    yon tan bsam mi khyab// zang shing lo mar gril byas te// lha yi sbyor ba dang ldan pas// sngags 'di 'bum phrag gsum du bzlas// oM kha na badz+ra ku ku ma kar ma ku la pany+tsa ma rba ta sa ra sid+hi b+hA na pa la hUM hUM/ lag pa g.yon pa'i mthil du bzhag/ g.yas pa'i dbang mos mnyes nas su// dpral ba lce dang snying ka ru// gsum gsum bzhag la bstim par bya// lhag ma thod par gzhag byas te// sgrub pa'i rdzas su sbyar bar bya// des ni bla med las rnams 'grub// bya ba kun la ma rmongs shing // rnam pa thams cad mkhyen 'gyur te// byang chub snying por thogs pa med// de skad bcom ldan bdud rtsi che// bde ba chen po nyid kyis su// phrag dog byang chub nyid bsgrub phyir// 'dus pa'i 'khor la bshad pa yin// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu btsal ba'i thabs bstan pa'i le'u ste bzhi bcu pa'o// // de nas yang sems dpa' chen po rdo rje rnon po la sogs pa'i 'khor rnams kyis bdud rtsi dri chu nyid phrag dog ma spangs dbyings su sbyor ba'i thabs chen po yin par shes shing khong du chud kyang 'khor ba'i rtsas la dri chu'i rtsa ba dang yan lag gang yin pa da dung du ma chud nas/ phyag btsal te gsol ba/ bcom ldan khyab bdag snang stong gtso// log pa'i nad sel kun gyi

  506. 253b

    pa// 'dren pa chen po kha lo sgyur// bdag cag 'khor la gnang bar mdzod// dri chu rtsa ba yan lag gang // de yi stongs su gyur pa rnams// mi shes bdag cag rnams la gsungs// zhus pa'i don de thugs chud nas// 'joms pa'i dpa' chen gyis gsungs pa/ nga ni 'gro kun sgrol la brtson// thar pa chen por kun 'dzud cing // ye shes mar me gsal bar 'degs// mi shes mun pa'i gting rum nas// thabs chen brtson 'grus go gyon pas// sbyor ba'i kyo bas bde drangs te// mkhas pa'i bde bas dbyings su 'khod// de nyid don la bde dgod phyir// legs par bshad kyis gus par nyon// byang chub sems ni bshad bzhin du// dri chu dag kyang de bzhin te// rtsa ba dang ni yan lag go/ rtsa ba'ang phyi nang gsang ba gsum// gsang ba'i rtsa ba brgyad bstan pa// phrag dog rus sbal nag po yi// mig dang rna ba sna dang lce// zar ma'i me tog 'khar ba dang // gu gul nas dang brgyad yin no// nang gi sbas bzhi mngon pa bzhi// rdo rje slob dpon gsang ba'i yum// rgyu la rnams ni dri chu dang // de'i 'khris bzhi sbas pa yi// 'bab chu rgya mtsho rdo yi chu// bdud rtsi'i chu ni cong zhi'i chu'o// de bzhin mngon pa phyi ste brgyad// phyi yi rtsa bar bstan pa ni// gor shi sha yi rtsa ba dang // sdong bu shun pa yal ga dang // lo ma me tog 'bras bu dang // thang chu dag dang brgyad

  507. 254a

    yin no// brgyad ni dam pa ni ru ha// ru rta li ni 'ba' sug gsum// ya bag ta re ka la ka/ big na big dang ru ma har// rgyag na dga' ste brgyad yin no// g.ya' skyes pa hu lug mig dang // su ma ru dang dan ra dang // ka ni ra dang sha ma sa// lung tang me tog sha bang te// ag bra li dang brgyad du bstan// ka sho kan d+ha'i 'bras bu dang // big ru ba dang cen da ba// hug ma no ra dong kang ka/ shri ra tri ba mu le mug/ shra na se ta brgyad rna ba'i// sri shing ljang ku'i me tog dang // sngon bu gser gyi me tog dang // lcam pa mu rba tsa ra dang // bag so rgya mtsho dbu ba dang // nya'i bu dang brgyad sna'i// lce yi brgyad du bstan pa ni// kye lce sdong bu shun bcas dang // ta ra tA thi bi na tha// do lo ke sbur na be ba// pa ral pa ra bi sha pa// ba na ra ge ta dang brgyad// rdza ti ta'i me tog dang // ya ba ne tro kag ka sha/ big ku sha dang ku ra sha/ ba b+ha ba te rtswa dur ba// pu tse shel dang brgyad zar ma'i// mkhar ba'i yang rba bab ne dang // brag skyes dur ba shi ya ru// lo ke ra dang shi yang 'dos// bim du dza ra sha ya kyang // ba b+ha ha dang kyang pa rta// de dag yin par ngas bshad do// gu gul dag la dgos pa ni// hur me ha dang hal bag che// shug pa'i thang chu sgron shing dang // phra shags dang ni phra rab ni// dza ya ra sa ku ma la// brgyad du nga yis rab tu bshad// so ba gro

  508. 254b

    dang ma ma ri// kug ne pa sha wags wa// a bur de na mang be kha// bab ne sha ra kha dang brgyad// nas kyi dgos pa'i stongs yin no// de ltar gsang ba'i rtsa ba'i stongs// yang dag nges par bshad zin nas// nang gi rtsa ba'ang bshad par bya// slob dpon dri chu'i sha re mang / khyar kya de sha men bu se'u// me tog dkar po da ru ra// tshu na da ra shi la ka/ bug re mung ga brgyad yin no// bud med nad zho wa ts+ra kas// ta ra ge ba mig ma ri// su be be ra kha la lce// shon dang ga dang bi bug ge/ brgyad ni yum gyi dri chur bshad/ kha dog dkar po'i glang gi chu// mor ma ra dang sa ra sa/ khrung khrung sha ba'i dri chu dang // spang rgyan dkar po lug de wa// sen tra to brgyad rgyu lnga'i// mkhris pa'i brgyad du bstan pa yang // glang po bya rgod dom dang sgre// nya dang phyi ba 'brong khyi dkar// 'di dag brgyad kyi mkhris pa'o// chu bo'i chu yir bstan pa yang // lug mur dang ni spre'u brgyus dang // mnya' ba'i me tog dag dang gsum// tri ta ba dang rgya nag tsha// tsha ru sha dang byil ba dang // du na sha dug sen tra'o// a tong rgya 'bras mkhan pa dang // se ra bas dang kya kung dang // shra sa ra dang mum bra dang // dun tra bco brgyad rgya mtsho// se'u 'bru shing ngar sra 'bras dang // 'jam 'bras ti ti la ha ra// a yu ra dang tha le ga/ tsar tsang ba brgyad brag zhun no// cong zhi khab ma

  509. 255a

    ral zungs dang // tri bi ta ni ser po dang // kug ne spus spa sha ru ra// bca' sga dong kra a rgya ne// la tsa 'don dang brgyad yin te// nang gi rtsa bar shes par bya// phyi yi nA ga ge sar dang // bal pu sha dang rag ne tso// skyer pa 'ba' shu gsang snang dang // 'bri ti ri dang a ru ra// be ba ra zhes bya ba'i rigs// 'di brgyad rtsa ba rtsa ba'i stongs// sdong bu shun pa yal ga dang // lo ma me tog 'bras bu dang // thang chu brgyad ni thang chu'i phrad// de dag phyi yi rtsa bar bshad// ji snyed 'jig rten khams dang na// yod pa rtsi shing skyes so cog/ brgyad dang mi ldan med pas na// rang rang rigs kyis phye ste bya// dri chu rigs la mi mkhas pas/ kha dog ljang dang rtsub pa'i ro// thams cad las kyi rigs kyi bcud// de ltar khong du chud par bya// rigs rnams khyad par ma shes shing // ma byed pa ni lho nub mtshams// ma dag pa ni mtshams bcad do// de skad kun mkhyen ston pa'i gtso// rnam pa kun ldan bdud rtsi che// 'gro ba'i don la rab brtson pas// nges par gtan la phab ste bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rigs su gtogs pa'i sman ngos gzung ba'i le'u ste bzhi bcu gcig pa'o// // de nas sems dpa' chen po 'khor gyi dam pa des/ 'khor thams cad bsdus te bde ba'i mchod

  510. 255b

    pas ston pa la yang nas yang du mchod cing phyag gis kyang bstod nas/ mgrin gcig tu byas te gsol ba/ kye bcom ldan 'das/ nyid ni 'jig rten thams cad kyi snga rol bskal pa thams cad kyi dang po// sangs rgyas thams cad kyi thog ma'i yang thog ma nas sangs rgyas te/ bde ba chen po lhun gyis grub cing thams cad mkhyen pa'i ye shes ngang gis rdzogs te/ thugs su ma chud pa rdul cha tsam yang mi mnga' bas/ bdud rtsi'i rigs thams cad yon tan dang ldan pad bshad lags na/ da dung dri chu'i rigs su 'dus pa 'di dag gi yon tan cung zad kyang ma gsungs pas/ 'gro ba kun la thugs brtse bas bshad du gsol// bde bar gshegs pas bshad du gsol// bcom ldan 'das kyis bka' stsal pa// thog ma med pa'i dus mtha' nas// sems nyid sbyong la rab brtson pas// kho na nyid ni mngon gyur pas// sems can don ni ma brtsal grub// ye nas de ltar yin pa las// mun pas 'thibs pa'i 'gro gang la// thugs rje'i 'bras bu smin bya'i phyir// dri chu'i yon tan nga yis bshad// dri chu'i yon tan nga yis su// 'di ltar byin brlabs bstan pa ni// rgyas par gong du gsungs pa yin// gzhan yang dag ni tshangs pa 'dra// glang sna ces pa'i nad sel to// rtsa ba'i yon tan 'di lta ste// phrag dog can gyi mig gis ni// las kyi rigs

  511. 256a

    kyi zhing khams mthong // rna bas stong gsum sgra zos te// sngas ni rab 'byams dri tshor 'gyur// lces ni 'phrin las rgya mtsho sgrogs// zar ma'i me tog mgrin nad sbyong // 'khar ba yis ni rgya zar skems// gu gul chu ser nad rnams sbyong // nas kyis me yi skye 'gro gso// slob dpon chus ni bad rlung sel// mtshan ldan dri chus srin skran 'tsho// bsgral ba'i dri chus rgya nad gcod// mkhris pas mes tshig mtshon brgyab 'tsho// gang ga chu yis bsod nams 'phel// rgya mtsho chu yis lus mnyen 'gyur// rdo chus tshe ring bde ba 'grub// cong zhi chu yis rus pa mkhrigs// gor shi sha yi rtsa ba yis// pho ba'i bad kan tshwa ba sel// sdong bus mkhris pa rlung bcas sel// shun pas sgyu mar rlung zhugs 'tsho// yal gas 'dod pa'i zas rnyed 'gyur// lo mas snying gi dran pa gsal// me tog b+h+r-ing gi ri ti mnyes// 'bras bus pho mtshan skrangs pa 'dul// thang chus rtsa sbugs rnag skems so// ru tas mig gi na tsha sbyong // li shi kun la yangs dag dpa'// 'ba' sug tsha ba skye bar byed// ka la ka yis 'dod chags skyed// ya bak+ka ras khrag tshabs 'dren// big na big ni sna 'gags sel// ru ma ha ra gzhang srin 'dul// rgyag na dga' ni bde med sdud// gzhan dag tu yang nga yis ni// rdo rje dri chu'i yan lag gis// yon tan rnams ni dpag tu med// 'du

  512. 256b

    bas lus gzir 'gro ba gang // dri chu'i rigs su gyur pa'i sman// bcangs pa tsam gyi yon tan kyang // ya mtshan mchog tu gyur pa yin// bla med zabs chen dam pa yis// brten te bsgrubs pas tshe gcig gi/ rdzogs par sangs rgyas nyid 'gyur te// 'di la the tshom za ma byed// de skad rang byung bdud rtsi che// ston pa dpa' bos rnam par bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i rigs kyi 'du bar gtogs pa thams cad yon tan dpag tu med par bstan pa'i le'u ste bzhi bcu gnyis pa'o// // de nas yang bcom ldan 'das bdud rtsi rmad du byung ba'i bdag nyid chen po des phyogs bcu dus bzhir bkod pa chen po'i rgyal ba ma lus mi lus lus pa med pa thams cad 'phrin las mdzad pa med par ye nas bya ba thams cad dang bral bzhin du/ bde ba chen po 'gyur ba med par mthar phyin te/ bya ba nan tan ngang gis bkod zin kyang de nyid khong du ma chud pa'i blo la yid ches shing gsal bar bya ba'i thabs chen po rdo rje'i chu de nyid/ bya ba nan tan gyi ye shes nyid du ye nas grub zin pa de nyid/ byin gyis brlab pa'i ched du don 'di nyid sku gsung thugs las ched du phyung ngo // ha/ kun 'byung zag pa'i gur kum chu// rdo rje dri chu'i chu yin te// chu las ma byung gang yang med// las kyi rigs kyi

  513. 257a

    dam tshig dang / nan tan ye shes mchog kyang 'grub/ ces gsungs pas 'khor ba pa'i spyod yul du gyur pa'i phrag dog can thams cad phrag dog chen po'i klong du byang chub ste/ bya ba nan tan gyi ye shes su sangs rgyas nas rang 'byung bar gyur to// de nas yang bdud rtsi'i bdag nyid phrag dog rdo rje chen po des/ rab tu gsal ba'i sgron ma bskor ba dang / mya ngan las 'das pa dang // sku rig bsrel du mdzad nas 'gro ba'i don mthar phyung yang // da dung du log par lta ba la mngon par 'chel ba yun ring bas// rab tu 'khyams pa rnams grol zhing yid ches pas/ ngo shes par bya ba'i ched du ston pa la gsol ba// gsang ba'i dbang phyug chen po ste// gar gyi dbang phyug dgyes chen po// rgyal ba'i dbang phyug nyer dgongs pa// don gyi dbang phyug thugs kyi dbyings// bdud rtsi dbang phyug gsol ba mchis// rnal 'byor dri chu bsgrub pa la// grub pa'i rtags ni ji ltar lags// ma grub par chad 'byung na gang // dngos grub re ba med blang dang // dogs pa med pas bzlogs pa'i thabs// 'di dag bdag la bshad du gsol// 'di dag rtogs par ma gyur na// khyad par khong du ma chud pas// nyams te bdud kyi bar chad 'byung // de sel legs par bshad du gsol// de skad ces gsol thugs chud nas// bde chen bdud

  514. 257b

    rtsis bka' stsal pa// dri chu bsgrub pa'i rnal 'byor pas// grub par nges pa'i dge rtags dang // bar chad bdud du nges pa dag/ legs par bshad kyis khyod nyon cig/ dri chu las ni lha mo'i gzugs// 'byung bas nges par bshad par bya// bar chad byed pa'ang gzugs ston pas// de yi khyad par shes bya na// gzugs mdzes mthong dga' yid du 'ong // na gzhon dar la bab pa la// ral pa thor tshugs zur phud ldan// rna rgyan la sogs mdzes pa'i chas// dar sogs gos gyon dri zhim pa'o// bong ring lus skam dri ma can// yang na sha che lcug la thung // mig dang kha yo so tshol zhing // gos rul skra brnyings dri nga zhing // 'khro 'tshig gshe dang ngan tshig brjod// 'di dag bdud kyi sprul pa'o// mthong na mi dga' smon dga' dang // bzhin log pa yang de bzhin no// dge ba bum pa'am de nyid mthong // rang sems nyid du rang snang ba'o// rnal 'byor la snang lha mo'i gzugs// dam tshig phyag rgya yun ring gnas// lag dang ngag brda mi ston te// byin brlab tshul dbyung bza' zhing mchod// slob ma dbang bskur bsgrub mi dgos// grogs sam gnas khang rdzas gzhan la// byung bar snang ba nges pa na// lag pa'am ngag gi brda bstan te// bdud na lan 'debs ga la nus// des na lce la hUM bsgoms te// bdud rtsi byin la ci 'dod bcol// yo byad dag

  515. 258a

    la snang ba na// des ni longs spyod 'phel bar nges// des na don yod yab yum mam// me tog phog par gsal bsgoms la// gsang ba'am rkang pa'i mthil du ni// gru gsum me yi 'od 'dra'o/ steng // ljang ku ha las 'od spros te// rgya gram las ni rlung lcags kyus// phyogs bcu'i rgyal ba sras bcas bkug/ gzugs dang brtan par byas nas ni// de nyid ljang ku 'tshe ba'i mdog/ las kyi rigs ni thogs med mchog/ ngang gis bde bar lhun grub nas// gsang ba'i gnas su thim pas ni// las rnams kun la dge dbang bsgyur// de tshe ngag tu gleng ba ni// chags pa chen po bcom ldan 'das// rang bzhin nyid du gnas pa ste// de ni rnam dag bdag gi gzugs// e ma ho che mchog rang snang sku// ha karma ku la ku ku ma si ta a haM/ de tshe bdud rtsi rnam pa lnga'i// ri lu rang gi khar bcug ste// zam zim mig btsums bsdams nas kyang // gang yang spro ba mi bya ste// lhag pa rtags kyi byang chub sems// phyi nas bsgrub par mi bya'o// bdud du nges par snang ba ni// phag rgod lto bo che zhes bya// kham pa sha rul khrag rnag dri// tsha la rtsub pa'i dri bro ba// gzhan ni sngar gsungs nges pa ste// rab tu drag po'i gsang sngags dang // bzlog pa'i sbyin sreg gsum lnga bdun// thal ba la ni ling ga bya// ming rus phur pas gnas bdun du// btab ste

  516. 258b

    lam khar thod pas gnan// des ni nges par bzlog par 'gyur// re zhing dogs par sems pa dang // bdag dang lha zhes mngon 'chel ba// rang sems 'khrul pa bgegs yin te// gzhan nas 'ongs pa ma yin no// sems nyid bdag gzhan mi 'byed cing // chos dbyings mi rtog rang rig pa// rang rnal nyid ni mngon dga' na// des ni bar chad ga la 'byung // de skad gsang chen ston pas bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i grub pa dag ma grub pa'i khyad par bstan pa'i le'u ste bzhi bcu bzhi pa'o// // de nas sems dpa' chen po bya ba thams cad la ma rmongs pa des/ bcom ldan 'das gsang ba'i dbang phyug chen po de la gsol ba/ kye bde ba rgyan gyi mnga' bdag/ ma spangs par rang grub pa'i dngos gzhi dam pa/ bdag cag la gsol ba mchis pas bkas gnang bar mdzad du gsol/ 'khor ba'i chos las mya ngan las 'das pa de kho na nyid bsgrub pa la/ spyad pa dang spyod pa zhig 'tshal na// de'i bgyi ba de ji lta bu lags/ bka' stsal pa/ sems dpa' chen po nyon cig/ dper na nam mkha' la/ lag pas rdo rje 'am/ rdo rje rgya gram zhig gi bris na de dbang po'i mngon sum la snang ngam/ gsol ba/ de mig la ma yin kyang yid la snang ste/ de la ring du brtags na/ mig la

  517. 259a

    yang snang bar 'gyur la/ de brtag par yang mi nus te dpe dang 'dra ba lags sam/ bka' stsal pa/ spyod pa'ang de bzhin te/ ci'ang spyad du med pa las ci'ang spyad pas de 'grub ste nges pa'o// sems dpa' chen po dper na sgyu ma mkhan mkhas pas ci yang med pa las sngags kyi bya bas cir yang snang ste/ thams cad kyi yis tshim ste dga' ba der gyur na/ des yang dag par dga' bar byas pa yod dam/ gsol ba/ bcom ldan 'das de ltar na/ rdzas dang sngags kyi sbyor ba las byung ba grub pa ci yang yod pa ma yin te/ des byas pa dang ba byed pa ci'ang grub pa med kyang / gzhan dag de kho na ltar 'dzin pas de dag la nges par 'grub pa'o// bka' stsal pa sems dpa' rnal 'byor gyi spyod pa spyad par 'dod pa rnams kyis kyang / spyod pa thams cad de ltar spyad par bya ste/ ci'ang spyad du med pa'i de bzhin nyid la/ ci spyad pa thams cad/ de kho na nyid kyi stongs su 'gyur te/ gdon mi za bar 'grub pa'o// gsol pa/ bcom ldan 'das de ltar na dge ba dang mi dge ba'i spyod pa la spang ba dang / blang ba med par go mnyam pa lags sam/ bka' stsal pa/ sems dpa' chen po/ dper na 'byung bas bskyed par go mnyam pa las/ dug dang sman gyis 'chi ba dang 'tsho bar byed pa bzhin no// gsol ba/ 'chi ba dang 'tsho ba zhes

  518. 259b

    pa'ang btags pa tsam ste/ de bzhin nyid la ni/ de dag gis btags pa ma mchis la/ dug dang sman zhes bgyi bar yang grub pa ma mchis so// bka' stsal pa/ de bzhin te/ ci spyad pa thams cad de bzhin pa de ni spyod pa bla na med pa'o// des na las kyi rigs 'di la// spyod pa gang yang legs par spyad// dus drug bzhi 'am nyin gcig cig/ bde gshegs mchod la gus par bya// yo bya ci 'byor pa yis ni// tshogs kyi mchod pa rgya chen dbul// rol mo mchod pa sprin phung tsam// bshams sam yid kyis bsam byas te// rgyal ba rgyal sras mkha' 'gro la// gus bcas g.yo sgyu med par btab// nyan thos sdom la rab gnas shing // slong ba'i rdzas kyis 'tsho byed rnams// bu gnyen gnas su sems bskyed de// yo byad bcu gsum 'byor tshad sbyin// theg chen bla med dang len cing // byang chub sdom mchog bslab gnas la// lus srog gis kyang mnyes bya na// yo byad gzhan dag smos ci dgos// bla med theg chen yang rab gnas// sems kyi longs spyod rgyun mi 'chad// spyi dang khyad par lhag la gnas// de ni bde gshegs nyid dang mtshungs// bram ze rtag tu gtsang 'dzin la// dkar dang 'bras sogs la ma sbyin// mtha' 'khob khrims dang 'gal ba'i gnas// spyod pa ngan pa'i rgyal rigs la'ang // shan smad gshe brnyas mi bya zhing / kho na

  519. 260a

    mthun pa'i brtse sems bskyed// nad pa gang zhig nyen gyur la// sman dang 'tsho bas nad bsal bya// dmangs rigs dman la lhan sems bskyed// brtse bas kun la phan gdags so// mu stegs lta ba log pa la// gshe zhing smad par mi bya ste// thabs kyis lta ba mchog la gzud// bud med sgyu 'phrul bde sgrub pas// smad cing gshung ba ma yin no// glu gar rol mo mkhan dag la// lhag par mi bsten brnyas mi bya// de dag las kyi spyod pa ste// mkhas ldan sgrub pa pos spyad cing // dus rnams kun tu dor mi bya// de skad 'gro ba'i gnyen gcig pa// ston pa mchog gis 'gro don gsungs// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dri chu'i sgrub pa po'i spyod pa bla na med pa bstan pa'i le'u ste bzhi bcu lnga pa'o// // de nas dam tshig chen po rdo rje rnon pos/ shes rab kyi ral gris sems can gyi ris thams cad sha'i thang ma dpag tu med par brdal nas/ rgyal ba'i dkyil 'khor rdo rje dbyings chen po la sogs pa mchod de/ sems can thams cad kyang tshim par byas nas/ ston pa la gsol ba/ kye ma dga' sems che ba'i gtso// rnams lnga'i bdud rtsi bshad pas su// bdag cag rab tu tshim gyur kyang // da dung gsol ba dam pa mchis// bdud rtsi dam pa bsgrub pa la// sha yi rnam pa 'tshal mi

  520. 260b

    'tshal// de yi rang bzhin ji lta bu// btsal na thabs mchog ji ltar bgyi// rigs kyi dbye ba ji ltar lags// de nges grub na rtags ci 'byung // ma grub bgegs kyis bar gcad na// de yi khyad par gsung bar zhu// de skad gsol pa thugs chud nas// ston pa thams cad mkhyen pa yis// bzhad nas 'di skad bka' stsal to// sha ni lus kyi bcud yin te// de la brten nas thams cad 'byung // dge dang mi dge ji snyed pa// rang sems dbang bsgyur ye shes mchog/ red nas sha chen la sogs brten// spang blang gzhi nyid ga la srid// bdud rtsi mchog ni sha nyid de// dgos dang mi dgos rtog pa med// de bas rab tu bsgrims nas su// sha rnams la ni nan tan bya// rnam grangs sha chen glang chen sha/ rta sha khyi dang bya yi sha// mi che kla glang snying gis mtshon// theg pa dman la gsang ba'i phyir// nan tan nyid du brtson par bya// lha yi sbyor ba dang ldan pas// lus kyi khams las blang byas te// ma rul ma sum rab tu bsgrim// gtsang ma'i snod du bcang bar bya// gzhan dag thabs mchog sngar gsungs yin// sha chen rdo rje rigs kyi gtso// glang po de bzhin gshegs pa'o// rin chen rigs ni rta sha'o// khyi yi sha ni pad ma'o// bya sha las kyi dbang po'o// de yis bsdus pa'i sha rnams ni// rang rang mthun pa'i rigs yin te// gol ba can dang kha srag

  521. 261a

    dang // zlum po mche ba gshog pa can// thams cad lnga yis bsdus pa'o// gsang ba rigs kyi btsun mo lnga// b+ha ga'i dbus su smin pa'i sha/ dbus dang shar sogs rim pa bzhin// byang chub sems sogs rims bzhin sbyar// muM laM maM pyaM taM lnga yang // nyi ma'i dkyil 'khor sogs gnas pa// bsreg sbyang bdud rtsir bya ba ni// spro dang bsdu dang bstim pa'o// bskyil ba dar mo ya ta'i dbus// pad+ma 'dab brgyad lte ba'i steng // ge sar phug gi bya rog gdong // dam po bse gab rtsa dbus lam// de ni bde chen yang dag pa'i// khyad par can du thams cad gnas// yang na rus sbal rkang lag ltar// mi mos rab bsdam ha ha bshad// des ni sha rnams rab bsgrubs 'grub// nges pa'i rtags ni mang du 'phel// gser ltar rab 'tsher 'dzam bu'i mdog/ dngos grub rgya chen rab tu 'grub// tshe la bar chad mi 'byung bzhin// bgegs zhi nad med yo byad 'phel// phyi nas bsgrubs na gdon mi za// 'khor los sgyur rgyal chen po yang // tshe 'di'i 'og tu the tshom med// bde gshegs mchod dang mkha' 'gro bskang // rnal 'byor nyams pa sor gzhug phyir// rtag tu bcang zhing mchod par bya// gal te grub par ma gyur na// rul dang myags dang 'bu srin dang // shin tu nyung nas tha mar brlag/ de ni bdud kyi byin brlabs te// rnal

  522. 261b

    'byor tshel bar chad 'byung // yo byad bral nas dbul por 'gyur// de tshe bzlog pa'i sbyin sreg ni// kun sha sngon po til nag dang // 'bru yi chan dang ba mar gyis// nyi shu gcig tu bsreg par bya// thal ba lam po che yi sar// rlung la phyang bas nges par zlog/ kun tu rtog med byang chub sems// nam mkha'i dkyil dang rgya mtsho'i gting // 'gyur med nyi ma brdal ba bzhin// rang rig rang snang gsal bar bya// des ni bar chad ga la 'byung // de skad gsungs pas 'khor kun dga'// rab tu bde ba thob par 'gyur// de nas sems dpas yang gsol ba// rang bzhin byang chub sems chen po// skye ba med las skye ba'i sha/ 'gro ba'i lus ni dngos po'i gnas// 'di yi rang bzhin ji ltar lags// 'jig rten phan yon ji ltar mchis// bcom ldan 'das kyis bshad du gsol// yang dag ston pas bka' stsal pa// khams gsum 'gro ba'i sems nyid ni// ma bcos byang chub sems nyid de// gnyis su med pas rgyal ba'i klong // thabs dang shes rab khu ba khrag/ dbyer med dang las bskyed pas na// sha ni byang chub sems nyid do// 'di ni rang bzhin mthu dang ldan// ngo bo nyid kyis stobs chen po// nad rnams kun gyi gnyen por che/ khyad par dag tu rab bstan pa/ khu ba dang ni sha dang khrag/ bshang dang gci la sogs pa

  523. 262a

    ni// gdod nas dag pa'i sman yin pas// rnam rtog 'jil byed bdud rtsi'o// sha chen rang bzhin mthu che ste// glang pos bsgom pa sran dang ldan// rta shas blo ni rno bar 'gyur// de bzhin khris ni gnyis chung ngo // byas ni ting 'dzin dmigs pa 'grub// kun gyis rlung mkhris bad kan 'joms// de ltar yon tan thams cad 'grub// nga yis sha yi don bstan pa/ khams gsum 'khor ba'i nad sbyang phyir// thugs las phyung nas rab tu bstan// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi sha rnam pa lnga don ji bzhin par bstan pa'i le'u ste bzhi bcu drug pa'o// // de nas yang sems dpa' chen po rdo rje rnon pos/ bdud rtsi'i don khong du chud nas don la rab tu ngam ste 'di skad ces gsol to// e ma ho ye shes sku lnga bstan pa'i phyir// byang chub sems ni dkar bas na// dri med dag pas ye shes smra// sku lnga lhun grub bdud rtsi 'di// rak+ta chags med dmar bas na// chags med rnam dag pad ma'i sku// me sa yid bzhin rin chen sngo// sna tshogs 'byung bas mnyam nyid sku// dri chen gser mdog snang mdzad de// mngon byung sprul pa chos kyi sku// dri chu dag byed ljang ku'i mdog/ kun tu don grub las rab sku// sku lnga lhun grub bdud rtsi 'di// so so'i lus la gnas pa yin// dri

  524. 262b

    chen dri chu rak+ta dang // sha chen byang chub sems rnams kun// sems can 'dzin rtog bzlog pa'i phyir// gtso dang dang du blang bar bya// gtsang sme med par kun gyis spyod// the tshom med par dngos grub thob// a la la ho/ zhes rang gi shes pa'i don phul bas/ ston pa dang 'khor du bcas pa thams cad rab tu dgyes par gyur to// de nas lha mo chen mo gsol ba 'debs pa/ zhing khams so so nas 'ongs pa'i btsun mo rnams kyis kyang bdud rtsi ji lta bu'i don khong du chud par/ de dag ston pa dang sems dpa' la gsol cing smras pa e ma ho// ye shes snying po can rnams kyi// sangs rgyas kun gyi chos nyid 'di// snying po chos kyi don las 'byung // byang chub spyod pa'i gnas 'di yin// smad par bya ba'i rdzas lnga po// gcig la'ang yon tan lnga lnga 'am// gcig la'ang yon tan gsum du dbye// dam tshig rtsa ba bco lnga yin// yan lag nyi shu rtsa brgyad do// snod bcud dbus su bsdus nas ni// bcu drug bcu drug por yang bstan par bya'o// thabs dang shes rab ldan pa las// sems dpa' sems ma'i tshogs su blta'o// rtsa ba brgyad dang yan lag brgyad// rdzas ni[:]sems dpa' bcu drug ste// snod dbyings sems ma sum cu rtsa gnyis mtshan ldan zhing // dpe byad bzang po brgyad cus brgyan// rdo rje dbyings kyi dkyil 'khor

  525. 263a

    rdzogs// rgyu yang gsang ba 'bras bu'ang gsang // rdo rje dbyings kyi dkyil 'khor las// mdzod ldan dpal gyi phyag rgya dang / kha 'byed rdo rje'i phyag rgya dang // 'khor lo rtsibs kyi dbus su bzhag/ ba dud rtsi lnga dang rtsa ba brgyad// mig dang rna ba sna dang lce// mtshan dang rnam shes yul dang bcas// 'dus la ma byas rdo rje ste// dgongs pa 'dus pas rdo rjer bshad// rdo rje sems dpar rab sbyar na// rdo rje sems dpa' nyid du 'gyur// a la la ho zhes gsol cing glengs pas// bcom ldan 'das rab tu dgyes par gyur te/ bka' stsal pa/ rgyal ba rnams kyi dgongs pa'i don// ji bzhin bla med byang chub sems// bdud rtsi don nyid dbyer med rtogs// legs so rgyal ba'i sras dam pa/ khyed nyid bdud rtsi mchog tu gyur// ces gnang bar gyur to// dpal bdud rtsi bde ba chen po zhes bya ba rgyud kyi rgyal po chen po las/ 'khor rnams kyis don gyi chen po'i gdeng rnyed de ji bzhin pa'i lta ba gsol ba zhes bya ba'i le'u ste bzhi bcu bdun pa'o// // de nas bcom ldan 'das kyis bka' stsal pa/ sems dpa' 'khor ba'i chos phyi nang gis bsdus pa thams cad mya ngan las 'das pa'i bdud rtsir bsgrubs shing bsgyur bas yid ches te rang rang gi shes pa'ang nga la smras zin na/ da dung zhu ba yod na ci dang ci yod pa de dag nga la smros shig/ sems

  526. 263b

    dpas gsol ba/ kye bcom ldan 'das bdag la gsol ba mchis te/ 'khor ba thams cad skyed pa ni 'o ma lags te/ lus rdzogs par bgyid na/ ci'i slad bdud rtsi bag tsam las ma gsungs/ da gyis ba'i thabs dang rang bzhin ji lta bu lags/ bka' stsal pa/ 'o ma gsos su gyur pa ltar// chos nyid khams gsum sems can kun// byang chub myu gu bskyed pa'i gsos// de bas bdud rtsi dam pa'i bcud// skye med byang chub sems chen po// yang dag ye shes bla med pas// gsos kyi mchog ste tha mi dad// ji ltar 'o mar gyur pa la// mkhas ldan chen pos rab sbyangs nas// yon tan zho dang mar ltar 'grub// de bzhin rdzas rnams sbyang gyur na// mnyam nyid yon tan mar ltar 'grub// oM Ta ki ra badz+ra pa tra sarba du ha ra du ha ra a mr-i te swA ha/ de bas thabs ldan rnal 'byor pas// thams cad bdud rtsir bsgrub pa'i phyir// mi dang rta la sogs pa yi// 'o mar gyur pa thams cad la// spang blang med par bdud rtsir bsgrub// rma dang shu thor g.yon pa dang // bas blags me dpal la shis te// nad rnams kun phan lhag par rlung // klu yis nyen pa'i gsos su che// sman rnams kun gyi gzhi yin no// sems dpa' des gsol ba// 'jig rten 'di na dkon pa'i rdzas// gser la sogs pa'i rin po che// bdud rtsi nyid ni lags nges pas// bsgrub par

  527. 264a

    bgyi na ji ltar 'tshal// de la yang dag bka' stsal pa// dpag med rgyal ba rnams kyi ni// che ba'i yon tan zad med de// gser la sogs pa'i rin chen gter// zad med dgos pa kun skong ba'o// bde gshegs thugs dang yon tan gnyis// so so ma yin dbyings gcig pas// rin chen zad med bdud rtsi'i dbyings// dper na gser ldan rin chen ltar// so sor gnas kyang rang rang gi/ kha dog mtshan nyid so sor gsal// rin chen yon tan de dra yang // bsdus na yon tan rmad du gyur// de bas gnyis sprad mdzes par snang // de bzhin rdzas kyi yon tan yang // rang gi yon tan rin chen snang // gnyis med mnyam par snang bas na// bla med yon tan rmad du 'gyur// IM sarba ta thA ga ta gu Na rad na swa b+ha ba d+harma d+ha tu swA hA/ mchod dang bde gshegs sku bzhengs pas// bdud rtsir bsgrubs na dpag tu med// gang du dmigs pas 'khor los sgyur// rin chen bdun la dbang byed 'gyur// 'jig rten yon tan bsam mi khyab// dper na gser sogs rin po che// mi gang bsrel bar byed pa de// kun gyi yid 'ong 'khur ba dang // de yis bsgo ba nyan par gyur// ci bsam skad cig tsam 'grub ste// bza' btung bgo bas brel med cing // de yi 'khor yang bde 'gyur ltar// bdud rtsi dam pa'i chos nyid 'di// rnal 'byor dad brtson

  528. 264b

    ldan pa yis/ khong du chud nas sgrub byed pa// rgyal ba mnyes nas dngos grub stsol// 'khor gyi mkha' 'gro ci bsgo nyan// bla med byang chub snying po 'grub// 'jig rten bsam pa mthar phyin cing // de yi 'khor dang yul khams dge/ de skad rgyal ba snga mas gsungs// de nas sems dpas yang gsol pa// ston pa rnam kun mkhyen ldan pa// chang ni dug gi dam pa zhes// rgyal ba rnams kyis gsungs pas na// 'dir yang spangs te mi spyad dam// 'on te nye bar 'gyur bar gsung // sman pa'i mchog gis bka' stsal pa// ra sa ya na bdud rtsi che// 'dod pa kun 'byor bde ba ni// 'di nyid bsrel spyad rdzas kyi mchog/ byang chub snying po bde ba'i rgyan// snying po byang chub sems nyid de// kun tu tshim pas chang nyid do// nad sel bdud rtsi dbang sdus phyir// dgos pa'i dam par ngas bshad do// 'di la bshad bstan 'di lta ste// 'bru rnams la ni chang med do// chu la chang gi rang bzhin med/ mkhas pas 'bru chur sbyar te// zabs kyi rtsol bas bsgrubs pas na// mnyam pa nyid kyi chang du 'gyur// oM a mr-i ta dza ba swA hA// dzA bi swA hA/ ro mchog go/ 'phang thob par 'gyur// mi gtsang ba la gtsang ba med// man ngag can gyi sgrub pa pos// mkhas pas gnyis med sbyar bas ni// mnyam pa nyid kyi don thob 'gyur/ oM kro d+hi shwa ri sang sho d+ha ni sang sho d+ha ni swA hA/

  529. 265a

    des ni bla med chang 'grub ste// yang dag bla med byang chub 'grub// sems dpa' dam pas yang gsol pa// thams cad skyed byed za ba sbrengs// de mtshon chu ni/ bcud mchog bder 'tsho dam pa'i chu// bdud rtsi'i bcud du ma gyur tam// yang dag 'dren pas bka' stsal pa// thugs rje rgyun gyi ra sa ya na// 'khor ba'i tha ba gtan nas sbrengs// ris drug thig ler dbyer med sdud// ngar 'dzin gdungs pa'i dgon gdung sbrengs// de mtshon chu ni bdud rtsi mchog/ rgya mtsho gang ga gtsang po chu/ khron pa 'bab chu lteng kha dang // cong zhi brab zhun ser ba'i chu// thams cad bdud rtsi thig le'o// chu rnams thams cad tha dad pa// rgya mtshor phyin lan tshwa'i ror// de bas thams cad bsdus pa'i dpal// rgya mtsho tsam du brlabs che la// phyogs bcu dus gsum ro gcig go/ 'byung ba lnga po'i thugs rje las// sman lnga bdud rtsi dam par dag/ 'gro ba yongs kyi gsos mdzad par// thugs rjes byin gyis brlabs pa yin// dngos po med las dngos grub blang // byang chub sems kyi sprin yin pas// gang ltar dmigs pa 'grub par 'gyur// oM ka ka ni ba shu de ba mA ma ki swA hA// de skad gsungs pas thams cad kun// bdud rtsi nyid du ngo shes na// dug lnga'i gcong rnying byang bar 'gyur// de nas 'khor der 'dus pa yi// lha mo tshangs pa'i sgrol ma

  530. 265b

    zhes// rus sbal gzugs ni 'dzin pa ste// stan las bab ste rang skad kyis// ston pa la ni 'di skad gsol// thams cad mkhyen pa'i bcom ldan 'das// kun rig snang gsal nyi ma'i 'od// bdag cag blun po'i rigs rnams kyis// rigs dang bye brag mi 'tshal na// 'di yis bdud rtsi 'grub mi 'grub// bdag cag rmongs la rtse bas gsungs// ston pas de la bka' stsal pa// chos su snang ba thams cad kun// chos nyid klong du ro gcig ltar// phyed dang ma phyed rdzas rnams kun// bdud rtsi thig ler ro gcig pas// 'grub dang mi 'grub smos ci dgos// gang dag blun po rtsal zhan pas// rigs kyi thabs dang ma ldan na// pad+ma'i snod mchog rab mdzes pa// gtams te srin po'i snying khar mnan// des ni yang dag bdud rtsi 'grub// ngas bstan don la gdon mi za// de skad gsungs pas 'khor kun dang // tshangs pa'i sgron ma rab tu dga'// dpal bdud rtsi bde ba chen po zhes bya ba rgyud kyi rgyal po chen po las/ thams cad bdud rtsi chen por bsgrub pa dang ma phyed pa gso bar bstan pa zhes bya ba'i le'u ste bzhi bcu brgyad pa'o// // de'i tshe 'khor 'dus pa phal mo che ma lus pa rnams/ sems dpa' rdo rje rnon po dang bcas pa rab tu dga' ba'i mdangs phyung nas/ bdud rtsi'i don ji bzhin par khong du

  531. 266a

    chud pa la ngam zhing ngo mtshar mchog tu gyur pas lha'i dkyil 'khor dang dbyer med pa la phyag 'tshal te bstod pa/ kha dog dbyibs dang mtshan ma med// 'gog pa med cing bya ba'ang med// rtsa ba med cing rten pa'ang med// bdud rtsi che la brjod pa'ang med// nyon mongs lnga dang bdud bzhi bcom// dri med dag pa'i byang chub sems// nges pa'i don rtogs ngang la mnos// ces nyid kyi don la nyid ngam zhing de nyid la bdud/ rnam par 'dud/ shin tu 'dud nas bdud rtsi mnyam pa chen po dang la bskyod pa med par bzhugs pa la yang dag pa'i don kun tu rtogs pa mchog gi bstod pa zhes bya bas bstod pa/ nam mkha'i mtshan nyid sangs rgyas te// mtshan nyid med pas nam mkha' 'dra// bya ba med pas grol ba ste// bdud rtsi mchog la phyag 'tshal lo// chu zla bzhin du dri bral bas// thams cad rtog pa yongs su spangs// bdag tu 'dzin med rnam par dag/ bdud rtsi rgyal la phyag 'tshal lo// dus gsum chos kyi dbyings su gcig/ bdud dang ngan song gsum las thar// len pa med cing gtong ba'ang med// dri med dag pa'i byang chub sems// bdud rtsi mchog la phyag 'tshal lo// dus gsum sangs rgyas bskyed pa'i rgyu/ khams gsum sems can 'dren pa'i dpal// 'gro ba drug gi sgrib sbyong ba// bdud rtsi rgyal la phyag 'tshal

  532. 266b

    lo// bde ba chen pos kun la khyab// snang med dbyings las thams cad snang // rgyal ba rgya mtsho'o thugs dam mchog/ rnal 'byor srog la phyag 'tshal lo// snying po'i snying po thugs kyi dbyig/ thig le gsang ba'i dbyings nyid dang // srog dang rtsol ba kun gyi dngos// thig le'i dbyings la phyag 'tshal lo// gzugs sku mtshan ma kun gyi gnas// lha dang dkyil 'khor gnang ba'i gzhi// thams cad sgrol byed thugs rje'i bdag/ bdud rtsi mchog la bdag cag bdud// ces seng ge'i sgra rnam par bsgrags nas bstod de// ston pa'i zhal du bltas nas 'khod do// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi lha'i dkyil 'khor du shes pa la mngon par bstod pa zhes bya ba'i le'u ste bzhi bcu dgu pa'o// // de nas de'i tshe bcom ldan 'das bdud rtsi gsang ba mchog gi bdag po chen po spyod yul bdud rtsir gyur pa zhes bya ba des ji srid nam mkha'i mtha' klas pa de srid du 'od zer gyis khyab par mdzad de// rigs lnga dang / rje mo lnga dang / sems dpa' dang / sems ma lcam dral dang / khro bo dang / khro mo skyong byed rnams dang / sprul pa'i tshogs su mdzad de 'khor ba dpyis phyung nas lha'i dbang phyug tu mdzad do// de dag gis

  533. 267a

    kyang 'khor ba la kha bltas pa thams cad/ mdzad pa'i spyod pas ma nor ba'i dbyings la/ bkod de bdud rtsi'i klong du 'bar bar mdzad de/ snod thams cad khyab par dam pa'i ka ba lar mdzad/ bcud thams cad bdud rtsi dam pa/ bcud kyi snying po/ dam pa rnams kyi gsos chen po des kyang 'gro ba thams cad thar pa'i lam la btsud de/ bde ba chen po'i klong la bkod nas sangs rgyas par mdzad de/ de'i tshe log par lta ba'i sems cig thugs rje'i snang ba de lta bus zhing du ma gyur pa dag la/ nyid kyi snang ba de nyid dus kyi me chen po lta bur 'bar/ rab tu 'bar/ kun tu rab tu 'bar/ bsregs// rab tu bsregs/ kun tu rab tu bsregs pas/ lta ba ngan pa de dag sbyangs/ kun tu rab tu sbyangs te/ rigs lnga'i khrag 'thung yab yum bcu dang / rig pa las byung ba'i bu mo brgyad dang / snang ba las byung ba'i bu mo brgyad dang / tshad med thogs med bsdus pa'i bu mo bzhi dang / sa rdzogs pa las kyi pho nya mo bcu gnyis dang bzhi gnyis te/ phyag rgya rdzogs par mdzad nas/ de dag gis kyang phyag rgya mdzad pa mdzad de/ snod kyis bsdus pa thams cad rang byung gi ka pA la mtshan yongs su rdzogs pa'i snod khyad par can du mdzad/ bcud kyis bsdus pa thams cad dug lnga'i gsos/ rigs lnga'i bdag nyid/ bdud rtsi rnam pa lngar

  534. 267b

    mdzad de/ ye shes lngar sangs rgyas so// sangs rgyas par mdzad do// sangs rgyas par 'gyur ro// de'i tshe ston pa chen po dbang sgyur thabs kyi bdag nyid kyi don la nyid dam pa skyes nas 'di skad ces gsungs so// e ma ho rang byung rnam dag bde chen rgyal po dug/ 'joms sman chen po/ khams gsum sems can thar med gcod nyid dam par byin brlabs lhun grub pas/ bde ba chen po mi zad ngang nyid de ltar nyid kyis nyid la don dbang sbyar nas bde chen 'grub// rmongs 'khrul lta ba ngan pas don nyid ma chub don las 'da' med ngo mtshar ho/ zhes gsungs so// de nas bcom ldan 'das mi bskyod pas rdo rje rigs kyi bdud rtsi ngo shes par bya ba'i thabs dam pa 'di gsungs so// hUM/ dbus kyi b+han d+ha'i gzhal yas su// byang chub sems kyi sman sbyar zhing // hUM gi 'phrog 'du sbyor ba las// lhag mthong chen po ye shes kyis// 'jig rten drug gi phyogs bcu na// zhe sdang chen po'i bdud bcom nas// stongs shing zad par rab bsgral te// slar 'dus b+ha na d+ha'i gzhal yas su// mi bskyod rdo rje yab yum bsgom// bdud rtsi byang chub sems chen po// hUM dz+nyA na badz+ra s+tha ra na dza/ zhes gsungs pa la zhe sdang thams cad dpyis phyung / rnam par shes pa bka' bgo bsgyur nas/ thams cad bdud rtsi byang chub sems su gyur te/ rdo

  535. 268a

    rje rigs su sangs rgyas par gyur to// de nas yang bcom ldan 'das snang mdzad chen pos de bzhin gshegs pa'i rigs kyi bdud rtsi dam pa ngo shes shing 'dris par bya ba'i phyir 'di skad ces gsung sa so// A~M/ shar phyogs pan d+ha'i gzhal yas su// dri chen bdud rtsi sman sbyar te// IM gyi 'phro 'du gsal ba las// chos nyid dag pa'i ye shes kyis// 'jig rten drug gi phyogs bcu na// log pa'i gti mug lam gnas pa// stongs shing zad par bar bsgral te// slar 'dus ban d+ha'i gzhal yas su// rnam par snang mdzad yab yum bsgom// bdud rtsi dam pa dri chen po// oM dz+nyA na badz+ra sbar na dza/ zhes gsungs pas// rmongs shing gti mug pa thams cad/ shes rab kyi snang ba bskyed nas dpyis phyung / gzugs thabs kyi dbang phyug tu rol pa mdzad/ thams cad bdud rtsi dri chen por dbang bsgyur nas/ de bzhin gshegs pa'i rigs su sangs rgyas par gyur to// de nas yang bcom ldan 'das rin po che dpal chen pos rin po che'i rigs kyi bdud rtsi ngo shes par bya ba'i thabs kyi mchog 'di gsungs so// sra/ lho phyogs pan d+ha'i gzhal yas su// sha chen bdud rtsi sman sbyar nas// sra yi 'phro 'du sbyor ba las// mnyam nyid chen po ye shes kyis// 'jig rten drug gi phyogs bcu na// nga rgyal gtum po'i lam gnas kun// stongs shing zad

  536. 268b

    par rab bsgral nas// slar 'dus ban d+ha'i gzhal yas su// rin chen 'byung ldan yab yum bsgom// rmad byung bdud rtsi sha chen po// sa dz+nyA na badz+ra s+pha ra na dza/ zhes gsungs pas/ nga rgyal zhi bdag tu 'dzin pa thams cad che ba dang ngar 'dzin pa'i ri bo bcom/ mnyam pa don gyi bde ba bskyed// tshor ba bde ba'i byungs chen por blangs bton nas/ mkha' mnyams kyi thig ler bde yang du bkye/ thams cad bdud rtsi sha chen por ka nas dag par mdzad de/ rin po che'i rigs su sangs rgyas par gyur to// de nas yang bcom ldan 'das 'od dpag med pas pad+ma rigs kyi bdud rtsi bka' nas yin par khong du chud par bya ba'i thabs kyi rgyal po 'di gsungs so// aM nub phyogs ban d+ha'i gzhal yas su// rak+ta'i bdud rtsi'i sman sbyar te// aM gi 'phro 'du sbyor ba las// so sor rtog pa'i ye shes kyis// 'jig rten drug gi phyogs bcu nas// 'dod chags zhen pa'i lam gnas pa// stongs shing zad par rab bsnol nas// slar 'dus ban d+ha'i gzhal yas sa// snang ba mtha' yas yab sum bsgom// chags pa rab 'angal rak+ta sman// oM na badz+ra s+pha ra na dza/ zhes gsungs pas/ log pa'i 'dod chags thams cad bde ba rgyan gyi 'khor lor gting po la/ 'du shes dbang phyug chen por ngam zhing ngo mtshar bar rol pa mdzad/ skye 'gro thams cad bdud

