Text
ff. 1a–291a · 581 folio sides
- 1a
ched du brjod pa'i tshoms kyi 'grel pa slob dpon shes rab go chas mdzad pa'i smad dum bzhugs so//
- 1b
gang yongs su dag pa de ni zhing nyid du bstan pa'i phyir zhing gi skyon ni zhes bya ba la sogs pa smos so/ / mi bkren pa zhig gis rab 'byor la phye byin pas gter thob par gyur nas bcom ldan 'das nyan thos kyi dge 'dun dang bcas pa la bshos gsol te/ skyes bu de chos mnyan pa'i phyir mdun du 'dug pa dang/ de'i dbang du mdzad de tshigs su bcad pa bzhi gsungs so/ /gzhan dag ni rgyal po gsal rgyal gyis bcom ldan 'das la gsol pa/
- 2a
gang la sbyin pa stsal bar bgyi zhes zhus pa dang/ rgyal po chen po gang la sems dang ba'o zhes so/ /gzhan dag ni sde pa gzhan dag gis gsol pa/ btsun pa gang la stsal na 'bras bu chen por 'gyur zhes zhus pa lags so zhes zer ro/ /zhing zhes bya ba ni lo tog 'grub pa'i gzhi dag go /rtswa'i skyon zhes bya ba ni gang la rtswa'i nyes pa yod pa de ni rtswa'i skyon te/ rtswa dang tsher ma dang ro grod la sogs pas nyams par byas pa'i phyir 'bras bu chung ba 'am 'bras bu med par 'gyur ba'o/ /skye dgu
- 2b
'di la 'dod chags skyon zhes bya ba ni gang yang skye dgu rnams sred pa dang bcas pa'i skyon gyis nyams par 'gyur ba nyid yin no/ /la zhes bya ba'i sgra ni de bzhin zhes bya ba'i don te/ ji ltar zhing la rtswa la sogs pas ma rung bar byas na ni lo tog phun sum tshogs pa'i gnas su mi 'gyur ro/ /de bzhin du 'dod chags kyis sems can gyi rgyud la mi 'dod pa'i 'bras bu dang ldan par byed pa yin te/ de'i rgyus sdig pa 'dag par spyod pa'i phyir ro/ /gang gi phyir de lta bas na bral ba ni spangs shing med par byas pa ste/ 'dod chags kyi rjes su chags pa'i kun tu sbyor ba gang yin pa de nyid do/ /de dag la byin pas 'bras bu chen por 'gyur zhes bya ba ni kha zas la sogs pa phul bas 'bras bu mdza' yas pa skye bar 'gyur te/ zan dron chang ba sbyin par byas pa la sogs pa 'dir dper brjod par bya'o//
- 3a
skyon ni ma rungs par byed pas skyon te/ khong khro ba de'i skyon dang nyes pa gang la yod pas ni bdag shin tu ma rung bar byed pa'i phyir 'dir zhe sdang skyon du bstan to/ /yang na zhe sdang skyed par byed pa'i phyir te/ ji skad du lus kyi skyon zhes bya ba la sogs pa ste/ rgyu la 'bras bur btags pa'i phyir zhe sdang skye ba'i lus la sogs pa 'dren pas na skyon zhes bya ba yin no/ /gti mug bral rnams la zhes bya ba la ni ma rig pa spangs pa ste/ mi shes pa thams cad spangs pa'i phyir ro// gsum po 'di dag ni 'chid ba yin te nga'o snyam pa'i nga rgyal gyis ni rab tu bstan par 'gyur ro/ /rkang pa'i 'chid ba las grol ba lta bu yin no zhes bstan pa'i phyir/ de bas nga rgyal bral rnams la zhes bya ba smos te/ bdag dang gzhan la nye bar btags pa las skyes pa'i sems mthon po ni nga rgyal te/ las de'i ngo bo nyid yid la byed
- 3b
pas ni zil gyis gnon pa yin te/ de kho na nyid shes pas spangs pa'o/ /'dod chags nyid spangs pa'i 'chid ba ste/ kun 'byung gi bden pa nyid yin pa'i phyir des na de nyid kyi dbye ba 'dir smras pa/ chags pa'i skyon dang sred pa'i skyon yin te/ gang gi phyir 'dod pa'i 'dod chags ni chags pa'i skyon yin no/ /gong ma'i 'dod chags ni sred pa nyid de phyi rol tu 'gror med pa'i phyir ro/ /de'i 'og tu nga rgyal gyi dbye ba bstan pa ni nyon mongs pa'i rang gi ngo bo rgod pa'i tha ma yin pa'i phyir ro/ /nyon mongs pa yang rnam pa gnyis te/ lus kyi rnam par shes pa drug gi 'dod chags la sogs pa dang/ yid kyis pa'i nga rgyal te/ de gnyis ka'i dbye ba bstan pa'i skabs bya ba yin te/ nyon mongs pa spangs na yang zhing nyid du 'gyur ro/ /ji ltar 'dod chags dang ldan pa dang 'dod chags dang bral ba zhes brjod par bya zhe na/ 'dir mtshan nyid bstan pa'i phyir drug pa zhes bya ba la sogs pa smos so/ /rgyal po chen po rnam thos sras dga' ldan du song nas gzhal yas khang gi rtse mo na tshigs bcad gcig bris pa mthong ste/ de'i don ma rtogs nas 'dab ma la bris te/ gnod sbyin ha ri n+ya zhes bya ba la byin nas/ 'di'i don tshol cig ces byas so/ /des kyang cha byad sna
- 4a
tshogs kyis de dang der song zhing btsal ba las de'i don ma rnyed do/ /de'i don shes par bya ba'i phyir byang bu de klu'i rgyal po e la'i 'dab la byin no/ /ji tsam na cha byad mthun pas rgyal po'i khab tu bcom ldan 'das kyi spyan sngar phyin nas/ don gyi de nyid rnyed par gyur te 'di yang gsungs so/ /gzhan dag ni sems kun nas nyon mongs pas sems can rnams kun nas nyon mongs par 'gyur la/ sems rnam par byang ba'i rgyus ni rnam par dag par 'gyur ro zhes bya ba la sogs pa mdo las 'byung ba de las so zhes zer ro/ /drug pa zhes bya ba ni yid kyi rnam par shes pa ste/ drug par tshang ba nyid kyi phyir ro/ /drug pa de la bdag po zhes bya ba ni mthu che ba yin te/ rnam par rtog pa gsum dang ldan pa'i phyir dang/ zag pa med pa la sogs pa'i khyad par dang ldan pa'i phyir dang/ khams gsum du khyab pa'i phyir ro/ /rgyal po ni dbang sgyur ba ste/ des 'phangs pa'i phyir rnam par shes pa gzhan yin te/ rlung gis ljon shing bsgul ba'am de la gnas pa'i phyir shing gi sdong po la yal ga la sogs pa bzhin no/ /chags par gyur na zhes bya ba ni 'dod chags la sogs pa'i skyon la 'jug par gyur na chags can yin par 'gyur ro zhes bya ba ni tshig gi lhag ma ste/ 'dod chags dang ma bral ba dang/ zhe sdang dang ma bral ba zhes bya ba la sogs pa'o/ /chags pa'i nyon mongs pa gang la yod pa de ni chags can te
- 4b
dri ma can zhes bya ba'i don to/ /'dir chags pa ni 'dod chags yin no zhes lus las 'byung ba'i phyir ro/ /ma chags gyur na chags ma yin zhes bya ba ni 'dod chags la sogs pa'i ming can chags pa gang la med pa'i de ni drug pa de nyid de/ de la de ltar gyur na ni des bdag nyid chags pa ma yin te/ 'dod chags la sogs pa dang bral ba zhes bya ba'i don to/ /sems can gyi rgyud la chags pa can du gyur na nyes pa ci yod ce na/ chags pa byis pa zhes brjod do zhes bya ba yin te/ de 'dod chags la sogs pa'i drug pas rgyud la dri ma can du byas pa'i sems can de ni byis pa zhes brjod do/ /ngan don dang gzhan gyis dbang du byas pa dang/ 'khol ba zhes bya ba'i don te/ nyon mongs pa'i dbang du gyur pa'i phyir ro/ / chags bral mkhas par shes par bya zhes bya ba ni shugs kyis rtogs pa'i phyir ma bshad de de bas na 'dod chags dang bral zhing snying rje bas sems kho na dul bar bya ste/ de ltar byas na skyon med par 'gyur zhing bsod nams kyi zhing du 'gyur ro zhes ston pa yin no/ /drug pa des phal cher gang la gnas nas shin tu chags par 'gyur zhe na/ gzugs can dang lus can gyi dbang du byas pa'i phyir te/ khams gnyis na gzugs la brten te 'jug pa'i sems dang sems las byung ba yin no zhes grub pa'i 'tha'o/ /lus can de nyid nges par brtag pa'i phyir ro/ /'dod chags zhe sdang zhes bya ba la sogs pa smos so/ /gzhan dag ni gnas brtan dga' bo yul ni bud med gzugs bzang ba mthong nas kun tu chags par gyur pa las rtsoms zhes zer ro/ /gzhan dag ni bcom ldan 'das nags tshal na/ bzhugs pa lam nyan thos dag la shi pa'i ro dag ston cing lus dran pa nye bar gzhag pa ston par mdzad pa na lha zhig nye bar 'od ste/
- 5a
gsol pa/ lus ni ji ltar 'tshal bar bgyi/ ra ba zhal zhal ji lta bu/ bcom ldan 'dir ni gang zhig gi /rtag pa'i 'ching ba'i gnas gang lags/ /zhes zhus pa las 'di gsungs so zhes zer ro/ /grong khyer zhes bya ba ni chos la mngon par dga' bar mi rtogs pa'i phyir grong khyer nyid de/ sdang ba'i bzhi'i lus zhes bya ba'i don te/ de dang 'dra ba'i phyir dang/ skabs yin pa'i phyir dang/ 'og nos khyad par brjod pa'i phyir dang/ du ba dang ldan pa mthong ba las me rtogs par byed pa de bzhin no/ /khyad par ji lta bu zhe na/ rus pa'i ra ba can zhes bya ba la sogs pa'o/ /'di la rus pa ni ra ba lta bu ste/ rus pa'i rang bzhin gyis rtsig pa zhes bya ba'i don to/ /'di la khrag gis zhal zhal byas pa ni dper na shing dang sa phag la sogs pas bkod la glegs bu la gzer bu dang thag pa la sogs pas bcings nas 'dag pa la sogs pas byug pa ni grong khyer gyi grangs su 'gro ba de bzhin du nang gi rus pa sum brgya drug cus bkod la/ rgyus pa la sogs pa bcings nas sha dang khrag gis byugs nas lus su 'gyur ro/ /'dir grong khyer du gang zhig dpyad par bya ste/ de smras pa/ gang du 'dod chags zhes bya ba la sogs pa ste/ lus gang la rjes su chags pa'i kun tu sbyor ba gnas pa'o dang gi sgra ni ngo tsha med pa la sogs pa de'i 'khor yongs su bzung ba ste/ 'dod chags kyi dri ma yin pa'i phyir ro zhes sdang dang zhes bya ba ni khong khro ba'i kun tu sbyor ba'o/ /ngang gi sgra ni de'i dri ma khong khro ba la sogs pa gzung ba yin no/ / nga rgyal dang zhes bya ba ni nga rgyal gyi kun tu sbyor ba ste/ rang gi sgras ni de dang rgyu mthun pa yang brjod pa yin no/ /'chab pa zhes bya ba ni nye ba'i nyon mongs pa'i dper brjod pa'o/ /sdig pa sred pa dang phyi rol nas kun tu byug par byed
- 5b
pa de ni 'chab pa ste/ sred pa dang ma rig pa las byung ba ni 'chab pa'i mtshan nyid do/ /tshigs bcad snga ma'i rnam par shes pa yang 'dir sbyor bar bya ste/ de la brten pa'i dngos po brjod pa'i phyir te/ gnas med pa'i gnas la med pa'o/ /dper na grong la rgyal po dang/ blon po dang/ bya pri ta ka dang/ mdun na 'don dang/ thub pa rnams kyis gnas par bya ba de bzhin du 'dir rnam par shes pa dang/ 'dod chags dang/ zhe sdang dang/ nga rgyal dang/ 'chab pa la sogs pa brjod par bya'o/ / gnas pa ni 'jug pa'o/ /lus kyi grong khyer 'di ga las byung ba dang/ ji ltar 'dir gang gis 'ching bar 'gyur ba dang/ gang gis 'di spangs pa yin zhes bstan pa'i phyir/ rgyu yis kun nas bslang ba zhes bya ba la sogs pa smos so// utpa la'i mdog can gzugs shin tu mdzes pa las 'dod chags kyis gzhan gyi dbang du byas pa'i phyir grong khyer chen po drug tu smad 'tshong ma byas so/ /de nas rab tu byung zhing dgra bcom pa'i 'bras bu thob par gyur te/ de'i dbang du mdzad nas 'di gsungs so/ /rgyu yis rab tu byung zhes bya ba ni skyed pa dang rgyu dang byed pa ste/ de dag las rab tu byung ba yin pas rab tu byung ste kun 'byung gis tshogs pa ste/ de skyed par byed pa yod pa dang de las 'bras bu 'byung ste/ gang gis phyir rkyen gcig las skyes pa ni gang yang med do/ /de bas na kun 'byung gi bden par gyur pas so/ /kun nas bslang ba zhes bya ba ni kun nas skyes pa ste/ lus kyi gnas skabs yin pa'i phyir te/ sdug bsngal gyi bden pa zhes bya ba'i don to/ /de ma mthong na zhes bya ba ni lus de ji lta ba bzhin ma shes pa ste/ 'jig rten 'di na skye ba dang 'jig pa'o/ /gang la las 'di ma shes pa ni ma rig pa des so de zhes bya ba ni mi
- 6a
gtsang bar gyur pa'i lus de'o/ /'ching bar 'gyur zhes bya ba ni lhag par zhen pas gzhan gyi dbang du byas pa'i phyir mi gtsang ba la phag bzhin te/ 'jig rten pa dag ni mi shes pas bsgribs pa yin no zhes pa'i tshig gis so/ /de dag rtogs na chu bo rnams ni rab tu spong zhes bya ba la/ de dag la ni lus de dag ste zag pa med pa'i shes pas ji lta ba bzhin du mthong na chu bo rnam pa bzhi yongs su spong ba yin no/ /'dis ni lam dang 'gog pa'i bden pa bstan te/ rtogs pa dang rab tu spangs pa zhes bstan pas so/ /rtogs pa kho nas chu bo rnams spangs pa yin no zhes bstan pa ga las zhe na/ phyi rol pa la chags pa de dag spong ba med ces bya ba yin te/ mu stegs can rnams la ni thar pa'i bgegs su gyur pa chu bo'i ming can chags pa spong ba med de/ 'jig rten las 'das pa'i ye shes med pa'i phyir ro/ /chos 'di pa dag ni 'phags pa'i bden pa bzhi rtogs pas phra rgyas thams cad spangs pa yin no/ /ji ltar nges par bya zhing ga las zhe na/ phyi rol pa las chags pa de dag spang ba med ces bya ba smos te/ 'khor las lhag par zhen cing bdag med pa la mos pas chad pas 'jig pa yin pa'i phyir spong bar byed pa yin na thar pa lta ga la yod sil bu'i tshoms te bcu drug pa'i rnam par 'grel pa rdzogs so// //sil bu bstan pa las byung ba'i g.yeng bas kun nas bslang ba'i rdul la chu dang 'dra ba'i brtson 'grus dang dran pa'i dbang po la sogs pa'i khyad par yongs su bzung zhing rjes su mthun pas zhi ba'i thabs bstan pa'i phyir/ de'i 'og tu chu'i tshoms brjod par bya ste/ de nyid bstan pa'i phyir/ de dag khyim la zhes
- 6b
bya ba smos so/ /yang na rab tu 'byung ba ni g.yeng ba thams cad spong bar byed pa yin no/ /des na de nyid bstan pa'i phyir de dag khyim spangs pa zhes bya ba yin no/ /yang na phyi rol pas chags pa de dag spong ba med de/ rtogs pa med pa'i phyir ro zhes bstan pa las/ ci'i phyir de dag mngon par rtogs pa med ce na/ smras pa rab tu 'byung ba med pa'i phyir te/ de la ma zhugs par ni spong ba ma yin te/ rab tu byung ba ni 'khor ba las zhen pa med pa'i phyir dang/ yongs su gtong ba'i bsam pa'i rang bzhin yin pa'i phyir ro/ /des na nyon mongs pa spangs pa ni rab tu byung ba la rag las ba yin no zhes bstan pa'i phyir/ de dag khyim spangs zhes bya ba la sogs pa smos so/ /rgyal po'i khab u dum ri ka na bram ze n+ya gro d+ha zhes bya ba pad+ma chen po'i mchod sbyin byed pa chos kyi nang na grong bcu drug dang/ bran gyi grong sum cu dang/ glang dor? stong dug cig gis ma tshang ba dang/ dbyig bye ba drug cu dang/ nas dang gser bang? chung brgyad cu yod pa de'i bu 'od srungs chen po chung ma blangs pa la mdzud par byed do/ /des kyang pha'i dag gcog par ma nus te/ smras pa/ gal te 'dzam+bu chu bo'i gser gyis gzugs zil gyis gnon pa mtshan phun sum tshogs pa'i bu mo yod na ni blang ngo zhes byas so/ /ji tsam na yul ma ga d+ha na ser skya bzang mo zhes bya ba blangs na/ de spangs nas rab tu byung nas dgra bcom pa'i 'bras bu thob po/ /de'i dbang du mdzad nas tshigs su bcad pa gnyis gsungs so/ /'bad pa yis zhes bya ba ni dge ba bya ba dag la mngon par brtson par byed pa'o/ / sbyor ba phun sum tshogs pa bstan nas/ bsam pa phun sum tshogs pa bstan pa'i phyir/ dran ldan zhes bya ba smos te/ gal te gang gi phyir dran pa nyams na ni bag med pas dran pa nyams par 'gyur la/ dran pa nye bar gzhag pa la ni ma yin
- 7a
te/ dran pas sgo bsrungs par gyur na mi dge ba rnams spong bar 'gyur ro zhes mdo las gsungs so/ /de dag khyim la ni mi dga' bar zhes bya ba la khyim ni 'jug par bya ba'i khang pa ste/ de la mngon par mi dga' ba rnyed pa ni dran pa dang brtson 'grus khyad par can dang ldan pa'i phyir te/ khyim na ni g.yeng ba dang bya ba ngan pas g.yeng bar byed pa'i phyir ro/ /gang yang de ltar gyur na de dag rab tu byung ba yongs su bzung bas khyim gyis gnas yongs su spong ngo/ /de spangs pas dus gzhan zhig na dran pa dang brtson 'grus dang ldan par gyur pas lam bsgoms te/ khams gsum gyi nyon mongs pa'i rang bzhin gyi chu bo spong ba yin te/ 'dir dper brjod pa ni dad pa ltar zhes bya ba ste/ dper na dad pa mtsho ngan pa spangs pa zhes bya ba smos pa las char chus rnyogs pa'i chu spong bar byad pa de bzhin du'o/ /yang na mtsho ngan zhes bya ba ni chu chung ba ste/ mtshe'u dang/ rdzing bu dang/ chu bran thams cad la 'dod do/ /de ltar chu bo spong? pa la 'bad pas ni don dam par mya ngan las 'das pa'i grong khyer du 'jug pa yin no zhes bstan pa'i phyir/ bstan pa 'jig rten zhes bya ba la sogs pa smos pa ste/ nyi ma'i lam ni dad pa ltar zhes bya ba la gang gi phyir nyi ma ni nam mkha' i ngos kyis lam la 'gro ba'i phyir ro/ /de la 'dis ni lha rnams kyis rab tu rgyu ba'i gnas bstan nas 'og dang thad kar rab tu rgyu ba yang bstan pa'i phyir/ rdzu 'phrul gyis ni mkha' la 'gro zhes bya ba yin te/ dper na dad pa ni nam mkha' la rang gi gshog pa'i mthus 'phur bar byed pa de bzhin du/ bdag nyid chen po rnams kyang zang zing la yid chags shing dga' ba med par chu bo las brgal ba yin te/ gang du nam mkha' la nyi
- 7b
ma'i dkyil 'khor 'gro ba de ltar yang gzhan gyi don bskyed pa'i phyir kun tu 'gro ba yin no/ /de yang ji ltar ngan song la sogs par zhes bya ba'i don te/ gdul bya'i skye bo la phan pa bskyed pa'i phyir ro/ /des na gdul bya'i don byas nas dug gi snod bzhin du lus spong ba yin no/ /'jig rten des byung nas zhes bya ba ni 'khor bar ldog pa med par 'gro ba'o/ /brtan pa ni bdag med pa rtogs pas chad pas mi 'jigs pa'i phyir ro/ /so so'i skye bo thos pa dang ldan la yongs su rtogs pa kha cig kyang chad pas mi 'jigs pa yod na/ ci de yang nges par 'byung ba yin nam zhe na/ bdud kyi sde rnams rab bcom ste zhes bya ba smos te/ nyon mongs pa'i tshogs de bzhin nyid ji lta ba bzhin du shes pas spangs pa yin no/ /nyon mongs pa'i stobs bcom pas brtan pa nyid nges par 'byung ba yin gyis/ gzhan ma yin no/ /gang yang khyim la bag med par 'dug pa de dag gi nyes dmigs bstan pa'i phyir smras pa/ tshangs par sbyor ba ma spyad cing zhes bya ba la sogs pa'o/ /bcom ldan 'das mnyan yod du bsod snyoms la rgyu zhing gshegs pa dang/ phyi bzhin 'brang ba'i dge sbyong tshe dang ldan pa kun dga' bos khyo shugs gcig rgas shing 'khogs pa nas gzer ba pa la rigs? sna ltar yod pa zhig mthong ngo/ /gzhan zhig na phyag dar gyi phung po na 'dug cing chu skyar rgan po shugs bzhin du sems khongs su chud pa de lta bu dag kyang gzigs te/ kun dga' bo la bka' stsal pa/ gal te khyo shugs 'dis na chod dang po la longs spyod phun sum tshogs pa bsdus shing bsags par byas na ni dga' ba 'thob pa 'di ni gnas pa yin te/ gang gis phyir 'dis ni khyim gyi mchog nyid byed par 'gyur ro//
- 8a
gal te rab tu byung na ni dgra bcom pa'i 'bras bu mngon sum du byed par 'gyur ro/ /de bzhin du khyim gnyis pas ni phyir mi 'ong ba'i 'bras bu'o/ /khyim gsum pas ni rgyun tu zhugs pa'i 'bras bu'o zhes pa ste/ des ni tshigs su bcad pa gnyis su gsungs so/ /tshangs par spyod pa ma spyad cing zhes bya ba ni lam gyi tshogs ma bsrungs pa 'am/ rab tu byung zhing lam ma bsgoms pa'o/ /gzhon nur nor ni ma rnyed pa zhes bya ba ni dbyigs la sogs pa'i nor ma bsags pa ste/ na tshod dang po la ni bya ba thams cad la nan tan bya bar bzod pa yin no/ /de'i phyir lang tsho la gnas pas ni thams cad la nus pa nyid de/ de bas na 'jug pa dang ldog pa'i bya ba rnams la rab tu 'bad par bya ba nyid do/ /de ma byas na ni rgan sems bzhin du 'gyur zhes bya ba smos te/ sems mya ngan dang yid mi bde bas gdung bar byed pa ste/ sems kyi gdung ba nyams su myong bar 'gyur ro zhes bya ba'i don to/ /chu skyar rgan po zhes bya ba ni rga bas 'khogs par byas pa'i bya gar chu skyar lta bu ste/ krung krung zhes zer ba'i phyir khrung khrung zhes bya ba ni nges pa'i tshig go /gang du sems par byed ce na/ nya nyung dogs dag na zhes bya ba smos te gang na nya nyung ba'i mtsho ngan pa nyid na ste/ shin tu chung ba'i mtsho dang rdzing bu la sogs pa na 'dam dang/ chu bal la sogs pas rnyogs pa'i phyir dang/ chu yang skam du nye zhing zad pa'i phyir ngan pa'o/ /nyal bar 'gyur zhes bya ba ni gnyid log pa lta bur rmongs pas 'dug pa ste/ rkang lag rnams zhigs shing lhod par gyur pa'i phyir ro/ /lus bskums nas ni zhes bya ba ni rtsa ba bad skan ces bya ba'i sgras gzhu drangs pa bzhin du 'khums pa'i lus gang la
- 8b
yod pa de de nyid do/ /ni sa ni zhes bya ba'i sgra ni yang gi don te/ sems khongs su chud pa gcig pur yang ma zad de/ lus kyang bskums te brang gi thad kar pus mo'i lha nga bkug cing yan lag rnams bsdus nas nyal bar byed do/ / sngon chad byas pa ces dran zhing zhes bya ba ni sngon rtse ba dang rgod pa la sogs pa dang gzugs bzang ba la sogs pa rgyun tu myong ba dang bral bas de dag thams cad la re ba med pa'o/ /sdig pa chung ngus ni gnod par mi byed de/ dper na rdul phra mo'i yul gcig la ni dbang po'i shes pa skye bar mi nus te/ de bas na tshangs par spyod pas ci zhig bya zhes pa la/ de'i phyir smras pa/ sdig pa chung byas bdag nyid kyi zhes bya ba la sogs pa yin no/ /rgyal po'i khab na khyim bdag gcig nyes par spyod pa cung zad tsam byed de/ chung ngu spyad pa tsam gyis ni gnod par mi 'gyur ro snyam sems par byed do/ /gzhan zhig ni cung zad cung zad legs par spyod pa nus kyang mi byed de/ gang gi phyir skar khung gi bu ga las byung ba'i rdul dag gis ni ra ba byed par mi rung ngo zhes sems pa las/ de gnyis las brtsams te tshigs su bcad pa gnyis gsungs so/ /chung byas ma sems? shig ces bya ba ni cung zad cung zad du ma rtogs shig pa'o/ /sdig pa ni ngan par spyod pa'o/ /nges par bzung ba ni drug pa ste/ sdig pa'i nang nas cung zad kyang me bzhin du gdung bar byed pa dang/ kha zas dug dang 'dra ba bzhin du gsod par byed pa'i phyir ro// cung zad kyang sdig pa ma yin no zhes brtag par mi bya'o zhes bstan pa'i phyir/ phyi bzhin mi 'ong ma sems shing ces bya ba yin te/ sdig pa spyad pa 'di ni chung ba yin pas bdag 'jig rten pha rol tu 'gro ba na rjes su 'ong ba ma yin zhing
- 9a
gdung bar byed pa ma yin no zhes gang zhig rtog na de ltar shes par mi bya'o/ /ci'i phyir zhe na/ 'di la nyung ngu'i dngos po rgyun mi 'chad par bsags pa ste/ dpe bstan pa'i phyir/ chu'i thigs pa lhung ba yin zhes bya ba smos te/ dper na rgyun tu chu'i thigs pa 'bab pa de ni bum pa chen po yang khengs par 'gyur ba de bzhin du ste/ bum pa chen po'i tshad ni shin tu che ba'i chos nyid do/ /sdig pas byis pa gang bar 'gyur zhes bya ba ni don par spyod pa spyad pas byis pa pas nye bar bsags pa ste/ bum pa chus yongs su gang ba bzhin no/ /ji ltar nyung ngus phyis pa yongs su gang bar 'gyur zhe na/ cung zad cung zad ces bya ba ste byis pas cung zad cung zad nye bar bsags pas yongs su 'phel bar 'gyur te/ grogs mkhar gyi phung po bzhin no/ /dge ba ni legs par spyod pa ste/ bde ba'i rgyu zhes bya ba'i don to/ /brtan pa ni mkhas pa'o/ /sdig pa dang bsod nams spangs pa dang len pa la sred pa spang ba'i rgyu nyid du bstan pa'i phyir smras pa/ 'di ltar kun na chu yod pas zhes bya ba la sogs pa'o/ /kun dga' bos bcom ldan 'das la btsun pa bcom ldan 'das gzigs su gsol/ yul be ra tya na bram ze zhig khron pa nas chu 'byin cung kun dga' ra ba na chu blugs par 'dod do zhes gsol to/ /des kyang bcom ldan 'das gshegs pa mthong ste/ bsam pa gal te kun dga' ra ba 'dir byon na ni lan du mar chu 'thungs te 'di zad par 'gyur ro snyam nas des sgo bcad cing zo chun yang spas te 'dug pa dang/ bcom ldan 'das kyis rdzu 'phrul gyis kun dga' ra ba de'i nang du gshegs te/ khron pa de las bltos pa med pa'i tshul du kun dga' ra
- 9b
ba chus bkang ba dang/ bram ze de mngon par dad de bcom ldan 'das gshegs su gsol/ zo ba dang chun po 'di bzhes la ci bder chab la longs spyod du gsol zhes zhus pa dang/ de'i dbang du mdzad nas tshigs su bcad pa 'di gsungs te/ de yang rab tu byung nas dgra bcom par gyur to/ /khron pa'i chu lta ci zhig dgos zhes bya ba ni khron pas bya ba ma yin pa nyid kyis so/ /gang gis phyir chu btung bar bya ba de ni khron pa ste/ mtsho dang rdzing bu la sogs pa'o/ /nam zhig ce na/ 'di ltar kun la chu yod pas zhes bya ba yin te/ gal te kun nas chu nyon mongs pa med par rnyed par yod na dka' bas gdon dgos pas khron pa'i chu des ni skom par gyur kyang dgos pa med na/ skom pa dang bral ba la sogs pa ltar smos kyang ci dgos/ brjod pa ni 'di yin te/ dper na thams cad na chu yod cing sus kyang dgag pa med la/ rnyed sla bar gyur pa la ni khron pa'i chus skom yang mi dgos pa nyid yin na/ sred pa rtsa nas bcad pa la lta smos kyang ci dgos te/ gang gi don du ci zhig chol bar byed ces pa'o/ /gang gi phyir skom pa yod na ni chu tshol par byed kyi/ de med na ni de yang med pa'i phyir te/ gang rnal 'byor pa 'jig rten las 'das pa'i lam bsgoms pas sred pa'i 'dod chags kyi rtsa ba ma rig pa 'am tshor ba 'thob pa/ 'jig rten 'dir drungs nas phyung zhi? spangs la bzhi yongs su spangs shing bsal bas da lta bu ni thams cad kyi don du chu la sogs pa 'tshol bas rjes su gnas pa yin gyi/ gzhan du ma yin no/ /khyed sred pa dang bcas pa ni khron pa dang/ kun dga' ra ba la sogs pa dgos pa yin gyi/ sred pa dang bral ba dang mi 'dra'o zhes bya ba'i don to/ /srid pa la spyod pa ni bya ba ma yin pa thams cad la 'jug pa ste/ de bas na de las bzlog
- 10a
par bya ba'i phyir 'di gsungs so/ /sred pa spangs pas ni chu bo bzhi las brgal te/ srid pa'i rgya mtsho las brgal ba yin no/ /zhes bstan pa'i phyir/ gang zhig rags brtsigs zhes bya ba la sogs pa smos so/ /grong khyer ba tra le pu tra na bar sha ka ra zhes bya ba ma ga d+ha'i blon ngo zhig gis sangs rgyas bcom ldan 'das 'khor dang bcas pa spyan drangs nas bshos nye bar longs spyod nas yon phul lo/ /bcom ldan 'das dge slong gi tshogs? kyis yongs su bskor cing grong khyer gyi lho phyogs kyi sgo nas slar gshegs te/ dus der byas pa'i rags brtsigs pas mtsho ngan pa las brgal ba cing gang+gA'i yang tshu rol gyi ngogs nas rdzu 'phrul gyis pha rol tu gshegs te bzhugs par gyur to/ /dge slong dag las kha cig ni gru dang gzings dang shing shal ma la'i dbang leb la sogs pa la brten nas rgal bar gyur te/ tsi tsam na tshigs su bcad pa gnyis gsungs so/ /gang zhig rgal 'dod ces bya ba ni de'i tshe rgal bar chas pa'i skye bo'o/ /gang gi zhe na/ rgya mtsho zhes bya ba ste/ chu chen no/ /chu bo ni rgya mtshor 'gro ba'i 'bab chu ste/ gang+gA zhes bya ba'i don to/ /rags brtsis zhes bya ba ni chu lon la sogs pa'i tshul gyis rnam pa la brten nas/ mtsho ngan spangs pa ni brgal ba ste/ rdzing bu dang ke d+ha ra la sogs pa chus khyab pa'i phyogs so/ /de nas ci zhig byed pa yin zhe na/ gzings ni bcas nas kyang zhes bya ba smos te/ rtswa dar yal ga dang lo ma la sogs pa'i tshogs nu'i gzings 'god pa 'am/ gru la sogs pa la brten pa'o/ /skye bo zhes bya ba ni gang+gA rgal bar 'dod pa'o/ /des gru la sogs pa yongs su blangs te/ kha cig rgal bar byed ces bya ba nye bar brgal bas te/ chu
- 10b
bo'i pha rol gyi 'gram du phyin pa'o/ /de gang dag yin zhe na/ skye ba mkhas pa zhes bya ba yin te/ mkhas shing rtogs pa'o/ /sdod pa med par byed pa'i phyir dang po brgal ba ste/ skye bo mkhas pa rnams kyis 'dren pa ni bcom ldan 'das yin no// zhes bstan pa'i phyir/ brgal nas sangs rgyas bcom ldan 'das zhes bya ba smos te/ 'dis ni go rims bzhin du spangs pa dang/ ye shes phun sum tshogs pa bstan te/ bag chags dang bcas pa'i nyon mongs pa spangs pa'i phyir dang/ chos thams cad las rnam pa thams cad du sangs rgyas pa'i phyir te/ de yang thams cad kyi dang por brgal ba'o/ /bram ze zhes bya ba ni rgyun tu yid phyi rol du bya ba ste/ don dam pa ni thub pa mchog la brjod do/ /skams sar gnas par mdzad ces bya ba ni gang+gA'i 'gram du bzhugs pa'o/ /de la dge slong khrus byed cing zhes bya ba ni dge slong dag pha rol gyi 'gram du lus la chus yongs su 'khru ba'o/ /nyan thos rnams kyi gzings kyang bcas zhes bya ba ni gang dag da dung ma rgal ba ste/ phyis 'ongs pa'i dge slong dag gzings yongs su 'dzin par byed pa'o/ /de ltar re zhig tshigs bcad kyi sgra ji bzhin gyis don bstan nas/ de bzhin du 'dir yang don bshad par bya ste/ gang zhig rgal 'dod pa zhes bya ba ni spong bar 'dod pa'o/ /rgya mtsho'i chu bo ni 'khor ba'i skye ba 'grub par byed pa'i nyon mongs pa'i chu bo'o/ /spong par 'dod pa 'dis ni thar pa'i cha la la sogs pa'i tshogs bstan te/ gang gi phyir 'di ma yin par ni de bzhin nyid shes pa skye bar mi 'gyur ro/ /rags brtsigs zhes bya ba ni mthong ba'i lam mngon du byas pas so/ /spangs pa ni rtsal ba ste/ mthong bas spangs bar bya ba'i nyon mongs pa'o/ /skye bos gzings ni bcas nas
- 11a
kyang zhes bya ba ni gang de ltar mthong ba'i lam mngon du byas pa de nyid kyis bsgom pa'i lam la rab tu 'jog par byed pa yin te/ des phra rgyas spong bar byed pa'i phyir ro/ /lam gnyis kyis kyang kun tu sbyor ba gnyis spangs pa'i phyir rgal bar byed pa yin no/ /mkhas pa ni 'phags pa'i gang zag go /ma brgal ba rnams kyis 'dren par bstan pa'i phyir brgal nas sangs rgyas bcom ldan 'das rnams zhes bya ba smos te/ rang nyid byung bar bstan to/ / skam sar gnas par mdzad ces bya ba ni phung po lhag ma dang bcas pa'i mya ngan las 'das pa bstan te/ pha rol gyi 'gram na phung po lhag ma dang bcas pa'i mya ngan las 'das pa'i dbyings de'i tshig bla dags so zhes mdo las gsungs pa'i phyir ro/ /gnas par mdzad ces bya ba ni thugs rje chen po'i mtshon pa yin te/ gang gi phyir de med par ni bcom ldan 'das skad cig kyang srid pa na gnas par mi mdzad do/ /de la dge slong khrus byed cing zhes bya ba la sogs pas ni khams gsum las 'dod chags dang bral ba rnams sems can gyi don du bzhugs shing mthong ba'i chos la bde bar gnas pa bstan to/ /gzings kyang bcas zhes bya ba ni nges par 'byed pa'i cha dang mthun pa la gnas pas mthong ba'i lam la sogs pa mngon sum du byed pa ste/ de la 'dis ni zhugs pa rnams kyi mtshon pa yin no/ /des na yang zhugs pa bzhi dang 'bras bu bzhi la gnas pa'i dge slong 'di ni sbyin gnas yin te/ rig pa dang rkang par ldan pa yin pas bar sha ka rab Ta le bu tra na na gnas pa'i bram ze dang/ khyim bdag rnams khyad par gyi zhing la phul ba 'dis ni bsod nams dpag tu med pa skyed par 'gyur ro zhes so/ /slob pa dang mi
- 11b
slob pa thob pa dag ji skad bstan pas bdag nyid gdul bar bya'o zhes bstan pa'i phyir ro/ /btso blag mkhan dag ces bya ba la sogs pa smos so/ /tshe dang ldan pa shA ri'i bu'i sbyin bdag khyim bdag dpa' bo zhes bya ba de'i bu skyes ma thag rkang pa'i phyogs su lha'i pad+ma rab tu byung par gyur te/ de der 'dug nas tshigs bcad smras pa/ sangs rgyas lta bu'i zhing med cing/ /sbyin pa lta bu'i grogs med de/ /gang phyir bdag 'dra'i 'dul ba yang/ /'di ltar phyug por byas gyur to zhes so/ /mtshan ma brgya dang me tog gi char yang byung ngo/ /de'i pha la gtam snyan skyel ba'i mi byung ste/ de la lan gsum gyis bar du kha rin po ches bkang ngo/ /khye'u de yang mkhas pa zhes bya bar ming du btags te/ rgyal pos kyang grong gi rnam pa mag bsha' byas so/ /mu ge byung ste/ bcom ldan 'das kyis de bos na der 'gro bar zhugs pa dang/ lam gyi bar du slongs mo pa dag gis bslangs so/ /des kyang klu dag las nor bslangs te de dag la byin no/ /de nas bram ze'i khye'u de dag mngon par dang nas de dang lhan cig bcom ldan 'das kyi spyan sngar phyin te/ de dag gis dgra bcom pa'i 'bras bu thob par gyur to/ /'di ltar ji tsam na de 'phags pa shA ri'i bus rab tu phyung ste/ sems gdul bar bya'o zhes kyang bstan to/ /de yang mkhan po dang lhan cig bsod snyoms su 'gro ba'i lam gyi bar? na chu chun zhing mthong ste/ mkhan po las 'di gang dag lags zhes smras pa dang/ 'di dag ni chu blangs nas rang nyid kyi zhing la khyer te ji ltar 'dod pa bzhin du las byed do/ /ci chu la sems med pa yang gzhan gyis khyer ba yin nam/ de bzhin te/ sems med kyang khyer nas las byed pa yin na/ gang gis phyir bdag cag sems dang
- 12a
bcas pas bdag nyid kyi sems gdul bar mi bya zhes so/ /yang mda' mkhan dag mthong ba mda' me la sro bar byed cing mig gis zur gyis rtse mor bltas te drang por byed do/ /mda' sems med pa yang drang por byed na/ bdag cag sems dang bcas pa ci'i phyir bdag gis sems dbang du mi byed ces so/ /yang mthon po ni 'jog pa la sogs pas shing sbyong bar byed pa mthong ste 'di dag ni shing la sogs pa bzhogs nas sreg shing la sogs pas 'khor lo byed pa yin no/ /des bsams pa sems med pa'i shing las kyang 'khor lo byed pa yin na/ bdag cag sems dang bcas pa ci'i phyir bdag gi chos kyis 'khor lo mi byed ces nas/ ji tsam na mkhan po'i lhung bzed blangs te slar log nas gnas su srong ste/ sems dul bar bya ba de bsgrubs pas dgra bcom par gyur te/ bcom ldan 'das kyis de las brtsams nas tshigs su bcad pa 'di gsungs so/ /chus khru zhing zhes bya ba ni chus zhing 'jam par byed cing skyed pa ste/ ni rdzir zhes bya ba'i sgra las gtsang ba dang skyed pa yin no/ /'dir btso blag mkhan zhes mi bya ste/ chu chun zhes zer bas chu chun ni chu 'dren pa ste zhing pa'o/ /gzhan dag ni btso blag mkhan zhes zer te/ bul tog gi chu la sogs pas gos la sogs pa'i khru zhing dag pa dang dri ma med par byed pa'o/ /mda' mkhan zhes bya ba ni gang la 'dam bu la sogs pa'i mda'i bzo byed pa'o/ /mwe na srod ba dang zhes bya ba ni mda' bsros nas drang por byed pa'o/ /shing mkhan shing la 'jog spyod ltar zhes bya ba ni shing kun tu 'jog par byed pa'o/ /mkhas pas bdag nyid gdul bar bya zhes bya ba ni bdag la phan par 'dod pas rang nyid kyi sems gdul
- 12b
bar bya'o/ /bdag nyid gdul ba las ni dam pa'i chos mnyan pa thabs yin no zhes bstan pa'i phyir/ ji ltar mtsho chen zhes bya ba la sogs pa smos so/ /bcom ldan 'das u dum pa nga'i nags na bzhugs te/ de na mtsho chen po ma dros ba la gzigs nas gtsug pud lnga pa'i bdag po las brtsams te 'di gsungs so/ /gzhan dag ni ka na ma tri ka zhes bya ba dam pa'i chos mnyan pa la rgyab kyis phyogs pa las brtsams so zhes zer ro/ /mtsho zhes bya ba ni tshim par byed pa ste/ chad pas gdungs pa'i skom pa la sogs pa'i dbang du byas pa ste/ mtsho chen po'o/ /ji ltar zhes bya ba ni gang ltar ro/ /mtsho chen po de ji lta bu yin zhe na/ zab mo dag ces bya ba la sogs pa smos te/ gting dpag dka' ba'o/ /rab tu rnam dang ni shin tu gtsang ba'o/ /rnyog pa med pa'i ni 'dam dang chu bal la sogs pa'i skyon dang bral ba'o/ /de ltar zhes bya ba ni de bzhin no/ /'di na chos ni nyan par byed ces bya ba ni bstan pa'i chos kun tu nyon mongs byed cing khong du chud par byed de'i phyir 'di la chos ni rtogs par dka' ba yin te/ shA ri'i bu la sogs pas kyang de'i de bzhin nyid mi rtogs pa'i phyir ro/ /rab tu rnam par ngas ni ci ri ka la sogs pas ma byas yang de rtogs pa'i phyir ro/ /rnyog pa med pa ni 'dod pa la sogs pa'i chu bal dang 'dam gyi dri ma dang bral ba'i phyir ro/ /rab dang zhes bya ba ni dam pa'i chos mnyan pa la sems dang ba chen pos bsgrub par bya ba yin te/ dad pa tshad? ba la ni yongs su rdzogs par brjod par bya'o/ /zhes bya ba'i tshig gis te/ des kyang sems dul ba'i phyir ro/ /mkhas pa ni khyad par shes pa'o/ /ji skad du yon tan gyi mtsho chen po las bltas na sems yongs su gdung ba dad pa dang rab tu dad pa skyed par byed de de bzhin du chos thos na sems dul bas
- 13a
mkhas pa dang bar 'gyur zhing zang zing med pa thob par 'gyur ro/ /chos mnyan pa las sems dul bar byas pa'i phen? yin bstan pa'i phyir smras pa/ /nam mkha' lta bur chags med cing zhes bya ba la sogs pa'o/ /lhas byin gyis 'bad pa chen pos dge slong mdo pa dbang du byas shing tshe dang ldan pa shA ri'i bu ni ma yin te/ /de las brtsams nas tshigs su bcad pa 'di gsungs so/ /gzhan dag na 'od sdungs? chen po 'dod pa chung ba la sogs pa'i yon tan brjod pa ste/ nam mkha' dang sgo them dang mtshe'u la sogs pa'i dpe ste/ de la 'di gsungs so zhes zer ro/ /nam mkha' dang mnyam zhing mtshungs pa ste/ rjes su chags pa dang khong khro ba spangs pa'i phyir ro/ / tshogs me bcing zhes bya ba ni rjes su zhan pa med pa dang/ /shin tu ma gos pa ste/ 'jig rten gyi chos brgyad kyis zhes bya ba'i don to/ /dper na nam mkha' ni mi gtsang ba dang gtsang bas kyang mi gos pa de bzhin du nyon mongs pa dang bral ba rnams kyang phan 'dogs pa dang gnod pa byed pa gnyis ste'u dang tsandan gyis brtags pa lta bu'i phyir ro/ /gzhan dgra bo dag la yang bdag dul ba dag ni khon du 'dzin par mi byed de zhes bstan nas dus der 'gyur ba med par bstan pa sgo them lta bur g.yo ba med ces bya ba yin te/ grong gi sgo'i nang du gzhug pa'i 'khor gtan gang la brten pas ni sgo sran thub pa yin te/ de khye'u la sogs pa dag gis bod pa la sogs pas bsnun na yang g.yo ba med cing rang gi bya ba yang mi 'dor ro/ /de bzhin du bdag gzhan la brnyas pa thob kyang bdag dang gzhan gyi don gtong bar mi byed pa'o/ /sgo them lta bur zhes bya ba ni 'dra ba gang yin pa de dang de'o//
- 13b
g.yo ba med pa ni 'gyur ba med pa'o/ /mkhas pa 'khor ba la mi dga' zhes bya ba la 'dir dper bstan pa mtsho lta bur zhes bya ba ste/ mtsho'u lta bur ro/ /ji lta bu zhe na/ rnyog ba can zhes bya ba smos te/ 'dam dang chu bal la sogs pa'i dri la yang dag par skyes pa'o/ /yang na chu skams pa la ni ngang ba yang dga' ba ma yin la/ lus tsha bas gdungs pa dag kyang khrus bya ba'i phyir de la 'jug par mi byed pa de bzhin du 'khor ba la mkhas pa de yang dga' ba ma yin ste/ gnod pa du mas ma rungs par byas pa'i phyir ro blo dang ldan pa dag ni 'khor ba las dga' ba mi skyed do/ /chu'i tshoms? te bcu bdun pa'i rnam par 'grel pa rdzogs so/ /me tog la sogs pa'i bcud thams cad ni chu las skyes shing gnas pa de bzhan du rab tu byung ba la yang slob pa'i lam la sogs pa mdza' dag skye bar 'gyur ro zhes bya ba bstan pa'i phyir 'di'i 'og tu me tog gi tshoms bkod pa yin no/ /yang na 'khor ba la mkhas pa mi dga' ba yin no zhes bstan pa de la 'khor ba las mi dga' ba la ni nges par thar pa 'dod pa'i mthong ba'i lam la sogs pa'i thabs bstan pa'i phyir 'di nyid bstan pa yin te/ lhar bcas zhes bya ba la sogs pa smos so/ /'dod pa'i lha yi bu zhig gis bcom ldan 'das la tshigs su bcad pa dang pos zhus pa/ de la thub pa mchog gis tshigs bcad gnyis pa nas lan bka' stsal to/ gang zhig lags zhes bya ba ni gang zag gang ngo// 'di'i sa steng las zhes bya ba ni mi 'gro ba'i lngas so/ /rgyal ba ni zil gyis gnon pa dang/ /rnam par pham par bya ba dang/ dbang du bya ba ste/ 'di ltar 'dod pa'i lha ni nye dbang gi dbang du byas pa'o/ /lha dang lha ma yin
- 14a
'thab par gyur pa de na srid pa gsum las rgyal bar 'dod nas/ bcom ldan 'das kyi spyan sngar song ste/ ci 'di bsgrub par nus sam mi nus zhes pa'o/ /gzhan dag du ni tshor bar 'gyur zhes brjod de/ /shes par 'gyur zhes bya ba'i don to/ /gshin rje'i 'jig rten zhes bya ba ni ngan song gi gnas te/ gang gis phyir 'di nas dpag tshad lnga brgya 'das pa na gshin rje'i rgyal po'i pho brang yod de/ der dmyal ba'i srungs mas skye ba khyer bar byed do/ / las kyi nyes pa dang ji ltar ldan pa bzhin du sgrub par byed cing de yang yang sos la sogs par 'gyur te/ lha'i pho nya'i mdo 'dir dper brjod par bya'o/ /de bzhin du zhes bya ba ni rnam pa des gshin rje'i 'jig rten las rgyal ba zhes bya ba'i don to/ /lhar bcas zhes bya ba ni lha dang bcas pa'i gshin rje'i 'jig rten te/ lha'i 'jig rten zhes bya ba'i don to/ /de la 'dis ni rab tu grags pa'i 'jig rten gsum bstan te/ lha dang mi dang gshin rje'i 'jig rten gyi bdag nyid do/ / de srid pa gsum las rgyal te/ seng ge'i stan la 'dug nas chos kyi rgyal pos chos ston par gyis shig pa ste/ de bas ni chos las rgyal bar 'dod pa'i tshul bstan pa'i phyir/ chos bzhi gang zhes bya ba smos te/ gang gis chos kyi rnam par gnas par 'gyur pa de ni chos kyi bzhi ste/ chos bstan pa zhes bya ba'i don to/ /de nyid bstan pa ni bston mkhas zhes bya ba yin te/ legs par gsungs pa ste sdig pa mi bya ba dang/ sdig pa byed pa dang lhan cig mi gnas pa dang/ legs pa spyod pa la 'bad cing dbang po dul bar bya ba ste/ de bas na de lta bu'i tshig ces bya ba don to/ /de lta bus 'khor lo bskor ba'i chos te/ de lta bur gyur pa'i chos kyi gzhi gang
- 14b
zhig rab tu 'dod pa'i zhes bya bar sbyar bar bya'o/ /dpe ni gang ji lta bu zhe na/ me tog lta bur zhes bya ba ste/ dper na me tog phreng ba rgyud mkhan rang gis las la mkhas pas skyed mos tshal las me tog blangs te/ me tog gi phreng ba rnam pa sna tshogs su legs par bkod cing gzhan dag la sbyin par byed pa de bzhin du dam pa nges kyang gya nom pa'i bstan bcos las chos kyi gzhi blangs te/ rjes su mthun pa'i rim pas 'brel bar byas nas/ 'khor dag la ston par byed do/ /rab 'dod pa zhes bya ba ni rab tu 'ged par byed pa'o/ /'di'i lan gsungs pa/ slob pa zhes bya ba ni bslab pa gsum la slob pa'i phyir slob pa ste/ 'di ltar zhi bar 'dod pa de bas ni slob pa'o zhes mdo las gsungs so/ /lus dang ngag dul ba dang/ sems dul ba de'i thabs kyis ye shes dang ldan pa'i skyes bu dam pa dul ba'i khyad par gyi don te/ de yang thar pa thob pa'i phyir bdag gir byang pa dang/ rjes su mthun pa'i thabs so/ /de zhes bya ba ni de nyid do/ /nyon mongs pa spong ba'i lam bsgom pa med par ni srid pa gsum po mdza' dag zil gyis gnon pa'i nus pa ni su la yang skye bar mi 'gyur ro/ /gang gi phyir yon tan ni skyon 'jig pa yin te/ skyon rnam par spangs pas ni thams cad las rgyal ba nyid do/ /chos bzhi zhes bya ba ni yan lag bcu gnyis dang ldan pa'i rnam pa yin te/ legs par spyod pa thams cad kyi gzhi yin pa'i phyir ro/ /legs par ston mkhas zhes bya ba'i don dang tshig 'bru'i khyad par dang ldan pa'i phyir ro/ /gzhan dag ni 'phags pa'i bden pa bzhi la chos kyi gzhi zhes zer ro/ /gzhan dag ni byang chub kyi phyogs kyi chos sum cu rtsa
- 15a
bdun zhes zer ro/ /lhag ma ni gong ma bzhin no/ /khams gsum las 'dod chags dang bral ba'i gnyen po bstan pa'i phyir/ /nags tshal las ni zhes bya ba la sogs pa smos so/ /yang na me tog ni nags tshal las skyes pa yin te/ bstan ma thag pa'i tshigs bcad dang nags 'brel ba'i phyir ro/ /rgyal po'i khab na la da'i grong zhig na na la da dang u pa na la da zhes bya ba'i bram ze gnyis gnas so/ /de las bram ze u pa na la da la khye'u gzugs bzang ba zhig btsas so/ /de yang mtshan ltas mngon par shes pa zhig pas tshe thung bar mthong nas sems mi dga' bar gyur te/ bu'i don du ltas gsang gi mchod sbyin la sogs pas tshangs pa mnyes par byas so/ /des de la ci 'dod slongs shig ces byas pa dang/ nga'i bu tshe ring ba 'dod do zhes smras so/ /de smras pa/ 'di ni ngas nus pa ma yin te/ drang srong chen pos shes so zhes smras nas tshangs pa mi snang bar gyur to/ /de thos pas ri kha ba can na me tog can zhes bya ba'i dka' thub kyi gnas na rdzu 'phrul chen po dang ldan pa'i drang srong chen po yod pa de dag la nges bstan pa bzhin du mnyes pa'i mchog sbyin brtsams so/ /de dag kyang 'ongs so/ /de nas de dag la bu byin te/ /byer nas dka' thub kyi gnas su song ste/ des kyang mngon par shes pa thob par gyur cing khyad par du mchod pa'i gnas su gyur to/ /ji tsam na 'khor rnams la chos ston pa gshin rjes mthong ste/ zhag bdun nas 'chi bar 'gyur ro zhes nas bskul bar gyur to/ /des smras pa/ bdag ni dbang du gyur to zhes so/ /gshin rjes smras pa/ da dung khyod 'phags pa'i dbang nyid du gyur pa ni ma yin te/ sangs rgyas bcom ldan
- 15b
'das de la brten par gyis shig dang/ de ni da ltar yul ba ra NA se na bzhugs te/ 'phags pa'i dbang thob pa ni de la rag las pa yin no zhes byas so/ /de nas de nyi ma'i tsha ba bskyab pa'i phyir ke sar zhes bya ba'i shing chen po gnyis byung ste/ drang srong lnga brgya'i 'khor dang bcas pa nam mkha' la phur te/ song nas nam mkha' la gnas pa nyid kyis chos nyan par byed do/ /bcom ldan 'das kyis bka' stsal pa/ drang srong gzhon nu sngon nas kyi thong zhes bka' stsal pa dang/ shing gcig por ro/ /rgyab kyi mthong zhes bka' stsal pa dang/ shing gnyis pa bor ro/ /bar gyi thong zhes bka' stsal pa dang/ bdag nyid 'khor dang bcas pa sa la lhags par gyur to/ /mdun dang rgyab kyi thong zhes bya ba de dag las brtsams te/ tshigs su bcad pa gsungs pa nas/ ji srid du rab tu byung ste/ de dbang du mdzad nas 'di gsungs so/ /tshigs bcad 'di'i don ni rnam pa gnyis te/ re zhig sgra ji bzhin pa bshad do/ / nags tshal zhes bya ba ni shing dang ldum bu dang rtswa la sogs pa'i nags stug po'o/ /bcad kyi zhes bya ba ni phyung ba dang nyams par byas pa'o/ /shing ma yin zhes bya bas shing gcig pu 'greng ba ni ma yin no/ /ci'i phyir zhe na/ nags tshal las ni 'jigs skyes phyir zhes bya ba smos te/ nags tshal nyid las ni 'di ltar seng ge dang rkun ma la sogs pa'i 'jigs pa 'byung ba yin te/ shing gcig las ni ma yin no/ /nags bcad pa'i phan yon bstan pa'i phyir/ nags dang nags sbyor mchod cig dang zhes smos te/ nags dang nags kyi rtsa ba stug po 'jig par gyis shig pa'o/ /gang la brten nas nags skye bar 'gyur ba de bsrungs pas/ 'byung mi 'gyur zhes
- 16a
bya ba ni 'jigs pa med par 'gyur ba ste/ rgyu khyed kyis med par byas pas zhes bya ba'i don to/ /kye dge slong dag nga'i tshig gis rjes su 'brang bar gyis/ don dam par ni nags tshal zhes bya ba ni nyon mongs pa'i rgyun ma chad pa la bstan te/ nyon mongs pa'i sgrib pa yin pa'i phyir 'di ltar nags ni bsgrib pa'o/ /shing ni shin tu drag pa'i nyon mongs pa nyid do/ /ci'i phyir nags nyid bcad par bya ba yin zhe na/ nags tshal las ni zhes bya ba smos te/ de ni rtag tu 'jug pas gnod pa dang pha rol gnon pa'i dus med cing de ltar de la gnyen po bsgom pa'i skabs med de/ de las 'jigs par bya'o/ /gang nyon mongs pa drag po ni res 'ga' kun tu 'byung yang de'i gnyen po bsgom pa'i skabs yang dag par yod cing gnod par 'gyur ba'i skabs yod de/ des na 'di ni nyon mongs pa'i sgrib pa ma yin par bstan to/ /skyes pa ni 'byung ba'o/ /'jig pa ni skye ba la sogs pa'o/ /nags tshod cig dang zhes bya ba ni gnyen po'i stobs kyis de spang ba'i phyir ro/ /nags sbyor zhes bya ba ni sred pa 'am/ skal ba mnyam pa'i rgyu la 'jug pa bcad pa ste/ so sor brtags pa'i 'gog pa thob pas gsal ba'i phyir ro/ / mya ngan 'da' bar 'gyur zhes bya ba ni khyed cag 'jigs pa'i rgyu dang bral bar 'gyur ba ste/ nyon mongs pa dang las las skye ba med pa zhes bya ba'i don to/ /'di ltar dge slong dag ces bya ba ni khyim gyi gnas yongs su spangs pa'o/ /nyon mongs pa spangs pa'i phyir yang rab tu byung zhes bya bar 'dod do/ /nyon mongs pa mang po de dag la 'dis de kun tu spyod par ldog pas bstan to/ /de thos pas lam bsgom pa la mngon par brtson par gyur te//
- 16b
thams cad kyang dgra bcom par gyur to/ /nags sbyor ma bcad pa'i nyes dmigs bstan pa'i phyir/ gal te nags sbyor zhes bya ba la sogs pa smos so/ /yul a ga da na ut+ta? ra pa ra sha rya'i nyan thos u ta ra zhes bya ba der nor dang 'bru la sogs pa gang cung zad ci yod pa de thams cad bu la byin te/ bdag ni yongs su gzung ba med pas grol bar 'gyur ro zhes bsams so/ /ji tsam na bu shi zhing khyim mes tshig la nye ngu'i tshogs mang du rnam par nyams pa las de'i ched du lhag par mya ngan byed do/ /bcom ldan 'das kyis bka' stsal pa/ ut+ta ra pa ra sha rya'i nyan thos de dag ni dbang po bsgom pa yin no zhes ston te/ bcom ldan 'das kyis bstan pa ni 'di la mig gis gzugs la mi blta ba dang/ rna bas sgra mi nyan pa la sogs pa'o/ /de lta na de'i tshig gis ni long ba yang dbang po bsgoms par 'gyur la/ 'on pa yang zhes bya ba la sogs pa bcom ldan 'das kyis rgya cher gsungs so/ /btsun pa ji ltar dbang po bsgom par btags pa lags/ dge slong dag gang mig gis bdun pa'i 'dod chags spangs te/ de spangs pa nyid kyi ni khyed cag gi mig yongs su spangs pa ste/ des na 'di gsungs so/ /ji srid ces bya ba ni dus rnam par bcad pa'i don te/ dus ji srid du'o/ /nags sbyor zhes bya ba ni srid pa'i nags stug po'i rgyu srid pa'o/ /ma bcad na zhes bya ba ni ma spangs na'o/ /phra rab kyis kyang zhes bya ba ni chung ma'i rnam pa yang ste/ srid pa'i rtse mo yang rdo rje lta bu'i spang bar bya ba yin na/ gzhan lta ci smos/ mi rnams ni sems can no/ /skye ba ni srid pa dag tu'o/ /'dis ni srid pa'i yul nyid sred pa zhes ston pa yin no//
- 17a
yang nas dgu dag tu ste dus de tsam gyi bar du'o/ /yid ni rab tu 'ching zhes bya ba ni gzhan gyi dbang du byas pa'i sems dang ldan pa zhes bya ba'i don to/ /sngar spangs pa'i rnam pas lhag ma ni de'i yul gyis dri ma zhes bya ba'i tshig gis so/ /de'i zhes bya ba ni srid pa ma bcad pa'o/ /de nyid du skye ba dang skye ba dag tu'o/ /ji lta bu zhe na/ ma drung nu zho 'dod be'u ltar zhes bya ba yin te/ dper na nu zho 'dod pa'i be'u ni nu zho 'thungs pa'i be'u ste/ ma'i drung du yid 'chid ba de bzhin du'o/ /ji ltar sred pa spang bar bya zhe na/ lag pas ston ka'i zhes bya ba la sogs pa smos so/ /skyed mos tshal zhig tu bcom ldan 'das nyan thos kyi dge 'dun dang bcas pa gshegs te/ der yang skyes bu zhig mtsho chen po de la zhugs nas pad+ma rnams rtsa ba nas 'byin par byed do/ /ji tsam bcom ldan 'das bla gos bzhi bltab kyi gdan la bzhugs te/ gnas brtan shA ri'i bu dang/ lhan cig tu gnas pa'i sa can la bka' stsal pa/ sa can sred pa ni dra ba dang yul la chags pa yin no zhes bka' stsal te/ ji tsam na 'di gsungs so/ /bcad nas su zhes bya ba ni rang gi gnyen po ji lta bas phyung ba dang spangs pa ste/ zhi ba'i lam ni skyed par gyis zhes bya ba dang sbyar ro/ /'jig rten pa'i gnyen pos bkag nas lam gyis drungs 'byin par byed do/ /dga' ba ni sred pa ste/ bdag dang 'brel pa'i zhes bya ba ni tshig gi lhag ma'o/ /bdag la zhes bya ba ni gnas kyi rgyud la gnas pa'i sred pa spang bar ni gang gis kyang nus pa med pa'i phyir ro/ /thub pa'i dbang po ni bdag grol bar mdzad nas gzhan mdza' dag grol bar spyod pa'o/ /yang na bdag la zhes bya ba ni bdag gi sems la'o/ /ji ltar zhe na
- 17b
lag pas ston ka'i pad+ma ltar zhes bya ba ste/ dper na 'ga' zhig pad+ma'i nags las ston gyi dus su byung ba'i pad+ma 'byin par byed pa de bzhin du/ sems las 'dod chags dang sred pa spang bar bya'o/ /lam nyid gnyen po yin te/ de bas na de bsgom pa la gzung ba'i phyir/ zhi ba'i lam ni skyed par gyis zhes bya ba smos te/ mthong ba dang sgom pa'i lam gnyis kyis ni khams gsum gyi nyon mongs pa mdza' dag spong ba'i phyir slob pa'i lam bsgom par gyis shig ces bya ba'i don to/ /bskyed par gyis zhes bya ba ni chung ngu dang bar ma dang chen po'i rims pas 'phel bar gyis shig pa'o/ /ci'i phyir lam bskyed par bya zhe na/ smras pa/ mya ngan las 'das pa'i phyir zhes bya ba ste/ sdug bsngal las ldog pa'i phyir dang/ thar pa thob par bya ba'i phyir ro/ /gang gis bstan pa'i lam gyis mya ngan las 'das pa'i phyir bskyed par bya zhe na/ rgyal pos gsungs pa zhes bya ba smos te/ sangs rgyas kyis gsungs pa'o/ /des bstan pa ni 'khrul pa med pa'i phyir gcig tu bsgom par bya'o zhes bstan to/ /gang bcom ldan 'das kyis bstan pa'i lam de la ni bdag kyang gnas pa yin la phyin ci ma log par bstan pa'i dngos po ni sgrub pa dang 'bras bu yin pa'i phyir/ gzhan du na 'jug pa ma yin no zhes bstan pa'i phyir smras pa/ ji ltar me tog yid 'ong ba zhes bya ba la sogs pa'o/ /yang bcom ldan 'das dgon pa rgyu zhing gshegs pa dang/ /shing ko sha ta ki dang/ dong ka'i shing gi me tog la sogs pa mang po/ shin tu bzang po yod la/ dri shin tu mi zhim pa dang dri nga ba gzigs so/ /gzhan dag ni mdog dang dri dang ldan pa ste/ khri shing gi me tog la sogs pa gzigs nas/ de'i phyir tshigs su bcad pa gnyis po 'di gsungs so/
- 18a
ji ltar zhes bya ba ni ji lta bu'o/ /me tog yid du 'ong ba ni yid 'phrog cing mdzes la sim par byed pa'i me tog go /gang gis sim par byed pa bstan pa'i phyir/ kha dog bzang po zhes bya ba la smos te/ gang gis phyir mdog phun sum tshogs par bstan pa'o/ /de la blang bar mi bya ba'i rgyu bstan pa'i phyir smras pa/ dri med ces bya ba yin te dri bzang po med pa ste/ dri smad pa dang dri nga ba dgang la yod pa'i dri nga ba zhes bya ba'i don to/ /de bzhin legs par gsungs pa'i tshig ces bya ba ni de bzhin du dngos po gsal bar byed pa'i tshigs 'bras bu med par ma byed cig pa ste/ de ltar phan yon med pa'i phyir de dang mthun par spyad par mi bya'o/ /legs par bshad pa la ni gang zag gi sgrub pa snying por bya ba yin no/ /ji ltar me tog yid 'ong ba zhes bya ba kha dog gis ni thag ring po nas yid 'phrog par byed do/ /dri zhim po nyid kyis ni nye ba nas yid 'phrog par byed do/ /de bzhin legs par gsungs pa'i tshig thos nas zhes bya ba ste lhag ma dag ni shes par sla'o/ /gang 'tshe ba med pa de kho na ni legs par gsungs pa'i don sgrub pa yin no zhes bstan pa'i phyir/ ji ltar bur ba me tog gi zhes bya ba la sogs pa smos so/ /yang dag par rdzogs pa'i sangs rgyas log? par dang sel gyis nyan thos rnyed pa dang bkur sti 'dod pa dag yod do/ /de'i phyir dang por so so thar pa'i bstan par gyur to/ /gzhan dag ni rgyal byed kyi tshul na ser sna can shin tu bskam pa kau shi ka zhes bya ba'i tshong dpon grong dang grong dag las kyang nor dag len par byed de/ de las brtsams so zhes zer ro/ /ji ltar bung? ba zhes bya ba ni/ dper na sbrang rtsi byed kyis me tog pad+ma la sogs pa'i bcud blangs pa ste/ khu ba bzhigs nas 'phur pa ltar zhes pa dang
- 18b
sbyar ro/ /ci de la gnod par byed pa yin nam zhe na/ kha dog dril mi gnod par zhes bya ba smos te/ kha dog dang dri ni kha dog dri ste de gnyis nyams par ma byas pa'o/ /'phur ba zhes bya ba ni nam mkha' la 'gro ba'o/ /khu ba bzhibs? nas zhes bya ba ni ma ka raN+Ta zhes bya ba me tog gi rdul blangs pa'o/ /dpes sgrub par bya ba'i don bstan pa'i phyir/ de bzhin zhes bya ba ste de ltar ro/ /thub pa grong du rgyu zhes bya ba ni grong du rab tu byung ba bsod snyoms kyi phyir 'gro ba'o/ /dper na bung bas me tog gi bcud blangs nas 'phur gyi/ kha dog dang dri ni 'jigs par mi byed pa de bzhin du khyim dag tu dad pa la sogs pa skyes par byas nas bsod snyoms blang bar bya'i/ 'di la gnod pas rnam par 'jigs pa dang/ dad pa nyams pa ni ji ltar yang mi bya'o/ /gzhi gzhan la brten nas brjod par bya ste thub pa ni gzhan la 'tsho ba spang bar byas nas grong la sogs pa dag tu spyod pa yin gyi drag pas ni ma yin no zhes so/ / gzhan dag gi skyon gyis nye bar spyod pa la nyes pa ma yin no zhes sems pa de'i dbang du mdzad nas gzhan gyis skyon la zhes bya ba la sogs pa smos so/ /sangs rgyas bcom ldan 'das gser thub kyi nyan thos dag skyes bu dam pa ma yin pa'i chos kyi rjes su 'brang bar gyur te/ gang gi phyir de dag ni bdag la bstod par byed cing gzhan la brnyas par byed de/ gzhan gyi chos nges par byas nas sun 'byin par byed pas des na de'i gnyen po'i don du dang por so sor thar pa 'di bstan to/ /gzhan dag ni rgyal po ma skyes dgra ma rungs pa'i skye bo dag chad pa gcod pa mchog tu byed pa las brtsams so zhes zer ro/ /gzhan dag gi skyon la mi rtag cing zhes bya ba ni gzhan dag gi spyod pa nyams
- 19a
pa dang/ ngan par spyod pa dag la ni nges par mi brtag ste/ de gzhan gyi nyes pa la lta ba ni dam pa ma yin pa'i skyes bu'i chos so/ /gzhan gyi byas dang ma byas min zhes bya ba ni gzhan gyis byas pa 'di dag ni legs par ma byas so zhe'am/ yang na rigs pa dang mi rigs pa'o/ /de 'tshol na ni khyad du gsod pa la sogs byed pa'i chos dang ldan par 'gyur ba 'am/ grags pa ma yin pa la sogs pas yongs su spong ba'i phyir ro/ / bdag nyid la ni brtag par bya zhes bya ba ni rang bdag nyid la ni brtag pa dang/ nges par brtag pa dang btsal bar bya'o/ /ci zhig ce na/ rigs pa dang mi rigs pa ste/ legs par spyod pa dang/ nyes par spyod pa'o/ /sngar bstan pa'i tshig rkang gnyis kyi rnam par dbye ba ni 'di yin te/ thog mar bdag nyid dul bar byas te/ gang gi phyir bdag nyid dul bar byas na ni dka' ba med par gzhan dul ba ni gnas yin no/ /bdag nyid ma dul bar gzhan dul ba ni go skabs med do zhes gsungs so/ /gang dag 'di ltar kha na ma tho ba med par bstan pa de dag gang du skye bar 'gyur zhe na/ mtho ba'i dpe sngon du 'gro bas bstan pa'i phyir ji ltar phyag dar phrang po las zhes bya ba la sogs pa smos so/ /rgyal byed kyi tshal du smad pa zhes bya ba'i khyim bdag gis 'di lta bu'i dngos po dris pa las brtsams pa ste/ 'di lta ste/ khyim bdag mi gtsang ba'i 'dam las gtsang zhing yid du 'ong ba'i pad+ma skye bar 'gyur ro/ /de bzhin du so so'i skye bo dag las kyang de bzhin gshegs pa dang/ /de bzhin gshegs pa'i nyan thos zhes bya ba nas brtsams te/ ji srid du tshigs su bcad pa gnyis gsungs so/ /
- 19b
ji ltar zhes bya ba ni ji lta bur ro/ /phyag dar phung po dag ces bya ba ni rab tu grags pa'i rdul gyis tshogs so/ /'di las zhes bya ba ni 'jig rten 'di las so/ /mi gtsang ba mi gtsang ba med pa yin te/ dri nga ba'i rang bzhin gyi rdzas? des smad par bya ba'i phyir ro/ /chu ni med ces bya ba ni gang 'di la chu med pa ste/ chu spangs zhes bya ba'i don to/ /der snod bkrus pa la sogs pa'i chus blugs na ni pad+ma bye ba skye bar 'gyur zhes bya ba ste/ mi gtsang ba'i phung po gang chu med pa de las pad+ma skye bar 'gyur ro/ /ji lta bur zhe na/ gtsang zhing dri zhim yid 'ong zhes bya ba smos te/ gtsang zhing mngon par 'dod pa'i dri 'di la yod pa ni gtsang zhing dri zhim mo/ /yid du 'ong ba'i dri yod pa'i phyir yid sim par byed pa yin te/ de'i phyir dri zhim pa dang/ gtsang ba dang dbyibs phun sum tshogs pas yid du 'ong zhing mdzes pa zhes bya ba'i don to/ /de ltar na ni de bzhin no/ /dpes bsgrub par bya ba'i don bshad pa ni phyag dar phung po zhes bya ba ste rdul gyi tshogs dang 'dra ba'o/ /'di la zhes bya ba ni 'dod pa'i khams su gtogs pa'i so so'i skye bo ste/ nang dang phyi rol dang bcas pa'i rdzas de las mngon par grub pa'i phyir ro/ /ji lta bur zhe na/ ldongs gyur zhes bya ba smos te/ sems med pa dang 'dra ba'i phyir te/ zag pa med pa'i ye shes kyi mig med pas ldongs pa dang 'dra ste/ de lta bu'i so so'i skye bo'i nang nas zhes bya ba'i don to/ /shes rab gyis ni gsal ba 'byung zhes bya ba ni de lta mod kyis dngos po'i don thams cad kyi yul la shes pa ste/ zag pa med cing shes rab kyis lha dang bcas pa'i 'jig rten las 'das shing zil gyis gnon te/ rab tu gsal bar 'byung ba'o/ /rdzogs sangs rgyas kyi nyan thos zhes bya
- 20a
ba ni yang dag par rdzogs pa'i sangs rgyas dang de'i bka' i rjes su 'brang pa'i 'dod chags dang bral ba gzhan dag ste/ go rims bzhin du thams cad mkhyen pa dang/ srid pa'i rtse mo las 'dod chags dang bral ba'i phyir ro/ /ji ltar phyag dar gyi phung po de lta bu'i ni 'dod pa na spyod pa'i so so'i skye bo'o/ /ji ltar chu med pa de lta bur ni sred pa'o/ /ji ltar pad+ma de lta bur ni sangs rgyas la sogs pa'i bdag nyid do/ /gtsang ba dang dri zhim pas che bar grags pa nyid do/ /srid pa gsum la grags pas khyab pa yin no/ /yid du 'ong bas ni mtshan dang dpe byad phun sum tshogs pa'o/ /shes rab kyis ni zhes bya ba la/ bsod nams dang ye shes kyi tshogs 'bras bu dang bcas pa'i khyad par thams cad sgrub pa ni shes rab la rag lus pa'i phyir ro/ /'di ltar yang shes rab kyis legs par spyod pa la goms pa'i mthus ni byang chub la sogs pa 'byung ba yin te/ des na de nyid la gzung pa'i phyir/ ji ltar me tog phung po las zhes bya ba la sogs pa smos so/ /rgyal po gsal rgyal skyed mos tshal gyi sar byung ste/ rtse ba dang bde ba nyams su myong ba byas nas 'di ni bsod nams kyi 'bras bu yin te/ gang dag gis bcom ldan 'das nyan thos kyi dge bdun dang bcas pa 'di nyid du spyan drangs la btsun mo'i 'khor dang bcas pa 'di las bshos gsol bar bya'o zhes rgya cher te/ kye skyes bu khyod song la bcom ldan 'das skyed mos tshal 'di nyid du gshos la spyan drongs shig ces bsgo'o/ /ji tsam na nyi ma gnyis pa la bkur sti chen pos bcom
- 20b
ldan 'das la mchod de/ me tog gi phung po chen po byas nas gang gi phyir btsun mo'i 'khor gyis me tog gi phreng ba rnam pa sna tshogs bcom ldan 'das kyi ched du sbyar cing bkod pa na/ de las brtsams te 'di gsungs so// gzhan dag ni ri dags 'dzin gyi ma'i khang pa na dge bsnyen mas ga las brtsams so zhes zer ro/ /ji ltar zhes bya ba ni ji lta bu ro/ /me tog phung po las zhes bya ba ni me tog dri zhim po mang po'o/ /me tog phreng rgyud mang byed ltar zhes bya ba ni me tog gi phreng ba sprel cing brgyus pa ste/ rna rgyan la sogs pa'i rnam pa'o/ /de bzhin ni de ltar ro/ /mir ni skyes pa yin zhes bya ba ni sangs rgyas 'byung ba'i da ltar gyi skye ba la'o/ /skye bo rnams ni 'chi ba'i chos can yin pas mi'o/ /bya ba ni bya ba'o/ /dge ba ni shes pa dang de'i 'bras bu ste/ gzhan dag gi legs par spyod pa'o/ /phal cher zhes bya ba ni rnam pa du ma ste/ mngon par 'dod pa'i 'bras bu thams cad 'byung ba ni de dang 'brel ba'i phyir ro/ /blo dang ldan pa'i tshul la goms pa'i phan yon ni phra brgyas spangs pa yin pa 'am/ nyon mongs pa spangs pa nyid kyi ni kha na ma tho ba med pa'i legs par spyod pa thams cad 'byung ba yin no/ /zhes bstan pa'i phyir/ ji ltar dbyar ka zhes bya ba la sogs pa smos so/ /dbyar gyi dus su shing ba ku la me tog rgyas par gzigs nas dag? nang pa zhes bya ba'i dge slong 'khor dang bcas pa las brtsams nas 'di gsungs so/ /ji ltar dbyar ga me tog ces bya ba ni ji ltar dbyar gyi dus su nye bar gnas pa na ba ku la zhes bya ba'i shing gi me tog gi rigs rnam par 'brul pa dang gtong ba yin te/ 'di ltar de ni dbyar gyi dus su me tog 'byung ste/ /
- 21a
shin tu 'jam pa yin pa'i phyir rlung dang char la sogs pas reg par gyur na/ de'i me tog phal cher sa la ltung bar 'gyur ro/ /'dod chags zhe sdang de bzhin gti mug ces bya ba ni ji ltar 'dod chags dang zhe sdang spang bar bya ste/ de bzhin du gcig tu gti mug gi zhes bstan pa'i phyir de bzhin nyid kyi sgra brjod do/ /de bzhin du 'dod chags la sogs pa'i 'chid ba rnam gsum yang rnam par brul ba ltar yongs su dor bar gyis shig pa ste/ dgag pa dang rtsa ba nas dbyung ba gnyis kyis rgyud las bsal ba'o/ /bya ba 'di ni khyim yongs su spangs pa yin no zhes bstan pa'i phyir/ dge slong zhes bya ba bod pa ste/ dus de'i gdul bya rna gtong pa la gzung pa'o// des ni de dag spong bar nus pa'i phyir ro/ /nyon mongs pa spong bar byed pa de nyid ming ji skad du bya zhe na/ dge slong zhes bya ba yin te/ nyon mongs pa bcom pa dang brgal ba zhes bya ba'i don to/ /'dod chags la sogs pa spong ba ni yul la sogs pa la g.yeng ba med cing bgegs med la/ legs par spyod pa 'phel ba yin gyi/ gzhan du ma yin no zhes bstan pa'i phyir smras pa/ mi yi yid la rnam chags pa zhes bya ba la sogs pa'o/ /ma he dran zhes bya ba'i rgyal po yul la mngon par chags pa dpyid kyi dus su gang+gA'i 'gram gyi skyed mos tshal du rtse ba'i phyir btsun mo'i 'khor dang bcas te byung ngo/ /nyi ma cung zad cig gi bar du 'dug ste/ mtshan mo bag phab ste rab tu nyal ba las/ btsun mo'i 'khor dang bcas pa gang+gA'i 'bab chus khyer ro/ /de bas na gnas skabs 'di la tshigs su bcad pa 'di gsungs so/ /me tog bzhin du zhes bya ba ni med na me tog phreng rgyud
- 21b
mkhan mkhas pas me tog gi kun dga' ra bar zhugs te me tog rab tu bsags pa 'am/ yang na me tog gi shing thams cad las de yid kyis bskul nas de dag bltas te sogs par byed do/ /de bsags shing nye bar bsags? pa ji lta ba bzhin du yid la rnam chags dag ces bya ba ste/ gzugs la sogs pa'i yul rnam pa sna tshogs la sems kun tu chags pa'o/ /mi zhes bya ba ni 'dod chags can gyi sems can te/ 'chi ba dag gis ni blangs nas 'gro zhes bya ba dang sbyar ro/ /'dir dpe bstan pa'i phyir nyal grong chu bos bdas? pa bzhin zhes bya ba smos te/ dper na chu mang po'i chu'i tshogs kyis bag phab ste nyal ba'i grong can dang grong bdas nas khyer ba bzhin du bag med pa bya ba ma byas pa nyid du g.yengs nas 'chi bdag gis blangs de de'i 'tsho ba phrogs nas 'gro ba'i tha mar phyin par byed de/ 'chi bdag ni gnas skabs thams cad du khyad par med par 'jug pa yin no zhes pa'i tshig gis so/ yid la bsam pa rdzogs pa thob par gyur nas mi rnams 'chi bdag gis khyer ram/ gzhan du 'on te ma yin zhes rtog pa la/ mi'i yid ni rnam chags pa zhes bya ba la sogs pa smos so/ /gzhan dag ni shin tu bsngags pa'i na chod dang po la bud med gcig shi ste/ de'i dbang du byas pa yin no zhes zer ro/ /ma ngoms shing zhes bya ba ni 'dod pa yongs su ma rdzogs pa nyid du'o/ /ngoms pa'i sgra ni drug? pa 'brel ba yin no zhes bya ba bstan pa'i phyir 'dod pa rnams kyis zhes bya ba smos te/ gzugs la sogs pa'i yul rnams kyi 'dod pas skoms par zhi bar gyur pa'i sems can no/ /'chi bdag ni mthar byed pa'o/ /dbang du byed pa ces bya ba ni dag lus par byed pa ste/
- 22a
rang gi drung du khyer bar byed ces bya ba'i don to/ /thob pa'i nyes par longs spyod pa cung zad tsam gyis kyang ma mongs shing 'chi ba yin na/ 'dod pa'i longs spyod la re ba lta smos kyang ci dgos te/ de'i don du brtson par byed pa des kyang mi 'gyur ro zhes bstan par bya ba'i phyir ro/ /longs spyod skye bar mi 'gyur zhing zhes bya ba smos te/ yul dag la re ba ni 'dod pa'i yo byad ma skyes pa dang/ ma byung ba dag la lhag par zhen par ston to/ / bya ba mthar ni ma phyin pa zhes bya ba ni yid la re ba'i 'bras bu mdza' dag ma rdzogs par ro/ /gang gis phyir 'chi bdag ni ldog pa med par 'jug pa yin te/ des na de las 'di ltar 'da' bar bya ba la 'bad par bya'o zhes bstan pa'i phyir/ lus 'di bum pa 'dra bar rtogs byas shing zhes bya ba la sogs pa smos so/ /lus 'di bum pa lta bur khong stong pa dang/ smig rgyu dang 'dra bar snying po med pa dang/ dbu ba'i gong bu dang 'dra bar yun ring por mi gnas pa yin no zhes bstan nas tshigs su bcad pa bzhi gsungs so/ /bum pa ni sa'i snod kyi rnam pa'o/ /'dra ba ni lus dang 'dra ba'o/ /lus kyang de dang 'dra bar rtogs byas shing zhes bya ba ni 'jig rten pa'i shes pas shes pa ste/ 'jig rten las 'das pa la ni 'di lta bu med pa'i phyir ro/ /dper na chu la sogs pa'i rdzas kyi snod ni bum pa yin pa bzhin du mi gtsang ba'i rdzas sum cu rtsa drug gi snod kyang lus yin no zhes ston te/ /de bzhin chos rnams smig rgyu 'drar shes nas zhes bya ba la/ smig rgyu ni ri dwags skom pa la sogs pa'o/ /chos kyi rang bzhin ni lus 'di ste/ yun shin tu thung bar gnas pa'i phyir re zhig pa dang/ slu ba yin pa'i phyir ro/ /yang na bum pa
- 22b
lta bu'i dpes ni mthar 'jig par bstan pa ste/ 'dis ni myur du 'jig pa'o/ /mi rtag pa yang rnam pa gnyis te/ rgyun gyis mi rtag pa dang/ skad cig gis mi rtag pa ste/ 'dod pa na spyod pa'i lus nye bar bstan pa'i phyir ro/ /gnyis su shes nas zhes bya ba ni rtogs pa'o/ /lam gyis tshogs kyi dbang las skyes pa'i lam gyi mtshon gyis bcad pa ni spangs pa'o/ /'di na zhes bya ba ni 'gro ba 'dir ro/ /ci zhig gcod pa yin zhe na/ bdud kyis me tog mchog ces bya ba smos te/ nyon mongs pa'i bdud kyi yo byad du gyur pa ni me tog sar ba lta bu ste/ byis pa'i gzugs la sogs pa ste/ de la dmigs nas nyon mongs pa spong ba'i phyir ro/ /yang na mthong bas spang bar bya ba'i kun tu sbyor ba ni dang po spang bar bya ba yin pa'i phyir me tog mchog go /de spangs pas ni nges par ring bor mi thogs par mya ngan las 'das pa 'thob par 'gyur te/ de nyid bstan pa'i phyir/ 'chi bdag rgyal pos bltar yang med par 'gro zhes bya ba ste/ 'chi bdag gis ming can de'i dbang du phyug gis bltar mi snang ba ste/ phung po lhag ma med pa'i mya ngan las 'das pa nyid du 'gro ba'o/ /dbu ba 'dra ba zhes bya ba ni blo sngon du byas pa'i las kyis byas pa ni lus 'di yin te/ bum pa'i dpes bsgrubs nas 'dir yang rkyen las skyes pa nyid do zhes bstan no/ /rlung dang 'dres pa'i rlung gi yan lag can ni dbu ba ste/ ji ltar dbu ba de ltar lus kyang rlung gis gnas pa yin no te/ /de med na lus kyang 'jig par 'gyur ro/ /dbu ba'i gong bu dang 'dra bar snying po med pa'i phyir brtag mi bzod pa nyid do/ /lus 'ba' zhig de lta bu yin par ma zad do/ phung po lnga yang bstan pa'i phyir/ dbu ba 'dra ba 'jig rten zhes bya ba ste/ nye bar len pa'i phung po lnga ni 'jig rten te/ sdug
- 23a
bsngal kun 'byung 'jig rten dang/ lta gnas srid pa 'ang de dag yin zhes 'byung ba'i phyir ro/ /de ltar dbu ba dang 'dra ba'i phyir lus dang 'jig rten gnyis gzung bas 'jug pa gnyis bstan pa yin te/ de'i phyir phung po'i phyogs gcig yongs su brtag pa'i tshul gyis ni 'phags pa'i lam la mi gtsang ba la sogs pas 'jug pa yin no/ /'jig rten ni phung po thams cad yongs su brtags pas 'jug pa yin no/ /gang gi phyir lus dang 'jig rten gnyis ka snying po med pas des na de nyid bstan pa'i phyir smras pa/ srid pa u dum bA ra zhes bya ba la sogs pa'o/ /bcom ldan 'das mtsho chen po ma dros pa na pad+ma'i gdan pa bzhugs te/ de dang nye ba na u dum bA ra'i nags la gzigs nas dge slong rnams la bka' stsal pa/ 'di lta ste u dum bA ra'i me tog ni brnyed par dka' ste/ de bzhin du 'khor ba dag la snying po med par mthong ba de ni skye ba dang rga ba las grol bar 'gyur ro zhes bya ba la sogs pa ste/ tshigs su bcad pa 'di gsungs so/ /gang snying po med par zhes bya ba la gang zag mkhas pa ste/ des kyang rtogs pa ma yin te/ gang du zhe na srid pa la snying po'o/ /'gro ba rnams ni 'jig /yin te/ mngon par 'dod cing nye bar len pa'i dngos po btsal bar gyur cing mi dmigs pa'i phyir ro/ /ji ltar long bas ci yang mi mthong ba lta bu yin nam zhe na smras pa/ u dum bA ra'i me tog ltar sems pa zhes bya ba ste/ dper na u dum bA ra'i me tog ni sangs rgyas dang/ 'khor los sgyur ba byung ba ma gtogs par nyon mongs pa chen pos btsal bar gyur kyang me tog de mi rnyed pa de bzhin du rnam par bsams shing btsal bar gyur kyang rtogs
- 23b
par mi 'gyur ro zhes sbyar bar bya'o/ /dge slong de ni spong ste zhes bya ba ni g.yeng ba la sogs pa spangs pa'i rab tu byung ba de nyid kyis 'khor ba mdza' dag la snying po med par mthong bar byas nas lam gyi tshogs la 'jug pas yongs su spong ngo// gang yin zhe na/ pha rol min pa'i pha rol po zhes bya ba tshu rol gyi 'gram ste/ nye bar len pa'i phung po lnga zhes bya ba'i don to/ /lam zhes bya bas bskang bar bya ste/ gang gi phyir lam med par ni srid pa spong ba'i thabs med do/ /'dir dper bstan pa'i phyir/ sprul rgas lpags snying rje ba bzhin zhes bya bas bstan te/ dper na sprul ni dpyid kyi dus su pags pa rnyis par gyur cing bu ga du ma skye ba dang yun ring por nye bar longs spyod pas snying po med pa'i phyir pags pa yongs su 'dor bar byed pa de bzhin du rnal 'byor pa rnam par 'gyur ba la sogs pa'i gnod pas gces pa'i phyir dang/ pha rol ma yin pa'i pha rol po thog ma med pas snying zhing rgas pa'i phyir 'dor pa yin no/ /'khor ba snying po med par yongs su brtag pa sngon du btang nas 'jig rten thams cad la mngon par mi dga' ba'i 'du shes skyes na des ni nyon mongs pa thams cad spong bar 'gyur ro zhes bstan pa'i phyir smras pa/ chu skyes rtsa ba'i zhes bya ba la sogs pa smos so/ /gnang ka zhes bya ba'i kun dga' ra ba pa 'dam du zhugs nas myur du pad+ma dag 'byin par byed pa gzigs nas bcom ldan 'das kyis dus de'i gdul bya rnams kyi dbang du mdzad de tshigs su bcad pa drug gsungs so/ /gang zhes bya ba ni dge slong gi bye brag go /'dod chags ma lus gcod byed ces bya ba ni sred pa yang dag par 'byin par byed pa yin te/ khams gsum gyi rnam pa bco lnga'o/ /ji ltar zhe na rtsa ba'i me
- 24a
tog lta'i zhes bya ba pad+ma'i rtsa ba las byung ba ni pad+ma ste/ dper na me tog phreng rgyud mkhan gyis byung ba'o/ /thang la yang 'di ltar 'byung ngam zhe na/ chu skyes zhes bya ba smos te/ chu las skyes pa yin pas chu skyes te/ de ni thang las skyes pa las khyad par du byed do/ /chu gnas zhes bya ba ni pad+ma'i mtsho la 'jug pa ste/ gnas skabs kyis grub pa yin no/ /dper na gang zhig pad+ma'i nags su zhugs te yid du 'ong zhing mngon par 'dod pa'i pad+ma 'don par byed pa de bzhin du/ 'phags pa'i lam gyis rang gi rgyud la zhugs te rmongs pa dang nye ba'i nyon mongs pa la mngon par 'dod pa bzhin du byed cing 'dod chags la sogs pa dang/ de'i thob pa bcad pa dang/ rtsa nas 'don pa yin te/ de nyid kyis 'khor ba drungs 'byin cing srid pa thams cad spong ba yin gyi/ gzhan gyis ni ma yin no zhe sdang ni gzhan la gnod sems kyi rgyu dang khong khro ba ste/ stag ces bya ba'i sgras bstan pa'i phyir ro/ /rnam pa lnga po mdza' dag ni sdug bsngal la sogs pa mthong ba dang bsgom pas spang bar byas pa yin pa'i phyir dang/ 'dod pa na spyod pa yin pa'i phyir ro/ /lhag ma ni rtogs par sla'o/ /me tog gi tshoms te bco brgyad pa'i rnam par 'grel pa rdzogs so// // pad+ma'i nags nas pad+ma bzhin du yang gang dag gis 'dod chags la sogs pa ma lus pa de dag spong bar nus she na/ smras pa/ dper na gang zhig gis pad+ma'i nags su zhugs te/ yid du 'ong zhing mngon par 'dod pa'i pad+ma 'byin par byed pa de bzhin du 'phags pa'i lam gyis rgyud la zhugs te rmongs pa dang/ nye ba'i nyon mongs pa la mngon par 'dod pa bzhin du byed cing 'dod chags la sogs pa de'i thob pa bcad de rtsa nas 'byin par byed pa ni de nyid kyis 'khor ba'i
- 24b
rtsa ba mdza' dag? drungs? nas 'byin par byed kyis/ gzhan gyis ni ma yin no/ /gang dag 'khor bas skyo ba dang/ gang yang dad pa la sogs pa'i yon tan gyis yid dag par byas pa ni rta bzang po bzhin du bzang? ba'i rang bzhin can du ? ba'i? bdag nyid du 'di nyid kyis bstan pa'i phyir de'i 'og tu rta'i tshoms las brtsams nas rta bzang zhes bya ba la sogs pa smos so/ /yang na sems kyi yo byad ni rnam pa gnyis te sems can ma yin pa dang sems can no/ /de la sems can ma yin pa ni me tog la sogs pa'o/ /cig shos ni rta la sogs pa'o/ /me tog lta bur rjes su chags pa med pa'i sde tshoms bstan nas/ de'i 'og tu rta dang 'dra bar chags pa med pa'i sde tshoms dgod pa yin pa'i phyir/ rte bzang po zhes bya ba la sogs pa smos so/ /yul shos na zhes bya ba'i pha rol gyis 'gram na dge slong dag rtsed pa byung nas de nyid na gnas so/ /der yang gang po la sogs pa'i bdag nyid chen po dag ni bdag nyid rtsod par mi byed la/ gzhan dag kyang de las zlog par byed do/ / skabs de dge slong rnams kyis bcom ldan 'das la gsol to/ /de'i tshe rgyal po gsal rgyal gyi rta 'dul bar byed pa rta'i mchog la zhon te/ phyogs der 'ongs pa dang/ bcom ldan 'das kyis dpes tshigs su bcad pa gnyis bka' stsal to bzang ba ni bya ba shes la rigs kyis legs par dul ba yin gyis/ rta phyir lang? can ngan pa ni dul bar 'gyur ba 'am/ bzang po'i ming thos par mi 'gyur ro/ /zhag gcig gis dul ba'i gnas su 'gyur ba yin no zhes rta rin po che las bshad de/ mgyogs par 'gro ba'i phyir rta'o/ /lcag gis? gzhus pa na zhes bya ba ni gzugs pa'i shing la sogs pas bsnan pa'o/ /shugs drag ces bya ba ni brtun pa yang dag par skyes pa dang spro ba yang dag par skye ba
- 25a
ste/ me tog kha 'bus shing 'phros pa'i shing bzhin no/ /bzang ba'i phyir lcag la sogs pas sdig pa tsam gyis cir 'gyur zhe na/ skrag cing zhes bya ba ste skyo ba yang dag par skye zhing bsngags te/ yang bag med pas lhag gis gzhus pa thob par mi bya'o zhes rna ba gnyis bdegs par byed do/ /dpe bstan nas des bsgrub par bya ba bstan pa'i phyir dad dang zhes bya ba smos te/ dad pa'i dbang po dang ldan pa'o/ /ji bzhin du zhes bya ba de bzhin du 'dis brtson 'grus dang ldan par ston te/ de'i phyir dad pa dam pa rnams kyi bstan dag gi lcag gis bskul te sdig pa las 'jigs pas dge ba'i bya ba dag la myur du 'jug par 'gyur ro/ /tshul khrims ting nge 'dzin ldan pa dang zhes bya ba ni dam pa rnams kyi spyod pa dang zhi gnas gnyis dang ldan pa'o/ /chos rnams rnam par gtan la 'bebs ldan zhing zhes bya ba ni rigs pas shes par bya ba'i de bzhin nyid rtogs pas so/ /de zhes bya ba ni de lta bu'i sems can no/ /bzod pa dang 'grogs na bde ba gnyis kyis mnyam par gzhag cing ldan pa dang/ dbang po dul ba gang yin pa'i gzod pa dang 'grogs na bde ba ni de nyid do/ /bzod pa ni gzhan gyis gnod pa byas pa la gzod pa la sogs pa'o/ /'grogs na bde ba ni nges pa ste/ gzhan dang mi thun pa chen por yod kyang bdag dang gzhan la gnod pa mi byed pa zhes bya ba'i don to/ /yang na gzhan la gnod pa byed pa las ldog pa dang/ gzhan mngon par dga' ba bskyed pa'o/ /srid pa ma lus spong zhes bya ba ni khams gsum po spong zhing yongs su 'dor ba ste/ de'i rtsa ba nyon mongs pa drungs nas 'byin pa'i tshul gyis so/ /'di na zhes bya ba ni mthong ba'i chos 'di nyid dam yang na sangs rgyas kyi bstan pa
- 25b
'di la'o/ /skyob pa ni chos kyi dbang phyug bcom ldan 'das nyag gcig ni chos rnams la skyob pa yin no zhes bye brag tu smra ba'i tshig gis so/ /yang na phyin ci ma log par ston cing gzhan la phan 'dogs pa yin pas skyob ba ste/ phung po lhag ma dang bcas par bzhugs shing gzhan gyis don mdzad pa zhes bya ba'i don to/ /srid pa ma lus spong zhes bya bas ni phung po lhag ma ming pa'i mya ngan las 'das par zhugs pa ste/ sdug bsngal gyi lhag? ma spong bar 'dod pa rnams kyi thabs su bstan no/ /rig pa dang rkang par ldan zhing zhes bya ba la/ rig pa ni sngon gyi gnas shes pa la sogs pa gsum mo/ /rkang par ldan pa ni tshul khrims so/ /de ni so sor thar pa'i sdom pa la sogs pa ste/ yon tan thams cad kyi bzhi yin pa'i phyir ro/ /ldan pa ni rig pa dang rkang pa ma nyams pa gang yin pa'o/ /dran ldan pa zhes bya ba ni lus la sogs pa'i dran pa mngon du lbyas pa ste/ de'i dbang gis rig pa dang rkang par ldan pa'o/ /des ni zag pa med pa la dmigs pas 'khor ba spyod par byed de/ sdug bsngal ma lus pa ni 'dus byas thams cad ces bya ba'i don te/ /dbang po dul ba sngon du 'gro bas ni phra rgyas thams cad spong ba yin la/ de sngon du 'gro ba'i 'jig rten dang/ 'jig rten las 'das pa'i phan yon bstan pa'i phyir/ 'dul sbyong byed pa'i zhes bya ba la sogs pa smos so/ /mnyan yod du dgra bcom pa zhig bsod snyoms kyi phyir zhugs par gyur to/ / bram ze dang pa zhig kyang grong du chas pa las/ de mthong nas 'khrugs te khu tshur gyis de la bsnun to/ /de la 'dod chags dang rtsal? ba'i phyir khro ba'i sems ni ma skyes so/ /ji tsam na de dang nas dad pa de'i dbang du mdzad de 'di gsungs
- 26a
so/ /gang zhig ni bdag nyid chen po'o/ /dbang po ni mig la sogs pa'o/ /legs par sdom pa ni mi snyoms pa spangs pas legs par zhugs pa ste dul pa zhes bya ba'i don to/ /'dul skyongs byed pas legs brtul ba rta lta bur zhes bya ba ni ji ltar 'dul sbyong mkhas pas byas pa'i rgyus ji ltar dul ba de bzhin du khong khro ba dang? rjes su chags pa spangs pas dbang po dul bar 'gyur gyis gzhan du ni ma yin no/ /'di gnyi ga brjod pa'i phyir khro ba spong ba zag pa med dang zhes bya ba smos te/ khong khro ba thams cad spangs pa dang/ rjes su chags pa la sogs pa'i phra rgyas thams cad spangs pa ste/ mnyam par ma ? pa dang mnyam par bzhag pa'i khams yin pa'i phyir ro// de nyid ni lha dang bcas pa'i 'jig rten gyis mchod pa yin no zhes bstan pa'i phyir/ lha'i bar du zhes bya ba smos te/ gang yang bde ba la longs spyod pas blo g.yeng ba'i lha nges kyang mchod pa yin no/ /blo gsal bar gnas pa'i mi rnams kyis lta smos kyang ci dgos zhes bya ba'i don to/ /de rnams kyis zhes bya ba ni de ltar byas pa ste/ dbang po dul ba la'o/ /mi zhes bya ba ni nam zhig bdag gis 'di mthong zhing mchod par 'gyur zhes bya ba dang/ rnam? zhig bdag gis 'di ltar thob par 'gyur zhes mngon par 'dod pa skye bar 'gyur ro/ /de ji lta bu zhe na/ thub pa zhes bya ba smos pa la 'dir skyob pa zhes zer te/ chos bstan pa la sogs pas gzhan la phan pa 'jug pa'i yid dang ldan pa ste/ dbang po nye bar pa dul bas ni gzhan la phan par byed pa mi nus te/ gang gi phyir bdag ma dul bar gzhan 'dul bar byed pa ni ?? ma yin no zhes bya ba mdo las gsungs so/ /dbang po dul ba ni ni bag yod pa dang/ /brtson 'grus dang zhes
- 26b
pa dang ldan par 'gyur ro zhes bstan pa'i phyir smras pa/ 'di lta ste rta bzang po dang rta rgod stobs chung ba gnyis 'brog dgon pa chen por zhugs na des stobs chung ba bor te myur du 'brog dgon pa de las rgal? bar byed pa de bzhin du bag? yod pas bag med pa 'di nyid du bor nas 'khor ba las rgal bar byed do zhes pa nas de nas tshigs su bcad pa 'di gsungs so/ /bag yod pa ni dge ba'i bya ba dag la 'bad pa dang ldan pa'i phyir ro/ /bag med pa'i zhes bya ba ni sems can bag med pa dag yod na mkhas pa de las 'das par 'gro ba yin no/ /gnyid log ces bya ba ni le lo dang gnyid kyi dbang du sod pa'i sems can te/ brtson pa mi byed pa'o/ /mi nyal mang po zhes bya ba ni brtson 'grus dang ldan pa ste/ rnam pa du mas mi nyal zhing brtul yod pa ni mi nyal mang po ste/ legs par spyod pa'i brtson pa la brtson 'grus zhes mtshon pa yin no/ /dge ba mi rtsom pa dag rnam par bcad pa ste/ bden pa yin yang mi mthun pa'i rkyen yin no/ /de lta bas na bag yod pa dang brtson 'grus ni sna tshogs pa nyid du brjod do/ /'dir dper brjod pa'i phyir rta bzang zhes bya ba smos te/ bzang pa ni rigs bzang ba gang yin pa de nyid de/ rigs mtho ba'i rta zhon pas so/ /rta rgod ni nyam chung zhing stobs med pa'i rta ste/ de ni rta ngan pa zhon pa'o/ /spangs pa ni dgon par spangs pa ste/ /dper na rta bzang pos rta rgod stob dang mi ldan pa dgon pa'i nang du spongs nas/ bde bar mngon par 'dod pa'i gnas su 'gro bar byed pa de bzhin du shes rab dang bag yod pa dang brtson 'grus kyi theg pa la zhon nas/ bag yod pa la sogs pas 'khor ba spangs te mya ngan las 'das pa thob par byed pa'o/ /'gro ba
- 27a
ni zhugs pa'o/ /shin tu mkhas pa zhes bya ba ni yongs su rtog par gyur pa'o/ /de'i phyir thos pa mnyan yod na ce spyang zug pa'i sgra zhig gsan te/ 'di ni sngon pa? nyid kyi grogs por gyur pa ste/ sangs rgyas nyid kyis 'jigs pa yin la/ nga ni bag yod pas sangs rgyas su gyur te/ 'di ni da dung yang log par ltung ba yin no zhes bya ba lta bu'o/ /bag yod pa dang brtson 'grus dang dbang po dul ba la sogs pa gcig pur ma zad de/ ngo tsha yang sgrub pa yin no zhes bstan pa'i phyir/ rta bzang la ni zhes bya ba la sogs pa smos so/ /rgyal po gsal rgyal gyis legs spyod ces bya ba'i rta 'dul bar byed pa de bcom ldan 'das kyis spyan sngar phyin te/ btsun pa ji lta bus sdig pa sel bar 'gyur zhes zhus pa dang/ des na gsungs te/ /gang zhig ngo mtsha brten byed mi/ /mi'i nang du skyes gyur te/ gang dag sdig pa sel ba ni/ /rta bzang lcag kyis bzhus pa bzhin zhes so/ /gzhan dag ni lha zhig gis zhus pa yin zhes zer ro/ /kha cig ni gnas brtan po ti ka zhes bya ba las brtsams so zhes zer ro/ /gang zhig ngo tsha shes bsten cing zhes bya ba la/ bsten pa ni goms par byed pa'o/ /ngo tsha shes pa ni mdzem pa dang ldan pa ste/ ngo tsha can zhes bya ba'i don to/ /gang zhig ces bya ba ni mi gang zhig ngo tsha dang ldan pa de nyid sdig pa sel bar 'gyur te/ 'dis ni tshul khrims kyi phung po bstan to/ /ngo tsha ba dang ldan pa nyid las ni tshul khrims dang ldan par 'gyur te/ ji skad du 'di na gcig tu ngo tsha ba med pa ni sdig pa rnam pa sna tshogs kyi las skye par 'gyur ro zhes gsungs pa'i phyir ro/ /shes rab legs par mnyam gzhag pa zhes bya bas ni shes rab dang ting nge 'dzin gyi phung
- 27b
po ste/ gsum po 'dis ni 'phags pa'i lam bstan te/ 'di ni phung po gsum gyi bdag nyid yin pa'i phyir ro/ /de bsgoms pas phan pa ma yin pa'i dbang po dul bar 'gyur na'o/ /sel bar byed pa ni spong bar byed pa ste/ mi ngas sdig pa 'am ngan par spyod pa'o/ /rta bzang la ni lcag bzhin du zhes bya ba ni dper na rta dul ba rta de lcag gis gzhu mi dgos pa de bzhin du'o/ /ni zhes bya ba ni nyid de rta bzang po nyid yin gyi?/ rta ngan pa ni ma yin no zhes so/ /rgyal ba'i phan yon bstan pa'i phyir/ dul ba 'dun sa zhes bya ba la sogs pa smos so/ /rgyal po gtum po rab snang gi dbang du mdzad pa ste/ 'di lta ste/ gang rgyal po chen po ni dul zhing cang shes pa'i rta la lhag par zhon zhing g.yul du 'gro ba yin gyi/ rta ngan pa la ni ma yin no zhes pa nas 'di gsungs so/ /dul ba ni dul zhing mi srun pa spangs pa nyid do/ /'dun sa ni rta sa rtse ba zhing tshogs pa'i sa'o?/ /yang na 'dun sa ni g.yul bkye ba'i sa'o/ /'gro ba byed cing zhes bya ba ni 'jug par byed pa'o/ /dul ba rgyal po lhag par zhon zhes bya ba ni/ yang dag par na ? zhing dul ba'i ? ni? rgyal po ?? med par lhag par zhon pa ji lta ba de bzhin du/ dul ba mi'i nang nas mchog ces bya ba smos te/ mi thams cad du yongs su brtags pa'i nang na ni dul ba nyid mi rnams kyi mchog yin te/ bsngags pa'i gzhi yin pa'i byed do/ /de nyid tshig gi phra rgyas kyis thab mo'i sar spangs nas 'gro ba la dam pa rnams dmigs shing sten par byed pa ni dul ba'o/ /ji ltar de dang de'i mtshan nyid shes par bya zhe na/ gang zhig tshig ngan bzod ?? ba zhes bya ba smos te/ tshig ngan ni brjod par bya
- 28a
ba las bzlog pa ste/ brdzun dang tshig rtsub pa la sogs pa gzhan la thos kyang bod par byed cing ma 'gyur ba de ni dul ba'o/ /yang na tshig ngan pa ni lhag par bstod pa 'am smad pa ste/ de smras pas ni rjes su chags pa dang zhe sdang bskyed pa'i don to/ /'dir tshig ni mtshon pa tsam du zad de/ brdeg pa la sogs pa yang bzod pa'o/ /'di ltar 'dir tshig nyi tshe smos pa yang thams cad du phal cher tshig 'byung ba'i phyir ro/ /gang zhig bdag nyid dul ba ni thams cad 'dul ba las mchog yin no zhes bstan pa'i phyir/ glang po'i nang na zhes bya ba la sogs pa smos so/ /dur khrod bsil ba tshal na sho ra na ko Ti zhes bya ba'i mi nyi shu rtsa zhig bdag nyid dul ba'i gnas la rjes su brtson par ldan zhing gnas par gyur to/ /bcom ldan 'das dge slong rab tu mang po dang thabs gcig tu bzhugs pas lha'i spyan gyis de gzigs te/ ji tsam na der gshegs so/ /de'i tshe phyogs de na rgyal po'i dri'u dang glang po che 'dul bar byed de/ de dper mdzad nas tshigs su bcad pa bcu bzhi gsungs so/ /gang yin pa zhes bya ba ni gang yang rung ba la ste/ 'jig rten 'di la'o/ /dri'u 'dul bar byed pa ni dre'u slob par byed pa ste/ gzhon pa la sogs pa rung bar byed pa'i phyir cang shes rta dang ni zhes bya ba ni yon tan dang ldan zhing rigs mtho ba mchog tu bsngags pa'o/ /sindu'i zhes bya ba ni yul sindu nas skyes pa 'am/ yul bzang po las skyes/ pa'i rta zhes bya ba'i don to/ /glang po'i gnas na glang chen dang zhes bya ba ni mtshan dang ldan pa'i glang po'i nang na glang po chen po'o/ /de bas na bdag nyid dul ba'i mchog ces bya ba ni bdag dul ba gang yin pa de ni bdag nyid
- 28b
dul ba ste/ gang bdag dul bar byas pa des ni dri'u la sogs pa rul bar byas pa de dag pas mchog ste/ gtso bo yin no/ /ci'i phyir zhe na/ gzhon pa de dag rnams kyis ni zhes bya ba smos te/ gang gi phyir dri'u la sogs pa dul bar byed pa de dag gis rgyur gyur pa'i dul ba de dag gis ni sa de mngon par 'thob mi srid ces bya ba yin te/ de ni phyogs de dang de'i bye brag phyin par byed pa yin no/ /bdag nyid legs 'dul gang yin las zhes bya ba las gang la legs par yongs su spyod pa'i yid kyis ni mkhas pa nges thob 'gyur zhes bya ba ste/ mkhas pas rtog par 'gyur ba'o/ /sa'i rang bzhin bstan pa'i phyir/ zhi ba zhes bya ba smos te/ sdig pa dang bral zhing nye bar zhi ba ste/ gang gi phyir dbang po dul bar gyur na ni bya ba ma yin pa'i ngan par spyod pa nye bar zhi ba yin no/ /sdug bsngal gyi rtsa ba ni sdig pa yin te de med na sdug bsngal med do zhes sgrub pa'i phyir/ sdug bsngal mthar phyin zhes bya ba smos te/ rnam par smin pa mi 'dod pa'i 'bras bu la sogs pa med pas mthar 'gro bar 'gyur ro/ /bdud pas zil gyis non par ma gyur na ni lus la sogs pa dran pa bsgom pa la nan tan du byed par nus kyis/ sdug bsngal gyis mngon par gtses pa'i bdag nyid la ni ma yin no zhes sgrub par 'dod pa'i phyir dran ldan zhes bya ba yin te/ lus su gtogs pa'i dran pa dang ldan pa'i phyir dran pa nyams pa las ni 'di ltar ngan song gi 'gro ba yin te/ dran pa ma bsgoms pas so/ /ji skad du bshad pa 'jig rten pa'i yang dag lta/ chen po gang la yod gyur pa zhes bya ba la sogs pa gsungs pas so/ /de nyid bstan pa'i phyir/ spongs 'gyur gyi zhes bya ba smos te/ rab tu spangs pa'o/ /gang yin zhe na/
- 29a
'gro ba ste ngan 'gro gsum zhes bya ba'i don to/ /de nas bde bgro skye zhing dran pa bsgoms pas snod du gyur nas/ mthong ba'i lam mngon du byas pas mthong bas spang bar bya ba'i nyon mongs pa'i 'ching ba spong bar 'gyur ro zhes bstan par bya ba'i phyir 'chid pa bcad nas zhes bya ba smos te/ de'i 'ching ba bcad nas so so'i skye bo 'di nas 'das te 'phags pa dang/ skal pa mnyam pa'i 'bras bu 'thob par 'gyur ro zhes bya ba'i don to/ /de nas 'dod pa na spyod ma'i bsgom pas spang bar bya ba'i nyon mongs pa spangs pas sdug bsngal ba dang yid mi bde ba thams cad las 'das par 'gyur ro zhes bstan pa'i phyir/ sdug bsngal kun las rab grol gyi zhes bya ba smos te/ thams cad kyang yin la sdug bsngal yang yin te/ las 'dzin pa'i bsdu ba'o/ /de la nges par grol bar 'gyur te/ de nas mnyam par gzhag pa'i sa pa'i kun tu sbyor ba spangs nas phung po lhag ma dang bcas pa'i mya ngan las 'das pa 'thob par 'gyur ro zhes bstan pa'i phyir/ kun sbyor ma lus spangs 'gyur gyi zhes bya ba smos te/ kun tu sbyor ba dgu'i thob pa bcad pas so/ /de nas dus cung zad gdul bya ji lta ba bzhin du phan 'dogs shing gnas te/ dus gzhan zhig tu phung po lhag ma med pa'i mya ngan las 'das pa'i tshul nyid thob par byed do zhes bstan pa'i phyir/ mya ngan las 'das nyid ces bya ba smos te/ skye ba'i sgrib sogs las 'das pa ni mya ngan las 'das pa'o/ /de nyi ni sdug bsngal thams cad bral ba'i mtshan nyid do/ /nang gnas pa zhes bya ba ni dkyil te/ de'i bdag nyid du gnas pa zhes bya ba'i don to/ /de zhes bya ba ni 'dul?
- 29b
ba la brjod do/ /'dul ba'i bsam pa'i mtshan nyid ni rnam pa med? ste/ der 'dus pa'i gdul bya de dag las kha cig ni zhi ba don du gnyer ro/ /kha cig ni sdug bsngal dang bral ba don du gnyer ro/ /kha cig ni 'gro ba btong ba don du gnyer ro/ /kha cig na 'ching ba las grol ba don du gnyer ba la sogs pa ste/ nye bar ma zhi ba la sogs pas kun tu gcos? pa'i phyir nye bar zhi ba la sogs pa'i khyad par 'dod pa yin no/ /de bas na de dag la thugs rtse ba'i phyir 'di gsungs so/ /sdug bsngal gyi mthar phyin pa ni bdag nyid dul ba la rag las pa yin no zhes bstan pa'i phyir smras pa 'dul sbyor zhes bya ba la sogs pa'o/ /gtser bu pa'i lta ba can zhig gis btsun pa ji ltar sdug bsngal thams cad kyi pha rol tu phyin par 'gyur zhes zhus pa dang 'di gsungs so/ /bdag nyid kho na dul ba bya zhes bya ba ni rang gi sems nyid bya ba dang las dag la dbang du gyis shig pa'o/ /'dul sbyor byed pas rta bzang ltar zhes bya ba ni dper na/ rigs bzang po'i rta 'dul sbyong mkhan gyis 'dul par byed pa lta'o/ / ci'i phyir zhe na/ phan yon bstan pa'i phyir/ bdag nyid legs par dul ba yis/ /sdug bsngal rnams kyis pha mthar phyin ces bya ba sdug bsngal gyi tha mar 'gro ba ste/ thar pa thob par 'gyur ba'o/ /bdag nyid dul ba'i phan yon bstan pa'i phyir bdag nyid kho na zhes bya ba smos so/ /yul be ra tya na tshong dpon rgan po zhig bu la sogs pas brnyas par gyur te/ mgon su la bya ba zhes zhus pa las brtsams te/ bdag nyid kyi mgon dang bdag nyid kyi skyabs la gnas par bya'o/ / gzhan ni gling dang skyabs ma yin no zhes bka' stsal te 'di gsungs so/ /bdag nyid kho na zhes bya ba ni sems kho na'o/ /bdag gi zhes bya ba ni/ bdag gi dngos po thams cad gang gi phyir bdag gi dngos po 'di la ni rang gi sems nyid dul
- 30a
bar bya ba'o/ /mgon ni sems 'di dbang sgyur bar byed cing 'jig rten gzhan du 'dren par byed pa yin no zhes lung las 'byung ba ste/ 'dren pa zhes bya ba'i don to/ /gang gi phyir dul na ni bdag nyid bde 'gro dag tu 'dren bar byed de/ 'dis ni khyad par du len pa'i rgyu rtogs par byed do/ /bdag nyid bdag gis skyabs yin pas zhes bya ba ni skyabs kyi don dang skyob pa'i phyir te/ rang gi sems nyid dul bas ni bdag gi skyabs te/ de'i mthus nye bar spyod pa thams cad 'jig par byed pa'i phyir ro/ /yang na mgon ni mngon par mtho ba'i bde ba skyed pa'i phyir ro/ /skyabs ni nges par legs pa'i bde ba thob par byed pa ste/ des na de nyid kyi phyir bdag nyid gdul bar bya zhes bya ba la sogs pa'i dpe dang bcas pa ni rtogs par sla'o/ /rta'i tshoms te bcu dgu pa'i rnam par 'grel ba rdzogs so// //bdag gi sems dul bar byas na ni khro ba la sogs pa sel bar 'gyur te/ dper na byi la'i rkyal ba legs par mnyes na sil dkrol gyi sgra 'byin par yin no/ /de bzhin du sgrub pa'i phyir de ni 'og tu khro ba'i tshoms bstan to/ /gang gi phyir ma dul bar ni khro ba la sogs pa sel bar nus pa med de/ des na de nyid bstan pa/ bdag nyid dul bar byas nas khro ba spangs shing zhes bya ba la sogs pa smos so/ /chags pa med la dga' ba'i gcer bu pa zhig gis bcom ldan 'das la gsol ba ces ni spangs dang ci yis rnam spangs 'gyur/ /gang gis thams cad la ni 'da' 'gyur zhing/ gang la ma chags par ni byas pa dag /chags pa'i rjes su ltung bar mi 'byung lags zhes pa dang des na 'di gsungs so/ /gzhan dag ni n+ya gro d+ha'i kun dga' ra ba rgyal rigs kyi bu mo snang? med?
- 30b
bya ba las brtsams pa'o zhes zer ro/ /khro ba ni bdag mdza' shes dang dgra'o/ /rnams la gnod pa dang don byed pa las byung ba'i khong khro ba sngon du 'gro ba'i sems kun tu 'khrug pa ni khro ba'o gzhan dag na gnas dang gnas ma yin pa la rjes su mi mthun pa las skyes pa'i rigs pa yongs su spangs pa ste/ bu la sogs pa la yang sems rab tu 'khrul ba ni khro ba la'o zhes zer ro gzhan dag ni 'dir khong khro ba nyid la 'jig rten gyi rab tu grags pas khro ba zhes brjod do/ spongs zhes bya ba ni khro ba yong su dor ba ste/ gzhan la gnod pa'i rgyur gyur pa'i phyir ro/ /nga rgyal rnams spangs zhes bya ba ni gnyen po bsgoms pas khyad par du yang nga rgyal rgyud la spangs par bya ba'o/ /'dir nga rgyal ni nga'o snyam pa la dgongs te/ phra rgyas thams cad kyi gtso bo'i rgyu yin pa'i phyir dang/ yon tan la sogs pa'i bgegs su gyur pa'i phyir ro/ /kun sbyor las shin tu 'da' bar 'gyur zhing zhes bya ba ni rang dbang med par skyed par byed pa'i phyir kun tu sbyor ba rnam pa dgu po 'di yang rnam par spong ba ste/ 'dis ni khams gsum gyi 'dod chags dang bral bar sbyor ba yin no/ /sngar bstan pa'i bya ba'i phan yon bstan pa'i phyir/ ming dang gzugs la chags pa med pa de dag ces bya ba smos te/ de dag ni gang zag go /ming dang gzugs zhes bya ba la/ ming ni tshor ba la sogs pa phung po bzhi'o/ /gzugs ni gzugs kyi phung po'o/ /chags pa med pa ni yid de la chags par mi byed pa ste/ de la sred pa dang bral ba'i phyir ro/ /ci yang med pas zhes bya ba ni mngon par 'dod pa'i dngos po med pa ste/ yang sred pa'i las dang nyon mongs pa spangs pa'i phyir spros pa dang bral ba'o/ /rjes su mi ltung zhes bya ba ni rjes mi 'gro
- 31a
ba dang/ rjes su mi 'ching ba dang/ gdung bar mi 'gyur ba zhes bya ba'i don to/ /chags pa ni 'dul ji ste des byas pa'i g.yeng ba'o/ /yang na skye ba la sogs pa srid pa'i skyon no/ /khro ba la sogs pa spangs pa ni/ bde ba 'thob pa yin no zhes bstan pa'i phyir skyes ma thag tu zhes bya ba la sogs pa smos so/ /lha zhig gis gsol pa/ skyes ma thag tu ci zhig spangs/ ci zhig skyes nas bzlog par bgyi/ /bstan pas ci zhig rab tu spangs/ /gang zhig rtogs na bde bar 'gyur zhes pa dang de la 'di gsungs so/ /skyes ma thag tu zhes bya ba ni yid la skyes pa tsam nyid la'o/ /spongs zhes bya ba ni yongs su dor ba'o/ /gang gi phyir khro ba byung nas yal bar 'dod na ni phung khrol stong byed de/ phyugs lhas su spyang ki zhugs pa bzhin no/ /skyes nas 'dod chags spangs par gyis zhes bya ba ni rjes su chags pa'i kun tu sbyor ba yang skyes ma thag nyid du rang gi gnyen pos bzlog par bya ste/ thag ring por spang zhing rgyun bcad pas rtsa ba dang bcas par dbyung ste/ kha nas 'jam por smra zhing nang du kho na byed pa lta bu'o/ /bstan pas ma rig rab tu spang zhes bya ba ni mkhas pas gti mug yongs su spangs pa ste/ shes pa dang ldan pa'i phyir skyon spong ba ni brtan pa'o/ / sdug bsngal mthong bas zhes bya ba ni sdug bsngal la sogs pa'i 'phags pa'i bden pa ji lta ba bzhin du mthong bas ma rig pa spong ba'i rgyu bstan to/ /bde ba ni srin po gsum spangs pa bzhin du 'jigs pa med pas bde bar 'gyur ba ste/ sred pa zad na bde ba 'thob par 'gyur ro/ /gzhan dag tu ni bden pa rtogs na zhes brjod do/ /'phags pa'i bden pa bzhi mthong na zhes bya ba'i don to/ /khro ba spangs pas 'jig rten dang 'jig rten las 'das pa phan?
