Text
ff. 1a–373a · 745 folio sides
- 1a
rnal 'byor chen po'i rgyud dpal de kho na nyid bsdus pa'i rgyud kyi 'grel ba de nyid snang ba zhes bya ba bzhugs/
- 1b
de ltar chos kyi phyag rgya'i gtso bor gyur pa'i 'jig rten gsum gyi 'khor lo'i chos kyi dkyil 'khor bstan nas/ da ni las kyi phyag rgya gtso bor gyur pa'i 'jig rten gsum gyi 'khor lo'i las kyi dkyil 'khor gyis 'dul ba'i sems can rjes su gzung ba'i phyir/ de nas bcom ldan 'das zhes bya ba la sogs pa smos te/ de nas zhes bya ba'i sgra ni de ma thag pa ste/ dang por sbyor ba'i ting nge 'dzin gyi rjes thogs la zhes bya ba'i don no/ /'dir dang por sbyor ba'i ting nge 'dzin ni
- 2a
'jig rten gsum gyi 'khor lo'i dkyil 'khor chen por bshad pa nyid gzung bar bya'o/ /bcom ldan 'das zhes bya ba ni rnam par snang mdzad do/ /yang zhes bya ba ni 'jig rten gsum las 'khor lo'i dkyil 'khor la bltos pas na yang zhes bya'o/ /de bzhin gshegs pa thams cad ni las kyi brtson 'grus kyi pha rol tu phyin pa'o/ /'di'i tshig ni 'jig rten gsum gyi 'khor lo'i las kyi dkyil 'khor 'di nyid do/ /de las byung ba ni skyes pa ste/ rdo rje hUM mdzad kyi thugs la gnas pa'i rdo rje rtse lnga pa
- 2b
'bar ba las byung ba'o/ /des byin gyi brlabs pa ni brtan par byas pa'i ting nge 'dzin gang yin pa de skad ces bya ba de la snyoms par zhugs nas/ 'jig rten gsum gyi 'khor lo'i las kyi dkyil 'khor sprul pa'i phyir/ phyag na rdo rje'i thugs kar gnas pa'i rdo rje brtan par byed pa'i rnam par thugs rtse gcig tu mdzad de ces bya ba'i don no/ /'di zhes bya ba ni blo la gnas pa'i ste/ bdag nyid rang gi rigs pa dam pa 'di gsungs pa ni bshad pa'o// // oM badzra karma pra brta ni sa ma ye hUM zhes bya ba ni/ 'jig rten gsum gyi 'khor lo thams cad kyi las kyi dkyil 'khor bskyed pa'i rgyur gyur pa nyid kyis rig pa thams cad kyi nang na mchog tu gyur pas na rig pa dam pa'o/ /de nas byang chub sems dpa' sems dpa' chen po phyag na rdo rje zhes bya ba nas brtsams te/ rdo rje bran ma rnams
- 3a
kyi'o/ /zhes bya ba'i bar du bstan pa ni go sla'o/ /de nas yang bcom ldan 'das zhes bya ba nas brtsams nas bran mo rnams kyi'o/ /zhes bya ba ni bar du bstan pa'i gzhung 'dis ni 'jig rten gsum gyi 'khor lo'i las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis gsungs pa yin no/ /de nas bsdu ba dang byin gyis brlab pa la sogs pa bstan pa ni/ 'jig rten gsum gyi 'khor lo'i las kyi dkyil 'khor gyi las kyi rgyal po mchog ces bya ba'i ting nge 'dzin gsum pa yin par shes par bya'o/ /'jig rten gsum gyi 'khor lo'i las kyi dkyil 'khor du dam tshig dang dbang bskur ba thob pa rnams kyis de las gsungs pa'i dngos grub bsgrub par bya'o zhes bstan pa'i phyir/ de nas phyag na rdo rjes zhes bya ba la sogs pa
- 3b
'jig rten gsum gyi 'khor lo'i las kyi dkyil 'khor gyi slob dpon gyi las kyi cho ga dang/ slob ma 'jug pa'i cho ga rgyas par gsungs pa yin no/ /de nas zhes bya ba ni skabs su bab pa'o/ /phyag na rdo rje ni rdo rje hUM mdzad do/ /yang na zhes bya ba ni chos kyi 'khor lo 10 la bltos pa'o/ /rdo rje'i rigs thams cad ni 'jig rten dang 'jig rten las 'das pa'i las kyi dkyil 'khor 'di gsungs so/ /de nas zhes bya ba ni de ma thag pa ste/ sngar bsnyen pa byas pa'i rjes thogs la zhes bya ba'i don no/ /de'i don ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i cho gas dpal rdo rje hUM mdzad kyi rnal 'byor dang/ de las bshad pa'i rnal 'byor chen po byas la/ de nas 'jig rten gsum gyi 'khor lo'i las dkyil 'khor du gsungs pa'i rig pa rnams re re zhing yang bzlas pa khri bya'o/ /de ltar byas na sngon du bsnyen par 'gyur ro/ /de nas 'jig rten gsum gyi 'khor lo'i las kyi dkyil 'khor du gsungs pa'i ting nge 'dzin la sgom pa sngon du 'gro bas zhag bdun bsgom par bya'o/ /de nas de'i rjes thogs nyid la dkyil 'khor bri ba'am/ 'jig rten gsum gyi 'khor lo'i las kyi dkyil 'khor las gsungs pa'i ting nge 'dzin rnam pa gsum
- 4a
bsgom pa sngon du 'gro bas 'jig rten gsum gyi 'khor lo'i las kyi dkyil 'khor zla ba gcig gam zla ba drug gam/ lo gcig gi bar du bsgom la ji srid mngon sum du gyur pa de srid kyi bar du bsgom par bya'o/ /de nas de'i rjes la dkyil 'khor 'di bri bar bya'o/ /de nas zhes bya ba ni rgyu de'i phyir zhes bya ba'i don no/ /gang gi phyir 'jig rten gsum gyi 'khor lo'i las kyi dkyil 'khor du 'jug pa med na/ des 'dul ba'i sems can gyi khams rnams kyi 'dod pa'i don gyi dngos grub du ni mi 'gyur ba de'i phyir/ rab tu bshad par bya zhing rnam par dbye bar bya'o/ /las kyi dkyil 'khor dam pa ste/ /rdo rje'i dkyil 'khor tshul gyis ni/ /dkyil 'khor thams cad srad bu bre/ /zhes bya ba ni/ 'jig rten gsum gyi 'khor lo'i gzungs kyi dkyil 'khor ni rdo rje'i dkyil 'khor ro/ /'dir de'i tshul gyis las kyi dkyil 'khor 'di thams cad srad bus bre bar bya'o/ /de 'dir bstan pa ni/ grwa bzhi pa la byang phyogs sgo/ /phyi rol dkyil 'khor srad bu bre/ /de yi nang du der yang ni/ /de bzhin sgo ni shar phyogs gdod ces bya ba gsungs so/ /dkyil 'khor mchog gi gnas su phyogs bzhi'i dbus kyi cha thams cad sangs rgyas dbus na bzhugs par bya/ zhes bya ba ni/ sangs rgyas dbus na bzhugs pa rnams ni sangs rgyas dbus na bzhugs
- 4b
ba ste/ dkyil 'khor gyi mchog go /de la rdo rje hUM mdzad dang/ rin chen dang/ chos dang/ las kyi hUM mdzad nyid sangs rgyas su 'dod kyi/ rnam par snang mdzad la sogs pa ni ma yin te/ gang gi phyir 'dir rdo rje hUM mdzad la sogs pa'i gzugs kyis gnas pa'i phyir ro/ /de dag gis ni zhes bya ba ni/ de bzhin gshegs pa bzhi'i rang rang gi phyogs gnyis kar rim pa bzhin du bya'o/ /yang gi sgra ni nges par gzung ba ste rim pa nyid do/ /sems dpa' chen po rnams kyi bzhag ces bya ba ni/ khro bo rdo rje sems dpa' la sogs pa nas/ khro bo rdo rje khu tshur gyi bar du gri bar bya'o/ /de'i zhes bya ba ni/ bshad ma thag pa'i phyir dkyil 'khor de'i'o/ /dbus ni nang kyi dkyil 'khor gyi lte ba'i phyogs su'o/ /rdo rje rig pa dam pa chu dang bcas pa dang/ rdo rje sgeg mo la sogs pa'i mchod pa bzhi/ de'i lha mo rim pa bzhin/ /rdo rje dkyil 'khor tshul bzhin du/ zhes bya ba ni/ nang gyi dkyil 'khor gi go rim bzhin rdo rje gser la sogs pa'i lha mo rnams 'jig rten gsum gyi 'khor lo'i gzungs kyi dkyil 'khor gyi tshul gyi rim pa bzhin du bri bar bya'o/ /ji lta bur gyur pa zhig bri bar bya zhe na/ rang gi phyag rgya 'dra/ /gar byed pa ni bri bar bya zhes bya ba ni/ de la rdo rje gsar dang/ rdo rje gzhon nu ma dang/ rdo rje zhi ba mo dang/ rdo rje khu tshur dang/ rdo rje bdud rtsi dang/ rdo rje mda' dang/ rdo rje dbyug pa dang/ rdo rje rke de bcings dang/ rdo rje 'dru? ma dang rdo rje za ba mo rnams kyi phyag rgya gang yin pa de ni de'i phyag rgya'o/ /rdo rje chu srin ma dang/ rdo rje rul pa mo dang/ rdo rje dus dang/ rdo rje kha dang/ rdo rje 'khyor ma dang/ rdo rje 'bar ba ma dang/ rdo rje 'gyogs pa ma dang/ rdo rje pho nya ma dang/ rdo rje dbang mo dang/ rdo rje mgom rnams kyi phyag rgya gang yin pa de ni lan gyi phyag rgya brjod do/ /lugs su byung ba dang/ lugs bzlog pa'i tshul gyis phyag rgya dang phyag rgya'i lan 'du shes par bya'o/ /de la rdo rje gser gyi gar gyi mchod pa byas la/ rdo rje chu srin gyi gar gyi mchod
- 5a
pas phyag rgya'i lan bya'o/ /de bzhin du rdo rje za ba'i gar gyi mchod pa bya ste/ rdo rje sgo ba ma'i gar gyi mchod pas phyag rgya'i lan gyi bar du bya'o/ /de ltar rang gi phyag rgya dang/ phyag rgya'i lan gyis gar byed pa'i tshul gyis bri bar bya'o ci'i phyir de ltar bri bar bya zhe na/ sangs rgyas rdo rje can mchod phyir zhes bya ba smos so/ /ji ltar bya zhe na/ rdo rje gar gyi tshul gyis so/ /zhes bya ba smos te/ gar byed pa'i tshul du bri bar bya'o /de ltar rdo rje gar byed pa'i tshul gyis glog 'gyu ba lta bu mdun du bskor ba 'di ni rdo rje gar byed pa zhes grags so/ /grwa dang sgo'i phyogs rnams su bdug pa la sogs rim pa bzhin zhes bya ba ni/ phyi rol gyi dkyil 'khor gyi mtshams rnams su bdug pa la sogs pa'i lha mo bzhi dang/ nang gi dkyil 'khor gyi sgor rdo rje glang sna ma dang/ phreng ba ma dang/ phyi rol gyi dkyil 'khor gyi sgor rdo rje dbang dang/ rnam par rgyal ba'i rdo rje dag 'jig rten gsum gyi 'khor lo'i gzungs kyi dkyil 'khor las bshad pa'i cho ga bzhin du bri bar bya'o/ /zhes bya ba 'di ni rim pa bzhin zhes bya ba'i don yin no/ /'di skad ston pa yin te/ sngon po dang/ ser po dang/ dmar po dang/ ljang gu dang/ dkar po'i kha dog gis thig skud so sor kha bsgyur la/ de nyid kyi rim pa bzhin bzhag la hUM traM h+ri(rgyud 'grel): aM a zhes bya ba de bzhin gshegs pa rnam pa lnga'i sa bon gyi yi ge de rnams rang rang gi kha dog gi thig skud de rnams la rim pa bzhin du mi bskyod pa la sogs pa'i de bzhin gshegs pa rnams bkod la bar snang gi phyogs na bzhugs pa rnams las rang gi sa bon las byung ba'i 'od zer dang yang 'bar ba'i lta ba'i lta bas bkugs la lag na gnas pa'i sngon po la sogs pa'i thig skud de rnams bkad la/ a n+yo n+ya a nu ga ta sarbba d+harmma pa ra pa ra a nu pri paSh+Tha sarbba d+harmmA a dya na ta a nu pra biSh+Tha sarbba d+harmmA/ oM sum+b+ha ni
- 5b
sum+b+ha hUM gri h+Na gri h+Na/ grih+Na pa ya grih+NA pa ya hUM/ A na ya ho/ b+ha ga bAn badzra hUM phaT/ zhes bya bas bsgril bar bya'o/ /de nas dris byugs la/ gser la sogs pa'i snod du thig skud de bzhag la/ me tog gtor ba dang/ bdug pa phul la rdo rje bsdams pa gzungs la/ oM badzra sU tra A karSha sa ya sarbba maN+Da la hUM/ zhes bya ba des sngags lan brgya rtsa brgyad bzla bar bya'o/ /de nas rdo rje hUM mdzad dang/ rin chen dang/ chos dang las kyi hUM mdzad kyang bzla bar bya'o/ /de nas rim pa ji lta ba bzhin du g.yon pa'i khu tshur gyis thig skud de blangs la/ oM badzra sU tra A karSha ya sarbba maN+Da la hUM zhes bya ba'i snying po 'dis dkyil 'khor thig gdab par bya'o/ /dang por re shig tshangs pa'i thig gnyis gdab ste/ de nas phyi'i dkyil 'khor zur bzhi pa/ byang phyogs su sgo btod pa thig btab la de'i nang du cha drug tu phye ba las dkyil 'khor gnyis pa cha bzhi pa sgo shar du gtod pa'o/ /dkyil 'khor gnyis pa de'i dbus su de'i phyed kyi tshad rdo rje rig pa dam pa'i gnas thig gdab par bya'o/ /de nas srad bu bres pa der dag pa'i tshon gyis dgang bar bya'o/ /tshon rtsi 'dra pa'i snying po dang/ g.yon pa'i rdo rje khu tshur ches/ /cho ga bzhin du gzung bar bya/ /dang po bris nas phyis ci bder/ /de la 'di ni tshon gyi snying po yin te/ oM badzra DA ka sa ma ya hUM/ tshon rtsi 'bri ba ni tshon rtsi dkar po la yi ge a las/ de bzhin gshegs pa rnam par snang mdzad kyi gzugs brnyan dkar po dang/ sngon po la yi ge hUM las de bzhin gshegs pa mi bskyod pa'i gzugs brnyan sngon po dang/ ser po la yi ge tra las de bzhin gshegs pa rin chen 'byung ldan gyi gzugs brnyan ser po dang/ dmar po la yi ge h+ri las de bzhin gshegs pa 'od dpag med kyi gzugs brnyan dmar po/ /ljang gu la yi ge a las/ de bzhin gshegs pa don yod grub pa'i gzugs brnyan ljang gu bskyed la/ sngar bshad pa'i tshon rtsi byin gyis brlab pa'i phyag rgya dang/ oM badzra rA ka sa ma ya hUM/ zhes bya ba 'di
- 6a
re re zhing lan bdun bdun bzlas par bya'o/ /de la dang por sngon po dang/ de nas ser po dang/ de nas dmar po dang/ de nas ljang gu dang/ de nas thams cad kyi nang du dkar po dkyil 'khor gnyis tshon sna lnga bri bar bya'o/ /de ltar 'jig rten gsum gyi 'khor lo'i dkyil 'khor chen po dang/ gzugs kyi dkyil 'khor rnams la yang shes par bya'o/ /de ltar dkyil 'khor gris la/ dkyil 'khor dbus ma'i dbus su/ rdo rje rig pa dam pa rang gi chung ma dang bcas pa gar byed pa'i sbyor bas gnas pa bri bar bya'o/ dkyil 'khor de nyid kyi shar lho'i mtshams kyi cha la sgeg mo/ /lho nub kyi mtshams su phreng ba ma/ nub byang gi mtshams su glu ma/ byang shar gyi mtshams su gar ma bri bar bya'o/ /dkyil 'khor gnyis pa'i shar phyogs kyi lha'i snam bu'i dbus su rdo rje rtse lnga pa 'bar ba bri ba dang/ de bzhin du lho phyogs dang/ nub phyogs dang/ byang gi phyogs su yang bri bar bya'o/ /de nas shar phyogs kyi rdo rje'i phyag rgya'i byang gi cha la/ rdo rje gser dang rdo rje gzhon nu ma gnyis bri bar bya'o/ /rdo rje'i phyag rgya de nyid kyi lho phyogs kyi cha la rdo rje zhi ba dang/ rdo rje khu tshur ro/ /lho phyogs kyi rdo rje phyag rgya'i shar phyogs kyi cha la rdo rje bdud rtsi dang rdo rje 'ong ngo/ /de'i rdo rje phyag rgya de nyid kyi nub phyogs kyi cha la/ rdo rje dbyug pa dang/ rdo rje rked bcings ma'o/ /nub phyogs kyi rdo rje phyag rgya'i lho phyogs kyi cha la rdo rje pho nya ma dang/ /rdo rje mgyogs ma'o/ /rdo rje phyag rgya de nyid kyi byang phyogs kyi cha la rdo rje 'bar ba dang/ rdo rje 'khyor ma dang/ byang phyogs kyi rdo rje nub phyogs kyi cha la rdo rje kha dang/ rdo rje dus so/ /rdo rje phyag rgya de nyid kyi shar phyogs kyi cha la rdo rje rul pa mo dang/ rdo rje chu srin ma bri bar bya'o/ /de nyid kyi dkyil 'khor gnyis pa me'i mtshams kyi cha la 'jigs ma/ bden bral du dpal mo/ /rlang du dbyangs can ma/ dbang ldan du dka' bzlog ma bri bar bya'o/ /dkyil 'khor de nyid kyi sgo'i dbus su rdo rje 'jug ma dang/ rdo rje za ba mo'o//
- 6b
phyi rol gyi dkyil 'khor gyi lha'i snam bu'i shar phyogs kyi dbus kyi cha la rdo rje hUM mdzad/ de'i byang phyogs kyi logs su khro bo rdo rje sems dpa' dang/ khro bo rdo rje rgyal po'o/ /rdo rje hUM mdzad de nyid kyi lho phyogs kyi cha ba khro bo rdo rje chags pa dang/ khro bo rdo rje legs pa gri'o/ /dkyil 'khor de nyid kyi lho phyogs kyi cha la rin chen hUM mdzad/ de'i shar phyogs kyi legs su khro bo rdo rje rin chen dang/ khro bo rdo rje nyi ma'o/ /de nyid kyi nub phyogs kyi cha la khro bo rdo rje dpal dang/ khro bo rdo rje bzhad pa'o/ /nub phyogs kyi lha'i sna bu'i dbus gyi cha la chos kyi hUM mdzad de'i g.yas kyi phyogs su khro bo rdo rje chos dang/ khro bo rdo rje rnon po'o/ /de nyid g.yon phyogs kyi logs su khro bo rdo rje rgyu dang/ khro bo rdo rje bsrung ba'o/ /de'i byang phyogs kyi lha'i snam bu'i dbus kyi cha la/ las kyi hUM mdzad de'i g.yas phyogs kyi logs su khro bo rdo rje las dang/ khro bo rdo rje bsrung ba'o/ /de'i g.yon phyogs kyi cha la khro bo rdo rje gnod sbyin dang/ khro bo rdo rje khu tshur bri bar bya'o/ /phyi'i dkyil 'khor de nyid kyi me'i mtshams kyi cha la/ rdo rje bdug pa ma dang/ 'jigs ma'i mtshan ma'i phyag rgya bri bar bya'o/ /bden bral du rdo rje me tog ma dang/ lha mo dpal mo'i mtshan ma'i phyag rgya'o/ /rlung du rdo rje mar me dang/ dbyangs can ma'i mtshan ma'i phyag rgya'o/ /dbang ldan gyi mtshams kyi cha la rdo rje dri ma dang/ dka' bzlog ma'i mtshan ma'i phyag rgya bri bar bya'o/ /phyi'i dkyil 'khor gyi sgo'i dbus su rdo rje sgor ma dang/ rdo rje dbang mo dag bri bar bya'o/ /de la rdo rje hUM mdzad dang/ rin chen dang/ chos dang/ las kyi hUM mdzad ni 'jig rten gsum gyi 'khor lo'i dkyil 'khor chen por bshad pa'i phyag rgya chen po/ /'jig rten gsum gyi 'khor lo'i chos kyi dkyil 'khor las bshad pa'i rig pa rnams kyis bri bar bya'o/ /khro bo rdo rje sems dpa' la sogs pa nas/ rdo rje dril bu'i mthar thug pa bri bar bya'o/ /sgeg mo la sogs pa ni 'jig rten gsum las rnam par rgyal ba'i dkyil 'khor chen por
- 7a
bshad pa'i phyag rgya chen por sngags kyi bri bar bya'o/ /rdo rje rig pa mchog la sogs pa nas rdo rje chu srin gyi mthar thug pa ni/ 'jig rten gsum gyi 'khor lo'i las kyi dkyil 'khor du bshad pa'i phyag rgya chen po rig pa rnams kyis bri bar bya'o/ /'jigs ma la sogs pa'i/ oM sarbba badzra ka mi ni sarbba b+hak+She sA d+ha ya gu hya bidzra Ni hUM zhes bya ba ni/ 'jig rten gsum gyi 'khor lo'i gzugs kyi dkyil 'khor las bshad pa'i ma mo thams cad kyi spyi'i rig pa yin no/ /de ltar dkyil 'khor bris nas/ rdo rje hUM mdzad kyi rnal 'byor pas/ khro bo ti rin+ti ri phyag rgya bcings nas/ des me tog gi phreng ba blangs te/ rdo rje shugs kyis zhugs la/ hUM bzhi brjod cing dkyil 'khor du zhugs nas lan bdun bskor ba byas te/ lhag pa dang ma tshang ba'i nyes pa zhi bar bya ba'i phyir/ rdo rje dril bu dkrol zhing blta bar bya'o/ /de nas bcom ldan 'das rdo rje hUM mdzad la me tog gi phreng ba phul nas gar byas te/ blangs la rang gi spyi bor bcing bar bya'o/ /de nas 'jig rten gsum las rnam par rgyal pa'i dkyil 'khor chen po las bshad pa'i sgo dbye ba'i phyag rgyas dkyil 'khor gyi sgo gnyis ka dbye bar bya'o/ /snying po ni 'di yin te/ oM badzra uta g+ha Ta sa ma ya pra be sha shI g+h+raM sma ra badzra sa ma ya hUM phaT/ de nas bum pa la sogs pa'i cho ga rjes su spyad nas/ slob dpon gyi dngos grub kyi rdo rje brtul zhugs kyi mthar thug pa'i rang nyid 'jug pa'i cho ga dang/ slob ma 'jug pa la sogs pa'i cho ga rjes su spyad la/ de nas bdag la byin gyis brlab pa la sogs pa ji lta ba bzhin du byas te/ /dkyil 'khor rdo rjes bsgrub par bya'o/ /de nas bsdu ba byas la/ 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad kyi mtshan brgya rtsa brgyad pas bcom ldan 'das rdo rje hUM mdzad la bstod par bya'o/ /de nas zhes bya ba ni/ de
- 7b
ma thag pa ste/ mtshan brgya rtsa brgyad pas bstod pa'i rjes thogs la zhes bya ba'o/ /'jig rten gsum gyi 'khor lo'i las kyi dkyil 'khor 'dir dgug pa la sogs pa'i las byas nas zhes bya ba ni/ de la 'jig rten gsum gyi 'khor lo'i gzungs kyi dkyil 'khor las bshad pa'i khro bo'i rdo rje lcags kyu'i las kyi phyag rgyas dgug pa'i las ni/ de nyid dang por byas pa'i dgug pa la sogs pa las gang yin pa de byed pa'o/ /'di skad ston pa yin te/ ji skad bshad pa'i khro bo rdo rje lcags kyu'i las kyi phyag rgyas rdo rje hUM mdzad la sogs pa/ dgug pa dang/ de nas 'jig rten gsum las rnam par rgyal ba'i 'khor lo'i gzungs kyi dkyil 'khor las bshad pa'i zhags pa'i phyag rgyas dkyil 'khor du gzhug ba dang/ lcags sgrog gi phyag rgyas bcing ba dang/ 'jig rten gsum gyi 'khor lo'i gzungs kyi dkyil 'khor las bshad pa'i khro bo rdo rje 'bebs pa'i las kyi phyag rgyas dbang du bya'o/ /de nas khro bo rdo rje gnod sbyin gyis bgegs bskrad la/ khro bo rdo rje khu tshur gyis sgo bcad nas/ khro bo rdo rje go chas bsrung ba thams cad yang dag par bsrung bar bya'o/ /de nas rdo rje hUM mdzad kyis mchod yon phul la/ rang gi dam tshig gi phyag rgyas rdo rje hUM mdzad la sogs pa thams cad snga ma bzhin bsgrubs la/ de nas chos dang las dang phyag rgya chen po rnams kyi rgyas btab te/ dbang bskur nas phyi rol gyi mchod pa dang rdo rje sgeg mo la sogs pa mchod pa rnam pa brgyad dang/ rdo rje gser la sogs pa las kyi phyag rgya rnams kyi dkyil 'khor thams cad yang dag par mchod la/ de bzhin gshegs pa thams cad la phyag byas te/ slob ma gzhug pa'i gnad pa gnod par bya'o/ /de nas snga ma bzhin slob ma phyag bzhi bzlas pa'i phyi rol na gnas pa'i chus dbang bskur ro/ /rdo rje 'chang ba'i las kyi dam tshig /phyag rgya ji lta ba bzhin du bcings te/ zhes bya ba ni/ de ltar
- 8a
dbang bskur nas slob dpon rang nyid rdo rje 'chang ba'i sngar bshad pa'i mtshan nyid can bcings la/ slob ma yang 'ching du gzhug go /'di'i snying po ni/ oM sarbba ta thA ga ta badzra d+hA ra grih+na sa ma ya hUM/ 'di skad du smros shig / khyod kyis lha'i rigs ma mthong ba dang/ las mi shes pa su la yang gsang ba'i las ma smra zhig ces bya ba las mi shes pa'i las kyi dkyil 'khor du ma zhugs pa las kyi dkyil 'khor ma mthong ba las mi shes pa zhes brjod do/ /'dir 'chad par 'gyur ba'i las kyi dkyil 'khor las bshad pa'i gsang ba de thams cad brjod par mi bya'o/ /khyod dam tshig nyams par gyur ta re bya ba ni gzir bar 'gyur ba'o/ /de nas yon gyi mchog blangs la/ rdo rje 'dzin pa'i phyag rgyas me tog gi phreng ba 'dzin du bcug ste/ rdo rje slob dpon rang gi las kyi rdo rje 'dzin pa'i dam tshig gi phyag rgya bcings te/ zhes bya ba ni/ slob dpon rang nyid kyis las kyi dkyil 'khor gyi rdo rje 'dzin ma'i dam tshig gi phyag rgya ji lta ba bzhin du bcings te/ khro bo'i lta bas blta zhing slob ma la dbab par bya'o/ /slor ma 'di skad brjod du gzhug go /oM badzra darya zhes bya ba la sogs pa des 'bab par 'gyur ro/ /yang babs na/ bdag nyid 'jug par bya ste/ rdo rje shugs kyi snying po 'dis 'jug par bya'o/ /oM pra be sha badzra pra be sha badzra a be sha badzra a d+hi tiSh+Tha badzra hUM/ /gal te snga ma'i 'jug pas bya'o zhe na/ ma yin te dbab pa tsam yin pa'i phyir ro/ /'di nyid kyis babs nas 'jug par bya'o/ /de nas snga ma bzhin du rdo rje lcags kyu la sogs pa rnams kyis dgug pa dang/ gzhug pa dang/ bcing ba dang/ dbang du bya'o/ /phyag rgya dang lan gyi phyag rgya rnams kyi gar gyi mchod pa mchod par bya'o/ /zhes bya ba ni babs pa'i mthus ma bslabs pa'i slob ma rnams kyang gser gyi phyag rgya 'ching
- 8b
ba dang/ de nas de bkrol na rdo rje chu srin gyi phyag rgya 'ching ba dang/ de bzhin du rdo rje bza' ba ma'i bar gyi phyag rgya bcings te/ de nas dkrol la rdo rje sgo ba ma'i phyag rgya bcing bar byed do/ /de ltar na de ni phyag rgya dang lan gyi phyag rgya rnams kyis gar gyi mchod pas mchod pa yin no de ltar byas par gyur na des ci zhig tu gyur zhen ded phyin chang ces bya ba smos te/ ded nas brtsams te/ las thams cad kyi rdo rje gser la sogs pa'i las byed par 'gyur ro/ /gang rnams kyi bde par 'gyur zhe na/ lus dang ngag dang blta ba dang yid dang/ rdo rje phyag rgya rnams kyis zhes bya ba smos te/ de la lus kyi phyag rgya ni rdo rje hUM mdzad la sogs pa dang/ rdo rje rig pa dam pa la sogs pa rnams kyi phyag rgya chen po'o/ /dag gi phyag rgya ni de dag gi rig pa'o/ /blta ba'i phyag rgya ni khro'o blta ba'o/ /yid kyi phyag rgya ni sgom pa'o/ /rdo rje'i phyag rgya ni rdo rje 'bar ba la sogs pa nas/ klu rdo rje'i klu'i zhags pa'i phyag rgya'i mtshan ma'i phyag rgya'o/ /der 'dod pa zhes bya ba ni/ bsam pa nyid kyis byed pa ste/ 'di ni phan yon bshad pa yin no/ /de nas yang gdong g.yogs pa bkrol te/ zhes bya ba ni/ de nas dus phyis gdong g.yogs bkrol bar bya'o/ /bkrol nas dngos grub kyi rdo rje brtul zhugs kyi bar gyi dbang bskur bar bya'o/ /de'i don ni 'di skad ston pa yin te/ de ltar gar bya zhing mtshad pa byas na yang/ de nas slob ma de la slob dpon gyis 'di skad ces brjod do/ /deng khyod de bzhin gshegs pa thams cad kyi rdo rje'i rigs su zhugs kyis/ ngas khyod la ye shes gang gis de bzhin gshegs pa thams cad rdo rje'i rigs kyi grub pa yang thob na/ dngos grub gzhan lta smos kyang ci dgos te/ khyod kyis las kyi dkyil 'khor ma mthong ba rnams la ma smra zhig /dam tshig nyams par gyur ta re/ de nas rdo rje 'dzin ma'i phyag rgya bcings la 'di skad ces brjod do/ /khyod kyis lha'i rigs ma mthong ba dang las ma shes pa su la
- 9a
yang gsang ba'i las 'di ma smra zhig khyod dam tshig nyams par gyur ta re zhes bya'o/ /de nas rdo rje slob dpon rang nyid rdo rje 'dzin pa'i phyag rgya kha thur dang/ gyen du bstan pa bcings te/ slob ma'i spyi bor bzhag la 'di skad brjod do/ /'di ni khyod kyi dam tshig rdo rje yin gyis/ gal te 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang/ mna'i chu snying po sngags la/ slob ma de mthung du gzhug go /de la mna'i snying po ni 'di yin te/ rdo rje sems dpa' deng khyod kyi/ snying la yang dag zhugs par gyur/ gal te tshul 'di smras na ni/ de ma thag tu dral te gshegs/ oM badzra u ta ka Tha zhes bya ba'i tshul gyis so/ /de nas slob ma la 'di skad bsgo zhig /deng phyin chad khyod kyi phyag na rdo rje da yin gyis ngas 'di byos shig ces bsgo ba gang yin pa de bya dgos so/ /khyod kyi nga la brnyas pa ma byed cig /mi bde ba ma spangs pas dus byas nas dmyal bar ltung bar gyur ta re zhes smras la/ 'di skad du de bzhin gshegs pa thams cad kyis byin gyis brlabs la/ rdo rje sems dpa' bdag la 'bab par gyur cig ces smros shig ces bsgo'o/ /de nas rdo rje 'bebs pa'i phyir rgya dang/ badzra a be sha a zhes bya ba'i snying po 'dis dbab pa bskyed par bya'o/ /de nas me tog dor ro/ / snying po ni 'di yin te/ oM pra tits+tsha a d+hi tiSh+Tha badzra ho/ /de nas me tog gi phreng ba blangs la spyi bor bcings par bya'o/ /snying po ni 'di yin te/ oM pra ti grih+Na swa mi maM satwa ma hA ba la/ de nas de bzhin du gdong g.yogs dgrol lo/ /snying po ni 'di yin te/ oM rdo rje sems dpa' deng khyod kyi/ /mig 'byed pas ni brton par mdzad/ rdo rje'i mig ni bla med pa/ thams cad mig ni ding 'byed shog /he badzra pA sh+ya de nas sgo bsrungs nas brtsams nas/ rig pa dam pa'i bar du dkyil 'khor
- 9b
bstan to/ /de nas rdo rje 'dzin ma'i phyag rgya bcings la/ /de snying gar bkrol du gzhug go /tiSh+Tha badzra dri Dho me b+hA ba shA shwa to me b+hA ba/ h+ri da ya me a d+hi tiSh+Tha sarbba si d+himme pra yats+tsha hUM ha ha ha ha ho/ /de nas chu dbang bskur bar bya'o/ /'di snying po ni/ /oM badzra a b+hi She ka /a b+hi Shiny+tsa badzra d+ha ra tri sa ma ya gra gra /de nas rdo rje dbyings su bshad pa'i/ rdo rje rin chen gyi phyag rgyas dbang bskur la sngar bshad pa'i rdo rje rtse gsum pa la sogs pa'i snying pos rdo rje rig dam pa la sogs pa la byin la/ ming gis dbang bskur bar bya'o/ /rdo rje hUM mdzad la sogs par dbang bskur ba la ni 'jig rten gsum las rnam par rgyal ba'i las kyi dkyil 'khor du bshad pa'i las kyi cho ga bya'o/ /de ltar slob dpon gyis las kyi cho ga dang/ slob ma 'jug pa'i cho ga rgyas par bstan nas/ da ni 'jig rten gsum gyi 'khor lo'i las kyi dkyil 'khor las bshad pa'i dngos grub rnams 'jig rten gsum gi dkyil 'khor chen po las bshad pa'i rnal 'byor dang phyi'i rdo rje rigs kyi bzlas pa byas te/ phyis las kyi dkyil 'khor las bshad pha'i phyag rgya chen po la sogs pa bcing ba 'am/ rdo rje chen po'i rigs kyi rnal 'byor pas/ 'jig rten gsum las rnam par rgyal ba'i dkyil 'khor chen po las bshad pa'i lha'i rnal 'byor byas la bsgrub par bya'o zhes bstan pa'i phyir gar gyi mchod pa'i phyag rgya'i ye shes slob cig ces gsungs so/ /gar gyi mchod pa ni gar gyi mchod pa ste/ 'dir phyag rgya bcing pa'i ye shes te slobs shig par bstan pa'o/ /sangs rgyas rdo rje 'dzin sogs kyi dam tshig gi phyag rgya gnyis bya ste zhes bya ba ni/ de la sangs rgyas ni rdo rje hUM mdzad dang/ rin chen dang/ chos dang/ las kyi hUM mdzad do/ /rdo rje 'dzin ni khro bo rdo rje sems dpa' o/ /sogs pa smos pa ni/ rdo rje rgyal po nas brtsams nas/ rdo rje sgeg mo la sogs pa'i mchod pa
- 10a
brgyad kyi mthar thug pa'i bar du 'dir gzung bar bya'o/ /sangs rgyas rdo rje 'dzin pa rnams ni sangs rgyas rdo rje 'dzin pa ste/ de dang por byas pa ma yin pa de ni sangs rgyas rdo rje 'dzin sogs kyi'o/ /de dag sangs rgyas rdo rje 'dzin sogs kyis zhes bya bar spyar ro/ /dam tshig mchog ni gnyis su bya zhe bya ba ni/ mchod pa'i phyag rgyar gyur pa'o/ /'jig rten gsum las rnam par rgyal ba'i dkyil 'khor chen por bshad pa'i 'jig rten gsum las rnam par rgyal ba la sogs pa'i dam tshig gi phyag rgya nas rdo rje dri'i dam tshig gi phyag rgya'i mthar thug pa'i dam tshig mchod ces brjod do/ /sangs rgyas dang rdo rje 'dzin pa gnyis su byas pas las kyi dkyil 'khor 'di ru de dag gi mchod pa'i phyag rgyar 'gyur ro/ /de rnams kyi las kyi dkyil 'khor mchod par bya zhes bya bar sbyar ro/ /rdo rje lA sye la sogs pas mchod/ /rdo rje rig pa dam pa ste zhes bya ba ni/ rdo rje'i sgra ni nges par gzung ba'o/ /rdo rje sgeg mo la sogs pa ni/ gsang ba'i mchod pa'i phyag rgya'o/ /rdo rje rig pa dam pa ste zhes bya ba ni/ phyag rgya lhag ma rnams so/ /lha thams cad mchod pa byed pa yin no zhes bstan to/ /rig pa 'di rnams thams cad kyang zhes bya ba ni rdo rje gser nas brtsams nas/ rdo rje chu srin gyi bar du gar gyis mchod pas mchod par byed pa'i rig pa rnams yin no zhes bya bar sbyar ro/ /las kyi dkyil 'khor mchod par bya/ ji ltar mchod par bya zhe na/ lta 'og go rim ji bzhin du zhes bya ba smos te/ slob ma 'am gzhan yang rung ba rdo rje gser la sogs pa byed pa na/ slob dpon gyi rdo rje chu srin bcing bar bya'o/ /de bzhin du rdo rje za ba mo 'ching bar byed pa ni slob dpon gyi rdo rje sgo ba mo bcing bar bya'o/ /zhes bya ba ni/ lta 'og go rim ji bzhin du zhes bya ba ni sgra'i don yin no/ /sangs rgyas rdo rje sogs kyi/ /dam tshig mchog ni gnyis su bya/ /
- 10b
mchod pa'i phyag rgyar 'gyur ro zhes bshad pa de ni mi shes te/ ji ltar gnyis su byas nas mchod pa'i phyag rgyar 'gyur ro/ /zhe na/ de bshad pa ni/ rdo rje gar gyi tshul gyis ni/ /phyag rgya chen po mdor bsdus so/ /zhes bya ba smos te/ 'jig rten gsum las rnam par rgyal ba'i dkyil 'khor chen po las bshad pa'i sngags brjod cing/ 'jig rten gsum las rnam par rgyal ba'i dkyil 'khor chen po las bshad pa'i gar bya'o/ /dam tshig mchog ni gnyis byas te/ zhes bya ba ni/ phyag rgya chen po mdor bsdus pa de dag go /rdo rje hUM mdzad dang/ rin chen dang/ chos dang/ las kyi hUM mdzad rnams kyi 'jig rten gsum gyi 'khor lo'i las kyi dkyil 'khor las bshad pa'i rang gi rig pa brjod cing dam tshig gi phyag rgya gnyis su bya'o/ /lan gyi phyag rgya dgrol bar bya ba ni/ khro bo rdo rje sems dpa' i dam tshig gi phyag rgya gnyis su byas nas gang gi tshe slob ma 'am/ gzhan yang rung ba mchod pa byed par 'gyur ba de'i tshe slob dpon gyis khro bo rdo rje khu tshur gyi dam tshig gi phyag rgya gnyis su byas te/ las kyi dkyil 'khor mchod par bya'o/ /de ltar khro bo rdo rje bzhad pa'i dam tshig gi phyag rgya gnyis su byas nas/ gang gi tshe 'ga' zhig las kyi dkyil 'khor la mchod pa byed pa de'i tshe/ slob dpon gyi khro bo rdo rje chos kyi dam tshig gi phyag rgya gnyis su byas nas/ las kyi dkyil 'khor la mchod par bya'o/ /gang gi tshe 'ga' zhig gis rdo rje hUM mdzad kyi phyag rgya gnyis su byas nas mchod pa byed pa de'i tshe slob dpon gyi las kyi hUM mdzad kyi phyag rgya gnyis su bya'o/ /gang gi tshe rin chen hUM mdzad kyi dam tshig /dam tshig gi phyag rgya byed pa de'i tshe slob dpon gyis mchod kyi hUM mdzad kyi dam tshig gi phyag rgya gnyis su byas nas/ las kyi dkyil 'khor la mchod pa bya'o/ /gang gi tshe rdo rje gser gyi phyag rgya byed pa de'i tshe/ rdo rje chu srin gyi phyag rgya bstan
- 11a
par bya'o/ /de bzhin du gang gi tshe 'ga' zhig rdo rje za ba ma 'ching ba de'i tshe/ slob dpon gyis rdo rje sgo ba ma'i bar du phyag rgya bstan par bya'o/ /de ltar na lan gyi phyag rgya dgrol bar bya ba yin no/ /gar gyi mchod pa'i phyag rgya 'di yis ni/ mchod pa'i rgyur gyur pas so/ /gtso bo thams cad ni de bzhin gshegs pa thams cad do/ /rdo rje 'dzin pa che sogs ni khro bo rdo rje sems dpa' la sogs pa'o/ /rdo rje hUM mdzad nas khro bo rdo rje 'bebs pa'i bar gyi mchod pa byed pa yin no/ /zhes bya ba'i don no/ /de ltar gyur pas cir 'gyur zhe na/ las grub par yang nges par 'gyur zhes bya ba smos te/ rdo rje 'chang chen po la sogs pa'i las kyi dngos grub rnams nges par 'gyur ro/ /'di skad ston pa yin te/ gang gi tshe 'ga' zhig rdo rje hUM mdzad kyi dam tshig gi phyag rgya gnyis su byas nas/ gar byed par ston pa de'i tshe slob dpon gyi las kyi hUM mdzad kyi dam tshig gi phyag rgya bcings la/ de bzhin du gnyis su byas pa bstan par bya'o/ /de bzhin du gang gi tshe rin chen hUM mdzad kyi dam tshig gi phyag rgya gnyis su byas nas de bzhin du ston pa de'i tshe/ slob dpon gyis chos kyi hUM mdzad kyi phyag rgya de bzhin du gnyis su byas la bstan par bya'o/ /de bzhin du gang gi tshe khro bo rdo rje sems dpa' i phyag rgya gnyis su byas pa de'i tshe khro bo rdo rje khu tshur gyi phyag rgya'o/ /khro bo rdo rje rgyal po'i phyag rgya byed pa na khro bo rdo rje gnod sbyin gyi phyag rgya'o/ /khro bo rdo rje chags pa'i phyag rgya byed pa na khro bo rdo rje srung ba'i phyag rgya'o/ /rdo rje legs pa'i phyag rgya byed pa na rdo rje las kyi phyag rgya'o/ /rdo rje rin chen gyi phyag rgya byed pa na/ rdo rje bsrung ba'i ba'i phyag rgya'o/ /rdo rje gzi brjid kyi phyag rgya byed pa na/ rdo rje lcags kyu'i phyag rgya'o/ /rdo rje rgyal mtshan gyi phyag rgya byed pa na/ rdo rje rnon po'i phyag rgya'o/ /rdo rje bzhad pa'i phyag rgya byed pa na/ rdo rje chos kyi phyag rgya'o/ /rdo rje sgeg mo
- 11b
byed pa na/ rdo rje gar ma bya'o/ /rdo rje phreng ba ma byed pa na/ rdo rje glu ma bya'o/ /rdo rje bdug pa ma byed pa na/ rdo rje dri chab ma'o/ /rdo rje me tog ma byed pa na/ rdo rje mar me ma'o/ /de bzhin du gnyis su byas la bstan par bya'o/ /de ltar 'jig rten pa'i dam tshig gi khu tshur gar byas pa las byung bas/ rdo rje gser gyi phyag rgya byed pa na/ de nas rdo rje chu srin gyi phyag rgya bya'o/ /rdo rje gzhon nu ma'i phyag rgya byed pa na/ de nas rdo rje rul pa ma'i phyag rgya bya'o/ /rdo rje zhi ba ma'i phyag rgya byed pa na/ de nas rdo rje dus kyi phyag rgya bya'o/ /rdo rje khu tshur gyi phyag rgya byed pa na/ de nas rdo rje khu'i phyag rgya bya'o/ /rdo rje bdud rtsi'i phyag rgya byed pa na/ de nas 'khyor ma'i phyag rgya bya'o/ /rdo rje mdangs kyi phyag rgya byed pa na/ rdo rje 'bar ba ma'i phyag rgya bya'o/ / rdo rje dbyug mchog ma'i phyag rgya byed pa na/ mgyogs ma rdo rje ma'i phyag rgya bya'o/ /rdo rje rked bcings ma'i phyag rgya byed pa na/ rdo rje pho nya ma'i phyag rgya bya'o/ /rdo rje 'ju ma'i phyag rgya byed pa na/ rdo rje dbang mo'i phyag rgya bya'o/ /rdo rje za ba mo'i phyag rgya byed pa na/ rdo rje sgo ba ma'i phyag rgya bya'o/ /'jig rten pa'i dam tshig gi khu tshur gnyis su byas na/ gar byas pa las byung bas phyag rgya bcings par bya'o/ /khro bo rdo rje rig pa dam pa'i phyag rgya byed pa na/ rdo rje ma'i phyag rgya gnyis kyis gar byed pa ni mchod pa'i phyag rgya yin gyis lan gyi phyag rgya ni med do/ /'di dag ni gar gyi mchod pa'i phyag rgya'i ye shes so/ /de la rdo rje hUM mdzad kyi dang/ rin chen dang/ chos dang/ las kyi hUM mdzad dang/ rdo rje rig pa mchog la sogs pa nas/ rdo rje chu srin? gyi mthar thug pa ni 'jig rten gsum gyi 'khor lo'i gzungs kyi dkyil 'khor las bshad pa'i dam tshig gi phyag rgya yin par shes par bya'o/ /khro bo rdo rje sems dpa' nas brtsams nas/ khro bo rdo rje dri ma'i mthar thug pa rnams ni/ 'jig rten gsum las
- 12a
rnam par rgyal ba'i dkyil 'khor chen por bshad pa'i yi ge hUM ni rdo rje hUM mdzad kyi chos kyi phyag rgya'o/ /yi ge tra ni rin chen hUM mdzad kyi chos kyi phyag rgya'o/ /yi ge h+ri ni chos hUM mdzad kyi'o/ /yi ge a ni las kyi hUM mdzad kyi'o/ /hUM he traM taM hi h+ri/ da ha d+he ga ti/ hUM graM ke baM tre a/ rdo rje sems dpa' la sogs pa nas rdo rje khu tshur gyi bar gyi'o/ /ma hA ra ti hUM/ rU pa sho b+ha hUM/ sho ta sau khya hUM/ sarbba pU tse hUM/ pra hlA da ni pha la ga mi hUM/ so ti dzA gri hUM/ sau gand+ha gi hUM/ zhes bya ba sgeg mo la sogs pa nas/ khro bo rdo rje dri chab ma'i bar gyi chos kyi phyag rgya'o/ /phyi rol gyi rdo rje'i rigs rnams ni rang rig pa'o/ /sngar bshad pa'i gar byed pa'i phyag rgya ni 'jig rten dang 'jig rten las 'das pa'i lha thams cad kyi las kyi phyag rgya yin no/ /rdo rje hUM mdzad la sogs pa dang/ rdo rje sems dpa' la sogs pa rnams ni 'jig rten gsum las rnam par rgyal ba'i dkyil 'khor chen po las bshad pa'i phyag rgya chen po yin no/ /rdo rje sgeg mo la sogs pa gsang ba'i mchod pa rnams dang/ rdo rje rig pa dam pa la sogs pa nas/ rdo rje ? srin la mthar thug gi bar du ma b+ha ma dang bcas pas gar byed pa/ sbyor ba can ni 'dir phyag rgya chen po yin no/ /'di'i mdog dang phyag dang mtshan ma rnams kyi nges pa ni phyag rgya 'jig rten gsum las rnam par rgyal ba'i dkyil 'khor chen po'i bstan zin pas de nyid du shes par bya'o/ /'jig rten gsum las rnam par rgyal ba'i dkyil 'khor chen por bshad pa'i lhag ma rnams kyang gzung bar bya'o/ /'jig rten gsum gyi 'khor lo'i las kyi 'grel pa rdzogs so// // de nas zhes bya ba'i sgra ni de ma thag pa ste/ phyi rol gyi rdo rje'i rigs thams cad phyir mi ldog pa'i sa la rab tu bzhag pa'i rjes thogs nyid la'o/ /phyag na rdo rje ni rdo rje hUM mdzad do/ /rdo rje'i rigs de dag thams cad ni phyi rol gyi rdo rje'i rigs thams cad kyis
- 12b
sems can thams cad kyi don la yang dag par sbyor ba'o/ /sems can kyang yin la de thams cad kyang yin pas na sems can de dag thams cad kyi don no/ /'jig rten dang 'jig rten las 'das pa thams cad kyi ji ltar 'dod pa'i dngos grub de sgom pa de sems can gyi don no/ / khyed kyis de ltar yang dag par nges par sbyor zhing yongs su mi gtong pas/ dus 'di nas nye bar gzung ste snying po byang chub la mthar thug gi bar du sems can gyi don mdzad pa'o/ /phyir mi ldog pa'i sa la rab tu bzhag ste zhes bya ba ni/ phyir mi ldog pa rnams bla na med pa yang dag par rdzogs pa'i byang chub thob pa'i lam la gnas pa yin pa de'i phyir/ 'khor ba'i lam la 'jug cing mi ldog pa des ni phyir mi ldog pa'i tha snyad du byed de phyir mi ldog pa med cing mi ldog pa ni phyir mi ldog pa'o/ /sa de la mngon par 'dus byas pas byang chub sems dpa' i sa brgyad pa rtogs par 'gyur ro/ /de'i phyir mi ldog pa'i sa la rab tu bzhag ste/ sems can lhag ma rnams kyi don bya ba'i phyir de bzhin gshegs pa thams cad kyi gsang ba la/ bcom ldan 'das phyag na rdo rjes de bzhin gshegs pa thams cad la zhus pa yin no mkhyen bzhin du zhes bya ba ni/ de bzhin gshegs pa thams cad kyi gsang ba mkhyen du zin kyang sgyu ma rdo rje la sogs pa bcom ldan 'das rnam par snang mdzad kyi lung bstan pa'i de bzhin gshegs pa thams cad kyi gsang ba nyon cig ces pa de gang lags/ nyan pa ni rang nyid nyams su len pa dang/ gzhan la gdams ngag ston pas na/ bdag gsang ba thams cad 'dzin par dbang bskur na zhes bya ba ni bdag nyid gsang ba 'dzin pa'i rgyu mtshan gyis dbang bskur ba yin pas rgyu de'i phyir/ de bzhin gshegs pa thams cad kyi gsang ba de gang lags/ bka' stsol cig pa de/ kun nas bdag gis rtogs par byed pas na bka' o/ /de nas zhes bya ba ni/ de ma thag pa'o/ /de bzhin gshegs pa thams cad kyi gsang ba
- 13a
de'i rdo rje ni de bzhin gshegs pa thams cad kyi gsang ba'i rdo rje ste/ ma chags pa dang ma sdang ba dang ma rmongs pa dang/ 'dod chags la sogs pa'i spyod pa bstan nas/ sems can gyi don mdzad pas na gsang ba'o/ /de la dmigs pa'i ting nge 'dzin ni de bzhin gshegs pa thams cad kyis gsang ba'i rdo rje zhes bya ba'i ting nge 'dzin la snyoms par zhugs shing mngon sum du mdzad pa'o/ /'di zhes bya ba ni blo la gnas pa'o/ /de bzhin gshegs pa thams cad kyi gsang ba 'di gsungs pa ni bshad pa'o/ /ji lta ji ltar 'dul 'gyur ba zhes bya ba ni gang dang gang gi gzugs kyis 'dul zhing rtogs pa la rab tu bzhag pa'o/ /sems can rnams kyi rang bzhin ni zhes bya ba ni/ rang gi bdag nyid du gyur pa'i ngo bor ni rang bzhin te/ de nas rang gi bdag nyid ni rang bzhin no/ /'di skad ston pa yin te/ 'dod chags spyod pa la sogs pa gang yin pa de dag gi 'dod chags kyis 'dod chags spang ba dang/ zhe sdang spyod pa gang yin la de dag la khro bas khro ba spang ba dang/ gti mug spyod pa gang yin pa de dag la khyad 'jug sgyu ma'i gzugs bstan pa la sogs pas 'dul bar byed pa yin no/ /'di nyid bshad pa ni de lta de ltar sems can don zhes pa la sogs pa ste/ 'dod chags la sogs pa'i spyod pa bstan pa de dang nges/ de lta de ltar sems can gyi don byas pas/ sems can mngon par 'dod pa'i don yongs su rdzogs par 'gyur ro/ /ji ltar byed ce na/ 'dod chags la sogs gtsang bas bya zhes bya ba gsungs te/ thugs rje chen po gzhan gyi dbang gis ma chags pa dang/ ma sdang ba dang ma rmongs pa yin pa'i phyir ro/ /sems can kun la phan pa'i phyir ni/ bde ba'i rnam par smin pa'i las de'i phyir dang/ sangs rgyas rnams kyis bstan pa'i
- 13b
phyir 'di ltar sems can yongs su sbyang ba'i phyir khyad kyis bsang bar bya'o/ zhes gnang ba mdzad pa'i rgyu mtshan 'dis bsad pa ni rgyal bar byed pa nyid yin no/ /gang las she na sems can thams cad la'o/ /srog gcod pa'i kun nas slong pa'i sdig ?? par mi gyur zhes bya ba ni/ thugs rje gzhan gyis dbang gis phan pa dang bde ba la nges par sbyor ba'i gsod pa yin pa'i phyir ro/ /sems can thams cad phan phyir dang/ zhes bya ba ni snga ma bzhin no/ /sangs rgyas rnams kyi don ni sangs rgyas don te/ pha rol po longs spyod dang rgyags pas drags pa'i phyug pa de las nyams par byas nas bstan pa la gnas par bya ba'i phyir ro/ /de'i don la sbyor bas sangs rgyas kyi don du rab tu sbyor ba de'i phyir sangs rgyas kyi 'bras bu la rab tu sbyor ba ni/ sangs rgyas kyi don du sbyor ba'o/ pha rol nor rnams phrogs pa ni rgyal po la sogs pa'i 'o/ /ma byin par len pas kun nas blang ba'i sdig pas rnal 'byor pa de la gos par mi 'gyur ro/ /'dod chags dra ba'i bde ba med ces bya ba ni/ de la 'dod chags ni chos bdag med pa'i chags pa ste/ mi dmigs pa'i thugs rje chen po'o/ /de skad du yang/ chos bdag med pa'i chags pa yi/ /mkhas pa rnams ni dga' bar byed ces gsungs so/ /'dra ba mtshungs pa ste bde ba gzhan na med pa'o/ /de lta bur gyur pa'i bde ba de rgyal ba rnams dang de bzhin gshegs pa rnams la phul bar sgom pa'i stobs kyis mngon sum du byas pa'o/ /sems can gyi phyir sems can thams cad la phan pa dang bde ba dang dngos grub dam pa'i rgyu'i phyir ro/ /gzhan gyi chung ma gzhan gyi bud med do/ /gzhan gyi bud med mchog tu gyur pa ni phyag rgya chen po dang dam tshig dang chos dang las kyi phyag rgya'i gzugs so/ /bsten pa ni sgom bsod nams thob par 'gyur zhes bya ba ni rnyed par 'gyur ba'o/ /de la bsod nams zhes bya ba ni dag byed
- 14a
kyi bsod nams te bzung ba dang 'dzin pa'i dri ma 'khrud par byed pa zhes bya ba'i don no/ /de yang chos thams cad rang bzhin gyis rnam par dag pa'o/ /zhes bya ba'i ting nge 'dzin 'di mngon par 'dod pa'i phyir ro/ /sems can kun la phan phyir dang/ /sangs rgyas rnams kyis bstan pa'i phyir/ zhes bya ba ni snga ma bzhin no/ /las rnams thams cad byas pa yis/ zhes bya ba ni/ sbyor ba dang/ yongs su spyong ba dang/ so sor rtog pa dang nan tan du byed pa'i brtson 'grus kyi rang bzhin rnam pa bzhi'i brtson 'grus kyi pha rol tu phyin pa'i las thams cad ni las thams cad do/ /thams cad kyis sems can thams cad la phan pa dang bde ba dang dngos grub byed pa'i rgyu'i phyir ro/ /byams pa'i zhes bya ba ni sgom pa'o/ /shin tu phul du byung bar gyur pa nam mkha' i khams thams cad khyab pa'i bsod nams bya ba nan tan grub pa'i ye shes kyi mtshan nyid thob cing rnyed pa'o/ /yang na srog bcad pa dang ma byin par len pa rnams ni bcom ldan 'das kyis rnam grangs gzhan du gsungs pa ltar bshad par bya'o/ /de la byang chub kyi sems kyi mtshan nyid rtogs pas sems can du 'dzin pa bsad pa na sems can thams cad bsad pa'o/ /'dis bsang ba'i sems can rnams mi bskyod rdo rje'i sangs rgyas kyi zhing khams su rgyal ba'i sras su 'gyur ro/ / zhes gsungs so/ /nam mkha' dang mnyam pa nyid kyi ye shes kyi sems can thams cad kyi rgyud kyi nyon mongs pa'i bag chags 'phrog pas na/ pha rol nor rnams 'phrog pa ste/ nyon mongs sems can nor bshes zhes bshad ces gsungs so/ /nyon mongs 'jig rten khams rnams kyi/ /dbang byas khro ba cher sprul nas/ /blo ldan rdo rje mgon po yis/ /rtog pa'i rgyal po 'di gsungs so/ /sems can khro ba rab grub phyir/ /dri ma med pa'i de nyid ni/ /snang
- 14b
byed dge ba 'di bshad las/ bdag gis bsod nams gang bsags pa/ /de yis 'jig rten ma lus pa/ /rdo rje khro chen kun dga' che/ /snying po bsam mi khyab chen gtso/ /rdo rje hUM mdzad gtso gyur cig de kho na nyid snang ba zhes bya ba phyi rol gyi rdo rje rigs kyi bshad pa rdzogs so// //de ltar khro bas khro ba spang ba'i phyir/ gnang ba nos pas de'i rjes su 'jug pa'i rdo rje rigs chen po dang phyi'i rdo rje rigs des 'dul ba'i sems can rjes su gzung ba'i phyir/ dam tshig gi phyag rgya gtso bor gyur pa bstan nas/ da ni gti mug gi gnyen por gyur pa shes rab kyi pha rol tu phyin pa/ chos kyi phyag rgya gtso bor gyur pa'i pad+ma'i rigs des 'dul ba'i sems can rjes su gzung ba'i phyir/ de nas yang de bzhin gshegs pa thams cad ces bya ba la sogs pa gsungs pa las/ de nas zhes bya ba'i sgra ni/ de ma thag pa ste dang po sbyor ba'i ting nge 'dzin gyi rjes thogs la zhes bya ba'i tha tshig go /'dir dang po sbyor ba'i ting nge 'dzin ni/ rdo rje dbyings las gsungs pa'i dang po sbyor ba'i ting nge 'dzin gyi thog tu rdo rje sems dpa' dang/ rdo rje snying po dang/ pad+ma'i rigs kyi bdag po rdo rje spyan dang/ rdo rje spyan gnyis pa rdo rje sna tshogs sprul pa mnan pa yin par shes par bya'o/ /de ltar yang ji ltar shes she na/ gang gi phyir/ byang chub sems dpa' sems dpa' chen po spyan ras gzigs kyi dbang pos de bzhin gshegs pa thams cad kyis gsol ba btab pa'i tshig thos nas/ bcom ldan 'das shAkya thub pa de bzhin gshegs pa ga la ba der mngon du phyogs te/ 'dug nas/ de nas bcom ldan 'das kyis byin gyis brlabs pa'i rjes thogs la phyag na rdo rje dang/ rdo rje snying po dang/ rdo rje lta ba dang/ rdo rje sna tshogs su byin gyis brlabs te/ de nas des byin gyis brlabs pas de thams cad tha dad par gyur to/ /thams cad kyi gzugs stan pa'i ting nge 'dzin la snyoms par zhugs nas/ pad+ma'i
- 15a
rigs sprul bar mdzad do zhes de ma thag tu 'chad par 'gyur ba'i phyir ro/ /thams cad kyang yin la de bzhin gshegs pa yang de yin pas na de bzhin gshegs pa thams cad de/ 'jig rten gyi khams thams cad kyi rdul phra mo dang mnyam pa'i rnam par snang mdzad dang mi bskyod pa dang/ rin chen 'byung ldan dang/ 'od dpag tu med pa dang/ don yod grub pa la sogs pa sangs rgyas bcom ldan 'das rnams yang gcig tu 'dus zhes bya ba ni/ sngar rdo rje rigs 'dul pa'i phyir 'du bar mdzad nas/ rdo rje sems dpa' la sogs pa btab pa yin la/ da ni 'chad par 'gyur ba la bltos pas yang gi sgra smos so/ /'du zhing tshogs par mdzad pa de ni gcig tu 'dus bcom ldan 'das ni bdud bzhi las rgyal ba'o/ /phyag na rdo rje de nyid ces bya ba ni/ de bzhin gshegs pa thams cad kyi thugs la gnas pa'i rdo rje sems dpa' i gzugs can rdo rje 'chang ba chen po'o/ /chos thams cad kyi bdag po ni chos kyang yin la thams cad kyang de yin pas chos thams cad de pad+ma'i rigs kyi gzugs can gyi sangs rgyas la sogs pa'o/ /de'i bdag po ni mnga' bdag ste/ thams cad byed pas na chos kyi dbang phyug go /spyan ras gzigs kyi dbang po zhes bya ba ni chos thams cad kyi rang bzhin gyis rnam par dag pa'o zhes so sor rtog pa dang/ sems can thams cad yongs su skyob pa la gzigs pas na/ spyan ras gzigs so/ /de la dbang ba ni spyan ras gzigs kyi mnga' bdag yin pas na spyan ras gzigs kyi dbang phyug go /'dis zhes bya ba ni 'chad par 'gyur ba de bla la gnas pa'o/ /de bzhin gshegs pas mtshan brgya rtsa brgyad pa des gsol ba btab pa ni don du gnyer ba'o/ /'di skad ston pa yin te/ rdo rje 'chang chen po de nyid
- 15b
spyan ras gzigs dbang po'i gzugs 'dzin pa la de bzhin gshegs pa thams cad kyi pad+ma'i rigs sprul pa'i phyir mtshan brgya rtsa brgyad pas gsol ba 'debs pa yin gyis la gnas pa'i byang chub sems dpa' ni ma yin no/ /pad+ma che zhes bya ba ni rang bzhin gyis rnam par dag pa'o/ /sems dpa' ni pad+ma'i sems dpa' o pad+ma che zhes bya ba ni rang bzhin gyis rnam par dag pa'i gzugs des thams cad du sod bsan pad+ma chen po'o 'jig rten dbang po zhes bya ba ni/ 'jig rten dbang phyug gi gzugs kyis bzhugs pa de nyid 'jig rten dbang po'o/ /dbang phyug che zhes bya ba ni/ dbang phyug chen po gzugs kyis 'dul ba rnams la don yod par bzhag pa'i gzugs kyis bzhugs pas na dbang phyug chen po'o/ /spyan ras gzigs dbang zhes bya ba ni/ chos thams cad rang bzhin gyis rnam par dag pa'o zhes gzigs pa dang sems can la gzigs pa 'di la mnga' bas na de ni 'dir spyan ras gzigs kyi dbang po zhes bya'o/ /brtan pa'i mchog ces bya ba ni/ brtan pa ni 'jig pa med pa'o/ /de dag gi mchog ni shes rab kyi pha rol tu phyin pa'i ting nge 'dzin gyi rang bzhin gyis gzung ba dang 'dzin pa'i rnam par rtog pa skrag pa dang rtag tu bral ba'i phyir ro/ /rdo rje chos zhes bya ba ni/ rdo rje ni ston pa nyid kyi ting nge 'dzin to/ /de'i chos ni gzugs sna tshogs bstan nas/ sems can gyi don mdzad pas na spyan ras gzigs dbang phyug ste/ rdo rje chos ni rdo rje chos so/ /yang na rdo rje dang chos ni rdo rje chos te/ stong pa nyid ni gzugs so/ /gzugs nyid ni stang ba'o/ /zhes gsungs te bdun no/ /chos kyi rgyal po zhes bya ba ni/ nam mkha' mnyam pa'i ye shes ni chos so/ des 'jig rten gyi khams kyi bdag po'i gzugs kyis rgyal po ltar gsal bar byed pas na chos kyi rgyal po'o/ /dbang po che zhes bya ba ni/ de nyid kyis nam mkha' dang mnyam pa'i ye shes kyi gzugs kyis thams cad du song ba'i phyir dang bag chags dang bcas pa'i nyon mongs pa
- 16a
spangs pa'i phyir/ dag pa yang yin la chen po yang yin pas na dag pa chen po/ /sems dpa' rgyal po ni pad+ma'i rigs thams cad kyi lha sems dpa' i gzugs 'dzin pa'i rgyal po ni sems dpa' i rgyal po ste/ de dag gi spyi bor 'od dpag tu med pa'i gzugs kyis bzhugs pa'i phyir ro/ /blo gros che zhes bya ba ni/ shes rab kyi pha rol tu phyin pa'i tshul gyis bzhugs pas na de bzhin gshegs pa thams cad kyi blo gros chen po'o/ /pad+ma'i bdag nyid ces bya ba ni/ rang bzhin gyis rnam par dag pa'i ting nge 'dzin gyis pad+ma nyid dri ma thams cad dang bral ba'i phyir/ pad+ma'i bdag nyid ni de'i rang bzhin du gyur pas na pad+ma'i bdag nyid do/ /pad+ma che zhes bya ba ni/ rang bzhin gyis rnam par dag pa'i gzugs de nyid thams cad du song ba'i phyir/ pad+ma yang yin la chen po yang yin pas na pad+ma che'o/ /pad+ma'i mgon po zhes bya ba ni/ pad+ma'i rigs kyi pad+ma'i de'i mgon po ni pad+ma'i mgon po'o/ /des pad+ma'i rigs la sogs pa dbang du byed pa ste/ mtshan bdun no/ / pad+ma las 'byung zhes bya ba ni/ pad+ma'i rgyu las byung bas na pad+ma las byung ngo/ /pad+ma'i rigs thams cad rdo rje pad+ma'i gzugs las byung ba'i phyir ro/ /pad+ma? bzang 'od ces bya ba ni/ pad+ma'i rnam pa can gyi 'od zer 'byung ba'i phyir ro/ /de skad du yang de bzhin gshegs pa thams cad kyi thugs ka nas pad+ma lta bu'i 'od zer kha dog dang/ gzugs dang/ rtags dang spyod lam rnam pa du ma 'byung ste/ 'phags pa spyan ras gzigs dbang po'i thugs kar zhugs so zhes 'chad par 'gyur ro/ /pad+ma dag pa zhes bya ba ni/ pad+ma yis dag pas na pad+ma dag pa ste/ rang bzhin gyis rnam par dag pa'i ting nge 'dzin gyi dri ma thams cad spangs pa'i phyir ro/ /rab dag byed ces bya ba ni shin tu dag par byed pa'i phyir na rab dag go /pad+ma'i ting nge 'dzin
- 16b
des rang dang gzhan gyis bag chags dang bcas pa'i nyon mongs pa'i dri ma 'khru bar byed pa'i phyir ro/ /rdo rje pad+ma zhes bya ba ni rdo rje pad+ma'i gzugs kyis so/ /pad+ma mchog sku zhes bya ba ni/ pad+ma bzang po ni pad+ma mchog ste/ bcom ldan 'das kyi phyag rgya'i gzugs so/ /de'i sku mdog dkar dmar gyi sku mnga' ba ni pad mchog sku'o/ /pad+ma pad+ma zhes bya ba ni bcom ldan 'das 'od dpag tu med pa pad+ma'i ting nge 'dzin la bzhugs pa gang yin pa de la pad+ma'i pad+ma zhes phyis 'chad par 'gyur ro/ /de skad du yang/ bdag nyid kyis ni bdag nyid dang/ /rdo rje chos kyi ting 'dzin gnas/ /pad+ma'i pad+ma bsgoms na ni/ /bzang mi shes pa'i go 'phang thob/ /ces 'chad par 'gyur bas te gzugs su bya ba yin te mtshan bdun no/ /sna tshogs chen po zhes bya ba ni sna tshogs kyang yin la chen po yang yin pas na/ sna tshogs chen po ste thams cad kyi gzugs 'dzin pa'i 'gro ba 'dul ba'i rang bzhin no/ /snang ba che zhes bya ba ni/ snang ba yang yin la chen po yang de yin pas na snang ba che ste/ pad+ma nyi ma'i 'od kyis nam mkha' thams cad 'gengs pa'o/ /dgos pa chen po zhes bya ba ni/ dgos pa chen po 'di la mnga' bas na dgos pa che ste/ sems can gyi don du des thams cad pa'i gzugs bstan nas nam mkha' thams cad 'gengs pa'o/ /de dang mtshungs zhes bya ba ni chen po ni de bzhin gshegs pa'o/ /'di'i dpe de dang mtshungs pas na che dang mtshungs pa ste/ de bzhin gshegs pa mtshungs zhes bya ba'i don no/ /sku dang gsung dang thugs rdo rje ltar gyur pa nam mkha' i khams thams cad du rtag tu bzhugs pa'i gzugs dang mtshungs pa'o/ /brtan pa chen po zhes bya ba ni/ rang bzhin gyis rnam par dag pa'i ting ne 'dzin gyi ngo bo des nam mkha' i khams thams cad du khyab cing skrag pa med pas na bstan pa chen po'o//
- 17a
dpa' bo che zhes bya ba ni/ rang nyid dri ma med pa'i rdo rje 'chang ba'i gzugs kyis dmigs pa thams cad la spyod pa'i sems can skrag cing 'jigs par byed pas na dpa' bo che'o/ /dpa' chen zhes bya ba ni/ dpa' ba ni gzi brjid ste/ gzi brjid can rnams kyi nang na gzi brjid che bas na/ dpa' chen no/ /rdo rje nyi ma 'khor lo sgyur ba'i rgyal po'i gzugs kyis rgyal srid thams cad 'phrog par byed pas na dpa' bo che ba ste mtshan bdun no/ /sems can bsam pa zhes bya ba ni sems can thams cad kyi sems kyi 'dod pa gang yin pa la bsam pa zhes bshad do/ /theg pa che zhes bya ba ni/ sems can thams cad kyi sems de nyid goms pa'i stobs kyis byang chub sems dpa' i lam gyi rang bzhin 'bras bu dang bcas bar 'gyur ba de'i phyir theg pa che'o/ /rnal 'byor chen po zhes bya ba ni/ brtan pa dang g.yo ba'i dngos po thams cad kyi rang bzhin ni rnal 'byor che'o/ /de skad du yang phyag rgya chen po'i ting 'dzin gyis/ /de nyid chen po brjod byed cing/ /thams cad re re'ang bdag yin par/ /sgom pa sems dpa' i sbyor pa'o/ /zhes 'chad par 'gyur ro/ /tshangs pa'i gzugs kyis 'dul ba'i sems can rnams 'dul bar byed pa na/ mes po che'o/ /bde za zhes bya ba ni/ sham ni bde ba'o/ /de la sbyong pas na za ba'o/ /yang na lha chen po 'dul ba'i sems can rnams rjes su gzung ba'i phyir/ de'i gzugs ston pas na bde za'o/ /bde byed ces bya ba ni/ bde bar byed do/ /dag pa'i don zhes bya ba ni/ dag pa'i chos de dbyings de nyid 'di la mnga' bas na dag pa'i don no/ /sangs rgyas pad+ma zhes bya ba ni/ rdo rje sems dpa' gnas su 'byung ba ste/ sangs rgyas kyang yin la pad+ma yang yin pas na sangs rgyas pad+ma ste mtshan brgyad do/ /chos kyi de nyid don
- 17b
ni/ pad+ma'i rigs kyi dkyil 'khor te/ de rnams kyi de kho na nyid mi chos kyi de nyid do/ /mi mnyam med pas zur bzhi mnyam zhes bya ba la sogs pas bshad zin pa de'i don ni 'dir chos kyi de kho na nyid kyi don no/ /dam pa'i chos ni dam pa na sangs rgyas dang byang chub sems dpa' rnams kyi chos yin pas na dam pa'i chos te/ pad+ma'i rigs kyi dkyil 'khor ro/ /dag pa'i chos zhes bya ba ni/ dkyil 'khor de nyid kyis 'dod chags la sogs spong ba de'i phyir/ dag pa yang yin la chos kyang de yin pas dag pa'i chos so/ /chos rab byed ces bya ba ni/ pad+ma'i rigs kyi dkyil 'khor de nyid pad+ma'i rigs kyi ting nge 'dzin des bskyed par byed pa'i phyir ro/ /bzang po ni chos byed pa'i phyir chos rab byed do/ /chos chen po zhes bya ba ni/ pad+ma'i rigs kyi dkyil 'khor de nyid rgyud phyi ma'i phyi ma las bshad pa'i tshul gyis thams cad du song bas na chos kyang yin la chen po yang yin pas na chos chen po'o/ /tshes bzang mchog ces bya ba ni/ chos dge ba'i chos ni chos bzang po te/ shes rab kyi pha rol tu phyin pa'i chos de'i mchog ni chos bzang mchog ste dkyil 'khor nyid do/ /chos kyi 'khor lo zhes bya ba ni pad+ma'i rigs kyi dkyil 'khor thams cad kyi rang bzhin du 'gro ba yin pa de'i phyir chos kyi 'khor lo mtshan bdun no/ /sangs rgyas sems dpa' zhes bya ba ni sangs rgyas ni nye bar mtshon pa ste/ sangs rgyas kyi sems dpa' ni sems can no/ /de bzhin gshegs pa 'od dpag tu med pa'i spyi bo na bzhugs pa des nye bar mtshon pa'i phyir ro/ /sems bzang mchog ces bya ba ni/ dge ba'i sems ni sems bzang ste/ sangs rgyas pad+ma la sogs pa de dag gi mchog tu gyur pas na sems bzang mchog ste pad+ma'i rigs kyi bdag po'o/ /chos kyi sems dpa' zhes bya ba ni/ chos thams cad rang
- 18a
bzhin gyi dag pa las byung ba'i chos kyi sems ni sems dpa' i chos so/ /sems mchog 'dzin ces bya ba ni/ dge ba'i sems ni sems kyi mchog ste sems can kun gyi sems gang yin/ brtan phyir sems dpa' zhes brjod do/ /zhes gang 'chad par 'gyur ba 'dir sems dpa' i mchog 'dzin pa des na sems can mchog 'dzin zhes bya ba/ sems dpa' dam pa zhes bya ba bshad ma thag pa'i rdo rje dang mtshungs pa'i sems de nyid rdo rje gzugs can yin pas na sems dpa' dam pa'o/ /sems mchog ces zhes bya ba ni/ bshad ma thag pa'i sems dpa' dam pa de nyid legs par shes pas na sems mchog ces so/ /sems can sems dpa' zhes bya ba ni/ rdo rje'i bdag nyid du bsgoms pas zla ba'i dkyil 'khor gyi steng du sems rdo rjer gyur pa de nyid sems dpar byin gyis brlabs pa'i sbyar bas rdo rje sems dpar gyur pa'i sems ni sems dpa' zhes bya'o/ /mtshan bdun no/ /spyan ras gzigs dbang zhes bya ba ni rang bzhin gyis rnam par dag pa'i so sor rtog par de bzhin gshegs pa thams cad kyis gzigs pa'i phyir/ spyan ras gzigs so/ /spyan ras gzigs kyi dbang phyug gi gzugs 'dzin pas na spyan ras gzigs dbang ngo/ /mgon po mchog ces bya ba ni/ byang chub sems dpa' sems can skyabs dang mgon bde ba de dag gi nang na mchog yin pas na mgon po mchog go /mgon po chen po zhes bya ba ni mgon po yang yin la chen po yang yin pas na mgon po chen po ste/ thams cad kyi gzugs su bstan nas sems can thams cad yongs su skyob pa'i phyir dang/ thams cad du 'gro ba'i phyir ro/ /rnam par gzigs zhes bya ba ni bye brag du gzigs pa na rnam par gzigs so/ /gang la yongs su bskyab pa'i don
- 18b
yin zhe na/ snang ba zhes bya ba smos te/ ye shes kyi snang bas so/ /sems can dang snod kyi 'jig rten gyi gzugs kyis sems can gyi don byed pas na snang ba'o/ /'jig rten don zhes bya ba ni 'jig rten pas don du gnyer ba ni 'jig rten don no/ /'jig rten mgon khyod ces bya ba ni/ ming gi sgo nas/ 'di skad brtags pa yin no/ /mtshan brgyad do/ /'jig rten yi ge ces bya ba ni/ 'jig rten yi ge ni 'jig rten yi ge ste/ mi zad pa'i phyir na yi ge ces bya ba'i tha tshig go /yi ge che zhes bya ba ni/ mi zad pa'i phyir yi ge che ste/ yi ge chen po ni chos kyi dbyings kyi rang bzhin gyis thams cad du song ba'i phyir/ zhes bya ba'i don no/ /yi ge mchog ces bya ba ni/ 'jig rten pa 'ga' zhig yi ge 'ga' zhig 'dod pa de dag gi nang na mchog yin pas na mdzes pa'o/ /yi ge 'dra zhes bya ba ni/ de bzhin gshegs pa de'i gzugs dang 'dra ba'i yi ge de la 'di skad ces brjod do/ /yi ge'i yi ge zhes pa ni/ de bzhin gshegs pa'i sprul pa'i sku ni yi ge'o// yi ge de dag gi yi ge ni longs spyod rdzogs pa'i skus rtag tu gnas pa'i phyir ro/ /thams cad spyan zhes bya ba ni/ thams cad spyan ni spyan lnga ste thams cad spyan zhes bya'o/ /'khor lo yi ge ces bya ba ni/ gdul bya'i sgo bo'i rgyud la rim gyis 'pho bas na 'khor lo ste/ stong pa nyid dang mtshan ma med pa dang smon pa med pa dang/ rang bzhin gyis 'od gsal ba'i rnam par thar pa'i sgo de nyid ma zad pas na yi ge ste/ de'i rang bzhin nyid yi ge 'khor lo'i mtshan bdun no/ /phyag na pad+ma zhes bya ba ni phyag na pad+ma mnga' ba ni phyag na pad+ma'o/ /phyag chen po zhes bya ba ni/ phyag chen po mnga' bas na phyag chen po ste/ nam mkha' i khams kyang phyag gis khyab pa'o/ /dbugs 'byin pa zhes bya ba ni/ ngan song
- 19a
du song ba dang/ mya ngan dang/ shi ba la sogs pa'i 'jigs pas skrag pa'i sems can rnams bsrung ba'i phyir na dbugs 'byin pa'o/ /sbyin pa po zhes bya ba ni nam mkha' i snying po'i ting nge 'dzin gyis sems can thams cad kyi bsam pa yongs su rdzogs par mdzad pa'o/ /sangs rgyas chos zhes bya ba ni/ theg pa gsum ston pa'i chos kyi ngo bo yin pa'i phyir ro/ /sangs rgyas rnams kyi chos ni sangs rgyas chos so/ /sangs rgyas che zhes bya ba ni/ rnam par snang mdzad chen po'i gzugs kyis thams cad du song bas na/ sangs rgyas kyang yin la chan po yang yin pas na sangs rgyas chen po'o/ /sangs rgyas bdag nyid ces bya ba ni/ sangs rgyas thams cad kyi rdul phra rab la sgrub pa'i phyir sangs rgyas bdag nyid do/ /mtshan bdun no/ /sangs rgyas gzugs ni zhes bya ba ni/ rdo rje sems dpa' i gnas su pad+ma sangs rgyas kyi gzugs kyis bzhugs pa'i phyir/ sangs rgyas gzugs so/ /gzugs chen po zhes bya ba ni thams cad kyis gzugs kyis nam mkha' i khams spro bas na gzugs chen po'o/ /rdo rje'i gzugs zhes bya ba ni thams cad kyi phyag rgya'i gzugs kyis bzhugs pa'i phyir rdo rje'i gzugs so/ /gzugs bzad 'chang zhes bya ba ni/ gzugs bzang po blta bas mchog mi shes pa mnga' bas na gzugs bzang 'chang ngo/ /chos kyi snang ba ces bya ba ni/ sa dang pha rol tu phyin pa'i chos rnams kyis snang bar byed pas na chos kyi snang ba'o/ /gzi brjid mchog ces bya ba ni/ dge ba'i gzi brjid ji lta ba'i gzi brjid mchog de lta bu de la mnga' bas na gzi brjid mchog go /byang chub sems dpa' chen po rdo rje gzi brjid ni 'khor los sgyur ba'i rgyal po'i gzugs kyis rgyal po chos thams cad kyi gzi brjid zil gyis gnon par bzhugs pa'i phyir ro/ /gzugs de nyid kyis
- 19b
khams gsum pa ma lus pa'i sems can dang snod kyi 'jig rten snang bar byed pas na/ 'jig rten snang byed do/ /mtshan bdun no/ /pad+ma'i dpal gyi mgon po zhes bya ba ni/ pad+ma'i rigs bskyed par byed pa'i pad+ma dpal de ni mgon pos te bdag po'o/ / mgon po mchog ces bya ba ni/ sems can rnams skyob pas na mgon po'o/ /sangs rgyas pad+ma la sogs pa de dag gis 'gro ba rnams 'dul bar byed pas na mchog go /chos dpal mgon po zhes bya ba ni/ chos so sor yang dag par rig pa bzhi rang bzhin gyi shes rab ni chos so/ /dpal ni phun sum tshogs pa'o/ /de'i mgon po ni gnyis su med pa'i shes rab kyi pha rol tu phyin pa'i ting nge 'dzin la gnas pa'i ngo bo yin pa de de'i phyir de las skyes pa'o/ /mgon ldan pa ces bya ba ni/ mgon po rnam par snang mdzad de/ de byin gyis brlabs pa'i stobs kyi pad+ma'i rigs bskyed pa'i phyir ro/ /de'i phyir mgon po de la mda' bas na mgon ldan pa'o/ /tshangs pa'i mgon po zhes bya ba ni/ tshangs pa ni bsam gtan dang po bskyed pa ste/ stong gsum pa'i bdag po tshangs pa'i gzugs kyis bdag po mdzad pas na tshangs pa'i mgon po'o/ /tshangs pa chen po zhes bya ba ni/ de nyid tshangs pa mgon po'i gzugs kyis tshangs pa thams cad kyi gzugs las mchog tu gyur pas na tshangs pa chen po'o/ /tshangs sras zhes bya ba ni tshangs par bskyed pa'i drang srong tshangs pa'i sras te/ de'i 'dul ba'i sems kyi khams rnams 'dul bar byed pa'i gzugs te 'dzin pas na tshangs pa'i sras te mtshan bdun yin no// snang ba ces bya ba ni smon lam gyi pha rol tu phyin pa'i snang bas phyi dang nang du bcas pa'i mun pa rnams sel ba'i phyir/ sgron ma lta bu yin pas na sgron ma snang ba'o/ /snang mchog ces bya ba ni/ gzugs de nyid kyis 'jig rten pa'i snang ba'i
- 20a
nang nas mchog tu gyur pas snang ba mchog go /snang ba'i gtso bo zhes bya ba ni/ bag chags dang bcas pa'i nyon mongs ba de spong ba'i gzugs kyis smon lam gyi pha rol tu phyin pa'i ye shes kyi snang ba rno pa'i phyir snang pa'i gtso bo'o/ /snang gsal zhes bya ba ni pad+ma'i snang zhing gsal bas phyi rol gyi snang zhing gsal bar ches gsal bar byed pa'o/ /shin tu snang ba ces bya ba ni/ shin tu snang bas rab tu gsal bar byed pa pad+ma'i snang ba'i gzugs de nyid kyis dngos po thams cad gsal bar byed pa'i phyir shin tu snang ba'o/ /snang ba'i mgon po zhes bya ba ni/ pad+ma'i snang zhing gsal ba thams cad kyi bdag po yin pas na mgon po/ /snang ba che zhes bya ba ni/ pad+ma'i snang zhing gsal bas nam mkha' khyab pas snang ba che'o/ /sangs rgyas snang khyod ces bya ba ni/ bshad ma thag pa'i snang ba thams cad kyi nang nas sangs rgyas bcom ldan 'das gang yin pa de ni sangs rgyas snang ba ste/ mtshan brgyad yin no/ /sangs rgyas dbang bskur ba zhes bya ba ni/ khyod dam pa'i chos kyi 'khor lo bskor zhig par dbang bskur ba ni sangs rgyas kyi dbang bskur ba'o/ /sangs rgyas mchog ces bya ba ni/ mnyam pa nyid kyi ye shes kyi ngo bos sprul pa'i sku'i rang bzhin sangs rgyas rnams kyi mchog ni sangs rgyas mchog go /sangs rgyas sras po zhes bya ba ni/ de bzhin gshegs pa thams cad kyi thugs las skyes pa ni sangs rgyas sras so/ /mkhas chen po zhes bya ba ni/ thams cad mkhyen pa'i ye shes kyi rnal 'byor chen pos don thams cad yongs su mkhyen pa ni mkhas pa chen po'o/ /sangs rgyas dbang bskur ba zhes bya ba ni/ nam mkha' i snying po rin po che'i cod pan gyi gzugs kyis dbang bskur ba ni/ sangs rgyas dbang bskur ro/ /gtsug gi mchog ces bya ba ni/ pad+ma'i rigs kyi lha rnams kyi gzugs kyi spyi gtsug na/ de bzhin gshegs pa 'od dpag tu med pa 'chang ba 'am/ gzhan yang rung ba rnams ni mchog ste/
- 20b
gtsug gi mchog go /sangs rgyas/ zhes bya ba ni/ pad+ma'i rigs kyi lha rnams kyi gzugs de dag la sangs rgyas kyi rang bzhin gyi spyi bor bzhugs pa na sangs rgyas sangs rgyas khyod te/ 'jig rten dbang phyug nyid la snang ba mdza' yas zhugs pa yang yin pas mtshan bdun yin no/ / sangs rgyas spyan zhes bya ba ni/ sangs rgyas rnams kyi spyan yin pas na sangs rgyas kyi spyan te thams cad mkhyen pa'i ye shes so/ /spyan chen po zhes bya ba ni/ lha'i spyan yang de yin la/ chen po yang de yin pas na spyan chen po'o/ /chos spyan zhes bya ba ni/ yul yongs su ma spangs par mkhyen nas chos ston pa gang yin pa de ni chos spyan no/ /gzigs pa chen po zhes bya ba ni/ shes rab kyi spyan gyis ngo bo la gzigs pa chen po 'di la mnga' bas na gzigs chen no/ /ting nge 'dzin ye shes zhes bya ba ni/ chos thams cad rang bzhin gyis rnam par dag pa'i ting nge 'dzin ye shes su nges pa'o/ /thams cad pa zhes bya ba ni/ shes rab kyi pha rol tu phyin pa'i rang bzhin gyis sangs rgyas bcom ldan 'das rnams kyi thams cad pa ni khyod do/ /rdo rje spyan zhes bya ba ni/ sha'i spyan gyi ngo bo ni rdo rje spyan te/ rdo rje spyan des nye bar mtshon pa ni rdo rje spyan zhes bshad pa ste mtshan bdun yin no/ /de ltar mtshan brgya rtsa brgyad pas bstod pa'i phan yon gsungs pa ni bdag nyid kun gyis zhes bya ba smos te/ 'ga' zhig bshad ma thag pa 'dis bdag nyid kun gyis dngos po thams cad kyi sgo nas so/ /yon tan gyi rgyu mtshan gyi yon tan no/ /khyod kyi mtshan brgya rtsa brgyad pa rnams ni khyod kyi mtshan brgya rtsa brgyad pa yang dag par brjod pa'o/ /bstod dam ni bsam pas bstod par 'dod pa'o/ /stom par byed pa ni mngon du byed pa gang yin pa des kyang 'jig rten dbang po dang mtshungs par 'gyur ro/ /dang po khyod la gsol btab pa zhes bya ba ni/ gus pa sngon du 'gro bas don du gnyer bas gsol ba 'debs pa ni don gyi ched
- 21a
kar gsol ba 'debs pa'o/ /dmigs pa thams cad las rnam par rgyal bas na dpa' ba' o/ /rang gi rigs ni bskyed nas kyang zhes bya ba ni/ pad+ma'i rigs bskyed pa'o/ /chos kyi dkyil 'khor dam pa ni zhes bya ba ni/ chos kyi dkyil 'khor gyi rang gi bdag nyid ni mchog tu gyur pa khyod kyis bshad du gsol zhes de bzhin gshegs pa rnams kyis gsol ba 'debs pa'o/ /thub pa chen pos bshad du gsol zhes bya ba ni/ lus dang ngag dang yid gsum thub pa dang ldan pas na thub pa'o/ / grub pa rnams kyi nang na thub pa yin pas na thub pa chen po'o/ /de la lus thub pa ni/ lus kyi mi dge ba'i las kyi lam rnam pa gsum dang bral ba'o/ /ngag gi las kyi lam rnam pa bzhi dang bral bas na ngag thub po/ /yid kyi mi dge ba'i las kyi lam rnam pa gsum dang bral bas ni yid thub pa'o/ /de nas zhes bya ba la sogs pa la/ /de nas kyi sgra ni de ma thag pa'o/ /de bzhin gshegs pa thams cad kyis gsol ba btab pa'i rjes thogs nyid la spyan ras gzigs kyi dbang po phyag na rdo rje'i gzugs 'dzin pas de bzhin gshegs pa thams cad kyis gsol ba btab pa'i tshig thos nas/ bcom ldan 'das shAkya thub pa de bzhin gshegs pa ga la ba der mngon du phyogs te 'dug nas so/ /'dug nas ci zhig byed ce na/ rdo rje pad+ma de rang gi thugs kar bzhag ste/ ched du brjod pa 'di ched du brjod do zhes bya ba ni/ dang por sbyor ba'i ting nge 'dzin rdzogs pa'i dus su de bzhin gshegs pa thams cad kyis chos kyis dbang bskur pa gang yin pa des dbang bskur ro/ /de nas rang gi thugs ka'i phyogs su phyag g.yon pa rkyang ba'i tshul gyis gzung nas gnas pa la/ phyag g.yas pas 'byod pa'i tshul du mdzad nas/ 'di ched du brjod do/ /e ma'o zhes bya ba ni ngo mtshar ba'o/ /rab tu dag pa'i sa zhes bya ba ni/ mchog tu gyur pas na rab tu'o ci'i
- 21b
phyir 'di rab tu yin zhe na/ gang gi phyir dri ma thams cad dang bral bas na dag pa'i tha tshig go /de su'i yin zhe na/ rdo rje pad+ma 'di dag gi zhes smos te/ 'dir ci'i phyir ngo mtshar zhe na/ pha yin bdag gi bu yang yin/ zhes bya ba smos te/ pha ni rdo rje pad+ma'i ste/ 'di yang bdag yin la bu yang bdag yin pas na/ bskyed pa bya ba yin pa'i phyir 'di ngo mtshar ba'o/ /'di skad ston pa yin te/ 'di gang yin pa yang bdag yin la bdag gang yin pa'ang 'di yin pas na rdo rje pad+mas 'dul ba rnams kyis de ltar mthong ba yin no/ /'jig rten dbang phyug las pad+ma byung la/ de las kyang 'jig rten dbang phyug tu byung ba 'di ngo mtshar ba'o/ /rigs 'di byin gyis brlab par mdzod ces bya ba ni/ rang gi rigs byin gyis brlabs nas gang gis sems can gyi don byed pa'i phyir bdag la gtad pa'o/ /rigs 'di ni zhes bya ba ni rang gi thugs kar bzhag pa gang yin pa 'di'o/ /de'i don ni 'di skad ston pa yin te/ 'di ltar bcom ldan 'das khyed kyis thugs la rdo rje 'chang ba'i gzugs kyis pad+ma'i rigs su rnam par gnas pa gang yin pa de bdag cag gi rigs kyi nus pa bskyed pa'i phyir/ bdag la de gtad pa yin gyi gzhan du ni ma yin no/ /de'i phyir rang gi rigs 'di byin gyis brlabs par mdzod ces bya ba yin no/ /de nas zhes bya ba ni de ma thag pa ste/ gsol ba btab pa'i rjes thogs nyid la'o/ /de bzhin gshegs pa thams cad kyi rdo rje chos ni shes rab kyi pha rol tu phyin pa'i ngo bo'o/ /de'i dam tshig ni h+ri zhes bya ba thugs la gnas so/ /da las byung ba ni rnam par snang mdzad kyi thugs la gnas pa'i sems pa'i rdo rje gang las pad+ma lta bur byung ba de skad du bshad pa des byin gyis brlabs shing brtan par mdzad nas/ pad+ma lta bu la dmigs pa'i ting nge 'dzin gang yin pa ming de skad ces bya ba de la snyoms par zhugs shing mngon sum du mdzad nas so/ /'di zhes bya ba ni blo la gnas pa'o/ /de bzhin gshegs pa thams
- 22a
cad kyi chos ni pad+ma'i 'od zer gyi gzugs can no/ /dam tshig ces bya ba ni rgyu'o/ /de bzhin gshegs pa thams cad kyi snying po ni rang gi thugs la gnas pa'i thugs ka'i sems dpa' i rdo rje las byung ba ni nges par byung ba'o/ /'di skad ston pa yin te/ pad+ma'i rigs sprul pa'i phyir dang pad+ma'i rnam pa'i 'od zer las 'phags pa spyan ras gzigs dbang phyug tu byin gyis brlabs pa'i phyir sems dpa' i rdo rje byin gyis brlabs pa'i rnam par thugs rtse gcig tu mdzad nas bcom ldan 'das rnam par snang mdzad kyis rnam par snang mdzad chen po las bskul bar gyur pa yin no/ /de bzhin gshegs pa thams cad kyi thugs ka nas zhes bya ba ni/ bsdu bas byon nas rnam par snang mdzad la sogs pa'i thugs las so pad+ma lta bu ni pad+ma'i rnam par ro/ /kha dog du ma ni sngon po dang/ ser po dang/ dmar po dang/ ljang gu dang/ dkar po'i kha dog go /gzugs du ma ni dbyibs sna tshogs pa'o/ /rtags du ma ni mtshan ma sna tshogs pa'o/ /spyod lam du ma ni gnas pa dang/ 'chag pa dang/ 'dug pa dang/ nyal ba'i rang bzhin gyi pad+ma lta bu'i 'od zer byung nas/ 'dod chags la sogs pa rnam par dag pa dang zhes bya ba ni/ de la mi dmigs pa'i thugs rje chen po chags pa'o/ /sogs pa smos pa ni byang chub kyi sems la sogs pa sngar bshad pa rnams gzung ba'i/ /'dod chags dang por byas pa gang yin pa ni 'dod chags la sogs pa'o/ /de nyid rnam par dag pa dang/ chos nyid kyi ye shes kyis 'dod chags la sogs pa bag chags dang bcas pa'i nyon mongs pa spangs pa'i phyir ro/ /der nges pa'i ye shes kyi gzugs kyis/ de rnams yang dag par sbyar zhing dag pas 'phags pa spyan ras gzigs kyi dbang po'i ye shes la sogs pa gdul bya la bskyed par bya zhes bya ba'i don no/ /yang/ slar log te 'phags pa spyan ras gzigs
- 22b
dbang po'i thugs kar gzhugs so zhes bya ba ni/ 'od zer zhugs pa'o/ /'phags pa spyan ras gzigs dbang phyug 'dis pad+ma'i rigs sprul par byin gyis rlob pa yin no zhes gsungs pa yin no/ /de nas bcom ldan 'das de bzhin gshegs pa thams cad kyi chos kyi dam tshig ces bya ba ni/ 'phags pa spyan ras gzigs kyi dbang por byin gyis brlabs pa'i rjes thogs nyid la/ bcom ldan 'das rnam par mdzad kyis de bzhin gshegs pa thams cad kyis gnyis su med pa'i sems dang sems las byung ba'i pad+ma'i rigs kyi lha rnams so/ /de dag gi chos ni pad+ma'i rigs kyi rten dang brten pa'i dkyil 'khor ro/ /de'i dam tshig ni bskyed par byed pa'i rgyu'o/ /ming de skad ces bya ba gang yin pa de rig pa dam pa 'di gsungs so/ /de ltar phyag na rdo rje dang/ rdo rje snying po dang/ rdo rje spyan dang/ rdo rje sna tshogs rnams kyis de bzhin gshegs pa thams cad kyi chos kyi dam tshig gi rigs pa dam pa 'di gsungs so/ /de nas zhes bya ba ni/ de ma thag pa'o/ /'phags pa spyan ras gzigs kyi dbang po ni rdo rje chos so/ /pad+ma'i rigs sprul cing byin gyis brlabs pa'i phyir/ gzugs kyang yin la thams cad kyang de yin pas na gzugs thams cad pa ste/ pad+ma'i sangs rgyas la sogs pa'o/ /des 'dul ba'i rgyud la yang dag par ston pas na/ gzugs thams cad ston pa'o/ /rgyu mtshan des ming de skad ces bya ba'i ting nge 'dzin gang yin pa de la snyoms par zhugs pa yin no/ /zhes bya ba 'di ni thugs la gnas pa'o/ /'gro ba thams cad 'dul ba'i dam tshig ces bya ba ni/ sems can gyi khams kyi 'gro ba thams cad 'dis 'dul bar byed pas 'gro ba thams cad 'dul ba'o/ /pad+ma'i rigs de'i dam tshig ni rgyur gyur pa ste bskyed par byed pa'i snying po ni sgra'i gzugs te/ 'gro ba thams cad 'dul ba'i dam tshig ces pa 'di gsungs shig pa'o/ /'phags pa spyan ras gzigs dbang po'i thugs
- 23a
las zhes bya ba ni/ gzung ba dang 'dzin pa'i rnam par rtog pa thams cad las 'phags shing ring du song bas na/ 'phags pa'o/ /sems can gyi khams rnams 'dul bar byed pa gang yin pa dang/ rang gi rigs la gzigs pas na spyan ras gzigs so/ /de la dbang po ni mnga' bdag ste/ 'phags pa spyan ras gzigs kyi dbang po'o/ /de'i thugs la zhes bya ba ni/ snying ga'i zla ba'i dkyil 'khor la gnas pa'i rdo rje pad+ma'i 'phags pa spyan ras gzigs dbang phyug gi thugs de las so/ /bcom ldan 'das rdo rje 'dzin pa de nyid ces bya ba ni de bzhin gshegs pa thams cad kyi thugs la gnas pa'i sems dpa' rdo rje'i thugs ni rdo rje 'chang chen po'o/ /'phags pa spyan ras gzigs kyi dbang po'i gzugs 'dzin pa zhes bya ba ni/ sangs rgyas pad+ma nas brtsams nas pad+ma 'bebs pa'i mthar thug pa de'i nang nas gang la 'phags pa spyan ras gzigs dbang po'i gzugs 'dzin pa de ni 'phags pa spyan ras gzigs dbang po'i gzugs 'dzin pa'o/ /pad+ma'i gdan la zla ba'i dkyil 'khor gyi steng du bzhugs pas na/ pad+ma la bzhugs pa'o/ /rdo rje rtse lnga pa la sogs pa nas dril bu'i mthar thug pa pad+mas mtshan pa'i mtshan ma'i phyag rgya 'dzin pa'i phyir na/ phyag rgya'i mtshan ma pad+ma 'dzin pa'o/ /kha dog sna tshogs pa ni sngon po dang ser po la sogs pa'o/ /gzugs ni dbyibs ring pa dang thung ba la sogs pa'o/ /cha lugs ni sangs rgyas pad+ma la sogs nas pad+ma 'bebs pa'i bar ni cha byad do/ /de nyid kyi rgyan ni btags pa'o/ /kha dog dang gzugs dang/ cha byad dang/ rgyan sna tshogs pa gang yin pa de dag ni sna tshogs ba'i gzugs kyi cha byad dang rgyan no/ /de bzhin gshegs pa la sogs pa zhes bya ba ni sangs rgyas pad+ma la sogs pa'o/ /sems dpa' thams cad kyi gzugs 'dzin pa zhes bya ba ni/ de bzhin gshegs pa la sogs pa sems dpa' thams cad? kyi
- 23b
gzugs 'dzin pa'o/ /de ltar gyur pa'i byang chub sems dpa' chen po'i lus su gyur nas byung ste/ zla ba'i dkyil 'khor rnams la 'khod nas ched du brjod pa ni ched du brjod do zhes bya bar sbyar ro/ /ci zhig byas nas cher du brjod pa 'di che brjod do ce na/ 'jig rten gyi khams thams cad du zhes bya ba smos te/ 'jig rten gyi khams thams cad du rnam par gnas pa'i sems can gang yin pa de dag la gang dang gang gi gzugs kyis 'dul bar gyur pa de dang de'i gzugs kyis de dag gi rang gzugs su bstan nas 'dul bar byas te/ slar log nas rdo rje dbyings kyi dkyil 'khor chen po'i tshul du bcom ldan 'das shAkya thub pa rnam par snang mdzad la sogs pa'i phyogs dang mtshams su/ de bzhin gshegs pa la sogs pa dang/ sems dpa' thams cad kyi gzugs kyis zla ba'i dkyil 'khor rnams la 'khor ro/ /pad+ma dang zla ba'i dkyil 'khor la 'dug nas ched du brjod pa gsungs so/ /e ma'o zhes bya ba ni ngo mtshar ba'o/ /bskal pa ji lta ba'i sems can 'dul ba'i phyir/ sangs rgyas pad+ma la sogs pa'i gzugs bstan pa ni sangs rgyas thams cad kyi thabs so/ /snying rje'i bdag nyid ni dmigs pa med pa'i thugs rje'i rang bzhin no/ /'dir ci zhig ngo mtshar zhe na/ gang du thabs kyis 'dul mdzad na zhes bya ba smos te/ dmigs pa'i thugs rje la gnas nas/ lha rnams su yang gyur pa yin no/ /'khor ba'i phung po thams cad las bzlog nas/ las dang nyon mongs pa bag chags dang bcas pa spangs su zin kyang lha chen po la sogs pa lha'i gzugs su yang 'gyur ba 'di ni ngo mtshar ba'o/ /'di skad ston pa yin te chos kyi dbyings kyi rang bzhin gyi de bzhin gshegs pa ni gzugs kyi sku ma yin yang lha la sogs pa'i gzugs kyis 'dul ba la mos pa rnams kyis mthong ba yin no/ /de nas de bzhin gshegs pa thams cad ces bya ba nas/ lha rnams su yang gyur pa yin zhes bya ba'i bar gyi gzhung 'di tsam gyis 'gro ba 'dul ba'i dkyil 'khor chen po'i dkyil 'khor rgyal po
- 24a
mchog ces bya ba'i ting nge 'dzin gnyis pa bstan pa yin no/ /de nas bsdu ba dang byin gyis brlab pa la sogs pa ni las kyi rgyal po mchog ces bya ba'i ting nge 'dzin gsum pa yin par shes par bya'o/ /'gro ba 'dul ba'i dkyil 'khor chen po las gsungs pa'i dngos grub rnams ni 'gro ba 'dul ba'i dkyil 'khor chen por dam tshig dang dbang bskur bas bsgrub par bya'o/ /zhes bstan pa'i phyir/ de nas yang bcom ldan 'das/ zhes bya ba la sogs pa gsungs ba ni slob dpon gyi las kyi slob ma 'jug pa'i cho ga rgyas pa yin no/ /gang gi rigs kyi dkyil 'khor sprul pa'i phyir/ de bzhin gshegs pa thams cad la phul nas/ 'gro ba 'dul ba'i dkyil 'khor chen po 'di bshad do/ /zhes bya bar sbyar ro/ /sems can thams cad ces bya ba la sogs pa dgos pa'i don ci zhig yin zhe na/ sems can thams cad la ngan song du ltung ba dang 'chi ba la sogs pa mi 'jigs pa ni/ mi 'jigs pa sbyin pa dang don thob pa'o/ /dngos grub dam pa ni de sangs rgyas dang byang chub sems dpar grub pa'o/ /rdo rje chos nyid ni pad+ma'i rigs rdo rje gsang ba'i rang bzhin no/ /de'i ye shes ni nges pa'o/ /mngon par shes pa ni drug go /sems can de thams cad la mi 'jigs pa sbyin pa dang/ don dang dngos grub dam pa dang/ rdo rje chos nyid dang/ ye shes dang/ mngon par shes pa'i 'bras bu rnyed pa'i rgyu de'i phyir phul lo/ /'di zhes bya ba ni blo la gnas pa'o/ /'gro ba thams cad 'dul ba'i zhes bya ba phyag rgya chen po gtso bor gyur pa'i dkyil 'khor te/ dkyil 'khor chen po de gsungs shing bshad ba/ de nas zhes bya ba ni de ma thag pa de sngon du bsnyan pa'i rjes thogs la'o/ /de nas zhes bya ba ni/ rgyu de'i phyir te gang gi phyir 'gro ba 'dul ba'i dkyil 'khor chen por 'jug pa med par des 'dul ba'i sems can gyi khams rnams la de las gsungs pa'i dngos grub du mi 'gyur ba de'i phyir rab tu bshad par bya ba ste/ rab tu phye nas yang dag par bshad par bya'o/ /dkyil
- 24b
'khor chen po dam pa ste zhes bya ba ni mchog tu gyur pa'o/ /rdo rje dbyings dang 'dra ba ni zhes bya ba la sprul pa'i dkyil 'khor dang 'dra bas na/ 'gro ba 'dul ba'i dkyil 'khor chen po'o/ /mtshan gang zhe na/ 'gro ba 'dul ba zhes bya ste/ 'gro ba 'dul ba zhes med du btags pa'i de ci 'dra ba zhig ce na/ gru bzhi ba la sgo bzhi ba zhes bya ba ni/ de dbyibs bshad pa yin no/ /de'i nang du srad bu ni/ gru bzhi pa ni bri bar bya/ zhes bya ba ni/ phyi'i dkyil 'khor de nyid kyi nang du nang gi srad bu gru bzhi bar de ltar bri bar bya'o/ /de ltar yin na ni ci zhig tu 'gyur zhe na/ gnyis pa'i grwar ni sgo 'dod cing/ zhes bya ba smos te/ dkyil 'khor gnyis pa zhes bya ba'i tha tshig go /gnyis pa de gru bzhi pa dbyi bar byas nas dkyil 'khor gnyis pa de'i grwa bzhi phyi'i dkyil 'khor gyi sgo la mngon du phyogs par byas te/ gnyis pa'i grwar ni sgo 'dod cing/ zhes bya ba bshad pa yin no/ /grwa ba sgo la mngon du phyogs pa gang yin pa de ni de yang pad+ma'i rnam pas zur sprod btod pa yin no/ /pad+ma 'dab ma 'dra bar bya ba yin zhes smos so/ /de yang ji ltar bri bar bya zhe na/ ka ba brgya kyi tshul du ni/ pad+ma 'dab ma brgyad pa bri zhes bya ba smos te/ cho gsum mnyam par thig btab la/ phyogs dang mtshams rnams su pad+ma'i 'dab ma bzhi bzhi bris la/ 'dab ma rnams la rdo rje bri'o/ /de'i ge sar dbus su ni/ /sangs rgyas kyi ni sku gzugs bzhag /dkyil 'khor gnyis pa de'i pad+ma'i lte ba'i dbus su rnam par snang mdzad bri bar bya'o/ /sangs rgyas phyogs kun bri ba ni/ pad+ma'i dbus su gnas pa zhes bya ba ni/ bcom ldan 'das rnam par snang mdzad de nyid kyi pad+ma'i lte ba'i phyogs bzhi'i pad+ma'i gdan la bri bar bya'o/ /ci zhig bri zhe na/ rdo rje rin chen pad+ma dang/ /sna tshogs pad+ma de bzhin no/ /zhes bya ba smos te/ rdo rje sems ma'i gnas su rdo rje lnga pas mtshan pa'i pad+ma'o/ /rdo rje rin chen ma'i gnas su yid bzhin gyi nor bu rin po che pad+ma 'ba' zhig gis mtshan pa'o/ /rdo rje chos ma'i gnas su pad+ma 'dab ma 'dra?
- 25a
dug pa'i rdo rje pad+ma'o/ /rdo rje las ma'i gnas su sna tshogs pad+ma 'dab ma bzhi bri bar bya'o/ /rdo rje shugs kyis brgal nas ni zhes bya ba ni bshad zin to/ /'gro ba 'dul ba'i dkyil 'khor du zhes bya ba ni/ sems can gyi khams kyi 'gro ba des 'dul bar byed pa 'di ni 'gro ba 'dul te 'jig rten dbang phyug go /gzugs rnams thams cad 'byin pa ni/ ting nge 'dzin la bzhugs pa'o/ /dkyil 'khor gyi shar phyogs kyi pad+ma'i 'dab ma la der ni spyan ras gzigs dbang phyug bri bar bya'o/ /gzugs rnams ni sangs rgyas pad+ma la sogs pa nas/ pad+ma 'bebs pa'i mthar thug pa'o/ /'byin pa ni rang gi gzungs kyi spyi gtsug la sogs pa'i gnas rnams/ 'od zer gyi chogs 'byin pa'o/ /'phags pa spyan ras gzigs kyi dbang phyug de'i phyogs ni/ thams cad ni phyogs bzhir ro/ /rdo rje 'gying la sogs tshul zhes bya ba ni/ rdo rje dbyings las bshad pa'i rdo rje sems pa la sogs pa'i phyag rgya chen po'i tshul gyis so/ /sangs rgyas la sogs sems dpa' che/ mtshan ma pad+ma 'chad pa bri zhes bya ba ni/ bri'o zhes bya ba ni shes par bya'o/ /de la sangs rgyas ni sangs rgyas pad+ma'o/ /sogs pa smos pas ni pad+ma'i lcags kyu dang pad+ma chags pa dang/ pad+ma legs pa rnams gzung bar bya'o/ /sangs rgyas dang por byas pa gang yin pa de ni/ sangs rgyas la sogs sems dpa' che ste/ bri bar bya zhes bya ba'i don no/ /sangs rgyas la sogs pa de dag ji ltar bri bar bya zhe na/ mtshan ma pad+ma 'chad pa bri/ zhes bya ba smos te/ padmo'i rtags kyi mtshan ma can gyi rdo rje la sogs pa 'chad pa ni mtshan ma pad+ma 'chang ba ste/ pad+ma'i mtshan ma can gyis sangs rgyas la sogs pa bri bar bya'o/ /thams cad du rang gi snying po brjod cing/ snying po'i don bri bar bya'o/ /de'i dbus su bri ba ni/ zhes bya ba ni lho phyogs kyi pad+ma'i 'dab ma'i dbus su'o/ /thor tshugs dbus na 'di de
- 25b
bzhin gshegs pa zhes bya ba ni/ 'jig rten dbang phyug gi ral ba'i thor tshugs bris la/ de'i dbus su de bzhin gshegs pa 'od dpag tu med pa bri bar bya'o/ /de'i phyogs ni thams cad du ni thor tshugs kyi phyogs bzhir ro/ /khro gnyer la sogs tshul du ni zhes bya ba ni de la pad+ma'i khro gnyer ni bcom ldan 'das nam mkha' i snying po'o/ /mtshan mar pad+ma'i khu tshur de'i sbyor bas g.yon bsnyems pa dang bcas pas pad+ma'i dril bu bzung la/ de bzhin du phyag g.yas pa'i khu tshur gyis pad+mas mtshan pa'i yid bzhin gyi nor bu/ dbang bskur ba'i gnas su 'jog pa'o/ /sogs pa smos pas ni/ pad+ma'i nyi ma dang/ dpal dang bzhad pa rnams gzung bar bya'o/ /khro gnyer la sogs pa'i tshul can ni khro gnyer la sogs pa'i tshul te/ khro gnyer la sogs pa'i sbyor ba des mtshan mas pad+ma 'chang ba bri bar bya'o/ /mtshan ma de dag ni rdo rje dbyings kyi dkyil 'khor chen por bstan pa gang yin pa des thod pad+ma'i mtshan ma can du bya'o/ zhes bya ba'i don no/ /ltag 'og go rim ji bzhin du zhes bya ba ni/ rdo rje dbyings kyi dkyil 'khor chen por bshad pa'i cho gas bri'o/ zhes bya ba'i tha tshig go /dkyil 'khor gsum 'ang de bzhin te/ zhes bya ba ni/ nub phyogs kyi pad+ma'i 'dab ma ni dkyil 'khor gsum pa'o/ /de bzhin du zhes bya ba'i rnam pa 'di ni rdo rje dbyings las bshad pa'i cho ga nyid kyis bya'o/ /zhes bya ba'i don no/ /sems dpa' chen po snyoms zhugs pa'i/ ting nge 'dzin mchog gi phyag rgyas bzhugs pa ni/ sems dpa' chen po ste snyoms par zhugs par bri'o/ /gang du zhe na/ pad+ma'i steng du'o/ /sogs zhes bya ba de ni snga ma bzhin no/ /pad+ma gzigs sogs tshul du ni/ zhes bya ba ni/ de la rdo rje chos kyi ting nge 'dzin gyi sbyor bas pad+ma la gzigs nas/ pad+ma'i 'dab ma kha 'byed par mdzad pa'o/ /sogs pa smos pas ni/ da bzhin gshegs pa thams cad gcod pa la sogs pa gzung ngo/ /dkyil 'khor bzhi pa 'ang de bzhin te/ zhes bya ba ni/ byang phyogs kyi pad+ma'i
- 26a
'dab ma'o/ /der ni pad+ma zhal bzhi pa/ /pad+ma mdung rtse thogs pa bri/ zhes bya ba ni/ spyan ras gzigs dbang phyug ichen po'i gzugs 'dzin pa zhal bzhi pa/ pad+ma'i mdung bsnams pa bri bar bya'o/ /zhes bya ba'i don no/ /de'i phyogs ni thams cad du zhes bya ba ni snga ma bzhin no/ /rdo rje gar sogs tshul du ni zhes bya ba ni/ bcom ldan 'das pad+ma gar gyi dbang phyug gis gar gyis bzhugs pa ni rdo rje gar ro/ /de nyid thogs mar byas pa gang yin pa de ni rdo rje gar la sogs pa'o/ /de dag gi tshul gyis legs par bzhugs pa'i sbyor ba des dkyil 'khor de la mtshan mar pad+ma 'dzin pa bri'o/ /grwa rnams kun du bri ba ni/ zhes bya ba la sogs pa ni rdo rje dbyings la gsungs pa'i cho gas shes par bya'o/ /de bzhin du pad+ma la sogs pa bzhi zhes bya ba bdug pa'i la sogs pa'o/ /de nas tshogs la sogs pa kun zhes bya ba ni gnas kyi nges pa tsam yang shes par bya'o/ /yang de nas rab tu bshad bya ba/ dkyil 'khor chen po dam pa ste/ zhes bya ba la sogs pa ni don rgyas pa brjod par bya ste/ ji ltar bcom ldan 'das kyis bshad pa mdzad pa bzhin du bya'o/ /de la re zhig dkyil 'khor bri bar 'dod pas chos thams cad rang bzhin gyis rnam par dag pa bdag yin zhes bsgoms la nang gi bdag nyid can gyis khrus byas te/ snying po byang chub la thug gi bar du dngos por 'dzin pa'i mngon par zhe na pa mi bya'o/ /phyi'i khrus la mngon par zhen pa yin na yang khrus kyi cho ga gang yin pas khrus bya'o/ /de la lha'i khang pa dang nye ba na rkang pa dang lag pa bkru ste/ lha'i khang pa bgegs bskrad nas/ lha'i khang par zhugs la bdag nyid bsrung ba dang/ gnas bsrung ba byas la/ pad+ma rgyu'i phyag rgyas 'gro ba 'dul ba'i dkyil 'khor chen po sprul la/ mngon sum ltar bur dmigs te/ me tog la sogs pas yang dag par mchod la phyogs thams cad nas dkyil 'khor lnga pa dang/ oM sarbba ta thA ga ta kA ya
- 26b
bAka tsit+ta pra Na me na badzra band+ha ni ka ro mi/ zhes bya ba'i snying po 'dis phyag byas la de nas phyag bzhi ste/ 'di ltar shar phyogs nas rdo rje thal mo brkyang la lus thams cad phab ste/ oM sarbba ta thA ga ta pU dzo pas+tha nA ya At+ma nAM niryA ta ya mi sarbba ta thA ga ta a b+hi tiSh+Tha swa maM/ zhes bya ba 'dis phyag bya'o/ /de nas lho phyogs nas de bzhin du gnas pa la rdo rje thal mo snying gar sbyar te/ dpral ba sa la reg par byas la oM sarbba ta thA ga ta pU dza a b+hi She kA ya At+ma nAM niryA ta ya mi/ sarbba ta thA ga ta badzra ratna a b+hi Shiny+tsa maM/ zhes bya ba 'dis phyag bya'o/ /de nas nub phyogs nas de bzhin du gnas pa las/ ji lta ba'i rdo rje thal mo spyi bor bzhag ste kha sa la reg pas nas/ oM sarbba ta thA ga ta pU dza pra banda nA ya At+mA nAM niryA ta yA mi/ sarbba ta thA ga ta badzra d+harmA pra bard+ha ya maM/ zhes bya ba 'dis phyag bya'o/ /de nas byang phyogs nas de bzhin du gnas pa las/ rdo rje thal mo spyi bo las phab ste/ snying gar sbyar la spyi bo sa la reg par sbyar te/ oM sarbba ta thA ga ta pU dza karma Na at+mA nAM niryA ta yA mi/ sarbba ta thA ga ta badzra karma ku ru maM/ zhes bya ba 'dis phyag bya'o/ /pus mo g.yas pa'i lha nga sa la gtsugs te/ rdo rje thal mo snying gar sbyar la/ sdig pa thams cad bshags par bya'o/ /phyogs bcu'i sangs rgyas dang byang chub sems dpa' thams cad dang/ de bzhin gshegs pa dang/ rdo rje dang/ rin po che dang/ pad+ma dang/ las kyi rigs su zhugs pa thams cad dang/ phyag rgya dang/ gsang sngags dang rig sngags kyi lha thams cad bdag la dgongs su gsol/ bdag ming rdo rje che ge mo zhes bya ba/ phyogs bcu'i sangs rgyas dang byang chub sems dpa' thams cad dang/ de bzhin gshegs pa dang/ rdo rje dang/ rin po che dang/ pad+ma dang/ las kyi rigs su zhugs pa thams cad dang/ phyag rgya dang/ gsang sngags dang rig sngags kyi lha thams cad kyi spyan sngar sdig pa thams cad so sor bshags pas so sor bshags par bgyi'o/ /phyogs bcu na 'das pa dang/ ma byon pa dang/ da ltar byung
- 27a
ba'i sangs rgyas dang byang chub sems dpa' rnams dang/ rang sangs rgyas rnams dang/ 'phags pa nyan thos/ yang dag par song ba dang/ yang dag par zhugs pa rnams dang/ sems can gyi tshogs thams cad kyi bsod nams thams cad la rgya char rjes su yi rang bar bgyi'o/ phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la chos kyi 'khor lo bskor ba'i phyir bskul bar bgyi'o/ /phyogs bcu'i sangs rgyas bcom ldan 'das yongs su mya ngan las 'das par bzhed pa gang yin pa de thams cad la mya ngan las mi 'da' bar gsol bar 'tshal lo/ /de nas me tog ma'i phyag rgya bcings la 'di skad ces brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad ni lha dang mi rnams kyi me tog gi bye brag /yid las byung ba 'am/ chu las skyes pa 'am/ thang las skyes pa gang dag yod ba de rnams 'di lta ste/ lus shing lus pa med pa'i de bzhin gshegs pa thams cad la mchod pa'i las bya ba'i phyir/ phyogs bcu'i sangs rgyas dang byang chub sems dpa' / rigs lnga dang bcas par bzhugs pa thams cad dang/ phyag rgya dang/ gsang sngags dang rig sngags kyi lha thams cad la dbul bar bgyi'o/ /oM sarbba ta thA ga ta puShpa pU dza me g+ha sa mu dra spha ra Na sa ma ya hUM/ bdug pa ma'i phyag rgya bcings la 'di skad brjod par bya ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi rnams kyi bdug pa'i bye brag lhan cig skyes pa 'am/ yang dag par sbyar ba 'am/ yongs su gyur pa gang dag yod pa de rnams 'di lta ste/ ma lus shing lus pa med pa'i de bzhin gshegs pa thams cad la mtshang ba'i las bya ba'i phyir zhes byas la sogs pa dang/ oM sarbba ta thA ga ta b+hU ba pU dza me g+ha sa mu dra spha ra Na sa ma ye hUM/
- 27b
mar me'i phyag rgya bcings la/ 'di skad brjod par bya ba ste/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na lha dang mi rnams kyi snang ba'i bye brag ces bya ba la sogs pas dbul bar bya'o/ /oM sarbba ta thA ga ta A lo ke pU dza me g+ha sa mu dra spha ra Na sa ma ye hUM/ dri'i phyag rgya bcings la 'di skad brjod par bya ste/ gang yang phyogs bcu'i 'jig rten gyi khams 'di 'am/ gang phyogs bcu'i 'jig rten gyi khams thams cad na/ lha dang mi rnams kyi dri'i bye brag lhan cig skyes pa 'am yang dag par sbyar ba 'am/ yongs su gyur pa gang dag yod pa de rnams 'di lta ste/ zhes bya ba la sogs pa dang/ oM sarbba ta thA ga ta gand+ha pU dza me g+ha sa mu dra spha ra Na sa ma ye hUM/ thal mo khong stong du sbyar ba bcings la/ 'di skad ces brjod par bya'o/ / gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ rin po che'i ri po 'am/ rgya mtsho las byung ba'i rin po che'i cho gas gang dag yod pa de rnams 'di lta ste/ zhes bya ba la sogs pa dang/ oM sarbba ta thA ga ta po b+hyaM ga ratna a li kar pU dza me g+ha sa mu dra spha ra Na sa ma ye hUM/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ lha dang mi thams cad kyi/ rgod ba dang/ sgeg pa dang/ dga' ba dang/ rtse 'jo'o bde ba'i bye brag gang dag yod pa de rnams 'di lta ste/ zhes bya ba la sogs pa dang/ oM sarbba ta thA ga ta hA sya lE? ? da te kri Da sau khya a mut+ta ra pU dze me g+ha sa mu dra spha ra Na sa ma ye hUM/ gang yang 'jig rten gyi khams 'di 'am/ gang yang phyogs bcu'i 'jig rten gyi khams thams cad na/ dpag bsam gyi shing dang/ gos kyi shing gang dag yang ba de rnams 'di lta ste/ zhes bya ba la sogs pa dang/ oM sarbba ta thA ga ta a nut+ta ra bo d+hyaM a laM kA ra pashA? pU dze me g+ha sa mu dra spha ra Na sa ma ye hUM/ de nas rdo rje sems dpa' i las kyi phyag
- 28a
rgya bcings la sems can thams cad 'khor ba'i sdug bsngal rjes su dran par byas nas/ rdo rje'i dbang gis sems can thams cad bsgral bar bya ba'i phyir byang chub tu sems bskyed de/ ma bsgral ba rnams bsgral bar bya ba'i phyir dang/ ma grol ba rnams sgrol bar bya ba'i phyir dang/ dbugs ma 'byin pa rnams dbugs 'byin par bya ba'i phyir dang/ yongs su mya ngan las ma 'das pa rnams yongs su mya ngan las bzla par bya ba'i phyir dang/ sems can gyi khams ma lus par 'khor ba'i rgya mtsho las bsgral bar bya ba'i phyir/ byang chub tu sems bskyed par bgyi'o/ /oM sarbba ta thA ga ta badzra bo d+hi tsit+ta pU dza me g+ha sa mu dra spha ra Na sa ma ye hUM/ de nas sgeg mo'i phyag rgya bcings la 'di skad ces brjod par bya ste/ sems can thams cad yo byad thams cad kyi yang dag par 'byor cing/ phun sum tshogs pa thams cad 'dod pa tsam la rag lus par gyur cing/ oM sarbba ta thA ga ta ma hA badzrod b+ha ba dA na pA ra mi tA pU dza me g+ha sa mu dra spha ra Na sa ma ye hUM/ me tog phreng ba ma'i phyag rgya bcings la 'di skad ces brjod par bya ste/ sems can thams cad mi dge ba'i lus dang/ ngag dang yid kyi las kyi mdza' dang yang dag par bral bar gyur cig /dge ba'i lus dang ngag dang/ yid kyi las kyi mdza' dang yang dag par ldan par gyur cig /oM sarbba ta thA ga ta a nut+ta ra ma hA bri d+hi ha ra shI la pA ra mi tA pU dza me g+ha sa mu dra spha ra Na sa ma ye hUM/ rdo rje glu mkhan ma'i phyag rgya bcings la sems can thams cad mtshan dang dpe byad thams cad kyis yang dag pa brgyan par byas pa dang/ rtag tu phan tshun 'jigs pa med pa dang/ zhes 'gras pa med par zhugs shing/ mig dang yid mngon par dga' ba dang/ chos zab mo la bzod pa dang ldan par gyur cig /oM sarbba ta thA ga ta a nut+ta ra bo d+hi k+Shan+ti? pA mi tA pU dza me g+ha sa mu dra spha ra Na sa ma ye hUM/ gar mkhan ma'i phyag rgya bcings la/
- 28b
sems can thams cad byang chub sems dpa' i spyod pa la mngon par brtson pa dang ldan pa dang/ sangs rgyas nyid du yongs su gzhol zhing 'khor ba yongs su spong ba'i brtson 'grus dang ldan par gyur cig /oM sarbba ta thA ga ta sA na sa rA pa ri tyaM ga a nut+ta ra ma hA biryA bA ra mi ta pU dza me g+ha sa mu dra spha ra Na sa ma ye hUM/ me tog gi phyag rgya bcings la/ sems can thams cad nyon mongs pa dang nye ba'i nyon mongs pa dang bral bar gyur cig /bsam gtan dang rnam par thar ba dang/ ting nge 'dzin dang snyoms par 'jug pa dang mngon par shes pa rnams dang/ rig pa thams cad dbang du gyur pa phun sum tshogs par gyur cig /oM sarbba ta thA ga ta a nut+ta ra sau khya bi hA ra d+ha na pA ra ma tA pU dza me g+ha sa mu dra spha ra Na sa ma ye hUM/ bdug pa ma'i phyag rgya bcings la 'di skad ces brjod par bya ste/ sems can thams cad 'jig rten dang 'jig rten las 'das pa'i shes rab dang ye shes dang yang dag par ldan par gyur cig /so sor yang dag par rig pa bzhi thob ste/ bzo dang bstan bcos thams cad shes shing sgyu rtsal dang ldan la gsang ba'i cho ga shes pa dang/ de kho na nyid mthong ste/ nyon mongs pa dang/ shes bya'i sgrib pa thams cad yang dag par gcod pa'i ye shes thob par gyur cig /oM sarbba ta thA ga ta a nut+ta ra kle sha tshe da sarbba d+harmma sa man+ta dz+nyA na ma hA pradz+nyA pa ra mi tA pU dza me g+ha sa mu dra spha ra Na sa ma ye hUM/ lus kyi bsnyen bkur bya ba'i phyir/ bdag nyid phyogs bcu'i 'jig rten gyi khams ma lus pa'i/ de bzhin gshegs pa thams cad kyi zhabs kyi drung du phyin par lhag par mos par byas la/ oM sarbba ta thA ga ta kA ba? ka ya niryA ta na pU dza me g+ha sa mu dra spha ra Na sa ma ye hUM/ thams cad du lce brgya stong snyed kyi sgo nas/ mnyam nyid mi ag.yo zhes bya ba'i bstod pas mchad pas lhag par byas la/ oM sarbba ta thA ta bAka niryA ta na pU dza me g+ha sa mu dra spha ra na sa ma ye hUM/ byang
- 29a
chub sems dpa' thams cad bsam pa gcig pa'i sbyor bas chos mnyam pa nyid la lhag par mos pa byas la/ oM sarbba ta thA ga ta tsit+ta niryA ta na pU dza me g+ha sa mu dra spha ra Na sa ma ye hUM/ chos thams cad stong pa dang/ mtshan ma med pa dang/ smon pa med pa dang/ dngos po med pa'i ngo bo nyid kyi rnam par dag par mos par byas la/ oM sarbba ta thA ga ta gu hya pU dza me g+ha sa mu dra spha ra Na sa ma ye hUM/ zhes brjod par bya'o/ /de ltar mchod pa nyi shu mchod nas/ de bzhin gshegs thams cad la bdag nyid dbul gyis bdag dus thams cad dang/ rnam pa thams cad du so sor bzhes su gsol/ thugs rje chen po dang ldan pa'i mgon po khyed rnams kyis dam tshig chen po'i dngos grub bdag la stsal du gsol/ zhes brjod la/ dge ba'i rtsa ba de yang sems can thams cad dang thun mong du byas te dge ba'i rtsa ba 'di dag gis/ bdag dang sems can thams cad 'jig rten dang 'jig rten las 'das pa'i rgud pa thams cad bral bar gyur cig /'jig rten dang 'jig rten las 'das pa'i phun sum tshogs pa thams cad dang yang dag par ldan pa'i bde ba nyid dang yid bde ba nyid kyis mi'i mchog tu sems can thams cad gyur cig /bdag gi dge ba'i las rnams 'di dag gis/ /'jig rten du ni myur du sangs rgyas shog /'gro la phan phyir chos rnams ston bgyid cing/ /sems can sdug bsngal mang po'i gzir las grol/ /zhes bla na med pa yang dag par rdzogs pa'i byang chub tu bsngos la sdom pa gzung bar bya'o/ /ji ltar dus gsum mgon po rnams/ /byang chub tu ni nges mdzad pa// byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyis ni bslab pa dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan por gzung
- 29b
bar bgyi/ /sangs rgyas chos dang dge 'dun dang/ bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spong ngo/ /rdo rje'i rig mchog chen po la/ /rdo rje dril bu'i phyag rgya yang/ /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin ni dus drug du/ /sbyin pa rnam bzhi rab tu sbyin/ /byang chub chen po las byung ba'i/ /pad+ma'i rig mchog dag pa la/ /phyi dang gsang ba'i theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gi bskyed bgyid nas/ /sems can kun gyi don gyi phyir/ /bdag gis sdom pa ma lus gzung/ /ma grol ba ni sgrol bar bgyi/ /ma bsgral ba ni bsgral bar bgyi/ /dbugs ma phyin pa dbugs dbyung zhing/ /sems can mya ngan 'das la dgod ces brjod do/ /de nas badzra any+dza li zhes bya bas rdo rje thal mo bcing bar bya'o/ /badzra band+ha zhes bya bas rdo rje bsdams pa bcing bar bya'o/ /badzra band+ha traT ces bya bas rdo rje bsdams pa snying gar dgrol bar bya'o/ /badzra a pe sha/ zhes bya bas rdo rje 'bebs pa'i dam tshig gi phyag rgya bcings la/ a zhes bya bas bdag nyid la dbab par bya'o/ /tiSh+Tha badzra Di Dho me zhes bya ba la sogs pas dbab pa de yang brtan par bya'o/ /badzra muSh+Ti/ zhes bya bas rdo rje dbyings las gsungs pa'i rdo rje khu tshur gyi dam tshig gi phyag rgya bcings la/ oM badzra sand+hi baM zhes brjod/ oM badzra sarbba a ba la A karSha Na pi sho d+ha ne badzra sa ma ya hUM phaT/ ces bya ba phyag rgya dang bcas pas ngan 'gro thams cad dgug par bya'o/ /rdo rje phyag rgya gnyis nang du/ /mdzub mo gnyis ni bcings nas kyang/ /legs par gyen du 'phangs pa ni/ /ltung ba slong ma'i dam pa'o/ /zhes bya ba'i phyag
- 30a
rgyas ngan song rnams pa bkug la/ de nas de rnams gsum la skyabs su 'gro ba sbyin no/ /dus 'di nas gzung ste/ ji srid snying po byang chub la 'dug gi bar du yang dag par rdzogs pa'i sangs rgyas dang chos dang/ dge 'dun dang/ phyag rgya dang bcas par skyabs su mchi'o/ /de nas sdig pa dral ba'i phyag rgya bstan la/ oM badzra pA Ni bi spho Ta ya sarbba a ba ya/ band+ha na Ni pra mok+Sha ya/ sarbba a ba ya ga te b+hya sarbba satwa na sarbba ta thA ga ta b+ha pa ta badzra sa ma ya traT/ ces brjod cing/ rdo rje bcings pa dam bcas te/ /gung mo gnyis ka sbyar nas ni/ /tha ma bzhi yi rtse mo sbyar/ /sdig pa 'joms par grags pa yin/ /de nas rnam par snang mdzad la sogs pa nas/ /pad+ma 'bebs pa'i mthar thug pa rnams kyi dam tshig gi phyag rgya bcings la/ sarbba shud+d+ho zhes brjod par bya'o/ /sngags de lan gsum brjod cing badzra mu(rgyud 'grel): zhes bya ba 'dis rang gi snying gar gzhug par bya'o/ /de'i tshe oM hUM h+ri ho zhes bya ba'i snying po rang gi snying gar zla ba la gnas pa'i pad+ma'i steng du bsam par bya zhing/ chos thams cad rang bzhin gyis rnam par dag pa'o/ /zhes chos thams cad bdag med par bsgoms la/ de'i snying po yang yid kyis brjod par bya'o/ /de nas snying po de nyid dbyangs yig bcu drug dang bcas pa'i zla ba'i dkyil 'khor gyi rnam par rang gi sems bsam par bya'o// de nas de'i steng du snying po de nyid dang yi ge ka la sogs pa nas/ k+Sha'i mthar thug pa dang bcas pa las zla ba'i dkyil 'khor gnyis par bsam mo/ /zla ba'i dkyil 'khor gnyis pa de nyid dang bshad ma thag pa'i snying po dang bcas pa las rdo rje rtse lnga pa snying po de nyid brjod pas rdo rje de bcom ldan 'das 'gro ba 'dul ba sna tshogs pad+mar bsam par bya'o/ /de nas de'i dbus su snying po bkod la bi sha pad+ma a hi zhes phyag rgya yis nga rgyal bskyed par bya'o/ /phyag rgya'i gzugs de sems par byin gyis
- 30b
brlab pa'i sbyor bas rdo rje sems dpa' bsgoms la/ badzra satwa a haM zhes brjod par bya'o/ /de nas bsnyoms pa dang bcas pas rdo rje gsor zhing 'di skad brjod do/ /badzra satwa a haM zhes bya ba dang/ oM hUM tri ho dza g+had bi na ya a haM zhes brjod la/ rdo rje sems dpa' de 'gro ba pa'i bdag nyid du bsam par bya'o/ /ma hA sa ma ya satwaM a haM zhes brjod do/ /de nas 'gro ba 'dul ba'i dam tshig gi phyag rgya bcings la/ sa ma ya a haM zhes bya'o/ /dam tshig gi phyag rgya de nyid kyis snying ga dang/ lkog ma dang/ spyi bor byin gyis brlab bar bya'o/ /sa ma ya satwa a d+hi tiSh+Tha swa ma zhes bya'o/ /de nas sna tshogs pad+ma 'dzin pa'i bcom ldan 'das kyi phyag rgya chen po bcings/ de'i snying po brjod la/ sku dang gsung dang thugs rdo rje rnams 'gro ba 'dul ba'i bdag nyid du bsgom par bya'o/ /de nas nam mkha' dang mnyam pa'i sbyor bas rang gi snying gar zhugs la/ pad+ma'i rgyu'i phyag rgya yis stong gsum pa'i sangs rgyas kyi zhing gi tshad dang mnyam pa'i 'gro ba 'dul ba'i dkyil 'khor chen por sprul la rigs kyi dam tshig gi phyag rgyas bcings nas/ me tog gi phreng ba blangs te/ ji lta ba bzhin du zhugs nas/ rang gi spyi bor me tog gi phreng ba dor te bcing bar bya'o/ /dngos grub kyi pad+ma brtul zhugs kyi bar du spyad la dkyil 'khor de mngon sum du gyur pa lta bur bsgoms par bya'o/ /yang bcom ldan 'das 'gro ba 'dul ba'i phyag rgya chen po bcings te/ rang gi lus la lha thams cad kyi gnas rnams su yi ge hUM las pad+ma'i gdan bskyed la/ yang de rnams la sa ma ya a/ zhes bya bas zla ba'i dkyil 'khor bsams te/ yid kyis rang gi lus kyi gnas su 'dug la/ rang gi lus la phyi rol gyi mdun du/ oM hUM tri ho a/ zhes bya ba 'dis zla ba'i dkyil 'khor gyi steng du bcom ldan 'das 'gro ba 'dul ba'i sna tshogs pad+ma sprul la pad+ma a haM zhes pad+ma'i nga rgyal bsgom par bya'o/ /de nas dza ga da pa na ya a haM zhes bya bas 'gro ba
- 31a
'dul bar bdag nyid bsams la/ de nyid la rta mgrin la sogs pa'i las kyi phyag rgya rnams kyis bcom ldan 'das dgug pa dang/ gzhug pa dang/ bcing ba dang dbang du bya'o/ /oM hUM h+ri ho dri Sh+ya zhes bya ba dang/ bcom ldan 'das kyis dam tshig gi phyag rgyas bcom ldan 'das la bltas te/ dza(rgyud 'grel): hUM baM ho(rgyud 'grel): brjod pa de nyid kyis rang gi lus kyi gnas su gnas la gzhug par bya'o/ /sa ma yastwaM zhes brjod pas 'od kyi dkyil 'khor gyi rnam par bsgoms la/ des grub pa dang sa ma yastwaM a haM/ oM hUM h+rI(rgyud 'grel): ho zhes brjod pas bcom ldan 'das la zhugs pa dang/ bdag nyid dang lhan cig tha mi dad par bsgom par bya'o/ /de bzhin du rdo rje 'bebs pa'i bar gyi phyag rgya chen po bcings la yid kyis rang gi lus kyi gnas su 'dug ste/ rang gi lus las phyi rol gyi mdun du pad+ma 'bebs pa'i yi ge a'i mdza' can gyi sngags kyis zla ba'i dkyil 'khor gyi steng du pad+ma'i dril bu bskyed la pad+ma g+haN+Ta a haM/ zhes bya ba des pad+ma 'bebs pa'i gzugs su bsgoms la/ de nas pad+ma 'bebs pa de nyid la rta mgrin la sogs pa'i las kyi phyag rgya rnams kyis dgug pa dang/ gzhug pa dang/ bcing ba dang dbang du byas te/ rang gi dam tshig gi phyag rgyas bltas la/ de'i sngags rjod cing dri Sh+ya zhes kyang brjod do/ /de nas dam tshig gi phyag rgya de nyid dang/ dza(rgyud 'grel): hUM baM ho(rgyud 'grel): zhes brjod pas rang gi lus la bcug la/ sa ma yastwaM zhes bya bas 'od kyi dkyil 'khor dbab pa dang/ sa ma ya stwaM a haM/ zhes pa dang sngags brjod pas pad+ma 'bebs pa dang/ bdag nyid lhan cig tu gyur par bsam par bya'o// de nas 'gro ba 'dul ba la sogs pa'i rten pa dang/ brten pa'i lus la rnam par snang mdzad dang/ mi bskyod pa la sogs pa'i de bzhin gshegs pa thams cad dza(rgyud 'grel): hUM baM ho(rgyud 'grel): zhes brjod cing yid kyi legs pa'i sbyor ba yis/ dam tshig gi phyag rgya rnams
- 31b
kyis gzhug cing bsgrub par bya'o/ de nas de bzhin gshegs pa la sogs pa nas/ pad+ma 'bebs pa'i mthar thug pa'i chos dang/ las dang phyag rgya chen po rnams kyis rgyas btab la rdo rje dbyings kyi dbang phyug ma'i phyag rgya dang sems ma dang/ rin chen dang/ chos dang/ rdo rje las ma'i phyag rgya rnams kyis de bzhin gshegs pa rnams byin gyis brlab pa dang/ 'gro ba 'dul ba la sogs pa nas/ pad+ma 'bebs pa'i bar du rdo rje pad+ma'i dam tshig gi phyag rgyas rang gi lus kyi snying ga dang/ dpral ba dang/ lkog ma dang/ spyi bor rim pa bzhin du byin gyis brlabs te/ snying ka'i pad+ma'i phyogs rnams su rdo rje pad+ma sangs rgyas kyis dbang bskur ba dpral ba'i phyogs rnams kyi rdo rje rin chen ma'i gnas su bshad zin pa'i rin po che pad+ma'o/ /lkog ma'i phyogs rnams kyi rdo rje chos ma'i gnas su bshad zin pa'i pad+ma'i rdo rje pad+ma'o/ /thams cad kyi spyi bo'i phyogs kyi rdo rje las ma'i gnas su bshad zin pa'i sna tshogs pad+ma dang zla ba'i gdan rnams la sna tshogs pad+ma re re zhing rims kyis bskyed par bya'o/ /de nas rdo rje dbyings las bshad pa'i rdo rje rin chen gyis dam tshig gi phyag rgyas de bzhin gshegs pa rnams la dbang bskur la 'gro ba 'dul ba la sogs pa nas/ pad+ma 'bebs pa'i bar du/ 'gro ba 'dul ba'i gzungs kyi dkyil 'khor las gsungs pa'i rdo rje chos ma'i phyag rgyas dbang bskur bar bya'o/ /de nas rdo rje pad+ma'i phyag rgyas dbang bskur ba dang/ bdag po'i dbang bskur ba dang/ ming gi dbang bskur ba dang dngos grub pad+ma'i brtul zhugs blangs la/ pad+ma'i sgeg mo la sogs pa rnams kyis mchod pa dang/ pad+ma'i rigs kyi las kyi dkyil 'khor las bshad pa'i mchod pa bcu drug gis yang dag par mchod la/ de nyid kyis ni pad+ma gzung/ /chos kyi dril bu dkrol bar bya/ /dam tshig gi ni phyag rgya che/ /byin gyis brlabs nas snying po zla/ /de nas oM badzra At+ma ko haM zhes brjod pas lha thams cad kyi sku dang gsung dang thugs rdo rje'i rang bzhin du bdag nyid bsgom
- 32a
par bya'o/ oM swa b+hA ba shud+d+ho haM/ zhes bya bas gzugs rnyan dang mtshungs pa'i stong pa nyid kyi rang bzhin du mos pa dang/ oM sarba sa mo haM zhes bya bas bdag gnyis su med pa'i ye shes su bskyed par bya'o/ /lha thams cad kyi ngo bo nyid bdag yin no snyam du bsam pa 'di tsam gyis ni rnal 'byor chen po rdzogs par 'gyur ba yin no/ /da ni gnas kyi nges pa brjod par bya ste/ de la sngags pa'i snying gar gnas pa'i zla ba la zla ba dang pad+ma'i gdan gyi dbus su 'gro ba 'dul ba'i mdun du pad+ma'i sangs rgyas g.yas su pad+ma'i rgyal po/ /g.yon du pad+ma'i chags pa/ rgyab tu pad+ma'i legs pa/ mdzod spu'i phyogs su gtsug phud sangs rgyas dang/ pad+ma khro gnyer rig pa'i rgyal po'o/ /mgo bo'i rgyab tu pad+ma'i nyi ma/ phrag pa gnyis su pad+ma'i dpal so'i phreng ba gnyis la pad+ma bzhad pa/ lkog ma'i phyogs su dbus kyi cha la pad+ma'i ting nge 'dzin de'i mdun du pad+ma'i sgrol ma rnal 'byor pa'i nu ma gnyis la pad+ma rnon po'o/ /lte bar pad+ma'i rgyu/ lce la pad+ma'i bsrung ba/ spyi gtsug tu pad+ma don yon pa'i dbang phyug /de'i mdun du pad+ma gar gyi dbang phyug /rnal 'byor pa'i nam tshom gnyis su pad+ma'i bsrung ba/ khang pad+ma'i gnod sbyin/ rked par pad+ma'i khu tshur/ sangs rgyas pad+ma'i yon logs su pad+ma sgeg mo dang/ pad+ma'i khro gnyer rig pa'i rgyal po'i g.yon logs su pad+ma'i phreng ma/ pad+ma sgrol ma'i g.yon logs su pad+ma'i glu me/ pad+ma gar gyi dbang phyug gi g.yon logs su pad+ma'i gar ma/ rnal 'byor pa'i rnam logs kyi gsang pa'i gnas su pad+ma'i bdug pa ma/ mgo la pad+ma'i me tog ma/ mig la pad+ma'i mar me ma/ nu ma dang brang dang/ snying gar pad+ma'i byug pa ma/ brla g.yas pa la rta mgrin brla g.yon pa la don yod zhags pa/ byin pa g.yas pa la pad+ma lcags sgrog /byin pa g.yon pa la pad+ma 'bebs pa/ de bzhin gshegs pa rnams ni rten dang brten pa'i lus kyi yan lag thams cad la til
- 32b
dang til mar gyi tshul gyis bzhugs so/ /nyin re zhing rnal 'byor chen po lan re bsgrub par bya'o/ /de ltar rnal 'byor chen po byas nas/ thun bzhi'i sbyor bas thams cad kyi sngags bzlas brjod 'bum bya ba 'am/ yang na rang gi snying gar 'chad par 'gyur ba'i 'gro ba 'dul ba'i phyag rgya bzhi pa'i dkyil 'khor la bshad pa'i tshul gyis zla ba gcig gam/ zla ba drug drug gam/ lo gcig gi bar du ji srid rgyun mi 'chad par dkyil 'khor mngon sum du mthong ba de srid kyi bar du bsgom par bya'o/ /yang na dang por sbyor ba dang/ dkyil 'khor chen po rgyal mchog dang/ /las kyi rgyal mchog bsgoms la/ /nyin re zhing thun bzhi'i sbyor ba zla ba gcig gam/ zla ba drug gam/ lo gcig gi bar du dkyil 'khor bsgom par bya'o/ /de ltar snga ma bzhin du rnal 'byor chen po bsgoms nas/ sa sbyang ba dang/ sa gzung bar bya'o/ /de nas bdag nyid khrus byas lus dris byugs/ /ji snyed pa'i rgyan gdags shing/ /shin tu dkar ba'i gos bsgo zhing/ /me tog phreng bas gdong yang brgyan/ /zhag bdun gyi bar du ting nge 'dzin gsum nas brtsams te/ dkyil 'khor bsgoms nas/ de nas dkyil 'khor gyi sa'i dbus su bdag dang gnas bsrung ba byas la/ sngar bshad pa'i pad+ma'i rgyu'i phyag rgyas dkyil 'khor sprul te/ phyag bya ba la sogs pa sngon du 'gro bas sdom pa blang ba dang/ /rnal 'byor chen po byas la/ de nas snga ma bzhin du/ de nyid kyis ni pad+ma gzung/ /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /de nas snying po gsum brjod cing/ don gsum ni/ rdo rje'i bdag nyid dang/ nam mkha' dang mtshungs ba dang/ chos bdag med par mnyam pa nyid kyis sems can thams cad dang mtshungs so/ /zhes bsgom par bya'o/ /de nas 'gro ba 'dul ba'i phyag rgya chen po bcings te/ nam mkha' i phyogs su gnas pa dang/ a kA ro mu khaM sarbba d+harmmA NaM AryA nutpan+na tAta ces yid kyis
- 33a
brjod la/ stong gsum pa'i sangs rgyas kyi zhing gi nam mkha' i tshad dang mnyam par bsam par bya'o/ /de nas nam mkha' i phyogs der/ dang por yi ge yaM yongs su gyur pa las/ rlung gi dkyil 'khor/ de'i steng du yi ge baM las 'o ma'i rgya mtsho/ /de'i steng du yi ge laM las gser gyi dkyil 'khor/ de'i steng du baM yongs su gyur pa las 'o ma'i rgya mtsho bsam par bya'o/ /de'i dbus su huM suM huM zhes bya ba las ri rab chen po zur bzhi pa/ rin po che sna bzhi'i rang bzhin can/ rin po che brgyan pa/ stong gsum pa'i sangs rgyas kyi zhing gi tshad dang mnyam par bsgom mo/ /oM badzra DI Dho me b+ha ba rak+Sha sarbbaM swAhA/ zhes brjod cing rdo rje bsdams pa brkyang ste/ sa la bzhag nas rdo rje'i rang bzhin du byin gyis brlab par bya'o/ /de'i steng du pad+ma'i rgyu las kyi phyag rgyas 'gro ba 'dul ba'i khang bu brtsegs pa rtse mo rdo rje dang nor bu rin po che las byas pa sprul la/ pad+ma'i khang bu brtsegs pa'i dbus su a si a zhes bya bas seng ge'i gdan dang/ lha lhag ma rnams kyi gnas su yi ge h+ri: las pad+ma'i gdan dang/ seng ge'i gdan la sogs pa de rnams la sa ma/ yang a zhes bya bas zla ba'i dkyil 'khor sprul la/ dkyil 'khor gyi sa ri dbus su sems dpa' i skyil mo krung gis 'dug ste bdag nyid spro ba bskyed par bya'o/ /deng du bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par/ /gyur par yang ni the tshom med/ /byang chub sems dang sems gcig pas/ /mi ldog par ni bdag gyur te/ /pad+ma chen po'i rigs su ni/ /deng bdag skye bar the tshom med/ /der bdag nyi ma dam pa ste/ /bdag gi mchog sbyin bla na med/ /sangs rgyas thams cad spyan 'dren pa/ /der bdag 'dus pa'i mchog yin no/ /de nas yan lag thams cad kyis phyag byas la/ spos snod lag tu thogs te/ sangs rgyas thams cad
- 33b
spyan drang bar bya'o/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming cho ge zhes bgyi bas/ /pad+ma can gyi dkyil 'khor bri/ /deng 'dir sangs rgyas kun gshegs te/ /dngos grub 'di ni stsal du stsol/ /zhes brjod la/ dang po'i sbyor ba dang/ dkyil 'khor rgyal mchog dang/ las kyi rgyal po mchog rnams bsgoms la/ de nas 'gro ba 'dul ba'i gnas su 'gro ba 'dul ba'i phyag rgya chen por gnas te/ de'i sngags zlos pa la brtson pa'i rnal 'byor pa la sgrub pa'i grogs mchog de bzhin gshegs pa'i nga rgyal dang ldan dkyil 'khor bri ba'i phyir/ 'gro ba 'dul ba'i mtshan brgya rtsa brgyad pas gsol ba gdab par bya'o/ /de nas langs la de bzhin gshegs pa thams cad kyi zhabs la phyag byas la de bzhin gshegs pa thams cad kyis nam mkha' i khams gang bar mngon du bsams la/ bdag ni rang nyid pad+ma can/ /pad+ma'i sems dpar bdag rang nyid/ /bdag ni sangs rgyas rgyal po che/ /stobs chen pad+ma can bdag yin/ /bdag ni rnal 'byor dbang phyug rgyal/ /phyag na padmo brtan bdag yin/ /bdag po pad+ma chen po bdag /byin gyis brlabs pa mi 'dor ro/ /oM hUM h+ri ho:/ zhes brjod la nga rgyal bskyed de/ badzra Di sh+ya phaT/ zhes bya ba'i mig gnyis su bkod la yi ge a las rkang mthil du sna tshogs rdo rje bskyed la bdag nyid sna tshogs pad+ma'i phyag rgya bcings la/ oM hUM h+ri ho badzra a triSh+Tha maN+Dal la u tha ya zhes brjod cing dkyil 'khor nam mkha' i phyogs su gdeg par bya'o/ /de nas phyag rgya des bdag nyid la byin gyis brlabs la phyag rgya chen po bcings te/ phyag rgya la gnas te de bzhin langs/ /kun du rnam par bltas nas ni// //oM hUM h+ri ho(rgyud 'grel): zhes brjod nas/ bsgyings pa'i tshul gyis rab tu bskor/ /de nas bgegs bsal ba la sogs pa byas nas/ yang sgo dbye ba'i phyag rgyas sgo phye la sngags dang phyag
- 34a
rgya 'di dang ldan pas gsang ba'i dkyil 'khor dgug par bya'o/ /oM badzra maN+Dal hUM dza de'i phyag rgya ni 'di yin te/ rdo rje khu tshur gnyis kyis mdzub mo dang mthe bo gnyis rdo rjer byas la/ dkyil 'khor thams cad dgug par byed pa ni rdo rje 'khor lo phyag rgya'o/ /oM ma hA badzra tsakra a d+hi tiSh+Tha sid d+hA hUM zhes bya ba'i phyag rgya'i sbyor ba 'dis yang dkyil 'khor byin gyis brlabs par bya'o/ /rdo rje dbyings kyi rdo rje rgyu'i las kyi phyag rgya ni 'di'i phyag rgya yin no/ /de nas lag pa g.yas pa'i mthe bos rang gi mthe chung gi sen mo mnan la/ sor mo lhag ma rnams rtse gsum pa ltar byas la g.yon pa'i rdo rje khu tshur gyis rdo rje rtse lnga pa blangs te/ dbang ldan gyi phyogs nas brtsams nas bskor te/ mtshams bzhi ru g.yon pa'i rdo rje khu tshur gyis rdo rje gzung la/ mdza' yas dang rnam par rgyal ba dang sprin sgra dang gsus po che zhes bya ba phur bu'i rnam pa lta bu grwa bzhir bskyed nas/ lag pa g.yas pa'i rdo rje rtse gsum pa ltar byas nas brdung zhing/ 'di skad ces snying po bzla bar bya'o/ /oM g+ha(rgyud 'grel): g+ha(rgyud 'grel): g+hA ta ya g+hA ta ya/ sarbba tuShtra Na phaT kI la ya kI la ya/ sarbba pa paM phaT/ hUM hUM hUM badzra kI la ya badzra d+hA ra Adz+nyA pa ya ti swAhA/ zhes bya ba'am/ 'jig rten gsum gyi dkyil 'khor las bshad pa'i sngags kyis bya'o/ /seng ldeng las byas pa'i phur bu dkyil 'khor gyi zur bzhi dang lte bar mngon par bsngags la gdab par bya'o/ /de nas rdo rje gnod sbyin gyis yongs su bgegs bskrad la ra ba dang dra ba byas nas/ rdo rje khu tshur gyis sgo bcang la/ rdo rje go cha srung bar thams cad yang dag par bsrungs la/ pad+ma'i gnod sbyin gyis yongs su bzlas pa'i chu'i bum pa dkyil 'khor gyi sgor bzhag la rdo rje rtse mo yongs su bzlas pa'i dri'i chus mchod pa thams cad bsangs te/ rdo rje me lan gsum bzlas la/ oM badzra puShpe hUM zhes bya ba la sogs pa'i sngags kyis yang lan gsum bzla
- 34b
bar bya'o/ /de la rdo rje rtse mo la sogs pa'i phyag rgya dang sngags na 'di yin te/ oM badzra shi kha re ru Ta maT/ rdo rje rtse mo'i sngags so/ /hUM badzra a na la ha na da ha pa tsa ma tha b+hany+tsa ra nA hUM phaT rdo rje me'i sngags so/ /badzra pA sha hUM zhes bya ba me tog gi sngags so/ /oM badzra gande zhes bya ba dri'i sngags so/ /oM badzra d+hu ba hUM zhes bya ba bdug pa'i sngags so/ /a kA ro mu khaM sarbba d+harmmA NaM A dyA nutpaTTa twAt ces pa lha bshos kyi sngags so/ /oM badzra A lo ke zhes bya ba mar me'i sngags so/ /rdo rje khu tshur gnyis ri bo 'degs pa'i tshul du byed pa ni rdo rje rtse mo'i 'o/ /rdo rje bsdams pa nang du bcings la sor mo 'bar ba lta bu las mthe bo gnyis rdo rjer bsgreng ba ni rdo rje khro bo ti rin+ti ri'i phyag rgya zhes bya ba 'di rdo rje me'i phyag rgya yin no/ /rdo rje khu tshur gnyis bcings la gyen du 'thor pa'i tshul du byed pa ni me tog gi phyag rgya'o/ /rdo rje khu tshur gnyis bcings la/ dris byug pa'i tshul du byed pa ni/ dri'i phyag rgya'o/ /rdo rje khu tshur gnyis kyis bdug pa 'thul ba'i tshul du byed pa ni bdug pa'i phyag rgya'o/ /rdo rje khu tshur gnyis kyis ral gri 'debs pa'i tshul du byed pa'i ni lha bshos kyi phyag rgya'o/ /rdo rje khu tshur gnyis bcings la/ mthe bong gnyis bzhi bas te bsgreng nas mar me'i sdong bu ltar byed pa ni mar me'i phyag rgya'o/ /oM hUM h+ri ho(rgyud 'grel): zhes bya ba me tog gi rdo rje thal mo bcings la/ mthe bo gnyis brkyang ste thal mo 'byed ba'i tshul gyis yon chab la sngags lan bdun nam nyi shu rtsa gcig tu bzlas la bzhag par bya'o/ /de nas dkyil 'khor gyi gnas thams cad rdo rje rtse mo yongs su bzlas pa'i dri chu dang pad+ma'i gnod sbyin yongs su bzlas pa'i chus byugs la/ de nyid yongs su bzlas pa'i dri'i chus lha rnams kyi gnas su dkyil 'khor bya'o/ /de nas dkyil 'khor thams cad kyi gnas rnams su yid kyis bzhag la rnam par snang mdzad la sogs pa'i snga lan bdun bzlas te/ dri'i dkyil 'khor rnams la rnam par snang mdzad la sogs
- 35a
pa nas pad+ma 'bebs pa'i mthar thug pa nam mkha' i phyogs nas phab ste/ rang rang gi sngags kyis bzhag par bya'o/ /bskal pa bzang po po rnams kyang rang gi gnas rnams su/ oM sarbba saM ska ra pa ri shud+d+ha d+harmmA te ge ga na sa mud+ga te ma hA na ya pa ri bA re swAhA/ zhes bya bas bzhag par bya'o/ /de nas rnam par rgyal ba'i bum par dri'i chu cung zad cig blugs la/ rdo rje ma dang/ pad+ma'i gnod sbyin dang/ 'gro ba 'dul ba'i sngags re re zhing brgya rtsa brgyad bzlas la lha'i rang bzhin du de bsgoms nas/ mchod yon gyi sngags dang re re zhing mchod yon phul la/ mchod pa thams cad phyag rgya dang bcas pas yang dag par mchod la/ rang gi dam tshig gi phyag rgyas me tog gi bdug pa ma bzung ste/ re re zhing sngags brgya rtsa brgyad mngon par bzlas la/ yang bdug pas bdugs la nyin zhag gnyis pa la de bzhin du bzlas par bya'o/ /bum pa de yang lhag par gnas pa ni bcom ldan 'das 'gro ba 'dul ba'i spyan sngar bzhag par bya'o/ /lhag par gnas pa thams cad ji lta ba bzhin du rjes su spyod la de nas nyi ma 'chang ka'i dus su slong ba'i phyag rgya de nyid kyi dkyil 'khor nam mkhar bzhag la thig gdab par bya'o/ /de la dang por re zhig tshon rtsi sngon po dang ser po dang/ dmar po dang/ ljang gu dang/ dkar po dri zhim pa bspos pas srad bu so sor kha bsgyur la go rim 'di nyid kyis bzhag ste/ hUM traM h+ri A a zhes bya ba'i sa bon gyis mi bskyod pa la sogs pa srad bu de rnams la bkod de/ oM dIpta driSh+Ti aM gu sha dza(rgyud 'grel): zhes mig gnyis su bkod la/ rab tu g.yo zhing 'bar ba'i mig /mig gi rje mi 'dran pa ni 'bar ba'i lta bas mi bskyod pa la sogs pa bskul zhing 'di skad brjod de/ bcom ldan 'das kyi dkyil 'khor chen po'i thig gdab par bya ba'i phyir/ rdo rje'i thig bdag la stsol zhig ces bya bas kyang bskul bar bya'o/ /de nas
- 35b
rang gi sa bon gyi 'od kyis bskul ba'i mi bskyod pa la sogs pa'i de bzhin gshegs pas btang ba'i srad bu 'bar ba'i lcags kyus bkug ste/ rang gi lag na gnas pa'i srad bu de gang bar byas la/ a n+yo n+ya a nu ga ta sarbba d+harmma pa ra pA ra a nu pra biSh+Ta sarbba d+harmmA/ a dyan ha a nu pra biSh+Ta sarbba d+harmmA oM hUM h+ri ho(rgyud 'grel): zhes bya ba zlos shing bsgril bar bya'o/ /bsgril nas mig g.yas dang g.yon du ma dang Ta las nyi ma dang zla ba bskyed la badzra driSh+Ta phaT ces bya bas brtan par byas la/ srid bu de dris byugs pa'i gser la sogs pa'i snod du bzhag nas/ dri dang me tog dang/ bdug spos kyis mchod la/ oM badzra sa ma ya su traM mA ti kra ma hUM zhes bya ba rdo rje bsdams pas gzung ste/ lan brgya rtsa brgyad bzla bar bya'o/ /de nas rnam par snang mdzad dang/ 'gro ba 'dul dang/ sangs rgyas thor tshugs dang/ pad+ma'i ting nge 'dzin dang/ pad+ma don yod dbang phyug dang sems dpa' bcu drug dang/ rdo rje gnod sbyin bzlas pa'i dris/ dkyil 'khor gyi sa gzhi yang byu gas la me tog gis mdzes par byas nas bar snang na bzhugs pa'i lha thams cad la phyag byas te/ oM hUM(rgyud 'grel): h+ri(rgyud 'grel): ho(rgyud 'grel): zhes bya bas mchod yon phul la dkyil 'khor gyi lha thams cad la mchod pa rnam pa lnga dang/ sgeg mo la sogs pas yang dag par mchod la/ mig g.yas g.yon du yi ge dza(rgyud 'grel): ser po bkod la/ nyi ma dang zla ba ser po'i snang ba bskyed de/ glu dang rol mo la sogs pa'i mchod pa dang bcas pas dkyil 'khor brtag par bya'o/ /de la re zhig sngar mngon par bzlas pa'i kha dog dkar po dri zhim par srad bu mngon par spangs la/ de nas 'gro ba 'dul ba'i phyag rgya chen po bcings te oM hUM h+ri: ho(rgyud 'grel): zhes bya ba 'dis rang gi snying ga'i pad+ma las grub pa'i grogs po pad+ma gar gyi dbang phyug gi gzugs kyis phyung la/ g.yon pa'i rdo rje khu tshur gyis sran bu de gzung ste/ dza zhes bya bas sgrub pa'i grogs po'i lag du srad bu de btang la/ phyogs thams
- 36a
cad mnyam pa nyid du bsgom zhing shar phyogs su kha bltas te/ tshangs pa'i thig gdab par bya'o/ /dza(rgyud 'grel): dza(rgyud 'grel): dza(rgyud 'grel): zhes bya ba bsgrub pa'i grogs pos yi ge dza(rgyud 'grel): gsum gyis thig skud drang bar bya'o/ /yang slob dpon lho ru 'dug la byang du bltas te/ tshangs pa'i thig gnyis pa gdab par bya'o/ /de nas me'i char gnas la byang phyogs su bltas te phyi'i dkyil 'khor gyi shar gyi thig gdab bo/ /rlung gi phyogs su gnas la lho phyogs su bltas te/ nub kyi thig gdab po/ /de nyid du 'dug ste shar du bltas nas/ byang gi phyogs kyi thig gdab bo/ /yang me'i mtshams su 'dug ste/ nub du bltas la lho phyogs kyi thig gdab po/ /de bzhin du lha'i snam bu dang kha khyer gyi thig kyang gdab par bya'o/ /yang me'i mtshams su gnas te/ rlung gi phyogs kyi mtshams kyi bar du thig gdab pa dang/ yang bden bral gyi mtshams su gnas te/ dbang ldan gyi mtshams kyi bar du thig gdab pa dang/ de nas sgo dang/ rta babs kyi thig kyang gdab la de'i nang du sngar bshad pa'i tshul gyis phyi'i dkyil 'khor gyi phyed kyi tshad la zur bzhi pa'i ri mo gnyis pa ni sgo la mngon par phyogs par thig gdab par bya'o/ /ri mo gnyis pa'i dbus su pad+ma'i phreng ba bris la/ ka ba brgyad dang ldan pa'i cha gsum mnyam par thig btab nas/ pad+ma 'dab ma brgyad pa yi thig ni gdab par bya'o/ /de la re zhig srad bu'i sngags ni/ oM badzra sa ma yA sU traM ma ta kri ma hUM/ de nas rdo rje hUM mdzad kyi sbyor ba byas la/ mig g.yas pa dang/ g.yon par yi ge h+ri las nyi ma dang zla ba bskyed la/ khro bo'i lta bas kun nas bltas pas sgo rnams bya'o/ /slob dpon dang sgrub pa'i grogs mchog bsgrims pa'i tshul gyis bskor phyogs su 'gro bar bya ba ni thig gi cho ga'o/ /de nas tshon rtsi byin gyis brlab par bya ste/ de la tshon
- 36b
dkar po la yi ge a las rnam par snang mdzad sku mdog dkar po/ /tshon sngon po la yi ge hUM las mi bskyod pa sku mdog mthing ka/ tshon ser po la yi ge traM las rin chen 'byung ldan sku mdog ser po/ /tshon dmar po la yi ge h+rI(rgyud 'grel): las 'od dpag tu med pa sku mdog dmar po/ /tshon ljang gu la yi ge a las don yod grub pa sku mdog ljang gur bskyed la/ oM badzra tsitra sa ma ya hUM zhes bya ba 'di phyag rgya dang ldan pas re re la yang lan bdun bdun bzla bar bya'o/ /de la phyag rgya ni 'di yin te/ rdo rje phyag rgya gnyis las ni/ /mdzub mo'i rtse mo mnyam sbyar ba/ /byas nas tshon rtsi thams cad ni/ /'bar ba'i lta bas dgug par bya/ /yi ge hi zhes bya ba mthar spar bar bya'o/ /de nas oM badzra tsi tra sa ma ya hUM zhes bya ba'i snying po dang dbang ldan gyi phyogs nas brtsams te/ g.yas nas bskor pa'i rim pas g.yon pa'i khu tshur gyis tshon rtsi thog mar bkye la/ phyis ni rdo rje khu tshur med kyang bya'o/ /rim pa ni 'di yin te/ sngon po dang/ ser po dang/ dmar po dang/ ljang gu dang/ thams cad kyi nang du dkar po bya'o/ /de nas ji skad bshad pa'i phyi'i dkyil 'khor bris la/ nang gi dkyil 'khor ni zur bzhi pa snol ba'i ri mo gnyis pa bris la/ ri mo gnyis pa'i dbus su pad+ma'i phreng ba bris la/ pad+ma 'dab ma brgyad pa lta bu'i ka ba brgyad pa bri bar bya'o/ /pad+ma de'i ge sar gyi dbus su/ seng ge dang pad+ma'i gdan la zla ba'i dkyil 'khor la bzhugs pa rnam par snang mdzad sngar bshad pa'i tshul gyis bri bar bya'o/ /de'i phyogs rnams su pad+ma dang zla ba'i gdan la phyag rgya bzhi par bya'o/ /de ltar 'gro ba 'dul ba la sogs pa yang zla ba dang pad+ma'i gdan la bri pa dang/ bskal pa bzang po rnams kyang sngar bshad pa'i rigs pas phyi'i dkyil 'khor gyi khyams rnams su/ byams pa la sogs pa'i bskal pa bzang po stong du bzhis ma tshad pa pad+ma dang/ zla ba'i gdan la sems dpa' i skyil mo krung gis bzhugs pa bri bar
- 37a
bya'o/ /shar phyogs la sogs pa'i phyogs rnams su mnyam pa'i rim pa bzhin du bya'o/ /de nas shar phyogs kyi snam bu la/ sangs rgyas pad+ma bzhin du pad+ma'i rdo rje dang dril bu bsnams pa'o/ /lho phyogs kyi snam bu la rdo rje rin po che bzhin du rin chen pad+ma bsnams pa'o/ /yang nub phyogs kyi snam bu la rdo rje chos bzhin du rdo rje pad+ma bsnams ba'o/ /byang phyogs kyi snam bu la pad+ma gar gyi dbang phyug bzhin du sna tshogs pad+ma bsnams pa'o/ /de la bcom ldan 'das rnam bar snang mdzad ni sku mdog dkar po/ /byang chub mchog gi phyag rgyas rdo rje rtse lngar bsnams pa/ zhal bzhi pa/ zhal dang po shar du gzigs pa'o/ /rdo rje sems ma'i gnas su pad+mas mtshan pa'i rdo rje rtse lnga pa/ rdo rje rin chen ma'i gnas su yid bzhin gyi nor bu'i rtse mo pad+ma can/ rdo rje chos ma'i gnas su pad+ma 'dab ma bcu drug pa'i rdo rje pad+ma/ rdo rje las ma'i gnas su pad+ma 'dab ma bzhi pa/ kha dog sngon po dang/ ser po dang/ dmar po dang/ ljang gu'i 'dab ma bzhi pa lte ba dkar po'o/ /bcom ldan 'das 'gro ba 'dul ba ni phyag gnyis pa sku mdog dkar dmar/ phyag g.yon pas pad+ma'i sdong bu gzung nas phyag g.yas pas thugs kar pad+ma 'byed pa mdzad pas bzhugs pa'o/ /sangs rgyas pad+ma ni shAkya thub pa'i gzugs can gser gyi mdog mnga' ba/ g.yon bsnyems pas pad+ma'i dril bu gzung nas/ phyag g.yas pas kha TwAM ga pad+mas mtshan pa'i rdo rje rtse lnga pa gung mo'i rtse mo la rang gi snying gar 'degs pa'i tshul gyis 'dzin pa'o/ /pad+ma'i rgyal po ni sku mdog ser po phyag g.yas kyi dang po na rdo rje/ gnyis pa na ral gri/ g.yon gyi dang po na lcags kyu/ g.yon gyi gnyis pa na pad+ma bsnams pa'o/ /pad+ma'i chags pa sku mdog dmar po pad+ma'i mda' gzhu 'gengs pas sangs rgyas thams cad gsod pa'i tshul du mdzad pa'o/ /pad+ma
- 37b
legs pa ni margang? gyi mdog can pad+ma'i se gol brdabs pas de bzhin gshegs pa thams cad mnyes par mdzad pa'o/ /'jig rten dbang phyug gi ral pa'i dbus na 'od dpag tu med pa phyag g.yon pas pad+ma bsnams pa/ phyag g.yas pa ting nge 'dzin mchog gis bzhugs pa/ sku mdog dmar po/ sangs rgyas thor tshugs zhes brjod pa'o/ /pad+ma'i khro gnyer ni sku mdog ser po phyag g.yas pa pad+ma'i khu tshur gyis pad+mas mtshan pa'i yid bzhin gyis nor bus dbang bskur ba'i gnas su 'jog pa'i phyag g.yon pa'i bsnyems pas pad+ma'i dril bu 'dzin pa'o/ /pad+ma'i nyi ma ni sku mdog dmar po nyi ma lta bu phyag g.yon pas pad+ma bsnams shing/ phyag g.yas pas pad+ma la gnas pa'i nyi mas de bzhin gshegs pa thams cad 'od kyis snang bar mdzad pa bsnams pa'o/ / pad+ma'i dpal zla ba'i mdog dang de'i cha byad can phyag g.yon pas pad+mas mtshan pa'i yid bzhin gyi nor bu'i rgyal mtshan bsnams pa/ phyag g.yas pas mchod sbyin pa'o/ /pad+ma bzhad pa sku mchog dkar ser zhal bcu gcig pa/ phyag bcu gnyis pa tshangs pa'i cha byad can ral pa'i thor tshugs kyis brgyan pa dang/ rgyan thams cad kyis rnam par brgyan pa'o/ /de la zhal dang po bzhi pa/ de bzhin du zhal g.yas pa dang/ g.yon pa'i phyogs kyang zhi ba yin la/ rgyab kyi zhal gcig mi sdug pa'i nyams can no/ / yang zhal dang po'i steng ma gcig ni mche ba gtsigs pa/ de'i g.yas g.yon gyi zhal gnyis ni mi sdug pa'i nyams can/ de'i rgyab ni mche ba rnams gtsigs pa/ de'i steng ma'i zhal dang po ni mche ba gtsigs pa/ zhal g.yas pa ni mche ba phyung ba/ g.yon pa ni drag cing cher bshad pa/ de'i steng ma gcig ni rdzogs pa'i sangs rgyas kyi zhal lo/ /phyag dang po gnyis ni chos ston pa'i phyag rgya'o/ /gnyis pa gnyis ni me tog gi thal mo mdzad pa/ phyag g.yas pa na so'i phreng ba pad+mar
- 38a
chud pa'i rdo rje can gyis mtshan pa des de bzhin gshegs pa 'dzum pa la nges par sbyor ba'o/ /g.yas kyi bzhi pa dang/ lnga pa na ral gri dang/ bgrang phreng bsnams pa/ phyag gcig gis sems can thams cad dbugs 'byin par mdzad pa'o/ /phyag g.yon pas pad+ma dang glegs bam dang yid bzhin gyi nor bu dang/ ril ba spyi blugs bsnams par bzhugs pa'o/ /pad+ma'i ting nge 'dzin ni brgya byin gyi cha lugs can/ spyan stong dang ldan pa sku mdog dmar po ting nge 'dzin mchog gi phyag rgya'i phyag g.yon pas rdo rje pad+ma bsnams pa/ pad+ma'i sgrol ma ni rdo rje chos kyi gzugs can no/ /gzhon nu ni gdong drug bzhin du sku mdog dmar po phyag bzhi pa/ phyag g.yon pa pad+ma'i khu tshur gyis shes rab kyi pha rol tu phyin pa'i glegs bam bsnams pa/ phyag g.yas pa'i khu tshur gyis pad+ma'i ral gris de bzhin gshegs pa thams cad gcod par mdzad pa'o/ /g.yas kyi gnyis pa na mdung bsnams pa/ g.yon gyi gnyis pa na pad+ma bsnams pa'o/ /pad+ma'i rgyu khyab 'jug gi gzugs can/ mgrin pa sngon po spyan gsum pa phyag g.yas pa gnyis na 'khor lo dang be con bsnams pa/ g.yon pa gnyis na pad+ma dang dung bsnams pa/ stag gi pags pa'i sham thabs can sprul nag po'i mchod phyir thogs 'chang ba/ ri dag kyi pags pa stod g.yogs su mnabs pa/ zhal cher bshad pa'o/ /pad+ma'i gsung ni tshangs pa'i gzugs can/ mdog dkar dmar zhal bzhi pa/ phyag g.yas pa gnyis na bgrang phreng dang dbyug pa/ g.yon pa gnyis na pad+ma dang ril pa spyi blugs bsnams pa'o/ /pad+ma don yod pa'i dbang phyug ni lha chen po'i gzugs can zhal bzhi pa spyan gsum pa mgrin pa sngo ba sprul gyis mchod phyir thogs 'chang ba stag gi pags pa'i sham thabs can/ ri dags nag po'i pags pa stod g.yogs su mnabs pa/ phyag g.yas kyi dang pos
- 38b
mchod sbyin pa/ gnyis pas pad+ma bsnams pa/ g.yon gyi dang po na mdung rtse gsum pa gnyis pa na ral gri zhal sngon po dang/ ser po dang/ dmar po dang/ ljang gu'i mdog can no/ /pad+ma gar gyi dbang phyug /gar gyi dbang phyug gi gzugs can/ phyag g.yas pa pad+ma dang lcags kyu dang zhags pa bsnams pa g.yon pa gnyis na mdung rtse gsum pa dang lcags sgrog dang/ dril bu bsnams pa sku mdog dkar po spyan gsum pa'o/ /pad+ma'i srung ba ni gser gyi mdog can/ phyag g.yas kyi dang pos mi 'jigs pa sbyin pa/ g.yon gyi dang pos pad+ma bsnams pa/ phyag gnyis kyis pad+ma'i go cha bsnams pa/ de bzhin gshegs pa thams cad la go bskon pa'o/ /pad+ma'i gnod sbyin ni sku mdog nag po gsum po che/ zhal mche ba rnam par gtsigs pa/ pad+ma'i mche ba gnyis phyag gnyis kyi khu tshur gyis gzung nas khar bzhag pas de bzhin gshegs pa thams cad 'jigs par byed pa'o/ /pad+ma'i khu tshur ni sku mdog ser po dam tshig gi pad+ma'i khu tshur gyis pad+mas mtshan pa'i rdo rje 'tshir zhing bzhugs pa'o/ /pad+ma'i sgeg mo ni mdog dkar po pad+ma'i khu tshur gnyis kyis pad+mas mtshan pa'i rdo rje lnga pa gnyis gzung nas bsnyems pa'i tshul gyis bsam pa g.yos pas 'dud pa'o/ /pad+mai phreng ba ma mdog ser po/ pad+ma rin po che'i phreng bas de bzhin gshegs pa thams cad la dbang bskur ba'o/ /pad+ma'i glu ma ni mdog dkar dmar pad+ma'i pi wang brdung ba'o/ /pad+ma'i bar ma ni sna tshogs pa'i mdog can pad+mas mtshan pa'i rdo rje rtse gsum bsnams pas gar bskor ba'i tshul du byed pa'o/ /pad+ma'i bdug pa ma ni sku mdog dkar dmar pad+ma'i spos khang bsnams nas/ pad+ma'i 'dug pas de bzhin gshegs pa thams cad tshim par mdzad pa'o/ /pad+ma'i me tog ma ni sku mdog ser po/ /phyag g.yon pas pad+ma'i me tog gi snod bsnams pa/ phyag g.yas pas pad+ma'i me tog gis de bzhin gshegs pa thams cad la mchod
- 39a
pa byed pa'o/ /pad+ma'i mar me ma ni/ mdog dmar skya/ pad+ma'i mar me'i sdong bus de bzhin gshegs pa thams cad snang bar byed pa'o/ /pad+ma'i dri ma ni sna tshogs pa'i mdog can/ phyag g.yon pas pad+ma'i dri'i dung bsnams pa/ phyag g.yas pas pad+ma'i dris de bzhin gshegs pa thams cad mchod cing bzhugs pa'o/ /rta mgrin ni mdog dmar skya/ pad+ma'i lcags kyus de bzhin gshegs pa thams cad 'gugs pa dang/ zhal dang po'i mche ba rnam par gtsigs pa de'i steng du rta'i gdong mgrin pa bstod pa mdog ljang gu'o/ /don yod pa'i zhags pa ni phyugs bdag gi gzugs can spyan gsum pa/ phyag bzhi pa/ g.yas kyi dang po na zhags pa/ gnyis pa na mchod sbyin/ g.yon gyi dang po na dbyug pa/ g.yon gyi gnyis pa na pad+ma bsnams pa'o/ /pad+ma'i lcags sgrog ni mdog dmar skya/ pad+ma'i lcags sgrog dang cas pas de bzhin gshegs pa thams cad 'ching bar byed pa'o/ /pad+ma 'bebs pa ni zhal drug pa/ gzhon nu kun 'gyed kyi cha lugs can/ mdog dmar po phyag g.yas kyi dang po ni gril bu/ gnyis pa na mdung/ gsum pa na ral gri/ g.yon gyi dang po na pad+ma/ gnyis pa na lcags sgrog /gsum pa na khyim bya bsnams pas bzhugs pa'o/ /de la rnam par snang mdzad dang/ sangs rgyas tshor tshugs dang/ bskal pa bzang po rnams ni rin po che'i cod pan gyis dbang bskur ba'o/ /lhag ma rnams ni 'od dpag tu med pa'i pad+ma'i phreng ba'i cod pan gyis dbang bskur ba'o/ /rnam par snang mdzad dang/ sangs rgyas thor tshugs dang/ ting nge 'dzin pad+ma'i rdo rje skyil mo krung gis bzhugs pa'o/ /'gro ba 'dul ba la sogs pa lhag ma rnams ni sems dpa' i skyil mo krung gis bzhugs pa'o/ /rnam par snang mdzad dang sangs rgyas thor tshugs dang/ pad+ma'i ting nge 'dzin ni zhi ba'i gzigs pa'o/ /lhag ma rnams rdo rje lta ba can no/ /de ltar dkyil 'khor bris nas dgongs ka'i 'gro
- 39b