  537. 269a

    rtsi rak+ta pad+ma'i dbyings su rgyas btab nas b+ha ga'i dbyings zad 'phel med pa'i thig le 'du 'phro rgyal ba'i zhing khams su ngang nyid kyis bkod nas/ pad+ma'i rigs su sangs rgyas par gyur to// de nas yang de bzhin gshegs pa don thams cad rab tu grub pas las kyi rigs rgya mtsho'i bdud rtsi ngang nyid du dbye bsring med par dbang bsgyur ba'i rol par bya ba'i phyir 'di skad ces brjod pa mdzad do// ha/ byang phyogs ban d+ha'i gzhal yas su// dri chu bdud rtsi sman sbyar te// ha yi 'phro 'du sbyor ba las// nan tan chen po'i ye shes kyis// 'jig rten drug gi phyogs bcu na// log pa'i phrag dog lam gnas pa// stongs shing zad par rab bsgral te// slar 'dus ban d+ha'i gzhal yas su// don yod grub pa yab yum bsgom// las rnams rab grub dri chu'i sman// ha dz+nyA na badz+ra s+pha ra na dza/ zhes gsungs pas/ phrag dog tu srid pa thams cad/ las rab gsang ba'i dbyings su rgyas btab/ 'du byed rgya mtsho gsang ba mchog tu gnas bsgyur te/ bdud rtsi dri chur rang bzhin gyis mdzad nas// thams cad las kyi rigs su sangs rgyas par gyur to// de nas gsang ba'i rigs kyi btsun mo/ rdo rje kun tu bzang mo la sogs pa lngas dgongs pa mthun pas/ dbyangs mthun pa'i tshig mthun par 'di skad ces brjod do// hUM gsang ba'i chos nyid

  538. 269b

    byang chub sems// ci yang med las cir yang snang // 'du 'phrod khu khrag las byung ba'i// sha lnga bdud rtsi'i mchog yin te// nad sel sman mchog rigs kyi yum// muM laM maM pyaM taM lnga yi/ 'phro 'dus dbyings kyi bdud rtsi bcud// thig le bya brtsal bral ba'i klong // lcags kyu lnga ni rtog bral bcud// muM laM maM byaM taM dz+nyA na badz+ra s+pha ra na du dza/ zhes gsungs pas/ gtsang smer 'byed pa'i nad sel cing // dge dang sdig pa'i las rnams spong // 'grub dang mi 'grub zhen pa ste// rtog sel bcud kyi dam pa'o// de nas yang 'khor rgyal ba'i tshogs 'bum phrag bgrang ba las 'das pas thal mo sbyar te tshig mthun par 'di skad ces smras pa/ e ma bgrang ba las 'das pa/ ra sa ya na yan lag sman// 'phro 'du bdud rtsi dam pa bcud// chos nyid bla na med pa'i dngos// spro dang bsdu bas rnams sbyangs te// lhan ne bas na bdud rtsi bcud/ khu ba dam pa 'gro ba'i gsos// rdzas kyi dam pa byin brlabs te// bcud kyis skye med chos dbyings 'gyur// IM ra swa ya na ga na sta na a mr-i ta gu na sid+hi gar+b+ha kA ya bA ka tsat+ti hUM swA hA/ zhes gsungs pas/ 'khor ba dang mya ngan las 'das pa thams cad chos nyid du la bzlas te/ bdud rtsi dam pa'i bcud du gyur nas/ rigs brgyar sangs rgyas par gyur to// dpal bdud rtsi bde ba chen po zhes bya ba rgyud kyi rgyal po chen po

  539. 270a

    las/ bdud rtsi rigs brgyar shes par bstan pa zhes bya ba'i le'u ste lnga bcu pa'o// / de nas yang sems dpa' chen po shes rab kyis gcod par byed pa zhes bya ba des/ rang gi stan las langs te/ lan brgya stong du mar phyag 'tshal nas gsol ba/ bcom ldan 'das gsang ba bdud rtsi'i bdag nyid/ bdag cag dang ma 'ongs pa rnams la phan gdags pa'i slad du yan lag tha dad pa'i dgos pa dang ting nge 'dzin gyi bye brag rnams bshad du gsol/ brtse bas bshad du gsol// gsos pa'i bdud rtsis bka' stsal pa// bla na med par rab bsgrub cing // sems nyid gting nas tshar gcad phyir// bsgrub pa mchog gi ting 'dzin rnams// yang dag nyid du bshad kyis nyon// mi phyed dad pa bstan byas te// byang chub sems ni gnyis med bskyed// snying khar nyi steng hUM gi 'od// rab 'bar bsregs nas bskyon med bya// kA las sdig pa srin po'i gzugs// mgo lag rkang gsum gsus 'phang skem// gtum po rim par ded nas bza'// kun tu bzang pos bsrung bar bya// bar chad bsrung phyir rab tu gsang // mi rtog don la 'brel pa zhes bya ba'i ting nge 'dzin no// 'khor dang mya ngan 'das pa'i chos// bdud rtsi'i klong du thag gcad de// gzhan gyi rtsol bas mi bskyod par// dam pa'i don

  540. 270b

    la yid ches bya// dper na stobs mchog glang po che// gting mtha' med pa'i rgya mtsho ru// rtsal gyi stobs kyis thogs med 'jug/ de tshe rtsam rtsom sgyu snyom med// bde ba pha rol phyin ltar bya// rkang mthil yaM las rlung dkyil 'khor// thogs med shugs kyis 'gro bar bya// lag mthil baM las chus myur bya'o// spyi bor raM las le lo bsreg/ snying kar laM las sas brten te// de ltar bar chad bsangs nas bsgrub// gnyis med snang ba rgyan gyi ting nge 'dzin no// rtsa ba dang bcas yan lag rdzas// dus bzhir btog brko bcad gtub ste// bdag nyid lha yi sbyor ba 'am// bdud rtsi 'khyil pa'i sbyor ba yis// haM las rdo rje rtse gcig par// 'jor nyid byas te brko ba ni// bzlas pa gong du gsungs pa'i sngags// yang na brtson 'grus lhur bskyed de// gsang sngags 'di yang bzlas par bya// oM ra sa ya na shu pa Ta k+Shi na ha na 'bri ta ku sa ra hUM phaT/ brgya rtsa brgyad zon drungs phyungs te// bar bur nyil ma slar sas dgag/ thal mos bcags te bden pa brjod// rtsom pa don ldan rgyu sbyor ba'i ting nge 'dzin no// rlan med ser bu'i ngad ldang zhing // tsha grangs snyoms par bskams par bya// chos kyang rul sums bam 'gyur bas// bsil bar gyur la nyes pa chung // 'di dag bde bar btsos bskams te// sems can kun la phan par bya//

  541. 271a

    rlung mkhris nad la phan pa bzhin// dug lnga'i gsos su bya zhes pas// snying rje bskyed de go cha bgo/ lha mo btsun d+he pad+ma'i mdog/ g.yas pa mchog sbyin g.yon shing lo// rin chen lding bu la sogs brgyan// snying kar zla stengs tsum bkod de// 'od 'phros bcud bsdus thim nas skam// rkyen tshol dga' ba nad sel gyi ting nge 'dzin to// bskal par bsags pa'i las nyon mongs// ma lus so sor bshags par bya// rab dang 'bring mtha'i gsum gsum dgus// 'bum lnga 'bum gsum 'bum gcig bzlas// rgyal ba mchod bskul de 'dra'o// khri lnga khri gsum khri gcig gdab// mgon po rnams la rgya sde drang // stong lnga stong gsum stong gcig gdon// ris drug la brtse gtor ma sbyin// gal te skal ngan bde chung yang // brgya lnga brgya gsum brgya gcig gtang // lan chags bla phyir bston par bya// rang snying nyi steng hUM 'od kyis// rgyal ba 'khor bcas mdun bkod de// phyag 'tshal bskor zhing rnam gsum mchod// sdig bshags bsod nams rjes yi rang // dam bca' skyabs gsol sems bskyed cing // bdag dbul ba dang 'khor lo bskul// mya ngan mi 'da' gsol 'tshal bsngo// de ltar lam bstan dge ba'i chos// ci nus rgya cher 'bad de bsgrub// 'du sbyor mkhas ldan nges pa gzhi 'dzin gyi ting nge 'dzin no// rdzas kyi dngos

  542. 271b

    po ma lus pa// shun pa ras sam shing lo ru// spungs te nan tan bskyed pa ni// dang po'i dus su bsgrims te bya// a las zlas steng yang bzhag cing // nyi steng raM gyis bsregs par bya// baM ni pad+ma'i steng bzhag bkru// gtor la sogs pa'i gsang sngags ni// raM ag ne ye dza la raM sa ma ya ma sa bi kal pa raM/ baM a ba dz+nyA na bi na kal pa sarba ka tsa la baM/ yaM tra sa ni d+ha ba b+ha shang ka ma tsin d+ha yaM/ brgya stong bzlas pas dngos po sbyang // snga ma'i nyes pa bsal nas kyang // bsam pa skyon med bsngo bar bya// bsreg sbyar 'thor byed 'byung ba rnam gsum gyi ting nge 'dzin to// rdo rje bde gshegs rin po che// pad+ma las kyi gtsor gyur pas// de'i thams cad pa rnams la// nyi zla'i ga 'ur bsil zhing gtad// 'od zer 'bar 'phros sbyangs nas dbye// snod kyi rim pa'ang de bzhin te// bka' stsal zhu ba rim bzhin sbyar// yang dag las la nan tan bya'o// sems dpa' 'phro 'du nyes pa sel byed kyi ting nge 'dzin to// dpal bdud rtsi bde ba chen po zhes bya ba chud kyi rgyal po chen po las/ yan lag gi ting nge 'dzin bdun bstan pa zhes bya ba'i le'u ste lnga bcu gcig pa'o// // de nas yum kun tu bzang mos/ 'khor ba dang mya ngan 'das pa'i chos thams cad thig le'i dbyings su bsdus te/ snang ba dang mi snang ba thams cad thabs dang shes rab kyi dbyings su

  543. 272a

    rgyas gdab pa'i phyir ched du brjod pa 'di brjod do// kun tu bzang mo yum gyi gzhal yas su// thabs dang shes rab ldan pa'i byin brlabs las// snod bcud thams cad bdud rtsi'i rang bzhin te// ye shes chen po'i ngang du rnam dag nas// thams cad bdud rtsi lnga ru byin gyis brlabs// 'bras bu sku gsung thugs su rab bsgrubs te// skye shi med pa'i bdud rtsi chen por bya// zhes gsungs pas bdud rtsi thams cad b+ha ga'i rlan du thim par gyur to// de nas ston pa gsang ba rmad du byung bas rdo rje'i tho ba chen pos dngos po thams cad rlag par mdzad de/ 'di skad gsungs so// shes rab dbyings ma yum gyi gzhal yas su// rgyal ba'i dkyil 'khor ma lus mchog bkod de// thabs dang shes rab ldan pa'i sbyor mchod dang // srid pa mi srid sku gsung gsang ba'o// mchod sprin bla med nam mkha'i mthas klas pa// 'jig bral re ba med pas 'bul lags na// grub pa rnams kyi dam tshig rjes su dgongs// thugs rje dang can rnams kyis bzhes su bsol/ zhes gsungs pas/ dngos po ji snyed pa thams cad dbyings bde ba'i rgyan du bkod de/ lhun stug po la bzhugs so// de nas ston pa bdud rtsi mchog gi rgyal po gsang ba'i yum dang lhan cig tu 'khor ba'i 'gram bting ba'i dkyil 'khor la thabs dang shes rab

  544. 272b

    kyi rgyan gyis klubs te bzhugs nas/ 'khor ba'i btson ra na gnas pa thams cad byang chub sems kyi pho brang du rgyas gdab pa'i ched du/ klong yangs pa'i dkyil 'khor du yi ge lnga'i rgyan bkod/ b+ha ga rgya mtsho'i dbyings su gsang ba don gyi btsun mo'i 'bru bkod de/ gsang ba'i 'od chen po'i 'phro 'dus 'khor ba'i rdzab bskams te/ rdul phrag rab tu brlags te/ rigs lnga'i thig ler mdzad nas ched du brjod pa 'di skad ces brjod pa mdzad do// chos nyid dbyings kyi gtun khung chen po ru// sku gsung thugs kyi rdo rje tho bas brdung // snod bcud bdud rtsi'i bye brag thams cad kun// 'bras bu byang chub sems su rab tu sbyar// ces gsung gcig tu gsungs pa dang / yang ston pa nyid kyis thams cad rgyal ba'i dkyil 'khor rdul phra rab tu mdzad pa'i gsang sngags 'di gsungs so// oM a mr-i ta mus sa la gra he ha na ha na hUM phaT/ ces pas rab tu dga' ba'i cha la reg par gyur to// de nas yum dbyings phyug gi rgyal mos rab tu gsang ba'i gsung 'tsher bag dang bcas pas/ chags pa'i gsung glu drug ste/ sha d+ha ba dang / gar d+ha ba dang // pang ka de'u dang / tsang ka d+he'u dang / tse tso ba dang / zung blung po'i dbyangs rang rang gi skad kyis ji ltar 'dul bzhin// breng nge ba dang / dung nge bar len nge bar len cing gdung ba'i ngag gis smras pa/ ho/

  545. 273a

    bdag cag rnal 'byor ma yi tshogs mchog rab dga' ma// 'dod pa'i dbang phyug b+ha ga'i klong nas rgyal sras bskyed// nga dang bdag med ye shes sgron mas mun sel mdzad// te shang gar ba snying po ze'u 'bru 'od rab ldan// bde ba mchog ni gnas rab rin chen dkyil na brtan// ro mchog ldan pa'i byang chub sems kyis bdud rtsi bskyed par mdzod ho// zhes len cing bskul bskyod kyi rang rang bde ba'i bcud dang rab tu ldan par gyur to// yang 'di skad ces kyang brjod pa mdzad do// skal ldan bdag cag dbang phyug che// rnam par mi rtog don las snang // gar gyi dbang phyug tshogs kyi rgyal// gsang ba'i snying po don gyi bcud// sku gsung thugs ni 'khor lo che// yon tan 'phrin las rmad byung bas// 'gro kun bde ba'i bdud rtsi mchog ho// zhes pas tha snyad tsam yang 'chi ba med pa'i bdud rtsi chen por kho thag bcad nas// rgyal ba rgya mtsho mchod pa dang / mkha' 'gro bskang ba'i mchog dang // rnal 'byor pa'i lam dam par gyur to// de'i tshe rnal 'byor ma chen mo lha dang klu'i rigs su skyes pa mang pos kyang / sil khrog gi sgra dang ca co 'don cing / bdud rtsi don la rab tu ngam nas/ yon tan mang po glur len cing ga zha dang bcas par 'khod do// skyes bu dpa' bos thabs dang ldan pa mang po ni khros pa'i cha lugs su byas te/

  546. 273b

    bstar nas// mtshon cha sna tshogs phyar te/ ba dan dpag tshad tsam pa bsgreng ste/ mchog gi bdud rtsi la bar du gcod cing bcud la rlom pa rnam rig dri ngan ces bya ba la sogs pa rnams tshar bcad de// ha ha zhes pas rnam par rgyal ba'i rgyal mtshan phyar te gnas so// de'i tshe ston pas yang 'di skad ces bka' stsal to// bdud rtsi 'khyil ba'i gtso bo la// mi pham khro gnyer ro la langs dang // ral gcig gsang ba'i khor bcas te// b+ha ga ling ga'i 'du 'phro ru// byang chub sems sogs rigs su dbye// gsang ba dam pa'i thabs kyis su// ma nor lam gyi mchog yin pas// rdul phran tsam yang mi gnas par// byang chub sems kyi kloslong du brtag/ de skad ston pa dpa' bo yis// ma 'ongs pa la phan phyir bshad// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi thig ler brtag pa zhes bya ba'i le'u ste lnga bcu gnyis pa'o// // de nas yang sems dpa' chen pos gsol ba/ bstan pa'i snying po mchog 'di ru// gnang dang mi gnang dbyer med kyang // log par lta ba'i lha ngan rnams// gnang ngam dgag par bya ba lags// de yis mtshon pa'i spyod pa gang // bsgrub pa'i lam la dgod mi dgos// brtse ba bdag cag rnams la shod// de skad gsol ba thugs chud nas// yang dag dpa' bos bka' stsal pa// 'di la gzung

  547. 274a

    'dzin med pas mchog/ spang dang blang bar bya ba med// 'di la gtsang sme med pas mchog/ dag dang ma dag mtshan ma'i mtha'// 'di la lta ba mtho dman med// thams cad thig le dbyings kyi rgya// 'di la gtsang dang sme ba med// kun kyang bdud rtsi dag pa'i klong // gdod nas de ltar zag chod na// yang dag bdud rtsi bla na med// de ltar rtogs pa'i rnal 'byor mchog/ skal bzangs yang dag rnal 'byor to// de nas mchog tu 'gyur mod kyang // yang dag don la ma phyogs pa'i// rtag dang chad pa'i mtha' gnas pa// mur 'dzin log pa'i nga rgyal can// 'dir mi snang bas bsnyig par bya// 'dus dang sil bu'i rnam pa yis// phra rab rdul las grub pa ste// bzhi las bcu drug rnam phye bas// dgra bcom bzhi brgyad lta snyigs te// skabs 'dir dor blang med kyang bsnyig/ rten 'brel don la rab gnas shing // phyogs gcig cha las bdag med 'dod// gcig la gnyis su phye ba bsnyig/ gnyis pa'i cha las rab 'das te// brjod pa ci yang ma yin pas// cir yang mi snang cir ma grub// bcu dang gcig gis mthar grub pa'i// mchog 'dod de yang rnam grol te// de yang yo byad mchod min no// rnam dag skye dang 'gag pa spangs// snying rje chen po las byung ba'i// a yis mtshon te lhar snang ste// 'gro don rdzogs pa'i

  548. 274b

    char snang bas// bskul mchod bzlas pas rdzogs byed 'bring // bdag nyid phyag rgyar gsal ba ni// dpral du bskyed bskul tha snyad rnams// bde ba'i longs spyod rgyan gyi mchog/ thabs dang shes rab chas rdzogs pa// tha snyad dbyings dang ye shes ni// gdod nas gnyis med klong mchog ste// rgyal ba mnyes pa'i bdud rtsi'o// rang snang thabs kyi klong dbyings ni// dus gsum 'du 'bral med pas na// spang zhing blang ba'i dngos gzhi rnams// bdud rtsi klong du thag gcod de// chos kyi dbyings su rgyas thebs pas// dngos po thams cad rang 'byung dbang // 'gyur med thig le dbyings su rdzogs// don gyis de ltar thag chod kyang // rmongs la phan phyin thabs bshad de// sngon brtan rab mdzes lnga po la// nyi zla pad+ma'i thig le lnga// yi ge lnga yi phra bkod de// gtso bo lnga ni dbus su bsngags// wA rA NA si'i gos lnga la/ kha dog tshon gyis rab tu dbye// thig le gsang sngags rigs kyi yab// gtso bo lnga ni dbus kyi cha// yan lag g.yas g.yon de bzhin te// thabs las byung ba'i bdud rtsi bcud// rim par rgyud de klong du dbab// sum mdo rin chen ga 'ur bskyil// yang nas yang du nan tan bya// rang rang 'od kyis kun bkug ste// chos dbyings 'gyur ba med par bstim// de tshe ngag gi dbang phyug gis// brjod pa'i bya ba 'di yin no// IM a mr-i ta bi

  549. 275a

    shud d+he ko pa ya bi shud d+he hUM/ de skad kun rig thams cad mkhyen// bdud rtsi rmad byung sems dpa' yis// rnal 'byor yongs la brtse mdzad de// dri med gsung gis bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi'i dbyings su lta ba ngan pa tshar gcad pa dang / de dag mtshon pa zhes bya ba'i le'u ste lnga bcu gsum pa'o// // de nas yang bcom ldan 'das dgyes pa chen po gsang ba'i dbang phyug dag pas// chos thams cad tshad la dbab pa'i don 'di skad ces gsungs so// nam mkha'i dbang phyug gar khyab pa'i// rdzas kyi bya ba ji snyed pa// nan tan dag gis dbang sgyur nas// 'khrul pas nan gyis btags pa ste// de dag tshad mar bya ba men// brtags pa'i dngos po rnam grangs kyang // de la de yi dngos po med// gang dang gang la gang gis su// kun brtags dngos po dngos la med// de dang de kun gzhan dbang bas// gang yang yongs su grub pa yin// dper na ma ga d+ha yi 'bras// bre yis gcal te tshad phab kyang // gcig nas bsam yas par gyi grangs// gang yang nges par gyur ma yin// gru bzhi zla gam la sogs dbyibs// gcig tu nges pa ma yin te// tha snyad bya ba'i brtsal sems bral// nga dang nga yi bar sems pa// de dag gang yang nges min te//

  550. 275b

    gang dang gang du btags pa min// gcig dang du ma la sogs pa'i// bsam pa'i khyad par gcig ma nges// mngon sum mngon par reg ma yin// rang gi bsam pas las ga la reg/ mi snang rjes su dpog pa yang // rigs par gyur pa ga la yin// bsam 'phel thabs dang gang bral ba// de dag gcig tu ga la nges// brgya byin mang bzhin ma nges pas// gang yang bsam pa'i khyad du bas// dper na drang srong shi la has// ka staM ba ka'i me btang bas// rang nyid bsregs pas nga ro yis// thams cad 'dar ba'i nad kyis 'debs// kyi kra sha yi sbyor ba yis// zhi nas slar yang 'tsho bar 'gyur// de ltar rab tu bshad 'gyur bas// tshad ma'ang nges par ga la 'gyur// tshad ma tshad mar ga la rung // de yis gtan la mi phebs te// ral gri so dang gyad dang khrag/ rang gis rang la nus ma yin// rang rig ye shes gcal ba ste// chos nyid rig pas phab pa'o// de ltar yang dag gcal byas nas// lam mchog gnas 'dod thabs ldan pas// bkra shis mtshan ldan ka pA la 'am// pa hu pa la'i thod pa la/ khu bcud ldan pa'i bdud rtsi lngas// phyi nang byugs te bdug pa ni// tshil chen me mar dag la bya// rdzas kyi dam pa chos nyid klong // nam mkhas khyab pa'i dbyings nyid du// 'khor dang 'das pa'i rdzas rnams kun// lnga'i mtshan ma'ang rab

  551. 276a

    spangs te// bdud rtsi'i zhen pa'ang mi gnas pas// ngo bo nyid kyis dbyings su gzhal// rang bzhin mthur ldan sngags gsungs pa// oM b+ha ba tra Ta ta a mr-i ta sid+d+hi ka ya ba ka tsiSh+Na g+ha rdzi na rbA/ zhes pa gsungs pas/ bdud rtsi chos kyi tshad mas gcal te nges par gtan la phab par gyur to// yang de'i tshe na ye shes lnga'i snang ba shar te rigs lnga'i gzugs dang / gsang ba'i yum dang / sras lcam dral dang / bran pho dang / bran mor mdzad de/ de dag re re las kyang bskal pa'i me lta bu'i 'od zer sna tshogs pas bdud rtsi'i mtshan ma tsam yang mi gnas par bsregs so// sbyangs so// zhen pa bsal te rigs kyi mtha' las 'das pa'i rigs lnga'i phung por mdzad de/ 'od zer gyi dra ba kha dog nyi shu rtsa lnga'am lnga'i sprin dpung dang ldan par gyur to// de'i tshe yum chen mo nam mkha'i dbyings phyug mas/ rang gi b+ha ga'i klong nas byang chub kyi sems blangs te/ thugs kar bzung nas ched du brjod pa 'di gsungs so// hUM/ rnams dag byang chub sems chen po// dkar la 'tsher bas skyon bral// mu tig dri med rgyal ba'i thugs// bya brtsal bral bas chos dbyings gnas// hUM d+harma d+hA du bo d+he tsit+ta sa ma ya s+t+waM hUM/ zhes gsungs pa dang / de bzhin gshegs pa rdo rje mi bskyod pa chen pos/ mi dmigs pa'i rgyan snang ba dbyings su sdud pa zhes bya ba'i ting

  552. 276b

    nge 'dzin la snyoms par zhugs nas ched du brjod pa 'di gsungs so// hUM/ dus gsum rgyal ba'i thugs kyi gter// rang byung bde chen lhun grub che// dag dang ma dag mtha' las 'das// bdag dang bdag gi dbyings su bsdu// au shU n+ya ta dz+nyA ta sang ha ra na hUM/ zhes gsungs so// byang chub sems thams cad brtags pa brang te dbyings su thim par gyur to// de nas yang yum chen mo brtan pa'i dbyings phyug mas/ rang gi dga' ba'i tshal nas dri chen blangs te// dpral bar bzung nas ched du brjod pa 'di gsungs so// oM/ sems las byung ba'i dri chen po// gser ltar 'tsher bas gdod nas dag/ dus gsum bde bar gshegs pa'i sku// skye med byang chub sems su bsdu// oM a ta ri sha ba su ta sa ma ya s+t+waM hUM/ zhes pa dang / de bzhin gshegs pa rnam par snang mdzad dbyings dbang sgyur ba'i snang ba don dang ldan pa zhes bya ba'i ting nge 'dzin la snyoms par zhugs nas ched du brjod do// oM srid pa'i dbyings su rnam dag dpal// thugs rdzi nyid 'od kun la snyoms// gnyis med mtha' dang rab bral ba'i// bdag ste me long lta bu'ang bsdu// oM a dar sha sang ha ra na oM/ zhes gsungs pas// dri chen por 'dzin pa'i cha las rab tu grol te klong chen por dbyer med par gyur to// de nas yang yum chen mo mnyen pa'i dbang phyug mas/ rang gi

  553. 277a

    gsang ba'i dbyings nas bdud rtsi sha chen po blangs te// lte ba khung du bzung nas ched du brjod pa 'di gsungs so// swa/ byang chub sems las byung bas na// sha chen po ni dri ma bral// bai DUr+ya 'dra rgyal ba'i thugs// gnyis med byang chub sems su bsdu// sa man ta maM sa ma ya s+t+waM hUM/ zhes gsungs pa dang // de bzhin gshegs pa rin po che 'byung bas snang ba don thams cad gsang ba'i snying po rab tu mkhyen pa zhes bya ba'i ting nge 'dzin la snyoms par zhugs nas ched du brjod pa 'di gsungs so// swa/ sna tshogs gsang ba'i dkyil 'khor du// zla gsal rtog med nyid 'od 'bar// mnyam pa'i dbyings su ro gcig pas// bdag ste mnyam pa'i dbyings su bsdu// oM sa man ta sa ha ra na swa/ zhes pas/ sha chen po ngar 'dzin pa'i dbyings phyung nas// rnam dag skye 'gag med par son par gyur to// de nas yang yum chen mo dro ba'i dbang phyug mas/ rang gi 'byung gnas kyi snying po nas bdud rtsi rak+ta blangs te/ mgrin par bzung nas ched du brjod pa 'di glengs so// oM/ sems nyid pad+ma rak+ta ste// chags pa dmar smrig rgyun mi 'chad// skye 'gag med pa rgyal ba'i sras// rang byung sems nyid klong du bsdu// oM pra ta be sha rak+ta sa ma ya s+t+waM/ zhes gsungs pa dang / de bzhin gshegs pa 'od dpag tu med pa don gyi snying po rnam par bkod

  554. 277b

    pa'i sgron ma zhes bya ba'i ting nge 'dzin la snyoms par zhugs nas ched du brjod pa 'di gsungs so// oM/ pad+ma 'khyil ba'i ge sar nas// gsang ba'i 'od zer 'bar bas tshim// so sor rtog pas nyi ma'i zer// bdag ste rtog med dbyings su bsdu// AM pra ta be sha sang ha ra na haM aM/ zhes gsungs pas/ rak+ta'i chags pa dang zhen pa thams cad bla med thabs mchog gsang bar dbang bsgyur nas/ gnyis med rtog bral chos nyid dbyings su 'khyil bar gyur to// de nas yang yum chen mo g.yo ba'i dbang phyug mas/ rang gi ga bu'i tog brtsegs pa'i gnas nas bdud rtsi dri chu blangs te/ gsang ba'i dbang phyug nyid du gzung nas ched du brjod pa 'di gsungs so// ha/ dri chu sems las byung bas na// in dra nI la dag pa bzhin// rgyal ba rgya mtsho'i 'phrin las nyid// thog ma'i sems nyid dbyings su bsdu// ha be sha tse ma hA ku ku ma sa ma ya s+t+waM hUM/ zhes gsungs pa dang / de bzhin gshegs pa don thams cad grub pas snang ba'i dbyings de kho na nyid yongs su gsal ba zhes bya ba'i ting nge 'dzin la snyom par zhugs nas ched du brjod pa 'di gsungs so// ha/ rang rig snang ba'i dbyings klong nas don du snang ba'i cho 'phrul nyid// bya ba nan tan 'gro kun sgrol// bdag nyid che bas dbyings su bsdu// oM be krA na sang ha ra na ha/ zhes pas dngos por

  555. 278a

    'dzin pa'i dri chu'i bdud phur thams cad dpyis phyung nas/ gsang ba rgya mtsho'i ngang du dbyer med par gyur to// de'i tshe 'khor ba'i bdud phyin ci log gi 'dzin pa nga'o ba dang bcas te/ chos kyi dbyings bde ba mchog gi rtsi chen por lhun gyis grub ste/ thig le'i dra ba nyi shu lnga dang ldan pa'i dkyil 'khor du gyur to// dpal bdud rtsi bde ba chen po zhes bya ba rgyud kyi rgyal po chen po las/ tshad las bcal te gtan la dbab par bstan pa dang bsdu ba zhes bya ba'i le'u ste lnga bcu bzhi pa'o// // de'i tshe 'khor 'dus pa phal mo che thams cad kyis/ ston pa chen po don gyi mnga' bdag seng ge rnam par 'gyings pa lta bu la rab tu dga' ba'i yid kyis ngo mtshar ba'i tshig mgrin gcig tu bstod pa/ e ma ho ngo mtshar rab tu che bas rmad byung sku// skye med brtsal bral bka' gsang rab tu che// ma gos 'dod pa dpag med dbye/ bsring bral// kun khyab yongs la khyab la phyag 'tshal bstod// mtshan ma'i spros bral mtha' yas 'byung ba'i gzhi// brjod pa'i mtha' bral kun tu gsal bar ston// sna tshogs snang zhing cir yang zad pa med// tshangs pa'i sgra dbyangs gsung la phyag 'tshal bstod// stong nyid dbyings las sna tshogs cir snang yang // 'khor dang 'das nyid yang dag gling // so sor ma 'dres thabs kyi dgos 'dod kun nas

  556. 278b

    skoslong // nan tan 'gro kun sbyong la phyag 'tshal bstod// so sor ma 'dres khyab pa'i kha dog gsal// rab bstan gdan la cis 'dul mtshan ma 'dzin// byang chub sems las lhun grub rab tu yangs/ khyab pa'i yon tan mchog la phyag 'tshal bstod// dngos po thabs kyi zhi zhing bsod nams rgyas// 'khor ba dbang sdud nan tan thabs kyis sgrol// mdzad pa mi mnga' 'khor ba stongs par mdzad// 'phrin las thabs kyis sbyong la phyag 'tshal lo// 'khor dang mya ngan 'das pa'i bdud rtsi dbyings// dug sel sman pa che mchog rdzogs sangs rgyas// 'khor ba'i gcong 'byin ye shes gsal ba'i 'od// rang snang bdud rtsi mchog la phyag 'tshal bdud// ces thabs chen po dang ldan pa'i dbang phyug la stod do// rab tu bstod do// mngon par bstod do// legs par bstod do// dgyes par bstod do// ngam zhing ngo mtshar ba'i dbang phyug la bstod pas rab tu dges par gyur to// dpal bdud rtsi bde ba chen po zhes bya ba rgyud kyi rgyal po chen po las/ ngo mtshar rmad mchog tu bstod pa'i le'u ste lnga bcu lnga pa'o// // de'i tshe de'i dus na sangs rgyas kyi bstan pa la bar du gcod cing nub par byed pa'i bdud ru tra nag po zhes bya ba/ sangs rgyas kyi bstan pa gang dang gang na gnas pa der rab tu bar du gcod cing gnod par byed pa mi bzad pa chen po zhig

  557. 279a

    byung ste/ de yang rang nyid kyi rang la nga dang bdag tu brtags te/ gzung 'dzin gyi rtog pa brtags pa las byung ba'i gnod sbyin chen po sha treng ka sha ri ka zhes bya ba/ mi'i lus la seng ge'i mgo bo can cig byung ste/ de yang lhan cig skyes dang bral ba yis// ma rigs mun pa'i rum 'khyams te// log par brtags pa'i 'khrul ba yis// srid pa'i kha lo log par 'khor// de tshe log pa'i mkhan po yis// shes pa skyon gyi rgya mor bcug/ yang nas yang du zhen pa yis// sa bon srid pa'i gnas na 'khyams// de nas las kyi 'phen ka yis// grangs med rtsub mor yang dang yang // srid pa'i bdud du gyur nas su// lha dang mi yi srid brlag ste// thams cad log pa'i lam btsud nas// sangs rgyas rgyal srid rlag par byed// de yang dang por mun pa'i 'khrigs chen po las gsal ba'i shes rab bsgrigs te/ don gyi rgyal srid chen po brlags cing / bdud rtsi'i chu ba rka bgo log nas/ shin tu skyi g.ya' ba'i gnas su/ brdegs gtsog pa dang / gshag gtub pa dang / gsad gcad pa dang / btso bsreg pa dang / 'bub gan pa dang / grang 'khyams pa dang // gas skrangs pa dang / rul myags pa la sogs pa'i sdug bsngal dpag tu med par/ bskal pa bgrang ba las 'das par nyam thag par gyur te/ rang gi nyes byas rnams rang la

  558. 279b

    bgrang zhing kyi hud ces 'gyod par byed do/ khams de na sde dpon chen po chos kyi rgyal po zhes bya ba bzhugs te/ des de dag la bsgo ba/ rtog pa med las rnam brtags te// srog gcod la sogs las ngan pas// bco brgyad khams na nyen pa dag/ las de 'khrul pa ltas pas nyes// rgyud dang rkyen bral sems nyid ni// bde dang sdug bsngal tha snyad bral// legs dang nyes pa las grol ba// sems las mnyam par gzhag na grol// ces pas/ de dag gis brtags pas/ sdug bsngal de dag las thang cig gis grol te// yi dwags chen po lus gcig la mgo brgya pa dang // mgo dang yan lag mang po can dang / mgo gcig lag pa gcig pa dang / lus dang mgo ri rab tsam la/ yan lag rnams shin tu phra ba dang / lte ba dang khog khyim yul ljongs tsam la/ dbang po rnams yungs kar tsam la/ bza' ba btung ba la yang dbang med cing bsrungs pa dang / dug dang / me dpung dang / mtshon char mthong ba'i gnas su yang bskal pa tsam du rang la rang sdug bsngal zhing rang la rang 'o dod 'bod cing 'gyod par byed do// de'i gnas de na bza' btung la rang dgar dbang byed pa'i sde dpon chos kyi sgon ma rab tu 'bar ba zhes bya ba gnas te/ de nyam thag pa de dag la/ de dag rang gi skad kyis gdams pa/ ser sna phrag dog gis bcings te// lta

  559. 280a

    ba rmongs pas rang ma shes/ khams gsum 'byung las ma gro bas// shin tu nyam zag yi dwags rnams// rang sems dag pa'i ngang nyid las// 'jungs pa'i dngos po ga la srid// de nyid 'dod pa'i gzhir gyur pas// rang gi rang rig rnams grol ba'o// zhes gdams pas 'jungs pa de dag gis rang gis rang nyid la brtags pas rnam par grol te/ de bas bags kyis bde ba'i byol song blun lkugs can du 'phos te/ res kyi phag pa dang / lu 'di dang / khyi dang / phar ba dang / sre mong dang / byi la dang / wa dang / spyang ki dang / bya rog dang / 'ug pa dang / khra dang / khra sems shes dang / skye ga dang / byan lag dang / dom dang / dred dang / stag la sogs pa'i sems pa'i sems can sha khrag la dad cing srog gcod par byed pa/ khro zhing gtum par skyes te/ skye ba re re zhing yang lo du ma lon pas nyam thag pa'i sdug bsngal myong ste/ gcig la gcig gsod cing za bar byed do// mtha' mar phag mo ltos 'gro zhes bya ba lus bong rab tu che ba/ rkang lag lus khyab par skyes kyang lus 'degs par mi nus pas/ 'gro bar mi nus pa/ lto rab tu che zhing sdug bsngal rab tu che yang zas btsal dka' bas tsher lhang zhes sgra skyi g.ya' ba 'don pa/ mche bas spu zad de gcir bur gnas pa'i spu'i bu ga re rer yang sems can phra mo gzhan mang po'i mchu

  560. 280b

    btsugs te/ khrag dang / chu ser dang / rkang yan chad 'jib par byed pas na tsha'i sdug bsngal bzod par dka' bas gdungs te/ skyi g.ya' ba dang / lus la dri nga byung bas dpag tshad du yang sems can gzhan gnas par mi nus te 'bros par byed pa zhig tu skyes te/ lus de lta bu zhig par mi phod cing yun ring bar gnas par 'dod pas gzhan pas de za bar 'dod de nyon mongs pa lnga char song bar byed do// de'i tshe/ gnas de na sems can chen po seng ge zhig bde bar gnas te/ byams pa'i lta bas phag de la mi 'gyur bar bltas nas/ rang gi skad kyis smras pa/ bde ba'i rgyun dang bral ba yis// sems can rmongs shing nyam thag pa// rang gi nyes pa bsags pa yis// rang la rang nyid gnod byas pa'o// rang sems nam mkha'i snying po la// glo bur sprin gyis rab g.yogs te/ khro mon nang 'khyams snying rje'i yul// rang snang blo la gsal na grol// phag des smras pa/ bdag ni lus dang sems gdungs te/ nyam zag 'phongs par gyur pa la// sha khrag zas skom gtam med par// dgos med sems gtam ci zhig bya// zhes glengs nas// rna ba bkab ste gnas pa las 'chi 'pho bar gyur to// de nas las drag po de dag gis 'tshams nas/ skye ba blangs pa ni/ de bzhin gshegs pa seng ge rnam par rol pa'i sgra dbyangs zhes bya ba'i zhing khams su//

  561. 281a

    'byung po gnya' dreg can zhes bya ba'i bur skyes te/ dpa' rtsa dang ldan pa'i skyes pa'i cha byad can/ sems can che phra thams cad kyi srog 'phrog pa/ gzhan yang kun la gnod pa sna tshogs pas gnod par byed pa cig tu skyes nas/ de'i drung du de bzhin gshegs pa seng ge rnam par rol pa de gshegs nas gsil byed sgrogs te bka' stsal pa/ bdag med pa la bdag bzung ste// rtsa bzhi yan lag bcas spyad pas// mnar med skyi g.ya' bar skye ba'ang // rtog na nam mkha'i rdul bzhin du// gos med rnam pa dag par 'gyur// las kyi rnam smin mi bzad de// thabs mkhas thugs rje dbang bsgyur na// rnam grol bde ba'i 'bras bu ni// rim nas rim gyis grol bar 'gyur// zhes gsungs pas/ skyes pa des slar la smras pa/ rigs btsun gzugs bzang rtsal ldan pa'i// bdag ni thog ma med nas gnas// nam du'ang 'pho bar mi 'gyur te// bdag 'dra gzhan na yod ma yin// las kyi rnam pa ci spyad kyang // nam mkha'i rdul bzhin nyes med pas// thams cad spyad pas rang nyid grol// ces smras nas/ sems can srog dang ldan pa thams cad ni bsad/ mo'i dbang po dang ldan pa ma lus pa la spyad/ pha rol gyi longs spyod thams cad ni phrogs/ brdzun tshig thams cad ni ji skad kyang smras pas bslus te brlag par byas pa la sogs pa mi

  562. 281b

    dge ba sna tshogs pa spyod cing gnas pa las 'chi ba'i dus bya'o// de bzhin du las sna tshogs 'tshams sbyar zhing / sems can nyon mongs pa can dpag tu med par skye ba bskyud de/ tha mar ni 'jig rten gyi khams 'di nyid du skyes pa 'di lta ste/ srin po'i yul lang ka pu rang zhes bya ba/ pha srin po 'bu te ka sha ri wang zhes bya ba dang / srin mo za 'gram rab tu myos ma zhes bya ba gnyis chags sdang gis rab tu 'khrigs pa las byung ba'i bu/ rab tu nga rgyal che ba zhig tu skyes te/ gzir rab tu 'bar ba/ yan lag dang ldan pa/ kha mche bas gtams pa/ yan lag gi sen mo bya kang ka'i ma mchu lta bur skyes pa/ ba spu thams cad phag pa'i spu lta bur skyes pa/ mig me tog ka shi ka ltar zlum zhing 'bur ba la mdog khrag tu 'dug pa/ pags pa 'thug la gnyis mas 'khrigs pa/ dri rab tu mi zhim pa zhig skyes te/ yun ring po ma lon par pha 'chi ba'i dus byas te/ ming do bu shar sha ka de ba zhes btags so// de nas yun mi ring ba zhig na/ ma khrag tu bu ga dgu nas 'khru skyug cing 'chi ba'i nad drag pos btab ste/ 'o dod 'bod cing smras pa/ bu 'di dang por rum ru 'jug pa'i dus na yang snying phyung ba 'am yan lag gtubs pa snyam byed// mngal na gnas pa'i dus na yang lus 'gas pa snyam byed cing na bar gyur/ yun yang bdun phrag bzhi bcu lnga lon te ring du

  563. 282a

    gnas/ skyes pa'i dus su yang mun par 'khrigs te/ thog dang / ser ba dang rlung dmar dang / bu yug mang du byung ste skar mda' yang sa la lhung / yul khams su yang rims nad drag po dang / sad dang / mu ge byung / 'khrul pa yang langs/ ring po ma lon par pha yang shi/ nga yang khrag 'dzag cing na bar 'chi bar nges te/ ltas 'di dag sbyar na/ 'dis 'jig rten gyi khams phung bar nges pas nga'i ro dang mnyam du dur khrod du skyol cig ces bsgrags so// de nas za 'gram rab tu myos ma de shi bar gyur to// yul de na gnas pa'i mi rnams kyis ma de'i ro shing khyogs la blangs te dur khrod du ro zas dang bcas nas bskul lo// srin bu 'bu rang ka zhes bya bas/ srin bu phru gu de lag nas bzung ste smras pa/ yul khams 'di rab tu rung ba zhig las da mi bde bar gyur la/ pha dang ma yang shi ste da bur gyur nas gso ba yang med pas mnyam du shi bar rung ngo // zhes zer nas khrid de ma'i ro drung du bzhag go/ de nas zhag gsum lon nas bltas na/ srin bu de ma'i ro de'i nu ma nas bzung ste 'jib cing gnas te/ shes pa snga ma bas rags par mthong ngo // de nas yang zhag du ma lon nas bltas na/ ro de'i khrag dang chu ser thams cad 'jibs nas 'tsho ba byas te shes pa yang gsal rab tu gyur to// de bzhin de nas nu ma gnyis zos so// shes pa yang

  564. 282b

    de bzhin no// de nas nang khrol dang sha byin zos te/ rus pa tsam du lus pa'i byang khog tu gnas bcas te// shed rdzogs nas dug lnga'i mtha' la gnas te khams gsum la gnod pa bya bar sems so// yang dur khrod kyi ro thams cad zos te sha dang / rus pa dang / khrag dang / chu ser dang / rkang dang / klad pa dang / klad rgyas dang / rgyu ma dang / mchin pa dang / glo ba dang / snying la sogs pa'i nang cha thams cad la ci dga' bar longs spyad de/ pags pa thams cad kyang bshus te/ g.yang gzhir byas te gyon/ dur khrod de na gnas pa'i glang po che smyon pa dang / stag sha zan dang / sbrul gdug pa can rnams thogs pa med par gson por bshus nas stod g.yogs dang / ldi bu dang / slad g.yogs dang / sor gdub dang mi mang po'i mgo bo dang sems can de dag gi mgo bregs pa phreng bar byas de thod da se ral khar thogs te rgyan du byas/ dpung pa gnyis las gshog pa skyes pas nam mkha' la yang thogs pa med par phur bar byed pa/ rus pa khregs pa dang khrag dang zhag gis lus mgo zhabs khyab par byugs nas/ tri shu la dang thod sgyoskyogs thogs te gnas so// dur khrod de na rtag tu gnas shing chags pa la rab tu mos pa'i sri mo 'bu ti ka shwa ri zhes bya ba dang lhan cig tu/ ro gsar rnying gi khri la 'gying tshul du gnas te/ spyod pa ngan pa

  565. 283a

    'ba' zhig byed do// gzhan yang dur khrod de na gnas pa'i srin po pho mo dang / gnod sbyin dang / sha za dang / 'phra men ma dang / ma mo la sogs pa mang por gnas pa 'bum phrag bsam gyis mi khyab pa rnams dbang du bsdus te/ bran dang / bran mo dang / pho nya dang / g.yog dang / yang g.yog tu byas te/ de dag kyang gdug pa'i sems dang bcas pa 'ba' zhig go/ gzhan yang dur khrod de na gnas pa'i khyi dang / sbrang ki dang / lce spyang dang // phar ba la sogs pa'i gcan gzan sna tshogs dang / kang ka dang // 'ug pa dang / khra la sogs pa'i 'dab chags sna tshogs dang / ma he dang / glang dang / glang po che smyon pa dang / rnga mo la sogs pa yang / gcong ro'i sgra 'don par byed pa rnams kyang de'i longs spyod du byas te gnas so// yul khams de'i nam mkha' las kyang sprin dmar nag 'thug po 'khrug cing / ser ba dang bu yug 'tshub cing 'brug sgra drag po grags pa dang // glog kyang cher 'khrugs cing / sa gzhi yang g.yo bar byed do// dug shing gdug pa can/ tsher ma'i dpal rnon po can sna tshogs pa'i nags dang / khrag dang / rnag dang / zhag gi rdzing che gra nas/ chu srin dang / rus sbal sogs pa 'phyo bas kyang bskor te gnas so// drag po de'i mig g.yas pa nas zla ba lta bu'i zer 'phro ba las grang ba'i nad sna tshogs gtong ba/ g.yon

  566. 283b

    pa las nyi ma lta bu'i zer las tsha ba'i nad kyi rims sna tshogs gtong ba/ sna bug las rlung nag gi dkyil 'khor 'phro bas thams cad kyi srog 'phrog par byed pa/ ba spu'i sgo re re nas kyang srin bu ma du pe ra dang / tri sha ka dang / ru tse rkang 'jib dang / na ku re na pa dang / 'be' lu sha zan la sogs pa bsam gyis mi khyab pa byung bas/ sems can gyi bsam pa la bar du gcod cing / skrangs pa dang / shu ba dang / lhog pa dang / 'bras dang / phol mig la sogs pa gtong bas rlag par byed pa 'gyed cing gnas te/ de'i tshe srin bu de'i ming yang bdud ru dra nag po zhes bya bar btags/ 'bu ti shwa ri ni srin mo kro d+hi shwa ri zhes btags te rang bzhin nyid khros bzhin du gnas so// de'i tshe srin po des khros bzhin du tshigs su bcad de smras pa/ khams gsum snod bcud nga yi zhing // 'dod pa'i dbang phyug bdag nyid las// 'jig rten gzhan na'ang yod ma yin// de bas dbang phyug bdag nyid mchog/ 'dod pa'i dngos po 'di 'dra ba// dge sbyong gis kyang thob dkar na// lha mi phal pas smos ci dgos// des na nga yi thabs mchog 'di// 'gro kun yis sgo ba nyon// ces smra zhing 'gro ba thams cad log pa'i lam du btsug de phung zhing srid rlag par byed do/ zhes zhing khams thams cad du yang grags par gyur to// dpal bdud rtsi bde ba chen po zhes bya

  567. 284a

    brgyud kyi rgyal po chen po las ru dra'i skye rgyud dang snying rje'i yul bstan pa zhes bya ba'i le'u ste lnga bcu drug pa'o// // de nas 'khor 'dus pa de'i nang nas tshangs pa chen po gtsug phud 'dzin ces bya ba langs te/ ston pa dang / 'khor ba dang / mya ngan las 'das pa thams cad la gad la khyab chen por bzhugs pa'i rgyal ba thams cad la phyag 'tshal nas/ lus kyi bag bzhi sa la brdabs te/ tshigs su bcad de gsol ba/ gad la khyab chen po'i zhing khams na// bgrang du med pa'i bde gshegs rnams// dbyer med ngang las ma g.yos kyang // thugs rje lhun grub dgongs su gsol// dbyer med ngang du sangs rgyas kyang // rkyen dang ma ldan bdag rmongs shing // dug lngas gzir ba'i dbang gis 'khor// chags sdang dbang gis bskyangs pa'i bdud// ru dra nag po zhes bya 'dis// sangs rgyas bstan pa nub byed cing // 'gro kun log par kha bsgyur ba'i// ngan par 'joms pa'i ded dpon 'di// dus 'dir kha lo ma 'gyur na// 'khor ba rgya mtsho gting rings nas// byang chub myu gu rtsa bskams te// thugs rje ste chad kyi hud kye// mi rtogs bzhengs bzhugs mi mnga' yang // 'gro ba yongs la brtse slad du// gzugs kyi ci dgar don mdzad gsol// de skad ces gsol ba btab pas/ nam mkha'i mtha' klas pa'i zhing khams na