- 31b
yon gzhan yang bstan pa'i phyir/ khro ba spangs nas zhes bya ba la sogs pa smos so/ /gang zhig spangs na bde bar nyal/ /gang zhig spangs na mya ngan med/ /gang gis 'dir ni chos gcig nyid/ bcom na gau ta ma bsngags pa mdzad ces brgya byin gyis zhus pa dang 'di gsungs so/ /khro ba spangs pa ni dor ba'o/ /bde bar nyal zhes bya ba ni gdung ba med par gnyid log par 'gyur ba'o/ /yang na 'tshe ba med par gnas pa ste/ bde bar nyal zhing bde bar sad pa dang/ nyal ba na yang lha rnams bsrung bar 'gyur ro zhes byams pa thob pa dag la bshad pas so/ /khro ba spangs na gdung mi 'gyur zhes bya ba ni gdung bar mi 'gyur ba ste/ nang du gdung ba med cing mya ngan rjes su myong bar mi 'gyur ba ste/ de spangs pas ni bsam pa gru la bye ma la sogs pa mthong ba dang bral ba'i phyir ro/ /khro ba zhes bya ba dang choms shig ces 'dir sbyar ro/ /ci'i phyir zhe na/ khyad par gyi tshul gyis rgyu bstan pa'i dug gi rtsa ba zhes smos te/ phung khrol phyi rgyu yin pas myur du 'dod chags dang bral bar bya ste/ kha na ma mtho ba chen po yin na zhes mdo las gsungs so/ /bde 'joms zhes bya ba la/ bde ba ni yid du 'ong ba ste/ legs par spyod pa dang yid dang 'thad pa la sogs pa nges 'jig pa ni bde ba 'jom pa ste/ de ni legs par spyod pa dang yid du rong ba gcod par byed pa yin no/ /dge slong zhes bya ba ni bde ba ste/ de'i phyir bde ba 'joms pa ni bag chags yin no zhes bstan nas tho rangs dang mtshan mo nyid la yang 'dul ba'i dge slong dag la bstan cing brjod pa yin te/ khro ba ni khyim na gnas kyang yongs su spang bar bya ba yin la/ khyad par du ni khyim sprad? pas spang bar bya'o
- 32a
zhes ston pa yin no/ /choms shig dang/ 'phags pa rnams kyis bsngags 'gyur zhing zhes bya ba ni 'di spangs pas ni sangs rgyas dang/ de'i nyan thos dgyes pa yin te/ de'i ngo bo nyid thugs su chud pa'i phyir ro/ /ci'i phyir zhe na/ de bcom pa yis mya ngan med ces bya ba yin te/ gang gi phyir khro ba spangs na ni gang gis ji ltar yang yid lhag par gdung ba nyams su myong bar mi 'gyur ro/ /gang gis de'i rjes su 'jug pa de ni dus ring por mya ngan byed par 'gyur ro zhes bstan pa'i phyir/ gang khros bdag gis zhes bya ba la sogs pa yin no/ /dge slong dag sngon byung ba'i dus na lha dang lha ma yin g.yul 'gyed par nye bar gnas par gyur pa na/ lha'i dbang po brgya byin gyis sum cu rtsa gsum pa'i lha rnams la smras pa/ grogs po dag lha dang lha ma yin g.yul 'gyed pa rtsom pa'i dus su gal te lha rnams rgyal bar 'gyur zhing lha ma yin rnams pham par 'gyur na ni/ grogs po dag de la ngas kyang lha ma yin gyi dbang po thag bzangs ris gson bzhin du bzung ba la mgul ba bcing ba lngas bcings te/ lha'i grong khyer du gzhug par bya'o zhes smras so/ /lha ma yin gyi dbang po thag bzangs ris kyis kyang lha ma yin rnams la de ltar smras so/ /ji tsam na thag bzangs ris lha'i grong khyer du bcug ste/ lha'i 'dun sa chos bzangs gi sgo drung du mgul ba bcing pa lngas bcings pa dang/ lha'i dbang po brgya byin de phyir 'byung ba dang nang du 'jug pa na des de sdig pa can gyi tshig tshogs par mi dbyung bas gshe bar byed do/ /ma ta lis smras pa/ brgya byin lha dbang 'jigs pa 'am/ /yang na stobs med bzod par byed/ thag bzangs ris kyi tshig gtum dag /mngon
- 32b
sum thos bzhin 'dug byed dam zhes so/ /brgya byin gyis smras pa/ 'di ni de ltar mthong mod kyis/ byin pa yi ni dgag pa yin pha rol gang zhig khros shes na/ rang nyid de la zhi bar bya zhes smras te/ de las kyang sangs rgyas bcom ldan 'das kyi tshigs su bcad pa bcu gnyis bka' stsal to/ /rab smra zhes bya ba ni yang dag par rtogs pa dang/ yang dag par shes pa ste/ med pa la yod par yong su gcod pa zhes bya ba'i don to/ /de gang yin zhe na/ gang khros zhes bya ba smos te/ 'khrugs pa'o/ /ji ltar smras pa yin zhe na/ bdag gi legs byas kyi/ /ma legs min zhes bya ba ste/ legs par byas pa nyid yin gyis/ /de nyid kyis nye bar byas pa ni ma yin no zhes mngon par sems pa yin no/ /khro ba ni phyin ci log gi rgyu yin pa'i phyir ro/ /'og tu zhes bya ba ni yang dus gzhan na'o/ /'di ni gsal bar ston pa yin te/ khro ba zhi pa zhes bya ba ni khong khro ba'i kun nas dkris pa dang bral bar gyur na'o me yis bsregs bzhin gdung bar 'gyur zhes bya ba la/ bsregs pas nye bar gdung ba bzhin du de khro bas gdung ba myong bar 'gyur te/ ji ltar bdag gis 'di ltar ma rabs dang mthun par byas zhes yid la gcag po skye ba'i phyir ro/ /gang khro ba dang ldan pa de ni ngo tsha med cing khrel med par 'gyur ba ste/ ngo tsha dang khrel med pa dang bral bar gyur na ni khro ba med par 'gyur ba'o/ /ngo tsha gang la yod pa de ni ngo tsha dang ldan pa'o/ /ngo tsha dang mi ldan pa na ngo tsha med pa'o/ /khrel yod pa'i tshul gang la yod pa de ni khrel yod pa ste/ khrel yod pa ma yin pa de ni khrel med pa'o/ /de la yon tan dang yon tan dag la gus pa ni ngo tsha shes pa'o/ /nyes par spyod pa la 'jigs
- 33a
par lta ba ni khrel yod pa'o/ /bdag nyid la ni mngon brtags nas/ /'dzem pa gang yin ngo tshar brjod/ /gzhan brten 'phya ba la 'dzem pa/ khrel yod pa zhes brjod par bya zhes bya ba 'di gnyis kyi mtshan nyid la gzhan dag de skad zer ro/ /yang na gang khro ba'i ngang tshul can de ni ngo tsha med par 'gyur ro zhes bya ba la sogs pa brjod par bya'o/ /'khrugs pa yin pas khro ba can no/ /brtul zhugs med pa ni tshul khrims dang brtul zhugs kyang yod pa ma yin te/ de'i dbang gis de'i tshul nyams pa'i phyir ro/ /khre bas mngon par zil gnon pa zhes bya ba ni 'khrugs pas gzhan gyis dbang du byas pa'i skyes bu'o/ /de la su yang brten mi byed ces bya ba ni pha dang ma la sogs pa gang yang rung ba 'am/ yang na skye bo dam pa khro ba can la gnas dang gling dang rten mi byed do/ /gdon zhugs nas gzhan gyi dbang du byas pa las ni su zhig bdag la phan par 'dod pas yid bstan pa'i bsam pas nye bar 'gro bar 'gyur/ gang nyid las skrag pa de nyid las ni yid bstan pa med pa nyid de/ 'di ltar sbrul nag po dug mi bzang pa yod pa la ni gang yang yid bstan pas len par mi byed pa de bzhin du brten dang gnas su mi byed de/ de las skrag pas yid bstan pa thams cad 'jig pa'i phyir ro/ /khro ba'i nyes dmigs nyid bstan pa'i phyir/ gang zhig byis pa'i mthu stobs zhes bya ba la sogs pa smos so/ /'dir gling bzhi ni gzhan dag 'di skad zer to/ /mnyan yod na gi ri ya gro zhes bya ba bram ze'i rigs shing sA la chen por rgyal po gsal rgyal gyi mdun na 'don zhig bcom ldan 'das kyis thad du song ste/ phyin nas btsun pa bdag la ni skyes bu
- 33b
byed pa'i stobs mchis so zhes gsol pa dang/ ji tsam na 'dis gsungs so zhes so/ /de'i stobs ni stobs med yin zhes bya ba la stobs med pa nyid ni nyam chung ba ste/ sems can de'i stobs su 'dod pa'o/ /ni zhes bya ba ni kho na'i don to/ /de gang zhe na/ gang zhig byis pa'i mthu stobs can zhes bya ba ste/ gang zhig ni gang la la'o/ /byis pa ni glen pa ste/ /de khro ba dang mi bzod pa las byis pa bstod par byed pas so/ /gzhan brnyas par bya ba'i thabs des bzung ba'i phyir/ de ni mthu stobs med pa nyid la mthu nyid du bzung bar shes par bya'o/ /ci'i phyir zhe na/ byis pa zhes bya ba ste glen pa'o/ /byis pa'i mtshan nyid bstan par bya ba'i phyir chos dang bral ba de zhes bya ba smos te/ shin tu 'tshe ba la goms pa ste/ byis pa ni ngan par spyod pa sems pa'o zhes mdo las gsungs te/ legs par spyod pa spangs zhes bya ba'i don to/ /bsgrub par bya ba yod re skan zhes bya ba'i tshul khrims dang tshul khrims la brten pa'i 'phags pa'i lam bsgrub cing de thob par byed pa ni byis pa'i stobs kyi nus pa ma yin te/ blo dang mi ldan pas so/ /gang gi phyir blo'i stobs ni mkhas pa'i stobs su 'dod de/ so sor brtags pa'i stobs dang mang du thos pa zhes bya ba'i tshig gis so// mkhas pa rnams kyang bzod pa'i stobs la gnas pa zhes bya ba'i don to/ /de yang 'di ltar bsgrubs pa'i stobs med de/ /de bas na blo dang ldan pa las sngar bshad pa nyid do/ /byis pa'i stobs ni bzod pa med pa nyid yin no zhes bstan pa la mkhas pa rnams kyi stobs ni bzod pa yin te/ 'di lta bur gyur pa la bzod pa nyid stobs kyi mchog yin te/ de nyid bstan pa'i phyir stobs ldan zhes bya ba smos te/ 'di na shas che ba'i stobs yod pa de ni stobs dang
- 34a
ldan pa'o/ /gang la la zhig tshe 'di la lus kyi stobs dang gzugs bzang ba la sogs pas nga rgyal yod pa dang/ bstan bcos la sogs pa yongs su shes pa'i tshul gyis ldan pa'o/ /stobs chung rnams kyis gzod byed pa zhes bya ba ni stobs dman pa dag gis tshig ngan mang du smras kyang bzod pa zhes 'dod de/ 'di ltar bdag la 'jig pa nyam nga ba la sogs pa'i 'jigs pa ni gang du yang med de tshogs yod pa'o/ /ma he'i skyes pa'i rabs la sogs pa yang 'dir dper brjod par bya'o/ /de ni bzod pa'i mchog ces gsungs zhes bya ba de nyid ni sangs rgyas kyis bzod pa dam pa zhes gsungs so/ /ci'i phyir zhe na/ 'di ltar nyam chung ba lta rtag tu sgrur zhes bya ba yin te/ gang stobs dman pa de ni gnas med pa'i phyir dus thams cad du thams cad kyi brnyas pa bzod pa yin no/ /stobs ldan zhes brjod pa la/ stobs dang ldan pa ni rnam pa gsum ste/ dbang phyug dang sgrub pa dang rang gis so/ /de la dbang phyug bstan pa'i phyir/ de la dbang phyug dpon gyur kyang zhes smos te/ gzhan g.yog dang bran la sogs pa'i dpon por gyur te/ mthu yod pa dang dbang phyug dang mnga' bdag tu gyur pa'o/ /dper rgyal por gyur la zong gis nyos pa'i bran khro zhing dan du smra yang dang du len pa'i bzod pa ni rab tu bsngags pa yin no/ /sgrub pa'i stobs dang ldan pa'i dbang du byas nas/ gzhan gyis zhes bya ba ni dgra dag gis gnod pa byas pa'o/ /smad byas kyang zhes bya ba ni rten med pa la sbyor ba ste/ gnas med pa dang 'da' bar byed pa dang/ zil gyis gnon par byed pa zhes bya ba ni rnam grangs so/ /gang zhig gis zhes bya ba ni gang nyid de'i rigs rgyud ngan par skyes pa
- 34b
pa ston pa yin no/ /stobs ldan zhes bya ba ni dpung gi tshogs bzhi dang ldan pa'o/ /bzod pa ni mi 'khrug pa'o/ /thams cad sbyin pa'i skyes pa'i rabs 'dir dper brjod par bya'o/ /tshig gi stobs kyi dbang du byas nas gzhan gyis lhag par brgyad bkag kyang zhes bya ba la sogs pa smos so/ /lhag par brgyad bkag ces bya ba shin tu brgal ba dang/ tshig ngan pa dang/ gshe ba la sogs pa ni lhag par brgyad bkag pa ste/ des sbyor ba ni lhag par brgyad bkag pa'i skyes bu'o/ /gzhan gyis zhes bya ba ni skye'o ngan pa gnod par byed pas de ltar tshig ngan pas gshe bar gyur na stobs dang ldan pa ni de bas stong gyur du smra bar nus kyang bzod pa yin no/ /gnyi ga'i phongs pa sel ba ni bzod pa dang ldan pa yin no zhes bstan pa'i phyir gang zhig pha rol zhes bya ba la sogs pa smos so/ /skyob pa ni 'don par byed pa'o/ /gang zhig ce na bdag dang gzhan gyis sems skyob pa yin no/ /'jigs pa zhes bya ba ni 'di las 'jigs pa yin pas 'jigs pa ste/ sdig pa'i chos dang mi 'dod pa'i rnam par smin pa de las so/ /ji lta bu zhe na/ chen po dag las zhes bya ba ste/ ngan song ngam mnar med pa dag las so/ /khros pa zhes bya ba ni shin tu 'khrugs pa'o/ / rigs nas zhes bya ba ni khros pa 'di la nges par byas nas bdag nyid de rang kho nas gzhan gyis bstan pa la sogs pa med par ro/ /de la zhes bya ba ni de'i tshe'o/ /nye bar zhi byed pa zhes bya ba ni nye bar zhi ba la dmigs shing bzod pas zhes bya ba'i don to/ /legs par spyod pa nye bar bsags pas ni gnyi ga la phan 'dogs pa yin no zhes bstan pa'i phyir gnyi ga'i don ni spyod pa yin zhes bya ba smos so/ /gang zag bzod pa byed pa ni gnyi ga'i don byed
- 35a
pa yin no/ /gnyi ga'i don yang gang zhe na/ bdag dang gzhan dag gi zhes bya ba bstan te/ bdag gi don byed pa ni bzod pa smra ba'i skyes pa'i rabs kyis brjod par bya'o/ /gzhan gyi don byed pa ni byams pa'i stobs bskyed pa'i skyes pa'i rabs la sogs pa brjod par bya'o/ /gang de ltar bzod pa byed pa de la skye bo blun pa de dag khros pa'i mig gis lta bar byed pa dang/ /tshig ngan pa byed pa yin no zhes bstan par bya ba'i phyir bdag nyid dang ni zhes bya ba la sor pa smos so/ /spyod de la zhes bya ba ni byed pa de la'o/ /gang pha rol bzod pa byed pa la byis pa yin no zhes brnyas pa la bzod pa nyid de/ sems kyang sla zhes bya ba ni shes kyang sla ba ste/ de ltar brnyas par byed pa dang/ tshig ngan smra bar byed pas so/ /skye bo de ltar sems par byed pa gang zhe na/ chos la mi mkhas rnams zhes bya ba smos te/ yon tan dang skyon mngon par brtags pa mi shes pa zhes bya ba'i don to/ /gang dag chos la mkhas pa de dag ni mkhas pas shes par 'gyur ro zhes 'di nyid kyis bstan pa'i phyir/ gtso bo'i tshig ni zhes bya ba la sogs pa smos pa'o/ /gtso bo zhes bya ba ni stobs dang ldan zhing mthu yod pa ste/ rigs dang gzugs la sogs pa khyad par du gyur pa zhes bya ba'i don to/ /tshig ces bya ba ni tshig rtsub po'i bdag nyid dam phra ma la sogs pa'i rang bzhin yang rung ngo/ /'jigs phyir bzod ces bya ba ni gal te bdag gis 'di ma bzod na ni bdag la nges dbang byed pa yin pa'i phyir gnod pa chen po byed par 'gyur ro zhes so/ /'thab zla'i tshig gis ni 'thab bcugs rgyu bzod pas zhes bya ba ni kun nas 'khrugs pa'i bdag nyid kyi rgyu yin pa'i phyir/ 'thab zla ni stobs mnyam pa ste/ de'i tshig
- 35b
bzod pa'o/ /gal te 'di'i rtsub pa la sogs pa'i tshig bdag gis ma bdod na ni ngas na bdag gi tshig kyang 'dis bzod par mi 'gyur te/ de ltar yun ring por rab tu 'khrugs pa chen por 'gyur ba yin no zhes te/ nges 'jig rten pa las bzod par byed do/ /dman pa'i tshig la zhes bya ba ni gang yang ngan don nam shin tu dman pa'i sems can gyi tshig rtsub pa bzod pa ni bzod pa mchog yin ces bya ba yin te/ bzod pa mchog de la brten nas de dam par gyur pa yin te/ sems can gyi snying por gyur pa zhes bya ba'i don to/ /de'i phyir sangs rgyas dang de'i nyan thos ni rigs dang/ rus dang gzo la sogs pas ni mchog yin no zhes mi ston gyi/ bzod pa la sogs pa'i yon tan dang ldan pa zhes ston to/ /bzod pa yang yin la mchog kyang yin pa ste/ khyad par dang khyad pa can gyis tshul gyi phal cher zhes bya ba'i tshig gis so/ /'o na gzhan la bsdigs par byed pa de nyid kyis bdag? rgyal po yin no zhes sems te bsdigs par mi bya ba yin no zhes na/ bstan pa'i phyir smras pa/ byis pa khros nas zhes bya ba la sogs pa smos te/ 'dir yang gleng gzhi gzhan du brjod de/ rgyal byed kyi chal na a sib? li pa ka zhes bya ba'i bram ze'i bus bcom ldan 'das la 'di skad ces khyod ni rgyal po rgyal po zhes gsol pa dang/ des ni 'di gsungs so/ /byis pa rgyal bar 'gyur snyam sems zhes bya ba ni byis pa nyid pham pa'i gnas la yang rgyal ba yin no/ zhes rtogs pa ste ci zhig byas nas zhe na/ khros nas tshig rtsub ngag smras na bya ba smos te/ zhe sdang gi dbang gis brtsams pa med pa'i tshig smras pas/ 'jig rten gyi kun rdzob nyid du'o/ /don dam par de ni rtag tu rgyas par
- 36a
byed pa yin zhes bya ba ste gang gzhan gyis brjod par bya ba ma yin pa thos par gyur pa bzod par byed pa de nyid ni rtag tu rgyal ba ste/ rgyun tu mtho ba zhes bya ba'i don to/ /dam pa rnams kyis bsngags pa'i phyir dang/ bsod nams kyi tshogs bsags shing de'i 'bras bu khyad par can thob pa'i phyir ro/ /khro ba la sogs pa'i skyon spangs pa de nyid kyi phan yon bstan pa'i phyir/ bden par smra zhes bya ba la sogs pa smos so/ /mnyan yod na rgan po rab tu byung ba zhig ser sna che zhing g.yon can zhig yod de/ dbyar gos 'chod pa'i dus su btso blag gi las la nye bar gnas par gyur pa las gal te 'di nyid du 'di byas na ni tshongs pa mtshungs par spyod pa dag gis mthong nas blang bar 'gyur ro zhes des bsams te/ de nas de dgon pa'i gnas su song nas de bya bar brtsams so/ /de nas tshe dang ldan pa maung+gal gyi bu chen pos de'i ser sna brtag pa'i phyir rdzu 'phrul gyis nam mkha' las 'ongs te/ bslangs so/ /des smras pa/ lhung bzed chung ngu gang khyod la sbyin no zhes byas pa dang/ ji tsam na tshon thams cad lhung bzed chung ngur bcug kyang ma gang ngo/ /de nas lhung bzed bkang bar khas blangs pa'i yin pas byin cig ces smras pa dang/ rgan po khros nas bcom ldan 'das kyis spyan sngar song ste/ de'i dbang du mdzad nas tshigs su bcad pa gsum gsungs so/ /gzhan dag ni maung+gal gyi bu chen pos zhes pa las de'i dbang du mdzad do zhes zer ro// bden par smra bya zhes bya ba ni phyin ci ma log la brjod par bya ba ste/ 'dis ni gzhan bslu ba la sogs pa las ldog par bstan to/ /yang na de las bzung ba ste tshig btsun po'i rgyur gyur pa'i phyir ro/ /khro mi bya zhes
- 36b
bya ba ni zhe sdang pa ste/ zhe sdang gi kun nas bkris pa las gnas par ma byed cig ces bya ba'i don to/ /khro ba mang pa'i g.yog 'khor rgyu yin pa'i phyir ro/ /slong la chud yang sbyin par bya zhes bya ba ni phongs pa dag la ci nus par zas la sogs pa chung bar gyur kyang sbyin par bya'o/ /kha zas la sogs pa ni gzhan gyis ma bslangs par gyur kyang de'i bsam pa shes par byas nas sbyin par bya ste/ longs spyod chen po'i rgyur gyur pa'i phyir ro/ / rnam pa 'di gsum gnas kyis ni zhes bya ba ni bstan ma thag pa'i bden pa'i tshig la sogs pa'i khyad par gyi gnas sam dngos po dang ldan pa'i gang zag gis so/ /gsum pa nyid kyis ni me la sogs pa 'jug pas ma yin no zhes nges par bzung ba yin no/ /'dis ni phyin ci ma log pa'i rgyu dang des kun nas nyon mongs pa ma yin pa'i rgyu bstan to/ /tshig rkang gsum po 'dis ni tshul khrims dang bsgam pa dang/ sbyin pa las byung ba'i bsod nams bya ba'i dngos po bstan te/ 'di ltar tshul khrims ni bden pa gtso zhing zhe sdang med pa ni gtso bo ma yin no/ /bsgom na de tsam bzung ba byas pa'o/ /lha rnams kyi ni drung du 'gro zhes bya ba ni rgyal po chen po bzhi'i rigs la sogs pa'i lha rnams kyi drung du 'gro ba'o/ /gnas su 'gro zhes gzhan dag tu brjod do/ tshogs dang tshogs kyi nang du 'gro zhes bya ba'i don to/ /de la lha yang rnam pa gnyis te dang po ni mnyam par ma bzhag pa'i sa bon te/ de yang rnam pa gnyis te/ sa la gnas pa dang/ gzhal med khang la gnas pa'o/ /de la sbyin pas ni sa la gnas pa'i lha rnams su nye bar 'gro ba yin no/ /bden pas ni gzhal med khang na gnas pa'i lha
- 37a
rnams su nye bar 'gro ba'o/ /bsgom pas ni mnyam par bzhag pa'i sa pa'i lha rnams su nye bar 'gro ba nyid do/ /de la 'dir mdor bsdu na rnam pa bzhi yongs su dag par brjod pa yin te/ ngag dang yid dang lus kyi las dang de'i 'bras bu yongs su dag pa ste/ go rims bzhin du sbyar ro/ /gzhan la gzung pa'i phyir khro ba'i zil gyis zhes bya ba la sogs pa smos so/ /khro ba med pa'i tshig smos shig ces bya ba ni bden pa'i tshig dang/ nyon mongs pa med pa'i tshig go /'khor gyi nang du bag skyod la zhes bya ba la sogs pa'i tshogs pa'i nang du 'jigs pa dang bral bar gyis shig pa ste/ rgya che ba mchog tu byed pa'i phyir ro/ /khro ba med pas tshig smra bar bya'o zhes ba ci'i phyir zhe na/ 'di ltar khro bas zil gyis non pa'i mi zhes bya ba smos te/ zhe sdang gi kun nas bkris pas yong su bzung ba'i mis bdag gis don yang mi rtogs pa zhes bya ba bdag nyid la phan 'dogs pa yang mi shes pa yin no/ /ci'i phyir zhe na tshogs pa'i nang du don dam par ma tshang pa med pa bstan pa dang/ phyin ci ma log par ston pa dang sbyin pa la sogs pa 'am/ gzhan la phan 'dogs pa sbyin pa'o/ /gang bdag nyid la phan pa byed cing khro ba la gzhol ba de nyid gnod pa dang bcas pa yin no zhes bstan pa'i phyir gang zhig ces bya ba la sogs pa smos so/ /gang zhig khros la slar khro ba/ de ni sdig pa can du 'gyur zhes bya ba ni gang zhig zhe sdang gis kun nas dkris pa'i sems can la phyir zhe sdang bar byed na ni/ de phyir gnod par byed pa'i phyir de la slar khro ba'i sdig pa nges phung khrol skyed par 'gyur te/ nyes par spyod pa bsags pa'i phyir ro/ /
- 37b
de bzhin du 'dis nges pa med pa ni ma yin pa'i phyir te/ de slar gnod pa byed pa yin no/ /khros la slar ni mi khro ba dang zhes bya ba ni gang yang bdag dang gzhan la gdung bar byed pa'i khro ba mthong na/ 'di la bzod par gnas shing mi khro bar gyur na ni de yang khro ba med par 'gyur ro/ /yul las rgyal zhes bya ba ni kun tu 'khrug cing rtsod pa sel bar byed pa 'am/ nyes par spyod pa'i kun nas 'khrug pa ring du byed pa'o/ /g.yul ji lta bu zhe na/ smras pa/ thub par dka' ba zhes bya ba yin te/ zil gyis mnan par dka' ba dang/ bzod par dka' ba ste/ shin tu chen po zhes bya ba'i don to/ /ji ltar byang chub sems dpa' byams pa la brten nas bdud kyi stobs zil gyis mnan pa zhes bya ba la sogs brjod par bya'o/ /khro ba la sogs pa slang pa'i thabs bstan pa'i phyir khro ba med pas khro ba thub pa ces bya ba la sogs pa smos so/ /a su ra ya na zhes bya ba'i bram zes bcom ldan 'das la tshogs par mi dbyung pa'i tshig gis gshe ste/ des na 'di gsungs so/ /gzhan dag ni u dar zhes bya ba'i dge snyen ma'i khyim du bcom ldan 'das nyan thos kyi tshogs dang bcas pa gshes gsol ba byas nas dge bsnyen ma u da ri las brtsams te 'di gsungs so zhes zer ro/ /khro ba med pas khro bo thub ces bya ba ni khong khro ba skyes pa gsal ba dang/ ma skyes pa mi skyed par byed pa ste/ des zil gyis gnon pa zhes bya ba'i don to/ /legs pas legs pa ma yin thub ces bya ba ni gzhan la rnam par 'tshe bar byed pa'i glen pa ni/ 'dir legs pa ma yin pa ste/ de legs pa dang phan 'dogs pa'i bya ba dang/ ye shes kyis zil gyis gnon pa zhes bya ba'i don to/ /sbyin pa yi ni 'jungs
- 38a
pa thub ces bya ba ni ser sna can shin tu 'jungs pa las ni nor gyi phung po btang pas bsal bar bya'o/ /bden pas bden pa ma yin thub ces bya ba ni bden pa dang drang ba med pa 'di la yod pa de ni brdzun te bden pa ma yin pa smra ba zhes bya ba'i don to/ /de ni phyin ci ma log pa'i tshig gis thub par bya'o/ /bram ze de ni khro ba la sogs pas skyon shin tu che ba yod pas ji ltar skyon dang bcas pa ni skyon med pa'i tshig la sogs pa thub par ni mi rigs te/ ji skad du gal te gzhan gyis yon tan mi bzod rang gi yon tan sogs la 'bad/ gzhan gyi grags pa smad pa tsam gyis de dag gzhom par yod mi nus/ gal te zhe sdang la 'jug yid la 'dod cing spong bar mi byed na/ nyi ma'i 'od zer lag pa'i gdugs kyis skyob par mi nus ngal bar 'gyur zhes gsungs pa lta bu'o/ /khro ba spangs pa'i phan yon bstan pa'i phyir/ dul zhing rigs pa zhes bya ba la sogs pa smos so/ /bcom ldan 'das la bde gi ka zhes bya ba'i bram ze'i khye'us tshogs pa mi dbyung ba'i tshig smra zhing gshegs so/ /bram ze'i khye'u khyod skyes pa'i rgyu skar nye bar gnas par 'gyur ba de'i tshe na khyod kyi nye du dag la skyes kyi gza' bya bskur cig ces bka' stsal pa dang/ kye gau ta ma bskur bar bya'o zhes zer ro/ /bram ze'i khye'u khyod kyi nye du dag gal te de mi len na de lta na su yi 'gyur/ bdag nyid kyi'o/ /de bzhin du de bzhin gshegs pa dgra bcom pa yang dag par rdzogs pa'i sangs rgyas la sdig pa can gyi tshig tshogs par mi dbyung ba smras na yang/ de de bzhin gshegs pa len par mi mdzad do/ /dge sbyong gau ta ma bdag gis ni ji tsam na bram ze rgan po dag las de bzhin gshegs pa dgra
- 38b
bcom pa yang dag par rdzogs pa'i sangs rgyas khyed kyi drung du song ste/ mngon du sdig pa can tshogs par mi dbyung ba'i tshig gis gshes par gyur kyang khro ba mi 'gyur ro zhes thos na/ 'dir ni gau ta ma khyod 'khrugs par gyur to/ /zhes gsol pa dang/ de la bcom ldan 'das kyis tshigs su bcad pa 'di gsungs so/ /khro ba med pa ga la khro zhes bya ba ni khong khro ba bag chags dang bcas pa spangs pa yin na khro ba'i kun nas bgris pa lta ga la 'byung zhes ston pa yin no// khro ba dang ldan pa ni khro ba'o/ /khro ba yod pa ma yin pa ni khro ba med cing khro ba spangs pa ste/ khro ba la sogs pa so sor ma brtags pa'i 'gog pa thob pa'i phyir ro/ /sprul nag po yod pa 'am/ 'od pa med na/ des zin pa lta ga la yod/ de ltar khro ba med na ji ltar de mngon sum du 'byung bar 'gyur/ rim pa gang gis khro ba spangs par bshad pa rig par 'gyur ba'i phyir ro/ dul zhing zhes bya ba smos te/ dbang po drug dul ba ste/ gang gis phyir dbang po dul na ni bzod pa bston pa'i phyir khro ba 'gag pa yin te/ 'dis ni dbang po sdom pa bstan to/ /de ni tshul khrims kyi sdom pa bstan pa'i phyir rigs pas 'tsho ba dang zhes bya ba smos te/ snyoms pas 'tsho ba ni rigs pas 'tsho ba ste/ de ni yang dag pa'i tsho ba dang ldan pa yin pas 'dis ni tshul khrims kyi sdom pa dag par ston par byed de/ log pa'i 'tsho bas ni de yongs su dag pa med pa'i phyir ro/ /de gnyi ga'i 'bras bu bstan pa'i phyir/ yang dag shes pa rnam grol ba zhes bya ba ste/ 'dis ni khro ba gtan du spangs par ston te/ shin tu mthar thug par 'jug pa zag pa med pa'i shes pas nyon mongs pa thob pa dang/ shes bya'i sgrib pa las rnam par grol ba'i de bzhin gshegs pas ni yang dag pa nyid des pa'i phung po la gnas par mdzad pas yang dag pa'i
- 39a
shes pas ni kun tu shes shing 'phags pa'i lam gyis spangs pa'i phyir khro ba med de/ des na de nyid kyis na zhe sdang kun tu 'byung ba med do/ /'dis ni spangs par phun sum tshogs pa bstan nas ye shes phun sum tshogs pa bstan pa'i phyir/ mkhas pa rnams la zhes bya ba smos te/ de bzhin nyid kyi don mdza' dag shes pa'i phyir mkhas pa ste/ thams cad mkhyen pa nyid kyi rgyud la gnas pa ni khro ba la sogs pa'i nyon mongs pa'i bag chags kyi go skabs bdag nyid kyis sel ba yin pa'i phyir 'di bstan pa yin no/ /yang na mkhas pa ni 'phags pa'i bden pa bzhi la ste/ mthong ba dang bsgom pas slob pa'i lam la ni 'di lta bur mkhas pa yin pa'i phyir phra rgyas 'byung ba mi srid do/ / ci'i phyir de ltar smra ba la sogs pa'i khyad par dang ldan pa la khro ba 'di lta bu med ce na bshad pa/ dge ba'i phyir te/ skyo ba dge ba'i la ni khro ba gnas pa ma yin no/ /dper na de dag bsam gyi shing la ni bya rgod la sogs pa dur khrod kyi bya rnams bstan pa ma yin gyi/ shang shang te'u la sogs pa mngon par 'dod pa'i bya rnams ni yang dag par brten pa yin te/ 'di nyid gsal bar bstan pa'i phyir/ khro ba med dang 'tsho ba med la zhes bya ba la sogs pa smos khro ba med dang 'tshe med ces bya ba las zhe sdang med pa'i dge ba'i rtsa ba dang/ snying rje ste 'di gnyis la'o/ /'phags pa'i skye bos rtag pa rten kyang zhes bya ba ni skye bo dam pas rgyun du gnas pa ste/ 'phags pa nyid ni des nye bar mtshon pa yin pa'i phyir ro/ /de med na ni dam pa nyid du gsal ba med do/ /bdag dang gzhan gyi don sgrub pa ni dam pa rnams yin la/ bdag dang gzhan gyi don sgrub pa'i rgyu yang bzod pa dang snying rje la sogs pa'o/ /gang gi phyir
- 39b
bzod pa ni bdag nyid la gnod par mi byed pa yin la/ snying rjes ni gzhan la gnod par byed pa ma yin no/ /'dis ni sgo rnam pa gnyis nas yon tan stan pa yin te/ bzod pas ni gzhan gyis gnod pa byas pa bzod pa yin la/ 'tsho ba med pas ni gzhan la gnod pa mi byed pa'o/ /khro ba med pa la sogs pa tshig rkang gnyis kyis bstan to zhes gzhan dag zer ro/ /de lta na skye bo sdig pa can ji ltar bsgrub par byed ce na/ skye bo sdig can khro ba dag ces smos te/ sdig pa byed pa la mkhas pa'i sems can te/ skye bo ngan pa zhes bya ba'i don to/ /khro ba dag ces brjod pas ni rnam par 'tshe ba yang bsgrub pa yin te/ gang zhig bdag nyid la yang gnod pa byed pa yin na/ gzhan la lta los kyang byed ces bya ba'i don to/ /rnam par 'tshe ba yang skye bo ngan pa'i rgyud nyid la gnas pa yin no/ /gang ji lta bu zhe na/ ri bo bzhin du zhes bya ba smos te/ dper na brag tshen po 'am ri ni sa la gnas par byed pa de bzhin du'o/ /gang khro ba spangs pa de la mi skye ba ni ngo mtshar med kyi/ khro ba ma spangs pa de la ni smad du byung ba yin te/ gang zhig zhes bya ba la sogs pa smos so/ /a gra Ta ba ka zhes bya ba'i yul na dge slong zhig 'ong? ba byung yang tshig rtsub po mi brjod pa de las brtsams so zhes gzhan dag zer ro/ /gang zhig 'jig rten 'di na'o/ /byung ba ni skyes pa mngon du phyogs pa'o/ /khro ba ni zhe sdang ngo/ /'dzin par byed pa ni 'byung ba 'gog par phyed pa'o/ /ma dul gzhon pa 'khyams zhes bya ba ni ma dul ba'i te'u dang rta la sogs pa bzhin no/ /dper na an pa se ka zhes bya ba'i 'dul spyod mkhan shin tu mgyogs par rgyug pa dang/ ma dul zhing 'gros myur ba'i rta la sogs pa lam ma yin pa las ji ltar 'dod pa
- 40a
gzhan du bzlog pa dang zhon par byed pa ji lta ba de nyid ni 'dul sbyong mkhan gyi mchog yin pa de bzhin du/ 'dul sbyong mkhan du ngas gsungs kyi zhes pa ni de nyid 'dir 'dul sbyong mkhan gyi mchog yin par rtogs so/ / zhags 'debs skye bo phal pa yin zhes bya ba ni phal pa'i gzhon pa dul ba la zhon par byed pa ste/ gang des ni de ltar nus pa ma yin no zhes so zhags pa ni 'dir yang dag par 'dul bar byed pa'i thag pa de la gzung ste/ gang de ni zhags pa nye tshes bzung ba ste/ srab pa la sogs pa rta la lar khring cing khyer te mi gzhon pa yang yod pas so/ /de ni rab tu grags pa'i phal pa'i 'dul sbyong mkhan yin no/ /gang yang gzhon pa 'khyams par gyur kyang lam las zlog par byed pa de nyid ni kha lo sgyur ba'i mchog ces brjod de/ de bzhin du gang zhig yul la khro ba 'jug pa de las zlog par byed pa de nyid ni sems 'dul bar byed pa'i 'dul sbyang mkhan mchog yin no/ /khro ba'i tshoms te nyi shu ba'i rnam par 'grel pa rdzogs so// //bag chags dang bcas pa'i khro ba'i dri ma thams cad spangs pas de bzhin gshegs pa nyid ni 'dul sbyong mkhan gyi mchog yin no zhes bstan pa'i phyir 'di'i 'og tu de bzhin gshegs pa'i tshoms bstan to/ /yang na khro ba bkag cing pha rol tu phyin pa drug bsags te snying rje bskyed nas des de drungs phyung pas/ de bzhin gshegs pa'i go 'phang 'thob pa yin no zhes bstan pa'i phyir tshoms 'di bkod de/ de nyid bstan pa'i phyir/ 'jig rten 'di na kun rig ces bya ba la sogs pa smos so/ /yang dag par rdzogs pa'i byang chub thob pa'i 'og tu mi mdzad kyi bdag po tshangs pas chos bstan pa'i phyir/ gus pa dang bcas
- 40b
pas gsol ba btab po/ /thub pa mchog gis 'di snyam du dgongs te/ thog mar bdag gi chos 'di su la brtan par bya zhes dgongs pa las/ ji tsam na rangs byed kyi bu lhag spyod ni zhag bdun gyi sngon du dus las 'das so/ /sgyu rtsal shes kyi bu ring 'phur yang dus las 'das te/ de bas na lnga sde rnams kyi phyir bstan to zhes dgongs nas/ bcom ldan 'das bar na ser gshegs te bcom ldan 'das mthong pa dang/ kun tu 'tsho nyer 'gros smras pa/ tshe dang ldan pa gau ta ma dbang po rnams ni rnam par dang/ bzhin gyi mdog ni yongs su dag spags pa'i mdog ni dkar na tshe dang ldan pa khyod kyi ston pa ni gang yin/ gang gi bstan pa la rab tu byung/ gang gi chos la ni dga' zhes smras pa dang/ ji tsam na 'di dag gsungs te bdud rnams zil gnon rgyal ba nga zhes bya ba'i bar du'o/ /rgyal ba zhes tshe dang ldan pa gau ta ma khyod zer ram zhes pa dang/ rgyal ba ni nga 'dra ba'o zhes bya ba dag go /tshe dang ldan pa khyed gang du 'gro zhes pa dang/ da ni ba ra NA ser 'gro zhes bya ba nas/ 'jig rten yul sred brgal ba'i zhes bya ba'i bar du gsungs so/ khams cad zil gyis gnon par byed pas na kun zil gnon te/ thams cad las 'das pa zhes bya ba'i don to/ /sems can gang su dag rkang pa med pa 'am rkang pa gnyis pa la sogs pa ji snyed pa'i sems can de thams cad kyi nang na ni/ de bzhin gshegs pa mchog yin na zhes mdo las gsungs so/ /yon tan gang gis thams cad zil gyis gnon pa yin zhe na/ yon tan thams cad kyi khyad par du gyur pa ni thams cad mkhyen pa nyid de/ des na de nyid bstan pa'i phyir/ 'jig rten 'di na kun rig ces bya ba smos te/ dge slong dag srid pa gsum na ni nga nyid thams cad mkhyen pa ste/ thams cad shes pa dang thams
- 41a
cad gzigs pa zhes bya ba'i tshig gis dang/ don thams cad phyin ci ma log par ston pa'i phyir thams cad mkhyen pa yin pas kun rig go /'di na zhes bya ba ni nga nyid do/ /'jig rten ni srid pa gsum na'o/ / gcig ni de bzhin gshegs pa nyid gcig 'byung ba yin te/ 'gro ba thams cad nyid na gcig pu yin no zhes ston pa yin pa'i phyir gcig gi tshig bstan to/ /ji lta bur gnas pa yin zhe na/ gang 'jig rten gyi khams gzhan dag tu sangs rgyas gnyis cig car mi 'byung ba yin te/ de'i phyir lung dang rigs pas bshad pa/ de la lung ni sangs rgyas gcig 'jig rten du 'byung ba yin gyi/ de bzhin gshegs pa gnyis 'jig rten gyi khams gcig tu 'byung ba ni gnas med cing skabs med pa yin te/ 'jig rten 'dir gal te mtshams sbyor pa yin no zhe na/ gang yang bud med gnas ma yin zhing skabs med pa sangs rgyas su 'gyur ba la sogs par yang thal par 'gyur ro/ /gal te de la 'ga' zhig shA ri'i bu'i thad du'o ngas nas 'di skad du dris te/ dge slong dam bram ze gang zhig bcom ldan 'das dang mnyam pa yod dam/ 'di lta ste yang dag par rdzogs pa'i byang chub ces bya ba nas/ ji tsam na des nga la dris pa dang/ de bzhin no zhes smras te/ de bzhin du ma 'ongs pa na yang de ltar 'dri na ma yin no zhes bya ba gsungs pa nas/ de bzhin du mngon par rdzogs par sangs rgyas nas/ lha dang bcas pa'i 'jig rten 'di na ston pa nga las med de/ nga nyid las gzhan chos ston pa med do/ /gzhan du na gal te de bzhin gshegs pa gzhan yod par gyur na ji ltar 'di la shin tu gtso bor phyag byed par 'gyur zhes pa'o/ /rigs pa ni thams cad du thogs pa med pa'i ye shes kyis rtogs
- 41b
pas ni ma byung ba'i las kyang kun tu skyed pa dang bstan pa nub pa la sogs par snang ba zhes bya ba la sogs pa'o/ /yang smras pa/ 'khor ba yi ni 'jig rten na/ /gang che bdag nyid sangs rgyas pa/ mi phyed nus pa ldan pa'i phyir/ gdul bya gdul bar nus pa yin zhes so/ /dzam bu'i gling 'di nyid du sangs rgyas byung ba ga las zhe na/ 'di nyid du rdo rje gdan la sogs pa dang mya ngan las 'das pa ste/ da dung mchod rten la sogs pa'i phyogs der phyag 'tshal bar 'gro ba dang/ sangs rgyas kyi zhing yin pa'i phyir gsung rabs kyang 'di nyid na yod de/ 'di nyid du sangs rgyas shing byung ba dang 'byung bar 'gyur ba ston to/ /lta ba'i rjes su 'brang bas yid ches pa 'byung ba yin te/ mi shes pa mdza' dag spangs pa'i phyir/ gtsang ba yin yang dri ma can gyi dngos po dang phrad pas ni mi gtsang bar 'gyur ro zhes rtog pa la de bstan pa'i phyir 'di na chos rnams kun gyis ma gos shing zhes bya ba yin te/ rnyed pa la sogs pa 'jig rten gyi chos rnams kyis 'jig rten 'di na gnas kyang dri ma can du ma byas pa ste/ 'dam gyi pad+ma lta bu'o/ /ci'i phyir zhe na/ 'di ltar kun spangs zhes bya ba spang bar bya ba thams cad spangs pas na kun spangs te/ 'dis ni spangs pa phun sum tshogs pa bstan to/ /spang pa'i bya ba spangs pa bstan pa'i phyir sred zad ces bya ba smos te/ khams gsum gyi rjes su chags pa'i kun tu sbyor ba thams cad dang bral ba'i phyir ro/ /de spangs pas ni de la dmigs pa spong bar 'gyur ro zhes bstan pa'i phyir/ rab tu rnam grol ba zhes bya ba smos te/ nyon mongs pa la sogs pa'i sgrib pa spangs pa'i phyir dang/ mi slob pa'i lam thob pa'i phyir ro/ /nyid kyis mngon par mkhyen la zhes bya ba ni bdag nyid gzhan gyis
- 42a
bstan pa la ltos pa med par zag pa med pa'i shes pas bden pa'i dngos po mdza' dag dang rgya cher 'jig rten pa'i dngos po nyid kyang yang dag par rtogs pa yin te/ gang gi phyir dngos po'i de nyid rnam par ma shes par ni nyon mongs pa zad pa med de/ chos gcig kyang mngon par shes pa med par ni sdug bsngal gyi mthar byed par 'gyur ro zhes nga mi smra'o zhes bya ba la sogs pa mdo las gsungs so/ /su yis bstan zhes bya bas ni gzhan su zhig gis bstan pa ste/ ston pa dang 'chad pa po 'di las gzhan med de snga ma bzhin no/ /sngar mthos pa'i chos rnams la zhes mdo las gsungs pa'i phyir te/ ston pa gzhan med par bstan pa'i phyir su yis bstan zhes bya ba su zhig gzhan ston pa por brjod par bya/ ci'i phyir zhe na/ mtshungs med ces bya ba ste/ gang gi phyir nga dang 'dra ba med do/ /ston pa po yang khyad par du gyur pa 'am mnyam pa yang med pas dman pa ma yin te/ nga dang mnyam pa nyid kyang med na/ khyad par du gyur pa lhag yod par 'gyur/ mtshungs pa med par gang gis shes par bya zhe na/ 'di ltar mnyam med ces bya ba smos te/ gzhal bar mi nus pa yin te/ gang gi phyir nga ni tshangs pa dang bcas pa'i 'jig rten gyis kyang dpag par mi nus pa yin no/ /gal te nus pa yin na ni/ nga la mtshungs pa med pa yang ma yin te/ de lta na bcom ldan 'das thams cad mkhyen pa zhes gang gis brjod par bya/ nyid kyis rab bstan pa zhes bya ba ni bdag nyid kyis 'di dag gi don ston par byed pa yin te/ rgya mtsho chen po'i tshong pas rin po che la sogs pa bzhin no/ /mi shes par yang ston pa yod do zhe na/ de nyid bstan pa'i phyir/ byang chub
- 42b
brnyes nas zhes bya ba smos te/ yul gyi dngos po thams cad la shes pa thob pa'o/ /de bzhin gshegs pa zhes bya ba ni gdul bya'i bsams pa dang/ rjes su mthun pas de'i don du der gshegs pa yin te/ 'dis ni gzhan gyi don las brtson par bstan to/ /gzhan gyi don nyid rtogs shing bskyed par mi nus so zhe na/ skal pa dang ldan pa'i skye ba bstan pa'i phyir/ lha mi'i ston? pa zhes smos te/ /ston pa pos bstan pa ni de nyid kyis mngon par rtogs pa'i skal pa yod pa'i phyir ro/ /ngan song ni ma yin te/ sdug bsngal mi bzad pas gdungs pa'i phyir/ blun pa'i phyir dang/ g.yo bar che ba'i phyir te go rims ji lta ba bzhin du sbyar ro/ /'dis ni gzhan gyi don byed pa'i thabs gsal par bstan to/ /bstan pa nyid kyis sgrub pa yin gyi/ rdzu 'phrul dang mthus ni ma yin no/ /thams cad la thogs pa med pa'i ye shes med pa'i phyir ston pa mi rigs so zhe na/ stobs rnams kun ldan thams cad mkhyen pa bzhes bya ba yin te/ gnas dang gnas ma yin pa mkhyen pa la sogs pa rnam pa bcu dang de bzhin gshegs pa ldan pa ste/ gang gi phyir yon tan de dag dang ldan pas des na/ nga ni 'jig rten dgra bcom ste zhes bya ba nga nyid 'gro ba thams cad kyis/ mchod par bya ba yin te/ sangs rgyas ni thams cad kyis mchod par bya ba yin no zhes tshig gis so/ /yon tan gyi khyad par thams cad dang ldan pas yon tan thams cad dang ldan pa'i mtshan ma bstan pa'i phyir/ 'jig rten dag na bla med nga zhes bya ba smos te/ 'di la bla na yod pa 'am/ mchog yod pa ma yin pa ni bla na med pa'o zhes tshig sbyar ro/ /sems can mdza' dag nyid las ni/ de nyid mchog dang dam par brjod par bya'o zhes
- 43a
mdo las gsungs so/ /gzhan gyi don byed pa la sogs pa'i khyad par dang ldan pa dang/ skyon spangs pa dang ldan pa'i phyir lha dang bcas pa'i 'jig rten na/ bdud rnams zil gnon rgyal ba nga zhes bya ba ste/ dmigs kyis dbye ba ni bdun pa'o/ /lha dang bcas pa zhes bya ba ni brgya byin dang/ tshangs pa la sogs pa dang bcas pa mi'i 'jig rten thams cad kyi nang na/ nga nyid bdud bzhi las rnam par rgyal ba yin gyi gzhan dag ni bdud las rgyal ba med de/ des dbang du byas pa'i phyir ro/ /de nyid kyi phyir rgyal ba nga zhes bya ba yin te/ rnam par rgyal ba'i dpal thams cad thob pa'i phyir ro/ /des na yang nga nyid thams cad las nges par rgyal ba'i phyir rgyal ba ste/ de nyid kyi phyir nga la slob dpon su yang med ces bya ba nga la slob dpon ni gang yang med do zhes bya ba ste/ nga la ston pa ni gang yang med de/ gzhan rgyal ba ni slob dpon du ni 'thad do/ /nyi mas brel gyis mnan na ni zla ba'i dkyil 'khor gyis gsal bar byed mi nus pa de bzhin dang/ bran nyid rje bo la sogs pa ma yin par brjod par bya'o/ /ci'i phyir zhe na/ 'dra ba zhes bya ba smos te/ gang gi phyir mnyam pa yang med na khyad par du gyur pa lta smos kyang ci dgos de lta na 'jig rten gyi khams gzhan dag na yod de/ de 'ongs nas slob dpon gyi go 'phangs la gzhol bar 'gyur ro zhe na/ gcig pu zhes bya ba smos te/ 'khor ba thams cad na gzhan med do zhes dgongs so/ /rdzogs pa'i byang chub ces bya ba ni yang dag par thugs su chud pa'o/ /ji zhig thob pa yin zhe na/ smras pa/ bla med byang chub brnyes zhes bya ba ste/ sangs rgyas kyi rgyud la zad la mi skye dang ye shes sam/
- 43b
thams cad mkhyen pa thob pa ni rdzogs pa'i sangs rgyas kyi yin gyi gzhan ni ma yin no/ /rdzogs pa'i sangs rgyas nyid rgyal ba yin gyis/ gzhan ni ma yin no zhes bstan pa'i phyir smras pa/ rgyal bar 'drang shes par bya zhes bya pa yin te/ nga lta bu nyid ni rdzogs pa'i sangs rgyas rgyal ba yin no zhes rtogs par bya ste/ rgyal ba thob cing thams cad zil gyis non pa'i phyir ro/ /de ji lta bu zhe na/ gang zhig zag pa zad pa shes pa zhes bya ba smos te/ gang khyad par can gyi shes yal? brten nas bag chags dang bcas pa'i nyon mongs pa spangs pa thob pa'o/ /nyon mongs pa'i bdud kyis ma rdzi bar bstan nas/ de las gzhan pa'i bdud kyis zil gyis mi non par bstan pa'i phyir smras pa/ sdig pa'i chos las nga rgyal bas zhes bya ba phung po dang/ 'chi bdag dang/ lha'i bu'i bdud ces brjod pas zil gyis mi non pa ste/ sdig? pa bsags pa'i rgyus zil gyis gnon pa'i phyir te/ de las nga nyid rgyal ba'i phyir ro/ /yang na nyon mongs pa las skyes pa dang/ srid pa'i 'bras bu'i las dang/ kun tu sbyor ba'i 'bras bu spangs pa'o/ /de bas na zhes bya ba ni rgyu des na'o/ /kye nyer 'gro nga rgyal ba zhes bya ba ni the tshom med par nga nyid rgyal ba'o/ /yang na bdud bzhi las rgyal ba nye bar 'gro zhing nye bar 'gro bar thob pa ste/ de bas na nye bar 'gro ba ni rgyal ba yin no/ /bya ba byas nas gzhan gyi don mdzad pa yin te/ de bas na de'i phyir ba ra NA ser zhes bya ba smos te/ chu bo ba ra NA se dang mi rang ba na yod pa'i grong khyer ro/ /song nas zhes bya ba ni 'grong nas so/ /ci'i phyir zhe na/ smras pa/ ngas ni chos kyi rnga brdung zhing zhes bya ba 'phags pa'i bden pa bzhi bstan pa'i rnga brdung zhing nyan du gzhug pa ste/ bstan pa'i sgro zhes bya ba'i don te/ /ci'i phyir
- 44a
zhe na/ chos kyi 'khor lo bskor bar bya ba ste/ gzhan gyi rgyud la 'phags pa'i lam bskyed par bya'o/ /gang gi phyir bden pa bstan pa med par ni de mi 'byung ba yin no/ /chos kyi 'khor lo ni chos kyi rang bzhin gyis mtshon gyi bye brag ste/ des phra rgyas kyi dgra zad par byed pas so/ /gang gi phyir phra rgyas ni sdug bsngal gyi rtsa ba yin no/ /'jig rten sus kyang ma bskor ba zhes bya bas ni chos kyi 'khor lo khyad par du byed de/ gang srid pa gsum na yang dag par rdzogs pa'i sangs rgyas 'od srung gi bstan pa nub pa nas brtsams te/ ji srid de'i dus kyi bar du 'dus kyang ma bskor ba'i phyir ro/ /ji srid gzhan gyi rgyud la chos kyi 'khor lo rjes su mi 'jug pa de srid dang/ ma dad pa de srid du de dag gis nang du yang dag par rdzogs pa'i sangs rgyas gsal bar mi mdzad de/ mi 'thob pa yang dag par 'byung ba'i phyir ro/ /de nyid gsal bar bstan pa'i phyir gsungs pa/ 'jig rten pa la ma bstan par zhes bya pa smos te/ dam pa rnams ston par mi byed na/ 'jig rten na rang gi yon tan grags par mi 'gyur te/ 'jig rten pa'i dbang po las 'das shing dngos po mi rtogs pa'i phyir ro/ /ci zhig byas nas zhe na/ kun nas 'byung ba mi shes pas zhes bya ba smos te/ ma bstan pa dang ma bskor ba dang/ chos kyi 'khor lo ma yin pas so/ /kun nas zhes bya ba ni yongs su ste/ 'jig rten mi shes pa'o/ /rnam grangs gang gis zag pa med pa'i lam 'jig rten pa'i rnam grangs yin no zhes bsdus pa ste/ 'jig rten pa nges par 'byung ba'i thabs zhes bya ba'i don to/ /de ma bstan pa dang 'phags pa'i bden pa bzhi ma bstan pa ste/ yod par gyur kyang ma bstan par ro/ /
- 44b
dam pa rnams kyi rtags ni legs par gsungs pa yin no/ /dam pa rnams kyi ngo bo nyid bstan pa'i phyir/ kun mkhyen mya ngan 'das zhes bya ba la sogs pa smos so/ /zag pa med pa'i shes pas bden pa bzhi sogs te/ khams gsum gyi nyon mongs pa'i me yid kyi gdung ba thams cad gsal ba'o/ /sangs rgyas ni dngos po thams cad phyin ci ma log par rtogs pas so/ /mya ngan las 'das pa dang sangs rgyas pa'i rgyu bstan pa'i phyir 'jig rten yun las brgal ba zhes smos te/ nye bar len pa'i phung po las 'das shing de'i rgyu sred pa spangs pa dang/ phra rgyas me dang 'dra ba spangs te/ byang chub thob par byas pa'o/ /de bzhin gshegs pa ni chos bstan pa nyid kyis sems can rnams 'dul bar mdzad kyi/ sngags la sogs pa'i sbyor bas ni ma yin no zhes bstan pa'i phyir/ dpa' bo zhes bya ba la sogs pa smos so/ /nye rgyal dang dpang nas skyes gnyis 'khor dang bcas pa rab tu byung ba las/ rgyal po'i khab kyi mu stegs can gyi rab tu byung ba la sogs pas de gnyis bsod snyoms kyi phyir 'jug pa mthong nas 'di skad ces/ thams cad khyer na nga yang ci zhig khyer bar byed ces smras pa dang/ ji tsam na bcom ldan 'das kyis bka' stsal pa/ gal te yang de dag de ltar smra bar gyur na/ tshe dang ldan pa rnams kyis tshigs su bcad pa 'di brjod par bya'o zhes gsungs so/ /'dul bar mdzad pa ni bdag nyid bzang por byed de/ lam log pa nas bzlog cing lam la 'jig par byed pa ste/ rab tu byung ba 'thob par byed ces bya ba'i don to/ /'di na ni zhes bya ba ni rgyal po'i khab ma bstan pa'o/ /dpa' bo chen po zhes bya ba ni gzhan gyis don bya ba la brtson 'grus khyad par can sbyor ba'o/ /'dir 'khrul pa
- 45a
med pa'i thabs bstan pa'i phyir chos kyis zhes bya ba smos te/ phyin ci ma log pa'i thabs bstan pas yid kyi mchog sbyin ba la sogs pas ni ma yin no/ /de bzhin gshegs pa rnams zhes bya ba ni sangs rgyas bcom ldan 'das te/ ye shes dang spangs pa phun sum tshogs pa'i phyir ro/ /de dag chos kyi btul ba la zhes bya ba ni rigs pa dang 'tsho ba med pa'i tshul gyis bstan pa la sogs pas bdag nyid legs par byed cing de dang gi? slob ma nyid du sgrub par mdzad do/ /de dag de bzhin gshegs pa la su yang smod mi byed ces bya ba ni yon tan yin yang skyon du bsgrags pa ni snod pa ste/ su zhig skyon med pa la 'phya bar byed ba zhes bya ba'i don to/ /mkhas ba ni rtogs pa ste/ de'i yon tan rig pa'o/ /gang gzhan gyi don byed cing smad du med la mchod par 'os pas dga' bar bya ba yin no zhes bstan pa'i phyir/ brtan gang ting 'dzin la zhugs shing zhes bya ba ste/ bcom ldan 'das bya rgod kyi phung po la me'i khams la snyoms par zhugs pa mthong ste/ lha la sogs pa shin tu tshim pa dang mgu bar byed de/ nam zhig na bdag cag gis de bzhin gshegs pa'i bdag nyid chen pos 'di lta bu thob bar 'gyur zhes so/ /ting nge 'dzin la zhugs zhes bya ba ni ting nge 'dzin bsgoms pa la shin tu brtson pa'o/ /bstan pa ni bstan pa'i sbyor ba ste/ mi brtan pa la ni rtag tu sbyor ba dang gus par sbyor ba med pa'i phyir ro/ /ngas 'byung zhi la dga' ba dang zhes bya ba ni nges par 'byung ba dang zhi ba de la dga' ba ste/ lam dang lam gyi 'bras bu 'thob pa la 'dun pa zhes bya ba'i don to/ /snga mas sbyor ba phun sum tshogs pa bstan nas 'dis ni
- 45b
bsam pa phun sum tshogs pa bstan no/ /su zhig dga' ba yin zhe na/ lha dang mi rnams te/ de dag nyid la de bzhin nyid brtag pa yod pa'i phyir ro/ /ci'i phyir de dag la dga' ba yin zhe na/ 'di ltar rdzogs pa'i sangs rgyas zhes bya ba yin te/ de nyid bstan pa'i phyir rdzogs pa'i sangs rgyas zhes bya ba de rnams ni thams cad mkhyen pa nyid yin pa'i phyir te/ gang gi phyir thams cad mkhyen pa nyid ni 'jig rten thams cad kyi dga' bar bya ba yin no/ /de nyid bstan pa'i phyir gsungs pa/ grags ldan zhes bya ba ste/ grags pa shin tu shas che bar byung ba ste/ srid pa gsum du snyan pas khyab pa'i phyir ro/ /dga' bar byed pa ni don du gnyer bar byed pa'o/ /de nyid kyi khyad par bstan pa'i phyir/ smras pa shes rab myur ba zhes bya ba thugs rje chen po'i brtson 'grus khyad par can dang ldan pa'i phyir myur ba ste grims shing le lo med pa'i blo gang la yod pa de zhes tshig rnam par sbyar ro/ /sems can gyi don yongs su bya ba brtag pa la rgun tu 'jug pa'i blo ste/ su zhig ni nyams su zhig ni 'phel zhes bya ba'i tshig gis so/ /stobs snga mas 'jig rten las 'das pa'i shes pa bstan nas/ 'dis ni 'jig rten pa'i thams cad mkhyen pa nyid de/ ye shes 'jig rten pa yin pa'i phyir ro/ /sku'i tha ma 'dzin pa'i zhes bya ba ni tha ma'i sku 'dzin pa'o/ /'dis ni ye shes phun sum tshogs pa bstan te/ 'khor ba'i tha ma ni ye shes kyi 'bras bu yin pa'i phyir dang/ ye shes kyis ni thar pa thob par 'gyur ro zhes mdo las gsungs so/ /ting nge 'dzin la sogs pa'i khyad par gyi rtsa ba'i rgyu bstan pa 'dod pa'i phyir/ gang dag 'das pa zhes bya ba la sogs pa smos so/ /khyim bdag bzang sbyin bcom ldan 'das la chos nyan
- 46a
cing 'dug pa na/ ko sA la'i rgyal po gsal rgyal bcom ldan 'das kyi spyan sngar 'ongs te/ mdun bsu ba ma byas pas de 'khrugs par gyur to/ /des chos nyan pa'i phyir gsol ba btab pa las tshigs su bcad pa gsum po 'di gsungs so/ /gang dag 'das pa'i rdzogs sangs rgyas zhes bya ba ni gang dag 'das pa'i 'od srungs la sogs pa'o/ /gang dag ma byon sangs rgyas dang zhes bya ba ni byams la sogs pa 'byung bar 'gyur ba ste/ lo bye ba phrag brgya lnga bcu rtsa lnga dang/ stong phrag drug cu na de bzhin gshegs pa byams pa 'byung bar 'gyur ba'o/ /gang dag da ltar rdzogs sangs rgyas zhes bya ba ni da ltar byung ba'i dus kyi bcom ldan 'das shAkya thub pa nyid bstan pa yin no/ /de nyid kyi khyad par bstan pa mang po'i mya ngan sel mdzad pa zhes bya ba gdul bya gzhal du med pa'i mya ngan rnam pa sna tshogs pa rtsa nas 'byin pa'o/ /sngar bstan pa de dag kyang mang po'i mya ngan sel mdzad pa zhes bya ba 'di dang sbyar ro/ /kun gyi dam chos bla mar mdzad pa bzhugs gyur cing zhes bya ba ni thams cad kyis kyang 'di nyid de 'das pa'i sangs rgyas kyis kyang dam pa'i chos bstan pa bsgrub pa dang/ gus pa khyad par can gyis gnas shing bzhugs par gyur to/ /bzhugs pa dang zhes bya ba ni da ltar gyi de bzhin gshegs pa yang dam pa'i chos la bla mar mdzad cing bzhugs pa yin no/ /de bzhin du bzhugs par 'gyur zhes bya ba ni ma 'ongs pa'i sangs rgyas rnams kyang dam pa'i chos la bla mar mdzad cing bzhugs par 'gyur ro/ /ci'i phyir zhe na/ 'di ltar de nyid bstan pa'i phyir 'dir rdzogs sangs rgyas kyi chos nyid yin zhes bya ba smos te/ gang gi phyir dam pa'i chos la bla mar byed pa yang
- 46b
dag par bskyed pa ni sangs rgyas thams cad kyi rang bzhin yin te/ de'i khyad par mkhyen pa'i phyir ro/ /rang bzhin gyis rnam par 'gyur ba 'byung ba ni gang zhig su la yang med do/ /des na de nyid bstan pa'i phyir smras pa/ 'di na bdag dga' zhing zhes bya ba ste/ rgyu de nyid kyi phyir ro/ /'di ni 'jig rten 'di na'o/ /bdag dga' zhing zhes bya ba ni bdag la phan par 'dod pa'i gang zag ste/ rab tu byung ba 'am/ khyim na gnas pa'o/ /tshig 'di nyid kyi don gyi bya ba bstan pa'i phyir bdag nyid chen po zhes bya ba smos te/ bdag nyid chen po'i rgyu'i yon tan 'dod chags dang bral ba la sogs pa'i yon tan la lhag par 'dod pa ste/ gang gi phyir yon tan du byas na ni bdag la phan par 'gyur ro/ /de ci zhig bya zhe na/ dam pa'i chos la bla mar bya zhes bya ba ste/ gus par byas nas mnyan pa dang/ mchod pa la sogs pa bya ste/ bla ma bzhin du phan 'dogs par byed pa'i phyir dang/ de bzhin gshegs pa rnams kyis kyang mchod pa'i phyir ro/ / ji ltar bdag la dga' ba yin zhe na/ sangs rgyas bstan pa dran par gyis zhes bya ba smos te/ bdag gis 'jig rten na su zhig la bsnyen bkur bya ba dang/ bla mar bya ba dang/ ri mor bya ba zhes bya ba la sogs pa mdo las gsungs pa/ / yang dag par dran zhing de'i yul la blo shin tu ma nyams par byas te/ gal te sangs rgyas kyang dam pa'i chos la bla mar mdzad na bdag gis bla mar ci'i phyir mi bya zhes yang dag par dran par byas te/ de la mngon par brtson par bya'o// de bzhin gshegs pa'i bstan pa la yid ches pa'i dad pa kun tu ma skyes pa ni blo shin tu nyams te/ phongs pa chen po dang phrad par 'gyur ro/ /zhes bstan pa'i phyir/ mi gang sangs rgyas zhes bya ba la sogs pa smos so//
- 47a
sid+ha la'i mdo las/ ded dpon sid+ha las gzhan dag la 'di skad ces smras so/ /'di na ni srin mo rnams yod de ring po mi thogs par bdag cag kyang zos par 'gyur bas rta'i rgyal po ba la ha'i rgyab tu zhon la phyin nas rjes su 'ongs par gyur kyang bltas na ni nyams par 'gyur ro zhes smras so/ /de las gang dag de'i tshig dang rjes su mthun par spyod pa de dag ni dzam bu'i gling du phyin par 'gyur ro/ /de las gzhan pa rnams ni zos par gyur pa las brtsams te tshigs su bcad pa gnyis gsungs so/ /dad pa ma skyes ces bya ba ni yid ches par yang dag par ma skyes pa'o/ /dad med ces bya bar gzhan dag tu brjod do/ /byis pa ni rmongs pa ste/ mun khung na gnas pa des ni rigs pa dang mi rigs pa mi mthong ngo/ /de bzhin du kun tu rmongs pa'i mun pas mngon par gtses pa'i yid kyis ni legs par spyod pa la sogs pa sgrub par mi 'gyur ro mi gang zhes bya ba ni sems can no/ /gang la la zhe na/ sangs rgyas kyi bstan pa la ste/ sangs rgyas kyis bstan cing bshad pa la bslabs pa ste/ 'di ni bcom ldan 'das kyis bstan pa zhes bya'o/ /rgud pa'i gnas su 'gro 'gyur te zhes bya ba ni mthar sdug bsngal 'thob par 'gyur te/ ji lta bur zhe na/ srin mo rnams kyis tshong pa bzhin zhes bya ba yin no/ /dper na ded dpon sid+ha las smras pa'i tshig dang rjes su mi mthun pa'i glen pa ni srin mos 'tsho pa'i srog nyams par byas pa de bzhin du sems can thams cad la phan 'dogs par mdzad pa'i thub pa mchog gi bstan pa ltar mi byed pa'i lus can dag ni sdug bsngal la brten par 'gyur ro/ /gang zhig dad pa bskyed pa ste/ yang dag par dad pas so/ /dad par byed pa zhes gzhan dag tu brjod do/ /shes rab can gyi mi zhes bya ba ni shes rab kyis de nyid rtogs
- 47b
pa gang la yod yod pa'i mkhas pa ste/ sems can zhes bya ba'i don to/ /de ni bde bar pha rol 'gro zhes bya ba ni 'tshe ba dang sdug bsngal thams cad med pa'i pha rol tu phyin par 'gyur ro/ /sprin shugs ldan pas tshod pa bzhin zhes bya ba ni sprin gyi shugs can zhes bya ba sum cu rtsa gsum pa'i lha'i rta'i rgyal po mthu stobs che ba'o/ /gang ded dpon gyi tshig rjes su 'jug pa de dag ni rta'i rgyal po sprin gyi shugs can la brten nas/ dzam bu'i gling du phyin par 'gyur ba de bzhin du bde bar gshegs pa'i bka' la yid ches pa skyes par gyur pa ni rab tu zhugs pa dang de'i bsgrub pa la rten nas mya ngan las 'das pa'i ngogs su phyin par 'gyur ro/ /dad pas chos mnyan pa dang/ dad pa sngon du 'gro bas yang dag pa'i kun tu rtog pa spyad par bya'o zhes bstan pa'i phyir de bzhin gshegs pa mnyam med ces bya ba la sogs pa smos so/ /dge slong dag sngon yang dag par rdzogs pa'i byang chub tu mngon par rdzogs par sangs ma rgyas pa na ji tsam na gcig pu dben par song ste/ rnam par rtog pa skyed do/ /ngas ni chos gnyis brten cing bsgoms la mang du byas pas gnas te/ dge ba'i chos kyis mi ngoms pa dang/ de dang mi mthun pa dag yongs su spangs pa las ji tsam na bla na med pa yang dag par rdzogs pa'i byang chub mngon par rdzogs par sangs rgyas par 'gyur ro zhes rnam par bsams so/ /khyed cag gis kyang chos gnyis la brten cing mang du byas pas gnas par gyis shig /dman pas chog par ma byed la yang gong nas gong du gya nom zhing ches gya nom pa'i gnas dag la mngon par 'dod pa'i tshul gyis gnas ni da ring por mi thogs par sems rnam par grol bar 'gyur ro zhes bya ba nas/ ji srid du tshigs su bcad pa gnyis gsungs so/
- 48a
de bzhin gshegs pa zhes bya ba ni rjes su mthun pa'i tshogs kyis 'thob pa'i phyir ro/ /sangs rgyas zhes bya ba ni 'byung bar 'gyur ba'i ming gi dbang du byas ba ste/ don gyi dngos po mdza' dag rtogs su rung ba'i phyir ro/ /'dis ni 'bras bu'i gnas skabs bstan nas/ gzhan la phan pa'i gnas skabs ston par byed pa yin no/ /mnyam med ces bya ba ni bsnyen par dka' ba ste/ lha'i 'di ga rten gyis kyang zil gyis mnan cing bsnyen par mi nus pa khyad par du 'phags pa'i gzi brjid dang ldan pa'i phyir ro/ /mnyam pa med pa'i rgyu bstan pa'i phyir/ mtshungs med ces bya ba smos te/ gzhan dag gis gzhal pa dang/ /rtag par mi nus pa'i phyir ro/ /rnam rtog gnyis po spyod pa zhes bya ba ni rnam par rtog pa rnams kyi nang nas rnam par rtog pa gnyis kho na bcom ldan 'das spyod cing mngon du mdzad pa dang thob par mdzad pa'i phyir ro/ /gnyis po de rnam par 'grel pa ni bden par rnam rtog de bzhin rab dben pa'i zhes bya ba smos te/ rnam par mi 'tshe ba'i rnam par rtog pa ni/ bde bar rnam par rtog pa ste/ 'tsho ba med pa'i bdag nyid kyis mi 'jigs pa sbyin pa'i rgyur gyur pa'i phyir ro/ /de bzhin zhes bya ba'i don ni rab tu dben pa yang zhes bya ba'i don te/ rab tu dben pa'i 'bras bu la rnam par rtog pa ni dben pa ste/ nges par 'byung ba la rtogs pa zhes bya ba'i don to/ /gnyis po 'di nyid mang du spyod pa yin gyis/ gzhan du 'dod pa la sogs par rnam par rtog pa ni ma yin no/ /'o na mdol? sa ni dge ba dag la chog mi shes pa dang mi mthun pa rnams spang par bya'o zhes bstan gyis/ bde ba la sogs pa ni ma yin no zhe na/ de ni bden mod kyi de nyid kyi rnam grangs nyid yin
- 48b
pas de ltar bstan te/ dge ba'i rtsa ba thams cad bsogs pa la 'tshe ba med pa'i bsam pa'i rgyus yin pa'i phyir dang/ bgegs med pa'i phyir dang/ nges par 'byung ba'i tshul yin pa'i phyir dang/ spang bar bya ba spangs pa'i phyir ro/ /rnam par rtog pa gnyis po kun tu spyad pa'i 'bras bu bstan pa'i phyir/ mun bsal zhes bya ba ste/ mun rabs la cing spong ba ni ma rig pa'i mun pa thams cad rtsa nas phyung bas so/ /pha rol gshegs zhes bya ba ni phung po lhag ma dang bcas pa'i mya ngan las 'das pa'i dbyings thob pa'o/ /grags dang ldan zhes bya ba ni snyan pa dri ma med pa dang ldan pa ste/ lha dang mi rnams su grags par rnam par 'phro ba'i phyir ro/ /'di thams cad kyi khyad par yang 'byung bar 'gyur ba'i ming gi dbang du byas pa ste/ de'i che ni 'di med pa'i phyir ro/ /bde ba zhes smos pas ni rnam par mi 'tsho ba'i rnam par rtog pa bstan to/ /tha dad par brjod pa ci'i phyir zhe na/ 'dir rnam par rtog pa'i khyad par las yang dag par rdzogs pa'i byang chub skye bar bstan te bshad pa/ nang gi bya ba dang 'brel pa'i phyir phyi rol gyi bya ba 'byung ba yin te/ de grub pas ni de yang 'grub pa nyid de des na bsod nams dang ye shes kyi tshogs ni de'i kun tu rtog pa las skyes pa yin no zhes bstan pa'i phyir bcom ldan 'das kyis 'di skad gsungs so zhes mtshan pa yin no/ /yang na sangs rgyas nyid kyi gnas skabs kho na na snga ma'i gnas skabs nyid du gyur pa ste/ rnam par rtog pa gnyis po mngon du byas par gyur pa'o/ /lhag ma ni snga ma bzhin no/ /rnam par rtog pa gnyis po ji ltar spyod pa yin zhe na/ de nyid bstan pa'i phyir/ des ni brnyes bya brnyes shing yid dbang gyur ces bya ba la sogs pa smos so/ /des zhes bya ba ni de bzhin gshegs pa'o/ /yang dag par rdzogs pa'i byang chub thob pa
- 49a
bya ba thob ste/ sems la dbang ba nyid kyis dbang phyug des sems la dbang bar gyur pa'o/ /kun sgrol zhes bya ba ni thams cad sgrol ba ste/ thams cad zil gyis gnon pa zhes bya ba'i don to/ /'jig rten gsum gyis ston pa gcig pus ni bgegs rnam pa bzhi ste/ sred pa dang/ gti mug dang/ zhe sdang dang/ nga rgyal rnam pa bzhi spangs pa'i phyir thams cad zil gyis gnan te gnas pa'o/ /de'i rims pas bstan pa ni zag zad ces bya ba la sogs pa ste/ rjes su chags pa'i kun tu sbyor ba spangs pa'i rgyus ni rnam pa sna tshogs pa'i chags pa las shin tu grol ba'o/ /gang gi phyir sred pa ni dra bar bshad na de ltar spangs pa de ci'i phyir zhe na/ 'di ltar ma rig pa las rnam par grol ba'i thugs dang ldan pa zhes bya ba smos so/ /gang gi phyir rten cing 'brel par 'byung ba rab tu brtags pa las mi shes pa las grol ba'i sems gang la yod pa ste/ mi shes pa dang ldan pa nyid la ni srid pa 'byung ngo/ /de med pa kho nas ni de dang bral bar bstan to/ /zhe sdang gi rtsa ba ni srid pa dang mi shes pa yin no/ /sred pa dang mi shes pa spangs pas ni zhe sdang 'jig pa yin no zhes bstan pa'i phyir smras pa/ tha ba zhes bya ba smos pa la khro ba dang bral ba'o/ /dregs pa ni smad pa nyid pas gzhan dag gsal bar mi nus so zhes bstan pa'i phyir zag mang rnams zhes bya ba smos te/ nga rgyal dang phrag dog la sogs pa'i dri ma spangs pa zhes bya ba'i don to/ /bdag gi don mdzad nas gzhan gyi don mdzad par bstan pa'i phyir/ rnam par gzigs zhes bya ba smos te/ sangs rgyas kyi spyan gyis kun tu gzigs pa'o/ /ci'i phyir zhe na/ 'jig rten rnams la phan pa'i phyir zhes bya ba yin te/ 'khor ba las gdon pa dang sdug bsngal
- 49b
las skyabs pa'i phyir su ni rgud su ni dar zhes bya ba la sogs pa'i tshig gis so/ /su zhig la gzigs zhe na/ lus can zhes bya ba la sems can gdul bya la zhes bya ba'i don te/ 'di nyid la don gyi bya ba brgyud pa'i phyir ro/ /gzhan gyi don mdzad pa'i thabs bstan pa'i phyir 'ga' zhig ri bo'i zhes bya ba la sogs pa'i smos so/ /chos bstan pa'i phyir tshangs pa chen pos bcom ldan 'das la gsal pa las tshigs su bcad pa 'di gnyis bka' stsal to/ /ri bo ni brag go /sde ni rtse mo la'o/ /la ni nges par bzung ba ste/ ri bo'i spo nyid la 'dug na ni thag ring por gyur pa yang kun tu mthong ba yin gyis gzhan du ni ma yin te/ ri'i spo nyid la gnas pas ni bgegs med par thams cad mthong ba yin no/ /'ga' zhig 'dug nas su zhes bya ba ni mig dang ldan pa'i skyes bu 'dug cing gnas pa'o/ /'gro ba rnams la kun tu lta ba ltar zhes bya ba ni ji ltar bltas par gyur pa'o/ /'gro ba rnams ni skye bo'i tshogs so/ /kun tu zhes bya ba ni thams cad du'o/ /de bzhin chos las byung ba'i zhes bya ba ni dpe de dang 'dra ba ni de bzhin no/ /ri chen po'i spo dang 'dra ba'i yon tan gyis tshogs kyis ngo bo'i khang bzang mtho ba gzhal med khang dang 'dra bar mdzegs nas so/ /blo bzangs ni mkhas pa'o/ /de nyid kyi khyad par bstan pa'i phyir/ kun tu spyan gzigs nas zhes bya ba smos te/ thams cad du 'gro ba'i ye shes kyi spyan te/ de bzhin nyid mkhyen pa dang/ brtson 'grus gnyis kyis thugs rjes gzhan gyi don mdzad pa yin no/ /snying rje nyid bstan pa'i phyir smras pa/ mya ngan gyis gdungs pa rnams la zhes bya ba ni mya ngan gyis nye bar gdungs pa'o/ /skye bo ni skye bo'i tshogs so/ /skye ba dang rga bas zil gyis gnon pa zhes bya ba 'di ni 'di gnyis kyis nye bar gtses pa'i phyir te/ gang gi phyir skye ba dang de rnam par 'gyur bas gtses pa'o
- 50a
de las gzhan ni de'i nang du 'dus pa'i phyir ro/ /de mya ngan dag med par gyur pa ni mya ngan dang bral ba kun tu gzigs pa ni rnam par gzigs pa ste/ snying rje chen po skyed pas bcom ldan 'das kyis tshangs pa chen po mdun du pus mo gtsugs pa la 'di skad gdams so/ /'byed mdzad kyis zhes bya ba ni dbye bar bya ba'o zhes so/ /'chi ba med pa'i sgo mo ni thar par 'jug pa'i thabs te/ 'phags pa'i lam bstan cing gsal bar bya'o zhes pa'o/ /gang dag nyan 'dod ces bya ba ni gang dag mnyan pa la kun tu rtsol zhing 'dod pa'o/ /ji lta bur de mnyan pas dus mdza' yas pa nas bsags pa'i the tshom ni yid gnyis te/ bden pa'i yul la yid mi ches pa ni thams cad du gsal bar gyis shig pa ste/ yongs su spongs shig pa'o/ /'chi ba med pa'i lam ni the tshom spangs pa yin pa'i phyir ro/ /de bzhin gshegs pa'i tshoms te/ nyi shu gcig pa'i rnam par 'grel pa rdzogs so// // thugs rje chen po rnams ni de bzhin gshegs pa'i go 'phang thob par mdzad nas gzhan gyi don du chos ston pa la brten par mdzad de/ de bas na dam pa'i chos bstan pa mnyan pa la gzung par bzhed pas thos pa'i phan yon bstan pa'i phyir smras pa/ legs par thos pa dang zhes bya ba la sogs pa'o/ /yang na de bzhin gshegs pa'i go 'phang 'thob pas gzhan la bstan pa ma gtogs par ni gdul bya khyad par go 'phang 'thob par mi nus pa yin te/ de bas na bstan pa'i phan yon bstan pa'i phyir ro/ /mnyan yod na gnas pa'i bram ze dang khyim bdag rab tu mang po dag 'du khang dag tu 'dus te/ gtam brjod par byed do/ /ci khyed cag legs par bsags pa gang yin zhes pa dang/
- 50b
kha cig gis smras pa/ longs spyod bzang po nye bar longs spyod pa'o zhes zer ro/ /gzhan dag ni longs spyod pa dang bu la sogs pa yin no zhes zer te/ ji tsam na bcom ldan 'das kyi de'i dbang du mdzad de/ tshigs su bcad pa gnyis gsungs so/ /legs par thos dang zhes bya ba ni 'di la dam pa'i chos nyan pa ni rab tu bsngags te/ yon tan thams cad kyi gzhi yin pa'i phyir ji skad du thos pa gti mug mun sel sgron ma yin zhes gsungs pas so/ /legs sbyod? dang zhes bya ba ni de'i 'og tu lus la sogs pa legs par spyod pa kun tu spyod pa ni rab tu bsngags pa ste/ gang gis phyir thos pa tsam gyi sman gyis ni nad zhi bar byed mi nus te/ mngon par 'dod pa'i bstan pa ni sgrub pa snying por byed pa yin pa'i phyir ro/ /dad gi sgra ni legs pa'i sgra 'og ma yang 'dren pa'i phyir ro/ /dang? 'og ma'i sgra ni srid pa'i tshul lo/ /khyim nas legs par byung ba ni khyim yod pa ma yin pa ni khyim nas legs par byung ba ste 'jug pa'i khyim gyis gnas med pa gang yin pa de ni de nyid do/ /de legs par byung ba nyid ni rab tu byung ba ste/ de yang legs pa'o/ /'di ltar g.yeng ba med cing dam pa'i tshul gsungs pa'i thabs yin pa'i phyir ro/ /spong bar byed pas rab bskor cing zhes bya ba la/ rab bskor ces bya ba ni rjes su mthun par 'jug pa ste/ de spangs pa ni thar pa'o/ /de yang rnam par smin pa legs par 'thob pa ste/ thar pa'i cha dang ldan pa zhes bya ba'i don to/ /dge sbyong gi ni rjes mthun legs zhes bya ba lugs su 'byung ba'i dngos po yin pas rjes su mthun pa ste/ 'phags pa'i lam 'thob par byed pa'i phyir nges par 'byed pa'i cha la sogs pa ste/ de yang legs pa nyid de 'og ma bzhi du bsngags pa'i phyir ro/ /gang
- 51a
dag kha cig rnam pa lnga po 'di mi shes pas mi 'jug ste/ de nyid bstan pa'i phyir/ byis pa mi mkhas pa dag ni zhes bya ba la sogs pa smos so/ /gang phyir mi shes pa la yid gnas pa de'i phyir thar pa'i bde ba 'di ma rtogs pa yin no/ /'khor ba la sogs pa la bdag nyid skyo bar mi byed pa ni byis pa ste/ des na yang de dag 'chi ba med pa lta bur spyod ces bya ba srid pa shin tu 'jigs su rung ba yin na/ yang dogs pa med par lta bzhin du bag med pas mi 'chi ba'i khang pa dang skyed mos tshal la sogs pa la spyod pa yin gyis mya ngan las 'das pa la ni ma yin mkhas pa dam pa'i chos dag la zhes bya ba ni gang yang gsung rab yan lag bcu gnyis thob pa las byung ba'i shes rab kyis shes pa yin te/ de ni 'khor ba'i gnas skabs cung zad kyang nye bar gdung bar byed cing skyo bar byed pa'o/ /yang chos ni 'phags pa'i bden pa bzhi la 'jig rten las 'das pa'i shes pas rtogs pa'o/ /'dir dper brjod pa bstan pa'i phyi mtshan mo'i nad pa bzhin du byed ces bya ba smos te/ dper na nad kyis btab pa dag ni mtshan mo dang mi mthun pa yin te/ gzhan skyo bsang ba dag med pa'i phyir dang/ nad ltag par 'byung ba yin pas nad rnams shin tu gdung par byed pa yin te/ de bzhin du mkhas pa dag kyang skye ba la'o/ /chos thos pa ma gtogs par ni de bzhin nyid shes pa byis pa las 'byung ba med do zhes bstan pa'i phyir/ ji ltar khyim ni zhes bya ba la sogs pa smos so/ /dge slong dag byis pas ni 'phags pa'i bden pa bzhi 'di lta ste/ sdug bsngal nas lam gyis bar du mi shes te/ ji ltar yang ma rig pa'i sgrib pas bsgribs pa'i phyir te/ dper na skyes bu kun nas g.yogs pa'i khyim gyi nang du zhugs na der
- 51b
gzugs la sogs pa yod bzhin du mi mthong ngo zhes pa nas ji srid du tshigs su bcad pa gsum gsungs so/ /ji ltar ni dper na'o/ /khyim ni khang pa ste/ gnod pa med par byed cing der zhugs na grang ba la sogs pas mi nyen pa zhes bya ba'i don to/ /legs par g.yogs pa'i kun nas g.yogs pa'o/ /nad gzugs zhes bya ba ni de'i nang du gnas pa'o/ /khyim de ji lta bu zhe na/ mun pas khebs pa'i zhes bya ba ste/ mun nag gis khyab pa'o/ /gzugs rnams yod par gyur kyang ni zhes bya ba ni de na bum pa dang snam bu la sogs pa'i dngos po rnam par gnas par gyur kyang ngo/ /mig dang ldan zhing mi mthong ba zhes bya ba ni mig la skyon med par gyur na yang mi mthong ba'o/ /de bzhin 'di na zhes bya ba ni de ltar 'jig rten 'di na sems can la la'o/ /rigs ldan yang zhes bya ba ni gang la bsngags pa'i rigs yod pa'o/ /rigs ldan la zhes bya ba brjod par bya ste/ sogs pa'i sgra na byis pa yin te/ kha dog dang gzugs khyad par can dang ldan pa yin yang ngo/ /ma thos par du shes mi 'gyur zhes bya ba ni mnyan cing ma brtags par ni rtogs par mi 'gyur ro/ /gang zhig ce na/ chos zhes bya ba yin te/ dngos po'i don gyi ngo bo'o/ /dge ba dang ni sdig pa zhes bya ba ni rab tu bsngags pa dang ma bsngags pa'o/ /mig ldan mar me yod pa yis/ /gzugs rnams mthong ba ji lta bar zhes bya bas ni yang dper na mig dang ldan pas khang pa legs par g.yogs pa'i nang du zhugs pa na gzugs la sogs pa me sgron gyi thabs kyis mthong bar byed do/ /de bzhin du rigs la sogs pa dman pa'i skyes bu yang chos mnyan pas de bzhin nyid kyi dngos po la yid ches par 'gyur ro/ /khyad par gyi chos thams cad ni thos pa la rag las
- 52a
pa yin no zhes bstan pa'i phyir/ thos pas chos rnams rnam par shes zhes bya ba la sogs pa smos so/ /lha zhig gis gsol pa/ chos rnams gang gis shes 'gyur zhing/ sdig las gang gis ldog par 'gyur/ /don med gang gis spong ba dang/ gang gis mya ngan 'das thob 'gyur zhes zhus pa dang/ des na 'di gsungs so/ /thos pa zhes bya ba ni rna ba'i rnam par shes pa gtad pas des drang pa'i yid kyi rnam par shes pas so/ /chos rnams zhes bya ba ni phyin ci ma log pa'i bstan pa'o/ /'di thos nas ci zhig rnam par shes par 'gyur zhing nges par byed ce na/ dngos po'i de bzhin nyid de/ de bas na gnas skabs kyis bsgrubs pa yin te/ de bzhin gshegs pas bstan pa'i chos kyi dngos po'i de bzhin nyid la brjod do/ /ji ltar yang 'di na gcig tu de bzhin gshegs pas bstan pa'i chos 'dul ba thos nas rnam par shes par gyur te/ 'di lta ste/ chos 'di nyid ni gang tshul khrims dang ting nge 'dzin dang shes rab yongs su ston pa yin gyi/ phyi rol mu stegs pa'i me dang chu las 'jug pa dang/ zas gcod pa la sogs pa ston pa ni ma yin no/ /thos pas sdig las ldog par 'gyur zhes bya ba ni ngan par spyod pa las ldog pa ste/ ji ltar yang gcig tu de bzhin gshegs pas bstan pa'i chos 'dul ba lhag pa'i tshul khrims kyi bslab pa thos shing de bsgrubs pas ngan par spyod pa rnam pa bcu las ldog pa yin no/ /thos pas don med spong bar byed ces bya ba ni ji ltar gcig tu de bzhin gshegs pas bstan pa'i lhag pa'i tshul khrims kyi bslab pa thos nas de la brten nas don med par gyur pa'i 'dod pa spong ba yin no/ /gang byis pa dag ni don yod pa'i 'du shes byed de/ thos pas mya ngan 'das pa 'thob
- 52b
ces bya ba ni ji ltar yang 'di na gcig tu de bzhin gshegs pas bstan pa'i lhag pa'i shes rab kyi bstan pa thos shing de la brten pas nyon mongs pa 'gog pa thob pa yin no/ /yang na chos thos pas ni go rims bzhin du las dang nyon mongs pa dang skye ba'i kun nas nyon mongs pa spangs pa 'thob par 'gyur ba'o/ /yang na thos pas chos rnams rnam par shes zhes bya ba ni dge bar byed pa'o/ /thos pas sdig las ldog par 'gyur zhes bya ba ni ngan par spyod pa mi byed pa'o/ / thos pas don med spong bar gyur zhes bya ba ni sdig pa can gyi skye bo mi bsten pa'o/ /gsum po 'di la rten cing lam bsgoms pas ni mya ngan las 'das pa 'thob par 'gyur ro/ /yang na dge ba dang mi dge ba'i chos kyis dngos po brtogs par 'gyur zhing de nas sdig pa las ldog par 'gyur ro/ /dge ba lhag par spyad pas mi 'dod pa'i 'gro ba spong bar byed do zhes bya ba la sogs par brjod par bya'o/ /thos pa dang tshul khrims yis ni mdzes par 'gyur ro zhes bstan pa'i phyir smras pa/ gal te khros pa mang gyur pa zhes bya ba la sogs pa'i tshigs su bcad pa lnga'o/ /gang zag bzhi yod de de la gang zag thos pa mang ba gang zhe na/ thos pa dang ldan par brjod pa ni 'di na thos pa mang ba ma yin te/ thos pa ni bzhi yin te/ thos pas bsags shing zhes de la chos kyi don mi shes pa dang chos mi shes pas chos la chos kyi rjes su zhugs pa dang mthun par zhes bya ba nas ji srid pa bzhi'i bar du ste/ des na 'di dag gsungs so/ /'di la mang du thos pa de nyid ni mang po thos pa dang/ lan mang du thos pa dang mang du mnyan pas mang du thos pa zhes brjod pa yin no/ /gal te zhes bya ba ni ji ste/ des bye brag tu smras pa la sogs pa'i rtogs pa ste/ sde snod gsum gyi don dang tshigs 'bru ji lta ba
- 53a
bzhin du shes pa'o/ /tshul khrims legs par mi sdom pa zhes bya ba ni mdun las ldog pa dang chang 'thung ba spong ba dang/ yang dag pa'i 'tsho ba ste/ bslab pa rnam pa dgu la gus par mi byed pa'o/ /legs par sdom pa ni legs par mnyam par bzhag pa'o/ /de las bzlog pa ni legs par mi sdom pa'o/ /chos mi bsgrub pa yin te/ chos kyi rjes su zhes bya ba'i don to/ /de ni tshul khrims phyir smad cing zhes bya ba ni bslab pa yongs su mi srun pa'o sgo nas de mang du thos shing khong du chud kyang khyad par du smad pa yin te/ 'jig rten na lam mnyam po na mig dang ldan pa'i skyes bu yang nas yang du 'gyel ba bzhin no/ /ci'i phyir zhe na/ 'di ltar de'i thos pa phun sum min zhes bya ba ste/ gang zag 'di ni tshul bzang po dang bral ba yin pa'i phyir thos pa tsam gyis ni rang gi phun sum tshogs pa med do/ /thos pa'i rgyan ni sgrub pa yin la bzhin gyi rgyan ni mig yin no zhes bya ba'i tshig gis te/ gal te thos pa mang bar gyur kyang 'bras bu dang bcas pa ma yin na zhes bya ba'i don to/ /gal te thos pa nyung gyur kyang zhes bya ba ni gang gi phyir thos pa ji ltar chud par gyur kyang thos pa sgrub par byas ni dam pa rnams kyis bsngags pa yin zhing de'i thos pa don chen por 'gyur te/ sha ra dwa ti'i bu la sogs pa 'dir dper brjod par bya'o/ /gang zhig thos pa nyung ba dang zhes bya ba ni gang zhig thos pa yang nyung la bslab pa la yang ma gus na de ni gnyis kyis phyir dam pa rnams kyis smad pa yin te/ thos pas nyung ba dang tshul khrims 'chal ba gnyis kyis so/ /ci'i phyir zhe na/ de'i brtul bzhugs phun sum min zhes bya ba de'i rab tu byung ba ni 'bras bu dang bcas pa ma yin te/ yan lag ma tshang ba'i phyir ro/ /thos pa mang ba dang
- 53b
tshul khrims dang ldan pas ni rab tu byung ba rdzogs par 'gyur zhing ngang tshul bzang po phun sum tshogs par 'gyur gyis gzhan du ni ma yin no/ /thos pa mang bar 'gyur ba yang dper na mig g.yas pa dang ldan par gyur kyang cig shos med na bzhin mdzes pa ma yin no/ /de bzhin du cig shos kyang brjod par bya'o/ /gang zhig gi mig gnyi ga skyon med pa de ni shin tu mdzes pa'i mig yin te/ de yang 'jig rten na shin tu bsngags pa yin pa de bzhin du thos pa dang tshul khrims dang ldan pa ni rab tu mdzes pa yin no/ /lhag ma ni rtogs par sla'o/ /de nyid gsal bar byed de thos pa mang ba ni gsung rab thams cad kyi don dang/ tshig 'bru rtogs pa'i phyir ro/ /chos 'dzin pa dang zhes bya ba ni dran pa'i khyad par dang ldan pa'i phyir te/ de yongs su nyams pa med par bstan pa'o/ /shes rab ldan zhing zhes bya ba ni de la brten pas thos pa las byung ba'i shes rab la sogs pa 'thob pa'i phyir ro/ /mnyam par bzhag pa ni bslab pa la gus pa ste/ mdo las de'i gnas skabs yin pa'i phyir ro/ /de dag sus kyang smad 'os min zhes bya ba ni lha dang mi dang de las gzhan pa dag gis kyang de dag la nam yang smod pa la 'jug par mi 'gyur te/ gang zhe na/ 'dzam bu'i gling gi gser rgyan bzhin zhes bya ba smos te/ rgyan ni dge ba'i mgar bas byas pa'i rgyan no/ 'dzam bu'i gling gi gser zhes bya ba ni gser shin tu bzang po rnam par bsgyur ba'o/ /rnam pa gnyis ni smad pa yin te/ bzo ma byas pa dang/ rdzas ngan pa ste/ de la ni gnyi ga med do/ /shing 'dzam bu dang nye bar gnas pa gang yin pa de ni 'dzam bu chu bo'i gser te 'dzam bu chu bo'i gser ni shin tu bzang po zhes bya ba'i don to/ /thos pa mang po la sogs pa med pa dang yod pa'i nyes dmigs dang/
- 54a
phan yon bstan pa'i phyir/ gang zhig gzugs kyis rjes dpog cing zhes bya ba la sogs pa smos so/ /'phags pa lan tshwa bzang po'i sgras rgyal po gsal rgyal yongs su dga' ste/ de mchod pa'i phyir kun dga' bo dang lhan cig tu de'i drung du 'ongs pa dang/ de gzugs shin tu mi sdug pa mthong nas shin tu skyo ba skyes te/ mchod pa'i yo byad mdun du bzhag nas slar log go /de nas des sngon sangs rgyas kyis gsungs pa'i tshigs su bcad pa lnga po 'di smras so/ /gang zhig ces bya ba ni sems can te gsal rgyal la sogs pa'o/ /thos pa mang po med cing sems ma bsgoms pa'i phyir dang ye shes kyi me ma spar ba'i phyir ro/ /gzugs kyi rjes dpog cing zhes bya ba ni pha rol mthong bas kha dog dang dbyibs tsam gyis yongs su gcod cing gzhan gyis tshad len par byed de gzugs sdug pa dang gzugs mi sdug pa gnyis kyis yon tan dang skyon nyid du rtog par byed do/ /nga zhes bya ba ni 'phags pa lan tshwa bzang po bdag nyid bstan to/ /gang zhig de'i gzugs shes pas ni phyi rol gyi shes pa yin gyi nang gi sems ni ma yin no/ /zhes bya ba'i don to/ /sgra yis 'jal bar byed pa zhes bya ba ni sgra snyan pa'i rjes su 'jug cing skad snyan pas yon tan du shes par byed de/ mdog ngan pas ni skyon dang ldan par yang rtogs par byed do zhes bya ba'i don to/ /log par rtogs pa'i nyon mongs pa'i rgyu yin no zhes bstan pa'i phyir 'dun pa'i 'dod chags ldan pa'i zhes bya ba smos so/ /ting nge 'dzin gyi sgrib pa ni gzugs kyi 'dod chags kyi sgrib par gyur pa ste 'dod pa la 'dod chags zhes bya ba'i don to/ /'dod pa'i 'dod chags ni 'dod pa byed pa la 'jug pa ste/ gang gi phyir des dbang du byas pas gzugs sdug pa la
- 54b
sogs pas ni 'dod par byed la/ gzugs mi sdug pa la ni zhe sdang bar byed do/ /skye bo de yis nga mi shes zhes bya ba ni mnyam par bzhag pa'i shes pa med pa'i phyir mi shes pa ste/ mnyam par gzhag na ni ji lta ba bzhin du mthong bar 'gyur ro zhes bya ba'i tshig gis so/ /'dod pa'i dbang po song bas ni yon tan khyad par can mthong ba'i mthu med de/ de bas na ji ltar des yon tan can shes par 'gyur zhes pa'o/ /gzhan dag brjod pa ni sangs rgyas mthong bas a gar mi ta zhes bya ba'i kun tu rgyus dpe med ma blangs te nags su song nas bcom ldan 'das la mchod pa byas te/ de'i dbang du mdzad nas 'di gsungs so zhes zer ro/ /'di skad ston pa yin te/ 'di ltar yang 'di na gcig tu so so'i skye bo 'dun pa'i 'dod chags spangs pa skyes bu chen po'i mtshan sum cu rtsa gnyis dang ldan pa'i de bzhin gshegs pa la 'di ltar rtog par byed de/ 'di ni nges par 'khor lo sgyur ba'i rgyal por 'gyur ro/ /yang sgra shin tu snyan pas ni nges par gling bzhi la rjes su ston par byed de/ de'i khyad par gyis gzhan dag la yang de 'dul bar byed cing 'dren par byed pa yin no zhes so/ /gzhan dag ni/ kun tu rgyu zhig thams cad mkhyen pa 'dod cing rgyal byed kyi tshal du zhugs pa na bcom ldan 'das chos ston cing / bzhugs pa mthong nas mngon par dang de/ bcom ldan 'das thams cad mkhyen pa'i chos 'di ni legs par gsungs pa/ nyan thos kyi dge 'dun ni legs par zhugs pa yin no zhes lta ba bzang po rnyed do/ /bcom ldan 'das la dga' nas de'i 'og tu mnyan yod na gnas pa'i kun tu rgyu'i skye bo la smod par byed do zhes pa dang/ skabs 'di la 'di gsungs so/ /de'i phyir gang su dag gis gzugs phun sum tshogs par bcom ldan 'das la bltas te dad
- 55a
pa skyes par gyur pa'am/ skyes bu dam pa brten pa dang/ dam pa'i chos mnyan pa la sogs pa la yang zhe sdang bar 'gyur te/ chos kyi sku ma rtogs pa shes nas dad pa med pa'i phyir ro/ /tshigs su bcad pa snga ma'i gang zhig gzugs kyis zhes bya ba dang/ nga la sgra yis zhes bya ba gnyis kyis gzugs dang/ chos kyi sku'i phyi rol dang nang gi gzugs bstan te/ de gnyis las gzhan pa yongs su mi shes pa 'am thams cad ma shes pas ni ci rigs par drang du rung ngo zhes bstan pa'i phyir/ gal te nang ni rnam shes shing zhes bya ba la sogs pa smos so/ /nang zhes bya ba ni bdag nyid de bdag gi nang na gnas pa'i yon tan no/ /gal te zhes bya ba ni brgya la'o/ /thams cad kyis kyang gzhan gyi rgyud la gnas pa'i yon tan ni 'ga' zhig kyang bcad par mi nus te/ 'on kyang gang gi tshe rnam par shes shing yongs su gcod par nus na zhes bya ba'i don to/ /dper na gcig tu yongs su mya ngan las 'das pa'i bcom ldan 'das dang/ de'i nyan thos kyi tshogs des bstan pa'i lam la zhugs te/ gsung rab la goms pas bskyed pa de'i lhag par mos pas thos pa dang/ bsams pa las byung ba'i shes rab dag gis sgrub par 'gyur ba ni de bzhin gshegs pa'i chos kyi sku nyid do/ /de ni de bzhin gshegs pa'i chos kyi sku nyid do/ /de'i bzhi gzugs kyi sku lhag par mthong ba ni ma yin te/ yongs su mya ngan las 'das pa'i rgyu nyid kyi phyir ro/ /dper na grang po cha chen po'i rjes kyis ni glang po che nges par shes par 'gyur ro/ /de bzhin du gzugs kyi sku shin tu mdzes pas chos kyi sku yin no zhe na/ gang gi tshe yon tan khyad par can gyi rten du zad do/ /de'i bzhi ni de lta bu ma yin te/ nam mkha' i me tog dri dang kha dog phun sum
- 55b
tshogs pas yi shes tshes pa bzhin du 'di ni brdzun pa yin no zhes gzhan gyi tshig gis ni sgyur zhing drang du rung ste/ de'i phyir bdag la dbang bas ni med pa'i dngos po yang yod par byed la/ yod pa yang med par ston te/ skyon yang yon tan byed pa ste/ yon tan yang ni skyon byed par/ /tshig dbang nus kyi de min te/ /skyon yang skyon nyid yon tan yang zhes bya ba yin no/ /phyi rol zhes bya ba ni gzugs so/ /mthong bar ma gyur pa ni mngon sum du ma dmigs pa'o/ /nang gi 'bras bu mthong ba gang zhes bya ba ni nang gi 'bras bu lung gi khyad par thos shing bsams pa'i tshul gyis 'bras bu thos pa dang bsams pa las byung ba'i shes rab ces bya ba'i don to/ /des mthong ba'i tshul 'di la yod pa ni nang gi 'bras bu mthong ba ste/ 'jig rten pa'i shes pas gzhan gyi rgyud la 'gro ba'i khyad par gang yongs su gcod pa zhes bya ba'i don to/ /de ni zhes bya ba ni de nyid kyis so/ /sgra yis zhes bya ba ni gzhan gyi tshig gis so/ /drang du rung ba zhes bya ba ni phyin ci log tu bzung ba ste/ lam log par 'jug pa zhes bya ba'i don te/ /nang ni shes par ma gyur pa zhes bya ba ni lung dang 'brel pa'i thos pa dang bsams pa'i shes pa med pa'i phyir ro/ /gal te phyi rol zhes bya ba ni gzugs sku 'ba' zhig mthong ba'o/ /gang gi phyir rdzogs phyir la sogs pas bcom ldan 'das kyi sku skyes bu chen po'i mtshan sum cu rtsa gnyis kyis brgyan pa dang/ dpe byad bzang po brgyad cus rnam par mdzes pa rgyun tu mthong ba yin yang thams cad mkhyen pa nyid la sogs pa nang gi byed pa'i yon tan la yid ches pa skyed pa ni ma yin no/ /phyi rol 'bras bu mthong ba gang zhes bya ba ni gzugs kyi lus de mthong ba ni 'bras bu yang dag par
- 56a
mthong ba ni ma yin no zhes bya ba'i don te/ des mthong ba'i tshul gang la yod pa de ni de nyid de/ de'i phyir gang gi mig gis mthong ba na bcom ldan 'das kyi sku mdzes pa thams cad mkhyen pa nyid yin no zhes yid ches te/ de ni shing ko sha ti ge dang dong ka'i shing dang/ pa la sha'i shing gi me tog gzugs mdzes pa tsam kho nar zad pa de bzhin du 'di yang yon tan dang bral ba ste/ zla ba gnyis mthong ba la sogs pa bzhin du gzhan lam ma yin pa la 'jug par byed do/ /gang gi tshe yang ji skad du gshad pa gnyis ka med de gsung rabs nub pa'i phyir dang/ thub pa mchog kyang yongs su mya ngan las 'das na ni go rims bzhin du de bstan pa'i phyir/ kun nas bsgribs pa dag ces bya ba smos te/ 'di la kun nas bsgribs pa yod pa ste/ phyi dang nang ma rtogs pa'i phyir ro/ /gang gis tshe gnyis ko yang pa ste/ zag pa med pa'i shes pa yod pa'i phyir dang/ de bzhin gshegs pa rnams 'tsho zhing bzhugs pa'i phyir te/ de nyid bstan pa'i phyir/ gal te nang ni rnam par shes shing zhes bya ba la sogs pa smos so/ /bstan pa ni lhag pa'i bsam pa bstan pa dang ldan pa'i phyir ro/ /de nyid kyi phyir gzhan gyis bkrir mi rung ba yin te/ dper na ri rab la dbugs kyis mi sgul ba bzhin no/ /ci'i phyir zhe na/ 'di nyid ni ye shes la shas che ba'i phyir te/ de nyid bstan pa'i phyir des 'byung shes rab can zhes bya ba mya ngan las 'das pa'i 'bras bu rtogs par nus pa zhes bya ba'i don te/ /'phags pa'i lam gyi stobs kyis dad pa mi byed pas bkrir mi nus pa nyid du bstan to/ /gang gi phyir gzhan gyi dring la 'jog pa ni bkrir rung ste/ zag pa med pa'i shes rab dang ldan pa ni gzhan la rag ma las shing bkrir?
- 56b
mi tshugs pa nyid do/ /de bas na de'i phyir yid du 'ong ba dang mi 'ongs pa thams cad mthong ba de bzhin du bsgrub par bya ba dang thos pa thams cad ni 'khrul ba yin no zhes bstan pa'i phyir/ rna bas phal cher thos ba dang zhes bya ba la sogs pa smos so/ /kun tu rgyu mdzes dga' mo bsad? de lan lnga'i bar du smras nas kun tu rgyu dag gis mnyan yod kyi srad du bstan pa las skye bo thams cad 'khrugs par gyur to/ /skabs nga? bcom ldan 'das kyis gsan nas 'di gsungs so/ /thos pa ni dmigs pa'o/ /phal cher zhes bya ba ni de bden pa dang brdzun pa'i tshig dang snyan pa dang mi snyan pa la sogs pa du ma'o/ /rna bas zhes bya ba rna ba'i dbang po 'am de'i rnam par shes pas te/ thos pa ni 'di la rag las pa'i phyir ro// mig gis mang po mthong na yang zhes pa ni rnam pa mang po mthong ba ste/ sdug pa dang mi sdug pa la sogs pa'i gzugs kyi yul gyis byas pa'o/ /brtan pa mthong thos de kun gyis/ /yid ches bya ba'i mi rigs so zhes bya ba ni gang cung zad mthong ba dang thos pa de thams cad ni mkhas pas de bzhin du yid ches pas 'jug par mi bya ste/ rmongs pa dang bslu ba'i dngos po yin te/ smig rgyu dang sgra snyan la sogs pa bzhin no/ /thos pa'i 'bras bu ni don rtogs pa dang de'i rjes su mthun pa las yin no zhes bstan pa'i phyir legs gsungs thos pa snying por shes pa dang zhes bya ba la sogs pa smos so/ /nye dga' sde snod gsum pa yin pa yang brkam zhing ser sna che bas khyim bdag gi khyim la sogs pa dag tu bab tsol du byed de/ de'i dbang du mdzad nas tshigs su bcad pa gnyis gsungs so/ /shes pa ni rtogs pa'i don legs par gsungs pa'i snying po gang yin pa de nyid do/ /'dir don gyi sgra ni phyis nas
- 57a
bstan pa yin par shes par bya'o/ /yang na shes pa ni de nyid kyi don de kho na nyid rtogs pa gang yin pa'i snying po'o/ /gang dag las de kho na nyid kyi blo ma skyes pa de ni snying po dang ldan zhing legs par gsungs pa 'bras bu dang bcas pa ma yin no/ zhes bya ba'i don te/ rang nyid legs par gsungs pa'i don ma rtogs shing mi dran pa dang nges bstan pa'i thos pa ni dgos pa med de bram ze kau shi ka'i khyim du bram ze bar da dza mgron du gyur pas longs te rtan cing 'brel bar 'byung ba glegs bam las glags pa tsam gyis khyad par thob par ma gyur pa 'dir dper brjod par bya'o/ /thos pa dang zhes bya ba la dang gi sgra ni snying po'o/ /shes pa dang zhes bya ba 'dren pa'i don to/ /gzhan las 'ongs pa ni thos pa ste de bas kyang don shes pa snying po nyid do/ /sngar bshad pa nyi tsher ma za dad lags par gsungs pa rang nyid kyis rtogs par bya ba de gal te ma rtogs pa'o/ /yang na gzhan las thos na ni de'i tshe bya'i skad bzhin du don smed par lta bar bya'o/ /ting nge 'dzin dag snying por shes gyur kyang zhes bya ba ni shes pa dben pa'i khyad par can 'jig rten pa'i shes pa 'phags pa'i lam gyis tshogs su gyur pa dang/ 'jig rten las 'das pa zhes bya ba'i don to/ /ting nge 'dzin dag ces bya ba ni dge ba la sems rtse gcig pa la sogs pa'o/ /snying po dang 'bras bu gang yin pa de ni nyid do/ /de gang zhe na/ gzhan la mas ma thos pa dang 'di thos pa dang ldan pa de gnyis g.yang 'dir sbyar bar bya ste/ 'di lta ste/ rang nyid kyi legs par bshad pa mthong ba 'am gzhan las so/ /ji ltar rang gis legs par bshad pa'i don rtogs pa dam/ gzhan las thos pas don rtogs pa thos pa las byung ba la sogs pa'i shes rab byed par can skyes pa yin pos zhi gnas
- 57b
kyang de'i tshe legs par bshad pa'i don rtogs pa'i 'bras bu yongs su rdzogs par 'thob pa yin gyi gzhan du ni ma yin no/ /de nyid 'dir bstan pa'i phyir/ gang zhig bag med brlang por byed pa de'i/ thos dang shes pa don ched mi 'gyur ro/ /zhes bya ste gang zhig brlang por byed pa zhes bya ba ni gti mug gis bab bcol du byed pa ste/ nges par brtag pa med cing bya ba dang bya ba ma yin pa dag la ma brtags par zhes bya ba'i don to/ /bag med pa zhes bya ba ni ting nge 'dzin sgom? pa la sbyor ba lhod pa'o/ /de dag ni go rims bzhin du shes pa khyad par can du gyur pa dang/ ting nge 'dzin gyi khyad par ma tshang ba ste bdag nyid legs par gsungs pa yongs su ma shes pa 'am mi bzod pas phan yon la rab tu mi spyod do/ de grub na ni sngar bstan pa'i mngon par 'dod pa'i 'bras bu 'grub po/ /dkar po'i phyogs bstan pa'i phyir smras pa/ gang zhig 'phags pas bsten pa zhes bya ba la sogs pa ste/ chos zhes bya ba ni gsung rab kyi chos te/ legs par gsungs pa zhes bya ba'i don to/ /gang gis bstan pa yin zhe na/ gang zhig 'phags pas bstan pas zhes bya ba yin te/ 'phags pa ni khams gsum gyi 'dod chags dang bral ba'i skye bo'i skye ba'i gnas spangs shing 'das pa'i phyir te/ sangs rgyas dang sangs rgyas kyi nyan thos rnams kyi de bstan cing bshad pa zhes bya ba'i don to/ /gang zhig la sems can dga' ba zhes bya ba ni chos nyid la mngon par dga' ba tsam gyis legs par spyod pa ma yin no/ /zhes bstan pa'i phyir de bzhin gyi sgra'o/ /dga' ba thob pa ni mngon par dga' ba'i mtshan nyid dang pa zhes bya ba'i don to/ /de'i phyir dad? pas ni chos la dga' bar 'gyur la/ chos kyis kyang dad pa ste chos mnyan pa yongs su rdzogs na ni dad pa yongs su rdzogs par 'gyur ro zhes mdo las bstan pa'i phyir ro/ /dad pa'i
- 58a
rtags ni dam pa'i chos mnyan pa la dga' ba zhes bya ba'i tshig gis so/ /de'i 'og tu dag gis spyod pa zhes bya ba ni klog pa dang 'don pa dang bstan pa dang 'tshang ba la sogs pas de la 'jug pa'o/ /lus dang zhes bya ba ni nges byas pa'i bya ba dang/ rjes su mthun pa ste chos la chos kyi rjes su 'jug pa nyid do/ /zhes bya ba'i tshig gis so/ /'di gnyis kyis ni tshul khrims kyi sdom pa bstan to/ /de dag bzod ldan 'grogs dga' dbang po bsngags zhes bya ba ni gang thos pa dang dad? pa la brten nas tshul khrims kyi sdom pa la bcug pas sdug bsngal la ji mi snyam pa'i bzod pa'i tshul lam nges par 'byed pa'i cha'i tshul gyis so/ /'grogs dga' zhes bya ba ni 'dod pa chung zhing chog shes pa'i bdag nyid kyis sam mthong ba'i lam gyis bdag nyid kyis so/ /dbang pa bsdams pa ni mnyam par bzhag cing mig la sogs pa'i dbang po dul ba gang yin pa'o/ /de ltar gyur pa la ni thos pa zhes bya ba legs par mnyan pa dang shes pa zhes bya ba'i don rtogs pa'o/ /pha rol tu phyin pa thob ces bya ba ni shin tu pha mthar gyur pa cing mya ngan las 'das pa thob pa ste/ 'di lta ste sangs rgyas dang sangs rgyas kyi nyan thos so/ /thos pa'i tshoms te nyi shu gnyis pa'i rnam par 'grel pa rdzogs so// //don dam par thos pa'i 'bras bu ni bdag nyid gdul ba yin no zhes bstan pa'i phyir de'i 'og tu bdag gi tshoms bstan te/ legs par gsungs la bslab bya zhing zhes bya ba la sogs pa yin no rang bzhin gyis bzang ba'i rang bzhin can gyis rigs kyi du de ni dge ba'i gshes gnyen nye bar bsten par byed cing dge slong mang po sdud par byed pa'i bdag nyid can yin te/ des de dag la chos 'di lta ste/ mdo'i sde dang dbyangs su bsnyad
- 58b
pa'i sde la sogs pa ji snyad pa de legs par shin tu nyan par byed cing khyim du bdag nyid gcig pus bsams shing bsgoms te de nyid kyi tshul gyi sems dul bar thob par byas nas sems dang mnyam du sems nye bar zhi bar 'gyur te/ des na tshigs su bcad pa gnyis gsungs so/ /rang gi don du gsungs pa ni legs par gsungs pa'o/ /legs par gsungs pa la bslab par bya ba ni mnyan par gyis shig ces bya ba'i don to/ /yang na legs par gsungs pa de dang 'brel pa ste/ yod pa dang med pa'i shes pa chos la chos kyi rjes su 'jug pas de la bslab cing brten pa dang rjes su 'jug par bya'o zhes pa'o/ /legs par gsungs pa ni phal cher bde bar gshegs pa dang/ bde bar gshegs pa'i sras dag las mnyan pa yin te des na de nyid bstan pa'i phyir te smras pa/ dge sbyong la ni bsnyen bkur dang zhes bya ba dge ba'i bshes gnyen bsten par bya'o/ /yang na 'phags pa'i gang zag la bsten pas 'brel cing bslab par bya ste/ gus pas yongs su bslab pa dang/ bsod snyoms la sogs pa sbyin pa'i ched du dge ba bsags pa dang/ yon tan la gus par bya ba'o/ /tshig rkang snga mas ye shes kyi tshogs bstan nas/ 'dis ni bsod nams kyi tshogs bstan to// de'i 'bras bu bstan pa'i phyir smras pa/ dben pa dang ni snyan gcig dang zhes bya ba gcig pu'i gnas skabs kyis dgon pa la sogs pa la de dang? 'brel par bslab pa ste/ 'di lta ste/ g.yeng ba med pas phra rgyas spangs pa yin no/ /'dis ni lus dang sems dben par bstan to/ /sems ni nye bar zhi bar bya zhes bya ba ni khams gsum gyi nyon mongs pa 'khrugs pa spangs pas sems mngon par 'byung ba ni nye bar zhi ba ste/ de la g.yeng? ba dang rgod par byed pa thams cad dang bral bas? so//
- 59a
de dang der 'brel pa'i bzhin gyi don byed par gyur na gdul bya yongs su mya ngan las 'das par 'gyur ro/ /dam pa'i chos nyan pa dang skyes bu dam pa la brten pa dang/ tshul bzhin yid la byed pa dang/ chos la chos kyi rjes su zhugs pas rim gyis 'dir bstan pa yin no/ /yang na dang po'i phyed kyis gzhan gyi sgra bstan to/ /tshigs rkang gsum pas tshul bzhin yid la byed pa'o/ /lhag mas ni de'i 'bras bu bstan to/ /gang gi phyi dben pa'i gnas nyid ni mngon par 'dod pa ste/ de nyid la gzung ba'i phyir stan gcig pa dang gcig spyod dang zhes bya ba la sogs pa smos so/ /gcig tu grogs med pa'i gnas skabs de gdug pa'i gnas na spyod lam rnam pa gnyis 'dis bstan te/ gnyis pa'i cig shos ni 'og nas ston pa'i phyir ro/ /de la dga' bar bya ba ni de la rjes su bsam pa'o/ /mal stan cig ces bya ba ni bdag nyid gcig pu gnas pa'i mal bstan la dga' bar bya ba'o/ /gang? du 'dug nas dal ba zhi bar byed pa ni mal bstan no/ /gcig tu spyod pa ni gcig tu gnas na bsod snyoms la sogs par rgyu ba ste/ spyod pa rnam pa bzhi la gos pa med pa'o/ /de dag la skyo ba med cing brtson 'grus kyi rgyu bstan pa'i phyir snyoms las med cing zhes bya ba smos te/ le lo ma skyed cing brtson 'grus phun sum tshogs pas so/ /dga' bar bya zhes bya ba ni stan gcig la sogs pas mngon par dga' bar bya ba ste/ de'i rjes su 'jug cing bsam par bya ba'o/ /dang ni bsdu ba'i don te bdag nyid gcig pu yang dga' bar bya'o/ /'dod chags la sogs pa'i nyon mongs pa spang pa'i phyir grogs med pa'i sems su bya'o zhes pa'i don to/ /ji skad du bshad pa bdag nyid chen po rnams ni grong gi nang du yang bdag nyid gcig pur 'gyur ram zhes
- 59b
de ltar rtog pa la nags tshal gnas pa dang zhes bya ba smos te/ grogs dam pa med par 'gyur na ni nags su bdag nyid gcig pu gnas par bya ste/ skye bo dam pa ma yin pa dang brten pa ni ngan par spyod pa thams cad kyi rtsa ba yin pa'i phyir dang ?? na gnas pa ni dben pa la sogs pa'i khyad par thob par byed pa'i phyir ro/ /bdag nyid las rgyal ba ni 'bras bu chen po yin no zhes bstan pa'i phyir gang zhig stong phrag stong dag gi zhes bya ba la sogs pa tshigs su bcad pa gsum mo/ /rgyal po gsal rgyal gyi rnam par rgyal ba zhes bya ba thab mos 'tsho ba yod pa de brgya dang sprad kyang g.yul las rgyal byed de/ ji tsam na bcom ldan 'das kyis gsan nas 'di gsungs so/ /thab mos 'tsho ba thos te 'di bsam pa las ji ltar bdag nyid gdul bar mi bya zhing 'di las rgyal ba la mi sbyor zhes bsams te rgyal po la zhus nas rtag tu sdom pa spyod pa zhes bya ba la sogs pa tshigs su bcad pa gnyis kyi don rtogs te dgra bcom pa'i 'bras bu thob par gyur to/ /gang la la zhig grangs stong phrag stong dag gi mi dang 'thab pa ste stong phrag stong dang 'thab pa'i thab mo'i sad do/ /rgyal ba ni gzhan phan par byas pa ste 'bum phrag bcu las rgyal ba zhes bya ba'i don to/ /gang zhig bdag las rgyal byed pa zhes bya ba ni gang bdag gi sems gcig pu dul bar byed pa'o/ /de ni de nyid de bdag nyid dul ba nyid do g.yul de gnyis las bdag nyid dul ba ni rgyal po'i mchog yin no/ /gzhan gyi stobs mchog tu 'joms par byed pa'i g.yul te/ gzhan gyis stobs las rgyal bar byed cing sel ba ni g.yul las rgyal ba'o/ /de gnyis las kyang khyad par du g.yul las rgyal ba ni spang bar dka' ba'i nyon mongs pa'i dgra sel bar byed pa'i phyir bdag nyid las rgyal ba nyid mchog yin te/ de nyid
- 60a
bstan pa'i phyir bdag nyid ces bya ba smos te/ bdag gi sems las so/ /gang gi phyir 'bum phrag bcu dang 'thab pa'i skyes bu las kyang bdag nyid dul ba g.yul las rgyal ba'i mchog yin te/ de bas na bdag nyid rgyal ba dang dul bar byas pa ni mchog tu bsngags pa yin no gzhan ni zhes bya ba ni skye dgu gzhan ni ma yin te/ sems can rnams ni nyon mongs pa'i dbang du gyur pa'i phyir dang/ skye dgu ni nga rgyal yod pa'i phyir ro/ /phal ba zhes bya ba la phal pa'i sgra ni ngan pa'i rnam grangs yin pa'i phyir te/ nyon mongs pas rgyud gzhan gyi dbang du byas pa zhes bya ba'i don to/ /gang yang seng ge zil gyis non pa ni mchog yin gyi gang ba ni ma yin pa de bzhin du ston pa yin no/ /ci'i phyir zhe na/ de nyid bstan pa'i phyir mi yis bdag gdul gcig pu yin zhes bya ba la/ gdul ba ni 'di ltar sems can gyi rang gi sems so/ /lha yis ma yin te gzhan gyis pham par mi nus zhes bya ba 'di dang sbyar ro/ /bdag gdul ba ni so sor thar pa'i sdom pa sngon du 'gro ba yin pa'i phyir bshad pa rtag tu sdom pa spyod pa zhes bya ba rtag tu yang dag par sdom pas nye bar mtshon cing spyod la rab tu 'jug pa'o/ /rnam pa gnyis ni tshul khrims kyi sdom pa la rtag tu 'jug pa yin te/ snga mas ni dbang po sdom par bstan la/ 'dis ni lus dang dag gi sdom pa bstan te/ rnam pa gsum gyis tshogs kyi sbyor ba bstan pa yin no/ /lha yis ma yin zhes bya ba ni de las 'das pa ste/ 'dod pa na spyod pa'i lta'i 'o/ dri zas min zhes bya ba ni legs dka' zhes bya ba la sogs pa'i rol mo byed pa'i dbang du byas pa'o/ /bdud ces bya ba ni 'dod pa'i khams kyi dbang phyug go /tshangs par bcas pa zhes bya ba ni stong spyi phung kyi 'jig rten gyi khams
- 60b
kyi bdag po ste/ de dang bcas pas so/ /pham mi nus zhes bya ba ni gang zad cing sel bar mi nus pa'o/ /dbang po dang tshul khrims ji lta bu dang ldan pa phan par mi nus zhe na/ dge slong zhes bya ba ste/ nyon mongs pa bcom pa'i phyir ro/ /shes rab kyi stobs kyis nyon mongs pa bcom par ston pa'i phyir/ shes rab kyis gnas shes bya ba smos te shes rab ni zag pa med pa'i shes pas so/ /gnas pa ni 'jug pa ste des tshul dam pa la gnas pa'o/ /zag pa med pa'i shes rab kyi dbang gis phra rgyas spangs pa yin te/ gang yang mi zad par byed nus pa ni ma yin te/ de'i phyir dge slong dag gang gi tshe 'phags pa'i shes rab kyis spangs par gyur pa'o zhes mdo las gsungs so/ /nga 'jig pa'i bskal pas bsregs par bya ba gang yin pa de gzhan gang gis kyang mi nus pa bzhin du 'di ltar 'bum phrag cu las gang rgyal ba de nyid kyis ni 'di 'pham par mi nus te/ de ltar bdag nyid las rgyal bar nus pa ni des thub pa ma yin pa'i phyir bdag nyid las rgyal ba ni mchog yin no/ /gang gi phyir de ltar bdag nyid spyad ba byas pa des ni gzhan la phan pa byed par yang nus so zhes bstan pa'i phyir/ bdag nyid dang por rig par gnas byas nas zhes bya ba la sogs pa smos so/ /rgan po zhig mnyan yod na gnas pa'i bram ze dang khyim bdag 'ongs pa dang 'gro ba dag la g.yeng zhing rgod la mu tser? smra ba dang spyi brtol che bas chos ston par byed pa la bram ze dang khyim bdag 'phya bar byed do/ /ji tsam na bcom ldan 'das kyis tshigs su bcad pa gsum gsungs so/ /bdag nyid dang por zhes bya ba ni bdag nyid kyi sems kyi bdag nyid thob tsam?/ /rigs par byas nas zhes bya bas ni skye bo dam pa dang rjes su mthun par phan 'dogs par byed pa ste/ rnam pa bzhi'i bdag nyid kyis dbang po la sogs pa dul ba'i bdag nyid du nges par gzhag par bya'o
- 61a
phyi nas gzhan ni gdul bar bya zhes bya ba ni de nas dus gzhan na gzhan bslab cing de nyid las gnas par bya'o/ /ji ltar zhe na bdag bzhin zhes bya bas bstan te bdag nyid zhi bar byas nas de bzhin du khyod kyis gyis shig pa ste ji ltar bdag bzhin no/ /gzhan du na gzhan dul bar byed pa ni nges par dmigs pa med pa'i phyir ro/ /dper na gnas dam pa la go skabs med pa ste/ gang bdag ma dul na ni gzhan gdul bar mi nus so/ /bdag nyid dul ba sngon du 'gro bas ni gzhan dul ba las kun tu nyon mongs pa'i rgyu ma yin par bstan pa'i phyir/ bdag nyid dang por zhes bya ba la sogs pa smos so/ /gang gi phyir bdag nyid dul ba'i rim pa'i tshul du gnas na kun tu nyon mongs par mi 'gyur ro zhes bya ba'i don te/ bdag nyid mkhas pa lam bzang po la gnas par byas nas dus gzhan na sems can gzhan la 'doms shing 'dul bar byed pa yin te/ lam bzang po de la 'jud? par byed do/ /nyon mi mongs zhes bya ba ni gdung bar mi 'gyur pa ste/ bdag dang gzhan mi nyams pa'o/ /gzhan dag tu ni kun nas nyon mi mongs zhes brjod de/ gdung bsrel bar mi byed ces bya ba'i don to/ /ji ltar nyon mongs par mi 'gyur zhe na/ bdag la zhes bya ba ni rang nyid do/ /de bas na 'di ltar gang dang gang gzhan gdul bar 'dod na ni de dang der dang por bdag nyid bsgrub par bya'o zhes pa'i don to/ /de ltar bya zhes bya ba ni de lta bu'i las la 'bad pa dang yon tan de lta bu bsags par bya ba'o/ /ji ltar byas bzhin gzhan dag la zhes bya ba ni rnam pa gang gis las gang gzhan la slob pa de yang bdag nyid dang por byed pa nyid kyis so/ /'dir rgyu bstan pa'i phyir/ ji ltar nye bar zhi ba zhes bya ba ni dbang po rnams dul ba'i phyir te/ bdag nyid ma dul
- 61b
pa'i sems 'dul ba'i phyir ro/ /snga mas ni nyon mongs pa dgag pa'i thabs bstan pa'o/ /'dis ni rtsa ba nas spong ba'i thabs bstan to/ /gdul bar zhes bya ba ni sems can dag bstan pa las bzung ba gzhan dag bde bar zhes bya ba ni nyon mongs pa med pa ste/ tshig bzung bar 'os pa yin no zhes dgongs so/ /gang la dbang po dul ba dang sems dul ba dang yod pa de ni lha rnams kyis kyang gzung bar 'os pa'i tshig tu 'gyur na gzhan gyis lta smos kyang ci dgos/ ji ltar bde bar dul ba yin zhe na/ bdag la zhes bya ba smos te/ ji ltar bdag gis myong ba bstan cing byas pa'i sgras so/ /gang gis gzhan bde bar 'gyur zhe na/ kye ma bdag rang legs 'dul ba zhes bya ba ji ltar bdag gis gnyen po'i khyad par la bsgoms pas bdag nyid dul bar gyur nas kye ma'o khyed cag gis kyang de bzhin du gnyen po bsgoms na ni ring po mi thogs par legs par dul bar 'gyur ba'i phyir ro/ /nges par bdag bdul bar bya ba ci'i phyir zhe na/ bdag nyid dul bas mkhas par 'gyur zhes bya ba smos te/ gang gis phyir mkhas pa ni bdag nyid dul ba yin te/ de ma yin na ni mkhas pa don med par 'gyur ro/ /gal te gzhan mang po la yang phan gdags par bya ba yang yin la bdag la yang phan gdags par bya dgos pa yin na/ de'i tshe mkhas pas dang por gang zhig la 'bad par bya ba yin zhe na/ smras pa/ bdag gi don phyir gzhan don ni zhes bya ba la sogs pa smos so/ /mnyan yod na dge slong zhig 'ga' zhig las chos kyi tshig nyung zad thos te/ greng du 'jug cing nyung du nyung dus bram ze dang khyims bdag rnams la ston par byed de/ bya ba gzhan mi byed pa de'i dbang du mdzad nas 'di gsungs so/ /gzhan gyi don spangs nas bdag nyid kyi don bya ste/ de'i don du dbang po dul ba la sogs pa'i mtshan nyid yin par byed pa ni btang
- 62a
bar mi bya zhing dor bar mi bya ba'o zhes bya ba'i don to/ /gang gi zhe na/ gzhan don ni/ mang po dag kyang zhes bya ba gzhan gyi dgos pa ni dpag tu med pa yod kyang ngo/ /'o na bcom ldan 'das ni gzhan gyi don mchog tu mdzad de nyid kyi don yal bar 'dor ba yin na 'di ji ltar bstan pa yin zhe na/ bdag don ched cher shes gyur na zhes bya bas bstan te/ bdag gi don ni thams cad pas gtso bo yin par shes par bya ste/ de sngon du 'gro bas gzhan gyi don thams cad bya ba yin no/ /bdag nyid yongs su ma sbyangs par ni gzhan gyi don byed par mi nus pa yin te/ bdag nyid kyis lam ma mthong bar gzhan la lam ston pa bzhin no/ /de ltar sems can gyi don dus phyi nas bya bar bstan nas/ rang gi don gyi mchog tu 'gyur zhes bya ba bdag gi don ni gzhan gyi don yin no zhes bya ba'i don te/ /bdag gi don grub na de'i rjes su gzhan gyi don 'grub par rigs pa'i phyir ro/ /dam pa dag dul ba nyid kyis ni bdag nyid kyi rten yin te/ chu bos khyer ba dag la gling lta bu yin no zhes bstan pa'i phyir bdag nyid bdag gi zhes bya ba la sogs pa tshigs su bcad pa bcu bzhi'o/ /bcom ldan 'das gtsug lag khang du gshegs pa na dge slong nad pa nad g.yog sus kyang ma byas shing zhag bdun gyi bar du zas cha de la bshang gci'i nang du nub pa zhig gzigs so/ /de yang shin tu khro ba'i rang bzhin can zhig yod pas mngon sum du tshig rtsub po smra zhing tshangs pa tshungs par spyod pa rnams la mi gus pa zhig ste/ des na dge slong rnams kyis spangs pa de'i gan du gshegs te bka' stsal ba/ dge slong khyod la mkhan po nad g.yog mi byed dam/ slob dpon dang lhan cig slob pa dag nad g.yog mi byed dam/ gzhan yang mkhan po
- 62b
gcig pa zhes bya ba nas/ ji srid du khyod la med dam zhes bka' stsal pa dang/ bdag la ni mgon ma mchis so zhes gsol te/ des na 'di dag gsungs so/ /bdag nyid de rang gi sems nyid dul ba ni dgos pa yin gyis/ ma dul ba la ni dgos pa nyid du ma 'thad pa yin no zhes sgrub pa'i phyir nyid kyi sgra'o/ /bdag gi mgon yin gyis zhes bya ba ni bdag nyid ni rang gi dngos po ste/ phung po lnga'i bdag nyid rten dang dgos pa dang srung bar byed pa zhes bya ba'i don to/ /gang gi phyir sems gcig btul bas ni dbang po'i tshogs mdza' dag bsrungs par 'gyur ro/ /gzhan lta su zhig mgon du 'gyur zhes bya ba ni sems dul ba las gzhan pa gang zhig ste/ gzugs la sogs pa dang/ mu stegs byed la sogs pas yongs su brtags pa'i nang gi skyes bu byed pa po la mgon zhes bya ba ni ji ltar yang 'thad pa ma yin te/ rigs pa dang lung dang 'gal ba'i phyir ro/ /gzhan khyod kyi mkhan po la sogs pa su zhig ji ltar mgon du 'gyur te/ 'jig rten ni rang gi las la spyod pa'o zhes bstan pa'i phyir ro/ /bdag nyid dul ba ni mgon du 'gyur ro zhes bya ba ci'i phyir de ltar nges par bya zhe na/ de'i 'bras bu mthong ba las te/ du bas me nges par shes pa bzhin du ste/ smras pa/ thob par 'gyur ba ni rnyed par 'gyur ba'o/ /mkhas pa ni shes rab kyis bdag nyid dul ba la mngon par brtson pa'i phyir ro/ /don rnams zhes bya ba ni dbyig la sogs pa'i nor te/ bdag nyid gso ba'i 'tshog? chas zhes bya ba'i don to/ /thabs gcig gis thob pa nyid de/ de nyid smras pa/ bdag gis mgon yin gyi zhes bya ba ste/ sems dul bar gyur pa ni 'dren pa ste/ bdag nyid kyi yo byad tsam yang bsags par mi nus na/ gzhan lta ga la 'gyur bdag nyid ni rang
- 63a
nyid de sems can gyi rgyud do/ /de'i phyir nad pa de la ni 'di lta bu'i rnam par rtog pa byung bar gyur te/ gang bdag da ltar nyams shing 'di ltar 'byor ba zad pa ni sngon bsod nams ma bsags pa'i phyir ro/ /grags pa la sogs pa yang med de gang gi phyir de ni nor gyis chos dang grags pa dang bde ba dang mtho ris te/ de dag bdag la med do/ /yun ring du gnas pa dang/ 'khor gyis nang na mdzes pa dang/ nye bar mi gdung bar gyur pa dang/ 'chid ba thams cad bcad pa dang/ ngan 'gro thams cad spong bar gyur pa dang/ sdug bsngal thams cad las thar par gyur pa dang/ sgrib pa med pa'i lam thob pa dang/ phung po lhag ma med pa'i mya ngan las 'das par nye bar 'gro bar gyur pa dag kyang bdag med do zhes bsams so/ /de yang sems ma dul ba yin no zhes thub pa mchog gis de mkhyen te/ de dang mthun par de la chos bstan to/ /gal te nor la sogs pa 'dod pa yin na/ des na bdag nyid dul bar gyis shig dang mngon par 'dod pa'i don des 'thob par 'gyur ro snyam mo zhes so/ /gzhan dag ni bcu bzhi sde zhes bya ba'i kun tu rgyu dag nor la sogs pa 'dod nas de sgrub pa'i thabs 'khrul pa med pa ma shes te/ ya mtshan can mdza' dag la dri ba gtan la dbab pa'i phyir song ba dang/ ji tsam na bcom ldan 'das kyi thang du seng ste/ re re'i dbang du mdzad nas tshigs su bcad pa re re gsungs so zhes zer ro/ /chos rnams zhes bya ba ni srog gcod pa la sogs pa las slar ldog pa'i mtshan nyid legs par spyod pa'o/ /dge slong dag khyed la chos bstan par bya ste/ chos de dag gang zhe na/ srog gcod pa spang pa'o zhes bya ba la sogs pa mdo las gsungs so/ /yang na gang las mngon par mtho ba dang/ nges par legs par grub pa ni dam pa'i chos te//
- 63b
chos de thos pa'o/ /chos kyi tshe 'di'i phan yon bstan pa'i phyir/ grags pa zhes bya ba smos te/ snyan pa dang yon tan gyi gtam mo/ /bde ba ni myong ba'i bde ba'o/ /de yang rnam pa gnyis te/ 'jig rten 'di dang pha rol gyi'o/ /de la 'jig rten 'di'i bde ba ni bshad pa la sogs pa dang bral ba'i mtshan nyid la 'dir dgongs so gzhan ni 'og nas brjod do/ /yang na mi rnams kyi bde ba'o/ /pha rol gyi phan yon bstan pa'i dbang du byas nas mtho ris su skye ba'i bde ba des bstan pa'i phyir bde 'gro zhes bya ba smos te/ 'dod pa'i khams kyi 'dod pa'i khyad par gyi bde ba nyams su myong ba'i gnas ni bde ba zhes 'dir bshad do/ /yun ring mtho ris dga' bar 'gyur zhes bya ba ni gzugs na spyod pa'i lha rnams kyi gnas su bdag nyid dga' ba dang bde ba gnyis kyis ci rigs par dul ba'i bdag nyid yun ring por bdag nyid sim par 'gyur ba'o/ /yun ring mtho ris gnas par 'gyur zhes bya ba ni gzugs med pa'i bdag nyid kyi mtho ris dag tu yang bdag nyid chen po shin tu yun ring por gnas par 'gyur te/ de'i phyir nam mkha' mdza' yas skye mched kyi tshe'i tshad ni bskal pa chen po stong phrag nyi shu'o/ /rnam shes mdza' yas skye mched kyi tshe'i tshad ni bskal pa stong phrag bzhi bcu'o// ci yang med pa'i skye mched kyi tshe'i tshad ni bskal pa stong phrag drug cu'o/ /srid pa'i rtse mo'i tshe'i tshad ni bskal pa chen po stong phrag brgyad cu'o/ /des na de ltar gzugs med pa nang gi yid dag pa'i phung po'i 'jig rten mthong ba rnam pa bzhi po de yang thar pa ma yin te/ 'jig rten pa zhes bshad do/ /gnyen gyi nang na lam mer 'bar zhes bya ba ni nye du rnams kyis nang na dngos po thams cad phun sum tshogs pa'o/ /mnyam par bzhag pa'i khams las shi 'phos
- 64a
nas 'dir skyes pa ni khyad par du bdag nyid dul ba yin no zhes 'dis bstan te/ 'phags pa 'od srungs chen po'i spyod pa dag kyang 'dir brjod do/ /mya ngan nang du gdung mi 'gyur zhes bya ba ni/ gzung? pa'i bdag nyid 'dod pa'i khams kyi nang na 'am dbus na gnas pa nags stug po'i nang na gnas pa dang 'dra ba ste/ gdung bar byed pa'i bdag nyid do/ /ma dul ba nyid ni gdung ba la sogs pa'i gnod pa dang ldan te/ ma dul ba'i bdag nyid can ni yongs su brtags pas rkyen ji lta ba bzhin du bde ba dang sdug bsngal 'byung bar mi shes te/ mtshan mo dang nyin par bzhin no/ /'chid ba thams cad gcod par 'gyur zhes bya ba ni mthong bas spang bar bya ba'i rjes su chags pa'i zhags pa thams cad bcad pa dang spangs pa zhes bya ba'i don to/ /'di nyid du de'i 'bras bu 'byung bas 'dir srid la de mthar thug pa yin no zhes lung las 'byung ba'i phyir ro/ /ngan 'gro thams cad spong bar 'gyur zhes bya bas ni mthong ba'i lam gyi phan yon bstan te/ de thob pas ni ngan song thams cad sel bar byed de/ des so sor brtags pa'i 'gog pa thob pa'i phyir ro/ /sdug bsngal kun las rab tu thar zhes bya ba ni khams gsum gyi bsgom pas spang bar bya ba'i sdug bsngal la dmigs pa ste/ kun tu sbyor ba thams cad spangs pa'i phyir ro/ /mkhas pa mgon du 'gyur pa'i thob ces bya ba ni mi slob pa'i lam bstan pa yin te/ mthong ba'i chos la bde bar gnas pa'i rgyus phan gdogs par byed pa'i phyir te/ phan 'dogs par byed pa ni mgon yin no/ /yang na de kho na nyid ston par byed pa ste/ de yang sangs rgyas bcom ldan 'das las gzhan mthong ba'i lam la sogs pa ston pa med pa'i phyir te/
- 64b
de ni dul ba'i bdag nyid kyi mkhas pa sgrub par byed pa yin gyi/ gzhan ni ma yin no/ /rak+Sha na zhes bya ba'i dge slong gnyis kyang 'dir dper brjod par bya'o/ /mya ngan 'das nyid nye bar 'gyur zhes bya ba ni de nyid dang nye ba yin gyis 'khor ba dang ni ma yin zhes bya ba'i don te/ phung po lhag ma med pa'i mya ngan las 'das pa'i dbyings kyis nang du gnas shing de'i bdag nyid du zhugs par blta bar bya ste/ de la gzhol ba'i phyir ro/ /bdag gi tshoms te nyi shu rtsa gsum pa'i rnam par 'grel ba rdzogs so// //dul ba'i bdag nyid kho na legs par gsungs pa bshad pa la nan tan du byed cing yon tan can la mchod par byed la dkon mchog la rjes su 'brang ba la sogs pa dam pa'i tshul gyis ngoms pa med de skom pas gdungs pa nyid chu bzang po 'thung ba yin gyi/ gzhan ni ma yin no zhes bstan pa'i phyir de'i 'og tu bsgre ba'i tshoms bstan to/ /yang na dul ba'i bdag nyid can kho nas bsgre bar gsungs pa rtogs par nus kyis/ 'khrul pa'i blo can gyis ma yin no zhes bstan pa'i phyir 'di nyid bstan pa yin te/ gang dag don dang mi ldan zhes bya ba la sogs pa smos so/ /bram ze zhig bcom ldan 'das skye bo'i tshogs chen pos yongs su bskor cing bzhugs pa na mdun du 'dug ste/ bcom ldan 'das mnyes par bya'o zhes skye bo'i tshogs chen po'i mngon du nges brjod kyi rig byed mang du smras par gyur pa las de'i dbang du mdzad nas tshigs bcad 'di la sogs pa gsungs so/ /bram ze de yang 'jig rten pa'i chos kyi tshig gi don 'dod cing dang tshul ngan pa yin no/ /gang dag tshigs su bcad pa brgya dag smra ba bas zhes bya ba ni gang tshigs su bcad pa brgya'i tshig gi don gang zhig smra zhing tshig sna tshogs dang ldan pa brjod pa'o/ /ji lta bu zhe na/ don dang mi ldan tshig ces bya ba smos te/ /dam pas
- 65a
gsungs pa'i dngos po'i tshig gam ngag dang mngon par 'brel ba ste/ 'khor ba dang rjes su mthun pa'i sgra 'am/ 'khor ba dang rjes su 'brel cing mthun pa'i don dang sgra'o/ /yang na bdag dang gzhan gyi don gyis stong? pa'o// yang na dgos pa dang mi ldan pa'o/ /gang tshig bcad brgya smras pa dang/ gang tshig bcad gcig ces bya ba bsdu ba'i don du dang gi sgra'o/ /don ldan tshig cig thos pa rung zhes bya ba ni gcig nyid don dang 'brel ba ni nye bar zhi ba dang 'brel ba'i tshig 'dir mchog yin te/ gang la la zhig don med pa'i tshig brgya stong pa bas gang zhig don dang ldan pa'i tshig gcig ston pa nyid rung gi tshig bcad brgya stong 'don pa ni ma yin no/ /ji lta bu zhe na/ don dang ldan pa'i mtshan nyid bstan pa'i phyir/ thos nas nye bar zhi 'gyur ba zhes bya ba smos te/ tshig gang smos pas nyon mongs pa spangs shing nye bar zhi ba thob par byed pa ste/ dper na lam phran bstan gyis rdul bsal lo/ /dri ma bstsal lo zhes bya ba thos pas dgra bcom pa'i 'bras bu thob par byas pa lta bu'o/ /gang dag don dang mi ldan tshig ces bya ba ni sdig pa'i don yongs su ston pa dang 'brel pa 'am/ rigs pas stong pa'o/ /yang na chos ma yin ba rtogs par byed pa dang ldan pa'o/ /yang na thar pa dang rjes su mi mthun pa'o bram ze dag 'di skad smra te/ mchod sbyin gyi don du phyugs rnams bskyed pa yin te/ de der bsad pa ni bsod nams chen po 'thob par byed pa yin no/ /nor 'di dag thams cad ni bram ze'i yin te/ de stobs chung bas sdig pa can dag yongs su spyod do zhes bya ba dang/ bud med ni me tog dang 'bras bu dang 'dra bar thams cad kyis longs spyad par bya ba yin no zhes pa dang/ bzhad gang kyi dus na ni brdzun la nyes pa med do zhes bya ba dang/ mchod sbyin gyi dus su chang 'thung ba la nyes pa
- 65b
med do zhes bya ba ste/ don med pa dang chos ma yin pa'o/ /chos dang ldan pa'i tshig gis te/ yon tan gyis khyed kyi de ni sdig pa can du smad pa yin te/ 'jig rten 'di dang pha rol dang/ 'jig rten dang 'jig rten las 'das pa dang/ bdag dang gzhan gyi don dang/ 'jig rten pa'i gtsug lag gi sbyor pa'i 'bras bu la gnod pa yin te/ bstan pa tha dad pa'i don nyid do/ /don med pa dang chos ma yin pa'i tshig dang 'brel ba'i tshul khrims 'chal ba dang/ don bzang po dang chos dang rjes su 'bral pa yin no zhes bya ba dag bstan pa'i phyir/ tshul 'chal mnyam par ma bzhag pa zhes bya ba la sogs pa smos so/ /lo brgyar gson pa gang yin pa zhes bya ba ni gang la la zhig dus tshig brgyar ris mthun pa 'dzin par byed pa'o/ /tshul 'chal zhes bya ba ni ngang tshul ngan pa nyid do/ /mnyam par ma bzhag pa ni yul dag la rnam par g.yengs pa'i sems so/ /nyin zhag 'ga' zhig gson par rung zhes bya ba ni nyin zhag gcig 'tsho ba'i dbang po 'dzin pa ni ches mchog yin no/ /gang gi zhe na/ tshul khrims ldan zhing zhes bya ba ste ngang tshul bzang po dang ldan pa'o/ /mnyam bzhag pa zhes bya ba ni yul dag las sems kun tu bsdus pa'o/ /brtson med ces bya ba ni ngan par spyod pa la mngon par brtson pa ste/ ngan pa'i dngos po la gnas pa'i phyir ro/ /le lo ldan pa dag ces bya ba ni dge ba dag la brtson pa lhod pa'o/ /tshul khrims dang ldan pa ni brtson 'grus rnam par dag pa yin no zhes bstan pa'i phyir/ brtson 'grus brtsams pa dag ces bya ba smos te/ dge ba'i rtsa ba dag la mngon par brtson par byas pa'o brtan pa ni g.yo ba med pa ste/ 'dis ni ngan par spyod pa las gcig tu ldog par bstan to/ /brtson 'grus dang ldan pa nyid kyis ni tshul khrims dang ting nge 'dzin thob par 'gyur ro zhes bstan te
- 66a
shes rab 'chal pa zhes bya ba ni blo ngan pa ste/ rmongs pas blo bslang pa'i phyir ro/ /shes rab 'chal bas ni sems g.yeng bar 'gyur ro zhes bstan pa'i phyir gang gi phyir gyi sgra'o/ /mnyam par ma bzhag pa zhes bya ba ni gang du bsam gtan med pa ni shes rab med do zhes bya ba'i tshig gis so/ /shes rab chen po zhes bya ba la shes rab ni blo shin tu gsal ba'o/ /'dir bsngags pa'i don ni chen po'i sgra'o/ /mnyam bzhag pa zhes bya ba ni ting nge 'dzin du byas pa'o/ /'dis ni dran pa nye bar gzhag pa la gnas pa la sogs pas tshogs kyi lam bstan nas mthong ba'i lam bstan pa'i phyir/ skye dang 'jigs pa zhes bya ba smos te/ 'ongs pa dang bral ba ste/ 'dus byas kyi rnam pa nyid ni skye ba dang/ 'jig pa yin no zhes bsgrub pa'i phyir gang gi phyir gyi sgra'o/ /tshor ba zad pa zhes bya ba ni gzugs can gyi khams gnyis las 'dod chags dang bral par ston te/ de'i phyir 'dod pa las 'dod chags dang bral na ni sdug bsngal dang yid mi bde ba spangs par 'gyur ro/ /gzugs las 'dod chags dang bral na ni bde ba dang yid bde ba spangs te/ rjes su bstan pa mang ba nyid yin pas phyir tshor ba zad pa zhes 'dir bstan to/ /zag pa zad pa zhes bya ba ni gzugs med pa'i khams las 'dod chags dang bral ba bstan pa ste/ khams gsum gyi nyon mongs pa spangs pa'i phyir ro/ /'dis ni phung po lhag ma dang bcas pa bstan nas/ phung po lhag ma med pa bstan pa'i phyir go 'phangs mi g.yo zhes bya ba smos te/ rtag pa'i dngos po ni mya ngan las 'das pa'o/ /blta dka' zhes bya ba ni dka' bas blta bar nus pa ste/ dbang po las 'das shing rnal 'byor pas rtogs par bya ba yin pa'i phyir ro/ /mthon po ni dma' ba ma yin
- 66b
zhing mtho ba ma yin te/ dge ba'i rtsa ba brtag pa'i phyir ro/ /ma byas zhes bya ba ni rgyu dang rkyen las ma grub pa'o/ /dam pa ni 'phags pa'i skye bo thams cad kyis don du gnyer ba'i chos thams cad kyi mchog yin pa'i phyir ro/ /'chi med ces bya ba ni de las nyams pa med pa'i phyir ro/ /bdud rtsi ni mi 'chi ba ste/ 'jigs pa med pa'i phyir ro/ /rdul med ces bya ba ni ma rig pa dang nga rgyal dang 'dod chags la sogs pa'i nyon mongs pa'i dri ma dang bral ba ste/ rdul ni 'dod chags rdul gyis rdul man zhes mdo las gsungs so/ /rdul bral zhes bya ba ni nyon mongs pa dang rjes su mthun pa'i yul gyi rdul dang bral ba ste/ de skyed par byed pa la sogs pa'i rdul dang bral ba'o/ /tshor ba zad pa la sogs pa ni mya ngan las 'das pa nyid la brjod pa yin no/ /de lta na ni gcig brjod pa mchog ste/ gzhan dgos pa med do zhe na bshad pa/ de ni bden mod kyi rgol ba dag la rigs pas bshad pa yin te/ de'i phyir kha cig ni mya ngan las 'das pa la tshor ba bde ba yin no zhes de la dmigs pa dag snang ste/ bde ba ni chags pa las gnas pa yin no/ /de bas na zag pa nyid do/ /de ltar kha cig ni rgyun rtag pa yin te/ skad cig ma ni ma yin no zhes pa ste/ dbang po las skyes pa'i mngon sum kyis rtogs pa'i phyir ro/ /dbang po zhan pas dmigs pa'i tshul yin pa'i phyir te/ ji skad du tshangs pas byas shing bskyed pa'i phyir te/ 'byung dang rab rgyas 'jigs dang rab zhum pa/ /yang dang yang du nyer 'gro skyo gyur pas/ /tshangs pas thar pa'i grong du bstan pa ste/ der 'gro'i lam ni 'jigs pas rab grol yin zhes so/ /thar pa la ni 'khor ba mi 'dod pa yin te/ 'dod pa'i bde bas rgyas pa yin pa'i phyir de las kyang yongs su nyams pa yin te/ thams cad de dang lhan cig yongs su 'jig pa srid pa yin pa'i phyir ro//
- 67a
'chi ba dang bcas pa'i mya ngan las 'das pa'i dgra bcom pa zhes bya ba'i tshig gis te/ 'gro ba med pa bzhin no/ /de nyid kyis phyir 'dir rdul ni yod de/ nyon mongs pas dmigs pa yin pa'i phyir zag pa dang bcas pas na gzugs lta bu yin te/ de bas na rgol ba de gsal bar bya ba'i phyir 'di dag brjod pa yin no/ /bdag nyid dul ba las skyes pa ni yon tan dang ldan pa'i skye bo nyid yin no zhes bstan pa'i phyir mi ni lo brgyar zhes bya ba sogs pa smos so/ /lo brgyar zhes bya ba ni dus tshigs kyi tshad brgya'o/ /mi ni zhes bya ba ni skye ba'i rgyud dang 'brel pa'i rgyun te/ 'khor ba'i sems can zhes bya ba'i don to/ /nags tshal zhes bya ba ni dgon pa ste g.yeng ba med pa'i phyir ro/ /me la yongs brten zhes bya ba ni sreg blugs kyis tshul bzhin sbyin sreg byed cing tshim par byed pa zhes bya ba'i don te/ de'i phyir gar ha ba ti dang a ha ba ni dang/ dak+ShA Na ste mi rnam pa gsum la go rims bzhin du b+hu dang/ b+hu b+ho dang/ swas gnyen shi ba dang tshim par byed pa yin no/ /snga ma las ni gzhan gnyis po 'byung ba yin no zhes pa mchod sbyin pa'i grub pa'i mdza' o/ /me gsum 'di na tshul bzhin bsreg byas pas/ tshangs pa'i 'jig rten du ni 'gro bar 'gyur zhes so/ /bdag nyid bsgoms la yud tsam zhig /mchod pa byed pa gang yin pa zhes bya ba ni gang la la zhig yon tan gyis yid legs par stobs dang ldan zhing rgyud yongs su sbyangs pa'i yon tan can gyi zhing la bsod snyoms 'bul ba la sogs pas bsnyen bkur byas pa yang ngo/ /chu tshod gnyis nye bar mtshon pa 'am/ dus de tsam ni bud tsam mo/ mchod byed de nyid ches rung gi zhes bya ba ni gang bdag nyid bsgoms pa la lan cig mchod pa de nyid ches mchog tu bya ba yin no/ /gzhal du med pa'i 'dod pa'i 'bras bu yin pa'i phyir/ steng nas rdzu 'phrul
- 67b
kyis gshegs pa'i rang sangs rgyas dang mchod rten mchod pa dang/ 'phags pa yid bzang zhes bya ba 'dir dper brjod par bya'o/ /gang lo brgyar sbyin sreg byed pa ni ma yin te/ me la sbyin bsreg gis tshim par byas shing sreg blugs la sogs pas de la blugs pa ni 'bras bu med pa'i phyir ram/ me dang chu la bsten cing spyad pas ni yon tan gang zhig yod de/ sangs rgyas kun nas nyon mongs pa spangs pa la ni 'di na sems yongs su dul bar byed do zhes bya ba'i tshig gis so/ /dkon mchog gsum la dad pas byang grol gyi lam la sogs pa'i khyad par dang 'brel ba yin no zhes bstan pa'i phyir/ zla ba re re zhes bya ba la sogs pa smos te/ zla ba re re zhes bya ba ni zla ba gcig cing zhes bya ba'i don to/ /ku sha'i rtse zhes bya ba la/ ku sha ni darb+ha? ste/ de ni bkra shis par smos pa'i rtswa'i rnam pa'o/ /de'i rtse mo ni mchog ma ste shin tu phra ba khab kyi rtse mo lta bu nges so/ /de ltar lo tshigs gcig gi dus su zla ba re re zhing nyi ma nyi shur sbyin sreg byas la sbyin sreg byas nas ku sha'i rtse mos 'bras chen chos pa'i 'bru nyi shu rtsa gcig phyung nas za ba dang de bzhin du chu'i thigs pa mthung ba'i dka' thub can de'i rgyus ni rno zhing 'bar ba skye bar 'gyur ro zhes grags go /des mi phong ngo zhes bya ba ni ku sha'i rtses kha zas za ba'o/ /sangs rgyas la ni dad pa'i zhes bya ba ni sangs rgyas kyi yul la yid ches pa'i dad pa'o/ /char yang zhes bya ba ni cha? shes? su mi 'gro ba'o/ /gang zhe na/ bcu drug ces bya ba smos te/ thams cad kyi tsha phra ba'i dngos por 'jig rten na grags pa'o/ /sangs rgyas la dad pa mi g.yo ba ni 'bras bu mdza' yas pa 'am yid du 'ong ba'i 'bras bu yin no/ ji ltar ku sha'i rtse mos zas za ba dang mnyam par 'gyur ro/ dam pa'i chos la dad pa'i zhes bya ba ni thar pa dang de'i lam legs par gsungs pa'o/ /dge 'dun la ni dad pa'i zhes bya ba ni
- 68a
dam pa'i tshogs te/ dam pa'i rgyu 'am/ nyan thos kyi rgyud la gnas pa'i slob pa dang mi slob pa'i lam mo/ /dkon mchog la dad pa dang ldan pas bsten pa yin no zhes bstan pa'i phyir/ sems can rnams la snying rje ba zhes bya ba smos te/ sems can la rjes su brtse ba ni de'i sdug bsngal las 'don pa'i bsam pa'i tshul yin te/ de ni 'khor ba'i rgyud la brjod do/ /de nyid kyi sgra spyi'i tshul gnas par byas nas de'i khyad par bstan pa'i phyir/ srog chags rnams la snying brtse ba zhes bya ba smos te/ srog chags ni srog dang ldan pa'o/ /'dod pa'i sems can bsam gtan gsum du skyes pa de rnams nyid la ni dbugs 'byung ba dang rdub pa yod pa'i phyir ro/ /'byung po rnams la snying brtse ba zhes bya ba ni dbugs 'byung ba dang rdub pa yod pa'i phyir/ khams lhag ma dag gis bstan pa'i phyir/ sems can srog chags su gyur pa 'dod pa la sogs pa'i khams gsum na gnas pa la sems can zhes bstan to/ /'dir bstan pa ni snying rje'i dbye ba yin te/ byams pa ma yin pa ci'i phyir zhe na/ bshad pa/ gtso bo yin pa'i phyir te/ gang gi phyir de ni sdug bsngal las 'don par byed pa yin la/ byams pa ni ma yin no/ /byams pa zhes bya ba ni gzhan la phan pa'i sems te/ des yongs su bzung ba'i sems ni byams pa'o/ /'di lta ste/ skyes bu zhig nyin re bzhin dong rtse sum brgya sbyin pa sbyin par byed do zhes bya ba la sogs pa'i mdo 'di las blta bar bya'o/ /tshad med pa rnams kyis nang nas gnyi ga kho na bzung ste/ gzhan gyi don bya ba'i thabs kyi gtso bo yin pa'i phyir ro/ /gang gi phyir byams pa ni gzhan gyi don sems pa'o/ /snying rje ni de byed pa'o/ /de gnyis kyi rtsa ba ni yang dag pa'i shes pa yin no zhes bstan pa'i phyir/ grangs
- 68b
ni dam chos zhes smos te/ grangs ni bsdus pa yongs su bcad pa'o/ /zag pa med pa'i shes pas chos sgom pa'i sems gang yin pa'i sems des zhes bya ba ni tshigs bcad snga ma 'dir rjes su 'brangs te/ ji skad du mi rtag par rjes su mthong bar gyur pa ni 'dod chags dang bral bar mthong ste/ de bas na de ni bsod nams ches mang po zhes gsungs so/ /ku sha'i rtse mos za ba sangs rgyas la dad pa la sogs pa las don med par 'ba' zhig tu ma zad de/ mchod sbyin dang rjes su mthun pa yang yin no zhes bstan pa'i phyir zla ba re rer zhes bya ba la sogs pa smos so/ /rgyal po gsal rgyal gyis 'di lta bu'i tshul gyis mchod sbyin chen po brtsams te mchod sbyin stong phrag bcu'i mchod sdong mchod sbyin gyi ched du btsugs te/ bza' ba mang po dang bca' ba mang po dang sbyin pa'i rdzas mang po yang spangs shing gzhag go /de nas dge slong rab tu mang po snga dro'i dus su 'ongs pa dang/ ji tsam na tshigs su bcad pa dgu gsungs so/ /stong zhes bya ba ni ri sha pa zhes bya ba'i mdo las bstan pa yin no/ /gzhan dag ni karSha pa na zhes zer ro/ /kha cig ni lan stong zhes zer ro/ /lo brgya ni dus tshigs brgya'o/ /mchod sbyin ni mchod sbyin dang mchod pa byed pa ste/ 'di'i tshul bzhin du byas na lha'i tshogs kyi nang du skye zhing gnas par 'gyur ro zhes so/ /lhag ma ni snga ma bzhin no/ /gang cung zad ces bya ba ni dus thams cad dang thams cad du thams cad kyis gang ci yod pa de thams cad ces bya ba'i don to/ /mchod sbyin zhes bya ba ni 'dod pa'i yul las byas pa ste/ de nyid ni mchod pa sngon du 'gro ba 'am mngon par 'dod pa'i bsnyen bkur sngon du 'gro bas bram ze dang dge sbyong la sogs? pa sbyin pa'i zhing la sbyin pa ste/ 'dis ni mchod sbyin dang sbyin sreg gnyis bstan to/ /me la sbyin pa sngon du 'gro ba'i
- 69a
sbyin sreg go /'jig rten gzhan du zhes bya ba ni 'gro ba ste/ 'khor ba pa'i bde ba sgrub? pa zhes bya ba'i don te/ rgyu mtshan gyi bdun pa'o/ /lo brgyar zhes bya ba ni dus tshigs brgya'o/ /gang zhe na bsod nams 'dod pa yin pa'i mi zhes bya ba ste/ bsod nams 'dod pa yin pas bsod nams te/ gang dag bsod nams sogs par byed pa'i sems can no/ /snga mas ni zhing dang bsam pa bstan nas 'dis ni byed pa po brjod do/ /des ni mi phong ngo zhes bya ba ni sbyin sreg dang mchod sbyin la sogs pas so/ /bzhi char yang zhes bya ba ni cha shas bzhi pa'i cha dang mnyam pa thob par mi byed do zhes bya ba'i don to/ /gang gi zhe na/ phyag 'tshal de'i zhes bya ba ste yon tan la mngon du phyogs par byed pas dad pa sngon du 'gro bas phyag 'tshal zhing mchod pa la sogs pa ni phyag 'tshal ba'o/ /yang na dkon mchog gsum la gus pa byed pa'o/ /gang zhig gis phyag 'tshal ba yin zhe na/ drang po'i sems dang ldan par gyur zhes bya ba smos te/ g.yo la sogs pa ni sems kyi skyon mi drang ba ste/ de med pa ni drang po thob pa'o/ /de dang ldan pa ni gnas pa'o/ /ji snyed sems kyi skyon dang/ g.yo thams cad dang bral ba ni drang po'i rang bzhin can te skye bo dge ba 'am/ dkon mchog gsum la ste sangs rgyas la dge ba'i rtsa ba skyed pa ni 'khor bar zad par mi 'gyur ro zhes bya ba'i tshig gis so/ /mdo gzhan dag las kyang bshad pa/ dge slong gang tshul khrims dang ldan pa dge ba'i rtsa ba'i chos can bsod snyoms yongs su spyod pa tshad med pa'i sems kyi ting nge 'dzin lus kyis mngon sum du byas shing rdzogs par byas te gnas pa de las sbyin pa byin pa ni sbyin bdag gi bsod nams tshad med pa 'byung bar 'gyur ro zhes bya ba
- 69b
la sogs pas so/ /bsgre ba'i tshoms te nyi shu bzhi pa'i rnam par 'grel pa rdzogs so// //dam pa'i chos mnyan cing bstan pa la nan tan du bya ba la sogs pa la ni skye bo dam pa ma yin pa spang ba dang/ skyes bu dam pa la brten pas mngon par 'dod pa'i don mdza' dag 'grub par 'gyur ro zhes bstan pa'i phyir/ de'i 'og tu mdza' gshes kyi tshoms bstan to/ /de la sdig pa can gyi skye ba spangs shing skye bo dam pa bsten pas ni? 'bras bu dang bcas par 'gyur ro zhes bstan pa'i phyir dad pa med cing zhes bya ba la sogs pa smos so/ /mnyan yod na bcom ldan 'das kyi phyogs gcig na lhas byin ka Ta mo ra ka ti sh+ya la sogs pas yongs su bskor cing 'dug go /phyogs gcig na ni 'phags pa shA ri'i bu 'dod chags dang bral ba'i skye bos yongs su bskor cing 'dug pa de gnyis de ltar mthong nas bram ze dang khyim bdag dang pa can dag gis lha sbyin la ni brnyas par byed pa/ 'phags pa shA ri'i bu la ni bsnyen bkur byed pa las tshigs su bcad pa gsum po 'di gsungs so/ /gang la dad? pa yod pa ma yin pa de ni dad pa med pa ste de dag bshes par mi bya'o/ /ji ltar 'di dad pa yod pa ma yin par rig par bya zhe na/ rtags kyis ji ltar mi dad pa ste/ dad pa med pa'i rtags bstan pa'i phyir/ 'jungs pa zhes bya ba bkran pa dang/ ser sna can te mi gtong ba'i ngang tshul can zhes bya ba'i don to/ /phra ma can zhes bya ba ni gzhan 'byed par byed pa'i tshig gis phra ma de las sbyor ba'o/ /'dis ni dam pa'i chos mnyan par 'dod pa dang 'bral bar bstan te/ phra ma can ni smad pa yin pa'i phyir de la 'di nyan par mi 'dod pa'o/ /dbyen byed pa zhes bya ba ni skye bo khyad par can 'byed pa ste/ dam pa rnams kyi grogs po dang 'byed pa byed pa'i tshig gang la yod pa de ni dbyen byed pa can te/ dam pa rnams 'grogs par mi 'dod pa zhes bya ba'i
- 70a
don to/ /gzhan dag ni 'jungs pa ni sems kyi dri ma'o/ /phra ma ni dag gi dri ma'o/ /'di ni lus kyi dri ma'o zhes zer te/ gzhan gyi srog dang nor dang chung ma 'byed pas so/ /bshes par mi bya zhing zhes bya ba ni grogs po'i dngos po yin pas bshes pa ste/ de de dang lhan cig 'grel par mi bya'o/ /mkhas pa ni de'i nyes dmigs shes pa ste/ 'di ltar sdig can mi dang 'grogs mi bya zhes bya ba smos te/ skye bo ngan pa bsten pa ni smad pa yin te/ sdig pa las ni ngan song gi rgyu yin pa'i phyir ro/ /dper na mi gtsang bas spags pa'i sprul la rkang pa gnyis kyis brdzis par gyur na ci yang mi gtsang bas spags shing nges zin par mi 'gyur ram zhes bya ba la sogs pa mdo las gsungs so/ /dad ldan zhes bya ba ni dad pa phun sum tshogs pa'i phyir ro/ /nges pa zhes bya ba ni rgyud mnyen pa ste ngo tsha shes shing khrel yod pa dang ldan pa'am/ rnam par mi 'tshe ba'i phyir te 'grogs na bde ba zhes bya ba'i don to/ /tshul khrims ldan pa zhes bya ba ni tshul rnam par dag pa la gnas pa'o/ /thos pa mang ba zhes bya ba ni sde snod gsum mngon par shes pa'i phyir te/ de med par ni tshul khrims rnam par dag pa med pa'i phyir ro/ /dang? gi sgra ni 'dir thams cad du phan tshun bltos pa'i don to/ /yon tan rnam pa bzhi kho na ba? ni dge ba'i bshes gnyen gyi yan lag tshang ba yin no/ /gzhan dag ni snga ma'i tshigs bcad kyi gnyen po 'dir go rims bzhin du tshig rkang bzhis 'grel pa yin no zhes zer ro/ /'di nyid dang 'grogs par bya'o zhes pa ci'i phyir zhe na/ 'di ltar mi mchog dag? dang 'grogs par bya zhes bya ba yin te/ mngon par 'dod pa'i dngos po 'thob pa'i rgyu yin pa'i phyir te/ rgyal po gsal rgyal gyis spos kyi glang po che gnas pa khrus dang 'brel pa la 'tshe ba mi byed cing 'dug pa med pa la gnas par gyur to zhes
- 70b
brjod par bya'o/ /de nyid kyi phyir smras pa/ skyo bo dam pa yon tan shin tu dag pa yi/ zhabs la spyi bos btugs te rdul gyis gos kyang bla zhes bya ba yin no/ /skye bo ngan pa dang rtag tu 'grogs pa dang mthun par spyod bar yang ma zad de dus cung zad cig kyang bsten par mi bya'o zhes bstan pa'i phyir/ sdig pa'i grogs po mi bsten cing zhes bya ba smos te/ sdig pa byed pa'i grogs po ni yun thung ngur yang mi bsten te/ dad pa med pa la sogs pa'i skyon yod pa'i phyir bstan pa la zhugs pa rnams kyang mi bsten na gzhan lta ci smos/ skyes bu ngan pa zhes bya ba ni sems can tha ma ste/ log pa'i lam ston pa'i phyir rdzogs byed la sogs pa bzhin no/ /yang na go rims bzhin du gang sdig pa'i chos dang ldan pa dang/ gang sdig pa'i sgra dang ldan pa de yang bsten par mi bya'o zhes tshig rkang gnyis kyis ston te/ /dge ba'i gshes gnyen bstan bya zhing zhes bya ba ni yon tan dpag tu med pa'i chu'i rgyun gyis dri ma'i rgyun rnams 'khru? bar byed pa'i phyir dge ba'i bshes gnyen ni gser bzang po bzhin du bsten par bya ste/ 'dir khyim bdag mgon med pas sbyin dang nye bar gnas pa'i su tsi ka zhes bya ba dper brjod par bya'o/ /rang nyid kyi yon tan de bstan nas gzhan la bstan pa sbyin pa'i phyir smras pa/ skyes bu dam pa bsten par bya zhes bya ba smos te/ de bzhin gshegs pa 'am gzhan 'dod chags dang bral ba'o/ /yang na go rims bzhin du mngon par 'dod pa'i yon tan dang grags pa dang ldan pas so/ /ci'i phyir zhe na/ de lta bu dag bsten byas na zhes bya ba smos te/ de lta bu'i dge ba'i gshes gnyen skyes bu dam pa gang gis bsten pa'i skyes bu de la legs par 'gyur zhes bya ba phun sum tshogs par 'gyur ba'o/ /sdig pa chen pos zil gyis gnon par gyur kyang 'di ltar ma skyes dgra yon tan dang ldan par gyur to zhes bya ba brjod par bya'o/ sdig par mi 'gyur zhes bya ba ni dge ba'i gshes gnyen bsten par byas na legs par 'gyur
- 71a
zhes bya bar 'dir rjes su 'brang ngo/ /yang na dam pa bsten pas ni ngan par mi spyod pa 'am/ de'i 'bras bu rgud par mi 'gyur ro/ /dam pa rnams la brten pa nyid la gzung ba'i phyir smras pa/ gang dag thos mang zhes bya ba la sogs pa'o/ / sna tshogs bsten pa zhes bya ba'i bram ze gang dang gang du bsten pa da dang der gdung ba thob par gyur pas bcom ldan 'das kyi thang du song nas bstan par bya ba zhus so/ /bka' stsal pa/ bram ze 'am dge sbyong gang su dag dad pa phun sum tshogs par gyur pa dang/ tshul khrims phun sum tshogs par gyur pa dang/ shes rab phun sum tshogs par gyur pa dang/ thos pa phun sum tshogs par gyur pa de la brten cig /'di lta ste ri'i rgyal po'i kha ba can la brten nas sa la lnga 'phel bar rgyas par gyur to zhes bya ba gsungs na tshigs su bcad pa gsum bka' stsal to/ /dad dang zhes bya ba 'dis ni mngon par mtho ba'i rgyu dang ldan par bstan te/ dad pa'i lam rgyags bkur nas ni zhes bya ba'i tshig gis so/ /shes rab dang ldan des zhes bya ba ni shes rab khyad par can yod cing rtogs pa dang ldan pa ste/ nges par legs pa'i rgyu dang ldan par bstan to/ /yang na nyes pa rnams dgag pa dang gtan du spang ba ste/ bsten pa nyid kyi gsal bas so/ /mi yis bsten bya zhes bya bas ni de bsten pas dpag tu med pa'i khyad par 'byung ba'i phyir ro/ /'di gnyis dang rjes su mthun pa'i rgyu bstan pa'i phyir thos mang zhes bya ba gsungs rabs kyi don rtogs pa ste/ ji skad du chos nyan pa yongs su rdzogs na ni dad pa yongs su rdzogs pa yin la/ tshig gi don zab mo ni shes rab kyis yongs su rtogs par 'gyur ro zhes bshad do/ /'di gnyis kho na'i bsgom pa'i thabs bstan pa'i phyir gnas mang sems pa dang zhes bya ba yin te/ dngos po mang po la yongs su rtogs par byed pa dang/ dran pa nye bar bzhag pa la sogs pa la mngon par brtson pa'i phyir
- 71b
yang na rnam pa mang po ste/ ji skad pas? ji ltar yang gnas bdun la mkhas par 'gyur te/ gzugs shes par 'gyur ba dang/ gzugs kun 'byung ba zhes bya ba la sogs pa'o/ /gang 'di ltar yongs su rtogs par byed pa de nyid kyis ni zag pa med pa'i lam thob pas dad pa? shes rab bsgom par 'gyur ro/ /gang dag ces bya ba ni yon tan bsten pa ste/ legs par smras pa mnyan byas zhes pa dang sbyar ro/ /'dir ni zhes bya ba ni 'jig rten 'dir sangs rgyas 'byung bas brgyan pa'o/ /mnyan byas zhes bya ba ni brtag pa'o/ /ring po nas kyang de yis zhes bya ba ni dad pa dang ldan na yul bskal par gyur kyang khyad par thob par 'gyur zhes bya ba ni yon tan gyi tshogs dang pa phan yon 'grub par 'gyur ba ste/ sangs rgyas thag ring po na bzhugs kyang shes rab kyi mig gis rnam par sbyangs pa yin te/ u tra ya na'i rtogs pa brjod? pa 'dir bshad par bya'o/ /ci nas kyang dam pa brten pa la 'jug par bya ba de ltar sbyar ba'i phyir/ dman pa brten pas mi dge? nyams 'gyur zhing zhes bya ba ni nyin re zhing yon tan nyams pa thob par 'gyur te/ dam pa gang yin pas bsten kyang yon tan nyams par 'gyur ro/ /de bas na 'di la brten par mi bya'o zhes ston to/ /thad kar bab pa bsten pas so na gnas zhes pa la/ 'di la mnyam par 'tsho ba'i tshul yod pa de ni de'o/ /gang yang skye bo mnyam pa dang lhan cig 'grogs pa des ni thob pa'i 'bras bu'i khyad par las nyams pa yang med la/ khyad par thob pa yang med do/ /gtso bor bsten pas zhes bya ba ni yon tan khyad par can 'drin par byed pa ste/ ches khyad par du 'phags pa'i gan du lhags nas de la brten cing mchog tu de dang nye bar gnas par byas na dam pa thob par 'gyur ba ni rnyed pa'o/ /dam pa thob ces bya ba ni yon tan gyi khyad par du gyur cing yon tan bsngags pa zhes bya ba'i don to/ /ji skad du 'di ltar sems med pa'i til ba? me?
- 72a
tog gi dri chen pas bsgos par gyur na lhan cig bsten pa'i dri thob par 'gyur zhing de'i dri nye bar 'go bar 'gyur na ji ltar yang skye bo 'ang dag skye bo dam pa dang brten na dam par mi 'gyur/ de phyir bdag pas gtso bor gyur bsten par bya zhes bya ba ste/ de bas na 'di ltar bdag nyid pas ches khyad par du gyur pa dag bsten par bya'o zhes bstan to/ /de nyid gtso bor gang bsten na/ gtso bo bas kyang ches gtso bor 'gyur zhes bya ba ni mchog par kyang mchog tu ste/ gang dag nyid pas ches khyad par du gyur pa bsten pas so/ /gang gi ches gtso bor 'gyur zhe na/ shes rab ches mchog ldan pa yis zhes bya ba smos te/ chos rnam par gtan la dbab pas de khyad par gyis sbyor ba 'thob pa'i phyir ro/ /tshul khrims ni so sor thar pa'i sdom pa la sogs pas so/ /nye bar zhi ba zhes bya ba ni ting nge 'dzin gyis so/ /des na yang phung po gsum gyi bdag nyid 'phags pa'i lam bstan pa yin na/ /mi dge ba'i gshes gnyen bstan pa'i skye bo ni nyams par 'gyur ro zhes bshad pa la ji ltar de grags pa la sogs pa nyams par 'gyur zhe na/ de nyid kyi smad pa bstan pa'i phyir mi yis 'di na nya rul zhes pa smos so/ /mnyan yod na rgyal po gsal rgyal gyi mdun na 'don gyi bram ze mchod sbyin gyi sbyin sreg byed par brtsams te/ de'i don du mi zhig gis dgon pa nas rtswa khur gcig blangs te grong khyer du 'jug 'dod pa'i lam gyi bar na nya mang po mthong ngo/ /des khur gyis nang du bcug ste/ rang gi khyim du khyer nas khur de yang rang gi rje bo dang mdun na 'don la phul lo/ /des kyang nya shin tu rul? pa'i dri bro bas phyi rol tu bor ro/ /gzhan zhig gis kyang de la bsgoms pa'i shing pa la sha'i lo ma blangs te/ gang zhig nas rgya spos sar pa zhig kyang rnyed de lo ma de'i nang du kha sbyar te bzhag go /de dang 'byar bas lo ma yang dri zhim zhing
- 72b
brten pa'i 'os su gyur to/ /ji tsam na mdun na 'don bcom ldan 'das ga la der song ste/ bdag gi mchod sbyin ni gang gis kyang yan lag tshogs par ma gyur to zhes gsol pa dang/ mchod sbyin ni de lta bur don chen po yin no zhes bstan nas de'i dbang du mdzad de tshigs su bcad pa gnyis gsungs so/ /nya rul pa zhes bya ba ni rnam par gsher? zhing rul pa'o/ /bcings pa ni nye bar bsdams pa'o/ /gang ku sha dang darb+ha dag byed du gyur pa/ ku sha nyid kyang rul 'gyur ba zhes bya ba yin te/ dag byed kyi gzugs su gyur pa'i ku sha yang rul cing dri nga bar gyur te spang bar bya 'gyur ro zhes bya ba'i don to/ /sdig pa bsten pa'ang de bzhin 'gyur zhes pa ni de bzhin du skye bo ngan pa la brten par 'dod pa'i dam pa rnams kyang tshigs ngan pa la sogs pa'i dri nga ba la sbyor bar byed do/ /rgya spos zhes bya ba ni shin tu bsngags shing dri zhim pa'i sman no/ /mi gang gi pa la sha'i shing gi lo ma rnams su phur par byas pa ni kha sbyar ba'o/ /dang gi sgra na yang gi don te de dang 'brel pa'i phyir ro/ /lo ma nyid kyang dri zhim pa zhes bya ba ni dri bzang po thob par 'gyur zhing dri yid du 'ong ba rnyed pa ste/ yongs su gzung bar 'os pa de rnyed pa zhes bya ba'i don to/ /de bzhin du dam pa bsten pa yang de bzhin 'gyur zhes bya ba ni de bzhin du dge ba'i gshes gnyen la brten na ni yon tan med kyang grags pa la sogs pa'i yon tan la sbyor bar byed pa yin no/ /ma rul pa yang bsdigs pa bsten pa de bzhin du 'gyur ro zhes bstan pa la/ sdig pa bsten pas ji ltar rul bar 'gyur ba dang/ sdig pa byed par dogs pa dang/ tshigs ngan pa 'byung bar 'gyur ro zhes bstan pa'i phyir/ gal te zhes bya ba la sogs pa smos so/ /sdig pa mi byed pas zhes bya ba ni rgyal po ma skyes dag mi dge ba'i bshes gnyen la brten pa bshad cing bstan pas 'gyod pa chen po skyes te/ rgyal po chen po
- 73a
lus kyis nyes par spyod pa byas te/ de bas na rgyal po chen po dge ba'i bshes gnyen la brten par gyis shig /des na khyod la yun ring po'i don du 'gyur ro/ /rgyal po chen po sdig pa ma byed kyang sdig pa'i skye bo la brtan? pa ni 'jig rten pa rnams kyis dogs pa'i gnas su 'gyur ro zhes bstan cing ji srid du tshigs su bcad pa bzhi gsungs so/ /ji ltar gang zhig bdag nyid ngan par spyod pa mi byed kyang yin na/ bdag nyid byed byed pa lta smos kyang ci dgos zhes bya ba ni gang gi sgra'o/ /byed pa dag la brten na zhes bya ba ni sdig pa la brten pa'o/ /dogs skyes zhing zhes bya ba ni 'jig rten pa rnams dogs pa skye bar 'gyur te/ dogs pa skyed pa dang/ dogs pa'i bzhi zhes bya ba'i don to/ /gang du zhe na/ sdig pa byed par zhes bya ba ste/ nang du ngan par spyod pa zhes bya ba'i don to/ /gal te 'di ni dben par ngan par spyad pa spyod de/ gzhan du na ji ltar 'di rgyun mi 'chad par sdig pa byed pa'i nang du gnas par 'gyur zhes kye bod rnams dogs par 'gyur gyi/ mi snyan pa ni mi brjod do/ /skye bo ngan pa ni tshig ngan pa yang smra'o zhes bstan pa'i phyir/ mi snyan pa yang 'phel bar 'gyur ro zhes bya ba tshig ngan pa yang rgyas par 'gyur zhing 'phel lo/ /g+han dag tu ni skye bar 'gyur zhes bya ba brjod de/ rab tu 'byung ba la bya bar bstan te/ snga ma rab tu 'byung ba ni skye ba'o/ /skye bo ngan pa bsten pas skyon 'go ba nyo tshe bstan par yang ma zad de/ skye bo dam pa yang skye bo ngan par 'gyur ba yin te/ gser bzang po la yang ra gan gyis bsras na nyams par 'gyur ba lta bu'o zhes bstan par bya ba'i phyir smras pa/ bsten bya ma yin zhes bya ba la sogs pa'o/ /bsten pa ni rgyun tu 'brel cing lhan gcig gnas par byed pas so/ /bsten par bya ba ma yin zhes bya ba ni bsten par mi 'ongs pa'i phyir te//
- 73b
ngan par spyod pa 'phel ba'i rgyur 'gyur bas so/ /de yis skyon gyis skyon can 'gyur zhes bya ba ni bsten par bya ba ma yin pa bsten pa ni kun nas nyon mongs shing gdung bar 'gyur la dri ma can du byed pa'o/ /yang na ngan par spyod pa la sogs pa'i tshig ngan pas kun nas nyon mongs pa ste/ gang skye bo ngan pa de'i skyon gyis de la gos pa zhes bya ba'i don to/ /gzhan dag tu ni kun nas nyon mongs pa zhes brjod de/ nyon mongs pas bslang pa'i ngan par spyod pa 'am/ de'i dri ma'i don to/ /'dir dper bstan pa'i phyir dod par dug bskus mnga' bcug bzhin zhes bya ba smos te/ bzhin zhes bya ba ni ji lta ba'o/ /mnga' ni mnga' ? nyid do/ /bskus pa ni spags pa ste dug la sogs pas so/ /dod pa ni mda''dzin pa'i snod de/ yang na ka pa la zhes bya ba mda'i tshogs te mda'i phung po'i nang du gnas pa ni zhes bya ba'i don to/ /dug ma bskus pa 'ang gos pa zhes bya ba ni mda' dug la sogs pas ma gos pa 'ang nye bar spags shing bslang par 'gyur ro zhes bya ba'i don to/ /skyon gos 'jigs pa dag ces bya ba ni tshig ngan pas bslang bas skrag pa'o/ /brtan pa ni shes rab can no/ /sdig pa can dang bshes mi bya zhes bya ba ni sdig pa can gyi grogs po yin pas sdig pa can gyi bshes te/ nam yang skye bo ngan pa dang 'grogs par mi bya'o/ /skye bo dam pa ni skye bo dam pa ma yin pa la brten pas skyes bu dam pa ma yin par 'gyur ro zhes bstan gyis/ skye bo dam pa ma yin pas dam pa la brten pa ni skyes bu dam par 'gyur ro zhes bya ba ni mi rigs te/ dper na sa la ni me tog gi dris bsgos pa 'dzin gyi sa'i dri ni me tog gis 'dzin pa ma yin no zhe na/ bshad pa/ ji ltar grogs po brten pa dang zhes bya ba smos te/ de lta bu dge ba'i bshes gnyen dang sdig pa'i grogs po rnams ni dus su nye bar 'gro bar 'gyur ro/ /bsten bya de ni ci 'dra bar zhes bya
- 74a
pa ni des de la nye bar 'go zhing gnas pa yin no/ /ring po mi thogs de 'drar 'gyur zhes bya ba ni myur ba nyid du de lta bur 'gyur te/ de'i rnam par 'grub pa'o/ /ci'i phyir zhe na/ bsten bya de ni ci 'dra bar zhes bya ba smos te/ bsten par bya ba dang gnas par bya ba ste/ 'di ltar skyes bu de lta bu dper na dri nga ba dang dri mi zhim pa'i sman dang bstan pa'i rlung dag bzhin no/ /dam pa dang bsten pa dang sdig pa can dang 'bral ba la gzung ba'i phyir de bas zhes bya ba smos so/ dam pa dang dam pa ma yin pa bsten pa nyid kyi yon tan dang skyon shes par bya ste/ dam pa ma yin mi bstan cing zhes bya ba ste 'di dang sbyor ro/ /de gang yin zhe na/ shes pa yin zhes bya ba ste/ rnam par shes shing de nyid rtogs pa'o/ /gang yin zhe na bstan pa zhes bya ba smos te/ dam pa dang dam pa ma yin pa'i yon tan dang skyon zhes bya ba'i don to/ /dam pa dang dam pa ma yin pa bsten pa zhes bya ba ni gnas skabs kyis sgrub pa'o/ /gang gi zhe na/ bdag gi zhes bya ba rang nyid kyi'o/ /'dir dpe bstan pa'i phyir 'bras bu'i snod bzhin du zhes bya ba smos te/ 'bras bus gang pa'i snod do la ji ltar gang zhig gis yon tan dang skyon gzhan gyi rdzas dang 'brel pa las byung ba rtogs par byed de/ de'i phyir gal te shing ba la sha dang 'khri shing la sogs pa'i la ma'i rang bzhin gyi snod la dri zhim pa'i a ma'i 'bras bu 'am/ sri shing gi me tog bcug ste bzhag na da'i dri bzang po 'go bar 'gyur ro/ /sman dri nga ba shing ko sha ta gi'i me tog la sogs pa bzhag par gyur na ni dri mi zhim pa yin te/ de bas na gzhan gyis byas pa de'i yon tan dang skyon de bzhin du bdag gis so/ /des na de'i phyir dam pa ma yin mi brten cing zhes bya ba skye bo ngan pa dang ji ltar yang bsten par mi bya'o/ /dam pa bsten byas la zhes
- 74b
bya ba ni skyes bu dam pa dang 'grogs pa'o/ /de gnyis ka sgrub nus pa bstan pa'i phyir smras pa/ mkhas pa zhes bya ba bshes gnyen yod pa ste/ ci'i phyir bsten pa shes pa yin zhe na/ de'i rgyu ni mkhas pa yin pa'i phyir ro/ /dam pa bstan pa ni gtso bo yin no zhes phan yon bstan pa'i phyir/ de'i lam rjes su 'brangs na zhes bya ba yin te/ gang zhig gang bsten pa ni nges par de'i lam gyis 'gro ste/ dam pa rnams kyi tshul bzang po la sogs pa'i sam la rjes su 'gro ba ste/ gang chos la chos kyi rjes su 'brang ba'o/ de'i lam gyi 'gro ba'i 'bras bu bstan pa'i phyir dge slong zhes bya ba smos te/ nyon mongs pa spangs pa'i phyir ro/ /nyon mongs pa spangs pa'i khyad par bstan pa'i phyir/ sdug bsngal zad pa thob par 'gyur zhes bya ba yin te/ sdug bsngal gang du zad pa thob pa de ni thar pa thob pa zhes bya ba'i don to/ yang na dam pa ma yin pa'i lam gyi rjes su 'gro ba'i dge slong ni rab tu byung ba yin yang sdug bsngal gyis gnas 'khor ba thob pa yin no/ /zad pa dang gnas dang kun gzhi zhes bya ba ni rnam grangs yin te/ sdug bsngal zad pa zhes bya ba ni ngan song gsum mo/ /mkhas pa nyid ni lam bzang po la gzhol ba yin te/ yongs su rtogs par byed pa'i phyir ro/ /gzhan ni ma yin no zhes bstan te/ byis pa ji srid ces bya ba la sogs pa tshigs su bcad pa brgyad do/ /kun tu rgyal ba'i slob ma rab tu byung ba dag la bdud mi dga' bar gyur to/ /slob ma gcig dang mgon po gcig gis kyang 'di snyed btul na mang pos 'dul mi 'gyur ba lta smos kyang ci dgos zhes te/ de bas na la drug gi bar du bcom ldan 'das la glags btsal zhing rjes su 'gro ba las blags ma rnyed de/ mnyan yod la sogs pa grong khyer chen po drug tu gshegs pa'i dus su bsam pa ma rungs pas nam mkha' la song ste/ kyai dge sbyong gau
- 75a
ta ma sdig pa byed pa yon tan gyi ro mi shes pa'o zhes tshig ngan pa brjod pa byas so/ /'phags pa rta thul la brten pas nye rgyal khyad par thob par gyur to zhes bya ba la sogs pa'i gtam dge slong dag brjod pa la sogs de'i dbang du mdzad pa'o/ /ji srid gson par du zhes bya ba ni ji srid 'tsho'i bar du ste/ lo brgya 'am lo stong zhes bya ba'i don to/ /gal te de ni de lta na yang ngo/ /byis pa ni blun pa ste/ rmongs pas blo nyams par byas zhes bya ba'i don to/ /mkhas pa bsten byas zhes bya ba ni shes rab dang dul ba dang nye bar zhi ba la sogs pa'i khyad par dang ldan pa dang 'grogs pa'o/ /'on kyang byis pa de ni chos shes par mi 'gyur te/ yon tan rten cing 'brel par 'byung ba la sogs pa'i don rtogs par mi gyur ro/ /gzar bus tshod ma'i ro bzhin no zhes bya ba ni byan pos gzar bu dang skya pa la sogs pa gang gis tshod ma yang dang yang du bkrug cing srub par byed de/ gzar bu de ni phal cher tshod ma'i nang du gnas kyang mngar ba dang skyur ba la sogs pa'i tshul gyis ro ji ltar mi tshor ba de bzhin du byis pas dam pa stong gi nang du yun ring por bsten kyang chos mi rtogs pa yin no/ /shes rab dang ldan pas yung tsam zhig ces bya ba ni gang la shes rab khyad par can yod pa de ni yun shin tu thung ba 'am/ chu tshod gnyis tshon pa'o/ /mkhas pa nye bar bsten pas kyang zhes bya ba ni des chos ji skad bstan pa de bzhin du shes so/ /lci yis tshod ma'i ro bzhin no zhes bya ba ni dper na lce'i dbang po ma nyams pas ni nye bar reg pa tsam gyi tshod ma'i ro ji lta ba bzhin du rtogs par 'gyur ro/ /byis pa ji srid gson gyi bar du dam pa bsten par byed kyang shos shes med pa mi 'gyur te/ ci'i phyir zhe na 'di la shes rab med pa'i/ phyir ro zhes bya ba ste/ shes rab bya ba rtogs pa'i blo ni byis pa la med de/ 'di ltar dmus long gis gzugs
- 75b
la sogs pa mi mthong ba'i phyir ro/ /'dis ni 'jig rten pa'i shes rab dran pa nye bar gzhag pa la sogs pa yongs su 'dzin pa bstan to/ /shes rab dang ldan pa zhes bya ba ni myur du rtogs pa'o/ /de la shes rab ces bya ba ni mkhas pa de la yod pa ste/ mgon med zas sbyin la sogs pa brjod par bya'o/ /de la mig ni med pa'i phyir zhes bya ba ni mig lta bu yin pas mig ste/ mngon sum gyi yul dag mthong bar byed pa'i phyir zag pa med pa'i shes rab ces bya ba'i don to/ /bsgrub pa'i chos byis pas ma shes pa gcig pur ma zad de/ bstan pa'i chos kyi tshul gyis 'jig rten dang 'jig rten las 'das pa yang mi shes pa'i rgyu bstan pa'i phyir/ rdzogs pa'i sangs rgyas kyis bstan pa zhes bya ba smos te/ sangs rgyas kyis bstan pa'i chos so/ /shes rab dang ldan pas ni gzhan gyis bstan pa gcig pur yang ma zad de/ yang dag par rdzogs pa'i sangs rgyas kyis gsungs pa yang ma lus par rtogs pa yin no/ /mkhas pas na tshig gcig gis kyang bya ba dang mi bya ba thams cad bsgrub pa yin gyis/ byis pa ni ma yin no zhes bstan pa'i phyir snod la brten te brtan pa gcig gis kyang don byed pa dang don nyams pa yin no zhes bstan pa ste/ 'di ltar don ldan cig ni zhes bya ba la sogs pa smos so/ /dge slong dag 'di lta ste/ nam mkha' las char 'bab pa ni tsha sgo can dang/ dgon dung dang/ sa 'jam zhing 'jam pa de dang de dag dang phrad pa ni de dang de'i yon tan du 'gyur ro/ /de bzhin du nga bzhin pa 'am de bzhin gshegs pa'i nyan thos kyis bstan pa'i chos thos pa yang dman pa la mos pa rnams kyis ni don chung ngu rtogs par 'gyur la/ rgya che ba la mos pa rnams kyis ni zab par zhes bya ba la sogs mdo'i tshig 'di gsungs so/ /tshig gcig gis kyang zhes bya ba la kyang gi sgra ni gnyis pa dang
- 76a
yang bral ba yin na/ tshig mang po lta smos kyang ci dgos zhes bya ba yin no/ /yang na tshig ces bya ba ni tshigs bcad kyi bzhi cha la brjod de/ 'di ltar yang gsungs pa/ sdig pa thams cad mi bya ste zhes bya ba tshig rkang gcig gi don ston cing 'di'i don gzhan la bltos pa med pa ste/ 'dis ni tshig gi don rdzogs par rtogs pa zhes bya ba'i don to/ /chos rnams gang dag ces bya ba la sogs pa tshigs bcad mdza' dag gam/ tshig rkang gcig gis 'phags pa'i bden pa bzhi rtogs pa'i phyir ro/ /don ldan zhes bya ba ni khyad par gyi 'dod pa'i 'bras bu bskyed pa'i don dang 'brel pa ste/ don la ston par bya'i tshig 'bru la ni ma yin no zhes mdo la sogs pa nyid las gzung bar bya'o/ /mkhas pa yi ni bya ba byed ces bya ba ni shes rab can nye rgyal la sogs pa'i bya ba bskyed pa yin te/ mngon par 'grub pa'i phyir ro/ /byis pa'i bya ba byed mi 'gyur zhes bya ba ni glen pa ste/ tsaN+Da gi ri ka la sogs pa la ni gnod par byed de sdig pa byed pa'i rgyu yin pa'i phyir ro/ /sangs rgyas kun gyis gsungs gis kyang zhes bya ba ni sangs rgyas thams cad de/ gang+gA'i klung gi bye ma snyed kyi thub pas gang khyad par med pa'i tshul dang/ khyad par med pa'i yi ge dang/ tshig gi don gcig gis tshul yin yang nyan pa po'i khyad par gyis don dang ngan med par byed pa yin no/ /rgyal ba gcig gi gsung dam gzhan gyi tshig gis lta smos kyang ci dgos/ sangs rgyas thams cad ni mnyam par yi ge dang tshig gcig nges par mi ston te/ 'od srungs gi gsung rab la phung po nyid spyod par ston to/ /brtag pa ni mkhas pa dag la yod kyi byis pa la ni ma yin no zhes bstan pa'i phyir/ blo dang ldan pa tshig gcig ces bya ba la sogs pa smos so/ /kye ma 'du byed rnams mi rtag ces bya ba'i tshig gcig thos pa tsam
- 76b
gyis rgyal po ni bden pa mthong bar gyur la/ lhas byin ni rab tu byung zhing sde snod gsum 'don yang dmyal bar skye bar gyur te/ 'di gsungs so/ /tshig gcig gis zhes bya ba ni zla med pa'i tshig rkang gcig thos pas so/ /blo dang ldan pa ni shes rab can no/ /tshig brgya dang ni shes par 'gyur zhes bya ba ni rig par 'gyur ba'o/ /tshig brgya zhes bya ba'i sgra ni dpag tu med pa'i tshig ste/ dper na dug ni lus kyi rma cung zad cig la brten nas lus thams cad la khyab par 'gyur ba de bzhin du blo dang ldan pa yang tshig gcig thos pa la brten nas dngos po thams cad rtogs par 'gyur ro/ /byis pa dag ni tshig stong gis zhes bya ba ni tshig stong ste/ chos kyi phung po stong phrag bcu thos par gyur kyang de las tshig gcig kyang go dang mi 'gyur na mang po lta ci smros shes rab dang ldan pa ni dgrar gyur kyang phan 'dogs pa yin la byis pa dang ni bshes par bya ba ma yin no zhes bstan pa'i phyir/ nyis nam mkhas dang mi mdza' bla'i zhes bya ba la sogs pa smos so/ /tshong dpon chen po zhig gi bu mi dge ba'i bshes gnyen la brten pas gzhan gyi chung ma la zhugs te/ rgyal po ma skyes dgras bsad nas dmyal bar skyes te/ de'i dbang du mdzad nas/ dge slong dag dge ba'i grogs po dang gnas par gyis la dge ba dang bsten par gyis shig ces bya ba nas ji tsam na 'di gsungs so/ /mi mdza' ba ni dgra'o/ /nyis na mkhas dang mi mdza' ba bla'i zhes bya ba ni shes rab dang ldan pa dgra nyid du gyur kyang mchog yin no zhes bya ba'i don to/ /ji ltar 'gro? ba zhig mi mdza' ba 'dod par gyur pas mi mdza' ba' i khyim du skyes par gyur pa'i phyir te/ 'on kyang blo dang ldan par gyur pa ni bya ba dang bya ba ma yin pa la mkhas pas 'phya bas 'jigs te bab col du mi byed do/ /de bas na gsal rgyal dang sha pi na chen po'i gtam dang/ rung
- 77a
tra khan la sogs pa yang 'dir brjod par bya'o/ /byis pa rnams dang mdza' mi rung zhes bya ba ni grogs po ni phan par 'dod pa'i phyir ro/ /'dir btso blag mkhan gyi bus tho ba rgyab ste/ pha bsad pa dper brjod par bya'o/ /ci byis pa la mdza' ba yang smad dam zhe na/ byis pa rnams dang mdza' byed pa zhes bya ba ni gang gi phyir byis pa ni grogs po phyogs por zhing gnas pa ste/ mchog tu phan 'dog par 'dod pa yin na yang rmongs pas dmyal bar khrid cing 'dren par byed do/ /tshig ngan pa mi snyan pa la sogs pa'i skyon nyi tsher ma zad de/ 'di la phan pa byed pa yin no zhes bya bas yid rton yang 'di la shin tu nyam nga zhing gnod pa'i g.yang sar ltung bar byed pa yin te/ lhas byin dang ma skyes dgra'i gtam 'dir brjod par bya'o/ /byis pa'i mtshan nyid kyis bya ba de bstan pa'i phyir/ byis pa gang zhig ces bya ba la sogs pa smos so/ /dge slong zhig la ltung ba byung ba las bcom ldan 'das kyis zhabs gnyis la yan lag thams cad kyis phyag 'tshal te gsol pa/ btsun pa bsams bzhin du ltung ba byung ste/ ji ltar byis pa dang/ ji ltar glen pa la sogs so zhes gsol pa dang/ ji tsam na 'di gsungs so/ /byis pa gang zhig byis pa'o zhes shes pa'o zhes bya ba la rnam pa gnyis kyis ni byis pa rdzogs pa yin te/ chos ma shes pa dang/ bdag nyid ma shes pa'o/ /de la gal te/ des chos mi shes te/ bdag shes kyang de ni gcig tu byis pa zhes ni brjod de/ mkhas pa'i rnam grangs yin pa'i phyir/ gang la la zhig mi shes shing blun yang bdag nyid kyi bya ba shes pa de ni 'dir mkhas pa yin no zhes bya ba ste/ des na bdag nyid shes pa la 'jug pa des 'dir bdag nyid mkhas pa'i zhes brjod do/ /
- 77b
bdag nyid shes dang ji ltar mkhas pa zhes mi brjod de/ bdag nyid shes pa de dang mnyam pa'i yon tan ni gang yang med do zhes bya ba'i tshig gis te/ de ni shes rab dang ldan pa'o/ /byis pa gang zhig mkhas sems pa zhes bya ba ni gang yang chos rnams mngon par mi shes kyang mkhas par sems pa 'di la yod pa ste/ bdag mi mkhas pa'o zhes sems shing mkhas pa bstan bcos du ma rtogs shing bsten pa dag dang mnyam par sems pa'o/ /de ni byis pa zhes brjod do/ /dam pa rnams kyis smad pa ni gla'i/ dam pa ma yin pa sems med pa 'dra ba'i glen pas ni bstod kyang de lta ma yin no zhes bstan pa'i phyir/ byis pas bstod pa gang yin dang zhes bya ba la sogs pa smos so/ /bcom ldan 'das kyis lhas byin la skyes bu glen pa zhes bya ba la sogs pa'i tshig gis bsdigs pa dang/ gcig pu dben par song ste 'gyod pa skyes nas 'di snyam du bcom ldan 'das ni legs par gsungs te/ bdag gis ni sdig pa byas shing gang bdag gis dge 'dun gyi dben la sogs pa ngan par spyod pa dag byas te/ da ji ltar bya zhes bsams pa las/ ji tsam na rdzogs byed de'i thad du 'ongs te/ rdza ma'i bum pa chags pa bzhin du shi nas ni yang skye ba med do zhes smras pa dang/ ji tsam na lhas byin lta ba log pa skyes par gyur te/ de'i dbang du mdzad nas 'di gsungs so/ /byis pas bstod pa gang yin pa zhes bya ba ni gang rdzogs byed la sogs pa'i glen pas bsngags pa brjod pa'o/ /mkhas pas smad gang yin zhes bya ba ni blo dang ldan pa ste/ de bzhin gshegs pa la sogs pas gang gsungs shing smad pa'o/ /de gnyis las gang mchog yin zhe na/ mkhas pas smad pa ches rung gi zhes bya ba yin te/ mkhas pa dag? gis smad pa ni ches rung ste/ khyad par rnam pa sna tshogs pa'i rgyu yin pa'i phyir ro/ /byis pas bstod pa ni
- 78a
rung ngo zhes bya ba ni skye bo blen pa las rnam pa sna tshogs pa'i bsngags pa'i tshig brjod pa thos pa ni ma yin te/ skyon rnam pa sna tshogs pa dang 'brel pa'i phyir ro/ /des na de'i phyir rnam pa thams cad du byis pa dang bsten pa las bzlog pa'i phyir/ byis pa bsten pa zhes bya ba la sogs pa smos so/ /byis pa mi thos shing zhes bya ba ni ji ltar rna bas thos pa'i yul du yang mi 'gyur ba de ltar 'bad par bya ste/ thos par gyur na yang 'dod chags dang zhe sdang dang nyes par spyod pa la sogs pa'i rkyen gyis ngan song gi rgyu nyid yin pa'i phyir ro/ /nam yang mthong ba'i gnas su gnas par mi bya ste/ re zhig yang snga ma gnyis spang bar 'dod pas brtag par bya'o/ /gal te re zhig na byis pa de las gzhan med de thos par 'gyur na ci nas mi mthong ba de ltar 'bad par bya'o/ /de la de mthong bas kyang shin tu sdig pa la goms shing spyod pa srid pa'i phyir ro/ /'gro ba la sogs pa'i spyod yul gyi lam du yang gdung bar byed cing rab tu gdung ba skyed par byed pa nyid yin no/ /ma bstan gyur pa nyid rung ro zhes bya ba ni byis pa dang gnas gcig tu nams kyang gnas par mi bya ste/ gal te snga ma gnyis spang bar ma nus na lhan cig gnas pa ni gcig tu spang bar bya'o/ /ci'i phyir zhe na/ byis pa bsten pa sdug bsngal zhing zhes bya ba 'di ltar byis pa dang lhan cig gnas pa ni sdug bsngal ba ste bsod nams 'dod pa dang sdig pa ni phan tshun 'gal ba'i dngos po ste/ de skyed pas mngon par mi 'dod pa'i 'bras bu yin pa'i phyir ro// dgra 'dra bas zhes bya ba ni dper na dgra ral gri brdeg par gzo pa dang lhan cig gnas pa'i sdug bsngal ba'o/ /rnam pa kun tu zhes bya ba ni rnam pa thams cad du de bzhin no/ /de ltar na gang dang lhan cig bsten na sdug bsngal ma yin zhe na/
- 78b
brtan pa zhes bya ba ste mkhas pa'o/ /brten pa bde bar 'gyur zhes bya ba ni gang la brten na bde bar 'gyur ba dag ni bde bar gnas pa zhes bya ba'i don to/ /gnyen dang phrang pa ji lta bar zhes bya ba ni pha dang ma la sogs pa'i gnyen dang rang ci dga' ba ste/ rang 'dod pa'i yon tan dang ldan pa'i bu la sogs pa dang phrad na bde zhing ji ltar yid tshim par byed pa de bzhin du des na de'i phyir/ de bas zhes bya ba smos te/ gang gis phyir byis pa bsten pa ni bde ba ma yin pa'i rgyur gyur pa de bas na'o// brtan pa zhes bya ba ni blo dang ldan pa zhes bya ba'i don to/ /yang nas de brtan pa dang ldan pas blo'i 'bras bu de blo yod par rtogs pa ste/ du bas me bzhin no/ /'dis ni rigs pas thob pa'i shes pa bstan te thos mang zhes bya ba ni sde snod gsum thos la rtogs pa'i blo yod pa'i phyir ro/ /'dis ni thos pa dang bsams pa la byung ba'i shes rab bstan te/ bsams pa med par ni thos pa'i 'bras bu med pa'i phyir ro/ /mchog 'dren byed pa dang zhes bya ba la mchog ni khyad can bsgoms pa las byung ba ste/ nges par 'byed pa'i cha yongs su blangs nas mchog 'dren pa'i phyir ro/ /khyad par gyis shes bskye ba'i gnas bstan pa'i phyir/ tshul khrims dang brtul zhugs can zhes bya ba smos te/ tshul khrims ni rang bzhin kha na ma tho ba las ldog pa'o/ /brtul zhugs ni bcas pa'i kha na ma tho ba las ldog pa ste/ de gnyis ka dang ldan pa'o/ /yang na 'jug pa dang ldog pa'i tshul khrims sam so sor thar pa'i sdom pa dang dbang po sdom pa go rims bzhin no// de ltar tshogs yongs su rdzogs pa'i dbang gis 'phags pa'i lam mngon sum du 'gyur ba'i phyir 'phags pa zhes bya ba smos te/ mthong ba la sogs pa'i lam skyes pa'i phyir te sdig pa las ring du gyur pa'i phyir 'phags pa zhes
- 79a
bya ba'o zhes mdo las bshad do/ /gtso bor 'phags pa zhes bstan pa ni khams gsum gyi 'dod chags dang bral ba'i dgra bcom pa la brjod do/ /rang gis bya ba mdza' dag gis bya ba byas pa'i phyir gzhan dag la brtse ldan zhes bya ba smos te/ gzhan la phan 'dogs pa zhes bya ba'i don to/ /de nyid kyi phyir mi mchog ces bya ba bdag dang gzhan gyi don du phun sum tshogs pa dang ldan pa'i phyir de la brten par gyis shig ces bya ba ste/ gnas par gyis shig pa'o/ /gang yin zhe na smras pa/ blo bzang zhes bya phyin ci ma log par rtogs pa yin te/ mkhas pa zhes bya ba'i don to/ /rgyu skar lam du zla ba ltar zhes bya ba ni rgyu skar rnams kyis lam nam mkha' la zla ba ji lta bar bsten gyi/ sa'i steng du ma yin pa de bzhin du blo dang ldan pa dam pa bsten pa ste/ byis pa ni ma yin no/ /dper na ston gyi dus su nam mkha' sgrib pas ma gos pa'i yar gyi nga la zla ba bsten cing 'jug pa ni nyin re zhing phun sum tshogs pa 'phel bar 'gyur te/ de bzhin du skyes bu dam pa mkhas pa bsten pa yang nyin re zhing spros pa dang yid tshim pa dang dad pa la sogs pa mngon par 'phel lo zhes bya ba'i don to/ /mdza' bshes ni tshoms te nyi shu rtsa lnga'i rnam par 'grel pa rdzogs so// //sdig pa spangs pa dang dge ba'i bshes gnyen bsten pas 'khor ba na phun sum tshogs par yang ma zad de don thams cad kyi bla na med par gyur pa mya ngan las 'das pa yang 'thob par 'gyur ro/ de bsgrub pa'i phyir tshoms 'di'i 'og tu de bshad do/ /rus spal zhes bya ba la sogs pa smos te/ mnyan yod na bcom ldan 'das chu klung rgyu zhing gshegs pa na chu bo'i phyogs zhig nas srog chags rus sbal byung ste spyod yul du so so?