ba 'dul ba'i dam tshig gi phyag rgyas me tog gi phreng ba blangs la/ rdo rje shugs kyi dkyil 'khor du 'jug par byas shing/ oM hUM h+ri(rgyud 'grel): ho(rgyud 'grel): zhes kyang brjod par bya'o/ /yang dkyil 'khor tham cad kyi lhag ma dang ma tshang ba'i nyes pa zhi bar bya ba'i phyir bltas la/ rdo rje dril bu dkrol zhing dkyil 'khor la lan bdun bskor ba bya nas/ rdo rje sems dpa' la phreng ba de phul te/ rdo rje gar byas la/ blangs nas rang gi mgo la bcing bar bya'o/ /oM hUM h+ri(rgyud 'grel): ho(rgyud 'grel): zhes rgyun mi 'chad pa kho nar bzlas par bya'o/ /de nas rdo rje hUM las bdag nyid rdo rje hUM mdzad du bsam par bya'o/ /de nas dbus su 'dug nas ni/ /rdo rje slob mnyam gzhag pas/ /rdo rje sgo ni rnam bzhi po/ /yid kyis su ni dbye bar bya/ /oM badzra ud g+ha Da ya sa ma ya ga be sha hUM/ de'i phyag rgya ni 'di yin te/ rdo rje mdzub mo gnyis legs pa/ /sbyar la bkan te bsdams nas su/ /rab tu khros nas dbye ba ni/ /sgo dbye ba yi mchog yin no/ /de nas rin po che 'am sa las byas pa'i bum pa rtsa ba mi nag pa gsus pa che ba/ mgrin pa ring ba/ mchu 'phyang ba/ rin po che dang/ sman thams cad dang pad+ma'i me tog la sogs pa dang/ dri zhim po'i chus yongs su btang ba/ pad+mas mtshan pa/ mgul pa ras dkar po bzang pos bcings pa/ 'dab ma dang/ 'bras bu dri zhim pas kha brgyan pa/ spos chu dri zhim pas kun nas blugs te/ me tog gi phreng ba btags pa ji lta ba bzhin du lhag par gnas pa byas la/ rdo rje chos pad+ma'i me tog gi lcug ma yongs su bzung la/ oM badzra u da ka hUM zhes bya bas bzlas brjod brgya rtsa brgyad byas la/ bcom ldan 'das 'gro ba 'dul ba'i sngags kyang brgya rtsa brgyad bzlas la/ bum pa de bcom ldan 'das 'gro ba 'dul ba'i spyan mar bzhag par bya'o/ /gnyis pa 'gro ba 'du ba brgya rtsa brgyad bzlas te/ 'jug pa'i sgor mngon par bzhag par bya zhing/ des bdag nyid dang slob ma dbang bskur bar bya'o/ /'jug
- 40a
pa'i dus su rdo rje sems ma'i phyag rgya bcings la/ slob ma yang 'ching du gzhug go /rnam par snang mdzad la sogs pa'i bum pa yang so sor rang gi mtshan mas mtshan pa/ de rnams kyi rang rang gi sngags brgya rtsa brgyad yongs su bzlas la dkyil 'khor gyi phyi rol gyi khyams rnams su bzhag pa dang/ de rnams kyi phyi rol du bum pa gang ba'o/ /ma rnyed par gyur na bcom ldan 'das 'gro ba 'dul ba la rnam par rgyal ba'i bum pa dang/ rnam par snang mdzad dang/ sangs rgyas thor tshugs dang/ pad+ma'i ting nge 'dzin dang/ don yod dbang phyug rnams la rang rang gi sngags bzlas pa'i bum pa dbul bar bya'o/ /oM badzra dzi zhes bya ba'i rigs kyi snying po 'dis 'gro ba 'dul ba'i rigs kyi bum pa la brgya rtsa brgyad bzlas pa byas te/ 'gro ba 'dul ba'i lha rnams la dbul bar bya'o/ /oM badzra ratna mu ku Ta hUM zhes bya bas/ sangs rgyas thor tshugs kyi rigs kyi bum pa la'o/ /oM d+harmA pad+ma h+ri zhes bya bas pad+ma'i ting nge 'dzin gyi bum pa la'o/ /oM sarbba mu khi hUM zhes bya bas pad+ma don yod dbang phyug gi bum pa la brgya rtsa brgyad bzlas pa byas nas/ don yod dbang phyug gi rigs kyi lha rnams la dbul bar bya'o/ /de nas bdag po lnga'i bum pa gang ba dang/ rigs bzhi'i bum pa gang ba bzhi dbul bar bya ste/ byams pa la sogs pa'i bskal pa bzang po'i byang chub sems dpa' rnams kyi rang gi rig pa yongs su bzlas pa'i bum pa gcig bum pa gang bar byas la dbul bar bya'o/ /ma rnyed na bum pa rnams dang bum pa gang ba bcu las nyung pa dbul bar mi bya'o/ /zhes gsungs so/ de nas zhes bya ba ni de ma thag ste/ ji skad bshad pa de dag byas pa'i rjes thogs la'o/ /de nas 'gro ba thams cad 'd ba'i zhes bya ba'i pad+ma'i dkyil 'khor gyi cho ga rgyas pa bshad do/ /zhes bya ba ni lha'i rnal 'byor nas brtsams te/
- 40b
dngos grub kyi rdo rje brtul zhugs kyi bar du slob dpon gyi las kyi cho ga'i bye brag rgyas par phye'o/ /de la dang po kho nar zhes bya ba ni/ dbab pa la sogs pa'i sngon du song pa'o/ /pad+ma'i slob dpon zhes bya ba ni 'gro ba 'dul ba'i rnal 'byor chen po dang/ byin gyis brlabs pa'i slob dpon ni pad+ma'i slob dpon no/ /rdo rje dam tshig phyag rgya bcings la ji lta ba bzhin du zhugs te/ zhes bya ba ni gdong g.yogs bcings la/ phyag bzhi byas te sdom pa gzung la/ phyi rol na gnas pa'i bum pa'i chus bdag nyid la dbang bskur te/ slob ma 'jug pa'i cho ga bzhin du rdo rje chos bcings la 'jug par bya'o zhes bya ba 'di ni ji lta ba bzhin zhes bya ba'i sgra'i don yin no/ /rdo rje dbyings kyi dkyil 'khor chen po'i tshul du zhes bya ba ni/ /de las bshad pa'i tshul gyis dbab pa la sogs pa'i las rnams bya'o/ /snying po 'dis las rnams bya'o/ /zhes bya ba ni dbab pa dang me tog dor ba dang/ phreng ba bcing ba'i dbang dang/ gdong g.yogs sgrol ba dang dkyil 'khor blta ba dang/ dbab pa nye bar bsdu ba dang/ chu'i dbang dang/ phyag rgya'i dbang gis cod pan gyi dbang bskur ba dang/ rdo rje pad+ma dang/ bdag po dang/ ming gi dbang bskur ba dang/ dngos grub kyi rdo rje brtul zhugs kyi rjes thogs la/ pad+ma'i rigs kyi snying po rjes thogs la 'chad par 'gyur bar brjod pa ni/ oM pad+ma spho Ta a ti tiSh+Tha a zhes phyogs gcig dper brjod pa tsam gyis de dag gi snying po rnams kyang bstan pa yin no/ /snying po 'di dper brjod pa tsam gyis/ de rnams kyi snying po'ang shes par bya ste/ las rnams bya'o zhes bshad pa yin no/ /oM pad+ma spho Ta a d+hi tiSh+Tha a zhes bya ba ni dbab pa'i don no/ /dkyil 'khor 'dir dbab pa'i snying po 'di dang/ rdo rje pad+ma'i dam tshig gi phyag rgya gnyis su byas nas/ thal mo sbyar nas lan brgya'i bar du bzlas par bya'o/ /de nas rdo rje dbyings las bshad pa'i g.yon
- 41a
pa'i khro bo'i khu tshur gyis mdzub mos/ rdo rje pad+ma'i dam tshig gi phyag rgya'i gung mo lan brgya'i bar du dral zhing a zhes brjod do/ /de nas de bzhin du bka' nos nas/ zhes bya ba ni rdo rje dbyings kyi dkyil 'khor chen po las bshad pa'i me tog dor ba la sogs pa sngon du 'gro ba'i cho ga'i go rim thams cad rjes su spyad la/ ji lta ba bzhin du slob ma 'jug pa'i snang ba mnos te/ de nas yang dam tshig gi phyag rgyas bdag nyid dbang bskur te/ zhes bya ba ni ji ltar rdo rje dbyings kyi dkyil 'khor chen po las rdo rje dbyings kyi dbang phyug ma la sogs pa dbang bskur bar bshad pa de bzhin du 'gro ba 'dul ba'i gzungs kyi dkyil 'khor las bshad pa'i rdo rje chos kyi phyag rgyas gang la 'od dpag tu med pa'i dbang bskur ba byas te/ slob dpon gyis zhes bya ba ni lhag ma'o/ /pad+ma'i dbyibs blangs nas/ zhes bya ba ni sangs rgyas kun gyi dbang mo'i dbang/ /de ring khyed la bskur bar bya/ /sangs rgyas kun gyi rab grub phyir/ /pad+ma 'di ni khyod kyis long/ /zhes bya ba dang/ shing las byas pa'i pad+ma 'dab ma bcu drug pa sdong bu dang bcas pa lte ba'i dbus su rdo rje rtse lnga pa sor brgyad pa/ pad+ma 'dab ma brgyad pa'i nang du chud pa/ 'og gi cha'i 'dab ma brgyad kha gyes pa/ steng gi cha'i cung zad kha bye bar gyur pa'i pad+ma'i dbyibs dang/ pad+ma'i dril bu dang bcas pa blangs te /rang gi pad+ma'i ming nas brjod la zhes bya ba ni/ bdag la byin gyis brlabs la sogs pa byas nas lo ke shwa ra pad+ma 'am/ gzhan gang yang rung ba ji ltar thob pa rang gi pad+ma'i ming grags pas na brjod par bya'o/ /pad+ma'i lcags kyu la sogs pa'i las rnams bya'o/ /zhes bya ba ni/ rdo rje dbyings kyi dkyil 'khor las bshad pa'i cho gas sprul pa dang/ bsdu ba byas la/ pad+ma'i sems dpa' sems dpa' che zhes bya ba la sogs pa'i mtshan brgya rtsa brgyad pas bstod pa byas la/ sgo dbye ba'i phyag rgyas sgo phye la/ rta mgrin la sogs
- 41b
pa'i las kyi phyag rgyas dkyil 'khor gyi lha thams cad dgug pa dang/ gzhug pa dang/ bcing ba dang/ dbang du byas te/ pad+ma'i gnod sbyin gyis bgegs bskrad la/ ra ba dang dra ba byas te/ pad+ma'i khu tshur gyi dam tshig gi phyag rgyas sgo bcad la/ pad+ma'i bsrung ba'i dam tshig gi phyag rgyas srung ba thams cad yang dag par bsrungs te/ dkyil 'khor gyi lha thams cad la phyag byas te/ 'gro ba 'dul ba la mchod yon dang/ zhabs bsil phul la/ sngags dang phyag rgyas so sor dbul bar bya'o/ /de nas chos kyi phyag rgya 'di nyid kyis sems dpa' chen po rnams bsgrub par bya'o/ /zhes bya ba ni rnam par snang mdzad la sogs pa nas pad+ma 'bebs pa'i bar du phyis 'chad par 'gyur ba'i dam tshig gi phyag rgya yin gyi/ 'dir de'i chos kyi phyag rgyar mngon par 'dod pa'i yi ge bdag nyid ni ma yin te/ sgrub pa'i dbang du byas pa'i phyir ro/ /gang gi phyir dam tshig phyag rgyas dngos su sgrub par bcom ldan 'das kyis bshad pa de'i phyir/ skabs 'dir mngon par 'dod pa'i chos kyi phyag rgya yang ma yin la/ 'dir dam tshig gi phyag rgya la chos kyi phyag rgya zhes brjod par mi bya'o zhes kyang brjod par mi nus te/ de skad du yang/ rgyud phyi ma las pad+ma'i rigs kyi phyag rgya rnam pa bzhi ka yang chos kyi phyag rgyar brjod la de bzhin gshegs pa'i rigs kyi phyag rgya rnams ni phyag rgya chen po zhes bya zhing/ rdo rje rigs kyi phyag rgya rnams la ni dam tshig gi phyag rgya zhes bya la/ nor bu'i rigs kyi phyag rgya bzhi ka la yang las kyi phyag rgya zhes 'chad par 'gyur ba'i phyir/ de nas dngos grub rnams kyang de bzhin no zhes bya ba ni/ ji ltar rdo rje dbyings kyi dkyil 'khor chen por dam tshig gi mchog gi phyag rgya dang/ sems dpa' i rdo rje la sogs pas/ de ltar sems dpa' chen po sgrub/ dza(rgyud 'grel): hUM baM ho(rgyud 'grel): zhes brjod cing/ zhes bya bas lha thams cad kyi rang gi rigs pas dngos grub sgrub pa'i rgyud bshad
- 42a
pa de bzhin du 'dir yang dngos grub kyi don du 'gyur ro/ /'di skad ston pa yin pa yin te ji skad bshad pa'i tshul gyis dkyil 'khor bris la khrus byas te/ de nas bdag nyid rdo rje hUM mdzad du byin gyis brlabs la/ ji lta ba bzhin du sgo dbye ba byas nas snga ma bzhin du 'gro ba 'dul ba'i rnal 'byor dang rnal 'byor chen po dang ldan pa'i slob dpon gyis gos dkar po dang 'gro ba 'dul ba'i rjes su mthun pa'i rgyan rnams la dri zhim pos byug pa dang/ bdug pas bdugs te pad+ma'i gnod sbyin gyi sngags kyis gos thams cad la yongs su bzlas la ze'u ka la sogs pa bcings te/ rdo rje dbyings kyi dkyil 'khor chen po las bshad pa'i rdo rje rin chen gyis rgyan thams cad la mngon par bsngags la bdag nyid dang rjes su mthun pa'i ci rigs pa'i rgyan btags te/ yang sngags gnyis kyis de bzhin gshegs pa 'od dpag tu med pa dang ldan pa'i pad+ma'i phreng ba'i cod pan la yongs su bzlas te/ pad+ma'i cod pan gyi dbang bskur bas bdag nyid la dbang bskur te/ mchod pa rnam pa lngas bdag nyid yang dag par mchod la/ dkyil 'khor thams cad blos mngon sum lta bur byas la phyag byas mchod yon phul nas me tog la sogs pas yang dag par mchod de/ pad+ma dang dril bu gzung nas yang gdong g.yogs dang gos la pad+ma'i gnod sbyin dang/ rta mgrin la sogs pa sgo bsrungs rnams kyi sngags yongs su bzlas la/ gdong g.yogs bcings nas/ me tog gi phreng ba btags la slob dpon gyis phyag bzhi bya'o/ /de nas bshags pa la sogs pa byas la sdom pa bzung ba byas te/ byang chub sems ni bla med pa/ /dam pa bdag gis bskyed par bgyi/ /zhes bya ba nas brtsams nas/ dbugs ma phyung ba dbugs byung zhing/ /sems can mya ngan 'das la 'god ces bya ba'i bar du'o/ /de nas phyi rol na gnas pa'i bum pa'i chus bdag nyid la dbang bskur la rdo rje
- 42b
pad+ma'i dam tshig gi phyag rgya bcings te/ 'jug pa'i cho gas zhugs te/ de nas rdo rje mna'i chu 'thungs la dbab pa'i cho gas dbab pa byas te/ oM pad+ma spho Ta a d+hi tiSh+Tha a zhes bya ba brgyad dang yang a zhes bya ba lan brgya'i bar du bzla bar bya'o/ /de nas me tog dor la rang gi spyi bor bcings te/ gdong g.yogs bkrol nas dkyil 'khor bltas la/ dbab pa nye bar bsdu pa byas nas/ slob dpon du dbang bskur ba'i cho gas bdag nyid dbang bskur la/ mchod pa thams cad kyis yang dag par mchod de/ mig 'byed pa la sogs pa'i cho ga rjes su spyad la/ tshigs bcad gnyis kyis rjes su gnang ba mnos nas/ de nyid kyis ni pad+ma gzung/ /chos kyi dril bu dkrol bar bya/ /dam tshig gis ni phyag rgya cher/ /de nas byin gyis brlabs te 'gro ba 'dul ba'i snying po bzlas la/ dngos grub kyi pad+ma'i brtul zhugs blangs te/ bcom ldan 'das 'gro ba 'dul ba snying po dang phyag rgya bzhi'i ye shes bslabs nas/ gzengs bstod pa dang/ lung bstan pa blang par bya'o/ /yang rang la byin gyis brlabs pa dang/ phyag rgya dang/ cod pan dang/ pad+ma dang/ bdag po dang/ mig gi dbang bskur bas rang nyid la bdag nyid kyis byas nas/ bdag nyid yang dag par mchod la bsgom par bya'o/ /lo ke shwa ra a haM zhes bya ba la sogs pa'i ming gang yang rung ba nas brjod de/ pad+ma dang dril bu 'dzin pa nyid kyis rnam par snang mdzad kyi phyag rgya chen po bcings te/ rnam par snang mdzad kyi gnas su bud+d+ha hUM a zhes bya bas rnam par snang mdzad kyi pad+mas mtshan pa'i rdo rje rtse lnga pa bsams la/ de nas badzra a haM zhes bya bas de bzhin gshegs pa'i nga rgyal bsgom par bya'o/ /rdo rje de nyid tatya thA sarbba ta thA ga ta tasta thA a haM zhes bya bas rnam par snang mdzad kyis bdag nyid du bsgom par bya'o/ /de bzhin du pad+ma 'bebs pa'i bar gyi phyag rgya chen po pad+ma 'bebs pa'i
- 43a
gnas su/ oM shaM mu kha /su nang ku mA ra/ be sha d+ha ra pad+ma gand+ha ya/ a bi sha ya/ sarbba pad+ma ku la sa ma yAM/ sarbba mu traM/ b+hand+ha yta/ sarbba sid+d+hi me/ pra yats+tsha/ pad+ma a be sha a a a a a zhes bya bas pad+ma 'bebs pa'i gzugs pad+ma dril bu'i gzugs su bdag nyid bsam par bya'o/ /pad+ma gaN+Da a haM zhes bya bas nga rgyal bskyed la/ pad+ma a be sha aM haM zhes bya bas/ dril bu'i gzugs de pad+ma 'bebs pa'i bar bsgoms par bya'o/ /de ltar dkyil 'khor gyi 'khor lo thams cad rdo rjes bsgrub par 'gyur ro/ /de nas sgo dbye ba'i phyag rgyas sgo phye la/ bsdu ba byas te mtshan brgya rtsa brgyad pas bstod la/ sgo thams cad nas rta mgrin gyi lcags kyu la sogs pa'i las kyi phyag rgya rnams kyis las byas te/ de bzhin du pad+ma'i gnod sbyin gyis bgegs bskrad la ra ba dang dra ba byas te/ pad+ma'i khu tshur gyis dkyil 'khor gyi sgo bcad la/ pad+ma'i bsrung bas bsrungs thams cad yang dag par bsrungs te/ 'gro ba 'dul ba'i snying pos dkyil 'khor ba'i lha thams cad la mchod yon phul la/ oM pra pa ra sad ka raM pra tits+tsha swAhAM/ zhes bya ba'i rig pa 'dis zhabs gsil dbul bar bya'o/ /phyag rgya ni 'di yin te/ g.yas pa'i khu tshur gyis sor mo thams cad bskul ma la mdzub mo dang mthe bo gnyis bskum pa ltar byas nas/ me tog blangs te/ 'bul ba'i tshe na sor mo de rnams brkyang bar bya ste lha thams cad kyi zhabs la dbul bar bya'o/ /de nas rnam par snang mdzad kyi dam tshig gi phyag rgya bcings la/ shud+d+ha hUM dri sh+ya dza(rgyud 'grel): hUM baM ho(rgyud 'grel): sa ma yastwaM/ sa ma yastwaM/ a haM bud+d+ha hUM zhes bya ba lan gsum brjod la rnam par snang mdzad bsgrub par bya'o/ /de bzhin du bskal pa bzang po'i mthar thug pa'i dam tshig gi phyag rgya bcings la oM sarbba saM ska ra pa ri shud+d+ha d+harmmA te ga ga na sa mung+ga te mahA na ya pa ri bA re swAhA/ dri sh+ya dza(rgyud 'grel): hUM baM ho/ /sa ma yastwaM/ sa ma yastwaM/ a haM/ oM sarbba se ska ra pa ri shud+d+ha d+harmmA taM ga ga na sa mung+ga
- 43b
te ma hA na ya pa ri bya re swAhA/ zhes brjod cing bskal ba bzang po rnams bsgrub par bya'o/ /rnam par snang mdzad la sogs pa nas/ pad+ma 'bebs pa'i bar gyi dam tshig gi phyag rgya 'chad par 'gyur ba dang/ byams pa la sogs pa bskal pa bzang po pa rnams kyi g.yon pa de bzhin gshegs pa'i khu tshur bkan la g.yas pa'i mdzub mo dang mthe bong gnyis kyi mthe'u chung nas brtsams te phye la/ thal mo khong stong du byas pa ni dam tshig gi phyag rgya'o/ /de ltar dam tshig gi phyag rgya rnams kyis rnam par snang mdzad la sogs pa bsgrubs nas/ chos dang las dang phyag rgya chen po rnams kyis kyang rgyas btab nas/ dbang bskur ba'i phyag rgya rnams kyis dbang bskur la mchod yon sngon du 'gro ba'i mchod pa thams cad kyis yang dag par mchod la/ gos dang rgyan thams cad la gdugs dang rgyal mtshan dang/ bla re sna tshogs pa la yang pad+ma gnod sbyin dang/ 'gro ba 'dul ba dang/ yi ge oM mngon par bzlas te dbul bar bya'o/ /de nas me tog gi shing brgya 'am bzhi 'am me tog gi shing rnams la me tog gi rig pa dang/ de nas mar me'i rig pas mar me dang/ dri'i rig pas dri dang/ bdug pa'i rig pas bdug pa dang/ a kA ro mu khaM zhes bya ba la sogs pa'i lta ba shos kyi rig pa dang/ rol mo'i cha byad thams cad la rol mo'i rig pa rnams dang/ dar dbyangs dpyad par bya ba dang me tog gi phreng ba dang/ rnga yab kyis brgyan cing/ dra ba dang dra ba phyed pas spras pa/ zla ba phyed pas nye bar mdzes par byas pa dang/ rta dang/ glang po che dang/ ba glang gi khyu shin tu brtags pa rnams kyang dbul bar bya'o/ /rta babs yid du 'ong ba dril bu la sogs pa dang bcas pa yang/ pad+ma'i gnod sbyin dang/ 'gro ba 'dul ba dang/ yi ge oM mngon par bzlas te dbul bar bya'o/ /de la mchod pa thams cad dbul ba'i snying po ni 'di yin te/ badzra spha ra na khaM/ de nas pad+ma'i sgeg mo la sogs pa rnam
- 44a
pa brgyad kyis mchod la/ pad+ma'i rigs kyi dkyil 'khor las bshad pa'i mchod pa bcu drug gis kyang dkyil 'khor thams cad yang dag par mchod de/ yi ge oM mngon par bzlas pa'i rin po che sna bdun dang/ mchod pa'i yan lag thams cad kyis nam mkha' i khams thams cad gang bar bsams la/ oM sarbba bid pU ra pU ra su ra su ra a warta ya a warta ya ho(rgyud 'grel): oM badzra sa spha ra Na khaM/ zhes bya ba dang/ phyag 'tshal ba'i thal mo sbyar ba bcings la yang mchod par bya'o/ /slar yang pad+ma'i sgeg mo la sogs pa gsang ba'i mchod pa rnam pa bzhis dkyil 'khor thams cad yang dag par mchod la/ phyag byas te sangs rgyas dang byang chub sems dpa' thams cad la slob dpon gyis bcom ldan 'das dngos grub thams cad kyi phyir/ sems can thams cad kyi don mdzod cig ces sangs rgyas dang byang chub sems dpa' thams cad la gsol ba gdab par bya'o/ /de nas rdo rje dbyings kyi dkyil 'khor chen po las bshad pa'i cho gas gsol ba btab nas/ de bzhin gshegs pa thams cad la phyag 'tshal te/ slob ma gzhug pa'i snang ba nod par byas te/ bdag ming 'di zhes bgyi ba yi/ /pad+ma'i slob dpon dka' thub ches/ /sems can kun la sman slad du/ /slob ma rnams ni gzhug bar bgyi/ /pad+ma'i slob dpon gyis las kyi cho ga rgyas pa'o/ /de nas pad+ma'i slob ma gzhug par bya zhes bya ba ni slob dpon gyi las kyi dus phyis slob ma 'gro ba 'dul ba'i gzugs su byin gyis brlabs la/ de nas pad+ma'i slob ma gzhug par bya'o/ /de la dang por zhes bya ba ni/ slob ma 'jug pa'i sngon du'o/ /ji skad bshad pa'i pad+ma'i slob ma'i rnams kyi dkyil 'khor chen por bcug la mna'i snying po byin la 'di skad ces bsgo bar bya'o/ /deng khyod kyi ni snying ga nas/ /pad+ma'i sems dpa' nyid bzhugs te/ /zhes bya ba la sogs pas mna' bgag par
- 44b
par bya'o/ /gsang ba'i cho ga rgyas pa ces bya ba ni/ 'gro ba 'dul ba'i dkyil 'khor chen por de bzhin gshegs pa thams cad kyi gzugs spas nas/ 'phags pa spyan ras gzigs dbang phyug gis dbang phyug chen po la sogs pas 'dul ba'i sems can rjes su gzung bar gnas pa'i phyir/ gsang ba'i cho ga rgyas pa ni sna tshogs pa'i gzugs can no/ /de bzhin du gzhug pa'i cho ga rgyas pa yang gsang ba'i cho ga rgyas pa te tshig mi shes pa la mi bstan pa'i phyir ro/ /de nas snying po 'dis dam tshig gi phyag rgya bcing bar bya'o/ /zhes bya ba ni/ ji skad du bshad pa'i gos kyi stod g.yogs dang smad g.yogs dang/ gdong g.yogs kyang bcings nas phyag bzhi byas te/ phyi rol na gnas pa'i bum pa'i chus dbang bskur la/ rdo rje chos ma'i phyag rgya bcings te/ de skad du yang/ rdo rje chos kyi ting nge 'dzin gyis/ dam tshig skad cig gis 'grub 'gyur/ zhes gsungs pas/ dam tshig ni dkyil 'khor gyi dngos grub ste/ dkyil 'khor du zhugs pa las byung ba yin no zhes bya ba'i don no/ /de nas zhes bya ba ni slob ma 'jug pa'i gnang ba nod pa'i dus phyis phyag rgya bcing bar mi bya ba 'am/ rim pa ni 'di bzhin du mi bya'o/ /lhag ma ni go sla'o/ /de nas las rnams ji lta ba bzhin byas nas/ zhes bya ba ni/ slob dpon gyi las kyi cho ga ji skad bshad pa bzhin du slob ma 'jug pa'i chog rgyas pa thams cad kyang de bzhin du bya'o/ /zhes bya ba'i don no/ /pad+ma'i dbyibs lag tu sbyin no/ /zhes bya ba ni sngar bshad pa'i mtshan nyid can gyi rdo rje pad+ma slob ma'i lag tu sbyin no/ /byin nas dngos grub kyi rdo rje brtul zhugs kyang sbyin te/ oM pad+ma hasta badzra d+harmmA traM pa la ya/ zhes bya ba la sogs pa'o/ /de la rdo rje ni chos rang bzhin gyis rnam par dag pa'o/ /zhes bya ba'i shes rab kyi pha rol tu phyin pa'i rtogs pa'o/ /de'i chos ni gzung ba dang 'dzin pa'i rnam par rtog pa spangs te de skyong ba'o/ /yang dag pa'i dngos por 'dzin pa'i mngon par zhen pa mi
- 45a
byed par chos thams cad rang bzhin gyis rnam par dag pa'o zhes bya ba thams cad la bsgom par gyis shig dang 'di ni pad+ma yongs su mi gtong ba'i mtshan nyid kyis brtul zhugs so/ /de nyid bshad pa ni/ ji ltar pad+ma dmar po 'di/ /zhes bya ba smos te/ ji ltar pad+ma kha dog dmar po 'di khyod kyis zung zhig /rigs kyi nyes pa'i 'dam la sogs pa'i chu yis mi gos pa bzhin no/ /thams cad dag pa ni sngar bshad pa'i rdo rje chos kyi rang bzhin ni byang chub kyi sems bskyed nas chos bdag med pa'i chags pas gos pas byang chub sems dpa' o/ /sgom pa ni goms par byas pa'o/ /de bzhin du gzung ba dang 'dzin pa'i rnam par rtog pa'i dri ma'i khams gsum pa'i 'dod chags kyi sdig pa'i chos gos par mi 'gyur ro/ /de la chos nyid de yin no/ /zhes bya ba ni/ thog ma med pa nas sgro 'dogs pa med pa'i rang bzhin no/ /'di skad ston pa yin te/ lhag par gnas pa de bzhin du byas nas/ dbang bskur bar 'os pa'i slob mas bslab pa'i gzhi lnga yongs su gzung ba 'am/ dge spyod dang dge slong gi sdom pa yongs su blangs pa lag na me tog thogs pa'i slob mas slob dpon gyi zhabs gnyis la phyag byas pa la/ 'di skad brjod par bya'o/ /dga' chen khyod bdag ston pa pas/ /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sdom pa dag kyang bdag la gsol/ /de nas ji skad bshad pa'i gos kyi stod g.yogs dang smad g.yogs bskon zhing gdod g.yogs kyang bcings la slob ma phyag bzhi byed du gzhug go/ yang sga bzhi nas phyag bzhi byas la/ lag na me tog thogs pa'i slob mas slob dpon la yang phyag byas te/ sngar bshad pa'i rim pa'i rim pa nyid kyis gshags pa dang/ bskul ba dang/ gsol ba yang byas la/ 'di skad ces brjod par bya'o/ /gtso bo bdag la sdom pa
- 45b
gsol/ /thub pa nyi ma ma lus pa/ /sangs rgyas bdag la dgongs su gsol/ /bdag ming 'di zhes bgyi ba yis/ /slob dpon dbang du gnas pas/ /sangs rgyas rol mo las byung ba'i/ /mi ldog 'khor lo'i sbyor bar ldan/ /thar pa chen po'i grong khyer mchog /gsang ba chen por 'jug par bgyi/ /gsang ba'i rigs mtho thams cad du/ /slob dpon chen por bdag 'jug mdzod/ /mi ldog 'khor lo'i dbang bskur bas/ /bskal ba chen po bdag la gsol/ /mtshan rnams kun gyis rgyas btab pa/ /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la gsol/ /dbang bskur ba ni rmad po che/ /sems can kun gyi don gyi phyir/ /rtag tu bdag ni slob dpon 'gyur/ /slob dpon chen po bdag la gsol/ /de nas slob dpon gyis dkyil 'khor gyi lha thams cad la gsol ba gdab par bya ste/ che ge mo zhes bya ba 'di nyid ni/ /byang chub sems ni yongs 'dzin pa/ /dam tshig sdom dang gsang ba yi/ /'khor lo 'dir ni 'jug par 'tshal/ /de nas slob dpon gyis yang 'di skad ces brjod par bya ste/ /gsang ba chen po rigs dag la/ /gsang ba chen por 'dzin par ni/ /bdag nyid chen por khyod 'dod dam/ /des kyang 'tshal zhes brjod par bya/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs dag pa'i/ /dam tshig brtan par gyur pa'o/ /rdo rje dril bu phyag rgya yang/ /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bya/ /bla ma sangs rgyas kun dang mnyam/ /'di ni rdo rje rigs dag pa'i/ /sdom pa dam tshig yin par bshad/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rab tu sbyin/ /phyi nang gsang ba'i theg pa gsum/ /dam pa'i chos ni gzung bar bya/ /'di ni pad+ma'i rigs dag
- 46a
pa'i/ /dam tshig sdom pa yin par bshad/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /de las gzhan pa bcu bzhi ni/ /spang zhing dor bar mi bya ste/ /rtsa ba'i ltung ba zhes bshad do/ /nyin dang mtshan mo lan gsum du/ /nyin re zhing ni bzla bar bya/ /gang tshe nyams gyur rnal 'byor pa/ /kha na ma tho spom por 'gyur/ /khyod kyis srog chags bsad mi bya/ /ma byin par yang mi blang ngo/ /'dod pa log par mi spyod cing/ /rdzun du smra bar mi bya'o/ /phung khrol kun gyi rtsa ba ni/ /chang ni rnam par spang bar bya/ /sems can gdul phyir ma gtogs par/ /bya ba ma yin thams cad spang/ /rnal 'byor pa rnams bsnyen bkur bya/ /lus kyi las ni rnam gsum dang/ /dag gi rnam pa bzhi rnams dang/ /yid kyi rnam pa gsum rnams kyang/ /ci nus par ni rjes su skyongs/ /theg pa dman la 'dod mi bya/ /sems can don la rgyab phyogs min/ /'khor ba dag ni yong mi spang/ /rtag tu mya ngan 'das mi chags/ /lha dang lha min gsang ba pa/ /khyod kyis brnyas par mi bya zhing/ /phyag rgya bzhan pa mtshon cha dang/ /mtshan ma 'gom par mi bya'o/ /'di dag dam tshig yin par bshad/ /khyod kyis kyang ni rtag tu bsrungs/ /des kyang 'di skad brjod par bya ste/ /slob dpon 'dir ni bdag la gson// gtso bos ji ltar bka' stsal pa/ /de dag bdag ni bgyid par 'tshal/ /ji ltar dus gsum mgon po rnams/ /byang chub tu ni nges mdzad pa/ /byang chub sems ni bla med pa/ /dam pa bdag gis bskyed par bgyi/ /zhes bya ba nas/ /sems can mya ngan 'das la dgad/ /ces bya ba'i bar brjod par bya'o/ /gang zhig sdom pa mi 'dzin par byed pa de la ni/ deng khyod ces bya ba la sogs pa brjod par mi bya ste/ slob dpon du rjes su gnang ba dang/ dbang bskur yang mi bya'o/ /de nas de ma thag tu/ oM sarbba yo ga tsit+ta ya utwa ta ya mi
- 46b
zhes bya ba 'dis/ /byang chub sems ni bla med pa/ /dam pa bdag gis bskyed nas su/ /de yi snying gar snying pos ni/ /rdo rje rab tu bzhag par bya/ /su ra ta sa ma yastwaM/ ha badzra sid+ha d+hi ya ta su khaM/ de nas de 'gro ba 'dul bar byin gyis brlabs te/ 'gro ba 'dul ba'i dam tshig gi phyag rgya dang/ rdo rje pad+ma la sogs pa'i phyag rgya bzhis byin gyis brlabs la/ de nas phyi rol na gnas pa'i bum pa'i chus dbang bskur te/ dri dang me tog rnams kyis mchod de yon tan gyi mchog blangs te/ rdo rje brtul zhugs kyis dkyil 'khor chen por 'jug par bya'o/ /de la dang po re zhig slob dpon gyis/ oM badzra pad+ma sa ma yastwaM zhes brjod cing rdo rje pad+ma'i dam tshig gi phyag rgya rang nyid bcings la slob ma yang 'ching du gzhug par bya'o/ /de nas de nyid kyi gung mo'i sor mo gnyis kyis me tog gi phreng ba 'dzin du bcug la/ oM pad+ma sa ma ya hUM zhes bya ba'i snying po 'di dang/ rta mgrin gyi lcags kyu'i las kyi phyag rgya shar phyogs sgo nas bcug la dgug par bya'o/ /lho phyogs kyi sgo nas de bzhin du bcug la don yod zhags pa'i las kyi phyag rgyas gzhug par bya'o/ /yang nub phyogs kyi sgor bcug la pad+ma'i lcags sgrog gi las kyi phyag rgyas bcing bar bya'o/ /de nas yang byang phyogs kyi sgo nas bcug la pad+ma 'bebs pa'i las kyi phyag rgyas dbang du bya'o/ /yang shar phyogs kyi sgo nas de bzhin du bcug la 'di skad ces brjod par bya ste/ deng khyod de bzhin gshegs pa thams cad kyi pad+ma'i rigs su zhugs kyis/ ngas khyad la ye shes gang gis de bzhin gshegs pa thams cad grub pa yang thob na/ dngos grub gzhan lta smos kyang ci dgos te/ de lta bu'i ye shes bskyed par byas/ khyod kyis dkyil 'khor chen po ma mthong ba rnams la smra bar mi byed cig /khyod dam tshig nyams par gyur ta re/ de nas slob dpon rang nyid kyis rdo rje pad+ma'i dam tshig gi phyag rgya kha thur du bstan pa
- 47a
bcings la/ pad+ma slob ma'i spyi bor bzhag la 'di skad ces brjod par bya'o/ /'di ni khyod kyi rdo rje dam tshig yin gyi/ gal te tshul 'di 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang mna'i snying po 'di lan gcig bzlas pa'i chus pad+ma'i slob ma de 'thung du bcug la 'di skad ces brjod par bya'o/ /de la mna'i snying po ni 'di yin te/ pad+ma'i sems dpa' deng khyod kyi/ /snying la yang dag bzhugs par mdzad/ /gal te tshul 'di smras na ni/ /de ma thag tu bral te gshegs/ /badzra u da ka tha/ de nas slob ma la 'di skad ces brjod par bya ste/ de nas brtsams te khyod kyi phyag na pad+ma nga yin gyis/ ngas 'di byos shig ces bsgo ba gang yin pa de bya dgos so/ /khyod kyis nga la brnyas par ma byed cig /mi bde ba ma sdangs par khyod dus byas nas dmyal bar ltung bar gyur ta re/ de nas yab 'di skad du bsgo bar bya ste/ gsang ba'i cho ga rgyas pa 'di su la yang ma smra zhig /khyod mi bde ba ma spangs par dus byas nas sems can dmyal bar ltung bar 'gyur te re/ de nas de bzhin gshegs pa thams cad kyis bdag la byin gyis rlobs la pad+ma'i sems dpa' bdag la 'bab par gyur cig smros shig ces bsgo'o/ /de nas myur du slob dpon gyis rdo rje pad+ma'i dam tshig gi phyag rgya bcings la 'di skad ces brjod du gzhug go/ 'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med ni/ /de ring nyid du 'bab par shog /badzra a b+he sha a zhes bya ba lan brgya'i bar du brjod par bya'o/ /de'i tshe khro bo'i khu tshur bcings la/ rdo rje pad+ma dam tshig gi phyag rgya bral bar bya zhing/ oM hUM h+ri(rgyud 'grel): ho(rgyud 'grel): a a a a/ zhes lan brgya'i bar brjod na nges par 'bab par 'gyur ro/ /gang gi tshe de ltar babs pas pad+ma/ sangs rgyas kyi phyag rgya 'ching ba de'i tshe slob dpon gyis pad+ma khu tshur gyi phyag rgya bcing bar bya'o//
- 47b
gang gi tshe pad+ma rgyal po'i phyag rgya 'ching ba de'i tshe/ pad+ma gnod sbyin gyi phyag rgya bcing bar bya'o/ /gang gi tshe pad+ma chags pa'i phyag rgya 'ching ba de'i tshe/ pad+ma srung ba'i phyag rgya bcing bar bya'o/ /gang gi tshe pad+ma legs pa'i phyag rgya 'ching ba de'i tshe/ pad+ma gar gyi dbang phyug gi phyag rgya bcing bar bya'o/ /gang gi tshe pad+ma khro gnyer gyi phyag rgya 'ching ba de'i tshe/ pad+ma srung ba'i phyag rgya'o/ /gang gi tshe pad+ma nyi ma'i phyag rgya 'ching ba de'i tshe/ pad+ma rgyu'i phyag rgya'o/ /gang gi tshe pad+ma rgyal mtshan gyi phyag rgya 'ching ba de'i tshe/ pad+ma rnon po'i phyag rgya'o// gang gi tshe pad+ma bzhed pa'i phyag rgya 'ching ba de'i tshe/ pad+ma sgrol ma'i phyag rgya bya'o/ /de lta bus ni pad+ma'i sangs rgyas dgongs pa mdzad par 'gyur ro/ /de nas babs pa de'i lce la yi ge hUM las rdo rje rtse lnga pa dkar po bsams la/ badzra dzi ho zhes bya bas byin gyis brlabs la/ 'jig rten gsum las rnam par rgyal ba'i gzungs kyi dkyil 'khor las bshad pa'i gar gyi phyag rgya dang/ khro bo rdo rje bsrung ba'i gnas su bzhad pa'i phyag rgya bcings la/ 'di skad ces brjod par bya ste/ bru hi badzra de nas thams cad smra bar 'gyur ro/ /de nas phreng ba de pra tits+tsha badzra ho(rgyud 'grel): zhes bya bas dkyil 'khor chen por dor bar bya'o/ /de nas oM pra ti grih+na swa mi maM satwa mahA ba la zhes bya bas phreng ba de de'i mgo la bcing bar bya'o/ /de nas pad+ma'i sems dpa' dang khyod kyis/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /he badzra pA sh+ya de nas rta mgrin nas brtsams te bcom ldan 'das rnam par snang mdzad kyi bar du dkyil 'khor chen po bstan par bya'o/ /de nas tiSh+Tha badzra DI Dho ma d+hA ba/ shA shwa to me b+ha ba/ h+ri da yaM a ti tiSh+Tha sarbba sid+d+haM me pra yats+tsha hUM ha ha ha ha ho/ /zhes bya ba'i snying po 'dis dbab pa'i phyag rgya snying gar dgrol bar bya'o/ /de nas gang la me tog babs pa'i lha de sku dam tshig gi phyag rgyas de sprul/ rdo rje chos kyi phyag rgya dang
- 48a
rigs kyi dam tshig gi phyag rgya'i khyad par gyis slob ma byin gyis brlabs la rang gi lha'i phyag rgya chen po bcings te/ de nas nang gi dkyil 'khor gyi phyi rol tu shar phyogs kyi sgo la mngon par phyogs pa 'am/ phyi rol gyi dkyil 'khor gyi phyi rol tu pad+ma dang zla ba'i steng du bzhag la/ mchod yon byin nas mchod pa rnam pa lnga dang/ sgeg mo la sogs pa rnams kyis yang dag par mchod la/ rang gi lha'i bum pas dbang bskur zhing/ de'i sngags kyang brjod par bya'o/ /phyis rnam par rgyal ba'i bum pa las/ pad+ma'i khu tshur gyis chu blangs la/ chu des dbang bskur ba dang 'thung du yang gzhug go /de'i sngags oM badzra a b+hi biny+tsa zhes brjod par bya'o/ /de nas yod cing 'byor par gyur na sngar bshad pa'i cho gas gos dkar po'i stod g.yogs dang/ smad g.yogs dang/ ze'u ka bcings pa'i phyir/ de la phyi nas ze'u ka la sogs pa bya'o/ /oM badzra d+harmmA sa ma ye badzra pad mi ne hUM/ zhes bya bas slob ma la chos kyis rdo rje'i dbang bskur ba'o/ /phyag rgya ni 'di yin te/ rdo rje thal mo bsdams nas kyang/ /gung mo rdo rje mnyam sbyar ba/ /chos kyi rdo rje rab grags pa/ /de yis dbang bskur sbyin par bya/ /yi ge h+ri las 'od dpag med pa bsams la/ 'di de'i spyi bor bzhag par bya'o/ /'di ni chos kyi sku'i cod pan gyis dbang bskur ba yin no/ /de nas ji skad bshad pa'i mtshan nyid can gyi rdo rje pad+ma dang/ pad+ma'i dril bu dang bcas pa'i slob ma'i lag pa gnyis su byin nas/ /sangs rgyas kun gyi rdo rje'i dbang/ /de ring khyod la bskur bar bya/ /sangs rgyas kun du rab grub phyir/ /rdo rje 'di ni khyod kyis long/ /oM badzra a d+hi pa tistwaM/ a b+hi Shiny+tsa mi/ tiSh+Tha badzra sa ma yastwaM de nas oM badzra satwa nA ma a b+hi Shiny+tsa mi badzra nA ma a bi Shi ka ta/ kye 'jig rten dbang phyug pad+ma zhes/ /bya ba la sogs pa'i sngags 'dis ming gis dbang bskur bas dbang bskur bar bya ste/ slob ma rdo rje thal mo bskor ba dang/ slob dpon la phyag byed du bcug la/
- 48b
yon gyi mchog blangs te/ dbang bskur thams cad sbyin par bya'o/ /de nas dri la sogs pa dang/ pad+ma'i sgeg mo la sogs pa rnams kyis slob ma la mchod par bya'o/ /'di ni sdom pa gzung ba dang/ 'di ni sdom pa ma gzung ba rnams kyi thun mong gi dbang bskur ba yin no/ /slob dpon du dbang bskur bar 'os pa rnams kyi khyad par brjod par bya ste/ rtsa ba'i dkyil 'khor las khru gnyis tsam dor bar dbus ma'i dkyil 'khor gyi phyed kyi tshad kyi khru bzhi pa sgo nub tu bltas pa/ shar phyogs kyi sgo la mngon par phyogs pa'i dkyil 'khor tshon lngas bris la/ de'i dbus su pad+ma 'dab ma brgyad pa/ de'i steng du rdo rje pad+ma 'dab ma bcu drug pa bris la/ rtsa ba'i dkyil 'khor bzhin du dkyil 'khor de yang dag par mchod nas/ de la seng ge'i khri 'am/ khri'u pad+ma dang/ zla ba dar gyis g.yogs la/ pad+ma'i gnod sbyin yongs su bzlas te slob ma bzhag la/ de'i steng du bla re bre ba dang/ g.yas logs dar dang/ me tog gi phreng bas brgyan pa'i gdugs dkar po rin po che'i tog can bya'o/ /g.yon logs su gos sna tshogs pa'i rgyal mtshan dang/ ba dan sna tshogs pa btsugs la 'gro ba 'dul ba dang/ yi ge oM yongs su bzla bar bya'o/ /de nas slob ma 'gro ba 'dul ba'i dam tshig gi phyag rgyas 'gro ba 'dul ba'i gzugs su bskyed la/ de phyag rgya chen po gnas pa la/ slob ma'i lus la rnal 'byor chen po las bshad pa'i gnas rnams su dam tshig gi phyag rgya rnams kyis rnam par snang mdzad dang/ 'gro ba 'dul ba nas brtsams nas pad+ma 'bebs pa'i mthar thug pa'i dkyil 'khor ba'i lha'i khyad par thams cad bkod la/ yang de nyid la yi ge ma las rnam par snang mdzad kyi cod pan dang/ yi ger las brang du mi bskyod pa'i dpal be'u dang/ yi ge nya las smin mtshams kyi mdzod spur rin chen 'byung ldan dang/ yi ge Na las mchu gnyis kyi bar du 'od dpag tu med pa/ yi ge na las spyi gtsug tu don yod grub pa dang/ yi ge ya
- 49a
las snying gar pad+mas mtshan pa'i rdo rje dang/ yi ge ra las dpral bar pad+mas mtshan pa'i yid bzhin gyi nor bu gtsang ma zhes bya ba dang/ yi ge la las lkog ma'i phyogs su rdo rje pad+ma dang/ yi ge wa las mgo bor sna tshogs pad+ma dang/ a A zhes bya bas rna ba g.yas g.yon du pad+ma'i sangs rgyas dang/ pad+ma'i rgyal po dang/ i a'i las mig g.yas g.yon gnyis su pad+ma'i chags pa dang/ pad+ma'i legs pa dang/ u a'u zhes bya ba las 'gram pa gnyis su pad+ma'i khro gnyer dang pad+ma'i nyis/ ri rI zhes bya ba las rna rtsa gnyis su pad+ma'i dpal dang/ pad+ma'i bzhad pa/ li lI zhes bya ba las mchu gnyis la pad+ma'i sgrol ma dang pad+ma'i rnon po/ /e i zhes bya ba las sna bug gnyis la pad+ma'i rgyu dang pad+ma'i bsrung ba'o/ /o aau zhes bya ba las nam tshong gnyis su pad+ma gar gyi dbang phyug dang pad+ma'i bsrung ba/ a A(rgyud 'grel): zhes bya bas ltag khung g.yas g.yon du pad+ma'i gnod sbyin dang pad+ma'i khu tshur ro/ /oM sh+ra Sha sa ha tsa tsha dza dzha las lte ba la rdo rje dbyings kyi dbang phyug ma dang pad+ma'i sgeg mo dang/ phreng ba dang/ glu ma dang/ gar ma dang/ rta mgrin dang/ don yod zhags pa dang/ lcags sgrog dang/ 'bebs pa'o/ /tri ka kha ga g+ha zhes bya ba las rgyab tu rig pa'i rgyal po rnams so/ /Ta Tha Da Dha zhes bya ba las dpung pa gnyis dang lag pa gnyis la khro bo rnams so/ /ta tha da d+ha zhes bya ba las rtags dang 'jug chos gnyis dang rgyab du tshogs kyi bdag po rnams so/ /pa pha ba b+ha zhes bya ba las brla gnyis dang rje dar gnyis la pho nya rnams so/ /sha laM ku ka zhes bya ba las/ rkang pa'i long bu gnyis su g.yog po rnams so/ /ya hUM ra tra la h+ri wa a zhes bya ba las long bu gnyis dang rkang pa gnyis la pad+ma'i gdug pa ma dang me tog ma dang/ mar me ma dang/ dri ma ma'o/ /tsa tsha dza dzha zhes bya ba las lag pa g.yas pa la las byed
- 49b
lnga'o/ /Ta Tha Da Dha Na zhes bya ba las lag pa g.yon pa la las byed ma lnga'o/ /kraM kri ya ra la wa k+Sha zhes bya ba las rkang pa g.yas pa la ma mo bdun no/ /sha Sha sa ha laM zhes bya ba las rkang pa g.yon pa la yid po gsum dang/ sring mo bzhi dang bcas pa dgod par bya'o/ /sngar yig 'bru rnams rim gyis bkod la/ phyis phyag rgya'i gzugs su bsams te/ de nas yi ge rnams rim pa ji lta ba bzhin du brjod par bya'o/ /dngos grub thams cad rdzogs par bya ba'i phyir/ rigs rigs su yang rgyas pa la mngon par dga' bas yig 'bru dgod pa'i cho ga bya'o/ /de nas rdo rje chos mas slob ma'i snying gar byin gyis brlabs la/ smin mtshams dang/ lkog ma dang spyi bor rdo rje dang pad+ma 'ba' zhig dang/ sna tshogs pad+ma gsum gyis ji lta ba'i gnas su byin gyis brlabs te/ dri la sogs pa rnams kyis mchod la/ gdan de la 'gro ba 'dul ba'i phyag rgya chen pos bzhag ste/ mchod yon sngon du 'gro ba'i dri la sogs pa rnams dang/ 'jig rten gsum las rnam par rgyal ba'i gzungs kyi dkyil 'khor las bshad pa'i sgeg mo la sogs pa la bskor ba'i rol mo'i phyag rgya rnams kyis mchod la/ dpal mchog dang po las gsungs pa'i rol mo brgya phrag snyed las dung dang/ rnga bo che dang/ rdza rnga dang/ rnga rings dang/ rnga dra ba can dang/ rnga zlum dang/ pi bang dang/ gling bu'i bye brag ji snyed pa rnams la byin gyis brlabs te dbul ba dang/ sgeg mo la sogs pa rol mo'i khyad par rnams kyis yang dag par mchod la/ bkra shis tshigs su bcad pa gdon par bya'o/ /de nas rta mgrin gyi bum pa gang ba'i dbang bskur ba nas brtsams nas/ rnam par snang mdzad kyi bar gyi buM pa gang ba dang 'gro ba 'dul ba'i bum pa gang bas dbang bskur bar bya'o/ /de nas bum pas dbang bskur ba'i gyis rnam par rgyal ba'i bum pa las pad+ma khu tshur gyis chu blangs la/ dbang bskur ba dang/
- 50a
'thung du yang gzhug go /oM ha ya grI ba ma hA pad+ma aM ku sha A karSha ya bi g+haM sarbba pad+ma ku la pad+ma sa ma yaM pad+ma yaM gu sha d+hA ra hUM dza oM badzra a b+hi Shiny+tsa zhes bya ba nas de bzhin du oM hUM(rgyud 'grel): h+ri(rgyud 'grel): ho(rgyud 'grel): badzra a b+hi Shiny+tsa/ zhes bya ba'i sbyor ba 'dis dbang bskur bar bya'o/ /de nas rdo rje rin chen dang pad+ma'i gnod sbyin yongs su bzlas pa'i gos dkar po dang rgyan gyi bye brag thams cad byin la dri la sogs pa dang/ sgeg mo la sogs pa rnams kyis yang dag par mchod de/ sngar bshad pa bzhin du chos kyi rdo rje bcings te/ 'od dpag tu med pa'i dbang gis dbang bskur la/ yang de bzhin gshegs pa 'od dpag tu med pa dang ldan pa'i pad+ma'i phreng ba dang bcas pa'i rin po che'i cod pan gyi dar dbyangs kyi dbang gis dbang bskur ba dang/ oM d+harmmA sa ma ya badzra padme ni hUM/ badzra ratna zhes lan brgya rtsa brgyad yongs su bzlas te/ dbang bskur bar bya'o/ /de nas rdo rje pad+ma dang/ pad+ma'i dril bu blangs la mtshan ma'i dbang bskur ba dang/ bdag po'i dbang bskur ba na/ sangs rgyas kun gyi rdo rje'i dbang/ /de ring khyod la bskur bar bya/ /zhes bya ba la sogs pa snga ma bzhin du sbyin no/ /de nas oM pad+ma mA le a b+hi Shiny+tsa lo ke shwa ra twe swa ra h+ri zhes bya ba stong rtsa brgyad yongs su bzlas te pad+ma'i phreng ba de spyi bor bcing bar bya'o/ /de nas ming gi dbang bskur byin la/ mchod pa rnam pa lnga dang pad+ma'i sgeg mo la sogs pas yang dag par mchod la/ yi ge bras byin gyis brlabs pa'i rin po che'i mig thur ram/ gser la sogs pa'i thur ma thogs la mdun du 'dug ste/ mig 'byed pa'i tshul du byas la 'di skad ces brjod par bya'o/ /ji ltar mig mtshan rgyal po yis/ /'jig rten ling tog bsal ba ltar/ /bu khyod kyis ni mig shes pa'i/ /rab rib rgyal ba rnams kyi gsal/ /oM badzra na ta a ba ha ra
- 50b
ba tra paM h+ri de nas oM badzra satwa zhes bya bas me long la yongs su bzlas la chos nyid kyi mtshan nyid bstan par bya'o/ /chos rnams gzugs brnyan lta bu ste/ dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /ngo bo nyid med gnas med par/ /de ltar chos 'di shes nas su/ /sems can don ni mnyam med byos/ /'on kyang sangs rgyas rigs su skye/ /yi ge ho las mnga' bskyed pa/ /gzhu dang lhan cig tu byin nas/ 'di skad ces brjod par bya'o/ /'dis de bzhin gshegs pa thams cad rjes su chags par gyis la/ yi ge chos phyogs bzhi dang steng 'og tu mda''phen du gzhug par bya'o/ /me long la a badzra satwa zhes yongs su bzlas te bstan la 'di skad ces brjod par bya'o/ /rdo rje sems dpa' me long bzhin/ /dag cing gsal la rnyog pa med/ /sangs rgyas kun bdag rang nyid ni/ /bu khyod kyi ni snying la bzhugs/ /'di de bzhin gshegs pa thams cad kyi snying po byang chub kyi sems gang yin pa ni 'di yin no/ /zhes khong du chud par gyis shig ces brjod par bya'o/ /badzra he tu maM zhes bya bas 'khor lo rtsibs brgyad pa rkang pa gnyis kyi bar du de bzhag par bya ba dang/ badzra b+ha Sha raM zhes bya bas lag pa g.yas par dung byin la 'di skad zhes brjod par bya ste/ deng nas brtsams te sems bskyed gyi tse gyis chos kyi 'khor lo bskor cig /de rang phan chad 'jig rten la/ /skyob pa chos kyi 'khor lo bskor/ /chos kyi dur ni bla med pa/ /ma lus kun tu gang bar gyis/ /som nyi yid gnyis mi bya zhing/ /dogs pa med pa'i sems kyis ni/ /gsang sngags spyod pa'i tshul gyi mchog /'jig rten 'di la rab tu sgrogs/ /de ltar byas na sangs rgyas la/ /phan 'dogs drin du gzo zhes bya/ /rdo rje 'dzin pa de kun kyang/ /kun tu khyod la srung bar byed/ /de nas de bzhin gshegs pa thams cad kyi nga rgyal gyis/ 'jig rten
- 51a
kun la thams cad du/ sems can kun la phan pa'i phyir/ /ji ltar sna tshogs 'dul 'gyur ba'i/ /chos kyi 'khor lo rab tu bskor/ /zhes gsang sngags kyi theg pa'i rjes su gnang ba byin nas/ 'gro ba 'dul ba'i rnal 'byor pas/ slar yang dkyil 'khor bri ba'i rjes su gnang ba sbyin par bya'o/ /'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /pad+ma'i 'khor lo rab tu bskor/ /zhes bya ba brjod nas/ de nas de nyid kyis pad+ma gzung bar bya ste/ de nyid kyis ni bcom ldan 'das/ /'jig rten dbang phyug rdzogs sangs rgyas/ /'dul bar byed pa'i thabs kyis ni/ /gar gyis rol pa rnam par dag /'dis chos kyi dril bu dkrol bar bya ste/ /ji ltar pad+ma rab dmar ba/ /tshon gyi nyes pas mi gos bzhin/ /de bzhin khams gsum dag pas na/ /bag chags nyes pas gos mi 'gyur/ /'dis dam tshig gis phyag rgya chen por byin gyis brlab par bya ste/ gang dang gang gi gzugs kyis ni/ /'gro ba 'dul bar byed pas na/ /pad+ma dag mchog sbyor ba yis/ /de dang de nyid kyis sbyar bya/ /de nas dngos grub kyi pad+ma'i brtul zhugs sbyin par bya'o/ /oM pad+ma hasta d+harmmA teM pa la ya des kyang 'di skad du/ rdo rje chos nyid ji lta bu lags dri bar bya'o/ /de la yang 'di skad du brjod par bya ste/ ji ltar pad+ma dmar po 'di/ /tshon gyi nyes pas mi gos bzhin/ /thams cad dag par bsgoms nas ni/ /de bzhin sdig pas gos mi 'gyur/ /de la chos ni 'di yin no/ /de nas snying po byin la/ 'gro ba 'dul ba'i phyag rgya bzhi'i ye shes bslab par bya'o/ /rin chen 'byung ldan gyi rnal 'byor mngon du byas la/ slob ma thams cad gzengs bstod pa dang/ lung bstan par bya'o/ /oM 'di ni ngas khyod lung bstan pa/ /rdo rje sems dpa' de bzhin gshegs/ /srid pa kun tu grub pa'i phyir/ /srid pa'i
- 51b
ngan song rnams las bton/ /kye rdo rje che ge mo zhes bya ba/ /de bzhin gshegs pa sa rya sa ma ya stwaM b+hur b+hu swAhA/ de bzhin gshegs pa'i khu tshur gnyis bcings te/ g.yon pa chos gos 'dzin pa'i tshul du byas la/ g.yas pa mchod sbyin pa'i tshul du byas pa 'di ni gzengs bstod pa'i phyag rgya yin no/ /cho ga lhag ma ni rdo rje dbyings kyi dkyil 'khor chen po las bshad pa'i las shes par bya'o/ /de ltar slob dpon gyi cho ga rgyas pa dang/ slob ma 'jug pa la sogs pa'i cho gas rgyas par bstan nas/ da ni 'gro ba 'dul ba'i dkyil 'khor chen por dam tshig dang dbang bskur ba thob pa'i slob dpon gyis 'gro ba 'dul ba'i dkyil 'khor chen po las bshad pa'i dngos grub kyi ye shes bstan par bya ba'i phyir/ de nas zhes bya ba la sogs pa gsungs pa yin te/ de nas zhes bya ba ni gzhug pa'i cho ga rgyas pa'i dus phyir pad+ma'i rigs kyi dkyil 'khor chen po'i phyag rgya dbang du bya ba la sogs pa ni/ de ma thag tu bstan par bya ba yin no/ /der nges pa'i ye shes kyi ngo bo de bslab cing bstan par bya'o/ /snying la pad+ma bris nas kyang/ /zhes bya ba ni ? la 'byor byas la snying la rdo rje pad+ma bri bar bya'o/ /gang gi bri zhe na/ pad+ma bsgoms na zhes bya pa smos so/ /de bris ba ci zhig bya zhe na/ pad+ma'i dpal yang dbang du byed pa ste/ 'gro ba 'dul ba'i rang gi rig pa 'grub pa dang/ pad+ma'i rigs dbang du byed pa'o/ /gang zhe na/ bud med phal ba'ang smos ci dgos/ zhes bya'o/ /u ma la sogs pa'i bud med mchog tu mdzes pa nges pa kho nar dbang du byed par 'gyur ro/ /'di skad ston pa yin te/ 'gro ba 'dul ba la sogs pa'i rang gi lha'i rnal 'byor byas la phyis pad+ma sh+rI yaM ba sha ma nA ya ho/ /zhes bya ba 'dis 'gro ba 'dul ba la sogs par bdag nyid bskyed la/ rang gi snying po dang/ snying po 'dis rdo rje pad+ma bsgrubs la/ nyin re zhing thun bzhi'i sbyor
- 52a
bas ji srid mngon sum du mthong bar gyur gyi bar du bsgom par bya'o/ /de nas spro ba dang bsdu ba'i sbyor bas zla ba gcig bsgoms la/ mthar mtshan thog thag bsgoms nas de 'jig rten dbang phyug dang mnyam par 'gyur ro/ /bud med dbang du byed par 'dod na zla ba gcig bsgoms la/ de nas spro ba dang bsdu ba'i sbyor bas yang zla ba gcig byas la/ mthar mtshan thog thag bsgoms nas nges pad+ma'i dpal mo'i gzugs can nam/ u ma la sogs pa gnod sbyin mo'i gzugs can rta mgrin la sogs pa rnams kyis dgug pa dang/ gzhug pa dang/ bcing ba dang/ dbang du byas te/ de pad+ma'i 'od zer gyi tshogs kyis bkang nas 'khyud par bsam zhing/ pad+ma sh+rI ya ba sha ma nA ya ho/ /che ge mo ba sha ma nA ya ho/ /zhes bzlas pas de dbang du 'gyur ro/ /dpral bar sangs rgyas gzugs bris te/ snga ma bzhin du rang gi lha'i gzugs byas la phyi nas bdag nyid pad+ma a b+hi She ka pra yats+tsha ba zhes brjod pas dpral ba'i phyogs su rdo rje de bzhin gshegs pa 'od dpag tu med pa bsams nas snga ma bzhin du rtag tu bsgoms nas/ mthar mtshan thog thag bsgoms na/ tho rang ka rang gi lha'i dbang bskur ba thog par 'gyur zhing rang gi dngos grub kyang 'grub par 'gyur ro/ /kha yi nang gi lce steng du/ /sangs rgyas gzugs ni rab bsgoms na/ /zhes bya ba ni/ snga ma bzhin du rang gi lha'i rnal 'byor byas la rdo rje lcer byin gyis brlabs nas/ pad+ma ser swa te sho d+ha ya hUM zhes bya bas de bzhin gshegs pa 'od dpag tu med pa lce la bsams te snga ma bzhin du de'i snying po bzla ba dang/ bsgom pa yang byas nas/ mthar mtshan thog tha ga de thun bzhir bsgoms na 'jig rten dbang phyug dang 'dra bar 'gyur ro/ /gtsug tor dbus su pad+ma ni/ /snyoms par zhugs te bzhag nas kyang/ /zhes bya ba ni rang gi lha'i rnal 'byor de bzhin du byas nas/ oM pad+ma ur tha b+hwaM graM ba
- 52b
shi ku ru dzaM/ zhes bya bas/ pad+ma'i gtsug tor zhal bzhi pa bskyed nas/ ji srid mngon sum du mthong bar gyur pa de srid kyi bar du snying po bzla zhing bsgom par bya'o/ /de nas spro ba dang bsdu ba'i sbyor bas zla ba gcig byas na 'grub par 'gyur zhing de bzhin gshegs pa lta bu'i 'jig rten dbang phyug gi gtsug tor gyis mkha' 'gro thams cad dbang du 'gyur ro/ /rtsig pa 'am yang na nam mkha' rung zhes bya ba la sogs pa ni/ rang gi lha'i rnal 'byor byas la/ oM sarbba dza ga da ba shi ta dz+nyA na pad+ma a b+hi Shiny+tsa a zhes bya ba rdo rje pad+ma rtsigs pa la sogs pa la sprul pa snying po 'di bzlas shing nyin re zhing thun bzhi'i sbyor bas/ ji srid mngon sum du mthong bar gyur pa de srid kyi bar du bsgom par bya'o/ /de nas spro ba dang bsdu ba'i sbyor bas zla ba gcig byas nas/ mthar mtshan thog thag bsgoms na des de bzhin gshegs pa la sogs pa nas sems can la pad+ma spro bar bsgoms pas des rang gi rig pa snang bar gyur te/ de skad du/ 'di ni sems can thams cad kyang/ /dbang du byed pa dam pa'o/ /zhes smos so/ /nam mkha' 'am ni phyogs gzhan du/ /zhes bya ba ni/ snga ma bzhin du lha'i rnal 'byor byas la/ oM dz+nyA na pad+ma tiSh+Tha a dri sh+ya ku ra baM/ zhes bya ba'i snying po 'di brjod cing nam mkha' la sogs pa'i phyogs su rdo rje pad+ma sprul la/ snying po 'di nyid brjod cing nyin rer thun bzhi'i sbyor bas ji srid mngon sum du mthong bar 'gyur ba de srid kyi bar du bsgoms par bya'o/ /de nas gang tshe mthong ba de tshe blangs/ /ci dga' bar ni snang mi 'gyur zhes bya'o/ /rtsig pa 'am/ yang na nam mkha' la/ zhes bya ba la sogs pa ni/ snga ma bzhin du rang gi lha'i rnal 'byor byas la/ oM sa mA d+hi baM shwa pad+ma tiSh+Tha be shwa ru pyaM mi dar sha ya b+ha ga baM/ zhes bya ba yongs su zlos shing rtsig pa 'am/ yang na nam mkha' la pad+ma bzhi ba sprul la/ 'di nyid yongs su bzlas te/ ji srid sngar
- 53a
bshad pa bzhin du mthong bar gyur pa de srid kyi bar du bsgom par bya'o/ /gang gi tshe mthong nas blang ba de'i tshe byang chub sems dpa' chen po 'gro ba 'dul ba'i gzugs su 'gyur ro/ /nam mkha' 'am ni phyogs gzhan du/ zhes bya ba la sogs pa smos te snga ma bzhin du rang gi lha'i rnal 'byor byas la/ /phyis oM sa ma d+hi badzra pad+ma tiSh+Tha u tiSh+Tha sh+rI gaM h+ri/ zhes bya bas rdo rje pad+ma nam mkha' 'am/ rtsig pa la sogs pa'i gnas su sprul la snying po 'di nyid zlos shing snga ma bzhin du bsgoms te/ des mthong bar gyur pa dang blangs nas/ pad+ma'i rig pa 'dzin par 'gyur ro/ /dkyil 'khor la sogs thams cad du/ /spyan ras gzigs dbang bris nas ni/ /zhes bya ba la sogs pa ni 'dir 'phags pa rta mgrin du gnas pa'i spyan ras gzigs dbang de'i rnal 'byor byas la/ oM pad+ma oM ku sha A karSha ya sarbba ma hA satwa na hUM dza/ zhes bya ba'i snying po 'bum bzlas pa byas nas phyis mtshan thog thag bzlas nas 'grub par 'gyur ro/ /de nas dkyil 'khor ram ras la 'jig rten dbang phyug gi mdun du rta mgrin bris la/ dgug pa dang/ gzhug pa dang/ bcing ba dang/ dbang du byas te/ dam tshig gi phyag rgya bsgrubs nas/ de nas chos dang las dang phyag rgya chen po rnams kyis rgyas btab la/ dbang bskur te/ mchod pa rnams kyis yang dag par mchod pa/ de 'am yang na gzhan gnod sbyin mo la sogs pa'i gzugs de'i mdun du/ rta mgrin gyi las kyi phyag rgyas bcings na rang gi dbang du byed par 'gyur ro/ /dkyil 'khor la sogs thams cad du/ /spyan ras gzigs dbang bri bar bya/ /zhes bya ba la sogs pa ni/ 'dir rje btsun don yod zhags pa ni sngar bshad pa'i mtshan nyid dang ldan pa'i 'jig rten dbang phyug de'i rnal 'byor byas la/ oM a mo ka pA sha kro d+ha hUM ho zhes bya ba'i snying po 'bum bzlas pa byas la/ mthar mtshan thog
- 53b
thag bzlas te/ de nas dkyil 'khor ram ras la bcom ldan 'das don yod zhags pa de nyid bris la/ bcom ldan 'das rjes btsun don yod pa'i zhags pa'i las kyi phyag rgya bcings te/ de 'am sems can gzhan dkyil 'khor du gcug na rang gi dbang du byas par 'gyur bas na/ /nges par zhags pa'i phyag rgya yi/ /'gro ba thams cad 'dren par byed zhes bya'o/ /dkyil 'khor la sogs thams cad du/ /spyan ras gzigs dbang bri bar bya/ /zhes bya ba la sogs pa ni/ 'dir pad+ma lcags sgrog ni 'jig rten dbang phyug de'i rnal 'byor byas la/ oM pad+ma spho Ta baM zhes bya ba'i snying po 'bum bzlas te/ de nas snga ma bzhin du cho ga thams cad rjes su spyad la/ de 'am yang na bsgrub par bya ba gzhan pad+ma lcags sgrog gis phyag rgya bcings par 'gyur ro/ /dkyil 'khor la sogs thams cad du/ /spyan ras gzigs dbang bri de yi/ /zhes bya ba la sogs pa ni/ 'dir pad+ma 'bebs pa ni/ 'jig rten dbang phyug de'i rnal 'byor byas la/ oM pad+ma g+haN+Da a be sha zhes bya ba'i snying po 'bum bzlas te/ mthar mtshan thog thag bzlas par bya'o/ /de nas phyis dkyil 'khor du pad+ma 'bebs pa snga ma bzhin du bris la lha la sogs pa'i/ sems can dgug pa dang/ gzhug pa dang/ bcings la pad+ma 'bebs pa'i las kyi phyag rgya dang snying po 'dis snod la phab na thams cad smras par 'gyur ro/ /bdag nyid nyid kyis bdag nyid nyid/ /pad+ma zhal bzhi sems par yang/ /zhes bya ba la sogs pa ni/ pad+ma 'dab ma bzhi dang ldan bzhin du pad+ma don yod pa'i dbang phyug zhal bzhi'i sku mdog sngon po dang ser po dang/ dmar po dang/ ljang gu sna tshogs par bsgoms te goms par byas pa'o/ /bdag nyid ces bya ba 'di nyid kyis rgyas par bshad pa ni/ bdag nyid nyid ces bya ba yin no/ /sku zhig sgom pa yin zhe na/ bdag nyid nyid kyis zhes bya ba smos te/ mdun du yang de bsgom par
- 54a
bya ba ma yin no zhe na/ bdag nyid nyid ces bya ba smos so/ /'di skad ston pa yin te/ don yod pa'i dbang phyug gi rnal 'byor byas la pad+ma bi sha zhes brjod cing/ bdag nyid nyid kyis bdag nyid nyid/ /pad+ma don yod pa'i dbang phyug gi gzugs su ji srid bdag nyid mthong ba de srid kyi bar du bsgom par bya'o/ /de nas ras ris la sogs pa la bcom ldan 'das spyan drangs la mtshan thog thag bsgoms na/ des pad+ma don yod pa'i dbang phyug lta bu gzugs mang por 'gyur ro/ /rdo rje chos kyi ting 'dzin gnas/ /pad+mas pad+ma bsgoms na ni/ /zhes bya ba la sogs pa ni pad+ma ting nge 'dzin gyi rnal 'byor byas la d+harmmA ka ya pad+ma zhes bya ba brjod cing/ ji srid mngon sum du mthong bar gyur pa de srid kyi bar du bsgom par bya'o/ /de nas snga ma bzhin du mtshan thog thag bsgoms na ting nge 'dzin pad+ma'i gzugs su 'grub par 'gyur ro/ /spyan ras gzigs dbang thor tshugs dbus/ /bdag gis sangs rgyas gzugs su ni/ /zhes bya ba ni/ rang gi lha'i rnal 'byor byas la/ b+hu d+ha ma bi shi ka zhes brjod cing spyan ras gzigs dbang phyug gi ral pa'i thod tshugs kyi dbus su de bzhin gshegs pa 'od dpag tu med par bdag nyid kyis bsgoms pa de dang snying po 'di nyid brjod cing nyin re zhing thun bzhi'i sbyor bas ji srid sangs rgyas kyi gzugs bdag nyid mthong ba de srid kyi bar bsgom par bya'o/ /de nas mtshan thog thag bsgoms na tshe dpag tu med pa dang mnyam par 'gyur ro/ /sna tshogs gzugs kyis ting 'dzin gnas/ /sna tshogs gzugs kyi ting 'dzin du/ /bdag nyid kyis ni bsgoms na ni/ /zhes bya ba ni snga ma bzhin du/ rang gi lha'i rnal 'byor byas la/ phyis lo ke shwa ra zhes brjod cing/ 'gro ba 'dul bar bdag nyid bsgoms te/ de nyid brjod cing snga ma bzhin du bsgoms nas mthar mtshan thog thag byas na/ 'gro ba 'dul ba dang 'dra bar 'gyur ro/ /de ltar ji lta ba'i mngon par 'dod pa'i dngos
- 54b
grub kyi ye shes bslab pa bstan nas/ da ni 'di las bshad pa'i dngos grub rnams rang gi lha'i rnal 'byor byas la/ rang gi lha'i phyag rgya bzhis rgyas btab nas/ bsgrub par bya ba dang phan yon bstan pas sgrub pa po spro ba bskyed par bya ba'i phyir/ de nyid ka bstan pa ni/ de nas zhes bya ba la sogs pa gsungs te/ de nas zhes bya ba ni/ dngos grub kyi ye shes bstan pa'i rjes thogs la'o/ /dkyil 'khor chen po zhes bya ba ni/ 'gro ba 'dul ba'i dkyil 'khor chen po'o/ /thams cad kyang yin la phyag rgya yang de yin pas na/ thams cad kyi phyag rgya ste/ phyag rgya chen po dang/ dam tshig dang/ chos dang/ las rnams kyi der nges pa'i ye shes de bslab cing bstan par bya ba'o/ /de la zhes bya ba ni rgyas par 'chad pa'o/ /re zhig ces smos pa ni rim pa la bltos pa'o/ /dang por zhes bya ba ni thog mar ro/ /phyag rgya yang yin la chen po yang de yin pas/ phyag rgya chen pos te/ sku'i gsang ba'i ngo bo de ye shes su gyur pa'o/ /ji ltar ri mo'i tshul du ni/ /zla ba'i dkyil 'khor dbus gnas shing/ /pad+ma la gnas sems par ni/ /bdag nyid kyis ni bdag nyid bsgom/ /zhes bya ba la zla ba'i dkyil 'khor dbus gnas shing/ zhes bya ba ni/ zla ba'i dkyil 'khor gyi dbus su gnas la/ ji ltar ri mo bri bar bstan pa de dag gis rjes su 'brang bar bya ba yin pa de'i phyir/ ji ltar ri mo'i tshul du ni/ /padmo la gnas sems par ni/ /bdag nyid kyis ni bdag nyid bsgom/ zhes bya ba'o/ 'di skad ston pa yin te/ mnyam pa'i thal mo dang/ yang rdo rje thal mo dang/ de nas rdo rje bsdams pa bcings la/ de'i rjes la rdo rje bsdams pa snying gar dral te/ rdo rje 'bebs pa'i dam tshig gi phyag rgyas bdag nyid la dbab par byas la/ tiSh+Tha badzra zhes bya ba la sogs pas dbab pa nye bar bsdu ba byas nas/ badzra muSh+Ti zhes bya bas/ rdo rje dbyings las
- 55a
gsungs pa'i rdo rje khu tshur gyi dam tshig gi phyag rgya bcings la/ oM badzra sand+hi baM/ zhes brjod par bya'o/ /de nas sdig pa dral ba'i phyag rgya bcings la sdig pa dral lo/ /de nas skyil mo krung bcas te/ rang gi snying ga'i zla ba rdo rje pad+mas mtshan pa'i steng du/ oM hUM h+ri ho zhes bya ba yid kyis bris la/ 'di nyid rgyun du brjod cing chos bdag med pa bsgom par bya'o/ /de nas de nyid zla ba'i dkyil 'khor gyi rnam par rang gis bsams la/ de'i steng du de nyid dang zla ba'i dkyil 'khor gnyis pa'o/ /zla ba'i dkyil 'khor gnyis pa de nyid la sngar bshad pa'i yi ge bzhi dang ldan pa las pad+ma rA ga'i rdo rje rtse lnga pa'o/ /de nyid kyi snying po zlos shing rdo rje las byung ba'i pad+ma de'i dbus su snying po'i yi ge bkod la/ badzra pad+ma a haM zhes pad+ma'i nga rgyal bsgoms te badzra satwa haM zhes yid kyis brjod pas/ de pad+ma'i sems dpar byin gyis brlab pa'i sbyor bas g.yon pa bsnyems pa dang bcas pas rdo rje gsor ba'i sems dpar bdag nyid bsgoms la/ yang badzra satwa haM zhes brjod par bya'o// rdo rje sems dpa' de nyid la oM hUM h+ri ho/ /zhes brjod pas bdag nyid 'gro ba 'dul bar nges par byas la/ ma hA sa ma ya satwa haM zhes brjod par bya'o/ /de nas 'gro ba 'dul ba'i dam tshig gi phyag rgya bcings la/ sa ma ya haM zhes brjod do/ /de nyid ? sa ma ya satwa a d+hi tiSh+Tha sra mi zhes bya bas snying ga dang/ mdzod spu dang/ lkog ma dang/ spyi bor byin gyis brlab par bya'o/ /de nas pad+ma blangs la/ 'gro ba 'dul ba'i phyag rgya chen po bcing bar bya ste/ de bzhin du pad+ma 'bebs pa'i mthar thug gi khang? ?? thams cad rjes su spyad par bya'o/ /'gro ba 'dul ba las bshad pa'i cho gas rang gi snying ga'i zla ba la gnas pa'i pad+mar/ oM Shad mu khas nad ku ma Da be sha da ra pad+ma g+haN+Da ya a be sha ya sarbba ku la pad+ma sa yAM sarbba mu tra band+ha ya sarbba sid+d+ha yo
- 55b
maM pra yats+tsha pad+ma a be sha a a a a zhes yid kyis bris la/ de nyid yid kyis brjod cing chos thams cad bdag med par bsgom par bya'o/ /de nas zla ba'i dkyil 'khor gyi rnam par bsams la/ de'i steng du zla ba'i dkyil 'khor gnyis pa sngags de nyid dang bcas pa'i rdo rje rtse lnga pa'o/ /pad+ma 'bebs pa'i sngags de nyid dang bcas pas pad+ma'i dril bur bskyed la/ dril bu'i dbus su pad+ma 'bebs pa'i sngags bsams la badzra d+haN+Da haM zhes bya bas pad+ma dril bu'i nga rgyal bsgoms par bya'o/ /badzra satwa zhes brjod pas pad+ma'i dril bu de rdo rje sems dpar bsams la/ snga ma bzhin du badzra satwa haM zhes brjod par bya'o/ /de nas de la pad+ma 'bebs pa'i sngags brjod pas rdo rje sems dpa' dang pad+ma 'bebs par bsam par bya'o/ /de nas ma hA sa ma ya satwa a haM/ de'i dam tshig gi phyag rgya bcings la 'di skad ces brjod par bya ste sa ma ya haM/ de nas dam tshig gi phyag rgya de nyid dang/ sa ma ya satwa a d+hi tiSh+Tha swa maM zhes bya bas snying ga dang/ smin mtshams dang/ lkog ma dang/ spyi bor byin gyis brlab par bya'o/ /de nas pad+ma'i dril bu gzung la/ pad+ma 'bebs pa'i gzugs kyis 'dug la/ de'i sngags kyang brjod par bya'o/ /mdun du 'gro ba 'dul ba la sogs phyag rgya chen po bskyed de bsgom pa dang/ bcing ba yang 'dis bshad pa yin no/ /de nas mdun du ye shes sems dpa' ji ltar bzhin du dgug pa dang/ gzhug pa dang/ bcing ba dang dbang du byas te/ rang gi dam tshig gi phyag rgyas bltas la yang rang gi lus la dgug pa dang gzhug pa dang/ bcings pa dang/ dbang du byas te/ sa ma ya twaM zhes brjod cing/ rgyab tu zla ba'i dkyil 'khor phab la/ sa ma yatwaM a haM zhes bya bas rang gi sngags brjod cing de dang de'i rang bzhin du bdag nyid bsgom par bya'o/ /de nas dza(rgyud 'grel): hUM baM ho(rgyud 'grel): zhes brjod cing/ yid kyis legs so zhes sbyar ba yis/ rang gi lus la de bzhin gshegs pa thams cad
- 56a
bcug la/ rang gi dam tshig gi phyag rgya rnams kyis bsgrub par bya'o/ /de nas rang 'dod pa'i lha de bzhin gshegs pa thams cad la chos dang lha dang phyag rgya chen po rnams kyis rgyas btab la/ byin gyis rlob pa'i phyag rgya rnams kyis byin gyis brlabs te/ dbang bskur ba'i phyag rgya rnams kyis dbang bskur la/ sgeg mo la sogs pa'i gsang ba'i mchod pa bzhis yang dag par mchod la/ phyag byas te dngos grub kyi rdo rje brtul zhugs blang bar bya ste/ de nyid kyis ni pad+ma gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzla/ /bsgom zhes bya ba yin no/ /phyag rgya chen po thams cad kyi spyi'i bsgrub pa'i cho ga'o/ /de nas de dag gi las ni 'di dag yin no/ /zhes bya ba ni rnam par snang mdzad la sogs pa nas/ pad+ma 'bebs pa'i bar gyi phyag rgya chen po rnams kyi dngos grub kyi 'bras bu ni de'i las so/ /sangs rgyas phyag rgya che ba bcings la/ /tshe dpag med dang mnyam par 'gyur/ /zhes bya ba smos pa ni/ 'gro ba 'dul ba'i dkyil 'khor chen po las bshad pa'i sngags kyis rnam par snang mdzad kyi phyag rgya chen por bcings nas/ gang gi tshe snga ma bzhin du byas pas 'grub par 'gyur ba de'i tshe/ tshe dpag tu med pa dang mnyam zhing mtshungs par 'gyur ro/ /rdo rje pad+ma bcings nas ni/ /spyan ras gzigs dbang mnyam par 'gyur/ /zhes bya ba ni/ rdo rje sems ma'i gnas kyi phyag rgya gang yin pa de ni rdo rje pad+ma'i yin la/ de'i phyag rgya chen po gang yin pa de ni sangs rgyas pad+ma'i gzugs so/ /gang gi tshe de bcings pas 'grub par 'gyur ba de'i tshe sangs rgyas pad+ma dang mtshungs par 'gyur ro/ /sangs rgyas dbang ni rdo rje rin chen ma'i gnas kyis te/ pad+ma khro gnyer gyi phyag rgya de nyid kyi phyag rgya chen po bcings la/ de bcings nas gang gi tshe bsgoms pas 'grub par 'gyur ba de'i tshe bde bar gshegs pa de bzhin
- 56b
gshegs pa des dbang bskur bas pad+ma khro gnyer dang mtshungs par 'gyur ro/ /zhes bya ba'i don no/ /pad+mas pad+ma'i ting nge 'dzin thob ces bya ba ni/ rdo rje chos ma'i gnas te/ pad+ma sgrol ma'i phyag rgya chen po nyid de'i phyag rgya chen po yin te/ gang gi tshe de bsgoms pas 'grub par 'gyur ba de'i tshe/ de'i sgrub pa po la pad+ma sgrol ma'i ting 'dzin ster ro/ /sna tshogs kyis ni sna tshogs mchog /ces bya ba ni rdo rje las ma'i gnas kyi phyag rgya gang yin pa pad+ma gar gyi dbang phyug gi phyag rgya chen po nyid yin pas de'i phyag rgya chen po de bcings nas/ gang gis bsgoms pas 'grub par 'gyur ba de'i tshe/ de'i sgrub pa po la pad+ma gar gyi dbang phyug gi gzugs sna tshogs kyi mchog de ster bar 'gyur ro/ /sna tshogs gzugs kyis 'dul ba'o/ /zhes bya ba ni gzugs thams cad bstan nas 'dul bya'i 'gro ba rnams la sna tshogs pa'i gzugs 'gro bar 'dul ba'i phyag rgya chen po ster ba'o/ /sangs rgyas rin chen dbang bskur te/ zhes bya ba ni sangs rgyas thor tshugs kyi phyag rgya chen po ni sangs rgyas rin chen te/ de'i dngos grub kyi dbang bskur ba bsgrub pa po la ster bar 'gyur te/ thor tshugs sangs rgyas nyid ster ro zhes bya ba'i don no/ /pad+ma'i sems dpa' ting nge 'dzin zhes bya ba ni pad+ma'i ting nge 'dzin gyi phyag rgya chen po ste/ pad+ma'i ting nge 'dzin gyi dngos grub ster ba'o/ /pad+ma'i khro bo dbang phyug dpal/ zhes bya ba ni pad+ma'i don yod pa'i phyag rgya chen po ste/ pad+ma khro bo'i dbang phyug de nyid kyi phun sum tshogs pa ni dpal te 'dod par bya'o/ /ji ltar dpal te 'dod par bya ba yin zhe na/ rdo rje 'jig rten dbang phyug gis/ /pad+ma 'dod pa'i dngos grub mchog /ces bya ba smos te/ rdo rje 'jig rten dbang phyug gi rdo rje chos so/ /don yod grub pa'i gnas nas lha chen po'i gzugs 'dzin pa de'i phyag rgya chen po gang yin pa de ni rdo rje 'jig rten dbang phyug ste/ rdo rje 'jig rten dbang phyug gi mchog gi dngos grub dam pa ni/ pad+ma 'dod pa'i bya ba spyan ras
- 57a
gzigs dbang phyug sgrub pa po la ster bas na/ pad+ma khro bo'i dbang phyug dpal ster ba yin no/ /sangs rgyas dbang gis sangs rgyas nyid/ /ces bya ba ni/ pad+ma'i sangs rgyas kyi phyag rgya chen po ni pad+ma'i dbang phyug ste/ de'i dngos grub tu gyur pa'i sangs rgyas nyid ster ba'o/ /rdo rje pad+ma grub mchog sbyin/ /zhes bya ba ni pad+ma rgyal po'i phyag rgya chen po ni rdo rje pad+ma ste/ de'i dngos grub tu gyur pa mchog tu dge ba'i pad+ma'i rgyal po'i dngos grub ster ba'o/ /'dod pa'i dbang pos rab 'dod ldan ni pad+ma chags pa'i phyag rgya chen po ste/ pad+ma chags pa nyid ster ba'o/ /pad+ma legs pa'i phyag rgya chen po ni yang dag pa'o/ /legs sbyin pa ni pad+ma legs pa'i ngo bo de ster ba'o/ /khro gnyer gyis ni khro zhing myur/ zhes bya ba ni pad+ma'i khro gnyer reg pa'i rgyal po'i phyag rgya chen po ni khro gnyer ro khro ba dang bcas pas sems can dang sems can ma yin pa gsod pa de zhi bar byed pa'o/ /pad+ma'i nyi ma pad+ma'i gzi brjid kyi phyag rgya chen po ste/ de chos kyi dbyings thams cad du khyab pa'i gzi brjid stsol ba'o/ / pad+ma'i gzi brjid nyid sbyor ro zhes bya ba'i don no/ /pad+ma zla ba ni pad+ma dpal gyi phyag rgya chen pos khyab pa de ni mdangs chen po'o/ /bzhad pas rab tu bzhad pa thob ces bya ba ni/ bzhad pa'i phyag rgya chen pos bzhad pas rab tu dga' zhing bzang ba'i bzhad pa ste/ pad+ma bzhad pa'i ngo bo de ster ba'o/ /sgrol bas ni chos kyi pad+ma'i phyag rgya chen po des dngos grub mchog rdo rje chos kyi ting nge 'dzin thob par 'gyur ba'o/ /pad+ma ral gri ni pad+ma rnon po'i phyag rgya chen po des pad+ma rnon po lta bu'i dngos grub dam pa/ bskal pa bzang po'i shin tu srid pa 'grub par 'gyur ro/ /bskal bzang sangs rgyas bcom ldan 'das/ /srid pa shin tu grub pa yin/ /zhes gsungs so/ /mgrin sngon ni pad+ma rgyu'i phyag rgya chen po de'i 'gugs pa chen pos pad+ma'i
- 57b
rigs kyi dkyil 'khor thams cad 'gugs zhes bya ba'i don no/ /gos dkar ni pad+ma gsung ba'i phyag rgya chen po/ /de'i dngos grub ni pad+ma gsung ba'i dngos grub ster ba'o/ /pad+ma gar gyi dbang phyug ni/ pad+ma gar gyi dbang phyug gi phyag rgya chen po'o/ / de 'grub ba ni pad+ma gar gyi dbang phyug gi dngos grub ster ba'o/ /mi 'jigs pa ni pad+ma srung ba'i phyag rgya chen po/ /de grub par gyur pas/ rtag tu 'jigs pa med pa pad+ma'i bsrung ba'i zhes bya ba'i don no/ /rab gtum gyis ni ma rungs 'dul zhes bya ba ni pad+ma'i gnod sbyin gyi phyag rgya chen pos bdud thams cad 'joms pa'o/ /pad+ma khu tshur ni pad+ma'i khu tshur gyi phyag rgya chen po rab tu legs par bsgrub pa byed pa ni rab bsgrub byed de/ rang bzhin gyi 'od gsal ba'i rnam par thar pa bsgrub par byed ces bya ba'i don no/ /lhag ma ni go sla'o/ /de ltar phyag rgya chen po'i ye shes 'bras bu bcas pa bstan nas/ dam tshig gi phyag rgya'i ye shes ni de nas zhes bya ba la sogs pa smos te/ de nas phyag rgya chen po'i ye shes bslabs pa de'i rjes thogs la zhes bya ba'i don no/ /pad+ma'i rigs ni 'gro ba 'dul ba'i dkyil 'khor chen po'i dam tshig 'dzin pa'i phyag rgya ni dam tshig gi phyag rgya'o/ /de'i ye shes ni bslab pa'o/ /rdo rje bsdams pa bcings nas ni/ zhes bya ba la sogs pa ni/ rdo rje dbyings su bshad pa'i rdo rje bsdams pa bcings la/ mthe bo dang mthe chung gnyis mnyam par bsgreng ba dang/ yi ge h+ri'i sngags brjod pa dang bcas pa ni/ rnam par snang mdzad kyi phyag rgyar bshad do/ /phyag rgya 'di ni chos dam tshig ces bya ba ni/ rang bzhin gyis rnam par dag pa'i ting nge 'dzin ni chos so/ /de'i dam tshig ni rgyur gyur pa ste/ gang gi phyir chos ni rab tu thob par byed/ ces bya ba smos te/ rang bzhin gyis rnam par dag pa'i ting nge 'dzin ni sangs rgyas rnams kyi chos yin la/ de phul du byung ba ster
- 58a
ba ni/ sangs rgyas chos ni rab thob byed do/ /'di skad ston pa yin te gang gi che phyag rgya 'di bcings nas yi ge h+ri brjod cing/ rnam par snang mdzad du bdag nyid bsgoms la/ de'i tshe na rnal 'byor phyag rgya 'dis sangs rgyas kyi chos thob par 'gyur ro/ /rdo rje bsdams pa dam bcings nas/ zhes bya ba la sogs pa mdzub mo'i dang gung mo dang srin lag bsnyams pa 'di rnam par snang mdzad kyi phyag gnyis pa ste/ sangs rgyas pad+ma nyid 'grub par byed pa'o/ /'di skad ston pa yin te/ phyag rgya 'di bcings nas/ oM badzra pad+ma a ta ma h+ri zhes bya bas rnam bar snang mdzad du bsgoms nas/ gang gi tshe rnam par snang mdzad du bsgom zhing bzlas pa byed pa de'i tshe/ rnam par snang mdzad 'grub par 'gyur ro/ /rdo rje bsdams pa bcings nas ni zhes bya ba ni/ rdo rje bsdams pa bcings la gung mo gnyis sems ma rdo rje la ltar bsnyams pa 'di rdo rje sems ma dang/ rdo rje sems dpa' i gnas kyi rdo rje pad+ma'i dam tshig gi phyag rgya bcings la/ oM badzra hUM phaT/ zhes bya bas gang gis phyag na rdo rjer bsgoms pa de'i tshe/ rdo rje sems dpa' rdo rje 'dzin pa'i dngos grub thob par 'gyur ro/ /de'i phyir 'di ni rig pa dam pa yi/ /phyag rgya yin te rdo rje 'grub ces gsungs so/ /de las gung mo rin chen 'dra/ /zhes bya ba ni bshad ma thag pa'i rdo rje sems ma'i rig pa dam pa'i phyag rgya'i gung mo gnyis tshul las rin po che'i dbyings su byas pa ni/ rdo rje rin chen ma'i gnas dang/ rdo rje snying po'i sangs rgyas la dbang bskur ba'i dam tshig phyag rgyar 'gyur ro/ /'di skad ston pa yin te/ rdo rje snying po'i rnal 'byor byas la/ oM badzra ratna ut+ta me tra zhes brjod cing/ gang gi tshe rdo rje snying po bdag nyid bsgoms pa de'i tshe/ rdo rje snying por 'gyur ro/ /de bas na/ rdo rje rin chen rab grub byed ces gsungs so/ /gung mo pad+ma'i tshul du
- 58b
byas/ pad+ma'i dngos grub rab thob byed ces bya ba ni/ rdo rje sems ma'i rdo rje rigs pa dam pa'i phyag rgya'i gzugs las gung mo gnyis pad+ma'i 'dab ma ltar byas pa ni rdo rje chos ma dang/ pad+ma'i pad+ma rdo rje spyan gyi dam tshig gi phyag rgya ste/ rdo rje dbyings las bshad pa'i tshul gyis rdo rje spyan gyi rnal 'byor byas la 'di bcings te/ oM badzra bi tot+ta ma h+ri zhes bya ba bzlas shing/ gang gi tshe rdo rje spyan bsgoms nas 'grub par 'gyur ba de'i tshe pad+ma'i dngos grub 'di rab tu thob par byed do/ /rdo rje spyan ster bar 'gyur ro/ /zhes bya ba'i don no/ /rdo rje thal mo bsdams byas nas/ /rdo rje las ni byed par 'gyur ro zhes bya ba ni/ rdo rje thal mo bcings pa ni/ rdo rje las ma'i gnas su sna tshogs ma'i dam tshig gi phyag rgya dang/ rdo rje sna tshogs kyi dam tshig gi byas bya ste/ rdo rje dbyings las gsungs pa'i rdo rje sna tshogs pa'i rnal 'byor byas la/ 'di bcings te/ oM badzra bi sha u ta ma a zhes bya ba bzlas la/ gang gi tshe rdo rje sna tshogs su bdag nyid bsgoms na/ de'i tshe grub par 'gyur ba gang yin pa des rdo rje las ni byed par 'gyur te/ byang chub sems dpa' chen po rdo rje las 'grub par 'gyur ro/ /zhes bya ba'i don no/ /chos kyi rdo rje bcings nas ni/ /skad cig gi ni dam tshig 'grub ces bya ba ni/ rdo rje bsdams pa dam byas la/ /gung mo mnyams la rdo rjer byas/ chos kyi rdo rje zhes grags pa/ /dkyil 'khor chen po bsgrub byed pa/ /'di dam du bcings pa dam tshig gi dkyil 'khor du zhugs na/ skad cig ma de nyid kyi tshe/ 'grub cing rdzogs par 'gyur ro/ /zhes bya ba'i don no/ /'di skad ston pa yin te/ gang gi tshe slob dpon gyis/ oM badzra pad+ma sa ma yastwaM zhes brjod cing/ ji skad bshad pa'i mtshan nyid can gyi rdo rje chos 'di ji lta ba bzhin du bcings la/ oM pad+ma sa ma ya hUM zhes brjod cing dkyil
- 59a
'khor chen por zhugs par 'gyur pa de'i tshe/ skad cig ma de nyid la dkyil 'khor chen por zhugs pas 'grub par 'gyur ro/ /de bzhin du slob mas kyang zhugs pas 'grub par 'gyur ro/ /kha cig ni dkyil 'khor sprul pa'i phyag rgya yin no zhes zer te/ 'di ni ma yin te/ gang gi phyir rigs kyi dam tshig 'di dang rigs kyi dam tshig gi phyag rgya 'dis/ dkyil 'khor du 'jug pa nyid yin gyi/ sprul pa ni ma yin no/ /dam tshig gi phyag rgyas dkyil 'khor sprul par byed pa ma yin gyi/ phyag rgya chen po nyid kyis dkyil 'khor sprul par gsungs pa'i phyir ro/ /rdo rje bsdams nas mdzub bsnyams pa/ /sangs rgyas dngos grub rab thob byed/ /ces bya ba ni/ rdo rje bsdams pa las mdzub mo gnyis bsnyams la khab ltar byas pa 'di dang/ bud+d+ha hUM zhes bya ba'i snying pos dkyil 'khor ram rang gi lus sam ras la sogs pa bcom ldan 'das rnam par snang mdzad spyan drangs nas bsgrub par byas na/ de ltar sangs rgyas kyi dngos grub rab tu thob par byed do/ /de nas rab tu bshad bya ba ces pa ba de ltar rnam par snang mdzad kyi dam tshig gi phyag rgya bcing ba bstan nas/ 'gro ba 'dul ba nas brtsams na/ pad+ma 'bebs pa'i bar ni/ sems dpa' i phyag rgya ste/ sems dpa' de dag gi dam tshig 'dzin pa'i phyag rgya ni sems dpa' i phyag rgya'o khyad par ni gang dang gang gi phyag rgya 'chad par 'gyur ba'i phyag rgya gsal bar ston pa'o/ /rdo rje thal mo bsdams nas kyang/ /gung mo mnyam bsnyams de bzhin du/ /zhes bya ba ni/ gung mo gnyis po de bsnyams par byas pa ni gung mo bsnyams pa ste/ gung mo gnyis bsnyams nas bsgreng ba gang yin de gung mo mnyam par bsnyams nas phye ba'o/ /de bzhin du mthe chung mthe po phye ba ni zhes bya ba ni/ mthe'u chung dang mthe bong gnyis phye la phyi rol du brkyang nas/ pad+ma 'dab ma bzhi pa ltar byas pa gang yin pa de ni/ mthe
- 59b
chung mthe bo phye ba ni sna tshogs pad+ma bshad pa yin no/ /'di skad ston pa yin te/ rdo rje thal mo las gung mo gnyis bsnyams la/ /mthe chung dang mthe bo so sor brkyang ba ni/ 'gro ba 'dul ba'i dam tshig gi phyag rgya'o/ /de las mthe bo gnyis bsnol te// dbus kyi rdo rje spyi gtsug phud/ /mdzub gnyis rtse sprad dgug pa'i gzugs/ /zhes bya ba ni rdo rje thal mo phyag rgya nyid las mthe bo gnyis bsnol te/ mdzub mo gnyis bkug la/ gung mo gnyis bsnyams te bsgreng ba'i rgyab du gtsugs pa ni/ gtsug phud sangs rgyas yin par bshad pa ni/ gtsug phud sangs rgyas kyi dam tshig gi phyag rgya'o/ /rdo rje bsdams pa dam bcings la/ zhes bya ba la sogs pa ni rdo rje bsdams pa dam por bsdams pa'o/ /mthe bo gnyis bsnyams rtse btung nas/ /mdzub mo gnyis ni rtse mo sprad nas kha thur du bstan nas bkan te bzhag pa gang yin pa de ni ting nge 'dzin pad+ma'o/ /thal mo pad+mar mnyam sbyar la/ /mdzub mo rdo rje mnyams nas ni/ /mdzub mo gnyis bsnyams na brkyang bar bya'o/ /mthe bo dos la sbyar ba ni / zhes bya ba ni mthe bo gnyis kyi kha phye ba de ni nges pa dbang phyug gi phyag rgya'o/ /rdo rje thal mo mnyam par sbyar la mdzub mo gnyis bsnyams te/ bsdams nas mthe bo gnyis kha phye ba ni pad+ma don yod pa'i dbang phyug gi phyag rgyar 'gyur ro/ /rdo rje bsdams pa bsdams nas zhes bya ba la sogs pa ni/ rdo rje bsdams pa brtan por bcings la/ legs par bkan te mthe bo gnyis pad+ma'i 'dab ma ltar byas pa ni/ sangs rgyas pad+ma yi/ mthe bo gnyis ni rdo rjer bsnyams/ /zhes bya ba la sogs pa ni lag pa gnyis thal mo sbyar la g.yas pa'i mdzub mo ral gri ltar byas la/ g.yon pa'i mdzub mo lcags kyu ltar byas nas/ mthe chung gnyis so sor phye la gung mo dang srin lag gnyis pad+ma'i 'dab ma ltar byas pa ni pad+ma'i rgyal po'o/ /thal mo
- 60a
mnyam par rab sbyar la/ zhes bya ba la sogs pa ni/ thal mo mnyam par rab tu sbyar la g.yon pa'i mthe bo g.yas pa'i mthe'us gzung nas/ de nas g.yas pa'i mdzub mo lcags kyur byas pas/ g.yon pa'i mdzub mo gzung nas/ g.yon logs nas 'dren par ltar byed pa ni pad+ma chags pa'i'o/ /thal mo sbyar nas mnyam par bkan/ /legs pa'i phyag rgya bcings nas ni/ zhes bya ba ni/ thal mo sbyar nas mnyam par bkan la/ mdzub mo dang mthe bo gnyis kyis legs so sbyin pa'i tshul du byed pa ni pad+ma legs pa'i 'o/ /thal mo mnyam par rab sbyar la/ zhes bya ba la sogs pa ni/ thal mo mnyam par dam du sbyar la mdzub mo gnyis kyi tshigs gsum pa bkug nas/ mig lta bur byas la mthe'u chung gnyis phye la mdzod spu'i phyogs su bzhag pa ni/ pad+ma'i khro gnyer rig pa'i rgyal po'i phyag rgya'o/ /rdo rje bsdams pa dam byas la/ /sor mo thams cad dkyil 'khor du/ /snying gar rab tu brkyang ba ni/ /pad+ma nyi ma yin par bshad/ /rdo rje bsdams pa dam por byas la/ sor mo thams cad dkyil 'khor gyi tshul du snying gar rab tu brkyang nas rab tu bskor ba ni/ pad+ma nyi ma'o/ /thal mo rab tu ngam sbyar la/ /zhes bya ba la sogs pa ni/ /mnyam pa'i thal mo'i mdzub mo gnyis/ /rin po che dra bar byas nas/ dpung pa spyi bor rab tu brkyang ste/ bzhag pa'i phyag rgya 'di ni pad+ma'i zla ba'i 'o/ /rdo rje bsdams pa spyi bor bzhag /kha dang bcas pas rab brkyang nas/ /nyid kyi kha nas rgod pa dang/ /kha ni mchu gcig nyid du 'gyur/ zhes bya ba ni/ rdo rje bsdams pa bcings la spyi bor bzhag ste/ sor mo'i rtse mo thams cad brkyang nas rgod pa'i tshul du byed pa ni pad+ma bzhad pa'i'o/ /ting 'dzin pad+ma bcings nas ni/ zhes bya ba ni/ snga ma bzhin du ting 'dzin pad+ma'i phyag rgya bcings la/ mthe bo gnyis
- 60b
bsnyams te kha gyen du bstan nas bzhag pa ni pad+ma sgrol ma'i'o/ /pad+ma sgrol ma'i phyag rgya ni/ /mdzub gnyis pad+ma'i tshul du bcings/ /ral gri tshul du byas pa 'di/ /pad+ma ral gri'i phyag rgya yin/ /zhes bya ba ni/ bshad ma thag pa'i pad+ma'i sgrol ma'i dam tshig gi phyag rgya de nyid bcings te/ mdzub mo gnyis kyi tshigs gsum pa bkug la pad+ma ral gri'i tshul du byas pa des de bzhin gshegs pa thams cad gcod pa'i tshul du byed pa 'di pad+ma rnon po'i'o/ /mthe'u chung pad+ma chen po bya/ /zhes bya ba la sogs pa ni/ thal mo sbyar ba'i mthe'u chung gnyis pad+mar bya ba dang/ mthe bo gnyis dbyug pa ltar bsgreng la/ mdzub mo g.yas pa dang g.yon pa bskum te/ gung mo dang srin lag gnyis cung zad brkyang la/ rdo rje bsdams pa bcings pa ni pad+ma khyab 'jug gi'i'o/ /rdo rje thal mo dam byas la/ zhes bya ba la sogs pa la rdo rje thal mo dam du bcings nas mthe bo g.yas pas rdo rje bsdams pa'i tshul 'di nus par bcing bar bya'o/ /g.yas pa'i oM gyi nang du bzhag /g.yon pa'i mdzub mtheb bzlas pa bya/ zhes bya ba ni/ g.yon pa'i mthe bo dang mdzub mo gnyis bzlas pa'i phreng ba 'dren pa'i tshul du bya'o/ /sor kun chu skyes kha bye 'dra/ /zhes bya ba ni lhag ma'i sor mo rnams cung zad kha bye ba'i tshul du byed pas pad+ma bsrung ba'i'o/ /rdo rje thal mo mnyam sbyar la/ /g.yon dang g.yas nas de bzhin du/ /'gying pa dang bcas pas g.yas dang g.yon gyi logs su gar byed pas bskor nas/ phyis spyi bor 'jog pa ni pad+ma gar gyi dbang phyug go /rdo rje thal mo dam byas la/ zhes bya ba ni snga ma bzhin no/ /de bzhin rtse kun kha bye ba ces bya ba ni sor mo thams cad brgyad nas yongs su skor te pad+ma byas la/ pad+ma'i tshul gyis rdo rje thal mo bcing bar bya'o/ /rdo rje thal mo las sor mo thams cad kha phye la pad+ma ltar byas nas/ phyis rdo rje thal mo bcings la/ snying ga'i phyogs su bzhag par
- 61a
bya'o/ /zhes bya ba 'di ni pad+ma'i bsrung ba'o/ /rdo rje thal mo dam byas la/ /gsang ba'i gnod sbyin tshul du ni/ /zhes bya ba ni rdo rje thal mo'i mdzub mo gnyis bskum la gung mo gnyis mthe bo gnyis kyis mnan nas/ zhal gyi mche ba gtsigs pa bzhin du yang/ khar bzhag la gsang ba'i gnod sbyin gyi tshul du bya'o/ /gsang ba'i gnod sbyin gyi sbyor ba 'di dang ldan pas gsang ba'i gnod sbyin gyi tshul du'o/ /thal mo sbyar te brkyang nas ni/ zhes bya ba ni/ rdo rje thal mo brkyang la rang gi khar bzhag pa ni pad+ma'i gnod sbyin zhes bya ba pad+ma gnod sbyin gyi phyag rgya'o/ /rdo rje khu tshur bcings nas kyang/ /zhes bya ba ni rdo rje dbyings kyi dkyil 'khor chen po las bshad pa'i rdo rje khu tshur gyi dam tshig gi phyag rgya dam du bcings la/ gung mo gnyis ni phyir bkug ste/ /rang gi mthe bo rgyab mnan pa/ /ces bya ba ni dam tshig gi khu tshur de'i phyag rgya'i gung mo gnyis bskum pas rang gi mthe bo gnyis kyi rgyab mnan pa 'di ni pad+ma'i khu tshur gyi dam tshig gi phyag rgya'o/ /rdo rje dbyings kyi tshul du ni/ /rdo rje thal mo las byung ba/ /mchod pa'i lha mo thams cad kyi/ /dam tshig mchog rnams bcings pa'o/ /zhes bya ba ni rdo rje thal mo las /snying gar mthe bo bsnyams la bzhag /rab tu brkyang ba phreng ba'o/ /thal mo sbyar ba kha nas dbyung/ /gar la thal sbyar spyi bor bzhag /rdo rje bcings ba thur du blugs/ /rang gi thal sbyar gyen du gtor/ /mthe bo bcings pa rab tu bsdam/ /rab tu brkyang ba byugs pa'o/ /zhes bya ba 'di dag pad+ma'i sgeg mo la sogs pa nas pad+ma'i dri mdza' thug pa rnam pa brgyad kyi dam tshig gi phyag rgya'o/ /rdo rje bsdams pa dam byas la/ /mdzub mo gnyis ni mnyam sbyar la/ /bkug nas rtse mo sbyar ba ni/ /rta mgrin de ni yin par bshad/ /ces bya ba ni/ rdo rje bsdams pa bcings la mdzub mo gnyis rta'i gdong pa lta bur byas la/ de'i rtse mo mdun du yang dang yang
- 61b
brkyang bskum ston pa ni rta mgrin gyi dam tshig gi phyag rgya'o/ /pad+ma'i thal mo mnyam sbyar la/ /mdzub gnyis mdud pa mdud pa ni/ /zhes bya ba ni/ mdzub mo gnyis phan tshun cung zad bkug nas lcags kyu'i tshul du bzung la mdud pa mdud pa ni don yod zhags pa'i phyag rgya'o/ /mtheb mdzub lcags sgrog 'dra bar bya/ /zhes bya ba ni/ thal mo cung zad kha 'byed pa'i mdzub mo dang mthe po gnyis lcags sgrog 'ching ba'i tshul du byed pa 'di ni pad+ma lcags sgrog gi phyag rgya'o/ /rdo rje dbab pa'i tshul gyis ni/ /pad+ma thal mo mnyam sbyar la/ /srin lag mthe chung gnyis bar du/ /mthe bo gnyis bcug dam du btsir/ /zhes bya ba ni/ thal mo cung zad kha bye ba'i nang du rang gi mthe'u chung gnyis kyi bar du mthe bo gnyis bcug la brtsir ba ni/ pad+ma 'bebs pa'i dam tshig gi phyag rgya'o/ /byams pa la sogs pa'i phyag rgya chen po ni/ ji ltar bris pa'i rjes su 'brang bar shes par bya'o/ /dam tshig gi phyag rgya yang bshad zin to/ /de nas pad+ma'i rigs ni 'gro ba 'dul ba'i dkyil 'khor chen po'o/ /chos zhes bya ba ni mtshon pa ste/ yi ge'i bdag nyid phyag rgya'i ye shes su 'gyur ro/ /ye shes ni rnam par snang mdzad la sogs pa'i ljags la rdo rje dgod par bya'o/ /'gro ba 'dul ba dang/ sangs rgyas pad+ma dang/ rdo rje chos ma rnams kyi lngags la ni h+ri'o/ /pad+ma rgyal po la gri'o/ /pad+ma chags pa la bri'o/ /pad+ma legs pa la h+ri'o/ /gtsug phud sangs rgyas dang sangs rgyas pad+ma dbang bskur ba'i pad+ma'i rin po che ma dang/ pad+ma'i khro gnyer rnams la sh+rI'o/ /pad+ma'i nyi ma la shi'o/ /pad+ma'i zla ba la d+hi'o/ /pad+ma'i bzhad pa la hi'o/ /pad+ma'i ting nge 'dzin dang/ pad+ma'i pad+ma dang/ pad+ma sgrol ma rnams la gri'o/ /pad+ma rnon po la gri'o/ /pad+ma'i rgyu la kri'o/ /pad+ma'i gsung ba la ba'i'o/ /pad+ma'i nges pa'i dbang phyug dang/ sna tshogs ma dang/ pad+ma gar gyi dbang phyug ma rnams la bri'o/ /pad+ma bsrung ba
- 62a
ri'o/ /pad+ma'i gnod sbyin la ni Sh+Ti'o/ /pad+ma'i khu tshur la ma'o/ /ma hA ra te/ rU ba sho pe/ shwa tra so'u khya/ sarbba pu dze/ pha la da ni/ pha la ga mi/ su de dza gri /su gand+ha gi /a ya hi dza/ a hi hUM hUM/ he spho Ta baM/ gaN+Ta a a zhes bya ba dang/ mthar yi ge h+ri dang bcas pas sgeg mo la sogs pa'i ljags la bsam par bya'o/ /byams pa la sogs pa rnams la ni rang gi rig pa yin no/ /pad+ma'i khu tshur gnyis byas la/ /las kyi phyag rgya bsgrub par bya/ /ces bya ba ni/ pad+ma'i khu tshur gyi dam tshig gi khu tshur gnyis su byas la/ las kyi phyag rgya bcing bar bya ste/ de'i rim pa ni 'di yin te/ g.yon pa'i pad+ma mdzub mo ni/ /g.yas pa'i nang du bsgreng par bya/ /byang chub mchog gi phyag rgya che/ /sangs rgyas byang chub sbyin byed pa/ /bcom ldan 'das rnam par snang mdzad kyi las kyi phyag rgya'o/ /g.yas pa dang g.yon pa'i thal mo kha bye ba'i tshul du byed pa ni/ 'gro ba 'dul ba'i 'o/ /bsgyings bcas gsor pa gnyis ka yis/ / sangs rgyas pad+ma dang rdo rje chos ma dang gnyis kyi'o/ /lcags kyu 'dzin ltar gnas pa dang/ pad+ma'i rgyal po'i 'o/ /mda''phang ba yi tshul dang ni/ /pad+ma chags pa'i'o/ /legs so zhes pa snying gar bzhag /pad+ma legs pa'i'o/ /ting nge 'dzin mchog ni/ gtsug phud sangs rgyas kyi'o/ /dbang bskur ba ni rdo rje gnyis/ /pad+ma'i khro gnyer rin chen dang/ /pad+ma'i dbang bskur ma dang gnyis kyi'o/ /snying gar nyi ma bstan par bya/ /pad+ma ngzi brjid kyi'o/ /g.yon pa la ni grub mo gzugs/ /pad+ma zla ba'i'o/ /de bzhin kha phyogs bskor bar bya/ /pad+ma bzhad pa'o/ /yang g.yas pa dang g.yon pa'i thal mo phye ba ni pad+ma'i ting nge 'dzin dang/ pad+ma sgrol ma dang/ pad+ma pad+ma dang gsum gyi yin no/ /snying gar g.yon pa'i ral gri mdung/ /pad+ma rnon
- 62b
po'i'o/ /mgal me'i 'khor lo bskor ba dang/ pad+ma'i rgyu'i'o/ /rdo rje gnyis ka kha nas dbyung/ /pad+ma gsung ba'o/ /rdo rje gar bskor dkrol ba yis/ /thal mo dgram pa spyi bor gzhag /pad+ma nges pa'i dbang phyug dang/ /pad+ma gar gyi dbang phyug dang/ /sna tshogs pad+ma dang gsum gyi yin no/ /go cha pad+ma'i srung ba'i'o/ /mthe'u chung mche ba dang/ pad+ma gnod sbyin gyi'o/ /khu tshur gnyis ni mnan pa'o/ /pad+ma khu tshur gyi'o/ /rdo rje bgying ba'i tshul gyis ni/ /bsam pa g.yos pas 'dud par bya/ /phreng ba bcing dang kha nas dbyung/ /rdo rje gar ni skor ba yin/ /pad+ma bcing ba thur du blugs/ /pad+ma'i khu tshur gyen du 'thor/ /mthe bo bsnyams te rab tu bsdams/ /rab tu brkyang nas byugs pa'o/ /mdzub mo lcags kyu bcing ba ni/ /mthe'u chung las te lcags kyu che// mkhrig ma mdung la mdzub gnyis mdung/ /rgyab gnyis kyang ni bsnyams te gnan zhes bya ba dang/ byams pa la sogs pa rnams kyi ni yi ge kri las rang gi snying gar sna tshogs pad+ma bsams nas phyag rgya chen po 'ching ba'i tshul du byed pa nyid las kyi phyag rgyar 'gyur ro/ /de bzhin gshegs pa thams cad kyi chos ni shes rab kyi pha rol tu phyin pa'o/ /de'i dam tshig ni pad+ma'i rigs so/ /de'i rtog pa las byung bas na rtog pa'o/ /gzhan las ches shin tu khyad par du gyur pa'i gzugs thams cad ston pa'i rang bzhin yin pa'i phyir dang/ gsal bas rgyal po ste/ de'i phyir rtog pa'i rgyal po'o/ /de ltar rtog pa'i rgyal po chen po las 'gro ba 'dul ba ces bya ba'i dkyil 'khor chen po'i cho ga rgyas pa rdzogs pa ni rtsa ba'i rgyud kyi mthar thug pa'o/ / 'gro ba 'dul ba'i dkyil 'khor chen po'i bshad pa de kho na nyid snang bar byed pa ces bya ba rdzogs so// //de ltar 'gro ba 'dul ba'i dkyil 'khor chen pos 'dul ba'i sems can gyi khams rnams rjes su gzung pa'i phyir/ 'gro ba
- 63a
'dul ba'i dkyil 'khor chen po bstan nas/ da ni 'gro ba 'dul ba'i gzungs kyi dkyil 'khor gyis 'dul ba'i sems can gyi khams rnams su rjes su gzung pa'i phyir/ 'gro ba 'dul ba'i gzungs kyi dkyil 'khor gyi dam tshig gi phyag rgya gtso bor gyur pa ni/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ dang por sbyor ba'i ting nge 'dzin gyi rjes thogs nyid la'o/ /'dir dang por sbyor ba'i ting nge 'dzin ni/ 'gro ba 'dul ba'i dkyil 'khor chen po las bshad pa gzung bar bya'o/ /yang zhes bya ba'i sgra ni 'gro ba 'dul ba'i dkyil 'khor chen po la bltos pas na yang zhes bya'o/ /bcom ldan 'das ni rnam par snang mdzad do/ /de bzhin gshegs pa thams cad ni/ rnam par snang mdzad la sogs pa nas rdo rje 'bebs pa la mthar thug pa'i pad+ma'i rigs so/ /dran pa dang yang dag par ldan pa'i shes rab kyi pha rol tu phyin pa ni chos so/ /de nyid ni gzungs te/ de'i dam tshig ni rnam par snang mdzad la sogs pa'i pad+ma'i rigs de'i gzungs kyi dkyil 'khor 'di'o/ /de las byung ba ni 'gro ba 'dul ba'i thugs ka'i rdo rje pad+ma las byung ba'o/ /de skad du bshad pa des byin gyis brlabs pa'i gzungs kyi dkyil 'khor sprul par nus pa ste/ pad+ma bzhin du sgrib pa rnams kyis gos pa med pa'i ming 'di skad ces bya ba'i ting nge 'dzin gang yin pa la snyoms par zhugs nas rang gi rigs sprul par mdzad pa'i rjes thogs la 'chang par 'gyur ba'i rang gi rig pa dam pa 'di gsungs pa ni rig pa dam pa bshad pa'o/ /de ltar phyag na rdo rje dang/ rdo rje snying po dang/ rdo rje spyan dang/ rdo rje sna tshogs dang/ 'gro ba 'dul ba dang/ gtsug phud sangs rgyas dang/ ting nge 'dzin pad+ma dang/ nges pa'i dbang phyug rnams kyis gzungs kyi dkyil 'khor sprul pa'i phyir/ rig pa dam pa gsungs pa'o/ /des kyang pad+ma dbyings kyi dbang phyug ma'i lha
- 63b
mo la sogs pa nas/ pad+ma 'bebs pa'i bar gyi mthar thug pa'i bar gyi gzungs rnams 'jig rten dbang phyug gi thugs ka'i pad+ma las byung ba'i sems can gyi khams thams cad gzungs kyi ye shes kyi rnam par spyangs nas slar log ste/ rdo rje dbyings kyi gzungs kyi dkyil 'khor gyi tshul du dbyings phyug ma la sogs pa'i gzungs rnams mchod rten la sogs pa'i gzungs kyi nang du chud nas bzhugs so zhes shes par bya'o/ /yang de nas zhes bya ba nas brtsams nas/ oM karma sa ma ya hUM zhes bya ba'i bar gyi gzhung 'di tsam gyis ni 'gro ba 'dul ba'i gzungs kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba dang byin gyis brlab pa la sogs pa ni 'gro ba 'dul ba'i gzungs kyi dkyil 'khor gyi las kyi rgyal po mchog ces bya ba'i ting nge 'dzin gsum pa yin par shes par bya'o/ /'gro ba 'dul ba'i gzungs kyi dkyil 'khor du gsungs pa'i dngos grub rnams ni dkyil 'khor der dam tshig dang dbang bskur ba thob pas bsgrub par bya'o zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba ni skabs su bab pa ste/ 'phags pa spyan ras gzigs dbang phyug gis 'gro ba 'dul ba'i rang gi rigs ni pad+ma'i rigs te dam tshig gi phyag rgya'i mtshan ma'i phyag rgya'o/ /dkyil 'khor gsungs shing bshad pa'o/ /de nas zhes bya ba ni de ma thag pa ste/ rig pa'i brtul zhugs kyi rjes thogs la'o/ /de la 'gro ba 'dul ba'i rnal 'byor pas 'gro ba 'dul ba'i dkyil 'khor chen po las bshad pa'i rnal 'byor chen po byas la/ 'gro ba 'dul ba'i phyag rgya bzhi pa'i dkyil 'khor las gsungs pa'i snying po dang 'chad par 'gyur ba'i rang gi snying po rnams kyis 'gro ba 'dul ba'i gzungs kyi dkyil 'khor bskyed cing go rim bzhin du bzhag pa/ gzungs kyi lha so so dang bdag nyid
- 64a
lhan cig gnyis su med par bsams nas/ gzungs kyi rig pa re re zhing yang bzlas pa khri bya'o/ /de nas dkyil 'khor gyi sa'i dbus su 'dug ste ting nge 'dzin rnam pa gsum sgom pa nas brtsams nas/ dkyil 'khor de zhag bdun sgom pa 'am/ yang na gnas gzhan du bsgom par bya ba de lta bus ni rig pa'i brtul zhugs spyod par gyur pa yin no/ /de nas yang dkyil 'khor gyi sa'i dbus su 'dug la/ ting nge 'dzin rnam pa gsum sgom pa'i cho ga ji ltar bshad ma thag pa byas nas/ dkyil 'khor bri bar bya'o/ /de nas zhes bya ba ni rgyu de'i phyir gyi don no/ /gang gi phyir 'gro ba 'dul ba'i gzungs kyi dkyil 'khor du 'jug pa med na des 'dul pa'i sems can gyi khams rjes su bzung bar mi 'gyur pa'i rgyu de'i phyir/ rab tu bshad par bya'o/ /phyag rgya'i dkyil 'khor dam pa ni/ mchog tu gyur pa'o/ /de ci 'dra ba zhig ce na/ rdo rje dbyings dang 'dra ba la zhes bya ba smos te/ sprul pa'i gzungs kyi dkyil 'khor ni 'dir rdo rje dbyings te/ de dang 'dra bas ni rdo rje dbyings dang 'dra ba'o/ /pad+ma'i gsang ba zhes bshad do/ /zhes bya ba ni/ pad+ma ni pad+ma'i rig pa rnams so/ /gsang ba ni pad+ma'i gsang ba'o/ /dkyil 'khor chen po'i tshul du ni/ /zhes bya ba ni 'gro ba 'dul pa'i dkyil 'khor chen po'i dbyibs su de'i rig bzlos shing bri bar bya'o/ /nam mkha' i phyogs nas mchod rten gyi gzugs kyis phab la bris pa'i mchod rten gyi gzugs dang gcig tu bya'o/ /de bzhin du phyag rgya gzhan la yang rang gi mtshan ma rnams phab nas gcig tu bsre bar bya'o/ /de'i dbus su pad+ma bzang po la zhes bya ba ni/ rdo rje dbyings kyi dbang phyug ma'o/ /de'i phyogs rnams thams cad du/ /zhes bya ba ni de'i phyogs bzhir ro/ /dam tshig mchog rnams zhes bya ba ni/ /dam tshig de'i mchog ni dam tshig mchog ste/ rigs thams cad bsdus pa
- 64b
na dam pa'o/ /gang gi phyir so so'i phyag rgya rnams kyis rigs thams cad la rgyas 'bebs pa'i phyir ro/ /lhag ma bzhin/ zhes bya ba ni/ ji ltar 'gro ba 'dul ba'i dkyil 'khor du bris pa de bzhin du zhes bya ba'i don no/ /rdo rje shugs kyis rgal nas ni/ /zhes bya ba ni snga ma bzhin no/ /sna tshogs gzugs mchog dkyil 'khor du zhes bya ba 'gro ba 'dul ba sna tshogs kyi gzugs can de gtso bo mchog gi dkyil 'khor ni sna tshogs gzugs mchog dkyil 'khor ro/ /de yi dbus su pad+ma yi/ /skor pa'i pad+ma bri bar bya/ /zhes bya ba ni/ de la dkyil 'khor de'i dbus su ni/ dbus kyi cha'i pad+ma de la rdo rje pad+ma de la tshad phra mo'i rdo rje pad+ma der sprul pas yongs su bskor ba'o/ /de'i phyogs rnams thams cad du/ /zhes bya ba la sogs pa ni go sla'o/ /'di skad ston pa yin te/ lha thams cad kyi gnas rnams su kha khyer gsum pa'i khri la gnas pa'i pad+ma dri bar bya'o/ /dbus kyi dkyil 'khor de'i dbus kyi pad+ma la rnam par snang mdzad kyi gnas su mchod rten dbu nub tu bstan pa 'od zer dang bcas pa bri bar bya'o/ /de'i shar phyogs kyi cha la rdo rje sems ma'i gnas rdo rje rtse lnga pa/ dbu shar du bstan pa chos kyi rdo rje ma'o/ /lho phyogs su pad+mas mtshan pa'i yid bzhin gyi nor bu dbu lho phyogs su bstan ba sangs rgyas dbang bskur ma'o/ /nub phyogs su rdo rje pad+ma 'dab ma bcu drug pa mdog dmar skya dbu nub du bstan pa/ pad+ma'i pad+ma dang/ dam tshig sgrol ma zhes bya ba'i ming gnyis dang ldan pa byang phyogs su pad+ma 'dab ma bzhi pa sna tshogs pa'i mdong can dbu byang du bstan pa'o/ /'gro ba 'dul ba'i gnas su pad+ma'i 'dab ma bcu drug pa mdog dmar skya/ sngar bshad pa'i mtshan nyid can gyi rdo rje pad+ma las de la gzhan pa'i pad+mas yongs su bskor ba'o/ /pad+ma sangs rgyas kyi gnas su pad+mas mtshan
- 65a
pa'i rdo rje rtse lnga pa dbu shar du bltas pa'o/ /pad+ma rgyal po'i gnas su pad+ma'i lcags kyu dang/ ral gri dang/ rdo rje dang/ pad+ma'o/ /pad+ma chags pa'i gnas su pad+ma'i mda' gzhu/ pad+ma legs pa'i gnas su pad+ma dang bcas pa'i se gol gtog? pa'i khu tshur gnyis so/ /gtsug phud sangs rgyas kyi gnas su 'jig rten dbang phyug gi ral pa'i dbus su gnas pa'i rdo rje pad+ma 'dab ma bcu drug pa'o/ /pad+ma khro gnyer gyi gnas su pad+mas mtshan pa'i yid bzhin gyi nor bu/ pad+ma nyi ma'i gnas su/ pad+ma'i lte ba/ nyi ma'i dkyil 'khor/ pad+ma'i rgyal mtshan gyi gnas su zla ba phyed pa la brten pa'i pad+mas mtshan pa'i yid bzhin gyi nor bu'i rtse can gyi rgyal mtshan/ pad+ma bzhad pa'i gnas su pad+mas mtshan pa'i rdo rje rtse lnga pa gnyis kyi bar du chud ba'i so so'i phreng pa'o/ /pad+ma'i ting nge 'dzin gyi gnas su pad+ma 'dab ma bcu drug pa'i pad+ma'i rdo rje pad+ma sgrol ma'i gnas su rdo rje pad+ma/ pad+ma rnon po'i gnas su pad+mas mtshan pa'i ral gri/ pad+ma rgyu'i gnas su pad+ma'i lte ba la rdo rje 'khor lo rtsibs brgyad pa dang/ dung dang be con dang pad+ma'o/ /pad+ma gsung ba'i gnas su pad+mas mtshan pa'i lte/ pad+ma des pa'i dbang phyug gi gnas su sna tshogs pad+ma 'dab ma bzhi pa/ pad+ma gar gyi dbang phyug gi gnas su gar byed pa'i lag pas gzung ba'i sna tshogs pad+ma/ pad+ma srung ba'i gnas su pad+mas mtshan pa'i go cha/ pad+ma gnod sbyin gyi gnas su mche ba gnyis kyi rtsa ba pad+mas mtshan pa/ pad+ma khu tshur gyi gnas su pad+ma'i dam tshig gi khu tshur gyis gzung ba'i pad+mas mtshan pa'i rdo rje rtse lnga pa'o/ /pad+ma sgeg mo'i gnas su pad+mas mtshan pa'i rdo rje rtse lnga pa gnyis/ pad+ma'i phreng ba'i gnas su pad+mas mtshan pa'i rin po che'i phreng ba/ pad+ma glu ma'i gnas su pad+mas mtshan pa'i pi wang/ gar ma'i gnas su pad+mas
- 65b
mtshan pa'i rdo rje rtse gsum pa dang bcas pa'i lag pas gar skor ba/ bdug pa ma'i gnas su pad+mas mtshan pa'i spos snod/ me tog ma'i gnas su me tog gi za ma tog /mar me'i ma'i gnas su pad+mas mtshan pa'i mchod sdod/ dri ma'i gnas su dri'i dung chos pad+mas mtshan pa/ rta mgrin gyi gnas su pad+mas mtshan pa'i lcags kyu/ don yod zhags pa'i gnas su pad+mas mtshan pa'i zhags pa/ lcags sgrog gi gnas su pad+mas mtshan pa'i lcags sgrog /pad+ma 'bebs pa'i gnas su pad+mas mtshan pa'i dril bu/ byams pa la sogs pa rnams ni dkyil 'khor chen po las bshad pa'i mtshan ma sngar bshad pa'i rigs pas khyams su bri bar bya'o/ /mtshan ma thams cad kyang 'od zer gyi phreng ba dang bcas pa shar dang/ lho dang nub dang/ byang du mgo bltas pa go rim bzhin du bri bar bya'o/ /de nas zhes bya ba'i sgra ni de ma thag pa'o/ /de ltar dkyil 'khor bris nas/ ji lta ba bzhin du sgo dbye ba byas la/ bum pa thams cad dang bum pa gang ba ji lta ba'i gnas su bzhag la/ gzungs kyi dkyil 'khor las gsungs pa'i rig pa rnams kyis snga ma bzhin du bzlas nas 'gro ba 'dul ba'i dkyil 'khor chen po las bshad pa'i cho gas/ 'gro ba 'dul ba'i gzungs kyi dkyil 'khor las bshad pa'i rdo rje chos ma bcings la zhugs nas/ 'jug pa la sogs pa'i sngon du 'gro ba'i pad+ma brtul zhugs 'dzin pa'i bar du byas la/ bdag la byin gyis brlab pa la sogs pa yang byas nas dkyil 'khor rdo rjes bsgrub par bya'o/ /de nas bsdu ba byas la mtshan brgya rtsa brgyad pas bstod pa'i rjes thogs nyid la/ 'dir zhes bya ba'i pad+ma rigs kyi gzungs kyi dkyil 'khor du'o/ /dgug pa la sogs pa'i cho ga rgyas par byas nas zhes bya ba la/ de la dgug pa ni pad+ma'i rigs kyi gzungs rnams rang rang gi sgro dang nye bar rta
- 66a
mgrin gyi las kyi phyag rgyas dgug la bzhag pa'o/ /sogs pa smos pa ni gzhug pa dang/ bcing ba dang/ dbang du bya ba dang/ mchod yon dbul ba dang/ phyag rgya bzhis rgyas gdab pa dang/ dbang bskur ba dang mchod pa dang/ phyag bzhi byas la/ gnang pa nos pa ni dgug pa la sogs pa dang po byas pa gang yin pa de ni dgug pa la sogs pa'i cho ga rgyas pa'o/ /bshad ma thag pa de byas nas/ pad+ma'i slob ma ji lta ba bzhin du bcug ste/ 'gro ba'i gzugs su byin gyis brlab bo/ /slob ma ni pad+ma'i slob ma'o/ /'gro ba 'dul ba'i dkyil 'khor chen po las bshad pa'i 'gro ba 'dul ba'i snying po dang bcas pa'i dam tshig gi phyag rgyas slob dpon gyis bsgrub par bya'o/ /'gro ba 'dul ba'i dkyil 'khor chen po las bshad pa'i ji lta ba'i cho ga de dang gzungs kyi dkyil 'khor las bshad pa'i rdo rje chos ma bcings la 'jug par bya'o/ /'di skad du khyod kyi gsang ba 'di su la yang ma smra zhig ces bya ba la sogs pa dang/ de nas phab nas 'di skad du khyod kyis rmi lam du cis snang zhes dris nas/ zhes bya ba ni 'gro ba 'dul ba'i dkyil 'khor chen po las gsungs pa'i rdo rje chu btung ba la sogs pa'i cho ga thams cad rjes su spyad la/ de bzhin gshegs pa thams cad kyis byin gyis rlobs la rdo rje sems dpa' bdag la dbab par gyur cig /ces bya ba'i cho gas snga ma bzhin du dbab pa byas la/ de nas phab la 'di skad du/ rdo rje tshig gis khyod kyi rmi lam du ci zhig snang zhes dris pa ni/ dkar po dang/ ser po dang/ dmar po dang/ nag po dang/ ljang gu rnams sna tshogs ci zhig snang zhes bya ba'o/ /ci lta ba bzhin du gdong g.yogs bkrol te/ zhes bya ba ni/ me tog gi phreng ba dor ba la/ de nas de blangs te spyi bor bcings nas/ de'i rjes la gdong
- 66b
g.yogs bkrol ba'i sngags kyis gdong g.yogs bcings pa bkrol lo zhes bya ba ni/ ji lta ba bzhin zhes bya ba'i don yin no/ /yang de nas sor bzhi pa'i tshad kyi yu ba dang bcas pa'i gsang ba'i dkyil 'khor gyi pad+ma 'chang bas g.yogs te/ slob ma la dbang bskur nas/ ming gi dbang bskur ba la sogs pas kyang dbang bskur bar bya'o/ /de ltar slob dpon gyi las kyi cho ga dang/ slob ma 'jug pa'i cho ga rgyas par bstan nas/ da ni pad+ma'i gzungs kyi dkyil 'khor las bshad pa'i dngos grub kyi ye shes rnams ni/ pad+ma'i rigs kyi gzungs kyi dkyil 'khor du dam tshig dang dbang bskur ba thob pa slob dpon rnams kyis bsgrub par bya'o zhes bstan pa'i phyir/ de ltar rdo rje dbyings la sogs pa'i dkyil 'khor thams cad du yang snod/ ji lta ba bzhin du phyag rgya'i ye shes bslab pa/ zhes gsungs te/ dngos grub yang yin la dam pa yin pas na dngos grub dam pa'o/ /'jig rten dbang phyug dang/ gtsug phud sangs rgyas dang/ pad+ma'i pad+ma dang/ pad+ma'i don yod dbang phyug rnams kyi dngos grub de thob pa ni sgrub pa ste/ der nges pa'i ye shes su 'gyur ba'o/ /spyan ras gzigs dbang sems dpa' che/ /zhes bya ba ni/ rigs kyi bdag po ci 'dra zhig bstan ce na/ spyan ras gzigs dbang zhes bya ba smos te/ gzugs thams cad ston pa'i rang bzhin no zhes bya ba'i don no/ /bdag nyid ces bya ba ni rang nyid do/ /rang nyid ni ngo bo zhes bya ba'i don no/ /bsgoms nas phyag rgya chen po'i/ /zhes bya ba la sogs pa ni/ rnam pa de lta bu'i phyag rgya chen po bsgoms pas mchog gi dngos grub myur du thob par 'gyur ro/ /'di skad ston pa yin te/ 'gro ba 'dul ba'i dkyil 'khor chen po'i cho gas rang gi lha'i cho ga byas nas/ phyis gzungs kyi dkyil 'khor las gsungs pa'i rig pa rnams kyis gsungs kyi dkyil 'khor la bshad
- 67a
pa'i 'gro ba 'dul ba'i phyag rgya chen po bcing bar bya'o/ /de nas oM pad+ma satwa a haM sid+hya hi/ zhes bya ba'i snying po dang thun bzhi'i sbyor bas gang gi tshe rgyun mi 'chad par bsgoms par gyur pa de'i tshe/ de'i gzugs su bdag nyid mthong bar 'gyur ro/ /de bas zla ba nya la mtshan thog thag bsgoms pas 'gro ba 'dul ba dang 'dra bar 'gyur ro/ /sangs rgyas dbang gi dam tshig ni/ zhes bya ba ni/ gzungs kyi dkyil 'khor las bshad pa'i sangs rgyas gtsug phud kyi dam tshig gi phyag rgya bcing bar bya'o/ /mnyam par bzhag pas brtan byas te/ zhes bya ba la mnyam par gzhag pa ni g.yeng ba med ba'o/ /bdag nyid nyid kyis bsgom pa goms par byas nas mchog dam pa sangs rgyas gtsug phud kyi dngos grub thob par 'gyur ro/ /de ltar rang 'dod pa'i lha'i rnal 'byor byas la/ phyis gzungs kyi dkyil 'khor las gsungs pa'i sangs rgyas gtsug phud kyi dam tshig gi phyag rgya bcings te/ gtsug phud sangs rgyas kyi rig pa brjod cing/ gtsug phud sangs rgyas kyi gzugs su bdag nyid bsams te/ oM bud+d+ha a pa Shi ka haM srid dyA maM zhes brjod cing gang gi tshe nyin re zhing thun bzhi'i sbyor bas rgyun mi 'chad par bsgoms par gyur pa de'i tshe gtsug phud sangs rgyas kyi gzugs su bdag nyid mngon sum du mthong bar 'gyur ro/ /de nas snga ma bzhin du mtshan thog thag bsgom pa byas na des gtsug phud sangs rgyas dang 'dra bar 'gyur ro/ /pad+ma'i pad+mar sems dpa' che zhes bya ba la/ pad+ma'i pad+ma ni pad+ma'i ting nge 'dzin ni/ pad+ma'i pad+mar sems dpa' chen por bdag nyid kyis bsgoms na pad+ma'i pad+ma'i dngos grub dam pa rnal 'byor pas thob par 'gyur ro/ /snga ma bzhin du lha'i rnal 'byor byas la/ phyis pad+ma'i rigs kyi gzungs kyi/ dkyil 'khor las gsungs pa'i rig pa brjod cing/ pad+ma pad+ma'i
- 67b
ting nge 'dzin la mnyam par gzhag pas/ bdag nyid kyis bsgoms la/ de nas/ oM d+harmmA sa ma b+hi ra haM sid+d+ha ho/ zhes zlos shing pad+ma'i ting nge 'dzin du bdag nyid bsgoms nas/ gang gi tshe nyin re zhing thun bzhi'i sbyor bas rgyun mi 'chad par bsgoms pa / de'i tshe de'i ngo bor mngon sum du mthong bar 'gyur ro/ /de nas snga ma bzhin du mtshan thog thag bsgoms na pad+ma'i ting nge 'dzin dang 'dra bar 'grub par 'gyur ro/ /rang byung gdon mi za ba'i zhes bya ba ni/ gdon mi za ba'i dbang phyug ni mchog ste/ pad+ma don yod dbang phyug gi rang bzhin gyi las kyi phyag rgya de nyid ni rang byung ste/ cho ga bzhin du bsgrubs nas rang gi lha'i rnal 'byor byas na/ myur zhing mgyogs par pad+ma gdon mi za ba'i dbang phyug gi gzugs kyi mchog gi dngos grub thob par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi rnal 'byor byas la/ phyis 'gro ba 'dul ba'i gzungs kyi dkyil 'khor las gsungs pa'i pad+ma gdon mi za ba'i dbang phyug gi phyag rgya chen po bcings te de'i rig pa brjod par bya'o/ /oM a mo g+he shar pad+ma haM sid d+hyA ma maM/ zhes bya ba zlos shing pad+ma gdon mi za'i dbang phyug tu bdag nyid gang gi tshe thun bzhi sbyor bas snga ma bzhin du bsgoms par gyur pa/ de'i tshe de dang mtshungs par bdag nyid mthong bar 'gyur ro/ /snga ma bzhin du mtshan thog thag bsgoms na pad+ma gdon mi za ba'i dbang phyug dang 'dra bar 'grub par 'gyur ro de ltar dngos grub dam pa'i ye shes kyi dngos grub rnam pa bzhi bstan nas/ da ni nor 'grub pa'i ye shes rnam pa bzhi gsungs pa ni/ de nas zhes bya ba la sogs pa gsungs pa ste/ de la nor ni gser la sogs pa'o/ /de 'grub pa ni thob pa'o/ /ye shes ni der nges pa ste/ /kha'i nang du dbyig bcug ste/ zhes bya ba la sogs pa ni zong ri mo bris pa'o/ /de khar bcug nas bdag nyid bdag nyid
- 68a
kyis bsgoms na ni/ zhes bya ba ni/ bdag nyid kyis bdag nyid la bsgom pa'o ci zhig bsgom zhe na/ sna tshogs dbang phyug phyag rgya che zhes bya ba 'gro ba 'dul ba'i phyag rgya chen po'o/ /gcig tu gyur pas stong du 'gyur// zhes bya ba ni/ de ltar bsgoms pas zong gcig po de dang de gzhal du med par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las gsungs pa'i rang gi lha'i rnal 'byor byas la/ phyis 'gro ba 'dul ba'i gzungs kyi dkyil 'khor las gsungs pa'i de'i rig pa brjod cing bsgoms te/ 'gro ba 'dul ba'i phyag rgya chen po bcings nas/ oM pad+ma ha ri bya pra dya hUM dza zhes bya ba zlos shing gang gi tshe nyin re zhing thun bzhi'i sbyor bas dbyig khar bcug nas bsgoms pa de'i tshe nor gnang ba thob par 'gyur ro/ /de nas mtshan thog thag bsgoms pa byas na 'grub par 'gyur ro/ /de nas phyis bsrung ba byas na khyi gang du dbyig gi snod bzhag pa de mi zad par 'gyur ro/ /gser srang brgyad cha blangs nas ni/ zhes bya ba ni/ 'ol ma zi'i sum cu rtsa gnyis kyi tshad dang ldan pa dam tshig gi phyag rgyas rab tu brtan por gzung nas/ bdag nyid kyis bsgoms pa byas na ni/ 'dod pa'i lha'i bdag nyid kyis zong gcig las de'i zong du mar 'gyur ro/ /snga ma bzhin du rang gi lha'i rnal 'byor byas la/ phyis gzungs kyi dkyil 'khor las bshad pa'i rig pa brjod cing gzungs kyi dam tshig gi phyag rgya bcing bar bya'o/ /de nas oM pad+ma su bar na pra da hUM dza zhes brjod cing/ gser zho gcig dam tshig gi phyag rgyas blangs te 'di brjod par bya'o/ /snga ma bzhin du ji srid du mtshan ma thob pa de srid kyi bar du rang gi lha'i rnal 'byor bsgom par bya'o/ /de nas zla ba nya la mtshan thog thag bsgoms na de bzhin du de mi zad par 'gyur ro/ /mu tig 'brum bu khar gzhug
- 68b
la/ /bdag nyid 'jig rten dbang phyug du/ /bdag nyid kyis ni bsgoms na ni/ /gcig tu gyur las stong du 'gyur/ /zhes bya ba ni/ de bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyis gzungs kyi dkyil 'khor las bshad pa'i rig pa brjod cing rang gis lha'i gzugs su bdag nyid bsgoms te/ oM pad+ma mug ta pra di hUM zhes brjod cing mu tig gi 'brum bu blangs te khar bcug nas ji srid mtshan ma thob par gyur pa de srid kyi bar du rang gi lha'i rnal 'byor bsgom par bya'o/ /de nas zla ba nya la mtshan thog thag bsgoms na de mi zad par 'gyur ro/ /las kyi phyag rgya lag gnyis kyis/ /rin chen thams cad blangs nas ni/ /bdag nyid nyid kyi bsgoms na yang/ /gcig tu gyur las stong du 'gyur/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyis 'gro ba 'dul ba'i gzungs kyi dkyil 'khor las bshad pa'i rig pa brjod cing rang gi lha'i las kyi phyag rgya bcings te/ oM pad+ma sarbba ratna pra d+ha hUM dza zhes brjod cing/ ji skad bshad pa'i rin po che thams cad las kyi phyag rgyas blangs te/ ji srid du mtshan ma thob par gyur pa de srid kyi bar du bsgom par bya'o/ /de nas snga ma bzhin du mtshan thog thag bsgoms na de mi zad pa'i dngos grub du 'gyur te/ 'dir rang gi lha'i kha dog ser po bsgom zhing dga' zhing mgu ba byas nas nor gyi dngos grub bsgrub par bya'o/ /de nas rjes su dga' bar bya ba'i ye shes ni dbang du bya ba'i phyir bsgom pa'i ye shes so/ /sna tshogs dbang phyug phyag rgya che/ zhes bya ba ni/ 'gro ba 'dul ba'i phyag rgya chen po bsgoms nas pad+ma blangs te/ bsgrub par bya ba mdun du gnas pa rnal 'byor ba gang yin pa des rnal 'byor pa de mgu bar byed do/ /de'i
- 69a
don ni 'di yin te/ snga ma bzhin du rang gi lha'i rnal 'byor byas la/ phyis gzungs kyi dkyil 'khor las bshad pa'i bcom ldan 'das 'gro ba 'dul ba'i rig pa brjod cing phyag rgya chen po bcings te/ oM pA Ni Sh+ya ra ma hA pad+ma ro zhes snying po brjod cing pad+ma dmar pos 'byed pa ltar byed cing de las gzhan pa 'gro ba 'dul ba sku mdog dmar po 'od zer dmar po/ /'phro bar ji srid mtshan ma thob par gyur pa de srid kyi bar du bsgom par bya'o/ /de nas zla ba nya la mtshan thog thag bsgoms na dngos grub grub par 'gyur ro/ /gang gi tshe gnod sbyin mo la sogs pa'i gzugs dbang du byed pa de'i tshe de'i mdun du rnal 'byor gyi stobs kyis gnas par bdag nyid kyis bsams na lag na gnas pa'i pad+ma'i 'od zer 'bar bas bkad nas mdog dmar por byas la bkug la 'khyud pas rang gi rkang pa'i drung du lhung ba bsam par bya'o/ /oM bi Sha Sha karma hA pad+ma hA/ che ge mo nyid ba shi ma nA ya ho zhes bya bas 'gro ba dbang du byed par 'gyur ro/ /dam tshig chen po'i phyag rgya yis/ /pad+ma dmar po dam bzung ste/ zhes bya ba la/ pad+ma de blangs nas dam tshig gi phyag rgyas de dmar por bzung la/ bdag nyid nyid kyis bsgoms na ni/ /bud med thams cad dga' bar 'gyur/ /'di skad ston pa yin te/ snga ma bzhin du lha'i rnal 'byor byas la/ phyis gzungs kyi dkyil 'khor las bshad pa'i rang gi lha'i dam tshig gi phyag rgya bcings te/ de'i rig pa brjod cing phyi rol gyi rin po che pad+ma de blangs la/ oM sa ma ya pad+ma ha zhes zlos shing ji srid du mtshan ma thob par gyur pa de srid kyi bar du rang gi lha'i gzugs su bsgom par bya'o/ /de nas snga ma bzhin du mtshan thog thag bzlas shing bsgrubs na pad+ma 'od zer 'bar ba de dang/ de nyid kyis bsgrub par bya ba dbang du byed do/ /
- 69b
che ge mo nyid ba Shi ma nA ya ho/ /bdag nyid nyid kyis bsgoms nas kyang/ /zhes bya ba ni snga ma bzhin du/ pad+ma blangs te ji lta ba zhes bya ba ni/ pad+ma de med kyang dam tshig dang las dang/ phyag rgya chen po rnams kyi rnal 'byor nyid kyis de mthong bar 'gyur ro/ /rdo rje lta bas de ltar bltas/ /'jig rten thams cad des ma 'gyur/ /'di skad ston pa yin te/ snga ma bzhin du rang gi lha'i rnal 'byor byas la phyis gzungs kyi dkyil 'khor bshad pa'i rig pa rnams brjod cing pad+ma'i 'dab ma 'byed pa'i tshul gyis gnas par bdag nyid bsam par bya'o/ /oM yo ga pad+ma ho zhes bya ba brjod cing/ ji srid du mtshan ma thob par gyur pa de srid kyi bar du spyan ras gzigs dbang phyug gi gzugs su bdag nyid bsgom par bya'o/ /de nas de nyid kyis mtshan thog thag bsgom par byas la/ de dang de nyid kyis las kyi dus su lha'i rnal 'byor byas la/ oM yo ga pad+ma ho/ /che ge mo nyid ba Shi ma na ya ho/ /zhes zlos shing rdo rje lta bas bsgrub par bya ba bltas la rnal 'byor gyi stobs kyis bsgrub par bya ba mdun du bzhag la/ de nas pad+ma'i 'od zer de nyid kyis bkang la 'khyud pas rang gi rkang pa'i drung du lhung par bsam pas bdag nyid nor dang bcas pa nges par dbang du 'gyur ro/ /las kyi phyag rgya'i tshul gyis ni/ /zhes bya ba ni gzungs kyi dkyil 'khor las bshad pa'i rang gi lha'i las kyi phyag rgyas sna tshogs pad+ma'i phyag rgya gzung bar bya'o/ /cho ga bzhin du zhes bya ba ni/ lha'i rnal 'byor byas nas so/ /lag pa gnyis kyis bskor nas ni zhes bya ba ni/ las kyi phyag rgya bcings pa'i lag pa gnyis kyis pad+ma bskor nas bsgrub par bya ba de dbang du byed par 'gyur ro/ /bud med thams cad des mgur byed/ /ces bya ba ni 'gro ba 'dul ba'i dkyil 'khor chen po las bshad pa'i rang gi lha'i rnal 'byor de nyid byas la/
- 70a
phyis gzungs kyi dkyil 'khor las bshad pa'i bcom ldan 'das 'jig rten dbang phyug gi las kyi phyag rgya bcings te/ de'i rig pa brjod cing yang oM karma pad+ma ho/ /zhes zlos shing las kyi phyag rgyas pad+ma dmar po bzung la/ thun bzhi'i sbyor bas ji srid mtshan ma'i 'od zer mthong ba la sogs par gyur pa de srid kyi bar du bsgoms la/ de nas zla ba enya la mtshan thog thag bsgoms nas 'grub par 'gyur ro/ /de nas las kyi dus su de nyid kyi lha'i rnal 'byor byas nas/ yid kyis bsgrub par bya ba bud med kyi gzugs mdun du bzhag la las kyi phyag rgyas pad+ma de blangs te/ pad+ma'i 'od zer spros pas bsgrub par bya ba bkang la/ pad+mas skor na nges par dbang du 'gyur ro/ /oM karma pad+ma ho/ /che ge mo nyid ba Sha ma na ya ha/ /zhes brjod do/ /ma lus dbang po'i phyag rgya chen ni 'gro ba 'dul ba'i phyag rgya chen po ste/ sku mdog nag po'o/ /goms par bya ba bdag rang nyid ni bdag nyid rang nyid kyis khro bo bsgoms pa'o/ /gang gi mdun du de pad+ma/ /bcad na 'chi 'gyur skad cig gis/ /zhes bya ba ni/ sna tshogs dbang phyug gi phyag rgya chen pos phyi rol gyi pad+ma blangs te/ gang gi mdun du blo bzhag nas/ /de'i pad+ma bcad na skad cig ma de nyid la mgo 'chad par 'gyur ro// 'di skad ston pa yin te/ 'gro ba 'dul ba'i dkyil 'khor chen po las bshad pa'i cho gas 'gro ba 'dul ba'i rnal 'byor byas la/ phyis gzungs kyi dkyil 'khor las bshad pa'i phyag rgya chen po bcings te/ de'i rig pa brjod par bya'o/ / de nas phyi rol gyi pad+ma blangs la/ oM ma hA pad+ma tshtshe da mA ra ya ho phaT/ ces zlos shing thun bzhi'i sbyar bas zla ba gcig bsgom par bya'o/ /yang de nas mtshan thog thag bya ba 'am/ las la sbyor ba'i dus su de nyid kyi rnal 'byor byas
- 70b
la phyi rol gyi pad+ma dngos su blang ba'am/ yid kyis bsgrub par bya ba mdun du bzhag la bdag nyid khro bor byas la/ oM pad+ma ma hA tshtshe da che ge mo mA ra ya ho phaT/ ces zlog shing bsgrub par bya ba mgo bo nas drang ba'i bsam pas pad+ma blangs te/ bcad na bsgrub pa bya ba de mgo bo 'chad par 'gyur ro/ /pad+ma brtan gzung yang dag par/ /zhes bya ba la sogs pa 'gro ba 'dul ba'i gzungs kyi dkyil 'khor las gsungs pa'i 'gro ba 'dul ba'i dam tshig gi phyag rgya dang/ oM pad+ma ya pad+ma spho Ta na sha ya ra da phaT/ ces zlos shing snga ma bzhin du bsgom pa byas nas/ bdag nyid kyis phyi rol gyi pad+ma blangs la mthar mtshan thog thag bya ba 'am/ de las la sbyor ba'i dus su 'gro ba 'dul ba'i dkyil 'khor chen po las bshad pa'i 'gro ba 'dul ba de nyid kyi rnal 'byor byas la/ phyis gzungs kyi dkyil 'khor las bshad pa'i de'i dam tshig gi phyag rgya bcings la/ khro bo dang ldan pa'i gang gi mdun du yid kyis bzhag la dam tshig gi phyag rgya des phyi rol gyi pad+ma 'dab ma bcu drug blangs la bsgrub par bya ba rtog pa'i bsam pas bshig na sa'i steng du ltung bar 'gyur ro/ /oM sa ma ya che ge mo spho Ta ya rat+ta phaT/ ces brjod cing gang gi ming nas smos pa de de 'jig par 'gyur ba 'am/ yang na gzugs brnyan byas la/ dgug pa dang/ gzhug pa dang/ bcing ba dang/ dbang du byas pa de'i snying gar ming bri ba la sogs pa bya'o/ /ting 'dzin phyag rgya bcings pa las zhes bya ba ni/ ting nge 'dzin pad+ma'i phyag rgya'o/ /bcings pa ni mngon sum du byas pa'o/ /pad+ma bsgrub pa ji bzhin du zhes bya ba ni lag pa g.yas g.yon gnyis kyis phyi rol gyi pad+ma blangs la/ gang gi ming nas smos shing pad+ma de bcad na bsgrub par bya ba de 'jig cing dum bur 'gyur ro/ /'di skad ston pa yin te/ 'gro ba 'dul ba'i dkyil 'khor chen po
- 71a
las bshad pa'i cho gas ting nge 'dzin pad+ma'i rnal 'byor byas la/ phyis gzungs kyi dkyil 'khor las bshad pa'i phyag rgya chen po bcings te/ de'i rig pa brjod cing/ yang oM d+harmmA pad+ma tshe da bi na sha ya h+ri da phaT/ ces brjod cing/ phyi rol gyi pad+ma lag pa g.yas g.yon gyis blangs la pad+ma bzhin du zla gcig bsgoms na/ mthar mtshan thog thag bya ba 'am/ de'i las la sbyar ba'i dus su pad+ma ting nge 'dzin de nyid rnal 'byor byas la pad+ma de nyid blangs te/ bsgrub par bya ba'i mgo bo bcad pa'i bsam pas gcod cing/ oM d+harmmA pad+ma tshe da che ge mo bi na sha ya h+ri da phaT/ ces brjod pas nges pa nyid du bsgrub par bya ba'i mgo 'chad par 'gyur ro/ /las kyi phyag rgya'i tshul gyis ni/ zhes bya ba ni/ 'gro ba 'dul ba'i gzungs kyi dkyil 'khor las bshad pa'i las kyi phyag rgya bcings la/ de'i sna tshogs pad+ma gzung ste/ pad bzung cho ga ji lta bar/ /gang la khros pas rtogs bya ba/ /zhes bya ba ni de'i lha'i rnal 'byor byas pas so/ /'di skad sngon pa yin te/ 'gro ba 'dul ba'i dkyil 'khor chen po las bshad pa'i pad+ma nges pa'i dbang phyug gi rnal 'byor byas la/ phyis 'gro ba 'dul ba'i gzungs kyi dkyil 'khor las bshad pa'i pad+ma nges pa'i dbang phyug gi phyag rgya bcings la/ de'i rig pa brjod par bya'o/ /de nas sna tshogs pad+ma de nyid blangs te/ oM karma pad+ma spho Ta ya/ spho Ta ya/ dzi pi taM/ arya krid+ha phaT/ ces brjod cing zla ba gcig snga ma bzhin bsgoms la thar mtshan thog thag bsgom par bya'o/ /de nas las kyi dus su snga ma bzhin du lha'i rnal 'byor byas la/ gzungs kyi dkyil 'khor las gsungs pa'i pad+ma nges pa'i dbang phyug gi las kyi phyag rgya de bzhin du bcings de/ de nas sna tshogs pad+ma de nyid blangs la/ /oM karma pad+ma spho Ta ya che ge mo spho
- 71b
Ta ya dzi bi taM dya che ge mo kri Ta phaT/ ces brjod cing pad+ma des bsgrub par bya ba rtog pa'i bsams pas bsnun pa 'am/ bsgrub par bya ba'i gzugs brnyan la des bsnun pa yin na de nges par 'chi bar 'gyur ro/ /gsang ba ni lha rnams kyi rig pa dang bcas pa'i sbyor bas bsgom pa ste/ de'i ye shes bslab pa ni/ pad+ma la ni bud med bsam zhes bya ba ni/ bcom ldan 'das 'gro ba 'dul ba'i rdo rje pad+ma la 'gro ba 'dul ba'i lha mo bsams te/ rdo rje de'i steng du bdag nyid ni 'gro ba 'dul ba'o/ /brtse ba ni longs spyod pa'o/ /rdo rje pad+ma'i rtse mor 'gro ba 'dul ba'i lha mo'i gzugs dang snyoms par zhugs par bsam la/ sems rtse gcig pas bsgrubs na 'gro ba 'dul bar 'gyur ro/ /de'i don ni 'di skad ston pa yin te/ 'gro ba 'dul pa'i dkyil 'khor chen po las bshad pa'i lha'i rnal 'byor snga ma bzhin byas la/ phyis gzungs kyi dkyil 'khor las bshad pa'i 'gro ba 'dul ba'i phyag rgya chen po bcings te/ bdag nyid 'gro ba 'dul bar bsam mo/ /de nas yi ge h+ri las rang gi gdan gyi steng du pad+ma phra mos yongs su bskor ba'i rdo rje pad+ma de yongs su gyur pa las 'gro ba 'dul ba'i gzungs kyi dkyil 'khor bsams la/ de nas bsdu ba byas te/ 'gro ba 'dul ba'i lha mo la mtshan brgya rtsa brgyad pas bstod nas/ rta mgrin la sogs las kyi phyag rgya rnams kyis dgug pa dang/ gzhug pa dang/ bcing ba dang/ dbang du byas te dam tshig gi phyag rgyas bsgrubs la/ de nas chos dang las dang phyag rgya chen po rnams kyis rgyas btab la/ dbang skur ba'i phyag rgya rnams kyis dbang bskur la/ pad+ma'i sgeg mo la sogs pa rnams kyis yang dag par mchod la phyag byas te/ oM badzra pad+ma saM yo ga sa d+ha ya h+ri zhes yongs su zlos shing/ bcom ldan 'das dang lhan cig mnyam par sbyor bas nyin re zhing thun bzhi'i
- 72a
sbyor bas ji srid mngon sum du mthong ba de srid kyi bar du bsgom par bya'o/ /de nas zla ba nya la mtshan thog thag bsgoms na/ de nas de mngon sum du mthong bar gsol ba dang/ de dang 'khyud pa dang/ mnyam par sbyor bar byed cing bsgrub pa po'i lus kyi nang du zhugs par 'gyur ro/ /phyis ni 'gro ba 'dul ba dang mtshungs par yang 'gyur ro/ /pad+ma la ni bud med bsam/ /zhes bya ba ni/ gzungs kyi dkyil 'khor las bshad pa'i gtsug phud sangs rgyas kyi mtshan ma'i phyag rgya ni gtsug phud sangs rgyas dang mtshungs pa'i gtsug phud sangs rgyas kyi gzugs su rnam par bsam par bya'o/ /de steng bdag nyid sangs rgyas sgyur/ /zhes bya ba ni/ gtsug phud sangs rgyas su'o/ /lhag ma ni go sla'o/ / 'di skad ston pa yin te/ 'gro ba 'dul ba'i dkyil 'khor chen po las bshad pa'i gtsug phud sangs rgyas kyi rnal 'byor byas la/ phyis gzugs kyi dkyil 'khor las bshad pa'i gtsug phud sangs rgyas kyi dam tshig gi phyag rgya bcings te/ bdag nyid gtsug phud sangs rgyas su bsam nas/ gtsug phud sangs rgyas kyi phyag rgya chen po bcings la/ rang gi gdan gyi mdun du ye shes sh+rI las ral pa'i dbus na pad+ma chen po dang ldan pa sprul la de nyid las gtsug phud sangs rgyas kyi lha mo'i gzugs su bsam par bya'o/ /de nas snga ma bzhin du bsdu ba byas la/ oM bud d+ha ma ku ta san yau ga san ya sh+rI zhes brjod cing/ snga ma bzhin du bcom ldan 'das dang lhan cig tu gyur par bsgom par bya'o/ /de nas mtshan thog thag bsgoms pas des de 'ongs nas de dang lhan cig mnyam par sbyor ba byas nas/ de lus kyi nang du zhugs par 'gyur ro/ /phyis gtsug phud sangs rgyas dang yang 'dra bar 'gyur ro/ /pad+ma la ni bud
- 72b
med bsam/ /zhes bya ba ni/ pad+ma'i ting nge 'dzin gyi mtshan ma'i phyag rgya la pad+ma ting nge 'dzin gyi lha mor bsam ma/ /de steng pad+mar bdag bsgyur te/ zhes bya ba ni bdag nyid pad+ma'i ting nge 'dzin de'i pad+ma la ting nge 'dzin pad+ma'i lha mo'i gzugs steng du bsam par bya'o/ /rtse zhing pad+ma pad+ma'i mchog /dag pa'i dngos grub thob par 'gyur/ /zhes bya ba ni/ bdag nyid pad+ma ting nge 'dzin gzugs brnyan dang mtshungs par bsgoms nas/ de lta bur gyur pa'i gzugs brnyan dang mtshungs par bsgoms pas dag pa'i dngos grub thob par 'gyur ro/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa nyid kyi ting nge 'dzin pad+ma'i rnal 'byor byas la/ phyis gzungs kyi dkyil 'khor las bshad pa'i ting nge 'dzin gyi phyag rgya chen po bcings te/ bdag nyid pad+ma'i ting nge 'dzin du bsam par bya'o/ /de nas yi ge de nyid las pad+ma'i steng du pad+ma'i ting nge 'dzin gyi rdo rje pad+ma'i phyag rgya sprul la/ pad+ma'i pad+ma de nyid las/ pad+ma'i ting nge 'dzin lha mo'i gzugs su bsam par bya'o/ /de nas snga ma bzhin du bsdu ba la sogs pa byas te/ bcom ldan 'das dang lhan cig mnyam par sbyor bas bsgoms la oM pad+ma pad+ma saM yo ga sa d+ha ma ti/ zhes brjod cing thun bzhi'i sbyor bas ji srid mngon sum du gyur pa de srid kyi bar du bya'o/ /de nas mthar mtshan thog thag de nyid bsgoms pa dang byin nas des lhan cig tu sbyor bar byed cing de nyid lus la zhugs par 'gyur ro/ /phyis ting nge 'dzin pad+ma nyid du yang 'gyur ro/ /pad+ma la ni bud med bsam/ /zhes bya ba ni/ pad+ma nges pa'i dbang phyug gi sna tshogs pad+ma 'dab ma bzhi pa la pad+ma nges pa'i dbang phyug gi gzugs kyi lha mo bsam mo/ /de steng sna tshogs bdag gyur te/ zhes bya ba ni/ bcom ldan 'das pad+ma nges pa'i dbang phyug de'i pad+ma'i steng du bdag nyid gyur te
- 73a
bsgom par bya'o/ /ji zhig byad ce na/ brtse zhing sna tshogs pad+ma mchog ces bya ba ni/ dbang po gnyis mnyam par sbyor bas so/ /sna tshogs dngos grub thob par 'gyur/ /zhes bya ba ni/ pad+ma nges pa'i dbang phyug gi dngos grub sna tshogs pa zhes bya ba de thob par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i pad+ma nges pa'i dbang phyug gi rnal 'byor byas la/ phyis gzungs kyi dkyil 'khor las bshad pa'i pad+ma nges pa'i dbang phyug gi las kyi phyag rgya bcings te/ bdag nyid pad+ma nges pa'i dbang phyug du bsgom mo/ /de nas de nyid kyi phyag rgya chen po bcings la/ mdun du pad+ma'i dbus su sna tshogs pad+ma 'dab ma bzhi pa pad+ma phra mo'i 'khor gyis bskor ba bsam mo/ /de nas h+ri(rgyud 'grel): zhes bya ba'i snying po 'di las pad+ma nges pa'i dbang phyug de nyid kyi gzugs su bsam par bya'o/ /de nas snga ma bzhin du bsdu ba byas la/ bcom ldan 'das dang lhan cig pa'i mnyam par sbyor bas/ oM bi Sha pad+ma saM yo ga sA d+ha ya h+ri zhes zlos shing bsgom par bya'o/ /de nas snga ma bzhin du mtshan thog thag bsgoms nas de byin te/ de dang lhan cig mnyam par sbyor ba byas na/ de nyid lus la zhugs te/ phyis 'di pad+ma des pa'i dbang phyug dang yang 'dra bar 'gyur ro/ /de ltar dngos grub kyi ye shes bstan nas/ da ni 'gro ba 'dul ba'i gzungs kyi dkyil 'khor las gsungs pa'i dngos grub rnams 'gro ba 'dul ba'i dkyil 'khor chen po las bshad pa'i rnal 'byor byas la phyis gzungs kyi dkyil 'khor las bshad pa'i phyag rgya chen po la sogs pa bcings la ji lta ba bzhin du bsgrubs par bya'o/ /zhes bya ba'i don bstan pa'i phyir/ /de nas zhes bya ba la sogs
- 73b
pa gsungs te/ de nas zhes bya ba ni/ de'i phyir te/ dngos grub kyi ye shes bslab pa'i rjes thogs la zhes bya ba'i don no/ /ji lta ba bzhin du zhes bya ba ni/ mna'i snying po byin la pad+ma'i rigs kyi gzungs kyi dkyil 'khor gyi gsang ba dang de'i phyag rgya chen po ni/ gsang ba'i phyag rgya chen po ste/ de'i ye shes bslab par bya'o/ /ser mo'i rtse sprad pad+mar bya/ zhes bya ba ni/ thal mo mnyam par sbyar ba'i sor mo thams cad kyi rtse mo pad+ma kha bye ba ltar byas pa ni rnam par snang mdzad kyi phyag rgya'o/ / rig pa ni 'di yin te/ oM sarbba ta thA ga ta d+harmmA sa ma ye hUM/ rig pa 'di zlos shing bdag nyid rnam par snang mdzad du bsgoms na/ rnam par snang mdzad dang 'dra bar 'grub par 'gyur ro/ /rdo rje khro bo mdzub gnyis sprad ces bya ba ni rdo rje khu tshur gnyis kyis mdzub mo gnyis brkyang la/ /rdo rje dbyings las bshad pa'i rdo rje sems dpa' i rnal 'byor byas la 'di nyid bcings te oM badzra sa ma ye hUM zhes zlos shing bdag nyid rdo rje sems dpa' bsgoms na/ rdo rje sems dpa' nyid 'grub par 'gyur ro/ /rtse gnyis nor bu zhes bya ba ni/ rdo rje khu tshur gnyis kyi mdzub mo gnyis nor bu ltar byas te/ rdo rje dbyings las bshad pa'i rdo rje snying po'i rnal 'byor byas la 'di nyid bcings te/ oM ma Ni ratna sa ma ya hUM zhes bya ba dang/ bdag nyid rdo rje snying por bsgoms na rdo rje snying po 'dra bar 'grub bar 'gyur ro/ /pad+ma ltar zhes bya ba ni/ rdo rje khu tshur gnyis bcings la mdzub mo gnyis phan tshun gdong sbyar la pad+ma'i 'dab ma ltar byas ba 'di ni rdo rje spyan gyi'o/ /rdo rje dbyings las gsungs pa'i rdo rje chos kyi rnal 'byor byas la 'di bcings te/ oM pad+ma sa ma ye hUM zhes bya ba'i rig pa brjod cing bdag nyid rdo rje chos su bsgoms nas rdo rje spyan dang 'dra bar 'grub par 'gyur ro/ /rdo rje bsdams pa'ang de bzhin te zhes bya ba ni/ rdo rje khu tshur gnyis bcings la mdzub mo
- 74a
gnyis ji ltar grags pa'i rdo rje bsdams pa bcings te/ rdo rje dbyings kyi dkyil 'khor chen po las bshad pa'i rdo rje las kyi rnal 'byor byas la phyis phyag rgya 'di bcings te/ oM badzra karma sa ma ya hUM zhes zlos shing bdag nyid rdo rje las su bsgoms na/ de rdo rje las dang 'dra bar 'grub par 'gyur ro/ /rdo rje bcings pa bsdams nas ni/ /gung mo gnyis ni myu gur bsgreng/ /mdzub mo srin lag gnyis bkug pa'i/ /phyag rgya shAkya thub pa'i bstan/ /zhes bya ba ni rdo rje bsdams pa la/ gung mo gnyis myu gu ltar bsgreng la/ mdzub mo dang srin lag gnyis pad+ma ltar byas pa 'di ni shAkya thub pa'i rnam par snang mdzad dang/ rdo rje dbyings kyi dbang phyug ma'i phyag rgya'o/ /chos kyi rdo rje snying khar bzhag / bsgyur te dpral bar bzhag pa dang/ /ting nge 'dzin tshul par du bzhag /sgyur nas spyi bor bzhag par bya/ /zhes bya ba ni/ rdo rje bsdams pa dam byas la/ /gung mo gnyis ni mnyam sbyar ba/ /rdo rje chos zhes grags pa yi/ /dngos grub thams cad sgrub byed pa'o/ /'di snying gar bzhag pa ni/ /'gro ba 'dul ba dang rdo rje sems ma'i gnas na gnas pa'i chos kyi rdo rje ma'i'o/ /de nyid yongs su bsgyur nas dpral ba'i phyogs su bzhag pa ni/ bcom ldan 'das gtsug phud sangs rgyas dang/ rdo rje rin chen ma'i gnas kyi sangs rgyas dbang bskur ma'i'o/ /de nyid khar bkan nas bzhag pa ni/ pad+ma ting nge 'dzin gyi gnas su pad+ma ting nge 'dzin mar 'gyur la/ rdo rje chos ma'i gnas su dam tshig sgrol mar 'gyur ro/ /de nyid bsgyur nas spyi bor bzhag pa ni/ pad+ma'i nges pa'i dbang phyug gi gnas su pad+ma nges pa'i dbang phyug gi gzungs mar 'gyur la/ rdo rje las ma'i gnas su sna tshogs kyi sgor 'gyur ro/ /rdo rje dbyings kyi dbang bcings la/ /mchod rten pad+ma'i tshul du ni/ /gung mo
- 74b
gnyis ni bcings gyur na/ /sangs rgyas pad+ma yin par bshad/ /ces bya ba ni/ rdo rje dbyings kyi dbang phyug ma'i ming can shAkya thub pa'i phyag rgya ste/ gung mo gnyis pad+ma ltar byas pa ni sangs rgyas pad+ma'i gzungs kyi'o/ /de las mthe bo rdo rje dang/ mdzub gnyis ral gri lcags kyur bya zhes bya ba ni/ sangs rgyas pad+ma'i gzugs kyi phyag rgya las mthe bong gnyis rdo rjer byas la/ g.yas pa'i mdzub mo bsgreng ba ni ral grir bya ba dang/ g.yon pa'i mdzub mo lcags kyur byas pa ni pad+ma rgyal po'i gzungs kyi'o/ /de las mthe bo bsnol nas kyang/ /mdzub mos mdzub mo rab bzung la/ /drangs na rab dga' yin par bshad/ /ces bya ba ni/ pad+ma rgyal po'i gzungs kyi phyag rgya nyid las/ mthe bo gnyis rdo rje bcings pa'i tshul gyis bsnol la mdzub mo g.yas pa'i lcags kyus mdzub mo g.yon pa'i logs las mda''dren pa'i tshul du byed pa ni pad+ma chags pa'i'o/ /legs so zhes pa'ang de bzhin te zhes bya ba ni/ pad+ma chags pa'i gzungs kyi phyag rgya las/ mdzub mo gnyis mthe bo gnyis kyis se gol gtog pa'i tshul du byed pa ni pad+ma legs so zhes bya ba'i phyag rgya chen po'o/ /rdo rje bsnams pa dam byas la/ /mthe ba gnyis bsnyams te bcug nas kyang/ /mdzub gnyis rtse bkug rtse mo ni/ /'phral bzhag gung mo pad+mar bya/ /zhes bya ba ni/ rdo rje bsdams pa las mthe bo gnyis bcug nas gung mo gnyis pad+ma ltar byas la/ mdzub mo gnyis myu gu ltar bsgreng nas tshigs gsum pa bkug te/ rtse mo gnyis dpral ba'i phyogs su bzhag pa ni pad+ma khro gnyer gyi gzungs kyi'o/ /de nyid las ni snying gar yang/ /nyi ma'i dkyil 'khor ston pa dang/ /zhes bya ba ni/ pad+ma khro gnyer gyi gzungs kyi phyag rgya las/ snying gar nyi ma'i dkyil 'khor ston pa'i tshul du byed pa 'di ni pad+ma nyi ma'i
- 75a
gzungs kyi phyag rgya'o/ /de nyid las ni rgyal mtshan bcings/ /zhes bya ba ni/ pad+ma nyi ma'i gzungs kyi phyag rgya nyid las dpung pa gnyis brkyang la spyi bor bzhag pa ni pad+ma zla ba'i dpal gyi gzungs kyi phyag rgya'o/ /ltag par rab tu brkyang bar bya zhes bya ba ni/ de nyid mgo bo'i rgyab tu brkyang nas sor mo'i rtse mo rnams so sor bzhag pa ni zhal bcu gcig pa'i gzungs kyi'o/ /rdo rje bsdams pa dam byas la /mdzub gnyis rtse mo pad+mar dgug /ces bya ba ni rdo rje bsdams pa las mdzub mo gnyis brkyang la cung zad bskum nas/ phan tshun gdong sbyar nas bzhag pa 'di ni pad+ma sgrol ma'i gzungs kyi'o/ /de bzhin pad+ma ral gri ste/ /mdzub mo pad+mar byas pa sbyar/ /zhes bya ba ni/ pad+ma sgrol ma'i gzungs kyi phyag rgya nyid las mdzub mo phan tshun gdong sbyar la/ tshigs gsum pa gnyis cung zad bkug pa ni pad+ma ral gri ste/ pad+ma rnon po'i gzungs kyi'o/ /rdo rje bsdams pa dam byas la/ /mthe bo g.yon pa nang du gzhug /dung ste mthe bo tho bar bsgreng/ /sor mo kun kyang pad the'u chung/ /zhes bya ba ni rdo rje bsdams pa las g.yon pa'i mthe bo nang du bcug la/ g.yas pa'i mthe bo bsgreng la/ mthe'u chung gnyis phan tshun lta sbyar nas pad+ma ltar byas te/ sor mo lhag ma rnams steng du brkyang bar byas pa 'di ni pad+ma rgyu'i gzungs kyi'o/ /de las thams cad bkug nas kyang/ /mthe chung pad+ma lta bur bya/ /mthe bo g.yas dang sbyor ba yis/ /mdzub mos nor bu bgrang bar bya/ /zhes bya ba ni pad+ma rgyu'i gzungs kyi phyag rgya las/ rdo rje bsdams pa'i mthe'u chung gnyis pad+mar byas la/ g.yas pa'i mdzub mo mthe bos phreng ba 'dren pa'i tshul du byed pa 'di ni pad+ma gsungs pa'i gzungs kyi'o/ /rdo rje bsdams pa dam byas la/ /mthe'u
- 75b
chung pad+ma lta bur bya/ /mdzub mo bsnyams pa pad+ma'i spyan/ /rab tu gar byed bzlog par bya/ /zhes bya ba ni/ rdo rje bsdams pa las mthe'u chung gnyis pad+ma lta bu dang/ mdzub mo gnyis brkyang nas/ tshigs gsum pa bkug nas/ mig lta bur byas te gar byas nas ldog ste/ dpral ba'i phyogs su mig gi tshul du bzhag pa 'di ni pad+ma gar gyi dbang phyug gi gzungs kyi'o/ /rdo rje bsdams pa dam byas la/ /mthe'u chung pad+ma lta bur bya/ /nang du mdzub mo gnyis bkug ste/ /mthe bo gnyis ni go char bya/ /zhes bya ba ni rdo rje bsdams pa las/ mthe'u chung gnyis pad+ma ltar byas la/ mdzub mo gnyis bkug ste/ mthe bong gnyis bkab pa 'di ni pad+ma srung ba'i gzungs kyi'o/ /de las mthe bong gnyis mche bar bya/ /zhes bya ba ni/ pad+ma bsrung ba'i gzungs kyi phyag rgya las mthe bo gnyis brkyang nas khar bzhag pa 'di ni pad+ma gnod sbyin gyi gzungs kyi'o/ /mthe bo gnyis nang du gzhug par bya/ zhes bya ba ni/ pad+ma bsrung ba'i gzungs kyi phyag rgya las/ mthe bo gnyis nang du bcug la/ mdzub mo gnyis kyi khu tshur gyis 'dzin pa 'di ni pad+ma khu tshur gyi phyag rgya'o/ /pad+ma sgeg mo la sogs pa nas/ pad+ma 'bebs pa'i mthar thug pa rnams ni 'gro ba 'dul ba'i dkyil 'khor chen po las bshad pa nyid kyi dam tshig gi phyag rgya ni 'dir phyag rgya chen por 'gyur ba yin no/ /de nas zhes bya ba ni phyag rgya chen po bcings pa 'di las dus byis yin no/ /zhes bya ba'i don no/ /rab tu phye nas bshad pas na/ /rab tu bshad par bya'o/ /dam tshig mchog ni bla med de/ /zhes bya ba ni shin tu phul du byung ba'o/ /rdo rje nang du bsdams nas kyang/ /mdzub gnyis pad+ma 'drar byas la/ /mthe bo phan tshun bsnol ba ni/ /gsang ba sna tshogs dbang phyug bshad/ /ces bya ba ni/ rdo rje bsdams pa nang du bcings la/ mdzub mo gnyis
- 76a
pad+ma lta bu dang/ mthe bo gnyis phan tshun bsnol ba 'di ni 'gro ba 'dul ba'i gzungs kyi dam tshig gi phyag rgya'o/ /de bzhin rdo rje bsdams pa las/ /mthe chung gung mo mnyam bsgreng la/ /mthe bos rdo rje sbyar ba ni/ /gtsug phud dbus na de bzhin gshegs/ zhes bya ba ni/ rdo rje bsdams pa nang du bcings pa'i mthe bo dang/ gung mo dang/ mthe'u chung gsum myu gu ltar byas pa 'di ni/ gtsug phud sangs rgyas kyi gzungs kyi'o/ /de bzhin rdo rje bsdams pa la mthe bong pad+ma 'dra byas te/ /kha nas dbyung ltar byas nas kyang/ /pang du ting nge 'dzin ltar bzhag /ces bya ba ni/ rdo rje bsdams pa nang du bcings pa'i mthe bo gnyis pad+ma lta bu dang kha nas 'byin pa'i tshul du byas te/ pang du bkan nas ting nge 'dzin gyi tshul du bzhag pa ni pad+ma'i ting nge 'dzin gyi gzungs kyi'o/ /de bzhin rdo rje bsdams pa las/ /sor mo kun gyi ngos rnams ni/ /mnyam par rab tu bsdams nas kyang/ /mdzub gnyis rdo rje mnyam pa'o/ /zhes bya ba ni rdo rje bsdams pa nang du byas la sor mo thams cad phan tshun lto sbyar la mdzub mo gnyis myu gu ltar byas pa 'di ni pad+ma nges pa'i dbang phyug gi gzungs kyi'o/ /de bzhin rdo rje bsdams pa las/ /mdzub gnyis pad+ma 'drar byas la/ /mthe bong gnyis kyang bsnol nas ni/ /mdzub mo gnyis ni rtse sprang dgug /ces bya ba ni/ rdo rje bsdams pa nang du bcings la/ mdzub mo dang gung mo gnyis pad+ma lta bur byas te/ mthe bong gnyis bsnol ba 'di ni sangs rgyas pad+ma'i gzungs kyi'o/ /de bzhin rdo rje bsdams pa las/ /mtheng gnyis rdo rje rab sbyar la/ /mdzub mo ral gri lcags kyur bya/ /mthe chung pad+ma 'drar byas pa'o/ /zhes bya ba ni/ rdo rje bsdams pa nang du bcings la/ g.yas pa'i mdzub mo ral gri dang/ g.yon pa'i mdzub mo lcags
- 76b