  568. 284b

    sangs rgyas dang / sems can gyi ris bsam gyis mi khyab par khyab gdal chen por bzhugs te/ mnyam pa chen po'i dbyings kyi ngang las ma g.yos pa rnams/ gsol btab pa de tha mi dad par thugs su chud nas/ de'i dbyings las ma g.yos bzhin brtse ba med pa'i snying rje cher skyes te/ snying rje sngon du song bas rje ba med pa'i mthar phyin to// des bskyod de yi ge'i cho 'phrul du mdzad pa ni dang po'i yi ge ste a'o// de las 'dul ba'i dbang gis snang ba ni nam mkha' rdo rje dang / rlung rdo rje dang / chu rdo rje dang / sa rdo rje dang / me rdo rje dang / brtan pa'i rdo rje dang / gzungs rdo rje dang / 'jam pa'i rdo rjer gyur te/ sprul pa'i dbang po brjod kyis mi lang ba'i snang ba shar te bzhugs so// de dag kyang chos mnyam pa nyid kyi dgongs pa las ma g.yos bzhin du thugs rje chen pos g.yos nas gcig la gcig 'di skad ces gleng ngo // dus 'dir byung ba'i 'byung po 'dis// 'gro kun log pa'i lam du khrid// ngan song gsum gyi dpung bskyed nas// dkar po'i rgyal srid rab tu nyams// chos kyi chab srid gdon pa'i phyir// pho brang gnas nas kun bskyod de// gdan tshoms nan tan bskyed par mdzod// cis 'dul thabs kyis 'gro 'di sbyong // zhes gsungs bsgrags nas/ chos kyi dbyings kyi pho brang du// thams cad tshogs nas bka' bsgos pas/ ngan

  569. 285a

    pa'i ngan tshul can gdul bar bcad de/ don mnyam pa nyid kyi dbyings las de bzhin gshegs pas 'jam dpal la bsgo ba/ khyod ni shes rab stobs ldan pas// thams cad mkhyen pa'i rtsal dang ldan// 'di la ci 'dul dgongs mdzad de/ gang gis 'dul ba'ang bshad du gsol// 'jam dpal gyis gsungs pa/ 'di ni dus 'dir gshegs pa yis// 'gro ba'i kha lo sbyar ba'i bdag/ shAkya'i dbang po thub pa'i gtsos// bden pa'i lung gis rgyud bkrol te// yang dag bden pa'i lam du chug/ de'i tshe bcom ldan 'das shAkya thub pas/ seng ge'i brjid bag gis zhing khams thams cad du bltas te gsungs pa/ snyigs ma dang bcas 'jig rten 'dir// nga byung nga yi bstan pa la// drag po las ngan 'di lta bu// log sreng can gyi sems can 'di// thugs rje thabs kyi bdag nyid ngas// bden pas yang dag lam du gzud// ces gsungs nas chos gos phrag pa la gzed de/ gsil byed dang par pu bsnams te/ ngang pa'i 'gros kyis ma la ya'i dur khrod du gshegs nas/ gsil byed gsil te se gos gtogs nas gsungs pa/ chos rnams rgyu las ma byung med// rgyu de de bzhin gshegs pas gsungs// de la 'gog pa gang yin pa// dge slong dam pas nges par gsungs// sdig pa kun tu mi bya zhing // dge ba'i longs spyod rgya cher

  570. 285b

    bya// rang sems btul na shin tu dge/ 'di ltar bde gshegs rnams kyis gsungs// ces gnyis dang gsum du dgongs te bka' stsal pa las/ log pa'i sems can des rna ba gnyis lag pas bkab ste// slar la smras pa/ de kun bdag gis chos min te// nga ni srid pa'i dbang phyug che// nga yi bla na gzhan med pas/ khyod kyis nga ni ga la 'dul// nga yi 'dod pa'i longs spyod la// ci dgar spyod la drung 'dir gnos/ yun rings 'dug par mi spro na'ang // sha tshil rkang sogs zo la song // bka' stsal pa/ ma khengs gus pa'i tshul gyis nyon// srog bcad tshe yi bar chad 'gyur// longs spyod chen po phrogs pas brlag/ de sogs rnam smin bsam mi khyab// de dag spangs na bde 'gyur te// del 'byor ci dgar rnyed par 'gyur// slar gsol ba/ 'dod pa'i bde ba thob dka' ste// nga la ma gtogs gzhan na med// 'di 'dra thob par mi 'dod na// rang gnang song la dkar thub srubs// de yis bde bar mi nus kyang / khyod nyid mos pa ci dgar gyis// ces smras so// de nas yang bka' stsal pa/ yang dag bden pa'i chos bshad de// ma nor lam du btsud pa las// phan pa'i tshig la mi nyan pa// dpa' bo rdo rje 'dzin pa yis// dbang med nan tur drag pos su/ skad gcig nyid la khyod brlag 'gyur/ yang drag po des/ rdo rje 'dzin pa

  571. 286a

    zhes pa'i gsung thos ma zag tu spyi bung zhes byed nas smras pa/ de su zhig/ bka' stsal pa/ sangs rgyas thams cad kyi mes chen po// rgyal ba yongs kyi mnga' bdag/ dregs pa can ma lus pa'i gnyen po'o// de'i rigs ci zhig/ de ni rigs thams cad kyi bdag nyid do// de sa phyogs gang na gnas// de ni nam mkha'i dkyil 'khor na/ sangs rgyas bkod pa dang / sems can gyi ris thams cad du khyab par bzhugs te// de ltar kyang khyod nyid kyi drung kho na'o// de las ci zhig byed// de ni sems can thams cad 'khor ba'i ro gling nas nyon mongs pa'i zas g.yengs te chu bo chen po bzhi las thar pa'i dus med pa las bsgral te/ byang chub kyi skams sar 'don par byed do// de yun ji srid cig ga nas gnas// de ni log pa'i srid pa 'di ma byung ba'i sngon nas 'byung ngo // de yun ji srid cig tu gnas/ 'khor ba 'di ma stongs kyi bar du gnas so// de nas dogs pa dang bcas pas ya lad sna tshogs gyon te gnas so// bcom ldan 'das kyang gzugs kyi sku mi snang bar mdzad do// de nas rgyal ba'i dkyil 'khor thams cad kyis bka' bgros pa gsung gi dbang phyug spyan ras gzigs zhes pa de la bsgo ba/ thugs rje mchog dang ldan pas na// 'gro ba kun la rab tu brtse// spyod pa mchog gis 'di gzung ste// lam mchog dpal dang ldan

  572. 286b

    par khod// ces bskul ba dang / thugs rje'i bdag po des snying rje chen po bskyed de// mtshan dang dpe byad du ldan pa'i sku mngon du bstan nas phyag las bdud rtsi'i char phab ste/ bdud ru dra 'khor dang bcas pa'i zas thams cad kyi ro bsgyur nas zar bcug pa las/ bdag cag gi zas ro mchog dang ldan pa nad thams cad sel ba las/ 'di 'dra ba'i zas ro dman pa 'di bdag cag rnams kyi skal ba ma yin no zhes bsgrags so// yang nyid kyi sing nga'i gos reg na bde zhing yang ba phud nas/ ru dra'i gos tsha zhing mkhrang ba de nyid na bzar byin gyis brlabs kyang / de dag rangs par ma gyur te/ nged kyi gos dro zhing lci ba las// 'di 'dra ba grang ba seng ba yang 'di 'dod pa ma yin no zhes zer to// de bzhin du rgyan dang / spyod pa dang / khri stan la sogs pa bsgyur yang ma mos te/ slar la smras pa/ sgyu ma lcam bu thabs la re// ngag 'jam thams cad slu ba khyod// smra byed ngag la nga mi nyan// nga yis gnod pa ma byas par// sgyu zas la brten bde bar gnos/ ces smras pa dang / 'phags pa spyan ras gzigs kyis gar mkhan bzhin thabs kyis sprul te/ dpal pad+ma gar gyi dbang phyug chen po zhes bya ba/ rdo rje rta'i mgrin pa can du mdzad/ thams cad dbang du sdud pa'i byin rlabs mnga' bas/ hri zhes rta'i gad mo chen pos srid pa thams cad g.yo

  573. 287a

    par mdzad de/ stabs chen po drag tu bskyod pas dkrugs/ rab tu dkrugs/ shin tu dkrugs te/ ba spu'i bu ga thams cad nas rdo rje'i tsha tsha rno la myur ba 'thug cing 'khrug pa'i 'od kyis bdud sa gzhi dang bcas pa bsregs shi la thug pa tsam du byas kyang / 'di snyam du 'di bas bdag grang bar gyur na bde zhes sems pa dang / khro bo de'i bu ga nam mkha' tsam re re nas/ chu'i rba rlabs rab tu g.yos pa/ 'ur 'ur zhes drag po'i sgra grags cing bab pas/ bdud sa gzhi dang bcas pa rab tu g.yengs te/ so tham tha ma zhes byed cing / 'dar yid yid gnas pa las/ bdag tsha ba dang grang ba 'di dag pas ni/ bdag gsil 'jam du gnas pa'i phyir ri ma la ya'i rtse la 'gro ste/ dur khrod kyi gnas dgon par gnas la cha mnyam par bya'o// zhes bsam pa dang / rdo rje khro bo chen po de'i sna bug nas/ rlung gi dkyil 'khor bu yug chen po g.yo bar byed pas de g.yengs shing brdabs te/ khas bub dang gan rkyal du 'gyel zhing bu ga thams cad nas khrag tu skyugs pas brgyal bar gyur pas shi ba tsam la thug kyang log par lta bas dge ba'i ngang tshul med de khengs shing dregs pas 'di skad ces smra'o// dbang phyug nga yi nye 'khor na// bde ba ro yis gang 'gyur te// gtsam bu sgyu yi 'khor lo can// gtum tshul ston byed khyod 'dra bas// bdag ni

  574. 287b

    nyen par 'gyur ma yin// khyod rang gnas su song gyis la// 'dod pa'i yon tan rnams la spyod// nga ni khyod kyi dbang mi 'gro// bdag gi srog ni chad 'gyur yang // lta ngan khyod la mi dad pas// 'on te rang gnas mi deng na// 'dir 'dug nga yi spyod pa spyod// bu yi tshul du drung por bya// zhes smra zhing 'dul bar ma gyur to// de'i tshe sprul pa'i dbang phyug chen po des zhing khams yongs su bkod par gshegs te nyid kyi sku mi snang bar mdzad do// de'i tshe nam mkha' lta bu'i dbyings rnam par dag pa'i klong nas/ ma g.yos bzhin du sems snang ba'i rgyal po'i thugs rjes dmar thag ma bcad pas bskyod de/ thabs thams cad kyi rtsa ba hUM dmar gnag dus mtha'i me lta bu rab tu tsha ba'i 'od zer dang bcas pa las/ rab tu rno ba'i 'od kyis thams cad du snang zhing khyab par mdzad de/ bdud chen po de'i 'khor bred par byas nas rang dbang med par de'i 'khor nas phrogs te/ tho bas bcom nas phyogs bcur gdan du gting ste/ gan rgyal dang kha bub tu bting ngo // de nyid kyang 'di snyam du bdag gi 'khor 'di dag nga bor nas rang rang gi bde ba la chags pa ni cang ma yin na'ang / 'di dag 'di bor nas nam mkhas khyab par khas bu ba dang gan rkyal du 'dug pa 'di ci ma rung zhes sems par gyur to// de nas rab tu tsha ba'i 'od de las de dag gi steng du

  575. 288a

    snang ba ni rnam par rgyal ba dang / gshin rje gshed po dang / rta mgrin dang // bdud rtsi 'khyil pa dang / dbyug pa sngon po dang / mi g.yo ba dang / 'dod pa'i rgyal po dang / khams gsum rnam par rgyal ba dang / stobs po che dang / hUM mdzad la sogs pas/ rab tu khros pa'i cha lugs can/ mtshon dpal rab tu rno ba du ma thogs te/ so sor bsnol te snga ma bzhi mnan nas 'gyel ba ltar gnas par mthong ngongo// de'i tshe ru dra de 'di snyam ltar sems te/ 'jig rten 'di na nga las dbang che ba gang yang med pa las/ nga'i 'khor phrogs te gnon pa 'di nga'i tshul ma yin pas/ 'di dag nga'i 'khor rnams kyi gtso bo she shang ka drag po dang / ke sna ka ru tra dang / bu ru bag sha dang / ya ma sin du dang / lo ha ru sha la sogs pa chung ma dang bcas/ slas dang bcas/ byi mo dang bcas/ bran mo dang bcas/ yang bran dang bcas pa rnams dregs pa'i dbang gis thams cad gdul bar bya'o zhes bsgo ba dang / de dag gis kyang rang rang gi khro gnyer dang / mtshon cha dang / rngam stabs kyis gdul bar bsams pa las/ ye shes kyi 'od 'bar ba las byung ba'i// badz+ra he ru ka dang / bud d+ha he ru ka dang / rat+na he ru ka dang / pad+ma he ru ka dang / karma he ru ka dang / de dag gi yum dang / ke'u ri ma brgyad dang / sing nga ma brgyad dang / gdong mo bzhi dang /

  576. 288b

    rngam tshul la sogs pa re re la yang rdul phra rab kyi grangs dang mnyam pas/ dur khrod kyi rgyan gyis brgyan cing / ye shes kyi mtshon cha du ma thogs te/ 'phen pas btul te/ nga rgyal dang bral bar byas te/ khro bo rnams kyi gdan la bzhugs so// de nas yang bdud chen po de 'khrugs te/ rab tu yang zhe sdang skyes nas/ 'di 'dra ba'i sgyu ma mkhan zhig bdag gi yul khams 'dir byung bas/ bdag gi dmangs mang po dang / blon po dang / sde dang bcas pa dbang du byas te/ log pa'i lam du khrid nas bdag gi stongs su ma gyur pas/ da ni bdag gi cha lugs ltar la 'di phung bar ma byas na khams 'di rlag par 'gyur ro bsams pas/ chung ma 'bu ti ka shwa ra 'di yang rab tu chags shing 'khrig pa la mos pas 'di bsten par byas la ngan pa la gtug par bya'o bsams pa nas/ chung ma gzi mdangs rab tu 'bar ba la mig khrag tu 'dug pas/ chags pas bsdu bar bsam nas/ ha ha zhes brgad nas/ ye shes chen po'i snang ba nyid/ yum sa nu kro d+hi shwa ri ka zhes bya ba'i cha lugs su snang bas rab tu chags pa'i mdangs phyung nas/ khams gsum du zur gyis bltas pas thams cad yid gdungs te dbang du bsdus pa las/ b+hud d+hi shwa ri ka zhe sdang par gyur nas/ khros pa'i cha lugs su rab tu rngam pas bltas nas mi sdug pa'i spyod pas bos pa/ chags pa'i

  577. 289a

    dbang phyug rgyal ba'i gzugs// nga ni khams gsum rgyal mo ste/ khros pa'i bzhin gyis kun dbang sdud// 'gran sems can khyod brlag par bya// zhes smras te/ rang gi rgyan sna tshogs pas brgyan te sa thal chen dang sro ta a dza nas byugs te bsdigs pas/ yum kro d+hi shwa ri snang ba mi snang ba thams cad du sku khyab par mdzad de/ dbu dgu pa spyan nyi shu rtsa bdun bgrad nas gzigs pas srid pa gsum sa ler gzigs pa/ rdo rje kha T+wAM kha dang / tri shu la dang / dgra sta dang / thod dbyug dang / mdung shing dang / zhags pa dang / tog tse dang / gshol mda' dang / thag mdung rdo rjes mtshan pa g.yas pas bzung nas 'phen pa/ dung chen po khrag gis gtams pa dang / lcags kyu dang / rnga rked nye ga dang / 'khor lo rnon po dang / rgyu zhags dang / sdigs mdzub dang / sti ra'i dbyug pa dang / thod pa skra dang bcas pa dang / dril bu rnams 'gyings pas 'dzin pa/ zhabs kyi rigs bzhi yab yum gyi dbu brgyan pa/ gsad pa'i pad+ma stong du gyes pa'i sbubs su rdo rje he ru ka'i smin mtshams yan bsgrub te rak+ta'i zar bu 'dzag pas/ zhe sdang can thabs kyis btul nas zhing dag par sbyong bar mdzad pas srin mo de bred par byas te 'dar yid yid las/ gangs ri chen po rud bcad pa bzhin dbang du bsdus te dbyings dag pa la bkod do/ de nas bdud chen po

  578. 289b

    de rab tu myos nas bsams pa/ bdag ni dar ba chen po las/ khams gsum pa'i dur khrod nyams dga' gnas 'di thob ste/ dur khrod kyi ma mo mang po yang dbang du bsdus nas zad pa med pa'i longs spyod la dbang sgyur ba zhig las/ log pa'i skyes pa 'di byung ste/ bdag gi rigs thams cad dbang du byed 'dod pas/ res 'ga' ni skyes pa/ res 'ga' ni bud med/ res 'ga' ni mtshan gnyis pa/ res 'ga' ni zhi ba/ res 'ga' ni khros pa'i bzhin can/ de la sogs pa cir yang snang bas kun slu bas 'di de bdag gis dbang du bsdus la/ bka' nyan du gzhug/ sngar kho'i dbang du song ba rnams kyang slar la bdag nyid la 'dud pas rab tu yang snying nye bar bya ba'i ched du bdag gis rdzu 'phrul bstan par bya'o sems te lus gcig la lag pa gnyis pa bor nas/ mgo gsum pa lag pa drug pa'i srin por sprul te gshog pa brkyang nas/ nam mkha' la 'phags pa dang / srin po'i gdangs sgra bton te dbang du bya bar 'dod pa las/ bde bar gshegs pa thams cad kyi thugs kyi yang thugs/ gsang ba las sbrul rab tu sprul pa'i sras dam pa/ sa nu shrI he ru ka zhes bya ba'i khro bo chen po zhig rang byung bar gyur te/ mgo bzhi la lag pa brgyad par gyur nas srin po'i drung du bsnyen te/ hUM zhes dbugs rngubs pas/ srin po de rab tu yang 'dar bzhin du

  579. 290a

    mgo bdun pa la lag pa bcu bzhi par byas te/ rdzu 'phrul chen po bstan to// de nas rdo rje srin po des dbu dgu la phyag bco brgyad par mdzad de snga ma bzhin no// de nas bdud chen po des mtshon cha sna tshogs pa thogs te 'phang bar gzas pa las/ me tog sna tshogs pa'i char par gyur te gdugs su gyur/ dbang po'i sgo kun nas dri nga ba dang / mi zhim pa dang / rul pa dang / dku ba sna tshogs btang ste nad tsha grang gi rims gtong bar 'dod pa las/ tsan dan gyi di bsung chen por gyur te/ thams cad du khyab ste tshim par gyur/ rdo'i char pa chen po phab pas/ rin po che sil ma'i char par gyur/ srin po'i sgra chen po dang / sod rgyob la sogs pa'i tsher lhang gi sgra bsgrags pas rol mo'i sgra sna tshogs kyi char par gyur/ bdud kyi lnga'i longs spyod zad pa med par gyur/ gshog pa brkyang ste nam mkha' la 'gro bar gzas pa las/ rang bzhin gyis 'khum nas bskyod ma nus te zhan par gyur to// de nas bcom ldan 'das rngam pa chen po des/ hUM hUM hUM sarba ta thA ga ta ma hA kro d+ha na li ka dang s+t+waM ru tra kha khA ha na da ha pa tsa hu lu pho Ta ya kha kha khA hi khA hi ha ha he he hUM hUM/ zhes gsungs pas/ ye shes rab tu 'bar ba'i 'od 'khrugs te/ dbu dgu pa khros shing bzhad pa dang za bar byed pa/ bgrad cing rmongs pa dang rnam par 'gyur byed pa/ chags pa dang snyeg

  580. 290b

    cing gtsigs te/ sna tshogs pa/ ye shes 'bar ba'i rdo rje dang / dbying gsal ba'i dril bus brgyan cing 'gying bag dang ldan pas brjid pa/ dur khrod na gnas pa'i ru tra'i nang 'khor ke'u ri dang / sing nga la sogs pa g.yas g.yon gyi phyag na bzung ste btsir bas skad ngan sgrogs pa/ zhabs brgyad kyi 'dod pa'i dbang mo'i dbu brgyan te gnon pa/ dur khrod kyi gos sna tshogs pas stod smad dkris pas na bzar mdzad pa/ sangs rgyas thams cad kyis dbu brgyan te rgyal thabs brnyes pa/ chos kyi srog shing las byang chub kyi sems kyi char phab ste dge ba'i lo tog bskyed pas 'gro ba'i gsos byed pa/ rdo rje khyung gi gshog pa brkyang bas thams cad zil gyis gnon pa/ rin po che rab tu 'bar ba'i gshog pa thur du brkyang bas/ klu'i rgyal po mang ga la dang / sring ga la dang / bing ka ra sha dang / hu lu ka la sogs pa zil gyis gnon pa'i thabs dang ldan pa/ lha gzugs dang yan lag sbrul gyis dkris pa/ sa bdag phag chen po la sogs cham la 'bebs par mdzad pa chen po des hUM zhes rngubs pas/ sa cher g.yos te rab tu bred par byas so// hUM gnyis pas zhal du bstabs so// gsum pas khyur mid mdzad do// bzhi pas snam nas bton te 'dam gyi khung chen po na gnas pa las// dpa' bo des ljags kyi rtse mo nas khro bo pad+ma 'khyil ba bton te

  581. 291a

    bdud rtsir mdzad nas bsnabs so// de nas gsang ba chen po des thugs ka nas a las bdud rtsi'i char pa phab ste gsos nas dran pa rnyed pa dang thal mo sbyar te gsol ba/ e ma'o bdag 'dra bde ba'i gnas 'di nas// dar cig tsam gyi yun la phung // srin po dang 'dra ba'i gdugs pa 'dis// bdag gi bde ba yun du phral/ khyod ni snying rje gtan nas brlag/ ces zer zhing sdug bsngal gyis rab tu gzir zhing gnas so// de nas dpa' bo chen po des byang chub sems bde ba'i sgron ma zhes bya ba'i 'od zer bton te/ log pa can de'i rgyud tshim par mdzad nas snying khar bcug pas/ de nyid kyis sngon gyi las drag pos ngan song gi gnas brgyud de/ skye ba ngan pa blangs te dkon mchog gi gdung bcad par rang nyid kyis shes nas 'gyod de gsol ba/ thog ma med pa'i rang sems rang gis bslad// bag chags 'thug po'i mun pas bsribs pa yis// srid pa'i sdug bsngal kha brgyad 'khor bar 'khyabs// sa bon rtsub mos ru dra bdud du skyes// rang gis rang mnar khyed la bzod par gsol// thugs rje'i lcags kyus byang chub sa la drongs// ces gsol to// de'i tshe bcom ldan 'das kyis kyang rim nas byin gyis brlabs te sa la bkod nas tshim par mdzad do// dpal bdud rtsi bde ba chen po zhes bya ba rgyud kyi rgyal po chen po las//

  582. 291b

    log pa'i skyes bu btul te bdud rtsi'i dkyil 'khor du mdzad pa zhes bya ba'i le'u ste lnga bcu bdun pa'o// // de nas sems dpa' chen po rdo rje rnon po stan bde ba las langs te/ dpal bde ba chen po la gsol pa/ kye ma dregs pa kun 'dul ba'i// dbang phyug chen po bdag la gsol// thams cad dbang du bsdu ba'i phyir// bcud rnams par chad med phyir dang / klu yi dbang byas la phan phyir// dbang gi dkyil 'khor bshad du gsol// de skad zhus pa thugs chud nas// dbang chen bdud rtsis bka' stsal pa// bde ba lhun grub bdud rtsi la// bar chad ces btags log pa'i bdud// 'dzin rtog bral ba'i ye shes klong // ma 'dus med pa dbang dkyil 'khor// 'dzin bcas rnams la snang ba ni// bdag nyid phyag rgya'i dkyil 'khor nyid// sbom po dag dang dbang po la// nyi ma dag dang zla ba yis// ga bu a dang hUM las bsam// lag pa g.yas pa'i dpung pa brkyang // ye shes lnga bsdus thig le bzung / rdo rjer mtshon gang bcang bar bya// pad+ma'i 'dab ma mthil du dgug/ hri las pad+ma'i sdong bu dbus// rta mgrin rgyal po yang dag sgom// phyogs kyi 'dab ma bzhi po la// mi pham khro gnyer ma dang ni// ro langs ma dang ral gcig ma// nye ba'i 'khor gyis rab tu mdzes// gsang ba'i gnas kyis rab tu brgyan// chags pas rab tu dga'

  583. 292a

    bar byed// bde ba'i rgyun dang bcas pas rol// rang sngags 'od kyi 'phreng bas bskor// ka ka ling gi glu blangs te// 'das pa'i 'phreng ba spro zhing bsdu/ klu yi gdug pa rab gsal te// bdud rtsi dam pa bcu kun sbyar// rab tu sbyangs te mdzes par blugs// dga' ba'i gar du sbyangs par bya// dbang gi dkyil 'khor rab bshad de// 'khor gyi dkyil 'khor rab mnyen pas// bde ba'i rol pas tshim par gyur// dpal bdud rtsi bde ba chen po zhes bya ba'i rgyud kyi rgyal po chen po las/ dbang gi dkyil 'khor bstan pa zhes bya ba'i le'u ste lnga bcu brgyad pa'o// // de nas yang gsol ba/ bcom ldan bde ba rgyan gyi dbyings// dkyil 'khor mnga' bdag gtso chen po// thabs chen bde ba rgyan gyi mchog/ shes rab sgron ma gsal ba'i 'od// 'khor ba'i gtos 'joms bde ba'i glog/ thams cad kun sgrol spros bral bdag/ gong bu gcig par kun bsdus pa'i/ dkyil 'khor dam pa bshad du gsol// ston pas zhus pa'i tshig gsan nas// mtshan ma la dga'i 'gro ba rnams// mos pa bskyed cing gzhug pa'i phyir// dkyil 'khor yang dag bshad par bya// bde gshegs rgyal ba'i thugs kyi thugs// ma bcos don gyi de kho na// yang dag byang chub snying po nyid// gsang ba don gyi dkyil 'khor mchog/ stong gsum yangs pa'i mkha'

  584. 292b

    klong ni// b+ha ga gsum brtsegs yang thog brtsegs// shes rab pha rol phyin pa'i gnas// sku gsung thugs kyi 'byung gnas te// gsang ba'i dkyil 'khor log rtog 'joms// snying kha'i dbus su gnas pa ni// brgyad pa 'khor dang 'das pa'i gnas// dngas ma'i dngas ma bcud kyi mchog/ rig pa'i 'byung gnas ye shes te// de ni snying gi dkyil 'khor ro// yang dag don la ma 'byor cing // mtshan mas rgyud nas thob byed phyir/ brnyan pa'i dkyil 'khor rab bshad bya// lus tshad gru bzhi lham pa la/ khru gang phyed ma'i cha yis smad// gas grum mtho dang dma' ba dang // yon po spangs pa sum brtseg ni// me long ngos ltar dgag par bya// mkhas pas dkyil 'khor rab brtan phyir// rdo rje hUM zhes mtshams bcad de// lnga 'am gsum gyis chag chag gdab// yang na bcud kyi dam pas bya// rgyu ma las byung srad bu ni// gsum bsgril yang na lnga bar bya// bdud rtsi lnga yi chur spangs te// byin brlabs dbang bskur bya bar bshad// de nas shar nas nub tu bre// mkha' dbyings bsnol ba'i ga bu nas// dkar dmar 'od kyi lu gu brgyud// bde gshegs pho brang gzhal yas khang // lhun gyis grub par thig gdab bo// ras bal las byas 'jur mdud med// grims dang lhod pa rab spangs te// nyis 'gyur chad dang lhag pa

  585. 293a

    spangs// bdud rtsi rlan bcas khu bcud kyis// mnyam pa'i sa la thig gdab ste// chad lhag yo 'brus med par bya// shar nas nub tu lho nas byang // 'tshams kyi bre ba'ang de bzhin te// shar sogs mtha' ma'i phyogs rim bzhin// mkhas pas bsgrims te gdab par bya// nyis 'gyur gsum pa'i cha dag la// snying po'i dkyil 'khor bzhi pa ste// gcig por rdo rje 'breng bar bya// ka ba brgyad kyis brgyan pa yi// cha dgu gcig ni mu khyud 'dra/ kha khyer ra ba'ang de bzhin te// de bzhin rdo rje 'phreng ba'o// dbus kyi cha ni ka ba brgyad// kun nas 'khor bar rdo rje 'phreng // phyi rol 'khor lo rtsibs brgyad pa// pad+ma'i 'dab ma de bzhin te// thog ni rin chen zur brgyad 'bar// sgo dang bcas par thig gdab ste// snying po'i dkyil 'khor rab tu bstan// phyi yi dkyil 'khor sgo dang bcas// bar chad med pa rab tu mdzes// longs spyod rgyan gyis rab mdzes pa// dur khrod rab tu 'jigs pas brgyan// bskal pa'i med dpung 'bar ba'i 'od// rab tu dkrigs par bri bar bya// de nas lha yi mtshan ma ni// rab tu gyur pa'i ka pA la// yid 'ong rab tu mtshan ldan la// rigs kyi bdag nyid yab yum dang // rdo rje che mchog thabs shes rab// sku 'am yang na mtshan kyang rung // bris te brtan par bzhugs su gsol// pho brang snying po

  586. 293b

    nyid la'o// de yi phyed tshal dag la ni// rigs bzhi khrag 'thung yab yum brgyad// gong ltar byas te re'u cha bzhi// ma nor yang dag legs par bzhugs// tshal pa phra mo bcu drug la// ma mo brgyad dang 'phra men brgyad// legs par bris te 'khor lo dang // pad+ma la ni gral bzhin du// sgo bzhir sgo ba chen mo bzhi// tshal bu la ni rim bzhin dgod// rab tu bris pa las bzhengs te// phyi rol dag gi khyams dang sgor// bran mo nyi shu brgyad bri ste// sgal rtsib mkhar bu re re bzhag/ rtsa ba'i dkyil 'khor bris zin nas// phyi rol rgyan sogs rdzogs pa dang // phyi rol 'bar ba'i klong dkyil du// mtshams kyi dkyil 'khor dgod pa ni// phur pa rab mdzes bcu dag la// 'jigs byed bcu bris phyogs bcur dgod// yang na yan lag phra mo dgod// de ltar rdzogs par bya ba ni// brnyan ma'i dkyil 'khor dam pa'o// de skad gsang ba'i ston pas bshad// dpal bdud rtsi bde ba chen po zhes bya ba'i rgyud kyi rgyal po chen po las/ gzugs brnyan gyi dkyil 'khor bstan pa zhes bya ba'i le'u ste lnga bcu dgu pa'o// // de nas yang sems dpa' chen po rdo rje rnon pos 'khor gyi dkyil 'khor dag bcas te gzhas btab nas 'di skad ces gsol to// e ma 'khor dang 'das pa gnyis// mi gnyis gcig ste tha mi dad// rang snang sems kyi klong nyid

  587. 294a

    du// bad la khyab gcig par gyur pa ste// mi gnas mi dmigs cir mi dmigs// mi gnas tsam gyis tha snyad spangs// de ltar nges par ston par gsung // yin pa bdag gis nges par rnyed// nges par gzhan la bstan pa las// las dang bya ba byed pa dang // bsgrub pa dbang bskur dkyil 'khor dang // bzlas dang mchod bstod la sogs gsungs// mi dmigs pa las dmigs bcas byung // de ltar bstan pa ngo mtshar gyur// de la dpa' bos bka' stsal pa// stong pa lhun grub bden dbyer med// kun khyab yongs la gsal mod kyang // rkyen bral ngo ma shes pa dag/ de dag kun la brten pas 'grub// dper na gling rab dam pa nas// bai DUr+ya sogs rin chen spungs// dbul sel dgos bsgrub len 'dod pas// rgya mtsho rab med bskor nas kyang // chu srin nya mid la sogs pa'i// gdug pas gang ste rab dka' las// ded dpon stobs ldan thabs mkhas pas// gru gzings sman dang sngags dag dang // 'dus pa'i thabs la brten byas te// mthun pa'i mtsho ba mang bsrel na// la las zang cig yud la lon// la las zla ba lo phyed rangs// gnyis dang gsum gyis gdon mi za// de bzhin 'dir yang shes par bya// de bas nan tan brtson bskyed de// thabs la mkhas pa'i skyes bu yis// bya ba kun la nges par bya// de phyir yang

  588. 294b

    dag par mchod cing // lha yi dkyil 'khor bsnyen bya'i phyir// mchod pa bla med mnyes par dbul// du gu la yi ras mchog ni/ kha dog rnam lnga'i gdugs kyis ni// steng nas de la dgab par bya/ yang na zhing gi rgya gram bsnol// phyogs mtshams kun tu sna tshogs pa'i// 'phan dang phyang phrul gdugs la sogs// gdags shing bskyabs la ci mdzes bya// yang na g.yab mo zhing chung dpyang // shar du glang po lho ru stag/ gzig dang dom ni nub dang byang // rma bya bya rgod dred chu srin// mtshams bzhir rgyal mtshan phyar la gzugs// yang na brgyad ka zhing gi gzug/ me tog 'phreng dang dar bu ka/ me long rnga ma chun 'phyang bre// yang na cad por lha gzugs gdum// lang ling dam dum ras ros dgram// shar du dar dkar gur dbub ste// yang na tshil chen gur dbub bo// rtsib ma dag las gur shing bya// nub tu rin chen za ma tog/ yang na tsit+ta'i tog gzugs te// rkang dang zhag gi me mar dang // til mar mar me lnga brgya 'am// yang na lha yi grangs dang mnyam// dgu 'am tha ma'ang yab yum gyi// snang ba gnyis ni rgyun mi gcad// mchod pa lnga dang 'dod yon lnga// tha ma 'khor bar bya ba ste// 'di dag bdud rtsir ldan par bya// sha nya la phug zan dan khrag/ 'khur ba shing thog sna tshogs chang // bdud rtsir bcas pa mang po

  589. 295a

    yis// dus drug tshogs kyi mchod pa dbul// brgya dang stong sogs par dag tu// me tog dor de gsol ba gdab// sman gyi lha dang rigs 'dzin la// dge ba'i grogs su smos gnas bya// de ltar na tan bcas gsol te// dri med bsam pas bsgrubs na 'grub// bla med byang chub gdon mi za// thun mong bsgrub pa smos ci dgos// de skad ston pas bshad pa'i tshe// 'khor rnams mchod la 'grus gyur pas// yang yang ston pa la mchod de// dga' dang gus pas gnas nas 'khod// dri med mchod pas tshim par 'gyur// dpal bdud rtsi bde ba chen po zhes bya ba rgyud kyi rgyal po chen po las/ dri ma med pa las spyod pa rgya mtshor shar te mchod pa'i rdzas bstan pa'i le'u drug cu pa'o// // yang de'i tshe yum chen mo bdud rtsi gsang ba'i dbyings phyug ma chen po des/ bdud rtsi dam pa'i bum pa nyi zla'i ga 'ur sbas de/ ye shes kyi bdag gzings pas bsdams shing // gsang ba sku'i phra bkod pa de nyid thugs kar bsdus nas thabs dang shes rab kyi phyag rdo rje thal mo sbyar nas gsang ba rmad du byung ba'i gsung gis 'di skad ces glengs so// e ma ho/ ngo mtshar rmad du byung ba'i chos/ nam mkha' dang ni mnyam pa'i gnas// rnam par mi rtog snang ba las// kun rdzob tsam du bstan pa mtshar// nam mkha' la ni rtogs med kyang // char gyi

  590. 295b

    rgyun gyis kun bskyed bzhin// mi tog ngang las bdud rtsir snang // bla med myu gu skyed pa mtshar// ces gsungs te 'khor ba'i 'gram 'di nyid ngang gis lhun gyis grub pa'i bdud rtsi'i dkyil 'khor de la lan brgya stong du skor zhing gzhi'i sgra dang bcas sil khrog gi sgra 'don par byas te mchod pa du mas yang nas yang du mchod de/ ston pa bdud rtsi bde ba chen po nyid la bstabs so// de nas ston pa bdud rtsi bde ba chen po nyid kyis/ bdud rtsi 'bebs pas rgyud kun tu rgyas pa'i 'od dri ma sel ba zhes bya ba'i ting nge 'dzin la snyoms par zhugs te/ thugs ka nas 'od dpag tu med pa'i lcags kyus rgyal ba'i dkyil 'khor cha lugs tha dad pa bkug ste bum pa de la bstim mo// yang khams gsum gyi bdud rtsi'i rnam pa ci yod yang bkugs te/ phyag gnyis kyis phyogs kun nas rab tu 'bebs pa zhes bya ba'i phyag rgya bcas te/ yang nas yang du se gol gyi sgras thams cad bskul zhing las la nye bar sbyor bar mdzad do// de'i tshe dbyings 'gyur ba dang bral zhing thams cad tha mi dad par 'bebs pa zhes bya ba'i snying po 'di yang nyid kyis gsungs so// oM sarba pany+tsa a mr-i ta ma hA su kha hri 'bebs Da/ zhes gsungs pas 'khor thams cad kyis kyang bsgrags so// de'i tshe 'khor der 'dus pa kha cig rtog pa'i rgya mo ma bcad de gtsang smer rtog

  591. 296a

    par thugs su chud nas 'di skad ces kyang gsungs so// nam mkha'i rdul dang grangs mnyam pa'i// sangs rgyas kun dang mnyam sbyor ba// 'chi med bdud rtsi mchog 'di la// kun gyi rtse gcig btud nas su// 'chi med bdud rtsi dam pa bsgrubs pa'i tshe// skal ba med par gnang sgo ches pa dang // gsang 'tshams lhod nas lhug par gyur ba dang // 'dzab la grangs nyungs snying po zur chag dang // bsgom la mi 'grub ting 'dzin mi gsal zhing // 'phrog 'du chung bas byin gyis ma rlobs te// gzhung dang 'gal ba'i nongs pa mchis so 'tshal// rab gnongs 'gyod pa'i sems kyis mthol bshags na// thugs rje chen pos tshangs pa stsal nas ni// bdud rtsi mchog 'di byin gyis brlab tu gsol// ces gsungs pas 'khor thams cad spyi bung bar gyur nas 'di snyam du bsam par sems so// ci bdag cag gi ston pa ni bdud rtsi'i sdong po bas na/ gzhan la bshags shing gsol ba gdab mi dgos na ci/ bdag cag 'khor 'dus pa 'di rnams bdud rtsi'i snod du ma gyur cing / gdung 'tshob par rngo mi thogs pa lags sam/ 'on te ma 'ongs pa'i 'gro ba rigs 'tshob par 'dod pa las/ rigs su mi chud pa rnams bcud pa des gegs su gyur pa sbyang ba la dgongs nas gsungs ces rtog pa las/ de dag gi bsam pa nyid kyi thugs su

  592. 296b

    stsal nas bka' stsal ba/ gzung 'dzin mdud phur ma phyin cing // mtha' la mngon par zhen pa yi// khyed dang ma 'ongs kun don du// nga yis dgongs nas gsungs pa yin// da dung khyed dang ma 'ongs la// ngar 'dzin bdag dang ma bral zhing // don la khong shed ma bye bas// rtog pa'i rgya mdud dgrol ba'i phyir// 'gyod sems gnong ba bkur bar gyis// de skad gsungs pas 'dus pa'i 'khor// rang gi sems kyis mtha' brtags pas// nges med logs nas 'dod sems kyis// lus btud sems ni gdungs nas ni// dman pa'i ngag gis gsol ba btab// ye nas rnam dag bde chen spros bral ba'i// rang byung rang snang thabs kyi rtsa ba mchog/ snying po bla med byang chub sems kyi ngang // bzhengs bzhugs mi mnga' bdag cag rnams la dgongs// ji bzhin ngang las bskyod pa mi mnga' yang // thabs kyi rol pa mtha' la sprin phung bzhin// 'gro ba drang phyir rgyal ba'i skur bstan pa'i// gtso gzungs dkyil 'khor lha tshogs dgongs su gsol// yid las byung ba'i lha tshogs gsang ba'i sku// dbyer med ngang du gcig pas tha dad min// bag ldan dga' bas gus dang dang bar byas// 'gro ba'i tshul du dga' dang gus phyag 'tshal// dngos bshams yid las byung dang byin brlabs pa'i// kun bzang mchod sprin nam mkha'i mthas klas

  593. 297a

    pa// dri med rab mdzes bkod pa mchog nyid kyis// rab tu mnyes phyir dad pas mchod par bya// thog ma med nas mun pa'i klong du 'khyams// nga dang bdag 'dzin 'khor ba'i mtha' la zhen// lhag pa'i nga rgyal ri bo brtsegs pas mnan// zhen cing chags pa 'khor ba'i 'gram btings shing // mi dge las rnams bag med rang nyams spyad// gsang ba'i dam bral slob dpon bka' bslus dang // rtsa ba nyams shing yan lag chag pa dang // bsrung bya gnyer gtad dang khas blangs yal// nyes byas bsam 'das bdud rtsi spang dang blang // ting 'dzin drod med dngos grub yal gyur rnams// dbyer med don gyis bshags so bzod bzhes shig/ bcud kyi dam pa rnam dag byang chub sems// sha dang dri chen pad+ma rak+ta chu// gdod nas dag pa'i dam tshig ye shes lnga// rigs lngar lhun grub gcong lnga sbyong ba'i mchog/ 'du 'bral med par lus kyi gzungs yin te// nang la gtsang dang phyi rol sme bar rtog/ blang dang dor bar 'dzin pa rtog pa'i bdud// sha lnga 'bras bu ra sa ya na'i tshogs// blang dor med las brtags pa'i 'tsho bar spyad// de 'bras 'khor ba'i 'gram btings gcod rong 'khyams// chu bo rab med rba klong thar dka' bas// ye shes rgyal pos thugs rjes gzings bcas te// bdud rtsi mchog gi skam sar kun

  594. 297b

    bkod nas// gnyis med 'od kyi char gyis rgon gdung spongs// bla med ljon shing me tog rgyas mdzad de// bde chen rang byung 'bras bu smin nas kyang // 'gro drug rmongs pa rnams kyi gsos mdzad nas// bdud rtsi bde chen dbyings su gnas gyur cig/ ces pa gsungs pas/ der 'dus pa'i 'khor thams cad bag chags kyi dri ma thams cad ma bkrus par rang dag nas/ bdud rtsi'i dbyings su nges par gnas par gyur to// dpal bdud rtsi bde ba chen po zhes bya ba rgyud kyi rgyal po chen po las/ gdung ba bsal te bdud rtsi nges pa zhes bya ba'i le'u ste drug cu gcig pa'o// // de nas yang sems dpa' rmad du byung ba des/ nam mkha'i mtha' la bltas nas mtha' rnyed par ma gyur te// gang na khyab pa de bdud rtsi'i dbyings su nges par khyab la/ de la yang nam mkha' bzhin du thug pa med par gnas te/ ye shes lnga'i gzungs kyi thugs pa med pa'i sems can dug lngas log par 'khyams pa la brtag te/ 'brel par mthong nas/ bcom ldan 'das ston pa bdud rtsi bde ba chen po la phyag 'tshal te gus pas gsol ba/ bcom ldan kun mkhyen seng ge che// bdud 'dul gar gyi dbang phyug gtso// mun sel sgron ma rin po che/ khyod la bdag 'dud gsol ba mchos// las gtos thugs rjes nam mkha'i dbyings// tha dad min nam gal te yin// 'brel ba

  595. 298a

    gang lags thabs ji ltar// bye brag dag tu bdag la gsungs// de la ston pas bka' stsal pa// nyon cig sems dpa' sems chen po// las dang thugs rjer btags pa yang // rang byung nyid las gzhan ma yin// rnam smin mi zad mdzod nyid de// ming du brtags pa 'khrul pa nyid// 'brel ba zhes pa'ang btags pa ste// gang dang gang 'brel gang ltar 'brel// de nyid ye shes rol pa ste// bkag pa med par rang shar ba'o// ngo dga' tsam du bshad pa na// ye shes dang ni rang sems 'brel// dug lnga nyid ni rigs lnga'o// smad pa'i rdzas dang bdud rtsi lnga// yab lnga yum lnga kha dog lnga// mtshan ma lnga dang yig 'bru lnga// dkyil 'khor lnga ni de bzhin du// rigs lnga nyid du nges pa'o// gnas lnga dag tu rab tu bshad// de bas 'khor ba 'das kyi mtha'// mya ngan 'das pa'i thugs rje'o// de bas yang dag don nyid la// de par gnas pas 'khor ba bsten// 'das pa don du mi gnyer na// yang dag bla med gzungs thag go/ de nas 'jug pa'i rnal 'byor pas// thabs mchog ma nor brten pa dang // yang dag mtshon par bya ba'i phyir/ kha dog lnga yi gzungs thag drang // oM gyis yan lag lnga la gdags// bum pa bcud gtams ye shes lngas// byin gyis brlab phyir mnan par bya// de nas ston pa kun mkhyen pas// brtse bar dgongs

  596. 298b

    nas 'di skad du// thabs ldan gsung gis bka' stsal to// srid pa'i 'dzam gling dkyil 'khor gru bzhi pa// 'byung lnga yum gyis brtsegs pa'i gzhal yas khang // mkhas pas rdo rje thig phran dgu bkye ste// snying po gsang ba'i ge sar nyi zla'i dbus// mtshan dang ldan pa'i ban d+ha srubs med du// rtsa ba bdud rtsi lnga yi ngo bo las// 'bru lnga ye shes lnga yi 'phro 'du 'gyed// rgyu lnga 'bras bur ldan pa'i dgongs pa yis// dus gsum rgyas pa rnams kyi thugs dam bskul/ khams gsum 'gro ba rnams kyi don yang byas// snod bcud 'jig rten kun gyi rtsi bcud bsdus/ bsgrub pa rigs 'dzin rnams kyi rgyud kyang sbyar// yig 'bru phyag mtshan sku yi spro bsdu yis// dpa' bo 'bru lnga'i rang bzhin 'od du zhu// phyag rgya'i dkyil 'khor rgyal ba yab yum bskyed// gnyis med sbyor ba'i rol pa'i khyad par las// thugs rjes mi gtong 'gro ba drang ba'i phyir// ye shes lnga yi gzungs thag lnga ru 'phros// gcig ni thabs mchog yab kyi mkha' nas drang // gsang ba'i zla ba'i dkyil 'khor nas// chos dbyings rnam dag ye shes klong // mi rtog thugs kyi sa bon hUM// zhe sdang mi dor thugs rje'i gzungs// dkar 'tsher dung dang ma mo'i 'od// rdo rje tsha tsha lu gu rgyud// byang chub sems mchog rgyal ba'i thugs// bcud kyi dam pa lus kyi gzungs// dor ba med pas bdud rtsi

  597. 299a

    mchog/ 'khyol la 'khrug pas rang byung thugs// rgyud bskul 'gro ba dbyings su bsdus// bcud kyi dam pa gong bur bsgril// thabs kyi bye brag yab kyi mkha'// de phyir yab kyi mkha' nas drangs// rdo rje chen po'i rigs chen 'grub// gcig ni gsang mchog dbyings nas drang / b+ha ga dgur gyi pad stengs na// kun rtog ye shes gsal 'tsher dbyings// khyab bad la chags pa gsung gi A// 'dod chags ma spangs dbang gi gzungs// mtshal dang byu ru gdang ba'i mi mdog/ pad+ma'i sku pa ba dag 'khril// chags pa'i dam pa gsung gi dngos// rlan 'bar bcud ni gsang ba'i thigs// bdud rtsi nad sel zhen pa sbyong // 'bar 'phro dngos po'i skyon kun bsreg/ bsdus shing bstim pas ga 'ur 'khyil// mchod cing ngan song stongs par bsgral// shes rab yang dog 'gyur med bstim// de phyir yum gyi dbyings nas drang // pad+ma'i rigs chen yang dag 'grub// gcig ni rgyal 'theb thugs kar drang // thugs kar nyi 'bar gdan steng na// me long lta bu'i ye shes nyid// kun khyab go 'byed rmongs pa'i oM// gti mug lam nyid gas 'joms gzungs// asma gar b+ha btso ma gser// tsong tsong 'khril ba zur brgyad 'bar// sku mchog mtshan ldan mchog gi gzugs// gnyen 'khril 'khyug la dri ma med// gshang ba'i 'dzin dug thabs kyi

  598. 299b

    dbyig/ 'phro 'du 'od 'phreng zhen pa sreg/ phar 'phro tshur bsdu gsang ba'i gter// sprin gyis mnyes shing bsdu ba'i dbang // dpal be'u dbus su rab tu 'bar// de phyir dpal be'u thugs las drang // bde gshegs rigs chen yang dag nges// gcig ni las mkhan kha nas drang // lce dbus pad+ma dmar po'i dbus// mnyam pa nyid kyi ye shes nyid// rnam bzhis don rdzogs gsal ba'i ha// phrag dog dpyis phyung nges pa'i bcud// in dra ni la spangs ma'i mdog/ 'ja' tshon dbye srid dang bral 'khrug/ zhi rgyas dbang drag 'phrin las sgrol// bsol 'jam mnyen lcug mu tig 'phreng // dri chugs la dag thig pa shar// 'byung 'jugs dbugs kyis btags pa sbyongs// khyab dang khyab byed gzer 'phreng 'khyil// 'khor ba'i rgya mo dpyis 'byin dpal/ kha yi pad+ma ngang du thim// de phyir karma'i kha ru drang // las kyi rigs kyi gtso mchog 'grub// thugs rje gzungs kyi zag pa cig/ rnal 'byor pho mo lte bar drang / gzhi ma'i dbus su zur brgyad steng // bya ba nan tan ye shes nyid// brjod bral dbyings phyug gsang ba'i dngos// yon tan dpag med rin chen sba// nga rgyal bde chen ngang gis gzungs// bai DUr+ya dang spug gi mdangs// thig le gsal ba'i thigs pa 'bar// 'bum phrag yon tan lhun grub ster// gsal khyab 'od kyi dra ba 'brel// sme sha'i