- 79b
za zhig gis de mthong ste bza' ba' i phyir rjes su 'brangs so/ /des kyang de mthong ste rang nyid kyi yan lag rnams khog pa'i nang du bsdus pa gzigs nas dge slong dag srog chags rus sbal was 'jigs nas rang gi yan lag rnams khog pa'i nang du sdud par byed pa de bzhin du khyed cag gis kyang zhes bya ba'i bar du ste de'i dbang mdzad nas 'di gsungs so/ /rus sbal ltar zhes bya ba ni ji ltar srog chags rus sbal ba lta bur ro/ /yan lag ni lag pa dang rkang pa dang mgo'i tshul te lus kyis yan lag lnga yin pa'i phyir ro/ /rang gi khog par zhes bya ba ni bdag nyid kyi kham por kha sbyar ba lta bu la lus bcug pa ste/ lus bsdus pa ni bcug pa dang sbas pa zhes bya ba'i don to/ /gang gi phyir de ni spyod yul du 'gro ba na yan lag lnga sbubs nas phyung ste/ ci 'dod par rgyu ba las wa la sogs pa gnod par byed pa dag mthong na yan lag sped par byed pa de bzhin du dge slong yid kyi rnam rtog nang bsdus nas zhes bya ba smos te/ mya ngan las 'das pa'i bsam pas rab tu byung ba ni 'dir dge slong ngo/ /bsdus pa ni bzlog pa te/ yul dag la 'byung ba las bzung zhing nang du sba ba nyid do/ /yid kyi sgo dang 'brel pa'i phyi rol gyi 'dod pa la sogs pa'i rnam par rtog pa'o/ /sems dben pa bstan nas/ lus dben pa bstan pa'i phyir bsten pa med cing zhes bya ba smos te/ pha dang ma dang bu dang chung ma la sogs pa la mi brten pa ste mi gnas pa'o/ /'tshe med par zhes bya ba ni gzhan la 'jug pa ste/ gzhan la chos gos la sogs pa slong bas gnod par mi bya ste/ 'dod pa chung ba dang cho ga shes pa'i sbyor bas so/ /'dis ni 'phags pa'i rigs la gnas pa brten nas 'di'i 'bras bu bstan pa'i phyir mya ngan las 'das pa zhes bya ba smos te/ de rim gyis zag med pa'i
- 80a
lam gyi sbyor bas mthong ba dang bsgom pas spang bar bya ba'i nyon mongs pa spangs nas mya ngan las 'das par 'gyur ro/ /phung po lhag ma dang bcas pa'i mya ngan las 'das pa thob pa'i phyir ro/ /zag pa med pa'i lam gyis yongs su mya ngan las 'das pa yin gyis/ gzhan gyis ni ma yin no zhes bstan pa'i phyir/ su yang smos mi byed ces bya ba gang gi phyir smod par mi byed pas ni 'dir lam gyis 'bras bu'i rgyu bstan te/ des na lhag ma dang bcas pa med pa'i kho na nyid rtags pas yang sdug bsngal la sogs pa 'thob par mi 'gyur ro/ /de mthong ba ni de dag ji ltar smod par byed gzhan dag ni bsam gtan dang po la brten nas 'dod pa la sogs pa'i rnam par rtog pa gcig tu mi dge ba rnams spong ngo/ /de nas bsam gtan gnyis pa la sogs pa la brten pa ste/ bsam gtan dang po la sogs pa la brten nas bsam gtan dang po'i sa'i rnam par rtog pa spong ngo/ /de'i ting nge 'dzin la brten nas ro myang bar mi byed do/ /de las langs nas kyang gzhan la rnam par 'tshe bar mi byed do/ /de las lam thob par zag pa med pa rnyed de mya ngan las 'das pa'i lam la ni smod pa med do/ /de la 'dir kun nas 'khrug pa rnam pa bzhi bstan te/ rnam pa bzhi po gang zhe na/ nyon mongs pa'i rnam par rtog pa'i kun tu 'khrug pa dang/ nyon mongs pa med pa'i rnam par rtog pa'i kun tu 'khrug pa dang/ ting nge 'dzin gyi ro myang ba'i kun tu 'khrug pa dang/ lam la smod pa'i kun tu 'khrug pa ste/ kun tu 'khrug pa ni rnam pa bzhi po de dag go /'khrug pa rnam pa bzhi po spangs nas ni mchog tu zhi bar gyur pa'i mya ngan las 'das pa 'thob cing yongs su mya ngan las 'das par 'gyur ro/ /gzhan la 'tshe med par zhes bya ba bstan pa la/ de ji ltar gsung rab thams cad du gzhan las gnod pa med pa rab tu
- 80b
bsngags pa yin zhe na/ 'di ltar bzod pa dka' thub mchog ces bya ba la sogs pa smos te/ yang dag par rdzogs pa'i sangs rgyas rnam par gzigs kyi nyan thos shin tu dka' thub la mos pa tshig pa mi bzod pa ste/ de'i gnyen por so sor thar pa 'di yang dag po bstan par gyur to/ /gzhan dag ni rgyal gyi rus kyis cha bo rtsod pa dag byed cing mi bzod pa zhig yod de/ de'i dbang du mdzad nas 'di gsungs so/ /zhes zer ro/ /bzod pa ni rnam pa gsum ste/ gzhan gyis gnod pa byas pa la bzod pa dang/ sdug bsngal la gnas pa dang/ chos la nges par sems pa'i bzod pa'i dbye bas so/ /de la dang po ni gzhan dag gis rnam pa du mar ga she ba dang brdegs pa la sogs pa byas pa pha bzod pa'o/ /gnyis pa ni grang ba dang tsha ba la sogs pa dang brtson pa bzod pa'o/ /gsum pas ni bdag med pa'i chos la bzod pa'o/ /de la gzhan gyis gnod pa byas pa la bzod pa dang/ sdug bsngal la gnas pa'i bzod pa'i dbang du byas pa ste/ bzod na dka' thub mchog ces sangs rgyas gsung zhes bya ba ni dka' thub mchog ces bya ba nyon mongs par gdung bar byed pas dka' thub po/ /'dir dka' thub kyi sgra ni rab tu byung ba la brjod do/ /gtso bor smos pa yin te rab tu byung ba ni 'di'i rtsa ba yin pa'i phyir ro/ /ji skad du dge slong dag 'di la bzod pa la gnas pa'i rang bzhin can ni grang ba dang tsha ba la sogs pa'i bzod pa bzhin no zhes rgya cher bshad do/ /de'i 'bras bu chos la nges par sems pa'i bzod pa'i dbang du byas nas/ bzod pa ni mya ngan las 'das pa mchog ces bya ba ste/ gang chos la brtags nas 'gyur ba med cing gnas pa de ni bzod pa'o/ /des ni gang mya ngan las 'das pa yang 'thob ste/ zag pa med pa la bzod pa sngon du 'gro bas thob pas 'di ni bde bar gshegs pas mchog tu
- 81a
bshad do/ /dge slong dag 'phags pa'i shes rab kyi spangs pa ni nyams pa med pa'i phyir ro zhes mdo las gsungs so/ /'dis ni dka' thub gtso bor 'dzin pa bzlog pa yin no/ /bzod pas ni mya ngan las 'das pa thob pa yin te/ 'di don du gnyer ba'i phyir ro/ /dka' thub mchog tu byed pa des ni sgrub pa ma yin no/ /'khor ba'i rgyu yin pa'i phyir ro/ /bzod pa ni dka' thub kyi mchog yin no zhes bya ba de ci'i phyir zhe na/ thar pa'i bsam pas rab tu byung ba ni gzhan la gnod pa med pa yin te/ 'di ltar gang khyim gyi gnas yongs su spangs shing rnam pa sna tshogs pa'i bde bar gshegs pa'i bslab pa blangs nas ni gzhan gnod par byed pa la yang slar gnod pa mi byed pa yin na gzhan lta smos kyang ci dges gang yang gzhan la gnod pa mchog tu byed pa ni rab tu byung ba yang dge sbyong gi ming thob pa ma yin te/ dge sbyong du byed pa'i chos bzhi dang mi mthun pa'i phyir ro/ /dam pa'i spyod pa la gzhol bar byas pas kyang dam pa ma yin pa dag mi dga' ste/ de bas na gzhan la gnod par 'gyur ro zhe na/ gzhan la tshe ba zhes bya ba smos te/ lus dang ngag gis gzhan la gnod pa byed pa'o/ /dge sbyong ni gzhan la gnod pa mi byed pa yin yang gnod pa byed na'o/ /ngag gis 'tshe ba ni spangs par dka' ba yin te/ de zlog pa'i phyir/ tshig rtsub ci yang zhes bya ba la sogs pa smos te/ rgyal gyi rus kyi tsha bo de nyid 'thab 'khrol byed cing tshig mi bzod pa nyid la bstan pas tshigs su bcad pa gsum gsungs so/ /tshig rtsub ci yang smra mi bya zhes bya ba ni tshig ci la yang brtsams pa med tshig rtsub pa khyed kyis brjod par mi bya'o/ /ci'i phyir zhe na/ smras na slar yang smra bar byed ces bya ba ni gang gi phyir gzhan la tshig rtsub pa brjod par gyur na ni lan du tshig rtsub pa mang du rjod
- 81b
par byed de/ ji skad du gang zhig gzhan mang po la gcig gis snod par byed na gzhan mang pos kyang gcig la smod par byed do/ /de bas na phan tshun tshig rtsub pas smod cing 'jug par byed do zhes bstan pa'i phyir smras pa gal te 'thab gtsugs tshig gi sdug bsngal zhing zhes bya ba la/ 'thabs bcugs ni 'khrug long ngo/ /de 'dren par byed pa'i tshig ni tshig rtsub ces bya ba'i don to/ /de ni phal cher sdug bsngal gyi rgyu yin pa'i phyir sdug bsngal to/ rtsub pas ni phal cher mdog ngan pa dang dbyibs ngan par skye bar 'gyur ro/ /rang nyid kyi nye du rnams kyang smad cing rigs ngan pa la sogs pa'o/ /'jig rten pha rol gyi sdug bsngal ni re zhig bzhag gi /tshe 'di rang la phyir yang chad pas gcod ces bya ba ni 'tshe ba byad pa la slar yang nye bar gnod par byed par 'gyur ro/ /gal te yang gshegs pa dang brdeg par gyur kyang slar mi gshe zhing mi brdeg kyang yi gdung bar gyur te/ bdag nyid gshe ba dang brdeg par byed pa de yang smad pa yin te/ de nyid bstan pa'i phyir/ gal te bdag gis phar byas na zhes bya ba smos te/ gzhan te gzhan la tshig rtsub po la sogs pas bsgrubs te bdag gis sems sam bdag nyid kyis phar byas na de gdungs par byed pa yin te/ de yang ji ltar zhe na/ khar ba'i snod bzhin bya ba mthug cing che ba'i khar ba'i snod ni khar ba'o/ /de la shing dang sor mo la sogs pas brdungs na bdag nyid kyi sgra rtsub pa byin cing kun tu 'khrugs par 'gyur te/ mi 'dod pa'i rdzas kyi tshul gsal bar byed de gser la sogs pa'i snod la brdungs na ni de ltar 'gyur par mi byed do/ /de bzhin ru byis pa yang yid du mi 'ong ba la brten nas bdag dang gzhan gdung bar byed de 'phags pa ni ma yin no/ /bdag gis phar byas pas mi 'dod pa'i 'bras bu bstan pa'i phyir smras pa/ 'khor bar skye
- 82a
dang rga ba dag ces bya ba ste/ skye ba dang 'jig pa dang gnyis kyis mtshon pa ni srid pa'o/ /yun ring po ni dus ring po'o/ /nyams su myong bar 'gyur zhes bya ba ni nye bar longs spyod pa'o/ /dkar po'i phyogs bstan pa'i phyir/ bdag gis phar ni ma byas dang zhes bya ba smos te/ 'di ni sngar bshad zin to/ /de byas pa'i phan yon bstan pa'i phyir smras pa/ mya ngan las 'das pa 'thob par 'gyur zhes bya ba ste/ sems can thar pa thob par 'gyur te ring po mi thogs par mya ngan las 'das par 'gyur ro zhes bya ba'i don to/ /'di ltar thab mo mi 'byung zhing zhes bya ba ni yid 'khrugs pa la sogs pa dang bral ba'i phyir ro/ /thab mo spangs pa sngon du 'gro bas ni nye bar zhi ste/ des na bdag nyid mya ngan las 'das par 'gyur ro/ /bde ba thams cad kyi gtso bo ni mya ngan las 'das pa yin te zhes bstan pa'i phyir/ nad med rnyed pa'i phyir dam pa ste zhes bya ba la sogs pa smos so/ /lho phyogs kyi bdag po rgyal po shin tu bsags shing 'byor pa che ba che la ser sna che ba zhig yod pa las nad kyis btab po/ /de sman gyi ched du yang nor gtong bar mi byed de sman pas bsams pa/ gal te bdag gis nor mang po rnyed na ni 'di'i gso ba legs par bya'o/ gzhan du ni ma yin no zhes bsams so// rgyal po'i brtsun mos kyang bsams pa/ gal te na tshod shin tu rgas pa 'di shi bar gyur na 'di'i 'gran zla gnyis 'dis 'jigs nas rab tu byung ba de dang bdag dga' mgur 'dod pa'i bde ba nyams su myong bar bya'o snyam du bsams so// 'gran zla rab tu byung ba des kyang gtam de thos nas 'ongs te/ gal te 'di shi bar gyur na bdag gis rab tu byung ba de spangs la rgyal srid kyi bde ba myong bar bya'o zhes bsams so/ /bcom ldan 'das kyis de gdul ba'i dus la bab par
- 82b
mkhyen nas der rdzu 'phrul gyis gshegs te/ go rims bzhin du de dag gis dbang du mdzad nas 'di gsungs so/ /de dag gis tshig rkang re re thos pas rgyun tu zhugs pa'i 'bras bu thob par gyur to/ /gzhan dag ni mgon med zas sbyin yan lag brgyad pa'i gso sbyong gi dus su zas 'grims pas brel te dus yol nas zas chad pa las nad kyis btab par gyur te/ dga' ba chen pos nad sos par gyur to/ /de nyid kyi nyi ma la de'i yid bcugs pa'i tshod pa zhig rgya mtsho las ni rin po che du mkhyer te 'ongs so/ /des 'di snyam du bsams te/ bdag ni nad chen po las sos la/ yid bcugs pa'i tshod pa 'di yang nor mang po mdza' yas brnyed de/ 'ongs pas 'di yang bdag gis longs spyod yin pas gang gis bdag dga' bar 'gyur ba ste/ gang dag gis bcom ldan 'das nyan thos kyi dge 'dun dang bcas pa zla ba gsum gyi bar du bshos la spyan drangs te 'di nyid kyis thar pa'i bde ba thob par bya'o zhes bsams nas/ ji tsam na de las kyang nor blangs te bzhes pa gsol nas 'di gsungs so zhes zer ro/ /nad med ces bya ba ni mi mnyam pa med pa ste/ nad med pa nyid kyis nad med pa'o/ /nad ni nad gzhi cha ma nyam pa yin la nad med pa ni nad gzhi cha mnyam pa'o/ /zhes bya ba'i tshig gis so/ /de ni rnyed pa'i dam pa yin te de las khyad par du gyur pa'i rnyed pa med pa'i phyir te/ de'i don du yang nor thams cad yongs su gtong bar snang bas so/ /mdzes shing gsal ba gang du yod pa de ni rnyed pa'i nges pa'i tshig go /chog shes pa ni nor gyi dbyigs ces bya ba ni chos gos ngan don tsam la sogs pas yongs su chog shes pa ste/ gzhan 'dod cing re ba'i sems kyis ni nor chos mchog 'dod pa'i phyir te/ chog med phyug po yin yang rtag tu phongs/ tshig shes dbul po yin yang rtag tu 'byor zhes bya
- 83a
ba'i tshig gis so/ /rnyed pa dang nor la tha dad du bya ba ci yod ce na/ sogs pa lta bu thob pa ni rnyed pa yin la/ de gzhug tu rung ba ni nor yin no zhes bya ba la sogs pa'o/ /yid gcugs bshes pa'i mchog yin te zhes bya ba ni yid ches pa'i blos 'khu ba'i dogs pa med cing bag brkyang pa zhes bya ba ni 'dir tshig gi lhag ma'o/ /de bas na yid brten pa'i gnas su gyur pa ni bshes kyi mchog gam grogs po khyad par can yin no/ /mya ngan las 'das pa bde ba'i phul zhes bya ba ni skye ba'i sgribs g.yegs dang bral ba ste/ mya ngan las 'das pa thar pa zhes bya ba'i don to/ /de yang bla na med pa'i bde ba ste sdug bsngal rnam pa gsum dang bral ba'i phyir dang/ gang yang 'dod pa'i bde ba ni 'jig rten gyi yin no zhes gsungs so/ /'di ltar nad med pa rnyed pa la sogs pa thams cad las ni mya ngan las 'das pa mchog yin te/ yang bshad pa/ 'jig rten pa yi bde ba ni/ /'bad pas bsgrubs kyang mnog chung zhing/ /bde ba med la 'jigs pa'i dang/ 'phags pas de spangs byang grol 'dod ces so/ /sdug bsngal rtogs pas ni thar pa thob par 'gyur ro zhes bstan pa'i phyir/ 'du byed ces bya ba la sogs pa smos so/ /bcom ldan 'das phyi bzhin 'brang ba tshe dang ldan pa kun dga' bo dang mnyam du bsod snyoms kyi phyir gshegs pa na rkun po lnga brgya lag pa dang rkang pa bcad de gong gi 'obs su bcug pa gzigs so/ /de dag gis kyang bcom ldan 'das mthong ste/ nyam thag pa'i nga ros bdag cag ni ltogs shing skom par gyur to zhes pos pa dang/ ji tsam na tshigs su bcad pa gnyis gsungs te/ bcom ldan 'das kyis bka' stsal nas mgon med zas sbyin gyis bza' ba dang btung bas tshim par byas so/ /de dag bcom
- 83b
ldan 'das la sems rab tu dad par gyur nas shi 'phos te sum cu rtsa gsum du skyes nas 'dir 'ongs te rgyun tu zhugs pa'i 'bras bu thob par gyur to/ /'du byed ces bya ba ni 'dus byas thams cad do/ /sdug bsngal ma rungs pa zhes bya ba ni don dam par gdung bar byed pa dang/ 'phags pa rnams dang mi mthun pas so/ /'dis ni 'dus byas thams cad la khyab pa'i sdug bsngal du bshad do/ /phyogs gcig la khyab pa'i sdug bsngal bstan pa'i phyir smras pa/ nad kyi nang na bkres mi bzad ces bya ba ste/ sdug bsngal gyi tshor ba skyed pa lus kyi gnas skabs kyi nad de/ de'i nad na mi bzad pa'i nad ni bkres pa ste bru ba cha ba'o/ /rtag tu rjes su 'brel pa'i phyir dang/ legs par gsor mi rung ba dang/ khyab pa'i phyir bkres pa dang mnyam pa'i lus kyi tshor ba ni gang yang med do zhes bya ba'i tshig gis so/ /de ltar ji bzhin shes na ni zhes bya ba ni sdug bsngal ba'i tshor ba'i gnas skabs dang/ de las gzhan pa'i gnas skabs 'di nyid ji lta ba bzhin du de nyid shes pas rtogs par byas na'o/ /mya ngan las 'das pa mchog tu 'gyur zhes bya ba ni thar pa thob des mchog tu 'gyur ro/ /'du byed yod par gyur ni ngan song du 'gro ba'i sdug bsngal du gzhol ba dang/ de yang nges par grol par mi 'gyur te/ de bas na mya ngan las 'das pa mchog tu bsgom par bya'o zhes bstan pa'i phyir/ bde 'gror 'gro ba cung zad de zhes bya ba yin te/ sems can gang su dag cung zad bde 'gror 'gro ba ni 'thob pa ste/ legs par spyad pa spyod pa ni shin tu nyung ba'i phyir ro/ /ngan 'gror 'gro ba bsam yas? zhig ces bya ba ni rnam pa du ma ngan 'gror 'gro ba ste/ ngan par spyod pa byed pa dpag tu med pa'i phyir te/ ji skad du 'phags pa ma 'gags pas bdag gis lha'i mig gis dpag tu med pa ni gsum mthong ste/ sangs rgyas kyi sprul ba dang/
- 84a
srid pa bar mdo pa dang/ ngan song du 'gro ba'o zhes bshad pas so/ /de lta'i nyes dmigs rtogs gyur na zhes bya ba ni sngar bstan pa'i gnod pa'o/ /myur du mya ngan las 'das pa 'thob ces bya ba ni shin tu myur bar mya ngan las 'das pa 'thob ste/ 'phags pa'i lam bsgom pas mngon sum du byas na nyes dmigs de dag thams cad dang bral bar 'gyur ro/ /ci mya ngan las 'das pa yang rgyu med pas 'thob pa yin nam zhe na/ bde 'gro 'gro par rgyu dang bcas bya ba la sogs pa'o/ /kun tu rgyu smra ba chen po pa zhes bya ba chad par smra ba de'i dbang du mdzad nas tshigs su bcad pa 'di gsungs pa las de nas de mngon par dad de rab tu 'byung nas dgra bcom pa'i 'bras bu 'thob po/ /gnyis po 'di ni rgyu dang bcas pa yin te/ 'jug pa dang ldog pa'o/ /de las dang po'i dbang du byas nas smras pa/ bde 'gror 'gro ba rgyu dang bcas zhes bya ba yin te/ gang la rgyu yang dag par yod pa de ni de ste bya ba'i khyad par ro/ /gang dag bde 'gror skye ba de dag ni legs par spyod pa'i rgyu med par 'bras bu 'di med par yin no/ /ngan 'gror 'gro ba rgyu dang ldan zhes bya ba dang gi sgra ni ? las nyes par spyad pa dang 'brel ba'i phyir ro/ /ldog pa'i dbang du byas nas/ mya ngan las 'das 'gro rgyu can te zhes bya ba yin te/ gang dag mya ngan las 'das pa 'jig pa med pa'i gong du 'gro ba de yang rgyu med par ma yin te/ de'i phyir dge ba'i bsam pas dge ba'i bshes gnyen bsten cing legs par gsungs pa las mngon par dga' ba dang/ cho ga la gnas pa dang/ thos pa dang bsams pa dang bsgom pa la 'jug cing tshogs chen pos mya ngan las 'das pa thob ste/ srid pa ldog pa yin no/ /de dag thams cad rgyu dang bcas zhes bya ba ni dor ba dang blang ba'i
- 84b
bdag gi dngos po 'di dag thams cad ni rgyu dang bcas pa yin te/ ji skad du brtan pa dang 'gro bar 'gyur ba 'di dag ni/ /rten cing 'brel 'byung de dang de yin te/ 'jig rten gang na'ang rgyu med med mod kyi/ /'jig rten gyis ni rgyur bcas yongs su? mi rigs ces bshad do/ /de bzhin nyid kyi rgyu gang shes pas mya ngan las 'das par 'gro ba de bstan pa'i phyir nags tshal mchog tu zhes bya ba la sogs pa smos so/ /mnyan yod na shar phyogs kyi kun dga' ra ba ri dags 'dzin gyi ma'i khang pa na bzhugs te/ de na bcom ldan 'das nub mo mthongs shig na 'chags cing bzhugs pa na/ rgyu skar rnam par rgya ba 'gyur ba dag gzigs te/ snral mgo yun ji srid na char 'bab par 'gyur zhes bka' stsal pa dang/ des kyang de la bltas te 'jig rten 'di dag ni nyams te lo bcu gnyis kyi bar du char 'bab par mi 'gyur ro zhes gsol pa dang/ zhag lnga dang drug dang ji srid zhag bdun pa na bcom ldan 'das kyis dge slong rnams la bka' stsal pa/ gnas mal dag bkab la spos shig dang/ di ring nyid chag pa'i tshogs 'dus pa lta bu'i char bab par 'gyur te/ de la gang gis khrus byas pa de ni 'bras dang 'brum bu la sogs pa skyes pa med par 'gyur ro zhes gsungs te/ de lta bas na snral mgo rgyu skar rnams ni mi bstan pa yin te/ srog kyang g.yo zhing mi gnas pa yin no zhes bka' stsal te/ ji tsam na snral mgo dgra bcom pa'i 'bras bu thob par gyur te 'di gsungs so/ /sems can rnam pa bzhi ste/ nags na spyod pa dang/ nam mkha' la spyod pa dang/ yongs su rtogs par byed pa'i so sor skye bo dang/ dgra bcom pa ste/ de dag gi 'gro ba yang rnam pa bzhi ste rten no/ /de la ri dwags 'gro zhes bya ba ni ri bong dang sha ra ba dang pri tha ta la sogs pa'o/ /'gro ba ni gnas pa'o/ /grong las ?
- 85a
cing ring ba'i nags ni nags tshal mchog go /de bas na de dag ni mi rnams las khyad par du 'jigs pa rnams kyis rten dang gnas dang yid brtan pa'i gnas yin pa'i phyir ro/ /mkha' la bya rnams 'gro bar byed ces bya ba ni khra dang/ khrung khrung dang/ ne tso dang/ sha ri ka la sogs pa nam mkha' la 'gro bar byed pa ste/ gang zhig las skrag par gyur na de la brten pa'i phyir ro/ /chos la rnam par 'byed 'gro zhes bya ba ni 'dis rnam par 'byed pa yin pas 'byed 'gro ste/ rnam pa sna tshogs pa gcig tu rnam par gtan la 'bebs pa gang la yod pa de ste/ shes rab can zhes bya ba'i don to/ /de dag gi chos kyi 'gro ba ni rang? dang spyi'i mtshan nyid yongs su brtags pa la brten pas lhan cig tu bcas pa'i phyir dang/ gsung rab rtog pa la mngon par dga' ba nyid kyi phyir ro/ /'phags pa rnams kyis ni 'phags pa'i bden pa bzhi'i chos la mchog tu lta ba ste/ 'dis ni mya ngan las 'das pa'i rgyu bstan nas gang gi phan yon bstan pa'i phyir dgra bcom mya ngan 'das par 'gro zhes bya ba ni gang gis nyon mongs pa'i dgra bcom pa gang yin pa de dag ni phung po lhag ma med pa'i mya ngan las 'das bar ro/ /'gro zhes bya ba ni de la gzhol ba'i phyir te/ de thob pa rnams la ni yongs su nyams pa med? par ston to/ /gang zag dag gis mya ngan las 'das pa rtogs par nus she na/ smras pa/ brtson 'grus brtsams pa dang blo dang ldan pas so/ /ci'i phyir zhe na/ 'di na brtson 'grus zhes bya ba la sogs pa smos so/ /mnyan yod na bsti gnas kyi khang par dge slong rab tu mang po 'dus shing 'khod par gyur te/ 'di lta bu chos gos kyi las la'o/ /dge slong gzhan zhig na bsti gnas kyi khang par 'jug tu
- 85b
mi 'dod de/ bya ba dang 'brel pas dge slong rnams 'di ni le lo can no zhes 'phya bar byed do/ /ji tsam na bcom ldan 'das kyis bka' stsal pa/ dge slong dag dge slong 'dis ci yang ma smra shig /de ci'i phyir zhe na/ 'dis ni sems lhag pa bzhi thob ste/ gang gi don tu 'di rab tu 'byung ba de'i don yang 'dis thob po zhes gnas 'di gsungs so/ /'di na zhes bya ba ni gang phyir mya ngan las 'das pa 'di ni brtson 'grus zhan pa'i gang zag gis rtogs par mi nus te/ 'di ni le lo can gyis kyang rtogs par mi nus so/ /brtson 'grus zhan pa ni 'di la le lo can zhes bya ba'i don to/ /des na bya ba dag las te rtag tu bya ba'i dge ba'i bya ba dag la brtson 'grus kyis drangs pa'i sbyor ba med pa'i phyir ro/ /blo chung zhes bya ba ni blo zhan pa dang ldan pa ste/ shin tu blun pas rigs pas thob pa'i shes rab dang bral ba'i phyir ro/ /shes pa med pa'i zhes bya ba ni de bzhin gshegs pa'i gsungs rab yang dag par thos pa la sogs pa'i stobs kyis byung ba'i khyad par gyi shes pa gang la med pa de ni shes rab med pa ste/ des ni thos pa las byung ba la sogs pa'i shes pa'i shes rab med par bstan te/ yang na 'jig rten dang 'jig rten las 'das pa'i shes pa go rims bzhin du bstan to/ /gang des ji lta bur rtogs par mi nus zhe na/ mdud pa thams cad rab gtubs pa zhes bya ba ni 'ching ba ma lus par bcad pa gang la yod pa'o/ /mi 'thob pa ni nyon mongs pa thams cad spangs pa thob pa zhes bya ba'i don te/ de ni shin tu bya bar dka' ba yin na/ phal gyis shes par ga la 'gyur/ mdud pa thams cad rab gtubs pa zhes bstan pa la/ rnam pa thams cad du zhi ba'i rnam pa bstan pa'i phyir/ khyod kyis gru 'di zhes bya ba la sogs pa smos so/ /bcom ldan 'das dbyar ba ra NA ser bzhugs nas gang+gA'i dogs su gshegs
- 86a
pa na de nas gru bas bcom ldan 'das spyan drangs te bcom ldan 'das gru 'di la gshegs su gsol zhes zhus pa dang/ de nas bcom ldan 'das nyan thos kyi tshogs dang bcas pa gru'i steng du gshegs pa dang/ gru chus khengs par gyur pa las gru ba rgan pos gru pa gzhan la smras pa/ gru 'dis ci nas kyang mi nub pa de ltar phyogs shig ces smras pa las ji tsam na bcom ldan 'das kyis 'di gsungs so/ /'di ni zhes bya ba ni chus khengs pa'i gru'o/ /phyogs zhes bya ba ni gtor zhing bor ba ste gang chu 'di phyi rol tu bor ba nyid do/ /'di ni yang bar 'gyur ba ltar zhes bya ba ni rnam pa 'dis ni gru 'jig par mi 'gyur te/ bde bar pha rol tu 'gro bar 'gyur ba de bzhin du khyod kyis/ de bzhin zhe sdang 'dod chags spongs zhes bya ba'i 'dod chags kyis ni khams thams cad kyi tshig tu ston pa yin no/ /zhe sdang gis 'dod pa'i khams dang 'brel ba'o/ /sred pa spyod pa la zhugs pa'i sems can de'i dbang du byas nas 'dod chags spangs pa bstan to/ /gzhan gyis dbang du byas pa ni zhe sdang spangs pa'o/ /yang na chags pa dang khong khro ba de ni rtag tu gnod pa byed pa'i phyir ro/ /de thos pas rgyun tu zhugs pa thob par gyur to/ /mya ngan las 'das pa thob par 'gyur zhes bstan pa la/ ci 'dis dus su gtogs pa ste/ gang gis ma 'ongs pa'i tshig gi sgrar yang brjod dam zhe na/ de thos pa la brten nas gzhan bstan pa'i phyir te/ gang de mya ngan las 'das pa de'i nang du ni dus gsum chud pa yin no zhes bstan pa'i phyir smras pa/ sngon chad byung ba mi 'byung zhing zhes bya ba la sogs pa'o/ /bcom ldan 'das u ru bil ba na mngon par rdzogs par sangs rgyas nas ring po ma lon par 'di snyam du dgongs te/ gang sngon bdag gis byung ba de
- 86b
dang ni bral la/ gang gis da ltar gnas pa 'dis ni skyes pa'o/ /gang mngon par 'dus ma byas pa ni rnam par grol ba ste/ de ni skye ba med pa dang mi skye ba dang/ skye bar mi 'gyur te zhes bya ba nas ji srid du 'di gsungs so/ /sngon chad byung ba zhes bya ba ni sngon gyi skye ba rnam par gnas pa dag tu yang 'dus byas byung bar gyur te/ skye ba'i chos can yin pa'i phyir ro/ /des na mi 'byung ba zhes bya ba ni de'i 'og tu bral bar 'gyur ba ste/ 'jigs pa'i chos can yin pa'i phyir ro/ /'di lta ste/ 'dod chags la sogs pa'i nyon mongs pa mi 'byung zhes bya ba ni dngos po gang dag 'du 'phro med pa'i phyir sngon grub pa dag phyis mi skye bar gyur pa ste/ dper na sangs rgyas nyid kyi'o/ /'di nyid bstan pa'i phyir de nas 'di ltar 'byung bar 'gyur zhes bya ba ste/ de nas de'i 'og tu 'byung bar 'gyur ba ste rjes su mthun pa tshogs pa'i dbang gis zhes bya ba ni 'di ltar gyi sgra'o/ /da ni yang mya ngan las 'das pas ma byung 'byung bar mi 'gyur la/ da ltar 'byung ba'ang yod pa ma yin zhes bya ba ni dus gsum dang bral ba'i phyir dang/ rtags pa yin pa'i phyir ro// da ltar ni da ltar te da ltar byung ba nyid na yang med pa'i phyir ro/ /gang dus gsum dran pa med pa ni sdug bsngal gyi mthar gyur pa'i bdag nyid yin no zhes bstan pa'i phyir blta dka' zhes bya ba smos te/ de nas 'phags pa'i bden pa bzhi bstan pa'i phyir 'di gsungs so/ /mthong ba yin pas blta ba'o/ /'phags pa'i bden pa 'di dka' bas mthong ba yin pas blta dka' ste/ de nyid rtogs par dka' ba zhes bya ba'i don to/ /yang na dka' bas mthong ba yin pas blta dka' ste/ dbug 'byung rdub la sogs pa chen po'i rim pas sdug bsngal gyi bden pa mthong ba'o/ /kun 'byung la sogs pa yang dka' bas mthong ba yin pa'i phyir ro/ /'dis ni sdug bsngal gyi bden pa bstan to/ /mdza' med ces bya ba ni med pa la nges pa ste/ 'dir mdza' i
- 87a
sgra ni nges pa'i tshig go /ci bdag 'das pa'i dus na yod par 'gyur gtam zhes kun tu rmongs pa'i phyir te/ 'dis ni kun 'byung gi bden pa bstan to/ /yang na thams cad kyang 'dir rgol ste/ kha cig ni 'dir mdza' med ces bya? du mar 'dod do/ /gzhan dag ni dbang phyug dang tshangs pa la sogs pa 'jig rten gyi rgyur 'dod pa'o/ /bder mi mthong zhes bya ba ni bdag nyid ma sbyangs pa rnams kyis bde blag tu mi mthong ba'i phyir to/ mig yod bzhin du rmongs pas bsgribs te dag byed du 'dod pa de ma mthong ngo/ /'dis ni 'gog pa'i bden pa bstan to/ /bden pa ni 'phags pa rnams la phyin ci ma log pa'i phyir ro/ /rab rtogs zhes bya ba ni so sor rtog pa ste zag pa med pas gtan la phab cing des? des pa'o/ /'dis ni lam gyi bden pa bstan to/ /de nges par byas pa'i phyir shes pa'o/ /sred dang dga' ba med mthong ba zhes bya ba ni da ltar byung ba dang 'das pa'i yul gyi sred pa bstan te/ yang srid pa 'dod pa ni sred pa'i dga' ba'o/ /de nyid ni bdon pas shes pa ste/ mthong ba ni mthong ba'i lam gyis dga' ba med par ro/ /shes pa dang mthong pas rab tu dbye ba yin pa'i phyir lam 'di gnyis go rims bzhin du'o/ /yang na 'jig rten pa dang 'jig rten las 'das pa'i lam mo/ / yang na bden pa'i sgras ni bden pa rnam bzhi bstan to/ /de ltar bka' ni thos pa las byung ba'i shes rab kyi ming mthong ba'i phyir ro/ /mdza' med ni bsam pa las byung ba'i shes rab kyis so/ /bder mi mthong zhes bya ba ni 'jig rten pa'i bsgoms pa las byung bas so/ /rab rtogs zhes bya ba ni zag pa med pas so/ /'di 'dra 'di ni sdug bsngal mthar zhes bya ba ni phung po lnga'i bdag nyid ni mthar 'di ltar sdug bsngal ba nyid do/ /'di lta ste 'phags pa'i
- 87b
bden pa bzhi'i dgag pas ni dus gsum du 'khor ba'i rgyu 'dod chags zad pas de'i 'og tu 'jigs pa med pa'i grong khyer du 'jug ste/ pha rol sdug bsngal gyi mthar gnas pa yin no/ /sdug bsngal gyi rgyu sred pa yang dang yang du gzhig bar bya ba'i phyir/ sred pa rnams ni zhes bya ba'i la sogs pa smos so/ /de nas bcom ldan 'das sangs rgyas nas ring po ma lon par u ru bil ba na lha rab tu mang pos bsnyen bkur byas shing bzhugs so/ /de nas kha cig ni 'di mngon par rdzogs par sangs rgyas zhes zer ro/ /kha cig ni sangs ma rgyas so zhes zer ro/ /kha cig ni the tshom du gyur to/ /de nas bcom ldan 'das kyis de dag gi sems mkhyen nas ta la bdun srid tsam du nam mkha' la mngon par 'phags nas ched du brjod pa ched du brjod de/ sred pa rnams ni bcad pa dang zhes bya ba sogs pa gsungs so/ /ngas sdug bsngal mthar byas shing ji lta ba bzhin du rtogs pa yin te/ shes nas dad pa thob par ston to/ /de la 'phags pa'i lam gyis yang 'khor ba don du gnyer bar byed pa'i ma 'ongs pa'i yul gyis sred pa rtsa nas bcad pa yin no/ /'dod chags rab tu spangs pa dang zhes bya ba ni da ltar byung ba'i yul la lhag par zhen pa'o/ /'tsho skams nas zhes bya ba ni skams pa thob pa ste/ 'das pa dang 'das pa'i yul sred pa'i chu bo ste phal cher rjes su myong ba'i yul la 'jug pa'i phyir ro/ /mi 'bab pa zhes bya ba ni mi 'byung ba ste/ rgyud las bsal ba'i phyir ro/ /yang na sred pas ni 'dod pa la 'dod chags pa bstan te/ skom par gyur pa'i phyir ro/ /'dod chags kyis ni gzugs na spyod pa bstan te/ de'i bde ba la lhag par zhen pa'i phyir ro/ /mtshos ni gzugs med pa'i 'dod chags bstan te/ de'i 'bras bu yun ring bas chu klung ring por gyur pa'i phyir ro/ /des na yang khams gsum gyi sred pa spangs par bstan pa nyid do/ /bden pa
- 88a
mthong ba nyid kyi sred pa thams cad spong ba yin gyis/ gzhan gyis ni ma yin no zhes bstan pa'i phyir smras pa/ lus zhig ces bya ba la sogs pa'o/ /bcom ldan 'das yul a du ma zhes bya ba na bzhugs te/ de'i tshe ke ne ya zhes bya ba'i drang srong yang yul a du ma nas gnas bcas par gyur to/ /dal gyis 'bab pa'i 'tshe'u'i ngogs na bcom ldan 'das gdugs la bzhugs te/ 'di snyam du gang du ngas 'jig rten skyong ba bzhi po la chos bstan pa dang/ tshogs chung ngus drang srong ke ne ya dul bar 'gyur ro zhes dgongs so/ /yang bcom ldan 'das 'di ltar dgongs te/ gang yang ngas dal gyi 'bab pa'i mtshe'u'i ngogs su de dag la chos bstan na de yang dul bar 'gyur ro zhes gsungs so/ /ji tsam na 'jig rten pa'i thugs bskyed pas rgyal po chen po bzhis bcom ldan 'das kyi dgongs pa shes te/ bcom ldan 'das kyi spyan sngar lhags nas yul 'khor srung dri za'i 'khor dang bcas pa ni shar phyogs su 'khod do/ /'phags skyes bo grul bum gyi 'khor dang bcas pa ni lho phyogs na 'khod do/ /mig mi bzang klu'i 'khor dang bcas pa ni nub phyogs na 'khod do/ /rnam thos sras gnod sbyin gyi 'khor dang bcas pa ni byang phyogs na 'khod do/ /de las gnyis ni 'phags pa'i rang bzhin can te/ yul 'khor srungs dang/ 'phags skyes pa'o/ /gnyis ni ngan pa'i rang bzhin can te/ mig mi bzang dang/ rnam thos sras so/ /ji srid na yul 'khor srungs pa bka' stsal ba/ rgyal po chen po de lta bas na/ lus zhig tshor ba bsil gyur pa zhes bya ba la sogs pa'o/ /'phags skyes po'i dbang du mdzad nas/ lta bas mthong bar gyur tsam dang zhes bya ba la sogs pa rgya cher gsungs so/ /mig mi bzang gi
- 88b
dbang du mdzad nas/ ma re mi dga' zhes bya ba la sogs pa gsungs so/ /rnam thos sras kyi dbang du mdzad nas/ 'di dang ma dang zhes bya ba la sogs pa gsungs so/ /de la gnas ji lta ba bzhin du brjod de lugs las bzlog pa dang/ lugs su 'byung ba gnyis kyi bstan pa dang/ mthong ba yin te/ de la ldog pa gtso bor bstan pas ni lugs las bzlog pa brtsams te/ ji ltar rjes su mthun par 'brel pa bkod pas ni 'di dang ma dang zhes bya ba la sogs pa'i tshig bzhis go rims bzhin du bden pa bzhi bstan to/ /de la saM skri ta'i tshul gyis ni e las 'di zhes bya ba ste 'go ba'i nad la bya'o/ /de gnod sbyin skad du ni e ne zhes bya ba ste 'di'o/ /de mngon par rtogs pa ni mthong ba'o/ /dang zhes bya ba ni 'di de ltar yod dang sdug bsngal gyi mthar byed par 'gyur ro zhes de ltar te/ de las sdug bsngal gyi bden pa rtogs pa'i sngon du 'gro ba'i phyir ro/ /ma dang zhes bya ba la/ me ne? zhes bya ba ni ma'i sgra las skyed par byed pa'i mi'i lus yin te/ rgyur gyur pa nyid sdug bsngal kun 'byung ba yin no zhes grub pa'i mdza' o/ /de las zhes bya ba la sogs pa yang brjod par bya'o/ /gdungs zhes bya ba la/ dab pha zhes bya ba las gdung ba nye bar zhi ba ste/ sdug bsngal nye bar zhi ba zhes bya ba'i don to/ /gang gi 'bras bu dang bcas pa gdungs pa ni 'gog pa shes pa zhes bya ba'i don to/ /de las zhes bya ba la sogs pa yang brjod par bya'o/ /rab gdungs zhes bya ba dab pha zhes bya ba la gdung ba nye bar zhi bar byed pa'i thabs te/ rab gdungs zhes bya ba'i sgras brjod do/ /'di ni 'bras bu dang bcas pa'i lam shes pa zhes bya ba'i don to/ /'di 'dra 'di ni zhes bya ba la sogs pa ni 'di nyid sdug bsngal tha ma dang mthar thugs pa yin te/ sdug bsngal la sogs pa shes pa thob pa'i phyir mya ngan las 'das pa'o/ /yang na ngan song gi
- 89a
sdug bsngal yongs su zad pa ste/ mthong ba'i lam gyi 'bras bu 'di la yod pa'i phyir ro/ /ji skad du khyod kyi mthus ni shin tu mi zad ltung 'gyur te/ gang gi phyir ngan 'gro'i lam ni nyes mang ldan pa yin zhes bshad do// ci'i phyir gnod sbyin gyi skad kyi skabs la 'phags pa'i skad du gsungs she na/ bshad pa/ de ni so sor nges par kun tu dga' bar bya ba'i phyir te/ rgyal po chen po rnam thos sras 'khor dang bcas pa'i dbang du mdzad nas thub pa mchog gis gang gsungs pa yin te/ rgyal po chen po nyid kyis bstan pa'i 'bras bu rtogs par bya ba'i dbang du mdzad pas 'di la 'gal ba med do/ /de bzhin du gzhan dag la yang ci rigs par brjod par bya'o/ /mdza' khob pa'i skad kyi don ni ldog pa gtso bos de'i 'og tu ma re mi dga' zhes bya ba la sogs pa smos so/ /yang tshig rkang bzhi po des 'phags pa'i bden pa bzhi bstan nas yang de'i rnam par bstan pa'i phyir ro/ /ma re zhes bya ba ni re bar bya ba ma yin pa'o/ /de yang sdug bsngal gyi bden pa la ste dug gi kha zas bzhin du sdug bsngal du gyur pa'i bdag nyid kyi dngos po la sred pa bskyed par mi bya'o/ /mi dga' zhes bya ba ni 'dir gang gis kun 'byung gi bden pa la dga' bar mi bya'o/ /de yang 'dir bden pa mngon par rtog pa ste/ bde 'gro 'dren pa'o/ /rab zhi dang zhes bya ba ni 'dus byas nye bar zhi ba 'gog pa mngon sum du byas pa ste/ 'di la sdug bsngal nye bar zhi ba'i phyir ro/ /kun tu 'dod chags bral gyur pa zhes bya ba ni 'khor ba'i dngos po thams cad las 'dod chags dang bral ba bskyed pa ste/ lam bsgom par bya ba'o/ /yang na ma re zhes bya ba ni mnyam par ma bzhag pa'i khams ni gnod pa dang bcas pa'i phyir ro/ /mi dga' ba ni
- 89b
mnyam par bzhag par gnyis te/ 'dod chags dang bral ba'i sa yin pa'i phyir ro/ /rab zhi zhes bya ba ni 'jig rten las 'das pa'i lam gyi mthus 'dod chags la sogs pa spangs pa'o/ /kun tu 'dod chags bral gyur pa zhes bya ba ni thams cad las 'dod chags dang bral ba ste khams gsum pa la 'dod chags dang bral ba'i phyir kun nas grol pa zhes bya ba'i don to/ /yang na ma re zhes bya ba khams gsum la'o/ /dga' ba ni sangs rgyas bcom ldan 'das yang dag par rtogs pa de'i chos ni legs par gsungs pa/ dge 'dun ni legs par zhugs pa/ sdug bsngal rig par byed pa dang lam rig par byed pa zhes bya ba'i bar du'o/ /rab zhi ni 'dod chags bskyed pa rnams zhi bar byed pa zhes bya ba la sogs pa ste/ lhag ma ni sa? ma bzhin no/ /gang bstan pa de thabs gang gi byed par nus zhe na/ smras pa/ kun tu rtogs pa shes che chung gi bye brag gi yin te/ de nyid kyi bstan pa'i phyir/ lta bas mthong bar gyur tsam dang zhes bya ba la sogs pa smos so/ /'phags skyes po 'khor dang bcas pa yul dag la lhag par chags par gyur te/ de las skyo bar bya ba'i phyir dang/ phyin ci log dga' ba'i thabs bstan pa'i phyir gsungs pa yin no/ /mig gis dmigs pa ni mthong ba'o/ /lta ba ni de las gzugs mthong tsam dang lta ba tsam nyi che yid la bya'i/ gzhan yang dag pa ma yin pa'i kun tu rtogs pa la rjes su 'brang bar mi bya ste/ rjes su chags pa la sogs pa'i rgyur gyur pa'i phyir ro/ /nyan pas thos par gyur pa tsam dang zhes bya ba ni rna ba'i dbang pos dmigs pa ni thos pa'o/ /de la thos pa nye tshe tsam bya ba ste/ thos pa tsam yid la bya'i gzhan ni ma yin no/ /rna ba dang lce dang lus kyi dbang pos rtogs pa ni rtogs par byed pa ste/ long ba bzhin du 'thob pa 'dzin par byed pa'i phyir ro
- 90a
de la rtogs par byed pas rtogs pa tsam nyid ces brjod par bya'o/ /yid kyi rnam par shes pas yongs su bcad pa ni rnam par shes pa ste/ ji skad du mig rna yid kyi rnam shes dang/ /gsum gyis nyams su myong gang de/ /mthong ma thos rnam par shes pa dang/ rtogs pa yin te go rims zhes gsungs pa lta bu'o/ /de lta bu la ma gus pa'i sbyor bas ni nyon mongs pa thams cad zad par gyur ro zhes bstan pa'i phyir 'di 'dra 'di ni sdug bsngal mdza' zhes bya ba la sogs pa'o/ /gzhan dag ni 'dis bden pa bzhi bstan to/ /zhes zer te/ sdug bsngal ni mngon sum bzhin du mthong bar bya ba nyid kyis so/ /kun 'byung ni phal cher thos pas rtogs pa yin pa'i phyir ro/ / rtogs pas yongs su gcad pa'i phyir dang/ rtogs pa'i 'bras bu yin pa'i phyir rtog pa ni thar pa'o/ /khyad par gyis shes pas 'thob pa yin pa'i phyir rnam par shes pa ni lam ste/ de mngon par rtogs pa dang bsgoms pas sdug bsngal gyis mthar byed par 'gyur ro/ /skye mched yongs su brtags pa'i sgo nas tshogs kyi lam bstan nas/ phung po yongs su brtag pa'i sgo nas brtan pa'i phyir/ lus zhig ces bya ba la sogs pa smos so/ /yul 'khor srung 'khor dang bcas pa dag la lhag par chags pas de las 'dun pa bzlog pa'i phyir 'di gsungs so/ /lus zhig ces bya ba ni gnad zhig cing nyams pa ste/ lus de'i bdag nyid yin pa'i phyir ro/ /tshor ba gsil bar gyur ces bya ba ni bems por gyur pa ste/ shi ba'i lus la ni nyams su myong ba med pa'i phyir ro/ /'du shes 'gags zhes bya ba ni 'du shes dang bral ba ste/ de la mtshan mar 'dzin pa med pa'i phyir ro/ /'du byed zhi zhes bya ba ni sems pa la sogs
- 91b
bas mtshungs par ldan pa dang/ mi ldan pa med cing zad pa ste der de dag sdug pa dang bral ba'i phyir ro/ /rnam par shes pa nub gyur pa zhes bya ba ni snang ba med par gyur pa'o/ /'di dag shes shing 'bral ba dang bcas par gyur na ni sdug bsngal las ldog cing nying mtshams sbyor ba med pa nyid du bstan pa'i phyir/ 'di 'dra 'di ni zhes bya ba la sogs pa yin te/ 'dis kyang 'phags pa'i bden pa bzhi bstan te/ snga ma'i phung po lngas ni sdug bsngal dang kun 'byung 'di'i tshul yin pa'i phyir 'di gnyis so/ /'di sdug bsngal mthar byed pa yin pas lam mo/ /yang na mthar byed pa ni mthar gnas pa ste/ 'gog pas byas pa'o/ /gang gi rim pas mya ngan las 'das pa de 'thob pa yin pa 'am/ ji lta bu zhes bya ba de'i 'og tu brjod par bya'o/ /de la 'dir 'jug pa sngon du 'gro bas ldog pa yin te/ de la 'jug pa'i rim pa dang po bstan pa'i dbang du byas nas bstan pa ni uta ka Targa zhes bya ba'i bram ze'i rigs byed gsum pha rol tu phyin pa shes rab me dang 'dra bas grub pa'i mdza' thams cad mthong ba de bcom ldan 'das kyis thad du lhags nas gsol pa/ kye dge sbyong gau ta ma gzhan mu stegs can kha cig ni 'di skad smra ste/ 'jig rten ni ther zug pa ste/ de ltar na thar pa med do zhes so/ /gzhan dag ni pha rol tu 'chi bar mi 'gyur te/ de ltar rig byed kyi sbyor bas 'khor bar mi 'gyur ro zhes brjod na/ 'di la gau ta ma khyod ji skad du gsung zhes gsol pa dang/ de la bcom ldan 'das kyis 'jug pa'i rim pa 'di skad du gsungs so/ /'di yongs su 'dzin par byed pa yin pas brten pa'o/ /yod pas zhes bya ba ni nyon mongs pa dang las so/ /rten ni ma rig pa ste srid pa'i rtsa ba ni ma rig pa
- 91a
yin pa'i phyir ro/ /srid pa 'byung ba ni gnyis la brten pa yin te/ lta ba dang sred pa ste ji skad du gang na bdag tu lta ba de ni bdag tu sred pa yang yod do/ /gang na bdag tu lta ba dang sred pa gnyis yongs su bzung ngo? der ni gzhan phra rgyas kyi bag chags kyang sogs pa yin te/ dbang po'i ras rlon pa la ni rdul kun tu gnas pa yin no/ /de ltar yod na ni gang 'byung ba de nyid kyi snyan pa'i phyir spyod par 'gyur zhes bya ba yin te/ rnam pa sna tshogs pa'i sred pa g.yo ba skye bar 'gyur te/ bdag ni dbang po ste lha'i rgyal po zhes bya ba la sogs pa bshad pa snga ma la yang de las gzhan pa'i nyon mongs pa dang/ nye ba'i nyon mongs pa 'byung ba yin te/ spre'u bzhin du mi gnas/ zhing mngon par 'gyur ba yin no/ /ji skad gzhan dag tu ni g.yo zhing 'jug pa'o/ /gzhan dag tu ni g.yo zhing 'khor ba ldog pa'o/ /spyod pa yod pas gzhol bar 'gyur zhes bya ba ni 'dis 'dren par byed pa yin pas gzhol ba'o/ /las kyi sred pas 'phangs shing yongs su rdzogs par byas la/ las yongs su bsags pa'i rgyus yang srid par gzhol ba'i phyir ro/ /gzhol ba'i yod pa shin tu ma sbyangs par 'gyur ro zhes bya ba ni las kyi srin po sems can gyi yid dkrugs pa 'am/ las kyi zhags pas bcings shing drangs par gyur na thar pa ga la yod pa'o/ /yang na de'i tshe sems las su mi rung ba'i tshul gyis shin tu ma sbyangs na 'khor bar 'bab pa'i phyir te/ 'dis ni 'dir skye bo'i rgyu skye ba gzhan dag tu yongs su 'dzin par 'os par 'gyur ro zhes bstan to/ /shin tu ma sbyangs pa yod pas 'gro ba dang 'ong bar 'gyur ro zhes bya ba la tshur 'ong ba ni 'ong ba'o/ /phar 'gro ba ni 'gro ba'o/ /'gro ba dang 'ong
- 91b
ba yod par gzhan du shin tu shi 'pho len par 'gyur ro/ /zhes bya ba ni skye ba gzhan dag tu nyams shing shi 'phos pa ste/ de'i mdza' ni skye zhing skye bar 'gyur te/ de yang skye zhing 'jig par 'gyur ba zhes bya ba'i don to/ /'di ltar zhes bya ba ni sngar bshad pa'i rim pa bstan to/ /bar ma do'i srid pa'i rim pas skye ba sngon du 'gro bas mtho bar bstan pa'i phyir gzhan du zhes bya ba smos te/ 'jig rten pha rol gyi skye ba ste nying mtshams sbyor ba'o/ /mngal nas byung ba ni 'jig rten la rab tu grags pa'i skye ba'o/ /rga ba ni rnam par 'gyur ba'i dngos po'o/ /na ba ni rim pa la sogs pa'o/ /'chi ba ni tshe dang drod dang rnam par shes pa la 'gag pa'i mtshan nyid de ris mthun pa dang bral ba zhes bya ba'i don te/ skad cig mas spyod par bstan pa'i phyir ro/ /mya ngan ni sdug pa dang bral ba las byung ba'i yang dag par gdung ba'o/ /smre sngags 'don pa ni gdung ba dang ldan pa'i tshig brjod pa'o/ /sdug bsngal ba ni rnam par shes pa'i tshogs lnga dang ldan pa'i tshor ba'o/ /yid mi bde ba ni yid kyi gdungs pa'o/ /'khrugs pa zhes bya ba ni grang ba dang tsha ba dang/ sbrang bu dang/ sha sbrang dang/ rlung la sogs pas zil gyis mnan cing gnod pa'o/ /skye ba dang rga ba la sogs pa ni zlas dbye ba'i bsdu ba'o/ /'byung ba ni yang dag par skye ba'o/ /des na yang 'di ltar rnam pa 'dis dbang phyug la sogs pas skyed pa 'am/ rgyu med pa ni ma yin no/ /'dis zhes bya ba ni sdug bsngal gyi phung po'o/ /'ba' zhig ces bya ba ni gcig tu bdag med pa'i phyir ram thams cad do// chen po zhes bya ba ni thog ma med pa'i phyir dang dpag tu med pa'i phyir ro/ /sdug bsngal gyi phung po zhes bya ba ni sdug bsngal gyi tshogs dang/ sdug bsngal gyi 'dus pa 'khor ba zhes bya ba'i don to/ /'byung bar 'gyur ro zhes bya ba
- 92a
ni mngon par 'grub pa'o/ /ldog pa'i dbang du byas nas bstan pa'i phyir smras pa/ brten pa med pa zhes bya ba la sogs pa'o/ /'gag cing bral la med par gyur pa ste/ sdug bsngal ldog pa'i mtshan nyid mya ngan las 'das pa'o lhag ma'i don ni lngar bshad zin to/ /'jug pa dang ldog pa'i mtshan nyid gzhan bstan pa'i phyir smras pa/ dge slong dag ces bya ba la sogs pa'o/ /dge slong rab tu mang po bsti gnas kyi khang pa dag tu 'dus shing 'khod la/ gang phal cher mya ngan las 'das pa dang 'brel pa'i chos gtan la 'bebs par byed de/ de yang mya ngan las 'das pa 'dod kyang the tshom skyes par gyur to/ /ji tsam na bcom ldan 'das kyis gsan nas de'i dbang du mdzad de 'di gsungs so/ /yod do zhes bya ba ni rdzas kyi dngos por yod do zhes bya ba'i don to/ /dge slong dag ces bya ba ni g.yeng ba rnam par spang ba'i phyir bod? pa ste/ gzhan du na shin tu phra ba'i don te rtogs par mi nus phyir ro/ /gang yin zhe na/ ma skyes pa dang zhes bya ba'i ming can de'i 'dus byas dang bral ba'i phyir ro/ /ma byung ba dang zhes bya ba ni gnas pa las gzhan du gyur pa med pa'i phyir ro/ /ma bcos pa zhes bya ba ni byas pa med pa'i phyir ro/ /'dus ma byas zhes bya ba ni sems pa med pa'i phyir ro/ /mi 'byung ba zhes bya ba ni nye bar len pa'i mtshan ma dang rgyu med pa'i phyir ro/ /rnam par 'gyur bar byed par lnga dang 'dus byas kyi mtshan nyid gsum mam/ yang na phyi rol gyi sems pa med pa de dag 'di ltar bstan to/ /yang na rgol ba rnam pa lnga dang/ sngon ma byung ba'i mya ngan las 'das pa sngon ma byung ba zhes pa ste/ ji skad du/ skyed byed rab sad 'jig dang zhum pa dang/ /yang yang skyo bas nyer 'gro tshangs pa ste/ des na mthar pa'i grong khyer ston byed pa/ /skyed pa 'jigs pas
- 92b
rnam 'dzin rab tu grol zhes so/ /gang 'dis ni thar pa'i cha yongs su 'dzin pa yin te/ lam bsgom pa la sogs pa'i mthu ste sa bon gyi mthus myu gu bzhin du bsal ba yin te/ tshig lnga po 'di dag go rims bzhin rtogs par bya'o/ /yang na 'og ma'i cha dang mthun pa lnga dang/ gong ma'i cha dang mthun pa'i kun tu sbyor ba rnams dang bral bar bya ba'i phyir 'di gsungs so/ /yang na ma skyes pa ni skye ba ma thob pa'o/ /ma byung ba ni sems can gyi snyad mi g.yo ba'i phyir ro/ /ma bcos pa ni bcos ma'i nor bur ma gyur pa'i phyir ro/ /'dus ma byas ni nye bar len pa'i rgyu med pa'i phyir ro/ /mi 'byung ba ni phyi rol gyi skyon med pa'i phyir ro/ /yang na 'gro ba lngas bsal ba'i phyir te/ go rims bzhin zhes bya ba la sogs pa ni ci rigs par brjod par bya'o/ /'dus byas kyi dngos po ni rdzas su yod par bstan pa'i phyir skye ba yod do zhes bya ba la sogs pa smos so/ /'dus byas dang 'dus ma byas pa'i dngos po yang yod de de lta bas na tshul bzhin du bskyed cing ldog pa yang bsgrub pa'i phyir/ dge slong dag gal te zhes bya ba la sogs pa'o/ /gal te med par gyur na zhes bya ba ni ji skad du bshad pa'i mya ngan las 'das pa yang med par 'gyur na'o/ /nga ni skyes pa dang zhes bya ba ni nga thams cad mkhyen par gyur nas 'dus byas kyi nges pa 'byung ba yod do zhes mi smra ba'i phyir ro/ /gang gi phyir zhes bya ba ni rgyu gang gis so/ /'di na zhes bya ba ni gcig tu nges par smra ba'o zhes bya ba'i don to/ /gang gi phyir nges par 'dus ma byas yod cing nges par 'byung ba yod pa de lta bas na nga nyid smra'o/ /gang gi phyir kun tu mi shes pa med do ngan pa la dmigs pa'i blo med pa'i phyir ro/ /med pa'i dngos po yang yod pa nyid du 'jog par sangs rgyas mi mdzad de phyin ci ma log par ston pa'i phyir dang thams cad mkhyen pa yin pa'i phyir
- 93a
bskyed pa de yang 'di ltar yod pa yin no/ /nges par 'byung ba zhes bya ba ni nges par byung ba ste/ phyi rol gyi dngos po med na ni nang nas 'byung ba mi rigs so/ /dngos po thams cad ni gnyen po dang bcas pa ma yin pa mi smad ste/ dper na mun pa la snang ba dang/ grang ba la dro ba dang/ dro ba la drang ba dang/ dri ma la lan tshwa'i chu dang/ nang la sman la sogs pa ste/ 'khor ba rjes su myong zhing sdug bsngal du ltung ba yang gnyen pos rdzas kyi bdag nyid bsgom par bya'o/ /gal te 'di don dam par yod dam ming ce na bshad pa/ yod do zhes bya ba'i don gyis bstan to/ /da 'di nyid nges par brtag par bya ste/ ji ltar bu ma mya ngan las 'das pa zhes bya zhe na/ sdug bsngal mdza' dang nges 'byung dang/ /dus dang zad pa med pa yin/ /blo ldan myang na 'das skyob ces/ /thub pas yang dag gsungs pa yin/ /rnam par shes pa'i mtshe la gang zhig rtag pa'i bdag nyid kyi rdzas yod cing dbang byed pa'i don ni/ mya ngan las 'das pa ste/ ji skad du gsungs pa/ dge slong dag de la rnam par shes pa ni shar phyogs su 'gro'o/ /zhes nga mi smra'o/ /de bzhin du rnam par shes pa ni nang nas bstan du med pa/ yangs shing rgya che bas zil gyis mi non pa ni 'dir mya ngan las 'das pa ste/ rnam par shes pa'i sgra'o zhes bye brag tu smra ba'i'o/ /sems kyi rgyud 'phags pa'i phyir sems kyi rgyud kyi rnam pa yin te/ sems can re re la yang mya ngan las 'das pa'i rdzas yod do gang spangs pa'i khams dang 'dod chags dang bral ba'i khams kyang yod do zhes ye shes la 'jug pa las brjod pa'i phyir dang/ bskal pa mi mnyam pa ni 'gog pa yin no zhes mdo las zhes gsungs pa'i phyir ro/ /kun tu sbyor ba'i rdzas dag ni 'gog pa ma yin no/ /mya ngan las 'das pa'i sgrib par gyur pa nyon mongs pa
- 93b
rnams kyang gnyen po du mas sgrub pa'i phyir te/ nyon mongs pa mang po'i phyir gnyen po bsgom pa mang pos mya ngan las 'das pa mang ba'i phyir/ sha shthi? ? nas dag zhes bya ba 'dir brjod par bya'o/ /mya ngan las 'das pa rdzas su yod de/ mngon sum gyi yul yin pa'i phyir gzugs bzhin no/ /yod pa'i btags pa bzhin no/ /skye ba yod ces bya ba dang/ mya ngan las 'das par 'gro ba'i lam yod ces bya ba la sogs pa ste/ chos can 'jigs pa med pa'i khyad par gyis so/ /khyim bdag gzugs ni 'jig pa'i chos can yin la/ 'gog pa dang mya ngan 'das pa ni 'jigs pa'i chos can ma yin no zhes mdo las gsungs so/ /blo khyad par can gyi bzhis de'i don bya bar yang snang ste/ yid bzhin gyi nor bu bzhin no/ /mchog tu bcas pa'i chos bstan pa ni 'bras bu bstan pa'i phyir zhes bya ba la sogs pa'o/ /'di ltar sems ni nyon mongs las kyi zhags pa dam pos bcings/ de dang bral zhing grol ba grol ba'ang de nyid de/ /lus can btsan ra dag las thag ring gyur na ni/ /'jig rten thar pa 'dod de btso rar lta bur mis/ /'dod dang mi 'dod de ltar mkhas pas shes bya ste/ /grags dang ma grags spangs na mya ngan 'das pa 'thob ces so/ /re zhig so so skye bo'i tshogs ni 'khor ba la dga' bar 'gyur ba'i bar du yin zhing mi mthong ba yin te/ 'gog pa ni skyon dang bral ba'o/ /de bzhin nyid rtags pa'i mig ni lha'i bu mo la bltas na yang blo dga' ba med par 'gyur ro/ /bshang gci dang ni rga dang nang/ dug gis brgyal ba'i 'bras bud na/ /gzhan zas lang tsho nad med dang/ /phun sum tshogs pa'i dngos po dag /dka' yang mkhas pa dag gis ni/ /snga phyi yongs su brtag bya ste/ /dga' bar mi bya rigs btsun rta/ /mtshan dang bral ba ji bzhin no/ /rigs dang mi rtag grol ba ste/ /de bzhin lung gi bya bas kyang/ /blo ldan the som bral ba yis/
- 94a
rdzas ni yang dag de shes bya/ /dngos po thams cad rtogs pa yi/ /blo ni rang bzhin gyis sprel zhing/ /blo dang ldan pas blo gros ni/ /'bad pas yongs su skyed par bya zhes smos so/ /'dir gzhung mangs kyis dogs chas yang ma bris so/ /ji skad du bshad pa'i 'jug pa dang rtogs pa gnyis blang ba dang spang ba nyid du sgrub pa'i phyir/ skyes dang zhes bya ba la sogs pa smos te/ lnga po 'di rnam par 'grel pa ni bshad zin to/ /ma brtan pa zhes bya ba ni mi rtag pa'i gnas skabs yin pa'i phyir ro/ gnas skabs mi rtags pa bstan nas ris mthun pa'i mi rtag pa bstan pa'i phyir/ rga dang 'chi ba zhes bya ba smos te/ rga dang 'chi ba gnyis kyis ni kun tu bcom zhing gnod pa byed de rga ba dang 'chi bas kun tu bcom pa'i phyir ro/ /rmongs pa'i chos can zhes bya ba ni sdug pa dang bral ba'i chos yin pa'i phyir ro/ /yang na gzhan las rtogs pa yin pa'i phyir ro/ /mi sdug pa dang phrad pa bstan pa'i phyir/ rab tu 'jigs 'gyur ba zhes bya ba smos te/ rab tu dga' bas 'jigs par 'gyur ba ste/ dga' ba rnam par nyams pa'i rgyur gyur pa'i phyir ro/ /zas kyi rgyu las byung ba yin zhes bya ba ni zas kyi rgyur gyur pas mkhas pa rab tu 'byung zhing gnas pa 'di la yod pa ste/ gzhan la rag lus pas 'jug pa zhes bya ba'i don to/ /'gro ba zas kyis gnas pa zhes bya ba'i tshig gis zas med par gnas pa med pa'i phyir ro/ /zas de yang sdug bsngal gyi rkyen dang sdug bsngal gyi rgyu nyid yin zhing sdug bsngal nyid skye ba yin te/ ji slad du mi rtag pa'i rgyu dang rkyen la brten na de ltar rtags par 'gyur zhes mdo las so/ /skye dang zhes bya ba la sogs pa tshig drug gis gang bstan pa'i 'dus byas kyi dngos po de la ji ltar zhe na/ 'jig 'gyur 'di la dga' mi bya zhes bya ba smos te/ de la go rims bzhin du rgyu drug
- 94b
bstan pa'i phyir/ rga ba dang 'chi ba zhes bya ba la sogs pa yin te/ 'dir nus pa nyams pa ste rga ba'o/ /nad kyang nus pa 'grib par byed pa ste/ 'dir rga ba'i sgrar gzung ngo/ /rga ba dang 'chi ba ni rga shi ste/ des kun tu bcom pa ni skye ba'i dngos po ste/ ? yang yongs su spang bar bya'o/ /'o na tsam pa ka la sogs pa'i me tog de yongs su thub par byed kyi spong bar mi byed na de ji ltar zhe na/ rga ba'i chos tsam yin pa'i phyir te/ skyes nas rnying par mi 'gyur ba ni med do zhes pas spang bar bya ba yin no/ /gang byung bar gyur pa de yang spang bar bya ba yin no/ /'o na nad med par gyur pa yang yang dag par yongs su bsrung ba de ci'i phyir zhe na/ na ba'i chos can yin pa'i phyir te/ nad med pa thams cad kyi mdza' yang nad yin no zhes bya ba'i tshig gis so/ /gang yang 'byung ba de yang spang bar bya'o/ /'o na skyes bu'i de ni gang gis kyang bor ba med do zhe na/ 'chi ba'i chos can yin pa'i phyir te/ gal te skyes nas 'chi bar mi rigs na de lta ma yin pas so/ /bcos pa gang yin pa yang spang bar bya ba nyid do/ /'o na bum pa la sogs pa byas nas kyang len pa yin no zhe na/ rmongs pa'i chos can yin pa'i phyir gang gzhan gyis bskyed pa de ni nges par 'jig pa yin te bcos ma'i nor bu bzhin no/ /gang 'dus byas de dang de ni spang bar bya ba yin no/ /'o na dgos par gnas pa de ni spang bar mi rigs te/ sems la rten par byed pa ma dang 'dra bas de yang rab tu 'jig par 'gyur ba'i phyir te bsal ba'o/ /gang rab tu dga' bar 'gyur ba de ni mi 'dor ba yin na de ni lugs las bzlog pa ma yin no/ /gang mi brtan pa 'di yang spang bar bya ba yin te/ ci'i phyir zhe na/ zas tsam gyis rab tu 'byung ba'i phyir ro/ /dper na spre'u ni me rno ba yod pas zas kyi don du pha cher kun tu g.yo zhing mi brtan pa lta bu mkhas pas spang bar bya'o/ /de bzhin du 'dus byas kyang
- 95a
zas yod na gnas par 'gyur gyi/ gzhan du ni ma yin no/ /'jigs 'gyur 'di la dga' mi bya zhes bya ba ni de ltar 'dus byas kyi dngos po la don du gnyer ba dang nye ba dang nye bar len pa ni mi rigs so/ /gang gi phyir khyad par gsum gyis ni don du gnyer bar bya ste/ rtag pa'i phyir dang/ rga ba dang 'chi ba med pa'i phyir dang/ gzhan la rag lus pa med pa'i phyir ro/ /de la yang 'dir mi 'byung ba ni snga ma phyed kyis so/ /rga ba dang 'chi bas kun tu bcom pas ni lhag ma bstan to/ /de'i nges par 'byung ba zhes bya ba ni mtshan nyid gsum gyi rgyu rtogs pa ste/ des mi dpyod pa dang rtogs pa ste rang rig pa'i phyir ro/ /yang na 'jig rten pa'i yongs su rtag pa'i yongs su rtag pa de 'dod pa na spyod pa la 'jug pa ste/ gang du de 'dod pa na spyod pa de yang 'di lta bu ma yin te/ rtog pa med pa ni rtog pa dang dpyad pa ma yin no zhes mdo las bstan to/ /'di ri bong gi rwa bzhin du ma yin nam zhe na/ gzhi zhes bya ba smos te/ dngos po yod pa'i phyir ro/ /sdug bsngal chos rnams 'gags pa'i phyir zhes bya ba ni nye bar len pa'i phung po lnga de thob na 'gag pa'i phyir ro/ /zag pa med pa'i 'dus byas kyang der 'gag pa yin te/ nye bar len pa'i phung po nyi tsher ma zad do zhes bstan pa'i phyir/ 'du byed nye bar zhi ba yin no/ /de nyid kyi phyir bde ba zhes smos pas de'i sdug bsngal dang bral ba'i tshul yin pa'i phyir te/ mya ngan las 'das pa bde ba'i mchog ces bya ba'i tshig gis so/ /'jig 'gyur 'di la dga' mi bya zhes bya ba 'dir rjes su 'brang ngo/ /yon tan bsgrags pas yul drug la 'dod pa bskyed pa'i phyir dang/ de bsgrub cing bya ba'i phyir ro/ /yang bshad pa/ bden pa yin zhing mnyam yang mi tsang ba la sogs pa spang bar bya ba yin gyis/ rin po che la sogs pa ni de ltar shes par mi bya ste/ srid pa dang
- 95b
mya ngan las 'das pa gnyis kyi tshul ? de yin no/ /sdug bsngal gyi rkyen sred pa yin gyi/ bde ba nyid ni ma yin zhes bstan pa'i phyir/ dge slong dag ces bya ba la sogs pa'o/ /bcom ldan 'das dgon pa na bzhugs pa te/ dge slong rnams la bya ngan las 'das pa dang rab tu ldan pa'i gtam ston cing bzhugs so/ /de nas dge slong de dag 'di snyam du sems te/ de ji lta bu zhig ces bya ba bsam pa dang/ de dag gi bsam pa mkhyen nas 'di gsungs te/ sdug bsngal kun las ? ? zhes bya ba'i bar du'o/ /dngos po thams cad ni mngon sum du gnas shing sgyu rur lag mthil du bzhag pa bzhin du mkhyen te/ 'gog pa la sogs pa shes pa dang ldan pa'i phyir ro/ /de ltar gang zhig gis yid chas pas bstan pa yin zhing ngas zhes bya ba ste bdag nyid ston pa yin no/ /kye dge slong dag khyed kyis kyang khyim gyi gnas spangs pa mngon par shes pa ston pa yin no/ /de'i gnas zhes bya ba de'i gzhi 'am rten na/ /gang du yang zhes bya ba ni gnas gang du yang zhes pa'o/ /sa la gnas pa mi 'gyur zhes bya ba ni de nas dang 'brel pa med de gzhi la mi gnas pa ste/ de ni 'dus ma byas yin pa'i phyir ro/ /chu la ma yin zhes bya ba ni chu la med pa'o/ /me la ma yin zhes bya ba ni me nyid la yang ngo// rlung ma yin zhes bya ba yang rlung la ste/ 'dis ni 'dod pa dang gzugs kyi khams kyi nang du gtogs pa ma yin par bstan te/ 'di na phan 'dogs pa dang gnod par byed par gyur pa/ me tog gi phreng ba dang tsan dan la sogs pa dang/ dug dang tshor ma la sogs pa'i tshul gyis gnas pa'i phyir te/ de dag kyang khams gnyis po nyid na yod pa'i phyir ro/ /de ltar na gzugs med pa'i khams su gtogs pa yin no zhe na/ nam mkha' mdza' yas skye mched
- 96a
la ma yin zhes bya ba la sogs pa smos so/ /phyi rol pa dag lus med pa la sogs pa dag la thar pa'i 'du shes su byed pas so/ /de lta na 'jig rten gnyis kyi nang du 'dus pa yin no zhe na/ 'jig rten 'di la ma yin 'jig rten pha rol lam yin zhes bya ba la sogs pa smos te/ 'di gnyis ni 'og nas smos pa'i khams gsum gyi ngo bo yin pa'i phyir de bdag pas 'di yang bkag par grub po/ /nyi ma dang zla ba gnyis la gnas pa ma yin te/ zhes bya ba ni de'i rang du 'dus pa 'dam yin te/ de'i phyir rdul shas che ba 'dod chags dang bral ba ni/ nyi ma'i dkyil 'khor la 'jug par 'gyur la/ mun pa shes che ba las ni zla ba'i dkyil 'khor la 'jug par 'gyur ro zhes pa ni mu stegs pa rnams par bzlog pa'i phyir ro/ /gnas par mi 'gyur te zhes bya ba ni phyogs gang du yang gnas med pa ste/ 'das pa dang ma 'ongs pa la rnam par rig par mi 'gyur te/ gzugs med pa'i chos ni yul na mi gnas phyogs na mi gnas pa yin no zhes bya ba'i tshig gis so/ /sems dang sems las byung ba yang gcig tu dmigs pa dang bcas pa yin nam zhe na/ 'di la dmigs pa med pa zhes bya ba smos te/ 'di la dmigs pa yod pa ma yin zhes tshig sbyor ro/ / 'di yang 'di'i dbang du byas pa ma yin pa ste/ yang na skye bo phal ba gzugs la sogs pa dmigs pa de bzhin du de zhes byas nas so/ /dge slong dag de la 'ong ba yod pa rang mi smra ste/ zhes bya ba ni mya ngan las 'das pa der zhugs na mi smra'o zhes bya ba yin te/ de la 'das pa dang rab tu 'brel ba'i phyir te/ mya ngan las 'das pa las yang ldog pa med pa'i phyir ro/ /de nyid bstan pa'i phyir 'gro ba med ces bya ba smos te/ 'das pas zhes bya ba'i don to/ /de la
- 96b
'dis ni 'jug pa sngon du 'gro ba'i phyir yang med do/ /'dis ni srid pa bar ma do sngon gyi dus kyi srid pa med pa bstan to/ /gnas par ma yin pa ni gnas pa'i gnas skabs so/ /'chi 'pho yod par rang mi smra zhes bya ba ni 'chi ba nyid do/ /skye bar ma yin pa ni 'byung ba med pa'o/ /'di lta bu zhes bya ba yang rnam pa de lta bu 'dus byas kyi mtshan nyid yin pa'i phyir khams gsum gyi nang du gtogs pa nyid do/ /'di ni sdug bsngal gyi mdza' yin no zhes bya ba ni 'di nyid mya ngan las 'das pa tham ste/ gnod pa thams cad zhi ba'i phyir ro/ /'di nyid yang bsdu ba'i phyir sa dang chu zhes bya ba la sogs pa smos so/ /gnas gang du 'byung ba rnam pa bzhi gnas pa ma yin zhing 'jug pa ma yin no/ /'byung ba med pas 'byung ba las gyur pa med par bstan pa'i phyir/ de la dkar po gsal mi byed ces bya ba dkar ba la sogs pa'i kha dog de ni mi snang ste/ 'dus ma byas yin pa'i phyir ro/ /de la mun pa 'ang yod ma yin zhes bya ba ni/ mun pa la sogs pa 'di'i dbye ba de ni med do/ /de nyid kyi phyir dkar ba'i sgra ni yang na 'dir snang ba bstan pa'o/ mun pa ni mun nag ste nyin mtshan zhes bya ba'i don to/ /gling dag tu snang ba'i gnas skabs ni nyon mo yin la mun pa'i gnas skabs ni mtshan mo yin no/ /zhes grub pa'i mdza' yin no/ /de na de gnyi ga med pa ci'i phyir zhe na/ 'di ltar de la zla ba snang mi byed ces bya ba yin te/ zla ba ni mtshan mo mtshon pa yin la de na zla bas gsal ba yang med pa'i phyir ro/ /de la nyi mas mngon mi byed ces bya ba ni nyi mas gsal bar mi byed de/ des nye bar mtshon pa ni nyin par re/ /de'i phyir mya ngan las ma 'das pa ni gdung ba'i dngos po yin te/ gdung bar byed pa ni 'gyur ba chen po rnams des mngon par 'dod pa yang nye bar gdung bar
- 97a
snang ba'i phyir ro/ /nub pa yang kha cig gnod par snang la de bzhin du nyin par yang snang ngo/ /dper na rna ba bye ba ris mthong ba yi dags kha cig dang/ zla ba dang nyi ma gnyis ka la bya rog dang bya rgod dang/ 'ug pa la sogs pa bzhin du ci rigs par sbyar ro/ /gang gis 'di thob pa dang/ gang grol ba'i gang zag la ji skad brjod ce na/ de ni zhes bya ba ni gang nas bzung nas so/ /rang gis zhes bya ba ni rang nyid kyis so/ /rang gis zhes bya ba ni rang nyid kyis so so rang gis rigs pa'i phyir ro/ /rig pa ni 'gog pa shes pas rig pa dang rtogs pa dang mngon sum du byas pa'o/ /mi slob pa'i gnas skabs na de gang yin zhe na/ thub pa zhes bya ba ste/ mya ngan las 'das pa'i thub pa 'di lta bu ni dgra bcom pa la yin gyi/ gzhan la med pas so/ /yang na thub par 'gyur ba yin pas thub pa ste/ gang gis thub par 'gyur ba'i mya ngan las 'das pa mthong bas so/ /de gang yin zhe na/ bram ze thub pa zhes bya ba smos te/ /lus dang sems kyi spangs pa go rims bzhin du'o/ /yang na 'dod pa'i khams dang/ srid pa'i rtse mo las 'dod chags dang bral ba'i phyir ro/ /de ni gzugs dang gzugs med dang zhes bya ba ni gang gi tshe mya ngan las 'das pa de nyid rtogs shing sgrib pa thams cad spangs pa de'i tshe/ de ma thag nyid du gzugs nye bar mtshon pa dang/ gzugs med pa nye bar mtshon pa'i sdug bsngal kun las rab grol zhes bya ba nges par 'byung ba'o/ /yang na gzugs dang gzugs med pa'i bdag nyid de'i nyon mongs pa las kun tu grol bas te/ btson ra'i khang pa nas byung zhing grol lo zhes bstan pa bzhin no/ /ji ltar mya ngan las 'das pa thob nas sdug bsngal thams cad las grol ba yin zhe na/ thar pa 'jigs med ces bya ba la sogs
- 97b
pa tshigs su bcad pa gnyis so/ /de nas tshe dang ldan pa k+She pa ka zhes bya ba dgon pa'i nags tshal gyi mchog shin tu dben pa na 'dug cing bag yod pas ji srid na dgra bcom pa'i 'bras bu thob par gyur te/ rnam par grol ba'i bde ba so sor myang bas tshigs su bcad pa gnyis po 'di gsungs so/ /mthar phyin pa ni rnam par byang ba thob par gyur pas yang srid pa'i phung po spangs pa'i phyir te/ 'di ltar dgon pa chen po'i nang na gnas na ni bdag nyid sdug bsngal bar shes pa yin no/ /de bzhin du 'khor ba'i 'dam gyi nang du 'bying ba de'i mdza' ni phung po lhag ma dang bcas pa'i mya ngan las 'das pa'i dbyings de thob pa ste sdug bsngal las grol ba'o/ /'jigs pa med pa ste zhes bya ba ni phung po thams cad tshod pa las byung ba'i skrag pa de ni 'jig pa ste/ de gang la yod pa de ni 'jigs pa'o/ /de med pa ni 'jigs pa med pa'o/ /de las so so'i skye bo ni kun tu 'jigs pa yin te/ mthong ba'i phra rgyas ma spangs pa'i phyir ro/ /ji skad du byis pa so so'i skye bo thos pa dang mi ldan pa ni de med par 'gyur ro zhe na skrag par 'gyur ro zhes bya ba la sogs pa bshad do/ /rlom med ces bya ba ni bdag med yon tan brjod cing rlom par byed pa'i ngang tshul 'di la yod pa de ni de nyid do/ /de'i chad du chags pa la sogs pa med pa'i phyir ro// 'gyod pa med pa zhes bya ba ni ngan par byas pa ni nyes par spyad pa ste/ de ni 'gyod pa'o de gang la med pa ste 'dis ni bdag la smos par byed pa ma yin te/ bdag las bstod pa dang smod pa gnyi ga yang 'dod pa nyid ma yin pa'i phyir ro// sngar bstan pa nyes pa de med pa yin no/ /zhes bya ba de ga las zhe na/ 'di ltar srid pa'i zug rngu gtubs pa zhes bya ba smos te/ srid pa ni nye bar len pa'i phung po lnga'o/ /de thob par byed pa'i nyon mongs pa ni zug rngu ste ji skad du zug
- 98a
rngu ni gsum ste/ 'dod chags kyi zug rngu zhes bya ba la sogs pa'o/ /de dag gtubs pa ni rtsa ba dang bcas par drung phyung ba'o/ /des na de nyid kyi phyir lus tha mar gyur pa'i zhes bya ba tha ma'i dngos po yin pas tha ma ste/ phyi nas yang bdag gi sbyor ba med pa nyid kyi des las gzhan pa'i bdag thob par byed pa'i rgyu med pa'i phyir ro/ /mthar phyin zhes bya ba'i sgra'i dbye ba bstan pa'i phyir 'di ni mthar phyin zhes bya ba bstan te bya ba'i mthar thug pa'o/ /de thob pa'i lam gyi rgyu bstan pa'i phyir 'di ni zhes bya ba'i sgra ste/ rtogs pa'i mthar thug pa thob pa zhes bya ba'i don to/ /des pa thob par byed pa'i shes pa ni mthar thug par gnas pa ste/ zag pa med pa'i lam gyis 'bras bu mthar thug pa ste/ de yang mya ngan las 'das pa thams cad kyi mthar thug pa'o mchog ces bya ba ni khyad par du gyur pa ste/ mthar thug pa'i gnas so/ /de'i rang gi ngo bo bstan pa'i phyir zhi ba zhes bya ba smos te/ nyon mongs pa'i me 'bar ba dang bral ba'i phyir ro/ /go 'phang ni bzhi'i'o/ /de gnyis la gnas pa ni go 'phang la gnas pa ste/ gnas pa gzhan dag ni nyams pa nyid du shes par bya'o/ /yang na rjes su 'brang bas so/ /bla na med pa zhes bya ba ni rtag tu dge ba'i phyir ro/ /mtshan ma thams cad zad pa ste zhes bya ba ni go 'phang gi mchog dam pa 'dus ma byas der ni/ rgyu dang 'bras bu thams cad med do zhes bstan to/ /yang na mtshan ma bcu dang bral ba'o/ /byang grol go 'phang zhes bya ba ni gang 'dis sbyang bar byed pa yin pas byang grol te/ 'phags pa'i lam des dri ma med pa thob pa'i phyir ro/ /de'i go 'phang 'di'i 'bras bu ste de'i mthus ni 'di 'thob pa'i phyir ro/ /gang lam gyis bskyed pa de ni 'jig pa'i chos can te/ 'di lta ste grong la sogs pa de rnam par bcad pa'i phyir bstan pa/ 'chi med ces bya bas ni yang mi skye ba'i phyir ro/ /de nyid kyi phyir
- 98b
bdag gis dngos po ni gnod pa dang bcas pa'i phyir yongs su spang bar bya ste/ dam pa rnams ni de la dmigs pa yin no zhes bstan pa'i phyir mtshungs dang zhes bya ba la sogs pa smos so/ /ji tsam na bcom ldan 'das kun dga' bo dang lhan cig yangs pa can pa las bsod snyoms blangs nas tsa ba la ce ta zhes bya ba'i shir zhig gi drung du zhugs te/ tshe dang ldan pa kun dga' bo la bka' stsal pa/ kun dga' bo yangs pa can gyi tsa ba li tse ta'i sa ngan cing spyad par bya'o/ /'dzam bu gling pa'i mi rnams kyi tshe ni shin tu thung ste/ kun dga' bo gang la la zhig rdzu 'phrul gyi rkang pa bzhi kun tu bsgrubs pas zhes pa nas/ ji srid du mya ngan las 'das pa ste/ bde bar gshegs pa mya ngan las 'das pa'i dus su khyod ni spro ba chung ba yin te/ srid pa gsum gyi tha ma zad pa med par de bzhin gshegs pas yongs su mya ngan las 'da' bar 'gyur te/ des na de'i tshe'i 'du byed yongs su 'dor zhing srog gi 'du byed byin gyis brlabs te/ ting nge 'dzin las bzhengs nas tshigs su bcad pa 'di gsungs so mtshungs pa ni gzhal bas mnyam pa ste/ 'byung ba zhes bya ba dang 'dir sbyar ro/ /dral ba zhes bya ba 'dir byed pa'i tshig dang sbyar bar bya'o/ /mi mtshungs pa ni bzlog pa ste/ mi mnyam pa'o/ /dang ni sdu ba'i don te/ mtshungs pa yang rung mi mtshungs pa yang rung dral nas byung ba'o/ /yang na 'byung ba'i 'du byed spangs pa nyi tsher ma zad de/ mtshungs pa dang mi mtshungs pa yang dral nas byung ba yin no/ /zhes bya ba'i don to/ /'byung ba ni bdag gi dngos po 'byung ba yin te/ tshogs pa yod par gyur na 'byung ba yin no zhes pa'o/ /de yang rnam pa gnyis te/ gzugs dang ming gi tshogs kyi bdag nyid do/ /de la gzugs kyi lus ni mtshungs pa ste/ lnga phyis khyad par med pa'i phyir ming gi tshogs ni mtshungs pa med pa ste/ dus gzhan
- 99a
rdzogs pa'i byang chub 'thob pa'i phyir ro/ /sngar ji ltar byas nas zhe na/ srid pa'i 'du byed ces bya ba smos te/ de la 'du byed yod dang rgyud la 'jug pa yod pa'i phyir te/ gang la 'du byed yod pas zhes bya'o/ /rab tu spangs pa ni bor zhing bsal ba'o/ /thub pa ni bcom ldan 'das te bdag dang gzhan gyi don mdzad pa'i spyod pa med par bzhugs pa zhes bya ba'i don to/ /thub pa'i khyad par gyi tshul gyi sku che btang ba dang/ byin gyis brlabs pa'i rgyu bstan pa'i phyir/ nang dga' ba zhes bya ba smos te/ bdag nyid la dga' bas brtag pa mchog tu byed pa'i phyir 'dis ni ye shes la dbang ba bstan to/ /mnyam gzhag ces bya ba ni ting nge 'dzin la dbang thob par bstan to/ /yis zhes bya ba ni dbang rnam pa gnyis dang brel pas mngon par 'dod pa'i 'bras bu 'grub pa yin no zhes bstan pa'i phyir ro/ /dral ba ni bshig pa'o/ /sngar srid pa'i 'du byed spangs pas mtshungs pa dang/ mi mtshungs pa'i srid pa 'dral ba de nyid kyi phyir sngar dang gi sgra bshad de/ /gang dral zhe na/ smras pa/ sgo nga'i spubs las byung ba bzhin zhes bya ba sgo nga las 'di kun tu byung ba yin pas kun tu byung ba ste/ zhes bya ba'i don to/ /sgo nga'i spubs ni sgo nga'i shun lpags so/ /dper na khyim bya'i sgo nga mngon par smin pa'i lus dang mchus spubs dral zhing gtubs nas 'gro ba de bzhin du/ bcom ldan 'das zag pa dang bcas pa dang zag pa med pa'i bdag gi dngos po yang shes pa khyad par can gyis dral nas mya ngan las 'das so/ /mya ngan las 'das pa'i bde bas ni bde ba thams cad zil gyis gnon pa yin na/ /zhes bstan pa'i phyir smras pa/ sbyin kun zhes bya ba la sogs pa'o/ /lha zhig gis gsol pa/ sbyin pa thams cad gang gis thub/ /dga' ba thams cad ces thub lags/ /stobs rnams
- 99b
gang gis zhugs? par 'gyur/ /bde ba thams cad thob gang lags so/ zhes zhus pa dang 'di gsungs so/ /bza' ba dang/ btung ba dang/ bgo ba thams cad las rgyal zhing zil gyis gnon par byed pa de gang yin zhe na/ chos kyi sbyin pa zhes bya smos te chags pa med pa'i sems kyi phyin ci ma log par sangs rgyas kyi gsung bstan pa yin te/ de ni don dam par bde ba'i rgyu yin pa'i phyir ro/ /ji skad du bshad pa/ 'di ni sbyin pa chung ngu ste zang zing gi sbyin pa'o/ /'di ni sbyin pa mchog ste/ 'di lta ste chos kyi sbyin pa'o/ /ji skad du gsungs pa gal te 'ga' zhig gis ni sa chen po 'dir rin po che sna bdun gyis rab tu bkang ste/ sbyin pa byin pa bas gang bde bar gshegs pas gsungs pa'i tshigs su bcad pa byin na ches mchog tu gyur par 'gyur ro/ /zhes so/ dga' kun zhes bya ba ni 'dod pa la nye bar longs spyod pa las skyes pa thub pa ste/ de ni zang zing dang bcas pa yin pa'i phyir ro/ /chos kyi dga' ba zhes bya ba ni legs par gsungs pa mnyan pa las byung ba sems kyis thub pa yin te/ zang zing med pa'i phyir ro/ /ji skad du bshad pa/ bstan bcos ma rtog sdug bsngal dang/ de la rtog pa'i bde ba gang/ /dmyal ba tshangs pa'i 'jig rten du/ /de ni bde min sdug bsngal min/ /yang na thar pa la dga' bas ni 'khor ba la dga' ba zil gyis gnon pa yin te/ gnas dam pa dang gnas dam pa ma yin pa'i yul gyi khyad par gyis so/ /stobs kun bzod pa'i stobs kyis grub ces bya ba ni glang po che la sogs pa'i stobs sam/ rta'i tshogs la sogs pa'i stobs ni bzod pa'i stobs kyis zil gyis mnan pa yin te/ yang bshad pa/ bzod pa'i 'jig rten gnyis kyis ni/ /stobs ni stobs kyis rnam par gnon/ /thar pa'ang sgrub byed de bas na/ /bzod pa'i stobs ni
- 100a
chen por pa shing ces so/ /sred pa zad pa zhes bya ba ni thar pa ste/ des ni bde ba thams cad zil gyis gnon pa yin te/ de las gzhan bde ba ni sdug bsngal dang 'brel ba yin la de ni sdug bsngal dang bral ba'i phyir te/ ji skad du/ gang yang 'jig rten 'dod pa'i longs spyod dang/ gang yang lha'i bde ba'i longs spyod dag ces bya ba la sogs pa'i tshigs su bcad pa bstan pa'o/ /mya ngan las 'das pa'i tshoms te nyi shu rtsa drug pa'i rnam par 'brel pa rdzogs so// //thar pa thob par 'gyur ba de'i don du brtson 'grus rtsom pa ni lta ba dag pa dang ldan pas 'gyur gyi/ gzhan du dri ma dang bcas na phyin ci log tu mthong ba yin no zhes bstan pa'i phyir de'i 'og tu mthong ba'i tshams bkod pa yin no/ /yang na bde kun sred pa zad pas 'thob ces bstan pa la/ de gang gis thob 'gyur zhe na/ yang dag pa'i lta ba ste gzhan dag ni de med pas gzhan gyi skyon la lta ba la sogs pa'i dri mas sgoms pa yin no zhes bstan pa'i phyir/ bdag las gzhan pa'i zhes bya ba la sogs pa smos so/ /drug sde rtag tu gzhan la brtsod par byed cing dran par byed la gzhan gyi skyon nas brjod par byed de/ bdag nyid ni tshul bzhin ma yin pa'i sbyor ba spyod pa de la bstan pa'i phyir tshigs su bcad pa gnyis gsungs so/ /mthong bar sla ba yin pas mthong sla ba ste rtogs par sla ba'o/ /kun tu rmongs pa'i dbang gis bsgribs te/ shes pa med pa'i phyir 'dir 'byung ba yin no zhes bstan pa'i phyir te zhes bya ba'i sgra smos so/ /gzhan gyi skyon zhes bya ba'i ni gzhan gyi 'khrul pa ste/ ji skad mig gis rang gi skyon mi mthong/ /zla ba'i ra ri rtog par byed ces bshad pa'o/ /rang gi skyon ni mthong bar dka' zhes bya ba bdag gi 'khrul pa ni
- 100b
dka' bas mthong ba yin te/ rang gi gdong la lta ba yin no/ /gzhan gyi skyon mthong bar sla ba zhes bsten pa la/ ci'i phyir zhe na/ 'di lta ste/ bdag las gzhan pa'i skyon dag ni/ /phub ma gtor ba ji bzhin du zhes bya ba ste/ 'dis bya ba rjes su dad? pa zhes bya ba'i don to/ /dper na 'ga' zhig gis rtswa'i phye ma gyen du gtor zhing bor bar byas pa de bzhin du ma rig pas de nyid ma mthong ste/ gcig la gcig skyon rjes su sgrogs par byed do/ /rang gi skyon ni mthong bar dka' zhes bya ba ji ltar shes par bya zhe na/ rang gi de ni spang pa dang zhes bya ba ste/ bdag nyid dang 'brel pa'i skyon bgegs par byed de/ bkab pa'i dngos po ni mthong bar dka' o/ /ji lta bur sped pa yin zhe na/ g.yon can tshe lo 'jo ba ltar zhes bya ba smros te/ dper na 'ga' zhig 'jo ba ni rgyan po byed pa'o/ /g.yon can ni rgyu dang ldan pa ste/ tsho? lo la gzhan slu ba'i phyir sped pa ltar ro/ /yang na 'jo ba ni grags pa thob par 'dod pas g.yon can ste/ g.yos gzhan dga' ba'i ched du rang gi sdig pa spong bar byed la/ gzhan gyi skyon sgrogs par byed pa ltar gzhan gyi skyon tshol bar byed pa'i nyes dmigs bstan pa'i phyir smras pa/ gzhan gyi skyon la lta byed cing zhes bya ba ste/ gzhan gyi skyon la lta bar byed cing tshol bar byed pa'i ngang tshul 'di la yod do/ /rtag tu 'phyas long 'du shes can zhes bya ba 'dis ni skyes bu dam pa la skyes bu dam pa ma yin par khyad par du byed de/ skye bo dam pa ni srung ba'i phyir skyon yongs su tshol bar byed do/ /skye bo ngan pa ni skyon brjod pa'i phyir byed de/ ji skad du bshad pa skye bo dam pa rab bsgrims te/ gzhan gyi skyon sped smad rim bzhin/ /'on kyang 'di nyid khyad yod de/ /dam ba srung ga smad rim smra zhes bya ba lta bu'o/ /'phyas long dang tshig ngan pa brjod pa'i 'du shes gang la yod pa de 'od
- 101a
g.yon phyogs chos ni rab tu 'phel zhes bya ba g.yon phyogs ni smad pa'o/ /chos rab tu 'phel ba ni ngan par spong pa sogs par 'gyur ba ste/ ma skyes pa ni skye bar 'gyur la/ skyes pa ni 'phel bar 'gyur zhes mdo las bstan to/ /de yis ring du chos mi mthong zhes bya ba ni des da ltar ngan par spyod pa 'phel bar byed na ni bden pa mthong ba thag ring ba'i phyir ro/ /gang yang chos kyi de bzhin nyid mthong bar mi 'gyur ba de'i skyon ni ngo tsha ba med pa la sogs pa'i skyon las 'byung ba yin no zhes bstan pa'i phyir/ spyi brtol byed cing zhes bya ba la sogs pa smos so/ /dge slong gnyis shig yod de/ gcig ni shin tu khwa lta bur mu cor smra ba dang spyi brtol che zhing khyim dag tu nye bar 'gro bar byed de/ des na bde bar 'tshol/ gnyis pa ni ngo tsha shes shing 'gyod pa byed de de ni ngas 'tsho ba shin tu dga' ? bar 'gyur te/ de gnyis kyi phyir tshigs su bcad pa gsungs so/ /gang la ngo tsha yod pa ma yin pa de ni ngo tsha med pa ste/ ngos ni bde bar 'tsho bar 'gyur ba 'am/ gnod pa med par 'tsho bar nus pa ste/ shin tu ma sbyangs par 'tsho ba'i thabs kyis zhes bya ba'i don to/ /ngo tsha med pa yang rnam pa bzhis blta bar bya ste/ de yang rim bzhin du bstan pa'i phyir/ khwa lta bu zhes bya ba ni ma brtags shing bab col du byed pa'o/ /mi gtsang ba'i las zhes bya ba ni mi gtsang zhing gtsang ba ma yin ba dang 'dra ba'i las 'di la yod pa'o/ /'phrog rlom can zhes bya ba ni 'phrog rlom byed pa'i 'jug pa'i tshul 'di la/ yod pas? te/ des na bla ma'i skye bo la yang 'phrog pa zhes bya ba'i don to/ /spyi brtol byed pa ni mu tser? smra ba ste/ thams cad la smras pa'o/ /shin tu nyon mongs dang tsho ba can zhes bya ba ni ji ltar yang des dus nyung zad du bde bar 'tsho ba yin
- 101b
mod kyi/ dri ma dang bcas par 'tsho ba ste/ ngan song gi rgyu dpag tu med pa bsags pa'i phyir dang/ grags pa'i ma yin pa dang bsnyen bkur la sogs pa'i nyes dmigs las skyes pa'i phyir ro/ /ngo tsha shes pa'i 'tsho ba dka' zhes bya ba len? ngo tsha dang ldan pa ni rtsod pa'i dus 'dir shin tu mi bde bar 'tshor yin no/ /ngo tsha shes pa yang rnam pa lngas yongs su shes par bya ba yin te/ de la 'dir khyad par gyis tshul gyis bstan pa'o/ /de yang ji lta bu zhe na/ smras pa/ rtag tu gcang ba 'tshol ba dang zhes bya ba ste/ rgyun tu kha na ma tho ba med pa'i dngos po 'tshol ba yin no/ /'dzem bag can zhes bya ba ni dben pa'i gnas la dga' ba dang/ tshogs kyi 'jigs pa ni 'dzem bag can te/ khwa lta bu ma yin pa zhes bya ba'i don to/ /thub chod mi byed pa zhes bya ba ni mu cor? mi byed pa'o/ /'tsho ba dag pa zhes bya ba ni kha na ma tho ba med pas lus gnas par byed pa ste/ rnyed pa dang bkur bsti'i ched du bla ma'i skye bo la sogs pa spang par byed pa ma yin pa'i phyir ro/ /'di dag thams cad kyang de kho na nyid mthong ba la gnas med pa yin no zhes bstan pa'i phyir lta ba zhes bya ba ste/ 'dis ni khyad par du gong ma dang sbyar bar bya'o/ /shin tu nyon mongs 'tsho bar byed ces bya ba 'dir ci dang sbyar zhe na/ thub chod mi byed pas mthong ba zhes bya ba yin te/ nyon mongs par 'tsho ba can shes rab kyis de kho na nyid mthong bas so/ /ngo tsha med pa las ni skyon mdza' yas pa 'byung ba yin la ngo tsha dang ldan pas ni yon tan mang po 'byung ba yin no/ /ci'i phyir 'di gnyis dmigs pa yin zhe na/ 'jig rten long gyur 'di lta ste zhes bya ba la sogs pa bstan te/ mnyan yod na dmun long zhig kun tu rgyu ba na g.yang? du lhung bar gyur to/ /de dge slong rnams la gsan? nas dge slong dag byis pa so so'i skye bo 'di dag
- 102a
ni long ba yin te/ lus kyis nye bar spyad pa spyod cing lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro zhes bya bab nas/ ji srid du 'di gsungs so/ /mun par gyur? pa ni mun ba dang 'dra ba ste par gyur pa bzhin no/ /dper na long bas ni yid du 'ong ba dang mi 'ong pa ci yang mi mthong ngo/ /de bzhin du byis pas bya ba dang bya ba ma yin pa'o/ /ste zhes bya ba ni gang gi phyir ro/ /'jig rten 'di long bar gyur pa de bas na mtho ris la dga' shas tsam zhig ces bya ba'i don to/ /'jig rten 'di ni so so'i skye bo'o/ /de las lhag mthong ldan pa nyung zhes bya ba ni shin tu chung zhing nyung ba ste/ 'gro ba 'di na'o/ /lhag mthong ni mkhas shing rtog pa ste/ phan pa dang phan pa ma yin pa rtogs pa'i phyir legs par spyad pa spyod pa'o/ /gang gi phyir long bar gyur bas de'i phyir phal cher ngan song du 'gro ba'i yin no/ /phal cher lhag mthong nyung ba'i phyir shas tsam zhes bya ba smos so/ shes tsam ni 'jig rten nyung zad mtho ris la dga' ba ste/ bde 'gror skye zhing bde ba myong bar 'gyur pa'o/ /rgya las shor ba'i bya lta bur zhes bya ba la/ rgya las grol ba ni rgya las shor ba'o/ /bya ni bya nyid de nyung du mtshon pa ste phal cher ni bya'i rgyar tshud pa las 'chi bar 'gyur ba de bzhin du 'jig rten 'di dag kyang ngan song gi rgya la long bar 'gyur ba yin no/ /ci long pas ci yang mi mthong ba de bzhin du byis pa yang de ltar gyur pa yin nam zhe na/ 'dir bshad pa/ mi mthong ba ni ma yin mod kyis/ phyin ci log gi sbyor ba dang ldan pa'i phyir te/ de gnyis kyi rgyus ngan par spyad pa spyod cing ngan song du 'gro ba yin no zhes bstan pa'i phyir byis pa lus kyi zhes bya ba la sogs pa smos so/ /bcom ldan 'das yul kau sham bi'i gdangs can
- 102b
gyi kun dga' rab na bzhugs te/ de'i tshe bang sa'i rgyal po 'tshor byed kyi btsun mo'i 'khor yul gyi mes bsregs te/ gang du sngo bsangs can la sogs pa bud med la brgya bsregs so/ /de nas dge slong rab tu mang po snga dro? zhes bya ba nas ji srid du btsun pa de dag gis 'gro ba ni cir 'gyur gar skye bar 'gyur zhes pa dang/ dge slong dag skyes bu glen pa de dag gis ni bsod nams ma yin pa mang po bsags so/ /gang gis btsun mo'i 'khor bsregs pa de'i nang nas bud med gang gis 'og ma'i cha dang mthun pa'i rgya kun tu sbyor ba lnga spangs pa'i phyir skyes nas der yongs su mya ngan las 'da' bar 'gyur ba zhes bya ba nas/ nga la sems mngon par dad nas lha rnams kyis nang du skyes par gyur to/ /zhes bya ba'i bar du ste de lta bas na 'di ltar bslab par bya ba ste/ gang sdod du ma tshig pa la yang gnod sems bskyed par mi bya na zhes bya ba nas ji srid du 'di gsungs so/ /'phrog par byed pa'i rdzas yin pas nor? te/ rkun mas 'phrog par nus pa zhes bya ba'i don to/ /nor lta bur chags shing 'brel pa gang yin pa de ni de nyid de bral ba'i rkun mas 'phrog pa dang phrad pa zhes bya ba'i don te/ phrad par gyur na ni mthar 'bral ba yin no/ /'jig rten zhes bya ba ni sdug bsngal ba'i skye bo ste/ 'di ltar sngo bsangs can la sogs pa'i bud med kyi 'jig rten te/ rgyal po 'tshar byed kyi shin tu sdug pa ste/ de 'di ltar bsregs pa'o/ /gzhan rdzas lta bur zhes bya ba ni bsgom par rung ba 'dod chags ma yin pa'i don to/ /gzhan ni mi 'jigs pa de gzugs dang phrad cing mi 'jigs pa'i mdza' ba dang phrad pa zhes bya ba'i don to/ /lta bar byed ces bya ba ni mtshon par byed pa'o/ /ji ltar yang 'dir thams cad du sdug pa dang phrad pa rnam
- 103a
par 'jigs pa ni mngon sum du grub pa yin mod kyi/ mi 'jig cing phrad pa lta bur 'dod chags can dag lta bar byed de/ 'dod pa la 'dun pa la sogs pas yid phyin ci log pa'i phyir te/ 'di nyid bstan pa/ byis pa lus kyis bcings gyur pa zhes smos te/ des spungs pa'i phyir phung po 'am lus te skye ba dang/ las kyi kun nas nyon mongs pas bsags pa'i ngan song zhes bya ba'i don te/ gang dag la nges bcings pa'i byis pa de ni de nyid do/ /de gang zhe na/ byis pa ste blun pa so so'i skye bo zhes bya ba'i don to/ /so so'i skye bo nyid ni mi shes pas mtshon pa yin no zhes bstan pa'i phyir/ mun pa'i zhes bya ba ni mi shes pa yongs su bskor ba ste/ 'jig rten ni gti mug gis dbang du byas shing mi shes pas bsgribs pa'o/ /zhes mdo las gsungs so/ /de la 'dis ni go rims bzhin du mthong ba dang bsgoms pas spang bar bya ba'i ma rig pa'i kun tu sbyor? ba bstan to/ /yang na nor ni don med pa la chags pa'i rnam pa'i 'gro ba gzhan dag gis kun tu chags shing bskyed pa'i 'jig rten gang yin pa de ni de nyid do/ /'di la ngan par spyod pa la mchog tu byed pa'i phyir rnam par smin pa mi rnams kyis skye ba 'bras bu med par bsgrub zhes bya ba'i don to/ /yang na 'dis ni chags pa yin pas chags pa ste/ 'dod pa'i yon tan dag la lhag par chags pa nyid de 'dod pa las 'dod chags pa'o/ /de'i nor ni bslu ba'i bdag nyid dam sgyu ma'i bdag nyid do/ /gang 'jig rten de'i dbang gi yon tan thams cad rnam par 'jig par 'gyur ba'i phyir te/ 'jig rten zhes bya ba ni mi rtag pas rnam par 'jigs pa yin pa'i phyir ro/ /gzhan rdzas lta bur lta bar byed ces bya ba ni nyes pa thams cad kyi gzhi yin
- 103b
yang bde 'gror skyes pa yin pa'i phyir yon tan gyi smod lta bur blta bar bya ste/ phyugs dang/ sha za dang/ gcan gzan bra bo dang/ spyang ki 'dra ba yin yang mi'i cha byad can zhes bya ba'i don to/ /gal te de ltar gyur na ji ltar 'di'i bya ba ma yin pa byed la/ 'di lta bur mi'i 'jig rten du gyur kyang ji ltar nyes par spyod pa kun tu sogs par byed ce na/ lus kyis bcings gyur pa zhes bya bas bstan te/ 'dir lus ni 'dod pa la 'dun pa la sogs pa'i sgribs pa rnams te/ nye bar sogs shing ngan song du skye ba yin no/ /de'i 'ching ba'i zhags pa gang gis byis pa bcings te/ rang dbang med par byas pa'i phyir ro/ /byis ba zhes bya ba ni bden pa ma mthong ba'i so so'i skye bo 'dod chags dang ma bral ba ste/ don med pa thams cad byed pa'i phyir yang so so'i skye bo nyid du bstan to/ /de yang khyad par du rmongs pa'i mtshon pa yin no zhes bstan pa'i phyir/ mun pa'i 'khor gyis bskor ba yin zhes bya bar bstan to/ me shes pa'i 'bras bu phyin ci log yin no zhes bstan pa'i phyir smras pa/ bdag gis zhes bya ba la sogs pa'o// bden pa min la bden pa lta bas zhes bya ba ni mngon par mi 'dod pa'i mi gtsang ba la sogs pa'i ngo bo la gtsang bar mngon par rtog pa'o/ /mthong ba zhes bya ba ni gang yang shes pa'i mthus mthong ba ste/ de lta bu'i mkhas pa ni yang med do zhes bya ba de la med de/ 'jig rten pa'i dngos po cung zad 'dod pa yang zhes bya ba ni tshig gi lhag ma'o/ /log par lta ba la 'jug pa nyi tsher ma zad do/ gti mug gis 'jug pa yang yin no zhes bstan pa'i phyir/ nga rgyal la sogs pa'i skyon yang bstan pa yin no// bdag gis byas so snyam sems pa zhes bya ba ni tshangs pa chen po tshangs pa'i 'jig rten na gnas pas bcom ldan 'das la sogs pa/ kye gau ta ma gnas 'di ni rtag pa brtan pa ste/ 'di lta ste/ tshangs pa'i 'jig rten 'di nyid du bzhugs su
- 104a
gsol zhes pa dang/ 'di dang tshigs su bcad pa 'og ma gsungs so/ /bdag gis byas so snyam pa'i nga rgyal te des phyung ba ni des bskyed pa'o/ /skye dgu ni sems can te tshangs pa la sogs pa'o/ /gzhan gyis byas sems pa zhes bya ba la gzhan gyis skyed pa gzhan gyis byas pa ste tshangs pa dbang phyug la sogs pas 'jig rten 'di phyung ba'o/ /zhes mngon par zhen cing sems par 'dir sbyar ro/ /skye dgu tshangs par spyod pa gnas pa'o/ /de ni 'gas kyang ji lta ba bzhin du mi mthong ngo zhes bya bas bstan te/ de ni bdag gir byed pa dang gzhan du byed pa'i bdag gi dngos po phyin ci log pa yin no de bas na ji lta ba bzhin du mi mthong ba ste/ phyin ci ma log par ston pa dang mnyam pa la ma goms pa'i phyir ro/ /'gas kyang zhes bya pa gcig gis kyang de ltar rtogs pa'o/ /'di ltar bdag gis byed pa dang gzhan gyis byed pas ji ltar yang gtses ba yin no/ /des na yang mi shes shing lta ba log pa yin te/ phyin ci log pa nyid do/ /yang gang mi mthong ba zhes na zug rngu ste sdug bsngal gyi rgyur gyur pa 'jig tshogs la lta ba la sogs pa'i lta ba'i zug rngu nyid de sdug bsngal thams cad 'dren par byed pa'i phyir ro/ /zug rngu de dag sngon chad mthong ba dang zhes bya ba ni gang yang bdag dang gzhan gyis byed pa gnyis zug rngu dang 'dra bar sngar nyid yang dag par mthong ba yin te/ de mthong bas bdag gi byed pa la sogs pa yang med par 'gyur ro/ /gnyis po yang ji lta bu zhe na/ gang la zhes bya ba smos te/ gang du gnyis po 'di la'o/ /skye bo ni so so'i skye bo'o/ /chags pa ni mngon par zhen pa ste/ /'di nyid bden no zhes smos pas mngon par zhen cing rtogs par byed pa'o/ /yul la sred pa ni bdag nyid la sred cing zhen pa ste/ 'di nyid zug rngur mthong ba yin no zhes bsgom
- 104b
par bya'o/ /de ltar gyur pas de ni bdag gi byas snyam mi 'dzin cing zhes bya ba ste/ rgyud la mi spyod pa'o/ /de bzhin du gzhan gyis byas snyam mi 'dzin to zhes bya bar yang sbyar ro/ /gang la 'di lta bu dang ldan pa ni bdag gir 'dzin pas yid bcom zhing sdug bsngal ma spangs pa yin no zhes bstan pa'i phyir/ skye dgu 'di dag nga rgyal ldan zhes bya ba smos te/ snga ma nyid kyi don gyi dbye bas bstan pa yin no/ /rgyal ba ni bdag dang bdag gir byed pa ste/ de ni bdag dang gzhan gyi sgo nas spyod pa yin te/ de dang 'di dag ldan pa'o/ skye dgu ni so so'i skye bo ste/ de la gzugs med pa ni nga rgyal dang ldan pa ste phal cher bsam gtan gyi khyad par thob pas zil gyis mi non pa'i phyir ro/ /nga rgyal la chags pa ni gzugs can te/ tshangs pa la sogs pa'i rnam par 'gyur ba thob pa'i phyir ro/ /nga rgyal bcings zhes bya ba ni 'dod pa dag la lhag par spyod pa'i phyir ro/ /nga'o snyam pa'i nga rgyal gyi rgyu bstan pa'i phyir rtsod par gyur pa'i lta ba can zhes bya ba ni lta ba drug cu rtsa gnyis la 'chags shing mngon par zhen pa'am yang na de'i ched du 'khrug par 'gyur zhing phan tshun tshul ? gnon pas sdig pa lhag par spyod pa'i phyir ro/ /'khor ba ldog par mi 'gyur ro/ /zhes bya ba ni srid pa'i nga rgyal zil gyis gnod par mi 'gyur ro/ /nyes pa dang ldan pas gcig tu 'khor ba zil gyis gnon par mi 'gyur ro zhes bstan pa'i phyir/ thob par gyur pa gang yin dang zhes bya ba la sogs pa smos so/ /dge slong zhig dbyar gnas pa bcom ldan 'das dang nye bar gnas pa las thub pas bka' stsal pa/ dge slong dbyar gang du gnas par gyur zhes pa dang/ des gsol pa/ bdag ni ri kha ba can du gnas pa lags so zhes zhus pa dang/ dge slong khyod kyis der ngo mtshar 'ga' zhig mthong ngam ci mthong zhes pa dang/ bcom ldan 'das khums te phyi rol pa'i drang?