kyu lta bu dang/ mthe'u chung gnyis pad+ma ltar byas pa 'di ni pad+ma'i rgyal po'i gzungs kyi'o/ /de bzhin du ni bsgyur nas kyang/ /mdzub mo g.yon pa bsgrengs nas kyang/ /mdzub mo mthe bong rtse sbyar bas/ /dam du bzung ste dgug ltar bya/ /zhes bya ba ni/ rdo rje bsdams pa nang du bcings la/ g.yon pa bsgyur nas/ g.yon pa'i mdzub mo bsgreng la/ g.yas pa'i mthe bo dang mdzub mos mda''dren pa'i tshul du byed pa 'di ni pad+ma chags pa'i gzungs kyi'o/ /de bzhin mnyam byas mdzub mo gnyis/ /bkug la mthe bas mnan pa ni/ /pad+ma dgyes pa bdag nyid che/ /legs so zhes pa sbyin byed pa/ /zhes bya ba ni/ pad+ma chags pa'i gzungs kyi phyag rgya nyid las/ /rdo rje bsdams pa nang du bcings pa'i mdzub mo gnyis mthe bo gnyis kyis legs so zhes pa star ba'i tshul du byed pa 'di ni pad+ma dgyes pa'i gzungs kyi'o/ /de bzhin rdo rje bsdams pa las/ /sor mo rnams kyi ngos sbyar la/ /mthe bong gnyis kyis mnan nas ni/ /mdzub mo mnyam par sbyar ba'o/ /zhes bya ba ni/ rdo rje bsdams pa nang du bcings la/ sor mo thams cad phan tshun gdong sbyar nas/ mdzub mo gnyis myu gu ltar byas nas/ mthe bo gnyis kyis dam du gzungs te/ dpral ba'i phyogs su bzhag pa 'di ni pad+ma khro gnyer ma'o// de nyid snying gar nyi mar bya/ /zhes bya ba ni/ khro gnyer gyi phyag rgya nyid snying gar nyi ma'i dkyil 'khor gyi tshul du byed pa ni pad+ma nyi ma'i gzungs kyi'o/ /spyi bor pad+ma rgyal mtshan bya/ /zhes bya ba ni/ pad+ma nyi ma'i gzungs kyi phyag rgya nyid las dpung pa gnyis brkyang nas spyi bor 'jag pa 'di ni pad+ma zla ba'i rgyal mtshan gyi gzungs kyi'o/ /phab te kha 'gram bzhag pa ni/ /pad+ma cher dgod pa yi tshul/ /zhes bya ba ni/ pad+ma zla ba rgyal mtshan gyi gzungs kyi phyag rgya nyid dgod pa'i tshul gyis bskor
- 77a
nas/ kha'i phyogs su bzhag pa 'di ni pad+ma bzhag pa'i gzungs kyi'o/ /rdo rje nang du bsdams byas na/ /chos kyi rdo rje tshul byas te/ /mthe'u chung spyi bor rab mnyam pa/ /'di ni sgrol ma'i dam tshig yin/ /zhes bya ba ni rdo rje bsdams pa nang du bcings la gung mo gnyis myu gu ltar byas pa/ mthe'u chung dang mthe bo yang myu gu ltar byas pa 'di ni pad+ma sgrol ma'i gzungs kyi'o/ /de bzhin rdo rje bsdams pa las/ /mdzub gung pad+ma ral grir bya/ /zhes bya ba ni/ rdo rje bsdams pa nang du bcings la mdzub mo gnyis pad+ma ral gri lta bur byas pa 'di ni pad+ma rnon po'i gzungs kyi'o/ /de bzhin nang du 'khor lo bya/ /zhes bya ba ni rdo rje bsdams pa'i nang du bcings la/ g.yon pa'i mthe bo nang du bcug ste/ g.yas pa'i mthe bos steng du brkyang nas/ mthe'u chung gnyis pad+ma ltar byas te/ rdo rje bsdams pa nang du bcings pa ma bkrol bar sor mo lhag ma rnams 'khor lo'i tshul du brkyang ba 'di ni rdo rje rgyu'i gzungs kyi'o/ /bzlas pa zin pa de bzhin no zhes bya ba ni/ pad+ma rgyu'i gzungs kyi phyag rgya las rdo rje bsdams pa nang du bcing pa'i mthe'u chung gnyis pad+ma ltar byas la g.yas pa'i mthe bo dang mdzub mo gnyis kyis bgrang phreng 'dren pa'i tshul du byed pa 'di ni pad+ma gzungs kyi'o/ /de bzhin rdo rje bsdams pa las/ /mtheb mdzub sprad de gnyis su bya/ /zhes bya ba ni/ rdo rje bsdams pa nang du bcings la/ gnyis su byas pa'i so so'i mtheb mo dang/ mdzub mo'i lto sbyar la gung mo gnyis bskum te/ srin lag gnyis kyang cung zad bskum nas/ mthe'u chung gnyis brkyang ste phrag pa gnyis su 'dzin pa'i tshul du byed pa ni mtheb mdzub skrad pa gnyis su byas pa ste pad+ma gar gyi dbang phyug gi gzungs kyi'o/ /de nas snying gar sbyar ba ni/ /gsang ba bsrung ba yin par bshad/ /
- 77b
ces bya ba ni/ pad+ma gar gyi dbang phyug gi gzungs kyi phyag rgya nyid las rdo rje bsdams pa nang du bcings la snying gar bzhag pa 'di ni pad+ma gsung ba'i gzungs kyi'o/ /de bzhin rdo rje bsdams pa las/ /mthe chung pad+ma 'drar byas la/ /mdzub gnyis shin tu bkug nas kyang/ /mtheb gnyis phyir bskyed mche ba can/ zhes bya ba ni/ rdo rje bsdams pa nang du bcings pa'i mthe chung gnyis pad+ma ltar byas la mdzub mo gnyis dgug pa dang mthe bo gnyis bskyed nas khar bzhag pa 'di ni pad+ma gnod sbyin gyi gzungs kyi'o/ /de las khu tshur tshul gyis ni/ /mtheb gnyis ngos ni btsir ba ni/ /pad+ma gsang ba khu tshur che/ /dam tshig mchog tu rab brtags pa/ /zhes bya ba ni/ pad+ma gnod sbyin gyi gzungs nyid las mthe bong gnyis mthe'u chung gi bar du bcug la/ mdzub mo gnyis bskums pa'i rtse mos btsir ba ni pad+ma khu tshur gyi gzungs kyi dam tshig gi phyag rgya'o/ /pad+ma lA sye la sogs pa/ /de dag thams cad kun gyi ni/ /rdo rje nang du bsdams byas la/ /de 'dra bar ni bcing bar bya// zhes bya ba ni/ rdo rje bsdams pa nad bcings la/ /snying gar mnyam la rab tu bzhag /rab tu brkyang ba phreng ba'o/ /thal mo sbyar bar kha nas dbyung/ /gar las thal sbyar spyi bor bzhag /rdo rje bcing ba thur du blugs/ /rang gi thal sbyar gyen du gtor mthe bong mnyams te rab tu bsdams/ /rab tu brkyang nas byugs pa'o/ /pad+ma'i sgeg mo la sogs nas/ /pad+ma'i dri'i mthar thug pa'i dam tshig gi phyag rgya'o/ /rdo rje bsdams pa dam byas la/ /mdzub mo gnyis ni mnyam sbyar nas/ /bkug nas rtse mo sbyar ba ni/ /rta mgrin gyi ni yin par bshad/ /rdo rje thal mo mnyam sbyar la/ /mdzub gnyis mdud par mdud ba ni/ /don yod zhags pa'i phyag rgya yin/ /mtheb mdzub lcags sgrog 'dra bar bya/ /rdo rje dbab pa'i tshul gyis ni/ /
- 78a
padmo'i thal mo mnyam sbyar la/ /srin lag mthe'u chung gnyis sbyar te/ /mthe bo gnyis bcug bar du btsir/ /zhes bya ba ni/ rta mgrin nas brtsams nas pad+ma 'bebs pa'i mthar thug pa'i dam tshig gi phyag rgya'o/ /rdo rje dbyings kyi dbang phyug ma dang/ rdo rje chos ma dang/ sangs rgyas dbang bskur ma dang/ chos kyi dam tshig ma dang/ sgo sna tshogs ma rnams ni phyag rgya chen po nyid dam tshig gi phyag rgya'i sbyor bas/ dam tshig gi phyag rgyar 'gyur ro/ /de nas / pad+ma gsang ba'i pad+ma'i rigs kyi gzungs kyi dkyil 'khor gyi chos kyi phyag rgyar 'gyur ro/ /de la h+ri ni sangs rgyas pad+ma'i'o/ /grwa ni pad+ma rgyal po'i gzungs kyi'o/ /pri na chags ma'i'o/ /ha ni legs ma'i 'o/ /sh+rI na pad+ma khro gnyer ma'i 'o/ /sh+rA ni pad+ma nyi ma'i'o/ /dA ni pad+ma zla ba'i'o/ /ha ni pad+ma bzhad pa'o/ /gA ni sgrol ma'i 'o/ /d+ha ni pad+ma rnon po ma'i'o/ /krA ni pad+ma rgyu'i gzungs kyi'o/ /bA ni pad+ma gsung pa'o/ /ba ni gar gyi dbang phyug gi'o/ /ra ni bsrung ba ma'i'o/ /kha ni gnod sbyin ma'i'o/ /a ni pad+ma'i khu tshur gyi gzungs kyi'o/ /chos kyi phyag rgya ni ljags la bsam par bya ste/ rnam par snang mdzad la sogs pa nas pad+ma 'bebs pa'i mthar thug pa ni 'gro ba 'dul ba'i mthar thug pa ni/ 'gro ba 'dul ba'i dkyil 'khor chen po las bshad pa nyid gzung bar bya'o/ /las kyi phyag rgya mdor sdus nas/ /gsang ba'i khu tshur gnyis pa'o/ /zhes bya ba ni/ pad+ma'i khu tshur gyi gzungs kyi phyag rgya chen po dang/ dam tshig gi phyag rgya gnyis su byas nas 'gro ba 'dul ba'i dkyil 'khor chen po las bshad pa'i sbyor bas rdo rje dbyings kyi dbang phyug ma la sogs pa nas/ pad+ma 'bebs pa'i mthar thug pa'i las kyi phyag rgya bcing bar bya'o/ /zhes bya ba'i don no/ /de skad du yang rdo rje
- 78b
dbyings kyi gzungs kyi dkyil 'khor las dam tshig gi phyag rgya las byung ba'i las kyi phyag rgya ni dus thams cad du bcing bar mi bya ba nyid do/ /zhes byung bas 'dir yang pad+ma'i dam tshig gi khu tshur gyi gzungs kyi phyag rgya las byung ba ni dus thams cad du bcing bar mi bya'o/ /de la 'gro ba 'dul ba'i dkyil 'khor chen po las bshad pa'i las kyi phyag rgya'i 'ching ba'i sbyor bas g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya che/ /sangs rgyas byang chub sbyin byed pa'o/ /g.yas pas g.yon pa dbye bar bya/ /zhes bya ba 'gro ba 'dul ba dang/ pad+ma'i ting nge 'dzin dang/ pad+ma'i sgrol ma dang/ pad+ma dam tshig sgrol ma rnams kyi'o/ /bsgyings bcas gsor ba gnyis ka yis/ ni sangs rgyas pad+ma'i gzungs dang/ rdo rje chos ma'i'o/ /lcags kyu 'dzin ltar gnas pa ni/ /pad+ma'i de bzhin gshegs pa'i lcags kyu'o/ /mda''phangs pa'i tshul dang pad+ma chags pa'i 'o/ /legs so sbyin pa snying gar bzhag pa pad+ma legs pa'i'o/ /dbang bskur ba ni rdo rje gnyis/ zhes pa ni pad+ma khro gnyer dang/ sangs rgyas dbang bskur ba'i ting nge 'dzin mchog la rang gtsug phud sangs rgyas kyi'o/ /snying gar nyi ma bstan par bya ba ni pad+ma nyi ma'i'o/ /g.yon pa la ni gru mo gzugs ni pad+ma zla ba'i'o/ /de bzhin kha phyogs bskor bar bya ba ni pad+ma bzhad pa'i'o/ /snying gar 'byed pa lta bu ni pad+ma sgrol ma'i'o/ /snying gar g.yon pa'i ral gri mdud ni pad+ma rnon po'i'o/ /mgal me'i 'khor lo skor ba ni pad+ma khyab 'jug gi'o/ /rdo rje gnyis ka kha nas dbyung ba ni gsang ba'i'o/ /rdo rje gar bskor dkrol ba ni/ thal mo 'gram pa spyi bor bzhag /ces pa ni/ pad+ma nges pa'i dbang phyug dang gar gyi dbang phyug dang sna tshogs kyi
- 79a
sgo'i'o/ /go cha ni pad+ma bsrung ba'i'o/ /mthe chung mche ba ni pad+ma gnod sbyin gyi'o/ /khu tshur gnyis ni mnan pa'i ni pad+ma khu tshur gyi gzungs kyi'o/ /pad+ma 'gying ba'i tshul gyis ni/ /bsam pa g.yos pas mdud par bya/ /phreng ba bcing dang kha nas dbyung/ /gar la thal sbyar spyi bor bzhag /thur du glugs dang gyen du gtor/ /mthe bo bsnyams la rab tu bsdam/ /dris byugs pa yi sbyor ba yis/ /mchod pa'i phyag rgya rab tu brtag /mdzub mo'i lcags kyu bcing ba ni/ /mthe'u chung las te lcags kyu che/ /mkhrig ma mdud pa mdzub gnyis gdung/ /rgyab gnyis kyang ni bsnyams te mnan/ /de kho na nyid snang bar byed pa las/ pad+ma rigs kyi gzungs kyi dkyil 'khor gyi 'grel pa rdzogs so// //de ltar pad+ma'i rigs kyi gzungs kyi dkyil 'khor gyis 'dul ba'i sems can rjes su gzung ba'i phyir dam tshig gi phyag rgya gtsor gyur pa bstan nas/ da ni pad+ma rigs kyi chos kyi dkyil 'khor gyis 'dul ba'i sems can rjes su gzung ba'i phyir chos kyi phyag rgya gtso bor gyur pa bstan pa ni/ zhes bya ba la sogs pa smos te/ de nas zhes bya ba'i sgra ni de ma thag pa ste/ dang po sbyor ba'i ting nge 'dzin gyi rjes thogs la zhes bya ba'i don no/ /dang po sbyor ba'i ting nge 'dzin ni 'gro ba 'dul ba'i dkyil 'khor chen po las bshad pa nyid yin no/ /yang zhes bya ba ni 'gro ba 'dul ba'i gzungs kyi dkyil 'khor lam bltos pa'o/ /bcom ldan 'das ni rnam par snang mdzad do/ /de bzhin gshegs pa thams cad kyi chos kyi ye shes ni chos thams cad spros pa med par byas pa'o/ /de'i dam tshig ni bcom ldan 'das rnam par snang mdzad kyi pad+ma rigs kyi chos kyi dkyil 'khor ro/ /de las byung ba ni 'jig rten dbang phyug gi thugs ka na gnas pa'i pad+ma yin pa de las byung ba'o/ /des
- 79b
byin gyis brlabs pa ni nus par mdzad pa'o/ /gang gi ting nge 'dzin ming 'di skad ces bya ba'i ting nge 'dzin gang yin pa de la snyoms par zhugs pa'o/ /'di zhes bya ba ni de ma thag 'chad par 'gyur ba'i blo la gnas pa'o/ /rang gi rig pa dam pa gsungs pa ni bshad pa'o/ /'di skad ston pa yin te/ bcom ldan 'das rnam par snang mdzad pad+ma'i rigs kyi rang bzhin gyi rang gi chos kyi dkyil 'khor sprul pa'i phyir/ 'phags pa spyan ras gzigs dbang phyug gi thugs ka na gnas pa'i rdo rje pad+ma'i rnam par thugs rtse gcig tu mdzad nas rig pa dam pa 'di gsungs pa'o/ /de nas dkyil 'khor de 'phags pa spyan ras gzigs dbang phyug gi thugs ka'i pad+ma las sprul nas/ bcom ldan 'das rnam par snang mdzad la snga ma bzhin du phul lo/ /de ltar phyag na rdo rje dang/ rdo rje snying po dang/ rdo rje spyan dang/ rdo rje sna tshogs rnams dang rang gi rig pa dam pa rnams gsungs nas/ bcom ldan 'das 'phags pa spyan ras gzigs dbang phyug gi thugs ka'i pad+ma las 'gro ba 'dul ba dang gtsug phud sangs rgyas dang pad+ma ting nge 'dzin dang/ pad+ma don yod dbang phyug gi dkyil 'khor rnams pad+ma'i rigs kyi chos kyi dkyil 'khor gyi gzugs su sprul nas/ de bzhin gshegs pa thams cad la phul ba yin no/ /de la rang gi rigs kyi chos 'byung ba ni/ 'gro ba 'dul ba'i chos kyi dkyil 'khor las 'byung ba gang yin pa'i rig pa dam pa 'di de bzhin du gsungs pa'o/ /de la de nas yang bcom ldan 'das zhes bya ba nas/ oM badzra karmmA d+harmmA hUM zhes bstan pa'i bar gyi gzhung de tsam gyis 'gro ba 'dul ba'i chos kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan pa yin no/ /snga ma bzhin bsdu ba dang byin gyis brlab pa la sogs pa ni las kyi rgyal po mchog ces bya ba'i ting nge 'dzin gsum pa yin par shes par bya'o/
- 80a
de nas zhes bya ba ni skabs su bab pa'o/ /'di zhes bya ba ni/ 'chad par 'gyur ba'i blo la gnas pa'o/ /rang gi chos kyi dkyil 'khor du gsungs shing 'chad par 'gyur ro/ /de nas zhes bya ba ni/ de ma thag pa ste/ sngon du bsnyen pa'i rjes thogs la zhes bya ba'i don no/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i 'gro ba 'dul ba'i rang gi lha'i rnal 'byor dang/ de las bshad pa'i rnal 'byor chen po byas la/ nyin re zhing thun bzhi'i sbyor bas chos kyi dkyil 'khor gyi sngags rnams re re zhing bzlas brjod 'bum bya'o/ /de'i rjes thogs la nyi ma bdun dkyil 'khor 'di bsgoms la/ de nas bri bar bya'o/ /de nas zhes bya ba ni/ rgyu de'i phyir gyi don te/ gang gi phyir 'gro ba 'dul ba'i chos kyi dkyil 'khor du 'jug pa med na/ des 'dul ba'i sems can gyi khams rnams kyi mngon par 'dod pa'i dngos grub kyi don 'grub par mi 'gyur ba rgyu de'i phyir/ rab tu bshad bya ba/ ye shes dkyil 'khor dam pa ste/ zhes bya ba ni/ pad+ma'i rigs kyi chos kyi dkyil 'khor gyi mchog go /rdo rje dbyings dang 'dra bar ni/ /zhes bya ba la/ sprul pa'i chos kyi dkyil 'khor ni 'dir rdo rje dbyings yin la de dang mtshungs pas na/ rdo rje dbyings dang 'dra bar ni/ /chos kyi ye shes zhes brjod do/ /zhes bya ba ni dkyil 'khor chen po'i tshul du ni/ /dkyil 'khor thams cad srad bu pre/ /zhes bya ba ni/ 'gro ba 'dul ba'i dkyil 'khor chen po'i tshul gyis dkyil 'khor thams cad srad bu bre bar bya'o/ /de'i dbus su bri ba ni/ / ye shes rdo rje de bzhin gshegs/ /zhes bya ba ni/ 'gro ba 'dul ba'i dkyil 'khor chen po'i sbyor ba des de nas thig btab la/ chos kyi dkyil 'khor de'i dbus su phyogs dang mtshams mnyam par pad+ma 'dab ma brgyad pa ka ba brgyad dang yang
- 80b
dag par ldan pa'i pad+ma'i dkyil 'khor bri bar bya'o/ /de'i dbus su seng ge dang/ pad+ma'i gdan gyi steng du zla ba'i dkyil 'khor la rdo rje rten lnga pa de'i lte bar de bzhin gshegs pa rnam par snang mdzad bri bar bu'o/ /rnam par snang mdzad de'i phyogs dang / mtshams rnams thams cad du/ /sems dpa' che rnams cho ga bzhin/ /sna tshogs dbang phyug la sogs pa/ /ting nge 'dzin la snyoms zhugs bri/ /zhes bya ba ni/ 'gro ba 'dul ba la sogs pa bri bar bya'o/ /'di skad ston pa yin te/ 'gro ba 'dul ba'i dkyil 'khor chen po'i tshul gyis dkyil 'khor thams cad thig btab la khro bo'i lta bas bltas te/ de nyid kyi sgo rnams byas la/ tshon sna rnam pa lngas dkyil 'khor bris te/ dkyil 'khor gyi lte ba'i gnas su rnam par snang mdzad sngar bshad pa'i mtshan nyid dang ldan pa ji skad bshad pa'i seng ge'i gdan gyi steng du rdo rje rtse lnga pa mtshur gnas pa la/ rdo rje bsdams pa bcings nas skyil mo krung gi steng du bkan nas snying ga'i phyi rol tu rdo rje rtse lnga pa nas 'bras kyi tshad tsam bsnams pa/ rdo rje skyil mo krung gis bzhugs pa bri bar bya'o/ /de'i phyogs rnams su chos kyi rdo rje ma la sogs pa rigs kyi phyag rgya bzhi pa dang/ 'gro ba 'dul ba'i dkyil 'khor chen po las bshad pa'i tshul gyis lha thams cad kyi gnas su pad+ma dang zla ba'i gdan la de rnams kyi ye shes kyi rdo rje rtse lnga pa mtshur gnas pa la 'gro ba 'dul ba la sogs pa nas/ pad+ma 'bebs pa'i mthar thug pa'i sngar bshad pa'i mtshan nyid dang ldan pa dang/ byams pa la sogs pa rnams rang gi mtshan ma nas 'bras kyi tshad tsam snying ga'i phyi rol du 'jog cing rdo rje skyil mo krung du bzhugs pa bri bar bya'o/ /snga ma bzhin du sangs rgyas rdo rje 'dzin la sogs/ /thams cad snyoms par ste/ ting nge 'dzin du bzhugs pa dang/ /phyag
- 81a
gnyis rdo rje bcing bas bcings/ /zhes bya ba la sogs pa sngar bshad pa 'ba' zhig du shes par bya'o/ /de nas zhes bya ba ni/ de ma thag pa brjod pa ste/ slob dpon rang nyid 'gro ba 'dul ba'i dkyil 'khor du 'jug pa'i cho gas ji lta ba bzhin du zhugs pa nas 'bras tsam gyi rdo rje pad+ma'i dbang bskur blangs la cho ga thams cad rjes su spyad par bya'o/ /de nas bsdu ba byas la mtshan brgya rtsa brgyad pas bstod de/ de'i rjes thogs nyid la pad+ma'i rigs kyi dkyil 'khor 'dir dgug pa la sogs pa'i cho ga rgyas par byas nas/ zhes bya ba ni/ rta mgrin gyi lcags kyus dkyil 'khor thams cad dgug pa dang/ don yod zhags pas gzhug pa dang/ pad+ma'i lcags sgrog gis bcing pa dang/ pad+ma 'babs pas dbang du bya ba dang/ pad+ma gnod sbyin gyis bgegs gsal la/ ra ba dang dra ba bya'o/ /de nas pad+ma'i khu tshur gyis sgo bcad la/ pad+ma'i srung bas bsrung ba thams cad yang dag par bsrungs la/ 'gro ba 'dul ba'i chos kyi dkyil 'khor las gsungs pa'i lha thams cad la mchod yon dang zhab bsil phul nas/ dam tshig gi phyag rgyas bsgrubs te/ de nas chos dang las dang/ phyag rgya chen po rnams kyis kyang rgyas btab la dbang bskur ba'i phyag rgya rnams kyis rnam par snang mdzad la sogs pa dbang bskur la/ mchod pa thams cad kyis yang dag par mchod de/ slob ma 'jug pa'i gnang ba nod pa ni dgug pa la sogs pa'i cho ga rgyas pa zhes bya'o/ /de ltar byas nas ji lta ba bzhin du bcug ste/ 'di skad du khyod kyis gzhan su la yang ma brjod cig /ces bya ba ni 'gro ba 'dul ba'i dkyil 'khor chen par 'jug pa'i cho ga bzhin du bya'o/ zhes bya ba'i don no/ /'dir rdo rje pad+ma nas 'bras kyi tshad
- 81b
tsam slob ma rnams la byin na zhes bya ba dang/ cho ga lhag ma rnams ni 'gro ba 'dul ba'i dkyil 'khor chen por bshad pa nyid gzung bar bya'o/ /de ltar slob dpon gyi las kyi cho ga rgyas pa dang slob ma 'jug pa'i cho ga bstan nas/ da ni 'gro ba 'dul ba'i chos kyi dkyil 'khor du dam tshig dang dbang bskur thob pa rnams la/ de las bshad pa'i dngos grub kyi ye shes rnams slob dpon gyis bstan par bya'o/ /zhes bya ba'i don 'di bstan pa'i phyir/ de nas zhes bya ba la sogs pa gsungs te/ de nas zhes bya ba ni de'i rjes thogs la zhes bya ba'i don no/ /de'i ye shes bskyed par bya ste/ gang 'dod ces dri bar bya'o/ /'jig rten dbang phyug snyoms zhugs la/ zhes bya ba ni 'gro ba 'dul ba'i dkyil 'khor chen po las bshad pa'i cho gas rang gi lha'i rnal 'byor byas la/ phyis chos kyi dkyil 'khor las bshad pa'i rang gi lha'i phyag rgya chen po bcings la/ snying gar pad+ma bsgoms nas kyang/ zhes bya ba ni/ oM pad+ma dz+nyA na h+ri d+ha ya a bi sha/ zhes bya ba'i snying po 'dis snying gar zla ba'i dkyil 'khor la rdo rje pad+ma bskyed la /de nyid zlos shing bsgoms nas/ nyin re zhing thun bzhi'i sbyor bas ji srid mngon sum du mngon par gyur pa de srid kyi bar du bsgoms na mthong bar 'gyur ro/ /de na zla ba nya la mtshan thog thag bsgoms na de 'grub par 'gyur ro/ /pad+ma'i ting nge 'dzin thob par/ de ma thag tu myur bar 'dir zhes bya ba ni/ skad gcig ma de nyid che'o/ /'jig rten dbang phyug snyoms zhugs la zhes bya ba ni snga ma bzhin no/ /dpral par pad+ma bsgoms byas te zhes bya ba ni/ oM pad+ma dz+nyA na i she ka a bi sha zhes bya ba'i snying po 'dis dpral ba'i phyogs su zla ba'i dkyil 'khor gyi steng du snga ma bzhin du rdo rje pad+ma sprul la snga ma bzhin du bsgoms la de nas bsgrubs par bya'o/ /
- 82a
'jig rten dbang phyug gi ting 'dzin gyis/ /lce la pad+ma bsgoms nas kyang zhes bya ba ni/ snga ma bzhin du thams cad byas la/ oM pad+ma dz+nyA biryAr ta ma a bi sha/ zhes bya ba rang gi lce la rdo rje pad+ma bskyed de snga ma bzhin du bsgoms nas bsgrub par bya'o/ /'jig rten dbang gi ting 'dzin gyis/ /spyi gtsug pad+ma sgoms nas kyang/ /zhes bya ba ni/ rang gi lha'i rnal 'byor de nyid byas nas/ oM pad+ma dz+nyA na uSh+Ni Sha a bi sha zhes bya bas spyi gtsug gi gnas su zla ba'i dkyil 'khor gyi steng du rdo rje pad+ma bskyed la snga ma bzhin du bsgrub par bya'o/ /nam mkha' 'am ni phyogs gzhan du/ /pad+ma dbyibs ni bsgoms nas kyang/ /zhes bya ba la sogs pa ni snga ma bzhin du rang gi lha'i rnal 'byor byas la/ oM pad+ma A ka sha zhes bya ba'i snying po'i 'dis nam mkha' la sogs pa'i gnas su rdo rje pad+ma bskyed cing bsgom par bya'o/ /de na snga ma bzhin du mtshan thog thag bsgoms na ni/ mi snang ba'i dngos grub tu 'gyur ro/ /nam mkha' 'am ni phyogs gzhan du/ /zhes bya ba la sogs pa ni snga ma bzhin du rang gi lha'i rnal 'byor byas la/ oM pad+ma ra tha/ zhes bya ba nam mkha' la sogs pa'i phyogs su pad+ma bskyed la/ de nas de nyid zlos shing de'i steng du bdag nyid 'dug ste/ 'jig rten dbang phyug gi gzugs su bsgoms nas/ phyis snga ma bzhin du bsgrubs na mi snang bar 'gyur ro/ /nam mkha' 'am ni phyogs gzhan du/ /zhes bya ba la sogs pa la/ snga ma bzhin du rang gi lha'i rnal 'byor byas la/ oM dz+nyA na pad+ma gri h+Na/ zhes bya ba'i snying po 'dis nam mkha' la sogs pa'i phyogs su pad+ma sprul la/ de nyid zlos shing bsgom par bya'o/ /de nas snga ma bzhin du bsgrubs na gang gi tshe mthong ba de blangs na mi snang bar 'gyur ro/ /nam mkha' 'am ni phyogs gzhan du
- 82b
zhes bya ba la sogs pa las snga ma bzhin du rang gi lha'i rnal 'byor byas la/ oM pad+ma ra sa ya na/ zhes bya ba'i snying po 'dis nam mkha' la sogs pa'i phyogs su pad+ma sprul la/ de nyid zlos shing nyin re zhing thun bzhi'i sbyor bas ji srid mngon sum du mthong bar gyur pa de srid kyi bar du bsgom na mthong bar 'gyur ro/ /de nas mtshan thog thag bsgoms na rang gi gzugs nyid pad+mar mthong bar 'gyur te/ de bas na/ mthong ba'i pad+ma de zos na/ /de ma thag tu mi snang 'gyur/ /zhes bya ba'o/ /phyag rgya che bcings pad+ma ni/ /kha dog dbyibs rnams sna tshogs pa'i/ /zhes bya ba la kha dog sna tshogs pa ni sngon po la sogs pa'o/ /dbyibs sna tshogs pa ni zlum po la sogs pa'o/ /pad+ma ni rdo rje sna tshogs pad+ma lugs ma 'am/ rkos pa 'am 'jim pa las byas pa sna tshogs pa de blangs la bzung nas 'jig rten dbang phyug gi phyag rgya chen po bsgoms nas/ gzugs thams cad 'chang bar 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyis chos kyi dkyil 'khor las bshad pa'i 'gro ba 'dul ba'i phyag rgya chen po bcings te/ oM pad+ma d+ha ra be sha rU pa pra ba ta ka a be sha zhes brjod cing/ ji skad bshad pa'i pad+ma de bzung la 'gro ba 'dul ba'i gzugs su bdag nyid bsgom la/ snying po 'di nyid brjod cing nyin re zhing thun bzhi'i sbyor bas ji srid mngon sum du mthong bar gyur ba de srid kyi bar du bsgoms na/ de'i gzugs kyis bdag nyid du mthong bar 'gyur ro/ /de nas snga ma bzhin du mtshan thog thag bsgoms na 'grub par 'gyur te/ 'gro ba 'dul ba dang mtshungs par 'gyur ro/ /pad+ma kha dog dbyibs rnams ni/ /sna tshogs pad+ma'i dbyibs bris la/ /zhes bya ba la
- 83a
sogs pa la/ ras sam rtsigs pa 'am spang leb la bzo bo mkhas pas pad+ma bris la/ de nas rang gi lha'i rnal 'byor byas te/ oM bi sha pad+ma pra barta ya maM/ zhes brjod cing 'gro ba 'dul ba de'i ting nge 'dzin bsgoms te/ snga ma bzhin du bsgoms na 'gro ba 'dul ba dang 'dra bar 'gyur ro/ /nam mkha' 'am ni phyogs gzhan du/ /pad+ma'i kha dog dbyibs rnams ni/ zhes bya ba ni snga ma bzhin no/ /snga ma bzhin du lha'i rnal 'byor byas la/ oM sa ma d+hi bi shwa pad+ma a be sha zhes bya ba'i snying po 'dis nam mkha' la sogs pa las ji skad du bshad pa'i kha dog dang dbyibs dang ldan pa'i pad+ma sprul la/ snying po 'di nyid brjod nas bsgoms na/ snga ma bzhin du bsgrub par byas nas 'dod pa'i gzugs su 'gyur ro/ / pad+ma kha dog dbyibs rnams ni/ /sna tshogs dbyibs su byas nas kyang/ /zhes bya ba ni bzo bo mkhas pas snga ma bzhin du pad+ma'i gzugs byas la/ rang gi lha'i rnal 'byor byas te/ oM bi shwa pad+ma sa nod k+Shi ka A ka sha b+hi Sha ru paM a d+hi tiSh+Tha maM/ zhes brjod cing de'i steng du 'jug la/ de nyid zlos shing bsgoms na/ rang nyid 'jig rten dbang phyug gi gzugs des snga ma bzhin du bsgrub pa byas na/ nam mkha' la 'gro zhing ci dga' ba'i gzugs su 'gyur ro/ /gang yang rung ba'i phyag rgya che/ ting nge 'dzin gyis legs bcings la/ /pad+ma blangs la rab byin la/ /rtag pa ru ni dbang du 'gyur/ /zhes bya ba ni/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyis chos kyi dkyil 'khor las bshad pa'i rang gi lha'i phyag rgya chen po bcings te/ oM ma hA pad+ma ho zhes bya ba'i snying po 'dis pad+ma blangs te/ 'jig rten dbang phyug 'gro ba 'dul ba 'am/ rigs kyi rang bzhin du nyin re zhing thun bzhi'i sbyor bas ji srid du zla ba gcig tsam
- 83b
de srid du bdag nyid bsgoms nas/ mtshan thog thag bsgom pa dang bzlas pa bya'o/ /de nas las kyi dus su de nyid kyi lha'i rnal 'byor byas la/ phyi rol gyi me tog pad+ma blangs te snying po 'di lan rgya rgya rgyad mngon par bzlas te/ phyag rgya chen po bcings la des pad+ma blangs la/ oM ma hA pad+ma ho/ /che ge mo nyid ba sha ma na ya ho/ /zhes mngon par bzlas la byin pa dbang du 'gyur ro/ /gang yang rung ba'i dam tshig ni/ /phyag rgya zhes bya legs bcings nas/ /zhes bya ba ni dkyil 'khor chen po de nyid las bshad pa'i gtsug phud sangs rgyas kyi rnal 'byor 'am de'i rigs kyi rnal 'byor byas te/ gtsug phud sangs rgyas kyi rigs las byung ba'i dam tshig gi phyag rgya bcings la/ phyis chos kyi dkyil 'khor las bshad pa'i dam tshig gi phyag rgya bcings pa des pad+ma blangs la/ oM sa ma ya pad+ma ho/ /zhes zlos shing snga ma bzhin du bsgrub pa byas na/ gang la byin pa de dbang du 'gyur ro/ /ting nge 'dzin skyes dge ba yi/ /phyag rgya gang yang rung bcings la/ /ye shes pad+ma gang byin pa/ /de ni de yis myur bar 'gyur/ /zhes bya ba ni 'gro ba 'dul ba'i dkyil 'khor chen po las bshad pa'i pad+ma'i ting nge 'dzin de'i rigs kyi rnal 'byor byas la phyis chos kyi dkyil 'khor las gsungs pa'i/ pad+ma'i ting nge 'dzin gyi phyag rgya chen po dang/ de'i rigs kyi phyag rgya chen po bcings te/ phyi rol gyi pad+ma blangs la/ oM dz+nyA na pad+ma ho/ /zhes brjod cing de nyid zla ba gcig tsam bsgom par bya'o/ /de nas mtshan thog tha bsgoms pa yang las la sbyor ba'i dus su de nyid kyi lha'i rnal 'byor byas la phyag rgya chen po de nyid kyis/ pad+ma de blangs la/ oM dz+nyA na pad+ma ho che ge mo ba sha mA na ya ho/ /zhes pa lan brgya rtsa rgyad bzlas nas
- 84a
sbyin par bya'o/ /gang yang rung ba'i dam tshig ldan/ /las kyi phyag rgya bcings nas ni/ /zhes bya ba la sogs pa la 'gro ba 'dul ba'i dkyil 'khor chen po las bshad pa'i pad+ma nges pa'i dbang phyug gi rnal 'byor 'am/ de'i rigs kyi rnal 'byor byas la/ phyis chos kyi dkyil 'khor las gsungs pa'i pad+ma nges pa'i dbang phyug gi las kyi phyag rgya dang/ de'i rigs kyi las kyi phyag rgya bcings la/ oM karmmA pad+ma ho/ zhe bya ba'i snying po 'dis phyi rol gyi pad+ma blangs te/ de nyid kyi bsgom pa byas na/ mtshan thog thag bsgoms la/ phyis las kyi dus su de nyid kyi las kyi phyag rgya pad+ma blangs te/ oM karmmA pad+ma ho che ge mo nyid ba sha mA na ya ho/ /zhes lan brgya rtsa brgyad pad+ma la mngon par bzlas nas gang la byin pa de dbang du 'gyur ro/ /de ltar dngos grub kyi ye shes bslab pa bstan nas/ da ni 'gro ba 'dul ba'i chos kyi dkyil 'khor las gsungs pa'i dngos grub rnams 'gro ba 'dul ba'i dkyil 'khor chen po las bshad pa'i phyag rgya bzhi po rnams kyis de las gsungs pa'i rang gi lha'i rnal 'byor byas la/ phyis 'gro ba 'dul ba'i chos kyi dkyil 'khor las bshad pa'i phyag rgya chen po la sogs pa bcings te/ bsgrub par bya'o/ / zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba ni dngos grub kyi ye shes bstan pa'i dus phyis so/ /ye shes kyi dkyil 'khor ni/ /'gro ba 'dul ba'i chos kyi dkyil 'khor ro/ / phyag rgya chen po ni lus kyi phyag rgya'o/ /de'i ye shes bslab pa'o/ /chos kyi dkyil 'khor tshul du ni/ /phyag rgya chen po bsgrub par bya/ /zhes bya ba ni rdo rje dbyings kyi chos kyis dkyil 'khor las gsungs pa'i tshul gyis chos kyi dkyil 'khor
- 84b
gyi phyag rgya chen po bcing bar bya'o/ /de'i rig pa ni 'di yin te/ sangs rgyas snyoms par zhugs pa nyid/ /ting nge 'dzin du bzhugs pa dang/ /phyag gnyis rdo rje bcing bas bcings zhes bya ba la sogs pa sngar rgyas par bshad pa nyid bzung bar bya'o/ /de nas rab tu bshad bya ba/ /dam tshig mchog ni zhes bya ba ni/ chos kyi dkyil 'khor gyi dam tshig gi phyag rgya'o/ /ci'i phyir zhe na/ sgrub par bya ste/ zhes bya ba smos te/ ting nge 'dzin gyis bsgrub par bya'o/ zhes bya ba'i don to/ /chos kyi dkyil 'khor las gsungs pa'i lha thams cad dam tshig gi phyag rgyas bsgrub par bya'o/ zhes bya ba'i tha tshig go /chos kyi dkyil 'khor tshul du ni/ /pad+ma'i pad+ma gzhag pa bya/ /zhes bya ba ni/ rdo rje bsdams pa las gung mo gnyis pad+ma'i 'dab ma ltar byas pa 'di ni/ /'gro ba 'dul ba'i dkyil 'khor chen po chos kyi rdo rje ma'i gnas kyi pad+ma pad+ma zhes bya ba'i phyag rgya ste/ rdo rje dbyings kyi chos kyi dkyil 'khor gyi tshul gyis pad+ma sangs rgyas la sogs pa nas pad+ma khu tshur gyi mthar thug pa'i gnas su bzhag pa ni dam tshig gi phyag rgyar 'gyur ro/ /de la rig pa 'di yin te/ skyil mo krung nas gan rgyal du/ /g.yas gcus de bzhin slar gcus pa/ /snying gar gnas pa bzhi ba ste/ /rdo rje sems sogs dkyil 'khor ro/ /dpral bar bzhag dang ltag pa dang/ /phrag pa dang ni dgod par bya/ /khar bzhag snying gar ral gri dang/ /snying gar rgyas dang kha nas dbyung/ /spyi bo thod ka khar bzhag pa/ /mdzub mo gnyis bkug mdun de bzhin/ /rnam par snang mdzad la sogs pa ni 'gro ba 'dul ba'i dkyil 'khor chen po las bshad pa'i dam tshig gi phyag rgya nyid yin par shes par bya'o/ /sangs rgyas pad+ma la sogs pa'i chos kyi phyag rgya ni/ rdo rje dbyings
- 85a
kyi chos kyi dkyil 'khor las bshad pa nyid yin no/ /lhag ma rnams kyi ni 'gro ba 'dul ba'i dkyil 'khor chen por bshad pa gzung bar bya'o/ /chos kyi khu chur bstan byas la/ /las kyi phyag rgya gnyis su bya/ / zhes bya ba ni/ chos kyi dkyil 'khor las gsungs pa'i pad+ma khu tshur gyi dam tshig gi phyag rgya bstan par byas te/ gnyis su byas nas khu tshur gnyis kyis 'gro ba 'dul ba'i dkyil 'khor chen po las bshad pa'i tshul gyis las kyi phyag rgya bcing bar bya'o/ /de kho na nyid bsdus? pa'i 'grel pa de kho na nyid snang bar byed pa las/ 'gro ba 'dul ba'i chos kyi dkyil 'khor gyi 'grel ba rdzogs so// //de ltar chos kyi phyag rgya gtso bor gyur ba'i 'gro ba 'dul ba'i chos kyi dkyil 'khor bstan nas/ da ni las kyi phyag rgya gtso bor gyur pa'i 'gro ba 'dul ba'i las kyi dkyil 'khor gyis 'dul ba'i sems can rjes su gzung ba'i phyir/ /de nas zhes bya ba la sogs gsungs te/ de nas kyi sgra ni de ma thag pa ste/ dang po sbyor ba'i ting nge 'dzin gyi rjes thogs la zhes bya'o/ /'dir dang por sbyor ba'i ting nge 'dzin ni 'gro ba 'dul ba'i dkyil 'khor las gsungs pa nyid yin no/ /yang zhes bya ba ni chos kyi dkyil 'khor la bltos nas yang zhes bya ba smos so/ /de bzhin gshegs pa thams cad ni rnam par snang mdzad la sogs pa'o/ /de'i rang bzhin gyis 'od gsal ba'i brtson 'grus kyi pha rol tu phyin pa'i rtog pa ni chos kyi rigs kyi la sogs de'i dam tshig ni bcom ldan 'das rnam par snang mdzad kyi pad+ma'i rigs kyi nang du rtogs pa'i las kyi dkyil 'khor ro/ /de las byung ba ni 'phags pa spyan ras gzigs dbang phyug gi thugs ka'i pad+ma gang las byung ba de la 'di skad
- 85b
ces bya ste/ des byin gyis brlabs pa 'di ni de bzhin gshegs pa thams cad kyi chos kyi las gang gis dam tshig 'byung bar byin gyis rlob pa'i pad+ma zhes bya ba'i ting nge 'dzin ming gang yin pa de la snyoms par zhugs nas/ rig pa 'di gsungs pa ni bshad pa'o/ /rang gi rigs ni 'gro ba 'dul ba'i las kyi dkyil 'khor/ /de las byung ba ni rang gi rigs kyi las las byung ba'i rang gi rig pa dam pa'o/ /'di skad stan pa yin te/ bcom ldan 'das rnam par snang mdzad pad+ma'i rigs kyi rang gi dkyil 'khor sprul pa'i phyir/ 'phags pa spyan ras gzigs dbang phyug gi thugs ka na gnas pa'i pad+ma'i rdo rje la mngon du dmigs nas rang gi rig pa dam pa 'di gsungs so/ /de nas 'phags pa spyan ras gzigs dbang phyug la nges bskul bas/ rang gi thugs ka'i pad+ma las de'i dkyil 'khor sprul nas bcom ldan 'das rnam par snang mdzad la snga ma bzhin du phul lo zhes bya ba yin no/ /de ltar phyag na rdo rje dang/ rdo rje snying po dang/ rdo rje spyan dang/ rdo rje sna tshogs dang/ 'gro ba 'dul ba dang/ gtsug phud sangs rgyas dang/ ting nge 'dzin pad+ma dang/ pad+ma nges pa'i dbang phyug gis 'phags pa spyan ras gzigs dbang phyug bskul bas/ rang gi thugs ka'i pad+ma las snga ma bzhin du dkyil 'khor sprul nas phul ba yin no/ /zhes bya ba yin no/ / de nas yang bcom ldan 'das zhes bya ba nas brtsams nas/ oM bi Sha karmmA sa ma ye hUM zhes bya ba'i bar gyi gzhung 'di ni 'gro ba 'dul ba'i las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba la sogs pas ni las kyi rgyal po mchog ces bya ba'i ting nge 'dzin gsum pa yin par shes par bya'o/ /de ltar ting nge 'dzin rnam pa gsum bstan nas/ /da ni 'gro ba 'dul pa'i las kyi dkyil 'khor las gsungs pa'i dngos grub rnams ni 'gro
- 86a
ba 'dul ba'i las kyi dkyil 'khor du dam tshig dang dbang bskur ba thob pa rnams kyis bsgrub par bya'o zhes bstan par bya ba'i phyir/ de nas zhes bya ba la sogs pa gsungs te/ de nas zhes bya ba ni skabs su bab pa'o/ / 'phags pa spyan ras gzigs dbang phyug ni 'gro ba 'dul ba'o/ /'di zhes bya ba ni blo la gnas pa'o/ /las kyi dkyil 'khor ni rang gi pad+ma'i rigs kyi las kyi dkyil 'khor ro/ /bshad do zhes bya ba ni gsungs pa'o/ /de nas zhes bya ba ni de ma thag pa'o/ /'gro ba 'dul ba'i dkyil 'khor chen po las bshad pa'i rnal 'byor dang/ de las bshad pa'i rnal 'byor chen po byas la thun bzhi'i sbyor bas las kyi dkyil 'khor gyi rig pa rnams re re zhing yang bzlas pa khri byas nas/ phyis las kyi dkyil 'khor las gsungs pa'i ting nge 'dzin rnam pa gsum bsgom pa nas brtsams te/ las kyi dkyil 'khor zhag bdun bsgoms pa'i rjes thogs la las kyi dkyil 'khor bri bar bya'o/ /de nas ni rgyu de'i phyir te gang gi phyir las kyi dkyil 'khor du 'jug pa med na/ las kyi dkyil 'khor las gsungs pa'i dngos grub rnams 'grub par mi 'gyur ba de'i phyir/ rab tu bshad bya ba/ las kyi dkyil 'khor dam pa zhes bya ba/ /rdo rje dbyings dang 'dra ba ni zhes bya ba ni/ sprul pa'i las kyi dkyil 'khor 'dra'o/ /pad+ma'i las ni bya ba ste/ zhes bya ba ni bshad zin to/ /dkyil 'khor chen po tshul du ni/ /dkyil 'khor thams cad srad bu bri/ /zhes bya ba ni 'gro ba 'dul ba'i dkyil 'khor chen po bzhin du phyi dang nang gi dkyil 'khor 'di thams cad thig gdab par bya'o/ /sangs rgyas phyogs kun pad+ma ni/ /mtshan ma 'dzin par thams cad bri/ /zhes bya ba ni 'gro ba 'dul ba'i dkyil 'khor chen po bzhin du dkyil 'khor
- 86b
thams cad bri bar bya ste/ de bzhin du rnam par snang mdzad dang/ 'gro ba 'dul ba dang/ gtsug phud sangs rgyas dang/ pad+ma'i ting nge 'dzin dang/ pad+ma don yod dbang phyug bris la de dag gi phyogs thams cad du sangs rgyas pad+ma la sogs pa'i gzugs 'dzin pa/ sangs rgyas pad+ma la sogs pa nas pad+ma 'bebs pa la mthar thug pa'i bar du bri bar bya'o/ /byams pa la sogs pa'i gzugs 'dzin pa'i byams pa la sogs pa'i lha mo rnams kyi rig pa ni sngar bshad pa'i rig pa nyid kyis bya'o/ /oM b+hu ri ni hUM/ zhes bya ba ni rnam par snang mdzad kyi rig pa'o/ /chos kyi rdo rje ma dang/ sangs rgyas dbang bskur ma dang/ pad+ma'i pad+ma dang/ sna tshogs kyi sgo rnams kyi ni/ 'gro ba 'dul ba'i gzungs kyi dkyil 'khor las gsungs pa'i rig pa yin par shes par bya'o/ /gzhan ni 'gro ba 'dul ba nas brtsams nas/ pad+ma 'bebs pa'i mthar thug pa'i rnams kyi rig pa yin no/ /de nas zhes bya ba ni de ma thag pa'o/ /de ltar dkyil 'khor bris nas 'gro ba 'dul ba'i dkyil 'khor chen po las bshad pa'i cho ga bzhin du cho ga thams cad rjes su spyad la/ bsdu ba byas nas mtshan brgya rtsa brgyad pas bstod pa'i rjes thogs la'o/ /las kyi dkyil 'khor las 'dir dgug pa la sogs pa'i cho ga rgyas par byas nas zhes bya ba yin no/ /de la dgug pa ni/ rta mgrin gyi las kyi phyag rgyas dkyil 'khor gyi lha thams cad bkug nas rang rang gi sgo dang nye bar bzhag par bya'o/ /dgug pa dang por byas pa gang yin pa de ni dgug pa la sogs pa'i cho ga rgyas pa'o/ /don yod zhags pa dang/ lcags sgrog dang/ 'bebs pa'i las kyi phyag rgya rnams kyis gzhug pa dang/ bcing pa dang/ dbang du byas la/ pad+ma gnod sbyin gyis bgegs bskrad nas/ ra ba dang dra ba
- 87a
ba byas te/ pad+ma'i khu tshur gyis sgo thams cad la/ pad+ma'i srung bas dkyil 'khor thams cad kyis bsrung bas yang dag par bsrungs la/ las kyi dkyil 'khor las gsungs pa'i 'gro ba 'dul ba'i rig pas dkyil 'khor gyi lha thams cad la mchod yon dang zhabs bsil yang phul nas/ las kyi dkyil 'khor las 'chad par 'gyur ba'i dam tshig gi phyag rgya rnams kyis rnam par snang mdzad la sogs pa thams cad bsgrubs la/ de nas chos dang las dang phyag rgya chen po rnams kyis rgyas btab ste dbang bskur ba'i phyag rgya rnams kyis dbang bskur la/ mchod pa thams cad kyis ji lta ba bzhin du mchod nas phyag byas te/ slob ma 'jug pa'i gnang ba nod par bya'o/ /zhes bya ba 'di ni dgug pa la sogs pa'i cho ga rgyas pa yin no/ /de ltar dgug pa la sogs pa'i cho ga rgyas pa de byas nas/ ji lta ba bzhin du bcug ste/ 'di skad du/ rigs kyi bu khyod kyis tshul 'di su la yang ma smra zhig /ces bya ba'o/ /'gro ba 'dul ba'i dkyil 'khor chen po'i 'jug pa'i cho gas bzhugs pa ni ji lta ba bzhin bcug ste/ zhes bya ba'i don yin no/ /'dir ji skad bshad pa'i mtshan nyid dang ldan pa'i pad+ma 'dab ma bzhi pa'i sna tshogs pad+ma slob ma la sbyin par bya zhing slob dpon bdag nyid kyang sna tshogs pad+mas dbang bskur bar bya ba gzhung 'dis bzung ba yin no/ /lhag ma ni 'gro ba 'dul ba'i dkyil 'khor chen po las bshad par shes par bya'o/ /de ltar slob dpon gyi las dang slob ma 'jug pa'i cho ga rgyas par bstan nas/ da ni 'gro ba 'dul ba'i dkyil 'khor du/ dam tshig dang dbang bskur ba thob pa rnams kyis de las bshad pa'i dngos grub kyi ye shes rnams slob dpon gyi bshad par bya'o/ /zhes bstan pa'i
- 87b
phyir/ de nas zhes bya ba la sogs pa gsungs pa ste/ de nas zhes bya ba ni de'i phyir te/ slob ma 'jug pa'i cho ga rgyas pa'i rjes thogs la ye shes bskyed cing bslab par bya'o/ /de nas sdig pa bshags pa'i ye shes bslab par bya'o/ /zhes bya ba ni/ ci 'dod ces dris pa dang/ sdig pa bshags pa'i ye shes bslab par 'tshal lo zhes smras pa/ 'jig rten dbang phyug phyag rgya che/ /shin tu mnyam gzhag bsgoms nas kyang/ /sdig rnams bshags nas myur bar ni/ /sdig pa kun las de 'dag 'gyur/ /zhes bya ba ni 'gro ba 'dul ba'i dkyil 'khor chen po las gsungs pa'i rang gi lha'i rnal 'byor byas la/ mdun du 'gro ba 'dul ba'i dkyil 'khor chen po dang/ gzungs dang/ chos dang/ las dang/ phyag rgya bzhi pa dang/ phyag rgya gcig pa'i dkyil 'khor rnams sam gcig la/ bsgrub par bya ba'i lha mdun du spyan drangs te/ mchod pa thams cad kyis yang dag par mchod la phyag bzhi byas nas/ phyis las kyi dkyil 'khor las gsungs pa'i 'gro ba 'dul ba'i phyag rgya chen po 'am/ de'i rigs kyi phyag rgya chen po bcings la de'i rig pa brjod cing 'gro ba 'dul ba yang yin no/ /zhes brjod la pus mo g.yas pa'i lha nga gnyis sa la gtsugs te/ sdig pa thams cad bshags par bya ste/ phyogs bcu'i sangs rgyas dang byang chub sems dpa' thams cad dang/ de bzhin gshegs pa dang/ rdo rje dang/ rin po che dang/ pad+ma dang/ las kyi rigs su bzhugs pa thams cad dang/ phyag rgya dang/ gsang sngags dang/ rig sngags kyi lha thams cad bdag la dgongs su gsol/ bdag ming che ge mo zhes bgyi ba phyogs bcu'i sangs rgyas dang byang chub sems dpa' thams cad dang de bzhin gshegs pa dang/ rdo rje dang/ rin po che dang/ pad+ma dang/ las
- 88a
kyi rigs su gzhug pa thams cad kyi spyan snga dang/ phyag rgya dang/ gsang sngags dang/ rig sngags kyi lha thams cad kyi spyan sngar sdig pa thams cad so sor bshags par bgyi'o/ /oM sarbba pA paM saM sho d+ha na ma hA pad+ma zhes bya ba de lta bas sdig pa thams cad dag par 'gyur ro/ /dam tshig ni mchog bcings te/ zhes bya ba ni/ las kyi dkyil 'khor thams cad las bshad pa'i sangs rgyas gtsug phud kyi dam tshig gi phyag rgya 'am/ de'i rigs kyi dam tshig gi phyag rgya bcings la/ de'i nga rgyal gyis gnas te/ phyogs bcu na bzhugs pa'i sangs rgyas dang byang chub sems dpa' zhes bya ba nas/ sdig pa thams cad bshags par bgyi zhes bya ba'i bar du snga ma bzhin du brjod pa dang/ oM sarbba A nan taryA sho d+ha na sa ma ya pad+ma zhes brjod pa de lta bus mtshams med pa rnams byang bar 'gyur ro/ /'jig rten dbang phyug ting 'dzin du/ /zhes bya ba la sogs pa ni pad+ma rigs kyi las kyi dkyil 'khor las gsungs pa'i pad+ma'i ting nge 'dzin nam/ de'i rigs kyi lha rnams kyi phyag rgya bcings te/ de'i nga rgyal gyis gnas nas sangs rgyas dang byang chub sems dpa' thams cad ces bya ba la sogs pa snga ma bzhin du brjod la/ oM sarbba pA paM pra Na sha na d+harmmA pad+ma zhes bya ba brjod pa de lta bus kyang/ sdig pa thams cad rab tu 'joms par 'gyur ro/ /mdor na gang yang rung ba yi/ /las kyi phyag rgya legs bcings la zhes bya ba la sogs pa ni las kyi dkyil 'khor las gsungs pa'i pad+ma nges pa'i dbang phyug gam/ de'i rigs kyi lha rnams kyi las kyi phyag rgya bcings la/ de'i nga rgyal gyis gnas te/ sangs rgyas dang byang chub sems dpa' thams cad ces bya ba la sogs pa snga ma bzhin du brjod cing/ oM sarbba karmmA a ba ra na bi shwa d+ha ya d+harmmA karmmA pad+ma zhes brjod pa de lta bus las kyi sgrib pa kun las rnam par dag par
- 88b
'gyur ro/ /de nas sgrib pa thams cad zad par 'gyur ba'i ye shes bslab pa'o/ /zhes bya ba la/ de la sgrib pa ni rnam par bzhi ste/ gzung ba dang 'dzin pa thams cad kyi bag chags kun gzhi'i rnam par shes pa dang lhan cig gnas ba'i rnam par smin pa'i sgrib pa dang/ bdag tu rmongs pa dang/ bdag tu nga rgyal ba dang/ bdag tu blta ba dang/ bdag tu chags pa rnams nyon mongs pa can gyi yid dang bcas pa'i nyon mongs pa'i sgrib pa dang/ 'dod pa la 'dun pa dang/ gnod sems dang/ rmugs pa dang gnyid dang/ rgod pa dang/ 'gyod pa dang/ the tshom rnams yid kyi rnam par shes pa dang/ mtshungs par ldan pa'i sgrib pa lnga po dang/ mtshams med pa lnga dang/ dam pa'i chos spong ba la sogs pa lus dang ngag gi las rnams mig dang/ rna ba dang/ sna dang/ lce dang/ lus kyi rnam par shes pa rnams dang/ mtshungs par ldan par gyur ba'i las kyi sgrib pa ste rnam pa bzhi yin no/ /sgrib pa rnam pa bzhi po de dag yongs su zad cing 'jig par 'gyur ba des nges pa'i ye shes de bslab po/ /'jig rten dbang gi phyag rgya cher/ /zhes bya ba la sogs pa ni snga ma bzhin du 'gro ba 'dul ba'i dkyil 'khor chen po las bshad pa'i 'gro ba 'dul ba'i rnal 'byor ram/ de'i rigs kyi rnal 'byor byas la/ phyis pad+ma rigs kyi las kyi dkyil 'khor las bshad pa'i 'gro ba 'dul ba'i phyag rgya chen po 'am/ de'i rigs kyi phyag rgya chen po bcings te/ de'i phyag rgya chen po'i rang bzhin nam/ de'i rigs kyi lha'i rang bzhin du bdag nyid rnam par bsams te/ phyogs bcu'i sangs rgyas dang byang chub sems dpa' thams cad ces bya ba la sogs pa snga ma bzhin du brjod cing/ Sh+yad rya Sh+yad d+ha/ zhes brjod nas/ bdag nyid gzugs brnyan dang mtshungs pa'i rnam par thar pa'i sgo stong pa nyid kyi rang bzhin
- 89a
du bsam pa dang/ mi bskyod pa bsgoms nas/ oM pA paM k+Sha ya pad+ma/ zhes bya ba'i snying po 'di brjod do/ /de ltar bzlas pas stong pa nyid kyi ting nge 'dzin gyi gnas su gyur pa'i las rnams dang rnam par smin pa'i sgrib pa'i rang bzhin rnam par dag par 'gyur ro/ /'jig rten dbang gi ting 'dzin gyis/ /las kyi dam tshig bcings nas ni/ /zhes bya ba la sogs pa ni snga ma bzhin du 'gro ba 'dul ba'i dkyil 'khor chen po las bshad pa'i gtsug phud sangs rgyas kyi rnal 'byor ram/ de'i rigs kyi lha'i rnal 'byor byas la/ phyis las kyi dkyil 'khor las bshad pa'i gtsug phud sangs rgyas kyi dam tshig gi phyag rgya 'am de'i rigs kyi dam tshig gi phyag rgya bcings te/ rang gi phyag rgya ni sems dpa' i gzugs bdag nyid du bsgoms nas/ nam mkha' dang mnyam pa'i ye shes rnam par thar pa'i sgo mtshan ma med pa'i bdag nyid bsgom zhing/ bud d+ha bud d+ha zhes bzlas nas sangs rgyas dang byang chub sems dpa' thams cad ces bya ba la sogs pa snga ma bzhin du brjod pa dang/ oM a ba ra Na k+Sha ya pad+ma zhes lan gsum du bzlas pa de lta bus ni nyon mongs pa'i yid dang bcas pa'i nyon mongs pa'i sgrib pa ji skad bshad pa'i chags pa dang/ nga rgyal dang/ rmongs pa dang/ lta ba la sogs pa'i las kyi sgrib pa rnams/ rnam par dag par 'gyur ro/ /'jig rten dbang por snyems zhugs/ zhes bya ba la sogs pa ni/ de bzhin du ting nge 'dzin pad+ma'i rnal 'byor ram/ de'i rigs kyi rnal 'byor byas la/ phyis las kyi dkyil 'khor las bshad pa'i phyag rgya chen po bcings te/ rang gi phyag rgya sems dpa' i gzugs kyi bdag nyid du bsgoms nas snga ma bzhin du sdig pa bshags pa byas te/ d+hi d+hi d+hi d+hi/ zhes bya ba'i yi ge d+hi bzhi brjod cing rang bzhin gyis rnam par
- 89b
dag pa'i shes rab kyi pha rol tu phyin pa la gnas pa'i sgo mngon du byas nas ni ba ra na k+Sha ya pad+ma zhes lan gsum brjod pa de lta bus 'dod pa la 'dun pa dang/ gnod sems dang/ rmugs pa dang/ gnyid dang/ rgod pa dang/ 'gyod pa dang/ the tshom gyi mtshan nyid sgrib pa rnams rnam par thar pa'i sgo smon pa med pa'i gnas su gyur pa'i sdig pa rnams so so kun tu rtog pa'i ye shes kyis spong bar 'gyur ba yin no/ /'jig rten dbang po ting 'dzin gyis/ /las kyi phyag rgya bcings nas kyang/ zhes bya ba la sogs pa la/ snga ma bzhin du 'jig rten dbang phyug gi rnal 'byor byas la las kyi dkyil 'khor las gsungs pa'i pad+ma nges pa'i dbang phyug gi las kyi phyag rgya dang/ de'i rigs kyi las kyi phyag rgya bcings te/ rang gi phyag rgya sems dpa' i gzungs kyi bdag nyid du bsgoms nas/ snga ma bzhin du sdig pa bshags pa byas te/ yi ge hi bzhi brjod do/ /bdag nyid rnam par thar pa'i sgo 'od gsal ba'i rang bzhin du bsgoms te/ oM karmmA k+Sh+Ta ya pad+ma/ zhes zlos shing/ chos thams cad rang bzhin gyis 'od gsal ba bsgoms la/ mtshams med pa la sogs pa'i las brtson 'grus kyi pha rol tu phyin pa'i bar du gcod pa rnam par dag par 'gyur ro/ /de ltar las kyi sgrib pa thams cad spyad ba byas nas/ bsod nams kyi tshogs yongs su rdzogs par bya ba'i phyir mchod pa bya ba yin no/ /snga ma bzhin du 'jig rten dbang phyug rnal 'byor gyis las kyi dkyil 'khor las gsungs pa'i 'gro ba 'dul ba'i phyag rgya chen po 'am/ de'i rigs kyi phyag rgya chen po bcings te/ rang gi phyag rgya sems dpa' i bdag nyid du bsams te/ yi ge oM lan bzhi brjod cing rin po che sna bdun la sogs pa'i pad+ma'i sprin sprul la/ oM aM ka ra pad+ma zhes brjod cing nges sangs rgyas dang byang chub sems dpa' thams
- 90a
cad la mchod pa bya'o/ /'jig rten dbang po ting 'dzin gyis/ /dam tshig mchog ni bcings nas kyang/ /zhes bya ba la sogs pa ni snga ma bzhin du 'jig rten dbang phyug gi rnal 'byor la gnas nas/ las kyi dkyil 'khor las gsungs pa'i gtsug phud sangs rgyas kyi dam tshig gi phyag rgya 'am/ de'i rigs kyi lha'i phyag rgya bcings la/ yi ge b+hu rnam pa bzhi las rin chen pad+ma la sogs pa'i mchod pa'i sprin snga ma bzhin du sprul/ oM b+hu ka ra pad+ma zhes brjod pas/ sangs rgyas dang byang chub sems dpa' thams cad des mchod par bya'o/ /'jig rten dbang por snyoms zhugs la/ zhes bya ba la sogs pa la/ snga ma bzhin du 'jig rten dbang po'i rnal 'byor la gnas nas/ las kyi dkyil 'khor las gsungs pa'i pad+ma'i ting nge 'dzin gyi phyag rgya chen po 'am/ de'i rigs kyi phyag rgya chen po bcings te/ rang gi phyag rgya sems dpa' i gzugs kyi bdag nyid du bsgoms la/ yi ge he rnam pa bzhi las rdo rje pad+ma la sogs pa'i mchod pa'i sprin sprul la/ oM he ka ra pad+ma zhes bya ba 'dis sangs rgyas thams cad la nges mchod par bya'o/ /pad+ma las kyi phyag rgya ni/ shin tu mnyam par bzhag bcings na zhes bya ba ni snga ma bzhin du 'jig rten dbang po'i rnal 'byor la gnas te/ las kyi dkyil 'khor las bshad pa'i pad+ma nges pa'i dbang phyug gi las kyi phyag rgya dang de'i rigs kyi las kyi phyag rgya bcings la/ rang gi phyag rgya sems dpa' gzugs kyi bdag nyid du bsgoms nas/ yi ge d+hi rnam pa bzhi las sna tshogs pad+ma la sogs pa'i mchod pa'i sprin sprul la/ oM d+hi ka ra ka ra ma pad+ma zhes brjod cing/ de bzhin gshegs pa thams cad lam chod par bya'o/ /de nas zhes bya ba ni mchod pa ye shes kyi rjes thogs la'o/ /dngos grub kyi don gyi ye shes ni dngos grub kyi ye shes te slob par bya ba'o/ /'jig
- 90b
rten dbang po'i phyag rgya cher/ zhes bya ba la sogs pa ni snga ma bzhin du 'gro ba 'dul ba'i rnal 'byor dang ldan pa'i/ de'i rigs kyi rnal 'byor dang ldan pas las kyi dkyil 'khor las gsungs pa'i 'gro ba 'dul pa'i phyag rgya chen po dang/ de'i rigs kyi phyag rgya chen po bcings la/ rang gi phyag rgya sems ma'i bdag nyid du bsgoms nas/ yi ge h+ri rnam pa bzhi bsams la/ de nas oM h+ri sid+d+hya zhes bya ba bzlas pas/ dngos grub 'grub par 'gyur ro/ /'jig rten dbang po'i ting 'dzin gyis/ /dam tshig mchog ni bcings nas ni/ /zhes bya ba la sogs pa la snga ma bzhin du 'jig rten dbang po'i rnal 'byor dang ldan pas las kyi dkyil 'khor las gsungs pa'i sangs rgyas gtsug phud dang/ de'i rigs kyi lha'i dam tshig gi phyag rgya bcings la/ yi ge sh+ri rnam pa bzhi las bdag nyid rang gi phyag rgya sems par bskyed la/ oM sh+ri sid d+hya zhes brjod pas/ rang gi dngos grub thob par 'gyur ro/ /'jig rten dbang po mnyam gzhag par zhes bya ba la sogs pa snga ma bzhin du 'jig rten dbang phyug gi rnal 'byor dang ldan pas las kyi dkyil 'khor las gsungs pa'i ting nge 'dzin pad+ma dang/ de'i rigs kyi lha rnams kyi phyag rgya chen po bcings la/ yi ge d+hig rnam pa bzhis rang gi phyag rgya sems dpa' i bdag nyid du khro ba dang ldan par bsams la/ de nas oM d+hig sid+d+hya zhes brjod cing rang bzhin gyis rnam par dag pa bsgoms par bya'o/ /de ltar rang bzhin gyis dag pa'i khro bo'i ting nge 'dzin gyi dngos grub 'grub par 'gyur ro/ /pad+ma chen po dge ba yi/ /las kyi phyag rgya bslab par bya/ /zhes bya ba ni/ las kyi dkyil 'khor las gsungs pa'i pad+ma nges pa'i dbang phyug gi las kyi phyag rgya 'am/ de'i rigs kyi lha rnams kyi phyag rgya bcings te/ rang gi phyag rgya sems dpa' i bdag nyid du byas nas/ yi ge si'i rnam pa bzhis 'od gsal pa'i rnam pa'i bdag nyid
- 91a
du bsgoms la/ oM si sid+hya zhes brjod cing bdag nyid bsgoms na dngos grub thob par 'gyur ro/ /de nas gzhan yang de nas zhes bya ba la sogs pas/ las kyi gsang ba'i phyag rgya'i ye shes bstan par bya'o/ /gsang bas na gsang ba ste/ sems kyi bya ba gang yin pa'o/ /'jig rten dbang po snyoms zhugs la/ zhes bya ba ni pad+ma rigs kyi lha'i rnal 'byor ro/ /bud med kun la rtse byed cing/ /zhes bya ba ni rang gi rig pa'i lha'o/ /a ho su ka zhes brjod cing sangs rgyas thams cad 'jig rten dbang phyug gi rnal 'byor pas mchod par bya'o/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyis pad+ma'i rigs kyi las kyi dkyil 'khor las bshad pa'i phyag rgya chen po bcings te/ las kyi dkyil 'khor las bshad pa'i rig pa dang rang gi rig pa'i lha mo sprul la/ bsdu ba la sogs pa byas nas/ mchod pa thams cad kyis yang dag par mchod de/ bdag nyid gzugs brnyan dang mtshungs pa dang/ de yang gzugs brnyan dang mtshungs par bsgoms la a ho su ka zhes brjod cing/ de dang lhan cig pa'i sbyor ba bsams te/ de nas sangs rgyas dang byang chub sems dpa' thams cad kyang de'i rang bzhin du bsams la/ oM sarbba pU dza pra barta na ya maM zhes bya ba 'di brjod do/ /de nas ji srid du 'di nyid brjod cing thun bzhi'i sbyor bas de srid du bsgoms na/ de'i rang bzhin mngon sum lta bur 'gyur ro/ /de nas zla ba nya la mtshan thog thag bsgoms na 'grub par 'gyur ro/ /rig pa de yang mngon du 'ongs nas lhan cig mnyam par sbyor ba byas na/ de'i lus la 'jug par 'gyur ba dang/ de nas 'di 'jig rten dbang phyug dang 'dra bar 'gyur ro/ /'jig rten dbang por snyoms zhugs la/ bud med kun dang rtse byed cing/ zhes bya ba ni/ snga ma bzhin du thams cad byas
- 91b
nas/ rang gi rig ma dang lhan cig tu mnyam par sbyor bar bsgoms la/ pri ya pri ya brjod cing de bzhin gshegs pa thams cad kyang de'i rang bzhin du bsams te/ /rig pa 'dzin par gsum/ oM pri ti ka ra pad+ma ho zhes brjod nas de bzhin gshegs pa thams cad nam mkha' mnyam par lhag par mos shing dga' ba bskyed la/ phyis ji srid du bdag nyid rig pa dang lhan cig ba'i sbyor ba dang ldan pas de srid du bsgoms ni/ de'i bdag nyid mngon sum lta bur mthong bar 'gyur ro/ /de nas bsgrub pa de'i rig pa'i lha mo mngon sum du 'ongs nas lha gcig tu mnyam par sbyor ba byas nas/ de lus la 'jug par 'gyur ro/ /skad cig ma de nyid kyi tshe 'di 'jig rten dbang phyug dang 'dra bar 'gyur ro/ /'jig rten dbang por snyoms zhugs la/ bud med kun dang rtse byed cing/ / zhes bya ba la snga ma bzhin du cho ga thams cad rjes su spyad la/ a hor ti zhes brjod cing lha mo dang lhan cig mnyam par sbyor ba bsgoms la/ de bzhin gshegs pa thams cad kyang de'i rang bzhin du bsgom mo/ /de nas snang brnyan tsam gyi rnal 'byor la gnas te/ chos thams cad rang bzhin gyis rnam par dag pa'o/ /zhes bsgom la/ o ra ti pra darta na pad+ma zhes brjod cing/ de ji srid du bdag nyid dang lhan cig tu mnyam par sbyor ba'i bsgom pa dang ldan pa de srid du bsgoms na/ de'i rang bzhin du bdag nyid mthong bar 'gyur ro/ /de nas snga ma bzhin du bsgrub par bya'o/ /'jig rten dbang por snyoms zhugs zhes bya ba la sogs pa ni/ snga ma bzhin du thams cad byas la/ chos thams cad rang bzhin gyis rnam par dag pa 'od gsal ba'o/ /zhes bya ba bsgom zhing/ rig pa'i lha mo dang lhan cig mnyam par sbyor bar bsgoms nas/ su kha su kha zhes brjod cing/ de bzhin gshegs pa thams cad kyang de'i rang bzhin du bsam par bya'o/ /oM mahA
- 92a
su kha pad+ma d+h+ri TTa haM zhes lan gsum brjod cing/ de bzhin gshegs pa thams cad la de'i bde bas yang dag par mchod la/ phyis gang gi tshe snga ma bzhin du bdag nyid dang lhan cig par bsgoms pa de'i tshe mngon sum lta bur de'i rang bzhin du bdag nyid mthong bar 'gyur ro/ /de nas snga ma bzhin du bsgrub par bya'o/ /'gro ba 'dul ba'i las kyi dkyil 'khor las bshad pa'i dngos grub rnams ni/ 'gro ba 'dul ba'i dkyil 'khor chen po las bshad pa'i snga ma bzhin du rang gi lha'i rnal 'byor gyi phyag rgya bzhi po rnams byes la/ phyis 'gro ba 'dul ba'i las kyi dkyil 'khor las gsungs pa'i/ phyag rgya chen po la sogs pa'i phyag rgya bcings te/ bsgrub par bya'o zhes bya ba bstan pa'i phyir/ de nas zhes bya ba la sogs pa gsungs te/ de nas zhes bya ba ni/ ye shes bslab pa bstan pa'i rjes thogs nyid la'o/ /las kyi dkyil 'khor gyi phyag rgya chen po ni/ las kyi phyag rgya chen po de dang de bcing ba'i mtshan nyid do/ /ji lta ba bzhin du bslab par bya'o/ /zhes bya ba ni mna'i snying po byin nas so/ /'di skad ston pa yin te/ rang gi mtshan ma dang bcas pa'i thal mo sbyar la/ snying gar rtsibs logs rgyab sbyor ba/ /dpral ba la sogs de bzhin du/ /kha dang rna ba mgo lhag pa/ /spyi bo phrag pa kha rkeng bzhag /rig pa 'dis gnas ji lta ba bzhin du bzhag pa ni/ pad+ma sangs rgyas la sogs pa'i lha mo nas/ pad+ma khu tshur gyi lha mo'i mthar thug pa'i lag pa bsgyur pa'i tshul gyis mtshon pa ni/ sems ma bcu drug gi phyag rgya chen por 'gyur ro/ /lhag ma rnams kyis ni 'gro ba 'dul ba'i gzungs kyi dkyil 'khor las bshad pa nyid yin bar shes par bya'o/ /de nas zhes bya ba ni dam tshig gi phyag rgya ston te/ pad+ma'i thal mo sbyar te/ zhes bya ba ni 'gro ba 'dul ba'i gzungs kyi dkyil 'khor gyi rnam par snang mdzad kyi
- 92b
gnas kyi phyag rgyar bstan pa'i pad+ma'i thal mo sbyar ba mchog ces bya ba'i de nyid 'dir sangs rgyas pad+ma la sogs pa'i lha mo nas/ pad+ma'i khu tshur gyi lha mo'i mthar thug pa rnams kyi dam tshig gi phyag rgyar 'gyur ro/ /las kyi dkyil 'khor tshul gyis ni zhes bya ba ni ji ltar rdo rje dbyings kyi las kyi dkyil 'khor du rdo rje bsdams pa'i phyag rgya bcings nas/ gnas rnams kun tu bzhag par byas na dam tshig gi phyag rgyar 'gyur ba de bzhin du 'dir yang/ thal mo sbyar ba'i phyag rgya gnas rnams kun tu bzhag par byas na lha mo thams cad kyi dam tshig gi phyag rgyar 'gyur ro/ /'di skad ston pa yin te/ ji skad bshad pa'i thal mo sbyar ba bcings la/ snying gar rtsibs logs rgyab sbyor ba/ /dpral ba la sogs pa de bzhin du/ /kha dang rna ba mgo lhag pa/ /spyi bo phrag pa kha rkad bzhag /zhes bya ba'i go rim 'dis sangs rgyas pad+ma'i lha mo nas brtsams nas/ pad+ma khu tshur ma'i mthar thug pa bcu drug gi dam tshig gi phyag rgyar 'gyur ro/ /lhag ma rnams kyi ni 'gro ba 'dul ba'i gzungs kyi dkyil 'khor las bshad pa'i dam tshig gi phyag rgya nyid yin par shes par bya'o/ /gzhan yang de nas zhes bya ba la sogs pa ni/ pad+ma rigs kyi dkyil 'khor gyi chos kyi phyag rgya de ni/ tra zhes bya bar brjod par bya'o/ /rdo rje dbyings kyi las kyi dkyil 'khor las bshad pa'i chos kyi phyag rgya nyid la yi ge tra kun gyi mthar sbyar bar shes par bya'o/ /zhes bya ba'i don no/ /las kyi phyag rgya gnyis byas la/ /las kyi phyag rgya yang dag sbyar/ /zhes bya ba ni rked pa'i gnas su thal mo sbyar ba gnyis su byas nas/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya ste/ sangs rgyas byang chub sbyin pa'o/ /zhes bya ba la sogs pa'i tshul gyis/ 'gro ba 'dul ba'i gzungs kyi dkyil
- 93a
'khor las gsungs pa'i go rim gyi rnam par snang mdzad nas brtsams nas/ pad+ma 'bebs pa'i bar gyi mthar thug pa'i lha mo thams cad kyi las kyi phyag rgyar 'gyur ro/ /de kho na nyid bsdus pa'i 'grel pa de kho na nyid snang bar byed pa las/ pad+ma rigs kyi las kyi dkyil 'khor gyi 'grel pa rdzogs so// //de ltar rgyas pa la dga' ba'i sems can rjes su gzung ba bya ba'i phyir/ pad+ma rigs kyi rang bzhin gyi dkyil 'khor chen po dang/ gzung dang/ chos dang/ las kyi dkyil 'khor rnams bstan nas/ da ni bar ma la dga' ba'i sems can rjes su gzung bar byed pa'i 'gro ba 'dul ba'i dkyil 'khor chen po la sogs pa rnam pa bzhi bsdus par gyur pa 'gro ba 'dul ba'i phyag rgya bzhi pa'i dkyil 'khor ni/ de nas zhes pa la sogs pa gsungs pa yin te/ de nas zhes bya ba'i sgra ni de ma thag pa ste/ dang par sbyor ba'i ting nge 'dzin gyi rjes thogs la zhes bya ba'i tha tshig go /'dir dang por sbyor ba'i ting nge 'dzin no/ 'gro ba 'dul ba'i dkyil 'khor chen po las bshad pa'i dang po sbyor ba nyid yin no/ /bcom ldan 'das zhes bya ba ni rnam par snang mdzad do/ /'gro ba'i 'dul ba'i dkyil 'khor rnam pa bzhi la bltos nas yang zhes bya ba smos so/ /rdo rje chos kyi dam tshig gi phyag rgya zhes bya ba la/ shes rab kyi pha rol du phyin pa ni rdo rje chos so/ /de'i dam tshig ni pad+ma rigs kyi rang bzhin te/ pad+ma'i rigs kyi phyag rgya bzhi pa'i dkyil 'khor ro/ /de nyid kyi phyag rgya ni sems can gyi khams la gzugs brnyan gyi tshul gyis rgyas 'debs pa'i phyir ro/ /de gang gis byin gyis brlabs shing bskyed pa'i ting nge 'dzin te/ ming de skad ces bya ba'i ting nge 'dzin de la snyoms par zhugs nas phyis 'chad par 'gyur ba'i phyag rgya ji skad du bshad pa bskyed pa'i snying po
- 93b
'di gsungs pa ni bshad pa'o/ /'di skad ston pa yin te/ bcom ldan 'das rnam par snang mdzad pad+ma'i rigs kyi phyag rgya bzhi pa'i dkyil 'khor sprul pa'i phyir/ 'phags pa spyan ras gzigs dbang phyug gi thugs ka nas gnas pa'i pad+ma'i?? la thugs rtse gcig tu mdzad nas snying po 'di gsungs so/ /de nas 'phags pa spyan ras gzigs dbang phyug gis bcom ldan 'das rnam par snang mdzad kyi pad+ma'i rigs kyi phyag rgya bzhi pa'i dkyil 'khor sprul nas bcom ldan 'das rnam par snang mdzad la phul lo/ /de ltar phyag na rdo rje dang/ rdo rje snying po dang/ rdo rje spyan dang/ rdo rje sna tshogs kyi phyag rgya'i snying po rnams gsungs pa dang/ bcom ldan 'das 'phags pa spyan ras gzigs dbang phyug gis 'gro ba 'dul ba dang/ gtsug phud sangs rgyas dang/ pad+ma'i ting nge 'dzin dang/ pad+ma nges pa'i dbang phyug rnams kyis phyag rgya bzhi pa'i dkyil 'khor thugs ka'i pad+ma las sprul nas/ de bzhin gshegs pa thams cad la phul lo/ /zhes shes par bya'o/ /de la de nas yang bcom ldan 'das zhes bya ba nas brtsams te/ oM sarbba mu khi hUM zhes bya ba'i gzhung 'di tsam gyis ni/ pad+ma'i rigs kyi phyag rgya bzhi pa'i dkyil 'khor rgyal po mchog ces bya ba'i ting nge 'dzin lnga pa gsungs pa yin no/ /de na bsdu ba dang byin gyis brlab pa la sogs pa ni pad+ma'i rigs kyi phyag rgya bzhi pa'i las kyi rgyal po mchog ces bya ba'i ting nge 'dzin lnga snga ma bzhin du shes par bya'o/ /'gro ba 'dul ba'i dum bur gsungs pa'i dngos grub rnams ni pad+ma rigs kyi phyag rgya bzhi pa'i dkyil 'khor du dam tshig dang dbang bskur bas thob pas bsgrub par bya'o/ /zhes don bstan pa'i phyir/ de nas zhes bya ba la sogs pa slob dpon gyi las kyi cho ga ngo slob ma 'jug pa'i cho ga rgyas pa gsungs pa yin no/ /de nas zhes bya ba'i sgra ni
- 94a
skabs su bab pa'o/ /'phags pa spyan ras gzigs kyi dbang po ni 'gro ba 'dul ba'o/ /'di zhes bya ba ni blo la gnas pa'o/ /phyag rgya bzhi pa'i dkyil 'khor ni pad+ma'i rigs kyi rang bzhin te/ bcom ldan 'das rnam par snang mdzad kyis gsungs pa ni bshad pa'o/ /de nas zhes bya ba ni de ma thag pa ste/ 'gro ba 'dul ba'i dkyil 'khor chen po las bshad pa'i 'gro ba 'dul ba'i rnal 'byor dang/ de las bshad pa'i rnal 'byor chen po byas la/ snga ma bzhin du phyag rgya bzhi pa'i dkyil 'khor ji srid mngon sum du mthong bar gyur pa de srid du bsgom par bya'o/ /de nas de'i rjes la dkyil 'khor 'di bri bar bya'o/ /de nas zhes bya ba ni rgyu de'i phyir zhes bya ba'i don no/ /gang gi phyir phyag rgya bzhi pa'i dkyil 'khor du zhugs pa med na bar ma la dga' ba'i sems can rjes su gzung par mi 'gyur ba de'i phyir rab tu bshad bya ba/ phyag rgya bzhi mchog dkyil 'khor te zhes bya'o/ /rdo rje dbyings dang 'dra ba dang zhes bya ba ni/ sprul pa'i phyag rgya bzhi pa'i dkyil 'khor dang 'dra ba'o/ /dkyil 'khor chen po 'dra bar gyi zhes bya ba ni/ 'gro ba 'dul ba'i dkyil 'khor chen po dang 'dra ba'o/ /phyag rgya'i dkyil 'khor dbus su ni/ /sangs rgyas gzugs ni bzhag par bya/ /de yi phyogs rnams thams cad du/ /rdo rje pad+ma la sogs bri zhes bya ba ni 'gro ba 'dul ba'i dkyil 'khor chen po las bshad pa'i bri ba'i cho gas bcom ldan 'das rnam par snang mdzad pad+ma dang/ seng ge'i gdan la phyag rgya bzhi pa'i dkyil 'khor las bshad pa'i snying pos bri bar bya'o/ /de'i shar phyogs kyi cha las 'gro ba 'dul ba'i gnas su pad+ma dang/ zla ba'i gdan la pad+mas mtshan ba'i rdo rje rtse lnga pa/ gtsug phud sangs rgyas kyi gnas su pad+mas mtshan pa'i yid bzhin gyi nor bu/ pad+ma ting nge 'dzin
- 94b
gyi gnas su rdo rje pad+ma 'dab ma bcu drug pa/ pad+ma nges pa'i dbang phyug gi gnas su sngon po dang/ ser po dang/ dmar po dang ljang gu'i kha dog dang ldan pa'i 'dab ma bzhi pa lte ba ni dkar po ste/ 'di ni pad+ma 'dab ma bzhi pa zhes brjod do/ /'dir 'gro ba 'dul ba las bshad pa'i snying po nyid kyis bri bar bya ste/ de skad du sangs rgyas phyogs kun bri ba ni/ /pad+ma'i gnas su gnas pa yi/ /rdo rje rin chen pad+ma dang/ /sna tshogs pad+ma de bzhin no/ /zhes gsungs so/ /de la snying po ni 'di yin te/ oM hUM d+he kre zhes bya ba 'di nyid gzung bar bya'o/ /de nas zhes bya ba ni de ma thag pa ste/ 'gro ba 'dul ba'i dkyil 'khor chen po las bshad pa'i slob dpon gyi cho gas slob dpon nyid 'jug pa'i cho ga rjes su bcad la bsdu ba byas te/ de nas mtshan rgya rtsa brgyad pas bstod pa'i rjes thogs nyid la phyag rgya bzhi pa'i dkyil 'khor 'dir dgug pa la sogs pa'i cho ga rgyas pa bya'o/ /de la rta mgrin gyi lcags kyu'i las kyi phyag rgya snga ma bzhin du dgug pa la sogs pa smos pa ni/ don yod zhags pa'i las kyi phyag rgyas gzhug pa nas brtsams nas/ slob ma gzhugs pa'i gnang ba nod pa'i mthar thug pa'i cho ga rgyas pa shes par bya'o/ /dgug pa dang por byas pa gang yin pa nyid ni dgug pa la sogs pa'i cho ga rgyas pa bya'o/ /ji lta ba bzhin du bcug ste/ 'di skad du zhes bya ba ni/ 'gro ba 'dul ba'i dkyil 'khor chen po'i tshul gyis slob ma bcug la/ 'di khyod kyis su la yang ma brjod cig ces brjod la/ lhag ma ni 'gro ba 'dul ba'i dkyil 'khor chen po las bshad pa'i cho gas shes par bya'o/ /de ltar slob dpon gyi las dang/ slob ma 'jug pa'i cho ga rgyas pa bstan nas/ da ni 'gro ba 'dul ba'i phyag rgya bzhi pa'i dkyil 'khor du dam tshig dang dbang bskur ba thob pa rnams 'gro ba 'dul ba'i dum
- 95a
bu thams cad las bshad pa'i dngos grub rnams slob dpon gyis bstan par bya'o zhes bya ba'i don 'di bstan pa'i phyir/ de nas zhes bya ba la sogs pa gsungs te/ de nas zhes bya ba ni slob ma 'jug pa'i dus kyis/? ye shes bskyed par bya ba'i bsgom pa'i gdams ngag sbyin par bya'o/ /lag pa pad+ma gzung nas kyang/ /zhes bya ba ni/ shing las byas pa'i pad+ma 'dab ma bcu drug pa de gzung ngo/ /bsgoms te legs par rnam par bya/ zhes bya ba ni/ ting nge 'dzin gyi stobs kyis pad+ma'i dri'i de bzhin gshegs pa thams cad la mchod na 'grub par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i cho ga rang gi rnal 'byor byas la/ phyis 'gro ba 'dul ba'i phyag rgya chen pos pad+ma blangs te/ oM gand+ha pU dza gra g+hya sA d+ha ya h+ri/ zhes zlos shing ji srid du nyin re zhing thun bzhi'i sbyor bas mngon sum du mthong bar gyur pa de srid kyi bar du bsgoms na/ pad+ma de las gdon mi za bar lha'i pad+ma'i dri bro bar 'gyur ro/ /de nas pad+ma de ting 'dzin gyi sbyor bas bsnams na/ de bzhin gshegs pa thams cad spyan ras gzigs dbang phyug tu gyur nas/ pad+ma ched du non par bsnams te/ gang gi tshe mngon sum du mthong bar gyur pa de srid kyi bar du bsgoms na des 'jig rten dbang phyug dang mtshungs pa'i dngos grub du 'gyur ro/ /mnyam par bzhag pas gtsud phud dbus/ /sangs rgyas gzugs ni rab bzhag pa/ /zhes bya ba ni 'jig rten dbang phyug ral pa'i dbus su de bzhin gshegs pa 'od dpag tu med pa rab tu bzhag par bya'o/ /mnyam par bzhag pa ni sems g.yeng ba med pa'o/ /'jig rten thams cad dbang du byed ces bya ba ni 'jig rten gyi khams thams cad du'o/ /ji ltar zhe na/
- 95b
'gro zhing bsgyings pa bstan na ni zhes bya ba smos te/ de'i nga rgyal bsgom zhing bsgyings pas phyogs bcu rang gi gzugs kyi rjes su 'brang ba dang bcas pa ston pa'o/ /'di skad ston pa yin te/ snga ma bzhin du dkyil 'khor chen po las bshad pa'i tshul gyis 'phags pa spyan ras gzigs dbang phyug gi rnal 'byor byas la phyis/ oM pad+ma mu ku ta ta thA ga ta ba shi ku ru sarbba na lo ke shwa ra a be sha karmmA ya ho/ /zhes zlos shing pad+ma'i cod pan gyis dbus su gtsug phud sangs rgyas mngon sum du mthong bar gyur pa de srid kyi bar du bsgom par bya'o/ /de nas de'i ngo bor bstan par byas la/ de'i ngo bor des 'jig rten gyi khams thams cad de'i rang bzhin du bya'o/ /pad+ma'i pad+ma gzugs chen por zhes bya ba ni bcom ldan 'das ting nge 'dzin pad+ma ni pad+ma yin la/ de'i pad+ma ni pad+ma'i pad+ma'o/ /rdo rje pad+ma 'dab ma bcu drug pa kha dog dmar po pad+ma des mtshan pa byas pa ni bskyed pa'o/ /gang gis bya zhe na/ ting nge 'dzin gyis zhes bya ba smos te bsgoms pa sprul pa'o/ /ji bzhin tshul du 'dug nas su/ zhes bya ba ni lha'i rnal 'byor byas nas so/ /yid kyis de ni bsad par bya/ /zhes bya ba ni ting nge 'dzin gyis bskyed pa'i pad+ma des 'gro ba thams cad yid kyis bsad par bya'o/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i ting nge 'dzin pad+ma'i rnal 'byor byas la/ oM pad+ma pad+ma ma ra ya sarba pra tya ar thi kAn sa ma di dz+nyA na d+h+rig /zhes zlos shing rang gi lag par rnal 'byor gyi pad+ma bsams la/ de nas snying po 'di brjod par bya'o/ / bdag nyid pad+ma khro bo'i ting nge 'dzin ji srid mngon sum du mthong bar gyur pa de srid kyi bar du bsgoms la/ de nas gang gi tshe rang gi lus kyi mdun du de bzhin gshegs pa la sog pa 'jig rten gyi khams thams cad du spros pa de'i tshe/ nyin re
- 96a
zhing de'i rang bzhin du bsgoms pa'i stobs kyis mthong bar 'gyur ro/ /de nas mthar mtshan thog thag pad+ma khro bo'i ting nge 'dzin bsgoms na 'grub par 'gyur te/ pad+ma'i ting nge 'dzin dang mtshungs par 'dod chags la sogs pa dang bral bar 'gyur ro/ /de bas na gang gi tshe na pad+ma des sems can 'ga' zhig la reg pa de'i tshe yang pad+ma'i khro bo'i ting nge 'dzin gyi stobs kyis sgrib pa thams cad dang bral bar 'gyur ro/ /de ltar na snga ma'i gnas skabs las 'phos pa las bsad par bya zhes bya ba'i tha tshig go /pad+ma'i rgya gram nyid dang ni/ zhes bya ba ni/ ji skad bshad pa'i mtshan dang ldan pa'i sna tshogs pad+ma'i rgya gram mo/ /shing la sogs pa la pad+ma rgya gram gyi bzo byas la lag pas gzung nas/ de bskor bas dbab pa la sogs pa'i las thams cad byed par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i cho gas pad+ma nges pa'i dbang phyug gi rnal 'byor byas la/ oM bi sha pad+ma sarbba karmmA ka ro b+ha ba la li'u le le li hUM phaT/ ces brjod cing ji skad bshad pa'i pad+ma des pa'i dbang phyug gi las kyi phyag rgya gzung la/ gang gi tshe snying po 'di zlos shing/ zla ba gcig gam zla ba drug gi bar du byas nas/ mthar mtshan thog thag bsgoms na/ de nas de'i tshe pad+ma de 'grub par 'gyur ro/ /de nas las kyi dus su snga ma bzhin du lha'i rnal 'byor byas la/ bden pa'i byin gyis brlabs kyis pad+ma de lan gsum mngon par bzlas par bskor na/ snod la gzhug pa la sogs pa'i las thams cad bsam pa tsam gyis 'grub par 'gyur ro/ /de nas phyag rgya gsang ba'i ye shes bslab po/ /zhes bya ba la gsang ba'i dam tshig dang chos dang las la sogs pa'i mtshan nyid kyis bya'o/ /chags pas dgos pa thams cad ni/ zhes bya ba 'di
- 96b
ni 'di gsang ba'o/ /de nyid kyi phyag rgya der nge pa'i ye shes te bslab pa ni bstan pa'o/ /'di nyid 'chad pa ni chag pa zhes bya ba la sogs pa ni/ chos bdag med pa'i chags pas chags pa mnga' ba ni gsang ba'i dam tshig ste/ chos dang las la sogs pa'i phyag rgya thams cad bsgrub cing bskyed par byed pa'o/ /ci'i phyir zhe na/ gang phyir 'dab par mi 'gyur ba/ /phyag rgya dam tshig zhes su bsgrags/ /zhes bya ba'o/ /bsgrub par dka' ba'i phyag rgya yang/ /rnal 'byor gyis ni myur du 'grub/ / ces bya ba ni/ shin tu chags pa'i bsgom dgos pa'i rnal 'byor 'di ni bsgrub par dka' ba ste/ gdu bya ma yin pa rigs med pa'i bsgrub pa pos kyang phyag rgya chen po dang/ dam tshig dang/ chos dang/ las kyi phyag rgya rnams shin tu chags pa'i rnal 'byor bsgom pa'i stobs kyis skad cig gis ni myur ba nyid du 'grub pa'o/ /de la 'dir phyag rgya thams cad kyi dam tshig ni 'di yin te/ bdag nyid chen po gang dag gis/ /phyag rgya gang dang gang bcings pa/ /bzlas pa'i snying po'i don ni/ /der ni bdag nyid bsgom par bya/ /de la gsang ba'i 'di yin te/ /rang gi dbang po bshig nas ni/ /rdo rje bcings pa bzung nas ni/ /de yis phyag rgya gang reg pa/ /de ma thag tu de dbang 'gyur/ /de la phyag rgya thams cad kyi chos ni 'di yin te/ /rdo rje phra mo'i tshul sbyar la/ /ye shes phyag rgya bcing bar bya/ /cho ga 'di yi tshul gyis ni/ /ye shes phyag rgya dbang du 'gyur/ /de la phyag rgya kun gyi las ni 'di yin te/ glu dang gar dang zas dang po/ /spyod pa la sogs bde ba rnams/ /sangs rgyas rnams la phul na ni/ /las kyi phyag rgya dbang du 'gyur/ /de nas dkyil 'khor thams cad bsgrub pa'i gsang ba'i phyag rgya ba slab par bya'o/ /mtshan ma brtan par rang gyur nas/ /dkar po gyur pa'i ras la gnas/ /mtshan ma mchod rten byin brlabs te/ /
- 97a
bdag nyid 'gro ba 'dul bar bsgom/ /zhes bya ba la sogs pa'o/ /'di skad ston pa yin te/ gang rgya che bas bsgrags pa'i 'gro ba 'dul ba'i ting nge 'dzin rnam pa gsum bsgom pa'i dkyil 'khor gyi brtul zhugs spyod pa la spro ba med pa gang yin pa des/ nyin re bzhin du khras bya ba dang/ bdag nyid bsrung ba mngon du 'gro bas sdom pa gzung ba dang/ phyag rgya dgrol ba dang sdig pa dral la/ de nas 'gro ba 'dul ba'i dkyil 'khor chen po las bshad pa'i cho gas 'gro ba 'dul ba'i phyag rgya chen po bcings te/ snying po bzlas la pad+ma'i rgyu'i las kyi phyag rgyas 'gro ba 'dul ba'i dkyil 'khor chen po sprul la/ bdag nyid 'gro ba 'dul ba'i gzugs su byin gyis brlabs la/ rang gi snying gar gnas pa'i dkyil 'khor der rdo rje pad+ma'i dam tshig gi phyag rgya bcings/ ji lta ba bzhin du 'jug par bya'o/ /zhugs nas me tog gi phreng ba rang gi spyi bor dor ro/ /de nas phreng ba ji lta ba bzhin du blangs te/ rang gi mgo la phreng ba'i dbang bskur ba'i sngags kyis bcings nas/ dngos grub kyi pad+ma'i brtul zhugs blang ba'i mthar thug pa'i rang gi cho ga rjes su spyad la/ de nas dkyil 'khor de'i snying ga'i zla bar zhu bar bsams te/ rnal 'byor chen po byas la/ rang gi snying gar stong gsum gyi stong chen po'i sangs rgyas kyi zhing gi tshad dang mnyam pa'i zla ba'i dkyil 'khor de'i steng du/ oM badzra d+harmmA pad+ma hUM/ oM badzra dzdza/ oM badzra ratna mu ku Te hUM oM d+harmmA padme d+hi/ oM sarbbA mu khe hUM/ zhes bya ba'i pad+ma rigs kyi snying po 'di rnams dang/ rnam par snang mdzad dang/ rdo rje sems dpa' dang/ nam mkha' i snying po dang/ rdo rje spyan dang/ rdo rje sna tshogs kyi phyag rgya chen po dang bcas pa rnams kyis/ 'gro ba 'dul ba'i dkyil 'khor chen po rnam par snang mdzad pa nas/ pad+ma
- 97b
'bebs pa'i mthar thug ba sprul la/ 'gro ba 'dul ba'i dkyil 'khor chen po las bshad pa'i snying po tshig tsam gyis rang rang gi gnas su bzhag la/ rnam par snang mdzad la sogs pa nas pad+ma 'bebs pa'i mthar thug pa rnams sku dang gsung dang/ thugs rdo rje'i rang bzhin du bdag nyid kyis bsams te/ snying po 'di nyid lan gsum brjod par bya'o/ /oM badzra At+ma ko haM/ de nas rang bzhin gyis rnam par dag par bdag nyid bsgoms la/ oM swa b+hA ba shud+d+honya haM/ de nas bdag med pa'i mnyam pa nyid kyis rnam par snang mdzad la sogs pa nas/ pad+ma 'bebs mthar thug pa dang/ sems can thams cad bdag nyid mnyam pa nyid du bsgoms la/ oM sarbba sa mo haM/ oM sa d+ha/ a pad+ma rA ga sa ma ya a/ zhes lan gsum brjod do/ /de nas 'gro ba 'dul ba'i rang bzhin gyi dkyil 'khor ni bdag nyid rang yin no/ /zhes pa rgyal bskyed la oM hUM h+ri ho/ /zhes brjod cing/ 'gro ba 'dul ba'i dkyil 'khor chen po'i rang bzhin du thun bzhi'i sbyor bas zla ba gcig gam zla ba drug gam/ lo gcig tu 'gro ba 'dul ba'i dkyil 'khor chen po gzugs su bdag mthong bar gyur pa de srid kyis bar du bdag nyid kyis bsgom par bya'o/ /de ltar 'gro ba 'dul ba'i dkyil 'khor chen po rab tu bsgrubs nas/ phyis ting nge 'dzin rnam pa gsum sgom pa/ sngon du 'gro ba zhag bdun byas nas 'gro ba 'dul ba'i dkyil 'khor chen po bsgom nas bri bar bya'o/ /gal te 'gro ba 'dul ba'i gzungs kyi dkyil 'khor bsgrub par 'dod na / de nas snga ma bzhin du snying po lngas gzungs kyi dkyil 'khor sprul la/ gzungs kyi rig pa rnams kyis ji lta ba'i gnas rnams su gzungs rnams bzhag la/ oM badzra At+ma ko haM/ oM swa b+hA ba shud+d+honya haM/ oM sarbba sa mo haM/ oM sA d+ha
- 98a
ya ma ra ga sa ma ya a/ zhes bya ba snga ma bzhin du brjod pa dang/ 'gro ba 'dul ba'i gzungs kyi dkyil 'khor gyi rang bzhin du bdag nyid bsgoms la 'di skad ces brjod do/ /'gro ba 'dul ba'i gzungs kyi dkyil 'khor gyi rang bzhin ni bdag rang yin no zhes bya'o/ /de nas gzungs de re re dang yang lhan cig bdag nyid dang/ tha mi dad par bsams te/ re re zhing bzlas pa khri byas pa de lta bus kyang gzungs kyi dkyil 'khor 'grub par 'gyur ro/ /de nas snga ma bzhin du bri bar bya'o/ /gal te chos kyi dkyil 'khor bsgrub par 'dod na/ snga ma bzhin du thams cad byas la/ sngar bshad pa'i snying po dang/ rang gi snying pos chos kyi dkyil 'khor sprul te/ rdo rje phra mo'i sbyor bas snying ga nas gteg nas sna bug nas phyung nas/ sna'i rtse mor bsam par bya'o/ /de nas chos kyi dkyil 'khor las gsungs pa'i sngags kyi rnam par snang mdzad la sogs pa nas/ pad+ma 'bebs pa'i mthar thug pa rnams rang rang gi gnas su dgod par bya'o/ /snga ma bzhin du snying po gsum brjod cing/ don rnam pa gsum bsgoms la/ d+harmmA maN+Dal a swa b+hA ba taM swa yaM/ zhes kyang de skad du brjod par bya'o/ /de nas chos kyi dkyil 'khor las gsungs pa'i 'gro ba 'dul ba'i sngags brjod cing/ zla ba gnyis sna'i rtsi mor chos kyi dkyil 'khor bsgom par bya'o/ /nyin re zhing skyo bar gyur na sna bug nas rang gi snying gar bcug la/ badzra dri d+ha tiSh+Tha zhes bya ba brtan par bya'o/ /yang zla ba gcig spro ba dang bsdu ba'i sbyor bas bsgom pa de lta bus chos kyi dkyil 'khor 'grub par 'gyur ro/ /gal te las kyi dkyil 'khor bsgrub par 'dod na/ snga ma bzhin du thams cad byas la rdo rje dbyings kyi las kyi dkyil 'khor las gsungs pa'i phyag rgya dang/ 'gro ba 'dul ba'i dkyil 'khor chen po las gsungs
- 98b
pa'i sngags kyi sna tshogs pad+ma rgya gram blangs la/ rang gi snying po dang sngar bshad pa'i snying po lngas las kyi dkyil 'khor sprul la/ las kyi dkyil 'khor las bshad pa'i rig pa rnams kyis lha rnams ji lta ba'i gnas su bzhag la cho ga thams cad rjes su spyad la/ las kyi dkyil 'khor gyi rang bzhin ni bdag yin no zhes nga rgyal bskyed nas/ re re zhing yang rig pa khri zlos shing/ re re'i rnal 'byor bya'o/ /de lta bu las kyi dkyil 'khor 'grub par 'gyur ro/ /'gro ba 'dul ba'i dum bu las gsungs pa'i dngos grub rnams ni 'gro ba 'dul ba'i dkyil 'khor chen po las bshad pa'i phyag rgya bzhi po rnams kyis/ rang gi lha'i rnal 'byor la bsgrub par bya'o zhes bstan pa'i phyir de nas zhes bya ba la sogs pa gsungs te / phyag rgya chen po la sogs pa'i phyag rgya thams cad bcing ba dang/ 'ching ba'i mtshan nyid thams cad bslab cing brtag par bya'o/ /de la 'gro ba 'dul ba'i dkyil 'khor chen po las bstan pa nyid kyi rnam par snang mdzad dang/ chos kyi rdo rje ma dang/ sangs rgyas dbang bskur ma dang/ pad+ma'i pad+ma dang/ sna tshogs mchog rnams kyi phyag rgya chen po dang/ dam tshig dang/ chos dang/ las kyi phyag rgya rnams 'di'i yang yin par shes par bya'o/ /ji ltar rnam par snang mdzad kyi pad+ma'i rigs kyi phyag rgya bzhi pa'i dkyil 'khor bzhin du 'gro ba 'dul ba'i phyag rgya bzhi pa'i dkyil 'khor la sogs pa'i dkyil 'khor thams cad dkyil 'khor chen po'i tshul gyis bri bar bya'o/ /rang rang gi phyag rgya rnams kyis dngos grub thams cad ster bar 'gyur ro/ /zhes bcom ldan 'das rdo rje 'chang chen pos gsungs so/ /'di skad ston pa yin te/ 'gro ba 'dul ba'i dbus su bris la/ 'gro ba 'dul ba'i gnas kyi shar gyi pad+ma'i 'dab ma la sangs rgyas
- 99a
pad+ma'i pad+mas mtshan pa'i rdo rje rtse lnga pa/ pad+ma dang zla ba la bri bar bya'o/ /gtsug phud sangs rgyas kyi gnas lho ru pad+ma'i rgyal po'i pad+ma'i lcags kyu/ pad+ma'i ting nge 'dzin gyi gnas nub tu pad+ma legs pa'i pad+ma'i khu tshur gnyis/ pad+ma nges pa'i dbang phyug gi gnas byang du pad+ma chags pa'i pad+ma'i mda' gzhu bri bar bya'o/ /de la 'gro ba 'dul ba'i dkyil 'khor chen po las bshad pa'i snying po dang/ phyag rgya bzhi pa'i dkyil 'khor las bshad pa'i snying pos bri bar bya'o/ /sangs rgyas pad+ma la sogs pa'i phyag rgya ni dkyil 'khor chen po las bshad pa'i snying po nyid brjod par bya'o/ /snga ma bzhin du gtsug phud sangs rgyas kyi phyag rgya bzhi pa'i dkyil 'khor la bshad pa'i snying po dang/ dkyil 'khor chen po las bshad pa'i dbus su bri bar bya'o/ /'gro ba 'dul ba'i gnas su pad+ma'i khro gnyer gyi mtshan ma/ pad+mas mtshan pa'i yid bzhin gyi nor bu'i phyag rgya'o/ /gtsug phud sangs rgyas kyi dbus su pad+ma nyi ma'i phyag rgya/ pad+ma ting nge 'dzin gyi gnas su pad+ma bzhad pa'i phyag rgya/ pad+ma nges pa'i dbang phyug gi gnas su pad+ma'i dpal gyi phyag rgya/ dkyil 'khor chen po las bshad pa'i snying po nyid kyis bri bar bya'o/ /snga ma bzhin pad+ma'i ting nge 'dzin dkyil 'khor chen po las bshad pa dang/ phyag rgya bzhi pa'i dkyil 'khor las bshad pa'i snying pos dbus su bri bar bya'o/ /'gro ba 'dul ba'i gnas su pad+ma sgrol ma'i phyag rgya/ gtsug phud sangs rgyas kyi gnas su pad+ma rnon po'i phyag rgya/ pad+ma ting nge 'dzin gyi gnas su pad+ma gsung ba'i phyag rgya/ pad+ma nges pa'i dbang phyug gi gnas su pad+ma rgyu'i phyag rgya/ dkyil 'khor las bshad pa'i snying po bri bar bya'o/ /snga ma bzhin du pad+ma nges pa'i dbang phyug gi dkyil 'khor chen
- 99b
po las bshad pa 'am/ phyag rgya bzhi pa'i dkyil 'khor las bshad pa'i snying po bri ba dang/ 'gro ba 'dul ba'i gnas su pad+ma gar gyi dbang phyug gi phyag rgya/ gtsug phud sangs rgyas kyi gnas su pad+ma bsrung ba'i phyag rgya/ pad+ma ting nge 'dzin gyi gnas su pad+ma khu tshur gyi phyag rgya/ pad+ma nges pa'i dbang phyug gi gnas su pad+ma gnod sbyin gyi phyag rgya/ dkyil 'khor chen po las bshad pa'i tshul gyi bri bar bya'o/ /'di dag gi phyag rgya chen po dang/ dam tshig dang/ chos dang/ las kyi phyag rgya rnams ni 'gro ba 'dul ba'i dkyil 'khor chen po las bshad pa kho na nyid gzung bar bya'o/ /de bzhin gshegs pa thams cad kyi de kho na nyid bsdus pa'i 'grel pa/ de kho na nyid snang bar byed pa las phyag rgya bzhi pa'i dkyil 'khor gyi 'grel pa rdzogs so// //de ltar bar ma la dga' ba'i sems can rjes su gzung ba'i phyir/ phyag rgya bzhi pa'i dkyil 'khor bshad nas/ mdor bsdus pa la dga' ba'i sems can rjes su gzung ba'i phyir/ 'gro ba 'dul ba'i phyag rgya gcig pa'i dkyil 'khor ni/ de nas zhes bya ba la sogs pa smos te/ de nas zhes bya ba'i sgras ni de ma thag pa ste/ dang por sbyor ba'i ting nge 'dzin gyis rjes thogs nyid la'o/ /'dir dang por sbyor ba'i ting nge 'dzin ni 'gro ba 'dul ba'i phyag rgya chen po khang bu brtsegs pa dang/ gdan bskyed pa'i mthar thug pa'i bar du shes par bya'o/ /'phags pa spyan ras gzigs dbang po ni 'gro ba 'dul ba'o/ /'di zhes bya ba ni/ blo la gnas pa'o/ /'jig rten gyi khams thams cad kyi 'gro ba de thams cad gdul bar bya ba dang/ dam pa'i don thob par bya ba dang/ gang gi lung dang rtogs pa'i bdag nyid la rab tu 'jog pa de ni 'gro ba 'dul ba'i ste/ spyan ras gzigs dbang phyug der nges pa'i ye shes so/ /de ston par
- 100a
byed pa'i sgra'i tshul la yang rgyu la 'bras bu btags nas 'gro ba thams cad 'dul ba'i rang gi snying po zhes bya ste/ bcom ldan 'das kyis rang gi snying po 'di gsungs pa ni bshad pa'o/ /oM sarbba dzA gad bi na ya zhes bya ba la sogs pa'o/ /'di skad ston pa yin te/ byang chub sems dpa' gsang sngags kyi sgo'i spyad pa spyod pa rnams kyis 'gro ba 'dul ba'i phyag rgya gcig pa'i dkyil 'khor bri bar 'dod pa na/ 'gro ba 'dul ba'i dkyil 'khor chen po las bshad pa'i tshul gyis 'gro ba 'dul ba'i rnal 'byor dang/ de las bshad pa'i rnal 'byor chen po ji lta ba bzhin du byas nas/ khang bu brtsegs pa nas gdan rnam pa gnyis bskyed la/ nam mkha' i phyogs nas babs te/ snga ma bzhin pad+ma dang zla ba'i steng du phyag rgya chen po bcings te 'dug par bya'o/ /zhes bya ba 'di tsam gyis ni dang por sbyor ba mchog gi ting nge 'dzin to/ /bshad ma thag pa'i 'gro ba 'dul ba'i snying pos mdun du gnas pa'i pad+ma dang zla ba la/ rang gi snying pos 'gro ba 'dul ba sprul la bzhag par bya'o/ /zhes bya ba 'di ni 'dir 'gro ba 'dul ba'i phyag rgya gcig pa'i dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa yin no/ /de nas bsdu ba dang byin gyis brlab pa nas brtsams pa ni/ las kyi rgyal po mchog ces bya ba'i ting nge 'dzin gsum pa yin par shes par bya'o/ /'gro ba 'dul ba'i dum bu las gsungs pa'i dngos grub thams cad 'gro ba 'dul ba'i phyag rgya gcig pa'i dkyil 'khor du dam tshig dang dbang bskur bas bsgrub par bya'o zhes bya ba'i don bstan pa'i phyir/ de nas byang chub sems dpa' 'phags pa spyan ras gzigs dbang pos zhes bya ba la sogs las phyag rgya gcig pa'i dkyil 'khor gyi las kyi cho ga dang slob ma 'jug pa'i cho ga rgyas pa
- 100b
gsungs te/ de nas zhes bya ba'i sgra ni skabs su bab pa'o/ /'phags pa spyan ras gzigs kyi dbang po ni 'gro ba 'dul ba'o/ /'di zhes bya ba ni 'chad par 'gyur ba'o/ /'gro ba thams cad 'dul bas ni 'phags pa spyan ras gzigs dbang phyug mtshon pa yin no/ /dkyil 'khor gsungs pa ni zhes bya ba ni/ dkyil 'khor gsungs pa ni bshad pa'o/ /de nas zhes bya ba'i sgra ni de ma thag pa brjod pa ste/ sngon du bsnyen pa'i rjes thogs la zhes bya ba'i tha tshig go /'di skad ston pa yin te/ 'gro ba 'dul ba'i phyag rgya gcig pa'i ting nge 'dzin gsum bsgom pa sngon du 'gro bas 'gro ba 'dul ba'i dkyil 'khor ji srid mngon sum du mthong ba de srid kyi bar du bsgom par bya'o/ /de nas de'i rjes la dkyil 'khor 'di nyid bri bar bya 'am/ yang na dkyil 'khor chen po'i cho gas rnal 'byor chen po byas la/ re re zhing yang sngags 'bum bzlas par byas te/ de nas ting nge 'dzin rnam gsum zhag bdun bsgoms pa'i rjes thogs la dkyil 'khor bri bar bya'o/ /de nas zhes bya ba ni rgyu de'i phyir gyi don te/ gang gi phyir phyag rgya gcig pa'i dkyil 'khor du 'jug pa med na mdor bsdus pa la dga' ba'i sems can rjes su gzung bar mi 'gyur ba de'i phyir/ de nas rab tu bshad bya ba/ 'gro ba 'dul ba'i dkyil 'khor te zhes bya'o dkyil 'khor chen po'i tshul du/ zhes bya ba ni/ 'gro ba 'dul ba'i dkyil 'khor chen po'i tshul gyis yang dag par bri ba'o/ /phyi'i dkyil 'khor bri bar bya/ /zhes bya ba la sogs pa ni go sla'o/ /der ni 'dab ma kun khyab pa/ /sna tshogs gzugs ni bri bar bya/ /zhes bya ba ni/ de las dkyil 'khor gyi dbus su 'dab ma kun la pad+ma'i rigs des khyab cing sprul pa'i ngang tshul gang la mnga' ba de ni 'dir 'dab ma kun khyab pa'o/ /rnam pa sna tshogs pa du ma
- 101a
sangs rgyas pad+ma la sogs pa'i gzugs gang la mnga' ba 'di ni sna tshogs so/ /'dab ma kun la khyab pa yang yin la sna tshogs pa'i gzugs kyang 'di yin pas na/ pad+ma kun la khyab pa sna tshogs pa'i gzugs te/ 'gro ba 'dul ba de bri bar bya'o/ /de'i don ni 'di yin te/ 'gro ba 'dul ba'i dkyil 'khor chen po bzhin du phyi dang nang gi dkyil 'khor de bris la/ dkyil 'khor gyi lte bar yi ge h+ri las pad+ma de'i steng du a las zla ba'i dkyil 'khor bskyed la/ oM sarbba dza gad bi na ya ma hA satwa a gats+tsha sh+ri g+h+raM bi sha rU baM dar sha ya ma ma tsa sarbba sid+d+ha ya pra yats+tsha h+ri/ zhes brjod pas/ bcom ldan 'das 'gro ba 'dul ba'i dkyil 'khor chen po dang/ gzungs dang/ chos dang/ las kyi dkyil 'khor las gsungs pa'i lha'i gzugs kyis spyi gtsug nas brtsams nas rkang mthil gyi bar du 'od zer gyi tshul gyis 'byin pa bris la/ nam mkha' i phyogs nas phab ste/ gzugs bsnyan dang gcig tu bsre bar bya'o/ /de nas zhes bya ba ni rjes thogs nyid la'o/ /'gro ba 'dul ba'i dkyil 'khor chen po'i tshul gyis rang gi cho ga thams cad rjes su spyad la/ rang la byin gyis brlab pa la sogs pa yang byas la/ pad+ma che ge mo zhes rang gi ming nas brjod nas 'gro ba 'dul ba'i phyag rgya chen po bcings te/ oM sarbba dzdza gad bi na ya ma hA satwa a gats+tsha shi g+h+raM bi sha rU baM dar sha ya ma ma tsa sarbba sid+d+ha ya pra yats+tsha h+ri a zhes brjod pas/ 'gro ba 'dul ba'i dkyil 'khor gyi dbus su rdo rje pad+ma bsam par bya'o/ /de nas badzra pad+ma a haM zhes brjod cing/ rdo rje pad+ma'i nga rgyal bsgom par bya'o/ /dza gad bi na yo a haM zhes brjod pas pad+ma de nyid 'gro ba 'dul ba'i rang bzhin du bdag nyid bsgom par bya'o/ /de nas bsdu ba byas la mtshan
- 101b
brgya rtsa brgyad pas bstod de/ rta mgrin la sogs pa'i las kyi phyag rgya rnams kyi dgug pa dang/ gzhug pa dang/ bcing ba dang/ dbang du byas la/ pad+ma'i gnod sbyin gyis bgegs bsel la rab dang dra ba byas te/ pad+ma'i khu tshur gyis sgo bcad la/ pad+ma bsrung ba'i phyag rgyas srung ba thams cad yang dag par bsrungs la/ 'gro ba 'dul ba'i snying pos mchod yon phul nas/ zhal bsil gyi sngags dang/ phyag rgyas zhal bsil dbul lo/ /de nas bcom ldan 'das kyi dam tshig gi phyag rgyas bsgrub ste/ chos dang/ bya bas dang/ phyag rgya chen po rnams kyis rgyas btab ste/ dbang bskur ba'i phyag rgyas dbang bskur la/ yang mchod yon phul nas mchod pa thams cad kyis yang dag par mchod de gnang ba nod pa'i rjes thogs kho na la/ 'gro ba 'dul ba'i phyag rgya gcig pa'i dkyil 'khor 'dir cho ga rgyas pa ji lta ba bzhin du btsud nas zhes bya ba yin te/ 'gro ba 'dul ba'i dkyil 'khor chen po las bshad pa'i 'jug pa'i cho gas pad+ma'i slob ma gzhug par bya'o/ /zhes bya ba'i don no/ /de bzhin du bsgo ste/ zhes bya ba ni 'gro ba 'dul ba'i dkyil 'khor chen po'i cho ga rgyas pa ji lta ba bzhin byas nas/ pad+ma'i dngos grub kyi rdo rje brtul zhugs kyi bar du slob ma la bshad pa bzhin du 'dir yang bsgo bar bya'o zhes bya ba'i tha tshig go /gzhung 'di tsam gyis ni/ slob dpon gyi las dang slob ma 'jug pa'i cho ga rgyas pa de ltar bstan nas/ da ni 'gro ba 'dul ba'i phyag rgya gcig pa'i dkyil 'khor du dam tshig dang dbang bskur ba thob pa rnams kyis dngos grub kyi ye shes bsgrub par bya'o/ /zhes bstan pa'i phyir/ 'gro ba thams cad 'dul ba'i ye shes bslab po/ /zhes bya ba gsungs te/ 'gro ba thams cad 'dul ba'i bcom ldan 'das 'phags pa spyan ras gzigs dbang
- 102a
phyug go /der nges pa'i ye shes de bslab pa'o/ /'gro ba 'dul ba'i zhes bya ba ni/ dkyil 'khor legs par bris nas/ kyang zhes bya ba ni/ 'gro ba 'dul ba'i phyag rgya gcig pa'i dkyil 'khor bri ba'o/ /phyag rgya chen po bsgoms nas ni/ /sna tshogs 'chang dang 'dra bar 'gyur/ /zhes bya ba ni 'gro ba 'dul ba'i dkyil 'khor chen por 'jug pa'i cho ga dang/ 'dir slob dpon rang nyid kyi cho ga rjes su spyad la 'gro ba 'dul ba'i phyag rgya chen po bcings te bsgoms na/ 'gro ba 'dul ba dang 'dra bar 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i cho gas 'gro ba 'dul ba'i rnal 'byor dang/ de las bshad pa'i rnal 'byor chen po byas la/ phyis phyag rgya gcig pa'i dkyil 'khor las bshad pa'i sngags dang bshad ma thag pa'i 'gro ba 'dul ba'i snying pos ting nge 'dzin rnam pa gsum ji lta ba bzhin du bsgom pa sngon du 'gro bas bskyed la/ nyin re zhing thun bzhi'i sbyor bas thun re re yang ji srid mngon sum du mthong ba de srid kyi bar du bsgom par bya'o/ /de nas zla ba nya la de'i dkyil 'khor bris nas/ cho ga thams cad rjes su spyad la/ bdag la byin gyis brlab pa la sogs pa byas te/ slob dpon rang nyid kyi ming nas brjod nas rdo rjes bsgrub par bya'o/ /pad+ma'i slob dpon sems dpa' yi/ /rdo rje lcags kyu bcings nas ni/ /se gol mang po brdab bgyis la/ /sangs rgyas thams cad bsdu bar bya/ /de nas pad+ma'i sems dpa' yi/ /ming brgya rtsa brgyad dam pa ni/ /lan gcig rab tu brjod par bgyi/ /de nas rta mgrin la sogs pa las kyi phyag rgyas bcom ldan 'das dgug pa dang/ gzhug pa dang/ bcing ba dang/ dbang du bya ba dang/ snga ma bzhin du mchod pa dang phyag bya ba'i mthar thug pa'i cho ga rjes su spyad
- 102b
la/ 'gro ba 'dul ba'i phyag rgya chen po bcings te/ 'gro ba 'dul ba'i phyag rgya gcig pa'i snying po zlos shing mtshan thog thag bsgom pa byas na/ des 'gro ba 'dul ba dang mtshungs par 'gyur ro/ /de nas 'gro ba 'dul ba'i gsang ba'i phyag rgya'i ye shes bslab par bya'o/ /zhes bya ba ni/ phyag rgya'i ye shes bslab pa'i dus phyis 'gro ba 'dul ba ni 'phags pa spyan ras gzigs dbang phyug go /phyag rgya gcig pa dang/ las kyi dkyil 'khor la gnas pa'i rnal 'byor dag gis gcig tu gyur par lhag par mos pa'i phyag rgya ni/ gsang ba'i phyag rgya'o/ /der nges pa'i ye shes bslab pa ni bstan pa'o/ /sna tshogs gzugs kyi ting 'dzin dang/ mnyam par bzhag pa bsgoms nas kyang/ /zhes bya ba ni 'gro ba 'dul ba'i ting nge 'dzin gyis ting nge 'dzin sna tshogs kyi gzugs su de bsgom pa'o/ /legs par mnyam par bzhag pa'i mtshan ma thob nas/ dbang po gnyis ni sbyar bar bya/ zhes bya ba ni bcom ldan 'das 'gro ba 'dul ba'i dkyil 'khor gyi sku gang yin pa dang/ rnal 'byor pa'i dus gang yin pa gcig tu gyur par lhag par mos pa ni dbang po gnyis mnyam par sbyor ba'o/ /dkyil 'khor der sngar bshad pa'i tshul gyis byas na/ rnal 'byor pas myur du dngos grub thob par 'gyur ro/ /zhes bya ba'i don no/ /'gro ba 'dul ba'i dum bu las bshad pa'i dngos grub thams cad ni 'gro ba 'dul ba'i dkyil 'khor chen po las bshad pa'i rang gi lha'i phyag rgya bzhi po rnams kyis ji lta ba bzhin du rang gi lha'i rnal 'byor byas la bsgrub par bya'o/ / zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba ni gsang ba'i ye shes bstan pa'i dus phyis phyag rgya chen po la sogs pa phyag rgya bcing ba rnams bslab par bya'o/ /zhes bya ba ni phyag rgya
- 103a
chen po dang por byas pa'i phyag rgya bcing ba gang yin pa 'di ni/ phyag rgya chen po la sogs pa'i phyag rgya bcing ba ste/ de bslab par bya'o/ /'di skad ston pa yin te/ 'gro ba 'dul ba'i dkyil 'khor chen po las bshad pa'i bcom ldan 'das kyi phyag rgya chen po dang/ dam tshig dang chos dang/ las rnams nyid 'dir gzung bar bya'o/ /dngos grub rnams kyang de bzhin no/ /zhes bya ba ni ji ltar dkyil 'khor chen por phyag rgya chen po la sogs pa'i dngos grub bshad pa de bzhin du 'dir yin no zhes bya ba'i don no/ /ji ltar dkyil 'khor la dngos grub tu 'gyur ba de bzhin du ras sam/ rtsig pa 'am/ sku gzugs sam/ nam mkha' la brtags pa'i dkyil 'khor la ? yang dam tshig dang dbang bskur ba dang/ phyag rgya chen po'i dngos grub tu 'gyur ro/ /zhes bstan pa'i phyir/ de bzhin du ras la sogs pa yang zhes bya ba smos so/ /ji ltar phyag rgya gcig pa'i dkyil 'khor du phyag rgya chen po bri ba'i cho ga tshul gsungs pa de bzhin du dam tshig gi phyag rgya chen po bri ba'i cho ga yang shes par bya'o/ /zhes bstan pa'i phyir/ phyag rgya gzhan rnams kyang phyag rgya gcig pa'i dkyil 'khor gyi tshul gyis de bzhin du 'grub par 'gyur ro/ /zhes bya ba ni/ phyag rgya gcig pa'i dkyil 'khor las bshad pa'i dngos grub thams cad 'grub par 'gyur ro zhes bya ba'i don no/ /de bzhin gshegs pa thams cad chos ni shes rab kyi pha rol tu phyin pa'o/ /de'i dam tshig ni pad+ma rigs ston par byed pa'i sgra'i tshogs la yang ming de skad ces bya'o/ /rtags pa las byung ba'i phyir rtog pa'o/ /chen po yang yin la rtog pa yang de yin pas na rtog pa chen po'o/ /de bzhin las khyad par du gyur pas rgyal po ste/ /
- 103b
mdzes shing 'bar ba'i phyir ro/ /rdzogs so// //zhes bya ba ni rtsa ba'i rgyud kyi mthar thug pa'o/ /pad+ma'i rigs 'di thams cad shes rab kyi pha rol tu phyin pa'i chos las byung bas rgyu la 'bras bu brtags nas chos kyi phyag rgya zhes brjod do/ /de skad du yang so sor rtog pa'i 'gro ba kun gti mug rgya mtsho las bsgral phyir/ /blo ldan 'jig rten dbang phyug gis/ /rtog pa'i rgyal po 'di gsungs so/ /zhes bya ba gsungs pa yin no/ /rnam dag chos ni rtogs bya'i phyir/ / dri ma med pa'i de nyid ni/ /snang byed dge ba 'di bshad las/ /bdag gi bsod nams gang bsags pa/ /de yis 'jig rten ma lus pa/ snying rje las byung kun dga' che/ /snying po bsam mi khyab chen gtso/ /pad+ma las byung rgyal gyur cig / de kho na nyid bsdus pa'i 'grel pa de kho na nyid snang bar byed pa zhes bya ba pad+ma rigs kyi dkyil 'khor gyi 'grel ba rdzogs so// //de ltar log par lta ba'i gnyen por gyur pa'i shes rab kyi pha rol tu phyin pa chos kyi phyag rgya'i rang bzhin pad+ma'i rigs bstan nas/ nga ni ser sna can gyi gnyen por gyur pa/ sems can thams cad kyi bsam pa'i las yongs su rdzogs par byed pa'i nor bu'i rigs ni/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ dang po sbyor ba'i ting nge 'dzin gyi rjes thogs la zhes bya ba'i don no/ /'dir dang po sbyor ba'i ting nge 'dzin ni/ rdo rje dbyings kyi dkyil 'khor chen po las bshad pa'i dang po sbyor ba'i ting nge 'dzin gyi steng du rdo rje sems dpa' dang/ rdo rje rin chen dang/ rdo rje chos dang/ rdo rje las sprul pa'i mthar thug pa yin par shes par bya'o/ /zhes bya ba de dag 'dir bshad pa yin no/ /de bzhin gshegs pa ni 'jig rten gyi khams thams cad kyi rdul phra rab dang mnyam
- 104a
ba'i rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang ngag don yod par grub pa la sogs pa'o/ /yang de bzhin gshegs pa thams cad gcig tu 'dus nas zhes bya ba la yang sgra ni zlos pa'i don no/ /sngar ni 'phags pa spyan ras gzigs dbang phyug la legs so/ /zhes bya ba byin nas gcig tu 'dus par mdzad pa yin la de ltar ni nam mkha' i snying po la mtshan brgya rtsa brgyad pas gsol ba gdab pa'i phyir/ gcig tu chags shing 'dus par byas pa yin no/ /de bzhin gshegs pa thams cad dbang bskur ba ni rin po che'i rigs su de'i rgyu yin pas rin po che bskyed par mdzad pa yin no/ /gang gi phyir 'phags pa nam mkha' i snying po'i thugs las rigs thams cad 'dir bskyed par mdzad pa yin no/ /rdo rje 'dzin pa de nyid ni de bzhin gshegs pa thams cad kyi thugs ka na gnas pa'i sems dpa' rdo rje'o/ /byang chub sems dpa' sems dpa' chen po 'phags pa nam mkha' i snying po zhes bya ba ni/ byang chub sems dpa' sems dpa' chen po 'phags pa nam mkha' i snying po'i gzugs 'dzin pa la 'chad par 'gyur pa'o/ /mtshan brgya rtsa brgyad pa 'dis gsol ba btab pa ci'i don du gnyer ba yin no/ /don du gnyer ba'i rgyu yang ba'i phyir gsol ba 'debs pa'i phyir ldan par bshad do/ /nam mkha' i snying po zhes bya ba ni/ de la nam mkha' i sgras ni 'dir rnam par snang mdzad kyi phyag na gnas pa'i rdo rje rin po che las de bzhin gshegs pa thams cad bskyed par brjod pa yin te/ nam mkha' dang mnyam pa nyid kyi ye shes las byung ba nam mkha' yin la snying po 'di yin pas na nam mkha' i snying pos te de bzhin gshegs pa de rnams byang chub sems dpa' chen po nam mkha' i snying pos bskyed
- 104b
pa yin no/ /sems can don zhes bya ba ni sems can gyi don du gnyer bas na sems can don no/ /sems dpa' chen po zhes bya ba ni/ sems dpa' yang yin la chen po yang de yin pas sems dpa' chen po ste/ byang chub kyi sems kyi rang bzhin gyis thams cad khyab pa'o zhes bya ba'i don no/ /gzi brjid chen po zhes bya ba ni gzi brjid chen po 'di la mda' bas na/ gzi brjid chen po ste/ mdangs dang ldan pa'i gzi brjid kyis nam mkha' thams cad khyab pa'o/ /rin po che chen po ni rdo rje rin chen gyi gzugs kyis nam mkha' khyab pas ni rin po che'o/ /rin chen mchog ni rin po che bzang po rnams las kyang ches bzang ba'i rin po che'o/ /rin po ches mtshan pa la sogs pa'i mtshan ma'i rang bzhin de dag las gtso bo mchog yin te/ rigs kyi bdag po'i mtshan ma'i gzugs yin pa'i phyir ro/ /rdo rje rin chen zhes bya ba ni rdo rje rtse lnga pas mtshan pa'i yid bzhin gyi nor bu ni rdo rje rin chen te mtshan bdun no/ /dbang bskur byin zhes bya ba ni/ rin po che'i rigs kyi rang bzhin yin pa'i phyir ro/ /rin chen zhes bya ba ni/ rin po che'i rigs des nam mkha' khyab pa'o/ /dag pa che zhes bya ba ni/ rin po che'i rigs kyi gzugs des bag chags dang bcas pa'i nyon mongs pa'i dri ma 'khrud pa'i phyir dag pa che'o/ /dge ba che zhes bya ba ni rnam par thar pa'i rang bzhin yin pas na dge ba che'o/ /sangs rgyas rin chen zhes bya ba ni/ rin po che'i rigs des dbang bskur ba'i ngo bo ni sangs rgyas bcom ldan 'das rnams la gzhan na med pa'i phyir sangs rgyas rin chen zhes brjod do/ /rnam dag sku zhes bya ba ni/ lus la dri ma mi mnga' bas na rnam dag sku'o/ /rin chen rin chen zhes bya ba ni/ nam mkha' i snying po'i phyag na gnas pa ste mtshan bdun yin no/ /nam mkha' zhes
- 105a
bya ba ni/ nam mkha' i 'od zer gyi gzugs kyis spro ba'i phyir nam mkha' o/ /nam mkha' 'byung zhes bya ba ni/ nam mkha' i 'od zer dang cig tu gyur nas/ rdo rje rin chen bskyed pa'i phyir/ nam mkha' las byung ba'o/ /nam mkha' thams cad ces bya ba ni/ nam mkha' i khams thams cad 'od zer gyi rang bzhin du gyur nas nges par 'byung ba'i phyir nam mkha' thams cad do/ /'od che zhes bya ba ni/ nam mkha' i 'od zer de rnams kyis 'jig rten gyi khams thams cad du snang ba'o/ /kun rdzob kyi bdag nyid kyi nam mkha' i khams thams cad du 'od chen po snang ba nges nam mkha' khyab pa'o zhes bya ba'i don no/ /nam mkha' i dbyings zhes bya ba ni/ rdo rje rin chen bskyed pa'i rgyu yin pa'i phyir nam mkha' dbyings so/ /phyogs kun zhes bya ba ni phyogs bcu'i rang bzhin yin pa'i phyir phyogs kun no/ /re kun mchog ces bya ba ni/ /'di ltar nam mkha' i rang bzhin gyi phyogs thams cad du gyur pa'i chos 'dis phyogs thams cad las gong na med pa'i phyir/ re ba kun gyi mchog ste/ mtshan bdun yin no/ /rin chen mdzod spu zhes bya ba ni/ rin po che'i mdzod spu 'di la mda' bas na rin chen mdzod spu'o/ /rin chen 'byung zhes bya ba ni/ rin po che las byung ba'i de bzhin gshegs pa'i rang bzhin yin pa'i phyir rin chen 'byung ba'o/ /sangs rgyas mdzod spu zhes bya ba ni skyes bu chen po'i mtshan smin mtshams kyi phyogs su gnas pa'i phyir de bzhin gshegs pa'i mdzod spu'o/ /bde gshegs rab ces bya ba ni shin tu dge zhing bzang bar de bzhin gshegs pa'i sangs rgyas ni bder gshegs rab bo/ /rin chen thams cad ces bya ba ni/ rin po che'i rigs kyi phyag rgya bzhi pa'i dkyil 'khor gyi gzugs kyis rin po che'i rigs thams cad bsdus pa'i rang bzhin yin pa'i phyir rin chen
- 105b
thams cad do/ /rab kun mchog ces bya ba ni rin po che'i rigs kyi las kyi phyag rgya'i gzugs kyis mtshungs pa med pa'i phyir rab kun mchog go /rin chen dgos pa zhes bya ba ni/ rin po che'i 'bras bu ni rin po che'i dgos pa ste/ rin po che'i rigs kyi las kyi dkyil 'khor de'i rang bzhin yin pa'i phyir/ rin chen dgos pa khyod de/ mtshan bdun yin no/ /rin chen zhes bya ba ni rin po che'i rang bzhin yin pa'i phyir rin chen no/ /rin chen mchog ces bya ba ni rigs kyi bdag po'i gzugs 'dzin pa'i phyir rin chen mchog go /rin chen drag ces bya ba ni/ bdag po'i gzugs kyis rin chen thams cad zil gyis mnan nas gnas pa'i phyir rin chen drag go /de bzhin gshegs pa kun ni rnam par snang mdzad la sogs pa de bzhin gshegs pa'i rang bzhin yin pa'i phyir/ de bzhin gshegs pa kun no/ /rin chen ni rin po che'i skur grub pa'o/ /rin chen dam pa zhes bya ba ni/ 'jig rten dang 'jig rten las 'das pa thams cad kyi nang na byang chub kyi sems rin po che'i gzugs kyis dam par gyur pa'i phyir ro/ /nam mkha' che zhes bya ba ni/ nam mkha' yang yin la chen po yang yin/ de bas nam mkha' chen po'o/ /rdzas thams cad kyi gzugs nub pa de'i rang bzhin yin pa'i phyir nam mkha' che'o/ /mkha' mnyam zhes bya ba ni mnyam pa yin te nam mkha' yang de yin pas mkha' mnyam ni rdzas dang rdzas ma yin pa thams cad la nam mkhas khyab pa'i rang bzhin yin pa'i phyir mkha' mnyam ste mtshan brgyad yin no/ /rgyan yin pas na zhes bya ba ni spud pa'o/ /mdzes pa che zhes bya ba ni mdzes pa chen po 'di la mnga' bas na mdzes pa che'o/ /mdzes pa'i 'byung gnas zhes bya ba ni/ mdzes
- 106a
pa las 'byung bas na mdzes pa'i 'byung gnas te/ skye ba'i gnas zhes bya ba'i tha tshig go /rab mdzes mdzad ces bya ba ni shin tu mdzes par mdzad pa'o/ /don kun zhes bya ba ni/ 'jig rten dang 'jig rten las 'das pa'i don thams cad kyi rang bzhin yin pa'i phyir don kun no/ /dag cing zhes bya ba ni dri ma thams cad dang bral ba'i phyir na dag pa'o/ /dag pa'i don zhes bya ba ni/ /chos kyi dbyings rnam par dag pa'i don 'di la mnga' bas na dag pa'i don no/ /sbyin spyod ces bya ba ni sbyin pa'i pha rol tu phyin pa grub pas nam mkha' mdzod kyi sbyin pa'i spyad pa spyod pa ste/ mtshan brgyad yin no/ /chos rin chen zhes bya ba ni/ theg pa chen po las nges par 'byung ba mya ngan las 'das pa'i chos kyi rang bzhin yin pa'i phyir chos rin chen no/ /rnam dag mchog ces bya ba ni rnam par dag pa zhes bya ba'i mchog ni/ rnam dag mchog ste/ chos kyi sku'i rang bzhin gyis mtshungs pa'i phyir ro/ /dge 'dun rin chen zhes bya ba ni/ phyir mi ldog pa'i byang chub sems dpa' i dge 'dun chen po'i rang bzhin yin pa'i phyir ro/ /de bzhin gshegs pa zhes bya ba ni/ byang chub kyi mtshan nyid can gyi sems khong du chud pas de bzhin gshegs pa'i phyir ro/ /dbang bskur chen po zhes bya ba ni/ nam mkha' dang mnyam pa'i ye shes kyi bdud rtsi chus bag chags dang bcas pa'i nyon mongs pa thams cad 'khrud par byed pa'i phyir dbang bskur chen po'o/ /'jig rten don zhes bya ba ni/ 'jig pas na 'jig rten te/ khams gsum pa rnams de nyid kyi don la dmigs pa gang yin pa de ni 'jig rten gyi don no/ /don sbyin khyod ces bya ba ni/ don phul du byung ba ster bas na don sbyin no/ /chos thams cad kyi mtshan nyid la mngon par zhen pa med pa'i lam gyi don de nyid kyi dgos pa/
- 106b
mnga' ba 'di ni don sbyin te mtshan bdun no/ /sbyin pa ces bya ba ni ster bas na sbyin pa'o/ /rab sbyin zhes bya ba ni ji skad bshad pa phul du byung ba'i sbyin pa'o/ /sbyin pa'i mchog ces bya ba ni/ sbyin pa'i pha rol tu phyin pa'i ngo bo yin pa'i phyir ro/ /gtong shing zhes bya ba ni/ gtong ba ni sbyin pa ste/ 'di ni ming gi rnam grangs yin no/ /gtong mchog ces bya ba ni/ 'di yang sbyin pa'i mchog gi ming gi rnam grangs yin no/ /sbyin mdzad ces bya ba ni rang gi lag pas dpag bsam gyi shing la sogs pa ster ba'o/ /sems can don kun zhes bya ba ni/ sems can thams cad kyi don byed pa'i phyir ro/ /de nyid don zhes bya ba ni/ ji skad bshad pa'i de kho na nyid bcu'i don gyi ngo bo yin pa'i phyir de nyid don no/ /don chen don zhes bya ba ni don yang yin la chen po yang de yin pas na don chen te chos kyis dbyings de'i don ni de bzhin te/ mtshan dgu yin no/ /bsam pa'i rgyal po zhes bya ba ni/ bsam pa 'di mdzes shing 'bar bas na bsam pa'i rgyal po ste/ sems can thams cad kyi bsam pa yongs su bskong bar byed do/ /zhes bya ba'i don no/ /gzi brjid che zhes bya ba ni/ nam mkha' thams cad khyab pa'i gzi brjid 'di la mnga' bas na gzi brjid che'o/ /sbyin pa'i pha rol tu phyin pa zhes bya ba ni 'khor gsum rnam par dag pa'i spyod pa'i 'bras bu yin pa'i phyir ro/ /tshul zhes bya ba ni/ theg pa chen po'i tshul gyi rang bzhin no/ /de bzhin gshegs pa zhes bya ba ni bden pa gsung ba'i phyir ro/ /sems dpa' che zhes bya ba ni ? bdag med pa'i ngo bos thams cad de bzhin du rtogs pa'i phyir sems dpa' che'o/ /de bzhin gshegs pa lnga'i rang bzhin yin pa'i phyir sangs rgyas kun te mtshan bdun yin no/ /de bzhin gshegs pa rin po che zhes bya ba ni/ de
- 107a
bzhin gshegs pa thams cad dbang bskur ba'i rin po che chen po yin pa'i phyir/ de bzhin gshegs pa rin po che'o/ /de bzhin gshegs pa 'od po che zhes bya ba ni/ de bzhin gshegs pa thams cad kyi nyi ma'i dkyil 'khor gyi 'od chen po mnga' ba'i phyir de bzhin gshegs pa'i 'od chen po'o/ /de bzhin gshegs pa'i dpal chen po zhes bya ba ni/ de bzhin gshegs pa thams cad kyi bsam pa'i rgyal po'i dpal chen po'i rang bzhin yin pa'i phyir/ de bzhin gshegs pa'i dpal chen po'o/ /bzhad chen po zhes bya ba ni rdo rje bzhad pas nam mkha' thams cad khyab par bzhad pa chen po ste mtshan bzhi yin no/ /de bzhin gshegs pa dbang bskur mchog ces bya ba ni/ de bzhin gshegs pa thams cad kyi rin po che'i cod pan gyi ngo bo gnas pa'i phyir ro/ /mchog ces bya ba ni/ dbang bskur ba de nyid gzhan las khyad par du gyur pa'i phyir mchog go /dbang chen zhes bya ba ni/ dbang yang yin la chen po yang 'di yin pas dbang chen te/ de bzhin gshegs pa thams cad kyis dbang bskur ba'i ngo bo nyid kyis sa 'og ma rnams kyi dbang bskur las khyad par gyur ba'i phyir ro/ /khyab bdag chen po ste zhes bya ba ni thed la khyab pa'i phyir khyab bdag che'o/ /'jig rten mgon zhes bya ba ni/ sems can dang snod kyi 'jig rten du bskal bsreg pa'i dus su skyob pa mdzad pas na 'jig rten mgon po'o/ /rab 'jig rten zhes ba ni 'jig rten bzang po ni rab kyi 'jig rten te/ rnam par dag pa'i sangs rgyas kyi zhing gi rang bzhin du gnas pa'i phyir ro/ /mchog ces bya ba ni/ nyon mongs pa dang bcas pa'i sangs rgyas kyi zhing khams las de nyid gtso bor gyur bas na mchog go /'jig rten nyi ma zhes bya ba ni/ nyon mongs pa rnam par dag pa'i sangs rgyas kyi zhing du snang
- 107b
bar byed pas na 'jig rten nyi ma ste rin? chen brgyad yin no/ /rin chen phul te/ zhes bya ba ni rin po che thams cad kyi nang na shin tu khyad par du gyur pa ste rin chen phul lo/ /rab kyi mchog ces bya ba ni/ gtso bo las kyang shin tu gtso bo yin pas na rab mchog go /rin chen rgyan zhes bya ba ni/ rin po che'i brgyan 'di las mnga' bas na rin chen brgyan no/ /rin chen mdzad ces bya ba ni rin po che 'chang ba'o/ /rin chen snang ba ces bya ba ni/ rin po che snang ba 'di la mnga' bas na snang ba'o/ /snang ba che zhes bya ba ni chos kyi dbyings kyi ye shes kyis 'jig rten thams cad la khyab pas na snang ba che'o/ /rin chen grags zhes bya ba ni/ 'jig rten gyi khams thams cad du khyab pas ni snyan pa dang/ rnyed pa bzang po rin po che mnga' bas rin chen grags pa ste/ mtshan bdun no/ /rin chen phung po zhes bya ba ni/ rin po che byur bur skyar ba ni/ rin po che bzang po ste/ byang chub kyi yan lag bdun gyi rin po che de rnams de las skyes pa'i phyir rin po che'i phung po'o/ /rin chen 'byung ldan zhes bya ba ni/ rin po che las byung bas na rin chen 'byung ldan no/ /nor bu'i gzugs dang ldan pa'i phyir nor bu'o/ /rdo rje nor bu zhes bya ba ni rdo rje rtse lnga pas mtshan pa'i yid bzhin gyi nor bu'i gzugs yin pa'i phyir rdo rje nor bu'o/ /yon tan zhes bya ba ni bslab par bya bas yon tan te/ dpal du gyur par bya ba'i don du goms par bya zhes bya ba'i tha tshig go /rin chen 'byung ba zhes bya ba ni byang chub kyi yan lag la sogs pa rin po che thams cad de las skyes pas ni rin chen 'byung ba'o/ /sku rab 'bar zhes bya ba ni/ shin tu 'bar ba'i sku mnga' bas na sku 'bar te/ gzi brjid 'bar bas gsal bar byed pa'i phyir ro/ /rin chen kun zhes bya ba ni 'jig rten dang
- 108a
'jig rten las 'das pa thams cad la dkon pa yin pa'i phyir rin chen kun te mtshan brgyad yin no/ /tshe nyid ces bya ba ni bdag nyid chen po'i rang bzhin yin pas na che nyid de/ sku dang gsung dang thugs rdo rjes nam mkhas khyab pa'i phyir ro/ /shing ste zhes bya ba ni mchad sdong bzhin du byang chub sems dpa' rnams kyi dmigs pa yin pa'i phyir shing ngo/ /rin chen dbang zhes bya ba ni rin po che thams cad kyi gtso bor gyur pa'i phyir rin chen dbang ngo/ /re ba thams cad skong mdzad pa zhes bya ba ni/ sems can thams cad kyi bsam pa yongs su rdzogs par byed pas na re ba thams cad skong mdzad pa'o/ /bsam pa thams cad legs par mnyes zhes bya ba ni 'dod pa'i dngos grub thams cad mnyes pa'i ngo bo yin pa'i phyir/ bsam pa thams cad legs par mnyes so/ /rin chen phung po zhes bya ba ni/ gzhan du med pa'i rin po che thams cad kyi byur bur gyur pa'i phyir rin chen phung po ste mtshan drug yin no/ /'od mchog ces bya ba ni/ 'od zer gyi mchog de'i rtse mor gyur pa ni 'od zer mchog go /khyab pa zhes bya ba ni de bzhin gshegs pa'i snying po'i ngo bos sems can thams cad kyi rgyud kyi rjes su song ba'i phyir khyab pa'o/ / bdag nyid kun zhes bya ba ni sems can thams cad kyi sems las byung ba'i rang bzhin yin pa'i phyir bdag nyid kun no/ /mchog rab sbyin zhes bya ba ni/ rnal 'byor pa mngon par 'dod pas bsgrub pa'i dus su mchog ster bas na/ mchog rab sbyin no/ /mchog che ba ces bya ba ni/ rin po che'i rig pa 'dzin pa la sogs pa'i khyad par du phun sum tshogs pas na mchog che'o/ /phun sum thams cad 'byor ba'o/ /zhes bya ba ni/ de bzhin gshegs pa
- 108b
thams cad kyis rin po che'i rigs thams cad ma tshang ba med pa'i ngo bo yin pa'i phyir phun sum tshogs pa thams cad 'byor ba'o/ /rdo rje snying po ni rdo rje rtse lnga pas mtshan pa'i yid bzhin nor bu rin po che'i snying po'i skye gnas 'di la mnga' pas na rdo rje snying po'o/ /gang gi phyir dkyil 'khor bsgrub pa dang phyag rgya chen po bsgrub pas mngon par byang chub pa mngon sum du byed pa'i dus su 'di rdo rje rin chen las skye bar bzhed pa yin no/ /de'i phyir rdo rje rin po che'i skye gnas la rdo rje snying po zhes brjod de mtshan brgyad yin no/ /da ni mtshan brgya rtsa brgyad 'dzin pa'i phan yon bstan pa ni/ su yang rung bas zhes bya ba la sogs pa smos so/ /zhi ba 'di zhes bya ba ni/ mya ngan las 'das pa thob pa'i rgyud yin pa'i phyir ro/ /sangs rgyas kun gyi dbang bskur ba/ /skad cig du ni sdig med thob/ /ming brgya rtsa brgyad kyi gzhung gi don 'dzin pa dang/ rtogs pa ni sangs rgyas thams cad kyi ming gi dbang bskur bas na rin po che'i rigs thob pa ni mngon sum du byed pa'o/ /sdig pa med pa ni sgrib pa dang bral ba'o/ /gang gi tshe sgrib pa dang bral bar gyur pa de nyid kyi tshe/ de nyid skad cig cig la thob po/ rin chen khyod la gsol ba ni zhes bya ba ni gsol ba 'debs pa'i don du gnyer ba ste/ gus pas mngon du 'gro bas so/ /rin chen khyod la zhes bya ba ni bod pa'o/ /nor 'dus pa ni bshad par mdzod ces bya ba ni rin po che'i rigs so/ /de nyid kyi rnam par 'grel ba ni/ sangs rgyas kun gyi dbang bskur mchog /rang gi rigs ni bskyed par mdzod/ / ces bya ba ni/ sangs rgyas thams cad kyi dbang bskur ba ni/ sangs rgyas nyid kyis dbang bskur ba'o/ /bag chags dang bcas pa'i nyon mongs pa spangs pa dang/ nyon mongs pa'i dri ma thams cad dang bral ba'i mtshan nyid ni mnyam pa nyid kyis ye
- 109a
shes thob pa'o/ /de'i rgyu mthun pa rin po che'i rigs de nyid ni mchog ste/ 'khor ba ma stongs kyi bar du mnyam pa nyid kyi ye shes kyi nam mkha' i snying po'i rigs bskyed par mdzad pa'o/ /de nas zhes bya ba ni/ de ma thag pa brjod pa ste/ gsol ba btab pa'i rjes thogs nyid la byang chub sems dpa' nam mkha' i snying po ni byang chub sems dpa' chen po'i rang bzhin gyi sems dpa' ni sems dpa' chen po'o/ /de bzhin gshegs pa thams cad kyi bshad ma thag pa'i bka' 'di thos shing mnyan nas/ de bzhin gshegs pa thams cad kyi dbang bskur ba'i dam tshig ces bya ba la/ de bzhin gshegs pa thams cad ni rnam par snang mdzad la sogs pa'o/ /dbang bskur ba ni rin po che'i rigs su sprul nas/ de dag gi mgo bo la rin po che'i cod pan bskyed pa'o/ /de'i dam tshig ni bskyed pa'i rgyu'o/ /ming de skad ces bya ba'i snying po gang yin pa 'di gsungs pa'o/ /oM badzra ratna hUM zhes bya ba'o/ /'di skad ston pa yin te/ rin po che'i rigs bskyed par gsol ba 'debs pa'i tshig gsan nas/ bcom ldan 'das 'phags pa nam mkha' i snying pos de bzhin gshegs pa thams cad la snying po 'dis rin po che cod pan gyis dbang bskur ba byin pa yin no/ /de nas zhes bya ba ni snga ma bzhin te/ de bzhin gshegs pa thams cad kyi nor bu nor bu'i rigs so/ /de'i dam tshig ni bskyed pa'i rgyu ste ming de skad ces bya ba rig pa dam pa gang yin pa 'di gsungs pa ni bshad pa'o/ /'di skad ston pa yin te/ 'phags pa nam mkha' i snying pos dbang bskur nas/ bcom ldan 'das rnam par snang mdzad kyis nor bu rigs kyi ngo bo'i rang gi dkyil 'khor bskyed pa'i rgyur gyur pa'i/ rig pa dam
- 109b
pa 'di gsungs shing bshad pa yin no/ /de ltar na phyag na rdo rje dang/ rdo rje snying po dang/ rdo rje spyan dang/ rdo rje sna tshogs rnams kyis rdo rje snying po dang/ rin chen lta ba dang/ rin chen pad+ma dang/ rin chen char 'bebs kyi dkyil 'khor bskyed pa'i rgyur gyur pa'i rigs pa dam pa 'di gsungs pa'o/ /de nas zhes bya ba'i sgra ni snga ma bzhin no/ /de ltar bcom ldan 'das rnam par snang mdzad kyis rdo rje sems dpa' dang/ rdo rje snying po dang/ rdo rje lta ba dang/ rdo rje sna tshogs kyi dkyil 'khor bskyed pa'i rgyur gyur pa'i rig pa dam pa 'di gsungs pa'i rjes thogs la byang chub sems dpa' chen po 'phags pa nam mkha' i snying po don thams cad grub pa'i gzugs can gyis de bzhin gshegs pa thams cad kyis dbang bskur ba'i rin po che zhes bya ba'i ting nge 'dzin la snyoms par zhugs so/ /de la de bzhin gshegs pa thams cad kyis dbang bskur ba'i rin po che ni rin po che'i rigs te/ de la dmigs nas thugs rtse gcig tu mdzad de/ de bzhin gshegs pa thams cad kyis dbang bskur ba zhes bya ba'i ting nge 'dzin de la snyoms par zhugs nas/ don thams cad grub pa'i dkyil 'khor chen po'i lha rnams sprul pa'i rnam par thugs rtse gcig tu mdzad ces bya ba'i don no/ /'phags pa nam mkha' i snying po snyoms par zhugs ma thag pa'i rjes thogs nyid la'o/ /de bzhin gshegs pa thams cad kyi thugs ka nas ni rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa rnams kyi thugs ka la /rdo rje nor bu rin chen lta bu'i 'od zer rnams byung nas/ zhes bya ba ni/ ji skad du bshad pa'i rdo rje rin po che dang 'dra ba'o/ /de dag gi 'jig rten gyi khams thams cad snang bar byas te zhes bya ba ni/ phyogs bcu'i sangs rgyas kyi zhing thams cad du rdo rje
- 110a
rin po che'i rnam pas rang rang gi gzugs su snang ba'o/ /sems can thams cad ni rin po che'i rigs kyi rnal 'byor la mngon par dga' ba'i mtshan ma thob pa'o/ /de bzhin gshegs pa thams cad ni/ rin po che'i rigs kyi dngos grub grub pa'i ye shes kyi mtshan nyid do/ /de bzhin gshegs pa thams cad kyi dbang gis dbang bskur nas/ yang gcig tu gyur pa ni/ thugs kar zhugs pa'o/ /gang gi thugs kar zhe na/ bcom ldan 'das byang chub sems dpa' chen po nam mkha' i snying po'i thugs su zhugs so/ /de nas zhes bya ba ni/ snga ma bzhin du shes par bya ste/ rdo rje rin po che 'od zer gyi rnam pa zhugs pa nyid kyi rjes thogs la'o/ /de nas nam mkha' i snying po'i thugs las bcom ldan 'das phyag na rdo rje nyid do/ /zhes bya ba ni de bzhin gshegs pa thams cad kyi thugs ka'i sems dpa' i rdo rje'i rnam pa las byang chub sems dpa' chen po'i sku byung bar gyur nas zla ba'i dkyil 'khor la gnas nas ched du brjod pa 'di ched du brjod do/ /zhes bya bar sbyar ro/ /khyad par ji lta bu zhig ce na/ kun nas 'od zer 'bar ba'i snying po zhes bya ba smos te/ kun nas 'od zer 'bar ba rin po che'i 'od des bskor zhing nang du zhugs par byas pas na kun nas 'od zer 'bar ba'i snying po'o/ /rdo rje dang/ nor bu dang/ rin po che sna tshogs kyis dbang bskur ba la sogs pa'i rgyan gyis brgyan pa'i sku zhes bya ba ni/ rdo rje dang/ nor bu dang/ rin po che sna tshogs pa des dbang bskur ba ni/ rdo rje dang/ nor bu dang/ rin po che sna tshogs pas dbang bskur ba'o/ /de dang por byas pa'i rgyan ni rdo rje dang nor bu dang rin po che sna tshogs pas dbang bskur ba la sogs pa'i rgyan no/ /de'i rgyan gyis de rnam par brgyan pa'i sku ni rdo rje dang nor
- 110b
bu dang/ rin po che sna tshogs kyis dbang bskur ba la sogs pa'i rgyan gyis brgyan pa'i sku'o/ /de'i phyag na ci zhig bsnams she na/ rdo rje nor bu rin po che chen po'i mtshan ma phyag na bsnams pa'o/ /zhes bya ba smos te/ rdo rje nor bu yang yin la rin po che yang de yin pas na/ rdo rje nor bu rin po che chen po de nyid kyis mtshan ma'i rdo rje rtse lnga pa la sogs pa nas/ rin po che dril bu'i mthar thug pa'i phyag rgya ni rdo rje nor bu rin po che las phyag rgya'i mtshan ma'o/ /de rnams kyi phyag mtshan dang ldan pa gang yin pa de ni rdo rje nor bu rin po che chen po'i mtshan ma phyag na bsnams pa'i byang chub sems dpa' chen po sku rnams su gyur te/ byung ba ni bcom ldan 'das rdo rje 'chang las byung ba'o/ /phyung nas des ci zhig byed ces/ 'jig rten gyi khams thams cad du zhes bya ba smos te/ phyogs bcu'i 'jig rten gyi khams sprin rgya mtsho rab 'byam thams cad du sems can rnam par gnas pa de la/ rin po che'i char phab pa la sogs pa nor bskyed pa rnams kyis bsgom pa la dga' ba'i skal pa dang ldan pa rnams mgu bar byas nas shes par bya'o/ /de mgu bar byas nas ci zhig byed ce na/ slar yang byon te zhes bya ba smos te/ yang slar log nas bcom ldan 'das rnam par snang mdzad kyi phyogs dang mtshams thams cad du rdo rje dbyings kyi dkyil 'khor chen po'i tshul te/ rdo rje dbyings kyi dkyil 'khor chen po las bshad pa'i cha byad kyi zla ba'i dkyil 'khor la gnas nas/ ched du brjod pa 'di ched du brjod do/ /e ma ho zhes bya ba ni ngo mtshar ba'o/ /ni zhes bya ba ni gang gi phyir gyi don te/ /sangs rgyas thams cad kyi/ rin chen thams cad bsdus pa ni/ zhes bya ba ni/ sangs rgyas thams cad dang 'brel ba'i rin po che thams cad bsdus pas na rin chen thams cad bsdus
- 111a
ba'o/ /de gang zhig gis she na/ rdo rje rin chen rigs nyid du zhes bya ba smos te/ rdo rje rin chen 'phags pa nam mkha' i snying po'i rigs ston pa yin te/ de'i thugs las byung ba'i phyir ro/ /ci zhig ngo mtshar zhe na 'gro ba'i don du 'dir gyur to/ /zhes bya ba ni sems can gyi don du'o/ /'di skad ston pa yin te/ sems can de bzhin gshegs pa'i rigs 'di don dam par na gdod ma nas ma skyes pa yin yang/ de bzhin gshegs pa rnams rdo rje rin po che las skyes pa'i 'gro ba 'dul ba'i gdul bya'i rigs rnams kyis mthong ba ni ngo mtshar ba'o/ /'di skad ston pa yin te/ de skad du yang chos rnams rang bzhin 'od gsal ba/ /'dod nas dag pa nam mkha' bzhin/ /byang chub med cing mngon rtogs med/ /byang chub tshul 'di brtan pa'o/ /zhes gsungs so/ /de nas de bzhin gshegs pa zhes bya ba nas brtsams nas/ rdo rje rin chen bdag nyid du/ /'gro ba'i don du 'di gyur to/ /zhes bya ba'i bar gyi gzhung 'di tsam gyis ni don thams cad grub pa zhes bya ba'i dkyil 'khor chen po'i dkyil 'khor rgyal po mchog ces bya ba'i ting nge 'dzin gnyis pa bshad pa yin no/ /de nas bsdu ba dang byin gyis brlab pa la sogs pa ni/ rdo rje dbyings kyi dkyil 'khor chen po las bshad pa bzhin du las kyi rgyal po mchog ces bya ba'i ting nge 'dzin gsum pa yin par shes par bya'o/ /don thams cad grub pa'i dkyil 'khor chen por dam tshig dang dbang bskur ba thob pa rnams kyis de las bshad pa'i phyag rgya chen po la sogs pa bsgrub pa la 'jug par bya'o/ /zhes bya ba'i don bstan pa'i phyir/ de nas byang chub sems dpa' sems dpa' chen po nam mkha' i snying po zhes bya ba la sogs smos pas/
- 111b
slob dpon gyi las kyi cho ga dang slob ma 'jug pa'i cho ga rgyas pa bstan pa yin no/ /de nas zhes bya ba ni skabs su bab pa ste/ slob dpon dang slob ma'i cho ga rgyas pa'i dus la bab pa zhes bya ba'i don no/ /rang gi rigs bskyed nas/ zhes bya ba ni/ bshad ma thag pa'i tshul gyis rang gi rigs de rin po che'i rigs de bskyed pa ni rang gi thugs las phyung ba'o/ /de bzhin gshegs pa thams cad ni rnam par snang mdzad dang/ mi bskyod pa la sogs pa'i de bzhin gshegs pa rnams 'dus pa la'o// de bzhin gshegs pa thams cad la sems can thams cad kyi bsam pa 'dis yongs su rdzogs par byed pa ni rang gi rigs 'di bcom ldan 'das la phul ba yin no/ /'di ji lta bu zhe na/ don thams cad grub pa zhes smros te/ don yang yin la de thams cad kyang yin pas don thams cad de/ 'jig rten dang 'jig rten las 'das pa'i dngos grub gang yin pa 'di 'grub pa'i don thams cad 'grub pa ste/ bcom ldan 'das nam mkha' i snying po 'am/ de'i rigs ni don thams cad do/ / de 'grub pa'i rgyu mtshan gyi dkyil 'khor ni don thams cad 'grub pa'i dkyil 'khor chen po ste/ rin po che'i rigs kyi phyag rgya gtso bor gyur pa'i dkyil 'khor gtso bor gyur pa zhes bya ba'i tha tshig go /'di zhes bya ba ni 'chad par 'gyur ba nyid do/ /de gsungs pa ni bshad pa'o/ /de nas zhes bya ba'i sgra ni de ma thag pa ste/ sngon du bsnyen pa'i rjes thogs la'o/ /de nas zhes bya ba ni de'i phyir gyi don to/ /gang gi phyir don thams cad grub pa'i dkyil 'khor du 'jug pa med na de las bshad pa dngos grub 'grub par mi 'gyur ba de'i phyir/ rab tu bshad bya ba/ dkyil 'khor chen po dam pa ste/ /rdo rje dbyings dang 'dra ba la/ /zhes bya ba ni sprul pa'i don thams cad grub pa'i dkyil 'khor ni rdo rje dbyings so/ /de dang 'dra ba ni
- 112a
rdo rje dbyings dang 'dra ba ste/ don kun grub pa zhes bshad pa zhes gsungs so/ /gru bzhi pa la sgo bzhi pa/ /rta bab bzhis ni brgyan pa ste/ /zhes bya ba nas phyi rol dkyil 'khor srad bu bre zhes bya ba'i bar du bshad zin to/ /de yi nang du rdo rje yi/ /rin chen las byung gnas bya zhing/ zhes bya ba ni/ bshad ma thag pa'i phyi'i dkyil 'khor de'i nang ni nang gi dbus zhes bya ba'i tha tshig go /ci zhig bya zhe na/ rdo rje rin po che las byung ba'i rdo rje rin po che'i rang bzhin gyi gnas kyi dkyil 'khor ro/ /ji ltar srad bu bre bar bya zhe na/ /ka ba brgyad kyi tshul du ni/ /rin chen sna tshogs 'bar ba yi/ /dkyil 'khor lngas ni rgyan gyur pa/ /der ni srad bu bre bar bya/ /zhes bya ba smos te/ ka ba brgyad kyi tshul ni rdo rje dbyings kyi dkyil 'khor chen po la bshad par shes par bya'o/ /rin chen sna tshogs 'od 'bar ba/ /dkyil 'khor lngas ni brgyan gyur bar/ /zhes bya ba ni rnam par snang mdzad dang/ don thams cad grub pa dang/ rin chen lta ba dang/ rin chen pad+ma dang/ rin chen char 'babs kyi dkyil 'khor zla ba'i dkyil 'khor gyis brgyan pa re re zhing yang zla ba'i dkyil 'khor gyi gdan lnga lngas de ltar brgyan par bya'o/ /rin chen zur brgyad pa/ re'u mig brgyad las 'od zer gyi phyi rol du phros pa'i rin po che lcug mas phyi rol kun la yongs su bskor ba ni/ rdo rje rin po che'i 'od zer 'bar pa des na rin chen sna tshogs 'od 'bar ba'o/ /rang gi phyag rgyas bskor ba ste/ /der ni sangs rgyas bzhag par bya/ /zhes bya ba ni/ dkyil 'khor rnam pa lnga'i dbus kyi dkyil 'khor gang yin pa de la rnam par snang mdzad bris la/ rang gi snying pos nam mkha' i phyogs bkug la dbab par bya'o/ /de'i shar gyi cha la rdo rje nor
- 112b
bu dang/ lhor rin po che'i myu gu /nub tu rdo rje rin chen pad+ma/ byang du rin chen char 'bebs kyi phyag rgya bri bar bya'o/ /thams cad kyang rang gi snying pos nam mkha' i phyogs nas bkug la dbab par bya'o/ /zhes shes par bya'o/ /de la snying po 'di dag yin te/ oM bud+d+ha ratna hUM zhes bya ba ni/ bcom ldan 'das rnam par snang mdzad kyi snying bo ste/ dgod pa'i snying po yin no/ /badzra ma Ni hUM/ rdo rje sems ma'i gnas kyi rdo rje nor bu ma'i phyag rgya'o/ /oM badzra ratna aM ku ra hUM/ rdo rje rin chen ma'i gnas kyi'o/ /oM badzra ratna pad+ma hUM/ rdo rje chos ma'i gnas su'o/ /oM badzra ratna ba sha hUM/ rdo rje las ma'i gnas su rin chen char 'babs kyi phyag rgya'o/ /re ba kun grub dkyil 'khor du/ /rdo rje shugs kyis brgal nas ni /zhes bya ba la sogs pa ni/ re ba thams cad 'grub pa mnga' bas 'dir ni re ba thams cad 'grub pa ste/ bcom ldan 'das rdo rje snying po'o/ /de'i dkyil 'khor ni re ba thams cad 'grub pa'i dkyil 'khor ro/ /rdo rje snying po der gnas shing/ /rin chen mchog ni sbyin par bri/ /zhes bya ba ni/ dkyil 'khor gyi gnas/ der bzhugs pas na der gnas so/ /gnas dang der rdo rje snying po ste/ nam mkha' i snying po bri bar bya'o/ /rin chen mchog ni sbyin par bri/ /zhes bya ba ni/ rin po che'i mchog ster bar byed pa de bri bar bya'o/ /de yi phyogs rnams thams cad du/ /ltag 'og go ri ji bzhin du/ /rin chen phyag rgya ldan pa'o/ /zhes bya ba ni/ yid bzhin gyi nor bus mtshan pa'i rdo rje la sogs pa'i rang gi mtshan ma phyag na bsnams pa dang/ nor bu'i mtshan ma la sogs pa bsnams pa'i sems dpa' chen po rnams bri bar bya'o/ /ltag 'og gi rim ji bzhin du/ /zhes bya ba ni/ rdo rje dbyings kyi dkyil 'khor chen po las bshad pa'i cho ga bri bar bya'o/ /de la de dag snying
- 113a
po zhes bya ba ni go sla'o/ /rin chen phreng ba'i dkyil 'khor du/ /zhes bya ba ni mig gnyis kyi steng du yang dag par ldan pa ni nye bar mtshon pa ste/ nam mkha' i snying po'i rin po che'i phreng ba'i dkyil 'khor 'di ni rin chen phreng ba'i dkyil 'khor ro/ /de'i phyogs rnams thams cad du/ zhes bya ba ni go sla'o/ /rin chen pad+ma'i dkyil 'khor du/ /rdo rje shugs kyis brgal nas ni/ /zhes bya ba ni/ rin po ches mtshan pa'i pad+ma ste/ rin chen pad+ma de'i dkyil 'khor ro/ /rin chen pad+ma 'dzin khyab bdag /de'i dbus gnas bri bar bya/ zhes bya ba ni/ 'od dpag tu med pa'i gnas su rin chen pad+ma bsnams pa/ 'phags pa nam mkha' i snying po ting nge 'dzin la snyoms par zhugs pa bri bar bya'o/ /zhes bya ba'i tha tshig go /rin chen char 'bebs dkyil 'khor du/ /rdo rje shugs kyis brgal nas ni/ /zhes bya ba ni/ rin chen char 'bebs ni nye bar mtshon pa ste/ rin chen char 'bebs ni 'phags pa nam mkha' i snying po yin la/ de'i dkyil 'khor ro/ /lhag ma ni go sla'o/ /de nas kyi sgra ni de ma thag pa ste/ de ltar dkyil 'khor bris nas/ rdo rje dbyings kyi dkyil 'khor chen po las bshad pa'i cho ga thams cad byas pa'i rjes la/ don thams cad grub pa'i dkyil 'khor 'dir re zhig 'phags pa nam mkha' i snying po'i rnal 'byor dang nor bu'i rigs kyi rnal 'byor byas la/ rin po che'i slob dpon rang nyid 'jug par bya'o/ /ji lta ba bzhin du zhugs te zhes bya ba ni/ 'chad par 'gyur ba'i slob ma 'jug pa'i cho gas slob dpon bcom ldan 'das 'phags pa nam mkha' i snying por gyur pas bdag nyid 'jug par bsam pa ni ji lta ba bzhin du zhugs pa'o/ /cho ga rgyas pa bdag nyid kyis byas la zhes bya ba ni/ rdo rje dbyings las bshad pa'i cho ga
- 113b
bzhin du 'dir slob dpon bdag nyid sgrub po/ /de nas zhes bya ba ni rang gi cho ga rgyas pa'i rjes thogs la'o/ /rin po ches byin gyis brlabs pa'i bum pa'i chus nor bu'i slob ma la dbang bskur te/ zhes bya ba ni/ 'phags pa nam mkha' i snying po mngon par bzlas pa'i 'jug pa'i sgo la mngon par phyogs par bzhag pa'i bum pa ni rin po ches byin gyis brlabs pa zhes bya'o/ /de'i phyir nor bu'i rigs kyi bdag por byin gyis brlabs pa'i slob ma la chu blangs la/ nor bu'i slob ma de la chu des bsad gtor dang/ dbang bskur bar bya'o/ /ci zhig byed cing zhe na/ rdo rje nor bu dam tshig gi phyag rgya bcings la/ zhes bya ba smos te/ oM badzra ma ni ratna sa ma ya baM/ zhes brjod cing/ rang nyid kyi phyag rgya bcings la/ de yang 'ching du gzhug par bya'o/ /gang gis zhe na/ snying po 'dis brjod pas so/ /de nas kha dag ji lta ba bzhin du rnyed pa'i gos 'di ni gos gzhan ji ltar rnyed pa thams cad gzung bar bya'o/ /zhes bcom ldan 'das nyid kyis gnang ba sbyin par bston to/ / snying po 'dis rang dang gzhan 'jug par bya ste/ oM hUM pra be sha ma ni rA dza ku laM/ dam tshig gnyis su byas te/ zhes bya ba ni/ g.yon pa'i khro bo'i khu tshur gyis g.yas pa'i rdo rje nor bu ma'i dam tshig gi phyag rgya dral bar bya zhes bya ba'i don no/ /theg pa chen po mngon bar rtogs pa brjod par bya'o/ /zhes bya ba ni/ don thams cad grub pa rab tu sbyin pa'i sngags 'dir theg pa chen po mngon par rtogs pa zhes brjod do/ /de bzhin gshegs pa thams cad kyi dbang bskur ba'i dam tshig gi dkyil 'khor du de brjod cing sgo bsrungs nas brtsams nas/ bcom ldan 'das rnam par snang mdzad kyi bar du blta bar bya'o/ /zhes bya ba'i don no/ /gang gi phyir bcom ldan 'das de bzhin gshegs pa la thugs gi bar du dkyil 'khor chen po bstan par bya'o
- 114a
zhes gsungs pa yin no/ /de nas de bzhin gshegs pa thams cad ces bya ba la sogs pa nas/ ci 'byor bas mchod pa byas nas/ dgos pa thams cad bsgrub par bya'o/ /zhes bya ba'i bar gyi gzhung 'di tsam gyis ni de'i cho ga rgyas pa'i don bstan pa yin no/ /bcom ldan 'das zhes bya ba ni sngar bshad zin to/ /don thams cad grub pa'i dkyil 'khor chen por dam tshig dang/ dbang bskur ba thob pa des dkyil 'khor bri bar 'dod na/ dang por re zhig rim pa 'dis sngon du bsnyan pa byas te/ tho rangs kyi thun mtshams la mal nas langs te/ sangs rgyas dang byang chub sems dpa' thams cad la phyag byas nas/ oM badzra yak+Sha hUM zhes bya bzlas pas/ bdag nyid rdo rje gnod sbyin tu sprul la/ 'di nyid brjod cing gdong la sogs pa dag par bya'o/ /yang 'di nyid brjod cing/ lha'i khang par dbang ldan gyi phyogs nas brtsams te/ bdag nyid bsgrub pa'i grogs pos g.yas nas skor zhing rims kyis rkyang nu la bya'o de nas slob dpon khrus la mngon par zhen na khrus bya'o/ /gal te rnam par rtog pa spyod pa yin pa de'i tshe chu'i khrus kyog cho ga bya ba 'am/ chos bdag med pa la lhag par mos pa dang rang gi sdom pa bsrung ba rnams kyis nang gi bdag nyid can gyi khrus rgyun mi 'chad pa nyid du bya'o/ /de la rnam par rtog pa la spyod pa de'i chu'i khrus kyi cho ga ni 'di yin te/ re zhig thog mar yi ge hUM las rdo rje me ltar 'bar bar bdag nyid bskyed la/ oM d+hu pi d+hu pi ka ya hu pi ba dzA li ni swAhA/ zhes brjod la/ khro bo ti rin+ti ri'i phyag rgyad cings te/ bdag nyid me ltar 'bar ba ma rung pa'i rdo rje 'bar ba bzod par dka' bar byas te/ rdo rje bsdams pa nang bcings nas/ /sor mo nang du 'bar byas la/ /mthe bo rdo rje bsgreng ba ni/ /
- 114b
khro bo ti rin+ti ri bshad/ /rdo rje nyi ma me'i rdo rje 'bar ba'i dam tshig ni phyag rgya'o/ /de'i rjes la bdag nyid oM hUM zhes bdag nyid go cha'i phyag rgyas go cha bcing bar bya'o/ /de la phyag rgya ni 'di yin te/ rdo rje khu tshur gnyis su byas pas snying ga /mdud pa bcing ba'i tshul du bya ba dang/ de bzhin du mgrin pa dang/ ltag pa dang/ yang snying ga dang/ nu ma'i bar dang/ yang snying ga dang/ de nas mgrin pa dang/ rgyab dang/ de nas dbang bskur ba'i gnas su mdud pa'i tshul gyis dar dbyangs bcing ba'i tshul du byas te/ sgog pa dang bcas pas lgag pa g.yas pa dang/ g.yon pa mdza' ma nas bkrol te/ dar dbyangs dpyad pa'i tshul du byed cing mthar mnyam pa'i thal mo dang badzra tu Sh+ye'o/ /zhes bya bas mnyes par bya'o/ /de nas b+hu ra dzA la hUM swAhA/ zhes bya bas sa blangs nas cha gsum du byas te/ rig pa 'di nyid mngon par bzlas la khrus byed pa'i sa phyogs su bzhag par bya'o/ /rdo rje gnod sbyin gyis phyag rgya bcings la/ yi ge hUM gis chu dang chu'i gnas thams cad kyi bgegs thams cad bza' bar bya'o/ /yang rdo rje gnod sbyin gyi phyag gyi bcings la/ 'phags pa bdud rtsi thal sbyor gyi chu dang chu'i bgegs thams cad bza' bar bya'o/ /yi ge a las rdo rje thal mo'i mthe bo gnyis brkyang la/ mdzub mo gnyis mche ba'i tshul du bya ba ni/ rdo rje gnod sbyin gyi phyag rgya'o/ /de nas oM b+hu ra dzA la hUM swAhA/ zhes brjod cing/ chu snyim pa gsum blangs la steng bcing ba'i phyir gtor bar bya ba dang/ rig pa 'di nyid zlos shing sngar bshad pa'i sa gsum las gcig blangs la/ rked pa'i phyogs bkru ba dang lag pa bkrus la nye reg bya'o/ /de nas yi ge hUM brjod cing cha gnyis pa blangs la lus la khrus bya'o/ /cha gsum pa dang bcas pa dang yan lag thams cad kyi khrus byas la/ oM b+hu ra dzA la hUM swA hA/
- 115a
zhes brjod cing/ nye reg byas nas rang gi mgo la rang gi lha'i dam tshig gi phyag rgya dang de'i sngags kyis chu blugs par bya'o/ /de nyid kyis bdag rang byin gyis brlabs te/ langs la oM shi kha re ru Ta phaT/ ces bzlas pa'i chus gos la sogs pa bsangs te/ badzra satwa zhes brjod cing ji lta ba bzhin du bgos la/ yid kyis chu'i gnas kyi bsrung ba bkrol la/ rang gi lha'i nga rgyal gyis de'i sngags brjod cing lha'i khang pa dang nye bar rkang pa bkrus te/ rig pa 'di nyid kyis nye reg bya ba dang/ g.yon pa'i khro bo'i khu tshur dang hUM phaT ces bya bas lha'i khang pa'i bgegs bskrad pa dang/ g.yas pa'i khro bo'i khu tshur gyis lha'i khang pa bsrung ba byas te/ 'jug par bya'o/ /yang rdo rje rtse mo bzlas pa'i dri'i chu dang nor bu'i gnod sbyin bzlas pas stan dang lha'i khang pa bsangs te/ sa ma yastwaM/ zhes brjod la 'dug par bya'o/ /de nas yi ge h+ri las lkog ma'i phyogs pad+ma 'dab ma brgyad pa/ lce'i pad+ma'i 'dab mar hUM las rdo rje rtse lnga pa dkar po bskyed la/ badzra dzihpa zhes bya ba 'dis byin gyis brlab par bya'o/ /lag pa gnyis su yang a las zla ba'i dkyil 'khor re re bsams la de gnyis kyi steng du tra gnyis las rdo rje rin po che gnyis bsam zhing sor mo'i rtse mo rnams rdo rje nor bu myu gu lta bus bgegs gzhom pa la sogs pa bya'o/ /de la yi ge hUM las rdo rje me ltar 'bar bar bdag nyid bsams te/ oM g+hi badzra sa ma ya hUM baM zhes zlos shing khro bo ti rin+ti ri bcing bar bya'o/ /rdo rje bsdams pa nang bcings la/ /yid kyis khros nas dgab bya ba/ /rdo rje mthe bong dam pa ste/ /khro bo ti rin+ti ri bshad/ /yi ge hUM gis ti rin+ti ri bcings te/ /oM badzra dzwa la a na la ka hUM a b+hi ShIny+tsa maM zhes brjod cing rdo rje bsdams pa
- 115b