  599. 300a

    blta sdug dngos 'dzin bral// phar gsal tshur gsal bde ba'i klong // bde khyab dngos med dngos kun grub// mnyes shing tshim pas bde la gnas// lte ba'i rtsa mdor thim pas 'bar// de bas lte ba'i rtsa mdor drang // rin chen rigs kyi gter chen nyid// bdud rtsi rang byung bum pa ru// dug lnga bdud rtsir sbyar ba las// sgrol ma 'phro 'dus kun la khyab// snang srid thams cad bdud rtsir bzhu// gser dngul lta bur gyur pa las// yang dag bstan par nges byas te// byang chub thig ler kun sangs rgyas// ma bsags dngos grub bla na med// sgrub pa po yi dngos grub yin// grub na rgyal ba'i sku yang yin// rtogs na byang chub sems kyang yin// rgyal sar bgrod pa'i lam yang yin// rnal 'byor pa yi srog kyang yin// de ltar shes nas sgrub byed pa// bla med snying po'i gzugs thag go/ de skad thugs rje'i gzungs thag bdag/ rang byung dpa' bos bka' stsal to// de nas yang bcom ldan 'das dpal bdud rtsi bde ba chen po rgyan gyi 'khor lo dam pa des/ thams cad bdud rtsir gnas pa nges pa mi 'gyur ba zhes de kho na nyid kyi dbyings zhes bya ba'i ting nge 'dzin la snyoms par zhugs nas/ gzi brjid bkod pa zad mi shes pa'i 'od thams cad du khyab pa'i gsang sngags 'di sku dang // gsung dang / thugs dang / yon tan

  600. 300b

    'phrin las rdo rje dang // 'khor lo dang / pad+ma dang / rin po che dang rgya gram las phyung ngo // oM AHhUM sarba pany+tsa a mr-i ta hUM hri tha/ dus gsum rgyal bas rab bsngags pa'i// bdud rtsi 'od kyi gsang sngags 'di// bzlas pa tsam gyis kun 'grub ste// dug nyid bdud rtsir grub par byed// gzhan yang mi bzad lta ba drug/ nam mkha' rdo rje 'khor lo dang // rin chen pad+ma rgya gram sngags// yangs dog med pa'i gzhal yas su// gtor khyab sbyang na thams cad 'grub// ye shes lha la phog pas thugs dam bskul// bar chad bgegs la phog na rdul phran rlog/ grub pa po la phog na dam tshig gso// 'gro ba byin la phog na sgrib pa sbyong // de bas gsang sngags rgyal ba yis// brnags nas 'gro la phan phyir bshad// dpal bdud rtsi bde ba chen po zhes bya ba rgyud kyi rgyal po chen po las/ thugs rje mi gtong bar 'dzin pa'i gsang sngags bstan pa zhes bya ba'i le'u ste drug cu gnyis pa'o// // de nas sems dpa' chen pos yang gsol ba/ bcom ldan 'das 'chi ba med pa'i bdud rtsi'i rgyal po chen po thabs mchog gi snying po mnga' thang yongs su rdzogs pa nyid kyis/ mchog tu gyur pa'i gsang sngags thams cad bdud rtsir dbang bsgyur ba ni gsungs na/ 'di la yon tan du gyur pa gzhan dag mchis srid na yang bshad du gsol// bstan du gsol//

  601. 301a

    legs par dgongs te gtan la dbab tu gsol bka' stsal pa/ nga ni thabs chen po yangs pa/ mang ba/ rgya che ba/ zab pa/ dpag par dkar ba ste/ ci nas kyang 'gro ba 'dren pa'i dpal yin pas bstan gyis nyon cig/ de la 'di'i yon tan ni bsam gyis mi khyab ste/ stong gsum gyi 'jig rten gyi khams 'di til gyis byur bur bkang ste gcig nas bgrang ba las 'das kyi bar du bgrang bar nus kyi// 'di'i yon tan ni brjod cing bgrang bar mi nus so// de ci'i phyir zhe na/ 'di ni 'khor ba'i dug lnga'i bdud chen po nyid/ spang du med par rang byung gi ye shes chen po nyid lngar snang ste/ de las ma byung ba'am/ ma khyab pa'am/ de las ma gyur pa med de// thams cad du rgyas 'debs par byed pa'i sngags brjod pa tsam gyis grub par byed pa/ rang bzhin gyi mthu chen po dang ldan pa'i rtsi yin pa'i phyir ro// de lta mod kyang phyogs 'ga' tsam bshad kyis nyon cig/ bde gshegs rnams kyis rab bsngags pa'i// gsang ba 'di ni bla na med// rma bya yi ni sgro dag gam/ sa ra sa sa'am gyi min gyi// sgrol las byas pa'i chun po la// khab len lcags kyi yu ba can// 'bum phrag bdun du bzlas pa yi// til nag dag gis brab byas te// me 'dra'i 'od ni byung ba dang // sa la brdabs na cher g.yo zhing // brag la brdabs na 'gags par 'gyur// rgya

  602. 301b

    mtsho la ni brdabs la lud// chu rgyun chen po'ang skam par byed// nags tshal chen po 'tshig pa dang // grong khyer dag la brdabs na yang // rims nad tsha ba 'ong bar nges// rgya mtsho lbu ba di las dang // shu dag rnam se drang srong khrag/ sgron shing d+ha du ra dang ni// se ra bas dang dung gi rus// li kri ma du lung ga dang // ba hu dang ni ru ta las// srang re bsnyams te btags byas nas// lcags phye de dang mnyam par bya// ha se'i mar khus sbrus nas ni// rgya sran tsam gyi ri lu bya// lcags gsum bskyis la gong bzhin bzlas// dro dang du ba 'bar 'phro byung / gung mo zla steng bzhag byas nas// bzlas te bltas na mthong ba ni// stong gsum skyu ru ra 'bras bzhin// mi mthong mi gsal gcig kyang med// mdzub mo la yang de bzhin no// lha dang lha min klu yi sgra// byol song la sogs thams cad dang / rlung dang chu dang bral sogs pa// rol mo'i sgra sogs de bzhin te// ngan song gsum gyi sgra yang thos// mthe bong la bzhag bzlas gyur na// stong gsum dri rnams gyur ba med// zhim dang mi zhim tshor bar ni// 'gyur bar lha dang ro nyags dri// nyams su bde bar lon par ro// kha mngar sgyur dang lan tshwa bsngal// 'phrig dang gzhan yang ro rnams ni// stong gsum lha mi'i bza' ba'i rjes// skad cig gis ni nyams lon pa// srin lag rtse la bzhag pas so// lha mo

  603. 302a

    klu mo gnod sbyin mo// mi mo la sogs ma lus dang // grang dro 'jam rtsub bde sdug dang // gos rnams lci yang ma lus kun// mthe'u chung rtse bzhag bzlas pas 'grub// lag mthil bzhag nas bzlas gyur na// rigs drug 'gro ba bsam yas sems// brgya phrag gcig dang bcu phrag brgyad// gnyis dang bzhi yang dar cig la/ khong du chud nas ma 'dres shes// gtsug bzhag bzlas pas lha yi gnas// 'gro bar 'dod pa'i rdo rje'i sgras/ kha dog lnga yis thag pa ni// bsgoms te rtas par gyur pa dang // rga lag ma nor bzhag 'jus na// skad cig tsam la phyin par 'gyur// dmyal khams lta 'am don byed na// rkang mthil g.yas g.yon me dang chu'i// steng bzhag gong bzhin bzlas nas kyang // g.yas dang g.yon pa rdo rje yi// 'gros kyis myur ba myur ba ru// song nas chu la me yis sbyar// me la yang ni chus sbyar te// gshag dang gtub dang 'bral ba las// stong pa'i go cha bla med pa// skon par nus pa gdon mi za// skad cig gis ni byed par nus// gru mo g.yas dang g.yon pa yis// gling khams gzhan dang lha men 'gro// pus mo g.yas dang g.yon pas kyang // byol song 'jig don med byed cing // yi dwags rnams la zas skom char// byams pa'i sems kyis 'bebs par nus// rlung gi bu ga yas bzhag bzlas// me yi

  604. 302b

    bskal ba 'jig nus te// phyi bshol ji srid 'dod kyi bar// g.yos pas chu yi rgyud gcod nus// rtser bzhag bzlas pas rlung rgyun gcod// lta ba'i dbus su bzhag bzhag ste bzlas// rtsa yi 'khor lo bkag byas na// mngal rgyas rgyun ni 'phel bar nges// ma sha'i 'bru tsam gsum byas te// gnyis ni khar bcug gnyis gas mur// gcig ni rtse la hUM bkal te// mi brdeg dal bu dal bus brud// bye'u ldad dag 'drar gyur tse// so 'am sen mos gzung byas te// bzlas pa khri gsum bsrung bas bzlas// brjod pa'i bar chad gzhan med pas// mngal gyi bya ba byed nus te// rigs brgyud med 'dod pa yang 'gyur// khye'u dang bu mo gang 'dod skye// thams cad kun tu rigs brgyud rgyas/ kha dog dbyibs dang yang dag ldan// 'phong rtsal shes bzhin thams cad rdzogs// de bzhin thams cad 'grub 'gyur te// 'dod na ma ning zha grub yang // 'byung 'gyur gzhan yang gdon mi za// yungs kar thal chen ldong ros dang // rje'u rigs bu mo'i mo mtshan khrag/ tsan dan dmar po'i 'bras bu la// bzlas te btags nas ri bong dong // rus sbal khrag gis sbrus nas su// ro yi lce bcad steng bzhag nas// bzlas te gang la bskul ba de// 'khor lo sgyur ba'i rgyal po yang // gdon mi za bar dbang 'du na// gar mkhan rol mo mkhan la sogs// dbang du 'du

  605. 303a

    ba smos ci dgos/ khang pa'am mkhar la bskus byas na// bcud dang bcas par dbang du 'du// yul lam ljongs sam rta glang chen// ma he 'bru sogs gang rung la// bskus pa dbang du 'du bar bshad// lhag par lha la sogs pa yi// lha men rgyal po'i bu mo sogs// thams cad dbang du 'du bar nges// sha ri ram dang 'bru rus dang // tha skar rdo rje bse ru dang // gser sogs rin chen lnga yi phye// ba yi/ mar la sbyar byas te// bar chad med par bzlas shing bza'// 'o ma'ang bag tsam btung bar bya// rus pa sra mkhregs rdo rje 'dra// so yang tshags dam byung yang skye// skra dkar gnyer ma rnam par spong // skad snyan khu byug gzhon nu 'dra// sha dam yan lag thams cad mnyen// dbang po kun gsal lus dbyibs drang // rta dang glang po cang shes ltar// rA dza lus kyi dbang po mkhrang // de las bzlas shing mang zos na// tshe lo nyis brgyar bar chad med// nang med bus pa lta bur 'gyur// 'di ltar 'dod na yang yang bza'// nga yis gsungs la gdon mi za// ro langs sgrub par 'dod pa na// a ka ru dang du ru ka/ ga pur gla rtsi bcas pa las// ri lur byas te dngul gyis dkri// li kri gur kum 'bri ta dang // 'ja' ra dong ka'i me tog dang // shan ti glang po'i khrag 'bru ba// gong dang 'dra ste zangs kyis dkri// g+hi wang yung ba tsan dan ni// sbrul

  606. 303b

    gyi snying po bab bla ba// 'dan da pa la yungs kar btag/ e n+ya ya yi khrag gis sgra// gong 'dra ri lu ga ser gyis dkri// yungs kar nag dang til nag dang // ske tshe thal chen zangs lcags phye// sran bdun cha snyams shun chen dril// de la bdun 'bum bsnyen pa bya// dpa' brtul brtson 'grus chen po dang // dad dang dam tshig dbang ldan pa'i// skyes bu lha yi rnal 'byor can// stag ltar mchongs te btsal bya ba// dur khrod chen po'i gnas nas so// bdun lnga gsum du bar chad med// grib ma'ang de dang 'dra ba la// rigs btsun lang tsho bkrag dang ldan// dri zhim ngag snyan gzhon nu tshod// yan lag mnyen lcug bkrag dang ldan// 'du ba'i nad kyis ma gtses pa// gsum mam lnga 'am bdun yang rung // ha ha zhes su bgad nas ni// thogs pa med par blang ba'i phyir// mkha' 'gro lta ba 'bri tshugs kyis// 'gyur ba med pa'i brjid kyis blta// 'phra men ma yi 'jo stabs kyis// ne bar drung du phyin nas ni// dpa' bo gyad kyi shugs kyis su// ha ha bgad de bzung nas kyang // lce sbyang tshul 'drar brngam par bya// dur can bgegs kyis mi 'jigs phyir// sa der rus pa'i phur pa gdab// glang po'i shugs kyis khyer nas ni// hUM sgras phyogs bzhir bdun bdun 'gro// thal mo'i sgra gdon rngam tshul dang // brod pa'i stobs kyis dben par

  607. 304a

    'gro// shar la sogs par bros sbyangs te// byang dang shar gyi mtshams dag tu// rdo leb steng du tsog tsog por// bzhag ste thal bas brab pa ni// hUM bzhi pas su yang yang bya// ro de 'bral lam rgod 'dra ngu// 'phar g.yo byed na dngos grub nye// de la re dang dogs spangs te// brtan pa'i sems kyis yang yang bzlas// de las dri mchog byung ba dang // bdag chal bcas pa'i chus bkrus te// gsha' te khu ba kha ru blugs// rang gis zangs kyi ri lu ni/ khar bcug bdud rtsi 'phreng ba bzlas// de yi grangs ni gong ma bzhin// dngul gyi ri lu khar bcug ste// ro de'i stan la 'dug nas kyang // che mchog yab yum phyag rgya bsgom// de nas 'dar 'phrog tsher ldang na// gser mur mi rtog yun ring gnas// cher g.yo dgod cing lang 'dod na// lce brkyang so yis gzung bar bya// spu gris bcad de lag bzung na// nam mkhar 'phur te ral grir 'gyur// lha min g.yul yang 'pham par nus// bcom ldan gsung gi dngos grub thob// lag bcad rdo rje go cha gyon// khro bos mtshon cha'i char phab kyang // de la mi tshugs sod par dka'// rkang bcad rkang mgyogs 'grub nges te// dpag tshad lnga bcur dar cig phyin// sa 'og dngos grub 'grub nges te// zad med gter la spyod par 'gyur// skra bcad nor bu rin chen 'grub// rin chen

  608. 304b

    sil ma char ltar 'bab// rgyal brgya mchod cing 'gro ba skong / mig phyung mig rnon 'grub pa ste// ye shes spyan sogs bzhi 'am lngas// nam mkha'i mtha' klas sa le ba'o// rnam pa bcad par gyur pas ni// shes pas zin dang ma zin pa'i// sgra shes sangs rgyas gsung ltar 'gyur// gzhan yang gang bcad de mthun pa'i// dngos grub rgya chen rab 'thob ste// snying phyung chos nyid mngon par 'gyur// de dang de yis gang reg pa// thams cad rin chen gser du 'gyur// gnas par 'dod na 'chi ba med// 'chi 'dod gnad med bde bar 'gyur// lha yi rgyal srid 'grub pa dang // bstan pa la gnod 'joms pa dang // srol ba las na ljon shing bskyed// nam mkhar 'phur dang sa la 'dzul// ri bo brag la thogs med 'gro// ci 'dod thams cad 'grub pa ni// bdud rtsi 'phreng ba bla med pa// bzlas pa tsam gyis ros 'grub pa'o// gzhan yang 'di yis 'grub pa ni// ga pur klu shing la bzlas na/ mdze nad bco brgyad sel bar byed// a 'bras til mar ba mar la// bzlas 'thungs rims nad thams cad sel/ kha ba'i rtsa dang li ga tur// shen ta pa la la sogs la// bzlas bskus rus chag thams cad 'tsho ba// gser shing mkhris pa gang yang rung // ba tu la yi khu ba la// bzlas bskus mig gnad sel bar byed// ka ra sgyur shing mu 'dza' ra// dong ka la

  609. 305a

    bzlas 'bru dang gcad// tsa phag du bas char pa gcad// 'babs nam du sang ga'// pra tsa shel gyis sar pa 'bebs// gcod na rgya mtsha sgo ngas so// na tra pa las 'dod chags 'dzal/ kas ni g.yan pa bskyed// 'di dag las ni mdor bsdus pa'o// gzhan yang 'jig rten 'jig rten 'das// bya ba bsam gyis mi khyab pa// bdud rtsi 'phreng bas 'grub 'gyur te// dug gzhil gzhon nu gsol bsngags// 'gro ba'i don du dgongs nas ni// ston pa bdud 'dul dpa' tha yis// yang dag nges par bka' stsal to// dpal bdud rtsi bde ba chen po zhes bya ba chud kyi rgyal po chen po las/ son tan mchog tu bsgrub par bstan par zhes bya ba'i le'u ste drug cu gsum pa'o// // de'i tshe bdud rtsi gsang ba'i mchog 'di'i skal ba dang mi ldan pa'i bdud dang / gshin rje dang / lA ma yin la sogs pa/ lba ba dman zhing log pa'i spyod pa la dga' ba mang po dag cig 'di snyam du sems te/ bdud rtsi dam pa kham gcig ni bdag cag gi yang gsol ba/ khams gcig ni mi gtsang ba dang dug yin pa las/ bcom ldan 'das kyis bdag cag la gsungs te/ kham gcig la bdud rtsi dam pa'o zhes gsungs pa 'di/ bdag cag yid ma mos pas 'di brtag cing de lta bu yin na/ bdag cag la ma gnang yang thabs kyis bdag gi dbang

  610. 305b

    du bya'o bar sems pa dang // de 'dra ba'i log rtog ngan pa de dag mtshams gcod pa'i ched du gsol ba/ bcom ldan 'das bdag gis log pa can dag gi bsam pa khong du stsol te/ bdud rtsi dam pa 'di la bar chad du bgyid par sems na// de dag mtshams gcod pa'i thams dam pa bshad du gsol// bka' stsal pa/ gsang ba'i 'khor 'dir de dag gis gnod par ltar ga la nus te/ ma 'ongs pa la phan par bya ba'i thabs bshad do zhes gsungs nas/ de'i tshe rdo rje'i dra ba rnam par bkod pa chen po sprul pa zhes pa'i ting nge 'dzin la bzhugs te/ thams cad du 'joms pa'i glog gi 'phreng ba zhes bya ba'i snying po 'di thugs las phyung ngo // hUM hUM hUM a mr-i ta dza la badz+ra kro d+ha phaT phaT phaT ha la da ha pa tsa ma tha ban dza hUM phaT/ ces phyung bas rdo rje 'bar ba'i tsha tsha las sprin dpung tsam du 'khrigs pa'i mtshon sna tshogs pa'i char chen po phab nas/ log pa can de la rdul tsam yang ma lus par myangs nas med par byas te sa sar 'du ba 'dus pa las// de dag rdo rje'i brag chen pos mnan to// de nas yang bcom ldan 'das kyis bka' stsal pa/ hUM/ gsang ba'i thugs kyi dkyil 'khor 'dir// bar chad byed dang ngan sems can// 'byung po ma lus bsgral byas te/ mnan te tsham rngam shugs kyis gzir// hUM hUM badz+ra kro d+ha hUM ka ra hUM/ gardza gardza hUM

  611. 306a

    phaT/ hUM hUM badz+ra kro d+ha ni la da Na Da hUM da ha da ha hUM phaT/ hUM hUM badz+ra kro d+ha ya man ta ka hUM pa tsa pa tsa hUM phaT/ hUM hUM badz+ra kro d+ha ha ya gri ba hUM hu lu hu lu hUM phaT/ hUM hUM badz+ra kro d+ha a mr-i ta kun Da li hUM ts+tshin dats+tshin da hUM phaT/ hUM hUM badz+ra kro d+ha Ar+ya a tsa la hUM ban d+ha ban d+ha hUM phaT/ hUM hUM badz+ra kro d+ha a pa rA dza ti/ hUM tiSh+Tha tiSh+Tha hUM phaT/ hUM hUM badz+ra kro d+ha kro d+ha trai lo kya bi dza ya hUM b+hin da b+hin da hUM phaT/ hUM hUM badz+ra krod+ha ma hA ba la hUM s+pho Ta ya s+pho Ta ya hUM phaT/ rang rang tsham rngam stabs brjing pas// bcu'i phyag rgya cher gnas te// mnan pa'i las la btson bya ba// byang shar mkha' 'drar thong bas mnan// bdag 'dzin par gcad tshar gcad pa'o// gsol ba/ phyi yi bar chad mnan pa'i thabs// thabs mkhas dpa' bos bshad lags na// le lo g.yeng rmugs mi gsal ba// 'byung srid nan tan ji ltar bgyi// bka' stsal pa/ rang gi shes rab nyi nub pas// 'gal ba gal te byung srid na// nyes byas mi bcas bshags byas te// khyed dag nyid kyis ngag tu glengs// de nas 'khor 'dus pa de dag gis rang rang gi rgyud la brtags na/ bying rmugs dang / 'phyar g.yeng dang / bla ba sbrid pa la sogs pa'i nyes byas mang du yod par shes nas rab tu gnod pas ngag tu phyung nas bshags pa// hUM/ kun gzhi rnam shes dbyings nyid du// thig le stong gi 'od 'bar

  612. 306b

    ba'ang // ma rig bdag tu 'dzin pas bsgribs// yod med bag chags ngar 'dzin pas// g.yung drung ye shes lha khyed kyis// sku gsung thugs kyi mdzod gsum la// sngon chad nongs bgyis grangs mang bas// 'khor ba mu mtha' med par 'khyams// rang sems dbyings su mngon bya'i phyir// bcom ldan bka' gsang dkyil 'khor 'dir// rnal 'byor dbang phyug bdag cag rnams// nam mkha'i sprin bzhin 'dus tshogs nas// bdud rtsi dam pa'i ngang nyid la// bar chad le lo med pa ru// brtson 'grus rlung ltar thogs med pas// rang sems mngon du bya slad de// mun pa'i g.yung drang 'khyil ba yis// skra gsung thugs kyi mdzod gsum la// sngon chad nongs bgyis grangs mang bas// 'pham zhing ltung bar gyur pa dag/ de dag mi 'chad mthol zhing bshags// bdud rtsi 'chi med dngos grub stsol// ces 'khor rnams lus ngag mthun pas sbrengs pas/ nang gi nyes byas thams cad sor chud nas bde ba'i rtags dang ldan par gyur to// bcom ldan 'das bdud rtsi bde ba chen po nyid kyang dgyes pa'i ros thams cad du khyab nas/ mnyam pa'i dbyings nyid la bzhugs so// dpal bdud rtsi bde ba chen po zhes bya ba rgyud kyi rgyal po chen po las/ phyi nang gi bar chad bsal ba'i thabs rnam pa gnyis bstan pa zhes bya ba'i le'u

  613. 307a

    ste drug cu bzhi pa'o// // de nas yang sems dpa' chen po des/ 'khor gyi nang nas stan las langs te/ yang nas yang du bcom ldan 'das la rig pa las mngon du phyung ba'i me tog gtor nas phyag 'tshal te gsol ba/ rang byung bdud rtsi sman chen pos// 'khor ba'i gcong rnying bsal byas te// nad med bde bar gyur pa'i mchog/ thabs mkhas sman pas bshad du gsol// de skad zhus pas thams cad mkhyen// 'tsho byed rgyal pos bka' stsal pa// nyon cig sems dpa' ngang tshul can// rang sems mun pas bsgribs pa ni// nyid 'od sprin gyis gcod pa bzhin// sprin med mkha' la nyi shar ba'i// 'od kyis dngos kun rang gsal ltar// rang sems gsal brtan yon tan 'bar// rtags kyi dam pa der bshad do// de 'drar khong du chud byas nas// rdzas la brten pas shes bya ba// thun mong dag tu 'di ltar ro// snod bcas 'phar zhing 'khor ba dang // snod kyi nang na khol ba'o// 'phar 'khor la yang gnyis su bshad// dge dang mi dge zhes pa'o// mi dge bying rmugs dri mi zhim// sems kyi de nyid mi gsal zhing // dus der mun par 'khrigs par 'gyur// de tshe rang sems brtan byas te// ngang las rang gi skur gsal bsgom// hUM las mtshon cha'i char phab ste// rdo rje hUM gis rgya bcings pa// bstan pa tsam gyis gzhan pham ste// rdo rje

  614. 307b

    ra ba dra ba bcing // hUM badz+ra pa ta a pa lam na// a mr-i ta badz+ra pany+tsa ra hUM/ dge ba'i mtshan ma 'di lta ste// rang sems 'od gsal shes rgyud dag/ gang 'dod de nyid tsam gyis 'grub// de nyid ci 'drar bdag dbyer med// dpag tshad tsam mam chung yang rung // gnas khang sa bzhir bcas pa'ang 'dra// gang 'dod gnas su hUM la bstim// g.yas su 'khor na thabs lnga 'grub// gang du brtan pa de yi rigs// mtshams kyang de dang 'dra ba'o// g.yon du 'khor na shes rab 'grub// dbyings nyid rtogs med yun ring gnas// stang 'phar mchog gi dngos grub 'thob// 'bying ltar byed na thun mong 'grub// 'di la the tsom za ba med// khol ba'ang rnam gnyis gong bzhin shes// mi dge 'bus bshig lcig sgra dang // tsag zer la sogs dman pa'i sgra// sil sgra khal dang bsing la sogs// nyams dga' gzengs mtho dge bar bshad// lce steng pad+ma 'dab brgyad pa// nyi zla'i bar nas yig 'brug aM// dmar ser gur kum bzang po'i mdog/ pad+ma mtha' yas sku gsung thugs// rim par sgra bsdu pad dbus bstim// rtswa mchog dag la zim chags bzhin// rtsa yi lam nas lam zhugs te// chu bur rdol zhing 'byung ba bzhin// lus kun khyab par dbyer med de// rang sems dri ma med par bya// des ni rdo rje gsung dag gi/ dngos grub bla med mtha' yas

  615. 308a

    'grub// tshangs pa'i gsung ltar rab sgrogs te// pad+ma'i snying po dag pa bzhin// snang la rab tu zhi bar 'gyur// de skad bdud rtsi gsang ba'i dbyings// ston pa rgyal mchog dpa' bos bshad// 'dus pa'i 'khor kun rab tshim ste// bcom ldan 'das la rab tu dga'// spyi btud thal sbyar 'khod par gyur// dpal bdud rtsi bde ba chen po zhes bya ba rgyud kyi rgyal po chen po las/ thun mong gi/ rtags gnyis bstan pa dge ba dang mi dge ba gtan la phab pa'i le'u drug cu lnga pa'o// // de nas dpal bde ba chen pos bka' stsal pa/ sems dpa' chen po nyon cig/ ngas rmad du byung ba'i bdud rtsi dam pa// grub pa'i rtags 'byung ba'i gzhi/ bla na med pa'i byang chub sgrub pa'i thabs dam pa/ lam gyi nang na nye lam dam pa/ bcud kyi snying po/ 'bras bu dka' ba med pa'i rgyu// gsang ba bas kyang ches gsang ba// yang gsang rmad du byung ba khyad par gyi spyod pa dam pa 'di ni rmad du byung ba'i bsod rnams dang yon tan yod de/ bgrang ba las 'das kyang mdor bshad kyi nyon cig/ 'di ni lta ba'i mchog yin te// rang byung dbyings ni brdal khyab kyang // gsal la ma 'dres ye shes mchog/ dbyings dang ye shes dbyer med pas// thams cad sgrub pas bdud rtsi mchog/ 'di ni spyod pa rmad byung ste// gtsang dang sme dang dug dang

  616. 308b

    sman// spang blang med pas dbyings su 'dus// tha snyad 'dzin pa rtog pa'i nad// 'di ni dam tshig mchog yin te// 'di dang mi 'bral dam tshig ste// dang du blangs na dngos grub nye// 'das na mkhas 'gro'i chad pas 'jigs// 'di ni dbang mchog bla na med// bskur ba'i rnam pa tha dad kyang // gcig gnyis gsum bzhi'i dbye ba yis// thams cad rdzogs dbang thig le'i dbyings// 'phrin las rab mchog 'di nyid de// bsnyen bsgrub 'bral med lu gu brgyud// dbyings las gcig kyang g.yos pa med// rgyun ma chad pas ngang gis 'brel// mchod pa'i rnam pa bsam yas pas// stong gsum byur bur bkang mchod pas// 'di yi rdul phran gcig mchod 'phags// thams cad bdud rtsir gyur par rab// mkha' 'gro chad po sor bzhugs na'ang // stong gsum rdzas pas 'di mchog ste// 'di las byung zhing 'di brlabs pas// rang gis rang bskang thams cad dgyes// rnal 'byor chag pa 'am bskang pa'ang // rang rig ye shes rdzas mchod pas// ye shes kyis ni chos nyid gsal/ khams gsum 'khor ba'i btson ra stongs// de la sogs pa dpag tu med// gdon bgegs bzhi la dang da la yams bzlog/ dregs pa dbang bsdu dkor khang dbrog/ dgra gsad smyo dang brlabs dag mdze// phol 'bras shu ba 'brum bu dang / khrag skyug la sogs thams cad

  617. 309a

    dang // tshe bsring longs spyod rgyas bya dang // gzhon nu gso dang rigs 'phel dang // ci dgar thams cad 'grub pa ni// bdud rtsi 'di ldan brtan pas 'grub// ngas gsungs pa la the tshom med// don kun chud mi za ba yi// 'di la dpyas 'dogs skur 'debs pa// rdo rje dmyal bar de skye ste// lce la lcags kyi gzer chen 'bum// skad cig la btab spu gris gcod// ha la dug gis 'phro bskus nas// mi bzod cer ldang ngu zhing 'bod// 'chor med yang yang bskal pa 'bum// gal te na'ang 'jig rten gzhan// rab tu mi bzad sdug bsngal myong // kyi hud skyabs med gang bzhugs zer// de tshe phan byed mi 'byung zhing // dam pa'ang zos par mi 'gyur ro// gal te'ang yi dwags byol song khams// gzhan pas lhag pa'i sdug bsngal myong // mi nad tshe thung nad mang zhing // phan pa'i sman dang phrad mi 'gyur// de bas legs nyes rab bsdams te// las kyi khyad par de bas che// de skad yon tan rmad byung ba'i// gsang mchog mgon pos gsungs pa yin// dpal bdud rtsi bde ba chen po zhes bya ba rgyud kyi rgyal po chen po las// yon tan rmad byung bstan pa dang nyes byas bkod pa zhes bya ba'i le'u ste drug cu drug pa'o// // de nas yang sems dpa' dam pa des gsol ba/ bcom ldan gsang bdag dbang phyug che// kun la dbye bsri mi

  618. 309b

    mnga' ba// bdag cag 'dus pa'i 'khor rnams kyis// kun la khyab par bgyi lag na// bgo ba'i dgongs pa bshad du gsol// bcom ldan kun snyoms dpa' bo yis// brtse bas gsung 'di bka' stsal to// mu mtha' med pa'i byang chub sems// rgyal ba sems dpa' thams cad la// gad la khyab dang du lhun grub pas// snyoms par gnas pa bgos pa'i mchog/ thar pa'i lam mchog sten 'dod pas// bdag gzhan bya ba rdzogs byed na// 'di la 'bad de brtson 'grub bskyed// blo zhan rmongs pa gtsang la dga'// dad med dam med dbang med cing // nga rgyal dregs dang khengs sems can// bka' slu gdeng med che dag can// de la gnang ba'i skabs mi dbye// cha cig rgyal ba rdul phran pas// lhag pa'i tshogs la mnyes mchod dbul// de 'khor gnas pa'i rigs 'dzin tshogs// mkha' 'gro mar bcas la mchod cing // yang nas yang du mnyes par bya// bla ma chen po rgyal ba'i sku// mnyes par bya ba'i phyir dbul zhing // shes rab rgyal 'theb karma ging // go phur la yangs dbul byas te// chas dbye shas tsam rigs par bya// 'dus pa'i 'khor tshogs thams cad la// shes rgyud tshim par bya phyir sbyin// lhag ma med par khyab bya ba// bkra shis gtsang ma'i snod kyis bya// gor shi sha yi lo ma 'am// yang na shun chen dag tu bya// ka shi

  619. 310a

    ka yi ras kyang rung // gtsang ma rab mdzes nan tan bya// rgyu ma'i srad bus bcings nas ni// snod ngan gsang phyir rgyas btab ste// pad+ma'i thal mor sbyin par bya// mchod pas lha yi dkyil 'khor mnyes// gtor na bgegs kyi tshogs las rgyal// bsgrubs na bla med byang chub thob// bsten na 'khor gyi mkha' 'gro dga'// lus bcangs lus kyis bar chad thub// dris ni 'du ba'i nad sel te// yul na gnas na yul khams bde// de la yams 'khrug pa mi 'bung zhing // 'bru smin sad ser mi 'byung ngo // de skad khyab byed ston pas bshad// dpal bdud rtsi bde ba chen po zhes bya ba rgyud kyi rgyal po chen po las/ thams cad la khyab par bstan pa zhes bya ba'i le'u ste drug cu bdun pa'o// // de nas sems dpa' rdo rje rnon pos smin ma rab tu g.yo bar byas te bgad nas/ bcom ldan 'das sgra dbyangs 'brug gi rgyal po de la mchod cing rab tu bstod nas gsol pa/ bcom ldan 'das bdud rtsi sgrub pa'i thabs gzhan mnga' na de dag kyang bshad du gsol/ bka' stsal pa/ sems dpa' chen po nyon cig dang // bdud rtsi dam pa dri ma med// rab dga' bsgrub pa dam pa yis// rigs kyi dbye bas bsgrub pa ni// nga yis yang dag bshad par bya// bram ze gtsang ma'i rigs dag gam// bde gshegs rigs la mos pa'am// las kyi

  620. 310b

    bsags pa yod pa'am// bla mas byin rnams sgrub 'dod na// ri rab rtse 'am gang gi ra ba rung // gcan gzan 'khras sa bkra shis par// brtan zhing bar chad med pa ru// yid 'ong phug gam yang thog tu// rang gi rnal 'byor ma nyams bsgoms// rigs dang mthun pa'i mtshan ldan du// dbus su rin chen sman mchog bzhag/ shar du sems dang lhor sha chen// rak+ta dri chu nub dang byang // bdag nyid rigs kyi mnga' bdag pas// rnam snang 'khor bcas dbus nyid du// mi bskyod shar la 'byung ldan lho// mtha' yas don grub nub dang byang // dbus su oM hUM shar du bzhag/ swa lho aM nub ha byang du/ kha dog rigs kyi dbye bas bya// spro bsdu bar chad med pa las// du ba 'thul dang dge mtshan 'bar// yang dag nyid du dpral bar bsdu// 'jig rten 'jig rten 'das pa yi// mchog dang thun mong bla na med// 'bras bu de bzhin gshegs rigs 'grub// snying po bla med nges pa'o// de bzhin rin chen rigs kyi lha// sha chen bsgrub par 'dod pa na// rgyal rigs bla mas yang dag 'grub// dkyil 'khor brgyad pa'i dbus nyid du// ban d+ha mtshan ldan sul mangs su// bdud rtsi dam pa sha chen bzhag/ gnas ni nags tshal thibs po 'am// skyed mos tshal du bya ba ste// khang bzangs sum brtseg yang thog tu// shar du byang chub sems kyi chu// lhor ni rin

  621. 311a

    chen gzhan gong bzhin// rigs kyi bdag po rin chen 'byung // swa las bsam zhing tshom bur bcas// shar du mi bskyod rnam snang lho// mtha' yas nub la grub pa byed// hUM oM swa aM ha las bskyed// in dra'i mdog dbus rang rang ltar// 'phro dang 'du bcud bkug pas// dri mchog rmad byung bla med de// dge bas bar chad ming mi grag/ rigs chen bla ma rin chen 'grub// lte bar zur brgyad dbus nyid du// bsdus bstan bla na med pa'o// rje'u rigs bla mar gyur pa dang // 'di la mong shing yid brtan pas// pad+ma'i tshal dang smad 'tshong gnas// tsan dan dmar po'i shing drung du// dga' ba'i sems kyis rak+ta bgrub// rang gi rnal 'byor la gnas pas// bsgrub pa bla med byang chub 'grub// brgyad pa'i pho brang snying po la// mtshan dang ldan pa'i sul mangs su// ra ga rak+ta'i rigs chen bsdu// shar du sems dang dri chen lho// sha chen nub tu dri chu byang // A ni rgya skyegs mdog dang 'dra// shar du hUM dang lho ru au// swA nyid nub tu rnam bsams te// hA ni byang gi phyogs su bya// mtshal ltar rab 'bar kha dog gzhan// rigs kyi dbye bas rnam par dbye// mi bskyod la sogs tshom bu bzhi// rang rang gi ni gnas bzhag ste// bzlas 'phro 'du dang bya ba byed// gsal bas yang nas yang bskul te// rang gi rigs la

  622. 311b

    gsol ba gdab// sgra snyan khyad par can dag gis// rigs kyi dbang gis 'byung ba ste// shes nas dge mtshan bsdu ba ni// mgrin par pad+ma'i dbus su ste// aM 'bar rab mchog 'du bas bsdu// 'di ni pad+ma'i rigs dag gis// dngos grub brtan par 'grub pa yin// dmangs rigs rab tu gyur pa yi// slob dpon dri chu bsgrub mos pas// chu gling rgya mtsho'i 'gram dag tu/ khang bzangs mdangs dga' bar chad med// ya kha med par bsgrub par bya// las kyi rnal 'byor mnyam gzhag pas// bzlas brjod par chad med par bya// sa gzhi dge ba byin brlabs par// dkyil 'khor bri byas dbus nyid du// mtshan ldan rgya gram bzhag dbus nang // dri chu bcud can ma lus blugs// shar du snying bcud dri chen lho// sha chen nub tu rak+ta byang // ha mdzes 'od 'bar ljang ku dbus// hUM dag oM gnyis shar dang lho// swa nub AM ni byang du ste/ kha dog rigs kyi dbang gis dbye// rgya gram rdo rje de bzhin no// 'di kun 'khor bcas dbye bas ni// dkyil 'khor phyogs bzhi dbus dang lngar// dbugs kyi rgyan las 'phro 'du bya// rgyal ba kun las bskul byas te// de kun 'khor la gsol ba gdab// 'di las lha mo'i gzugs byung ste// gang yin shes nas blang bya ste// gsang ba'i brda yis mtshon par bya// gsang bar gru gsum steng gnas pa'i// ha la

  623. 312a

    brtan bstim bsdus pas 'grub// las kyi rigs mchog ci 'dod par// yang dag nyid du 'grub par bshad// lnga bzhi sha yang de bzhin te// mtshams bzhi dag la 'gyur ba med// ma phyed rigs kyi dbang gis bsgyur// gzhan yang khyad par 'od rigs pa// rang gis shes rab rnam par spyad// 'gro ba'i mos pa ji bzhin du// ston pas 'khor la gsungs pa yin// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi rigs kyi dbang bstan pa zhes bya ba'i le'u ste drug cu brgyad pa'o// // de nas 'khor de nas mi'i byang chub sems dpa' li tsa byi gzhon nu sde zhes bya bas/ sems dpa' de'i zhal du ltas te smras pa/ sems dpa' bdag cag gis ni smra ba'i dam pa 'di la zhu ba spobs pa can ma yin pas/ sems dpa' nyid ni bcom ldan 'das kyis bkas gnang la spobs pa yang yod pas zhus shig/ rang byung gi bdud rtsi dam pa bcud kyi snying po ji bzhin par ma rtogs pa// thabs la brten te rtogs par 'dod kyang / thabs med pa/ chung ba/ dog pa/ mi ldan pa/ mi zas pa/ mi mkhas pa/ thabs mi 'byor ba rnams thabs kyi snying po 'di la brten na ji ltar bya ba de mi mnga' mi srid pas/ de ji ltar thabs la brten pa zhus shig/ sems dpas smras pa/ de ltar bdag gis gsol gyis/ khyed la sogs pa

  624. 312b

    rnams gus pas nyon cig smras nas/ ston pa la phyag byas te gsol ba/ bcom ldan bdag la gsol ba mchis// thabs med la sogs 'gro don du// thabs kyi khyad par bdag la shod// brtse bas bdag cag tshim par mdzod// de la ston pas bka' stsal pa// thabs med mun par rab tu 'khyams// de dag mos pa ci rigs pa'o// thabs chung byis pa shed ma byed// dog pa byis pa glen lkugs rmongs// mi ldan rang don phyogs tsam shes// mi zab dka' thub brtul zhugs sdom// mi mkhas rnal 'byor sbyor bas bcings// de dag 'di yi snod med pas// tshig gi mtshon tsam ngas ma bshad// mi 'byor mos pa'i skal pa can// de la ngas ni bshad par bya// dbang dang dam tshig ldan pa yis// dpa' bo brtson 'grus brtul zhugs can// slob dpon lung ldan la gus pas// bsgrub par bya yi gzhan gyis min// mdangs dga' kha dog dbyibs ldan zhing // bkra shis bar chad med par bya// las grub mthar mar rab brtsam pa// zla ba rgyas 'dra lngas brgyan pa'i// dkyil 'khor dbus su bzhag pa ni// shre shing khre'u gyi rten steng du/ kha sbal kha shi ka pA lar// rtsa ba lnga la sogs pa yi// brgya phrag gcig dang nyi shu lnga// lcags kyu lnga dang ldan byas te// gzhan dag spangs te btags btsags nas/ khu chen gyis ni rab tu dpol// de yi thod pas bla na

  625. 313a

    dgab// byil ba'i 'bras bus kha brgyan cing // ku sha chun pos dkris nas bzhag/ dkyil 'khor lnga yi ting 'dzin du// gnas nas mchod cing bstod nas gsol// bdud rtsi 'phreng ba'i gsang sngags ni// bar chad med par dgu 'bum bzlas// 'od kyi 'phreng ba spro bsdu ni// ngas bshad 'di la khyad par med// bde ba'i mtshan ma brtan byas te// dngos grub bdag la brtan par bya// nye ba'i dbang phyug brtan gyur na// bdag nyid sangs rgyas sa la 'gro// dbyings nyid bde ba'i ngang du 'gyur/ khams gsum thams cad rgya las grol// gzhan gyi bya ba rdzogs byed phyir// mngon shes drug dang bco brgyad 'thob// nam mkha' la yang 'phur bar nus// mchod dang bskang dang gso skad sbyang // thams cad byed par nus pa ni// sngar bshad dag dang khyad par med// ngas bshad 'gro ba ma lus la// phan par dgongs par nges pa'o// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi dman pa'i don du bsgrub par bstan pa zhes bya ba'i le'u ste drug cu dgu pa'o// // de nas smra ba dam pa'i mnga' bdag chen pos bka' stsal pa/ sems dpa' chen po mdor bsdus pa'i bsgrub pa rnam pa gnyis bshad kyis nyon cig/ gsang ba'i snod du gyur pa yi// bcud can nges pa'i bla ma yis// dag par gyur pa'i

  626. 313b

    gnas dag tu// bya ba thams cad rab rdzogs nas// dam pa'i bkra shis dkyil 'khor ni// 'dab ma brgyad pa'i dbus nyid du// bde ba'i khri rten rab mdzes gzhag/ ha nu man ta'i thod pa'am// dum bu gcig pa bkra shis par// dam pa lnga dang sha lnga dag/ rab dag sbyangs te rnam bkod nas// tho ba'i sbyor bas sbyang bar bya// bcud kyi dam pa sbyang byas nas// dpa' bo ro mchog ldan pas kyang // yang nas yang du bsing bar bya// lnga yi ras kyis gril byas nas// rdo rje rtse lnga'i phyag rgyas mnan// srad bu lnga dang rab ldan pas// 'phreng ba 'bum phrag bcu gcig tu// bar chad mi med tshig bzlas pa// sgra che ba dang chung ba dang // gla la dang sbrid pa gra chag dang // zur nyams sgra log tu bgad dang // rab rib ma gsal sgra phyogs 'dzin// 'di dag nyes par bcas pa ste// rnam par spangs dang dngos grub nye// lnga yi rnal 'byor bder gnas pas// mchod bstod bskul ba yang nas yang // dus drug 'dod yon lnga yis su// dngos grub 'dod pas mchod par bya// thun mong gnyis dang khyad par lnga// brtags te spang dang blang ba yi/ khyad par dag ni shes byas nas// nan tan bde bas bdag la brtan// de nas yang dag bsnyen par bya// des ni thams cad yang dag 'grub// mchog dang thun mong rab nges pas// sangs rgyas sa la gdon mi za// nga yis

  627. 314a

    gsungs la the tshom med// yang dag la brtson dam pa yi// skyes bu ting 'dzin brtson ldan pas// ting 'dzin bla med gtsor byed cing / spros pa dag ni rnams spangs pas// phyi rol spyod pa rab tu spangs// rab tu dben pa'am gar bde bar// gang ltar bder gnad sems kyi dngos// zag gcad rang bzhin mtha' blta bya// rang bzhin mtha' kun rnam par spangs// cha bral cha las 'das pas na// ngang gis dge gsal spangs med spangs// de phyir tha dad rtog med bde// sgo dgu kun las byung ba'i dbugs// 'byung 'jug dal ba'i sbyor ba yis// je phra je ring nye bar sring // ngang gis zhi bar rab brtan pas// rlung ni brtan pa rdo rje ltar// snying gi dbus su thim 'bar zhing / g.yas g.yon bde ba rgyun du 'dzag/ lte ba'i dbus su mi shig pa// nyi ma zla ba'i dbus su shis// sro ma 'dus las bde 'byung ba// rngub pa'i rgyun las me 'od 'bar// sgrol mas rab bskyod stong gsum brdal/ khyab pa'i thugs rje ser bur g.yengs// phyogs bcur bde gshegs rgyud bskul zhing // sa nas sar 'phar dze je gsal// ris drug rmongs dang chags dang khro// gtum po rmeg med kha rgyud nas// yang yang 'khor ba'i nyes pa rnams// bsil mnyen bde ba'i ros tshim bya// kun kyang nges pa'i sa la

  628. 314b

    bkod// dal 'byor rnyed nas mi khom spangs// lha mi sems ni gnyis med bskyed// yang dag nges pa'i lam bkod nas/ khams gsum rgya mtsho gting bskams te// nges par byang chub myu gu bskyed// thugs rje rgyun gyi char phab nas// sngo bskams ljon shing lcug phran rgyas// nges pa'i gal 'gag dga' bas bkrol// dgongs pa mchog gi rlabs gcad de// bya ba med par 'phrin las rdzogs// bsdams med dam tshig nam mkhar bsdams// gzung ba'i mtha' bral tig le dbyings// b+ha ga yangs pa'i dkyil 'khor nas// phra ba'i sku mchog 'khril 'tsher 'bar// de nyid brtan pas de la gzung // gal lte srid nas 'phros gyur na// rtog tshogs lha yi dkyil 'khor mchod// gzung 'dzin rtog pa'i rgya mo bsal// rang snang thabs mchog nyams su blangs// nges pa'i shes sgron khong du chud// bla med bdud rtsi dam pa ste// nges pa'i gdeng rnyed rtags byung bas// rtog med bar chad bgegs zlog go// rang sems nges rnyed dngos grub blangs// de 'dra yang dag bdud rtsi ste// bsgrub pa dam pa yang dag bshad// sems de dbyings las lces blangs nas// gur kum dag dang bsres nas ni// dngul chu de yi nyis 'dab

  629. 315a

    dang // sbyar nas ri lu ci mdzes bya// ta ma mo yi lo ma ru// gril te bdag nyid ci dgar spyad// 'phags pa mchod dang sgrib par sbyang // mkha' 'gro mgu bar bya ba dang // rnal 'byor nges pa sor gzhug phyir// thabs mchog bdud rtsi bla med de// dpa' bo gcig pur bsgrub pa'o// yang dag thugs kyi bsgrub pa mchog/ 'di gang gnas dus skal bzangs mchog/ rnal 'byor lam la rab gnas zhes// yis nges par gsungs pa'o// dpal bdud rtsi bde ba chen po zhes bya ba rgyud kyi rgyal po chen po las/ bdud rtsi nges par bsgrub pa don gcig tu nges pa zhes bya ba dang / dpa' bo thugs kyi bsgrub pa gcig pa zhes bya ba'i le'u ste bdun cu pa'o// // de nas sems dpa' nyi ma'i snying po zhes bya ba zhig 'khor der 'dus te gnas pa las/ de stan las langs te/ sil snyan dang / rnga bo che dang / sil krog gi sgra brgya stong phrag du mas ston pa mchog dang / sems dpa' dam pa la mchod de/ sems dpa' la smras pa/ sems dpa' chen po nyid ni/ de bzhin gshegs pa thams cad kyi sku gsung thugs las skyes shing mdzod chen po gyur la/ zhu ba thams cad la ma rmongs pa lags na/ da dung bcom ldan 'das la zhu bar mdzod cig/ de ci'i phyir zhe na/ log par rtags pa'i 'khor ba pa'i chos ma lus pa mang / brtags pa'i

  630. 315b

    ming la mngon par zhen pa las byung la/ mya ngan las 'das pa zhes pa thar pa dam pa yang de dang 'dra la/ de gnyis kyang bdud rtsi chen po'i dbyings 'gyur ba med cing skye shi dag bral ba'i klong du zag bcad de gcig ces brjod pa dang bral bar gsungs/ gsung / gsung bar 'gyur la/ thams cad kyang tshig gis brjod de gtan la phab ste ci lags pa de/ bdag cag gi tshom du gyur pas/ de zhu ba spobs shig/ sems dpas gsungs pa/ bdag gis ni sngar ston pa la mang du zhus la/ ci zhus pa de yang bsam pa mthar phyin par mdzad la/ des 'gro ba grol ba de yang / yang dag pa'i bdud rtsir nges pas/ 'khor ba'i dbyis phyung bar gyur te yang dag pa'i mtha' la bkod zin pas da zhu bar bya ba ci yang med la/ ci zhu ci gsungs pa thams cad kyang rung / ma zhus ma gsungs kyang rung bar de kho na nyid g.yos pa 'am/ 'gyur ba 'am/ ldog pa 'am/ gzhan du 'gyur ba ci yang med par de khong du chud pas zhu bar bya ba med do// nyi ma'i snying pos smras pa/ de lta na ci byas pa thams cad stong pa ste/ tshig thams cad kyang stong la des mtshon du med de stong na snying po med de ci dgos/ slar smras pa/ de lta min te ci bya ba thams cad ni stong pa de nyid las 'byung ste/ dper bya na/ nam mkha' las char pa 'byung bas thams cad kyi gsos su byed pa lta bu'o// nyi