- 105a
srong dag nam mkha' las 'ong ba dang 'gro bar 'gyid pa gda' bas bdag dga' ba skyes te/ nam zhig na bdag kyang 'di ltar 'gyur zhes dgongs so/ /zhes zhus pa dang nges de dag ni gcig tu sdug bsngal ba yin te/ drang srong de rnams kyis gang mi'i skye ba thob pa dang/ gang thob par bya ba tshangs pa'i 'jig rten la sogs pa de thams cad du yang skye ba dang/ /rga ba la sogs pas nye bar bcom pa yin pas de la khyod kyis dga' bar mi bya'o zhes gsungs so/ /yang na gang thob pa ni 'das pa dang da ltar byung bar skye ba'o/ /gang thob par bya ba ni ma 'ongs pa'i skye ba'o/ /de dag gnyis ka yang rdul gyis yag ces bya ba ste/ gnod pa stong phrag gis gtses pa'i phyir ro/ /dge slong dag kang? gzugs skyes par gyur pa 'di ni nad kyi sdug bsngal bskyed pa yin te/ gnas pa dang/ rga ba dang/ 'chi ba rab tu byung ba yin no zhes bya ba la sogs pa mdo las gsungs so/ /'di nyid gang gis yin zhe na/ nad pa zhes bya ba smos te/ nyon mongs pas gzir cing bcom pa ste/ so so'i skye bo zhes bya ba ni don to/ /rjes su slob par byed ces bya ba ni 'dir yang gi sgra phyes pa bstan te/ nyon mongs pa spangs pa'i phyir bslab pa gsum la 'phags pa dag 'jug par gyur na yang ngo/ /de gnyis ka yang rdul 'dis yog par 'dod pa yin no/ /rngon pa'i rtog pa yang 'dir brjod par bya'o/ /gang de lta na ni lta ba log pa la zhen pa yin te/ de bstan pa'i phyir/ gang zhig ces bya ba ni sems can no/ /bslab pa ni glang po'i lag pa la sogs pa gdu ba'i thabs te/ 'khor ba'i nang gi sdug bsngal dang 'brel pa gang yin pa dag go /tshul khrims ni tshangs par spyod pa dang 'gal ba'i tshul khrims 'chal ba spong ba'o/ /brtul zhugs ni khyi la sogs pa'i spyod pa la dmigs pa'o/ /tshangs par
- 105b
spyod pa ni 'khrig pa spyod pa spong ba'o/ /dka' thub ni cher ma brten pa la sogs pa'o/ /nye bar gnas pa ni lha dang mi la bsnyen bkur byed pa la sogs pa'o/ /gang dag la de snying por byed pa ni thar pa'i rgyu 'dod pa ste/ de tsam gyis thar pa'i bde ba la mngon par zhen pa'i phyir ro/ /'di ni mdza' gcig go /zhes bya ba ni tha mar sdug bsngal gyi rgyu ste/ la la'i lta'o/ /gang zhig de ltar lta zhing 'di skad smras pa zhes bya ba ni mngon par zhen pa'i phyir dang de ltar bsgrub pa'i phyir ro/ /'dod pa ni gtsang ba'o zhes bya ba ni 'khrig pa nye bar longs spyod pa ste/ lha rnams kyis kyang de longs spyod pa'i phyir ro/ /gsod nams can zhes bya ba ni yid dang rjes su mthun pa'i phyir ro/ /longs spyod par bya ba ni sngar stan pa'i rgyu gnyis kyi phyir ro// yang na bdag po'i 'bras bu yin pa'i phyir ro/ /'dod pa ni skyon med pa yin no zhes bya ba ni 'jig rten thams cad de'i don la mngon par brtson pa'i phyir dang/ bdag dang gzhan gyi rgyud tshim pa'i thabs yin pa'i phyir ro/ /de dag ces bya ba ni de ltar shes pa'i sems can no lhag par ni shin tu zhes bya ba'i don to/ /'dod pa rnams zhes bya ba ni 'dod pa'i yul dag la'o/ /ltung bar byed pa'i brtul zhugs len pa zhes bya ba ni de la ni mchog tu dmigs par byed pa ste/ sbrang ma bzhin du zho la bdag nyid/ ltung bar byed pa yin no/ /'di mdza' yang gcig go zhes bya ba ni sdug bsngal gyi mdza' i rgyur 'dod pa'o/ /mdza' ni rnam pa gnyis te/ ji nas bdag nyid ngal ba'i sbyor ba dang/ dman pas grong gi tha mal pa ste/ gang yar? 'dod pa la bsod nyams kyi sbyor ba zhes mdo las gsungs pa'i phyir ro/ /mdza' gnyis po 'di dag ni zhes bya ba ni thar pa thob par byed pa ni yin gyis/ dur khrod 'phel bar byed pa zhes smos te/ /'di gnyis kyis ni zhes bya bar
- 106a
tshig rnam par sbyor ro/ /yang na bdag nyid dur khrod bzhin du gnas pa'i bdag nyid yin pa'i phyir ro/ /ci'i phyir zhe na/ de dag gis dur khrod 'phel bar byas pa zhes bya ba yin te/ mngon sum du grub pa'i phyir des de dang de nyid ma mthong bas gnyi ga'i mdza' la dmigs pa ste/ dur khrod rgyas par 'gyur pa'o/ /de ltar zhes bya ba ni rnam par 'dis so/ /'di dag ni gong du bstan pa'i mdza' gnyis te/ dur khrod 'phel ba byis pa'i sems kyis ma mthong zhing ma rtogs pa'o/ /kha cig zhen par byed cing zhes bya ba ni ling ble sha ne zhes bya bas 'dod pa dag la lhag par chags pa ste/ 'dod pa la bsod nyams su sbyor ba'i phyir ro/ /kha cig mngon par rgyug par byad pas bya ba ni 'dod pa dag la 'gro zhing shin tu ring na gnas kyang 'gro ba ste/ gzugs la sogs pa'i yul yang rjes su myong bar mi 'gyur zhing bdag nyid ngal ba'i rjes su sbyor ba'i phyir ro/ /mig dang ldan pas de dag mthong ba na nges de dag lhag par zhen par mi byed do zhes bya ba la sogs pa'o/ /de dag de ltar mi byed ces bya ba ni de ltar gnyis kyi nang du mi 'jug pa'o/ /de dag de ltar mi sems zhes bya ba ni nang gi gnyis kyis bdag gir byed pa mi bskyed pa dang lam ma yin pa gzhan dag la mi ston pa'o/ /de dag gis chos rjes su mi gdags pa 'di lta bu zhes bya ba ni de dag ni bdag nyid chen po de dag gis kun tu sbyor ba thams cad yang dag par spangs pa'i phyir bag chags dang las kyi bdag nyid chos kyi rnam pa thob par byed pa'i lam mang de/ gang gis 'gro bas 'di dag tu gdags shing rnam par bzhag pa yin pa'i phyir te/ lha 'am mi ma yin pa yang rung ngo/ /'di lta bu 'di ni zhes bya ba ni 'gro ba thams cad las rnam par 'das pa skad cig ma nang gi gnyis yongs su spangs par
- 106b
ma'i lam rab tu bsgrubs pas so/ /des mthong bar byed pa ste mig gis ni ji lta ba bzhin du mthong ba yin no zhes bstan pa'i phyir ji ltar chu bur mthong ba dang zhes bya ba la sogs pa smos so rgyal rigs/ su ba ces zhes bya ba 'chi bdag gis 'jigs nas bcom ldan 'das la zhus pa btsun pa thabs gang gis bdag 'chi bdag gi rgyal pos mthong bar mi 'gyur zhes zhus pa dang/ des na tshigs su bcad pa gnyis gsungs so/ /gzhan dag ni rgyal byed kyi tshal na dge slong lnga brgya lta ba log pa de'i dbang du mdzad do zhe'o chu bur mthong ba ni ji ltar mtsho chen po la char gyi thig pa shin tu sbom pa 'bab pa las rlung gis bskyod na chu'i 'brum bu gzhan skye bar 'gyur zhing 'gag par 'gyur ba de mig dang ldan pa'i skyes bus mthong ba lta bu'o/ /ji ltar smig rgyu mthong ba ltar zhes bya ba ni dper na 'ga' zhig 'brog dgon par sgom pas gsungs shing tsha bas nyam thag la rab tu gdungs zheng che bas chu ltar snang ba'i smig rgyu ri dags skom pa skye ba dang 'jig pa yang mthong ba de ltar de bzhin 'jig rten lta byed pa zhes bya ba yang sems can ? dang snod kyi 'jig rten la bye brag med par bsnyam pa'o/ /dpe gnyi ga sla ba yin yid de'i phyir sems can gyi dbang du byas nas dper bstan pa yin te/ phal cher dbugs 'byung rdub la rten pas 'di la 'chi ba'i chos yod pa'i phyir ro/ /gzhan dag ni snod kyi 'jig rten gyi dbang du byas so zhes zer te/ shin tu nyams dga' bar snang ba 'jig pa'i phyir ro/ /yang na ming gi 'jig rten dang gzugs kyi 'jig rten zhes brjod do/ /'di la ming gi 'jig rten gzugs med pa phung po bzhi'i bdag nyid de/ de yang ming gi bdag nyid yin pa'i phyir ro/ /khams lhag ma ni gzugs kyi 'jig rten te/ gzugs kyis mtshon pa'i phyir dang/ bdag gis dngos po mnyam par ma bzhag pa'i
- 107a
sa yin pa'i phyir ro/ /'di na lta byed pa zhes bya ba ni 'jig rten las 'das pa'i de bzhin nyid shes pas rtogs shing mthong ba'o/ /'chi bdag rgyal po zhes bya ba ni 'chi bdag gi rgyal po nyid kyi srid pa gsum na khyab pa'i phyir ro/ /des mthong bar mi 'gyur ba ni zil gyi gnon par mi 'gyur ba'o/ /khams gsum yongs su rtogs pas 'brel pa med de/ dgra bcom par gyur na ni 'chi ba las 'das par 'gyur ro/ /yang na bskal pa 'am bskal pa las lhag par 'khor ba na gnas pa'o// yang na bya ba med pa'i phyir bar ma dor yongs su mya ngan las 'das pa zhes bya ba ni 'di'i don/ dngos po thams cad yongs su brtags pa dang/ dngos po'i phyogs gcig yongs su brtags pa dang 'brel ba yin no zhes bsgrub pa'i phyir/ de bzhin lus la lta byed pa zhes bya ba la sogs pa'o/ /lus ni nang gi gzugs te/ de'i phyir dran pa nye bar gzhag pa bsgom pa la 'jug pa'i sbyor bas dang por nang gi lus dang phyi rol lus la 'di ltar yongs su lta bar byed de de'i 'og tu don gzhan yang bstan pa yin no/ /lhag ma ni rtogs par sla'o/ /lus dang 'brel pa de'i yongs su rtag pa gzhan yang bstan pa'i phyir gang la byis pa mngon phyogs pa zhes bya ba la sogs pa smos so/ /tshe dang ldan pa yul 'khor skyong rab tu 'byung ba'i brtul zhugs grub par gyur pa las pha ma la phan gdags pa'i phyir slu la ko shtha zhes bya ba der song ngo/ /de'i sems bzung ba'i phyir de'i mas sgo te rgyan gyis brgyan pa'i sngon gyi gnyis pa de'i gan du btang ste bud med de'i g.yo bstan pa las de nas slar log pa dang des de la sangs rgyas bcom ldan 'das kyis tshigs su bcad pa brgyad gsungs so/ /blta bar gyis zhes bya ba ni khyod kyis nges par brtag par gyis shig pa'o/ /lus 'dis zhes bya ba ni gzugs kyi bdag
- 107b
nyid do/ /rtag tu zhes bya ba ni rgyun du'o/ /ji lta bu zhe na/ smras pa/ bkra ba zhes bya ba ste gos dang rgyan la sogs pas brgyan cing mdog khyad du gyur pa'i phyir ro/ /rgyal po'i shing rta ltar zhes bya ba ni rgyal po'i shing rta shin tu bkra ba ste/ phyi rol gser la sogs pas yongs su brgyan pa'i phyir ro/ /nang ni shing gi rang bzhin yin no/ /dpe de dang 'dra bar lus 'di yang phyi rol ni shin tu mdzes pa'i phyir dang/ nang ni mi gtsang ba'i rang bzhin yin pa'i phyir ro/ /gang la byis pa mngon par chags pa zhes bya ba yongs su rtogs par mi byed pa ni lus gang la lhag par 'dod chags skyed par byed de/ phyi rol tsam la lta ba'i phyir ro/ /de la mkhas pa chags mi byed ces bya ba ni 'di la 'dod chags dang bral ba skyed par byed de/ nang gi de nyid mthong ba'i phyir ro/ /byis pa dang mkhas pa'i rjes su chags pa dang/ 'dod chags dang bral ba'i rgyu bstan pa ni gang la byis pa la sogs pa ste/ rab tu rmongs pa ni shin tu mi shes pas zil gyis non cing/ 'khrul pa 'am phyin ci log bzhis bskyed pa'i phyir ro/ de la 'dir gti mug gis ni mngon par chags par 'gyur la shes pas ni chags pa med par 'gyur ro zhes bya ba'i don to/ /'dod chags ni gti mug gis byas pa'i nyes dmigs te smras pa nyams gyur pa zhes bya ba smos te/ khyad par du nyams par ma gyur ba 'am yul dag la chags pas de'i ched du nyams par gyur pa ste/ shin tu nyam nga bar ltung bar gyur to zhes bya ba'i don to/ /gang ji lta bu zhe na/ glang rgan rdzab tu chud pa bzhin zhes bya bas bstan te ji ltar rgas shing 'khogs pa'i blang 'byung par mi nus pa'i 'dam gyi nang du zhugs par gyur na de las ni rang gis kyang thar par mi nus la gzhan gyis kyang dbyung du mi rung zhing ma yin pa de bzhin du'o/ /gang rjes su chags pa de ni shin tu ma rung ba nyid du bstan la rma gyur ba dag
- 108a
'dra ba sto zhes bya ba yin te/ rma ni rma rel ba dang 'dra bar rtag tu 'jig pa'i phyir dang/ 'bad pa byas kyang gso dka' ba'i phyir ro/ /byung ba ni rgyu dang rkyen las skyes pa'i phyir te/ 'dis ni gzhan gyi dbang du bstan to/ /rtag tu nye bar gdung ba'i rgyur gyur pa'i rnam pa bstan pa/ nad pa zhes bya ba smos te/ rgyun tu bkres pa dang sgom pa la sogs pa'i nad kyis mngon par gdungs pa'i phyir te/ lus yang gang du 'gro ba'i sa/ /der ni sdug bsngal 'gro bar 'gyur zhes bya ba'i tshigs so/ 'jig chos can zhes bya ba ni nyams par gyur na gsod mi rung ba 'am/ bslu ba'i bdag nyid yin pa'i phyir ro/ /bstan ma thag pa'i nyes dmigs thams cad 'byung ba ni lus las byung ba yin te/ 'di ltar gang yang brtan par mi gnas par zhes bya ba 'jig pa 'am med pa'i gnas skabs te/ gang mi rtag pa de ni sdug bsngal ba yin no zhes bya ba mdo las gsungs so/ /lus kyi phyi rol ni yin gyi/ nang ni ma yin no zhes bya ba'i phyir/ nad pa 'jig pa'i chos can zhes bya ba la sogs pa smos so/ /brgyan pa lta bar gyis zhes bya ba la/ blta bar gyis zhes bya ba ni nye bar gnas pa'i phyir bong? ba'o/ /yang na thams cad bdag gis bya ba la brtag par bya'i/ gzhan gyi byas pa ni ma yin te/ 'di'i rnam pa bstan pa'i phyir ro/ /ri mor ma byas pa ri mor ma byas shing bskyed lo rgyan par byas te mdzes par byas pa zhes bya ba'i don to/ /lus ni mi gtsang ba'i lus nyid do/ /gang gis brgyan par byas zhe na/ nor bu'i rna cha gdub gor gyis zhes bya ba smos te/ nor bu dang rna ba'i brgyan no/ /gos dang phreng ba dang sen rtsil sogs pa bsdu ba'i phyir yang gi smra'o/ /ma bsdungs pa dang bsdungs pa'i rgyan bsdu ba'i phyir gnyis smos so/ /lus de ji lta bu zhe na/ smras pa/ nad pa zhes bya ba'o/ /rang gi yan lag brgyan pas mdzes pa yin no zhes
- 108b
bstan pa'i phyir/ lan bus? brgyan byas shing zhes bya ba smos te/ mig mangs? ris lta bu mig brgyad pa byas pa'i sgra ste/ nga'i phyir cha ba'i chas kyis brgyan pa byas pa/ sgra rnam pa brgyad du bgos shing lan bur byas pa la chu? rlabs kyis 'god par byed pa yin no/ /mig sman gyis bskus pa'i mig ces bya ba ni mig mdzes par bya ba'i phyir mthing shun gyi mdog 'dra ba'i phye ma'i bye brag gis mig sman gyis mdog bsgyur bar gyur na mig smin gyi mdog tu 'gyur zhing tshon gyis mdzes pa'i phyir ro/ de thams cad kyang byis pa lhag par rmongs byed kyang zhes bya ba rtog par mi nus te/ phyin ci log gis bskyed pa'i phyir ro/ /pha rol tshol bar mi byed do zhes bya ba ni/ gang dag bya ba byas pa'i phyir 'dir phung po lhag pa med pa'i mya ngan las 'das pa tshol bar byed pa ni/ /de lta bu khams gsum las 'dod chags dang bral ba 'dus byas thams cad kyi rgya mtsho'i pha rol tu phyin par byed pa yin gyis?/ lhag par rmongs par gyur pa 'di lta bu dag ni ma yin no zhes pa'i don to// de gnyis kyi mdzes par byed pa bstan pa'i phyir mig sman gyis ni zhes bya ba la sogs pa smos te/ gang la mig sman yod pa ste/ lus rnag can dri nga ba'i rdzas bsags pa'i phung po mig gnyis la mig sman gyi bskus pa zhes bya ba'i don to// gsar bris shing zhes bya ba bkra bar byas pas bris pa ste/ ri mo'i las byas pa zhes bya ba'i tha tshig go /gsar zhes bya ba ni dus de nyid du byas pa ste/ dper na ri mo mkhan mkhas pas rtsig pa yongs su sbyangs pa la tshon sna tshogs kyi ri mo gsar du byas pa 'dir shin tu mdzes pa yin la/ nang gi sa dang rdo la sogs pa'i rang bzhin yin pa de bzhin du/ lus 'di mig sman gyis mdzes par byas pa dang/ mgo la gser gyi phreng ba dang/ mgul bar mu tig gi phreng ba dang/ lag ngar
- 109a
du gdu bu dang rkang par rkang gdub la sogs pas phyi rol las brgyan pa byas kyang na dri nga'i rdzas kyi bdag nyid yin no/ /brgyan pa byas kyang dge ba ma yin no zhes bstan pa'i phyir smras pa/ lus ni dri zhim zhes bya ba ma sogs pa ste/ dus ji lta ba bzhin du ga pur dang/ tsan dan la sogs pas lus bskus pa ni lus la bsgos pa'o/ /btsag gis byugs pa ni li khri dang sen rtsi la sogs pa las byung ba shin tu yid du 'ong zhing/ mdog dmad bar byas pa'i rkang pa'o/ /blo phyin ci log las lus la sogs pa la yongs su brtag pa med pas ni chu bo las brgal bar mi 'gyur ro zhes bstan pa'i phyir/ gang zhig 'dod pa zhes bya ba la sogs pa smos so/ /bcom ldan 'das yul kos yar rgyu zhing gshegs nas rim gyi 'od ma'i tshal du byon pa dang/ 'od ma'i tshal na gnas pa'i bram ze dang khyim bdag gis 'di skad ces gsol to/ /btsun pa bdag cag gis ni 'di ltar 'tshal zhing rtogs te/ 'dod pa dag longs spyad par ba gyis kyang/ nongs pa ma mchis te/ de ci'i slad du zhe na/ 'dis na 'dod pa dag la 'jol nyag tu spyod cing lus dang sems tshim par byed kyang/ lus zhig nas lha rnams kyi nang du skye ba gda' o zhes gsol ba dang/ bcom ldan 'das kyis bka' stsal ba/ 'di ltar de ni 'dod pa spangs pas thob pa yin gyi/ 'dod pa longs spyad pas ni ma yin no zhes bya ba nas/ ji srid du tshigs su bcad pa gnyis gsungs so/ /'dod par zhes bya ba ni 'dod pa'i yon tan lnga'i phyir ram de'i shul? la'o/ /gang kun tu sbyor bas byas ba'i kun tu 'brel pa ni rab tu chags pa dang/ g.yeng ba dang 'du 'dzi'o/ /de la chags pa ni rab tu zhen pa? ste/ yongs su 'dzin pa dang/ bsags pa dang bsrung ba la sogs pa'i 'jug pa zhes bya ba'i don to/ /yang na kun tu sbyor ba'i bdag nyid de chags
- 109b
pa dang sred pa'o/ /snying rje yang chags pa dang tshul 'dra ba yin no zhe na/ kun tu sbyor ba zhes smos pa'i phyir chags pa ni/ sems can gyi 'chid ba yin par bstan to/ /mi shes pa sngon du 'gro ba'i g.yeng ba dang/ chags pa zhes bya ba'i don to/ /kun tu sbyor ba zhes bya ba ni rgyal po gshegs zhes bya ba bzhin du kun tu sbyor ba 'dir brjod pa yang kun tu sbyor ba'i rang bzhin chags pa dang sred pa'i bdag nyid du shes par bya'o/ /gang kun tu sbyor ba dag la skyon dang nyes par ma rtogs pa de nyid mi shes pas gnas shing chags pa'i phyir ro/ /gang yang de ltar 'dod pa'i kun tu sbyor bas 'dod pa la srid cing chags par gyur na ni nang du yang 'dod pa'i chu bo dang 'dod pa'i zag pa las mi brgal cing spyod pa ma yin no/ /gzhan lta ci smos/ mngon par mi 'dod pa'i gnas su khyer bar byed de'i phyir chu bo'o/ /chu bo ji lta bu zhe na/ yangs pa zhes bya ba ste/ 'gro ba'i bdag nyid thams cad la brten cing khyab pa'i phyir ro/ /mdza' yas pa zhes bya ba ni thog ma med pa'i srid pa nas brten pa'i phyir dang/ shes pa zag pa med pa'i snying pos spang pa'i phyir ro/ /de ltar na yang chu bo rnam pa bzhi po thams cad kyang brgal bar 'gyur ro zhes bstan pa'i phyir/ chags bral mchog dang tha ma zhes bya ba la sogs pa smos te/ chags bral mchog ces bya ba ni gong ma'i kun tu sbyor ba spangs pa'i phyir ro// chags bral tha ma zhes bya ba ni 'og ma'i cha'i kun tu sbyor ba spangs pa'i phyir ro/ /thams cad las 'dod chags dang bral ba ni kun tu sbyor ba mdza' dag spangs pa'i phyir ro/ /mthong bas spang bar bya ba dang/ bsgom pas spang bar bya ba sngon du 'gro ba yin no zhes bstan pa'i phyir/ 'di la zhes bya ba smos te/ 'di la bdag dang bdag gi zhes bya ba ni 'di lta bur bdag gir byed pa/ go rims bzhin du gzugs la sogs pa dag la bdag tu mngon par zhe pa'o/ /yang na gzugs zhes bya ba la sogs
- 110a
pa'i bdag nyid kyi mngon par 'dod pa'i 'jig tshogs la lta ba'i ri'i rtse mo nyi shu bstan te/ de yang med pa ma yin pa'i phyir ro/ /mi lta zhing zhes bya ba ni rjes su 'brang zhing mngon par mi zhe na pa ste/ lta ba dang kun tu sbyor ba thams cad spangs pa'i phyir ro/ /de ltar rnam grol zhes bya ba ni rnam pa 'dis ris gnyis kyi phra rgyas spangs pa'i phyir gang rnam par grol ba'o/ /de nyid gang chu bo las de ltar rnam par grol ba ste/ brgal ba ni rgal bar 'gyur ba'o/ /sngon tshad ma rgal ba zhes bya ba ni sngon nam yang ma spangs pa ste/ srid pa'i gsum gyi chu bo ma spangs pa'i phyir ro/ /ci phyir chu bo rgal bar byed ce na/ yang srid pa med pa'i phyir zhes bstan pa ste yang mi skye bar bya ba'i phyir dang/ sdug bsngal las ldog pa'i phyir zhes bya ba'i don to/ /'phags pa'i lam bsgom pa nyid kyis brgal bar 'gyur gyi/ khyim gyi gnas yongs su spangs pa tsam gyis ni ma yin no zhes bstan pa'i phyir/ gang zhig tshal spangs zhes bya ba la sogs pa'o/ /khyim gyi gnas kyis yongs su skyo ba'i tshong dpon rgan po zhig /dgon par song ste rab tu byung nas phyir ldog cing nyams par gyur la/ de nas yang rab tu byung ba de'i dbang du mdzad nas dge slong rnams la bka' stsal pa'o/ /gzhan dag ni 'od ma'i tshal na rab tu byung ba rnam par 'phrul ba ming med pa zhig gnas te/ gnas la lhag par chags pa de'i dbang du mdzad do zhes zer ro/ /de la re zhig 'di ji bzhin pa'i don brjod par bya ste/ tshal ni dgon pa'o/ /de la gang gnas pa ni nags tshal na gnas pa ste/ dgon pa na gnas shing khyim la sred pa med pa gang yin pa de'o/ /nags tshal spangs pa ni rab tu byung ba la mngon par mi dga' bar gyur nas nyams par gyur pa ste/ yang nags tshal spangs nas khyim na gnas par gyur pa'o/ yang skyo bar gyur pas khyim
- 110b
la mngon par mi dga' ? ba skye bar gyur nas/ nags su rgyug ces bya ba ni dgon pa nyid du phyogs pa ste/ rab tu byung ba de'i phan yon mthong ba'i phyir ro/ /'di lta bu'i 'dod chags la sogs pa'i nyon mongs pas dbang du byas pa'i smin pa la khyed cag ltos shig pa'i don to/ /tshur zhes bya ba ni tshur shog la ltos shig pa'o/ /gang gi rnam par blta bar bya zhe na/ grol bar 'chid bar rgyug pa'i zhes bya ba ste/ rab tu byung ba yongs su bzung ba med pa khyim nas nges par byung ste/ yang de nyid du mi gtsang ba la sogs pa dang 'dra ba'i brtson ra'i 'chid ba la mngon par phyogs pa ste/ de bas na 'dis ni mngon par smad pa bstan pa yin no/ /don nyid bshad pa/ tshal ni 'dir nags stug po ste/ tsher ma la sogs pa'i gang ba'i phyir ro/ /de ni khyim ste bya ba ngan pa la sogs pas kun tu gnod pa dang bcas pa'i phyir ro/ /de ni khyim ste bya ba ngan pa la sogs pa de ni khyim gyi gnas la mngon par chags pa ste/ 'dod pa la sred pa zhes bya ba'i don to/ /gang la tshal med pa de ni tshal spangs zhes bya ba yin te/ khyim dang de'i yo byad la chags pa med pa zhes bya ba'i don to/ /khyim rjes su myong ba las rgan pa'i gnas skabs kyi skyob skyes pa dang/ 'chi bas 'jig pa'i phyir/ de la ma chags par byed cing rab tu byung ba ste/ de'i skyon dang bral bar 'dod pas so/ /des tshal med pa zhes bya ba smos te/ tshal dang bral ba ni tshal spangs pa ste/ khyim gyi gnas byung zhing rab tu byung ba zhes bya ba'i don to/ /lus kyi dben pa 'dis bstan nas sems kyi dben pa bstan pa'i phyir/ nags tshal spangs nas zhes bya ba smos te/ 'dir nags tshal ni 'dod pa la sogs pa la rnam par rtog pa ste/ de ni khyim gyi nags stug por 'jug pa yin no/ /de spangs pa ni 'du 'dzi dang rnam par rtog pa spangs pa'i phyir ro/ /nags su rgyug ces bya ba ni 'du 'dzi dang rnam par rtog pa mngon du byed pa ste/
- 111a
khyim gyi btson ra la yang phyogs pa'o/ /yang na gtsug lag khang la lhag par zhen pa'o/ /'di lta ltos shig /ces bya ba ni nyon mongs pas 'khrul bar byas shing/ mi rtag pa'i bden pas kun tu 'phyan pa'i sems can la ltos shig pa'o// tshur zhes bya ba ni khyed cag tshur shog cig dang/ bdag med pa la dmigs shing sangs rgyas kyi bstan pa bsgrub par gyis shig pa ste/ chos 'di rtogs pa'i phyir de kho na nyid brtag cing bden 'gro blta ba ni/ de bzhin nyid kyis yin gyi/ gzhan gyis ni ma yin no zhes bya ba ni 'di'i don te/ /gzhan na snga ma bzhin no/ /gang gis sred pa'i 'chid ba las grol bar 'gyur zhe na/ 'phags pa'i lam nyid kyis yin te/ de nyid bstan pa'i phyir/ shing rta mthun pa'i zhes bya ba la sogs pa smos so// de nas rgyal po'i bu mo k+She ma zhes bya ba shing rta la zhon te bcom ldan 'das lta ba'i phyir chas pa las thag ring po nas 'ong ba gzigs te/ tshigs su bcad pa 'di gsungs so/ /yid 'ong ba zhes bya ba ni yid du 'thad pa ste/ kun tu shes par bya ba zhes bstan pa'i phyir ro/ /shing rta gang gis yan lag yid 'ong la blta na sdug pa ste/ rin po che sna tshogs kyis 'bad bar byas pa'i phyir ro/ /dkar ba ni kha dog dkar ba nyid do/ /g.yogs pa ni shing rta de la gdugs ltar bkab cing bres pa'o/ /yang na gos dkar pos g.yogs pa'o/ /gang yang bud med shing rta la zhon par gyur pa ni phal cher gos dkar pos g.yogs par byed do/ /mthun pa'i rtsibs zhes bya ba ni gcig tu bsngags shing gtso bor gyur pa'i shing rta'i 'khor lo'i yan lag gang yin pa ste shing rta khyad par can 'khor lo zung ngo/ /ldan pa ni bsten par byas pa'o/ /sdig med 'gro ba la ltos la zhes bya ba ni bcom ldan 'das kyi gsung rab kyis 'gro zhing phan pa nyid rtogs par gyis shig pa ste/ 'di na dang por nyan pa zhes bya ba la sogs
- 111b
pas 'gro ba la ltos shig pa yin te/ sdig med ni rnam pa gsum po 'dod chags med pa'i sdig pa med pa dang zhes bya ba la sogs pa mdo las gsungs pa'o/ /des pa nyams pa'i nyon mongs pa dag ni shing rta la zhon zhing 'gro ba nges par bsags shing bab? so sam? pa'i phyir te/ lhas byin dmyal bar skyes pa bstan pa yin no/ /rgyun rnams bcad par gyis zhes bya ba ni las kyis rgyun spangs pa ste/ nyon mongs pa ni ri bo mthon po las 'bab pa'i chu rgyun 'dra ba de'o/ /las dang nyon mongs pa'i rgyu med pa dang las de'i 'bras bu yang med do/ /chings ma zhes bya ba ni yang nying mtshams sbyor ba'i 'chid ba med na de'i phyir las dang nyon mongs pa yang med pa'i phyir ro/ /sgra ji bzhin du bshad nas/ gzhan la brten nas bshad pa/ yan lag yid 'ong zhes bya ba ni tshul khrims kyi tshig bla dags te/ de ni lam gyi gzhi dang them skas su gyur pa nyid de/ yang dag pa'i dag dang/ las kyi mdza' dang 'tsho ba zhes bya ba'i yan lag ni tshul khrims kyi rang bzhin no/ /gos dkar g.yogs zhes bya ba ni yang dag par grol ba dang yang dag pa'i shes pa zhes pa 'di'i tshig bla dags yin te/ khams gsum las 'dod chags dang bral ba dang/ zad la mi skye ba'i shes pa thob pas gcig tu dkar ba yin pa'i phyir ro/ /mthun pa'i rtsibs zhes bya ba ni yang dag pa'i dran pa dang/ yang dag pa'i rtogs pa dang/ ting nge 'dzin gyi tshig bla dags so/ /ldan pa ni yang dag pa'i rtsol ba ste brtson 'grus rtsom pa'i mthus skyo ba dang bral bar 'jug pa'o/ /shing rta ni yang dag pa'i lta ba ste/ de yang lam dang lam gyi yan lag go /yid la mngon par 'dod pa'i 'bras bu yin pa'i phyir shing rta'i sgrar brjod do/ /de lta na lam yan lag brgyad 'bras bu dang bcas pa bstan pa yin te/ yang dag pa'i rnam par grel ba dang/ yang dag pa'i shes pa ni 'phags pa'i lam bsgoms pa'i 'bras bu yin
- 112a
no zhes pas so/ /sems can gang la 'di lta bu'i shing rta yod pa de ni sdig pa med par 'gro ba la sogs par shes par bya'o/ /'phags pa'i lam gyi rtsa ba them skas su gyur pa'i tshul khrims thob pa ni skabs nyid kyis 'gyur gyi/ brten pa tsam gyis ni skyabs ma yin no/ /zhes bya ba'i tshig tu bstan pa'i phyir/ 'jigs pa zhes bya ba la sogs pa tshigs su bcad pa lnga smos so/ /cho 'phrul chen po bstan pa las nges par rgyal te/ chu stags pa kha cig ni dam la brten to/ /gzhan dag ni nags tshal dang kun dga' ra ba dang gtsug lag khang dang shing dag la brten pa gzigs nas 'di gsungs so/ /gzhan dag ni sdig pa bkru bar bya'o zhes bsams te bye ma'i phung po la 'dug pa'i mi sbyin zhes bya ba ko sa la'i rgyal po'i mdun na 'don sdig pa byed pa zhig gis dbang du mdzad nas 'di gsungs so zhes zer ro/ /phal cher zhes bya ba ni du ma'o/ /skyabs su 'gro zhes bya ba ni sdig pa 'jig pa'i phyir brten cing len pa'o/ /ri ni kha ba can la sogs pa'i ri'o/ /ri dang 'dra ba'i bye ma'i phung po dang phug la sogs pa bsdu ba'i phyir dang gi sgra'o/ /nags tshal zhes bya ba ni tshal la sogs pa nags stug po'o/ /dang gi sgra ni nags tshal du gyur pa'i phyogs dang rdzing bu la sogs pa'i skyed mos tshal zhes bya ba ni grong dang nye ba'i tshal la sogs pa 'am/ lha khang ngam/ mchod rten dang ljon shing zhes bya ba la/ dang gi sgra ni bsdu ba'i don to/ de la mchod rten ni lha khang la sogs pa ste/ so phag la sogs pas brtsigs pa'i phyir ro/ /ljon shing ni shing gi dbyibs dang/ gnas la sogs pa brgyan pa'o/ /gang zhig skyabs su 'gro ba yin na zheng/ 'jigs pas skrag pa'i mi dag ni zhes bya ba smos te/ brnyas shing ma bkur ba la sogs pas 'jigs pa'i
- 112b
mu stegs pa la sogs pa'o/ /ri la sogs bskyabs su gyur ba yin no zhes rtog pa gsal ba'i phyir/ skyabs de gtso bo ma yin zhing zhes bya ba bstan te/ brag la sogs pa la sdug bsngal las skyob pa'i brten du 'dod pa de ni gtso bo ma yin te/ gang gi phyir brten pa tsam gyis ni yongs su skyob par mi nus pa'i phyir ro/ /skyabs? de mchog tu gyur pa min zhes bya ba ni skyabs su 'gro ba de yang khyad par du gyur pa dang mchog ni ma yin te/ 'di la brten pas ni 'khor ba yongs su spang bar mi nus pa'i phyir ro/ /ci'i phyir zhe na gzung ba tsam gyis ni skyabs su 'gro ba mchog tu gyur pa ma yin no zhes bstan to/ /de la skyabs su song ba yis/ sdug bsngal kun las grol mi 'gyur zhes bya ba ni ngan song gi sdug bsngal lam 'khor ba'i sdug bsngal las zhes bya ba'i don to/ /don dam pa'i skyabs bstan pa'i phyir smras pa/ gang zhig sangs rgyas zhes bya ba la sogs pa'o/ /yang sems can gang zhig dkon mchog gsum la brten pa de nyid ni skyabs su 'gro bar 'gyur ba yin no/ /sangs rgyas ni thams cad mkhyen pa de'i dbye ba yin pa'i phyir ma 'dres pa'i tshes bco brgyad la sogs pa'i yon tan gyi phung po'o/ /chos ni don dam pa'i chos yin pa'i phyir dang mya ngan las 'das pa'i 'bras bur mthar thug pa'i bdag nyid kyis dgos pa thams cad kyi mchog yin pa'i phyir ro/ /dge 'dun ni nyan thos kyi rgyud la gnas pa'i 'phags pa'i lam dang/ sangs rgyas dang rang sangs rgyas dang nyan thos kyi lam gyi tshogs so/ /dgongs pa dang rjes su mthun pa'i tshul gyis gang yang rung ba gcig pa skyabs su 'gro ba ni ma yin no/ /zhes sgrub pa'i phyir rang gi sgra gsum smos te/ de dag kyang phan tshun gyi dbye ba yin pa'i phyir ro/ /skyabs su 'gro ba tsam gyis ni ngan song las ldog pa ma yin te/ yang shes nas dang pa thob pa yin pa'i phyir ro//
- 113a
de yang bden pa mthong bas 'gyur ba yin te/ 'phags pa'i bden pa bzhi po dag ces bya ba de ni ma mthong ba rtogs pa'o/ /shes rab kyis zhes bya ba ni gang gis tshe zag pa med pa'i shes rab thob pa de'i tshe skyabs su 'gro ba rdzogs pa yin no zhes bya ba'i tshig gi lhag ma'o/ /bden pa rnams yang dag par bstan pa'i phyir/ /sdug bsngal zhes bya ba la sogs pa smos te/ gang tshe shes rab kyis mthong ba zhes bya ba 'dir rjes su 'brang ngo/ /lam yan lag brgyad pa zhes bya ba ni gang la yan lag brgyad yod pa cha shas 'dus pa ste/ yan lag dang cha shas ni yan lag drug pa'i phyi ma bzhin no/ /ji lta bu'i lam shes rab kyis mthong ba yin zhe na/ bde ba zhes bya ba yin te/ 'jig pa ni 'khor ba'i tshig bla dags yin pa'i phyir te/ 'phags pa'i lam ni 'khor ba'i 'bras bu ma yin no zhes bya ba'i tshig gis so/ /'on kyang bral ba'i 'bras bu ni yin no/ /de nyid bstan pa'i phyir smras pa/ mya ngan 'das 'gro zhes bya ba ste/ mya ngan 'das par 'grong par byed pa dang/ mya ngan las 'das pa 'thob par byed pa zhes bya ba'i don to/ /de ni zhes bya ba ni 'di nyid do/ /sngar bstan pa'i khas blangs pa'i bdag nyid kun rdzob kyi skyabs te/ lam mngon sum du byed pa'i phyir dang/ rgyu yin pa'i phyir dang/ shes nas dad pa thob pa las skyes pa'i don dam pa ni gtan du ba yin pa'i phyir ro/ /de nyid ni gtso bo dang chos mchog gi skyabs yin te 'di la brten pas ni sdug bsngal thams cad sel bar byed pa'i phyir ro/ /gang la lam thob pa de nyid kyi yang dag par thob pa yin gyi/ gzhan gyis ni ma yin no zhes bstan pa'i phyir/ mthong bas mthong zhing zhes bya ba la sogs pa tshigs su bcad pa drug go /dge slong dag rnam par
- 113b
blta zhing bsgom par bya ste/ rnam par blta ba kun tu bsten pas ni de mthong ngo zhes bya ba'i tshig lhag ma dag go /de la brten nas mthong ba rnam par gnas pa yin te/ de dang 'dra ba dang mi 'dra ba'i dbye bas rnam pa gnyis so/ /'dra ba bsten pa'i phyir ro/ /mthong ba zhes bya ba smos te/ bya ba byas pa'i phyir gzhan gyi don la lta ba ste/ de nyid slob pa'i lam la gnas pa'i gzhan yang mthong ngo zhes rjes su 'brang ste/ dper na mig dang ldan pas bdag dang gzhan mthong bar gyur pa de bzhin/ mi 'dra ba bstan pa'i phyir ma mthong zhes bya ba smos te/ bya ba ma byas pa'i phyir ram/ bden pa ma mthong ba'i phyir te/ so so'i skye bos ni cung zad kyang mi mthong zhing 'dis 'jig rten thams cad la mi lta ba yin no/ /nya bar zhi zhing mi slob pa'i gnas skabs thob na ni sems gzhan gdul ba la yongs su rtog pa yin no/ /rnam par mthong ba'i khyad par bstan nas mi shes pa'i skyon bstan pa'i phyir/ ma mthong zhes bya ba ste gang sgrib pa yod cing shes pa yod pa'i phyir bdag nyid kyang mthong ba med par byas nas gzhan yang ma mthong bar byed pa yin no/ /'dra ba'i mthong ba med pa'i phyir mi 'dra ba'i khyad par mthong ba yod grub pa yin no zhes bstan pa'i phyir mthong bya mthong ba'i gyur zhes bya ba ste/ dper na mig gis bdag nyid la rnam par blta zhing mthong ba ma yin la gzhan la mthong ba de bzhin no/ /'o na bstan bcos las bshad pa'i mthong ba ni gang bdag gi sdug bsngal la sogs ma mthong ba de nyid ni rang nyid mthong ba yin la/ gzhan yang de bzhin du'o/ /mthong bya mthong bar mi 'gyur zhing zhes bya ba gang yang bdag nyid so so'i skye bo yin pa'i phyir sdug bsngal la sogs pa ni mi mthong la/ des na gzhan de nyid kyang mi mthong ste/ mthong bya mthong bar mi 'gyur ba'o/ /de yang de
- 114a
ltar zhe na bshad pa/ 'dis ni gtsug lag gi rnam par 'grel par shes par bya ste/ gzhan du na rgyun tu zhugs pas bden pa mthong bar mi 'gyur te/ des na gang ji zhig gzhon du bden pa mthong ba dang bden pa ma mthong bar mthong bar 'gyur/ des na yang tshad ma dang 'gal bar 'gyur te/ bcom ldan 'das ni tshad ma dang 'gal ba mi gsung ngo/ /de bas na bden pa bzhi mthong ba ni mi slob pa'i mthong bas yin no zhes tshig gi lhag ma'o/ /mthong ba yang rnam pa gnyis te sgrib pa dang bcas pa dang sgrib pa med pa'o/ /de gnyis kyi rang gi ngo bo'i dbye ba rab tu brtag pa'i phyir 'dra mthong zhes bya bas bstan te/ med bzhin du 'brel bas mthong ba ni rjes su mthong ba ste/ med pa la sgra'o btags pa dang/ yod pa la 'jig par byed pa'i lta ba zhes bya ba'i don to/ /rjes su zhes bya ba ni 'dra ba'i sgra'o/ /mthong ba ni 'dra bar mthong ba ltar snang ba ste gzugs brnyan bzhin no/ /lhag mthong ni sgrib pa med cing nyon mongs pa med pa'i mthong ba ste/ nyon mongs pas bcom pa'i phyir ro/ /tha dad dngos po zhes bya ba ni so so bar gyur pa ste/ bral ba thob pa 'am tha dad pa'i ngo bo ste/ gang mthong ba de dang 'dra bar mthong ba tha dad par gyur pa zhes bya ba'i don to/ /'di na zhes bya ba ni gsung rab 'di nyid la yod kyi/ gzhan la ni ma yin te/ rnam par rmongs pa'i bdag nyid yin pa'i phyir ro/ /'dir dper bstan pa nyid mtshan zhes bya ba ste/ dper na nyin par dang mtshan mo lhan cig dus nam yang phyogs gcig tu mi gnas shing mi 'dug ste/ chun pa dang snang ba ni lhan gcig gnas par 'gal ba'i phyir ro/ /de bzhin du 'dra ba mthong ba'i mthong ba ni nyon mongs pa'i mthong ba ste mun pa bzhin du'o/ /sems can dag yang dag pa'i
- 114b
lta ba la 'bad par bya'o zhes bstan pa'i phyir 'di bshad pa yin no/ /gang gis 'dra ba mthong zhing thos par 'gyur zhe na/ 'dra ba mthong bas mthong mi 'gyur zhes bya ba smos te/ mthong bar snang ba des nges par mi 'gyur te/ gang sdug bsngal la sogs pa zag pa med pa'i mthong ba ma mthong ba'o/ /gal te mthong na 'dra mi mthong zhes bya ba ni gal te yang zag pa med pa mthong bas sdug bsngal la sogs pa mthong na ni de'i tshe mthong ba ltar snang ba'i bdag nyid mi mthong ba yin no/ /ci'i phyir zhe na/ 'dir chos nyid kyi rigs pa bstan pa'i phyir/ mthong 'dis 'dra ba mi mthong ste zhes bya ba ste/ 'dis ni gang de bzhin nyid mthong ba ma yin pa mi mthong ste/ nges par don reg cing thob pa yin gyis/ gzhan du ni ma yin no zhes bya ba'i don no/ /gang zag 'dis ni de bzhin nyid/ /'dra mthong mthong ba med ces bya ba smos te/ bdag la sgo btags pas nges par byed pa ma yin no/ /'dra mthong mi yis mthong ba med ces bya ba ni 'jig rten pa'i gnas skabs kyis kyang mi mthong ba ste mis de bzhin nyid mi mthong ba zhes bya ba'i don to/ /'jig rten pa'i lta ba ni shin tu rags la bden pa ni shin tu phra ba'i phyir ro/ /lha zhig gis tshigs su bcad pa las brtsams te gsol pa/ mi yis ci ma mthong na 'dra ba mthong zhes bya ba la/ dngos po gang zhig ma mthong na zhes bya ba ni de bzhin nyid ma mthong ba'o/ /mi ni mi nyid de sems can dang bdag la sogs par mthong ngo/ /ci zhig mthong na 'dra ba mthong mi 'gyur zhes bya ba yang dngos po gang zhig khong du chud na mthong ba ltar snang ba mi mthong ba'o/ /ji ltar 'di na 'dra ba mthong ba dag ces bya ba ni ji ltar bden pa'i dngos po'i gzugs brnyan ltar gyur pa mthong ba ste/ 'jig tshogs la lta ba la sogs pa'i bdag nyid 'dra bar mthong bar 'gyur ba'o/ /gang
- 115a
zhig med na 'dra ba mthong dang bral zhes bya ba ni gang zhig yod par gyur pa las 'dra ba spangs par gyur pa'o/ /'dir bcom ldan 'das kyis lan du bka' stsal pa/ gang tshe 'di yis sdug bsngal mthong zhes bya ba ni gang gi che rnal 'byor pa sdug bsngal gyi bden pa mngon par ma rtogs pa'o/ /de'i tshe na mthong bar 'gyur zhes bya ba ni sdug bsngal gyi bden pa so sor mi rig pa'o/ /bdag tu mthong zhes bya ba ni nyon mongs pa'i rjes su 'gyur ba ste/ bdag la sogs par sgro btags pa'i phyir ro/ /ji lta ji ltar sdug bsngal rtogs gyur pa zhes bya ba ni sdug bsngal gyi bden pa yang dag pa ji lta ba bzhin du mngon par rig pa'o/ /de ni bdag 'di 'dra ba mthong mi 'gyur zhes bya ba ni rnal 'byor pa 'dis med pa la sgro 'dogs pa dang/ yod pa 'jigs par byed pa ma yin no/ /gang gis so so'i skye bsgribs nas/ /'du byed sdug bsngal ma mthong ba zhes bya ba ni gang ma rig pa la sogs pa'i sgrib pas so/ /bsgribs pa ni g.yogs pa'o/ /so so'i skye bo ni byis pa'i skye bo'o// 'du byed dag ni shin tu sdug bsngal la sogs pa'i don yin yang sdug bsngal nyid du mi rtogs pa'o/ /de'i phyir 'di ni 'dra mthong ste zhes bya ba ni de ltar gyur pa nyid kyis 'jig tshogs la sogs pa'i lta ba la spyod do/ /de med na zhes bya ba ni ma rig pa'i sgrib pa spangs na ni lta ba ngan pa thams cad dang bral bar 'gyur ro/ /mthong ba'i chos te nye shu bdun pa'i rnam par 'grel pa rdzogs so// //lta ba ngag pa sngon du 'gro ba las sdig pa las ldog pa dang/ legs par spyod pa las 'jug pa bstan pa'i phyir/ de'i 'og tu sdig pa'i tshoms bshad de/ de med 'dra ba mi mthong ngo zhes bstan ma thag pa'i tshom la bdag tu sgro 'dogs pa dang/ sdug bsngal la sogs skyon brjod pa'i
- 115b
tshigs ngan gyi lta ba spangs nas ji lta ji ltar yang dag par lta bas dngos po yang dag par sgrub pa'i phyir sdig pa thams cad ces bya ba la sogs pa smos so/ /lo bcu gnyis kyi bar du bcom ldan 'das shAkya thub pa'i bstan pa la skyen med de/ /thog mar nyan thos la so sor thar pa'i tshigs su bcad pa gsum gsungs so/ /de la gnyis ni rjes su mthun pa'i skabs yin pas legs par spyad pa'i tshoms su bshad zin to/ /yang na bcom ldan 'das kyi bslab pa'i gzhi nyes brgya lnga bcu bcas pa 'di ni shin tu yang mang ba'i phyir de su zhig srung bar nus zhes sems rnam par g.yengs pa spangs shing gzung ba dang 'jug par 'gyur ba'i dge slong ngag gis dbang du mdzad pa'o zhes zer ro/ /tshul khrims ni rnam pa gnyis te 'jug pa dang ldog pa'i dbye bas so/ /de la ldog pa'i tshul khrims kyi dbang du byas nas/ sdig pa thams cad mi bya ste zhes bya ba yin te/ yul thams cad dang dus thams cad du ngan par spyod pa thams cad kyi bya ba dgag pa'i phyir ro/ /de'i phyir gcer bu bas ni dpag tshad brgya'i pha rol nas sdig pa spyad par mi bya'o/ /zhes zer ro/ /phyugs bsod pa dang rtas gsang gi mchod pa la sogs pa ni nyes pa med do zhes bram ze dag smra'o/ /de bzhin du shAkya'i yongs su spang ba ni sdig pa lnga yongs su mi bya ba ste/ cig shos la 'bad par bya'o/ /de yang ji ltar dge bsnyen gyis 'dod pas log par g.yem pa mi bya ba bzhin no/ /des na bcom ldan 'das kyis nyes pa thams cad mi bya bar gsungs te/ 'di'i 'bras bu mngon par mi 'dod pa yin pa'i phyir ro/ /sdig pa thams cad mi bya ste zhes bya ba ni bdag po dang 'brel pa'i drug pa ste/ spang ba'i phyir ro/ /'jug pa'i tshul khrims kyi dbang du byas te/ dge ba phun sum tshogs par bya zhes pa/ lnga ma'i thams cad ces bya
- 116a
ba'i dbang du byas pa ste/ 'dir ma smos kyang shes par bya'o/ /yang na sngar bshad pa'i thams cad kyi sgras ni sdig pa mdza' dag yongs su bzung la lhag mas ni de'i gnyen por gyur pa'i dge ba'i mdza' i dgra ston pa yin te/ yang thams cad kyi sgra ni mi gzung ngo/ /de la lus la sogs pa thams cad kyi dbye bas mtshon par byed pa ni phun sum tshogs pa dang ldan pa bskyed par bya'o zhes bya ba'i tshig gi lhag ma'o/ /yang na phun sum tshogs pa ni nye bar sgrub par byed pa nyid do de yang nges par bya ba yin te/ 'bras bu yid du 'ong bar bya ba yin pa'i phyir ro/ /tshul khrims kyi 'bras bu bstan pa'i phyir rang gi sems ni yongs su gdul ba zhes bya ba ste/ rang gi sems gdul ba med par ni tshul khrims kyi 'bras bu med par 'gyur ro/ /tshul khrims ni sems zhi ba ma gtogs par gzhan ni ma yin no zhes bstan pa'i phyir ro/ /yang na 'dis ni tshul khrims dag pa'i rgyu bstan te/ sems dul ba sngon du 'gro bas ni tshul khrims rnam par dag par 'gyur ro/ /'di ni sangs rgyas bstan pa yin zhes bya ba ni sngar bstan pa'i gsum po ste/ sangs rgyas thams cad kyang rim pa 'dis ston pa yin te/ gang gi phyir ngan 'gro yongs su spang bar bya ba ste/ de'i thabs sdig pa thams cad mi bya'o/ bde 'gro dang mya ngan las 'das pa blang bar bya ba yin te/ de'i thabs dge ba bya ba dang/ sems gdul ba ste go rims bzhin du spang ba dang blang ba de'i thabs bstan pa'i phyir ro/ /yang na 'dul ba dang mdo sde dang mngon pa'i chos mdor bsdu ba bstan pa'i phyir gsungs pa yin no/ /dge ba phun sum tshogs par bya ba'i thabs kyi rnam pa bstan pa'i phyir sbyin pas zhes bya ba la sogs pa yin no/ /tsun nga zhes bya ba'i mgar ba'i bu lcags mgar zhig gi gdu bu mchan khung bcug pa'i dge slong sdig pa can mthong nas de
- 116b
? bstan pa/ dge sbyor ni rnams pa bzhi ste/ lnga pa ni med do zhes bya ba nas ji srid du sbyin pa zhes bya ba la sogs pa gsungs so/ /sbyin pas zhes bya ba zhing bzang po la zas la sogs pa'i sbyin ba gtang bas sbyin pa'i gang zag gi bsod nams ni ? ? ? zhes bya ba yin te/ legs par spyod pa la sogs par 'gyur zhing rgyun 'phel te/ ji srid 'tsho'i bar du sdom pa dang sdom pa ma yin pa 'phel bar 'gyur ro zhes pa'i don no/ /rtag tu mngon par 'phel ba ni bsod nams yin no zhes mdo las gsungs so/ /'di ltar khyed cag gi phul ba'i bsod snyoms yongs su long spyod pa'i de bzhin gshegs pa mya ngan las 'das pa yin yang khyed kyi bsod nams ni 'phel ba nyid de sdig pa ni ma yin no zhes bstan to/ /sdig pa can gyi dge slong ? ? du byas nas/ legs bsdams dgra sogs mi 'gyur ro zhes bya ba smos te/ tshul khrims kyis ni gang gi dgra yang sogs par mi 'gyur te/ gzhan la gnod pa dang gdung ba mi byed cing dge sbyong du byed pa dang ldan pa'i phyir ro/ /yang na lags bsdams ni bzod pa ste/ bzod pa dka' thub dam pa zhes bstan pa'i phyir ro/ /des na dgra de khon du 'dzin par mi 'gyur ro/ /bdag nyid kyi dbang du byas nas dge ba zhes bya ba smos te/ bcom ldan 'das bsod nams khyad par can dang ldan pas dge ba ste/ de yang sdig pa'i yo byad 'khor ba spong ba'o/ /nyon mongs pa zad kyang mya ngan las 'das par 'gyur te/ gung thun la mya ngan las 'das par ston to/ /yang na snga ma gnyis kyis ni sbyin pa dang tshul khrims las byung ba'i bsod nams bya ba'i dngos po bstan to/ /'dis ni bsgoms pa las byung ba yin te/ tshad med pa'i bsod nams kyi rgyu yin pa dang/ tshad med pa'i bsod nams 'thob pa yin te/ de ltar gyur pa'i phyir sdig pa can gyi 'dod pa'i khams yongs su gtong ba yin no/ /nyon
- 117a
mongs pa zad pas ni khams gsum las 'dod chags dang bral ba'i mya ngan las 'das pa 'thob pa yin no/ /yang mthong ba'i lam mngon du byas pa'i dge ba'o/ /sdig pa ni ngan song gi bdag nyid yin pa'i phyir ro/ srid? pa'i 'bras bu'i legs par spyod pa bstan nam mya ngan las 'das pa'i 'bras bu bstan pa'i phyir/ nyon mongs zad pas mya ngan 'da' zhes bya ba ste thar pa yang nyon mongs pa spangs pas 'thob pa yin no/ /yang na 'dis ni bsgom pa'i lam bstan to/ /gang zag rnam pa bzhi phan yon dang 'bras bu la bzhag pa'i phyir bstan pa ni khyim rnams kyi sbyin pa'o/ /rab tu byung ba rnams kyi ni tshul khrims so/ /so so'i skye bo ni nges par 'bying ba'i cha bzod pa 'thob pa'o/ /slob pa ni nyon mongs pa spong ba'o/ /grogs dang lhan cig ma yin par ni sbyin pa la sogs pa 'di dag bsgrub par mi nus te/ de na de nyid la gzung pa'i phyir mkhas dang 'dre dang zhes bya ba la sogs pa smos so/ /mnyan yod na khyim bdag gcig las bu skyes te de skyes ma thag tu du bar gyur la/ dge slong mthong na ni ngu bar mi byed do/ /de bcom ldan 'das kyi gsan te bka' stsal pa/ de ni srid pa tha ma pa yin te/ skye bo ngan pa dang lhan cig mi dga' zhes bya ba nas tshigs su bcad pa gsum gsungs so/ /lhan cig spyod dang zhes bya ba ni lhan cig gnas pa'o/ /dge ba'i grogs po ni tshangs par spyod pa ril po yin no zhes mdo las gsungs pa'i phyir dang/ dam pa dang gnas par gyur ba ni dam pa dang ldan par 'gyur ro zhes gsungs pa'i phyir ro/ /yon tan rdzogs par yod gyur kyang sdig pa can dang gnas mi bya/ /gcig pu 'dug pa ches rung gi /sdig pa can dang 'grogs mi bya/ zhes pa'i tshig gis so/ /yon tan 'di na mi dang ldan pa'i gang zag dang sgrub pa ni phyis de dang mthun pa'i dpes bstan to/ /gcig pu gnas
- 117b
kyang rung zhes bya ba ni dam pa med na kha cig tu gcig pu gnas par bya ste/ lci thun gyi gtam rgyud kyang 'dir brjod par bya'o/ /gcig tu chos rnam par dag pa'i grogs ma rnyed na yon tan dang 'dres pa dang lhan cig gnas pa la mkhas pas khyad par nyid bskyed par bya'o zhes bstan pa'i phyir smras pa/ 'dre dang byis pa'i skye bo dang zhes bya ba ste/ gang gis phyir byis pa ni nyes par spyod pa la gcig tu sems pa'o/ /'dres pa'i bya ba yod pa'i byis pa ni blo bar ma yin pa'i phyir te/ ji skad du bshad pa sdig pa spyod na brtse med skye bo tha ma yin/ phongs par gyur na'ang brtse bcas blo gros 'bring/ srog bral dam pa'i skye bo spyod mi mdor/ /rgya mtsho'i dus rlabs yol bar mi 'gyur bzhin zhes so/ /'dres pa'i gang zag dang 'brel pas mi yon tan dang skyon gnyis dang ldan par 'gyur ro/ /gang zag ji lta bu dang lhan cig bsten na khyad par thob par 'gyur zhe na/ mkhas dang zhes bya ba ste/ dam pa'i chos bstan pa dang mnyan pa'i don gyi de bzhin nyid rig pa'o/ /mkhas pa zhes bya ba ni rjes su mthun par yang dag par 'bad pas mtshon pa yin te/ 'di ltar mkhas pa ni legs par spyod pas 'byed pa yin no/ /yang na sbyor ba las byung ba dang rigs pas 'thob pa'i shes pa dang ldan pa'i phyir ci rigs pa bzhin no/ /yang na yon tan sogs pas nyes pa spong ba'i thabs shes pa'i phyir ro/ /ji lta bur 'dres pa'i tshul dang lhan cig bsten pa na sdig pa spong ba yon tan len pa yin zhe na/ dad pas zhes bya ba ste/ ji ltar de'o ma 'thung bar byed pa bzhin no/ /de'o ma 'thung ba ni lo ma dang 'dres pa'i chu las 'am len cing chu spong ngo/ /de bzhin du mkhas pa yang sdig pa spong ba yin no/ /khyim bdag gi bu de tsher skyes pa dang rang gi khyim mthong ba las mngon par dga' ba ma skyes te/ shin tu dka' ba chen pos rab tu byung ba las brtsan
- 118a
te bshad pa/ 'jig rten nyes dmigs mthong ba dang zhes bya ba yin te/ 'khor ba'i skyon na ba dang rga ba dang sdig pa sogs pa mthong ba'i phyir ro/ /'dis tshogs kyi lam bstan nas mthong ba'i lam bstan pa'i phyir/ 'gog par 'gyur ba'i chas mthong ba zhes bya ba smos te/ des skyo bar gyur pa'i phyir/ dge ba'i gshes gnyen bsten pa la sogs pa la brten nas/ zag pa med pa'i lam rtogs pa'i phyir te/ /'gog pa ni zag pa med pa'i rnam grangs yin pa'i phyir ro// mthong bas zhes bya ba ni bden pa mthong ba skyes so zhes bya ba tshig gi lhag ma'o/ /de bzhin du de bsgom pa'i lam la ni gnas nas ni/ 'phags pa sdig la dga' mi byed ces bya ba nyon mongs pa'i sa la ni mkhas pa dga' bas ni mi 'jug go / yang na 'phags pa'i bden pa mthong bas ni 'phags pa nyid du 'gyur la/ de ni nyes pa spyod pa la mi dga' ste/ mi byed pa'i sdom pa thob pa'i phyir ro/ /'dis ni bsgoms pa'i lam bstan to/ /sdig pa can dag la mi dga' 'gyur zhes bya ba ni skye bo ngan pa ni gti mug cing rmongs pa'i phyir lam bsgoms pa la mi dga' ste/ thar pas 'jigs pa'i phyir/ yang na legs par spyod pa la mi dga' ba'o/ /de gcig pu dben pa dang bag yod par byas pas ji tsam na dgra bcom par gyur te/ rnam par grol ba'i bde ba so sor myong ba las brtsams nas/ rab tu dben pa'i ro shes pa zhes bya ba smos te/ khyad par du dben pa yin pas rab tu dben pa ste/ de bzhin nyid kyis shes pa zhes bya ba'i don to/ /de'i ro'i khyad par ni phan 'dogs pa nyid du shes pa'i phyir ro/ de'i phyir 'jig rten pa'i shes pa'i mthus ni ngan song las ldog pa yin te/ bzod stobs ngan song yod mi 'gro zhes bya ba'i tshig gis so/ /mthong ba'i lam gyi mthus kyang ji skad du bshad pa/ dge slong 'di'i
- 118b
dmyal ba zad do/ /zhes bya ba la sogs pa'o/ /bsgom pa'i lam ni mthus ni sdug bsngal thams cad las ldog pa yin to/ de dang ldan na khams gsum las 'dod chags dang bral ba thob pa'i phyir ro/ /yang na rab tu dben pa ni lus dang sems dben pas de ni zhi gnas thob pa ste/ mdo las rdo rje lta bu'i ting nge 'dzin ces bya ba bstan pas so/ /gang gi phyir rdo rjes ni brag kyang 'bigs par byed pa yin la/ ting nge 'dzin gyis kyang nyon mongs pa 'jom par byed pa yin pas chos mthun no/ /legs par nyer zhi zhes pa ni kun tu 'khrugs pa nye bar zhi ba na legs par nyer zhi ste zhi gnas so/ /de'i ro shes pa ni de'i ro ste de bzhin nyid shes pa'o/ /ji skad du bshad pa/ bsams gtan med par ni shes rab med la/ shes rab med par ni ting nge 'dzin med pa'i zhes so/ /gang gi tshe de gnyis kyis ro'i khyad par mthong ba de'i tshe'i phan yon bstan pa'i phyir smras pa/ rims nad med cing zhes bya ba smos to/ gtan du gdung ba dang bral ba'i phyir ro/ /nyon mongs pa spangs pas na de thob pa nyid do// sdig med ces bya ba ni nyon mongs pas byas pa'i yang srid pa'i las mi len pa ste/ 'dis ni mthong ba dang bsgom pa'i lam gyis 'bras bu bstan to/ /de ltar khams gsum las 'dod chags dang bral bas gdul bya'i don du dus ji srid gnas pa dang/ ci zhig khyer nas sdod pa yin zhe na/ chos la dga' ba'i ro dag 'thung zhes bya ba ste/ rnam par grol ba'i chos las skyes pa'i dga' ba'i bde ba nyams su myong ba'o/ /yang na mthong ba'i chos la bde bar gnas par gyur pa zhes bya ba'i don to/ /de la 'di ltar spyod pas ni ngan song gi 'jigs pa med do/ /zhes bstan pa'i phyir/ sems kyis zag pa med pa dang/ zhes bya ba la sogs pa smos so/ /yul yangs pa can na dbang po ma dul ba ngan song gis 'jigs
- 119a
pa'i dge slong zhig las brtsams so/ /zag pa ni zag pa dang ldan pa'i sems 'di la yod pa ste/ dbang po'i sgo rnam pa lnga bsdams pa zhes bya ba'i don to/ /ji ltar yang dge slong zag pa dang ldan par 'gyur zhe na/ dbang po'i sgo bsdams pa'o zhes mdo las gsungs te/ yul thams cad la sems kyi zag pa 'byung ba'o/ /de las gzhan zag pa med pa'i sems la ni ngan song gi 'jigs pa med de/ ngan song du 'gro ba de ni dbang po'i sgo ma bsdams pa'i 'bras bu yin pa'i phyir ro/ /dbang po dul ba rnams ni ngan song las grol ba yin no/ /sems kyi 'chid bas ma bcom la zhes bya bas ni gang 'chid bas ma bcom pa ni kun tu 'byar ba'i sems bkag pa ste/ dgag par byas pa'o/ /'chid bas bcom pa ni 'dod pa la sogs par rnam par rtog pa ste/ rnam par rtog pa shas che ba rnams la ni dbang po rnam par rmongs pa 'byung ba'i phyir ro/ /'dod pa la sogs pa'i rnam par rtog pa spangs pa ni nges par 'byung ba la sogs pa la rnam par rtog pa yin pa'i phyir te/ rtog pa ni g.yeng bar brtag pa'o/ /yang na 'chid ba 'am sgrib pa'o/ /dge ba dang sdig pa rab spangs pa zhes bya ba de nyid de/ sdig pa zhes bya ba ni 'dod pa de'i tshig bla dags te/ sdig pa rab tu spangs pa ni 'dod pa las 'dod chags dang bral ba zhes bya ba'i don to/ /dge ba ni 'dir mnyam par gzhag pa'i khams kyi ste/ gzugs dang gzugs med pa las 'dod chags dang bral bas dge ba rab tu spangs pa'o/ /sdig pa spangs pas ni ngan song du 'gro ba'i 'jigs pa med la bsod nams spangs pa'i phyir ni bde 'gror skye ba'i 'jigs pa med do/ /bde 'gror 'gro ba yang rung ba nyid ma yin pa'i phyir ngan 'gro bzhin du spang bar bya'o/ /de las gzhan yang phan pa'i dam pa'i skye bo bsten pa las
- 119b
byung ba yin te/ de bas na khyad par 'dod pas ni tshigs rtsub po smran yang phan pa ston pa'i bla ma'i rjes su 'brang bar bya na/ tshig snyan pas smran lta smos kyang ci dgos zhes bstan pa'i phyir smras pa/ gnas min bzlog dang zhes bya ba la sogs pa smos so bram ze zhig slong bas skyon sa rab tu byung bar gyur pa las/ /gang gis nye bar gnas pa des bya ba ma yin pa dang nyes pa las bzlog cing bskul la 'doms par byed pa las ji tsam na yongs su skyo bar gyur nas yang nyams pa las 'jug par bya ba de'i dbang du mdzad nas 'di gsungs so/ /de thos pas rim gyis dgra bcom pa'i 'bras bu thob po/ /gnas min zlog ces bya ba ni sdig pa las zlog par byed pa ste/ 'dis ni snying rje bstan to/ /legs smra dang zhes bya ba ni gsung rabs sten par byed pa ste/ 'dis ni lung dang rjes su mthun par star pa bstan to/ /nyes dmigs ston par byed pa dang zhes bya ba 'dis ni rigs pa ston par byed pa bstan to/ /lung dang rig pa gnyis kyis gang bsgrubs pa de ni shin tu brtan par 'gyur ba yin no/ /yang na 'phongs pa las bskul ba yin te/ 'di ni dge sbyong ma yin no/ /'dis ni rang bzhin gyi kha na ma tho ba'o/ /'dis ni bcas pa'i kha na ma tho ba spyod pa zhes bya ba yin te/ bslab pa 'di las yongs su 'da' bar ma byed ci ba pa'o/ /yang na nyin dang de'i mtshan du de'i spyod pa la rnam par lta ba'o/ /tshar gcod smra byed pa zhes bya ba ni gus pa dang bsgrims pas gdams shing rjes su ston par byed pa'o/ /'di la smra bar byed pa'i rang tshul yod pa de ni smra byed pa'o/ /gdams par byed pa dang rjes su bstan par byed pa la phyag 'tshal zhing yang dag par spyod pa bstan pa ni 'dir gdams pa dang rjes su bstan pa zhes bya ba'i don to/ /yang na bsdigs pas ston par byed cing gnas pas 'dul bar byed pa'i phyir ro/ /snod
- 120a
kyi khyad par yongs su mi shes pa'i phyir dang/ dus ma yin pa dang rjes su 'thun par byed pa yin no zhes rtog pa la mkhas pa zhes bya ba smos te/ dus dang snod la sogs pa'i khyad par shes pa zhes bya ba'i don to/ /yang na yon tan dang skyon gyi khyad par shes pa'i phyir/ yongs su gzung ba dang ba dang chad pa'i dus la sogs pa yang dag par shes pa'i phyir ro/ /de lta bu ni sems can de lta bu'o/ /rjes su 'brang bar bya ba dang gnas par bya ba'o/ /ci'i phyir zhe na/ de lta bu dag ces bya ba smos te/ skye bo dam pa'o/ /bsten byas na zhes bya ba ni gang zag bsten pas so/ /legs par 'gyur zhes bya ba ni yon tan sogs par 'gyur ba'o/ /sdig mi 'gyur zhes bya ba ni nyes par mi 'gyur pa'o/ /yon tan la bsten pa nyid kyis ni sdig pa sel bar 'gyur gyis dka' thub la sogs pas ni ma yin no zhes bstan pa'i phyir/ nye bar zhi zhing zhes bya ba la sogs pa'o/ ring gangs can na dka' thub mchog tu byed cing sdig pa zad par bya ba'i phyir drang srong rgan po dag dka' thub byed pa gzigs nas bcom ldan 'das kyis bka' stsal pa/ 'dis ni sdig pa zad pa ma yin no zhes nas 'di gsungs so/ /zhi ba zhes bya ba ni sems dben pa'i phyir/ rab tu zhi ba ni lus dben pa'i phyir ro// dal bus smra ba zhes bya ba ni dag legs par bsdams pa yin pa'i phyir ro/ /khengs med pa zhes bya ba ni smra bas khyad par du yid yongs su 'phyar ba med pa'i phyir ro/ /yang na nye bar zhi ba ni yid kyi nyer bar spyod pa spangs pa'i phyir ro// rab zhi zhes bya ba ni lus kyis nye bar spyod pa spangs pas so/ /de'i rtsa ba ni brtan pa yin te/ g.yo ba med pas dge ba yin no zhes bstan pa'i phyir khengs pa med pa'o/ /yang na ting nge 'dzin dang ldan pa'i phyir nye bar zhi ba dang ldan pa'o//
- 120b
sdig pa'i chos rnams sprug byed de zhes bya ba ni mngon par mi 'dod pa'i dngos po sbyor pa 'am/ 'khor ba pa'i nyes par spyod pa spong ba'o/ /'dir dper bstan pa'i phyir/ rlung gi ljon shing lo ma yin zhes bya ba yin te/ dper na shing gi ? ma rlung gi shug drag pos kun tu sbrugs pa bzhin du'o/ /sdig pa thams cad dang bral ba'i gang zag la ni gang skyon brjod pa de dang de bdag nyid la mi 'dod pa'i 'bras bur 'gyur ro/ /zhes bstan pa'i phyir gang zhig skyes bu zhes bya ba la sogs pa smos so/ /ba ra d+ha dza dmod pa bas bcom ldan 'das la mngon sum du sdig pa can gyi tshig gis bshe ste/ snyim pa gang gis sa bcom ldan 'das la gtor ba dang/ rdzi phyogs kyi rlung gis de nyid la babs te/ des na 'ang gsungs so/ /gzham dag ni ko ka zhes bya ba'i rngon pa las brtsams so zhes zer ro/ /gang zhig ces bya ba ni khyim 'am rab tu byung ba gang dag go /rab tu sdad med mi zhes bya ba ni zhe sdang gis ma nyams pa'i yid yong pa ste sems can la byams pa'i sems yod pa'o/ /khro byed pa zhes bya ba ni zhe sdang gis gnod pa zhes pa la 'jug pa'o/ /dag pa ni gtsang sbra dang ldan pa'i phyir ro/ /dge ba yang rnam pa thams cad du legs par spong pa ste/ de yang lus la sogs pa legs par spyod pa gsum dang ldan pa'i phyir ro/ /skyes bu ni lam bsgoms pas brgyud bskyed pa'o/ /lam gyi 'bras bu bstan pa'i phyir ro/ /nyon mongs med ces bya ba ste/ nyon mongs pa dang bral ba'o/ /yang na ang ga zhes bya ba ni dgos pa dang lam dang lam gyis tshogs te/ de gang du nyams pa yod pa de ni yan lag ste/ 'dod chags la sogs pa'o/ /gang la yan lag de med pa de ni yan lag med pa'o/ /yang na khyim du 'jug pa'i 'khor sa ni 'jig rten na rab tu grags pa ste/ 'gro ba lnga'i khyim du 'jug
- 121a
pa'i ngan song yang nyon mongs pa yin te nyon mongs pa'i rnam grangs ni ang gan zhes bya ba'i sgra yin pa'i phyir ro/ /phyir zhes bya ba na? ma? 'ong ba'o/ /sdig pa ni tshig ngan pa la sogs pa'i tshul gyis nyes par spyod pa ste/ mi sdug pa'i 'bras bu yin pa'i phyir ro/ /gang gi phyir zhing khyad par can la gnod pa chen po byed pas 'di bstan pa yin no/ /sdig pa zhes bya ba bstan pa la byis/ de las zhes bya ba yin te/ tshig ngan pa smra bar byed pa'o/ /chos mthun pa'i dpe bstan pa'i phyir/ rdul rnams zhes bya ba smos te/ sems can du ma'i rkang pas gcer zhing phye mar byas pa'i shin tu phra ba'i rdul rnams so/ /rdzi phyogs zhes bya ba ni ? mngon du phyogs pa'o/ /gtor ba bzhin zhes bya ba ni gtor bar byed pa nyid la slar 'bab pa de bzhin du'o ci'i phyir byed pa po nyid la sdig pa 'go bar 'gyur zhe na/ smras pa/ 'di ltar dge ba byed pa zhes bya ba la sogs pa smos te 'dir ni chos nyid kyi rigs pa bstan pa yin no/ /tshe dang ldan pa kun dga' bo dang lhas byin gnyis shAkya'i rigs las byung ngo/ /de las bdag nyid chen po kun dga' bo ni chos 'dzin cing bcom ldan 'das kyi nye gnas su gyur to/ /bdag nyid chen po lhas? byin ni sdig pa byas pas mnar med par skyes te/ de'i lus la shar phyogs nas mnga' bo che stong phrag brgyad cu dang/ mtshon byin Di ba la stong phrag brgyad cu dang/ tho ba stong phrag brgyad cu dang/ mnga' stong phrag brgyad cu de'i lus la 'bab cing 'od ste/ de bzhin du phyogs gzhan dag nas kyang 'bab par gyur te/ de nas tshigs su bcad pa gsum po 'di gsungs so/ /gang dang gang zhes bzlas pa ni dge ba'am sdig pa las rab tu sgrub pa ste/ 'og nas 'byung ba ma yin par rtogs pa'o/ /yang na legs par spyod pa'o/ /mi yis byas pa zhes bya ba ni byed pa ste/ de rang gis myong bar 'gyur zhes bya ba rang gi
- 121b
rgyud? la ?? mi 'dod pa'i 'bras bu sbyin la mthong zhing nyams su myong ba zhes bya ba'i don to/ /gang gi tshe ji ltar zhe na/ dge ba byed pas dge ba dang zhes bya ba la legs par spyad pa spyod pas ni yid du 'ong ba'i 'bras bu mthong bar 'gyur ro/ /sdig pa byed pas ni mi 'dod pa'i 'bras bu myong bar 'gyur ba'o/ /gzhan gyis byis? pa'i dge ba dang sdig pas ni bdag la dge ba dang sdig par mi 'gyur ro zhes bstan pa'i phyir smras pa/ bdag gis sdig pa zhes bya ba la sogs pa'o/ /gzhan dag ni cu? bag la zhes bya ba'i dge bsnyen gzhan gyi bud med la rab tu chags pa las chad pa byas pa dang/ de'i grogs po shin tu bslab pa 'dod cing bsngags pa zhig las brtsams so zhes zer ro/ /bdag nyid kyis byas shing bsags pa'i nyes par spyod pa byas par gyur pa 'am de'i phyir ro/ /de bdag kho na kun nas nyon mongs pa zhes bya ba ni sdig pa'i 'bras bu gdung bar byed pa bdag gis nyams su myong bar gyur ba ste/ 'di ltar 'jig rten la ni rang gi las kyi 'bras bu nyams su myong ngo zhes bya ba'i rigs pa'i tshig gis so/ /bdag gi sdig pa ma byas na zhes bya ba ni gang yang bdag nyid kyis ran par spyod pa ma byas par gyur pa'o/ /de ltar gyur na de'i phyir bdag nyid kho na rnam par dag ces bya ba smos te/ rab tu dag par byed cing bdag nyid dri ma med pa skyed do/ /bdag nyid kyis byas pa thams cad ni rjes su myong ba yin gyis/ 'jig rten ni gzhan gyis byas pa yin no zhes bya ba de nyid bsal bar bya ba'i phyir smras pa/ gzhan gyis gzhan spyod zhes ba? bya ba la sogs pa ste/ gzhan dag ni rgyun du zhugs pa zhig gi grogs po dge bsnyen zhig gis gser brkus te chad pa byas pa las brtsams so/ /zhes so/ /dag pa dag dang ma dag pa ni dri ma dang bcas dang dri ma med pa zhes bya ba'i don to//
- 122a
rang rang byed ces bya ba ni bdag nyid dang 'brel pa dang/ bdag nyid kyis byas pa'o zhes bya ba'i bar du'o/ /bdag nyid kyis byas pa'i ngan par spyod pas ni kun nas nyon mongs par 'gyur la legs par spyod pas ni rnam par dag par 'gyur ro/ /de lta bu ci'i phyir zhe na/ 'di ltar gzhan gyis gzhan spyod mi byed kyi zhes bya ba smos te/ gang gis phyir gzhan gyis ni dri ma med par byed pa 'am spyod par mi byed pa ste/ chos rnams ni 'pho ba med pa'i phyir ro/ /gang gzhan gyis gzhan spyod par byed mi nus na ci dri ma can duAng mi nus sam zhe na/ bdag nyid kyi ni sdig pa dag ces bya ba 'di lta rang gi rgyud kyis sdig pa byas pa ni bdag nyid kyis sdig pa byas pa ste rang gis bsags pa'o/ /bsams bzhin du byas pa la sogs pas ni nye bar bsags pa'i mtshan nyid du gnas pa yin no/ /mngon du 'joms par byed ces bya ba ni mngon du 'jig pa dang/ zad pa dang/ gdung bar byed pa'o/ /bsam brlag ces bya ba ni blo ngan pa ste glen pa'o/ /ji lta bu zhe na rdo rjes nor bu 'bigs pa bzhin zhes bya ba la/ dper na rdo rje ni rdo'i rang bzhin dang rdo las byung ba yin par nor bu mkhan gyi rdo'i rang bzhin de nyid nor bu la 'bigs pa dang 'joms pa dang phye mar byed pa bzhin du bdag nyid sdig pa 'joms so/ /des na de nyid kyi phyir sdig pa spang bar bya'o/ /zhes bstan te/ mig ldan zhes bya ba la sogs pa 'di dag go /yang dag par rdzogs pa'i sangs rgyas gtsug tor can gyi nyan thos ni phal cher bde 'gro 'dod pa'i phyir tshangs par spyad pa spyod de/ de'i gnyen por dang por gsungs pa 'dir yang gsungs so/ /gzhan dag ni dge slong rab tu mang po bcom ldan 'das kyi thad du lhags te/ btsun pa bdag cag gis ci zhig yongs su spang bar bgyi zhes zhus pa dang/ /de las brtsams so zhes gzhan
- 122b
dag zer ro/ /mig ldan zhes bya ba ni gang la mig nyams pa med pa yod pa'o/ /nyam nga zhes bya ba ni bdag nyid kyi phongs pa'i dngos po'o/ /de la ni sgron ma la sogs pas mthong ba yongs su gsal byed de/ mig dang ldan yang snang ba med na ji ltar nyam nga ba dag spang bar nus/ des na lam du 'gro bar byed pa yin te/ snang ba la sogs pa yod par byas pa'i rgyud 'du 'phrod yod par gyur na zhes pa'i don to/ /dper na mig dang ldan pas g.yang sa dang cher ma la sogs pa nyam nga ba'i gnod pa mthong ba yin no/ /dpe bstan nas dpe can bstan pa mkhas pa zhes bya ba ni blo dang ldan pa'o/ /'tsho ba'i 'jig rten ni mi'i skye ba pa ste/ lha rnams ni rgyags pa'i skyon dang/ ngan song dag tu sdug bsngal gyis skyon 'di'i sems med par gyur pa'i phyir ro/ /ji lta bu zhe na 'dir zhes bya ba smos te/ sangs rgyas 'byung ba dang/ yang dag pa'i lta ba dang dbang po ma tshang ba med pa la sogs pa'i yon tan gyis brgyan pa zhes bya ba'i don to/ /dper na mig dang ldan pas g.yang sa dang tsher ma la sogs pa gnod par byed pa mthong ba yin te/ de ltar yang ba mthong ba'i lam de yongs su spong ba yin no/ /de bzhin du mkhas pas kyang sangs rgyas 'byung ba la sogs pas brgyan pa'i phyir skyes pa ni sdig pa ste ngan song gi 'bras bur 'gyur ba'o/ /yongs su slang ba ni yongs su dor ba'o/ /sdig pa can dang 'grogs pa ni spang bar bya'o zhes bstan pa ni/ nor can gyis ni zhes bya ba la sogs pa smos so/ /lam rgugs pa'i tshoms kun pa dag las brtsams te/ rigs kyi bu sdig pa yongs su spang bar gyis shig 'di lta ste/ tshong pas 'jigs bcas lam spong ngo zhes bya ba la sogs pa gsungs so/ /gzhan dag ni lhas zhus pa las gsungs pa'i tshigs su bcad pa yin no
- 123a
zhes zer ro/ /tshong pa 'am mkhas pa dag 'di ltar yongs su 'dor ba yin te/ dper na tshong pa ni seng ge dang rkun ma la sogs pas bsten pa dang/ 'jig pa dang bcas pa'i lam spong ngo/ /dper na nor dpag tu med pa yod? pa'i gang zag ni grogs po nyung ba 'am 'khor nyung ba yongs su spong bar byed de/ 'di ltar nyung bas ni nor gyi phung po chen po bskyed bar mi nus so/ /dper na 'tsho ba 'dod pas ni dug dang dbyig dug la sogs pa spong bar byed do/ /de bzhin du mtha? res? dang thar pa 'dod pas kyang sdig pa can spang ngo/ /dpe rnam pa gsum gyis ni ldog pa bstan pa'i phyir ram/ byang chub rnam pa gsum gyi bgegs spong ba'i phyir ro/ /yang ngan song dang mi dang lha rnams kyis 'bras bu las dang spang ba bstan pa'i phyir ro/ /ma byas pa ni sdig pa yin no zhes bstan pa'i phyir/ gal te lag mthil zhes bya ba la sogs pa smos so/ /rgyal po'i khab na ka ku Ta mi tra zhes bya ba zhig yod de/ de shin tu rgas par gyur nas sdig pa las log pa de las brtsams so/ /gal te med na zhes bya ba ni gal te med par gyur na'o/ /lag mthil rma zhes bya ba ni lag pa'i mthil du smas pa'o/ /lag pas dug ni gzung byas kyang zhes bya ba ni gang lag pas 'das? na ba dang/ shing gi dang/ hal hal sogs pa'i dug 'jigs pa med par glangs kyang gnod par mi 'gyur ro/ /ci'i phyir zhe na/ 'di ltar rma med dug ni mi 'dzin? pa zhes bya bas bstan te/ rma med na ni 'jug cing 'byung bar mi 'gyur te/ smas pa'i sdig pa la brten na ni khyab par 'gyur ro/ /de bzhin du ma byas pa la sdig pa med ces bya ba yin te/ gang gis sdig pa ma byas la sdig pa med do/ /byis pa la ni sdig pa nyid bya bar sla ba yin te/ thur bus? bzhin no zhes bstan pa'i phyir bdag la mi phan zhes bya ba la sogs pa smos so/ /ul? bai bUrya? ni
- 123b
slu bar byed pa zhes bya dang/ /dge ba zhes bya ba'i tshong dpon gnyis bcom ldan 'das kyi thad du lhags te/ btsun pa ci zhig ni bya sla bar 'gyur/ ci zhig ni bya dka' bar 'gyur zhes zhus pa las de la tshigs su bcad pa gnyis gsungs so/ /bde zhing nyon mongs pa med pas bya ba yin pas bya bar sla ba ste/ ri la sogs pa las 'bab pa bzhin du bsgrub par sla ba'o/ /legs pa ma yin zhes bya ba ni ngan par spyod pa dang gzhan la gnod par byed pa'i bdag nyid do/ /bdag la mi phan bya ba dang zhes bya ba ni bdag la gnod pa lhag pa'i bsam pa nyams par byed pa la sogs pa ste/ 'di ni dge ba'i bya ba 'am 'phags pa'i lam gyi gegs su gyur pa'o/ /phan 'gyur zhing zhes bya ba yang bdag nyid la phan pa ste bag yod pa la sogs pa'o/ /bdir 'gyur zhes bya ba ni rjes su mthun pa ste/ gzhan dag la sbyin pa la sogs pa legs par spyod pa'o/ /de zhes bya ba ni de nyid do/ /mchog tu bya bar dka' zhes bya ba ni shin tu bsgrub par dka' ba ste ri mdzeg pa bzhin no/ / gang gis sla ba dang gang gis dka' ba nyid bstan pa dam pas legs par bya sla'i zhes bya ba ste/ legs par spyod pa sla ba ni skyes bu dam pa rnams sdod pa med par legs par spyod pa la mos shing de la gos pa'i phyir ro/ /dam pas sdig pa bya bar dka' zhes bya ba ni legs par spyod pa la skyes bu dam pa ma yin pas bsgrub par dka' ba yin te/ de las bzlog pa yin pa'i phyir ro/ /ngan pas sdig pa bya bar sla zhes bya ba la sogs pa'i don ni gsal lo/ /gang gis sdig pa bya bar sla ba'i rgyu bsten pa'i phyir/ ji srid sdig pa zhes bya ba la sogs pa smos so/ /khyim bdag mgon med zas sbyin gyis bcom ldan 'das la gsol pa/ btsun pa ci'i slad du sdig pa byed pa la mngon par dga' zhing sdig
- 124a
pa'i las bgyid pa lags zhes zhu pa dang/ ji tsam na tshigs su bcad pa bzhi gsungs so/ /byis pa mngar ba sems zhes bya ba ni yid du 'ong bar lta ba'o/ /byis pa ni blun pa ste de ci'i phyir de ltar lta zhe na/ de'i dus la reg pa'i rgyur gyur pas so/ /ji tsam gyi bar du zhe na/ smras pa/ ji srid sdig pa ma smin pa zhes bya ba ste/ ngan par spyod pa byas shing bsags par gyur kyang dus ji srid rnam par smin pa 'byung bar ma gyur pa ste mthong ba'i chos sam 'jig rten pha rol du'o/ /gang tshe sdig pa smin gyur pa zhes bya ba ni gang gi tshe yang sdig pa smin cing 'byung ba ste/ de tshe zhes bya ba de'i dus na byis pa de tshor bar sems pa ni kha ba dang yid du mi 'ong bar rtogs te nyam thag pa'i nga ro 'byin cing da ni bdag nyams shig zhig go zhes nyam thag pa'i nga ro 'byin to/ /rmongs pa nyi tshar yang ma zad de sdig pa yang gsags pa yin no zhes bstan pa'i phyir/ de srid sdig la rung bar lta zhes bya ba smos te/ rgyun du sdig pa'i chos dang ldan pas sdig pa med pa zhes bya ba'i don to/ /yang gi sgra ni dge ba lta smos kyang ci dgos zhes bstan to/ /lta ba ni mthong ba'o/ /de yang sngon gyis legs par spyad pa'i mthus byung ba'i bad ba nyams su myong ba'i ste/ rung ba zhes bya ba ni yid la bsam pa grub pa'i tshul te 'dod pa'i 'bras bu nyams su myong ba'o/ /gang nas ji srid du mthong zhe na ?ji srid sdig pa ma smin pa zhes bya ba la sogs pa ste shes par sla'o/ /de srid sdig pa bzang por mthong zhes bya ba de las skyes pa mi 'dod pa'i 'bras bu ste/ bzang po ni yon tan brgya stong bsags pa'i bdag nyid kyis skyes bu dam pa yin yang sngon gyi dus su ngan par spyod pa bsags pa'i mthu las skyes pa'i sdug bsngal ba chen po myong bar mngon par mi 'dod pa ma yin
- 124b
par mthong ngo/ /gang nas ji srid kyi bar du zhe na/ ji srid bzang po ma smin pa zhes bya ba yin te/ dus ji srid kyi bar du byas shing bsags pa ste/ da ltar gyi dge ba'i las kyi rnam par smin pa rjes su smin pa srid du'o/ /bzang po zhes bya ba ni bde ba ste lha? de? zhes bya ba dge ba dang bde ba zhes zer bas so/ /sdig pa la mchog tu byed pa ni bde ba 'dod pas goms par mi bya'o zhes bstan pa'i phyir/ sdig pa sdug bsngal zhes bya ba la sogs pa smos so/ /legs pa zhes bya ba ni rgan po sdig pa las ldog pa med pa'i dbang du mdzad de 'di gsungs so/ /ji ltar yang brgya la mi dge ba'i gshes gnyen la brten pas sdig pa'i las cung zad ma byas nas so/ /des na 'di ni gzhon pa nas goms pa yin pas 'di bdag gis bya'o zhes log pa'i rnam par rtog pa las skyes pa'i blo de yang dang yang du mi bya'o zhes bya ba yin no/ /gzhon pa nas lan cig ma yin par byas kyang lan du mar yang mi bya'o/ /de la dga' bar mi bya'o zhes bya ba ni de la mngon par dga' ba dang 'dod pa skyed par mi bya'o/ /'dis sbyor ba rgud par bstan nas/ bsam pa nyams pa bstan pa/ ji skad du gang zhig dri ma med nyid ni/ sems rab tu dad bar gyur pa'o/ gang zhig dri ma med par gyur kyang ni/ /sems ni ma dad? gyur pa dri ma'o/ zhes so/ /ci'i phyir zhe na/ 'di ltar sdug bsngal zhes bya ba ste/ sdig pa bsags pa ni ma 'dod pa'i 'bras bu yin pa'i phyir ro/ /sdig pa bsags pa zhes bya ba ni sdig pa'i chos tshogs blangs shing kun tu spyad pas zhes bya ba'i don to/ /mkhas pas ni bsod nams la mchog tu bya'o zhes bstan pa'i phyir/ bsod nams zhes bya ba la sogs pa yin no/ /lha'i rgyal po zhes bya ba'i bu mo ji srid 'tsho'i bar du bsod nams shin
- 125a
tu mang po bsags pa las brtsams pa yin te/ gal te mkhas pa dge ba'i bshes gnyen la brten pa'i dbang gis bsod nams shin tu mang po sngar byas par gyur kyang 'di ltar bsam par mi bya ste/ bdag gis bsod nams mang po byas pas chog ste/ yang dang yang du ji zhig bya zhes pa'o/ /de yang bsod nams de nyid la lan du mar bya zhig chog par mi bya'o/ /lhag ma ni sla'o/ /bsod nams dang sdig pa'i phan yon dang nyes dmigs bstan pas bskul ba dang bzlog pa'i phyir ro/ /sdig la yid ni zhes bya ba la sogs pa smos so/ /bram ze gtsug phud ras gcig pa zhes bya ba bskal pa dgu bcu rtsa gcig gi bar du sbyin pa'i sems ma skyes pa de'i dbang du mdzad nas 'di gsungs so/ /mngon par smyar te bya zhes bya ba ni mngon par khyab pa ste gus pa dang rtag tu sbyor ba gnyis kyis myur du 'jug pa'o/ /bsod nams ni sbyin pa la sogs pa'i bsod nams bya ba'i dngos po dri ma med pa'i phyir dang yid la bsam pa rdzogs pa'i rgyu yin pa'i phyir ro/ /sdig pa las ni sems ldog cing zhes bya ba ni ngan par spyod pa'i bdag nyid las ldog pas te gdung bar byed pa'i phyir ro/ /gang las zhe na/ bsod nams dal bus byed na ni zhes bya ba ste/ lhod pa dang mi brtson pa dang/ yun ring du sdod pa dang skabs dang bcas pa legs par spyod pa byed pa'i gang zag go /sdig la yid ni mngon dga' ba zhes bya ba ni sdig pa dang ngan par spyod pa la mngon par dga' ba ni lhag par chags pa ste/ mngon par dga' zhing de la 'jug pa so so'i skye bo'i tshogs so/ /dper na khyim gyi sgom bkag cing dad par gzhag na ni khyil sogs pa dogs pa med par 'jug par byed do/ /de bzhin du dge ba'i rtsa ba la mngon par brtson pa med par gyur na ni sdig pa'i bya ba la ma dul ba'i
- 125b
sems 'jug par 'gyur ro/ /ji ltar goms pa bzhin du 'jug par 'gyur te/ ji skad du bshad pa/ dang po brtse bcas sems kyis cung zad dge ba byed/ /gnyis par dogs bcas rtogs cing sdig pa byed par 'gyur/ /gsum pa dogs med 'jig bral ci 'dod sdig byed de/ /des na sdig goms rtag tu mi dge dag la dga' zhes bya ba'o/ /'di ltar yang gzhan du brjod par bya ste/ bsod nams mngon par smyar te bya/ /chos pas yin las sems bzlog bya/ /sdig pa dal las byed 'gyur te/ /dge ba la ni yid mngon dga' zhes so/ /bsod nams mngon par smyar te bya zhes bstan pa la/ /khyad par med par bstan nas/ cung zad tsam gyis kyang 'byor ba dang sdug bsngal chen po thob par 'gyur ro zhes bstan pa'i phyir/ sdig ba chung ngu zhes bya ba la sogs pa smos te/ de nas yul tsam pa na gnas pa'i tshong dpon rgan po zhig bcom ldan 'das kyis thad du ltags? te/ ci bcun pa 'jig rten pha rol tu sdig pa sdug bsngal 'thob bam bde ba 'thob ces gsol ba dang/ tshigs su bcad pa gnyis gsungs so/ /'jig rten pha rol zhes bya ba 'dir yang gi sgra ni phyis par lta bar bya ste/ skye ba 'di las yang ngo/ /de'i tshe 'bras bu yongs su ma rdzogs pa ster ba'i phyir ro/ /chu ngus kyang zhes bya ba la kyang gi sgra ni sdig pa chen po lta smos kyang ci dgos zhes bstan pa'o/ /bya ba cung zad tsam byas na yang sdug bsngal 'dran zhes bya ba smos te/ 'dis sdug bsngal gyi 'bras bu mngon par mi 'dod pa'i dngos po 'dren pa'i phyir ro/ /gang gi zhe na/ sdig pa byas bas zhes pa ste nye bar bsags pa'o/ /'dir dper bstan pa/ phung khrol chen po byed 'gyur te/ /khod par sod pa'i dug bzhin no/ /zhes bya ba ni skyes bu'i ltor chud pa'i dug gis ni tshe zhing drag po'i gnod pa
- 126a
byed pa'i phyir te/ yid du 'ong ba'i srog gcod par 'gyur ba de bzhin du'o/ /bsod nams chung ngu byas bas kyang zhes bya ba ni gang yang dge ba cung zad byas kyang des ni 'jig rten pha rol tu bde ba 'dren zhes bya ba yin te/ skye ba 'dir ma zad de skye ba gzhan du yang zhes bya ba yang gis sgra mi mngon par byas pa yin no/ /don chen dag kyang byed 'gyur te/ /de ltar 'bru rnams zhes bya ba ste 'bru rnams zhes bya ba ni 'bras sa lu la sogs pa phun sum tshogs pas mug la sogs pa'i skyon sel bar byed cing 'jig rten la phan 'dogs pa chen po byed de/ 'tsho ba'i yo byad phun sum tshogs par 'gyur ba de bzhin no/ /sdig pas ni mthong ba'i chos nyid la gcig tu phung khrol chen po byed pa yin no zhes bstan pa'i phyir/ gang zhig nyes med ces bya ba la sogs pa smos so/ /'phags pa maung+gal gyi bu chen po dbyig pa'i rtse mos lus 'dam bu bzhin du bcing ba las de'i rgyus de sbrugs pa la sogs pa'i gnod pa chen por gyur te/ de las tshigs su bcad pa bzhi po 'di gsungs so/ /gzhan dag ni shing kha na di na zhes bya bas rang gi pha bsad pa las/ bdag nyid kyi btsun mo'i 'khor gyi nang du bye mi 'chad pa bab pas khengs pa dang/ de las shin tu mi bde ba dang/ dmyal ba la sogs pa nyon mongs pa thob pa las de'i dbang du mdzad do zhes zer ro/ /chad pas gcod ces bya ba ni gzhan la 'tsho ba dang/ gnod pa byed pa ste/ gang zhig rab? sdang ba zhes bya ba dang sbyar ro/ /gang zhig ces bya ba ni gang dag go /gang la sdod pa yin zhe na/ nyes med ces bya ba 'di lta ste gang la nyes pa med pa de ni skyon med pa ste/ de'i lus zag pa zad pa'i bdag nyid la dbyigs pa la sogs pas brdeg pa'o/ /sbyor ba phun sum tshogs pa bstan pa'i phyir smras pa/ sdad
- 126b
ba min la zhes bya ba smos te/ gzhan thams cad la phan 'dogs pa'i bsam pas rgyud la snying rje dang ldan pa'i phyir dang/ sdang ba'am khong khro bas rgyud ma zad pa ni sdang ba ma yin no/ /yang khong khro la sogs pa'i nyon mongs pa'i gnyen po byams pa dang/ snying rje la sogs pa'i khyad par rgyud la gnas pa'o/ /de la rab tu sdang ba ni zhe sdang bskyed pa ste nyes pa med pa la sogs gnod pa byed par 'jug pa ste/ shAkya rnams la 'phags skyes po bzhin no/ /sdig pa'i bdag nyid can de ni gdon mi za bar/ gnas gzhan gang yang rung ba bcu/ /myur du 'thob pa kho nar 'gyur zhes bya ba ste/ dmigs kyis dbye ba bdun pa mngon par mi 'dod pa'i gnas rnam pa bcu po'i nang nas gang yang rung ba myur du 'thob pa'i phyir ro/ /sdug bsngal des 'dug pa'o zhes byas nas te/ gnas las nyams pa zhes bya ba'i don to/ /gnas yang dag par bstan pa'i phyir/ tshang ba mi zad pa dag gam zhes bya ba la sogs pa smos te/ glad ba na ba la sogs pa lus kyi phyogs pa lus kyi phyogs gcig la khyab pa'i tshor ba'o/ /lhas byin gyis bcom ldan 'das la rdo 'phangs ma thag tu glad pa'i nad kyis btab pa 'dir brjod par bya'o/ /yang na zhes bya ba ni lam gyi sgra'i don no/ /lus ni 'dral ba zhes bya ba ni lus kyi yan lag ste/ lag pa dang rkang pa la sogs pa bcad pas de shi ba ste/ 'dir bzod pa smra ba la sogs pa'i skyes pa'i rabs brjod par bya'o/ /gnod pa'i tshor ba lci ba'ang rung zhes bya ba ni yun ring por lus thams cad la khyab cing mi bzod pa'o/ /bzhogs gcig skams pa dang/ lag pa dang rkang pa la sogs pa chad pa ste/ mdze dang mtshan par rdol ba la sogs pa'i nad de 'dir spre'u'i skyes pa'i rabs la sogs pa brjod par bya'o/ /gzhan dag tu tsha ba zhes brjod de yang dag par gdung bar byed
- 127a
pa zhes bya ba'i don to/ /yang na sems khrugs 'thob par 'gyur zhes bya ba ni 'byung po la sogs pas sems rmongs par byas shing spyos pa la sogs pa 'thob pa ste bum pa bzhin no/ /gnyen 'dun rnams dang bral ba 'am zhes bya ba ni pha dang ma la sogs pa dang 'bral ba 'am zhig pa ste/ gtsug gtor can bzhin no/ /longs spyod zad par 'gyur ba 'am zhes bya ba ni 'dod pa'i yon tan nam shes pa la sogs pa dang/ blo bur du nyams shing 'bral ba'i phyir rdo chan la chu'i thigs pa bzhin te dred kyi skyes pa'i rabs bzhin no/ /rgyal po'i gnod pa 'byung ba 'am zhes bya ba ni sa bdag las grags nyams pa dang/ gnas las nyams pa dang/ zad chad pa la sogs pa shin tu gnod pa chen po thob par gyur pa ste/ ji ltar rgyal po la 'khu ba lta bu'o/ /mi snyan shin tu mi bzang ngam zhes bya ba ni tshig ngan pa shin tu mi bzad pa 'thob pa ste/ ngan par spyod pa chen po byas pas tshig ngan pas brjod pa/ aM gang zhes bya ba'i tshong dpon gyi bu bzhin no/ /yang na khyim ni mi chen pas/ /nges par sreg par byed 'gyur te/ zhes bya ba ni yang na 'di'i khyim dag tu bzlog par mi nus pa'i thog babs te thal ba nyid du byed do/ /ser ba rdo rje la 'dir sreg par byed pa zhes dgongs te dngos por 'jig par byed pa'i phyir ro// rdo rje ser bas rgyal po'i bu 'khor dang bcas pa bcom pa yang 'dir brjod par bya'o/ /su zhig de ltar 'gyur zhe na/ gang de la 'gyod pa dang 'chos pa la sogs pa mi byed pa nyid de ltar 'gyur ba yin no/ /zhes bstan pa'i phyir shes rab 'chal pa'i byis pa zhes bya ba'o/ /lus zhig nas zhes bya ba ni ris mthun spangs shing 'chi ba'i dus byas nas skabs bcu pa 'thob pa yin te de nyid bstan pa'i phyir/ ngan 'gro 'gro bar 'gyur zhes bya ba ngan song du 'gro bar 'gyur te ko ka li ka
- 127b
bzhin no/ /mthong ba'i chos kyis nyes dmigs ni sngar bstan pa'i phyir 'dis ni 'jig rten pha rol gyi nyes dmigs bstan to/ /des na de'i phyir sdig pa la yid brtan par mi bya'o zhes bstan pa ni/ sdig pa byas pas zhes bya ba la sogs pa yin te/ mnyan yod na tshong dpon gyi bu ne'u ldangs gnyis shig yod do/ /gcig ni dkon mchog gsum la dad pa ste sangs rgyas dang chos dang dge 'dun la dge ba'i rtsa ba dpag tu med pa skyed par byed do/ /gnyis pa ni dad pa med cing ser sna can zhig ste/ ji tsam na de gnyis ka shi bar gyur nas/ snga ma ni dga' ldan du skyes so/ /gnyis pa ni dmyal ba du 'bod du skyes so/ /de gnyis kyi nye du rnams bcom ldan 'das kyi thad du song ste/ de gnyis gang du skyes zhes bya ba la sogs pa zhus pa las de nas tshigs su bcad pa bcu gsum gsungs so/ /sdig pa zhes bya ba ni ngan par spyod pa nyid do/ /byas pa ni kun tu skyed pa'o/ /bag dbab mi bya zhes bya ba ni yid brtan pa dang/ 'jig pa med pa dang/ bag yangs dang/ dogs pa med par mi bya ba'o gzhan dag ni yid ston pa bya bar brjod de/ bdag ni sdug bsngal las thar te bde bar 'thob bo zhes kun tu sems pa ni yid ston pa ste/ tshim pa'i bye brag de la dmigs pa'o/ /dgra 'di rtsa ba dang bcas par bdag gis phyung ngo zhes bag dbab par mi bya'o/ /srog gcod pa la sogs pa ni gcig tu mi 'dod pa'i 'bras bu yin pa'i phyir sdig pa'i bya ba'i ched du bag dbab pa 'am yid brtan par mi bya ste/ 'di ni rgyu mtshan gyis bdun pa yin no/ /spyir bstan nas ring por byas pa la sogs pa ni ma yin no zhe na bstan pa/ ring byas rgyang? mar byas kyang zhes bya ba ste/ sa bon de dus du mas chod pas dran pa ma yin du zin kyang sa bon 'jig cing med par mi 'gyur la sdig pa'i 'bras bu de bzhin no/ /de ni yun thag ring
- 128a
por byas pa'i me bzhin du gnod pa byed pa ma yin no zhe na/ 'dir bstan pa rgyang bar byas kyang zhes bya ba smas te/ ring du byas pa dang rgyang mar byas pa bsdu bar byas te/ ring du byas pa dang rgyang mar byas kyang sdig pa'i 'bras bu mi sdug pa ma yin no/ zhes ra ba'i bsam pa de mi bya ste/ ji skad du las rnams chud zar mi 'gyur te zhes bya ba la sogs pa dang/ de bzhin du las ni ring nas 'dren byed de zhes bya ba la sogs pa'o/ /dben par byas kyang zhes bya ba ni skye bo dang lhan cig 'dug pa'i phyogs dang bral ba ni dben pa ste/ der byas pa nyid kyang yin na snang ba lta smos kyang ci dgos zhes bya ba ni yang gi sgra'o/ /dug za ba dang me la reg pa ni thams cad du yang bye brag med pa'i phyir ro/ /bya ba'i dus kho nar bag dbab par bya ba ma yin par ma zad de/ 'bras bu'i dus na yang yin no zhes bstan pa'i phyir/ de'i rnam smin yod pas zhes bya ba la sogs pa smos te/ 'jig rten 'dir ni 'phya ba la sogs pa'i nyes pa'i rgyur gyur pa dang/ pha rol tu ni ngan song gi rgyur gyur pa'i phyir ro/ /mi 'dra bar smin pa yin pas rnam par smin pa ste/ yid du mi 'ong ba 'bras bu zhes bya ba'i don to/ /gzhan du 'dod pa'i 'bras bu yang yod de zhes rtog pa la de ma yin te/ ga las zhe na/ lung las dge slong dag gang la bsams bzhin du las byas shing bsags pas ni rnam par smin pa so sor myong bar mi 'gyur ro zhes nga mi smra ste/ sdig pa'i las kyi dmyal ba'o zhes bya ba la sogs pa'i tshig gis so/ /mthong ba'i chos nyid la yang mi 'dod pa'i 'bras bu snang ste/ des na yang 'di ltar gnas pa yin no/ /de bas na dang po 'di la 'dod pa'i 'bras bu ni med de de spyad par mi bya'o zhes bstan to/ /bsod nams byas pas zhes bya ba la sogs pa smos pa la/ bsod nams byas pas de'i phyir kun tu yid brten par bya ste/ ji skad du khyed cag
- 128b
bsod nams kyi 'jigs par ma byed cig /de ci'i phyir zhe na/ 'di ni bden pa'i tshig bla dags yin no zhes rgya cher gsungs pa ste/ bsod nams kyis ni bde ba thams cad 'dren par byed pa yin pa'i phyir ro/ /ci'i phyir sdig pa la yid brtan par bya ba ma yin par bstan ces na/ nang gi gdung bar byed pa'i phyir ro zhes bstan par bya ste/ bdag gi sdig pa byas pas zhes bya ba la sogs pa smos so/ /sun nga zhes bya ba'i phag gsod pa 'chi ba'i dus su yid du mi 'ong ba'i rtags kyis nye bar gdungs te shi nas dmyal bar skyes pa 'phags pa shA ri'i bus mthong nas shin tu mya ngan byed pa de'i dbang du mdzad pa'o zhes gzhan dag zer ro/ /pas zhes bya ba'i sgra ni rgyu'i don te/ /sdig pa byas pa'i rgyus zhes bya bar sbyor te char gyis rgyus zhes bya ba'i don no/ /mya ngan byed ces bya ba ni shin tu gdung ba nyams su myong ba ste/ 'di ltar dper na sdig pa byed pas de'i 'bras bu nyams su myong ba na ji ltar blun pa bdag gi bya ba ma yin pa 'di lta bu la 'jug par byas zhes 'gyod pa'i bdag nyid gdung bar byed do/ / tshig ngan pa la sogs pa'i sdug bsngal dang phung khrol 'byung ba'i phyir gnas skabs thams cad du sdig pa 'di kho nas nye bar byed pa yin no zhes bstan par bya ste/ 'dir yang zhes bya ba ni mthong ba'i chos nyid de 'di nyid du 'bras bu 'byung ba'i phyir ro/ gzhan du zhes bya ba ni skyes nas skye ba gzhan du myong bar 'gyur ro/ /gnyis kar zhes bya ba ni gnyis kar myong ba yin pa'i phyir te/ rang gi las las byung bas kha cig ni 'di dang pha rol tu yang shin tu mya ngan byed de/ /'phags pa sor phreng dang ma skyes dgra dang/ lhas byin dang bum pa la sogs pa yang 'dir dper brjod par bya'o/ de ltar su zhig mya ngan byed pa yin zhe na/ sdig pa byas pa zhes bya ba ste/ 'dis ni sdig pa bsags pa dang ngan par spyod pa rnam pa du ma nye bar sogs pa ste/
- 129a
sdig pa byas pa nyid kyi don ni pas zhes bya ba'i sgra'o/ /ci'i phyir zhe na/ de ni zhes bya bas bstan te/ gang byed pa de kho na nyid ni mi 'dod pa'i 'bras bu nyams su myong ba yin no/ /rgyu dang 'bras bu 'brel par bstan pa'i phyir ni zhes bya ba'i sgra smos so/ /gang gis mi 'dod pa'i 'bras bu bdag dang 'brel pa mthong ba des ni sngar nyams su myong ba'i sdig pa mthong ste yid gdung bar byed pa yin no/ /rab tu mya ngan byed ces bya ba la bar du rab tu zhes bya ba'i sgra phyis pa yin no/ /yang na mya ngan byed ces bya ba 'di nyid du mya ngan byed cing pha rol tu nye du'i nang? dang dgra'i nang dang dben pa dang mi dben pa la sogs pa brjod par bya'o/ /bdag gis bsod nams zhes bya ba ni mnyan yod na chos can zhes bya ba 'jig rten pa rnams kyis bkur ba zhig yod de/ de shi 'phos nas lha'i 'jig rten du skyes te yid dga' ba las brtsams nas tshigs su bcad pa gnyis gsungs so zhes gzhan dag zer ro/ /bdag gis bsod nams byas so zhes de ltar shes nas dga' zhing mgu bar gyur pa'o// gzhan dag ni bdag gi las rnams dag mthong nas zhes brjod de/ 'bras bu yid du 'ong ba yin pa'i phyir rnam par dag pa 'di dge ba la rnam par dag pa zhes bshad do/ /'phags skyes pos gzhon nu rgyal byed nyes pa med pa bsad de/ de'i btsun mo'i 'khor du yang rol mo la sogs pa'i sgras dga' bar byed cing ji srid lha'i rol mo la sogs pa'i sgra byung nas da las brtsams te bstan pa'o/ /'di na dga' 'gyur zhes bya ba ni 'di nyid du 'phags pas so/ /gzhan du zhes bya ba ni dpal dang ldan par 'gyur pas so/ /gnyi ga ni mgon med zas sbyin dang rgyal byed la sogs pa bzhin no/ /bdag gis sdig pa byas pas gdung bar 'gyur zhes bya ba ni 'phags skyes po 'khor dang bcas pa mes tshig pa las 'o dod 'bod?
- 129b
cing she ste dmyal bar skyes pa las brtsams pa'i tshigs su bcad pa gnyis gsungs pa'o zhes gzhan dag zer ro/ /gzhan dag ni lhas byin las brtsams pa'o zhes 'o/ gdung bar byed ba dang mya ngan las khyad par ci yod ce na/ yid kyi gdung ba ni mya ngan no/ /lus kyi rnam par shes pa lnga'i gdung ba'o/ /yang na sdug bsngal ni rnam pa gnyis te/ bde 'gro'i sdug bsngal dang ngan 'gro'i sdug bsngal te/ go rims bzhin du 'dir bstan to/ /yang na bdag dang gzhan las skyes pa'i gdung ba'o// yang na yon tan nyams pa dang sdig pa la sogs shing 'grub pa'o/ /yang na skyes bo dam pa dang bral ba dang/ skye bo ngan pa dang phrad pa zhes bya ba la sogs pa brjod par bya'o/ /'di gnyis kyis dga' ba dad rab tu dga' ba'i sgra gnyis kyis rgyu yang rab tu bstan pa yin no/ /bdag gis bsod nams byas pas zhes bya ba ni so ma nA sa zhes bya ba'i btsun mo legs par spyod pa'i bya ba la mchog tu byed cing bde bar gyur te/ lha'i 'jig rten du skyes pa las brtsams so zhes zer ro/ /sdig pa byas pa las ni 'chi ba na 'jigs par 'gyur la bsod nams byas pas ni ma yin no zhes bstan pa'i phyir/ sdig pa byas shing zhes bya ba la sogs pa smos so/ /gang gi tshe byang chub sems dpa' rdo rje'i gdan la bzhugs pa de'i tshe bdud bye ba phrag sum cu rtsa drug gis yongs su bskor nas mtshon rnam pa sna tshogs dang chas pa las/ de nas gang byang chub kyi shing la gnas pa'i lha de rings pa rings par byang chub sems dpa' i drung du lhags nas thal mo sbyar te gsol ba/ bdud dang bdud kyi dpung mang po dag las khyed 'jigs par bya ba ma yin nam zhes pa dang/ byang chub sems dpas sngon gyi de bzhin gshegs pas gsungs pa'i tshigs su bcad pa gnyis gsungs so/ /byas pa ni bsgrubs pa'o/ /sdig pa ni nyes par spyod pa'o
- 130a
bsod nams ma byas la zhes bya ba ni legs par spyod pa ma skyes pa ste/ mi ni 'chi bas 'jigs par gyur zhes bya ba dang sbyar ro/ /'dir chos kyi sgra ni shes rab dang snying rje la brjod de/ de las gang zhig gol ba de la sogs pa nan tan du mi byed pa de ni gnyis po de ma bsgrubs pas bsod nams spyod par mi 'gyur ste/ bsod nams mdza' dag ni de dang 'brel ba'i phyir ro/ /chos ma yin pa'i sgra yang 'dir mi shes pa dang snying rje med pa la brjod do/ /de gnyis la brten nas ni nyes par spyod de/ sdig pa mdza' dag ni de la rag lus pa'i phyir ro/ /sdig pa'i las can 'chi bas 'jigs par 'gyur zhes bya ba ni sdig pa byed pa'i sems can 'chi bas shin tu skrag pa yin te/ ngan song du 'gro ba dang sdug bsngal thob par dogs pa'i phyir ro/ /ji lta bu zhig ce na gru zhig ces bya ba smos te/ bzhon pa'i snod zhig pa'o/ /nyam chung zhes bya ba ni lus kyi rus pa dang bral ba'o/ /yang na rgal ba ma bslabs pa'o/ /chu chen ni rgya mtsho chen po'i nang ste/ de na gnas na ni ji ltar 'chi bas 'jigs par bya ba ma yin pa de bzhin no/ /des? ni bya ba lus pa med pa dag byas te/ des na nga la 'jigs pa med do zhes bstan pa'i phyir/ bsod nams byas shing zhes bya ba ste/ gang ngas ni legs par spyod pa bsags pa zhes bya ba ni tshig gis lhag ma'o/ /sdig pa ma byas la zhes bya ba ni ngan par spyod pa cung zad kyang ma byas pa'o/ /bsod nams dang ye shes kyi tshogs yongs su rdzogs par bstan nas/ tshogs kyis lam bstan pa'i phyir/ dam pa rnams kyis sngon gyis chos spyad pas zhes bya ba la sogs pa ste/ dam pa ni skyes bu dam pa rnams te/ gang+gA'i glu gi bye ma snyed kyis de bzhin gshegs pa rnams so/ /gang chos ni 'phags pa'i lam ste/ de bdag gis spyad pa ni bsgom pa ste 'byung bar
- 130b
'gyur ba'i dbang du byas pa/ bsgom pa mngon du byed pa zhes bya ba'i don no/ /sngon gyi zhes bya ba ni yang dag par rdzogs pa'i sangs rgyas 'od srungs la sogs pas bsten pa ste/ sngon 'gro ba de'i rjes su 'gro ba zhes bya ba'i tshig gis so/ /nga ni zhes bya ba ni de ltar bya ba byas pa'i phyir rnams kyang 'chi bas skag? pa ma yin no zhes pa'o/ /brtan pa'i gru yis pha rol 'gro ba bzhin zhes bya ba ni dper na 'ga' zhig pha rol tu 'gro bar zhugs pa las brtan pa'i gru'i gzhon pa mi 'gyur pas ni rgal bar 'gyur te/ bkris pa dang mngon par 'dod pa'i gzhin pa stobs dang ldan zhing brgal ba la mkhas pa de ni rgya mtsho cha chen po'i dbus na gnas kyang 'chi bas mi 'jigs pa de bzhin no/ /sdig pa'i tshoms te nyi shu rtsa brgyad pa'i rnam par 'grel pa rdzogs so/ //sdig pa mdza' dag spangs shing legs par spyod pa'i khyad par la bsten pa'i skyes bus ni rang gis 'jig rten pa thams cad zil gyi gnon pa yin no zhes bstan pa'i phyir/ ji srid nyi ma shar ba zhes bya ba la sogs pa'i tshigs su bcad pa gnyis gsungs so/ /bstan ma thag pa'i sdig pa dang bsod nams ni zung gi skabs yin pas da yang de nyid phal cher tshigs su bcad pas phrugs su spyad te bstan pa'o/ /thub pa chen po'i cho 'phrul chan pas rdzogs byed la sogs pa zil gyis mnan pa las brtsams pa'o/ /de srid snang zhes bya ba ni dus de'i bar du phyogs 'ga' zhig tu gsal bar byed de bdag dang bdag gi bzhi'i? phyogs tsam gsal par nus pa yin no/ /gang yin zhe na/ srin bu me khyer zhes bya ba ste/ mkha' la gsal bar byed pa'o/ /ji srid nyi ma shar ba zhes bya ba ni dus ji srid kyi bar du nyi ma shar cing 'od zer stong ldan ma byung ba'o/ /nyi ma shar bar gyur pa na zhes bya ba ni nam mkha' la nyi ma smin?
- 131a
la sogs pa'i bsgrib pa med par gyur nas/ shar bar gyur pa ste/ de byung zhing gsal bar byed pa na srin bu me khyer sngon por 'gyur ro zhes sbyar bar bya'o/ /rnam par snang bar byed pa yin pas na nyi ma ste/ mnyam pa dang mi mnyam pa dag gsal bar byed ces pa'i don to/ /yang na snang ba thams cad mngon par zil gyis gnon par byed pa'o/ /sngon por 'gyur zhes bya ba ni 'od zer stong ldan 'byung bar 'gyur na srin bu me khyer 'od med par 'gyur te chen pos chung ngu zil gyis gnon pa'i phyir ro/ /ji ltar sngon por gyur ce na 'di ltar snang ba med ces bya ba smos te/ dang gi sgra ni gang gi phyir zhes bya ba'i don to/ /'di ni mngon sum yin te/ gang na phyir de ni sngon bzhin du snang ba med par 'gyur ro/ /dpe bstan nas des bsgrub par bya ba'i don smras pa/ snang zhes bya ba ste snang bar byed pa yin pas snang ba'o/ /rang gi grub mdza' gsal bar byed pa yin par gyur pa zhes bya ba'i don to/ /gang snang zhing gsal bar byed pa yin zhe na/ rtog ge pa rnams zhes bya ba smos te/ rdzogs byed la sogs pa 'jig rten pa rnams kyi brjod pa'i mkhas pa'o/ /rtog pas gnas pa ni rtog ge pa ste/ don mngon sum du ma byas pa'i phyir rang gi lung la sogs pa tsam la rjes su 'jug pa'o/ /gang ji tsam gyi bar du zhe na/ ji srid de bzhin gshegs ma shar ces bya ba yin te/ dus ji srid sangs rgyas bcom ldan 'das ma byung gi bar du'o/ /de bzhin nyid kyi don thams cad thugs su chud pa'i phyir de bzhin gshegs pa'o/ /'jig rten rdzogs sangs rgyas shar ba zhes bya ba ni mdza' dag thugs su chud pa'i phyir rdzogs pa'i sangs rgyas te/ gang gi phyir sangs rgyas bcom ldan 'das 'jig rten du byung ba de'i bstan pa'i 'od kyis gsal bar byed pa 'am rab tu
- 131b
rtogs pas yang dag gdul bya'i 'jig rten dri ma med par 'gyur ba'o/ /rtog can mi snang zhes bya ba ni mang po'i nang na gcig kyang mdzes pa ma yin no/ /nyan thos mi snang zhes bya ba ni rtog pa can de'i tshig gi rjes su 'brang ba yang mi snang ba'o/ / yang dag par rtogs pa dang log par rtogs pas yang dag pa dang log pa la mngon par zhen par 'gyur ro zhes bstan pa'i phyir/ gces min zhes bya ba la sogs pa tshigs su bcad pa gnyis so/ /gces pa ni bzhi ste/ gtam dang lta ba dang/ ting nge 'dzin dang/ rnam par grol ba'o/ /gtam snying por byed pa ni 'di la dge slong 'du byed thams cad mi rtag pa dang/ zag pa dang bcas pa thams cad sdug bsngal ba dang/ chos thams cad bdag med pa dang/ mya ngan las 'das pa ni zhi ba'o zhes gtam brjod pa'o/ /'di nyid kyis lta ba thob par 'gyur ba dang/ 'di nyid kyis ting nge 'dzin thob par 'gyur ba dang/ 'di nyid yid la byas na sems rnam par grol bar 'gyur ro zhes bstan pa'o/ /gces min zhes bya ba ni mi brtan zhing mi rtag pa dang bdag med pa la sogs pa'i tshul gyi dngos po ste 'khor ba zhes bya ba'i don to/ /gces par blos 'dzin cing zhes bya ba ni gang 'di la snying po yod par blos 'dzin pa de? ni de ste/ nges par 'byung ba la sogs pa la phyin ci log bskyed pa'i phyir ro// gces la gces par mi rtog pa zhes bya ba la/ 'dir mya ngan las 'das pa na gces pa ste/ dag zhing rtog pa'i phyir dang/ mchog yin pa'i phyir ro/ /de na 'dod pa'i longs spyod la sogs pa'i 'byor ba med pa'i phyir snying po ma yin par 'du shes pa'o/ /'di la snying por 'du shes gang la yod pa de ni gces par rtog pa'o/ /gces pa ma yin par rtog pa ni gces min rtog pa'o/ /de thob par byed pa'i lam gyi thabs kyang med de/ de lta bu'i blo dang ldan pa ni gces
- 132a
ba las gces pa ma yin par rtogs pa nyid do/ /des ni gces pa thob mi 'gyur zhes bya ba ni mya ngan las 'das pa 'am de'i lam mi 'thob pa ste/ de la grol ba med pa'i phyir ro/ /gang las zhe na/ 'di ltar log par kun rtog spyod yul can zhes bya ba smos te/ log par nges par rtogs pa'i spyod yul dang dmigs pa gang la yod pa de nyid do/ /yang na tshul bzhin ma yin pa yid la byed pa shas che ba'o/ /gces la gces par 'du shes pa zhes bya ba ni gang yang mya ngan la sogs pa'i don snying po dang mchog dang thabs su shes pa'o/ /gces pa ma yin pa la yang gces pa min pa zhes bya bar shes pa'o/ /legs par kun rtog spyod yul can zhes bya ba ni phyin ci ma log pa'i yul can te/ dran pa nye bar gzhag pa bzhi la gnas pa'i spyod yul can yin pa'i phyir ro/ /log pa la mngon par zhen pas ni gces pa mi 'thob cing phung khrol skyes pa yin no zhes bstan pa'i phyir ro/ /'di na lta dang zhes bya ba la sogs pa smos so/ /mnyan yod na zla ba bzhi pa'i ku mu da'i dga' ston la bab pa na rgyal byed kyi tshal nas mnyan yod kyi bar du mtshan mo mar me gsal bar gyur to/ /de na skye bo'i tshogs 'od ba dang 'gro ba dag gi mu stegs can gyi mar me dang/ lha bshos dag la phye ma leb ltung ba mthong nas lhung ngo lhung ngo zhes smras pa las de las brtsams pa'o/ /'khor ba ni nye bar len pas nye bar bzung ba ste/ 'dod pa la sogs pa nye bar len cing 'dzin pa zhes bya ba'i don to/ /rgyug pa zhes bya ba ni las des byas shing bskul ba'i dbang gis 'jig rten 'di nas pha rol tu rgyun mi 'chad par 'khod pa'o/ /snying por 'gro bar mi 'gyur te/ thar pa 'am de'i lam thob par mi 'gyur ba'i don gzhan dag tu ni pha rol phyin par mi 'gyur ro zhes brjod do
- 132b
chis ma gsar dang gsar du 'phel ba dag ces bya ba la 'dir las dang nyon mongs pa ni 'chid bar bshad de/ skye bo de dag ni las kyi 'chid ba gsum gyis bcings so zhes bya ba'i tshig gis so/ /nyon mongs pa dang las kyi 'chid pa ni sngon ma byung zhing ma byung ba rjes su 'od bas chung ngu dang 'bring dang chen po 'phel zhing sogs pa'o/ /me nang zhes bya ba ni pad tli ga to zhes bya ba 'gro ba la zer te/ /mi zhes bya ba dang 'dir sbyar ro/ /khyad par du gdung bar byed pa ni 'dir mi ste/ dmyal ba zhes bya ba'i don to/ /yang na ngan song gsum mam 'khor ba'o/ /der 'gro ba ni phyin pa'o 'dir dper bstan pa/ phye ma leb dang 'dra zhes bya ba dper na phye ma leb ji ltar 'gro ba'o/ /gang du zhe na/ me nang zhes bya ba ste/ sgron ma la sogs pa'i mar zhes bya ba'i don to/ /de ltar 'khor bar 'khyam pa'i rgyu gang yin zhe na/ de nyid bstan pa lta dang nyan dang zhes bya ba lta ba ni mthong ste/ 'jig tshogs la lta ba la gnas pa'o/ /de la mngon par zhen pa ni lhag par chags pa ste/ gang de 'khor ba'o/ /thos pa ni log pa'i grub pa'i mdza' ste/ de dang phyin ci log gi glos grub cing rjes su gnas te 'khor bar 'khor ba'o/ /yang na lta ba ni de ltar byung ba la'o/ /thos pa ni 'das pa dang ma 'ongs pa la'o/ /yang na lta ba ni yid du 'ong ba'i gzugs la sogs pa rjes su myong ba na mi rtag pa la sogs pa'i skyon ma rtogs shing lhag par chags pa'o/ /mngon par 'dod pa'i yul la chags pas gang la yang mi shes par 'gyur te/ gzhan las thos pa'i bye brag las mchod ba dang me la 'jug pa dang zas gnod pa la sogs pa las 'byor bar 'dod cing byed par 'dod pa ni thos pa la lhag par chags pa yin no/ /yang na 'dod pa bsod nams dang bdag nyid la ngal ba la sogs pa'i sbyor bar brjod par bya'o/ /mngon par zhen pa ni phyin ci log pa la mngon par zhen pa'o/ /'jig rten 'di ni zhes bya ba ni gcig tu de ltar yang dag
- 133a
par zhugs pa rnams kyang yang dag par yod pa'i phyir ro/ /yang dag pa'i yid la byed pas ni the tshom dang bral zhing g.yang sar lhung ba las ldog pa yin no zhes bstan pa'i phyir 'di la myong 'gyur zhes bya ba la sogs pa smos so// tshe dang ldan pa nam gru la the tshom dang 'gyod pa gang ci yang yod pa de thams cad 'phags pa shA ri'i bus gsal zhing ji tsam na dgra bcom par 'gyur te/ de'i tshe yang the tshom med par gyur nas de la bstan pa'o/ /the tshom zhes bya ba ni yid gnyis so/ /ji snyed pa zhes bya ba ni sdug bsngal mthong bas spang bar bya ba la sogs pa mdza' dag go /'di na zhes bya ba ni 'jig rten 'di na'o/ /tha dad pa ni so so ba ste 'jig rten gzhan dag tu yang 'di'i bden pa'i yul yin pa'i phyir ro/ /yang na nang dang phyi rol gyi gnas la'o/ /yang na bdag nyid dam gzhan la'o/ /'di la myong 'gyur zhes bya ba myong bar byed pa yin pas myong ba ste/ gang tshe 'di nyid la smin pa'o/ /gzhan du myong bar byed pa yin pas gzhan du myong par 'gyur ba'o/ /rang gi rgyud la rnam par smin pa'i 'bras bu ster ba dang/ gzhan gyi rgyud la bdag po'i 'bras bu ster ba'o/ /yang na 'dzin par byed pa'i rims pas so/ /'di la myong byed pa zhes bya bar gzhan dag tu brjod de/ mthong ba'i chos la myong bar 'gyur ba'o/ /gzhan la myong 'gyur ba zhes bya ba ni skyes nas myong bar 'gyur ba'o/ /de dag sems par byed pas rab tu spong zhes bya bas ni the tshom mdza' dag go /sems par byed pa ni rnal 'byor te yang dag pa yid la byed pas 'jug pa'o/ /rab tu rnam par spong pa zhes bya ba ni gnyen po'i khyad pa gyi mthus yongs su 'dor ba'o/ /re zhig dgag pa'i gnyen po bstan pa'i phyir 'bad pa zhes bya ba smos te/ yang dag par spong ba bzhi bsgoms pas so/ /gtan nas 'byin pa'i gnyen po bstan pa'i phyir tshangs spyod spyod pa dang zhes bya ba smos te
- 133b
'phags pa'i lam bsgoms pas so/ /gang dag de ltar 'jug pa nyid ni drang srong chen po'i cha byas rigs pa yin no zhes bstan pa'i phyir/ gang zhig snyig ma yod bzhin du zhes bya ba la sogs pa dag go /lhas bskul nas 'ong ma'i tshal na gnas pa'i bram ze dang khyim bdag dag gi ko ka li ka'i thad du lhags te smras pa/ khyod la 'di ni rigs pa ma yin te/ nyan thos chen po dag dang 'gal bar byed pas ded cag kyang dga' ba ma yin no zhes pa dang/ de phrag dog gis sdig pa 'dod cing tshig mi snyan pas bya bar byed do// ji tsam na tshe dang ldan pa kun dga' bo la khyod song la 'ong ma'i tshal gyi lam srang? dang bzhi mdo dag tu tshigs su bcad pa gnyis po 'di thon cig ces gsungs so/ /'dod chags kyis kun nas bslang ba'i lus la sogs pa'i las ni snyigs ma ste/ gnod par byed pa'i gnas su gyur pa'i phyir dang/ zil gyis gnon par byed pa'i mtshan mar gyur pa zhes bya ba'i don to/ /de gang la yod pa de ni snyigs ma yod bzhin du zhes bya ba yin te/ snyigs ma dang bcas pa'o/ /sogs pa zhes bya ba ni sogs pa'i sgras phyis pa yin te snyig ma dang bcas pa ni nyes pa dang ldan pa zhes bya ba'i don to/ /snyigs mas bslad pa'i phyir te gsum pa'o/ /ngur smig go zhes bya ba ni shing gi rtsa ba lta bu ste/ nog po la sogs pa bskol ba las byung ba'i tshon gyis bsgyur pa'i gos de ni gos tshan can te ngur smig gi gos so/ des 'gegs shing bkab pa ni gyon pa'o/ /dul dang nges pa med de zhes bya ba la dul ba ni dbang po bsdom pa'o/ /des pa ni sems dul ba ste dge ba la mngon par dga' ba bskyed pa'i phyir ro/ /yang na des pa ni bzod pa'o/ /dul ba dang des pa dang bral ba gang yin pa de ni de'o/ /de nyid kyis ni drang srong chen po'i rgyal mtshan nam ngur smig gi gos yongs su bgo bar rigs pa ma yin no/ /gang zhig snyigs ma rnams spangs nas zhes bya ba ni gang
- 134a
yang snyigs ma yongs su spangs par gyur pa'o/ /tshul khrims la brten pa nyid kyis ni yin no zhes bstan pa'i phyir/ tshul khrims legs par mnyam gzhag pa zhes bya ba ste/ so sor thar pa'i sdom pa la shin tu lus? las? 'jug pa'o/ /yang na snyigs ma spangs pa nyid kyis ni tshul khrims la sogs pa spong ba ma yin no zhes bstan pa'i phyir tshul khrims zhes bya ba smos so/ /dul dang nges par sdom pa zhes bya ba ni dbang po dang yid dam/ de bzhin du bzod pa dang ldan pas so/ de ni de nyid sngar bstan pa'i skyon dang bral zhing yon tan dang ldan pa nyid kyis ni skye bo dge ba'i tshul du 'gyur gyis gzhan du ni ma yin no/ /g.yo sgyu 'jungs dang ldan pa'i mi zhes bya ba la sogs pa smos te/ dge slong zhig mchog tu mdzes la kha dog bzang zhing sha rgyas pa dang ldan pa thos pa mang zhing snyan par smra ba/ g.yo sgyu che zhing ser sna dang ldan pa zhig dang/ gzhan 'dod pa chung ba las dgra bcom par gyur cing dgon pa na gnas pa ste/ de las tshigs su bcad pa gnyis gsungs so/ /smra bar byed pa ni snyan pa'i tshigs brjod pa'o/ /tsam gyis zhes bya ba ni de las gzhan pa'i yon tan med pa ste/ de tsam gyis ni dge ba'i tshul du mi 'gyur to/ mi dge ba dag la yang de yod pa'i phyir ro/ /kha dog dang ni gzugs ldan pa zhes bya ba ni yang na kha dog dang dbyibs shin tu mdzes pas sdig pa byed na yang de dang ldan pa yin te/ gzugs dang ldan pa ni 'dir bsngags pa'i gzugs so/ /pho mchog ces bya ba ni rang bzhin gyis dge ba ste dge bar smos pa'o/ /ci'i phyir de pho mchog ces bya bar mi chung ce na pho mchog ma yin pa la de yod pa'i phyir ro/ /g.yo sgyu 'jungs ldan pa zhes bya ba la sgyu ni gzhan bslu ba'i bdag nyid kyi rgyu gang la yod pa'o/ /nor dag la kun tu 'dzin pa gang la yod pa de ni 'jungs
- 134b
pa'o/ /sems bya gyu ba'i mtshan nyid de gzhan dang gzhan du ma yin pa'i mtshan nyid ston pa'i bdag nyid kyi g.yo ba dang ldan pa ni g.yo'o/ /ngan pa'i mtshan nyid gsum po 'di dang ldan pa ni ngan pa'i rtags so/ /gang zhig de dag rnams zhes bya ba ni gang yang bdag nyid chen po smra bar byed pa dang/ kha dog dang gzugs mdzes pa dang mi ldan pa yin na yang sgyu dang 'jungs pa dang g.yo'i bdag nyid kyi chos gsum po 'di dag rtsa nas phyung zhing thob pa bcad pa yin te/ ji lta bu zhe na/ tA la'i mgo bo bzhin bcad nas zhes bya ba smos te/ dper na/ tA la'i rtse mo bcad na shing tA las rtsa ba nas skam par 'gyur ba de bzhin du/ skyon ni bsal ba de'i zhes bya ba de g.yo dang rgyu dang 'jungs pa yongs su spangs pa'i phyir ro/ /blo ldan zhes bya ba ni shes pa khyad par can la brten pas ni skyon spong ba yod pa'i phyir ro/ /pho mchog yin par brtsod par bya zhes bya ba ni skyes bu dam pa yin no zhes bshad do/ /kha dog dang gzugs bzang ba la sogs pas dam pa rnams kyi rtags su nges par mi bya'o zhes bstan pa'i phyir/ 'jig rten 'di na zhes bya ba la sogs pa smos so/ /de'i tshe gos med bdun dang skra'i la ba can bdun dang/ ras gcig pa bdun dang/ lus tsho zhing spom pa 'khor dang bcas pa rgyal byed kyi tshal gyi sgo dag tu spyod cing gnas pa de dag gsal rgyal gyi mthong nas stan las langs te/ bla gos phrag pa gcig tu gzar nas thal mo sbyar te lan gsum gyi bar du bdag gi ming nas nyan par byed do/ /ji tsam na bcom ldan 'das kyis ci'i phyir khyed de ltar byed ces bka' stsal pa dang/ btsun pa bdag gis ni 'jig rten na 'di dag dgra bcom pa lags so zhes dgongs so/ /rgyal po chen po khyed kyis shes par gyis shig /khyod kyis legs par dgra bcom pa yin nam ma yin pa ma rtogs te yang de'i sems ji ltar bzhin du
- 135a
ma zhes so/ /rgyal po chen po lhan cig bsten pas ni tshul shes par bya ba yin te/ de yang dus shin tu ring po nas shes pa yin gyi gzhan du ma yin no/ /de yang yid la byed cing yid la mi byed pas ma yin pa dang de yang shes rab 'chol pas ni ma yin no/ /phongs pa'i dus su brtan pa dang/ spyod pa gtsang ba dag gtam dang 'brel ba'i gtam rab tu shes pa ste/ des na tshigs su bcad pa gnyis gsungs so/ /mdog gzugs kyis ni legs par mi brtag ste zhes bya ba ni mdog dang gzugs bzang ba tsam gyis ni skyes bu dam pa zhes mtshon par rung ba ma yin te/ ji skad du/ zhi ba yi ni gzugs can las/ /'jigs pa mi 'byung nges med de/ /mar me'i rtse mo dkar ba las/ /dud pa nag po 'ang cis mi 'byung zhes bshad pa lta bu'o? lhan gcig 'dug kyang dus cung zad kyang rtog pa dang yid ches par bya ba ma yin no zhes bstan pa'i phyir/ legs par ma brtags par du zhes bya ba smos te/ yun thung ngur legs par spyod pa mthong ba las ni yid brtan par mi bya ste/ ci'i phyir zhe na/ 'jig rten 'di ni legs par ma bsdams pa/ /phar cher? legs bsdams rtags kyis sgyu byed pas zhes bya ba smos te/ sdig pa las gtan du ldog pa'i legs par spyod pa de dag gi rtags ni cha byad de gang dag ma bsdams shing tshul ngan pa dang/ 'tsho ba med pas 'jigs shing skrag par gyur pas phal cher mi'i 'jig rten du gzhan bslu ba'i phyir sgyu byed de/ phub dang mdung dang ldan pa la sogs pa 'dir dper brjod par bya'o/ /'di nyid kyi don mthun pa'i dpes bstan pa'i phyir ra gan kha bsgyur zhes bya ba'o/ /nang na khong pa rab gdug ces bya ba ni nang gi yid la byed pa ni nyon mongs pa dang sdig pa rnams kyis shin tu bslad pa yin te/ phyi rol gyi lus la ni 'phags pa'i tshul bzhin
- 135b
du gang gi cha byad zhi bar byas pas zhes bya ba'i don to/ /rgyu ba zhes bya ba ni grong nas grong dang/ khyim nas khyim du nye bar 'gro ba ste/ rmongs pas 'di'i bde ba cung zad tsam la bskam zhing gzhan gyi dbang du bdag nyid byas pa yin no zhes rgyu bsgrub pa'i phyir 'di ltar gyi sgra'o/ /'di na gcig pu 'khor dang bcas par zhes bya ba ni slob ma nye gnas dang 'khor gyi tshogs kyis yongs su bskor ba'o/ /'jig rten du de ji ltar rgyu ba yin zhe na/ 'dir dper bstan pa kha bsgyur zhes bya ba smos te/ gzugs brnyan dang bcos ma ste 'di ltar skye bo dam pa cha byas tsam de 'dzin pa'o/ /dam pa'i skye bo bzhin du snang la don dam pa ni ma yin te/ skye bo ngan pa nyid do/ /de ji ltar dam pa rnams ltar kha bsgyur ba yin zhe na/ /bong? pa rab gdug ces bya ba la sogs pa'o/ /ji lta bu yin zhe na/ ra gan lta bur mi 'cham zhing zhes bya ba ni zangs ma la sogs pa gser gyi chu dang leb ma la sogs pas phyi rol gyi phyogs mdzes par byas pa'o/ /rnam brgyan phyi rol nas ra gan gyi dud pas bdugs pa la ra gan lta bur zhes brjod do/ /yang na zangs ma la sogs pa'i rang bzhin byas la dud pa'i bye brag gis gser gyis mdog nyid du byed de/ gzhan bslu ba'i phyir ro/ /lcags phyed ma sha bzhin du zhes bya ba ni lcags dang zangs ma la sogs pa'i rang bzhin 'di ni lcags phyed do/ /lcags kyi phyed kyang yin la ma sha yang yin pas lcags phyed ma sha'o/ /ma sha'i sgra ni 'dir pa Na la brjod de/ /kyed? zangs ma la sogs pa las byas nas phyed na gi ser la sogs pas phyi rol nas bzo byas te/ des 'jig rten slu bar byed do/ /gser gyis g.yogs pa yin pas g.yogs pa ste nang gzer bu la sogs pas sbrel zhing lcags las byas la phyi rol gser las byas pa ni pa Na zhes pa'i don te/ /dper na 'di ltar
- 136a
rna rgyan dang karSha pa Na bcos mas 'jig rten na slu bar byed pa de bzhin no/ /nang du khong pa gdug pa'i nyes dmigs bstan pa'i phyir/ gang zhig rngo? 'gengs zhes bya ba la sogs pa smos so/ /gnas gzhan zhig na dge slong rab tu mang po gnas te/ gnyid che zhing le lo che ba dang/ 'phyar ba dang bza' btung sogs la longs spyod mchog tu byed pa dag ji tsam na bcom ldan 'das kyis lha'i spyan gyis gzigs te/ de las brtsams nas 'di gsungs so// gnyid ni ldog pa dang zhes bya ba ni gang la gnyid shas che ba yod pa na gnyid ldog pa ste gnyid shas che ba zhes bya ba'i don to/ /kha zas shas cher zos pa las gnyid bsogs par 'gyur ro zhes bstan pa'i phyir/ rje 'gengs zhes bya ba ste/ shas cher zang zing spyod pa nyid de kha zas mang dus za zhes bya ba'i don to/ /gang bza' ba dang gtung ba shas che ba spyod pa de ni gnyid kyis non par 'gyur ro/ /de nyid kyis ni spyod lam nyams pa bstan te/ nyin dang mtshan zhes bya ba nub mo dang nyin bar ro/ /'gre ldog nyal byed pa zhes bya ba ni 'gre ba ste yongs su 'gyur zhing 'pho ba'o/ /spyod lam gcig gi nang du nges pa med par rim pa gzhan spyod pa'o/ /yang na kun tu rmongs shing yongs su 'khor ba ste/ des nyal ba'i gnas skabs kyi tshul gang la yod pa'o/ /nang gi skyon gnyis bstan nas phyi rol gyi bstan pa'i phyir/ phag chen ji ltar zhes bya ba smos te/ dper na phag chen po lus rgyas zhes bya ba rtag tu 'gre ba dang mthun pas gnas pa'o// gang du phag la sogs pa de ni bag yangs su gnas pa'i phyogs zhes bya ba'i don to/ /der ni rgyas pa ste bshang gci 'byung ba'i bdag nyid kyi/ phyis khung du rgyas te/ der nye bar 'phel zhing de nyid la 'gre ba dang ldog pa mngon par dga' i
- 136b
gzhan du ma yin te ji ltar phyis khung gi nang du rgyun du 'gre zhing ldog la nyal ba de bzhin no/ /gnyid la sogs pa'i skyon dang bral na ni khyad par 'thob pa yin no zhes bstan pa'i phyir/ mi ni zhes bya ba la sogs pa smos so/ /rgyal bu gsal rgyal lus shin tu 'tsho zhing zhi bas lus rdul bar gyur nas bcom ldan 'das gal ba der song nas 'di skad du/ btsun pa bdag gi lus shin tu spom la lci bas shin tu nyon mongs shing g.yer ngo tsha bar gyur to zhes gsol pa dang/ de bas tshigs su bcad pa 'di gsungs so/ /de yang dad yang du mi 'og ma las thos te/ mnyan nas rang gi lus la bris shing rgyal pos de bzhin gshegs pa la phyag 'tshal lo phyag 'tshal lo zhes rgya cher de bzhin gshegs pa la phyag 'tshal bar byed do/ /mi ni zhes bya ba ni mi nyid yon tan dang skyon sogs pa'i zhing yin te/ gang gi phyir mi ni las kyi zhing yin pa'i phyir ro/ /lha ni ma yin te bag med pa'i phyir ro/ /yi dags la sogs pa'i 'gro ba ma yin te/ sdug bsngal gyis gtses pa'i phyir ro/ /rtag tu zhes bya ba ni rgyun du'o/ /dran pa dang ldan pa zhes bya ba la/ dran pa'i sgra ni nyams su myong ba dang dran pa dang de kho na nyid yongs su brtag pa la brjod de/ dran pa'i las yin pa'i phyir ro/ /de yang lus kyi rjes su song ba'i dran pa ste/ de'i chud par 'gyur zhes bya ba la sogs pa dang sbyar ro/ /ji skad du dran pas sgo bsrungs par gyur pa dang/ shes rab kyi rab dang ldan par gyur na ni mi dge ba spong zhing dge ba sgom par 'gyur ro zhes so/ /'dis ni nang gi gdung bar byed pa spong bar byed pa'i rgyu bstan to/ /nga ni lus la gnod pa bsal ba'i rgyu bstan te/ tshod shes pa zhes bya ba ni tshod rig pa'o/ /zas ni nyams su myong bas nye bar longs spyod pa'o/ /gang yang de ji lta ba bzhin du
- 137a
shes pa ste/ 'di ni mthun pa'o 'di ni mi mthun po'o zhes shes nas phan pa ni za la mi phan pa ni spangs pas chung ba 'am srab pa thob par 'gyur ro/ /'di nyid bstan pa'i phyir de'i sdug bsngal chung bar 'gyur zhes pa ste/ de? ? rlung la sogs pa'i nad 'byung bar mi 'gyur la/ gal te las kyi dbang gis 'byung na yang chung ba dang nyung ngu rgyud la 'byung ste/ gang gi phyir 'du 'phrod tshogs na ni 'di ltar yan lag thams cad tshang ba yin par 'dod/ ngal bus 'ju? bas zhes bya ba ni yun ring bas 'ju zhing rim gyis rim gyis 'ju zhing nyams su myong ba'i mthus 'byung ba chen po rnams 'phel zhing na tshod yun ring du gnas pa yin no/ /yang gi sgra ni dang gi don nam yang na rim pa gzhan du sbyar ba ste tshe yang zhes bya ba dang 'dir sbyar ro/ /'ju bas nad bsal zhing des 'jigs pa med pa 'ba' zhig tu ma zad kyi sngar bstan pa'i dam pa'i spyod pas 'chi bas kyang 'jigs pa med par bstan pa'i phyir/ tshe yang srung bar byed ces bya ba smos te/ des 'byung ba rnams sogs pas yun ring du 'tsho bar byed do/ /zas kyi chod shes pa la sogs pa med pa'i nyes dmigs bstan pa'i phyir/ gang zhig dbang po zhes bya ba la sogs pa smos so/ /dge slong zhig gnyid dang rmugs pa la sogs pas non pas dge ba'i mtshan ma yid la mi byed de/ de tshangs par spyod pa la mi dga' bas de'i mkhan pos don 'di smras te/ de dang bcas par bcom ldan 'das kyi thad du khrid pa las ji tsam na de la chos bstan te/ dge slong so sor thar pa'i sdom pa la sogs pa nas tshigs su bcad pa gnyis gsungs so/ /bdag gis zhes bya ba ni rjes su lta ba dang mthong ba zhes bya ba'i don to/ /gang la gtsang mar rjes su lta ba gang yin pa de ni gtsang mar lta ba ste/ gtsang
- 137b
mar blta ba yang bud med kyi gzugs mthong na yid du 'ong bar yid la byed do/ /yang na gtsang bas rjes su blta ba ste/ phyin ci log dang 'brel ba'i phyir ro/ /'dod pa la sogs pa'i rnam par rtog pa la lhag par zhen pa bstan nas de las byung ba'i sbyor ba bsal bar bstan pa'i phyir/ gnas byed pa zhes smos te/ gzugs la sogs pa'i yul nye bar longs spyod pa la 'jug pa'i phyir lan tshwa'i chu dang 'dra bar sred pa 'phel bar 'gyur te/ de nyid la gnas pa'o/ /gang zhig dbang po ma bsdam shing zhes bya ba la/ dbang po dul bdag ni 'dod pa'i longs? spyod spong ba yin te/ dbang po rnams yul dag las sdom zhing yang dag par bsdams pa dang ldan pa dang/ shin tu bsdams pa'o/ /mig la sogs pa gzugs la sogs pa la mngon par bsdams pa ste/ gzugs la sogs ba'i yul dag las ma bzlog cing shin tu 'byung ba'i phyir ro/ /'dir rgyu bstan pa/ zas kyi tshod kyang mi shes la zhes bya ba la mang du zos pas ni dri ma la sogs pa dang dbang po rnams 'khrul bar 'gyur ba'i phyir te/ de nyid kyi phyir/ dran pa nyams dang le lo can zhes bya ba le lo ni bya ba ngan pa la sems g.yeng bas dge ba'i bya ba dag la spro ba med pa ste/ bya ba ngan pa la gnas pas byas pa'o/ /dran pa nyams pa ni lus su gtogs pa'i dran pa dang bral ba'i phyir ro/ /de ni 'dod chags rnams kyis bcom zhes bya ba ni de nyid ni nyes pas bcom zhing zil gyis gnon pa yin te/ rjes su chags pa'i kun tu sbyor bas zil gyis gnon pa zhes bya ba'i don to/ /ji lta bu zhe na rlung gis mi brtan ljon shing bzhin zhes bya ba ste/ dper na rlung gi shugs drag po'i mthus ni shing rtsa ba ma zug cing chung ba zil gyis gnon pa de bzhin no/ /brtson 'grus ldan pa zhes bya ba ni brtson 'grus brtsams pa ste/ mngon par brtson pa gang la yod pa de ni de nyid do/ /so sor dran pa zhes bya ba ni lus su gtogs
- 138a
pa'i dran pa dang ldan pa'o/ /mi tshoms pa ni gnod par mi 'gyur ba'o/ /rlung gis ri bo mi g.yos bzhin zhes bya ba ni brag tshogs pa ni ri ste/ dper na brag gi rang bzhin mi 'gyur ba'i ri ni rlung gi shugs chen pos kyang bsgul ba bzhin no/ /lhag ma ni snga ma las bzlog par shes par bya'o/ /phal cher dben pa'i gnas la ni zhe sdang bar byed de/ 'dod pa'i bde ba 'tshol ba nyid ni 'dod chags la sogs pas zil gyis gnon pa'i phyir zhes bstan pa ni/ dgon pa dga' bar bya 'os pas zhes bya ba la sogs pa'o/ /mnyan yod na gnas pa'i skye bo'i tshogs rgyal byed kyi tshal dang nye bar mtshan thog thag dga' ston byed de/ de la dge slong kha cig rol mo'i sgra la sogs pa thos nas 'dod pa la sogs pa'i rnam par rtog pas rnam par rtog par byed do/ /kha cig ni mi rtag pa yid la byed pas nges par 'byung ba la sogs par rnam par rtog par byed de/ de la bstan pa'i tshigs su bcad pa gnyis po 'di gsungs so/ /gzhan dag ni gnas brtan seng ldeng nags pa las brtsams so zhes zer ro/ /skyes bu dam pa rnams ni dgon par shin tu dga' bar bya dgos pa ste/ dga' ba'i gnas yin pas so/ /gzhan du ni g.yeng ba'i rgyu yin pa'i phyir ro/ /yang na shing dang me tog dang rtsa ba dang mtsho la sogs pa rnam pa sna tshogs pas mdzes par byas pa'i phyir ro/ /dgon pa ni grong las dpag tshad gcig gis mdza' i phyogs te/ yongs su bzung ba med pa nges de'i ched du rtsod pa med pas so/ /ran+ya ni g.yul 'gyed pa ste/ de dang rjes su mthun pa ni ran+ya ste grong ngo/ /de med pa gang yin pa de ni a ran+ya ste dgon pa'o/ /de la skye bo mi dga' yang zhes bya ba ni so so'i skye bo mngon par dga' ba mi 'thob pa yin te/ de'i khyad par mi mthong ba'i phyir ro/ /de ltar na gang zhig dga'
- 138b
ba yin zhe na/ de la 'dod chags dang bral ba dga' zhes bya ba ste/ yongs su 'dzin pa med cing chags pa med pa'i phyir dang/ dgon pa la goms pa'i phyir mngon par dga' ba yin te/ ji skad du dam pa rnams ni nges par 'byung la legs bslabs phyir/ der dga' khyim gyis gnas la spugs pa bzhin du sems/ ri dags mo yis btogs pa'i lo ma'i nags tshal ni/ /de yi khyim gyi khang pa mchog nyid yin rig bya zhes bshad pa'o/ /'dod pa tshol bar byed rnams min zhes bya ba ni gang yang gzhan 'dod pa'i bde ba tshol ba byed pa de dag ni yul med pas dgon pa la mngon par mi dga' o/ /yang smras pa/ mi yi rus pas khyab pa yis/ 'khor ba dag la rab dga' ste/ /'dod pa'i yon tan lngas khyab pa'o/ /grong la byis pa dga' ba yin zhes so/ /'o na dam pas bsten pa'i gnas de nyid ni dga' ba'o zhes bstan ce na/ grong zhes bya ba ste rtsig ba dang bcas pa dang/ gnas dang bcas pa dang/ skye bo mang pos bsten pa'i phyogs ni grong ngo/ /de na dam pa gnas na ni rgyan par byed pa yin no/ /gal te dgon pa zhes bya ba ni skye bo rgyu ba med pa ste nags kyi mdza' o/ /nags kyis gnas cung zad dma' bas ni chu klung dang sman ljongs pa la sogs pa'o cung zad mthob ni ri'i rtse mo dang thang dang zhol la sogs pa'o/ /de gnyi ga bstan pa'i phyir/ bshod dam thang zhes bya ba ni smos so/ /gang na 'phags pa bzhugs pa'i zhes bya ba ni gang dang gang nyid du ste grong dang sa'i phyogs dag tu dam pa'i spyod pa dang dam pa gnas pa'o/ /sa de yid du 'ong ba yin zhes bya ba ni sa yang yin la de yang yin pas sa de'o// dga' bar bya ba'i dngos po yin pas yid du 'ong ba'o/ /gang dang gang du dam pa gnas pa de dang de'i sa ni de las 'byung ba'i gzi brjid kyis de las mngon par dga' ba'i lha dag gnas pa'i phyir yang mngon par dga' ba yin te/ ji skad
- 139a
du/ gang du dam pa gnas pa de/ /yon tan gyis ni brgyan pa ste/ /de ni bkris yid 'ong dang/ de nyid stegs dang dka' thub nags zhes bshad pa'i phyir ro/ /gang du ngang tshul ngan pa can she na sla ba der ni nges par de'i ? thams cad rnyogs pa yin no/ /gang du dam pa'i tshul gnas pa dar na snod kyi 'jig rten gyi yang rgyan du gyur ba yin na/ sems can gyi 'jig rten gyi lta smos kyang ci dgos/ de bas na skye bo dam pa la brten pa ni spang bar mi bya'o zhes ston to/ /grong gang dag ji snyed par skye bo ngan pa gnas pa'i sa der ni yid du mi 'ong bar nges pa yin no zhes shes par bya'o/ /dam pa rnams kyi phan yon bstan pa'i phyir dam pa ring na zhes bya ba la sogs pa'o/ /pur+Na bard+ha na ga ma na zhes bya ba'i grong khyer du dgra bcom pa zhig nam mkha' la thag ring po nyid nas 'gro ba mgon med zas sbyin gyi bu mo ma ga d+ha bzang mos mthong nas sngon gyi sangs rgyas kyis gsungs pa'i tshigs su bcad pa 'di smras so/ /de nas bcom ldan 'das kyis kyang dge slong dag sngon gyis sangs rgyas bcom ldan 'das kyis gsungs pa'i tshigs su bcad pa 'di zung zhig ces nas bka' stsal to/ /ring nas zhes bya ba ni ring ba nyid nas te sa'i steng nas nam mkha' dpag tshad du mar gnas pa de yang nye bar dmigs pa ste/ nyi ma'i dkyil 'khor la sogs pa bzhin no/ /yang na dpag tshad du ma las gzhan pa'i phyogs na gnas kyang yon tan khyad par can dang ldan pa'i grags pas gsal bar byas pa ni ri kha ba can la sogs pa lta bu ste/ khyad par du chu dang sman dang khams sna tshogs 'byung ba yin no/ /de gang yin zhe na/ smras pa/ dam pa'i zhes bya ba ni skyes bu dam pa ste bdag gzhan gyi don mchog tu byed de bzhin gshegs pa la sogs pa'o/ /snang
- 139b
gyur te zhes bya ba ni rnam par gsal ba'o/ /ji lta bu zhe na/ gangs can gyi ri bo bzhin zhes bya bas bstan te/ dper na ri'i mchog kha ba can ni mtho ba'i phyir dang/ gangs kyi phung po yod pa dang/ gang+gA la sogs pa 'byung ba'i phyir thag ring po nas kyang gsal bar byed pa de bzhin du dri ma med pa'i grags pas mthong ba'i phyir dang/ khyad par du dka' ba'i phyir dang gzhan gyi don la gzhol ba'i phyir/ rgyang ring po nas snang ba yin no/ /ngan pa nye yang mi snang ste zhes bya ba ni nye ba nas gnas par gyur kyang tshul ngan pa'i khyad par dang ldan zhing sngar bstan pa'i yon tan med pa'i phyir/ skye bo ngan pa ni phyogs nye ba na gnas su zin kyang bsnyen bkur gyi gnas ma yin pa'i phyir mi snang zhing rnam par mi mdzes so/ /mun khrod mda' ma 'phangs pa bzhin zhes bya ba ni zla ba nub cing sprin dang bcas pa'i mtshan mo mda''phangs kyang nam mkha' yang mi mthong zhing/ mda''gro ba yang mi mthong ba dang/ sa'i phyogs gang du babs pa yang mi mthong zhing mi snang ba de bzhin no/ /dam pa rnams dang 'grogs na ni/ de bzhin nyid rtogs par 'gyur ro zhes bstan pa'i phyir smras pa/ mkhas pa zhes bya ba la sogs pa'o/ /kun tu rgyu zhig thar pa 'dod la rang gi grub pa'i mdza' la mngon par mi dga' ste/ /bcom ldan 'das kyis bstan pa la rab tu byung nas dgra bcom par gyur te/ de las brtsams pa'o/ /dam pa nyid dang zhes bya ba ni dam pa'i spyod pa ste/ 'dis ni tshul khrims phun sum tshogs pa bstan to/ /mkhas pa zhes bya ba ni sde gsum shes shing rtogs pa ste/ gsung rab rtogs pa'i blo dang ldan pa'i phyir ro/ /don sems byed pa zhes bya ba ni dngos po de nyid yongs su brtags pas rtogs pa dang ldan pa'i phyir ro/ /don zhes bya ba ni sdug bsngal la sogs pa'i bden pa'i bdag nyid do/ /chen po ni
- 140a
yangs pa ste khams gsum dang ldan pa'i phyir ro/ /zab mo zhes bya ba ni rtogs par dga' ba ste/ 'jig rten las 'das pa'i yul yin pa'i phyir ro/ /shes rab so sor rtogs par 'gyur zhes bya ba ni zag pa med pa mngon par rtogs pa'o/ /gang yang zag pa med pa'i shes rab kyis so sor rtogs pa de ni 'gyur ba'i rgyus kyang 'gyur bar mi byed do zhes nges par bstan pa'i phyir/ gzhu yis mda''phangs zhes bya ba la sogs pa smos so/ /mdzes dga' mo shi ba srang la sogs pa dag tu khyer ba na bcom ldan 'das kyis kun tu rgyu dag la rnam par smad de/ gang zhig bud med dang gcig tu lhan gcig lan 'ga' gnas na yang dam pa rnams ni srog gi phyir yang 'tshe bar mi byed na chung ma dang 'dra ba'i nyon mongs 'di la lta smos kyang ci dgos zhes pa dge slong dag la gsan nas 'di gsungs so/ /g.yul ni thar pa'i sa'o/ /glang chen bzhin du zhes bya ba ni dper na lha dang lha ma yin gyi g.yul du gnas pa'i glang bo sa srungs dang/ me tog gi so dang/ mig la sogs pa'i glang po che thag zangs ras la sogs pa'i lha ma yin gyi dpung gi tshogs kyis shin tu rno ba'i mda' dang gdung dang/ /b+hi d+hi pa la sogs pa'i mtshon gyis kun tu gnad du bsnun te shin tu tshor ba drag po nyams su myong ba yang bzod cing rnam par rmongs par mi 'gyur ba de bzhin du bdag gis tshig ngan pa smra ba ste/ skye bo ngan pas smras pa dag la bzod cing yal bar 'dor bar bya'o/ /gzhu yis mda''phangs bsnun pa'i zhes bya ba ni dgras gzhu dang mda''phangs pa'o/ /mi snyan smra ba zhes bya ba la tshig brjod par bya ba bden pa ni snyan par smra ba'i tshig go /de las 'das par bya ba la 'jug pa ni tshig mi snyan pa ste/ tshig lhag pa de la bdag gis
- 140b
bzod par bya'o/ /de ci'i phyir zhe na/ tshul 'chal skye bo mang po yis zhes bya ba brtsod pa'i dus kyi skye ba mang po ste/ 'di ltar snyigs ma lnga dang nye ba'i phyir dang tshul ngan pa yin no/ /'di skad ston te/ rtsod pa'i dus su bde ba dang sdug bsngal du ma byung yang bzad par bya zhing des bskyod par mi bya ste/ 'di ltar skye bo ngan pa ni rtsod pa'i dus su 'phral la ngan pa'i rang bzhin te bzlog par mi nus te des na de nyid kyi phyir dam pa rnams ni de la bzod pa'i go cha mi phyed pa gyon par byed do/ /srid pa 'di ni rang bzhin ngan pa ste/ gang yongs su dag pa'i rgyud can bdag nyid chen po yang tshig ngan pa'i snod du 'gyur te/ de bas na de las su yang 'khor ba 'dod par mi bya'o zhes bstan pa'i phyir/ 'khor ba zhes bya ba la sogs pa yin no/ /ci'i phyir bcom ldan 'das kyis nga ni 'khor ba cung zad 'grub pa la yang bsngags pa mi smra'o zhes bya ba la sogs pas 'khor ba ni smad la mya ngan las 'das pa ni mchog du bde ba yin no zhes bya ba la sogs pas mya ngan las 'das pa bsngags zhes 'khor ba la dga' ba'i rgyal rigs kyis zhus pa las 'di gsungs so/ /'khor ba ni 'khor ba na 'jug pa ste khams gsum gyi phung po'i 'khor ba de la'o/ /'jig pa ni sdug bsngal gyis skrag pa'o/ /mthong ba ni rjes su myong ba ste/ nga kho na nyid kyi shes pas mngon sum du dmigs pa zhes bya ba'i don to/ /log pa'i lta ba yang srid do zhes rtogs pa la/ /ngas zhes bya ba smos te/ thams cad mkhyen pa yin pa'i phyir phyin ci ma log pa nyid du bstan par ston to/ /'dir yang rang gi sgra ni 'jigs pa yod pa yin no zhes bsgrub pa'o/ /yang zhes bya ba ni phyis kyang ngo/ /yang na phal cher ro/ /'byor pa ni rab tu bsngags pa ste 'jigs pa dang/ bcas pa'i 'byor pa'o/ de yang ji skad du 'byor ba zhes bya ba/ gang 'di'i chos nyid
- 141a
ni khams gsum gyi mi rtag pa yin te/ gang 'khor ba'i skye ba la sogs pa yang 'jig pa mi 'byung ba med la/ ma 'ongs pa'i skye ba yang 'jig pa med pa ma yin te/ thams cad du yang 'jigs pa'i rgyu yin pa'i phyir 'khrul ba med de/ rgyu yod pa dang 'bras bu nges par 'byung ba yin no/ /des na de nyid kyi phyir de bas zhes bya ba la sogs pa smos te/ rgyu des na'o/ /smras pa/ bdag gis zin pa ni srid pa'o/ /mngon par mi dga' ba ni mngon par dga' ba med pa dang ldan pa ste/ bdag mngon par zhen pa med pa zhes bya ba'i don to/ /dga' ba ni ma 'ongs pa'i srid pa don du gnyer ba'i sred pa'o/ /lhag par rtogs pa med pa ni 'thob pa med pa dang bskyed par ma byas pa zhes pa'i don to/ /gang la zhes na/ srid pa la zhes bya bas bstan te/ ma 'ongs pa'i skye ba'o/ /yang na 'byor pa la ste/ tshig gi phyogs gcig smos pas 'byung ba'i phyir na lhas byin gyis byin zhes bya ba la sogs pa bzhin no/ /gang yang srid pa la mngon par mi dga' ba de nyid ni skyes bu dam pa yin te/ ji lta bu zhe na/ mi gang khyim zhes bya ba la sogs pa smos so/ /yul ka tsad+ga? la na nor zhes bya ba'i dge slong mngon par shes pa drug dang ldan zhing nyam chung la rkang lag dag tu yang 'brum bu skyes shing lus khyi rngos btab pa zhig ste/ des na mchod rten la sogs pa la phyag 'tshal bar mi byed cing/ bdag mthong nam dad par gyur na mi rung ngo zhes nas mkhan po dang/ slob dpon dang/ bla ma'i gnas dag la yod phyag mi byed pa las de la dge slong gzhan dag dad pa med pa dang/ byas pa mi bzo pa'o zhes brjod par gyur to/ /de nags nas nags dang/ khang stong nas khang stong dag tu rgyu zhing bab col du mi snang ba las 'di ni nges par khyim
- 141b