nang du bcings pa'i mthe bong gnyis bzhibs te/ rdo rje khu tshur gyi steng du 'jog pa ni rdo rje ri rin+ti ri ste/ 'dis spyi bo nas brtsams nas/ phyogs bzhir rdo rje phreng ba bcing ba'i tshul gyis bskor te/ dpral ba'i phyogs su bzhag par bya'o/ /snga ma bzhin du go cha bcings te/ mthar mnyam pa'i thal mos mnyes par byas nas/ yang oM badzra dzwa la a na la rke hUM zhes brjod cing/ rdo rje skyil krung phyed du 'dug la g.yon pa'i khu tshur snying gar bzhag nas/ g.yas pa'i rdo rje khu tshur gsor bas bgegs thams cad la bsnun par bya'o/ /de nas hUM badzra a na la ha na da ha pa tsam ma tha b+hany+tsa ra Na hUM phaT/ ces bya bas sngar bshad pa'i rdo rje ma'i dam tshig gi phyag rgya bcings te/ bgegs thams cad bskrad pa dang/ bcing ba dang/ bsreg pa dang/ mchod pa dang/ gsod pa la sogs pa bya'o/ /yang rdo rje bsdams pa bcings la mthe bo gnyis brkyangs te/ bsnyams te bzhag la/ badzra ne tri band+ha sarbba big+han+n zhes brjod cing bgegs thams cad bcing bar bya'o/ /rdo rje bsdams pa brkyang ba sa la bzhag la/ oM badzra DiDho me b+ha ba rak+Sha sarbbaM swAhA/ zhes bya ba dang mgo bcing bar bya'o/ /rdo rje 'jigs byed spyan gyi phyag rgya dang/ oM hu lu hu lu hUM phaT/ ces bya bas steng bcing bar bya'o/ /rdo rje khu tshur gnyis bcings la mgal me'i 'khor lo bzhin du bskor te/ mgo bo'i steng du 'dzub mo lcags kyu'i tshul du bzhag pa ni rdo rje 'jigs byed spyan gyi phyag rgya'o/ /sngar bshad pa'i rdo rje gnod sbyin gyi phyag rgya dang/ badzra yak+Sha hUM zhes bya ba dang bcas pas rdo rje 'jigs byed spyan gyis bcing ba'i 'og tu yang nam mkha' bcing bar bya'o/ /rdo rje gtsug gi phyag rgya dang bcas pas shar phyogs bcing bar bya ste/ oM duM band+ha haM zhes bya ba 'am/ druM zhes bya ba yongs su bzla'o/ /rdo rje khu tshur gnyis kyis mthe'u chung ba nyis lu gu rgyud du sprel la mdzub
- 116a
mo gnyis kyi rtse mo sbyar te bzlog nas spyi gtsug tu bzhag pa 'di ni rdo rje gtsug tor gyi phyag rgya'o/ /yang rdo rje zhags pa de nyid bcing bar byas te/ oM badzra pA sha h+ri rdo rje khu tshur gnyis kyis mkhrig ma mdud pa byas pa 'di ni zhags pa'i phyag rgya'o/ /rdo rje ba dan gyis nub phyogs bcing bar bya ste/ oM badzra pA taM ke pa taM gi ni ra Ta/ rdo rje bsdams pa las mthe bo gnyis/ sems dpa' i skyil krung du byas la/ mdzub mo gnyis mnyam par bzhibs te/ phye la mthe'u chung gnyis brkyang nas ba dan ltar bya ba ni rdo rje ba dang yi phyag rgya'o/ /byang phyogs su rdo rje nag mos bcing bar bya ste/ h+ri badzra ka li ru Ta ma Ta/ sngar bshad pa'i rdo rje gnod sbyin gyi phyag rgya snying gar bstan par byas pa ni rdo rje nag mo'i phyag rgya'o/ /rdo rje rtse mos lho bcing bar bya ste/ sngar bshad pa nyid kyi sngags dang/ rdo rje khu tshur gnyis ri bo 'degs pa'i tshul du bya ba ni rdo rje rtse mo'i phyag rgya'o/ /rdo rje las kyi dkyil 'khor bcing bar byas la rab ba brtsig par bya'o/ /hUM badzra karmma yang rdo rje hUM mdzad kyi nang du ra ba byas te/ hUM zhes brjod cing/ rdo rje khu tshur gnyis bcings la/ lag ngar rdo rje byas nas su/ /mthe'u chung lcags kyur bcing bar bya/ mdzub mo gnyis kyis sdigs pa ni/ 'jig rten gsum rgyal zhes bya'o/ /zhes bya ban rdo rje hUM mdzad kyi phyag rgya'o/ /de nyid las gung mo gnyis brkyang ba ni rdo rje las kyi phyag rgya'o/ /rdo rje bsdams pa dang/ badzra ban d+ha baM zhes bya ba ni rdo rje bla re bya'o/ / de nas nor bu'i gnod sbyin yongs su bzlas pa'i dri'i chu'i snod lha'i khang pa'i sgor bzhag pa la bsang gtor byas la/ nor bu'i gnod sbyin bzlas pa'i dri'i chu nyid kyis mchod pa'i yan lag thams cad bsang pa dang/ sngar
- 118b
bshad pa'i rdo rje me'i phyag rgya dang bcas pa'i sngags kyis lan gsum sngon par bzlas la/ me tog gi phyag rgya dang badzra puShpe hUM zhes lan gsum sngon par bzla bar bya ba dang/ oM badzra gand+he zhes dri'i phyag rgya dri/ oM badzra d+hu pe hUM zhes bya ba dang/ a kA ro mu khaM sarbba d+harmmA Na AdyA tpan+na? twat zhes bya ba dang/ lha bshos la yongs su bzla'o/ /de'i phyag rgya ni 'di yin te/ rdo rje bsdams pa las ral gri 'gren pa'i tshul du byed pa'o/ /oM badzra A lo ke zhes bya ba dang/ mar me'i phyag rgya mar me la'o/ /oM sarbba artha sid+d+hi pra da hUM/ dri sor mo'i chu la me tog ser po dang/ zho dang/ til nag po dang/ ku sha dang 'bras bu la sogs pa dung chos la sogs pa'i snod du bcug la/ rdo rje thal mo kha phye ba'i mtshan nyid can de'i phyag rgya lan gsum bzlas la bzhag par bya'o/ /de nas nor bu'i rgyu'i las kyi phyag rgyas don thams cad grub pa'i dkyil 'khor chen po sprul la/ yod cing 'byor na mchod pa rnam pa lngas yang dag par mchod la/ /phyag bya ba ston du 'gro ba dang/ sdom pa gzung ba byas nas mnyam pa'i thal mo dang/ yang rdo rje thal mo dang/ rdo rje bsdams pa bcings la/ de nas rdo rje bsdams pa snying gar dral bar bya'o/ /de nas rdo rje 'bebs pa'i dam tshig gi phyag rgya bcings la/ badzra a be sha zhes brjod cing/ a zhes bya bas bdag nyid la dbab par bya'o/ /tiSh+Tha badzra driDho me zhes bya ba la sog pa dbab pa nye bar bsdu ba byas la/ badzra muSh+Ti zhes brjod cing rdo rje dbyings las bshad pa'i rdo rje khu tshur gyi dam tshig gi phyag rgya bcings te/ oM badzra sind+ha paM zhes lan gsum brjod par bya'o/ /sdig pa dral ba'i phyag rgyas sdig pa dral te/ de nas rnam par snang mdzad kyi dam tshig gi phyag rgya bcings/ oM bud+d+ha ratna hUM zhes lan gsum brjod cing/ badzra mu:
- 117a
zhes bya bas rang gi snying ga'i zla ba la bcug pas bcom ldan 'das rnam par snang mdzad der zhu bar bsam par bya'o/ /de ltar nor bu 'bebs pa'i bar gyi dam tshig gi phyag rgya bcings la/ oM ma ni ratna a be sha a/ zhes lan gsum zlos shing/ oM badzra mu(rgyud 'grel): zhes yongs su bzlas pas rang gi snying kha'i zla ba der phyag rgyas bcug pas/ bcom ldan 'das rin chen 'bebs pa rang gi snying gar zhu bar bsam par bya'o/ /de ltar lha thams cad kyi rang bzhin gyi byang chub sems kyi zla ba'i dkyil 'khor bskyed nas/ skyil mo krung bcas la ting nge 'dzin mchog gi phyag rgya bcings te/ rang gi snying ga'i zla ba la rdo rje rin po che bsam par bya'o/ /rdo rje rin po che'i dbus su/ oM sarbbe artha sid+d+hi pra da hUM zhes bya ba yid kyis bris la/ 'di nyid yid kyis brjod de/ chos thams cad bdag med par bsgom par bya'o/ /de nas snying po de nyid dang/ a A/ i a'i/ u a'u/ ri rI/ li lI/ e i/ o oM/ aM a/ zhes bya ba dbyangs yig bcu drug dang bcas pas rang gi sems zla ba'i dkyil 'khor gyi rnam par bsam par bya'o/ /dbyangs yi ge bcu drug po 'di nyid ni nor bu'i mtshan ma la sogs pa nas/ nor bu'i khu tshur gyi mthar thug pa yin par 'dir shes par bya'o/ /de nas de'i steng du snying po de nyid dang/ yi ge ka la sogs pa dang bcas pa la zla ba'i dkyil 'khor gnyis par bsam mo/ /zla ba'i dkyil 'khor gnyis pa de nyid dang/ oM sarbba artha sit+ti pra ta hUM zhes bya ba'i snying po dang bcas pas rdo rje rtse lnga par bsam mo/ /rdo rje de nyid rdo rje rin po cher byas la de'i dbus su/ oM sarbba artha sit+tI pra ta hUM zhes yid kyis bris la/ badzra ratna haM zhes bya bas/ rdo rje rin po che'i
- 117b
nga rgyal bsgom par bya'o/ /de ltar bsams la/ rdo rje rin chen gyi bdag nyid gang yin pa de bcom ldan 'das nam mkha' i snying po de bzhin gshegs pa thams cad kyis dbang bskur ba dang/ mchod pa dang/ dam tshig gi dngos grub gyi tshul gyi 'bras bu bsgrub pa yin no/ /zhes nges pa bskyed la sems bskyed pa'i sbyor bas/ rdo rje rin chen de rdo rje sems dpar bdag nyid bsgoms la/ badzra satwa haM zhes zlos shing bsnyems pa dang bcas pas rdo rje gsor zhing/ 'di skad brjod par bya'o/ /badzra satwa haM rdo rje sems dpa' de nyid/ oM sarbba artha sid+d+hi pra ta hUM zhes bzlas pas nam mkha' i snying po'i bdag nyid du bsam la ma hA sa ma ya satwa haM/ zhes brjod par bya'o/ /de nas don thams cad grub pa'i dam tshig gi phyag rgya bcings la/ sa ma ya haM zhes brjod par yang bya'o/ /don thams cad grub pa'i dam tshig gi phyag rgya de nyid kyis snying ga dang/ dpral ba dang/ lkog ma dang spyi bor byin gyis brlab par bya'o/ /sa ma ya satwa a d+hi tiSh+Tha swa maM/ de nas rin po ches mtshan pa'i dril bu lag pa g.yon pa'i rin po che khu tshur gyis blangs la lag pa g.yas pa'i rdo rje nor bu dang/ bcom ldan 'das don thams cad grub pa'i phyag rgya chen po bcing bar bya'o/ /de nas nam mkha' dang mnyam pa'i sbyor bas snying gar zhugs la nor bu rgyu'i las kyi phyag rgyas don thams cad grub pa'i dkyil 'khor chen po sprul par bya'o/ /rdo rje nor bu chen mo'i dam tshig gi phyag rgyas me tog gi phreng ba blangs te/ bdag nyid der ji lta ba bzhin du zhugs la me tog dor ba sngags kyis rang gi spyi bor me tog dor bar bya'o/ /de nas phreng ba'i dbang bskur ba sngags kyi phreng ba de spyi bor bcing bar bya'o/ /dngos grub kyi rin po che brtul zhugs kyi mthar thug pa'i cho ga thams cad rjes su spyad la/
- 118a
de nas dkyil 'khor de nam mkha' dang mtshungs par bsam mo/ /yang bcom ldan 'das nam mkha' i snying po'i phyag rgya chen po bcings la/ rang gi lus la lha thams cad kyi gnas su sa ma ya a zhes brjed pas zla ba'i dkyil 'khor bskyed par bya'o/ /gzhi'i lus kyi rang gi gnas su gnas te/ gzhi'i lus la phyi rol gyi mdun du yang sa ma ya a zhes bya bas zla ba'i dkyil 'khor sprul pa de'i steng du oM sarbba artha sid+d+hi pra ta hUM a zhes rdo rje rin po che phang? la/ de'i dbus su oM sarbba artha sid+d+hi pra ta hUM zhes bya ba yid kyis bris la/ badzra ratna hUM zhes bya bas rdo rje rin po che'i nga rgyal bsgom par bya'o/ /rdo rje rin po che de nyid badzra garbba haM zhes bya bas rdo rje snying por bdag nyid bsgom par bya'o/ / de la de nyid du rin po che lcags kyu dang/ zhags pa dang/ lcags sgrog dang/ 'bebs pa'i las kyi phyag rgya rnams kyis dgug pa dang/ gzhug pa dang/ bcing ba dang/ dbang du byas te/ oM sarbba artha sid+d+hi pra ta dri sh+ya hUM/ /bcom ldan 'das rang gi dam tshig gi phyag rgyas bcom ldan 'das de bltas la/ dza hUM baM ho(rgyud 'grel): gzhug pa dang/ rang gi lus la lus kyi gnas su gnas pa de nyid la bcug la sa ma ya stwaM zhes brjod pas 'od kyi dkyil 'khor ? ste/ sa ma yastwaM a haM/ oM sarbba artha sid+d+hi pra ta hUM zhes zlos shing/ bcom ldan 'das la zhugs la bdag nyid dang lhan cig tha mi dad par bsgom par bya'o/ /de bzhin du rin chen 'bebs pa'i phyag rgya bcings te/ rang gi lus kyi gnas su yid kyis 'dug ste/ rang gi lus las phyi rol gyi mdun du sa ma ya a zhes zla ba'i dkyil 'khor sprul la/ de'i steng du/ oM ma Ni ratna a be sha a zhes bya bas rin po che'i dril bu bskyed de/ de'i
- 118b
de'i dbus su oM ma Ni ratna a be sha zhes yid kyis bris la badzra ma Ni ratna g+han d+ha a haM zhes bya bas rdo rje nor bu rin po che'i dril bu'i nga rgyal bskyed par bya'o/ /oM ma Ni ratna a be sha a zhes zlos shing ma Ni ratna a be sha haM zhes bya bas/ de rin chen 'bebs par bsgom par bya'o/ /de la de nyid du nor bu rin po che 'bebs pa dgug pa dang/ gzhug pa dang/ bcing pa dang/ dbang du byas la rang gi dam tshig phyag rgya dang/ oM ma Ni ratna a be sha a dri sh+ya zhes bya bas bltas la / dam tshig gi phyag rgyas de nyid du dza(rgyud 'grel): hUM baM ho(rgyud 'grel): rang gi lus la gzhug par bya'o/ /zhugs ba dang sa ma yastwaM zhes brjod pas/ 'od kyi dkyil 'khor la sa ma ya stwaM a haM oM ma Ni ratna a be sha a zhes lan gsum brjod pas/ bcom ldan 'das nor bu rin po che 'bebs pa dang bdag nyid lhan cig tha mi dad par bsam par bya'o/ /de nas gzhi'i lus dang/ don thams cad grub pa la sogs pa nas/ nor bu rin chen 'bebs pa la sogs pa'i mthar thug pa'i sku la rnam par snang mdzad dang/ mi bskyod pa dang/ rin chen 'byung ldan dang snang ba mdza' yas dang/ don yod grub pa rnams 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad yid kyis legs so zhes bya ba'i sbyor bas bcug la/ dza(rgyud 'grel): hUM baM ho(rgyud 'grel): zhes yid kyi brjod cing/ de nas rdo rje dbyings las sngar bshad pa'i tshul gyis rang rang gi dam tshig gi phyag rgyas de bsgrub po/ /de nas rnam par snang mdzad nas rin chen 'bebs pa'i bar gyi chos dang las dang phyag rgya chen po rnams kyis rgyas btab la/ rdo rje dbyings kyi dbang phyug ma'i phyag rgyas de bzhin gshegs pa thams cad byin gyis brlabs te/ rdo rje nor bu rin po che bcings nas/ don thams cad grub pa la sogs pa rin po che'i
- 119a
rigs kyi lha thams cad kyi snying gar byin gyis brlab par bya'o/ /yang rdo rje rin po che myu gu ma bcings to/ /thams cad kyi dpral ba'i phyogs su byin gyis brlabs par bya'o/ /rin po che pad+ma las lkog ma'i phyogs? dang/ rdo rje rin chen char 'bebs mas spyi bor byin gyis brlab par bya'o/ /de nas rdo rje dbyings las bshad pa'i rdo rje rin chen gyi phyag rgyas de bzhin gshegs pa thams cad la dbang bskur ba dang/ rin po che'i rigs thams cad la rdo rje rin po che'i myu gus dbang bskur bar bya'o/ /de nas snga ma bzhin du go cha bgo ba dang phreng ba bcing ba byas nas mthar mnyam pa'i thal mos mnyes par bya'o/ /de nas rdo rje rin chen gyi phyag rgya'i rdo rje dang nor bu'i dril bu'i phyag rgyas bdag po'i dbang bskur la ming gi dbang bskur ba dang/ dngos grub kyi rdo rje rin po che'i brtul zhugs kyang blang bar bya'o/ /rin po che'i sgeg mo la sogs pa mchod pa brgyad kyis yang dag par mchod la/ rin po che'i las kyi dkyil 'khor las gsungs pa'i mchod pa bcu drug gis phyag rgyas bdag nyid yang dag par mchod par bya'o/ /de nyid kyis ni rin chen gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlabs nas snying po bzlas/ /de nas rang gi snying po lan gsum bzlas la/ oM badzra At+ma ko haM zhes brjod cing/ lha thams cad kyi sku dang/ gsung dang thugs bdag yin no/ /zhes bsgom par bya'o/ /de nas oM swa b+hA ba shud+d+ha haM zhes zlos pa'i gzugs brnyan dang mtshungs pa'i chos bdag med pa'i rang bzhin du bsam mo/ /oM sarbba sa mo haM zhes brjod cing/ chos bdag med pa'i mnyam pa nyid kyis lha thams cad bdag nyid dang lhan cig tha mi dad pa nges par
- 119b
byas nas/ 'phags pa nam mkha' i snying po'i sku dang/ gsung dang thugs rdo rje bsgom par bya'o/ /gzhung 'di tsam gyis rnal 'byor chen po rdzogs pa yin no/ /da ni gnas kyi nges pa bshad par bya ste/ de la sngags pa'i rang gi snying gar gnas pa'i zla ba'i dkyil 'khor la/ rigs kyi bdag po bcom ldan 'das nam mkha' i snying po dang/ de'i mdun du nor bu'i mtshan ma dang/ g.yas phyogs su rin chen rgyal po dang/ g.yon phyogs su rin chen chags pa dang/ rgyab tu rin chen legs pa'o yang rnal 'byor pa'i dpral ba'i phyogs su rin chen lta ba dang/ de bzhin gshegs pa thams cad kyi dbang bskur ba'i phreng ba dang/ mgo bo'i rgyab tu rin chen nyi ma dang/ /phrag pa gnyis su rin chen dpal/ so'i? phreng ba gnyis la rin chen bshad pa'o/ /lkog ma'i phyogs su rin chen pad+ma 'dzin dang/ gtong ba ting nge 'dzin gyi ye shes kyi snying po/ /nu ma gnyis kyi bar du rin chen rnon po/ lte bar rin chen rgyu/ lce la rin chen gsung ba'o/ /spyi bor rin chen char 'bebs dang/ rin chen mchod pa/ nam mkhar gnyis su rin chen go cha/ khar nor bu'i gnod sbyin/ skur nor bu'i khu tshur ro/ /nor bu'i mtshan ma'o? g.yon phyogs su nor bu sgeg mo/ /de bzhin gshegs pa thams cad dbang bskur ba'i rin po che/ phreng ba'i g.yon du rin chen phreng ba ma/ gtong gi ting nge 'dzin gyi ye shes kyi snying po g.yon du rin chen glu ma/ nor bu mchod pa'i g.yon du rin chen gar ma'o/ /yang rnal 'byor pa'i gsang ba'i gnas su rin chen bdug pa ma/ mgo dor rin chen me tog ma/ mig gnyis la rin chen mar me na/ /nu ma dang brang dang snying gar rin chen phyag ? ma/ bar g.yas pa la rin chen lcags kyu/ brla g.yon pa la rin chen zhags pa/ byin pa g.yas pa la rin chen lcags? sgrog? /byin la g.yon
- 120a
pa la rin chen 'bebs pa rnams yang dag par bzhugs so/ /de bzhin gshegs pa rnams ni yan lag thams cad la chu dang 'o ma 'dres pa bzhin du bzhugs so/ /nyin re bzhin du rnal 'byor chen po byas la bsgrub par bya'o/ /de ltar rnal 'byor chen po byas nas thun bzhi'i sbyor bas thams cad kyi sngags 'bum bzlas la bsgrub par bya ba 'am/ yang na rang gi snying gar 'chang par 'gyur ba'i phyag rgya bzhi pa'i dkyil 'khor las bshad pa'i tshul gyi don thams cad grub pa'i dkyil 'khor chen po bsgoms te/ zla ba gcig gam/ zla ba drug gam/ lo gcig gi bar du ji srid dkyil 'khor mngon sum du mthong bar gyur pa de srid kyi bar du bsgom par bya ba 'am/ yang na ji skad bshad pa'i rnal 'byor chen po bsgrubs nas/ 'phags pa nam mkha' i snying po'i phyag rgya chen po bcings la/ nam mkha' i phyogs su gnas te/ mig ni g.yon dang g.yas pa nyid dag la/ /aM? mdan dang ma las nyi zla dgod/ /hUM las mig 'bras bskal ba'i me lta bu/ /tshul du gnas pa rdo rje'i lta ba bya/ /rlung gi dkyil 'khor la yi ge hUM las 'bar ba'i rdo rje/ rdo rje lte ba la yi ge'i sa bon dang bcas pa'i 'od zer 'bar ba 'khrug par bsam par bya'o/ /'od zer 'bar ba des sangs rgyas kyi zhing 'di thams cad thal bar byas la/ de nas nam mkha' i phyogs su stong gsum pa'i sangs rgyas kyi zhing gi tshad dang mnyam pa'i zla ba'i mdog can gyi yi ge khams rnam par snang mdzad kyi rang bzhin 'o ma can gyi chu dang mtshungs pa'i bdud rtsi'i char gyi rgyun gyis bsregs pa'i sangs rgyas kyi zhing rnams dkrus nas tshangs pa'i 'jig rten gyi bar du rba rlabs 'khrug pa'i phreng ba can gyi rgya mtsho chen po'i dbus
- 120b
su yi ge'i? bskal ba'i me dang mtshungs par bsam par bya'o/ /yi ge raM des chu bskol? pas rin po che chen po'i pad+ma'i rgyal po dpag tshad bye ba du ma'i tshad dang mnyam pa'i gzugs su yongs su gyur pa de rin po che pad+ma mdza' yas pas yongs su bskor ba'i pad+ma de'i rtsa bar yi ge pra gser gyi mdog can las gser gyi rus spal tshad gzhal du med pa pad+ma'i gzhir gyur pa'o/ /yang pad+ma'i lte bar yi ge pra gser gyi mdog can dang/ yi ge khaM rnam par snang mdzad kyi rang bzhin nam mkha' i ? phyogs nas 'ongs? nas gnas par bsam par bya'o/ /de nas pad+ma dang yi ge pra dang yi ge kha cig tu gyur pa las hUM suM hUM zhes brjod pas ri bo'i rgyal po ri rab chen po zur bzhi pa rin po che sna bzhi'i rang bzhin can/ rin po che sna tshogs kyis brgyan par bsam par bya'o/ /de nas rdo rje bsdams pa sa la reg par byas te/ snga ma bzhin du rdo rje'i rang bzhin du byin gyis brlab par bya'o/ /de nas rin chen rgyu'i las kyi phyag rgya/ don thams cad grub pa'i dkyil 'khor chen po sprul la/ rnam par snang mdzad kyi gnas su a saM a zhes bya bas seng ge dang pad+ma'i gdan la/ hUM g+ga hUM zhes bya bas mi bskyod pa'i gnas su glang po che'i gdan dang/ tra baM tra zhes bya bas rin chen 'byung ldan gyi gnas su rta'i gdan dang/ h+ri ma h+ri zhes bya ba las 'od dpag tu med pa'i gnas su rma bya'i gdan dang/ a g+ga a zhes bya bas don yod grub pa'i gnas su nam mkha' lding ga gdan te/ de rnams la a las zla ba'i dkyil 'khor bsam par bya'o/ /de nas dbus su 'dug la/ rdo rje dbyings kyi dum bu las bshad pa'i cho gas mngon par byang chub pa rnam pa lnga'i rim gyis mngon par sangs rgyas nas/ ri rab kyi steng du babs te/ de bzhin gshegs pa thams cad kyi gdan la de bzhin gshegs
- 121a
pa thams cad kyis yongs su bskor te gnas so/ /rdo rje sems dpa' dang/ rdo rje rin chen gnyis dang/ rdo rje chos dang/ rdo rje las gnyis ji lta ba bzhin du bskyed nas/ de bzhin gshegs pa thams cad 'dus pa'i dbus na bzhugs so/ /zhes bya ba la sogs pa ni dang po sbyor ba zhes bya ba'i ting nge 'dzin dang po gsung ba yin no/ /de nas de bzhin gshegs pa thams cad 'dus nas rin po che'i rigs kyi don thams cad grub pa'i dkyil 'khor bskyed pa'i phyir bdag nyid la gsol ba btab par bsam par bya'o/ /de nas don thams cad grub pa'i phyag rgya chen po bcings te/ gsol ba btab pa'i tshig gsan nas/ oM badzra ratna hUM zhes brjod cing/ don thams cad grub pa'i dkyil 'khor chen por sprul pa'i phyir/ rnam par snang mdzad la sogs pa'i de bzhin gshegs pa thams cad la dbang bskur ba sbyin par bya'o/ /de nas rnam par snang mdzad dang/ rdo rje sems dpa' dang/ rdo rje snying po dang/ rdo rje spyan dang / rdo rje sna tshogs phyag rgya chen po bcings te/ oM sarbba ta thA ga ta a sha pa ri pUr na ma hA ratna hUM/ oM badzra d+hA tu traM/ oM ma Ne hUM/ oM pad+ma h+ri/ oM bi shwa ratna hUM/ zhes bya ba'i rig pa/ dam pa lnga po de rnams kyis 'phags pa nam mkha' i snying pos don thams cad grub pa'i dkyil 'khor chen po bskyed pa'i rgyur gyur pa 'di byin gyis brlab pa yin no/ /de nas 'phags pa nam mkha' i snying po dang bdag nyid tha mi dad par 'phags pa nam mkha' i snying po'i rang bzhin du nges par byas nas/ rang gi snying ga'i zla ba la gnas pa'i rdo rje nor bu rin po che las don thams cad grub pa'i dkyil 'khor gyi lha'i gzugs yid kyis phyung la 'jig rten gyi khams rab 'byam sprin rgya mtsho thams cad du rin po che'i rigs
- 121b
dang ldan pa'i sems can gyi khams thams cad rin po che'i rigs kyi rang bzhin du bskyed nas/ slar log ste rdo rje dbyings kyi dkyil 'khor chen po'i tshul gyis zla ba'i dkyil 'khor la sems dpa' i skyil mo krung gis bzhugs te/ lha thams cad kyis gzugs kyi ched du brjod pa 'di brjod do/ /e ma'o sangs rgyas thams cad kyis/ /rin chen thams cad bsdus par ni/ /rdo rje rin chen rigs nyid du/ /'gro ba'i don du 'di gyur to/ /de nas oM bud+d+ha ratna hUM zhes bya ba nas/ oM ma Ni ratna a be sha a/ zhes bya ba'i bar du rnam par snang mdzad la sogs pa nas rin chen 'bebs pa'i mthar thug pa rnams kyis rang gi snying po 'di brjod cing/ de dag rang gi gnas su gzhug par bsgom par bya'o// zhes bya ba'i gzhung 'dis tsam gyis ni don thams cad grub pa'i dkyil 'khor chen po'i dkyil 'khor rgyal po mchog ces bya ba'i ting nge 'dzin gnyis pa yin no/ /de nas rdo rje dbyings kyi dkyil 'khor chen po las bshad pa'i cho gas bsdu ba byas te/ de bzhin du rang la dbang bskur ba la sogs pa'i cho ga thams cad rjes su spyad pa 'di ni don thams cad grub pa'i dkyil 'khor chen po'i las kyi mchog ces bya ba'i ting nge 'dzin gsum pa bshad pa yin no/ /de ltar ting nge 'dzin rnam pa gsum bsgoms nas yang don thams cad grub pa'i rnal 'byor pas/ don thams cad grub pa'i gnas su 'dug ste bsdu ba bya'o/ /de nas don kun sgrub byed pa'i/ /phyag rgya chen po lhur bcings nas/ /ming brgya rtsa brgyad dam pa 'di/ /lan gcig bar du brjod par bya/ /de nas sgo rnams thams cad du/ /lcags kyu la sogs las bgyid nas/ /las chen mchog gi phyag rgya yis/ /dam tshig mchog ni bzhag par bya/ /dam tshig mchog
- 122a
gi phyag rgya dang/ /sangs rgyas rin chen la sogs pas/ /de ltar sems dpa' chen po bsgrub/ /dza(rgyud 'grel): hUM baM ho(rgyud 'grel): zhes rab brjod/ /'di skad ston pa yin te/ snga ma bzhin du dkyil 'khor gyi lha thams cad dgug pa dang/ gzhug pa dang/ bcing ba dang/ dbang du byas te/ oM sarbba artha sid+hi pra ta hUM zhes bya bas/ dkyil 'khor gyi lha thams cad la mchod yon phul la/ oM pra bar sad ka raM pri tats+tsha swAhA/ zhes bya bas snga ma bzhin du zhabs bsil dbul bar bya'o/ /de nas rnam par snang mdzad kyi dam tshig gi phyag rgya bcings la/ oM bud+d+ha ratna hUM dri sh+ya dza(rgyud 'grel): hUM baM ho(rgyud 'grel): sa ma yastaM/ sa ma yastaM/ a haM oM bud+d+ha ratna zhes lan gsum brjod par bya'o/ /de bzhin du rin chen 'bebs pa'i dam tshig gi phyag rgya bcings la/ oM ma Ni ratna a be sha a dri sh+ya dza(rgyud 'grel): hUM baM ho(rgyud 'grel): sa ma yastwaM/ sa ma yastwaM/ a haM oM ma Ni ratna a be sha a zhes bya ba'i bar du lan gsum brjod pas thams cad 'grub par 'gyur ro/ /de nas chos dang las dang phyag rgya chen po rnams kyis thams cad rgyas btab la dbang bskur ba'i phyag rgya gnyis kyis/ ji lta ba bzhin du dbang bskur te/ yang mchod yon dbul ba/ sngon du 'gro bas mchod pa rnam pa lnga la sogs pa'i mchod pa'i cho ga thams cad rjes su spyad la phyag byas te/ bcom ldan 'das rdo rje snying po'i phyag rgya chen po bcings la/ oM badzra At+ma ko haM/ oM swa b+hA ba shud+d+ho haM/ oM sarba sa mo haM/ zhes zlos shing don rnam pa gsum bsgoms la/ don thams cad grub pa'i dkyil 'khor chen po'i rang bzhin bdag nyid yin no zhes nga rgyal bskyed par bya'o/ /oM sarbba artha sid+d+hi pra ta hUM zhes brjod cing/ dkyil 'khor gyi lha thams cad kyi rang bzhin ni bdag nyid yin no zhes bsgom
- 122b
par bya'o/ /nyin re zhing thun bzhi'i sbyor bas ji srid dkyil 'khor gyi lha'i gzugs su bdag nyid mngon sum du mthong bar gyur pa de srid kyi bar du nyin re zhing thun bzhi'i sbyor bas bsgom par bya'o/ /de nas dkyil 'khor gyis sbyang ba dang/ sa yongs su gzung bar bya'o/ /de nas bdag nyid khrus bya zhing/ lus dris byugs la ji snyed pa'i gos dang rgyan gdags shing gdong dri zhim par byas la/ dkyil 'khor gyi sa'i dbus su 'dug ste/ rin po che rgyu'i phyag rgyas rang gi dkyil 'khor chen po sprul la/ mchod pa dang/ phyag bya ba la sogs pa sngon du 'gro ba'i sdom pa gzung ba byas la snga ma bzhin du rnal 'byor chen po yang dag par bsgrubs te/ khang bu brtsegs pa dang gdan rnams sprul la/ dkyil 'khor gyi sa'i dbus su sems dpa' i skyil mo krung gi 'dug ste/ bdag nyid spro ba bskyed par bya'o/ /deng dus bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam pas/ /gyur par bdag ni the tshom med/ /byang chub sems dang sems gcig las/ /mi ldog par ni bdag gyur te/ /nor bu chen po'i rigs su ni/ /deng bdag skyes par the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren ba'i/ /ded bdag 'dus pa'i mchog yin no/ /de nas yan lag thams cad kyis phyag byas la/ spos snod lag tu thogs te/ sangs rgyas thams cad spyan drang bar bya'o/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba yis/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub 'di ni rab tu stsol/ /zhes brjod la/ dang po'i sbyor ba dang/ dkyil 'khor rgyal mchog
- 123a
dang/ las kyi rgyal po mchog bsgom par bya'o/ /de nas yang don thams cad grub pa'i phyag rgya chen po bcings te/ don thams cad grub pa de'i gnas na 'dug pa de'i snying po zlos pa la sgrub pa'i grogs mchog de bzhin gshegs pa'i nga rgyal dang ldan pas dkyil 'khor bri ba'i phyir mtshan brgya rtsa brgyad pas gsol ba gdab par bya'o/ /de nas langs la/ oM sarbba ta thA ga ta pA ta band+ha ka ro mi/ zhes bya bas de bzhin gshegs pa thams cad kyi zhabs la phyag byas la/ de bzhin gshegs pa thams cad kyis nam mkha' i khams yongs su gang bar bsams te/ bdag ni rang nyid rdo rje can/ /rdo rje snying po'ang bdag rang nyid/ /bdag ni sangs rgyas rgyal po che/ /stobs chen rdo rje can bdag yin/ /bdag ni rnal 'byor dbang phyug rgyal/ /rdo rje rin chen brtan bdag yin/ /bdag po rin chen chen po bdag /byin gyis brlabs pa mi 'dor ro/ /oM sarbba artha sid+d+hi pra ta hUM zhes brjod cing/ re ba thams cad grub pa'i dngos grub kyi phyir nga rgyal brtan par byas te/ ma dang Ta las mig gnyis su nyi ma dang zla ba de bzhin du bskyed la/ yi ge a las rkang mthil du sna tshogs rdo rje bya'o/ /de nas don thams cad grub pa'i dam tshig phyag rgya bcings te/ oM sarbba artha sid+d+hi d+hi pra ta hUM/ badzra u tiSh+Tha/ zhes zlos shing dkyil 'khor nam mkha' la bteg la bzhag par bya'o/ /oM sarbba artha sid+d+hi d+hi pra ta hUM/ zhes bya ba byin gyis brlab pa byas te/ de nyid kyis phyag rgyas bdag nyid kyi snying ga dang dpral ba dang / lkog ma dang/ spyi bor lan gcig byin gyis brlabs la/ yang bcom ldan 'das don thams cad grub pa'i phyag rgya chen po bcings te/ phyag rgya la gnas de bzhin langs/ /kun tu rnam par bltas nas ni/ /rdo rje snying po
- 123b
zhes brjod cing/ /bsgyings pa'i tshul gyis yongs su bskor/ /sngar bshad pa'i rdo rje dra ba'i mthar thug pa'i bsrung ba'i cho gas rjes su spyad la/ sgo dbye ba'i phyag rgyas sgo phye nas/ gsang ba'i gzugs can gyi dkyil 'khor dgug par bya ste/ oM badzra maN+Da la hUM dza zhes bya ba phyag rgya dang ldan pas gsang ba'i dkyil 'khor dgug par bya'o/ /de'i phyag rgya ni 'di yin te/ rdo rje khu tshur gnyis kyi mdzub mo dang/ mthe'u chung rdo rjer mdud nas/ dkyil 'khor thams cad 'gugs par byed pa ni rdo rje 'khor lo zhes bya'o/ /de nas mahA badzra tsakra a d+hi sid+d+hi tiSh+Tha hUM zhes bya ba'i phyag rgya dang ldan pa des yang dkyil 'khor byin gyis brlab par bya ste/ rdo rje dbyings las bshad pa'i rdo rje'i rgyu'i las kyi phyag rgya nyid 'di'i phyag rgya yin no/ /de nas lag pa g.yas pa'i mthe bos mthe'u chung gi rtse mo mnan la/ sor mo lhag ma rnams brkyang la/ rdo rje rtse gsum ltar byas la/ g.yon pa'i khu tshur gyis rdo rje rtse lnga pa gzung ste/ dbang ldan gyi phyogs nas brtsams nas/ grwa bzhir g.yon pa'i khu tshur gyis gzung ba'i rdo rje des mdza' yas dang/ rnam par rgyal ba dang/ sprin sgra dang/ gsus po che zhes bya ba'i phur bu bzhi bskyed la lag pa g.yas pa rdo rje rtse gsum par byas pa dang/ oM g+ha g+ha grA ta ya/ sarbba duSh+Ta phaT/ kI la ya gI la ya sarbba pA paM phaT/ hUM hUM hUM badzra kI la ya badzra d+hA ro A dz+nyA pa ya ti swAhA/ zhes bya ba'i snying po 'dis bsdu bar bya'o/ /'jig rten gsum gyi 'khor lo'i dkyil 'khor chen po las bshad pa'i phur bu'i sngags sam/ yang na 'jig rten dang 'jig rten las 'das pa'i rdo rje las bshad pa'i phur bu'i sngags kyis/ seng ldeng gi phur bu bzhi la mngon par bsngags te/ ji skad bshad pa'i dkyil
- 124a
'khor gyi zur bzhir phur bu gdab par bya'o/ /haM kro d+ha ya tsiT TiT TiT maT phaT/ ces bya ba 'jig rten dang 'jig rten las 'das pa'i rdo rje las bshad pa'i sngags yin no/ /de nas nor bu'i gnod sbyin gyis bgegs bskrad la ra ba dang dra ba byas te/ nor bu khu tshur gyi sgo bcad la/ nor bu'i bsrung bas bsrung ba thams cad yang dag par bsrungs te/ nor bu'i gnod sbyin yongs su zlas pas gsang ba'i bum pa dkyil 'khor gyi sgor bzhag la snga ma bzhin du mchod pa rnams mngon par bsngags te/ mchod yon lan nyi shu rtsa gcig bzlas nas dkyil 'khor gyi lha thams cad nor bu'i gnod sbyin yongs su bzlas pa'i dri chus byugs la/ de yongs su bzlas pa'i dri nyid kyis lha thams cad kyi gnas su dkyil 'khor bya ba yin no/ /de nas nam mkha' i phyogs na gnas pa'i dkyil 'khor sa gzhi la yid kyis phab la/ rnam par snang mdzad la sogs pa'i sngags dri'i thig le la lan bdun bzlas par bya'o/ /rnam par snang mdzad la sogs pa nas rin chen 'bebs pa dang bskal pa bzang po'i mthar thug pa rnams nam mkha' i phyogs nas phab ste/ rang rang gi sngags kyis bzhag par bya'o/ /rnam par snang mdzad la sogs pa'i sngags ni bshad zin to/ /oM sarba saM ska ra pa ri shud+d+ha d+harmmA te ga ga na sa mud ga te swa b+ha ba bi shud+d+he ma hA nA ya pa ri khA re swA hA/ zhes bya ba bskal pa bzang po'i sngags yin no/ /de ltar dkyil 'khor gyi lha rnams bzhag nas chu cung zad cig blug pa'i rnam par rgyal ba'i bum pa la rdo rje me dang/ nor bu gnod sbyin dang/ don thams cad grub pa'i sngags re re zhing yang brgya rtsa brgyad bzlas la/ sngags mngon par bsngags pa'i
- 124b
mchod yon gyis so sor mchod yon phul la/ lha de rnams kyi gzugs dang ldan pa'i bum pa bsgom par bya'o/ /mchod pa thams cad phyag rgya dang bcas pas yang dag par mchod la rang gi dam tshig gi phyag rgyas rdo rje rin po che'i me tog gi lcug ma la re re zhing lan brgya rtsa brgyad bzlas la bdug pas gdugs par bya'o/ /nyin zhag gnyis pa la thun gsum du snga ma bzhin du mngon par bzlas la/ de nas lhag par gnas par byas pa'i bum pa de don thams cad grub pa'i mdun du bzhag par bya'o/ /ji lta ba bzhin du lhag par gnas pa'i cho ga thams cad rjes su spyad la/ nyi ma shar ba'i dus su de nas dkyil 'khor de don thams cad grub pa'i dam tshig gi phyag rgya de nyid kyis nam mkha' i phyogs su bzhag la thig gdab par bya'o/ /de la dang por re zhig sngon po dang/ ser po dang/ dmar po dang/ ljang gu dang/ dkar po dri zhim pas bkos pas srad bu so sor kha sgyur la go rims de nyid kyis bzhag nas/ hUM traM h+ri aM a ces bya bar rang gi sa bon las mi bskyod pa la sogs pa de rnams srad bu rnams la bkod de/ dipta driSh+Ti aM ku sha dzA zhes bya ba mig gnyis la bkod la/ rab tu g.yo zhing 'bar ba'i mig /mig gi dzi ma 'dren pa ni/ /zhes 'bar ba'i lta bas mi bskyod pa la sogs pa bskul zhing 'di skad ces brjod par bya'o/ /bcom ldan 'das dkyil 'khor chen po thig gdab pa'i phyir/ rdo rje'i thig bdag la gsol cig ces pa'o/ /de nas rang gi sa bon las byung ba'i 'od zer gyis mi bskyod pa la sogs pas btang ba'i srad bu 'bar ba'i lcags kyus bkug ste/ rang gi lag na gnas pa'i srad bu des gang bar byas la/ a n+yo n+ya a nu ga tA sarbba d+harmmA pa ras pA ra a nu pra biSh+TA sarbba d+harmma a tyan+ta a nu pra biSh+TA sarbba d+harmma/ oM sarbba artha sid+d+hi hUM zhes
- 125a
brjod cing bsgril bar bya'o/ /bsgril nas mig g.yas dang g.yon du Ta dang ma las nyi ma dang zla ba bskyed la/ badzra driSh+TI maT zhes bya bas brtan par byas la/ dris byugs pa'i gser la sogs pa'i snod du thig skud legs par bzhag la/ dri dang me tog dang bdug spos kyis mchod la/ oM badzra sa ma ya sU traM ma ti kra ma hUM zhes bya ba'i thig skud kyi sngags 'di dang rdo rje bsdams pas gzung ste/ brgya rtsa brgyad bzlas par bya'o/ /de nas bdag po lnga dang sems dpa' bcu drug bzlas pa'i dris sa gzhi byugs la/ phyi rol kun me tog gis mdzes par byas la/ bar snang la bzhugs pa'i rigs thams cad la mchod yon phul te/ me tog la sogs pa dang sgeg mo la sogs pas yang dag par mchod la phyag byas te/ mig g.yas dang g.yon du dza ser po bkod la/ nyi ma dang zla ba ser po'i snang ba bskyed de/ glu dang rol mo la sogs pa'i mchod pa dang bcas pas dkyil 'khor brtag par bya'o/ /de la re zhig sngar mngon par bzlas la kha dog dkar po dri zhim pas srad bu spangs la/ de nas rdo rje snying po phyag rgya chen po bcings te/ rang gi snying ga'i rdo rje rin po che las bsgrub pa'i grogs mchog nor bu mchod pa'i rig pa'i rgyal po'i sngags kyis yid la sprul la/ g.yon pa'i rdo rje khu tshur gyis thig skud blangs te/ dza zhes bya bas bsgrub pa'i grogs mchog gi lag tu srad bu de btad la/ phyogs thams cad mnyam pa nyid du sgom shing shar phyogs su bltas te/ slob dpon gyis tshangs pa'i thig gdab par bya'o/ /dza dza dza zhes lan gsum gyi bar du brjod cing/ bsgrub pa'i grogs mchog gi thig skud drang bar bya'o/ /yang slob dpon lho phyogs su 'dug ste/ byang du bltas te/ tshangs pa'i thig gdab par bya'o//
- 125b
de nas yang me'i phyogs kyi char gnas te/ byang du kha bltas la phyi'i dkyil 'khor shar du thig gdab par bya'o/ /rlung gi phyogs su gnas la lho'i phyogs su bltas te nub kyi thig gdab par bya'o/ /de nyid du 'dug ste/ shar du bltas te byang gi thig gdab par bya'o/ /yang me'i phyogs su 'dug ste nub tu bltas te lho'i thig gdab par bya'o/ /de nas kha khyer dang lha'i snam bu'i thig kyang gdab par bya'o/ /yang me'i mtshams su gnas te rlung gi bar gyi mtshams kyi thig gdab pa dang/ yang bden bral gyi mtshams su gnas te/ dbang ldan gyi mtshams kyi bar gyi thig gdab par bya'o/ /de bzhin du sgo dang/ sgo khyud kyi thig gdab par bya ste/ sgo ni dbus ma'i cha brgyad pa/ kha khyer ni sgo'i thad kar spangs pa'i lha'i snam bu dang bcas pa'o/ /kha khyer ni sgo'i phyed kyi tshad yin no/ /sgo 'gram gyi tshad de nyid sgo khyud kyi yang de yin no/ /rta babs sgo'i sum gyur du bya'o/ /tshon sna lnga'i sa ni kha khyer gyi phyed kyi tshad du bya'o/ /de ltar phyi'i dkyil 'khor gyi thig btab nas/ nang gi dkyil 'khor gyi thig gdab par bya ste/ phyi'i dkyil 'khor gyi phyed kyi tshad la/ nor bu'i ka ba brgyad dang yang dag par ldan pa/ rin po che'i dbyibs zur brgyad pa'i dbyibs la rin po tshe 'bar ba du ma 'bar bas mdzes pa/ sgo spangs pa'i ri mo gnyis zlum por byas pa/ ri mo gnyis kyi bar du lcug mas mdzes par byas pa zlum po bri bar bya'o/ /rin po che phreng ba'i 'od zer kha phyi rol du bltas pas snang ba byed pa/ bdag po lnga'i gnas su rin po che'i ri mo zlum po lnga byas la zla ba'i dkyil 'khor lnga lnga bri bar bya'o/ /phyi dang nang gi dkyil 'khor gyi lha thams cad kyi gnas su zla ba'i dkyil 'khor re re la yang rin po che chen po'i ri mo zlum pos bskor ba shes par bya'o/ /de la slob dpon
- 126a
lho phyogs su 'dug nas/ shar phyogs kyi gdung dang ka ba gnyis kyi thig gdab par bya'o/ /byang phyogs su 'dug la nub kyi gdung dang ka ba gnyis kyi thig gdab par bya'o/ /nub du 'dug la byang gi gdung dang ka ba gnyis kyi thig gdab par bya'o/ /shar phyogs su 'dug la lho phyogs kyi gdung dang ka ba gnyis kyi thig gdab par bya la/ 'di cha gsum pa mnyam pa'i thig gdab par bya'o/ /de nas dkyil 'khor gyi dbus su 'jig rten gsum gyi 'khor lo'i dkyil 'khor las bshad pa'i tshul gyis rdo rje phur bu btab la/ skud pa btags te ri mo zlum po gnyis kyi bar du rin po che lcug ma'i thig gis thig gdab par bya'o/ /de la thig gdab pa'i sngags ni 'di yin te/ oM badzra sa ma ya sU traM ma ti kra ma hUM zhes bya'o/ /thig 'debs pa'i dus su slob dpon dang/ slob ma rdo rje shugs kyi bteg ste/ skor phyogs su 'gro bar bya'o/ /de nas rdo rje hUM mdzad kyi sngags kyis dkyil 'khor gyi lte ba'i phur bu bton la/ tshon sna lngas phur bu'i khud bu mnyam por byas te/ rdo rje hUM mdzad kyi rnal 'byor byas nas mig g.yas pa dang g.yon par hi las nyi ma dang zla ba bskyed de/ khro bo'i lta bas kun tu bltas nas sgo rnams dbye bar bya'o/ /de ltar dkyil 'khor thig gdab la/ tshon dgye bar bya'o/ /de nas tshon rtsi bsgrub par bya ste/ de la tshon dkar po la a las rnam par snang mdzad kyi gzugs dang/ sngon po la hUM las mi bskyod pa'i gzugs dang/ ser pa la traM las rin chen 'byung ldan gyi gzugs dang/ dmar po la h+ri las snang ba mdza' yas kyi gzugs dang/ ljang gu la a las don yod grub pa'i gzugs su bskyed de/ oM badzra tsi tra sa ma ya hUM zhes bya ba 'dis phyag rgya dang ldan pas re re zhing
- 126b
yang lan bdun gyi bar du bzla bar bya'o/ /de la phyag rgya ni 'di yin te/ rdo rje khu tshur gnyis las ni/ /mdzub mo'i rtse mo mnyam sbyar ba/ /byas nas tshon rtsi thams cad ni/ /'bar ba'i lta bas dgug par bya/ /hi zhes bya bas mthar sbar bar bya'o/ / de nas snying po 'di dang/ dbang ldan gyi phyogs nas brtsams te/ g.yas nas bskor bas g.yon pa'i rdo rje khu tshur gyis tshon rtsi rim gyis dgye bar bya'o/ /phyis ni ji ltar bde bar bya'o/ /rim pa ni 'di yin te/ sngon po dang/ ser po dang/ dmar po dang/ ljang gu dang/ kun gyi nang du dkar po ste/ de skad du yang/ sngon po rdo rje rtse rang bzhin/ /gnyis pa gser la dmigs pa ste/ /pad+ma rA ga'i rang bzhin gzhan/ /de bzhin gzhan dag mar gang 'dra/ /dkar po nang du shes bya ste/ de'i tshon gyi rim par bshad/ /ces gsungs so/ /ji lta ba bzhin du phyi rol gyi dkyil 'khor bris nas/ de nas nang gi dkyil 'khor ri mo zlum po gnyis bskor ba'i nang du rin po che lcug ma bri bar bya'o/ /phyi rol gyi ro mo dang nye bar kha phyir bltas pa'i rdo rje rin po che'i phreng ba 'bar ba dang bcas par bya'o/ /de nas nor bu'i ka ba brgyad byas la/ ka ba brgyad pa'i dbus su zur brgyad pa'i nor bu dang 'dra ba 'bar ba dang bcas pa'i nang gi dkyil 'khor bri bar bya'o/ /de nas dkyil 'khor gyi lte bar bcom ldan 'das rnam par snang mdzad pad+ma dang/ seng ge'i gdan la zla ba'i dkyil 'khor gyi steng du rdo rje dbyings kyi dkyil 'khor chen po las bshad pa'i tshul gyis/ oM bud+d+ha ratna hUM zhes bya ba'i snying po 'di bris la/ snying po 'di nam mkha' i phyogs nas phab ste/ gzugs brnyan dang cig tu bsre bar bya'o/ /de bzhin du thams cad kyang shes par bya'o/ /de'i phyogs rnams su pad+ma dang/ zla ba'i gdan la/ oM badzra ma ne hUM/ oM badzra ratna/ oM ku ra hUM/ oM badzra ratna pad+ma hUM/
- 127a
oM badzra ratna par sha hUM/ zhes bya ba'i snying po rnams kyis phyag rgya bzhi bri bar bya'o/ /de nas shar phyogs kyi rin po che re'u mig gi dkyil 'khor gyi dbus su bcom ldan 'das rdo rje snying po 'khor dang bcas pa oM sarbba artha sid+d+hi ba ta hUM/ oM badzra ma Ni tsi na h+na A karSha/ gA? Db+ha sid d+hya sid d+hya hUM/ oM ratna/ aM ku sha A karSha ya sarbba artha a nA ma shI g+h+raM/ sarbba ta thA ga ta sid tya ma nusmA ra hUM/ oM ma Ni rA ga ba shi ku ru sarbba artha na A karSha garb+ha hUM/ oM ratna tuSh+Ti hUM/ zhes bya ba'i snying po 'di rnams kyis bri bar bya'o/ /lho phyogs kyi nor bu'i re'u mig gi dbus su/ rin chen phreng ba 'khor dang bcas pa rnams/ oM ratna h+riSh+Ti traM/ oM sarbba ta thA ga ta a bi She ka ratna mA la hUM/ oM ma ni sUrya hUM/ oM tsind+ha ma ni rhwa dza sarbba a sha pa ri pu'ra A karSha garb+ha hUM oM ratna a taT ha sa ha sa hUM zhes bya ba'i snying po bri bar bya'o/ /nub phyogs kyi nor bu'i re'u mig gi dkyil 'khor gyi dbus su bcom ldan 'das rin chen pad+ma 'khor dang bcas pa/ oM ratna pad+ma hUM/ oM tya ga sa ma d+hi dz+nyA na garb+ha hUM/ oM ratna ko shal ya gya hUM/ oM ma Ni tsakra pra barta ya hUM/ oM ratna baSh+Ta hUM/ zhes bya ba'i snying po bri bar bya'o/ /byang phyogs kyi nor bu'i re'u mig gi dkyil 'khor gyi dbus su rin chen char 'bebs 'khor dang bcas pa/ oM ratna be shte pa ra ya sarbba artha saM bi ta b+ha ga ban ma ni ha Sha hUM/ oM ma Ni pU dza sa ma ya hUM/ oM ma Ni ban d+ha ka pa tsa hUM/ oM ma Ni d+haM shta ka ra la ma hA yak+Sha ha ra ha ra sarbba artha hpan b+hi sha pa ya hUM/ oM ma Ni ratna band+hu sa ma ya hUM/ zhes bya ba'i snying po 'dis bri bar bya'o/ /rdo rje sgeg mo la sogs pa'i/ gnas rnams rin chen sgeg mo la sogs pa rnams ni/ oM ratna da di hUM/ oM ratna mA le hUM/ oM ratna g+hi ti hUM/ oM ratna
- 127b
nri tya hUM zhes bya bas so/ /phyi'i dkyil 'khor gyi zur rnams su/ rin chen bdug pa ma la sogs pa rnams/ oM d+hU pa ratni oM puShpa ma ni/ oM ratna A lo ka /oM ma Ni g+han d+he zhes bya bas so/ /shar phyogs kyi sgo la sogs pa rnams su rin chen lcags kyu la sogs pa/ oM sarbba ratna A karSha a dya a ro na mahA sad tra b+ha ga ban taM A kA sha bar pra bo ta ya A karSha ya shi g+h+raM ho dza(rgyud 'grel): oM sarbba ratna pra be sha sa ma ya ma hA ma Ni ra ce ku la ratna pra sha hUM/ oM ma Ni band+ha hUM paM/ oM ma Ni ratna a be sha a zhes bya ba'i snying pos bri bar bya'o/ /phyi'i dkyil 'khor gyi khyams su byams ba la sogs pa bskal pa bzang po'i byang chub sems dpa' stong du bzhis ma tshang ba mnyam pa phyogs bzhir rig pas bri bar bya'o/ /oM sarbba saM skar pa ri shud+d+he d+harmmA te ga ga na sa mud ga te swa b+hA ba bi shud+d+he ma hA nA ya pa ri ba ra swAhA/ zhes bya bas/ rdo rje snying po nas bskal pa bzang po'i mthar thug pa'i bar du gzugs brnyan dang thams cad zla ba dang pad+ma'i gdan la sems dpa' i skyil mo krung gis bzhugs pa gser gyi mdog can/ dga' zhing mgu ba ste/ rdo rje nor bu la sogs pa kun nas 'od zer 'bar ba'i snying po sna tshogs pa rdo rje nor bu rin po che'i cod pan gyis dbang bskur ba rgyan thams cad kyis brgyan par byas pa'i sku rdo rje nor bu rin po che chen po'i mtshan ma rnams bsnams pa bri bar bya'o/ /'di dag la khyad par gyi dgag pa ni med do/ /de la rdo rje sems ma'i gnas su rdo rje nor bu'i rdo rje rtse lnga pas mtshan pa'o/ /rin chen rdo rje ma'i gnas su rdo rje rin po che'i myu gu ma'i rin po che'i phreng ba'o/ /rdo rje chos ma'i gnas su rin chen pad+ma'i 'dab ma bcu drug pa pad+ma'i gnas su yid bzhin nor bu/ las kyi rdo rje ma'i gnas su rdo rje rin chen char 'bebs ma'i rin po che
- 128a
rgya gram gyi dbus su rdo rje nor bu chen po'o/ /bcom ldan 'das don thams cad grub pa ni/ nor bu'i khu tshur gyis dril bu bsnams shing/ de nyid kyis bsnyems pa dang bcas pa dang/ phyag g.yas pa na rdo rje nor bu dang bcas pa'i mchog sbyin pa'i phyag rgyas bzhugs pa'o/ /nor bu'i mtshan ma ni/ g.yon pa'i rin po che'i khu tshur gyis dril bus bsnyems pa dang bcas pa dang/ g.yas kha ta kha'i phyag rgyas nor bu mtshan pa'i rdo rje rtse lnga pa snying gar 'degs pa'i tshul gyis bsnams pa'o/ /rin chen rgyal po ni rdo rje nor bu mtshan pa'i rin po che'i lcags kyus de bzhin gshegs pa thams cad bsdus par mdzad pa'o/ /nor bu'i chags pa ni rin chen mda' dang gzhus de bzhin gshegs pa thams cad 'bigs par mdzad pa'o/ /rin chen legs pa ni phyag gnyis kyi khu tshur legs par sbyin pa'i tshul gyis mnyes par byed pa'o/ /rin chen lta ba ni mig gnyis dang ldan pa'i rin po che'i gtsug tor dang bcas pa'i rin po che'i phreng ba mgo la bcing zhing de bzhin gshegs pa thams cad la dbang bskur ba'o/ /rin chen phreng ba yang de bzhin du dbang bskur bar byed pa las/ khyad par ni 'di yin te/ mig spangs pa'i nor bu'i phreng ba'o/ /nor bu nyi ma ni phyag g.yas na rin po ches mtshan pa'i nyi ma'i dkyil 'khor bsnams te/ 'od kyis snang bar mdzad pa dang/ phyag g.yon gdan la brten cing bzhugs pa'o/ /nor bu'i dpal gyi phyag g.yas na yid bzhin gyi nor bu'i rgyal mtshan bsnams pa/ de bzhin gshegs pa thams cad sbyin pa'i pha rol tu phyin pa la nges par sbyor ba dang/ phyag g.yon gdan la brten nas bzhugs pa'o/ /rin chen bzhad pa ni phyag g.yas kyis so'i phreng ba gnyis kyi rtse mo na nor bus mtshan pa'i rdo rje rin po che gnyis
- 128b
bsnams te/ de bzhin gshegs pa thams cad 'dzum zhing rin po che'i bzhad pa rmad du byung ba la nges par sbyor ba phyag g.yon pa gdan la brten nas bzhugs pa'o/ /rin chen pad+ma'i ting nge 'dzin mchog gi phyag rgyas pad+ma 'dab ma bcu drug pa yid bzhin gyi nor bus mtshan pa bsnams pa'o/ /gtong ba ting nge 'dzin ye shes kyi snying po ni pad+ma 'dab ma bcu drug pa nor bus mtshan pa g.yon pa nor bu'i khu tshur gyi bsnyems pa'i tshul dang/ g.yas pa'i phyag gis rang gi thugs kar byed pa'o/ / rin chen rnon po ni g.yon pa'i rin po che'i khu tshur gyi nor bus mtshan pa'i shes rab kyi pha rol tu phyin pa'i glegs bam thugs kar bsnams nas phyag g.yas pas nor bus mtshan pa'i ral gris de bzhin gshegs pa thams cad la 'debs pa'i tshul can no/ /nor bu'i 'khor lo ni nor bus mtshan pa'i 'khor lo rtsibs brgyad pa phyag g.yas pa'i gung mo la bskor ba dang/ phyag g.yon pa gdan la brten cing bzhugs pa'o/ /nor bu'i gsung ba ni phyag g.yas pas nor bus mtshan pa'i lca'i de bzhin gshegs pa thams cad dang chos bdag med pa'i gtam smra bar mdzad pa dang/ phyag g.yon pa gdan la brtan nas bzhugs pa'o/ /rin chen char 'bebs ni phyag g.yon pa rin po che'i khu tshur gyis nor bu rgya gram gyi dril bu bsnams shing bsnyems pa dang bcas pa'i tshul dang/ phyag g.yas pas rin po che char 'bebs pa'i tshul du mdzad pa'o/ /rin chen mchod pa ni rin chen char 'bebs bzhin du g.yon bsnyems pa'i tshul dang/ phyag g.yas pa nor bus mtshan pa'i sna tshogs rdo rje rang gi thugs kar bstod pa'i tshul gyis bsnams pa'o/ /nor bu'i bsrung ba ni nor bus mtshan pa'i go cha bsnams te/ de bzhin gshegs pa thams cad la go bskon pa'i tshul du mdzad pa'o/ /nor bu'i gnod sbyin ni sku mdog nag po zhal
- 129a
mche ba gtsigs pas 'jigs pa/ khu tshur gnyis kyis nor bus mtshan pa'i mche ba gnyis kha'i 'gram du 'dzin cing bzhugs pas de bzhin gshegs pa thams cad 'jigs par mdzad pa'o/ /nor bu'i khu tshur ni dam tshig gi nor bu'i khu tshur gnyis kyi nang du nor bus mtshan pa'i rdo rje rtse lnga pa 'tshir zhing bzhugs pa'o/ /rin chen sgeg mo ni rin po ches mtshan pa'i rdo rje gnyis bsnams pas rin po che 'gying ba'i tshul gyis g.yon pa'i phyogs su mgo bo mdud pa'i tshul byed pa'o/ /rin chen phreng ba ma ni rin chen phreng bas de bzhin gshegs pa thams cad la dbang bskur ba'o/ /rin chen glu ma ni rin po che'i pi wang brdung ba'i tshul du byed pa'o/ /rin chen gar ma ni rdo rje nor bus mtshan pa'i phyag gnyis gar mdzad cing bzhugs pa'o/ /rin chen bdug pa ma ni rin po che'i spos snod bsnams nas/ rin po che'i bdug pas de bzhin gshegs pa thams cad tshim par mdzad pa'o/ /rin po che'i me tog ni phyag g.yon gyis rin po che'i me tog gi snod thogs te/ phyag g.yas pas rin po che'i me tog gi char 'bebs shing de bzhin gshegs pa thams cad mchod par mdzad pa'o/ /rin po che'i mar me ma ni rin po che'i mchod sdong bsnams te/ de bzhin gshegs pa thams cad la snang bar mdzad pa'o/ /rin po che'i byug pa ni phyag g.yon pas rin po che'i dung chos bsnams te/ phyag g.yas kyis dri'i sprin gyi char 'bebs par mdzad pa'o/ /rin po che'i lcags kyu ni lha'i bu skya rengs kyis gzugs can rin po che'i lcags kyus de bzhin gshegs pa thams cad spyan drangs nas thar pa chen po'i grong khyer gyi sgo dang nye bar bsdud par mdzad pa'o/ /rin po che'i zhags pa ni rin po'i zhags pas de bzhin gshegs pa thams cad thar pa chen po'i grong khyer du 'jug par mdzad pa'o/ /rin chen lcags sgrog ni
- 129b
de bzhin gshegs pa thams cad 'ching bar mdzad pa'o/ /rin chen 'bebs pa ni rin po che'i dril bus de bzhin gshegs pa thams cad 'bebs par mdzad pa'o/ /shar phyogs kyi lha'i snam bu'i nang du bskal pa bzang po nor bus mtshan pa'i rdo rje rtse lnga pa bsnams pa'o/ /lho phyogs su rin chen phreng ba bsnams pa'o/ /nub phyogs su rin chen pad+ma bsnams pa'o/ /byang phyogs su nor bus mtshan par sna tshogs rdo rje bsnams par bzhag par bya'o/ /de ltar dkyil 'khor bris nas/ phyi rol nye 'khor kun tu dris byugs nas/ me tog gtor bar bya'o/ /don thams cad grub pa'i dam tshig gi phyag rgya bcings te/ me tog gi phreng ba blangs la/ rdo rje shugs kyis dkyil 'khor du 'jug par 'gyur/ oM sarbba artha sid+d+ha pra ta hUM/ zhes brjod par bya'o/ /yang dkyil 'khor thams cad kyi lhag pa dang ma tshang ba nye bar zhi bar bya ba'i phyir bltas la rdo rje rin po che'i dril bu dkrol zhing/ dkyil 'khor lan bdun bskor ba byas nas bcom ldan 'das don thams cad grub pa la phreng ba de phul te/ rdo rje rin po che'i gang byas nas rang gi mgo la bcing bar bya'o/ /oM sarbba artha sid+d+hi pra ta hUM/ zhes kyang rgyun mi 'chad pa kho nar bzla bar bya'o/ /de skad du yang/ rdo rje dril bu rab bskul bas/ /mkhas pas ma tshang yongs su bskor/ /lhag pa yang ni don mdzad pas/ /'grub 'gyur smad par mi bya'o/ /zhes gsungs so/ /de'i rjes la yi ge hUM las bdag nyid rdo rje hUM mdzad du bsam par bya'o/ /de nas dbus su 'dug nas ni/ /rdo rje slob dpon mnyam gzhag pas/ /rin chen sgo ni rnam bzhi po/ /yid kyis su ni dbye bar bya/ /oM badzra od g+ha tra ya sa ma ya pra be sha hUM/ zhes bya ba dang/ phyag rgya dang bcas pas bya'o/ /de la phyag rgya ni 'di yin te/ rdo rje mdzub sor gnyis legs pas/ /sbyar la bkan te bzlas nas su/ /rab tu khros nas dbye ba na/ /sgo
- 130a
'byed pa'i mchog yin no/ /de nas rin po che 'am sa las byas pa'i bum pa rtsa ba mi gnag pa gsus pa che ba mgrin pa ring ba mchu 'phyang ba/ rin po che thams cad dang sman dang/ dri'i chus yongs su bkang ba rdo rje nor bus mtshan pa'i rdo rje rin po che'i nor bu'i steng du bzhag pa/ mgul ba ras bzang pos bcings pa/ 'dab ma dang 'bras bu dri zhim pas kha brgyan pa dris kun du byugs te/ me tog gi phreng ba btags pa sngar bsnyen pa byas pa rdo rje nor bu chen po'i phyag rgyas rin po che'i me tog gi lcug ma la gzung ba/ oM badzra u da ka hUM/ zhes lan stong rtsa brgyad bzla ba dang/ bcom ldan 'das don thams cad grub pa lan brgya rtsa brgyad bzlas pa'i bum pa bcom ldan 'das don thams cad grub pa'i spyan sngar bzhag par bya'o/ /bum pa gnyis pa ni don thams cad grub pa las brgya rtsa brgyad bzlas pa 'jug pa'i sgo mngon par phyogs par bzhag par bya'o/ /des 'jug pa'i dus su bdag dang slob ma dbang bskur bar bya'o/ /rdo rje nor bu chen po'i phyag rgyas bcing ba dang/ 'ching du gzhug par bya'o/ /rnam par snang mdzad la sogs pa'i bum pa so so'i mtshan mas mtshan pa'i phyi'i dkyil 'khor gyi phyi rol du dkyil 'khor kun la skor la bzhag la/ bum pa gang ba la yang de'i sngags brgya rtsa brgyad bzlas te bzhag par bya'o/ /gal te med na bcom ldan 'das rdo rje'i snying po'i bum pa dang rnam par snang mdzad dang/ rin chen lta ba dang/ rin chen pad+ma dang/ rin chen char 'bebs rnams kyi rang rang gi sngags bum par bzlas nas dbul bar bya'o/ /oM badzra mA le hUM zhes bya ba rigs kyi snying po 'dis don thams cad grub pa'i bum pa la lan brgya rtsa brgyad bzlas nas don thams cad grub pa'i rigs kyi lha thams cad la dbul bar bya'o/ /
- 130b
oM ma Ni ratne hUM zhes bya bas rin chen lta ba'i rigs kyi bum pa la'o/ /oM d+harmmA ratne hUM zhes bya bas rin chen pad+ma'i rigs kyi bum pa la'o/ /oM priSh+Ti h+rI hUM zhes bya bas rin chen char 'bebs kyi bum pa la brgya rtsa brgyad bzlas te/ rin chen char 'bebs kyi lha rnams la dbul bar bya'o/ /de nas bdag po lnga'i bum pa gang ba dang/ rigs bzhi'i gang ba'i bum pa bzhi dbul ba dang/ byams pa la sogs pa rnams la gang ba'i bum pa gcig la/ de'i rig pa bzlas nas dbul bar bya'o/ /gal te ma rnyed par gyur na bcu las nyung bar mi bya'o/ /zhes bcom ldan 'das nyid kyis gsungs so/ /de nas snga ma bzhin du khrus bya ba dang/ rnal 'byor chen po yang dag par bsgrubs la don thams cad grub pa'i gzugs dang rjes su mthun pa'i rgyan gdags pa gos thams cad la dri dang bdug pas legs par bsgos nas rin chen gnod sbyin yongs su bzlas te/ ze'u ka bcing ba la sogs pa dang/ rdo rje dbyings kyi dkyil 'khor chen po las bshad pa'i rdo rje rin chen gyis rgyan thams cad la mngon par sngags la/ ji ltar rjes su mthun pa'i slob dpon bdag nyid la rnam par brgyan te/ yang cod pan la rin po che myu gu dang/ dar dpyangs la rdo rje rin chen yongs su bzlas te/ cod pan dang dar dpyangs kyi dbang bskur bas/ bdag nyid la dbang bskur nas/ /mchod pa rnam pa lngas yang dag par mchod par bya'o/ /dkyil 'khor thams cad mngon sum lta bur bsams nas/ phyag byas la mchod yon phul me tog la sogs pas yang dag par mchod de/ rdo rje nor bu dang rin po che'i dril bu gzung ste/ gdong g.yogs kyi gos la nor bu'i gnod sbyin dang sgo bsrungs yongs su bzlas te/ gdong g.yogs bcings la lag na me tog thogs nas/ slob dpon gyis phyag
- 131a
bzhi bya'o/ /de nas sdig pa bshags pa la sogs pa byas te/ sdom pa gzung la/ byang chub sems ni bla med pa/ /dam pa bdag gis bskyed par bgyi/ /zhes bya ba la sogs pa bya'o/ /de nas phyi rol na gnas pa'i bum pa'i chus bdag nyid la dbang bskur la/ rdo rje nor bu chen po'i dam tshig gi phyag rgya bcings te/ 'jug pa'i cho gas zhugs par bya'o/ /de nas rdo rje'i chu 'thungs la bdag nyid la dbab par byas te/ g.yon pa'i khro bo'i khu tshur gyis lag pa g.yas pa'i rdo rje nor bu chen po'i dam tshig gi phyag rgya la/ g.yon pa'i khro bo'i khu tshur gyi mdzub mos yang dang yang du dral bar bya zhing/ a a zhes lan brgya bzla'o/ /de nas ji lta ba bzhin du me tog gi phreng ba dor la/ rang gi spyi bor bcing ba dang/ gdong g.yogs dkrol te dkyil 'khor bltas nas dbab pa nye bar bsdu ba bya'o/ /slob dpon gyis dbang bskur ba'i cho gas dbang bskur bar byas la/ mchod pa thams cad kyis yang dag par mchod de/ mig dbye ba la sogs pa'i cho ga thams cad rjes su spyad la/ tshigs su bcad pa gnyis kyis rjes su gnang ba nos te/ de kho na nyid kyis rdo rje nor bu gzung nas/ chos kyi rin po che'i dril bu dkrol te/ de nas dam tshig gi phyag rgya chen por byin gyis brlabs te/ don thams cad grub pa'i snying po zlos shing/ dngos grub kyi rdo rje nor bu'i brtul zhugs blangs te/ bcom ldan 'das rdo rje snying po dang/ phyag rgya bzhi'i ye shes bslab pa dang/ gzengs bstod pa dang/ lung bstan pa yang blang ngo/ /yang bdag la byin gyis brlab pa dang/ phyag rgya dang/ cod pan dang/ rdo rje nor bu dang/ bdag po dang ming gi dbang bskur ba yang bdag nyid kyis byas la bdag nyid yang dag par mchod de/ sgom pa byas nas don thams cad grub pa bdag yin no/ /
- 131b
zhes bya ba la sogs pa bdag nyid kyi ming gang yang rung ba nas brjod cing/ /rdo rje nor bu dang/ /rin po che'i dril bu gzung ba nyid kyis rnam par snang mdzad kyi phyag rgya chen po bcings te/ rnam par snang mdzad kyi gnas su/ oM bud+d+ha ratna hUM a zhes bya bas rnam par snang mdzad kyi rdo rje nor bus mtshan pa'i rdo rje rtse lnga pa bsam par bya'o/ /de nas badzra a haM zhes bya bas de bzhin gshegs pa'i rdo rje'i nga rgyal du bsgom par bya'o/ /rdo rje de nyid ya tA sarbba ta thA ga ta tashTha a haM zhes bya bas rnam par snang mdzad kyi bdag nyid bsgom par bya'o/ /de ltar rdo rje dril bu'i bar gyi phyag rgya chen po bcings te/ oM ma Ni ratna a a be sha zhes bya bas/ rin chen 'bebs pa'i gnas su rin chen 'bebs pa'i ngo bo/ rin po che'i dril bur bsam par bya'o/ /ratna a bi sha g+han Da a haM zhes bya bas/ rin po che dril bu'i de rgyal bsgoms par bya'o/ /rin po che dril bu de/ ma Ni ratna/ a be sha haM/ zhes bya bas byang chub sems dpa' chen po rin chen char 'bebs pa'i skur bdag nyid bsam par bya'o/ /de ltar dkyil 'khor thams cad rdo rjes bsgrub par bya'o/ /de nas sgo dbye ba'i phyag rgyas dkyil 'khor gyi sgo phye la/ bsdu ba bya ste mtshan brgya rtsa brgyad pas bstod de/ sgo thams cad du rin chen lcags kyu la sogs pa phyag rgya rnams kyis las byas nas snga ma bzhin du rdo rje gnod sbyin gyis bgegs bskrad la/ ra ba dang dra ba yang byas nas/ nor bu'i khu tshur gyi dam tshig gi phyag rgyas sgo rnams bcad la nor bu'i bsrung bas bsrung ba thams cad yang dag par bsrungs te/ don thams cad grub pa'i snying po 'dis/ dkyil 'khor gyi lha thams cad yang dag par bsrungs te/ don thams cad grub pa'i snying po yis/ /dkyil 'khor gyi lha thams cad la mchod yon phul nas
- 132a
snga ma bzhin du zhal bsil gyi phyag rgyas kyang zhal bsil dbul bar bya'o/ /de nas rnam par snang mdzad kyi dam tshig gi phyag rgya bcings te/ oM bud+d+ha ratna dri sh+ya dza(rgyud 'grel): hUM baM ho(rgyud 'grel): sa ma yastwaM/ sa ma yastwaM/ a haM/ oM bud+d+ha ratna hUM zhes lan gsum brjod cing rnam par snang mdzad bsgrub par bya'o/ /de bzhin du nor bu rin chen 'bebs pa'i bar du dam tshig gi phyag rgya bcings te/ oM ma Ni ratna a be sha dri sh+ya dza(rgyud 'grel): hUM baM ho(rgyud 'grel): sa ma yastwaM/ sa ma yastwaM/ a haM/ oM ma Ni ratna a be sha a/ zhes bya ba lan gsum brjod cing/ nor bu rin chen 'bebs par bsgrub par bya'o/ /snga ma bzhin du bskal pa bzang po'i dam tshig gi phyag rgyas bskal pa bzang po snga mas bsgrub par bya'o/ /de ltar dam tshig gi phyag rgyas rnam par snang mdzad la sogs pa nas/ bskal pa bzang po'i mthar thug pa bsgrubs nas chos dang las dang phyag rgya chen po rnams kyis rgyas btab ste/ rdo rje dbyings las bshad pa'i rdo rje rin chen gyi dam tshig gi phyag rgyas rnam par snang mdzad la sogs pa dbang bskur la/ rin po che'i myu gu'i dam tshig gi phyag rgyas/ rin po che'i bskal pa bzang po la mthar thug pa thams cad dbang bskur te/ mchod yon phul nas/ mchod pa'i khyad par thams cad kyi yang dag par mchod par bya'o/ /de la dang por gos dang rgyan thams cad la nor bu'i gnod sbyin dang/ don thams cad grub pa dang/ yi ge oM yongs su bzlas te/ lha thams cad la dbul bar bya'o/ /gdugs dang rgyal mtshan dang/ bla re sna tshogs rnams dang/ yang me tog gi shing brgya 'am/ me tog gi shing bzhi la/ me tog dang/ de nas dri dang/ bdug pa dang/ lha bshes dang/ mar me la snga ma bzhin du sngags bzlas la dbul bar
- 132b
bya'o/ /rol mo brdung ba'i sngags dang/ phyag rgya rnams kyis rol mo thams cad sngar bshad pa bzhin dbul ba dang/ dar yang bcangs par bya ba dang/ /phreng ba snga mas rnam par rgyal/ /dra ba dra ba phyed pas spras/ /zla ba phyed pas nye bar mdzes/ /rta babs yid du 'ong ba yi/ /dril bu la sogs bcas pa dang/ /rta dang glang po'i khyu rnams dang/ /shin tu brtags nas dbul bar bya/ /nor bu'i gnod sbyin dang/ don thams cad grub pa dang/ yi ge oM mngon par bzlas te/ de la mchod pa thams cad dbul ba'i snying po ni 'di yin te/ /badzra spha ra Na khaM/ de nas rin po che sgeg mo la sogs pa'i mchod pa rnam pa brgyad kyis mchod pa dang/ nor bu'i rigs kyi las kyi dkyil 'khor las bshad pa'i mchod pa rnam pa bcu drug gis dkyil 'khor yang dag par mchod la yi ge oM las byung ba'i rin po che sna bdun la sogs pas nam mkha' bkang la/ oM sarbba bid pU ra pU ra A ba dta he/ /zhes bya ba 'di thal mo sbyar te phyag btsal nas mchod pa'i sprin thams cad dbul bar bya'o// yang rin chen sgeg mo la sogs pa gsang ba'i mchod pa rnam pa bzhis yang dag par mchod la/ dngos grub thams cad 'grub pa'i phyir/ sems can thams cad kyi don mdzod cig ces gsol ba gdab par bya'o/ /de nas rdo rje dbyings las gsungs pa'i cho gas yang sangs rgyas dang byang chub sems dpa' thams cad la gsol ba btab ste/ phyag btsal nas slob ma gzhug pa'i gnang ba nod par bya ste/ bdag ming 'di zhes bgyi ba yis/ /rin chen slob dpon dka' thub ches/ / sems can kun la phan pa'i phyir/ /slob ma rnams ni gzhug par bgyi/ zhes bya ba ni/ rin po che'i slob dpon gyi cho ga rgyas pa'o// //de'i rjes la slob ma gzhug par bya ste/ dang por re zhig ji lta ba bzhin du ltag par gnas
- 133a
pa byas la dbang bskur bar 'os pa bslab pa'i gzhi lnga yongs su gzung ba'am/ dge sbyong ngam/ dge slong gi sdom pa yongs su gzung ba'i slob ma lag na me tog thogs pas slob dpon la mngon par phyag byas nas 'di skad brjod par bya'o/ /dga' chen khyod bdag sten pa bas/ /slob dpon khyod ni dgongs su gsol/ /byang chub chen po'i tshul bstan pas/ /mgon po chen po bdag 'tshal lo/ /dam tshig de nyid stsal du gsol/ /sdom pa rnams kyang bdag la gnod/ /de nas ji skad du bshad pa'i gos kyi gdod g.yogs bcing ba dang/ stod g.yogs dang smad g.yogs bskon te/ sgo bzhi nas slob ma phyag bzhi byed du gzhug go /phyag bzhi byas zin pa dang/ yang slob dpon la phyag byas la lag na me tog thogs pa'i thal mo snying gar sbyar te bzhags la 'di skad ces brjod par bya'o/ /phyogs bcu na bzhugs pa'i sangs rgyas dang byang chub sems dpa' thams cad dang/ de bzhin gshegs pa dang/ rdo rje dang rin po che dang/ pad+ma dang/ las kyi rigs su bzhugs pa thams cad dang/ phyag rgya dang/ gsang sngags dang/ rig sngags kyi lha thams cad bdag la dgongs su gsol/ /bdag rin po che ming 'di zhes bgyi bas/ phyogs bcu'i sangs rgyas dang byang chub sems dpa' thams cad dang/ rdo rje dang/ rin po che dang/ pad+ma dang/ las kyi rigs su bzhugs pa thams cad dang/ phyag rgya dang gsang sngags dang/ rig sngags kyi lha thams cad kyi spyan sngar sdig pa thams cad so sor bshags pas so sor bshags par bgyi'o/ /phyogs bcu na 'das pa dang ma 'ongs pa dang/ da ltar byung ba'i sangs rgyas dang/ byang chub sems dpa' rnams dang/ rang sangs rgyas dang/ 'phags pa
- 133b
nyan thos dang/ yang dag par song ba dang/ yang dag par zhugs pa rnams dang/ sems can gyi tshogs thams cad kyis bsod nams thams cad la rgya cher yi rang bar bgyi'o/ /phyogs bcu'i sangs rgyas bcom ldan 'das chos kyi 'khor lo bskor bar mi mdzad pa thams cad la chos kyi dkyil lo bskor bar bya ba'i phyir skul bar bgyi'o/ /phyogs bcu'i sangs rgyas bcom ldan 'das yongs su mya ngan las 'da' bar bzhed pa gang yin pa de dag thams cad la mya ngan las mi 'da' bar gsol bar 'tshal lo/ /de nas 'di skad ces brjod par bya ste/ gtso bo bdag la sdom pa gsol/ /thub pa nyi ma ma lus pa/ /sangs rgyas bdag la dgongs su gsol/ /bdag ming 'di zhes bgyi ba ni/ /slob dpon dbang du gnas pa la// sangs rgyas rol mo las byung ba'i/ /mi ldog 'khor lo'i 'byor bar ldan/ /ther pa chen po'i gong khyer mchog /gsang ba chen por 'jug par bgyi/ /gsang ba rigs mtho thams cad du/ /slob dpon chen po bdag 'jug mdzod/ / ma ldog pa yi dbang bskur pa/ /skal pa chen po bdag la gsol/ /mtshan rnams kun gyis rgyas btab cing/ /dpe byad rnams dang yang dag ldan/ /sangs rgyas kun ni yid 'ong ba/ /slob dpon chen po bdag la gsol/ /dbang bskur ba ni rmad po che/ /sems can kun gyis don bgyid phyir/ /bdag ni rtag tu slob dpon gyur/ /slob dpon chen po bdag la gsol/ /de nas slob dpon gyis dkyil 'khor gyi lha thams cad gsol ba gdab par bya ste/ che ge zhes bya 'di nyid ni/ /byang chub sems ni yongs 'dzin cing/ /dam tshig sngo ma dang gsang ba yi/ /'khor lo 'dir yang 'jug par 'tshal/ /de nas slob dpon gyis kyang 'di skad ces brjod par bya ste/ gsang ba chen po rigs dag pa'i/ /gsang ba
- 134a
yongs su 'dzin par ni/ /bdag nyid chen po khyod 'dod dam/ des kyang 'tshal zhes brjod par bya'o/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas dag pa yi/ /dam tshig brtan par gyur pa'o/ /rdo rje dril bu phyag rgya yang/ /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar bgyi/ /'di ni sangs rgyas rigs dag pa'i// sdom pa dam tshig 'dzin par gsungs/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rab tu sbyin/ /phyi nang gsang ba'i theg pa gsum/ /dam chos khyod kyis gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bya/ /de las gzhan pa bcu bzhi 'di/ /phas pham par ni rab tu bshad/ /spang? shing dor bar mi bya ste/ /rtsa ba'i ltung ba zhes bshad do/ /nyin dang mtshan mo lan gsum du/ /nyin re zhing ni bzla bar bya/ /gang tshe nyams 'gyur rnal 'byor pa/ /kha na mtho ba spom por 'gyur/ /khyod kyis srog chags bsad mi bya/ /ma byin par yang mi blang ngo/ /'dod pa log par mi spyad cing/ /rdzun du sma bar mi bya'o/ /phung khrol kun gyi rtsa ba ni/ /chad ni rnam par spang bar bya/ /sems can gdul phyir ma gtogs pa/ /bya ba ma yin thams cad spang/ /dam pa nye bar bsten bya zhing/ /rnal 'byor can rnams bsnyen bkur bya/ /lus kyi las ni rnam gsum dang/ /ngag gi rnam pa bzhi rnams dang//
- 134b
yid kyi rnam pa gsum dag ni/ /ci nus par ni rjes su skyongs/ /theg pa dman la 'dod mi bya/ /sems can don la rgyab phyogs min/ /'khor ba bdag yong mi spong/ /rtag tu mya ngan 'das mi chags/ /lha dang lha min gsang ba pa/ / khyod kyis brnyas par mi bya zhing/ /phyag rgya bzhon pa mtshon cha dang/ /mtshan ma 'gom par mi bya zhing/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad ces brjod par bya ste/ /slob dpon 'dir ni bdag la gson/ /gtso bos ji ltar bka' stsal pa/ /de ltar bdag ni bgyi bar 'tshal/ /ji ltar dus gsum mgon po rnams/ /byang chub sems ni nges mdzad pa'i/ /byang chub sems ni bla na med/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni sdud pa dang/ /sems can don byed tshul khrims gsum/ /bdag gis brtan par gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /der nas brtsams te gzung bar bgyi/ /rdo rje rigs mchog chen po la/ /rdo rje dril bu phyag rgya yang/ /yang dag nyid du gzung bar bgyi/ /slob dpon dag kyi gzung bar bgyi/ /rin chen rigs mchog chen po yi/ /dam tshig yang du 'ongs pa la/ /nyin re zhing yang dus drug du/ /sbyin pa rnam bzhi rtag tu sbyin/ /byang chub chen po las byung ba/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kying ci nus bgyi/ /byang chub sems ni bla med pa/ /
- 135a
dam pa bdag gis bskyed bgyi zhing/ /sems can kun gyi don gyi phyir/ /bdag gi sdom pa ma lus gzung/ /ma grol ba rnams dgrol bar bgyi/ /ma bsgral ba rnams bsgral bar bgyi/ /dbugs ma phyin pa dbugs de byung zhing/ /sems can mya ngan 'das la dgod/ /gang zhig sdom pa 'dzin par mi byed pa de la ni 'jug pa tsam zhig byed du gzhug gi /slob dpon du rjes su gnang ba dang dbang bskur bar yang mi bya'o/ /de nas oM sarbba yo ga tsit+ta utpa ta ya mi zhes bya ba 'dis/ byang chub sems ni bla med pa/ /dam pa dag gis bskyed nas su/ /de'i snying gar snying po ni/ /rdo rje rab tu bzhag par bya/ /su ra te sa ma ya stwaM ho badzra sid+d+hya ya thA su khaM/ de nas don thams cad grub pa'i dam tshig gi phyag rgya dang/ rdo rje nor bu chen po la sogs pa rnam pa bzhis de don thams cad grub par byin gyis brlab par bya'o/ /de phyi rol na gnas pa'i don thams cad grub pa'i bum pas dbang bskur la/ dri dang me tog la sogs pas yang dag par mchod de/ yon gyi mchog blangs nas/ rdo rje shugs kyis dkyil 'khor chen por 'jug par bya'o/ /de la dang por re shig slob dpon rdo rje nor bu'i dam tshig gi phyag rgya bcings la/ slob ma yang 'ching du 'jug par bya'o/ /snying po ni 'di yin te/ oM badzra ma Ni sa ma ya baM/ de nas de nyid kyi mdzub mo gnyis kyis me tog gi phreng ba blangs te/ oM hUM pra bi sha ma Ni dza dza ku laM zhes bya ba'i snying po 'dis 'jug par bya'o/ /de nas rin chen lcags kyu'i las kyi phyag rgyas dgug pa dang/ yang lho phyogs kyi sgo nas de bzhin du zhugs la/ rin chen zhags pa'i las kyi phyag rgyas gzhug pa dang/ de nas nub phyogs kyi sgo nas de bzhin du zhugs la/ rin chen lcags
- 135b
sgrog gis bcing ba dang/ de nas byang phyogs kyi sgo nas de bzhin du zhugs la/ rin chen zhags pa'i las kyi phyag rgyas dbang du bya'o/ /yang shar phyogs kyi sgo nas zhugs la 'di skad ces brjod par bya ste/ deng khyod de bzhin gshegs pa thams cad kyi rin po che'i rigs su zhugs kyis ngas ye shes gang gis de bzhin gshegs pa thams cad du grub pa yang thob na/ dngos grub gzhan lta smos kyang ci dgos te/ de lta bu'i ye shes bskyed par byas/ phyis dkyil 'khor chen po mthong ba rnams la smra bar ma byed cig /khyod dam tshig nyams par gyur ta re/ de nas rin chen slob dpon rang nyid kyis rdo rje nor bu ma'i dam tshig gi phyag rgya bcings te/ kha thur du bstan pa dang gyen du bstan pa bcings la/ rin chen slob ma'i spyi bor bzhag ste/ 'di skad ces brjod par bya'o/ /'di ni khyod kyi rdo rje dam tshig yin gyis gal te 'ga' zhig la smras na klad pa 'gas par 'gyur ro/ /de nas dam tshig gi phyag rgya de nyid dang/ mna'i snying po 'di lan gcig bzlas pa'i chu rin po che'i slob ma de 'thung du gzhug go /de la mna'i snying po 'di yin te/ rdo rje sems dpa' deng khyod kyis/ /snying la yang dag zhugs par mdzad/ /gal te tshul 'di smras na ni/ /de ma thag tu dral te gshegs/ /oM badzra u da ka Tha/ de nas slob ma 'di skad ces brjod par bya ste/ deng nas brtsams te khyod kyis phyag na rdo rje ba yin gyis/ /nges 'di byos shig ces bsgo ba gang yin pa de bya dgos so/ /khyod kyis de la brnyas par ma byad cig /mi bde ba ma spangs par khyod dus byas nas dmyal bar ltung bar gyur ta re /de nas yang 'di skad ces brjod par bya ste/ 'di khyod kyis su la yang ma brjod cig /khyod tshe thams cad du dbul por gyur te /sdug bsngal
- 136a
las mi 'da' bar gyur ta re/ /sems can dmyal ba na yun ring du gnas par gyur ta re zhes bsgo'o/ /de nas de bzhin gshegs pa thams cad kyis byin gyis rlob la rdo rje sems dpa' bdag la 'bab par gyur cig /ces smos shig ces bsgo'o/ /de nas rin chen slob dpon gyis myur du rdo rje nor bu ma'i dam tshig gi phyag rgya bcings la 'di skad ces brjod du gzhug /'di ni rdo rje dam tshig ste/ /rdo rje sems dpa' yin par grags/ /rdo rje yi shes bla med na/ /de ring nyid du 'bab par shog /badzra a be sha a zhes lan brgya'i bar du zla bar bya'o/ /de nas khro bo'i khu tshur bcings nas/ oM sarbba artha sid+d+hi pra ta hUM/ zhes bya ba'i snying po 'dis rdo rje nor bu'i dam tshig gi phyag rgya dral bar bya zhing/ a a: a a(rgyud 'grel): zhes lan brgya'i bar du bzlas na/ bcom ldan 'das nam mkha' i snying po nges par 'bab par 'gyur ro/ /de ltar babs par gyur nas gang gi tshe nor bus mtshan pa'i dam tshig gi phyag rgya 'ching ba de'i tshe/ slob dpon gyis nor bu khu tshur gyi dam tshig gi phyag rgya bcing bar bya'o/ /gang gi tshe nor bu rgyal bo'i phyag rgya 'ching ba de'i tshe/ slob dpon gyis nor bu gnod sbyin gyi phyag rgya bcing bar bya'o/ /gang gi tshe nor bu'i chags pa'i phyag rgya 'ching ba de'i tshe/ nor bu bsrung ba'i phyag rgya bcing bar bya'o/ /gang gi tshe nor bu legs pa'i phyag rgya bcing ba de'i tshe/ / nor bu mchod pa'i phyag rgya bcing bar bya'o/ /gang gi tshe de bzhin gshegs pa thams cad dbang bskur ba'i rin po che phreng ba 'ching ba de'i tshe/ nor bu gsung ba'i phyag rgya bcing bar bya'o/ /gang gi tshe nor bu nyi ma'i phyag rgya 'ching ba de'i tshe/ nor bu 'khor lo'i phyag rgya bcing bar bya'o/ /gang gi tshe nor bu dpal gyi phyag rgya 'ching ba de'i tshe/ nor bu rnon po'i phyag rgya bcing bar bya'o/ /gang gi tshe rin
- 136b
chen bzhad pa'i phyag rgya 'ching ba de'i tshe/ gtong ba ting nge 'dzin ye shes kyi phyag rgya bcing bar bya'o/ /de bzhin du dkyil 'khor ba thams cad la yang nye bar bsgrub par bya'o/ /de nas babs pa de'i lce la yi ge hUM las rdo rje rtse lnga pa bsams la/ rdo rje rtser byin gyis brlabs nas/ 'jig rten gsum las rnam par rgyal ba'i gzungs kyi dkyil 'khor las bshad pa'i gar gyi phyag rgya bcings te/ b+hu hi badzra zhes brjod par bya'o/ /de nas rdo rje tshig gis dri bar bya ste/ gter chen po gang na yod ji ltar thob par 'gyur zhes dri'o/ /de nas bcom ldan 'das nam mkha' i snying po thams cad gsung bar 'gyur ro/ /de nas phreng ba de pra tits+tsha badzra ho/ zhes bya ba'i snying po 'dis dkyil 'khor chen por dor bar bya'o/ /de nas phreng ba de blangs la/ oM pra ti grih+na swa mi maM satwa ma hA pa la zhes bya ba'i snying po 'dis/ de nyid kyi mgo la bcing bar bya'o/ /de nas rdo rje sems dpa' deng khyod kyis/ /mig 'byed par ni brtson par mdzad/ /mig ni thams cad 'byed mdzad de/ /rdo rje'i mig ni bla na med/ /he badzra bA sh+ya zhes bya ba'i snying po 'dis gdod g.yogs bcings pa de bzhin du dkrol bar bya'o/ /de nas rin chen lcags kyu nas brtsams nas/ rnam par snang mdzad kyi bar du bstan par bya'o/ /de nas rdo rje nor bu'i phyag rgya de nyid bcings te/ slob ma'i snying gar snying po 'dis dgrol du gzhug go /tiSh+TA badzra Dri Dho me b+ha ba sha shwa to me b+ha ba/ h+ri da ya/ me a d+hi tiSh+Tha sarbba sid+d+hi me pra yats+tsha sarbba karmma su tsa me tsit+tam sh+rAM yad ku ri hUM/ ha ha ha ha ho/ /de nas gang la me tog babs pa'i lha de'i phyag rgya bcings la/ de'i gzugs su bskyed nas rdo rje nor bu'i dam tshig gi phyag rgyas gnas bzhir byin gyis brlabs la/ snying gar rdo rje rin po che dang/ yang dpral bar rin po che myu gu/ lkog ma'i phyogs su rdo rje pad+ma/ spyi gtsug tu rin chen char 'babs
- 137a
mas byin gyis brlabs par byas la/ de nas rang gi lha'i phyag rgya chen po bcing ngo/ /de'i rjes la phyi'i dkyil 'khor gyi nang du shar gyi sgo la mngon par phyogs pa 'am/ yang na phyi'i dkyil 'khor gyi phyi rol du pad+ma dang zla ba'i gdan bris la de'i steng du bzhag nas mchod yon phul la mchod pa rnam pa lngas mchod de/ rang gi lha'i bum pas dbang bskur zhing/ /de'i sngags kyang brjod la/ phyis rnam par rgyal ba'i bum pa las rin po che'i khu tshur gyis chu blangs nas/ dbang bskur zhing de 'thung du gzhug par bya'o/ /de nas gal te yod cing 'byor na sngar bshad pa'i cho gas stod g.yogs dang smad g.yogs bsgo ba dang ze'u ka yang de la byin la ze'u ka la sogs pa'i chad du gzhug go /slob ma la rdo rje rin po che'i phyag rgyas dbang bskur bar bya'o/ /de nas rdo rje rtse lnga pas mtshan pa'i rdo rje nor bu sor drug pa'i tshad tsam rin po che'i dril bu dang bcas pa slob ma'i lag bar sbyin par bya'o/ /snying po ni 'di yin te/ sangs rgyas kun gyi rdo rje'i dbang/ /de ring khyod la sbyin par bya/ /sangs rgyas kun tu rab grub phyir/ /rdo rje 'di ni khyod kyis long/ /oM badzra a ti ba ti twaM a bi ShIny+tsa mi tiSh+Tha badzra sa ma ya stwaM/ de nas badzra satwa twaM a b+hi ShIny+tsa mi badzra nA ma a bi she ka ta/ zhes bya ba'i snying po 'dis/ kye rdo rje don thams cad grub pa zhes bya ba la sogs pa'i ming gi dbang bskur bas dbang bskur par bya'o/ /slob mas rdo rje thal mo bskor nas/ rin po che slob dpon la phyag byas nas yon gyi mchog phul te/ me tog la sogs pa'i dbang bskur ba ? par bya'o/ /de nas dri chab la sogs pa dang/ sgeg mo la sogs pas slob ma de mchod par bya'o/ /sdom pa 'dzin par byed pa dang/ sdom pa mi 'dzin pa'i thun mong gi dbang bskur ba'i cho ga'o/ /sngon du slob dpon du dbang bskur bar 'os pa'i khyad
- 137b
par brjod par bya ste/ rtsa ba'i dkyil 'khor las khru gnyis tsam yongs su dor bar dbus ma'i dkyil 'khor gyi phyed kyi tshad gru bzhi pa/ sgo nub du bltas pa/ shar gyi sgo la mngon par phyogs pa'i dkyil 'khor tshon sna lnga bris la/ dbus su pad+ma 'dab brgyad pa/ de'i dbus su rdo rje nor bu sngar bshad pa'i mtshan nyid dang ldan pas bris la rtsa ba'i dkyil 'khor bzhin du dkyil 'khor yang dag par mchad par bya'o/ /de la seng ge'i khri 'am/ pad+ma dang zla ba bris la/ gos kyis stod g.yogs pa la nor bu'i gnod sbyin yongs su bzlas te/ de bzhag nas/ de'i gdan gyi steng du bla re bre ba dang/ g.yas logs su dar dpyangs dang me tog gi phreng bas brgyan par bya'o/ /gdugs dkar po rin po che'i tog can dang/ g.yon du gos sna tshogs dang/ rgyal mtshan dang/ ba dan sna tshogs pa gzung la/ don thams cad grub pa dang/ yi ge oM yongs su bzla bar bya'o/ /de nas slob ma don thams cad grub pa'i phyag rgya don thams cad grub pa'i gzugs su bskyed la/ de'i phyag rgya chen pos bzhag ste/ slob ma'i lus kyi rnal 'byor chen po'i gnas su dam tshig gi phyag rgya rnams kyis rnam par snang mdzad dang don thams cad grub pa nas brtsams nas/ nor bu rin po che 'bebs pa'i mthar thug pa'i bar du dgod par bya'o/ /rdo rje nor bu ma dang rin chen myu gu ma dang rdo rje rin chen pad+ma dang/ rdo rje rin chen char 'bebs rnams kyis byin gyis brlabs te/ dri la sogs pas yang dag par mchod par bya'o/ /gdan de la don thams cad grub pa'i phyag rgya chen po bzhag ste/ mchod yon phul la dri la sogs pas mchod pa dang/ 'jig rten gsum las rnam par rgyal ba'i gzungs kyi dkyil 'khor las bshad pa'i rigs rnams dang/ dpal mchog dang po las bshad
- 138a
pa'i rol mo'i phyag rgya rnam pa brgyas ji snyed pa'i dung dang rnga bo che la sogs pa'i rol mo'i khyad par rnams kyis byin gyis brlabs te dbul bar bya'o/ /rin chen sgeg mo la sogs pas yang dag par mchod la/ de nas bkra shis kyi tshigs su bcad pa gdon par bya'o/ de nas rin po che lcags kyu'i gang ba'i bum pa nas brtsams te/ rnam par snang mdzad kyis gang ba'i bum pa'i dbang bskur nas/ phyis don thams cad grub pa'i gang ba'i bum pas dbang bskur bar bya'o de nas snga ma ltar bum pa thams cad kyis dbang bskur nas/ phyis rnam par rgyal ba'i bum pa las rin po che'i khu tshur gyis chu blangs te/ dbang bskur ba dang 'thung du gzhug pa yang bya'o/ /oM sarbba ratna A karSha Arya a nu na ma hA satwa b+ha ga ban+taM oM arya A karSha garb+ha spho Ta ya A karSha ya sh+ri g+h+raM ho dza oM badzra a b+hi ShIny+tsa zhes bya ba nas/ de bzhin du/ oM sarbba artha sid+d+hi pra ta hUM/ oM badzra a b+hi Shiny+tsa zhes bya ba'i bar du bya ba yin no/ /de nas rdo rje dbyings kyi dkyil 'khor chen po las bshad pa'i rdo rje rin chen gyi dam tshig gi phyag rgya bcings la/ slob ma dbang bskur ba'i gnas su bzhag ste/ oM badzra ratna b+hi Shiny+tsa ratna A ti pra ti tre ba ba Ta Ta/ zhes bya ba'i snying po 'dis lan stong gi bar du bzla bar bya'o// de nas dgos ser po dang rgyan thams cad la nor bu'i gnod sbyin dang/ rdo rje dbyings las bshad pa'i rdo rje rin chen yongs su bzlas de/ de la sbyin par bya'o/ /dri la sogs pa dang/ rin chen sgeg mo la sogs pa rnams kyis mngon par mchod la/ rdo rje rin chen ma'i myu gu'i dam tshig gi phyag rgyas dbang bskur nas rin po che la sogs pa las byas pa'i rdo rje rin po che'i cod pan dang/ dar dpyangs la rdo rje rin po che myu gu yongs su bzlas te dbang bskur bar bya'o/ /des dbang
- 138b
bskur nas rdo rje rin po che dril bu dang bcas pa snga ma bzhin byin nas ming gi dbang bskur ba sbyin par bya'o/ /de nas mchod pa rnam pa lnga dang/ rin chen sgeg mo la sogs pa brgyad kyis yang dag par mchod la/ yi ge pras byin gyis brlabs pa'i rin po che'i mig thur ram/ gser la sogs pa'i thur ma thogs te/ mdun du 'dug la de'i mig 'byed pa ltar byed cing/ 'di skad ces brjod par bya'o/ /ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /oM badzra ne tra a pa hA ra pA tra laM h+ri zhes bya'o/ /de nas oM badzra satwa zhes bya ba me long la yongs su bzlas te/ bstan la chos kyi mtshan nyid brjod par bya'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun tu byung/ /ngo bo nyid med gnas med par/ /de ltar chos 'di shes nas su/ /sems can don ni mnyam med byos/ /'on kyang sangs rgyas sras su skye/ /ho zhes bya bas mda' bskyed la/ /gzhu dang bcas te byin nas/ 'di skad ces brjod par bya'o/ /'dis de bzhin gshegs pa thams cad rjes su mnyes par gyis shig /ces brjod cing/ yi ge hes phyogs bzhi dang/ steng dang/ 'og tu mda''phen pa'i tshul du byed du gzhug go /yang me long blangs la a badzra satwa zhes yongs su zlos shing/ 'di skad ces brjod par bya'o/ /rdo rje sems dpa' me long bzhin/ /dag cing gsal la rnyog pa med/ sangs rgyas kun bdag rang nyid ni/ /bu khyod kyis ni snying la zhugs/ /gang 'di de bzhin gshegs pa thams cad kyi/ bdag po byang chub kyi sems 'di yin par shes par gyis shig ces brjod par bya'o/ /de nas badzra he tu maM/ zhes bya bas 'khor lo rtsibs brgyad pa
- 139a
rkang pa gnyis kyi bar du bzhag la/ oM badzra b+h+ra Sha ?/ zhes bya bas lag pa g.yas su dung byin nas/ 'di skad ces brjod par bya'o/ /deng nas brtsams te/ byang chub tu sems bskyed pa tsam gyis chos kyi 'khor lo bskor cig /de ring phan chad 'jig rten la/ /skyob pa chos kyi 'khor lo bskor/ /chos kyi dung ni bla med pa/ /ma lus kun tu gang bar gyis/ /som gnyis yid gnyis mi bya zhing/ /dogs pa med pa'i sems kyis su/ /gsang sngags spyad pa tshul gyi mchog /'jig rten 'di la rab tu sgrog /de ltar byas na sangs rgyas la/ /phan 'dogs phrin du gzo zhes bya/ /rdo rje 'dzin pa de kun yang/ /kun tu khyod la bsrung bar byed/ /de nas de bzhin gshegs pa thams cad kyi nga rgyal gyis/ /'jig rten kun las thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor zhes bya bas gsang sngags kyi theg pa 'chad pa'i rjes su gnang ba sbyin par bya'o/ /yang don thams cad grub pa'i phyag rgya chen po bcings la/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /nor bu'i 'khor lo rab tu bskor/ /zhes bya ba dkyil 'khor bri ba'i rjes su gnang ba sbyin no/ /de nas yi ge traM las rdo rje rin po che de 'phags pa nam mkha' i snying por bsams la/ nyi ma 'di ni dam pa ste/ /kun gzigs de bzhin gshegs pa yin/ /nam mkha' i snying po bcom ldan 'das/ /bsam pa thams cad rdzogs mdzad pa'o/ /zhes bya ba 'dis de kho na nyid kyi sbyin par bya'o/ /de nas yi ge a las rin po che'i dril bu bcom ldan 'das don thams cad grub par bsams la/ bsam pa thams cad grub rnams kyis/ /bsam pa grub pa dam pa yin//
- 139b
de yang 'dod pa rab grub phyir/ /'dod dang thar pa bde ba che/ /zhes bya bas chos kyi dril bu dkrol ba sbyin par bya'o/ /de nas dam tshig gi phyag rgya chen por byin gyis brlabs te/ mi mkho ba yang sbyin bya zhing/ /'dod dang bde ba thams cad kyis/ / bdag nyid dang ni gzhan rnams kyi/ /bsam pa thams cad rdzogs par bya/ /zhes bya ba ni dam tshig go /snying po bzlas par yang bya'o/ /de skad du yang/ de nyid kyis ni rdo rje gzung/ /chos kyi dril bu dkrol bar bya/ /dam tshig gi ni phyag rgya cher/ / byin gyis brlabs nas snying po bzla/ /zhes gsungs pa brlabs nas dngos grub kyi rdo rje brtul zhugs sbyin par bya ste/ 'di de sangs rgyas thams cad kyi/ /phyag na rdo rje lag na 'dug /khyod kyis kyang ni rtag tu bcang/ /phyag na rdo rje'i brtul zhugs brtan/ /oM sarbba ta thA ga ta sid+d+hi badzra sa ma ya tiSh+Tha a sha traM d+hA ra yA mi badzra satwa hi hi hi hi hUM zhes bya ba/ de nas cho ga 'dis snying po 'di sbyin par bya ste/ de la dang por lag na me tog thogs pa'i slob mas dkyil 'khor gyi lha thams cad la phyag bya ba dang/ rdo rje slob dpon la yang phyag byas nas/ yon gyi mchog phul te/ slob dpon la snying po la sogs pa blang ba'i phyir/ lan gsum gsol ba gdab par bya'o/ /de ltar slob ma lag na me tog thogs shing yan lag 'dud pas snying po la sogs pa don du gnyer ba shes nas slob dpon gyis yid kyis snying po la sogs ba'i don du lha la gsol ba gdab par bya'o/ /slob dpon gyis/ oM sarbba artha sid+d+hi pra ta hUM/ zhes bya ba la sogs pa zlos shing/ dri dang me tog la sogs pa la lan brgya mngon par bsngags nas 'di rang gis gzung ces brjod la/ mngon par bsngags pa'i me tog de slob ma'i lag tu sbyin par bya'o/ /de nas slob dpon gyis 'di skad ces brjod par bya ste/ 'di ni bcom ldan 'das dang
- 140a
bcom ldan 'das ma'i snod du gyur pa lags te/ bcom ldan 'das dang/ bcom ldan 'das ma 'di la/ bdag gis btsal lags so/ /khyed 'di dang nye bar mdzod cig /khyed bcom ldan 'das ma 'di dang nye bar mdzod cig /de nas slob mas oM sarbba artha sid+d+hi pra ta hUM zhes bya bas gsungs pa 'dis bcom ldan 'das ma bdag gis gzung lags so/ /de bzhin du bcom ldan 'das dang bcom ldan 'das ma'i snod du gyur pa bdag lags so/ /khyed bdag dang nye bar mdzod cig / bcom ldan 'das ma khyed bdag dang nye bar mdzod cig /ces brjod par bya'o/ /'dir slob dpon slob mas lan gsum brjod dgos par shes par bya'o/ /de nas me tog de rang gi spyi bor bzhag ste/ snga ma bzhin du ji lta thob pa'i snying po la sogs pa lan brgya rtsa brgyad dkyil 'khor gyi mdun du bzlas par bya'o/ /snying po la sogs pa'i yi ge mang na grog la gi wang gis yi ge bris la lan gsum bzlas te sngar bshad pa nyid kyi tshul sbyin par bya'o/ /byin nas yon gyi mchog dbul ba de bshad par bya ste/ de la yon gyi mchog ni 'di yin te/ thams cad grub 'dor bla ma la/ /sna tshogs dam pas yon phul te/ /gang yang stong bar mi phod pa/ /de dang de ni dam pa bshad/ /cung zad yid 'ong gang dang gang/ /shin tu khyad par gyur de nyid/ /mi zad de nyid 'dod pa yis/ /de dang de ni bla ma dbul/ /yang na mngon par 'dod pa'i rdzas/ /chung yang phan pa mchog yin pas/ /yang na de yi las bya'o/ /gal te bzang po yod na yang/ /ma byin ngan pa'i yon bdag dang/ /slob dpon la ni smod pa ste/ /rtag tu sdug bsngal thob par 'gyur/ /de ltar de bzhin gshegs pa'i rigs sgrub pa'i yon tan nas da ni de bzhin gshegs pa sgrub pa ni/ bu mo shin tu brgyan pa 'am/ /chung ma
- 140b
'am de bzhin yid 'ong ma/ /sangs rgyas byang chub mchog gi yin/ /phul nas yon gyis bslu bar bya/ /zhes gsungs so/ /de bzhin gshegs pa sgrub pa'i yon tan nas/ rdo rje rigs bsgrub pa'i phyir/ /phyugs chen rang nyid phul nas ni/ /slar yang rin gyis bslu bar bya/ /rdo rje 'dzin dang mnyam sbyor ba/ /yon gyi mchog tu bsngags pa yin/ /zhes gsungs so/ /da ni pad+ma'i rigs sgrub pa pos/ /mu tig phreng ba bcang ba dang/ /gos bzungs shin tu dkar ba 'am/ /rta dkar ba 'am rta dag ni// pad+ma'i yon gyi mchog yin no/ /zhes gsungs so/ /rin po che'i rigs sgrub pa'i phyir/ /rgyal srid dang ni nor rnams ni/ /gos dang rgyan rnams bsags pa dang/ /de bzhin mchod pa thams cad nyid/ /rdo rje nyi ma'i yon gyi mchog yin no zhes gsungs so/ /rta mchog sgrub par byed pas/ /rta rnams shin tu brgyan pa dang/ /glang po legs par brtags pa dang/ /shing rta rin chen gyis bkang ba/ /rta mchog gi ni yon du gyur zhes gsungs so/ /de ltar snying po la sogs pa byin nas rdo rje dbyings la sogs pa'i rigs kyi dkyil 'khor thams cad kyi phyag rgya bzhi'i ye shes bslab pa dang/ rin chen 'byung ldan gyi rnal 'byor mngon du byas la phyag rgya bcings te slob ma thams cad lung bstan par bya'o/ /oM 'di ni ngas khyod lung bstan pa/ /rdo rje sems dpa' de bzhin gshegs/ /srid pa kun tu grub pa'i phyir/ /srid pa'i ngan 'gro rnams las bton/ /kye rdo rje che ge mo zhes bya ba de bzhin gshegs pa sid+d+hya sa ma ya stwaM b+hur bu ba swA hA/ de bzhin gshegs pa'i khu tshur gnyis bcings te/ g.yon pa chos gos 'dzin pa'i tshul du byas la g.yas pa mchod sbyin pa'i tshul du byas pa 'di ni gzengs bstod pa zhes bya ba'i phyag rgya ste/ cho ga lhag ma ni rdo rje dbyings kyi dkyil 'khor chen po las bshad
- 141a
pas shes par bya'o/ /de ltar slob dpon gyis las kyi cho ga dang slob ma 'jug pa'i cho ga rgyas par bstan nas/ da ni don thams cad grub pa'i dkyil 'khor chen por dam tshig dang/ dbang bskur ba'i slob dpon gyi ji ltar 'dod pa'i dngos grub kyi ye shes bshad par bya'o/ /zhes bya ba'i don bstan pa'i phyir de nas zhes bya ba la sogs pa gsungs te/ de nas zhes bya ba ni/ de'i phyir 'jug pa'i cho ga rgyas pa'i rjes thogs la'o/ /ci yod pa dang ci 'byor ba'i mi rnams kyi longs spyod cha bcur dgos nas mchod pa bya'o/ /mchod pa de byas nas/ dgos pa thams cad ni don thams cad la sogs pa'o/ /bsgrub par bya ba ni phyis 'chad par 'gyur bas so/ /de nas zhes bya ba ni skabs su bab pa'o/ /'di zhes bya ba ni don thams cad grub pa'i dkyil 'khor chen po'o/ /ye shes kyi phyag rgya ste/ gter nges pa'i ye shes kyi phyag rgyar 'gyur ro/ /rdo rje snying po'i phyag rgya che/ /zhes bya ba ni don thams cad grub pa'i dkyil 'khor chen po las bshad pa'i don thams cad grub pa'i phyag rgya chen po dang de'i rigs nor bu yis mtshan ma la sogs pa'i phyag rgya chen po ni/ /rdo rje snying po phyag rgya chen po bcings nas zhes bya ba yin no/ /pas zhes bya ba ni/ nges par gzung ba ste/ de bcings pa nyid ces bya ba'i tha tshig go /shin tu mnyam par gzhag pa ni/ /rab tu mnyam par gzhag pa ste/ /rnam par g.yeng ba med pa'i sems so/ /gter brkos nas ni gang dag na/ /zhes bya ba ni/ phyogs gang dang gang na gter yod par re ba'i phyogs der brkos nas/ nges par gter yod pa de mthong bar 'gyur ro/ /'di skad ston pa yin te/ don thams cad grub pa'i dkyil 'khor chen po las bshad pa'i cho gas don thams
- 141b
cad grub pa'i rnal 'byor ram/ de'i rigs kyi rnal 'byor byas te/ de'i phyag rgya chen po dang/ nor bu mtshan ma la sogs pa'i de dang de'i rigs kyi phyag rgya chen po bcings nas/ oM ma hA ma Ni ratna a bi sha hUM zhes bya bas bdag nyid gser gyi mdog can gyi nam mkha' i snying por bsgoms nas rang gi snying ga'i zla ba la tra las/ rdo rje nor bu bskyed de/ de'i dbus su yi ge 'di rnams gser gyi mdog can yid kyis bris la snying po zlos shing nyin re zhing thun bzhi'i sbyor bas zla ba gcig gam/ zla ba drug gam/ lo gcig tu rang nyid bsgoms te/ mtshan thog thag bsgoms na/ des gdan gter yod par re ba der sngar bshad pa'i cho gas bdag dang gnas bsrung ba byas la/ rang gi lha'i rnal 'byor bsgoms te/ rang gi lha spyan drangs nas mchod pa thams cad kyis ji lta ba bzhin du yang dag par mchod la/ zhing dang zhing skyong rnams snga ma bzhin du rin po che lcags sgrog gis bcings te/ bcom ldan 'das kyis bden pa dang/ sems can thams cad kyi bsam pa yongs su rdzogs par byed pa'i bden pa gang yin pa des gter bdag gis mthong ba dang/ dngos grub rab tu stsal du gsol/ /zhes bden pa'i byin gyis brlabs bdar bas gang gi tshe/ bcom ldan 'das bsgoms par gyur pa de'i tshe/ de nas brkos na nges par kho nar rnyed par 'gyur ro/ /dam tshig gi ni mchog bcings la/ /zhes bya ba ni/ rin chen lta ba 'am/ de'i rigs kyi snga ma bzhin du rnal 'byor byas la/ de'i dam tshig gi phyag rgya dang/ de bzhin gshegs pa thams cad kyi dbang bskur ba'i rin po che'i phreng ba la sogs pa rin po che'i rigs rnams kyi dam tshig gi phyag rgya bcings te/ gang na gter rnams yod gyur pa/ /zhes bya ba ni snga ma bzhin no/ /der ni phyag rgya bcings nas ni/ /zhes bya ba ni de bzhin du bsgrub par
- 142a
byas nas/ /gter gyi gnas su snga ma bzhin du cho ga thams cad rjes su spyad la der dam tshig gi phyag rgya btsir na dam tshig gi phyag rgya de'i byin gyis brlabs kyis a mra la sogs pa yongs su smin pa'i 'bras bu kha phye ba bzhin du gter gyi char 'bab pa thams cad blangs par bsams na/ des pa nyid du gter rang gi dang gi steng du 'byung bar 'gyur ro/ /de'i tshe sngar bshad pa'i tshul gyis/ oM ma Ni ratna pra ta d+ha ra sha ya/ zhes bya ba ni snying po 'di bzla bar bya'o/ /rdo rje snying po ting 'dzin du/ /zhes bya ba la sogs pa ni snga ma bzhin du rin chen pad+ma 'am/ de'i rigs kyi rnal 'byor byas la/ oM ma Ni ratna sa ma d+hi b+hu hi/ rin chen pad+ma'i phyag rgya chen po dang/ de'i rigs kyi phyag rgya chen po dang/ bdag nyid gser gyi mdog can du bskyed la/ rang gi lce la snying po 'di yid kyis bris la/ snga ma bzhin du bsgom pa dang bzlas pa byas la/ de nas bsgrub pa yang de bzhin du bya'o/ /de nas gter gyi gnas su song la snga ma bzhin du cho ga rjes su spyad de bsgoms na/ gang gi tshe byin gyis brlabs pa'i bar du byas na rang gi lces thams cad smra bar 'gyur ro/ /las kyi phyag rgya bcings nas ni/ /zhes bya ba la sogs pa ni snga ma bzhin du rin chen char 'bebs dang/ de'i rigs kyi rnal 'byor byas la/ oM ratna a b+hi shi da ra sha ya zhes snying po brjod cing/ rin chen char 'bebs kyi las kyi phyag rgya 'am/ de'i rigs kyi las kyi phyag rgya bcings te/ bdag nyid rin chen char 'bebs kyi gzugs sam/ de'i rigs kyi lha'i gzugs su bskyed la/ rang gi snying gar rdo rje rin chen char 'bebs kyi phyag rgya'i dbus su snying po 'di yid kyis bris te/ snga ma bzhin du bsgoms la/ de nas de bzhin du bsgrub
- 142b
bar bya'o/ /de nas re ba'i gnas su sngar bshad pa'i cho ga rjes su spyad la/ ji srid du bsgoms pa de'i tshe dbang du 'gyur ro/ /de nas brkos na gdon mi za bar rnyed par 'gyur ro/ /phyag rgya chen po bsgoms nas ni/ /zhes bya ba la sogs pa la/ snga ma bzhin du don thams cad grub pa 'am/ de'i rigs kyi rnal 'byor byas la/ de nas don thams cad grub pa'i phyag rgya chen po 'am/ de'i rigs nor bu'i mtshan ma la sogs pa'i phyag rgya chen po bcings la/ oM mahA ma Ni ratna ka ya dar sha ya ratna zhes bya ba'i snying po brjod cing/ nam mkha' i snying po dang nor bu'i mtshan ma la sogs pa'i gzugs su gser gyi mdog can du bsams la/ thugs ka'i rdo rje nor bu'i snying po bkod la zlos shing/ snga ma bzhin du rnam par bsgoms la/ mtshan thog thag bsgrub par bya'o/ /de nas gter gyi gnas su sod la snga ma bzhin du cho ga thams cad rjes su spyad de/ de ji srid du bsgom pa de'i tshe/ rang gi snying ga'i rdo rje rin po che'i 'od zer byung nas lus la 'khor bar 'gyur ro/ /de nas rin chen gter yod par/ /dam tshig gis ni shes par 'gyur/ /zhes bya ba ni rin po che'i 'od zer gyis bskor ba'i tshe na'o/ /dam tshig mchog ni bcings nas kyang/ /zhes bya ba la sogs pa ni/ rin chen lta ba dang/ de'i rigs kyi lha'i rnal 'byor byas la/ phyis de'i dam tshig gi phyag rgya bcings te/ A karSha garb+ha ma Ni ratna spu ta spu ta ma tra ni bi d+hi zhes bya ba'i snying po zlos shing rin chen lta ba 'am/ de'i rigs kyi gzugs su bdag nyid bsgoms te/ de nyid kyis snying po zlos shing snga ma bzhin du bsgoms la/ yang dag par bsgrubs te/ gter gyi gnas su song la cho ga thams cad rjes su spyad la/ ji srid du bsgoms pa de srid du rang gi snying ga'i rin po che las 'od zer byung bas phyag rgya la khyab par babs par 'gyur
- 143a
ro/ /de nas rin po che chen po'i gter yod par ni shes par bya zhes bya'o/ /ting 'dzin phyag rgya bcings nas ni/ /zhes bya ba la sogs pa bcom ldan 'das rin chen pad+ma 'am/ de'i rigs kyi rnal 'byor byas la/ oM ma Ni ratna dz+nyA na sa yaM bru hi/ zhes bya bas lce la bsams nas snga ma bzhin du bsgrubs la/ gter gyi gnas su song ste cho ga thams cad rjes su spyad la/ de ji srid du bsgoms pa de'i tshe 'babs par 'gyur ro/ /de nas rang gi lces gang na gter yod ces smra bar 'gyur ro/ /las kyi phyag rgya bcings nas kyang/ /zhes bya ba la sogs pa rin chen char 'bebs sam/ de'i rigs kyi rnal 'byor byas la/ oM pu ra sa ma ya band+hA dar sha ya swA hA/ zhes bya ba'i snying po brjod cing/ rin chen char 'bebs sam de'i rigs kyi snying po 'di dang las kyi phyag rgya bcings te/ rang gi snying gar rin chen char 'bebs kyi phyag rgya bsams la snga ma bzhin du bsgrubs te/ gter gyi gnas su song nas cho ga thams cad rjes su spyad la/ ji srid du bsgoms pa de srid du lag pa gnyis las/ ye shes babs nas las kyi phyag rgya bcings pa bkrol la dam tshig phyag rgya bcings nas babs nas dam tshig bcings par gyur pa/ de na gter ni yod par bshad/ ces bya ba/ phyag rgya chen po bsgoms na ni/ /de bzhin gang du der 'gyur ba/ /zhes bya ba ni snga ma bzhin du don thams cad grub pa dang/ de'i rigs kyi rnal 'byor byas la/ phyis de dang de'i rigs kyi lha rnams kyi phyag rgya chen po bcings te/ rang gi snying gar rdo rje rin po che de'i dbus su ye ge tra bsam par bya'o/ /oM ni d+hi dz+nyA na a ba sha zhes bya ba yid kyis bris te/ snga ma bzhin du bsgrub pa byas la/ /ji srid du bsgoms pa de'i tshe gter mthong
- 143b
bar 'gyur ro/ /de nas brkos nas blang bar bya'o/ /gang du gter yod der yang ni/ /zhes bya ba la sogs pa ni snga ma bzhin du rin chen lta ba 'am/ de'i rigs kyi rnal 'byor byas la/ de'i dam tshig phyag rgya dang de'i rigs kyi lha'i dam tshig gi phyag rgya bcings te/ snying ga'i rdo rje rin po che'i dbus su/ oM ratna sa ma ya muM tsa ne d+hi band+ha/ zhes bya ba yid kyis bris te/ snga ma bzhin du bsgrubs la/ gter gyi gnas su dam tshig phyag rgya bcings la/ ji srid du bsgoms pa de srid du/ dam tshig gi phyag rgya rang grol bar 'gyur ro/ /de nas gter yod pa yin no/ /zhes ston par 'gyur ro/ /ting 'dzin phyag rgya bcings nas ni/ /gang du nges pa der 'gyur pa/ /zhes bya ba ni rin po che pad+ma 'am de'i rigs kyi rnal 'byor byas te/ oM d+harmmA ratna b+h+ru hi na hi na ma/ zhes bya bas lce la bkod la snga ma bzhin du bsgrubs te/ gter yod pa'i gnas su song nas/ ji srid du bsgoms par gyur pa de srid du 'bab par 'gyur te/ der ni nges par gter yod par/ ye shes bskyed de shes par bya'o/ /gang dang gang na re ba yod/ /las kyi phyag rgya cho ga bzhin/ /zhes bya ba ni rin chen char 'bebs pa 'am/ de'i rigs kyi rnal 'byor byas la/ /rang gi snying gar rdo rje rin chen char 'bebs dang de'i steng du/ oM sarbba karmmA Ni spho TA dar sha ya/ ni d+hi band+ha od k+Shi pa/ zhes bya ba yid kyis bris te/ snga ma bzhin du sgrub pa byas la/ rin chen char 'bebs dang/ de'i rigs kyi las kyi phyag rgya bcings te/ gang du 'jig rten pa phal che bas thams cad gter re bar gyur pa der yod par 'gyur ro/ /der ji srid du bsgoms pa de srid phyag rgya gnyis su gyur pa der gtar yod par shes par 'gyur te/ der bcings de ni gnyis 'gyur na/ /gter ni yod par shes par bya/ /zhes bya'o/ /phyag rgya chen po bsgoms nas ni/ /gter rnams kun tu btsal nas kyang/ /zhes bya ba ni/
- 144a
snga ma bzhin du don thams cad grub pa 'am de'i rigs kyi rnal 'byor byas la phyis de'i phyag rgya chen po dang/ rin chen nor bu la sogs pa de'i rigs kyi phyag rgya chen po bcings te/ rang gi snying ga'i rdo rje nor bu'i dbus su/ oM mahA ratna pa rik+Sha bi shud+d+ha ya bI sha /zhes bya ba yid kyis bris te/ snga ma bzhin du bsgrub pa byas nas/ gang la re bar gyur pa de na gter yod par 'gyur ro/ /de la ji srid du bsgoms pa de'i babs par gyur pa de'i phyir/ de na gter ni yod par bshad ces bya'o/ /dam tshig mchog ni bcings nas kyang gter rnams kun tu btsal nas kyang/ /zhes bya ba ni rin chen lta ba 'am/ /de'i rigs kyi rnal 'byor byas la/ /de dang de'i rigs kyi dam tshig gi phyag rgya bcings te/ /rang gi snying ga'i rdo rje nor bu rin po che'i dbus su/ oM ratna sa ma ya tre d+hA dar sha ya zhes yid kyis bris nas/ snga ma bzhin du bsgrubs te/ gter gyi gnas su ji srid du bsgoms pa de'i tshe phyag rgya dgrol bar mi nus par 'gyur ba de na gter yod par shes par bya'o/ /ting 'dzin phyag rgya bcings nas ni/ /de rnams kun nas btsal nas kyang/ /zhes bya ba ni rin chen pad+ma dang/ de'i rigs kyi rnal 'byor byas la/ phyis ratna pa rik+Sha dz+nyA na a be sha /zhes bya ba lce la yid kyis bris te/ snga ma bzhin du bsgrubs nas ji srid bsgoms pa de'i tshe gter rnams mthong bar 'gyur ro/ /las kyi phyag rgya bcings nas kyang/ /gter rnams kun tu btsal nas kyang/ /zhes bya ba la rin chen char 'bebs sam/ rin chen mchod pa la sogs pa de'i rigs rnams kyi rnal 'byor byas la rin chen char 'bebs sam de'i rigs kyi las kyi phyag rgya bcings te/ rang gi snying ga'i rdo rje nor bu rin chen char 'bebs bsam par bya'o/ /de'i steng du/ oM ma Ni karmma b+h+ra ma ya zhes bya ba yid kyis
- 144b
bris la/ snga ma bzhin du bsgrubs na/ gnas gang du gter yod pa yin no/ /zhes 'jig rten phal cher re bar 'gyur ba der ji srid bsgoms pa de'i tshe las kyi phyag rgya 'khor bar 'gyur ro/ /de nas de na gter yod par shes par 'gyur ro/ /de nas gsang ba'i phyag rgya'i ye shes bslab par bya'o/ /zhes bya ba ni gter gyi lha dang mnyam par sbyar bas/ bsgom pa gsang ba'i ye shes bslab par bya'o/ /dbang po gnyis ni mnyam sbyar la/ /gter rnams kun tu tshol byed cing/ /zhes bya ba ni bcom ldan 'das don thams cad grub pa 'am/ nor bu'i mtshan ma la sogs pa de'i rigs kyi rnal 'byor byas la/ de nas rang gi snying khar rdo rje nor bu bsams la de'i dbus su/ oM ma Ni yo ga a be sha /zhes bya ba yid kyis bris te/ don thams cad grub pa dang/ de'i rigs kyi phyag rgya chen po bcings la/ snga ma bzhin du bsgrub pa dang/ gter gyi gnas su cho ga thams cad rjes su spyad la gter gyi lha dang lha mo'i gzugs su rnam par bsams te/ ji srid du lhan cig mnyam par sbyor bas bsgoms pa de srid 'babs par gyur nas mngon sum mthong bar 'gyur ro/ /dam tshig mchog ni bcings nas kyang/ /zhes bya ba la sogs pa rin chen lta ba 'am/ de'i rigs kyi rnal 'byor byas la rin chen lta ba dang de'i dam tshig gi phyag rgya bcings te/ rang gi snying gar rdo rje rin po che la/ oM sa ma ya sa na yo ga dri Dho me b+ha ba zhes bya ba yid kyis bris te/ snga ma bzhin du bsgrubs la gter gyi gnas su cho ga thams cad rjes su spyad la/ ji srid du gter gyi lha dang lhan cig tu bsgoms pa de mngon sum lta bur 'gyur ro/ /de ltar bsgom nas phyag rgya gang du bstan par gyur pa na gter gyi lha mthong ba'i tshul gyis gter yod pa'i phyogs der ston par 'gyur ro/ /dbang po gnyis ni mnyam sbyar la/ /gter rnams kun tu tshol byed cing/ /zhes bya
- 145a
ba ni bcom ldan 'das rin chen pad+ma 'am de'i rigs kyi rnal 'byor byas la/ oM Ni di dz+nyA na a be sha mA ma yo ga/ zhes lce la/ yid kyis bris te/ snga ma bzhin du bsgrub pa byas la/ gter yod pa'i gnas su song nas cho ga thams cad rjes su spyad la/ ji srid du gter gyi lha dang mnyam par sbyor bar bsgoms pa de srid du gter mthong bar 'gyur ro/ /dbang po gnyis kyi ting 'dzin gyis/ /las kyi phyag rgya bcings nas ni/ /zhes bya ba la rin chen char 'bebs pa 'am/ de'i rigs kyi rnal 'byor byas la/ rdo rje nor bu char 'bebs rang gi snying gar bsams la/ de'i steng du/ oM sarbba karmmA spho Ta saM yo ga zhes bya ba yid kyis bris la snga ma bzhin du bsgrubs te/ rin chen char 'bebs sam/ de'i rigs kyi las kyi phyag rgya bcings la/ phyis gter gyi gnas su song la cho ga thams cad rjes su spyad nas/ gter gyi lha dang lhan cig mnyam par sbyor bas ji srid du bsgoms pa de'i tshe phyag rgya gnyis su 'gyur te/ rang grol bar 'gyur ro/ /zhes bya ba'i don no/ /de nas gter gyi lha grub par gyur pa des gter ston pa'i dngos grub tu 'gyur ro/ /de ltar dngos grub kyi ye shes bstan nas/ da ni don thams cad grub pa'i dkyil 'khor chen po las bshad pa'i dngos grub rnams don thams cad grub pa'i dkyil 'khor chen po las bshad pa'i phyag rgya bzhi po rnams kyis ji lta ba bzhin du rang gi lha'i rnal 'byor byas la bsgrubs te/ mdun du lha spyan drangs nas rang gi phyag rgya bzhi po rnams kyis rgyas btab pa la bsgrub pa na/ bsgrub pa po spro ba bskyed pa'i phyir dang/ phyag rgya'i 'bras bu bstan par bya'o zhes bstan pa'i phyir/ de nas nor bu'i rigs chen po'i phyag rgya thams cad kyi ye shes brlab bo/ /zhes bya ba gsungs la/ de nas
- 145b
zhes bya ba ni de'i phyir te/ dngos grub kyi ye shes bstan pa'i rjes thogs la zhes bya ba'i tha tshig go /chen po yang yin la nor bu'i rigs kyang yin pas na/ nor bu'i rigs chen po ste/ don yod par grub pa'i dkyil 'khor chen po'o/ / de la thams cad ni phyag rgya rnam pa bzhi ste/ dam tshig dang las kyi phyag rgya rnams so/ /de rnams kyi ye shes su nges pa de bslab par bya'o/ /de nas phyag rgya chen po bcing ba ni 'di yin te/ zhes bya ba ni phyag rgya chen po 'ching ba'i dam tshig bstan par bya'o/ /zla ba'i dkyil 'khor dbus gnas par/ /zhes bya ba ni zla ba'i dkyil 'khor gyi dbus su 'dug nas so/ /ji lta bu yi ri mo bzhin/ /zhes bya ba ni 'bri mkhan gyis/ /ji lta ba bzhin du bris pa ni/ /des ji lta ba'i ri mo'i rjes su 'brangs nas ji lta ba bzhin bri ba'o/ /'di skad ston pa yin te/ ji ltar rnam par snang mdzad la sogs pa dang/ nor bu rin chen 'bebs pa'i mthar thug pa'i sku'i gsang ba'i mtshan nyid kyi dkyil 'khor bri ba'i cho gar gsungs pa'i/ de'i mtshan nyid kyi rjes su 'brangs nas/ bdag nyid kyang sku'i gsang ba'i rang bzhin rtsa ba'i dkyil 'khor na gnas pa bsgoms te/ yang dang yang du mngon du bya ba yin no/ /de gang gi yin zhe na/ phyag rgya chen po zhes smos te/ sku'i gsang ba bsgom pa'o/ /ci'i phyir bsgom zhe na/ don gyi mchog kun tu grub par 'gyur/ /zhes bya ba smos so/ /don kyang yin la kun kyang yin pas na don gyi mchog kun te/ rnam par snang mdzad la sogs pa nas rin chen 'bebs pa'i rang bzhin gyi mthar thug pa'o/ /de'i mchog gi dngos grub ni phyag rgya chen po mngon sum du byas nas de rtogs par bsgom pa'o/ /rdo rje nor bu dang/ rdo rje rin chen myu gu dang/ rdo rje rin chen pad+ma dang/ rdo rje rin chen char 'bebs kyi phyag rgya
- 146a
chen po ni/ /nor bu'i mtshan ma dang/ de bzhin gshegs pa thams cad dbang bskur ba'i phreng ba dang/ gtong ba ting 'dzin gyi ye shes kyi snying po dang nor bu'i mchod pa rnams kyis phyag rgya chen po nyid kyis shes par bya'o/ /don zhes bya ba ni rnam par snang mdzad la sogs pa'i phyag rgya chen po rnams kyi 'bras bu gsungs pa yin no/ /sangs rgyas phyag rgya sangs rgyas nyid/ /ces bya ba la rnam par snang mdzad kyi phyag rgya chen po ni sangs rgyas phyag rgya chen po ste/ de sangs rgyas nyid 'grub pa ster ba'o/ /dngos grub bzang po 'di la mnga' bas na/ /rab grub po/ /gang gi phyag rgya yin zhe na/ /rdo rje snying po'i 'o/ /don thams cad grub pa dang/ nor bu'i mtshan ma dag gi phyag rgya chen po de rnams rab tu 'grub par 'gyur zhes bya ba'i tha tshig go /rin chen lcags kyu ni/ rin chen rgyal po'i phyag rgya chen po ste/ nges phyogs bcu kun nas de bzhin gshegs pa la sogs pa spyan 'dren par byed pa'o/ /nor bu dga' ba ni nor bu chags pa chen po ste/ nor bu'i chags pas rjes su dga' bar byed pas de bzhin gshegs pa la sogs pa sems can gyi khams la rjes su dga' bar byed pa dang/ bsgrub pa po bka' bzhin byed pa'o/ /nor bu legs pa'i phyag rgya chen po ni/ nor bu'i mgu ba'o/ /shin tu mgu bar byed pas na/ rab tu mgu ba phul du byung ba byed ces bya ba'i tha tshig go /nor bu lta ba'i phyag rgya chen po ni nor bu'i lta ba'o/ /nor 'phrog pa ni dbang bskur ba la sogs pa bkug nas/ rin po che'i phreng ba zhes bya ba ni de bzhin gshegs pa thams cad dbang bskur ba'i nor bu'i phreng ba ste/ de'i phyag rgya chen po gang yin pa de ni nor bu'i dbang bskur ba'o/ /bsgrub pa po la dbang bskur ba'o/ /nor bu'i nyi
- 146b
ma'i phyag rgya chen po ni/ nor bu'i nyi ma ste/ gzi brjid bzang po mnga' bas na/ /gzi brjid mchog go /nam mkha' mnyam pa nyid kyi ye shes kyi me'i 'od zer de 'gyed pas na gzi brjid mchog ster bas te/ nor bu'i nyi ma nyid do zhes bya ba'i don no/ /nor bu'i rgyal mtshan gyi phyag rgya chen po ni/ yid bzhin nor bu ste de ci dgar ster ba'o/ /des ci dgar sbyin pa ni gang dang gang gis mngon par 'dod pa'i bsgrub par bya ba de dang de nyid yongs su rdzogs par byed pa'o/ /rin chen bzhad pa'i phyag rgya chen po ni/ rin chen bzhad pa ste/ stobs dang mi 'jigs pa la sogs pa 'jig rten dang 'jig rten las 'das pa'i don 'phrog cing bsgrub par byed pa'o/ /rin chen pad+ma'i phyag rgya chen po ni/ rin chen mchog ste shes rab kyi pha rol tu phyin pa'i chos de mtshan nyid kyi tshes de ster ba'o/ /stong pa ting nge 'dzin ye shes kyi snying po'i phyag rgya chen po ni/ gtong ba mchog ste/ zag pa med pa'i ting nge 'dzin gyi rnyed pa dam pa 'thob pa'o/ /rin chen rnon po'i phyag rgya chen po ni/ rin chen ral gri ste/ shes rab kyi ye shes chen po'i mdzod gter ba'o/ /nor bu 'khor lo'i phyag rgya chen po ni/ nor bu'i 'khor lo ste/ de'i bdag po ni nor bu'i rigs kyi dkyil 'khor gyi bdag po byang chub sems dpa' chen po nor bu'i 'khor lo de ster bar 'gyur ro/ /rin chen gsung ba'i phyag rgya chen po ni/ sna? ba btsal ba'i dngos grub ste/ spros pa med pa'i ye shes kyi dngos grub nor bu srung ba nyid thob pa yin no/ /zhes bya ba'i tha tshig go /rin chen char 'bebs kyi phyag rgya chen po ni rin po che char 'bebs te/ de nor bu chen po'i byang chub sems dpa' chen po rin po che'i char nyid 'thob par 'gyur ro/ /nor bu mchod pa'i phyag rgya chen po ni/ nor bu chen po ste/ de shin tu legs par mchod pa
- 147a
thob par 'gyur ro/ /nor bu bsrung ba'i phyag rgya chen po ni/ /rin chen go cha brtan par byed pa ste/ phyir mi ldog pa'i brtson 'grus ni nor bu'i bsrung ba yin no/ /zhes bya ba'i tha tshig go /nor bu gnod sbyin gyi phyag rgya chen po ni/ nor bu'i mche ba gzung ba dang/ 'dzin pa'i rnam par rtog pa 'joms pas na/ de'i nor 'phrog pa'o/ /nor bu'i khu tshur gyi phyag rgya chen po ni/ khu tshur des nor bu'i dngos grub thob pa ste/ de mngon sum du byas pas de bzhin gshegs pa'i dngos grub 'grub par 'gyur ro/ /zhes bya ba'i don no/ /de nas dkyil 'khor chen po 'di/ /zhes bya ba ni don thams cad grub pa'i dkyil 'khor chen po'i dam tshig 'dzin pa ni phyag rgya ni dam tshig gi phyag rgya'o/ /rnam par snang mdzad la sogs pa'i dam tshig gi phyag rgya gang yin pa de ni ye shes su 'gyur ba'o/ /rdo rje rin chen phyag rgya ni/ /sangs rgyas kun gyi dbang bskur thob ces bya ba ni rdo rje dbyings kyi dkyil 'khor chen po'i bcom ldan 'das 'phags pa nam mkha' i snying po'i dam tshig gi phyag rgya gang yin pa de ni rdo je rin chen gyi bdag nyid kyis sangs rgyas thams cad la dbang bskur bar gsol ba ste/ de'i mtshan nyid 'di ni rdo rje bsdams pa las mthebg mo gnyis bsnyams l 'dzub mo gnyis bkug pa'i rtse mo sprad pa ni rdo rje rin chen te/ rdo rje rin chen de nyid 'ching ba'i sbyor ba dang/ oM badzra ratna hUM zhes bya bas de bzhin gshegs pa thams cad la dbang bskur bar sbyin no/ /rdo rje dbyings kyi dkyil 'khor chen po las bshad pa'i 'phags pa nam mkha' i snying po'i rnal 'byor byas te/ phyis phyag rgya 'di bcings nas bdag nyid 'phags pa nam mkha' i snying por bsgoms
- 147b
te/ snying po 'di bzlas na/ de bzhin gshegs pa thams cad kyi dbang bskur ba rdo rje rin chen 'grub par 'gyur ro/ /rdo rje nor bu che bcings nas/ /rdo rje rin chen mgu bar 'gyur/ /zhes bya ba ni rdo rje bsdams pa bcings la/ mdzub mo rgyab tu bskums nas/ rdo rje mthe bo dang sbyar ba 'di ni/ rdo rje rin chen gyi dam tshig gi phyag rgya'o/ /'di bcings la oM sarbba ta thA ga ta a sha pa ri pU ra ni ma hA ratna hUM/ zhes bya bas gang gi tshe rdo rje dbyings las bshad pa'i rnam par snang mdzad kyi rnal 'byor byas la bzlas pa byas pa de'i tshe de bzhin gshegs pa thams cad kyi dbang bskur ba'i dngos grub thob par 'gyur ba de'i tshe phyir/ rdo rje rin chen 'grub par 'gyur zhes gsungs te/ bag chags dang bcas pa'i nyon mongs pa spangs pas nam mkha' dang mnyam pa'i ye shes thob ces bya ba'i don no/ /rdo rje gnyis las nor bu byas/ /zhes bya ba ni rdo rje khu tshur gnyis kyi mdzub mo gnyis nor bur bya'o/ /rdo rje 'dzin las nor thob po/ /zhes bya ba ni 'bras bu gsungs pa yin no/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje sems dpa' i sbyor ba byas la/ dam tshig gi phyag rgya gang yin pa 'di bcings te/ /oM badzra hUM traM zhes snying po zlos shing/ rdo rje 'dzin pa'i bdag nyid du bsgoms nas mtshan ma thob pa dang/ mtshan thog thag zlos shing bcom ldan 'das mdun du bzhag la bsgoms pa de'i tshe rdo rje 'dzin pa nyid thob par 'gyur ro/ /de nyid mthe bo rdo rje yis/ /zhes bya ba ni bshad ma thag rdo rje 'dzin pa'i phyag rgya'i mthe bo gnyis myu gu ltar byas pa ni nam mkha' i snying po'i phyag rgya'o/ /nor bu sbyin pa zhes bya ba ni nam mkha' i snying po'i dngos grub kyi 'bras bu'o/ /snying gar bzhag ces bya ba ni yid kyi mngon par 'dod pa zhes bya ba'i don no/ /snga ma
- 148a
bzhin du rdo rje dbyings kyi dkyil 'khor chen po las bshad pa'i nam mkha' i snying po'i rnal 'byor byas la/ phyis phyag rgya de bcings te/ oM ma Ni ratna hUM/ zhes brjod cing bsgoms pas nam mkha' i snying po 'grub par 'gyur ro/ /mdzub gnyis pad+ma'i nor bu bcings/ /rdo rje khu tshur gyi mdzub gnyis bsgrengs nas phan tshun lto sbyar te/ rgyab cung zad bskums nas rin po che bya'o/ /ci zhig tu 'gyur zhe na/ 'jig rten dbang gis nor sbyin 'gyur/ / zhes bya ba smos te/ bcom ldan 'das rdo rje spyan sgrub pa po rang la dngos grub gter bar 'gyur ro zhes bya ba'i don no/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje spyan gyi rnal 'byor byas te/ phyis de'i phyag rgya bcings la/ pad+ma h+ri(rgyud 'grel): zhes zlos shing rdo rje spyan bsgoms te/ gang gi tshe mtshan ma thob nas/ dngos grub tu gyur pa de'i tshe/ rdo rje spyan nyid dang 'jig rten dbang phyug nyid thob par 'gyur ro/ /rdo rje las nor sna tshogs kyi/ zhes bya ba ni/ sngar bshad pa'i/ rdo rje nor bu che bcings la/ /gar byas sbyi gtsug dbus bzhag ste/ /mchod pa'i cho ga thams cad kyis/ /kun la rin chen mchod par bya/ /zhes bya ba 'di ni rdo rje las kyi nor bu ste/ nor bu mchod pa'i dam tshig gi phyag rgya'o/ /ci zhig sbyin par byed ce na/ /nor bu chen po rgyal mtshan sbyin/ /zhes bya ba smos te/ byang chub sems dpa' chen po rdo rje las su 'gyur ro zhes bya ba'i don no/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje las kyi rnal 'byor byas la/ phyis de'i phyag rgya bcings te/ oM bi sha ratna hUM zhes zlos shing gang gi mtshan ma thob par gyur nas 'grub par gyur pa de'i tshe rdo rje sna tshogs
- 148b
su 'gyur ro/ /rdo rje dbyings mdzub nor mchog gis zhes bya ba ni/ rdo rje dbyings kyi dkyil 'khor chen po'i de'i nor gyi mchog ni rdo rje rin chen gyi dam tshig gi phyag rgya'o/ /des sangs rgyas rin chen nyid thob par 'gyur/ zhes bya ba'i don no/ / oM bu b+hu ratna hUM zhes bya ba'i snying po 'di ni phyag rgya'o/ /mdzub mo bsnyams te rgyab bkug la/ /zhes bya ba ni rdo rje bsdams pa'i mdzub mo gnyis myu gu ltar byas nas rgyab bskums te/ rin po che'i mthe bo gnyis myu gu ltar byas pa de las/ /mthe bo rdo rje bcings par 'gyur te/ rdo rje snying po'i phyag rgya las 'di ni rdo rje nor bur gsungs zhes bya ba ni bshad pa'o/ /gang las 'byung ba yin zhe na/ rdo rje snying po'i phyag rgya las zhes bya ba smos te/ rdo rje bsdams pa gnyis dam du byas pa 'di ni rdo rje snying po'i phyag rgyar 'gyur ro/ /da ni 'di skad ston pa yin te/ rdo rje bsdams pa las byung ba'i rdo rje nor bu chen po dam tshig gi phyag rgya 'di ni sems ma rdo rje ma'i gnas kyi rdo rje nor bu'i phyag rgya'i nor bu'i rigs kyi dkyil 'khor du 'jug pa'i dam tshig gi phyag rgya yin no/ /'di ni bcings ma thag tu yang/ /rdo rje nor bu chen po thob ces bya ba ni/ nor bu chen po'i rigs kyi dkyil 'khor du 'jug pa dang/ rtogs pa thob bo zhes bya ba'i tha tshig go /rdo rje dbyings kyi dkyil 'khor chen po las bshad pa'i 'phags pa nam mkha' i snying po'i dam tshig gi phyag rgya ni/ mdzub gnyis rin chen 'drar bcings pa'o/ /gung mo myu gu bsgreng bas ni/ /zhes bya ba ni gung mo myu gu ltar bsgreng ba 'di ni/ rdo rje rin chen myu gu'i dam tshig gi phyag rgya ste/ 'di ni bcings ma thag tu yang stobs dang mi 'jigs pa la sogs pa dge ba'i mtshan nyid kyis/ dbang bskur bar thob par 'gyur ba ni rnyed par 'gyur ba'o/ /de nas gung mo srin lag dang/ /mthe chung rnams
- 149a
ni padmor byas/ /zhes bya ba ni rdo rje rin po che myu gu'i phyag rgya nyid las gung mo dang/ srin lag dang mthe'u chung rnams sor mo phan tshun gdong sbyar te/ pad+ma kha ma bye ba bzhin du byas pa 'di ni rdo rje rin chen pad+ma'i dam tshig phyag rgya'o/ /'dir ni gtor ba ting nge 'dzin ye shes kyi snying po 'grub pas/ kun tu spyan ras gzigs dbang phyug gi ting nge 'dzin nor bu sgrub pa po la sbyin par 'gyur ro/ /mdzub mo mthe bo mthe'u chung rnams/ /rdo rje rin chen tshul du bya/ / zhes bya ba ni thal mo sbyar la/ srin lag gnyis myu gu lta bu dang/ gung mo dang mthe'u chung gnyis nang du bcug nas/ sen mo gnyis phan tshun sbyar ba 'di ni rdo rje rin chen char 'bebs kyi dam tshig gi phyag rgya'o/ /rdo rje bsdams pa dam byas la/ /zhes bya ba la sogs pa ni/ rdo rje bsdams pa dam por byas nas mdzub mo gnyis nor bu 'dra bar byas la/ mthe bo gnyis brkyang ste kha phye nas/ snying gar bzhag pa 'di ni/ don thams cad grub pa zhes bya ba'i don thams cad grub pa'i dam tshig gi phyag rgya'o/ /rdo rje bsdams pas bsdams nas kyang/ zhes bya ba la sogs pa la gung mo gnyis myu gu ltar byas te/ rgyab bskum pa'i tshul gyis rin po cher byas pa 'di ni rdo rje sems dpa' i gnas kyi rdo rje nor bu'i mtshan ma'i dam tshig gi phyag rgya'o/ /las ci zhig byed ce na/ nor bu rin chen rab sbyin no/ /zhes bya ba smos so/ /de nyid las zhes bya ba ni/ bshad ma thag pa'i nor bu mtshan ma'i dam tshig gi phyag rgya las/ mdzub mo gnyis lcags kyu'i tshul du byas pa ni/ rin chen rgyal po'i dam tshig gi phyag rgya ste/ de bzhin gshegs pa la sogs pa thams cad kyi/ don kun 'gugs pa'i phyag rgya'o/ /ming gang yin zhe na/ nor bu rin chen lcags kyur bshad/ /ces bya
- 149b
ba smos te bstan pa'o/ /de nyid las zhes bya ba ni/ bshad ma thag pa'i rin chen rgyal po'i dam tshig gi phyag rgya las so/ /bsgyur nas kyang zhes bya ba ni g.yon pa'i phyogs nas so/ /mdzub mos mdzub mo gzungs nas ni/ /zhes bya ba ni g.yas pa'i mdzub mos g.yon pa'i mdzub mo gzung ste/ mda''phang ba'i tshul du byas la/ drangs shing 'then nas/ dgrol bar sems can gyi khams dga' byed cing dbang du byed pa'o/ /'di skad ston pa yin te/ nor bu rgyal po'i phyag rgya las/ /g.yas pa'i mdzub mos g.yon pa'i mdzub mo g.yon logs nas 'dren pa'i tshul du byed pa 'di ni nor bu chags pa'i phyag rgya'o/ /de nyid las mdzub ma thob gnyis sbyar ba legs so zhes bya'o/ /zhes bya ba ni nor bu chags pa'i phyag rgya nyid las/ mdzub mo dang mthe bo gnyis se gol brdebs pa'i tshul du byed pa ni nor bu legs pa'i'o/ /de las mtheb gnyis sbyar ba yis/ /mdzub gnyis rtse mor bkab de bzhin/ /mtheb bo gnyis ni dbus sbyar la/ /mdzub gnyis ngos dang sbyar ba ni/ /zhes bya ba ni rin chen legs pa'i phyag rgya nyid las/ mdzub mo gnyis bskums nas tshigs gsum pa phan tshun sbyar la/ mthe bo gnyis bsgrengs nas bkab la cung zad kha skye ste/ mthe bong gi gdong lha'i tshul du 'dzin par byed pa 'di ni nor bu'i lta ba ste/ nor bu lta ba'i phyag rgya 'bar ba'i lta bas dbang bskur ba la sogs pa byas pas 'jig rten pa rnams kyis lta ba'i don rnams 'phrog par byed pa'o/ /don kun grub pa'i phreng ba ni/ /zhes bya ba la de bzhin gshegs pa thams cad dbang bskur ba ste/ 'dir don thams cad grub pa de'i phreng ba ni/ dbang bskur ba'i dam tshig gi phyag rgya'o/ /des las gang zhig byed ce na/ /rang gi dbang ni rab sbyin 'gyur/ /zhes bya ba smos te/ dge ba'i dbang bskur ba ni rang gi dbang bskur ba'o/ /de bzhin
- 150a
gshegs pa thams cad kyi phreng ba'i dbang bskur ba de bkug nas sbyin par bya ba ni rang gi dbang rab tu sbyin par 'gyur ro/ /don thams cad grub pa'i phreng ba 'di gang zhig yin zhe na/ de nyid snying gar mtheb mo gnyis bsgreng ste ngos kyis sbyar ba ni/ /zhes bya ba la rin chen lta ba'i dam tshig gi phyag rgya snying ga'i phyogs su mdzub mo gnyis dang mthe bo gnyis phan tshun kha sbyar la/ bcings te phyis snying ga'i phyogs su bzhag pa las/ dbang bskur ba'i gnas su 'jog pa ni/ de bzhin gshegs pa thams cad kyi dbang bskur ba'i phreng ba'i dam tshig gi phyag rgyar 'gyur ro/ /zhes bya ba'i don no/ /nor bu nyi ma'i snying gar bzhag /gzi brjid chen po rab sbyin 'gyur/ /zhes bya ba ni bshad ma thag pa'i de bzhin gshegs pa thams cad kyi dbang bskur ba'i phreng ba'i dam tshig gi phyag rgya de nyid las nyi ma'i dkyil 'khor gyi tshul gyis/ snying gar bskor bas nam mkha' i khams khyab par nyi ma'i ting nge 'dzin rab tu gter ba dang/ gzi brjid chen po rab tu sbyin pa 'di ni/ nor bu nyi ma'i dam tshig gi phyag rgya'o/ /srin lag bsnyams te bsgrengs nas ni/ /phyi ste spyi bor bzhag bya ba/ /zhes bya ba ni de bzhin gshegs pa thams cad kyi dbang bskur ba'i phyag rgya de nyid spyi bor bzhag la srin lag gnyis bsnyams te/ myu gu ltar byas nas phye ba 'di ni nor bu'i dpal gyi'o/ /'di skad ston pa yin te/ de bzhin gshegs pa thams cad kyi dbang bskur ba'i dam tshig gi phyag rgya de nyid las srin lag gnyis myu gu ltar byas nas phye ste/ spyi bor bzhag par bya'o/ /rdo rje nor bu chen po zhes bya ba ni snga ma bzhin no/ /re ba thams cad rdzogs byed pa/ /zhes bya ba ni phyag rgya 'di'i 'bras bu gsungs pa yin no/ /de nyid las ni 'gying byed cing/ /kha 'gram dgod par bskor ba
- 150b
de/ /zhes bya ba ni nor bu'i dpal gyi dam tshig gi phyag rgya nyid 'gying bar byed cing dgod pa'i tshul du bskor nas khar 'jog pa 'di ni rin chen bzhad pa'i'o/ /rin chen cher dgod/ ces bya ba ni phyag rgya'i ming bstan pa yin no/ /'di'i 'bras bu gang yin zhe na/ bzhad pas don thams cad thob/ /ces bya ba smos te/ 'jig rten dang 'jig rten las 'das pa thams cad kyi chos kyi sbyin pa'i don thob par byed ces bya ba'i don no/ /kun rtse nor bu'i pad+ma ni/ ting nge 'dzin gyi nor 'phrog pa/ / zhes bya ba ni/ sor mo'i rtse mo thams cad bsnyams la/ tshigs gsum pa cung zad cig bkug pa ni nor bu'i pad+ma lta bu yin pa'i phyir/ shes rab kyi nor ting nge 'dzin gyi sbyor bas 'gugs par byed pa 'di ni rin chen pad+ma'i 'o/ /'di skad ston pa yin te/ sor mo'i rtse mo thams cad nor bu'i pad+ma lta bur byas nas/ mdun du kha thur du bstan pa la bzhag par bya'o/ /de las mdza' las grol ba ni/ /sbyin pa chen po rab sbyin byed/ /rin chen pad+ma'i dam tshig phyag rgya nyid las mthe'u chung nas brtsams te/ dal bus dkrol ba'i tshul gyis sor mo thams cad dkrol ba ni/ gtong ba ting nge 'dzin ye shes kyi snying po'i sbyin pa chen po rab sbyin byed ces so/ /mthe bong gnyis ni nang du dgug ces bya ba la sogs pa ni rin chen pad+ma'i dam tshig gi phyag rgya nyid las/ mtheb mo nang du bcug la mdzub gnyis nor bu lta bur byas nas ral gri 'dzin pa'i tshul du byed pa 'di ni nor bu ral gri zhes bya ba rin po che rnon po'i 'o/ /las ci zhig byed ce na/ nor 'phrog la zhes bya ba smos te/ shes rab dang ye shes la sogs pa'o/ /su dag gi zhe na/ 'gro ba rnams kyi ste/ sangs rgyas la sogs pa'i shes rab kyi pha rol tu phyin pa bsgoms pa'i mthus rnam par gnon pa'o/ /rdo rje bsdams te 'khor lo bya/ /zhes bya
- 151a
ba ni nor bu'i rigs kyi dkyil 'khor gyi bdag po gter bar byed pa'i rdo rje rab tu sbyin no zhes bya ba'i don no/ /de nyid thal mo'i tshul du byas kha nas 'dren par byas pa ni/ zhes bya ba la/ nor bu 'khor lo'i dam tshig gi phyag rgya nyid las/ nor bu'i thal mo sbyar te/ kha nas 'dren pa'i tshul du byed pa ni nor bu bsrung ba'i'o/ /de nyid bcings pa ni rin chen gsungs pa'i rnal 'byor pas de bcings pa'o/ /ngag yin te nor bu gsungs pa'i'o/ rang gi bkas ni rang gi tshig de nor bu gsungs pa'i bka' o/ /nga rgyal gyi nor gsung bas 'phrog cing 'gugs par byed pa ste/ rang gi rig pas byed ces bya ba'i don no/ /rdo rje nor bu che bcings la/ /zhes bya ba ni mdzub mo bsnyams te rgyab bkug pa/ /mthe bo rdo rje bcings pa ni/ /rdo rje bsdams pa las byung ba/ /rdo rje nor bu che zhes bshad/ /de bcings la sor mo lhag ma rnams gyen du brkyang nas/ nor bu lta ba'i tshul gyis bskyed pa de bzhin du/ sor mo thams cad kyang bskyod par bya'o/ /de'i phyir sor mo thams cad bsgreng nas ni/ /phyogs bzhi nas ma nor char 'bebs/ /zhes bya ba 'di ni rin chen char 'bebs kyi dam tshig gi phyag rgya'o/ /rdo rje nor bu che bcings la/ /zhes bya ba ni snga ma bzhin no/ /gar byas gtsug phud dbus bzhag nas/ /zhes bya ba ni gang byed cing spyi gtsug gi phyogs su mchod pas yang dag par mchod par byed pa'o/ /kun la cho ga bzhin bcings na/ /rin chen kun gyis des mchod 'gyur/ /zhes bya ba ni mdzub mo gnyis rdo rje nor bu chen por byas la/ sor mo lhag ma brgyad gdong sbyar nas/ nor bu'i tshul du btags pa'i nor bu chen po cho ga bzhin du yang dag par mchod pa de rnal 'byor pas/ de bzhin gshegs pa thams cad la rin po che'i nor bu'i dngos grub thob par
- 151b
byed pa'i phyir/ mchod par bya'o/ /'di skad ston pa yin te/ rin chen char 'bebs nyid kyi phyag rgya chen po bcings nas/ /gar byas te spyi gtsug gi dbus su bzhag pa ni/ nor bu mchod pa'i dam tshig gi phyag rgya'o/ /don kun grub pa'i phyag rgya ni/ /mgrin pa'i phyogs su 'khyud par bya/ /nor bu bcing ba zhes bya ste/ /bsrung ba yis ni cho gar grags/ /zhes bya ba ni nor bu bsrung ba'i 'o/ /'di skad ston pa yin te/ rdo rje bsdams pa las mdzub mo gnyis nor bur byas nas/ mthe bo gnyis brkyang ste kha phye la/ rang gi mgrin pa'i phyogs su 'khyud pa ltar bya'o/ /de nyid don kun sgrub pa'i phyir/ /gnod sbyin tshul du khar bzhag go zhes bya ba ni nor bu bsrung ba'i phyag rgya nyid las mthe bong gnyis brkyang nas khar bzhag pa ni nor bu mche ba zhes bya/ gnod sbyin gyi don kun 'phrog pa ste/ nor bu'i gnod sbyin la sogs pa don thams cad 'gugs pa'o/ /rdo rje bsdams pa dam byas la/ /mdzub bkug mthe bo gnyis kyis ni/ /zhes bya ba ni mdzub mo gnyis dang rang gi mthe bong gnyis gdong sbyar nas/ legs par mnan te/ bcing ba ni nor bu khu tshur gyi dam tshig gi phyag rgya'o/ /dam tshig rnams kyi mchod mchog rnams/ /zhes bya ba ni sgeg mo la sogs pa'o/ /de dag gi yang/ rdo rje dbyings kyi tshul du ni/ /ji bzhin nor bu ldan pa yi/ /'dir ni dam tshig mchog tu brtags/ /de bzhin gshegs pa rnams kyis ji lta ba bzhin du/ nor bu'i rigs kyi sbyor ba ni/ gung mo nor bu'i tshul bya bar/ /zhes bya smos te/ rdo rje dbyings kyi dkyil 'khor chen po las bshad pa'i sgeg mo la sogs pa'i dam tshig gi phyag rgya de nyid 'dir dam tshig gi phyag rgyar brtag par bya'o/ /'di skad ston pa yin te/ nor bu'i mtshan ma'i dam tshig gi phyag rgya bcings te/ mthe bong bsnyams
- 152a
la snying gar bzhag /rab tu brkyang bas phreng ba ma'i/ /thal mo sbyar ba kha nas dbyung/ /gar la thal sbyar spyi bor bzhag /rdo rje bcing ba thur du blugs/ /rang gi thal sbyar gyen du gtor/ /mthe bong bsnyams te rab tu bsdams/ /rab tu brkyang nas dbyug pa'o/ /zhes bya ba ni nor bu sgeg mo la sogs pa nas/ nor bu'i dri chab ma la mthar thug pa'i bar gyi dam tshig gi phyag rgya'o/ /'dir rang gi thal mo ni thal mo sbyar ba/ rin po che'i thal mor gzung bar bya'o/ /lcags kyu gcig sogs tshul du ni/ /las rnams thams cad rab grub byed/ /ces bya ba ni nor bu mtshan ma'i phyag rgya de nyid bcings nas/ mdzub mo gcig tu bkug pa dang/ /mthe bong gnyis ni mdud pa dor/ /mthe bong mdzub mo gdu bur bcing/ /rdo rje bcing pa mdzub mor bsdams/ /zhes bya ba ni sgo srungs rnams kyi dam tshig gi phyag rgya'o/ /de nas nor bu chen po'i rigs kyi chos kyi phyag rgya ni 'di yin no/ /zhes bya ba ni chos kyi phyag rgyar nges pa ste/ yi ge tra ni rdo rje snying po dang/ nor bu'i mtshan ma dang/ rdo rje nor bu rnams kyi chos kyi phyag rgya'o/ /gra ni rin chen rgyal po'i'o/ /tri ni nor bu chags pa'i 'o/ /h+ri ni nor bu legs pa'i'o/ /yi ge sh+ri ni rin chen lta ba dang/ de bzhin gshegs pa thams cad kyi dbang bskur ba'i phreng ba dang/ rdo rje nor bu che myu gu ma'i phyag rgya'o/ /i ni rin chen gzi brjid kyi'o/ /ra ni nor bu dag la gyi'o/ /ha ni nor bu bzhad pa'i 'o/ /h+ri ni rin chen pad+ma dang/ gtong ba ting nge 'dzin ye shes snying po dang/ rdo rje rin chen pad+ma mo rnams kyi phyag rgya'o/ /d+hi ni rin chen rnon po'i 'o/ /kri ni nor bu'i 'khor lo'i'o/ /bA ni nor bu gsungs ba'i'o/ /ri ni rin chen char 'bebs dang nor bu'i mchod pa dang/ rdo rje rin
- 152b
chen char 'bebs ma'i 'o/ /ha ni nor bu bsrung ba'i'o/ /ya ni nor bu gnod sbyin gyi'o/ /a ni nor bu khu tshur gyi chos kyi phyag rgya'o/ /yi ge hUM rnam par snang mdzad kyi'o/ /rin chen sgeg mo la sogs pa rnams kyi ni/ rdo rje dbyings kyi dkyil 'khor chen po las bshad pa nyid kyi chos kyi phyag rgya'o/ /rin chen 'bebs pa'i mthar thug pa rnams la khyad par ni 'di yin te/ yi ge traM mthar sbyar ba'o/ /rin chen phyag rgya gnyis byas la/ /las kyi phyag rgya bri bar bya/ /zhes bya ba ni nor bu khu tshur gyi dam tshig gi phyag rgya de 'dir rin po che'i khu tshur gnyis su byas nas/ rnam par snang mdzad la sogs pa nas/ rin chen 'bebs pa'i mthar thug pa'i las kyi phyag rgyar 'gyur te/ rdo rje dbyings kyi dkyil 'khor chen po las bshad pa'i tshul gyis byas te/ de la tshul ni 'di yin te/ g.yon pa'i rdo rje mdzub mo ni/ /g.yas pa'i nang du bsgreng bar bya/ /byang chub mchog gi phyag rgya ste/ /sangs rgyas byang chub sbyin pa'o/ /rnam par snang mdzad kyi las kyi phyag rgya'o/ /bgyings bcas gsor ba gnyis ka yi/ /nor bu'i mtshon ma dang rdo rje rin chen ma rnams kyi'o/ /lcags kyu 'dzin ltar gnas pa ni/ /rdo rje rgyal po'i'o/ /mda''phang ba'i tshul du ni/ /rin chen chags pa'i'o/ /legs so sbyin pa snying gar bzhag pa ni/ nor bu legs pa'i 'o/ /dbang bskur ba ni nor bu gnyis ni don thams cad grub pa dang rin chen lta ba dang/ de bzhin gshegs pa thams cad kyis dbang bskur ba'i phreng ba dang/ rdo rje rin chen myu gu ma'i 'o/ /snying gar nyi ma bstan par bya ba ni/ nor bu ni nyi ma'i 'o/ /g.yon pa la ni gru mo gzugs pa ni rin chen dpal gyi'o/ /de bzhin kha phyogs bskor bar bya/ /rin chen bzhad pa'i 'o/ /g.yas pa yis ni g.yon
- 153a
pa dbye ba ni/ rin chen pad+ma dang/ gtong ba ting nge 'dzin ye shes kyi snying po dang/ rdo rje rin chen pad+ma mo'i 'o/ /snying gar g.yon pa ral gri 'dud ni rin chen rnon po'i'o/ /mgal me'i 'khor lo bskor ba ni/ nor bu 'khor lo bskor ba'i'o/ /rin chen gnyis ka kha nas dbyung ba ni/ nor bu gsung ba'i'o/ /rin chen gar bskor bkrol ba yis/ /thal mo 'gram pa spyi bo bzhag /rin chen char 'bebs dang/ nor bu'i mchod pa dang/ rdo rje rin chen char 'bebs ma'i'o/ /go cha ni nor bu bsrung ba'i'o/ /mthe chung mche ba ni/ nor bu'i gnod sbyin gyi'o/ /khu tshur gnyis ni mnan pa ni/ nor bu khu tshur gyi'o/ /rin chen bsgyings pa'i tshul gyis ni/ /bsam pa g.yos pas 'dud par bya/ /rin chen sgeg mo'i'o/ /phreng ba bcing dang ni rin chen phreng ba ma'i'o/ /kha nas dbyung ni rin chen glu ma'i'o/ /gar la thal sbyar spyi bor bzhag ni rin chen gar ma'i'o/ /rin chen khu tshur thur du blugs ni/ rin chen bdug pa ma'i'o/ /thal mo sbyar ba gyen du gtor/ /rin chen me tog ma'i'o/ /mthe bong bsnyams te rab tu bsdams ni rin chen mar me ma'i 'o/ /rab tu brkyang nas byug pa ni/ rin chen dri chab ma'i 'o/ /mdzub mo lcags kyu bcing ba ni/ mthe'u chung las te lcags kyu che/ /rin chen lcags kyu'i'o/ /mkhrig ma 'dus la ni rin chen zhags pa'i'o/ /mdzub gnyis mdud ni rin chen lcags sgrog gi'o/ /rgyab gnyis kyang ni bsnyams te mnan ni/ rin chen 'bebs pa'i las kyi phyag rgya'o/ /de bzhin gshegs pa thams cad sems can thams cad kyi bsam pa yongs su rdzogs par byed pa ni mtshan nyid can gyi las ni de bzhin gshegs pa thams cad kyi las so/ /de'i dam
- 153b
tshig ni rgyu'o/ /nor bu'i rigs de nyid kyis rtogs pa chen po ni rtog pa las byung ba'i phyir te/ de ston par byed pa'i tshig gi tshogs la yang rtog pa chen po zhes bya ste/ sems can thams cad kyi bsam pa yongs su rdzogs par byed pa'i las kyi rtog pa thams cad zil gyis mnan nas mdzes shing 'bar bar byed pas na/ rgyal po ste de'i phyir rtog pa'i rgyal po'o/ /de bas na don thams cad grub pa zhes pa'i dkyil 'khor chen po'i cho ga rgyas pa rdzogs so/ /zhes bya ba ni rtsa ba'i rgyud kyi don mthar thug pa'o/ /'phags pa de kho na nyid bsdus pa'i 'grel pa/ de kho na nyid snang bar byed pa las/ don thams cad grub par byed pa'i dkyil 'khor chen po bshad pa/ rdzogs so// //de ltar phyag rgya chen po gtso bor gyur pa'i nor bu'i rigs chen pos 'dul ba rjes su gzung ba'i phyir don thams cad grub pa'i phyag rgya dkyil 'khor chen po bstan nas da ni dam tshig gi phyag rgya gtso bor gyur pa'i nor bu'i rigs kyi dkyil 'khor gyis 'dul ba'i sems can rjes su gzung ba'i phyir/ de nas yang bcom ldan 'das zhes bya ba la sogs pa gsungs te/ de nas zhes bya ba'i sgra ni de ma thag pa ste/ dang por sbyor ba'i rjes thogs la'o/ /'dir dang po sbyor ba'i ting nge 'dzin ni don thams cad grub pa'i dkyil 'khor las bshad pa'i dang po sbyor ba nyid yin no/ /yang gi sgra ni zlos pa'i don te don thams cad grub pa'i dkyil 'khor chen po la bltos pa'o/ /bcom ldan 'das ni rnam par snang mdzad do/ /de bzhin gshegs pa thams cad dbang bskur ba ni don thams cad grub pa'i dkyil 'khor chen por rtogs pa rnam par snang mdzad nas rdo rje rin chen char 'bebs kyi mthar thug pa'o/ /de'i gzungs ni de'i rigs te/ rnam par snang mdzad la sogs pa nas rdo rje rin
- 154a
chen char 'bebs ma'i mthar thug pa gnyis su med pa'i dran pa dang/ shes rab yang dag par ldan pa'i sems so/ /de dag gi dam tshig ni bcom ldan 'das rnam par snang mdzad kyi nor bu'i rigs chen po'i gzungs kyi dkyil 'khor ro/ /de las byung ba ni don thams cad grub pa'i thugs ka'i rdo rje rin po che gang las byung ba de la de skad ces bya ste/ des byin gyis brlabs pa ni brtan par byas pa'o/ /gang dang gang gis don gyi rjes su song ba'i ting nge 'dzin ming de skad ces bya ba la snyoms par zhugs nas rang gi phyag rgya 'chad par 'gyur ba 'di dag gis gsungs shing bshad pa'o/ /nor bu'i rigs chen po rang gi gzungs kyi dkyil 'khor sprul pa'i phyir 'phags pa nam mkha' i snying po'i thugs ka'i rdo rje nor bu'i rnam par rtse gcig tu mdzad nas bcom ldan 'das rnam par snang mdzad kyis rang gi rig pa dam pa 'di gsungs so/ /zhes bya ba'i don to/ /rang gi rigs las byung ba ni don thams cad grub pa'i gzungs kyi dkyil 'khor bskyed pa'i rgyur rang gi rigs yang dag par byung ba ni 'dir phyag na rdo rje'i rig pa las so/ /de bzhin du rdo rje snying po dang/ rdo rje spyan dang/ rdo rje sna tshogs rnams kyis rang gi phyag rgya gsungs pa ni/ rin chen spyan dang/ /rin chen pad+ma dang/ rin chen char 'bebs rnams gzungs kyi dkyil 'khor bskyed pa'i rgyur gyur ba'o/ /de nas bcom ldan 'das don thams cad grub pa'i thugs ka'i rdo rje rin po che las rang gi gzungs kyi dkyil 'khor thams cad sprul pa'i phyir de bzhin gshegs pa thams cad la sngar bshad pa'i tshul gyis dbul bar bya'o/ /zhes shes par bya'o/ /de la de nas yang bcom ldan 'das zhes bya ba nas brtsams te/ oM sarbba a b+hi She ka pU dza sa ma
- 154b
ya hUM zhes bya ba ni mthar thug pa'i gzhung 'di tsam gyi ni nor bu'i rigs kyi gzungs kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas bsdu ba dang byin gyis brlabs pa la sogs pa'i las kyi rgyal po mchog ces bya ba'i ting nge 'dzin gsungs pa ni snga ma bzhin du shes par bya'o/ /don thams cad grub pa'i gzungs kyi dkyil 'khor las bshad pa'i dngos grub rnams ni dkyil 'khor der dam tshig dang dbang bskur ba thob pa rnams kyis bsgrub par bya'o/ /zhes bya ba'i don bstan pa'i phyir/ de nas bcom ldan 'das byang chub sems dpa' sems dpa' chen po 'phags pa nam mkha' i snying po zhes bya ba la sogs pas slob dpon gyi las kyi cho ga dang slob ma 'jug pa'i cho ga rgyas pa gsungs pa yin no/ /de nas zhes bya ba ni skabs su bab pa ste/ rang gi rigs ni nor bu rin po che'i rigs so/ /dam tshig gi phyag rgya ni gzungs kyi phyag rgya'i dkyil 'khor chen po 'di gsungs pa ni bshad pa'o/ /de nas zhes bya ba'i sgra ni de ma thag pa ste/ sngon du bsnyen pa'i rjes thogs nyid la'o/ /'di skad ston pa yin te/ don thams cad grub pa'i dkyil 'khor chen po las bshad pa'i cho gas don thams cad grub pa'i rnal 'byor dang/ de las bshad pa'i rnal 'byor chen po byas la/ don thams cad 'grub pa'i phyag rgya bzhi pa'i dkyil 'khor bshad pa'i snying po'i cho gas nor bu chen po'i rigs kyi dkyil 'khor chen po ci lta ba bzhin du sprul nas gzugs thams cad la yang re re zhing bzlas brjod khri khri bya'o/ /phyis nor bu rin po che'i gzungs kyi phyag rgya'i dkyil 'khor ting nge 'dzin rnam pa gsum bsgom pa sngon du 'gro bas nor bu chen po'i rigs kyi gzungs kyi dkyil 'khor zhag bdun bsgoms la/ de'i rjes la dkyil 'khor 'di
- 155a