  631. 316a

    ma'i snying pos smras pa/ ci med pa la yod par mtshon cing 'byung bar 'dod pa ni shes rab 'chal ba ste blun pa'o// smras pa/ ci gtan nas med pa las yod par 'dod pa lta bu ni ma yin te/ med pa nyid las de ltar brtags kyang gtan nas so sor mi snang ste/ tha dad pa ma yin pas/ cir snang / ci brjod/ ci ltar rtog kyang de nyid de ltar snang ba ste/ dper na sprin dang / na bun dang / 'ja' dang / khug rlangs nyid nam mkha' las byung zhing de nyid du dengs pa las mi 'gyur ba kho na bzhin no// de mtshon du'ang btub ste btags pa'i mtha' la zhen pa'i sgo nas brjod pa gang gis kyang mtshon par nus te dper na me zhes pas 'tshig mi nus kyang / dro ba dang / 'bar ba dang / 'tshig par brda 'ja' te thams cad du bya ba byed par nges pa bzhin thams cad kyang ngo // de bas na chos thams cad ni tshig go/ tshig thams cad ni brjod pa'o// brjod pa thams cad ni 'brel pa ste yi ge'o// yi ge ni tha dad pa'o// tha dad pa thams cad ni rang bzhin gyi yi ge a'o// a ni khong nas byung ba ste/ gang la yang ma brten pas thams cad kyi byung gnas te gzhi'i dam pa'o// de ni bla med snying po bas// spros med khyab pas de bzhin nyid// ma btsal byung bas kun tu snang // don kun sgrub byed rgyur gyur pa'o// brjod tsam nyid na brjod med pas// brjod pa

  632. 316b

    don gyi gsung mchog go/ nyi ma'i snying pos shes par gyis// nyi ma'i snying pos de skad kyi tshig thos nas rab tu yang dga' zhing 'dun pas/ sems dpa' dam pa de lta bas na brjod pa dang bral ba'i a zhes bya ba de// don ni ji lta bu zhig/ dbyibs ni ci 'dra ba zhig/ gnas gang 'dra ba zhig na/ kha dog ni ji lta bur snang / khyab pa ni gang tshun chad tsam/ yun ji srid cig na gnas/ dbye ba ni mchis sam/ don bya ba'i thabs ni gang ltar lags pa de/ ston pa smra ba'i seng ge la zhu bar byos shig/ de nas ston pa de'i zhal du mig mi 'gyur bar bltas nas gsol ba/ e ma ho/ dngos med brjod bral de nyid las// brjod pa spros bcas kyis mtshon 'char// ji snyed rjod byed yi ge mtha'// skye dang bcas pa yi ge a// de 'byung dngos rnams thams cad kun// don sogs bshad par mdzad du gsol// de tshe rang byung bdud rtsi bdag/ yi ge bdag pos bka' stsal pa// a ni skye ba med pa'i dbyings// cho 'phrul sna tshogs 'byung ba'i gzhi// rang byung dbyer med dngos grub rgyu// nye bar brtan pas yi ge mchog/ chos rnams bya btsal kun bral te// spros dang bral bas thig le rgya// chos dbyings brdal ba'i ye shes nyid// nam mkha'i mtha' yis khyab pa'o// kun nas zlum pa'i yi ge ni// gsal byed 'bras bu lta bu ste// glang po sna dang shad 'dra

  633. 317a

    ste// pi wang dbyibs dang seng ge bsgyings// gzhan yang tha dad nges med par// brtags pas gang yang a yi dbyibs// lte ba mgrin snying spyi bor 'brel// ba dag gsang ba'i pho brang ste// rin chen bse gab nyi zla'i dbus// sro ma tsam gyi bde ba'i 'od// 'dus pa de yi gnas yin no// mthing ka dmar ba la sogs spangs// mdog med mdog rnams kun gyi gzhi// thams cad khyab byed gang yang mdog/ btags na zla rgyas pa mo 'dra// snod bcud nam mkha' sems rjes 'brang // 'byung da 'byung ba las gyur dang // sa dang ri brag chu bo klung // go 'byed sgra yis khyab pa ru// thams cad bde chen dbyings su khyab// ji srid nam mkha'i yod kyi bar// de srid rang sems nges par gnas// chos kyi dbyings kyang de bzhin te// a yang de ltar rab tu gnas// de yang so sor mi srid de// dbyer med gcig tu lhun grub pa'o// 'di las gyur pa'i dbyer ba ni// sgra dag dbyangs dang sgra dang las// so sor nges par bstan pas na// brjod pa'i grangs las rab tu 'das// 'di yis don rnams ji snyed pa// thams cad ma lus rab tu bsgrub// bla med snying por mngon sangs rgyas// 'di yi rigs lnga gsum dang gcig/ dbye ba'am dbye ba med pa 'grub// rigs lnga 'di nyid dug lnga sel// shes rab rigs kyi dbyings kyang de// dug lnga

  634. 317b

    bdud rtsi lngar sbyong ste// zhing khams lnga yang de bzhin no// zhi rgyas la sogs 'phrin las rnams// brtsams pas thams cad thams cad 'grub// g.yul las rgyal dang lha men 'joms// thams cad 'grub pa nyid du bshad// rdza rnga dag la brten pas ni/ 'khor lo sgyur rgyal bral bzhin du// lha dang klu mo la sogs yang // 'khor dang bcas te dbang du yong // brgya byin 'khor bcas bsgo ba nyan// de nas kun 'grub som nyi med// ces nges par bka' stsal pas/ sems dpa' rdo rje rnon po rab tu tshim par gyur to// de nas sems dpa' nyi ma'i snying pos/ sems dpa' rdo rje rnon po la smras pa/ bcom ldan 'das kyis thams cad nges pa kho nar gsungs pa las/ as mtshon te rdza rnga la brten nas bsgrub pa zhes bgyi ba de da dung khong du ma chud pas de zhu bar mdzad du gsol/ sems dpa' rdo rje rnon pos/ bcom ldan 'das la gsol ba/ kye bcom ldan 'khor ba'i g.yul bzlog cing // rgyal srid bla med rgyas mdzad pa// rmongs pa rnams la brtser dgongs te// bdud rtsi rdza rnga'i bsgrub pa dag/ bdag cag rnams la bshad du gsol// bcom ldan 'das kyis bka' stsal pa// a ni mtshon pa dag bral te// mtshon med mtshon par bya ba'i thabs// bdud rtsi dri ma med pa ste// bshad kyis gus par mnyan par gyis// rnal 'byor yang dag rab nges

  635. 318a

    pas// dben la nyams dga' bkra shis par// lhag pa'i rnal 'byor la gnas pas/ khri phrag dgu ru bzlas par bya// man ti sa dang rdzas ni// cha mnyam phyed phyed gcal nas kyang // ras phran las ni drang bar bya/ khrus rtsi nyi shu rtsa lnga'i char// btung ba'i mchog gam tshwa yang rung // dri chur bcas pas gong bur bya// dbang thob dam tshig ldan pa'i mis// gsang sngags 'di brjod 'thas par bcag/ oM badz+ra pri Ti ba ang gu le 'dza ma ra swA hA/ de nas khras bras brdzis bcag bya// a ltar zlum po spros med pa// dpangs dang rgya ru khru gang ba// pad+ma'i 'dab ltar 'jam par bya// snying po la brten khru phyed mgrin/ kha khyer sor bzhi 'theb sor sboms// sor phyed kun tu snyoms par bya// pags pa chen pos rab g.yogs te// 'gar na pa la'i shing gis gdab// phyi nang bdud rtsi rnam lnga dang // tshil chen bsres pas yang yang byug/ seng ldeng me la bsros nas ni// de nas nyi grib mtshams su bzhag/ bdud rtsi lnga dang sbyar ba yi// tshon gyis rnga la bri ba ni// gcig la 'khor lo brgyad dbus cig/ phyi rol sgras yi 'phreng bas bskor// snying po'i snying por a bri'o// dang po'i lnga la IM hUM AHhUM// sA dang hA ste lnga bri ba// dang 'og dbus kyi snying po la'o// bcu gnyis pa la swa dang rba// pan dang tsa dang a dang ni// mr-i dang ta dang hAM dang

  636. 318b

    hri// thA dang sA dang hA rnams ni// shar la sogs par de bzhin bri// A li g.yas la kA li g.yon// phyi rol rdo rje 'phreng ba 'bar// gcig la snying por hUM bri ste// mtshan du muM dang laM dang maM// byaM taM shar sogs de bzhin bri// 'phreng ba'i sngags kyang de bzhin te// rim gnyis gong las bzlog par bya// phyi rol pad+ma dmar po 'phreng // zlum po nyid la bri ba ni// 'khor lo dbus bri gzhan sngar bshad// rin chen pad+ma rgya gram la// bskor ba rim bzhin ma nor bya// phyi rol bskor ba sngar bshad bzhin// yi ge 'phreng ba'ang de bzhin no// bri ba zin nas gtsang ma yi// gnas su ku sha'i stan la gzhag/ gzhan du grags pa ji bzhin du// mnga' gsol cho ga rgyas bya ste// bdud rtsi lnga yi chu yis su// gsal byed la ni bkru bar bya// dag pa'i rdza rnga mdun gzhag ste// nyi zla spyang kis gzung dus su// brtsams te lha yi rnal 'byor gyis// bdun 'bum bdun kri bdun stong dang // brgya phrag bdun du bdun cu bdun// dbugs bsris bar chad med par bzlas// rang snying nyi zla'i bar gnas pa'i// a las sgra byung de bskul spros// bdud rtsi bskul la rnga la dbab// byang chub sems kyi chu rgyun gyis// stong gsum bkang ste tshim byas na// nye ba'i bsnyen pas rab tu mnyes// grub nas 'od la sogs pa snang // bsgrub tshe rang byung sgra grags te// lus bde

  637. 319a

    sems g.yo rang bzhin rgod// bsgrub pa chen pos rab brnyes nas// 'jig rten g.yo zhing ldeg pa dang // stong gsum kun tu thos pa'i sgra// dge dang mi dge rang 'dod pa'i// sgra yis sems can don byed nus// bla ma spong dang theg chen smod// gsang bar 'os rnams bshod byed pa// sgra grags tsam gyis thogs pa med// brgyal dang snying 'gas khrag skyug cing // gso bar 'dod na'ang sgra thos tsam// bskrad dang gzir dang yul dbyung dang // mkhar dbab ser ba dbab pa dang // lce dbab pa yang sgra yis 'grub// tshe sring gzhon nu bde ba dang // nor spel bgegs rnams zhi ba dang // yul khams dbang bsdu gter brko ba'ang / bdud rtsi rnga yi sgra yis so// g.yul las rgyal bar bya ba dang // rta dang glang po dbrog bya dang // 'khor lo lnga de thogs nas su// sa rnams rim par bgrod byas nas// sangs rgyas sa la sbyor ba yang // 'di grub phan chad the tshom med// bdud rtsi rnga yi sgra yi rgyun// grag pas stong gsum sems can rnams// bsgral nas bla med lam la bkod// de sogs 'jig rten 'jig rten 'das// bya ba ci yod 'grub pa ni// 'di la the tshom za ba med// de phyir mtshon med chos nyid kyang // mtshon te gtan la dbab par nus// ngas bshad 'gro la phan pa'i phyir// nges par rdza rnga bsgrub pa bshad// dpal bdud

  638. 319b

    rtsi bde ba chen po zhes bya ba rgyud kyi rgyal po chen po las/ bdud rtsi rnga sgra bsgrub pa zhes bya ba'i le'u ste bdun cu gcig pa'o// // de nas yang sems dpa' nyi ma'i snying pos phyag 'tshal te/ sems dpa' chen po zhu ba po la smras pa/ kye sems dpa' dbang phyug chen po khyod kyis ci dang ci zhus pa thams cad ston pa dam pas sems can gyi don gsungs pas na/ da dung du'ang bdud rtsi sgrub pa'i thabs yod na yang zhu ba dbu bar rigs so zhes smras pa dang / sems dpa' thams cad zhu ba po des gsung ba'i bdag nyid seng ge bsgyings pa de la phyag 'tshal te gsol ba/ pad+ma lta bur nyes pa thams cad dang bral ba chen po gsan du gsol/ bdag cag 'khor 'dus pa rnams da dung tshim pa ma gyur pas/ bdud rtsi sgrub pa'i thabs gzhan dag bshad du gsol/ bka' stsal pa/ sems dpa' chen po la sogs pa khyed 'khor rnams nyon cig/ 'di ltar ste/ bdud rtsi rkang du bsgrub par 'dod pa'i yon tan thams cad dang ldan pa'i rnal 'byor pas brag phug stong pa thibs por song la/ bdud rtsi dam pa lnga dang // lcags kyu lnga dang / ga pur dang / su ru'i tsan dan dang / li ga tur dang / ka ko la dang / dza ti pa la ste dri lnga dang / tsan dan dang // a ka ru dang // li shi dang / 'bri shi ka li dang / de ba ru dang / sgron shing ste dri phal pa lnga dang / ta ma

  639. 320a

    la dang / du ru ka pog dang / sbrang rtsi dang / lce pog dkar po dang lnga ste spos lnga dang / gser/ dngul/ mu tig/ byu ru/ mu men te rin po che lnga dang / stag tsher ba dang / seng tsher ba/ dbang po lag pa/ shu dag/ ud pa la ste sman lnga dang / 'bras dang / til/ gro/ nas/ sran ma sha ste 'bru lnga dang / bu ram/ sbrang rgod/ mar lan tshwa/ 'o ma ste snying po lnga dang / a 'bras rgun 'brum pa na se/ na le ker ya pa ri bum sha ste 'bras bu lnga ste/ 'di rnams cha bsnyams te zhib par btags la mi'i rkang gis dpol nas/ myos byed kyis kyang dpol te/ mi'i rkang ngam/ bya rgod kyi rkang ngam// glang po che'i rkang gang yang rung ba'i nang du blugs te/ sing ga'i ras kyis gril nas dkyil 'khor gyi dbus su gzhag ste/ lha'i rnal 'byor dang ldan pas dus drug tu tshogs kyi mchod pas yang dag par mchod de/ bdud rtsi'i 'phreng ban phrog 'du dang bcas pas bdun 'bum du bar chad med par bzlas na/ du ba la sogs pa rim pas 'byung ste/ dge mtshan rtags ste rung ba dang / 'phags pa mchod cing bdag nyid kyis 'o ma 'am/ ba'i mar dang sbyar te/ bags kyis bskyed cing zos na/ skra dkar med/ mig rno/ dbang po gsal/ so dam/ lus mnyen la yang / gnyer ma med/ gdangs snyan zhing lus sra brtan du gyur nas/ ngal dub dang 'du ba'i nad kyis nyen pa

  640. 320b

    mi 'gyur te/ tshe ring zhing dge ba la bar chad med de/ bdud dang srin pos kyang bar bcad du mi nus te/ rgyal ba'i grangs rigs 'dzin du gyur nas/ lus des sangs rgyas kyi sa lhun gyis grub par 'gyur te/ 'di la the tshom cung zad kyang med do// yang bdud rtsi ri lu sgrub par 'dod na/ rnal 'byor pa dbang thob pa/ dam tshig dang ldan zhing sran tshugs pa/ dad pa che zhing sgrub pa la mos pas/ gnas bkra shis shing bar tshachad dang srog chags med par/ yo byad dang ldan pas sgrub pa la 'jug par bya'o// sngon gyi bya ba rdzogs nas 'dul bcad de/ dkyil 'khor gyi las ma lus pa byas nas/ tshon sna lngas rin po che zur brgyad pa snying po dang bcas pa/ khyams dang sgo khang dang bcas pa rgyan sna tshogs pa bris te/ bla 'og gi rgyan gyis brgyan te bde bar gnas par bya'o// de nas gong du gsungs pa'i rdzas sam/ yang na khu zho ma sha srang gcig pa zhes bya ba'i sha ma rul ma sums par bskams te phye mar byas pa srang sum cu rtsa gnyis dang / hU lu ka dang / shing tsha dang / pa tra dang / gan d+ha pa Ta dang / phra ma na a ke dang / shan ti ka pus pa dang / 'gan da de shwa ra dang / ka sho kan da dang / ma hA pa la zhes bya ba dang / go tsi hA dang / le na le'i rtsa ba dang / nA ga pu pa dang / la phug dang / sgog skya dang / hA dkar po'i rtsa ba 'di rnams cha bsnyams pa'i phye ma bsres te

  641. 321a

    sbyar ba dang / nye'u shing srang drug cu rtsa bzhi bsdus pa'i khu ba skan de mas spras te/ ri lu a 'bra'i 'bras bu tsam srang las mnyam por byas te/ shing stag pa'am/ be'i shun par re re zhing gril nas/ thams cad mi'i pags par gcig tu byas te ku sha'i chun 'khor la khri'i steng du dbus su gzhag nas/ lha'i sbyor ba yang dag par goms par byas nas/ bkug pa'ang bdag dang de la phab ste mchod cing / phrum dang bu ram bag tsam gyis 'tsho bar byas te/ 'od zer gyi dri bas bdud rtsi bkug nas de la bcug ste/ dur khrod na gnas pa dang / sman gyi lha dang / de'i rigs 'dzin pa rnams la'ang gsol ba btab nas/ bdud rtsi'i 'phreng ba 'bum phrag bdun du bzlas shing / bya ba mang po'i sems mi bskyed/ mnyam pa las lus kyi g.yeng ba gzhan bskyung / bzlas pa'i bar chad gang yang mi bya/ lha'i nga rgyal las mi bsam par bsgrubs na/ dang por 'jam par 'gyur/ dri 'byung de nas dro bar 'gyur/ sgra 'byung / de nas du ba 'thul/ de nas me lce lta bur 'bar bar 'gyur/ de nas snod dang bcas pa 'phar zhing nam mkha' la lding bar 'gyur/ de nas shun pa rnams rang tshig nas gser dngul bzhu ba'i dngos po bzhin gnas par 'gyur te/ des bde bar gshegs pa thams cad mchod cing rang rnal 'byor dang ldan pas re re zhing mur zhing

  642. 321b

    bzlas na/ thun mong gong du gsungs pa dang 'dra ba las/ lus mdangs rab tu gsal zhing gser gyi kha dog dang ldan par 'gyur/ mngon par shes rnams dus gcig 'char/ nam mkha' la bya bzhin du 'gro/ sa dang brag la thogs pa med par 'gro/ rgya mtsho la mi 'bying ste/ 'phags pa 'jam dpal ltar gzhon nu'i cha byad gzung nas rgas pa dang / rgud pa'i nyes pa cung zad tsam gyis nyen par mi 'gyur te/ bdud rtsi ri lu bsgrub pa'i thabs mchog go/ gal te skyo ma 'am/ khu ba sgrub par 'dod pas gong du brjod zin te sgra mi dgos la/ dkyil 'khor ni 'khor lo rtsibs brgyad pa'o// rdzas gong ma gnyis gang yang rung ba'i steng du/ ge'u wang srang drug/ a ru ra srang nyis brgya nyi shu rtsa lnga/ gser phye ma srang bcu drug/ dngul de'i nyis lngapa/ zangs dngul gyi nyis lngab/ lcags zangs kyi nyis lngapa/ de rnams dang mnyam pa'i ldong ros gser gyi mdog tu 'tsher ba/ bdud rtsi'i chu srang sum brgyar sbyangs te/ lha'i rnal 'byor dang ldan pas/ de bskams kyi bar du bdud rtsi 'phreng ba bzlas par bya'o// de dag rmeg med par gyur pa dang / tsha 'am/ sgur po srang brgyad kyis gtor te/ sor bzhi 'am/ drug gam/ bcu gnyis sam/ khru gang ngam/ mda' gang ngam/ 'dom gang ngam/ nyis 'gyur du je ring je ring ste/ dpag tshad tsam du'ang drang du btub par bzlas par

  643. 322a

    bya'o// de nas 'phags pa la mchod cing rnal 'byor dang ldan pas bags kyis bskyed cing zos te/ lus kyang bskus nas 'byung ba'i rkyen med par 'dug na/ de bsam pa yid bzhin du 'grub ste/ sems can gyi don ci bsam pa dar gcig la 'grub/ lus la nyi ma lta bu'i gzi brjid 'byung / sangs rgyas kyi zhing khams mang po dar gcig la bgrod cing / bde bar gshegs pa'i zhal mngon du mthong la/ de dag gis lung ston cing sangs rgyas kyis mdzad pa yang ci bya ba 'grub/ thogs pa med pa'i shes rab kyis pha rol gyi rgyud dgrol bar nus/ lus dang ngag gi sprul pa 'byin cing bden pa ci brjod pa 'grub/ bye ma dang gseg ma las rin po sil mar bsgyur zhing dbul ba sel nus/ skam sa las chu 'byin zhing / sol ba las ljon shing bskyed pa la sogs pa 'grub ste/ 'dod na dar gcig gis kyang sangs rgyas kyi sa la lhun gyis grub cing che ba'i yon tan grub par byed do// 'di ni bdud rtsi lde gur sbyar ba'i thabs dam pa'o// yang rnal 'byor pa mchog la la dag bdud rtsi zhun chen sgrub par 'dod na/ bya ba thams cad rdzogs par byas te/ zhen chags med par byas pa des/ gnas gang yang rung bar stan med kyang rung ste/ langs pa'am/ tsog pu 'am/ 'phrad dam/ khas bub kyang rung bar 'dug la/ rang gi sems kyi dkyil 'khor

  644. 322b

    bltas te/ rang byung ji bzhin ma bcos rnam ma'i ngang la mnyam sdoms tsam du spyod lam thams cad du gnas par bya'o// rdzas thams cad sgyu ma 'am/ mig rgyu ba ltar spang blang med par shes par bya'o// 'on kyang bdud rtsi dam pa lnga las// byang chub sems ni ye shes kyi phyag rgya las btsal ba'o// gzhan du ni cung zad tsam yang ma yin pa'o// rak+ta ni dang po kho nar pad+ma las 'dzag pa'o// sha ni nu zho ma 'am/ srang drug pa man chad do// dri chen dang 'dri chu ni/ lus kyi bcud gzhan du ma shor ba'i 'o// de la byang chub sems ni nges pa mes do// rak+ta ni srang brgyad man chad do// sha chen ni de'i bdun 'gyur ro// dri chu ni bsdus pa'i snying po'ang gong ma bzhin no// dri chen ni nges pa med de ci mdo// de dag kyang rlung dang 'bu srin gyis ma khyer zhing ma rul/ ma rnying / ma sums pa btags te yang nas yang du btsags pa dang / a ru ra phye ma srang drug brgya man chad gcig tu byas te/ zhun chen bdud rtsi chu las btsos te du ba srang re re'i nang du/ gong ma srang re blug pa zho re re nas bags kyis bskyed pa rang bzhin gyis 'grub par byin gyis brlabs te dus gsum man chad du bza' 'o// bdud rtsi chu'ang de bzhin te srang gsum gsum mo// ba'i 'o ma'ang ci ran btung zhing / rang gi shes rab gsal ba'i me long la blta ste/ ma yengs tsam du sgrol ma goms tsam du nan

  645. 323a

    tan byas na// thams cad mkhyen pa'i ye shes rang rgyud la shar nas/ log pa'i lta ba ngan pa rgyud bcad de/ bla na med pa'i byang chub mngon du grub par 'gyur te// ngas gsungs pa 'di dag la the tshom za bar ma byed cig/ ces smra ba'i mchog gis bka' stsal to// dpal bdud rtsi bde ba chen po zhes bya ba rgyud kyi rgyal po chen po las/ sman las grub pa'i rigs 'dzin mchog bsgrub pa'i le'u ste bdun cu gnyis pa'o// // de nas bcom ldan 'das dpal bdud rtsi bde ba chen po zhes bya ba'i ston pa thams cad mkhyen pa des/ thams cad mi rtog cing 'du 'bral med pa'i dbyings su sdus pa zhes bya ba'i ting nge 'dzin la bzhugs te/ hUM zhes bsdu bar mdzad do// de'i tshe sems dpa' rdo rje rnon po dang / gzhan 'khor 'dus pa thams cad rtab rtab por gyur te/ bdag cag gi ston pa bla na med pa/ dam pa'i mdzod rnam par bkod pa/ gsang ba'i yang dag pa'i gsang ba chen po/ don rnam par bkod pa'i snying po'i yang snying / smra ba thams cad kyi seng ge chen po 'di 'dra ba gzhan gang dang yang mtshungs pa ma yin pas bdag cag gis bkur zhing bstod pa'i gnas yin no// zhes bsams nas mgrin gcig tu 'di skad ces rol mo dang pheg rdebs shing bstod pa/ oM/ 'gro kun thugs rje bkod pas rab 'dzin khyab pa'i sku// gang

  646. 323b

    'dul thabs kyis rol bas mthun pa'i gzugs snang mdzad cing // bde gshegs mtshan dpe 'gran med rab 'jigs me ltar rab 'bar bas// dregs sogs gtan sreg ma lus byang chub lam la 'god mdzad pa// nyid 'dra gzhan med rdo rje bdud rtsi sku la phyag 'tshal bstod// AHbrjod bral thams cad kun la go bar shugs kyis ston mdzad pa// rnam dag gsung ni cher seng ge nga ro sgrogs shing brjod// lha dang klu sogs rang skad ji bzhin 'tsham par ston cing 'dul// snyan cing zab ces ka la bing ka la dang 'brug stong ldir// ci gsungs chos sgra sna tshogs char phab thams cad gso mdzad 'dud// hUM/ rab tu zab cing brtags par dka' la gsal dag de// lhun grub dang la bskyod pa mi mnga' rang 'byung ye shes gsal// kun 'dus kun gyi bdag nyid mchog nyid rtse mo dbyings// kun gsal khyab pa'i dbang phyug yongs gsal dri ma bral gyur pa// thugs dbyings gsang bdag kun gyi dbyig gis bdud rtsi nyid la'o// swA/ zad med yon tan dpal 'bar mnga' dbang mchog gi gter mnga' bas// ma rig phongs pa rnams kyi dbul ba sel cing sangs rgyas dkor ldan pa// stobs chen mnga' ba'i lha ste log pa'i sde 'joms dpung dang rab tu ldan// tshad med dga' ba'i bde bas thams cad byang chub mchog gi lam 'dzud pa// bshes

  647. 324a

    gnyen dam pa kun gyi mgon du gyur pa'i re gnas dam pa la'o// hA/ 'phrin las zad med bsdu bas ma lus kun tu btul te dpal ldan mdzad// mi gtsang 'dam khung ku mu ta skyes rab mdzes bung ba bcings grol ltar// nyid ni 'khor ba'i chos la dbang sgyur nyid las gzhan mi dmigs// 'dab rdzas skyon nyid dor med rang byung bdud rtsi gcong rnying 'joms mdzad pa// kun sgrol bdud rtsi gcong rnying sel ba'i las rab mdzad pa dpa' bo nyid la 'dud// bstod pa mchog gyur dam pa 'dis// rigs kyi bdag nyid chen po la// dgyes bskyed dus gsum bde gshegs dgyes// 'di yi bsod nams brjod las 'das// a la la ho/ zhes bstod pas de bzhin gshegs pa thams cad rab tu dgyes te mnyam pa nyid la ngam ste bzhugs so// de nas yang sems dpa' rdo rje rnon pos bcom ldan 'das kyi zhal du bltas te gsol pa/ bcom ldan rdo rje bdud rtsi mchog/ bcom ldan nad sbyong sman pa'i gtso// bcom ldan gsang chen thabs kyi rgyal// bdag cag 'khor tshogs tshim mdzad kyang // ma 'ongs gro la phan mdzad phyir// nan tan bskyed de gsung bar rigs// ces gsol pa las/ bcom ldan 'das ni ci'i snang bar yang mi mdzad/ ci lta bur yang mi rtog/ ci'i dgongs pa'ang mi mdzad de mnyam pa nyid la lhan ne bar bzhugs

  648. 324b

    so// de'i tshe sems dpa' chen po rdo rje rnon po dang 'khor 'dus pa thams cad 'di snyam du sems te/ bdag cag la sogs pa rnams ni rtog pa'i rgyal mo phyogs gcig bsal nas lam dam par btsud de tshim yang / da dung rtog pa mang po'i the tshom yod kyang sel bar mi mdzad pa de bdag cag skal ba chung ba 'dra grang snyam du sems pa dang / rtog pa de lta bu dag bcom ldan 'das kyis thugs su chud nas bka' stsal pa/ sems dpa' ngas ni tshig gcig tsam yang ma gsungs/ mi gsung / gsung bar mi 'gyur te/ gsung bar bya ba ci'ang ma dmigs so// gsol ba/ tshig gcig tsam yang ma gsungs na/ bdud rtsi dam pa ji ltar gtan la phab ste shes par gyur/ bka' stsal pa/ ci bdud rtsi zhes bya ba de'ang nan gyis btags te blo bur ba yin na/ gtan la dbab pa ci yod/ gsol ba/ bdud ces bgyi ba dang / rtsi zhes bgyi ba dang / spang ba dang / blang ba dang / sgrub pa'i khyad par dang / grub pa'i 'bras bu dang / de'i yon tan dang / ma grub pa'i skyon dag ngo shes shing khong du chud par bya ba de gtan la phebs pa lags sam/ bka' stsal pa/ de dag nyid kyang btags pa tsam ste/ de kho na nyid ma bcos pa/ ma bslad pa/ ma bsgyur pa/ kun la khyab pa/ so sor ma 'dren pa/ yongs su rdzogs pa/ rgyu zhes ma btags pa/ lam zhes bgrod du med pa//

  649. 325a

    'bras bur ma bsgrub pa ste// ye nas gtan la phab zin pa'o// gsol pa/ kye bcom ldan 'das de lta na ci'ang bya mi dgos la/ bcom ldan 'das kyis gsungs pa'ang don ma mchis lags sam/ bka' stsal pa/ de de lta ma yin te/ rmongs pa/ ma rig pa/ ma shes pa/ mun par 'khyams pa/ dra bar chud pa/ de kho na nyid khong du chud pa rnams la phan pa'i phyir ngas gsungs ces bya ba'ang / don gyi snying po nyid la nyid kyis stsal ba las gzhan du ci'ang ma yin no// de lta na'ang ngas bstan pa'i thabs khyad par can 'di'ang rmongs 'khrul gyi lta ba can de nyid la mi mos pa rnams la tshig gi mtshon tsam yang bsgrags par mi bya'o// de bzhin du theg pa dman pa dang / dbang ma thob pa dang / dam tshig dang mi ldan pa dang / bla ma la smod pa rnams la'ang ngo // sems dpa' sems dpa' chen po dper na nyi ma'i dkyil 'khor ri nya' shing 'dzin gyi thog nas 'char ba'i 'od de la ni/ dbye ba 'am/ bsri ba'ang med/ grang ba dang dro ba'ang med mod kyang / ri nag pos bsgribs pa dang gling bar pa rnams la ni zer tsam yang mi snang ngo // gcong rong dang nags thibs pos bsgribs pa rnams su ni gsal ba'i ma snang yang dro ba dang mnyen pa mi snang ngo // gzhan sgribs g.yogs kyis bsgribs pa rnams la ni ltang ltong tsam du gnas kyang sa ler

  650. 325b

    mi gnas so// kha cig tu ni sal le sang nge ltem me gnas te/ gnas rang gi sgrib g.yogs che chung las nyi ma ni rtog 'dzin dag bral te/ yid bzhin gyi nor bu rin po che me tog u pa la dang / tha na mi gtsang ba'i 'dam khung la dbye bsri med par 'char ba ji bzhin no// de bas na thams cad la phan par bya ba'i phyir nga'i dgongs pa dam pa 'di sems dpa' chen po khyod la gtad do// legs par gtad do// nges par gtad kyis/ sems dpa' chen po khyod kyis chud mi gzan pa'i phyir gzung bar gyis shig/ khong du chud par bya ba'i phyir bcang bar gyis shig/ bya ba ci dang ci yod pa 'grub bya ba'i phyir bsgom par gyis shig ces bka' stsal to// gsol ba/ bcom ldan 'das bdag gis ni gsungs pa bzhin yang rdo mi thogs la/ bka' stsal pa'ang sngas pas glo ba mi spro ste/ da dung gsung bar rigs so// bka' stsal pa/ chos thams cad kyi rang bzhin ni smra ba las 'das pa ste/ de ci'ang smra brjod med par blo la gtad pas ma smra bar rang gi sems nyid la ltos la 'dug ste kha rog cig/ gsol ba/ dpa' bo chen pos ding slan cad/ sgrar med tshig las 'das par ni gsungs pas bdag cag kho bcad de/ rang rig sems la brtag par bya/ zhes gsol te/ bcom ldan 'das kyi zhal du bltas te kha rog ste mi smra bar gnas so// de'i tshe 'khor 'dus

  651. 326a

    pa thams cad yid gcig tu 'dus te mdangs phyung bag bzhi sa la brdabs te rnal 'byor mchog gi phyag tshul bzhin 'tshal nas gsol ba/ bcom ldan thams cad rnam kun mkhyen// zhe sdang gzer nag drag po bcom// bcom ldan mkhas pa rtsal du gyur// 'dod chags zhen pa'i btson ra bshig/ bcom ldan rgyal ba yongs kyi mes// gti mug mun par sgron gsal bteg/ bcom ldan lha mi yongs kyis bstod// nga rgyal ri bo dregs pa'i ri bo bsnyil// bcom ldan rnal 'byor dbang phyug che// phrag dog 'khor ba'i rgya mtsho bskams// bdud rtsi sman mchog a la la// rang snang ye shes a la la/ khyab brdal nad sel a la la// gsal byed sgrol ma a la la// chos rnga sgra rgyun a la la// bdag cag rnams ni mngon par bstod// dga' dang gus pas bkur bar bgyi// zhes mgrin gcig tu glengs nas kha rog ste rang gi sems la bltas nas 'khod do// bcom ldan 'das ni bdud rtsi dam pa'i dbyings 'phel 'grib med pa la rnal zhing bzhugs so// dpal bdud rtsi bde ba chen po zhes bya ba rgyud kyi rgyal po chen po las/ dgyes par bstod de smra brjod las 'das pas thams cad rdzogs pa zhes bya ba'i le'u ste bdun cu gsum pa'o// // de bzhin gshegs pa thams cad kyi sku dang / gsungs dang / thugs gsang ba'i ye shes kyi snying po

  652. 326b

    dpal bdud rtsi bde ba chen po zhes bya ba rgyud kyi rgyal po chen po ji snyed par bshad pa rdzogs so// // // rgya gar skad du/ shrI badz+ra a mr-i ta/ ma hA su kha/ sarba ta thA ga ta/ ka ya wAk+ka tsit+ta badz+ra/ badz+ra ma ha tan+t+ra nA ma/ bod skad du/ dpal bde ba chen po de bzhin gshegs pa thams cad kyi sku dang / gsung dang / thugs kyi gsang ba'i yang gsang ba/ rdo rje'i yang rdo rje bdud rtsi'i rgyal po chen po'i rgyud ces bya ba'o// dpal bdud rtsi bde ba chen po'i bdag nyid la phyag 'tshal lo// 'di skad bdag gis thos pa'i dus gcig na/ bcom ldan 'das de bzhin gshegs pa thams cad kyi sku dang / gsung dang / thugs gsang ba'i yang gsang ba/ rdo rje'i rdo rje yum gyi mkha' pad+mo'i dbyings na/ rdo rje bdud rtsi byang chub kyi sems bde ba chen pos brgyan te bzhugs so// bcom ldan 'das ma ma ka ri bcas yang dag rnam par rol 'gyur ba yi/ lha yi gsang ba de nyid brjod med shin tu ldan pa'i rnam par brgyan// rdo rje bdud rtsi rgyud 'di las thog mar lha'i de nyid 'byung bar 'gyur// rdo rje bdud rtsi bshad pa thams cad mchog 'di bde ba chen po ste// 'di ni bcom ldan bdud rtsi rdo rje bde ba chen po 'grub pa yin// brjod med rtog bral zab

  653. 327a

    mo'i don chen 'di ni dbang po rnams mi dmigs// rdo rje bdud rtsi bshad pa rgyud mchog re zhi dang rnam par 'gyur// de nas bcom ldan 'das rdo rje'i rdo rje bdud rtsi mchog 'di ting 'dzin yul// chags pas bde bas brgyan grags te// gsang bzhi yum ni mA ma ki/ rgyud rnams kun las sbas pa'i ye shes bdud rtsi mchog gi mchog/ de nyid bdag gis bshad par bya ste zab mo'i gling gtsum pa de// rnal 'byor dam tshig bde las rol pa'i glu tshig 'di rnams brjod// myur ba'i grub mchog lha yi de nyid bdud rtsi nges pa'i rgyu// byang chub sems kyi bdud rtsi 'byung bas 'gro ba kun la skyabs chen skyob// bsgrub pa'i yon tan 'di bshad pas thams cad 'grub par 'gyur// dbang po kun kyang 'dir 'dus so// mnyam pa nyid kyi tshig gi sder bcas bdud rnams sbyor zhing 'dul ba'i mchog/ sems can kun la phan pa'i don chen rnal 'byor grub pa'i bdud rtsi yin/ 'khor bcas myur du 'grol ba'i rnal 'byor gyis ye shes nyid byung ba yang / ye shes chen po dngos grub bsgrub pa 'di ni khams gsum kun las rab tu bsngags/ sku gsung thugs kyi dngos grub chen po 'di ni brtan pa'i mchog/ rdo rje pad+ma mnyam par sbyar ba'i ye shes bdud rtsi 'byung gnas te/ mA ma ki nyid dbyings la rtsam nan te pad+ma rdo rje rtsu pa ta/

  654. 327b

    'dis ni rdo rje'i rdo rje bdud rtsi mchog ldan bde ba chen po yin// de nas mnyes 'gyur lha mo'i dbyings bcas pad+ma la yang rtsum pa te// gsang ba'i dkyil 'khor pad+ma las ni rdo rje bdud rtsi 'byung // de 'dra'i bsgrub mchog las/ dkyil 'khor mchod pa dam pas rgyan mchod pa// dam pa byas de nyid las ni dngos grub mchog tu 'gyur// de ltar bshad pa'i don las bde mchog de nyid thob pa ste// de phyir bcom ldan rdo rje'i rdo rje bdud rtsi bde ba'i mchog ces grags// bcu gsum pa phul ba yi yon tan mchog ste rab dga'i don mchog 'di rnyed do// lus ngag yid gsum sbyang dka' 'khor ba'i rgya mtsho sgrol bar byed// bde ba chen po rab tu sbyor ba 'di ni ma ma ki yi sbyor ba yin// gru gsum chos kyi dkyil 'khor ye nas bris pa gsang ba'i pad+ma mA ma ki/ pad+ma 'dab brgyad snying po ze 'brus 'khyol ba'i spyod yul la// de dbus rigs lnga'i rgyal po zhal gsum phyag drug rnam par bsgom// sku mdog sngo bsangs zhal bzangs dbus mthing g.yas ni gsal// g.yon gyi zhal dmar rin chen la sogs mchog rgyan ldan// 'bar ba'i 'phrang bas sku brgyan dri dang byug pa mchog la sogs// sku gsung thugs kyis rdo rje phyag gis byed pa dngos grub pad+ma sbyin// dkyil 'khor phyi rims bzhin bkod de// sgo ba bzhin yang rtog 'grel sgrol sgo bzhi// shar phyogs

  655. 328a

    khro gnyer can te lho phyogs 'jigs byed dam pas brgyan// nub tu rta mchog gzugs te byang phyogs ded dpon chen po bzhugs// rigs pa'i rgyal mo bzhi ni pad+ma'i 'dab ma brgyad la legs bris nas// de bzhi byed rab sgra zla ba nyi ma'i dkyil 'khor la// zla ba dang ni yi ches sems 'phro dge ba dgod par bya// rigs ma brgyad kyang legs bsgoms sna tshogs gzugs ni rnam shes rgyal byed ma// zhal gsum phyag drug phyogs kun gsal byed rnam par rgyal byed 'gyur byed yin// dbang gi lha mo bzhi ni bdug pa me tog spos la sogs// glu dang gar dang nye ba'i mchod pa rnams kyis ston rtogs rnal 'byor ma// gsang ba'i 'khor lo dngos grub thams cad 'dus pas bdud rtsi bde chen po// ma dang bu mo sring mo la sogs bsgrub pa'i gnas mchog dam pa ni// sbas pa bdud rtsi gzhal med khang re gsang ba'i dkyil 'khor mchod pa'i mchog/ gzugs mchog bdud rtsi bum 'dzin dngos grub dam pa 'byung gnas pa'ang // sing mo nad med 'gyur te bu mos dug gsum nad las grol bar 'gyur// stong nyid sbyor mchog don yod dngos grub dkyil 'khor rab gsal ba// pad+ma'i kha nas rdo rje lces len dngos grub mchog de 'dra'i rol ba myur ba'i dngos grub rdo rje bdud rtsi bden chen po// rtag pa kun sdud thams cad rol pas 'dod

  656. 328b

    pas dga' dang 'khril la sogs/ rdo rje dkyil mo bsnol te phyag rgya bzhi brkyang mnyam pa'i ting nge 'dzin// bsdams dang bcings dang mnyam par sbyar ba'i phyag rgya bsgrub pa'i phyag rgya ni// sha chen khrag chen rdo rje dri chu dang de bzhin dri chen byang chub sems// rdo rje bdud rtsi mchod rten mchod pas bsgrub pa nyin gcig bzhin du bya// bdag nyid chen po ji ltar 'dod pa bzhin 'grub pas rdo rje bdud rtsi bde chen po// ces pa'i dngos grub sna tshogs 'byung ba 'di ni 'grub pa dam pa yin par bshad// zhes 'gras rdo dang gsod dang dbang du byed dang dbye dang dbral ba gza' ba dang // bya ba thams cad 'grub par byed pa yin pas bdud rtsi bde chen po// de bzhin gshegs pa thams cad kyi sku dang / gsungs dang / thugs kyi gsang ba'i gsang ba/ rdo rje'i rdo rje bdud rtsi bde ba chen po'i rgyud las/ gsang ba'i dkyil 'khor mngon du bstan pa'i le'u ste dang po'o// // yum mchog ma mA ki ni yangs pa'i pad+ma mnyes pa ste// dbang po drug dang gnas drug tsum pa na ste 'phreng ba bstan// gnas bcu drug kyang gtsug gi sgras ni dga' dang bde bas gsungs te dang ba'i yid// dga' ba'i gad mo bsnyen dang rdo rje rdo rje bcings pa'i 'khor lo che// 'dod cing chags pas zhen pa'i dngos pos rdo rje pad+mar gnas nas ni// snyan cing dang ba'i dbyangs blangs

  657. 329a

    khu byug sgra ltar dad pa bskyed par bya// rgyal byed lha mo ma ma ki la rdo rje bdud rtsi bde mchog gnas// lag gnyis sen mos gnas drug dpung la sogs brud pas blangs par bya// blangs nas steng 'og par gnas bstan pa ni ma bzhin rnam par bltas nas ni// dbyings kyi pad+ma tsum pa la ste dga' ba'i tshig dang dbyangs kyis blang // legs so legs so ma ma ki ni pad+ma rgya cher bzang // rab tu dga' ba'i chags pas mnyes par 'gyur bas gnyis ka bde ba ste// gang 'dod dam pa sbyin pa bshad pa'i lung ni bde bas brgyan// de phyir yum mchog ma ma ki ni rgyan dbyangs 'di bde ba'i mchog tu gsungs// bcom ldan 'das byang chub sems kyi de nyid bdag ste rnam par brgyan pas bsgyings// zab mo zab mor sgrol ba'i ye shes dbyings su ldan// brjod pas zos par gyur pa'i dbang po dbang po bzhin te de nyid sbyin par bya'o// dam pa mngon du sbyangs pa 'di ni mchog gi don chen yin par bstan// 'di ni rdo rje bdud rtsi chen po yang dag gnas// rnal 'byor rnam par sbyor ba ma ma ki ni ye shes zag par ldan// shin tu phra zhing bstan pa'i ye shes rig pa chen po'i gzugs can yin// de ltar bshad pa'i tshig don sangs rgyas byang chub bsgrub pa'i mchog tu bstan// rtag dang mi rtag brjod med zag bral ye nas rnam par spangs pa

  658. 329b

    ste// yod dang med pa'i dbang por bcas pa'i ye nas dbang po med par bstan/ 'byung ba kun gyi rang bzhin ma mthong rnal 'byor lam gyis mthong zhing rig/ rnal 'byor bsgrub pa gnyis su 'dus te phyi dang nang du nges// gzugs dang phung po 'byung bar snang ba kun rdzob yin te phyi yi rgya// gzugs la sogs pa sna tshogs bkra bar snang ba khams gsum chags pa'i rgyu// thams cad yod par rtog pas 'dzin pas rnam shes bkra bas dam por bcings// gang gis sems can rang bzhin rnam par rig pa de zag dang bdag med rtogs// sangs rgyas so sor ye nas gnas par rig pa mi rnams grub pa'i mchog tu nges// sems dang bsam pa'i de nyid rnam par rig pa de ni ye shes dam pa yin par gsungs// don du grub pa rnams la chos kyi chos nyid don dam 'byung bar 'gyur// gal te sangs rgyas mang po yod par mthong ba de ni sangs mi rgya// mang po rang bzhin gcig tu 'dus par rtogs pa thar pa'i lam bla ma lung gis// thob par gyur pas bdag gi rnam par gnas// b+ha ga'i dbyings nyid nam mkha'i dbyings nyid yin pas rgyan lnga ye nas tshang par gnas// pad+ma 'dab brgyad dkar po ge sar ze ba'i snying pos brgyan par mdzes// de dbud stong pa'i rdo rje yang dag bdud rtsi rnam par brgyan// dus dang dus min rnam par ma grol ba ni thig le tsam yang

  659. 330a

    spangs// dus min 'chi las grol te thig le tsam gyis grub par 'gyur// de nyid rtag tu 'byung ba de ni rdo rje bdud rtsi dkar po'i gzugs// thams cad 'byung bas phyogs bcu thams cad khyab par gnas/ mnyam pas 'grub par 'gyur ba'i mthong dang stobs las grub pa'i mchog/ skal ldan bde ba'i rig bkang bapas khyab par bgrang ste gnas pas gnas// sems sbyong don rig smra mkhas len dang 'dzin pa med pas grol// 'gro dang rtse dang de bzhin thams cad byed pas rnal 'byor gnas dang bcas// dag pas brgyan pa'i mi ni nyal yang rmi lam yang dag mthong zhing ston// rgod dang ru la sogs pa rtag tu nges pa'i yid 'phrog nyon mongs byed pa'i rgyu// bzang mor smra dang mdzes par brgyan pas 'dod pas spyod pa'i gzugs// ra ro myos pa'i gzugs dang rmongs pa'i chags pas 'khor bar gnas// dang por snang ba'i gzugs med skyes pa bud med ma ning la sogs med// sna tshogs gzugs ni nges don gcig gis 'grub ste sbrul gyi mgo ni nor bu bzhin// khyab dang khyab par gnas pa de ni de bzhin nyid mchog bsgoms pas 'grub// ma ma ki ni thams cad 'grub pa'i 'byung gnas yin pas kun la bsngags// myur dang nye reg spyod pa bgrang 'phreng la sogs yo byad mi dgos te// dbyings kyi pad+mo mnyes par mchod pas mngon

  660. 330b

    sangs rgyas// sna tshogs dngos grub rnyed pas de phyir rdo rje bdud rtsi bde chen po// rtag tu b+ha ga'i dbyings su rdo rje mchog gi bde bas rab brgyan pa'o// sum cu rtsa gnyis rtsa ste sde dpon gang rtsa// de bas snod dgu gnas pa bud med sgo ni rtag tu dkyil 'khor gnas// sgo dgu'i mchod pa gnas pas bsgrub pa'i rig pas mchod pa gces// rnal 'byor nges par bshad pa'i 'di ni yang dag gsang ba bsgrub pa'i mchog/ de bzhin gshegs pa rnam par snang mdzad la sogs sna tshogs 'byung bar 'gyur// mchog tu gsang bar gsungs pa de ni rnal 'byor dam pa rnams kyi yul// mngon sum snang bzhin rang bzhin gsang ba kun gyis yul men mi gnas ma ma ki/ mnyam pa de nyid rtogs pas rdo rje bdud rtsi bde chen yin// de bzhin gshegs pa thams cad kyi sku dang / gsung dang / thugs rab tu gsang ba'i yang dag gsang ba rdo rje'i rdo rje dpal bde ba chen po'i rgyud las/ rnal 'byor gyi ye shes kyi de kho na nyid bstan pa'i le'u ste gnyis pa'o// // lha mo rab tu mnyes pa de ni rin chen sna tshogs rnam par 'byung 'gyur te/ 'di ltar sems pa'i dbyings ni sna tshogs dbyangs sgrogs pa// gson cig gson cig rdo rje chen po nye ba'i mchog 'di kun mkhyen gson// bcom ldan rdo rje chen po tshur spyon dbyangs kyi don 'di rnam

  661. 331a

    par gson// ka kha li dang dar rab snyan dbyangs kyi sgra ni tshigs su bcad do// sna tshogs gzugs 'dzin sgra las gces pa'i don ni drug 'byung ste// snyan pa'i dbyangs sgra mang po shin tu dag dang bde ba snyed par rol// sangs rgyas byang chub de nyid dam pa grub pas rdo rje bdud rtsi bde chen po// the tshom thams cad gcod pa'i gsang ba de nyid dkyil 'khor rnam par 'byung // de bzhin nyid dag bdag bstan pas ye shes rdo rjes bya ba thabs cad byed// mchog tu yab yum gnyis ka dgyes pa'i grub par 'gyur// chags pa'i bde bas bcom ldan bdud rtsi rdo rje 'byung gnas mchog/ rnal 'byor rdo rje'i theg pa thams cad sbyor zhing khyab par gnas// dam pa 'on kyang rtogs pa sbyang phyir phyag rgya'i rol pas rnam par rol par bshad// phyag rgya'i mchog ni rnal 'byor dam pa yin pas kun gyi yul min gsang // snying po'i don ni lha nyid ldan pas khyab par ldan zhing 'byung // don 'di rnam par sbyangs pa lha yi rang bzhin rtogs shing nges par 'grub// de nas bcom ldan 'das rdo rje bdud rtsi bde ba chen po// ma ma ki nyid mngon sum gyur na phyag rgya'i snying po 'byung gnas dam pa yin// phyag rgya'i don nyid gsum du bsdus te lus ngag yid las rnam par 'byung // lus kyi phyag rgya lag pa bskyod dang ngag gi phyag rgya sngags tshigs