'bigs par byed de/ 'di'i gnas kyang mi snang la gang grong du nges par bsod snyoms kyi phyir yang mi 'jug ste/ des na nges par 'ga' zhig la 'tshe ba byed do zhes pa dang/ skabs de gsan nas 'di gsungs so/ /dad pa med pa zhes bya ba la sogs pa'i sgra gang yin pa de ni dge slong nor zhes bya ba la bya ste/ de nyid ni dgra bcom pa'i phyir skyes bu mchog yin par lta'o/ /'dir ni dgongs pa'i tshigs yin te/ gzhan gyi tshig gis mngon par yid mi ches zhing mi 'jug pa ni dad pa med pa'o// dad pa yod pa ma yin pas dad pa yod pa med pa ste gzhan gyis bkris par mi rung zhing rang nyid kyis chos rtogs pa'i phyir ro/ /yang na dad pa ni srid pa ste/ bdag gis dad nas zos so zhes bya ba lta bu'o/ /dad pa med pa ni srid pa la mngon par mi dga' ba ste/ 'khor bas yid byung ba zhes bya ba'i don to/ /ma byas pa ni rnam par grol ba'i thar pa ste/ rtag pa'i phyir dang rgyu dang 'brel ba ma yin pa'i phyir ro/ /de shes pa ni gzo ba ste/ byas pa mi gzo ba ni 'gog pa shes pa'i sbyor bas mya ngan las 'das pa mngon sum du byas zhes pa'i don to/ /mi zhes bya ba ni smad pa'i dngos po la ma chags par byas pa ste/ skye bo dam pa zhes bya ba'i don to/ /khyim ni skyes pa gzhan du sbyor bar byed pa ste/ rang gis yang srid par byed pa'i las dang nyon mongs pa ni khyim ste/ de gcod pa ni spong bar byed pa dang spangs par byas pa'o/ /go skabs bcom dang zhes bya ba ni 'gro ba spangs pa ste/ rgyu med pas 'bras bu mi 'byung bar bstan pa nyid de/ 'gro ba lnga las 'das shing so sor brtags pa'i 'gog pa 'thob pa'i phyir mi gnas pa'i don to/ /skyugs pa za zhes bya ba ni srid pa med pa ste/ chags pa dang bral ba'i phyir ro/ /'dis ni rgyu'i gtso bo spangs pa'i phyir 'bras bu spangs par
- 142a
bstan to/ /de ni skyes bu dam pa yin zhes bya ba ni de nyid sems can gyi gtso bo yin te/ bya ba byas pa'i phyir ro/ /de nyid ni dag pa zhes brjod de ci zhig byas pas zhe na/ pha dang ma ni zhes bya ba la sogs pa smos so/ /ri khrod kyi phyogs gcig na skyes pu dpa' ba zhig rgyal po 'dod de mi mdza' ba zhig pas pha dang ma dang rgyal po dang/ bram ze gtsang sbra can gnyis dang yul mi rab tu mang po bsad de rang nyid rgyal po byas so/ des bsams pa gang bdag gis bcom ldan 'das kyi spyan sngar song la 'di zhus te/ gal te ji lta ba bzhin du ston na ni des na bdag kyang dga' zhing kun dga' ra ba la sogs pa yang gzhig par mi bya zhing gzhan yang legs par spyod pa mang du bya'o/ /zhes pa nas ji srid du 'di gsungs so// de zos pa dang mngon par dang te khyim bdag chen por gyur to/ /ma ni 'byung ba'i rtsa ba nyid du bstan pa'i phyir ma rig pa ste ma rig pa'i rkyen gyis 'du byed ces mdo las gsungs pas so/ /yang bshad pa/ ma rig 'khor bskyed pa ste/ /bu'i ma ltar rab tu gnas/ /gal te srid pa de med par/ /bskyed par rung ba ma yin no zhes so/ /pha ni 'du byed kyi yan lag ste/ 'jig rten ni las las skyes pa'i phyir ro/ /rgyal po ni rnam par shes pa ste/ 'du byed kyi rkyen gyis rnam par shes pa zhes bya ba'i tshig gis so/ /rA dza zhes bya bas rgyal po ni chags pa ste/ gzugs la sogs pa'i yul las zhes pa nyid kyis so/ /gtsang sbra can gnyis ni ming dang gzugs kyi yan lag ste/ phan tshun mtshan nyid tha dad pa'i phyir ro/ /yul 'khor ni skye mched drug ste/ rnam par shes pa'i yul du gyur pa'i phyir ro/ /'khor dang bcas pa zhes bya ba ni reg pa dang tshor ba ste/ dbang po drug gi sems las byung ba gtso bo dang 'khor gyi mchog tu gyur pa'i phyir ro/ /de dag bkag pas
- 142b
ni srid pa'i rgyu dang 'bras bu mdza' dag dang bral bar 'gyur ba'i phyir mi ni dag par 'gyur zhes brjod do/ /da ni 'phags pa kA tyA ya na'i bus mdong bstan pa bshad de/ skyed pa'i don gyis na sred pa ni ma? ste skyes bu rnams ni sred pas skyed do zhes bya ba'i tshig gis so/ /de bcom pa ni gnyen pos spangs pa'i phyir ro/ /pha ni zag pa dang bcas pa'i las dang srid pa ste/ 'di ni byas pa'i las dge ba zag pa dang bcas der skye ba la rnam par smin pa so sor myong bar 'gyur ro zhes mdo las gsungs so/ / rgyal po ni nye bar len pa dang bcas pa'i yid kyi rnam par shes pa ste drug pa bdag po grong gi bdag /ces lung las gsungs pa'i phyir ro/ /gtsang sbra can gnyis ni lta ba dang tshul khrims dang brtul zhugs mchog tu 'dzin pa'o/ /yul ni nyon mongs pa'i yul lo/ /'khor dang bcas pa ni nye ba'i nyon mongs pa dang bcas pa'o/ /'di dag thams cad rjes su mthun pa'i gnyen pos spangs pa ni dge ba ste de ltar yul thams cad spangs pa'i phyir ro/ /dri ma med pa'i phyir 'khor ba 'di na gnas pa'i skabs med de/ de nyid bstan pa'i phyir/ gang dag kun sogs zhes bya ba la sogs pa smos so bcom ldan 'das 'brog dgon pa na bzhugs te de'i tshe tshe dang ldan pa kun shes kauN+Di n+ya ba lang gi lam ljon shing gi rtsa na glang po che'i lci ba la mgo gtang de yongs su mya ngan las 'das so/ /ba lang rdzing gu le ka zhes bya ba dang ki ta ba ni ka zhes bya ba'i ba lang rdzi mo gnyis rdza ma gang gi 'o ma thogs te 'brog gi nang du zhugs pas mthong nas de gnyis kyis 'phags pa 'di ni bdag cag gi yul tu yang dang yang bsod snyoms kyi phyir byon pas 'di'i lus la mchod pa bya'o zhes bsams te de gnyis kyis rdza ma gnyis phyogs gcig tu bzhag nas shing drag? gnyis? te lhung bzed dang chos gos gzhan du bzhag cing de'i lus
- 143a
shing la skyon nas me btang ngo/ /ji tsam na bye gser gyi mdog can bzhis 'ongs te gnam nas bskor ba byas te song ngo zhes bya ba la sogs pa rgya cher ro/ /de nas ba lang rdzi mo des de'i lhung bzed dang chos gos blangs te dge slong gzhan zhig la btang ngo/ /dge slong gis smras pa/ ci khyed cag gnyis kyis gnas brtan gyi lus kyi gnas skabs las ngo mtshar dag mthong dam zhes smras pa dang/ de gnyis kyis ji ltar gyur pa smras so/ /dge slong gis smras pa bzhi po de dag ni bdud gzhon nu dag ste/ gnas brtan koN+Di n+ya'i rnam par shes pa tshol ba yin no zhes bya ba nas byung ba 'di dang gling bzhi 'di las bcom ldan 'das kyis tshigs su bcad pa bcu gnyis gsungs so/ /gang dag ces bya ba ni sems can chen po dag go /kun tu sogs med cing zhes bya ba ni mtshams sbyor ba la sogs pa ni kun tu sogs pa ste/ mtshams sbyor ba de med pa gang yin pa ni skyes nas myong ba dang lan grangs gzhan la myong bar 'gyur ba'i las bsags pa spangs pa'i phyir ro/ /gang dag kha zas yongs shes pa zhes bya ba yongs su shes pa dang/ spangs pa yongs su shes pa gnyis so/ /kha zas ni gang dag zas rnam pa bzhi ste/ khams gsum las 'dod chags dang bral ba'i don to/ /las dang nyon mongs pa spong ba dang rjes su mthun pa'i thabs bstan te stong dang zhes bya ba la gang dag ces bya ba 'dir rjes su 'brangs te gang dag stong pa nyid kyi ting nge 'dzin gyi spyod yul la mngon par dga' ba dang/ mtshan ma med pa dang/ smon pa med pa nyid de gsum po 'di nyid la mngon par dga' zhing gnas la rtogs pa yin gyi gzhan gyis ni ma yin no zhes bya ba ni nyid kyi sgra'o/ /gsum po 'di nyid 'dus pa las 'phags pa'i lam yin
- 143b
gyi de? ?ni ma yin pa'i phyir 'di bshad do/ /nam mkha' la ni bya rjes bzhin/ /de dag 'gro ba rtogs dka' ste zhes bya ba ni dka' bas brtags cing rtog pa gang yin pa de ni de'o/ /'dis 'gro ba yin pas rjes te 'gro ba dang 'thob pa'i rgyu zhes bya ba'i don to// dper na nam mkha' la bya bzhi po de dag ga ma gzhan dag kyang rung ste spyir ro/ /rjes ni rkang pa'i bkod pa ste de'i mtshan ma rtogs par dka' ba de bzhin du dgra bcom pa'i skye ba'i gnas kyang de lta bu'o/ /'gro'o zhes bya ba ni 'gro ba lnga ste 'gro zhing rgyu ba'i rnam par smin pa med de rgyu med pa'i phyir 'bras bu med par ston to/ /ci'i phyir de dag gi rjes dang 'gro ba rtogs par dka' ba yin zhe na/ 'di ltar/ med de zhes bya ba smos te/ dngos por med pa'i phyir mi rtogs zhes bya ba'i don to/ /de bzhin du de dag gi 'gro ba yang med de/ tshe dang ldan pa kroN+Di n+ya ki la'i zas kyi yul du 'jug pa'i lam bskyed pa yin te/ de bas na 'di kha zas yongs shes bya ba gang dag dran pa nye bar bzhag pas zag pa zad pa'i sgo nas lam bskyed pa yin te/ de'i dbang du mdzad nas gang dag spyod yul yongs shes pa zhes bya ba smras te/ dran pa nye bar gzhag pa bzhi bsgoms pas te/ /dran pa nye bar gzhag pa bzhi ni chos 'dul ba la spyod yul yin no zhes mdo las gsungs so/ /ting nge 'dzin zhes bya ba ni re shig 'dir tshigs su bcad pa bzhi po tha dad pa ma yin no/ /ting nge 'dzin gyis ni smon pa med pa nyid bstan to/ /yang na snga ma gnyis kyis ni ye shes bstan to/ 'di ni bsam gtan ming par shes rab med la shes rab med par bsam gtan med do zhes bya ba'i don to/ /zag pa ni zhes bya ba ni zag pa rnam pa gsum ste/ gang 'phags pa kauN+Di n+ya la sogs pa yongs su shes shing shes pas spang bar bya ba spangs shing spang ba yongs su shes pa'o/ /gang dag pa mthar rten med cing zhes bya ba ni ma 'ongs pa'i skye ba la mi gnas pa ste/ dga' ba'i 'dod chags spangs
- 144a
pa'i phyir ro/ /mi gnas pa zhes bya ba ni gang sred bas chags pa med pa ste/ de la gnas par bya ba'o zhes bya ba ni grub pa'i mdza' o/ /'o na ci'i phyir/ bcom ldan 'das kyis de ltar bsgre? ba bstan pa mdzad ce na/ bshad pa gdul bya de lta bu'i bstan pa'i khyad par la rag las pa dag la phan gdags pa'i phyir te/ de'i phyir gang su dag rigs gcig pa bsten pa la rag las pa'i gdul bya dus dang yul tha dad pa rab tu bstan pa ste/ de rnams kyi ched du lan du mar de ltar bstan par brjod par bya'o/ /dper na yul dar dus tha dad pa la sman rigs gcig pas nad pa dag la bsgrub par bya ba la/ sman pa'i bdag pos lan du mar sman de nyid bstan na yang zlos pa'i skyon du mi 'gyur ba de bzhin du/ bcom ldan 'das kyis bstan pa yang de lta bu'o/ /yang na phyis 'ongs pa dag dang don ma thos pa la shes par bya ba'i phyir ro/ /yang bshad pa/ yul dus bdag po sems can dang/ /grogs dang bsam pa'i rgyud dag la/ /bsdus na thub pa thugs rje yi/ /bdag nyid chos ni ston par mdzad/ /de lta bu'i bdag nyid chen po de ni shin tu nyung bar sgrub pa'i phyir/ skye dgu phal pa zhes bya ba la sogs pa smras te/ ji ltar 'di ni shing sha pa'i lo ma ni cung zad dang nyung ngu'i tshul gyis len gyi/ de las mang po ni mi len pa de bzhin du sems can mang po de dag ni sdig pa'i las la 'jug pa ste/ bsod nams kyi las ni shin tu nyung bar byed do zhes pa ni tshigs su bcad pa gnyis kyi bar du gsungs so/ /nyung ba ni shin tu yang nyung ba'o/ / mi zhes bya ba ni bden pa mthong ba'i snod du bstan te/ lha dang mi gnyis kyang de'i snod yin par gzhan dag tu bstan pa'i phyir 'dir yang gnyi ga gzung ngo/ /dmigs kyis dbye ba ni bdun pa yin pas lha dang mi'i nang nas so/ /gang dag pha
- 144b
rol 'gro byed pa zhes bya ba ni phung po lhag ma med pa'i mya ngan las 'das pa thob par byed pa'o/ /skye bo phal pa 'di dag ni zhes bya ba ni de ltar yang 'di ni 'khor bar ldog pa ste/ skye bo nyon mongs pas 'jigs tshogs la lta ba'i 'gram ste/ skye ba yongs su len pa nyid do/ /nyid du rgyug byed pas zhes bya ba ni rjes su 'brangs pa dang 'jug pa'o/ /gang de pha rol tu 'gro bar byed pa'i rgyu nyung bar byed pa gang yin zhe na/ gang dag ces bya ba ste/ thar ba'i cha dang mthun pa dang rigs pas 'thob pa'i shes pa dang/ dge ba'i gshes gnyen la sogs pa'i khyad par gyis bsgrub pa'i phyir te/ de ma yin par ni pha rol tu 'gro ba'i thabs med pa'i phyir ro/ /gang de ltar de nyid ni pha rol 'gro zhes bya ba 'di dang sbyar ro/ /nam zhig na pha rol tu phyin par 'gyur zhe na/ legs par gsungs pa'i chos la zhes bya ba ste/ bcom ldan 'das kyis phyin ci ma log par bstan pa'i 'phags pa'i lam yang dag pa yod par bstan pa las byung ba ni de ma thag tu phan pa'i phyir te/ de'i dbang gis 'khor ba la nges par 'byung ba yod pa'i phyir ro/ /bden pa yang 'dir ji lta bu zhe na/ pha rol 'gro zhes bya bas bstan to/ /chos kyi rjes su lta ba zhes bya ba ni bstan pa'i chos dang rjes mthun par sgrub pa'i chos des tshogs kyi lam bsgoms pas mthong pa dang/ rjes su bsgoms pa dang/ mngon du bya ba dang/ rjes su 'jug pa'i tshul gang dag la yod pa de dag ni de nyid do/ /de'i phyir bsam pa bzang po byas la skyes bu dam pa la rten cing dam pa'i chos mnyen te phyin ci ma log par bsam pa dang/ mi gtsang ba la sogs pa bsgoms pa'i rim gyis 'phags pa'i lam mngon sum du byed pa'i skye ba? de dag ni pha rol tu 'gro ba yin no zhes bya ba mya ngan las 'das pa mngon sum du byed pa yin no/ /ci zhig las zhe na/ skye sha'i mtsho chen brgal
- 145a
dka' ba'i zhes smos te/ zil gyis gnon pa zhes bya ba ni tshig gi lhag ma'o/ /yang na gang gis pha rol zhe na/ skye sha'i mtsho chen po gang brgal dka' ba de'i zhes bya ba'i don to/ /skye shi'i mtsho chen po gang nges par nyams su myong ba gang la ste/ skyes? zhes bya ba'i don to/ /gang gi phyir 'chi ba las ma 'das pa de ni skye ba las shin tu dka' bas brgal ba yin pas brgal dka' ste/ 'phags pa'i lam kho na spang bar bya ba yin pa'i phyir 'da' bar dka' ba'o/ /pha rol tu phyin pa'i phan yon btan te/ dus 'das pa zhes bya ba mgon med zas sbyin rims drag pos bzung ste/ de bcom ldan 'das zhal mthong ba las tsha ba las thar nas/ bcom ldan 'das la zhus pa/ btsun pa yongs su gdung ba gang gis med par 'gyur zhes zhus pa dang des na 'di gsungs so/ /gang dus 'das pa ni nye ba len pa spangs pa ste/ skye ba spangs pa'i phyir ro/ /mya ngan bral ba dang zhes bya ba ni gdung ba dang bral ba ste/ skye ba spangs pa nyid la ni nges par gdung ba med pa'i phyir ro// dus las 'das pa'i rig bstan pa yin te/ rab tu grol zhing zhes bya ba ni gzugs la sogs pa'i yul la 'jug pa'i nyon mongs pa 'dod pa na spyod pa dag las grol ba'o/ /skyob pa zhes bya ba ni gzugs las 'dod chags dang bral ba ste/ de'i sa pa la chags pas mi gnas pa'i phyir bdag gis bde ba las yongs su bsrung ba nyid de/ ta yi zhes bya ba ni 'gro ba'i rgyu dang bsrung ba'o zhes skad kyi dbyings las bstan pa'i phyir ro/ /mdung ba thams cad spangs pa la zhes bya ba ni gzugs med pa'i khams las 'dod chags dang bral ba ste/ de ltar na sdug bsngal thams cad las bral ba las ni yongs su gdung ba yod mi 'gyur zhes bya'o/ /yang na gang de ltar dus las 'das
- 145b
pa ni de nyid do/ /mya ngan dang bral ba ni yid mi bde med pa'i phyir ro/ /rab tu rnam par grol ba ni nyon mongs pa'i 'chid ba rnam pa sna tshogs dang bral ba'i phyir ro/ /skyob pa ni don dam par phyin ci ma log par ston pa mdzad pa'i phyir ro/ /mdud pa thams cad spangs pa ni lan du phan 'dogs pa la re ba med pa la sogs pa yin no/ /gdung ba thams cad yongs su spangs pa dang/ bya ba thams cad byas pa dang ldan pas ni 'di ltar bya bas thab phyin to zhes bstan par 'gyur ba'i phyir/ 'jigs ba dang bcas pa zhes bya ba la sogs pa smos so/ /nags tshal gyi phyogs shig ni dge slong brtson 'grus brtsams pa zhig gnas te/ ji tsam na dgra bcom pa'i 'bras bu thob par byas nas rnam par grol ba'i bde ba so sor myong ste tshigs su bcad pa 'di bshad do/ /rgal ba zhes bya ba ni nye bar brgal ba ste/ yongs su spangs pa zhes bya ba'i don to/ /'jigs pa dang bcas pa'i lam ni gnod pa dang bcas shing mi 'dod pa'i 'bras bu'i lam nyes par spyod pa'o/ /g.yang sa yongs su spangs pa dang zhes bya ba ni de'i 'bras bu ngan song dag spangs pa'i phyir ro/ /tshigs su bcad pa phyed po des ni ngan song du 'gro ba rgyu dang bcas pa spangs par bstan pa'o/ /da ni bde 'gro'i rgyu spangs pas de'i 'bras bu spangs par bstan pa'i phyir grol ba zhes bya ba smras te spangs pa'o/ /sbyor dang mdud pa zhes bya ba ni mthong ba dang bsgom pas spang bar bya ba'i rigs bstan te/ srid pa'i rgyu'i gtso bo bstan pas ni 'dod chags kyis ni dus kun bcom zhes bya ba skyo ba'i rgyur gyur pa'i phyir rjes su chags pa'i kun tu sbyor ba ni dug dang 'dra bar brtag go /yang na 'dis ni khams gsum gyi nyon mongs pa spang ba go rims bzhin du bstan to/ /nyon mongs pa spangs pa'i rgyu bstan pa'i phyir/ 'dod pa lta bu'i zhes bya
- 146a
ba la sogs pa smos so/ /grong khyer 'phags rgyal na rgyal po gtum po rab snang g.yul gyi 'byor pa mthong nas skyo ba skyes te/ bcom ldan 'das la zhus pa/ 'jig rten 'dam rdzab chen po gang/ /'jig rten gdon chen gang zhig lags/ /'jig rten dra ba chen po ci/ /'jig rten chu bo chen po gang/ /zhes gsol ba las des na 'di gsungs so/ /med pa ni yod pa ma yin no/ /'dod pa lta bu'i zhes bya ba ni yul dang bcas pa'i 'dod pa la 'dod chags pa ni 'dir 'dod pa'o/ /mnyam pa ni de dang 'dra ba'o/ /'dam rdzab zhes bya ba ni bang gu zhes bya ba zha'o bzhin du ste/ gang du rkang pa dang ldan pa yin yang 'gro ba nus pa med do zhes bya ba ni nges pa'i tshig go /de bzhin du blo dang ldan pa yang 'dod pa dag la 'gal bar byed pa rnam par sgrub pa yin no/ /nyi ma la sogs pas skam par 'gyur zhing 'dam rdzab ni thams cad kyis kyang gsal bar nus kyi 'dod pa'i 'dam ni ma yin te/ de bas na 'di mi bzad pa yin no// de la zhes pas byas pa rgyal po gtum po rab snang de g.yul la 'jungs pa las skyes pa ni shin tu sdig pa che ba yin no/ /zhe sdang lta bu zhes bya ba ni khong khro ba dang 'dra ba'o/ /gdon ni 'byung po zhugs pa'o/ /gang gi phyir de ni sngags la sogs pas gso bar nus shing skye bo thams cad kyis kyang rtogs pa nus kyi/ zhe sdang ni ma yin te/ rgyud khyad par can la gnas pa'i 'phags pa'i lam gyi gsal bar bya ba yin pa'i phyir ro/ /gti mug lta bu zhes bya ba ni bdag la sogs pa log par rtog cing don med pa'i phyir log par lta ba'o/ /yang na gti mug ni mi shes pa ste/ nges byas pa'i phyir log pa'i lta ba ni 'dir gti mug gi sgrar brjod do/ /de dang 'dra ba'i dra ba med de/
- 146b
gzhan gyi dbang du byas shing bgegs su gyur pa zhes bya ba'i don to/ /rab tu grags pa rgya'i dra ba ni bsal bar nus te/ lta ba'i dra ba ni ma yin no/ /sred pa lta bu zhes bya ba ni sred pa dang 'dra ba'o/ /chu klung ni cis kyang brgal bar nus kyi/ cig shos sred pa ni ma yin te/ mchod sbyin dang bu ha la dang gnas 'jog la sogs pa'i thub pas kyang ma yin no/ /yang na rab tu byung ba'i dbang du byas pa 'di'i don gzhan du bshad de/ bzhi pa 'di dag ni rang dbang med par 'gyur ba'i chos yin te/ gang gis sems can rnams rang dbang med par dbang du gyur pa ste/ 'di lta ste/ 'dam du zhugs pa dang/ 'byung po'i gdon zhugs pa dang/ rgyur chud pa dang/ chu rgyun drag tu 'bab pa'i chu rgyun gyis rgyun phyogs su khyer ba'o de dag kyang gang zhe na/ 'di lta ste/ 'di na gcig pu 'dod pa'i khams su skyes pa ni mi gtsang zhing dri nga ba 'dod pa dag la chags pa'i phyir dge ba bsag pa'i ched du 'bad pa mi byed de/ des na bshad pa 'dod pa lta bu'i gnas pa'i bdag nyid kyi 'dam rdzab med do/ /zhe sdang lta bu'i gdon med de/ zhes bya ba ni ji ltar 'di na yang gcig pu 'dod pa spangs kyang legs par gsungs pa'i chos 'dul ba la rab tu byung na yang khro ba'i bsam pas tshig ngan pa'i sgo nas mkhas pa dang tshangs par mtshungs par spyod pa dag la dag gis 'tsho bar byed pa yin te de bas na zhe sdang dang mnyam pa'i gdon med do/ /sman dang sngags la sogs pas gso bar mi nus pa'i phyir ro/ /gti mug lta bu'i dra ba med ces bya ba ni yang de ltar de rab tu byung yang bdud sdig can dang gti mug chen po'i rjes su zhugs pa yin zhing lta ba'i dra ba la zhugs pa yin te/ dper na ri dags rgyar chud ba ni thabs gang zhig gis rgya mngon par dral te byung ba yin gyi/
- 147a
gti mug dra ba ni ma yin no/ /sred pa lta bu'i chu klung med ces bya ba ni chags pa'i bdag nyid dang khyer bar byed pa'i phyir ro/ /de gnyis las thabs gang gis chu klung las ni thar par nus kyis/ /cig shos las ni ma yin no/ bzhi po 'di dag ni sangs rgyas la med do zhes bstan pa'i phyir/ nam mkha' la ni zhes bya ba smos so/ /lhas gsol pa/ nam mkha' la ni rdzas mchis gang/ /phyi rol dge sbyong gang zhig lags/ /spros la dga' ba gang zhig dang/ /spros pa med pa gang zhig 'chal/ zhes gsol pa dang/ 'di gsungs so/ /gzhan dag ni kun tu rgyu rab bzang las brtsams so zhes zer ro/ /nam mkha' la ni zhes bya ba ni bar snang la bya la sogs pa rgyu yang de'i rjes dang mtshan ma ni med do/ / lta bu zhes bya ba ni nam mkha' la rjes med pa de bzhin no/ /phyi rol pa dge sbyong med ces bya ba ni phyi rol gyi dngos po yin pas phyi rol pa ste/ 'khor ba'i lam du zhugs pa zhes bya ba'i don to/ /dge sbyong dang ldan pa yin pas dge sbyong ste/ 'phags pa'i gang zag go /mu stegs pa 'di la ni snga ma'i dge sbyong de lta bu med do zhes bya ba la sogs pa mdo las bstan pa ste/ bdag tu lta ba la sogs pas bslad pa'i phyir ro/ /byis pa rnams ni spros pa la dga' zhes bya ba ni spros pa'i gzhi'i dngos po ni spros pa ste/ 'khor ba zhes bya ba'i don to/ /de la mngon par dga' ni de'i don lhag par zhen pa'o/ /ci'i phyir de dag la 'di ltar chags zhe na/ 'di ltar byis pa zhes bya ba smos te/ 'khor ba dang mya ngan las 'das pa'i khyad par ma shes pa ste byis pa nyid ces bya ba'i don to/ /spros mi mnga' zhes bya ba ni srid pa las nges par 'byung ba ste 'khor pa de la snying po med par rtogs nas yongs su spang par mngon par dga' ba'o/ /de nyid smras pa
- 147b
de bzhin gshegs pa zhes bya ba ste/ phyin ci ma log pa'i de bzhin nyid shes pa ni de bzhin gshegs pa ste/ de bzhin nyid rtogs pas na de bzhin shes pa'o/ /byis pa spros pa mngon par dga' zhes bya ba 'di ci'i phyir zhe na/ 'di ltar sbyor bas zhes bya bar smos te/ sbyor ba ni rnam pa bzhi ste 'dod pa'i sbyor ba dang/ srid pa'i sbyor ba dang/ lta ba'i sbyor ba dang/ ma rig pa'i sbyor ba'o/ zhes mdo las bstan ma thag pa ste/ des na 'di gsungs so/ /sbyor ba zhes bya ba ni khams gsum gyi nyon mongs pa ste/ 'di ltar khrid pa'i phyir zhes bya ba ni gzhan gyi dbang du byas pa'o/ /byis pa ni so so'i skye bo ste/ de bas na spros pa thams cad la mngon par dga' ba'o/ /sems can rnams sdug bsngal rnam pa sna tshogs pa la sbyor bar byed pas sbyor ba'o/ /mkhas pas sbyor ba 'joms par byed ces bya ba ni gang zhig nyon mongs pa dang de spong ba'i thabs khyad par shes pa ni mkhas pa'o/ /de la sbyor ba ma lus pa thams cad spong ba ni sbyor ba 'joms par byed pa'o/ /de bas na sdug bsngal kun las grol bar 'gyur zhes bya ba dang sbyar te/ nyon mongs pa spangs pa'i phyir ro/ /de ltar byed par sus nus zhe na/ mkhas pas zhes bya ba smos te/ blo dang ldan pa'o/ /dper na pha rol gnon pa dag gis 'thab po na dgra'i dpung 'joms par nus pa de bzhin du shes pa'i khyad par gyis bskyed pa'i blos ni nyon mongs pa spong bar nus so/ /snga ma'i mkhas pa zhes bstan pa ni 'jig rten pa'i nyon mongs pa dgag pa'i thabs su gyur pa shes rab khyad par can dang ldan par bstan to/ /'dis ni zag pa med pa'i shes pa'i sbyor ba bstan to/ /'dir gang gi spyod pa yin zhe na/ smras pa/ lha dang zhes bya ba smos te/ lha'i dngos po yin pas lha ste/ gang dag sbyor ba dang mnyam par bzhag pa'i sa pa'o/ /mi ni 'dod pa na
- 148a
spyod pa'o/ /de spangs pas cir 'gyur zhe na/ sbyor ba kun dang bral ba'i phyir zhes bya ba yin te/ sbyor ba thams cad spangs pa'o/ /sbyor ba thams cad dang bral ba nyid kyis na sdug bsngal kun las grol bar 'gyur zhes bya bar sbyar te/ 'khor ba ni sdug bsngal mi bzang pa'o/ zhes bya ba'i tshig gis na 'khor ba las zhes bya ba'i don to/ /ji ltar na sbyor ba ni kun dang bral ba'i phyir sdug bsngal thams cad las thar pa yin zhe na/ 'di ltar sbyor ba las ni srid pa byung zhes bya bar smos te/ nyon mongs pa dang srid pa 'brel ba'i phyir te/ srid pa'i rtsa ba ste phra rgyas so zhes bya ba'i tshig gis so/ /sbyor ba med par srid pa zad ces bya ba ni sbyor ba dang bral bas sdug bsngal thams cad kyi mthar byed par 'gyur te/ sa bon spangs nas myu gu dang bral ba bzhin no/ /lam 'di gnyis ni zhes bya ba ni sngar bstan pa'i lam rnam pa gnyis te/ gcig tu bsdu ba rnam pa gnyis kyi lam zhes bya ba'i don to/ /shes kyis la zhes bya ba ni rtogs par bya ba ste/ 'jig rten dang 'jig rten las 'das pa'i shes pas so/ /ci'i phyir lam 'di gnyis zhe na/ srid pa dang srid pa med pa'i zhes bya bas bstan te/ lam gcig pa ni srid pa mngon par grub pa'o/ /gnyis pa ni srid pa zad pa'o// de la 'dir mkhas pas gang la gnas par bya zhe na/ mkhas pa de la bslab par gyis zhes bya ba ste/ blo dang ldan pas lam de la 'jug par gyis shig pa'o/ /spyod las rab tu 'da' bya'i phyir/ zhes bya ba ni gang la 'jug cing spyad pas sbyor ba rnam pa bzhi las 'da' bar byed pa ste/ spangs pa'i phyir ro/ /kha na ma tho ba med pa'i bden pa thob pa ni de dang 'brel ba'i phyir ro/ /thar pa'i lam bsgom pa'i sbyor ba nub par ma gyur kyang srid pa'i 'bras bu legs par
- 148b
spyod pa nan tan du bya'i/ nyes pa sbyar pa la ni ma yin no/ zhes bstan pa'i phyir smras pa/ nyes par spyad pas zhes bya ba la sogs pa'o/ lha zhig gis 'di skad du/ gang des byas pas 'dir ni gdung bar 'gyur/ /ngan 'gror song ba'i 'og tu 'ang gdung bar 'gyur/ /gang de byas pas der ni dgar 'gyur zhing/ /bde 'gror song ba'i 'og tuAng dga' bar 'gyur zhes zhus pa dang/ /'di gsungs so/ /nyes par spyad pas zhes bya ba ni sdug bsngal gyi 'bras bu'i las ngan par spyad pa'o/ /byas pa zhes bya ba ni bsgrubs shing bskyed pa ste/ nye bar bsags pa'i phyir ro/ /pas zhes bya ba ni de bas na ste/ de las byung ba'i yid la gcags pa'i tshul gyis gang la la bsad pa dang bcing ba dang/ lag pa bcad pa la sogs pas cho? 'di nyid du gdung bar 'gyur ba nyid do/ lus dang sems kyis gdung ba chen po nyams su myong bar 'gyur ro/ /mthong ba'i chos kyi nyes dmigs bstan nas so/ 'jig rten pha rol gyi nyes dmigs smras pa/ ngan 'gror song ba'i 'og tuAng gdung bar 'gyur zhes bya ba smos te/ ngan song du skyes nas kyang gdung ba shin tu drag po thob par 'gyur ro/ /legs par spyad pa byas par dgar 'gyur zhing zhes bya ba ni bde ba'i 'bras bu'i las dge ba bsags pas bdag gis ni de ltar bsags so zhes dran pas tshim par 'gyur te/ mchod pa dang/ zhe sa dang/ bsnyen bkur yang 'di nyid du 'thob par 'gyur ba'o/ /bde 'gror song ba'i 'og tuAng dga' bar 'gyur zhes bya ba ni/ bde 'gror song nas kyang tshim par 'gyur ba'o/ /de nyid kyi phyir legs par spyod pa dang nyes par spyod pa gnyis kyis ni 'di ltar 'dod pa dang mi 'dod pa'i 'bras bu yin pas des smras pa/ phyi nas zhes bya ba la sogs pa smos so/ /mnyan yod
- 149a
na chen chung gnyis phrag dog gis zil gyis gnon pa'i phyir byang stems kyi sbyor ba don du gnyer nyes lha ma nyes pa la sogs pa legs par spyod pa la 'jug cing mchog tu mchod pa rtsom pa'i bud med ? brtsams so/ /lus can sdug bsngal gyis 'jigs pas/ /ma byas ci zhig byas pa bla/ /mi ni bde ba 'dod pa yis/ /ci zhig byas na byas pa rung/ zhes lhas gsol pa las gsungs so zhes kha cig zer ro/ /nyes spyad ma byas zhes bya ba ni ngan par spyod pa ma byas pa nyid mchog yin te/ ci'i phyir zhe na/ phyi nas gdung 'gyur de byed pas zhes smos te/ 'di ltar ngan par spyod pa de byas par gyur pa dang dus na nyam du rnam par smin pa dang ldan pa yin pas phyi nas zhes bya ba ste/ dus gzhan na'o/ /de byed pa'i sems can ni tshe 'dir yang kha na ma tho bas yid la gcags pa la sogs par 'gyur? la 'jig rten pha rol tu yang ngan song du 'gro ba la sogs pas nye bar gdung bar 'gyur ba yin te de bas na de ma byas pa ni rab tu sngags pa yin no/ /legs par spyod pa byas na rung zhes bya ba ni yang legs par spyod pa nyid la nan tan du byed pa nyid mchog yin te/ 'di ltar gdung bar mi 'gyur de bya ste zhes bya ba 'di dang gzhan du de byas pas gdung ba med pa'i phyir ro/ /legs par spyod pa bya ba dang nyes par spyod pa mi bya'o zhes nges par bya ba ni tshig mthong zhing chos mnyan pa las 'gyur ro/ /dam pa'i chos ston pa yang mkhas pa kho nas rtogs shing shes pa khyad par can gyi nus pa yin te/ de yang ji lta ba bzhin du sems can la ston pa las shes par 'gyur ro/ zhes bstan pa'i phyir/ mkhas dang zhes bya ba la sogs pa smos so/ /tshe dang ldan pa byi sha ka pany+tsa la'i bu dge slong rab tu mang
- 149b
po bsti gnas kyi khang pa dag tu 'khod pa la chos ston par byed de/ pho brang 'khor gyi tshig dang/ snyan pa dang/ rnam par gsal ba dang/ yid du 'ong ba yin pas de dag gis kyang gus pas mnyan par gyur to/ /ji tsam na bcom ldan 'das kyis gsan te/ byi sha ka legs so legs so zhes pa nas tshigs su bcad pa gnyis gsungs so/ /ma smras zhes bya ba ni tshig cung zad mi brjod cing mi ston na ni mkhas pa 'am blo dang ldan par mi rtogs te/ mkhas pa ni tshig gi khyad par gyis mtshon pa'i phyir ro/ /ci'i phyir shes par mi 'gyur ce na mkhas dang byis pa 'dre ba las zhes smos to/ 'dres pa ni rkang pa dang lag pa dang mig dang gdong dag ni tshul 'dra ba ste/ byis pa dang cho? mtshungs shing 'di ltar chu dang 'o ma bzhin du tha dad par rtogs par mi nus so/ /smras pa yis shes par 'gyur zhes bya ba ni tshig gi khyad par las 'di dam pa'o/ /'di ni mkhas pa'o/ /zhes rtogs pa yin no/ /ji zhig smra ba yin zhe na/ slod shig dang zhes bya ba ste/ rigs pa dang lung gi de bzhin nyid ston par byed pa'o/ zhi ba'i go 'phang zhes bya ba ni 'tshe ba med pa'i don mya ngan las 'das pa dang/ de thob par byed pa'i lam zhes bya ba'i don to/ /'di ltar 'khor ba las rab tu gzhol ba'i tshig ni dam pa'i chos bstan pa zhes mi brjod do/ /de nyid kyi phyir 'dir yang tshig gi lhag mar brtag par bya'o/ /mkhas dang byis pa 'dres pa las/ /ma smras shes par mi 'gyur bas/ /zhi ba'i go 'phang smos shig dang/ /smras pa yis ni shes par 'gyur zhes bya ba yin te/ ma ni bas zhes bya ba ni srid pa de la phan 'dogs par byed pa'i phyir ro/ /dge slong dag srid pa mngon par 'grub pa ni sdug bsngal ba yin no zhes bya ba'i tshig gis so/ /rjes su myong ba'i phyir yang sdug bsngal 'byung ba'o/ /mkhas pa ni de bzhin nyid
- 150a
ston cing sbyor ba yin no/ /bshad pas zhes bya ba ni smras pa ste/ mkhas pa'o/ /gsal ba zhes bya ba ni rnam par byed pa ste rigs pa dang lung gnyis kyis 'di'i don bstan par byed pa'i phyir ro/ /gang bshad med/ chos zhes smos te/ bsten pa'i tshul gyis so/ /yang na bshad pa ni brjod pa'o/ /gsal bar bya ba ni don la dpyod pa'o/ /drang srong ni de bzhin gshegs pa'o/ /bsgreng bar gyis zhes bya ba ni gzugs par gyis shig pa ste/ steng du bzhag pa dang yang dag par bsngags pa'o/ /rgyal mtshan ni rtags te/ dper na rgyal mtshan gyis rgyal po dang sman pa la sogs pa'i gnas su skye bo rnams kyis shes pa yin te/ tshul de bzhin du chos ston pa'o/ /ci'i phyir de ltar zhe na/ legs bshad ces bya ba ste/ bde blag tu rtogs pa'i thabs ston cing gang brjod pa de ni legs par bshad pa'o/ /de'i rgyal mtshan gyi tog rang gi ngo bo ston pa yin zhes rtogs pa gang yin pa de ni thub pa yin no/ /ci'i phyir legs par bshad pa drang srong rnams kyis rgyal mtshan yin zhe na/ chos yin pas zhes smos te/ gang de khyad par can gyi don dang ldan la gzhan la phan ston pa de ni 'dir bstan pa'i chos la dgongs so/ /de nyid ni dgra bcom pa 'dod chags dang bral ba bya ba byas pa rnams kyi yin gyi gzhan gyi ni ma yin no/ /de ni bdag nyid la bstod pa'i tshig mi brjod de de las gzhan pa'i sems ni zhi ba la 'jug pa'ang ma yin la thams cad gzhan gyis rtogs par nus pa kho na yin no/ /'on kyang gzhan gyi don du phyin ci ma log par ston pa yang yin la rnyed pa dang bkur sti la bltos pa med pa'ang yin te/ de nyid ni de dag gi rgyal mtshan yin no/ /des na mtshon pa yin te/ gdugs dkar po la sogs pa nyid dang rna cha gdung 'khor
- 150b
la sogs pas rgyal po'i yan lag bzhin to/ gdugs dkar po ni mtshon pa yin par rab tu grub po/ /ci gang su dag dam pa'i chos ston pa'i mkhas pa bdag nyid brjod ma de thams cad du bsngags pa yin nam zhe na/ 'di ni gcig tu ma yin te/ 'di ltar khyad par du rtsod pa'i dus kyi 'gro ba 'di na'o/ /zhes bshad do/ /ma smras zhes bya ba la sogs pa smos te/ mdzes dga' mo'i gtam rgyud khyim bdag mgon med zes sbyin gyis thos pas yid mi dga' bar gyur te/ nad kyis btab pa'o/ /de nas bcom ldan 'das kyi spyan sngar spyan 'dren pa'i skyes bu btang ste gshegs pa las btsun pa bdag ni khyod kyis bshad pas dga' ba skyes par gyur to zhes gsol ba dang/ de nas bcom ldan 'das kyis tshigs su bcad pa gsum gsungs so// gnod byed cing zhes bya ba ni bshud pa ste/ tshig gi rgyu gang gis kyang ngo/ /tshig cung zad kyang ma smras shing mi brjod na ni 'di ni rtag tu lkug pa bzhin du 'dug go zhes smod par byed do/ /mang du smras na yang zhes bya ba ni mang du smra ba'i tshul gang la yod pa ste shin tu snyan pa'i tshig mang po brjod pa de la yang 'di ni rlung gi rang bzhin can no zhes mi snyan pa brjod par byed do/ /de la bus smras kyang zhes bya ba ni gang la dal bus smra ba'i tshul yod pa ste/ nyung ngu smra ba de la yang 'di ni tshig gcig kyang gser la sogs pa 'tshong ba ltar byed do zhes smos par byed do/ /des na 'jig rten na ni mi smod med ces bya ba yin te/ bstod pa ni thams cad du med do/ /brgya la byung ba 'am ma byung bar 'gyur ba la yang smad pa 'am bstod par bya ba yod dam zhe na/ ma yin te gcig pu smad par bya ba dang zhes bya ba ste/ skye bo thams cad la rnam grangs thams cad kyis kyang ste/ lhas byin la sogs pa la yang smod par byed pa med do/ /mi zhes bya ba ni sems can te skyes bu'o/ /gcig tu bstod pa zhes bya ba
- 151a
ni rnam pa thams cad kyi thams cad du bde ba'i bdag nyid kyis bstod par byed pa 'di yang med do/ /byung bar ma gyur ces bya ba ni sngar ma byung ba ste/ skyes bu gnyis po ni sngon du ma byung ba'i phyir ro/ /'byung mi 'gyur zhes bya ba ni a 'ongs pa'i dus na'o/ /de ltar na da ltar byung ba la yang yod do zhe na/ da ltar yod pa ma yin te zhes bya ba smos te/ da ltar byung ba'i dus na yang gang na yang 'di yang med do/ /ci don dam par sems can gang la smad par bya bar mi 'os pa yod dam zhe na/ gang gis zhes bya ba smos te/ sems can gyi khyad par ro/ /shes rab can dag bstod byed de zhes bya ba ni rnam pa sna tshogs shes pa ste/ thams cad mkhyen pa de bzhin gshegs pa la ni gzhan yang bsngags brjod par byed pa'o ci zhig byas pas zhe na ji lta ji ltar rtogs gyur pa zhes bya ba ni 'dis rjes su sbyor ba yin pas rtogs par gyur pa ste lta zhing rtogs pa'i blo sngon du 'gro ba'i phyir dam pa rnams kyi bya ba ni ji lta ba bzhin du rtogs zhing brjod de/ yongs su brtags pa yang ji skad du gsungs pa dang/ de nas bcom ldan 'das kyis de'i ched du phan tshun gyi skye ba brgyud pa las gzigs nas lung bstan pa yin no zhes bya ba la sogs pa'o/ /ji lta bu zhe na/ 'phan ni ma byung zhes bya ba smos te/ gzhan gyi 'khrul pa dang 'phan byung ba'i tshul gang la yod pa de ni de'o/ /gzhan gyi tshig ngan pa la gang mi 'jug pa de ni 'phan ma byung ba'o/ /yang na 'phan pa byung ba de ni dpyod pa med pa gzhan gyis gus pa dang rtag tu sbyor ba gnyis kyis 'jug pa'i tshul te/ 'dis ni brtson 'grus dang bag yod pa bstan pa ste/ rgyun tu dge ba'i bya ba 'jug pa'o/ /'dis tshogs kyi lam bstan nas 'phags pa'i lam bstan pa dad pa dang tshul khrims blo dang ldan pa dang/ zhes bya ba'o/ /dad pa'i
- 151b
sgra ni 'dir de mang du byed cing de sgrub pa la legs par bya ba la ting nge 'dzin du 'dis bstan te/ des na yang 'dis ni tshul khrims dang ting nge 'dzin dang shes rab kyi phung po'i 'phags pa'i lam bstan to/ /de lta bur blo la sogs pa dang ldan pa ni nyon mongs pa dang dri ma thams cad spangs pa yin zhing khyad par thams cad 'thob pa yin te/ smad 'os min zhes bya ba dang sbyar ro/ /ji lta bu zhe na/ dzam+bu'i gling gi gser brgyan bzhin zhes bya ba bstan to/ dzam+bu'i chu bo'i gser bzang po legs par bsgyur te/ bzo sna tshogs byas pa'i rgyan ni gang gis kyang smad par 'os pa ma yin te/ gnyis ka las skyon dang bral ba de bzhin du yon tan dang ldan pa'i bdag nyid chen po yang lha 'am mi rnams kyis smad par 'os pa ma yin no/ /smad pa dang bstod pa byas kyang 'gyur ba ma yin no zhes bstan pa'i phyir ji ltar ri dang zhes bya ba la sogs pa smos so/ /gyad bu nor la mdza' bo dang sa can la sogs pa ni smod par byed la lha la sogs pa ni bstod par byed kyang de'i lus sems la gzhan du 'gyur pa med de des na tshigs su bcad pa gnyis gsungs so/ /ji ltar zhes bya ba ni dper na'o/ /ri dang brag ni sa 'dzin te rdo'i bdag nyid do/ /rlung g.yos par mi 'gyur ltar zhes bya ba ni rlung gi shugs kyis rnam par bsgul bar mi nus so de bzhin ni de ltar ro/ /bstod pa dang smad pa byas kyang mkhas pa 'am dam pa ni mi g.yos shing 'gul ba med de/ rnam par 'khrug par yang mi byed la dga' bar yang mi byed do/ /de ltar 'gyur ba med pa la ji ltar smad pa'i gnas su 'gyur te/ de bas na mi srid do zhes bstan pa'i phyir gang gi zhes bya ba smos te/ sems can gyi khyad par gyi'o/ /rtsa ba'i ni sa bon te/ nye bar len pa dang bcas pa'i rnam par shes pa zhes bya ba'i don to/ /sa la med pa zhes bya ba ni zhing la ste/ rnam par shes pa gnas pa
- 152a
bzhi la med pa'o/ /lo ma med ces bya ba ni nga'o snyam pa'i nga rgyal te/ dge slong dag gis lo ma bcom par 'gyur zhe na nga'o snyam pa'i nga rgyal 'dir spangs shing shes pa'o zhes mdo las bstan to/ /dper na lo mas ni shing stug po ltar snang ba bzhin du nga'o snyam pa'i nga rgyal gyis kyang skyes bu de ltar snang ngo/ /lcugs phran ga la yod ces bya ba ni gang la rtsa ba nyid med pa de la sdong po yang med na lo ma dang lcugs ma lta yod par ga la 'gyur zhes pa'o/ /lcug phran ni sred pa la bya ste ji skad du/ ka ba lnga pa'i khang pa la/ /lcug phran gyis 'bigs skye ba 'gyur te/ /srid pa'i lcug ma skyes pa la/ /thub pa'i shes rab kyis bcad do zhes gsungs so/ /de zhes bya ba ni de lta bu'i sems can no/ /brtan pa ni 'phags pa'i lam gyi sbyor pas bkris med pa'i nye bar len pa'o/ /'chid ba las grol ba zhes bya ba ni 'dis 'chid ba yin pas 'chid ba ste/ nyon mongs pa 'am nyon mongs pa dang rjes su mthun pa zag pa dang bcas pa'i dngos po'o/ /nyon mongs pa spangs pa ni sngar bstan pa la 'dis ni lhag ma spangs par bstan te/ /'khor ba spangs pa zhes bya ba'i don to/ /de la sus kyang smad par 'os pa ma yin te kha na ma tho ba med pa'i phyir ro/ /'di lta bur rtogs pa'i bdag nyid chen po ni gzhan gyi blos rtogs pa ma yin no zhes bstan pa'i phyir gang dag la ni zhes bya ba la sogs pa'o/ /tshe dang ldan pa go ti ka lan bdun pa byas te/ dus kyis sems rnam par grol nas yongs su zad la ston pa mnyes par byas te/ de la 'di gsungs so/ /spros pa ni rab tu rnam par 'jig pa'i rkyen te/ 'dod pa'i yon tan lnga zhes bya ba ston 'dod pa spangs shing rab tu byung ba'i phyir ro/ /de yul gyi 'dod pa spangs par bstan nas 'dis nyon mongs pa'i 'dod pa spang bar bstan pa'i phyir gnas pa zhes bya
- 152b
ba smos te/ 'dis gnas par byed pas zhes bya ba nas so/ /'dod pa na spyod pa'i nyon mongs pa de spangs nas 'di na gnas shing rab tu gnas pa ste go skabs yod pa'o/ /med pa ni yod pa ma yin pa'o/ /'dod pa la 'dod chags pa zhe sdang gnyis khyab par du shes cher bstan pa'i phyir kun sbyong gdung la zhes bya ba ste/ 'dis sbyor bar byed pa yin pas sbyor zhing 'byar ba ste/ 'dod pa'i sred pa zhes bya ba'i don to/ /'dis gnod par byed pa yin pas gdung ba ste khong khro ba zhes bya'o/ /de gnyis las rab tu log pa ni rab tu 'das pa'o/ /'dod pa la 'dod chags dang bral ba bstan nas khams gong ma'i sa pa las 'dod chags dang bral bar bstan te sred bral zhes bya ba ni 'tshe ba med pa'i phyir gong ma'i sred pa la dmigs pa de spangs na sred bral zhes brjod do/ /de gnyis kyis na khams gsum mdza' dag las 'dod chags dang bral bar bstan pa'i phyir thub pa zhes smos te/ mi slob pa'o/ /de dag rgyu mdzad ces bya ba ni phung po lhag ma med pa'i mya ngan 'das pa las gzhol bzhin du bsod snyoms la sogs pa dag la rgyur mdzad pa'o/ /mi shes pa zhes bya ba ni rang gi ngo bo mi rtogs pa'o/ /lhar bcas 'jig rten zhes bya ba ni lha dang bcas pa'i 'jig rten gyis kyang mi shes na/ ngan song gi 'gro ba lta smos kyang ci dgos/ /gang gis dri ma thams cad ma lus par spangs pa de nyid ni nam yang gang gis kyang bkrir mi rung ba yin no zhes bstan pa'i phyir gang zhig ces bya ba la sogs pa smos so/ /rgyal po zas gtsang ma bcom ldan 'das kyi zhal mthong bar dga' ste/ 'char ka pho nyar btang nas de bcom ldan 'das kyi thang du song ste yi ge phul nas zhus pa/ gal te bcom ldan 'das rang nyid mi gshegs na stobs kyis dgug par bya'o zhes pa nas tshigs su bcad pa bzhi'i bar du
- 153a
gsungs so/ /gzhan dag ni byang chub snying por bdud kyi bu mo dag gi dbang du mdzad pa'o zhes zer ro/ /de nas kun tu sgyu dra ba can mu stegs can gyis bskul te/ bcom ldan 'das dbang du bya zhing khyed par bya'o zhes pa dang de las brtsams te/ de thos pas mngon par dang de de bzhin gshegs pa'i zhabs la mgo bos phyag 'tshal te/ gang bstan pas ji tsam na dgra bcom par gyur to zhes gzhan dag zer ro/ /gang zhig ces bya ba ni thub pa mchog rgyal zhes bya ba ni nyon mongs pa la sogs pa spangs pa'o/ /mi nyams pa zhes bya ba ni yong su mi nyams pa dang yongs su mi shigs pa ste/ de bzhin gshegs pa ni yongs su mi 'jigs pa'i chos can yin te/ gang rgyal ba ni rgyal ba nyid do/ /ci ste spang bar bya ba 'am ma rgyal ba cung zad yod dam zhe na/ 'di la rgyal zhes bya ba smos te/ 'jig rten 'di na spang bar bya ba ma spangs pa cung zad kyang med de/ nyon mongs pa dang shes bya'i thob pa'i sgrib pa spangs pa'i phyir ro/ /de nas sangs rgyas zhes bya ba ni mdza' dag thugs su chud pa'i phyir ro/ /spyod yul mdza' yas zhes bya ba ni gzhan gyis don rtogs su mi rung ba'i phyir ro/ /yang na mdza' yas pa ni dpag tu med pa'i spyod yul gang la yod pa'o/ /yang na dran pa nye bar gzhag pa bzhi'i spyod yul lo/ /'gro med ces bya ba ni nyon mongs pa dang las spangs pa'i phyir ro/ /de gnyis ni bkri pa dang 'brel pa yin te/ de med pa'i phyir ro/ /go 'phang gang gis bkri zhes bya ba ni thabs gang gis bsam mthu gang gis khyer bar byed ces bya'o/ /mthu rtsal mdza' yas de zhes bya ba ni mdza' yas pa'i mthu rtsal gyi brtson 'grus gang la yod pa ste/ yang dag par spong ba bzhi dang ldan pa'i phyir ro/ /mthu rtsal khyad par can dang ldan pa ni
- 153b
gzhan gyis bkri zhing khrid par nus pa ma yin no/ /mthu rtsal khyad par can ma gtogs pa ni mngon par 'dod pa'i dngos po 'thob pa ma yin no zhes 'dis bstan te/ de bas na yang dag par zhugs shing 'bad pa kho nas ni bya ba 'grub pa yin no/ gang la dra ba zhes bya ba'i sred pa ji lta bur med ce na/ dra ba zhes smos te ma 'ongs pa'i yul ni yongs su gsal bar med pa des dra ba dang 'dra ba'i phyir ro/ /yul sred ces bya ba ni da ltar byung ba'i yul la chags pa'o/ /de gnyis ni rkang pa gnyis dang 'dra bar 'gro zhing 'gro ba gzhan dag tu kun tu 'gro bar byed do/ /'gro ba med pa zhes bya ba ni 'gro ba dag tu'o/ /khrid byed pa zhes bya ba ni 'dren pa ste sred pas ni skye dgu rnams 'dren par byed do/ /zhes bya ba'i tshig gis so/ /lhag ma ni rtogs par sla'o/ /rnam par rtogs pa spangs pa ni sred pa spangs pa yin no zhes bstan pa'i phyir smras pa gang zhig ces bya ba la sogs pa'o/ /yul be ra rgyan tshong dpon zhig 'byor ba che zhing phun sum tshogs pa'i khyim la mi dga' ste/ rab tu byung nas gtsug lag khang du chos mang po bstan pa byis pa las 'di gsungs so/ /gang zhig rnam par rtog pa rnams bsal zhing zhes bya ba ni 'dod pa'i rnam par rtog pa la sogs pa gang rnal 'byor du spyod pas bsal zhing rnam bar sbyangs pa ste phyi rol tu lta ba'i rnam par rtog pa thams cad spangs pa'i phyir ro/ /nang gi kun la rnam par rtog pa med pa zhes bya ba ni gang gis lta ba 'jug pa ste sems dang sems las byung ba thams cad kyis rnam par rtog pa med cing rnam par rtog pa dang rnam par dpyod pa spangs pa'i phyir te/ bsam gtan gnyis pa la brten nas rnam par rtog pa dang dpyod pa bsal ba'i phyir ro/ /kun zhes bya ba ni nyer bsdogs pa dang/ dngos gzhi la bltos pa'i phyir ro/ /'dis
- 154a
mi 'dod pa dang bsam gtan dang po las 'dod chags dang bral bar bstan te/ bsam gtan gnyis pa dang gsum pa las 'dod chags bral bar bstan pa'i phyir kun tu sbyor 'das zhes bya ba ste/ bsam gtan gsum pa la brten nas bsam gtan gnyis pa'i sa pa'i dga' ba'i sred pa spong ba yin no/ /bzhi pa la brten nas ni bsam gtan gsum pa'i sa pa'i bde ba'i sred pa spong ba yin no/ dga' ba dang bde ba ni 'dir kun tu sbyor ba'i sgrar brjod do/ /gzugs dang 'du shes 'das zhes bya ba ni gzugs la chags pa dang bral bar bstan to/ /gzugs med pa las 'dod chags dang bral bar bstan pa rnal 'byor bzhi dang bral ba zhes bya ba ste/ bzhi ni nam mkha' mdza' yas skye mched la sogs pa las skyes pa'i skye mched la gang sbyor pa las nyon mongs pa dang bral ba de ni de nyid de nam mkha' mdza' yas skye mched la sogs pa'i sa pa dag las nyon mongs pa dang bral ba zhes bya ba'i don to/ /yang na sbyor ba rnam pa bzhi las so/ /skye ba med ces bya ba ni gang du yang skye ba yongs su mi len pas te/ de'i rgyu spangs pa'i phyir ro/ /ji ltar skye ba len par mi 'gyur zhe na/ thams cad las grol ba'i phyir te/ de nyid bstan pa sngon bral zhes bya ba smos te 'di'i gling gzhi ni nags ni chod dang shing med do zhes bya ba der bstan to/ /bral ba ni spangs pa'o/ /sngon zhes bya ba ni sngon du 'gro ba ste/ ma 'ongs pa'i spang bar bya ba yang spangs pa'o/ /phyi ma dang bral zhing zhes bya ba ni 'das pa'o/ /dbus bral zhes bya ba ni gang da ltar byung ba'i dus gyi gnas pa de yang spangs pa ste de'i yul la chags pa med pas spangs pa'i phyir ro/ /de yongs su spangs nas 'di ji ltar 'gyur zhe na/ sred pa'i phyi rol
- 154b
phyin ces bya ba smos te/ yang srid pa'i las kyi mthar phyin pa'i phyir ro des na bshad pa rnam pa kun las sems grol ba zhes bya ba smos te/ nyon mongs pa dang las las rnam par grol ba zhes bya ba'i don to/ /skye rga yang ni 'dren mi 'gyur ro zhes bya ba ni yang skye ba dang rga ba thob par mi 'gyur te/ 'thob pa'i rgyu spangs pa'i phyir ro/ /phrugs kyi tshoms te nyi shu dgu pa'i rnam par 'grel pa rdzogs so// //phrugs bstan pa las rjes su 'bad pa'i 'bras bu bstan pa'i phyir de'i 'og tu bde ba'i tshoms bstan to/ /de'i phyir 'dir ni phal cher nag po dang dkar po'i phyogs rab tu 'byung ba dang ldan pa'i tshigs su bcad pa bshad de/ nag po'i phyogs su spang ba dang dkar po'i phyogs la nan tan du bya ba bstan bas de la nan tan du byas pa'i bde ba yang bstan pa ni rgyal ba las ni zhes bya ba la sogs pa smos so/ /'di'i gleng gzhi ni las kyi tshogs su blta bar bya ste/ re zhig 'dir de'i bar du bshad de/ rgyal po'i khab na phas kyi dgra'i grogs po zhes bya ba'i bram ze 'jig rten rgyang pan pa las gzhan mi shes pa zhig ste/ ji tsam na bcom ldan 'das kyi thad du song nas bab col du kye gau ta ma khyod ni rgyal po rgyal po zhes smras te/ de nas tshigs su bcad pa gnyis gsungs te/ de thos pas dgra bcom par gyur to/ /zhes gzhan dag zer te/ rgyal ba zhes bya ba ni gzhan zil gyis mnan cing bdag nyid mtho bar gyur pa ni rgyal ba'o/ /de nas kho na byung ba na khong khro ba dang rjes su 'brel cing rab tu skye ba'o/ /de'i phyir bdag nyid 'di las rgyal bar bya ste/ yang 'di la bdag gis bag dbab par mi bya zhing 'di'i rtsa ba lhag ma med par dbyung bar bya'o/ zhes pa ste dgra'i lhag ma ni bzhag go zhes bya ba la sogs pa'i tshig gis so/ /kho na ni gzhan la gnod par byas pa las bag chags
- 155a
dang rjes su 'brel pa'o/ /'byung ba zhes bya ba ni bdag gis yang chung ngu dang bar la sogs pa'i rim pas 'phel ba'o/ /pha rol pham pas sdug bsngal 'thob ces bya ba ni gang yang gzhan zil gyis gnon cing sa? bkod par byed pa de ni sdug bsngal bar gnas te/ lus sgrub pa la so ba la nyam chung zhing dka' ba'i gnas skabs thob la/ nang gi yid shin tu gdung ba byas pa nyams su myong zhing 'dug pa'o/ /gnyis ka yang gnyis ka la 'byung mod kyi phal cher re re la brjod do/ /de ltar na gang zhig gi bde ba 'thob ce na nye bar zhi ba'i bde ba 'thob ces bya ba ste nye bar zhi ba la gnas par byas na bdag dang gzhan la 'tsho? ba spangs pa ni dbang po rnams tshim bzhin du 'dug pa'o/ /ci zhig byas nas nye bar zhi bar 'gyur zhe na/ rgyal dang pha rol pham spangs nas/ zhes bya ba smos te/ gzhan bzhin du don dang 'brel ba yin te/ rgyal ba ni bdag nyid mtho ba ste/ gzhan zil gyis gnon pa yang spang zhing yongs su spang bar bya ba yin te/ gdung ba'i rgyur gyur pa'i phyir pha rol pham pa bzhin no/ /gang bde ba sbyin par 'gyur zhing 'tshe ba las ldog pa de nyid ni bde ba dang grol bar 'gyur gyis gzhan ni ma yin no zhes bstan pa'i phyir gzhan la sdug bsngal ba skyed pa yin zhes bya ba yin te/ gzhan gyi rgyud la sdug bsngal sgrub pa'o/ /gang zhig bdag gis bde 'dod pa zhes byas pa ni gang la la bdag nyid dang 'brel ba'i bde ba mngon par 'dod cing sems pa'o/ /dgra dang mi 'brel 'grogs pa dang zhes bya ba ni dgra'i dpe bstan te/ mi 'bral zhes bya ba ni gnod pa dang 'tshe ba la sogs pa'i gdung ba ji snyed pa bstan pa yin te/ sdug bsngal gyi gnas skabs de gnyis dang 'grogs pa ni ldan pas nye bar gtses pa'o/ /ji
- 155b
skad du bshad pa rgyal ba las ni khon la sogs pas gzhan phan pa'i sdug bsngal gyi gnas skabs yin no zhes bya ba bstan te/ blo phyin ci log pas bde ba 'dod la sdug bsngal gyi rgyu la spyod pa'o/ /de ni sdug bsngal las mi 'grol zhes bya ba sdug bsngal ni lus dang sems kyi ste/ sdug bsngal gyi yongs su spyod pa dang 'khor ba las nges par mi 'byung ba'o/ /tshigs bcad snga ma de nyid dbye ba bstan pa bde ba 'dod phyir zhes bya ba la sogs pa'o/ /bcom ldan 'das mnyan yod du bsod snyoms kyi phyir gshegs pa dang de'i tshe mnyan yod dang rgyal byed kyi tshal gyi bar na ba lang gi khyu gnas te/ ba lang rdzi gtser bu nyams chung zhing rkem pa zhig gis khyim bdag dang zhing pa dag gis bdag la gnod pa byed na mi rung ngo zhes nas/ nas kyi zhing la zhugs pa'i ba lang dag khros te/ dbyug pa ring pos lan du mar brgyab pa dang/ bcom ldan 'das kyis tshigs su cad pa gnyis gsungs so/ /bde ba 'dod pa yin pas bde ba 'dod pa ste bde ba la 'chums pa'i phyir ro/ /'byung bo ni srog chags so gang zhig ces bya ba ni gtum pa'i sems can no/ /chad pas zhes bya ba ni dbyugs pa la sogs pas gnod pa byed pas so/ /'tshe zhing zhes bya ba ni rdeg par byed pa'o/ /ci'i phyir zhe na/ bdag gi bde ba 'dod pa'i phyir zhes bya ba ni bdag dang 'brel ba'i bde ba myong bar 'dod pa'i phyir te/ byis pa ni gzhan gyi sdug bsngal gyis bdag gi bde ba 'dod par byed do/ /de las bzlog pa ni dam pa ste/ ji skad du bu ram shing bzhin gzhan btser? de/ /bdag gi bde ba 'dod par byed/ /rtsod pa'i dus su khyad par du/ /rang bzhin me ltar sreg pa'o/ /sdug bsngal ba ni snying rje yi/ /bde ba ma skyed pa gang gis 'gyur/ /snying rje can rnams gzhan gyis ni/ /bde ba skyed de des? bde byed ces so/ /de
- 156a
yang 'di ltar phyin ci log pas 'jug pa ni byis pa ste/ 'di 'am pha rol tu bde ba thob pa ma yin no zhes bstan pa'i ces bya ba'o/ /gnyis pa ni dkar po'i phyogs bstan te/ rtogs par sla'o/ /bde ba dang sdug bsngal gnyis kyi rgyu ni don dam par chos dang chos ma yin pa gnyis yin gyis gzhan gyi ma yin no zhes bstan pa'i phyir/ chos spyod pa legs par zhes bya ba la sogs pa smos so/ /rgyal po'i khab na 'tsho byed gzhon nus bskyed kyi bu gnyis rab tu byung ste/ gcig ni dgra bcom par gyur to/ /gnyis pa ni tshul nyams te/ des bcom ldan 'das la gsol pa/ bdag rab tu byung bas gnas te/ de yang bcom ldan 'das 'di nyid na bzhugs bzhin du bdag 'dod pa la longs mi spyod cing sdig pa mi bgyid de/ bdag 'di nyid kyis dmyal bar mi 'gyur ro zhes pa nas/ mtho ris su skyes te/ de las brtsams nas tshigs su bcad pa lnga gsungs so/ /yang na byang chub sems dpa' gtsug na nor bu zhes bya ba'i mthus de'i gzhung tshogs kyi nang du seng ge'i khri la mdzegs nas chos 'di bstan to/ /zhes so chos spyod ces bya ba ni snying rje bsten pa ste gzhan gyi sdug bsngal bsal ba dang bde ba bskyed par bya'o zhes bya ba'i don to/ /chos zhes bya ba ni nges pa'i tshig ni chen po 'dzin par byed pa'o/ /'tshe ba la sogs pa yang kha cig chos su 'dod de/ de las khyad par du bya ba'i phyir legs par spyad bya zhing zhes bya ba smos te/ bdag dang gzhan gyi bde ba'i 'bras bu spyod pa la 'bad pa ni bde ba'i chos so// de'i phyir srog gcod pa la sogs pa las ldog pa dang/ srog sbyin pa la sogs pa la 'jug pa ni legs par spyod pa'o/ /zhes thub pa rnams yis bstan to/ /yang chos spyod pa zhes bya ba ni bya ba rnams byed pa'o/ /de mi spyod ces bya ba
- 156b
ni chos ma yin pa la chos su 'du shes pa ste/ 'jig rten pa'i rig byed kyi 'gro ba la rnam par 'tshe ba la sogs pas de spyad par mi bya'o/ /ji lta bu zhe na/ nyes par spyod pa zhes bya ba smos te/ bdag dang gzhan la sdug bsngal gyi 'bras bu'i spyod pa la 'bad ba gang yin pa de chos la chos kyi 'du shes de la snga ma las bzlog ste brjod par bya'o/ /ci'i phyir zhe na/ chos spyad pas ni bde ba 'thob ces bya ba ste/ gang legs par spyod pa'i tshul chos spyod pa de ni bde ba la gnas pa yin te/ 'dir ni grags pa la sogs pas so/ /pha rol tu mngon par 'dod pa'i 'bras bu 'thob po/ /nyes par spyad pas de mi 'thob ces bya ba ni bzlog ste tshig gis kha skang bar bya'o/ /chos spyad pas ni bde ba 'thob ces bya ba ci'i phyir zhen/ chos spyod chos kyis zhes bya ba smos te/ snying rje'i rtsa ba legs par spyod pa'i bdag nyid chos yin te/ kyis zhes bya ba ni nyid kyi don no/ /gang gi phyir chos nyid spyod pa'i gang zag srung bar 'khrul pa med de/ gzhan lus la sogs pa'i stobs kyis ni ma yin te/ ji skad du/ myos pa'i glang chen gangs ri lta bu g.yo zhing 'gram pa rdul gyis gsher ba dang bran g.yog kyang ni snying nye go bgos mdung dang mdung thung ral gri mtshon thogs pas/ /mi rnams kyis ni g.yul ngor 'jug pa rag las de yis srung bar mi nus te/ /rang gi bsod nams bsags pa gang gis g.yul dang g.yul min dag tu srung bar byed ces so/ /thob pa'i longs spyod dang bcas pa'i bde ba ni chos kyi mthus yongs su nyams pa med pa 'di dang gzhan du 'di bstan nas 'di'i ma thob pa'i phyir bstan pa chos la legs spyod ces bya ba smos te/ tshul bzhin du bskyed pa ni legs par spyod pa ste/ dad pa dang gus pa thog mar 'gro bas dus su nye bar spyod pa skal pa dang ldan pa'i sbyin pa rgya chen po dang tshul khrims dang ldan pa'i skye bo dam pa dang 'grogs pa ni nges pa yin
- 157a
no zhes so/ /bde ba bskyed pa zhes bya ba ni 'dren dang grub par byed pa'o/ /phan yon de'o zhes bya ba ni phan 'dogs pa ni sngar bstan pa'i chos la legs par spyod pa byas na 'gyur ro/ /gzhan yang chos spyod ngan 'gror mi 'gro ste zhes bya ba smos te/ des ngan song gi sgo bkag pa'i phyir ro/ /'dis ni pha rol gyi phan yon bstan to/ /snga ma des gang bstan ce na/ 'di nyid kyi don dpe dang bcas pa rnam par spros te bstan pa'i dbang du byas nas yangs pa'i gdugs kyis zhes bya ba smos te/ chos kyis ji ltar bsrungs zhe na/ gdugs kyis ltar zhes bya ba ste dper na yangs shing che la stug pa'i gdugs kyis ni dbyar gyis dus su gang zag de nyid la char gyis byas pa'i gnod pa de las bzlog par byed cing srung bar byed do/ /de bzhin du bsod nams nye bar bsags pa 'di yang gnod pa du ma dag las te chos spyod pa'o/ /dbyar ka zhes bya ba ni char 'bab pa'i dus so/ /chos min spyod pa bde mi 'thob ces bya ba ci'i phyir zhe na/ chos min spyad ces bya ba smos te/ yang gang zag gang gis nyes par spyod pa'i tshul chos ma yin pa spyod pa'i bag med pa des na 'gro ba gang yang rung ba zhes bya ba ni lha'i 'gro ba dang/ mi'i 'gro ba 'am/ ngan 'gro'i 'gro ba dag 'dzin pa 'am skye bar 'gyur zhing 'thob pa'o// chos min spyod pa de dag brlag par 'gyur ba zhes bya ba ni chos ma yin pa nyes par spyod pa'i bdag nyid byas shing bsags pas ni chos ma yin pa spyod pa 'di de dang de'i 'gro ba dag tu gzhol zhing 'gro bar 'gyur ba 'am brlag pa ste gdung bar 'gyur ba zhes bya ba'i don to/ /dper dpe bstan pa/ 'di ni sbrul nag rked nas bzung ba ltar zhes bya ba ni dper na dbyug pa can la la zhig lam ring pos dub ste mtshan mo gnyid log pa las dbyug pa stor te/ sbrul nag
- 157b
po dbyig pa'i blos rked pa nas bzung ste/ sad pa na yongs su 'khyud de 'dzin par byed pa nyid la slar rgol bar byed pa de bzhin blun zhing ma rig pa'i dbang gis blo phyin ci log pa'i gang zag bag med pas chos ma yin pa spyad de byed pa po nyid la gdung zhing nye bar gnod pa byed pa yin no/ /ci'i phyir chos dang chos ma yin pa gnyis 'dod pa dang mi 'dod pa'i 'bras bur 'gyur zhe na chos dang chos pa min gnyis ka'i zhes bya ba smos te/ 'di ltar gnod par byed pa dang/ phan 'dogs pas 'dra ba ma yin zhing mi 'dra ba'i 'bras bu yang 'dod pa dang mi 'dod pa'i 'bras bu yin pa'i phyir te/ bdud rtsi dang dug bzhin no/ /'dra bar mi 'gyur ba dang rnam par smin pa zhes bya bar tshig sbyar te/ rang bzhin tha dad pa'i phyir bu ram shing dang nim pa'i sa bon bzhin no// rnam par smin pa yang yin la 'dra ba yang yin pas rnam par smin pa 'dra ba'o/ /de yod pa ma yin pa gang yin pa de ni rnam par smin pa 'dra bar mi 'gyur ba'o/ /rnam par smin pa mi 'dra ba de gang las zhe na/ 'di ltar chos ma yin pas dmyal bar 'gro zhes bya ba ni ngan par spyod pa bsags pa'i rgyus ngan song 'thob pa'o/ /chos kyi bde 'gro 'thob par 'gyur zhes bya ba ni rgyu legs par spyod pa yin pa'i phyir bde 'gro 'thob pa'o/ /gal te de ltar na ci'i phyir thams cad legs par spyod pa la mi 'bad ce na bshad pa dka' ba'i phyir te/ sbyin pa de re zhig chung ba yin na yang legs par spyod pa shin tu sgrub dka' ba yin na de las gzhan pa lta smos kyang ci dgos zhes bstan pa'i phyir sbyin pa byed pa zhes bya ba la sogs pa smos so/ /khyim bdag dpa' pos sbyin pa chen po lnga thos nas bcom ldan 'das la mngon par dad de ras zung cig dbul zhes bsams nas gos kyi mdzod du zhugs te brtags pa la zhugs pa dang gos pa thams cad bzang por mthong nas mngon par g.yengs par
- 158a
gyur te/ de las brtsams nas tshigs su bcad pa gnyis gsungs so/ /sbyin pa zhes bya ba ni rdzas yongs su gtong ba zhes bya ba'i don to/ /g.yul 'gyed zhes bya ba ni g.yul dor dgra rnams kyis gzas pa ste gos dang go cha bgos nas phan tshun rtsod cing brdeg pa'i bdag nyid do dang gi sgra ni gnyis po 'di mnyam pa yin no zhes bstan pa'o/ /de nyid kyi phyir 'dra zhes gsungs te mkhas pa rnams mnyam pa nyid du ston to/ /de ni dam pa rnams phan 'dogs pa dang gnod pa byed pa gnyis ci'i phyir 'dra zhes bstan te/ g.yul 'gyed pa'i bdag nyid ni yon tan ma yin la sbyin pa ni yon tan gyi bdag nyid de phan 'dogs par byed pa'i phyir yon tan yang don dam pa'i bya ba'i ngo bo yin no/ ji ltar g.yul 'gyed pa yon tan du bshad ce na/ 'ga' zhig dang g.yul byas kyang sems can dpag tu med pa la phan 'dogs pa ste/ 'di ltar dpa' bo chen po ded dpon du gyur pa'i byang chub sems dpa' 'di rga rom? na zhes bya ba'i gnod sbyin chen po ltar 'dir nyes pa ni chung pa yin la don che bas te tshong ba yongs su bskyabs pas yon tan yin no/ /gzhan dag na re/ yon tan thabs mo yin gyur na/ /nyes spyod thams cad yon tan phyir/ /thub pas yon tan 'jig rten du/ /rab grags thab mo nyid du bstan/ de ni 'jig rten gyis bstod pa'i khyad par de la gang zhig gnas par 'gyur zhe na mi ngan zhes smos te/ skye bo tha mal pa dang sems can dman pas zhes bya ba'i don te/ de ni yon tan gyi khyad par de gnyis la skye bo ngan pa mi brten cing mi gnas pa zhes bya ba'i don to/ /bdag nyid chen po nyid ni sbyin par byed cing g.yul 'gyed do zhes bya bar sbyar ro/ /'di gnyis gnas las yang dag par bstan nas dus
- 158b
kyang bstan pa'i phyir bshad pa sbyin pa byed pa'i dus dang g.yul 'gyed dus zhes bya ba smos te/ g.yul 'gyed pa'i dus bzhin du sbyin pa byed pa'i dus lta bar bya ste/ gang gi phyir 'di gnyis ni dus mnyam pa'i rgyu sgrub pa'i phyir ro/ /dper na g.yul 'gyed pa'i dus su stong phrag dang 'thab cing thub kyang rnam par g.yengs pa yin te/ ji ltar dgra bcom par bya ba dang mchen gang gis dang gis tshe 'am gang du dang/ bdag nyid bsrung ba ji ltar 'gyur ba dang/ ji ltar rgyal bar 'gyur ba zhes sems pa de bzhin du ji ltar sbyin pa'i dus na yang kun tu g.yengs pa yin te/ sbyin pa chen po bya ba dang nam zhig sbyin pa dang ji ltar sbyin pa dang/ ji tsam sbyin pa dang/ gang la sbyin pa dang 'di las cir 'gyur zhes bya ba la sogs pa la sems pa yin no/ /ci gnas dang dus kho na mnyam pa nyid du bstan tam zhe na/ rgyu yis yongs su bzung zhes bya ba yin te/ rgyu mdor bsdus pa las ni de ltar 'bras bu la sogs pa yang mnyam par 'gyur ro/ /sbyin pa dang g.yul 'gyed pa'i phun sum tshogs pa'i khyad par 'byung ba ni/ grags pa yang dag par 'byung ba zhes bya ba la sogs pa'o/ /yang na rgyu yis yongs su bzung ba ni de gnyis kun nas bslang ba'i rgyus kyang 'byung ba yin te/ gnas dang dus mnyam pa nyi tsher yang ma zad do zhes bya ba'i don yin te/ de'i rgyu blo dang snying rje dang bstan pa dang pha rol gnon pa'i bdag nyid de/ de dang ldan pas ni byang chub sems dpa' rnams kyang thab mo mdzad par 'gyur te ji skad du gsungs pa/ chos kyi bdag nyid yin yang de ni gzhan gyis brnyas pa dang/ rol pa'i bgegs dang dga' med 'jigs pa'i skye bo'ang rab 'bad pas/ /gzi brjid che ba'i tshul gyis ji bzhin rim pas g.yul 'gyed de/ /gnyis la mngon par phyogs pa'i sems kyis de ni rab tu byed ces so/ /sbyin pa ni bdag nyid chen po de la rab tu grags pa yin no/ /yang na
- 159a
rgyu yongs su bzung ba zhes bya ba ni gnas dang dus nyi tsher yang ma zad de/ rgyu yis yongs su bzung ba zhes bya ba'i don to/ /'dir rgyus yongs su bzung ba gang yin zhe na/ gcig pus kyang zhes bya ba cung zad de 'khor ram bsags shing nyung la bdag nyid gcig pus so/ /dam pa zhes bya ba ni dpa' bo ste/ g.yul 'gyed pa'o/ /'phyes las rgyal byed de zhes bya ba ni dgra bo dpag tu med pa zil gyis gnon pa'o/ /gal te sgrub pa dang mtshon la sogs pa'i khyad par dang ldan pa yin nam zhe na/ legs par ma chas pa zhes bya ba smos so/ /med pas kyang sgrub pa ste go cha dang mtshon la sogs pa'i yo byad g.yul du dgos par gyur pa'o/ /ji lta bus dgra las rgyal po yin zhe na/ shin tu legs par chas pa zhes bya ba smos te/ 'thab mo'i 'tshogs chas yod cing tshang ba mang ba dang ldan pa'o/ /ji skad ston pa yin zhe na/ dper na g.yul du dpa' ba la sogs pa'i khyad par dang ldan pas sgrub pa dang mtshon la sogs pa'i gcig pus kyang zil gyis gnon par byed cing g.yul gyi mi las rgyal bar bya ste/ bde ba dang bde ba'i yo byad 'thob par byed pa de bzhin du sbyin pa po dad pa la sogs pa'i yon tan ldan pas ni chung ba yin yang zhing bzang po la nor rdzas yongs su btang bas pha rol gyi bde ba la sogs pa 'dzin pa yin no/ /dad pa ni sbyin pa po dad pa phun tshogs pa ste/ des snod gang la byin pa'o/ /ji lta bu zhe na/ chung ngu byin pas kyang zhes bya ba smos te/ cung zad byin yang ste gang zan dron chad gcig la sogs pa yin no/ /yang gi sgra ni mang po lta ci smos zhes bya ba yin te/ ji skad du bshad pa/ zhing khyad par can la sems dad pas phul ba ni tshungs? zhes bya ba gang yang med do zhes bstan pa'o/ /des ni de dag
- 159b
ces bya ba ni chung ba'i sbyin pa des kyang sbyin pa po de dag bde bar 'gyur ba ste gzhan du zhes bya ba ni 'jig rten pha rol tu skye ba du mar 'bras bu 'byung bar 'gyur ro/ /mthong ba'i chos la yang 'di'i 'bras bu 'byung ba nyid de/ 'phral la 'byung ba la sogs pa bzhin no/ /rnam pa thams cad du g.yul 'gyed pa dang sbyin pa po gnyis mnyam mam gang gtso bo yin zhe na/ 'di na zhes bya ba la sogs pa smos so/ /ni zhes bya ba'i sgra ni rang gi sgra yin te/ ji ltar 'di na g.yul 'gyed pa dang sbyin pa byin pa zhes bya ba'i don to/ /ci zhig byas na g.yul 'gyed pa dang sbyin pa po zhes brjod ce na/ lan brgyar g.yul 'gyed pa dang zhes bya ba smos te/ rtsod pa lan brgya 'am/ g.yul sprod pa brgya zhes bya ba'i don to/ /mi mthun pa'i phyogs dang bcas pa'i thab mo de dag ni g.yul lo/ /bzlog ces bya ba ni zil gyis mnan pa ste/ dgrar gyur pa dang gnod par byed pa'i gang zag zil gyis mnan pa dang sba bkong ba ni g.yul las bzlog pas zhes brjod do/ /gang zhig ser sna ste/ sbyin pa dang mi mthun pa'i sems las byung ba'i chos dgrar gyur cing dgra dang 'dra bar gnod pa byed pa gnyen po brgya phrag mngon du byas pas rgyab tu bor zhing kun tu mi spyod pa'i sbyor ba pos zil gyis gnon par 'gyur ba'o/ /'di gnyis las gtso bo bstan pa'i phyir dpa' bo bas zhes bya ba smos te/ g.yul dpag tu med pa las rgyal ba'i dpa' bo thab mi byed pa las te/ shin tu rags par mtshon pa dang re zhig pa'i dgra yin pa'i phyir ro de dag ces bya ba ni sbyin pa po nyid do/ /ches dga' ba yin par zhes bya ba ni ches pha rol gnan pa yin te/ nang gi phra ba dang rtogs par dka' ba dang rgyun gyis dgra rtse ba nas bcad pa'i phyir ro/ /de gang yin zhe na/ gang zhig chags med sems kyi sbyin byed pa zhes bya ba smos te phan 'dogs pa'i bsams pa yod pa'i phyir ro//
- 160a
sbyin pa bya ba dka' bar gyur na ni tshul khrims la sogs pa dka' bar ma bshad kyang grub pa yin no/ /dge ba shin tu dka' ba yin yang 'bras bu 'dod pa nyid yin pas gcig tu bya ba yin no zhes bstan pa'i phyir bsod nams rnam smin zhes bya ba la sogs pa smos so/ /bcom ldan 'das mngon par rdzogs par sangs rgyas pa na tshang pa ga gon bzang po gnyis kyis bsod snyoms bzhes te/ gnyis kyi sbyin pa rjes su yi rang bar mdzad nas tshigs su su bcad pa gsum gsungs so/ /bde ba rnam par smin pa bde ba'i bdag nyid de bdag nyid tshim par byed pa'i phyir dang bde ba'i 'tshogs chas thob par byed pa'i phyir ro/ /de gang yin zhe na/ bsod nams zhes bya ba smos te/ sbyin pa la sogs pa'i legs par spyod pa'o/ /'di nyid gang las zhe na bshad pa 'di ltar de dang ldan na ni mngon par bsams pa thams cad 'byor par byed do zhes bya ba ste/ gang gi phyir bsod nams dang ldan na ni yid la bsams pa mdza' dag rdzogs par 'gyur te/ de'i 'dod pa 'byung ba tsam gyis khang pa dang bgo ba dang skyed mos tshal la sogs pa'i dngos po 'byung ba yin no/ /'jig rten pa'i mngon par 'dod pa'i bsod nams kyi 'bras bu bstan nas 'jig rten las 'das pa'i bshad pa myur ba zhes bya ba de myur ba nyid du'o/ /zhi ba dam pa ni zhi ba'i mchog tu gyur pa ste dus de tsam ni ma yin no/ /sdug bsngal las 'das par gyur pa ni mya ngan las 'das par gyur pa ste/ mya ngan las 'das pa thob pa'o/ /dang gi sgra ni mngon par mtho ba'i 'byor pa gcig pur ma zad do zhes pa'o/ /yang na bsod nams bya ba'i dngos po gsum bstan pa'i don ni 'di ste/ bsod nams kyi sgras ni sbyin pa ston pa yin no/ /mngon par
- 160b
bsams pa 'byor bar byed ces bya ba ni tshul khrims te/ tshul khrims dang ldan pas ni bsams pa 'byor bar 'gyur ro/ zhes mdo las gsungs so/ /lhag mas ni bsgoms pa bstan to/ /rgyu med pa dang rnam par smin pa med pa dang rang bzhin dang dbang phyug la sogs pa mi mthun pa rgyur smra ba ni ma yin te/ bshad pa/ 'jig rten pa dag ni ngo bo nyid kyis 'byung zhing de nyid kyis 'jig rten bdag gis byas pa ni med do/ /de bas na 'byung po rnams la gang gis mthong ba de ni mthong ba'o/ /spyod pa 'di dag ni rang bzhin yin te/ yon tan 'di dag la mun pas bsgribs pa'i phyir phyin ci log tu 'dzin cing bdag gis byas so zhes mkhas pa ma yin pa dag sems te rtsa yang dgug par bya ba med de/ skye ba po ni shes pa yod min te/ /rang gi bde sdug bdag la rang dbang med/ /chos don 'dod dang thar pa rnams/ /skyes bu'i rgyus ni shes par bya/ /dbang phyug gis btang yang na g.yang sa 'am/ /mtho ris dag tu 'gro ba kho nar zad ces bya ba la sogs pa'o/ /bsod nams las byung ba'i 'bras bu rnam par smin pa ni nges par bgegs med do zhes bstan pa'i phyir gzhan las byung ba zhes bya ba la sogs pa smos so/ /gzhan las 'ongs pa ste/ gzhan gyi rgyu can dang phyi rol las zhes bya ba'i don to/ /nges kyang bgegs byed par mi nus na rgyu med pa rnams kyis lta smos kyang ci dgos zhes pa'o/ /gnod pa ni nye bar 'tshe ba ste/ yams kyi nang la sogs pa'o/ /gnod pa byed pa bstan pa'i phyir lha dang bdud kyi rigs rnams zhes bya ba la sogs pa smos te/ bdud kyi 'khor dang bdud kyi gnas dang nye bar spyod pa zhes bya ba'i don te/ gzhan 'di dag gang gis kyang gnod pa byed pa la 'jug pa ma yin zhing bar chad bya bar mi nus so zhes bya ba ste/ mngon par 'dod pa'i 'bras bu 'thob pa la bgegs byed pa'i mthu med pa yin no/ /de'i phyir
- 161a
byang chub sems dpas bsod nams kyi tshogs khyad par can bsags pas rdo rje gdan la bzhugs phan bar du bcod pa'i phyir bdud kyis bskul ba'i 'byung po'i rigs bye ba phrag sum cu rtsa drug snyed dang lha de dag tsham tshom med par 'ongs na yang byang chub la bar du gcod par mi nus la de dag gis rdo rje la sogs pa'i mtshon yang 'phen par ma nus so/ /'jig rten pa'i bsod nams kyi bde ba 'thob pas bgegs bya bar nus pa nyi tsher ma zad de 'jig rten las 'das pa'i bde bas kyang mi nus par bstan pa'i phyir gal te zhes bya ba ste 'on te'o/ /de yis zhes bya ba ni de nyid kyis so/ /bsod nams 'bad rtsol byas na ni/ zhes bya ba ni btsal zhing yang dag pa ji lta ba bzhin du byed pa'i brtson 'grus rtsom pa'o/ /'phags pa ni sdig pa las ldog pa ste/ 'dis ni tshul khrims dang ldan par bstan to/ /shes rab ces bya ba ni 'gro ba dang sbyor ba spangs pa zhes bya ba'i don to/ /'dis ni blo sngon du 'gro bas bsgom par bstan to/ /gtong ldan la zhes bya ba ni sbyin pa mchog tu byed cing brtson 'grus la 'jug pa'o/ /de'i bsod nams rnam pa gsum gyi phan yon gyi khyad par bstan pa'i phyir sdug bsngal zhes bya ba smos te gang de ltar gus pas legs par spyod pa na rnam pa gsum la mchog tu byed pa de ni 'khor ba'o/ /zad bya'i phyir zhes bya ba ni mthar phyin pa thob pa'o reg par 'gyur zhes bya ba ni rjes su mthun pa'i snod thob pa zhes bya ba'i don to/ /ji lta bu thob par 'gyur zhe na lhag mthong zhes bya ba smos te/ sdug bsngal la sogs pa bden pa mthong ba tsam gyis lhag pa mthong ste bden pa yang dag par mthong bar 'gyur ba zhes bya ba'i don to/ /gang gi phyir mthong ba'i lam mngon sum du ma byas pas ni gong
- 161b
ma'i lam bsgom pa las bzlog cing bcad par ma nus so/ /gang de lta bu nyid ni bde ba 'thob pa yin no zhes bstan pa'i phyir sems ni rab dang zhes bya ba la sogs pa smos so/ /ka pi na chen po dag la rtag tu snying po med pas rtag tu snying po med pa la gso sbyong byed pa ste/ de bas na gso sbyong la mngon par mi phyogs pa mi? 'ong zhing sgom pa la mngon par mi dga' ba las brtsams so gzhan dag ni bram ze ma thag ros 'di skad du/ sems ni rab tu dad ba yis/ /'jig rten bde ba gang gis 'thob/ /'phags pas bstan pa'i lam dag la/ /gang zhig rtag tu dga' bar 'gyur zhes zhus pas/ des 'di gsungs so zhes zer ro/ /chos mngon par rtogs pa las skyes pa'i dga' ba ni chos la gnas pa'i dga' ba ste/ des de bde bar gnas pa'o/ /'dir chos ni sdug bsngal gyi bden pa rnam pa bzhi'o/ /gang gis de la nyams su myong ba yin zhe na/ sems ni rab tu rnam par dang bas zhes bya ba yin te/ shes nas dad pa dang ldan pa'i phyir yid kyis chad pa'i med pa'o// 'phags pas gsungs pa'i lam dag la zhes bya ba ni de bzhin gshegs pas gsungs pa'i thar pa thob pa'i lam la'o/ /mkhas pa ni rtogs pa ste/ lam dang lam ma yin pa'i khyad par shes pa'o/ /de las gzhan pa'i thar pa'i lam ma dmigs pa de nyid la rgyun tu dga' bar byed pa ste/ dogs nas mthong ba'i bya gru la mngon par dga' ba bzhin no gang la mngon par dga' ba'i blo dang ldan pa de ni bde ba'i bsod snyoms la spyod pa yin no zhes bstan pa'i phyir gang dag ces bya ba la sogs pa smos so/ /de nas dgon pa pa'i bsod snyoms dge slong rab tu mang pos bcom ldan 'das la 'di skad ces gsol to/ /btsun pa gang dag gis yul 'khor gyi bsod snyoms don yod par spyod cing chos
- 162a
gos 'chad ba lags zhes pa dang ji tsam na de las brtsams te tshigs su bcad pa gsungs so/ /gang dag ces pa ni bdag nyid chen po dag go /sems ni bsam gtan dga' zhes bya ba ni ting nge 'dzin dang sgom pa la 'dod pa thob pa ste de las mngon par brtson pas ni thar pa'i lam 'byung ba'i phyir ro/ /gang zhig skye med dga' ba dang zhes bya ba skye ba med pa'i sgra ni thar pa'i rnam grangs yin te/ gang du phung po len pa med pa de ni mya ngan las 'das pa'i gnas yin pas gang der lhag par 'dod cing dga' ba'o/ /gang gi rim pa bsam gtan dang sgom pa la shin tu dga' ba yin zhe na dran pa nye bar gzhag pa bzhi dang zhes bya ba ste dga' ba zhes bya ba thams cad la sbyar ro/ /lus la sogs pa la brtag pas yongs su 'jug cing mngon par dga' bas 'jug pa'o/ /lus dang sems kyi chos ni tha dad pa nyid du brtag par bya'o/ zhes lung las bshad do/ /de sgom pa yongs su rdzogs na ni zag pa med pa'i lam sgom pa la yang sems mngon par dga' bar 'gyur ro zhes bstan pa'i phyir byang chub yan lag bdun dag dang zhes bya ba ste/ dran pa yang dag byang chub kyi yan lag la sogs pa zad la mi skye ba'i tshul gyi byang chub kyi yan lag ste/ 'thob par byed pa'i rgyu yin no zhes byas nas so/ /gcig tu zag pa med pa'i phyir byang chub kyi yan lag ni 'dir mthong ba'i lam du bstan to/ dran pa nye bar gzhag pa sgom pa'i shas che ba'i mthus ni 'di 'byung ba yin no/ /rdzu 'phrul 'thob pa'i mtshan ma yin pa'i phyir da ni sgom pa'i lam bstan te/ rdzu 'phrul rkang pa bzhi rnams dang zhes bya bdun pa dang brtson 'grus dang dpyod pa dang ting nge 'dzin ces bya ba'i ming can dag go lam yan lag brgyad ces bya ba ni 'phags pa'i lam dag go mthong ba'i chos la bde bar gnas pa'i phyir mi slob pa'i lam dang zag pa med pa'i lam mo/ /gang dga' ba zhes bya ba ni mngon par
- 162b
dga' ba skyes pa'o/ /de dag bsod snyoms bde bar za bar byed ces bya ba ni kha na ma tho ba med pa'i bza' ba dang btung ba bu lon med par yongs su longs spyod pa'o/ /chos gos 'chad? ba dang zhes bya ba ni sdom brtson dag gyon zhing 'chang ba'i gos dag go /de dag bde bar 'chag par byed pa dang zhes bya ba ni de dag gi 'chag cing rgyu ba yang bde ba dang kha na ma tho pa med par 'chag pa'o/ /gang du zhe na/ ri dang nags tshal na zhes bya ba smos te/ ri ni ri bo dag tu'o/ /nags tshal ni dgon pa dag tu'o/ /de dag bde 'thob ces bya ba ni mngon par 'dod pa'i lam 'thob la skyong zhing zhugs pa'o/ /bde bar ni zhes bya ba ni bde ba yang dag par skyes pa ste mthong ba'i chos la dga' ba dang ldan pa'o/ /mthong ba'i chos la mya ngan las 'das zhes bya ba ni mthong ba'i chos nyid la rang gi lus yod bzhin du mngon par 'dod pa'i mya ngan las 'das pa'i bde ba nyams su myong bar 'gyur ba'o/ /'di nyid ga las? zhe na/ 'di ltar khon dang 'jigs pa kun 'das shing zhes bya ba ni nye ba'i nyon mongs pa thams cad spangs pa'i phyir ro/ /'di ltar byas pas de ltar 'gyur zhe na/ 'jig rten yul gyi sred las brgal zhes bya ba nyon mongs pa dang nye ba'i nyon mongs pa'i rtsa ba sred pa drungs phyung ba'i phyir ro sred pa spangs pas yon tan 'thob cing dga' bas la sogs pa'i khyad par dang ldan pa yin te des na yang chos thob pa dang zhes bya ba la sogs pa smos so/ /dus ma yin pa'i sprin zhag bdun gyi bar du byung nas klu'i rgyal po btang zung gis bcom ldan 'das kyi sku la gdengs ka chen po byas te lan bdun du 'khyung nas gnas so zhag bdun 'das pa dang bcom ldan 'das kyi sku la 'khyung pa btang nas thal mo sbyar nas 'di skad ces gsol to/ /btsun pa khyed zhag bdun po la grang bar ma gyur tam tshang bar ma gyur tam/ sbrang bu dang sha sbrang dang/ sdig sprul gyis reg par ma gyur tam
- 163a
lus yongs su gdung bar ma gyur tam zhes zhus pa dang/ tshigs su bcad pa gnyis po 'di gsungs so/ /bde ba ni kha na ma tho med pa'i bde ba'i rgyu'o/ /dben pa ni rnam pa gnyis te/ de'i bde ba'i rgyu yin pa'i phyir ro/ /'di gang gi bde ba yin zhe na/ dga' bas zhes bya ba smos te/ chos gos ngan don tsam dag gis yongs su chog shes pa ste dben pa chog mi shes pa med pa'i phyir ro/ /chen po 'dod pa la chog mi shes pa med pa'o/ /zhes so/ chos thos pa dang zhes bya ba ni thos pa'i chos te gang sngon thub pas bstan pa'i chos so/ /mang du thos pa dang dben pa'i bde ba ni rgyun du chos du ma yongs su rtog pa la 'jug pa'i phyir thos pa las byung ba'i shes rab dang ldan pa'o/ /mthong ba ni zhes bya ba ni shes par byed pa ste/ yongs su rtogs par byed pa nyid de bsams pa las byung ba'i shes pa dang ldan pa'i phyir ro/ /'jig rten 'tshe med bde ba yin/ zhes bya ba ni rnam par 'tshe ba dang gzhan la gnod pa byed pa'o/ /de dgag pa ni 'tshe ba med pa'o/ /gang la zhe na/ 'jig rten zhes bya ba sems can la ste/ sems can thams cad la byams pa zhes bya ba'i tshig gis so/ /de ni gzhal du med pa'i bde ba'i rgyur gyur pa'i phyir te bde ba'i sman bsten pas bde ba ji lta ba bzhin no/ /'dis ni bsgom pa las byung ba'i shes pa bstan to/ /srog chags 'byung po la yang dag par sdom pa zhes bya ba la 'dis ni tshul khrims kyi sdom pa phun sum tshogs par bstan te thos pa las byung ba la sogs pa'i shes pa yang de la gnas pa'i phyir ro/ /ji skad du tshul khrims la gnas na ni thos pa dang bsams pa dang ldan zhing bsgom pa la sbyor bar 'gyur ro zhes gsungs pa'i phyir ro/ /yang na dben pa ni rnam pa gnyis te/ 'dir ni sems dben pa bstan to/ /dga' ba yang rnam pa gnyis te/ 'dir ni 'dul? ma byas pa las dga' ba
- 163b
bstan to/ /chos thos pa yang rnam pa gnyis te/ rna ba'i rnam par shes pas thos pa dang sdig pa la mi gnas pa'o/ /'dir ni 'og ma la dgongs pa'o/ /'tshe ba med pa yang gnyis te/ tshul khrims kyi rang bzhin dang bsgom pa'i rang bzhin no/ /'di yang phyi mas bstan to/ /bde ba yang rnam pa gnyis te/ lus dang sems kyi dbye bas so/ /'dir ni sems kyi'o/ /'jig rten yang rnam pa gnyis te/ sems can dang snod kyi dbye bas so/ /'dir ni sems can la bstan to/ /srog chags 'byung po ni rnam pa gsum ste/ 'das pa dang ma 'ongs pa dang da ltar byung ba'o/ /'dir ni da ltar byung ba nyid bstan to/ /yang dag par sdom pa ni rnam pa gnyis te/ lus dang ngag sems legs par sdom pa dang nyon mongs pa kun tu sdom pa'o/ /'dir ni tha ma la dgongs so/ /'jig rten 'dod chags bral ba bde zhes bya ba ni gang 'dod pa'i khams de'i yul la chags pa med pas rab tu byung ba ste/ nga ni bde ba rnam pha du ma dang 'brel pa'i rgyur gyur pa'i phyir ro/ /'dod pa rnams las rab 'das shing zhes bya ba ni 'dod pa'i khams kyi nyon mongs pa las 'dod chags dang bral bar yang bde ba dang 'brel ba'i phyir ro/ /nga'o snyam pa'i nga rgyal dag /btul ba zhes bya ba ni 'jig tshogs la lta ba'i rjes su 'jug pa'i nga rgyal btul ba ste spangs pa'o/ /'dis ni khams gong ma gnyis las 'dod chags dang bral bar bstan te/ de'i sa pa ni nga'o snyam pa'i nga rgyal khyad par can yod pas rjes su dpag par bstan to/ /de dag mchog tu bde ba zhes bya ba ni nga'o snyam pa'i nga rgyal nyid btul ba ni bde ba'i gtso bo yin no// yang na 'dod chags dang bral ba yang rnam pa gnyis te/ yongs su bzung ba med pa gtso bo dang dngos po gtso bo'o/ /'dir ni 'og ma nyid bstan to/ /'dod pa las rab tu 'das pa rnam pa gnyis te/ skyes pa dang nyon mongs pa spangs pa'o/ /'dir yang
- 164a
'og ma nyid bstan to/ /nga'o snyam pa'i nga rgyal zhes bya ba 'dis ni nyon mongs pa thams cad spangs par bstan te/ rnam par grol ba'i bde ba'o/ /nga'o snyam pa'i nga rgyal spangs pa'i tshul khrims la sogs 'thob par 'gyur ro zhes bstan pa'i phyir smras pa rgas khar zhes bya ba la sogs pa smos so/ /rgas pa'i bar du ji zhig bde/ /gang la rab gnas legs pa dang/ /tshigs ni gang zhig bder shes bya/ /gang zhig mi byed bder 'gyur lags zhes lhas gsol pa 'di gsungs so/ /rgas khar tshul khrims ldan pa bde zhes bya ba ni byis pa nas bzung ste rgas pa'i gnas skabs kyi bar du tshul khrims dang ldan pa ni bde ba'i rgyu gyur pa ste tshim par byed pa'i phyir ro/ /dad la rab tu gnas pa bde zhes bya ba ni bstan pa rab tu gnas pa'i phyir te/ yid bzhin gyi nor bu'i dngos po lta bu'o/ /don ldan tshig la dga' ba bde zhes bya ba ni khyad par gyi ma don dang ldan pa ste/ thams cad kyi dga' ba skyed pas don khyad par can dang 'brel pa'i don la dga' ba'o/ /sdig pa mi byed pa dag bde zhes bya ba ni nyes par spyod pa mi sgrub pa'o/ /gang tshul khrims la sogs pa'i dbang gis ni bdag gir byed pa bsal cing de'i khyad par thob par bstan pa'i phyir/ 'jig rten na ni zhes bya ba la sogs pa smos so/ /gang zhig par 'dzin pa dang de bzhin mar 'dzin bde/ /gang zhig dge sbyong shes dang bram zer 'dzin pa bde zhes lhas zhus pa las 'di gsungs so/ /phar 'dzin bde zhes bya ba ni phar shes pa de ni phar 'dzin pa ste/ de'i dngos po nyid yin pas phar 'dzin pa ste/ pha'i rjes su mthun par 'jug pa ni shin tu bsod nams kyi rgyu yin pa'i phyir dang/ yang dag par bsngags pa'i phyir bde ba'o/ /gang du bde ba yin zhe na/ bshad pa/ 'jig rten na zhes bya ba ste/ khyad par du ma'i 'jig rten 'dir 'dod de//
- 164b
de nyid bstan pa dang nye ba'i phyir ro/ /de bzhin du mar 'dzin pa yang shes par bya'o/ /dge ba ni dge sbyong du 'dzin pa ste/ yang dag par sdom pa la brtson pa'i skye bo mchod pa mchog tu byed pa ste/ de'i rgyu ni dad pa dang brtson 'grus dang ldan pa dang/ sbyin pa'i chos la mngon par dga' ba la sogs pa yon tan gsum la brjod do/ /de bzhin du bram zer shes pa yang brjod par bya'o/ /tshigs bcad snga ma phyed kyis ni phan 'dogs pa'i zhing bstan to/ /'og ma phyed po 'dis ni yon tan gyi zhing bstan to/ /yon tan gyi zhing yang rnam pa gnyis te/ rab tu byung pa dang khyim na gnas pa ste/ dge sbyong dang bram zer go rims bzhin bstan par shes par bya'o/ /gang de ltar yon tan sgrub pa mchog tu byed cing khyad par shes pa de nyid ni dkon mchog gsum la ji lta ba bzhin du sgrub par 'gyur ro zhes bstan pa'i phyir/ sangs rgyas rnams ni zhes bya ba la sogs pa smos so/ /sangs rgyas 'byung na cir 'gyur lags/ chos bstan pas ni ji zhig 'gyur/ dge 'dun mthun pas cir 'gyur zhing/ mthun pa rnams kyi/ ji zhig bde zhes gsol pa dang/ 'di gsungs so/ /gzhan dag ni dge slong rab tu mang po'i gtam las brtsams so zhes zer ro/ /sangs rgyas 'jig rten du 'byung ba ni bde ba ste/ 'jig rten dang 'jig rten las 'das pa'i bde ba'i rgyur gyur pa'i phyir ro/ /de bzhin chos rnams bstan pa bde zhes bya ba ni gsung rab yan lag bcu gnyis nye bar bstan pa'o/ /dge 'dun mthun pa ni tshogs dge ba phan tshun rjes su mthun pa ste/ dam pa'i chos ston pa la rjes su mthun pa'i tshul gyis 'phags pa'i lam la 'jug pa'o/ /mthun pa rnams kyi dka' thub bde zhes bya ba ni mthun pa rnams kyis yongs su bzung ba de nyid nyon mongs pa dang las gdung par byed pa bzhin du tshul khrims dang ting nge 'dzin dang rjes su mthun pa de ni dka' thub ste/ de ni
- 165a
bde ba chen po'o/ /dka' thub can du gyur pa de ji lta bu yin par bstan pa'i phyir/ tshul khrims ldan pa zhes bya ba la sogs pa smos so/ /mthong na gang zhig bder shes bya/ gang zhig mthong bas bde ba thob/ gang mthong ba de ba khyad par can 'byung ba bdag la bka' stsal gsol zhes zhus pa las 'di gsungs so/ /tshul khrims phun sum tshogs pa dang ldan pa ni mang du thos pa yin no zhes bstan te mang du thos pa zhes smos so/ /mang du thos pa dang tshul khrims kyi 'bras bu bstan pa'i phyir/ dgra bcom pa dag ces bya ba smos te/ sdug bsngal gyi rgyud dag bcom pa zhes bya ba'i don to/ /drang srong ri sha ba/ /brta ma na logs pa skar ma'i gcug byed pa dag kyang 'jig rten na dgra bcom par brjod do zhes bshad pa ste/ de las khyad par du dbye ba'i dgra bcom pa'i tshul bstan pa/ yang srid rnam par grol ba yid zhes bya ba yin no/ /tshul khrims dang ldan pa la sogs pa'i tshul ni nang dag phyi rol gyi dri ma spangs pa yin te/ phyi rol gyi dri ma spang ba'i thabs ni chu klung ngo/ /nang gi dri ma spangs pa'i thabs ni skyes bu dam pa la brtan pa la sogs pa ste/ de nyid bstan pa/ 'jug ngogs bde ba'i chu klung bde zhes bya ba la sogs pa'o/ /chu klung gang zhig bder shes bya/ / skye bo gang zhig bde bar 'dod/ /gang zhig dmigs na bde bar 'gyur/ /gang zhig zad na bde bar 'dod ces zhus pa las 'di gsungs so/ /'jug ngogs bde zhes bya ba ni 'di nas brgal cin 'dzug pa gang yin pa de ni 'jug ngogs te/ chu bo'i dogs nye bar 'gro ba'i thabs dang rab tu bsngags pa la sogs pa mi mnyam pa med cing 'jug ngogs bde ba'i chu klung gang yin pa de ni bde ba'i rgyu ste/ der ni 'jig ten pa dag bkru ba dang btung ba dang 'jug pa dang/ gos 'khru
- 165b
ba la sogs pa ci bder spyod do/ /chos kyi rgyal ba zhes bya ba la/ 'dir chos ni 'jig rten dang 'jig rten las 'das pa'i lam de las rgyal ba ste/ yongs su rgyal ba ni gang gis tshangs par spyod pa la gnas pa'i sems can chen po zhes bya ba'i don to/ /de yang dpag bsam gyi shing dang 'dra bar sems can la phan 'dogs pa 'am/ yang na chos kyi phan 'dogs pa'o/ /rgyal ba ni zil gyis gnon pa ste/ chos ma yin pa gcig tu mi byed pa'i skyes bu dam pa zhes bya ba'i don to/ /shes rab thob par gyur pa bde zhes bya ba ni khyad par can gyi rtogs pa de kho na nyid shes pa des thob pa ste/ de rtogs pa'i phyir bdag gi lhag ma khyad par can des rtogs pa'o/ /de'i rtogs pa'i thabs smras pa/ nga'i nga rgyal zad pa bde zhes bya ba smos te/ bdag gir 'dzin pa spangs pas na drigs pa dang nga rgyal bcom pa nyid yin te/ blo rnam par dag par gyur pa'i phyir ro/ /de ltar na phyi rol yongs su dag pa ni mthong ba la sogs pas phan 'dogs pa yin gyi/ gzhan ni ma yin no zhes bstan pa'i phyir/ /'phags pa rnams kyis ces na bde/ /gang du 'grogs na bder shes bya/ /gang dag ma mthong bde bar ni/ /shes bya de ni bdag la gsungs zhes brgya byin gyis zhus pa las tshigs su bcad pa gnyis gsungs so/ /'phags pa ni dri ma gnyis ka dang bral ba'o/ /ci'i phyir zhe na/ dam pa bdag dang zhes bya ba ste/ 'di ltar dam pa de ni phyin ci log las blo nyams pa med pa ste/ dngos po yod pa dag la rgya cher byed pa zhes pas so/ /'grogs pa zhes bya ba ni lhan cig gnas pa'o/ /de lta na gang zhig mthong na bde ba ma yin zhe na/ byis pa rnams ni ma mthong na zhes bya ba la lus la sogs par nyes par spyod pa mchog tu byed pa'i glen pa 'am byis pa'i tshul can nyid do/ /rtag tu bde ba nyid du 'gyur zhes bya ba ni 'phags pa la sogs pa mthong ba'i
- 166a
stobs dang/ byis pa dag ma mthong ba'i stobs kyis ni sred pa zad cing bde ba 'thob pa'i phyir ro/ yang na rtag tu ni rgyun du ste/ yang dang yang du 'brel ba zhes bya ba'i don to/ /byis pa rnams ni ma mthong na zhes bya ba dang/ rtag tu bde ba nyid du 'gyur zhes bya ba ga las zhe na/ byis pa dag dang 'grogs byed pa zhes bya ba smos te/ byis pa dang lhan cig 'grogs shing spyod pa'i tshul 'di la yod pa ste/ skye bo glen pa dang lhan cig bsten cing gnas pa zhes bya ba'i don to/ /yun ring zhes bya ba ni dus shin tu ring ba nyid do/ /rjes su 'gyod par 'gyur zhes bya ba ni nang dang phyi rol gyi gdung ba srel bar byed do/ /ga las zhe na/ byis pa dag dag 'grogs pa zhes bya ba sdug bsngal bar byed pa yin te/ gang me'i nang du 'jug pa de ji ltar srid par mi byed pa bzhin du tshul ngan pa'i skye bo dang 'grogs par gyur na yang ji ltar 'gyod par mi 'gyur/ 'dir chos mthun pa'i dpes smras pa/ dgra 'dra ba zhes smos te/ mi 'dza' ba bzhin no/ /rnam par kun tu zhes bya ba ni nang dang phyi rol dang bcas pa'i rnam pa ste/ dgra dpag tu med pas nyin dang mtshan du dus rtag tu yongs su bskor ba de ni rgyun du 'jigs pa nyams su myong ba yin no/ /de lta na 'phags pa rnams dang 'grogs pa ji ltar bde ba yin zhe na/ brtan pa rnams zhes bya ba ste/ brtan pa dang ldan pa'i phyir 'phags pa zhes bya ba'i don to/ /dang gi sgra ni rgyu'i don no/ /'grogs pas bde ba gang yin pa de ni tshim par byed pa dang 'brel ba'i don te/ dper na gnyen sdug pa pha dang ma dbul/ sogs pa skye bo dag dang 'grogs pa dang stan cig brten pa zhes bya ba'i don to/ /dga' bar byed pa ltar dam pa dang yang de bzhin no/ /gal te de ltar na ci'i phyir dus rtag tu 'jig rten pa dag 'phags pa dang 'grogs par mi byed ce na/ skyes?
- 166b
bu cang shes zhes bya ba la sogs pas bstan te/ 'phags pa sha ri'i bus grong khyer na lang nas nye du'i tshogs mang po 'phags pa'i lam la bkod do/ /zhes bya ba'i skabs de gsan nas 'di gsungs so/ /dka' bas 'thob pa yin pas dkon pa ste rnyed par dka' ba'o/ /skyes bu cang shes ni skyes bu dam pa'o/ /ci'i phyir dkon pa yin zhe na/ de dag kun tu 'gyur ma yin zhes bya ba smras te/ gang gi phyir de ni rta dang glang po cang shes pa la sogs pa dang yid bzhin gyi nor bu la sogs pa bzhin du kun tu skye ba ma yin no/ /gang du brtan pa de skyes po zhes bya ba ni rigs gang du yang bstan pa de skyes pa ste/ blo la sogs pa'i yon tan rin po che dang ldan par bstan to/ /de'i rigs kyis bde ba 'thob ces bya ba ni de ltar thams cad du snga ma dang phyi ma dag tu yang mkhas pas ni rigs 'phel ba nyid de/ nyin re zhing rgyas par 'gyur ba dang bde ba skyon med pa 'thob pa'o/ /brtan pas ni bdag rigs rgyan par byed pa gcig bur ma zad de/ bdag nyid kyang bde ba la gnas pa yin no zhes bstan te/ bram ze zhes bya ba la sogs pa smos so/ /khyim bdag mgon med zas sbyin gyis bcom ldan 'das la gang gis bde bar gnas par 'gyur zhes zhus pa las tshigs su bcad pa gnyis gsungs so/ /rnam pa kun tu zhes bya ba ni rnam pa thams cad du'o/ /bde bar 'dug ces bya ba ni 'tsho ba med par gnyid log pa 'am 'dug pa'o/ /bde ba nyid 'thob kyi sdug bsngal dang mi bde ba ni ma yin no zhes bstan te/ bram ze zhes bya ba ni sdig pa phyi rol tu spangs pa'i phyir te/ sdig pa las phyi rol tu gyur pa ni bram ze'o zhes bya ba'i tshig gis so/ /phyi rol tu yid 'byung ba spangs na yongs su bzung ba thams cad spangs pa zhes bya ba'i don to/ /yongs su bzung brtsal nas spangs pa yongs su bzung ba spangs pa yin gyi gzhan du ni ma yin no
- 167a
zhes bstan pa'i phyir/ mya ngan las 'das pa zhes bya ba smos te/ 'dod pa'i 'dod chags la sogs pa'i me nye bar zhi ba zhes bya ba'i don to/ /rtags gang gis nges par bya zhe na/ gang zhig 'dod pas ma gos shing zhes bya ba smos te/ gang gi phyir nyon mongs pa dang yul gyi 'dod pas zil gyis ma mnan pa'o/ /gang 'dod pa las 'dod chags dang bral ba de yang bde bar gnas pa yin no/ gzugs la sogs pa las 'dod chags dang bral ba lta smos kyang ci dgos zhes bstan pa'i phyir/ rab tu rnam grol zag pa med zhes bya ba smos te/ go rims bzhin du gzugs dang gzugs med pa las 'dod chags dang bral ba 'am nyon mongs pa spangs pa'o/ /yang na mthong ba dang bsgom pa'i lam mngon du byed pa'am/ yang na nyon mongs pa dang bag chags spangs pa'i phyir ro/ /nyon mongs pa gzhan spangs pas ni da ltar bde bar gnas pa ma yin te/ 'dod pa'i 'dod chags dang zhe sdang de zhes bstan pa'i phyir/ sred pa thams cad spangs pa dang zhes bya ba la sogs pa dag ste/ sred pa thams cad de rnam par g.yo bar 'dod pas yongs su gdung ba'i yid dang ldan pa ni bde bar mi gnas so/ /de bzhin du phrag dog dang khon du 'dzin pa dang khro bas yongs su gdungs pa yang de bzhin no/ /gtubs pa ni spangs pa'o/ /snying las rims nad rnam par gsal zhes bya ba ni gdung bar byed pa'i kho ba la sogs pa me dang 'dra ba rnam par spangs pa ste/ de yang bshad pa/ sred pa shin tu sdug bsngal te/ /sred pa med pa bde ba'i mchog/ chags pa rnam spangs chos shes na/ /dpal ni yang dag len par 'gyur zhes pa'o/ /ji ltar khro bas brgyud yongs su gdung zhing nyen pa ltar so ga'i nyi ma'i 'dod zer rab tu grags pas ni da ltar sa la gdung bar mi byed de de zhi pa'i phyir ro/ /gnyis pa
- 167b
zhi bar gyur pa ni dper na rlung drag pos yid bzhin gyi mtsho la chu srin na bkra la sogs pa phan tshun rgyu bar mi byed cing nye bar zhi pa bzhin no/ /de nyid ni bde bar 'dug ste/ gang gis zhe na/ sems kyis zhi ba 'thob ces bya ba yin te/ 'dis ni ye shes phun sum tshogs pa bstan to/ /yang bshad pa/ shes pa med par sems zhi ba/ /gang na'ang yod par mi rigs te/ /ma rigs yongs su med pa yang/ /g.yo ba dag ni nges med yin zhes so/ /mgon med zas sbyin ye shes dang spangs pa phun sum tshogs pa las the tshom du gyur pa las de bsal ba'i phyir 'di gsungs so/ /ye shes dang spangs pa phun sum tshogs pa las byung ba nyid ni shin tu khyad par can 'thob pa yin te/ de dman pa'i bde ba la chags pa med par gyur na'o zhes bstan pa'i phyir/ gang zhig bde ba la sogs pa smos so/ /yul be ra Sh+TA na gnas brtan seng ge zhes bya ba dus las 'das te/ de'i slob mas dge slong dag tshur spyon bdag gi mkhan po len pa med par mya ngan las 'das te/ mchod pa gyis shig smras pa/ de ni phung po lhag ma dang bcas pas dus las 'das so zhes byas pa dang/ des bcom ldan 'das kyi thad du song ste/ don 'di gsol ba las/ de la khyod kyis mkhan po ni bsam gtan gsum pa'i sa ba'i bde ba rgya cher myong zhing der skyes so zhes pa gnas 'di gsungs so/ /bde ba chung ngu ni chud pa'i bde ba ste/ bde ba cung zad tsam pa 'khor ba'i bde ba zhes bya ba'i don to/ /de yongs su gtong ba ni gang gis yongs su spang ba de 'am yongs su gtong ba'i tshul 'di la yod pa zhes tshig gi lhag ma'o/ /gang zhe na/ gang zhig bde ba yongs 'dod cing zhes bya ba smos te/ gang la la bde ba las kyang bde ba ste/ ngan song med pa mya ngan las 'das pa'i bde ba gang zhig 'dod pa de ni bde ba yang 'dod pa ste/ bde ba
- 168a
nyung du btang bar gyur pas so/ /'di lta bu byas shing bstan pas ci zhig bya zhe na/ spang byas na zhes bya ba ni rab tu dor zhing bskyed par mi byed pa'o/ /bde ba chung ngu ni bde ba cung zad tsam ste dman pa'o/ /brtan pas zhes bya ba ni shes rab can no/ /de'i mtshan nyid bstan pa/ legs par mthong zhes bya ba ste/ bdag nyid yongs su rtogs cing mthong bar byed pa'o/ /bde ba yangs pa ni nges par legs pa ste/ zang zing med pa'i bde ba'o/ /yangs pa'i bde ba nyid bstan pa/ /'jig rten 'dod pa de zhes bya ba la sogs pa smos so/ /rdo rje'i gdan nyid du mtshan mo mngon par rdzogs par sangs rgyas te/ ting nge 'dzin de las bzhed pas rnam par grol ba'i bde ba so sor nyams su myong ste tshigs su bcad pa gsum po 'di gsungs so/ /gzhan dag ni bcom ldan 'das nyan thos kyi tshogs dang bcas pa mnyan yod du bsod snyoms kyi phyir gshegs te/ de'i tshe rgyal po gsal rgyal skyes ba med par sil snyan gyi rtse zhing 'dug pa dang/ de la dge slong dag 'dod pa skyes par gyur nas skabs de la dge slong dag de la 'dod pa skyes par ma byed cing/ de ci'i phyir zhe na/ 'dod pa rnams ni mi rtog pa dang mi brtan pa yin no zhes pa nas 'di'i bar du gsungs so zhes zer ro/ /'jig rten 'dod bde gang yin dang zhes bya ba ni gang cung zad 'dod pa'i khams kyis 'dod pa las skyes pa'i bde ba'o/ /gang yin pa zhes bya ba ni bsam gtan dang gzugs med pa na spyod pa'i snyoms par 'jug pa'o/ /lha yul nas skyes pa'i bde ba ni lha yul bde ba'o/ /srid pa zad pa'i bde ba yi/ /bcu drug char yang zhes bya ba ni bcu drug gi cha shes der yang ste/ sngar bstan pa'i 'jig rten pa'i bde ba thams cad ni bcu drug gi char yang mi phod par 'gyur zhing 'di lta bu ni 'thob par mi 'gyur te/ mi rtag pa'i phyir ro/ /gang mi rtag pa de ni sdug bsngal ba yin no
- 168b
zhes mdo las gsungs so/ /bde ba dang sdug bsngal gnyis 'dra ba ma yin te/ snang ba dang mun pa bzhin du gnas pa yin no/ /ci'i phyir zhe na/ 'di ltar sred pa spangs par gyur na ni sdug bsngal 'dren par byed pa'i khur rtsa ba nas spangs pas med par 'gyur ro zhes bstan pa'i phyir/ khur gyis zhes bya ba la sogs pa smos so/ /dge slong dag khyed la khur bshad par bya'o zhes rgya cher gsungs te/ tshigs su bcad pa gnyis gsungs so/ /nges par zhes bya ba ni nges par gsal ba ste/ lci ba'i khur nges par spangs shing rgyab tu bong ba'o/ /lci ba'i khur dag ces bya ba ni rtag tu 'brel ba'i phyir dang/ gnod pa chen po yang dag par 'byung ba'i phyir phung po'i khur blangs pa ni shin tu 'degs par dka' ba nyid do/ /len par mi 'gyur zhes bya ba ni nye bar mi len pas so/ /phyi nas gzhan dag ces bya ba ni skye pa gzhan dag tu yang phung po'i khur ro/ /ga las zhe na/ khur gyi sdug bsngal blangs pas na zhes bya ba ste/ phung po yongs su bzung ba ni gnod pa thams cad kyi gnod pa yin pa'i phyir ram/ der gyur na sdug bsngal ba'i phyir ro/ /khur bor na ni bde bar 'gyur zhes bya ba ni phung po'i khur yongs su spangs pa'i phyir te/ phung po med pa'i bde ba'i mchog ces bya ba'i tshig gis so/ /ji ltar phyi nas srid pa yongs su mi 'dzin par 'gyur zhe na/ sred pa thams cad rang tu spong zhes bya ba smos te/ khams gsum gyi rjes su chags pa'i kun tu sbyor ba rtsa nas bcad pa'o/ /ci'i phyir sred la rab tu spangs zhe na/ srid pa phyi mar 'gro ba med ces bya ba smos te/ kun tu spyod pa thams cad zad par bya ba'i phyir ro/ /sred pa thams cad ma spangs na ni de las gzhan pa'i sred pa'i rtsa ba 'og ma'i cha dang mthun pa dang/ gong ma'i cha dang 'thun pa'i kun tu sbyor ba yod pas 'khor bar skye bar 'gyur ro/ /sa bon med par myu gu bzhin te/ sred pa rtsa bas ni kun tu sbyor ba yin no/ /de'i rtsa bas ni sred pa yongs su bzung ba ste/ zag pa dang
- 169a
bcas pa'i dngos po'i rtsa ba ni sred pa'o/ /zag pa dang bcas pa'i dngos po spang ba ma yin pa yang smras pa/ phung po thams cad yongs shes na zhes bya ba smos te/ zag pa dang bcas pa'i dngos po thams cad ye shes kyis yongs su shes par byas nas chos cig kyang mi shes pa med pas sdug bsngal gyi mthar byed pa yin pa'i phyir/ 'gro ba med ces bya ba ni len pa med cing yongs su 'dzin par mi 'gyur ba'o/ /sred pa phyi mar zhes bya ba ni skye ba gzhan du ste/ sred pa dang bral ba las ni sa bon tshig pa bzhin du skye ba med pa'i chos yin pa'i phyir ro/ /srid pa phyi ma med pa'i bde ba bstan pa'i don rnams zhes bya ba la sogs pa smos so/ /tshe dang ldan pa kun dga' bo'i sngon gyi grogs po tshogs can zhes bya ba'i khyim bdag de'i khyim 'khor dang bcas pa mes tshig go /de'i byis pa gnyis shig lus pa las 'phags pa kun dga' bos rab tu phyung nas ji tsam na dgra bcom par gyur pa de'i nye du dang shin tu thag ring bar gyur pa dang/ khyim bdag cig gi bu 'chi ba'i dus su bsod nams bsags pa'i phyir sems shin tu dga' bar gyur pa dang/ dgon pa'i dge slong chos gos ngan don tsam gyis chog shes par gyur pa dang/ dgra bcom pa shig yongs su mya ngan las 'das par gyur pa de dag las brtsams te/ tshigs su bcad pa 'di gsungs so/ /don rnams bskrun pa la ni zhes bya ba gang gi tshe skyes bu'i nor dang 'byor pa bskyed pa dang bde ba dam pa de la ste/ nyon mongs pa med pa'i grogs po las g.yog 'khor dang nor gzhan nas rnyed pa yin par de bar bya'o/ /srog dag rab tu gtugs la bsod nams nye zhes bya ba ni srog zad cing 'chi ba nye bar gnas pa la ni bsod nams nyid yid tshim par byed pa'i phyir bde ba yin te/ gzhan ni ma yin no/ /ngan don tsam gyis legs par chog shes bde zhes bya ba ni dman pa dang gya nom pa'i chos gos la sogs pas
- 169b
chog shes pa de ni bde ba dpag tu med pa bsal bas yid tshim par byed pa'i phyir ro/ /sdug bsngal thams cad nges par nub pa bde zhes bya ba ni khams gsum gyi srid pa'i skyon thams cad spangs pa'o/ /phung po nying mtshams sbyor ba med cing spangs pa de ni bde ba ste/ sdug bsngal thams cad spangs pa'i phyir ro/ /de ltar yongs su mya ngan las 'das pa'i 'gro ba gdags su med par bstan pa'i phyir/ 'di na me ni zhes bya ba la sogs pa smos so/ /drang srong zhig gis khrus byas pa las sa bon zags te/ ri dags zhig gis 'thungs pa las sems can dang ldan par gyur nas ri dwags kyi mgo can zhig bcas so de phas bskyed pa las ji tsam na pha shi bar gyur to/ /de thod pa brdung ba'i rig pa bslabs te/ thod pa brdung na 'gro ba thams cad du skye bar 'gyur par lung bstan to/ /'phags pa kun dga' bos rgyun tu zhugs pa la sogs pa'i thod pa bstan nas brdung bar lung bstan to/ /dgra bcom pa ni ma shes te/ de 'di snyam du bdag gi rnam par shes pa ni nyams so zhes bcom ldan 'das kyi thad du lhags te zhus pa dang/ de nas tshigs su bcad pa gnyis gsungs so/ /lcags ni lcags nyid do/ /brgyab pa ni bsnun pa ste/ gang lcags kyi cha spyad des brdungs par med zhes bya ba dang sbyor ro/ /'bar ba las zhes bya ba ni kun nas rab tu khyad par 'bad ba ste/ me ni mi nyi do/ rim gyis rab tu zhi 'gyur te/ zhes bya ba ni rim pas me'i 'od rab tu 'jig pa'o/ /ji ltar song ba mi shes ltar zhes bya ba ni shar phyogs la sogs pa'i phyogs su 'gro ba mi dmigs pa bzhin no/ /dpe bstan nas/ dpes gzhal bar bya ba bshad pa/ legs par rnam par grol rnams kyi zhes bya ba legs pa ni mthong ba'i lam gyi mthus de'i spang bar bya ba'i nyon mongs pa spangs pa'i phyir ngan song gsum las gtan du grol ba'o/ /'dod pa'i 'dam rdzab chu brgal zhing zhes bya ba la/ 'dod pa'i 'dam
- 170a
gang yin pa de ni 'dod pa'i 'dam rdzab bo/ /chu bo de las brgal ba'i ngang tshul 'di la yod pa ste/ khams gsum gyi mthong ba dang bsgoms pas spang bar bya ba'i nyon mongs pa spangs pa'i phyir ro/ /gong pa'i sa pa'i nyon mongs pa ni nam mkha' bzhin du lung du ma bstan pa yin pa'i phyir ro/ /'dod pa na spyod pa'i dge ba yang 'dam rdzab dang 'dra ba'o/ /'gro ba gdags su med pa yin zhes bya ba ni de dag gi 'gro ba lngar 'gro ba yang lung bstan par mi nus shing med de/ 'gro ba lnga'i nyon mongs pa spangs pa'i phyir ro/ /ci'i phyir de dag gis 'gro ba gdags pa med ce na/ go 'phangs mi g.yo 'thob ces bya bas bstan te/ phung po lhag ma med pa'i mya ngan las 'das pa'i dbyings su zhugs pa ni mi g.yo ba'i go 'phang ste rtag pa'i gnas skabs der 'jug pa'o/ /de yang ji ltar gdags pa tha dad pa'i chu bo bzhin te/ 'di ltar phyogs mthon po dang/ /dma' ba la 'jug pa'i chu'i klung chen po ni gang+gA la sogs par 'dus par 'gyur ro/ /de las rgya mtsho chen por bab pa na sngon gyi tha snyad thams cad 'gags par 'gyur ba bzhin no/ /ji srid na yang de khams gsum las 'dod chags dang bral bas gdul ba la phan gdags pa'i ched du re zhig 'di nyid du gnas na yang dbang po la sogs pa'i lha rnams kyis de lan du mar bltas kyang bsam du med pa yin na/ gzhan lta smos kyang ci dgos/ de ji lta bu zhe na/ gang zhig khong na zhes bya ba la sogs pa smos so/ /de nas lha'i dbang po brgya byin 'di snyam du sems te/ nam zhig na bdag gis tshe dang ldan pa 'od srungs mthong zhing de la bsod snyoms dbul bar gyur zhes bsams pa dang/ de'i dbang du mdzad de tshigs su bcad pa 'di gsungs so/ /gang zhig ni sems can chen po'o/ /khong na zhes bya ba ni nang gi byed pa ste sems zhes bya ba'i don to/ /
- 170b
'khrug pa dag ces bya ba ni 'khrug par byed pa dang bdag nyid chen po rnam par 'joms pa ni 'di'i tshig go /khong khro ba dang/ phra dog dang/ khro ba dang/ khon du 'dzin pa dag bsgrub pa'i phyir/ 'dir mang po'i tshig tu bsgrub pa yin te/ rgyu la byams pa la sogs pas yongs su bsgos pa yin na khro ba'i skabs lta ga la zhig yod par 'gyur ba'o/ /'dis ni 'dod pa las 'dod chags dang bral bar bstan to/ /gang zhig srid dang srid min las ldog pa zhes bya ba ni rnam pa 'dis srid pa zhig shig srid pa ste/ lha 'am lha las gzhan gang yang rung ba zhes bya ba la sogs pa'o/ /de nyid ni srid pa nyid de sred pa las ldog pa dang/ 'das pa ste/ srid pa'i sred pa zhes bya ba'i don to/ /srid pa ma yin pa ni sred pa dang bral ba ste/ sred pa las 'das pa'i phyir 'dis ni sa gong ma'i 'dod chags dang bral bar bstan to/ /de ni 'jigs bral zhes bya ba ni skrag pa dang bral ste/ 'dod pa las 'dod chags dang bral ba'i phyir ro/ /bde ba ni bde ba yang dag par bskyed pa'o/ /snying por gyur pa'i bde ba 'di yongs su spangs kyang 'di mi zhen cing khyad par gyi bde ba yod pas yongs su thar pa'i phyir te/ gzugs las 'dod chags dang bral zhing khyad par can gyi mchog tu dga' ba 'thob pa'i phyir ro/ /mya ngan med ces bya ba ni gzugs med pa las 'dod chags dang bral ba ste de ni rgyud kyi gdung ba thams cad yang dag par zad pa'i phyir ro/ /lhas kyang blta zhing bsam du med par 'gyur zhes bya ba ni bsam du med pa ni ngoms pa med pa ste/ skad kyi byings kyi don ni sna tshogs pa'i don yin pas bsam du med pa ni ngoms pa med pa'o/ /yang na bsam pa na nges pa yin la bsam du med pa ni nges pa med pa ste/ de dag gi gzugs las 'dir bltas pas nang gi de nyid ji lta ba bzhin du rtogs pa 'am shes par nus pa ni med do/ /lhas kyang zil gyis non mi 'gyur zhes gzhan dag tu brjod de/ 'di'i don ni bdud kyi ris kyi lha des kyang
- 171a
bar du gcod par mi nus so zhes bya ba'o/ /ji ltar dge slong 'jigs pa dang bral bar 'gyur zhes bya ba la sogs pa la bshad pa/ 'dod pa'i dngos po spangs pa'i phyir te/ 'di nyid gsal bstan pa ni 'di na gang dag ces bya ba la sogs pa'o/ /rgyal po gsal rgyal gyis zhun mar dang til mar gyis sbyin gtong gi khang par gtan pa med pa bzhag cing khyim du mi khyer bar de nyid du bdag nyid ci 'dod par thung ngu 'jug pa las kun tu rgyu zhig gis rang gi chung ma bu bcas nas der bsnum dgos pas de der song ste/ zhun mar mang po 'thungs nas khyim du song la chung ma tshim par bya'o zhes bsams nas zhun mar mang po 'thungs pa las ma zhu ste srang du 'gyel ba/ /bcom ldan 'das nyan thos kyi dge 'dun dang bcas pa bsod snyoms kyi phyir gshegs pas gzigs te/ 'phags pa kun dga' bos de'i gtam zhus pa dang/ bcom ldan 'das kyi tshigs su bcad pa gnyis gsungs so/ /de gsung nas de nyid du dus byas pa las de'i slob mas de bslang bar 'dod kyang bslang bar ma nus so/ /bcom ldan 'das 'khor dang bcas pas de la gzigs nas 'di snyam du dgongs te/ 'dir gang gis gang la so sor rig cing chags pa med pa'i thub pa de ni bde ste/ des byas pa nas brtsams te/ skye bo ci med ces bya ba la sogs pa'i tshigs su bcad pa gnyis so gang dag ces bya ba ni bdag nyid chen po'o/ /ci yang med pa zhes bya ba ni ma la sogs pa yongs su bzung ba'i dngos po ci yang med pa'o/ /kye re bde zhes bya ba ni bde ba chen po zhes bya ba'i don to// 'di na zhes bya ba ni 'dod pa'i khams dang 'dod pa'i khams su 'jug pa'o/ /ci yang med pa ma yin pa ni shin tu bde chen po yang dag par 'byung ba ma yin no/ /gzhan ji lta bu zhe na chos mang mthong zhing rtogs pa zhes bya ba 'di ste yongs su
- 171b
gzung ba gnyis med pa sred pa rtsa ba nas spangs pa dang dgag pa'o/ /de las dang po'i dbang du byas pa ni/ yang dag pa'i shes pas nges par byas pa ni rtogs pa'i chos sdug bsngal la sogs pa 'phags pa'i bden pa gang yin pa de nyid de/ mthong ba dang bsgom pa'i lam gnyis kyis gnas pa'i tshangs par spyod pa ni khams gsum las 'dod chags dang bral ba'i phyir ro/ /gnyis pa'i dbang du byas nas mang thos zhes bya ba smos te/ lung mang po rtogs par bya ba phyin ci ma log par ma rtogs pa'i phyir te/ gsung rab yan lag bcu gnyis kyi don mang po phyin ci ma log par nyan cing thos pa la gang gis ma bsgoms pa de'o/ /thos pa dang bsam pa las byung ba'i shes pa gnyis kyi ni nyon mongs pa 'gog par 'byung ba'i phyir ro/ ci'i phyir ci yang ming ba bde ba chen po yin zhe na/ cung zad yod par gyur la bltos zhes bya ba ste yongs su bzung ba dang bcas pa la bltos zhes bya ba ni blta bar gyis shig pa'o/ /brlag pa zhes bya ba ni phongs par gyur pa dang/ shi bar gyur pa dang/ nyam thag pa dang/ gnod par gyur pa'o/ /skye bo ni kun tu rgyu ba'o/ /skye bo la zhes bya ba ni chung ma la sogs pa'o/ /skye bo ji lta bu zhe na sems rab chags zhing zhes bya ba yid lhag par zhen pa ste/ 'dod pa'i 'dod chags kyi rjes su zhen pa zhes bya ba'i don to/ /gang yul la sems chags pa de nyid dbang po ma dul ba yin no zhes bstan pa'i phyir lus la rab chags shing zhes bya ba ste/ gzugs dag la rab tu chags pa'i dbang po gang yin pa ste/ dbang po ma dul ba zhes bya ba'i don to/ /chags pa yang zhun mar shas cher 'thung ba'i lus ni gzugs so/ /sems ma dul ba la ni le lo la sogs pa 'byung zhing lus las gnod pa yin no zhes bstan pa yin te dben pa med pa'i rtogs pa yang med do/ /de lam dul ba la gnas pa ni sdug bsngal
- 172a
ba la gnas pa yin no zhes bstan pa'i phyir ro/ /smras pa/ skye bo ci yang med par gyur pa bde zhes bya ba ste yongs su bzung ba med pa'i skye bo nyid ni bde ba la spyod pa yin te 'dod chags dang bral ba'i phyir ro/ /yon tan rtogs pa'i khyad par gyis ci yang med pa nyid kyi khyad par gyis shes pa dang ldan pa'i phyir yon tan rtogs par 'gyur ba yin no/ /lhag ma ni bstan zin to/ /dben pa'i shes pa la brten nas ci yang spangs pas ni rang dbang gi bde ba 'thob par 'gyur gyis gzhan du ni ma yin no zhes bstan pa'i phyir gzhan gyi dbang gyur kun sdug ste zhes bya ba la sogs pa'o/ /rgyal po gsal rgyal gyis ri dags 'dzin gyi ma sa ga la rdzas thams cad la sho gam med pa dang gru btsas med par gnod/ de shar phyogs nas sho gam bya ba'i rdzas khyer te 'ongs nas de'i phyir rgyal po la lan gsum gyi bar du zhu ba bya ba'i phyir chas pa las skabs ma rnyed de/ yid byung nas bcom ldan 'das kyi tha dad du lhags te skabs 'di rgya cher gsol pa dang tshigs su bcad pa 'di gsungs so/ /kun zhes bya ba ni ma lus pa'o/ /gzhan gyi dbang zhes bya ba ni gang gzhan la rag lus pa zhes bsdu ba byas te/ gzhan la rag lus pa dang gzhan dang 'brel pa'i dngos po ni sdug bsngal ba yin te/ nye bar gdung bar byed pa'i phyir ro/ /rang dbang yod pa thams cad bde zhes bya ba ni gang cung zad bdag nyid 'dod pa bzhin du byed pa de ni mngon sum du mngon par 'dod pa bsgrub pa'i phyir ro/ /gal te de lta na des ji zhig ce na/ thun mong gyur pa zhes bya ba smos te 'di skad ston to/ /gang gzhan gyi dbang de ni los kyang sdug bsngal ba yin te/ 'khor ba pa'i dngos po 'di dag thams cad ni rgyu dang rkyen gzhan gyi dbang yin pa'i phyir sdug bsngal ba nyid de 'di ltar
- 172b
rgyu dang rkyen ni thams cad du yod pa'i phyir thun mong ste/ spyi'i yin pas khyed cag 'khor ba'i nang na gnas pa'i sems can dus ji lta bar brlag pa dang/ gnod par gyur pa zad te/ des byas pa'i lus dang sems kyi gdung ba nyams su myong ba'i phyir ro/ ji skad du bshad pa/ gal te de lta na gnod par byed pa'i rgyu yin pas de ma thag yongs su spang bar mi nus pa yin zhes smos te/ 'dis 'gro ba la sogs pa dag tu sbyor ba yin no zhes byas so/ /yang na 'dod pa'i sbyor ba rnam pa bzhi dag las so// shin tu zhes bya ba ni gang gi phyir gyi don to/ /ci'i phyir de dag brlag ce na/ de'i rtsa bar gyur pa'i sbyor ba ni spang bar dka' ba zhes bya ba'i don te/ spang bar dka' ba ni 'da' bar dka' ba zhes bya ba'i don te/ spang bar dka' ba ni 'da' bar dka' ba'o// 'di sdug bsngal ba gcig pur ma zad de/ gang rgyal po la lan gsum du mthong yang nyon mongs pa dang las yod pas nam yang sdug bsngal las grol bar mi 'gyur te nye bar len pa'i phung po ni sdug bsngal gyi bdag nyid do zhes bstan to/ /rnam par 'byed pa las bshad pa'i don ni gnas skabs gzhan du brjod de/ khyim bdag yongs su 'grin pa na dge ba'i gshes gnyen nye dga' ma rnyed nas ma khrims te/ dge 'dun gyi dus yol ba las bcom ldan 'das kyis 'di gsungs so/ /de la 'di'i don ni gzhan gyi dbang thams cad sdug bsngal ba yin te/ gang gi phyir thun mong du gyur pa yin yang gang dge 'dun gyi bstan cing nye bar btags pa'i bza' ba dang btud pas dge slong gi dge 'dun dag brlag par zad de ma thob pa las so/ de la rgyu gang gis sbyor ba yin zhe na/ yun ring por yongs su bsags pa'i gzugs dang 'brel ba'o/ /de yang dka' bas btsal ba yin pa'i phyir shin tu spang dka' ba'o/ /sred pa la sogs pa'i nyon mongs pa'i tshogs nyid spangs na rang dbang du
- 173a
'gyur gyi gzhan du ma yin no zhes bstan pa'i phyir/ zhen par 'gyur ba'i ma ning na zhes bya ba la sogs pa'o/ /rgyal po'i khab na tshe dang ldan pa bzang ldan bya ba byas shing mtshan mo tho rangs kyi dus su lan gsum ched du brjod pa ched du brjod de/ bdag ni bde bo zhes smras pa dang/ de la dge slong rnams kyis dris pa/ ci sngon gyi 'dod pa dag dran nam zhes pa dang/ nges tshigs su bcad pa lnga bshad de/ sngon gyis sangs rgyas kyi gsungs pa 'di gzung bar bya'o zhes 'di gsungs so/ /bde ba ni bya ba'i khyad par du byed pa yin te/ bsngags pa'i bde ba 'dis 'tshe ba'i khyad par yin no/ /kye ma'o zhes bya ba ni dga' ba ste 'tsho ba 'dzin pa yin no zhes dga' ba dang ldan pas 'di smra'o zhes bya ba'i don to/ /ji lta bu zhe na/ zhen pa'i nang na zhen pa med zhes bya ba'o/ /dga' ba dag la zhes bya ba ni dmigs kyis dbye ba bdun pa ste/ yul la dga' ba dag gi nang nas bdag ni de dga' ba med pa'o/ /ci'i phyir zhe na 'di ltar zhen pa'i nang na zhes bya ba ste/ gang dgon pa mu ge la sogs pa dag dang bkres pa dang skom pa la sogs pa'i sdug bsngal gyis gtses pa'i nang du bza' ba dang btung ba'i longs spyod yongs su bsags pa de nyid bde bar gnas pa yin no/ /de bzhin du sred pa'i kun tu sbyor ba yongs su ma bcom pa'i nang du de bcom pa gnas pa ni ji ltar bde bar mi 'tsho ba yin te de bas ni 'dis khams gsum gyi 'dod chags dang bral bar bstan to/ /zhe sdang spang ba'i phyir smras pa/ nang gis thebs pa zhes bya ba la sogs pa'o// nyam thag pas gnod par gyur pa ni nang gis thebs pa ste gnod pas nyam thag cing gdung bar byed pa'i phyir nad do/ /byams pa la sogs pa'i mthus khro ba bsal ba ni nad pa zhes brjod do/ /'dod chags dang zhe sdang gnyis kyis ni
- 173b
phal cher gzhan la gnod pa byed pa yin na zhes bstan pa'i phyir tshe ba can gyi mi nang na zhes bya bas rnam par mtho 'tsham pa ste tshig gis gzhan la 'tshe ba dang lus kyi khyad par du 'tshe ba yin pas 'tshe bar byed pa ste mtho 'tsham zhing 'tshe bar byed pa'o/ /drang srong rnams kyi yid kyi khro bas ni khyad par du yul mi la sogs pa 'joms par byed pas de lta bu las kyang bzlog par bstan pa'i phyir/ sha khon can gyi mi nang na zhes bya ba smos te khong khro ba dang rjes su 'brel ba'i sha khon te gang la yod pa ni sha khon can te/ dbyug pa can bzhin no/ /rgyal po ni phal cher nyon mongs pa bzhi po de spyod pa yin pas de tsam zhig tshigs su bcad pa des bstan to/ /cung zad kyang lhag ma ma lus par spangs par gyur na ni khyad par can gyi bde ba yod do zhes bstan pa'i phyir/ mi thi la dag ces bya ba la sogs pa'o/ /mi thi la la'i bdag po rgyal po'i drang srong du gyur pa 'dod pa las 'dod chags dang bral ba re zhig na gnas so/ /ci tsam na mi thi la me chen pos tshig pa mthong nas sangs rgyas kyis gsung pa'i tshigs su bcad pa gcig smos so/ /nga la gang dag ces bya ba ni rang nyid la'o/ /ci med pas zhes bya ba ni 'dod pa'i khams la lhag par zhen pa'i dngos po med pa ste/ sdug bsngal 'byung ba thams cad ni de dang 'brel ba'i phyir ro/ /ci'i phyir zhe na/ 'di ltar mi thi la dag ces bya bas bstan te 'dod pa las 'dod chags dang bral ba ni de la lhag par zhen pa zad pa'i phyir ro/ /gang la ci yang med pa de nyid ni zag pa med cing bsam gtan gyi dga' ba'i bdud rtsi'i rol longs spyod pa yin gyi gzhan ni ma yin no zhes bstan pa'i phyir/ nga la ci yang med mod kyi zhes bya ba la sogs pa smos so/ /nges par myong bar 'gyur ba'i las byas shing bsags pa de nas/ de bzhin gshegs pa'i rgyud las gnas pa yang nges par 'bras bu 'byung ba yin no zhes bstan pa yin te/ bcom ldan 'das bram
- 174a
ze'i grongs la can du bsod snyoms la gshegs pa las de la bsod snyoms ma brnyes te slar gshegs pa dang/ bdud kyis ji zhig mang du brnyes zhes gsol ba dang/ bcom ldan 'das kyis bka' stsal pa/ sdig can ji sangs rgyas kyis rnyed par dka' o zhes sems sam/ de bzhin gshegs pas ni bsod nams mang po spel bas brnyes so zhes bya ba dang/ de'i phyir yang zhugs te ji ltar thob pa de ltar ngas bya'o zhes ba nas tshigs su bcad pa gnyis gsungs so/ / dga' ba za bar byed pas ni zhes bya ba ni dga' ba nyid longs spyod cing za ba ste/ 'dir ting nge 'dzin las skyes pa'i dga' ba dang bde ba longs spyod pa'i phyir ro/ /ji lta bu zhe na/ 'od gsal gyi lha zhes bya bas bstan te/ bsam gtan gnyis pa'i lha ni dga' ba khyad par can dang ldan pa'i phyir ro/ /zang zing med pa'i dga' ba dang bcas pa la bcom ldan 'das nye bar longs spyod pa yin no zhes bya ba 'di ga las she na/ 'di ltar 'jigs tshogs la ni mi brten pas zhes bya ba smos te/ 'khor ba'i dngos po la lhag par zhen pa med pa'i phyir ro/ /zang zing med pa'i dga' ba bsten pa 'tshe ba med pa yin no zhes bstan pa'i phyir/ len pa'i rkyen gyis zhes bya ba la sogs pa smos so/ /mdzes dga' mo bsad pa dang/ dge slong grong du song ba 'am/ dgon par song ba yang rung ste de dag gis mthong nas khyed cag gi dge sbyong ji lta bu zhes gshegs par gyur pa dang 'di gsungs so/ /grong ni skye bo mang po 'jug pa'i phyogs te skye bo dang ldan pa'i phyogs so/ /dgon pa zhes bya ba ni nags kyi gnas so/ /bde sdug gis reg par mi 'gyur ro zhes bya ba las bde ba ni tshim par byed pa'o/ /sdug bsngal ni nye bar gdung ba pa'o/ /reg pa ni don sna tshogs pa yin no/ /bdag dang gzhan gyis bskyed pa'i zhes bya ba ni bdag gis bsgoms
- 174b
bas byed pa des byas pa med pa'i phyir gzhan gyis byas pa'i bde ba dang sdug bsngal ni nges par byed pas ma byas te/ rgyu dang rkyen dang 'brel ba'i phyir ro/ /bskyed pa ni 'dzin pa dang 'chad pa zhes bya ba'i don to/ /'di'i rkyen dang 'brel pa'i phyir bshad pa/ reg 'gyur zhes bya bas te gdung bar byed pa'o/ /phrad pa ni grang ba la sogs pa phrad pa ste g.yangs zhes bya ba yin no/ /len pa'i rkyen gyis zhes bya ba ni nyon mongs pa la sogs pa len pa'i rgyu la brten pa'o/ /len med ces bya ba ni nyon mongs pa la sogs pa'i skyon dang bral ba ste ji zhig phrad cing reg par 'gyur te/ mi 'gyur zhes bya ba'i don to/ /gang gis ji ltar bdag nyid nyams pa med par rtog pa'o/ /zhes bya ba ni gang gis ji ltar nges par bya zhe na/ 'di ltar de dag ni kun tu 'gro bar byed ces bya ba ste/ 'phags pa shA ri'i bu dang maung+gal gyi bu la mu stegs can gyis bkur sti ma yin pa byas kyang zhe sdang bar ma gyur cing spangs pa'o/ /phan gdags pa'i phyir thams cad du 'gro bas na kun tu 'gro ba ste/ 'di ni phan 'dogs pa dang gnod pa byed pa yin no zhes mi lta ba'o/ /de ltar yang ci'i phyir zhe na/ skyes bu dam pa zhes bya bas bstan te/ bsam pa dang sbyor ba phun sum tshogs pa'o/ /skyes bu dam par nges par byed pa'i rtags brtan pa'i phyir bshad pa/ 'dod pa'i rgyu zhes bya ba ste rnyed pa dang bkur sti'i ched du'o/ /mi 'khyal pa zhes bya ba ni mi'i chos bla ma med bzhin du gzhan la smra ba med pa'o/ /ci'i phyir zhe na/ brtan pa'i phyir te/ des na brtan rnams zhes bya ba yin no/ /ci'i phyir de dag brtan par nges zhes na de'i phyir brtan pa'i 'bras bu bshad pa/ 'jig rten 'di na bde bas reg pa ni zhes bya ba smos te/ grong dang 'brel ba 'am dgon pa dang 'brel pa'i bde ba dang sdug bsngal dang ldan pa des dam pa brtan pa dag mtho dman dang sro shi ba dang gzengs mtho bar mi 'gyur te/ dga'
- 175a
pa 'am nga rgyal dang skyo zhing zhum pa med pa zhes bya ba'i don to/ /bde ba'i tshoms te sum cu pa'i rnam par 'grel pa rdzogs so// //bde ba ni sems la gnas pa'i yin gyi bdag la sogs pa la gnas pa ni ma yin no zhes bstan pa'i phyir/ de'i 'og tu sems kyi tshoms bstan te/ gzung bar dka' ba zhes bya ba la sogs pa smos so/ /dgon pa nas log par 'dod pa'i rab tu byung ba zhig bcom ldan 'das kyi spyan sngar 'ongs pa dang 'di skad ces bka' stsal to/ /dge slong khyod sems kyi dbang du ma 'gro bar sems legs par rab btul bar bya ste/ gang gi phyir sems rab tu btul bar byas te/ bsrungs na ni bde ba 'dren par byed pa'o zhes byas nas 'di gsungs so/ /dka' bas bzung zhing gdul ba 'di la yang ste shin tu phra bar yod pas 'phags pa kun dga' bo la sogs pas kyang de rtogs par dka' bo zhes thos so/ /yang ba zhes bya ba ni spre'u bzhin du myur du 'gyur bar byed pa'i phyir te/ ji skad du sems ltar yang bar 'jug pa ni 'dod pa na chos gcig kyang yang dag par mthong ngo zhes bya ba la sogs pa gsungs te g.yo ba zhes pa'i don to/ /gang du dga' bar 'gro ba zhes bya ba ni ji ltar 'dod pa bzhin du yongs su ma brtag pas spyod pa'i phyir te gang du dga' bar 'gro ba'i tshul 'di la yod pa de ni de nyid do/ /yang na gzung bar dka' bas ni gzugs med pa na spyod pa'i sems bstan te de na gnas pa'i byis pa ni sems dul ba med pa'i phyir ro/ /yang pa ni gzugs na spyod pa ste dga' ba'i bde ba la bltos bas gtang ba'i phyir ro/ /gang du dga' bar 'gro ba'i yin zhes bya ba ni 'dod pa na spyod pa ste/ gzugs la sogs pa'i yul dang ldan pa'i phyir ro/ /yang na ngan song gsum dang mi dang lha'i sems go rims bzhin du sbyar ro/ /sems dul ba ni
- 175b
legs pa ste zhes bya ba ni yang dag pa'i lam la zhugs pa dang/ log pa'i lam las bzlog pas nye bar zhi ba ni rab tu bsngags pa'o/ /ga las zhe na/ 'di ltar sems dul ba yis bde ba 'dren ces bya ba ni sems dul ba kho nas ni 'jig rten dang 'jig rten las 'das pa'i de ba tham cad bskyed pa'i phyir ro/ /sems ma dul ba'i phyir srid pa spangs pa la mngon par dga' ba med par bstan pa/ bdud kyi gzhi dag ces bya ba la sogs pa'o/ /chu bo e ra ba tya'i 'gram du nya dag rgyas byung ste bye ma'i phung po la bor ba de shin tu g.yo zhing 'gul bar gyur to/ /phyogs de na yang dge slong rnal 'byor can zhig gnas te de'i sems g.yo bar gyur cing ji tsam na nya de mthong nas rang gi sems la spyo ba byas so/ /chu las skyes pa yin pas chu skyes de nya'o// lta bu ni ji lta ba bzhin no/ /thang la bor ba ni so ga'i dus kyis tsha bas gdungs pa'i bye ma'i thang la bor ba'o/ /ci'i phyir der bong zhe na/ chu bo gnas nas rab bton te zhes bya ba yin te/ chu bo gnas kyi tshogs chen po'i rang bzhin las mchil pa la sogs pas drangs pas yongs su g.yo zhes bya ba ni yongs su 'gul zhing rnam par 'phang ba ste 'du zhing 'phro ba zhes bya ba'i don to/ /bdag gi sems ni zhes bya ba ni bdag yid yongs su g.yo bar ni rab tu mi 'jug pa'o zhes bstan to/ /bdud kyi bzhi zhes bya ba ni phongs pa thams cad kyi rtsa ba nyon mongs pa'i bdud de nye bar dul ba la zhugs pa'i bdag gi sems ni de ltar mi 'jug ste/ ji ltar 'khor ba yongs su bzung ba'o/ /bdud nyid bdud kyi gzhi ste ming gi bzhi bzhin no/ /spangs pa zhes bya ba ni yongs su spang pa nyid la g.yo ba yin gyi 'khor ba dang 'khor ba bsten pa'i phyir ni ma yin no/ /gal te de ltar bstan pas na gdul bar mi nus so zhes bshad pa/ mkhas pas mi nus pa ni med de ji skad dug 'byin pa dang/ sprul len
- 176a
pa dang/ thog 'bab pa dag nye bar zhi bar byed la/ phyogs kyi glang po yang dul bar byed de mkhas pa rnams la ni mi grub pa zhes bya ba cung zad kyang med do/ /des na yul dag la sems rab tu bsdu ba'i thabs ni mkhas pa nyid kyis nus pa yin no zhes bstan pa'i phyir nyi ma las zhes bya ba la sogs pa smos so/ /ri'i rtse mo'i phyogs gcig na dge slong dgon pa pa zhig yod de nyon mongs pa spang pa'i phyir zhugs pa na de'i sems yul dag la rgyug par gyur to/ / de'i tshe nyi ma shar ba la de dang nye ba na rgyal po'i glang po 'dul bar byed pa mthong nas 'di bshad do/ /so so ni rnam pa sna tshogs pa'i yul gyi las dag la'o/ /rgyug pa ni 'jug pa'o/ /gang ji lta bu zhe na/ nyi ma la ni 'od zer ltar zhes bya ba dper na sprin dang du thad? do? rdul la sogs pa dang bral ba'i nam mkha' la gnas pa'i nyi ma'i 'od zer ni kun tu gegs med par khyad par 'gyur ba de bzhin te/ gsal ba'i phyir dang/ thung mong gi las las gyur pa'i phyir zhes bstan to/ /des bzlog ste zhes bya ba ni yul dag las nges par len pa yin no/ /de dag ces bya ba ni sems so/ /mkhas pa ni thabs kyi khyad par shes pa'o/ /'dir dpe bstan pa/ lcags kyu yis ni glang chen bzhin zhes bya ba dper na glang po che zhon nas lcags kyus glang po che smyon pa yang lam ma yin pa las bzlog par byed pa bzhin no/ /rnal 'byor can de nyid yang sems la yongs su spyo bar byed cing ngo/ /smra'o zhes bya ba ni brjod do zhes bya'o/ /de la zhes bya ba ni sems la'o/ /nga ni bdag nyid do/ sems de ji lta bu zhe na/ snying po med pa zhes smos te skad cig ma yin pa'i phyir ro/ /bltar med pa ni mig gis yul du ma gyur pa'i phyir mi shes par spyod pa ste kun? ma bzhin no/ /de spang pa'i thabs la 'jug pas bdag nyid la bstan
- 176b
pa'i phyir ro/ rtag tu gdul par bya ba'i phyir zhes bya ba sems 'di la ston pa ste/ bdag nyid la dran pa nye bar gzhag pa la sogs pa spyod yul dang rjes su mthun pa dus thams cad du mtshungs pa med pa ste gzugs la sogs pa lta'o/ /yang na yul ma yin pa dag las bzlog pa'o/ /ci'i phyir zhe na/ nga la don med ces bya ba smos te/ bdag la gnod pa'i phyir 'di dang gzhan du'o/ /spyod pa dang zhes bya ba ni 'jug pa'o/ /yang bya ba yin pa la ngas 'di nyi yongs su gtang bar mi bya ste/ de bas na de nyid bshad pa/ sems 'di zhes bya ba la sogs pa smos so/ /'di zhes bya ba ni sems so/ /sngon chad ni gzhan du ste blun pa'i gnas skabs so/ /spyod cing zhes bya ba ni spyad par byas pa ste rab tu 'jug par 'gyur ba'o/ /rgyu bar byed pa dag ces bya ba ni 'gro zhing 'jug pa ste gzugs dang spyod yul dag la'o/ /ji lta bur zhe na/ ji ltar 'dod par zhes bya ba yin te/ gang gis 'dod pa bzhin du 'jug pa chos dang chos ma yin pa de bzhin du spyod pa'o/ /'di ni bya ba'i khyad par ro/ /gang du 'dod par zhes bya ba ni sa gzugs la sogs pa'i yul dag la 'dod cing mngon par dga' ba ste lhag par zhen cing spyod pa de ni bya ba'o/ /ji ltar 'dod pa zhes bya ba ni rnam pa gang gis gus pa dang ma gus pa 'am rnam pa thams cad gang gis sam/ 'dod chags dang zhe sdang dang gti mug gis btang ba 'am/ go rims bzhin du gzugs med pa dang gzugs dang 'dod pa na spyod pa'i phra rgyas kyi dbang gis so/ /da ni zhes bya ba ni da ltar ro/ /de bzung ngo zhes bya ba ni sems so/ /tshul bzhin byas pas zhes bya ba ni rjes su mthun pa'i gnyen po bsgoms pa'i stobs kyis zhes bya ba'i don to/ /ji skad du bshad pa/ 'dod chags dang zhe sdang la sogs pa la mi gtsang ba la sogs pa la 'dris par bya'o zhes bya ba lta bu'o/ /tshul ni thabs te/ de yang rab tu bsngags shing rjes su mthun
- 177a
pa ni tshul bzhin zhes brjod de/ 'di ltar gang ji lta bu zhe na/ glang chen myos ltar zhes bya ba smos te glang po che myos pa ji ltar 'ga' zhig gis lcags kyus lam log pa las bzlog cing lam du mdzud pa de bzhin no/ /sems kyi rang gi ngo bo ji lta ba bzhin du yongs su gcod pas ni de 'dul ba yin gyi gzhan gyis ma yin te/ de lta bas na rab tu brtag pa'i phyir khang khyim zhes bya ba la sogs pa smos so/ /khyim yongs su spangs pa'i rab tu byung ba zhig sngon goms pa'i dbang gis dgon par khyim byed pa la brtson zhing 'bad par gyur te ji tsam na yid byung nas bcom ldan 'das kyis bskul bas rang gi sems la tshigs su bcad pa gnyis kyis bsdigs par byed pa'o/ /gzhan dag ni byang chub kyi shing drung na bzhugs pa na bdud kyi pho nya la sogs pas sems rnam par bkrugs pa'i phyir 'ongs pa na byang chub sems dpas gsungs so zhes zer ro/ /du ma zhes bya ba ni dpag tu med pa'o/ /skye ba'i 'khor ba zhes bya ba ni 'gro ba dag tu 'khor ba'i skye ba'i rgyun no// khyod kyis phyung zhes bya ba ni skye ba'i rgyun no/ /khyod kyis phyung zhes bya ba ni yang dag pa thob par byas pa ste/ yang dang yang du 'gro ba zhes bya ba'i don to/ /yang na don sna tshogs par mngon par sbyar bar bya'o/ /gang gi tshe zhe na/ da ltar phan cad zhes bya ba smos te/ skye ba tha ma 'di las sngon gyi skye ba dag tu'o/ /de ci lta bu zhe na/ khang khyim byed pas zhes bya ba ni khang khyim byed pa ste/ gnas sgrub par byed pa 'am lus sgrub par byed pa'o/ /ji sems kyi bdag nyid kyis de ltar yin nam zhe na/ 'tshol ba zhes smos te sred pas bskul nas rjes su 'tshol ba'o/ /gang yin zhe na/ yang yang skye ba'i sdug bsngal can zhes bya ba yin te/ bdag rgyal po dang/ dbang po dang/ tshangs pa dang/ gzugs bzang ba la sogs pa 'thob par gyur
- 177b
cig ces don du gnyer ba'i sdug bsngal gyi ngo bo skye ba lan du mar 'tshol ba yin no/ /khang khyim byed pa khyod mthong bas zhes bya ba ni ngas khyod de kho na nyid kyi shes pas ji lta ba bzhin du dmigs te/ phyis kyang 'di ltar ngas khyod mthong zhing rtogs pas phyin chad khyim byed du mi gzhug go zhes bya ba so sor ma brtags pa'i 'gog pas yang skye ba spangs pa yin te/ yang lus kyi khang khyim byed du mi bzhug pa'o/ /ci'i rgyus khyim phyin chad byad du mi gzhug ce na/ de skyed par byed pa'i chu'i byed pa med pa'i phyir ro/ /de nyid smras pa/ phyam rnams thams cad bcad nas su zhes bya ba smos te/ dper na dga' zhig khyim byed par 'dod pa'i shing la sogs pa ste phyam dang rtsig pa la sogs pa bshig ste byed du mi gzhug pa de bzhin du bdag gi sems kyi ngo bo'i khyim byed par 'dod pa'i las kyi phyam rnams dang nyon mongs pa'i so bag gi phung po mi byed cing bdag gis kyang phyam thams cad bcag nas yang srid pa'i 'bras bu'i las spang ba'o/ /khyim gyi gdung chen rnams bcom la zhes bya ba ni rnam par byas pa rgud pa ste/ nyon mongs pa thams cad spangs pa'i phyir ro/ /gzhan dag ni sred pa la sogs pa'i nyon mongs pa ni phyam yin la/ ma rig pa la sogs pa ni khyim gyi gdung chen po yin no/ /zhes zer ro/ /'du byed dang bral nas zhes bya ba ni 'dir 'du byed kyi rnam pa dang bral ba ste/ thar pa mya ngan las 'das pa la gzhol ba'i phyir ro/ /'di nyid la ni zhes bya ba ni skye ba'o/ /zag par 'dod ces bya ba ni 'gro bar yongs su 'khor ba'i tha ma sgrub par 'dod pa yin no/ /mkhas pa nyid kyis sems dul ba yin no zhes bstan pa'i phyir sems ni g.yo zhing 'gul ba ste zhes bya ba la sogs pa smos te/ 'dod pa la sogs pa'i rnam par rtog pas sems g.yen spyo bsab? rnams?