bri bar bya'o/ /de nas ni de'i phyir zhes bya ba'i don te/ gang gi phyir nor bu'i rigs kyi gzungs kyi dkyil 'khor du 'jug pa med na/ des 'dul ba'i sems can gyi khams kyi don 'grub par mi 'gyur ba de'i phyir/ rab tu bshad par bya ba ste/ phyag rgya'i gzungs kyi dkyil 'khor dam par mchog tu gyur pa'o/ /rdo rje dbyings dang 'dra ba la zhes bya ba ni sprul pa'i nor bu'i rigs kyi gzungs kyi dkyil 'khor la ni 'dir rdo rje dbyings dang 'dra ba la zhes bya'o/ /rin chen gsang ba zhes bshad do/ /zhes bya ba ni rin po che'i rigs te/ rin po che'i gsang ba ni 'dir sems kyi gsang ba ste/ 'di ni gzungs kyi dkyil 'khor zhes bya ba'i don te zhes bshad pa ni grags pa'o/ /don thams cad grub pa'i dkyil 'khor chen po bzhin du dkyil 'khor 'di thams cad srad bu bre bar bya'o/ /de'i dbus su tshul bzhin du/ /sangs rgyas phyag rgya bri bar bya/ /zhes bya ba ni thig btab ma thag pa'i dkyil 'khor de'i dbus su bcom ldan 'das rnam par snang mdzad don thams cad grub pa'i dkyil 'khor chen po las bshad pa'i cho gas aM traM zhes bya ba brjod cing/ nam mkha' i phyogs nas phab ste bzhag par bya'o/ /zhes bya ba 'di ni tshul bzhin du zhes bya ba'i don yin no/ /sangs rgyas ni rnam par snang mdzad do/ /phyag rgya ni sangs rgyas kyi phyag rgya ste/ rnam par snang mdzad kyi phyag rgya chen po zhes bya ba'i tha tshig go /khri la gnas pa'i nor bu'i gtso/ /rdo rje dbyings kyi mdun du bri/ /zhes bya ba ni bshad ma thag ba 'di nyid kyis skyes pa'i gzugs su bstan pa'i phyir sangs rgyas kyi phyag rgya ni 'dir mchod rten gyi gzugs ma yin no/ /de la khri ni rig pa'i gdan yin no/ /de la gnas pa ni khri la bzhugs pa ste/ mdun drang por byas nas shar phyogs
- 155b
rdo rje sems ma'i gnas su bri bar bya'o/ /bcom ldan 'das kyi lhor rdo rje rin chen ma'i gnas su nor bu'i phreng ba/ nub phyogs rdo rje chos ma'i gnas su pad+ma'i steng du nor bu/ byang phyogs rdo rje las ma'i gnas su nor bu nor bus yongs su bskor ba'o/ /rdo rje rin chen dbus su ni/ /rdo rje nor bu chen po bri/ /zhes bya ba la/ nor bu dbyibs rtsibs brgyad pa'i dbus su rdo rje rtse lnga pas mtshan pa'i yid bzhin gyi nor bu bri'o/ /lhag ma ni go sla'o/ /'di skad ston pa yin te/ phyag rgya thams cad kyi gnas su kha khyer gsum pa'i rigs pa'i khri de'i steng du zla ba'i dkyil 'khor bri bar bya'o/ /de nas rdo rje sems ma'i gnas su oM ma Ni sa ma ya hUM zhes brjod cing rdo rje rtse lnga pas mtshan pa'i yid bzhin gyi nor bu mgo shar du bltas pa 'bar ba dang bcas pa bri bar bya'o/ /rdo rje rin chen ma'i gnas su nor bu rin po che'i phreng ba/ oM ma Ni ratna a b+hi She ka mA la hUM zhes bya ba'i snying po 'dis bri ba dang/ chos kyi rdo rje ma'i gnas su pad+ma 'dab ma bcu drug pa'i dbus su yid bzhin gyi nor bu/ oM ma Ni ratna padmi hUM zhes bya bas bri'o/ /las kyi rdo rje ma'i gnas su yid bzhin gyi nor bu de nor bu shin tu tshad phra mos bskor pa/ oM ma ni ratna pra be sha sa ma ya hUM zhes bya bas bri'o/ /don thams cad grub pa'i gnas su rdo rje nor bu rtsibs brgyad pa'i dbus su rdo rje rtse lnga pas mtshan pa'i yid bzhin gyis nor bu/ oM sarbba a ti sid+ha pra ti mahA badzra ratna sa ma ya ma Ni sarbba artha ne sA d+ha ya d+ha ra Ni hUM/ nor bu mtshan ma'i gnas su nor bus mtshan pa'i rdo rje rtse lnga pa dang/ oM ma Ni ratna A karSha hUM/ rin chen rgyal po'i gnas su nor bus mtshan pa'i lcags kyu/ oM ma Ni ratna sa ma ya/ oM ku sha /A karSha ya ma Ni gu la ma dza/ nor bu chags pa'i gnas su rin po che'i mda' gzhu
- 156a
oM ma Ni rA ga sa ma ya hUM/ nor bu legs pa'i gnas su mkhrig ma'i mthar thug pa'i nor bu dang bcas pa'i khu tshur gnyis kyis legs so zhes byed pa/ oM ma Ni sA d+he hUM/ rin chen lta ba'i gnas su mig gnyis kyi dbus su yid bzhin gyi nor bu dang ldan pa/ oM ma Ni ratne ta a na ya b+hi shaM ku ru sarbba artha saM pa raM shI g+h+raM/ dri sh+ya aM ku sha hUM/ de bzhin gshegs pa thams cad kyi dbang bskur ba'i phreng ba'i gnas su yid bzhin gyi nor bu'i phreng ba/ oM ratna mA le a b+hi Shiny+tsa hUM/ nor bu nyi ma'i gnas su nyi ma'i dkyil 'khor gyi lte bar nor bus mtshan pa'o/ /oM ma Ni ratna sUrya tsa la ya sarbba ma hA te dze ne hUM/ nor bu dpal gyi gnas su rin po che'i yu ba can gyi yid bzhin gyi nor bu'i rgyal mtshan zla ba phyed pa dang bcas pa/ oM ma Ni tsa ra d+ha dza a gre hUM/ nor bu bzhad pa'i gnas su so'i phreng ba gnyis kyi mdza' ru rdo rjes mtshan pa/ oM ma Ni ma hA se ha sa hUM/ nor bu pad+ma'i gnas su pad+ma 'dab ma bcu drug pa/ yid bzhin nor bu can/ /oM ma Ni sa la d+he pad+ma ni hUM/ gtong ba ting nge 'dzin ye shes snying po'i gnas su pad+ma 'dab ma bcu drug pa yid bzhin gyi nor bu can/ oM ma Ni ratna tya ga sa ma ya hUM/ rin chen rnon po'i gnas su nor bus mtshan pa'i ral gri/ oM ma ni sa ma ya ko Sha hUM/ nor bu 'khor lo'i gnas su 'khor lo rtsibs brgyad pa'i lte bar nor bu dang ldan pa/ oM ma Ni sa ma ya tsakra hUM/ nor bu gsung ba'i gnas su nor bus mtshan pa'i lce/ oM ma Ni b+hA Sha a gre hUM/ nor bu rin chen char 'bebs kyi gnas su yid bzhin gyi nor bu rin po che char 'bebs pas nor bu shin tu phra mo de rnams kyis de bskor ba/ oM ratna biSh+Ti sA d+ha ya ma hA ma Ni hUM/ nor bu mchod pa'i gnas su nor bus
- 156b
mtshan pa'i sna tshogs rdo rje/ oM pU dza sa ma ye nri tya a/ nor bu bsrung ba'i gnas su nor bus mtshan pa'i go cha/ oM ma Ni sa ma ya rak+Sha hUM/ nor bu gnod sbyin gyi gnas su nor bus mtshan pa'i mche ba gnyis/ oM badzra ma Ni ratna daMSh+TA ka ra le ha ra ha ra hUM/ nor bu khu tshur gyi gnas su nor bus mtshan pa'i rdo rje rtse lnga pa/ dam tshig gi khu tshur gyis nor bu yongs su 'dzin pa/ oM ma Ni sa ma ya muSh+Ti hUM/ rin chen sgeg mo'i gnas su nor bus mtshan pa'i rdo rje rtse lnga pa gnyis/ rin chen phreng ba ma'i gnas su/ nor bu'i phreng ba/ nor bu glu ma'i gnas su nor bu'i mtshan ma can gyi pi wang/ nor bu gar ma'i gnas su mkhrig ma'i mthar thug pa'i lag pa gnyis nor bus mtshan pa'i gang byed pa'o/ /rin chen bdug pa ma'i gnas su nor bus mtshan pa'i spos khang ma bdug pa'i za ma tog dbul bar bya'o/ /rin chen me tog ma'i gnas su rin po che me tog gis kun tu bkang ba'i lo ma'i snod/ /rin chen mar me'i gnas su nor bus mtshan pa'i mar me'i mchod sngo rin chen dri chab ma'i gnas su nor bus mtshan pa'i dri'i dung chos/ rin chen lcags kyu'i gnas su nor bus mtshan pa'i lcags kyu/ rin chen zhags pa ma'i gnas su rin po ches mtshan pa'i zhags pa/ rin chen lcags sgrag gi gnas su nor bus mtshan pa'i lcags sgrog /rin chen 'bebs pa'i gnas su nor bus mchan pa'i dril bu/ byams pa la sogs pa rnams ni ji lta ba'i khyams kyi gnas rnams su sngar bshad pa'i mtshan ma bri par bya'o/ /de la rin chen sgeg mo la sogs pa nas rin po che 'bebs pa'i mthar thug pa rnams ni don thams cad grub pa'i dkyil 'khor chen po las bshad pa'i snying pos bri bar bya'o/ /byams pa la sogs pa rnams kyang sngar bshad pa'i rang rig
- 157a
pas bya'o/ /de nas zhes bya ba ni rjes thogs nyid la'o/ /'dir nor bu gsang ba'i dkyil 'khor ni nor bu'i rigs kyi dkyil 'khor ro/ /las rnams ji lta ba bzhin du byas nas zhes bya ba ni don thams cad grub ba'i dkyil 'khor chen po las bshad pa'i cho gas slob dpon gyis rang gi cho ga thams cad rjes su spyad la/ gzungs kyi dkyil 'khor thams cad ji lta ba bzhin du bkug la bcug ste/ bcings la dbang du byas nas dam tshig gi phyag rgya rnams kyis cho ga bzhin du gzugs thams cad rab tu bsgrubs nas/ chos dang las dang/ phyag rgya chen po rnams kyis rgyas btab ste/ rdo rje rin po che'i myu gus dbang bskur la/ mchod pa rnams kyis yang dag par mchod nas/ nor bu'i rigs kyi gzungs kyi dkyil 'khor las bshad pa'i rdo rje rin po che'i phyag rgyas don thams cad grub pa'i dkyil 'khor chen po las bshad pa'i nor bu'i slob ma 'jug pa'i cho gas bcug la/ 'di skad bsgo bar bya'o zhes bya ba la sogs pa'o/ /de nas cho ga thams cad rjes su spyad la chu'i dbang bskur ba dang/ phyag rgya dang/ cod pan gyi dbang bskur bas/ bskur ba dang/ sor bzhi pa'i chos kyi rdo rje rtse lnga pas mtshan ma'i nor bu dang/ rin po che'i dril bu dang/ ming gis dbang bskur bas byin la/ slar bshad pa'i cho ga thams cad byas la/ de ltar slob dpon gyi las kyi cho ga dang/ slob ma 'jug pa'i cho ga rgyas par bstan nas/ da ni don thams cad grub pa'i dkyil 'khor du dam tshig dang dbang bskur ba thob pa rnams la slob dpon gyis don thams cad grub pa'i gzungs kyi dkyil 'khor las bshad pa'i dngos grub kyi ye shes rnams bstan par bya'o zhes pa'i don bstan pa'i phyir/ rang gi nor bu'i dam tshig gi ye shes bskyed par
- 157b
bskyed par bya'o/ /zhes gsungs so/ /nor bu'i dam tshig gi gzugs kyi dkyil 'khor gyi nor bu'i dam tshig gi ye shes so/ /de bskyed par bya ba ni rdo rje rin po che la sogs pa bsgom par nges pa'i ye shes dang/ thos pa dang bsam pa'i rang bzhin can slob ma'i rgyud la bskyed pa'o/ /rdo rje rin chen ting 'dzin gyis/ /zhes bya ba ni rang gi lha'i rnal 'byor gyis so/ /mkha' la rang bzhin bri bar bya/ /zhes bya ba ni sems kyis kun brtags pa'o/ /lhag ma ni go sla'o/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa'i rnal 'byor ram/ /de'i rigs kyi lha'i rnal 'byor byas la/ phyis gzungs kyi dkyil 'khor chen po las bshad pa'i don thams cad grub pa'i rnal 'byor chen po 'am/ nor bu mtshan ma la sogs pa'i phyag rgya chen po bcings te/ gzungs kyi dkyil 'khor chen po las bshad pa'i/ ma hA ratna a b+hi Shiny+tsa mAM/ zhes brjod pa'i snying po 'dis nam mkha' i phyogs su rdo rje rtse lnga pas mtshan pa'i yid bzhin gyi nor bu chen por bskyed la/ ming brjod cing nyin re bzhin du thun re'i sbyor bas bsgoms pas ni ji srid rgyun mi 'chad par thun bzhir mngon sum du lta bur mthong ba de srid kyi bar du bsgom par bya'o/ / de nas mtshan thog thag bsgoms na rdo rje rin chen de mngon sum du gyur pas des 'grub par 'gyur ro/ /de nas phyag rgya chen po bzung nas dpral bar bzhag na rang dbang can gyi rgyal por 'gyur ro/ /rdo rje rin chen bcings nas ni/ /rdo rje rin chen mkha' la bri/ /zhes bya ba ni/ dam tshig ni bcings pa la/ zhes bya ba sngar bshad pa bzhin no/ /gzungs kyi dkyil 'khor las bshad pa'i rin chen lta ba 'am/ de'i rigs kyi dam tshig gi phyag rgya bcing bar bya'o/ /des de bcings nas
- 158a
dbang bskur ba'i gnas su bzhag go /nges bar rgyal po nyid du 'gyur/ /zhes bya ba ni snga ma bzhin du don thams cad grub pa'i dkyil 'khor chen po las bshad pa'i rin chen lta ba dang/ de'i rigs kyi rnal 'byor byas la/ phyis gzungs kyi dkyil 'khor las bshad pa'i rin chen spyan nam/ de'i rigs kyi dam tshig gi phyag rgya bcings la/ sa ma ya ratna a b+hi Shiny+tsa mAM/ zhes brjod cing/ rdo rje dril bu rin po che'i dbang bskur ba bsam mo/ /de nas snga ma bzhin du bsgrub par byas la/ des dam tshig gi phyag rgya bzung ste/ dpral ba'i gnas su bzhag nas ni/ /nges par rgyal srid thob par 'gyur ro/ /zhes bya'o/ /rdo rje rin chen ting 'dzin gyis/ /rdo rje rin chen mkha' la bri/ /zhes bya ba ni snga ma bzhin du chos kyi rin chen gyi ting nge 'dzin bya'o/ /rin chen pad+ma 'am/ de'i rigs gtong ba'i ting nge 'dzin ye shes kyi snying po la sogs pa'i rnal 'byor ni chos kyi rin chen gyi ting nge 'dzin to/ /de'i ting nge 'dzin bskyed la ye shes rin chen po ches dbang bskur ba'i gnas su bzhag na rang dbang can gyi rgyal por rang nyid byas par 'gyur ro/ /'di skad ston pa yin te/ don thams cad grub pa'i dkyil 'khor chen po las bshad par nor bu pad+ma 'am de'i rigs kyi rnal 'byor byas la/ phyis gzungs kyi dkyil 'khor las bshad pa'i de'i phyag rgya chen po 'am/ /de'i rigs kyi phyag rgya chen po bcings te/ d+harmma ratna a b+hi Shiny+tsa mAM/ zhes brjod cing/ nam mkha' la rdo rje rin po che sprul la snga ma bzhin du bsgrub par byas te/ rang gis dbang bskur ba'i gnas su bzhag na rgyal por 'gyur ro/ /las kyi phyag rgya bcings nas ni/ /mkha' la rdo rje rin chen bri/ /zhes
- 158b
bya ba snga ma bzhin no/ /don thams cad grub pa'i dkyil 'khor chen po las bshad pa'i rin chen char 'bebs sam/ de'i rigs kyi rnal 'byor byas la/ phyis gzungs kyi dkyil 'khor las bshad pa de 'am/ de'i rigs nor bu mchod pa la sogs pa las kyi phyag rgya bcings la/ karmA ratna a b+hi Shiny+tsa mAM/ zhes brjod cing nam mkha' la rdo rje rin chen sprul la snga ma bzhin du bsgrub par byas te/ rang gi dbang bskur ba'i gnas su de bzhag na/ rang nyid kyi grub pa'i rgyal por gyur ro/ /phyag rgya chen po snying khar ni/ /rdo rje rin chen bsgom par bya/ /zhes bya ba la rdo rje rtse lnga pas mtshan pa'i yid bzhin gyi nor bu phyag rgya chen po'i rang gi snying ga'i zla ba la bsgom par bya'o/ /de ltar rdo rje rin chen rang gi snying ga'i zla ba la yid kyis bris nas phyag rgya chen po bsgom par bya'o/ /bsgoms pas ci zhig byed par 'gyur zhe na/ bsgoms na mngon par dbang bskur ba/ /mchog tu rmad du byung ba thob/ ces bya ba smos so/ /'di skad ston pa yin te/ dkyil 'khor chen po las bshad pa'i snga ma bzhin du don thams cad grub pa dang/ de'i rigs kyi rnal 'byor byas la/ phyis gzungs kyi dkyil 'khor las bshad pa de 'am/ de'i rigs kyi nor bu'i mtshan ma la sogs pa'i phyag rgya chen po bcings te/ oM ratna h+ri da a a d+ha Shiny+tsa ho/ / zhes brtad cing rang gi snying ga'i zla bar rdo rje rin po che sprul la snga ma bzhin du bsgrubs na/ don thams cad grub pa'i dgang bskur ba la sogs pa thob par 'gyur ro// //rab mnyam bzhag pas rdo rje yi/ /dpral bar rin chen bsgoms nas ni/ /zhes bya ba la sogs pa la/ don thams cad grub pa'i dkyil 'khor chen po las bshad pa'i snga ma bzhin du rin chen lta ba 'am/ de'i rigs kyi rnal 'byor byas la phyis gzungs kyi dkyil 'khor las bshad pa de 'am/ de'i rigs
- 159a
kyi dam tshig gi phyag rgya bcing bar bya'o/ /de nas rdo rje dbyings las bshad pa'i rdo rje rin chen gyi dam tshig gi phyag rgya bcings la/ oM badzra ratna a b+hi She ka ta zhes bya ba snying po 'di brjod cing/ dbang bskur ba'i gnas su rdo rje rin chen sprul la snga ma bzhin du bsgrubs te/ ji ltar mngon par 'dod pa yi/ /rgyal srid thob par 'gyur ro/ /rdo rje rin chen ting 'dzin gyi/ /lce la rdo rje bsgoms nas ni/ /zhes bya ba ni don thams cad grub pa'i dkyil 'khor chen po las bshad pa bzhin du rin chen pad+ma 'am/ de'i rigs kyi rnal 'byor byas la/ phyis gzungs kyi dkyil 'khor las bshad pa'i phyag rgya chen po bcings te/ oM ratna su sha a b+hi tiSh+Tha mAM zhes bya ba'i snying po 'dis lce la rdo rje rin po che sprul la/ snga ma bzhin du bsgrub pa byas na chos kyi rgyal po thob par 'gyur ro/ /rab mnyam bzhag pa rdo rje yi/ /rdo rje gtsug tor bsgoms ma ni/ /zhes bya ba la sogs pa la snga ma bzhin du don thams cad grub pa'i dkyil 'khor chen po las bshad pa'i rin chen char 'bebs dang/ de'i rigs kyi rnal 'byor byas la/ phyis gzungs kyi dkyil 'khor las bshad pa de 'am de'i rigs nor bu'i mchod pa la sogs pa'i las kyi phyag rgya bcings te/ oM ratna aSh+Ta a b+hi tiSh+Tha mAM zhes brjod pas/ spyi gtsug gi gnas su rdo rje rin po che sprul la rnam par bsgoms te/ snga ma bzhin du bsgrubs na las legs par byed pa'i rgyal por 'gyur ro/ /phyag rgya chen po bdag nyid kyis/ /bsgoms na rdo rje rin chen las/ / ras la sogs par bris nas ni/ /zhes bya ba la/ snga ma bzhin du don thams cad grub pa'i dkyil 'khor chen po las bshad pa'i don thams cad grub pa 'am/ de'i rigs kyi rnal 'byor byas la/ phyis gzungs kyi dkyil 'khor las bshad
- 159b
pa de 'am/ nor bu'i mtshan ma la sogs pa de'i rigs kyi phyag rgya chen po bcings te/ ras sam rtsig pa la sogs pa la rdo rje rin chen bris la/ oM badzra ratna bim ba yi d+hi sha pad bim pa zhes bya ba'i snying po 'dis rdo rje rin chen dang bdag nyid tha mi dad par bsam par bya'o/ /de nas snga ma bzhin du bsgrub na rgyal por sgrub pa po de 'gyur ro/ /rdo rje rin chen bla na med/ /ras la sogs pa bris nas kyang/ /zhes bya ba la sogs pa ni ras sam rtsig pa 'am spang leb la rdo rje rin chen bris te/ snga ma bzhin du don thams cad grub pa'i dkyil 'khor chen po las bshad pa'i rin chen spyan dang/ de'i rigs kyi rnal 'byor byas la/ phyis gzungs kyi dkyil 'khor las bshad pa'i de 'am de'i rigs kyi dam tshig gi phyag rgya bcings te/ des ras sam rtsig pa la bris la rdo rje rin chen dang bdag nyid tha mi dad par bsam mo/ /de nas yang badzra ratna bim pa pra tiSh+Tha/ zhes bya ba la sogs pa 'dis zla ba'i dkyil 'khor la rdo rje gzugs su bdag nyid bsgom par bya'o/ /de nas snga ma bzhin du byas te bsgrubs na gzugs thams cad kyi dam tshig gi phyag rgya rnams kyi bdag po rdo rje snying por 'gyur ro/ /rdo rje rin chen bdag nyid kyis/ /ras la sogs la bris nas kyang/ /zhes bya ba la sogs pa ni de bzhin du ras la sogs pa la rdo rje rin chen bris la don thams cad grub pa'i dkyil 'khor chen po las bshad pa'i bcom ldan 'das rin chen pad+ma 'am/ de'i rigs kyi rnal 'byor byas la/ phyis gzungs kyi dkyil 'khor las bshad pa de'am/ de'i rigs kyi phyag rgya chen po bcings te/ de ras la sogs pa la bris nas/ badzra ratna bim tso a bi Sha/ zhes bya ba'i snying po 'dis rdo rje rin chen dang bdag nyid lhan cig tha mi dad par byas pas de'i rigs kyi gzugs su bdag nyid grub par 'gyur ro/ /de nas snga ma bzhin du thams cad
- 160a
byas la bsgrub pa byas na nges par chos kyi bdag por 'gyur ro/ /ras la sogs la rdo rje yis/ /rin chen bris nas lha rnams kyi/ /zhes bya ba la/ de bzhin du ras la sogs pa la rdo rje rin chen bris te/ snga ma bzhin du don thams cad grub pa'i dkyil 'khor chen po las bshad pa'i rin chen char 'bebs sam/ de'i rigs kyi rnal 'byor byas la/ phyis gzungs kyi dkyil 'khor las bshad pa de 'am/ de'i rigs kyi las kyi phyag rgya bcings te/ badzra ratna bim pa ku ru zhes zlos shing/ des ras la bris nas rdo rje rin chen dang lhan cig bdag nyid tha mi dad pas rin chen char 'bebs sam/ de'i rigs nor bu'i mchod pa'i rang bzhin du bsgom par bya'o/ /de nas snga ma bzhin du bsgrub pa byas na rin chen char 'bebs ma de'i rigs kyi ngo bo'i las kyi bdag por 'gyur ro/ /gser ram yang na dngul yang rung/ /rdo rje rin chen bcings gyur tam/ /zhes bya ba la sogs pa ni bzo bo mkhas pas gser la sogs pa las byas pa'i rdo rje rtse mo lnga pas mtshan pa'i yid bzhin gyis nor bu rin po che byas te/ de nas snga ma bzhin du don thams cad grub pa'i dkyil 'khor chen po las bshad pa'i don thams cad grub pa'am/ de'i rigs kyi rnal 'byor byas la/ phyis gzungs kyi dkyil 'khor las bshad pa'i don thams cad grub pa dang/ de'i rigs kyi phyag rgya chen po bcings pa de dang/ oM badzra ratna h+ri da ya ma b+ha ra Na hUM/ zhes bya ba'i snying po 'dis/ rin po che de blang bar bya'o/ /rang gi snying ga'i zla ba la rin po che de de bzhin du bsams nas bsgom par bya'o/ /de nas snga ma bzhin du bsgrub pa byas na don thams cad grub pas dbang bskur ba dang/ de'i rigs kyi dbang bskur bas bcom ldan 'das dbang bskur bar 'gyur ro/ /rdo rje rin
- 160b
chen bla na med/ /gser ram rin chen gzhan las bya/ /zhes bya ba la sogs pa ni de bzhin du gser las byas pa la sogs pas las byas pa'i rdo rje rin po che byas la/ don thams cad grub pa'i dkyil 'khor chen po las bshad pa'i rin chen lta buAm/ de'i rigs kyi rnal 'byor byas la/ phyis gzungs kyi dkyil 'khor las bshad pa'i de 'am/ de'i rigs kyi dam tshig gi phyag rgya bcings te/ de dang oM badzra ratna a b+hi She ka mahA sarbba pra d+ha zhes bya ba'i snying po 'dis rin po che blang bar bya'o de nas phyag rgya de nyid dpral ba'i bar du 'jog cing dbang bskur ba'i gnas su zla ba'i dkyil 'khor bsams te/ bsgoms na de nas snga ma bzhin du bsgrubs na nor chen po'i rgyal por 'gyur ro/ /gser ram rin chen gzhan dag go /zhes bya ba la sogs pa ni/ snga ma bzhin du don thams cad grub pa'i dkyil 'khor chen po las bshad pa'i rin chen pad+ma 'am/ de'i rigs kyi rnal 'byor byas la/ phyis de 'am de'i rigs kyi gzungs kyi dkyil 'khor las bshad pa'i chos kyi phyag rgya bcings te/ oM badzra ratna wa tsi ba ste/ zhes bya bas rin po che de skyed de/ rang gi khar bcug nas bsgom par bya'o/ /de nas snga ma bzhin du bsgrub pa byas te bsgoms na tshig la dbang bar 'gyur ro/ /gser ram rin chen gzhan dag gi /zhes bya ba la sogs pa ni de bzhin du bzo bo mkhas pas rdo rje rin po che byas la/ de nas snga ma bzhin du rin chen char 'bebs sam/ de'i rigs kyi rnal 'byor byas te/ phyis gzungs kyi dkyil 'khor las bshad pa de 'am/ de'i rigs kyi las kyi phyag rgya bcings te/ oM badzra ratna garb+ha ma hA karmmA ba te/ zhes bya ba'i snying po 'dis phyag rgya de bskyed la las kyi phyag rgyas gzugs te gtsug tor gyi dbus su zla ba'i dkyil 'khor gyi steng du bsams nas bsgom par
- 161a
bya'o/ de nas snga ma bzhin du bsgrubs na las rnams kun gyi bdag po rin chen char 'bebs kyi ting nge 'dzin thob pa 'am/ /de'i rigs kyi ting nge 'dzin thob par 'gyur ro/ /de nas zhes bya ba ni dngos grub kyi ye shes bstan pa'i dus phyis so/ /nor bu'i rigs kyi gzungs kyi dkyil 'khor gyi dam tshig gi phyag rgya rnams ni gzungs kyi phyag rgya ste/ gsang ba'i ye shes la yang dag par bskor ba'i sgom par nges pa de bslab cing bstan pa'o/ /phyag rgya chen mo bsgoms nas ni/ /rdo rje nor bu che bcings la/ /zhes bya ba ni nor bu'i rigs kyi gzungs kyi dkyil 'khor las bshad pa'i sems ma rdo rje ma'i gnas kyi rdo rje nor bu chen mo'i dam tshig gi phyag rgya de 'dir bcings la/ des bud med kyi bu gar de bzhin du zhugs te/ rdo rje nor bu chen mo yi/ /nor bu de ni de'i nor bu ste/ sgrub pa po'i mtshan ma'i nor bu de'i rig pa'i lha mo'i mtshan mar yid kyis gzhug cing phyag rgya chen po bsgoms na dngos grub thob par 'gyur ro/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa'i rnal 'byor ram/ de'i rigs kyi rnal 'byor byas la/ phyis gzungs kyi dkyil 'khor las bshad pa de 'am de'i rigs kyi phyag rgya bcings te/ de nas stan cig la rang gi gzugs sprul la bsdu ba sngon du 'gro ba dang/ phyag rgya bzhis rgyas btab ste/ rdo rje rin po che myu gus dbang bskur ba'i rin po che sgeg mo la sogs pa rnams kyis yang dag par mchod nas phyag byas te/ rdo rje chen mo'i dam tshig gi phyag rgya bcings nas/ oM ma hA sid+d+ha zhes bya ba zlos shing/ de nas lhan cig tu mnyam par sbyor ba bsgoms nas nyin re zhing thun bzhi'i sbyor
- 161b
bas/ ji srid nyin re zhing thun bzhi'i sbyor bas mngon sum lta bur mthong bar 'gyur ba de srid kyi bar du bya'o/ /de nas mtshan thog thag bsgom pa ni de'i rjes la de yongs pa dang lhan cig mnyam par sbyor ba byas nas de'i lus la gzhug par bya'o/ /yang de nas don thams cad grub pa de dang 'dra bar 'gyur ro/ /dam tshig mchog ni rang gi lha'i rnal 'byor ro/ /nor bu ni rang gi mtshan ma'o/ /bcug pa ni bzhag pa'o/ /de skad du yang/ bcug pas bzhag la zhes su brjod/ / zhes gsungs so/ /gang du bzhag ce na/ bud med bu gar zhes bya ba smos te/ rang gi rig pa'i lha mo'i mtshan ma'i'o/ /dam tshig mchog ni rang gi dam tshig gi phyag rgya'o/ /bcings pa ni lhan cig tu gyur pa'o/ /dbang bskur ba'i dngos grub 'gyur ba ni dbang bskur ba'i mtshan ma thob pa'o/ /thams cad ni rin chen lta ba'i rigs la sogs pa thams cad do/ /'di skad ston pa yin te/ don thams cad grub pa'i dkyil 'khor chen po las bshad pa'i rin chen lta ba 'am/ de'i rigs de bzhin gshegs pa thams cad kyi dbang bskur ba'i phreng ba la sogs pa'i rnal 'byor byas la/ de nas gzungs kyi dkyil 'khor las bshad pa'i bcom ldan 'das rin chen spyan nas de'i rigs kyi dam tshig gi phyag rgya bcings nas phyis stan gcig la rang gi gzugs sprul la bsdu ba la sogs pa sngon du 'gro ba'i cho ga thams cad rjes su spyad la/ oM ma hA sa ma ya a b+hi she ka sid+d+hi zhes bya ba zlos shing/ gzungs kyi dkyil 'khor las bshad pa'i rang gi dam tshig gi phyag rgya bcings te/ de dang lhan cig tu mnyam par sbyor bas de bzhin du bsgom par bya'o/ /de nas mtshan thog thag byas pa dang/ de'i rjes la de 'ongs pa dang/ de dang lhan cig mnyam par sbyor ba byas te/ de'i lus la 'jug par bya'o/
- 162a
de nas de rin chen spyan la sogs pa dang 'dra bar 'gyur ro/ /rdo rje nor bu che bcings la zhes bya ba ni snga ma bzhin no/ /chos kyi phyag rgya rnams bsgoms zhes bya ba ni rin chen pad+ma 'am /de'i rigs kyi phyag rgya chen po bsgoms pa'o/ /de'i nor bu zhes bya ba ni rang gi mtshan pa'o/ /de ni bud med bu gar bcug /ces bya ba ni snga ma bzhin no/ /bla na med pa'i dngos grub gyur/ /zhes bya ba ni rin chen pad+ma 'am/ de'i rigs kyi phyag rgya chen po 'grub pa ste/ bla na med pa'i dngos grub 'gyur zhes bya ba'o/ /'di skad ston pa yin te/ de bzhin du don thams cad grub pa'i dkyil 'khor chen po las bshad pa'i bcom ldan 'das rin chen pad+ma 'am/ de'i rigs kyi rnal 'byor byas la phyis gzungs kyi dkyil 'khor las gsungs pa de 'am/ de'i rigs kyi las kyi phyag rgya bcings te/ gdan gcig la rang gi gzugs sprul nas snga ma bzhin du cho ga thams cad rjes su spyad de/ rdo rje nor bu chen po'i dam tshig gi phyag rgya bcings la/ oM d+harmmA sid+d+hi zhes zlos shing/ rang gi gzungs dang lhan cig mnyam par sbyor ba bsgom mo/ /de nas de bzhin du mtshon thog thag bsgoms la/ de'i rjes la de 'ongs pa dang/ de dang lhan cig tu mnyam par sbyor ba byas nas de'i lus la 'jug par bya'o/ /de nas de rin po che pad+ma la sogs pa dang 'dra bar 'gyur ro/ /las kyi phyag rgya'i nor bu ni las kyi phyag rgya'i nor bu ste/ rin chen char 'bebs dang/ de'i rigs kyi phyag rgya chen pa'o/ /nor bu ni ji skad bshad pa'i nor bu'i mtshan ma de bcings pa'o/ /bud med bu gar rin chen char 'bebs kyi las kyi phyag rgya bcings pa'am/ de'i rigs kyi phyag rgya bcings nas dngos grub tu 'gyur ro/ /las kun ni rin chen char 'bebs la sogs pa'i las thams cad kyi mtshan
- 162b
ma bskyed pa'o/ /'di skad ston pa yin te/ snga ma bzhin du don thams cad grub pa'i dkyil 'khor chen po las bshad pa'i rin chen char 'bebs dang de'i rigs kyi rnal 'byor byas la/ phyis gzungs kyi dkyil 'khor las bshad pa'i rin chen char 'bebs dang/ de'i rigs kyi las kyi phyag rgya bcings te/ stong gsum pa'i sangs rgyas kyi zhing dang mnyam pa'i zla ba'i dkyil 'khor la rang gi gzugs sprul la/ cho ga thams cad rjes su spyad de/ gzungs kyi dkyil 'khor las bshad pa'i rang gi lha'i las kyi phyag rgya bcings te/ a karmma sid+d+hi zhes zlos shing/ lhan cig mnyam par sbyor bar bsgoms la/ de nas bsgrub pa bya'o/ /de'i rjes la lha mo de dang mnyam par sbyor ba byas nas de'i lus la 'jug par bya'o/ /de nas bsgrub pa po de'i rin chen char 'bebs pa la sogs pa dang 'dra bar 'gyur ro/ /rig pa'i bud med thams cad kyi bdag po dang 'dod pa thams cad kyi dbang phyug tu 'gyur ro/ /zhes gsungs so/ /de ltar nor bu'i ye shes bstan nas/ da ni don thams cad grub pa'i gzungs kyi dkyil 'khor las bshad pa'i dngos grub rnams don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ sgrub pa dang dkyil 'khor la sogs pa'i gzungs rnams spyan drangs te/ phyag rgya bzhis rgyas gdab po zhes bya ba'i don bstan pa'i phyir/ de nas zhes bya ba la sogs pa gsungs so/ /de nas zhes bya ba'i sgras ni de ma thag pa ste/ dngos grub kyi ye shes bslab pa'i rjes thogs la'o/ / dkyil 'khor 'dir zhes bya ba ni nor bu'i rigs kyi gzungs kyi dkyil 'khor du phyag rgya chen po bcing ba byung ste/ sku ston par byed pa'i phyag rgya rnams 'ching ba'i mchan nyid yin no zhes bya ba'i tha tshig go /rin chen rdo rje myu gu bcing/ /gung
- 163a
mo srin lag mthe chung rnams/ /sor mo brkyang ba byas nas ni/ /spyi bor gzhag pa grub mchog sbyin/ /zhes bya ba ni don thams cad grub pa'i dkyil 'khor chen po las bshad pa'i rdo rje rin po che myu gu'i gung mo dang/ srin lag dang/ mthe'u chung rnams so sor brkyang sde spyi bor bzhag pa ni rnam par snang mdzad kyi phyag rgya chen po'o/ /rig pa ni 'di yin te/ oM ratna d+huA be hUM/ rdo rje dbyings kyi dkyil 'khor chen po las bshad pa'i rnam par snang mdzad kyi rnal 'byor byas la phyis phyag rgya bcing ba dang rig pa 'dis rnam par snang mdzad rab tu bsgrubs na rnam par snang mdzad 'dra bar 'gyur ro/ /rdo rje bsdams pa byas nas kyang/ /mdzub mo gnyis mdud mtheb gnyis dang/ srin lag rdo rje bsgyur nas ni// mdzod spur bzhag pa dbang bskur thob/ /zhes bya ba ni rdo rje bsdams pa las mdzub mo gnyis phan tshun lcags sgrog tu sbrel la/ mthe bo dang srin lag gnyis lu gu rgyud ltar byas nas yongs su bsgyur te mdzod spur bzhag pa ni phyag na rdo rje'i phyag rgya'o/ /rdo rje dbyings las bshad pa'i rdo rje sems dpa' i rnal 'byor byas la 'di nyid bcings te/ oM a b+hi She ka ma le a b+hi ShIny+tsa sa ma ya hUM/ zhes zlos shing rdo rje sems dpa' bdag nyid ji lta ba bzhin bsgoms nas bsgrubs na de nas rdo rje sems dpa' dang 'dra bar 'grub par 'gyur ro/ /rdo rje rin chen tshul byas la/ /de nyid yongs su bsgyur nas ni/ /mdzub mo gnyis rtse gdong sprad pa/ /'di ni dbang bskur thams cad byed/ /ces bya ba ni bshad ma thag pa'i phyag na rdo rje'i phyag rgya nyid las rdo rje dbyings kyi dkyil 'khor chen po las bshad pa'i rdo rje rin chen gyi dam tshig gi phyag rgya byas te/ mdzod spur bzhag pa 'di ni rdo rje snying po'o/ /rdo rje dbyings kyi dkyil 'khor
- 163b
chen po las bshad pa'i rdo rje snying po'i rnal 'byor byas la 'di nyid bcings te/ oM badzra ratna a b+hi She ka hUM zhes brjod cing snga ma bzhin du rdo rje snying por bdag nyid bsgoms nas bsgrub par bya'o/ /de nas rdo rje snying po dang 'dra bar 'grub par 'gyur ro/ /de nyid las mdzub gnyis ni/ chos kyi rdo rje tshul du yang/ /bcings nas dpral bar bzhag na ni/ /chos chen gyi ni dbang bskur sbyin/ /zhes bya ba la bshad ma thag pa nyid kyi rdo rje snying po'i phyag rgya las mthe bo dang mdzub mo gnyis pad+mar byas pa dpral bar bzhag pa 'di ni rdo rje spyan gyi'o/ /rdo rje dbyings las bshad pa'i rdo rje spyan gyi rnal 'byor byas la/ 'di nyid bcings te/ oM badzra d+harmmA a b+hi Shiny+tsa maM zhes brjod cing bdag nyid rdo rje spyan du bsgoms nas snga ma bzhin du bsgrub par bya'o/ /de nas rdo rje spyan dang 'dra bar 'grub par 'gyur ro/ /rin chen 'byung ba'i phyag rgya ni/ /rdo rje dbyings skyed dam tshig kyang/ /bsgyur bas dpral ba nyid du yang bzhag na dbang ni bskur bar 'gyur/ /zhes bya ba ni sems ma rdo rje ma brtan par byas te/ gung mo gnyis bsgreng ba ni rgyab tu mdzub mo gnyis bskum la rdo rje rnam pa ltar gzhag pa 'di ni las kyi rdo rje ste sna tshogs kyi'o/ /rdo rje dbyings la sogs pa'i rdo rje sna tshogs kyi rnal 'byor byas te/ 'di nyid bcings la/ oM sarbba a b+hi She ka pU dza sa ma ye hUM/ zhes zlos shing bdag nyid rdo rje sna tshogs su bsgoms la snga ma bzhin du bsgrub po/ /de nas rdo rje sna tshogs dang 'dra bar 'grub par 'gyur ro/ /rin chen 'byung ba'i phyag rgya ni/ /rdo rje dbyings skyes dam tshig kyang/ /bcings nas rin chen gnas dag gi /dpral bar bzhag na dbang bskur 'gyur/ /zhes bya ba la rdo rje dbyings las bshad pa'i rdo rje rin
- 164a
chen ma bcings te/ dpral ba'i phyogs su bzhag pa 'di ni bcom ldan 'das rnam par snang mdzad kyi phyag rgya chen po gnyis pa'o/ /'di'i rig pa ni 'di yin te/ oM traM zhes bya ba 'dis dkyil 'khor du bcom ldan 'das la rgyas gdab par bya'o/ /mtheb gnyis phan tshun bsnol nas ni/ /mdzub mo gnyis kyi rtse mo yang/ /nor bu 'dra bar dgug pa ni/ /rdo rje nor bu chen po thob/ /ces bya ba ni lag pa gnyis kyi mthe bong gnyis phan tshun bsnol nas mdzub mo gnyis nor bur byas pa ni sems ma rdo rje ma'i gnas kyi nor bur byas pa'i phyag rgya dang/ dpral ba'i gnas su bzhag pa 'di ni rdo rje rin chen ma'i gnas kyi nor bu phreng ba ma'i phyag rgya'o/ /rdo rje bsdams pa byas nas ni/ /gung mo nor bu 'brar? byas la/ /gung mo gnyis ni nor bur byas/ /nor bu phreng bas dbang bskur 'gyur/ /zhes bya ba ni rdo rje bsdams pa las gung mo gnyis nor bur byas la mdzub mo dang srin lag gnyis so sor pad+ma ltar byas pa ni chos kyi rdo rje ma'i gnas kyi nor bu rin chen pad+ma'i'o/ /gung mo gnyis ni nor bu bcing/ /sor mo thams cad bsgreng ba rnams/ /nor bu nyid du bsgoms nas ni/ /'khor rnams mchog dang ldan par 'gyur/ /zhes bya ba ni lag pa gnyis gcig tu sbyar te/ gung mo gnyis rin po cher byas nas sor mo lhag ma rnams brkyang ba'i phyag rgya spyi bor bzhag ste/ ser mo thams cad kyi rtse mo rin po che'i/ gzugs su bsgom pa 'di ni rdo rje las ma'i gnas kyi rdo rje rin chen char 'bebs ma'i 'o/ /rdo rje rin chen tshul bcings nas/ /gung mo mthe bo sbyar ba dang/ /srin lag mthe chung bsnyams pa rnams/ /khar bzhag lce steng nor rab ster/ /zhes bya ba ni lag pa gnyis brkyang nus gung mo gnyis dang mthe bong gnyis rin po che ltar
- 164b
byas la/ srin lag dang mthe'u chung gnyis brkyang ste/ lce bzhin du khar bzhag pa 'di ni don thams cad grub pa'i gnas kyi don kun grub pa rab tu ster ba ma'i'o/ /de las mdzub gnyis rdo rjer bya/ /zhes bya ba ni don kun grub par rab tu ster ba'i phyag rgya nyid las mdzub mo gnyis myu gu ltar byas nas snying gar bzhag pa ni nor bu mtshan ma'i gnas kyi nor bu rin chen 'dren ma'i'o/ /de gnyis de bzhin lcags kyur bya/ /zhes bya ba ni nor bu rin chen 'dren pa'i phyag rgya nyid las mdzub mo gnyis lcags kyu ltar byas pa 'di ni rin chen rgyal po'i gnas kyi rin chen dam tshig lcags kyu ma'i'o/ /mdzub mos mdzub mo drang bar bya/ /zhes bya ba ni don kun grub ster ba'i phyag rgya nyid las g.yas pa'i mdzub mos g.yon pa'i mdzub mo 'dren pa'i tshul du byed pa 'di ni nor bu chags pa'i gnas kyi nor bu chags pa'i dam tshig ma'i'o/ /de nyid mgo la rab sbyin pa'o/ /zhes bya ba ni nor bu chags pa'i dam tshig gi phyag rgya nyid kyi/ mdzub mo dang mthe bo gnyis legs so sbyin pa'i tshul du byed pa 'di ni nor bu legs pa'i gnas kyi nor bu legs pa ma'i'o/ /gung mo gnyis ni nor bur bcing/ /mdzub gnyis ngos la bkug pa yin/ /zhes bya ba ni lag pa gnyis brkyang la gung mo gnyis nor bur byas nas mdzub mo gnyis lcags kyu ltar byas te/ mthe bong gi rtse mo la sbyar nas bzhag pa 'di ni rin chen lta ba'i gnas su rdo rje nor bu rin chen ma spyan ma'i'o/ /srin lag ngos gnyis mdud pa la/ /mthe bong gnyis ni bka' ba ste/ /zhes bya ba ni rdo rje nor bu rin chen spyan gyi phyag rgya nyid las srin lag gnyis nang du bcug nas phan tshun mdud la/ mdzub mo gnyis lcags kyur byas pa mthe bo gnyis kyis bkab ste/ dpral ba'i gnas su 'jog
- 165a
pa 'di ni de bzhin gshegs pa thams cad kyi dbang bskur pa'i phreng ba'i gnas su rdo rje rin chen phreng ba ma'i'o/ /de nyid rdo rje nyi ma bskor/ /zhes bya ba ni rdo rje rin chen phreng ba ma'i phyag rgya nyid snying gar nyi ma'i tshul gyis bskor ba 'di ni nor bu nyi ma'i gnas kyi nor bu rin chen nyi ma'i'o/ /dpung pa spyi bor brkyang bar bya/ /zhes bya ba ni rin chen phreng ba ma'i phyag rgya nyid las dpung pa brkyang nas spyi bor bzhag pa 'di ni nor bu dpal gyi gnas su'o/ /nor bu rgyal mtshan gyi rtse mo'i dpung rgyan gyi nor bu zla ba'i rgyal mtshan mchog ma'i'o/ /bzhad pa'i tshul du zhes bya ba ni rdo rje rin chen phreng ba'i phyag rgya nyid las bzhad pa'i tshul du yongs su bskor ba ni nor bu rin chen bzhad pa'i gnas su nor bu rin chen bzhad pa ma'i'o/ /rdo rje bsdams pa byas nas kyang/ /mdzub mo srin lag gyen du bsgreng/ de dag pad+ma 'dra bar byas/ /gong ma gnyis ni nor bur bya/ /rdo rje bsdams pa las mdzub mo gnyis dang srin lag gnyis pad+ma 'dra bar byas la gung mo gnyis nor bur byas pa 'di ni rin chen pad+ma'i gnas su nor bu ting nge 'dzin pad+ma'i'o/ /de las tha ma rab sbyin bya/ /zhes bya ba ni nor bu'i ting nge 'dzin pad+ma'i phyag rgya nyid la'ang tha ma sbyin pa gtong ba'i tshul du byed pa 'di ni gtong ba ting nge 'dzin ye shes kyi snying po'i gnas kyi nor bu rin chen gtong ba'i dam tshig ma'i'o/ /rdo rje ral gri sbyar ba dang/ zhes bya ba ni nor bu'i ting nge 'dzin pad+ma'i phyag rgya nyid las ral gris gcod pa'i tshul du byed pa 'di ni rin chen rnon po'i gnas su rin chen dam tshig ral gri ma'i'o/ /rdo rje 'khor lo'i tshul du bya/ /zhes bya ba ni nor bu ting nge 'dzin pad+ma'i phyag rgya nyid las mgal me'i 'khor lo bzhin bskor
- 165b
ba 'di ni nor bu 'khor lo ma'i gnas su nor bu dam tshig gi 'khor lo ma'i'o/ /de nyid kha nas dbyung bar bya/ /zhes bya ba ni nor bu ting nge 'dzin pad+ma'i phyag rgya nyid las tshig 'byin pa'i tshul gyis kha gyen du 'dren pa ni nor bu bsrung pa'i gnas kyi nor bu bsrung ba'i mchog ma'i'o/ /rdo rje rin chen myu gur bcing/ /sor mo thams cad brkyang ba dang/ /de dag spyi bor bzhag pa ni/ /rin chen char gyi char 'bebs so/ /zhes bya ba ni rdo rje sems ma bcings la/ /rdo rje rin chen gyi mtheb mo dang/ mdzub mo gnyis kha sbyar ba 'di ni rdo rje rin po che'i myu gu ste/ de bcings pa las mtheb mo dang/ gung mo dang/ srin lag dang/ mthe'u chung rnams brkyang pa'i phyag rgya spyi bor bzhag la sor mo'i rtse mo nor bu'i gzugs su bsgoms nas rin po che'i char 'bebs pa'i lha mo bsams pa 'di ni rin chen char 'bebs kyi gnas su rin chen char rgyun me'i phyag rgya'o/ /de nyid 'khor lo'i tshul du ni/ /zhes bya ba ni rin chen char rgyun ma'i phyag rgya nyid mgal me'i 'khor lo bzhin du gar gyi tshul bstan pa 'di ni nor bu mchod pa'i gnas su nor bu mchod pa'i dam tshig ma'i'o/ /snying khar rin chen gnyis byas pa/ /zhes bya ba ni rin chen char rgyun ma'i phyag rgya nyid snying ga gnyis su byas pa 'di ni nor bu cho ga ma'i gnas su nor bu dam tshig bsrung ba ma'i'o/ /nor bu 'dzin rtse mche ba yin/ /zhes bya ba 'di ni rin chen char 'bebs ma'i phyag rgya las mdzub mo gnyis bskums la mche ba bzhin du khar 'jog pa 'di ni nor bu gnod sbyin gyi gnas su nor bu mche ba gtsigs ma'i'o/ /dbus su bsnyams pa khu tshur ro/ /zhes bya ba ni rin chen char rgyun ma'i phyag rgya'i dbus su mdzub mo gnyis dang/ rang gi mthe bo gnyis kha sbyar
- 166a
bar byas pa 'di ni nor bu'i khu tshur gyi gnas su nor bu dam tshig khu tshur 'dzin ma'i phyag rgya chen po'o/ /rin chen sgeg mo la sogs pa nas rin chen 'bebs pa'i mthar thug pa rnams na don thams cad grub pa'i dkyil 'khor chen po las bshad pa'i dam tshig gi phyag rgya nyid 'dir phyag rgya chen por 'gyur ro/ /de nas zhes bya ba ni phyag rgya chen po bshad pa'i rjes thogs nyid la dam tshig gi phyag rgya'i ye shes te/ dam tshig gi phyag rgya 'ching ba'i mtshan nyid nges par bslab cing bstan par bya'o/ /phyag rgya chen po de dag nyid/ /bsnyams sbyar byas te bcings nas ni/ /zhes bya ba la thal mo sbyar la mthe bo gnyis dang gung mo gnyis brkyang mdzub mo gnyis bkug nas rin po che lta bur byas pa'i phyag rgya dpral bar bzhag pa 'di ni rnam par snang mdzad kyi phyag rgya'o/ /thal mo sbyar ba mthe bo gnyis nor bur byas pa 'di ni rdo rje nor bu chen po'i dam tshig gi phyag rgya yang 'di yin no/ /snyim pa sbyar te mdzub gnyis dang mthe bo gnyis kyi gdong sbyar nas gung mo gnyis nor bu 'dra bar byas pa phyag rgya dpral bar bzhag pa 'di ni rin chen phreng ba ma'i'o/ /snyim pa sbyar la gung mo gnyis nor bur byas nas mdzub mo dang srin lag brkyang ste pad+ma 'dra bar byas pa 'di ni nor bu'i rin chen pad+ma'i'o/ /snyom pa sbyar la gung mo gnyis rin po che 'dra bar sbyar nas sor mo lhag ma brkyang ba'i phyag rgya spyi gtsug tu bzhag la sor mo thams cad kyi rtse mo nor bu'i gzugs su bsgom pa 'di ni rdo rje rin chen char 'bebs ma'i'o/ /snyim pa sbyar la gung mo gnyis dang mthe bo gnyis rin po che ltar byas te/ srin lag gnyis dang mthe chung gnyis brkyang ste/ lce bzhin du khar bzhag pa 'di ni don kun grub par rab sbyin ma'i'o/ /don kun grub ba rab sbyin ma'i phyag rgya nyid las mdzub mo gnyis myu gu
- 166b
ltar byas te/ snying gar bzhag pa 'di ni nor bu rin chen 'gugs ma'i'o/ /nor bu rin chen 'gugs ma'i phyag rgya nyid las mdzub mo gnyis lcags kyur byas pa 'di ni rin chen dam tshig lcags kyu ma'i'o/ /don kun grub par rab tu ster ma'i phyag rgya las g.yas pa'i mdzub mos g.yon pa'i mdzub mo gzung ste 'ben pa'i tshul du byed pa 'di ni nor bu chags pa'i dam tshig ma'i'o/ /nor bu chags pa'i dam tshig gi phyag rgya las mdzub mo dang mthe bo legs so sbyin pa'i tshul du byed pa 'di ni nor bu legs pa ma'i'o/ /snyim pa sbyar la gung mo gnas nor bur byas nas mthe bo'i logs su sbyar nas bzhag pa 'di ni rdo rje nor bu rin chen lta ba'i'o/ /rdo rje nor bu rin chen lta ba'i phyag rgya nyid las srin lag dang mthe'u chung gnyis nang du bcug nas phan tshun nang du kha sbyar te bcings la mdzub mo'i lcags kyu gnyis the bo gnyis kyis bkan te dpral bar bzhag pa 'di ni rdo rje rin chen phreng ba ma'i'o/ /rdo rje rin chen phreng ba ma'i phyag rgya nyid snying gar nyi ma'i tshul gyis bskor ba ni nor bu nyi ma'i'o/ /rdo rje nor bu phreng ba ma'i phyag rgya nyid las dbud pa brkyang nas spyi bor bzhag pa 'di ni nor bu zla ba rgyal mtshan gyi rtse mo'o/ /nor bu rin chen phreng ba'i'o/ /phyag rgya nyid bzhag ba'i tshul gyis yongs su bskor ba 'di ni nor bu bzhad pa ma'i'o/ /snyim? pa sbyar nas mdzub mo gnyis dang srin lag gnyis pad+mar byas la gung mo gnyis rin po cher byed pa 'di ni nor bu ting nge 'dzin pad+ma'i'o/ /nor bu ting nge 'dzin gyi phyag rgya nyid las mthe'u chung sbyin pa gtong ba'i tshul du byed pa 'di ni gtong pa dam tshig ma'i'o/ /nor bu ting nge 'dzin pad+ma'i phyag rgya nyid las ral gris gcod pa'i tshul du sbyor ba 'di ni nor bu dam tshig gi ral gri ma'i'o/ /nor bu ting nge 'dzin pad+ma'i phyag rgya nyid mgal mo'i 'khor lo bzhin du bskor ba 'di ni nor bu dam tshig gi
- 167a
'khor lo ma'i'o/ /ji lta bu ting nge 'dzin pad+ma'i phyag rgya nyid tshig 'byin pa'i tshul gyis kha nas 'dren par byed pa 'di ni nor bu gsung ba mchog ma'i'o/ /snyim pa sbyar la gung mo gnyis myu gu ltar bstan par byas la mthe bo gnyis gzhibs te/ mdzub mo'i rtse mo dang sbyar nas rin po cher byas la mthe bo dang gung mo dang srin lag dang/ mthe chung gnyis sor mo rnams brkyang ste sor mo thams cad kyi rtse mo nor bu'i gzugs su bsams te/ rin po che char 'bebs ma'i lha mor bsgom pa 'di ni rin chen char rgyun ma'i'o/ /rin chen char rgyun ma'i phyag rgya nyid mgal ma'i 'khor lo bzhin du gar gyi sbyor bas ston pa ni nor bu mchod pa'i dam tshig ma'i'o/ /rin chen char rgyun ma'i phyag rgya nyid gnyis su byas nas snying gar 'dzin pa ni nor bu dam tshig bsrung ba ma'i'o/ /rin chen char rgyun ma'i phyag rgya las mdzub mo gnyis bskums te mche ba bzhin du khar 'jog pa 'di ni nor bu mche ba gtsigs pa ma'i'o/ /rin chen char rgyun ma'i phyag rgya'i dbus su mdzub mo gnyis dang rang gi mthe bo gnyis kyi rtse mor sbyar ba byas pa 'di ni nor bu dam tshig gi khu tshur gzungs kyi dam tshig gi phyag rgya'o/ /rin chen sgeg mo la sogs pa nas rin chen 'bebs pa'i gzungs kyi mthar thug pa rnams ni don thams cad grub pa'i dkyil 'khor chen po las bshad pa'i dam tshig gi phyag rgya nyid gzung bar bya'o/ /mdor bsdu gsang ba'i gsang ba ste/ dngos grub bzhi 'gyur sbyin par bya/ /zhes bya ba ni nor bu'i rigs kyi gsang ba'i dkyil 'khor ni gsang ba ste/ dam tshig phyag rgya ni gsang pa'i gsang pa'o/ /mdor bsdus pa phyi rol gyi bya ba la mi bltos pa bsgom pa gtso bor gyur pa yin no/ /zhes bya bar dgongs so/ /bsgrub pa po mngon par 'dod pa'i 'bras bu ster bas na dngos grub ster ba'o/ /gal te phyag
- 167b
rgya gzhan zla ba bzhis don grub ster na 'di ni zla ba gcig gis 'gyur ro/ /gzhan zhag bzhis 'grub na 'di zhag gcig gis 'grub ces bya de'i phyir dngos grub bzhir 'gyur sbyin par byed de/ /gsang ba'i gsang ba dam tshig gi phyag rgyas so/ /de ltar rdo rje gsang ba bzhin/ /dus kun tu ni sbyor mi bya/ /zhes bya ba ni ji ltar rdo rje dbyings kyi gzungs kyi dkyil 'khor du gsang ba'i dam tshig gi phyag rgya las byung ba'i las kyi phyag rgya dus kun tu bcing bar mi bya ba de bzhin du 'dir yang gsang ba'i gsang ba'i khu tshur las byung pa'i las kyi phyag rgya dus thams cad du bcing bar mi bya ste/ gsang ba gsang ba'i dam tshig gi phyag rgya mi bcing ngo/ /dgag pa des dam tshig gi phyag rgya med na dam tshig gi phyag rgya des lha bsgrub par mi bya'o zhes sngar bstan zin to/ /de nas zhes bya ba ni de rjes la zhes bya ba'i don to/ /hUM ni rnam par snang mdzad kyi lcags kyu la chos kyi phyag rgyar bsam par bya'o/ /tre ni don kun grub pa sbyin pa dang/ nor bu rin chen 'gugs ma dang/ nor bu dam tshig gi gzungs kyi'o/ /g+he ni nor bu'i dam tshig gi rin chen lcags kyu ma'i'o/ /tre ni nor chags pa'i dam tshig ma'i'o/ /swe ni nor bu legs pa ma'i'o/ /kyai ni rdo rje nor bu rin chen spyan dang/ rdo rje rin chen phreng ba ma dang/ nor bu rin chen phreng ba ma dang/ nor bu rin chen phreng ba'i dbang bskur ba'i gzungs rnams kyi'o/ khaM nor bu rin chen nyi ma'i'o/ /d+h+re nor bu zla ba rgyal mtshan gyi rtse mo'i'o/ /tye ni nor bu bzhad pa ma'i'o/ /drai ni nor bu rin chen pad+ma mo dang/ nor bu rin chen gtong pa'i dam tshig ma dang/ nor bu ting nge 'dzin pad+ma rnams kyi'o/ /de ni nor bu dam tshig ral gri ma'i'o/ /gi ni nor bu dam tshig 'khor lo ma'i'o/ /bair ni nor bu gsungs pa mchog ma'i'o/ /kru ni nor bu rin chen char 'bebs ma dang/ mchod pa chen mo'i dam tshig ma
- 168a
dang/ nor bu rin chen char gyi rgyun ma rnams so/ /rai ni nor bu dam tshig bsrung ba'i'o/ /ya? ni nor bu mche ba gtsigs ma'i'o/ /mI ni nor bu dam tshig khu tshur gyi gzungs te/ lce rnams la bsam par bya'o/ /rin chen sgeg mo la sogs pa don thams cad grub pa'i dkyil 'khor chen po las bshad pa yin no/ /gsang ba gzungs kyi dkyil 'khor ro/ /mchog ni dam pa'o/ /gsang ba gsang ba'i khu tshur mchog ni khu tshur ma'i'o/ /nor bu'i dam tshig gi gzungs kyi phyag rgya chen po dang/ dam tshig gi phyag rgya de rnams khu tshur gnyis su byin nas las kun byed pa ste las kyi phyag rgya zhes bya ba'i don to/ /'di skad ston pa yin te/ nor bu'i dam tshig khu tshur gyi gzungs kyi phyag rgya chen po gnyis su byas nas rdo rje dbyings kyi tshul gyis rnam par snang mdzad la sogs pa nas rin chen 'bebs pa'i gzungs kyi mthar thug pa rnams kyi las kyi phyag rgya bcing bar bya'o/ /gzhan yang nor bu'i dam tshig gi khu tshur gyi gzungs kyi dam tshig gi phyag rgya gnyis su byas nas rnam par snang mdzad la sogs pa nas rin chen 'bebs pa'i gzungs kyi mthar thug pa rnams rdo rje dbyings kyi tshul gyis las kyi phyag rgya bcing par bya'o/ /de nas 'dir rdo rje dbyings kyi sbyor bas g.yon pa'i rdo rje mdzub mo ni/ g.yas pa'i nang du bsgreng bar bya/ /byang chub mchog gi phyag rgya che/ /sangs rgyas byang chub sbyin byed pa'o/ /bsgyings? bcas gsor pa gnyis ka yis/ /ni nor bu rin chen 'dren pa dang nor bu dam tshig gi gzungs kyi las kyi phyag rgya'o/ /lcags kyu 'dzin ltar gnas pa ni nor bu rin chen dam tshig gi lcags kyu'o/ /mda''bad pa'i tshul dang ma nor bu chags pa'i dam tshig mi'i'o/ /legs so sbyin pa snying gar bzhag pa ni nor bu legs pa ma'i'o/ /dbang
- 168b
bskur ba'i rin chen gnyis ni don kun grub pa rab tu ster ma dang/ rdo rje nor bu rin po che'i spyan ma dang/ rdo rje rin chen phreng ba ma dang/ nor bu rin chen phreng ba ma rnams kyi'o/ /snying gar nyi ma bstan pa ni nor bu rin chen nyi ma'i'o/ /g.yon pa la ni gru mo gzugs ni nor bu zla ba'i rgyal mtshan gyi rtse mo ma'i'o/ /de bzhin kha phyogs bskor bar bya ba ni nor bu bzhad pa ma'i'o/ /g.yas pa yis ni g.yon pa dbye ni nor bu ting nge 'dzin pad+ma dang/ nor bu rin chen gtong ba'i dam tshig ma dang/ nor bu rin chen pad+ma rnams kyi'o/ /snying gar g.yon pa ral gri mdud ni nor bu dam tshig ma'i ral gri ma'i'o/ /mgal me'i 'khor lo bskor ba dang ni nor bu dam tshig gi 'khor lo ma'i'o/ /nor bu gnyis ka kha nas dbyung/ ni nor bu gsung ba'i mchog ma'i'o/ /rdo rje gar bskor bkrol ba yis/ /thal mo 'gram pa spyi bor bzhag /ni rin chen char 'bebs ma dang/ mchod pa chen po dam tshig ma dang/ nor bu rin chen char gyi dam tshig ma rnams kyi'o/ /go cha ni nor bu dam tshig bsrung ma'i'o/ /mthe chung mche ba ni rdo rje nor bu mche ba gtsigs pa ma'i'o/ /khu tshur gnyis ni mnan pa'o/ /nor bu dam tshig gi khu tshur gyi gzungs kyi las kyi phyag rgya'o/ /rin chen 'gyes pa'i tshul gyis ni/ /bsam ba g.yes pas mdud par bya ba ni rin chen sgeg mo'i gzungs kyi'o/ /phreng ba bcing dang ni rin chen phreng ba'i gzungs kyi'o/ /kha nas 'byung ni rin chen glu ma'i gzungs kyi'o/ /rin chen gar ni bskor ba yin/ /rin chen gar ma'i gzungs kyi'o/ /rin chen khu tshur tshul gyis ni/ /bdug pa la sogs de bzhin sbyin/ /sangs rgyas kun la mchod pa ni/ /phyag rgya'i mchod pa byed pa'o/ /mdzub mo'i lcags kyu bcing ba ni/ /mthe chung las te lcags kyu che/ /mkhrig ma 'dud
- 169a
la mdzub gnyis mdud/ /rgyab gnyis kyang ni bsnyams te mnan/ /rin po che ni nor bu'i rigs so/ /gsang ba'i phyag rgya ni gzungs kyi phyag rgya ste/ de'i dkyil 'khor gyi cho ga'i bye brag rgyas pa de rdzogs pa ni mthar thug pa'o/ /nor bu'i rigs kyi gzungs kyi dkyil 'khor gyi bshad pa rdzogs so// //de ltar dam tshig gi phyag rgya gtso bor gyur pa nor bu'i rigs kyi gzungs kyi dkyil 'khor des 'dul ba'i sems can rjes su gzung ba'i phyir bstan nas/ de ni chos kyi phyag rgya gtso bor gyur pa'i nor bu rigs kyi chos kyi dkyil 'khor gyis 'dul ba'i sems can gyi don gyi phyir de nas yang bcom ldan 'das zhes bya ba la sogs pa gsungs te/ de nas zhes bya ba ni de ma thag pa ste/ dang po sbyor ba'i ting nge 'dzin gyi rjes thogs la'o/ /'dir dang por sbyor ba'i ting nge 'dzin don thams cad grub pa'i dkyil 'khor chen po las bshad pa'i dang po sbyor ba lta bu nyid yin no/ /yang zhes bya ba ni nor bu'i rigs kyi gzungs kyi dkyil 'khor la bltos pas yang zhes bya ba smos so/ /bcom ldan 'das zhes bya ba ni rnam par snang mdzad do/ /de bzhin gshegs pa thams cad kyi dbang bskur ba zhes bya ba ni nor bu rin po che'i rigs so/ / de'i ye shes ni rnam par snang mdzad la sogs pa nas rin chen 'bebs pa'i mthar thug pa ste/ rang bzhin gyis ni 'od gsal ba/ /gdod nas dag pa mkha' dang mtshungs/ /byang chub med cing mngon rtogs med/ /byang chub tshul 'di bstan pa'o/ /zhes bya bar nges pa'o/ /de'i dam tshig ni bcom ldan 'das rnam par snang mdzad kyi nor bu rin chen gyi nang du gtogs pa'i chos kyi dkyil 'khor ro/ /de las byung ba'i 'phags pa nam mkha' i snying po'i thugs ka'i rdo rje nor bu rin
- 169b
po che gang yin pa de las byung ba de la de skad ces bya'o/ /des byin gyis brlabs pa ni dkyil 'khor bskyed pa'i nus pa dang ldan pa'i bya ba gang gis de la dmigs pa'i ting nge 'dzin gang yin pa de la ming de skad ces bya ba'i ting nge 'dzin de la snyoms par zhugs nas rang gi bdag nyid kyi rigs pa dam pa 'di zhes bya ba blo la gnas pa gsungs shing bshad pa'o/ /de nas phyag na rdo rjes don thams cad grub pa'i chos kyi dkyil 'khor sprul ba'i phyir dang/ rdo rje snying pos rin chen lta ba'i chos kyi dkyil 'khor sprul ba'i phyir dang/ rdo rje spyan gyis rin chen pad+ma'i chos kyi dkyil 'khor sprul ba'i phyir dang/ rdo rje sna tshogs kyis rin chen char 'bebs kyi chos kyi dkyil 'khor sprul ba'i phyir rang gi rig pa dam pa 'di rnams gsungs so/ /de nas bcom ldan 'das don thams cad grub pas rang gi snying ga'i rdo rje rin po che las chos kyi dkyil 'khor sprul nas/ de bzhin gshegs pa thams cad la snga ma bzhin yin no zhes shes par bya'o/ /de la de nas yang bcom ldan 'das zhes bya ba nas brtsams nas/ oM sarbba a b+hi She ka dz+nyA na hUM zhes bya ba'i bar gyi gzhung 'di tsam gyis nor bu chen po'i rigs kyi chos kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa gsungs pa yin no/ /de nas snga ma bzhin du bsdu ba dang byin gyis brlab pa la sogs pa ni nor bu'i rigs kyi chos kyi dkyil 'khor gyi las kyi rgyal po mchog ces bya ba'i ting nge 'dzin gsum pa yin par shes par bya'o/ /don thams cad grub pa'i dkyil 'khor chen po las bshad pa'i dngos grub rnams ni don thams cad grub pa'i dkyil 'khor du dam tshig dang dbang bskur bar thob pa rnams kyis bsgrub par bya'o/ /zhes bya ba'i don bstan pa'i phyir/ de nas byang chub sems
- 170a
dpa' sems dpa' chen po nam mkha' i snying po zhes bya ba la sogs pa'i gzhung gis slob dpon dang slob ma 'jug pa'i cho ga rgyas pa gsungs pa yin no/ /de nas zhes bya ba'i sgra ni snga ma bzhin no/ /'di zhes bya ba ni blo la gnas pa'o/ /rang gi rigs ni nor bu chen po'i rigs so/ /ye shes kyi dkyil 'khor chos kyi phyag rgya'i dkyil 'khor te de gsungs pa'o/ /de nas zhes bya ba'i sgra ni de ma thag pa'i don brjod pa ste/ sngon du bsnyen pa'i rjes thogs la'o/ /'di skad ston pa yin te/ don thams cad grub pa'i dkyil 'khor las bshad pa'i don thams cad grub pa'i rnal 'byor dang/ de las bshad pa'i rnal 'byor chen po byas la phyis chos kyi dkyil 'khor las bshad pa'i don thams cad grub pa'i phyag rgya chen po bcings te/ snga ma bzhin du sna'i rtse mor 'chad par 'gyur ba'i don thams cad grub pa'i phyag rgya bzhi pa'i dkyil 'khor las bshad pa'i cho gas chos kyi 'khor lo bsgom par bya'o/ /de nas chos kyi 'khor lo las bshad pa'i ting nge 'dzin rnam gsum bsgom pa'i phyir zhes bya bas zhag bdun chos kyi dkyil 'khor bsgom par bya'o/ /de nas de'i rjes la dkyil 'khor 'di bri bar bya'o/ /de nas zhes bya ba ni gtan tshigs ston pa ste/ gang gi phyir chos kyi dkyil 'khor du 'jug pa med na des 'dul ba'i sems can gyi khams rnams kyi mngon par 'dod pa'i dngos grub du mi 'gyur ba de bas na rab tu bshad par bya ba/ /ye shes dkyil 'khor dam pa ste/ /zhes bya'o/ /rdo rje dbyings dang 'dra ba la/ /zhes bya ba ni sprul ba'i chos kyi dkyil 'khor dang 'dra ba'o/ /rin chen ye shes zhes bshad do zhes bya ba ni bshad zin to/ /dkyil 'khor chen po'i tshul du ni zhes bya ba la don thams cad grub pa'i dbyibs su'o/ /dkyil 'khor thams
- 170b
cad srad bu bre/ /zhes bya ni de'i phyi rol nang? na de bzhin du 'di'i yang phyi rol dang nang gi dkyil 'khor bya'o/ /don thams cad grub pa'i dkyil 'khor chen por ji ltar rnam par snang mdzad la sogs pa bris pa de bzhin du 'dir yang bri bar bya'o/ / zhes de ltar bstan pa'i phyir/ chos kyi dkyil 'khor dam pa ste/ snying kha'i mtshan ma bri bar bya/ /zhes bya ba'o/ /'di ltar rdo rje dbyings kyi chos kyi dkyil 'khor du zla ba'i dkyil 'khor gyi steng du/ rdo rje rtse lnga pa de'i lte bar bcom ldan 'das rnam par snang mdzad la sogs pa nas bskal ba bzang po'i mthar thug pa rdo rje'i skyil mo krung gis bzhugs pa/ rang gi mtshan ma nas 'bras tsam gyi snying ga'i phyi rol du bsnams nas rdo rje bsdams pa bkan te/ skyil mo krung gi steng du bzhag pa de bzhin 'dir yang bri bar bya'o/ /de nas dkyil 'khor 'di'i ye shes kyi snying po 'di rnams so zhes bya ba ni rnam par snang mdzad la sogs pa'i ye shes kyi snying po ni 'di dag yin te/ ye shes kyi snying po de ston par byed pa'i sgra'i gzugs su bzhugs pa de dag bsgrub pas las thams cad sgrub par byed pa'i sngags yin no zhes bya ba'i don to/ /'di skad ston pa yin te/ oM sarbba ta thA ga ta a b+hi She ka dz+nyA ut+ta ma hUM/ zhes bya ba'i sngags 'dis rnam par snang mdzad la sogs pa nas nam mkha' i phyogs nas phab ste gzugs brnyan la gzhug pa 'am/ yang na 'dis bcom ldan 'das bri bar bya'o/ /oM badzra ma Ni hUM/ zhes bya ba ni rdo rje nor bu chen mo'i'o/ /oM badzra ratna a ku ra hUM/ zhes bya ba ni rdo rje rin chen myu gu ma'i'o/ /oM badzra ratna pad+ma hUM/ zhes bya ba ni rdo rje rin chen pad+ma'i'o/ /oM badzra ratna par sha hUM/ zhes bya ba ni rin chen char 'bebs ma'i'o/ /oM sarbba artha sid+d+hi dz+nyA na hUM/ zhes bya ba ni don thams cad grub pa'i'o/ /oM ma Ni dz+nyE na hUM/ zhes bya ba ni nor bu ma'i mtshan ma'i'o/ /oM
- 171a
ma Ni tsin h+na a gu sha zhes bya ba ni rin chen rgyal po ste/ de nas brtsams nas/ oM ma Ni dz+nyA na mu Shi hUM zhes bya ba'i bar du bris la nam mkha' phyogs nas phab ste rang gi phyogs su bzhag par bya'o/ /de nas don thams cad grub pa'i dkyil 'khor chen po las bshad pa'i rin chen sgeg mo la sogs pa nas rin chen char 'bebs pa'i bar gyi sngags kyis bzhag par bya'o/ /de'i rjes la bskal pa bzang po rnams kyi rang gi rig pas so/ /de nas dkyil 'khor 'dir cho ga rgyas pa ji lta ba bzhin byas nas/ zhes bya ba ni don thams cad grub pa'i dkyil 'khor chen po las bshad pa'i cho ga thams cad dang/ rang gi cho ga rjes su spyad la/ slob dpon gyis rang la byin gyis brlab pa la sogs pa bya'o/ /de nas rang gi ming nas brjod pa byas la/ dkyil 'khor thams cad rdo rje bsgrubs te/ de nas bsdu ba byas nas mtshan brgya rtsa brgyad pas bstod de/ sgo bzhir las bya ba dang/ bgegs bskrad pa la sogs pa dang/ mchod yon dang/ zhabs bsil dbul ba byas nas dam tshig gi phyag rgya rnams kyis rnam par snang mdzad la sogs pa bsgrubs te/ de nas chos dang las dang/ phyag rgya chen po rnams kyis rgyas btab la/ rdo rje rin chen gyi phyag rgyas rnam par snang mdzad la sogs pa dbang bskur te/ rdo rje rin po che myu gu don thams cad grub pa la sogs pa nor bu'i rigs thams cad la dbang bskur bar bya'o/ /de nas phyag bya ba dang/ mchod yon phul la / mchod pa thams cad kyis de bzhin gshegs pa la sogs pa thams cad yang dag par mchod la/ don thams cad grub pa'i dkyil 'khor chen po 'jug pa'i cho ga ji lta ba bzhin slob ma 'jug par bya'o zhes bya ba
- 171b
'dis ni cho ga rgyas pa ji lta ba bzhin du byas nas zhes bya ba'i sgra'i don yin no/ /slob ma la 'di skad bsgo bar bya ste/ zhes bya ba ni go sla'o/ /de nas cho ga thams cad rjes su spyad la/ nas 'bras tsam gyi rdo rje nor bu dang/ rdo rje nor bu rin po che'i dril bu byin nas don thams cad grub pa'i dkyil 'khor chen po las bshad pa'i slob ma'i cho ga thams cad bya ba yin no/ /slob dpon gyi las yin no/ /slob dpon gyi las dang slob ma 'jug pa'i cho ga rgyas pa'i gzhung tsam nyid kyis bshad pa yin no/ /de ltar slob dpon gyi las dang slob ma 'jug pa'i cho ga rgyas par bstan nas/ da ni don thams cad grub pa'i cho ga'i dkyil 'khor du dam tshig dbang bskur ba thob pa rnams la ji ltar mngon par 'dod pa'i de las gsungs pa'i dngos grub rnams slob dpon gyis bshad par bya'o /zhes bya ba'i don bstan pa'i phyir nor bu'i rigs kyi chos kyi ye shes bskyed par bya'o zhes bya ba gsungs so/ /nor bu'i rigs kyi chos kyi dkyil 'khor gyi ye shes ni nor bu'i chos kyi ye shes so/ /nor don du gnyer ba la sogs pa'i ngo bo de bskyed par bya'o/ /rdo rje snying po zhes bya ba ni don thams cad grub pa dang de'i rigs kyi gzugs so/ /ting nge 'dzin gyis ras sam/ rtsig pa 'am/ spang leb la sogs pa la de bris nas so/ /rtse gcig pa'i sems kyis bsgoms nas yang dang yang mngon du byed pa'o/ /don ni slar byas na zhes bya ba ni don thams cad grub pa la sogs pa 'jig rten las 'das pa 'am 'jig rten pa ste/ ji ltar mngon par 'dod pa'o/ /ji ltar bya zhes na byin cig /byin cig ces brjod ces bya ba smos te/ tshig gis brjod cing ngo/ /'di skad ston pa yin te/ ras sam rtsig pa 'am/ spang leb la sogs pa thams cad la chos kyi dkyil 'khor las bshad pa'i don thams
- 172a
cad grub pa'i phyag rgya chen po gzugs de 'am/ nor bu'i mtshan ma la sogs pa de'i rigs kyi gzugs bri bar bya'o/ /de nas de'i mdud du don thams cad 'grub pa'i dkyil 'khor chen po las bshad pa'i don thams cad grub pa'i rnal 'byor dang/ de'i rigs kyi rnal 'byor byas la phyis chos kyi dkyil 'khor las bshad pa de 'am de'i rigs kyi phyag rgya chen po bcings te/ chos kyi dkyil 'khor las gsungs pa'i sngags kyis de ras la sogs pa la bris la/ rdo rje snying po sprul te bsdu ba byas la mtshan brgya rtsa brgyad pas bstod de/ rin chen lcags kyu la sogs pas dgug pa dang/ gzhug pa dang/ bcing ba dang/ dbang du byas te/ phyag rgya bzhis rgyas btab nas dbang bskur te/ mchod pa thams cad kyis yang dag par mchod la phyag bzhi byas te/ phyis chos kyi dkyil 'khor las gsungs pa de 'am de'i rigs kyi phyag rgya chen po bcings la mngon par 'dod pa'i don bsgrub pa'i phyir/ byin cig byin cig ces bya ba lan gsum gsol ba gdab par bya'o/ /de nas/ oM de ti ba sarbba artha b+ha ga wan badzra garb+ha zhes zlos shing/ ji srid skyo bar ma gyur pa de srid kyi bar du bzlas par bya'o/ /de nas skyo bar gyur na/ snga ma bzhin du mtshan brgya rtsa brgyad pas bstod pa dang/ mchod pa dang/ phyag bya ba dang/ ji lta ba bzhin du gshegs su gsol bar bya'o/ /de ltar nyin re zhing thun bzhi'i sbyor ba byas pas ji srid du mngon sum lta bur gyur pa de srid du bsgoms na nyin re bzhin du thun bzhir bcom ldan 'das mthong bar 'gyur ro/ /zla ba nya la mtshan thog thag bsgoms na 'dod pa'i don thams cad grub par 'gyur/ ting nge 'dzin gyi ras sogs la/ /rdo rje snying po bris nas ni/ /bsgoms
- 172b
nas rin chen don 'byin zhes/ /tshig tu smra zhing gsol ba gdab/ /ces bya ba ni chos kyi dkyil 'khor las gsungs pa'i rin chen lta ba 'am de'i rigs kyi phyag rgya chen po ras la sogs pa la bris te/ de'i mdun du don thams cad grub pa'i dkyil 'khor chen po las bshad pa'i rin chen spyan nam/ de'i rigs kyi rnal 'byor byas la/ phyis chos kyi dkyil 'khor las bshad pa'i rin chen lta ba'am/ de'i phyag rgya chen po bcings te/ chos kyi dkyil 'khor las bshad pa'i rin chen lta ba'am/ de'i rigs kyi sngags brjod cing/ ji ltar ras la bris la rin chen lta ba'am/ de'i rigs sprul nas snga ma bzhin du cho ga thams cad rjes su spyad la dbang bskur ba'i rin po che la sogs pa ji ltar 'dod pa rnams mngon par 'dod pa'i don byin cig byin cig ces lan gsum gsol ba gdab par bya'o/ /de nas/ oM de hi sarbba ratna b+ha ga wan badzra garb+ha/ zhes bya ba'i snying po 'di zlos shing snga ma bzhin bsgrubs na dbang bskur ba la sogs pa'i rin po che thams cad thob par 'gyur ro/ /rdo rje snying po ras sogs la/ /zhes bya ba la sogs pa ni chos kyi dkyil 'khor las bshad pa'i rin chen pad+ma 'am/ de'i rigs kyi phyag rgya chen po ras la sogs pa rnams bri bar bya'o/ /de'i spyan sngar don tham cad grub pa las bshad pa'i bcom ldan 'das rin chen pad+ma 'am de'i rigs kyi rnal 'byor byas la/ phyis chos kyi dkyil 'khor las bshad pa'i de 'am de'i rigs kyi phyag rgya chen po bcings te/ chos kyi dkyil 'khor las gsungs pa'i bcom ldan 'das rin chen pad+ma 'am/ de'i rigs kyi rang gi sngags zlos shing sprul pa snga ma bzhin du cho ga thams cad rjes su spyad la/ yang chos kyi dkyil 'khor las bshad pa'i bcom ldan 'das rin chen pad+ma 'am/ de'i rigs kyi phyag rgya
- 173a
chen po bcings te rin po che pad+ma la sogs pa ting nge 'dzin gyi chos kyi ye shes byin cig ces lan gsum gsol ba gdab par bya'o/ /de nas/ oM de hi sarbba d+harmmA b+ha ga wAn badzra garb+ha zhes zlas shing/ snga ma bzhin tu bsgrubs na rin chen pad+ma la sogs pa'i ting nge 'dzin thob cing grub par gyur nas rin chen pad+ma la sogs pa dang 'dra bar 'gyur ro/ /rdo rje snying po ras sogs la/ /mnyam par gzhag pas bris nas kyang/ /zhes bya ba ni chos kyi dkyil 'khor las gsungs pa'i rin chen char 'bebs sam de'i rigs kya phyag rgya chen po rnams ras la sogs pa rnams la bri bar bya'o/ /de nas de'i spyan sngar don thams cad grub pa'i dkyil 'khor chen po las bshad pa'i rin chen char 'bebs sam/ de'i rigs kyi rnal 'byor byas la/ phyis chos kyi dkyil 'khor las bshad pa'i rin chen char 'bebs dang de'i rigs kyi phyag rgya chen po bcings te/ chos kyi dkyil 'khor las gsungs pa'i rang gi sngags kyis rin chen char 'bebs dang de'i rigs rnams ji ltar ras la bris pa la sprul pa la/ snga ma bzhin du cho ga thams cad rjes su spyad de/ rin chen char 'bebs dang de'i rigs rnams yang dang yang mngon du byas te/ rtse gcig pa'i sbyor bas snyoms par zhugs la/ rin chen char 'bebs la sogs pa'i dam pa'i las byin cig phyin cig ces bcom ldan 'das la lan gsum gyi bar du gsol ba gdab par bya'o/ /de nas oM de yis sad karmmA b+ha ga wan badzra garb+ha zhes zlos shing snga ma bzhin du bsgrub par bya'o/ /de nas rin chen char 'bebs la sogs pa'i las dam pa byed pa 'grub par 'gyur ro/ /nam mkha' i phyogs sam phyogs gzhan du/ zhes bya ba la sogs pa la snga ma bzhin du sbyor ba rnam pa bzhi
- 173b
po nyid kyis bya'o/ /khyad par ni 'di yod 'di bri ba spangs pa'o/ /rdo rje snying po snying gar bris/ /zhes bya ba la sogs pa ni don thams cad grub pa'i dkyil 'khor chen po las bshad pa'i don thams cad grub pa'am/ de'i rigs kyi rnal 'byor byas la/ phyis chos kyi dkyil 'khor las gsungs pa'i don thams cad grub par sprul pa'am de'i rigs kyi phyag rgya chen po bcings te/ oM h+ri da ya b+ha ga ba di h+ri da nA ma/ zhes bya ba'i snying po 'dis rang gi snying kha'i zla ba la chos kyi dkyil 'khor las bshad pa'i don thams cad grub pa 'am de'i rigs kyi gzugs su sprul la 'di brjod cing nyin re bzhin du thun bzhi'i sbyor bas ji srid du snying gar 'gul bar 'gyur/ /de srid kyi bar du bsgom par bya'o/ /de nas bcom ldan 'das rdo rje snying pos de'i rang gi ting nge 'dzin la sogs pa'i nor bu'i dngos grub ster bar 'gyur ro/ /rdo rje snying po dpral bar ni/ /bris te rnam par bsgoms nas kyang/ /zhes bya ba la sogs pa ni don thams cad grub pa'i dkyil 'khor las bshad pa'i bcom ldan 'das rin chen lta ba dang/ de'i rigs kyi rnal 'byor byas la/ phyis chos kyi dkyil 'khor las bshad pa'i de 'am de'i rigs kyi phyag rgya chen po bcings te/ rang gi dpral bar oM ratna a b+hi She ka a b+hi Shiny+tsa/ zhes bya bas bcom ldan 'das rin chen lta ba dang/ de'i rigs rnams sprul la/ de nyid kyi snying po brjod cing snga ma bzhin du ji srid mgo bo 'gul bar gyur pa de srid kyi bar du bsgom par bya'o/ /de nas rin chen lta ba la sogs pa'i dbang bskur ba'i rnal 'byor des 'grub cing thob par 'gyur ro/ /rdo rje snying po khar bcug la/ /de nyid du ni bsgoms nas kyang/ /zhes bya ba la sogs pa'i don thams cad grub pa'i dkyil 'khor chen po las bshad pa'i rin chen pad+ma 'am/ de'i rigs kyi rnal
- 174a
'byor byas la/ phyis chos kyi dkyil 'khor las gsungs pa de 'am/ de'i rigs kyi phyag rgya chen po bcings te/ rang gi lce la rin chen pad+ma dang/ de'i rigs kyi snying po 'di bsam par bya'o/ /oM b+ha ga ratna b+ha sid+d+ha/ de nas snying po 'di brjod cing/ sngags bshad pa'i tshul gyis ji srid du/ kha rang bye bar gyur pa de srid kyi bar du bsgom par bya'o/ /kha rang gi ngang gis bye bar gyur to/ /zhes bya ba'i don to/ /de rnal 'byor pa so so yang dag par rig pa bzhi thob par 'gyur ro/ /de nyid ni gang tshe de nyid byed gyur ba/ /de tshe de ni dag grub po/ /zhes gsungs so/ /rdo rje snying po bdag spyi bor/ /rab tu bzhag ste bsgoms nas kyang/ /zhes bya ba la sogs pa ni don thams cad grub pa'i dkyil 'khor chen po las bshad pa'i rin chen char 'bebs sam de'i rigs kyi rnal 'byor byas la/ phyis chos kyi dkyil 'khor las bshad pa de'i rigs kya phyag rgya chen po bcings te/ chos kyi dkyil 'khor las bshad pa'i bcom ldan 'das rin chen char 'bebs sam de'i rigs kyi gzugs/ oM ratna garb+ha uSh+Ni Sha A karSha gats+tsha zhes bya ba'i snying po 'dis rang gi spyi bor bsam par bya'o/ /de nas 'di nyid zlos shing sngar bshad pa'i tshul gyis ji srid du 'bar bar gyur pa de srid kyi bar du bsgom par bya'o/ /de nas skad cig ma de nyid la nam mkha' i snying por 'gyur ro/ /de nyid ni gang tshe de nyid 'bar 'gyur ba/ /de tshe 'phang du lding bar 'gyur/ /zhes gsungs so/ /rdo rje snying po phyag rgya che/ /mnyam par gzhag pa bsgoms pa ni/ /zhes bya ba la sogs pa la don thams cad grub pa'i dkyil 'khor chen po las bshad pa'i don thams cad grub pa'am/ de'i rigs kyi rnal 'byor byas la/ phyis chos kyi dkyil 'khor las bshad pa'i de nyid dam/
- 174b
de'i rigs kyi phyag rgya chen po bcings te/ chos kyi dkyil 'khor las bshad pa'i rang gi sngags kyi mdun du bcom ldan 'das don thams cad grub pa'am/ de'i rigs sprul la snga ma bzhin du bsdu ba la sogs pa cho ga thams cad rjes su spyad la/ a li ratna zhes brjod cing/ bcom ldan 'das dngos grub bdag la gsol cig ces lan gsum gsol ba gdab par bya'o/ /de nas oM i li zhes bya ba'i snying po brjod cing snga ma bzhin du gang gi tshe don thams cad grub pa la sogs pa'i dngos grub 'grub par 'gyur ro/ /nam mkha' i snying po'i dam tshig ni/ mnyam par gzhag pas bcings nas kyang/ /zhes bya ba la sogs pa la snga ma bzhin du rin chen lta ba dang/ de'i rnal 'byor byas la/ phyis chos kyi dkyil 'khor las gsungs pa de 'am de'i rigs kyi dam tshig gi phyag rgya bcings te/ de nas bcom ldan 'das rin chen lta ba dang/ de'i rigs rnams kyi chos kyi dkyil 'khor las gsungs pa'i sngags kyis mdun du sprul la/ snga ma bzhin du bsdu ba la sogs pa'i cho ga rjes su spyad la/ yang chos kyi dkyil 'khor las gsungs pa de 'am de'i rigs kyi dam tshig gi phyag rgya bcings te/ mi li ratna zhes lan gsum brjod cing/ rin chen lta ba la sogs pas dbang bskur bar gsol ba gdab par bya'o/ /de nas oM mi li zhes snying po brjod cing/ snga ma bzhin du gang gi tshe bsgoms pa de'i tshe rin chen lta ba la sogs pa'i dbang bskur ba thob par 'gyur ro/ /rdo rje snying po ting 'dzin dang/ /mnyam par gzhag par bsgoms nas ni/ zhes bya ba ni snga ma bzhin du rin chen pad+ma dang/ de'i rigs kyi rnal 'byor byas la phyis chos kyi dkyil 'khor las bshad pa de 'am/ de'i rigs kyi phyag rgya bcings te/ chos kyi dkyil 'khor gyi sngags kyi bcom ldan 'das rin chen
- 175a
pad+ma 'am/ de'i rigs rnams mdun du sprul la/ snga ma bzhin du bsdu ba la sogs pa'i cho ga byas nas/ tsi li ratna zhes lan gsum brjod cing/ rin chen pad+ma la sogs pa'i chos kyi ting nge 'dzin gyi chos stsol gcig ces bcom ldan 'das la gsol ba gdab par bya'o/ /de nas rtsi li zhes bya ba'i snying po brjod cing/ snga ma bzhin gang gi tshe bsgoms par gyur pa de'i tshe rin chen pad+ma la sogs pa'i ting nge 'dzin gyi chos thob par 'gyur ro/ /nam mkha' i snying po las kyi mchog /mnyam par gzhag pa bcings nas ni/ /zhes bya ba la sogs pa la snga ma bzhin rin chen char 'bebs dang/ de'i rigs kyi rnal 'byor byas la/ phyis chos kyi dkyil 'khor las gsungs pa de 'am de'i rigs kyi chos kyi phyag rgya bcings te/ chos kyi dkyil 'khor las gsungs pa'i sngags kyis rin chen char 'bebs dang/ rigs rnams mdun du sprul la/ snga ma bzhin du cho ga thams cad rjes su spyad nas/ yang chos kyi dkyil 'khor las bshad pa'i bcom ldan 'das rin chen char 'bebs sam/ de'i rigs rnams kyi las kyi phyag rgya bcings la/ bcom ldan 'das rin chen char 'bebs la sogs pa la/ kI li ratna zhes lan gsum brjod cing/ rin po che thams cad slong ba'i gsol ba gdab par bya'o/ /de nas kyi li zhes bya ba'i snying po brjod cing/ snga ma bzhin du gang gi tshe bsgoms par gyur pa de'i tshe rin chen char 'bebs la sogs pa'i rin po che thams cad thob par 'gyur ro/ /de nas zhes bya ba ni de ma thag pa ste/ nor bu'i ye shes ni nor bu chen po'i rigs kyi ye shes kyi dkyil 'khor ro/ /gsang ba'i phyag rgya ni rdo rje snying po'i mdun du na gnas pa dang lhan cig tu gyur par lhag par mos pa'o/ /de'i ye shes ni nges pa ste/ de
- 175b
bslab pa'o/ /dbang po gnyis ni mnyam sprad nas/ /zhes bya ba ni bshad zin to/ /de sbyar byas nas rdo rje snying po dang nam mkha' i snying po bsgoms te/ yang dang yang du bya'o/ /gang du zhe na/ nam mkha' i phyogs sam phyogs gzhan du/ /zhes bya ba smos so/ / ci zhig thob par 'gyur zhe na/ dngos grub mchod ni thob par 'gyur/ /zhes bya ba bsnos te/ mchog nam mkha' i snying po thob par gyur pa'o/ /'di skad ston pa yin te/ snga ma bzhin du dkyil 'khor chen po las bshad pa'i don thams cad grub pa 'am/ nor bu mtshan ma la sogs pa de'i rigs kyi rnal 'byor byas la phyis chos kyi dkyil 'khor las bshad pa'i don thams cad grub pa 'am de'i rigs kyi phyag rgya chen po bcings te/ chos kyi dkyil 'khor las bshad pa'i sngags kyis bcom ldan 'das mdun du sprul te bsdu ba la sogs pa'i cho ga snga ma bzhin du rjes su spyad la/ yang chos kyi dkyil 'khor los bshad pa'i don thams cad grub pa 'am de'i rigs kyi phyag rgya chen po bcings te/ A ka sha gu hya dz+nyA na sA d+ha ya hUM/ zhes brjod cing/ bcom ldan 'das don thams cad grub pa'am de'i rigs dang lhan cig tu dbang po gnyis mnyam par sbyor ba rgyun mi 'chad par bsgoms nas sngar bshad pa'i tshul gyis ji srid mngon sum du mngon par gyur pa de srid du bsgom par bya'o/ /de nas mtshan thog thag bsgoms na de'i rjes la bcom ldan 'das nam mkha' i snying po mngon sum du byon nas bsgrub pa po'i lus la zhugs par gyur pa dang/ de nas bsgrub pa po de dang 'dra bar 'gyur ro/ /dbang po gnyis ni mnyam sbyar na/ /zhes bya ba ni snga ma bzhin no/ /gzhi la ri mo dris pa bzhin/ /zhes bya ba ni ras sam/ rtsig pa 'am/ spang leb la bri ba'o/ /'di skad ston pa yin te/ chos kyi dkyil 'khor las bshad pa'i rin chen lta
- 176a
ba dang/ de'i rigs kyi lha'i gzugs rnams ras la sogs pa la bris te/ mdun du bzhag la snga ma bzhin du sngon thams cad grub pa'i dkyil 'khor chen po las bshad pa'i rin chen lta ba 'am de'i rigs kyi rnal 'byor byas la/ phyis chos kyi dkyil 'khor las bshad pa de 'am de'i rigs kyi phyag rgya chen po bcings te/ chos kyi dkyil 'khor las gsungs pa'i sngags kyis rin chen lta ba 'am de'i rigs ras la sogs pa la ji lta ba bzhin du bris pa'i gzugs la sprul te/ bsdu ba la sogs pa'i cho ga thams cad rjes su spyad de/ bid tra gu hya dz+nyA na a b+hi ShIny+tsa hUM/ zhes brjod cing snga ma bzhin du des ras la sogs pa dang lhan cig tu mnyam par sbyor ba bsgoms la/ sngar bshad pa'i cho gas ji srid mngon sum lta bur mthong bar gyur pa de srid kyi bar du bsgom par bya'o/ /de nas bsgrubs na de bzhin du 'grub par 'gyur na/ de'i rjes la rin chen spyan la sogs pa'i dbang bskur ba thob par 'gyur ro/ /rdo rje snying po bsgoms nas ni/ /dbang po gnyis ni mnyam sbyar la/ /zhes bya ba la sogs pa ni snga ma bzhin no/ /sdug pa de dag gang gtses pa/ /zhes bya ba ni rin chen pad+ma la sogs pa dang/ rdo rje snying pos gang gtses pa'o/ /rin chen pad+ma la sogs pa nyid kyi chos kyi phyag rgya'i rang bzhin dang/ rdo rje snying po gtse zhing bsgrub par byed pa'o/ /de skad du yang/ gtse ba bsgrub par 'dod pa yin/ /zhes gsungs so/ /'jig rten kun gyis de dgar byed/ /ces bya ba ni sems can khams thams cad rin chen pad+ma la sogs pa bsgrub cing rang rig ces de dga' bar byed pa'o/ /'di skad ston pa yin te/ don thams cad grub pa'i dkyil 'khor chen po las bshad pa'i rin chen pad+ma dang/ gtong ba ting nge 'dzin ye shes
- 176b
kyi snying po la sogs pa de'i rigs kyi rnal 'byor byas la/ phyis chos kyi dkyil 'khor las bshad pa'i rin chen pad+ma dang/ de'i rigs kyi chos kyi phyag rgya bcings te/ de nas chos kyi dkyil 'khor las bshad pa'i rang gi rigs kyis bcom ldan 'das rin chen pad+ma dang/ de'i rigs rnams sprul la bsdu ba la sogs pa'i cho ga byas te/ bcom ldan 'das rin chen pad+ma dang/ de'i rigs rnams dang lhan cig tu gyur par bsgom zhing/ pri ya a nu smri te dz+nyA na gu hya sarbba ka laM ma Ni ra ya hUM zhes bya ba 'dis brjod par bya'o/ /de nas snga ma bzhin du mtshan thog thag bsgoms na rin chen pad+ma la sogs pa'i 'jig rten kun gyis de dga' bar byed par 'gyur ro/ /nam mkha' kun gyi rdul dbyibs kyi/ /zhes bya ba ni nam mkha' yin la thams cad kyang de yin pas phyogs bcu'i nam mkha' kun gyis rdzab kyi dngos po'i rang bzhin no/ /de la rdul ni nam mkha' kun gyi rdul gyi tshogs te/ de'i dbyibs can ni nam mkha' kun gyi rdul gyi tshogs te/ de'i dbyibs can ni nam mkha' kun gyi rdul gyi dbyibs dang lhan cig pa'o/ /nam mkha' i khams thams cad rdul phra rab ji snyed pa'i tshogs de dang de ni nam mkha' snying po'i gzugs brnyan du bsams nas/ de nas de dang lhan cig tu gyur bar bsgom par bya'o/ /de ltar gyur pas ci zhig tu 'gyur zhe na/ nam mkha' kun gyi rdul gyi dbyibs kyi zhes bya ba smos te/ rin chen char 'bebs la sogs pa thams cad grub pa de'i sgrub pa por 'gyur ro/ /zhes bya ba'i don to/ /de'i don ni 'di skad ston pa yin te/ snga ma bzhin du don thams cad grub pa'i dkyil 'khor chen po las bshad pa'i cho gas rin chen char 'bebs dang/ de'i rigs nor bu'i mchod pa la sogs pa de las bshad pa'i rnal 'byor byas la/ phyis chos kyi dkyil
- 177a
'khor las gsungs pa'i rin chen char 'bebs sam/ de'i rigs kyi phyag rgya chen po bcings te/ de nas chos kyi dkyil 'khor las bshad pa'i rang gi sngags kyis rin chen char 'bebs sam/ de'i rigs mdun du sprul la/ snga ma bzhin du bsdu pa la sogs pa'i cho ga thams cad rjes su spyad nas chos kyi dkyil 'khor las gsungs pa'i rin chen char 'bebs sam/ de'i rigs kyi las kyi phyag rgya bcings te/ sarbba gu hye dz+nyA na sarbba sid+d+ha me pra ba ts+tsha hUM/ zhes brjod cing/ bcom ldan 'das rin chen char 'bebs sam/ de'i rigs rnams dang lhan cig tu gyur pa nyin re zhing thun bzhi'i sbyor bas bsgoms la ji srid du nyin re bzhin thun bzhir mngon sum du mthong bar gyur pa de srid kyi bar du bsgom par bya'o/ /de nas 'jig rten gyi khams thams cad kyi rdul phra rab kyi tshogs de'i rang bzhin du rnam par bsams te/ 'jig rten gyi khams thams cad kyi rdul phra rab kyi tshogs dang mnyam pa'i rin chen char 'bebs kyi dbyibs sam de'i rigs kyi dbyibs su lhan cig mnyam par sbyor zhing/ ji srid bdag nyid de'i rang bzhin du mthong bar gyur pa de srid kyi bar du bsgom par bya'o/ /de nas rin chen char 'bebs la sogs pa thams cad grub par de 'gyur ro/ /de ltar dngos grub kyi bye brag rnam pa nyi shu bstan nas da ni don thams cad grub pa'i chos kyi dkyil 'khor las bshad pa'i dngos grub rnams don thams cad grub pa'i dkyil 'khor chen po las bshad pa'i lha'i rnal 'byor byas la/ phyis chos kyi dkyil 'khor las bshad pa'i phyag rgya chen po la sogs pa bcings la/ chos kyi dkyil 'khor gyi lha rnams phyag rgya bzhis rgyas btab nas dkyil 'khor dang por bsgrub par bya'o/ /zhes
- 177b
bya ba'i don bstan pa'i phyir/ de nas zhes bya ba la sogs pa gsungs so/ /de nas zhes bya ba ni dngos grub kyi ye shes bstan pa'i rjes thogs la'o/ /phyag rgya chen po 'di ji lta ba bzhin bcing bar bya'o zhes bya ba ni bris pa dang rjes su mthun par 'gyur ro/ /ji ltar bri ba'i cho gar phyag rgya chen po'i mtshan nyid bshad pa de bzhin du 'dir yang rnam par snang mdzad nas brtsams te/ bskal pa bzang po'i bar du phyag rgya chen po bcing bar bya'o zhes bya ba'i don no/ / dngos grub kyang de dang 'dra'o/ /zhes bya ba ni rdo rje dbyings kyi chos kyi dkyil 'khor ci 'dra ba'i phyag rgya chen po bshad pa de 'dra ba 'dir yang yin no/ /de nas rdo rje nor bu bcings la rdo rje ye shes kyi dkyil 'khor gyi tshul du bzhag par bya'o/ / zhes bya ba ni rdo rje bsdams pa las mdzub mo gnyis kyi rgyab bskums nas mthe bo gnyis rdo rjer bcings pa 'di ni rdo rje nor bu'i phyag rgya'o/ /'di bcings nas rdo rje dbyings kyi dkyil 'khor gyi tshul gyis ji lta ba bzhin gyi/ gnas rnams su bzhag par bya'o/ /de bzhin du nor bu'i mtshan ma la sogs pa nas nor bu'i khu tshur gyi mthar thug pa'i dam tshig gi phyag rgyar yang 'gyur ro/ /de la rdo rje ye shes kyi dkyil 'khor gyi tshul du zhes bya ba 'di yin te/ skyil mo krung 'dug gan rkyal du/ /g.yas gcus de bzhin slar gcus pa/ /snying gar gnas pa bzhi pa ste/ /zhes bya ba ni nor bu'i mtshan ma la sogs pa'i dkyil 'khor ro/ /dpral bar bzhag dang ltag pa dang/ /phrag par yang ni dgod par bya/ /khar bzhag snying gar ral gri dang/ /snying gar rgyas dang kha nas dbyung/ /spyi bo thod kha khar bzhag pa/ /mdzub mo gnyis bkug mdun de bzhin/ /zhes bya ba'o/ /lhag ma rnams ni dkyil 'khor chen po las bshad pa'i
- 178a
dam tshig gi phyag rgya nyid yin par shes par bya'o/ /hUM rnam par snang mdzad kyi chos kyi phyag rgya'o/ /sa ni rdo rje nor bu ma dang/ nor bu'i mtshan ma dang/ don thams cad grub pa'i gnas rnams kyi'o/ /rin chen rgyal po'i'o/ /yi ger ni cho ga drag spangs pa ni rin chen chags pa'i'o/ /sa ni rin chen legs pa'i'o/ /ra ni rin chen spyan dang/ de bzhin gshegs pa thams cad kyi phreng ba'i dbang bskur ba dang rdo rje rin chen myu gu ma'i'o/ /te ni nor bu gzi brjid kyi'o/ /ke ni nor bu dpal gyi'o/ /ha ni nor bu bzhad pa'i'o/ /daM ni nor bu pad+ma dang/ gtong ba ting nge 'dzin ye shes kyi snying po dang/ rdo rje rin chen pad+ma rnams kyi'o/ /ti ni rin chen mgon pa'i'o/ /hi ni nor bu 'khor lo'i'o/ /b+ha ni nor bu gsung ba'i'o/ /ka ni rin chen char 'bebs dang/ nor bu'i mchod pa dang/ rin chen rgyun ma rnams kyi'o/ /ra ni nor bu bsrung ba'i'o/ /ya ni nor bu gnod sbyin gyi'o/ /ma ni nor bu khu tshur gyi chos kyi phyag rgya'o/ /lhag ma rnams ni don thams cad grub pa'i dkyil 'khor chen po las bshad pa nyid yin no/ /mdor na las kyi phyag rgya ni/ /gnas ji bzhin par bzhag par bya'o/ /nor bu chen po'i rigs kyi chos kyi dkyil 'khor las bshad pa'i nor bu'i khu tshur gyi dam tshig gi phyag rgya bcings te/ gnyis su byas nas don thams cad grub pa'i dkyil 'khor chen po las bshad pa'i tshul gyis rnam par snang mdzad nas brtsams nas rin chen 'bebs pa'i mthar thug pa'i phyag rgya bcing bar bya'o zhes bya ba'i don to/ /don thams cad grub pa'i chos kyi dkyil 'khor gyi bshad pa rdzogs so// //de ltar chos kyi phyag rgya gtso bor gyur pa nor bu'i rigs kyi chos kyi dkyil 'khor bstan nas/
- 178b
da ni las kyi phyag rgya gtso bor gyur pa des 'dul ba'i sems can rjes su gzung ba'i phyir nor bu chen po'i rigs kyi las kyi dkyil 'khor ni/ de nas yang bcom ldan 'das zhes bya ba la sogs pa gsungs te/ de nas zhes bya ba'i sgra ni de ma thag pa ste/ dang po sbyor ba'i ting nge 'dzin zhes bya ba'i rjes thogs la'o/ /'dir dang po sbyor ba'i ting nge 'dzin ni don thams cad grub pa'i dkyil 'khor chen po las bshad pa'i dang po sbyor ba nyid yin no/ /yang zhes bya ba ni nor bu chen po'i rigs kyi chos kyi dkyil 'khor la ltos pas na yang zhes bya ba smos so/ /bcom ldan 'das ni rnam par snang mdzad do/ /de bzhin gshegs pa thams cad kyi dbang bskur ba'i las ni bcom ldan 'das rnam par snang mdzad kyi nor bu chen po'i rigs kyi las kyi dkyil 'khor te/ de nyid kyi dam tshig de las byung ba ni rdo rje snying po'i thugs ka'i rdo rje rin po che gang las byung ba de la de skad ces bya'o/ /nges byin gyis brlabs pa'i ting nge 'dzin gang yin pa de la snyoms par zhugs shing mngon du mdzad nas 'di bstan pa ni rang rig pa dam pa 'di gsungs shing bshad pa'o/ /don thams cad grub pa'i las kyi dkyil 'khor de las byung zhing bskyed pa'i las kyi rgyur gsungs pa'o/ /de ltar phyag na rdo rjes don thams cad grub pa'i rigs bskyed pa'i rgyur gyur pa rig pa dam pa gsungs pa dang/ de bzhin rdo rje snying pos rin chen spyan gyi rigs bskyed pa'i rgyur gyur pa'i rig pa dam pa 'di gsungs pa dang/ rdo rje lta bas rin chen pad+ma'i rigs bskyed pa'i rgyur gyur pa'i rig pa dam pa gsungs pa dang/ rdo rje sna tshogs dang rin chen char 'bebs kyi rigs bskyed pa'i rgyur gyur pa'i rig pa dam pa 'di gsungs so/ /de dag 'phags pa nam mkha' i snying pos rang gi thugs ka na gnas pa'i rdo rje rin chen las thams cad kyi bdag nyid kyi
- 179a
dkyil 'khor sprul nas snga ma bzhin du de bzhin gshegs pa thams cad la phul ba yin par shes par bya'o/ /de la de nas yang bcom ldan 'das zhes bya ba nas brtsams te/ oM bi shwa a b+hi She ke zhes bya ba'i gzhung 'di tsam gyis nor bu chen po'i rigs kyi las kyi dkyil 'khor gyi dkyil 'khor rgyal po mchog ces bya ba'i ting nge 'dzin gnyis pa bstan to/ /de nas snga ma bzhin du bsdu ba dang byin gyis brlab pa ni nor bu chen po'i rigs kyi las kyi rgyal po mchog ces bya ba'i ting nge 'dzin gsum pa yin par shes par bya'o/ /de nas zhes bya ba la sogs pa ni bshad zin to/ /de nas rab tu bshad bya ba/ zhes bya ba ni sngon du bsnyen pa'i rjes thogs la las kyi dkyil 'khor gyis 'dul ba'i sems can rjes su gzung ba'i phyir las kyi dkyil 'khor dam pa'o/ /nor bu chen po'i rigs kyi las kyi dkyil 'khor dam pa ni gtso bo'o/ /rdo rje dbyings ni 'dir sprul pa'i las kyi dkyil 'khor dang mtshungs pas na / rdo rje dbyings dang 'dra ba'o/ /rin chen zhes bya ba ni rnam par snang mdzad la sogs pa nas rin chen 'bebs pa'i mthar thug pa ni rin po che'i rigs so/ /dgos pa ni rin po che'i dgos pa'o/ /sems can thams cad kyi bsam pa yongs su rdzogs pa'i las ni sangs rgyas mchod pa'i las dang de bshad pa'i grags pa'o/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa'i rnal 'byor dang/ de las bshad pa'i rnal 'byor chen po byas la phyis las kyi dkyil 'khor las 'chad par 'gyur ba'i phyag rgyas btab la don thams cad grub pa'i phyag rgya bzhi pa'i dkyil 'khor gyi rigs kyi snying po lngas rang gi snying gar sprul la /
- 179b
'chad par 'gyur ba'i rig pas go rim bzhin du bzhag ste/ las kyi dkyil 'khor gyi ji lta ba'i rig pa re re zhing yang khri khri bzlas bar bya'o/ /de ltar byas nas phyis nor bu'i rigs kyi dkyil 'khor las gsungs pa'i ting nge 'dzin gsum zhig bdun bsgom par bya'o/ /de nas dkyil 'khor 'dir bri bar bya'o/ /ji ltar srad bu bri par bya zhe na/ dkyil 'khor chen po'i tshul du ni/ /dkyil 'khor thams cad srad bu bre/ /zhes bya ba smos te/ don thams cad grub pa'i dkyil 'khor chen po'i dbyibs kyi tshul gyis 'di'i phyi dang nang gi thig gdabs par bya'o/ /de'i dbus su tshul bzhin du/ zhes bya ba ni de bris pa'i rjes thogs nyid la don thams cad grub pa'i dkyil 'khor las bshad pa bri ba'i cho gas bcom ldan 'das rnam par snang mdzad bris pa bzhag par bya'o/ /sems dpa' chen po'i tshul gyis ni/ /rin chen mchod pa rnams bri'o/ /zhes bya ba nor bu'i mtshan ma la sogs pa nas nor bu 'bebs pa la mthar thug pa'i nor bu'i sems dpa' rnams don thams cad grub pa'i dkyil 'khor chen po bzhin du bri bar bya'o/ /de ltar nor bu'i mtshan ma 'dzin pa la sogs pa nas nor bu 'bebs pa'i mthar thug pa de dag rig pa rnams kyis bri bar bya'o zhes bya ba'i tha tshig go /de'i don ni 'di skad ston pa yin te/ /oM badzra ratna pU dza A g+h+ra zhes bya ba'i rig pa 'dis rnam par snang mdzad rang gi gnas su bzhag par bya'o/ /oM ma Ni sa ma ya hUM/ zhes bya ba ni rdo rje nor bu chen mo'i phyag rgya'o/ /oM ma Ni ratna a b+hi She ka mA la hUM/ zhes bya ba ni rdo rje rin chen myu gu ma'i 'o/ /oM ma Ni ratna padme hUM/ zhes bya ba ni nor bu rin chen pad+ma'i 'o/ /oM ma Ni pra bre sha sa ma ya hUM/ zhes bya ba ni nor bu rin chen char 'bebs ma'i 'o/ /oM sarbba artha sid+d+hi pra ka ratna a b+hi She ka hUM/ zhes bya ba ni bcom ldan 'das don thams cad grub
- 180a
ba'i 'o/ /oM badzra ma Ni d+ha ra ni sa ma ye hUM/ zhes bya ba ni nor bu mtshan ma'i rdo rje nor bu gzugs kyi mtshan ma rig pa'o/ /oM ma Ni ratna A karSha sa ma ya hUM/ zhes bya ba ni rin chen rgyal po'i nor bu'i rin chen 'gugs ma'i 'o/ /oM ma Ni ratna rA ga ra ti? ka ra dU tsa pra ma ta ya hUM/ zhes bya ba ni nor bu chags pa'i nor bu rin chen chags shing dga' ma'i 'o/ /oM ma Ni ratna sA rU ka ra pU dza sa ma ye hUM/ zhes bya ba ni nor bu legs pa'i nor bu rin chen legs par byed ma'i'o/ /oM ma hA ma Ni ratna traSh+Ti A karSha zhes bya ba ni bcom ldan 'das rin chen lta ba ma'i'o/ /oM ma Ni ratna mA la pU dze/ zhes bya ba ni de bzhin gshegs pa thams cad kyi dbang bskur ba'i nor bu rin chen phreng ba ma'i'o/ /oM ma Ni ratna sUrya a lo ka pU dza/ zhes byas ba ni nor bu rin chen nyi ma snang ma ma'i'o/ /oM ma Ni ratna b+hA dza pU dze/ zhes bya ba ni nor bu dpal gyi nor bu rin chen rgyal mtshan dpal gyi'o/ /oM ma Ni a tya hA sya pU dze/ zhes bya ba ni nor bu rin chen bzhad pa ma'i 'o/ /oM pad+ma ma Ni sa ma d+hi sa ma ye hUM zhes bya ba ni bcom ldan 'das rin chen pad+ma'i'o/ /oM sarbba te ka a nu smri te sa ma d+hi karma gi ri hUM/ zhes bya ba ni gtong ba ting nge 'dzin ye shes kyi snying po gtong ba thams cad rjes su dran pa'i ting nge 'dzin gyi spyod pa'i 'o/ /oM ma Ni ratna tIk+Sha Na sa ma ya ts+tshinda ts+tshinda hUM/ zhes bya ba ni rin chen rnon po'i 'o/ /oM ma Ni ratna tsakra sa ma ye hUM zhes bya ba nor bu 'khor lo'i nor bu rin chen 'khor lo dam tshig gi'o/ /oM ma Ni ratna b+ha Sha ba d+ha ba d+ha hUM/ zhes bya ba nor bu gsung ba'i nor bu rin chen gsung ba ma'i 'o/ /oM ma Ni ratna wa ra Sha ni hUM/ zhes bya ba ni bcom ldan 'das rin chen char 'bebs kyi'o/ /oM ma Ni ratna karma ni hUM zhes bya ba ni nor bu mchod pa'i nor bu rin chen
- 180b
las ma'i'o/ /oM ma Ni ratna ka ba tse rak+Sha haM zhes bya ba ni nor bu bsrung ba'i go cha ma'i 'o/ /oM ma Ni ratna daMSh+Te kha da kha da hUM/ zhes bya ba ni nor bu gnod sbyin gyi nor bu mche ba'i lha mo'i 'o/ /oM ma Ni ratna karmmA muSh+Ti hUM zhes pa ni nor bu khu tshur gyi nor bu rin chen las kyi khu tshur gyi lha mo ste/ rig pa rnams kyis rang rang gi gnas su bri bar bya'o/ /de bzhin du/ oM ma Ni ratna a ba sha a zhes bya ba'i bar du nor bu rin chen 'bebs pa ma'i bar gyi rig pa ma'i lha mo rnams kyi sku mdog dang/ dbyibs dang/ phyag mtshan rnams rig pas bri bar bya'o/ /byams pa la sogs pa'i lha mo rnams bri ba'i rig pa ni sngar bshad pa'i rang gi rig pa nyid yin no/ /de nas las kyi dkyil 'khor 'dir zhes bya ba la sogs pa la/ de nas zhes bya ba ni de ma thag pa'o/ /don thams cad grub pa'i dkyil 'khor chen po las bshad pa'i cho gas don thams cad grub pa'i rnal 'byor dang/ de las bshad pa'i rnal 'byor chen po byas te ji lta ba bzhin du rin po ches mtshan pa'i sna tshogs rdo rje dang de'i brtul zhugs blangs la/ don thams cad grub pa'i dkyil 'khor chen po las bshad pa'i cho ga nyid kyis dkyil 'khor du slob dpon 'jug par bya'o/ /de nas cho ga thams cad rjes su spyad la/ rang la byin gyis brlab pa la sogs pa byas nas/ sarbba artha sid+d+hi ratna ma haM/ zhes bya ba la sogs pa'i ming gang yang rung ba nas brjod nas dkyil 'khor thams cad snga ma bzhin rdo rjes bsgrubs te/ de nas bsdu ba la sogs pa byas la mchod pa thams cad kyis dkyil 'khor gyi lha la yang dag par mchod de/ slob ma 'jug pa'i cho gas gnang ba nod pa'i rjes thogs nyid la don thams cad grub pa'i dkyil 'khor chen po las bshad pa'i cho gas rin po che'i slob ma 'jug pa bzhin du
- 181a
las kyi dkyil 'khor 'dir yang 'jug par bya'o/ /'dis ni las kyi dkyil 'khor 'dir cho ga ji lta ba bzhin du rgyas par byas nas zhes bya ba'i don 'di bstan pa yin no/ /bcug ste 'di skad du bsgo bar bya'o zhes bya ba ni go sla'o/ /de nas don thams cad grub pa'i dkyil 'khor chen po las bshad pa'i cho gas chu dang/ phyag rgya dang/ cod pan gyi dbang bskur ba byin nas nor bus mtshan pa'i sna tshogs rdo rje dang/ nor bus mtshan pa'i sna tshogs rdo rje'i dril bu ji lta ba bzhin du byas nas snga ma bzhin du cho ga thams cad rjes su spyad nas/ dngos grub kyi rdo rje brtul zhugs slob ma la sbyin par bya'o/ /de ltar slob dpon gyi las dang slob ma 'jug pa cho ga rgyas par brjod nas/ de ni nor bu chen po'i rigs kyi las kyi dkyil 'khor du dam tshig dang dbang bskur ba thob pa la slob dpon gyis nor bu'i rigs kyi las kyi ye shes bshad par bya'o zhes bya ba'i don bstan pa'i phyir/ las kyi ye shes bslab par bya'o zhes bya ba la sogs pa gsungs te nor bu'i rigs kyi las kyi dkyil 'khor gyi ye shes ni/ nor bu'i las kyi ye shes te/ thams cad dbang du byed pa la sogs par nges pa de bslab pa'o/ /rdo rje snying po'i phyag rgya cher/ /bsgoms nas kyang ni rab mnyam bzhag mchod pa kun gyis mchod nas ni/ /sangs rgyas thams cad dbang du 'gyur/ /zhes bya ba ni don thams cad grub pa'i dkyil 'khor chen po las bshad pa'i cho gas bcom ldan 'das don thams cad grub pa 'am/ de'i rigs kyi rnal 'byor byas la/ phyis las kyi dkyil 'khor las gsungs pa de 'am/ de'i rigs kyi phyag rgya chen po bcings te/ g.yeng ba med pa'i sems kyis de bsgom zhing/ oM ratna pU dzab shi kuM ru zhes brjod pas rang gi snying gar rdo rje rin po che
- 181b
nor bu gzungs kyi dam tshig gi lha mo'i tshogs sprul la/ ji srid du don thams cad grub pa la sogs pa'i de bzhin gshegs pa thams cad la lha mo'i tshogs kyis mchod pa thams cad kyis mchod pa de srid du/ don thams cad grub pa la sogs pa de bzhin gshegs pa thams cad de'i dbang du 'gyur ro/ /ting nge 'dzin gyi dam tshig mchog /phyag rgya gang yang dam bcings la/ /sangs rgyas thams cad mchod na ni/ /dbang bskur dam pa de dag thob/ /ces bya ba ni snga ma bzhin du don thams cad grub pa'i dkyil 'khor chen po las bshad pa'i rin chen lta ba dang/ de'i rigs kyi rnal 'byor byas la/ phyis las kyi dkyil 'khor las gsungs pa'i rin chen lta ba dang/ de'i rigs kyi dam tshig gi phyag rgya bcings te/ rnam par g.yeng ba med pa'i sems kyis rin chen lta ba dang/ de'i rigs kyi dam tshig gi phyag rgya bcing zhing/ oM ratna pU dza pu a sa ma ya a b+hi Shiny+tsa zhes brjod pas nor bu chen mo dang/ rin chen lta ba 'dren pa la sogs pa'i lha mo'i tshogs rang gi dpral bar sprul la/ rin chen lta ba la sogs pa rnams nyin re zhing thun bzhi'i sbyor bas ji srid du mchod pa de'i tshe rin chen lta ba la sogs pa de'i de bzhin gshegs pa thams cad kyi dbang bskur ba thob par 'gyur ro/ /rdo rje snying po'i ting nge 'dzin du/ /mnyam par bzhag pa bsgoms nas ni/ /sangs rgyas thams cad rab mchod na/ /'gro ba'i dam pa 'jigs par 'gyur/ /zhes bya ba ni snga ma bzhin du rin chen pad+ma dang/ de'i rigs kyi lha'i rnal 'byor byas la/ phyis las kyi dkyil 'khor las bshad pa'i de'i rigs kyi chos kyi phyag rgya bcings nas/ oM ratna pU dza d+harmA na sha yaM/ zhes brjod cing bdag nyid g.yeng ba med pa'i yid kyis rin chen pad+ma 'am/ de'i rigs bsgoms la rang gi snying gar pad+ma
- 182a
nor bu'i ting nge 'dzin gyi dam tshig la sogs pa lha mo'i tshogs sprul te/ rin chen pad+ma la sogs pa'i de bzhin gshegs pa thams cad mchod pa thams cad kyis mchod la/ de nas phyis ji srid du rang bzhin gyis rnam par dag pa'i ting nge 'dzin thob par 'gyur ro/ /'gro ba dam pa 'jig par 'gyur ba la dmigs pa'i ting nge 'dzin yang thob par 'gyur ro/ /las kyi phyag rgya bcings nas ni/ /sangs rgyas thams cad mchod 'gyur na/ /skad cig tu ni don kun thob/ /ces bya ba ni snga ma bzhin rin chen char 'bebs dang/ de'i rigs kyi rnal 'byor byas la las kyi dkyil 'khor las gsungs pa'i de 'am/ de'i las kyi phyag rgya bcings te/ oM ratna pU dza karmA sarbba artha na artha na me d+ha de/ zhes brjod cing 'dir rin chen char 'bebs sam de'i rigs su bdag nyid nges par byas te/ rang gi snying gar nor bu rin chen char 'bebs la sogs pa lha mo'i tshogs kun la rin chen char 'bebs la sogs pa de bzhin gshegs pa thams cad ji srid du mchod pa de'i tshe rin chen char 'bebs la sogs pa skad cig du don kun thob par 'gyur ro/ /de nas zhes bya ba ni rjes thogs nyid brjod pa'o/ /rang gi lha'i rnal 'byor gyis dbang po gnyis snyoms par 'jug pa bsgom pa'i phyag rgya ni/ gsang ba'i phyag rgya zhes bya ba'i don no/ /de nyid kyi las der nges pa'i ye shes su 'gyur ba'o/ /rdo rje snying po'i ting nge 'dzin gyis/ /dbang po gnyis ni mnyam sbyar nas/ /sangs rgyas thams cad mchod na ni/ /'jig rten thams cad des mgur 'gyur/ /zhes bya ba ni snga ma bzhin du don thams cad grub pa'i dkyil 'khor chen po las bshad pa'i rang 'dod pa'i lha'i rnal 'byor byas la phyis las kyi dkyil 'khor las bshad pa'i rang gi lha'i
- 182b
phyag rgya chen po bcings te/ rang gi rig pa brjod cing bdag nyid rang gi lha'i gzugs su bsgoms te/ rang gi rig pa'i lha mo mdun du sprul la/ bsdu ba la sogs pa'i cho ga rjes su spyad de/ de dang lhan cig pa'i sbyor bas nyin re zhing thun bzhir ji srid mngon sum lta bur mthong bar gyur pa de srid kyi bar du bsgom par bya'o/ /de nas spro ba dang bsdu ba'i sbyor ba'i zla ba gcig bsgoms la/ mthar mtshan thog thag bsgoms na 'jig rten pa thams cad rin po che'i rigs thams cad kyi rang bzhin du bsgrubs nas rnal 'byor pas mgu bar byas na dbang du byed par 'gyur ro/ /de nas don thams cad grub pa la sogs pa'i lha mo de'i sku dang mnyam par sbyar bar byas la 'jug par bya'o/ /de'i rjes la de don thams cad grub pa dang 'dra bar 'gyur ro/ /de lta bu'i gsang ba'i dam tshig gi las kyi ye shes bstan nas/ da ni nor bu chen mo'i rigs kyi las kyi dkyil 'khor las bshad pa'i dngos grub rnams ni don thams cad grub pa'i dkyil 'khor chen po las bshad pa'i rang gi lha'i rnal 'byor byas la phyis las kyi dkyil 'khor las bshad pa'i phyag rgya chen po la sogs pa bcings te/ dkyil 'khor la sogs pa'i lha rnams spyan drangs nas bsgrub par bya'o zhes bya ba'i don bstan pa'i phyir/ de nas zhes bya ba la sogs pa gsungs so/ /de nas zhes bya ba'i rjes thogs la zhes bya ba'i don no/ /ji lta ba'i phyag rgya chen po'i ye shes kyi dngos grub dam par 'gyur ro zhes bya ba ni ji ltar rdo rje dbyings kyi las kyi dkyil 'khor du phyag mtshan dang bcas pa'i lag pa gnyis kyis snying ga la sogs pa 'am/ gzhan du phyag rgya chen por bsgoms pas rdo rje sems dpa' la sogs pa'i dngos grub stsol ba de bzhin du 'dir yang nor bu'i mtshan ma
- 183a
la sogs pa ster bar 'gyur ro/ /zhes bya ba de'i phyag rgya chen po'i ye shes de'i dngos grub dam par 'gyur ro zhes bya ba la sogs pa gsungs so/ /de la phyag rgya chen po'i mtshan nyid ni 'di yin te/ rang gi mtshan ma dang bcas pa'i lag pa gnyis kyis/ snying gar rtsib logs rgyab sbyar ba/ /dpral ba la sogs de bzhin du/ /kha dang rna ba mgo lhag pa/ /spyi bo phrag pa kha rked bzhag /ces bya ba 'di ni nor bu'i mtshan ma'i rdo rje nor bu'i gzugs ma'i dam tshig gi lha mo nas brtsams te/ nor bu'i khu tshur gyis mthar thug pa'i phyag rgya chen por 'gyur ro/ /lhag ma rnams ni don thams cad grub pa'i gzungs kyi dkyil 'khor las bshad pa yin par shes par bya'o/ /da ni de nas phyag rgya chen po bcings pa'i rjes thogs nyid la dam tshig gi phyag rgya ye shes bcing ba bslab cing bstan pa'o/ /rdo rje rin chen bcings nas ni/ /zhes bya ba ni rdo rje dbyings las gsungs pa'i 'phags pa nam mkha' i snying po'i dam tshig gi phyag rgya bcings la thams cad kyi gnas kun tu 'di rnams bzhag par bya'o/ /ji ltar gzhag par bya zhe na/ rdo rje dgos pa'i tshul gyis ni/ /lhag 'og go rim ji bzhin du/ /zhes bya ba smos te/ rdo rje dbyings kyi dkyil 'khor las gsungs pa'i tshul gyis rdo rje dgos mchog gi sbyor ba des/ snying kha'i rtsibs logs rgyab sbyor ba/ /dpral ba la sogs de bzhin du/ /kha dang rna ba mgo lhag pa/ /spyi bo phrag pa kha rked bzhag /ces bya ba 'di ni/ lhag 'og go rim ji bzhin bya/ /zhes bya ba'i sgra'i don yin no/ /lhag ma rnams kyi dam tshig gi phyag rgya ni don thams cad grub pa'i gzungs kyi dkyil 'khor las bshad pa nyid yin par shes par bya'o/ /de nas chos kyi phyag rgya'i ye shes ni go sla'o/ /twa zhes bya ba ni don thams cad grub
- 183b
pa dang/ nor bu'i mtshan ma dang/ rdo rje nor bu ma'i gnas kyi lha mo rnams kyi chos kyi phyag rgya'o/ /dza zhes bya ba ni rin chen rgyal po'i lha mo'i'o/ /ga zhes bya ba ni rin chen chags pa'i lha mo'i'o/ /d+hu zhes bya ba ni rin chen legs pa'i lha mo'i'o/ / tna zhes bya ba ni rin chen lta ba 'am/ de bzhin gshegs pa thams cad kyi phyed pa'i dbang bskur dang/ rin chen myu gu'i gnas rnams kyi lha mo'i'o/ /dza zhes bya ba ni nor bu nyi ma'i lha mo'i'o/ /tu zhes bya ba ni nor bu dpal gyi lha mo'i'o/ sa zhes bya ba ni rin chen bzhad pa'i lha mo'i'o/ /t+ma zhes bya ba ni rin chen pad+ma gtong ba'i ting nge 'dzin ye shes kyi snying po dang/ rin chen pad+ma'i gnas rnams kyi lha mo'i'o/ /k+Sha zhes bya ba ni rin chen rnon po'i lha mo'i'o/ /tu zhes bya ba ni nor bu'i 'khor lo'i 'o/ /Sha zhes bya ba ni rin chen gsung ba'i'o/ /rma zhes bya ba ni rin chen char 'bebs dang/ nor bu mchod pa dang/ rin chen char rgyun ma'i gnas kyi lha mo'i 'o/ /k+Sha zhes bya ba ni nor bu gsung ba'i lha mo'i 'o/ /kri zhes bya ba ni nor bu gnod sbyin gyi lha mo'i 'o/ /d+hi zhes bya ba ni nor bu khu tshur gyi lha mo'i 'o/ /lhag ma ni don thams cad grub pa'i gzungs kyi dkyil 'khor las bshad pa nyid yin par shes par bya'o/ /rdo rje rin chen gnyis byas la/ /las kyi phyag rgya de bsgrub pa/ /zhes bya ba ni nor bu khu tshur gyi gnas su bzhad pa'i rdo rje rin chen gyi phyag rgya gnyis su byas na rnam par snang mdzad la sogs pa nas rin chen 'bebs pa'i mthar thug pa'i las kyi phyag rgya ste/ don thams cad grub pa'i dkyil 'khor chen po las bshad pa'i tshul gyis bcing bar bya'o zhes bya ba'i don no/ /don thams cad grub pa'i las kyi dkyil 'khor gyi bshad pa rdzogs so// //de ltar nor bu chen po'i rigs kyis 'dul ba'i phyag rgya
- 184a
chen po las dga' ba'i sems can gyi khams las brtsams nas ni/ nor bu chen po'i rigs kyi dkyil 'khor rnam bzhis phyag rgya chen po bstan nas/ da ni rgya che bas skrag pa bar ma la dga' ba'i sems can gyi khams la brtsams nas nor bu chen po'i rigs kyi phyag rgya bzhi pa'i dkyil 'khor gyi rang gi rigs kyi dngos grub thams cad kyi dam tshig bsdu bar gyur pa ni/ de nas zhes bya ba la sogs pa gsungs so/ /de nas zhes bya ba'i sgra ni de ma thag pa ste/ dang po sbyor ba'i ting nge 'dzin gyi rjes thogs la zhes bya ba'i don no/ /'dir dang po sbyor ba'i ting nge 'dzin ni don thams cad grub pa'i dkyil 'khor chen po las bshad pa'i dang po sbyor ba'i ting nge 'dzin nyid yin no/ /bcom ldan 'das ni rnam par snang mdzad do/ /don thams cad grub pa'i thugs ka'i zla ba la gnas pa'i rdo rje rin po che'i rin chen phyag rgya de la dmigs pa'o/ /ting nge 'dzin rin chen phyag rgya zhes bya ba de la snyoms par zhugs shing mngon sum du mdzad nas so/ /'di zhes bya ba ni blo la gnas pa'o/ /rig pa dam pa 'di gsungs pa ni bshad pa'o/ /'di skad ston pa yin te/ bcom ldan 'das rnam par snang mdzad nor bu chen po'i rigs kyi gzugs can rang gi phyag rgya bzhi pa'i dkyil 'khor sprul pa'i phyir don thams cad grub pa'i thugs ka nas gnas pa'i rdo rje rin po che'i rnam pa thugs rtse gcig tu mdzad nas rig pa dam pa 'di gsungs pas 'phags pa nam mkha' i snying po la bkur ba dang/ de nas 'phags pa nam mkha' i snying pos rang gi thugs ka na gnas pa'i rdo rje rin po che las dkyil 'khor sprul nas/ de bzhin gshegs pa thams cad la snga ma bzhin du phul lo zhes bya'o/ /de ltar re zhig rnam par snang mdzad kyi nor bu'i gzugs can phyag rgya bzhi pa'i dkyil 'khor bri bar bya'o/ /de
- 184b
nas phyag na rdo rjes rang gi phyag rgya 'di gsungs pas don thams cad grub pa'i phyag rgya bzhi pa'i dkyil 'khor du 'gyur ro/ /de nas rdo rje snying pos rang gi phyag rgya 'di gsungs pas rin chen lta ba'i phyag rgya bzhi pa'i dkyil 'khor du 'gyur ro// de nas rdo rje spyan gyis rang gi phyag rgya 'di gsungs pas rin chen pad+ma'i phyag rgya bzhi pa'i dkyil 'khor du 'gyur ro/ /rdo rje sna tshogs kyis rang gi phyag rgya 'di gsungs pas rang gi snying gar gnas pa'i rdo rje rin po che las rin chen char 'bebs kyi phyag rgya bzhi pa sprul nas de bzhin gshegs pa thams cad la snga ma bzhin du phul ba yin no zhes bya ba'i gzhung 'di tsam gyis ni nor bu chen po'i rigs kyi phyag rgya bzhi pa'i dkyil 'khor gyi rgyal po mchog ces bya ba'i ting nge 'dzin lnga po gsungs pa yin no/ /de nas bsdu ba dang byin gyis brlab pa la sogs pa ni snga ma bzhin du las kyi rgyal po mchog ces bya ba'i ting nge 'dzin lnga po gsungs pa yin no/ /don thams cad grub pa'i dum bu las gsungs pa'i dngos grub rnams ni don thams cad grub pa'i phyag rgya bzhi pa'i dkyil 'khor du dam tshig dang dbang bskur ba thob pa rnams kyis bsgrub par bya'o zhes don bstan pa'i phyir/ de nas shes bya ba la sogs pas gsungs so/ /de nas zhes bya ba ni de ma thag pa'i brjod pa ste/ sngon du bsnyen pa'i rjes thogs la'o/ /'di skad ston pa yin te/ don thams cad grub pa'i dkyil 'khor chen po las bshad pa'i cho gas don thams cad grub pa'i rnal 'byor dang/ de las bshad pa'i rnal 'byor chen po byas te/ de nas phyag rgya bzhi pa'i ting nge 'dzin rnam pa gsum nas brtsams te nyin re zhing thun bzhi'i sbyor ba gcig gam zla ba drug gam lo gcig gi bar du ji srid mngon sum lta bur mthong bar 'gyur ba de srid kyi bar du bsgom par
- 185a
bya'o/ /rjes su gnang ba thob nas rang gi dkyil 'khor bri'o/ /zhes gsungs pas na de nas de'i rjes thogs la dkyil 'khor 'di bri bar bya'o/ /de nas zhes bya ba ni gtan tshigs ston pa ste/ gang gi phyir phyag rgya bzhi pa'i dkyil 'khor du 'jug pa med na bar ma la dga' ba'i sems can gyi don rdzogs par mi 'gyur ba de'i phyir/ rab tu bshad par bya'o/ /phyag rgya bzhi pa'i dkyil 'khor ro/ /dam pa ni gtso bor gyur pa ste/ dngos grub thams cad kyi dam tshig tu gyur pas na rigs thams cad kyi dkyil 'khor las dam par gyur pa'i phyir/ phyag rgya bzhi yi tshul du ni/ /dkyil 'khor yongs su brtag bar bya/ /zhes bya'o/ /don thams cad grub pa'i dkyil 'khor chen po las bshad pa bzhin du phyi dang nang gi dkyil 'khor bris nas/ dkyil 'khor gyi lte ba'i dbus su don thams cad grub pa'i dkyil 'khor chen po las bshad pa'i gdan dang/ sku mdog dang/ dbyibs la sogs pa dang ldan pa'i rnam par snang mdzad bri bar bya'o/ oM badzra ratna ne tre zhes bya ba 'di'i rig pa 'di 'am/ oM pu he ratna hUM zhes bya ba'o/ /don thams cad grub pa'i gnas su pad+ma dang zla ba'i steng du/ oM badzra ma Ni hUM/ zhes bya bas ni rdo rje nor bu'o/ /rin chen lta ba'i gnas su/ oM badzra ratna a ku ba hUM/ zhes bya bas rdo rje rin chen myu gu'o/ /rin chen pad+ma'i gnas su/ /oM ratna pad+ma hUM/ zhes bya bas rin chen pad+ma'o/ /rin chen char 'bebs kyi gnas su/ oM ratna bar sha hUM zhes bya bas rin chen char 'bebs kyi'o/ /zla ba dang pad+ma'i steng du don thams cad grub pa'i dkyil 'khor chen po las bshad pa'i mtshan nyid can bris la/ phyag rgya bzhi pa'i tshul gyis dkyil 'khor 'di brtag par bya'o/ /de nas ji lta ba bzhin bcug ste bslab par bya'o/ /
- 185b
khyod kyis su 'ang ma smra zhig ces bsgo bar bya'o zhes bya ba ni don thams cad grub pa'i dkyil 'khor chen po las bshad pa'i cho gas slob dpon rang nyid 'jug pa'i cho ga rjes su spyad la/ bdag la byin gyis brlab pa la sogs pa dang/ rang gi ming nas rjod cing dkyil 'khor rdo rje bsgrubs la/ bsdu ba la sogs pa byas te mchod pa thams cad kyis dkyil 'khor pa thams cad ji lta ba bzhin mchod la/ phyag byas te/ zhugs nas gnang ba nod par bya'o/ /de nas don thams cad grub pa'i dkyil 'khor chen po las bshad pa'i cho gas rin po che'i slob ma bcug ste/ cho ga thams cad rjes su spyad par bya'o/ /slob dpon gyi las kyi cho ga dang slob ma 'jug pa'i cho ga rgyas pa ni gzhung 'dis gsungs pa yin no/ / de ltar slob dpon gyi las kyi cho ga dang/ slob ma 'jug pa'i cho ga rgyas par bstan nas/ da ni nor bu chen po'i rigs kyi phyag rgya bzhi pa'i dkyil 'khor du dam tshig dang dbang bskur ba thob pa/ don thams cad grub pa'i dum bu las gsungs pa'i dngos grub rnams slob dpon gyis bshad par bya'o zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba ni slob ma 'jug pa'i cho ga bstan pa'i rjes thogs so/ /ye shes bskyed par bya ste zhes bya ba ni rdo rje rin chen sgrub pa'i man ngag yin par shes par bya'o/ /rdo rje rtse lnga pas mtshan pa'i yid bzhin gyi nor bu rin po che'i rdo rje rin chen te/ de sgrub cing sprul par byed pa'o/ /gang gis zhe na/ rdo rje rin chen ting 'dzin gyis so/ /rdo rje rin po che'i rnam par thugs rtse gcig tu mdzad pa'i rdo rje rin po che'i ting nge 'dzin to/ /rdo rje rin po che'i ting nge 'dzin gang du bya zhe na/ dpral bar rab tu bzhag na ni/ /zhes bya ba smos te/ dpral ba'i dkyil 'khor gyi steng du yi ge
- 186a
tras sprul la gzhag par bya'o/ /de ltar gyur pas ci zhig bya zhe na/ dngos grub thams cad thob par 'gyur zhes bya ba smos te/ dbang bskur ba'i dngos grub thob pa 'gyur zhes bya ba'i don no/ /'di skad ston ba yin te don thams cad grub pa'i dkyil 'khor chen po las bshad pa'i 'dod pa'i lha'i rnal 'byor byas la/ mchod pa thams cad kyis yang dag par mchod la/ phyag byas te/ lha thams cad kyi phyag rgya de las bshad pa bcings te/ rang gi dpral ba'i gnas su zla ba'i dkyil 'khor gyi steng du yi ge tra las rdo rje rin po che gser gyi mdog can sprul la/ oM badzra ratna a b+hi she ka sarbba sid d+ha yo me pra yats+tsha la ra la hUM tra/ zhes bya ba'i snying po 'di brjod cing nyin re bzhin du thun bzhi'i sbyor bas ji srid mngon gsum du mthong bar gyur pa de srid kyi bar du thun bzhi'i sbyor bas bya'o/ /de nas zla ba nya la mtshan thog thag bsgoms nas 'dod pa'i lha'i dngos grub thob par 'gyur ro/ /de nas de'i rjes la mnyam par sbyor ba gsang ba'i bsgom pa'i ngo bo'i phyag rgya'i ye shes bslab par bya'o/ /khyo 'am yang na sdug pa 'am/ bud med dang ni skyes pa'ang rung/ /dpral ba gnyis ni sbyar pa dang/ /sprad? pas gnyis ka 'grub par 'gyur/ /zhes bya ba la/ de la khyo ni don thams cad grub pa la sogs pa'i skyes bu'o/ /sdug pa ni las kyi dkyil 'khor las bshad pa'i gzungs kyi lha mo ste/ rig pa'i lha mo rin chen phreng ba ma la sogs pa dang/ mchod pa'i lha mo thams cad do/ /de ltar khyo de'i gzugs sam/ sdug pa'i gzugs su ji lta bar bshad pa de gal te 'ga' zhig sgrub par 'dod na skyes pa 'am/ bud med dam/ khyo
- 186b
'am/ sdug pa'i dpral ba dang rang gi dpral ba gnyis sbyar nas dpral ba gnyis mi phyed par bya'o/ /ji ltar zhe na/ sprad pas zhes bya ba smos te/ yang dag par sbyar ba zhes bya ba'i tha tshig go /ci zhig du 'gyur zhe na/ skyes pa dang bud med 'grub pa 'gyur ro/ /'di skad ston pa yin te/ gal te bud med gang zhig bcom ldan 'das sam gzhan gang yang rung ba'i 'phags pa nam mkha' i snying po khyor sgrub par 'dod pa de'i tshe des don thams cad grub pa'i dkyil 'khor chen po las bshad pa'i rdo rje nor bu ma la sogs pa rig pa'i lha mo'i rnal 'byor byas te/ phyis 'phags pa nam mkha' snying po 'am gzhan gang rung ba mdun du sprul la/ bsdu la sogs pa'i cho ga thams cad rjes su spyad de/ mchod pa thams cad kyis yang dag par mchod de/ de nas gzhan gang yang rung ba'i rig pa'i lha mo'i phyag rgya yang dag par bcings te/ des bcom ldan 'das dang lhan cig mnyam par sbyar bar bsgoms la/ oM badzra ratna sa khyi ba d+hi d+ha ra twaM pa yats+tsha shi g+h+raM a b+hi Shiny+tsa hi ha ha ha tra zhes bya ba 'di brjod par bya'o/ /de nas snga ma bzhin du mtshan thog thag bsgoms na bcom ldan 'das nam mkha' i snying po de dang des lhan cig mnyam par sbyar ba byas na rang gi chung ma dang 'dra bar 'gyur ro/ /skyes pa nyid yin na sbyor ba 'dis 'phags pa nam mkha' i snying po'i lha mo mdun du bzhag la sgrub par bya'o/ /de ltar gsang ba'i ye shes bskyed pa'i phyag rgya bstan nas/ da ni don thams cad grub pa'i dum bu las bshad pa'i dngos grub rnams don thams cad grub pa'i dkyil 'khor chen po las bshad pa'i rang gi lha'i rnal 'byor byas la bsgrub par bya'o zhes bya ba'i don bstan par bya ba'i phyir de nas zhes bya ba la sogs pa gsungs te/ de nas zhes bya ba ni nor bu chen po'i rigs
- 187a
thams cad kyi phyag rgya ste/ thams cad kyi phyag rgya'i dam tshig dang/ phyag rgya thams cad kyi gsang ba dang/ phyag rgya thams cad kyi chos nyid dang/ phyag rgya thams cad kyi las kyi dkyil 'khor sgrub par byed na gsang ba'i phyag rgya mchog yin no zhes bya ba'i don no/ /de thams cad kyi phyag rgya'i dam tshig ni 'di yin te/ bdag nyid chen po gang gang gi /phyag rgya gang dang gang bcings pa/ /bzlas pa'i snying po don du ni/ /der ni bdag nyid bsgom par bya zhes bya ba dang/ de la phyag rgya thams cad kyi gang ba ni 'di yin te/ rang gi dbang po gzhig nas ni/ /rdo rje bcings pas bsrung bar bya/ /de yis phyag rgya gang reg pa/ /de ma thag tu de dbang 'gyur/ /de nas phyag rgya thams cad kyi chos nyid ni 'di yin te/ rdo rje phra mo'i tshul sbyar la/ /ye shes phyag rgya bcings par bya/ /cho ga 'di yis tshul gyis ni/ /ye shes phyag rgya de dbang 'gyur/ /de la phyag rgya kun gyi las 'di yin te/ /glu dang gar dang zas dang bro/ /spyod pa la sogs bde ba rnams/ /sangs rgyas rnams la phul na ni/ /las kyi phyag rgya dbang du 'gyur/ /de la nor bu chen po'i rigs kyi dkyil 'khor thams cad sgrub par byed pa na gsang ba'i phyag rgya ni 'di yin te/ ji ltar don thams cad grub pa'i dkyil 'khor chen po las bshad pa de bzhin du don thams cad grub pa'i rnal 'byor dang/ de las bshad pa'i rnal 'byor chen po byas la/ de nas stong gsum pa'i sangs rgyas kyi zhing gi tshad dang mnyam pa'i rang gi snying ga'i zla/ ba'i dkyil 'khor/ de'i steng du nor bu'i rgyu'i las kyi phyag rgyas don thams cad grub pa'i dkyil 'khor chen po sprul la/ rnam par snang mdzad dang/ rdo rje sems dpa' dang/ rdo rje snying po dang/ rdo rje spyan dang/ rdo rje sna tshogs rnams go
- 187b
rims ji lta ba bzhin du phyag rgya chen po bcings te/ oM badzra ratna traM/ oM badzra mA le hUM/ oM badzra ma Ni ratne hUM/ oM badzra d+harmA ratne hUM/ oM bi sha biSh+Ti hUM zhes bya ba'i rigs pa de rnams brjod pas don thams cad grub pa'i dkyil 'khor chen po'i lha rnams sprul la/ oM bud+d+ha ratna hUM/ oM badzra ma Ni ratna hUM/ oM badzra ratnAM gu ra hUM/ oM badzra ratna pad+ma hUM/ oM badzra ratna war sha hUM/ oM sarbbArtha sid d+hi pra thaM hUM/ oM badzra ma Ni ts+tshind+hA ka sha garb+ha b+ha ga wAM sid+d+hi sid+d+hi hUM/ oM ratnAM ku sha ya sarbbA trA na ya shI g+h+raM sarbba ba thA ga tA satyA musma ra hUM/ oM ma Ni rA ga ba shi ku ru sarbArthA na ya A ka sha g+ha b+ha hUM/ oM ma Ni ratna duSh+Te haM/ oM ratna d+hiSh+Ti tra/ oM sarbba ta thA ga tA bi she ka ratna mA la hUM/ oM ma Ni sUrya hUM/ oM ts+tshanpi ma Ni d+hwa tsa sarbbA sha ba ri bu ru kA ka sha garb+ha hUM oM badzra ratna ta ti ti sa ha sa hUM/ oM ratna pad+ma hUM/ oM ratna pad+ma hUM/ oM tya ga sa ma ti/ dz+nyA na garb+ha hUM/ oM ratna gye sha g+hya hUM/ oM ma Ni tsakra pra ba ra tya hUM/ oM ratna pa sha hUM/ oM ratna praSh+Ti barSha ya sarbbArtha sabde b+ha ga waM ma Ni hasta hUM/ oM ma Ni pu dza sa ma ya hUM/ oM ma Ni bi d+ha ka ba tse hUM/ oM daMSh+Ta ka ra la ma hA rak+Sha/ ha ra ha ra sarbbaM bi sha pa ya hUM/ oM ma Ni ratna baM d+ha sa ma ya hUM/ oM ratna rasti hUM/ oM ratna mA le hUM/ oM ratna gI te hUM/ oM ratna nri te hUM/ oM d+hU ba ratne/ oM puShpa ma Ni hUM/ oM ratna A lo ke /oM ma Ni gaM d+ha/ oM sarbba ratna kA karSha ya/ AryA ru na/ mahA satwa b+ha ga wAM taM A ka sha/ garb+ha tso dya shI g+h+raM ho dza/ oM sarbba ratna pra be sha sa ma ya pra be sha sa ma yaM/ mahA ma Ni rA dza gu laM/ ratna bA sha hUM/ oM ma Ni paM d+ha hUM oM ma he ratnA d+he sha a/ zhes bya ba'i snying po 'di rnams kyis rnam par snang mdzad la sogs pa nas/ nor bu 'bebs pa'i mthar thug pa rang rang gi gnas rnams su bzhag par bya'o/ /oM badzra at+ma ko haM/ zhes lan gsum brjod cing rnam par
- 188a
snang mdzad la sogs pa nas rin chen 'bebs pa'i bar gyi mthar thug pa'i sku dang gsung dang/ thugs rdo rje'i rang bzhin bdag yin no zhes bsam par bya ba dang/ de nas swa b+ha ba shud+d+ho haM zhes lan gsum brjod cing rnam par snang mdzad la sogs pa nas nor bu rin chen 'bebs pa'i mthar thug pa'i lha rnams thams cad kyi sku dang/ gsung dang/ thugs rdo rje gzugs brnyan dang mtshungs par bdag nyid bsam par bya'o/ /de nas oM sarba sa mo haM zhes lan gsum brjod cing rnam par snang mdzad la sogs pa nas rin chen 'bebs pa'i mthar thug pa'i lha thams cad chos bdag med par bsam pa'i phyir/ bdag nyid dang ye shes gcig las byung ba ni bdag yin no zhes bya ba bsam par bya'o/ /sarbba artha sid d+hi ma hA maN+Da swa b+hA ba a haM swa yaM zhes nga rgyal bskyed la/ yang bcom ldan 'das don thams cad grub pa'i phyag rgya chen po bcings te/ oM sarba artha sid+d+hi pra ta hUM zhes brjod cing don thams cad grub pa'i dkyil 'khor chen po'i rang bzhin du bdag nyid bsgoms te/ lha thams cad kyi zhal nas/ oM sarbba artha sid+d+hi pra ta hUM zhes sgra brjod cing nges par brjod na de ltar thams cad 'grub par 'gyur ro/ /de ltar nyin re zhing lan cig rnal 'byor chen po byas la/ thun bzhi'i sbyor bas ji srid du dkyil 'khor mngon sum du mthong bar gyur pa de srid kyi bar du bsgom par bya'o/ /de nas zhag bdun ting nge 'dzin rnam pa gsum bsgoms la/ dkyil 'khor bri bar bya'o/ /de ltar thams cad grub pa'i dkyil 'khor chen po rab tu bsgrubs nas nor bu'i rigs kyi gzungs kyi dkyil 'khor sgrub pa snga ma bzhin du rnal 'byor chen po sngon du 'gro bas rang gi snying khar nor bu
- 188b
rigs kyi gzungs kyi dkyil 'khor sprul la/ oM ma Ni ratne traM/ zhes bya ba la sogs pa rig pa lnga sprul la/ phyis oM traM zhes bya ba nas/ oM ma Ni ratna a be sha a(rgyud 'grel): zhes bya ba'i bar du gzungs kyi rig pa rnams kyis bcom ldan 'das rnam par snang mdzad nas brtsams nas /nor bu rin chen 'bebs pa'i bar gyi gzungs rnams rang rang gi gnas rnams su bzhag la snga ma bzhin du snying po gsum brjod cing/ badzra At+ma ko zhes bya ba la sogs pa'i don gsum bsgoms nas rin chen gsang ba'i gzungs kyi dkyil 'khor gyi rang bzhin bdag yin no zhes nga rgyal bskyed de/ de nyid nyin re zhing thun bzhi'i sbyor bas gzungs kyi rig pa thams cad re re zhing khri khri bzlas par bya'o/ /phyis zhag bdun gzungs kyi dkyil 'khor gyi ting nge 'dzin gsum bsgoms te/ dkyil 'khor bris na de ltar gzungs kyi dkyil 'khor grub par 'gyur ro/ /de nas chos kyi dkyil 'khor bsgrubs pas snga ma bzhin du rnal 'byor byas nas/ de bzhin du rig pa rnam pa lngas rang gi snying gar nor bu rin po che'i rigs kyi chos kyi dkyil 'khor sprul la/ rang gi snying ga nas sna'i khung bu nas drangs te sna'i rtse mor bkod la/ chos kyi dkyil 'khor las gsungs pa'i sngags kyis rnam par snang mdzad nas brtsams nas/ nor bu 'bebs pa'i mthar thug pa'i chos kyi dkyil 'khor las bshad pa rnams la/ bkod la/ badzra At+ma ko a haM zhes bya ba la sogs pa'i don rnam pa gsum snga ma bzhin du bsgoms te/ ratna dz+nyA na swa b+hA ba a haM swa yaM zhes bya bas nor bu'i rigs kyi chos kyi dkyil 'khor gyi nga rgyal bskyed de/ chos kyi dkyil 'khor las bshad pa'i don thams cad grub pa'i phyag rgya chen po bcings de/ de'i sngags la brjod cing nyin re zhing/ kun bzhi'i sbyor bas zla ba gnyis bsgoms te /
- 189a
spro ba dang bsdu ba'i sbyor bar zla ba gcig bsgoms la/ de nas zhag bdun chos kyis dkyil 'khor gyi ting nge 'dzin rnam pa gsum bsgom par bya'o/ /de nas bris pa de lta bu chos kyi dkyil 'khor 'grub par 'gyur ro/ /lhag ma ni rdo rje dbyings kyi chos kyi dkyil 'khor las bshad pa bzhin du 'dir yang sgrub par shes par bya'o/ /de nas las kyi dkyil 'khor sgrub par 'dod pas snga ma bzhin du rnal 'byor chen po byas la/ nor bus mtshan pa'i sna tshogs rdo rje gzung nas/ /sangs rgyas kun gyi rdo rje'i dbang/ /de ring khyod la bskur bar bya/ /sangs rgyas kun gyi rab bsgrub phyir/ /rdo rje 'di ni khyod kyis long/ /oM badzra a d+hi pa ti twaM a b+hi ShIny+tsa mi tiSh+Ta badzra sa ma ya stwaM zhes bya ba'i snying po 'di dang/ de nas phyag rgya ni 'di yin te/ rdo rje'i phyag rgya gnyis bcings la de nyid rdo rje dam du bya/ /mdzub mos mthe chung bsnol ba ni/ /rdo rje dgos mchog dkyil 'khor ro/ /de nas dngos grub kyi rdo rje'i brtul zhugs snga ma bzhin du bzung la/ rnam par snang mdzad la sogs pa'i phyag rgya chen po rnam pa lnga bcings te/ rig pa lngas rang gi snying khar nor bu'i rigs kyi dkyil 'khor de bzhin du sprul la/ las kyi dkyil 'khor las bshad pa'i rig pa rnams kyis rang rang gi gnas su las kyi dkyil 'khor las bshad pa'i lha thams cad bzhag par bya'o/ /las kyi dkyil 'khor las gsungs pa'i don thams cad grub pa'i phyag rgya chen po bcings te/ oM badzra At+ma ko haM/ oM swa b+hA ba shud+d+ho haM/ oM sarbba sa mo haM/ zhes bya ba'i snying po gsum brjod cing/ don gsum rnam par bsgoms nas/ ratna arya karmA manDa la swa b+hA ba a haM/ zhes bya bas nor bu'i rigs kyi las kyi dkyil 'khor las gsungs
- 189b
pa'i rig pa thams cad snga ma bzhin du re re zhing khri khri bzlas par bya'o/ /yang zhag bdun las kyi dkyil 'khor las bshad pa'i ting nge 'dzin rnam par bsgoms nas las kyi dkyil 'khor bri bar bya ste/ de ltar las kyi dkyil 'khor 'grub par 'gyur ro/ /nor bu chen po'i rigs sgrub par byed pa'i gsang ba'i phyag rgya ni 'di yin te/ mna' bsgags la phyag rgya bzhi bcing ba'i mtshan nyid rnam pa bzhi bslab cing bstan pa'o/ /phyag rgya bzhi ji lta ba bzhin du bcing ba dang/ rnam pa gzhan de bzhin du bslab par bya'o/ /'di skad ston pa yin te/ don thams cad grub pa'i dkyil 'khor chen po las bshad pa'i phyag rgya bcings pa rnam pa bzhi ni rdo rje nor bu chen po'i phyag rgya dang/ de bzhin rdo rje rin chen myu gu dang/ rdo rje rin chen pad+ma dang/ rdo rje rin chen char 'bebs dang/ phyag rgya bslab par bya'o/ /don thams cad grub pa'i dkyil 'khor chen po las bshad pa'i phyag rgya chen po bcing ba'i mtshan nyid dang/ dam tshig dang/ chos dang/ las kyi phyag rgya bcing ba'i mtshan nyid bslab par bya'o/ /dngos grub thams cad 'di bzhin no zhes bya ba ni don thams cad grub pa'i dkyil 'khor chen po dang/ gzungs dang chos dang/ las kyi dkyil 'khor rnams kyi dngos grub bshad pa de bzhin du 'dir yang 'byung ba yin no zhes bstan par bya'o/ /bcom ldan 'das rnam par snang mdzad kyi nor bu chen po'i rigs kyi phyag rgya bzhi pa'i dkyil 'khor rdzogs so// //de ltar bcom ldan 'das rnam par snang mdzad kyi phyag rgya bzhi pa'i dkyil 'khor de bzhin du don thams cad grub pa la sogs pa'i dngos grub thams cad sgrub par byed par shes par bya'o/ /snga ma bzhin du don thams cad grub pa'i
- 190a
dkyil 'khor chen po bzhin du phyi dang nang gi dkyil 'khor thams cad bris nas/ dbus su bcom ldan 'das don thams cad grub pa/ oM badzra ratna mA le hUM zhes bya ba'am/ yang oM sarbba artha sid+d+hi pra ta hUM zhes bya ba'i snying ba 'di bri bar bya'o/ /de nas don thams cad grub pa'i gnas su pad+ma dang zla ba'i gdan gyi steng du nor bu mtshan ma'i phyag rgya/ oM badzra ma Ni ts+tshin d+ha a ka sha garb+ha b+ha ga wAn sid+hya sid+hya hUM zhes bya ba'i snying po 'di bri bar bya'o/ /rin chen lta ba'i gnas su rin chen rgyal pa'i mtshan ma'i phyag rgya oM ratna a gu sha ya sarbba artha nA ma na ya sh+rI g+h+raM sarbba ta thA ga tya sa tyaM ma nu sma ra hUM/ zhes bya ba 'dis bri bar bya'o/ /rin chen lta ba'i gnas su nor bu chags pa'i phyag rgya ni/ oM a nu rA ga ba shi ku ru sarba artha na ma na ya A ka sha gahma hUM zhes bya ba 'dis bri bar bya'o/ /nor bu pad+ma'i gnas su nor bu legs pa'i phyag rgya ni/ oM ratna hUM shi haM zhes bya ba'i snying po 'di bri'o/ /don thams cad grub pa'i dkyil 'khor ro/ /snga ma bzhin du thams cad byas nas dbus su bcom ldan 'das rin chen lta ba/ oM ratna dri sh+ya traM zhes bya ba'i snying po 'di 'am/ phyag rgya bzhi pa'i snying pos bri bar bya'o/ /don thams cad grub pa'i gnas su de bzhin gshegs pa thams cad kyi dbang bskur ba'i rin po che'i phreng ba'i phyag rgya ni/ oM sarbba ta thA ga ta a bi She kA mA la hUM zhes bya ba 'dis bri bar bya'o/ /rin chen lta ba'i gnas su nor bu nyi ma'i phyag rgya ni/ oM ma Ni sUrya hUM/ zhes bya ba 'dis bri bar bya'o/ /rin chen char 'bebs kyi nor bu dpal gyi phyag rgya ni/ oM ts+tshin d+ha ma Ni d+hwa tsa sarba A sha pa ri pu rA ga sha garb+ha hUM zhes bya ba 'dis bri bar bya'o/ /rin chen pad+ma'i gnas su rin chen gzhad pa'i phyag rgya ni/ oM ratna a tra sa ha
- 190b
sa? hUM zhes bya ba'i snying po 'di bri'o/ /rin chen lta ba'i dkyil 'khor ro/ /snga ma bzhin du dkyil 'khor bris la/ dbus su bcom ldan 'das rin chen pad+ma/ oM ratna pad+ma hUM/ zhes bya ba 'am/ phyag rgya bzhi pa'i snying po yis bri bar bya'o/ /don thams cad grub pa'i gnas su gtong ba ting nge 'dzin ye shes kyi snying po ni/ oM tya ga sa ma d+hi dz+nyA na garb+ha hUM/ zhes bya ba 'dis bri bar bya'o/ /rin chen lta ba'i gnas su rin chen rnon po'i phyag rgya ni/ oM ratna ko sha A g+h+raM zhes bya ba 'dis bri bar bya'o/ /rin chen char 'bebs kyi gnas su nor bu 'khor lo'i phyag rgya ni/ oM ma Ni tsakra pa ra d+ha ya hUM zhes bya ba 'dis bri bar bya'o/ /rin chen pad+ma'i gnas su gsung ba'i phyag rgya ni/ oM ratna b+ha Sha hUM zhes bya ba 'dis bri bar bya'o/ /rin chen pad+ma'i dkyil 'khor ro/ /snga ma bzhin du dkyil 'khor bris la/ dbus su bcom ldan 'das rin chen char 'bebs ni/ oM ratna biSh+Ti pU sha ya sarbba artha saM pa ta b+ha ga wAn ma Ni hasta hUM zhes bya ba'i snying po 'dis bri bar bya'o/ /don thams cad grub po'i gnas su nor bu mchod pa'i phyag rgya ni/ oM ma Ni ru dza sa ma ye hUM zhes bya ba 'dis bri bar bya'o/ /rin chen lta ba'i gnas su nor bu srung ba'i phyag rgya ni/ oM ma Ni b+hand+ha ka pa rtsa hUM zhes bya ba 'dis bri bar bya'o/ /rin chen char 'bebs kyi gnas su nor bu gnod sbyin gyi phyag ni/ oM ma Ni daMSh+Ta ka rA la ma hA ya ka ha ra ha ra sarbba na piSh+Ta ba ya hUM/ rin chen pad+ma'i gnas su nor bu khu tshur gyi phyag rgya ni/ oM ma Ni ratna b+han d+ha sa ma ya hUM zhes bya ba'i snying po 'di 'am/ phyag rgya bzhi pa'i dkyil 'khor las bshad pa yis bri bar bya'o/ /nor bu rigs kyi snying po 'dis thams cad bri bar bya'o/ /rin chen char 'bebs kyi dkyil 'khor ro/ /cho ga lhag ma ni rnam par snang mdzad kyi dkyil 'khor
- 191a
las bshad pa bzhin du thams cad shes par bya'o/ /don thams cad grub pa'i dkyil 'khor chen po las bshad pa'i rang rang gi phyag rgya bzhi 'dir lha thams cad kyis gzung ba'o/ /nor bu chen po'i rigs kyi phyag rgya bzhi pa'i dkyil 'khor gyi bshad pa rdzogs so// //de ltar bar ma la dga' ba'i sems can rjes su gzung ba'i phyir nor bu chen po'i rigs kyi phyag rgya bzhi pa'i dkyil 'khor bstan nas/ de mdor bsdus pa la dga' ba'i sems can rjes su bzung ba'i phyir nor bu'i rigs thams cad kyi dngos grub bsdus par gyur pa'i don thams cad grub pa'i phyag rgya gcig pa'i dkyil 'khor ni/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ dang por sbyor ba'i ting nge 'dzin gyi rjes thogs la zhes bya ba'i don to/ /de la 'phags pa nam mkha' i snying po'i dkyil 'khor las bshad pa'i cho gas 'phags pa nam mkha' i snying po rnal 'byor dang/ de las bshad pa'i rnal 'byor chen po 'dir dang po sbyor ba mchog gi ting nge 'dzin to/ /nam mkha' i snying po'i sbyor ba bshad zin to/ /de nyid kyi snying po bskyed pa'i rgyur gyur pa 'di la mnga' bas na/ nam mkha' i snying po rdo rje 'chang zhes bya ba'i ngo bo yin pa'i phyir byang chub pa'i rang bzhin gyis sems dpa' ni/ byang chub sems dpa' o/ /chen po ni sems can gyi bsam pa thams cad yongs su rdzogs par mdzad pas na sems dpa' chen po 'am/ nam mkha' dang mnyam pa nyid kyi ye shes ngo bos thams cad song ba'i phyir sems dpa' chen po'o/ /'di zhes bya ba ni blo la gnas pa'o/ /'di gang yin zhe na/ don thams cad grub pa zhes bya ba'i snying po 'di gsungs so/ /zhes bya ba ni don thams cad 'di la yod pa sgrub pas don thams cad grub pas don thams cad grub pa
- 191b
zhes bya ba'i snying po don thams cad grub pa ye shes de ston snying po 'di gsungs so zhes bshad do/ /de la de nas ye shes bya ba nas brtsams nas/ badzra ratna hUM zhes bya ba'i bar du ston pa'i gzhung 'di tsam gyis ni don thams cad grub pa'i phyag rgya gcig pa'i dkyil 'khor rgyal po'i mchog ces bya ba'i ting nge 'dzin gnyis pa gsungs pa yin no/ /de nas snga ma bzhin du bsdu ba la sogs pa'i las kyi rgyal ba mchog ces bya ba'i ting nge 'dzin gsum pa yin par shes par bya'o/ /don thams cad grub pa'i dum bu las bshad pa'i dngos grub rnams ni don thams cad grub pa'i phyag rgya gcig pa'o/ /dkyil 'khor du dam tshig dang dbang bskur ba thob pas bsgrub par bya'o zhes bya ba'i don 'di bstan pa'i phyir/ de nas zhes bya ba la sogs gsungs te/ slob dpon gyi las kyi cho ga dang slob ma 'jug pa'i cho ga rgyas pa gsungs pa yin no/ /de nas zhes bya ba ni gnas skabs te/ de nas nor bu chen po'i rigs kyi dkyil 'khor ni 'di yin te/ zhes bya ba ni don thams cad grub pa'i dkyil 'khor gcig pa'i dkyil 'khor ston to/ /de nas shes bya ba'i sgra ni de ma thag pa ste/ snga ma'i rjes thogs la'o/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa'i rnal 'byor dang/ de las bshad pa'i rnal 'byor chen po byas la/ don thams cad grub pa'i phyag rgya gcig pa'i dkyil 'khor gyi ting nge 'dzin gsum bsgoms pa nas brtsams te/ zla ba gcig gam lo gcig gi bar du bzlas nas ji srid du don thams cad grub pa'i phyag rgya gcig pa'i dkyil 'khor mngon sum du mthong bar gyur pa de srid kyi bar du bsgom par bya'o/ /de nas de'i rjes thogs nyid las dkyil 'khor 'di bri bar bya'o/ /de nas zhes bya ba ni rgyu de'i phyir te/ gang gi phyir don thams cad grub
- 192a
pa'i phyag rgya gcig pa'i dkyil 'khor du 'jug pa med na des 'dul ba'i sems can gyi khams rnams kyi mngon par 'dod pa'i dngos grub tu mi 'gyur ba de'i phyir/ rab tu bshad par bya ba ste/ don thams cad grub pa'i phyag rgya gcig pa'i dkyil 'khor ni dkyil 'khor chen po dam pa ste/ dngos grub thams cad bsdus par gyur pa'i phyir/ gtso bo yin no zhes bya ba'i tha tshig go /dngos grub kun gyi dkyil 'khor ni/ /ci bzhin par ni bri bar bya/ /zhes bya ba ni don thams cad grub pa'i dkyil 'khor chen po bzhin du phyi dang nang gi dkyil 'khor thams cad bri bar bya'o/ /dbus su bcom ldan 'das don thams cad grub pa bzhugs su gsol ba snga ma bzhin du bri bar bya'o/ /'di skad ston pa yin te/ don thams cad grub pa'i dkyil 'khor chen po bzhin du de'i phyi dang nang thams cad snga ma bzhin du bris la/ dkyil 'khor gyi dbus su pad+ma dang zla ba'i steng du/ oM badzra ma Ni d+ha sarbba artha sid+d+hi pra yats+tsha ho b+ha ga wan badzra ratna hUM/ zhes brjod cing bcom ldan 'das don thams cad grub pa bri bar bya'o/ /de nas don thams cad grub pa'i dkyil 'khor chen po'i cho gas rdo rje nor bu chen po bcings te/ ji lta ba bzhin du dbab pa dang/ cho ga thams cad rjes su spyad la/ /rin po che slob ma 'jug pa nas dngos grub kyi rjes brtul zhugs kyi mthar thug pa de dag ni cho ga thams cad ces bstan to/ /de ltar slob dpon gyi las dang slob ma 'jug pa'i cho ga rgyas par bstan nas/ da ni nam mkha' snying po'i phyag rgya gcig pa'i dkyil 'khor du dbang bskur ba thob pa la slob dpon gyi dngos grub kyi ye shes bstan par bya'o zhes bya ba'i cho ga bstan pa'i phyir/ de nas zhes bya ba la sogs pa
- 192b
gsungs te/ de nas kyi sgra ni de ma thag pa brjod pa'o/ slob ma 'jug pa'i cho ga rgyas pa'i rjes thogs la'o zhes bya ba'i tha tshig go /'di zhes bya ba ni don thams cad grub pa'i phyag rgya gcig pa'i dkyil 'khor ro/ /ye shes ni rang gi lha bsgoms pa las byung ba'i rang gi lhar des pa'o/ /de'i gsang ba'i phyag rgya ni de bzhin gshegs pa la sogs pa rang gi lhar des pa sems can gyi khams kyi de'i rang bzhin du byed par mos pa la der nges pa'i ye shes de bslab pa ste bstan par bya'o/ /gzugs ni don thams cad grub pa'i dum bu las bshad pa'i rnam par snang mdzad kyi rigs so/ /sogs pa smos pa ni don thams cad grub pa dang/ rin chen lta ba dang/ rin chen pad+ma dang/ rin chen char 'bebs kyi gzugs rnams gzung bar bya'o/ /gzugs la sogs pa gang dag yin pa de la gzugs la sogs pa des 'di skad du bshad pa'i don thams cad grub pa la sogs pa'o/ /de nyid kyi 'dod pa rnams ni 'dris par bya ba mngon par 'dod pa zhes bya ba'i tha tshig go /yang zhes bya ba'i sgra ni nges par gzung ba ste/ gzugs la sogs pa kho na 'dod pa rnams yin no zhes bya ba yin no/ /gzugs la sogs pa'i 'dod pa dag goms par byas pas na/ bde ba skye bar 'gyur ba gang yin pa de la de skad ces bya'o/ /bshad ma thag pa de'i chags pa dang bral bar gyur pa'i bde ba dbul bar bya'o/ /gang la zhe na sangs rgyas la'o/ /ci zhig thob par 'gyur ro zhe na/ las kyi dngos grub thob par 'gyur/ zhes bya ba gsungs te/ nor bu chen po'i dngos grub thob po zhes bya ba'i tha tshig go /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ de las bshad pa dang/ gzungs dang/ chos dang/ las kyi dkyil 'khor las bshad pa rang gi lha
- 193a
bsgom la de bzhin gshegs pa la sogs pa sems can gyi khams rang gi lha'i rang bzhin du nges par byas pa de lta bu'i bde ba de sangs rgyas rnams la de dbul bar bya ba yin no/ /de nas de ltar bsgoms pas /nor bu chen po'i rigs las bshad pa'i dngos grub thob par 'gyur ro/ /nor bu chen po'i rigs su gsungs pa'i dngos grub rnams ni don thams cad grub pa'i dkyil 'khor chen po las bshad pa'i phyag rgya bzhis rang gi lha'i rnal 'byor byas la bsgrub par bya'o zhes bya ba'i cho ga 'di bstan pa'i phyir/ de nas phyag rgya bzhi'i ye shes bslab par bya'o zhes bya ba gsungs so/ /de la don thams cad grub pa'i dkyil 'khor chen po las bshad pa'i bcom ldan 'das don thams cad grub pa 'am gzhan dag gi phyag rgya chen po dang/ dam tshig dang/ chos kyi phyag rgya dang/ las kyi phyag rgya rnams de la ji ltar bstan pa'i rnam pa bzhi'i ye shes bslab par bya ba ni bstan pa'o/ /de ltar ras la sogs pa la yang sems dpa' ni rdo rje snying po'o/ /phyag rgya ni de'i mtshan ma'o/ /ras la sogs pa la dkyil 'khor bris te bsgrub par bya'o zhes bya ba ni don thams cad grub pa'i phyag rgya gcig pa'i dkyil 'khor gyi 'grel ba'o// //de nas yang zhes bya ba la sogs pa ni rdo rje dbyings kyi dum bur bshad zin to/ /de bzhin gshegs pa thams cad kyi las ni de bzhin gshegs pa thams cad kyi las te/ sems can gyi bsam pa thams cad yongs su rdzogs par byed pa'i rin po che'i rigs rtogs pa bskyed pa'o/ /de'i dam tshig ni nor bu chen po'i rigs bskyed pa'i rgyur gyur pa ste/ de nyid kyi rtog pa ni brtags pa las byung ba'i phyir ro/ /de ston por byed pa'i sgra'i tshogs la yang rtog pa chen po zhes
- 193b
bya ste/ de nyid kyi rtogs pa thams cad kyi sems can thams cad la dbang bskur bar gsol ba rnams zil gyis gnang nas mdzes shing 'bar bar gyur pas na rgyal po'o/ /rdzogs bas na rtsa ba rgyud kyi mthar thug pa'o/ /nor bu chen po'i rigs 'di thams cad kyis sems can thams cad kyi bsam pa thams cad yongs su rdzogs pa'i las byed pa de'i phyi rol gyi rigs kyi las kyi phyag rgya zhes brjod de/ dbang bskur ba la sogs pa'i las kyi sems can gyi khams la rgyas 'debs byed pa'i phyir ro/ /de skad du yang 'dir khams gsum pa yi chos chen po'o/ /dbang bskur ba ster ba'i rgyal po mchog /ser sna'i dri ma gzhig phyir dang/ /sems can bsam pa yongs rdzogs phyir/ /don kun grub pa'i dbang po ni/ /nam mkha' i mthar thug grags pa yis/ /rdo rje rin chen rigs bskyed phyir/ /rtogs pa'i rgyal po 'di gsungs so /zhes bya ba gsungs pa yin no/ /sems can khams ni dpag med pa/ /rmongs pa rnam par bzlog pa'i phyir/ /snang byed de ba 'di bshad la/ / bdag gis dge ba 'di bsags pas/ /de yis 'jig rten ma lus pa/ /nor bu'i rigs kyi kun dga' che/ /snying po bsam mi khyab chen gtso/ /don kun 'grub pa rgyal gyur cig /de bzhin gshegs pa thams cad kyi de kho na nyid bsdus pa'i 'grel pa de kho na nyid snang bar byed pa zhes bya ba las nor bu chen po'i rigs kyi 'grel pa rdzogs so// //de ltar 'jig rten dang 'jig rten las 'das pa'i chos thams cad kyi de kho na nyid kyi rang bzhin du gyur pa sems can thams cad kyi thun mong du gyur pa'i de bzhin gshegs pa thams cad kyi de kho na nyid bsdus pa zhes bya ba theg pa chen po'i mdo/ /rtsa ba'i rgyud bstan nas/ da ni 'jig rten las 'das pa'i mchog gi dngos grub sgrub pa'i gong ma'i yang gong
- 194a
ma'i sems can rjes su gzung ba'i phyir/ thog ma dang tha ma med pa'i dam tshig chen po'i de nyid sangs rgyas dang byang chub sems dpa' thob pa'i rgyur gyur pa de bzhin gshegs pa dang/ de'i rigs dang/ rdo rje dang/ pad+ma dang/ nor bu'i rigs kyi rgyud phyi ma ni/ de nas byang chub sems dpa' sems dpa' chen po phyag na rdo rjes zhes bya ba la sogs pa gsungs so/ /'di skad du bshad pa 'di ni rtsa ba'i rgyud do/ /'di ni rgyud phyi ma'i 'o zhes bya ba de skad du yang/ ji ltar shes par bya zhe na/ 'di ni 'chad par 'gyur pa yin te/ de skad du rgyud phyi ma bstan pa'i rjes thogs la/ lta ba ngan zhing chags bral la/ /gsang ba 'di ni mi rigs te/ /sems can kun la phan don du/ /de bzhin cho ga bshad par bya/ /zhes phyis 'chad par 'gyur ro/ /gzhan yang gang 'jig rten pa dang/ 'jig rten las 'das pa'i sbyor ba'i chos kyi de kho na nyid la sogs pa'ang ston pa de ni rtsa ba'i rgyud do/ /gang 'jig rten las 'das pa'i dam tshig chen po'i de kho na nyid ston pa de ni rgyud phyi ma'i'o/ /rgyud phyi ma ni rtsa ba'i rgyud rnams thams cad las/ /bla ma'i bla ma don gnyer ba'i/ /sems can bla med sgrub pa rnams/ /rdo rje can rnams byin rlob pa'o/ /zhes gsungs so/ /de nas zhes bya ba ni skabs su bab pa ste/ dngos grub dam pa sgrub pa ston pa'i skabs su bab ces bya ba'i don no/ /phyag na rdo rje ni rdo rje 'chang chen pa'o/ /de nyid byang chub chen po'i rang bzhin yin pa'i phyir byang chub chen po'o/ /de yang gang gis yin zhe na/ de bzhin gshegs pa la thams cad kyi zhes bya ba la sogs pa gsungs te/ de bzhin gshegs pa thams cad kyi rigs ni de bzhin gshegs pa thams cad kyi rigs so/ /de la rnam par snang mdzad pa dang/ mi bskyod pa dang/ rin chen 'byung ldan