  662. 331b

    yin// sems kyi phyag rgya ting 'dzin yin te mngon sum khyab par gnas// rdo rje bdud rtsi chen po'i rgyud 'dis phyag rgya rnam par gsal// rnal 'byor phyag rgya dang po'i ye shes yin pas mtshan ma'i phyag rgya bris pa med// mngon sum phyag rgya gzugs rnams yin pas bzang po'i lhas ni rnam par brgyan// dbyings kyi pad+ma mchod pa'i mchog re dbang po thams cad de bzhin gsal// rdo rje pad+ma mnyam par gzhag pas sbyar bas gces pa thams cad zab pa'i mchog/ ji ltar dpag bsam shing chen las ni me tog yal ga lo 'bras sdong // rtsa ba gang yin zin pa las dgongs pa med 'byung zhing // re ba kun rdzogs de las 'byung ste/ phyag rgya'i don ni thams cad 'byung ba'i rgyu de ma dang 'dra'o// rig pa mchog gi gnas ni bde ba'i dbyings ni khyab par gnas// de phyir bcom ldan bde ba chen po yin/ ma ma ki la rdo rjes bltas pas gsang sngags mtshan ma thams cad 'byung // dang por mo sbyor rnam snang la sogs bdud rtsi bde chen dang // sa bon bzhi yis mnyam sbyar bas// sa la sogs pa byed par 'gyur// de yang rnam par snang mdzad sbyin pas gnas pa 'bru bzhi rnam par gnas// bzhi pa rnam par brgyan pas ma ma ki ni snying po'i mchog/ brgyad pa g.yo ba byed pa'i dbus su brgyad brgyad kyis kyang rnam par brgyan// pad+ma brgyad rnams la ni mchod pa'i phyir lha

  663. 332a

    mo rnams dang snying po dgod// snod bzhi dang ni snying po dgod pa ma ma ki dbyings mchog la// ze ba rnams la sngags kyi sa bon rnams dang snying po bri bar bya'o// stong pa'i don las lha nyid 'byung ste/ rnam snang la sogs kun// sa ha 'byung bas kun tu brgyan pas 'grub pa thams cad rab tu rtsal// sgo bzhi dag par bkod pas me tog bdug pa la sogs bzhi// rnam snang mdzad dang sa ha las ni ma ning la sogs bzhi rnams brgyad// brgyan pa'i mchod pa thams cad gnas pas gsang ba'i dkyil 'khor ma ma ki/ 'dis na rdo rje'i rdo rje bdud rtsi bde ba chen po yin// de bzhin gshegs pa thams cad kyi sku dang // gsung dang / thugs gsang ba'i yang gsang ba rdo rje'i yang rdo rje dpal bde ba chen po'i rgyud las/ sngags dang phyag rgya dbyung ba'i le'u ste gsum pa'o// // de nas ha~M gyi las kyi cho ga rnams kyang rim par bshad par bya ste/ sku gsung thugs su bsgrub par rnal 'byor cho ga'i rgyud las rnam par 'byung ba rdzogs pa ho gyi rnam grags ston/ zhi ba rgyas pa'i las dang de bzhin dbang dang mngon spyod dang ni/ zhes 'gras gsad dang bskrad dang spo ba'i sngags dang phyag rgya la sogs kun// rdo rje bdud rtsi rgyud 'di nyid las byed pa'i lam rnams thams cad gsungs// rdo rje sems dpa' byams pa'i khro'i la ni khyab par gnyis rdzogs

  664. 332b

    te// thams cad brgyan pa'i dkyil 'khor spyod pas rab tu brgyan cing bzhugs par 'gyur/ khams gsum rnam par rgyal ba'i brkyang bskum gnas par 'byung po gnon// g.yas brkyang g.yon bskums nan drug chen 'joms par nges par gnas// sngags rnams sbyang ba'i don du gzir gnon chen pos sa gzhi gnon// de lta'i sbyor bas lus sbrul la sogs bgegs rnams la sogs gzir// thog mar bla ma la ni phyag byas te// de nas bdag mo chen mo spyan drangs te// tshur byon pa yi lha mo chen mo 'jig rten ma lus kun sgrol ma// sems can thams cad rin chen brgyan cing rgyas pa nyid du brjod// rin chen rdzogs pa'i dbyangs la sogs pas rdo rje sems dpa' rab tu mchod// 'di ni mchod yon las dang ha~M gyi las la sogs pas bsgrub pa'i grub pa blang / hi hi hi ha sa ha/ dri chen dri chu khrag dang sems kyi chu re dkyil 'khor sa rnams sbrang // sha chen bdug pa dam pas thams cad bsang zhing bdug pa cho ga bya// de nas zhugs sbar te/ rig dang gtum dang dam pa'i na da'i rigs// bram ze rje'u rigs rigs ngan dmangs rigs rgyal po'i rigs// dri dang bdug pa mar me la sogs kun brgyan mchod par byed// lnga 'am lnga yi hri bsgom b+ha ga'i dbyings su 'bum bsgoms dkyil 'khor dgod// spyan dang na bza' dkar dang yid 'phrog la

  665. 333a

    sogs rnams 'byung ba// b+ha ga'i dbyings nyid me tog la sogs ye nas khyab par gnas// de ltar gnas pas gsang sngags ho kun tshad mar gsungs pa yin// zhi ba'i ho khung zlum por byas te khru tshad tsam gyis thig gis drang // zab su khru phye brkos te thams cad dkar po'i tshon gyis bris// ngos su bkra shis legs dgod steng du 'khor lo 'bri bar bya// rgyas pa khru do tshad de gting du khru gang brko bar bya'o// kun tu grub bzhi mnyam la ra byi ser po'i tshon rnams btang // mngon spyod gru gsum tshad de sor ni nyi shu gnyis kyi tshad du bya// zab su de yi phyed de kun tu 'bar bas 'khyil ba'i rnam par bri// zla gam dbang gi ha~M du gsungs te khru gang las ni phyed ma bcad pa'i tshad du bya// ho khung zlum po las phyed mar bcad pa bzhin du bstan// sngags pa byang du kha bltas zhi ba las kyi 'dug stangs yin// rgyas par shar du bltas de mngon spyod nub tu bltas par rnam par bsgyings// dbang ni nub tu bltas te spyan drangs bzhugs gsol ba'ang de bzhin no// mngon spyod nag por byas te dbang la sogs te mtshan lngas gris// til dang sran ma 'o ma mar dang sbyar rtsir bcas// bdud rtsi lnga las rnam par bsgom pa bzhin pa yin te rgyas pa'ang de bzhin no// thams cad ting 'dzin las te lo ma can gyi shing ni dri dang ldan// zas dang btung ba'i

  666. 333b

    gtor ma 'byung po sbyin// bsgrub pa he ru ka'i phyag rgyas gtor ma thams cad sbyin par bya// rnal 'byor pas ni rtag tu ji ltar 'dod pa'i las bya grub pa ste// zhi ba snga dro bya ste dbyar gyi dus te snga dro hau yang bya/ rgyas pa ston ka nyi ma gung // mngon spyod las ni dpyid kyi dus te bya ba ste// dgun dang dbang ni nam gyi phyi dro'o// las rnams thams cad 'grub par 'gyur// snga dro zhi ba'i dus te phyi dro de bzhin rgyas pa'i dus// nam phyed mngon spyod dus te dgun dang dbang ni phyi dro pad+ma dbyings kyi dus// ho khung dbus su lha nyid bzhugs pas khro bo chen po hUM mdzad de// bzhis dgrad zhal gdangs phyag rgya skyang ste bsreg rdzas mchod yon de la dbul// mchod yon mtshan ma can rnams dbul// mngon sum lha nyid 'byung / thog mar spyan drangs me yi lha rnams ma lus thams cad mchod/ khro bo 'bar ba'i 'phreng bas 'khyil pas sangs rgyas byang chub 'grub pa'i mchog/ mo/ chur gshegs par byin me yi mchog ste dngos grub sbyin par mdzod/ khams gsum bdag po drag po tshangs pa'i byi rgya la sogs phyag bya ste// mchod yon la sogs rdzas lnga 'di dag rdo rje blangs nas ni// hUM hUM phaT phaT swA hA/ mchod yon thog mar phul te de nas me tog lha bshos dbul// oM/ 'bar ba rab tu shes pas me tog dri dag rab tu sbyang // bdag la phan phyir me tog la

  667. 334a

    sogs so sor bzhes par mdzad de// oM/ 'bar ba rab tu bzhen pas ngan 'gro 'jig rten skyobs chen rab tu skyobs// lha yi mig thob byed pas ting 'dzin mar me bzhed pa rab tu dbul// mar me'i sngags la/ oM/ 'bar tsan dan rab sbyangs pas ga pur la sogs/ dri zhim bdug pa pany+tsa bdag la phan phyir sems gsal byed pa phog la sogs pa 'di bzhes gshegs// bdug pa'i sngags la/ oM sna tshogs dri zhim 'byung ba ga pur la sogs ye shes brgyan// hUM/ dbyangs kyi rnam par rol par 'byung ba'i dri mchog 'di ni so sor bzhes shig/ dri'i sngags la/ oM thog ma mchod pa'i cho gas me lha la sogs ma lus mnyes byas te/ de nas rig pa 'byung ba'i sngags brjod rang gi lha yi rig sngags gdon// dbyangs dang gar la sogs pa rgyan gyis mchod byas yid kyis brjod par bya// rig pa'i mchod yon dbul ba grangs kyi sbyor bas mnyis 'gyur te// sku gsung thugs kyi sgrub thabs 'di ni dngos grub mchog ste ci 'dod thob// de nas lha rnams gshegs su gsol te bla ma la yang mchod pa bya// oM/ me'i bsgrub bya'i las kyis sems can thams cad bde bar 'gyur// sku gsung thugs kyi dngos grub bstan pa 'di ni lha rnams thams cad skyong bar byed pa/ de nyid bde ba yin pas zhi ba'i las mdzad pa/ sa bdag chen mo

  668. 334b

    gshegs su gsol/ thams cad bkra shis gsal 'bar snang ba bsgrub pa dam pa bsgrub pa'i las yin te// mnyam pa'i bsod nams 'bras bu sngags dang phyag rgya'i tshogs mchog dam pa 'byung // a A/ i I/ u U/ r-i r-I/ l-i l-I/ e ai/ o o/ a hUM swA hA/ 'dis na bcom ldan 'das rdo rje bdud rtsi bde chen po/ phyi nang gi hau gyi cho ga bstan pa'i le'u ste bzhi pa'o// // ha~M gyi cho ga rnam par bshad// a dza na yang bshad bya ste// tshil chen me las ka pa la// chags pa'i pe mgo blangs la sku// 'ug pa'i mgo bsregs ste/ khrag chen gyis ni rnams sbrus nas// nub mo zhib tu btags te rus chen phye ma zhib mor bya// bya rgod gshog pa'i rus chen bu can dag gis blang // mngon gsum rnal 'byor gyis ni dbang du byed pa a dzA na/ a dzA na yi sbyor bas grub pa rdo rje bdud rtsi nyid du 'dus// mar gyi bcu la ni bsgrubs pas nA ga'i dbyings nyid du// zhi ba rgyas pa dbang gi cho ga'i las rnams dang // sna tshogs bgegs dang drag po'i las ha~M gyi cho ga dang // sna tshogs dug gis nyen dang bzhi pa rtag pa rigs sna tshogs la thams cad legs par byed pas lha ma sbyor ba bde ba gnyis ka med// rgyal po sgor ni mchod rten snyed de dgra rnams mig gis mthong bas bdul bar byed// langs pa'i bgegs rnams 'dul ba bdud rtsi a dzA na// oM/ lus kyi

  669. 335a

    gzugs ni yangs pa'i mig can dri chen chu dang gnyis ka'i khrag/ zhal gsum phyag drug khros pas brgyan pa'i cha lugs yum chen ma ma ki/ hring hring hUM oM A haM ha swA hA/ zhal bzangs dbus mthing g.yas ni dkar zhing gsal ba'i mchog lnga ste// g.yon dmar rig pa'i phyag rgya ral gri 'khor lo rnams// zhags pa lcags kyu dril bu sna tshogs sgra 'byung g.yon gyi phyag na bsnams// yum mchog gsang ba'i dbyings su a dzA na'i bsgrubs pa sna tshogs 'byung / gur kum ril lu ba gan gzhag pa'i rjes la rdo rje pad+ma ldan par bya'o// oM dang swa la sogs pa'i snying po 'phro 'du sna tshogs 'byung // phaT kyis sprin tshogs 'byung spros las drang bzhin bsgom zhing bsdu// bdud rtsi khyad par gnas pa'i b+ha ga'i dbyings ni sgo phye ste// sngags kyi mtshan ma bzlas pas thig le 'bras bu dpal 'bar gnag/ rgyal po la sogs dbang du 'gyur zhing bud me thams cad dbang du 'gyur mi rnams thams cad b+ha ga'i dud pa'i b+ha ga dbyings kyi rgyan te a dzA na// rgyal po sgor phyin mchod rten snyed cing dgra rnams mthong bar zad byed cing // d+ha ru ra'i 'bras bu bzang a mr-i tar sbyang ba ni/ khro bo chen po gshin rje gshed ni khros pa'i gzugs bsgoms bzlas brjod bya// sha chen bdud rtsir bsgoms te bsngags pa'i chang dang chu dag gang blud pa// myos dang

  670. 335b

    'khyams dang rtag tu 'chi ba'i mi rnams lhag ma med par 'gyur// oM d+hi sting bi kri ta na/ ma sarba traM ba sha ya/ ma ra ya hUM hUM phaT phaT/ dga' ba'i dbyings su go ro tsa na snying po 'bru bris te// tsan dan b+ha gar gzhag pas mnyam par bsgoms pa'i sa// bde ba chen po rnyed de thams cad bran bzhin 'du bar 'gyur// dri chen rdo rje chu las dgra yi gzugs byas sha chen pog gis bdug/ dgra'i sgras dkris rus chen phye mas bsku nas dbang du bsdus te// dgra'i sgor sbas na zhag bdun nub mo nges par 'chi bar 'gyur// dri chen rdo rje chu dang sha chen khrag gis drag dbang hau byas te// dur khrod lha yi gnas dang shing gcig bzhi mdo 'am// nam phyed ho byas me yi dkyil 'khor rnam par bris nas ni/ khro bo chen po gshen rje gshed la thal chen po yi dngul la sogs mchod zin na// dgra mthar bcas pa myur du 'chi ba mi rnams mngon par 'byung bar 'gyur// 'dis na rdo rje'i bdud rtsi bde ba chen po yin// las thams cad bstan pa'i le'u ste lnga pa'o// // rdo rje bdud rtsi chen po'i rgyud las/ rdo rje hUM mdzad sgrub pa'i thabs mnyam pa'i dbyings nas dkyil 'khor la sogs cho ga rim par bshad/ dkyil 'khor dkyil 'khor zhes mdzad ces bya/ khams gsum dkyil 'khor sgo rnams 'byung // gru bzhi thig bzhi khru do tshad rnams rgyas par 'gyur// zla ba'i

  671. 336a

    dkyil 'khor dbus su nges pa'i lha rnams 'od zer 'phro bas 'khrigs// rdo rje hUM mdzad zhal gsum phyag drug yangs shing mdzes pa'i sku mnga' ba// rgyan rnams kun gyis brgyan pa'i phyag drug phyag ni gsal// rigs bzhis brgyan pa u ma li nu ma gnas dang gan rgyal gnyis// gnod stobs bzhad dang khro bas sna tshogs 'byung ba'i zhal ni khro gnyer mche ba gtsigs// g.yas kyis thabs kyi mda' thogs g.yon gyis shes rab gzhu 'dzin drag tu 'gengs// phyag bzhi legs par brgyan pa'i phyag rgya 'khor lo rnams ni brjid// sgo skyong lcags kyu la sogs rigs kun yang zhal gsum phyag drug ste// me tog bdug pa dang ni mar me dri dag rnam par brgyan// sgeg mo glu dang gar dang 'phreng ba zhal gsum phyag drug rgyan mchog mdzes// gling bu pi wang la sogs snyan pa'i rol mo sgra snyan sna tshogs// rnga yi sgra ni 'phreng ba la sogs dri shul dra ba dkyil 'khor mdzes// rdo rje bdud rtsi rgyud las bzang ba'i sgrub thabs 'phreng 'byung ba// skal bzang la sogs zhal gcig phyag gnyis phyag rgya mdzes// grub pa rgyan rnams kun gyis brgyan te brtul zhugs mchog ldan pa// rdo rje dril dang bgrang 'phreng la sogs de bzhin sngags dang phyag rgya ldan// chang dang btung ba la sogs kha zas ro ldan bzang po'i gtor ma bshams// mar gyi bcu bzhi la ni

  672. 336b

    dkyil 'khor cho ga bsgrubs na dam pa 'grub// ting 'dzin gsal ba'i 'bad pa drag pos ci 'dod dngos grub mchog kyang 'grub// sngags pas rdo rje hUM mdzad snying po'i yi ge hUM mdzad cig pa bsgom zhing sgro ba'o// thog mar rdo rje slob dpon mchod de de nas dag kyang rgyal po mchod// ma dang chung ma bu mo la sogs mdzes brgyan pa// bdag nyid nges par sbyor ba'i bsgrub pa sku gsung thugs kyi dngos grub thog/ de ltar rtogs pa'i bsgrub pas khams gsum dkyil 'khor sgo rnams 'byed// de nas rdo rje bdud rtsi rol pas rdo rje sems dpa'i dkyil 'khor mthong // bdud rtsi lngas rnam par sbyangs pas// ngan 'gro thams cad rnam par grol// rdo rje pad+mo mnyam par sbyor// rdo rje hUM mdzad dkyil 'khor 'grub// de lta ba'i rnal 'byor byang chub sems kyis bsgribs// rol pa'i dkyil 'khor rig pa'i rol bas sgra chen bsgrags// b+ha ga'i dbyings su dpa' bo de nyid kyang ni yang dag brgyan cing gnas// pad+ma la ni rdo rje tsum pa na ste dkar po'i gzugs bzang byang chub sems// dbyings nas byed pa'i rdo rje dbang gi phyag rgya blangs shing mched// dpa' bo rdo rje lces blangs dngos grub dam pa'i gtor ma bya'o// rig pa chen po tsum pa na ste rdo rje dngos grub dam pa sbyin/ dkar ba'i gzugs chen sems kyi sangs rgyas byang chub mchog kyang

  673. 337a

    'grub// de nas rdo rje'i rdo rje bdud rtsi chen pos rnam par bsgyings// rdo rje hUM mdzad sgrub thabs bstan pa'i le'u ste drug pa'o// // de phyir yum mchog ma ma ki ni dga' ba'i mchog byas rnam par gnas// thal mo sbyar te phyag rgya gus pa'i tshul gyis gar dbyangs 'di la mchod// 'byung ba chen po lnga ni thams cad kun tu khyab// thams cad phyag rgya'i tshogs kyis brgyan pas rdo rje'i dbang la bdag phyag 'tshal lo// dbyar dus khu byug sgra bsgrags thams cad sems dang bde ba bzhin// dbyings mchog mi 'gyur bde chen bdud rtsi bdag phyag 'tshal lo// thams cad kun gyi bdag nyid thams cad mkhyen pa'i thugs kyis kun tu khyab// dang po tshogs kyi mchog 'dir rdo rje bdud rtsi bdag phyag 'tshal/ khams gsum ma lus par ni rdo rje bdud rtsi khyab dbang sdud// rig pa nyi shu rtsa bzhis mchog tu dga' ba'i chags pas bdud rtsir sgrogs// zag bzhin dbyings su sbas pas rdo rje bdag phyag 'tshal// ni li ti li sa las sa bcu pa na sa ma ta thA ga ta/ badz+ra ma hA a nu ra/ A i sra sha ra ma sud a dze na/ hi u du ka ha s+yang sa ra an dzA la/ sna tshogs gar dang dbyangs dang rdo rje mchog bde bas rtag tu rol// mchog dga' ba'i bdag nyid ting 'dzin rig pa rnam par dag/ 'phel 'di sang kri d+ha'i gar gyi mtshan nyid bzhi ni mkha'

  674. 337b

    dbyings khyab par sprul cing rol pa bde// tshig don rgya che dam pa'i rim par bshams pas rnam par klubs// 'brug gis khyab par gar gyi reg pa'i bde bas rnam par bsgyings// rnal 'byor gar gyi gom pas phyogs bcur khyab cing gnon byed do// gar gyi mchog ni lha mo ma ma ki nyid pad+ma yangs pa bde// rdo rje bcings pas rdo rje la ni tsum pa 'dzin// de bas bcom ldan 'das rdo rje tsum pa na ste ma ma ki/ lha mo pad+ma bkram pas 'dir ni mchod pas kun tu khyab// brtan bzhin mi g.yo rig pas rdzogs pas bdud rtsi ting nge 'dzin// bdud rtsi thig le'i gzugs ni don dam rtogs pa'i ting 'dzin brtan// mkha' dbyings zla bas khyab pa'i de nyid stong pa'i rang bzhin brgyan// rdo rje sems don blang du med pas zab mo mi zad de'i dbyings// lha mo'i lta ba 'khyil ba'i dkyil 'khor bstan pa'i spyod yul bde// b+ha gar ling ga rnam pa de nyid zag bcas byang chub sems// ye shes phung po zag med des ni sems can 'khor ba rnam par sbyor// sangs rgyas rdo rje 'dzin pas tshangs pa biSh+Ta lha chen bcas// nam mkha' me rlung chu la sogs pa ma lus thams cad ni/ khams sum sna tshogs bkra zhing gsal ba thams cad ma lus pa thams cad ma lus dbyings su sdud// rtag pa'i ting nge 'dzin dngos grub bsgoms pas thams cad ma lus sbyor// de bzhin

  675. 338a

    gshegs dang byang chub tshangs pa lha chen dbang bcas pa'i rnams// ye shes ting 'dzin mchod der thams cad 'dus par 'gyur// skyes dang 'jig dang g.yo dang mi g.yo ba'i gnas ni thams cad kyang // rang 'byung gcig pu'i lha ni mun pa kun dbang sel// thams cad mkhyen pa'i rig pas ma lus zhi byed dbang du sdud// me tog sbyor bas khyab pa'i skyes bu thams cad rgyas par byed// sangs rgyas byang chub yang dag grub pas 'byin pas rgyu 'bras sbyor// rang 'byung lha nyid rab tu brjod med de phyir rang 'byung mngon sangs rgyas// rdo rje 'dzin pa'i lung gis lha dbang tshangs dang khyab 'jug bde ba nyan// gsang ba sbas pa'i don rnams mi sgrags bshad du med pas dbyings// spro thung sems ngan dam tshig med pas thams cad chud zos te// slob dpon zhal mi lta ba 'di bas bsnyad pa dang grub pa spangs// dkyil 'khor zhugs dang dbang bskur rdo rje bstan chos slob pa dang // yangs pa'i blo ldan bslab pa'i bshad 'di nyan pa 'di ni snod ldan dam pa ste// rig nas rig dang rig pa'i gzhung bzhin bya// slob dang slob dpon tshad mas mngon par dbang bskur na// phun sum tshogs pa des ni thams cad thob cing 'grub pa dam pa yin// bya ba'i rdo rje la ni des kyang tsub pa dbus byas te// rdo rje pad+mar ldan byas te/ rdo rje

  676. 338b

    pad+mar ldan byas pa'i/ bdud rtsis rang 'byung thob par 'gyur// de nas rdo rje'i rdo rje bdud rtsi dam pa yin// gar ye shes kyis mngon par dbang bskur ba de nyid mngon par rtogs pa bstan pa'i le'u ste bdun pa'o// // de nas gtso'i yab yum gyis gtso bo la bskul ba'i don bstan// gtso bo la gus shing bstan pa'i lha mos yang bskul bas bshad par gsal/ bcom ldan dag gis dgongs pas don rig sgrub thabs dam pa gsungs// zhi ba'i sku las yang dag don te khro bo'i sku rnams ston// de phyir bcom ldan rdo rje'i rdo rje bdud rtsi bde ba chen po// rdo rje pad+mar sbyor ba las rdo rje khro bo sna tshogs bskyed// 'bar ba'i 'od zer 'phreng ba dang las drag po yin 'jigs byed 'jigs pa sel// zhal bzhi phyag brgyad thod skam dbu rgyan thod rlon thod 'phreng thod rlon khrag gis gang bas dag byed thod skam rgyal mtshan 'dzin// rgyu 'phreng chags 'dzin rig ma brgyad kyi 'khor lo brgyan// dur khrod chen po'i gnas na ma mo'i tshogs kyis bkang ste sgra chen grogs// rang 'byung sprod gtong drag po yid dwags tshogs bcas mang po ral pas dur khrod rnam par brgyan// tshangs pa'i lha dbang gtogs 'dod lha chen la sogs rnams/ khrag 'thung chen po kun zos shin tu lhag ma med par byas// mthu chen la sogs rig ma brgyad kyis thog

  677. 339a

    mar las brgyad kyis bsgrubs// ser skya mdung can drag mo bdud 'dul brgyad kyang dran par rnam par bsgom// gsang sngags bzlas brjod ting 'dzin nges pa'i gar dang dbyangs kyis rnam par grol// 'jigs byed mche ba bsnol bas gsang sngags don gyis brgyan// sha chen khrag dang bcas pas za byed dpal chen khrag 'thung bdag phyag 'tshal lo// bsgrub pa rnams la phan phyir gsang sngags bzlas brjod rab tu bshad// gnyis pa dang ni gsum pa bdun pa'i don ni bzhi par 'dus// bdun pa gsum par 'dus te gnyis gnyis tshig gis rab tu sbyar// de dag kun la phaT kyis khyab par rnam par brgyan// drug pa bzhir 'dus gnyis pa bdun re re nyid ming gis bstan// bcu gsum rnam par rdzogs pa sbyar ba'i mtha' swA hA'i gsang sngags 'byung // dngos po rnam par snang mdzad bzhag ste rtsa ba'i snying po he ru ka/ 'di ni gsang sngags rgyal po yin pas don cig ma ma ki/ gsang sngags bzlas pa 'dis ni khams gsum skad cig gis dbang du 'gyur// za byed chen pos 'jig rten ma lus yud tsam mngon zad byas// 'dod pa thams cad dpal chen khrag 'thung mnyam par 'byung // 'dis ni bcom ldan 'das bdud rtsi rdo rje chen po dpal he ru ka/ bsgrub pa'i rgyu byang chub sems bstan pa'i he ru ka bsgrub pa'i le'u ste/

  678. 339b

    brgyad pa'o// // de nas khro bo chen po bdud rtsi 'khyil ba'i gzugs chen bshad par bya'o// rdo rje zhal gsum phyag drug nag po 'od zer rnam par 'phrog/ gtum chen dmar ba'i spyan bzlog 'phreng ba rnam par 'khyil// brkyang bskum zhabs kyis tshogs bdag mnan te dgra sta phyag na bsnam// be con zhags pa dang ni rdo rje 'dzin pas g.yon gyi phyag ni sdigs mdzub can// log 'dren thams cad gnon pa'i sdigs mdzub dang ni ral gri bsnams// rim ma brgyad sgo skyong dkyil 'khor la sogs rgya chen brgyan// gsang ba'i pad+ma 'dab brgyad la lha mo brgyad kyang 'byung bar gsal// bdud rtsi bdud rtsi'i rang bzhin don ni bdud rtsi bdud rtsi'i phyag rgyas blang // bdag med gzugs mchog chud mi za ba'i sgrub thabs 'di ni mchog 'dzin bde chen yin// zhal gsum phyag drug yan lag phyag cha thams cad 'dzin// sna tshogs gzugs dang mchog gzugs mnga' ba 'di ni gar gyis thabs chen ldan// rgod dang rtse la sogs pa 'byung ba yang dag gsang sngags rgyal po brjod pa med// rnam snang chen po tshogs 'di yang ni sbyin pa yongs su rgyas pa chen por 'gyur// dang por gnyis pa snang ba thams cad stong pa chen po'i dbyings kyis yang dag bsdus// stong pa'i stong pas ming gis mtha' yas 'das pa'i swA hA'i thabs kyang rnam par sbyangs// mchog

  679. 340a

    tu rnal 'byor bde mchog bstan pas bdud rtsi yang dag bstan// rnal 'byor bdud rtsi'i bdud rtsi bsgrub pas de phyir a mr-i ta ni kun Da li// bsgrub pa de nyid yun med don med don chen thams cad dngos grub 'byung // mi bya ba'i spyod pa dngos la ma brjod bsgoms na rdo rje bdud rtsi rnam par 'khyil/ khams gsum thams cad spyod dang mi spyod de'i lag pa'i mthil du 'byung // dus med rtag pa'i ting 'dzin gnas pa'i dbyings dang bdud rtsi 'khyil// bdud rtsi des ni mnyam par las rnams thams cad 'grub pa'i mchog/ 'dis na bcom ldan rdo rje'i rdo rje bdud rtsi bde chen yin// srid pa'i chos dang bu d+ha'i rigs thams cad kun kyang / dpal bdud rtsi chen po'i rgyud las/ bde ba chen po bdud rtsi'i 'phreng ba'i ting 'dzin las/ thams cad bdud rtsi 'khyil bar ma gyur pa gcig kyang med pas/ bdud rtsi'i rgyud par bstan pa'i le'u ste dgu pa'o// // de nas gzhan yang bdud rtsi rgyud mchog 'di las 'byung ba ni// dpal ro langs chen po bsgrub pa bshad par bya/ mar gyi bcu bzhi la ni gzhi mdo dang ni mtshan cig shing gcig/ drung dang dur khrod dang ni nags gseb ri bo'i rtse mo dag/ khyad par dam pa'i gnas mchog gsang ba 'di nyid du// gces pa'i sgrub thabs thams cad dang ni ro langs sgrub pa la sogs dang // mtshan ni

  680. 340b

    sna tshogs rdzogs par 'byung ba ni sgo re bdud rtsi mchog gi mchog/ rtogs pa legs pa'i mtshan ldan rmad byung ba ni shi ba'i ro// sum cu rtsa gnyis mtshan ldan nyi shu rtsa lnga lon pa'i bud med mchog/ 'byung ba'i tshe na su tra bcas te shi ba'i sha ni bsgrub pa'i rgyud// nyin par sman dang sngags kyis bzlas te bkrus pa'i dri ma dang // ga pur tsan dan la sogs btags pa 'di ni a byi las ni/ me tog 'dab ma la sogs pa gtor ma sbyin par bya/ tshil chen kha ru blugs shing nyungs kar bud med de'i lho ru gtog par bya/ he ru ka'i bsgrub pa tshul bzhin dkyil 'khor dam pa bris/ zla gam thod pa bri zhing ma TaM gzhu ni thod pa'i dbang gi dbyibs thod pa khrag dang bcas pa brgyad kyis rigs ma brgyad 'grub/ kun kyang thod khrag rlon pa dang ni rmu rgod rgyal mtshan 'dzin/ khros pa'i zhal gsum 'jigs byed phyag drug gzugs dang 'jigs byed phyag na ral gri bsnams// sgo skyong bzhi dag dkyil 'khor tshul du rab tu bsnyems pas brgyan// glang chen sna dang glang sna dang ni gdongs bzangs gter gdong can// zhags pa lcags kyu la sogs 'dzin dang khros pa'i gzugs dang 'jigs byed brgyan// me tog bdug pa la sogs zhal gcig phyag kyang gnyis/ rig pa'i mchog rnams dkyil 'khor mchod phyir rnam par dag de/ don rnams thams cad 'grub phyir gzugs

  681. 341a

    chen de las mchod pa'i lha byung / dung chen 'phreng bas brgyan dang zod 'phreng spyi tshugs rnam par brgyan// gnyis don bshad pa nyid kyis shi ba'i yid kyang dngos su sbyor// gsang sngags thams cad gzi ldan kun la 'phags kyis mtshon par bya// dkyil 'khor mar me la sogs dang ni kun la phaT kyi rnam par bsang // dpal chen khrag 'thung sngags kyis bsnyen pa sngags kyi mchog/ khros pa 'degs par bya/ ba 'brug sgra lta bur ro langs smra bar 'gyur// 'jigs bye don du khrag 'thung spu dang gsang sngags bzlas// ro de langs nas 'grub pa'i bka' bzhin nyan cing 'jug par 'gyur// dpa' bo chen po ci bgyi rdo rje ci bgyi stsol las rnams bgyis/ a dza na dang ro langs bsgrub pa dang mi dgos skye med spyod pa rnams/ bsgrub pa ci 'dod thams cad byin gcig dngos grub las rnams bya'o// de nas bsgrub cing 'dod pa thams cad myur du grub par brgyan// de 'dra'i bsgrub pa thams cad ma ma ki'i dbyings su rdzogs// ro langs la sogs rdo rje bdud rtsi rnam par spangs// sku gsung thugs kyis bsgrub pa bde ba'i mchog/ ri shin tu bstan/ 'dis na rdo rje bdud rtsi bde ba chen po'i rgyud las/ dpal ro langs sgrub pa'i thabs bstan pa'i le'u ste bcu pa'o// // bcom ldan 'das rdo rje'i rdo rje bdud rtsi bde ba chen po'i gnas// rdo rje

  682. 341b

    pad+ma nyam sbyor bas/ bde ba'i mchog ni kun tu gnas/ bshad kun lta spyod 'gyod dang rnal 'byor la/ phyi yi dka' thub med sogs rnam par gsal// ting 'dzin mchog dang ldan na kun 'grub ma ma ki yi 'di skad zhus// bcom ldan 'das zab mo'i rdo rje byang chub sems kyis sems can kun gyis snying la khyab// rnam grangs de ltar bshad pa'i nye ba'i sgrub thabs kun kyang thob// de nas bcom ldan 'das rdo rje'i rdo rje bdud rtsi bde chen mdo// dga' ba'i yid gus pa'i gdangs dang mig mdzes pa'i brtul zhugs kyis// bdun du bshad pa de nyid las ni bdud rtsi dkar po'i gzugs chen 'byung // rtag tu bdud rtsis brgyan cing rnam par za byed ma// gcig pus bdag nyid chen por 'gyur ba'i rdzas yin ma ma ki/ dngos por sems 'di bsgrub pas ye shes bsgrub pa'i mchog/ sku gsung thugs kyi dngos grub grub pa'i khrag chen yin// gzhon nu 'jigs pa'i dus su sbyar ba'i khrag chen sems dang bcas// gces pa'i dngos po thams cad 'grub pa'i khrag chen yin no ma ma ki/ drag po shi ba'i sha ni rtag bza' sha chen dbang la shis// mdung gi gsang rma byung shi ba'i sha ni dum bu dum bu bcad de blang // de ni rtag zos zab mo bstan dang tshe ring nad med thams cad 'grub// nges pa'i gar byed de ni sangs rgyas byang chub 'grub pa'i

  683. 342a

    mchog/ rdo rje sems dpa' sems dpa'i tshe dang 'dod pa kun gyi 'bras bu thob par 'gyur// skyes mchog bdag nyid rdo rje bdud rtsi chu ni rtag bza' 'o// sha chen phye ma zhib mo dang ni khrag gis spu'o// dgos pa tshad med 'grub dang re ba kun rdzogs de las 'grub par 'gyur// dus gsum rtag tu rnal 'byor pas rdo rje chu btung sman rnams bza'// nyin cig bzhin du bza' zhing bsgrub pa grub mchog ma ma ki/ mi rgas mi 'chi nang rnams sbyong byed ma lus rnam pa kun gyi yon tan skye// sna tshogs nad rnams dang ni lus sems kun gyi sgrib pa sbyong // skal ldan gang zhig 'dir mos lus kyang gzi ldan rgyal po drung du rgyal ngar smra// 'dod pa thams cad de bzhin 'grub dang pha rol lus rnams dbang du 'gyur// thams cad mkhyen pa'i tshul ni sems can kun gyi rang bzhin rab tu sbyong // 'dod chags zhe sdang la sogs rnyed dang phrag dog rnam par spangs// de 'dra'i bsgrub pa grub mchog bdud rtsi bde ba mchog gi dpal// bdud rtsi bde ba chen po'i rgyud las/ bdud rtsi rnam lnga'i yon tan dang / 'bras bu rnam pa gsang ba'i yum bshad pa'i don las/ le'u gsang ba bcu gcig pa'o// // de nas rgyud kyi don bsdus te/ yum gyi dbyings dang gsang ba'i mkha' las bsdus te gtad// de nas rdo rje'i rdo rje bdud rtsi rgyud mchog 'di las/ don

  684. 342b

    chen bstan pa'i rim par bshad pa/ rdo rje theg chen yi ge med pa'i don ni lha mo mchog la rdzogs// shin tu chags pa'i sbyor ba de las gags chen bshad par 'byung bar 'gyur// nges pa'i don rnams bshad pa yangs pa'i pad+ma ma ma ki/ gsang chen dam pa 'di ni bdag nyid chen po rtag tu gnas// byang chub sems dpa' ye shes gzugs mchog stong pa'i yi ge med// rdo rje gtsug na nor bu dang rig pa chen po de nyid yin// sbas pa'i gzugs chen lha rnams bstan te 'di ni bu la yang bshad mi bya// shin ru gsang sbas bla ma'i bka' dang lung bzhin bstan pa'i bka'// dam par nges pa'i lung 'di gsang bar byed de gsang mchog de las 'byung // rdo rje bdud rtsi bde chen po sgrub pa'i thabs mchog 'di ni rnyed pa shin tu dka'// skal ldan 'gro ba rnams la zhi dang ye shes rnyed de 'dus par 'gyur// rdo rje bdud rtsi'i rgyud 'di mngon par dbang spur bsgrub pa rnams// sangs rgyas byang chub sems dpa' la sogs de la mngon par 'dud// skal chen bla ma ni dus gsum phyag bya dad pas yon yang 'bul// phyogs bzhi'i sems can dang ni sgo 'byed 'od zer gtong // 'dis na bcom ldan 'das rdo rje'i rdo rje bdud rtsi bde ba chen po yin// de bzhin gshegs pa kun rdo rje sku gsung thugs bde ba chen po'i/ rdo rje bdud rtsi rgyud 'di thams cad 'dus

  685. 343a

    pas go ba'i yul rnams bde// zab mo'i gzugs mchog de nyid dbyings su sbas pas brgyan par gnas// de bzhin gshegs pa thams cad kyi sku dang / gsung dang / thugs rab tu gsang ba'i yang gsung ba/ gsang mchog dam pa'i rdo rje'i bdud rtsi bde ba chen po'i rgyud las/ rang bzhin gyi bdud rtsi bsdus nas snod dang gtad pa bstan pa'i le'u ste bcu gnyis pa'o// // rdzogs so// // rgyud 'di pu rangs kyi yul lnga ling gtsug lag khang du// rgya gar gyi mkhan po ni la gar pa dang / a nan ta shrI gar+b+ha dang / su ha na dz+nyA na dang / zhu chen gyi lo ts+tsha ba skad sgur mkhan lang shes rab rin po ches bskur te/ gtan la phab pa'o// // @#// rgya gar skad du/ badz+ra kI la ya mA la/ bod skad du/ rdo rje phur pa'i rtsa ba/ dpal rdo rje khros po la phyag 'tshal lo// rdo rje khros pas zhe sdang gcod// de bzhin rim pa ji bzhin du// mtshon chen sngon po 'bar ba yis// nam mkha'i dkyil nas thigs pa shar// srog gi go ru shar ba dang // snying gi go ru bsgom par bya// snying rje bsgral ba'i dam tshig ni// bsad cing mnan pa ma yin te// phung po rdo rje gtams byas nas// rnam par shes pa rdo rjer bsgom// oM badz+ra kI li kI la ya sarba big+h+nAn baM hUM hUM phaT/ dI b+ha tsakra ha na ha na hUM phaT/ rdo rje khros pa yum dang bcas pa'o// rdo rje gzhon

  686. 343b

    nu rigs 'dzin rnams// srid pa'i rdo rje grub mdzod cig/ srid pa rdo rje phur pa'i lha// ye shes khro bo grub par 'dod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag bskyed cig/ thabs kyis spyod pas 'gro don du// byams dang snying rje gang 'dul ba// sangs rgyas 'phrin las rdzogs mdzad pa// dbang dang byin rlabs 'dir stsol cig/ oM badz+ra kro d+ha hUM ka ra hUM/ gar rdza gar rdza hUM phaT/ khro bo chen po hUM ka ra/ yum rdo rje sgra 'byin ma/ sprul pa'i 'phra men ma phag gi mgo can dang / rmigs bu'i mgo can no// oM badz+ra kro d+ha bi dza ya hUM/ ha na ha na hUM phaT/ khro bo rnam par rgyal ba dang / yum rdo rje rnam snyems ma/ sprul pa'i 'phra men ma stag gi mgo can dang / bya rgod kyi mgon can no// oM badz+ra kro d+ha nI la daN+Da hUM phaT/ khro bo chen po dbyug pa sngon po dang / yum rdo rje sder mo// sprul pa'i 'phra men ma g.yag gi mgo can dang / bya rog gi mgo can no// oM badz+ra kro d+ha ya mAn ta ka hUM/ pa tsa pa tsa hUM hUM phaT/ khro bo chen po gshin rje gshed po dang / yum rdo rje dur khrod kyi bdag mo// sprul pa'i 'phra men ma sha ba'i mgo can dang / 'ug pa'i mgo can no// oM badz+ra kro d+ha Ar+ya a tsa la hUM/ ban d+ha ban d+ha hUM phaT/ khro bo chen po mi g.yo mgon po dang // yum rdo rje gtun khung ma/ sprul pa'i

  687. 344a

    'phra men ma gzig gi mgo can dang / kha'i mgo can no// oM badz+ra kro d+ha ha ya gr-i h+na/ hu lu hu lu hUM phaT/ khra bo chen po rta mgrin dang / yum rdo rje gtum mo// sprul pa'i 'phra men ma byi la'i mgo can dang / pu shud kyi mgo can no// oM badz+ra kro d+ha a pa rA dzi ta hUM/ tiSh+Tha ti Sh+Tha hUM phaT/ khro bo chen po gzhan gyis mi thub pa dang / yum rdo rje mda' snyems ma/ sprul pa'i 'phra men ma sbyang ki'i mgo can dang / khra'i mgo can no// oM badz+ra kro d+ha a mr-i ta kun Da li hUM/ tshin d+ha tshin d+ha hUM phaT/ khro bo chen po bdud rtsi 'khyil pa dang / yum rdo rje rlung 'byin ma/ sprul pa'i 'phra men ma seng ge'i mgo can dang / pha wang gi mgo can no// oM badz+ra kro d+ha trai lo kya bi dz+ra ya hUM/ bin d+ha bin d+ha hUM phaT/ khro bo chen po khams gsum rnam par rgyal ba dang / yum rdo rje gsod chen/ sprul pa'i 'phra men ma dred kyi mgo can dang / zer mo'i mgo can no// oM badz+ra kro d+ha ma hA ba la hUM/ s+pho Ta s+pho Ta hUM phaT/ khro bo chen po stobs po che dang / yum rdo rje skul byed ma/ sprul pa'i 'phra men ma dom gyi mgo can dang / byi ba'i mgo can gyis gtam pa'o// oM badz+ra kI li kI la ya ma hA kro d+ha ya hUM phaT/ rdo rje 'dus pa'i sras mchog go/ oM bud d+ha kI li kI la ya bi da ya bing bing hUM phaT/ oM rad na kI li kI la ya na ma sa man ta hing hing hUM phaT/ oM pad+ma kI li kI la ya/ su ru su ru hUM phaT/ oM

  688. 344b

    karma kI li kI la ya mA ra ya mA ya ra hUM phaT/ sgo bzhi yi sras mchog go/ srid pa'i phur bu bsgrub pa dang // dbang dang dngos grub blangs pa'i phyir// ye shes khro bo gshegs su gsol/ khro bo chen po gshegs nas kyang // rtags dang mtshan ma bstan pa dang // kI la ya yi dngos grub gsol// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shra na mu kha'i dus la bab// bdag nyid chen mo dus la bab// sa bdag chen mo'i dus la bab/ khyod kyi 'phrin las dus la bab// mthu rtsal dbyung ba'i dus la bab// byang chub mchog tu sems bskyed cing / khams gsum rgyal ba'i gdung 'tshob pa'i// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul du bsgral ba dang // lus ngag rdul du bshig nas kyang // sdug bsngal nyams su myong bar mdzod// oM laM hUM laM staM b+ha nan/ mo ha ga ya b+ha ga ban/ shi kri bi kr-i/ badz+ra hUM ka ra hUM hUM phaT phaT/ badz+ra kI li kI la ya dzaHhUM baM ho/ sarba big+h+nA na/ badz+ra kI la ya/ hUM phaT/ badz+ra hUM ka ra hUM a/ dngos grub par chod byed pa'i bgegs// gdug cing sdang sems byed pa rnams// zungs shig chings shig rnam par

  689. 345a

    chings// rtogs shig srog dang bral bar gyis// rings par khug la sbyor chug cig/ phob cig rnam par gzer bar gyi// nga yis dbang du gyur nas kyang // bsgo ba'i bka' rnams nyan par gyis// hUM pa ra b+hid tan ts+tshin d+ha ts+tshin d+ha hUM phaT/ bin d+ha bin d+ha hUM phaT/ gr-i h+Na gr-i h+Na hUM phaT/ ha na ha na hUM phaT/ ban d+ha ban d+ha hUM phaT/ ta tha ya ta tha ya hUM phaT/ ha sa ya ra ha ta na hUM phaT/ shi krin a nang pa hUM phaT/ dzAdz+wa la pa ya dzA la pa ya hUM phaT/ A be sha ya A be sha ya hUM phaT/ bin d+ha ya bin d+ha ya hUM phaT/ bran dang bka' nyan pho nya'i tshogs/ khyed kyi dam tshig dus la bab// sngon chad ji bzhin dam bcas pa'i// mngon spyod 'phrin las myur du mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma ta ma ta badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka ta ka te/ dza ye bi dza ye/ a dzi te a pa rA dzi te/ ma ra sa na pra ma ra da ni ye hUM phaT/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya rus khos// nyon cig bgegs dang log 'dren tshogs// nga yi bka' las 'da' ma byed// hUM ma ma pa shi ku ru// ma tam nya ka ra i nan/ d+ha ti ma ma nya karma shi kra ka ra ya/ gdug cing sdang sems ldan pa yi// lha 'am 'on te bdud kyang rung // nga la bar chad byed pa

  690. 345b

    rnams// mthu dang rdzu 'phrul med par byos// sarba a na ya hUM phaT/ ta tha ya ta tha ya hUM phaT/ rdungs shig rdo rje 'bar ba'i gtun// bka' las 'da' byed sdig can rnams// rdo rje med dpal snying bsregs nas// lus ngag rdul phran bzhin du lhogs/ khro mo 'bar ba'i gtun khung du// rdo rje tho bas brdungs byas nas// lha yang rung ste rlag par 'gyur// sdig can gzhan lha mos ci dgos/ kha tham/ kha tham/ kha tham// hUM hUM hUM/ phaT phaT phaT/ badz+ra yak+Sha kro d+ha/ khA hi khA hi/ ha ha ha/ hUM hUM hUM/ phaT phaT phaT/ chos nyid kyi bden pa'o// gsang sngags kyi byin rlabs so// sangs rgyas kyi mthu'o// a bi ra tsa'i dus la bab bo// oM badz+ra kI li kI la ya/ zhes nyi shu rtsa gcig bzlas/ gnag pa de kho na la'o// kI li kI la ya/ zhes lan bco brgyad dkar nag gi mtshams su'o// hUM hUM hUM/ phaT phaT phaT/ ces shas tsam bzlas so// rdo rje phur pa'i rtsa ba rdzogs so// // phur pa gsang bsgrub kyi brgyud pa ni/ spyir yang dag par rdzogs pa'i sangs rgyas dpal rdo rje gzhon nus 'og min chos kyi pho brang du/ tan tra sde bco brgyad la/ rdo rje phur pa'i tan tra rigs lnga'i sangs rgyas la bshad/ des sdud pa'i gsang bdag phyag na rdo rje la bshad/ des rgyal po dza la bshad/ des shri na len tra'i gtsug lag khang du sbas pa'o// de nas paN+Di ta mi byed seng ges rnyed nas/

  691. 346a

    des da na sang kr-i ta la bshad/ des da na u pa la bshad/ des pad+ma sam b+ha ba la bshad/ des bal po ba su d+ha ra la bshad/ des sgregs pa sangs rgyas ye shes la gtad/ des sa'i gter du sbas te/ yon tan rgya mtsho skye ba rgud pa gcig gis rnyed par 'gyur ro// i thi// // rgya gar skad du/ badz+ra ki la ya mU tan+t+ra khaN+Da/ bod skad du/ rdo rje phur pa rtsa ba'i rgyud kyi dum bu/ bcom ldan 'das rdo rje gzhon nu la phyag 'tshal lo// rdo rje khro bos zhe sdang gcod// mtshon chen sngon po cher 'bar ba// nam mkha'i dkyil du thig le shar// srog gi sgo ru shar ba dang / snying gi dkyil du bsgom par bya// snying rje bsgral ba'i dam tshig ni// bsad cing mnan pa nyid yin te// phur pa'i rdo rje de nyid de// rnam par shes pa rdo rjer bsgom// oM badz+ra kI li kI la ya sarba big+h+nAn baM hUM phaT/ dIp+ta tsakra ha na ha na hUM phaT/ rdo rje gzhon nu'i rigs 'dzin rnams/ khro bo rdo rje sgrub par mdzod/ khro bo rdo rje phur pa'i lha// ye shes khro bo grub par mdzod// sangs rgyas kun gyi ye shes sku// rdo rje'i de nyid rang bzhin las// chos kyi dbyings kyi ngo bo nyid// 'bar ba'i khro bo mi bzad pa// sku yi gter du bdag bskyed cig/ thabs