- 178a
pa yin no/ /g.yo ba ni lan du mar g.yo bar byed pa na gzhan dag bskyed pa'i phyir ro/ /yang na g.yo bar byed pa yin pas g.yo ba se/ las bskyed pa'i phyir ro/ /'gul ba zhes bya ba ni gnas skabs gcig tu mi gnas pa'i phyir te/ spre'u bzhin du rtag tu g.yeng ba nyid do/ /sems ni yod do/ /ring du 'gro ba ni bsrung ba dka' ba ste/ dge ba'i bya ba dag la dka' bas 'jug pa'i phyir ro/ /bzlog dka' ba zhes bya ba ni lam log pa la dka' bas bzlog pa'i phyir ro/ /yang na 'di la g.yo ba la sogs pa gsum gyis zhe sdang dang 'dod chags dang gti mug gsum dang tshungs par ldan pa ste/ go rims bzhin du 'das yul dag la 'jug pa las bzlog par mi nus par bstan to// bsrang bar bya zhes bya ba ni drang ba dang g.yo ba med pa'i sems su bsgrub par bya'o/ /'o na dngos po 'am rang gi rang bzhin de ni rtag tu de'i ngo bo nyid yin te/ dper na me? tsha ba'i mtshan nyid bzhin na ji ltar yod pa'i sems de bsrang bar nus zhe na/ mnga' mkhan me yis srong ba ltar zhes bya ba smras te mnga' zhes bya ba ni lhag ma'o/ /dper na mnga' mkhan gyis yo ba yin na yang me'i byed pas mnga' drang por byed pa bzhin du/ rang gi sems kyang lam bsgoms pa'i shes rab kyis so/ /sems dul ba'i phan yon smras pa/ gang zhig lus med ces bya ba la sogs pa'o/ /yul zhig gi dgon pa'i gnas na mig bzangs zhes bya ba'i gnod sbyin rdzu 'phrul che ba zhig gnas te/ des bcom ldan 'das shing zhig gi rtsam bzhugs pa mthong ste gan du lhags nas/ mngon par mchod de thal mo sbyar nas gsol pa/ gcig pu rgyu zhing ring du 'gro/ lus med phug na gnas byed pa/ /gang dag btul bar gyur na ni/ /'jigs pa che las thar 'gyur ba zhes
- 178b
pa dang/ des na 'di gsungs so/ /ring du 'gro bar byes pa yin pas ring du 'gro ba ste/ sems 'di 'gro zhing 'jug pa yin te/ ring du 'gro ba de ni yid kyi rnam par shes pas bstan to/ /'jug pa'i rnam par shes pa thams cad ni ring du 'gro ba med pa'i phyir ro/ /de nyid kyang rnam pa gsum du brtag pa'i phyir te dngos po mdza' dag gi spyod yul ba des ring du 'gro ba yin no/ /gcig pu rgyu ba ni gcig pu nyid rgyu par byed pa ste/ cig car rnam par shes pa nyid 'byung ba med cing/ sems can rnams kyi sems kyi rgyud ni re re 'byung ba yin no zhes lung las 'byung ba'i phyir ro/ /lus med pa ni gzugs med pa'o/ /phug na gnas pa ni ming dang gzugs la brten pa'i phyir ro/ /gang yang gnas gcig pa de ni rtogs par sla ba yin gyi gnas du ma pa ni ma yin no/ /phug gi gnas dang gzhi gang yin pa de ni de nyid do/ /de bzhin du gzhan dang 'gro ba ni 'phral la gdul bar nus gyis gang 'phyan pa'i bdag nyid de ni 'phral du gdul bar mi nus so/ /gang yang grong gi nang na 'dug pa gsal ba ni bzung bar nus la nags tshang tshing dang phug na gnas pa ni ma yin no/ /de bzhin du bcom ldan 'das kyi bstan pa'i tshul gyis ni gdul bar nus pa nyid du bstan pa'i phyir/ gang de lta bu'i tshul gyis sems dul bar byed pa ni dul bar 'gyur ro/ /thar par 'gyur zhes bya ba ni nges par grol bar 'gyur ba'o/ /'jigs pa che las zhes bya ba ni gang du 'jigs pa chen po las te 'khor ba las zhes bya ba'i don to/ /sems ma dul ba'i skyon bstan pa/ log pa'i smon lam zhes bya ba la sogs pa smos so/ /rgyal po'i khab na nad pa zhig la sman pa gso ba byed do/ /ci tsam mdo'i chung ma gzhon nu ma zhig blangs pa de bros te song ngo/ /nad pas gtam de thos nas langs te shin tu mgyogs par brgyugs nas sman pa
- 179a
de bdag gis mtshal lam zhes byas nas rgyal po la phul lo/ /gnas skabs 'di las tshigs su bcad pa gnyis gsungs so/ /gzhan dag ni yul yangs pa can gyi li tsa ba'i rnams kyis rin po che'i lhung bzed phun sum tshogs pa de la rin po che la sogs pas kha brgyan pa byas te/ a ka ru la sogs pa'i phye ma dri zhim po rnams kyis bkad nas bcom ldan 'das la phul ba dang/ bcom ldan 'das ni len par mi mdzad de/ sangs rgyas ni rin po che'i lhung bzed du mi bzhes so zhes pa dang/ des gzhan gcer bu ba dag la byin pa dang/ ci 'di gzhan la sngar byin nam zhes pa dang/ de dag gis ji lta ba bzhin du smras so/ /ji ltar nga la stong par byin te de nyid bkang na ni blang bar bya'i gzhan du ni ma yin no zhes pa dang/ li tsa ba'i dag khros te de la ma dad par gyur pa las des 'di'o zhes zer ro/ /zhe 'gras pa'i ngang tshul ni 'dir dgra'o/ /yang na gang la zhe sdang yod pa ni mi mthun pa ste/ dgra zhes bya ba'i don to/ /dgra la zhes bya ba ni rnam par sdang ba'i phas kyis dgra ste/ phyir rgol ba'i dgra la zhes bya ba'i don to/ /de ltar byed mi 'gyur zhes bya ba ni de lta bu'i sdug bsngal mi byed pa'i phyir ro/ /mngon sum du gnod pa byed pa bstan nas brgyud pas gnod pa byed pa ste/ pha dang ma la sogs pa la gnod pa byed pa thos pa'i dbang gis te bshad pa/ khon gyis khon can zhes bya ba la sogs pa'o/ /log pa'i smon lam zhes bya ba ni tshul bzhin ma yin pa'i yid la byed pa dang mtshungs par ldan pa zhes bya ba'i don to/ /gang gis bdag nyid sdug bsngal byed 'gyur ba zhes bya ba ni gang bdag nyid kyis sdug bsngal bskyed pa'o/ /dgra bos de 'di tsam zhig byed par 'gyur te/ 'di lta ste/ longs spyod las nyams par
- 179b
byed pa 'am thams cad kyi thams cad du srog tsam zhig 'phrog par zad do zhes bya ba la sogs pa mdo las gsungs so/ /ma dul ba'i sems kyis ni ngan song dag tu yang ltung bar byed do/ /des na 'di ltar 'di la ni 'jigs pa chen por bya'i dgra la ni ma yin no/ /sems dul ba'i phan yon bstan pa'i phyir yang dag smon lam zhes bya ba la sogs pa'o/ /pha dang ma la sogs pas kyang de ltar bde ba byed par mi nus la/ de las gzhan pa zhang po la sogs pa'i nye dus kyang mi nus so/ /gang yang dag par sems dul bas ni bdag nyid bde ba yin te sred pa zad pas bdag nyid bde ba phun sum tshogs par byed do/ /sems legs par ma bsgoms pas lus nye bar gnod pa'i skyon bstan nas yid kyi skyon gzhan yang bstan pa'i phyir ji ltar khang ster zhes bya ba la sogs pa smos so/ /mnyan yod na tshong dpon zhig la bu gnyis yod de nags po dang/ gtsug bud nag po zhes bya ba'o/ /tshe dang ldan pa kun dga' bos de gnyis rab tu phyung ngo/ /de la nag po ni rkyen gyi stobs can yin pas mu ge la sogs pas sdug bsngal ba'i yul dag mthong nas nyams par gyur to/ /gtsug pud nag po ni rgyu'i stobs can yin pas dgra bcom par gyur to/ /de nas tshigs su bcad pa bcu gnyis gsungs te/ nag po dang gzhan yang mang po dag khyad par thob par gyur to/ /ji ltar khang seng zhes bya ba ni ji ltar khyim rlung la sogs pas 'dir gnod par gyur pa'o/ /g.yog nyes na zhes bya ba ni g.yogs ma rtsid zhing bar mtshams yod pa'i phyir ro/ /char pa ni sprin las byung ba'i chu rgyun no/ /yongs su 'jig pa zhes bya ba ni/ g.yog? mo thams cad las 'das shing 'bigs pa dang/ bug rdol du gyur pas rab tu 'jug pa'o/ /de bzhin sems ma bsgoms pa zhes bya ba ni mi gtsang ba la sogs pa'i lam la gnas pa'i phyir de bzhin du ma dul ba'o/ /'dod chags rnams kyis yongs su bcom/ zhes bya ba
- 180a
ni rjes su chags pa'i kun tu sbyor bas sems zil gyis gnon cing dmigs pa'o/ /g.yogs legs na las bya ba ni mthug cing bar mtshams med par g.yogs pa'o/ /'dod chags la sogs pas kyang de'i rgyud dang sems la 'khor ba'i sdug bsngal med pa yin no zhes de bstan te/ rjes su chags pa'i kun tu sbyor ba bstan pa yang kun 'byung gi bden pas gtso bo yin pa'i phyir mnyam par gzhag pa dang mnyam par ma bzhag pa'i sa pa'i dbyo bas rnam pa gnyis su byed pa yin te lhag ma ni rtogs par sla'o/ /dul ba dang ma dul ba gnyis kyis ni gang cung zad dge ba dang mi dge ba byed pa de thams cad nges par 'dod pa dang mi 'dod pa'i 'bras bur 'gyur ro zhes bstan pa/ chos kyi sngon du yid 'gro ste zhes bya ba la sogs pa smos so/ /ko Ta ma la ka'i dge slong gi bsod snyoms sngon du gzhan la byin te/ phyi nas rang nyid za bar byed pa la bram ze dang khyim bdag dag 'phya bar byed pa la bcom ldan 'das kyis bka' stsal pa bdag nyid dang po bza' bar bya ste lhag ma gzhan la sbyin par bya'o zhes bka' stsal pa dang/ rgyal rigs kyi khye'u zhig dang bram ze rigs kyi khye'u gnyis zhig shin tu ltogs pas zas kyi bkang sar zhugs te/ gnas pa las de las dus shes par byas nas bram ze des thog mar bslangs pa dang/ des ci yang ma thob pas khros te gal te nga la dbang yod na ni 'di dag gi mgo drung la gnas bcad de sa'i steng du bor bar bya na zhes smras so/ /rgyal rigs kyi khye'us ni phyis bslangs pas zas mang po thob ste smras pa/ de skad ma smra shig /gal te bdag la dbang yod na ni bdag gis nyin re zhing sangs rgyas la sogs pa dge slong gi dge 'dun 'di dag la kha zas ro brgya dang ldan pas tshim par bya'o zhes smras so//
- 180b
ci tsam na bram ze'i khye'u shing zhig gi drung du nyal ba las/ shing rta lam 'drul ba'i 'khor los ske bcad de de las brtsams so/ /gzhan dag ni yang de'i tshe tshong dpon chen po zhig gi bu dus las 'das so/ /de bsod nams che bar grags pa'i sems can zhig tshong dpon du dbang bskur bar bya'o zhes 'bad pas mnyan yod kyi khyim bdag la sogs pas rjes su btsal ba las rgyal rigs kyi khye'u shing zhig gi drung na nyal ba mthong ste/ shing gzhan zhig gi grib ma ni shar phyogs su gzhol la/ shing de'i grib ma ni de'i lus yongs su mi 'dor ba mthong nas de dag gis de bslangs te tshong dpon du dbang bskur ba las de las brtsams zhes zer ro/ /sngon yid du 'gro ba zhes bya ba la/ sngon du 'gro ba ni sngon du 'dren pa'i gtso bo gang yin pa ste/ chos rnams kyi dge ba dang mi dge ba bsgoms pa de nyid kyis so/ /lhan cig tu 'byung bar gyur pa'i phyir tshor ba la sogs pa yang sngon du 'gro ba zhes brjod par bya'o zhe na/ bshad pa yid ni gtso bo zhes smos te 'di ni yid nyid kyi gtso bo la brten nas so/ /gal te de lta na yang sems pas bsams nas byas pas 'khor gyi byas pa bzhin du rgyal po sems pas byas shing yid gyi spyod pa yin no zhe na/ bshad pa/ yid mgyogs zhes smos pas yid ni mgyogs par 'gro ba ste 'di dag de la brten nas las kyi 'bras bu 'dzin pa yin no zhes bya ba la sogs par sbyar ro/ /khong khro dang ldan pa'i yid kyis gal te smras pa 'am byed pa zhes smos te smra ba dang byed pa de ni tshig ngan pa smra ba dang nyes par spyod pa'i gang zag go /sdug bsngal 'thob ces bya ba ni yid kyi gdung ba drag po'i gnod pa rjes su 'thob pa'o/ /ji lta bu zhe na/ 'khor los mgo bo bcad pa bzhin zhes smos te/ dper na shing rta'i 'khor lo nub mo rjes su rgyu bas bram ze'i khye'u bzhin no/ /ji lta bu zhe na/
- 181a
bcad pa zhes bya ba yin no/ /de yang tshig gis mtshon cha rnam par 'khyal ba 'am tshig rtsub po smras pa ste ngag gis nye bar spyod pas bcom ba zhes bya ba'i don to/ /grib ma bzhin zhes bya ba ni dper na ? gi grib ma rgyal rigs kyi khye'u'i lus dang 'brel ba de bzhin du rjes su 'brang ba ni rjes su 'gro ba'o/ /phun sum tshogs pa thams cad kyi rtsa ba ni legs par bshad pa yin la/ mdul ba'i sems kyis ni thos par mi nus so zhes bstan pa'i phyir rtsod pa ched cher zhes bya ba la sogs pa smos so/ /mnyan yod na bram ze pi pra li ka sA ri zhes bya ba bram ze thams cad kyi smras pa las phyin ci log tu byed de/ de bcom ldan 'das kyi thad du lhags nas kye gau ta ma bdag la chos shod cig dang bdag gis mnyan par bgyi'o zhes gsol pa las/ de nas tshigs su bcad pa gsum gsungs te/ de thos pas mngon par dang de rab tu byung nas dgra bcom par gyur to/ /gzhan dag ni tsaN+Da sh+rI zhes bya ba ma skyes dgra'i blon po bsod cing rab tu gsod pa la 'jug pa snying rje med pa zhig yod do/ /ji tsam na de lhas byin gyi don du gnyer te gal te shAkya thub pa srog dang phral bar nus na khyod la grong sum brgya byin par bya'o zhes smras pa dang/ des kyang de ltar mnyan to/ /de nas de go bgos te mtshon rnon po blangs nas de bya rgod phung po'i ri la 'dzegs pa las ji tsam na 'khor du ma'i nang du bcom ldan 'das la chos ston cig ces gsol pa dang/ bcom ldan 'das cang mi gsungs par bzhugs so/ /lan gnyis lan gsum gyi bar du gsol pa dang/ bcom ldan 'das kyis bka' stsal pa/ dad pa med dang zhes bya ba la sogs pa gsungs te/ bcom ldan 'das kyi gsung yan lag lnga dang ldan pa thos pa dang gzugs phun sum tshogs pa mthong nas mngon par dang de/ mtshon dang go cha rnams rol
- 181b
nas rab tu byung nas dgra bcom pa'i 'bras bu thob ste/ de gdul ba las brtsams so zhes zer ro/ /gzhan gyi tshig phyin ci log tu byed pa ni brtsad? pa'o/ /de nyid ched cher 'dzin cing snying por byed pa gang yin pa de ni mchog tu byed pa'o/ /gang zag des ni legs bshad par mi shes te glags tshol ba las 'jug pa'i blo yod pa'i phyir ro/ /yang na brtsad pa ni dgra ste mchog dang gtso bor byed pa'i dgra zhes bya ba'i don to/ /ji lta bu'i sems kyis legs par mi shes zhe na/ sems ni nyon mongs gyur pa'i zhes bya ba smos te/ nyon mongs pa dang nye ba'i nyon mongs pas yid bslad pa ste nyon mongs pa dang nye ba'i nyon mongs pa'i dbang du 'gro zhing ma dul ba zhes bya ba'i don to/ /de'i rtags smras pa/ glags skabs tshol bar byed pa zhes bya ba ste/ gzhan gyi skyon gyis glags gsal bar byed cing chol ba'i dang tshul gyis sems 'di la yod pa'o/ /'dis ni sems nyon mongs par rjes su dpag pa yin no/ /ci de nyon mongs pa dang nye ba'i nyon mongs pas nyon mongs par gyur pa'i sems gang yin zhe na/ dad pa med pa zhes smos te/ ma dad pas yongs su bzung bas so/ /sdang ba zhes bya ba ni zhe sdang dang mtshungs par ldan pa'o/ /'khrugs pa zhes bya ba ni de las gzhan pa'i phra rgyas rnam par 'khrugs par byed pas g.yeng ba rnam pa sna tshogs dang ldan pa'i phyir ro// yang na dam pa'i chos la gus pa ma skyes pas so/ /dam chos kun shes mi nus so zhes bya ba ni chos bstan pa shes par mi nus pa'o/ /dam pa'i chos de ji lta bu zhe na/ rdzogs sangs rgyas kyis bstan pa yin zhes bya ba smos te/ de bzhin gshegs pas gsungs pa'o/ /khro ba rnam par btul ba dang zhes bya ba ni nyan pa pos phrag dog la sogs pa'i nye ba'i nyon mongs pas byas pa'i yid kun tu 'khrug pa rnam par spangs pa'o/ /gang gis ma dad sems dang ni zhes bya ba ni sems dang
- 182a
'brel ba'i ma dang pha dang/ ma dang pha rnam par spangs pa'o/ /gnod sems rab spangs pa zhes bya ba ni gang zhe sdang dang rjes su 'brel pa spangs pa'o/ /des ni legs par bshad pa zhes bya ba ni de nyid legs par rab bshad pa thos par rigs pa yin te/ snod yin pa'i phyir ro/ /gang de nyid ni shes rab yongs su rdzogs pa yin zhing de nyid dul ba'i sems yin no/ /de ltar na gang shes rab yongs su rdzogs par mi 'gyur zhe na/ sems kyi bstan pa med pa yis zhes bya ba la sogs pa'o/ /btsun pa sems pa 'am brtan pa gang gis shes rab yongs su rdzogs par 'gyur zhes zhus pa las brtsams so/ /brtan pa med pa ni gnas pa med pa'i sems 'di la yod pa'o/ /dam chos rnam par shes mi nus zhes bya ba ni gsung rab yan lag bcu gnyis kyi tshig dang don la mkhas par ro/ /dad pa 'gyur ldog byed pa'i zhes bya ba ni kun nas 'gyur zhing ldog pa ste myur du 'gro zhing 'khor ba'i chu bo ltar de la 'gyur zhing ldog pa'o/ /de'i dad pa ni gus pa mi brtan pa'o/ /shes rab yongs su rdzogs mi 'gyur zhes bya ba ni zag pa med pa'i shes pa skye ba med pa'i phyir ro/ /rgyu gsum gyis shes rab yongs su rdzogs par 'dod de/ dam pa'i chos nyan pa la zhus pa dang/ brtan pa dang skye mched kyi rnam pa dang bas so/ /de med na ni ji ltar de yongs su rdzogs par 'gyur de yang bshad pa/ shes pa mi g.yo spun zla ste/ dam chos nyan pa bla ma yin/ /dad pa dri ma mdza' bshes te/ /gang de yis ni rnam 'phel 'gyur zhes so// yang na ma dul bas na legs par gsungs la mnyan pa yang med na shes rab yongs su rdzogs par lta ga la yod ces bstan pa'i phyir/ sems kyi brtan pa med pa zhes bya ba la sogs pa smos te/ ma dul ba de la ni dam pa'i chos ma mnyan
- 182b
pa'i phyir dang/ de med pa'i phyir skye mched kyis rnam pas dad pa yang med pa yin no zhes bya ba ni bsdus pa'i don to/ /yid ma dul ba las ni ston gyi zla ba dri ma med pa lta bu'i grags pa yang nyams pa yin no zhes bstan pa'i phyir/ kun rtog la chums zhes bya ba la sogs pa smos te/ rgyal po'i bu su mu kha zhes bya bas bcom ldan 'das la btsun pa gang gis grags pa nyams par 'gyur zhes zhus pa las de nas tshigs su bcad pa gnyis gsungs so/ /gang zag gang gis sum cu rtsa drug gi chu bo'i rgyun 'jug pa gang yin pa ste/ ni zhes bya ba ni nyid kyi don te grags pa nyams par 'gyur ba'o/ /yang na dad? gi sgras ni rim pa gzhan du sbyar ro/ /ltas ngan kun rtog ces bya ba ni 'di ltar shes par bya ste/ 'dis sred pa sum cu rtsa drug la spyod par bstan to/ /de yang ji skad du yang bcom ldan 'das kyis gsungs pa la gzhan ni 'dod pa na spyod pa'i nyon mongs pa chu bo'i rgyun sum cu rtsa drug go zhes zer ro/ /yid kyis rgyun zhes bya ba ni rab tu 'dzag pa yin pas rgyun te gang la rgyun rab tu 'bab zhes bya ba'i don to/ /yid ni sems te de'i rgyun ni gang dag rab tu 'dzag pa ste/ sems la gnas pa'i phyir ro/ /brgya la 'di nyid rab tu 'bab pa yin nam ma yin zhes rtog pa las rab tu 'bab ces bya ba smos te/ shin tu 'bab cing rgyun mi chad pas so/ /yang na rab tu ni shin tu ste/ rgyun gyi shugs yang dang yang du 'jug pa zhes bya ba'i don to/ /lta ngan kun rtog ces bya ba ni 'jig tshogs la lta ba la sogs pa ste lta ba ngan pa la 'jug pa/ rnam par rtog pa sna tshogs pa rab tu skye zhing lta ba ngan pa las 'jug pa'i kun tu 'jug pa ni lta ngan kun rtog pa ni/ lta ngan kun rtog ces bya ba ste/ bar gyi tshig mi mngon par byas pa pi ling btung ba bzhin no/ /yang na dang gi sgra ni 'dir lhag ma yin te
- 183a
chu bo'i rgyun byed pa'i rnam par rtog pa gcig pur ma zad de ji lta bu zhe na/ chums la brtan pa'i zhes bya ba ste/ sred pa la brten pa'i zang zing dang bcas pa'i 'dod pa la sogs pa'i rnam par rtog zhes bya ba'i don to/ /de ni skyes bu'i grags pa nyams par byed do zhes bya ba dang sbyar bar bya'o/ /de ji lta bu zhe na/ dga' sems zhes smos te sred pa'i rjes su 'gro ba'i 'dod chags dang yang dag par ldan pa ste/ yid bde ba 'dod cing 'dod pa'i ro myang bas rjes su chags pa'i sems so/ /dbang po phal ba dang zhes bya ba ni dbang po gzhan pa 'am dbang po dul ba'o/ /'dis ni dga' ba'i sems kyis rgyu bstan te/ blo zhan pa yin na ni dga' ba nyams par gyur te/ mdul ba'i dbang po la ni dbang po tha mal par 'gyur ro zhes bstan te/ sems kyi rjes 'brang zhes bya ba ni sems kyi dbang po ste 'dod pa'i rgyu la spyod pa gang ma dul ba'i sems zhes bya ba'i don to/ /'grib pa ni yongs su nyams pa'o/ /grags pa ni snyan pa'o/ /gzhan yang 'dir skyes bu'i khyad par smras pa/ zhan pa'i mthus zhes bya ba smos te mthu dang smra ba dman par gyur pa'o/ /mthun pa'i chos kyi dpe bstan pa/ ljon shing zhes bya ba ste de nyid do/ /'bras bu lhag pa yin zhes bya ba ni 'bras bu thams cad ltung ba yin pa'i phyir mngon par mi bsdags pa'o/ /bya bzhin no zhes bya ba ni 'dab chags ji lta ba bzhin te/ de ni 'bras bu la brkam pas shing la rgyu ste de med par gyur na ni yongs su spong ba yin no/ /de bzhin du ma 'ongs pa'i yon tan dang skyon gyi gnas pa'i rgyud kyi sems can gyi grags pa med pa'o/ /sems ma dul ba nyid kyis 'dis nyes dmigs bstan nas/ 'jig rten phyi ma'i smras pa/ sems khyod ces bya ba la sogs pa yin no/ /nags dgon pa zhig na le lo cha zhing
- 183b
bag med pa la 'dod pa'i rnam par rtog pas rnam par gces pa'i dge slong zhig las brtsams so/ /brtson la gnas pa zhes bya ba ni brtson 'grus khyad par can dang ldan pa'i phyir ro/ /ma bsags pa'i dge ba bsags pa'i rgyu bstan nas bsags pa'i dge ba bsrung ba'i thabs bstan pa/ bag yod sems zhes bya ba smos te/ bag yod pa'i khyad par gyis yon tan dang ldan pa'o/ /yon tan nyams pa dang skyon skye ba'i rgyu las zlog pa'i phyir sems khyod phung khro la 'dod la dga' ba ma byed ces bya ba smos te/ yid khyod 'dod pa'i sred pa dang phung khrol ma byed cig pa'o/ /de ni mi 'dod pa'i 'bras bu bstan pas bzlog pa yin te/ bag med lcags gong med pas zhes bya ba bag med pa'i rgyus lcags kyi thu lum rab tu 'bar ba za bar ma byed cig pa'o/ /dmyal bar bcos pa na zhes bya ba ni dmyal bar skyes nas dmyal ba'i mes bsregs par gyur pa na/ khyod ma du zhig pa ni khyod cho des ma 'debs shig ces pa'o/ /brtson 'grus la sogs pa ma yin par ni sems dul ba'i thabs mi rnyed do zhes bstan pa'i phyir/ ldang ba'i dus tshe zhes bya ba la sogs pa smos so/ /rgyal byed kyi tshal? na rgyal zhes bya ba/ las tha mal ba mngon par brtson pa zhig las brtsams so/ /ldang ba ni sgro? ba ste de sgrub pa'i dus su nye bar gnas pa/ sangs rgyas 'byung ba dang mi nus pa la sogs pa'i khyad par dang yang dag par ldan pa'i phyir ro/ /'dug par byed pa dang zhes bya ba ni nye bar mi sbyor ba ste/ sbyor ba mi byed pas dge ba'i bya ba dag la mi 'jug pa'o/ /ldang ba'i dus nyid smras pa/ lang tsho zhes bya ba smos te bya ba thams cad bya bar bzod pa'i dus su nye bar gnas pa ni lang tsho yin no/ /stobs ldan zhes bya ba ni bla mas bstan pa dang/ grogs dang/ rkyen dang/ nad med pa
- 184a
dang/ stobs lnga dang ldan pa ste/ sangs rgyas 'byung ba dang bstan pa gnas pa dang/ de'i las la zhugs pa'i skye bo yod pa'i phyir dang/ chos gos la sogs pas gnod pa med pa'i phyir dang/ nad kyis gnod pa med pa'i phyir stobs dang ldan pa'o/ /de ltar yod kyang su zhig sbyor bar byed pa ma yin zhe na/ mi 'bad ces smos te le lo/ can nyid ni dge ba'i bya ba dag la ro myong bar mi byed cing 'dun pa med pa'i phyir te/ mdo las chos thams cad kyi rtsa ba ni 'dun pa'o zhes gsungs pa'i phyir ro/ /'dis ni sems mi dben par bsan nas lus mi dben par bstan pa/ khyim 'dug ces bya ba khyim dang nye ba na 'dug pa ste/ 'di la khyim ni yongs su gzung ba dang bcas pa'i phyir ro/ /gnyi ga'i nyes dmigs smras pa/ rdzogs tshe zhes bya ba rdzogs pa thob pa ste/ yid kun tu rtogs pa'i yul gzugs la sogs pa'i gang yin pa la'o/ /rdzogs pa ni thob pa la 'jug ste bdag gi slongs mo ni rdzogs te thob po zhes bya ba lta bu sems dben pa med na ni 'dod pa la sogs pa las kun tu rtog cing dpyod par 'gyur ro/ /dpen pa med pas ni le lo byed par 'gyur te/ bya ba ngan pa med pa'i phyir sdig pa la mngon par dga' ba zhes bya ba'i don to/ /mi yis shes rab lam zhes bya ba ni zag pa med pa'i shes rab kyi tshogs kyi lam gyis sems dul ba'o/ /rtogs par mi 'gyur ro zhes bya ba ni nam yang 'thob par mi 'gyur pa'o/ /rang bzhin gyis rnam par rtogs pa zhin ni sems yongs su rdzogs par dul bar 'gyur ro zhes bstan pa/ phran tshags zhes bya ba la sogs pa yin no/ /rnam par rtogs pa mang po'i tshong dpon zhig skyo nas de spangs pa'i gnyen po btsal ba las ma rnyed de/ bcom ldan 'das kyi thad du
- 184b
lhags nas ci tsam na tshigs su bcad pa gnyis gsungs so/ /phran tshogs ni mi 'dod pa'i 'bras bu yin pa'i phyir mngon par mi 'dod pa ste/ 'dod pa na spyod pa'o/ /rnam par rtog pa ni 'dod pa na spyod pa'i rnam par rtogs pa'o/ /yang ni zhing mo ni rags pa ma yin pa ste/ mnyam par gzhag pa'i sa ba yin pa'i phyir ro/ /g.yon yang spyod zhes bya ba ni rnam par g.yeng ba 'dren pa'i phyir te/ sems rnam par g.yengs pa'i phyir ro/ /nad na gnas pa'i yid ni zhes bya ba ni sems dang lhan cig mtshungs par ldan pa'i rnam par gnas pa'o/ /de dag ces bya ba ni de'i sa pa'i rnam par rtog pa'o/ /ma shes na zhes bya ba ni ma rig pa'o/ /gang gi ma rig pa yin zhe na/ yid kyi zhes bya ba smos te/ de bzhin nyid shes pas so/ /'di ni gnas kyi gnas pa bstan te/ grong thams cad 'ongs so zhes bya ba lta bu'o/ /rnam rtog ni rnam pa sna tshogs pa'i sgro nas dpyod pa rnam par rtog pa ste/ de ni nges pa'i tshig go /de yongs su ma shes pa'i skyon bstan pa/ yang dang yang du rgyug par byed ces smos te 'khor bar lan du mar 'khor ba'o/ /gang zhe na/ 'khrul sems zhes bya ba bla phyin ci log pa'i phyir te/ ma dul ba'i sems zhes bya ba'i don to/ /de zhes bya ba ni gang yang rnam par rtog pa 'di shes pa'o/ /ji ltar shes pa zhes brjod ce na/ mkhas pas zhes smos te/ gsung rab kyi don gyi de kho na nyid la brten nas 'di? dang spyi'i mtshan nyid la mkhas phyir ro/ /brtson pa ni brtun pa dang ldan pa nyid do/ /rnam 'byed ces bya ba ni yang dag par g.yog ba dang bkag par gyur pa so/ /dran ldan zhes bya ba ni dran pa nye bar gzhag pa bzhi bsgoms pa la mngon par brtson pa ste/ de plas dran pa dang shes bzhin gnyis gtso bo yin pa'i phyir ro/ /lha dran pa dang shes bzhin gyis bkab
- 185a
bar bya'o zhes mdo las gsungs so/ /thams cad ces bya ba ni sa ji snyed pa'o/ /ma lus zhes bya ba ni bag chags dang bcas pa'o/ /ji thams cad nyid rnam par 'byed dam zhe na ma yin te/ smras pa/ blo yis zhes bya ba'o/ /sems dul ba la ni mya ngan las 'das pa yang rag las pa yin no zhes bstan pa ni lus 'dis bum pa zhes bya ba la sogs pa yin no/ /dge slong zhig bdag nyid blta na sdug pa'i khyad par dang dbyibs dang gzugs kyis dre? ta sred pa las spyod cing gang 'di lta bu'i lus ni su zhig gis ma rung bar byed nus zhes mi gtsang ba sgom par mi byed de/ de yang rdza mkhan gyi khyim dang nye ba zhig na gnas shing spyod pa zhig las de'i dbang du mdzad nas 'di lta ste/ dge slong rdza ma so ma btang ba ni snying po med pa yin zhing yun ring du mi gnas te gnod pa mi bzod la char yang mi bzod pa bzhin du lus 'di yang de lta bu'o/ /dper na grong na gnas pas ni rgyal po spyod do/ /de bzhin du lus la brten nas kyang sems te 'jig rten na ni de lta bu'o zhes bya ba na tshigs su bcad pa gnyis gsungs so/ /lus ni bum dang 'dra ba ste dper na rdzam ni skye ba'i chos can dang/ mthar 'jig pa yin zhing chu'i snod yin pa de bzhin du/ lus 'di yang mi gtsang ba rnam pa sna tshogs pa'i snod dang/ mi rtag pa'i phyir ro/ /'di ni zin pa'o/ /rtogs byas shing zhes bya ba ni de bzhin nyid kyis shes pas nges par byas pa'o/ /grong khyer 'dra ba zhes bya ba ni grong khyer dang 'dra bar rigs mi 'dra ba'i rdzas rnam pa sna tshogs pa'i phyir ro/ /sran btsugs nas zhes bya ba ni lus de nyid la brten nas sems legs par gnas pa dang/ de yang rtogs par byas pa'o/ /grong khyer dang 'dra ba 'di ni grong khyer rus pa'i ra ba can zhes bya bas gnas pa yin no lus
- 185b
dang sems yongs su brtags pa'i go bgos te/ bdud dang g.yul sprad de zhes bya ba spangs par bya zhing nyon mongs pa'i bdud dkrug par bya ba'i don to/ /gang gis zhe na/ shes rab mtshon gyis zhes bya ba yin te/ 'phags pa nyan thos kyis ni shes rab mtshon gyis kun tu sbyor ba gcod par 'gyur ro zhes mdo las bstan to/ /btul nas bsrung bar bya zhes bya ba nyon mongs pa'i lus spangs nas de bzhin du yang mi skye bar bya ba'i phyir bsrung bar bya ste ma btul ba ni btul bar bya ba btul ba ni srung bar bya ste/ phyi nas yang nyams pa med? par bya ba'i phyir zhes bya ba'i don to/ /gnas med par ni yang 'jug pa med cing 'khor bar yang sred pa med pa ste/ yongs su mya ngan las 'das pa zhes bya ba'i don to/ /'jig rten 'di zhes bya ba ni sems can gyi rgyu thams cad de 'jig rten ni nye bar lan pa'i phung po lnga zhes bya ba'i tshig gis so/ /de'i phyir nam zhig la phyogs su bltas nas 'jug pa yin te nam zhig na 'jig rten thams cad la bltas nas so/ /dbyibs kyis 'dod chags la 'jug pa bstan nas kha dog gi 'dod chags smras pa/ lus 'di dbu ba 'dra bar zhes smras te/ dge slong kha dog gi 'dod chags can zhig gang+gA'i ngogs na gnas pa la pha rol tu rgal bar mi byed pa de las brtsams te/ 'di lta ste dge slong dbu ba'i gong bu ni cher zin kyang snying po med pa yin te/ reg par mi bzod pa bzhin du lus 'di yang de lta bu'o zhes bya ba nas tshigs su bcad pa gnyis kyi bar du gsungs so/ /chu'i yan lag 'dres te rlung gis grub pa ni dbu ba ste/ nges pa'i tshig las skye ba'o zhes bya ba'i don to/ /gang gi de ji ltar gnas med par 'dod pa yin zhe na/ gnyis kyis rnam par 'grel ba smras pa gang gis byang chub ces bya ba la sogs pa yin no/ /tshe dang ldan pa shA ri'i bu la mya ngan las 'das pa ni gang yin ji ltar mya ngan las 'das pa zhes bya ba zhes smras
- 186a
pa dang/ des de khyer te bcom ldan 'das ga la ba der phyin nas de la 'dis gsungs so/ /gang gis zhes bya ba ni bsam pa bzang po gang gis te/ thar pa'i sa bon dang ldan pa'i bdag nyid chen po'o/ /sems kyis legs par bsgom pa dang zhes bya ba ni mi gtsang ba la sogs pa legs par bsten pa'o/ /des na dus phyi nas byang chub yan lag bdun zhes bya ba legs par bsgom pa zhes 'dir rjes su 'brang ngo/ gang gis byang chub kyi yan lag bdun legs par bsgom par 'gyur zhe na/ bshad pa gang 'khor ba las bdag gir mi byed pa dang/ thar pa 'dod pa'o/ /de gnyi ga smras pa/ len pa rab tu spangs pa dang/ zhes bya ba smos te/ skye ba gzhan dag yongs su 'dzin par 'dod pa spangs pa'i phyir ro/ /gang zhig len la mi dga' zhing zhes bya ba ni mya ngan las 'das pa la dga' ba'i phyir te/ des na bsam pa dang sbyor ba gnyis kyi khyad par dang ldan pa'i phyir khyad par bstan pa/ zag pa zad ces bya ba nyon mongs pa thams cad spangs pa'i phyir te/ skyon bsal cing ngan par spyod pa spangs pas mya ngan las 'das pa ste/ las dang nyon mongs pa brgyud gsal ba gang yin pa'o/ /'jig rten dag na zhes bya ba ni mthong ba'i chos nyid la yongs su mya ngan las 'das pa zhes bya bar brjod de mya ngan las 'das pa 'thob pa zhes bya ba'i don to/ /de nyid gang mi nyams zhes bya bar brjod ce na/ du? ba'i sems nyid de/ de bshad pa/ gang zhig g.yag rnga'i zhes bya ba la sogs pa'o/ /bsti gnas kyi kha pa dag tu dge slong rab tu mang po dag gtam brjod par gyur te/ tshe dang ldan pa dag 'phags pa'i nyan thos kyis gang zhig bsrung bar bya zhes smras pa na/ kha cig ni lus dang ngag go zhes bya ba la sogs pa brjod pa dang/ de'i tshe bcom ldan
- 186b
'das der gshegs nas dge slong dag srogs chags g.yag rnga'i rtse mo bzhin du sems yongs su srung ba srungs shig ces bya ba nas ji srid du 'di gsungs so/ rang gi sems ni bdag nyid kyi rnam par shes pa'o/ /rjes su bsrung zhing zhes bya ba ni gul dag las bzlog cing gdul bar bya'o/ /g.yag rnga'i rtse mo ltar zhes bya ba ni dper na ri dwags g.yag ni rnga'i ma'i rtse mo gtso bor srung ste/ bdag nyid shi bar gyur kyang de srung ba bzhin no/ /sems yul las bzlog par 'dis bstan nas/ yul gyi khyad par las bzung bar bstan pa 'byung po rnams la brtser ldan pa zhes bya ba ni brtse ba la 'jug cing 'thob pa zhes bya ba'i don to/ /sems can la 'tshe ba med pa'i bsam pa yod pa'i phyir ro/ /de'i bde ba yong mi nyams zhes bya ba ni 'jig rten pa dang mthar thug pa'i bde ba mi nyams pa'o/ /sems kyis ni dud 'gro dang thub pa mchog gi mnyan pa yin no zhes bstan pa'i phyir gang phyir glang po zhes bya ba la sogs pa'o/ /yul yangs pa can na 'thab khrol byed pa'i dge slong dag spangs te/ rdzu 'phrul gyis nam mkha' la gshegs pa na/ nags tshal zhig tu glang po che bzang po zhig gis rtsod pa can gyi khyu spangs te/ mngon par dga' zhing gnas pa gzigs pa dang bcom ldan 'das kyis 'di gsungs so/ /gang phyir ni sems so/ / glang po zhes bya ba ni de bzhin gshegs pa ste bdag nyid chen po yin pa'i phyir ro zhes gsungs po che'i mdo las bshad do/ /yang na gnod pa med pa'i phyir bcom ldan 'das ni glang po ste skyon thams cad dang bral ba'i phyir ro/ /de'i sems ji lta bus zhe na glang po che ste/ dga' ba chen po thob pa'i phyir dang/ skyon med pa de'i dbang gis 'di ltar glang po zhes bstan to/ /glang chen ni glang po che'i sems so mnyam pas na zhes bya ba ni cha 'dra bar bsgrub pa yin no/ /glang po che ji lta bu
- 187a
yin zhe na/ mche ba bzang ba zhes smos te/ 'obs dang 'dra ba'i so 'am/ ka ba lta bu'i ste/ rigs bsngags par skyes pa'i phyir na/ mche ba bzang po ni glang po ni glang po che'o zhes bya ba'i tshig gis so/ yang na mche ba bzang ba'i glang po che dang/ glang po'i glang po che 'di ste/ de bzhin gshegs pa'i thugs ni cha 'dra ba yin no/ /ji lta bu zhe na glang po che zhes bya ba 'di lta ste/ yongs su ma nyams pa'i bdag nyid rtsod pa la sogs pas yongs su nyams pa med cing skyo ba med pa zhes bya ba'i don to/ /ci'i phyir zhe na de'i phyir gcig pu nags su dgyes zhes bya ba yin te/ 'di ltar 'di gcig pus rtsod cing ma rungs pa'i glang po che dag rnam par spangs te rnam par dben pa'i nags su mngon par dga' ba bzhin du/ nga yang 'thab 'khrol can dag rnam par spangs te nags su mngon par dga' o zhes pa'o dga' bo zhes de ma thag tu bstan na ji ltar nags su dgyes pa yin zhe na/ bshad pa/ byams pa la sogs pa bsgoms pas te/ 'di nyid kyi phan yon dang bcas par smras pa gang gis yid la gnod med cing zhes bya ba la sogs pa'o/ /dge slong dag byams pa bsgom par byas shing byas pa kun tu bsten par byas na phan yon mang po 'dod par bya'o/ /snying rje yang de bzhin no zhes bya ba nas tshigs su bcad pa lnga'i bar du gsungs so/ /la zhes bya ba ni gang la gnod pa dang 'tshe ba med pa'o/ /gang gi zhes bya ba ni bdag nyid chen po ste rnal 'byor pa'o/ /yid ches bya ba ni yid dga' ba dang ldan pa'i phyir ro// dga' ba la sogs pas ni gzhan bde ba mthong na dga' bar 'gyur zhing gnod pa mi byed do/ /'byung po kun la brtse ba dang zhes bya ba ni 'byung po thams cad la rjes su brtse ba ste/ /nga la snying rje yod pa'o/ /'byung po kun la byams
- 187b
byed pa zhes bya ba ni gzhan gyi bde ba skyed pa mchog tu sems pa'i phyir ro/ /thog ma ni byams pa/ de'i 'og tu snying rje/ de'i 'og tu ni dga' ba yin no zhe na/ 'di ni bzlog pa la brten nas bstan to/ /gzhan la phan 'dogs pa dang brel bar bstan pa'i phyir tshad ma med pa 'di nyid 'dir bstan gyi btang snyoms ni ma yin no 'di nyid kyi phan yon bstan pa kho na mi 'byung zhes bya ba smos te/ kho na ni khon du 'dzin pa'o/ /de la nams kyang mi 'byung zhes bya ba ni gang zag dang lhan cig 'byung ba med pa nyid do/ /yang na 'dis ni gtang snyoms bstan te des na tshad med pa bzhi'o/ /gang zag gang nags tshal la dga' ba'o zhes bstan pa srogs chags kun la zhes bya ba ni gdul bya'i dbang gis 'di ltar brjod de 'byung po dang/ srog chags dang/ sems can zhes bya ba ni rnam grangs yin pa'i phyir ro/ /nams kyang zhes bya ba ni gang zhig sgrub pa yin no/ /yang na dgra bo dang/ tha mal pa dang/ mdza' bo'i phyogs la 'byung po la sogs pa'i sgra 'jug par sbyar ro/ /gang byams pa la sogs pa bsgom pa de ni khyad par du bde ba 'thob pa yin no zhes bstan pa ni mdza' bshes kun dang zhes bya ba smos te/ gang la thams cad mdza' ba yod pa'o/ /byams pa'i stobs kyi tha mal pa dang/ dgra bo'i phyogs spang ste thams cad mdza' bo'i phyogs la gzhag pa'i phyir ro/ /grogs kun dang zhes bya ba ni thams cad kyi grogs yin pas grogs kun te/ de yang thams cad kyi grogs su gyur cing mdza' bor gyur pa nyid do/ /bshad pa/ byams pa la gnas na ni 'byung po thams cad la mngon par dga' ba bskyed cing phan pa la zhugs pa yin pas lha dang bcas pas kyang mchod par bya ba yin na/ dga' ba'i gnyen gzhan gyi lta smos kyang ci dgos/ 'byung po kun la brtse ba dang zhes bya ba ni 'byung po thams
- 188a
cad la rjes su brtse ba ste de'i sdug bsngal mthong bas de'i rjes su mya ngan byed cing ci rigs par phan 'dogs pa dang rjes su brtse ba'o/ /byams pa bsgom pas ni snying rje yang 'dren pa yin no/ /ji zhig byas nas de ltar gyur pa yin zhe na/ byams pa zhes bya bas bstan te byams pa yongs su bzung ba'o/ /sems ni bsgom byas na zhes bya ba ni goms par byas pa'o/ /'di'i phan yon bstan nas/ gzhan gyi phan yon bstan pa/ bde ba shin tu 'phel bar 'gyur zhes bya ba la tshangs pa'i 'jig rten la sogs par skyes shing gnod pa med pa'i bde ba 'am/ mthar thugs pa'i bde ba 'am/ ci'i phyir byams pa'i sems kyis de ltar bde bar 'gyur zhe na/ bshad pa/ dpag tu med pa'i bsod nams bsags pa de dang 'brel bas thams cad la bde bar byed pa'i phyir ro/ /zhes bstan to/ /gal te 'ga' la yang zhes bya ba ni sems can gcig la yang byams par byed na zhes bya ba 'di sbyar bar bya'o/ / sdang med sems zhes bya ba ni byams pa ste/ byams pa ni sdang ba med pa'i ngo bo yin pa'i phyir ro/ /byams byed na zhes bya ba ni byams pas yongs su bzung zhing dmigs pa'o/ /de ni zhes bya ba ni byams pa la gnas pa'i rnal 'byor pa'o/ /dge ba yin zhes bya ba ni gang gis khyad par du dge bar gyur pa ste/ dpag tu med pa'i bsod nams kyi tshogs bsags pa'i phyir ro/ /gang gis dge ba yin zhe na/ de yis zhes bya ba ste/ sems can gcig la byams par dmigs pas so/ /ji skad du bshad pa/ dge slong dag 'di lta ste dper na skyes bu zhig nyin re zhing bde ba sum brgya byin par byed pa bas zhes bya ba la sogs pa rgya cher ro/ /sems can thams cad la ni zhes bya ba ni srog chags thams
- 188b
cad do/ /ni'i sgra ni khyad par gyi don te/ gang sems can gcig la byams par byed pa de yang bsod nams kyi tshogs dpag tu med pa bsags par gyur na/ gang yang sems can thams cad la yid kyis brtse ba byas shing byams pas 'jug la snying rje bar byed pa lta ci smos zhes bya ba yin no/ /phal cher zhes bya ba ni bsod nams dpag tu med pa zhes bya ba dang sbyar ro/ /'phags pa ni skye bo dam pa zhes bya ba'i don to/ /bsgrubs par 'gyur zhes bya ba ni spel bar 'gyur ba dang thob par 'gyur pa'o/ /bsod nams ni legs par spyad pa'i tshogs te/ chos chen po de ltar byed na ji ltar bde ba khyad par can mi 'thob/ /bsod nams de las 'byung ba nyid kyis na zang zing med dga' pa skyed par 'gyur ro zhes bstan pa'i phyir/ mi gang dga' ba'i zhes bya ba la sogs pa smos so/ /rgyal po ma skyes dgra btsun mo'i 'khor dang shin tu rtse ba de rgyal po'i khab na gnas pa'i mi rnams kyis mthong nas kye ma'o bde pho kye ma'o dga' ba zhes brjod byad byed ste/ /de ltar dge slong dag la gsan nas tshigs su bcad pa gsum gsungs so/ /gzhan dag ni gnas brtan dge sbyong rgyal sems shin tu g.yeng ba ched las brtsams so zhes zer ro/ /gang zhes bya ba ni sems can no/ /dga' ba'i sems dang ni zhes bya ba ni byams pa la sogs pa bsgoms pas yid dga' zhing dge ba 'byung bar bstan to/ /mi ni rnal 'byor pa'o/ /zhum pa med pa yid kyis su zhes bya ba ni zhum pa med cing mang bsdus la dge ba'i bya ba dag la mi dman zhing sdig pa dag la mi sems pa dang/ brtson 'grus khyad par can dang ldan pa'i phyir ro/ /dge ba'i chos la sgom byed pa zhes bya ba ni 'dod pa'i 'bras bu la goms par bya ba ste/ tshul khrims dang ting nge 'dzin la sogs pa la'o/ /ci'i phyir zhe na/ grub pa dang bde ba thob bya'i phyir zhes bya ba
- 189a
smos te/ zhi gnas dang lhag mthong gi bdag nyid zung ni grub pa'o/ /des thob pa ni bde ba ste/ mi 'jigs pa'i go 'phang thar pa 'thob pa'i phyir ro/ /gang de ltar dge ba la 'dun cing bsam pa dang sbyor ba phun sum tshogs pa de ni khyad par chen po 'thob po zhes bstan pa'i phyir/ yid ni zhir gyur cing zhes bya ba smos te/ rgod pa la sogs dang bral ba'i phyir ro/ /lus dang ngag gi las kyang zhi zhes bya ba ni zhi zhing yang dag par sdom pa zhes bya ba'i don te sems nye bar zhi bas so/ /zhi lhag gi chos bstan nas de'i 'bras bu bshad pa/ yang dge shes pas rnam par grol zhing zhes bya ba ni phyin ci ma log pa'i shes pa gang gis rnam par grol ba ste/ rang dbang du gyur cing 'phags pa'i lam bsgoms pas 'dod chags la sogs pa'i 'ching ba dang bral ba'i phyir ro/ /mthong ba'i chos la bde bar gnas pa bstan pa ni nye bar zhi gyur pa zhes bya ba yin te/ de nyid nye bar zhi ba las gyur pa'i dga' ba zhes sbyar bar bya'o/ /nye bar zhi ba ni nyon mongs pas byas pa'i kun tu 'khrug pa skye ba dang bral ba'i phyir ro/ /skyo ba skyes zhes bya ba ni gzhan gyi don du kho na nyid ston par byed pa'i ngang tshul can te bstan pa'i sgo nas gzhan gyi don la brtson pa zhes bya ba'i don to/ /de la ji lta bu'i dga' ba yod pa yin zhe na/ lan lag lnga pas kyang zhes bya ba smos te/ dkrol ba dang/ rgyud mangs dang/ khong stong la sogs pa ji snyed pa'i sil snyan dang rol mo'i khyad par ro/ /yang na rnga dang/ bur ba dang/ gling bu la sogs pa'i rol mo 'dus pa la'o/ /de ltar dga' ba byed mi 'gyur zhes bya ba ni de lta bur 'dod pa can dbang po la sogs pa'i dga' ba ni med pa nyid do/ /ji ltar zhes bya ba ni zang zing med pa'i dga' ba dang
- 189b
rnam par ldan par gyur pa'o/ /khyad par gyi tshul gyis 'dir rgyu bstan pa dang/ rtse gcig sems kyis ni zhes bya ba ni de lta bur 'dod pa can dbang po la sogs pa'i dga' ba ni med pa nyid do/ /rnam par g.yeng ba dang bral ba'o/ /chos rnams legs par mthong ba dang zhes bya ba ni shes pa khyad par can dang ldan pa'i phyir ro/ /sems rtse gcig pas ni dga' ba khyad par can dang ldan par ma zad de/ 'dir 'jig rten pa'i sems bde ba yang 'thob pa yin no zhes bstan te/ gang ting nge 'dzin ces bya ba la smros so/ /dga' bo sun da ri ka dang bral bas sdug bsngal zhing mtshan mo shin tu ngu bar byed la/ de bzhin du mya ngan dang yongs su mi bde bar yang byed do/ /de nyid kyi dgon pa na spong ba pa mang du gnas te de dag gis de mthong nas sangs rgyas kyis gsungs pa'i tshigs su bcad pa gnyis bshad do/ /bde bar nyal bar 'gyur zhes bya ba ni mtshan mo gnyid kyi bde ba nyams su myong bar 'gyur ba ste/ gdung ba med pa'i phyir ro/ /'dod pa can dag ni rmi lam na yang sdug pa dang bral bas yongs su gdung bar byed pa nyid do/ /brtan pa ni 'di lta bur skyob pa zhes bya ba ste yid brtan par gnas pa'o/ /yang na mkhas pas so/ /de yang gang yin zhe na/ gang zhig cung zad gdung mod pa zhes smos te/ 'khor ba'i dngos po la brten nas cung zad kyang nyams su yong bar mi byed pa'o/ /de dag 'dod pas rtse mi byed ces bya ba la gang dag mi brtan pa'i sems can de dag ni dran pas dga' par byed cing de nyid la gnas pas ni mya ngan byed do/ /brtan pa ni 'dod pa'i 'dod chags kyis chags pa 'am nyams par mi byed do/ /de'i skyon de yang mi dben pa bzhin du skyon dang ldan pa'o/ /yang na brtan de dang lhan cig mi gnas pa'o/ /brtan pa skyed pa'i rgyu smras pa/ gang yid ting nge 'dzin la dga' ba zhes
- 190a
smos te/ gang dag ting nge 'dzin rnam pa bzhi la mngon par dga' ba'i sems so/ /'dod pa ni mi brtan pa bskyed par byed do/ /yang na gnyid ma log pa'i gnas skabs na yang de dag dga' ba'o zhes brtan pa'i phyir smras pa/ dga' bar 'gyur zhes bya ba ste/ rab tu mgu ba'o/ /kye ma'o zhes bya ba ni mgu pa'o/ /gang yin zhe na/ thub pa zhes smos te mi slob pa'o/ /de gang yin zhes gang zhig cung zad gdung med pa zhes bya ba yin no/ /gang gis phyir de yang sdug bsngal bar nyal bar mi byed cing skyo bar mi byed ce na/ gang gis zhes bya ba la sogs pa smos so/ /bum pa dang nye ba'i bum pa zhes bya ba'i gnod sbyin gnyis g.yul sprad pa las tshe dang ldan pa shA ri'i bu 'gog pa'i snyoms par 'jug pa las langs nas yun mi ring ba bya rgod kyi phung po'i mngon par skabs yod pa zhig na 'dug par gyur to/ /'di la khu tshur gyis ma rgyab cig ces bzlog pa dang/ gnod sbyin bu pa des de'i mgo la mtshon bsnun bar gyur to zhes pa nas ji tsam na rang gi lus kyis dmyal ba chen por skyes te/ tshe dang ldan pa shA ri'i bu re zhig de'i phyir mi dga' bar gyur te de las brtsams na 'di gsungs so/ /gang gis brag lta bu zhes bya ba ni ri dang 'dra ba'i sems so/ /gang zhig ri dang 'dra ba yin zhe na/ rab tu g.yo ba med pa'i phyir te/ gang de dang de'i rnam par 'gyur ba'i rgyus so/ /de nyid smras pa/ 'dug pa zhes bya ba yin te rnam par g.yeng ba med pas so/ /rab tu g.yo ba med pa zhes bya ba ni 'gyur ba med cing bab col du mi g.yos pa'o/ /ci'i phyir zhe na/ 'di ltar chags pa'i gnas la mi chags te zhes bya ba smos te/ 'dod pa'i longs spyod dang rjes su mthun pa'i don rgyab kyis bltas pa'o/ /khro ba'i gnas
- 190b
la zhes bya ba ni zhe sdang skye ba'i yul la'o/ /'khrul par zhes bya ba ni rab tu khro ba med pa ste/ 'dis ni 'dod pa las 'dod chags dang bral bar bstan te/ de sngon du 'gro bas khams gong ma las 'dod chags dang bral ba'o/ /gang yid de ltar gyur ba de zhes bya ba ni sngar bstan par 'gyur ba ste/ mi srid pa'i phyir ro/ /sems gdul ba'i rim pa bstan pa'i phyir smras pa/ skur pa mi bde ba gnod mi bya zhes bya ba la sogs pa smos so/ /yang dag par rdzogs pa'i sangs rgyas thams cad skyob kyi nyan thos tshul khrims tsam gyis chog par 'dzin cing rab tu zhugs pa spangs pa dang/ rtag tu yid kyis skur pa 'debs shing de dag la gnod par gyur te de'i phyir so sor thar pa thog mar 'di bstan to/ /gzhan dag ni mnyan yod na dge slong rab tu mang po'i 'khor dag gis khyi zhig shi? ba mthong ste/ des sna'i sgos dri mi zhim pa tshor te/ kha cig ni tshig ngan pa smra bar byed de/ su zhig gis rgyal po'i lam srang chen po 'dir bor zhes zer ro/ /tshe dang ldan pa kun dga' bo ni bsngags pa brjod de/ 'di'i so ni dung ltar dkar ro zhes pa dang 'di bas na nas gsungs so zhes zer ro/ /skur pa ni 'phya ba ste gzhan gyi skyon sgregs pa'o/ /de dgag pa ni skur pa mi gdab pa'o/ /gnod mi bya zhes pa ni gang sems kyis kyang gzhan la 'tshe ba mi bya zhing mi bsam na lus kyis lta ga la byed pa'o/ /legs par spyod pa gzhan bstan nas yang dag par blangs pa'i bdag nyid kyi sdom pa dang 'brel pa smras pa/ so sor thar pas bsdam par bya zhes bya ba smos te/ sdom pa ma yin pa ni so sor thar pa'i mtshan ma med pa'o/ /sdom pa ni nges par 'dod pa na spyod pa ste spong ba bdun gyi ngo bo'o/ /tshod kyang shes par bya zhes bya ba ni tshad shes pa'o/ /zas ni bza' ba dang btung ba ste ji skad du bshad pa
- 191a
de'i phyir rang gi nus pa la rjes su blta zhing bza' bar bya ste/ ha cang mi che ba dang mi chung ba 'di'i tshad bzhin du'o/ /de bzhin du gang las ji tsam blangs pa dang/ gang tsam ba len pas so/ /'di zhes bya ba ni kham gyi zas kyi bdag nyid de 'dis ni 'tsho ba kun tu dag par bstan to/ /bas mdza' zhes bya ba ni yul las thag ring ba'i phyogs su gyur pa ni bas mdza' te/ dgon pa zhes bya ba'i don to/ /gnas bya zhing zhes bya ba ni gnas mal bya ba'o/ /'dir yid kyi mtshon par byas nas gnas mal zhes bya bar bstan to/ /la la ngal bso ba'i gnas tsam ni mi bzung ngo/ /lus kyi dben pa bstan nas/ sems dben pa smras pa/ lhag pa'i sems la rnal 'byor bya zhes bya ba smos te bsam gtan bzhi bsgom pa dang mi 'bral ba'i phyir ro// 'di ni sangs rgyas bstan pa yin zhes bya ba ni sangs rgyas kyis gsungs pa'o/ /gang yang ji skad gsungs pa'i sangs rgyas kyi bstan pa la 'jug par gyur na ni zang zing med pa'i bde ba'ang 'thob par 'gyur te/ de ji lta bu zhe na/ sems kyi rtags la zhes bya ba la sogs pa smos te/ sems ni mig gi rnam par shes pa la sogs pa'i rtags kyi rnam pa ste/ gtsang ba'i mtshan ma yid la byed cing shin tu yid du 'ong ba rnam pa zhes bya ba'i don to/ /chung ba la sogs pa'i rnam pa yod pa'i phyir sems 'di ni nyon mongs pa yin la yid kyi rnam par shes pas 'di ni nyon mongs pa ma yin no zhes mig la sogs pa'i rnam par shes pa yongs su gcod pa de ni rtags la mkhas pa zhes brjod do/ /yang na sems kyi rtags sam 'brel ba ste/ ji skad du bshad pa/ mig dang gzugs la brten nas mig gi rnam par shes pa skye'o zhes bya ba rgya cher ro/ /de la mkhas pa ni rtogs pa ste/ khong du chud pa'o/ /'dis ni gsung rab kyi don la mkhas shing mang du thos par bstan to/ /de bas
- 191b
na gnyen po dang gnyen po ma yin pa la mkhas pa yin no/ /mang du thos kyang g.yeng bar gyur na ni ji lta ba bzhin du nus par mi 'gyur te des na rab tu dben pa ni rnam pa gnyis su bshad de lus dang sems so/ /rab tu dben pa'i ro ni mi gtsang ba la sogs pa yid la byed cing mngon du byed pa'o/ /de rnyed pa ni rtogs pa'o/ /mi gtsang ba la sogs pa grub na ni zhi gnas grub pa yin no zhes bstan pa'i phyir sems pa zhes smos te/ sems pa ni bsgom pa'o/ /yang na sgom pa'i ngang tshul 'di la yod pa de ni sems pa'o 'grus skyong zhes bya ba ni nges par yongs su skyong bar byed pa ste skye bo dam pa'i yon tan sdug bsngal zhes bya ba ni nges pa'i tshig ste/ bag yod pa zhes bya ba'i don to/ /de bas na bag yod pa grub nas ni zhi gnas su byed do/ /dran pa nye bar gzhag pa bsgom pa yin no zhes bstan pa'i phyir rab dran zhes bya ba smos te lus la sogs pa'i yul re re'i rnam par dran pas yongs su bzung zhing rgyud la mngon du byas pa ste/ lus la sogs pa dran pa nye bar gzhag pa zhes bya ba'i don to/ /tshogs kyi lam du gyur pa dran pa nye bar gzhag pa la brten nas mthong ba'i lam gyi bdag nyid 'thob par 'gyur gyi gzhan la brten pas ni ma yin te de la brten nas ni rdo rje lta bu'i ting nge 'dzin kyang 'thob pa yin no/ /'thob pa ni zag pa med pa'i bde ba sred pa zad pa'o/ /sems dul bas ni bde ba 'thob pa yin gyis sdug bsngal ni ma yin no zhes bstan pa'i phyir/ gang zhig yid gzhung zhes bya ba la sogs pa smos so/ /'di ltar 'phags pa kun dga' bos rigs kyi bu gnyis rab tu byung ba las snga mas ni dge ba'i phyogs la brtson par byas pas dgra bcom pa'i 'bras bu thob par gyur te/ de las brtsams nas bcom ldan 'das kyis 'di gsungs so/ /cig shos ni mang du za zhing nyal la sdig pa can gyi lta ba skyed par byed de de gnyis las brtsams
- 192a
nas tshigs su bcad pa gnyis gsungs so/ /yid srung bar byed pa ni brnab sems la sogs pa nye ba'i nyon mongs pa 'am yul las bzlog par byed cing dge ba la 'jug par byed pa zhes bya ba'i don to/ /smra dang zhes bya ba ni brjod pa ste/ brdzun la sogs pa dag las srung zhing phan pa bde ba dang gnod pa med pa'i tshig brjod pa la sbyor bar byed pa zhes bya ba'i don to/ /rang gis zhes bya ba ni bdag nyid kyi'o/ /lus kyi zhes bya ba ni gzugs phung gi'o ngang gi sgras ni gsum 'dus pa nyid la lam gyis tshogs su gyur pa yin te gcig gis ni ma yin no zhes bstan to/ /rtag tu zhes bya ba rgyun du ste/ srung ba zhes bya ba dang sbyar ro/ /nyes par spyod pa bcu spangs pa'i phyir 'di'i phan yon bshad pa/ spong ba ni yongs su 'dor ba'o/ /mya ngan ni yid la gcags pa la sogs pa'i ngo bo nang gi gdung pa'o/ /sdug bsngal 'thob par mi 'gyur zhes bya ba ni kun nas nyon mongs pas ngan song gi sdug bsngal 'thob par mi 'gyur ro/ /nyon mongs pa med na yang srid pa'i sdug bsngal lta ga la 'thob ces bstan te/ 'di ltar bden gnas pas zhes bya ba 'phags pa'i bden pa bzhi mngon par rtogs pa'i phyir ro/ /bden dga' zhes bya ba ni bde pa la lta zhing gus par byed pa'i phyir te/ 'dis ni bsgom pa'i lam bstan to/ /yid gzhungs zhes bya ba ni skyon med pa'i shes pa thob pa ste/ mi slob pa'i lam bstan to/ /ma spungs pa'i sems dang ni zhes bya ba ni bya ba thams cad la bag yongs su 'jug pa'i phyir ro/ /de la sgrub pa ni mthong ba dang bsgom pas spang bar bya ba'i nyon mongs pa'i dngos po ste/ de la mthong bas spang bar bya ba bstan pa'i phyir/ log par lta bas bcom pa dang zhes smos te chad pa da lta ba la sogs ba
- 192b
nyid nye bar bcom pa'o/ /bsgom pas spang bar bya ba smros pa/ gnyid dang rmugs pa zil gyis non pa zhes bya ba smos te gnyid dang rmugs pa gnyis kyi rtag tu sgrib pa'i phyir ro/ /bdud kyi dbang du 'gro bar 'gyur zhes bya ba ni nyon mongs pa'i 'dud kyis 'khol ba'o/ /de bas na 'dir bstan pa/ de bas sems ni bsrung bya ste zhes bya ba smos te/ rgyu des na sems nye bar spyod pa dag las bzlog par bya'o/ /yang dag kun rtog spyod yul can zhes bya ba ni nges par 'byung ba la sogs pa'i kun tu rtog pa la gnas pa ste/ gang gi phyir yang dag pa'i kun tu rtog pa la gnas pa ste gang gi phyir yang dag pa'i kun du rtog pa ni nges par 'byung ba la sogs pa'i tshul gyis spyod yul la 'di mngon par dga' ba'i gnas yin no 'di'i stobs kyis ni sems yongs su bsrung bar 'gyur ba'i phyir ro/ /yang dag pa'i kun tu rtog pa'i rgyu ni yang dag lta bas mdun bdar cing zhes bya ba 'di ste de kho na nyid kyi lta bas mdun du bdar cing mngon du btang ba gang yin pa'o/ /de'i dbang gi 'jug pa'i 'bras bu bstan pa/ yang dag skye dang 'jig pa shes zhes bya ba ste/ kun tu 'gro ba dang rnam par 'jig pa zag pa med pa'i shes pas rtogs par byed do/ /de dag thams cad ni sgrib pa yongs su sped pa la gzung ba yin no/ zhes bstan pa ste/ gnyid dang rmugs pa zil gyis gnon pa ni spang ba'o/ /gnyid dang rmugs pa zil gyis gnon pa'i dge slong ni sgrib pa bcom pa'i phyir phung po lhag ma dang bcas pa'i mya ngan las 'das par bstan to/ /sdug bsngal zad pa 'thob ces bya ba ni phung po lhag ma med pa'i mya ngan las 'das pa 'thob pa'o/ /yang na sems dul bar ni gnod pa mang po dag zhi ba ste/ sems dul ba'i phan yon bstan pa/ sems dul yang dag sdom pa bde zhes bya ba la sogs pa smos so/ /'phags skyes pas shAkya rab tu mang po bas de/
- 193a
bsod pa po ni dmyal ba la sogs pa dag tu skyes la/ bsad pa'i shAkya de dag ni bde 'gro dang yongs su mya ngan las 'das par gyur nas tshigs su bcad pa drug gsungs so/ /sems dul ba ni nye bar zhi pa'i lam khyad par can gyis de'i skyon dang bral ba'i phyir ro/ /sems yang dag par sdom pa ni so sor thar pa'i sdom pa'i bdag nyid de/ de na de'i dus kyis sems dul ba'i bdag nyid thob pa yin la/ ting nge 'dzin las skyes pa dang ting nge 'dzin shes pa de gnyis kyis ni don dam pa'i sems dul ba yin no/ /bde ba zhes bya ba ni bde ba'i rnam pa gnyis te bde ba'i rgyu yin pa'i phyir ro/ /gang gi phyir de bas na sems ni bsrung ba dang zhes bya ba yin te/ sems nyes par spyod pa dag las khyed cag gis bzlog pa dang legs par spyod pa la gzung bar gyis shig pa'o/ /bag yod ces bya ba ni chos las nyams par mi byed pa dang/ nyes par spyod pa'i bya ba la 'jug pa'o/ /ci'i phyir de ltar brjod ce na/ sems kyis zhes bya ba smos te yid bag yod pas bsrungs pa las/ bslus zhes bya ba rnam par rmongs pa dang dge ba rnam par 'jigs pa zhes bya ba'i don to/ /skye dgu ni srog chags so/ /gcig tu zhes bya ba ni byis pa tha mal pa'i rang bzhin can no/ /sems can dmyal bar 'tshed ces bya ba ni yang so so la sogs pa rnam par smin pa'i 'bras bu mi 'dod pa dang sbyor ro/ /bag med pa shas che bas ni dmyal bar skye bar gyur la/ 'bring gis ni dud 'gro dang chung ngus yi dags su skye bar 'gyur ro zhes bstan te/ /dud 'gro'i skye gnas dag tu ni sgong las skyes pa la sogs pa rnam pa bzhi yin pa'i phyir ro/ /yi dags su skyes pa ni chag ga dang/ phye ma leb dang/ sreg blugs dang gtor ma za ba la sogs pa yi
- 193b
dags kyi rigs drangs drug cu dag tu'o/ /da ni chung ngu la sogs pa'i rim pas bag yod pa'i sems kyi 'bras bu bstan pa'i phyir/ bag yod sems ni zhes bya ba la sogs pa smros so/ /sems ni ?rungs pa dag ces bya ba ni legs par spyad pa dang nyes par spyod pa dag la 'jug pa dang ldog pa'i sems te gang las legs par bsrungs par gyur na ni dga' ba ste tshim par 'gyur ro/ /me'i nang du zhes bya ba ni 'dzam bu gling la sogs pa dag pa'o/ /mtho ris ni rgyal po chen po bzhi la sogs pa dag tu'o/ /mya ngan las 'das pa ni sdug bsngal las thar pa 'thob pa'o/ /sems kyi tshoms te sum cu rtsa gcig pa'i rnam par 'grel pa rdzogs so// //dul ba'i sems ni don dam par dge slong nyid do zhes bstan pa'i phyir 'di'i 'og tu dge slong gi tshoms bstan to/ /gcig pu mya ngam 'das zhes de ma thag tu bstan pa las de gang yin zhe na/ gang dge slong zhes bya ba ste de'i 'og tu 'di bstan to/ /dge slong bsod snyoms byed pa zhes bya ba la sogs pa smos pa la/ rgyal po'i khab na tshe dang ldan pa 'od srungs chen po nyin zhag bdun 'gog pa'i snyoms par 'jug pa la zhugs pa de las langs te bsod snyoms kyi phyir grong khyer du zhugs so/ /de nas lha'i dbang pa brgya byin khyim bdag gi gzugs su bdag nyid sprul te de la smras pa/ 'phags pa legs par byon to bdag gi khyim du bzhud ces byas pa dang/ des smras pa/ bdag ni phongs pa dag gi nang du rgyu ba yin no zhes byas so/ /de yang thag pa'i gzugs su bdag nyid sprul te gnas pa dang/ bdag nyid chen po de yang zhugs so/ /des rang gi chung ma la rab tu byung ba 'di la slongs mo byin cig ces smras so/ /de nas bde sogs kyis lhung bzed bkad nas
- 194a
byin no/ /des mnyam par bzhag ste sring po phyin chad 'di ltar mi bya'o zhes smras so/ /de nas lha'i dbang po brgya byin lha'i bu'i 'khor brgya phrag du ma dang bcas pas ched du brjod pa ched du brjod de/ kye ma'o sbyin pa sbyin pa che/ /'od srungs la ni sbyin pa byas/ /'di 'dra ba yi sbyin pas ni/ /longs spyod chen po'i 'bras bur 'gyur zhes so/ /bcom ldan 'das kyis skabs 'di gson nas 'di gsungs so/ /zas ni gzhan gyis khyim bdag las/ dman pa dang/ gya nom pa dang/ grang ba dang/ dro ba dang/ zhag lon pa dang/ zhag ma lon pa'i bza' ba dang/ btung ba gcig tu gyur pa rnyed pa ste de gang la yod pa de len pa ni bsod snyoms byed pa ste/ dbyug ? pa can bzhin no/ /yang na yang dag par skye ba las byung ba'i gzhan gyis byin pa'i rdzas ni bsod snyoms kyi sgrar brjod do/ /dper na dbang po ni zag pa zad par byed pa'i sgra ste/ lhung ba ni khron pa la sa'i gong bu bzhin te dgos pa zhes bya ba'i don to/ /de gang la yod pa ni snga ma bzhin te des bslangs pa tsam gyi thabs kyis so/ /'dis ni log pa'i 'tsho ba spangs par bstan no/ /dge slong zhes bya ba ni bcom ldan 'das kyi nyan thos dben pa rnam pa gnyis dang ldan pa'i phyir g.yeng ba thams cad bcom pa yin te/ de bas na 'dis ni g.yeng ba rnam pa gnyis med par bstan to/ /bdag dang 'drangs par byed kyis zhes bya ba ni bdag nyid gso bar byed pa yin pas bdag nyid 'drangs pa'o/ /re zhig gzhan yang gso bar byed pa yin nam zhe na/ gzhan dag mi gso ba zhes smos te/ 'di la gzhan gso ba'i dang tshul yod pa de dgag par bstan te/ gzhan dag mi gso ba ni gzhan dag mi skyed pa zhes bya ba'i don to/ /yang na bdag gcig pu gso ba yin gyis bu dang chung
- 194b
ma la sogs pa ni ma yin te/ de bas na lus la sogs pa'i dben pa yod pa nyid do/ /gzhan dag mi gso ba zhes bya ba ni gzhan na pha rol te/ dgra bo dag go /de yang don dam par ni 'dod chags la sogs pa'i nyon mongs pa'o/ /de chu la sogs pa'i rim pas 'phel bar byed pa ste/ de la lhag par zhe na pas so/ /gzhan dag mi gso ba ni mi gtsang ba la sogs pa gnyen po'i phyogs bsgom pa la brtson pa zhes bya ba'i don to/ /yang na gzhan dag mi gso ba ni/ /phung po gzhan mi 'dzin pa'i phyir ro/ yang na bsod snyoms byed pa zhes bya bas ni 'phags pa'i rigs bstan te/ 'dis ni spong ba la dga' bas bstan to/ /lha rnams dga' bar 'gyur zhes bya ba ni brgya byin lhag par dga' ba ste/ dga' ba na dga' bar byed pa dang/ 'dod par byed ba ste ci nas kyang bdag gis 'di mthong bar bya zhing mtshad pa dang/ nam zhig na bdag kyang 'di lta bur 'gyur zhes bya ba la sogs pa'o/ /bdag gi don byas nas gzhan gyis don gyi thabs bstan par bya ste skyob pa ni kho na nyid ston pas 'ongs pa dang 'gro ba ni nges pa'i tshig ste/ des sdug bsngal la sogs pa'i bden pa bstan pa zhes bya ba'i don to/ /nye bar zhi ba zhes bya ba ni phung po lhag ma med pa'i mya ngan las 'das pa dang 'dra ba 'gog pa'i snyoms par 'jug pa dang ldan ba ste/ de'i tshe na nye bar zhi ba rdzogs pa thob par 'gyur ro/ /'dis ni mthong ba'i chos la bde bar gnas pa bstan to/ /rtag tu dran pa zhes bya ba ni drug la rtag tu gnas pa'i sbyor ba ste/ mig gis gzugs mthong na yid bde bar mi 'gyur zhing yid mi bde bar yang mi 'gyur te btang snyoms su gnas pa ni dran pa dang shes bzhin no zhes rgya cher ro/ /yang na bsod snyoms byed pa zhes bya ba 'dis ni bsod snyoms la sogs pa ngan don tsam gyis chog shes pa bstan to/ /dge
- 195a
slong zhes bya ba 'dis ni phyin ci ma log par gnas pa'i rab tu byung ba'o/ /bdag rang tsam 'drangs par byed kyi zhes bya ba ni thams cad yongs su btang ba'o/ /gzhan dag mi gso ba zhes bya ba na nyon mongs pa kun tu mi spyod pa'o/ /lha rnams dga' bar byed pa zhes bya ba ni yon tan gyi phan yon yin no/ lhag ma ni bshad zin to/ /sngar bshad pa kho na dag la dga' bar 'gyur gyis skyon dang ldan pa dag la ni ma yin no zhes bstan pa'i phyir/ dge slong bsod snyoms zhes bya ba la sogs pa smos so/ /'od srungs chen po la brgya byin gyis mchod pa byas so zhes dge slong rnams kyis thos nas dge slong lnga brgya tsam bsod snyoms byed par zhugs pa dang/ de'i dbang du mdzad nas 'di gsungs so/ /bkur sti nor dang grags 'dod rnams la min zhes bya ba la bkur sti ni mchod pa'o/ /grags pa ni snyan pa'o/ /nor ni don te de dag 'dod cing don du gnyer ba'i tshul 'di la yod pa'o/ /de la ni mi yang dga' bar mi byed na gzhan lta ci smos te lhas byin la sogs pa 'dir dper brjod par bya'o/ /don dam pa'i dge slong gi gnas ni spang dag pa'i 'tsho bas yin gyis log pa'i 'tsho bas ni ma yin no zhes bstan pa'i phyir/ dge slong 'dod pa kun spangs shing zhes bya ba la sogs pa yin no/ /tshe dang ldan pa shA ri'i bu nye du'i khyim du song ste/ chos bstan pas phan 'dogs par byed do/ /bram ze ma rungs pa zhig gis de ma bzod de/ smras pa/ bdag nyid bslus nas gzhan yang slu bar byed dam zhes byas pa dang/ des na 'di gsungs so/ /'dod pa thams cad kyi yul du gyur pa gang spangs pa ni 'dod pa kun tu spangs pa ste/ rab tu byung ba yongs su bzung ba'i phyir ro/ /dge slong ni nang gi kun tu 'khrugs pa bcom pa ste/ sems rnam par dben pa dang
- 195b
ldan pa'i phyir ro/ /dben par gyur na ni sred pa'i rtsa ba rtsa nas 'byin par nus te/ srid pa'i rtsa ba phra rgyas drug ces pa'i tshig gis so/ /bsal ba ni 'jigs par byis pa ste yongs su spangs pa'o/ /gang zhe na mdun na gnas pa'i rdul zhes smos te/ mdun na gnas pa ni rang gi rgyud la gnas pa'i phyir ro/ /yang ni 'jig rten thams cad kyi mngon par 'dod pa ste/ de med na ni rjes su chags pa 'di la med cing gzi brjid kyang med do zhes 'phya bar snang ba'i phyir ro/ /'dod chags la sogs pa ni rdul yin te/ rdul 'dir 'dod chags yin gyis zhes bya ba la sogs pa'i mdo'i tshig gis rim pa gang gis rdul bsal ba yin zhe na/ bdag med ces bya ba dang gzhan la mi smra zhes bya ba ste/ rnyed pa la sogs pa'i ched du kha gsags gis gzhan dga' bar byed pa ni smra ba ste gzhan gzung pa dang bslu ba'i ched du bya mi dgos pa yin te/ gang nyon mongs pa dang bcas pa de ni rnyed pa la sogs pa'i ched du gzhan bslu ba la sogs pa dgos pa yin gyi nyon mongs pa med pa ni ma yin te/ dri ma dang bcas pa'i gser ni me la sogs pas dag par mi 'gyur ba ma yin pa bzhin no/ /bag chags spangs pa ni rnam par 'gyur ba'i rgyu yod kyang rtog pas mi 'gyur ba yin no zhes bstan pa'i phyir skye bo ma bsdams zhes bya ba la sogs pa smos so/ /ri dags 'dzin gyi ma sa gas? don 'di dag thos te des de la smras pa khyed cag bcom ldan 'das la de skad ma zer cig /'di lta bu'i tshul gyis bsngags pa ma yin pa khyed cag ma smra shig /yun ring po'i gnod pa dang phan pa ma yin pa dang sdug bsngal bar 'gyur ro zhes pa nas bcom ldan 'das kyi spyan sngar song ste zhus pa/ btsun pa gzhan yang ma du ra ka'i rigs kyi lus kyi phyogs la
- 196a
bdag mi dga' o zhes pa dang/ bcom ldan 'das kyis bsngags pa ma yin pa gsan nas tshigs su bcad pa gnyis gsungs so/ /des kyang zhag bdun bcom ldan 'das nyan thos kyi dge slong gi dge dun dang bcas pa spyan drangs so/ /gnod byed pa zhes bya ba ni gzhan la sgul bar byed pa dang 'che bar byed pa'o/ /tshig gis ni dag gis so/ /skye bo ma bsdams zhes bya ba ni tshul ngan pa ste ma dul ba'i rta srab dang bral ba bzhin no/ /gang la gnod par byed ces na yang dag par bsdom pa la zhes bya ba'i tshig gi lhag ma'o/ /ji lta bur zhe na g.yul ngor glang chen mda' yis bsnun pa bzhin zhes bya ba smos te/ dper na glang po'i mchog sa srung la sogs pa mtshan phun sum tshogs pa yang lha dang lha ma yin gyi g.yul ngo'i sar lha ma yin gyi mda' la sogs pa'i mtshon gyis rgyun du 'jigs shing bsnun par byed pa bzhin du yon tan brgya stong phrag dpag tu med pas brgyan pa'i sems dpa' chen po yang skye bo dam pa ma yin pas rtsod pa'i dus su tshig rtsub po la sogs pa'i mda'i tshogs kyis mnon par byed de/ gang ma bsdams pa'i tshig gis gnod par byed do/ /des na de dag ji ltar byed pa yin zhe na/ thos gyur kyang zhes bya ba ni rab tu thos gyur pa'o/ /tshig ces bya ba ni gnod par byed pa'o/ /brjod pa ni smra ba'o/ /mi zad pa ni tshigs rtsub po ste gnad la 'bebs pa'o/ /ji mi snyam zhes bya ba ni bzod pa'o/ /dge slong zhes bya ba ni gsol pa dang bzhi'i las kyi bsnyen par rdzogs pa ste/ 'dod chags dang ma bral bar gyur kyang dge sbyong byed pa la rjes su 'jug go /de yang phyi rol ji mi snyam pa ni ma yin gyis dge sbyong byed la gnas shing 'on kyang nang la bzod pa tsam ni yin te de yang mi 'khrug pa'i mtshan nyid do/ /de nyid kyang sdang sems bral la
- 196b
zhes bya ba 'di smos te/ 'tshe ba'i bsam pa med pa'o/ /yang dag par yongs su brtags pas 'di nyid kyis bzod par nus kyi gzhan gyis ni ma yin no zhes bstan pa'i phyir/ skye bo ma bsdams zhes bya ba la sogs pa smos so/ /legs gzhag la zhes bya ba ni shes rab sngon du 'gro zhing snying rje bzung ba byas la nges par gzhag pa yin no/ /gang zhe na/ yid ces bya ba ni sems te yang dag pa nyid du bzhag pa'i rnam par shes pa'o/ /gang legs par bzhag pa'i yid de gang yin zhe na/ bzo yis mi 'tsho zhes bya ba la sogs pa'o/ /dge slong dag dkyil 'khor bzhin du gnas shing 'khod nas gtam brjod par byed de btsun pa dag bzo'i gnas ni legs par bzhag pa yin no zhes pa nam ji tsam na bcom ldan 'das gshegs te 'di gsung so/ /bzo ni dbyig dang gser la sogs pa yang brdung ba dang/ yi ge la sogs pa mkhas par byas pa nges 'tsho ba'i ngang tshul 'di la yod pa ste/ de las gzhan pa'i bzo byas kyang mi 'tsho ba'o/ /ji ltar na dge slong de ni bzo las brten nas 'tshong ba gnas par byed pa ma yin te/ tshul 'di ni khyim pa'i skye bo yin no zhes byas nas so/ /spang ba ni yo byad bsnyungs pa la bstan to/ /yo byad mang po mi bya ba dang/ 'tshogs chas mang po ma yin pa dang/ legs par bkod pa'i tshul dang/ ma smin pa'i 'bru len pa spang bar bya'o zhes bya ba la sogs pa'o/ /bdag la dga' zhes bya ba ni bdag nyid la 'dod par byed cing bdag la dga' ba gang yin pa des ni legs par spyod pa la rtag tu mngon par dga' ba'o/ /ji ltar yang dge slong bdag la dga' ba yin zhe na/ 'di ni gcig tu dge sbyong la dga' ba dang/ bslab pa 'dod pa'o zhes bya ba la sogs pa'o/ /'dis dge ba'i chos la
- 197a
'dun pa bstan nas dbang po'i sdom pa smras pa/ dbang po dul ba zhes smos te/ dbang po thul ba'i phyir ro/ /'di ni tshul khrims kyi sdom pa bstan to/ /kun las rnam par grol zhing zhes bya ba ni sdig pa'i yan lag thams cad dang/ sdig pa'i rgyu thams cad las te sdig pa las ldog pa'i phyir ro/ /de ltar khyim pas ni byed par mi nus kyi rab tu byung bas nus pa'i phyir bshad pa/ khyim la ma chags zhes bya ba ste khyim snying por byed pa gang yin pa de ni khyim snying por byed pa ste khyim len cing chags pa gang yin pa'o/ /de la gzhan pa ni rab tu byung ba zhes bya ba'i don to/ /de nas tshul khrims la brten nas lam sgom pa'i khyad par smras pa/ bdag med ces bya ba ste 'jig tshogs la lta ba med pa'i phyir mthong ba'i lam bstan to/ /sred pa spangs pa zhes bya ba ni sred pa spangs pa'i phyir bsgom pa'i lam bstan to/ /gang gi tshe lam gnyis kyis dang po spang bar bya ba yongs su shes pa de'i tshe bshad pa 'dod spangs zhes bya ba ste dang po 'dod pa'i khams spangs pa'o/ /gcig pu spyod pa'i ni mnyam par bzhag pa'i sa pa'i nyon mongs pas dben pa'i phyir te/ de nyid don dam pa'i dge slong yin no// dge slong de nyid ni sdug bsngal zad pa thob par 'gyur ro/ /zhes bstan to/ /'tsho gtsang zhes bya ba la sogs pa smos so/ /kun tu rgyun po rgyun shes zhes bya bas bcom ldan 'das la btsun pa ci tsam gyis na sdug bsngal zad pa thob par 'gyur zhes gsol pa dang/ 'di gsungs so/ /grogs po mthun pa bsten bya zhing zhes bya ba la mnyam par ma khyad par du gyur pa'i grogs po phan 'dogs par byed pa ni bstan par bya ste/ gang la brten nas
- 197b
sdig pa mi dge ba'i chos rnams 'grib pa dang/ dge ba'i chos rnams 'phel ba de ni mthun pa'i grogs po'o/ /'tsho gtsang zhes bya ba ni yongs su dag pa'i kun tu 'tsho ba'i yo byad gang yin pa ste log pa'i 'tsho ba spangs pa'i phyir ro/ /bslab pa srung ba'i rim pa bstan pa/ snyom las med pa zhes bya ba ste yongs su gzung ba med pa'i phyir ro/ /gang gi phyir yongs su bzung ba yod pa ni snyom las skye bar 'gyur te gang dag myu gu mang por 'phros pa'i shing bzhin no/ /de bkag pas ni snyom las med pa ste/ yang bshad pa/ gzung bya mi 'dzin dge slong dang/ /thibs po'i nang du g.yag gnas dang/ /dgon du ma he gnas pa ste/ /gsum po 'di dag 'chi bar phyogs zhes pa'o/ /yongs su gzung ba med kyang de ci nus par gzhan la phan par byed de/ 'di ltar so sor bgo bsha' bya ba dang/ zhes bya ba la so sor bgo bsha'i sgo nas kyang de ltar khyad par du phan 'dogs pa de la 'jug cing 'di ltar rab tu 'jug par byed pa'o/ /bgo bsha' yang rnam pa gnyis te/ chos kyis so sor bgo bsha' bya ba dang/ zang zing gi so sor bgo bsha' bya ba'o zhes pa'i tshig gis so/ /skyes bu dam pa la brten pas 'tsho ba kun du dag pa dang/ yongs su gzung ba med cing gtong bar gyur na ni rnam pa thams cad du gzhan la phan 'dogs par byed par 'gyur te/ bdag nyid dam pa'i tshul mchog tu byed pas gzhan la phan 'dogs par nus kyis gzhan du ni ma yin no zhes bstan pa'i phyir spyod yul cho ga mkhas pa zhes bya ba bstan te/ bslab pa dang nye ba'i bslab pa bsrung ba mkhas par 'gyur bas so/ /ci'i phyir spyod yul gyi cho ga mkhas pa la sbyor ba yin zhe na/ 'di ltar spyod yul cho ga mkhas pa yis zhes bya ba smos te/ dam pa'i spyod pa la dga' bas
- 198a
'dul ba bzhin du sde snod gsum du bstan pa'i cho ga dang rjes su mthun pa'i tshul khrims yongs su shes pa la rjes su 'jug pa'i phyir ro/ /de lta bu'i dge slong des 'bras bu ji zhig 'thob pa yin zhe na/ sdug bsngal zad pa zhes bya ba 'khor ba las thar pa 'thob par byed pa'o/ /ji ltar yang dge slong spyod yul gyi cho ga la mkhas pa yin zhe na/ bstan pa'i phyir rkang pa legs par bsdams zhes bya ba la sogs pa smos so/ /dge slong zhig bsod snyoms kyi phyir zhugs pa las legs par ma bsdams shing spyod yul du shin tu ma bsdams pa zhig ste ji tsam na rab tu dben pa'i nags su song nas shing zhig gi drung du 'dug ste ting nge 'dzin sgom par byed do// bcom ldan 'das nyan thos kyi tshogs dang bcas te nags su rgyu zhing gshegs pa dang/ de las brtsams so/ /gzhan dag ni rgyal byed kyi tshal du chu skyar gyi sgra cig grag ste/ steng du bltas pa dang so bag gcig lhung ste song bas ngang pa zhig bsad pa'i dge slong las brtsams so zhes zer ro/ /lag pa gnyis legs par bsdams pa ni legs par bsdams pa ste/ lag pa yang dag par sdom zhing rtse bas rdeg par byed pa dang/ gzhan gyi nor len pa la sogs pa de'i sgrub pa mi byed pa'i phyir ro/ /rkang pa legs bsdams zhes bya ba ni de dang 'brel ba'i srog gcod pa la sogs pa'i don te/ 'gro ba na 'chi ba la sogs pa mi byed pa'i phyir ro/ /lus kyi sdom pa bstan nas ngag gi sdom pa smras pa/ tshig rnams legs bsdams zhes bya ba dag gi nyes par spyod pa bzhi spangs pa'i phyir ro/ /dbang po'i sdom pa bstan pa/ dbang po legs bsdams zhes bya ba ste dbang po dul ba'i phyir ro/ /nang du dga' ba
- 198b
zhes bya ba ni bdag nyid la lhag pa ni nang ngo/ /de la dga' ba ni yul ngag las sems rab tu bsdus pa ste 'dis tshogs kyi lam bstan nas lam 'thob pa bstan pa/ mnyam par 'jog ces bya ba ni zag pa med pa'i ting nge 'dzin gyi khyad par dang ldan pa'i phyir ro/ /gcig tu zhes bya ba ni rang dbang zhes bya ba'i don to/ /yang na las dang nyon mongs pa'i grogs med pa'i phyir ro/ /chog shes zhes bya ba ni yang dag par dga' ba skye ba ste mthong ba'i chos bde bar gnas pas so/ de ni dge slong yin zhes gsungs zhes bya ba ni de nyid bcom ldan 'das kyis don dam pa'i dge slong du bstan te/ gzhan ni ming tsam yin pa'i phyir ro/ /rgyu gang gis cho ga 'di lta bu la dmigs pa yin zhe na/ dge slong chos la kun dga' zhes bya ba la sogs pa smos so/ /dge slong gzhan zhig rtag tu chos nyan cing sems pa dang sgom par byed la/ de nyid la mngon par dga' bas ji tsam na dgra bcom par gyur te/ de la 'di gsungs so/ /gzhan dag ni rgyal byed kyi tshal na chos kyi kun dga' ra ba zhes bya ba'i gnas brtan gyi dbang du mdzad do zhes zer ro/ /kun dga' ra ba byed pa yin pas mngon par dga' ba ste/ don dam pa'i chos thar pa dang de'i lam la kun tu dga' ba'o/ /yang na zhi gnas dang lhag mthong gi chos la kun tu dga' zhing mngon par dga' ba'i gnas 'di la yod pa'o/ /chos dga' zhes bya ba ni brtan pa'i chos rtag tu mnyam par mngon par dga' ba'i phyir ro/ /'dis ni thos pa las byung ba'i shes rab bstan to/ /chos la rjes su sems pa dang zhes bya ba ni ji ltar thos pa'i tshig gi don bsams pa las byung ba'i shes rab kyis kun tu spyod pa'o/ /chos la rjes su dran pa dag ces bya ba ni/ thos pa dang bsam pa'i chos la bsgom pa las byung ba'i shes pas lan du
- 199a
mar mngon du byas pa'i phyir ro/ /dge slong chos las yongs su nyams par 'gyur zhes bya ba ni 'di lta bu'i dge slong ni lung rtogs pa'i bdag nyid kyi chos las yongs su nyams par mi 'gyur ro/ /chos las yongs su nyams pas ni khyad par gyi bde ba thob par 'gyur ro zhes bstan pa'i phyir/ dge slong khang stong zhes bya ba la sogs pa'i tshigs su bcad pa gnyis gsungs so/ /dur khrod bsil ba'i tshal na 'phags pa'i mgon phyag dar khrod 'tshem pa las tshangs ris bdun brgya zad pa dang dben pa la dga' bas de las brtsams so/ /khang stong zhugs nas su zhes bya ba ni mi dang bral ba la der zhugs pa ni rab tu dben pa'i phyogs la gnas pa zhes bya ba'i don to/ /'gro bas ni bya ba 'grub pa yin no/ zhes rig byed pa dag smra ste/ de dgag pa bstan pa'o/ /dge slong ni yongs su gzung ba spangs pa'i phyir ro/ /nang la lta bar byed pa dang zhes bya ba ni bdag la lhag pa ni nang ste nang du lta zhing phyi rol gyi yul la chags pa las bsdus te nang du lta ba la 'jug pa zhes bya ba'i don to/ /nang la lta ba'i tshul 'di la yod pa ni 'phags pa'i lam bsgom pa la brtson pa'i phyir te/ de ni dben pa gnyis dang ldan pa nyid do/ /lha'i dga' ba dang ldan pa'i 'gyur zhes bya ba ni lhag par gsal bar byed pa'i phyir te lha rnams la yang de med pa'i phyir ro/ /chos rnams legs par mthong ba dag ces bya ba ni yang dag par snyoms par zhugs pa'i zag pa med pa'i shes pas bden pa bzhi bsgrubs pa ste/ des khyad par gyi rtogs pa dang ldan pa'i phyir ro/ /ji ltar chos nges par bsams pas dga' ba yin zhe na/ ji lta ji ltar zhes bzlas pa ste/ ji srid ji srid do/ /yang na 'dod
- 199b
pa'i khams la sogs pa'o/ /legs rtog pa zhes bya ba ni yang dag par dga' ba'o/ /phung po la zhes bya ba ni gzugs la sogs pa'o/ /skye ba dang 'jig pa zhes bya ba ni 'byung ba dang 'gag pa'o/ /de lta de ltar zhes bya ba ni de srid de srid do/ /yang na de las de las so/ /de yis dga' ba nyid kyang 'thob ces bya ba ni rnal 'byor pa des 'thob pa ste/ yid bde ba dang bya ba mthar thug pa'o/ /btsal ba mthar thug pa bshad pa/ dga' ba zhes smos te 'khor ba spang ba'i gnyen po rjes su 'tshol ba des rtog pa'i gang yongs su dga' ba de ni rab tu dga' ba'o/ /mgu ba la gnas pa yang ma 'ongs pa dag tu yod pa'i phyir ro/ /de yang rnal 'byor pa nyid kyis 'thob pa yin no/ /gal te des dga' ba dang mgu ba nyid 'thob na nges cir 'gyur zhe na/ dga' ba mang po yis zhes bya ba smos te dga' ba yang mang zhing shas che ba 'di la yod pa ste/ gong nas gong du gnyen po yod pa'i phyir ro/ /sdug bsngal zad pa ni thar pa'o// sdug bsngal zad pa thob pas mthong ba'i chos kyi phan yon bstan pa/ ji ltar zhes bya ba la sogs pa smos so/ /ji ltar maung+gal gyi bu chen po gu Da shi khi ya kas lus shin tu brdungs pa las/ de'i tshe bram ze dang khyim bdag dang pa can dag 'ongs nas khyod kyi yid de la g.yos par ma gyur tam zhes dris pa dang/ btsun pa ma lags so zhes pa nas/ de'i don du tshigs su bcad pa drug gi bar du gsungs so/ /ji ltar ri bo dag ces bya ba ni sa 'dzin pa'o/ /gal te sa las de grub pa yin nam zhe na/ brag gi zhes smos te rdo'i rang bzhin no/ /rlung gis zhes bya ba ni rlung mar gyis rgyus so/ /mi g.yo ltar zhes bya ba ni mi 'gul ba'o/ /de bzhin ni de ltar ro/ /'dod chags zad pa'i rgyus ni dge slong
- 200a
khrid pa ma yin zhing rnam par 'gyur bar mi byed de'o/ /ri bo dag gam ri bo bzhin zhes bya ba ni tshigs su bcad pas gong du dpe bstan zin na/ ji ltar 'di yang brjod ce na bshad pa/ rgya cher bstan pa nyid dang/ bstan ma thag pa nyid ni bsdus te bstan pa'i sbyor ba dang ldan pa'i phyir te/ dper na shing rta pa la lam zhes bya ba la sogs pa bstan pa bzhin no/ /yang na phyis 'ongs pa'i gdul bya dag la dpe dang bcas pa bstan pas phan gdags pa'i phyir ro/ /yang na dge slong gi khyad par de ji lta bu zhe na/ dge slong rnam par 'gyur ba'i rgyu yod kyang mi 'gyur ba'o zhes bstan to/ /yang na ri ni ri gangs can dang 'dra'o zhes bya ba yin te dper na ri gangs can ni mtho ba las rab tu 'bab cing 'jug pa'i chu bo'i rgyun mngon par 'phel ba dang/ mngon par 'dod pa'i me tog dang 'bras bu dang ldan pa'i nags can dang/ ri dags dang bya'i tshogs dpag tu med pa rnam pa sna tshogs nye bar gnas pa dang/ sman rnam pa sna tshogs kyi gzhir gyur pa de bzhin du/ gang thar pa'i lhag pa'i bsam pas mtho ba nas 'bab pa'i byams pa la sogs pa'i sgom pa'i rgyun kun tu bsags pa dang/ ting nge 'dzin gyi rnam par rol pa'i tshogs kyis skye bo phongs pa rnams kyi yid la re ba rdzogs pa'i gnas dang/ rnam pa sna tshogs pa'i rim pas gzhan la phan 'dogs par byed pa'i blo skye bar 'gyur ba'o/ /nga'o snyam pa'i nga rgyal spangs pa yin no zhes bstan pa'i phyir/ gang la kun tu zhes bya ba la sogs pa smos so/ /tshe dang ldan pa u pa mardu? zhes bya ba lhag par sogs par byed pas dge slong dag 'phya bar byed pa la/ 'phags pa ku la ni gtong ba mchog tu byed pas nyod? par
- 200b
byed do/ /de'i dbang du mdzad pa'o/ /gang la zhes bya ba ni sems can no/ /kun tu sogs med cing zhes bya ba ni nor dang 'bru la sogs pa med de/ nor dang 'bru la sogs pa nye bar sogs pa med pas yongs su bzung ba med pa'i phyir ro/ /gang la bdag gir byed mod pa zhes bya ba ni bdag gir byed pa sngon du 'gro ba'i lhag par zhen pa med de/ mthong bas spang bar bya ba med pa'i phyir ro/ /gang dag med na mi gdung ba zhes bya ba ni phung po med pas mya ngan 'thob par mi 'gyur te de la grang 'di med par 'gyur ba dang/ bdag la yang med par 'gyur ba dang zhes bya ba'i tshig gis so/ /mngon par 'dod pa'i dngos po dang bral ba dang/ zhig pa la sogs pas de med cing ma thob par gyur na yang gang de gdung bar mi 'gyur zhing yongs su mya ngan byed par mi 'gyur te/ bsgom pas spang bar bya ba spangs pa'i phyir ro/ /de ni dge slong zhes bya ba ni de nyid dge slong gi ming du'o zhes pa yin no/ /yang na dge slong ni gsum ste/ so so'i skye bo dge ba dang/ khro ba spangs pa dang/ srid pa las grol ba ste tshig rkang gsum po 'dis bstan to/ /gzhan ni dge slong du mi 'dod kyi 'jig rten pa'i dge slong ngo zhes byas nas so/ /de ji ltar bzhi pa ma brjod ce na/ 'dir smras pa/ re zhig gzhan la slong ba tsam zhes bya bas bstan te/ dge slong ni slong ba'i phyir sgo na 'dug go zhes 'jig rten na tha snyad du 'dogs pa de ji dge slong zhes bya ba yin nam zhe na/ dge slong ni rab tu rnam par zhugs pa ste de dang/ khyim bdag mgon med zas sbyin las brtsams nas tshigs su bcad pa gnyis gsungs so/ /re zhig min snyam zhes bya ba ni de tsam gyis te ci tsam gzhan la slong ba tsam gyis te/ chos gos la sogs pa gzhan dag las slong ba de tsam gyis so/ /grong ba'i chos zhes bya ba ni
- 201a
grong ba nyid yin pas grong ba'o/ /chos ni dngos po dag ste yongs su bzung ba dang mi bzung ba'i dngos po yin pas so/ /'dzin pa byed pa zhes bya ba ni dge slong dag gis yongs su 'dzin pa zhes bya ba dang sbyar ro/ gang gi chos gos la sogs pa shas cher 'dzin pa'i gnas skabs su gyur pa de'i tshe bcom ldan 'das kyi chos gos kyi rnam par rig pa bstan te/ bslab pa bcas pa rjes su bsrung ba'i phyir ro/ /gal te yang grong pa'i chos 'dzin par byed na ni ma yin te/ slong ba tsam nyi tshes dge slong gi cha byad 'dzin cing slong ba la nye bar gnas te/ 'dod pa'i yon tan thams cad la nye bar longs spyod pa de'i bde bas ni dzi ga? de'i tshe dge slong du gyur tam zhes bya ba yin no/ /cha byad yongs su bzung ba tsam gyis kyang zhes bya ba ste/ yang gi sgra 'dir phyis pa'i phyir ro/ /de bas na grong pa'i tshes yongs su btang na des ni dge slong du 'gyur ro zhes bstan pa'i phyir/ gang zhig ces bya ba la sogs pa'o/ /gang zhig ni gang la la'o/ /dge ba ni srid pa'i 'bras bu'o/ /sdig pa ni 'bras bu ma 'dod pa'o/ /dang gi sgra ni gnyi ga gcig tu spang bar bya ba bsgrub pa'o/ /rab spang zhes bya ba ni yongs su dor ba'o/ /'dis ni lam gyi tshogs bstan nas lam bstan pa/ tshangs par spyod ldan zhing zhes bya ba ni tshangs pa'i phyir spyod pa ste/ gang gis mya ngan las 'das pa 'thob pa'i 'phags pa'i lam de khyad par du byed pa gang yin pa ni de nyid do/ lam gyi skyon thams cad spang pa ni lam bsgom pa la rag las pa yin no zhes bstan pa'i phyir/ sde tshogs spangs nas zhes bya ba smos te/ sde byed pa dang sde dang tshogs yin pa'o/ /de spangs pa ni dor ba la kun tu sbyor ba zhes bya ba'i don to/ /de spangs nas ji zhig bya zhe na/
- 201b
spyod byed pa zhes bya ba smos te/ gdul bya la phan gdags pa'i phyir 'di nyid du/ dus ji srid 'dug cing rang gi don byas nas gzhan gyi don la dmigs pa zhes bya ba'i don to/ /de ni dge slong zhes bya ba ni de nyid dge slong gi ming 'thob par 'gyur ro/ tshig gi don gang lhag par spyod par 'gyur zhe na/ bshad pa/ byams pa la sogs pa dang rnam par ldan pa ste/ 'di nyid bstan pa'i phyir/ dge slong gang zhig byams gnas shing zhes bya ba la sogs pa smos so/ /mnyan yod na phan tshun gnod pa la 'jug pa'i dge slong dag las brtsams nas tshigs su bcad pa drug gsungs so/ /gzhan dag ni gang+gA'i dogs la gnas pa'i gru pa dag thag ring po nas shin tu khro zhing gshi bar byed pa la/ ji tsam na thag nye bar gyur pa dang/ bcom ldan 'das kyi sku dang/ shin tu zhi ba'i nyan thos kyi tshogs mthong bas mngon par ngang cing/ bcom ldan 'das sbyin dang sa te/ gru 'di la gshegs su gsol zhes zhus nas de las brtsams so zhes zer ro/ /byams gnas pa zhes bya ba la/ lus can dag la brtse ba ni byams pa ste/ gzhan la phan pa dang phan pa'i sems ni byams pa'o/ /de bas na de'i mtshan nyid bstan pa/ de las 'dis gnas pa'i ngang tshul yod pa ste/ byams pa mngon du byas shing lan mang du gnas pa'i phyir ro/ /'dis nyon mongs pa kun tu mi spyod pa'i thabs bstan nas gtan du spang ba'i thabs bstan pa/ rab dang ba zhes bya ba ste/ shes nas dad pa thob pa'i phyir ro/ /byams pa bsgoms pa'i mthus bde bar mthong ba'i lam la zhugs te/ de las shes nas dad pa thob pa'o/ /gang la rab tu dad pa yin zhe na/ sangs rgyas bstan la zhes smos te/ sangs rgyas kyis bstan pa'i lam dkon mchog gsum zhes bya ba'i don to/ /'di ni thar pa'i lam gyi ngo bo yin pa'i
- 202a
phyir ro/ /bdag nyid ngan 'gro las 'dren te zhes bya ba ni bdag nyid ngan song gsum las 'dzin pa yin no/ /'dir dpe bstan pa/ 'dam rdzab las ni zhes bya ba yin te/ dper na spos kyi glang po che myos pa bag med pas 'dam rdzab tu chud pa de las 'dab nye ba na yod pa'i shing chen po la lag pas yongs su bzung ba la sogs pa la brten nas bdag nyid 'don par byed pa de bzhin no/ /byams pa'i stobs kyis ngan song dag las 'byin pa bstan nas/ nga ni 'dod pa'i khams las 'byung ba bstan pa'i phyir/ dge slong gang zhig byams gnas pa zhes bya ba la sogs pa smos so/ /sbrug par byed ces bya ba la sbrug pa ni spong ba'o/ /sdig pa ni mi 'dod pa'i 'bras bu can mi dge ba'o/ /chos rnams ni dngos po gzugs la sogs pa'o ljon shing lo ma bzhin zhes bya ba ni shing gi 'dab ma bzhin no/ /rlung gis zhes bya ba ni shugs dang ldan pa'i rlung ngo/ /des ji ltar shing gi lo ma lhung bar byed pa ltar 'dod pa'i khams kyang de bzhin no/ /de'i 'og tu gzugs dang gzugs med pa'i khams bstan te/ thob par 'gyur zhes bya ba ni rtogs par 'gyur zhes bya ba'i don to/ /go 'phang ni bzhi'o/ /zhi ba sdug bsngal dang yid mi bde ba la sogs pa'i skyon spangs pa'o/ /'du byed nyer bzhi zhes bya ba ni gzugs na spyod pa'i phung po spangs pa'i tshul yin pa'i phyir ro/ /zhi ba ni gzugs dang 'du shes las skyes pa'i kun tu 'khrug pa med pa'i phyir ro/ /lta bas mi ngoms pa zhes bya ba ni ngoms par byed pa yin pas ngoms pa ste/ gzhan de nyid 'dzin pa'i phyir ro/ /ngoms pa nyid yin pas ngoms pa'o/ /de dgag pa ni mi ngoms pa ste/ yongs su bzung bas chog mi shes pa'i phyir lta bas chog mi shes pa gang yin pa de ni zhes bya bas bsdu ba bya'o/ /sgrib pa thams cad dang bral ba'i phyir shin tu gsal
- 202b
ba de'i tshe ni mya ngan las 'das par shes pa ste/ de bas na gzugs med pa'i khams las 'dod chags dang bral bar gyur na ni phung po lhag ma dang bcas pa'i mya ngan las 'das pa 'thob pa yin no zhes bstan te/ mngon sum byed par 'gyur zhes bya ba yang dag par 'thob pa'o/ /kun sbyor zad pa zhes bya ba ni rjes su 'brel pa ste/ kun tu sbyor ba mdza' dag spangs pa'i don to/ /ji ltar de ltar 'gyur zhe na rim gyis zhes smos te/ 'di ni rim gyis spangs par 'dod kyi cig car ni ma yin no zhes ston to/ /des na phung po lhag ma dang bcas pa'i mya ngan las 'das pa'i dbyings su gzhol ba bstan to/ /mi srid do zhes bya ba ni mi rung ba'o/ /gang mi rung ba zhe na/ yongs su nyams par 'gyur ba zhes bya ba ste rnam par ldog pa zhes bya ba'i don to// ga las zhe na/ 'di ltar mya ngan las 'das dang nye ba'i phyir zhes bya ba ni ting nge 'dzin gyi rnam pas kun tu sbyor ba thams cad spangs pa'i rnal 'byor pa ni thar pa kho na dang nye ba ste/ drung na gnas par gyur pa de'i bdag nyid du grub pa yin gyi 'khor ba la sogs pa'i ni ma yin no zhes bya ba'i don to/ /rim pa gang gis kun tu sbyor ba thams cad spangs pa 'thob cing yongs su nyams par 'gyur ba mi srid pa yin zhe na sems dga' zhes bya ba la sogs pa smos so/ /pur+Na bard+ha na zhes bya ba'i grong khyer na gnas pa'i ma ga d+ha bzang pos bcom ldan 'das spyan drangs pa la sogs drang srong chen po shing shun zhes bya bas gzugs khyad par can mthong bas mngon par dang de bdag nyid dang ba'i shugs kyis ri las babs nas de'i dbang du mdzad de 'di gsungs so/ /dga' ba dang mgu ba'i sems 'di la yod pa de ni de nyid de/ ji skad du bshad pa/ 'di na re zhig dang po nyid du lhag pa'i bsam pa bzang par gyur la 'tshe ba med pa'i lhag pa'i bsam pas de khyad par 'dod pa
- 203a
zhes bya ba'i don to/ /yid ni bzang ba dang zhes bya ba ni 'dir bzang ba ni bsngags pa'i don to/ /skye bo dam pa mngon par dga' ba'i phyir mi gtsang ba la sogs pa'i dngos po la 'jug pa'i mid? de/ bsngags pa'i dngos po gang la yid yod pa zhes byas nas so/ /ngan song gsum gyi bgegs su gyur pa ni mthong ba'i lam nyid la gnas pa'i sems yin no/ /de la 'dis ni tshogs dang mthong ba'i lam bstan nas/ bsgom pa'i lam bshad pa/ zil gnon pa zhes bya ba spangs pa'o/ /dga' dang mi dga' zhes bya ba ni rjes su chags pa'i kun tu sbyor ba ste 'dis ni 'dod pa las 'dod chags dang bral bar bstan to/ /dga' ba mang po yis zhes bya ba ni dga' ba phal che ba ste/ gong nas gong du khyad par gyi gnyen po rnyed pas dga' ba lhag par nyams su myong ba'i phyir ro/ /de'i 'bras bu smras pa/ dge slong zhes bya ba ni nyon mongs pa bcom pa'i phyir te 'dis ni khams gsum las 'dod chags dang bral bar bstan to/ /do? ni phung po lhag ma med pa'i mya ngan las 'das pa bshad de/ sdug bsngal zad pa zhes smos so/ /'dod chags dang bral ba nyid nye bar zhi ba yin no zhes bstan te/ lus zhi zhes bya ba la sogs pa'o/ /dge slong zhig gis bcom ldan 'das la 'di skad ces/ btsun pa nye bar zhi ba la dge slong zhes brjod na ci tsam gyis dge slong nye bar zhi bar 'gyur zhes gsol ba dang/ de las brtsams nas 'di gsungs so/ /rim pa gang gis nye bar zhi bar 'gyur zhe na/ lus zhi zhes bya ba ste/ lus kyi nyes par spyod par spangs pa'i phyir ro/ /zhi ba dang ldan pas zhi ba'o/ /sems zhi bas ni 'di ltar 'gyur ro zhes bstan pa ste sems zhi zhes bya ba'o/ /de gnyis ka dang 'brel pa ni ngag zhi ba yin no zhes
- 203b
bstan pa'i phyir smras pa/ dag ni zhi ba dang zhes bya ba yin te/ tshul khrims la brten nas g.yeng ba med pa'i phyir ro/ /bsgom pa'i gnas skabs bstan pa/ legs par mnyam gzhag ces bya ba ste/ legs pa'i ting nge 'dzin gyis rgyud yongs su bzung ba zhes bya ba'i don to/ /ting nge 'dzin gyi 'bras bu bshad pa/ 'jig rten zang zing spangs pa zhes bya ba ni 'jig rten dang zang zing ni 'jig rten zang zing ngo/ /zang zing zhes bya ba 'di ni 'dod pa'i tshig bla dags so/ /'jig rten ni nye bar len pa'i phung po lnga'o/ /spangs par ni yongs su bor ba ste/ gang 'jig rten gyis zang zing gang yin pa'o zhes bsdu ba bya'o/ /de la zang zing spangs pa ni 'dod pa las 'dod chags dang bral ba'o/ /yang na 'jig rten na zang zing ni 'jig rten zang zing ste/ de gang gis spangs pa ni 'dod pa las 'dod chags dang bral ba zhes bya ba'i don to/ /dge slong ni khams gsum las 'dod chags dang bral ba'o/ /nye bar zhi ba ni nyon mongs pas byas pa'i kun tu 'khrugs pa dang bral ba'i phyir ro// yin zhes brjod ces bya ba ni sangs rgyas dang de'i nyan thos kyis gsungs pa'o/ /nye bar zhi ba de'i gtso bo'i rgyu smras pa/ ting nge 'dzin med la zhes bya ba la sogs pa'o/ /a yod zhes bya ba gang gis ngogs a shtha bang+ga na drang srong mang po bsgom zhing 'dug pa dge slong dag gis mthong nas de la shin tu dga' bar gyur pa'i skabs de gsan nas tshigs su bcad pa gsum gsungs so/ /ting nge 'dzin med la shes rab med ces bya ba ni bdag med pa mthong ba'i shes rab dang bral ba ste/ ting nge 'dzin bsgom pas ni yongs su dag par nus so/ /shes rab med la ting nge 'dzin med ces bya ba ni de bzhin du ste ting nge 'dzin khyad par can no/ /spyir ni sems g.yeng bar gyur na shes rab khyad par can mi 'byung ngo/ /shes rab ting nge 'dzin
- 204a
ldan pa de zhes bya ba gang gnyis po 'di yod pa de nyid ni don dam par dge slong zhes brjod do/ /gnyis po'i 'bras bu bstan pa/ mya ngan 'das pa zhes bya ba ste/ phung po'i lhag ma med pa'o/ /yang dag par bsten pa smras nas yang dag par 'dzin du 'jug pa smras pa/ de bas zhes bya ba ste/ gnyis po la 'jud pa'o/ /'jug pa ste zhes bya ba ni rab tu sbyor ba'o/ /de gang gis nus zhe na/ mkhas pa rnams kyis zhes bya ba smos te/ rigs pas 'thob pa'i shes rab dang ldan pa dang/ gsung rab la mkhas pa la brjod do/ /de'i dang por bya ba 'di yin no zhes bya ba ni thabs so/ /dang por byed pa yin pas dang por bya ba'o/ /gang gis zhe na/ mya ngan las 'das pa 'thob pa zhes de ma thag tu bstan pa bsgrub pa'o/ /gang gi phyir ting nge 'dzin dang/ shes rab kyi bdag nyid ni lhag ma med pa'i mya ngan las 'das pa 'thob pa'i thabs yin no/ /gang gis dang por bya ba yin zhe na/ dge slong gis so/ /yang dag par sdom spyod pa zhes bya ba ni legs par sdom zhing dam pa'i spyod pa bzang po dang ldan pa'i phyir te/ de nyid legs par sdom pa'i spyod pa'o/ /yang na legs par sdom pa spyod pa'i ngang tshul 'di la yod pa ste/ tshul khrims la brten nas chos gnyis bsgom bya'o zhes mdo las bstan pa'i phyir ro/ /legs par sdom pa de gang yin zhe na/ gang gi yang dag par spyod pa drang po yin no zhes bstan te/ chog shes dbang po bsdam bya zhing zhes bya ba la sogs pa'o/ /de nas rgyal rigs spas pa zhes bya bas bcom ldan 'das la 'di skad ces gsol to/ /bcom ldan 'das kyis gsungs pa mang zhing rgya cher ni thos lags na nyung du bsdus pa nyan par 'tshal bas legs par bcom ldan 'das
- 204b
kyis bsdus te bdag la bstan du gsol zhes zhus pa las 'di gsungs so/ /dbang po rnams bsdams pa gang yin pa de ni de nyid de dbang po bsrungs pa zhes bya ba'i don to/ /chog shes par gyur pa na ni dbang po dul bar 'gyur bas chog shes pa zhes bya ba smos te/ chos gos ngan don tsam la sogs pas chog shes pa'i phyir ro/ /de gnyi ga dang ldan par gyur na ni gong ma'i khyad par gyis snod yin no zhes bstan te/ so sor thar pa zhes bya'o/ /thar pa'i ched du 'di sgom pa zhes bya ba'i don te/ mya ngan las 'das pa'i shan du 'di gyur pa'i shan par gyur pa'i phyir ro/ /yon tan dam pa sdom pa ni rnam par mdzes pa yin no zhes bstan pa ni zas 'di'i chod kyang zhes bya ba la sogs pa'o/ /'di la kham gyi zas kyi tshad ni me'i stobs ltos te/ de dang sbyor ba'i phyir ro/ /de yang lus gnas par bya ba dang bkres pa zhi bar bya ba rtsams zhes bya ba la sogs pa gsungs pas so/ /bas mdza' zhes bya ba ni dgon pa'i gnas la gnas pa'i phyir ro/ /lam gyi tshogs bstan nas lhag pa'i sbyor ba smras pa/ lhag pa'i sems zhes bya ba zag pa med pa'i bsam gtan bzhi bsgom pa la yang dag par brtson pa'o/ /'di ni zhes bya ba 'di tsam zhig sangs rgyas bcom ldan 'das kyis bstan pa dang rjes su mthun pa zhes bya ba'i don to/ /gang sgrub pa dang ldan pa de ni sangs rgyas kyi bstan pa la rjes su 'brang bas yin no zhes bstan pa'i phyir/ gang gi lus zhes bya ba la sogs pa smos so/ /rgyal po'i khab na khri dang lhag pa'i khri can zhes bya ba'i kun tu rgyu ma ga d+ha bzang po'i rdzing gi 'gram na 'dug ste mtshan mo mchil pas nya phyung zhing za bar byed la/ tho rangs khri'i steng du 'dug pa las tshigs su bcad pa 'di gsungs so/ /dge slong du gyur nas/ chos la chos kyis 'tshe bar bya'o/ /srog chags gang
- 205a
la yang 'tshe bar mi bya zhing spong ba la spyod pas yid zhi ba dang/ brtul zhugs 'di ni yid zhi ba dang/ dul ba dang rjes su mthun pa min no zhes dgongs nas de dag gdul ba'i dus la bab pa mkhyen te/ 'di skad du/ tshigs bcad 'di bzhin spyod na ni/ des na khyod ni de 'drar 'gyur/ /bdag nyid dam par sems byed khyod/ /dge slong de 'dra ma yin no zhes bka' stsal to/ /gang gis lus zhes bya ba la sogs pa gang gis ni gang zag go / lus ni lus la sogs pa'i nye bar spyod pa'i sdig pa med pa'o/ /ldog pa'i tshul khrims bstan nas/ 'jug pa'i tshul khrims bstan pa/ de ni dge ba'i tshul khrims can zhes bya ba yin te/ de nyid yongs su dag pa'i ngang tshul can no/ /ngo tsha ba zhes bya ba la ngo tsha ba'i yid gang la yod pa de ni yid ngo tsha ba la gnas pa ste/ de nyid yod pa ni sdig pa med cing yon tan dang ldan pa'i phyir ngo tsha dang bcas pa ni dge slong las yod kyis gzhan la ni ma yin no// gang de lta bu de nyid kyis ni 'phags pa'i lam 'thob pa yin no zhes bstan pa/ gang gis zhes bya ba la sogs pa'o/ /btsun pa mnyam par bzhag pa ni dge slong yin zhes brjod na ji tsam gyis dge slong mnyam par bzhag pa lags zhes gsol pa dang/ dge slong gis 'di la byang chub kyi yan lag bdun bsgom par bya'o zhes bya ba nas rgya cher 'di gsungs so/ /legs bsgoms zhes bya ba ni legs par bstan pa'o/ /gang gis ni dge slong ngo/ /chos ni yon tan te/ de nyid smras pa/ rdzogs pa'i byang chub kyi chos bdun zhes bya ba ste/ rdzogs pa'i byang chub ni zad la mi skye ba'i ye shes kyi mtshan nyid do/ /gang gi phyogs dang rjes su mthun pa de gang la yod pa de ni de nyid do/ /rdzogs
- 205b
ba'i byang chub kyi phyogs ni zad la mi skye ba'i ye shes 'thob par byed pa zhes bya ba'i don to/ /mngon sum du 'thob par byed pa de bstan pa'i phyir/ bdun zhes smos te/ de yang dran pa yang dag byang chub kyi yan lag dang/ chos rnam par 'byed pa la sogs pa'o/ /de ni zhes bya ba ni sems can de nyid do/ /ji lta bur zhe na dge ba'i chos can zhes bya ste/ dri ma med pa'i khyad par te/ rgyud zag pa med pa'i shes pas bsgom pa'i phyir ro/ /yin zhes gsungs zhes bya ba ni dge slong mnyam par bzhag pa las skyes pa'i ting nge 'dzin du sangs rgyas kyis gsungs so zhes bshad do/ /de nyid dge ba'i shes rab yin te ting 'dzin med la shes rab med ces bya ba'i tshig gis bstan te/ 'di na zhes bya ba la sogs pa smos so/ /shing khan de zhes bya ba'i dka' thub can yongs su bzung ba dang bcas pas dgon pa na gnas shing bdag nyid ni zag pa med pa'i dge slong yin no zhes bsams nas/ go ta ma ci tsam gyis na dge slong zag pa med pa med par gnas pas gdags pas gdags bar mdzad ces zhus pa las brtsams so/ /'di na zhes bya ba ni mthong ba'i chos nyid la'o/ /rab shas la zhes bya ba ni khyad par du gyur pa'i shes pas yongs su gcod pa'o/ /ci zhe na sdug bsngal zhes bya ba la sogs pa yin te/ rgyud gang la bdag tu 'dzin pa yod pa de ni de ste bdag de dang 'brel ba gang yin pa'i sdug bsngal de'i bdag nyid do/ /'dis sdug bsngal dang kun 'byung ba bden pa bstan te/ don dam par 'di gnyis ni ngo bo gcig yin pa'i phyir ro/ /zad pa zhes bya ba ni 'dis zad par byed pas zad pa 'am zad pas na zad pa'o/ /'dis ni lam dang 'gog pa'i bden pa bstan te bden pa bzhi'i bdag nyid do/ /mthong ba dang bsgom pa'i lam 'dis bstan nas/ mi slob pa'i lam bstan pa/ dge zhing
- 206a
shes rab ldan pa zhes bya ba smos te dge zhing sgrib pa med pa'i shes rab gang gis khams gsum gyis sgrib pa spangs pa'i phyir ro/ /gsungs pa ni bshad pa ste thams cad mkhyen pa'i sangs rgyas kyis so// zag pa med pa ni 'dod pa la sogs pa'i nyon mongs pa dang bral ba'i phyir ro/ /'o na gang tshul khrims la sogs pa'i yon tan dang ldan pa de yang zag pa med pa nyid yin nam zhe na/ de ni ma yin te de la gnas pa yang yongs su nyams pa yin no/ zhes thos te 'di nyid bstan pa'i phyir/ zag pa zad ces bya ba la sogs pa smos so/ /yul ko sa la na dge slong zhig nags tshal zhig na nye bar brten cing gnas te tshul khrims tsam gyi chod par 'dzin cing ma thob pa thob par bya ba'i phyir gong du rtsol bar mi byed do/ /de nas nags tshal de nyid na gnas pa'i lha zhig gis 'di snyam du bsams te/ kye ma'o dge slong 'di ni 'di tsam gyis chog par 'dzin pas mi rigs te gang bdag gis 'di nyid bskul bar bya'o zhes nas/ de nas lha des de'i tshe sngon gyis sangs rgyas kyis gsungs pa'i tshigs su bcad pa gnyis bshad do/ /tshul khrims ni srog gcod pa la sogs pa las ldog pa'o/ /brtul zhugs ni dus ma yin pa'i zas la sogs pa las ldog pa'o/ /yang na tshul khrims ni bcas pa'i kha na ma tho ba dang bcas pa las ldog pa'o/ /brtul zhugs ni yon tan gyi khyad par ting nge 'dzin to/ /tshul khrims dang brtul zhugs nyi tshe tsam gyis dge slong de yid brtan par mi bya'o/ /yang na thos pa mang po 'am zhes bya ba ni 'dul ba la sogs pa sde snod gsum mang du thos shing bsod nams thob pa ste/ de'i don dang tshig ji lta bu bzhin du rtog pa/ des bdag gi?
- 206b
ni bstan bcos thams cad rtogs pa yin no zhes de'i ched du yid brtan par mi bya'o/ /ting nge 'dzin thob par gyur kyang ngal zhes bya ba'i ting nge 'dzin gyi khyad par thob par gyur kyang zhes bya ba'i don te/ rangs byed kyi bu lhag spyod ting nge 'dzin gyis lus rtas shing srid pa'i rtse mor skyes par gyur to/ /de las nyams nas byi la'i skye nas su skyes te skam dang thang la gnas pa'i srog chags bsad cing gnod pa byas nas mnar med pa'i dmyal bar skyes so// zhes thos so/ /dben pa dag tu gnas kyang rung zhes bya ba ni dgon par gnas shing de na gnas pa las yid brtan par mi bya ste/ thams cad bshes gnyen la sogs pa dka' thub la nyams par thos so/ /gdeng drod chod pa min zhes bya ba ni yid brtan par bya ba ma yin pas so/ /zag pa zad ma thob na zhes bya ba ni ji srid nyon mongs pa zad pa ma thob pa ste/ 'phags pa'i lam gyis zag pa spangs par ma byas pa'o/ /de thob nas na yid brtan par byas kyang nyams par mi 'gyur ro/ /des na de'i phyir de la gzhug pa smras pa/ rdzogs pa'i byang chub kyi bde ba mngon du bya'o zhes bya ba ni sred pa zad pa'i bde ba thob par bya'o/ /ji lta bu zhe na/ 'phags pas bsten pa zhes smos te/ so sor skye bos ma bsten pa dang sngan cad rjes su ma myong ba zhes bya ba'i don to/ /rdzogs pa'i byang chub kyi bde ba lam brten pa'i skyon smras pa/ bcom ldan 'das u rdu? bi la ba'i ne rany+dza na'i 'gram na bzhugs te/ sangs rgyas nas ring po ma lon pa ni de nas bcom ldan 'das kyis 'jig rten thams cad la sangs rgyas kyi spyan gyis gzigs par mdzad nas bcom ldan 'das kyis 'dod chags dang zhe sdang dang gti mug las skyes pa'i gnod pa sna tshogs kyis 'jig rten gtses
- 207a
par gzigs te ting nge 'dzin de las bzhengs nas 'di gsungs so/ /'jig rten ni sems can gyi rgyud dang sbyar bar bya'o/ /gdung ba ni yang dag par gdung ba'o/ /gdung ba las skyes pa ni gdung ba las byung ba sdug bsngal shin tu dka' ba las zhugs pa nyid de sdug bsngal gsum dang ldan pa'i phyir ro/ /'jig tshogs la lta ba las gdung ba 'byung bar bstan pa'i phyir/ phung po la mi bdag zer ba zhes bya ba ste bdag tu phyin ci log pa de'i mthus bdag gir 'dzin pa skyed par byed de ji skad du/ gang su dag bdag tu mngon par brjod pa de thams cad ni nye bar len pa'i phung po la yin no zhes bshad pa'o/ /de yang de ltar ma yin te gang gi phyir 'di ltar ji ltar gzugs la sogs pa dag tu mngon par 'dod pa la bsam par byas pa ste/ bdag gi blo bskyed pa'i phyir ro/ /de lta de ltar gzhan du 'gyur zhes bya ba ni gzugs la sogs pa de dang de la 'di ltar sems na ni gzhan du 'gyur ba ste snga ma'i rnam pa dang bral bas 'gyur zhing 'jig pa ste/ mi rtag pas bdag tu rigs pa ma yin no/ /gang mi rtag pa de ni sdug bsngal ba ste de yang bdag med pa'o zhes mdo las gsungs so/ /gang las 'jig rten 'di gzhan du gyur pa yin zhe na/ 'di ltar ngo bo nyid las te gzhan du 'gyur ba'i phyir zhes bya ba la sogs pa smos so/ /mnyan yod na bram ze zhig 'byor ba nye bar bsags shing 'khor ba la tshogs? te mngon du phyogs la/ mya ngan las 'das pa las rgyab kyi phyogs shing rtag tu 'dod pa'i bde ba la brten pa de las brtsams te tshigs su bcad pa gnyis gsungs so/ /'di la gzhan du 'gyur ba'i tshul mdo ba ste/ 'jig rten 'di ni gzhan du 'gyur ba'i rgyu can
- 207b
te gzhan dbang yin pa'i phyir ro/ /'di ltar gang byas pa de ni mi rtag pa'o/ /'jig rten 'di zhes bya ba ni 'khor bar ltung ba'i so so'i skye bo'i 'jig rten no/ /srid pa la chags pa ni de lta yang gti mug gi dbang gis nang phung po la lhag par zhe na pa'o/ /srid pa la dga' ba zhes bya ba ni phyi rol gyi yid bde ba'i yul gyis srid pa las yang dag par dga' ba skye ba zhes bya ba'i don to/ /srid la mngon chags zhes bya ba ni de dag nyid mngon par longs spyod pa'i dus su shin tu 'tshums pa'o/ /yang na 'dis go rims bzhin du 'dod pa dang gzugs dang gzugs med pa na spyod pa'i zin pa'i phung po la sred pa bstan to/ /bdag tu lta ba dang 'brel ba'i srid par lta bar bstan pa'i phyi srid la lta zhes bya ba yin te/ srid par lta ba ni bdag tu 'dzin pa la mngon par zhen pa ste gang du bdag tu lta ba der ni bdag tu sred pa zhes bya ba'i tshig gis so/ /bdag tu lta ba dang sred pa de ltar 'jug pa 'ba' zhig tu ma zad de ma 'ongs pa'i srid pa yang don du gnyer ba yin no zhes bstan pa'i phyir/ srid pa nyid la mngon par dga' ba zhes bya ba ste yang srid pa 'dod par byed pa yin no/ /'o na la la dag gzugs med pa la sogs pa la yang thar par 'dod pa ma yin nam zhe na/ dga' bya gang yin zhes bya bas bstan te dngos po gang la so so'i skye bo dga' bar gyur pa de ni sdug bsngal ba yin no zhes bya ba'i don de nam mkha' yas skye mched la sogs pa gzugs med pa'i dngos po nyid do/ /skyi g.ya' gang yin zhes bya ba ni gang las phung po med pa'i ngo bo thar pa la so so'i skye bo 'jigs shing skrag par 'gyur ba ste/ don dam pa'i bden pa la'o/ /'dir na ra ya N+ya dang skya gseng dang/ tro ba ti'i 'dod pa'i lam gyis gtam dper brjod par bya'o/ /des na de nyid kyi phyir smras pa/ srid pa der bya ba?