- 194b
dang/ 'od dpag tu med pa dang/ don yod par grub pa'i rang bzhin ni 'dir de bzhin gshegs pa thams cad do/ /rdo rje sems dpa' nas brtsams nas/ rdo rje 'bebs pa'i mthar thug pa rdo rje dbyings kyi dum bu las bshad pa ni/ de bzhin gshegs pa'i rigs so/ /'jig rten gsum las rnam par rgyal ba'i dum bu las bshad pa'i rdo rje hUM mdzad nas brtsams nas/ khro bo rdo rje 'bebs pa'i mthar thug pa ni rdo rje'i rigs so/ /'gro ba 'dul ba'i dum bu las bshad pa'i 'gro ba 'dul ba la sogs pa nas pad+ma 'bebs pa'i mthar thug pa ni pad+ma'i rigs so/ /nor bu'i dum bu las bshad pa'i don thams cad grub pa la sogs la nas/ rin chen 'bebs pa'i mthar thug pa'i snying po dang/ phyag rgya dang sngags dang/ rigs pa'i cho gas thams cad ni rin po che'i rigs so/ /de dag chen po de yang yin la de kho na nyid kyang de yin pas na/ de bzhin gshegs pa thams cad kyi rigs kyi de kho na nyid chen po ste/ dkyil 'khor chen po dang gzungs dang chos dang/ las kyi dkyil 'khor las gsungs pa'i phyag rgya chen po la sogs pa'i dngos grub chen po sgrub par byed pa de dag gi cho ga rgyas pa 'di ni bya ba'o/ /'di ni mi bya ba'o zhes nges par nan du bya ba'i khyad par de ston pa'i sgra'i tshogs kyi rgyud la yang de skad ces ston to/ /rgyud ni rgyud pas ma'o/ 'di zhes bya ba ni thugs la gnas pa'o/ /gsungs so zhes bya ba ni de bka' stsal cing bshad pa'o/ /de la zhes bya ba ni dmigs kyis dkar ba'o/ /shig ces bya ba ni rim pa la ltas pa'o/ /dang po zhes bya ba ni thog mar ro/ /phyag rgya yang yin la chen po yang de yin pas phyag rgya chen po ste/ sku'i gsang ba'i ngo bo'o/ /de'i dam pa'i dngos grub bam de rnams kyi phyag rgya chen po'i dngos grub ni dam pa'i dngos grub bo/ /de ston par byed pa'i rgyud la yang de skad ces bya ba yin no//
- 195a
dang por re zhig de bzhin gshegs pa'i rigs kyi dkyil 'khor chen por gsungs pa'i phyag rgya chen po'i dngos grub kyi rgyud 'byung la/ phyis dam tshig gi phyag rgya gtso bor gyur pa'i gzungs kyi dkyil 'khor las gsungs pa'i phyag rgya chen po la sogs pa yang 'byung ba yin no/ /phyag rgya chen po dam pa'i dngos grub kyi rgyud 'di gang yin zhe na/ de bzhin gshegs pa'i phyag rgya che/ /zhes bya ba la sogs pa gsungs te/ rnam par snang mdzad dang/ mi bskyod pa dang/ rin chen 'byung ldan dang/ 'od dpag med dang/ don yod grub pa'i rang bzhin gyi de bzhin gshegs pa de dag gi phyag rgya chen po bcings nas mkha' dbyings thams cad du/ sangs rgyas sku gzugs byin rlabs la/ /zhes bya ba la mkha' ni nam mkha' o/ /nam mkha' i dbyings thams cad du ni rdul phra rab kyi tshogs ni de rnams sangs rgyas kyi sku gzugs su byin gyis brlabs te rnam par bsam pa'o/ /rang gi snying du bcug na ni/ /yid kyis legs pa'i sbyor ba yin/ / dza(rgyud 'grel): hUM baM ho(rgyud 'grel): bzhi brjod cing/ lus la sangs rgyas kun gzhag go /zhes gsungs so/ /sgom pa'i las kyi 'bras bu 'di gang zhe na/ ci ste 'dod na tshe 'di la/ /zhes bya ba smos te/ sgrub pa po gang yang rung ba 'ga' zhig tshe 'di la zhi ba dam pa mchog tu gyur pa gang gi tshe 'dod na bag chags dang bcas pa'i nyon mongs pa spangs pa'i sangs rgyas nyid ni de'i 'bras bu ste/ 'di ni bsgoms pa'i las kyi 'bras bu'o/ /ci ste mi 'dod gzhan grub bzhin zhes bya ba ni gal te de ltar mi bsgom na ? ba'i rgyud las gsungs pa'i sangs rgyas ci zhig sgom par byed na de'i dngos grub tu 'gyur ro/ /de las gzhan du rnam par snang mdzad lta bu/ yang na don yod grub pa'i bar lta bu gzhan dag go /gal te mi 'dod pa ni gzhan rnam par
- 195b
snang mdzad nas don yod grub pa'i bar du mi 'dod pa'o/ /ji skad ston pa yin te/ byin gyis brlabs pa la sogs pas rnam par snang mdzad du bdag nyid bskyed nas/ don yod grub pa'i bar du bskyed de/ rnal 'byor chen po dang ldan pas de'i phyag rgya chen po bcings te/ badzra d+ha'a tu zhes bya ba de bzhin gshegs pa rnams kyi spyi snying po 'am/ oM sarba ta thA ga ta ma hA yo gi shwa ra hUM/ oM badzra satwa hUM/ oM badzra ratna hUM/ oM badzra d+harmA hUM/ oM badzra karmma hUM/ zhes bya ba rang gi sngags de dag brjod cing/ rnam par snang mdzad la sogs pa'i bdag nyid du nyin re zhing thun bzhi'i sbyor ba bya'o/ /ji srid du bdag nyid mngon sum lta bur nyin re zhing thun bzhir mthong bar gyur pa de srid du bya'o/ /de nas nam mkha' i khams thams cad du sangs rgyas kyi gzugs bsams la de nas ci nus pas/ sarbba bud d+ha b+hiM ba swa b+hA ba/ a haM zhes nga rgyal bskyed par bya'o/ /de nas ji srid du skyo bar ma gyur pa de srid kyi bar du bsgoms la de nas bsgom pa las ldang ba'i dus su dza(rgyud 'grel): hUM baM ho(rgyud 'grel): brjod cing yid kyis legs so sbyor bas/ de rnams rang gi lus la bzhugs par bya'o/ /yi ge brgya pas kyang brtan par byas te ldang bar bya'o/ /de ltar nyin re zhi ba snga ma bzhin bsgoms nas ji srid du sangs rgyas kyi gzugs brnyan gyi nam mkha' i khams thams cad du mthong bar gyur pa de srid kyi bar du bya'o/ /de nas mtshan thog thag bsgoms na de bzhin gshegs pa nyid du 'gyur ro/ /phyag rgya chen po bcings nas ni/ /zhes bya ba ni rdo rje dbyings kyi dkyil 'khor chen po las bshad pa'i rdo rje sems dpa' i rnal 'byor dang/ de las bshad pa'i rnal 'byor chen po byas la/ sgeg mo la sogs pa dang/ las kyi dkyil 'khor las bshad pa'i mchod pa bcu drug gis yang dag par mchod la/ de nas rdo rje sems dpa' i phyag rgya chen po nas rdo rje 'bebs pa'i phyag rgya chen po'i bar du bcings
- 196a
te/ bsgoms par bya'o/ /snga ma bzhin du ji srid bar du rang gi sems dpa' i phyag rgya'i bdag nyid mngon sum lta bur gyur pa de srid kyi bar du bsgom par bya'o/ /phyag rgya chen po bcings nas ji ltar sems dpa' i sbyor ba bsgoms par bya'o zhes na de nyid chen po brjod bya ste zhes bya ba smos te/ rdo rje sems dpa' nas rdo rje 'bebs pa'i bar du oM badzra satwa hUM zhes bya ba nas/ oM badzra aM ba she a(rgyud 'grel): zhes bya ba'i bar du rdo rje sems dpa' la sogs pa'i sngags brjod par bya'o zhes bya ba'i don no/ /de nas rang gi lus la lha thams cad kyi rang bzhin bdag yin no zhes bsam par bya'o/ /rang gi lus las rdo rje dbyings kyi dkyil 'khor chen po las bshad pa'i rnam par snang mdzad nas rdo rje 'bebs pa'i bar du sprul la/ rigs pa'i rgyal po dang/ khro bo'i tshogs dang/ pho nya dang/ bran dang/ btsun ma la sogs pa dang/ sems can dang/ snod kyi 'jig rten thams cad sprul nas/ rnam par snang mdzad la sogs pa'i gzugs ni bdag yin no zhes tshig re rer thams cad bdag yin no zhes nga rgyal bskyed nas bsgom par bya'o/ /bsgoms pa'i las kyi 'bras bu gang yin zhe na/ ci ste 'dod na bdag nyid des/ /de bya gzi can dge ba yin/ /go 'phang tshe 'di nyid la thob/ /mi 'dod dngos grub gong ma bzhin/ /zhes bya ba smos te/ sgrub pa po gang yin pas tshe 'di nyid la'o/ /gzi can zhes bya ba ni 'od zer can no/ /byang chub ba'i rang bzhin can gyi sems dpa' la sogs pa'o/ /go 'phang ni rdo rje 'chang chen po'i rang bzhin yin no zhes bya ba'i don no/ /gal te de ltar bsgom par mi 'dod mgor du bshad pa'i rdo rje sems dpa' la sogs pa'i gzugs nyid 'ba' zhig sgom pa de'i tshe/ de bsgoms pas 'grub par 'gyur te/ rdzu 'phrul tshe stobs gzugs mchog rnams/ /rdo rje sems sogs
- 196b
'dra bar gyur/ /zhes bya ba ni rdo rje sems dpa' la sogs pa nyid du 'gyur ro/ /de'i don ni 'di skad ston pa yin te/ rdo rje dbyings las bshad pa'i rdo rje sems dpa' i rnal 'byor bya ba nas/ rdo rje 'bebs pa'i rnal 'byor bya ba'i bar du ji srid bdag nyid kyis mngon sum du mthong bar gyur gyi bar du bsgom par bya'o/ /de nas brtan pa dang g.yo ba'i dngos po thams cad rang gi lus las sprul te/ de'i rang bzhin bdag yin no zhes nga rgyal bskyed nas ji srid du brtan pa dang g.yo ba'i dngos por bdag nyid mngon sum du mthong bar gyur ba de srid kyi bar du bsgom par bya'o/ /de nas mtshan thog thag bar bsgoms nas rdo rje 'chang chen par 'gyur ro/ /de ltar 'gyur ba ji ltar shes she na/ gcig gi ngo bo brtan byas te/ /phyi nas tshig re re thams cad bdag yin par shes bya ba smos te/ bsgoms pas so/ /brtan par gyur nas spro bar bya/ /brtan par ma gyur de mi spro zhes gsungs so/ /de nas zhes bya ba'i sgra ni snga ma bzhin no/ /dam tshig 'dzin pa'i phyag rgya ni dam tshig gi phyag rgya ste/ rnam par snang mdzad la sogs pa ston pa'o/ /de'i dam pa'i dngos grub ni de rnams kyi dam tshig gi phyag rgyas sangs rgyas dang byang chub dpa' nyid thob bo zhes bya ba'i don no/ /ji ltar rdo rje 'dzin grub pa ni rnam par snang mdzad chen po dang/ de bzhin nyid dang/ rdo rje 'chang chen po'i rdo rje 'dzin chen po'o/ /dngos grub ni de bzhin nyid du ro gcig par gyur pa'o/ /de ltar bdag ces bsgoms na ni/ zhes bya ba ni yang dang yang mngon du byas pa'o/ /sangs rgyas dang ni gzi chen thob/ /ces bya ba ni/ rdo rje 'chang chen po nyid thob pa'o/ /mi 'dod dngos grub gong ma bzhin/ /zhes bya ba ni sngar bshad pa bzhin no/ /'di skad ston pa yin te snga ma bzhin du rnam par snang mdzad la sogs pa de bzhin gshegs pa'i rnal 'byor ram/ rdo rje sems dpa' la sogs
- 197a
pa rnams kyi rnal 'byor byas te/ gzugs brnyan la sogs pa dang mtshungs par bdag nyid bsgom par bya'o/ /rang gi dam tshig gi phyag rgya bcings te/ rang gi snying po dang sngags brjod cing snga ma bzhin du de bzhin gshegs pa 'am/ rdo rje sems dpa' la sogs pa gzugs brnyan dang mtshungs par bdag nyid mngon sum lta bur mthong ba de srid du bsgom par bya'o/ /de nas snga ma bzhin du spro ba dang bsdu ba'i sbyor bas ji srid thams cad kyi rang bzhin nam/ rdo rje sems dpa' la sogs pa'i rang bzhin nam mkha' la mngon sum du mthong bar gyur pa de srid du bsgom par bya'o/ /de nas mtshan thog thag bsgoms nas de bzhin gshegs pa 'am/ rdo rje 'chang bar bdag nyid 'gyur ro/ /chos kyi phyag rgya dam pa'i dngos grub ni sangs rgyas dang byang chub sems dpa' nyid thob pa'o/ /chos rnams thams cad rang bzhin gyis/ /dag ces brjod na nges par yang/ /zhes bya ba ni don dam par na dngos po med pa'i rang bzhin yin no zhes bya ba'i badzra dz+nyA na nas gand+da a a(rgyud 'grel): zhes bya ba'i bar gyi chos kyi yi ge ngo bo brjod cing smras pa'o/ /ci tsam zhig rang bzhin gyis dag par 'gyur zhe na/ chos thams cad ces bya ba smos te/ 'dus byas dang 'dus ma byas kyi chos thams cad do/ /rang bzhin gyis dag pa ni stong pa nyid do/ / chos kyi yi ge'i ngo bo brjod pa ni smras pa'o/ /sangs rgyas sam byang chub sems dpa' thob par 'gyur ro/ /snga ma bzhin du de bzhin gshegs pa'i rnal 'byor ram/ rdo rje sems dpa' la sogs pa'i rnal 'byor byas la/ snga ma bzhin du lce la badzra dz+nyA na la sogs pa chos kyi yi ge rnam par bsam par bya'o/ /phyis rang gi snying gar rdo rje rtse lnga pa de rnam par bkod nas/ de rdo rje'i tshig gis brjod cing/ de bzhin gshegs pa dang/ rdo rje sems dpa' la sogs pa'i gzugs brnyan snang ba tsam
- 197b
rang bzhin gyis rnam par dag par bdag nyid bsgoms te/ ji srid du de'i ngo bor bdag nyid mngon sum du mthong bar gyur pa de srid du bsgom par bya'o/ /de nas snga ma bzhin du ji srid du spro ba dang bsdu ba'i sbyor bas nam mkha' i khams thams cad du de bzhin gshegs pa'i bdag nyid dam/ rdo rje sems dpa' la sogs pa'i bdag nyid du mthong bar gyur pa de srid du bsgom par bya'o/ /de nas de bzhin du bsgrubs na de bzhin gshegs pa 'am/ las kyi phyag rgya rnams kyi dam pa'i dngos grub ni las kyi phyag rgya ni dam pa'i dngos grub po/ /thams cad kyi ni kun dag par/ /zhes bya ba ni sbyor ba dang/ yongs su spyod pa dang/ so sor rtog pa dang/ sgrub pa lhur len pa'i brtson 'grus kyi mtshan nyid dang/ sems can gyi don du sangs rgyas kyi sprul pa'i mdzad pa'i sgeg mo la sogs pa'i mchod pa brgyad dang/ las kyi dkyil 'khor las bshad pa'i mchod pa bcu drug gi mtshan nyid do/ /las rnams thams cad sbyangs nas ni/ /zhes bya ba ni rang bzhin gyis 'od gsal ba'i brtson 'grus kyi pha rol tu phyin pas thams cad rnam par sbyangs pa'o/ /de'i phyir kun nas kun tu rnam par dag pa'i phyir las rnams thams cad ji lta ba bzhin du yongs su sbyong ba'i las thams cad rang bzhin gyis 'od gsal ba'i sgyu ma dang mtshungs par bsgom pa'o/ /bsgom pas cir 'gyur zhe na sangs rgyas gzi chen thob ces bya ba smos te/ 'di skad ston pa yin te/ snga ma bzhin du rnam par snang mdzad la sogs pa'i de bzhin gshegs pa'i rnal 'byor ram/ de'i rigs kyi rnal 'byor byas la/ sgeg mo la sogs pa rnams dang/ las kyi dkyil 'khor las gsungs pa'i mchod pa rnams kyis yang dag par mchod la/ de'i las kyi phyag rgya bcings te/ rang gi snying gar sna tshogs rdo rje rnam par bsams nas/ de'i steng du snying po 'am sngags rang gi yid kyis bris la/ de'i snying po'am sngags
- 198a
rdo rje'i tshig gis brjod cing/ rang bzhin gyis 'od gsal ba'i snang ba snyan tsam du de bzhin gshegs pa 'am rdo rje sems dpa' la sogs pa'i rang bzhin du ji srid bdag nyid mthong bar gyur pa de srid kyi bar du bsgom par bya'o/ /de nas snga ma bzhin du thams cad kun tu khyab par rnam par bsams te/ snga ma bzhin du nga rgyal bskyed de/ ji srid du de'i gzugs su bdag nyid mthong bar gyur pa de srid kyi bar du bsgom par bya'o/ /de nas mtshan thog thag bsgoms na de bzhin gshegs pa 'am rdo rje 'chang bar 'gyur ro/ /de bzhin gshegs pa'i rigs kyi dam pa'i dngos grub rnams ni de bzhin gshegs pa'i rigs kyi dngos grub dam pa'o/ /rdo rje dbyings kyi dkyil 'khor chen po las bshad pa'i de bzhin gshegs pa dang/ de'i rigs kyi phyag rgya chen po dang/ dam tshig dang/ chos dang/ las kyi phyag rgya rnams kyi/ dam pa'i dngos grub ni bshad ma thag pa yin no zhes bya ba'i don no/ /de nas zhes bya ba'i sgra ni snga ma bzhin no/ / phyag na rdo rje ni rdo rje hUM mdzad do/ /rang gi rigs ni rdo rje'i rigs so/ /dam pa'i dngos grub ni rang gi rigs kyi dam pa'i dngos grub ste snga ma bzhin no/ /dngos grub kun sbyor sangs rgyas kyi/ /zhes bya ba ni khams gsum du skyes pa'i sems can thams cad kyang 'jig pa'i bskal pa'i me la sogs pa rnams kyis gnod par gyur pa'i gdul bya'i dbang gis sangs rgyas rnams kyi bkas ni sangs rgyas kyis rdo rje hUM mdzad la bka' stsal pa gang yin pa de ni sangs rgyas kyis bka' o// de'i phyir sangs rgyas kyi bka' stsal ba'i rgyu yis so/ /sems can kun gyi don du zhes bya ba ni sems can yang yin la kun yang yin pas na sems can kun don no/ /lha chen po la sogs pa brtsan thabs kyi sgrub pa dang/ bkug nas
- 198b
g.yul bshams pa dang/ rtsod pas sgrub pa ste/ de dag gi don ni sems can kun gyi don yin pa de'i phyir sems can kun gyi don te/ sangs rgyas dang byang chub sems dpa' bskyed pa'i don no zhes bya ba'i tha tshig go /dngos grub kun sbyor zhes bya ba ni dngos grub kyang yin la kun sbyor yang de yin pas na dngos grub kun sbyor te/ rdo rje hUM mdzad dang khro bo rdo rje sems dpa' nas brtsams te/ rdo rje'i rigs thams cad kyi dngos grub po/ /de'i kun tu sbyor ba ni dngos grub thams cad kyi rab tu sbyor ba'o phyag rgya chen po so sor bcings nas sems can gyi khams thams cad rdo rje hUM mdzad la sogs pa'i rdo rje'i rigs kyi gzugs su sprul cing bskyed nas bdag nyid bya ba byas so zhes lhag par mos pa des bsgrubs la/ rdo rje hUM mdzad dang/ de'i rigs kyi phyag rgya chen pa'i rang bzhin du bdag nyid bskyed pa'o/ /de'i rang bzhin du yang dang yang mos pas/ tshe 'di nyid la sangs rgyas zhes bya ba ni tshe 'di nyid ni mthong ba'i chos la don mi za ba nyid du rdo rje 'chang chen po thob po zhes bcom ldan 'das phyag na rdo rjes gsungs so/ /'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i dpal rdo rje hUM mdzad kyi rnal 'byor ram/ khro bo rdo rje sems dpa' la sogs pa'i rnal 'byor de nyid dang de las bshad pa'i rnal 'byor chen po byas la/ sgeg mo la sogs pa'i mchod pa brgyad dang/ las kyi dkyil 'khor las bshad pa'i mchod pa bcu drug gis bdag nyid yang dag par mchod la/ de bzhin gshegs pa thams cad la phyag bzhi byas te/ rdo rje hUM mdzad kyi phyag rgya chen po bcings te/ de bzhin gshegs pa thams cad kyi thugs las phyung nas phyogs bcu thams cad du rdo rje hUM mdzad sprul par lta ste/ yan lag thams cad las hUM zhes bya bas sangs rgyas hUM mdzad bskul te/ rang gi
- 199a
rdo rje las rang gi rdo rje'i rigs sprul nas bskal ba'i rlung gis bskyod pa'i bskal pa'i me lta bu rdo rje 'bar ba kun nas 'khrug pa'i 'od zer gyis gdug pa thams cad 'dul ba dang/ zhi ba thams cad rjes su gzung ba'i phyir nam mkha' khams thams cad du khyab pa'i sems can gdug pa can thams cad btul nas/ thams cad de bzhin gshegs pa la sogs par gyur nas/ 'jig rten gsum las rnam par rgyal ba'i dkyil 'khor chen po'i rang bzhin du rnam par bsams te/ sarbba badzra ku pa swa b+hA ba a haM zhes nga rgyal bskyed nas bya ba byas pa nyid kyis rdo rje hUM mdzad du bdag nyid bsgom par bya ba 'am/ yang na khro bo rdo rje sems dpa' i phyag rgya chen por bcings te/ sgrub pa po de khro bo rdo rje sems dpa' la sogs pa'i bdag nyid gyis/ sarbba badzra ku la swa b+hA ba a haM zhes nga rgyal bskyed cing bsgom par bya'o/ /de ltar na tshe 'di nyid la sangs rgyas su 'grub par 'gyur ro/ /snga ma bzhin du gang yang rung ba'i gzugs gcig bstan par byas pas de bzhin gshegs pa thams cad kyi 'bras bur gyur pa de bzhin du thams cad du yang shes par bya'o/ /dam tshig gi phyag rgya dam pa'i dngos grub ni dam tshig gi phyag rgya rnams kyis dngos grub ste/ de ston par byed pa'i rgyud la de skad? ces? bya'o/ /phyag rgya chen po'i tshul du ni/ /ji ltar rdo rje 'dzin grub pa/ /de bzhin bdag ces bsgoms nas ni/ /zhes bya ba la ji ltar rdo rje 'dzin pa ni thog ma med pa'i chos kyi dbyings mngon sum du byas pa'i gnyis su med pa'i ye shes kyi rang bzhin dngos grub sgrub pa de lta bu ni bdag yin no zhes bsgom par bya'o/ /ji ltar bsgoms par bya zhe na/ /phyag rgya chen po'i tshul du ni/ /zhes bya ba smos te/ phyag rgya chen po rnams la rab tu sbyor ba ni phyag rgya chen po'i tshul te/ de yang sngar bshad
- 199b
zin to/ /phyag rgya chen po'i tshul du bsgom pa des ci zhig du 'gyur zhe na/ skad cig gis ni gzi can thob/ /ces bya ba smos te/ 'di skad du ston pa yin te/ snga ma bzhin du rnal 'byor chen po byas la/ rang gi lha'i dam tshig gi phyag rgya bcings te/ rang gi snying ga'i zla ba la gnas pa'i rdo rje rtse lnga pa'i dbus su snying po yid kyis bris te/ de nyid brjod cing gzugs brnyan dang mtshungs par snga ma bzhin du bdag nyid bsgom par bya'o/ /de nas de ltar nam mkha' i khams kyi rdo rje'i rigs kyi ngo bo ji srid mngon sum du mthong bar gyur pa de srid kyi bar du bsgom par bya'o/ /de nas mtshan thog thag bsgoms pa gang yin pa de mngon sum du mthong bar gyur te/ des skad cig de nyid la rdo rje 'chang chen por 'gyur ro/ /de nas zhes bya ba ni snga ma bzhin no/ /yi ge med pa'i chos rnams la rab tu spro ba yod min te/ /zhes bya ba ni yi ge a la sogs pa de rnams kyi ming 'dogs na yi ge med pa'i chos rnams la'o/ /shes rab kyi pha rol tu phyin pa'i ngo bo rang bzhin gyis rnam par dag pa de'i sems dang sems las byung ba'o/ /ci'i phyir yi ge med pa yin zhe na/ bshad ma thag gi phyir de rnams kyi rnam par rtog pa'i spros pa yod pa ma yin pas gnyis su med pa'i phyir ro zhes bya ba'i don no/ /chos mchog 'di ni brjod byed cing/ /zhes bya ba ni 'di nyid smras pa yin te/ sangs rgyas dang rdo rje 'dzin pa la sogs pa'i chos kyi yi ge hUM brjod pa'o/ /gang gi tshe brjod ce na/ chos kyi mchog bsgoms na zhes bya ba smos te/ yi ge hUM la sogs pa'i chos kyi phyag rgya mchog /yang dang yang mngon du byas na gzi brjid can du 'gyur ro zhes bya ba ni 'bras bu gsungs pa'o/ /snga ma bzhin du thams cad byas la/ chos kyi phyag rgya lce la yid kyis bris na rdo rje rtse lnga pa dkar po lce la rnam par bsam par bya'o/ /rang gi snying ga'i rdo rje la yang de mngon
- 200a
par bris la de nyid brjod cing gzugs brnyan dang mtshungs pa'i rdo rje rigs kyi rang bzhin bdag nyid kyi phyag rgya chen po'i sbyor bas bsgom par bya'o/ /snga ma bzhin du mtshan thog thag bsgoms na de'i rjes la rdo rje 'chang chen po 'gyur ro zhes bya ba'i tha tshig go /de nas zhes bya ba la sogs pa ni snga ma bzhin no/ /dge ba 'am yang na mi dge ba/ gang gis las rnams byas pa ni/ zhes bya ba sangs rgyas la sogs pa la phul ba la zhi ba'i las kyi sbyor ba 'di ni dge ba'i las so/ /rnam par 'tshe ba ni mi dge ba'i las so/ /khro ba ni mi dge ba'i las nyid du rab tu grags pa'i phyir 'jig rten las grags pa de ltar brjod par bya'o/ /'di ltar dge ba dang mi dge ba'i las cung zad byed pa de dag thams cad rnal 'byor pas de bzhin gshegs pa rnams la dbul bar bya'o/ /phul bas ci zhig du 'gyur zhe na/ skad cig gis gzi can du 'gyur zhes bya ba smos te/ de'i don ni 'di skad ston pa yin te/ snga ma bzhin du rang gi khro bo'i rnal 'byor dang/ rnal 'byor chen po byas la mchod pa thams cad kyis yang dag par mchod de/ rang gi khro bo'i las kyi phyag rgya ji lta ba bzhin du bcings nas rang gi snying gar sna tshogs rdo rje la sngags zlos shing/ yid kyis bkod la/ de nyid rjod cing nam mkha' i khams thams cad du snga ma bzhin du rdo rje'i rigs kyi bkang nas lha chen po la sogs pa'i gdug pa can thams cad 'dul ba dang/ zhi ba rnams rjes su gzung ba la sogs pa de rnam par bsams te/ de rang rang gi de bzhin gshegs pa thams cad kyi rang bzhin du byas nas/ bdag gis gdug pa gdul ba la sogs pa'i las 'di mdzod cig ces gsol ba btab nas/ de ltar de rnams la dge ba dang mi dge ba'i las rnams phul bar bsgom par
- 200b
bya'o/ /de nas snga ma bzhin du mtshan thog thag bsgoms la bsgrubs na ji srid mngon sum du mthong ba de srid kyi bar du bsgoms na/ de skad cig gis gzi brjid can du 'gyur ro/ /'dod chags ni shes rab pha rol phyin pa yi/ /chos la bdag med mkhas pa yis/ 'dir goms pa 'di chags pa'o/ /zhes bshad do/ de dag pa ni dri ma thams cad dang bral ba'o/ /'di ltar 'di dag pa yin zhe na/ ngo bo nyid kyi zhes bya ba smos te/ ngo bo nyid ni sgro 'dogs pa med pa gnyug ma'i bdag nyid gzung ba dang 'dzin pa'i rnam par rtog pa spangs pa'i shes rab kyi pha rol tu phyin pa'i mtshan nyid dmigs pa med pa'i thugs rje chen po'o zhes bya ba'i tha tshig go /de las byung ba ni 'phags pa spyan ras gzigs dbang phyug ni 'dod chags te/ de ltar gyur pa'i 'dod chags de la mu stegs can gyis smad par gyur pa'o/ /de la mya ngan las 'das pa'i rgyun la 'jug pa'i thabs kyi lam dang ldan pa de la spyi mu stegs zhes brjod do sangs rgyas pa'i theg pa chen po spong pa'i lam gzhan pa ngo? ni mu stegs te/ de gang la yod pa ngo ni mu stegs can no/ /de yod pas na nyan thos dang rang sangs rgyas kyi theg pa'o/ /'jig rten pa'i lam la zhugs pa 'di bden no snyam du rmongs pa'i mu stegs can gyis smod pa'o/ /de la chags pa'i chos 'di ni/ zhes bya ba ni de lta bur gyur pa de gnyi ga'i bdag nyid dag pa'i 'dod chags de la shin tu chags pas yang dang yang mngon du byas pa 'di ni theg pa chen po ste/ rdo rje theg pa'i rang bzhin no/ /ni zhes bya ba'i sgra ni nges par gzung ba ste/ 'di kho na theg pa chen po'i chos yin no zhes rim pa bzhin du sbyar bar bya'o/ /gang gi phyir chos 'di rnal 'byor pa sangs rgyas dang byang chub sems dpa' nyid kyi dngos grub 'grub pa'i phyir ro/ /'di skad ston pa yin te/ 'gro ba 'dul ba'i dkyil
- 201a
'khor chen po las bshad pa'i 'gro ba 'dul ba'i rnal 'byor ram/ de'i rigs kyi rnal 'byor de dang de las bshad pa'i rnal 'byor chen po byas la/ pad+ma'i sgeg mo la sogs pa dang/ pad+ma'i rigs kyi las kyi dkyil 'khor las bshad pa'i mchod pa bcu drug gis bdag nyid yang dag par mchod la/ phyag bzhis de bzhin gshegs pa thams cad la phyag byas te 'gro ba 'dul ba'i phyag rgya chen po 'am/ sangs rgyas pad+ma la sogs pa de'i rigs kyi phyag rgya chen po bcings te/ chos bdag la chags pa'i rang bzhin gyi snang brnyan tsam 'phags pa spyan ras gzigs dbang phyug du bdag nyid bsams te/ rang gi snying ga'i pad+ma rdo rje la sngags bzlas shing bkod de/ nam mkha' thams cad pad+ma'i rigs kyi dgang bar bsams la rang gi sngags brjod par bya'o/ /'jig rten dbang phyug du bdag nyid bsgoms nas ji srid bdag nyid de'i gzugs su mngon sum lta bur mthong bar gyur pa de nyid kyi bar du bsgom par bya'o/ /de nas pad+ma'i rigs kyi ngo bos thams cad du khyab par ji srid bdag nyid kyis mthong bar gyur pa de srid kyi bar du bsgoms par bya'o/ /de'i rjes la snga ma bzhin du bsgrubs na 'phags pa spyan ras gzigs dbang phyug nyid du 'gyur ro/ /de nas zhes bya ba la sogs pa ni bshad zin to/ /ting 'dzin brtan pa'i tshul gyis ni/ /byams pa chen po bsgoms nas kyang/ /zhes bya ba la bsgoms pas ni yang dang yang mngon du byas pa'o/ /ci zhig goms par byed ce na/ /ji ltar bya zhe na/ ting 'dzin brtan pa'i tshul gyis ni// zhes bya ba smos te/ ting nge 'dzin ni sems rtse gcig pa'o/ /de nyid brtan pa'i tshul gyis ni ma shigs pa'i sbyor pa'o/ /ting nge 'dzin brtan par gyur nas spro bar bya'o/ /byams pa chen po de phyogs bcur bkang bar ji ltar bya zhe na/ cho ga
- 201b
bzhin ldan khyab byas nas/ /zhes bya ba smos te/ byams pa bsgom pa'i man ngag gis te/ sngar bshad pa'i man ngag gis spro bar bya'o/ /zhes bya ba'i don no/ /ldan zhes bya ba ni ting nge 'dzin bzang po dang ldan pa'i tha tshig go /bsgoms pa nges cir 'gyur zhe na/ skad ci gis ni gzi can thob/ /ces bya ba smos so/ /'di skad ston pa yin te snga ma bzhin du 'jig rten dbang phyug gi sbyor bas rnal 'byor chen po byas te/ mchod pa dang phyag rgya ba rjes su spyad la/ rang gi dam tshig gi phyag rgyas bcings te/ rang gi snying ga'i zla ba la gnas pa'i rdo rje pad+ma la snying po bkod pa nyid brjod cing/ sems can gyi khams thams cad la byams pa chen po spros te/ pad+ma'i rigs kyi gzugs su rnam par bsams la/ rang bzhin gyis rnam par dag pa'i snang brnyan tsam du bdag nyid snga ma bzhin du bsams par bya'o/ /de nas mtshan thog thag bsgoms la de'i rjes la nam mkha' thams cad pad+ma'i rigs kyis yongs su gang bar mthong bar 'gyur ro/ /de nas skad cig ma de nyid la 'phags pa spyan ras gzigs dbang phyug nyid du 'gyur ro/ /de nas zhes bya ba ni snga ma la sogs pa bzhin no/ /'dod chags ngo bo nyid kyis bdag ces bya ba ni ngo bo nyid kyis dag pa ni gzung ba dang 'dzin pa'i rnam par rtog pa spangs nas ngo bo nyid kyis dag pa'o/ /ngo bo nyid kyis dag pa de gang yin zhe na/ 'dod chags zhes bya ba smros te 'dod pa yang yin la chags pa yin pas na de 'dod chags so/ /chos thams cad rang gis rnam par dag pa'o zhes bya ba'i mthar thug pa'i chags pa chos bdag med pa'i chags pa zhes bya ba'i don no/ /smra bar gyur pa zhes bya ba ni ji lta ba'i yi ge h+ri la sogs pa pad+ma'i rigs kyi chos kyi yi ge brjod pa'o/ /ci zhig smra ce na/ tshul 'di ni zhes bya ba smos to/ chos bdag med pa la shin tu chags pa ni yang dag par rdzogs pa'i sangs rgyas thob pa'i rgyu yin pa'i phyir tshul yin te/ smra bar
- 202a
gyur pa'i tshul 'di ni zhes bya ba'o/ /de ltar 'di smras pas ci zhig du 'gyur zhe na/ 'dod chags pha rol phyin rnyed de/ /skad cig gis ni gzi can thob/ /ces bya ba smos te/ 'dod chags kyi pha rol tu son pas na 'dod chags kyi pha rol tu phyin pa ste/ chos bdag med pa mngon du bya ba de thob pas na 'dod chags kyi pha rol tu phyin brnyed par gyur pa'o/ /skad cig ma de nyid la 'phags pa spyan ras gzigs dbang phyug du 'gyur ro/ /de'i don ni 'di skad ston pa yin te/ snga ma bzhin du 'gro ba 'dul ba'i dkyil 'khor chen po las bshad pa'i rang nyid kyis 'jig rten dbang phyug gi rnal 'byor dang rnal 'byor chen po byas la/ cho ga thams cad rjes su sbyad te/ lce la rdo rje dkar po rnam par bsams te/ yi ge h+ri la sogs pa'i chos kyi yi ge lce'i dbus su dgod par bya'o/ /yang snying ga'i rdo rje pad+ma nyid la chos kyi yi ge rnam par bsams la/ de brjod cing chos thams cad rang bzhin gyis rnam par dag pa'o zhes bya bas/ rang gi lha'i gzugs snang brnyan tsam du bsams la/ pad+ma'i rigs kyi nam mkha' i khams thams cad gang bar snga ma bzhin du sgoms na gdon mi za bar 'jig rten dbang phyug du 'gyur ro/ /de nas las kyi phyag rgya dam pa'i dngos grub kyi rgyud ces bya ba la sogs pa ni snga ma bzhin no/ /bdag gi lha dang reg pa dang/ zhes bya ba ni sems can 'ga' zhig gis 'phags pa spyan ras gzigs dbang phyug ji lta ba bzhin du mthong ba tsam gyis sdig pa thams cad dang bral bar 'gyur ro/ /'phags pa nor bzang bzhin du 'ga' zhig gis reg pa tsam gyis sam/ 'ga' zhig gi mtshan nyan pa tsam gyis sam/ dran pa tsam gyis kyang gsod pa dang/ 'chid pa la sogs pa sdug bsngal dang bral bar 'gyur ro/ /de nas bdag nyid sems can thams cad du gyur ba yin no
- 202b
zhes bsgom par bya'o/ /bsgoms pas ci zhig byed ce na/ sdug bsngal kun gyi mthar byed 'gyur/ zhes bya ba smos te/ sdug bsngal yang yin la kun yang de yin pas na sdug bsngal kun te/ sems can rnams kyi gdung bar byed pa'i ngo bo de dag sel bar byed pa de'i phyir sdug bsngal kun gyis mthar byed pa bzhi bcom ldan 'das 'phags pa spyan ras gzigs dbang phyug de 'di skad bshad pa bzhin du gnas par 'dod na bdag de lta bur bya'o/ /'di skad ston pa yin te/ snga ma bzhin du rang nyid spyan ras gzigs dbang phyug gi rnal 'byor gyis thams cad rjes su spyad pa'i phyir rang gi las kyi phyag rgya bcings te/ snying ga'i zla ba la h+ri las sna tshogs pad+ma rgya gram rnam par bsams la de'i steng du bzlas pa'i snying po bkod de/ zlos shing phyogs bcur 'jig rten dbang po'i gzugs kyi sems can gyi khams thams cad kyi sdug bsngal bsal nas pad+ma'i rigs kyi ngo bor rnam par bsams te/ sarbba i ba a haM zhes nga rgyal bskyed nas rang bzhin gyis 'od gsal ba'i snang brnyan tsam de'i rang bzhin bdag yin no zhes bsgom par byas la/ snga ma bzhin du bsgrubs na de'i rjes la skad cig de nyid la 'phags pa spyan ras gzigs dbang phyug du 'gyur ro/ /nor bu'i rigs kyi don thams cad grub pa la sogs pa nas rin chen 'bebs pa'i mthar thug pa'i dam pa'i dngos grub de'i phyag rgya chen po la sogs pa'i 'bras bu 'grub pa yin no zhes bya ba'i tha tshig go /de la zhes bya ba ni dmigs kyis dgar ba'o/ /phyag rgya chen po'i dam pa'i dngos grub de ston par byed pa'i sgra'i tshogs la yang rgyud ces bya'o/ /sangs rgyas kun dbang bdag gyur zhes bya ba ni sangs rgyas kun gyis dbang bskur ba'i nor bu'i rigs so/ /de bdag go zhes bya ba bsgoms pa ni bdag 'gyur zhes bya ba'i don no/ /ji lta ba bzhin du bya zhe na/ rdo rje snying po ji bzhin du/ /zhes bya ba
- 203a
smos te/ ji ltar nor bu'i rigs kyi rdo rje snying po bsgom pa de bzhin du bdag nyid kyang bya'o/ /zhes bya ba ni ji bzhin du'o/ /bsgom par bya ba rnams bsgoms na/ zhes bya ba ni nor bu'i rigs de yang dang yang mngon du byas pa'o/ /na zhes bya ba'i sgra ni nges par gzung ba ste/ yang dang yang mngon du byas pa'o/ /ci zhig tu 'gyur zhe na/ skad cig gis ni gzi can thob ces bya ba smos so/ /don thams cad grub pa'i dkyil 'khor chen po las bshad pa'i rang 'dod pa'i rnal 'byor dang/ dro? las bshad pa'i rnal 'byor chen po byas la rin chen sgeg mo la sogs pa rnams dang/ nor bu'i rigs kyi las kyi dkyil 'khor las bshad pa'i mchod pa'i bcu drug gis bdag nyid yang dag par mchod de/ de bzhin gshegs pa thams cad la phyag bzhi byas te/ langs la rang gi lta ba'i phyag rgya chen po bcings te/ rang gi snying po brjod cing de bzhin gshegs pa la sogs pas sems can gyi khams thams cad nor bu'i rigs kyi dbang bskur bas dbang bskur te/ nor bu'i rigs kyi rang bzhin du rnam par bsams te/ lha thams cad nam mkha' dang mtshungs pa'i snang brnyan tsam ni bdag yin no zhes nga rgyal bskyed de/ ji srid bdag nyid rang gi lha'i rang bzhin du mngon sum lta bur gyur pa de srid kyi bar du bsgoms na bdag nyid de'i rang bzhin du mthong bar 'gyur ro/ /de nas nor bu'i rigs thams cad du song bar ji srid du mngon sum lta bur gyur pa de srid kyi bar du bsgom par bya'o/ /de nas mtshan thog thag bsgoms na de'i rjes la mngon sum du mthong bar gyur pa dang/ de nas skad cig de nyid la rdo rje snying por 'gyur ro/ /de nas zhes bya ba la sogs pa ni snga ma bzhin no yongs su rdzogs par byed 'gyur zhing/ /zhes bya ba ni bdag nyid gyur/
- 203b
cing bsgom pa'o/ /ci ltar 'gyur zhing zhe na/ sems can kun gyi re ba kun/ /yongs su rdzogs par byed pa'o zhes bya ba smos so/ /ci 'dra ba zhig ce na/ nam mkha' i snying po 'dra ba ni zhes bya ba smos so/ /de bzhin du 'phags pa nam mkha' i snying pos sems can thams cad kyi bsam pa yongs su rdzogs par byed pa de bzhin du 'dir yang 'gyur ro zhes bya ba'i don no/ /de ltar bsgrubs pas ci zhig thob par 'gyur zhe na/ skad cig gis ni gzi can thob/ /ces bya ba smos te/ skad cig ma de nyid la rdo ji snying po thob par 'gyur ro zhes bya ba'i don no/ /snga ma bzhin du thams cad byas nas dam tshig gi phyag rgya bcings nas/ rang gi snying ga'i rdo rje rgya gram gyi dbus su bzlas pa'i snying po yid kyis bris te/ de nyid brjod cing nam mkha' dang mnyam pa nyid kyi ye shes kyis de bzhin gshegs pa la sogs pa thams cad dang/ sems can gyi khams thams cad la dbang bskur nas nor bu'i rigs kyi rang bzhin du bsams te/ nam mkha' dang mtshungs pa'i so sor snang ba ni bdag yin no zhes nor bu'i rigs thams cad kyi nga rgyal bskyed par bya'o/ /de bzhin du rnam par bsgoms nas de nas nam mkha' thams cad nor bu'i rang bzhin du mthong na/ de nas skad cig de nyid la rdo rje snying po dang 'dra bar 'gyur ro/ /de nas zhes bya ba la sogs pa sngar bshad zin to/ /bdag nyid kyang zhes bya ba ni nor bu rigs zlos ba ni nor bu'i rigs kyi bdag nyid kyi nor sbyin no/ /kyang zhes bya ba ni nges par gzung ba ste/ de'i bdag kho na'i nor spangs nas sems can rnams la gtong de dang de dag gi rang bzhin du mos pa de'i phyir/ nor sbyin dag tu dga' byed cing/ /zhes bya ba la rab tu dga' byed ni shin tu dga' bar byed pa'i rang bzhin no/ /ci zhig byed cing zhe na/ chos 'byung ba'i chos kyi rang bzhin gyis chos kyi phyag rgya ni yi ge twa la sogs
- 204a
pa'i rang bzhin brjod pa'o/ /gzi can tshe 'di nyid la thob/ /ces bya ba ni rdo rje snying po thob par 'gyur ba'o 'di skad ston pa yin te/ snga ma bzhin du don thams cad grub pa'i rnal 'byor dang rnal 'byor chen po byas te/ mchod pa thams cad kyi yang dag par mchod de/ phyag byas te snga ma bzhin du rang gi lce la chos kyi yi ge rnam par bsams te/ de nyid las rang gi snying gar sna tshogs rdo rje rnam par bsams te/ de nyid brjod cing nam mkha' dang mnyam pa'i snang brnyan tsam ni bdag yin no zhes bsgoms nas sangs rgyas thams cad la sogs pa dang/ sems can gyi khams kyi thams cad rang gi rang bzhin du byas nas/ de'i rjes la thams cad bdag nyid yin no zhes nga rgyal bskyed nas rab tu dka' ba bskyed par bya'o/ /de nas yi ge tra la sogs pa'i rang gi chos kyi phyag rgya zlos shing snga ma bzhin du bsgrubs na rdo rje snying po thob par 'gyur ro/ /de nas las kyi phyag rgya'i dam pa'i dngos grub kyi rgyud ces bya ba la sogs pa ni bshad zin to/ /'jig rten dang 'jig rten las 'das pa'i don spangs pa ni dbul ba'o/ /de'i dbul po rnams la phan pa'i phyir nor bu'i rigs thob pa ni bsam pa thams cad rdzogs pa'o/ /nor ni nor bu'i rigs te/ de bsgrubs pa ni de mngon du byed pa'o/ /de bsgoms pas de la gzhol zhing de la phyogs pa'o/ /brtson pa dang ldan pa ni sgom pa'i 'bad pa dang ldan pa ste/ 'bad pa dang ldan pa des gzi brjid can du gyur pa thob cing 'gro ba'o/ /ci ste yang mi 'dod dngos grub gong ma bzhin/ /zhes bya ba ni thams cad du sbyor bar shes par bya'o/ /'di skad ston pa yin te/ snga ma bzhin du don thams cad grub pa'i rnal 'byor dang/ snga ma bzhin du cho ga thams cad rjes su spyad nas rang gi snying gar sna tshogs rdo rje rnam par bsams te/ rang gi lha'i las
- 204b
kyi phyag rgya bcings nas snying po sna tshogs rdo rje'i dbus su yid kyis bris la/ de nyid brjod cing rang bzhin gyis 'od gsal ba sgyu ma dang mtshungs par bdag nyid bsams te/ de bzhin gshegs pa la sogs pa thams cad dang sems can gyi khams thams cad la nor bu'i rigs kyi dbang bskur bas dbang bskur te/ nor bu'i rigs kyi ngo bor bsgom par bya'o/ /de'i rjes la thams cad ni bdag yin no zhes nga rgyal bskyed cing bsgoms la de nas snga ma bzhin du bsgrubs na nam mkha' i snying por 'gyur ro/ /rigs thams cad ni ji skad du bshad pa'o/ /de dag gi phyag rgya rnams ni phyag rgya chen po dang/ dam tshig dang/ chos dang/ las kyi phyag rgya rnams so/ /sangs rgyas dang byang chub sems dpa' rnams kyi dngos grub dam pa thob pa ni rnyed pa'o/ de'i cho ga rgyas pa ni ji skad du bshad pa'i phyag rgya chen po la sogs pa'i bsgrub pa bye brag tu rgyas pa de ston par byed pa'i dam tshig gi rgyud do/ /de ltar de bzhin gshegs pa'i rigs kyi phyag rgya chen po dang/ dam tshig dang chos dang las kyi phyag rgya rnams kyis sangs rgyas dang byang chub sems dpa' rnams kyi dngos grub tu 'gyur ba bstan nas/ da ni dam tshig gi dngos grub rnam par bzhag pa ni phyag rgya chen po la sogs pa bsgom pa'i bya ba'i don bstan pa'i phyir/ de nas byang chub sems dpa' sems dpa' chen po phyag na rdo rjes zhes bya ba la sogs pa ste/ de nas kyi sgra ni de ma thag pa brjod pa te/ yang zhes bya ba ni zlos pa'i don te/ phyag rgya chen po la sogs pa bsgom pa la bltos pa'o/ /de bzhin gshegs pa thams cad ni ji skad du bshad pa'o/ /de bzhin gshegs pa ni lnga'o/ /de bzhin gshegs pa'i rigs dang/ rdo rje dang/ pad+ma dang/ nor bu'i rigs ni rigs rnams so/ /de bzhin gshegs pa thams cad kyang de yin la/ rigs kyang
- 205a
de yin pas na de bzhin gshegs pa thams cad kyi rigs so/ /de'i dam tshig ni de bzhin gshegs pa thams cad kyi rigs kyi dam tshig gi ste/ gang gi 'dod pa snyoms zhugs pa/ /de 'dod pas ni spyod bar byed/ /ces bya ba ni mi 'da' pa'i don gyis dam tshig ste/ dngos grub des phyag rgya chen po la sogs pa bskyed pa'o/ /de ston par byed pa'i rgyud la yang de skad ces bya'o/ /de la zhes bya ba ni dmigs kyis dgar ba'o/ /re zhig de bzhin gshegs pa thams cad kyi dam tshig gi dngos grub gyi rgyud gsungs pa ste/ 'di zhes bya ba phyis 'chad par 'gyur ba blo la gnas pa'o/ /gang gis zhes bya ba ni de bzhin gshegs pa'i rnal 'byor pas rdo rje sems dpa' la sogs pa bsgom pa'i 'dod pa la snyoms par 'jug pa'o/ /rdo rje sems dpa' la sogs pa'i rnam par rtse gcig pa ni/ de la 'dod pa sbyor bar byed ces bya'o/ /de'i rnal 'byor pas 'dod pa la snyoms par 'jug pa ni rdo rje sems dpa' la sogs pa yin gyi/ rdo rje hUM mdzad la sogs pa khro bo'i yang ma yin la/ de bzhin gshegs pa'i yang ma yin zhing 'gro ba 'dul ba la sogs pa ma yin no/ /de skad du ji ltar shes na/ 'dod pa'i skas ni rdo rje sems dpa' la sogs pa brjod pa yin te/ chos kyi 'dod pa yid 'ong ba/ /'dod chags dam tshig ces su brjod/ /ces 'byung ba'i phyir de bzhin gshegs pa'i rigs ni 'dod chags kyi sgras bstan to/ /de ltar na sangs rgyas phyag rgya chen po ni/ zhes bya ba ni sangs rgyas kyi phyag rgya chen po ste/ phyag rgya chen po la sogs pa'i phyag rgya bzhi'o/ /ye shes ni der nges pa'o/ /de'i dam tshig ni bskyed pa'i rgyur gyur pa las mi 'da' pa'i phyir ro zhes bya ba'i don no bshad pa ni bstan pa'o/ /de'i don ni 'di skad ston pa yin te/ rnam par snang mdzad pa sogs pa sngar bshad pa'i tshul
- 205b
gyis de bzhin gshegs pa'i phyag rgya bcings la/ rang gi snying khar yid kyis rdo rje sems dpa' la sogs pa nges par byas la/ de bsgoms pa la dga' ba'i sems can gyi khams rnams byang chub tu sems bskyed de rnam par sbyangs nas bya ba byas pa ni bdag yin no zhes bsams nas/ rnam par snang mdzad la sogs pa'i gzugs su bdag nyid bsgom par bya'o/ /de nas zhes bya ba'i sgra ni skabs su bab pa'o/ /de bzhin gshegs pa rnams kyi rigs ni de bzhin gshegs pa las skyes pa'i rigs te/ 'di rdo rje sems dpa' nas brtsams nas rdo rje 'bebs pa'i mthar thug pa'o/ /de'i dam tshig gi dngos grub kyi rgyud bshad pa ni ston pa'o/ /'dod pa rnams zhes bya ba ni rdo rje sems dpa' la sogs pa nas rdo rje 'bebs pa'i mthar thug pa la 'dod par bya ba de skad bshad do/ /'dod pa ni bcom ldan 'das de nyid sems dpa' ste zhes 'byung bas/ de dag la chags pa dang ma bral ba dang/ mngon du phyogs pa dang/ shin tu sred pa'o/ /rnal 'byor pas de dag la shin tu chags pa bsgoms pa'o// zhes bya ba'i don no/ /dam tshig shin tu tshul chen 'di/ zhes bya ba ni thams cad du song bas na tshul chen no/ /gang gi rigs las she na/ de bzhin gshegs pa'i rigs zhes bya ba smos so/ /cir 'gyur zhe na/ dag pa zhes bya ba smos te/ chags pa la sogs spangs pa'o/ /de nyid kyis phyir 'di la rgyal bas kyang ni 'da' mi mdzad/ ces bya'o/ /de bzhin gshegs pa rnams gyi rang bzhin du gyur pa'i phyir de bzhin gshegs pa thams cad kyang sgom pa dang 'da' bar mi mdzad do zhes bya ba'i don no/ /'di skad ston pa yin te/ rdo rje sems dpa' la sogs pa'i rigs kyi rnal 'byor ba rnams kyis sngar bshad pa'i tshul gyis rang gi phyag rgya bcings te/ rang gi lha la shin tu chags pa'i sgom pa bsgom par bya'o/ /de nas zhes bya ba'i
- 206a
sgra ni snga ma bzhin no/ /rdo rje hUM mdzad nas brtsams nas khro bo rdo rje 'bebs pa'i mthar thug pa ni 'dir rdo rje rigs so/ /de'i dam tshig ni rang gi lha'i de'i bdag nyid du bsgom par mos pa'i rnal 'byor pa des dngos grub kyi sbyor ba de la mngon par dga' bas khro bo'i phyag rgya chen por bskyed la/ de ston par byed pa'i rgyud bshad pa'o/ /sems can don du khro min yang/ zhes bya ba ni 'di la khro ba mi mnga' yang khro ba'i rnal 'byor pas sems can dang sems can ma yin pa la gnod pa rnams la khro ba lta bur gyur pa yin yang de la nyon mongs pa mi mnga' o zhes bya ba'i don no/ /de'i khro bo ma yin pa yang rdo rje hUM mdzad la sogs pa nas rdo rje 'bebs pa'i mthar thug pa'i khro bo'i rnal 'byor pa'i yang gi sgra ni nges par gzung ba'o/ /zhe sdang mi mnga' ba yin yang sems can gdug cing ma rung ba rnams gdul ba'i phyir/ rang rang gi rgyud la yod pa'i 'dod chags la sogs pa'i nyon mongs pa 'joms pa'i sems can gyi don du'o/ /khro bo chen po rab tu ston/ /zhes bya ba ni chos bdag med pa las byung bas sems can dang sems can ma yin pa la gnod pa rab tu ston pa ni khro bo chen por rab tu ston pa ste/ rdo rje'i rigs kyi nam mkha' khyab par bsgom pa ni chen po zhes bya ba'i don no/ /'di gang gi rigs la dam tshig yin zhe na/ rdo rje'i rigs ni chen po yis/ /zhes bya ba smos te/ rdo rje chen po dang/ byang chub kyi sems chen po bskyed pa ni rdo rje rtse lnga pa 'bar ba'i rdo rje chen po'i rigs ni de las byung ba ste/ rdo rje hUM mdzad la sogs pa nas rdo rje 'bebs pa'i mthar thug pa'i rdo rje'i rigs thams cad kyi rdo rje chen po'i rigs te/ 'di'i sgra ni nges par gzung ba'o/ /dam tshig 'di ni 'da' bar dka' zhes bya ba'o/ /'di skad ston pa yin te/ snga ma bzhin du/ /rdo rje hUM mdzad kyi rnal 'byor dang/ rnal 'byor chen
- 206b
po 'am de'i rigs kyi rnal 'byor byas la/ cho ga thams cad rjes su spyad de/ chos bdag med pa'i rnal 'byor chen po'i rigs las byung ba'i rdo rje rigs kyis nam mkha' i khams thams cad bkang la/ sgyu ma lta bu thams cad du khyab pa'i rdo rje rigs su bdag nyid kyis shin tu rtse gcig par bsgom par bya'o/ /zhes bya ba'i sgra ni snga ma bzhin no/ /'di zhes bya ba ni pad+ma'i rigs thugs la gnas pa gsungs pa'o/ /rang bzhin dag par shes nas kyang/ /zhes bya ba ni de bzhin nyid de rnam par shes pa'o/ /chos thams cad rang bzhin gyis rnam par shes pa snang brnyan tsam ste/ gdod ma nas ma skyes pa'i phyir ro/ /zhes thos pa dang bsam pa'i shes pa dag gi nges par bya'o zhes bya ba'i don no/ /gang dang gang 'gro ba 'dul ba nas pad+ma 'bebs pa'i mthar thug pa bsgom pa'i mtshan nyid can de dang de ni pad+ma'i rigs kyi dgos pa byed pa ste/ pad+ma'i rigs kyi rnal 'byor pa des 'gro ba 'dul ba sgom pa la sogs pa de dang de'i dgos pa 'di ni pad+ma'i rigs chen po'i dam tshig 'da' bar dka' ba ste/ pad+ma'i rigs chen po ste bskyed pa'i rgyur gyur ba las 'da' bar dka' ba'o/ /yang gi sgra ni de bzhin gshegs pa la sogs pa'i rigs la ltos nas brjod pa yin no/ /de'i don 'di skad ston pa yin te/ snga ma bzhin du 'gro ba 'dul ba la sogs pa pad+ma'i rigs kyi rnal 'byor dang rnal 'byor chen po byas la/ mchod pa thams cad kyis yang dag par mchod la/ phyag byas nas rang gi lha'i phyag rgya chen po la sogs pa bcings te/ chos thams cad bdag med pa'i shes rab kyi pha rol tu phyin pa'i pad+ma las byung ba thams cad du khyab pa'i pad+ma'i rigs kyi rang bzhin snang brnyan tsam du bdag nyid rnam par bsams te/ sems can gyi khams thams cad kyang rang gi rang bzhin du byas nas bya ba byas pa yin no zhes sems rtse
- 207a
gcig pas rang gi lha bsgom par bya'o/ /de la zhes bya ba la sogs pa ni snga ma bzhin no/ /mang yang rung zhes bya ba ni phyi rol gyi rdzas dang/ bsgom pa las byung ba'i nor bu'i rigs kyi rang bzhin du rdzas rnams so/ /mang yang rung ba zhes bya ba ni phyi rol gyi rdzas sam sgom pa las byung ba'i nor bu'i rigs kyi rang bzhin thams cad du song ba ni/ /ji tsam nus pa nyid du ni/ /byis pas nyi ma ma stongs par/ /bya ba 'di ni dam tshig yin/ /zhes bya ba ni nor bu'i rigs kyi rnal 'byor pa'i bya ba'o/ /sbyin pa ni gang gang sbyin bas nyi ma ma stongs par nor bu'i rigs kyi rnal 'byor pas ci'i phyir byed ce na/ gang gi phyir nor bu'i rigs bskyed pa ni sbyin pa'i rigs bzhin yin pa 'di'i dam tshig yin pas rgyu de'i phyir ro/ /'di skad ston pa yin te/ snga ma bzhin du don thams cad grub pa la sogs pa nor bu'i rigs kyi rnal 'byor dang/ rnal 'byor chen po byas te mchod pa thams cad kyis yang dag par mchod la phyag bzhi byas te/ rang gi lha'i phyag rgya chen po la sogs pa bcings nas nor bu'i rigs kyi lha rnams kyi gzugs su ji tsam par bsgoms te/ de bzhin gshegs pa la sogs pa dang/ sems can gyi khams phyogs gcig gam mdza' dag la dbang sgyur ba sbyin pas rab tu mgu zhing tshim na nor bu'i rigs kyi gzugs su bsams par bya'o/ /de nas thams cad ni bdag yin no zhes nga rgyal bskyed de/ nam mkha' dang mtshungs pa'i snang brnyan tsam du bdag nyid dbye ba med pa'i sems kyi bsgoms te/ nyin re zhing thun bzhi'i sbyor bas nyung ba 'am ches nyung ba 'am/ mang ba las kyang ches mang ba'i phyi rol gyi dngos po sbyin par bya'o/ /de ltar de bzhin gshegs pa la sogs pa'i rigs thams cad kyi dam tshig la rjes su gnas pa'i dngos
- 207b
grub bstan nas/ da ni de dag nyid dngos po la mngon par zhen pa spangs te/ gzugs brnyan tsam du phyag rgya chen po la sogs pa bsgom par bya'o zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba'i sgra ni skabs su bab pa'o/ /de bzhin gshegs pa thams cad kyi rigs rnams kyi chos ni/ de bzhin gshegs pa thams cad kyi rigs kyi chos so/ /thog ma dang tha med pa'i chos kyi dbyings de nyid kyi phyag rgyas de bsgom par dga' ba'i sems can gyi khams la rgyas 'debs pa'o/ /de'i ye shes kyis de'i dngos grub kyi phyag rgya chen po la sogs pa bskyed pa de ston par byed pa'i rgyud gsungs par mdzad pa'o/ /de la zhes bya ba la sogs pa ni snga ma bzhin no/ /sangs rgyas chos zhes grags so zhes brjod na chos nyid yi ge ni/ zhes bya ba ni sangs rgyas bcom ldan 'das thog ma dang tha ma med pa'i chos kyi dbyings kyi mtshan nyid ni chos yin no zhes bsgrags shing ston to/ /de skad du yang rgyud 'di las/ thog mdza' med pa'i sems dpa' ni/ /nam mkha' skye ba mtshan ldan phyir/ /kun tu bzang po kun bdag nyid/ /'dod pa kun gyi 'gro ba'i bdag/ de nyid bcom ldan sems dpa' yi/ /'dod pa kun gyi de bzhin gshegs/ /zhes 'chad par 'gyur ro/ /'di ni thog ma tha ma med pa'i chos kyi dbyings kyi rang bzhin gyi don dam par sangs rgyas yin gyi/ gzugs kyi sku'i rang bzhin ni ma yin no zhes bshad pa yin te/ don dam par gzugs med pa'i phyir ro/ /brjod na chos nyid yi ge ni/ /zhes bya ba ni de bzhin du thos pa dang/ bsam pa'i shes pa dag gis des pa'o/ /khyad par ji lta bu zhig ce na/ sangs rgyas chos ni phyag rgya cher/ /ye shes mchog gi tshul yin no/ /zhes bya ba smos te/ sangs rgyas kyi chos ni sangs rgyas kyi chos te bshad
- 208a
ma thag pa'o/ /phyag rgya yang yin la chen po yang de yin pas na phyag rgya chen po ste/ dam tshig dang/ chos dang/ las dang/ phyag rgya chen po'o/ /de'i ye shes ni gzugs brnyan dang 'dra bar nges pa'o/ /de'i mchog ni dam pa'o/ /tshul ni thog ma dang tha ma med pa'i chos kyi dbyings kyi ye shes thos pa dang bsams pa'i bdag nyid do/ /'di skad ston pa yin te/ thog ma dang tha ma med pa'i chos kyi dbyings kyi rang bzhin ni sangs rgyas yin no zhes nges par bskyed nas gzugs brnyan dang 'dra ba'i phyag rgya chen po la sogs pa de bzhin gshegs pa'i phyag rgya rnam pa bzhi rdzas su mngon par zhen pa med par bsgom pa'o/ /de bzhin gshegs pa'i rigs kyi rdo rje sems dpa' la sogs pa'i chos kyi dngos grub ni de bzhin gshegs pa'i rigs kyi dngos grub bo/ /'dod chags zhes bya ba ni dmigs pa med pa'i thugs rje chen po'i mtshan nyid can gyi byang chub sems kyi rang bzhin gyi chags pa las dngos su dag pa'i chos gzhan med pa yin te/ bag chags dang bcas pa'i nyon mongs pa spangs pa'i gzung ba dang 'dzin pa'i rnam par rtog pa shin tu med pa'i phyir ro/ /'di las ci zhig byed ce na/ bde ba thams cad rab sbyin byed/ /ces bya ba smos te/ bde ba yang yin la thams cad kyang yin pas na/ 'jig rten dang 'jig rten las 'das pa'i bde ba de thams cad rab tu ster bas na bde ba thams cad rab sbyin byed do/ /gang gi phyir de mngon du byas pas 'jig rten pa dang rig pa 'dzin pa'i dngos grub la sogs pa'i bde ba thams cad dang/ 'jig rten las 'das pas rab tu dga' ba la sogs pa thob pa mngon tu byas pa ni bde ba thams cad rab tu sbyin pa'o/ /'dir rang gi rigs kyi chos yin zhe na/ de bzhin gshegs pa'i rigs kyi ni zhes bya ba smos te/ ni'i sgras ni rigs
- 208b
gzhan gyis rnal 'byor pa rnams kyang ston par 'gyur ba yin no/ /dngos grub byed pa zhes bya ba ni phyag rgya chen po la sogs pa'i dngos grub byed pa'o/ /chos kyi mchog ni dam pa'o 'di skad ston pa yin te/ rdo rje sems dpa' la sogs pa nas rdo rje 'bebs pa'i mthar thug pa de bzhin gshegs pa'i rigs kyi rnal 'byor pas phyag rgya chen po ji lta ba bzhin du bcings te/ thog ma dang tha ma med pa'i chos kyi dbyings kyi rang bzhin gyi de bzhin gshegs pa'i rigs yin no zhes nges pa bskyed nas phyag rgya chen po la sogs pa'i bsgom pa'i gzugs brnyan dang mtshungs pa'o/ /de la zhes bya ba ni snga ma bzhin no/ /hUM mdzad la sogs pa'i gzugs ni sangs rgyas kyi bka' 'am sbyong ba'i don to/ /'di ltar lha chen po la sogs pa rnam par spyod pa'i phyir ro/ /dang zhes bya ba ni bsdu ba'i don te/ yongs su spyod pa'i phyir ro/ /sems can drang bar bya ba'i phyir zhes bya ba ni 'di ltar yongs su spyod pa'i don gyi phyir dang/ de bzhin du srin po la sogs pa rnams kyis sems can la rnam par 'tshe bar byed pa las bskyabs pa'i phyir ro/ /de ltar khros par ma gyur kyang/ zhes bya ba ni khro ba med pa nyid dang/ phan pa'i sems dang ldan pa nyid yin no zhes bya ba'i don no/ /ma rungs pa rnams ji skad bshad pas thal bar byed pas bsdud byas pa'o/ /dngos grub thob ces bya ba ni rdo rje 'dzin pa nyid thob po zhes bya ba'i tha tshig go/ de'i don ni 'di skad ston pa yin te/ snga ma bzhin du rdo rje hUM mdzad kyi rnal 'byor ram/ khro bo rdo rje sems dpa' la sogs pa'i rnal 'byor dang rnal 'byor chen po byas la sngar bshad pa'i cho ga thams cad rjes su spyad nas/ rdo rje'i rigs thams cad sprul te/ de bzhin gshegs pa la gsol ba btab nas hUM mdzad kyi rdo rje sems can gyi khams thams cad snang ba med par byas nas rdo rje'i rigs kyi gzugs su bsams te/ gzugs
- 209a
brnyan dang mtshungs par byas te/ de nas thams cad bdag yin no zhes nga rgyal bskyed de bsgom par bya'o/ /de la zhes bya ba la sogs pa ni bshad zin to/ /pad+ma chu yis mi chags pa zhes bya ba ni ma reg pa'o/ /gang gi ma chags pa zhe na chu'i nyes pa des so/ /de gang la ma chags she na pad+ma zhes bya ba smos te/ ji ltar pad+ma dmar po chu las skyes kyang chu'i nyes pa'i skyon gyis gos par ma 'gyur ba'i rang bzhin yin pa de bzhin du mi dmigs pa'i thugs rje chen pos chags pas byang chub sems dpa' rnams 'khor bar skyes kyang 'khor ba'i gzung ba dang 'dzin pa'i rnam par rtog pas gos par mi 'gyur ba'i phyir/ 'dod pas mi chags zhes gsungs so/ /smra zhing dgos min byed kyang ni thos pa dang bsams pa'i shes par nges par gzung ba'o/ /dgos min byed kyang zhes bya ba ni bsgom pa'i shes pas chos thams cad rang bzhin gyis rnam par dag pa'i gzugs brnyan dang mtshungs pa'o zhes nges par gzung nas/ mi dmigs pa'i thugs rje chen pos de bzhin gshegs pa dang/ sems can gyi khams thams cad la chags pa'i pad+ma chen po las pad+ma'i rigs kyi gzugs su sprul nas byed pa'o/ /ci'i phyir sgos min byed ce na/ gang gi phyir sngar bshad pa gang yin pa dang/ 'gro ba 'dul ba la sogs pa'i gzugs kyi sbyor ba 'dis rang dang gzhan gyi rgyud la byed par 'gyur ba dang/ sngar cung zad kyang ma byas pa zhig mdzad pas na dgos min byed pa zhes brjod do/ /sdig pas gos par mi 'gyur ro zhes bya ba ni de ltar pad+ma'i rang bzhin rnam par dag pa gzugs brnyan dang mtshungs par nges pa gzung nas bsgom pas nges pa'i shes pas 'dod chags la/ sogs pa'i nyon mongs pa dang/ nye ba'i nyon mongs pa'i dngos por gzung ba'i mngon par zhen pas gos par mi
- 209b
'gyur ro/ /snga ma bzhin du pad+ma'i rigs kyi rnal 'byor byas nas/ cho ga thams cad rjes su sbyang la/ gzugs brnyan dang mtshungs pa'i chos bdag med pa'i thugs rje chen po'i chags pas de bzhin gshegs pa la sogs pa sems can gyi khams nam mkha' i dang mtshungs pa bdag nyid kyi rang bzhin du bsams nas/ pad+ma'i rigs kyi ngo bo bsgom par bya'o/ /de nas thams cad bdag yin no zhes nga rgyal bskyed nas bdag yin no zhes bsgom par bya'o/ /sbyin pa dang zhes bya ba ni sbyin pa'i pha rol tu phyin pa'i nor bu'i rigs las byung ba ni nor bu'i rigs kyi sbyin pa yin pa de'i phyir de las gyur pa ni/ sbyin dang mnyam pa'i ches med de/ /sgrub par byed ces smra ba ni zhes bya ba la/ phyi rol dang nang du bcas pa'i dngos po yongs su gtong ba'i sgrub par byed pa ni chos shin tu chung ba dang ches shin tu che ba'i rims kyis de la phyi rol gyi dngos po yongs su gtong ba'i sbyin pa'i rang bzhin dang/ nam mkha' dang mnyam pa'i ye shes bsgom pa'i 'dus byas dang 'dus ma byas kyi dngos po thams cad yongs su gtong bas de bzhin gshegs pa la sogs pa sems can gyi khams thams cad nor bu'i rigs kyi gzugs su bskyed de/ bdag nyid thams cad kyang gzugs brnyan dang mtshungs pa'o zhes bsgom pa'i ye shes kyis nges par gzung ba ni nang gi dngos po yongs su gtong ba zhes bya'o/ /de ltar sgrub par byed cing ci'i phyir smra zhe na/ gang gi phyir/ nor bu'i rigs ni chen po'i chos zhes bya ba smos te nor bu'i rigs kyi sgrub pa pos chos gzhan gang yin pa 'di yang nor bu'i rigs kyi tshul 'dis bskyed par bya'o/ /mi 'dod dngos grub gong ma bzhin zhes bya ba'o/ /'di skad ston pa yin te/ snga ma bzhin du nor bu'i rigs kyi cho ga thams cad rjes su spyad la nyin re zhing thun bzhi'i sbyor bas phyi rol gyi
- 210a
dngos po yod na ci rigs par yongs su gtong bar bya ba dang/ de bzhin gshegs pa la sems can gyi khams thams cad nam mkha' dang mtshungs par bsams te/ nam mkha' dang mnyam pa'i ye shes nor bu chen po'i rang bzhin sprul la thams cad bdag yin no zhes nga rgyal bskyed de/ gzugs brnyan dang mtshungs par bsgom par bya'o/ /de ltar dngos por 'dzin pa'i mngon par zhen pa spangs nas de bzhin gshegs pa thams cad kyi rigs kyi chos kyi dngos grub gyi rgyud bstan nas/ da ni las kyi dkyil 'khor las gsungs pa'i mchod pa rnam pa bcu drug byas la phyag rgya chen po la sogs pa'i sgrub pa pos sems can thams cad kyi don byed pa'i mtshan nyid dang/ de bzhin gshegs pa thams cad mchod pa'i mtshan nyid kyis nam mkha' i khams thams cad du spros pa'i las bsgom par bya'o zhes bya ba'i cho ga rab tu bstan pa'i phyir/ de nas byang chub sems dpa' sems dpa' chen po phyag na rdo rjes bya ba la de nas zhes bya ba'i sgra ni skabs su bab pa'o/ /de bzhin gshegs pa thams cad kyi rigs ni de bzhin gshegs pa thams cad kyi rigs so/ /de dag gi las ni mchod pa bcu drug bsgoms pas sems can gyi khams thams cad las sangs rgyas thams cad ster ba de'i dngos grub bskyed pa ste/ de ston par byed pa'i rgyud de gsungs shing bshad pa'o/ /de la zhes bya ba ni bshad zin to/ /de bzhin gshegs pa'i rnal 'byor las kyi dngos grub kyi rgyud ni 'di yin te/ sems can thams cad sangs rgyas dang byang chub sems dpa' 'di rnams su zhes bya ba ni de bzhin gshegs pa'i phyag rgya'i sgrub pa pos mchod pa rnam pa bcu drug sprul nas/ 'ga' zhig sangs rgyas la dbul ba dang/ 'ga' zhig sems can rnams
- 210b
dang/ byang chub sems dpa' la yid kyis dbul bar bya'o/ /ji bzhin par ni brtul nas ni/ /las kyi phyag rgya mchog sgrub sbyin/ /zhes bya ba ni sangs rgyas nyid dang/ byang chub sems dpa' nyid kyi dngos grub mi sgom pa gang yin pa de dag 'ga' zhig sangs rgyas su 'gyur ba dang/ 'ga' zhig gnyan thos kyi theg pa bsgoms pas rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa'i 'bras bu thob par 'gyur ro/ /theg pa gsum mi bsgom pa gang yin pa de dag ni dbang phyug chen po la sogs pa'i 'bras bu 'di ji lta ba bzhin du thob par 'gyur ro/ /las kyi phyag rgya ni de bzhin gshegs pa thams cad kyi phyag rgya chen po la sogs pa'o/ /mchog ni chos kyi dbyings bsgom pa rnams ni mchog go /grub pa ni bskyed pa la sogs pa de'i phyir/ 'di las kyi phyag rgya mchog sgrub sbyin zhes bya'o/ /'di skad ston pa yin te/ rdo rje dbyings kyi dkyil 'khor chen po las bshad pa'i cho gas de bzhin gshegs pa'i rnal 'byor dang/ de las bshad pa'i rnal 'byor chen po byas la/ sgeg mo la sogs pa'i mchod pa brgyad kyis bdag nyid yang dag par mchod de/ phyag byas nas/ 'og min nas babs te/ rtse mo rdo rje nor bu chen po las byas pa'i khang bu brtsegs par de bzhin gshegs pa thams cad kyis yongs su bskor cing de bzhin gshegs pa thams cad kyi seng ge'i gdan la zhal kun tu bstan te/ bzhugs nas rdo rje sems dpa' sprul la/ oM sarbba ta thA ga ta badzra dA tu a nu tA ra bU dza spa ra Na karma sa ma ye hUM/ zhes bya ba 'dis rnam par snang mdzad gyi phyag rgya chen po bcings te rang gi mchod pa sprul la/ sems can thams cad kyi don byed pa mdza' yas par rab tu
- 211a
sprul nas/ nam mkha' gang bar bsam par bya'o/ /de nas mi bskyod pa'i phyag rgya chen po bcings te/ oM sarbba ta thA ga ta badzra satwa a nu ta d+hA ra pU dza spha ra Na karma sa ma ye hUM zhes bya ba 'dis rdo rje sems dpa' dang bcas pa'i rang gi rigs kyi mchod pa phul nas/ de rnams kyis sems can thams cad kyi don byas te/ nam mkha' i khams gang bar bsams par bya'o/ /de nas rin chen 'byung ldan gyi phyag rgya chen po bcings te/ oM sarbba ta thA ga ta ratna A nud d+hA ra pU dza spha ra Na sa ma ye hUM/ zhes bya ba 'dis rang gi mchod pa sprul nas snga ma bzhin du thams cad bsams bar bya'o/ /de nas 'od dpag tu med pa'i phyag rgya chen po bcings te/ oM sarbba ta thA ga ta badzra d+harmA a nut+ta ra pU dzA spha ra Na sa ma ye hUM/ zhes bya ba 'dis rdo rje chos dang bcas pa'i las kyi mchod pa sprul nas snga ma bzhin du thams cad bsam par bya'o/ /yang don yod grub pa'i phyag rgya chen po bcings te/ de bzhin gshegs pa thams cad kyi snying po rnams kyis byang chub sems dpa' chen po rdo rje las dang bcas pa'i rang gi mchod pa phul nas des sangs rgyas thams cad kyi sprul pa mdzad nas/ nam mkha' gang bar bsam par bya'o/ /de ltar mchod pa spro ba byas nas/ rnam par snang mdzad la sogs pa'i phyag rgya chen po bcings te/ 'di ltar sgom par bya'o/ /bdag ni mgon po rnam par snang mdzad te/ /bdag gi rdo rje sems dpa' dang/ /rdo rje rin chen dang/ rdo rje chos dang/ rdo rje las rnams kyi mchod pa'i 'khor los sgyur bar bdag gis sprul bar bya'o/ /mchod pa thams cad dang bcas pa ni bdag yin no zhes nga rgyal bskyed par byas nas/ rnam par snang mdzad la sogs pa'i phyag rgya chen po bcings nas ni/ rang gi gnas su bzhag ste/ bdag nyid
- 211b
rdo rje sems dpa' bsams te/ mchod pa chen po rnam pa bzhis bcom ldan 'das rnam par snang mdzad nas brtsams nas/ don thams cad grub pa'i bar du mchod par bya'o/ /las kyi dkyil 'khor las gsungs pa'i rdo rje sems dpa' i las kyi phyag rgya bcings te/ oM sarbba ta thA ga ta sarbba ma ni rya ta na pU dza spha ra Na karmma badzrir a(rgyud 'grel): zhes bya ba'i snying po 'dis rdo rje sems dpa' i bdag nyid du bsgoms la/ rab tu dga' zhing bde ba'i sbyor ba bya'o/ /de nas des byang chub tu sems bskyed pa la sogs pa'i mchod pas bcom ldan 'das la mchod par bsam par bya'o/ /las kyi dkyil 'khor la gsungs pa'i rdo rje rgyal po'i las kyi phyag rgya bcings te/ rdo rje rgyal po bdag yin no zhes nga rgyal bskyed nas/ oM sarbba ta thA ga ta sarbba at+ma nirya ta A karSha Na pU dza spha ra Na karma a gri dza(rgyud 'grel): zhes brjod cing/ de bzhin gshegs pa thams cad 'gugs pa thams cad du song bas de bzhin gshegs pa thams cad spyan 'dren pa zhes bya ba des de mchod par bya'o/ /yang rdo rje chags pa'i phyag rgya bcings te/ de'i nga rgyal mngon du byas nas oM sarbba ta thA ga ta sarbba At+ma nirya ta na a nu rA ga na pU dza spha ra Na karmma ba ni hUM ho/ zhes brjod cing/ de bzhin gshegs pa thams cad rjes su chags pas thams cad du song nas de bzhin gshegs pa thams cad mnyes par byed pa yin no/ /rdo rje legs pa'i phyag rgya bcings te/ de'i nga rgyal bskyed nas oM sarbba ta thA ga ta sarbba At+ma nirya ta na sA d+hU kA ra pU dza spha ra Na karmma tuShthi a/ bya bas de bzhin gshegs pa thams cad mnyes pa byed pas thams cad du khyab pas/ de bzhin gshegs pa thams cad kyi legs par byed pa mos mnyes par byed pa yin no/ /rdo rje rin chen gyi phyag rgya bcings te/ oM na ma(rgyud 'grel): sarbba ta thA ga ta ka ya a bi She ka ratna b+hyo badzra ni oM zhes bya bas dbang mo chen mo'i tshul gyis thams
- 212a
cad du khyab pas/ de bzhin gshegs pa thams cad la dbang bskur ba'i mchod pa byed pa yin no/ /rdo rje nyi ma'i phyag rgya bcings te/ oM na ma(rgyud 'grel): sarbba ta thA ga ta surya b+hyo badzra/ twe dza dzwa la hi zhes bya bas snang ba chen po thams cad du khyab pas de bzhin gshegs pa thams cad la 'od kyi snang ba byed pa'o/ /rdo rje dpal gyi phyag rgya bcings te/ oM na ma(rgyud 'grel): sarbba ta thA ga ta a sha pa ri pu ra ni ts+tshin ma Ni d+ha ts+tsha gri b+hyo badzra d+hA tsa gri haM/ zhes bya ba rdo rje rin po che'i char gyis thams cad du khyab pas de bzhin gshegs pa thams cad la sbyin pa'i pha rol tu phyin pa'i mchod pa byed pa'o/ /rdo rje bzhad pa'i phyag rgya bcings la/ oM na ma(rgyud 'grel): sarbba ta thA ga ta pra ti pra mo d+hya ka re b+hyo badzra ha sa ha zhes bya bas dga' zhing mgu ba chen po thams cad du khyab pas/ de bzhin gshegs pa 'dzum pa rmad du byung ba la 'jog pa'o/ /rdo rje chos kyi phyag rgya bcings te/ oM sarbba ta thA ga ta badzra d+harmA sa ma d+hi b+hi stu no ni ma ha d+harmA a gri h+ri zhes bya bas chos kyi ye shes chen po'i srung ma thams cad du song bas de bzhin gshegs pa la sogs pa sems can gyi khams thams cad rang bzhin gyis rnam par dag pa'i ting nge 'dzin las 'jog pa'o/ /rdo rje rnon po'i phyag rgya bcings te/ oM sarbba ta thA ga ta pradz+nyA pra ra mi ta rin ha re stu no mi ma hA g+ha Sha nu ? b+haM zhes bya bas dbyangs chen po'i rjes su 'brang ba thams cad du song bas de bzhin gshegs pa thams cad la nyon mongs pa dang/ nye ba'i nyon mongs pa gcod pa yin no/ /rdo rje'i rgyu'i phyag rgya bcings te/ oM sarbba ta thA ga ta tsakra ak+Sha pa ri bu ra a he sarbba su tran ta na ye stu no mi sarbba maN+Ta le hUM/ zhes bya bas dkyil 'khor thams cad la 'jug pa thams cad du song bas de bzhin gshegs pa thams cad kyi dkyil 'khor du 'jug pa yin no/ /rdo rje gsungs pa'i phyag rgya bcings te /
- 212b
oM sarbba ta thA ga ta sand+ha bi sha bud d+ha sa ma g+hI ti g+hir ge yan stu no mi badzra bA dze baM zhes bya bas rjes su brjod pa thams cad du song bas de bzhin gshegs pa thams cad la spros pa med pa'i chos brjod pa nges par sbyor ba yin no/ /rdo rje las kyi phyag rgya/ bcings te/ de'i nga rgyal bskyed nas/ oM sarbba ta thA ga ta d+hU pa me ga spha ra Na pu dza karmma ka ra ka ra zhes bya bas sems can ldan ma thams cad du song bas de bzhin gshegs pa thams cad la bdug pa ma lus shing lus pa med pa'i mchod pas yang dag par mchod pa byed do/ /rdo rje bsrung ba'i phyag rgya bcings la/ de'i nga rgyal bskyed de/ oM sarbba ta thA ga ta puShpA pU dza prA ka ra ki ri ki ri zhes bya bas byang chub kyi yan lag thams cad du song bas de bzhin gshegs pa thams cad la me tog la sogs pa go cha'i mchod pa thams cad kyis yang dag par mchod par bya'o/ /rdo rje gnod sbyin gyi phyag rgya bcings la/ oM sarbba ta thA ga ta A lo ke dzwa la spha ra Na pU dza karmma ka ra ka ra zhes bya bas mig ldan ma thams cad song bas de bzhin gshegs pa thams cad bsrung ba yongs su bskyad pa'i so sor rtog pa'i mar me la sogs pa'i mchod pas mchod par bya'o/ /rdo rje khu tshur gyi las kyi phyag rgya bcings nas de'i nga rgyal gyis/ oM sarbba ta thA ga ta gand+ha sa mu tra spha ra Na karmma ku ru ku ru zhes brjod cing/ dri ldan ma thams cad song bas nam mkha' i khams thams cad bkang ste/ de bzhin gshegs pa thams cad la sgrub pa nan tan du byed pa'i brtson 'grus kyi dris mchod par bya'o/ /las kyi dkyil 'khor thams cad las gsungs pa'i rang bzhin lha'i las kyi phyag rgya bcings te/ de nyid las skyes pa'i nga rgyal bskyed pa yin par shes par bya'o/ /de ltar mchod pa chen po dang/ dbang bskur ba dang/ chos dang las kyi mchod pa rnams kyis sangs rgyas nyid
- 213a
la sogs pa'i mchod pa 'dis sems can thams cad kyi don byed pa dang/ de bzhin gshegs pa thams cad la yang dag par mchod la phyis phyag byas te/ rnam par snang mdzad la sogs pa'i phyag rgya bcings te bsgom par bya'o/ /de la zhes bya ba la sogs pa ni go sla'o/ /dus bzhi yi ni tshul dag du/ /zhes bya ba la mchod pa chen po dang/ dbang bskur ba dang/ chos dang las kyi mchod pa rnam pa bzhi po'i mchod pa rnams kyis so/ /rnam pa bzhi po'i mchod pa de rnams kyis las rnams bsgrub par bya'o zhes bya ba'i don no/ /ji ltar zhe na/ dus bzhi yin tshul dag tu/ /zhes bya ba smos te/ rdo rje sems dpa' dang/ rdo rje rin chen dang/ rdo rje chos dang/ rdo rje las rnam pa bzhi po'i tshul gyis rnam pa bzhi po de la sbyor ba rgyu de'i phyir ro zhes bya ba'i don no/ /rnam pa bzhi byas nas zhes bya bar sbyar ro/ /ji skad du bshad pa'i mchod pa chen po la sogs pa'i mchod pa rnam pa bzhi byas nas las rnams bya'o zhes bya ba'i don no/ /ji ltar byas nas she na/ dus bzhi yi ni tshul dag tu/ /zhes bya ba'i smos te/ nang par gyi thun mtshams dang/ nyi ma phyed dang/ dgongs ka dang/ mtshan phyed kyi dus mchod pa byed pas na/ dus bzhi yi ni tshul dag gis/ /des dus bzhi ru sbyor ba rnam pa bzhis las rnams byas te/ las ni mchod pa chen po la sogs pa'o/ /bsgrub bar bya ba ni rdzogs par bya ba'o/ /'di skad ston pa yin te/ snga ma bzhin du rdo rje sems dpa' la sogs pa'i sbyor bas rdo rje dbyings kyi dkyil 'khor chen po las bshad pa'i de bzhin gshegs pa'i rigs kyi rnal 'byor chen po byas te/ sgeg mo la sogs pa mchod pa rnam pa brgyad kyis bdag nyid yang dag par mchod la/ snga ma bzhin du de bzhin gshegs pa'i rnal 'byor yang mngon du bya'o/ /rdo rje
- 213b
sems dpa' dang/ rdo rje rin chen dang/ rdo rje chos dang/ rdo rje las kyi rang bzhin 'khor los sgyur ba rnam pa bzhi dga' zhing bde ma la sogs pa'i rigs pa'i lha mor bsgyur zhing sprul nas/ byang chub tu sems bskyed pa la sogs pa'i las kyi nam mkha' thams cad gang bar gnas par bsam par bya'o/ /de nas badzra satwa zhes brjod cing/ rdo rje sems dpa' i phyag rgya chen po bcings te/ de bzhin gshegs pa thams cad dga' zhing bde ba dang/ de bzhin gshegs pa thams cad spyan 'dren ma dang/ de bzhin gshegs pa thams cad rjes su mnyes par byed pa mo de bzhin gshegs pa thams cad mgu bar byed pa mo rnams kyi rigs pa brjod par bya ste/ de lta bus 'grub par 'gyur ro/ /de nas 'dod pa'i lha 'am dkyil 'khor yang rung ste/ de'i phyag rgya rnam pa bzhi bcings nas snga ma bzhin du mchod par bya'o/ /de ltar na 'di ni mchod pa chen po rnam pa bzhi yin no/ /badzra ratna zhes brjod cing/ rdo rje snying po phyag rgya chen po bcings te/ dbang po chen mo dang/ snang ba chen mo dang/ rin chen char 'bebs chen mo dang/ dga' zhing mgu ba chen mo'i rigs pa brjod pa de lta bus rdo rje rin chen rnal 'byor pas 'grub par 'gyur ro/ /de bzhin du lha 'am dkyil 'khor yang rung/ de'i phyag rgya bzhi bcings te/ snga ma bzhin du mchod pa bya'o/ /rnam pa bzhi po 'di ni dbang bskur ba'i mchod pa yin no/ /de bzhin du badzra d+harmA zhes brjod cing/ rdo rje chos kyi phyag rgya chen po bcings nas/ ye shes chen mo'i khru ma dang/ dbyangs chen mo'i rjes su 'brang ma dang/ dkyil 'khor thams cad du 'jug ma dang/ sngags stong du zlos pa rnams kyi rigs pa brjod pa de lta bus 'grub par 'gyur ro/ /de nas de bzhin du 'dod pa'i lha 'am/ dkyil 'khor pa yang rung de rnams kyis mchod pa byas te/ rnam
- 214a
pa 'di bzhi ni chos kyi mchod pa'o/ /de nas badzra karmmA zhes brjod cing/ rdo rje las kyi phyag rgya chen po bcings te/ sems can chen mo dang/ byang chub kyi yan ma dang/ dmigs ldan ma dang/ dri ldan ma rnams kyi rigs pa brjod par bya'o/ /rdo rje las kyi rnal 'byor de lta bus 'grub par 'gyur ro/ /de nas de rnams snga ma bzhin rang 'dod pa'i lha 'am/ dkyil 'khor la mchod pa bya'o/ /rnam pa bzhi po 'di ni las kyi mchod pa'o/ /de ltar mchod pa rnam pa bzhi po rnams kyis rdo rje sems dpa' la sogs pa'i sbyor ba bzhis mchod pa chen po la sogs pa rnam pa bzhi rdzogs pa las byas nas thun bzhi'i sbyor bas byang chub tu sems bskyed pa la sogs pa'i las byas te/ de bzhin gshegs pa'i rigs kyi rnal 'byor pas de ltar bdag nyid mchod nas/ de bzhin gshegs pa thams cad la phyag bzhi byas te/ phyag rgya chen po la sogs pa bsgom par bya'o/ /de la zhes bya ba la sogs pa ni snga ma bzhin no/ /ma rung sems can zhes bya ba ni sdig pa chen po byed pa'o/ /de dag la gnod par bya ba'i phyir/ sdug bsngal ba las bton nas sdig pa las bzlog pa'o/ /de'i don du cung zad cig byang chub tu sems bskyed pa la sogs pa rdo rje'i rigs kyi las kyi dkyil 'khor las bshad pa'i rnam pa bzhi las kyi mtshan nyid kyis dgos pa'i bya ba gang byed pa de khro bo'i rigs kyi rnal 'byor pas/ las kyi rigs kyi rnam pa bzhi po 'di rdo rje'i rigs kyi dngos grub thams cad rab tu sbyin par byed pa yin no/ /'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i rnal 'byor dang/ de las bshad pa'i rnal 'byor chen po byas la/ de na rdo rje khro bo'i sgeg mo la sogs pa'i mchod
- 214b
pa rnam pa brgyad kyis yang dag par mchod la/ 'jig rten gsum las rnam par rgyal ba'i dkyil 'khor las bshad pa'i mchod pa rnams de las bshad pa'i cho gas sprul la/ 'jig rten gsum las rnam par rgyal ba'i dkyil 'khor chen po las bshad pa'i bcom ldan 'das rdo rje hUM mdzad kyi rnal 'byor chen po bcings te/ rang gi mchod pa rnam pa bzhi'i rig pa brjod par bya'o/ /de ltar rin chen hUM mdzad dang/ las kyi hUM mdzad rnams 'jig rten gsum las rnam par rgyal ba'i dkyil 'khor chen po las bshad pa'i phyag gyi chen po bcings te/ las dang po pa rnams kyis rig pa brjod cing brtan par byas la/ phyis 'jig rten gsum las rnam par rgyal ba'i las kyi dkyil 'khor las bshad pa'i de'i las kyi phyag rgya ji lta ba bzhin du bcings te/ las dang po pa rnams kyis ma rungs pa'i sems can la gnod pa la sogs pa de rnams kyis nam mkha' i khams thams cad bkang nas rang gi lha 'am/ dkyil 'khor pa snga ma bzhin mchod par bya'o/ /de ltar 'dir yang mchod pa rnam pa bzhis las kyi dkyil 'khor thams cad yang dag par mchod la phyag bzhi byas te/ rang gi khro bo'i lha'i phyag rgya chen po la sogs pa bsgom par bya'o/ /de la zhes bya ba la sogs pa ni snga ma bzhin no/ /'jigs pas gzir la mi 'jigs sbyin zhes bya ba ni 'chi ba la sogs pa'i 'jigs pas gzir ba rnams 'chi ba la sogs pa gsal te/ dbugs 'byin par byed pa'o/ /ji bzhin par ni 'bra de bzhin/ /zhes bya ba ni 'gro ba 'dul ba la sogs pa'i ting nge 'dzin gyis gdul bya rnams de'i ngo bor bskyed pa ni ji bzhin pa'i 'dul ba'o/ /'di ni pad+ma'i rigs kyi las zhes bya ba ni mi 'jigs pa sbyin pa la sogs pa gang yin pa des ji lta ba bzhin du 'dul bar byed pa 'di ni pad+ma'i rigs kyi rnal 'byor pa'i las kyi bya ba yin no/ /'dis
- 215a
las ci zhig byed ce na/ sangs rgyas dngos grub rab sbyin pa'o zhes bya ba smos te/ 'jig rten dbang phyug nyid ster bar byed do zhes bya ba'i don no/ /de nyid kyis bcom ldan 'das byang chub sems dpa' de bzhin gshegs zhes gsungs pas so/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i rang nyid 'jig rten dbang phyug gi rnal 'byor dang/ de las bshad pa'i rnal 'byor chen po byas la/ pad+ma'i sgeg mo la sogs pa'i mchod pa brgyad kyi bdag nyid yang dag par mchod de/ pad+ma'i rigs kyi las kyi dkyil 'khor las gsungs pa'i cho gas dkyil 'khor gyi lha rnams sprul la/ 'gro ba 'dul ba'i phyag rgya chen po bcings te rang gi mchod pa rnam pa bzhi'i rig pa brjod par bya'o/ /de bzhin du gtsug phud sangs rgyas dang/ ting nge 'dzin dang/ pad+ma don yod dbang phyug gi phyag rgya chen po bcings te/ las kyi dkyil 'khor las bshad pa'i rang gi rigs kyi lha mo rnam pa bzhi'i rigs pa brjod cing/ de nas de rnams kyi las kyi phyag rgya rnams kyis rang gi lha 'am/ dkyil 'khor la mchod pa byas nas/ mi 'jigs pa'i sbyin pa la sogs pas sems can gyi khams tshim par bya'o/ /de ltar mchod pa rnam pa bcu drug gis yang dag par mchod de phyag bzhi byas nas/ rang gi lha'i phyag rgya chen po la sogs pa bcings te/ snga ma bzhin du bsgom par bya'o/ /de nas zhes bya ba la sogs pa ni snga ma bzhin no/ /de bzhin gshegs pa la sogs pa sems can gyi khams thams cad nor bu'i rigs kyi gzugs su bskyed de dbang bskur nas/ de bzhin gshegs pa la sogs pa dang/ sems can gyi khams thams cad snga ma bzhin du rin po che la sogs pa dang/ gzung ba dang 'dzin pa'i rnam
- 215b
bar rtog pa spangs pa'i nor ni sems can thams cad 'jig rten dang 'jig rten las 'das pa'i mngon par 'dod pa'i don thams cad dang/ re ba thams cad rdzogs par byed pa yin no/ /de bzhin gshegs pa la sogs pa dang/ sems can gyi khams rnams la dbang bskur ba la sogs pa 'di dag bstan pa ni/ sangs rgyas dbang bskur de bzhin du/ /zhes bya ba smos te 'di ni nor bu'i rigs kyi las so/ /des ci zhig byed ce na/ las kyi don kun grub byed pa'o zhes bya ba smos te/ don yang yin la kun yang yin pas na don kun te/ nor bu'i rigs kyi'o/ /de rdzogs shing grub par byed pa ni nor bu'i rigs kyi rnal 'byor pas nor bu'i dkyil 'khor grub par byed do zhes bya ba'i tha tshogs go /de'i don ni 'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa la sogs pa'i rang gi lha'i rnal 'byor dang/ de las bshad pa'i rnal 'byor chen po byas la rin chen sgeg mo la sogs pa'i mchod pa brgyad kyis yang dag par ji lta ba bzhin du mchod la/ nor bu'i rigs kyi las kyi dkyil 'khor las bshad pa'i cho gas nor bu'i rigs kyi las kyi dkyil 'khor gyi lha rnams sprul par bya'o/ /de nas don thams cad grub pa'i dkyil 'khor chen po las bshad pa'i don thams cad grub pa'i phyag rgya chen po bcings te/ las kyi dkyil 'khor las bshad pa'i rang gi lha mo bzhi rigs pa rnam pa bzhi brjod par bya'o/ /de ltar rin chen lta ba dang/ rin chen pad+ma dang/ rin chen char 'bebs kyi phyag rgya chen po bcings te/ las kyi dkyil 'khor las bshad pa'i lha mo bzhi rig pa rnam pa brjod cing/ de rnams kyis de bzhin du dbang bskur bar byin pa las re ba thams cad yongs su rdzogs pa'i las ni sangs rgyas la sogs pa dang/ sems
- 216a
can gyi khams thams cad la khyab par bsgrubs nas/ las kyi phyag rgya de rnams kyis snga ma bzhin du rang gi lha 'am dkyil 'khor gyi lha rnams mchod par bya'o/ /de ltar mchod pa rnam pa bcu drug gis yang dag par mchod de phyag bzhi byas nas/ rang gi lha'i phyag rgya chen po la sogs pa bcings te/ snga ma bzhin du bsgom par bya'o/ /de ltar de bzhin gshegs pa la sogs pa'i rigs thams cad kyi las kyi dngos grub kyi cho ga rgyas pa'i rgyud kyi tshogs yongs su rdzogs par bstan nas/ da ni de bzhin gshegs pa la sogs pa'i rigs thams cad kyi phyag rgya chen po dang/ dam tshig dang/ chos dang/ las kyi phyag rgya rnams thun mong du bsgrub pa dngos kyi khyad par du gyur pa bstan pa'i phyir/ de nas zhes bya ba la sogs pa gsungs te/ de nas zhes bya ba la sogs pa ni go sla'o /de bzhin gshegs pa thams cad kyi rigs ni de bzhin gshegs pa thams cad kyi rigs te/ de rnams kyi chos nyid bskyed pa'i rgyur gyur pa na gro d+ha la sogs pa'i sa bon bzhin du de nyid kyi phyag rgya'o /der des pa'i ye shes de'i dngos grub ni phyag rgya chen po la sogs pa'i sgrub pa ston par byed pa'i rgyud do/ /'di gsungs pa ni bcom ldan 'das phyag na rdo rje'o/ /de la zhes bya ba la sogs pa ni go sla'o/ /rdo rje sems dpa' i ting nge 'dzin ni zhes bya ba la/ rang gi snying ga'i sems dpa' i rdo rje la dmigs pa'i thugs rtse gcig pa'o/ /ni li sgra ni nges par gzung ba ste/ rdo rje sems dpa' i ting nge 'dzin ni/ sangs rgyas rnams kyi chos nyid dgongs/ /zhes bya'o/ /rnam par snang mdzad la sogs pa nas don yod grub pa'i mthar thug pa ni de bzhin gshegs pa bskyed pa'i rgyur gyur par bshad do/ /ci'i phyir zhe na/ 'di ni sangs rgyas sangs rgyas
- 216b
nyid/ /ces bya ba smos te/ gang gi phyir sangs rgyas bcom ldan 'das 'di ni sangs rgyas nyid kyi rgyu yin no zhes bya ba'i tha tshig go /'di nyid yang gang las she na/ gzhan las sangs rgyas 'gyur ba med ces bya ba smos te/ gang gi phyir rdo rje sems dpa' i ting nge 'dzin ni sangs rgyas su 'gyur gyi gzhan du mi 'gyur ba de'i phyir rdo rje sems dpa' i ting nge 'dzin ni/ sangs rgyas rnams kyi chos nyid dgongs/ /zhes bya'o/ /kha cig na re rdo rje sems dpa' i phyag rgya chen po ni/ phyag rgya chen po'i rnam par sems rtse gcig pa ni rdo rje sems dpa' i ting nge 'dzin de/ sangs rgyas nyid kyi rgyu yin no zhe'o/ /gzhan dag ni 'di ma yin te/ gang gi phyir bdag nyid chen po gang gang gi phyag rgya gang dang gang bcings pa'i/ /bzlas pa'i snying po'i don du ni/ /der ni bdag nyid bsgom par bya/ /zhes bcom ldan 'das kyis sngar gsungs pa yin no/ /yang de bzhin gshegs pa thams cad kyi dngos grub kyi rgyud las/ de bzhin gshegs pa dran byed cing/ /sangs rgyas phyag rgya bcings nas ni/ /sangs rgyas byang chub brtan pa yang/ /bsgrub na myur du 'grub par 'gyur ro/ /zhes de ma thag 'chad par 'gyur ro/ /gzhan yang phyag rgya chen po la sogs pa'i rang gi lha'i phyag rgya bzhis rang gi lha'i nga rgyal nyid kyis bsgrub par bya'o zhes bya ba ni/ phyag rgya thams cad bcings nas ni/ /bdag nyid de'i mdun du yang/ /sangs rgyas rjes su dran pa bsgom/ /de nas de ma thag tu 'grub/ /ces 'chad par 'gyur ba de bas na rang gi lha'i phyag rgya bcings te/ rang gi lha'i gzugs nyid du bsgom par bya'o/ /nges pa kho nar rdo rje sems dpa' i phyag rgya chen po'i rnam par sems rtse gcig pa dam pa'o/ /de bzhin gshegs pa'i phyag rgya bsgom pa rnams kyis rang gi snying ga'i sems dpa' i rdo rje la rdo rje sems dpa' zhes bya ba
- 217a
sems dpa' i rdo rje rnam pa kho na yin par the tshom mi bya'o/ /'di skad du yang de nyid bcom ldan sems dpa' ste/ /thams cad sems de nyid bdag po/ /sku dang gsung thugs rdo rje ni/ /sems dpa' brtan par rang byung gi /sems dpa' kun gyi mchog sems dpa' / /rdo rje snying gar rab bsgoms nas/ /rdo rje sems dpa' zhes grags te/ /'di la rdo rje rab tu gnas/ /zhes gsungs so/ /de'i don ni 'di skad ston pa yin te/ sngar bshad pa'i tshul gyis rnam par snang mdzad la sogs pa de bzhin gshegs pa'i phyag rgya chen po bcing ba 'am dam tshig dang/ chos dang/ las kyi phyag rgya chen po bcings nas/ rang gi snying ge'i zla bar hUM las rdo rje rtse lnga pa rnam par bsams te/ de'i dbus su snying po bkod la thugs ka'i sems dpa' i bdag nyid rnam par snang mdzad la sogs pa'i de bzhin gshegs pa bsgom par bya'o/ /phyag rgya chen po bsgoms nas ni/ /dngos grub thams cad bsgrub par bya/ /zhes bya ba ni rdo rje sems dpa' la sogs pa'i dngos grub bsgrub par 'dod pa'i rnal 'byor pa rnams kyis ji lta ba bzhin du phyag rgya chen po dang/ dam tshig dang/ chos dang/ las kyi phyag rgya bcings nas de bsgrub par bya'o/ /rdo rje sems dpa' la sogs pa'i rang gi lha'i sku'i gsang pa bsgoms nas yang dang yang mngon du byas te/ bzlas pa don du gnyer bas bsgrub par bya'o/ /ci'i phyir zhe na/ gang gi phyir/ 'dir ni de bzhin gshegs rigs kyi/ /zhes bya ba smos te/ ji skad du bshad pa de dag gi'o/ /chos nyid dngos grub dam pa thob/ /ces bya ba la yang zhes bya ba'i sgra ni de bzhin gshegs pa rnams dang/ rigs thams cad yang gi chos nyid 'di yin no zhes bshad do/ /phyag rgya chen po'i tshul gyis ni/ /dam tshig mchog ni bcings nas kyang/ /las rnams
- 217b
thams cad bsgrubs nas ni/ /zhes bya ba la rdo rje'i ris su bshad pa'i dam tshig dang/ chos dang/ las dang phyag rgya chen po thams cad ni dam tshig gi phyag rgya'i ngo bo yin pa'i phyir ro zhes bshad zin to/ /de rnams kyi sangs rgyas rnams kyi dam tshig mchog ste/ dam tshig dang/ chos dang/ las dang phyag rgya chen po rnams kyis/ sangs rgyas la sogs pa'i las rnams thams cad bsgrub cing rdzogs par byed pa'o/ /ji ltar bsgrub pa yin zhe na/ phyag rgya chen po'i tshul gyis ni/ /zhes bya ba smos te/ phyag rgya chen po'i sbyor ba ni phyag rgya chen po'i tshul lo/ /dngos grub kun sbyor sangs rgyas kyi/ /bkas ni sems can kun don du/ /phyag rgya chen po bsgrub na ni/ /tshe 'di nyid la sangs rgyas 'grub/ /ces sngar bstan zin pa'i phyag rgya chen po'i rgyur gyur ba des/ rdo rje'i dngos grub dang/ rdo rje'i rigs kyi dngos grub thob par 'gyur ro/ /'di skad ston pa yin te/ rdo rje chen po'i rigs kyi sbyor bas phyag rgya chen po'i dngos grub dang/ dam tshig dang/ chos dang las kyi phyag rgya dngos grub gang dang gang bsgrub par 'dod pa de dang de nyid kyi phyag rgya chen po la sogs pa'i phyag rgya bcings te/ phyag rgya chen po bsgom pa'i sbyor ba nyid kyis bsgom zhing bsgrub par bya'o/ /shes rab kyi pha rol tu phyin pa'i chos ston pa ni/ chos kyi phyag rgya'o/ pad+ma'i rigs kyi phyag rgya rnam pa bzhi'i phyag rgya sbyor ba ni/ chos kyi phyag rgya'i tshul lo/ /sngar bshad pa'i 'gro ba 'dul ba'i phyag rgya chen po dang/ dam tshig dang/ chos dang las kyi phyag rgya bsgom pa'i tshul gyis des chos kyi phyag rgya brjod par byed cing bsgom par byed pa zhes pa'i tha tshig go /gang gis 'grub par 'gyur zhe na/ rdo rje chos kyi las rnams ni/ /chos nyid du ni 'dis grub po/ /zhes bya ba smos te/ chos kyi phyag rgya bsgom pa'i sbyor ba 'di nyid kyis so/ /gang gi tshe
- 218a
phyag rgya chen po la sogs pa'i rang bzhin gyis 'phags pa spyan ras gzigs dbang phyug gis chos kyi phyag rgya dngos su brjod pa de'i tshe/ ci'i phyir chos kyi phyag rgya bsgom pa'i sbyor ba des chos kyi phyag rgya la 'jug par 'gyur zhe na/ rdo rje chos kyi chos rnams ni/ /chos nyid du ni zhes bya ba smos te/ gang gi phyir chos 'di bskyed pa'i rgyu ni shes rab kyi pha rol tu phyin pa rdo rje chos ni 'phags pa spyan ras gzigs dbang phyug yin pa'i phyir ro 'di skad ston pa yin te/ rdo rje pad+ma'i rigs kyi phyag rgya chen po la sogs pa'i rnam pa bzhi sgyu ma lta bur rang bzhin gyis rnam par dag par bsgom par bya ba yin no/ /dbang bskur ba la sogs pa'i ngo bos sems can thams cad kyi re ba yongs su rdzogs par byed pa'i las ston pa'i phyag rgya ni las kyi phyag rgya ste/ nor bu'i rigs kyi phyag rgya chen po la sogs pa thams cad do/ /de'i sbyor bas nor bu'i rigs kyi phyag rgya chen po la sogs pa'i sgrub pa'i rgyud ston pa de ni las kyi phyag rgya'i tshul gyis te/ rdo rje nor bu chen po rtse mo bcu gnyis ston pa'i las ni/ las kyi rdo rje snying gar bzhag /chos nyid 'di dag bsgoms nas ni/ /zhes bya ba la don thams cad grub pa la sogs pa thob par 'gyur ro/ /ci 'dra ba zhig ce na/ las rnams kun ni thob par 'gyur zhes bya ba smos te/ las thams cad pa ni nor bu'i rigs kyi phyag rgya chen po la sogs pa de ni dngos grub de ni las thams cad thob par 'gyur ba'o/ /'di skad ston pa yin te/ sngar bshad pa'i nor bu'i rigs kyi phyag rgya chen po la sogs pa'i sgrub pa'i sbyor ba phyag rgya chen po la sogs pa bcings te/ yi ger dbyangs yig gsum pa dang ldan pas bcom ldan 'das nor bu mchod pa dang chos kyi yi ge las rdo rje nor bu mtshan ma'i sna tshogs rdo rje snying gar sprul la/ de'i steng du
- 218b
bzlas pa'i yi ge rnam par bsams nas de nyid brjod cing nor bu'i rigs kyi phyag rgya chen po dang/ dam tshig dang/ chos dang/ las sam phyag rgya chen po la sogs pa'i bsgrub pa'i sbyor ba bya'o/ /de bzhin gshegs pa thams cad kyi rigs kyi phyag rgya ni phyag rgya chen po rdo rje rigs kyi phyag rgya ni dam tshig gi phyag rgya'o/ /pad+ma'i rigs kyi phyag rgya ni chos kyi phyag rgya'o/ /nor bu'i rigs thams cad kyi phyag rgya ni las kyi phyag rgya'o zhes grags pa nyid yan lag tu bya ba yin no/ /de yan lag tu byas par gyur pa na phyag rgya lhag ma rnams ni chos nyid du gyur pas dngos grub tu 'gyur ba yin no/ /de bzhin du de bzhin gshegs pa la sogs pa'i rigs thams cad kyi chos nyid thams cad bstan nas yin? de bzhin gshegs pa la sogs pa'i rigs thams cad kyi phyag rgya chen po la sogs pa'i phyag rgya thams cad sgrub pa na/ sgrub pa po la nges pa bskyed nas 'jug par bya'o zhes bya ba'i don bstan pa'i phyir/ de nas byang chub sems dpa' sems dpa' chen po phyag na rdo rjes de bzhin gshegs pa thams cad kyi rigs kyi ye shes kyi phyag rgya'i dngos grub kyi rgyud 'di gsungs so/ /de bzhin gshegs pa thams cad kyi rigs rnams ni ye shes kyi de bzhin gshegs pa thams cad kyi rigs kyi ye shes so/ /de bsgrub pa'i? phyir sgom pa'i phyag rgya des dngos grub kyi ye shes kyi dngos grub de ston par byed pa ni rgyud do/ /gsungs pa ni bcom ldan 'das phyag na rdo rjes bshad pa'o/ /rdo rje sems dpa' i ting 'dzin gnas/ /zhes bya ba ni rdo rje sems dpa' i ting nge 'dzin ?brten pa'o/ /sbyor ba gang gis she na/ zla ba rdo rje'i tshul gyis te/ /zhes bya ba la sogs pa smos te/ zla ba rdo rje'i tshul ni sems dpa' rdo rje'i rnam par bsgom pa'o/ /zla ba rdo rje'i tshul gyis ni/ /rdo rje sems dpa' i ting nge 'dzin
- 219a
la gnas pa'i rnal 'byor pas so/ /ji ltar de gnyis kha dog shes/ /zhes bya ba ni rdo rje dang zla ba gnyis kyi'o/ /de ltar 'jig rten des zhes bya ba ni rnal 'byor pas so/ /shes te zhes bya ba ni bsgom pa'i shes pas so/ /de nyid bshad pa ni dag la dag dang zhes bya ba la sogs pa'o/ /dag pa ni shel dang 'dra ba dri ma med pa'o/ /shel dang 'dra ba'i zla ba'i rdo rje mthong ba ni dag pa ste/ rnal 'byor pa'i sems kyis shes bya shes pa'o/ /dkar ba ni zla ba rdo rje kha dog dkar po mthong ba'o/ /'od gsal ba ni las kyi sgrib pa spangs pa dang/ sdig pa'i mun pa dang bral ba'i snang ba dang bcas pa'o zhes bya ba'i don no/ /dmar po ni chags pas zil gyis gnan pas zla ba rdo rje dmar po mthong ba'o/ /rab dmar khro bos bya ba ni shin tu dmar ba'o/ /shes nas kha dog ji bzhin pa/ /de yi bdag nyid nyid du 'gyur/ /ji skad bshad pa'i kha dog de dag gi nang nas ci 'dra ba zla ba rdo rje'i gzugs su mthong ba de 'dra ba nyid 'gro ba'i sems su shes par bya ba'o/ /rnam par snang mdzad la sogs pa'i rnal 'byor pas gang gi tshe rang dang gzhan dag gi dgos pa shes par 'dod pa de'i tshe ji lta ba bzhin du bdag dang gnas bsrung ba dang/ snga ma bzhin du de bzhin gshegs pa thams cad kyi rnal 'byor byas nas/ mchod pa thams cad kyis yang dag par mchod la/ phyag bzhi byas nas/ phyag rgya chen po bcings te/ rang gi snying ga'i zla bar yi ge hUM las rdo rje rtse lnga pa rnam par bsams te/ chos thams cad gzugs brnyan dang mtshungs pa bden pa gang yin pa dang/ sgra brnyan dang mtshungs pa bden pa gang yin pa des bcom ldan 'das rdo rje sems dpa' la sogs pa'i 'bras bu 'di mthong ba dang/ 'di dag gi 'bras bu grub par gyur cig ces bden pa'i byin gyis brlab nas/
- 219b
oM sarba ta thA ga ta ma hA yo gi shwa ra hUM zhes bya ba la sogs pa de bzhin gshegs pa rang rang gi sngags sam spyi'i snying po rdo rje'i tshig gis brjod cing/ rang gi snying gar zla ba rdo rje bsgoms na nges pa thams cad kyis mthong zhing thos par 'gyur ro/ /zla ba'i dkyil 'khor 'od bcas pa/ /phyag rgya chen po bcings nas ni/ /zhes bya ba la sogs pa ni rdo rje sems dpa' la sogs pa nas rdo rje 'bebs pa'i mthar thug pa'i phyag rgya chen po rnams kyi nang nas phyag rgya chen po gang yang rung ba bcings te/ de'i rnam par sems rtse gcig tu byas nas bsgrub par bya'o/ /zla ba dkyil 'khor dang bcas pa'i zhes bya ba ni zla ba'i dkyil 'khor dang mtshungs pa'i 'od gang la mnga' ba de ni zla ba'i dkyil 'khor gyi 'od can no/ /rang gi lus la ji ltar shes zhes bya ba ni ji ltar shes pa de ltar 'gro ba'i yid shes pa'o/ /de'i don ni 'di skad ston pa yin te/ rdo rje sems dpa' la sogs pa la/ de bzhin gshegs pa'i rigs kyi rnal 'byor pas gang gi che rang dang gzhan gyis dgos pa shes par 'dod de'i tshe snga ma bzhin du cho ga thams cad rjes su spyad la/ rang gi lha'i phyag rgya chen po bcings te/ rang gi snying ga'i zla bar snga ma bzhin du rdo rje'i rnam par bsams te/ rdo rje'i dbus su snying po bkod la de nyid rjod cing snga ma bzhin du bden pa'i byin rlabs byas nas/ rang gi lha'i gzugs su bsgoms na nges par thams cad kyis mthong zhing thos par 'gyur ro/ /khros par gyur na dkyil 'khor ni/ /zhes bya ba ni de la nam mkha' ni rab tu grags pa'o/ /ras sam rtsig pa 'am lugs su blugs pa la sogs pa phyogs gzhan dag tu'o/ /de la khros par dkyil 'khor ni/ /zhes bya ba ni khro ba'i lha'i nyams su mngon du byed pa ni khro bo ste khro bo'i rnal 'byor pas des khro bo de bdag nyid du gyur pa nam mkha' la sogs pa la dkyil 'khor dkar po la sogs
- 220a
par mthong bar 'gyur te/ khro bo'i ting nge 'dzin gyi mthus de lta bur yid kyis shes shing rang dang gzhan gyi yid shes par 'gyur ro/ /'di skad ston pa yin te/ snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i cho gas rdo rje hUM mdzad la sogs pa'i rnal 'byor byas la/ ji lta ba bzhin du mchod pa dang phyag bzhi byas te/ phyag rgya chen po la sogs pa bcings nas/ rang gi snying gar rdo rje la snying po bkod cing de nyid brjod par bya'o/ /bden pa'i byin gyis brlabs kyis snga ma bzhin du rang gi lha'i ngo bo ji srid nam mkha' la sogs par mtshan ma ston par gyur pa'i zla ba'i dkyil 'khor la sogs pa'i gzugs su mthong ba dang/ sgra thos par 'gyur ba de srid kyi bar du bsgom par bya'o/ /nam mkha' i sa phyogs phra mo 'am/ zhes bya ba ni rdo rje phra mo'o/ /yi ge phreng ba mthong gyur na/ /zhes bya ba ni mngon par 'dod pa'i dngos po ston par byed pa yi ge phreng ba bris pa nam mkha' la sogs pa bsgom pa'i shes pas mthong bar gyur pas mdor na kha dog ci 'dra bar shes pa de 'drar de sems shes zhes bya'o/ /'di skad du ston pa yin te/ snga ma bzhin du 'gro ba 'dul ba'i dkyil 'khor chen po las bshad pa'i rang nyid 'jig rten dbang phyug gi rnal 'byor byas te/ cho ga thams cad rjes su spyad la rang gi snying gar rdo rje pad+ma'i de'i steng du snying po bkod la/ de nyid brjod cing bden pa'i byin gyis brlabs byas nas rang nyid 'jig rten dbang phyug tu bsgom par bya'o/ /de nas rdo rje phra mo 'am yi ge phreng ba kha dog ci 'dra bar mthong ba de bzhin du de'i 'bras bur shes par 'gyur ro/ /'jig rten yang yin la kun yang 'di yin pas na 'jig rten kun te/ bcom ldan 'das nam mkha' i snying po'o/ /bltas
- 220b
nas kyang ni bsgoms nas kyang/ /ngo ci 'dra ba zhig ce na/ /ji lta bur ni snang 'gyur zhing/ /zhes bya ba smos te/ rang gi lha'i sku mdog par? dbyibs ci 'dra ba de 'dra ba nyid du de bsgom par bya'o/ /mthong bar 'gyur ba de 'dra bar/ /'gro ba'i sems ni shes par bya/ /zhes bya ba ni rnal 'byor pas rang gi lha'i gzugs kha dog dkar po la sogs pa'i rang bzhin du ci 'dra bar bsgoms nas/ 'gro ba'i sems kyang de dang 'dra ba nyid du bsgoms pa'i stobs kyi mthong bar 'gyur ro/ /de bzhin du mthong bar de'i 'bras bu shes par 'gyur ro/ /de'i don ni 'di skad ston pa yin te/ nor bu'i rigs kyi rnal 'byor snga ma bzhin du byas nas cho ga thams cad rjes su spyad te/ rang gi snying gar rdo rje nor bu chen po'i dbus su bzlas pa'i snying po yid kyis bris te/ chos thams cad gzugs brnyan dang mtshungs pa'i bden pa gang yin pa dang/ sgra brnyan dang mtshungs pa'i bden pa gang yin pa des 'bras bu 'di bcom ldan 'das nam mkha' i snying po dang 'dra bar gyur cig /ces bya ba'i bden pa'i byin brlabs byas nas ji ltar bris pa'i bzlas pa brjod cing rang gi lha bsgom pa des thams cad kyis mthong bar 'gyur ro/ /de nyid ni snyoms zhugs zhes bya ba ni rnam par snang mdzad la sogs pa nas nor bu'i rigs kyi mthar thug pa'i dngos grub kyi ye shes bsgoms pa las byung ba'i lus kyi so sor slad pa'i gzugs kyis 'gro bar byed pas 'gro bar ston pa dang/ 'od bar byed pas 'od bar rab tu ston pa'o/ /'chags pa la'ang rung zhes bya ba ni ji ltar mthong ba'i rnal 'byor nges de ltar 'bras bu brtags pa ni 'bras bu thob pa'o/ /snyoms par zhugs te bsams na ni/ /zhes bya oba ni rnal 'byor pas ji ltar 'dod pa'i dngos po bsgom pa'o/ /sems can gang dang gang yin
- 221a
pa/ /zhes bya ba ni rnam par snang mdzad la sogs pa nongs pa ni sems can de dang de ni rnam par snang mdzad la sogs pa'o/ /de de bzhin du bshad ma thag pa'i snyoms par 'jug pa'i rnam pa des sems can thams cad kyi sems rnams thams cad rtogs shing khong du chud par 'gyur ro/ /'di skad ston pa yin te/ dkar po la sogs pa'i gzugs 'ba' zhig ston pa ni ma yin gyi ji skad bshad pa'i snyoms par 'jug pa sngon du byas pas 'das pa dang ma 'ongs pa dang da ltar byung ba thams cad kyang shes par 'gyur ro/ /de ltar rang dang gzhan dag phyag rgya chen po la sogs pa bsgrubs nas skal ba dang ldan pa dang/ skal ba dang mi ldan pa chos su brtags pa'i ye shes dang/ dngos po thams cad la the tshom sel ba'i ye shes mkhyen pa de bzhin gshegs pa thams cad kyi rigs kyi ye shes kyi phyag rgya'i dngos grub kyi rgyud bstan nas/ da ni phyag rgya chen po la sogs pa bsgoms nas kyang/ gang gi tshe mtshan ma thob par gyur pa de'i 'grub par 'gyur ro zhes bstan pa'i phyir/ de nas byang chub sems dpa' sems dpa' chen po phyag na rdo rjes zhes bya ba la sogs pa smos te/ de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs te/ ji skad du bshad pa'i dngos grub de dag ston pa'i ye shes ni de bzhin gshegs pa thams cad kyi rigs kyi dngos grub kyi ye shes so/ /de'i cho ga rgyas pa ni de bzhin gshegs pa la sogs pa tha dad pas bye brag rgyas pa'o/ /de ston par byed pa'i rgyud do/ /gsungs pa ni bcom ldan 'das phyag na rdo rjes bshad pa'o/ /de la zhes bya ba la sogs pa ni go sla'o/ /sems dpa' i byin gyis brlabs tshul gyis/ /zhes bya ba
- 221b
ni sems dpa' i rdo rje rab tu snang ba'o/ /des sems dpar byin gyis brlabs pa'i sbyor bas sangs rgyas dngos grub thob par zhes bya bar sbyar ro/ /gang las skyes par 'gyur zhe na/ sangs rgyas gzugs su bdag bsgoms ni/ /zhes bya ba la sogs pa smos te/ rnam par snang mdzad la sogs pa de bzhin gshegs pa rnams so/ /bdag nyid bsgoms pa'i rnam par snang mdzad pa yin pa de bdag yin no/ /zhes bya ba nas don yod grub pa gang yin pa de bdag yin no zhes nga rgyal bskyed par bya'o// sems dpar byin gyis brlabs pa'i sbyor ba bsgom pa gang yin pa de bskyed pa'o/ /ye shes ni tshul de yis zhes bya ba ni sems dpar sbyor ba'i byin gyis rlob pa'i sbyor ba nyid/ ye shes kyi ni tshul de yis/ /zhes bya ba smos te/ tshul ni ting nge 'dzin gyis tshul lo zhes bstan to/ /'di skad ston pa yin te/ snga ma bzhin du de bzhin gshegs pa'i rnal 'byor bsgom pa'i rnal 'byor pas/ bsgom pa'i bdag nyid kyi ye shes kyi gang gi tshe snying gar sems dpa' i rdo rje nyin re bzhin thun bzhi'i mthong par gyur pa de'i tshe/ mtshan thog thag de bzhin gshegs pa'i bdag nyid du bsgoms nas sangs rgyas nyid mngon sum du byed par 'gyur ro/ /de'i phyir sangs rgyas dngos grub thob par 'gyur zhes bya ba gsungs so/ /nam mkha' grags bar zad do/ /phyogs gzhan du bshad zin to/ /ser skya'i 'od kyi dkyil 'khor ni zla ba'i dkyil 'khor ser skyar mthong ba yin te/ 'ba' zhig mthong ba ni ma yin no ji lta bu zhe na/ sems dpa' nyid kyi phyag rgya nyid/ /mngon sum nyid du mthong gyur na'o/ /zhes bya ba ni rdo rje sems dpa' la sogs pa nas rdo rje 'bebs pa'i mthar thug pa'i phyag rgya chen po la sogs pa'i phyag rgya bcings te/ rnal 'byor pa bsgom pa la sogs pa na/ sems dpa' rang nyid kyi phyag rgya ste/
- 222a
rdo rje sems dpa' la sogs pa ji skad du bshad pa'i sems dpa' de nyid kyi phyag rgyas rdo rje sems dpa' nyid la sogs pa'i gzugs su rnal 'byor pa bdag nyid mngon sum du mthong bar 'gyur ro/ /de'i don ni 'di skad ston pa yin te/ rdo rje sems dpa' la sogs pa'i phyag rgya chen po bcings te/ ji skad du bshad pa'i tshul gyis rdo rje sems dpa' la sogs pa bsgoms nas nyin re zhing thun bzhi'i sbyor bas nam mkha' i phyogs su zla ba'i dkyil 'khor ser skya'i gzugs su ngo bo ji srid bdag nyid mthong bar gyur pa de'i tshe ji lta ba bzhin du mtshan thog thag bzlas shing/ bsgoms na 'grub par 'gyur ro/ /de lta bu yi dbyibs gyur ba/ /zhes bya ba ni ser skya'i 'od kyis dkyil 'khor du snang ba grub pas na dbus su sngo bsangs ni utpa la sngon po lta bu'o/ /snang ba ni zhes bya ba ni mngon pa dang mthong ba zhes bya ba'i tha tshig go /rdo rje rigs kyi rnal 'byor ba 'di dngos grub kyi ye shes so/ /rdo rje rigs kyi mchog gi dngos grub ni dam tshig go /ci ?? 'dod na myur du thob/ ces bya ba ni gal te rdo rje rigs kyi rnal 'byor ba sgrub par 'dod na'o/ /de srid pa ni mkha' 'dra yi/ /zhes bya ba ni rdo rje rigs kyi rnal 'byor pa bsgom pa'i stobs kyis nam mkha' dang 'dra ba'i kha dog sngon po'i dkyil 'khor mthong ba gang yin pa de lta bu pad+ma'i rigs kyi rnal 'byor pas gang gi tshe nam mkha' la pad+ma sngon po kha dog can gyi dkyil 'khor bsgoms pa'i stobs kyis mthong ba de'i tshe/ pad+ma chen po'i rigs rig pa'i/ /dngos grub tu mi legs bar 'gyur/ zhes bya ba de shes par bya'o/ /nam mkha' 'am ni phyogs gzhan na/ /zhes bya ba ni nor bu'i rigs kyi rnal 'byor ba'i sgom pa ye shes kyis ser skya'i dkyil 'khor de nyid ston ka'i nam mkha' dri ma med pa las 'od zer gyi
- 222b
dkyil 'khor 'phro zhing g.yo bar mthong ba na/ mthong na myur du dngos grub thob ces bya'o/ /da ni ji skad du bshad pa'i de bzhin gshegs pa la sogs pa'i rnal 'byor pa rnams kyis dngos grub kyi ye shes 'di 'ba' zhig ma yin gyi/ gzhan yang yin no zhes bstan par bya'o zhes/ rdo rje sems sogs sems dpa' rnams/ /zhes bya ba la sogs pa smos te/ rdo rje sems dpa' dang por bya ba gang yin pa de ni rdo rje sems la sogs pa'o/ /de gang yin zhe na/ rdo rje rgyal po nas brtsams nas rdo rje 'bebs pa'i mthar thug pa'i sems dpa' o/ khyad par ji lta bu zhig ce na/ zla ba'i dkyil 'khor 'od bcas te/ /zla ba'i dkyil 'khor dang mtshungs pa'i 'od ni 'od kyi dkyil 'khor ro/ /zla ba'i dkyil 'khor dang bcas pa gang yin pa de ni sngar bstan zin to/ /nam mkha' 'am ni phyogs gzhan du bdag nyid ji lta bu zhe na/ mi brtan pa'i gzugs kyi snang ba tsam grub pa'i dus su mngon du mthong ba yin la/ dngos grub kyi dus su ni dkyil 'khor grags pa'i kha dog dang dbyibs can gyi rang bzhin gzugs byon nas sgrub po la bdag nyid ston par 'gyur ro/ /de nas skad cig ma de nyid la rnal 'byor pa 'di rdo rje 'chang chen po la sogs pa'i dngos grub 'grub par 'gyur ro/ /de ltar de bzhin gshegs pa thams cad kyi rigs kyi dngos grub kyi ye shes kyi rgyud bstan nas/ da ni phyag rgya chen po la sogs pa bsgom pa na mtshan ma thob par gyur pa mngon par shes pa lnga bsgrub par bya'o zhes bya ba ni/ de nas zhes bya ba la sogs pa mngon par shes pa'i dngos grub kyi ye shes kyi rgyud gsungs so/ /de bzhin gshegs pa thams cad kyang yin la rigs kyang yin pas na/ de'i mngon par shes pa'i dngos grub rdzogs pa'o/ /de'i ye shes de ston pa'i rgyud do/ /gsungs pa ni bcom ldan 'das phyag na rdo rje bshad
- 223a
pa'o/ /rdo rje sems dpa' i ting nge 'dzin gnas shes bya ba ni snying ga'i zla ba'i rdo rje'i rnam par sems rtse gcig pa ni rdo rje sems dpa' i ting nge 'dzin to/ /de la gnas zhes bya ba ni rdo rje sems dpa' i ting nge 'dzin la gnas nas rnam par snang mdzad la sogs pa'i de bzhin gshegs pa lnga'i rnal 'byor pas spyi gtsug nas brtsams te/ rkang mthil gyi bar du lus thams cad la rnam par snang mdzad la sogs pa'i de bzhin gshegs pa'i gzugs dang/ rdo rje sems dpa' la sogs pa'i byang chub sems dpa' rnams kyang blos bsgoms na mthong ba yin no/ /de bzhin lus las zhes bya ba ni rang gi lus la byung ba kho na'o/ /'di skad ston pa yin te/ mtshan ma thob pa'i de bzhin gshegs pa'i rnal 'byor pas sems dpa' i rdo rje ting nge 'dzin mngon du byas nas/ de bzhin gshegs pa'i phyag rgya chen po la sogs pa mngon du byas te/ de'i tshe rang gi de bzhin gshegs pa'i sku la de bzhin gshegs pa'i gzugs bsgoms nas/ yid kyi legs pa'i sbyor ba snga ma bzhin du bcug la spu'i khung bu re rer rdo rje sems dpa' la sogs pa'i byang chub sems dpa' rnams bzhugs par bsgom par bya'o/ /de nas brtan par gyur pa dang rang gi lus la sku rnams phyung nas/ nam mkha' la sogs par spros pa de lta bus de bzhin gshegs pa'i rnal 'byor pa'i mngon par shes pa'i dngos grub tu 'gyur ba yin no/ /rdo rje sems dpa' i phyag rgya che zhes bya ba la/ rdo rje sems dpa' ni rdo rje sems dpa' nas brtsams nas/ rdo rje 'bebs pa'i mthar thug pa de dag gi phyag rgya rnam pa bzhi'i phyag rgya de ji skad bshad pa'i tshul gyis bcings pa'o/ /ni zhes bya ba'i sgra ni nges par bzung ba'o/ /rab mnyam bzhag pas bcings nas ni/ /zhes bya ba la rab tu mnyam par bzhag pa ni mtshan ma
- 223b
thob pas sems g.yeng ba med pa'o/ /mngon shes lnga ni thob par 'gyur/ /zhes bya ba ni mngon par shes pa rnams ni mngon shes te/ lha'i mig la sogs pa'i ngo bor nges pa'i ye shes de thob pa ni rnyed pa'o/ /ji ltar thob par 'gyur zhe na/ sgrub pa'i cho ga 'di yis ni/ /zhes bya ba smos te/ de ma thag tu 'chad par 'gyur ba'i rnal 'byor ba sgrub pa po'i cho ga 'dis so/ /de la 'di ni 'phrul gyi spyan gyi ye shes bshad do/ /zhes bya ba ni blo la gnas pas na 'di'o phyag rgya chen po mnyam bzhag ste/ zhes bya ba ni rdo rje sems dpa' la sogs pa'i de bzhin gshegs pa'i rigs kyi phyag rgya ji skad du bshad pa bcings te/ brtan par byas pa'o/ /mig gis rnam shes bskyed nas kyang/ /zhes bya ba ni sgom pa pos so/ /ji ltar zhe na/ yi ge oM gyis de bzhin gshegs pa thams cad kyi lha'i spyan bkug nas rang gi mig la gzhag ste/ de nas de bzhin gshegs pa'i lha'i spyan rang gi mig dang gcig tu gyur par bsams par bya'o/ /de nas cing 'gyur zhe na/ gang yang rung ba de bsams na zhes bya ba smos te/ gzugs gang ci yang rung ba 'jig rten gyi khams gzhan na gnas pa rnams shin du ring ba dang/ de las kyang chos shin tu ring ba rnams kyang snang ba dang bcas pa'i mdun phyogs na gnas pa bzhin du mthong bar 'gyur ro/ /phyag rgya chen po mnyam gzhag ste/ /zhes bya ba ni snga ma bzhin no/ /yi ge as de bzhin gshegs pa la sogs pa'i lha'i snyan bkug nas rang gi rna ba dang lhan cig tu gyur par bsam par bya'o/ /des cir 'gyur zhe na/ des ni dgos pa gang bsams pa/ /shin tu ring na gnas pa'ang thos zhes bya ba smos te/ des 'jig rten gyi khams gzhan na gnas pa'i sgra'i ngo bo ci yang rung ba yang rnal 'byor pa la dgos pas thos par 'dod na nye ba'i yul na gnas pa bzhin du bsams
- 224a
na nges thams cad thos par 'gyur ro/ /phyag rgya chen por mnyam gzhag ste/ /zhes bya ba la sogs pa ni snga ma bzhin no/ /yid kyi rnam shes bskyed nas kyang/ /zhes bya ba ni yi ge hUM gis de bzhin gshegs pa thams cad kyi yid kyi rnam par shes pa'i rang bzhin rdo rje sems dpa' dang/ de bzhin gshegs pa thams cad kyi thugs las sems dpa' i rdo rje'i gzugs can gyi yid bkug ste/ rang gi snying gar gnas pa'i sems dpa' i rdo rje lag bcug nas gcig tu gyur par bsams par bya'o/ /des cir 'gyur zhe na/ sems can gang la des brtags na/ de yi sems ni des shes 'gyur/ /zhes bya ba smos te/ yid kyi rnam par shes pa de sems dpa' i rdo rje'i gzugs su sems can gang gi sems shes par 'dod pa'i sems can de la bsam par bya'o/ /de nas sems can de'i rnal 'byor bas shes par 'gyur ro/ /'di skad ston pa yin te/ ye shes kyi rdo rje rang gi snying gar rab tu bzhag la/ 'di skad brjod par bya'o/ /chos thams cad sgyu ma lta bu'i bden pa gang yin pa'i bden pa des bcom ldan 'das rdo rje sems dpa' dang mtshungs par sems can de'i sems kyang de dang 'dra ba de lta bu'i rnam par shes pa bdag la skye bar gyur cig ces bya'o/ /de nas de'i snying gar ye shes kyi rdo rje nyid rnam par bsgoms pa des gzhan gyis sems shes pa rnal 'byor pa la skye bar 'gyur ro/ /phyag rgya chen po mnyam gzhag ste/ /zhes bya ba la sogs pa ni bshad zin to/ /bdag gam yang na gzhan yang rung/ /zhes bya ba ni go sla'o/ /yid ni bltas nas gar skyes pa/ /zhes bya ba ni sems dpyad na bdag gang nas 'dir 'ongs pa dang sems can gang nas 'dir 'ongs pa dang/ gzhan
- 224b
gyi skye ba shes pa'o/ /de cir 'gyur zhe na/ gar skyes pa'i gzugs ni de'i shes par 'gyur zhes bya ba smos so/ /gang nas shi 'phos nas 'dir skyes par 'gyur ba de rnal 'byor pas sngon gyi gnas rjes su dran pa'i shes pa sgrub pas rang dang gzhan gyi skye ba'i gnas gang nas 'ongs pa shes pa yin no zhes bya ba'i tha tshig go /'di skad ston pa yin te 'gro ba drug gi 'khor lo'i dkyil 'khor snying gar yid kyis bris la bcom ldan 'das thams cad rmi lam mtshungs pa'i bden pa gang yin pa'i bden pa des skye ba gang nas bdag gam gzhan 'dir skyes pa'i sems can snang bar gyur cig ces smon lam btab nas rang gi lha bsgoms na de'i rjes la sngon gyi gnas rjes su dran pa'i shes pa skye bar 'gyur ro/ /phyag rgya chen po bcings nas kyang/ /zhes bya ba ni snga ma bzhin no/ /rdzu 'phrul gang dang gang 'dod pa zhes bya ba ni rdzu 'phrul ni rnam 'phrul lo/ /sems kyi rdzu 'phrul ni bdag nyid chen po'i mthu yin no zhes bya ba'i don no/ /nam mkha' la 'gro ba dang/ mi snang ba dang/ gzugs su ston pa dang/ ring nas myur du 'ong ba la sogs pa de lta bu rnams kyi nang nas gang yang rung ba'i rdzu 'phrul cig mngon du byas te ston par 'dod pa 'am/ yul gang dang gang du sgrib pa dang bcas pa dang sgrib pa med pa'i nam mkha' la sogs pa de dang der 'gro ba rnal 'byor pas ston par 'gyur ro/ /gang gi shes na sems rtse gcig pa'i stobs kyis so/ /'di skad ston pa yin te/ ji skad du bshad pa'i tshul gyis de bzhin gshegs pa'i rigs la sogs pa'i rang gi lha'i phyag rgya bcings te/ rnal 'byor pas mtshan ma thob nas nam mkha' i phyogs kyi gnas su yi ge lam las zad par ma bsgoms la 'chag pa la sogs pa bstan par bya'o/ /yi ge paM las ri bo la sogs pa'i phyogs su zad par chu
- 225a
bsgoms la 'og tu 'dzul ba dang gyen du 'byung bar bya'o/ /raM las phyogs bcur zad par me bsgoms la 'bar bar bya'o/ /yi ge yaM las rlung gi phung po bsgoms te nam mkha' la khyer bar bya'o/ /khaM las zad par nam mkha' bsgoms la rtsig pa las kyang thal/ ra ba las kyang thal nas 'gro ba dang 'ong ba lus thogs pa med pas mi snang bar 'gyur ro/ /yi ge h+ri las gzugs thams cad bstan par bya'o/ /de la dang po las dang rjes su mthun pa'i yi ge dang bzlas pa'i sngags dang lhan cig sbyang bas rdzu 'phrul mdza' dag ston par 'gyur ro/ /khams gsum rnam rgyal mchog tu ni/ /zhes bya ba rdo rje rigs kyi phyag rgya rnam pa bzhi yang khams gsum rnam par rgyal ba'i phyag rgya mchog yin te/ rdo rje rigs kyi phyag rgya thams cad ni khams gsum rnam par rgyal ba zhes bshad pas/ mnyam par gzhag pas bcings nas zhes bya ba ni mtshan ma thob pa g.yeng ba med pa'i sems so/ /mngon par shes pa lnga thob bo zhes bya ba ni ji skad bshad pa nyid do/ /ji ltar bya zhe na/ cho ga 'dis ni sgrub pa po/ /zhes bya ba smos te/ cho ga gang gis she na/ khros nas dgos pa thams cad ni/ /zhes bya ba smos te/ de bzhin gshegs pa'i rigs su bshad pa'i mngon par shes pa lnga skyed par byas nas zhes bya bas lan 'debs pa yin no/ /ji ltar zhe na/ lta 'og go rims ji bzhin bya/ /zhes bya ba smos te/ 'di nyid rnam par 'grel pa ni/ /'phrul gyi mig la sogs tshul gyis/ /zhes bya'o/ /der cir 'gyur zhe na/ mngon shes kun tu skad cig 'gyur/ /zhes bya ba smos so/ /'gro ba sems can gyis khams so/ /de 'dis 'dul bas na 'gro ba 'dul ba ste/ pad+ma'i rigs so de'i phyag rgya ni 'gro ba 'dul ba la sogs pa nas
- 225b
pad+ma 'bebs pa'i mthar thug pa'i phyag rgya chen po la sogs pa'i phyag rgya thams cad do/ /de'i mchog ni dam par gyur pa ste/ 'gro ba 'dul ba'i phyag rgya mchog de bcings nas zhes bya bar sbyar ro/ /ji ltar bya zhe na/ rab mnyam bzhag pas zhes bya ba smos te/ de bcings pas ci zhig thob ce na/ mngon par shes pa lnga thob bo zhes bya ba smos te/ /ji ltar bshad pa'i mngon par shes pa lnga thob bo/ /ji ltar thob ces na/ cho ga 'dis ni sgrub ba po/ /zhes bya ba ni de ma thag du 'chad par 'gyur ba'i don gyis so/ /de nyid bstan pa ni/ lta 'og go rim ji bzhin du/ /cho ga bzhin du 'dod pas chags/ /zhes bya ba smos te/ rang bzhin gyis rnam par dag pa'i chos rtogs pa'i sred pa'i 'dod pas de dang de la chags shing shin tu chags pas bsgoms pa de'i phyir 'dod pas chags pa ste/ thabs dang shes rab kyi rang bzhin gyis 'jig rten dbang phyug gi chags pa yin no zhes bya ba'i don no/ /cho ga bzhin du ni phyag rgya chen po la sogs pa'o/ /'dod pas chags ni phyag rgya chen po la sogs pa'i sbyor ba nges so/ /'phrul gyi mig ni ye shes la sogs pa sngar bshad pa'i go rims gang dang gang yin pa de'i go rims bzhin du'o/ /'di nyid rnam par 'grel pa ni/ 'phrul gyi mig la sogs tshul gyis zhes bya ba smos te/ des cir 'gyur zhe na/ mngon shes thams cad thob par 'gyur/ /zhes bya ba smos so/ /don kun ni 'jig rten dang 'jig rten las 'das pa rnams so/ /grub pa ni rdzogs pa'o/ /'di yod pa las byung ba ni don thams cad grub pa'i nor bu'i rigs so/ /de'i don thams cad grub par gyur pas mdzes pa 'di ni phyag rgya chen po la sogs pa'i don thams cad grub ba'i phyag rgya'o/ /phyag rgya de rab tu mnyam par bzhag pas bcings pa ni mtshan ma thob pa'o/ /mngon
- 226a
par shes pa lnga thob po/ /zhes bya ba ni sngar bshad zin to/ /cho ga 'di ni bsgrub pa'o/ /zhes bya ba ni de ma thag tu 'chad par 'gyur ba'o/ /cho ga de gang yin zhe na/ sangs rgyas rnams ni mchod byas nas/ /zhes bya ba smos te/ sangs rgyas rnams la mchod pa ni sangs rgyas mchod pa'o/ /nam mkha' i khams dang mnyam par nor bu'i rigs brnyan tsam du bsgom pa 'di ni sangs rgyas rnams mchod pa'o/ /de byed pa ni shin tu mngon du byed pa'o/ /nor bu'i rigs kyi phyag rgya chen po la sogs pa'i go rim bzhin du bsgoms pa'i tshul gyis so/ /de bzhin gshegs pa'i rigs su bshad pa'i tshul des lha'i mig gis ye shes la sogs pa'i bskyed pa'i tshul gyis lha'i mig la sogs pa mngon par shes pa lnga'i rang bzhin nor bu'i rigs kyi rnal 'byor pas mthong zhing thos pas mngon du byed do zhes bya ba'i don no/ /de ltar mtshan ma thob bas mngon par shes pa sgrub pa bstan nas/ de ni mna' dor ba'i brtul zhugs la rjes su 'jug pa'i phyag rgya chen po la sogs pa 'grub par 'gyur ro/ /zhes bya ba'i don bstan pa'i phyir/ de nas zhes bya ba la sogs pa gsungs te/ de bzhin gshegs pa thams cad kyi rigs kyi bden pa'i dngos grub kyi rgyud 'di gsungs so/ /mna' dor nas bden pa yongs su skyong zhing bsrung ba phyag rgya chen po la sogs pa dngos grub 'grub pa'o/ /de ston par byed pa'i rgyud de phyag na rdo rjes gsungs pa nyid do/ /bden pa ni phyin ci'i ma log pa'o/ /rjes su bskor ba'i ngang tshul gang la mnga' ba de ni bden pa'i rjes su 'jug pa'o/ /des bden pa'i rjes su 'jug pa dang/ tshig gis mna' ni 'dor byed cing zhes bya ba'i mna' dor ba'o/ /bde ba chen po bsrungs na ni/ /zhes bya ba la sgrub cing nan tan du byed pas na bsrung ba'o/ /bden pa yang yin
- 226b
la chen po yang de yin pas na de ni de bzhin gshegs pa'i mthu'o/ /des cir 'gyur zhe na/ myur du sangs rgyas nyid dang de bzhin gshegs pa nyid thob bo zhes bya ba smos so/ /'di skad ston pa yin te/ rnam par snang mdzad la sogs pa de bzhin gshegs pa lnga'i nang nas gang yang rung ba'i de bzhin gshegs pa bsgrub par 'dod na dkyil 'khor du 'jug par bya'o/ /ded khyod de bzhin gshegs pa thams cad du 'grub pa yang thob na dngos grub gzhan lta smos kyang ci dgos te/ de lta bu'i rdo rje ye shes bskyed par byas kyis/ khyod kyi dkyil 'khor chen po ma mthong ba rnams la ma smra zhig /dam tshig nyams par gyur ta re/ 'di ni khyod kyis dam tshig gi yin gyis/ gal te 'ga' zhig la smras na klad pa 'gas par 'gyur ro/ /rdo rje sems dpa' ded khyod kyi/ /snying la yang dag zhugs par 'gyur/ /gal te tshul 'di smra na ni/ /de ma thag tu dral te gshegs/ /oM badzra ud ka Tha/ de nas brtsams te khyod kyi phyag na rdo rje nga yin gyis ngas 'di byos shig ces bsgo ba gang yin pa de bya dgos so/ /khyod kyi nga la brnyas par ma byed cig /mi bde ba ma spangs par khyod dus byas dmyal bar lhung bar 'gyur ta re zhes smras la/ slob dpon nam bcom ldan 'das las nges par mngon par 'dod pa 'am/ dngos grub blangs la/ de snga ma bzhin du nan tan byas na de lta bus 'grub par 'gyur ro/ /dam tshig gi dkyil 'khor du blangs pa de snga ma bzhin du nan tan byas na de lta bus 'grub par 'gyur ro/ /dam tshig gi dkyil 'khor du 'jug pa'i mna' bsgag pas ci zhig byed ce na/ de bzhin gshegs pa'i rigs byung ba zhes bya ba smos te/ de bzhin gshegs pa rnams kyi rigs ni rdo rje sems dpa' nas brtsams nas/ rdo rje 'bebs pa'i mthar thug pa 'byung zhing bskyed pa'o/ /snga ma bzhin du dkyil 'khor du zhugs te/ mngon par 'dod
- 227a
ba'i don dngos grub bcom ldan 'das sam/ slob dpon gyi mdun du mna' dor la ji lta ba bzhin du nan tan du bya'o/ /rdo rje 'dzin gyis mna' dor zhing/ /zhes bya ba la sogs pa la/ rdo rje rigs kyi rnal 'byor pas rdo rje'i rigs la gsungs pa'i dngos grub sgrub par 'dod pas snga ma bzhin du rdo rje'i rigs kyi dkyil 'khor gyi rdo rje gzungs kyi phyag rgya bcings nas mna' dor la snga ma bzhin du mngon par 'dod pa'i dngos grub de lta bus rdo rje'i rigs las bshad pa'i dngos grub thob par 'gyur ro/ /dam pa'i chos la mna' dor zhing/ /zhes bya ba ni dam pa'i chos ni pad+ma'i rigs te/ de'i mna' dor ba bsrung bar bya'o/ /'di skad ston pa yin te/ pad+ma'i rigs las bshad pa'i dngos grub bsgrub par 'dod pas pad+ma rigs kyi dkyil 'khor du zhugs te/ mna' dor nas snga ma bzhin no/ /nan tan du byas pa de lta bus pad+ma'i rigs kyi dngos grub tu 'gyur ro/ /sangs rgyas mchod pa mna' dor zhing/ zhes bya ba ni sangs rgyas mchod pa ni nor bu'i rigs so/ /de'i mna' shin tu dor bas sangs rgyas la mchod pa'i mna''gyur bas de bsrung bar yang bya'o/ /yang snga ma bzhin du nor bu'i rigs kyi dkyil 'khor du zhugs te/ de las bshad pa'i gzugs byas nas/ snga ma bzhin du sgrub pa byas pa de lta bus nor bu rigs las bshad pa'i dngos grub thob par 'gyur ro/ /de bas na dbang bskur ba ni thob par 'gyur zhes bcom ldan 'das sangs rgyas mchod pas gsungs so/ /sangs rgyas mchod pa ni bcom ldan 'das nam mkha' i snying po'o/ /de ltar de bzhin gshegs pa thams cad kyi rigs kyi mna'i dngos grub kyi rgyud bstan nas/ da ni sa ma ya stwaM zhes bya ba la sogs pas phyag rgya thams cad kyi dngos grub de kho na nyid bskul ba'i snying po zlos shing
- 227b
phyag rgya chen po la sogs pa phyag rgya thams cad bcing bar bya ba'i cho ga bstan pa'i phyir/ de nas shes bya ba la sogs pas de bzhin gshegs pa thams cad kyi rigs kyi dam tshig gi de kho na nyid kyi dngos grub kyi rgyud gsungs pa yin no/ /de bzhin gshegs pa thams cad ni ji skad du bshad pa'o/ /rigs ni de bzhin gshegs pa dang rdo rje dang/ pad+ma dang/ nor bu'i rigs so/ /de bzhin gshegs pa thams cad kyi rigs de dag gi dam tshig gi de bzhin gshegs pa thams cad kyi rigs kyi dam tshig ste/ phyag rgya chen po la sogs pa bzhi'o/ /de skad du yang phyag rgya dam tshig ces su grags zhes gsungs so/ /de kho na nyid ni kun rdzob kyi bden pa'i ngo bo 'am de kho na nyid de/ de ston par byed pa'i snying po la yang dam tshig gi de kho na nyid ces bya'o/ /de'i dngos grub kyi phyag rgya bcing ba grub pa'o/ /de ston par byed pa'i rgyud ni bcom ldan 'das phyag na rdo rjes gsungs shing bstan pa'o/ /sa ma ya stwaM zhes brjod na zhes bya ba ni rjod pas de kho na nyid bskul ba'i snying po gsungs pa zlos pa'i phyag rgya kun ni dam tshig dang/ chos dang las dang phyag rgya chen po rnams so/ /rigs rnams la 'ang zhes bya ba ni de bzhin gshegs pa thams cad kyi ste/ de bzhin gshegs pa dang/ rdo rje dang pad+ma dang/ nor bu'i rigs la yang ngo/ /nyid kyis bcings nas brtan par 'gyur/ /zhes bya ba ni de kho na nyid bskul bas mnyes par gyur pas phyag rgya chen po la sogs pa'i phyag rgya thams cad rang rang nyid kyis bcings pa na de kho na nyid skul ba'i dus su ji ltar mngon par 'dod pa'i dngos grub bsgrub pa dbang du byed par 'gyur ro/ /de nas phyis bsgrub pa bya'o/ /de'i rjes la de kho na nyid bskul ba'i dus su phyis de'i 'og tu ma bsgrubs par yang de kho na nyid bskul bar 'gyur ro/ /'di skad ston pa yin te/ sa ma ya stwaM zhes brjod cing thog ma kho nar
- 228a
phyag rgya chen po la sogs pa'i phyag rgya bcings la phyis sngags bzlas par bya'o/ /de skad du yang de kho na nyid bsdus pa'i rgyud chen po stong phrag brgya pa las sa ma ya stwaM zhes brjod pas phyag rgya chen po la sogs pa phyag rgya thams cad bcing bar bya'o zhes gsungs so /de ltar de bzhin gshegs pa la sogs pa'i rigs thams cad kyi phyag rgya bcings pa spyi'i snying po bshad nas de bzhin gshegs pa'i rigs kyi phyag rgya rnams kyi bye brag gi snying po ni zhes bya ba la sogs pa gsungs so/ /su ra ta stwaM zhes brjod na zhes bya ba ni bag chags dang bcas pa'i nyon mongs pa spangs pa'i thog ma dang tha ma med pa'i chos kyi dbyings las byung ba zag pa med pa'i bde ba yang yid bde ba'i rang bzhin rgyun mi 'chad ba'i de bzhin gshegs pa lnga'i ye shes ni bdag yin no zhes bya ba'i don no/ /de skad du yang/ kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ / ces gsungs so brjod na zhes bya ba ni go sla'o/ /phyag rgya kun ni phyag rgya chen po la sogs pa'i phyag rgya thams cad de/ rdo rje sems dpa' la sogs pa de bzhin gshegs pa'i rigs rnams so/ /mi bsgrubs bar yang shes bya ba ni/ sa ma ya stwaM zhes bya'i snying pos ma bsgrubs na yang nyid kyis bcing bas bstan par 'gyur zhes bya ste/ rgyu'i phyir zhe na/ de nyid bskul bas bdag nyid che'o zhes bya ba smos te/ rnam par snang mdzad chen po'i 'o/ /dam tshig kyang yin pa chen po yang yin pas na dam tshig chen po ste/ thog ma dang tha ma med pa'i rdo rje 'chang chen po ni/ rnam par snang mdzad chen po ste/ de kho na nyid ni rab tu dga' ba nyid dang/ kun tu bzang po nyid do/ /de skad du yang dam tshig chen
- 228b
po'i de kho na nyid smras pa/ rab dga' kun tu bzang po'o zhes gsungs so/ /hUM zhes bya ba gcig tsam gyis/ /zhes bya ba ni rdo rje'i rigs thams cad kyi phyag rgya yi ge hUM brjod pas slob dpon rang nyid kyis bcings ba 'am/ slob ma la gdam ngag byin nas hUM zhes brjod cing phyag rgya 'ching du gzhug par bya'o/ /pad+ma'i rigs las sarbba shud+d+ha zhes brjod cing/ slob dpon bdag nyid kyis phyag rgya chen po bcings pa 'am/ slob ma la gdams ngag byin nas 'ching du gzhug bar bya'o/ /de ltar byas pas ci zhig tu 'gyur zhe na/ bud med chags la sogs ldan la/ /thams cad du ni grol mi 'gyur/ /zhes bya ba smos te/ phyag rgya chen po dang/ dam tshig dang chos dang las kyi phyag rgya rnams ni bud med do/ /de rnams dang mnyam par sbyor zhing rnal 'byor pas 'jig rten dbang phyug gi phyag rgya chen po la sogs pa rnams la phyag rgya gcig pa lhag par mos pa'o/ /sogs pa smos pas ni stong pa nyid bcu drug dang/ pha rol tu phyin pa bcu drug dang/ byang chub sems dpa' bcu dang/ stobs dang mi 'jigs pa la sogs pa'i chos kyi sku'i ngo bo gsung bar bya'o zhes bya ba'i don du bud med dang por byas pa gang yin pa 'di ni bud med la chags pa'o/ /ldan ba ni shin tu rnal 'byor gyi rang bzhin chos kyi ting nge 'dzin to/ /de ni rnam par grol ba'i ting nge 'dzin dang ldan pa dang bral bar mi 'gyur ro/ /de nyid la sems rtse gcig pa dang ldan pa'i rnal 'byor pas shin tu rnal 'byor gyi ngo bo la nye bar gnas so/ zhes bya ba'i tha tshig go /nor bu chen po'i'o/ rigs kyi rnal 'byor pas/ oM zhes brjod pas phyag rgya thams cad bcing ba 'grub par 'gyur te ma lus shing lus pa med pa'i khams gsum pa'i 'jig rten thams cad kyi mchod pa dang/ dbang dbskur ba la sogs pa'i ngo bo gang yin pa
- 229a
de mchog tu gyur pas na dam pa'o/ /rang byung ba nyid ni sangs rgyas bcom ldan 'das so/ /mchod pa thams cad grub cing rdzogs par 'gyur ro zhes bya ba'i don no/ /rigs thams cad ni de bzhin gshegs pa la sogs pa thams cad de/ /dam tshig ni de kho na nyid dngos grub ste/ de nyid kyi phyag rgya des sems can gyi khams la rgyas 'debs pa de'i cho ga rgyas pa'o/ /bshad ma thag pa ston pa byed pa'i sgra'i tshogs la rgyud ces bya'o/ /de ltar de bzhin gshegs pa thams cad kyi dam tshig gi de kho na nyid kyi dngos grub kyi rgyud bshad nas/ da ni rang gi lha'i rnal 'byor byas la ras ris la sogs pa rnams la yang rang gi lha spyan drangs te/ zung du 'jug pa'i rnal 'byor sgom par byed cing rang gi lha'i rjes su dran pas phyag rgya chen po la sogs pa thams cad nyid 'gyur gyi dngos grub tu 'gyur ro/ /zhes bya ba'i cho ga 'di bstan pa'i phyir/ de nas zhes bya ba la sogs pa nas/ de bzhin gshegs pa thams cad kyi rigs kyi dngos grub kyi phyag rgya'i rgyud gsungs so/ /de bzhin gshegs pa thams cad ni rnam par snang mdzad la sogs pa nas/ don yod grub pa'i mthar thug pa lnga pa'o/ /rigs ni de bzhin gshegs pa dang/ rdo rje dang/ pad+ma dang/ nor bu'i rigs so/ /de dag gi dngos grub ni rdzogs pa ste/ de'i phyag rgya ni bsgoms pa'i yid kyis phyag rgya zhes bya ba'i don no/ /sangs rgyas phyag rgya bcings nas ni/ /zhes bya ba la rnam par snang mdzad la sogs pa de bzhin gshegs pa rnams kyis phyag rgya chen po la sogs pa'i phyag rgya bcings pa'o/ /de bzhin gshegs pa dran byed cing/ /zhes bya ba ni rang gi de bzhin gshegs pa'i mdun du bdag nyid kyis bsgoms na/ rnal 'byor pa 'grub par 'gyur ro/ /ci zhig
- 229b
byas na 'grub par 'gyur zhe na/ bsgrubs nas zhes bya ba smos te/ de sngar bshad pa'i bsgom pa'i sbyor bas myur du 'grub par 'gyur ba'o/ /ci zhig bsgrub nas shes na/ /sangs rgyas byang chub brtan pa mang/ /zhes bya ba smos te/ mi brtan pa'i dngos po tsam gcod par zad kyi/ rigs pa 'dzin pa'i dngos grub la sogs pa sgrubs kyang 'grub par 'gyur ro/ /mi 'gyur ba'i dngos pos sangs rgyas dang byang chub sems dpa' rnams kyang 'grub par 'gyur ro/ /de'i phyir gdon mi za ba'i ngo bo nyid du 'grub par 'gyur te/ nges par skyes pa'i sgrub ba pos dngos grub 'grub par 'gyur zhes bstan pa yin no/ /rdo rje sems dpa' la mnga' ba'i phyag rgya chen po ni rdo rje sems dpa' i phyag rgya chen po ste/ de bzhin gshegs pa'i rigs kyi rdo rje sems dpa' la sogs pa'i dam tshig dang/ chos dang las dang phyag rgya chen po'i ngo bo'i phyag rgya rnam pa bzhi'o/ /de bcings ba ni sngar bshad pa'i tshul gyis rnam pa thams cad kyi mchog dang ldan pa yongs su rdzogs pa'o/ /yang dang yang mngon du byas nas mdun du rdo rje sems dpa' yongs su bsgoms pas shin tu myur bar dngos grub du 'gyur ro/ /zhes bya ba ni rnal 'byor gcig la bltos nas/ zung 'jug gi rnal 'byor gyis myur du 'grub par 'gyur ro zhes bya ba'i tha tshig go /'di skad ston pa yin te/ snga ma bzhin du rdo rje sems dpa' la sogs pa'i de bzhin gshegs pa'i rnal 'byor byas te/ cho ga thams cad rjes su spyad la/ ras la sogs pa la rdo rje sems dpa' la sogs pa de bzhin gshegs pa'i rigs kyi lha rnams bsgoms te/ bsdu ba la sogs pa'i cho gas rab tu bzhag ste/ mchod pa thams cad kyi cho ga bzhin du yang dag par mchod la/ phyag rgya bzhi byas nas/ des rnal 'byor gcig la ltos nas myur du 'grub par 'gyur ro zhes thams cad du shes par bya'o/ /rdo rje'i
- 230a
rigs ni hUM mdzad la sogs pa'i sngar bshad pa'i tshul gyis phyag rgya chen po dang/ dam tshig dang chos dang las kyi phyag rgya rnams bri bar bya'o/ /gang gi ting nge 'dzin byas nas she na rdo rje sems dpa' i ting nge 'dzin gyis zhes bya ba smos te/ rang gi khro bo bsgoms pa ni rdo rje sems dpa' i ting nge 'dzin te/ rdo rje sems dpa' i ting nge 'dzin des rang gi lha'i phyag rgya bcings te/ de bzhin gshegs pa'i rigs kyi sngar bshad pa'i cho gas rang gi khro bo sdu ba la sogs pa'i cho gas mdun du rab tu bzhag la rang gi lha'i rang bzhin gyi rdo rje sems dpa' bsgom par bya'o/ /nyi rim du ni dngos grub thob/ /ces bya ba ni gang gi tshe bdag nyid kyi rnal 'byor gcig bsgoms pa na lo gcig gis 'grub par 'gyur ba de zung gi rnal 'byor gcig bsgom ba na lo gcig gi 'grub par 'gyur ba de zung gi rnal 'byor gyis zla ba drug gis 'grub par 'gyur ro/ /chos kyi phyag rgya bcings nas kyang/ /zhes bya ba ni 'gro ba 'dul ba'i dkyil 'khor chen po las bshad pa'i cho gas rang nyid 'jig rten dbang phyug gi rnal 'byor byas la cho ga thams cad rjes su spyad de/ snga ma bzhin du bsdu ba la sogs pa'i cho gas 'jig rten dbang phyug mdun gyi ras ris la sogs pa la bkod de/ de'i phyag rgya chen po la sogs pa'i phyag rgya bcings te/ de nyid mdun du bdag gis bsgoms la/ de mngon du byas na dngos grub nyis 'gyur du 'gyur ro/ /nor bu'i rigs kyi phyag rgya rnam pa bzhi ni las kyi phyag rgya zhes bya'o/ /de bcing ba ni don thams cad grub pa'i dkyil 'khor chen po las bshad par cho gas bcing bar bya'o/ /rdo rje snying po'i ting 'dzin gyis/ /zhes bya ba ni rang gi lha bsgom pa de ni rdo rje snying po'i ting nge 'dzin yin te/ dngos grub nyis 'gyur du 'gyur ro/ /ji lta yin zhe na/ rdo rje snying po bsgoms nas ni/ /zhes bya ba
- 230b
smos te/ snga ma bzhin du bsdu ba la sogs pas bcom ldan 'das rdo rje snying po mdun du bzhag la bsgom par bya'o/ /de ltar zung gi rnal 'byor rgyas pa la dga' ba'i sems can rjes su bzung ba'i phyir/ rang gi lha rjes su dran pa'i bsgrub pa bshad nas/ da ni phyag rgya chen po la sogs pa'i rang gi lha'i phyag rgya rnam pa bzhi po ni rang gi lha'i snying po brjod cing bsgrub par bya'o/ /zhes bya ba'i nges pa bstan pa'i phyir/ de nas zhes bya ba la sogs pas de bzhin gshegs pa thams cad kyi rigs thams cad kyi dngos grub sgrub pa'i rgyud gsungs pa'o/ /de bzhin gshegs pa'o thams cad kyi rigs ni snga ma bzhin no/ /de dag ni dngos grub thams cad ni phyag rgya chen po dang/ dam tshig dang chos dang las kyi phyag rgya rnams kyi dngos grub bo/ /de bsgrub pa ni bskyed pa'o/ /bdag nyid dam ni mdun du yang/ /sangs rgyas rjes su dran pa bsgom/ /zhes bya ba ni sngar bshad pa'i tshul gyis rnam par snang mdzad la sogs pa de bzhin gshegs pa'i rnal 'byor byas la/ snga ma bzhin du cho ga thams cad rjes su spyad de/ ji lta ba bzhin du bsdu ba la sogs pa mdun du bzhag la rang gi de bzhin gshegs pa phyag rgya chen po bcings te/ de'i sngags brjod cing bdag nyid dam mdun du bzhag na de bzhin gshegs pa bsgom par bya'o/ /de nas de ma? thag? tu 'grub ces bya ba ni gang gi tshe de ltar bsgom nas mtshan ma thob par gyur pa de'i tshe/ sngar bshad pa'i cho gas mngon par shes pa sngar 'gyur ro/ /de nas mtshan thog thag bsgoms na de'i rjes la bdag nyid dam mdun du de bzhin gshegs pa mngon sum lta bur mthong bar 'gyur ro/ /de nas skad cig de nyid la gshegs par 'gyur ro/ /'dod pas bdag ces bsgoms nas kyang/ /phyag rgya thams cad bsgrubs na ni/ /zhes bya ba ni rdo rje sems dpa' la sogs
- 231a
pa'i de bzhin gshegs pa'i rigs kyi phyag rgya rnam pa bzhi po bsgrub pas kyang 'dod pa'i bdag nyid byang chub kyi sems chen po bdag yin no zhes rnam par snang mdzad chen po'i nga rgyal bskyed par bya'o/ /rdo rje sems dpa' i tshul gyis ni/ /zhes bya ba ni rdo rje bzlas pa'i tshig gis brjod pa'o/ /de ni 'di skad ston pa yin te/ bzlas pa'i snying po med na phyag rgya'i dngos grub tu mi 'gyur ro zhes bya ba yin no/ /dngos grub kun gyi mchog grub po/ /zhes bya ba ni dngos grub kyang yin la thams cad kyang de yin pas na dngos grub thams cad de phyag rgya chen po la sogs pa'i ngo bo'i dngos grub thams cad do/ /de 'di rnams kyi mchog tu bsgrubs pas na/ dam pa'i sgrub pa'o/ /bdag nyid kyis ni rdo rje'i dbyings/ / zhes bya ba ni rdo rje dag gi dbyings ni rdo rje dbyings te/ rdo rje hUM mdzad la sogs pa rdo rje rigs kyi ngo bo'i bdag nyid kyis zhes bya ba ni bdag nyid ni bdag nyid rnams te/ rdo rje hUM mdzad la sogs pa'i ngo bo bsgoms pas yang dang yang du mngon du byas nas/ de'i nga rgyal bskyed de/ phyag rgya chen po la sogs pa'i phyag rgya thams cad bcing bar bya'o/ /zhes bya bar sbyar ro/ /ji ltar bcing zhe na/ mnyam par gzhag pas so de'i phyir de ma thag tu 'grub par 'gyur zhes bya'o/ /'di skad ston pa yin te/ snga ma bzhin du rdo rje rigs kyi rnal 'byor byas la/ cho ga thams cad rjes su spyad de/ phyag rgya chen po la sogs pa de'i nga rgyal gyis bcings te/ rang gi snying po brjod cing nyin re zhing thun bzhi'i sbyor bas ji srid bdag nyid rdo rje hUM mdzad kyi gzugs su nyin re bzhin mngon sum lta bur bdag nyid kyis mngon sum lta bur mthong bar gyur pa de srid kyi bar du bsgom par bya'o/ /de nas mtshan thog thag bsgoms nas mngon sum lta bur mthong nas de'i
- 231b
rjes la skad cig de nyid la rdo rje hUM mdzad du 'gyur ro/ /pad+ma'i dbyings su bsgoms nas ni/ /zhes bya ba pad+ma'i dbyibs ni 'gro ba 'dul ba la sogs pa nas/ pad+ma'i 'bebs pa'i mthar thug pa pad+ma'i rigs kyi gzugs so/ /bdag nyid kyis ni 'gro ba 'dul ba la sogs pa'i gzugs su bsgoms pa'o/ /gang gis bsgoms zhe na/ bdag nyid kyis zhes bya ste/ bdag nyid la bdag nyid kyis zhes pa'i don no/ /gang bsgom par bya zhe na/ thams cad nges pa'i ngo bo'i phyag rgya chen po la sogs pa'i ye shes kyi rang bzhin gyi dngos grub bo/ /pad+ma'i rigs chen 'grub par bshad ces bya'o/ /de'i don ni 'di skad ston pa yin/ snga ma bzhin du 'gro ba 'dul ba la sogs pa'i pad+ma'i rigs kyi rnal 'byor byas la/ cho ga thams cad rjes su spyad de/ phyag rgya chen po la sogs pa bcings nas/ rang gi sngags brjod cing 'jig rten dbang phyug gi phyag rgya chen po la sogs pa'i rang bzhin du bdag nyid bsgoms na 'grub par 'gyur ro/ /nor bu chen po 'od zer 'bar/ /bdag nyid kyis na bsgom na ni/ /zhes bya ba la sogs pa ni nor bu'i rigs kyi rnal 'byor pas snga ma bzhin du nor bu'i rigs las bshad pa'i cho gas rang gi lha'i rnal 'byor byas la/ cho ga thams cad rjes su spyad de/ don thams cad grub pa la sogs pa'i phyag rgya chen po bcings te/ don thams cad grub pa'i sngags brjod cing don thams cad grub pa la sogs pa'i gzugs nyid nor bu chen po'i 'od zer 'bar bar bdag nyid bsgom par bya'o/ /ci zhig bsgom zhing zhe na/ nor bu chen po'i rigs bshad pa/ /mchod pa chen po'i rang bzhin grub/ /phyag rgya rnam pa bzhi'i rang bzhin gyi dngos grub ste nor bu chen po'i rigs bshad cing grags pa ni bcom ldan 'das nam mkha' i snying po'o/ /de ltar de bzhin gshegs pa thams cad kyi rigs kyi
- 232a
phyag rgya dang sngags zlos shing rang gi lha'i bsgoms pas de bzhin gshegs pa thams cad kyi rigs kyi dngos grub thams cad sgrub pa'i rgyud bstan nas/ /da ni phyag rgya chen po la sogs pa'i sgrub pa pos dang po byin gyis brlab pa la sogs byas bzlas pa dang bsgom pa bya'o zhes bstan pa'i phyir/ de nas zhes bya ba la sogs pas thog mar de bzhin gshegs pa thams cad kyi rigs kyi byin gyis brlab pa la sogs pa rgyud gsungs pa yin no/ /de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs so/ /de dag gis byin gyis brlabs pa ni snying ga dang/ mdzod spu dang/ mgrin pa dang/ spyi bo ste rang gi rigs kyi phyag rgya bskyed nas sgrub pa po rgyud la bstan par byed pa'o/ /de la phyag na rdo rje dbyings kyi dbang phyug la sogs pa rnams kyis so/ /byin gyis brlabs dngos grub ni bskyed pa'o/ /de ston par byed pa'i rgyud ni bcom ldan 'das phyag na rdo rjes gsungs shing bshad pa'o/ /rnam par snang mdzad la sogs pa'i de bzhin gshegs pa rnams kyis sgrub pa po'i rgyud la byin gyis brlabs nas/ ji skad bshad pa bstan par byas pa de'i dngos grub ni bskyed pa'o/ /rdo rje dbyings dang phyag rgya ni rdo rje dbyings kyi gzungs kyi dkyil 'khor du bstan pa'o/ /mnyam par bzhag pa'i sems kyis snying ga dang/ mdzod spu'i phyogs dang/ lkog ma dang/ spyi bo'i gnas su oM badzra d+hA twi shwa ri hUM badzra ni i ta tiSh+Tha maM zhes brjod cing byin gyis brlab par bya'o/ /'di skad ston par 'gyur te/ snga ma bzhin du sems so sor rtog pa las brtsams te/ ya ta sarbba tasta a haM zhes bya bas rang gi de bzhin gshegs pa'i phyag rgya chen po bcings te/ rang gi de bzhin gshegs pa'i bdag
- 232b
nyid du rnam par bsgoms la/ de nas yid kyis legs so'i sbyor bas dza(rgyud 'grel): hUM baM ho(rgyud 'grel): zhes brjod cing lus la sangs rgyas kun gzhug go /dam tshig gi phyag rgya bsgrubs la/ chos dang las dang phyag rgya chen po rnams kyis rgyas gdab ste/ rang gi snying gar sems ma rdo rje ma'i rdo rje bskyed la dpral ba rdo rje rin chen ma'i rin po che dang/ lkog mar rdo rje chos ma'i pad+ma dang/ spyi bor rdo rje las ma'i sna tshogs rdo rje bskyed par bya'o/ /rdo rje dbyings kyi dbang phyug ma'i phyag rgya chen po bcings te snying ga dang/ mdzod spu dang/ lkog ma dang/ spyi bor byin gyis brlab par bya'o/ /de ltar byas pas ci zhig tu 'gyur zhe na/ gzhab nas sangs rgyas byin brlab pa'o/ /zhes bya ba sangs rgyas bcom ldan 'das kyis gsungs pa'o/ /sems ma rdo rje bstan byas nas/ /zhes bya ba ni rdo rje dbyings kyi dkyil 'khor chen po las bshad pa'i rdo rje bsdams pa las gung mo myu gu ltar byas pa'i sems ma rdo rje bstan par byas pa bcings pa'i mtshan nyid do/ /ji ltar bya zhe na/ rdo rje sems dpa' i ting 'dzin gyis shes bya ba ni rang gi snying gar zla bar rdo rje bsgom par bya'o zhes bya ba'i don te/ de ltar sems dpa' rdo rje bcings nas snying ga dang/ mdzod pu dang/ de bzhin du lkog ma dang/ spyi bor bzhag ste/ byin gyis brlab par bya'o/ /rdo rje sems dpa' la sogs pa rnams la byin gyis brlab par bya'o/ /zhes bya ba'i don no/ /snga ma bzhin du rdo rje sems dpa' la sogs pa de bzhin gshegs pa'i rigs kyi rnal 'byor byas la ye shes sems dpa' bcug la/ yid kyis legs so zhes sbyor bas de bzhin gshegs pa la sogs pa bcug la/ dam tshig gi phyag rgya rnams kyis rab tu bsgrubs te/ chos dang las dang/ phyag rgya chen po rnams kyis thams cad rgyas btab la satwa badzra ni a tiSh+Tha mi zhes bya ba dang/ snying ga