  692. 346b

    kyis spyod pas sems can don// byams dang snying rje gang 'dul ba// sangs rgyas 'phrin las rdzogs par mdzad// dbang dang byin rlabs 'dir stsol cig/ oM badz+ra kro d+ha hUM ka ra hUM/ gardza gardza hUM phaT/ oM badz+ra dI pa ya ti hUM/ oM badz+ra u ya ka mu kha hUM/ oM badz+ra u sha ka mu kha hUM/ 'di ni khro bo chen po hUM mdzad dang // rdo rje lha mo sgra 'byin dang // sprul pa'i lha mo 'phra men dang // phag gi mgo can dang / rtsangs pa'i mgo can dang / oM badz+ra kro d+ha bi dza ya hUM/ ha na ha na hUM phaT/ oM badz+ra kro d+hi lA s+ye hUM/ oM badz+ra byA g+h+ra mu khi hUM/ oM badz+ra kro d+ha sa mu bu hUM/ 'di ni khro bo chen po rnam par rgyal ba dang / lha mo sgeg mo dang / sprul pa'i 'phra men ma stag gi mgo can dang / bya rgod kyi mgo can no// oM badz+ra nI la daN+Da hUM/ da ha da ha hUM phaT/ oM badz+ra kro d+hi tI tA ru hUM/ a badz+ra trA na mu kha hUM/ 'di ni khro bo dbyug sngon 'chang ba dang / lha mo rdo rje sder mo can dang / sprul pa'i 'phra min ma g.yag mgo can dang / bya rog mgo can no// oM ya mAn ta ka badz+ra kro d+ha hUM pa tsa pa tsa hUM/ oM badz+ra kro d+hI swa shA na pa ti hUM/ oM badz+ra ha ri ni mu kha hUM/ oM badz+ra A lu ka mu kha hUM/ 'di ni khro bo gshin rje mthar byed dang // lha mo dur khrod bdag mo dang // sprul pa'i lha mo 'phra men ma ri dgas kyi mgo can dang / 'ug pa'i mgo can no// oM badz+ra kro d+ha Ar+ya a tsa la hUM/ ban d+ha ban d+ha hUM phaT/ oM badz+ra kro d+hi

  693. 347a

    mu ha la thA/ oM badz+ra pre ta mu kha hA/ 'di ni khra bo mi g.yo mgon po dang / rdo rje lha mo gtun khung ma dang / sprul pa'i lha mo 'phra men ma gzig gi mgo can dang / khwa'i mgo can no// oM badz+ra kro d+ha ha gri ba hu lu hu lu hUM phaT/ oM badz+ra kro d+hi dza ya ti hUM/ oM badz+ra kro d+hi ba ra mu kha hUM/ oM badz+ra kro ta mu khi hUM/ 'di ni khro bo rta mgrin dang / rdo rje lha mo gtum mo dang / sprul pa'i lha mo 'phra men ma byi la'i mgo can dang / pra shu kyi mgo can no// oM badz+ra kro d+ha a pa ra dze ta hUM/ tiSh+Tha tiSh+Tha hUM phaT/ oM badz+ra kro d+hi sa bya ti hAM/ oM badz+ra sri ka la mu khi hUM/ oM badz+ra pany+tsa ra na mu khi hUM/ 'di ni khro bo gzhan gyis mi thub pa dang / rdo rje lha mo mda' stegs ma dang / sprul pa'i lha mo 'phra men ma sbyang ki'i mgo can dang / khwa'i mgo can no// oM badz+ra kro d+ha a mr-i ta kuN+Da li hUM/ tshin d+ha tshin d+ha hUM phaT/ oM badz+ra kro d+ha si bya ma ti hUM/ oM badz+ra sing ha mu kha hUM/ oM badz+ra ti ti la mu kha hUM/ 'di ni khro bo bdud rtsi 'khyil ba dang / rdo rje lha mo mdzad sgra ma dang / sprul pa'i lha mo 'phra men ma seng ge'i mgo can dang / pha wang gi mgo can no// oM badz+ra kro d+ha trai lokya bi dza ya hUM/ bin d+ha bin d+ha hUM/ oM badz+ra kro d+hi mA ra ya hUM/ oM badz+ra rAk+Sha sa mu kha hUM/ oM na ku la mu kha hUM/ 'di ni khro bo 'jig rten gsum las rnam par rgyal ba dang / rdo rje lha mo gsod byed ma dang / sprul pa'i lha mo 'phra men ma dred kyi mgo

  694. 347b

    can dang / sre mo'i mgo can dang / oM badz+ra kro d+ha ma hA ba la hUM/ phaT hUM phaT/ oM badz+ra kro d+hi muN+De maM hUM/ oM badz+ra rak+Sha sa mu kha hUM/ oM badz+ra kra shi ka mu kha hUM/ 'di ni khro bo stobs po che dang / rdo rje lha mo rigs byed ma dang / sprul pa'i lha mo 'phra men ma dom gyi mgo can dang / byi ba'i mgo can no// oM badz+ra yak+Sha sa da ra hUM dza/ oM badz+ra b+hai ra be hUM hUM/ oM badz+ra a mr-i ta hUM baM/ oM badz+ra ma ra ni hUM ho/ 'di ni shar du pu shud kyi mgo can/ lhor bya rog gi mgo can/ nub tu srin bya'i mgo can/ byang du khra'i mgo can/ 'khor ba'i phur pa bsgrub pa'i don du/ dbang dang byin brlab zhus pa'i phyir// ye shes khro bo gshegs su gsol// ye shes khro bo gshegs pa nas// rtags dang mtshan ma bstan pa dang // phur pa'i dngos grub stsal du gsol// dam tshig chen po'i dus la bab// sprul pa chen po'i dus la bab// pho nya chen po'i dus la bab// bdag nyid chen po'i dus la bab// sa bdag chen po'i dus la bab/ khyi yi gdong can dus la bab// bsgral bar bya ba'i dus la bab// byang chub tu ni sems bskyed nas// dus gsum sangs rgyas sras bzhin du// rigs 'dzin bdag cag rnams la ni// gnod cing gdug pa'i dgra dang bgegs// bdud dang bar du gcod pa rnams// khro bo chen po'i byin rlabs kyis// yud tsam gyis ni de bgug nas// mngon spyod tshul gyis bsgral ba

  695. 348a

    dang // lus ngag phye mar mdzad nas kyang // sdug bsngal nyams su myong bar mdzod// ma ma~M tsA la staM b+ha ni/ mo ha g+hA ta ya b+ha ga ba na hri/ kr-i pra be kr-i badz+ra hA ka ra hA/ badz+ra ki laM ki la dzab+hA ba / sarba big+h+nAn/ badz+ra kI li ki la ya hUM phaT/ bgegs byed pa yi bdud rnams dang // sdug bsngal sel la mnyam sbyor ba// che ge mo zhes bya ba'i bdud// zung zhig rdungs shig rnam par chings// gtogs shing grogs dang dbye bar gyis/ ring nas khug la sgra ru chug/ phob cig rnam par gzir bar gyi// bdag gi dbang du byas gyur nas// bsgo ba'i bka' nyan gus par gyi// hUM pa ra bi d+ha ra tshin d+ha tshin d+ha hUM phaT/ bin d+ha bin d+ha hUM phaT/ gr-i h+Na gr-i h+Na hUM phaT/ ban+d+ha ban+d+ha hUM phaT/ tra sa ya hUM phaT/ ha sa ya/ ya ra hri daN+Da hUM phaT/ shI g+h+ra a na ya hUM phaT/ dz+wa la pa ya dz+wa la pa ya hUM phaT/ A be sha ya A be sha ya hUM phaT/ bin d+ha ya/ bin d+ha ya hUM phaT/ pho nya bral dang mngag pa'i tshogs// khyed kyi thugs dam dus la bab// mngon spyod ji ltar nges pa dang // mngon spyod byin brlabs de bzhin mdzod// ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka Ta ka Ta ye/ dza ye/ bi dza ye/ a dzi te/ a pa rA dzi na te/ ma ra se bya pra ma ra d+ha ni hUM phaT/ rdo rje gsang ba'i bka' lung gis// sdig can gang

  696. 348b

    zhig 'da' byed pa// stobs chen khro bo chen po yis// mgo ni tshal pa brgya ru gyis// nyon cig bgegs dang log 'dren rnams// nga yi bka' las 'da' ma byed// hUM ma ma ba shaM ku ru/ gdug cing sdang sems ldan pa rnams// song zhig lha min gang yang rung // nga la bar chad byed pa'i bdud// mthu dang rdzu 'phrul med par mdzod// sarba a na ya hUM phaT/ ta thA ya ta thA ya hUM phaT/ rdungs shig rdo rje 'bar ba'i gtun// bka' las 'da' byed sdig can rnams// rdo rje me yis snying bsregs nas// lus sems rdul bzhin brlag par mdzod// khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya/ kha taM kha taM kha taM/ hUM hUM hUM/ phaT phaT phaT/ badz+ra yak+Sha kro d+ha kha kha khA hi khA hi/ ha ha ha hUM hUM phaT phaT/ chos nyid kyi bden pa'o// gsang sngags kyi byin gyis brlabs so// sangs rgyas kyi byin gyis brlabs kyis mthur 'gyur ro// brnag pa de kho na nyid do// kI la ya lan nyi shu rtsa gcig bzlas so// ki la ya lan bco brgyad brjod nas dkar nag gi mtshams su'o// hUM hUM hUM/ ho ho ho/ phaT phaT phaT/ 'di brjod par bya'o// rdo rje phur pa rtsa ba'i dum bu slob dpon pad+ma 'byung gnas dngos kyi rgya dpe dang mthun par/ dpal sa s+ya paN+Di tas/ g.yas ru'i

  697. 349a

    sa'i cha shangs kyi sreg zhing du bsgyur cing zhus te gtan la phab pa'o// // rgya gar skad du/ badz+ra ki la ya mU la tsit+ta nA ma tan+t+ra/ bod skad du/ rdo rje phur pa rtsa ba thugs kyi rgyud ces bya ba/ dpal rdo rje khros pa'i rgyal po la phyag 'tshal lo// 'di skad bstan pa'i dus gcig na/ bcom ldan 'das dpal kun tu bzang po nyid/ de bzhin gshegs pa thams cad kyi sku dang / gsung dang / thugs dang / yon tan dang / 'phrin las ma lus pa'i bdag nyid/ ye shes rol pa'i cho 'phrul sna tshogs rnam par 'phrul pa la mnga' brnyes pa nyid 'og min gyi gnas lhun gyis grub pa'i pho brang yum gyi mkha' ye shes kyi rgyan rnam pa sna tshogs kyis klubs pa na/ rigs kyi yab dang // rigs kyi yum dang / sems dpa 'dang // sems ma dang / sgo ba dang / sgo ma dang / gzhan yang de las sprul pa'i 'khor grangs med pa dang thabs gcig tu bzhugs so// rdo rje phur ba rtsa ba thugs kyi rgyud las// gling gzhi'i le'u ste dang po'o// // de nas bcom ldan 'das de bzhin gshegs pa 'khor dang bcas pa chos nyid zhi ba chen po'i cho 'phrul bde ba chen po'i ting nge 'dzin la snyoms par zhugs te/ mdzad spyod thams cad ye shes kyi don la gnas par

  698. 349b

    gyur to// de'i tshe de'i dus na log pa'i lam la zhan te/ dngos po la mngon par 'chel ba nga rgyal gyi mthus bsnyems pa'i ru drag nag po zhes bya ba zhig/ sangs rgyas kyi bstan pa la ma dad cing 'gro ba rnams la gnod par byed de/ de la bcom ldan 'das 'khor dang bcas pa thams cad dgongs pa gcig tu gyur nas/ gdan tshoms bcas te bka' bgros pa las/ zhi bas mi 'dul te rol pa'i mdzad spyod kyis 'dul bar gzigs nas/ bcom ldan 'das nyid kyis dpal rdo rje khros pa'i rgyal por sprul nas rigs lnga'i sangs rgyas la sogs pa rnams thugs kar bsdus te/ dur khrod kyi gzhal yas khang dang / khro bo'i dkyil 'khor gyi skur mngon par 'du mdzad de/ thugs ka nas yum 'khor lo rgyas 'debs ma sprul nas/ gnyis su med pa'i sprul pa las khro bo sras mchog sprul nas ru tra bsgral nas btul lo// thugs ka nas khro bo bcu dang / khro mo bcu sprul nas/ ru dra'i 'khor na gnas pa'i phyogs skyong bcu dang de'i chung ma rnams btul lo// de'i nye 'khor rnams la mgo brnyan nyi shu sprul nas btul lo// ru dra'i 'khor na tshangs pa dang / nye dbang dang / dbang phyug dang / khyab 'jug rnams gnas pa ni yab yum mkha' las sangs rgyas 'dus pa dang / rin chen 'dus pa dang / pad+ma 'dus pa dang / las rab 'dus pa'i sras mchog rnams sprul nas

  699. 350a

    btul lo// de nas dregs pa de'i slas dang / bu mo dang / chung ma dang / ma dang / sring mo rnams la ma chags thabs kyi sbyor ba mdzad de dam la btags te 'khor du byas so// de bzhin du bso'i lha mo bzhi dang / bdag nyid ma bzhi dang / sha na mu kha bzhi la sogs pas srog gi snying po phul nas phur pa'i srung mar dbang bskur te dam la btags so// de'i tshe 'jig rten drug gi phyogs mtshams thams cad g.yos shing khrugs te/ thams cad dpal rdo rje gzhon nu'i gzhal yas khang dkyil 'khor gyi lha'i ngo bor shar te/ rol pa'i mdzad spyod ye shes kyi ngang du gyur to// rdo rje phur pa rtsa ba thugs kyi rgyud las/ dregs papa btul nas cho 'phrul bstan pa'i le'u ste gnyis pa'o// // de'i tshe de'i dus na bcom ldan 'das nyid kyis drag po'i num rngam tshig tu skad ces bka' stsal to// rdo rje khros pas zhe sdang gcod// de bzhin rim pa ji bzhin du// mtshan chen sngon po 'bar ba yi// nam mkha' dkyil nas thigs pa shar// srog gi sgo ru shar ba dang // snying gi go ru bsgom par bya'o// snying rjes bskal ba'i dam tshig ni/ gsad cing mnan pa ma yin te// phung po rdo rje gtam byas nas// rnam par shes pa rdo rje bsgom/ oM badz+ra ki li ki la ya sarba big+ha nan baM hUM hUM phaT/ rdo rje gzhon nu'i rigs 'dzin rnams// srid pa'i rdo rje grub mdzod cig/ srid pa rdo

  700. 350b

    rje phur pa'i lha// ye shes khro bo grub par mdzod// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag bskyed cig/ thabs kyis spyod pas 'gro don du// byams dang snying rje gang 'dul ba// sangs rgyas 'phrin las rdzogs mdzad nas// dbang dang byin rlabs 'dir stsol cig/ oM badz+ra kro d+ha hUM kA ra hUM/ gardza gardza hUM phaT/ khro bo chen po hUM ka ra dang / yum rdo rje sgra 'byin ma/ sprul pa'i 'phra men ma phag gi mgo can dang / smigs bu'i mgo can no// oM badz+ra kro d+ha ba dzi ya hUM hUM ha na ha na hUM phaT/ khro bo chen po rnam par rgyal ba dang / yum rdo rje rnam bsnyems ma/ sprul pa'i 'phra men ma stag gi mgo can dang / bya rgod kyi mgo can no// oM badz+ra kro d+ha nI la dan Da hUM/ da ha da ha hUM phaT/ khro bo chen po dbyug pa sngon po dang / yum rdo rje sder mo/ sprul pa'i 'phra me na ma/ g.yag gi mgo can dang / bya rog gi mgo can no// oM badz+ra kro d+ha ya man ta ka hUM/ pa tsa pa tsa hUM phaT/ khro bo chen po gshin rje gshed po dang / yum rdo rje dur khrod kyi bdag mo/ sprul pa'i 'phra men ma shra ba'i mgo can dang / 'ug pa'i mgo can no/ oM badz+ra kro d+ha Ar+ya a tsa la hUM/ ban d+ha ban d+ha hUM phaT/ khro bo chen po mi g.yo mgon po dang / yum rdo rje gtun khung ma/ gzig gi mgo can dang / khwa'i mgo can no// oM badz+ra kro d+ha ha ya grI ba

  701. 351a

    hA/ hu lu hu lu hUM phaT/ khra bo chen po rta mgrin dang // phram rdo rje gtum mo// sbal ba'i 'phra men ma byi la'i mgo can dang / pra shud kyi mgo can no// oM badz+ra kro d+ha a pa ra dze tar+tha/ tiHtiHhU~M phaT/ khro bo chen po gzhan gyis mi thub pa dang / yum rdo rje mda' bsnyegs ma/ sprul pa'i 'phra men ma sbyang ki'i mgo can dang / khwa'i mgo can no// oM badz+ra kro d+ha a mr-i ta kuN+Da li hUM/ tshin da tshin da hUM phaT/ khro bo chen po bdud rtsi 'khyil ba dang / yum rdo rje rlung 'byin ma/ sprul pa'i 'phra men ma seng ge'i mgo can dang / pha wang gi mgo can no// oM badz+ra kro d+ha trai lokya pi dza ya huM/ b+hi na da b+hi na da hUM phaT/ khro bo chen po khams gsum rnam par rgyal ba dang / yum rdo rje gsod byed ma/ sprul pa'i 'phra men ma dred mgo can dang / ze mo'i mgo can no// oM badz+ra kro d+ha ma hA ba la hUM/ s+pho Ta s+pho Ta hUM phaT/ khro bo chen po stobs po che dang / yum rdo rje bskyod chen ma/ sprul pa'i 'phra men ma dom gyi mgo can dang / byi ba'i mgo can gyis gtams pa'o// srid pa'i phur bu bsgrub pa dang // dbang dang dngos grub blang ba'i phyir// ye shes khro bo gshegs su gsol// khro bo chen po gshegs nas kyang / rtags dang mtshan ma bstan pa dang // kI la ya yi dngos grub gsol/ dam tshig chen po'i dus la bab// sprul pa chen po'i dus la bab// phyag brnyan chen po'i dus la

  702. 351b

    bab// shra na mu kha'i dus la bab// bdag nyid chen mo'i dus la bab/ sa bdag chen mo'i dus la bab/ khyed kyi 'phrin las dus la bab// mthu rtsal dbyung ba'i dus la bab// byang chub mchog tu sems bskyed la/ khams gsum rgyal ba'i gdung sob pa'i// rigs 'dzin bdag cag rnams la ni// gnod cing gdug pa'i dgra dang bgegs/ bdud dang bar du gcod pa rnams/ khro bo chen po'i byin rlabs kyis// yud tsam gyis ni 'dir bkug nas// mngon spyod tshul bzhin bsgral ba dang // lus ngag rdul du shig nas kyang // sdug bsngal nyams su myong bar mdzod/ oM laM hUM laM staM pa nan/ mo ha g+ha ya b+ha ga ban/ shi kri bi kri badz+ra hUM kA ra hUM hUM phaT phaT/ badz+ra kI li kI la ya/ dzaHhUM baM ho/ sarba bag+hi nan/ badz+ra kI li kI la ya hUM phaT/ badz+ra hUM ka ra hUM a/ dngos grub par gcod byed pa'i bgegs/ gdug cing sdang sems ldan pa rnams// zung zhig sdoms shig rnam par chings/ gtogs shig grogs dang bral bar gyis/ rings par khug la sgrar chug cig/ phob cig rnam par gzir bar gyis/ nga yi dbang du gyur nas kyang // bsgo ba'i bka' rnams nyan par gyis// hUM pa ra bdi dan tshin da tshin da hUM phaT/ b+hin da b+hin da hUM phaT/ gr-i h+Na gr-i h+Na hUM phaT/ ha na ha na hUM phaT/ ban d+ha ban d+ha hUM phaT/ ta tha ya ta tha ya hUM phaT/ ha sa ya ra ha ta na hUM

  703. 352a

    phaT/ shi krin A na ya hUM phaT/ dza la pa ya dza la pa ya hUM phaT/ yA be sha ya A be sha ya hUM phaT/ b+hin da ya b+hin da ya hUM phaT/ bran dang bka' nyan pho nya'i tshogs/ khyed kyi dam tshig dus la bab/ sngon chad ji ltar dam bcas pa/ sngon spyod 'phrin las myur du mdzod/ ha na ha na badz+ra/ da ha da ha badz+ra/ pa tsa pa tsa badz+ra/ ma tha ma tha badz+ra/ dza la dza la badz+ra/ su ru su ru badz+ra/ mu ru mu ru badz+ra/ ka taM ka te dza ye bi dza yi/ a dzi te/ a pa rA dzi te/ ma ra sa na pra mar rta ni ye phaT/ rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ma ma ba shang ku ru ma dam nya ka ra i nan d+ha ti ma ma kar ma shi kr-i ka re ya/ gdug cing sdang sems ldan pa rnams// lha 'am 'on te bdud kyang rung // nga la bar chod byed pa rnams// mthu dang rdzu 'phrul med par byos// sarba A na ya hUM phaT/ tad ya thA tad ya thA hUM phaT/ rdungs shig rdo rje 'bar ba'i gtun/ bka' las 'da' byed sdig can rnams// rdo rje me dpal snying bsregs nas// lus ngag rdul phran bzhin du lhogs/ khro mo 'bar ba'i gtun khung du// rdo rje tho bas brdungs byas nas// lha yang rung ste rlag par 'gyur// gnod byed dgra bgegs smos ci dgos//

  704. 352b

    kha thaM kha thaM kha tha/ hUM hUM hUM/ phaT phaT phaT/ badz+ra yag sha kro d+ha kha kha/ khA hi khA hi/ ha ha ha/ hUM hUM hUM/ phaT phaT phaT/ gsang sngags kyi byin rlabs so// sangs rgyas kyi mthu'o// a bi ra tsa'i dus la bab bo// brnag pa de kho na la'o// badz+ra kI la ya zhes nyi shu rtsa gcig/ kI la ya zhes bco brgyad/ dkar gnag gi mtshams su'o// hUM hUM hUM/ phaT phaT phaT/ ces bzlas par bya'o zhes gsungs so// rdo rje phur pa rtsa ba thugs kyi rgyud las/ dpal rdo rje gzhon nu'i rtsa ba'i don dngos su bstan pa'i le'u ste gsum pa'o// // de nas gzhan yang bka' stsal pa/ oM badz+ra kI li kI la ya hUM phaT/ bsnyen phur gyi sngags so// oM bud d+ha kI li ki la ba di ya bing bing hUM phaT/ zhes pa ste bya phur gyi sngags so// oM rat+na kI li kI la ya na ma sa man ta hing hing hUM phaT/ skyer phur gyi sngags te rgyas pa'o// oM pad+ma kI li kI la ya su ru su ru pra su ru hUM phaT/ mchog phur gyi sngags te dbang gi'o// oM karma kI li ki la ya mA ra ya mA ra ya hUM phaT/ lcags phur gyi sngags te drag po'o// oM badz+ra kI li kI la ya kA ya badz+ra oM dza la dza la/ sU ta sU ta sarba na sa pa na ye hUM phaT/ oM badz+ra kIki li kI la ya bA ka badz+ra/ oM sarba duSh+Tan hri da sho da ya hUM phaT/ oM badz+ra kI li kI la ya tsit+ta badz+ra hUM tsit+ta huM phaT/ ces sku gsung thugs kyi sngags so// oM badz+ra kI li kI la ya pe ta li maN+Dal rag k+Sha rag k+Sha hUM phaT/

  705. 353a

    oM badz+ra kI li ki la ya ma ku la ta la ta la ta la pra ta la hUM phaT/ oM badz+ra kI li kI la ya ma hA rak+ta hUM phaT/ dbyug brdeg bdug pa bya ba'i sngags so// zhes gsungs so// rdo rje phur pa rtsa ba thugs kyi rgyud las/ sras mchog lnga'i sngags dang dbyug brdeg bdug cing byin gyis brlabs par mdzad pa'i le'u ste bzhi pa'o// // de nas bcom ldan 'das dpal rdo rje gzhon nu la/ rdo rje 'dus pa'i sras mchog kI li yas 'di skad ces gsol to// e ma ho rdo rje khros pa'i sku// de ltar sku gsung thugs dang ni// yon tan 'phrin las 'dus pa yi// dregs pa bsgral ba ngo mtshar che// gtum rngam tshig tu gsungs pa yi// rdo rje phur pa rtsa ba nyid// de don bsgrub pa ji ltar lags// rim par bdag la bshad du gsol// ces gsol bas/ bcom ldan 'das rdo rje gzhon nus bka' rtsal ba nyon cig rdo rje 'dus pa'i sras/ rdo rje phur pa bsgrub 'dod pas// phun sum tshogs pa'i slob dpon dang // gnas dang 'khor dang yo byad rnams// dus tshod ldan pas bsgrub par bya// phyi nang bshags par bya ba dang // lto 'phye'i gzhung rnams brtags nas ni// sa cho ga bya zhing stegs bu brtsig/ dkyil 'khor bri zhing phur bu dang // rdzas rnams rim par dgod par bya// phyi nang

  706. 353b

    gsang ba'i mtshams bcad nas// las kyi rim pa rdzogs byas la// ting 'dzin rnam pa gsum bsgoms nas// gzhal yas khang bskyed gdan stengs su/ dkyil 'khor rnam gsum lhar bskyed de// de yang phyi nang gsang ba'i tshul/ phyi ltar gzhal yas nang du bsgom/ nang ltar bdag nyid lus la bsgom// gsang ltar thugs la bsgom par bya// ye shes srog la dbang bskur te// rang bzhin dkyil 'khor spyan drangs la// sman dang gtor ma rak+ta dang // sgrol ba dang ni sbyor ba yis// mchod dbul smon lam gdab par bya// de nas 'dzab bzlas thugs dam bskul// dus drug tshogs kyi mchod pa bya// rtags dang mtshan ma byung ba dang / dngos grub blang zhing dgra 'dzab bzlog/ tshe lung khrul lung dgongs pa yi// gsang ba gsum ldan phur pa gdab/ de ltar phur pa 'debs dus su// gser skyems gtang zhing bden pa bdar/ nyes med dgra ni mi blang zhing // snang srid bdag gi grogs su bcad// de ni gdams ngag chen por bshad// las grub bdag dang phung bu gso// mnan bsreg 'phang bas mtha' brtul bya// gtor ma gnas btang 'phrin las bcol// dkyil 'khor bsdu zhing rgyu ting bsgom// lus bsrung go bgo bka' nan bya// dbu rgyan dgyes pa'i thal mo sbyar// de yis dngos grub thob par bshad/ ces gsungs so// rdo rje phur pa rtsa ba thugs

  707. 354a

    kyi rgyud las/ 'phrin las bsgrub pa'i don bsdus te bstan pa'i le'u ste lnga pa'o// // de nas yang rdo rje 'dus pas gsol pa/ e ma bcom ldan gsang sngags bdag/ rdo rje phur pa bsgrub pa la// slob dpon gnas 'khor phur pa yo byad dang // dus tshod rim bzung don rnams ni// phyi rabs don du bdag nyan 'tshal// rdo rje khros pas bshad du gsol// ces gsol pas/ rdo rje khros pa'i rgyal pos bka' stsal pa/ phun sum tshogs pa'i slob dpon ni// yon tan ma lus tshang ba la// phun sum tshogs zhes bya ba yin// de yang rab 'bring tha ma gsum// rab ni dang po dbang thob nas// dam tshig ldan zhing ltalha spyod 'brel// 'phrin las rim la rab tu goms// shes rab rnam gsum blo sbyangs pas// rgyud lung man ngag don la mkhas// ting 'dzin las rung brtse dang ldan// bsgrub la brtson shing bsnyen pa rdzogs// rdo rje slob dpon mtshan nyid do// 'bring ni dbang thob dam la gnas// 'phrin las bye brag phyed pa dang // lha spyod gnyis dang ldan pa dang // bsnyen pa rdzogs shing rtags ldan pa'o// tha ma dbang dang dam tshig ldan// 'phrin las 'di don tsam la mkhas// de lta bu yi bsgrub pa pos// bsgrubs nas 'grub par gdon mi za// yang na slob dpon mtshan nyid ni// gang zag bsgrub pa'i slob dpon ni// rgyud bzang kun gyis

  708. 354b

    bkur zhing kun la mdzes// dbyibs legs gsong po nyon mongs chung // longs spyod ldan zhing sgo yangs spyod lam mdzes// gang gis gang la ma rmongs bzo'i bye brag phyed// phyi nang sde snod thams cad la// thos bsam bsgoms la rab sbyangs pa'i// las su dge bcu ldan zhing tshad med ngang la gnas// bstan pa rgya mtsho 'dul khrims sdom pa yi// ngang la gnas te dam tshig srung // bla med theg pa rnam gsum la// bye brag sgrub pa'i nyams drod ldan// dkyil 'khor mtshan nyid 'phrin las bye brag phyed// ting 'dzin las rung drod tshad rtags mthong ba'i// dbang gi rim pa ma lus rdzogs pa ni// de ltar ldan pa rdo rje bla ma yin// de yi phyi bzhin be'u ltar du 'brang // de dang mi ldan skyon du 'gyur ba'i bla ma ni// gsang sngags spyod dka' 'bras bu bla ma la ldan pas// zo tshor chod gzu lum ma yin par// thabs kyi rim pas spang bar bya'o// gnas kyi rim pa bstan pa ni// gnod sbyin mo yi sbar rjes sam// gnod sbyin mtshon chas bshal rjes sam// klu bdud dag gi rgyun srang ngam// rten dang 'brel ba'i ya ga can// nags ri tsher ma can gyi ri// gnam ni gri 'dra ral gri'i shugs// sa ni grub gsum me dpung 'dra// logs na dur khrod gling yod la// drag pa'i las 'di bya bar shis// sems la chos nyid mi gsal zhing // nyams dang ting 'dzin

  709. 355a

    g.yel ba yis// gnas der bya bar yongs mi gsungs// rnal 'byor gsar pas spang bar bya// spangs na dngos grub myur bar bshad// ma spangs nam phugs rang la gnod pa'o// steng 'og par snang brtag pa ni// 'khor lo gnam la pad+ma sa// phyogs mtshams kun tu rdo rje brag/ gzhung ldan bkra shis dam pa'o// dbyibs legs lung pa ran pa dang // 'bru khung chu shing 'tsham pa dang // gcan gzan mi rgod nyam nga med// mi dang mi med rgyu 'grul nyung // 'di ni yid 'ong dam pa ste// de ni dang du blang bar bya// spang dang dang du blang ba ni// bdag gi ting 'dzin nyams dang sbyar// ting 'dzin zab na ngan pa bsdams// ting 'dzin g.yel na bzang po bsdam// ting 'dzin drod tshad ldan 'gyur na// ngan pa'i gnas rnams gong ma der// bsgrub pa la sogs byas na yang // ngan pa'i las kyi ngan pa 'grub// las la phan thog sa yod pa dang // grims 'byin shugs kyis ting 'dzin gsal// bzang po'i gnas su 'grub 'gyur na// yun du bsrings kyang phung 'tsheng med// de bas gzhung dang ldan pas gdams par bya'o// 'khor gyi rim pa bstan pa ni/ kha gtsang g.yo sgyu med pa dang // rem pa nyams shed ldan pa dang // brling po gzhan gyis slu bar lci// bsgo nyan dus la rub pa dang // gang zag pho mo de lta bu// bsgrub pa phyi'i 'khor du

  710. 355b

    bya'o// rgyal 'thebs stobs dang ldan pa dang // las mkhan bye brag phyed pa dang // brtul zhugs 'chang ba'i ging chen dang // drod tshad zin pa'i spyan mthong dang // gtsang sbra phyed pa'i g.yos mo ni// sgrub pa nang gi 'khor du bya// rigs bzhi 'os bzhi tshul bzhi dang // yon tan bcu gcig ldan pa yi// mtshan bzang bkra shis gzungs mchog ni// dgyes pa skong ba'i 'khor du bya'o// phur pa yo byad mtshan nyid ni// phur pa'i rgyu ni 'di lta ste// dngul lam dkar po'i shing rnams ni// zhi ba'i phur bu'i rgyu ru bshad// gser ram ser po'i shing rnams ni// rgyas pa'i phur bu'i rgyu ru bshad// zangs sam dmar por shing rnams ni// dbang gi phur bu'i rgyu ru bshad// lcags sam nag po'i shing rnams ni// drag po'i phur bu'i rgyu ru bshad// de ni phyi yi phur pa'i rgyu ru bshad// nang gi phur pa'i rgyu nyid ni// rmig zlum rkang la zhi ba bya// 'dab chags rkang la rgyas pa bya// rkang leb rkang la dbang yang bya// sde chags rkang la drag po bya/ yang na bya phur zhi ba la// skyer phur rgyas pa mchog phur dbang // lcags ni drag por bya ba'o// gsang ba'i phur pa'i rgyu bzhi ni// lo ma me tog yal ga med// shing shing nag po'i myu gu la// de la drag po'i phur bu bya// pho mo 'dod pa'i srid ma zin// gtsos po ru leb mtshan ma la// de la dbang gi phur pa bya// pho mo

  711. 356a

    gnyis kyi mtshan ma dod// ma ning nag po'i mtshan ma la// de la rgyas pa'i phur pa bya// bu tsha rigs rgyud srid ma zin// dre rta nag po'i mtshan ma la// de la zhi ba'i phur pa bya'o// 'di ni kun rdzob phur pa'i rgyu// rtog pa'i don la mi dgos te// ma rtogs don du bstan par zad// kun gyi rgyu ni byang chub sems// byang chub sems kyi don rtogs na// gzhan nas rgyu nyid btsal mi dgos// btsal yang rgyal bas mi rnyed do// de ni don dam phur pa'i rgyu'o// phur pa'i tshad ni 'di lta ste// rang byung chen po'i phur pa la// sems nyid gsal ba'i tshad gtang nas// kun rdzob tshad ni mi dgos te// dman pa'i don du tshad bstan to// drag po la ni sor bzhi ste// dbang la sor drug rgyas sor brgyad// zhi ba sor ni bcu gnyis pa'o// rtse mo'i phyogs ni ma nor bar// rtsa ba la ni rgya mdud bya// de yang spyi bor sor gcig rgya mdud bya// rked par de bzhin bya ba ste// stod kyi dbyibs ni zur brgyad la// rtse mo so sor bya ba ni// zlum po gru bzhi zla gam zur gsum ste// rtse mtshan so so'i dbyibs su ni// dbang drag gnyis ni chu srin kha nas dbyung // zhi ba zur drug rgyas la brgyad// ri rab lta bur brjid che ba// kun rdzob dbyibs sam yang na ni/ khrag 'thung 'bar ba'i thugs kyi ye shes la// yon tan tshang ba'i tshul lam dbyibs// de nyid rtogs na 'di mi

  712. 356b

    dgos// rgyu rkyen ma 'gags don shes na// rtsa ba rtse mo dbyer med de// ma rtogs pa la de bstan no// phur pa'i legs nyes skyon yon ni// legs pa'i yon tan dpag las 'das// legs na yid 'ong dod na drug/ nyes pa'i skyon rnams 'di lta ste// gang dgar byas nas bka' las 'gal// bsnyed btsan byas nas tshul las nyams// ngan dgu bshams na rtogs par 'gyur// de bas legs shing dod par bya'o// yo byad dam pa byang chub sems// sems kyi stobs kyis rtsol nus na// thams cad ma lus yo byad yin// lha grangs tshangs pa'i phur pa dang // sgrub pa rdzas kyi phur pa dang // yungs kar gu gul rak+ta rnams// sgrub pa rtsa ba'i yo byad do// phyi nang gsang ba'i mchod rdzas de// bdug spos mar me me tog bshos dang chab// gtor ma bdud rtsi rak+ta dang // gtsor zung lhag pa'i byang chub sems// mchod pa gsang ba'i yo byad do// dur khrod sha khrag la sogs dang / khyi sbrang wa 'phar sha khrag dang // mar zhag 'o ma khrag rnams kun// ma mo sten pa'i yo byad do// rabs chad nag po'i thod pa dang // lcags sna lnga yi phur pa dang // dam sri gnon pa'i yo byad do// mdzes pa'i gtor ma mchod pa phur pa bcu// 'bar ba 'tshams kyi yo byad do// shun chen ko ba stag lpags dang // dar gyi snying nan phyag rgya'i phu rung dang // cod pan stod g.yogs smad

  713. 357a

    dkris sbrul tshun rnams// sngags pa rgyan gyi yo byad do// ma hA pan tsa 'dza gad tshe// tshim byed kun tu rgyug pa dang // gal phyi ka ta ri dang zla tshes dang // zla phrom zla rgyas a sa ni// 'byor pa tshogs kyi yo byad do// sman dang spra ba rtsags cha ni// nad 'joms sman gyi yo byad do// go dang phub dang mtshon cha rnams// bar chod dgra bzlog yo byad do// 'dod chags gti mug bsgral zhing rnams// nyams chag bskang dang rkyen bzlog yo byad do// de ltar bstan pa'i yo byad rnams// sgrub pa lo zla'i yo byad ldab tu bya// ma rma ba dang ma rme ba'i// tshogs pas 'grub par the tshom med// byang chub sems ni rgyu yin te// phyi ma rkyen gyi tshul du bshad// rgyu rkyen tshogs pas 'bras bu chud mi za// 'jug pa'i dus tshod bstan pa ni// rnal 'byor bsgrub pa'i don ldan na// dus tshod med de kun kyang dus// spyod yul kun tu bsgrub pa'i dus tshod yin ma rtogs don du 'di bstan no// dbyar dgun ston dpyid nam zla bzhi// yar gyi ngo la 'jug pa ni// dbyar dgun ston dpyid zla dus so// stag glang rta bya'i nyi ma la// phur pa mig dmar pa wa sangs// rgyal stod rgyal smad dbo dang wa// nyi ma skar ma gza' dus so// yo byad ma lus tshogs gyur na// sgrub pa la 'jug dus tshod yin// ma tshogs bar du dus tshod min// zhes gsungs so// rdo rje phur pa rtsa

  714. 357b

    ba thugs kyi rgyud las/ slob dpon dang / gnas dang / 'khor dang / yo byad dang / sgrub pa'i dus tshod bstan pa'i le'u ste drug pa'o// // de nas yang rdo rje 'dus pas// dpal rdo rje khros pa'i rgyal po la 'di skad ces gsol to// e ma ho dpal chen khro bo'i rgyal// gtum rngam drag po'i tshig gsungs pa'i// drag po'i 'phrin las sgrub pa la// bsgral ba'i zhing rnams bshad du gsol// ces gsol bas/ rdo rje khros pa'i rgyal pos bka' stsal pa/ nyon cig rdo rje 'dus pa'i sras// drag po'i 'phrin las bya ba yang / kun la bya bar yongs ma gsungs// sangs rgyas bstan pa la gnod pa'i// nyams pa bdun dang zhing bcu rnams// bsgral bar bya ba'i zhing du gsungs// nyams pa bdun ni thun mong du// rdo rje slob dpon sku dgra dang // rdo rje spun la 'khu byed pa// gsang ba'i theg pa smod pa dang // sangs rgyas bstan pa 'jig byed dang // rgyal khams yongs la gnod pa dang // rnal 'byor spyi yi dgrar gyur dang // dam can bdag gi sgos dgra ni/ thun mong spyi yi nyams pa bdun/ khyad par chos zhugs nyams pa ni// srogs don bka' dam las kyis nyams// mtshan ma 'dod pas nyams dang bdun// pha ma mkhan po slob dpon gsod// srog las nyams pa bsgral ba'i zhing // slob dpon bka' slu nyams pa'i sems// don las nyams pa bsgral

  715. 358a

    pa'i zhing // rnal 'byor sngags spyod la skur 'debs// bka' las nyams pa bsgral ba'i zhing // bka' yi gzhung por log par spyod// dam las nyams pa bsgral ba'i zhing // nyes med dgrar slong mthu zhed pa// las kyi nyams pa bsgral ba'i zhing // bla ma dkon mchog rdzas la 'bag/ 'dod pas nyams pa bsgral ba'i zhing / khyad par dam she nyams pa bdun// zhing bcu dag dang bcas pa yi// de dag bsgral ba'i yon tan ni// zhing bcu bsgral na rnal 'bor btsun// bdud rnams btul na bstan pa gnyen// dam med bsgral na bar chad nyung // med par gyur pa bstan pa rgyas// nyams pa med na dkon mchog cheche// de bas yon tan bsam mi khyab// ma bsgral ba yi skyon bstan pa// dmyang khams 'phel nas mtho ris 'grib// gzhung spyod rnal 'byor sgyid lug nas// gsang sngags theg pa'i gzhung spyod 'gag/ dam chos spong ba'i gzhi gyur pas// don la mi mthun skyon rnams 'byung // zhes gsungs so// rdo rje phur pa rtsa ba thugs kyi rgyud las/ bsgral ba'i zhing bcu bstan pa'i le'u ste bdun pa'o// // de nas yang rdo rje khros pa'i rgyal po la// rdo rje 'dus pas gsol ba ni/ khro rgyal rdo rje gros pa'i sku// bsgral ba'i zhing rnams gsungs pa ni// dmigs pa'i rten ni gang la bya/ khro rgyal gtso bos bshad du gsol// zhes gsol pas//

  716. 358b

    bka' stsal pa/ nyon cig rdo rje 'dus pa'i sras// dmigs pa'i rten ni ling ga ste// grog mkhar sa dang mi phungs// gangs kyi dum bu dzu che'i phub// srub ma'i lo ma zhing chen ras// ske tshe dang ni ldong ros dang // thal chen dang ni rak+ta dang // bshang ba 'am ni gci ba ste// bcu gnyis thod pa'i nang du drung // oM badz+ra kI li kI la ya/ mud ga ra A ko ta ya hUM phaT/ lug thug ra thug dri chus spu// oM badz+ra kI li kI la ya sa sham pi/ sho ta baM khaM hUM phaT/ dur khrod ku sha'i rtsa dag la// dgra dang bgegs kyi gzugs brnyan bya// oM badz+ra kI li kI la ya nri tri ma ra ya phaT aHde la gong gi rdzas rnams byug/ oM badz+ra kI li kI la ya e ra ga hUM phaT// dkar nag skud pas ske nas gdags// oM badz+ra kI li kI la aM ku sha huM dza/ de ni gdab pa'i ling ga yin// shing shun tshon gang nyi shu rtsa gcig la// de la dgra bgegs gzugs brnyan bya// de ni gzir ba'i ling ga yin// gro ga'am ras sam shu gu la// dgra bgegs gzugs brnyan rdzogs bris la/ khram shing nag la gdags pa ni// 'di ni bstan pa'i ling ga'o// ma ning nag po'i thod pa la// grub gsum 'bar ba cha drug la// yan lag mgo dang gsang gnas bya// gru gsum rtse la 'khor lo drug/ mtha' ma mu khyud zlum pos bskor// 'khor lo drug gi cha la ni// sngags dang mchod gnyis thun bde bas

  717. 359a

    pa// dgra bgegs ming dang gzugs bris la// spyi bor oM dang ki la ya// dpral bar rus pa snying kar ming // g.yas su hUM la g.yon du phaT// mdoms su mA ra ya ni dgod// 'di ni mnan pa'i ling ga'o// zhes gsungs so// rdo rje phur pa rtsa ba thugs kyi rgyud las// dgra bgegs kyi ling ga bca' ba'i le'u ste brgyad pa'o// // de nas dpal rdo rje khros pa'i rgyal po la/ rdo rje khros pas gsol ba/ dpal chen rdo rje khro rgyal 'bar ba nyid// gsang sngags rdo rje phur pa la// dbang dang dam tshig ji ltar lags// bdag la khro bos bshad du gsol// zhes gsol pas// khro bo'i rgyal pos bka' stsal pa// e ma rdo rje 'dus pa'i sras// bla ma mnyes pa bya ba dang // dbang mchog thob par ma gyur par// nyan 'chad 'phrin las byed pa yi// rmongs pas de nyid 'grub mi 'gyur// slob dpon dag gis bsnyen pa bskyal// slob mas gsol ba yang du btab// de nas slob ma khrus byas la// rdo rje gral gsham 'jug par bya// de nas bla mas dbang rnams bskur// phyi dang nang dang gsang ba dang // rdzogs pa'i dbang dang bzhir bskur nas// dus 'di phan chad rgyal ba'i sras// dngos grub 'grub pa'i gnas su gsungs// dbang de 'chags shing smin pa la// dam tshig rim pa bsrung ba yang // spyi yi dam tshig nyi shu brgyad/ khyad par dam tshig nyi shu

  718. 359b

    dang // lhag pa'i dam tshig rnam pa gsum// de bsrungs dngos grub bdag por 'gyur// 'di la phun sum tshogs par 'gyur// phyi ma rdo rje sems dpa'i gral// sku dang ye shes thob nas kyang // sems can kun gyigyi don byed 'gyur// ma bsrungs nyams na mi 'grub ste// 'di dang phyi mar skyon mang bas// dam tshig bsrung zhing nan tan bya// gal te nyams par gyur na yang // 'gyod sems ldan pas bshags shing bsgrub// lta ba stong nyid nan tan bya// zhes gsungs so// rdo rje phur pa rtsa ba thugs kyi rgyud las/ dbang dang dam tshig bstan pa'i le'u ste dgu pa'o// // de nas yang rdo rje 'dus pa'i sras mchog gis/ bcom ldan 'das rdo rje khros pa'i rgyal po la 'di skad ces gsol to// e ma bcom ldan khros pa'i rgyal// rdo rje phur pa'i don nyid ni// phyi rabs don du bdag nyan 'tshal/ khros pa'i rgyal pos bshad du gsol/ ces gsol bas/ dpal rdo rje khros pa'i rgyal// rdo rje 'dus pa'i sras mchog nyon// rdo rje phur pa'i don nyid ni// phur bu byang chub sems nyid de// byang chub sems kyi phur bu yis// srid gsum 'gro ba'i bdar sha gcad// byang chub sems kyi phur bu des// ma btab bzhin du lhun gyis grub// mnyam pa'i rgyal por rig pas btab// phur pa chos nyid dbyings kyi brtags// byang chub sems kyi phur bu des// gzhan du

  719. 360a

    gdab pa'i gnas med de// gnyis med ma bcod chos dbyings la// rang rig byang chub sems kyis gdab// phur pa 'dzin chags 'dod nas dag/ rnam rtog gzung 'dzin dngos dang bral// dngos po kun bral phur bu yis// dngos po phyin ci log la gdab// gdab dang ma gdab gnyis las 'das// phur pa skye ba med pa'i don// ma skyes brdal ba'i phur pa yis// dbyings la btab pas rig par shar// sems la btab pas don dam rtogs// gnyis su med pas brdal ba'i klong / khyab brdal rang bzhin phur pa yis// snang srid kun la phur pas gdab// de ltar rtogs na thebs pa yin// mngon du gyur na thebs pa yin// tshig las 'das na sangs rgyas yin// grangs las 'das na brjod du med// rang bzhin phur pa'i don nyid ni// phur pa bla ma chen po'i don// phur ni chos kyi dbyings zhes bya// pa ni rig pa ye shes nyid// gnyis su med pas phur pa'i ngang // phur ni skye ba med pa'i ngang // pa ni 'gag pa med pa'i don// gnyis su med pas phur pa nyid// phur ni thabs kyi rgyal po yin// pa ni shes rab dag pa'i don// gnyis med mnyam pas rdo rje'i sku// phur pa kun khyab nam mkha' 'dra// phur pa khyab gsal nyi zla bzhin// kun la snyoms pa'i ngo bor snang // chos kyi chos nyid phur pa yin// nam mkha'i mtshan nyid

  720. 360b

    phur pa yin// sems kyi sems nyid phur pa yin// phur pa rgyud kyi rgyal po yin// phur pa lung gi bla ma yin// phur pa man ngag nges pa'i don// gnyis med gsal bas bskyed pa yin/ khro bo pho nyas 'jig rten bkang // 'phral la bkang ba ma yin te// ye nyid nas ni bkang bar gnas// gsel bar bsgoms pas bskyed pa yin// nyams 'og tshud na sgrol ba yin// gnyis su med na sbyor ba yin// lhangs kyis rtogs na thebs pa yin// thugs rjes zin na dam tshig yin// zhes gsungs so// rdo rje phur pa rtsa pa thugs kyi rgyud las/ mthar thug de kho na nyid phur pa byang chub sems su bsgrub pa'i le'u ste bcu pa'o// // de nas gzhan yang bka' stsal pa// drod tshad mtshan nyid bstan pa ni// brdal ba chen po'i ting 'dzin gyis// chos nyid mnyam la blo gzhag nas// ci yang mi dmigs bsam las 'das// chos nyid lta ba'i drod tshad do// 'ga' na 'ching grol med pa dang // dam rdzas blang dor med pa dang // sta na skye shi med spyod pa// 'di ni spyod pa'i drod tshad yin// dngos su snang ba skur bsgrub cing // sgra ru grag pa gsung du ste// dngos med snang bas thugs grub na// 'di ni bsgrub pa'i drod tshad yin// snod kyi 'jig rten gzhal yas la// bcud kyi 'jig rten de ltar shes te// thams cad kun tu dkyil 'khor te// dkyil 'khor