- 208a
sogs pa'o/ /gang byis pa mngon par 'dod pa des te/ srid pa'i ngo bo'i sdug bsngal lo/ /rab tu spangs pa'i phyir zhes bya ba ni bral ba'i phyir te/ srid pa dang mi 'dra ba'i thar pa thob par zhes pa'i don to/ /tshangs par spyod pa ni 'phags pa'i lam mo/ /'di na zhes bya ba ni sang rgyas kyi bstan pa la'o/ /brten pa ni gnas te/ de ma gtogs par srid pa spang ba'i thabs med pa'i phyir ro/ /'o na mu stegs can yang sdug bsngal las thar par 'dod cing rnal 'byor la goms par byed pa yod do zhe na/ dge sbyong bram ze zhes bya ba la sogs pa smos te/ de nas bcom ldan 'das dge slong gi tshogs kyis yongs su bskor te dgon pa rgyu zhing drang srong gang na yod pa der gshegs nas/ phyogs gcig tu rtswa'i gang na gting ba la bzhugs te de dag gis bsam pa dang bag la mkhyen pas bstan pa 'di brtsams so/ /ci tsam na dge slong de dag gis khyad par mngon par rtogs par gyur to/ /ji snyed pa zhes bya ba ni lus pa med pa'i tshig go /dge sbyong zhes bya ba ni yongs su bzung ba spangs pa'o/ /bram ze zhes bya ba ni 'jig rten pas bsngags pa'i dam pa dag go /'am zhes bya ba'i sgra ni nges pa med par bsgrub pa'o/ /srid pa srid las zhes bya ba ni 'khor bas 'khor ba las so/ /nges par 'byung ba ni mthar thug pa'o/ /zer ba ni ston pa'o/ /de dag thams cad srid pa las/ nges 'byung min zhes brjod par bya zhes bya ba ni gang gi phyir bdag nyid nges par 'byung ba des ni ji lta ba bzhin du lam phyin ci ma log par gzhan dag la ston pa yin gyis gang yang 'khor ba las nges par ma byung ba des ni ji ltar nges par 'byung ba'i lam bstan par bya ba'i 'dir ni nges par 'byung ba ma yin pa'i phyir zhes brjod par bya'o/ /dge sbyong bram ze ji snyed pa la sogs pa'i
- 208b
don ni bshad zin to/ /'dis ni phung po lhag ma med pa'i mya ngan las 'das pa bstan la/ /snga mas ni phung po lhag ma dang bcas pa'i mya ngan las 'das pa bstan to/ /rnam par grol ba zhes bya ba ni 'dus byas thams cad kyi 'ching ba dang zal ba'i phyir phung po lhag ma med pa'i mya ngan las 'das pa'o/ /de ci'i phyir zhe na/ gang sngar bshad pa'i srid pa thams cad las nges par 'byung ba ma yin zhing rnam par ma grol ba'i phyir ro/ /de rgyu gang gis dbang du byas pa ste tshig tsam gyis ni thar pa ma yin gyis tshad ma gang yin zhes pa'i don to/ /'dir rgyu smras pa/ len pa zhes bya ba ste gang gis nye bar len pa yin pas len pa ste/ thabs dang rgyu dang mtshan ma zhes bya ba ni rnam grangs so/ /nyon mongs pa dang las kyi bdag nyid len pa khrug pa ming ba'i rgyu las brten nas phung po'i bdag nyid 'byung zhing rab tu skye ba'o/ /ga la zhe na/ 'di ltar sdug bsngal las ni len pa 'byung ba zhes bya ba/ las kyi nyon mongs pa dang/ nyon mongs pa'i kun nas nyon mongs pa las rab tu skyes pa skye ba'i kun nas nyon mongs pa ste len pa 'byung bar byed pa gang yin pa yod na ni nyon mongs pa dang las las skyes pa'i sdug bsngal 'byung ba yin no/ /gang gis spangs pa de las ni sdug bsngal mi 'byung ngo zhes bstan pa'i phyir/ len pa thams cad yongs su zad na/ sdug bsngal rab tu 'byung ba med ces smos te/ rgyu med pas 'bras bu med par bstan to/ /thabs gang gis len pa thams cad par 'gyur ba'i thabs bstan pa'i phyir srid pa'i rnam pa ji snyed yod pa zhes bya ba la sogs pa yin te/ gang la la nye bar len pa'i phung po lngas 'jug pa zhes bya ba'i don to/ /thams cad na zhes bya ba ni rnam pa thams cad de dman pa dang gya nom pa dang/ gong ma dang 'og ma'i dbye ba yongs su bzung ba'o/ /de dag thams cad ni khams thams cad ste khams gsum yongs su bzung ba'i
- 209a
phyir ro/ /de ji lta bu zhe na/ mi rtag pa zhes bya ba ste/ rgyu dang rkyen las skyes pa'i phyir ro/ /'di'i lam nyid smras pa/ sdug bsngal ba zhes bya ba ste/ 'phags pa rnams dang mi mthun pa'i phyir ro/ /ji ltar sdug bsngal ba yin zhe na/ yongs su 'gyur ba'i chos can zhes bya ba smos te/ phyin ci log gi dbang gis yongs su 'gyur zhing 'jug pa zhes bya ba'i don to/ /yang na tshogs pa mi 'dra ba 'dus pas gzhan du 'gyur ba'i tshul can yin no// zhes so/ /de ltar zhes bya ba ni nyams pa'i dbye bas yongs su gzung ba'i phyir ro/ /de dag la zhes bya ba ni gzugs mngon par 'dus byas pa 'am sdug bsngal la sogs pa'i bden pa'o/ /ji lta ba bzhin du zhes bya ba ni de kho na ji lta ba bzhin du zhes bya ba'i don to/ /yang dag pa'i shes rab kyis zhes bya ba ni yang dag pa nyid du zhugs pa'i zag pa med pa'i blos so/ /mthong ba zhes bya ba ni rab tu shes zhing nges par rtogs pas so/ /srid pa'i sred pa rab tu spong bar 'gyur zhes bya ba ni khams gsum gyis rjes su chags pa'i kun tu sbyor ba yongs su spangs pa'i phyir ro/ /srid pa med pas mngon par dga' bar 'gyur ro zhes bya ba ni khams gsum gyi mi rtag pa de mngon par mi 'dod de sred pa ni gnyis te/ sred pa'i sred pa dang 'byor pa'i sred pa zhes mdo las gsungs so/ /srid pa spangs pa ni phung po lhag ma dang bcas pa'i mya ngan las 'das pa 'thob par 'gyur ro zhes bstan te/ de ltar mya ngan las 'das pa zhes smos so/ /len pa med ces bya ba ni rgyu med pa'i phyir yang srid pa mi 'byung ngo zhes pa'i don to/ /gang gis phyir sred pa ni yang 'khor ba'i rgyu yin te/ de yang spangs pas gzhan du zhes bya ba 'chi bar gyur na dus gzhan du zhes bya ba'i don to/ /ji ltar sen pa med pa yin zhe
- 209b
na/ 'di ltar bdud zil gyis gnon pa dang zhes bya ba smos te/ nyon mongs pa'i bdud spangs pa'o/ /yul las rgyal ba dang zhes bya ba ni yang srid pa'i las kyi kun tu 'khrugs pa spangs pa'o/ /rab tu 'das pa zhes bya ba ni thal ba dang nye bar 'das pa'o gang de lta bu de ni bdag nyid chen po ste srid pa thams cad las rab tu 'das pa zhes bya ba'i don to/ /de yang ji srid du gzhan gyi don du 'dug pa de srid du ni skyob pa ste/ skyob pa ni 'gro ba'i rgyud skyong bar byed cing de bzhin nyid rtogs pa dang de bzhin nyid ston pa zhes bya ba'i don to/ /'di lta bu 'di ni sdug bsngal gyi mdza' yin no zhes bya ba 'di nyid nye bar len pa'i phung po'i mthar thug pa ste/ ji skad du 'di ni shin tu mthar thug pa'o zhes bya ba la sogs pa bshad do/ /gang de lta bu'i sdug bsngal gyi mthar phyin pa de ni yang srid pa med do zhes bstan pa'i phyir/ dge slong dngos po zhes bya ba la sogs pa smos so/ /yul kau sham+bi na dge slong dag mu ge chen po byung bas slong mos g.yengs shing lus dang sems ma zhi bar gyur te/ ji thar pa yang 'dzin par byed do/ /mu ge de 'das nas dus gzhan na yang de bzhin byed de de dag de las bzlog pa'i phyir tshigs su bcad pa drug gsungs so/ /nye bar zhi bar byed pas nye bar zhi ba'o/ /tshul khrims kyi sdom pa dang rab tu dben pa dang chog shes pa la sogs pa'i nye bar zhi ba de dang ldan zhing 'brel pa ni 'di'i sems zhi ba'o/ /yang na nye bar zhi ba ni lus ngag dang sems zhi ba de dge slong de ni gnyen po khyad par can sngon du byed pa'o/ /bya ba de nyid kyis sgo nas bstan pa'i phyir dngos po bcad pa dang zhes bya ba las dang nyon mongs pa'i bdag nyid kyis dngos po'i rgyu gang gis bcad pa de ni srid pa'i rgyu spangs pa zhes bya ba'i don te/ rgyu spangs pas 'bras bu spangs par bstan to/ /skye ba'i 'khor ba rnam par spangs zhes bya
- 210a
ba ni srid pas nye bar mtshon pa'i skye ba yongs su spangs pa'o/ /ci'i phyir zhe na/ 'di ltar de ni yang srid pa med par 'gyur zhes bya ba'o/ /gal te ma spangs na cir 'gyur zhe na/ gang yang de ltar gyur pas lhag ma dang bcas kyang bdud las thar pa yin no zhes bstan te/ de ni 'chid ba las grol zhes bya ba ste/ tshul khrims kyi sdom pa sngon du 'gro bas 'jug pa'o/ /gang yang bsgrub par bya ba'i dbang po bsdom par bshad pa/ sems ni zad pa med gyur pa zhes bya ba yul dag las dbang po sdom pa ste/ 'di la 'byung ba'i yid chags pa'i dbang gis kyang 'di ltar dbang po 'khrul pa'o/ /de bas de spangs pa'i phan yon smras pa/ srid pa'i sred pa btubs gyur pa zhes bya ba srid pa gsum gyis sred pa gang gis drungs phyung ba ste/ sred pa spangs pa ni 'dod pa'i yon tan spangs par bstan to/ /gang zhig ces bya ba la sogs pa bstan pa las dga' ba gzhan zhig gis dgra bcom pa'i 'bras bu thob ste/ rab tu dga' bas ched du brjod pa ched du brjod de bdag ni 'dod pa'i 'dam rdzab las brgal to/ zhes smras pa dang/ de'i dbang du mdzad de tshigs su bcad pa bdun gsungs so/ /gang zhig ces bya ba ni dge slong ngo/ /'dam rdzab ni 'dod pa ste/ 'bying ba dang chos mthun pas so/ /mdo las kyang dge slong ngag 'dam ni 'dod pa'i tshig bla dags so zhes gsungs pa'i phyir ro/ /legs brgal cing zhes bya ba ni kun tu byung ba ste 'das pa'o/ /dkrugs pa ni bcos shing spangs pa'o/ /grong gi tsher ma zhes bya ba ni rnyed pa dang/ bkur sti la sogs pa 'jig rten gyi chos te/ chos kyi sku la gnod pa byed pas tsher ma dang chos mthun pa nyid do/ /'dod pa las 'dod chags dang bral bar bstan nas/ khams gong ma las 'dod chags dang bral bar bstan pa/ 'dod chags
- 210b
zad pa rjes thob pa zhes bya ba ste/ 'dod chags la sogs pa spangs pas gzhan la gdul bar byed pa ma yin no zhes bstan to/ /gang zhig thul ba dang zhes bya ba ni zil gyis mnan cing grong gi tsher ma rab tu spangs? pa ste/ gzhan gyis byas pa'i rnyed pa la sogs pas kyang 'gyur ba med pa la bdag nyid kyang gnod par mi byed de byams pa'i bsam pa dang ldan pa'i phyir ro zhes bstan pa'i phyir/ gshe ba dang ni zhes bya ba smos te/ bsdigs pa'i tshig go /bsod pa dang 'chid ba zhes bya ba ni gsod pa dang rnam par 'tshe ba la sogs pa ste/ thul ba zhes bya ba dang sbyar ro/ /'dis ni dge sbyong byed pa la gnas pa nyid du bstan to gang zhig ri bo bzhin nas zhes bya ba 'dis ni tshogs kyi lam la gnas pa nyid du bstan to// mi bkri zhing zhes bya ba ni lam thob pa'i tshig gi tshul gyis bab col du kha drang bar mi nus pa'o/ /'dis ni mi slob pa'i lam la gnas pa bstan te/ /sdug bde zhes bya ba ni tsan dan dang ste'ur mnyam pa'i phyir ro/ /mi g.yos zhes bya ba ni mi 'gul zhing mi 'gyur ba'o/ /gang de ltar mi 'gyur ba de nyid ni pha rol ma yin pa'i pha rol spong bar 'gyur gyis gzhan ni ma yin no zhes bstan pa/ skur pa mi 'debs zhes bya ba la sogs pa smos so/ /pha rol ma yin pa'i 'gram ni rtog pa dang bcas par 'dod pa ste/ 'jigs tshogs de'i tshig bla dags so/ /pha rol gyi 'gram ni bde zhing zhi ba ste/ phung po lhag ma dang bcas pa'i mya ngan las 'das pa de'i tshig bla dags so zhes bya ba la sogs pa dge slong zhig gis thos nas 'jigs pa skyes te stan las langs nas bcom ldan 'das la 'di skad ces gsol to/ btsun pa pha rol ma yin pa ni gang gis spong bar 'gyur/ pha rol ni gang gis thob par 'gyur zhes gsol pa dang/ 'di gsungs so/ /gang skur pa mi 'debs
- 211a
shing zhes bya ba ni gang la la gzhan la mi 'jug cing mi 'byung ba ste/ yod pa'i dngos po la skur pa 'debs pa sdug bsngal med do zhes bya ba la sogs pa smras pa lta bu ste/ 'di la skur pa mi 'debs pa'i ngang tshul yod pa gang yin pa nyid de de bzhin gshegs pa'i bstan pa la zhugs pa'i phyir ro/ /skur pa mi 'debs pa zhes bya ba ni chos thams cad rang gi ngo bo med pa'o zhes mthong ba med pa'i phyir ro/ /nal pa sa ri zhes bya ba ni bdag tu mthong ba yod pa'i phyir ro/ /yang na gzhan rtsom pa dang dman pa'i brtson 'grus spangs pa yin par 'di gnyis kyis ston pa yin no/ /yang na lhag pa'i bsam pas brtson 'grus kyi 'bras bu mchog gi shes pa bstan to/ /'jig rten 'di kun rdzob rtogs pa dge slong gang zhes bya ba ni phyin ci ma log pa'i blos 'gro ba lnga pa'i so so'i skye bo'i 'jig rten rtogs nas so/ /yang na brdzun ni ji lta ba bzhin no/ /'jig rten kun ni srid pa gsum ste/ bsam pa bzang po'i brtson 'grus rtsom pa'i shes pa khyad par can dang ldan pa'i phyir ro/ /dge slong de nyid kyis ni spong ste zhes bya ba ni 'dod pa'o/ /pha rol min pa ni tshu rol gyi 'gram ste/ 'khor ba zhes bya ba'i don to/ /'dir dpe bstan pa/ sbrul rgas zhes bya ba yin te/ dper na sbrul rgas pa'i dgun gyi lpags rnying dam shun pa dpyid dor bar byed pa de bzhin no/ /gang zhig gis pha rol spong bar nus zhe na/ sbrul gyis dug btang ba la zhes bya ba la sogs pa smos so/ /ri kha ba can na rab tu byung ba'i dge slong nam mkha' la 'gro ba dag gis bcom ldan 'das mthong nas chos mnyan pa'i phyir lhags te/ bsgrubs pas bden pa mthong ba dag las brtsams te tshigs su bcad pa drug go /gang zhe na bya ba ni gang la la'o/ /'di na zhes bya ba ni 'jig rten nam bul
- 211b
lo/ /langs pa ni blo bur du byung ba ste/ 'dod chags kyis gos pa med pa'o zhes bya ba'i tshig gis so/ /spong ba ni 'dor ba'o/ /'dod chags zhes bya ba ni rjes su chags pa'o/ /kun tu sbyor ba'o/ /ji ltar byung ba rjes su mthun pa'i gnyen pos spong ba yin zhe na/ btang ba deng sems bzhin du lus thams cad la khyab par byed pa'o/ /'dir chos mthun pa'i dpe bstan pa sprul gyis dug ces bya ba ste so gdug pa'i sbrul gyis dug lus thams cad la khyab pa yin yang sman bzhin du zhes bya ba shin tu phan pa'i stobs dang ldan pa'i sman gyis sbrul so so'i dug zhi bar byed pa bzhin no/ /lhag ma ni rtogs par sla'o/ /da ltar byung ba'i yul gyi 'dod chags la sogs pa spang zhing 'das pa dang ma 'ongs pa'i de dag kyang spang pa'i phyir smras pa mthu chung 'dam bu'i rags la zhes bya ba la sogs pa smos so/ /mnyan yod na bsod snyoms kyi phyir 'jug par 'dod pa'i dge slong dag par du chu bo chen po yod par rags zhig par gyur te chu bo de la brgal bar nus nas de las log ste zan bcad par gyur to/ /de dang 'brel pa'i mgon med zas sbyin la sogs pa la yang skabs 'dir tshigs su bcad pa drug gsungs so/ /drungs 'byin ces bya ba ni bcad cing drungs phyung ba dang rtswa nas bcad de bor ba'o/ /ma lus pa zhes bya ba ni 'dod chags mdza' dag go /ji lta bu zhe na/ 'dam bu'i rigs la zhes bya ba smos te/ 'dam bu'i rang bzhin gyi rags dang zam pa'o/ /ji lta bu zhe na/ mthu chung zhes bya ba ste/ shin tu bzod par mi nus shing reg par mi nus ba ji ltar chu bo chen po 'ongs nas de ma thag khyer bar byed pa bzhin no/ /'dod pa'i yon tan yongs su gtong ba sngon du 'gro bas 'dod chags la sogs pa spong bar ston to/ /yul be ra tya na grogs po bdun zhig bcom ldan 'das kyi
- 212a
yon tan thos nas rab tu byung ba la mngon par dang de bcom ldan 'das kyi zad du lhags nas de dag la gcig ni 'dod pa la mos pa'o/ /gnyis pa ni rtag tu sgrib pa thams cad la 'jug pa'o/ /gsum pa ni rnam par rtog pa mang ba'o/ /bzhi pa ni bya ba mchog tu byed pa'o/ /lnga pa ni sred pa spyod pa'o/ /drug pa ni zhe sdang spyod pa'o/ /bdun pa ni 'dres par spyod pa ste/ de las brtsams nas tshigs su bcad pa bdun no/ /dge slong dag 'dod pa'i yon tan zhes bya ba la/ 'dod pa'i yon tan ni 'dod pa'i 'dod chags kyi yul lo/ /thams cad ni ma lus par spong ba'o/ /ji zhig byas nas zhe na/ 'dod sbyor ba zhes bya ba gang dag gi nyon mongs pa'i bdag nyid 'chid ba ste/ 'dod pa'i ming can no/ 'chid ba ni 'dod pa na spyod pa'i kun tu sbyor ba'o/ /bsal ba ni spangs pa'i don te/ de'i rnam par kun tu sbyor ba spangs nas ni kun tu sbyor ba spangs pa yin gyi gzhan du ni ma yin no zhes bstan to/ /sgrib pa thams cad spangs shing zhes bya ba ni 'dod pa la 'dun pa la sogs pa sgrib pa thams cad spangs pa'o/ /thams cad ces bya ba ni rnam pa mang po yongs su bzung ba'i phyir ro/ /de spangs pa'i phan yon smras pa sdig pa med ces bya ba smos te/ gang la sdig pa med pa de ni sdig pa med do/ /yang na nye bar gnon pa byed pa de'i rgyu'o/ /ji skad du mdo las sdig pa ni gsum ste/ 'dod chags dang zhes bya ba la sogs pa rgya cher ro/ /yang na ngan song gsum du ltung zhing nyams pa'i phyir sdig pa ni ngan song ba'i nyes par spyod pa'o/ /'di ni khyad par du mthong bas spang bar bya ba yin no zhes bstan pa'i phyir smras pa/ yid gnyis zug rngu bcad pa yi zhes bya ba ste/ bcad pa ni spangs pa'o/ /yang gnyis ni the tshom gang yin pa'o
- 212b
lta ba'i zug rngu dang bral ba gang yin pa de ni dge slong ngo/ /gang ni dge slong ngo/ /rtogs pa rnam bsal ces bya ba ni bral ba ste/ rtog pa dang spyod pa dang bral ba'o/ /'dod pa na spyod pa'i ni bsam gtan dang po la brten nas so/ /bsam gtan dang po'i sa pa'i de dag dang bral ba ni gnyis pa'i stobs so/ /nang gi rnam par rtog pa med pa zhes bya ba ni rang gi sa la rang gi rnam par rtog pa med do/ /rtog pa dang dpyod pa med pa'i phyir de yang nang gi rnam par rtog pa med pa'i sa'o/ / ma lus pa ni thams cad de bsam gtan gnyis pa nas bzung nas srid pa'i rtse mo gang yin pa'i bar du rnam par bsal ba'o zhes rjes su sbyar ro/ /phung po lhag ma dang bcas pa bstan nas phung po lhag ma med pa smras pa dge slong de zhes bya ba de dag go /gang zhig 'di la kun gzhi 'ga' med de zhes bya ba la/ 'di na zhes bya ba 'dod pa'i khams sam 'khor ba'o/ /gang zhig ces bya ba ni gang la lus kyang skye ba'i skabs med de ngan par spyod pa thams cad spangs shing yang srid pa'i rgya spangs pa'i phyir ro/ /'dis ni srid pa gsum las 'dod chags dang bral bar bstan te 'dod pa'i khams kyis gnas sngon du 'gro bas na srid pa'i gnas thams cad spangs pa yin no zhes bstan pa'i phyir rtsa ba zhes bstan te/ gang gi rtsa ba zhe na/ /mi dge ba zhes smos te mi dge ba ni chags pa la sogs pa ste mi dge ba dang mi dge ba'i rtsa ba'o/ /'dod pa las 'das pas ni rtsa nas 'don cing drungs nas 'byin pa yin no// yang na zag pa shes pa'i dus su bsdus nas spong pa'i phyir ro/ /nags sbyor zhes bya ba ni nags bzhin du sbyor ba yin te/ byis pa zhes bya bas so/ /nags sbyor dang/ nags skyes dang/ sred pa zhes bya ba ni rnam grangs so/ /'dir
- 213a
rtsa ba ni zhe sdang du bstan to/ /rims nad bcas pa zhes bya ba ni khong khro ba ste/ rgyu dang 'bras bu'i dus na gdung bar byed pa'i phyir ro/ /bag la nyal zhes bya ba ni khams gsum gyis nyon mongs pa ste/ sred pa'i 'dod chags dang/ lta ba dang nga rgyal dang/ the tshom dang/ ma rigs pa dang/ 'dod pa'i 'dod chags dang/ khong khro ba'o/ /yang na ma rig pa'i rnam pa ste mi dge ba smos pas bzung ba'i phyir ro/ /dge slong la sogs pa'i sgra ni 'dir bstan pa rnams mdor bsdus pa'i don de nyid bshad pa/ khrims ldan gang yin zhes bya ba la sogs pa'o/ /lha zhig gis /dge slong zhes ni brjod gang lags/ /bsam gtan pa zhes gang la brjod/ /gang la rnal 'byor 'dod pa yin/ /'di na gang bde bdag la gsungs zhes zhus pa las brtsams pa'o/ /gang tshul khrims dag pa yod pa de nyid ni dge slong zhes brjod par 'os pa yin gyis gzhan ni ma yin no/ /tshul khrims rnam par dag pa yang bsams bzhin du bslab pa las mi 'da' ba' i phyir dang/ nyon mongs pa 'gog pa'i phyir dang/ /dren pa nye bar gzhag pa la sogs pa sgom pa la nye bar brtson pa'i phyir dang/ mya ngan las 'das par yongs su bsngo ba las shes par bya'o// tshul khrims kyi yan lag rgyu zhes bya ba sgrub pa'i phyir tshul khrims dag ces bya bar bstan to/ /yang na so sor thar pa dang bsam gtan dang zag pa med pa'i sdom pa yongs su bzung ba'i phyir ro/ /de dang ldan pas ni tha ma dang bar ma dang dam pa'i dge slong du 'gyur ro/ /stong nyid ldan gang bsam gtan de zhes bya ba ni gang du gang zag gis stong pa'i ting nge 'dzin yod pa de ni yongs su rdzogs pa'i bsam gtan du 'gyur te/ stong pa ni bdag gis stong pa la
- 213b
'jug pa'o/ /zhes bya ba'i tshig gis te/ dngos po'i don thams cad ji lta ba bzhin du bdag med par rtog pa'i phyir ro/ /'dis bsam gtan byed pa yin pas bsam gtan te/ mnyam par bzhag pa'i sems kyis ni ji lta ba bzhin du mthong zhes bya ba'i tshig gis so/ /de mngon du byed pa'i tshul 'di la yod pa ni bsam gtan no/ /gzhan gyi yongs su brtags pa'i bdag mi gnas pa nyid dang/ bdag nyid kyang bdag med pa'i tshul ni mnyam pa nyid do/ /gang du bdag la sogs par lta ba de ni bsam gtan pa ma yin te bsam gtan de log pa'i rtog pa skyed pa'i phyir ro/ /rtag tu byed gang rnal 'byor de zhes bya ba la bstan zin pa'i bsam gtan la rtag tu zhes bya ba'i sgra yang dag par drang ba'i phyir ro/ /mya ngan las 'das gang bde bde zhes bya ba ni sdug bsngal thams cad zhi ba thob pa de ni don dam pa'i bde ba mya ngan las 'das pa zhes bya ba'i don to/ /g.yeng ba phal cher dang bral ba'i mkhas pas kyang 'di na bde ba chen po nyams su myong ba yin na g.yeng ba'i dngos po thams cad dang bral bar gyur pa lta smos kyang ci dgos/ dge slong gi rang gi ngo bo sgo mang po nas bstan nas de ni de yon tan bsags pa la gzung ba'i phyir/ dge slong dga' ba dang mi dga' zhes bya ba la sogs pa yin te/ dge slong dag 'di ni gcig phung po la gnod pa chung ngu dang mang po yang rung ste spangs pa dang/ de bzhin du nye du'i tshogs spangs te/ de rab tu byung nas lus la gyon pa'i chos gos kyis chog shes par 'gyur ba dang/ lto 'drangs pa tsam gyis bsod snyoms chog shes pa des bzod cing gnas pa'i rang bzhin can te/ grang ba dang dro ba la sogs pa yang ngo zhes pa gnas 'di'i bar du gsungs so/ /
- 214a
mi dga' ba ni yid mi bde ba ste/ 'dir ni de dang mtshungs par ldan pa'i khong khro ba la dgongs so/ /dga' bo ni yid bde ba ste/ 'dir ni de dang mtshungs par ldan pa'i 'dod chags so/ /mi dga' ba dang dga' ba yin pas dga' mi dga' / /mi 'byed pa na gsal ba dang/ zil gyis gnon pa nyid de khong khro ba dang rjes su chags pa bsal ba'i phyir 'dis ni bzod pa khyad par can bstan bzod pa dka' thub dam pa zhes bya ba'i tshigs so/ /dben pa'i mthus ni bzod pa la 'jug par nus so/ zhes bstan te/ bas mdza' i gnas mal rtag tu bsten pa dang zhes bya ba shin tu dben pa'i phyogs su gnas shing bsten pa ste/ 'dis ni lus dben pa bstan te/ sems dben pa smras pa/ de yang bag yod pas ni rtag tu gnas zhes bya ba ste/ bas mdza' i gnas mal der mi gtsang ba yid la byed cing bsgom pa mchog tu byed pas gnas pa'o/ /bya ba'i sgo nas gzhug pa bstan pa'i phyir/ srid pa'i 'dod chags legs par 'byin par byed ces bya ba smos te/ srid pa gsum 'grub par byed pa 'dod pa'i 'dod chags la sogs pa'i phra rgyas mi skye bar gnyan pos rtsa nas 'byin par byed cing de na gnas pa'o/ /srid pa'i 'dod chags spang ba'i phra rgyas bsdu ba byas te/ spang ba'i tshig byis pa'o/ /yang na tshigs bcad 'dis ni 'phags pa'i rigs bzhi bstan te dge slong dga' ba dang mi dga' ba zhes bya ba la sogs pas ni chos gos dang bsod snyoms ngan don tsam gyis chog shes pa bstan to/ /bas mdza' i gnas mal zhes bya ba la sogs pa ni gnas mal ngan don tsam gyis chog shes pa bstan to/ /lhag mas ni spong ba la dga' ba bstan to/ /dge slong gi tshoms te sum cu rtsa gnyis pa'i rnam par 'grel pa rdzogs so// //
- 214b
'di'i 'og tu sde tshoms gzhan med pas bram ze'i tshoms dgod do// //yang na don dam pa'i dge slong ni bram ze kho na yin no zhes bstan pa'i phyir 'di'i 'og tu bram ze'i tshoms bstan te/ gang zhig brgyan kyang zhes bya ba la sogs pa smos so/ /gang gi tshe rigs mthon po'i bu ye shes zhes bya ba btsun mo'i 'khor la mtshan mo dur khrod kyi 'du shes skyes te bdag ni mngon par gtses so zhes bya ba la sogs pa smras nas khyim nas byung ste/ ko mi tra zhes bya ba'i tshu rol gyi 'gram nas brgal te/ bcom ldan 'das la chos mnyan pas dgra bcom pa'i 'bras bu thob pa las bdag nyid khyim pa'i cha lugs kyis spud pa mthong nas ngo tsha bar gyur to/ /de las brtsams pa'o// gang zhig ni gang la la rigs dang rus la sogs pa la bltos pa med par khyad par thob pa'o/ /brgyan pa ni rgyan dang ldan pa ste khyim pa'i cha lug sna tshogs spungs pa dang 'brel pa'o/ /yang gi sgra ni srid pa'i don to/ /de lta na yang dam pa'i chos spyod pa srid pa'i phyir ro chos spyod ces bya ba ni dge ba byed pa'o/ /ji lta bu'i sems can gyis ji ltar byas nas chos spyod par nus pa yin zhe na/ dul ba zhes bya ba la sogs pa smos so/ /dbang po dul ba dang ldan pa ni dul ba'o/ /zhi ba no rnam par rtogs pa 'bar ba nye bar zhi ba'i phyir ro/ /yang dag par sdom pa'i tshul khrims khyad par can dang ldan pa'i phyir ro/ /tshangs par spyod pa ni ye shes la brten pa'i phyir te ye shes spyad pas ni tshangs pa ste/ thar pa thob pa yin no zhes byas nas so/ /de la snga ma gsum gyis ni bsod nams kyi tshogs bstan to/ /'dis ni ye shes kyi tshogs bstan to/ /de ltar gyur pas ni chos spyod pa rdzogs par 'gyur gyis gzhan du ni ma yin no/ /'byung po kun la zhes bya ba ni dgra
- 215a
dang mdza' bo dad bar ma'i phyogs med par sems can de dag la'o/ /yang na srog dang bcas pa 'am srog med pa'i sems can la'o/ /mi gcod pa ni spangs pa 'am bor ba'o/ /tshad pa ni 'tshe ba de'i cha byad do/ /gzhan la 'tshe ba spangs pa sngon du 'gro bas bsod nams dang ye shes kyi tshogs nye bar len pa 'dis bstan to/ /yang na zhi ba dang ting nge 'dzin gyi dbang du byas pa'i phyir de dang rjes su mthun pa zhes 'di'i don gyi bshad do/ /yang na 'tshe ba med pa'i gnas 'tshol bzhin du bcom ldan 'das kyi spyan sngar phyin te/ de na yang bstan pa/ chos 'dis bskyed par byas te thar pa 'dod pa de ni legs pa thams cad kyi rtsa bar gyur pa yin gyi gzhan ma yin no zhe'o/ /dul ba la sogs pa'i rims pas ni dbang po ngang tshul khrims dang yid ? dag par sdom pa dang ldan par bstan to/ /tshangs par spyod pa ni lam gyi sbyor ba ste kun la zhes bya ba la sogs pas khyim pa'i cha lugs spangs nas gzhan la gnod pa byed pa mdza' dag spangs pa des nyes par mtshon pa'i phyir ro/ /yang na chos 'di nyid ni dge ba'i chos spyod pa la brjod do/ /de yang bdag gi yon tan skyed pa dang gzhan gyi yon tan skyed pa rab tu 'god par byed pa'o/ /de la dul ba la sogs pa'i bdag gis yon tan bzhi bskyed pa rnam pa bzhi bsgom pa rtogs nas 'dod pa bsgom pa la brten te dbang po'i sgo srungs pas zhi ba ste/ tshul khrims sgom pa kha na ma tho ba med pas lus dang ngag dang yid kyi las kyis zhi ba dang/ sems sgom zhing nyon mongs pa kun tu rgyu bkag pas kun tu sdom pa'o/ /shes rab sgom pa kun tu rtogs par byas nas 'phags pa'i lam la sbyor ba'o//
- 215b
tshangs par spyod pas ni gzhan gyi yon tan skyed pa'o/ /'byung ba kun las zhes bya bas ni 'dis bstan pa de yang/ 'dod pa la sogs pa rnam pa bzhi sgom pa med pas yong su 'tshe ba med pa'i phyir ro/ /bram ze de yin zhes bya ba sdig pa spangs pa'i phyir te yang smras pa/ yon tan sogs par byed pa dang/ /'dod pas yid ni mi nyams pa/ /bram ze la ni mchog tu byed/ lam gnas pa ni bram zer 'dod ces so/ /dge sbyong de yin zhes bya ba ni sdig pa zhi ba 'am dge sbyong dang ldan pa'i phyir ro/ dge slong de zhes bya ba ni nyon mongs pa bcom pa'i phyir ram so sor thar pa'i sdom pa'i sdom pa yod pa'i phyir ro/ /yon tan gyis byas pa ni bram ze la sogs pa yin gyi rigs la sogs pa rtags kyi byas pa ni ma yin no zhes bstan te/ tshig rkang gsum gyis go rims bzhin du bram ze la sogs pa'i mtshan nyid bstan to/ /'o na gcer bur spyod pa la sogs pa yang bram ze la sogs par 'jig rten du grags pa yin no zhe na de dgag pa'i phyir smras pa/ gcig pur spyod pas ma yin zhes bya ba la sogs pa smos so/ /ri gangs can gyi dka' thub kyi gnas dben pa zhig na dka' thub spyod pa la mngon par brtson pa'i dka' thub can mang po gnas te/ kha cig ni gcer bu pa'o/ /kha cig ni skra'i ral pa can no/ /kha cig ni bregs pa'o/ / ci tsam na de dag gis lha rnams nam mkha' la spyod pa dag la sangs rgyas 'byung ba'i gtam thos nas yid yongs su dga' bar 'gyur te yul pA ra NA ser bcom ldan 'das kyi thad du song ba las de las brtsams te tshigs su bcad pa drug gsungs so/ /gcer bu spyod pa zhes bya ba ni sdig pa spyod bar byed ces bya ba dang sbyar ro/ /gcer pur spyod pa ni gos med par spyod pa ste/ lus kyi sgrib pa dang bral bar byas pas sems kyi sgrib pa dang bral bar byed do/ zhes mu stegs kyi
- 216a
gzhung ston par byed pas/ kha cig gcer bu dmigs par byed do/ /bcom ldan 'das kyis ni 'di bkag ste/ ngo tsha med pa zhes smad pa'i phyir te gang lus la sgrib cing g.yog pa'i gos med pa de la ni sems la yang ngo tsha'i gos med pa yin te ngo tsha med pa ni phyugs dang 'dra ba'o/ /zhes bstan pa'i phyir ro/ /ral pas ma yin zhes bya ba ni ral pa'i skra'i tshogs kyi ma yin te/ skra yang rkang pa'i bar du nar zhing sprul lta bur ring por 'jog par byed do/ /skra rab tu bsgrubs pas ni nad 'byung ste/ de bsrings pas ni 'dod chags dang bral bar zhugs pa dang/ rtogs par byed pa ma yin no zhes bstan to/ /bregs pas ma yin pa ni skra dang kha spu bregs pa 'am/ skra dang kha spu 'bal bas kyang ma yin te/ phyi rol gyi thibs po bsal bar gyur na yang nang gi 'dod chags la sogs pa'i thibs pa dang bral ba ma yin te/ 'gal bas de dang bral ba'i phyir 'di'o/ /kha zas mi za ba yis ma yin zhes bya ba ni kha zas rnam pa sna tshogs yongs su longs spyod par mi byed pas ma yin te/ dper na bza' ba dang btung ba yongs su longs spyad pas bkres pa dang skom pa gsel bar byed pa de bzhin du/ phra rgyas sel bar byed pa yang bzlog pas yin pa'i phyir ro/ /yang na cung zad ni zas te cung zad kha zas te cung zad ser skya bzhin no/ /de med pas ni kha zas mi za bas te bza' ba dang btung ba cung zad kyang yongs su longs mi spyod pa ste gang grib ma dang nyi ma la sogs pas rjes su 'dzin par byed pa de yang mi spyod na gzhan lta smos kyang ci dgos/ thang la nyal ba 'am zhes bya ba ni yi dam sngon du 'gro bas mthong ba'i thang skam po dag la nyal ba'o/ /yang
- 216b
na stan med pa'i sa skam po'i steng du nyal ba'o/ /'am zhes bya ba ni ma yin par drang ba'i don to/ /mal bstan ngan pa la gnas pa ni phra rgyas 'phel bar mi 'gyur ro zhes byas nas so/ /rdul dang dri mas ma yin zhes bya ba la rdul ni thal ba'i phye ma'i dri ma ni rdul la sogs pa dang 'brel ba'i lus kyi 'dam mo/ /dri ma yang rnam pa gnyis te dri ma de zhi ba ni lus kyi dri ma sems kyis 'dren pa'o/ /lus kyi dri ma 'dren pa yang srang gi mthon dman bzhin du'o/ /tsog pur 'dug pa 'bad pa yis zhes bya ba ni tsog tsog por 'dug pa gang yin pa ni tsog pur 'dug pa ste/ tsog pu la mchog tu gnas pa'o/ /ji ltar bdag gi sa la 'dug par byed pa de bzhin du dam pa'i rgyud la 'dod chags la sogs pa yang de lta'o zhes rtogs pas so// yang na 'bad pa ni brtson 'grus te tsog pu 'dug pa'i gnas skabs de la sran thub pa'o/ /dag par mi 'gyur ro zhes bya ba ni gcer pur spyod pa la sogs pas dag par mi 'gyur zhing sdig pa la sogs pa'i dri ma gang gis kyang sel bar mi 'gyur ro gang dag par mi 'gyur ba yin zhe na/ byis pa zhes bya ba smos te so so'i skye bo'o/ /byis pa'i mtshan nyid ni som nyi rnams las brgal mi 'gyur zhes bya ba yin te/ mthong ba'i lam ma yin pa'i phyir som nyi mi spong ba'o/ /de bas na som nyi ma spangs pa nyid kyis so so'i skye bo 'phags pa'i chos ma thob pa zhes ston to/ /de ltar 'di lta bus de kho na nyid kyi shes pa med pa'i nyes dmigs smras pa/ de dag nyid la zhes bya ba la sogs pa smos te/ bstan ma thag pa'i gcer bus spyod pa la sogs pa'o/ /nyid kyi sgra ni bdag med pa mthong ba la sogs pa yongs su spangs pa'i don to/ /chags byed pa zhes bya ba ni zhen par byed cing 'di nyid sdig pa dag par byed pa yin no zhes ma rig pas mngon par zhen pa'i don to/ /gang yang rung zhes bya
- 217a
ba ni kha cig ste/ gang zhig 'di ltar yang dag pa'i mthong ba med pas so/ /dge sbyong dang bram ze zhes bya ba ni kun rdzob dang don dam pa dang/ mthun sngar yongs su bzung ba spangs pa'o/ /dam pa'i spyod pa ni dge sbyong ngo/ /yongs su bzung ba dang bcas pa ni bram ze'o/ /zhes gzhan dag las zer ro/ /log pa la mngon par zhen pa'i 'bras bu smras pa/ bar ma dor ni zhes bya ba ste/ 'khor ba'i nang du'o/ /nye bar zhes bya ba ni tshig gis lhag ma'o/ /ri'i sgra ni 'khor ba'i bar ma do nyid du'o zhes pa'o/ /rnam par nyams pa zhes bya ba ni khyad par nyams shing chags par byed pas ltung ba zhes bya ba'i don to/ /gang du ji ltar zhe na/ zag pa zad pa ma thob pa zhes bya ba smos te/ nyon mongs pa spangs pa'o/ /gcer bur spyod pa la sogs pa'i brtul zhugs dang ldan pa ni rdzogs byed ma nar med par skyes ba 'dir brjod par bya'o/ /zag pa zad pas ni tshor ba spangs par 'gyur la/ tshor ba 'gags pas ni sred pa 'gag go zhes pa'i tshig gis tshor ba zad pa zhes smos so/ /srid pa'i rtse mo las 'dod chags dang bral ba nyid de srid pa'i rgyu tshor ba spangs pa ni lta ba spangs pa sngon du 'gro bas tshor ba thams cad spangs pa yin no/ zhes bstan pa'i phyir/ mdza' gcig la lta ba zhes bya ba smos so/ /sdig pa dag par 'dod pas nye bar longs spyod cing mngon par zhen to/ /de yang lam gyis ni ma yin gyis log pa la mngon par zhen pa ni mi shes pa yin no zhes bstan te/ blo ngan rnams zhes bya ba srid pas srid pa las nges par 'byung bar rtog pa'i blo ngan pa gang dag la yod pa'o/ /zag pa ma spangs na ni khyad par las nyams par bstan te/ go 'phang dam pa ma thob par zhes
- 217b
bya ba mya ngan las 'das pa ma thob par ro/ /zag pa zad pa la sogs pa ma byas par ni ral pa la sogs pas dgos pa med do zhes bstan pa'i phyir/ blo ngan khyod kyis ral ba ci zhes bya ba la sogs pa smos so/ /khang pa brtsegs pa'i gnas chu bo bal gu ma ta'i 'gram na gnas pa'i bram ze gzhon nu zhig gi skra la bur lta ba ste ras kyis dkris nas skye bo slu bar byed do/ /de gdul ba'i phyir bcom ldan 'das phyogs der gshegs te des mthong nas bcom ldan 'das kyis thad du lhags te de las brtsams so/ /khyod ci zhes bya ba ni khyod kyi skra'i tshogs kyis gzugs te sprul ltad ring ba'i ral pa ni dgos pa ci zhig yod de/ des byas pa'i phan btags pa ma mthong ba'i phyir dang/ nye bar gdung bar byed pa thob par byed pa'i phyir ro/ /blo ngan zhes bya ba ni blo phyin ci log pa ste/ mi shes pas 'di byas so zhes ston pa yin no/ /khyod kyi gang la g.yang? bzhi gyon pa ci zhes bya ba ni ri dags kyi pags pa las byas pa'i gos kyis khyod la ci zhig dgos pa ste dgos pa med pas so/ /'dis ni phyi rol na mdzes la khyod kyi nang ni shin tu ma rungs pa'o zhes bstan te/ khyod nang thibs por gdug bzhin du zhes bya ba khyod kyis sems shin tu dri ma can du gnas te/ 'dod chags la sogs pa'i nyon mongs pas nye bar gos pa'i phyir ro/ /phyi rol legs par byi dor byed ces bya ba ni lus sbyor ba 'am rgyan par byed pa de thub pa'i cha byad kyis so/ /'o na bram ze de dag ral pa la sogs pa'i rtags kyis dag par 'gyur zhes 'dod na ci ral pa la sogs pa dang ldan pas yin nam zhe na/ de ci'i phyir rigs kyi bram ze zhes bya ba la sogs pa smos so/ /bcom ldan 'das kyi thad du ral pa can zhig chu bo dza ya brgal te 'ongs nas mdun du 'dug
- 218a
ste/ kye gau ta ma ral pa can rigs kyi bram ze lags so zhes gsol ba dang/ des na tshigs su bcad pa 'di gnyis gsungs te thos pas mngon par dang cing rab tu byung bas dgra bcom pa'i 'bras bu thob po/ /bram ze ni yon tan bsags pa nyid kyis dag par 'gyur gyi la ba 'chad ba la sogs pas ni ma yin no/ zhes bya ba ni 'dir bsdus pa'i don no/ /rus kyis zhes bya ba ni bu dang tsha bo la sogs pa'i rgyud kyi tshul gyi rigs rgyud kyis so/ /rigs kyis zhes bya ba ni gtso bo'i rigs dang ldan pa'i phyir ro/ /rigs dang rus la sogs pa 'di dag kun rdzob tu yin gyis don dam par ni ma yin no zhes rab tu bstan cing gzhan gyis gnas mthong ba'i phyir chu la 'dis ni bram ze ma yin te/ ji skad du rgyas par bshad pa/ rigs kyis ma yin rus kyis ma yin zhing/ nor dang gzi brjid kyang ni yod ma yin/ /tshul la gnas pa sdom pa yin gyur kyang/ /g.yul ngor bstan pa de ni bram ze yin/ /bzod pa dul sogs sbyin pa dang/ /bden gtsang dran ldan snying rje can/ /yod lta bar ni shes mkhas pa/ /de 'dra bram ze'i mtshan nyid yin/ /bram ze'i las ni ma yin pa/ /gzhan la 'jug pa ltung ba yin/ /tshul 'chos phal cher ngan spyod ni/ /dmang rigs gang zhig chos dul dang/ /bden dang rtag tu brtson 'grus can/ /de ni bram zer de 'dod kyi/ /tshul min bram ze ma yin zhes bya ba la sogs pa'o/ /de lta na gang zhig bram ze yin zhe na/ gang zhig bden dang chos ldan pa zhes bya ba smos te/ bden pa ni phyin ci ma log pa'i tshig brjod pa'o/ /chos ni mi 'tsho ba'i bdag nyid de srog chags la sogs pa gzhan la gnod pa spangs pa'i phyir ro/
- 218b
ji skad du lha gsang mchod sbyin stong phrag dang/ bden pa de ni mtshungs tshul te/ /gang phyir rta pas stong dag pas/ /bden pa nyid ni khyad par 'phags/ /'tshe med mtshan nyid chos yin te/ /mchod sbyin srog chags bsod pa'o/ /de bas chos ni don gnyer des/ /srog chags dag la snying rje bya/ /rigs byed mchod sbyin thams cad dang/ /stegs rnams kun du khrus byed dang/ /de kun thams cad mi bya ste/ /rgyas pa srog chags brtse smra bya zhes gsungs pa lta bu'o/ /yang na bden pa ni 'phags pa'i bden pa bzhi rtogs pa'o/ /chos de'i 'bras bu ni thar pa ste/ de nyid ni gtsang ba zhes bya ba ngan par spyod pa'i dri ma spangs pa dang/ legs par spyod pa gsum dang ldan pa'i phyir te/ khrus rnam pa gsum po zhes bya ba'i tshig gis so// bden gtsang dul ba gtsang ba dang/ /dbang po char gcod gtsang ba dang/ /'byung po rnams brtse gtsang ba ste/ /chu yis bkrus pa lnga pa yin/ /phyi yi dri ma 'khru ba dang/ /skom pa srel ba yin gyur kyang/ /chu yis nang gi dri ma ni/ /spong bar byed pa mi srid do/ /'dod pa'i 'dod pas dregs myos shing/ /bud med kyi ni dbang 'gro bas/ /stegs na brgyar ni khrus byas kyang/ /de yi de ni dag mi 'gyur/ /bram ze de zhes bya ba ni sdig pa spangs pa'i phyir ro/ /de la re zhig rigs pa ni gang de ji ltar gtsang bar 'gyur ba yin zhe na/ ral pas ma yin zhes bya ba la sogs pa'o/ /gang zhig spong bar byed pa zhes bya ba ni/ gang gi phyi rol tu byas shing spangs pa'o/ /sdig pa ni nyes par spyad pa'o/ /cha chung ni phra rags so/ thams cad ni mthong bas spangs par bya ba la sogs pa'i rnam pa'o/ /sdig pa rnams ni spangs phyir de zhes bya ba ni yongs su spangs pa ste/ ji skad du bshad pa/ nyid kyi tshul gyi bram ze gdags pa ni rigs kyi gzhan du ni ma yin no zhes
- 219a
bstan te/ mgo bregs zhes bya ba la sogs pa'o/ /gzhan zhig skra dang kha spu bregs nas bdag ni dge sbyong ngo zhes kun la shes par byed pa dang/ gzhan zhig ni rigs byed 'don par byed cing bdag ni bram ze'o zhes pa shes par byed do/ /bcom ldan 'das kyi spyan sngar lho phyogs kyi lam nas 'ongs pa dang de nyid kyi dbang du mdzad de 'di gsungs so/ /mgo bregs tsam zhes bya ba ni lus kyi yan lag mgo bregs pa tsam gyis ni dge sbyong du 'gyur ba ma yin te 'dod chags dang mya ngan la sogs pa ma spyad pa'i khyim bdag kyang yod pa'i phyir ro/ /oM zhes bya ba ni oM b+hur b+hu ba(mdo 'grel): swA(mdo 'grel): zhes bya ba la sogs pa sdeb sbyor 'don pa tsam gyis ni bram ze ma yin te sha ri ka la sogs pa la yang de 'don pa yod pa'i phyir ro/ /de lta na bram ze dang dge sbyong du gdags pa'i rgyu gang yin zhe na gang zhig ces bya ba la sogs pa smos so/ /rab tu byung ba ni bden pa la dgongs pa yin te/ de dang ldan pa ni dge sbyong du gdags par 'os pa yin no/ /gang la mi 'tsho ba'i bdag nyid kyi chos yod? ba de ni bram ze zhes brjod do/ /gnyis ka'i ming ni gnyis ka'i rgyus so/ /gang zhig ces bya ba la sogs pa ni bshad zin to/ /sdig pa spangs pa dang yon tan bsags pa nyid kyis bram zer 'gyur gyis stegs la khrus bya ba la sogs pas ni ma yin no zhes bstan pa'i phyir/ skye bo phal cher zhes bya ba la sogs pa smos so/ /bcom ldan 'das ga ya mgo'i mchod rten na zhugs te/ de'i tshe ga yan dpyid zlar ba'i dga' ston gyi tshe srog chags brgya stong phrag mang po sdig pa spyad pa'i phyir khrus byed de des na 'di gsungs so zhes gzhan dag zer ro/ /chu yis mi 'gyur te zhes bya ba ni tshus dri ma dag pa dang/ sdig pa med par mi 'gyur ro//
- 219b
ci'i phyir zhe na/ 'di ltar skye bo phal cher 'dir 'khru ba zhes smos te/ gdong ba la sogs pa'o/ /de dag ni ma dag pa yin te/ de dag ni ma dag pa yin te/ de khru ba de dag ni bye brag med par snang bas so/ /gal te stegs kyis chus sdig pa sel bar 'gyur na ni bsod nams kyang sel bar 'gyur la/ sdig pa sal bas ni de'i 'bras bu dang yang bral bar 'gyur te/ rtsa ba nas chad pas shing lhag ma zhes bya ba la sogs pa lta bu'o/ /de pas na rigs pas ni sdig pa dag bar mi 'gyur te/ khrus la sogs pas de'i gzhi ma 'gags pa'i phyir ro/ /de ltar na gang gis dag par 'gyur zhe na/ lam khyad par can bsgom pas de'i sdig pa spangs par 'gyur te/ mun gang sgron mes sel bar 'gyur ba de bzhin du dag par 'gyur ro zhes bstan pa'i phyir/ gang zhig ces bya ba la sogs pa smos so/ /yang gi sgra ni tshul 'di nyid kyis 'gyur zhing gzhan gyis ma yin par bstan pa'o/ /lhag ma'i don ni bshad pa nyid do/ /de la don dam pa'i dge sbyong la sogs pa de dag gang yin zhe na gang zhig sdig chos zhes bya ba la sogs pa smos so/ /pus ka rA sIr zhes bya ba'i bram zes bcom ldan 'das la btsun pa glang po che rnams kyi nang na glang po che cang shes dang/ rta rnams kyis nang na rta cang shes dang/ shing rnams kyis nang na dpag bsam gyi shing dang/ nor gyi nang nas rin po che la sogs pa bzhin du/ btsun pa dge sbyong dang bram ze rnams kyi nang na mchog dang gtso bo gang lags zhes bya ba la sogs pa zhugs pa las 'di gsungs so/ /rab spangs zhes bya ba ni rjes su mthun pa'i gnyen pos spangs pa zhes bya ba'i don to/ /gang yin zhe na/ sdig pa zhes bya ba ste mi 'dod pa'i 'bras bu dang mi 'dod pa'i rang gi ngo bo zhes bya ba'i don to/ /chos ni dngos po ste/ gzhan la gnod pa byed pa la sogs pa'o/ /spangs nas ji
- 220a
zhig byed pa yin zhe na/ gang zhig spyod byed pa zhes bya ba smos te/ gzhan la phan 'dogs par mdzad la gnas shing bzhugs pa'o/ /ji lta bu dang ldan pas zhe na/ rtag tu dran ldan zhes bya ba smos te/ rgyun du yang dag pa'i dran pa mngon du byed pa ste/ thugs rje chen po'i dbang gis gzhan du dgongs pa zhes bya ba'i don to/ /gang yin zhe na de nyid smras pa/ kun sbyor zad pa zhes bya ba yin te/ bag chags dang bcas pa'i phra rgyas spangs pa ste/ phun sum tshogs bar bstan to/ /sangs rgyas ni thams cad mkhyen pa ste/ lhag par rtogs pa'i phyir ro/ /gang gis phyir des ni dngos po thams cad thugs su chud pa ste/ des sngon 'jig rten pa'i lam gyis nyes par spyod pa bkag nas gzhan gyi don mdzad pas bsod nams dang ye shes kyi tshogs la brten te spangs pa dang ye shes phun sum tshogs pa thob pa'o/ /de zhes bya ba ni de nyid do/ /'jig rten ni zhes bya ba ni srid pa gsum na'o/ /bram ze yin zhes bya ba ni bram ze dang dge sbyong thams cad kyi nang na gtso bo zhes bya ba'i don to// gang bram ze'i mtshan nyid dang yang dag par ldan pa ni tshogs kyi nang du nga ni bram ze'o zhes smra bar rigs kyi gzhan ni ma yin zhes bstan pa'i phyir/ bram ze gang zhig ces bya ba la sogs pa smos so/ /dron na zhes bya ba'i bram zes bcom ldan 'das bram ze'am dge slong gang bdag nyid shes shing yang dag par rab tu shes pa lags/ rigs kyi bram ze ni bram ze lags so/ zhes bram ze dag de ltar smra bas smra bar bgyid na bram ze zhes gang zhig la blta bar bgyi zhes gsol pa dang/ sdig pa'i chos spangs shing zhes bya ba la sogs pa gsungs pa ste/ spangs pa ni bor ba ste sdig pa'i chos ngan pa'i ngo bo gang yin pa de nyid do/ /ji ltar 'di ltar 'gyur zhe na/ tshul 'chos med ces bya ba ste/ tshul 'chol
- 220b
ni ngo mtshar skyed pa zhes bya ba'i don to/ /gang gi ngo mtshar bskyed cing des kyang rnyed pa dang bkur bstis sgrub par byed de rig byed kyi yan lag khyim sa brtag pa la sogs pa'o/ /gang gis tshul 'chos pa yod pa ma yin pa de na ma yin pa ste nor 'bab pa'i phyir log pa'i thabs la dmigs pa'i tshul 'chos med pa'i phyir ro/ /rnyog med ces bya ba ni 'dod chags dang 'brel ba'i lus la sogs pa'i las kyi bgegs bskyed par 'gyur ba'i phyir te/ gang de ni 'khrigs pa nyams su myong ba med pa'i phyir ro/ /tshig gnyis po 'dis ni 'dod pa'i khams las 'dod chags dang bral bar bstan to/ /bdag gnas zhes bya ba la gnas pa'i mi g.yo ba'i bdag gi sems gang yin de nyid do/ /gzugs kyi khams na ni dga' ba la sogs pa tshor ba'i dbang gis sems g.yo ba yin te/ de las 'dod chags dang bral na ni sems brtan pa thob par 'gyur ro zhes ston to/ /rig byed mthar phyin zhes bya ba ni tshor ba zad pa ni rig byed kyi mdza' ste/ der 'gro ba ni rig byed kyi mthar phyin pa'o// tshor ba zad pa 'thob pa ni srid pa'i rtse mo las 'dod chags dang bral ba'i phyir ro/ /sngar bstan pa mdza' dag kyi 'phags pa'i lam nyid kyis byed pa ma yin no zhes bstan pa'i phyir/ tshangs par spyod pa spyad ces bya ba la/ spyod pa ni gsod par bya ba ste/ tshangs par spyod pa ni gang thar pa'i lam de nyid la spyod pa'o/ /de nyid bdag gis don yongs su rdzogs pa yin yang bram ze bdag nyid du ston pa ni mi mdzes pa ste/ 'on kyang don dam par byed pa 'di nyid bstan pa yin te/ dus su zhes bya pa smos pa la don dam par sgrub pa ste/ dus gzhan na zhes bya ba'i don to/ /de ni zhes bya ba ni bdag dang gzhan gyi don phun sum tshogs pa'o/ /tshangs pa smra ba zhes bya ba ni bdag ni tshangs pa'o/ /zhes brjod cing ston pa'o/ /sma byed ces bya ba ni
- 221a
ci 'dod cing bag yangs su smra ba'o/ /gzhan yang rnam pa gzhan gyis dge sbyong la sogs par smra ba'i rgyu bshad pa/ gang zhig ces bya ba la sogs pa'o/ /yul ba ra NA sir chos kyi 'khor lo bskor nas ring po ma lon par dge slong lnga pos bcom ldan 'das la btsun pa don dam dge slong zhes gang la bgyi zhes bya ba la sogs pa gsol ba dang 'di gsungs so/ /gang zhig ni sems can no/ /sgyu la mi gnas zhes bya ba ni gzhan bskul mi gnas pa ste/ sgyu dang ldan pa ma yin zhes bya ba'i don to/ /nga rgyal med pa zhes bya ba ni mtho ba'i dregs pa med pa'o ci'i phyir de ltar med pa yin zhe na/ gang zhig chags med ces bya ba la sogs pa smos so/ /chags pa dang bral ba ni 'di ltar bdag med pa'i phyir ro/ /chags pa dang bral ba'i phyir sgyu la mi gnas pa'o/ /gang gi phyir gyi sgra ni 'jig tshogs la lta ba med pa'i phyir bdag med pa'o/ /bdag dang bdag gir 'dzin pa'i dbang gis nga rgyal 'byung ba'i phyir ro// tshe 'di'i sred pa dang bral bar gyur na sred pa gzhan gyi sred pa yang bcang ba yin no zhes bstan pa'i phyir/ re ba med ces bya ba smos te yang srid pa 'dren par byed pa'i gang gi sred pa med pa zhes bya ba'i don to/ /'khrug bcom zhes bya ba ni zhe sdang spangs pa'o/ /de tsam gyis dge sbyong gi ming du mi 'gyur ro zhes bsgrub pa'i phyir yang gi sgra de dge sbyong byed pa'i chos bzhi zhes bstan pa'i phyir ro/ /mya ngan 'das phyogs zhes bya ba ni mngon par 'dod pa'i lam gyis mya ngan las 'das shing bdag nyid gdung ba med pa gang yin pa ste/ khams gsum las 'dod chags dang bral ba'i phyir/ de nyid bram ze zhes bya ba la sogs pa'o/ /'o na ni gang zhig mngal nas ma skyes pa yang bram zer brjod pa nyid do
- 221b
zhes bstan te/ gang zhig ma'i mngal zhes bya ba la sogs pa'o/ /mnyan yong na bil bar ma'i rigs kyi bram zes bcom ldan 'das kyi spyan sngar phyin te 'di skad ces gsol to/ /kya gau ta ma bdag ni mi'i mngal nas bram ze dang ldan pa yin no zhes pa dang/ tshigs su bcad pa gsungs so/ /mngal nas skyes pa 'am mngal gyis skye gnas pa ni mngal nas skyes pa ste/ rum du gnas nas mngal nas skyes pa zhes bya ba'i don to/ /gzhan thams cad kyang de ltar bram ze ma yin no/ /lus 'byung bar ni mtshungs pa'i phyir ji skad du bshad pa/ sa bon khrag dang khu ba ltor mi gtsang ba'i gnas su gnas pa ste mngal gyi dri mas yangs su bsgos pa'i lam gang dang ldan pa nas byung zhing de la nad rga ba dang phongs pas nyams pa'i nyon mongs pa'i gzhi ye shes kyi mes bsregs ba ma gtogs lus kyis ni ji zhig dag par 'gyur smos shig dang zhes so/ /mngal nas skyes pa de ni bram ze'i yin par mi smra ste/ smad 'tshong ma la sogs pa bzhin no/ /mngal nas skyes pa yin par ga las nges par bya zhe na/ ma las skyes pa'i phyir ro/ zhes bstan pa'i phyir te 'di nyid bstan pa/ ma las byung ba zhes bya ba ma las yang dag par byung ba ni kun tu skyes pa'o/ /gang ma dang pha las skyes pa de ni mngal nas nges par skyes pa yin no/ /gang yang mngal nas skyes pa de ji ltar dag par 'gyur/ gang ma dag pa de bram zer ji ltar 'gyur/ 'o na de yang rig byed 'don pas bram ze yin no zhe na bshad pa/ gal te 'dzin pa dang bcas nas zhes bya ba yongs su 'dzin pa gal te yod par gyur na'o de ming lta bu zhes smra bar bstan ces bya ba ni b+hur b+hu ba zhes bya ba la sogs pa smra ba'i tshul gang la yod pa de nyid ni ming du brjod pa ste de bram ze ma yin no/ /de lta na gang zhig bram ze yin zhing bram zer brjod par bya zhe na/ yongs su 'dzin med
- 222a
ces smos te ci yang 'dzin pa med pa'o/ /len med ces bya ba ni len pa spangs pa ste/ nyon mongs pa dang las mdza' dag spangs pa'i phyir ro/ /gang legs par spyod pa mchog tu byed pa de ni bram ze yin no zhes bstan pa'i phyir/ gang zhig ces bya ba la sogs pa smos so/ /lus la sogs pa'i nyes par spyod pa med pa ste/ sdom pas bsdams pa'i legs par spyod pa dang ldan par bstan to/ /legs bsdams zhes bya ba ni sngon pa dang ldan pa'o/ /gnas gsum zhes bya ba ni lus la sogs pa'i rnam pa'o/ /yang na so sor thar pa dang bsam gtan dang zag pa med pa'i sdom pa'o/ /gang tshig tsam gyis legs par bsdom pa de yang bram ze yin no zhes bstan pa'i phyir/ go byed ces bya ba smos te gang gis de bzhin nyid go bar byed pa bden pa zhes bya ba'i don to/ /mi rtsub pa ni yid tshim par byed pa ste/ yid 'phrog par byed pa'o/ /tshig ni ngag dag go /yid du 'ong ba ni snyan par yang dag par sbyor bar byed pa gang yin pa ste/ yid du 'ong ba ni mtshams sbyor bar byed pa dang phra ma med pa zhes bya ba'i don to/ /smra ba ni brjod pa dang ston pa'o/ /gang gis nyon mongs mi skyed de zhes bya ba ni mngon par chags pa dang/ zhe sdang gis sbyor bar mi byed pa'o// gang gis zhe na/ mkhas pas te/ rtogs pa po don dang ldan pa'i tshig tu ston pa yin te/ 'brel pa med pa'i tshig gis ni mkhas pa dag gzhan 'khrug par mi byed do/ /yid kyi legs par spyod pa gcig gis kyang bram zer 'gyur? ba yin no zhes ston te/ gang zhig 'chid ba zhes bya ba la sogs pa'o/ /gshe ba'i ba ra d+hwa dzas bcom ldan 'das thag ring po nas mthong ba las gshe bar gyur te 'di gsungs so/ /de nas de mngon par dad pa skyes te khro ba med
- 222b
ces bya ba la sogs pa'i tshigs su bcad pa gsungs so/ /mngon du 'ongs te tshig rtsub po brjod cing gshe ba la gang dag bzod pa byed pa de ni bram ze yin par dam gsungs so/ /bsod dang 'chid zhes bya ba la/ bsod pa ni bsod pa nyid 'chid ba ni lcags sgrog la sogs pa gzhan gyi dbang du byed pa'o/ /de la bzod pa byed pa ni bzod pa ste/ 'dis ni gzhan gyis gnod pa byas pa las nga mi snyam par bzod pa bstan to/ /ji lta bur gyur pa las bzod par bya zhe na/ sdang ba min pas zhes bya ba smos te khong khro ba la sogs pas yid nyams par ma byas pas yid dang du len cing bzod pa'o/ /des zil gyis mnon pa ni bram ze zhes brjod de de nyid smras pa bzod pa zhes bya ba la sogs pa smos te/ bzod pa nyid brtul zhugs te/ yon tan 'phel bar byed pa'i yin pa'i phyir/ bzod pa dka' thub dam pa zhes bshad do/ /de nyid dpung gi tshogs te/ stobs dang ldan zhing sgrub pa 'di la yod pa de nyid do/ /dper na rgyal po dpung gi tshogs yan lag bzhi dang ldan pa ni gzhan gyis zil gyis mi gnon cing gzhan rnam par gnon par byed pa de bzhin du bzod pa'i brtul zhugs dang ldan zhing 'byor par gyur pas ni sdig pas zil gyis mi non cing 'jig rten gsum las rgyal bar yang byed do/ /khro ba med cing zhes bya ba ni khro ba ma yin pas khro ba med pa ste/ bzod pa'i khyad par dang ldan pas so/ /tshul khrims can zhes bya bas ni so sor thar pa'i sdom pa dang yang dag par ldan pa ste/ 'dis ni khro ba 'am 'gyur ba med pa'i thabs bstan to/ /brtul zhugs ldan zhing zhes bya ba ni yang dag par blangs pa dang ldan pa'i phyir ro/ /'dis ni tshul khrims dag par bstan to/ /sems khrel med ces bya ba ni yul dag la chags pa dang bral bas
- 223a
dga' ba med ces bya ba'i don to/ /'dis ni rab tu dben pa bstan to/ /dul ba ni dbang po dul ba'i phyir ro/ /lus mthar gnas zhes bya ba ni gang 'di lta bu de nyid ni srid pa tha mal rnam par gnas pa yin te/ 'dis ni khams gsum las 'dod chags dang bral par bstan to/ /khro ba la sogs pa spangs par gyur na ni dben pa yin no zhes bstan pa'i phyir/ gang zhig rab byung zhes bya ba la sogs pa yin no/ /dge slong zhig bya rgod kyi phung po'i pi pa li'i brag phug na tshogs kyis 'jigs shing gnas te de las brtsams so/ /'dres pa dang ldan pa ni 'dre ba'o/ /de dgag pa ni mi 'dre bar gnas pa ste/ mi 'dre zhing gcig tu spyod pa zhes bya ba'i don to/ /gang dang 'dra ba yin zhe na/ rab byung khyim pa dang zhes bya ba ste/ khyim pa ni khyim gcig pa'o/ /rab tu byung ba ni khyim med pa'o/ /de bzhin gnyi ga zhes bya ba ni khyim pa dang rab tu byung ba gnyis so/ /'di ltar la la ni khyim la mngon par dga' ste 'di lta ste med tshe rla na na dang zhes bya ba la sogs pa'o/ /la la ni gnyi ga ste mgon med zas sbyin la sogs pa'o/ /dgon pa la yang gnas shing gtsug lag khang la sogs pa yongs su 'dzin pa mchog tu byed pa yin no zhes bstan pa'i phyir khyim nas ma byung zhes bya ba smos te/ khyim nas byung ba'i ngang tshul 'di la yod pa ni khyim nas byung ba ste gnas nas nye bar 'gro ba mchog tu byed pa'o/ /gang de lta bu ma yin pa ni khyim nas ma byung ba ste gnas la mngon par mi dga' ba'i rnam pas lus dben pa bstan nas/ sems dpen pa bshad pa/ 'dod chung zhes smos pa ste/ chos gos ngan don tsam la sogs pas chog shes pa'i phyir ro/ /de ni tshogs na gnas kyang bram ze yin no
- 223b
zhes bstan no/ /gang sred pa dang de'i tshogs chas spangs pa de nyid kyis ni dben pa thob par nus so/ /zhes bstan pa'i phyir ro/ /de ni tshogs na gnas kyang bram ze yin no zhes bstan to/ /gang sreg pa dang de'i tshogs chas spangs pa de nyid kyis ni dben pa thob par nus so zhes bstan pa'i phyir/ ma 'ongs pa zhes bya ba la sogs pa smos so/ /mnyan yod na tshe dang ldan pa g.yul las rgyal ba zhes bya ba'i chung mas khye'u blangs te/ de'i thad du 'ongs nas/ nges de la ci yang ma smras pas de yang mi smra ste/ khye'u des las mgo gtad de bzhag go /des smras pa/ kho bo rab tu byung ste chags pa dang bral lo zhes byas pa dang khye'u de blangs te song ba las brtsams nas tshigs su bcad pa gnyis gsungs so/ /ma 'ongs pa la zhes bya ba ni drung du 'ongs pa'i sngon gyi grogs pa ste/ de nye bar gyur cing sgrub pa'o/ /mngon par mi dga' ba zhes bya ba ni mngon par mi 'dod pa dang yid tshim par mi 'gyur ba ste/ 'dod chags las skyes pas dga' ba nyams su myong bar mi byed ces bya ba'i don to/ /'das pa rnams las gdung med pa zhes bya ba na yid mi gdung zhing nang gi mya ngan sel bar mi byed pa'o/ /ci'i phyir zhe na/ 'di nyid smras pa/ 'khrig pa ste 'dod pa'i 'dod chags dang bral bas khyad par du g.yul las rgyal zhes bya ba yin te/ rgyal po gzugs can snying po rgyal po ma skyes dgra las rgyal bar gyur pa na de skyes pas de ltar byas so/ /yang na nyon mongs pa'i dga' i g.yul las rgyal ba dang bcom pa'i phyir te/ khams gsum las 'dod chags dang bral ba'i phyir ro/ /yang na gang gi kun tu 'ongs pa ste lhag pa'i? ngan song gi chad du'o/ /de ni 'dir khyad par du srid pa yin par dgongs so zhes bya ba'i don to/ /der 'ongs pa ni skyes pa'o/ /mngon par mi dga' ba ni
- 224a
lhag par mi zhen cing spong bar byed la sel bar byed de/ bdag la phan par 'dod pas ni shin tu bkres par gyur kyang kha zas shin tu dug dang bcas pa bzhin du rtogs par bya'o/ /'das la zhes bya ba ni rgyud las kyang byung ba ste/ 'gag pa 'am 'gag par 'gyur pa'o/ /gdung med ces bya ba ni sdug bsngal du 'du shes pa'i phyir sdug bsngal gyi dngos po dang bral bas yang dag par dga' ba 'byung ba'i phyir ro/ /de gang yin zhe na/ grol zhes smos te/ ga las? zhe na/ 'khrig pa las so/ /'dis chags par byed pas na chags pa ste/ thob par byed pa zhes bya ba'i don to/ /de spangs pa ni de'i spangs pas so/ /ji ltar de gdung ba med pa yin no zhe na/ 'di ltar de ni mya ngan med ces smos te/ de nyid nang gi gdung ba med pas de las ji ltar rjes su myong bar 'gyur/ gang gi phyir me med par gyur na ni tsha ba'ang med par 'gyur ba ltar mya ngan 'di lta ga la yod pa'o/ /de'i rgyur gyur pa rdul dang bral ba yin te/ 'di nyid bstan pa rdul bral zhes te 'dod chags la sogs pa'i nyon mongs pa'i rdul ni gdung ba 'dren par byed pa yin la/ de spangs pa ni de dang bral ba yin no/ /rdul thams cad bral bas ni 'khrug pa mdza' dag dang bral ba'i phyir mya ngan las 'das pa 'thob par 'gyur ro zhes bstan te/ zhi ba zhes bya ba ni phung po lhag ma dang bcas pa'i ngo bo yin pa'i phyir ro/ /ji skad du bshad pa'i sred pa la sogs pa spang par gang gis nus zhes gang zhig 'dod pa chung zhes bya ba la sogs pa smos so/ /dge slong bsam gtan pa dgon pa na gnas pa'i shing drung pa zhig las brtsams so/ /gang gzhan mi gso ba nyid kyis de tshul khrims la brtson pa nyid kyis yongs su gzung ba spangs pa'i phyir ro/ /'dod chung zhes bya ba ni sems dben pa'i
- 224b
phyir ro/ /dul ba ni dbang po dul ba'i phyir gang gi phyir dben pa'i 'bras bu ni dul ba'o/ /snying por rab gnas la zhes bya ba ni mya ngan las 'das pa brtan pas lhag par grol ba'i phyir ro/ /de nyid tshogs la gnas pa ste lam bsgom pa yin no/ /zag pa zad ces bya ba ni nyon mongs pa spangs pas so/ /skyon rnams bsal zhes bya ba ni yang srid pa'i 'bras bu'i lam spangs pa'i phyir ro/ /gang zag zad pa dang skyon rnams bsal ba nyid kho na pha rol med par 'gyur ro/ zhes bstan pa'i phyir/ gang zhig tshu rol zhes bya ba la sogs pa smos so/ /bram ze rab tu mang po dang de las gzhan pa'i srog chags s+thu la ko shta'i tshu rol nas pha rol du rgal bar byed la/ slar yang 'ong bar byed do/ /de'i tshe dge bsnyen rab tu mang po de'i drung du lhags te/ 'dug nas de dag gis gtam brjod par gyur te/ bram ze dag rgal bar byed cing phyir yang brgal la/ de bzhin du gzhan dag kyang ngo/ /de las kha cig gis ji tsam gyis bram ze zhes nye bar gdags par bya zhes pa dang/ de ni kha cig gis ji ltar na ma las byung gnas so/ zhes bya ba nas rgya cher smras pa dang/ de dag bcom ldan 'das kyi spyan sngar song nas de dag las brtsams pa'i tshigs su bcad pa gnyis so/ /gzhan dag ni rgyal byed kyi tshal na gang bram ze ni pha rol tu 'gro ba de nyid yin no zhes smra ba'i bdud las brtsams so zhes zer ro/ /gang zhig pha rol zhes bya ba ni ring ba na gnas pa ste/ pha rol na yang de med pa ni gang gi phyi rol gyis skye mched drug spangs pa'i phyir ro/ /tshu rol dang zhes bya ba ni nang gi yang spang pa'i phyir ro/ /pha rol tshu rol gnyis med pa zhes bya ba ni gnyi ga med pa'o/ /gang gis phyir kha cig ni phyi rol la lhag par zhen la kha cig ni nang la'o/ /kha cig ni gnyi ga la ste/ de bas na 'dir gsum smos so/ /mthar phyin ces bya ba ni gang la pha rol la sogs pa de nyid ni pha rol
- 225a
tu song ba ste/ mthar thug pa zhes bya ba'i don to/ /gang dag gi zhe na/ chos rnams kun gyi zhes bya ba ste/ skye mched bcu gnyis kyi pha rol tu phyin pa'i phyir te/ thams cad thams cad ces bya ba ni 'di lta ste/ skye mched bcu gnyis so zhes mdo las bstan pa'i phyir ro/ /yang na gang zhig pha rol med pa ste phung po lnga lhag ma med pa'o/ /tshu rol ni nyon mongs pa dang bcas pa'o zhes bya ba la sogs pa brjod par bya'o/ /ji ltar pha rol dang pha rol ma yin pa la sogs pa med pa yin zhe na/ 'dir rgyu bstan pa/ gnas gsum la zhes smos te/ /rnam pa gsum ni nang dang phyi rol dang de gnyi ga'i bdag nyid kyi skye mched la'o/ /yang na sems can gyi gnas gsum ste/ khams gsum la'o/ /yang na dus gsum la'o/ /ma chags zhes bya ba ni lhag par zhen pa med pa ste/ de la dmigs pa'i 'dod chags spangs pa'i phyir ro/ /gang mig 'dun pa'i 'dod chags de spangs pas ni 'dun pa'i 'dod chags spangs pa nyid de/ mig de yang spangs par 'gyur ro zhes mdo las gsungs te/ de ltar na pha rol sogs pa med pa yin no zhes brjod do/ /ma chags pa zhes bya bas srid pa spangs par bstan nas de'i 'bras bu len pa spangs pa bstan pa/ gang zhig ring dang thung ba dang zhes bya ba la sogs pa smos so/ /de nas daN+Da ki'i dgon pa na gnas pa'i ring ba dang thung ba'i dka' ? thub can gyi bram ze gnyis ring ba dang thung ba'i gos dag 'chad zhing 'khor dang bcas pa bdag nyid bram ze yin no zhes sems bzhin du/ bcom ldan 'das kyi spyan sngar song ste/ gau ta ma khyod ji ltar bram zer 'dogs par mdzad ces gsol ba dang/ des na de gnyis la tshigs su bcad pa bzhi gsungs te/ de gnyis kyis thung ba dang ring ba'i gos spangs te/ phra ba dang rags pa dang mdzes pa la sogs pa yang spangs nas rab tu byung ste/ 'dod chags dang bral bar gyur to/
- 225b
thung ba zhes bya ba ni de gnyis kyis sngon gyis gos la sogs pa spangs pa ste/ bcom ldan 'das las zhes rtogs nas de yongs su spangs pa dang/ phyis tshigs su bcad pa'i don dam pa rtogs par gyur to/ /gang zhig ni gang nyid do/ /thung ba ni yun thung bar dge ba dang ni dge ba bsags pas mi len to/ zhes bya ba dang sbyar ro/ /ring ba ni yun ring du bsags pa'o/ /phra sgom zhes bya ba ni phra ba dang/ rags pa ste/ gsal ba dang mi gsal bar byas pa yid dang lus kyis byas pa'i phyir go rims bzhin no/ /yang na mnyam par bzhag pa dang/ mnyam par bzhag pa'i sa pa'i 'o/ /yang na dbang po las 'das pa dang/ dbang pos bzung ba'i yul du gyur pa'o/ /'jig rten ni 'gro ba'o/ /dge ba dang mi dge ba ni bsod nams dang bsod nams ma yin pa'am/ yang na nyon mongs pa dang nyon mongs pa ma yin pa'o/ /'o na bsod nams blangs par bya ba yin nam zhe na/ cung zad ces smos te/ 'dod pa med pa'o/ /bsod nams te/ 'khor ba'i 'bras bu yang sdig pa bzhin du spang par bya'o zhes byas nas so/ /mi len te zhes bya ba ni len pa med cing mi 'dzin pa med ces bya ba'i don to/ /gang la sred pa'i dbang gis ni nye par len pa yin gyis/ sred pa med pa de la ni de yang med pa nyid do/ /nye bar len pa spangs pas khyad par du 'gyur ro/ /'di nyid ces bya ba ni mthong ba'i chos la'o/ /gang zhig ces bya ba ni nye bar len pa spangs pa'o/ /rab shes zhing zhes bya ba ni zag pa med pa'i shes pas mngon par rtogs pa'o/ /rang gi sdug bsngal zad pa dang zhes bya ba ni bdag gi rgyud la gnas pa'i sdug bsngal spangs pa'o/ /yang na 'phags pa'i bden pa bzhis yongs su bcad pa'o/ /sdug bsngal zad par byas nas ji lta bur 'gyur zhe na/ 'dod chags dang bral ba zhes smos te/ khams gsum gyi sred pa
- 226a
spangs pa'o/ /mi ldan zhes bya ba ni nyon mongs pa'i bzhi spangs pas so/ /gang gis 'dod chags dang bral ba thob cing dri ma sel bar byed pa yin zhe na/ 'di nyid smras pa/ 'di nyid ces bya ba la sogs pa pa ste/ gzhan dag ni shar phyogs kyi kun dga' ra ba na gnas pa'i gnas brtan yongs su dag pa las brtsams so zhes zer ro/ /dge zhes bya ba ni srid pa'i 'bras bu can no/ /sdig pa can zhes bya ba ni ngan song gi 'bras bu can no/ /gnyi ga yis kyang zhes bya ba ni ji skad bshad pa'i dge ba dang sdig pa'o/ /mi gos pa zhes bya ba ni nye bar mi sogs pa'o/ /de'i phyir bsod nams kyis gos pa ni 'khor los sgyur ba la sogs pa'o/ /sdig pas nye bar gos pa nyid na tsin? dan? gi ri ka la sogs pa'o/ /gnyi gas gos pa ni ma skyes dgra la sogs pa'o/ /gos med ces bya ba ni dri ma med cing las zad pa dang zag pa zad par 'dis bstan to/ /rdul bral zhes bya ba ni de'i phan yon bstan pa'o/ /zhi ba ni nye bar zhi ba thob pa'i phyir ro/ /bsod nams la sogs pas nye bar gos pas ni de la nye bar chags par 'gyur la de spangs pas ni des byas pa'i spags pa dang yang bral ba yin no/ zhes bstan te gang zhig dge ba la sogs pa smos so/ /gang chags pa nye bar spangs pa la sogs pa dang rjes su mthun pa'i gnyen po bskyed nas lhag pa de las 'das par byed cing zil gyis gnon par byed do/ /sred pa spangs pa des ni chags pa spangs pa'o/ /rnam bral zhes bya ba ni sred pa spangs pa'i phyir de dang rjes su mthun pa'i dngos po spangs pa ste khams gsum las grol ba'i phyir ro/ /rnam par bral ba'i ngo bo bshad pa/ gang zhig sngon dang zhes bya ba la sogs pa'o/ /ri kha ba can na gnas pa'i lnga mngon par shes pa dang ldan pa'i drang srong mang po shing n+ya gro d+ha'i rgyal po'i rtsar nyin par gnas
- 226b
par gyur to/ /tshe dang ldan pa maung+gal gyi bu chen po yang de nyid na 'dug ste/ de dag tshe dang ldan pa maung+gal gyi bu chen po'i thad du song nas 'di skad ces smras so/ /btsun pa ji tsam gyis de bzhin gshegs pa bram zer gdags pas gdags pa mdzad ces smras pa dang/ des bdag bcom ldan 'das kyis thad du khrid pa las ji tsam na 'di gsungs so/ /gang zhig ni sems can no/ /phyi ma dang zhes bya ba ni chung ma blangs nas bu bskyed par bya la bu la chung ma gzhan nags su 'gro bar bya'o zhes chos khrims kyis gzhung la brten nas chung ma dor ba ste gang zhig gang du sems rgyug pa med pa'i phyir ro/ /sngon dang zhes bya ba ni lo bzhi bcu lon pa'i bar du gnas la nags su song nas bu bskyed la chung ma blangs pa'i phyir khyim du 'od ba gang yin pa de ltar 'dod pa yang med pa'o/ /dbus kyang zhes bya ba ni bdag nyid gang yin pa la chags pa med pa ste dngos po thams cad la rgyab kyi phyogs pa'i phyir ro/ /yang na 'dis ni 'das pa dang ma 'ongs pa dang da ltar byung ba dag la lhag par chags pa dang/ khong khro ba la sogs pa med par bstan to/ /yod pa ma yin pa ni med pa'o/ /gang sngar bstan pa'i med pa de nyid smras pa/ /rdul bral zhes bya ba'o/ /'di nyid smras pa/ 'ching ba las grol zhes bya ba ste bdud kyi 'ching ba dang bral ba'o/ /'ching ba de gang yin pa dang sdig pa las grol ba gang yin pa de bstan pa'i phyir/ pad+ma'i 'dab ma zhes bya ba la sogs pa smos so/ /bram ze'i rigs su skyes pa gzhon yang sdig pa dang bza' ba ma yin pa spong pa zhig ji tsam na nga? dgon par gnas nas dgra bcom pa thob pa la bcom ldan 'das kyis tshigs su bcad pa gsum gsungs so/ /chu ni gzhol 'gro'o/ /pad+ma'i 'dab ma ltar zhes bya ba ni dper na chu ni pad+ma'i 'dab ma la gnas pa de bzhin du gang? zhig sdig pa la mi spyod de 'dod chags spangs/
- 227a
pa'i phyir ro/ /smyung bu'i rtsal yungs kar ltar zhes bya ba ni dper na smyung bu lte bsigs par byed pa'i rtse mo la yungs kar mi gnas pa de bzhin du sdig pa dag khong khro ba spangs pa'i phyir mi spyod pa'o/ /bkur sti bsal ba dang mi 'gyur ba bstan pa'i phyir/ dpe rnam pa gnyis sam yang na phun sum tshogs pa 'am rgyud pa'i gnas skabs la mi 'gyur bar bstan pa'o/ /sdig pa la mi 'jug pas ni 'dod pa spong bar 'gyur ro zhes bstan pa'i phyir/ 'dod la mi gnas zhes bya ba la sogs pa smos te/ lhag par zhen par mi byed pa'o/ /'dod pa spangs pas ni sred pa spangs pa yin no zhes bstan pa'i phyir/ srid la dga' ba yongs spangs te zhes bya ba yin te dga' ba ni srid pa don du gnyer ba ste/ de las skyes pa ni skyes ba dang srid pa ste de gnyis spangs pa gang yin pa de'o/ /yang na srid pa las dga' ba ni sred pa bskyed pa'o/ /sdig pa la sogs pa gsum dang 'brel pa ni tshigs su bcad pa gzhan gsum gyis bstan to zla bdag cing zhes bya ba la sogs pa'o/ /bcom ldan 'das ri spos kyi dang ldad? na lha la sogs pa'i tshogs kyis yongs su bskor cing bzhugs te khang steng nas zla ba yongs su rdzogs shing dri ma med pa la gzigs te/ de bstan pas 'dul bdag gi dbang du mdzad nas tshigs su bcad pa gsum gsungs so/ /zla ba ltar zhes bya ba ni zla ba bzhin du'o/ /dri med ces bya ba ni sgra gcan dang sprin gyis sgrib g.yogs dang bral ba'i phyir ro/ /dag pa ni dkyil 'khor yongs su ma rdzogs pa med pa'i phyir ro/ /rab tu dang ba ni ston nye bar gnas na shin tu mdzes pa'i phyir ro/ /skyon bral ni du ba dang rdul la sogs pa med pa'i phyir ro/ /de bzhin du gang la la zhig sdig pa dang ngan par spyod pa la sogs pas mi gos pa'o/ /ji ltar byas nas dri ma med pa'i yin zhe na/ ser sna'i dri
- 227b
ma dang bral ba'i phyir ro/ /dag pa ni lus la sogs pa'i legs par spyod pa nyams pa med pa dang ldan pa'i phyir ro/ /rab tu dang ba ni dge ba'i gshes gnyen bsten pa mchog tu byed pas so/ /skyon bral zhes bya ba ni legs par gsungs pa mnyan pa la sems pa la sogs pa dang ldan pa'i phyir ro/ /yang na kun tu rmongs pa'i lta ba ngan pa dang bral pa'i phyir te dngos po'i de bzhin nyid gzung bas ma nges pa'i 'khrug pa med pa'i phyir ro/ /gang de lta bu de ni sdig pas ma gos pa yin te/ des na sdig pa mi spyod pas bram ze'o/ /'dod pas zhes bya ba ni 'dod pa'i 'dod chags kyis so/ /yang dngos po gsum po nyid kyi dbang du byas nas/ 'dam rdzab kyis ni zhes bya ba la sogs pa smos so/ /'od srungs chen po'i yon tan las brtsams nas 'di gsungs te/ 'di dge slong dag 'di lta ste nam mkha' ni gtsang bas kyang mi dgos so/ /de bzhin du 'od srungs chen po yang 'jig rten gyi chos brgyad kyis mi gos so zhes pa nas tshigs su bcad pa gsum gsungs so/ /'dam rdzab kyis ni zhes bya ba ni dper na nam mkha' ni 'dam dang mi gtsang ba la sogs pas mi gos pa yin no zhes sbyar bar bya'o/ /rdul gyis zla ba ji lta bar zhes bya ba ni dper na zla ba'i dkyil 'khor la rdul dang rdul phran la sogs pa gang gis kyang mi gos pa ste mi spags shing dri ma can du mi byed do/ /sdig pa 'am ngan par spyod pas kyang de bzhin du gang zhig mi gos pa yin te de ni bram ze'o/ /gang yang sdig pas mi gos pa yin no zhes bstan pa la gang zhig 'dug nas zhes bya ba la sogs pa smos te tshe dang ldan pa nam grus mtshan ma med pa'i ting nge 'dzin mngon du byas nas gnas so/ /de nas tshangs pa chen po tshangs ris kyis lha sum brgyas yongs su bskor cing tshe dang ldan pa nam gru ga la pa der phyin te/ ji srid du btsun pa 'di'i nye bar zhi bas bdag cag ni dga' o zhes
- 228a
bya ba nas 'di gsungs so/ /'dug nas zhes bya ba ni dben pa'i gnas su 'dug pas so/ /rdul phral ni mi gtsang ba la sogs pas 'dod chags la sogs pa bkag pas so/ /dben pa gnyis gyi 'bras bu smras pa/ sems shing zhes bya ba ni nges par 'byed pa'i cha bzhi mngon du byed pa'i phyir te/ de dag bsam gtan pa'i sa pa yin pa'i phyir ro bya ba byas pa ni mthong lam bskyed pas ngan song gsum bsal ba'o/ /zag pa zad pa ni bsgom pas spang bar bya ba spangs pa'i phyir ro/ /dul ba ni mi slob pa'i lam thob pas thams cad du 'khrul pas spangs pa'i phyir ro/ /lus mthang? gnas pa ni de las gzhan pa'i skye ba yongs su 'dzin pa med pa'i phyir ro/ /shes pa dben pas ni khyad par la sogs pa 'thob pa yin no zhes bstan te/ shes rab zab cing ces bya ba la sogs pa smos so/ /de nas kun tu rgyu mkhas pa zhig thar pa 'dod de de'i bslab pa blangs pa las der thar pa ma thob nas bcom ldan 'das kyi spyan sngar song ste ji tsam na de las brtsams so/ /gzhan dag ni bya rgod kyi phung po'i ri la dge bsnyen ma bde ba las brtsams so zhes zer ro/ /shes rab zab pa zhes bya ba la zab pa ni don gting dpag dka' ba ste nges par 'byed pa'i shes rab gang gis bdag med pa la sogs pa rtogs pa'i phyir ro/ /yid gzhungs pa ni sangs rgyas kyi gsung mnyan pa la sogs pa'i rim pa la brten nas mthong ba'i lam bskyed pa'i phyir ro/ /lam dang lam mon rnams la mkhas zhes bya ba ni bsgom pa'i lam thob pa ste gang gi phyir de ni khyad par du 'dir lam la mkhas pa yin no/ /gang zhig don mchog rjes thob de zhes bya ba ni 'phags pa'i lam gyi phung po lhag ma dang bcas pa'i mya ngan las 'das pa 'thob pa'i phyir ro/
- 228b
'phags pa'i lam las skyes pa'i tshogs bstan pa/ mi ni gang yang rung ba zhes bya ba la sogs pa'o/ /dgra bcom pa ka pi na chen po bsod snyoms kyis lus 'tsho bar byed pa las brtsams so/ /gang yang rung ba dag ces bya ba'i yang gi sgra ni bdag nyid ces nges par gzung ba 'am srid pa'o/ /mi ni zhes bya ba ni mi'i 'jig rten zhes bya ba nges par gzung ba bdun pa ste mi'i nang nas zhes bya ba yin no/ /'tsho ba dang zhes bya ba ni srog gnas par byed pa'o/ /slongs mo spyad pas zhes bya ba la slong ba'i tshogs ni slongs mo'o/ /de'i phyir spyod pa ni 'jug pa ste/ slong ba des yongs su 'dzin pa zhes bya ba'i don to/ /'dis ni dben pa dang chog shes pa ston par byed do/ /bdag med ces bya ba ni bdag gir byed pa dang bral bas mthong bas spang bar bya ba spangs par bstan to/ /su la'ang gnod pa mi byed ces bya ba ni 'gro ba dang gnas pa gang la yang 'tsho ba mi byed de gnod pa dang bcas pa'i khams las 'dod chags dang bral ba'i phyir ro/ /brtan ldan zhes bya ba ni sa gong ma las 'dod chags dang bral ba'i phyir ri bo bzhin du mi g.yo ba'o/ /tshangs par spyod pa can zhes bya ba ni mi slob pa'i lam thob pa ste bdag dang gzhan gyi don byas pa'o/ /chos ston te zhes bya ba ni yan lag bcu gnyis kyis tshig gi rnam pa'o ci'i phyir zhe na/ kun shes spyad phyir zhes bya ba ste zag pa med pa'i rtogs pa sgrub pa'i phyir ro/ /lam bsgoms pas dang por 'dod pa las 'dod chags dang bral ba yin no zhes bstan te/ gang zhig 'dod pa zhes bya ba la sogs pa smos so/ tshong dpon su ta zhes bya ba'i khye'u gzugs bzang ba lhag par 'dod pa dag la sems zhugs par gyur to/ /ji tsam na khyim bdag dgon med zas spyan der song ste/ 'o bu cag phyi rol tu gdong zhes byas nas phyi rol tu khyer zhes bya ba la sogs pa
- 229a
rgya cher te bcom ldan 'das kyi zhal mthong nas chos thos pas rgyun tu zhugs pa'i 'bras bu thob ste de las brtsams nas 'di gsungs so/ /spangs shing zhes bya ba ni rab tu bor ba'o/ /'dod pa ni gzugs la sogs pa'i yul lo/ legs pa ni phyin ci ma log pa'i gnyen pos so/ /de'i gnyen po ni khyim med par ni rab tu byung ste/ zhes bya ba ste rab tu byung ba yongs su 'dzin pa 'gro ba'i don dang 'thob pa'i don to/ /de ma gtogs par ni yul gyis byas pa'i g.yeng ba dang bral ba med pa'i phyir ro/ /'dod pa'i zag pa yongs zad de zhes bya ba ni tshul khrims la brten te zhi gnas dang lhag mthong gis mthus 'dod pa'i nyon mongs pa mdza' dag spangs pa'i phyir ro/ /'dir ni phyir mi 'ong ba nyid ston to/ /'dod pa las 'dod chags dang bral bar gyur na ni 'tshe ba med par 'gyur ro zhes bstan te/ 'gro ba dang ni zhes bya ba la sogs pa smos so/ /rgyal po gsal rgyal gyi blon po'i mchog ba ma ka zhes bya ba gtum la tsham tshom med pa de bcom ldan 'das kyi spyan sngar song ngo/ /de gdul ba'i don bcom ldan 'das kyi rdzu 'phrul gyis nyi tsho ba'i sems can dmyal bar skyes ba sprul te de yang khwa dang ku ra ra la sogs pas lag pa nas nye bar gces pa dang nyam thag pa'i nga ro 'don par byed do/ /de mthong nas yid byung ngo/ /ci tsam na bcom ldan 'das kyis khyod kyis las ci zhig byas zhes bka' stsal pa dang/ bdag gis ni rgyal po'i chad pa gcod pa'i las bgyis so zhes gsol pa dang/ nges kyang de skad ces gsol ba nas de 'jigs pas rab tu byung ste de las brtsams nas 'di'o/ /mi gcod pa ni spangs pa dang por pa'o/ /chad pa ni 'tshe ba'o/ /gang la zhe na 'byung po rnams la ste 'jig rten la'o/ /gang la zhe na 'gro ba dang zhes bya ba smos te srog dang bcas pa dag la'o/ /gnas
- 229b
pa'i zhes bya ba ni sems med pa'o/ /ji skad du sdong dum chig pa la yang sems kyis gnod par mi bya na rnam par shes pa dang ldan pa'i lus can la lta smos kyang ci dgos zhes gsungs pa lta bu'o/ /gnas pa'i dug kyang 'gro ba'i dug bzhin du nye bar spyod par gyur na gsod par byed pa bzhin du 'gro ba gnyis po dag la 'che ba byas na byed pa po la gnod par 'gyur te de yang bshad pa/ 'gro ba dang ni gnos pa'i dug /spyod byed nges par 'chid 'gyur te/ /de bzhin 'tshe ba byed pa yin/ 'tshe byed nyid la nges par gnod ces so/ /chad pas gcod du mi 'jug pa de gang yin zhe na gsang byed gso du mi 'jug de zhes bya ba yin te/ bdag dang gzhan gyi lag gis gzhan la gsod par mi byed pa'i phyir te/ gzhan bsod du yang ma 'jug la bdag nyid kyang gsod par mi byed pa'o/ /mi 'tshe ba'i bsam pa'i ngo bo nyid smras pa/ gang zhig mi mthun zhes bya ba la sogs pa smos so/ /cho 'phrul chen pos mu stegs can dag tshar bcad pa las mdza' khob la brten par byed do/ /yang de 'tshe tshe dang ldan pa bde byed de na gnas te/ de snga dro sham thabs bgos pa nas ci tsam na bram ze phrag dog gi rang bzhin can mi mthun pa dag gi rnam par gyur kyang khro bar ma gyur to/ /gzhan dag ni nye bar zhi ba'i dge sbyong zhig las brtsams so zhes zer ro/ / gzhan dag ni gzhan gyis shin tu gtses kyang 'gyur ba med pa zhig las brtsams so zhes zer ro/ /mthun byed pa zhes bya ba la mi mthun pa ni zhe 'gras pa'o/ /de med pa ni rgyud gnyen pa zhes bya ba'i don to/ /gang la mi mthun par byed pa yin zhe na mi mthun zhes smos te zhe 'gras pa dag la'o/ /chad pas gcod pa zhes bya ba ni chad pas gcod pa gang yin pa de nyid de lus dang ngag gi sems can gzhan la gnod pa byed pa'o/ /dad du len zhes bya ba ni sems can la chad pa so sor mi byed par
- 230a
'jog pa ste 'dir ma he'i skyes pa'i rabs dper brjod par bya'o/ /'dir gnyi ga'i rgyu bstan pa'i phyir 'byung po rnams la gce phan zhes bya bas bstan te mngon par mtho ba dang nges par legs par sgrub pa ni phan pa'i brtse ba ni snying rje'i sems gang la yod pa ste/ sems can tshad med pa las 'gro ba'o/ /mthun par byed pa gang yin zhes na 'dir smras pa/ smad po'i rtse la zhes bya ba ste dge slong zhig dgon pa la dga' zhing yul gyi 'dod chags dang zhe sdang la sogs pa dang/ rnyed pa dang bkur bsti la mngon par chags pa gang yang la yang gnas par mi byed pa des las brtsams so/ /'joms pa ni spangs pa ste rgyud las bsal ba'i phyir ro/ /'dir dpe bstan pa smyang bu'i rtse la yungs kar ltar zhes bya ba'o/ /gang zhig ces bya ba la sogs pa la kun da na'i nags tshal na gnas brtan shes pa la zhes bya ba las brtsams so/ /sred pa ni yongs su bsgos pa ste 'dam lta bur mi 'dod pa'o/ /ji skad du bshad pa/ 'jig rten 'di na yongs su dag pa la 'jug pa ste bsgos pa'i rang bzhin 'gog par byed cing 'das pa ni dge slong zhes brjod do/ /rjod ni spang bar dka' ba ste 'phags pa'i lam ma gtogs par des thams cad spangs par mi nus pa'i phyir ro/ /gzhan dag ni bsgos pa zhes bya ba ma rig pa yin no zhes zer ro/ /gzhan dag kyang 'obs zhes brjod de de'i don ni sngar bshad zin to/ /'khor ba'i rlung las zhes bya ba ni 'khor ba'i chu bor ltung ba las so/ /rab brgal cing zhes bya ba ni 'phags pa'i lam dang ldan pas rgal bar gyur pa'o/ /brgal nas zhes bya ba ni 'das par gyur pa ste srid pa'i rgya mtsho las brgal ba'i tshul yod pa'i phyir ro/ /de nyid kyi phyir pha rol 'gro zhes bya ba ste/ mya ngan las 'das pa 'thob pa'i phyir ro/ /sems pa ni
- 230b
mthong ba'i mo la bde bar gnas pa'i phyir ro/ /mi bkri ba zhes bya ba ni skye ba gzhan du las dang nyon mongs pas 'khrid par mi nus pa'i phyir ro/ /sngar bstan pa'i mthong ba nyams pa yin no zhes bstan pa/ yid gnyis kyis zhes bya ba khams gsum gyi the tshom spangs pa'i phyir ro/ /log pa zhes bya ba ni lus dang sems mngon par zhi ba dang ldan pa'i phyir ro/ /len pa med pa ni las dang nyon mongs pa rtsa nas drungs phyung ba yang skye ba'i 'khrug pa med pa'i phyir ro srid pa ni rnam grangs bstan pa'i phyir/ gang zhig 'jig rten 'di dang zhes bya ba la sogs pa smos so/ /dge slong dag 'jig rten 'di dag ni sred pas 'khol cing sred pa'i dbang du 'gro ba'o zhes pa nas 'di gsungs so/ /gang 'jig rten 'di la lhag par zhen pa'i mtshan nyid sred pa yang med la/ 'jig rten pha rol tu gnyer ba'i mtshan nyid yang med de/ sred pa mdza' dag yongs su zad pa de nyid ni don dam pa'i bram ze'o/ /sred pa'i rnam grangs yang smras pa/ gang zhig 'jig rten 'di dang ni zhes bya ba la sogs pa'o/ yang na sred pa ni rnam pa gsum ste ngan par spyod pa las sred pa dang/ legs par spyod pa las sred pa dang/ srid pa'i sred pa ste go rims bzhin du gos bar bstan pa yin no/ /gang zhig 'jig rten 'di zhes bya ba la sogs smos pa la/ gar mkhan gyi bu mo gzugs shin tu bzang po la tshong dpon gyi bu zhig chags te de'i bzo la 'jug pa las rgyal pos gsod cig ces bsgos te 'tsho ba'i re ba gtang ba las 'phags pa shA ri'i bus skyabs byas te sred pa spangs pa de'i dbang du mdzad nas bcom ldan 'das kyis 'di gsungs so/ /mngon par 'dod pa'i dngos po ma thob pa thob par 'dod pa ni chags pa zhes bya ba'i don to/ /gang la 'di 'am gzhan du de med pa ni chags med de sred pa med pa'o/ /rnam par bral ba zhes bya ba ni 'chid
- 231a
ba lhag ma spangs pa'o/ /sred pa dang nges byas pa'i gdung ba spangs pa'i phan yon smras pa dga' ba dang mi dga' zhes bya ba la sogs pa'o/ /gang zhig gi bu zhig dmyal bar skyes ba las shi 'phos te skye ba dran par gyur pa yang dang yang du tsha bas rdul 'byin cing yang dang yang du chu ba'i nang du 'jug par byed do/ /ji tsam na rgyun tu zhugs pa'i 'bras bu thob par gyur nas de'i dbang du byas pa'o/ /spangs pa ni rab tu btang ba'o/ /dga' ba dang zhes bya ba ni 'dod pa la dga' ba ste de ni skye ba gzhan gyi chung ma la byi byed par gyur pa'o/ /mi dga' ba zhes bya ba ni rnam par sdang ba ste yid mthong ba la sogs pa bskyed pas 'dod pa las 'dod chags dang bral bar byed du 'jug pa'o/ /bsil bar gyur pa ni tshim pa thob pa ste nyon mongs pa dang nges byas pa'i gdung ba med pa'i khyod par bstan to/ /dben pa'i dga' ba dang ldan pa'i phyir gzugs kyi khams spong bar bstan te/ zad pa med pa zhes bstan to/ /'jig rten kun zil gnon ces bya ba ni gzugs med pa'i khams spangs pa ste so so'i skye bo thams cad zil gyis gnon pa'o/ /ji skad du 'dod chags dang bcas pa 'dod chags dang bral bas so zhes bshad pa'o/ /brtan pa ni g.yo ba'i rgyu med pas don dam pa'i gnas skabs nyid na ni ri rab bzhin du mi g.yo'o/ /thams cad zil gyis gnon pas ni sbyor ba thams cad med pa yid no zhes bstan pa'i phyir/ mi'i sbyor ba zhes bya ba la sogs pa'o/ /rig pa 'dzin pa zhig gis rig pa'i stobs kyis lha gzhon nu bzhi shing rta zung la bcings te skyed mos tshal gyi nad du zhugs par byas so/ /de dag 'od srungs chen pos btang ste rang gi khyim du song ngo/ /ji tsam ni 'od srungs chen pos rig pa sa'i rdzas ngag byin te rig pa 'dzin pa de
- 231b
dgra bcom pa thob par gyur pa de'i dbang du mdzad do/ /gzhan dag ni gang+gA tat+ta zhes bya ba'i rnal 'byor pa rtag tu g.yeng bar byed cing khyim pa'i skye bo brten par byed pa de las brtsams so zhes zer ro/ /mi ni 'dod pa na spyad pa la/ /spyod pa ni nyon mongs pa ste sdug bsngal gyi khyad par de dang de dag la sbyor bar byed pa'o zhes byas nas so/ /lha'i sbyor ba rab 'das shing zhes bya ba ni gzugs dang gzugs med pa ni spyod pa'i nyon mongs pa dang rjes su mthun pa gang gis 'das pa'o/ /sbyor ba kun dang rnam bral te zhes bya ba ni sbyor ba bzhi dang bral ba'o/ /sbyor ba spangs pas ni 'gro ba med pa yin no zhes bstan te/ gang zhig lha dang zhes bya ba la sogs pa'o/ /bcom ldan 'das 'gro ba lnga'i rnam par dbye ba mdzad pa ni dge slong gzhan zhig stan las langs te 'di skad ces gsol to/ /btsun ba che ge mor dge slong shig dus las 'das te/ de'i 'gro ba cir 'gyur zhes zhus pa dang 'di gsungs so/ /gang zhig gi 'gro ba mi shes pa ni yongs su mya ngan 'das pa'i phyir te/ mya ngan las 'das pa'i 'gro ba ni dgra bcom pa zhes bya ba'i tshig gis so/ /gang mi shes pa yin zhe na/ lha dang dri za mi zhes bya ba ste de la lha ni brgya byin la sogs pa'o/ /dri za ni su pri ya zhes bya ba la sogs pa lha'i rol mo pa'o/ /min 'khor los sbyar ba la sogs pa'o/ /'gro ba mi shes pa zhes bya ba ni 'di'i 'gro ba shes par mi nus pa'i phyir ro/ /de dag las zhe na/ 'di ltar zhi ba zhes smos te/ mya ngan las 'das pa'i phyir zhi ba ste/ phung po lhag ma med pa'i mya ngan las 'das pa'o/ /gang gis 'gro ba mi shes pa dang zhi ba yin zhe na/ gang gi chos rnams zhes bya ba la sogs pa smos so/ /bram ze zhig 'di ltar lta zhing 'di skad du smra ste shes pas ni su la yang dgos pa med de ci'i phyir zhe na/ shes pas ni mang po sdug bsngal bar snang ngo zhes pa nas ji srid du
- 232a
de'i dbang du mdzad pa'o/ /ngas ni chos gcig ma shes shing mngon par mi shes pas yongs su shes par mi 'gyur ro/ /zhes rgya cher te 'di lta ste bram ze gang yin pa de ni khyim nas rgyags blangs te za dang byed do/ /de bzhin du gang 'di na yang dag par myong ba'i bde ba 'am sdug bsngal de yang rang gis las las byung ba yin no zhes te des na tshigs bcad 'di gsungs so/ /mi shes pa zhes bya ba ni ma rtogs shing yang dag par khong du ma chud pa ste/ gang gis chos rnams med gyur pa zhes bya ba dang sbyar ro/ /ma mthong ba na zhes bya ba ni mngon sum du ma byas pa ste/ 'jig rten dang 'jig rten las 'das pa'i shes pa dang spangs pa yongs su shes pas sam mnyam par ma bzhag pa 'am/ mnyam par bzhag pas sam zhes pa la sogs par brjod par bya'o/ /'di skad ston te/ ji srid du skyes bus ma shes pa de srid du de la bde ba dang bde ba'i rgyu med te/ kun tu rmongs pa'i mun pa'i nang du gnas pa ni sdug bsngal kho na nyams su myong ba yin te/ dmus long bzhin no/ /gang shes pa sdug bsngal 'dren par byed pa ma yin te/ ji skad du/ bde dang rjes mthun ma yin brten ci bya/ /'bras bu dge min bya bas ci zhig bya/ /legs la mi 'dzud mdza' bo 'ang ji zhig rung/ /sdug bsngal mi spong shes pas ci zhig phan/ /shes pa'i ma ni shing chen dang/ /mig dang yid bzhin nor bu ltar/ /des na de phyir 'di las ni/ /bsod nams bu la sogs pa 'byung/ /gang zhig 'jig rten bya mi 'jug /de ni 'jig rten 'khrul ces bya/ /gang zhig mthong ba'i gegs byed pa/ /de ni sgron ma zhes mi brjod/ /ces bshad pa lta bu'o/ /ci shes pa gcig gis shes shing mthong ba gcig gis mthong ngam zhe na/ shes bya
- 232b
mdza' yas lta ba de zhes bya ba ste mdza' yas shing dpag tu med pa'i shes pa dang shes par bya ba la lta ba'i dang tshul 'di la yod pa ste/ ji skad du/ dri med bzod rnams shes pa min/ /zad dang mi skye'i blo lta min zhes pa ste/ gang zag dang dbang po'i dbye bas shes bya mdza' yas pa la shes pa ni rnam pa bcu'o/ /shes pa mdza' yas pa de dag kyang gang zhe na/ sngon gyi gnas zhes bya ba la sogs pa'o/ /bram ze zhig gis bcom ldan 'das la gsol pa/ tshul gang kun tu spyod pa gang/ /yon tan gang dang las gang gis/ /chos gang 'phel zhing ldan gyur pas/ /dgra bcom bram zer shes par bya/ /zhes pa dang de las brtsams pa'o/ /gzhan dag ni mi slob pa gsum dang/ rig pa gsum zhes bya ba la sogs pa mdor bsdus nas tshigs bcad gsum mo zhes zer ro/ /sngon gyi skye ba las gnas skabs ni sngon gyi gnas so/ /de rtogs pa ni ji lta ba bzhin du shes pa'o/ /'das pa'i shes pa bstan nas ma 'ongs pa'i shes pa bshad de/ mtho ris sar song zhes bya ba smos te/ 'byung bar 'gyur zhes bya ba ni tshig gi lhag ma ste bde 'gro dang ngan 'gro yang ngo/ /mthong ba dang zhes bya ba ni lha'i mig gis mthong ba'o/ /de nas skye ba zad pa thob zhes bya ba ni skye ba zad pa thob pa ste skye ba'i rgyu thams cad spangs pas so/ /gang gi phyir thub pa mngon par shes la brtson pa zhes bya ba la mngon par shes pa ni drug go /brtson pa ni gang gis rtogs pa'o/ /yang na mngon par shes pa ni zag pa med pa'i shes rab ste brtson pa ni lhag par zhen pa'o/ /gang mngon par shes pa la brtson pa de ni nams kyang skye ba zang ba thob pa yin no/ /dper na sgron ma yod pa des ni snang ba yod par 'gyur ro/ /thub pa ni thug pa gang dang ldan pas so/ /sdug bsngal tha mar shes pa zhes bya ba ni 'khor ba'i tha ma'o/ /sems kyi rnam grangs shes
- 233a
pa'i mngon par shes pa bstan pa'i phyir/ sems kyis zhes bya ba ste/ gzhan gyi rnam par shes pa zhes bya ba ni tshig gi lhag ma'o/ /bdag nyid kyi ngo mtshar med pas so/ /sems de ji lta bu zhe na rnam grol zhes smos te 'dod chags la sogs pa dang bral ba'o/ /rgyu gang gis nyon mongs pa dag la mngon du ma gyur pa'i sems rnam par grol ba las 'dir dgongs te gtan du spangs pa ni 'og nas brjod pa'i phyir ro/ /yang na yongs su nyams pa'i chos kyi dbang du byas pa ste de las ma nyams pa'i chos kyi sems ni 'og nas brjod pa'i phyir ro/ /shes pa ni rtogs pa'o/ /grol ba dang zhes bya ba ni spangs pa zhes bya ba'i don to/ /gang zhe na 'dod chags zhes bya ba ste 'dod chags la sogs pa'o/ /ji lta zhe na kun la zhes bya ba ni gtan du'o/ /rig pa ni khyad par gyis shes pa'o/ /gsum ni sngon gyi gnas rjes su dran pa la sogs pa'o/ /ldan pa ni bcas pa'o/ /gzhan gyi sems shes pa la sogs pa'i mngon par shes pa la sogs pa dang ldan pas ni bram zer 'gyur ro zhes bya ba'i don to/ /yang na mthong ba dang bsgom pa dang mi slob pa'i lam gyis rnam grol zhes bya ba la sogs pa'i tshig rkang dag go rims bzhin du sbyar ro/ /bstan ma thag pa'i khyad par ldan pa'i rnam pa smras pa gang gis 'chi 'pho rtogs gyur pa zhes bya ba ni ris mthun pa chad do/ /skye ba ni nying mtshams sbyor ba'o/ /thams cad ni rnam pa thams cad do/ /thogs med spyan ldan zhes bya ba ni sgrib pa med pa'i ye shes kyis so/ /de nyid kyis phyir sangs rgyas ni rnam pa thams cad thugs su chud pa'o/ /gang zhig kun sbyor kun 'das shing zhes bya ba la sogs pa smos pa la/ rgyal po'i khab na tshong
- 233b
dpon gyi bu sde dag ces bya ba 'phags pa'i bden pa rtogs pa las mi 'gyur ba de las brtsams so/ /kun tu sbyor ba thams cad las 'das pa ni kun tu sbyor ba dgu spangs pa'i phyir ro/ /gang zhig ni gang nyid do/ /yongs su gdung ba med pa ni nyon mongs pas byas pa'i gdung ba nyams su myong ba med pa'o/ /dga' med ni rgod pa dang 'phyar ba la sogs pa med la zag pa dang bcas pa'i dngos po la don du mi gnyer ba ste/ sred pa spangs pa'i phyir ro/ /dran ldan zhes bya ba ni yid dran pas gnas pa'i phyir ro/ ston pa ni bdag nyid kyis de kho na rtogs shing snying rje'i dbang gis gzhan la ston pa'o/ /ji skad du bshad pa/ gang zhig ji snyed shes pa sgrub pa'i snod gyur pa/ /blo ldan 'dzin par nus par byed pa'ang rung/ /gdul bya'i bag la nyal dang bsam mkhyen nas/ /des ni de srid don ston ston pa yin zhes so/ /gang zhig bdag dang gzhan gyi don phun sum tshogs pa de nyid yang brjod par bya ste/ thub pa rnam rgyal zhes bya ba la sogs pa smos so/ /bi banda ka zhes bya ba'i bram ze zhig /rigs dang rig pas shin tu bdag bstong de de bas na/ pha ma phun tshogs pa dang/ ji snyed kyi rig byed gsum gyi pha rol tu phyin pa yin no/ /zhes nas bcom ldan 'das kyis spyan sngar song ste/ 'di skad du gsungs pa de thos pas rab tu byung zhing dgra bcom pa'i 'bras bu thob po/ /khyu mchog ni de las gzhan pa'i khyu mchog dag las gtso bor gyur pa phyir khyu mchog rab mchog go /rnam par 'dren pa yin pas mchod pa'i yang mchod pa ste/ bla mar gyur pa'i don to/ /ci'i phyir zhe na/ 'di ltar glang po che zhes smos te bdag nyid chen po'i yon tan khyad par can dang ldan pa'i phyir dang/ tshul nyams pa med pa'i phyir ro/ /'dis ni tshogs chen po bstan to/ /drang srong chen po ni 'dod chags dang bral ba chen po ste shes bya'i sgrib pa spangs pa'i phyir ro/ /rnam
- 234a
par rgyal ba zhes bya ba ni rnam par rgyal ba gang yin pa de rnam par rgyal te lha'i bu'i bdud bcom pa'i phyir ro/ /thub pa ni thub pa dang ldan pa nyid do/ /bkrir med ces bya ba ni nang dang phyi rol gyis 'tshe ba gang gis kyang khrid par mi rung ba'i phyir ro/ /gtsang sbra'i sbyor ba smras pa/ khrus byas zhes smos te/ legs par spyod pa bcu'i chu rgyun blugs pas sdig pa'i dri ma mdza' dag 'khru bar byed do/ /gang de lta bu nyid ni/ gang zhig srid 'das zhes bya ba la sogs pa yin no/ /gnas brtan 'phags pa pi lin di'i bu/ gzhan dag gis ngan pa thas chad ces bya ba la sogs pas spyos te/ de las brtsams pa'o/ /thams cad zil gyis gnon pa yin te/ ji lta zhe na/ 'di ltar srid 'das zhes smos te/ srid pa gsum las brgal ba ni srid pa las 'das pa ste 'di'i 'chid ba spangs pa'o/ /chu bo las brgal ces bya ba ni chu bo rnam pa bzhi las brgal ba ste srid pa gsum rtsa nas 'byin par ston to/ /rnam par 'dren pa ni gdul bya'i skye bo rnam par 'dren pa'i phyir ro/ /pha rol phyin pa zhes bya ba ni gnyi ga'i don bsgrubs pas so/ /rnam bral ni de las gzhan pa'i skye bar nying mtshams mi sbyor ba'i phyir ro/ /nyon mongs pa dang rnam par bral ba'i sbyor bas bskyed pa'i bsam gtan gyi thabs smras pa/ sdig chen rnam par mi sems shing zhes bya ba la sogs pa smos so/ /dgon pa pa'i dge slong zhig sbyor bas ma bskyed pa'i ting nge 'dzin bsgom pa las ting nge 'dzin gyi mtshan ma las nyams te skyon nas bcom ldan 'das ga la ba der phyin to/ /ji tsan na de skal pa dang ldan par mkhyen nas/ gzugs dag la nges par sems pa dang/ lhag par mngon par brjod pa ni ting nge 'dzin 'jug pa ma yin no zhes bstan nas 'di gsungs so/ /ting nge 'dzin la gnod
- 234b
pa ni gsum ste/ gang de las nyams par 'gyur ba'o/ /'di lta ste nges par sems pa dang lhag par mngon par brjod pa dang/ 'dod pa la sogs pa'i rnam par rtog pa ste/ gang gi tshe rnal 'byor gyis gzugs la sogs pa bsal zhing snang ba ste/ de las de dag nges par sems pas rab rib bzhin du sems nye bar spyad pa byas nas nyams par 'gyur ro/ /de bas na bshad pa/ mi bsgom pa ni mchog tu byed pa ma yin par brtag par bya'o/ /smra bar mi byed pa ni gang gi tshe rnal 'byor can de nyid sbyor ba gom par byed pas mi gtsang bsgom pa la gzhol zhing yid la byed pa'i lus la sogs pa'i dran pa nye bar gzhag pa sgom pa la 'bad par mi byed do/ /bskam par gyur pas don du gnyer ba'i bdag nyid yin gyi brjod pas ni de'i tshe khyad par thob pa yang nyams par byed na sngar ma bsgrubs pa lta smos kyang ci dgos/ des na myur ba'i theg pa thob par byed do/ /yang na gnyi ga dang 'gal ba'i yid la byed pa'i bstan pa nyan pa'i bstan pa nyan pa med pa'i phyir ro/ /sdig can rnam par mi sems shing zhes bya ba ni 'dod pa la sogs pa'i rnam par rtog pa yid la mi byed pa'o/ /sprin chen po de'i sbyor bas ting nge 'dzin ma yin pa 'dir dper brjod par bya'o/ /sems dben bstan nas lus dben bshad pa/ 'dug nas smos te shing drung la sogs dben par 'dug pa'o/ /de'i 'bras bu ni rdul bral zhes bya ba ste 'dod chags dang bral ba'o/ /mthong ba'i chos la bde bar gnas pa bstan pa ni sems pa'o/ /'phags pa'i rigs thob pas yid dben pa nyid du bstan pa'i phyir/ gang zhig phyag dar khrod ces bya ba la sogs pa smos so/ /de nas rgyal rigs shig bdag nyid dmyal bar skyes pa rmi lam gyi nang du mthong ste mi rigs par spyad pa gang gis 'dir skyes par gyur ces pa dang/ btson ra'i mchog bum pa'i nang na gnas pa ni mi rigs pas so/ /gzhan gyi nor nyams par byas pas ni zangs
- 235a
zhun gyi khu ba'i gos kyis lus la bskon par 'gyur ro/ /tshig ngan par mi de gtun gyi phye mar byed cing 'joms la brdungs pas gnod par byed do/ /dbyen gyis ni sog les 'dri ba la sogs pa mthong nas skyo ba skyes te bcom ldan 'das kyi spyan sngar song zhing rab tu byung nas dgon par song ste phyag dar khrod 'chang zhing rtswa'i stan la 'dug nas ji tsam na khams gsum las 'dod chags dang bral te/ de'i dbang du mdzad nas 'di gsungs so/ /byis pas zas pa la sogs pa'i gos gang phyag dar gyis phung po la sogs pa dpor nas phyag dar khrod du ltung ba ni phyag dar khrod te/ de blangs nas bkru ba dang btsam pa dang btso ba la sogs pas yongs su spyod zhing 'dzin pa ni phyag dar khrod 'chad pa ste 'dis ni chos gos ngan don tsam gyis chog shes par bstan to/ /ngo tsha shes pa ni 'dzem pa dang ldan pa ste bsod snyoms nga mngon tsam gyi chog shes pa bstan to/ /ngo tsha dang bcas pas ni gos la sogs pa gzhan las slong gis kha zas ni ma yin te de don du gnyer ba ni smad pa'i dngos po yin pas mi mdzes pa yin la 'dir don du gnyer bar yang mi byed de 'dis ni gya nom pa slong ba med par bstan to/ /'dod mi lta zhes bya ba ni 'dod pa thams cad la lhag par zhan pa spangs pa ste 'dis ni spong ba bsgom pa la dga' ba bstan to/ /shing drung dag tu gnas pa zhes bya bas ni gnas mal ngan don tsam gyi chog shes pa bstan to/ /yang na phyag dar khrod 'chang zhing zhes bya ba la sogs pas ni go rims bzhin du lus dang sems gdul ba dang/ lus dang sems dben pa bstan to/ /'phags pa'i rigs bsgom pa ji lta ba de bshad pa/ gang zhig sdug bsngal zhes bya ba la sogs pa'o/ /gzhan dka' thub can zhig dka' thug drag pos
- 235b
rnam par grol bar 'dod cing phyogs bzhi nas tsher ma rnam pa bzhi la yongs su 'gre zhing 'dug pa gzigs nas 'phags pa'i bden pa bzhi bstan cing de'i 'og tu 'di gsungs so/ /lam ni thar pa'i thabs/ /legs par sgom par byed pa ni gang zhig legs par bsten pa ste gang zhe na/ 'phags pa'i lam yan lag brgyad de zag pa med pa'i yan lag brgyad dang ldan pa'o/ /de ci lta bu zhe na/ drang po zhes bya ba bde ba la sogs pa'i phyir dang/ bgrong pa gcig pa yin pa'i phyir ro/ /zhi ba ni me nye bar zhi bar byed pa'i thabs yin pa'i phyir te/ lta ba bzhin no/ /yang na ci'i phyir 'phags pa zhes bya zhe na/ drang po ste zag pa med pa'i phyir ro/ /ci'i phyir yan lag brgyad ce na 'di ltar zhi ba ste bkra shis pa yin pa'i phyir ro/ /yang dag pa'i lta ba la sogs pa yan lag brgyad do/ /gang gi don du 'di sgom par byed ce na sdug bsngal kun spangs phyir zhes bya ba yin no/ /'phags pa'i lam gyi 'bras bu ni 'gro ba'i go skabs med pa yin no/ zhes bstan pa'i phyir gang la cung zad ces bya ba la sogs pa'o// de nas bram ze rab tu mang po gcig tu 'dus shing tshogs pa las bcom ldan 'das las bzhugs gnas bstan nas so/ /zhes rgya cher te bzhugs pa las tshe dang ldan pa maung+gal gyi bu rgyang ring po nas gzigs te de'i dbang du mdzad nas tshigs su bcad pa 'di'o gang la zhes bya ba ni sems can no/ /gnas pa ni kun tu 'dzin cing yongs su bzung ba'o/ /cung zad med ces bya ba ni gang na yang ngo/ /yang na gnas ni 'gro ba'i gnas skabs te/ de ni cung zad kya shar na yang med pa'o/ /yang na gang gis kun tu 'dzin par byed pa'i gnas gang la yod pa de srid pa'o/ /kun shes ni zad la mi skye ba'i ye shes thob pa'i phyir te de ni gnas med do/ /rim pa gang gis kun shes la dang ldan pa yin zhe na bshad pa/ yid gnyis zhes bya ba ste mthong ba'i lam gyi
- 236a
the tshom spangs pa'i phyir ro/ /zug rngu med pa ni bsgom pa nyon mongs pa thams cad dang bral ba'i phyir ro/ /'chi med go 'phang thob pa zhes bya ba ni phung po lhag ma dang bcas pa'i mya ngan las 'das pa thob pa'i phyir ro lam kho na sems dul bar 'gyur ro zhes bstan pa'i phyir/ gang zhig lus med ces bya ba la sogs pa smos so/ /gang zhig btul bas thams cad thul bar 'gyur zhes kha lo sgyur bas zhus pa las 'di gsungs so/ /ring du 'gro ba ni 'dzin par byed pa ma/ thob pa ste/ yul ring ba na gnas du ma dag 'dzin pa'i phyir ro/ /gcig pu rgyu zhes bya ba ni re re 'jug pa ste 'dir sems kyi rgyud ni gcig go zhes bya ba'i tshig gis so/ /lus med pa ni gzugs med pas so/ /phug na gnas pa ni ming dang gzugs bstan pa ste gang gi phyir khams gnyis na ni gzugs la brten la/ gzugs med pa'i khams na ni sems ris mthun pa dang srog la brten pas so/ /gdul dka' ba ni dka' bas gdul bar bya ba yin te/ ring du 'gro ba la sogs pa'i phyir ro/ /sems dul ba thob na ni mya ngan las 'das pa thob pa yin no zhes bstan pa'i phyir gang zhig gzugs med ces bya ba la sogs pa smos pas so/ /de nas tshangs pa'i tshe zhes bya ba'i bram ze bcom ldan 'das kyi spyan sngar 'ongs te 'di skad ces gsol te/ btsun pa go 'phang gang zhig rtogs na don dam pa'i bram zer 'gyur zhes gsol pa dang/ tshigs su bcad pa 'di gsungs so/ /gang la gzugs med pa de ni gzugs med de gzhi rnam pa bcu gcig gi gzugs med pa'i phyir ro/ /bltar med ni 'di ni 'di'o zhes nges par bstan par mi rung ba ste de lta bu'i dper brjod pa gzhan med cing mi snang bas so/ /mdza' yas pa ni mthar thug pa ste/ thams cad la zhugs pa'i phyir nam mkha'
- 236b
bzhin no/ /shin tu bltar med ces bya ba ni rtogs par dka' bas so/ /phra ba ni dbang po la sogs pa las 'das pa'o/ /skye ba la sogs pa'i gnod pas mi gnod pa'i gzhi ni mya ngan las 'das pa zhes pa'i gnas so/ /mngon rtogs ni 'gog pa shes pa ji lta ba bzhin du mngon par rtogs pa'o/ /spyod pa ni 'jig rten gzhan la phan pa'i phyir spyod pa'o/ /yongs su nyams pa med pa'i chos nyid bshad pa brtag dran zhes bya ba ste rgyun du mi nyams pa'i dran pa la rgyun mi chad par gnas pas so/ /kun sbyor zad pa zhes bya ba ni nyon mongs pa bag chags dang bcas pa spangs pa'i phyir ro/ /'dis spangs pa phun sum tshogs pa bstan nas/ ye shes phun sum tshogs pa ni sangs rgyas zhes pas bstan to/ /gang bcad nas dul bar 'gyur ba de smras pa/ gang zhig sogs mig ces bya ba la sogs pa smos so/ /rig byed 'don pa'i bram ze gnyis shig rigs kyis bsnyems shing dregs la/ shin tu bskams zhing phongs pa de gnyis 'khor gyi dkyil 'khor stong phrag du ma'i nang du zhugs te bcom ldan 'das kyi thad du nye bar 'ongs nas/ kye gau ta ma 'jig rten na ni bram ze mchod pa yin no zhes zhu ba dang zhu ba po gnyis las brtsams te tshigs su bcad pa gnyis so/ /btubs pa ni bcad pa'o/ /'chid ba ni 'dis 'dzin par byed pa yin pas zhes byas nas te pa'o snyam pa'i nga rgyal 'jigs tshogs la lta bar byed cing sems 'dzin par byed pas so/ /gzhan dag ni zhe sdang ngo zhes zer ro/ /sogs mig ces bya ba na pags pa'i rang bzhin gyi thag pa ste 'dir ni sred pa'o/ /dper na shing rta'i 'og nas thams cad du shing yongs su bcings nas sogs mig dang chings ma byas na bung 'degs nus pa med pa de bzhin du/ 'jig rten 'di na yang 'dis bstan te sred pas bcings nas 'khor ba'i sdug bsngal 'debs nus par
- 237a
'gyur ro/ /chings ma ni myur du skye bar byed pa'i rang bzhin shing glegs kyi gzer du la sogs pa 'ching ba yin te 'dir ni gti mug bsal ba'i lhag ma nyon mongs pa dang nye ba'i nyon mongs pa'o/ /rgyang thag bcad nas su zhes bya bas ni dka' bas spangs pa'o/ /thams cad du yang 'di sbyar bar bya ste/ rgyang thag bcad pa ni 'ching ba dang sogs mig ces sbyar bar bya'o/ /gsum pa 'di ni khyim gyi sgo glegs kyi brtan pa bzhin du 'das par dka' ba gang yin pa ste ma rig pa'i gdung bas so/ /brtan pa de nyid smras pa/ yongs su gdung spang zhes bya ba gdung ba yongs su spangs pa ste/ 'khor brtan bzang po'o/ /gzhan dag tu ni 'obs brgal ba zhes 'byung bas brgal ba ni 'das pa ste ma rig pa'i 'o bas lags so/ /rnyed 'dod ces bya ba la 'di ni rnyed pa'i dbye ba ste de la spyir sogs mig ces bya bas bstan pa'i phyir ro/ /de la yo byad ma thob pa la lhag par zhen pa ni rnyed pa'o/ /mnyam par bzhag pa'i khams kyi yo byad ni sred pa'i 'dod pa'o// 'dod pa'i khams kyi yo byad ni sred pa'i rnyed pa'o/ /de nyid kyi phyir gtan du mi 'dod pa smras pa/ sdig can zhes smos te sdig pa'i las thams cad 'dren pa'i phyir dang/ ser sna la sogs pa de'i mthus gshin rje'i 'jig rten la sogs pa skye ba'i phyir te de yang 'dod pa zhes bya ba 'dir 'brang ngo/ /rtsar bcas zhes bya ba ni rgyu dang bcas pa ste tshor ba'i rkyen gyis sred pa dang ma rig pa'i rgyus kun tu 'dod chags pa'i bdag nyid dang/ tshul bzhin yid la mi byed pa zhes bya ba la sogs pa'i tshig gis so/ /tshor ba ni dang po'i rtsa bar gyur pa shes par bya'o/ /drungs phyung ba ni rtsa nas bcad pa'o/ /sred pa ni 'di la te? 'dod pa na ni 'khrig pa'i sred pa'o/ /gzugs na ni bsam gtan gyis sred pa'o/ /gzugs med par ni snyoms par 'jug
- 237b
pa'i sred pa'o/ /gsum po 'di ni sogs mig ces bya ba'i sgras bstan to/ /don dam pa'i bram ze ni de yin no zhes nga smra'o zhe'o/ /rnam pa gzhan gyis sems gdul ba smras pa/ brtson pas chu bo zhes bya ba la sogs pa'o/ /shing rta lnga brgya rtsam 'brog dgon par ngal sob na de dag thams cad chu bos khyer te rdzas thams cad khyer zhing tshod pa dag dka' bas srog rnyed de nyam pa de'i dbang du mdzad nas btsun pa chu bo 'di ni chung bas lags te 'on kyang chu ba bzhin chen po lags zhes gsol pa dang/ 'di gsungs so/ /rgyud bcad ces bya ba ni chu bo bzhi las brgal ba ste khyim gyi gnas yongs su dor ba yin no zhes byed pa'i tshig yin na/ /rgyun bcad pa ni brtson 'grus rtsom pa la rag las pa yin no zhes bstan pa'i phyir brtson pas zhes smos so/ /'dod pa thams cad dag bcom zhes bya ba ni 'dod pa'i 'dod chags dang nyon mongs pa'i 'dod chags te lus dang sems dben pa brten pa 'am mi gtsang ba la sogs pas 'dod pa na spyod pa'i nyon mongs pa bkag pa'o/ /'phags pa'i lam gyis ni rtsa ba dang bcas par spong ba yin no/ /'du byed rnams kyi zad shes pa zhes bya ba ni gzugs dang gzugs med pa na spong pa'i spangs pa mngon sum du byas pa'o/ /'dod chags dang bral bar byas nas gzhan gyi don 'tsho ba med par byed do zhes bstan te sdig med gang yin zhes bstan to/ /'dod chags la sogs pa 'tshe ba'i rgyu dang bral zhing ni spyod do nges par sdig pa med pa ni 'di'i nges pa'i tshig go /pha dang ma ni zhes bya ba la sogs pa la/ gleng gzhi dang bcas pa'i don dge slong the tshoms su bstan zin to/ /stag ces bya ba mi gnod sems kyis kun nas bkris pa dang ldan pa'i sems can bstan te/ dper na stag ni gtum zhing drag la tsham tshom med par sha dang khrag la spyod do/ /de bzhin du gnod
- 238a
sems kyi kun nas bkris pa dang ldan pa yang gdug la dge ba'i rtsa ba thams cad kun tu za bar byed pa'i phyir ro/ /lnga pa ni pha la sogs pa rnam pa bzhi'i phyogs bstan nas 'di ni lnga par gyur pa'o/ /yang na sgrib pa lnga las lnga pa yin pa'i phyir ro/ /de lta bur gyur ba de ni gcig tu mchod pa dang bsnyen bkur byas pa yin no zhes bstan pa'i phyir/ gang zhig bram ze zhes bya ba la sogs pa smos so/ /rgyal po'i khab na bram ze skra dang kha spu bregs nas ring por ma lon par dgra bcom pa zhig yod de grong khyer du bsod snyoms kyi phyir zhugs so/ /bram ze'i rigs shing sA la chen po zhig dang sngon nas khon dang rjes su 'brel ba yin te nges mgo la lag lcag brgyab po/ /des smras pa/ sngon ni gzhan bram ze ltar snang yang ltar ni gzhan ltar snang ngo zhes bya ba dang/ de khros te yang brgyab po/ /des smras pa bdag la sngon ni nyes pa med na phyis ni nyes pa yod de 'di ltar thob nas cad mi smra bar bdag ci'i phyir ma song zhes pa dang/ de mngon par dang nas de las brtsams so/ /bram ze rnams la brdeg mi bya zhes bya ba ni ji skad du bshad pa'i tshul gyis bram ze dgra bcom pa mchod pa'i gnas kyi rgyud la lag pa dang bde ba la sogs pas brdeg par mi bya ba'o/ /de la ni yid kyis gnod par bsam pa yang mi rigs na brdeg par bya ba lta smos kyang mi dgongs te brdeg pa ni nyes par spyod pa 'phel ba'i rgyur gyur pa'i phyir ro/ /bram ze bskrad par mi bya'o zhes bya ba ni nam zhig nas rnyed pa la mchod pa ma byas par ni gtang bar mi bya ba ste/ chos gos dang bsod snyoms la sogs pa des ma phul bar btang bar mi bya'o zhes pa'i don to/ /ji skad du bshad pas mi byed na ni smad pa yin no zhes bstan pa'i phyir/ bram ze
- 238b
brdeg pa blun zhes bya ba ste gon tan can la rdeg par byed pa ni smad par bya ba'i 'bras bur nye bar 'gro ba yin no/ /blun zhes bya ba ni smad pa'i don to/ /ji skad du bshad pa/ gang zhig dam pa rdeg byed ngan pa de/ /dam pa rnams kyis shin tu smad pa yin/ /sdig pa mi zad pa dang 'brel pa'i phyir/ /ngan song du yang de ni 'gro ba yin zhes so/ /skrod par byed pa de ngan pas zhes bya ba ni gang gis de la brten nas bsnyen bkur rnam pa sna tshogs pa ma byas par gtong ba ni de'i phyir bsod nams khyad par can yongs su sogs pa med pa'i phyir ro/ /gang bla ma lam gus pa dang legs par spyod pa la dga' ba de ni smod pa la spyod pa ma yin no zhes bstan pa'i phyir/ gang zhig ces bya ba la sogs pa smos so// rgyal po'i khab na kun tu rgyu nye rgyal dad pad? nas skyes gnas so/ /de la nye rgyal gyis ni rta thul las/ ji ltar 'jig rten zhes bya ba'i tshigs su bcad pa thos pas rgyun tu zhugs pa'i 'bras bu thob po/ /de la pad nas skyes kyis lan gnyis thos pas de yang de bzhin du gyur to/ /de nas de gnyis 'khor nyis brgya lnga bcu dang bcom ldan 'das blta ba'i phyir song ngo/ /thag ring po nas 'phags pa rta thul mthong nas gang dang nye ba las chos thos pa de mchod par bya'o zhes de'i gan du de gnyis lhags pa dang/ bram ze khrus byas pa med la bsnyen bkur byed pa yang de'i drung na yod do/ /de nas 'khor dang bcas par de gnyis thag ring po nas 'ongs pa gzigs nas bcom ldan 'das kyi tshigs su bcad pa bzhi gsungs so/ /gang zhig ces bya ba ni gang zag las so/ /chos rnams rnam shes na zhes bya ba ni bshad pa la sogs pa'i chos thos pas rtogs pa la sogs par gyur pa'o/ /rgan nam zhes bya ba ni na tshed
- 239a
brgyad cu la sogs pa lon par gyur pa'o/ /yang na nor la? sogs pa bsags par gyur pa'o/ /gzhon yang rung zhes bya ba ni lo bdun gyis nye bar mtshon pa'i na tshod du gyur pa yin no/ /yang na nor la sogs pa 'grib pa'o/ /de la bkur zhing zhes bya ba ni mchod pa sngon du 'gro ba dang zhes pas drangs te/ de nyid bla mar shes par byed pa'o/ /phyag byas te zhes bya ba ni 'dud par bya ba ste thams cad du de'i ngag dang mthun par byed pas so/ /'dir dpe bstan pa/ me bzhin no zhes bya ba ni dper na/ me rnam pa gsum la bram ze mchod par byed pa de bzhin no/ /gtsang mas zhes bya ba ni lus kyi dri ma khrus la sogs pas sel ba yin te gang gi phyir bram ze ni khrus byas nas bsgom pa la sogs pa'i bya brtsom par byed do/ /bsnyen bkur te zhes bya ba ni nye bar gnas pas tshig par byed pa ste/ chos gos dang bsod snyoms dang sman la sogs pa ste ji ltar bram ze me la brten pas zhun mar dang nas la sogs pa bzhin no/ /don dam pa'i chos de gang yin zhe na/ 'di nyid dbye ba'i phyir rdzogs pa'i sangs rgyas kyis bstan pa zhes bya ba smos te/ yang dag par rdzogs pa'i sangs rgyas kyis bshad cing bstan pa'o lhag ma ni bshad zin to/ /bstan pa'i chos dang rjes su mthun par 'bad pas ni gnod pa thams cad las 'das pa yin no zhes bstan pa'i phyir/ gang tshe bram ze zhes bya ba la sogs pa'o/ /bcom ldan 'das yul ma? ko la'i rin gnod sbyin pa ku la'i khang pa na bsnyen bkur ba tshe dang ldan pa ba lang skyong dang thabs gcig tu bzhugs so/ /de nas bcom ldan 'das mtshan mo'i mun pa mun nag gi nang du ngal bus rim gyis rim gyis char
- 239b
'bab la glog 'gyur ba na gtsug lag gi phyi rol mngon par mthongs yod pa nas rgyu zhing 'chag par mdzad do/ /de nas lha'i dbang po brgya byin gyis 'di snyam du bdag gis 'di bai DUrya'i rang bzhin gyi khang par mngon par sprul par bya'o snyam ste de ltar mngon par sprul nas bcom ldan 'das ga la ba der song ste 'chag pa'i rjes su 'chag par byed do/ /de'i tsham ga d+ha na gnas pa'i mi rnams kyi khye'u dang bu mo ngu bar byed de/ de ni gnod sbyin bku la las 'jig par byed do/ /zhes bsams so/ / chos nyid ni nges par sangs rgyas bcom ldan 'das ji srid bzhugs pa dang/ bsnyen bkur ba'i dge slong dag yod pa de snying du med do/ /de nas tshe dang ldan pa ba lang skyong 'di snyam du sems te sangs rgyas bcom ldan 'das ni yun ring du chag par mdzad de/ gang bdag gi phyi rol spu can gyi gos mgo la gyon par byas nas 'chag par byas te/ gnod sbyin bku las 'di dag 'jigs par bya'o zhes nas/ bku la ste bdag ni dge sbyong gnod sbyin bku la yin no zhes rgya cher te btsun pa gang zag de lta bu yang chos 'dul ba 'di la mchis so zhes pa nas 'di ltar rgya cher te kau shi ka rtogs par gyis shig /gau ta ma'i rigs 'di ltar rtsol ba yang yun ring po nas chos rnam par dag par 'gyur ro zhes pa nas tshigs su bcad pa drug gsungs so/ /gang gi tshe zhes bya ba ni gang gi dus na'o/ /chos rnams zhes bya ba ni bstan pa dang sgrub pa'i chos rnams so/ /pha rol tu phyin par gyur pa ni mthar phyin pa ste thams cad mkhyen pa thob pa'i phyir ro/ /yang na chos rnams ni zag pa dang bcas pa'i dngos po thams cad do/ /bram ze pha rol phyin par gyur ces bya ba la pha rol tu byin pa ni de bzhin gshegs pa'o/ /de tshe zhes bya ba ni de nyid kyi che na'o/ /sha za gcig pu las kyang zhes bya ba ni sha za gtso bo ste chen po las kyang zhes bya ba'i don to/ /zas su sha
- 240a
za bas sha za ste kyang gi sgra ni de 'am gzhan bdud kyi ris la sogs pa phyi rol gyi 'jigs pa bskyed pa dag bsdu ba'i don to/ /ba ku la zhes bya ba ni ming bku la zhes btags pa'o/ /shin tu 'das zhes bya ba ni lhag par rgal bar gyur pa ste 'di la des 'jigs pa bskyed par mi nus so/ zhes bya ba'i don to/ /bcom ldan 'das zad pa shes pa brnyes pas sha za la sogs pa'i 'jigs pa dang bral ba nyi cher ma zad de 'khor ba'i rgyu dang mtshungs par ldan pa tshor ba yang zad pa yin no zhes bstan pa'i phyir de tshe zhes bya ba smos te de'i dus na'o/ /des zhes bya ba ni thams cad las 'das pa gang yin pas so/ /mthong pa ni 'jig rten las 'das pa'i ye shes kyis ngos po ji lta ba bzhin du gzigs pa'o/ /tshor ba thams cad ces bya ba ni srid pa la brten pa'i tshor ba mdza' dag ste khams gsum gyi'o/ /nub pa nyid du gyur ces bya ba ni gsal ba sgrub par mi byed de/ bag chags dang bcas pa de la dmigs pa'i nyon mongs pa spangs pa'i phyir ro/ /gnas spangs pas gnas pa spong bar bstan te 'tsho? nges ni zag pa rnams zhes smos te/ ji skad du bshad pa/ bde bar tshor bas ni 'dod chags kyis nyal bar byed do zhes bya ba la sogs pa rgya cher ro/ /nyon mongs pa spangs nas ngas byas pa'i las kyang spangs pa yin no zhes bstan pa'i phyir/ de tshe de yis rkyen rnams zhes bya ba ste zag pa las skyes pa'i las yang srid par smin pa ni rkyen gyis sgrar brjod do/ /yang rgyu la sogs pa bzhi ste rkyen tshogs pa med pa'i phyir bsal ba yin no/ /rgyu med pas 'bras bu med par bstan pa/ kun sbyor ba thams cad ces bya ba yang dag par sbyor ba yin pas kun sbyor te/ skye ba'i rgyu nying mtshams sbyor ba zhes bya ba'i don no/ /skye ba dang rga ba dang 'chi ba rnams las shin tu 'das zhes bya ba la nying mtshams
- 240b
sbyar nas mngal gyi gnas skabs dang/ de las byung ba la sogs pa'i mtshan nyid ni skye ba'o/ /gnas skabs yongs su 'gyur bar gyur pa ni rga ba'o/ /ris mthun pa chad par gyur pa ni 'chi ba'o/ /shin tu 'das zhes bya ba ni brgal ba ste nges par spangs pa'i phyir ro/ /ngang? gi sgra ni mya ngan dang smre sngags 'don pa la sogs pa bsdu'o/ /chos rnams yongs su rtogs pas/ 'chi ba la sogs pa las yongs su 'das pa dpe dang bcas pa'i 'bras bu bshad pa/ nyin mo nyi ma zhes bya ba la sogs pa'o rgyal po'i khab na bcom ldan 'das bco lnga pa'i gso sbyong mdzad de mtshan mo gso sbyong gi sgo la mngon du phyogs par gyur pa dang/ nan de mu kha zhes bya ba mtshan mo me'i khams la snyoms par zhugs te de mthor ba dang/ nam gru dang/ ko ba na dang/ gsus po che la sogs pa yang snyoms par zhugs te/ de dag gi gzi brjid kyis rgyal po'i khab mdza' dag nyi ma 'char ba bzhin du gsal bar gyur to/ /ci tsam na rgyal po gzugs can snying po de mtshan mo nyid du langs nas ri brag la la zhig gdul ba'i phyir dpung gi tshogs bshams pa las 'di snyam du mi rnams kyi tshe ni shin tu yang thung ba yin la rgyal par 'gyur ba yang gang sus shes te/ de bas na dang po nyid du bcom ldan 'das zhal mthong bar bya'o zhes bsams nas phyir byung ba dang/ shin tu gsal zhing snad pas khyab pas da lta bu mthong nas mngon par dang de/ de dregs pa med pas go bgos pa'i 'khor dang bcas bcom ldan 'das ga la ba der song ngo/ /de nas bcom ldan 'das kyis ci tsam na tshigs su bcad pa gnyis gsungs so/ /nyin mo ni nyin par ste nam mkha' la sprin la sogs pa dang bral ba'i gsal ba'o/ zhes bya ba'i tshig gis so/ /gzhan du na mdzes par mi 'gyur ba nyid do/ /gsal bar byed ces bya ba ni rnam par mdzes pa dang rnam par snang bar byed pa'o
- 241a
mtshan mo zla ba snang bar byed ces byas pa ni nub mo ste ston gyi sprin med pa la zla ba shin tu mdzes pa'o/ /rgyal rigs go chas chas pa gsal zhes bya ba ni go legs par bgos pa'i dpung gi tshogs yan lag bzhi sa yongs su bskor pa'i rgyal po yang mdzes pa de bzhin du/ bram ze sems par byed na gsal zhes bya ba dben pa'i gnas na gnas pa bsam gtan dang bsgom pa la mngon par brtson pa'i yid can me'i khams kyi ting nge 'dzin la snyoms par zhugs pa yang shin tu mdzes shing gsal ba yin no/ /de'i phyir 'dod chags dang bral pa'i ye shes kyi snang bas ni nyin mor nyi ma bzhin du gsal bar byed la/ snying rjes ni mtshan mo zla ba gang ba bzhin du yang dag par tshim par byed pa'o// bzod pa dang ldan pas ni rgyal rigs go chas chas pa bzhin du sde ma de'i tshogs kyis gnod pa byas kyang 'gyur ba med par sel bar byed do/ /yang na gnas skabs bzhis lhag par mdzes par ston pa yin no/ /gang sems can lha dang bcas pa'i nang na gnas skabs thams cad du rnam par mdzes par gyur pa yod dam zhe na/ nyin mo nyi ma gsal bar byed ces bya ba la sogs pa smos so/ /rtag tu zhes bya ba ni rgyu'i gnas skabs dang/ 'bras bu'i gnas skabs sam/ yongs su mya ngan las 'das pa 'am yongs su mya ngan las ma 'das pa'i gnas skabs na de bzhin gshegs pa ni rnam par mdzes pa'o/ /nyin par dang mtshan mo zhes bya ba ni snang ba dang mun pa'i gnas skabs so/ /yang na zhe 'gras pa dang dad par byed pa'o/ /sangs rgyas ni thams cad mkhyen pa nyid la yid gnas pa'i phyir ro/ /gsal bar byed pa ni lus 'od 'dom gang pa la sogs pas so/ /sems ni snying rje chen po la sogs pas so/ /gzi brjid ni 'od kyi gsal
- 241b
par byed pa'o/ /bcom ldan 'das ni sku'i 'od kyis rtag tu mdzes pa yin no/ /zhes bsgrub pas mdzes shing gsal ba yin par bstan pa'i phyir/ ji ltar mi sdug pa las zhes bya ba la sogs pa smos so/ /rgyal po'i khab 'tsho byed kyi a mra'i nags na bcom ldan 'das bzhugs pa der ma skyes dgra 'ongs te/ btsun pa khyod dang phal bdag gis gnod pa dang ldan par bgyis te mi dge ba'i gshes gnyen gang la brten pas sdig pa mang po bgyis pa'i phyir/ bdag sdig pa bgyid pa la thugs rjes mdzad du gsol zhes bya ba'i bar du ste de las brtsams so/ /bram ze rnams la med ces bya ba ni khams gsum las 'dod chags dang bral pa'i de bzhin gshegs pa la sogs pa'o/ /de 'dra zhes bya ba ni sems can 'di lta bu nyon mongs pa las skyes pa cung zad kyang ngo/ /ji ltar zhes bya ba ni rgyu gang rung ba ste gnod sems dang phrag dog la sogs pas so/ /mi sdug pa las zhes bya ba ni dgra las gnas pa dag las so/ /sangs rgyas bcom ldan 'das ni dgrar rtog pa ci yang mi mnga' ste bag chags dang bcas pa'i phra rgyas spangs pa dang/ thugs rje chen po dang ldan pa'i phyir te/ ji skad du bshad pa/ gzhan dag ni sgrub pa gang gis de 'gro ba gsum du byed do/ /khyod ni mdza' bo dang dgra'i nang na yang mdza' bshes bzhin du brtse bas so zhes so/ /yid ldog pa zhes bya ba ni sems ldog pa med pa ste bdag gis de nyid phan gdags par mi bya'o zhes bya ba'o/ /'o na gang las kyang 'di gnyis 'chi ba la sogs pa ste bcom ldan 'das mya ngan las 'das pa las sems ldog par 'gyur ro/ /'phags pa g.yul las rgyal bu dang chung ma la bltos pa med par song ngo zhes bya ba de ji ltar zhe na smras pa/ ji lta ji ltar zhes bya ba ste tshig gi phrad ni sna tshogs pa yin pas so/ /ji lta ji ltar zhes bya ba ni
- 242a
gang zhes gang las zhes bya ba'i don to/ /de'i zhes bya ba ni de bzhin gshegs pa 'am de'i nyan thos kyi'o/ /yid ldog pa zhes bya ba ni sems chags pa las rnam par ldog pa'o/ /de lta de ltar zhes bya ba ni de las zhes bya ba ste dang po nyid du de rtog pa med pa'i phyir ro/ /zad pa ni mthong ba'o/ /bden pa ni yod pa'o/ /de khyad par du byed pa ni kun rdzob ces smos te/ las dang nyon mongs pa dang rnam par smin pa'i sgrib pa de'i bdag nyid ces bya ba'i don to/ / gal te de snod ma yin par gyur na ni yul dang dus la gzigs te bcom ldan 'das de las ldog pa yin no/ /yang na ji lta ji ltar zhes bya ba ni 'di nyid las te de lta de ltar khro ba las yid ldag pa yin no/ /yang na sems can bden pa rtogs pa'i smod du ma gyur par thub pa mchog gis thugs su chud nas bstan pa nyid las ldog pa yin no/ /'dis ni kun rdzob kyi bden pa thob pa bsten te/ 'chags sar khye'u bzhag par gyur kyang de la bltos pa med par 'gro ba'i skye bo la ni 'jig rten smod par byed do/ /tshe dang ldan pa g.yul las rgyal gyis de las 'das par byas nas kyang rnam par ldang bar mi byed do zhes bya ba la sogs pa'o/ /'di ltar 'dod chags dang bral ba rnams ni sdug pa dang mi sdug pa med de/ 'jig rten gyi rjes su 'jug pas ni gang nas kyang 'jug par mi byed cing 'jig rten gyi bag med par mi 'gro bas so/ /yang na ji lta ji ltar ni ji srid ji srid kyi don te gang gi phyir ji srid ji srid gdul bya'i sgrib pa nyid yod pa de srid de srid du yid ldog par 'gyur gyis gzhan nyon mongs pa'i rgyus ni ma yin no zhes so/ /skal pa dang ldan pa dag ni bcom ldan 'das kyi bstan pa la brten nas dngos po'i de bzhin nyid ji lta ba bzhin du rtogs te/ mngon par 'dod pa'i 'bras bu thob pa
- 242b
yin no/ zhes bstan pa'i phyir/ gang tshe bram ze zhes bya ba la sogs pa smos so/ /de nas bcom ldan 'das mngon par dga' ba'i klu'i rgyal po btang zung gi khang pa na bzhugs pa las byang chub kyi shing drung gal ba der gshegs te rtswa'i gdan bshams pa las skyil mo krung bcas te bzhugs nas zhag bdun skyil mo krung la ma g.yos pa nyid du rten cing 'brel par 'byung ba yan lag bcu gnyis lugs su 'byung ba dang lugs las bzlog pa 'di nyid las rnam par gzigs te ting nge 'dzin de las bzhengs nas tshigs su bcad pa bdun gsungs so/ /gang tshe ni dus gang na'o/ /'di zhes bya ba na chos gang sngar zhag bdun du gzigs pa de rten cing 'brel bar 'byung ba'i mtshan nyid 'byung ba'o/ /rab tu 'byung 'gyur te zhes bya ba ni rab tu gsal zhing snang bar 'gyur te de kho na nyid kyi shes pas yongs su bzung ba dang nges par byas pa zhes bya ba'i don to/ /de skye ba ni ma yin te skye ba med pas so/ /de bzhin gshegs pa rnams ni skye ba med pa'i chos la gnas pa'o zhes bya ba'i tshig gis so/ /yang na chos ni de bzhin gshegs pa'i rgyud la gnas pa'i yon tan te mthong ba'i lam la brtsams nas zad pa shes pa'i ye shes thob pa dang/ sangs rgyas kyi chos ma 'dres pa bco brgyad la sogs pa'o/ /rab tu 'byung bar 'gyur zhes bya ba ni rgyud la spyod pa ste mngon du gyur cing thob pa'o/ /gang la 'dis dang por 'byung bar 'gyur zhe na/ bram ze zhes bya ba dang sbyar bar bya'o/ /de ji lta bu zhe na/ khyad par gyi tshul gyis bla na med pa'i yon tan rab tu 'byung ba'i rgyu bsod nams dang ye shes kyi tshogs bstan pa'i phyir/ brtson bas zhes bya ba la sogs pa smos te/ rtag tu byed pa dad gus pa'i sbyor ba gnyis kyi ? du byed pa las lhag par spro
- 243a
zhing brtun pa gang la yod pa de ni/ brtson pa can te de'o/ /'dis ni bsod nams kyi tshogs bstan te brtson 'grus 'di las rgyal ba'i phyir/ /bram ze zhes bya ba ni bdag nyid ston pa'i phyir 'dis bstan pa ste bstan ? pa'i tshigs bcad la yang bram ze'i sgo nas de bzhin gshegs pa'i skabs su shes par bya'o/ /bshad pa/ brtson 'grus kyis ni dka' ba gang yang med de/ de bas na brtson 'grus brtsams pa mi dor bar bya'o/ /ye shes kyi tshogs smras pa/ sems pa dang zhes bya ba ste ting nge 'dzin bsgom pa 'dis ni shes rab kyi pha rol tu phyin pa yongs su rdzogs pa yin te shes rab med na ting nge 'dzin med do zhes bya ba'i tshig gis so/ /de tshe zhes bya ba la tshig gis phrad ni sna tshogs pa yin pa'i phyir de'i tshe 'am/ yang na de ma thag pa'i don te bsod nams dang ye shes kyi tshogs kyi tha ma de ma thag ces bya ba'i don to/ /de'i zhes bya ba ni bram ze thub pa mchog gi'o/ /som nyi ma lus spong zhes bya ba ni yan lag bcu gnyis kyi the tshom thams cad rgyud la bsal ba yin no/ /gang gi tshe zhe na gang gis rab shes pa zhes bya ba ste/ gang gis blang bar bya ba mngon par rtog pa'o/ /ci zhig ces na chos rnams rgyur bcas zhes bya ba smos te rgyu dang bcas pa'i chos ni rgyur bcas so/ /chos ni 'dir 'bras bu ste de yang 'jig rten dang 'jig rten las 'das pa'i dbye ba rnam pa gnyis so/ /'jig rten pa'i ni sdug bsngal gyi bden pa'o/ /'jig rten 'das pa ni 'gog pa'i bden pa'o/ /rgyu ni kun 'byung dang lam ste go rims bzhin no/ /yang na chos ni blang ba dang dor ba'i bdag nyid do/ /rgyu ni nye bar blang ba ste bden pa rnam pa bzhir 'gyur ro/ /de las 'dis ni mthong ba'i lam bstan to/ /rim pa gang gis mthong
- 243b
ba'i lam la 'jug pa de bstan pa ni sdug bsngal rgyur bcas zhes bya ba yin te/ sngon du sdug bsngal gyi bden pa rtogs nas phyis ni kun 'byung gi bden pa'o/ /de bzhin du sngar sdug bsngal las thar par 'gog pa dang/ de nas de'i rgyu lam mo// yang na gang gis bsgrub pa dang/ gang gis thar pa don du gnyer ba des kyang dang por sdug bsngal gyi bden pa yongs su rtog la de nas de'i rgyu'o/ /nad pa mthong nas de'i nad gzhi dang/ nad med pa dang/ sman tshol bar byed pa la sogs pa brjod par bya'o de ltar tshigs su bcad pa gnyis kyis mthong ba'i lam bsgrubs nas tshigs su bcad pa gsum gyis bsgom pa'i lam sgrub pa'i phyir/ gang tshe zhes bya ba la sogs pa smos so/ /'o na bsgom pas spang bar bya ba la ni the tshom med na de ji ltar dang por som nyi zhes brjod ce na/ thag ring po'i dbang du byas pa'i phyir 'di la nyes pa med do/ /mthong ba'i lam ni nges par sdug bsngal sngon du togs pa yin no zhes brjod la/ sdug bsngal de las yang rnam pa gsum du brjod pa las sdug bsngal shin tu drag cing rags pa spang pa'i phyir ro/ /'dis ni tshor ba thams cad spangs pa nyid du rnal 'byor pa ngag 'dod de/ de bas na 'di nyid bstan pa'i phyir/ gang gis tshor ba zad pa thob 'gyur ba zhes bya ba yin te/ gang gi phyir 'dod pa las 'dod chags dang bral ba ni mi 'dod pa'i tshor ba thams cad zad pa yin te/ 'dod pa na ni gsum char yang yod pa'i phyir ro/ /gang gi tshe tshor ba zad pa yin zhe na/ gang gi rkyen rnams zad pa thob 'gyur ba zhes bya ba 'di ste chod pa'i rkyen na rig pa la sogs pa ste reg pa'i rkyen gyis tshor ba zhes mdo las gsungs pa'i phyir ro/ /'dis ni tsa nas 'byin par 'gyur ba yin te gcig tu drungs 'byin pa'o/ zhes bstan to/ /mnyam par bzhag pa'i sa las 'dod chags dang bral ba
- 244a
bstan pas ni rkyen dang tshor ba thams cad zad pa yin te/ de nyid bshad pa/ gang gis zag pa thob 'gyur ba zhes bya ba bsgom pas phra rgyas thams cad spangs par 'gyur ba'i phyir ro/ /'di man chad mi slob pa'i lam bstan te/ gang tshe zhes bya ba la sogs pa'o/ /zag pa thams cad zad pa'i gnas skabs ni sgrib pa thams cad dang bral ba yin te/ mun pa la ni nyi mas rnam par snang bar byed pa lta bu'o zhes de nyid bstan pa'i phyir/ snang byed ces smos te chos bstan pa'i snang bas so/ /dug 'gyur ba zhes bya ba ni gdul bya'i don du zhugs pa'o/ /ji zhig snang bar byed pa yin zhe na/ 'jig rten thams cad ces bya ba grogs po dang mdza' ba dang mi mdza' ba dag la bltos pa med par srid pa gsum po thams cad du'o/ /'dir dpe bstan pa/ ji ltar nyi ma ltar zhes bya ba yin te dper na nyi ma nam mkha' bar snang sgrib pa med pa la shar cing gnas pas 'jig rten thams cad snang bar byed pa de bzhin no/ /gang zhig de ltar snang bar byed pa yin zhe na/ sangs rgyas bcom ldan 'das de nyid de bag chags dang bcas pas spangs pa thob pas thams cad mkhyen pa'i ye shes dang thugs rje chen po dang ldan pa de nyid bstan pa'i phyir/ bdud kyi sde rnams bcom nas gnas 'gyur ba zhes smos te/ bdud kyi sde dang tshogs las nges par rgyal ba ni bdud kyi sde bye ba sum cu rtsa drug bcom pa'i phyir te/ 'jig rten las yang dag pa nyid du nges par rgyal nas gnas pa'o/ /de ltar ga las nges par bya zhe na/ blo yang kun bskyed ces bya bas bstan te/ gang gi phyir sgrib pa thams cad dang bral pa'i sangs rgyas bcom ldan 'das ni ye shes khyad par dang ldan pa'i phyir te/ dam pa rnams ni blo'i khyad par gyis rgyal bar byed pa
- 244b
yin no/ zhes bya ba'i tshig gis so/ /ji skad du bshad pa/ rwa rtse sen mo so yis dgra ngas? la/ /phyugs rnams dag kyang 'thab mos rtsod par byed/ /'di ni sems kyi rtogs pa'i khyad par gyis/ /gzhu gdung med par yang ni dgra las rgyal byar byed/ ces so/ /ye shes phun sum tshogs pa bstan nas/ spangs pa phun sum tshogs pa bstan pa'i phyir/ bcings las rnam grol zhing zhes bya ba yin te/ sangs rgyas bcom ldan 'das kyis kun tu sbyor ba dgu bag chags dang bcas pa gnyen po khyad par can gyi sbyor pas gtan du spangs shing nyams pa med pa'i chos dang ldan pa nyid kyi phyir ro/ /bram ze'i tshoms te sum cu rtsa gsum pa'i rnam par 'grel pa rdzogs so// // ched du brjod pa'i tshoms kyi rnam par 'grel pa yul ka pa d+har skyes pa thos pa med pa'i slob dpon bo d+hi ba rma'i slob ma yul b+hoM ga lar skye ba bzhis pa thams cad yod par smra ba'i slob dpon pradznyA ba rma? sa mdzad pa rdzogs so// // 'grel pa 'di la shlo ka stong phrag bcu gnyis dang lnga brgya yod do zhes rgya gar gyi yi ge las smos/ rgya gar gyi mkhan po sgra'i gtsug lag 'byams par mkhas pa paN+Di ta dza na d+ha na dang zhu chen gyi lo tsA ba bande shAkya blo gros kyis bsgyur ba// //klu sgrub kyis mdzad pa bzhugs so/ /rgya gar skad du/ Arya d+harmA d+hA tu garb+ha bi ba ra Na/ /bod skad du/ 'phags pa chos kyi dbyings kyi snying po'i rnam par 'grel pa/ dkon mchog gsum la phyag 'tshal lo/ /chos rnams gang dag rgyus byung de dag ni/ /rgyu dang de la 'gog pa gang yin pa/ /de bzhin gshegs pa nyid kyis bka' stsal pa/ /de skad gsungs pa'i tshul can dge sbyong che/ zhes
- 245a
bya ba smos te/ de la chos gang dag ces bya ba ni rnam pa bdun du shes par bya ste/ rnam par shes pa dang/ ming dang/ gzugs dang/ skye mched drug dang/ reg pa dang/ tshor ba dang/ skye ba dang/ rga shi rnams so/ /chos de dag kyang rnam pa lnga las byung ba yin pas rgyus byung ngo/ /rgyu lnga po de dag kyang gang zhe na/ ma rig pa dang/ sred pa dang/ len pa dang/ 'du byed dang srid pa dang lnga'o/ /chos rnam pa bdun dang/ de'i rgyu lnga po de dag 'gog pa ni rgyu dang de la 'gog pa ste/ de yang nye bar zhi ba dang/ thar pa dang mya ngan las 'das pa zhes bya ba nyid do/ /de yang su zhig gis bshad ce na de bzhin gshegs pa nyid kyis bka' stsal te/ zhes bya ba smos te/ des bshad ces bya ba'i don to/ /don ji ltar gnas pa de bzhin du rtogs pas na de bzhin gshegs pa'o/ / yang na dngos po ji lta ba bzhin du ma nor bar gzhan la ston par mdzad pas na de bzhin gshegs pa'o/ /de lta bu'i lam ston cing rang nyid kyis rtogs pa ste/ thos pa'i ngang tshul gang la yod pa de ni de skad gsung pa'i ngang tshul can zhes bya'o/ /chen po ni gtso bo dang/ phul dang/ dam pa dang/ rab mchog gi don te/ de yang gsungs pa/ mkhas pa dang/ dpa' ba dang/ dka' thub can dang/ spro ba che ba dang/ brtson 'grus drag po dang/ rmad du byung ba'i phrin las mdzad pa gang yin pa de ni chen po'o/ /de la shes par bya ba ma lus pa mkhyen pas nam mkhas pa'o/ /nyon mongs pa thams cad bcom pas dpa' ba' o/ /tshul khrims yang dag par bsgoms pas dka' thub pa'o/ /yon tan la sogs pa la mi skyo bas na spro ba che ba'o/ /mgo 'am thod la me 'bar ba bzhin du brtson 'grus drag pa'o/ /rmad du byung ba'i chos mngon sum du mdzad pas na rmad du byung ba'i phrin las can te/ de lta bu la chen po zhes bya'o/ /dge sbyong zhes bya ba ni sdig pa dang nyon mongs pa nye bar zhi bas dge sbyong ngo/ /sdig pa thams cad spangs pas
- 245b
bram ze'o/ /nyon mongs pas ngal pa sel pas dge sbyong ngo/ /bdag nyid kyi dri ma 'byin pas na rab tu byung ba zhes bya ba ste/ de lta bu'i yon tan dang ldan pa'i bcom ldan 'das kyis de skad gsungs zhes sbyar ro/ /de bzhin du sdug bsngal dang/ kun 'byung dang 'gog pa dang/ lam gyi bden pa la yang sbyar par bya'o/ /de la rgyu ma rig pa las 'du byed la sogs pa rga shi'i bar du byed pa po med par 'byung ba ni lugs las 'byung ba yin la rgyu ma rig pa la sogs pa de dag 'gog pa shes pa lugs las bzlog pa zhes bya ba ste/ ma rig pa log pas 'du byed la sogs pa mi 'byung ste/ de ltar gsung ba ni dge sbyong chen po yin no/ /'phags pa chos kyi dbyings kyi snying po'i rnam par 'grel pa slob dpon klu sgrub kyi zhal snga nas kyis mdzad pa rdzogs so// // rgya gar gyi mkhan po ye shes snying po dang/ zhu chen gyi lo tsa ba bande dpal rtsegs kyis bsgyur cing zhus te gtan la phab pa'o// (//tshigs su bcad pa bsdus pa dbyig gnyen gyis mdzad pa bzhugs/) /rgya gar skad du/ shAstran+gA thA sa martha nA ma/ /bod skad du/ bstan bcos tshigs su bcad pa bsdus pa zhes bya ba/ 'phags pa 'jam dpal gzhon nur gyur pa la phyag 'tshal lo/ /skyes bu khyu mchog khyod 'dra'i dge sbyong chen po gzhan dag lha yul sa la med/ / 'jig rten 'di na'ang yod pa ma yin rnam thos bu'i gnas na 'ang yod ma yin/ /lha yi pho brang gnas mchog dag na'ang med la phyogs sam phyogs mtshams dag na'ang med/ /ri dang nags su bcas pa'i sa steng rgyas pa kun tu bskor yang gal yod/ /gang dag sangs rgyas skyabs song nas/ /gang dag nyin dang mtshan rnams su/ /rtag tu sangs rgyas dran byed pa/ /de dag mi yi rnyed pa yin/ /gang dag chos la skyabs song nas/ /gang dag nyin dang mtshan rnams su/
- 246a
rtag tu chos ni dran byed pa/ /de dag mi yi rnyed pa yin/ /gang dag dge 'dun skyabs song nas/ /gang dag nyin dang mtshan rnams su/ /rtag tu dge 'dun dran byed pa/ /de dag mi yi rnyed pa yin/ /bsod nams byas shing sdig pa ma byas la/ /mkhas pa rnams kyis sngon gyi chos spyod pa/ /de ni bdag ste nam yang mchis mi 'jigs/ /bstan pa'i gru yis pha rol 'gro ba bzhin/ /'jig rten thams cad rab tu 'gul/ /'jig rten thams cad rab tu g.yos/ / 'jig rten thams cad rab tu bsregs/ /'jig rten thams cad du bas 'dug /'gul ba med cing g.yos med la/ /so so'i skye bos ma bsten cing/ /gang na'ang bdud kyi rten med pa/ /de ni bdag yid mngon par dga' / /gang dag rgyal ba rnam 'dren la/ /byed pa chung nguAng byed 'gyur la/ /de dag mtho ris sna tshogs pa/ /bgrod nas 'chi med gnas 'thob po/ /dgon pa 'dir ni gnas pa dang/ /zhi zhing tshangs par spyod pa dang/ /zas gcig za bar byed rnams kyi/ /mdog ni gang gis gsal bar 'gyur/ /'das pa la ni ma chags shing/ /ma 'ongs pa la'ang mngon mi dga' / /da ltar byung ba thob nas 'dir/ /shes bzhin so sor dran ldan pa/ /so sor brtags nas zad byed pa/ /de yi mdog ni gsal bar 'gyur/ /chos rnams rjes su rnam sems shing/ /chos rjes dran pa'i dge slong ni/ /chos las yongs su nyams mi 'gyur/ /mkhas gang 'tsho ba'i 'jig rten du/ /dad dang shes rab rnyed pa ni/ /de nyid 'di yi nor mchog ste/ / 'di yis nor gzhan dman pa yin/ /chos 'gas shes rab phun sum tshogs/ /ngo tsha shes shing bden par smra/ /bdag nyid byed par gyur pa ni/ /de la skye ba dga' bar byed/ /thos pas chos ni bye brag shes/ /thos pas sdig las
- 246b
ldog par byed/ /thos pas don ma yin pa spong/ /thos pas mya ngan 'das pa thob/ /sdig pa thams cad mi bya ste/ /dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa'o/ /bsod nams dag ni bya ba ste// bsod nams ma byas sdug bsngal lo/ /'jig rten 'di dang gzhan dag tu/ /bsod nams byas pa dga' bar 'gyur/ /bden par smra ba khro mi bya/ /slong la chung yang sbyin par bya/ /'dir ni gnas gsum 'di dag gis/ /lha rnams kyis ni nang du 'gro/ / bsod nams dag ni rnam smin bde/ /bsam pa yang dag 'grub 'gyur zhing/ /myur du byang chub dam pa dang/ /mya ngan 'das pa thob par 'gyur/ /sbyin pas bsod nams rab tu 'phel/ /yang dag sdom pas dgra ma sogs/ /dge dang ldan pas sdig pa spong/ /nyon mongs zad pas mya ngan 'das/ /brgyan pa byas kyang chos ni spyod byed la/ /dul zhing yang dag bsdams pa tshangs par spyod/ /'byung po kun la chad pa spangs pa de/ /bram ze dge sbyong de yin dge slong de/ /dad dang ngo tsha tshul dang sbyin pa yang chos 'di dag ni skyes bu dam pas bsngags/ /lam 'di nas ni lha yul 'gro bar gsungs/ /de yis lha yi 'jig rten dag tu 'gro/ /bor ba 'di dag gang yin dang/ /phyogs dang phyogs mtshams mthong ba dang/ /rus par? thi ba'i mdog lta bu/ / de mthong 'di la ci zhig dga' / /kye ma 'dus byas rnams mi rtag /skye zhing 'jig pa'i chos can yin/ /skyes nas 'jig par 'gyur ba ste/ /de dag nye bar zhi ba bde/ /bsags pa kun mdza' mdzad pa ste/ /mthon po'i mdza' ni lhung ba yin// 'du ba'i mdza' ni 'bral ba ste/ /'tsho ba'i mdza' ni 'chi ba yin/ /'jig rten bde zhing lo legs gyur/ /'bru rnams 'byor zhing chos rgyal shog /nad dang gnod pa gang yod pa/ /thams cad rab tu zhi gyur cig /bstan bcos
- 247a
tshigs su bcad pa bsdus pa zhes bya ba/ slob dpon dbyig gnyen gyis mdzad pa rdzogs so// //rgya gar gyi mkhan po d+harmA ka ra dang lo tsA ba bande ye shes snying pos bsgyur te/ zhu chen gyi lo tsA ba bande dpal brtsegs kyis zhus// (//tshigs su bcad pa'i don bsdus pa'i 'grel pa slob dpon dbyig gnyen gyis mdzad pa gong ma'i 'grel pa bzhugs//) //rgya gar skad du/ shA stran+gA thA soM gra d+ha na nA ma/ bod skad du/ tshigs su bcad pa'i don bsdus pa zhes bya ba'i bstan bcos/ 'jam dpal gzhon nur gyur pa la phyag 'tshal lo/ /skyes bu khyu mchog khyod 'dra'i dge sbyong chen po gzhan dag lha yul sa la med/ /'jig rten 'di na yod pa ma yin rnam thos bu yi gnas na'ang yod ma yin/ /lha'i pho brang gnas mchog dag na'ang med la phyogs sam phyogs mtshams dag na'ang med/ ri dang nags su bcas pa'i sa steng rgyas pa kun tu bskor yang ga la yod/ /ces tshigs su bcad pa'o// tshigs su bcad pa 'dis ni ci rigs par so sor nges pa'i gnas kyi khyad par gyi bdag por gyur pa skyes bu khyu mchog tu 'dod pa dag las khyad par du bya ba'i phyir bcom ldan 'das shAkya thub pa byang chub sems dpar gyur pas nyin zhag bdun du rnam par rjes su dran pa dang lta ba brtson 'grus kyi pha rol tu phyin pa 'grub pa'i rang bzhin can yin to/ bcom ldan 'das dkar rgyal gyi yon tan phun sum tshogs pa thams cad brjod pas thun mong ma yin pa'i phun sum tshogs pa brjod par mngon no/ /de la so sor nges pa'i gnas kyi khyad par gyi bdag por gyur pa na 'jig rten rnams kyi nang na khyad par du 'phags par 'dod pa lha yul na tshangs pa dang/ mtshe ma dang/ dga' ldan dang/ /
- 247b
gzhan 'phrul dbang byed do/ /sa dang 'brel pa'i phyir sa la ste/ ri rab kyi rtse mo brgya byin no/ /de nyid phyogs gcig na lha ste/ de bas kyang gnas mchog ces bya ba gsungs so/ /bang rim bzhi'i byang phyogs kyi ngos na ni rnam thos kyi bu'o/ /phyogs na zhes bya ba ni rnam thos sras dang/ mig mi bzang dang/ 'phags skyes po dang/ yul 'khor srung gi'o/ /phyogs mtshams ni ri rab kyi steng khang pa brtsegs pa bzhin lag na rdo rje dbang byed pa yin te/ de dag na snying rje dang/ spangs pa dang ? ye shes dang bral ba yin la/ bcom ldan 'das ni de dag gis rnyed pa'i dge ba'i 'bras bu dang rnam pa thams cad bu 'bras bu 'dra ba ma yin na khyad par du lta ga la lags/ ma nges pa'i gnas kyi khyad par gyi bdag por gyur pa dag ni skyes bu'i mchog tu 'dod pa yin te/ 'jig rten 'di na skem byed dang dbang phyug dang/ skyes bu la sogs pa'o/ /de dag kyang nyon mongs pa dang/ sdug bsngal dang ldan pas lus dang sems rab tu ma zhi bo yin te/ de nyan thos rnams dang 'dra ba ma yin na/ bcom ldan 'das dang lta smos kyang ci dgos/ skyes bo mang po dang/ lo thog phun sum tshogs pa dang/ rnam par brgyan pa'i sa rgyas pa dang/ ma rgyas pa na skyes bu gtso bo bkur ba ni bram ze dang/ rgyal po dag ste/ de dag kyang bsam pa dang/ sbyor ba ngan pas de'i nyan thos kyi nyan thos dag dang ? 'dra? ba ma yin no/ /gang dag spyir rnam par grol ba rang sangs rgyas dang/ nyan thos ri dang/ bla gab med pa dang/ dung khrod dang/ tshal gyi nang na gnas pa de bzhin gshegs pas bsngags pa'i bdag nyid chen po bstan pa dang/ kun brjod pa dang/ rjes su bstan pa'i cho 'phrul rnams kyis sems can thams cad kyi nyon mongs pa skyob par nus pa dag dang/ dge sbyong chen por 'dod pa ser skya dang/ 'ug pa pa la sogs pa de dag
- 248a
kyang spangs pa dang/ ye shes dang/ thugs rje'i khyad par dang bral ba'i phyir bcom ldan 'das dang 'dra ba ma yin te/ de nyid kyi phyir/ khyod kyi sangs rgyas chos ni mtshungs med pas/ /khyad par 'phags pa khyad par chen pos 'phags/ shes bshad do/ /rnam pa gcig tu na bcom ldan 'das kyi yon tan bstan pa dang/ /bshad pa dag gis ci rigs par sems can thams cad kyi bla ma nyid du bstan te/ skyes bu khyu mchog khyod 'dra'i dge sbyong chen po gzhan dag lha yul sa la med ces bya ba ni bstan pa'o/ /lhag ma ni de gnyis kyi so so'i bshad pa ste/ 'jig rten 'di na'ang yod ma yin zhes bya ba ni sa la'o/ /rnam thos bu'i gnas na'ang yod ma yin/ lha yi/ pho brang gnas mchog dag na'ang med la zhes bya ba ni lha yul na'o/ /phyogs dang phyogs mtshams dag na'ang med/ ces bya ba ni sa steng na ste/ phyogs ni gling bzhi pa rnams so/ /phyogs mtshams ni bar gyi gling brgyad do/ /dag na'ang med ces bya ba ni sa steng na'o/ /ri dang nags su bcas pa'i sa steng rgyas pa kun tu bskor yang/ zhes bya ba ni ri gnya' shing 'dzin nas gzung ste khor yug chen po'i bar thams cad do/ /bsdus pa'i don ni tshigs su bcad pa 'dis bcom ldan 'das khams gsum las khyad par du 'phags pa nyid bstan te/ lha yul sa la med ces bya bas ni sa gsum las khyad par du 'phags pa nyid do/ /gzhan gyis ni 'dod pa'i khams las khyad par du 'phags pa bstan pa'o// tshigs su bcad pa'i don bsdus pa las dang po'i don bsdus pa'o// //gang dag sangs rgyas skyabs song nas/ /gang dag nyin dang mtshan rnams su/ /rtag tu sangs rgyas dran byed pa/ /de dag
- 248b
mi yi rnyad pa yin/ /gang dag chos la skyabs song nas/ /gang dag nyin dang mtshan rnams su/ /rtag tu chos ni dran byed pa/ /de dag mi yi rnyed pa yin/ /gang dag dge 'dun skyabs song nas/ /gang dag nyin dang mtshan rnams su/ /rtag tu dge 'dun dran byed pa/ /de dag mi yi rnyed pa yin/ zhes bya bas ni tshigs su bcad pa gsum mo/ /bcom ldan 'das kyis 'di ci'i phyir gsungs she na/ ma dang pa rnams dad par bya ba'i phyir dang/ dad pa rnams kyang rtag tu spyad pa dang/ gus par byed pa la sgrub pa la yang dag par sbyor ba'i phyir gsungs par mngon no/ /gang dag sangs rgyas zhes bya ba ni gang gi rgyud la rgyu bzhi po yod pa de ni sangs rgyas te/ rnam pa thams cad du 'jig rten pa mngon par rdzogs par mkhyen pa dang/ rnam pa thams cad du 'jig rten las 'das pa mngon par rdzogs par mkhyen pa dang/ bag chags dang bcas pa'i nyon mongs pa thams cad spangs pa dang/ rnam pa thams cad du sems can gyi don byed nus pa'o/ /rnam pa gcig pu na gang la yon tan phun sum tshogs pa rnam pa lnga yod pa de sangs rgyas yin te/ ye shes phun sum tshogs pa dang/ spangs pa phun sum tshogs pa dang/ thugs rje phun sum tshogs pa dang/ mi zad pa nyid phun sum tshogs pa dang/ mtshungs pa med pa phun sum tshogs pa'o/ /de la ye shes phun sum tshogs pa ni thogs pa med pa'i ye shes dang ldan pa'i phyir te/ 'phags pa nyan thos dang/ rang sangs rgyas rnams kyi ye shes 'dir skyes pa yang sangs rgyas kyi yul thogs pa med pas na shes bya thams cad la 'jug pa med do/ /de bas na 'di skad du/ de bzhin gshegs pa'i ye shes ni 'das pa'i dus la chags pa med cing thogs pa med pa dang/ da ltar byung ba dang ma 'ongs pa'i dus la chags pa med cing thogs pa
- 249a
med pa'i ye shes zhes gsungs so/ /spang pa phun sum tshogs pa ni bag chags phra rgyas dang bcas pa spangs pa yin te/ ji skad du/ skyob khyod bag chags bcas pa yis/ /nyes pa dag ni gcig mi mnga' zhes 'byung ba lta bu'o/ /thugs rje phun sum tshogs pa ni thugs rje chen po des nyin lan gsum mtshan gsum du 'jig rten la gzigs nas sems can thams cad kyi nyon mongs pa yongs su skyob par mdzad pa yin te/ thugs rje tshe dang ldan pas na/ 'jig rten kun la nyin mtshan du/ /rnam pa drug tu nyin mtshan gzigs/ /phan mdzad thugs la phyag 'tshal lo zhes bya ba lta bu'o/ /'o na snying rje chen po gnyis la bye brag ci yod ce na/ smras pa/ rnam pa brgyad yod de/ ngo bo nyid dang/ rnam pa dang/ dmigs pa dang/ sa dang/ rgyud dang/ 'dod chags dang bral ba thob pa dang/ mi mtshungs pa dang mtshungs pa'i thugs rje 'byung ba dang/ skyob pa dang/ mi skyob pa'o/ /de la ngo bo nyid ni zhe sdang med pa dang/ gti mug med pa'i ngo bo nyid yin pa'i phyir ro/ /rnam pa ni sdug bsngal gyi rnam pa dang gsum la 'byung ba'i phyir ro/ /dmigs pa ni khams gcig dang gsum la dmigs pa'i phyir ro/ /sa ni bsam gtan bzhi dang bsam gtan bzhi pa yin pa'i phyir ro/ /rgyud ni nyan thos dang/ rang sangs rgyas dang/ rang sangs rgyas kyi rgyud la skye ba'i phyir ro/ /'dod chags dang bral ba'i thob pa ni/ 'dod pa'i khams dang/ srid pa'i rtse mo'i 'dod chags dang bral bas thob pa'i phyir ro/ /mi mtshungs pa dang mtshungs pa thugs rjes 'byung ba dang/ yongs su skyob pa dang/ yongs su mi skyob pa'o/ /mi zad pa nyid du phun sum tshogs pa ni skye ba dang/ shi ba dang/ na ba dang/ mya ngan dang/ zad?