- 233a
dang /mdzod pu dang/ lkog ma dang/ spyi bor byin gyis brlab par bya'o/ /de'i rjes la rdo rje rin chen mas dpral ba dang/ rdo rje chos mas lkog ma dang/ rdo rje las mas spyi gtsug tu byin gyis brlab par bya'o/ /rdo rje hUM mdzad phyag rgyas ni 'jig rten gsum las rnam par rgyal po'i dkyil 'khor chen po las bshad pa'i khams gsum rnam par rgyal ba'i phyag rgya bcings te/ snying ga dang/ mdzod pu dang/ mgrin pa dang/ spyi bor rdo rje'i rigs kyi rnal 'byor byas pas byin gyis brlab par bya'o/ /'di skad ston pa yin te/ rdo rje hUM mdzad la sogs pa'i rdo rje rigs kyi rnal 'byor byas la/ ye shes sems dpa' bcug nas/ de bzhin gshegs pa rnams lus la bcug la / dam tshig gi phyag rgyas bsgrubs te/ chos dang las dang/ phyag rgya chen po rnams kyis rgyas btab la/ 'jig rten gsum las rnam par rgyal ba'i phyag rgya bcings te/ hUM bzhis snying ga dang/ mdzod pu dang/ lkog ma dang/ spyi bor byin gyis brlabs par bya'o/ /yang na sems dpa' i rdo rje'i phyag rgyas snying ga dang/ rdo rje rin chen ma'i phyag rgyas dpral pa dang/ rdo rje chos ma'i phyag rgyas lkog ma dang/ rdo rje las ma'i phyag rgyas spyi bor byin gyis brlab par bya'o/ /rdo rje pad+ma dam byas la/ /zhes bya ba ni/ rdo rje sdams pa dam byas la/ /gung mo pad+ma rdo rjer sbrang/ /rdo rje pad+ma zhes grags te/ /dngos grub thams cad star byed pa'o/ /de brten par byas la 'jig rten dbang phyug ting 'dzin gyis/ /zhes bya ba ni 'jig rten dbang phyug gi rnal 'byor gyis so/ /snying ga mdzod pu mgrin spyi bo/ /zhes bya'o de'i don ni 'di skad ston pa yin te/ snga ma bzhin du 'gre ba 'dul ba'i dkyil 'khor chen po las bshad pa'i tshul gyis pad+ma'i
- 233b
rigs kyi rang gi lha'i rnal 'byor byas la/ ye shes sems dpa' bcug nas/ de bzhin gshegs pa'i khams lus la bcug ste/ sems tshig gi phyag rgyas bsgrubs nas/ chos dang la dang phyag rgya chen po rnams kyis rgyas btab ste/ ji skad du bshad pa'i mtshan nyid can gyi rdo rje pad+ma'i phyag rgya snying ga dang/ mdzod pu dang/ lkog ma dang/ spyi bor byin gyis brlab par bya ste/ oM d+harmmA sa ma ya badzra pad+ma ni hUM/ oM a d+hi tiSh+Tha maM/ rin chen rdo rje ma'i gnas su bzhad pa'i dpral bar rin chen pad+ma'i phyag rgya hUM oM bud+ha a bi She ka sa ma ye/ a d+hi tiSh+Tha maM/ rdo rje chos ma'i gnas su bzhad pa'i lkog mar pad+ma'i pad+ma/ oM tra raM sa ma ye hUM a d+hi tiSh+Tha maM/ las kyi rdo rje ma'i gnas su bshad pa'i spyi bor sna tshogs pad+ma'i phyag rgyas byin gyis brlab par bya'o/ /oM b+hi sha mu khai kro d+ha a d+hi tiSh+Ta maM/ rdo rje nor bu che bcings zhes bya ba ni don thams cad grub pa'i dkyil 'khor du sems ma'i rdo rje ma'i gnas su bshad pa'i rdo rje nor bu chen mo de'i dam tshig gi phyag rgya bcing ngo/ /rdo rje snying pos ting 'dzin gyis/ /zhes bya ba ni nor bu chen mo'i rigs kyi lha'i rnal 'byor byas pa'i snying ga'i zla ba la rdo rje rin po che yod pa la dmigs pa'i sems ni rdo rje snying po'i ting 'dzin to/ /lhag ma ni go sla'o/ /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas te/ ye shes sems dpa' lus la bcug nas/ yid kyis legs so'i sbyor ba yis de bzhin gshegs par rang gi lus la bcug nas/ dam tshig gi phyag rgya rnams kyis thams cad bsgrubs te/ de nas chos dang ldan dang/ phyag rgya chen po rnams kyi rgyas btab par bya'o/ /oM badzra ma Ni sa ma ye zhes de skad du brjod cing rdo rje nor bu chen mo'i dam tshig gi phyag rgya bcings nas snying gar rdo rje rin po che bsgom par
- 234a
bya'o/ /de la phyag rgya ni 'di yin te/ rdo rje bsdams pa las mdzub mo gnyis kyi rgyab bskum te rdo rje mthe bo gnyis dang sprad pa 'di ni rdo rje nor bu chen mo'i dam tshig gi phyag rgya ste/ 'di dang oM badzra ma Ni hUM/ a d+hi tiSh+Ta maM zhes bya bas snying ga dang/ mdzod bu dang/ lkog ma dang/ spyi bor byin gyis brlab par bya'o/ /de'i rjes la mdzod pu'i phyogs su rdo rje rin chen gyi myu gu snying gar rdo rje rin chen/ lkog mar rdo rje rin chen pad+ma/ spyi bor rdo rje rin chen char 'bebs mas byin gyis brlab par bya'o/ /gang gi phyir rigs kyi phyag rgya rnam pa bzhis rigs su byin gyis rlob par bcom ldan 'das kyis bshad pa de bas na the tshom mi bya'o/ /de ltar de bzhin gshegs pa thams cad kyi rigs kyi byin gyis brlabs pa'i rgyud bshad nas/ da ni dbang bskur ba'i rgyud las zhes bya ba gsungs te/ de bzhin gshegs pa thams cad kyi rigs rnams kyi dbang bskur ba ni rin po che'i cod pan la sogs pa bskyed pa na phyag rgya des cod pan bskyed ba'i dngos grub kyi rgyud do/ /rdo rje dbyings kyi dkyil 'khor chen po las bshad pa'i 'phags pa nam mkha' i snying po'i dam tshig gi phyag rgya'i rin chen rdo rje bcings pa dang dpral ba'i phyogs su bzhag ste bsgrub par bya'o/ /dpral ba'i steng du rdo rje rin po che rab tu bzhag par bshad pas cir 'gyur zhe na/ rgyal ba'i rdo rje rin chen gyis/ dbang bskur bar ni der 'gyur ro/ /zhes sangs rgyas bcom ldan 'das kyis gsungs so/ /de ltar de bzhin gshegs pa lnga'i dbang bskur bstan nas/ da ni rdo rje sems dpa' la sogs pa'i de bzhin gshegs pa'i rigs kyi dbang bskur ba ni/ rdo rje dbyings dbang la sogs pa /zhes bya ba la sogs pa smos te/ de la rdo rje dbyings kyi gzungs kyi dkyil 'khor las bshad pa'i rdo rje dbyings kyi dbang phyug ma bcings la /oM
- 234b
badzra dA ti shwa ri hUM/ badzri ni a b+hi ShIny+tsa mi zhes bya bas spyi gtsug tu bsam par bya'o/ /rdo rje thugs bcings la badzra badzri ni hUM/ zhes bya bas dpral ba'i steng du mi bskyod pa bya'o/ /dbang bskur ba bcings la/ oM ratna badzri ni hUM/ zhes bya bas rna ba g.yas pa'i steng du rin chen 'byung ldan bsam par bya'o/ /rdo rje mtshon che bcings la/ oM d+harmma badzri ni hUM zhes bya bas spyi bo'i rgyab tu 'od dpag tu med pa'o/ /rdo rje kun ma bcings la rna/ /rna ba g.yon pa'i steng du bcom ldan 'das don yod grub pa/ oM karmma badzri ni hUM/ zhes bya ba 'di bsam par bya'o/ /de ltar rdo rje dbyings kyi gzungs kyi dkyil 'khor las bshad pa'i rdo rje dbyings kyi dbang phyug ma la sogs pa'i phyag rgya rnams kyis/ rnam par snang mdzad la sogs pa rnams spyi gtsug nas brtsams te/ phyogs bzhir sangs rgyas kyi phreng ba'i dbang bskur bar 'gyur ro/ /de ltar de bzhin gshegs pa'i rigs kyi dbang bskur bar bshad nas/ da ni rdo rje rigs kyi dbang bskur ba ni/ rdo rje dbang gi phreng ba ni zhes bya ba la sogs pa gsungs pa ni rdo rje rtse lnga pa 'bar ba ni phreng bas mtshan pa'i cod pan bskyed pa'i phyag rgyas rdo rje'i dbang gi phreng ba ni sngar bshad pa'i rdo rje ti rin ti ri'i phyag rgyas bya'o/ /de skad du yang/ oM badzra dza la a na larka hUM zhes bya ba 'di dang/ rdo rje'i ti rin ti ri'i phyag rgyas bdag nyid dbang bskur bar bya'o/ /zhes bya ba ni bshad zin to/ /rdo rje rigs kyi dbang bskur ba'i dbang du byas nas rdo rje dbang gi phreng ba de bya'o/ /ni zhes bya ba ni nges par gzung pa ste /de ni zhes bya ba ni phyag rgya bcings pa'o/ /dpral bar bzhag na yang zhes bya ba ni dpral bar bcings pa'o/ /bcings nas dpral bar bzhag pas ci zhig tu 'gyur zhe na/ phreng ba'i dbang bskur de yis ni/ /rdo rje rnams kyis de dbang
- 235a
bskur/ /zhes bya ba smos te/ des sngags pa'i dpral ba'i steng du bcings te bzhag na/ rdo rje phreng ba'i cod pan gyi dbang bskur ba ni rdo rje 'dzin mas rdo rje hUM mdzad kyis bsgrub pa po la dbang bskur bar bya'o/ /sangs rgyas lnga'i cod pan gyi dbang bskur ba yang byas na/ rdo rje'i rigs thams cad la rdo rje phreng ba'i dbang bskur bar bya'o zhes bshad pa'i rgyud las bstan pa yin no/ /de ltar rdo rje rigs kyi dbang bskur ba bstan nas/ da ni pad+ma'i rigs kyi dbang bskur ba ni/ chos kyi rdo rje bcings nas kyang/ /zhes bya ba la sogs pa gsungs te/ de la chos kyi rdo rje ni rdo rje bsdams pa las gung mo gnyis myu gu ltar byas pa'i mtshan nyid ni 'gro ba 'dul ba'i dkyil 'khor chen por bstan pa'i chos kyi rdo rje ma bcings nas kyang/ mgo bor bzhag ste dbang bskur zhes bya ba ni de la dpral ba'i steng du de rab tu bzhag nas cod pan gyi dbus su gtso bo sangs rgyas 'od dpag tu med pa oM gyis bskyed par bya'o/ /oM d+harmma sa ya ye badzra pad+ma ni hUM a b+hi ShIny+tsa maM zhes brjod par bya'o/ /de ltar cir 'gyur zhe na/ sangs rgyas kyis ni 'jig rten gyi/ /dbang phyug de ni dbang bskur ro/ /zhes bya ba smos te/ 'jig rten dbang phyug ni spyan ras gzigs dbang phyug gis dbang bskur ba'o// da ni nor bu'i rigs kyi dbang bskur ba ni/ rdo rje rin chen myu gur bcings/ /zhes bya ba la sogs pa smos te/ don thams cad grub pa'i dkyil 'khor chen po las bshad pa'i rdo rje rin chen ma'i gnas kyi phyag rgya gang yin pa de ni rdo rje rin chen myu gu'o/ /de'i mtshan nyid ni 'di yin te/ rdo rje rin chen bcings la gung mo gnyis myu gu ltar byas pa ni rdo rje rin chen myu gu'o/ /de bcings nas dpral bar bzhag ste zhes bya ba ni dpral ba'i steng du oM badzra ratna a gu ra hUM/ a b+hi
- 235b
ShIny+tsa maM zhes brjod cing bzhag pa ni rnal 'byor pas rab tu bzhag pa'o/ /de dpral bar rab tu bzhag pas ci zhig tu 'gyur zhe na/ dpral bar bzhag ste de dbang bskur zhes bya ba smos te/ rdo rje rin po che'i gzugs kyis sangs rgyas dbang bskur ba'o// khyad par ci lta bu zhig ce na/ mchod pa yis zhes bya ba smos te/ nor bu'i rigs kyi bdag por 'gyur ro zhes bya ba'i don no/ /de ltar de bzhin gshegs pa la sogs pa'i rigs thams cad kyi dbang bskur ba bstan nas/ da ni de bzhin gshegs pa la sogs pa'i rigs thams cad kyi ting nge 'dzin gyi dngos grub kyi rgyud ni/ de nas zhes bya ba la sogs pa gsungs te/ de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs te/ de dag gi ting nge 'dzin ni rang gi lha'i dngos grub bsgrub pa'i rnam par sems rtse gcig pa'o/ /de'i dngos grub ni phyag rgya chen po la sogs pa'i dngos grub bsgrub pa'o/ /de ston par byed pa'i rgyu de bcom ldan 'das phyag na rdo rjes gsungs pa'o/ /rgyal ba kun gyi rnam pa ni/ /zhes bya ba la sogs pa 'am/ skyes bu chen po'i mtshan sum cu rtsa gnyis dang/ dpe byed bzang po brgya cu ni rnam pa ste/ rnam pa des rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod par grub pa rnams ni rgyal ba kun no/ /phyag rgya ni phyag rgya chen po dang/ dam tshig dang chos dang/ las kyi phyag rgya'o/ /mnyam par bzhag pas bcings zhes bya ba ni sems yi rtse gcig pas so/ /myur du dngos grub thob par 'gyur ba'o/ /ci zhig byas she na/ sngags kyi zin pa bzlas nas ni/ /zhes bya ba smos te/ dkyil 'khor chen mo las bshad pa dang chos kyi dkyil 'khor las bshad pa dang/
- 236a
gzungs dang las kyi dkyil 'khor las bshad pa'i sngags kyi nang nas 'dir de bzhin gshegs pa'i dbang du byas pa'i rigs pa brjod pa yin no/ /'di skad ston pa yin te/ rdo rje dbyings kyi dkyil 'khor chen po las bshad pa'i cho gas rang gi de bzhin gshegs pa'i rnal 'byor byas la/ ji lta ba bzhin du mchod pa thams cad kyis yang dag par mchod de/ phyag bzhi byas nas rang gi de bzhin gshegs pa'i phyag rgya bcings la/ de'i ngo bor bdag nyid rnam par bsams te/ rdo rje dbyings kyi dkyil 'khor chen po las bshad pa'i snying po 'am/ chos kyi dkyil 'khor las bshad pa'i de bzhin gshegs pa'i sngags bzla bar bya'o/ /gzungs kyi dkyil 'khor las bshad pa'i rigs pa 'am/ las kyi dkyil 'khor las bshad pa'i rang gi de bzhin gshegs pa'i rigs pa yang bzla bar bya'o/ /de'i don ni 'di skad ston pa yin te/ rdo rje dbyings kyi dkyil 'khor chen po las bshad pa'i cho gas rang la byin gyis brlab pa la sogs pa byas nas/ dum bu thams cad las bshad pa'i snying po dang phyag rgya dang/ sngags dang/ rigs pa rnams zlos pas de bzhin gshegs pa rnams sprul par byed pa ni byin gyis brlab pa la sogs pa de dag so sor mi bya'o/ /ting nge 'dzin gyis rdo rje chos kyis kyang zhes bya ba ni rdo rje yang yin la chos kyang de yin pas rdo rje chos te/ rdo rje rtse lnga pa'i ting nge 'dzin des de la dmigs pa yin no/ zhes bya ba'i don no/ / sems dpar byin brlabs tshul gyis ni/ /zhes bya ba ni sems dpa' ni de bzhin gshegs pa'i rigs kyi rnal 'byor pa'i snying ga'i zla ba de la byin gyis brlabs pa ni dngos por 'dzin pa nye bar spangs
- 236b
pa mtshon pa'i rdo rje rtse lnga pa ste/ stong pa nyid kyi rdo rje yongs su gzung ngo/ /de bsgom pa'i tshul ni de bsgom pa'i sbyor ba dang ldan pa'o/ /sems dpar byin gyis brlabs pa'i tshul gyis ting nge 'dzin de ltar gyur pas des cir 'gyur zhe na/ snying po phyag rgya sngags rigs rnams/ /zhes bya ba smos te/ de la snying po ni rdo rje dbyings kyi dkyil 'khor chen po las bshad pa'i snying po'o/ /phyag rgya ni gzungs kyi dkyil 'khor las bshad pa'i rigs pa rnams so/ /sngags ni chos kyi dkyil 'khor las bshad pa'o/ /rig pa ni las kyi dkyil 'khor las bshad pa'i rigs pa'o/ /'dis myur du 'grub par 'gyur te/ ting nge 'dzin 'di dang de bzhin gshegs pa'i rig sngags bzlas par bya'o/ /sangs rgyas kyi ting nge 'dzin rdo rje 'dzin pa chen po nyid kyis gsungs pa'o/ /'di skad ston pa yin te /rdo rje sems dpa' la sogs pa nas rdo rje 'bebs pa'i mthar thug pa'i de bzhin gshegs pa'i rigs kyi rnal 'byor pa rdo rje dbyings kyi dkyil 'khor chen po las bshad pa'i cho gas rang la byin gyis brlab pa la sogs pa byas nas/ rang gi snying gar zla ba'i dkyil 'khor gyi steng du hUM las rdo rje rtse lnga pa 'greng ba bsams la/ lte ba'i dbus su gzugs brnyan gyi sbyor ba byas te/ rdo rje dbyings kyi dkyil 'khor chen po las bshad pa'i rang gi lha'i snying po 'am/ gzungs kyi dkyil 'khor las bshad pa'i rang gi rig pa 'am/ chos kyi dkyil 'khor las bshad pa'i sngags sam/ yang na las kyi dkyil 'khor las bshad pa'i/ / rang gi rigs pa'i yi ge'i phreng ba mgo gyen du bstan pa bri bar bya'o/ /rdo rje dbyings kyi dkyil 'khor las bshad pa'i rdo rje sems dpa' la sogs pa'i rang gi phyag rgya bcings la/ sems dpa' rdo rje mngon sum lta bur bsgoms
- 237a
na bzlas pa bya'o/ /de'i don ni 'di skad ston pa yin te/ rdo rje dbyings kyi dkyil 'khor chen po las bshad pa'i byin gyis brlabs pa la sogs pa byas nas/ rdo rje dbyings kyi dum bu las bshad pa'i dngos grub rnams bsgrub par bya'o/ /da ni rdo rje rigs kyi ting 'dzin ni/ /'dod chags las ni khyod byung ste/ /zhes bya ba la sogs pa smos te/ de la thog ma dang tha ma med pa'i chos kyi dbyings kyi mtshan nyid kyi thugs rje chen po ni 'dod chags so/ / de'i phyir de ltar gyur pa'i mi dmigs pa la thugs rje chen po'i 'dod chags las yang dag par byung ba'i khro bo ste 'dod chags las byung ba'i khro bo gang yin pa de bdag yin te/ khyed gang yin pa de yang bdag yin no/ /zhes de ltar chu dang 'o ma bzhin gcig tu gyur par mos par bya'o/ /de ltar bsgoms par 'gyur ba des ci zhig tu 'gyur zhe na/ snying po phyag rgya sngags rigs rnams/ /zhes bya ba smos te/ rdo rje'i rigs las bshad pa rnams so/ /myur du dngos grub thob par 'gyur/ /de bsgrubs na zhes bya ba tshig lhag ma'o/ /de ltar rdo rje rigs kyi ting nge 'dzin bstan nas/ da ni pad+ma'i rigs kyi ting nge 'dzin ni/ byams pa 'gengs pa'i tshul gyis ni/ /zhes bya ba smos te/ de la phyogs bcu'i sems can gyi khams thams cad pad+ma'i rigs kyi ngo bos phan pa dang bde ba bsdus pa'i phan pa'i rigs kyi ngo bor bsgrubs nas bsgom par bya'o/ /byams pas 'gengs pa'i tshul can te/ /pad+ma'i rigs kyi ting nge 'dzin to/ /de ltar byas pas cir 'gyur zhe na/ snying po la sogs bsgrub na yang zhes bya ba smos te/ pad+ma'i rigs las bshad pa'i snying po dang/ phyag rgya dang/ sngags dang/ rig pa
- 237b
rnams so/ /bsgrubs pa ni nan tan byed pa ste/ bsgrub pa po'i ting nge 'dzin 'di yis zhes bya ba'i tha tshig gi /de ci'i phyir 'jig rten dbang phyug gi rigs ni pad+ma'i rigs te/ snying po dang/ phyag rgya dang/ gsang sngags dang/ rigs pa zlos pa'o/ /ji ltar mngon par 'dod pa'i sgrub pa po la dngos grub myur du thob par 'gyur ro/ /da ni nor bu'i rigs kyi ting nge 'dzin la nam mkha' kun gyi ting nge 'dzin ni zhes bya ba la sogs pa smos te/ nam mkha' yang de yin la kun yang de yin pas na nam mkha' kun te/ nor bu'i rigs de la dmigs pa'i ting nge 'dzin ni nam mkha' kun gyi ting nge 'dzin te yang dang yang mngon du byas nas bsgoms na yang ngo/ /ji ltar zhe na/ rab mnyam bzhag pas zhes bya ba smos te/ g.yeng ba med pa'i sems kyis yid bzhin du ma gyur pa'o/ /nor bu chen po'i rigs kyi rnal 'byor pas de ltar bsgoms na/ snying po phyag rgya sngags rigs rnams bsgrub par bya'o/ /bsgrub nas cir 'gyur zhe na/ kun tu 'gro bar 'gyur zhes bya ba smos te/ 'di skad ston pa yin te/ snga ma bzhin du thams cad grub pa'i dkyil 'khor chen po las bshad pa'i cho gas nor bu'i rigs kyi lha'i rnal 'byor byas la/ cho ga thams cad rjes su spyad de/ rang gi snying ga'i zla bar rdo rje rin chen traM las bskyed nas/ de la bzlas pa'i yi ge rnam par bkod de/ phyag rgya chen po bcings la/ de nyid brjod cing de bzhin gshegs pa la sogs pa dang/ sems can gyi khams thams cad la nor bu'i rigs kyi dbang bskur bas dbang bskur la/ nor bu'i rigs kyi rang bzhin du bsgrubs te bsgom par bya'o/ /de ltar rang gi rigs kyi mtshan ma rnams kyi rig pa'i yi ge bsgom pa ni thams cad la yang shes par bya'o/ /de ltar rigs thams cad kyi ting nge 'dzin bsgrub pa bstan nas/ nga ni de bzhin gshegs pa thams cad kyi rigs
- 238a
kyi mchod pa'i phyag rgya'i dngos grub kyi rgyud gsungs pa ni/ de nas zhes bya ba la sogs pa smos te/ de bzhin gshegs pa thams cad kyang yin la rigs kyang sbyin pas de bzhin gshegs pa thams cad kyi rigs te/ ji skad bshad pa bzhin no/ /de dag mchod pa'i rnal 'byor gyi phyag rgyar 'gyur ba gang yin pa de ni mchod pa'i phyag rgya ste/ de rnams grub pa ni mchod pa'i phyag rgya'i dngos grub ste/ phyag rgya chen po la sogs sgrub pa'o/ / mnyam par bzhag pa dang por ni/ /bdug pa la sogs mchod byas la/ /zhes bya ba la sogs pa rnam par snang mdzad la sogs pa'i de bzhin gshegs pa'i rnal 'byor pa dpa' bo gcig pur bdag nyid byas nas phyag rgya chen po bcings te/ dza(rgyud 'grel): hUM baM ho(rgyud 'grel): zhes brjod cing/ ji lta ba bzhin du de bzhin gshegs pa rang gi lus la bcug pa phyag rgya bzhis rgyas btab nas byin gyis brlab pa dang dbang bskur la/ de nas de dag gi snying gar sna tshogs rdo rje bsams nas/ gar las byung ba bdug pa la sogs pa'i phyag rgya rnam pa bzhis bdag la mchod par bya'o/ /de nas snga ma bzhin du bdug pa ma la sogs pa'i mchod pa dang/ phyag bzhi bya'o de nas yi ge ma las rgyal ba thams cad kyi phyag rgya bcings te mnyam par bzhag pas bsgom mo/ /bsgrubs na dngos grub thob par 'gyur/ /zhes bya ba ni slob ma'i dbang du byas nas mchod pa'i cho ga shes par bya ba dang/ bdag nyid kyi rnal 'byor tsam dang/ mdun gyi rnal 'byor gyi dbang du byas nas kyang mchod pa'i cho ga thams cad shes par bya'o/ /slob dpon rnal 'byor chen po dang ldan pa rnams rang gi rnal 'byor las bshad pa'i mchod pa thams cad rigs thams cad la yang shes par bya ba yin no/ /gsang ba'i mchod pa rnam bzhi
- 238b
yis/ /zhes bya ba la sogs pa'i mchod pa rnam pa bzhi ni sgeg mo la sogs pa'i mchod pa rnam pa bzhi yin no zhes bya ba'i don no/ /gsang ba'i mchod pa rnam pa bzhi po 'di rdo rje sems dpa' la sogs pa de bzhin gshegs pa'i gsang ba ste de brjod pa'o/ /oM rdo rje sems dpa' bsdus pas na/ /rdo rje rin chen bla na med/ /rdo rje chos ni glu blangs pas/ /rdo rje las rnams byed par 'gyur/ /zhes brjod cing/ rdo rje sgeg mo la sogs pas gar byed cing sgeg mo la sogs pa'i snying po 'di yang brjod par bya'o zhes bya ba'i don no/ /de ltar sgeg mo la sogs pa'i gsang ba'i mchod pa rnam pa bzhis bdag nyid yang dag par mtshed nas las kyi dkyil 'khor las gsungs pa'i mchod pa bcu drug gis bdag nyid mchod par byas nas bsgrub par bya'o/ / zhes bya ba'i don bstan pa'i phyir/ bdag dbul ba'i zhes bya ba smos te/ 'am zhes bya ba'i sgra ni bsdu ba'o/ /bdag dbul ba la sogs pa yang zhes bya'o/ /de ltar de bzhin gshegs pa'i rigs kyi mchod pa bstan nas/ da ni rdo rje'i rigs kyi mchod pa ni/ khro bo rdo rje mchod chen po/ zhes bya ba la sogs pa smos te/ khro bo rdo rje ni rdo rje'i rigs so/ /de'i mchod pa chen po ni sgeg mo la sogs pa'i gsang ba'i gsang ba rnam pa bzhi'o/ /khro bo'i gsang ba brjod byed cing zhes bya ba ni snga ma bzhin du rdo rje'i glu brjod cing rdo rje'i khu tshur gnyis su byas nas yang dang yang du gar byas te/ khro bo'i rdo rje khu tshur gnyis su byas pa las rdo rje sgeg mo la sogs pa'i las kyi phyag rgya rnam pa bzhi bcings nas/ oM badzra lA sya rA ga ya hUM phaT zhes bya ba la sogs pa gsang ba'i mchod pa rnam pa bzhi'i snying po brjod cing khro bo'i gsang ba yang brjod nas/ khro bo'i khu tshur gyi gar byed cing brjod pas so/ /cir 'gyur zhe na/ rdo rje khu tshur rab byas na/ /zhes bya ba smos
- 239a
te/ rdo rje khu tshur gnyis bcings la mdzub mo gnyis sdigs mdzub du byas te/ bsgreng ba ni khro bo'i khu tshur ro/ /de byas nas mchod pa'i dngos grub myur du rnal 'byor pas 'grub par 'gyur ro/ /de bas myur du bdag gi rigs sgrub bo zhes bcom ldan 'das rdo rje 'dzin pas gsungs so/ /da ni pad+ma'i rigs kyi mchod pa'i dngos grub ni/ mdo sde zab mo rgya che ba'i zhes bya ba la sogs pa smos te/ de la zab pa ni chos thams cad rang bzhin gyis rnam par dag pa'o zhes bstan pa'i phyir ro/ /rgya che ba ni nam mkha' i khams khyab pa'i gzugs du ma ston pa'i phyir ro/ /mdor bstan pas na mdo ste/ de'i don mdor bstan pa brjod pa'i stobs kyis sems la nges pa bskyed pa'o/ /pad+ma'i sgeg mo la sogs pa gsang ba'i mchod pa rnam pa bzhis mdor bsdus pa ston pa'i mdo sde brjod pa dang/ pad+ma'i rigs kyi las kyi dkyil 'khor las bshad pa'i mchod pa rnam pa bcu drug gis kyang mdor bsdus pa brjod pa'o/ /zab pa yang yin la rgya che ba yang de yin pas na mdo sde ste/ mdo sde zab cing rgya che ba'o/ /de dag gi rgyud 'bum pa la sogs pa rgya chen bstan pa de las mdor bsdus nas brjod cing/ rab tu ston pa'i mchod pa de de bzhin gshegs pa la sogs pa pad+ma'i rigs thams cad la dbul zhing rab tu mchod pa'o/ /dbul ba de gang yin zhe na/ yid dang ngag gis phul nas ni/ /zhes bya ba smos te/ yid kyis thabs dang shes rab kyi gzugs kyis nam mkha' thams cad mdza' yas pa bkang ba'i glu dang/ sgeg mo la sogs pa'i snying po phul bas dngos grub myur du thob par zhes bya'o/ /'di skad ston pa yin te/ snga ma bzhin du 'gro ba 'dul ba'i dkyil 'khor chen po las bshad pa'i sbyor bas rang gi 'jig
- 239b
rten dbang phyug gi rnal 'byor la/ ye shes sems dpa' dang de bzhin gshegs pa thams cad rang gi lus la bcug la/ cho ga thams cad rjes su spyad te/ pad+ma'i sgeg mo la sogs pa'i gsang ba'i mchod pa gang bas byung ba rnams kyis bdag nyid mchod la/ pad+ma'i rigs kyi las kyi dkyil 'khor las bshad pa'i mchod pa bcu drug gis las kyi phyag rgya de rnams dang/ thams cad shes rab kyi rang bzhin gyis thams cad du khyab par bsam par bya'o/ /de ltar pad+ma'i rigs kyi mchod pa bstan nas/ nga ni nor bu'i rigs kyi mchod pa ni/ gdugs dang rgyal mtshan 'phan rnams kyis/ /zhes bya ba la sogs pa smos te/ gdugs dang/ rgyal mtshan dang/ 'phan rnams ni gdugs dang rgyal mtshan dang 'phan de rnams kyis mchod nas 'grub par 'gyur ro/ /gdugs la sogs pa ni nye bar mtshon pa ste/ gdu bu dang/ rna cha dang/ dpung rgyan dang/ rin po che sna bdun la sogs pa'i gzugs de rnams kyis mchod na rnal 'byor pas 'grub par 'gyur ro/ /mchod pa gang yin zhe na/ sbyin pa thams cad sbyin na ni/ /nor bu'i rigs ni 'grub par 'gyur/ /zhes bya ba smos te/ sangs rgyas rnams kyis sbyin pa ma lus pa sbyin na 'grub par 'gyur ba'o/ /'di skad ston pa yin te/ nor bu'i rigs kyi rnal 'byor byas la/ don thams cad grub pa'i dkyil 'khor chen po las bshad pa'i tshogs dngos grub kyi rdo rje brtul zhugs kyi mthar thug pa'i cho ga thams cad rjes su spyad pa rin chen sgeg mo la sogs pa mchod pa rnam pa bzhi dang/ nor bu'i rigs kyi las kyi dkyil 'khor las bshad pa'i mchod pa rnam pa bcu drug dang/ nor bu'i rigs kyi mchod pa thams cad kyis bdag nyid mchod la/ gdugs dang/ rgyal mtshan dang/ ba dan rnams kyis mchod pa re re zhing yang phyag rgya
- 240a
bcings la/ rgyal ba'i mchod pa rnams sprul la/ de bzhin gshegs pa la sogs pas sems can thams cad kyi khams thams cad la nor bu'i rigs su bskyed la/ dbang bskur ba la sogs pa sbyin pas mchod par bya'o/ /da ni rang la byin gyis brlab pa la sogs pa'i phan yon ni/ rang la byin gyis brlab sogs ldan/ /rdo rje sems dpar mnyam par 'gyur/ /zhes bya ba gsungs te/ rang la byin gyis brlab pa la sogs pa byas nas grub par ma gyur kyang rnam par snang mdzad la sogs pa'i de bzhin gshegs pa nas/ rin chen 'bebs pa'i mthar thug pa'i de bzhin gshegs pa'i rigs thams cad dang 'dra bar rigs nges par gnas par gyur nas/ rnal 'byor pa mngon par byang chub pa'i mthar thug par 'gyur ro zhes bya ba'i don no/ /cho 'phrul rnam pa bzhi yis ni/ /rdo rje sna tshogs 'grub byed cing/ /zhes bya ba ni cho 'phrul gyi phan yon bstan pa ni byin gyis brlab pa la sogs pa'i cho 'phrul rnam pa bzhi bshad pas phyag rgya chen po dang/ dam tshig dang/ chos dang las kyi phyag rgya'i rang bzhin gyis lha'i gzugs kyis rnal 'byor ba la bdag nyid byin gyis brlab pa la sogs pas sna tshogs rdo rjer bsgrubs na 'grub par 'gyur ro/ /de ltar de bzhin gshegs pa thams cad kyi rigs byin gyis brlab pa dang/ dbang bskur ba dang/ ting nge 'dzin dang/ mchod pa bstan nas/ da ni sngar bshad pa'i tshul gyis mngon par shes pa sgrub par byed pa'i dkyil 'khor la sogs par rang gi lha'i phyag rgya chen po la sogs pas/ mtshan thog thag yang bzlas shing bsgrub par bya'o zhes bya ba'i don bstan pa'i phyir/ de nas zhes bya ba la sogs pas de bzhin
- 240b
gshegs pa thams cad kyi rigs gyi mngon par shes pa'i ye shes kyi dngos grub kyi rgyud gsungs pa yin no/ /de bzhin gshegs pa thams cad kyi rigs ni snga ma bzhin no/ /de dag gi mngon par shes pa ni snga'o/ /de'i ye shes ni khong du chud pa'o// de'i dngos grub ni phyag rgya chen po la sogs pa grub pa'o/ /de ston par byed pa'i rgyud de bcom ldan 'das phyag na rdo rje gsungs pa'o/ /lus la sangs rgyas ting 'dzin ni/ /sangs rgyas kyi rnam par sems rtse gcig pa'o/ /mi zhes bya ba'i sgra ni nges par gzung ba'o/ /sangs rgyas kyi rnam pa kha nar sems rtse gcig pa'o/ /mdzes par gshegs pa'i mngon par shes pa ni bde gshegs nyid mngon shes te/ mdzes par gshegs pa 'di ni bde bar gshegs pa'o/ /'dod? zhes pa ba ni bshad ma thag pa'i sems rtse gcig pa'o/ /des de cir 'gyur zhe na/ 'di la rab tu rtogs na ni/ /sangs rgyas pa yi dngos grub thob/ /ces bya ba smos te/ de'i sangs rgyas ni mngon par shes pa'o/ /rab tu rtogs pa ni shin tu rtogs par gyur pa de ni rab tu rtags par gyur pa nyid de de'i phyir rab tu rtogs pa nyid kyis de rnams kyi de kho na nyid do zhes bya ba'i don no/ /de skad du/ sangs rgyas gzugs brnyan rtogs pa ni/ /mngon sum lta bu/ /mthong bar 'gyur/ / bdag nyid kyang ni ye shes shing/ /de 'dra'i sgra yang thos mi 'gyur/ /zhes gsungs so/ /de'i don ni 'di skad ston pa yin te/ sngar bshad pa'i tshul gyis de bzhin gshegs pa'i rnal 'byor bsgoms la/ gang gi tshe mtshan ma thob par gyur pa de'i tshe mngon par shes pa bsgrub par bya'o/ /rdo rje sems dpa' ting nge 'dzin gnas/ lus kun de bzhin gshegs rnams dang/ /byang chub sems dpa' rnam bsgoms la/ /de bzhin lus la byung mthong na/ /zhes bya
- 241a
ba ji srid du rnam par snang mdzad la sogs pa'i gzugs su mngon sum lta bur mthong bar gyur pa de srid kyi bar du bsgom par bya'o/ /de lta bus mngon par shes pa 'grub par 'gyur ro/ /de nas snga ma bzhin du mtshan thog thag de bzhin gshegs pa'i bdag nyid du bsgoms na 'grub par 'gyur na phyag rgya chen po la sogs pa'i dngos grub thob par 'gyur ro/ /de ltar de bzhin gshegs pa 'grub pa'i de bzhin gshegs pa'i mngon par shes pa thob pa'i sgrub pa bstan nas/ da ni de bzhin gshegs pa'i rigs kyi rnal 'byor pas sngar bshad pa'i tshul gyis de bzhin gshegs pa'i rigs kyi mngon par shes pa bskyed nas/ rdo rje sems dpa' la sogs pa'i phyag rgya chen po la sogs pa bsgrub par bya'o zhes bstan pa'i phyir/ de la zhes bya ba la sogs pa gsungs te/ 'phrul gyi mig sogs mngon shes ni/ /zhes bya ba la sogs pa la lha'i mig dang/ lha'i rna ba dang/ gzhan gyi sems shes pa dang/ mngon gyi gnas rjes su dran pa shes par rdzu 'phrul gyi yul mngon par shes pa lnga'o/ /rdo rje sems dpa' la sogs pa'i de bzhin gshegs pa'i rigs kyi rnal 'byor pas sngar bshad pa'i tshul gyis ji srid du grub par gyur pa de srid kyi bar du bsgom par bya'o/ /de nas phyis dkyil 'khor bris la mtshan thog thag bsgoms na rdo rje 'chang chen por 'gyur ro/ /de bas na mngon shes lnga ni bdag gyur nas/ /rdo rje sems dpa' nyid thob 'gyur/ /zhes gsungs so/ /de bzhin du rdo rje rigs kyi rnal 'byor pas sngar bshad pa'i tshul gyis khro bo'i mngon par shes pa bskyed par bya'o/ /de nas mngon par shes pa lnga thob pa'i dkyil 'khor bris te/ mtshan thog thag rang gi lha'i 'khor lo bsgom par bya'o/ /de'i rjes la rdo rje rigs kyi dngos grub 'grub par
- 241b
'gyur ro/ /de bas na mngon shes lngar ni bdag gyur nas/ dngos grub mchog ni thob par 'gyur/ /zhes gsungs so/ /'dod chags mngon shes bskyed nas kyang/ /zhes bya ba ni 'dod chags ni pad+ma'i rigs te/ de'i mngon par shes pa ni snga ma bzhin no/ /de bskyed pa ni mtshan thog thag sngar bshad pa'i tshul gyis bsgom par bya'o/ /de nas dag pa'i dngos grub thob par 'gyur zhes bya ba ni rang bzhin gyis dag pa'i shes rab kyi pha rol tu phyin pa la gnas nas mngon sum du byed pa'i mtshan nyid dngos grub thob par 'gyur te/ 'jig rten dbang phyug nyid du 'gyur/ /zhes bya ba'i don no/ /mchod pa ni nor bu'i rigs so/ /de'i mngon shes ni snga ma bzhin no/ /de bskyed pa ni sngar bshad pa nyid kyi cho gas mngon du byas pa'o/ /mnyam par bzhag pas bsgoms na ni/ /zhes bya ba la nor bu'i rigs kyi dkyil 'khor bris la/ rang gi lha mtshan thog thag bsgom mo/ /mngon shes lngar yang bdag gyur nas/ /zhes bya ba ni mngon par shes pa lnga dang ldan pa nyid du 'gyur ro/ /zhes bya ba'i don no/ /dngos grub kun gyi mchog tu 'gyur/ /zhes bya ba ni nor bu'i rigs kyi rang bzhin gyi don thams cad grub pa'i dngos grub thams cad kyi dam pa nyid du de 'gyur ro zhes bya ba'i don no/ /de ltar mngon par shes pa lnga bskyed pa'i de bzhin gshegs pa thams cad kyi rigs kyi dngos grub bsgrub pa bstan nas/ da ni sngon du brnyen pa la sogs pa'i dus su yang byang chub chen po'i ye shes kyi phyag rgya chen po la sogs pa de bzhin gshegs pa thams cad kyi rigs kyi rnal 'byor pas bsgrub par bya'o zhes bstan pa'i phyir/ de bzhin gshegs pa thams cad kyi rigs kyi byang chub kyi ye shes kyi dngos grub kyi rgyud ni/ de nas zhes bya ba la sogs pa gsungs te/ de bzhin gshegs pa thams cad kyang yin la rigs kyang yin pas te/ ji
- 242a
skad du bshad pa'i rang gi lha'i rjes su dran pas rdo rje la sogs pa'i nges pa'i byang chub kyi ye shes so/ /de'i dngos grub kyi phyag rgya chen po la sogs pa sgrub pa'o/ /de ston par byed pa ni rgyud de bcom ldan 'das phyag na rdo rjes gsungs pa'o/ /rdo rje sems dpa' i ting nge 'dzin gnas/ /zhes bya ba ni zla ba rdo rje'i rnam par rtsa gcig pas na rdo rje sems dpa' i ting nge 'dzin to/ /de la gnas pa ni rdo rje sems dpa' i ting nge 'dzin la gnas pa'o/ /sbyor ba gang gis rdo rje sems dpa' i ting nge 'dzin la gnas she na/ bdag gi sangs rgyas dran byed cing/ /zhes bya ba smos te/ bdag nyid rnam par snang mdzad la sogs pa'i de bzhin gshegs pa'i sgom pa pos sangs rgyas rjes su dran par byed cing ngo/ /sangs rgyas byang chub ces bya ba ni snying ga'i zla ba'i rdo rjer de bzhin gshegs pa dran pa dang bcas pa gang yin pa 'di ni sangs rgyas byang chub po/ /de nyid kyi ye shes ni don nges pa ste/ gang gis don shes pa 'dis cir 'gyur zhe na/ ye shes 'di bsgoms na dngos grub thob par 'gyur zhes bya ba smos so/ /de'i phyir sngar bsgom pa la sogs pa'i dus su de bzhin gshegs pa'i sgrub pa po rgyud phyi ma las bshad pa'i dngos grub sgrub par 'dod na/ rang gi snying ga'i zla ba la rdo rje rtse lnga pa rnam par bsams te/ rdo rje'i dbus su rigs pa'i yi ge bkod? la/ de bzhin gshegs pa'i phyag rgya chen po la sogs pa bsgom zhing zlas pa brjod na rdo rje sems dpa' i ting nge 'dzin gyi 'bras bu yin no zhes gsungs pa yin no/ /rdo rje sems dpa' ting 'dzin gnas/ /zhes bya ba ni snga ma bzhin no/ /phyag rgya chen po sgom byed cing/ /zhes bya ba ni rdo rje sems dpa' la sogs pa nas/ rdo rje 'bebs pa'i mthar thug pa de'i snying po dang/ phyag rgya dang/
- 242b
gsang sngags dang/ rig pa rnams dang/ phyag rgya bzhi po rnams dang/ de'i phyag rgya chen po yang mngon du byed cing bsgom pa'o/ /byang chub chen po'i ye shes 'di zhes bya ba ni sems dpa' i rdo rje 'di dang bcas pa'i rdo rje sems dpa' la sogs !pa bsgom pa gang yin pa 'di ni byang chub chen po 'di'o/ /de nyid kyi ye shes zhes bya ba la sogs pa ni snga ma bzhin no/ /'di skad ston pa yin te/ rdo rje sems dpa' la sogs pa de bzhin gshegs pa'i rigs kyi rnal 'byor pas kyang rgyud phyi ma las bshad pa'i dngos grub sgrub par 'dod na rang gi lha'i phyag rgya chen po dang/ dam tshig dang/ chos dang/ las rnams ji lta ba bzhin du bcings la rang gi snying gar zla ba'i dkyil 'khor gyi steng du hUM las rdo rje rtse lnga pa bskyed de/ rdo rje'i lte ba'i dbus su bzlas pa'i yi ge rnam par bsams la/ de nyid brjod cing sems dpa' i rdo rje'i ting nge 'dzin gyi phyag rgya chen po bsgom par bya'o/ khro bo'i rgyal po'i ting 'dzin gnas/ /zhes bya ba ni/ 'dod chags las ni khyod byung ste/ /bdag ni khro bo'i yid bsgoms na/ /zhes bya ba ni khro bo'i ting nge 'dzin te/ snying gar zla ba la rdo rje 'bar ba bsgom zhes bya ba'i don no/ /lag pas dam tshig mchog bcings la/ /zhes bya ba ni rdo rje'i rigs rnams thams cad kyi phyag rgya la dam tshig mchog ces bshad do/ /re zhig lag pas bcings pa gang yin pa 'di na sgrub pa pa'i lag pas dam tshig mchog bcings pa'o/ /byang chub chen po'i ye shes 'di/ /zhes bya ba'i snga ma bzhin no/ /'di skad ston pa yin te/ snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i cho gas rang la byin gyis brlab pa la sogs pa byas nas/ rdo rje hUM mdzad la sogs pa'i phyag rgya chen po bcings te/ rang gi snying ga'i zla bar hUM las rdo rje 'bar ba
- 243a
bsams par bya'o/ /de'i dbus su bzlas pa'i snying po bkod de/ de nyid brjod cing/ sems dpa' i nga rgyal bskyed la mngon du byas te/ de la dmigs te phyag rgya chen po la sogs pa bsgrub par bya'o/ /'jig rten dbang phyug ting 'dzin gnas ni 'jig rten dbang phyug gi snying ga'i zla bar rdo rje pad+ma'i rnam par sems rtse gcig par bya'o/ /de bzhin chos kyi phyag rgyar bzlas/ /zhes bya ba ni pad+ma'i rigs kyi phyag rgya thams cad la chos kyi phyag rgya zhes bya ba la sogs pa ni bshad zin to/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi 'jig rten dbang phyug gi rnal 'byor byas la/ cho ga thams cad rjes su spyad de/ rang gi lha'i phyag rgya chen po la sogs pa bcings nas rang gi snying gar zla ba la yi ge h+ri las rdo rje pad+ma de'i dbus su snying po bkod de/ de nyid brjod cing pad+ma la dmigs pa'i ting nge 'dzin gyis phyag rgya chen po la sogs pa bsgom par bya'o/ /rdo rje snying po'i ting 'dzin gnas/ /zhes bya ba ni rdo rje snying po'i snying ga'i zla ba'i nor bu de'i rnam par sems rtse gcig pa'o zhes bya ba'i tha tshig go /las kyi phyag rgya las legs byed bya ba ni nor bu'i rigs kyi phyag rgya thams cad ni las kyi phyag rgya zhes bshad de snga ma bzhin no/ /de'i legs pa ni dbang bskur ba la sogs pa nor bu chen po'i rigs kyi gzugs kyi de bzhin gshegs pa la sogs pa sems can thams cad kyi khams thams cad bskyed pa'i mtshan nyid can gyi las byed pa ni/ las kyi phyag rgya las legs byed ces bya'o/ /byang chub chen po'i ye shes 'di zhes bya ba la sogs pa ni bshad zin to/ /'di skad ston pa yin te/ snga ma bzhin du don thams cad grub pa'i dkyil 'khor chen po las bshad
- 243b
pa'i cho gas nor bu'i rigs kyi rang gi lha'i rnal 'byor byas la/ cho ga thams cad rjes su spyad de/ rang gi snying ga'i zla ba la yi ge traM las nor bu chen po rnam par bsams te/ de'i dbus su bzlas pa'i yi ge rnam par bkod nas de nyid brjod cing lha'i phyag rgya chen po bcings te/ rdo rje nor bu'i ting nge 'dzin bsgom par bya'o/ /rang gi lha'i rnal 'byor byas la snying ga'i zla ba'i dkyil 'khor la rdo rje dang/ rin po che dang/ pad+ma dang/ sna tshogs rdo rje de rnams la de rnams kyi rig pa'i yi ge bsgom par bya'o/ zhes bya ba'i don 'di bshad pa'i rgyud las bcom ldan 'das kyis bshad pa yin no/ /kha cig ni de ltar gyur na nor bu'i rigs kyi chos kyi rgyud las dang 'gal bar 'gyur te/ gang gi phyir thams cad kyi rdo rje bdag nyid kyi rdo rje snying gar bsgom par bya'o/ zhes bya ba des ni 'dir nor bu chen por bsgoms nas rdo rje nor bu'i rigs thams cad kyi phyag rgya bsgrub par bya ba dang 'gal bar 'gyur ro zhes zer ro/ /gzhan ni 'gal ba med de/ ci'i phyir zhe na smras pa/ 'di ni rig pa'i khyad par gzhan sgrub pa'i ngo bo yin pa'i phyir ro/ /gal te de ltar khas mi len na rtsa ba'i rgyud dang chos nyid la sogs pa'i rgyud dang 'gal bar 'gyur te/ de la dam tshig gi phyag rgya dang/ chos dang las dang phyag rgya chen po rnams so sor sgrub par bshad pas/ las legs byed pa'i rdo rje ni rdo rje sna tshogs pa bsgom pa'i mtshan nyid yin par 'dir chos nyid kyi byang chub chen po'i ye shes kyi dngos grub kyi rgyud ni snying gar zla ba rdo rje bsgom pa'i mtshan nyid can du 'di 'dod pa ma yin no/ /gang gi phyir bsgrub par byed pa'i khyad par bstan pa'i phyir/ rgyud phyi ma la sgrub pa rnam pa du ma gsungs pa yin no/ /de ltar de bzhin gshegs pa'i rigs kyi byang chub chen po ye shes kyi dngos grub kyi rgyud bstan nas/ da ni mtshan ma thob pa rnams kyis sngar bshad
- 244a
pa'i tshul gyis mngon par shes pa skyes par gyur nas/ de bzhin gshegs pa thams cad la sogs pa'i cha lugs kyis de'i brtul zhugs spyod pas de bzhin gshegs pa la sogs pa'i rigs thams cad rjes su mnyes par bya ba dang/ dbang du byas nas de bzhin gshegs pa thams cad la sogs pa thams cad bsgrub par bya'o zhes bya ba'i don bstan pa'i phyir de nas zhes bya ba la sogs pas de bzhin gshegs pa'i rigs thams cad rjes su mnyes pa dang/ dbang du byed pa'i dngos grub kyi rgyud gsungs pa yin no/ /de bzhin gshegs pa'i rigs thams cad ni sngar bshad zin to/ /ji skad bshad pa de dag gi sngon du bsnyen pas mngon par shes par bskyed pa la chags pa med pa de la rjes su chags pa ni brtul zhugs so/ /de'i dngos grub ni de bzhin gshegs pa la sogs pa'i phyag rgya chen po la sogs pa bskyed pa'o/ /de ston par byed pa'i rgyud ni bcom ldan 'das phyag na rdo rjes gsungs pa'o/ /nyid kyi sangs rgyas byang chub phyir/ /sems can don rnams rab byed cing/ /zhes bya ba ni mngon par shes pa lnga thob nas rdzu 'phrul gyi stobs kyis sems can gyi don ci nus byed pa 'am/ rang bzhin gyi nus pas stobs ston par byed pa la sogs pa byed cing/ sems can gyi don ni phan pa dang bde ba dam pa 'grub pa'i phyir/ sangs rgyas su 'gyur bar bya'o zhes bya ba mngon du byas la thun bzhir de bzhin gshegs pa bsgom pa ji skad bshad pa bzhin du bya'o/ /de ltar de bzhin gshegs pa thams cad kyi sgrub pa pos sangs rgyas thams cad rjes su mnyes par 'gyur ro/ /'di skad ston pa yin te/ de bzhin gshegs pa'i rnal 'byor pas sngar bshad pa'i tshul gyis de bzhin gshegs pa'i mngon par shes pa bskyed la/
- 244b
zla ba gcig rab tu byung nas bslab pa thams cad kyi sdom pa yang dag par bsrungs la/ rnam par snang mdzad la sogs pa'i de bzhin gshegs pa'i cha lugs 'dzin pas ting nge 'dzin rnam pa gsum bsgom pa brtsam par bya'o/ /rdo rje sems dpa' la sogs pa'i dkyil 'khor gyi bsgrub pa pos rdo rje dbyings la sogs pa'i dkyil 'khor phyi dang nang gi mchod pa thams cad kyis yang dag par mchod la/ nyin re zhing thun bzhi'i sbyor bas bsgom par bya'o/ /sems can thams cad sangs rgyas dang kun gyi gzi brjid can nyid do/ /ji bzhin pa ni 'dul ba nyid/ /las kyi sems dpa' i dngos grub byed/ /ces bshad pa yin pa de rjes su spyad par bya'o/ /ji skad du bshad pa'i bsams pas de bzhin gshegs pa thams cad bsam par bya'o/ /de lta bu zla ba gcig gi sbyor bas de bzhin gshegs pa thams cad rjes su chags pa'i dngos grub tu 'gyur ro/ /ji ltar yul dang ldan 'gyur nas/ /zhes bya ba ni rdo rje sems dpa' la sogs pa'i de bzhin gshegs pa'i rigs rnams la sangs rgyas kyi pad+ma la sogs pa thams cad kyis brgyan pa'i yul des yul dang ldan par byas pa'o/ /ji lta bu'i yul dang ldan par 'gyur ba'i rnal 'byor pas rdo rje sems dpa' la sogs pa de bzhin gshegs pa'i rigs te/ rdo rje sems dpa' nas brtsams te rdo rje 'bebs pa'i mthar thug pa'i bdag nyid bsgom zhing bsgrub par bya ste/ badzra satwa su ra ta stwaM zhes bya ba nas/ badzra a be sha su ra stwaM stwaM zhes bya ba'i bar du zlos shing/ de kho na nyid bskul ba nyid 'dis myur du mnyes par gyur nas de bzhin gshegs pa'i rigs kyi rang bzhin rdo rje sems dpa' 'grub par 'gyur ro/ /'di skad ston pa yin te/ sngar bshad pa'i tshul gyis rdo rje sems dpa' la sogs pa'i rnal 'byor mngon par shes pa lnga
- 245a
bskyed de/ de bzhin gshegs pa lnga'i cod pan dang/ lag gdub dang/ rna cha dang/ dpung rgyan la sogs pa'i rdo rje sems dpa' i rgyan gyis bdag nyid brgyan par byas la/ rdo rje sems dpa' i cha lugs su bdag nyid bskyed la / mchod pa thams cad kyis ji lta ba bzhin du yang dag par mchod la/ rdo rje dbyings la sogs pa'i dkyil 'khor zla ba phyed du bsgom par bya'o/ /phyis gnang ba mnos la ji skad bshad pa'i de kho na nyid bskul pas bskul bar bya ste/ de ltar na zla ba phyed kyi sbyor bas de bzhin gshegs pa'i rigs mnyes par 'gyur ro/ /sangs rgyas bka' ni bsrung ba dang/ /zhes bya ba ni ji skad bshad pa'i gnang ba de ltar byed do zhes bya ba'i don no/ /ma rungs pa rnams la mngon spyod byas shing bsad pas dge ba bcu la sogs pa'i las kyi lam la 'jug pa'o/ /gang gis gsod par byed ce na/ khros pa yi ni zhes bya ba smos te/ rdo rje hUM mdzad la sogs pa'i byed pa por 'gyur ba'i khros ma rungs pa'i sems can rnam spyod zhing bsad par byas par gyur pas rdo rje'i rigs su mnyes par 'gyur ro/ /'di skad ston pa yin te/ sngar bshad pa'i tshul gyis rdo rje rigs kyi rnal 'byor pas mngon par shes pa bskyed de/ khros par gyur pa'i rnal 'byor chen po dang ldan pas de bzhin gshegs pa thams cad dang/ rdo rje'i rigs rnams kyis nam mkha' i khams kun tu bkad la de nas de rnams phyag bya ste/ phyag na rdo rje mchod nas mgo bsgyur ba dang/ mgo gsig pa dang/ gos med pa'am/ gos dang/ bsam? pas 'jig rten pa thams cad la khros te khro bo'i tshig brjod cing/ sgeg mo la sogs pa'i phyag rgyas gar byas nas/ de bzhin gshegs pa thams cad kyis bris te/ mtshams bcings pa la sogs pa byas nas/ srod kyi dus su
- 245b
khrus byas te/ dpal rdo rje hUM mdzad la sogs pa'i cha lugs kyis gdu bu dang/ rna cha dang/ cod pan dang/ sangs rgyas kyi phreng bas bdag nyid brgyan par byas te/ 'jig rten gsum las rnam par rgyal ba la sogs pa'i dkyil 'khor gyi khang par ting nge 'dzin rnam pa gsum bsgom pa nas brtsams te/ bsgrubs la mchod pa thams cad kyis yang dag par mchod la/ dkyil 'khor pa'i sngags brgya rtsa brgyad bzlas te/ gdug pa'i sems can rnams la de bzhin gshegs pa'i bka' yis rnam par sbyangs te/ thugs rje chen po'i khro bos bsad pa de lta bu zla ba phyed tsam gyi sbyor bas rdo rje'i rigs rdo rjes su mnyes par byed do/ /chags pa'ang kun tu bltas pa dang/ /zhes bya ba ni chos thams cad rang bzhin gyis rnam par dag pa'o zhes bdag med pa'i mtshan nyid can gyi pad+ma'i rigs kyi lta bas so sor blta ba yin no zhes bya ba'i don no/ /de bzhin gshegs pa dang pad+ma'i rigs kyi phyogs bcu'i de bzhin gshegs pa la sogs pa dang/ sems can gyi khams rnams pad+ma'i rigs su byed pa 'di ni 'dir byas pa'o/ /sems can thams cad la phan pa dang bde bas sdud pa'i mtshan nyid can 'di bsgom pa'o/ /snying rjes zhes bya ba ni snying brtse ba nyid kyis na snying rje ste/ pad+ma'i rigs de nyid kyis sems can gyi khams thams cad pad+ma'i rigs kyi rang bzhin du bskyed cing bsgoms te/ dmyal ba la sogs pa'i sdug bsngal rdzu 'phrul gyi stobs kyis bsal nas/ bcing ba la sogs pa dang bral bar bya zhes bya ba'i don no/ /chos smra dang zhes bya ba ni chos thams cad rang bzhin gyis rnam par dag pa'o zhes brjod pa'i ngang tshul gyis chos smra ba'o/ /mi 'jigs kun la sbyin byed rnams/ /zhes bya ba ni 'jigs pa'i sems can kun la shes rab kyi pha rol tu phyin pa bsgom par bsten
- 246a
pas dmyal ba la sogs pa'i 'jigs pa sel ba 'di ni mi 'jigs pa'i sbyin pa'o/ /sngags kyi dngos grub kyi stobs kyis gsod pa dang 'ching ba la sogs pa'i 'jigs pa sel ba 'di ni pad+ma'i rigs kyi rnal 'byor pas sangs rgyas mnyes par byed pa'o/ /'di skad ston pa yin te/ 'gro ba 'dul ba'i dkyil 'khor chen po las bshad pa'i cho gas snga ma bzhin du 'jig rten dbang phyug gi rnal 'byor byas la/ cho ga thams cad rjes su spyad de mngon par shes pa lnga bskyed nas/ rang gi lha'i rnal 'byor pa 'am/ pad+ma'i rigs kyi rnal 'byor pas rang gi snying ga'i zla ba la yi ge h+ri dang/ de'i steng du hUM bkod la/ de'i steng du zla ba'i dkyil 'khor de nas rang gi sngags brjod cing/ byang chub sems kyi yi ge hUM dang/ shes rab kyi pha rol tu phyin pa'i yi ge h+ri rnam par bsams te/ byang chub kyi sems dang/ shes rab kyi pha rol tu phyin pa'i rang bzhin rang gi lha'i gzugs sam/ rigs kyi rang bzhin du bsgom par bya'o/ /de nas dgongs ka'i dus nas brtsams te/ stod rtsa brgyad bzlas par bya'o/ /pad+ma'i rigs dang rjes su mthun pa'i cod pan la sogs pa'i rgyan thams cad kyis bdag nyid brgyan par byas la/ chags pa kun tu lta ba dang/ byams pa dang snying rje chos smra ba dang/ sems can kun la mi 'jigs pa sbyin par byed pa rnams rjes su sbyar la bzlas pa bya'o/ /de lta bu'i sbyor ba 'dis zhag bdun pad+ma'i rigs rjes su mnyes par 'gyur ro/ /rdo rje dbyings kyi dkyil 'khor chen po las bshad pa'i rdo rje rin chen gyis phyag rgyas de bzhin gshegs pa thams cad la dbang bskur ba rab tu sbyin pa dang/ nam mkha' thams cad mnyam pa'i ting nge 'dzin gyi gzung ba dang 'dzin pa'i rnam par rtog pa spangs te/ phul du byung ba'i sbyin pa ni rab tu sbyin pa'o/ /nor bu'i
- 246b
rigs kyi rang bzhin gyi bdag nyid du bsgoms la/ nor bu'i rigs kyi ngo bo'i nor bu bsdus pas sbyin pa bsogs pa'o/ /thams cad la dbang bskur ba la sogs pa byin pas sangs rgyas nyid thob pa'i rgyu mtshan rjes su sgrub pa yin pa de'i phyir/ de yang sangs rgyas don du sbyor zhes gsungs so/ /'di skad ston pa yin te/ snga ma bzhin du nor bu'i rigs kyi rnal 'byor pas nor bu'i rigs kyi mngon par shes pa bskyed de/ nor bu'i rigs kyi rnal 'byor byas la/ de bzhin gshegs pa dang nor bu'i rigs kyi nam mkha' i khams gang bar bsams par bya'o/ /de nas de bzhin gshegs pa thams cad dang/ nor bu'i rigs kyi rdo rje'i nor bu'i phyag rgyas dbang bskur ba thams cad gzugs brnyan tsam du nges par bsgom ste/ phyi rol gyi mchod pa 'am yid kyis mchod la/ bcom ldan 'das nam mkha' i snying po mdun du bzhag la/ brgya rtsa brgyad bzlas shing bcom ldan 'das thams cad kyi rgyal po'i bdag po nam mkha' i snying po ni bdag yin no zhes rgyal por bsgom par bya'o/ /rim pa 'di nyid kyis zhag brgyad bzlas pa de lta bus nor bu'i rigs rjes su mnyes par 'gyur ro/ /nor bu'i rigs dang mthun pa'i brgyan thams cad kyis bdag nyid brgyan par byas nas cho ga thams cad rjes su spyad par bya'o/ /de ltar de bzhin gshegs pa'i rigs thams cad rjes su mnyes par byed pa bshad nas/ da ni de dag dbang du byed pa ni/ de nas zhes bya ba la sogs pa gsungs te/ de la dbang du byed pa ni rang nyid dang/ nor dang bcas pa dbang du byed pa ste/ rjes su chags pas mngon par byed pa dang/ dga' ba bskyed par byed do zhes bya ba'i don no/ /'dod chags la ni brnyas mi bya zhes bya ba ni de la 'dod chags ni chos bdag med pa'i chags pa'o sems can smin cing grol bar byed pa'i chags pa ni bcom ldan 'das rdo rje 'dzin pa chen po de
- 247a
bzhin gshegs pa'i rigs kyi ngo bo rdo rje sems dpa' de la brnyas par mi bya ste/ sangs rgyas byang chub don du gnyer bas bsgom par bya zhing rgyun mi 'chad par mngon du bya'o/ /ci'i phyir brnyas par mi bya zhe na/ gang gi phyir chos bdag med pa'i chags pa gzung ba dang 'dzin pa'i dri ma dang bral bas sems can smin cing grol bar byed pa'i chags pas mi dge ba bcu'i las kyi lam las slong bar byed pa de nyid kyi phyir ro/ /de ltar rnam dag pa de sbyin pa'o/ /'di ltar rnam par dag pa'i sbyor ba dang ldan pa la dmad par mi bya ba de bzhin du bde ba sbyin pa la yang yin no/ /gang gi phyir yon tan de dang ldan pas mngon du byed pa'i rnal 'byor pa 'di ni 'jig rten dang 'jig rten las 'das pa'i bde ba skyed par byed pa de bas na 'di bde ba sbyin pa'o/ /sems can kun gyi don du sbyor zhes bya ba ni sems can thams cad la sangs rgyas la sogs pa'i bsgom pa ni sems can thams cad kyi don no/ /rgyu'i sbyor bas des 'di ni sangs rgyas dbang du byed ces bya ba ni 'dir 'dod chags kyi bdag nyid bsgoms pa'i bsod nams dang ye shes dag sems can thams cad kyi don du bsgom pa gang yin pa de ni sangs rgyas dbang du byed pa ste/ sbyor ba des sangs rgyas rang dbang du byed do/ /zhes bya ba'i tha tshig go /'di skad ston pa yin te/ de bzhin gshegs pa'i rnal 'byor byas la/ rjes su chags pa'i ting nge 'dzin la gnas te/ rdo rje sems dpa' la sogs pa nas rdo rje 'bebs pa'i mthar thug pa'i rdo rje dbyings la sogs pa'i dkyil 'khor gzugs brnyan tsam gyi sbyor bas bsgom par bya'o/ /sems can thams cad sangs rgyas la sogs pa'i gzugs kyi bdag nyid du bskyed par bya'o/ /de ltar na de bzhin gshegs pa des dbang du byed par 'gyur ro/ /'dod rten bde ba'i bdag nyid kyis/ /zhes bya
- 247b
ba ni rdo rje sems dpa' la sogs pa de bzhin gshegs pa'i 'dod pa ste/ bcom ldan 'das 'dod pa sems dpa' ni zhes gsungs pa'i phyir de ni de bzhin gshegs pa'i rigs kyi rang bzhin bcom ldan 'das rdo rje sems dpa' bstan pa ni bsgom pa'o bde ba'i bdag nyid ni sems bde ba'o/ /su ra tastwaM zhes bya ba ni de kho na nyid bskul ba'i snying po zlos shing bsgrubs nas so/ /ji ltar sgrub ce na/ de nyid bskul na dbang bskur 'gyur zhes bya ba smos te/ su ra tastwaM zhes bya ba'i de kho na nyid rjod pas rdo rje sems dpa' dbang du byed ces bya ba'i don no/ /de'i don 'di skad ston pa yin te/ sngar bshad pa'i rjes su chags pa'i sbyor bas rjes su chags par byed pa nyid bsgom zhing sems kyis mngon du byed pa la/ su ra tastwaM zhes bya bas ji srid bcom ldan 'das mngon sum lta bur mthong bar gyur pa de srid kyi bar du bskul bar bya'o/ /de nas dkyil 'khor la sogs pa rnams la mtshan thog thag bsgoms na nges par 'grub par 'gyur ro/ /sangs rgyas 'ga' yis sems can rnam dag zhes bya ba ni bshad zin to/ /lus can skyabs sbyin dang/ zhes bya ba ni lha la sogs pa'i sems can chos dang mi ldan pa rnams dang/ lha ma yin la sogs pa gdug cing ma rungs pa'i sems can rnams gsod pa ni skyabs sbyin pa'i don no/ /sangs rgyas bstan pa bsrung ba'i phyir/ zhes bya ba ni sangs rgyas rnams kyi bstan pa'i bka' de sems can gang gis khyad du gsod par byed cing bslab par mi bya'o zhes 'gog par byed cing/ 'jig rten rgyang ban la sogs pa'i bstan bcos la rab tu 'jog par byed pa dang/ gtsug lag khang dang dge slong dang/ dge slong ma dang/ dam pa'i chos la sogs pa 'jig par byed pa de lta bu la sogs pa gdug cing ma rungs pa rnams bsad pa ni sangs rgyas kyi bstan pa bsrung ba'o/ /bsad na yang ni dbang du 'gyur/ /zhes bya ba ni de ltar
- 248a
rdo rje rigs kyi rnal 'byor pas zhe sdang med pa dang phan pa'i don du bsad na rdo rje'i rigs dbang du byed par 'gyur ro /pad+ma'i rigs ni rang bzhin gyis rnam par dag pa ste/ 'dod chags dag pa kun rtog la zhes bya ba ni bsgom pa'o/ ji ltar zhe na/ pad+ma'i 'dab ma kha 'byed cing/ /zhes bya ba la sogs pa smos te/ lag pa g.yon pa bsnyen ma pas pad+ma blangs la lag pa g.yas pa'i mdzub mo dang/ mthe bo dag gis snying gar pad+ma'i 'dab ma kha 'byed pa'i tshul du byed cing bsgom na'o/ / ji ltar pad+ma dmar po yang/ /tshon gyi nyes pas mi gos bzhin/ /thams cad dag par bsgoms na ni/ /sdig pa'i nyes pas gos mi 'gyur zhes bya'o/ /de ltar 'dod chags rnam par dag pa pad+ma'i 'dab ma kha 'byed cing bsgoms pas ci zhig byed ce na/ rnal 'byor ba rang nyid pad+ma'i rigs kyi chags pa bsgoms na sangs rgyas la sogs pa sems can gyi khams la chags par byed do/ /de ci'i phyir zhe na/ gdul ba'i phyir zhes bya ba smos te/ pad+ma'i rigs kyi ting nge 'dzin grub pas rang dang gzhan dag des 'dul bar byed do/ /'dod na dbang du byed par 'gyur zhes bya ba ni rang dam gzhan 'di dag rnam par dag pa'i bsgom pa'i chags pa gang yin pa 'di ni pad+ma'i rigs dbang du byed pa yin no/ /de'i don ni 'di skad ston pa yin te/ sngar bshad pa'i cho gas pad+ma'i rigs la rjes su chags pa'i ting nge 'dzin bsgom zhing/ pad+ma'i 'dab ma kha 'byed pa'i sbyor bas de bzhin gshegs pa la sogs pas sems can gyi khams 'jig rten dbang phyug tu bskyed nas ji srid du de'i rnam pa thob par 'gyur ba de srid kyi bar du bya'o/ /de nas bsgrub pa'i cho gas mtshan thog thag bsgoms na 'grub par 'gyur/ sangs rgyas thams cad dbang bskur phyir/ zhes bya ba la sogs pa ni snga ma bzhin du nor bu'i rigs la rjes su chags
- 248b
pa'i ting nge 'dzin rnam par bsgoms pas nyin re zhing rdo rje rin chen gyi phyag rgyas de bzhin gshegs pa la sogs pa sems can gyi khams la rin po che myu gu'i dbang bskur ba byin na de nas nor bu'i rigs su yongs su bsams par bya'o/ /de ltar na nor bu'i rigs rnams dbang du gyur ba dang/ de nas snga ma bzhin du mtshan thog thag bsgoms na nor bu'i rigs kyi dngos grub thob par 'gyur ro/ /de ltar rjes su chags pa dang dbang du byed pa'i dngos grub kyi rgyud bshad nas/ da ni gang gi tshe 'di skad du bshad pa'i cho gas lan bdun bsgrubs na yang dngos grub dam pa thob par 'gyur na/ de'i tshe rnal 'byor pas mngon spyod bya ba'i rigs pa'i cho gas rang gi lha la mngon spyod byas nas des 'grub par 'gyur ro zhes bya ba'i don 'di bstan pa'i phyir/ de nas zhes bya ba la sogs pas de bzhin gshegs pa thams cad gsang ba'i las kyi dngos grub kyi rgyud gsungs so/ /de bzhin gshegs pa thams cad kyi rigs pa rnams gsod pa ni mngon spyod kyi cho gas bsad pa'o/ /de'i dngos grub ni phyag rgya chen po la sogs pa 'grub pa'o/ /de ston par byed pa'i rgyud ni phyag na rdo rjes gsungs pa'o/ /sems can kun don ma mthong zhing/ /zhes bya ba ni de bzhin gshegs pa'i rnal 'byor pas sgrub pa la 'jug pa na yang de bzhin gshegs pa la sogs pa mthong ba dang/ sems can thams cad kyi don byed par gang gi tshe mi gus pa de'i tshe/ sems can kun don ma mthong ba'o/ /sangs rgyas rnams kyis de nyid de skad du bshad pa'i phyag rgya chen po la sogs pa dbang du byed pa'i mthar thug pa'i de bzhin gshegs pa'i dngos grub kyi rgyu dang 'bras bu'i ngo bo de ma sbyangs pa ni dmigs pa lta bar gsal ba'o/ /yid la sems goms pa'o/ /lus ni phyag rgya spong pa la sogs pa la phyag rgya 'bebs pa la sogs pa'i sbyor ba'o/ /ngag ni brjod
- 249a
pa'i sbyor bas sngags brjod pa'o/ /bsad pa ni sangs rgyas bcom ldan 'das bsad pa'o/ /cir 'gyur zhe na/ dngos grub thob par 'gyur zhes bya ba smos te/ de ltar mngon spyod bya ba'i rig pa'i cho gas de bzhin gshegs pa bsad la phyis sngon du bsnyen pa byas nas bsgrubs pa bya nas nas nges par 'grub par 'gyur ro/ /'di skad ston pa yin te/ ras ris la sogs pa'i de bzhin gshegs pa rnams bsad par bya ba la bsdu ba la sogs pa'i cho gas mdun du bzhag la rdo rje hUM mdzad la sogs pa'i sbyor ba byas nas yid kyis bsad par bya'o/ /sbyor ba ni 'di yin te/ rdo rje phra mo brtan byas la/ /rdo rje hUM mdzad sbyor ba yis/ /hUM zhes bya ba gang la bzlas/ /de yi srog ni 'jig par 'gyur/ /zhes bya ba'o/ /de'i don ni 'di skad ston pa yin te/ sna'i rtse mor yi ge hUM las rdo rje 'bar ba de'i dbus su de bzhin gshegs pa bsgoms de/ ji srid thal ba lta bur mthong ba de srid kyi bar du bsgoms nas mngon spyod kyi sbyin sreg gis bsgrubs te bsad par bya'o/ /de ltar na rgyud de dang de rnams la bsad pa'i cho ga gzhan la yang shes par bya'o/ /de ltar de bzhin gshegs pa'i bsad pa'i dngos grub kyi rgyud bshad nas da ni de bzhin gshegs pa'i rigs kyi dngos grub gsungs pa ni/ dngos grub thams cad thob pa la/ /zhes bya ba la sog pa smos te/ phyag rgya chen po la sogs pa'i dngos grub rnams lan bdun bsgrubs kyang mngon sum du mthong bar ma gyur na'o/ /rigs rnams kyang ni mi brtson zhing zhes bya ba ni 'dir sbyor ba'i brtson 'grus so/ /mi brtson pa ni 'bad pa ste/ bsgom pa'i sbyor ba yod pa ma yin no zhes bya ba'i don no/ /gang dang 'brel ba'i bsgom pa med pa yin zhe na/ rigs rnams dang zhes bya ba smos te/ de bzhin gshegs
- 249b
pa'i rigs dang 'brel pa'i bsgoms pa rnal 'byor pa la med do zhes bya ba'i don no/ /'di skad ston pa yin te/ yo dzir yo ga zhes bya ba khams so/ /brtson pa ni 'bad pa zhes bya ba'i don no/ /gang la brtson zhe na/ gang gi lha rjes su dran pa brtson pa zhes bya ba'o/ /rdo rje kun tu brdeg na ni/ zhes bya ba ni rdo rje dang 'brel pa'i brdeg pa ni bsnun pa ste/ rdo rjes des bsgrub par bya ba la bsnun par bya'o zhes bya ba'i don no/ /'di skad ston pa yin te/ rdo rje sems dpa' i phyag rgya chen po bcings nas de bzhin gshegs pa thams cad 'dus pa'i nang du gnas te/ bsgrub par bya ba'i lha mdun du ji skad bshad pa'i cho gas spyan drangs la cho ga thams cad rjes su spyad nas/ khro bo'i gnas pas bsnyems pa dang bcas pas rdo rje gsor zhing bsgrub par bya ba'i steng du yid kyis 'phangs pas bskal pa'i me dang mtshungs pa'i rdo rje lhung ba la bsgrub par bya ba la bsnun par bsams par bya/ oM badzra satwa hUM/ a mu kaM ga ta ya hUM/ de nas bsgrub pa bya ba ste phyi rol gyi thogs gyis brgyab pa'i ri bo bzhin du bsngags par bsnun zhing bsod par 'gyur ro/ /bsad na dngos grub thob par 'gyur zhes bya ba ni de lta bu'i sbyor ba 'dis bsgrub bar bya ba'i lha snang ba med par byas shing dngos por 'dzin pa med par byas pa'o/ /bsgrub pa pos stong pa nyid kyi ting nge 'dzin gyi dngos grub thob pas phyag rgya chen po la sogs pa myur du 'grub par 'gyur ro/ /de ltar de bzhin gshegs pa'i rigs kyis dngos grub bstan nas/ da ni rdo rje'i rigs gsungs pa ni/ de la zhes bya ba la sogs pa smos te/ ma rungs mi 'dul ba? 'di? nyid?/ /zhes bya ba ni ji skad bshad pa'i lha chen po la sogs pa 'dul bar byed pa ste/ chos dang ldan pa'i sems can cung zad cig kyang gnod pa mi byed pas mi 'dul khro med pa'o/ /de'i phyir de ltar gyur pa'i
- 250a
khro ba med pa'i khro bo mngon du byed pa nyon mongs pa la khro bo mngon du byas zhes bya ba'i don no/ /de bzhin sems can mi 'dul la/ zhes bya ba ni sems can ni grags par zad do/ /de dag 'dul ba'i khro bo bsgrags par byas nas sdig pa dang bral te/ lung dang rtogs pa'i bdag nyid la sbyor ba'o/ /sems can mi 'dul ba ni 'dul bya ma yin pa'i sems can gdul bar mi nus pa'o/ /bdag nyid 'dul la thob byed na/ /zhes bya ba ni nad la sogs pa'i sdug bsngal sgrub pa po la skyes pa ni de dag dngos grub mi thob pa'i rgyu yin pa'i phyir ro/ /rdo rje hUM mdzad kyi bsgrub par bya ba'i lha'i steng du yi ge hUM las rdo rje 'bar ba lhung bas nges bsad par gyur par bsam par bya'o/ /da ni pad+ma'i rigs kyi dngos grub kyi bsad pa ni/ de la zhes bya ba la sogs gsungs te/ snying rje med cing snying rje mi srid pa'o/ /snying rje mi bdog pa ste/ sems can rnams bsgral ba mi 'dod pa'o/ /mdza' bo yod pa de bas na byams pa ste/ sems can la phan pa dang bde bas bsdus pa'o/ /byams pa med pa ni byams pa mi 'dog pa ste/ de bas na sems can ngan pa dmigs pa la spyod pa dang/ 'jig rten rgyang phan pa dang/ ma sbyangs pa de dag gis rdzas su 'dzin pa ma bsal bas yang dag pa'i lta ba la nges par mi sbyor ba'o bdag nyid la ni bslus nas ni zhes bya ba la log par lta ba bskyed pas sngags dang/ lha rnams dang sngags kyi dngos grub rnams don med pas 'jig rten pa la gnod par byed pa'o zhes bya ba la sogs pa'o/ /de ltar dngos grub mi thob pa'i rgyud shes nas snga ma bzhin du sgrub pa bya ba'i lha spyan drangs te/ mngon spyod kyi sbyor bas bsad par bya'o/ /da ni nor bu'i rigs kyi bsad pa'i dngos grub ni/ de la 'di ni zhes bya ba smos te/ mi gtong bdag la nor med cing/ zhes bya ba ni
- 250b
gtong ba ni phyi rol gyi rgyal srid la sogs pa thams cad mnyam pa nyid kyi ye shes kyis spangs pa ni btong ba'o/ /ma gtong ba ni gtong ba med pa ste/ de'i phyir nor bu'i rigs kyi rnal 'byor pas nor bu'i rigs kyi ting nge 'dzin thob pa bdag nyid kyis mi gtong ngo zhes bya ba'i don no/ /bdag la nor mi bdog pas na bdag la nor med cing ngo/ /nor bu'i rigs kyi ting nge 'dzin thob pa'i nor 'di bdag la med pa'o/ /nor ster ba ni nor bu'i rigs kyi ting nge 'dzin thob pa de las nyams pa'o/ /ci'i phyir zhe na gnod byed la zhes bya ba smos te/ dam tshig nyams pas gnod pa de'i phyir na nor med pas gnod pa'o/ /sems can rnams ni dbul gyur na/ /zhes bya ba ni sems can rnams nor la sogs pa dang/ 'byor bas 'dul ba bsal bar mi nus pa'i dbul bo de dag dngos grub mi thob pa'i rgyu nyid du shes nas nor bu'i rigs kyi rnal 'byor pas bsgrub par bya ba'i lha spyan drangs te/ mngon spyod kyi sbyor bas 'di bsad par bya'o/ /ci'i phyir de ltar bcom ldan 'das kyis bsad par bya'o/ /las gsung zhes phyogs snga ma sems pas kha cig ni sangs rgyas kyi zhe bya ba smos te/ kha cig ni phyag rgya chen po la sogs pa'i dngos grub 'dod pa rnams rnal 'byor pas ma thob na ji skad gsungs pa'i sangs rgyas dang/ de bzhin gshegs pa rnams dang/ rigs thams cad dngos su gsod pa ni bdag tu 'dzin pa'i sems can de la gnod pa med do zhes bya ba'i don no/ /gsong? pa'i sems de dag dang bral bar bya ba'i phyir gsod pa'i sems kyis bsad nas thabs kyis drang bar bya ba'i phyir ro/ /kho bo cig gis bstan pa'i bsad pa'i dngos grub kyi sbyor ba 'dis myur du 'di dngos grub sbyin par bya'o/ zhes bcom ldan 'das 'phags pa kun tu bzang pos gsungs so/ /de ltar bsad pa'i dngos grub kyi rgyud bstan nas/ /da ni
- 251a
de bzhin gshegs pa'i rigs kyi rnal 'byor pa rnams kyis sngon du bsnyen pa la sogs pa'i dus su rang dang gzhan dag srung bar bya'o zhes bya ba'i don bstan pa'i phyir de nas zhes bya ba la sogs pa de bzhin gshegs pa thams cad kyi rigs kyi phyag rgya'i bsrung ba'i dngos grub kyi rgyud gsungs so/ /de bzhin gshegs pa thams cad dang rigs rnams ni de bzhin gshegs pa thams cad de/ de dag bsrung ba'i phyag rgya ni 'dod chags la sogs pa'i nyon mongs pa dang nye ba'i nyon mongs pa rnams dang/ rnal 'byor pa'i sems bral ba dang/ rgyud gzhan la gnod pa sel ba'i phyag rgya gang dang gang byed pa de dang de la de skad ces bya'o/ /dngos grub des phyag rgya chen po la sogs pa grub pa de ston pa'i rgyud de/ bcom ldan 'das phyag na rdo rje gsungs shing bshad pa'o/ /sems can yang yin la thams cad de yin pas sems can thams cad de/ ma lus shing lus pa med pa'i khams gsum pa na spyod pa'i lha la sogs pa'i sems can de dag yongs su mi gtong zhing/ bdag gi lus ni thams cad bla na med pa yang dag par rdzogs pa'i byang chub las gzhag par bya'o zhes byang chub tu sems bskyed nas/ de dag sangs rgyas bsgoms pas sangs rgyas nyid 'thob par 'gyur ro/ /rtag tu sangs rgyas mchod dag nyid kyi phyag rgya bya ba ni sangs rgyas rnams kyi mchod pa ni sangs rgyas kyi mchod pa ste/ las kyi dkyil 'khor las gsungs pa'i mchod pa bcu drug dang/ sgeg mo la sogs mchod pa de'i bdag nyid ni de'i rang bzhin te/ de bzhin gshegs pa thams cad la mchod pa'i bdag nyid du rtag tu lhag par mos par bsams par bya'o/ /rtag par sangs rgyas yid la byed ces bya ba ni spyod lam rnam pa bzhi las sangs rgyas su dran pa
- 251b
bsgom par bya'o/ /de ltar de bzhin gshegs pas bsrung ba'i dngos grub bstan nas de ni de bzhin gshegs pa'i rigs bsrung ba ni/ de la 'di ni zhes bya ba la sogs pa gsungs te/ rdo rje sems dpa' i mtshan tsam zhig /lan cig tsam yang brjod grub na/ /zhes bya ba ni de bzhin gshegs pa'i rnal 'byor pas rdo rje sems dpa' dang rdo rje sems dpa' i zhes bya ba drug pa dang bdun pa la khyad par med do/ /ming tsam brjod par gyur pa ni grags par zad ni/ /byang chub kyi mthar thug pa nas rtag pa yin la/ mchog tu gyur pas na chen po ste/ bdag nyid bsrung bar gyur pa'o/ /skad cig gis ni dngos grub thob/ /ces bya ba ni gang dang gang gi dngos grub sgrub par 'dod pa'i rnal 'byor pa de dang/ de la skad cig gis dngos grub ster bar 'gyur ro/ /da ni rdo rje'i rigs kyi bsrung ba ni/ de la 'di ni zhes bya ba la sogs pa smos te/ rigs dang rgyud kyis cho ga mi shes/ /zhes bya ba la de la rigs pa'i sgras snying po dang/ phyag rgya dang/ gsang sngags dang/ rigs pa rnams gzung ngo/ /de dag gi rgyud ni stong phrag brgya pa la sogs pa rgyas pa bstan pa'o/ /de rnams chog mi shes pa ni rtag tu thos pa dang/ bsams pa dang bsgoms pa'o/ /'jig rten gsum rgyal bdag nyid kyis/ /zhes bya ba ni rang gi khra bo'i rnal 'byor bsgom pa nyid do/ /rdo rje hUM la mos byed pa/ /zhes bya ba ni shes par zad do/ /da ni pad+ma'i rigs kyi bsrung ba'i dngos grub kyi rgyud ni/ de la 'di ni zhes bya ba la sogs pa smos te/ 'dod chags dag cing phyams pa che/ /zhes bya ba ni shad zin to/ / thams cad la ni mi 'jigs byin/ /zhes bya ba ni sems can rnams la'o/ /pad+ma'i rigs kyi de bzhin gshegs pa thams cad kyi sems can thams cad dang/ phyi rol gyi nye bar 'tshe ba zhi ba dang/ srog gcod pa la sogs spong ba ni mi 'jigs
- 252a
pa sbyin pa'o/ /bdag nyid kyis 'jigs shing skrag pa las ci nus kyis bsrung ba'o/ /'jig rten dbang phyug gi mtshan zlos pa'o/ /mtshan brgya rtsa brgyad pa zlos pa'o/ /da ni nor bu'i rigs kyi bsrung ba'i dngos grub kyi rgyud ni/ de la 'di ni zhes bya ba la sogs pa smos te/ nyi ma stongs par mi bya la/ zhes bya ba la stongs pa ni 'bras bu med pa yin la/ ma stongs pa ni stongs pa med pas na 'bras bu dang bcas pa'o/ /ci nus par ni nus tshad las mi 'da' o/ /sbyor byed cing rab tu sbyor bas so/ /gang gis sbyor bar byed cing zhe na gtong byed par zhes bya ba smos te/ sbyin par byed ces bya ba'i tha tshig go /gang gi sbyor sbyin bar byed pa yin zhe na/ sangs rgyas sems can zhes bya ba smos te/ de bzhin gshegs pa'i dbang bskur ba thog mar byas nas/ sems can rnams la thams cad ster bar byed pa'o/ /'di skad ston pa yin te/ nyin re zhing dus drug tu de bzhin gshegs pa thams cad la sogs pa dang/ sems can thams cad la nor bu'i rigs kyi rnal 'byor pas zang zing dang/ mi 'jigs pa dang/ chos dang byams pa'i sbyin pa sbyin par byed pa'o/ /rdo rje bsrung bar zhes bya ba ni bsrung ba bstan pa'i dbang du byas nas rdo rje 'chang ba nyid kyis bsrung ba gsungs pa yin no/ /de bzhin gshegs pa thams cad kyi rigs kyi bsrung ba'i dngos grub kyi rgyud kyi 'grel ba'o/ /de ltar rigs rnam pa bzhi'i dkyil 'khor chen por bshad pa'i phyag rgya chen po la sogs pa sgrub pa po'i bsrung ba'i dngos grub kyi mthar thug pa'i rgyud phyi ma bstan nas/ bcom ldan 'das rdo rje 'chang chen po rdo rje sems dpa' de bzhin gshegs pa thams cad kyis gsungs par shes par bya ba mi gsang ba'i phyir bcom ldan 'das zhes bya ba la sogs pa nas/ 'di zhes par
- 252b
gsol zhes bya bas bcom ldan 'das rnam par snang mdzad la dbul ba yin no/ /bcom ldan 'das rnam par snang mdzad kyi sangs rgyas kyi bka' nyid du bsgrub pa'i phyir/ legs so zhes bya ba yin no/ /rgyu de'i phyir ji skad du bshad pa'i de kho na nyid kyi rang bzhin de dag thams cad ded kyi blangs pa yin no zhes bya ste/ phyag rgya chen po la sogs pa bsgrub pa'i phyir/ gdul bya rnams la khyed kyi rgyud phyi ma'i cho ga 'di ji ltar gsungs pa de bzhin du kho bo cag gi gzhung dang rtogs pa'i bdag nyid blo la bzhag nas phyi ma'i mthar thug gi bar du rgyun mi 'chad par gnas par bya ba'i phyir byin gyis brlabs so/ /de bzhin gshegs pa rnam par snang mdzad nas brtsams nas/ rin chen 'bebs pa la mthar thug pa'i bar du rigs thams cad kyi phyag rgya chen po la sogs pa phyag rgya thams cad kyi rtogs pa de dag gi phyag rgya chen po sgrub pa'i de kho na nyid kyi thabs kyis ji skad bshad pa'i phyag rgya chen po la sogs pa thob pa'i rgyu yin no zhes bya ba'i tha tshig go /de'i cho ga rgyas pa ni rnam pa sna tshogs pa'i ji skad du bshad pa'o/ /rdzogs pa ni rgyud phyi ma'i ngo bo mthar thug pa'o/ /'phags pa de kho na nyid bsdus pa'i 'grel pa de kho na nyid snang bar byed pa zhes bya ba las rdo rje dbyings kyi dkyil 'khor chen po dang/ 'jig rten gsum las rnam par rgyal ba dang/ 'gro ba 'dul ba dang/ don thams cad grub pa'i dkyil 'khor chen po'i rgyud phyi ma'i bshad pa rdzogs so// //de ltar rdo rje dbyings kyi dkyil 'khor chen po dang 'jig rten gsum las rnam par rgyal ba'i dkyil 'khor chen po dang/ 'gro ba 'dul ba'i dkyil 'khor chen po dang/ don thams cad grub pa'i dkyil 'khor chen po las bshad pa'i rtogs pa thams cad kyi phyag rgya chen po la sog pa'i rtags pa thams cad
- 253a
kyi thabs kyi cho ga rgyas par bstan nas/ da ni de bzhin gshegs pa la sogs pa'i rigs thams cad kyi gzungs kyi phyag rgya rnam pa bzhi sgom pa ni rang gi rigs kyi dkyil 'khor chen po las bshad pa'i phyag rgya bzhi ji lta ba bzhin du rang rang gi lha'i rnal 'byor byas la/ phyis gzungs kyi dkyil 'khor las bshad pa'i phyag rgya chen po la sogs pa bcings te/ rgyud phyi ma'i cho ga yang bya'o zhes bya ba'i cho ga 'dis bstan pa'i phyir/ de nas zhes bya ba la sogs pas de bzhin gshegs pa thams cad kyi rigs kyi gsang ba dam pa dngos grub kyi rgyud gsungs so/ /de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs te/ ji skad du bshad pa'o/ /de dag gi dngos grub dam pa'i gsang ba ni gzungs kyi dkyil 'khor las bshad pa'i phyag rgya chen po la sogs pa'i dngos grub po/ /de ston par byed pa'i rgyud ni bcom ldan 'das phyag na rdo rjes gsungs shing bshad pa'o/ /de la zhes bya ba'i sgra ni dmigs kyis dgar ba'o/ /dang po nyid ni thams cad kyi thog ma nyid do/ /de bzhin gshegs pa thams cad rnam par snang mdzad dang/ mi bskyod pa dang/ rin chen 'byung ldan dang/ 'od dpag tu med pa dang/ don yod grub pa rnams kyi rang bzhin no/ /dngos grub dam pa'i gsang ba ni gzungs kyi dkyil 'khor las bshad pa'i de bzhin gshegs pa'i phyag rgya chen po mngon sum du ma byas pa de nyid kyis skye bo thams cad kyi rab tu ma gyur pas na gsang ba'i ste/ de ston par byed pa ni rgyud do/ /sangs rgyas rnams kyi byang chub ni sangs rgyas byang chub ste/ rnam par snang mdzad la sogs pa de bzhin gshegs pa'i ngo bo'i thabs dang shes rab kyi rang bzhin no/ /de la sems
- 253b
rtse gcig tu dmigs pas na sangs rgyas byang chub ting nge 'dzin to/ /de'i sangs rgyas dang/ byang chub kyi ting nge 'dzin bsgom pa ni yang dang yang mngon du byas shing bsgoms pa'o/ /rab mnyam bzhag ni shin tu mnyam par gzhag pa'o/ /sems g.yeng ba med pa'o/ /byang chub bde ba thob 'gyur zhe na/ bsam gtan kyang ni rtog par bya/ /zhes bya ba ni dka' thub dang/ dka' bar spyod pa mi dgos pas sangs rgyas kyi byang chub bde ba'i ting nge 'dzin gyis thob par 'gyur ro zhes rnam par bsams nas/ bsam gtan dang rjes su mthun pa'i bza' ba dang btung ba la sogs pa bstan nas/ bsgom par byas nas sangs rgyas kyi byang chub khong du chud par 'gyur ro/ /de lta ma yin te/ dka' thub dka' spyad mi zad pas/ /lus skams 'gyur zhing sdug bsngal la/ /sdug bsngal gyis ni sems g.yengs pas/ /de ni rgyun chad 'gyur pa yin/ /zhes bcom ldan 'das kyis gsungs so/ /'di skad ston pa yin te/ rdo rje dbyings la sogs pa'i dkyil 'khor chen po las bshad pa'i rdo rje sems dpa' la sogs pa 'am/ de bzhin gshegs pa'i rnal 'byor byas la/ cho ga thams cad rjes su spyad nas phyag bzhi byas te/ phyis gzungs kyi dkyil 'khor las bshad pa'i rang gi de bzhin gshegs pa'i phyag rgya chen po bcings la/ rang gi snying ga'i zla ba la rdo rje rnam par bsams pa ste/ de'i dbus su oM badzra d+hA twi shwa ri hUM badzri Ni zhes bya ba la sogs pas rang gi rigs pa rnam par bsams te/ de nyid brjod cing rnam par snang mdzad la sogs pa'i de bzhin gshegs pa'i bdag nyid du bsgoms las sdug bsngal dang yid mi bde ba thams cad kyi skabs med par 'gyur ro/ /de ltar de bzhin gshegs pa'i gzungs kyi dkyil 'khor las bshad pa'i phyag rgya chen
- 254a
po'i dngos grub bshad nas/ da ni rdo rje sems dpa' la sogs pa'i de la 'di zhes bya ba la sogs pa gsungs te/ de bzhin gshegs pa'i rigs ni rdo rje sems dpa' la sogs pa'o/ /dam pa'i dngos grub ni gzungs kyi dkyil 'khor las bshad pa'i phyag rgya chen po'i dngos grub bo/ /de nyid kyi gsang ba de ston par byed pa'i rgyud do/ /snying gar bcing zhes bya ba ni gzungs kyi dkyil 'khor las bshad pa'i sems ma rdo rje ma'i phyag rgya bcings te/ nga yi chung ma khyod sdug pa/ /zhes bya ste/ byang chub kyi sems bsdus par gyur pa nyid kyis 'gengs pas na chung ma ste/ bdag nyid bskyed par byed pas na nga'i chung ma de bod pa'o/ /ji ltar bsgom par bya zhe na/ gang gis byang chub sems sdud par byed pa rgyud de rdo rje sems dpa' la sogs pa'i sgrub pa po la sdug pa'o/ /brtan par gyur cig ces smras nas zhes bya ba ni rang gi yan lag thams cad kyis 'khyud nas chu dang 'o ma bzhin du bdag nyid kyi lus dang/ ngag dang yid kyis lhan cig tu gyur pas na bsgrub pa pos rdo rje sems dpa' la sogs pa nas rdo rje 'bebs pa'i mthar thug pa'i de bzhin gshegs pa'i rigs kyis bshad zin pa'i lha rnams la d+h+re sti b+ha zhes de skad du brjod par bya'o/ /phyag rgya thams cad ni gzungs kyi dkyil 'khor las bshad pa'i phyag rgya chen po rnams so zhes bya ba ni nges par gzung ba'o/ /de bzhin gshegs pa'i rigs kyi gzungs kyi dkyil 'khor las bshad pa'i phyag rgya chen po thams cad bsgom par bya ba kho na'o zhes shes par bya'o/ / cho ga 'di yi tshul gyis ni/ /zhes bya ba ni bshad ma thag pa'i tshul gyis so/ /rang gi las rnams ma grub kyang zhes bya ba ni/ badzra hUM b+hand+ha sa ma ya stwaM zhes bya ba 'dis dngos grub ma grub na'o/ /kyang gi sgras ni grub pa yin yang zhes
- 254b
bshad pas so/ /de ltar byang chub kyi sems bskyed nas/ de bzhin gshegs pa thams cad dgug pa dang/ de bzhin gshegs pa thams cad rjes su chags pa dang/ yang dag par mnyes pa la sogs pa rang gi las rnams kyang dngos grub ma grub kyang bsgrub par bya'o/ /gang gi phyir de lta bu'i cho ga 'di'i tshul gyis gsang ba'i chung ma zhes bsgrub pa po smra zhing ngo/ /shin tu ni myur du'i don te/ dngos grub thob par 'gyur zhes bya ba'o/ /'di skad ston pa yin te/ rdo rje dbyings kyi dkyil 'khor chen po las bshad pa'i cho gas rdo rje sems dpa' la sogs pa rang gi lha'i rnal 'byor byas la/ cho ga thams cad rjes su spyad de phyag bzhi byas nas rang gi snying ga'i zla ba la sems dpa' i rdo rje rnam par bsams te/ gzungs kyi dkyil 'khor las bshad pa'i sems ma rdo rje ma'i phyag rgya bcings te/ oM badzro badzri Ni hUM/ zhes brjod cing bcom ldan 'das sems ma rdo rje ma rdo rje sems dpa' dang 'dra ba mdun du rnam bsams te/ 'di skad ces brjod par bya'o/ /nga yi chung ma khyod sdug pas/ /brtan par gyur cig ces smra la/ de nas sgrub pa po dang 'khyud par bya'o/ /de'i yan lag thams cad dang chu dang 'o ma bzhin du khyab pa gcig tu gyur par gnas te/ de'i rjes la gzungs kyi dkyil 'khor las bshad pa'i rang gi lha'i phyag rgya chen po bcings nas/ rang gi snying ga'i rdo rje dbus su bzlas pa'i yi ge rnam par bsams la/ de nyid brjod de rang gi lha'i phyag rgya chen po bsgom par bya'o/ /rdo rje rigs kyi dngos grub dam pa gsang ba'i rgyud ni/ de lta de ltar khros pa dang zhes bya ba la sogs pa smos te/ ji ltar bcom ldan 'das rdo rje hUM mdzad thugs rje thabs kyi khro bo khros pa yin gi/ nyon mongs pa'i khro bos de bzhin du khro ba ni ma yin no/ /rdo rje hUM mdzad kyi phyag rgya ni 'jig rten gsum las rnam par rgyal ba'i phyag
- 255a
rgyar gyur ba'i rdo rje hUM mdzad kyis gsod par mdzad pas na'o/ /de bzhin gshegs pa thams cad skrag ste dngos grub sbyin par 'gyur ro zhes bya ba ni de ltar gsod bas 'jigs shing skrags nas de bzhin gshegs pas dngos grub stsol bar 'gyur ro/ /'di skad ston pa yin te 'jig rten gsum las rnam par rgyal ba'i dkyil 'khor chen po las bshad pa'i cho gas rdo rje hUM mdzad la sogs pa'i rdo rje rigs kyi rnal 'byor byas la 'jig rten gsum las rnam par rgyal ba'i phyag rgya chen po bcings nas/ rang gi snying ga'i zla ba la hUM las 'bar ba'i rdo rje rnam par bsams te/ rdo rje hUM mdzad kyi phyag rgya bcing bar bya'o/ /'jig rten gsum las rnam par rgyal ba'i mthun pa'i rdo rje hUM mdzad kyi lha mos nam mkha' bkang la/ 'jig rten gyi khams thams cad kyi rdul phra rab dang mnyam pa'i de bzhin gshegs pa de rnams rdo rje hUM mdzad nas/ rdo rje 'bebs pa'i bar gyi rdo rje hUM mdzad la sogs pa'i ngo bor byas la/ phyis gzungs kyi dkyil 'khor las bshad pa'i rdo rje hUM mdzad la sogs pa'i phyag rgya chen po bcings te/ snying ga'i rdo rje la rigs pa'i yi ge rnam par bsams la/ de nyid brjod cing rdo rje hUM mdzad la sogs pa'i phyag rgya chen po'i gzugs su bdag nyid bsgom par bya'o/ / pad+ma'i rigs kyi gzungs kyi dkyil 'khor las bshad pa'i 'gro ba 'dul ba la sogs pa nas/ pad+ma 'bebs pa'i mthar thug pa'i ting nge 'dzin gyi phyag rgya chen po bcings te/ sgrub pa ni shin tu mnyam par bzhag pa'i rnal 'byor pas rdo rje lta bas blta bar bya'o/ /gang zhe na bdag gi chung ma 'am/ gzhan chung ma zhes bya ba ni rang gi gzugs sam rigs kyi lha la sogs pa'i lha mo sdug pas ni ji ltar mngon par 'dod pa'i dngos grub thob par 'gyur ro/ /de'i don ni 'di skad ston
- 255b
pa yin te/ 'gro ba 'dul ba'i dkyil 'khor chen po las gsungs pa'i rang gi lha'i rnal 'byor byas la cho ga thams cad rjes su spyad de/ phyag bzhi byas nas/ phyis gzungs kyi dkyil 'khor las bshad pa'i rang gi gzungs gyi rig pa brjod cing/ rang gi gzungs kyi phyag rgya chen po bcings te/ rang gi snying ga'i pad+ma la rig pa bkod la/ de nyid brjod cing pad+ma'i rigs kyi gzungs kyi lha mo rnams kyis nam mkha' i khams gang bar byas nas/ phyis rang gi gzungs la lta bas blta zhing bsgoms na de lta bus 'grub par 'gyur ro/ /bsgrub par bya ba'i gzungs kyi lha mo'i lus dang sgrub pa po'i lus kyi dbang po gnyis mnyam par sbyar ba des snyoms par 'jug cing 'dres pas cig tu gyur par bsgoms pa'i bdag nyid de las byung ba la/ /bde ba mchog dam pa nam mkha' dang mnyam pa'i ye shes bskyed pa'i rgyu ni de yin pa'i phyir ro/ /bde mchog ces smra bar byed cing yid kyis bsam mo/ /nyid kyi dbang po ni rang gi lus thams cad phul nas 'grub par 'gyur ro/ /'di'i don ni 'di ltar shes par bya ste/ don thams cad grub pa'i dkyil 'khor chen po las bshad pa'i don thams cad grub pa'i rnal 'byor byas la/ cho ga thams cad rjes su spyad de/ phyag bzhi byas nas/ nor bu rigs kyi gzungs kyi dkyil 'khor las bshad pa'i rang gi lha'i phyag rgya chen po bcings te/ rang gi snying ga'i zla ba la rdo rje rin po che'i dbus su rig pa'i yi ge rnam par bsams te/ de nyid zlos shing mdun du gzungs kyi phyag rgya'i lha mo'i gzugs su snang bar bsams te/ de dang lhan cig tu mnyam par sbyor bas bsam mo/ /de dang mnyam par sbyor ba'i rjes las sems tshim pa dang/ 'jig rten gyi khams thams cad kyi rdul phra rab dang mnyam pa'i gzugs kyi lha mo rang gi snying ga na gnas pa'i rdo rje rin po che las sprul nas 'jig rten gyi
- 256a
khams thams cad kyi rdul phra rab dang mnyam pa'i de bzhin gshegs pa dang mnyam par sbyor bas tshim pas rang gi ngo bor bsgom par bya'o/ /de lta bu'i dbang po gnyis de bzhin gshegs pa thams cad la dbul bar bya'o/ /'khrig pa spangs pa'i bslab pa yongs su gzung ba rnams don dam par na chos thams cad gzugs brnyan dang mtshungs so zhes lhag par mi mos shing/ dmigs pa la kun tu spyod pa la thams cad mnyam par sbyor ba'i sgom pa de sbyin par bya'o/ /de skad du yang gsang ba sra zhing mtho ba'i 'khrig pa spong ba'i bslab pa yongs su bzung ba'i mdor bstan pa las/ bud med thams cad bkug nas su/ /'khrig pa'i mdun ni spang bar bya zhes gsungs so/ /de ltar de bzhin gshegs pa'i rigs kyi gsang ba'i dngos grub dam pa'i rgyud bstan nas/ da ni de nas zhes bya ba la sogs pas rigs thams cad kyi dam tshig gi gsang ba'i dngos grub kyi rgyud gsungs so/ /de bzhin gshegs pa thams cad kyi rigs kyi dam tshig gi dngos grub kyi gzungs kyi dkyil 'khor las bshad pa'i dam tshig gi phyag rgya'i dngos grub po/ /de nyid kyi gsang ba de ston par byed pa'i rgyud ni bcom ldan 'das phyag na rdo rje gsungs pa'o/ /sa ma yastwaM zhes brjod cing/ bud med kun la chags spyad la/ /zhes bya ba ni rigs bzhi'i gzungs kyi dkyil 'khor las bshad pa'i gzungs kyi dam tshig gi phyag rgya de bzhin gshegs pa rnams la chags par bya'o zhes bya ba'i don no/ /sems can don gyis skyob mdzad ces brjod la phyis de bzhin gshegs pa dang/ rang gi rig pa la chags par bya'o/ /de ni 'di skad ston pa yin te/ rdo rje dbyings kyi dkyil 'khor chen po las bshad pa'i cho gas rnam par snang mdzad la sogs pa'i rang bzhin shes pa'i rnal 'byor pas
- 256b
sems so sor rtogs pa'i rim pa nas btsams te/ dngos grub kyi rdo rje brtul zhugs blang ba'i bar dang/ rang la byin gyis brlab pa la sogs pa byas nas phyag bzhi byas te/ phyis gzungs kyi dkyil 'khor las bshad pa'i/ oM badzra d+hA twi shwa ri hUM badzri Ni zhes bya ba la sogs pa'i rang gi rig pa brjod nas/ ji lta ba bzhin du rdo rje dbyings kyi dbang phyug ma la sogs pa'i dam tshig gi phyag rgya bcings te/ rang gi snying ga'i rdo rje la rig pa'i ye shes rnam par bkod de/ /rdo rje dbyings kyi dbang phyug ma la sogs pa'i rig pa'i lha mo de rnams mdun du rnam par bsams te/ rnam par snang mdzad la sogs pa'i de bzhin gshegs pa bsgom zhing/ 'di skad brjod par bya'o/ /sa ma yastwaM ma pi ra ga satwa arthaM/ de'i rjes la de dang bdag nyid 'khyud nas dbang po gnyis mnyam par sbyor bas mi byed par rnam par bsams te/ de'i rigs pa ji lta ba bzhin du bkod la/ bzlas pa dang bsgom par bya'o/ /'dod chags la ni zhes bya ba la rdo rje sems dpa' la sogs pa nas rdo rje 'bebs pa'i mthar thug pa'i de bzhin gshegs pa'i rigs de brnyas par mi bya ste/ 'di khyad du bsad par mi bya'o/ /'di byas na cir 'gyur/ ci'i phyir smad par mi bya zhe na/ gang gi phyir bud med kun dang rtse byed pa zhes bya ba smos te/ de bzhin gshegs pa thams cad kyi rigs kyi gzungs kyi dkyil 'khor las bshad pa'i dam tshig gi lha la chags shing rang gis rig par bya'o/ /rdo rje rnams kyi gsang dam tshig /ces bya ba ni bcom ldan 'das rdo rje 'chang chen po'i gsang ba'i dam tshig 'di sems shing bsgrub pa'i phyir/ skye bo thams cad thun mong ma yin pa'i gsang pa'i dam tshig gi ngo bo'i dngos po bsrung shing bsgoms na rnal 'byor pas 'grub par 'gyur ro zhes bya ba ni de bzhin gshegs pa'i rigs 'grub
- 257a
ba'o/ /de'i don ni 'di ltar she spar bya ste/ rdo rje dbyings kyi dkyil 'khor chen po las bshad pa'i cho gas rdo rje sems dpa' i rnal 'byor dang rang la byin gyis brlab pa la sogs pa byas la/ de nas phyag bzhi byas te/ de'i rjes la snying gar rdo rje sems dpa' i rdo rje rnam par bsams nas gzungs kyi dkyil 'khor las bshad pa'i rang gi dam tshig gi phyag rgya bcings te/ rdo rje dbus su rang gi rig pa bsams la/ de nyid brjod cing rang gi gzungs kyi dam tshig gi phyag rgya'i rang gi rig pa'i lha mo mdun du bsams te/ de nas de dang lhan gcig tu mnyam par sbyor bar bsgom par bya'o/ /gsod pas 'jig rten bsad byas nas zhes bya ba ni bdag nyid dam 'khor ba'i dngos por snang ba med pa byas nas/ rdo rje hUM mdzad la sogs pa rdo rje rigs kyi rang bzhin du bskyed par bya'o/ /de ltar bdag nyid bsad nas 'jig rten bsad par bya ba'i phyir de bzhin gshegs pa dang/ sems can gyi khams thams cad rdo rje rigs kyi rang bzhin du shes par bya'o/ /bsad par byas pas ci zhig tu 'gyur zhe na/ lus ngag las bzang 'gyed pa dang zhes bya ba smos te/ lus dang ngag gi las ni lus ngag gi las te/ lus dang ngag dang yid rnams so zhes bya ba'i don no/ /de nyid thugs rje chen po las byung ba'i phyir las bzang po'o/ /de dag gi don la dgyes pa ni lus dang ngag gi las dge ba ste/ hUM mdzad rnam pa bzhi'o/ /mchags pa dang ma sdang ba dang ma rmongs pa'i thugs rje chen po las byung ba'i rdo rje hUM mdzad la sogs pa'i rdo rje'i rigs kyi lus dang/ ngag dang yid dang/ rjes su 'thun pa zhes bya ba'i don no/ /de ltar gyur pa'i hUM mdzad des gsod par byed pa'i don ci yin zhe na/ rnam dag phyir zhes bya ba smos te/ rang dang
- 257b
gzhan gyi rgyud rnam par sbyong ba yin no zhes bya ba'i don no/ /dam tshig don ni grub sbyin pa'o zhes bya ba ni de ltar gyur pa'i gsod pa'i mtshan nyid 'di dam tshig ste mi 'da' ba' i don no/ /don gyi grub pa sbyin pa ni rdo rje rigs kyi gzungs kyi dkyil 'khor las bshad pa'i dam tshig gi phyag rgya'i dngos grub tu ster ro zhes bya ba'i don no/ /'di skad ston pa yin te 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad la sogs pa'i rnal 'byor sngon du 'gro bas cho ga thams cad rjes su spyad la phyag bzhi byas te/ 'jig rten gsum las rnam par rgyal ba bcings te/ hUM hUM hUM hUM zhes bya ba brjod cing/ rdo rje hUM mdzad kyi bdag nyid du bsgom par bya'o/ /dam tshig gi phyag rgya bcings nas rdo rje hUM mdzad kyi lha mo'i gzugs su sprul nas/ de bzhin gshegs pa la sogs pa dang/ sems can gyi khams thams cad khro bo 'bebs pas rab ste/ 'khyud cing rdo rje'i rigs kyi rang bzhin du bsams par bya'o/ /de nas rang gi snying gar 'bar ba'i rdo rje la rang gi gzungs kyi rigs pa'i yi ge bkod la de nyid brjod cing rang gi gzungs kyi phyag rgya bcings te/ rdo rje hUM mdzad la sogs pa'i sku dang/ gsung dang/ thugs rdo rje'i rang bzhin du bdag nyid bsgom par bya'o/ /gzungs kyi lha mo dang mnyam par sbyor ba bsgoms pas chags pa'i mtshan nyid bstan nas/ da ni pad+ma'i rigs kyi rnal 'byor pa'i chags pa ni chos thams cad rang bzhin gyi rnam par dag pa sgyu ma lta bu dang/ mnyam par sbyor ba'i bsgom pa la 'jug pa'o/ /dag pa'i bdag nyid ni de dag pa'i bdag nyid de/ thabs dang shes rab kyi ting nge 'dzin rdzogs pa'i phyir dang/ 'dod chags la sogs pa nyon
- 258a
mongs pa dang/ nye ba'i nyon mongs pa spang ba'i phyir/ dag pa zhes bya ba'i don no mu stegs rnal 'byor can ma dag /ces bya ba ni dngos por 'dzin pas mngon par zhen pa'i mu stegs can rnams dang/ nyan thos dang/ rang rgyal ba'i rnal 'byor ba rnams ni ma dag pa ste/ dngos por 'dzin pa'i mngon par zhen pa las 'dod chags la sogs pa skye'o zhes bya ba'i don no/ /dag pa'i bdag nyid dam tshig ni/ /bsrungs na dngos grub thob par 'gyur/ / zhes bya ba ni de ltar gyur pa'i 'dod chags kyi dam tshig de ni sgyu ma lta bu'i mnyam par sbyor ba'i bsgom pa dang ldan pa de rnams sgyu ma dang mtshungs pa mnyam par sbyor ba'i mtshan nyid dam tshig bsrungs na dngos grub thob par gyur pa ni pad+ma'i rigs kyi gzungs kyi dam tshig gi phyag rgya'i dngos grub thob pa'o/ /'di skad ston pa yin te/ 'gro ba 'dul ba'i dkyil 'khor chen po las bshad pa'i 'gro ba 'dul ba la sogs pa pad+ma'i rigs kyi rnal 'byor byas la/ cho ga thams cad rjes su spyad de/ phyag bzhi byas nas phyis 'gro ba 'dul ba'i gzungs kyi dkyil 'khor las bshad pa'i rang gi gzungs kyi dam tshig gi phyag rgya bcings te/ rang gi snying ga'i rdo rje pad+ma'i steng du rang gi gzungs kyi rigs pa'i yi ge rnam par bkod la/ de nyid brjod cing rang gi gzungs kyi lha mo mdun du bsams par bya'o/ /de nas de dang lhan cig tu mnyam par sbyor ba bsgoms te/ chos thams cad rang bzhin gyis rnam par dag pa sgyu ma dang mtshungs so zhes nges par bya'o/ /rdo rje nor bu sngar bcings la/ /zhes bya ba ni nor bu'i rigs kyi gzungs kyi dkyil 'khor las bshad pa'i rdo rje nor bu chen po'i dam tshig gi phyag rgya rdo rje nor bu sngar bcing bar bya'o/ /rdo rje snying po'i
- 258b
ting 'dzin gyis/ /zhes bya ba ni don thams cad grub pa'i dkyil 'khor chen po las bshad pa'i rang gi lus 'phags pa nam mkha' i snying po'i nga rgyal bya'o/ /ma rungs rnams kyi nor phrog na/ /zhes bya ba ni gdug pa can gyi rgyal po la sogs pa gang yin pa rnams rtsar 'dug nas dkon mchog gsum la gnod pa byed cing de rnams kyi 'byor ba dang nor yod pa gang yin pa mi ster ba dang/ nam mkha' dang mnyam pa'i chos gang yin pa la mi 'jug pa'i rgyal po la sogs pa ma rungs pa de dag las bdag po phrogs nas/ ser snas nor gyi rdzas su 'dzin pa'i mngon par zhen pa rnams nam mkha' dang mnyam pa'i ye shes bskyed pas rdzas 'dzin pa'i mngon par zhen pa'i mtshan nyid kyi nor bu phrogs pa'o/ /dam tshig dngos grub sbyin par byed ces bya ba ni de ltar gyur pa'i rnal 'byor pa des nor phrogs par byed pa'i nor bu'i rigs kyi gzungs kyi dkyil 'khor las bshad pa'i dam tshig gi phyag rgya'i mtshan nyid kyi dam tshig gi de las mi 'da' ba' i don te/ dngos grub sbyin pa ni dngos grub rab tu ster bar 'gyur ba'o/ /de'i don ni 'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa la sogs pa'i rnal 'byor byas nas/ cho ga thams cad rjes su sbyad la phyag bzhi byas te/ rang gi snying ga'i zla ba la rdo rje rin po che bsams nas/ rdo rje nor bu'i rigs kyi gzungs kyi dkyil 'khor las bshad pa'i dam tshig gi phyag rgya bcings te/ bcom ldan 'das ma rdo rje nor bu chen po'i btsun mo don thams cad grub pa la sogs pa'i gzugs 'dzin par bdag nyid bsams nas rang gi snying ga las phyogs bcu'i 'jig rten gyi khams thams cad rdul phra rab dang mnyam pa bskyed la/ mgu bar byas nas/ de nas des rgyal po la sogs pa ma
- 259a
rungs pa thams cad kyi longs spyod dang bral bar bya'o/ /nam mkha' dang mnyam pa'i ye shes kyis nor bu'i rigs kyi rang bzhin du bskyed la/ yang des de dang 'khyud cing de yang sgyu ma dang mtshungs pas lhan cig tu mnyam par sbyor bar bsgom par bya'o/ /de nas de dang gcig tu gyur pas 'phags pa nam mkha' i snying po'i bdag nyid du bsams te/ nor bu'i rigs kyi gzungs kyi dkyil 'khor las bshad pa'i rang gi gzungs kyi dam tshig gi phyag rgya bcings la rang gi snying ga'i rdo rje rin po che la rang gi gzungs kyi rigs pa'i yi ge bkod de/ de nyid zlos shing 'phags pa nam mkha' i snying po rang gi dam tshig gi phyag rgya'i lha mo dang mnyam par sbyor bas bsgom par bya'o/ /de ltar de bzhin gshegs pa thams cad kyi rigs kyi dam tshig gi dngos grub kyi gsang ba'i rgyud bstan nas/ da ni de nas zhes bya ba la sogs pas de bzhin gshegs pa thams cad kyi chos kyi dngos grub kyi gsang ba'i rgyud gsungs so/ /de bzhin gshegs pa thams cad kyi rigs ni snga ma bzhin no/ /de dag gis chos kyi dngos grub ni gzungs kyi dkyil 'khor las bshad pa'i chos kyi phyag rgya'i dngos grub po/ /de nyid kyi gsang ba ston pa ni rgyud de bcom ldan 'das phyag na rdo rjes gsungs pa'o/ /chos rnams rang bzhin dag par ni/ /zhes bya ba la sogs rnams bshad zin to/ /dgos pa thams cad byas nas ni/ /sangs rgyas pa yi dngos grub thob/ /ces bya ba ni phyag 'tshal ba la sogs pa'i dgos pa thams cad byas pa'o/ /sangs rgyas kyi dngos grub ni sangs rgyas rnams kyis byas pa'o/ /de'i dngos grub thob pa ni gzungs kyi dkyil 'khor las bshad pa'i chos kyi phyag rgya'i dngos grub ces bya ba'i don no/ /'di skad ston pa yin te/ snga ma bzhin du rdo rje dbyings kyi dkyil 'khor
- 259b
chen po las bshad pa'i rang gi de bzhin gshegs pa'i rnal 'byor byas la/ chos thams cad sgyu ma dang mtshungs pa yin no zhes bsgom nas/ phyag bzhi bya ba'i mthar thug pa'i cho ga thams cad rjes su spyad la/ gzungs kyi dkyil 'khor las bshad pa'i rang gi chos kyi phyag rgya lce la rnam par bkod de/ rang gi snying ga'i zla ba la gnas pa'i rdo rje la chos kyi phyag rgya'ang de nyid du bkod la/ de nyid brjod la rang gi gzungs kyi lha mo'i gzugs su sprul nas 'jig rten gyi khams rdul phra rab dang mnyam pa'i sems can gyi khams dang yang dag par sbyor ba'i bsgom pa mngon du 'gro bas sangs rgyas nyid la rab tu 'jog pa bsam par bya'o/ /de'i rjes la rang nyid dang mnyam par sbyor ba bsgom par bya'o/ / de ltar chos thams cad rang bzhin gyis rnam par dag pa'o zhes bsgoms na bya ba byas par 'gyur/ de bzhin gshegs pa'i rigs kyi ni sems can de dag dang kun la chags pa bsgoms pas chos kyi phyag rgya'i rang bzhin gyi gzungs kyi yul de rnams la skyo bar ma gyur cing/ mngon par dga' ba'i mnyam par sbyor ba la chags pa dang ma bral bar bsgom pa'o/ /bud med ni gzungs kyi lha mo rnams so/ /de dag la dga' ba'i dag pa ni gzugs brnyan dang mtshungs pa'i rnal 'byor bsgoms pa'o/ gsang chos dngos grub mchog sbyin no/ /zhes bya ba ni gzugs brnyan dang mtshungs pa'i rnal 'byor bsgoms pas nyid kyi gsang ba'i chos sems dpar byed pa yin no/ /gang gi phyir de ltar gyur pa'i gsang ba'i chos dam pa'i dngos grub dam pa bzang po yin pa'i phyir/ rdo rje 'dzin pa chen po nyid kyis mchog gi dngos grub 'di gsungs so/ /de'i don ni 'di skad ston pa yin te/ snga ma bzhin du rdo rje dbyings kyi dkyil 'khor chen po las bshad pa'i rdo rje sems dpa' i rnal 'byor byas la/ phyag bzhi bya ba'i mthar
- 260a
thug pa'i cho ga thams cad rjes su spyad la/ phyis rdo rje sems dpa' la sogs pa'i phyag rgya chen po bcings te/ rnam par snang mdzad la sogs pa'i de bzhin gshegs pa thams cad mngon du 'gro bas/ de bzhin gshegs pa'i rigs thams cad sprul/ gzungs kyi dkyil 'khor las bshad pa'i chos kyi phyag rgya lce la rnam par bsams te/ yang snying ga'i rdo rje la de nyid rnam par bkod nas/ de nyid brjod cing rang gi snying gi las rdo rje dbyings kyi dbang phyug ma la sogs pa nas/ rdo rje 'bebs pa'i mthar thug pa'i gzungs kyi lha mo'i tshogs phyung la de bzhin gshegs pa rnam par snang mdzad la sogs pa nas brtsams nas/ rdo rje 'bebs pa'i mthar thug pa'i de bzhin gshegs pa'i rigs rnams dang/ rang gi gzungs kyi lha mo dang mnyam par sbyor ba bsams te/ rang gi gzungs kyi lha mo dang gcig tu sgyu ma lta bur mnyam par sbyor bar bsgom par bya'o/ /sna yi hUM gi sbyor ba yis/ /zhes bya ba ni rnal 'byor pas hUM zhes brjod pas sna'i hUM gi sbyor ba de nyid ni sna'i hUM gi sbyor ba'o/ /gdug pa thams cad bsad na ni/ /zhes bya ba ni mi dge ba la 'jug pa thams cad ni gdug pa thams cad de/ sna'i hUM gi sbyor ba 'dis rnam par spangs la ni bsad pa'o/ /'khor ba'i bdag nyid kyi dngos po de dag bsad nas des rdo rje rigs kyi rang bzhin du byas pa'o/ /ji ltar yin zhe na/ phra mo rdo rje la gnas nas zhes bya ba smos te/ rdo rje rigs kyi chos kyi dkyil 'khor gyi khro bo'i ting nge 'dzin la snyoms par zhugs pa zhes bya ba'i don no/ /chos kyi dngos grub thob par 'gyur/ /zhes bya ba ni sna'i hUM gi sbyor bas rdo rje khro bo'i ting nge 'dzin la gnas te/ gdug pa thams cad bsad na ni/ /rdo rje rigs
- 260b
kyi gzungs kyi dkyil 'khor las bshad pa'i chos kyi phyag rgya'i dngos grub thob par 'gyur ro/ /de'i don ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas la/ dngos grub kyi cho ga thams cad rjes su spyad nas/ 'jig rten gsum las rnam par rgyal ba'i chos kyi dkyil 'khor las bshad pa'i rang gi khro bo'i phyag rgya chen po bcings te/ sna'i rtse mo hUM las rdo rje phra mo bsgoms te/ thun bzhi'i sbyor ba bya'o/ /de la spro ba bsdu ba'i sbyor bas yang zla ba gcig bya'o/ /de'i rjes la yang mtshan thog thag bsgoms na de nas sems brtan par 'gyur ro/ /de nas gzungs kyi dkyil 'khor las bshad pa'i dngos grub bsgrub par 'dod na 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas la/ sna'i hUM gi sbyor bas rdo rje phra mo sprul te/ 'jig rten gyi khams thams cad kyi rdul phra rab dang mnyam pa'i sems can gyi khams rnams yid kyis thal bar byas te/ rdo rje rigs kyi ngo bor bskyed la/ phyis rdo rje rigs kyi gzungs kyi dkyil 'khor las bshad pa'i rang gi gzungs kyi chos kyi phyag rgya lce la rnam par bsams te/ yang snying ga'i rdo rje de la yang rnam par bsams te de nyid zlos shing rang gi khro bo'i gzugs kyi rang bzhin rnam par dag pa gzugs brnyan dang mtshungs par bya'o/ /rdo rje phra mo'i tshul gyis ni/ /rdo rje chos kyis ting 'dzin gyis/ /bud med kun dang rtse byed na/ /zhes bya ba ni rnal 'byor cig brtan par byas nas/ phyis thams cad du khyab pa'i sbyor ba bsgoms pa ni rdo rje phra mo'i tshul gyis rdo rje phra mo'i tshul des phyag rgya'i lha'i
- 261a
bud med kun bdag nyid kyis rtse bar byed pas thams cad du spros pa'i mnyam par sbyor bar bya'o/ /chos kyi dngos grub thob par 'gyur/ /zhes bya ba ni pad+ma'i rigs kyi gzungs kyi dkyil 'khor las bshad pa'i chos kyi phyag rgya'i dngos grub ni chos kyi dngos grub te de thob pa'o/ /ting nge 'dzin gang gis she na/ rdo rje chos kyi ting nge 'dzin gyis zhes bya ba smos te/ 'gro ba 'dul ba'i chos kyi dkyil 'khor chen po las bshad pa'i rang gi 'jig rten dbang phyug gi rnal 'byor byas nas zhes bya ba'i don no/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi rnal 'byor byas nas phyag bzhi bya ba'i mthar thug pa'i cho ga rjes su spyad la/ phyis gzungs kyi dkyil 'khor las bshad pa'i rang gi lha'i chos kyi phyag rgya lce la rnam par bsam par bya'o/ /de nas rang gi snying ga'i zla ba la gnas pa'i rdo rje pad+ma nyid yang bsam par bya'o/ /de nyid zlos shing mdun du rang gi chos kyi phyag rgya'i gzungs kyi lha mo bsams nas de nas de dang lhan cig tu mnyam par sbyor bas bsgoms la ji srid snang ba thob par gyur pa de srid kyi bar du bsgoms par bya'o/ /de nas spyi bo dang bsdu ba'i sgo nas ji srid du nam mkha' i khams yongs su gang bar mthong ba de srid kyi bar duAng bsgom par byas nas/ de'i rjes la mtshan thog thag bsgoms na 'phags pa spyan ras gzigs dbang phyug tu 'gyur ro/ /dbang po gnyis ni sgrub pa po'i dbang po dang/ bsgrub par bya ba'i lha'i lus kyi dbang po de gnyis gcig tu gyur pa ni/ dbang po gnyis ni mnyam sbyar pa'o/ /dbang po de gnyis kyi mnyam bar sbyor bas ni re ba thams cad de bdag nyid kyis nor bu'i rigs thob bar 'dod pa de yongs su
- 261b
bskangs pa'o/ /gzhan nor bu'i rigs dang mnyam par sbyor ba bsgom pa ste/ de dag kyang de ltar thams cad du song bas na bya ba yin no/ /gang bsgoms pas she na/ bud med dam ni sdug pa yis/ /dngos grub bla med thob par 'gyur/ /zhes bya ba smos te/ gzungs kyi dkyil 'khor las bshad pa'i chos kyi phyag rgya'i gzungs kyi lha mo ni bud med do/ /sdug pa ni don thams cad grub pa'i dkyil 'khor chen po las bshad pa'i don thams cad grub pa la sogs pa'i sems dpa' rnams so/ /de dag dang 'brel ba'i dngos grub thob par gyur pa'o/ /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ phyag bzhi bya ba'i mthar thug pa'i cho ga thams cad rjes su spyad nas/ phyis nor bu'i rigs kyi gzungs kyi dkyil 'khor las bshad pa'i rang gi lha'i chos kyi phyag rgya lce la rnam par bsams te/ yang rang gi snying gar traM las rdo rje rin po che bskyed la/ dbus su rang gi gzungs kyi chos kyi phyag rgya rnam par bsams te/ de nyid brjod cing rin po che'i gzungs kyi lha thams cad rang gi snying ga'i rdo rje rin po che las phyung la/ de thams cad du song ba dang mnyam par sbyor ba bsgom par bya'o/ /de ltar rigs thams cad kyi gzungs kyi dkyil 'khor phyag rgya'i dngos grub kyi cho ga rgyas par bstan nas/ de ni de nas zhes bya ba la sogs pa de bzhin gshegs pa thams cad kyi las kyi dngos grub kyi rgyud gsang ba gsungs so/ /de bzhin gshegs pa'i rigs thams cad ni bshad zin to/ de dag gi las kyi dngos grub ni gzungs kyi dkyil 'khor las bshad pa'i las kyi phyag rgya'i dngos grub rnams so/ /de nyid kyi gsang ba de ston par byed pa'i rgyud ni las kyi dngos grub kyi rgyud gsang ba gsungs so/ /bcom
- 262a
ldan 'das phyag na rdo rjes gsungs shing bshad pa'o/ /rdo rje sems dpa' i ting 'dzin gnas/ /zhes bya ba ni rang gi snying ga'i rdo rje sems dpa' de la dmigs pa'i sems ni rdo rje sems dpa' i ting nge 'dzin to/ /sangs rgyas rjes su dran bsgoms la/ /zhes bya ba ni sgrub pa po rang nyid kyi lus de gnas pa'i rnam par snang mdzad la sogs pa'i gzugs su bya'o/ /bud med lus kyi bu gar zhugs/ /zhes bya ba bud med kyi b+ha ga'i lam nas zhugs pas bud med rnams dbang du byed par 'gyur ro/ /'di skad ston pa yin te/ rdo rje dbyings la sogs pa'i dkyil 'khor chen po las bshad pa'i rang gi de bzhin gshegs pa'i rnal 'byor byas la/ phyag bzhi la mthar thug pa'i rang gi cho ga thams cad rjes su spyad nas phyis las kyi phyag rgya bcings te/ /rang gi snying ga'i zla ba'i rdo rje rtse lnga pa la gzungs kyi rigs pa'i yi ge bsams par byas nas/ de nyid brjod cing rnam par snang mdzad la sogs pa'i de bzhin gshegs pa'i bdag nyid nges par byung la/ mdun du rang gi gzungs kyi lha mo bsam par bya'o/ /de nas de ni lus kyi bu gar ji skad bshad pa bzhin du yid kyis zhugs nas/ de'i rjes la de'i snying gar gnas te/ de'i lus thams cad la khyab par bsgom par bya'o/ /rdo rje sems dpa' i ting 'dzin gnas/ /zhes bya ba snga ma bzhin no/ /bu ga nas ni de bzhin zhugs/ /zhes bya ba la sogs pa ni bshad zin to/ /de'i don ni 'di skad ston pa yin te/ rdo rje dbyings kyi dkyil 'khor chen po las bshad pa'i rdo rje sems dpa' la sogs pa de bzhin gshegs pa'i rigs kyi rnal 'byor byas la phyag bzhi mthar thug pa'i cho ga rjes su spyad nas/ phyis gzungs kyi dkyil 'khor la bshad pa'i rang
- 262b
gi lha'i las kyi phyag rgya bcings te/ rang gi snying ga'i rdo rje la rang gi gzungs kyi rigs pa rnam par bsams te/ de nyid zlos shing sems dpa' chen po ni bdag rang yin no zhes rnam par bsams la/ mdun du gzungs kyi lha mo rnam par bsams nas/ ji skad du bshad pa'i lam nas yid kyis lus kyis zhugs te/ de dang de'i snying gar gnas nas yan lag thams cad la khyab par bsgom par bya'o/ /rdo rje hUM mdzad kyi phyag rgya ni 'jig rten gsum las rnam par rgyal pa'i phyag rgya de bcings pa'o/ /rnam pa g.yeng ba spangs pa'i sems kyis ji skad du bshad pa'i bu ga nas khro ba dang bcas pas zhugs nas rang gi gzungs kyi lha mo'i lus dang sems brgyal zhing dbang du byed par 'gyur ro/ /de ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i rnal 'byor byas la/ phyag bzhi la mthar thug pa'i cho ga thams cad rjes su spyad de/ rang gi snying ga'i rdo rje 'bar ba'i dbus su yi ge hUM rnam par bsams nas/ 'jig rten gsum las rnam par rgyal ba'i las kyi phyag rgya rnam par bcings te/ hUM de nyid brjod bcings mdun du lha mo'i lus kyi ji skad bshad pa'i bu ga nas khro ba dang bcas pa'i yid kyis zhugs te/ de nas de'i snying gar gnas nas yan lag thams cad khyab par byas nas/ gzungs kyi dkyil 'khor las bshad pa'i las kyi phyag rgya bcings te/ rang gi gzungs kyi rig pa zlos shing bsgom par bya'o/ /de ltar na de'i gzungs 'gyur ba yin no/ /pad+ma'i rigs kyi gzungs kyi dkyil 'khor gyi gzungs kyi las kyi phyag rgya ni chos kyi las kyi phyag rgya de bcings nas pad+ma'i ting 'dzin gyis/ zhes bya ba ni rang gi snying ga'i rdo rje pad+ma la dmigs pa'i
- 263a
sems ni pad+ma la dmigs pa'i ting nge 'dzin to/ /pad+ma'i ting nge 'dzin des ji skad bshad pa'i gzungs kyi lus kyi bu ga nas yid kyis zhugs pa'i rnal 'byor pas bud med rnams /thams cad kyang ni bsrung bar 'gyur/ /zhes bya ba ni gzungs kyi lha mo thams cad bsrungs pas rang gi bkas dbang du byed par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa'i 'gro ba 'dul ba'i rnal 'byor byas la/ snga ma bzhin du cho ga thams cad rjes su spyad nas/ rang gi snying ga'i zla ba'i rdo rje pad+ma'i steng du rang gi gzungs kyi rigs pa'i yi ge rnam par bkod la/ rang gi lha'i las kyi phyag rgya bcings te/ 'jig rten dbang phyug tu bdag nyid rnam par bsams nas/ mdun du gzungs kyi lha mo gcig gam pad+ma'i rigs kyi gzungs kyi lha mo thams cad rang gi gzungs kyi rigs pa zlos shing sprul la/ rang gi gzungs de'i ji skad bshad pa'i lus kyi bu ga nas yid kyis zhugs la lus thams cad khyab par byas nas/ de nas de'i snying ga 'am thams cad kyi snying gar bzhag ste/ yan lag thams cad bkang nas bsgom zhing bzlas pa'o/ /don thams cad grub pa'i dkyil 'khor chen po las bshad pa'i nor bu mchod pa'i dam tshig gi phyag rgya'i las kyi rdo rje nor bu de bcings te/ nor bu mchod pa'i sngags brjod par bya'o/ /rdo rje rin chen ting 'dzin gyis/ /zhes bya ba ni rang gi snying ga'i rdo rje rin po che la dmigs pa'i sems ni rdo rje rin po che'i ting nge 'dzin to/ /ting nge 'dzin des ji skad bshad pa'i lus kyi bu ga nas yid kyis zhugs pa'o/ /bud med rnams ni gzungs rnams so/ /skad cig gis phab gar byed 'gyur/ /zhes bya
- 263b
ba ni lha mo de dag gi lus kyi rnal 'byor pas/ rang gi dbang du byas nas/ de nyid la gnas nas gar byed par 'gyur ro/ /de'i don ni 'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas la de bzhin du cho ga thams cad rjes spyad nas/ rang gi snying ga'i rdo rje rin po che rnam par bsams te/ rang gi gzungs kyi las kyi rig pa'i yi ge de'i dbus su rnam par bsams nas de nyid zlos shing rang gi gzungs kyi las kyi phyag rgya bcings te/ don thams cad grub pa la sogs pa sems dpa' chen po bdag nyid rang yin no zhes bsams par bya'o/ /rang gi snying gar gnas pa'i rdo rje rin po che las rang gi gzugs kyi sprul pa mdun du bzhag ste/ dkyil 'khor chen po las bshad pa'i nor bu'i mchod pa'i las kyi rdo rje nor bu ma bcings te/ de'i sngags brjod cing ji skad du bshad pa'i lus de'i lam las 'jug par bya'o/ /de nas de'i snying gar 'dug nas yan lag thams cad la khyab par byas nas bdag nyid kyi nor bu mchod pa'i gar bya'o/ /gzungs kyi las kyi phyag rgya bcings te/ rang gi gzungs kyi rig pa zlos shing bsgom par bya'o/ /de ltar rigs thams cad kyi las kyi cho ga rgyas pa'i gsang ba'i dngos grub kyi rgyud bshad nas/ da ni dkyil 'khor chen po'i dbang du byas nas gsungs pa'i rgyud phyi ma las bshad pa'i cho gas mtshan ma thob pa dang/ mngon par shes pa skyes pa'i sgrub pa pos dkyil 'khor bris nas gzungs bsgrub par bya'o zhes bya ba'i don bstan pa'i phyir / de nas zhes bya ba la sogs pas de bzhin gshegs pa thams cad kyi rigs kyi dkyil 'khor dag pa'i dngos grub kyi gsang ba'i rgyud gsungs so/ /de bzhin gshegs pa thams cad kyi rigs ni ji skad du bshad pa'o/ /de dag gi dkyil
- 264a
'khor ni gzungs kyi bsgrub ba pos de nyid kyi 'khor lo ni bsgrub pa'i dkyil 'khor ro/ /de skad du yang/ 'khor lo'i dkyil 'khor zhes bya ste/ /de nyid dam tshig ces su bsgrags/ /zhes bya ba ni lha rnams thams cad 'dul pa'i phyir skye bo dam pa kun 'dus pa'o zhes so/ /de'i dngos grub ni gzungs bslab par bya'o/ /de nyid kyi gsang ba de ston bar byed pa ni rgyud de bcom ldan 'das phyag na rdo rjes gsungs shing bshad pa'o/ /chos kyi 'khor lo 'dra bar ni/ /zhes bya ba ni gsang ba'i dkyil 'khor zlum po bya ba 'am/ rdo rje dbyings kyi gzungs kyi dkyil 'khor ltar bri bar bya'o/ /yang zhes bya ba'i sgras ni phyogs gzhan ston pa'o/ /yang na gru bzhir bri zhes bya ba'i don no/ /phyag rgya bud med rnams kyis bskor/ /der ni sangs rgyas bzhag par bya/ /zhes bya ba ni de bzhin gshegs pa'i dkyil 'khor gyi dbus su rdo rje dbyings kyi dkyil 'khor chen po las bshad pa'i phyag rgya chen po gzungs kyi rig pa brjod cing bzhag par bya'o/ /lhag ma ni gzungs kyi phyag rgya'i gzugs nyid yin no/ /de nas snga ma bzhin du cho ga thams cad rjes su spyad la/ gzungs kyi dkyil 'khor las bshad pa'i 'jug pa'i cho gas gzungs kyi dkyil 'khor las bshad pa'i rigs kyi dam tshig gi phyag rgya bcings te 'jug par bya'o/ /gsang ba der ni zhugs nas kyang/ /zhes bya ba ni gzungs kyi sgrub pa po dkyil 'khor der ro/ /sangs rgyas la ni nyid du smra/ /zhes bya ba 'dis gzhan rab tu bkag pa yin no/ /ci zhig smra zhe na/ khyab pa'i btsun mo ste/ kun gtong ba ni bdag stsol cig /ces bya ba gsungs te/ rdo rje sems dpa' nas brtsams nas rdo rje 'bebs pa la mthar thug pa'i
- 264b
gzungs 'di ni bcom ldan 'das thams cad du song ba'i khyod kyi btsun mo lags te/ sring mo 'di dag la stsol cig /bdag la khyod kyi btsun mo 'di rab tu stsol cig /ci'i phyir bdag la gsol zhig smra zhe na/ gang phyir khyod ni kun gtong ba// zhes bya ba smos te de skad du smos pas ci 'gyur zhe na/ zhes ni rigs kun phyag rgya yi/ /tshul la yang ni de skad brjod/ /ces bya ba smos te/ ji ltar rdo rje dbyings kyi gzungs kyi dkyil 'khor gyi dbus su bcom ldan 'das bris te/ rdo rje dbyings kyi gzungs kyi rnal 'byor pas sangs rgyas kyi dngos grub thob par 'gyur ro/ /de bzhin du rdo rje'i rigs dang/ pad+ma dang nor bu'i rigs dang 'brel ba'i de bzhin gshegs pa'i gzungs dang/ rdo rje'i rigs dang/ pad+ma dang nor bu'i rigs dang 'brel ba'i de bzhin gshegs pa'i rigs kyi gzungs dang/ rdo rje'i rigs dang/ pad+ma dang/ nor bu'i rigs kyi rnal 'byor pas gzungs kyi dkyil 'khor gyi dbus su rnam par snang mdzad bris nas ji lta ba bzhin du gsang ba'i dngos grub thob par 'gyur ro/ /sangs rgyas pa'i gzungs rnams kyi dngos grub ni gsang ba'i dngos grub kyi phyag rgya chen po'i zhes bya ba'i don no/ /sangs rgyas mnyam med 'od mnga' ba/ /zhes bya ba ni mnyam pa med pa nyid thob ces bya'o/ /'di skad ston pa yin te/ de bzhin gshegs pa'i rnal 'byor bas gzungs bsgom pa'i mtshan ma thob nas/ des mngon par shes pa thob pas de'i rjes la sgrub pa snga ma bzhin du rnal 'byor chen po byas la/ ji lta ba bzhin du gzungs kyi dkyil 'khor las bshad pa'i ting nge 'dzin rnam pa gsum bsgoms la de nas ji srid du rdo rje sems dpa' i bdag nyid du rnam par bsgoms te/ gsang ba'i rdo rje blangs te/ gzungs kyi dkyil 'khor bris la/ dbus su rnam par snang
- 265a
mdzad bris la/ rdo rje dbyings kyi gzungs kyi dkyil 'khor las bshad pa'i mtshan ma'i phyag rgya dang/ bskal pa bzang po'i mtshan ma'i phyag rgya'i mthar thug rtsa ba'i rgyud dang/ rgyud phyi ma las bshad pa'i tshul gyis bri bar bya'o/ /gang gi tshe mi bskyod pa dbus su bri ba de'i tshe mi rdo rje dbyings kyi gzungs kyi dkyil 'khor nyid bya ba dang/ gang gi tshe rin chen 'byung ldan bri ba de'i tshe rdo rje dbyings kyi gzungs kyi dkyil 'khor du de nyid la mi bskyod pa'i gnas su dbang bskur ba ma zhes bya ba rin chen 'byung ldan gyi phyag rgya rin chen 'byung ldan gyi gnas su thugs rdo rje ma mi bskyod pa'i phyag rgya/ gang gi tshe 'od dpag tu med pa dbus su 'bri ba de'i tshe mi bskyod pa'i gnas su mtshon cha ma zhes bya ba 'od dpag tu med pa'i phyag rgya/ 'od dpag med pa'i gnas su thugs rdo rje ma zhes bya ba mi bskyod pa'i phyag rgya/ gang gi tshe don yod par grub pa'i dkyil 'khor gyi dbus su 'bri ba de'i tshe mi bskyod pa'i gnas su rdo rje kun ma zhes bya ba don yod grub pa'i phyag rgya/ don yod grub pa'i gnas su thugs rdo rje ma mi bskyod pa'i phyag rgya bri bar bya'o/ /de ltar de bzhin gshegs pa rnams kyi rdo rje dbyings kyi gzungs sgrub pa'i dkyil 'khor ni sngar 'gyur ro/ /yang rnam par snang mdzad kyi rdo rje dang/ pad+ma dang/ rin po che'i rigs tha dad pas gzhan dkyil 'khor rnam pa gsum du 'gyur te/ de ltar dkyil 'khor bris la ji lta ba bzhin du zhugs te/ dngos grub kyi rdo rje brtul zhugs kyi mthar thug pa cho ga thams cad rjes su spyad la/ de nyid kyis ni rdo rje gzung/ /chos kyi dril bu dkrol bar bya/ /dam tshig gis ni phyag rgya cher/ /byin gyis brlab nas snying po bzlas/ /de nas sgrub pa'i gnang ba nos la ji lta ba bzhin
- 265b
du bdag la byin gyis brlab pa la sogs pa de bzhin byas la/ rang gi ming nas brjod cing rdo rje sgrub pa la sogs pa cho ga rnams kyis rjes su spyad la/ gzungs kyi dkyil 'khor las bshad pa'i phyag rgya chen po dang/ dam tshig dang chos dang las kyi phyag rgya rnams bsgrub par bya'o/ /rdo rje'i rigs dang/ pad+ma dang/ nor bu'i rigs kyi gzungs kyi dkyil 'khor gzhan rnams kyang 'khor los sgyur ba'i rnal 'byor gyis/ de las bshad pa'i rnal 'byor chen po des bri bar bya'o/ /de bzhin gshegs pa'i gzungs kyi bsgrub pa pos kyang de bzhin du bya'o/ /rdo rje dbyings dang 'dra ba ni/ /zhes bya ba la rdo rje dbyings kyi dkyil 'khor dang 'dra ba'i rdo rje sems dpa' la sogs pa de bzhin gshegs pa'i rigs kyi gzungs bsgrub pa pos rdo rje dbyings kyi gzungs kyi dkyil 'khor dang 'dra ba'i sgrub pa'i dkyil 'khor bri bar bya'o/ /rdo rje sems dpa' dang/ rdo rje rgyal po dang/ rdo rje chags pa dang/ rdo rje legs pa dang/ rdo rje rin chen nas rdo rje 'bebs pa'i mthar thug pa'i de bzhin gshegs pa'i rigs de dag thams cad kyi gzungs kyi dngos grub bsgrub pa pos de dag thams cad ni mchog gi tshul gyis dkyil 'khor bri bar bya'o/ /de nas dkyil 'khor bris te/ dkyil 'khor du bzhugs pa'i cho gas zhugs la/ de'i rjes la zhugs la/ dngos grub 'dod pa don du gnyer bas myur du brjod/ dbab pa la sogs pa ma byas par 'di skad brjod par bya ste/ su ra te sa ma ya stwaM ho badzra satwa A(rgyud 'grel): dya sid+d+hi maM zhes bya ba smos te/ shin tu dga' bas na su ra ta'o/ / thog ma dang tha ma med pa'i chos nyid dang sems can gyi don la phyi ma'i mthar thug gi bar du dga' ba'o/ /dam tshig ni kun rdzogs chos kyi dbyings las byung bas na nam mkha' i khams thams cad sku dang/ gsung dang thugs rdo rjes bzhugs
- 266a
pa yin no zhes bya ba'i don no/ /rdo rje sems dpa' dang por byas pa ni/ badzra satwa a dya ste thog mar skye bas na dang po'o/ /zhes brjod snying po 'di bzlas te/ /bsgrubs na thams cad 'grub par 'gyur/ zhes bya ba ni de bzhin gshegs pa'i rigs kyi gzungs kyi dngos grub thams cad bsgrub par bya'o/ /de nyid bskul ba'i tshul gyis ni/ /mgu nas myur du 'grub par 'gyur/ /zhes bya ba ni ci'i phyir 'di zlos shing gzungs kyi dngos grub thams cad 'grub par bya snyam na/ gang gi phyir de kho na nyid bskul bas mgu nas rdo rje 'chang du myur du 'grub par 'gyur ro/ /'di skad ston pa yin te/ snga ma bzhin du rdo rje dbyings kyi dkyil 'khor chen po las bshad pa'i rdo rje sems dpa' la sogs pa de bzhin gshegs pa'i rigs kyi rnal 'byor byas la/ cho ga thams cad rjes su spyad nas/ rang gi gzungs kyi phyag rgya chen po la sogs pa ji srid mtshan ma thob par gyur pa de srid kyi bar du bsgom par bya'o/ /de nas sngon par shes pa lnga bskyed de/ de'i rjes la rdo rje dbyings las bshad pa'i rdo rje sems dpa' i rnal 'byor pas rnal 'byor chen po byas la snga ma bzhin du gzungs kyi dkyil 'khor las sprul la/ gzungs kyi dkyil 'khor gyi ting nge 'dzin gsum bsgom pa las so/ /de'i rjes la gzungs kyi dkyil 'khor ji lta ba bzhin du bris te/ dkyil 'khor gyi lte bar rnam par snang mdzad kyi gnas su rdo rje dbyings kyi dkyil 'khor chen po las bshad pa'i rdo rje sems dpa' i phyag rgya chen po'i gzungs kyis bris la gzungs kyi rdo rje sems dpa' i rig pa zlos shing/ bskal pa bzang po la mthar thug pa'i mtshan ma rnams rdo rje dbyings kyi gzungs kyi tshul gyi cho
- 266b
gas thams cad mtshan ma'i phyag rgya bri bar bya'o/ /rdo rje sems dpa' gzungs sgrub pa'i dkyil 'khor ro/ /bcom ldan 'das rdo rje rgyal po'i gzungs kyi rigs pas dbus su bri bar bya'o/ /rdo rje sems dpa' i gnas su rdo rje rgyal po'i phyag rgya/ rdo rje rgyal po'i gnas su sems dpa' i phyag rgya bri bar bya'o/ /rdo rje rgyal po'i dkyil 'khor ro/ /bcom ldan 'das rdo rje chags pa dbus su bris la/ rdo rje sems dpa' i gnas su rdo rje chags pa'i phyag rgya/ rdo rje chags pa'i gnas su rdo rje sems dpa' bri bar bya'o/ /rdo rje chags pa'i dkyil 'khor ro/ /bcom ldan 'das rdo rje legs pa'i dbus su bris la/ rdo rje sems dpa' i gnas su rdo rje legs pa'i phyag rgya/ rdo rje legs pa'i gnas su rdo rje sems dpa' i phyag rgya bri bar bya'o/ /rdo rje legs pa'i dkyil 'khor ro/ /bcom ldan 'das rdo rje snying po dbus su bris la rdo rje sems dpa' i gnas su rdo rje snying po'i phyag rgya/ rdo rje snying po'i gnas su rdo rje sems dpa' i phyag rgya bri bar bya'o/ /rdo rje snying po'i dkyil 'khor ro/ /bcom ldan 'das rdo rje nyi ma dbus su bris la/ rdo rje sems dpa' i gnas su rdo rje nyi ma'i phyag rgya/ rdo rje nyi ma'i gnas su rdo rje sems dpa' i phyag rgya bri bar bya'o/ /'di ni rdo rje nyi ma'i dkyil 'khor ro/ /bcom ldan 'das rdo rje dpal dbus su bris la/ rdo rje sems dpa' i gnas su de'i phyag rgya/ rdo rje dpal gyi gnas su rdo rje sems dpa' i phyag rgya bri bar bya'o/ /rdo rje dpal gyi dkyil 'khor ro/ /bcom ldan 'das rdo rje bzhad pa dbus su bris la rdo rje sems dpa' i gnas su de'i phyag rgya/ rdo rje bzhad pa'i gnas su rdo rje sems dpa' i phyag rgya bri bar bya'o/ /rdo rje bzhad pa'i dkyil 'khor ro/ /bcom ldan 'das rdo rje chos dbus su bris la/ rdo rje sems dpa' i gnas su de'i phyag rgya/ rdo rje chos
- 267a
kyi gnas su rdo rje sems dpa' i phyag rgya bri bar bya'o/ /rdo rje chos kyi dkyil 'khor ro/ /bcom ldan 'das rdo rje rnon po dbus su bris la/ rdo rje sems dpa' i gnas su de'i phyag rgya/ rdo rje rnon po'i gnas su rdo rje sems dpa' i phyag rgya bri bar bya'o/ /rdo rje rnon po'i dkyil 'khor ro/ /bcom ldan 'das rdo rje 'khor lo dbus su bris la/ rdo rje sems dpa' i gnas su de'i phyag rgya/ rdo rje 'khor lo'i dbus su rdo rje sems dpa' i phyag rgya bri bar bya'o/ /rdo rje 'khor lo'i dkyil 'khor ro/ /bcom ldan 'das rdo rje gsung ba'i dbus su bris la/ rdo rje sems dpa' i gnas su de'i phyag rgya/ rdo rje gsung ba'i gnas su rdo rje sems dpa' i phyag rgya bri bar bya'o/ /rdo rje gsung ba'i dkyil 'khor ro/ /bcom ldan 'das rdo rje las dbus su bris la/ rdo rje sems dpa' i gnas su de'i phyag rgya/ rdo rje las kyi gnas su rdo rje sems dpa' i phyag rgya bri bar bya'o/ /rdo rje las kyi dkyil 'khor ro/ /bcom ldan 'das rdo rje bsrung pa dbus su bris la/ rdo rje sems dpa' i gnas su de'i phyag rgya/ rdo rje bsrung ba'i gnas su rdo rje sems dpa' i phyag rgya bri bar bya'o/ /rdo rje bsrung ba'i dkyil 'khor ro/ /bcom ldan 'das rdo rje gnod sbyin dbus su bris la/ rdo rje sems dpa' i gnas su de'i phyag rgya/ rdo rje gnod sbyin gyi gnas su rdo rje sems dpa' i phyag rgya bri bar bya'o/ /rdo rje gnod sbyin gyi dkyil 'khor ro/ /rdo rje dbyings kyi dkyil 'khor de nyid kyi dbus su/ bcom ldan 'das rdo rje khu tshur rang gi gzungs kyi rig pas bri bar bya'o/ /rdo rje sems dpa' i gnas su de'i phyag rgya/ rdo rje khu tshur gyi gnas su rdo rje sems dpa' i phyag rgya bri bar bya'o/ /rdo rje khu tshur gyi dkyil 'khor ro/ /bcom ldan 'das rdo rje sems dpa' i gzugs 'dzin pa'i rdo rje sems ma
- 267b
pa dbus su bris pa 'di ni rdo rje sems ma'i dkyil 'khor ro/ /bcom ldan 'das rdo rje rin chen ma rdo rje snying po'i gzugs 'dzin pa dbus su bris la/ rdo rje sems ma'i gnas su de'i phyag rgya/ rdo rje rin chen ma'i gnas su rdo rje sems ma'i phyag rgya bri bar bya'o/ /rdo rje rin chen ma'i dkyil 'khor ro/ /bcom ldan 'das rdo rje chos kyi gzugs 'dzin pa'i chos ma dbus su bris la/ rdo rje sems ma'i gnas su de'i phyag rgya/ rdo rje chos ma'i gnas su rdo rje sems ma'i phyag rgya bri bar bya'o/ /rdo rje chos ma'i dkyil 'khor ro/ /bcom ldan 'das ma rdo rje las kyi gzugs 'dzin pa'i rdo rje las ma dbus su bris la/ rdo rje sems ma'i gnas su de'i phyag rgya/ rdo rje las ma'i gnas su rdo rje sems ma'i phyag rgya bri bar bya'o/ /rdo rje las ma'i dkyil 'khor ro/ /bcom ldan 'das ma rdo rje sgeg mo dbus su bris la/ rdo rje sems ma'i gnas su de'i phyag rgya/ sgeg mo'i gnas su rdo rje sems ma'i phyag rgya bri bar bya'o/ /rdo rje sgeg mo'i dkyil 'khor ro/ /bcom ldan 'das ma rdo rje phreng ba ma dbus su bris la/ rdo rje sems ma'i gnas su de'i phyag rgya/ rdo rje phreng ba ma'i gnas su rdo rje sems ma'i phyag rgya bri bar bya'o/ /rdo rje phreng ba ma'i dkyil 'khor ro/ /bcom ldan 'das ma rdo rje glu ma dbus su bris la/ rdo rje 'bebs ma'i gnas su de'i phyag rgya/ rdo rje glu ma'i gnas su rdo rje sems ma'i phyag rgya bri bar bya'o/ /rdo rje glu ma'i dkyil 'khor ro/ /bcom ldan 'das rdo rje gar ma dbus su bris la/ rdo rje sems ma'i gnas su de'i phyag rgya rdo rje gar ma'i gnas su rdo rje sems ma'i phyag rgya bri bar bya'o/ /rdo rje gar ma'i dkyil 'khor ro/ /bcom ldan 'das ma rdo rje bdug pa ma dbus su bris la/ rdo rje sems ma'i gnas su de'i phyag rgya/ rdo rje bdug pa ma'i gnas su rdo rje
- 268a
sems ma'i phyag rgya bri bar bya'o/ /rdo rje bdug pa ma'i dkyil 'khor ro/ /bcom ldan 'das ma rdo rje me tog ma dbus su bris la/ rdo rje sems ma'i gnas su de'i phyag rgya/ rdo rje me tog ma'i gnas su rdo rje sems ma'i phyag rgya bri bar bya'o/ /rdo rje me tog ma'i dkyil 'khor ro/ /bcom ldan 'das ma rdo rje mar me ma dbus su bris la/ rdo rje sems ma'i gnas su de'i phyag rgya/ rdo rje mar me ma'i gnas su rdo rje sems ma'i phyag rgya bri bar bya'o/ /rdo rje mar me ma'i dkyil 'khor ro/ /bcom ldan 'das ma rdo rje dri chab ma dbus su bris la/ rdo rje sems ma'i gnas su de'i phyag rgya/ rdo rje dri chab ma'i gnas su rdo rje sems ma'i phyag rgya bri bar bya'o/ /rdo rje dri chab ma'i dkyil 'khor ro// bcom ldan 'das rdo rje lcags kyu dbus su bris la/ rdo rje sems ma'i gnas su de'i phyag rgya/ rdo rje lcags kyu'i gnas su rdo rje sems dpa' i phyag rgya bri bar bya'o/ /rdo rje lcags kyu'i dkyil 'khor ro/ /bcom ldan 'das rdo rje zhags pa dbus su bris la/ rdo rje sems dpa' i gnas su de'i phyag rgya/ rdo rje zhags pa'i gnas su rdo rje sems dpa' i phyag rgya bri bar bya'o/ /rdo rje zhags pa'i dkyil 'khor ro/ /bcom ldan 'das rdo rje lcags sgrog dbus su bris la/ rdo rje sems ma'i gnas su de'i phyag rgya/ rdo rje lcags sgrog gi gnas su rdo rje sems dpa' i phyag rgya bri bar bya'o/ /rdo rje lcags sgrog gi dkyil 'khor ro/ /bcom ldan 'das rdo rje 'bebs pa dbus su bris la/ rdo rje sems dpa' i gnas su rdo rje sems dpa' i phyag rgya bri bar bya'o/ /rdo rje 'bebs pa'i dkyil 'khor ro/ /de ltar de bzhin gshegs pa'i rigs kyi gzungs sgrub pa pos dkyil 'khor bris la/ rtsa ba'i rgyud kyi gzungs kyi dkyil 'khor las bshad pa'i 'jug
- 268b
pa la sogs pa'i cho ga rjes su spyad la/ gzungs kyi phyag rgya chen po dang/ dam tshig dang/ chos dang/ las kyi phyag rgya rnams bcings te/ gzungs kyi dkyil 'khor gyi rig pa zlos shing bsgrub par bya'o/ /khams gsum rnam par rgyal ba 'dra ba ni/ zhes bya ba la sogs pa ni 'jig rten gsum las rnam par rgyal ba'i gzungs kyi dkyil 'khor dang 'dra ba'o/ /rdo rje kun gyi rigs rnams ni/ /zhes bya ba ni rdo rje rin po che'i rigs dang/ phyi rol gyi rdo rje'i rigs rnams so/ /dkyil 'khor thams cad tshul du yang/ /zhes bya ba ni rtsa ba'i rgyud las bshad pa nyid kyi tshul gyis 'khor lo lnga lnga dang ldan pas so/ /mkhas pas rab tu bri bar bya/ /zhes bya ba ni mkhas pas yang dag par phyin ci ma log par bri bar bya'o/ /der zhugs nas zhes bya ba la sogs pa ni go sla'o/ /'di skad ston pa yin te/ 'jig rten gsum las rnam par rgyal ba'i dkyil 'khor las bshad pa'i rdo rje rigs kyi rnal 'byor byas te/ bsgoms nas rang gi gzugs kyi tshul gyis phyag rgya chen po la sogs pa ji srid mtshan ma thob par gyur pa'i bar du bsgom par bya'o/ /de nas mngon par shes pa lnga skyed la/ de'i rjes las 'jig rten gsum las rnam par rgyal ba'i dkyil 'khor chen po las bshad pa'i tshul gyis rdo rje hUM mdzad kyi rnal 'byor dang/ de las bshad pa'i rnal 'byor chen po byas la/ rdo rje rigs kyi gzungs kyi dkyil 'khor las bshad pa'i ting nge 'dzin rnam pa gsum ji lta ba bzhin du bsgoms te/ rtsa ba'i rgyud kyi gzungs kyi dkyil 'khor las ji lta ba bzhin du bshad pa'i tshul gyis bris la/ dkyil 'khor dbus gyi lte ba la bcom ldan 'das rdo rje hUM mdzad 'jig rten gsum las rnam par rgyal ba'i dkyil 'khor chen po las bshad pa'i phyag rgya chen
- 269a
bo'i gzungs kyis 'jig rten gsum las rnam par rgyal ba'i gzungs kyi rig pa bri bar bya'o/ /lhag ma ni 'jig rten gsum las rnam par rgyal ba'i gzungs kyi dkyil 'khor las bshad pa'i cho gas bskal pa bzang po'i mtshan ma'i phyag rgya'i tshogs kyi mthar thug pa'i phyag rgya'i tshogs thams cad ji lta ba'i gnas rnams su bri bar bya'o/ /'di ni rdo rje hUM mdzad kyi dkyil 'khor ro/ /bcom ldan 'das rin chen hUM mdzad 'di nyid dkyil 'khor gyi dbus su rang gi gzungs kyi rig pas bri bar bya'o/ /rdo rje hUM mdzad kyi gnas su de'i phyag rgya rin chen hUM mdzad kyi gnas su rdo rje hUM mdzad kyi phyag rgya bri bar bya'o/ /rin chen hUM mdzad kyi dkyil 'khor ro/ /bcom ldan 'das chos kyi hUM mdzad dbus su bris la/ rdo rje hUM mdzad kyi gnas su de'i phyag rgya/ chos kyi hUM mdzad kyi gnas su rdo rje hUM mdzad kyi phyag rgya bri bar bya'o/ /chos kyi hUM mdzad kyi dkyil 'khor ro/ /bcom ldan 'das las kyi hUM mdzad dbus su bris la/ rdo rje hUM mdzad kyi gnas su de'i phyag rgya/ las kyi hUM mdzad kyi gnas su rdo rje hUM mdzad kyi phyag rgya bri bar bya'o/ /las kyi hUM mdzad kyi dkyil 'khor ro/ /bcom ldan 'das khro bo rdo rje sems dpa' dbus su bri bar bya'o/ /khro bo rdo rje sems dpa' i dkyil 'khor ro/ bcom ldan 'das khro bo rdo rje rgyal po'i dbus su bris la/ khro bo rdo rje rgyal po'i gnas su khro bo rdo rje sems dpa' i phyag rgya bri bar bya'o/ /khro bo rdo rje rgyal po'i gzungs bsgrub pa'i dkyil 'khor ro/ /khro bo rdo rje chags pa la sogs pa lhag ma rnams kyi dkyil 'khor ni rdo rje chags pa la sogs pa'i dkyil 'khor gyi rjes su 'brang par shes par bya'o/ /phyi'i rdo rje rigs kyi gzungs kyi dkyil 'khor rnams la yang rdo rje rigs pa mchog chung ma dang bcas pa dbus su bri bar
- 269b
bya'o/ /de bzhin du dkyil 'khor gzhan thams cad kyang shes par bya'o/ /dkyil 'khor de nyid kyi dbus su sgyu ma rdo rje bris pa ni sgyu ma rdo rje'i dkyil 'khor ro/ /dkyil 'khor de nyid kyi dbus su rdo rje dril bu bris la/ sgyu ma rdo rje'i gnas su de'i phyag rgya/ rdo rje dril bu'i gnas su sgyu ma rdo rje'i phyag rgya bri bar bya'o/ /rdo rje dril bu'i dkyil 'khor ro/ /dkyil 'khor de nyid kyi dbus su thub pa rdo rje bris la/ sgyu ma rdo rje'i gnas su de'i phyag rgya/ thub pa rdo rje'i gnas su sgyu ma rdo rje'i phyag rgya bri bar bya'o/ thub pa rdo rje'i dkyil 'khor ro/ /dkyil 'khor de nyid kyi dbus su mtshon cha bris la sgyu ma rdo rje'i gnas su de'i phyag rgya/ rdo rje mtshon cha'i gnas su sgyu ma rdo rje'i phyag rgya bri bar bya'o/ /rdo rje mtshon cha'i dkyil 'khor de nyid bzhin du gzhan la yang zhes bya ba yin no/ /de ltar rdo rje hUM mdzad la sogs pa'i sgrub pa'i dkyil 'khor bris nas 'jig rten gsum las rnam par rgyal ba'i gzungs kyi dkyil 'khor du 'jug pa'i cho gas zhugs la 'di skad ces brjod bar bya'o/ /'dod chags las ni khyod byung zhes bya ba dang/ de nas de'i rjes la cho ga thams cad rjes su bcad nas bsgrubs te/ gnang ba nos nas rigs ji lta ba bzhin du zlos shing/ phyag rgya chen po la sogs pa bcings te/ bsgoms la rang gi gzungs bsgrub par bya'o/ /'gro ba 'dul ba'i tshul du ni/ /zhes bya ba la 'gro ba 'dul ba'i gzungs kyi dkyil 'khor gyi rnam pas so/ /pad+ma'i rigs ni thams cad kyi/ /zhes bya ba ni 'gro ba 'dul ba nas brtsams nas pad+ma 'bebs pa'i mthar thug pa'i bar du pad+ma'i rigs rnams kyi mtshan ma thob pas sgrub pa'i dkyil 'khor bri bar bya'o/ /der zhugs nas zhes bya ba la sogs pa ni go sla'o/ /de'i don ni 'di skad ston pa yin
- 270a
te/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas nas/ cho ga thams cad rjes su spyad de/ phyis gzungs kyi dkyil 'khor chen po las bshad pa'i rang gi lha'i phyag rgya chen po dang/ dam tshig dang/ chos dang las dang/ phyag rgya rnams bcings te ji srid du mtshan ma thob par gyur pa de srid kyi bar du bsgom par bya'o/ /de nas mngon par shes pa lnga bskyed de/ 'gro ba 'dul ba'i rnal 'byor pas snga ma bzhin du rnal 'byor chen po byas la cho ga thams cad rjes su spyad de/ 'gro ba 'dul ba'i gzungs kyi dkyil 'khor las bshad pa'i ting nge 'dzin rnam pa gsum bsgoms te/ de nas rtsa ba'i rgyud las bshad pa'i cho ga ji lta bas 'gro ba 'dul ba'i gzungs kyi dkyil 'khor bri bar bya'o/ /de nas bcom ldan 'das 'gro ba 'dul ba'i dkyil 'khor chen po las bshad pa'i phyag rgya chen po'i gzungs kyi tshul gyis gzungs kyi rig pa brjod cing bri bar bya'o/ /bskal pa bzang po'i mtshan ma'i phyag rgya'i tshogs kyi mthar thug pa'i phyag rgya'i tshogs lhag ma thams cad ni rtsa ba'i rgyud las bshad pa nyid kyi phyogs bri bar bya'o/ /'di ni 'gro ba 'dul ba'i gzungs bsgrub pa'i dkyil 'khor ro/ /dkyil 'khor de nyid kyi dbus su bcom ldan 'das sangs rgyas pad+ma rang gi gzungs kyi phyag rgya brjod par bya'o/ /lhag min snga ma bzhin te/ sangs rgyas pad+ma'i dkyil 'khor ro/ /de ltar de bzhin gshegs pa'i rigs kyi rjes 'brangs nas pad+ma 'bebs pa'i mthar thug pa'i pad+ma'i rigs thams cad kyi dkyil 'khor yang shes par bya ba yin no/ /de ltar dkyil 'khor bris nas/ 'gro ba 'dul ba'i gzugs kyi dkyil 'khor las bshad pa'i cho gas zhugs nas 'di
- 270b
skad brjod par bya'o/ /'dod chags chos de pad+ma che/ /khyab pas dag ni dngos grub thob/ /ces bya ba ni snga ma bzhin du cho ga thams cad rjes su spyad de/ sgrub pa'i gnang ba nos te/ rang gi lha'i gzungs kyi phyag rgya chen po la sogs pa bcings te/ gzungs kyi rig pa zlos shing sgrub par bya'o/ /don kun grub pa'i tshul du yang/ /zhes bya ba ni don thams cad grub pa'i gzungs kyi dkyil 'khor gyi gnas rnams su'o/ /dkyil 'khor legs par bris nas ni/ /zhes bya ba la don thams cad grub pa la sogs pa nas nor bu 'bebs pa'i sgrub pa'i dkyil 'khor bri bar bya'o/ /'dod chags ni nor bu'i rigs so/ /de la bsams pa'i dngos grub ni nor bu'i rigs kyi gzungs kyi dngos grub po/ /dngos grub mchog ces bya ba ni gzungs kyi dngos grub sgrub pa'o/ /de nyid kyi gsang ba'i mchod pa bla na med pa ni mchog ste/ nor bu'i rigs kyi gzungs kyi ngo bor grub pa'o/ /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas te cho ga thams cad rjes su spyad la/ phyis gzungs kyi dkyil 'khor las bshad pa'i rang gi lha'i phyag rgya chen po dang/ dam tshig dang/ chos dang/ las kyi phyag rgya rnams bcings te/ rang gi gzungs kyi rig pa bzlas shing snga ma bzhin du mtshan ma thob pas mngon par shes pa lnga ji lta ba bzhin du bskyed do/ don thams cad grub pa'i gzungs kyi dkyil 'khor las bshad pa'i cho gas don thams cad grub pa'i rnal 'byor pas gzungs kyi dkyil 'khor las bshad pa'i ting nge 'dzin gsum bsgoms te/ gzungs kyi dkyil 'khor ji lta ba bzhin bris pa/ bcom ldan 'das don thams cad grub pa'i dkyil 'khor chen po las
- 271a
bshad pa'i phyag rgya chen po'i gzungs kyi tshul gyis dkyil 'khor gyi dbus su rang gi gzungs kyi rig pa brjod cing bri bar bya'o/ /lhag ma thams cad bri ba'i cho ga ni don thams cad grub pa'i dkyil 'khor nyid gzung bar bya'o/ /'di ni don thams cad grub pa'i gzungs sgrub pa'i dkyil 'khor ro/ /dkyil 'khor de nyid kyi dbus su bcom ldan 'das rin chen lta ba rang gi gzungs kyi rig pas bris la/ don thams cad grub pa'i gnas su de'i phyag rgya/ rin chen lta ba'i gnas su don thams cad grub pa'i phyag rgya bri bar bya'o/ /rin chen lta ba'i dkyil 'khor du snga ma'i rjes su 'brangs nas rin chen 'bebs pa'i mthar thug pa'i nor bu rigs kyi dkyil 'khor rnams shes par bya'o/ /de ltar dkyil 'khor bris nas nor bu rigs kyi gzungs kyi dkyil 'khor las bshad pa'i 'jug pa'i cho gas zhugs la 'di skad ces smra bar bya ste/ bsam pa kun gyi dngos grub pa/ /'dod chags bsam pa dngos grub mchog /grub cig grub cig sems dpa' che/ /bcom ldan thams cad grub pa po/ /de nas snga ma bzhin du rang gi cho gas thams cad rjes su spyad la/ gzungs sgrub pa'i gnang ba nod par bya'o/ /rang gi gzugs kyi phyag rgya chen po dang/ dam tshig dang/ chos dang las kyi phyag rgya bcings te/ gzungs kyi rig pa zlos shing/ de nas thams cad du ni zhugs gyur na/ zhes bya ba la sogs pa ni phan yon gsungs pa yin no/ /ji skad du bshad pa'i bskul ba'i dus su gnang ba nos pa'i dngos grub kyi bdag nyid kyi rnal 'byor pas gzungs kyi dkyil 'khor las bshad pa'i phyag rgya chen po la sogs pa'i rang bzhin zhes bya ba'i don no/ /ji ltar bsgrub par bya zhe na/ yang dang yang du
- 271b
bsgom zhing phyag rgya chen po la sogs pa rtag tu rnal 'byor pa bdag nyid kyis 'grub par 'gyur ro/ /dus nam gyi tshe bskul bar bya zhe na/ gang tshe myur du mi 'grub na gang tshe rnal 'byor pa mtshan ma theb pa 'am/ mngon par shes pa thob pas mtshan thog thag bsgoms pa tsam gyis myur du dngos grub thob par ma gyur pa de'i tshe bsgrub pa'i dkyil 'khor bris la/ ji skad bshad pa'i de kho na nyid bskul ba'i tshul gyis yang dag par bya'o/ /de ltar de bzhin gshegs pa thams cad kyi rigs kyi dkyil 'khor gyi 'khor lo yongs su sbyangs pa'i gsang ba'i dngos grub kyi rgyud bstan nas/ da ni bsgrub pa dang pos ma grub na sgrub pa gnyis pa la yang de kho na nyid bskul bas yang dag par bskul la/ gzungs kyi dkyil 'khor bsgrub par bya'o zhes bya ba'i don bstan pa'i phyir/ de nas zhes bya ba la sogs pas de bzhin gshegs pa thams cad kyi rigs kyi phyag rgya thams cad gsang ba'i dngos grub kyi rgyud gsungs pa yin no/ / de bzhin gshegs pa thams cad kyi rigs kyi phyag rgya thams cad ni gzungs kyi phyag rgya thams cad do/ /de'i gsang ba ni de yi gsang ba'i lha mo che/ zhes bya ba la sogs pa spa bar bya ba'i don no/ /de'i dngos grub ni gzungs kyi dkyil 'khor los bshad pa'i phyag rgya chen po la sogs pa thob pa'o/ /de ston par byed pa'i rgyud de bcom ldan 'das phyag na rdo rjes gsungs shing bshad pa'o/ /de bzhin gshegs pa'i lha mo che/ /zhes bya ba ni de bzhin gshegs pa rnam par snang mdzad la sogs pa de lha mo chen mo ste/ rdo rje sems ma dang/ rin chen ma dang/ chos ma dang/ las kyi rdo rje ma rnams so/ /de'i khyad par ci lta bu zhig ce na/ sdug cing zhes bya ba smos te/ zag pa med pa'i
- 272a
bde dang yid bde ba'i ngo bo rgyun mi 'chad par bde ba ster pa'o/ /'di nyid bshad pa'i bde ba kun sbyin pa zhes bya ba ste/ de bzhin gshegs pa thams cad kyi bde ba ste/ yid bde ba rab tu ster ba'o/ /bde ba las byung ba'i tshogs bden pas shes bya ba ni de bzhin gshegs pa'i lha mo gang yin pa 'di sdug cing bde ba kun sbyin pa/ zhes bya ba bshad ma thag pa'i bden pa las byung ba'i tshig gyis rjes su 'jug pa'i dbyangs so/ /bden pa ni phyin ci'i ma log pa dang/ mi brdzun pas na de las byung ba ni de'i rjes su 'jug pa ste/ bden pa'i tshig nyid ces bya ba'i tha tshig go /bden pas ni mi 'da' ba' o/ /de bzhin gshegs pa'i lha mo chen mo sdug cing thams cad sbyin pa zhes bya ba rnam pa gsum gyi bden pa dang/ gzungs kyi lha mo thams cad bskul ba'o/ /ci'i phyir bskul zhe na/ bsgrubs kyang des ni ma grub na'o zhes bya ba smos te/ bsgrub pa po gang gis de kho na nyid bskul ba med na 'grub par mi 'gyur ba de na ji skad du bshad pa'i rnam pa gsum gyi bde bas bskul zhing bsgrub par bya ste/ ji skad bshad pa'i gzungs de rnams bsgrub par bya'o zhes shes par bya'o/ /'di skad ston pa yin te/ de bzhin gshegs pa'i gzungs kyi sgrub pa po'i rnal 'byor pas sgrub pa'i dkyil 'khor bris la/ gang gi tshe gzungs bsgrub par 'dod pa na grub par ma gyur pa de'i tshe/ de kho na nyid bskul bas yang dag par bskul te des bsgrub par bya'o/ /phyag rgya chen po bcings nas ni/ /zhes bya ba ni gzungs kyi dkyil 'khor las bshad pa'i rdo rje sems dpa' i de bzhin gshegs pa'i rigs kyi gzungs rnams kyi phyag rgya chen po la sogs pa phyag rgya thams cad ni phyag rgya chen po ste de bcings
- 272b