  721. 361a

    chen po'i drod tshad yin// bya byed gnyis la spyod byed cing // gang la byas kyang bde gshegs las// byas pas mi dmigs 'phrin las te// 'phrin las chen po'i drod tshad yin// dbri mnan med pa'i ting 'dzin gyis// gol sa med pa'i sa la gnas// blang dor med pa'i dbang rdzogs na// 'di ni dbang gi drod tshad yin// dam pa'i gzhi nyid bde gshegs las// zhal nas gsungs pa'i tshig tu shes// dam tshig dam pa chog gi gzhi// 'di ni dam tshig drod tshad yin// phur bu'i grub rtags bstan pa ni// 'phar dang 'tsher dang 'phrog pa dang // 'gul dang ldeg dang mchong ba dang // 'od dang du ba 'byung ba dang // bgrub po nam mkha' 'gro 'phur dang // sa la mi thogs chur mi 'bying // 'di ni rtags rab bstan pa yin// mtshan ma ling ka 'gul ba dang // rmi lam nyams dang rtogs byung dang // bar ma'i rtags su bstan pa yin// za ma nyams tsam ston pa'o// de ltar drod tshad rtags mthong nas// drag po'i las la brtson par bya'o// zhes gsungs so// rdo rje phur pa rtsa ba thugs kyi rgyud las/ drod tshad dang rtags kyi le'u ste bcu gcig pa'o// // de nas yang dpal rdo rje khros pa'i rgyal po la/ rdo rje 'dus pas gsol ba/ bcom ldan 'das rdo rje khros pa'i rgyal po/ rdo rje phur bu gsang ba'i theg pa 'di nyid/ da ltar ni khyad par du

  722. 361b

    gyur cing spyod na/ sngar 'das pa'i sangs rgyas gang gis bshad cing bstan pa dang / slad kyis gang du spyod cing ston par 'gyur ba rnams bdag la bshad du gsol/ ces gsol bas/ bcom ldan 'das rdo rje khros pa nyid kyis bka' stsal pa/ rdo rje 'dus pa nyon cig/ gsang ba'i theg pa 'di nyid 'byung ba ni shin tu yang dkon te/ u dum pa ra'i me tog dang mtshungs so// sngon byung ba'i sangs rgyas 'od srungs chen po dang / de bzhin du 'das pa'i sangs rgyas bye ba phrag rgya bcu rtsa bzhis kyang gsang ba'i theg pa 'di ma bshad de/ de ci'i phyir zhe na/ dus de'i 'gro ba rnams 'dul ba'i snod du ma gyur pa'i phyir ro// sngon thog ma bskal pa kun tu bkod pa zhes bya ba byung ste// de'i tshe sangs rgyas sngon 'byung gi rgyal po zhes bya ba byung ba'i tshe/ de'i bstan pa la gsang ba'i theg pa 'di bshad cing bstan te/ de'i dus de'i tshe 'gro ba rnams dad cing snod du gyur nas/ rnam par grol ba'i lam la bkod do// rdo rje 'dus pa de ste bskal pa byed pa 'das pa'i 'og tu/ bskal pa me tog bkod pa zhes bya ba zhig 'byung ba'i dus der/ sangs rgyas 'jam pa'i dbyangs zhes bya ba zhig 'byung bar 'gyur te/ des gsang ba'i theg pa 'di bshad cing ston par 'gyur te/ sangs rgyas gzhan gang gis kyang gsang ba'i theg pa 'di ston par mi 'gyur te/ de ci'i phyir zhe na//

  723. 362a

    sangs rgyas gzhan rnams kyis mi mkhyen pa ma yin te/ 'gro ba rnams gsang ba'i theg pa 'di'i snod du ma gyur pa'i phyir ro// rdo rje 'dus pa da lta 'og min 'dir nga nyid kyis bstan pa'i gsang ba'i theg pa 'di yang phyi ma'i dus na lha'i gnas dang // klu'i gnas dang / mi'i gnas 'dzam bu'i gling du spyod par 'gyur te/ der skyes pa'i rgyal po dza zhes bya ba tshogs bsags pa'i gnas 'khor zhig tu/ rdo rje 'dus pa khyod kyis bsdus pa'i don 'di nyid gsung chos kyi glegs bam du snang bar 'gyur ro// de nas skal ba can rnams rim par spyod 'gyur te/ de yang bar skabs gcig tu ni nub/ skabs kha cig tu ni mngon du phyung // skabs kha cig tu ni gab cing sbas// tshul bzhin du spyad pas gsang sngags kyi mthu stobs kyang rnyed/ phal cher tshul 'dra log par spyad pas ltung gnas su gyur te/ 'gro ba la la ni dad/ la la ni ma dad pas/ dus lnga brgya tha ma 'byung bar nye ba'i tshe dar zhing rgyas par 'gyur ro// rdo rje 'dus pa de'i tshe de'i dus na/ gsang ba'i rgyud 'di la nan tan byed cing / gzhan la 'chad pa dang / nyan pa dang / tshul bzhin du yid la byed pa de ni rdo rje theg pa'i rting 'dzugs shing / rnal 'byor dbang phyug gi rgyud 'dzin pa ste/ nga'i sras kyi dam par lta'o// rdo rje 'dus pa khyod kyis spun dang grogs po nyid du byin gyis rlobs

  724. 362b

    cig/ ces gsungs so// rdo rje phur pa rtsa ba thugs kyi rgyud las/ gsang sngags kyi rgyud gang du dar zhing spyod par 'gyur ba'i lung bstan pa'i le'u ste bcu gnyis pa'o// // de nas rdo rje 'dus pa la sogs pa nyid las mi gzhan pa'i 'khor rnams kyis dpal rdo rje khros pa'i rgyal po 'khor dang bcas pa la mdzad spyod don gyis bstod pa/ e ma ho/ bdud bzhi bcom nas yon tan drug dang ldan/ yod med mtshan ma'i dngos po kun las 'das// don dam thugs ni 'da' ka shin tu gsang // gsung ni gsang sngags ma lus kun gyi gtso// bcom ldan gsang bdag rdo rje khros pa'i sku// gsang thugs gzhon nu thams cad mkhyen mdzad de// ston pa'i bdag nyid gtso bo de la phyag 'tshal bstod// e ma ho/ shes rab rang bzhin dag pa las// dbyings kyi rang bzhin grub gsum gsal bar mdzad// dbus nas pad+mas byang chub sems kyis mtshan// dus gsum 'du 'bral med par dgyes par sbyor// skyes pa med pa'i don rnams ston byed ma// shes rab dbyings ma de la phyag 'tshal bstod// e ma ho/ stobs bcu dag las ye shes khro bo bcu// phyogs skyong tshar bcad mi dge bcu rnams sel// ye shes dbang bcu kun la mnga' brnyes pa/ khro bo bcu rnams de la phyag 'tshal bstod// e ma ho/ pha rol phyin pa bcu las khro bo bcu// phyogs skyong chung

  725. 363a

    mtshar bcad skyon bcu sel/ stong nyid dbyings kyi sgra stogs don ldan ma// dbyings kyi khro mo bcu la phyag 'tshal bstod// e ma ho/ ting nge 'dzin las sprul pa'i 'phra men rnams// phyogs skyong bu dang bu mo tshar bcad nas// log par lta ba bsal nas don dag ldan// phra thabs nyi shu'i tshogs la phyag 'tshal bstod// e ma ho/ skye med ngang las rdo rje kI li ya// zhe sdang 'dul mdzad dmyang ba'i 'jig rten stongs// gsal la ma 'dres me long ye shes bsnyes// rdo rje 'dus pa nyid la phyag 'tshal bstod// e ma ho/ sku gsung yon tan 'phrin las phur bu'i tshogs/ bsdu ba rnam bzhi don mdzad tshad med brnyes// 'phrin las rnam bzhi lhun grub dregs pa 'dul// sgrol ba sras mchog phur pa rnams la phyag 'tshal bstod// ces pas bstod par gyur to// rdo rje phur pa rtsa ba thugs kyi rgyud las/ bstod pa'i le'u ste bcu gsum pa'o// // de nas bcom ldan 'das rdo rje khros pa'i rgyal pos/ rdo rje 'dus pa la bka' stsal pa/ rdo rje 'dus pa'i sras mchog khyod kyi ma 'ongs pa'i rnal 'byor pa rnams kyi don du rgyud 'di bsdus la/ nub tu mi gzhug par gzung zhing gsung chos kyi yi ger gnas par bya'o// 'on tang rgyud 'di gang na bzhugs pa na dpal rdo rje gzhon nu nyid 'khor dang bcas pa bzhugs par 'gyur te/ gshin tu

  726. 363b

    gces sgras kyis gzung bar bya'o// zhes bka' stsal pa dang / rdo rje 'dus pa la sogs pa 'dus pa'i 'khor rnams yi rangs te/ mngon par dgyes par gyur to// rdo rje phur pa rtsa ba thugs kyi rgyud las/ rgyud gzung zhing gtad pa'i le'u ste bcu bzhi pa'o// // rdo rje phur pa rtsa ba thugs kyi rgyud ces bya ba rdzogs so// // u rgyan gyi slob dpon pad+ma 'byung gnas kyis bal po ba su da ra la gnang ste/ slad nas sbubs rdo rje yang dbang gter gyis zhus nas/ b+ha sa ya'i dgon par bsgyur nas gtan la phab pa'o// slad nas snrubs yon tan rgya mtsho skye ba brgyud nas 'phrad par gyur cig/ rgyud 'di phur pa rtsa ba la brten pa tsam gyis rgyud du 'gro ste/ gar dgar mi spel bar snod ldan re re nas re rer brgyud par bya'o// // @#// rgya gar skad du/ badz+ra ki la ya a mr-i ta g+ha na tan+t+ra nA mA/ bod skad du/ rdo rje phur pa bdud rtsi thal sbyor gyi rgyud ces bya ba/ bcom ldan 'das dpal rdo rje gzhon nu la phyag 'tshal lo// thams cad rdo rje phur pa bdud rtsi 'khyil pa lnga'i rang bzhin te/ dngos grub chen po rdo rje snying po'i mchog/ rdo rje theg pa chen po'i lam/ rdo rje gsang ba'i lam/ tshul zab mo/ rdo rje thams cad 'byung ba'i lam/ rdo rje phur pa gnyis med bdud rtsi'i ye shes/ gsal ba'i rang bzhin gyi bdud rtsi/ snang ba bcud kyi bdud rtsi/ zhim pa

  727. 364a

    dri'i bdud rtsi/ rdo rje byang chub sems dpa' rig pa ye shes la ru gyur pa'i bdud rtsi/ dpal rdo rje gzhon nu'i thugs rje'i byin rlabs las/ snang srid thams cad bdud rtsi'i rang bzhin du gyur pa/ thams cad gnyis su med pa bdud rtsir 'dug go/ byang chub kyi ngo bo bdud rtsi/ rdo rje lung gi bdud rtsi/ rtogs pa rig pa'i bdud rtsi/ lta ba nam mkha'i bdud rtsi/ bsgom pa nyams kyi bdud rtsi/ spyod pa lam gyi bdud rtsi/ rten pa sman gyi bdud rtsi/ ma 'gags pa thams cad rang grol ba'i bdud rtsi/ spangs thob med pa gnyis med kyi bdud rtsi/ thig le'i bdud rtsi/ phra mo'i bdud rtsi/ don dam pa byang chub sems kyi bdud rtsi shin tu rnal 'byor gyi bdud rtsi/ gnas phun sum tshogs pa'i bdud rtsi/ mos pa yon tan gyi bdud rtsi/ don dam pa'i rdo rje'o// kun tu bzang po'i rdo rje'o// rdo rje dbyings kyi tshogs rang byung ye shes kyi rdo rje de la rtogs par rig pa/ bdud rtsi 'bab pa ru byed pa/ yab yum thams dang shes rab gnyis su med pa'i bdud rtsi/ phung po lnga las bskyed pa'i bdud rtsi/ skye mched lnga las bskyed pa'i bdud rtsi/ khams gsum grub pa'i bdud rtsi/ dpal rdo rje gzhon nu rang bzhin gyi lhun gyis grub pa'i don la bdud rtsi de rnams grub bo// ye nas bdud rtsi yin pa'i phyir bgrub mi dgos/ sems can lam la 'jug pa'i bdud rtsi

  728. 364b

    yin/ mngon par rdzogs pa rdo rje lta bu'i bdud rtsi/ de las rtogs pa'i ye shes lta bu'i bdud rtsi/ byang chub kyi bdud rtsi ston pa dang / rdo rje lta bu dbyer med pa dgongs par mdzad do// thams cad rdo rje phur pa'i bdud rtsi 'di la/ thams cad bdud rtsi'i rang bzhin/ dngos grub chen po nye ba'i snying po/ rang bzhin lhun gyis grub pa'i snying po yin/ rdo rje phur pa theg pa'i sgo nas byang chub kyi lam la 'dug pa dang / bdud rtsi chen po sgrub pa'i thabs/ rdo rje skye ba med pa'i theg pa/ rdo rje gsang ba'i theg pa/ rdo rje 'dul ba'i theg pa/ rdo rje byang chub pa'i theg pa/ rdo rje thig le'i theg pa/ rdo rje sangs rgyas kyi theg pa/ rdo rje che ba'i theg pa/ rdo rje lam gyi theg pa/ rdo rje theg pa kun la khyab pa yin/ rdo rje rig pa'i lam/ rdo rje grub pa'i lam/ rdo rje byang chub kyi lam/ rdo rje mtshan ma'i lam/ rdo rje bskyed pa'i lam/ rdo rje bgrod pa'i lam/ rdo rje thig les bgrod pa'i sa/ rdo rje mnyam pa'i bgrod pa'i sa/ sa'i rim pa grangs kyis bkod de// lam gyi rim pa grangs bzhugs so// rdo rje theg pa'i don la thams cad 'grub bo// dper na nor bu rin po che dang 'dra ste// nor bu rin po che la nor thams cad rang bzhin gyis grub nas yod do// rdo rje ru 'dra ste 'khor 'das thams cad rang bzhin gyis grub nas yod do// de bzhin du bdud rtsi che ba'i mchog/ byang chub sems

  729. 365a

    mnyam pa'i mchog/ des bstan no// rdo rje phur pa grangs mang gis kyang / rdo rje bdud rtsi'i bsgrub pa la/ gnyis su med pa ru bstan/ dbye ru med de tshul gcig phur pa yin// gcig las med de rje rje yin/ bstan pa yin/ rdzas rnams yin/ khyab pa yin/ lta ba yin/ bsgom bsgrub yin/ sman gyi dri rnams 'byung / byang chub kyi don rnyed/ byang chub kyi don rnyed pa'i thabs yin no// yon tan yin no// mnyam pa nyid dang rdzas rnams dang / lta ba bsgom bsgrub kyi nang nas/ de la bstan nas byang chub kyi ngo bo thob pa'i thabs yin no// nges par gsal ba'i don/ rgyas par mthar thug don/ grub pa 'bras bu'i don/ de ni rtogs pa'i sgo nas so// skye med don 'di brtag bka' ste/ so so brten pa'i nga rgyal gyis// skyes med thob pa shin tu dka'// khams gsum 'khor ba'i rig pa dang // nyon mongs bag chags ched pu yis// rig pa rtogs par phyir bltas nas// byang chub rim pa rtogs ma gyur// so so nga rgyal ris bcas rtogs par dka'// de la grol ba'i klong nyid shin tu dkon// skye med byang chub rdo rje bzhi las 'byung / rtogs nas rig pa'i ye shes gzhi las rnyed// byang chub kyi don ni mthar thug gi lta ba rtogs/ spyod pa'i tshul bsrungs/ nyams myong gi bsgom pa bskyed/ de las logs na gang yang med/ rdo rje phur pa chen po bdud rtsi thal

  730. 365b

    sbyor gyi rgyud las/ rdo rje'i gzhi bstan pa'i le'u ste dang po'o// // bde bar gshegs pas gsungs sems can thams cad la bdud rtsi 'bebs pa las/ bgegs kyi rgyal po ru dra yis// sems can bde ru ma gter nas// sems can thams cad ma rungs par skyes so// de 'dul ba'i don du bde bar gshegs pa'i byin rlabs las/ dpal chen po rdo rje gzhon nu bskyed nas/ bgegs kyi rgyal po ru dra btul lo// sems can thams cad bde ba la bkod do// de sems can thams cad bde ba'i ngang la bkod nas/ mnyam pa'i don la spyod do// rdo rje phur pa bdud rtsi thal sbyor gyi rgyud las/ ru dra'i don bstan pa'i le'u ste gnyis pa'o// // de nas rdzas bsgrub pa ru bstan te/ dang por gnas bstan/ bkra shis pa'i gnas/ bsgrub gnas byin che ba/ dbyibs zlum por 'dug pa/ de gnas la zheng che ba 'dug pa/ sa rong khung dog par 'dug pa/ de lta bu'i gnas btsal/ de lta bu'i gnas su rdzas bsags par bstan te/ badz+ra kI la ya la sogs pa'i rdzas/ ji snyed 'byor pa ma lus kun// ma lus de ru sbyar la gzhag/ rtsa ba brgyad dang yan lag brgyad// rdzas ni khro bo bcu ru bstan// snod ni khro mo bcu ru bstan// pha ni don byed ma ni bkol nas ni// kI la ya yid dbye ba'i yi ge dkyus su srang // bkol ba'i phyag cha ni/ phyag tshang sku ba bcu tham

  731. 366a

    pa// yang na zod pa bcu gcig gam/ khro bo bcu'i sman rigs kyis dbye// rgyal po bzhi ni rigs dang bstun// nang gi rtsa ba brgyad la/ mig dang rdo rje chu ba nyid shar du// sna dang po lho bde ba lho ru/ nga pad+ma nub tu/ rna ba dang tsit+ta byang du/ de ltar dbye/ de'i phrad phyi yi ra brtsa ba brgyad kyi bya/ lug mig dang khal ba shar du/ sri shing sna smra dbang po lag lho ru/ kha 'bar ma dang rgun 'brum nub tu/ ka sho ka snying ma sho sha byang du/ de ltar phyi nang gnyis kyang cha mnyam so// de legs par drod la thabs par bya'o// blon po brgyad ni gros byed ces byed de/ ra sa ya na spyi yin/ rtsa ba dang sdong bu shar/ yan lag dang lo ma lho/ me tog shun pa nub/ 'bras bu dang snying po byang / dmag dpon brgyad ni sna 'dren zhes bya ste/ blon po brgyad ni skos 'debs brgyad ces bya ste/ shar du cong zhi rnam pa gsum/ ga pur ram/ nye shing pa 'am/ bu ram ka ra de rnams gcig tu dril ba de nang gi blon po'o// des ni tshad mnyam po mnyam por bya'o// dmag mi rnams ni/ ram mda' byed ces bya ste/ shar du 'gro ba ni/ lan tshwa/ dom mkhris/ rus thal 'bras bu[:]lnga bsgral ba'i rus thal/ til dkar po/ gshed ma[:]shu[:]dag dkar po/ thang dpal ha cang tsha sna[:]tshogs kyi rus thal/ byi la/ bya rgod/ khrag nag po/ shang shang / rma bya/ ngang pa/ ko li/

  732. 366b

    la phug/ zang dkar po rnams so// lho'i dmag dpon rnams ni/ a ru ra/ brag zhun/ mkhal zho sha/ gla gor zho sha/ tri tra kha/ ka ko la/ skyes pa'i sa ra/ brgyas rang gi blon po dang cha mnyam mo// skyobs su 'gro ba ni/ mo la dri chen/ yungs kar/ gser phye ma/ bsgral ba'i sna thams cad do// nub kyi dmag dpon ni/ dkar nu/ tsan dan smug po/ ram bu ched pu kha 'bar ma'o// nyid kyi lce/ skyu ru ra/ de rnams mi shing / de rnams brgyad ni blon po dang cha mnyam mo// skyobs sbrang rtsi/ rak+ta nyi shu rtsa lnga/ byang gi dmag dpon gur kum/ gu gul dkar nag/ gnod sbyin stobs bzangs kyi mig/ le'u mig/ thar nu/ bya rlung / rul thal// brgyad ni gong blon po dang chas so// skyobs ni bsgral ba'i rnam pa thams cad dang / ka sho sna da dang / de la sogs pa'i ra sa ya na kun/ ro dang kha dog gis dbye ste/ mngar ba dkar ba shar/ ser ba kha ba lho// skusbyar ba dmar ba nub/ lnga bab che ba byang / shar la sogs pa rang rang gi snod gsos ma/ rigs so so'i don gyis kha bcad do// 'khor lo phyogs su dgod do// rigs de ltar du dbye ba yin// sman grangs kyis btsal/ de ni bdud rtsi che ba'i yon tan ting 'dzin la snyoms par zhugs pa yin no// thams cad snang ba dang mi snang ba gnyis su med do// de khams gsum du skyes pa thams cad bdud rtsi grub

  733. 367a

    pa'i thabs/ thugs rje'i byin rlabs chen po/ bdud rtsi lam gyi mchog/ de lta bu grub pa'i lam de ni/ gsang ba'i rdzas lnga la sogs pa dang / rdzas thams cad ni bshad pa'i rgyud kyi 'grel pa'i nang du bstan pa'o// rdo rje phur pa bdud rtsi thal sbyor gyi rgyud las/ rdzas bstan pa'i le'u ste gsum pa'o// // de nas bsnyen bsgrub rnam pa gnyis las/ bsnyen pa'i las sngon du 'gro ba dang / khrol bu dang / gong bu dang / sngon du 'gro ba'i las dang por stegs bu brtsig par bstan te/ maN+Dal mda' gang gru bzhi la// steng gi tshad dang 'og gi tshad// tshad du gcal la bcig gi/ de nas rdzas rnam pa lnga'i tshad du chag chag gdab bo// ci'i skyon gyis ma gos pa'i phyir ro// de chag chag gdab pa'i phyir/ oM bo d+hi tsit+ta maN+Dal hUM/ oM ku ku maN+Dal hUM/ dkyil 'khor gyi ngo bo dag par bsam/ oM ma hA maM sa la hUM/ oM rak+ta maN+Dal hUM/ oM ku ku maN+Dal hUM/ chag chag de rnams gdab bo// de nas sgo lung gdags pa dang / kun bshad pa'i rgyud du bstan no// dam sri dang / sgo lung dang / phyi sngon du 'gro ba rnams/ thig rnam pa gnyis kyis byin gyis brlabs pa dang / tshon byin gyis brlabs pa dang / de nas de rnams ni shar du bstan/ rdzas dgod pa ni le'u gsum pa'i rjes su bstan pa yin no// mtshams gcad pa ni/ dang po stong pa nyid las huM mthing nag tu gyur//

  734. 367b

    de las 'od 'phros pas rdo rjer gyur/ de las 'od 'phros pas 'od du zhu/ de las/ oM badz+ra ki li ki la ya sarba big+h+nAn pa hUM phaT/ rdo rjer gyur/ de las/ ma sAr+ya maN+Dal hUM/ phyogs bcur nyi ma'i dkyil 'khor bskyed// oM badz+ra kro d+ha hUM ka ra hUM/ khro bo bcu'o// hUM/ thog mdzad hUM mdzad sgro 'dul rgyal// sreg byed g.yug dang sgrol byed gshin rje gshed// gnod byed mgon dang dbang sdud de// sgrol byed gshe dang gnod byed stobs// oM badz+ra kro d+ha hUM kA ra hUM gardza gardza hUM phaT/ da ni zod pa'i byin gyis brlabs// thod pa stong pa nyid kyi ngo ru bsam// de'i ngang las rig pa'i ye shes gsal bar bskyed// gtso bo nyid du byin brlabs nas// badz+ra kI li kI la ya sarba bag+h+nAn baM hUM phaT/ ces gtso bo bskyed par bsam/ spyan drangs te/ oM badz+ra kI li kI la ya/ rdo rje gzhon nu rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo gshegs su gsol// oM badz+ra kI li kI la ya/ srid pa'i phur bu bsgrub pa dang // dbang dang dngos grub blangs pa'i phyir// hUM hUM zhes thod pa la thim par bsam// da ni thod pa dgod de/ bdud rtsi sman sbyar nas// sul med chos kyi dbyings su rtogs// byang chub sems su sman sbyar nas// rtsa ba yan lag bcas pa rnams// badz+ra ki la ya ru byin brlabs nas// rang byung bdud rtsi

  735. 368a

    sman sbyar nas// rdo rje gzhon nu'i thugs dam skongs// dbus su brtan par bzhugs nas kyang // rang byung bdud rtsi'i dngos grub gsol// oM badz+ra ki li kI la ya sarba bes+thAn baM hUM phaT/ oM a mr-i ta kuN+Da li hUM phaT/ sa ma ya tiSh+Tha lhan/ dbus su bzhugs par bsam/ hUM/ shar gyi ban d+ha sul 'greng du// dri chen mchod pa sbyar nas su// rtsa ba yan lag bcas pa rnams// bud+d+ha ki la ya ru byin gyis brlabs// rang byung bdud rtsi sman sbyar nas// rgyal ba rgya mtsho'i thugs dam rgyal// rang byung bdud rtsi'i dngos grub gsol// oM bud+d+ha kI li kI la ya sarba big+h+nAn baM hUM phaT/ a mr-i ta kuN+Da li hUM/ sa ma ya tiSh+Tha lhan// hUM/ lho yi ban d+ha sul mangs su// maM sa mchog la sman sbyar nas// rtsa ba yan lag bcas pa rnams// rat+na kI la ya ru byin brlabs nas// lho ru brtan par bzhugs nas kyang // rang byung bdud rtsi dam rdzas gsol// oM rat+na kI li kI la ya sarba big+h+nAn baM hUM phaT/ a mr-i ta kuN+Da li hUM tha/ sa ma ya tiSh+Tha lhan/ hUM/ nub kyi ban d+ha zla gam du// rak+ta mchog las sman sbyar nas// rtsa ba yan lag bcas pa rnams// pad+ma kI la ya ru byin brlabs nas// nub tu brtan par bzhugs nas kyang / rang byung bdud rtsi'i 'bras bu gsol// oM pad+ma kI li kI la ya sarba big+h+nAn baM hUM phaT/ kuN+Da li hUM thA/ sa ma ya tiSh+Tha lhan/ hUM/ byang gi ban d+ha sul

  736. 368b

    'greng du// dri chu mchog la sman sbyar nas// rtsa ba yan lag bcas pa rnams// karma kI la ya ru byin brlabs nas// byang du brtan par bzhugs nas kyang // rang byung bdud rtsi'i dngos grub gsol// ha karma kI li kI la ya sarba big+h+nAn baM hUM phaT/ a mr-i ta kuN+Da li hUM thA/ sa ma ya tiSh+Tha lhan/ ra sa ya na dgod de/ rang byung gdod nas rnams dag thA/ bdud rtsi lnga dang rtsa ba brgyad// yan lag stong dang rab bsnyems pa'i// 'o ma dang ni chu rnams dang // me tog rin chen mda' rnams dang // 'jig rten 'di ru grags pa rnams// 'khor gyi khro bor byin brlabs nas// rgyal ba rgya mtsho'i thugs dam skongs/ phyogs mtshams brtan par bzhugs nas kyang // rang byung bdud rtsi'i dngos grub gsol// oM badz+ra kro d+ha hUM gardza hUM phaT/ a mr-i ta kuN+Da li hUM tha/ sa ma ya tiSh+Tha lhan/ mar me dgod de/ hUM/ thugs rje chen po'i ngang nyid las// thugs mchog rab tu gsal ba'i phyir// ma rig mun pa 'joms pa'i phyir// 'khor ba'i bag chags gsal ba'i phyir// dbus su brtan par bzhugs su gsol// sa ma ya tiSh+Tha lhan/ rdzas dang rgyan dgod/ hUM/ thabs kyis spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs 'dir stsol cig/ oM badz+ra kI li kI la ya sarba big+h+nAn baM hUM phaT/ sid+d+hi sid+d+hi

  737. 369a

    sa ma ya lhan/ rdo rje phur pa bdud rtsi thal sbyor gyi rgyud las/ rdzas rnams rdzogs par btad pa'i le'u ste bzhi pa'o// // de ni bdud rtsi dbab par bstan te/ thod pa las rdo rje gzhon nu gsal bar byas la spyan drang / hUM/ rdo rje gzhon rigs 'dzin rnams// srid pa rdo rje grub mdzod cig/ srid pa rdo rje phur pa'i lha/ ye shes khro bo grub par mdzod// ye shes khro bo bdud rtsi thob// nam mkha' gsal bar bzhugs par bsam// oM badz+ra ki li ki la ya sarba big+h+nAn baM hUM phaT/ a mr-i ta kuN+Da li/ ha na ha na/ phebs phebs/ zhes brjod do// thod pa bdud rtsi rnams rang bzhin gyis grub nas yod par bsam mo/ khrol bu'i 'phrin las bstan te/ chos kyi sku'i phrin las ni/ thams cad grub par 'gyur te/ khrol bu'i dkyil 'khor ni/ de 'khor lo bri'o// spyan drang ba'i lha'o// byin gyis brlabs pa dang / phyi mtshams dang / sgo byang gdags pa dang / phur pa dar gyi cod pan can rta mgrin du bsam la/ bsgrub pa'i khang pa'i sgo la gdags pa dang / zla ba yar gyi tshes brgyad la/ dkyil 'khor bri ste// stegs bu bum pa khru gang pa/ rtsigs su byas la dri chen dri chu byug/ dri yi rgyal po lnga yis byug/ phyogs bzhir dkyil 'khor bri'o// dri sna lnga yis maN+Dal bya// de nas thig gdab pa kun dang mthun// de nas brtags pa'i bgegs bzlog/ thig gdab pa

  738. 369b

    dang / tshon bri ba dang / yab yum thams dang shes rab las bri ba yin no// dkyil 'khor bri bar bstan zhes bya'o// bkra shis de las bdud rtsi'i snod bstan te// bkra shis rus sbal thod pa 'am/ mtshan dang ldan pa'i ban+d+ha la/ phyogs bzhi dbus su dgod par bya/ mtshams su rigs mthun thod pa dgod// sman gyi grangs ni thod pa blugs/ hUM gis sman gyi snying po bskyed// gtso bo lnga dang 'bras bu lnga// phyogs na gsang ba'i rtsa ba brgyad// rang rang skabs dang sbyar bar bstan// shar gyi dkyil 'khor steng du ni// sgrub pa'i rdzas rnams dgod par gzhag/ lho yi dkyil 'khor steng du ni// me mar dag la dgod par gzhag/ nub kyi dkyil 'khor steng du ni// gtso bo yab yum sbyor ba'i thabs// byang gi dkyil 'khor steng du ni// bsgral ba'i rgyu ma zhags par gzhag/ dar sna bzhi dang me long bzhi// phur pa dang ni ral gri dang // lho'i dkyil 'khor steng du ni// de nas phur pa dar gyi cod pan can du bsams la mtshams gcad de/ dang po 'byung ba'i rgyu stong pa las rgyu'i hUM du bskyed/ de las s+pha ra na phaT kyis rdo rje gyur/ de las yang 'phros pas 'od du zhu bas/ oM badz+ra kI li kI la ya sarba big+h+nAn baM hUM phaT/ ces rdo rje gyur par bsam/ dngos grub bar chad byed pa'i bgegs// gdug cing sdang sems ldan pa rnams// rdo rje gsang ba'i bka' las ni// sdig can

  739. 370a

    gang zhig 'da' byed pa// stobs chen khro bo chen po yis// klad pa tshal pa brgyad du khos// oM badz+ra kro d+ha hUM kA ra hUM/ zhes pa des khro bo 'dre'o// oM badz+ra kI li ki la ya ha sa ya ra na ha ta n+ye hUM phaT/ sras mchog drug 'dre'o// 'byung po dang ni bgegs ni des bkrad do// hUM/ rdo rje gzhon nu rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// hUM hUM zhes pas bdud rtsi'i lha phebs par bsam/ bdud rtsi byin gyis brlabs pa ni/ gong du bstan pa ni/ de bzhin nyid kyi ting nge 'dzin bskyed de/ ting nge 'dzin gsal zhing snying po brjod de/ ye shes bdud rtsi'i rgyun mi gcod/ dang po stong pa nyid las yun ring du bsgom/ bzhi chos nyid kyi bsgom pa/ de ngang las gsal ba nam mkha'i bsgom pa/ rgya ma chad par bsgom pas rig pa gsal ba'i bsgom pa/ de las rgyu'i hUM mthing nag tu bskyed do// hUM rdo rje khros pas zhes sdang gcod// e yaM kai ri/ b+h+rUM bi sha bi shud+d+hi/ e ag ne maN+Dal/ dz+nyA na ka ba la b+h+yAM/ des ni gzhal yas khang bskyed do// hUM nam mkha'i dkyil nas thig pa shar// hUM hUM zhes pa bdud rtsi'i lha rnams gzhal yas khang gi thod pa la bstim mo// hUM/ mtshon chen sngon po 'bar ba yis// srog gi go ru shar ba dang / snying gi go ru bsgom par bya// phur pa rdo rjes gtam

  740. 370b

    byas nas// rnam par shes pa rdo rjer bsgom/ oM badz+ra ki li kI la ya ma hA pany+tsa a mr-i ta hUM hrI thA/ zhes lha rnams gsal bar bskyed do// hUM/ thabs kyi spyod pa 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la gsol// oM AMHhUM/ sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// oM sku'i dbyig tu bdag bskyed cig/ aM gsung gi dbyig tu bdag bskyed cig/ hUM thugs kyi dbyig tu bdag bskyed cig/ hUM de nas yig 'brus kyang bskyed/ yig 'brus phyag kyang dbang bskur/ gsal bar bsgom/ de rang bzhin gyi dkyil 'khor bskyed pa'o// de nas khrol bu sbyang ba ni// 'byung ba bzhi las bskyed pa yin// yab yum gnyis med sbyor ba las// 'od zer lnga po 'phro 'du las// snying po la ni 'di brjod do// oM badz+ra ki li kI la ya sarba bistA baM hUM phaT/ a mr-i ta kuN+Da li hUM hri tha/ byin brlabs bdud rtsi 'bebs par bsam// oM badz+ra ki li ki la ya sarba big+h+na baM hUM phaT/ a mr-i ta kuN+Da li hUM tha/ shar gyi lha 'di dngos grub 'bebs// oM badz+ra kI li kI la ya sarba big+h+nAn baM hUM phaT/ oM a mr-i ta kuN+Da li hUM tha/ lho yi lha yi dngos grub 'bebs// oM rat+na badz+ra kI li kI la ya sarba big+h+nAn baM hUM phaT/ a mr-i ta kuN+Da li hUM thA/ nub kyi lha yi

  741. 371a

    dngos grub 'bebs// ha badz+ra kI li kI la ya sarba big+h+nAn baM hUM phaT/ a mr-i ta kuN+Da li hUM phaT/ byang gi lha yi dngos grub 'bebs// sman gyi bzlas pa de nyid ni// yab yum gnyis kyi dgyes par bzlas// thabs dang shes rab spyod pa'i sngags// de la byang chub bdud rtsi re// bdud rtsi byin rlabs 'bebs pa'o// khrol bu'i dngos grub blang bar bstan te// de bzhin rdo rje rigs kyi lha rnams dang // rin chen pad+ma'i lha rnams dang // las kyi rigs kyi lha rnams dang / khro bo rigs kyi lha rnams dang // de rnams dngos grub stsal du gsol// bdud rtsi 'bebs pa'i dngos grub gsol// rdo rje phur pa bdud rtsi thal sbyor gyi rgyud las/ bsgrub pa'i gzhung dang khrol bu bsgrub pa'i don bstan pi le'u ste lnga pa'o// // da ni gong bu brdung bar bstan te// brdung ba'i dus ni/ nyi ma shar ba'i dus dag tu// sman gyi gong bu bshig la brdung // brdung ba'i dus der yang bgegs 'jug pas mtshams gcad do// go mtshon mang po bsogs la yang / bskor zhing bri brdung ngo // tshangs pa'i rgyal pos gdan bting la// de ru thams cad zhugs la// ya ba la nyi ma'i thod pa yis// yum la zla ba'i thod pa ru// brdung ba'i thabs ni yab yum thabs dang shes rab kyis brdung ste/ brdungs pas nyes pa spangs la byin rlabs 'byung ste/ sman gyi byang chub de ru

  742. 371b

    bskyed// sman gyi byang chub skye gyur cig/ da ni brdung ba'i lha dpal bdud rtsi 'khyil par bskyed la/ thams cad bdud rtsi'i rang bzhin yin pa la// ting nge 'dzin gsal bar byas la/ yab kyi rdo rje yum gyi mkha' la brdung ste/ sngags ni/ oM badz+ra kI li kI la ya sarba big+h+nAn baM hUM phaT/ oM a mr-i ta kuN+Da li hUM/ ha na ha na hUM phaT/ sman gyi bcud gcig 'byung bar bsam// hUM/ khro mo 'bar ba'i gtun khung du// rdo rje tho bas brdungs byas nas// lha yang rung ste bsgral bar bya'o// yab yum gnyis su med pa las// gnyis su med pa'i mkha' las bsam// bdud rtsi byang chub phebs par nges// dngos grub phebs pa'i yum cig yin// thabs dang shes rab gnyis med pas// dri med mu tig dkar por 'tsher// de la sman gyi snying po 'byung // da ni dar tshags yum gyis bzung bar bstan te/ yum gyis rig pa gsal ba dang // rta mgrin dbyug pa sngon po gnyis// gang yang rung ba gcig gis bya// gtsag pa'i sngags ni/ oM badz+ra ki li kI la ya sarba big+h+nAn baM hUM phaT/ oM a mr-i ta kuN+Da li/ ha na ha na hUM phaT khro bo chen po'i byin rlabs phebs byas la gtsag/ da ni phabs gdab ste/ chu dang / 'o ma dang / mngar bag dang / phabs rang dang gdab bo// oM badz+ra kI li kI la ya sarba big+h+nAn baM hUM phaT/ a mr-i ta kuN+Da li gardza/ ha na ha na pa tsa/ ban d+ha gr-i h+na ti ta tsin+na/

  743. 372a

    b+hin+na pho Ta hUM thA/ sman gyi dngos grub yin par bsam/ da ni tshad bstan te/ skam dag rlon pa'i nyed pa med// bskams nas phur bur ma song ste// rlon nas 'das par ma song ste// tshangs du 'dug nas dngos grub blang // dar ram za 'og nang du blugs// de las nyes pa'i skyon yang med// de nas rgyas gdab ste/ gong bu la phur pa byin gyis brlabs cig de ru gzhug/ de bzhugs bgegs kyi 'jug mi nus// phur bu'i lha bskyed srungs mar bsam// snod ni brtag cing kha sbyar nang du gzhug/ dri mas ma gos snod du gzhug/ dus tshod la bab par shes par bya/ ma sngas ma 'phyis dus dang sbyar// gong bu la bsgrub pa ni/ 'khor lo rtsibs bzhi bris/ gru chad dang rgyan thams cad kyang dgod 'phags pa mchod pa dang / gtor ma gtang ba dang / sbyin sreg dang / rgyas pa dang / zhi ba dang / drag po dang / thams cad tshul bzhin gong du 'dres// de la bgegs kyis mi tshugs pa'i phyir/ gu gul gyi dud pa gtang / dgod pa ni dbus nas rang byung ye shes sems dpa' bskyed pa'i lha/ bcom ldan 'das badz+ra ki la ya// snang srid bdud rtsir byin brlabs nas// rtsa ba brgyad dang yan lag stong // rtsa brgyad stong las sbyar ba'i sman// pho brang chen po'i dbus su bsgril// rigs rnams bsdus nas dbus su bzhugs// dbus sam phyag cha

  744. 372b

    gdug pa 'dus// thams cad ma lus 'dus par bya'o// sa ma ya tiSh+Tha lhan/ dbus su rang bzhin med pa ru dgod do// rdzas byin po dgod pa yang / 'phrin las thams cad gong du mthun/ til chen gyi me mar rgyun du gtang / de nas 'dzab gong ma mthun par bya/ ting nge 'dzin mi mthun no// de nas bstod pa bya/ tshogs bya/ dngos grub blang ba dang / sman gyi drod brtag pa dang / yum rigs dang sbyar ba dang / 'phrin las mthar phyin pa dang / kun tu mthun pa ru bstan no// rgyud 'di ru ni 'phrin las zur tsam mo// bkra shis gsol ba dang / tshe bya ba dang / dbang bskur ba dang / lhag ma'i cho ga bya ba dang / bstan ma bskyang ba dang / gter du sba ba dang / kun mthun no// rdo rje phur pa bdud rtsi thal sbyor gyi rgyud las/ bdud rtsi shar ba'i bsgrub lugs su bstan pa'i le'u ste drug pa'o// // de nas dbang bstan te/ dkyil 'khor ni/ 'khor lo rtsibs bzhi ru bri/ rdzas ni phur pa dang / srA tsa ka li dang gsung yig 'bru dang / thugs phyag mtshan dang bsag go/ de nas bgegs bskrad de/ hUM/ rdo rje gsang ba'i bka' las ni// sdig can gang zhig 'da' byed pa dang / stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// oM ma ra ya kha thaM kha thaM/ zhes bgegs bskrad do// de nas

  745. 373a

    byin dbab ste/ thabs kyi spyod pas 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la stsol// hUM hUM zhes byin phab// de nas rdzas kun dgod/ sman dang rak+ta yang byin gyis brlabs/ ting nge 'dzin rnam pa gsum bsgom ste/ dang po de bzhin nyid bsgom/ kun tu bsgom/ chu'i ting 'dzin bsgom/ rdo rje khros pas zhe sdang gcod// mtshon chen sngon po 'bar ba yis// srog gi go ru shar ba dang // snying gi go ru bsgom par bya// oM yaM sbar na yaM raM ko raM bruM bi shud d+he/ e maN+Da la dz+nyA na tsakra bruM/ nam mkha'i dkyil nas thigs par shar// phung po rdo rje gtams byas nas// rnam par shes pa rdo rje bsgom// yab yum gnyis gsal bar bskyed do// hUM/ rdo rje gzhon nu rigs 'dzin rnams// srid pa rdo rje grub mdzod cig/ srid pa rdo rje phur pa'i lha// ye shes khro bo grub par mdzod// se gol gtogs/ srid pa'i phur bu bsgrub pa dang // dbang dang dngos grub blang ba'i phyir// ye shes khro bo gshegs su gsol/ dzaHhUM baM ho/ thabs kyi spyod pa 'gro don du// byams dang snying rjes gang 'dul ba// sangs rgyas 'phrin las rdzogs mdzad nas// dbang dang byin rlabs bdag la gsol// oM AMHhUM/ byang chub mchog tu sems skyed cing // dus gsum rgyal ba'i gdung

  746. 373b

    'tshob pa// rigs 'dzin bdag cag rnams la ni// rtags dang mtshan ma bstan pa dang // ki la ya yi dngos grub stsol// rdo rje gzhon nu'i dngos grub stsol// oM badz+ra kI li kI la ya/ oM badz+ra kI li kI la ya/ oM badz+ra kI li kI la ya/ kI la ya yi dngos grub stsol// ye shes khro bo gshegs nas kyang // rtags dang mtshan ma bstan pa dang // kI la ya yi dngos grub stsol// hUM hUM oM badz+ra kI li kI la ya/ ma hA pany+tsa a mr-i ta khA hi/ sarba big+h+nAn baM hUM phaT/ ma hA pany+tsa a mr-i ta khA hi/ hUM/ byang chub mchog tu sems bskyed cing / dus gsum rgyal ba'i gdung 'tshob pa// rigs 'dzin bdag cag rnams la ni// kI li ya yi dngos grub gsol// oM badz+ra kI li kI la ya/ sarba big+h+nAn baM hUM phaT/ ci mang du bzlas so// de nas 'dzab la yang bstod do// de nas tshogs bya ste/ ci 'byor pa bteg la/ ha na ha na hUM phaT/ ces pas nyes pa'i skyon thams cad spangs la/ oM a be shas spe pa la spros/ dzaHhUM baM hos dgug/ shi kri a nas bcings la/ dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la bab// bdag nyid chen po'i dus la bab// sa bdag rgyal mo'i dus la bab// khyed kyi dam tshig dus la bab// mthu rtsal dbyung ba'i dus la bab// badz+ra kI li kI la ya sarba bis+thAn/ ta tha ya ma ra sa na ya kha kha thaM/

  747. 374a

    tshogs bcad la/ dpal rdo rje gzhon nu'i zhal du kha raM khA hi/ yum chen mo 'khor lo rgyas 'debs ma'i zhal du kha raM khA hi/ zhes sgrub pa zhag gsum bya/ de nub tha ma la dbang bskur te/ cho ga gzhung spyi dang mthun/ dbus kyi rdo rje gzhon nu'i phur pa blangs la/ ho/ rnal 'byor pa 'di gsang sngags kyi sgor zhugs nas// yi dam gyi lha dpal rdo rje gzhon nu la sogs te rdo rje gzhon nu'i dngos grub thob par gyur cig/ yum gyi rdzas blangs la/ ho/ rnal 'byor pa 'di dgyes par spyod pa'i yum 'khor lo rgyas 'debs kyi sgor zhugs nas/ yum 'khor lo rgyas 'debs kyi dngos grub stsol/ byang chub mchog tu sems bskyed cing / dus gsum rgyal ba'i gdung 'tshob pa// rigs 'dzin bdag cag rnams la ni// kI la ya yi dngos grub gsol// yab yum rgyan rnams dngos grub stsol/ yab yum rgyan dag cha lugs kyis dbang bskur ro// sangs rgyas kun gyi ye shes sku// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag bskyed cig/ oM badz+ra ki li ki la ya/ zhes sku tsa ka li'i dbang bskur te// gong gi tshig brjod la/ oM badz+ra kI li kI la ya// gsung yig 'bru yis dbang bskur ro// gong gi tshig brjod la/ thugs phyag mtshan gyis dbang bskur ro// de ltar yab yum gyi dbang rdzogs pa dang bkra shis

  748. 374b

    gsol/ dngos grub blang / gtor ma gtang / dkyil 'khor bsdu/ de ni yab yum gsang ba'i dbang rnams thob gyur na/ 'khor gyi khro bo rnams kyi dbang rnams zhor la 'byung ngo // de ni gsang ba'i dbang yin no// rdo rje phur pa bdud rtsi thal sbyor gyi rgyud las/ yab yum gsang ba'i dbang bskur ba'i le'u ste bdun pa'o// // de nas yab yum thabs dang shes rab kyis dbang bskur bar bstan te/ maN+Dal mthing nag gru gsum pa gcig bya rdzas ni rdo rje tho ba dang / gtun shing btsal/ rdzas kyi ra ba yab ni rtogs pa che ba dang / yum ni skra lo bzang la so thags dam// lus po che snyoms rke pa phra/ yid du 'ong ba'i yum bya// bsgrub pa mtshams gcad pa rnams spyir mthun te// bzlas pa'i sngags ni/ oM badz+ra kI li kI la ya/ oM laM hUM laM staM b+ha nan sa ma ya phebs/ byas kyin bzlas so// de nas 'dzab bskul ba ni/ yab yum lag pa spel ba dgegs pa spyod de// rdungs shig rdo rje 'bar ba'i gtun// yab kyis chags pa che ba'i nga rgyal bskyed// bka' las 'da' byed sdig can rnams// nyon mongs pa'i bag chags sam// nyams pa po de'i mig yin par bsam// rdo rje me dpal snying bsregs nas// yab kyi rdo rje me'i dpal bas tsha ba yi// lus ngag rdul phran bzhin du rlogs// nyon mongs bag chags rdul du rlogs/ khro mo 'bar ba'i gtun khung

  749. 375a

    du// yab kyi chags pa bskyed pa yin// yum gyi mkha' de bskyed pa yin// rdo rje tho bas brdungs byas nas// yab kyi rdo rje yum gyi mkha' la brdung // lha yang rung ste rlag par byed// nyon mongs bag chags rlag par 'gyur// yum gyis yab la 'khyud/ yab kyis yum la 'khyud/ rdo rje mkha' la phab/ byang chub sa bon drangs/ dran rtog gi rtog pa bcad/ de ba mnyam pa la gzhag/ oM badz+ra kI li kI la ya sarba big+h+nAn lam snyam pa nam sa ma ya phebs/ ces sngags bzlas pas byang chub 'byung ngo // bstod pa bya'o// tshogs dang / lhag ma dang / dkyil 'khor bsdu ba ni kun dang mthun no// rdo rje phur ba bdud rtsi thal sbyor gyi rgyud las/ thabs shes rab kyi bsgrub pa ste le'u brgyad pa'o// // de nas rgyud 'byung bar bstan te/ dam pa byang chub sems nyid ni// nges par 'byung ba'i rgyud yin te// rgyud 'di dam pa'i chos las 'byung // chos 'di rig pa'i ngang las 'byung // rig pa byang chub rten 'brel yin// gsang ba byang chub kyi rgyud// rdo rje skye med kyi rgyud/ chos nyid dag pa'i rgyud/ thig le byang chub kyi rgyud/ bdud rtsi byams ma'i rgyud/ sgrol ba khro ba'i rgyud/ nges pa rdzas kyi rgyud/ 'brel pa srung ma'i rgyud/ 'khor ba srog snying gi rgyud/ dgyes pa ston pa'i rgyud/ gzhi rang byung grub pa'i rgyud/ thig le'i rgyud/ snang srid bdud rtsi'i rgyud/ de

  750. 375b

    dag thams cad yang dag pa chos nyid phur pa las 'byung ba'i rgyud do// rgyud la rgyud du las pa med/ rigs pa 'gro ba'i rgyud du bstan// rdo rje phur pa bdud rtsi thal sbyor gyi rgyud las/ rgyud 'byung ba'i le'u ste dgu pa'o// // chos nyid rnam par dag pa dang // shes rab blo ldan bsgrub pa yis/ rig pa rtogs pa'i dam chos kyang / shes rab blo ldan de la gtad// ma rig kun la gtan mi bya// 'bras bu thob bya'i bdud rtsi 'di// skal ldan gcig la gtad par bya// lam du 'jug pa'i bdud rtsi 'di// las 'phro can la gtad par bya// sa las bgrod pa'i bdud rtsi 'di// dam tshig can la gtad par bya// gnyis med thob pa'i bdud rtsi 'di// rtog pa can la gtad par bya// bdud rtsi dam pa'i lam la 'jug/ las dang skal ba ldan pa la// dam chos 'di dag 'phrad par shog/ rdo rje phur pa bdud rtsi thal sbyor gyi rgyud las/ rgyud gtad pa'i le'u ste bcu pa'o// // gsang sngags rdo rje theg pa'i las// thabs kyi brten pa'i rdzas rnams la// 'bras bu thob pa'i thabs bstan ni// rang bzhin grub pa'i thabs bstan no// gcig dang du ma brjod las 'dis// byang chub bsgrub pa'i don rdzogs so// //