- 249b
pa dang bral zhing 'jig rten gyi mthar phyin pa yang dag par thob pa'i phyir te/ lhag ma med pa'i mya ngan las 'das pa'i dbyings thob pa'i phyir ro zhes bya ba'i tha tshig go /mtshungs pa med pa nyid phun sum tshogs pa ni sems can thams cad kyi bla mar gyur pa'i phyir te/ chos thams cad la dbang thob pa'i phyir bzhed pa tsam dang 'brel ba'i yon tan phun sum tshogs pa thams cad mngon du gyur zhes bya ba'i tha tshig go /ci sangs rgyas thams cad yon tan 'di dag thams cad bye brag med par mda' ba 'am zhe na/ ma yin te/ 'on kyang/ tshogs dang/ chos kyi sku dag dang/ 'gro ba'i don ni spyod pa yis/ /sangs rgyas thams cad mnyam nyid de/ /tshe dang rigs dus tshad kyis min/ /rgya gsum gyis mnyam ste/ sngon bsod nams dang ye shes kyi tshogs yang dag par thob pa dang/ chos kyi sku yongs su rdzogs pa dang/ 'jig rten gyi spyod pas so/ /sku tshe dang/ rigs dang/ rus drang/ tshad kyi bye brag yod de/ yun ring po dang thung dud 'tsho ba dang/ rgyal rigs dang/ bram ze'i rigs kyi bye brag dang/ 'od srungs dang/ gau ta ma la sogs pa'i rus kyis bye brag dang/ chen po dang chung ngu'i tshad kyi bye brag ni dus ji lta bzhin no/ /de dag mi'i zhes bya ba ni rgyu'i stobs dang ldan pa dang/ rkyen gyi stobs dang ldan pa'o/ /de la rgyu'i stobs dang ldan pa ni gang/ rkyen gyi stobs dang ldan pa ni gang zhe na/ gang dag dge ba'i stobs bskyed pa las nang gi tshul bzhin yid la byed pa las rab tu bskyed pa de dag ni rgyu'i stobs dang ldan pa yin no/ /gang dag dge ba'i bshes gnyen dang phrad pa las chos bstan pa thob pa de dag ni rkyen gyis stobs dang ldan pa yin no/ /de bas na bcom ldan 'das kyis 'di skad du yang dag pa'i lta ba bskyed pa'i phyi rgyu dang rkyen gnyis te/ nang gi tshul bzhin yid la byed pa dang/
- 250a
gzhan gyis bstan pa'o zhes gsungs so/ /rnyed pa yin zhes bya ba ni rnyed pa rnam pa bzhi ste/ bsod nams rnyed pa dang/ mchog tu dga' ba rgya chen po rnyed pa dang/ ting nge 'dzin rnyed pa dang/ rnam par dag pa rnyed pa'o/ /de la bsod nams rnyed bas ni ji ltar 'dod pa bzhin 'jig rten pha rol gyi mkho ba'i don phun sum tshogs pa thams cad thob pa'o/ /mchog tu dga' ba rgya che ba dang/ ting 'dzin rnyed pa dag gis mthong ba'i chos la bde bar gnas pa phun sum tshogs pa thob pa'o/ /rnam par dag pa rnyed pas ni sdug bsngal thams cad gtan du zad pa phun sum tshogs pa thob pa'o/ /gang dag chos la zhes bya ba ni chos ni rnam pa gsum ste/ 'bras bu'i chos dang/ bsgrub pa'i chos dang/ bshad pa'i chos so/ /de la 'bras bu'i don gyi chos ni 'bras bu'i chos te/ gang ma skyed pa dang/ ma gyur pa dang/ ma byas pa dang/ 'dus ma byas pa dang/ ma byung ba dang/ zhi ba dang/ gnas zhes bya ba de ni mya ngan las 'das pa'o/ /de la ma skyes pa ni nye bar len pa'i phung po nying mtshams sbyor ba'i 'brel pa dang mi ldan pa'i phyir ro/ /ma gyur pa ni bdag gi dngos po yongs su rdzogs pa mngal dang/ byis pa dang/ dar la bab pa dang/ gar ma dang/ rgan po'i ngo bos je che je cher skye ba dang mi ldan pa'i phyir te/ gyur pa ni rgas pa la bya'o/ /ma byas pa ni sngon gyi mdza' i las dang nyon mongs pa'i shugs dang mi ldan pa'i phyir ro/ /'dus ma byas la ni da ltar gyi las dang nyon mongs pa mngon par 'du byed pa dang mi ldan pa'i phyir ro/ /ma byung ba ni ma 'ongs pa'i skye ba 'byung ba dang mi ldan pa'i phyir ro/ /zhi ba ni sdug bsngal rgyu dang gcas pa zhi ba'i phyir ro/ /gnas ni
- 250b
de las ma nyams pa'i yin no/ /bsgrub pa'i chos ni bsgrub pa'i chos nyid yin la/ de yang 'phags pa'i lam brgyad la bya ste/ 'di lta ste/ yang dag pa'i lta ba dang/ yang dag pa'i rtogs pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /bsgrub pa 'dis ji skad du bstan pa'i slob ma rnams 'bras bu rtogs par byed de/ de la yang dag pa'i lta ba ni yongs su gcod pa'i yan lag yin te/ des ji ltar myong ba de kho na nges par 'dzin to/ /yang dag pa'i rtog pa ni gzhan go bar byed pa'i yan lag yin te/ des ji ltar khong du chud pa yid la bzhag nas dag kun tu sbyor bar byed pa'o/ /yang dag pa'i dag dang/ las kyi mdza' dang/ 'tshe ba ni gzhan yid ches par byed pa'i yan lag yin te/ de rnams kyi go rim bzhin khong du chud nas lta ba la sogs pa rnam par dag par yid ches so/ /de la yang dag pa'i dag gis ni khong du chud pa dang/ mthun par dris pas lung bstan pa la 'bel pa'i gtam rnam par nges pas lta ba rnam par dag par rig par byed do/ /yang dag pa'i las kyi mdza' ni 'jug pa dang ldog pa la sogs pa la spyod pa phun sum tshogs pa'i tshul khrims rnam par dag par rig par bya'o/ /yang dag pa'i 'tsho bas ni ji ltar snang ba bzhin chos kyi chos gos la sogs pa 'tshol ba las 'tsho ba rnam par dag par rig par byed do/ /yang dag pa'i rtsol ba ni nyon mongs pa'i sgrib pa rnam par spyod pa'i yan lag yin te/ des kun tu sbyor ba ma lus par spong bar byed do/ /yang dag pa'i dran pa ni nye ba'i nyon mongs pa'i sgrib pa rnam par spyod pa'i yan lag yin te/ dran pa shin tu nye bar gnas nas mtshan ma la rmongs
- 251a
pa med pas zhum pa'i nye ba'i nyon mongs pa'i skabs mi byed pa'i phyir ro/ /yang dag pa'i ting nge 'dzin ni yon tan khyad par can gyi sgrib pa rnams spyod pa'i yan lag yin te/ des mngon par shes par sogs pa'i yon tan mngon par sgrub cing/ mjug tu yang phung po lhag ma med pa'i mya ngan las 'das pa thob par byed do/ /langs pa'i tshe ni yan lag 'di dag rung na lam la snyoms par zhugs pa na yang dag pa'i dag dang/ las kyi mdza' dang/ 'tshe ba dag mi 'byung ste/ de kho na nyid nges par bzung ba la sogs pa yang med na lam la snyoms par 'jug pa'i tshe bsgrub pa'i yan lag brgyad par ji ltar 'gyur bshad pa/ de 'jig rten las 'das pa'i chos dmigs pa las de'i ngo bo zag pa med cing rnam par rig byed pa ma yin pa thob ste/ gang thob pa las langs pa'i tshe yang log pa'i dag la sogs pa la mi 'jug gi /yang dag pa'i dag la sogs pa la 'jug go /de bas na rgyu dang rgyu can nye bar gdags pa las yan lag brgyad nyid du 'gyur ro/ /gzhan du na lam la snyoms par zhugs pa'i tshe de kho na nyid nges par bzung ba dang/ rtog pa dang/ dag smra ba dang/ las kyi mdza' dang/ chos gos la sogs pa btsal ba dag 'gal bar 'gyur ro/ /de ltar sgrub pa'i chos 'dis 'bras bu'i chos ji skad bstan pa thob par byed la/ bsgrub pa'i chos de yang bshad pa'i chos la brten nas 'byung ste/ bshad pa'i chos ni mdo'i sde dang/ dbyangs kyis bsnyad pa'i sde dang/ lung du bstan pa'i sde dang/ tshigs su bcad pa'i sde dang/ ched du brjod pa'i sde dang/ gling bzhi sde dang/ rtogs pa brjod pa'i sde dang/ de lta bu byung ba'i sde dang/ skyes pa rabs kyi sde dang/ shin tu rgyal pa'i
- 251b
sde dang/ rmad du byung ba'i chos kyi sde dang/ gtan la bab par bstan pa'i sde dang/ gsung rab yan lag bcu gnyis su rtogs pa rnams so/ /de la mdo sde ni bcom ldan 'das kyis gang mdor smos pa'i rnam pa rkang par gsungs pa'o/ /dbyangs kyis bsnyad pa'i sde ni mdo sde nyid kyi ba nga dang mdza' dag tu tshigs su bcad de dbyangs kyis brnyad pa'i phyir ro/ /yang na drang ba'i don ni mdo'i sde yin la/ rtogs pa'i phyir dbyangs kyi brnyed pa'i sde'o/ /lung du bstan pa'i sde ni gang du 'phags pa dag 'das pa'i dus su tshe 'das pa dang/ skye bar lung ston pa'o/ /rnam pa gcig tu na nges pa'i don gyi mdo sde ni lung bstan pa'i sde ste/ des dgongs pa sgrib pa med par lung ston to/ /tshigs su bcad pa'i sde ni gang tshigs su sbyar nas gsungs pa'o// ched du brjod pa'i sde ni gang thugs rangs nas brjed pa yin te 'di lta ste/ gang gi tshe na bram ze bsam gtan pas rtun? par byed pa'i chos 'di 'byung 'gyur te/ /de yi som nyi thams cad rnam 'jig cing/ /bde ba 'dod pa'i dri ma ser sna sel zhes bya ba lta bu'o/ /gleng bzhi'i sde ni gang zag gi phyir gang yang rung ba dag gsungs pa 'am/ byung ba dang bcas pa'i bslab pa gca' ba gsungs pa yin te/ 'di lta ste/ gzhi 'di la skabs 'di zhes rgya cher 'byung ba'o/ /rtogs pa brjod pa'i sde ni dper gsungs pa yin te/ nges don rnam par byad pa las mngon par gsal lo zhes bya ba'i tha tshig go /de lta bu byung ba'i sde ni gang sngon gyi sbyor ba dang ldan pa'o/ /skyes pa rabs kyi sde ni gang byang chub sems dpa' i spyod pa dang ldan pa'o/ shin tu rgyas pa'i sde ni don rgyas par ston pa'o/ /gzhan dag ni gzhan dag tu brjod de/ 'phags pa dge 'dun phal chen? sde ba rnams kyi 'don pa kho na lta bu'o zhe'o/ /rmad du byung ba'i chos kyi sde ni mdo'i sde ji lta ba bzhin no/ /gtan
- 252a
la dad par bstan pa'i sde ni ji ltar chos kyi mtshan nyid phyin ci ma log pas mdo sde la sogs pa'i don ston pa'o/ /de'i 'khor dang bcas pa de dag sde snod gsum du 'gyur te/ gang mdo'i sde dang ? dbyangs kyis bsnyad pa'i sde dang/ lung du bstan pa'i sde dang/ tshigs su bcad pa'i sde dang/ ched du brjod pa'i sde dang/ de lta bu byung ba'i sde dang/ shin tu rgyas pa'i sde dang/ rmad du byung ba'i chos kyi sde 'khor dang bcas pa'i dag ni mdo sde'i sde snod do/ /gling gzhi'i sde dang/ rtogs pa brjod pa'i sde dang/ skyes pa rabs kyi sde 'khor dang bcas pa de dag ni 'dul ba'i sde snod do/ /gtan la bab par bstan pa'i sde ni chos mngon pa'i sde snod do/ /de ci'i phyir sangs rgyas bcom ldan 'das sde snod rnam pa gsum rnam par 'jog ce na/ the tshom dang nye ba'i nyon mongs pa dang bcas pa'i gnyen po nyid du bya ba'i phyir dang/ sems nyid skyes pa bcad pa'i phyir mdo sde'i sde sdong rnam par 'jog go /mdza' gnyis su? sbyor ba'i nye ba'i nyon mongs pa gnyen po nyid du bya ba'i phyir 'dul ba'i sde snod rnam par 'jog go /rang gi lta ba mchog tu 'dzin pa'i te ba'i nyon mongs pa'i gnyen po nyid du bya ba'i phyir chos mngon pa'i sde snod rnam par 'jog go rnam pa gcig tu bslab pa gsum brjod pa nyid kyi phyir mdo sde'i sde snod rnam par 'jog go /lhag pa'i tshul khrims dang/ lhag pa'i sems kyi bslab pa mngon par bsgrub pa nyid kyi phyir 'dul ba'i sde snod rnam par 'jog go /lhag pa'i shes rab kyi bslab pa mngon par bsgrub pa nyid kyi phyir chos mngon pa'i sde snod rnam par 'jog go /rnam pa gcig tu na chos brjod pa nyid kyi phyir mdo sde'i sde snod rnam par 'jog go /chos kyi don mngon sum du bya ba'i bzhi'i
- 252b
gnas su bya ba nyid kyi phyir 'dul ba'i sde snod rnam par 'jog go /'bel ba'i gtam rnam par nges pas chos kyi longs spyod la reg par gnas pa nyid kyi phyir chos mngon pa'i sde snod rnam par 'jog go /gang dag dge 'dun zhes bya ba ni yan lag bcu dang/ brgyad kyi bye brag dang/ slob pa dang mi slob pa'i bye brag dang/ lam dang 'bras bu'i bye brag rnam pa brgyad kyis dge 'dun rnam pa gnyis so/ /skyabs song nas zhes bya ba ni rgyu bzhi dag gis skyabs su 'gro bar rag par bya ste/ yon tan shes pa nyid dang/ khyad par shes pa nyid dang/ khas blangs pa dang/ ston pa gzhan mi bsten pa'o/ /skyabs su song ba de rnams kyi rnam par gzhag pa ni gong ma gong ma'i rgyu nyid du gyur pa'i phyir te/ rkyen gzhan gzung ba las yon tan shes pa nyid ni khyad par can du shes pa nyid kyi rgyu yin no/ /gnyis sngon du song ba ni khas len pa'o/ /de sngon du song ba ni ston pa gzhan ston par mi 'gyur ba yin te/ gang gi phyir snying nas dam pa'i chos rtogs nas sangs rgyas la skyabs su 'gro ba de nyid kyi phyir te/ skyabs kyi don ni skyob pa'i don to/ rnam pa gcig tu na yon tan shes pa nyid ni theg pa'i 'bras bu'o/ /khyad par shes pa nyid ni bsams pa'i 'bras bu'o/ /gnyi ga'i 'bras bu ni khas len pa'o/ /de'i 'bras bu ni 'phags pa dgyes pa'i tshul khrims thos pa dang/ dad pa mi phyed pa'o/ /rnam pa gcig tu ni gsum ni tshogs kyi lam mo/ /bzhi pa ni mthong ba'i lam mo/ gang dag nyin dang mtshan rnams su/ /rtag tu sangs rgyas dran byed pa zhes bya ba la ji ltar na nyin par dang/ ji ltar mtshan mo rtag tu sangs rgyas dran par byed par 'gyur zhe na/ rgyu bzhis byed de/ dge ba'i phyogs la mngon par brtson pa dang/ mchod pa byed pa dang/ rnam pa rjes su dran pa dang/ phan 'dogs par rjes su dran pa'i
- 253a
ci ltar nyin par gnyid ma log par sangs rgyas rjes su dran na de goms pas gnyid log pa nas kyi rmi lam du yang de bzhin mthong ngo/ /de ltar sangs rgyas la sogs pa rjes su dran pa bsgoms pa rnams kyi phan yon bdun du rig par bya ste/ tshe rabs dran pa dang/ dad pa mang ba dang/ chos dman pa rnams la sems mi 'jug pa dang/ gzhan dag la 'tshe ba'i rang bzhin can ma yin pa dang/ gzhan dag gis de la mi 'tshe ba dang/ yid la bcags pa med pas 'chi ba'i dus byed pa dang/ lus dang bral nas kyang bde 'gro mtho ris lha'i 'jig rten rnams su skye bar 'gyur ro/ /tshigs su bcad pa'i don bsdus pa las gnyis pa'i don bsdus pa'o// // bsod nams byas shing sdig pa ma byas la/ /mkhas pa rnams kyi sngon gi chos spyod pa/ /de ni bdag ste nams kyang 'chis mi 'jigs/ /bstan pa'i gru yis pha rol 'gro ba bzhin/ zhes tshigs su bcad pa'o/ /bcom ldan 'das kyis 'di ci'i phyir gsungs she na 'chi ba'i 'jigs pas gnyen pa'i sems can rnams kyi 'jigs pa'i rgyu de med par bstan pa'i phyir ro/ /rnam pa gcig tu na shin tu yongs su dag pa'i mngon par mtho ba dang/ nges par legs pa'i rgyu rab tu bstan pa'i phyir ro/ /bsod nams byas shing sdig pa ma byas la/ zhes bya ba ni yongs su dag pa'i mngon par mtho ba'i rgyu yang dag par bstan pa ste/ 'di ltar sdig pa dang bral ba'i bsod nams ni rnam par dag pa'i mngon par mtho ba'i rgyu yin te/ nyes par spyod pa'i sa thams cad las 'das pa'i phyir ro/ /lhag mas ni 'jig rten las 'das pa'i lam kho na ma thob med pa nges par legs pa'i rgyu yin te/ dri ma dang
- 253b
bral ba'i phyir ro/ /gzhan yang tshigs su bcad pa 'dis dbul ba dang/ ngan 'gro dang 'khor ba'i 'jigs pas nyen pa rnams 'chi ba las 'jigs par gyur pa na 'jigs pa de las yang dag par 'das par bdag nyid dpang du ston te/ bsod nams byas shing zhes bya ba ni dbul ba'i 'jigs pa las yang dag par 'das pa ston te/ sbyin pa'i 'bras bu longs spyod che ba'i phyir ro/ /sdig pa ma byas la zhes bya ba ni ngan 'gro'i 'jigs pa las yang dag par 'das pa ston te/ tshul khrims ni 'bras bu bde 'gro'i rgyur gyur pa'i phyir te/ sdig pa mi bya ba dang bral ba dang tshul khrims zhes bya ba ni rnam grangs so/ /mkhas pa rnams sngon gyi chos spyod pa zhes bya ba ni mi mthun pa'i phyogs shin tu thul cing gnyen po rnyed pa kha na ma tho ba med par ston te/ de yang 'phags pa'i lam yan lag brgyad pa yin no/ /sngon gyi ni sngon gyi sangs rgyas rnams kyis bgrod pa zhes bya ba'i tha tshig ste/ ji skad du/ ngas sngon gyi lam rtogs so zhes gsungs pa lta bu'o// lhag spyod la sogs gzhan mu stegs pa rnams kyis de mngon par rdzogs par sangs rgyas pa'i phyir thun mong ma yin pa nyid du ston to/ /yang rgyu gsum gyis 'chi ba la 'jigs par 'gyur te/ bsod nams dang bral bas sngon gyi dge ba byas pa'i rgyun mi rnyed pa'i phyir dang/ sdig pa mang pos bsod nams byas pa zil gyis gnon pa'i phyir dang/ lta ba ngan pa la mngon par zhen pas bsam pa mngon du gyur pa'i phyir te/ tshigs su bcad pa 'dis gsum po de dag med do zhes rab tu bstan to/ /tshigs su bcad pa'i don bsdus pa las gsum pa'i don bsdus pa'o// //'jig rten thams cad rab tu 'gul/ /'jig rten thams cad rab tu g.yos/ /'jig
- 254a
rten thams cad rab tu bsregs/ /'jig rten thams cad dud pas bdugs/ /'gul ba med cing g.yo med la/ /so so'i skye bos ma bsten cing/ /gang na bdud kyi rten med pa/ /der ni bdag nyid mngon par dga' / zhes tshigs su bcad pa gnyis so/ /bcom ldan 'das kyis ci'i phyir gsungs she na/ 'khor ba dang mya ngan las 'das pa dag gi yon tan yang dag par bstan pa'i phyir ro/ /rnam pa gcig tu na nyon mongs pa dang/ gnod pa dang/ nad mgo pa thams cad spangs pa mya ngan las 'das pa la de don du gnyer ba rnams rtag tu byed pa dang/ gus par byed pa'i spyod pa la yang dag par skyong ba'i phyir dang/ don mi gnyer ba rnams 'dod pa skyed pa'i phyir te/ 'jig rten thams cad ces bya ba ni snod kyi 'jig rten dang/ sems can gyi 'jig rten no/ /de la snod kyi 'jig rten ni rlung gi dkyil 'khor la sogs pa 'og min gyi gnas la thug pa 'di lta ste/ rlung gi dkyil 'khor la chu'i dkyil 'khor brten no// chu'i dkyil 'khor la sa'i dkyil 'khor ro/ /de la ri rab dang/ gser gyi ri bdun po gnya' shing 'dzin dang/ gshol mda''dzin dang/ seng ldeng can dang/ blta na sdug dang/ rta rna dang/ rnam par 'dud dang/ ri mu khyad 'dzin dang/ gling bzhi dang/ bar gyi gling brgyad dang/ nang gi rgya mtsho dang/ ri rab kyi bang rim bzhi dang/ rgyal chen bzhi'i gnas dang/ sum cu rtsa gsum dang/ nam mkha' la gzhal med khang gi nang na gnas la/ 'thab bral dang/ dga' ldan dang 'phrul dga' dang/ gzhan 'phrul dbang byed kyi lha rnams dang/ gzugs na spyod pa'i lha rnams dang/ lha ma yin gyi gnas gzhan dang/ sems can dmyal ba rnams kyi 'og gi gnas gzhan che ba'i sems can dmyal ba brgya
- 254b
dang/ grang ba'i sems can dmyal ba brgyad dang/ nyi tshe ba'i sems can dmyal ba rnams kyi gnas gzhan dang/ de dag gi phyogs gcig na dud 'gro dang/ yi dags rnams kyi gnas gzhan rnams so/ /sems can gyi 'jig rten ni las kyi dbang gi ci rigs par de na gnas pa'i sems can rnams dang/ gzugs med pa na spyod pa rnams te/ 'di lta ste/ sems can dmyal ba dang/ dud 'gro dang/ yi dags dang/ mi dang/ lha dang/ rgyal chen bzhi dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs pa'i mdun na 'don pa dang/ tshangs pa chen po dang/ 'od chung dang/ tshad med 'od dang/ 'od gsal dang/ dge chung dang / tshad med dge dang/ dge rgyas dang/ sprin med dang/ bsod nams skyes pa dang/ 'du shes med pa'i sems can dang/ mi che ba dang/ mi gdung ba dang/ shin tu mthong ba dang/ gya nom snang ba dang/ 'og min dang/ nam mkha' mdza' yas skye mched du nye bar 'gro ba dang/ rnam shes mdza' yas skye mched du nye bar 'gre ba dang/ ci yang med pa'i skye mched du nye bar 'gro ba dang/ 'du shes med 'du shes med min skye mched du nye bar 'gro ba rnams so/ /ji snyed du nyi ma yongs su rgyu zhing 'od kyi phyogs rnams snang bar byed de snyed kyi stong gi 'jig rten na zla ba steng dang/ nyi ma stong nas tshangs pa'i 'jig rten stong gi bar 'di ni stong spyi phud kyi 'jig rten gyi khams zhes bya'o/ /stong spyi phud kyi 'jig rten gyi khams stong gang yin pa 'di ni stong pa gnyis pa bar ma'i 'jig rten gyi khams shes bya'o/ /stong gnyis pa bar ma'i 'jig rten gyi khams stong gang yin pa 'di ni stong gsum gyi stong chen po'i 'jig rten gyi khams zhes bya'o/ /de ni
- 255a
mnyam du 'jig cing chags te/ 'di lta ste/ bar snang las char gyi rgyun gshol mda' tsam bab pa'i chu'i rgyun bab pa rnams la bar mtshams sam bar chad med pa de bzhin du shar phyogs su 'jig rten gyi khams 'jig pa rnams dang/ chags pa rnams la bar mtshams dang bar chad med de/ gzhan dag ni 'jig /gzhan dag ni zhig nas 'dug /gzhan dag na 'chags/ gzhan dag na chags nas 'dug go /shar phyogs ji lta bar phyogs thams cad du yang de dang 'dra'o/ /'jig pa ni gsum ste/ me dang/ chu dang/ rlung gis so/ /'jig pa gsum gyis mgo ni bsam gtan gnyis pa dang/ /bsam gtan gsum pa dang/ bzhi pa'o/ /bar gyi bskal pa nyi shur ni 'jig rten 'jig go /bar gyi bskal ba nyi shur zhig nas 'dug go /bar gyi bskal pa nyi shur 'jig rten 'chags so/ /bar gyi bskal pa nyi shur chags nas 'dug go /de dag ni bar gyi bskal pa brgyad cur 'gyur te/ de ni bskal pa chen po yin no/ /bskal pa bgrang ba'i tshul de ni gzugs na spyod pa dang/ gzugs med pa na spyod pa'i lha rnams kyis tshe'i tshang yin te/ bar gyi bskal pa dpag med nas/ /tshe lo bcu yis bar du'o/ /'jig pa'i bskal pa dmyal ba pa'i/ /srid pa med nas snang zad pa/ /chags bskal dang bar rlung nas ni/ /dmyal ba srid pa'i bar du'o/ /'jig rten thams cad ni mi rtag pa gnyis dang 'brel ba yin te/ 'jig pa'i mi rtag pa nyid dang/ skad cig ma'i 'jig pa'i mi rtag pa nyid kyis so/ /de la thams cad rab tu 'gul ba na/ 'jig pa'i mi rtag pa'i nyid kyis te/ 'di ltar de ni srid pa'i rtse mo'i phar du 'brel te/ /'gul ba zhes bya ba ni rang gi gnas las
- 255b
nyams par byed pa'o/ /rab tu g.yos pa ni skad cig ma'i 'jigs pa mi rtag pa nyid kyis te/ rgyun mi 'chad par 'jug pas 'bras bu mi 'dra ba skyed pa'i phyir ro/ /rab tu g.yos dang 'dra bas rab tu g.yos te/ rab tu g.yos pa zhes bya ba ni 'bras bu mi 'dra ba skyed pa yin no/ /'jig rten thams cad rab tu bsregs zhes bya ba ni rab tu bsregs pa dang 'dra bas rab tu bsregs pa ste/ sems can gyi 'jig rten gyi dbang du mdzad nas nyon mongs pa kun tu spyod pa'i gnas skabs rnams kyis gsungs so/ /du bas bdug pa ni bag chags kyi gnas skabs rnams kyis so/ /du bas 'dug pa dang 'dra bas du bas bdug pa yin te/ de dag kyang rkyen dang phrad na du ba la me 'byung ba bzhin du 'byung ngo/ /rnam pa gcig tu na de 'byung ba ni gnyi ga la rag las pa yin pas gnyis ka'i dbang du byas nas gsungs te/ rgyu la 'bras bu btags pa'i phyir ro/ /tshigs su bcad pa gnyis pa ni mya ngan las 'das pa'i dbang du mdzad nas gsungs pa yin te/ 'gul ba med la zhes bya ba ni thams cad du mi rtag pa nyid dang bral ba yin no/ /so so'i skye bos ma bsten cing/ /zhes bya ba ni de'i thabs 'phags pa rnams kyi kun tu spyod pa'i phyir ro/ /gang na bdud kyi rten med pa/ zhes bya ba ni gnas dang/ byed pa dang/ ngo bo dang/ bar du gcod pa'i bdud rnams te/ der kun tu mi spyod pa'i phyir ro/ /de la gnas kyi bdud ni phung po'i bdud de/ 'di ltar de rnams su 'chi ba'i phyir ro/ /byed pa'i bdud ni nyon mongs pa'i bdud de/ 'di ltar de rnams kyis 'chid pa'i phyir ro/ /ngo bo nyid kyi bdud ni 'chi bdag gi bdud nyid do/ /bar du gcod pa'i bdud ni lha'i bdud de/ bdud rnam pa gsum spang ba'i phyir rab tu brtson pa rnams kyi bar du gcod par byed pa'i phyir ro/ /so so'i
- 256a
skye bos ma bsten cing/ zhes gsungs pa la/ gang na bdud kyi rten med pa/ zhes smos pa la rgyun tu zhugs pa la sogs pa la kun tu sbyor ba lhag ma dang bcas pa nyid yin na du ba chung ngu yod pa'i phyir bdud kyi glags yod do zhe na/ der ni bdag yid mngon par dga' / zhes bya bas skyon de dag dang bral mya ngan las 'das pa ston to/ /tshigs su bcad pa bsdus pa las bzhi pa'i don bsdus pa'o// //gang dag rgyal ba rnam 'dren la/ /byed pa chung nguAng byed 'gyur ba/ /de dag mtho ris sna tshogs pa/ /bgrod na 'chi med gnas thob pa/ /zhes tshigs su bcad pa'o/ /bcom ldan 'das kyis tshigs su bcad pa 'di ci'i phyir gsungs she na/ tshegs chung ngus bsod nams chen po skyed par byed do/ /zhes yang dag par bstan pa'i phyir ro/ /rnam pa gcig tu na dbul po dang bag med pa dang/ ser sna la mngon par dga' ba'i sems can rnams kyi rgyud yongs su smin par bya ba'i phyir gsungs par mngon no/ /gang dag rgyal ba rnam 'dren la/ /byed pa chung ngu byed 'gyur ba/ zhes bya ba ni/ gang dag dad pa tsam gyis kyang/ /gcig tu mngon par dad par byed/ /ces bya ba'i don to// nyon mongs pa thams cad las rgyal ba nyid kyis skyon med pa'i phyir rgyal ba'o/ /gzhan dag ni nyon mongs pa dang 'gyod pa sel bas rnam 'dren no/ /de dag mtho ris sna tshogs pa bgrong nas zhes bya ba ni rim gyis lha'i ris drug tu skyes par mngon par mthob pa rgyu nyid du ston to/ /'chi med gnas 'thob bo zhes bya ba ni mthar mya ngan las 'das pa 'thob pa'i tshogs sogs pas nges par legs pa nyid du ston to/ /mya ngan las 'das pa ni 'chi ba med
- 256b
pa'i gnas te/ de na bdud thams cad med pas slar ldog pa med pa'i phyir ngos so bcom ldan 'das ni tshogs chung ngus bsod nams chen po skye ba'i skye mched yin no zhes bya ba 'di ci rgyal po'i bka' lar shes par bya zhig gam/ / 'on te khungs yod ce na khungs yod de/ ga las she na/ rgyu dang 'bras bu dang phan 'dogs pa'i yon tan phun sum tshogs pa dang ldan pa'i phyir bcom ldan 'das ni bsod nams che ba'i skye ba'i skye mche yin no zhes khong du chud par gyis shig /phun sum tshogs pa nas phan 'dogs pa phun sum tshogs pa'i bar gang yin pa brjod gos pas rgyu phun sum tshogs pa ni rnam pa bzhi ste/ bsod nams dang ye shes kyi tshogs thams cad las goms pa dang/ yun ring por goms pa dang/ rtag tu goms pa dang/ gus par byas te goms pa'o/ /'bras bu phun sum tshogs pa ni rnam pa bzhi ste/ mkhyen pa phun sum tshogs pa dang/ spangs pa phun sum tshogs pa dang/ mthu phun sum tshogs pa dang/ gzugs kyi sku phun sum tshogs pa'o/ /phan 'dogs pa phun sum tshogs pa rnam pa bzhi ste/ ngan song gsum las skyob pa phun sum tshogs pa dang/ bde 'gro la 'jog pa phun sum tshogs pa dang theg pa gsum la 'jog pa phun sum tshogs pa dang/ 'khor ba'i sdug bsngal las/ /tan du nges par thar pa la 'jog pa phun sum tshogs pa'o/ /mkhyen pa phun sum tshogs yang rnam pa bzhi ste/ /ma bstan par mkhyen pa dang/ thams cad mkhyen pa dang/ /rnam pa thams cad mkhyen pa dang/ ma bsgribs par mkhyen pa'o/ /spangs pa phun sum tshogs pa yang rnam pa bzhi ste/ nyon mongs pa thams spangs pa dang/ gtan du spangs pa dang/ nyon mongs pa bag chags dang bcas pa spangs pa dang/ ting nge 'dzin dang
- 257a
snyoms par zhugs pa thams cad kyi sgrib pa spangs pa'o/ /mthu phun sum tshogs pa yang rnam pa bzhi ste/ tshangs pa'i yul du sprul pa dang/ bsgyur pa dang/ byin gyis brlabs la dbang pa phun sum tshogs pa dang sku tshe gtong ba dang/ byin gyis rlob pa la dbang ba nyid phun sum tshogs pa dang/ nam mkha' khams sgrib dang/ shin tu ring bar myur du bzhud pa dang/ chung ngu chen por 'jug pa'i dbang nyid phun sum tshogs pa dang/ ngo mtshar rmad du byung ba'i chos gnyug ma sna tshogs pa'o/ /gzugs kyi sku phun sum tshogs pa yang rnam pa bzhi ste/ mtshan phun sum tshogs pa dang/ dpe byad phun sum tshogs pa dang/ stobs phun sum tshogs pa dang/ sku gdung rus pa rdo rje ltar sra ba phun sum tshogs pa'o/ /de ltar de bzhin gshegs pa ni mkhyen pa dang/ mthu dang phan 'dogs pa'i yon tan rmad du byung ba'i mdza' yas pa rin po che chen po'i 'byung gnas yin te/ de ni bcom ldan 'das kyis bdag nyid chen po mdor bsdus pa yin no/ /tha dad du dbye na lta du ma yod mod kyi de tsam gyi chog go /tshigs su bcad pa'i don bsdus pa las lnga pa'i don bsdus pa'o// //dgon pa 'dir ni gnas pa dang/ zhi zhing tshangs par spyod pa dang/ /zas gcig za bar byed rnams kyi/ /mdog ni gang gis gsal bar 'gyur/ /'das pa la ni ma chags shing/ /ma 'ongs pa la mngon mi dga' / /da ltar byung ba la thob nas 'dir/ /shes bzhin so sor dran ldan pa/ /so sor brtags nas za byed pa/ /de yis mdog ni gsal bar 'gyur zhes tshigs su bcad pa gnyis so/ /tshigs su bcad pa gcig ni zhus pa'o/ /tshigs su bcad pa gnyis pa ni lan btab pa'o/ /tshigs su bcad pa zhus pa'i brtsams pa/ dgon pa 'dir ni gnas pa dang/
- 257b
zhes brjod na/ zhi zhing zhes bya ba ma brjod kyang grub ste/ 'di ltar rab tu zhi ba'i gnas mal na gnas pa rnams kyi lus dang ngag dang sems rab tu zhi bar kun tu spyod par nges so/ /zhi zhing zhes brjod nas tshangs par spyod pa zhes mi bya ste/ ji ltar na zhi ba tshangs par spyod pa ma yin/ zas gcig za bar byed pa rnams kyi zhes bya ba 'di yang brjod par mi bya'o/ /yon tan de rnams dang ldan pa ni zas la chod? rig pa yin na ro la sred pa dang du len par ji ltar nus par mi 'gyur/ mdog ni gang gis gsal bar 'gyur/ zhes bya ba yang ci'i phyir zhe na/ tshigs su bcad pa 'di ni gsal ba'i rgyu nye bar nyon mongs pa las byung ba'i bde ba rnam pa bzhi'i gnyen por rnam par gzhag par rig par bya ste/ mdog gsal ba'i rgyu nye ba'i nyon mongs pa las byung ba rnam pa bzhi ni skye bo sdug pa dang 'grogs pa las byung ba dang/ rgod pa las byung ba dang/ khrig pa gcod pa las byung ba dang/ zas 'dod dgu'i dus su za ba'o/ /dgod? pa 'dir ni gnas pa dang/ zhes bya ba ni skye bo sdug pa dang/ 'grogs pa las byung ba'i bde ba'i gnyen pa'o/ /zhi zhing zhes bya ba ni rgod pa las byung ba'i bde ba'i gnyen po yin te/ dgon par gnas kyang sngon dgod pa dang/ rtse ba la sogs pa'i rjes su dran pa las rnam par ma zhi bar 'gyur ba yang yod tshangs par spyod pa dang zhes bya ba ni 'khrig pa spyod pa las byung ba'i gnyen po yin te/ dgon par gnas kyang tshangs par spyod pa ma yin pa yod de/ 'di ltar de dag ni bu skyed pa'i phyir mi tshangs par spyod par byed do/ /zas gcig za bar byed pa rnams kyis zhes bya ba ni zas 'dod dgu'i dus su za ba las byung ba'i bde ba'i gnyen po yin te/ 'di ni re zhig zhus pa'i tshigs su bcad pa'o/ /lan gyi tshigs su bcad pa ni/ 'das pa la ni ma
- 258a
chags shing/ zhes rgya cher 'byung ba'o/ /nye ba'i nyon mongs pa'i rnam pa bshad pa yongs su spangs shing sred pa rnam pa gsum dang bral ba dag ni mdog gsal bar 'gyur ro/ /de la sred pa rnam pa gsum ni dus kyi bye brag gis lta ba'i sred pa dang/ mngon par dga' ba'i sred pa dang/ lhag par zhen pa'i sred pa ste/ mthong ba dang/ thos pa dang/ bye brag phyed pa dang/ rnam par shes pa zhig pa rnams la ni lta ba'i sred pa'o/ /ma 'ongs pa rnams bdag gi ngo bo dang/ yo byad sna tshogs pa ni mngon par dga' ba'i sred pa'o/ /da ltar byung bar ltar gyi phung po dang/ yo byad yongs su mi gtong ba'i mtshan nyid ni lhag par zhen pa'i sred pa'o/ /rnam pa gcig tu na sred pa rnam pa bzhi dang bral ba dag mdog gsal bar 'gyur ba ni bcom ldan 'das kyis gang gi dbang du mdzad nas mdo sde gzhan dag las sred pa dang/ yang byung ba pa dang/ dga' ba'i 'dod chags dang ldan pa dang/ de dang de la mngon par dga' o zhes gsungs pa yin te/ de la sred pa ni 'das pa la'o/ /yang byung ba ba ni ma 'ongs pa la'o/ /dga' ba'i 'dod chags dang ldan pa ni da ltar byung ba la ste/ dga' ba ni dga' bar byed pa/ nyon mongs pa can gyi yid bde ba'i 'dod chags dang ldan pa zhes bya ba'i tha tshig gog de dang de la mngon par dga' o zhes bya ba ni 'das par dang?/ ma 'ongs pa dang/ da ltar byung ba rnams la'o/ /rnam pa gcig tu na tshig bzhi'i don ni bdag gi ngo bo dang? yo byad kyi dngos po thob pa dang/ ma thob pa las rigs par bya ste/ sred pa mi? ste/ ? thob pa la'o/ /? ? ba ni ? ? la'o/ /dga' ba'i 'dod chags dang ldan pa ni da lta byung ba'i yul rnams la'o/ /de dang de la mngon par dga' ba ni ma 'ongs
- 258b
pa'i yul rnams la'o/ /shes bzhin so sor dran ldan pa/ zhes bya ba ni shes rab dang dran pa dang ldan pa rnams ni yang dag par rab tu byung ba zhes bya ba ste/ shes bzhin ni nyon mongs pa can ma yin pa'i shes rab ste/ gang gis lus dang/ ngag dang/ sems kyi spyod pa shes bzhin du 'jug pa'o/ /de la dran pa ni 'gro ba dang 'ong ba la sogs pa la gtod pa'o/ /de ltar ma 'ongs pa la 'dod pa dang da ltar ba la rtag par chags pa dang/ 'das pa la rjes su dran pa'i nyon mongs pa dang bral ba rnams ni/ so sor brtags nas za byed pa yin te/ ji ltar dga' bo'i mdo las/ 'di na rigs kyi bu dga' bo ni so sor rtags nas zas za bar byed de/ rgod pa'i phyir ma yin/ rgyags pa'i phyir ma yin/ cha ba'i phyir ma yin/ brgyan pa'i phyir ma yin gyi/ ji tsam du lus 'di gnyis gnas pa dang/ 'tsho ba dang/ bkres pa med par bya ba dang/ tshangs par spyod pa la phan gdags par bya ba'i phyir te/ 'di ltar sngon gyi tshor ba ni spang bar bya ba dang/ tshor ba gsar ba ni skyed par bya zhing bdag 'tsho ba dang/ stobs bde ba dang/ kha na ma tho ba med pa nyid kyi reg pa la gnas so zhes 'byung ngo/ /rgod pa'i phyir ma yin pa ni gzhon nu rnams ji lta ba bzhin du'o/ /rgod pa ni rgod bag can te/ de dag ni mdzes par bya ba'i bsam pas za bar byed do/ /rgyags pa'i phyir ni ma yin zhes bya ba ni gyang dag lta bu ste/ ji ltar de dag ni lus kyi stobs chen dga' ba'i bsam pas za bar byed do/ /cha ba'i phyir ma yin/ brgyan pa'i phyir ma yin zhes bya ba ni 'dod pa la longs spyod pa lta bur ste/ de dag ni mdzes par bya ba'i bsam pas cha pa'i phyir dang/ d?? pa'i phyir za bar byed de/ de la cha ba ni khrus dang/ bsku ba dang/ phyi bdar byed pa'o/ /brgyan pa zhes bya ba ni gos dang phreng ba la sogs pa rgyan byang ba
- 259a
yin te/ de lta bu'i bsam pas zas za bar 'gog par mdzad do/ mi ma du de'i lus nyid gnas pa dang/ 'tsho bar bya ba'i phyir zhes bya ba ni srog gi rgyun kho na'i phyir dang/ stobs kyi rgyun kho na'i phyir te/ srog ni tshe gnas pa'o/ /stobs ni 'tsho ba'o/ /de'i phyir zhes bya ba ni shing rta'i lte ba'i mig bsku ba lta bur ro/ /bkres pa med pa zhes bya ba ni rtogs pa'i sdug bsngal las zlog pa'i don te/ /ji ltar ma gso bar bya ba lta bur ro/ tshangs par spyod pa la phan gdags par bya ba'i phyir zhes bya ba ni lus gnas pa dang/ lus kyi stobs dang/ lus la gdung ba med pa la brten nas 'phags pa'i lam bsgrub pa'i don te/ tshangs par spyod pa gang yin zhe na/ 'phags pa'i lam yan lag brgyad pa'o/ /zhes mdo las 'byung ba'i phyir ro/ /'di ltar sngon gyi tshor ba spang bar bya'o zhes bya ba ni gang bkres pa las byung ba'o/ /tshor ba gsar ba bskyed par mi bya ste/ 'dis nyung ba dang lhag pa'i kha zas spong bar byed do/ /'di ltar zhes smos pa ni tshod rig pa yang dag par bstan pa'i phyir ro/ /sngon gyi tshor ba dag spangs pas ci byed ce na/ bdag 'tshe ba dang/ stobs dang/ bde bar 'gyur bar so sor rtog go /tshor ba gsar pa bskyed par mi bya bas ci byed ce na/ kha na ma tho ba med pa'i regs pa las gnas so zhes so sor rtog par byed do/ /de la kha bas mang por za? ba'i skyon med pa'i byed kha na ma tho ba med par rig par bya'o/ /skyon de dag kyang lnga ste/ gsang? ba dang/ mi dga' ba dang/ glal? ba dang/ zas ma snyoms pa dang/ sems zhum pa nyid do/ /sbyangs pa dang rjes su mthun pa'i lus yang bas ni bde bar gnas pa'i phyir te/ reg pas gnas par rig par bya'o/ /bsam
- 259b
pa gang gis bza' bar mi bya ba dang/ bsam pa gang gis bza' bar bya ba dang/ tshod ci tsam za ba'i phan yon de las so sor brtags nas kha zas za ba yin no/ /rnam pa gcig tu na bsdus pa'i don 'di ni gzhan te/ bde ba dang/ yid bde ba dang/ dga' ba dang/ 'grogs pa dang/ rgod pa dang/ 'khrig pa dang/ yongs su spyod pa las byung ba rnam pa bzhis khyim pa rnams kyi mdog gsal bar 'gyur la/ de dang bral bas log par rab tu byung ba gzhan rnams ni 'dod pa bor ba la dga' ba nyid dang/ 'dod pa ma thob pa nyid dang/ don du gnyer ba dang/ yo byad thob pa la lhag par chags te yongs su spyad pa nyid kyi mdog ngan par snang la/ nye ba'i nyon mongs pa de dag spangs pas yang dag par rab tu byung ba rnams kyi mdog gsal bar mthong nas mdog gsal ba'i rgyu lhas zhus so/ /mdog gsal ba'i rgyu nyon mongs pa can de med kyang ji ltar yang dag par rab tu byung ba rnams kyi mdog gsal bar 'gyur ba ste/ 'das pa la ni ma chags shing/ zhes bcom ldan 'das kyis lung bstan to/ /tshigs su bcad pa'i don bsdus pa las drug pa'i don bsdus pa'o// //chos la kun dga' chos la dga' / /chos rnams rjes su rnams sems shing chos rnams drin pa'i dge slong ni/ /chos las yongs su nyams mi 'gyur/ zhes tshigs su bcad pa'o/ /tshigs su bcad pa 'di ci'i phyir gsungs zhe na/ lus dang rtogs pa'i chos las mi nyams pa'i rgyu las bstan pa'i phyir ro/ / de la chos la kun dga' ba ni mdo sde la sogs pa bstan pa'i chos bzung ba dang/ /bton bya ba dang/ bstan pa rnams kyis de la gzhol ba'i sgo nas rigs par bya'o/ /chos la dga' ba ni bsgrub pa'i chos te/ yang dag pa'i lta
- 260a
ba la sogs pa'i sbyor ba nyon mongs pa nye bar zhi ba'i thabs skyed pa la mngon par dga' ba'i sgo nas rigs par bya'o/ /de nas kun nas nyon mongs pa dang/ rnam par byad pa'i chos rnams mdo sde las ji skad du 'byung ba bzhin/ rnam pa sems shing goms par byed pa ni dran pa nye bar gnas pas 'bras bu'i chos las nyams par mi 'gyur ro/ /rnam pa gcig tu na tshigs su bcad pa 'dis thos pa dang/ bsam pa dang/ bsgom pa bsgrub pa'i rgyu dang/ phan yon ston par byed de/ 'dir chos la kun dga' ba ni gzung ba dang/ kha ton dang/ bstan pa la brtson pa'i sgo nas rigs par bya'o/ /chos la dga' ba ni de la gzhol ba'i phyir ro/ /chos la kun dga' ba dang chos la dga' bas ni thos pa las byung ba'i shes rab bsgrub par byed de/ ma thos pa thos par byed cing/ thos pa yang byang bar byed de/ dri ma med par byed ces bya ba'i tha tshig go /chos rnams rjes su rnam sems shing/ zhes bya bas ni bsams pa las byung ba'i shes rab sgrub par byed do/ /chos rnams rjes su dran par byed pas ni bsgom pa las byung ba'i shes par sgrub par byed do/ /de dag ni shes rab gsum gyi rgyu yin no/ yon tan de lta bu dang ldan pa'i dge slong lung dang rtogs pa'i chos las yongs su nyams par mi 'gyur ba ni phan yon yin no/ /'dir dge slong ni nyon mongs pa bcom pa 'am/ gzhom par zhugs pa la bya bar 'dod do/ /tshigs su bcad pa bsdus pa las bdun pa'i don bsdus pa'o// // bam po gnyis pa// /mkhas gang 'tsho ba'i 'jig rten du/ /dang dang shes rab rnyad pa ni/ /de nyid 'di yi nor mchog ste/ 'di yi nor gzhan dman pa yin/ zhes tshigs su bcad pa'o/ /bcom ldan 'das kyis 'di
- 260b
ci'i phyir gsungs she na/ nor bu dang/ dbul dang/ gser la sogs pa'i phyi rol gyi nor ngan pa la lhag par chags pa las rnams nang gi nor bzang po la yang dag par sbyar ba'i phyir ro/ /mkhas pa smos pa ni dad pa dang/ shes rab dag thob pa'i gzhir bstan pa'i phyir te/ rang bzhin gyis mkhas pa dang ldan pas ni legs par bshad pa dang nyes par bshad pa rnams kyi don kun shes par nus shing/ dad pa dang shes rab kyang thos te/ nus pa med pa 'am/ legs par lta bas ni ma yin no/ /gang zhes bya ba ni dus gsal te/ rigs bzhi las gang yang rung ba'o/ /'tsho ba'i 'jig rten du zhes bya ba ni 'tsho ba'i 'jig rten 'phags pa 'byung ba'i gnas 'dir ro/ /mi 'jig rten du blta ste/ der de dag rnyed par srid par dgongs pa'i phyir dang mi rnams nor la lhag par chags pa'i phyir te/ ji skad du/ bcom ldan 'das kyis 'dzam+bu'i gling gi mi dag ni byang gi sgra mi snyan gyi mi dang/ lha ngag las khyad par gsum gyis khyad du 'phags te/ dpa' ba dang/ dran pa dang ldan pa zhes rgya cher gsungs pa lta bu'o/ /gzhan dag na re 'dir tshangs par spyod pa gnas pa dang/ skyo ba mang ba dang shes rab rno bas so zhes pa'o/ /dad pas ni yod pa nyid dang/ yon tan dang ldan pa nyid dang/ nus pa nyid la rim pa bzhin du mngon par zhen pa dang/ ngang ba dang 'dod pa ste sangs rgyas dang chos dang dge 'dun yod pa nyid du mngon par yid ches pa'i rnam pa dang/ yon tan dang ldan pa nyid la dad pa'i rnam pa dang/ nus pa nyid la bdag gis thos pa 'am/ bsgrub par nus so snyam pa 'dod pa'i rnam pa'i dad pa'o/ /shes rab ni chos rnams rab tu rnam par 'byed pa ste/ the tshom bzlog pa'i las can no/ /dad pas ni dam pa'i chos la 'jug pa'i rgyur ston la/ shes rab gyis ni de mi 'phrogs? pa nyid kyi rgyur ston te/
- 261a
'di skad du bcom ldan 'das kyis/ skra dang/ kha spu bregs te gos ngur smig dag bgos nas yang dag pa nyid du dad pas khyim nas khyim med par rab tu byung ngo/ zhes gsungs pa lta bu'o/ /mdo sde'i dum bu 'dis ni dge slong gi phun sum tshogs pa rnam pa bzhis bsdus pa bstan pa la 'jug pa'i rgyu dang pa yongs su bstan to/ /de la dge slong gi phun sum tshogs pa rnam pa bzhi ni cha byad phun sum tshogs pa 'am/ las phun sum tshogs pa dang/ bsam pa phun sum tshogs pa dang/ gnas phun sum tshogs pa ste/ skra dang kha spu bregs te/ gos ngur smig dag bgos nas zhes bya ba ni cha byad phun sum tshogs pa ste/ cha byad 'di ni nyon mongs pa dang/ nye ba'i nyon mongs pa dang mi mthun pa'i phyir khyim pa'i cha byad las phun sum tshogs pa yin no/ /yang dag pa nyid du zhes bya ba ni las phun sum tshogs pa ste/ gsol pa dang bzhi'i las kyis rab tu byung ba yang dag par rab tu byung ba yin gyi/ bsnyen par ma rdzogs pa dang/ rang gis rtags blangs pa ni ma yin no/ /dad pas zhes bya ba ni bsam pa phun sum tshogs pa ste/ bu lon gyis skrag pa'i phyir ma yin/ 'jigs pas skrag pa'i phyir ma yin/ rgyal pos bsgo ba'i phyir ma yin gyi/ 'o na ci zhe na/ dad? bas so/ /khyim nas khyim med par rab tu byung zhes bya ba ni gnas phun sum tshogs pa ste/ khyim ni khyim pa'i gnas so/ /gnas nyams pa de las gnas 'di phun sum tshogs pa yin te/ khyim med pa ni shing drung la sogs pa'o/ /dad pas dam pa'i chos la 'jug pa'i rgyu bstan zin to/ /de'i 'og tu shes rab kyis de mi 'phrogs pa nyid kyi rgyu ci ltar sten ce na/ 'di ltar shes rab can ni bdag nyid kyi bden pa'i
- 261b
dbang du byas pa'i chos rjes su dran nas sbyor bar byed pa yin te/ gzhan la reg ma las pa'i phyir ro/ /rnyed pa ni yang dag par thob pa'o/ /'di ni rnam pa gzhan na ste/ gang gi sems mnyam par ma bzhag pa'i mnyam par 'jog pa dang/ mnyam par bzhag pa rnam par grol bar byed pa yongs su bstan te/ dad pas mchog tu dga' ba'i dngos po yid la byas pa las mnyam par ma bzhag pa'i sems mnyam par 'jog la/ shes rab kyis yang dag pa ji lta ba bzhin mthong ba rnam par grol bar byed de/ ci skad du rab tu dga' ba la dga' ba skye la/ yid dga' bas lus sbyangs par 'gyur la/ lus sbyangs pa na bde ba myong bar 'gyur/ bde bar gyur pas sems mnyam par 'jog la/ sems mnyam par bzhag pas yang dag pa ji lta ba bzhin du rab tu shes so zhes gsungs pa lta bu'o/ /rnam pa gcig tu dbang po lta'i dbang du mdzad nas/ don cig? par bya ste/ dad na brtson 'grus rtsom par byed la/ brtson 'grus brtsams pas dran pa nye bar gnas so/ / dran pa nye bar gnas pas sems mnyam par bzhag la/ sems mnyam par bzhag pas ni yang dag pa ci lta ba bzhin du rab tu shes so zhes 'byung ste/ thog ma dang tha ma lhan cig gzung bas de'i bar rnams kyang gzung par 'gyur ro// yang gang zag gnyis ni de bzhin gshegs pa la mi snyan par brjod pa yin te/ dad pa ni nye bar gzung bas so/ /ma dad pa ni zhe sdang gi khyad par ro zhes 'byung ba 'di'i gnyen po'i don du rig par bya ste/ dad pa ni nye bar gzung pas so zhes bya ba 'di'i gnyen por ni shes rab bo/ /ma dad pa ni zhe sdang gi khyad par ro/ /zhes bya ba 'di'i gnyen por dad pa'o/ /yang gang zag dad pa'i rjes su 'brang ba'i rigs dang/ chos kyi rjes su 'brang ba'i rigs kyi dbang du
- 262a
mdzad nas don 'di rig par bya'o/ /yang dad? pa dang shes rab kyis mtho ris dang/ byang grol gyi lam thob par bstan to/ /dad pa dang shes rab dag ni nor nyid dad mchog yin te/ nor pas dad pa nor mchog ste/ mi yi rin chen shes rab yin/ /zhes 'byung ngo/ /nang gi mchog nyid dang/ de las gzhan pa'i nor bu dang/ mu tig la sogs pa ni dman pa nyid du rnam grangs mang po'i sgo nas rig par bya ste/ phyi'i nor ni phal cher nyes par spyod pa 'byung ba dang/ mi chog pa dang/ 'jigs pa dang bcas pa dang/ gnod pa dang bcas pa dang/ lnga dang thun mong pa dang/ dus thams cad ma yin pa dang/ spyad pa las zad par 'gyur gyi/ nad gi ni ma yin no/ tshigs su bcad pa'i don bsdus pa las brgyad pa'i don bsdus pa'o// //chos gnas tshul khrims phun sum tshogs/ /ngo tsha shes shing bden par smra/ /bdag nyid byed par gyur pa ni/ /de la skye bo dga' bar byed/ /ces tshigs su bcad pa'o/ /'dir 'di skad rgol te/ chos gnas zhes smras nas tshul khrims phun sum tshogs shes brjod par mi bya ste/ chos la gnas pa gang yin pa de ci ltar na phun sum tshogs pa ma yin/ tshul khrims phun sum tshogs pa zhes smras nas/ ngo tsha shes shing zhes brjod? par mi bya ste/ ji ltar na tshul khrims dang ldan pa ngo tsha shes par mi 'gyur/ bcom ldan 'das kyis kyang chos gnyis ni 'jig rten skyong ba yin te/ ngo tsha shes pa dang khrel yod pa'o zhes gsungs so/ /bden par smra ba zhes bya ba 'di yang brjod par mi bya ste/ bden pa'i tshul khrims kyis bsdus pa'i phyir ro/ /'dir 'di rnam par 'jog ste/ tshigs su bcad pa 'dir ni rnam pa
- 262b
bzhi po yang dag par blangs pa dang/ mnyams pa dang/ nyon mongs pa 'byung ba'i rgyu spangs pa dang/ yang dag pa ji lta ba smra bas rnam par bzhag par rig par bya'o/ /chos gnas zhes bya ba ni yang dag par blangs pa ste/ gal te tshul khrims yang dag par blangs na chos la gnas pa zhes bya'o/ /chos la 'dug pa ni chos la gnas pa ste/ chos kyi phyir gnas zhes bya ba'i tha tshig go /rgyu mtshan gyi bdun pa ste/ dper na pags pa'i phyir ni gung gsod do/ /so'i phyir ni glang po gsod?/ rtsed pa'i phyir ni 'bri bsod cing/ /bud med phyir ni bum len bsad/ ces bya ba lta bu'o/ /tshul khrims phun sum tshogs zhes bya ba ni ma nyams pa ste/ gal te tshul khrims yang dag par blangs pa nyams par mi byed na tshul khrims phun sum tshogs pa yin gyi/ gzhan du na nyams pa'o/ /ngo tsha shes shing zhes bya ba ni nyon mongs pa 'byung ba'i rgyu spangs pa ste/ nyon mongs pa 'byung ba'i rgyu ni tshul bzhin ma yin pa yid la byed pa'o/ /gal te ngo tsha shes pa dang ldan pa nyon mongs pa 'byung ba'i rgyu spong bar byed de/ bdag dang gzhan gyi rgyud la bltas nas ngo tsha ba kun tu mi spyod pa'i phyir ro/ /bden par smra zhes bya ba ni yang dag par ji lta ba bzhin smra ba te/ /bag med pa'i nyes pa 'ong ba dang/ 'gro ba la sogs pa nyes pa 'byung ba tshangs pa mtshungs par spong pa dag gis bsrab pa'i gnas rnams la bskul ba na gal te bdag nyid yang dag pa ji lta ba bzhin smra na yin pa smra ba yin gyi gzhan du na brdzun du smra ba yin no/ /bdag nyid byed par gyur pa ni zhes bya ba ni ngal? yon tan de dag rnams kyis skye bo dga' bar byed de/ yang dag pa'i yon tan ji lta ba bzhin brjod pas so/ /rnam pa gcig? pu ni bdag nyid ces bya ba tshig lhag ma dang sbyar te/ ji skad du/
- 263a
rgyal po chen po gang lus kyis legs par spyad pa spyod pa dang/ dag gi legs par spyad pa spyod pa de dag gi dga' ba ni bdag nyid do/ /zhes rgya cher gsungs pa lta bu'o/ /tshigs su bcad pa'i don bsdus pa dgu pa'o// //thos pas chos kyi bye brag shes/ /thos pas sdig las ldog par byed/ /thos pas don ma yin pa spong/ /thos pas mya ngan 'das pa thob/ ces tshigs su bcad pa'o/ /bcom ldan 'das kyis 'di ci'i phyir gsungs she na/ yang dag pa'i lta ba skyed pa'i phyir dang/ bslab pa gsum la brtan te sdig pa dang/ 'dod pa dang/ yang srid pa las yang dag par 'da' bar bya ba'i phyir ro/ /de las thos pas chos ni bye brag shes/ /zhes bya ba ni ji skad du 'di na la la de bzhin gshegs pas chos 'dul ba bstan pa thos nas yang dag pa'i tshul khrims dang/ ting nge 'dzin dang shes rab ston par byed pa'i chos gang yin pa de ni 'di kho na yin gyi/ gzhan mu stegs pas smras pa/ me dang chur 'jug pa dang/ zas mi za ba dang/ dka' thub drag po dang/ 'tshe ba ni ston pa ma yin par bye brag tu shes so zhes 'byung ba lta bu'o/ /thos pas sdig las ldog par byed pa ni 'di skad du 'di na la la de bzhin gshegs pas chos 'dul ba gsungs pa las lhag pa'i tshul khrims kyis bslab pa thos nas de la brten te/ lus dang ngag dang yid kyi spyod pa ngan pa las ldog ste/ log par byed pa ni ldog pa'o/ /sdig pa ni nyes par spyad pa'i mi dge ba bcu'i las kyi lam ste/ lus kyi gsum po srog gcod pa dang/ ma byin par len pa dang/ 'dod pas log par g.yem pa dang/ ngag gi bzhi po brdzun du smra ba dang/ phra ma dang/ tshig rtsub po dang/ ngag 'khyal pa dang/ yid kyi gsum po bsnab sems dang/ gnod sems dang/ log par lta ba'o/ /de dag? gi
- 263b
rnam par bzhag pa ni bzhi dang/ bsam pa dang/ sbyor ba dang/ nyon mongs pa dang/ mthar phyin pa las kyang rig par bya ste/ srog gcod pa la sogs pa'i gzhi ni sems can du bgrang ba dang/ sems can du bgrang pa ma yin pa ste/ gang la brten nas srog gcod pa la sogs pa 'byung ba'o/ /bsam pa ni dngos po de la der 'du shes pa'i bsam pa dang/ las kyi lam de byed 'dod pa'i bsam pa'o/ /spyod ba ni de bya ba'i phyir rang dam? gzhan gyi lus dang ngag dang yid kyis rtsom pa'o/ /nyon mongs pa ni chags pa dang/ zhe sdang dang/ gti mug bsdus pa dang so so'o/ /mthar phyin pa ni sbyor ba de dang des las de dang de'i tshe 'am/ phyis yongs su rdzogs pa'o/ /de la srog gcod pa'i gzhi ni sems can rnams so/ /bsam pa ni de la der 'du shes pa'i gsod pa'i bsam pa'o/ /sbyor ba ni bsad pa'i phyir 'debs pa la sogs pa ste/ 'di ltar phyugs gcod par 'dod pa kha cig stan las ldang/ rin len/ 'gro bar byed/ phyugs nom par byed/ nyo bar byed/ khrid de 'ong bar byed/ gnod par byed/ mtshon len par byed gam tshon lan cig lan gnyis 'debs pa nas/ ji srid du srog dang bral bar byed pa de srid du sbyor ba'o/ /nyon mongs pa ni chags pa dang/ zhe sdang dang/ gti mug rnams te/ chags pas srog gcod pa ni sha la sogs pa 'dod pa rnams kyi ste/ dper na lus kyi yan lag gi don dang/ nor gyi don dang/ rtsed mo'i don du srog chags rnams srog dang bral bar byed pa lta bu dang/ yang na bdag gi snying du sdug pa bskyab pa'i phyir yin no/ /zhe sdang las byung ba ni khon las nges par dbyung bar bya ba'i phyir ro/ /gti mug las byung ba ni ji ltar mchod pa rnams kyi chos kyi blo dang/ rgyal po'i chos khrims 'dod pa tshad mar byed pa ste/ 'tshe ba dang/ sdang ba rnams chad pas gcod par byed pa'i rgyal po dag ni bsod nams kyi skal
- 264a
ba can du 'gyur ro/ zhes grags pa dang/ par sig rnams kyi lta bu ste/ de dag ni pha ma rgan rgon 'khogs shing sdug bsngal nad tshabs che ba dag bsad par bya'o zhes smra ba'o/ /mthar phyin pa ni srog chags de sbyor ba des de ma thag gam phyis shi ba'o/ /ma byin par len pa'i gzhi ni gzhan gyis yongs su bzungs pa sems can du bgrang ba 'am/ sems can du bgrang ba ma yin pa'o/ /bsam pa ni der 'du shes pa 'am de bdag gir bya bar 'dod pa'o/ /sbyor ba ni stan las ldang ba nas ma blangs pa'i bar du'o/ /nyon mongs pa ni chags pa dang/ zhe sdang dang/ gti mug rnams te/ chags pa las byung ba'i ma byin par len pa ni gang zhig gang don du gnyer ba de rku ba 'am/ gzhan gyi rnyed pa dang/ bkur sti dang grags pa'i phyir ram/ bdag gi snying du sdug pa yongs su bskyab pa'i phyir rku ba'o/ /zhe sdang las byung ba ni kho na las nges par dbyung bar bya ba'i phyir ro/ /gti mug las byung ba ni ji ltar rgyal po'i chos khrims 'dod pa tshad mar byas nas ngan pa chad pas bcad pa'i phyir dang/ ji ltar bram ze dag thams cad tshangs pas bram ze rnams la byin pa yin na/ bram ze rnams gung nas dmangs rigs dag yongs su spyod de/ de bas na bram ze 'phrog par byed pa rang gi len par zad de/ bram ze dag bdag nyid kyi nor pa spyod cing gnas la rang gi sbyin par byed do/ /zhes smras pa lta bu ste/ de dag la bdag dang gzhan gyi ba 'du shes pa med pa ni ma yin no/ /mthar phyin pa ni bdag gir bya ba de mthu 'am 'dzam bu'i blos so/ /'dod pas log par g.yon pa'i gzhi ni sems can du bgrang ba nyid de 'os pa ma yin pa la'o/ bsam pa ni 'os pa ma yin pa la sems pa'o/ /sbyong? ba ni de'i don du rtsom pa'o/ /nyon mongs pa ni chags pa dang/ zhe sdang dang/ gti mug rnams te/ chags pa las byung ba'i
- 264b
'dod pa las logs par g.yem pa ni gzhan gyi bud med la sogs pa las dor? kun tu 'dod chags pa'i phyir ro/ /zhe sdang las byung ba ni khon las nges pa dang byung bar bya ba'i phyir ro/ /gti mug las byung ba ni ji ltar par sig ma la sogs pa la nyal ba dang/ mchod sbyin pa rnams kyi mchod sbyin la ba lang gsod pa na spyod pa dang/ gang dag bud med ni gtun dang/ me tog dang/ 'bras bu dang/ 'jug ngogs dang/ lam dang mtshungs so zhes smra ba lta bu'o/ /mthar phyin pa ni gnyis kyis gnyis sprod pa'o/ brdzun du smra ba'i gzhi ni sems can du bgrang ba dang/ mthong ba dang/ thos pa dang/ bye brag phyed pa dang/ rnam par shes pa dang/ ma mthong ba dang/ ma thos pa dang/ bye brag ma phyed pa dang/ yongs su shes pa'o/ /bsam pa ni 'du shes gzhan pa'i gzhan du smra bar 'dod pa nyid do/ /sbyor ba ni de'i don du rtsom pa'o/ /nyon mongs pa ni chags pa dang/ zhe sdang dang/ gti mug rnams te/ chags pa las byung ba ni don gyi phyir ram/ bdag gi snying du sdug pa yongs su bskyab pa'i phyir ro/ / zhe sdang las byung ba ni khon las nges par dbyung ba'i phyir ro/ /gti mug las byung ba ni brdzun du smra ba ni/ rgyal po ku ri ldan tshig gnod ma yin/ /bud med la min bag? len dus dang/ /srog la bab dang nor kun 'tshol tshe min/ /brdzun lnga? ltung bar byed pa min zhes bshad/ ces smra ba lta bu'o/ /mthar phyin pa ni 'khor ram zla bos go ba'o/ /phra ma'i gzhi ni sems can mthun pa dang mi mthun pa dag go /bsam pa ni de dag nyid dbye zhing mi 'dum par sems pa'o// // sbyor ba ni de don du rtsom pa'o/ /nyon mongs pa ni chags pa la sogs pa ste/ chags pa dang/ zhe sdang las byung ba ni snga ma bzhin no/ /gti mug las byung ba ni phra ma byas pas nyes pa ci yang med do snyam pa'o/ /mthar phyin pa ni dbye bas go
- 265a
ba'o/ /tshig rtsub po'i gzhi ni kun nas mnar sems kyi rgyur gyur pa'i sems can rnams so/ /bsam pa ni las kyi lam ste 'bye 'dod pa'i bsam pa'o/ /sbyor ba ni de'i don du rtsom pa'o/ /nyon mongs pa ni phra ma dang 'dra'o/ /mthar phyin pa ni tshig rtsub po smras pa'o/ /tshig 'khyal ba'i gzhi ni don med pa dang ldan pa'i don to/ /bsam pa dang sbyor ba ni snga ma bzhin no/ /nyon mongs pa ni chags pa la sogs pa ste/ chags pa dang zhe sdang las byung ba'i tshig 'khyal ni snga ma bzhin no/ /gti mug las byung ba ni glu len pa dang/ bstan bcos bzang po ma yin pa smra ba'o/ /mthar phyin pa ni smras pa'o/ /brnab sems kyi gzhi ni gzhan gyi nor zas dang yo byad do/ /bsam pa ni de la der 'du shes pa 'am/ de bzhin du 'dod pa'o/ /sbyor ba ni de bdag gir bya bar yang dag par 'dzin pa'o/ /nyon mongs pa ni snga ma dang 'dra/ mthar phyin pa ni bdag gir bya bar sems par byas pa'o/ /gnod sems kyi gzhi ni kun nas mnar sems kyi sgyur ba sems can rnams so/ /bsam pa dang sbyor ba dang nyon mongs pa dag ni snga ma bzhin no/ /mthar phyin pa ni brdeg pa la sogs par nges pa'o/ /log par lta ba'i gzhi ni don yod pa rgyu dang 'bras bu dang/ byed pa la sogs pa yin te/ gang la dmigs nas rgyu dang 'bras bu dang/ byed pa la skur pa 'debs pa dang/ yod pa'i dngos po 'jig pa'i log par lta bar 'jug pa yin no/ /de la sbyin pa med do/ /mchod sbyin med do/ /sbyin sreg med do/ /legs par byas pa med do/ /nyes par byas pa med do// zhes bya ba ni rgyu la skur pa 'debs so/ /legs par byas pa dang nyes par byas pa'i las rnams kyi 'bras bu med do zhes zer ba ni 'bras bu la skur pa 'debs pa'o/ /'jig rten 'di med do/ /'jig rten pha rol med do/ zhes zer ba ni 'jig
- 265b
rten gzhan du 'ong pa dang 'gro ba'i byed pa la skur pa 'debs pa'o/ /ma med do/ /pha med do/ zhes zer ba ni sa bon 'debs pa'i byed pa la skur ba 'debs pa'o/ /rdzus te skyes ba'i sems can med zhes zer ba ni nying mtshams sbyor ba'i sbrel pa'i byed pa la skur ba 'debs pa'o/ /'jig rten 'di na dgra bcom pa med do zhes zer ba ni yod pa'i dngos po 'ji gang yin te/ gzhan yang dam pa'i chos ma yin pa nyan pa la sogs pa mngon du btang ba'i log par lta ba yang brjod do/ /bsam pa dang sbyor ba dang/ nyon mongs pa dag ni snga ma bzhin no/ /bye brag ni 'di yod de/ brnab sems pa la sogs pa ni chags pa la sogs pa de ma thag tu 'byung ba la de las byung ba zhes bya'o/ /mthar phyin pa ni skur pa 'debs par nges pa'o// de ltar mi dge ba bcu'i las kyi lam de dag dang bral pa ni log par byed pa'o/ /yang las kyi lam zhes bya ba'i don ci zhe na/ brnab sems la sogs pa gsum ni las kyi lam yin pas las kyi lam ste/ de dag dang mtshungs par ldan pa'i sems las byung ba ni de dag gi grogs su 'gro ba ste/ de'i dbang gis mngon par 'du byed pa'i phyir ro/ /srog gcod pa la sogs pa bdun ni lus dang ngag gi las yin pa'i phyir las kyang yin la las kyi lam yang yin te/ las kyi lam ni de dag kun tu slong ba'i sems pa de dag la brten nas 'jug pa'i phyir ro/ /de ltar las kyi lam dang las kyang yin la las kyi lam yang yin pas las kyi lam rnams so/ /thos pas don ma yin pa spong zhes bya ba ni ji ltar 'di na la las de bzhin gshegs pas chos 'dul ba bstan pa las lhag pa'i sems kyi bslab pa thos nas de la brten te gang la byis pa rnams kyi don du 'du shes pa don ma yin par gyur pa 'dod pa rnams spong bar byed pa lta bu'o/ /thos pas mya?
- 266a
ngan 'das pa thob ces bya ba ni ji ltar 'di na la la de bzhin gshegs pas chos 'dul ba bstan pa las lhag pa'i shes rab kyi bslab pa thos nas de la brten de nyon mongs pa zad pa mya ngan las 'das pa thob pa lta bu'o/ /bsdus pa'i don ni tshigs su bcad pa 'dis yang dag pa'i lta ba rnyed pa dang bslab pa gsum la brten te sdig pa las yang dag par 'das pa dang/ 'dod pa las yang dag par 'das pa dang/ srid pa las yang dag par 'das pa dang bstan to/ /rnam pa gcig tu na bstan pa la 'jug pa'i rgyu dang/ las dang nyon mongs pa dang/ tshe'i kun nas nyon mongs pa las yang dag par 'das pa bstan to/ /de lta bas na bdag nyid legs su 'dod pa'i phan yon de lta bu 'dod pas sangs rgyas kyi bka' mnyan par bya'o/ /sangs rgyas kyi bka' 'di ni me dang chu dang 'jug ngogs la sogs pa lta bur blta bar bya ste/ ji ltar na me lta bu yin zhe na/ 'di ltar mes ni bya ba bzhi byed de/ srags pa dang/ smin pa dang/ gdud par byed pa dang/ smad? bar byed pa'o/ /de bzhin du sangs rgyas kyi gsung gi mes bya ba bzhi byed de/ rgyud smin pa las nyon mongs pa sreg pa dang/ rgyud ma smin pa la dge ba'i rtsa ba rnams smin pa dang/ gdul bya bag med pa rnams bdud kyi 'dod pa bar du gcod ba skyed pa'i phyir gdung bar byed pa dang/ the tshom can dang lam ngan par gnas pa rnams la snang bar byed pa yin te/ lam dang lam ma yin pa ston pa'i phyir ro/ /ji ltar na chu lta bu yin zhe na/ chu ni phan pa rnam pa lnga byed de/ spang bar bya ba 'bras sa lu la sogs pa spongs par byed pa dang/ lus dang gos dang snod dag gi dri ma 'khru bar byed pa dang/ lus kyi yongs su gdung ba zhi bar byed pa dang/ skom pa la sred
- 266b
ba rnam par zhi bar byed pa dang/ rtswa dang lo thog dang nags tshal skyed par byed cing 'phel bar byed do/ /de bzhin du sangs rgyas kyi gsung gi chu yang dang pa skyed pas gdul bar bya ba'i rgyud spangs pa dang/ 'chal ba'i tshul khrims kyi dri ma 'khru bar byed pa dang/ 'dod pas yongs su gdung ba zhi bar byed pa dang/ yang srid pa'i sred pa gdul bar byed pa dang/ byang chub kyi phyogs dang mthun pa'i yon tan gyi rtswa dang lo thog dang nags tshal skyed par byed cing 'phel par byed do/ /ci ltar 'jug dogs bde ba lta bu yin zhe na/ rgyu lnga dag gis 'jug dogs bde ba la bsten par byed do/ dri ma bkru pa'i phyir dang/ gdung ba rab tu zhi bar bya pa'i phyir dang/ dga' ba'i rtse ba myong bar bya ba'i phyir dang/ tshu rol nas pha rol tu 'gro pa'i phyir ro// de bzhin du sangs rgyas kyi gsung 'jug ngogs bde ba la brten pa ni 'chal pa'i tshul khrims kyi dri ma bkru ba'i phyir dang/ 'dod pa'i gdung ba rab tu zhi bar bya ba'i phyir dang/ /yang srid pa'i sred pa gdul bar bya ba'i phyir dang/ bsam gtan dang/ mngon par shes pa dang/ tshad med pa dang rnam par thar pa la sogs pa yon tan khyad par can la dga' ba'i rtse ba myong par bya ba'i phyir dang/ phyi rol 'jigs tshogs las pha rol mya ngan las 'das par 'gro ba'i phyir ro/ /rgyu rnam pa gsum po dag gis ras yug la gzugs mngon par 'grub par mi nus te/ ras yug mi brtan pa dang/ dri ma can dang ma snyoms pa'i skyon yod pa'i phyir dang/ tshon rtsi mi bzang ba'i phyir dang/ ri mo mkhan ma bslabs pa'i phyir ro/ /de bzhin du nyan pa po'i skye bo'i yid kyi ras yug la rgyu gsum dag gis yang dag pa'i ye shes kyi gzugs mngon? par 'grur? bar mi 'gyur te/ de mi brtan pa dang/ dri ma can dang/ ma snyoms pa'i skyon yod pa'i phyir te/ rnam par g.yeng ba dang/ sgrib
- 267a
pa dang/ sngon gyi sgrib pa'i phyir dang/ nyes par bshad pa'i chos kyi tshon rtsi mi zad pa'i phyir dang/ chos smra ba'i phyi mo mkhan ma bslabs pa'i phyir ro/ /'di la tshon rtsi'i skyon med de/ chos kyi tshon rtsi legs par bshad pa'i phyir ro/ /khyed dam nga la skyon du gyur pa de yongs su spangs pa'i phyir khyed kyis kyang gus par byas te/ sangs rgyas kyi bka' mnyan par bya ba la/ ngas kyang smra bar bya'o/ /bong bu zhig khel gyis dub pa la rte'u zhig na re bro brdung ngo zhes smras pa dang/ nges khyod bro brdungs shig /ngas rna ba sgul lo zhes smras so/ /der rte'u bro brdungs pa dang mthun par bong bu rna ba bsgul lo/ /de bzhin ngas chos bshad pa'i khur khyer ba dang rjes su mthun par khyed la rna btang pas rna ba bsgul bar yang spro ba med do/ /rgan po zhig gis mi rigs pa bskyed nas bud med gnyar ba las nges ma 'dod pa dang/ nges mdo sde dang 'gal te/ gang bcom ldan 'das kyis bud med ni skyes pa sems pa yin no/ zhes smras so/ /de bzhin du khyed dang kyang dam pa'i chos nyan pa mi 'dod pa ni mdo sde dang 'gal te/ ji skad du dang pa'i rtags las dam pa'i ches nyan 'dod pa dang/ 'phags pa rnams mthong bar 'dod pa yin no/ zhes rgya cher gsungs so/ /bud med dbul mo rgod bag can zhig sngon phyug por gyur pa'i khyim zhig na 'dug go /der chom rkun pa zhig gis mtshan mo glags lta ba'i phyir khyim phug ste nang du zhugs pa dang/ mun khrod du rdza snod stong pa dag cig la bab nas sgra byung ba dang/ bud med des bu bdag gis nyi ma'i gung la kun tu btsal kyang ci yang ma rnyed na khyod kyis mun pa'i nang du rnyed par lta gal 'gyur zhes smras so/ /dpe 'dis ci bstan ce na/ blo gsal zhing snang ba dang bcas pas kyang sangs rgyas kyi bka' i dgongs pa'i don rig pa rnyed par
- 267b
dka' na log pa mun pa'i yid kyis lta smos kyang ci dgos zhes gus par byas nas sangs rgyas kyi bka' mnyan par bya'o zhes bstan pa yin na/ /b+ha ra ta las byung ba'i gtam brjod pa mu stegs thal ba zhig dus pa dang/ gcig cig gis legs? ldan ci'i phyir du zhes smras so/ /rol rnyed ma nyon mongs des sdug bsngal ci rnyed cig nyams su myong bar gyur pa mthong ngam zhes smras so/ /'di mi b+ha ra ta las byung ba yin gyi/ ra ma ya na'i ni ma yin no zhes smras so/ /bdag gis rus pa ni don med du zhes smras so/ /de bzhin du bdag ni chos 'chad de/ gal te gnyid log na bdag gis bshad pa'i don med do/ /wa zhig seng ges sha zos pa'i lhag ma 'dod pa'i phyir de'i phyi bzhin 'brangs pa dang/ dus gcig cig na seng ge bkres pas phag chen po zhig bsad nas/ des wa de la 'di khur du khyer zhes smras pa dang/ de nyams stobs chung nas khur de bkur bar ma nus la khros nas bdag la bsod par mi 'gyur grang snyam nas na'i tshig ga lan smra bar yang spro ba med do/ /'di ni blun la? nga rgyal can yin par shes nas 'dis khur 'di khyer ba ni bya ba gnyis pa 'khun pa dang/ khur bkur bar bya dgos na bdag gis dus gcig tu las gnyis mi nus te/ gcig khyod kyis mdzod cig ces smras so/ /de nga brgyal can yin pas 'khun pa mi 'dod nas khyod kyis de 'khun pa phyur shig dang/ ngas khur bkur ro zhes smras so/ /seng ge ni khur khyer/ wa ni 'khun 'byin cing seng ge'i phyi bzhin 'brang ngo/ /de bzhin du ngas chos bshad pa'i khur khyer na khyer nga dang mthun par de bzhin no zhes kyang smra mi nus so/ /de lta bas na rna btang cing gzung la don du bsgrub pas yang dag par bsgrubs shig /bcom ldan 'das kyis kyang chos nyan pa'i yon tan lnga gsungs te/ mi shes pa la shes pa dang/ log
- 268a
par gzung bas 'dor ba dang/ the tshom du gyur pa nges par 'dzin pa dang/ nges par 'byin pa brtan par byed pa dang/ 'phags pa'i shes rab kyi mig rnam par 'byed pa'o/ /nyi ma nam mkha' la 'gro bas bya ba lnga byed de mi rnams kyi mthong ba skyed pa dang/ 'ug pa rnams kyi mthang ba bzlog pa dang/ lo thog la sogs pa smin par bya ba smin par byed pa dang/ 'dam la sogs pa skam par bya ba skems par byed pa dang/ lus dang chu la sogs pa'i gdung bar byed de bzhin du sangs rgyas kyi gsung gi nyi ma ni yang dag pa'i lta ba skyed par byed pa dang/ log pa'i lta ba zlog par byed pa dang/ gdul ba'i zhing rnams la dge ba'i rtsa ba'i lo thog yongs su smin par byed pa dang/ srid pa'i 'dam skems par par byed pa dang/ bdung dang gdul bya bag med pa rnams gdung bar byed pa yin te/ de'i phyir sangs rgyas kyi bka' mnyan par bya'o/ /rnam pa gcig tu na nyi ma ni bya ba brgyad byed de/ mun pa sel bar byed pa dang/ snang ba skyed par byed pa dang gzugs sna tshogs ston par byed pa dang/ mchog tu dga' ba skyed par byed pa dang/ tha snyad 'jug par byed pa dang/ las kyi mdza' la sbyor bar byed pa dang/ lo thog rnams yongs su smin par byed pa dang/ gnod pa rab tu zhi bar byed pa'o// de bzhin gshegs pa'i bka' i nyi ma ni ma rig pa'i mun pa sel bar byed pa dang/ bshad pa'i chos snang bar byed pa dang/ sdug bsngal la sogs pa'i bden pa so sor rtogs pa'i de kho na nyid ston par byed pa dang/ dam nga rnams kyi chos dga' bas chog tu dga' ba skyed par byed pa dang/ phung po dang/ khams dang/ skye mched dang/ rten cing 'brel bar 'byung ba la sogs pa'i tha snyad 'jug pa dang/ tshul khrims dang/ dbang po'i sgo bsrung ba la sogs pa las kyi mdza' la sbyor ba dang/
- 268b
sems can rnams kyi dge ba'i rtsa ba'i lo thog yongs su smin par byed pa dang/ nyon mongs pa dang/ sdug bsngal thams cad kyi gnod pa zhi bar byed pa'o/ /tshig mang du lobs kyis kyang don mi shes na ngan de thob par mi 'gyur te/ ji ltar bus pa'i mgul du nor khug btags pa bzhin no/ /de lta bas ni mang du thos pa las kyang don de shes par bya ba'i phyir sangs rgyas kyi bka' i don mnyam pa la 'bad pa dang ldan par bya'o/ /mel tshe ba so sor rtog pa med pa gnyid ma log cing sgra 'byin pa ni rkun ma rnams kyis brkus pa de bzhin du sgra tsam la mngon par brtson pa'i mang du thos pa so sor rtag med pa yang nyon mongs pa'i rkun ma rnams kyi brku bar 'gyur ro/ /don shes pa med par yang so sor rtog pa mang ngo/ /ci ltar long ba mar ma khyer ba gzhan dag la phan par byed par zad de/ don mngon par mi shes pa'i mang du thos pa 'dzin pa yang de dang 'dra'o de lta bas na sangs rgyas kyi bka' don du gnyer bas dge ba'i bshes gnyen legs par ston pa la brten par 'bad par bya'o/ / legs par ston pa la rten pa la phan yon lnga yod de/ lam ngan pa yongs su spong ba dang/ lam bzang po la yang dag par gnas pa dang/ dgon pa las brgal zhing dbugs 'byin pa dang/ bde bar 'gro ba dang/ yul sdug pa kun tu thob pa'o/ /de bzhin du dam pa'i chos legs par ston pa la legs par brten pa log pa'i lta ba la sogs pa'i lam ngan pa yongs su spong ba dang/ yang dag pa'i lta ba la sogs pa lam bzod pa kun tu thos pa dang/ 'khor ba'i dgon pa las sgrol zhing dbugs 'byin pa dang/ ngan song la sogs pa las brgal ba la sogs pas bde bar 'gro ba dang/ yul sdug pa mya ngan las 'das pa thob pa'o/ /nad? pa gsum gyis la gnod par byed do/ gang zas mi za ba dang/ zas mi mthun pa zos pa dang/ gang zas mthun
- 269a
pa zos pa skyug pa'o/ /de bzhin du nyon mongs pa'i nad pa sems can gsum gyis dam pa'i chos kyi yab sangs rgyas la gnod par byed de/ gang chos 'char phan nyan par mi byed pa dang/ gang tshul bzhin ma yin pa nyam pa dang/ gang yang dag par thos pa 'dzin par mi byed pa ste/ ji ltar zas mi za ba de ltar nyan par mi byed de/ de la mi 'jug pa'i phyir ro/ /ci ltar zas mi mthun pa za ba de ltar tshul bzhin ma yin par nyan par byed do/ /tshig dang don phyin ci log tu 'dzin pa'i phyir ro/ /ci ltar kha zas mthun par zos ma skyugs la de ltar yang dag par thos pa 'dzin par mi byed de/ 'dun pa gzhan pa'i nyes pa yod pa'i phyir ro/ /rnam pa gcig tu na rgyu gsum gyis bshad pa 'bras bu dang bcas par mi 'gyur te/ g.yeng ba'i nyes pas tshig thos par mi byed pa'i phyir dang/ shes rab kyi nyes pas tshig dang don log par bzung ba'i phyir dang/ 'dun pa zhan pa'i nyes pas gus par mnyan pa mi 'dzin pa'i phyir te/ bram ze sa ga dang/ 'chi ltas la sogs pa bzhin no/ /snod kha bug pa dang/ mi gtsang ba dang/ rdol bar char bab pa dang mi 'jug pa dang/ bcog pa dang/ mi gnas pas don med pa dang 'dra ste/ de bas bcom ldan 'das kyi snod de dag spang ba'i phyir/ nyon la legs par rab tu yid la zung shig ces de skad bka' stsal te/ de nyon la zhes bya ba ni rna ba btang pa la yang dag par sbyar ba'i phyir ro/ /legs par zhes bya ba ni don phyin ci ma log par gzung ba la yang dag pa'i sbyar ba'i phyir ro/ /rab tu yid la zung cig ces bya ba ni gus par gzung ba la yang dag par sbyar ba'i phyir ro/ /bcom ldan 'das kyis bka' 'di nyan pa na dga' bar byed/ sems par byed/ khong du chud par byed/ khong du chud na grol bar byed/ grol na bzang ba yin te/ de ltar mdor na sangs rgyas kyis bka' i yon tan mdza' yas so/
- 269b
nyes pa chen po ni gnyis te/ gang shin tu rnyed par dka' ba dang/ gang yun ring du mi gnas pa'o/ gang de lta bas rings par gus par mnyan par bya'o/ /tshogs su bcad pa'i don bsdus pa bcu pa'o// //sdig pa thams cad mi bya ste// dge ba phun sum tshogs par bya/ /rang gi sems ni yongs su gdul/ /'di ni sangs rgyas bstan pa'o/ /zhes tshigs su bcad pa'o/ /bcom ldan 'das kyis 'di ci'i phyir gsungs she na/ mdor na bcom ldan 'das kyis bstan pa bsgrub pa la yang dag par sbyar ba'i phyir ro/ /bya ba mang po nyid kyis 'jigs pa'i sems can rnams bya ba nyung ba nyid la yang dag par sbyor ba'i phyir dang/ gzhung mang po mnyan pa dang gzung bas 'jigs pa rnams mnyan pa la sogs pa la mngon du phyogs par bya ba'i phyir ro/ de la sdig pa thams cad mi bya ba ni gang yang dag pa'i ngang pa nyid kyis rab tu byung ba lus dang ngag ngag gi bsdams te gnas shing chos kyis chos gos la sogs pa 'tshol bas 'tsho ba yongs su sbyong ba yin te/ sdig pa thams cad ni tshul khrims su gtogs pa'i phyir lus dang ngag gi yin gyis/ yid kyi ni ma yin no/ /sdig pa mi bya te zhes brjod pa las thams cad ces smos pas ni yul dang dus thams cad dang sdig pa thams cad ces bya ba de mi bya bar shes par bya ba'i phyir ro/ /bcom ldan 'das ni yul thams cad du sdig pa mi bya bar ston te/ ci ltar gtsar? bu pa rnams dpag tshad brgya ban chad sdig pa bya'o zhes brjod pa dang/ de bzhin du dpag tu yod par dpag med mdza' yas las/ /'byung ba nyes med yongs su spong ba ni/ /'jig rten gzhan du bde ba dpag med cing/ /mdza' yas 'byung bar 'gyur ba yin zhes zer ba lta bu yin no/ /dus thams cad du sdig pa mi bya bar ston pa ni ji srid 'tsho'i bar du yang dag par blangs pa ma nyams pa yin gyis/ ji ltar bram ze la sogs
- 270a
pa sdig pa mi bya bar ston pa gtsang ba la sogs pa la phyugs gsod pa dang/ de bzhin du dper na/ rgyal po ku re ldan tshig gnod ma yin/ /bud med la min bag ma len dus dang/ /srog la bab dang nor kun 'tshol tshe min/ /brdzun lnga ltung bar byed pa min zhes bshad/ ces zer ba la sogs pa dang/ de bzhin du ba glang gsod pa'i mchod sbyin byed pa na mchod sbyin byed pa rnams kyis 'doms su chu blugs nas btung ngo zhes zer ba la sogs pa lta bu ma yin no/ /bcom ldan 'das ni sdig pa thams cad mi bya bar ston te/ ji ltar khyim pa rnams sdig pa cung zad mi byed la thams cad ma yin pa lta bu ma yin te/ bslab pa'i gzhi lnga rang brgyad yang dag par len pa'i phyir ro/ /de bas dge slong rnams kyi spong ba khyad par du bstan pa'i phyir/ sdig pa thams cad mi bya ste zhes gsungs so/ /mi bya zhes bya ba'i chos 'di ci zhe na/ sdig pa byed pa'i gnyen po ste/ tshul khrims dang/ ma chags pa la sogs pa bzhin no/ /dge ba zhes bya bas ni ngo bo nyid dang/ 'brel pa dang/ rjes su 'brel pa dang/ bslang ba dang/ skyes rnyed pa dang/ don dam pa dang/ sbyor ba dang/ phan gdags pa dang/ yongs su 'dzin pa dang/ mdun du byed pa dang/ gnyen po dang/ nye bar zhi ba dang/ rgyu mthun pas dge ba'o/ /de la ngo bo nyid kyis ni dad pa la sogs pa sems las byung ba'i chos bcu'o/ /'brel pa ni de rang mtshungs par ldan pa'i chos rnams so/ /rjes su 'brel pas ni de dag nyid kyi bag chags gang yin pa'o/ /bslang bas ni des lus dang ngag gi las kun nas bslang ba'o/ /skye ba rnyed pas ni dge ba'i chos de dag nyid sngon goms pa la bsten nas de dang mthun pa'i rnam par smin pa mngon par grub pa ste/ gang gis de dag nyid la so sor mi brtags par 'dod pa gnas pa'o//
- 270b
don dam pas ni de kho na nyid do/ /sbyor bas ni skyes bu dam pa la brten nas dam pa'i chos mnyan pa dang/ tshul bzhin yid la byed pa dang/ chos dang mthun par chos bsgrub pa'o/ /phan gdags pas ni bsgrub pa'i dngos po bzhis sems can la phan 'dogs pa'i dge ba gang yin pa'o/ /yongs su 'dzin pas ni sbyin pa las byung ba'i bsod nams bya ba'i dngos pos sam/ tshul khrims las byung bas sam/ bsgom pa las byung bas phyug cing ris mtho bar skye ba yongs su 'dzin pa 'am mtho ris su skye ba yongs su 'dzin pa 'am/ rnam par byang ba dang rjes su mthun par yongs su 'dzin pas so/ /mdun du byed pa ni de bzhin gshegs pa 'am/ mchod rten nam gzugs brnyan mdun du byas pa 'am/ chos sam chos la gnas pa'i gang zag gam/ glegs bam mdun du byas nas mchod pa byed pas so/ /gnyen pos ni gang rnam par sun 'byin pa'i gnyen dang/ rnam par gnon pa'i gnyen po dang/ spong ba'i gnyen po dang/ thag bsring ba'i ngo bo'i gnyen po dang / nyon mongs pa'i sgrib pa'i gnyen po dang/ shes bya'i sgrib pa'i gnyen po'o/ /nye bar zhi bas ni 'dod chags gtan spong ba dang/ zhe sdang gtan spong ba dang/ gti mug bstan spong ba dang/ nyon mongs pa dag thams cad gtan spong ba dang/ 'du shes dang tshor ba 'gog pa dang/ phung po lhag ma dang bcas pa dang/ lhag ma med pa'i mya ngan las 'das pa'i dbyings gang yin pa'o/ /rgyu mthun pas ni de'i dbang gis 'jig rten dang/ 'jig rten las 'das pa dang thun mong dang/ thun mong ? yin pa'i mngon par shes pa la sogs pa'o/ /de la dge ba ni bsam gtan dang mtshungs par ldan pa dang bcas pa bde ba'i don gyi mi dge ba'i chos thams cad kun tu spyod pa'i gnyen por gyur pa'i phyir ro/ /rang gi sems ni yongs su
- 271a
gdul/ zhes bya bas ni tshul khrims dang/ ting nge 'dzin la brten nas gzhan gyi sems gdul ba la mngon par brtson pa rnams rang gi sems gdul ba la yang dag par sbyor ba'i phyir ro/ /'di ni sangs rgyas bstan pa'o/ /zhes bya ba ni don ji lta ba bzhin rtogs nas rjes su ston pa ni bstan pa yin no/ /tshigs su bcad pa 'di ni bcom ldan 'das kyis so sor thar pa mdor bsdus pa bstan pa las 'byung ngo/ /tshigs su bcad pa'i don bsdus pa bcu gcig pa'o// //bsod nams dag ni bya ba ste/ /bsod nams ma byas sdug bsngal lo/ /'jig rten 'di dag gzhan dag tu/ /bsod nams byas pa dga' bar 'gyur/ zhes tshigs su bcad pa'o/ /bcom ldan 'das kyis ci'i phyir gsungs she na/ yang dag par 'dzin du gzhugs pa'i phyir dang/ bsod nams ma byas sdug bsngal la/ /kun tu skyo bar bya ba'i phyir dang/ yang dag par rab tu dga' bar bya ba'i phyir gsungs par mngon no// gdul bar bya ba ci 'dra ba rag cig snyam na/ le lo dang bag med pa dang/ yang dag par rab tu brtson pa rnams la'o/ /bsod nams dag ni bya ba ste/ zhes bya ba ni le lo byed pa yang dag par 'dzin du gzhug pa'i phyir ro/ /bsod nams ma byas sdug bsngal lo/ /zhes bya ba ni bag med pa rnams kun tu skyo bar bya ba'i phyir ro/ /'jig rten 'di dang gzhan dag tu/ /bsod nams byas pa dga' bar 'gyur/ zhes bya ba ni yang dag par rab tu brtson pa rnams yang dag par dga' bar bya ba'i phyir ro/ /tshe 'di la bde 'gro'i rgyu dge ba'i rtsa ba sogs pa'i phyir dang/ gzhan du rang gis byas pa'i las kyi rnam par smin pa so sor myong ba'i phyir dga' bar 'gyur ro/ /de la bsod nams ni sbyin pa dang/ tshul khrims dang bsgoms
- 271b
pa las byung ba dag go /sbyin pa las byung ba dag ni sbyin pa'i rgyu las byung ba'o/ /de bzhin du tshul khrims dang/ bsgoms pa'i rgyu las byung ba'i tshul khrims las byung ba ni bsgom pa las byung ba ste/ ji ltar zas las byung ba'i srog dang/ rtswa las byung ba'i ba lang dag bzhin no/ /yang na sbyin pa'i rang gi ngo bo'i bsod nams ni sbyin pa las byung ba'o/ /de bzhin du tshul khrims las byung ba dang/ bsgoms pa las byung ba ste ji ltar 'jim pa las byung ba'i gnod bzhin no/ /bsod nams zhes bya ba'i don ci zhe na/ yang dang yang du dge bar 'gyur ba'i phyir bsod nams so/ /yang na mi dag sbyin par byed pa 'am/ sel bar byed pa'i phyir bsod nams so/ /de yang 'dod pa dang ldan pa'i dge ba ste/ sdug pa'i rnam par smin pa'i phyir ro/ /sbyin pa zhes bya ba 'di ci zhe na/ gang sbyin par bya ba ma yin nam/ de ni de ltar ma yin te/ de ni sbyin par bya ba nyid yin no/ /'on kyang gang gis sbyin par bya ba de sbyin pa ma yin par khong du chud par bya te/ gzhal ba yin no// 'gran pa dang grags pa dang/ 'dod pa dang 'jigs pa dang/ sdug pa dang/ brten pas kyang sbyin par byed de/ de dag las khyad par du bya ba'i phyir bshad pa ni mchod pa dang/ phan 'dogs pa'i don du ste/ yongs su mya ngan las 'das pa la sogs pas mchod pa'i bsam pas sbyin par byed pa dang/ de las gzhan pa dag la ni dbang po'i 'byung ba chen po la phan 'dog par 'dod pa ste/ gang gis don du sbyin par byed pa bshad zin to/ /yang gang gis sbyin par byed ce na/ sems kyi tshogs kyi kun nas bslang pa'i lus dang ngag gi las kyis so/ /'di ni sbyin pa'i mtshan nyid yin te gang tshe skyes bu dge yid kyis/ /rang gi rdzas ni sbyin byed pa/ /de tshe phung po dge ba rnams/ /sbyin pa zhes ni mngon par
- 272a
brjod/ ces gsungs so/ /sbyin pa las byung ba'i bsod nams kyi 'bras bu ci zhe na/ mya ngan las 'das pa dang sems can thams cad la sngos pa'i 'bras bu thar pa dang/ 'bras bu longs spyod chen po ste/ 'bras bu longs spyod chen po nyid ni/ 'bras bu longs spyod rgya che zhing gya nom par tshad med pa'i phyir ro/ /yang sbyin pa de ci'i phyir sbyin par byed ce na/ bdag dang gzhan gyi don dang/ gnyi ga'i don du sbyin par byed de/ don gnyis mthong nas sbyin pa sbyin par byed pa ni bdag nyid kyis dge ba'i rtsa ba bsags par bya ba'i phyir dang/ len pa po'i dbang po'i 'byung ba chen po la phan gdags pa'i phyir ro/ /de nyid kyi phyir ming don dang mthun pa yin te/ sbyin pa po dang len pa po dag gi dbul ba'i gdung ba sel ba'i phyir byin pa'o/ /sbyin pa po ni rnam pa gnyi te nyon mongs pa dang bcas pa dang/ nyon mongs pa med pa'o/ /nyon mongs pa dang bcas pa yang rnam pa gnyis te/ 'dod pa'i 'dod chags dang ma bral ba dang/ 'dod pa'i 'dod chags dang bral ba'o/ /'dod pa'i 'dod chags dang ma bral ba yang rnam pa gnyis te/ 'phags pa dang/ so so'i skye bo'o/ /de la gang 'dod pa'i 'dod chags dang ma bral ba'i 'phags pa dang/ 'dod chags dang bral ba'i so so'i skye bos mchod rten la sbyin pa de'i dge ba'i rtsa ba la sogs pa rnam pa gnyis su 'gyur te/ 'bras bu longs spyod che ba nyid dang/ don gyi mchog thob pa'i tshogs su 'gyur ba'o/ /'phags pa 'dod chags dang bral ba ni 'bras bu longs spyod che ba nyid med de/ de rnam par smin pa'i sa las shin tu 'das pa'i phyir ro/ /gang la yang phan pa med pa'i phyir rang gi don kho nar zad de/ don gyi mchog thob po zhes bya ba'i tha tshig go/
- 272b
gang nyon mongs pa med pas sems can gzhan dag la sbyin par byed pa ni de la ni dge ba'i rtsa ba la sogs pa rnam pa gnyis gang yang med pa'i phyir rang gi don gang yang med mod kyi de gzhan gyi don du zad do/ /nyon mongs pa dang bcas pa'i srog chags rnams la sbyin pa ni gnyi ga'i don du 'gyur ro/ /nyon mongs pa med pa dag gi mchod rten la sogs pa la sbyin pa ni gnyi ga'i don du mi 'gyur ro/ /khyad par med par sbyin pa'i 'bras bu longs spyod che ba nyid do zhes bshad pa de'i khyad par ni rgyu brgyud kyis te/ zhing dang dngos po dang/ yid la byed pa dang bsam pa dang/ de la gzhan pa'i yongs su bzung ba dang rten pa dang/ mang du byed pa dang/ skye bo mang pos so/ /de la zhing gi ni gal te zhing sbyin gnas yon tan dang ldan pa zhig yod na de sbyin pa'i 'bras bu che ba yin te/ zhing yon tan dang ldan pa dang yang sangs rgyas dang/ chos dang dge 'dun nam/ gang zag khyad par can gzhan dag go /gnyis kyi zhing mtshungs na gang gi las stobs dang ldan par rig par bya zhe na/ dngos po te gang gi dngos po nor bu dang/ gser dang dngul la sogs pa bzang zhing mang na de'i dngos po khyad par can gzung ba'i phyir te las stobs dang ldan pa 'grub ste/ cig shos kyis ni ma yin no/ /gnyis kyi dngos po dang zhing yang mtshungs na gang gi las stobs dang ldan par rig? par bya zhe na/ yid la byed pa ste gang byed pa dang drag po dang ldan pas sbyin pa ni yid byed pas zin pa'i phyir las stobs dang ldan par rig par byas te/ cig shos kyis ni ma yin no/ /gnyis kyi de dag kyang mtshungs na gang gi las stobs ldan par rig par bya zhe na/ bsam pa ste gang mya ngan las 'das pa'i bsam pa dang/ sems can thams cad la yongs su bsngos nas sbyin pa ni de'i bsam par zin pa'i phyir las stobs dang ldan par rig par bya ste/ cig shos ni ma yin no/ /gang mtho?
- 273a
ris kyi rgyur ram/ longs spyod kyi rgyur ram/ 'bras bu'i rgyur sbyin pa sbyin pa ni slob dpon lhas kun nas 'dzin pa'i bsam pa yod pa'i phyir tshod pa ltar smad pa yin no zhes gsungs so/ /ci ste 'di yang mya ngan las 'das pa'i bsam pa can yin la/ 'di yang sems can thams cad la yongs su bsngos te/ sngar bstan pa'i rnam pa rnams mtshungs pa la sbyin na gang gi las stobs dang ldan par rig par bya zhe na/ gnyis po de las gzhan pa yongs su bzung ba ste/ de las gzhan pa ni de las gzhan pa ste/ sbyin pa las gzhan pa ni tshul khrims so/ /sbyin pa de gang yin pa tshul khrims yongs su bzung bar gyur na de'i de dag las gzhan pas gzung ba'i phyir las stobs dang ldan par rig par bya'i/ sbyin pa 'ba' zhig ni ma yin no/ /ci ste 'di'i sbyin pa yang tshul khrims kyi yongs su bzung ba yin 'di'i sbyin pa po yang tshul khrims kyis yongs su bzung ba yin la/ gnyis ka'i sngar bstan pa'i rnam pa de dag kyang mtshungs na/ gang gi las stobs dang ldan par rig par bya zhe na/ rten gyis te/ ci ste bsod nams kyi byed pa po 'jig rten pa'i lam gyi 'dod chags dang bral ba zhig yin na de'i bsgoms pa las byung ba'i dge ba yongs su sgom pa'i phyir rten gyi las stobs dang ldan par 'gyur ro/ /ji ste gnyis ka yang 'dod pa'i khams kyi 'dod chags dang bral la sngar bstan pa'i rnam pa dag kyang mtshungs na/ gnyis ka las gang gis las stobs dang ldan par rig par bya zhe na mang du byed pa ste/ gal te yang dang yang du goms pa 'am rjes su rnam par brtags pa yin na de'i las stobs dang ldan gyi/ cig shos kyis ni ma yin te/ lan 'ga' kun tu spyad pa'i phyir ro/ /ci ste gnyis ka'i mang du byed pa yang 'dra la zhing dang dngos po
- 273b
dang yid la byed pa dang/ de las gzhan pa yongs su bdag kyang mtshungs na gnyis las gang gi las stobs dang ldan par rig par bya zhe na/ skye bo mang po ste gang gis bdag nyid kyang byas la gzhan yang byed du 'jug na rgyud du ma'i bsod nams bskyed pa'i phyir de las stobs dang ldan par rig par bya'o/ /'di ni sbyin pa'i khyad par te sbyin pa las byung ba'i bsod nams bstan zin to/ /de nas tshul khrims las byung ba brjod par bya ste/ rang bzhin dang bcas pa'i kha na ma tho ba dang bcas pa las ldog pa ni tshul khrims so/ /de la rang bzhin gyi kha na ma tho ba dang bcas pa ni srog gcod pa nas tshig 'khyal ba'i bar ro/ /bcas pa'i kha na ma tho ba dang bcas pa ni dus ma yin pa'i zas la sogs pa ste/ 'di ni rang bzhin gyi 'tshal ba'i tshul khrims ma yin no/ /gang zhig bslab pa yang dag par blangs pa de las lhag par 'das pa de'i tshul khrims de ni 'chal bar 'gyur ro/ /ldog pa zhes bya ba ni ci zhe na/ 'dis ldog pas na ldog pa yin te rnam par rig par byed do/ /yang na ldog pa 'di ldog pa ste/ rnam par rig byed ma yin no/ /de bas na gnyis ka las ldog pa ni tshul khrims so/ /de nyid kyi phyir bcom ldan 'das tshul khrims yongs su rdzogs pa'i mtshan nyid mngon par rdzogs par mdzad pas tshul khrims dang ldan par gnas pa dang/ so sor thar pa'i sdom pas bsdams pa/ cho ga dang spyod yul phun sum tshogs pa/ kha na ma tho ba phra rab tsam la yang 'jigs par lta ba/ bslab pa'i gzhi rnams yang dag par blangs te slob po zhes gsungs so/ /de la tshul khrims dang ldan par gnas pa ni bslab pa yang dag par blangs pa srung ba nyid kyi phyir tshul khrims dang ldan pas tshul khrims dang ldan pa'o/ /so sor thar pa'i bsdoms pas bsdams pa ni nges par 'byung ba'i tshul khrims kyi phyir ro/ /so sor thar pas so sor
- 274a
thar pa ste/ 'di ltar sdom pa de ni 'khor ba las nges par 'byin par byed pa yin no/ /cho ga dang spyod yul phun sum tshogs pa ni/ gshe ba med pa'i tshul khrims ma yin pa'i phyir/ cho ga phun sum tshogs pa yin la/ dam pa rnams kyi spyod pa lam na smad pa'i phyir spyod yul phun sum tshogs pa yin te/ spyod yul rnam pa lnga spangs pa'i phyir ro/ /dge slong gi spyod yul ma yin pa lnga ste/ sgra sgrogs pa dang/ cha byad dang chang 'tshong gi gnas dang/ rgyal po'i 'khor dang/ lnga pa rkun po'i gnas nyid do/ /de la sgra sgrogs pa ni gang du sgra sgrogs shing bsgrags shing lug la sogs pa bsod pa'o/ /rkun po'i gnas ni chom rkun pa 'du ba'o/ /lhag ma ni go sla pa'i phyir ma smos so/ /kha na ma tho ba phra rab tsam la 'jigs par lta ba ni shin tu gus pas slob pa'i phyir ro/ /kha na ma tho ba phra rab tsam ni bcas pa'i kha na ma tho ba dang bcas pa ste/ de dag la rang bzhin kha na ma tho ba bcas pa 'dra bar shin tu gus pas slob pa'i phyir kha na ma tho ba phra rab tsam la 'jigs par lta zhing gnas so/ /bslab pa'i gzhi rnams yang dag par blangs te slob po zhes bya ba ni bslab pa kun nas rdzogs par blangs te/ slob pa'i phyir bslab pa'i gzhi rnams la yang dag par blangs nas slob pa'o/ /tshul khrims bshad zin to/ /bsgom pa las byung ba ni mnyam par gzhag pa'i dge ba las byung ba yin te/ ting nge 'dzin gyi ngo bo rgyu dang bcas pa'i bsod nams gang yin pa de ni sgoms pa zhes bya'o/ /ci'i phyir zhe na/ sems kyi bag chags kyi phyir te/ 'di ltar mnyam par bzhag pa'i dge ba ni me tog dag gi til bzhin du yon tan rnams kyi sems gos par byed de/ rgyu de'i ngo bor byed pa'i phyir ro//
- 274b
re zhig sbyin pa'i 'bras bu ni longs spyod chen po nyid do/ /zhes bstan tshul khrims dang bsgom pa'i 'bras bu ci zhe na/ gtso bor mtho ris dang bral ba'i 'bras bu'o/ /sbyin pas kyang mtho ris su 'gyur mod kyi gtsor tshul khrims zhes bstan to/ /tshul khrims kyang bral bar 'gyur mod kyi gtsor bsgoms pa nyid bstan to/ /de bzhin du tshul khrims kyang longs spyod chen po nyid du 'gyur mod kyis gtsor bor sbyin pa nyid bstan to/ /de ltar re re'i don du bstan la dbab pa spros nas brjod par bya ba mang du 'gyur bas zhar la 'ongs bas chog go /tshigs su bcad pa'i don bsdus pa las bcu gnyis so/ //bden par smra bya khro mi bya/ slong la chung yang sbyin par bya/ /'dir ni gnas gsum de dag gis/ /lha rnams kyis ni nang du 'gro zhes tshigs su bcad pa'o/ /bcom ldan 'das kyis 'di ci'i phyir gsungs she na/ ci rigs par chags pa dang/ zhe sdang dang gti mug spangs pa'i thabs yang dag par bstan pa'i phyir ro/ /gdul bya ci 'dra ba dag cig ce na/ pha rol bslu ba la mngon par dga' ba dang/ zhe sdang la mngon par dga' ba dang/ ser sna la mngon par dga' ba dang/ rgyu med pa dang rgyu mi mthun pa la mngon par dga' ba rnams so/ /bden par smra bya zhes bya ba ni pha rol bslu ba la mngon par dga' ba rnams kyis chags pa dang/ zhe sdang dang gti mug spangs pa'i thabs yang dag par bstan pa'i phyir ro/ /khro mi bya zhes bya ba ni zhe sdang la mngon par dga' ba rnams kyis zhe sdang spang ba'i thabs yang dag par bstan pa'i phyir ro/ /slong la chu yang sbyin par bya/ zhes bya ba ni ser sna la mngon par dga' ba rnams kyi chags pa spang ba'i thabs yang dag par bstan pa'i phyir ro/ /'dir ni gnas gsum 'di dag gis/ lha rnams kyi ni nang du 'gro /zhes bya ba ni rgyu med pa dang/ rgyu mi mthun pa la mngon par dga' pa rnams
- 275a
kyi gti mug spang ba'i thabs yang dag par bstan pa'i phyir ro/ /rnam pa gcig tu na tshigs su bcad pa 'dis yongs su dag pa rnam par bstan te/ ngag gi las yongs su dag pa dang yid kyi las yongs su dag pa dang/ lus kyi las yongs su dag pa dang/ gnas dang gnas ma yin pa la mkhas pa yongs su dag pa'o/ /bden par smra zhes bya ba ni ngag gi las yongs su dag pa'o/ /khro mi bya zhes bya ba ni yid kyi las yongs su dag pa'o/ /slong la chung yang sbyin par bya zhes bya ba ni lus kyi las yongs su dag pa'o/ /'dir ni gnas gsum 'di dag gis/ /lha rnams kyi ni nang du 'gro /zhes bya ba ni gnas dang gnas ma yin pa la mkhas pa yongs su dag pa'o/ /rnam pa gcig tu na 'phags pa'i lam yan lag brgyad pa'i dbang du byas nas tshigs su bcad pa 'di gsungs par mngon te/ zhal nas gsungs pa'i 'phags pa'i lam yan lag bzhi po dag ni ci rig par 'phags pa'i lam yan lag bzhi po dag nyid kyi nang du 'dus te/ bden par smra bya zhes bya ba ni yang dag pa'i ngag go /khro mi bya zhes bya ba ni yang dag pa'i rtog pa'o/ /slong la chung yang sbyin par bya/ zhes bya ba ni yang dag pa'i las kyi mdza' o/ /'dir ni gnas gsum 'di dag gis/ /lha rnams kyi ni nang du 'gro/ zhes bya ba ni yang dag pa'i lta ba'o/ /yan lag bzhi po 'di dag gis yang dag pa'i 'tsho ba dang/ yang dag pa'i rtsol ba bsdus par rig par bya'o/ /yang dag pa'i lta bas ni yang dag pa'i dran pa dang/ yang dag pa'i ting nge 'dzin bsdus te/ 'di gnyis ni sa mang po ba ma yin pa'i phyir ro/ /rnam pa gcig tu na rgyu rnam pa bdun gyi dbang du mdzad nas don rig par bya ste/ mi bslu ba'i rgyu dang/ tshig bzung bar 'os pa'i rgyu dang/ gzugs bzang ba'i rgyu dang/ 'khor mang po'i rgyu dang/ longs
- 275b
spyod che ba nyid kyi rgyu dang/ phyin ci ma log pa'i rgyu dang/ des nyon mongs pa med pa'i rgyu ci rigs par sbyar te/ bden par smra bya zhes bya bas ni tshe 'di dang/ pha rol la mi slu ba'i rgyu dang/ tshig bzung bar 'os pa nyid kyi rgyu bstan to/ /khro mi bya zhes bya ba ni tshe 'di dang pha rol tu gzugs bzang ba'i rgyu dang/ 'khor mang ba'i rgyu bstan to/ /slong la chung yang sbyin par bya zhes bya bas ni longs spyod che ba nyid kyi rgyu bstan to/ /'dir ni gnas gsum 'di dag gis/ /lha rnams kyi ni nang du 'gro /zhes bya bas ni phyin ci ma log pa'i rgyu dang/ des nyon mongs pa med pa'i thabs kyi rgyu bstan to/ /bsdus pa'i don ni lnga po dag gis mngon par mtho ba'i lam bstan la/ gnyis pos ni nges par legs pa'i lam bstan to/ /yang sbyin pa rnam pa gsum bstan pa'i phyir rnam grangs bzhi ste sbyin pa rnam pa gsum ni/ mi 'jigs pa'i sbyin pa dang/ zang zing gi sbyin pa dang/ chos kyi sbyin pa'o/ /de bstan pa ni tshig gnyis dang re res so/ /yang tshigs su bcad pa 'dis rton pa rnam pa gsum bstan te/ sems rton pa dang lus rton pa dang/ dge ba rton pa ste tshig gnyis dang re re'i go rims bzhin no/ /yang byin gyi bslabs bzhi'i dbang du mdzad nas don rig par bya ste/ bden pa dang nye bar zhi ba dang/ gtong ba dang shes rab kyis byin gyis brlabs te/ rim bzhin sems can dmyal ba dang/ dud 'gro dang yid dags dang/ mi khom par skye ba'i rgyu las yang dag par 'da' ba' i thabs su bstan pa'i phyir ro/ /tshigs su bcad pa'i don bsdus pa bcu gsum pa'o// //bam po gsum pa ste tha ma/ /bsod nams dag gi rnam smin bde/ /bsam pa yang dag 'grub 'gyur zhing/ /myur du byang chub dam pa dang/ /mya ngan 'das pa thob par 'gyur/ zhes tshigs su bcad pa'o/ /bcom ldan 'das kyis 'di ci'i phyir gsungs she na/ rnam par smin pa ni rgyu med pa can yang ma
- 276a
yin la/ rang bzhin dang dbang phyug la sogs pa rgyu mi mthun pa can yang ma yin te/ rgyu med pa dang rgyu mi mthun par smra ba dgag pa'i phyir gsungs par mngon te/ 'di skad du rang bzhin gyi 'byung rang bzhin? gyi/ /ldog ste 'byung ba po rnams kyis/ /byed pa po na me yin zhes/ /gang gis mthong ba des mthong ngo/ zhes bya ba dang de bzhin du yon tan 'di dag rang bzhin las byung na/ mun gyis bsgribs phyir phyin ci log sems can/ /mi mkhas bdag gis bya snyam mngon rlom ste/ /rtswa dgug bya ba'i dbang yang yod ma yin/ zhes bya ba dang de bzhin du/ mi shes skye bo 'di dag nyid/ /bde sdug 'ga' la dbang med de/ /chos don 'dod dang thar rnams kyis/ /rgyu ni skyes bu yin par bshad// ces bya ba dang/ re bzhin du/ dbang phyug gis kyang mtho ris sam/ /dam grog nyid du 'gro bar 'gyur/ /zhes smras pa lta bu yin no/ /rnam pa gcig tu na bsod nams bya ba'i dngos po 'bras bu dang bcas pa gsum gyi dbang du byas nas don rig par bya ste/ bsod nams dag gi rnam smin bde/ zhes bya ba ni sbyin pa las byung ba'i bsod nams bya ba'i dngos po 'bras bu dang bcas pa'i dbang du byas nas gsungs so/ /bsam pa yang dag 'grub 'gyur zhing/ zhes bya ba ni tshul khrims las byung ba'o/ /tshul khrims kyi shes tshig lhag ma sbyar bar bya ste/ tshul khrims dang ldan pa'i smon lam 'grub par 'gyur ro zhes 'gyur pa'i phyir ro/ /myur du byang chub dam pa dang/ /mya ngan 'das pa thob par 'gyur/ /zhes bya ba ni bsgoms pa las byung ba ste/ 'di yang rgyun du byung ba dang/ gus par bya ba'i spyod pa'i bsgoms pa las byung bas zhes bya bar mngon no/ /byang chub ni phung po lhag pa dang bcas pa'i mya ngan las 'das pa'i dbyings su mya ngan las
- 276b
'das pa ni phung po lhag ma med pa'o/ /'byung ba 'di ni rang gi ngo bor rig par bya ste/ dper na rtswa las byung ba'i khyim dang/ lo ma las byas pa'i snod lta bu'o/ /yang bsod nams bya ba'i dngos po'i don ci zhe na/ gsum po 'di dag ni ci rigs par bsod nams dang/ bya ba dang dngos po yin pas bsod nams bya ba'i dngos po ste/ re zhig sbyin pa las byung ba'i bsod nams bya ba'i dngos po la lus dang ngag dang/ yid kyi rnam pa gsum char yin te/ bsod nams dang bya ba dang/ bsod nams bya ba'i dngos po yin pas bsod nams bya ba'i dngos po'o/ /de kun nas slong ba'i sems pa ni bsod nams dang bya ba'o/ /de dang lhan cig byung ba'i chos rnams ni bsod nams nyid do/ /dngos po ni lus dang ngag gi las de nyid do/ /tshul khrims las byung ba ni lus dang/ ngag gi las kho na rnam pa gsum yin no/ /bsgoms pa las byung ba las byams pa dang/ snying rje ni bsod nams dang bya ba'i dngos po yang yin te/ de dang mtshungs par ldan pa'i sems pa byams pa dang snying rje'i sgo nas mngon par 'du byed pa'i phyir ro/ /yang na bsod nams kyi byed pa ni bsod nams bya ba ste/ bsod nams kyi sbyor pa'o/ /de'i dngos po ni de dag ste/ de dag bsgrub pa'i don du bsod nams kyi sbyor ba brtsom pa'i phyir ro/ /yang sbyin pa las byung ba'i bsod nams bya ba'i dngos po'i rnam par smin pa'i khyad par ci lta bu zhe na/ sbyin pa po dang/ dngos po dang zhing gi khyad par gyis 'bras bu'i khyad par du 'gyur te/ de la sbyin pa po'i khyad par ni dad pa dang/ tshul khrims dang/ thos pa la sogs pa'i yon tan dang ldan pa'i phyir dang/ gus pa dang rang gi lag dang/ dus su dang/ gnod pa med pa'i sbyin pa dang ldan pa'i phyir te/ dad pas sbyin pa byin pas ni yo byad thams cad phun sum tshogs so/ /gus par sbyin pas ni bkur sti thob par phun sum tshogs
- 277a
so/ /rang gi lag nas sbyin pas ni yongs su spyod pa rgya chen po la mos pa phun sum tshogs so/ /dus su sbyin pas ni dus su thob pa'i longs spyod phun sum tshogs so/ /gnod pa med par byin pas ni bar chad med pa'i longs spyod phun sum tshogs pa ste/ dge slong dag lnga po 'di dag ni skyes bu dam pa'i sbyin pa yin no zhes 'byung ba'i mdo dang mthun no/ /de lta bu ni re zhig sbyin pa po'i khyad par te/ de'i khyad par las rnam par smin pa'i khyad par du 'gyur ro/ dngos po'i khyad par ni kha dog la sogs pa phun sum tshogs pa ste/ gal te sbyin par bya ba gang yin pa de kha dog dang dri dang ro dang/ reg bya gang yang rung ba phun sum tshogs pa yin na dngos po de khyad par du 'gyur ro/ /dngos po khyad par can de lta bu byin pa'i rnam par smin pa ci 'dra ba zhig ce na/ rim bzhin du gzugs bzang ba nyid dang/ grags pa nyid dang/ dga' ba nyid dang/ shin tu gzhon zhing dus tshigs su reg na bde ba'i lus so zhes gsungs te/ kha dog phun sum tshogs pa byin pas ni gzugs bzang bar 'gyur ro/ /dri phun sum tshogs pa sbyin pas ni grags pa dang ldan par 'gyur te/ dri bzhin du grags pas phyogs su khyab pa'i phyir ro/ /ro phun sum tshogs pa byin pas ni ro zhim pa dang 'dra bar dga' bar 'gyur ro/ /reg pa phun sum tshogs pa byin pas 'di'i lus shin tu gzhon sha can dang/ dus tshigs su reg na bde bar 'gyur te/ bud med rin po che'i bzhin no/ /zhing ni 'gro ba dang/ sdug bsngal ba dang/ phan pa byed pa nyid kyi yon tan dag gis khyad par du 'gyur te/ 'gro ba'i khyad par las re zhig khyad par du 'gyur ba ni ji skad du/ bcom ldan 'das kyis dud 'gro'i skye gnas su skyes pa la sbyin pa byin na rnam par smin pa
- 277b
brgya 'gyur du re bar bya'o/ /tshul khrims 'chal pa'i mi la sbyin pa byin rnam par smin pa stong 'gyur du re bar bya'o/ zhes gsungs pa lta bu'o/ /sdug bsngal ba'i bye brag las khyad par du 'gyur pa ni ji ltar rdzas las byung ba'i bsod nams bya ba'i dngos po dag la blo bur du 'ongs pa dag la sbyin pa dang 'gro ba la sbyin pa dang/ nad pa la sbyin pa dang/ nad g.yog la sbyin pa dang/ grang ba la sogs pa sbyin pa gsungs nas rdzas la byung ba'i bsod nams dngos po bdun po 'di dag ldan pa'i rigs kyi bu 'am rigs kyi bu mo ni 'gro ba 'am/ 'dug gam gnyid log gam/ sad pa na rtag tu rgyun mi 'chad par bsod nams mngon par 'phel pa nyid dang/ bsod nams nye bar skye ba nyid do/ /zhes gsungs pa lta bu'o/ /'dir ni rkyen gyi bye brag las sdug bsngal gyi khyad par te/ len pa'i sdug bsngal gyi khyad par med par byas pa las sbyin pa po'i 'bras bu'i khyad par du 'gyur ro/ /phan par byed pa nyid kyi khyad par ni ji ltar/ ma dang pha dang gzhan yang phan pa byang ba dag ste/ dom gyi skyes pa'i rabs lta bur? pha? ma byed pa la gnod pa'i 'bras bu mthong ba'i phyir phan pa'i lan lon pa'i 'bras bu rjes su dpag par bya'o/ /yon tan gyi khyad par las ni ji ltar tshul khrims can la sbyin pa sbyin na rnams par smin pa 'bum 'gyur du 'gyur ro zhes bya ba la sogs pa'o/ /bsod nams dag ni rnam smin pa de/ /zhes bya ba sbyin pa las byung ba'i bsod nams bya ba'i dngos po'i khyad par bshad zin to/ /tshul khrims las byung 'bras bu ni bde 'gro dang byang grol ba thob pa ste/ sgrub pa dang thob par byed pa'i rgyu yin pa'i phyir ro/ /ci ltar na byang grol tshul khrims dang ldan pa ni sman pa 'grub ste/ de rnam par dag pa'i phyir de tshul khrims kyis zhes ston to/ /tshul khrims rnam par dag pa ni
- 278a
thar pa sgrub pa'i tshogs yin te/ 'di lta ste dbang po'i sgo bsrung ba nyid dang/ kha zas la tshod rig pa nyid dang/ nam gyi cha stong nyid dang/ nam gyi cha smad la mi nyal bar rnal 'byor la brtson pa nyid dang// shes bzhin du gnas pa nyid do zhes 'byung ngo/ /rnam par dag pa de ji lta bu zhe na/ gnod pa gzhi po dag gi gnod pa med pa'i phyir te/ gnod pa bzhi ni gang dag gis gnod na/ tshul khrims yongs su ma dag pa la gnod na yongs su ma dag par/ rnam par rtog pa'i gnod pa dang/ rten las su rung ba la gnod pa dang/ mngon par mi brtson? pa'i gnod pa dang/ 'gyod pa'i gnod pa'o/ /de la rnam par rtog pa'i gnyen por dbang po'i sgo bsrung ba nyid do/ /rten las su rung ba la gnod pa'i gnyen por ni kha zas la chod rig pa nyid de/ chod smos pa ni kha zas nyung ba dang mang ba spang pa'i don to/ /kha zas nyungs na ni can? nyam chung bas mngon par mi spro la kha zas mang na ni snyom pa la sogs pa'i skyon lnga kun tu spyod pas rten las su mi rung ba nyid de/ de ltar na de gnyis kyis ni rten las su mi rung ba nyid la de med na ni ba dge ba'i phyogs kyi rjes su mthun pa yin no/ /mngon par mi brtson pa'i gnod pa'i gnyen por ni nam gyi cha stong dang nam gyi cha smad la mi nyal bar brtson pa nyid do/ /'gyod pa'i gnod pa'i gnyen por ni shes bzhin du gnas pa nyid do/ de lta bu ni tshul khrims kyi khyad par yin no/ /bsgoms pa las byung ba ni mdor bsdu na/ 'jig rten pa dang/ 'jig rten las 'das pa'i lam mo/ /de la 'jig rten pa'i lam ni bsam gtan dang gzugs med pa'o/ /de dag ni kun nas nyon mongs pa dang/ rnam par byang ba dang/ rnam par bzhag pa dang/ rnam par dag pas rig par bya'o/ /kun nas nyon mongs pas ji lta bu zhe na/ lung du ma bstan
- 278b
pa'i rtsa ba bzhi po sred pa dang/ lta ba dang/ nga rgyal dang/ ma rig pa la sred pas ni ro myang ba'i kun nas nyon mongs pas kun nas nyon mongs pa ste/ shin tu sbyangs pa'i bde ba'i ro myang bar byed pa'i phyir ro/ /lta bas ni lta ba shas che ba'i bsam gtan pas kun nas nyon mongs pa ste/ bsam gtan la brten nas sngon gyi mdza' la rtog pa la sogs pa'i lta ba kun nas slong ba'i phyir ro/ /nga rgyal gyis ni nga rgyal che ba'i bsam gtan pas kun nas nyon mongs pa ste/ khyad par rtogs pa des khengs par 'gyur ba'i phyir ro/ /ma rig pas ni the tshom shas che ba'i bsam gtan pas kun nas nyon mongs pa ste/ de kho na nyid ma rtogs nas thar pa 'dod pa'i khyad par rtogs pa de la thar pa 'am thar pa ma yin snyam du the tshom skye ba'i phyir ro// rnam par byang bas ji lta bu zhe na/ bsam gtan dang gzugs med pa'i dag pa'i rnams ni 'jig rten pa yin yang dge ba'i phyir kun nas 'grib pa'i dri ma dang bral ba nyid kyis rnam par byang ba zhes bya'o/ /rnam par bzhag pas ci lta bu zhe na/ bsam gtan dang po la yan lag lnga ste/ rtog pa dang/ dpyod pa dang/ dga' ba dang/ bde ba dang/ sems brtse gcig pa nyid do/ /bsam gtan gnyis pa la yan lag bzhi ste/ nad yongs su dag pa dang/ dga' ba dang/ bde ba dang/ sems rtse gcig pa nyid do/ /bsam gtan gsum la yan lag lnga ste/ btang snyoms dang/ dran pa dang/ shes bzhin dang/ bde ba dang/ sems rtse gcig pa nyid do/ /bsam gtan bzhi pa la yang yan lag bzhi ste/ btang snyoms yongs su dag pa dang/ dran pa yongs su dag pa dang/ bde ba yang ma yin sdug bsngal yang ma yin pa'i tshor ba dang/ sems rtse gcig pa nyid do/ /gzugs med pa dag la ni yan lag rnam par bzhag pa med de/ zhi gnas su ro gcig
- 279a
pa'i phyir ro/ /bsam gtan rnams kyi yan lag dbye ba ni/ gnyen po dang/ phan yon dang/ gnyi ga'i rten gyi bye brag gis nyes bsam gtan dang po la rtog pa dang/ spyod pa ni gnyen po'i yan lag ste/ bdag gis 'dod pa dang/ gnod sems dang/ rnam par 'tshe? ba'i rtog pa spong ba'i phyir ro/ /dga' ba dang/ bde ba ni phan yon gyi yan lag ste/ rtog pa dang/ spyod pa dag gis mi mthun pa'i phyogs spangs nas des dben pa las skyes pa'i dga' ba dang bde ba 'thob pa'i phyir ro/ /sems rtse gcig pa nyid ni de gnyi ga'i rten gyi yan lag ste/ ting nge 'dzin la brten pa'i stobs kyis dge ba'i rtog pa la sogs pa 'jug pa'i phyir ro/ /bsam gtan gnyis pa la nad yongs su dad pa ni gnyen po'i yan lag ste/ des rtog pa dang/ spyod pa spong ba'i phyir ro/ /bde ba dang dga' ba ni phan yon gyi yan lag go /sems rtse gcig pa nyid ni de gnyi ga'i rten gyi yan lag go /bsam gtan gsum pa la ni btang snyoms dang/ dran pa dang/ shes bzhin ni gnyen po'i yan lag ste/ de dag gis dga' ba spong ba'i phyir ro/ /bde ba ni phan yon gyi yan lag go /sems rtse gcig pa nyid ni gnyi ga'i rten gyi yan lag go /rjes su ngan pa ni dmigs pa mi brjed pa'o/ /shes bzhin ni byid ba dang rgod pa rtogs pa'o/ /btang snyoms ni nye ba'i nyon mongs pa spangs nas rnal du 'jug pa nyid do/ /bsam gtan bzhi pa la btang snyoms yongs su dag pa dang/ dran pa yongs su dag pa ni gnyen po'i yan lag ste/ de dag gi bde ba spong ba'i phyir ro/ /sdug bsngal yang ma yin bde ba yang ma yin pa'i tshor ba ni phan yon gyi yan lag go /sems brtse gcig pa nyid ni de gnyi ga'i rten gyi yan lag go /rnam par dag pas
- 279b
ji lta bu zhe na/ rab kyi mthar phyin pa ste/ bsam gtan dang po nas 'du shes med min gyi skye mched kyi bar rnam par dag pa'o/ /'jig rten las 'das pa'i lam ni mthong pa'i lam dang// //sgom pa'i lam mo/ /mthong ba'i lam ni sdug bsngal las chos shes pa'i bzod pa dang/ sdug bsngal las chos shes pa dang/ sdug bsngal la rjes su rtog par shes pa'i bzod pa dang/ sdug bsngal la rjes su rtogs pa'i shes pa? dang/ kun 'byung ba la chos shes pa'i bzod pa dang/ kun 'byung ba la chos shes pa dang/ kun 'byung ba la rjes su rtog par shes pa'i bzod pa dang/ kun 'byung la rjes su rtogs pa'i shes pa dang/ 'gog pa la chos shes pa'i bzod pa dang/ 'gog pa la chos shes pa dang/ 'gog pa la rjes su rtogs par shes pa'i bzod pa dang/ 'gog pa la rjes su rtog pa'i shes pa dang/ lam la chos shes pa'i bzod pa dang/ lam la chos shes pa dang/ lam la rjes su rtogs par shes pa'i bzod pa dang/ lam la rjes su rtog pa'i shes pa ste/ lam la rjes su rtogs pa'i shes pa nas bzung ba ni sgom pa'i lam mo/ /'jig rten pa'i chos kyi mchog gi 'og tu zag pa med pa'i shes ba chos shes pa'i bzod pa skye'o/ /dmigs pa gang la zhe na/ 'dod pa na spyod pa la ste/ sdug bsngal la chos shes par bya ba'i phyir bzod pa ni chos shes pa'i bzod pa ste/ 'bras bu dang me tog gi shing bzhin no/ /des ni sdug bsngal mthong bas spang bar bya ba'i nyon mongs pa bcu po 'dod chags dang/ khong khro ba dang/ nga rgyal dang/ ma rig pa dang/ the tshom dang/ 'jig tshogs la lta? ba dang/ mthar 'dzin par lta ba dang/ lta ba dang/ tshul khrims dang/ brtul zhugs mchog tu 'dzin pa dang/ log par lta ba spong ngo/ /de ni rnam par
- 280a
grol ba'i lam ste/ bar chad med par nyon mongs pa spong ba'i phyir ro/ /de nas sdug bsngal las chos shes pa'i bzod pa'i 'og tu 'dod pa na spyod pa'i sdug bsngal de nyid la chos shes pa skye ba ste/ de ni sdug bsngal la chos shes pa zhes bya'o/ /de na rnam par grol ba'i lam ste/ zag pa med par gtogs pa thams cad du rig par bya'o/ /sdug bsngal la chos shes pa'i 'og tu gzugs dang gzugs med pa na spyod pa'i sdug bsngal mdza' dag la dmigs pa sdug bsngal la rjes su rtog par shes pa'i bzod pa ste/ des ni khong khro ba ma gtogs pa gzugs dang gzugs med pa na spyod pa sdug bsngal mthong bas spang bar bya ba'i nyon mongs pa dgu dgu spong ngo/ /de nas rjes su rtogs pa'i bzod pa skye'o/ /dang por chos kyi de kho na shes pa'i phyir chos shes pa'o/ /de'i rjes su rtogs par shes pa'i phyir gong ma'i sdug bsngal la sogs pa dmigs pa ni rjes su rtogs pa'i shes pa ste/ de nyid kyi rjes su 'gro ba'i phyir ro/ /sdug bsngal gyi bden pa la bzod pa dang/ shes pa bzhi po dag kyang skye ba ji lta bar kun 'byung ba dang/ 'gog pa dang lam gyi bden pa dag la yang de dang 'dra ste/ sdug bsngal rjes su rtogs pa'i shes pa'i 'og tu 'dod pa na spyod pa'i kun 'byung ba la chos shes pa'i bzod pa skye ba ste/ des ni 'jig tshogs dang/ mthar 'dzin par lta ba dang/ tshul khrims dang brtul zhugs mchog tu 'dzin pa ma gtogs pa kun 'byung ba mthong bas spang pa'i nyon mongs pa bdun spong ngo/ /de nas kun 'byung ba la chos shes pa'o/ /de bzhin du skye pa'i rim gyis kun 'byung ba lhag ma rjes su rtogs par shes pa'i bzod pa skye ste/ des ni khong khro ma gtogs pa gzugs dang gzugs
- 280b
med pa spyod pa'i nyon mongs pa drug drug po de dag nyid spong ngo/ /de nas kun 'byung ba la rjes su rtogs pa'i shes pa'o/ /de nas 'dod pa na spyod pa'i sdug bsngal 'gog pa la chos shes pa'i bzod pa skye ste/ des ni 'gog pa mthong bas spang bar bya ba'i nyon mongs pa bdun spong ste/ gang kun 'byung ba bzhin no/ /de nas de nyid la 'gog pa la chos shes pa'o/ /de nas gzugs dang gzugs med pa na spyod pa'i nyon mongs pa'i 'gog pa la rjes su rtogs par shes pa'i bzod pa skye ste/ de ni khong khro ma gtogs par gzugs dang gzugs med pa na spyod pa'i 'gog pa mthong bas spang bar bya ba'i nyon mongs pa drug drug ste/ de dag nyid spong ngo/ /de nas 'gog pa la rjes su rtogs pa'i shes pa'o/ /de nas 'dod pa na spyod pa'i sdug bsngal gyi gnyen por lam la chos shes pa'i bzod pa skye ste/ des ni 'jigs tshogs dang mthar 'dzin pa'i lta ba ma gtogs pa nyon mongs pa rnams spong ngo/ /de nas lam la chos shes pa'o/ /de nas lam la rjes su rtogs par shes pa'i bzod pa skye ste/ de ni khong khro ma gtogs par gzugs dang gzugs med pa na spyod pa'i nyon mongs pa'i lam mthong bas spang bar bya ba bdun bdun spong ngo/ /de nas lam la rjes su rtogs pa'i shes pa'o/ /lam la rjes su rtogs pa'i shes pa dang bcas pa sems bcu drug po 'di ni bden pa mngon par rtog ba ste/ bar chad med pa dang rnam par grol ba'i lam gyis bsdus pa'o/ /ma mthong mthong phyir mthong ba'i lam/ /de la skad cig bco lnga'o/ /bden pa ma mthong rnams mthong ba'i phyir gang gi dbang du mdzad nas/ bcom ldan 'das kyis mdo sde de dang las gang zag de dang de'i dbang du mdzad nas chos la chos kyi mig rdul med cing dri ma dang bral ba skyes so zhes gsungs pa dang/ de bzhin du chos mthong ba/ chos thos pa chos rtogs pa/ /chos kun
- 281a
nas bstan pa som te las brgal ba/ the tshom las brgal ba/ gzhan la rag ma las pa/ gzhan gyi kha drang du mi rung ba/ ston pa'i bstan pa dang chos rnams la mi 'jig pa thob po/ /zhes gsungs pa yin no// thog ma nyid du bden pa rnams las 'phags pa'i shes rab kyi mig ni chos rnam la chos kyi mig ste/ ngo bo nyid kyi phyir ro/ /de la chos la bzod pa rnams kyis rdul med de de rnams kyis nyon mongs pa'i rdul spong ba'i phyir ro/ /chos shes pa rnams kyis dri ma dang bral ba ste/ de dag gi sgrib pa dang dri ma spangs pa de'i gnas skyed pa'i phyir ro chos la bzod pa thob pa rnams kyi chos mthong ba ste/ de rnams kyis de kho na nyid rtogs pa'i phyir ro/ /chos shes pa rnams kyis thob pa ste/ de rnams kyi nyon mongs pa las rnam par grol ba mngon du byed pa'i phyir ro/ /rjes su rtogs pa'i bzod pa rnams kyis chos rtogs pa ste/ de rnams kyis 'phags pa'i chos rjes su rtogs pa nyid de/ de gnyi ga yang dag par rig pa'i phyir ro/ /rjes su rtogs pa'i shes pa rnams kyis chos kun nas bstan pa yin no/ /bzod pa dang shes pa thams cad kyis so ma nyid las brgal ba ste/ 'jig rten las 'das pa'i lam gyis 'bras bu rtogs pa ni yun ring po nas brna? ge ba rang gis rtogs pas the tshom med pa'i phyir ro/ /thams cad kyis the tshom las brgal ba ste/ gzhan gyis rtogs pa de'i gnas skabs gzhan kyang khyad par rtogs pa la yid gnyis med pa'i phyir ro/ /gzhan la rag ma las pa ni lam bsgoms pa la gzhan gyi lung? med kyang rang mkhas pa'i phyir ro/ /gzhan gyis kha drang du mi rung ba ni dad pa mi phyed pa thob pas so/ /ston pa'i bstan pa ni gzhan mu stegs can rnams kyis tshe rabs gzhan du yang me 'phrogs pa'i phyir ro/ /chos ? la mi 'jigs pa zab
- 281b
pa ni rtogs pa las brtsams te dri ma dang lung bstan pa'i chos rnams la sdig pa 'dod pa'i mngon pa'i nga rgyal can bzhin du sems num pa med pa'i phyir ro/ /'jig rten las 'das pa'i las bsgom pa ni nyon mongs pa lhag ma spang pa'i phyir te/ des ni sgom pas spang bar bya ba'i nyon mongs pa bcu po 'dod pa na spyod pa gzhi ste 'dod chags dang/ khong khro ba ?nga rgyal dang/ ma rig pa dang/ gzugs dang gzugs med pa na spyod pa khong khro ba ma gtogs pa gsum gsun spong ngo/ /sdug bsngal dang kun 'byung pa dang/ 'gog pa dang/ lam shes pa de nyid chos shes pa dang/ rjes su rtogs pa shes pa'i phyogs yin te/ de dang tshungs par ldan pa'i ting nge 'dzin bsam gtan dang po nas ci yang med pa'i skye mched kyi phyir ro/ /gzugs med 'du shes med min gyi skye mched ni 'jig rten pa nyid de/ 'du shes gsal bar mi 'gyur ba'i phyir ro/ /de bas na bcom ldan 'das kyis ci srid du 'du shes snyoms par 'jug pa de srid du kun shes pa bkag go /zhes gsungs so/ /rnam pa gcig tu na tshigs su bcad pa 'dis zhing gi khyad par la byed pa'i 'bras bu rnam pa gsum ston te/ bsod nams dag gi rnam smin bde/ /zhes bya bas ni yo byad kyi rgyu las byung ba'i 'bras bu ston to/ /bsam pa yang dag 'grub par 'gyur/ /zhes bya bas ni bsam pa yongs su rdzogs par byed pa'i rgyu las byung pa'i 'bras bu ston to/ /myur du byang chub dam pa dang/ /mya ngan 'das par thob par 'gyur/ /zhes bya bas ni mya ngan las 'das pa dang mthun zhing phul du byung bas byas pa'i chos dge ba'i rgyu las byung pa'i 'bras bu ston to/ /tshigs su bcad pa'i don bsdus pa las don bsdus pa bcu bzhi pa'o// //sbyin pas bsod nams rab tu 'phel/ /yang dag sdam pas dgra mi sogs//
- 282a
dge dang ldan pas sdig pa spong/ /nyon mongs zad pas mya ngan 'das/ zhes tshigs su bcad pa'o/ /bcom ldan 'das kyis 'di ci'i phyir gsungs she na/ sbyin pa dang/ tshul khrims dang/ ye shes kyi yon tan rab tu bstan pa'i phyir dang/ lam rnam pa gsum las brtsams nas gsungs par mngon no/ /de la sbyin pas bsod nams rab tu 'phel/ zhes bya ba ni sbyin pa'i yon tan rab tu bstan pa'i phyir te/ ji skad du/ rdzas las byung ba'i bsod nams bya ba'i dngos po bdun ni rtag tu rgyun mi 'chad par bsod nams mngon par 'phel bar bya ba nyid dang/ bsod nams nye bar skye ba nyid do zhes gsungs pa lta bu'o/ /yang dag sdom pas dgra mi sogs/ zhes bya ba ni tshul khrims kyi yon tan rab tu bstan pa'i phyir te/ dgra mi sogs pa ni bzod pa yin la/ tshul khrims ni bzod pa dang lhan cig pa'i phyir ro/ /lhag mas ni ye shes kyi yon tan rab tu bstan pa'i phyir te/ mthong ba'i lam gyis/ dge dang ldan pas sdig pa spong// bsgom pa'i lam gyi 'dod chags dang/ /zhe sdang dang/ gti mug zad pa las legs par mya ngan 'das te/ mdor bsdus nas mthong ba dang bsgom pas spang bar bya ba'i nyon mongs pa spong ba bstan to/ /de ltar tshigs su bcad pa 'di ni sbyin ba dang/ tshul khrims dang/ ye shes dag gi phan yon bstan pa'i phyir gsungs par mngon no/ /las rnam pa gsum las brtsams nas zhes bya ba ni longs spyod du 'gyur ba dang/ bde 'gror 'gyur ba dang/ ngan 'gro dang bde 'gro ldog par 'gyur ba ste/ sbyin pas bsod nams rab tu 'phel/ zhes bya ba ni longs spyod du 'gyur ba'i la ma las brtsams pa'o/ /yang dag sdom pas dgra mi sogs zhes bya ba ni bde 'gror 'gro ba'i lam las brtsams pa'o/ /lhag ma ni ngan 'gro dang bde 'gror
- 282b
ldog par 'gyur ba'i lam las brtsams pa'o/ /rnam pa gcig tu na gang zag bzhi'i phan yon rnam pa bzhi bstan pas yang dag pa'i lam rnam pa bzhi la spyad? ba'i phyir gsungs par mngon te/ gang zag bzhi ni khyim pa dang/ rab tu byung ba dang nges par 'byed pa'i cha dang mthun pa 'thob pa so so'i skye bo dang/ slab pa'o/ /phan yon rnam pa bzhi ni 'phel ba'i phan yon dang/ 'grib pa'i phan yon dang/ gtong ba'i phan yon dang/ rtogs pa'i phan yon te/ sbyin pas bsod nams rab tu phel/ zhes bya ba ni khyim pa rnams kyi 'phel ba'i phan yon bstan pa'i phyir te/ bcom ldan 'das kyis khyim pa rnams ni sogs na bde'o zhes gsungs so/ yang dag sdom pas dgra mi sogs/ zhes bya ba ni rab tu byung ba rnams kyi 'grib pa'i phan yon bstan pa'i phyir te/ bcom ldan 'das kyis rab tu byung ba rnams ni 'grib na bde'o zhes gsungs so/ nag dang ldan pas sdig pa spong/ zhes bya ba ni nges par 'byed pa'i cha dang mthun pa 'thob pa rnams kyi gtong ba'i phan yon bstan pa'i phyir ro/ /'dod chags dang/ zhe sdang dang/ gti mug zad pa las legs par mya ngan las 'das zhes bya ba ni slob pa rnams kyi rtogs pa'i phan yon bstan pa'i phyir ro/ /yang dag pa'i sgrub pa ni rnam pa bzhi ste/ sbyin pa dang/ bzod pa dang/ bden pa mngon par rtogs pa dang/ nyon mongs pa ma lus par spangs pa la bag yod pa ste/ sbyin pas bsod nams rab tu 'phel ba zhes bya ba ni yang dag pa'i sgrub pa sbyin par bya ba la sbyor bar byed pa'o/ /yang dag sdom pas dgra mi sogs zhes bya ba ni bzod pa la'o/ /dge dang ldan pas sdig pa spong/ zhes bya ba ni bden pa mngon par rtogs pa'o/ /'dod chags dang/ zhe sdang dang/ gti mug zad pa las legs par mya ngan las 'das pa ni nyon
- 283a
mongs pa ma lus pa spong ba la bag yod pa'o/ /tshigs su bcad pa'i don bsdus pa las don bsdus pa bco lnga pa'o// //brgyan pa byas kyang chos ni spyod byed la/ /dul zhing yang dag bsdams pa tshangs par spyod/ /'byung po kun la chad pa spangs pa ste/ /bram ze dge sbyong de yin dge slong de/ zhes tshigs su bcad pa'o/ /bcom ldan 'das kyis 'di ci'i phyir gsungs she na/ rtags blang bas dge sbyong la sogs pa mngon pa'i nga rgyal byed pa spang ba'i phyir ro/ /de la chos spyod pa ni gnyis kyis rab tu phye ste/ bdag gi yon tan sgrub pa dang/ gzhan gyi yon tan bsgrub pa'o/ /dul zhing yang dag bsdams pa tshangs par spyod/ ces bya ba ni bdag gi yon tan bsgrub pa'o/ /'byung po kun la chad pa spangs pa zhes bya ba ni chad pa spangs pas gzhan gyi yon tan bsgrub pa'o/ /bsgom pa la rten nas bdag gi yon tan bsgrub pa rnam pa bzhi ste/ lus bsgom pa dang/ tshul khrims bsgom pa dang/ sems bsgom pa dang/ shes rab bsgom pa'o/ /lus bsgoms pa la brten nas dbang po'i sgo bsrungs pas dul ba'o/ /tshul khrims bsgoms pa la brten nas lus dang ngag dang yid kyi las kha na ma tho ba med pas zhi ba'o/ /sems bsgoms pa la brten nas nyon mongs pa kun tu spyod pa rnam par gnod pas yang dag bsdams pa'o/ /shes rab bsgoms pa la brten nas 'phags pa'i lam yan lag brgyad pa'i tshangs par spyod pa dang ldan pa tshangs par spyod pa'o/ /gzhan gyi yon tan bsgrub pa la chad pa spong ba rnam pa bzhir rig par bya ste/ lus bsgoms pas dran pa nye bar gzhag pa'i chad pa spong ba dang/ tshul khrims bsgoms pas byas pa sdom pa yang dag par len pa'i chad pa spong ba dang/ sems
- 283b
bsgoms pas byas pa rnam par gnon pa'i chad pa spong ba dang/ shes rab bsgoms pas byas pa bral ba'i chad pa spongs pa'o/ /bram ze dge sbyong de yin dge slong de/ zhes bya ba ni sdig pa spangs pa'i phyir dang/ zag pa zad pa bskyed pa'i lam thob pa'i phyir dang/ nyon mongs pa bcom pa'i phyir te go rims bzhin no/ /tshigs su bcad pa'i don bsdus pa las don bsdus pa bcu drug pa'o// //dad dang ngo tsha tshul dang sbyin pa yod?/ /chos 'di dag ni skyes bu dam pas bsngags/ lam 'di nas ni lha yul 'gro bar gsungs/ 'di yis lha yi 'jig rten nyid du 'gro /zhes tshigs su bcad pa'o/ /bcom ldan 'das kyis 'di ci'i phyir gsungs she na/ mngon par mtho ba 'dod pa dag me dang chur 'jug pa dang/ zas mi za la sogs pa lam ngan pa spang ba'i phyir te/ dad pa dang ngo tsha shes pas bsam pa phun sum tshogs pa dang/ tshul khrims dang sbyin pas sbyor ba phun sum tshogs pa dang/ lhag mas de gnyis kyi phan yon mthong ba'i chos dang/ tshe phyi ma ston ste/ skyes bu dam pas bsngags pa ni mthong ba'i chos kyi phan yon yin no/ /lam 'di nas ni lha yul 'gro bar gsungs/ /zhes bya ba ni skyes bu dam pas bsngags pa'i nang du gtogs so/ /'di yis lha'i 'jig rten nyid du 'gro /bya ba ni tshe phyi ma'i phan yon no/ /gnyis kyi go rims ni snga ma snga ma rgyu yin pa'i phyir te/ dad na 'chal ba'i tshul khrims dang/ ser sna'i skyon dag gis 'dzem mo/ /'dzem pa dang bcas na de'i gnyen po'i sbyin pa dang// tshul khrims brten to/ /de gnyid kyi phyir dang zhes bya ba'i sgra gnyis smos so/ /yang zhes bya ba'i sgra ni sbyin pa yang ngo tsha shes pa'i de ma thag tu 'byung ba nyid du bstan pa'i phyir ro/ /de la dad pa ni sems dad ba'o/ /ngo tsha shes pa ni bdag nyid
- 284a
kha na ma tho ba la 'dzem pa'o/ /tshul khrims ni legs par spyod pa'i las dang sdom pa zhes bya'o/ /sbyin pa ni gzhi dang/ kun nas slong ba dang/ rten dang/ ngo bo nyid kyis so/ /sbyin pa'i gzhi ni gsum ste/ ma chags pa dang/ zhe sdang med pa/ gti mug med pa'o/ /gzhi dang/ byed rgyu dang/ rgyu dang/ rgyu mtshan ni rnam grangs so/ /ji ltar sbyin pa'i gzhi ma chags pa yin zhe na/ gal te dngos po de la ma chags na des sbyin par byed do// ji ltar na sbyin pa'i gzhi zhe sdang med pa yin zhe na/ gal te dngos po de la ma chags par gyur kyang len pa po la zhe sdang bar gyur na de'i phyir sbyin par byed par mi 'gyur ba nyid do/ /gal te len pa po la yang zhe sdang med la dngos po de la yang lhag par chags pa med na de lta na sbyin pa sbyin par byed do/ /ji ltar na sbyin pa'i gzhi gti mug med pa yin zhe na/ gal te dngos po de lhag par chags pa med par gyur la len pa po la yang zhe sdang med kyang sbyin pa'i 'bras bu ni longs spyod chen po nyid do zhes rgyu dang 'bras bu 'brel ba mi shes na sbyin bar mi 'gyur ba nyid do/ /gal te rgyu dang 'bras bu 'brel pa la rmongs pa med cing len pa po la yang zhe sdang med la dngos po de la yang lhag par chags pa med na de'i phyir sbyin pa byed de/ gzhi las ni de lta bu yin no/ /kun nas slong ba ni de lta bu dang mi ldan pa'i sems pa gtan la 'bebs pa'i dus na spyod pa'o/ /rten ni sbyin par bya ba'i dngos po ste/ gang la brten nas sbyin pa byed par 'jug pa'o/ /ngo bo nyid ni lus dang ngag gis las kyis bsgrub pa'o/ ji ltar na de phun sum tshogs pa yin zhe na/ yang nas yang dang/ phyogs med pa dang/ 'dod pa yongs su rdzogs par sbyin pa'i phyir te/ de nyid kyi phyir
- 284b
bcom ldan 'das kyis 'di la rigs kyi bu sbyin bdag tu gyur pa ni dge sbyong ngam/ bram ze 'am/ lam du zhugs pa 'am/ slong ba 'am/ bkres pa 'am/ sdug phongs rnams la 'di lta ste/ zas dang/ skom dang/ gos dang/ gzhon pa zhes bya cher gsungs so/ /sbyin pa'i sbyin bdag tu gyur pa zhes bya ba ni de'i dad du gyur pa nyid kyi phyir phyir zhing sbyin par byed pa'i phyir yang nas yang du sbyin pa nyid bstan to/ /dge slong ngam bram ze rnams la zhes bya ba ni don du gnyer ba thams cad la sbyin pa'i phyir phyogs med pa'i sbyin pa nyid bstan to/ /zas dang/ skom dang/ gos dang/ gzhon pa zhes bya ba ni/ de la sogs pa ni bsam pa ji lta ba bzhin yo byad kyi gzhi yongs su gtong ba la sbyin pa'i phyir 'dod pa yongs su rdzogs pa'i sbyin pa nyid bsten to/ /rnam par gtan la dbab pa'i gtam 'di spro na rnam pa mang du 'phro bas zhar la 'ongs pa bzhag go /tshigs su bcad pa'i don bsdus pa las don bsdus pa bcu bdun pa'o// //bor ba 'di dag gang yin dang/ /phyogs dang phyogs mtshams 'thor ba dang/ /rus pa thi ba'i mdog lta bu/ /de mthong 'di la ci zhig dga' / zhes tshigs su bcad pa'o/ /bcom ldan 'das kyis 'di ci'i phyir gsungs she na/ 'dod chags rnam pa bzhi'i gnyen por gsungs par mngon te/ 'dod chags rnam pa bzhi ni bsnyen bkur gyi 'dod chags dang/ dbyibs kyi 'dod chags dang/ kha dog gi 'dod chags dang/ reg pa'i 'dod chags so/ /bor ba 'di dag gang yin dang/ zhes bya ba ni bsnyen bkur gyi 'dod chags kyi gnyen po'o/ /phyogs dang phyogs mtshams 'thor ba dang/ zhes bya ba ni dbyibs kyi 'dod chags kyi gnyen po'o/ /rus pa zhes bya ba ni reg pa'i 'dod chags kyi gnyen po'o/ /thi ba'i mdog lta bu
- 285a
zhes bya ba ni kha dog gi 'dod chags kyi gnyen po'o/ /rnam pa gcig tu ni tshigs su bcad pa 'dis mi rtag pa nyid rnam pa lnga bstan te/ 'jig pa mi rtag pa nyid dang/ bral ba mi rtags nyid dang/ 'gyur ba mi rtag pa nyid dang/ nye ba'i rnam pa mi dag pa nyid dang/ chos nyid kyi rnam pa mi rtag pa nyid do/ /bor ba 'di dag gang yin dang/ zhes bya ba ni 'jig pa mi rtag pa nyid bstan te/ srog gi dbang po 'jig pa las de dag por bar 'gyur ro/ /phyogs dang phyogs mtshams mthong ba dang/ zhes bya bas ni bral ba mi rtag pa nyid du bstan to/ /rus pa thi ba'i mdog lta bu/ zhes bya ba ni 'gyur ba mi rtag pa nyid de/ kha dog gzhan du 'gyur ba'i phyir ro// de mthong zhes bya ba ni nye ba'i rnam pa mi rtag pa nyid do/ /mi rtag pa rnam pa gsum po 'di dag nyid de ltar gyi dus su nye ba zhes bya'o/ /'di la ci zhig dga' o zhes bya ba ni chos nyid kyi rnam pa mi rtag pa nyid de/ 'di yang de lta bu'i chos can yin te/ de bas na shi ba'i lus la mi rtag pa nyid rnam pa gsum nye bar mthong nas rang gi lus 'tsho ba de lta bu'i chos can nyid 'di la yangs zhig dga' zhes de ltar tshigs su bcad pa 'di bcom ldan 'das kyis lus la lhag par chags pa rnams skyo bar bya ba'i phyir gsungs par mngon no/ /tshigs su bcad pa'i don bsdus pa las don bsdus pa bco brgyad pa'o// //kye ma 'dus byas rnams mi rtag /skye zhing 'jig pa'i chos can yin/ /skyes nas 'jigs par 'gyur ba ste/ /de dag nye bar zhi ba bde/ /zhes tshigs su bcad pa'o/ /bcom ldan 'das kyis 'di ci'i phyir gsungs she na/ 'khor ba la mngon par dga' ba rnams 'khor ba dang mya ngan las
- 285b
'das pa'i skyon dang yon tan bstan pas thar pa'i cha dang mthun par bskyed pa'i phyir gsungs par mngon no/ /'dir ni 'di skad rgol te/ kye ma 'du byed rnams mi rtag ces brjod nas/ skye zhing 'jig pa'i chos can yin zhes brjod par mi bya ste/ rtag pa ni 'ga' la yid skye ba dang 'jig pa med do/ /skyes nas 'jigs par 'gyur ba ste/ zhes bya ba 'di yang brjod par mi bya ste/ gang zlos pa'i phyir ro zhe na/ 'di klan kar mi rung ste/ 'di ltar tshigs su bcad pa 'dis dus gsum du rtog pa'i 'du byed rnams mi rtag pa nyid dang/ sdug bsngal ba nyid dang/ de la 'dod pa dang/ mngon par dga' ba dang/ lhag par chags pa'i sred pa'i gnyen por de 'gog pa'i zhi ba nyid bstan te/ 'das pa'i 'du byed rnams skyes nas 'jig pa'i phyir rtag pa ma yin pa ni mi rtag pa'o/ /ma 'ongs pa rnams skye ba dang 'jig tu dur ba'i phyir ro/ /skye zhing 'jig pa'i chos can yin no/ /da ltar byung ba rnams skyes pa'i phyir dang/ 'jig pa la mngon du phyogs pa'i phyir/ skyes nas 'jig par 'gyur ba ste'o/ /de dag rnam par zhi ba bde zhes bya ba ni nying mtshams sbyor ba med pa'i 'gog pa ste/ mya ngan las 'das pa'o/ /de'i rnam par bzhag pa yang rnam pa bcu gsum gyis rig par bya ste/ mtshan nyid dang/ zab pa dang/ kun nas nyon mongs pa dang/ don dam pa dang/ yongs su ma rtogs pa dang/ yongs su rdzogs pa dang/ rgyan med dang/ rgyan dang bcas pa dang/ khyad par med pa dang/ khyad par du 'phags pa dang/ lhag ma dang bcas pa dang/ lhag ma med pa dang/ rnam grang bgyis so/ /de la mtshan nyid kyi ni gang gis 'gag pa dang/ gang 'gag pa dang/ gang du 'gag pa ste/ gang gis 'gag ce na/ lam gyis te/ 'dis 'phags pas so/ /gang 'gags she na/ sgrib pa dang/ gnas
- 286a
don thams cad spangs la/ gzhan skye ba med pa ni 'gags pa'o/ /gang du 'gag ce na/ zag pa med pa'i dbyings su ste/ ci skad du gang du mi 'gag cing kha dog gi 'du shes dang bral ba nas yid kyi bar du 'gag la chos kyi 'du shes dang bral bar 'gyur ba zhes bya ba dang/ de bzhin du/ gang du mig dang rna ba dang/ /de bzhin sna lca lus yid dang/ /de bzhin mig dang gzugs dag kyang/ /ma lus pa pa ni 'gag par 'gyur/ zhes gsungs pa lta bu'o/ /zab pas ni 'du byed de dag nye bar zhi ba las 'gog pa ste/ gzhan dang gzhan ma yin pa dang/ gnyi ga dang gnyi ga ma yin par brjod par ma bya ste/ gzhan nyid yin na ni nga dang/ 'brel pa med pa nyid kyi don gzhan / du gyur par 'gyur ro/ /gzhan ma yin pa nyid yin na ni kun nas nyon mongs pa'i bdag nyid du 'gyur ro/ /gnyi ga yin na ni gnyi gar ro/ /gnyi ga ma yin na ni med par 'gyur ro/ /de ni dag gi lam thams cad la yang dag par 'das pa spros pa med pa ste/ ji skad du/ gnas gtan shA rI bus reg pa'i skye mched drug zad pa las 'dod chags dang bral ba dang/ 'gog pa dang/ nye bar zhi ba dag gzhan yod do snyam na ma spros pa spro bar byed do/ /gzhan med do snyam na ma spros pa spro bar byed do/ /gzhan yod kyang yod la med kyang med pa dang/ gzhan la yod pa yang ma yin med pa yang ma yin snyam na ma spros pa spros par byed pa ste/ ci tsam du skye mched drug po de tsam du spros pa'o/ /bcom ldan 'das kyis ni skye mched drug 'gogs nas spros pa med pa ni mya ngan las 'das pa'o zhes gsungs so zhes bshad pa lta bu'o/ /kun nas nyon mongs pas ni de'i yan lag mya ngan las 'das pa te/ de'i yan lag nyon mongs pa'i rnam pa kun tu
- 286b
spyod pa'i gnas skabs spangs pa'i phyir ro/ /'jig rten pa'i lam gyi sa bon bcom pa'i 'gog pa gang yin pa zhes bya ba'i tha tshig ste/ ji skad du 'dod pa dge las dben pa zhes rgya cher 'byung ba lta bu'o/ /don dam pas ni 'phags pa'i shes rab kyi sa bon bcom pa'o/ /yongs su ma rdzogs pa ni rgyun du zhugs pa'i 'bras bus bsdus? pa nas/ dgra bcom pa la 'jug pa'i bar gyis bsdus pa ste/ kun tu sbyor ba lta ma dang bcas pa'i phyir ro/ /yongs su rdzogs pas ni dgra bcom pa'i 'bras bus bsdus pa ste/ kun tu spyod pa'i lhag ma med pa'i phyir ro/ /rgyan med pas ni shes rab kyis rnam par grol bdag go/ rgyan dang bcas pas ni gnyi ga'i cha las rnam par grol bdag ste/ yon tan gyi khyad par can yod pa'i phyir ro/ /khyad par yod pas ni nyon mongs pa'i sgrib pa las rnam par grol ba/ nyan thos dang/ rang sangs rgyas dag go /khyad par du 'phags pas ni yang dag par rdzogs pa'i sangs rgyas shes bya'i sgrib pa las rnam par grol bas so/ /lhag ma dang bcas pas ni phung po lhag ma dang bcas pa'i mya ngan las 'das pa'i dbyings so/ /lhag ma med pas ni phung po lhag ma med pa'i mya ngan las 'das pa'i dbyings so/ /rnam grangs kyis ni ji skad du/ bcom ldan 'das kyis ma lus par spangs pa/ so sor spangs pa/ mthar byas pa/ zad pa/ 'dod chags dang bral ba/ 'gog pa/ nye bar zhi ba dang/ nub pa dang/ 'dus ma byas pa/ mthong bar dka' ba/ mi g.yo ba/ mdud pa med pa/ 'chi ba med pa/ zag pa med pa/ gnas/ gling/ skyob pa/ dpung gnyen/ ma nyams pa/ rims nad med pa/ yongs su gdung ba med pa bde ba zhi ba/ gzhi bzang po/ bde legs su byed pa/ nad med pa/ mi g.yo ba/ mya ngan las 'das pa zhes gsungs pa ste/ ma lus par spangs pa zhes bya ba ni bstan pa yin la/ lhag ma bshad pa yin no/ /so sor spangs pa ni kun nas dkris pa'i
- 287a
dbang du mdzad nas skyes pa spong ba'i phyir te/ spangs pa ni 'dor ba dang spong ba zhes bya ba'i tha tshig go /mthar byas pa ni lag la nyal mthar byed pa'i phyir te/ bag la nyal ba'i dbang du mdzad nas rtsa ba med na gtan du mi skye ba'i phyir zhes bya ba'i tha tshig go /de yang mthong ba dang sgom pa'i lam gyi gnyen po'i bye brag las rnam pa gnyis su bzhag go /zad pa/ 'dod chags dang bral ba zhes bya ba ni de la mthong ba'i lam gyis bral ba'i dbang du mdzad nas zad la ste/ nyon mongs pa'i phung po chud du tsam lus pa'i phyir ro/ /bsgom pa'i lam gyis 'dod chags dang bral te/ de'i sa ni 'dod chags dang bral bar gyur pas rab tu phye ba'i phyir ro/ /gral ba de gnyis yod na phyi ma la yang sdug bsngal 'gag par 'gyur te mi skye ba'i chos nyid du byas pa'i phyir ro/ /mthong ba'i chos la yid mi bde ba nye bar zhi ba ni kun tu spyod pa med pa'i phyir te/ de bas na de'i 'bras bur gyur pa sdug bsngal rnam pa gnyis spang pa'i dbang du mdzad nas/ 'gag pa nye bar zhi ba zhes gsungs so/ lhag ma gnod pa med pa'i phyir nub pa zhes bya ste/ de ltar byas nam lus pa spong ba bstan par rig par bya'o/ /'dug ma byas ni mtshan nyid gsum dang mi ldan pa'i phyir 'dug byas las log pas so/ /mthong bar dka' ba ni sha dang lha'i mig gis spyod yul las yang dag par 'das pa'i phyir ro/ /mi g.yo ba ni 'gro ba rgyu ba dang mi ldan pa'i phyir ro/ mdud pa med pa ni sred pa gsum dang mi len pa'i phyir te/ 'dod pa dang/ gzugs dang/ gzugs med pa'i sred pa med pas spang pa la mdud pa med pa'i phyir ro/ /mi 'chi ba ni phung po'i bdud dang bral ba'i phyir te/ 'chi ba'i rten phung po med pa ces bya ba'i tha tshig go /zag pa med pa ni nyon mongs pa'i bdud dang bral ba'i phyir ro/ /gnas ni
- 287b
rnam par grol ba'i bde ba dang dga' ba la brten pa'i phyir ro/ /gling ni khams gsum las yongs su chad pa'i phyir te/ /'khor ba'i rgya mtsho chen po nas skam sar gyur pa'i phyir ro/ zhes bya ba'i tha tshig go /skyob pa ni gnod pa thams cad bzlog pa'i phyir te/ de thob na skye ba la sogs pa'i gnod pa thams cad dang bral ba'i phyir zhes bya ba'i tha tshig go /skyabs ni de'i bsam pa dang/ sbyor ba don yod pa nyid kyi gzhi'i gnas su gyur pa'i phyir te der bsams pa dang sbyor ba byas pa don yod pa nyid kyi gzhi'i gnas kyi rten du rung bar gyur zhes bya ba'i tha tshig go /dpung gnyen ni 'phags pa mchog gi kun nas bgrod pa la gzhi'i gnas su gyur pa'i phyir te/ dgra bcom pa nyid thob pa'i thugs kyi dmigs par gyur pa zhes bya ba'i tha tshig go /ma nyams pa ni ma skyes pa nyid kyi nyams pa med pa'i phyir ro/ /rims nad med pa ni 'dod thams cad kyi gnod pa dang gdung ba med pa'i phyir ro/ yongs su gdung ba med pa ni mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa'i yongs su gdung ba med do/ /gsil ba'i phyir ro/ /bde ba ni nad dang/ rga ba dang/ 'chi ba'i 'jigs pa dang bral ba 'phags pa gnas pa'i rten du gyur pa'i phyir ro/ /zhi ba ni dge ba'i chos thams cad kyi rten du gyur pa'i phyir ro/ /gzhi bzang po ni 'jig rten las 'das pa'i bde ba'i gzhir gyur pa'i phyir ro/ /bde legs su byed pa ni sbyar ba bde bas de thob par bya ba la dmigs pa'i ngo bor gyur pa'i phyir ro/ /nad med pa ni nyon mongs pa la sogs pa'i sgrib pa'i nad dang bral ba'i phyir ro/ /mi g.yo ba ni yul la spros pa'i g.yang ba thams cad
- 288a
dang bral ba'i phyir ro/ /mya ngan las 'das pa ni gzugs la sogs pa'i 'du shes thams cad dang bral zhing zhi ba dang bde bar gnas pa'i dmigs pa yin pa'i phyir ro/ /kye ma zhes bya ba'i sgra'i don ci zhe na/ mi dga' ba dang/ snying rje dang/ gdung ba dang/ des pa la sogs pa don mang zhig la snangs te/ kye ma tshe dang ldan pa dag 'di ni bya ba ma yin no/ /zhes ma dga' ba la bya'o/ /kye ma 'jig rten 'di ni nyam nga bar zhugs so zhes snying rje la'o/ /kye ma bdag gi lus dang ngag dang yid kyis sdig pa byas so zhes yongs su gdung ba la bya'o/ /kye ma 'jig rten na gang med pa de dag gis shes par bya'o zhes des pa la'o/ /'dir na kye ma'i sgra nges pa la'o// 'du byed rnams shes bya ba la 'du byed kyi sgra 'di ni bsod nams ma yin pa dang/ mi g.yo ba'i gsal 'jug pa yod de/ ji skad du ma rig pa'i rkyen gyis 'du byed bsod nams dang/ bsod nams ma yin pa dang mi g.yo ba rnams zhes gsungs pa lta bu'o/ /tsho'i 'du byed rnams la yang yod de/ ji skad du sems can thams cad 'du byed kyi gnas so zhes gsungs pa lta bu'o/ /'jug pa'i khyad par la yang yod de/ ji skad du/ gal te ting nge 'dzin 'du byed kyis mngon par zin na zhes gsungs pa lta bu'o/ /phung po bzhi las gzhan pa 'dus byas dang bcas pa la yang yod do/ /zag pa dang bcas pa chos la yang yod te/ ji skad du nge bas na dge slong dag 'du byed rnams mi sdug bsngal lo/ /mya ngan las 'das pa ni zhi ba'o zhes gsungs pa lta bu'o/ /'dus byas thams cad la yang yod de/ ji skad du smras pa thams cad ni zad par 'gyur te
- 288b
'du byed rnams la rtag pa med do zhes gsungs pa lta bu'o/ /tshigs su bcad pa 'di ni 'du byed rnams ni sdug bsngal gyi mtshan nyid la bya bar dgongs te/ de dag nye bar zhi ba bde zhes 'byung ba'i phyir ro/ /rnam pa gcig tu na/ kye ma 'du byed rnams mi rtag /ces bya ba ni 'das pa rnams so/ /skyes nas 'jig pa'i chos can yin zhes bya ba ni ma 'ongs pa rnams te/ skye bar 'dod pa de dag kyang mi rtag pa nyid du 'gyur ro/ /skyes nas 'jig par 'gyur pa ste/ zhes bya ba ni de ltar byung ba rnams te/ de dag skad cig ma yin pa'i phyir chos gnyis yod de skye ba dang 'jig pa'o/ /tshigs su bcad pa 'dis ni mi rtag pa nyid dang sdug bsngal ba nyid rnam pa gsum bstan te/ de la mi rtag pa nyid nam pa gsum mi skye ba'i cha dang/ 'jig pa'i cha dang/ skye 'jig gi cha'o/ /'das pa'i gcig ste 'jig pa'i cha'o/ /ma 'ongs pa'i gcig ste skye ba'i cha'o/ da ltar byung ba'i gnyis te/ skye ba'i cha dang 'jig pa'i cha'o/ /de gnyis kyi phyir 'di skad du/ dge slong dag 'das pa'i gzugs mi rtag na ma 'ongs pa dang/ da ltar byung ba lta smos kyang ci dgos zhes bya ba nas/ rnam par shes pa'i bar rgyas par gsungs so/ /'du byed 'di dag gi sdug bsngal nyid ji ltar brjod ce na/ sdug bsngal nyid rnam pa gsum gyi mi rtag pa gang yin pa de sdug bsngal lo zhes bya ba 'byung ba'i phyir ro/ / 'di la skye ba'i cha'i mi rtag pa nyid la brten nas sdug bsngal gyi sdug bsngal nyid mngon no/ /'jig pa'i cha'i mi rtag pa nyid la brten nas 'gyur ba'i sdug bsngal mngon no/ /skye 'jog mi rtag pa nyid la brten nas 'du
- 289a
byed kyi sdug bsngal nyid mngon no/ /de bas na bcom ldan 'das kyis/ kun dga' bo ngas 'du byed mi rtag pa nyid dang/ /'gyur ba'i sdug bsngal nyid las dgongs nas gang mi rtag par sdug bsngal ba'o/ /zhes gsungs so/ /tshigs su bcad pa'i don bsdus pa las don bsdus pa bcu dgu pa'o// //bsags pa kun mdza' zad pa ste/ mthon po'i mdza' ni ltung ba yin/ /'du ba'i mdza' ni 'bral ba ste/ /'tsho ba'i mdza' ni 'chi ba yin/ /zhes tshigs su bcad pa'o/ /tshigs su bcad pa 'dis ni dngos po rnam pa bzhi'i mi rtag pa nyid bstan te/ dngos po rnam pa bzhi ni gang spyod pa dang/ gang du spyod pa dang/ gang rnams dang lhan cig tu spyod pa dang/ /gang gi don du spyod pa'o/ /ci spyod ce na/ bsags pa rnams te/ 'bru dang/ nor dad pa/ /gos la sogs pa'o/ /gong du spyod ce na/ khyim rnams su'o/ /gang rnams dang/ lhan cig spyod ce na/ mdza' bshes dang/ blon po dang/ nye du dang/ smag gi gnyen mtshams dang ngo/ /ci'i phyir sbyor ce na/ srog gi phyir ro/ /bsags pa kun mdza' zad pa yin/ /zhes bya ba ni gang spyod pa ste/ de mi rtag pa nyid du bstan pa ni/ 'di ltar de'i mdza' zad pa yin no/ /mthon po'i mdza' mi ltung ba yin/ zhes bya ba ni gang du spyod pa ste/ de dag mi rtag pa nyid du bstan pa ni 'di ltar de dag gi mdza' ltung ba yin no/ /'du ba'i mdza' ni 'bral ba ste/ zhes bya ba ni gang rnams dang lhan cig spyod pa ste/ de dag mi rtag pa nyid du
- 289b
bstan pa ni 'di ltar dag gi mdza' bral ba yin no/ /'tsho ba'i mdza' ni 'chi ba yin/ /zhes bya ba ni gang gi don du spyod pa ste/ de mi rtag pa nyid du bstan pa ni 'di ltar 'tsho ba thams cad kyi mdza' 'chi ba yin no/ /dngos po rnam pa bzhi po 'di mi rtag pa nyid yin na gzhan gang 'jig rten na lhag ma rtag pa zhes bya ba ci zhig yod/ rnam pa gcig tu na longs spyod la lhag par chags pa rnams kyi lhag par chags pa de spang ba'i phyir gsungs pa mngon no/ / longs spyod ni gtso bor nor dang/ khyim dang/ sdug pa'i bu dang/ chung ma la sogs pa yin te/ de nyid kyi phyir bcom ldan 'das kyis/ kye ma sems can 'di dag ni nor dang/ khyim dang/ bu dang/ chung ma dang/ bran la srid pas 'khol ba'o zhes gsungs pa'o/ /de dag la go rims bzhin du/ /bsags pa dang/ mthon po dang/ 'du ba'i sgo dang/ bdag nyid kyi lus kyi 'tsho ba'i sgo nas sems can rnams sred de/ de'i phyir 'di dag thams cad mi rtag go zhes bstan to/ /rnam pa gcig tu na tshigs su bcad pa 'dis ci rigs par khams gsum pa'i mi rtag pa nyid bstan te/ bsags pa kun mdza' mdzad pa ste/ 'dod pa'i khams kyi phyogs gcig gi rnam pa nyid bstan te/ 'dod pa na spyod pa'i mi dag pa phal cher nor dang 'bru la sogs pa la longs spyod pa la sogs pas so/ /mthon po'i mdza' ni ltung ba yin/ zhes bya ba ni mtho ba rnams kyi rtse mo ni srid pa'i rtse mo ste/ gzugs med pa'i khams kyi mi rtag pa nyid bstan to/ /'du ba'i mdza' ni bral ba ste/ zhes bya ba ni 'dod pa na spyod pa'i lha rnams mi rtag pa nyid bstan te/ de dag ni 'dod pa dang ldan
- 290a
pa'i dga' bas rab tu phye ba yin no/ /'tsho ba'i mdza' ni 'chi ba yin/ zhes bya ba ni gzugs kyi khams kyi mi rtag pa yin te/ de dag ni rtag pa tshangs pa la rtag pa'i 'du shes dang/ byed pa bor 'du shes so/ /tshigs su bcad pa'i don bsdus pa las don bsdus pa nyi shu pa'o// //'jig rten bde zhing lo legs 'gyur/ /'bru rnams 'byor zhing chos rgyal shog /nad dang gnod pa gang yod pa/ /thams cad rab tu zhi gyur cig /ces tshigs su bcad pa dgra bcom pa pas gsungs so/ /'di ci'i phyir gsungs she na/ gnod pa'i 'jigs pa rnam pa gsum med par smon pa'i phyir dang/ de'i rgyu'i gnyen por rnyed par smon pa'i phyir ro/ /'di na las 'dran ma byed pa'i sems can rnams kyi gnod pa'i 'jigs pa rnam pa gsum dang/ /de'i rgyu'i chos ma yin pa ni pha rol gyi sde'i gnod pa'i 'jigs pa dang/ lo nyes pas gnod pa'i 'jigs pa dang/ nang gyi gnod pas 'jigs pa dang/ de rgyu lus dang ngag dang yid kyi nyes par spyod pa dag pa ste/ 'jig rten bde zhing zhes bya ba ni pha rol gyi sde'i gnod pa'i 'jigs pa med par smon pa'o/ /lo legs 'gyur/ 'bru rnams 'byor zhing zhes bya ba ni/ lo nyes pa'i gnod pa'i 'jigs pa med pa rab tu? smon pa'o/ /nad dang gnod pa gang yod pa/ /thams cad myur du zhi gyur cig /ces bya ba ni nang kyi gnod pa'i 'jigs pa thams cad med par smon pa'o//
- 290b
chos rgyal shog/ /ces bya ba ni de'i rgyu'i gnyen po rnyed par smon pa'o/ /rnam pa gcig tu na rab tu byung ba'i phyogs dang/ khyim pa'i phyogs dang/ gnyis ka'i phyogs las brtsams nas gsungs par mngon no// 'jig rten bde zhing lo legs 'gyur/ ces bya ba ni rab tu byung ba'i phyogs las brtsams pa ste/ lo legs pa ni slongs mo legs par rnyed pa'o/ /chom kun la sogs pa'i 'jigs pa'i g.yang ba dang bral zhing lus dang sems rten par gyur pa'i zas kyis lus dang sems tshim pa de dag rang gi dge ba'i phyogs 'phel ba dang ldan pa'i phyir bde bar gnas shing rang gi don yang nye bar sgrub po 'bru 'byor rgyal ba rgyal bar shog /ces bya ba ni khyim pa'i phyogs las brtsams te/ khyims bdag gi 'bru rnams 'byor pa dang/ rgyal po chos bzhin byed na tshul bar tshul ma yin pa rnams dang/ bya ba shes pa ni chos kyi rgyal ba yin te/ ma dang/ pha dang/ snying du sdug pa dang/ 'khor gyi skye bo mtshungs pa nyid du bde bar gnas pa dang rang gi chos dang/ las kyi mdza' bsgrub pa mchog tu 'gyur ro/ nad dang gnod pa gang yod pa/ /thams cad myur du zhi gyur cig /ces bya ba ni gnyi ga'i phyogs las brtsams te/ gnyi ga'i phyogs kyi lus dang/ sems kyi nang dang gral bar smon pa'o/ /tshigs su bcad pa'i don bsdus pa las don bsdus pa nyi shu rtsa gcig pa'o//
- 291a
bstan bcos kyi tshigs su bcad pa'i don bsdus pa zhes bya ba slob dpon dbyig gnyen gyis mdzad pa rdzogs so// /rgya gar gyi mkhan po d+harmA kar dang/ lo tsA ba bande ye shes snying pos bsgyur te/ zhu chen gyi lo tsA ba bande dpal brtsegs kyis zhus// //bkra shis zhal gro dge'o/ legs so/ /