pa'o/ /lta 'og go rim ji bzhin du/ /zhes bya ba ni rdo rje dbyings kyi dkyil 'khor chen po las bshad pa'i rdo rje sems dpa' i rnal 'byor byas la/ cho ga thams cad rjes su spyad nas/ sngon du bsnyen pa byas te/ snga ma bzhin du mngon par shes pa bskyed la/ yang rdo rje sems dpa' i rnal 'byor byas nas/ rdo rje dbyings kyi dkyil 'khor chen po las bshad pa'i rnal 'byor chen po byas te/ gzungs kyi dkyil 'khor las bshad pa'i ting nge 'dzin rnam pa gsum ji lta ba bzhin du bsgoms la/ sgrub pa'i dkyil 'khor bris te/ sngar bshad pa'i sgrub pa'i cho gas thams cad byas nas gang gi tshe grub par ma gyur pa de'i tshe slar la gzungs kyi phyag rgya chen po dang/ dam tshig dang/ chos dang/ las kyi phyag rgya rnams bcing bar bya ba 'di ni/ lta 'og go rim ji bzhin du/ /zhes bya ba'i sgra'i don yin no/ /phyag rgya chen po bcings nas ci byed ce na/ 'di ni de nyid gsang ba yi/ /zhes bya ba la sogs pa smos te/ 'di zhes bya ba ni blo la gnas pa'i rdo rje sems dpa' ni bdag rang yin no zhes bya ba la sogs pa'o/ /de nyid ni phyin ci ma log pa'i rab tu dga' ba nyid dang/ kun tu bzang po nyid de/ /gsang ba'i zhes bya ba ni gsang bar gyur pas na gsang ba ste/ rang gi lha dang lhan cig tu mnyam par sbyor ba gang yin pa des/ bdag ni rdo rje sems dpa' nyid ces bya ba thabs dang shes rab kyi rang bzhin gyi sems dpa' ni rdo rje sems dpa' o/ /de bdag rang yin pa ni rnal 'byor pas nga rgyal bskyed par bya'o/ /khyod kyi chung ma snying la gnas/ /zhes bya ba ni tha mi dad pa'i sems des bdag nyid kyi blo la gnas pa'i rdo rje snying po'i gzungs so/ /lus kun las ni 'khyud nas kyang/ /zhes bya ba ni kyi rdo rje 'gying ba la 'khyud pas/ bsgyings pa dang bcas pas nam mkha' la zhugs shig pa'o/ /rdo rje 'gying ba lha mo che
- 273a
zhes bya ba la sogs pa ni go sla'o/ /lus kun las ni brtan gyur nas/ /zhes bya ba ni sgrub pa po'i lus dang chu dang 'o ma bzhin du cig du 'dres par gyur pas ci zhig myur du 'grub par 'gyur zhes bya'o/ /de nyid bskul ba ni yang dag par bskul ba'o/ /phyag rgya chen po dang/ dam tshig dang/ chos dang las kyi phyag rgya rnams bcings nas phyag rgya'i rig pa zlos shing bsgoms pa ni ji bzhin zhes bya ba'i sgra ni don no/ /'di skad ston pa yin te/ rdo rje dbyings kyi dkyil 'khor chen po'i rnal 'byor pas rdo rje sems dpa' la sogs pa'i rnal 'byor byas la/ phyag bzhi byas te/ gzungs kyi phyag rgya chen po la sogs pa bcings te/ ji srid du mtshan ma thob par gyur pa de srid kyi bar du bzlas par bya'o/ /de nas mngon par shes pa bskyed nas rdo rje sems dpa' i rnal 'byor chen po byas nas sgrub pa'i dkyil 'khor ji lta ba bzhin du bris te/ 'jug pa'i cho ga rjes su spyad la snga ma bzhin du bsgoms par bya'o/ /gal te ma grub par shes na gzungs kyi lha mo mdun du rnam par bsams la de'i phyag rgya chen po la sogs bcings te/ bdag ni rdo rje sems dpa' nyid/ /khyod nga'i chung ma snying la gnas/ /lus kun la ni 'khyud pa dang/ /rdo rje 'gying bas bgyis pa brjod/ /ces brjod la de nas de'i rig pa zlos shing de dang bdag nyid 'khyud pas bud med kyi longs spyod dang ldan par bsams te bsgoms par bya'o/ /de nas de'i rjes la mngon sum du 'ongs nas sgrub pa po dang lhan cig tu mnyam par sbyar ba byas te/ sgrub pa po'i lus la 'jug par bya'o/ /de nas 'di rdo rje 'dzin pa chen po nyid du 'gyur ro/ /sid+hya sid+hya sa ma ye zhes bya ba ni gzungs kyi dkyil 'khor las bshad pa'i phyag rgya chen po la sogs pa rdo rje rigs kyi phyag
- 273b
rgya thams cad do/ /dam tshig de 'ching ba'i dang por/ /sid+hya sid+hya sa ma ye/ sa ma yo haM/ traM pra ya maM zhes brjod cing/ rdo rje hUM mdzad la sogs pa rdo rje'i rigs thams cad kyi sku dang/ gsung dang thugs rdo rje dam tshig gis gsungs so/ /de'i rang bzhin bdag yin no zhes nga rgyal bskyed la/ khyod sdug bdag gi chung ma'o/ /zhes brjod par bya'o/ /de ltar gzungs kyi rnal 'byor pa de kho na nyid brjod cing/ bskul bar gyur pas myur du rjes su chags pas 'grub par 'gyur ro/ /de'i don ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad la sogs pa'i rnal 'byor byas la/ phyag bzhi byas pa'i mthar thug pa'i cho ga rjes su spyad la/ rang gi rigs kyi phyag rgya chen po la sogs pa bcings te/ ji srid mtshan ma thob par gyur pa de srid kyi bar du bsgom par bya'o/ /de nas mngon par shes pa bskyed de/ snga ma bzhin du gzungs sgrub pa'i dkyil 'khor bris te/ 'jug pa la sogs pa cho ga rjes su spyad de bsgrub par bya'o/ /gang gi tshe bsgrub kyang dngos grub kyi mtshan ma mthong ba de'i tshe mdun du rang gi gzungs kyi lha mo rnam par bsams te/ de kho na nyid bskul bas bskul bar bya'o/ /sid+hya sid+hya sa ma ye sa ma yo haM taM pri ya maM/ de'i rjes la de la rjes su chags pa'i sgrub pa pos lhan cig mnyam par sbyor bar bya'o/ /des bud med la longs spyod pa bzhin du yan lag thabs kyis 'khyud pa'i bde ba bsgom par bya'o/ /de nas mngon sum du 'ongs nas sgrub pa po dang/ lhan cig mnyam par sbyor bar byas bas sgrub pa po'i lus la zhugs par 'gyur ro/ /de nas 'di rdo rje hUM mdzad la sogs rdo rje rigs kyi rang bzhin du 'gyur ro/ /bud+d+ha bud+d+ha ma hA sa ti zhes bya ba ni chos thams cad rang bzhin gyis rnam par dag pa'o zhes khong
- 274a
du chud nas/ nga yi chung ma khyod sdug pa zhes bya ba la sogs pa ni bshad zin to/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas te/ phyag bzhi'i mthar thug pa'i cho ga rjes su spyad la/ rang gi gzungs kyi phyag rgya chen po la sogs pa bcings te/ ji srid mtshan ma thob par gyur pa de srid kyi bar du bsgom par bya'o/ /de nas mngon par shes pa bskyed de/ sngar bshad pa'i tshul gyis gzungs sgrub pa'i dkyil 'khor bris la/ 'jug pa la sogs pa'i cho ga rjes su spyad la bsgom par bya'o/ /gang gi tshe dngos grub kyi mtshan ma thob par ma gyur pa de'i tshe mdun du rang lha mo bud med kyi rnam par bsams par bya'o/ /bud+d+ha bud+d+ha ma hA sad ti b+harya twa me a ti pri ya/ de nas sgrub pa po dang lhan cig mnyam par sbyor bar bsgom par bya'o/ /de'i rjes la 'ongs nas sgrub pa po'i lus la zhugs par gyur te/ de nas skad cig de nyid la sgrub pa po 'jig rten dbang phyug tu 'gyur ro/ / sarbba karmma ni nor bu'i rigs kyi gzungs rnams kyi phyag rgya chen po la sogs pa'i las de rnams sgrub par byed pa'o/ /ka re ni las byed pa'i gzungs kyi rigs pa'i lha mo'i gzugs can ni b+harya'o/ /rtag tu skye ba 'am de bzhin gshegs pa rnams skye ba med par zhugs pas na a d+he badzra ni bcad du med cing dbyer med pa'i phyir ro/ /de lta bu'i de kho na nyid bskul bas rjes su chags pas 'grub par 'gyur zhes bya'o/ /de ni 'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas te/ phyag bzhi'i mthar thug pa'i cho ga thams cad rjes su spyad nas/ rang gi gzungs kyi phyag rgya chen po la sogs pa bcings te ji srid mtshan ma thob par gyur pa de srid kyi bar du
- 274b
bsgom par bya'o/ /de nas mngon par shes pa lnga skyed de/ sngar bshad pa'i tshul gyis rang gi gzungs kyi bsgrub pa'i dkyil 'khor bris te/ ji lta ba bzhin du bsgrub par bya'o/ /des gal te dngos grub kyi mtshan ma thob par ma gyur na/ mdun du rang gi gzungs bud med kyi rnam par bsams la sarbba karmma ka ri b+harya traM me sid+d+ha rya badzra ni zhes bya bas bskul bar bya'o/ /de nas de dang lhan cig tu mnyam par sbyor bar bsgom par bya'o/ /de'i rjes la de 'ongs nas sgrub pa po dang lhan cig mnyam par sbyor ba byas te/ sgrub pa'i lus la zhugs par 'gyur te/ de nas sgrub pa po nam mkha' i snying por 'gyur ro/ /de ltar de bzhin gshegs pa thams cad kyi phyag rgya thams cad kyi gsang ba'i dngos grub kyi rgyud bstan nas/ da ni sngon du bsnyen pa la sogs pa'i dus su yang/ mu stegs rnams la phan gdags phyir/ /ri mo'i phyag rgya'i tshul du ni/ /sangs rgyas btsun mo rab spas par/ /zhes bya ba la sogs par gsang ba'i ye shes kyi gzungs kyi phyag rgya bskyed de bsgom par bya'o/ /zhes bya ba'i don bstan pa'i phyir/ de nas zhes bya ba la sogs pas de bzhin gshegs pa thams cad kyi dam tshig gi gsang ba'i dngos grub kyi rgyud gsungs so/ /de bzhin gshegs pa thams cad kyi rigs rnams kyi dam tshig gi gzungs kyi phyag rgya'o/ /de'i gsang ba ni rdo rje dbyings kyi dbang phyug ma la sogs pa lha'i gzugs dang/ byang chub kyi sems la sogs pa'i rang bzhin mchod rten gyi nang du chud pa'o/ /de'i dngos grub ni gzungs kyi dkyil 'khor las bshad pa'i phyag rgya chen po la sogs pa mngon sum du byed pa'o/ de ston par byed pa'i rgyud de/ bcom ldan 'das phyag na rdo rjes gsungs shing bshad pa'o/ /mu stegs can ni nyan thos dang/ rang rgyal ba dang/ sangs rgyas kyi theg pa la smos pa mdo sde pa dang/ shes rab kyi pha rol tu phyin pa'i theg pa tsam la
- 275a
zhugs pa ni gzhan mu stegs can te/ rdo rje theg pa'i mu la mi brten pa'i phyir ro/ /de dag la phan 'dogs pa'i phyir ni dam pa'i chos spangs pa dmyal bar ltung bar ma gyur cig snyam du sems dpa' o/ /gal te de bzhin gshegs pa la btsun mo mnga' ba de lta na ni de bzhin gshegs pa la 'dod chags mnga' bar gyur pas so/ /des na 'di ni bdud kyi gsungs pa yin no zhes pas rab tu spangs na dmyal bar ltung bar 'gyur bas/ de lta'i nyes par ma gyur cig snyam pas de bzhin gshegs pa'i rig pa'i lha mos 'dul ba'i sems can gyi khams 'dul bar byed pa la/ rdo rje dbyings kyi dbang phyug ma la sogs pa lha mo'i gzungs rnams spas te/ mchod rten la sogs pa'i gzugs kyis bzhugs pa'o/ /de'i ri mo'i phyag rgya'i tshul du mchod rten la sogs pa'i gzugs kyi dkyil 'khor ram/ ras sam/ rtsig pa la sogs pa la bri ba 'am/ bskal pa dang ldan pa la rig pa'i lha mo'i gzungs su bya'o/ /de ltar shes pa ni nges par skyed pa'o/ / phyag rgya chen po la sogs pa de bsgoms na myur du 'grub par 'gyur gyi gzhan du ma yin no/ /de ltar de bzhin gshegs pa 'am gzungs kyi sgrub pa pos phyag rgya rig pa'i lha mos nges par byas nas/ nga ni de bzhin gshegs pa'i dgos? kyi gzungs kyi rnal 'byor ba rnams kyis kyang phyag rgya rnams rigs pa'i lha mor nges par bskyed nas/ don 'di bsgom par bya ba ni/ sems can kun gyi yid khyab pa zhes bya ba la sogs pa skyes te/ de la 'khor ba'i sems ni sems can kun gyis yid ces brjod/ de des khyab pa'i ngang tshul mnga' ba 'di ni sems can kun gyi yid la khyab pa ste/ rdo rje 'dzin pa chen po thog ma dang tha ma med pa'i chos kyi dbyings kyi rang bzhin no/ /ji ltar sems can kun gyi yid la
- 275b
khyab pa yin zhe na/ gang gi phyir de dag sems can kun gyi sems dang yid la sogs pa thog ma tha ma med pa'i chos kyi dbyings so/ /sems can kun la bde sbyin pa zhes bya ba ni des na chos kyi dbyings kyi rang bzhin thos pa dang/ bsam pa dang/ bsgom pa'i shes pa goms pa'i yid kyis 'jig rten dang 'jig rten las 'das pa'i bde ba'i sems can thams cad la nye bar bskyed pa de ni 'dir/ sems can kun la bde sbyin zhing/ /sems can kun gyi yab nyid de/ zhes bya ba ni byang chub kyi mtshan nyid can gyi sems sam/ de bzhin gshegs pa'i sems rnams bskyed pa de'i phyir/ sems can kun gyi yab nyid do/ /dam tshig mchog gi 'dod pa'i cho ga /ces bya ba ni 'dod par bya ba yin pas na 'dod pa ste/ smon pa dang 'jug pa'i byang chub sems kyi mtshan nyid do/ /de nyid kyi mchog yin pa de'i phyir bar chad med pa'i lam gyi ngo bos chags pa dang bcas pa'i nyon mongs pa spangs pa ni rdo rje 'dzin pa chen po'i rang bzhin byang chub chen po mtshan nyid can gyi sems gang yin pa de ni mchog tu gyur pas na dam pa'o/ /de ji lta bu zhe na/ de bzhin gshegs pa rnams las gzhan ma yin pas na dam tshig mchog go /'di skad ston pa yin te/ rdo rje la sogs pa'i mtshan ma'i phyag rgya'i gzugs gang yin pa de dang/ rdo rje dbyings kyi dbang phyug ma la sogs pa rig pa'i lha mo'i gzugs gang yin pa dang/ gzhan yang rnam par snang mdzad la sogs pa'i gzugs gang yin pa de dag rang bzhin gyis gdod ma nas ma skyes pas sgyu ma lta bu'i shes nas mnyam par sbyor ba la sogs pa sgom par byed pa de lta bus thabs dang shes rab zung du 'jug pa'i byang chub sems dpa' i lam la gzhol bar bsgom par bya ba yi gzhan du ni ma yin no/ /'dod chags ni sems can smin cing grol bar byed pa'i mtshan nyid do/ /de'i dag pa ni gzung ba dang 'dzin pa'i ngo bos dmigs pa med pa'i thugs rje chen po'o/ /de
- 276a
dag pa ni dag pa'i don te/ mi dmigs pa'i thugs rje chen po mngon sum du byas zhes bya ba'i don no/ /nyan thos dang/ rang rgyal ba chags pa dang bral ba de dag ci'i phyir gzhan zhig tu 'gyur zhe na/ mu stegs blta bar byas bdag la zhes bya ba smos te/ bdag dang/ bdag gi dang/ rtag pa dang/ chad pa la sogs pa des mu stegs can gyi lta ba des byas pa ste/ mngon par 'dus byas pa'o/ /bdag la ni mu stegs can gyi lta ba can gyis byas pa'i bdag nyid kho na bden pa yin gyi/ gzhan ni ma yin no zhes nges par sems dpa' ni rmongs pa zhes bya ba'i tha tshig go /de ltar gyur pa de rnams sbyangs nas mi dmigs pa'i thugs rje chen pos bla na med pa yang dag par rdzogs pa'i byang chub la 'jog pa ni gsod pa'i dam tshig mchog yin no/ /de ltar gyur pa de sgrub pa pos shes pa ci zhig du 'gyur zhe na/ de ltar shes nas 'grub par 'gyur zhes bya ba smos te/ thugs rje chen pos gzhan gyis dbang gis de ltar nges pa bskyed nas zhe sdang med pa'i khro bos sems can gyi khams thams cad thal bar byas te/ rdo rje rigs kyi rang bzhin du bskyed nas gang gi tshe gzungs kyi phyag rgyas bsgrub pa de'i tshe 'grub par 'gyur ro/ /'byung ba yang yin la chen po yang de yin pas na 'byung ba chen po ste/ khams gsum pa'i rnam par dag pa gang yin pa'i kun tu rtog pa de las byung ba ni 'byung ba chen po las byung ba'o/ /thams cad ni khams gsum pa'o/ /mi gtsang zhes ni ci'i phyir brjod ces bya ba ni ci'i phyir/ zhes bya ba ni spong ba'i don no/ /'di skad ston pa yin te/ khams gsum pa'i rnam pa'i yang dag ma yin pa'i kun tu rtog pa ni don dam par na ma skyes pa ste/ de las byung bas na khams gsum
- 276b
de'o/ /gdon mi za bar ma skyes pa de'i phyir chos can med pas chos mi gtsang ba'i mtshan nyid dang/ gtsang ba'i dngos po yang med pa de'i phyir chos can rang bzhin gyis rnam par dag pa'o/ /zhes nges pa bskyed nas mnyam par sbyor ba la sogs pa'i bsgom pa ni gzugs brnyan dang mtshungs par bya'o/ /dngos po mngon par zhen pa med pas 'jug par bya'o zhes bya ba'i don no/ /mu stegs can rnams gzhom pa'i phyir zhes bya ba ni mu stegs can dngos por 'dzin pa'i mngon par zhen pa'o/ /rang dang gzhan gyi rgyud du gtogs pa'i sems dang sems las byung ba de dag gzhom pa ni dngos por 'dzin pa 'di spangs pa'o/ /de'i don brjod pa ni bshad ma thag pa'i don brjod pas nges par dngos grub thob par 'gyur ba'o/ /bud med ni nor bu chen po'i rigs de'i gzungs rnams so/ /chags pa ni phul du byung ba'i chags pa'o/ /rnal 'byor dang/ rjes su rnal 'byor dang/ shin tu rnal 'byor dang/ sems can gyi rnal 'byor bsgom pa de rnams so/ /bud med la chags pa de'i phyir lhan cig tu gyur pa'i rgyus so// rin chen rnams ni nor bu chen po'i rigs kyi rang bzhin rnams so/ /rtag tu legs par bsags par bya/ /zhes bya ba ni nor bu chen po'i rigs kyi gzungs kyi dkyil 'khor las bshad pa'i phyag rgya chen po'i dngos grub kyi rin po che rnam pa bsags pa ni rtogs pa'o/ /byams pa ni bskyed pa'o/ /gang gi phyir bud med bla med rin chen rnams zhes bya ba yin pa de'i phyir bsam pa ni des pa bskyed pa'o/ /nor bu chen po'i rigs kyi gzugs kyi dkyil 'khor rnal 'byor bsgoms na 'grub par 'gyur te/ phyag rgya chen po la sogs pa 'grub par 'gyur ro/ /de ltar de bzhin gshegs pa thams cad kyi dam tshig gi rigs kyi gsang ba'i dngos grub kyi rgyud bstan nas/ da ni gzungs kyi mnyam par sbyor ba'i bsgom pa las byung ba'i bde ba phul ba'i yang
- 277a
dag par sbyor bar bsgom par bya'o zhes bstan pa'i phyir/ de nas zhes bya ba la sogs pas de bzhin gshegs pa thams cad kyi rigs kyis mchod pa'i gsang ba'i dngos grub kyi rgyud gsungs so/ /de bzhin gshegs pa thams cad kyi rigs ni lha mo dang mnyam par sbyor ba bsgoms pa las byung ba'i bde bas mchod par bya ste/ de nyid ni gsang ba'o/ /de'i dngos grub ni de bzhin gshegs pa rnams la phul bas gzungs kyi dkyil 'khor las bshad pa'i dngos grub rnams dang/ phyag rgya thams cad rdzogs shing mngon sum du byed pa'o/ /bud med rnams kyis yongs bskor ba'o/ /zhes bya ba'i rdo rje sems dpa' la sogs pa'i gzungs kyi bud med de rnams kyis yongs su bskor bas gyur pa'o/ /kun nas brtse ba'i bde ba yi/ /zhes bya ba ni gzungs kyi lha mo dang mnyam par sbyor ba'i bsgoms pa las byung ba'i bde ba ni kun nas brtse ba'i bde ba'o/ /sangs rgyas mchod phyir phul na yang/ /zhes bya ba ni gzungs kyi lha mo dang mnyam par sbyor ba'i bsgom pa las byung ba'i bde ba de bzhin gshegs pa rnams la phul ba ni sangs rgyas la phul ba'i rgyus sangs rgyas nyid thob bo/ /rgyur 'gyur ro zhes bya ba'i don no/ /de ci zhig tu 'gyur zhe na/ mchod pa'i dngos grub thob par 'gyur zhes bya ba smos te/ mchod par grub pa ni mchod pa'i dngos grub ste /gzungs kyi dkyil 'khor las bshad pa'i phyag rgya rnams rtogs pa yin no zhes bya ba'i tha tshig go /'di skad ston pa yin te de bzhin gshegs pa'i rnal 'byor pa gzungs kyi sgrub pa pos snga ma bzhin du cho ga thams cad rjes su spyad la/ gzungs kyi snying po brjod cing rig pa'i lha mo'i gzugs kyi bdag nyid yongs su bskor cing gzhag la mnyam par sbyor ba bsgom pas longs spyod la de nas de bsgoms te/
- 277b
de dang de bsgoms pa las skyes pa'i bde ba gang yin pa des sems can gyi khams thams cad bdag nyid dang mtshungs par bsgoms la/ de lta bu'i bde ba de sangs rgyas la mchod pa'i phyir dbul bar bya'o/ /rab dga' gang de skyes pa na/ /rab dga' las byung bde ba de/ /phyag bzhi pa ni mchod pa'i phyir/ /phul na myur du 'grub par 'gyur/ /zhes bya ba ni rdo rje sems dpa' la sogs pa'i rnal 'byor pas rang gi gzungs dang/ mnyam par sbyor bar bsgoms pa las byung ba'i dga' bas ngal zhing skyod de'i bde ba des ngal zhing skyo ba'o/ /de bsgom pa las byung ba'i bde ba ni rab tu dga' ba'i bde ba nyid de/ phyag bzhi po yis mchod pa'i phyir nges par phul nas/ de bzhin gshegs pa thams cad myur du 'grub par 'gyur ro/ /de'i don ni 'di skad ston pa yin te/ snga ma bzhin du rdo rje sems dpa' la sog pa'i de bzhin gshegs pa'i rigs kyi rnal 'byor byas la/ phyag bzhi'i mthar thug pa'i cho ga rjes su spyad de/ rang gi gzungs kyi phyag rgya bcings nas rang gi gzungs kyi dkyil 'khor sprul pa thams cad dang lhan cig mnyam par sbyor bar bsgoms la/ ji srid du skyo zhing ngal bar ma gyur pa de srid kyi bar du bya'o/ /skyo bar gyur na phyag bzhi bya sla de nas ngal gso bar bya'o/ /de ltar yang dang yang du bsgoms nas yang dang yang du bsgom zhing phyag bya ste/ bsnyen pa mngon du 'gro ba bsgrub par bya'o/ /rdo rje rigs kyi gzungs kyi dkyil 'khor las bshad pa'i phyag rgya chen po la sogs pa'i phyag rgya thams cad ni hUM gi dam tshig go /de bcings nas skyo bo bud med 'khyud nas kyang/ zhes bya ba ni rang gi gzungs kyi lha dang mnyam par sbyor bar bsgoms la/ /de dang 'khyud par gyur pa'i bde ba de phul nas de ni 'grub par 'gyur zhes bya ba ni sems can thams cad kyi khams thams cad rang gi rang bzhin du
- 278a
byas la/ de lta bu'i bde ba de phul na de 'grub par 'gyur ro/ /'jig rten dbang por bdag bsgoms la zhes bya ba la sogs pa ni 'gro ba 'dul ba la sogs pa rnal 'byor snga ma bzhin du byas la/ phyag bzhi'i mthar thug pa'i cho ga rjes su spyad nas/ 'jig rten dbang phyug bdag yin no zhes bya ba'i nga rgyal bskyed par bya'o/ /pad+ma'i rigs kyi gzungs kyi dam tshig gi phyag rgya bcings te/ rang gi gzungs kyi lha la snga ma bzhin du rdo rje lta bas bltas pa de bsgom pa las byung ba'i bde bas tshim pa des sems can gyi khams thams cad yid kyis 'jig rten dbang phyug tu byas te/ sdug pa'i gdong du bltas shing nges par bsams la/ phyis lhan cig tu mnyam par sbyor bar bsgom par bya'o/ /nor bu rigs chen po'i thams cad kyang gzungs kyi phyag rgya thams cad ni las kyi phyag rgya'o/ /de'i phyag rgya chen po la sogs pa gzungs kyi phyag rgya bcings pa ni las kyi phyag rgya 'dzin par gyur pa'o/ /rgyan rnams kun gyis ni don thams cad grub pa la sogs pa'i brgyan ngang yin pa de rnams kyis bdag nyid la yid la byung ba'o/ /yod na phyi rol gyi rgyan kun gyis rnam par brgyan pa'o/ /bud med 'khyud pa'i longs spyod ni/ /zhes bya ba la rang gi gzungs kyi lha mo dang mnyam par sbyar bas 'khyud par bsgom par bya'o/ /mchod pa'i phyir ni mchod pa'i rgyu mtshan no/ /de bzhin gshegs pa la sogs pa sems can gyi khams rnams rang gi ngo bor bskyed la/ de nyid de bzhin gshegs pa la sogs pa sems can gyi khams la phul na nor bu chen po'i rigs kyi gzungs kyi phyag rgya chen po la sogs pa'i dngos grub bsgrub par 'gyur ro/ /'di skad ston pa yin te/ snga ma bzhin du nor bu chen po'i
- 278b
rigs kyi rnal 'byor byas nas/ phyag bzhi'i mthar thug pa'i cho ga thams cad rjes su spyad la/ phyis nor bu'i rigs kyi gzungs kyi dkyil 'khor las bshad pa'i phyag rgya chen po la sogs pa bcings la/ rang gi gzungs kyi lha mo mdun du bsams te/ ji lta ba bzhin du 'khyud pas de bzhin gshegs pa la sogs pa sems can gyi khams thams cad rang gi rang bzhin du bya'o/ /de ltar de bzhin gshegs pa'i rigs thams cad kyi mchod pa'i gsang ba'i dngos grub kyi rgyud bshad nas /da ni de bzhin gshegs pa thams cad kyi rigs kyi sang ba'i mchod pa'i dngos grub kyi rgyud ni/ de nas zhes bya ba la sogs pa gsungs te/ de bzhin gshegs pa thams cad kyi rigs kyi sgang ba'i mchod pa ni sgeg mo la sogs pa'i mchod pa'o/ /de rnams kyi dngos grub ni gzungs kyi dkyil 'khor las bshad pa'i phyag rgya chen po la sogs pa thob pa'o/ /ci'i nas sus kyang mi tshor bar/ /gzhan gyi bud med brtse byed na/ /zhes bya ba la sogs pa ni gzhan gyi bud med ni gzhan mchog tu gyur pa'i bud med ni gzhan gyi bud med de gzungs kyi lha mo'o/ /de dang brtse bar byed pa ni mnyam par sbyor ba bsgom pa'i sbyor bas de ston pa'o/ /ci nas sus kyang mi tshor ba ni rgyud dang rjes su mthun pa'i yul ni skye bo thams cad kyi mngon sum ma yin pa'o/ /'di skad ston pa yin te/ gzungs kyi sgrub pa po slob dpon 'ba' zhig gam/ yid ches pa dang bya ba yin gyi gzhan dang ni ma yin no/ /sangs rgyas su ni bdag bsgoms la/ zhes bya ba ni rnam par snang mdzad la sogs pa de bzhin gshegs par bdag nyid bsgom par bya'o/ /mchod pa'i dngos grub ni phyag rgya chen po la sogs pa ni mchod pa'i dngos grub de thob par 'gyur ro/ /de'i don ni 'di skad ston pa yin te/ snga ma bzhin du de bzhin
- 279a
gshegs pa'i rnal 'byor byas la/ dkyil 'khor chen po las bshad pa'i bdug pa ma la sogs pa'i phyag rgya rnams kyis yang dag par mchod la phyag bzhi bya'o/ /phyis gzungs kyi dkyil 'khor las bshad pa'i phyag rgya chen po la sogs pa bcings te/ gzungs thams cad sprul la/ gzungs kyi dkyil 'khor las bshad pa'i sgeg mo la sogs pa'i mchod pa rnam pa bzhis bdag nyid yang dag par mchod la/ gzungs kyi lha mo thams cad dang mnyam par sbyor bar bsgom par bya'o/ /rdo rje 'dzom byas nas kyang zhes bya ba la sogs pa ni snga ma bzhin du rdo rje dbyings kyi dkyil 'khor chen po las bshad pa'i cho gas rdo rje rdo rje sems dpa' la sogs pa'i rnal 'byor byas la/ phyag bzhi'i mthar thug pa'i cho ga'i rjes su spyad nas/ gzungs kyi dkyil 'khor las bshad pa'i rang gi gzungs kyi phyag rgya chen po 'am/ dam tshig dang/ chos dang/ las kyi phyag rgya rnams bcings te/ rang gi snying pos rang gi gzungs kyi dkyil 'khor sprul la/ gzungs kyi dkyil 'khor dkyil 'khor las gsungs pa'i sgeg mo la sogs pa'i gsang ba'i mchod pa bzhi las kyi phyag rgya'i gar las byung bas bdag nyid yang dag par mchod pa bya'o/ /de nas 'dod pa ni de bzhin gshegs pa'i rigs kyi rgyud la chags pa'o/ /dga' ba ni de bzhin gshegs pa'i rigs kyi thabs dang/ shes rab bsgoms pa las byung ba mgu ba'o/ /'di nyid sgom pa'i rnal 'byor pas nam mkha' dang mnyam pa'i de bzhin gshegs pa'i rigs rtogs pas dbang bskur ba'o/ /de nyid sgom pa'i rnal 'byor pas chos thams cad rang bzhin gyis rnam par dag pa sgra brnyan dang mtshungs pa'i sgra la bzod pa gang yin pa 'di ni ? pa'o/ /de nyid bsgoms pas rang bzhin gyis 'od gsal ba'i chos gdong ma nas dag pa ni nam mkha' dang mtshungs pa yin no
- 279b
snyam pa'i brtson 'grus ni gar ma'o/ /de rnams goms pa'i stobs las byung ba'i bde ba ni 'dod pa dga' mas dbang bskur ba mchog glu'i gar gyi bde ba'o/ /de las ni de ltar gyur pa de las so/ /bde ba gzhan ni yod min te/ /zhes bya ba ni gsang ba'i mchod pa bzhir brjod pa de las so/ /de ltar bdag nyid yang dag par mchod la/ gzungs kyi lha mo thams cad dang mnyam bar sbyor bar bsgoms par bya'o/ /cho ga ji bzhin tshul du yang/ /zhes bya ba la sogs pa snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad la sogs pa'i rnal 'byor byas la/ phyag bzhi'i mthar thug pa'i cho ga thams cad rjes su spyad la/ phyis gzungs kyi dkyil 'khor las gsungs pa'i rang gi phyag rgya bcings te/ rang gi snying pos gzungs kyi dkyil 'khor sprul nas/ gzungs kyi dkyil 'khor las bshad pa'i sgeg mo la sogs pa'i gsang ba'i mchod pa bzhis bdag nyid yang dag par mchod la/ rdo rje hUM mdzad kyi dam tshig gi phyag rgya bcings te 'khyud pas gzungs kyi bcings te/ 'khyud pas gzungs kyi skye bo sdug pa thams cad dang mnyam par sbyor ba bsgom par bya'o/ /gsang ba'i tshul ni ji bzhin bar/ /zhes bya ba la sogs pa ni snga ma bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyag bzhi bya ba'i mthar thug pa'i cho ga thams cad rjes su spyad la/ phyis gzungs kyi dkyil 'khor las bshad pa'i 'gro ba 'dul ba la sogs pa'i phyag rgya bcings te/ rang gi gzungs kyi dkyil 'khor sprul la/ gzungs kyi dkyil 'khor las bshad pa'i steg mo la sogs pa'i gsang ba'i mchod pa rnam pa bzhis bdag nyid yang dag par mchod la/ gzungs thams cad dang mnyam par sbyor bar bsgom par bya'o/ /
- 280a
gsang ba'i tshul ni ji bzhin par/ /zhes bya ba la sog pa la snga ma bzhin du nor bu'i rigs kyi rnal 'byor byas la phyag bzhi'i mthar thug pa'i cho ga rjes su spyad de/ phyis rang gi gzungs kyi phyag rgya bcings la rang gi gzungs kyi dkyil 'khor rang gi snying ga'i rin po che las sprul nas/ nor bu'i rigs kyi gzungs kyi dkyil 'khor las bshad pa'i sgeg mo la sog pa'i gsang ba'i mchod pa rnam pa nyid mchod par byas nas/ phyag rgya chen po la sogs pa'i dngos grub stob par 'gyur ro/ / sngar bshad pa'i tshul gyis gzungs thams cad dang mnyam par sbyor bar bsgoms te/ yang na rang gi gzungs kyi dkyil 'khor sprul la rang gi gzungs re re zhing mdun du gzhag la/ bsdu ba la sogs pa'i cho ga rjes su spyad te /phyag rgya bzhis rgyas btab la/ dbang bskur ba'i phyag rgya rnams kyi dang bskur la/ gzungs kyi dkyil 'khor la bshad pa'i sgeg mo la sogs pa rnams brgyad kyi phyag rgya dang las kyi dkyil 'khor las bshad pa'i phyag rgya bcu drug gis yang dag par mchod la phyag bzhi byas te/ de bzhin gshegs pa thams cad kyi rigs kyi gzungs kyi phyag rgya bsgom par bya'o/ /de ltar de bzhin gshegs pa thams cad kyi gsang ba'i mchod pa'i dngos grub kyi cho ga rgyas pa'i rgyud bstan nas/ da ni sems yongs su sbyong ba'i las kyi ye shes dang/ gzungs kyi ye shes nyid bstan pa'i phyir/ de bzhin gshegs pa thams cad kyi rigs kyi rnal 'byor pas dkyil 'khor chen po las bshad pa'i bskyed pa'i rgyur gyur pa'i de bzhin gshegs pa thams cad kyi rigs kyi de kho na nyid brjod pa'i rgyu ni/ de nas byang chub sems dpa' phyag na rdo rjes zhes bya ba la sog pa gsungs so/ /de bzhin gshegs pa thams cad dang/ rigs thams cad kyi de
- 280b
kho na nyid ni de bzhin gshegs pa thams cad kyi de kho na nyid do/ /de dag brjod pa ni gsal bar byed pa'o/ /de nyid ni gsal ba ste/ de'i dngos grub ni dkyil 'khor chen por bshad pa'i lus kyi phyag rgya thams cad bskyed pa'o/ /de ston par byed pa ni rgyud de/ bcom ldan 'das phyag na rdo rjes gsungs shing bshad pa'o/ /mdor na ting 'dzin ye shes gnas/ /zhes bya ba ni ting nge 'dzin ye shes su gyur pa ni sangs rgyas so/ /ting nge 'dzin ni sems rtse gcig pa'o/ /de ltar gyur pa'i ting nge 'dzin nges pa ni ye shes de las byung zhing bskyed pa'o/ /de gang zhe na sangs rgyas nyid do/ /sangs rgyas nyid ni yang dag par rdzogs pa'i sangs rgyas so/ /ni zhes bya ba ni sgra ni nges par gzung ba'o/ /ting nge 'dzin gyi ye shes las byung ba kho na sangs rgyas nyid do/ /mdor na mdor bsdus pa'o/ /mdor na ting nge 'dzin ye shes kyi gnas de gang yin zhe na/ 'on kyang sems can rnams la chags tshul gyis/ /zhes bya ba smos te/ sangs rgyas rnams kyis sems can kun/ / thams cad gzi can nyid du ni/ /ji lta ba bzhin du 'dul ba yi/ /las rnams thams cad sgrub par byed/ /ces bya ba bsgom pa 'di ni sems can la chags pa'i rnal 'byor ro/ /sems can la chags pa'i sbyor ba des myur zhing mgyogs par bla na med pa thob par 'gyur ro zhes bcom ldan 'das de bzhin gshegs pas gsungs so/ /'di skad ston pa yin te/ oM tsita pra ti be d+harmA ro mi zhes brjod cing/ chos thams cad bdag med par bsgoms pas gzung ba dang 'dzin pa'i rnam par rtog pa spangs te/ sems rtse gcig pa'i ting nge 'dzin der 'gyur ro/ /de'i rjes la zla ba'i dkyil 'khor gyi rnam par bskyed nas brtsams te/ oM bo d+hi tsit+ta ut+tA ta ya mi/ oM tiSh+Tha badzra At+ma ko haM/ oM a tha sarbba ta thA ga ta tas+thA haM zhes bya
- 281a
pa'i snying po bzhi brjod cing/ de'i don bzhi la nges pa'i ye shes de lta bur gyur pa'i ting nge 'dzin gyi ye shes dag las byung ba'i sangs rgyas su nges par byas te/ phyag bzhi pa'i mthar thug pa'i cho ga thams cad rjes su spyad nas / de bzhin gshegs pa'i las kyi phyag rgya bcings te/ sems can gyi khams thams cad la de bzhin gshegs pa nyid la sogs pa ster bar rnam par bsams la/ phyag rgya chen po la sogs pa sgom pa de lta bus de bzhin gshegs pa nyid de thob par 'gyur ro/ /sems can thog ma tha ma med ces bya ba la/ thog ma ni dang po skye ba ste/ tha ma ni mtshams sbyar ba dang 'jog pa'o/ /de med pas thog ma dang tha ma med pa gang yin pa 'di ni thog ma dang tha ma med pa'o/ /de gang yin zhe na/ sems can no zhes bya ba smos te/ rdo rje sems dpa' zhes bya ba'i don no/ /gang la thog ma tha ma 'di med na/ ji ltar de ni skye ba rnam par 'jog par byed pa ce na/ nam mkha' las byung ba'i mtshan nyid de zhes bya ba smos te/ dper na rtsig pa 'ga' zhig pas nam mkha' bya'o/ /zhes bya ba bzhin du rtsig pa bshig par bshad pa ni/ rtsig pa bsal bas nam mkhar bya zhes bya bshad do/ /de ltar yang dag pa ma yin pa'i kun tu rtag pa rtsig pa'i dbyibs dang mtshungs pa bshig nas/ chos bdag med pa'i ye shes kyis skyes bu'i dbyings kyi tshul du bskyed pas na sems can ni rdo rje sems dpa' o zhes shes par bya'o/ /kun tu bzang po ni byang chub kyi sems nam mkha' i khams thams cad du rtag tu gnas pa'i de bzhin gshegs pa thams cad kyi sku dang/ gsung dang/ thugs rdo rje dang mtshungs par gyur pa ni kun tu bzang po'o/ /de skad du yang thog ma med pa'i sems dpa' ni/ rdo rje sems dpa' dga' ba che/ zhes bshad do/ /kun bdag nyid ces bya ba ni khams gsum po thams
- 281b
cad na kun tu spyod pa'i sems can gyi rang bzhin gyi bdag nyid ni kun bdag nyid de khams gsum pa rdo rje sems dpa' i gzugs dang chos nyid kyis so/ /'dod pa ni 'dod par bya bas na 'dod pa ste/ byang chub chen po'i mtshan nyid can gyi rdo rje sems dpa' o/ / byang chub mngon du gnyer ba'i rnal 'byor pa rnams kyis thos pa dang/ bsam pa dang/ bsgom pa'i shes pa brtan pa yin no zhes bya ba'i don no/ /'gro ba kun bdag po zhes bya ba ni sems can dang snod kyi 'jig rten gyi 'gro ba thams cad rdo rje rgyal po la sogs pa'i rigs brgya'i dbye bas phye ba'o/ /sems can dang snod kyi 'jig rten de yang rdo rje rgyal po la sogs pa'i de dang der skyes pa'o/ /de ltar rdo rje 'dzin pa chen po'i rang bzhin bshad nas/ da ni de thob par byed pa'i thabs kyi sems yongs su sbyong ba'i las kyi ye shes gsungs pa ni/ sems can kun gyi sems gang yin/ /zhes bya ba la sogs pa smos pa'o/ /ji skad bshad pa'i mtshan nyid can gyi de lta bu'i rang bzhin de gang yin zhe na/ sems can kun gyi sems gang yin zhes bya ba smos te/ kun gzhi'i rnam par shes pa la sogs pa'i rang bzhin sems can kun gyi sems gang yin pa de nyid ni brtan pa'i phyir ni sems dpa' zhes brjod do/ /chos bdag med pa bsgoms pas gzung ba dang 'dzin pa'i rnam par rtog pa spangs pa ni srog chags srog chags ma yin pa dang/ gzung ba dang/ 'dzin pa'i rnam par rtog pa rnams kyis mi g.yo ba'i phyir ro zhes bya ba'i don no/ /rdo rje mnyam par mnyam gzhag na/ /zhes bya ba ni mnyam par bzhag pa'i sems rtse gcig pa'i ting nge 'dzin to/ /de'i rtse gcig pa'i rnal 'byor gyis rdo rje dang mnyam par sbyor ba ni de bzhin nyid de/ de bzhin nyid dang rnam par mtshungs pa'o zhes bya ba'i don no/ /'di skad ston pa yin te/ sems can gyi rang
- 282a
bzhin kun rdzob tu bstan par gyur pa gang yin pa de nyid de bzhin nyid dang/ ro gcig par sems rtse gcig pa'i ngo bo nyid yin pas na rdo rje dang mnyam pa ni de bzhin nyid dang mtshungs pa'o/ /'di ltar de bzhin nyid ni don gyi dngos po thams cad kyi rang bzhin te/ de bzhin gshegs pa rnams byung yang rung de bzhin gshegs pa rnams ma byung yang rung ste/ ma skyes shing mi skye bar yang mi 'gyur ro/ /chos gang yang skye ba med pa de la res 'ga' zhig kyang 'gag par mi 'gyur ba de'i phyir de rdo rje'o/ /de bzhin nyid dang ro gcig pa'i ye shes ni rnam par rtog pa thams cad kyis mi bskyod pa de bas na rdo rje dang mtshungs pas na rdo rje zhes bya ste/ de bas na rdo rje dang mnyam pa'o/ nges par rdo rje nyid 'gyur te zhes bya ba ni zla ba'i dkyil 'khor rnam par nges pa de'i steng du zla ba nya ma dang bcas pa'i rang gi lha'i snying po las rdo rje rtse lnga par nges par bya'o/ /de nas rdo rje'i nga rgyal bsgoms nas/ badzra a haM zhes bya ba lan gsum nges par bya'o/ /de ltar lan gsum nges pa las rdo rje bsgoms pas ni rdo rje nyid du 'gyur/ rdo rje rtse lnga pa'i gzugs brnyan nyid kyis bshad ma thag pa gang yin ba ni rdo rje dang mtshungs pa'i sems kyi khyad par thob par 'gyur ro/ /sems dpa' i byin brlabs tshul gyis ni/ /rdo rje sems dpa' nyid du 'gyur zhes bya ba la/ rdo rje sems dpa' ni rdo rje sems dpa' o/ /des byin gyis brlabs pa ni bskyed pa'o/ /sems dpa' i byin gyis brlabs ba'i sbyor ba de dag ni tshul lo/ /de'i don ni 'di skad ston pa yin te/ bshad ma thag pa'i de nyid kyis rdo rjer gyur pa'i sems kyi khyad par gyi rdo rje sems dpa' i phyag rgya chen po'i gzugs su bskyed la/ badzra satwa a haM zhes yid kyis brjod
- 282b
cing/ rnal 'byor bas rdo rje sems dpar mos pa gang yin pa de ni/ sems dpar byin brlabs tshul gyis ni zhes bya'o/ /sems dpar byin gyis brlabs sbyor ba des rdo rjer gyur pa'i rnal 'byor pas rdo rje dang dril bu bsnams pa rdo rje sems dpa' i nyid du rdzogs par 'gyur ro/ /zhes bya ba'i don no/ /yang gi sgra ni rdo rje'i bdag nyid kyi gzugs la bltos pa'o/ /de ltar na thog ma dang tha ma med pa'i chos kyi dbyings ni rdo rje sems dpa' i phyag rgya chen po'i gzugs yongs su brtags shing / sangs rgyas su byas pa ni chos kyi dbyings kyi ngo bo nyid do/ /rnal 'byor pas rigs thams cad kyi lha'i sku'i gsang ba bskyed pa'i rgyur gyur pa sems dpar byin gyis brlabs pa'i sbyor bas bshad nas/ da ni de bzhin gshegs pa bsgoms pas kyang de bzhin gshegs pa'i gzugs brtags shing/ bsgrub pas thog ma dang tha ma med pa'i chos kyi dbyings bsgom par bya'o zhes bya ba'i don bstan pa'i phyir de nyid ces bya ba la sogs pa gsungs te/ bcom ldan sems dpa' de nyid ni zhes bya ba ni thog ma dang tha ma med pa'i sems dpa' o/ /bdud bzhi bcom pas na bcom ldan 'das so/ /'di ltar thog ma tha ma med pa'i chos kyi dbyings kyi mtshan nyid de ni bcom ldan 'das rdo rje 'chang chen po thams cad du thams cad kyi rnam pa thams cad nyon mongs pa dang/ lha'i bu dang/ phung po dang/ 'chi bdag gi bdud thams cad 'joms pas thog ma dang tha ma med pa'i gzugs nyid kyis de dang de dag gi skabs mi dbye ba'i phyir ro/ /sems dpa' zhes bya ba ni rdo rje sems dpa' nyid rdo rje 'chang ba'o/ /rdo rje 'dod pa zhes bya ba ni rdo rje yang yin la 'dod pa yang de yin pas na rdo rje 'dod pa ste/ byang chub chen po zhes bya ba'i don no/ /'dod pa de dag gang yin zhe na/ de bzhin gshegs zhes bya ba smos te/
- 283a
don ci lta ba bzhin du rnam par gnas pa'i dngos po dang dngos po med pa'i ngo bo nyid ji lta ba bzhin du rtogs pa'i sangs rgyas ni de bzhin gshegs pa'o/ /gshegs pa'i don ni mkhyen pa'i don no/ /de ji ltar de bzhin gshegs pa yin zhe na/ rang sems so sor rtogs la sogs sangs rgyas byang chub mchog bzhin zhes bya ba ni rang gi sems bdag nyid ni rang gi sems te/ rang gi rnam par shes pa de so sor rtogs pas sgyu ma lta bu nyid du mngon sum du mdzad pa'o/ /de nyid dang por byas pa gang yin pa de ni sangs rgyas byang chub ste/ rang sems so sor rtogs pa'i byang chub po rang gi sems so sor rtogs pa la sogs pa'i byang chub de ji lta ba yin zhe na/ sangs rgyas byang chub cho ga bzhin/ /zhes bya ba smos te/ oM tsit+ta pra ti be d+haM ka ro mi/ oM bo d+hi tsit+ta u pa ta ya mi/ oM tiSh+Tha badzra/ oM badzra At+ma ko haM/ oM ya tha sarbba ta thA ga ta tasTha haM zhes bya ba'i snying po lnga brjod cing/ don rnam pa lnga bsgoms sangs rgyas kyis rnam pa lnga rtogs pa ni cho ga ji bzhin zhes bya ba ni sgra'i don brjod pa yin no/ /gang gi phyir de ltar sangs rgyas kyis rnam pa lnga bsgoms pa'i 'bras bu'i ngo bo ni de nyid bcom ldan de bzhin gshegs zhes bya ba yin no mngon par byang chub pa lha'i rim pa 'di nyid kyis rdo rje 'chang chen po sems dpar byin gyis brlabs pa'i sbyor bas/ rdo rje sems dpa' la sogs pa de bzhin du bskyed par mi bya'o zhes bshad par bya'o/ /de nyid bcom ldan de bzhin gshegs/ / thams cad kyi ni rigs su 'gyur/ /zhes bya ba ni mngon par byang chub pa rnam pa lnga bsgoms pa'i 'bras bu'i de bzhin gshegs pa thams cad do/ /bshad ma thag pa de dag dang 'brel ba'i de bzhin gshegs pa dang/ rdo rje dang/ pad+ma dang/ nor
- 283b
bu'i rigs kyi ngo bor bskyed pa'i phyir rigs su gyur pa'o/ /de bzhin gshegs pa thams cad kyi rigs ni de bzhin gshegs pa rnams kyi rigs so zhes shes par bya'o/ /gang gi phyir de ltar rigs thams cad kyi gzugs su bskyed pa 'di ni rdo rje 'chang chen po yin pa de'i phyir/ de bzhin gshegs pa'i rigs de nyid rgyud gzhan yin no/ /de ltar rdo rje dang pad+ma dang/ nor bu'i rigs de nyid kyis bsdus pa yin no/ /de ltar gang gis gsungs she na/ bcom ldan 'das de bzhin gshegs pa thams cad kyi 'khor lo'i gsungs so/ /de bzhin gshegs pa thams cad kyang yin la 'khor lo yang yin pas na de bzhin gshegs pa thams cad kyi 'khor lo ste/ rdo rje 'chang chen po'i 'khor lo ni sangs rgyas dang/ byang chub sems dpa' thams cad kyi 'khor kyi dkyil 'khor ro/ /rdo rje 'chang chen po de'i ngo bo yin pa'i phyir/ de bzhin gshegs pa thams cad kyi 'khor lo zhes brjod do/ /de bzhin gshegs pa thams cad kyi rigs kyi rgyu dang 'bras bu'i don dam pa'i de kho na nyid ji skad gsungs pa de dag rab tu gsal bar bshad do/ /de nyid ni gsang ba ste/ de'i dngos grub ni phyag rgya chen po la sogs pa'i dngos grub bo/ /de'i cho ga rgyas pa ni bsgom pa'i bye brag sna tshogs pa'o/ /'di skad ston pa yin te/ rdo rje thal mo dang/ rdo rje bsdams/ pa la sogs pa nyid ji lta ba bzhin du bcings te/ rdo rje bsdams pa dral la/ de nas rdo rje 'bebs pa bskyed la/ dam tshig gi rdo rje khu tshur bcing bar bya'o/ /de'i rjes la sdig pa thams cad dral zhing de nas de bzhin gshegs pa dang/ rdo rje'i rigs dag ni rnal 'byor pas rang gi snying kha'i zla ba la rdo rje bsams par bya'o/ /pad+ma'i rigs kyi rnal 'byor pas pad+ma dang nor bu'i rigs kyi rnal 'byor pas rdo rje rin po che bsams par bya'o/ /rang gi mtshan ma de rnams kyi dbus su rang gi bzlas pa'i
- 284a
yi ge de rnams brjod cing chos thams cad bdag med par bsgom par bya'o/ /a A/ i a'i/ u a'u ri rI li lI e i o aau aM a(rgyud 'grel): zhes bya bas rdo rje sems dpa' la sogs pa nas rdo rje khu tshur gyi mthar thug pa'i sems dpa' chen po rnams kyis/ dbyangs yig bcu drug gi sa bon gyi yi ge rnams bzlas pa'i yi ge dang bcas pa las rang gi sems zla ba'i dkyil 'khor gyi rnam par bsams par bya'o/ /de'i steng du yang bzlas pa'i yi ge dang yi ge ka la sogs pa skar ma'i rnam pa lta bu gcig tu gyur pa las zla ba'i dkyil 'khor yongs su gang ba gnyis pa rnam par snang mdzad la sogs pa'i dge ba'i chos rnam par snang mdzad la sogs pa nas/ rdo rje 'bebs pa'i mthar thug pa'i dge ba'i sman 'phel bar byed pa de dag sgrub pa'i rgyur gyur par bsam par bya'o/ /yang na yi ge ma ni rnam par snang mdzad bskyed pa'i rgyur gyur pa'i sa bon no/ /Da nya na Na mi bskyod pa la sogs pa'i 'o/ /sha Sha sa ha ni sgeg mo la sogs pa rnams kyi'o/ /yA ra lA ba ba ni 'dug pa ma la sogs pa rnams kyi'o/ /tsa tsha dza dzha ni rdo rje lcags kyu ma la sogs pa rnams kyi'o/ /ka kha ga g+ha ni sgyu ma rdo rje la sogs pa nas dbang po'i mthar thug pa rnams kyi'o/ /Ta Tha Da Dha ni khro bo rnams kyi'o/ /ta tha da d+ha na tshogs kyi bdag po rnams kyi'o/ /pa pha ba b+ha ni pho nya rnams kyi'o/ /laM ka sha a rnams ni bran rnams kyi ste/ klu mthar thug pa'i bskyed pa'i rgyur gyur pa'i sa bon no/ /de nyid kyi phyir zla ba'i dkyil 'khor gnyis pa 'di ni 'jig rten pa dang 'jig rten las 'das pa'i lha thams cad bskyed pa'i rgyur gyur pa'i phyir dge ba'i chos yongs su rdzogs pa yin no zhes bcom ldan 'das kyis gsungs so/ /yang zla ba'i dkyil 'khor gnyis pa de nyid
- 284b
bzlas pa'i yi ge dang bcas pa las rdo rje rtse lnga pa bsam par bya'o/ /rdo rje de nyid rdo rje rgyal po la sogs pa'i mtshan ma'i gzugs su gyur par bya'o/ /rdo rje sems dpa' i rnal 'byor pas rdo rje nyid ji ltar bsam zhing bsgoms pa de bzhin du khro bo rdo rje hUM mdzad kyi rnal 'byor pas rdo rje nyid bsgom par bya'o/ /de nas rang gi mtshan ma de'i dbus su bzlas pa'i yi ge rnam par bkod pa 'di nyid brjod cing/ rang gi mtshan ma'i phyag rgya bsgom par bya'o/ /rang gi mtshan ma las byung ba'i rang gi rigs sprul la/ phyogs bcu'i sems can gyi khams thams cad kyi de'i rang bzhin du bskyed la/ de nas de rang gi mtshan ma la gzhug par bya'o/ /rang gi mtshan ma de la rang gi rigs kyi lha'i rdul phra rab bsags pa las bdag nyid bskyed de/ sems dpar byin gyis brlabs pa'i sbyor bas/ badzra satwa a haM zhes brjod cing/ rang gi mtshan ma de rdo rje sems dpar bdag nyid bskyed la bsnyengs pa dang bcas pas rdo rje gsor zhing yang 'di skad ces brjod par bya'o/ /badzra satwa a haM/ de bzhin badzra rA dza a haM zhes bya ba la sogs pa rang gi lha'i snying po brjod cing/ rdo rje sems dpa' 'am/ rdo rje rgyal po la sogs pa'i gzugs su bdag nyid bsgom par bya'o/ /rdo rje sems dpa' i rnal 'byor pas rdo rje gsar pa la mthar thug pa nyid kyi rdo rje las byung ba'i rdo rje sems dpar bdag nyid bsgom par bya'o/ /de ltar bdag nyid nga rgyal bskyed de/ ma ha sa ma ya satwa a haM zhes bya ba spyi'i snying po brjod cing/ rigs thams cad kyi rnal 'byor pas dam tshig chen po'i sems dpa' i nga rgyal bskyed par bya'o/ /de nas rang gi lha'i dam tshig gi phyag rgya bcings te sa ma ye haM zhes brjod cing/ dam tshig gi sems dpa' i nga rgyal bskyed la/ de nyid lha'i dam tshig gi phyag rgyas snying ga dang/ mdzod spu dang/ lkog ma dang/ spyi bor sa ma ya satwa a d+hi tiSh+Tha swa maM
- 285a
zhes brjod cing byin gyis brlab par bya'o/ /rang gi rigs kyi dam tshig gi phyag rgyas snying ga dang/ mdzod spu dang/ lkog ma dang/ spyi bor zla ba'i dkyil 'khor la gnas pa'i mtshan ma bzhi bskyed par bsams par bya'o/ /de nas rang gi lha'i phyag rgya chen po bcing bar bya'o/ /de bzhin gshegs pa la sogs pa'i rigs thams cad pa'i rnal 'byor rnams kyi rang gi sems yongs su spyod pa'i ye shes ni 'di yin no zhes bcom ldan 'das kyis gsungs pas the tshom mi bya'o/ /de bzhin gshegs pa'i rnal 'byor pas snga ma bzhin du sdig pa dral zhing mthar thug pa'i rjes su spyad la/ rdo rje skyil mo krung bcas te/ lag pa gnyis rdo rje bsdams pa bcings la phang par bkan te/ rang gi snying ga'i zla ba la rdo rje rtse lnga pa bsams te/ rdo rje'i dbus su oM tsit+ta pra ti be d+haM kA ro mi zhes bya ba yid kyis bris te/ mngon par byang chub pa lnga'i rim pa ji lta ba bzhin du bsgom par bya'o/ /de nas rang gi de bzhin gshegs pa'i dam tshig gi phyag rgya bcings te/ sa ma ya haM zhes bya bas dam tshig gi sems dpa' i nga rgyal bsgom par bya'o/ /de nas de bzhin gshegs pa'i dam tshig gi phyag rgya de nyid snying ga dang mdzod spu dang/ lkog ma dang/ spyi bor sa ma ya satwa a d+hi tiSh+Tha swa mo zhes brjod cing byin gyis brlabs par bya'o/ /de'i rjes la rang gi de bzhin gshegs pa'i phyag rgya chen po bcing bar bya'o/ /de ltar de bzhin gshegs pa la sogs pa'i rigs thams cad kyi phyag rgya chen po sgrub pa'i phyir dang/ de bzhin gshegs pa thams cad la sogs pa thams cad kyi rnal 'byor pa la bsgom pa'i gdams ngag sngags sbyin pa'i phyir/ de bzhin gshegs pa thams cad kyi rigs kyi de kho na nyid gsal bar byed pa'i gsang ba'i dngos grub
- 285b
? rgyud? bshad nas/ da ni rnal 'byor pa'i rang gi sems yongs su sbyang bar bya ba'i phyir/ de nas zhes bya ba la sogs pa nas/ de bzhin gshegs pa'i rigs thams cad kyi phyag rgya mngon par brjod pa'i dngos grub kyi rgyud gsungs so/ /de bzhin gshegs pa thams cad kyi rigs ni ji skad du bshad pa de dag go /mtshan ma ni rdo rje la sogs pa'i gzugs so/ /de mngon par 'dod pa ni de'i ming mngon par brjod pas zhes bya ba'i don no/ /de'i dngos grub ni bskyed pa'o/ /mtshan ma ni phyag rgya'i ming gi don gyi nges pa ni rdo rje dbyings kyi dbang phyug ma la sogs pa gzungs rnams rtogs pa yin no zhes bya ba'i don no/ /bcom ldan sems dpa' de nyid ni/ /zhes bya ba ni rigs thams cad kyi de kho na nyid bskyed pa gsang ba'i dngos grub kyi cho ga rgyas pa'i rgyud nyid du bshad zin pa gang yin pa'o/ /bcom ldan 'das sems dpa' de nyid ni de bzhin gshegs pa'i mtshan ma mngon par brjod pa'i gsang ba'i dngos grub bo/ /ji ltar gyur pa yin zhe na/ rdo rje sems dpa' ste zla ba rdo rje zhes bya ba'i don no/ /gang du gnas pa yin zhe na/ thugs la gnas shes bya ba smos te/ rnam par snang mdzad la sogs pa de bzhin gshegs pa'i thugs la zla ba'i dkyil 'khor gyi steng du rdo rje rtse lnga pa'i gzugs kyis gnas kyis gnas pa ni thugs la gnas pa'o/ /mnyam par bzhag pas ting 'dzin te/ zhes bya ba ni mnyam par bzhag pa'i ting nge 'dzin rtse gcig pa de'i phyir/ ting nge 'dzin de'i rgyu ni mnyam par bzhag par bya'o/ /'di las ci zhig byed che na/ sangs rgyas byang chub rab sgrub byed ces bya ba smos te/ sangs rgyas rnams kyi byang chub ni sangs rgyas kyi byang chub ste/ de rab tu sgrub cing skyed par byed do/ /'di skad ston pa yin te/ de bzhin gshegs pa thams
- 286a
cad kyi thugs la gnas pa'i bcom ldan 'das rdo rje 'dzin pa'o/ /thabs dang shes rab kyi rang bzhin gyi zla ba rdo rje'i rang bzhin du rjes su dran pa'i ting nge 'dzin gyis skyed par byed pa ni/ rdo rje dbyings kyi dbang phyug ma la sogs pa de bzhin gshegs pa thams cad kyi mtshan ma'i sgra'i don yin te/ de ltar de bzhin gshegs pa'i sgra'i mtshan ma'i mngon par brjod pa bstan nas/ de bzhin gshegs pa'i rigs kyi rab tu rtogs phyir rdo rje zhes bya ba la sogs pa gsungs te/ rdo rje zhes bya ba'i tha tshig go /ci'i phyir rdo rje sems dpa' i mtshan ma yin zhe na/ rab tu rtogs phyir zhes bya ba smos te shin tu rab tu rtogs pas na rab tu rtogs pa ste/ byang chub pa'i mtshan nyid can gyi sems khong du chud pas na rab tu rtogs pa'o/ /de'i ngo bo nyid rab tu rtog pa nyid yin pa de bas na rab tu rtogs phyir ro/ /lcags kyu yin zhes bya ba ni rdo rje rgyal po'i mtshan ma'o/ /ci'i phyir lcags kyur brjod ce na/ gzung ba'i tshul gyis zhes bya ba smos te/ gzung ba'i tshul gyis bsdu ba'i dngos pos sems can rnams bsdu ba'i dngos por sbyar ba dang/ de bzhin gshegs pa rnams 'dren pa'i tshul gyis so/ /mnga' yin la zhes bya ba ni rdo rje chags pa'i mtshan ma'o/ /rgyud gang yin zhe na/ phra mo rtogs phyir zhes bya ba smos te/ phra ba ni chos kyi dbyings de rtogs pa'i phyir phra mo rtogs pa'i phra mo rtogs pa'o/ /de'i dngos po phra mo rtogs pa de'i rgyus chos kyi dbyings mngon sum du byed do zhes bya ba'i don no/ /legs zhes bya ba ni rdo rje legs pa'i mtshan ma'o/ /ci'i phyir zhe na mgu bar gyur phyir zhes bya ba smos te/ yongs su mgu ba zhes pa'i don no/ /chos kyi dbyings mngon sum du byed pa'i rab tu dga' ba
- 286b
gang yin pa de ni yongs su mgu bas na legs par byed pa zhes bya'o/ /rin chen gsungs zhes bya ba ni rdo rje rin chen gyi mtshan ma'o/ /ci'i phyir zhe na/ spras pa'i phyi zhes bya ba smos te/ nam mkha' dang mnyam pa'i ye shes kyis sems can thams cad kyi bsam pa thams cad de yongs su rdzogs pa'o/ /de skad du yang de bzhin gshegs pa thams cad kyi dbang bskur bas rigs rnams spros pa bskyed par bya'o zhes gsungs pa yin no/ /nyi ma ste zhes bya ba ni rdo rje gzi brjid kyi mtshan ma'o/ /ci'i phyir zhe na/ gzi brjid tshul gyis zhes bya ba smos te/ gzi brjid ni gzi brjid kyi tshul gyis so/ /gzi brjid kyi tshul gyis gzi brjid rab tu ston pa de dang de ni gzi brjid kyi tshul can no/ /'di skad ston pa yin te/ ji ltar nyi ma'i dkyil 'khor gyis mun pa thams cad 'od zer gyi snang bas zil gyis gnon par byed pa de bzhin du de bzhin gshegs pa rnams kyi ye shes kyi nyi mas bag chags dang bcas pa'i nyon mongs pa spangs nas phyi dang nang gi mun pa sel gyis mnan te/ mi 'jigs pa sbyin pa'i 'od zer gyis rang dang gzhan gyi mun pa sel bar byed pa'o/ /rgyal mtshan zhes bya bas ci zhig ston par 'gyur zhe na/ rgyal mtshan legs par gsungs zhes bya ba smos te/ nyes pa'i dri ma thams cad spangs pa nyid dang/ dmigs pa med pa'i byams pa'i sbyin pas khams gsum po ma lus pa zil gyis gnon par byed ces bya ba'i don to/ /'dzum pa zhes brjod pas ci zhig brjod pa yin zhe na/ 'dzum pa bzhad par grags pa yin zhes bya ba smos te/ bzhad pa rnams ni bzhad pa'o/ /'di skad ston pa yin te/ mi dmigs pa'i byams pa'i sbyin pa'i mthus de bzhin gshegs pa'i stobs dang/ mi 'jigs pa la sogs pa chos kyi sbyin pas sems can gyi khams rnams
- 287a
tshim par byed pa'i rgyu'i mgu ba thob pa ni/ 'dzum pa zhes bya ba'i don no/ /ci'i phyir pad+ma yin zhes bya bar brjod ce na/ 'dod chags dag phyir zhes bya ba smos te/ thugs rjes chen po de'i 'dod chags dag pa ni 'dod chags dag pa'i phyir ro/ /'dod chags dag pa'i dngos po ni 'dod chags dag pa'i phyir ro/ /'dod chags dag pa'i pad+ma yis/ /zhes bya ba des dri ma med par chos mthun pa'o/ /ral gri zhes brjod pa ni rdo rje rnon po'i mtshan ma'o/ /ci'i phyir zhe na/ nyon mongs dgra gcod phyir zhes bya ba smos te/ shes rab kyi pha rol tu phyin pa'i ral gris chos thams cad ma skyes pa'o zhes bsgoms pa'i stobs kyis rtogs pas nyon mongs pa nyid kyi dgra de dag gcod pas na de dag dgra gcod phyir ro// 'khor lo ste zhes bya ba ni rdo rje rgyu'i mtshan ma'o/ /ci'i phyir zhe na dkyil 'khor gyi tshul gyis zhes bya ba smos te/ dkyil 'khor gyi tshul ni dkyil 'khor gyi sbyor ba yin pa de'i phyir dkyil 'khor gyi sbyor ba'i rgyu ni 'khor lo'i mtshan ma yin no zhes bya ba'i don no/ /gang gi tshe rdo rje dbyings kyi dkyil 'khor dang 'brel ba de'i tshe de dang de la brten pa'i 'khor lo'i tshul ni 'khor lo'o/ /smra zhes bya ba ni rdo rje gsung ba'i mtshan ma'i phyag rgya'o/ /ci'i phyir zhe na/ tshig gi brjod pas zhes bya ba smras te/ sgra'i 'don cing dag gi lam de las chos brjod pa dag gi chos brjod pa'i tha tshig go /kun rdo rje ni rtse mo bcu gnyis pa'i rdo rje ste/ rdo rje las kyi mtshan ma'o/ /ci'i phyir rdo rje kun zhes brjod ce na/ sna tshogs phyir zhes bya ba smos te/ / sangs rgyas kyi sprul pa dang/ sems can gyi don byed pa'i phyir thams cad du song ba yin no zhes bya ba'i don no/ /go cha zhes bya ba ni rdo rje go cha ma'i mtshan ma la bya ste/ ci'i phyir zhe na/ mi tshugs tshul gyis zhes bya ba smos te/ sdug
- 287b
bsngal gyis dub par mi nus pas na mi tshugs pa'o/ /de'i sbyor ba ni mi tshugs pa'i sbyin pa ste/ de'i phyir ni mi tshugs pa'i tshul ni yongs su spyod pa'i brtson 'grus kyi ngo bos bla na med pa yang dag par rdzogs pa'i byang chub las phyir mi ldog pa zhes bya ba'i don no/ /mche ba ni rdo rje gnod sbyin gyi mtshan ma ste/ ci'i phyir zhe na/ 'jigs byed tshul gyis zhes bya ba smos te/ 'jigs par byed pa 'jigs pa bskyed pa'i tshul ni so sor rtogs pa'i brtson 'grus kyis chos thams cad rang bzhin gyi 'od gsal ba yongs su shes pas snang pa med par dmigs pa ni 'jigs pa'o/ /de las skyes pa'i khro bo thams cad kyi ngo bo bdud la sogs pa gdug pa rnams la 'jigs pa bskyed pa'o/ /bsdams pa ni rdo rje khu tshur gyi mtshan ma'o/ /ci'i phyir zhe na phyag rgya'i tshul gyis zhes bya ba smos te/ phyag rgya rnams 'dren pa'i phyag rgya sbyor tshul lo/ /de bzhin gshegs pa la sogs pa rigs thams cad kyi phyag rgya sgrub pa nan tan du byed pa'i brtson 'grus kyis chos thams cad rang bzhin gyis 'od gsal bar byed pa'i phyag rgya'i sbyor ba des 'ching ba brjod pa ni de'i mtshan ma'o/ /de ltar mtshan ma'i phyag rgya'i sgras mngon par brjod pa'i don nges par byed pa'i rnal 'byor pa rnams kyis phyag rgya chen po la sogs pa 'grub par 'gyur ro/ /ji ltar bcom ldan 'das rtag pa zhes bya ba ni mi 'gyur ba'o/ /de gang yin zhe na/ rdo rje sems dpa' kun 'gro ba zhes bya ba smos te/ rdo rje rgyal po la sogs pa'i gdul ba rnams la snga ma'i bsgom pa'i tshul gyis thams cad du 'gro bas na kun 'gro ba'o/ /ji ltar rdo rje rgyal po la sogs pa'i rgyus 'di thams cad du 'gro ba de bzhin du rdo rje mtshan ma la sogs zhes bya'o/ /lcags kyu la sogs pa'i mtshan ma las dang po byas
- 288a
pa'i mtshan la sogs pa'o/ /de'i bsgom pa ni bdag gi rnal 'byor gyi dus su de ltar nges pa bskyed pas rnal 'byor pa 'grub par 'gyur ro/ /'di skad ston pa yin te sngar bshad pa'i tshul gyis rdo rje rgyal po la sogs pa'i snying po brjod cing chos thams cad bdag med par bsgoms te/ zla ba'i dkyil 'khor gyi steng du snying po nyid kyis rdo rje rtse lnga pa ji lta ba bzhin du rnam par bsams te/ de nyid las rdo rje lcags kyu la sogs pa'i gzugs su rnam par bsgom par bya'o/ /de ltar na rdo rje dang por byas pa'i mtshan ma thams cad ni kun tu 'gro ba zhes bya ba yin no/ /sems dpar byin gyis brlabs pa'i sbyor ba des rdo rje sems dpa' i gzugs su bsgoms la rdo rje sems dpa' i gzugs de las rang gi lha'i phyag rgya chen po'i gzugs su bsgom par bya'o/ /de ltar de bzhin gshegs pa la sogs pa'i rigs thams cad kyi mtshan ma mngon par brjod pa'i gsang ba'i dngos grub kyi rgyud bstan nas/ da ni rang gi sems yongs su spyod pa'i don ni de nas zhes bya ba la sogs pa ste/ de bzhin gshegs pa thams cad kyi rigs kyi phyag rgya bskyed pa'i gsang ba'i dngos grub kyi rgyud gsungs pa yin no/ /de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs te/ de dag gi phyag rgya bcing ba ni phyag rgya chen po la sogs pa thams cad bcing ba'o/ /de skye ba ni gzugs brnyan gyi sbyor pa la sogs pas sgrub pa po'i rgyud la de bzhin gshegs pa la sogs pa'i rnam par bskyed pa'o/ /de'i dngos grub ni phyag rgya chen po la sogs pa rdzogs pa'o/ /de nyid kyi gsang ba de ston par byed pa'i rgyud de bcom ldan 'das phyag na rdo rjes gsungs shing bshad
- 288b
pa'o/ /rdo rje skyil krung bcas la zhes bya ba ni bcas pa ni bcings pa'o/ /lag gnyis rdo rje bsdams pa las zhes bya ba ni rdo rje bsdams pa bcings pa dang rang de bdag pa'i rnam pa de lta bus rdo rje bsdams pa dang/ rdo rje skyil krung bcings pa dang bcas pa'o/ /rdo rje sems dpa' i ting 'dzin gnas/ /zhes bya ba ni rang gi snying gar sems dpa' i rdo rjer bsgoms pa'i rdo rje sems dpa' i ting nge 'dzin to/ /de la rab tu gnas pa ni rdo rje sems dpa' i ting nge 'dzin la gnas pa'o/ /myur du sangs rgyas nyid du 'grub/ /ces bya ba ni sems dpa' i ting nge 'dzin des phyag rgya thams cad bcings shing bskyed pas myur zhing rings par sangs rgyas nyid thob par 'gyur ro/ /de'i don ni 'di skad ston pa yin te/ snga ma bzhin du sdig ba dral ba'i mthar thug pa'i cho ga thams cad rjes su spyad la/ de bzhin gshegs pa'i rnal 'byor pa rdo rje skyil krung bcas te/ de'i steng du rdo rje bsdams pa bkan te bzhag la rang gi snying gar sems dpa' i rdo rje ji lta ba bzhin du rnam par bsams te/ rdo rje'i dbus su oM tsit+ta pra twe be d+hi kA ro mi zhes bya ba mngon par brjod cing/ mngon par byang chub lnga ji lta ba bzhin bsgom par bya'o/ /de ltar de bzhin gshegs pa'i phyag rgya bcing ba bskyed pa bstan nas/ da ni de bzhin gshegs pa'i rigs ni de la 'di na zhes bya ba la sogs pa gsungs te ji ltar rgyal po zhes bya ba la sogs pa smos te/ dper na 'khor los sgyur ba'i rgyal po gser gyi byang du la sogs pa bris pa'i rang gi phyag rgya'i khrims la de dag gi rgyas 'debs pa de bzhin du rdo rje sems dpa' la sogs pa'i 'khor los sgyur ba'i phyag rgya chen po la sogs pa'i gzungs kyi sgrub pa po'i skye bo la rgyas 'debs par byed pa'o/ /ji ltar rgyas 'debs par byed ce na/ sku
- 289a
gsung thugs kyi rdo rje yis/ /gzugs brnyan gyi ni tshul du yang/ /zhes bya ba smos te/ rdo rje sems dpa' la sogs pa'i sku gsung thugs kyi gzugs brnyan gyi rnam par bsgom pa'i sbyor ba des gzugs brnyan gyi tshul du byed pa'o/ /ji ltar lus dang ngag dang yid rdo rje'i gzugs brnyan gyi tshul du byed ce na/ bdag nyid che zhes bya ba smos te/ rdo rje sems dpa' la sogs par phyag rgya cher zhes bya ba de lta bu'i don ni chen po yang yin la phyag rgya yang de yin pas na phyag rgya cher ro/ /thog ma dang tha ma med pa kun tu 'gro ba'i chos kyi dbyings su gyur pa nyid kyi phyag rgya chen po la sogs pa ni thams cad du song ba'o/ /de ltar rnam par rig cing bskyed pas na gang shes nas dngos grub thob par 'gyur zhes bya'o/ /de'i don ni 'di skad ston pa yin te/ rdo rje sems dpa' la sogs pa'i sku dang gsung dang/ thugs rdo rjer lhag par mos pas rnal 'byor pas gzhan gang yang rung pa'i lus dang ngag dang/ yid la rdo rje'i phyag rgya bcings te/ des pa bskyed nas gang gi tshe phyag rgya bcing bar byed pa'i rang ngam gzhan la rgyas btab par 'gyur ro/ /ji ltar dam tshig dam pa yi zhes bya ba la sogs pa la skyes bu gang zhig la/ dam tshig ni mna'i dngos po 'di las khyed 'da' bar ma byed cig /'das na myur du 'chi ba'i dus byed par 'gyur ro zhes bya bas bcing bar bya'o/ /ji ltar mna'i rjes su 'brang bar byas pa la 'das pa'i 'jig rten pa des de rang rgyun tu spyad par bya'o/ /de ltar de bzhin gshegs kun gyi zhes bya ba ni rdo rje hUM mdzad la sogs pa'i khro bo'i dam tshig gi phyag rgya bcings pa'i mchog bcings pa las mna'i bar du sgrub pa pos 'da' bar mi bya'o/ /sgrub pa
- 289b
pos phyag rgya bcing pa la nges pa bskyed nas rang dang gzhan gyi rgyud la rdo rje rigs kyi phyag rgya chen po la sogs pa gdon mi za bar rgyas gdab par bya'o/ /'da' bar bya ba ma yin te zhes bya ba la sogs pa la/ rgyas pa la ni oM buSh+TaM ku ru hUM/ bde ba dang yid dga' ba la ni h+rI(rgyud 'grel): gzugs sna tshogs ston pa la ni ho/ /dbang du byed pa la sogs pa rdo rje'i bka' las rnam pa thams cad nas thams cad du 'da' bar mi bya'o/ /ci'i phyir 'da' bar mi bya zhe na/ mdor na rgyal bar rdo rje gsang zhes bya ba smos te/ de bzhin gshegs pa'i'o/ /'di ni bcings par shes nas kyang/ /des ni chos kyi dngos grub 'gyur/ /zhes bya ba ni rgyal ba thams cad kyi rdo rje bka' gang yin pa 'di las mi 'da' bar bya'o zhes don nges par byas nas de bzhin gshegs pa rnams kyi bcings pa las 'gal bar mi bya'o/ /pad+ma'i rigs kyi rnal 'byor pas de bzhin gshegs pa dang 'brel ba'i sngags kyi yi ges don gyi dngos grub rab tu ster ba yin no zhes pa bskyed nas/ gang gi tshe pad+ma'i rigs kyi rnal 'byor pas phyag rgya 'ching bar byed pa de'i tshe pad+ma'i rigs kyi lha de rnams kyi phyag rgya chen po la sogs pa'i gzugs brnyan du bskyed nas dang des pad+ma'i rigs kyi phyag rgya chen po la sogs pa chos kyi dngos grub tu 'gyur ro zhes bya'o/ /'di las 'da' bar dka' bas na rdo rje'i bka' ste/ 'phags pa nam mkha' i snying pos khyed rnams la dbang bskur ba'i rigs kyi rang bzhin du bya'o zhes bka' stsal pa las so/ /'di ltar sems can gyi khams thams cad kyi bsam pa thams cad yongs su rdzogs par byed pa'i las de nyid las ma rnams so/ /nam mkha' thams cad khyab pa'i sems can thams cad kyi bsam pa thams cad yongs su rdzogs par byed pa'i las ni
- 290a
mang po ste/ rab tu rgyas pa'o/ /de su'i las su 'gyur zhe na/ bka' dang ldan pa'i zhes bya ba smos te/ bka' dang ldan pa'i bka' la gnas pa 'am/ nor bu chen po'i rigs kyi rnal 'byor bsgom pa zhes bya ba'i don no/ /de'i bka' dang ldan pa'i sgrub pa bos nam mkha' thams cad khyab pa'i nor bu'i rigs kyi las de byed par nges pa bskyed pa'o/ /de nas myur du 'grub par 'gyur zhes bya ba ni nor bu'i rigs kyi phyag rgya bcings pas dngos grub bskyed pa'o/ /'di yang bdag gis yongs su bzung zhing byin gyis brlabs so zhes bya ba ni dkyil 'khor chen po'i byin gyis brlabs kyi dbang du byas nas bshad pa 'ba' zhig tu ma zad kyi rgyud phyi ma las/ bdag gis yongs su gzung zhing slob dpon brgyud pas gtad pa'i yun ring du gnas pa ni byin gyis brlabs pas bdag gis yongs su gzung zhing byin gyis brlabs so zhes bya ba'o/ /yang zhes bya ba ni gsung ba sdud pa'o/ /sems kyi gsang ba gtso bor gyur pa gzungs kyi dkyil 'khor gyi dbang du byas pas rdo rje 'chang bas gsol ba ma btab kyang bcom ldan 'das rnam par snang mdzad rang nyid kyis yongs su gzung zhing byin gyis brlab pas/ sangs rgyas kyi bka' rab tu bstan pa yin no zhes bya ba'i don no/ /'phags pa de kho na nyid bsdus pa'i 'grel pa de kho na nyid snang bar byed pa las gzungs kyi dkyil 'khor gyi dbang du byas pa'i bshad pa rdzogs so// //de ltar de bzhin gshegs pa la sogs ba'i rigs thams cad kyi rtogs pa gsang ba'i cho ga rgyas pa'i dngos grub kyi cho ga'i rgyud bstan nas/ da ni de bzhin gshegs pa la sogs pa'i rigs thams cad kyi dkyil 'khor las gsungs pa'i phyag rgya bzhi bsgoms
- 290b
na rang gi rigs kyi dkyil 'khor chen po las gsung ba'i rang gi lha'i rnal 'byor byas la/ phyag bzhi'i mthar thug pa cho ga thams cad snga ma bzhin du rjes su spyad nas/ phyis rang gi chos kyi dkyil 'khor las gsungs pa'i phyag rgya chen po la sogs pa bcing ba ni rgyud phyi ma yang bya'o zhes bya ba'i don bstan pa'i phyir/ de nas shes bya ba la sogs pas de bzhin gshegs pa'i rigs thams cad kyi chos dam pa'i dngos grub kyi rgyud gsungs pa yin no/ /de bzhin gshegs pa thams cad kyang yin la rigs kyang yin pas de bzhin gshegs pa thams cad kyi rigs te/ de dag dang 'brel pa'i chos kyi dkyil 'khor la rag las ba ste/ dam pa'i dngos grub ni phyag rgya chen po'i dngos grub po/ / de ston par byed pa ni rgyud de bcom ldan 'das phyag na rdo rjes gsungs shing bshad pa'o/ /sangs rgyas rnams ni chos kyi sangs rgyas so/ /chos ni chos kyi dkyil 'khor ro/ /de'i ting nge 'dzin ni de bzhin gshegs pa'i phyag rgya chen po'i/ /de bsgoms de ni yang dang yang mngon du byas pa'o/ /ji ltar byed ce na mnyam par bzhag pas zhes bya ba ste/ sems rnam par g.yeng ba med pa'o/ /tshul gang gis she na/ sangs rgyas rjes su dran tshul gyis zhes bya ba smos te/ rang gi de bzhin gshegs pa bsgoms pa'i sangs rgyas rjes su dran pa'i tshul nges dngos grub dam pa thob par 'gyur ba des sangs rgyas thob ces bya ba'i don no/ /rdo rje dbyings la sogs pa'i dkyil 'khor chen po las bshad pa'i tshul gyis de bzhin gshegs pa'i rnal 'byor byas la/ phyag bzhi bya ba'i chos mthar thug pa'i cho gas su? sbyad ? chos kyi dkyil 'khor las bshad pa'i rang gi de bzhin gshegs pa'i phyag rgya chen po bcings te/
- 291a
rang gi snying ga'i rdo rje la rang gi sngags bkod nas/ de zlas shing rang gi de bzhin gshegs pa'i bdag nyid bsgom par bya'o/ /sems dpa' yang yin la kun yang de yin pas na sems dpa' kun te/ rdo rje sems dpa' la sogs pa nas rdo rje khu tshur gyi mthar thug pa'i chos kyi dkyil 'khor las bshad pa'i sems dpa' bcu drug go /de'i ting nge 'dzin ni de dag gi phyag rgya chen po'o/ /de rnams la gnas pa ni sems can kun gyi ting nge 'dzin la gnas pa'o/ /rdo rje sems dpa' la sogs pa'i phyag rgya chen po la dmigs pa ni gnas pa zhes bya ba'i don yin no/ /bsgoms pas ni goms pa'o/ /ji ltar bya zhe na/ mnyam par bzhag pa zhes bya ba smos pa ni go sla'o/ /gang gi tshul gyis she na/ chags pa rjes su dran tshul gyis zhes bya ba smos te/ de la chags pa ni mi dmigs pa'i thugs rje chen po'i ngo bo rdo rje sems dpa' la sogs pa rjes su dran pa'o/ /chos thams cad rang bzhin gyis rnam par dag pas gzugs brnyan dang mtshungs pa'i phyir ro zhes bsgoms pa de nyid kyi sbyor ba de ni chags pa rjes su dran pa'i tshul gyis so/ /des cir 'gyur zhe na/ de dngos grub dam pa thob par 'gyur zhes bya ba smos te/ chos kyi dkyil 'khor las bshad pa'i rdo rje sems dpa' la sogs pa'i phyag rgya chen po thob bo zhes bya ba'i don no/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje sems dpa' la sogs pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ phyis chos kyi dkyil 'khor las bshad pa'i rang gi lha'i phyag rgya chen po bcings
- 291b
te rang gi snying ga'i zla ba la gnas pa'i rdo rje la rang gi sngags rnam par bsams te/ rang gi sngags lan gsum brjod cing chos thams cad rang bzhin gyis rnam par dag pa'i gzugs brnyan dang mtshungs pa'i phyir ro zhes rnam par bsgoms nas phyis rang gi lha'i phyag rgya chen po bsgom par bya'o/ /'jig rten gsum rgyal cha lugs su ni chos kyi dkyil 'khor las bshad pa'i rdo rje hUM mdzad la sogs pa'i rdo rje'i rigs kyi lha'i phyag rgya chen po'i rang bzhin no/ / de bsgom pa ni khams gsum rnam par rgyal ba'i bsgom pa'o/ /ci bdag nyid dam gzhan dang cig tu bsgom zhe na/ 'on kyang dran byed mdun duAng de bzhin te/ zhes bya ba smos te/ ji ltar bdag nyid chos kyi dkyil 'khor las bshad pa'i 'jig rten gsum las rnam par rgyal ba'i cha lugs su bsgom pa de bzhin du mdun du yang bsgom pa nyid bsgom par bya'o/ /phyag na rdo rje'i mthur gyur nas thams cad rnam par rgyal bar 'gyur zhes bya ba ni rdo rje hUM mdzad la sogs pa'i rdo rje rigs kyi rang bzhin du'o/ /de'i don ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i lha'i rnal 'byor byas la/ sgeg mo la sogs pa'i gsang ba'i mchod pa bzhis bdag nyid yang dag par mchod la snga ma bzhin du/ de nyid kyis ni rdo rje gzung/ /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs nas snying po bzla/ /de nas chos kyi dkyil 'khor las bshad pa'i rang gi khro bo'i phyag rgya chen po bcings te/ ras la sogs pa la rang gi khro bo sprul bsdu ba la sogs pa'i cho ga rjes su spyad nas/ chos kyi dkyil 'khor las gsungs pa'i rang gi phyag rgya bzhi
- 292a
po rnams kyis rgyas btab ste/ dbang bskur ba'i phyag rgyas dbang bskur la/ chos kyi dkyil 'khor las bshad pa'i sgeg mo la sogs pa las kyi phyag rgya rnam pa brgyad dang/ las kyi dkyil 'khor las gsungs pa'i las kyi phyag rgya bcu drug gis yang dag par mchod la/ phyag bzhi byas te/ snga ma bzhin du rang gi khro bo'i phyag rgya chen po bcings nas snga ma bzhin du rang gi sngags rdo rje'i dbus su bsams la/ de nyid zos pa 'di ni rnal 'byor nyis ldab du 'gyur ro/ /'gro ba 'dul ba'i chos su zhes bya ba ni pad+ma rigs kyi chos kyi dkyil 'khor las bshad pa'i 'gro ba la sogs pa'i phyag rgya chen po la sogs pa 'gro ba 'dul ba'i chos so/ /de sgom pa ni bdag nyid dam mdun du rnam pa thams cad kyi mchog dang ldan pa'i pad+ma'i rigs kyi gdul bya rnams kyis mngon sum du byed pa'o/ /'di skad ston pa yin te/ snga ma bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ snga ma bzhin du pad+ma'i sgeg mo la sogs pa'i gsang ba'i mchod pa rnam bzhis bdag nyid yang dag par mchod la/ de kho na nyid dang chos dang/ dam tshig gi rdo rje pad+ma dang/ dril bu phyag rgya chen pos blangs te/ phyis pad+ma rigs kyi chos kyi dkyil 'khor las bshad pa'i rang gi lha'i phyag rgya chen po bcings te/ rang gi sngags brjod cing chos kyi dkyil 'khor las bshad pa'i rang gi lha sprul la/ bsdu ba la sogs pa'i cho ga rjes su spyad nas/ phyag bzhi byas nas rang gi phyag rgya chen po yang bcings la de'i sngags brjod cing/ zung gi rnal 'byor bsgom par bya'o/ /de ltar rnam pa kun gyi mchog ldan par/ /gdul bya de ni rab byed do zhes
- 292b
bya'o/ /don kun grub pa'i skur yang ni zhes bya ba ni nor bu chen po'i rigs bshad pa'i rang gi lha'i phyag rgya chen po'i gzugs su bya'o/ /bsgoms nas mdun duAng de bzhin te zhes bya ba ni bshad zin to/ /rnam pa kun gyi mchog ldan pa'i/ /phun sum tshogs don de thob po/ /zhes bya ba ni nor bu'i rigs kyi chos kyi dkyil 'khor las bshad pa'i rang gi lha'i phyag rgya chen po'i dngos grub po/ /de'i don ni 'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor chen po byas te/ snga ma bzhin du cho ga thams cad rjes su spyad la/ nor bu'i rigs kyi chos kyi dkyil 'khor las bshad pa'i rang gi lha'i phyag rgya chen po bcings la/ de'i sngags brjod cing de'i mdun du sprul la/ sdu ba la sogs pa'i cho ga byas nas phyag bzhi byas te/ yang chos kyi dkyil 'khor las bshad pa'i lha'i phyag rgya chen po bcings la/ de nyid kyi sngags brjod cing zung gi rnal 'byor bsgom par bya'o/ /da ni de bzhin gshegs pa la sogs pa'i rigs thams cad kyi dkyil 'khor las bshad pa'i dam tshig gi phyag rgya'i dngos grub ni/ de nas zhes bya ba la sogs pa gsungs te/ de bzhin gshegs pa'i rigs thams cad kyi chos kyi dkyil 'khor las bshad pa'i chos kyi dkyil 'khor gyi dam tshig ni dam tshig gi phyag rgya'o/ /de'i dngos grub ni bskyed pa'o/ /de'i rgyud ni bcom ldan 'das phyag na rdo rjes gsungs shing bshad pa'o/ /sangs rgyas rjes su dran 'gyur la zhes bya ba ni rdo rje dbyings kyi dkyil 'khor chen po la sogs pa las bshad pa'i cho gas de bzhin gshegs pa'i rnal 'byor byas la/ phyag bzhi'i mthar thug pa'i cho ga rjes su sbyang
- 293a
nas/ de'i rjes la chos kyi dkyil 'khor las bshad pa'i rang gi de bzhin gshegs pa'i dam tshig gi phyag rgya bcings te/ snying ga'i rdo rje la rang gi sngags rnam par bsams la de nyid brjod cing de bzhin gshegs pa'i bdag nyid du bsgoms te/ badzra badzra zhes brjod par bya'o/ /de ltar sangs rgyas rjes su dran pa'i phyir badzra badzra zhes brjod na/ sangs rgyas dngos grub thob par 'gyur/ /sbyor ba gang gis she na/ rdo rje phra mo'i tshul gyis ni/ zhes bya ba smos te/ rdo rje phra mo bsgoms pa des sangs rgyas kyi dngos grub ni chos kyi dkyil 'khor las bshad pa'i de bzhin gshegs pa'i dam tshig gi phyag rgya'i dngos grub thob cing rnyed par 'gyur ro/ /de'i don ni 'di skad ston pa yin te/ snga ma bzhin du chos kyi dkyil 'khor las bshad pa'i dam tshig gi phyag rgya bcings te/ de bzhin gshegs pa'i bdag nyid du rnam par bsgoms nas/ badzra badzra zhes bya ba'i sngags kyi yi ge mdun du rnam par bsams la/ rang gi lus kyi nang du zhugs pas lus dang ngag dang yid rnams chu dang 'o ma bzhin cig tu nges par byas la/ chos kyi dkyil 'khor las bshad pa'i rang gi de bzhin gshegs pa'i sngags brjod cing ji srid du de bzhin gshegs pa dang/ bdag nyid gcig tu gyur pa de srid kyi bar du zla ba gnyis bsgoms la/ de nas gzhan yang zla ba gcig spro ba dang bsdu ba bsgom par bya'o/ /de nas mtshan thog thag de bzhin gshegs pas nam mkha' i khams gang bar bsgoms na de bzhin gshegs par 'gyur ro/ /rdo rje sems dpa' i ting 'dzin du/ /rdo rje phra mo bsgom byed cing/ /zhes bya ba ni de bzhin gshegs pa'i rigs kyi chos kyi dkyil 'khor las
- 293b
bshad pa'i rdo rje sems dpa' la sogs pa nas/ rdo rje 'bebs pa'i mthar thug pa ni rdo rje sems dpa' i 'o/ /de dag gi ting nge 'dzin ni dam tshig gi phyag rgya'o/ /ji ltar de bsgom zhe na/ rdo rje phra mo sgom byed cing zhes bya ba smras te/ rdo rje phra mo bsgoms par byas pa'o/ /rdo rje sems dpa' nyid 'grub po zhes bya ba ni chos kyi dkyil 'khor las bshad pa'i rdo rje sems dpa' i dam tshig gi phyag rgya'i dngos grub thob po zhes bya ba'i don no/ /ci zhig brjod cing zhe na/ badzra satwa zhes brjod na zhes bya ba smos te/ rdo rje sems dpa' zhes bya ba ni bshad zin to/ /de'i don ni 'di skad ston pa yin te/ rdo rje dbyings kyi dkyil 'khor chen po las bshad pa'i cho gas rdo rje sems dpa' la sogs pa'i rang gi lha'i rnal 'byor byas la/ phyag bzhi'i mthar thug pa'i cho ga thams cad rjes su spyad la/ phyis chos kyi dkyil 'khor las bshad pa'i rang gi lha'i dam tshig gi phyag rgya bcings te/ rang gi snying ga'i rdo rje la rang gi sngags rnam par bsams te/ de nyid brjod cing chos kyi dkyil 'khor las bshad pa'i rang gi lha'i 'byor byas te/ badzra satwa zhes bya ba'i yi ges mdun du bsams la de nyid brjod cing rang gi lus la de bcug ste/ snga ma bzhin du rang gi lus dang/ ngag dang/ sems byin gyis brlabs la/ rtsa ba'i rgyud las bshad pa'i cho gas rdo rje phra mo zla ba gsum bsgom par bya'o/ /de nas mthar mtshan thog thag bya'o/ /de ltar na yang nyin re zhing rang la byin gyis brlabs pa la sogs pa byas nas/ chos kyi dkyil 'khor las bshad pa'i sngags zlos shing/ rang gi lha'i dam tshig gi phyag rgya bcings la/ rang gi lha'i gzugs su bsam par bya'o/ /badzra satwa zhes bya bas snga ma
- 294a
bzhin du byin gyis brlabs te/ chos kyi dkyil 'khor las bshad pa'i sngags bzlas la/ rang gi lha'i dam tshig gi phyag rgya bcings te bsgrub par bya'o/ /'jig rten gsum rgyal cha lugs su/ /dran byed mdun du de bzhin du/ /zhes bya ba ni rdo rje'i rigs kyi chos kyi dkyil 'khor las bshad pa'i rang gi khro bo'i lha'i gzugs can 'jig rten gsum las rnam par rgyal ba'i cha lugs ni 'jig rten gsum las rnam par rgyal ba'i cha lugs su byas nas/ yang dag par dran zhing bsgom par bya'o/ /mdun du ni rang gi rgyud du gtogs pa ji lta ba de bzhin du mdun du yang bsgom par bya'o/ /ci zhig zlos shing zhe na/ hUM hUM hUM hUM zhes yi ge hUM bzhi zlos shing/ rdo rje rigs kyi chos kyi dkyil 'khor las bshad pa'i dam tshig gi phyag rgya chos kyi dkyil 'khor las bshad pa'i dngos grub thob par 'gyur ro/ /'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i lha'i rnal 'byor byas te/ phyag bzhi'i mthar thug pa'i cho ga thams cad rjes su spyad nas/ de kho na nyid dang/ dam tshig dang chos dang/ bdag nyid du bskyed de/ phyis chos kyi dkyil 'khor las bshad pa'i rang gi lha'i dam tshig gi phyag rgya bcings nas/ de'i sngags snying gar bsams te de nyid brjod cing/ mdun du rang gi lha sprul la/ bsdu ba la sogs pa'i cho ga rjes su spyad nas/ chos kyi dkyil 'khor las bshad pa'i las kyi phyag rgya rnam pa brgyad dang las kyi dkyil 'khor las bshad pa'i mchod pa bcu drug gis ji lta ba bzhin du yang dag par mchod la/ phyag bzhi byas te/ rang gi lha'i dam tshig gi
- 294b
phyag rgya bcings te/ hUM bzhi mdun du sprul la/ de nyid brjod cing des rang gi lus dang ngag dang/ yid rnams byin gyis brlabs nas rang gi sngags brjod nas rnal 'byor nyis ldab du 'gyur ba yin no/ /'gro ba 'dul ba'i gzungs kyis ni zhes bya ba pad+ma'i rigs kyi chos kyi dkyil 'khor las bshad pa'i rang gi lha de'i gzugs su bsgom par bya'o/ /ji ltar bya zhe na/ rdo rje phra mos zhes bya ba smos te/ rdo rje phra mo bsgom par byas nas zhes bya ba'i don no/ /ci zhig brjod cing zhe na/ shud+ha shud+ha zhes brjod na zhes bya ba smos so/ /cir 'gyur zhe na/ dngos grub dam pa thob par 'gyur ro/ /zhes bya ba smos te/ pad+ma'i rigs kyi chos kyi dkyil 'khor las bshad pa'i dam tshig gi phyag rgya'i dngos grub thob par 'gyur ro zhes bya ba'i don no/ /de'i don ni 'di ltar shes par bya ste/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ de kho na nyid dang/ chos dang dam tshig bdag nyid du bskyed de/ dkyil 'khor las bshad pa'i rang gi lha'i dam tshig gi phyag rgya bcings nas/ snying ga'i rdo rje pad+ma la sngags rnam par bsams te/ de nyid zlos shing rang gi lha'i nga rgyal bskyed de/ bud+d+ha bud+d+ha zhes brjod pas snga ma bzhin du rang gi lus dang ngag dang/ yid rnams byin gyis brlabs te/ rang gi sngags brjod par bya'o/ /sngar bshad pa'i cho gas rdo rje phra mo zla ba gsum bsgoms la/ de nas mtshan thog thag bsgom par bya'o/ /de'i rjes la yang de bzhin du rang gi lus dang ngag dang/ yid byin gyis brlabs te/ rang gi lha'i dam tshig gi phyag rgya bcings nas/ sngags brjod cing bsgom
- 295a
par bya'o/ /don kun grub pa'i gzugs kyis ni rdo rje phra mo bsgom nas kyang/ /zhes bya ba ni nor bu chen po'i rigs kyi chos kyi dkyil 'khor las bshad pa'i don thams cad grub pa la sogs pa nas/ rin chen 'bebs pa'i mthar thug pa'i gzugs ni don thams cad grub pa'i gzugs so/ /da bsgom pa ni phra mo'i rdo rje sgom par byed pa'o/ /ci zhig brjod cing zhe na/ sid+d+hya sid+d+hya zhes brjod na zhes bya ba smos so/ /ci zhig tu 'gyur zhe na/ don gyi dngos grub mchog tu 'gyur/ /zhes bya ba smos te/ nor bu'i rigs kyi chos kyi dkyil 'khor las bshad pa'i dam tshig gi phyag rgya'i dngos grub ni don gyi dngos grub ste/ de mchog dam par gyur pa'o/ /'di skad ston pa yin te/ don thams cad grub pa'i dkyil 'khor chen po las bshad pa'i snga ma bzhin du rang gi lha'i rnal 'byor byas la/ phyis nor bu rigs kyi chos kyi dkyil 'khor las bshad pa'i rang gi lha'i dam tshig gi phyag rgya bcings la/ sid+d+hya sid+d+hya zhes brjod cing rang gi lus dang/ ngag dang yid rnams byin gyis brlabs la/ sngar bshad pa'i cho gas zla ba gsum rdo rje bsgoms nas/ mthar mtshan thog thag bsgom par bya'o/ /de ltar snga ma bzhin du cho ga thams cad rjes su spyad la/ rang gi lha'i dam tshig gi phyag rgya bcings nas/ lus dang/ ngag dang/ yid rnams byin gyis brlabs te/ rang gi sngags snying ga'i rdo rje rin po che'i dbus su rnam par bsam la/ de nyid bzlas shing bsgom par bya'o/ /de ltar de bzhin gshegs pa la sogs pa'i chos kyi dkyil 'khor las bshad pa'i rigs kyi dam tshig gi dngos grub kyi cho ga rgyas pa'i rgyud bstan nas/ da ni de nas zhes bya ba la sogs
- 295b
pas de bzhin gshegs pa thams cad kyi dam pa'i chos kyi ye shes kyi dngos grub kyi rgyud gsungs so/ /de bzhin gshegs pa thams cad kyi rigs rnams so/ /dam pa'i chos ni dam pa'i chos te/ chos kyi dkyil 'khor gyi chos kyi phyag rgya'o/ /de'i ye shes ni nges pa'o/ /de'i dngos grub ni sangs rgyas dang byang chub sems dpa' thob pa'o/ /de ston par byed pa ni rgyud do bcom ldan 'das phyag na rdo rjes gsungs shing bshad pa'o/ /a la sogs pa'i yi ge de med pa'o/ / dam pa'i chos ni bdag med pa'i ngo bo rang bzhin gyis rnam par dag pa'o/ /de ston par byed pa chos kyi phyag rgya'i ngo bo yang yi ge med pa'o/ /yi ge med par ston pa nyid yin no/ /ting 'dzin ye shes 'byung ba ste/ zhes bya ba ni chos thams cad rang bzhin gyis rnam par dag pa'o zhes sems rtse gcig pa'i ting nge 'dzin to/ /de la ye shes ni ting nge 'dzin gyi ye shes las byung ba gang yin pa ni shes rab kyi pha rol tu phyin pa'i rang bzhin no/ /a zhes pa des chos rnams kyi skye ba med par bshad pa yin zhes bya ba ni/ a kA ro mu khaM sarbba d+harmma NAM A dyA nutpan na twAta ces bya bas gtan tshigs ston pa'i rgyu des yi ge a nyid kyis skye ba med par bshad pa yin no zhes sgra'i don yin no/ /de ltar bshad pa ni bstan pa'o/ /phyag rgya 'di yi tshul gyis ni/ /shes rab kyis bsgoms de ni gang/ /zhes bya ba la sogs pa chos thams cad ma skyes pa'o zhes bya ba des chos kyi dbyings kyi phyag rgya de'i tshul bsgoms par/ /phyag rgya 'di'i tshul gyis bsgoms pa des yang dang yang mngon du byas pa ni bsgoms pa'o/ /shes rab kyis ni chos thams cad gdod ma nas ma skyes par rang bzhin gyis rnam par dag pa'o zhes lhag par mos pa'i shes rab 'dis bsgoms pa'o/ /yi
- 296a
ge kun gyi ye shes dngos/ /bde gshegs skad kyis 'grub par 'gyur zhes bya ba ni mi zad pas na yi ge'o/ /de bzhin gshegs pa thams cad rtag tu mi 'jigs pas na thams cad mi zad pa'o/ /rang bzhin gyis rnam par dag pa'i chos kyi ye shes ni de bzhin gshegs pa lnga'o/ /de'i dngos po ni de'i rang bzhin gyi ye shes su 'grub pa ste/ de nyid bstan pa'o/ /bde bar gshegs pa bya zhes bya ba ni mdzes par gshegs pa ste/ bag chags dang bcas pa'i nyon mongs pa spangs pa'i phyir/ bde bar gshegs pa ni sangs rgyas bcom ldan 'das te/ de dag ni 'dir mdzes par gshegs pa'o/ /des dus ci zhig gis 'grub ce na/ skad cig gis/ zhes bya ba smos te/ mtshan ma thob par gyur pa gang zhig gis mngon par shes pa lnga bskyed de/ dkyil 'khor bris la cho gas thams cad rjes su spyad de/ bsgoms na skad cig ma de nyid la 'grub par 'gyur ro/ /lus gzhan la mi bltos pa'i phyir ro/ /de ltar gang zhig gis gsungs she na/ bcom ldan 'das 'jam dpal de bzhin gshegs pa thams cad kyi gsungs pa ni rdo rje 'chang chen po nyid shes rab kyi pha rol tu phyin pa'i rang bzhin gyi 'jam dpal/ de bzhin gshegs pa thams cad kyis gsungs so/ /de skad du yang de bzhin gshegs pa thams cad ni/ shes rab dbyangs kyi rjes 'gror bshad/ /ces gsungs so/ /de'i don ni 'di skad ston pa yin te/ snga ma bzhin du de bzhin gshegs pa'i rnal 'byor byas la/ phyag bzhi'i mthar thug pa'i cho ga'o/ /de kho na nyid dang/ chos dang dam tshig kyang blangs la/ phyis chos kyi dkyil 'khor las bshad pa'i chos kyi phyag rgya lce la rnam
- 296b
par bsams te/ snying gar rdo rje la chos kyi yi ge yang bsam par bya'o/ /a kA ro mu khaM sarbba d+harmma NAM A dyA nuta pan na twAta zhes bya ba sgyu ma lta bur nges par byas nas/ de bzhin gshegs pa'i bdag nyid chos kyi yi ge zlos shing bsgom par bya'o/ / de bzhin gshegs pa thams cad ni de bzhin gshegs pa 'di thams cad do/ /'di gang yin zhe na/ de nyid kyi zhes bya ba smos te/ don dam par rgyu dang 'bras bu'i de kho na nyid ston pa'i de bzhin gshegs pa thams cad kyi de kho na nyid bsdus pa'i mdo sde 'di 'dod pa yis so/ /dad pas gzhung gi don bcangs pa ni khong du chud pa'o/ /bklags pa ni dad pas glegs bam 'don pa'o/ /de bzhin gshegs pa'i yon tan la dad pas lhag par mos pa dang ldan pa'i phyir ro/ /de skad du yang de bzhin gshegs pa'i yon tan la dad pas lhag par mos phyir ro zhes gsungs so/ /dngos grub bla med thob par 'gyur/ /zhes bya ba ni de bzhin gshegs pa'i rigs kyi phyag rgya'i dngos grub thob pa'i 'gyur ro/ /'di skad ston pa yin te/ rdo rje sems dpa' la sogs pa nas rdo rje 'bebs pa'i mthar thug pa'i de bzhin gshegs pa rigs kyi chos kyi dkyil 'khor las bshad pa'i chos kyi phyag rgya sgrub par 'dod pas/ de bzhin gshegs pa thams cad kyi de kho na nyid bsdus pa'i mdo sde 'di la dad par bya'o/ /de'i gzhung gi don bcad bar bya'o/ /don dran zhing glegs bam glag par yang bya'o/ /de nas chos thams cad rang bzhin gyis dag pa'o zhes bya'o thos pa dang/ bsam pa dag gis nges pa bskyed nas/ rdo rje dbyings kyi dkyil 'khor chen po las bshad pa'i rang gi lha'i rnal 'byor byas la/ snga ma bzhin du cho ga thams cad rjes su spyad la/ chos kyi dkyil 'khor las bshad pa'i rang gi lha'i
- 297a
chos kyi phyag rgya lce la yi ge hUM las rdo rje dkar po bsams la bsgom par bya'o/ /de nas snying ga'i rdo rje la rang gi lha'i chos kyi yi ge rnam par bsams te/ de nyid brjod cing gzugs dang mtshungs pa'i rang bzhin gyis rnam par dag pa'i rang gi lha'i gzugs su bsgom par bya'o/ /sdig pa'i sems can phan gdags phyir/ /sangs rgyas ye shes byed 'dod pas/ /zhes bya ba ni bshad zin to/ /de'i don ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i lha'i rnal 'byor byas la/ phyag bzhi'i mthar thug pa'i cho ga rjes su spyad nas de kho na nyid dang/ chos dang dam tshig rnams kyis bdag nyid byin gyis brlabs te/ chos kyi dkyil 'khor las bshad pa'i chos kyi phyag rgya lce la rnam par bsams te/ yang thugs ka la rang gi lha'i chos kyi yi ge bkod la/ de nyid brjod cing sems can gyi khams thams cad rdo rje'i rigs kyi rang bzhin du byas te/ gzugs brnyan dang mtshungs pa'i rang bzhin gyis rnam par dag pa bsgom par bya'o/ /rang bzhin dag par shes nas ni/ /zhes bya ba ni rtogs pa nyid do/ /ji ltar shes she na/ dam pa'i chos ni yin par bshad zhes bya ba smos te/ rang bzhin rnam par dag pa'i mtshan nyid kyi don gang yin pa 'di ni don dam pa yin no zhes bcom ldan 'das kyis gsungs so/ /zhes nas 'di bsgoms pa ni rang bzhin gyi rnam par dag pa'i mtshan nyid kyis dngos po thog ma dang tha ma med par rnam par dag pa'i mtshan nyid kyi dngos po 'di goms par byas pa'o/ /thog ma zhes bya ba ni de bzhin gshegs pa rnams byung yang rung/ de bzhin gshegs pa rnams ma byung yang rung ste/ rang bzhin gyis gnas pa'i phyir ro/ /
- 297b
rang bzhin gyis rnam par dag pa'i mtshan nyid kyi chos de lta bur gyur pa gdul bya rnams la dngos grub myur zhing rings par thob cing rnal 'byor pas chos kyi phyag rgya 'grub bo/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i 'jig rten dbang phyug gi rnal 'byor byas te/ snga ma bzhin du cho ga thams cad rjes su spyad la/ rang gi lce la chos kyi dkyil 'khor las bshad pa'i rang gi lha'i chos kyi phyag rgya rnam par bsams te/ de nyid zlos shing chos thams cad rang bzhin gyis rnam par dag pa'o zhes nges pa bskyed nas/ gzugs brnyan dang mtshungs pa'i lha'i ngo bo'i bdag nyid du bsgom par bya'o/ /sems can yang yin la kun yang yin pas na sems can kun te/ de bzhin gshegs pa la sogs pa de dag thams cad kyi don sbyin par byed pa na rin po che'i rigs kyi rtog pa bskyed pa dang/ rin po che'i rigs kyi gzugs su bskyed pa'o/ /ci'i phyir zhe na/ bsam pa thams cad rdzogs byed cing zhes bya ba smos te/ nor bu chen po'i rigs kyi chos kyi dkyil 'khor las bshad pa'i chos kyi phyag rgya'i dngos grub ni rang dang gzhan gyi bsam pa thams cad yongs su rdzogs par byed pa'o/ /de'i don ni sems can kun gyi don te/ de ni sems can kun la don sbyin byed do/ /chos goms 'di ni nor bu yi/ /zhes bya ba ni sems can kun la de ni sbyin pa'i nor bu'i rigs kyi chos kyi tshul lo/ /ji ltar 'di'i chos yin yang rnal 'byor pas 'di ci zhig tu 'gyur zhe na rigs kyi yang ni dngos grub 'gyur zhes bya ba smos te/ chos 'di la bsgoms pas chos kyi phyag rgya'i dngos grub 'grub par 'gyur ro/ /'di skad ston pa yin te/ snga ma bzhin du don thams cad grub pa'i dkyil 'khor chen po las bshad pa'i
- 298a
rang gi lha'i rnal 'byor byas la/ chos thams cad rjes su spyad de/ de phyis nor bu'i rigs kyi dkyil 'khor las bshad pa'i rang gi lha'i chos kyi phyag rgya lce la ji lta ba bzhin du bsams te/ de nyid snying kha'i dbus su ming bkod la/ de nyid brjod cing de bzhin gshegs pa la sogs pa'i sems can gyi khams thams cad nor bu chen po'i rigs kyi lha'i dbang bskur te/ nor bu'i rigs kyi rang bzhin du bsams la/ sprul pa dang mtshungs pa'i rang bzhin gyis rnam par dag pa'i rang gi lha'i ngo bo bdag nyid bsgom par bya'o/ /de ltar de bzhin gshegs pa thams cad la sogs pa'i rigs thams cad kyi dam pa'i chos kyi ye shes dngos grub kyi cho ga thams cad rgyas pa'i rgyud bstan nas da ni de nas zhes bya ba la sogs pa nas/ de bzhin gshegs pa thams cad kyi ting nge 'dzin gyi las kyi dngos grub kyi rgyud gsungs pa yin no/ /de bzhin gshegs pa thams cad ni rigs so/ /ting nge 'dzin gyi las kyi bsgom pa'o/ /de'i dngos grub kyi chos kyi dkyil 'khor las bshad pa'i las kyi phyag rgya rnams bskyed pa'o/ /de ston par byed pa ni rgyud de bcom ldan 'das phyag na rdo rjes gsungs shing bshad pa'o// //ting nge 'dzin gyi las ni ting nge 'dzin gyi las te/ ting nge 'dzin bsgom pa'o/ /gang dang sbyar zhe na/ sangs rgyas zhes bya ba smos te/ cir 'gyur zhe na/ sangs rgyas byang chub rab bsgrub pa zhes bya ba smos te/ sangs rgyas rnams kyi byang chub ni sangs rgyas byang chub ste/ de rab tu bsgrub par byed pa'o/ /gang gis she na 'di ni bsgom par bya na yang/ zhes bya ba smos te/ gang gi phyir ting nge 'dzin gyi las 'di rnal 'byor pas bsgoms nas dngos
- 298b
grub kyi mchog dam pa chos kyi dkyil 'khor las bshad pa'i las kyi phyag rgya'i dngos grub thob par 'gyur te/ de'i don ni 'di ltar shes par bya ste/ snga ma bzhin du de bzhin gshegs pa'i rnal 'byor byas la cho ga thams cad rjes su spyad de/ phyir chos kyi dkyil 'khor las bshad pa'i de bzhin gshegs pa'i las kyi phyag rgya bcings te/ rang gi snying gar rdo rje rtse lnga pa sngags rnam par bkad de zlos shing de bzhin gshegs pa'i bdag nyid du bsam par bya'o/ /sems can gyi khams thams cad sangs rgyas kyi byang chub la rab tu bzhag nas rang bzhin gyis 'od gsal bar sprul la/ mtshungs pa de bzhin gshegs pa'i bdag nyid du bsgom par bya'o/ /rdo rje sems dpa' ni chos kyi dkyil 'khor las bshad pa'i rdo rje sems dpa' la sogs pa nas/ rdo rje 'bebs pa'i mthar thug pa'i de bzhin gshegs pa'i rigs kyi rang bzhin no/ /de dag gi ting nge 'dzin ni chos kyi dkyil 'khor las bshad pa'i las bsgom pa'o/ /rdo rje sems dpa' i ting nge 'dzin de dag gi bla na med pa'i las ni byang chub kyi sems bskyed pa'o/ /mang po ni nam mkha' khyab pa'o/ /sems dpa' kun 'gyur thams cad kyang/ /zhes bya ba la sems dpa' i ni rdo rje sems dpa' la sogs pa nas/ rdo rje 'bebs pa'i mthar thug pa de dag bskyed pa ni/ sems dpa' kun gyi rnam par brtan pa dang g.yo ba sna tshogs pa thams cad kyi dngos po'i rang gi ngo bo thams cad du song bas na rdo rje sems dpa' la sogs pa bskyed pa ni/ /de ltar skye ba dang 'jigs pa shes pa phun sum tshogs pa 'grub par 'gyur ro/ /chos kyi dkyil 'khor las gsungs pa'i las kyi phyag rgya'i dngos grub tu 'gyur ro/ /de'i don ni 'di ltar shes par bya'o/ /snga ma bzhin du rdo rje sems
- 299a
dpa' la sogs pa'i rnal 'byor byas la/ cho ga thams cad rjes su spyad nas/ phyis chos kyi dkyil 'khor las bshad pa'i las kyi phyag rgya bcings te/ rang gi snying ga'i rdo rje la rang gi lha'i sngags rnam par bsams nas/ de nyid brjod cing dngos po thams cad bdag yin no zhes bsgoms nas/ brtan pa dang g.yo ba'i dngos po'i bdag nyid thams cad rang yin no zhes nges par byas nas sprul pa dang mtshungs pa'i rang bzhin gyis 'od gsal ba'i lha'i ngo bo ni bdag yin no zhes bsgom par bya'o/ /sdig pa dag pa'i rgyu yi phyir zhes bya ba ni ji ltar ngan song gsum gyi sdig pa dag pa'i rgyu'i phyir ro/ /sdig kun rab tu 'dul byed pa ni bsad pas 'dul bar bcom ldan 'das kyis gsungs pa na/ de bzhin du mtshams med pa la sogs pa 'jug pa'i sems can thams cad sdig pa dag pa'i rgyu mtshan gyis bsad pa'o/ /dad par gyur na 'grub par 'gyur zhes bya ba ni dad par gyur pas so/ /'di skad ston pa yin te/ snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas nas/ cho ga thams cad rjes su spyad de/ /phyis rdo rje rigs kyi chos kyi dkyil 'khor las bshad pa'i rang gi lha'i las kyi phyag rgya bcings te/ snying ga'i rdo rje la sngags kyi yi ge rnam par bkod nas/ de brjod cing yid kyis sems can thams cad kyi khams thams cad rnam par sbyangs te/ thugs rje chen po thabs kyi khro bos bcom nas rdo rje rigs kyi rang bzhin du bskyed par bya'o/ /sdig kun rnam par dag pa'i bdag ces bya ba ni las dang nyon mongs pa la sdig pa kun zhes bya ba'i sgra ni rjod pa yin no/ /sdig pa thams cad rnam par dag pa'i bdag
- 299b
nyid du bsams pa gang yin pa de ni sdig pa kun rnam par dag pa'i bdag nyid de/ las dang nyon mongs pa spangs pa'o/ /las kun dag pas dgos pa kun/ /zhes bya ba'i skyes bu gang zhig sdig pa thams cad spangs pas chos thams cad rang bzhin gyis rnam par dag pa'o zhes nges par bskyed pa'o/ /dgos pa kun don thams cad grub par mdzad pa la sogs gzugs du mar mdzad pa'o/ /rnal 'byor pa de'i las ni 'di yin no zhes las 'di nyid rang bzhin gyis rnam par dag par lhag par mos pa byed pa yin gyi/ gzhan gyi ni ma yin no/ /zhes de ltar nges pa bskyed pa'i bsam pas bsgoms na 'grub par 'gyur ro/ /'di skad ston pa yin te/ snga ma bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ cho ga thams cad rjes su spyad de/ /phyis pad+ma'i rigs kyi chos kyi dkyil 'khor las bshad pa'i rang gi lha'i las kyi phyag rgya bcings te/ snying ga'i rdo rje pad+ma la rang gi sngags rnam par bsams te/ de nyid brjod cing chos thams cad rang bzhin gyis rnam par dag pa'i zhes nges pa bskyed pas/ de bzhin gshegs pa la sogs pa dang/ sems can gyi khams thams cad pad+ma'i rigs kyi ngo bor yid kyi sprul te/ rang bzhin gyis rnam par dag cing gzugs brnyan dang mtshungs pa'i rang gi lha'i gzugs su bdag nyid bsgom par bya'o/ /nor bu chen po'i rigs kyi rigs de la sred pa ni de thob par 'dod pa'o/ /de gang la yod pa de dag thams cad ni sed ldan no/ /de dag thams cad la sred pas ci zhig tu 'gyur zhe na/ dbul ba zhes bya ba smos te/ nor bu'i rigs kyi dbul ba'i sdug bsngal de dag bsal nas nor bu'i rigs la mngon par 'dod pas de bsgoms pa dan rab tu ldan par de rtogs pas spangs pa yin no/ /bsam kun skong pa ni
- 300a
nor bu rigs kyi 'dod pa grub pa'o/ /rtag tu ni dus thams cad du'o/ /don kun grub pas kun bdag ni nor bu'i rigs kyi chos kyi dkyil 'khor las bshad pa'i rang gi lha'i rnal 'byor bsgom pa dang rab tu ldan pas na don kun grub cing kun gyi bdag nyid do/ /de ni 'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ cho ga thams cad rjes su spyad de/ phyis nor bu'i rigs kyi chos kyi dkyil 'khor las bshad pa'i rang gi lha'i las kyi phyag rgya bcings te/ snying rdo rje rin po che las sngags rnam par bsams nas de nyid zlos shing/ nor bu'i rigs kyi dkyil 'khor las bshad pa'i lha'i ngo bor bdag nyid nges par bskyed nas de bzhin gshegs pa la sogs pa dang sems can gyi khams thams cad nor bu rigs kyi dbang bskur nas/ nor bu'i rigs kyi ngo bo bskyed de/ de'i rjes la rang bzhin gyis 'od gsal ba sprul pa dang mtshungs par bdag nyid rnam par bsam par bya'o/ /de ltar de bzhin gshegs pa la sogs pa nor bu'i rigs thams cad kyi ting nge 'dzin gyi las kyi dngos grub kyi cho ga rgyas pa'i rgyud bstan nas/ da ni chos kyi dkyil 'khor las gsungs pa'i phyag rgya chen po la sogs pa bsgoms pas gang gi mtshan ma thob par gyur pa de'i tshe rdo rje phra mo bsgoms pas mngon par shes pa lnga bskyed par bya'o zhes bya ba'i don bstan pa'i phyir de nas zhes bya ba la sog pas de bzhin gshegs pa'i rigs thams cad phra mo'i ye shes kyi dngos grub kyi rgyud gsungs pa yin no/ /de bzhin gshegs pa thams cad ni rigs so/ /phra mo'i ye shes ni rdo rje phra mo'i ting nge 'dzin te/ mngon par shes pa lnga bskyed pa'o/ /de'i dngos grub
- 300b
ni chos kyi dkyil 'khor las bshad pa'i phyag rgya chen po la sogs pa mngon sum du byed pa'o/ /de ston par byed pa'i rgyud gsungs ni/ bcom ldan 'das phyag na rdo rjes bshad pa'o/ /rdo rje phra mo'i tshul gyis ni/ /rdo rje phra mo bsgom pa'o/ /rtag tu ni gtan du'o/ /sbyor ba ni bsgoms pa'o/ /'bad pa kun gyis ni bya ba thams cad spangs te/ de la gzhol ba'i sems kyis kun tu bsgom pa'o/ /rnam pa'i mchog ni kun ldan pa zhes ji skad bshad pa'i mngon shes lnga ni thob par 'gyur zhes bya'o/ /'di skad ston pa yin te/ gang gi chos kyi dkyil 'khor gyi rnal 'byor pas mtshan ma thob par gyur pa de'i tshe mngon par shes pa bskyed pa'i phyir/ rdo rje phra mo bsgom pa byas na snga ma bzhin du mngon par shes pa lngar 'gyur ro/ / slob dpon ma yin gzhan dang ni/ /zhes bya ba la sogs pa ni de la de bzhin gshegs pa thams cad kyi de bzhin gshegs pa dang/ rdo rje'i rigs la sogs pa rnams kyi dam tshig la spyod pas na slob dpon no/ /de nyid dam gzhan pa'i lugs rnams la slob pas na slob dpon no/ /de'i slob dpon ma yin pa ni slob dpon ma yin gzhan dang ni zhes bya ste/ mdo sde pa dang/ mu stegs can rnal 'byor gyi rgyud kyi slob du mi 'gyur ba gang yin pa de ni gzhan yin no/ /gzhan gyi mdun du phyag rgya ma brjod de/ rnal 'byor gyi rgyud 'dir dbang bskur ba 'am/ slob dpon gyi mdun du bstan par bya'o/ /slob min la zhes bya ba ni rab tu byung ba la sogs pa dang/ 'brel ba'i slob ma de la bstan par bya ba thob par 'gyur ro snyam nas bu min pa zhes bya ba smos te/ rnal 'byor gyi rgyud kyi cho gas 'dir bcug pa'i bu'o/ /bu ma yin pa ni de'i bu ma yin pa'o/ /de ni 'di skad ston pa yin te/ de bzhin gshegs pa'i rigs kyi chos kyi dkyil 'khor gyi rnal 'byor pas /chos
- 301a
kyi dkyil 'khor las bshad pa'i dngos grub sgrub par 'dod pas rnal 'byor gyi rgyud kyi dkyil 'khor chen por 'jug pa'i slob ma rnams dang/ rnal 'byor gyi rgyud du dbang bskur ba thob pa'i slob dpon rnams la phyag rgya dang sngags bstan par bya'o/ /de las gzhan pa rnams nas ni ma yin no/ /de ltar gdams ngag thob pas chos kyi dkyil 'khor gyi rang gi lha'i phyag rgya chen po la sogs pa bsgom par byed pa ni ji srid du mtshan ma thob par gyur pa de srid kyi bar du bsgom par bya'o/ /de nas rdo rje phra mo bsgoms pas mngon par shes pa lnga bskyed la/ phyis phyag rgya chen po la sogs pa'i phyag rgya rnams mtshan thog thag bsgoms na 'grub par 'gyur ro/ /rdo rje phra mo'i tshul gyis ni/ /rdo rje phra mo bsgoms pa'o/ / rdo rje phra mo'i sbyor ba des/ /sna nas hUM byung ldan gyur na/ /zhes bya ba ni sna rjes las gyur ba ni hUM ni sna nas hUM byung ngo/ /sna las byung ba'i hUM gang yin pa de ni ldan gyur ba'o/ /de'i rjes la chos kyi dkyil 'khor las bshad pa'i rdo rje hUM mdzad la sogs pa rdo rje khro bo de dag gi ting nge 'dzin to/ /de la gnas pa ni phyag rgya chen po dang/ chos dang las dang dam tshig gi phyag rgya la gnas pa'i rang gi khro bo'i ting nge 'dzin la gnas nas las thams cad bsgrubs la/ rdo rje rigs kyi mngon par shes pa lnga bskyed par bya'o zhes bya ba'i don no/ /'di skad ston pa yin te/ snga ma bzhin du chos kyi dkyil 'khor las bshad pa'i rdo rje hUM mdzad la sogs pa rang gi lha'i sgrub pa bos rang gi lha'i phyag rgya chen po bsgoms te/ ji srid mtshan ma thob par gyur pa de srid kyi bar du bsgom par bya'o/ /de nas sna'i rtse mor sna nas byung ba'i hUM las phra mo'i rdo rje rnam par bsams te/ hUM zlos shing ji srid du mngon par shes pa lnga bskyed par gyur
- 301b
ba de srid kyi bar du bsgom par bya'o/ /de'i rjes la phyag rgya chen po la sogs pa bsgrubs pas mtshan thog thag bsgom par bya'o/ /rdo rje lta bas bltas na ni zhes bya ba ni bshad zin to/ /de'i ting nge 'dzin ni rdo rje lta ba'i snying pos bskyed pa'o/ /rdo rje phra mo'i tshul gyis ni/ /rdo rje phra mo'i bsgoms pa'o/ /de bas na de ni pad+ma chen po'i ting nge 'dzin la gnas pa'o/ /'dod chags dngos grub thob par 'gyur ro/ /zhes bya ba'i 'dod chags ni pad+ma'i rigs so/ /de'i dngos grub ni pad+ma'i rigs kyi mngon par shes pa lnga bskyed pa'o/ /'di skad ston pa yin te/ snga ma bzhin du cho ga thams cad rjes su spyad la/ pad+ma'i rigs su bshad pa'i phyag rgya chen po la sogs pa bcings te/ gang gi tshe mtshan ma thob par gyur pa de'i tshe phra mo'i rdo rje bsgoms la ji srid pad+ma'i rigs kyi mngon par shes pa lnga bskyed par gyur pa de srid kyi bar du bsgom par bya'o/ /de nas snga ma bzhin du mtshan thog thag phyag rgya chen po la sogs pa bsgoms te/ ji srid du pad+ma'i rigs kyi chos kyi dkyil 'khor las bshad pa'i phyag rgya chen po la sogs pa dngos grub 'grub par 'gyur ba de srid kyi bar du bya'o/ /shin tu 'bar ba'i 'bar blta bas zhes bya'o/ /'bar ba'i lta ba gang la yod pa ni 'bar ba'i lta ba'i rnam pa'o/ /des don thams cad 'dren par 'gyur ro/ /'bar ba'i lta ba dang ldan pa gang yin pa des don thams cad 'dren pa'i khyad par ci lta ba zhig bsgom par bya zhe na/ shin tu phra ba'i 'bar ba lta bas zhes bya ba smos te/ shin tu phra ba ni rab tu phra ba'o/ /ting nge 'dzin gang gis 'grub par 'gyur zhe na/ rdo rje rin chen ting 'dzin gyis zhes bya ba smos te/ nor bu'i rigs kyi chos kyi dkyil 'khor las bshad pa'i don thams cad grub pa la sogs pa de dag ni rdo rje rin chen no/ /de'i ting nge 'dzin
- 302a
ni chos kyi dkyil 'khor las bshad pa'i phyag rgya chen po la sogs pa'i rdo rje rin po che'i ting nge 'dzin de ni chos kyi dkyil 'khor las bshad pa'i phyag rgya chen po la sogs pa'i rnal 'byor gyis shes bya ba'i don no/ /rdo rje phra mo'i tshul gyis ni zhes bshad zin to/ /rdo rje phra mo'i tshul gyis ni/ /sngon? ni thams cad 'dren par 'gyur/ /zhes bya ba ste don yang yin la thams cad kyang de yin pas na don thams cad de/ nor bu'i rigs kyi mngon par shes pa lnga'o/ /de'i 'dren pa ni rtogs pa'o/ /de ni 'di skad ston pa yin te/ nor bu'i rigs kyi chos kyi dkyil 'khor las bshad pa'i phyag rgya chen po la sogs pa bsgoms nas gang gi tshe mtshan ma thob par gyur pa de'i tshe/ rdo rje phra mo bsgoms la ji srid mngon par shes pa lnga thob par gyur pa de srid kyi bar bya'o/ /de ltar de bzhin gshegs pa la sogs pas rigs thams cad kyi phra mo'i ye shes kyi dngos grub kyi cho ga rgyas pa'i rgyud bstan nas/ da ni chos kyi dkyil 'khor las bshad pa'i phyag rgya chen po la sogs pa bsgom pa ni mtshan ma 'di dag byung bar gyur na mngon par shes pa lnga bsgrub par bya'o zhes bstan pa'i phyir/ de nas zhes bya ba la sogs pas de bzhin gshegs pa thams cad kyi rigs kyi spyan gyi ye shes kyi dngos grub kyi rgyud gsungs pa yin no/ /de bzhin gshegs pa thams cad ni rigs so/ /spyan gyi ye shes ni skar ma'i rnam pa la sogs pa mthong ba'o/ /de'i dngos grub ni chos kyi dkyil 'khor las bshad pa'i phyag rgya chen po la sogs pa bskyed pa'o/ /rgyud nas ston pas na rgyud te/ bcom ldan 'das phyag na rdo rjes gsungs shing bshad pa'o/ /gang gi tshe phyag rgya 'am ting nge 'dzin zhes bya ba la sogs pa gang
- 302b
gi tshe ni dus gang zhig gi tshe na'o/ /phyag rgya ni chos kyi dkyil 'khor las bshad pa'i phyag rgya chen po la sogs pa'o/ /ting nge 'dzin ni rdo rje phra mo'i dbye ba rnam pa nyi shu'o/ /sgrub pa'i rtsol bar gyur pa de zhes bya ba ni bsgrub pa'i don mngon sum du byed pa'i don no/ /rtsol bar gyur pa ni nye bar mkho ba'o/ /gang gi tshe na dus de'i tshe'o/ /mkha' ni nam mkha' o/ /mkha' ni rdul phra rab bo/ /dkar por gyur pa de mthang ba ni 'od zer dkar po'o/ /rnam pa ci 'dra ba zhig ce na skar ma 'dra zhes bya ba smos te/ rnal 'byor pa des mthong ba'o/ /de'i tshe ni dus de na'o/ /blo ldan ni shes pa dang ldan pa 'am/ shes shing blo gros dang ldan pa'o/ /ci zhig shes she na sangs rgyas kyi spyan ni bdag gis thob par shes zhes bya ba smos te/ sangs rgyas rnams kyi spyan ni sangs rgyas kyi spyan te/ thams cad mkhyen pa'i ye shes so/ /de thob par byed pa'i rgyu mtshan yin pa'i phyir 'di la yang sangs rgyas kyi spyan zhes bshad do/ /de phyin chad ni sangs rgyas kyi rtog pa kun las bsgrub par bya zhes bya ba ni mngon par shes pa la sogs pa bskyed pa'o/ /ji snyed dngos po yod gyur pa/ /zhes bya ba la sogs pa la ji snyed pa ni bstan pa dang g.yo ba'i dngos po'o/ /yod pa ni mdog pa ste/ khams gsum pa de snyed pa thams cad de bzhin gshegs pa'i gzugs brnyan gyi rnam pa rnal 'byor pas mkha' la rgyug pa mthong bar 'gyur ro/ /ji ltar rgyug ce na/ 'gro ba dang ni 'ong ba 'ang rung zhes bya ba smos te/ gzugs brnyan de dang de dag mthong zhing shes pa'o/ /rdo rje spyan ni rnam par dag ces bya ba ni rdo rje sems dpa' la sogs pa'i byang chub kyi sems la sogs pa'i ngo bor bskyed pa ni rdo rje'i spyan rnam par dag pa'o/ /de dang ldan pa ni rdo rje'i spyan rnam par dag pa dang
- 303a
ldan pa ste/ de'i rdo rje spyan rnam par dag pa'o/ /rdo rje spyan rnam par dag pa ste/ thob pa'i rgyur gyur pa shes pa'i rnal 'byor pa ni rdo rje sems dpa' la sogs pa'i mchod pa so sor snang ba thob par gyur pa des mchod pa'i dngos grub thob par 'gyur zhes bya'o/ /g.yas pa 'am ni g.yon phyogs kyi/ /zhes bya ba ni g.yas phyogs dang g.yas phyogs ma yin pa thams cad de/ la lar ni g.yas pa ni g.yas yin la g.yas pa ma yin pa rnams g.yon zhes brjod do/ /g.yas phyogs dang g.yas phyogs ma yin pa'i logs su gnas pa'i ngang tshul gang la yod pa ni g.yas dang g.yon gyi phyogs kyi nam mkha' la de mig gi mthong bar 'gyur ro/ /nam mkha' dbyings nyid ni rdul phra rab kyi cha shas so/ /khar ji lta bu zhe na/ sprin 'dra myur du 'khor ba ni/ zhes bya ba yin te/ sprin sngon po dang mtshungs par de mthong yang rnal 'byor pas 'jigs par mi 'gyur bas na 'jigs par mi 'gyur ba'o/ /rgyu ci'i phyir zhe na/ rdo rje las rgyur phyag rgya de zhes bya ba smos te/ phyag rgya de bzung na ni phyag rgya'i mig ni 'grub par 'gyur zhes bya ste/ mig gis rnam par shes pa des yongs su bcad pas na bzung ba'o/ /chos kyi dkyil 'khor las bshad pa'i phyag rgya chen po la sogs pa de gzung na phyag rgya 'grub par 'gyur ro/ /gang 'grub par 'gyur zhe na/ mig gi phyag rgya zhes bya ba smos te/ nam mkha' i sprin sngon po dang mtshungs pa ni rdo rje rigs kyi chos kyi dkyil 'khor gyi phyag rgya'o/ / der snang ba'i mig ni mig gi rnam par shes pa ste/ mig gi phyag rgya de gang la yod pa'i rnal 'byor pa de ni mig gi phyag rgya can no/ /de ltar rdo rje rigs kyi chos kyi dkyil 'khor gyi rnal 'byor pa'i mig gi shes pa bstan nas/
- 303b
nga ni pad+ma'i rigs kyi rnal 'byor bstan pa ni/ gang tshe skya dmar dkar ba dang/ /zhes bya ba la sogs pa ste/ pad+ma'i rigs kyi rnal 'byor pas gang gi tshe skya ba ni kha dog dkar ba'o/ /dmar ba ni kha dog dmar ba'o/ /dkar ba ni dri ma med pa'o/ /sna tshogs ni kha dog lnga pa ste/ dkyil 'khor ni chos kyi dkyil 'khor ro/ /mtho ba ni mkha' la'o/ /de'i tshe ni dus der ro/ /dgongs pa nyid 'gyur zhing ni pad+ma'i rigs kyi chos kyi dkyil 'khor gyi gzungs kyis so/ /'grub par 'gyur ba ni rnal 'byor pas so/ /mngon par shes pa lnga bskyed cing bsgrub pas cir 'gyur zhe na/ 'khor lo'i spyan ni zhes bya ba smos te/ 'khor lo ni dkyil 'khor ro/ /spyan ni de'i rnam pa can gyi mig gi rnam par shes pa ste/ 'khor lo'i spyan rnal 'byor pa gang la yod pa 'di ni spyan no/ /'grub pa ni de'i dkyil 'khor ji lta ba bzhin du mthong ba'o/ /de ltar pad+ma'i rigs kyi spyan gyi ye shes kyi dngos grub bstan nas/ nga ni nor bu'i rigs kyi mkha' la rin chen 'dra ba dang/ zhes bya ba la sogs pa smos te nam mkha' ni grags par zad do/ /nam mkha' de la pad+ma rA ga la sogs pa nor bu dang 'dra ba dang/ dbyig la sogs dang 'dra bar ni/ /zhes bya ba ni dbyig ni dong tshe la sogs pa'i zong ste de dang 'dra ba'o/ /gang gi tshe ni dus gang gi tshe'o/ /nor bu'i rigs kyi rnal 'byor pas nam mkha' la nor bu'i rigs kyi chos kyi dkyil 'khor mthong bar 'gyur ro/ /de'i tshe mkha' mig 'grub par 'gyur zhes bya ba ni nor bu'i rigs kyi chos kyi dkyil 'khor ni rnam par dag pa'o/ /mig ni mig gi rnam par shes pa ste/ rnal 'byor pa gang la nam mkha' i mig yod pa des 'grub par 'gyur te/ nor bu'i rigs kyi dngos grub tu 'gyur zhing nor bu'i rigs kyi dkyil 'khor thun mtshams thams cad kyi tshe
- 304a
lan cig ma yin par mthong bar 'gyur ro/ /'phags pa de kho na nyid bsdus pa'i 'grel pa de kho na nyid snang bar byed pa la de bzhin gshegs pa thams cad la sogs pa'i rigs thams cad kyi chos kyi dkyil 'khor gyi rgyud phyi ma'i bshad pa rdzogs so// //de ltar de bzhin gshegs pa la sogs pa rigs thams cad kyi chos kyi dkyil 'khor gyi rgyud phyi ma bshad nas/ da ni de bzhin gshegs pa la sogs pa'i rigs thams cad kyi las kyi dkyil 'khor las gsungs pa'i phyag rgya chen po la sogs pa ni rang gi rigs kyi dkyil 'khor chen po las gsungs pa'i rang gi lha'i rnal 'byor byas la/ phyag bzhi'i mthar thug pa'i cho ga thams cad rjes su spyad de/ phyis rang gi rigs kyi las kyi dkyil 'khor las bshad pa'i phyag rgya chen po la sogs pa bcing ba ni rgyud phyi ma sgrub pa'i tshe yang bya'o zhes bstan par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad kyi rigs kyi las kyi dam pa'i dngos grub kyi rgyud 'di gsungs so/ /de bzhin gshegs pa thams cad kyang yin la rigs kyang yin pas na de bzhin gshegs pa thams cad kyi rigs so/ /de dag gi las ni las kyi dkyil 'khor ro/ /dam pa'i dngos grub ni phyag rgya chen po'i dngos grub bo/ /de ston par byed pa ni rgyud de bcom ldan 'das phyag na rdo rjes gsungs shing bshad pa'o/ /chos kyi dkyil 'khor tshul tu ni/ /'dod chags bde ba rnams sbyin phyir/ /gtso bo thams cad mchod byas nas/ /zhes bya ba ni las kyi dkyil 'khor las sprul la/ las kyi dkyil 'khor gyi rnal 'byor bas des de bzhin gshegs pa thams cad mchod na/ sangs
- 304b
rgyas dngos grub thob par 'gyur zhes bya'o/ /don gang gi phyir zhe na/ 'dod chags bde ba rnam sbyin phyir zhes bya ba smos te/ chos bdag med pa'i chags pas 'dod chags bde ba'o/ /de'i rnam par smin pa ni rang gi rigs 'byung ba'o/ / de'i phyir ni rnal 'byor pas gtso bo thams cad mchod pa'i phyir/ sangs rgyas dngos grub ni de bzhin gshegs pa lnga'i las gyi dkyil 'khor las bshad pa'i phyag rgya chen po la sogs pa'i dngos grub thob pa'o/ /'di skad ston pa yin te/ rdo rje dbyings la sogs pa'i dkyil 'khor chen po las bshad pa'i de bzhin gshegs pa thams cad kyi rnal 'byor byas la/ snga ma bzhin du cho ga thams cad rjes su spyad nas/ phyis las kyi dkyil 'khor las bshad pa'i rang gi lha'i snying po brjod cing spros la/ 'jig rten gyi khams thams cad kyi rdul phra rab dang mnyam pa'i de bzhin gshegs pa la sogs pa sems can gyi khams thams cad byang chub tu sems bskyed pa la sogs pa'i mchod pa rnams kyis yang dag par mchod la/ sngar bshad pa'i tshul gyis bdag nyid yongs su bskor nas yid kyis gzhag par bya'o/ /de nas las kyi dkyil 'khor las bshad pa'i phyag rgya rnam pa bcu drug gis bdag nyid yang dag par mchod la/ de'i rjes la phyag rgya chen po bcings te/ de bzhin gshegs pa'i bdag nyid du bsgoms par bya'o/ /las kyi dkyil 'khor las bshad pa'i sgeg mo la sogs pa las kyi phyag rgya bzhi gsang ba'i mchod pa rab tu mchod par bya ste/ 'dod chags bde? ? byed cing chos bdag med pa'i chags pa'i rang bzhin du gzugs bsnyan dang mtshungs pa'i rdo rje sems dpa' la sogs pa phyag rgya chen po'i bdag nyid yin no zhes bsgom par bya'o/ /dngos
- 305a
grub dam pa thob par 'gyur zhes bya ba ni las kyi dkyil 'khor las bshad pa'i phyag rgya chen po la sogs pa'i dngos grub bo/ /ci zhig tu 'gyur zhe na/ rdo rje 'dod pas gzi can 'gyur zhes bya ba smos te/ rdo rje 'dod pa ni chos bdag med pa'i 'dod chags so/ /gzi can mnyam zhes bya ba ni 'od can dang mnyam pa ste/ rdo rje sems dpa' la sogs pa'i phyag rgya chen po'i gzugs so/ /'di skad ston pa yin te/ rdo rje dbyings kyi dkyil 'khor chen po las bshad pa'i rnal 'byor chen po byas la/ snga ma bzhin du cho ga thams cad rjes su spyad nas phyis las kyi dkyil 'khor las bshad pa'i rdo rje sems dpa' la sogs pa'i las kyi phyag rgya chen po bcings te/ rang gi snying ga las sgeg mo la sogs pa'i gsang ba'i mchod pa bzhi sprul la bdag nyid mchod de/ yang de'i rjes la phyag rgya chen po bsgom par bya'o/ /gsang ba'i mchod pa rab byas na zhes bya ba la sogs pa ni snga ma bzhin no/ /khro bo bdag ces bsgom byed cing zhes bya ba ni khro bo rdo rje hUM mdzad nas khro bo rdo rje 'bebs pa'i bar gyi khro bo ni bdag yin no zhes yang dang yang mngon du byed pa'o/ /'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad la sogs pa'i rnal 'byor byas la/ cho ga thams cad snga ma bzhin du rjes su spyad nas/ phyis las kyi dkyil 'khor las bshad pa'i rdo rje hUM mdzad la sogs pa'i phyag rgya chen po bcings te/ rang gi snying ga nas sgeg mo la sogs pa'i gsang ba'i mchod pa bzhi sprul la/ bdag nyid mchod par byas nas de'i rjes la bsgom par bya'o/ /nang du song ba'i yid kyis ni/ /'dod pa dag par sgom byed cing zhes
- 305b
bya ba ni shin tu mnyam par bzhag pa'i sems kyis rang gi lha'i rnal 'byor rang bzhin gyis dag pa'i gzugs brnyan dang mtshungs par bsgom par bya'o/ /dbyangs ldan thig le sangs rgyas rnams/ /mchod na dngos grub thob par 'gyur/ /zhes bya ba ni de'i 'dod pa rnam par dag pa ni rang gi lha dang mnyam par sbyor bas rang bzhin gyis rnam par dag pa sems kyis bsgom mo/ /de dang mnyam par sbyor ba'i rtsa'i thig le byung nas nam mkha' i khams bkang ste/ sems can gyi khams thams cad kyi 'jig rten dbang phyug gi rang bzhin gyi phyag rgya chen po rdzas kyi thig le'i nang du tshud par byas la/ thig le des reg par gyur pa de'i tshe 'jig rten dbang phyug tu gyur par bsam par bya'o/ /de ltar sems can thams cad kyi rang bzhin du sems? can? thams cad la mchod pas/ las kyi dkyil 'khor las bshad pa'i rang gi 'jig rten dbang phyug gi phyag rgya chen po'i dngos grub thob par 'gyur ro/ /'di skad ston pa yin te/ 'gro ba 'dul ba'i dkyil 'khor chen po las bshad pa ? gi 'jig rten dbang phyug gi rnal 'byor chen po byas la/ cho ga thams cad rjes su spyad de/ phyis las kyi dkyil 'khor las bshad pa'i rang gi lha'i phyag rgya chen po bcings te/ rang gi snying ga las pad+ma'i sgeg mo la ? sprul? lo?/ bdag nyid mchod nas rang gi lha dang mnyam par sbyor ba'i rang bzhin gyis rnam par dag pa'i gzugs brnyan mtshungs par bsgom na las kyi thig le byung ste/ sems can gyi khams thams cad ? ? dag pas 'jig rten dbang phyug gi gzugs su bskyed nas/ rang gi lha mo dang mnyam par sbyor ba'i 'jig rten dbang phyug gi bdag nyid du bsgom par bya'o/ /bsam pa g.yos pas 'dud nas ni/ /zhes bya ba la sogs pa ni
- 306a
thams cad grub pa'i dkyil 'khor chen po las bshad pa'i don thams cad grub pa la sogs pa'i rnal 'byor byas la/ phyis nor bu'i rigs kyi las kyi dkyil 'khor las bshad pa'i nor bu'i rigs kyi rang gi lha'i phyag rgya chen po bcings te/ rang gi snying ga las rin chen sgeg mo la sogs pa gsang ba'i mchod pa rnam pa bzhi sprul la bdag nyid yang dag par mchod par bya'o/ /rdo rje dbyings kyi dkyil 'khor chen po las bshad pa'i bcom ldan 'das rdo rje sems dpa' i phyag rgya chen po bcings te/ don thams cad grub pa la sogs pa'i de bzhin gshegs pa thams cad la dad par khyad par phul du byung bas phyag bya'o/ /de ltar rdo rje snying por mnyam gzhag la bsam pa g.yos pas sdud pa byas la/ phyis las kyi dkyil 'khor las bshad pa'i rang gi lha'i phyag rgya chen po bcings te/ mchog tu phyag 'tshal bar bsgom par bya'o/ /de ltar byas pas cir 'gyur zhe na/ dbang bskur ba ni thob par 'gyur zhes bya ba smos te/ nor bu'i rigs kyi las kyi dkyil 'khor las bshad pa'i phyag rgya chen po'i dngos grub thob par 'gyur ro zhes bya ba'i don no/ /de ltar de bzhin gshegs pa la sogs pa'i rigs thams cad kyi las kyi dngos grub kyi cho ga rgyas pa'i ? bshad nas da ni de nas zhes bya ba la sogs pas de bzhin gshegs pa thams cad kyi las kyi dam tshig gi gsang ba'i rgyud gsungs pa yin no/ /de bzhin gshegs pa thams cad ni rigs rnams so/ /las kyi dkyil 'khor gyi dam tshig gi rgyud ni dam tshig gi phyag rgya'o/ /de'i gsang ba ni 'dod la sogs pa'i bde ba kun/ rtag tu bdag ni snying la gnas/ /zhes bya ba la sogs pa'i bsgom pa des 'grub pa'o/ /las kyi dkyil 'khor las bshad pa'i dam tshig gi
- 306b
phyag rgya mngon sum du byed pa ni de ston par byed pa'i rgyud de/ bcom ldan 'das phyag na rdo rjes gsungs pa'o/ /'dod la sogs pa zhes bya ba ni de la 'dod pa ni bcom ldan 'das byang chub kyi mtshan nyid kyi rdo rje sems dpa' o/ /de nyid dang por byas pa'i 'dod pa la sogs pa gang yin pa ni rdo rje rgyal po la sogs pa nas rdo rje sems dpa' i mthar thug pa'o/ /de skad du yang bcom ldan 'das rdo rje sems dpa' ni 'dod pa yin zhes bya ba gsungs so/ /de nyid bde ba kun te rtag tu bdag gi snying la gnas/ zhes bya ba ni nam mkha' i dbyings thams cad du sku dang gsung dang/ thugs rdo rjes rtag tu bzhugs pa'i rnam par snang mdzad chen po'i rang bzhin gyis de bzhin gshegs pa thams cad kyi thugs la 'khor ba ji srid kyi bar du bzhugs pa ni de nyid kyi snying la gnas pa'o/ e ma'o zhes bya ba ni ngo mtshar ba'o/ /sems can gyi don gyi snying po ni sems can gyi don te/ nyan thos dang rang rgyal ba'i theg par mos pa'i sems can rnams gdul ba'i phyir nyan thos dang/ rang rgyal ba'i theg pa ston pa dang/ sems can gyi don byed pa zhes gang yin pa'o/ /de la 'dir ngo mtshar ba ci zhig yod ce na/ skyo bar gyur pas gang 'dod smod ces bya ba ste/ byang chub kyi sems chen po la sogs pa mngar zin yang sbas nas byang chub kyi sems chen po la sogs pa chags pa dang bral ba mi mnga' ba'i ngo bo la yongs su brtags nas/ nyan thos kyi rigs can gyi sems can gyi khams la nyan thos dang/ rang rgyal ba'i rang bzhin chags pa dang bral bar ston pa de ni ngo mtshar gang yin 'di ni/ zhes bya ba ni byang chub sems la rtog pa ston pa'o/ /ni zhes bya ba ni gang gi phyir gyi don te/ las kyi dkyil 'khor gyi dam tshig ni las kyi dam tshig ste/ mi 'da' ba zhes
- 307a
bya ba'i don no/ /de'i don ni 'di skad ston pa yin te/ gang gi phyir byang chub kyi sems la sogs pa'i rang gi rang bzhin 'di ni las kyi dkyil 'khor gyi de bzhin gshegs pa'i dam tshig gi phyag rgya sgrub par byed pa las mi 'da' ba yin pa de'i phyir 'di'i ngo bo bsgom par bya'o/ /bsgom par bya ba'i ting nge 'dzin de gang yin zhe na/ de bzhin gshegs pa'i ting nge 'dzin du zhes bya ba smos te/ rnam par snang mdzad la sogs pa de bzhin gshegs pa lnga'i rnal 'byor ni de bzhin gshegs pa'i ting nge 'dzin te/ de bzhin gshegs pa'i ting nge 'dzin de 'dir bsgoms pa'o/ /bsgoms nas sangs rgyas mchod pa ni zhes bya ba ni las kyi dam tshig de bsgom pa'i rnal 'byor pas mchod pa ni rtog pa'i sangs rgyas la mchod pa'o/ /dngos grub dam tshig thob par 'gyur zhes bya ba ni mchod pa 'dis sangs rgyas la mchod na las kyi dkyil 'khor las bshad pa'i de bzhin gshegs pa'i dam tshig gi phyag rgya'i dngos grub thob par 'gyur ro/ /de'i don ni 'di skad ston pa yin te/ rdo rje dbyings kyi dkyil 'khor chen po las bshad pa'i rang gi de bzhin gshegs pa'i rnal 'byor byas la/ /chog thams cad rjes su spyad de/ phyis las kyi dkyil 'khor las bshad pa'i? ? dam tshig gi phyag rgya bcings te/ las kyi dkyil 'khor las bshad pa'i mchod pa thams cad kyis snga ma bzhin du bdag nyid yang dag par mchod la/ yang de nyid kyi dam tshig gi phyag rgya bcings te/ rang gi snying ga'i rdo rje la rang gi rig pa'i yi ge rnam par bkod nas/ rdo rje sems dpa' la sogs pa'i rang bzhin gyi rdo rje snying gar rnam par bsams te bsgoms par bya'o/ /kun tu bzang po bdag yin te zhes bya ba ni bshad zin to/ /de nyid 'dod pa ni mngon
- 307b
par 'dod pa'o/ /sems can kun la bde sbyin ba/ /zhes bya ba ni thog ma dang tha ma med pa'i chos kyi dbyings kyi rang bzhin gyi kun tu bzang po 'dod pa'i skal ba dang ldan pa'i rnal 'byor pa la 'jig rten dang 'jig rten las 'das pa'i bde ba de bskyed pa'i phyir/ sems can kun la bde sbyin pa'o/ /rdo rje sems dpa' i ting nge 'dzin gnas zhes bya ba ni rdo rje sems dpa' la sogs pa nas rdo rje 'bebs pa'i mthar thug pa de dag ni rdo rje sems dpa' i ting nge 'dzin te/ las kyi dkyil 'khor las bshad pa'i dam tshig gi phyag rgya bsgom pa de la rab tu gnas pa na rdo rje sems dpa' i ting nge 'dzin gnas so/ /mchod na dngos grub thob par 'gyur zhes bya ba la/ rdo rje sems dpa' i ting nge 'dzin ni/ /kun tu bzang po 'dod pa'i bdag/ /sems can kun la bde sogs pa/ /zhes bya ba bsgom pa'i mtshan nyid can gyi rtogs pa'i mchod pas mchod na/ las kyi dkyil 'khor las gsungs pa'i rdo rje sems dpa' la sogs pa'i dam tshig phyag rgya dngos grub thob? par 'gyur ro/ /'di skad ston pa yin te/ snga ma bzhin du rdo rje dbyings kyi dkyil 'khor chen po las bshad pa'i rdo rje sems dpa' la sogs pa'i rnal 'byor byas la/ cho ga thams cad rjes su spyad te/ phyis las kyi dkyil 'khor las bshad pa'i rang gi lha'i dam tshig gi phyag rgya bcings te/ ji lta ba bzhin du las kyi dkyil 'khor las bshad pa'i mchod pa rnams kyis yang dag par mchod de/ kun tu bzang po'i mchod pa'i bdag/ sems can kun la ? stsol ba/ /zhes bsgoms na sems can gyi khams la byang chub kyi sems la sogs pa bskyed cing bsgrubs te/ rang gi snying ga'i rdo rje la rig pa'i yi ge rnam par bkod la de nyid brjod cing bsgom par bya'o/ /kun tu bzang po zhes
- 308a
bya ba ni snga ma bzhin no/ /kun tu bzang po de nyid khro bo'o/ /ci'i phyir kun tu bzang po'i rang bzhin khro bo yin zhe na/ gang gi phyir sems can kun la phan byed pa/ /zhes bya ba la sogs pa smos te/ las dang rnam par smin pa bde ba bskyed pa ni sems can kun la bde bas phan pa'o/ /phan pa ni sems can kun la phan 'dogs par byed pa'o/ /rdo rje hUM mdzad rnal 'byor gyis zhes bya ba ni 'jig rten gsum las rnam par rgyal ba'i las kyi dkyil 'khor las bshad pa'i rdo rje hUM mdzad la sogs pa'i rdo rje rigs kyi dam tshig gi phyag rgya bsgom pa ni rdo rje hUM mdzad kyi rnal 'byor ro/ /rdo rje hUM mdzad kyi rnal 'byor gyi rnal 'byor des mchod cing/ sems can kun la phan byed pa/ /kun bzang khro ba bdag yin te/ /zhes bsgoms pas dngos grub thob par 'gyur ro/ /'jig rten gsum las rnam par rgyal ba'i dkyil 'khor las bshad pa'i rdo rje hUM mdzad la sogs pa'i dam tshig gi phyag rgya'i dngos grub thob par 'gyur ro// 'di skad ston pa ni snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i rnal 'byor byas la/ sngar bshad pa'i cho ga thams cad rjes su spyad nas/ phyis 'jig rten gsum las rnam par rgyal ba'i las kyi dkyil 'khor las bshad pa'i rang gi lha'i dam tshig gi phyag rgya bcings te/ snying ga'i rdo rje la rang gi rig pa'i yi ge rnam par bsams la/ sems can gyi khams thams cad khro bos bcom nas rdo rje rigs kyi rang bzhin du rnam par bsams te/ sems can kun la phan byed pa'i/ /kun bzang khro bo bdag yin te/ /zhes nga rgyal bskyed de bsgom par bya'o/ /kun bzang 'dod pa bdag yin te/ /zhes bya ba dmigs
- 308b
pa med pa'i thugs rje chen po'i rang bzhin ni 'dod pa'o/ /'gro ba 'dul ba la sogs pa nas pad+ma 'bebs pa'i mthar thug pa'i bde ba gang yin pa de ni bde ba thams cad do/ /de ster bar byed pas na bde ba thams cad rab sbyin pa'o/ /rnal 'byor pas bdag nyid 'gro ba 'dul ba'i skur gnas pas 'gro ba 'dul ba'i skur gnas pa'o/ /pad+ma'i rigs kyi las kyi dkyil 'khor gyi dam tshig gi ting nge 'dzin la gnas pa'o/ /mchod na dngos grub thob par 'gyur/ /zhes bya ba ni dam tshig gi phyag rgya'i ting nge 'dzin 'dis bde ba thim nas rab sbyin pa'i kun bzang 'dod pa bdag yin te/ zhes bya ba'i bsgom pa'i mchod pas mchod nas pad+ma'i rigs kyi las kyi dkyil 'khor las bshad pa'i dam tshig gi phyag rgya'i dngos grub thob par 'gyur ro/ /'gro ba 'dul ba'i dkyil 'khor chen po las bshad pa'i rang gi 'jig rten dbang phyug gi rnal 'byor byas te/ cho ga thams cad rjes su smad la phyis 'gro ba 'dul ba'i las kyi dkyil 'khor las bshad pa'i rang gi lha'i dam tshig gi phyag rgya bcings te / snying ga'i rdo rje pad+ma la bzlas pa'i yi ge rnam par bkod nas de nyid brjod cing/ thams cad du pad+ma'i rigs kyi las kyi dkyil 'khor spros pas sems can gyi khams thams cad pad+ma'i rigs kyi rang bzhin du bskyed de/ bde ba thams cad rab sbyin pa'i/ /kun bzang 'dod la bdag yin te/ /zhes nga rgyal bskyed de bsgom par bya'o/ /kun bzang rgyal po bdag yin te zhes bya ba ni nor bu chen po'i rigs kyi gzungs kyi khams gsum pa thams cad kyi chos kyi rgyal srid thob pas na rgyal po'o/ /sems can kun la don chen sbyin zhes bya ba ni de bzhin gshegs pa la sogs pa dang/ sems can thams cad nor bu'i rigs kyi dbang bskur ba dang/ nor bu chen po'i rigs kyi gzungs su ting nge 'dzin gyis bskyed pa ni don chen
- 309a
bo'i sbyin pa'o/ /don kun grub pa'i gzugs kyi ni/ /zhes bya ba ni nor bu'i rigs kyi las kyi dkyil 'khor las bshad pa'i lha rnams kyi dam tshig gi phyag rgya bsgom pa ni don thams cad grub pa'i gzugs kyis so/ /mchod pa dngos grub thob par 'gyur zhes bya ba ni/ sems can kun la don chen sbyin/ /kun bzang rgyal po bdag yin te/ /zhes bya bas don thams cad grub pa'i gzugs su de bsgoms te/ mchod pas mchod na nor bu'i rigs kyi las kyi dkyil 'khor las bshad pa'i rang gi lha'i dam tshig gi phyag rgya'i dngos grub thob par 'gyur ro/ /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ snga ma bzhin du cho ga thams cad rjes su spyad de/ phyis nor bu'i rigs kyi las kyi dkyil 'khor las bshad pa'i rang gi lha'i dam tshig gi phyag rgya bcings te/ snying ga'i rdo rje rin po che la rig pa'i yi ge rnam par bsams nas/ de nyid zlos shing nor bu'i rigs kyi dkyil 'khor thams cad du spros pas de bzhin gshegs pa la sogs pa dang/ sems can khams dbang bskur bas nor bu rigs kyi rang bzhin du bskyed par bsgom par bya'o/ /de ltar de bzhin gshegs pa la sogs pa'i rigs thams cad kyi las kyi dam tshig gi gsang ba'i dngos grub kyi cho ga rgyas pa'i rgyud bshad nas da ni de nas zhes bya ba la sogs pas de bzhin gshegs pa'i rigs thams cad kyi las kyi chos kyi dam pa'i dngos grub kyi rgyud gsungs pa yin no/ /de bzhin gshegs pa thams cad kyi rigs kyi las ni las kyi dkyil 'khor ro/ /de la chos ni bsrung ba la sogs pa bskyed pa'o/ /de'i dam pa'i dngos grub
- 309b
ni las kyi dkyil 'khor las bshad pa'i chos kyi phyag rgya rnams mngon sum du byed pa'o/ /de ston par byed pa ni rgyud de bcom ldan 'das phyag na rdo rjes gsungs pa'o/ /g.yas pa'i mdzub mo mdud nas ni/ /zhes bya ba la sogs pa rdo rje dbyings kyi dkyil 'khor chen po las bshad pa'i rang gi de bzhin gshegs pa'i rnal 'byor byas la/ cho ga thams cad rjes su spyad de/ rang gi lha'i ljags la las kyi dkyil 'khor las bshad pa'i chos kyi phyag rgya rnam par bsams te/ g.yas? pa'i khro bo'i khu tshur gyi rtse mos snying ga dang/ mgrin pa dang/ rgyab dang/ yang snying ga dang/ nu ma gnyis dang/ yang snying ga dang/ mgrin pa dang/ rgyab dang/ dbang bskur ba'i gnas su go cha bcings pa'i tshul gyis spyi gtsug du dkod la/ rang gi de bzhin gshegs pa'i chos kyi yi ge bskyed la/ de nas rang gi snying ga'i rdo rje la chos kyi yi ge rnam par bsams nas/ de nyid brjod cing bsgom par bya'o/ /de ltar de bzhin gshegs pa'i las kyi chos bstan nas/ de bzhin gshegs pa'i rigs kyi dkyil 'khor gsungs pa ni/ rtsig pa la ni ldan 'dra ba/ /zhes bya ba la sogs pa la/ rdo rje sems dpa' la sogs pa'i de bzhin gshegs pa'i rigs kyi rnal 'byor pas las kyi dkyil 'khor las bshad pa'i rang gi bsgrub bya'i rig pa'i lha mo gcer bu'i gzugs kyis sa la bri bar bya'o/ /ri mo bris nas mtshan ma bsgreng de/ zhes bya ba ni bdag nyid kyi mtshan mas bud med bsams pas gang yin pa la mtshan ma bsgrengs te gzhug par bya'o/ /las kyi dkyil 'khor las bshad pa'i rigs pa'i lha mo gang yin pa chung ma'i gzugs su bsam zhing bsgoms na rang gi mtshan ma bsgreng ste/ bud med gcer bu gzugs brnyan rtsig pa la bris la
- 310a
de'i b+ha gar zhugs par bsgoms la/ sen mo btsugs na sgrub pa po de'i 'di chung mar 'gyur ro/ /de bas na de 'dir dbang du byed par 'gyur ro zhes gsungs so/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje sems dpa' la sogs pa de bzhin gshegs pa'i rigs kyi rnal 'byor byas la/ snga ma bzhin du cho ga thams cad rjes su spyad nas/ phyis las kyi dkyil 'khor las bshad pa'i rang gi chos kyi phyag rgya lce la rnam par bkod de/ rang gi rig pa dang lha mo'i chos kyi phyag rgyas rtsig pa la gzugs brnyan bris te/ sprul pa bsdu ba la sogs pa byas te/ de la mchod pa thams cad kyis yang dag par mchod la phyag bzhi byas te/ nyin re zhing thun bzhi'i sbyor bas chos kyi phyag rgyar brjod cing/ de dang lhan cig tu mnyam par sbyor bas ji srid mngon sum du mthong bar 'gyur ba de srid kyi bar du bsgom par bya'o/ /de nas mtshan thog thag dang lhan cig du mtshan ma bsgreng bar byas nas mnyam par sbyor ba byas la chos kyi phyag rgya'i yi ge ho bzla bar bya'o/ /de nas mngon sum du song nas sgrub pa po dang lhan cig mnyam par sbyor zhing sgrub pa po'i chung mar 'gyur ro/ /sbyor ba 'dis gnod sbyin mo la sogs pa bsgrub pa de don gnyer byed pa nas la gnod sbyin gyi gdong bris la zhes bya ba smos te/ ras sam spang leb bam rtsig pa la rdo rje hUM mdzad la sogs pa nas khro bo rdo rje 'bebs pa'i mthar thug pa'i rnal 'byor byas la/ gnod sbyin gyi gdong gi tshad tsam du 'bri bar bya'o/ /mdzub mo'i sen mos btsugs na yang zhes bya ba ni gnod sbyin gyi gdong de la g.yon pa'i sdigs mdzub bam g.yas pa'i sdigs mdzub kyi sen mo btsugs nas bsgrub par bya'o/ /gnas gang du zhe
- 310b
na mig? gi phyogs su'o/ /ci zhig tu 'gyur zhe na/ bud med mchog ni 'dren par 'gyur zhes bya ba smos te/ 'jig rten gsum las rnam par rgyal ba'i las kyi dkyil 'khor las bshad pa'i lha mo rnams 'dren par byed ces bya ba'i don no/ /de ni 'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rang gi khro bo'i rnal 'byor byas la/ cho ga thams cad rjes su spyad la phyis las kyi dkyil 'khor las bshad pa'i rdo rje hUM mdzad la sogs pa'i chos kyi phyag rgya lce la rnam par bsams nas/ rdo rje hUM mdzad la sogs pa'i nga rgyal bskyed de/ chos kyi dkyil 'khor las bshad pa'i rigs pas rdo rje hUM mdzad la sogs pa rang gi lha mo'i gzugs ji lta ba bzhin du bris te/ sprul pa bsdu ba la sogs pa sngon du 'gro ba las kyi dkyil 'khor las bshad pa'i cho ga thams cad rjes su spyad nas/ mchod pa thams cad kyis rang gi khro bo la yang dag par mchod de phyag bzhi byas nas/ ji srid du mngon sum du mthong bar 'gyur ba de srid kyi bar du bsgom par bya'o/ /las kyi dkyil 'khor las bshad pa'i rang gi khro bo'i las kyi rnal 'byor byas la/ phyag rgya bcings te yang byin gyis brlabs pa la sogs pa'i yi ge thams cad rjes su spyad nas/ bsdu ba la sogs pa snga ma bzhin du byas la gnod sbyin gyi gdong de'i mig gi phyogs su mdzub mo'i sems btsugs te/ las kyi dkyil 'khor las bshad pa'i rang gi khro bo'i yi ge dza dang/ chos kyi phyag rgya brjod cing ji srid du rdo rje'i rigs kyi las kyi dkyil 'khor las bshad pa'i rang gi lha dgug pa 'am/ gnod sbyin mo 'gugs pa de srid kyi bar du bya'o/ /de nas sgrub pa po'i chung mar 'gyur ro/ /chos kyi phyag rgya brjod
- 311a
cing che ge mo/ A karSha? dza(rgyud 'grel): zhes bya bas gnod sbyin gyi gdong la rab tu sbyar la/ gnod sbyin mo 'gugs par 'gyur ro/ /lag pa gnyis su padmo blangs zhes bya ba la sogs pa la/ ji skad du bshad pa'i rdo rje pad+ma g.yon bsnyems pas blangs la/ lag pa g.yas pa snying gar de'i pad+ma kha 'byed par byed pa'o/ /ji ltar pad+ma dmar ba yang/ /tshon gyi nyes pas mi gos bzhin/ /thams cad rnam dag bsgoms pas na/ /de bzhin sdig pas gos mi 'gyur/ /zhes bya ba la bltas na yang ni 'dod chags dag par 'gyur ro/ /lta ba gang yin zhe na/ rdo rje lta bas zhes bya ba smos te/ rdo rje lta ba'i mtshan nyid ni bshad zin to/ /des bud med rnams dang sbyor zhing chags par byed ma de bzhin du 'gyur ro/ / pad+ma'i rigs kyi las kyi dkyil 'khor gyi rnal 'byor pas pad+ma'i rigs kyi las kyi dkyil 'khor gyi rig pa'i lha mo'i bud med la bltas na 'dod chags rnam par dag par 'gyur ro/ /pad+ma'i rig pa'i lha mo'i bud med kyi gzugs la chags shing mngon par dga' bas de la mngon du phyogs pa nyid ni de bzhin gshegs pa'i bsgrub pa'i bye brag go /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi 'jig rten dbang phyug gi rnal 'byor snga ma bzhin du byas la/ cho ga thams cad rjes su spyad de/ phyis pad+ma'i rigs kyi dkyil 'khor las bshad pa'i rang gi lha'i chos kyi phyag rgya lce la rnam par bsams la/ rang gi las kyi dkyil 'khor las bshad pa'i lha mo'i rig pa'i de nyid brjod cing sprul la/ bsdu ba la sogs pa byas nas mchod pa thams cad yang dag par mchod de/ phyag bzhi byas nas phyag na gnas pa'i gsang ba'i pad+ma la bltas na 'dod chags rnam par dag par 'gyur ro/ /rdo rje
- 311b
lta bas bud med la/ /bltas na yang ni dga' bar 'gyur/ /zhes bya bas las kyi dkyil 'khor las bshad pa'i rang gi lha'i chos kyi phyag rgya yi ge ho bzlas pa yin par shes par bya'o/ /rdo rje rin chen ting 'dzin gnas/ /zhes bya ba ni nor bu'i rigs kyi rang gi lha'i ting nge 'dzin la gnas pa'o/ /lag pa gnyis kyi nor bu bzung zhes bya ba ni mig gnyis kyi lta ba dang ldan pas yid bzhin gyi nor bu rdo rje rtse lnga pas mtshan pa zung la/ 'jig rten gsum las rnam par rgyal ba'i dkyil 'khor chen po las bshad pa'i rin chen hUM mdzad kyi rnal 'byor pas bud med kun la bud med do zhes bya'o/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa la sogs pa rang gi lha'i rnal 'byor byas la/ cho ga thams cad rjes su spyad de/ phyis las kyi dkyil 'khor la bshad pa'i nor bu'i rigs kyi rang gi lha'i chos kyi phyag rgya lce la bsams te/ de nyid brjod cing don thams cad grub pa la sogs pa rang gi sems dpa' chen po nyid du nges par byas nas las kyi dkyil 'khor las bshad pa'i rang gi rig pa'i lha mo mdun du sprul la/ bsdu ba la sogs pa'i cho ga thams cad rjes su spyad nas mchod pa thams cad kyis yang dag par mchod de/ phyag bzhi byas nas/ yang rang gi lha'i chos kyi phyag rgya'i snying kha'i rdo rje rin po che la rnam par bkod de/ de nyid brjod cing ji srid du mtshan ma thob par gyur pa de srid kyi bar du bsgom par bya'o/ /de nas mtshan thog thag bsgoms na 'grub par 'gyur ro/ /lan cig lan gnyis lan gsum mam/ lan bzhi 'am/ lan lnga 'am/ lan drug du lan bdun gyi bar du bsgrubs kyang ma grub na rin chen hUM mdzad kyi rnal 'byor pas 'jig rten gsum las
- 312a
rnam par rgyal ba'i 'jig rten gyi 'khor lor bshad pa'i yi ge hUM gi sngags des de la bdud byas na de ltar 'jigs pa dang bcas pa'i dngos grub stsol bar 'gyur ro/ /de ltar de bzhin gshegs pa la sogs pa'i dkyil 'khor las bshad pa'i rigs thams cad kyi chos kyi phyag rgya'i dngos grub bstan nas/ da ni de nas zhes bya ba la sogs pas de bzhin gshegs pa thams cad kyi rigs kyi las kyi dngos po'i dngos grub kyi rgyud gsungs pa yin no/ /de bzhin gshegs pa thams cad kyang yin la rigs kyang yin pas de bzhin gshegs pa thams cad kyi rigs so/ /de'i las ni las kyi dkyil 'khor ro/ /de'i dgos pa ni las kyi dkyil 'khor las bshad pa'i dngos grub kyi rgyud de grub pa'o/ /de ston par byed pa ni rgyud de bcom ldan 'das phyag na rdo rjes gsungs shing bshad pa'o/ /mchod pa'i las kyi cho ga sbyar zhes bya ba ni las kyi dkyil 'khor las bshad pa'i las kyi mchod pa'i phyag rgya rnam pa bcu drug byed pa'o/ /gang dang gang gis dgos bsam pa/ /zhes bya ba ni las kyi dkyil 'khor las bshad pa'i de bzhin gshegs pa rnams kyi las kyi phyag rgya'i dngos grub gang yin pa de yin no zhes bya ba'i don? ni? de dang de ni gsol? btab ste/ mkhas pas phyag rgya bsgrub par bya/ /zhes bya ba ni de dang de'i las kyi phyag rgya'i dngos grub kyi mtshan nyid kyi dgos pa'o/ /chos thams cad rang bzhin gyis 'od gsal bar sprul pa? dang mtshungs pa gang yin pa'i bden pa de dang/ bden pa des dgos pa 'di dag grub par gyur cig ces gsol ba btab nas/ las kyi phyag rgya bsgrub par bya'o/ /de'i don ni 'di skad ston pa yin te/ rdo rje dbyings kyi dkyil 'khor chen po
- 312b
las bshad pa'i rang gi rnal 'byor byas la/ snga ma bzhin du cho ga thams cad rjes spyad de/ phyis las kyi dkyil 'khor las bshad pa'i las kyi phyag rgya bcings te/ snying ga'i rdo rje la rig pa'i yi ge rnam par bsams nas/ de nyid brjod cing de bzhin gshegs pa'i bdag nyid du rnam par bsams te/ las kyi dkyil 'khor las bshad pa'i lha mo bcu drug sprul la las kyi phyag rgya rnams kyis bdag nyid yang dag par mchod la phyag bzhi byas nas/ snga ma bzhin du gsol ba btab par bya'o/ de nas las kyi phyag rgya bcings la rang gi rig pa bzlas shing bsgom par bya'o/ /gsang ba'i mchod pa cho ga sbyar zhes bya ba ni las kyi dkyil 'khor las bshad pa'i sgeg mo la sogs pa las kyi phyag rgya rnam pa bzhis mchod par bya'o// rdo rje sems dpa' i ting 'dzin gyis/ /zhes bya ba ni las kyi dkyil 'khor las bshad pa'i rdo rje sems dpa' la sogs pa nas/ rdo rje 'bebs pa'i bar gyi las kyi phyag rgya bsgom pa ni rdo rje sems dpa' i ting nge 'dzin to/ /rdo rje sems dpa' la sogs pa'i ting nge 'dzin gyis dgos pa gang yin smras pa de/ myur du dngos grub thob par 'gyur/ /zhes bya bas las kyi dkyil 'khor las bshad pa'i rdo rje sems dpa' la sogs pa'i las kyi dngos grub kyi dgos pa rnam pa de lta bu cho ge mo'i las kyi phyag rgya'i dgos pa grub par gyur cig ces rnal 'byor pas brjod pa gang yin pa de nyid kyi dgos pa'i dngos grub myur du thob par 'gyur ro/ /'di skad ston pa yin te/ rdo rje dbyings kyi dkyil 'khor chen po las bshad pa'i rdo rje sems dpa' la sogs pa'i rnal 'byor byas la snga ma bzhin du cho ga thams cad rjes su spyad de/ phyis las kyi dkyil 'khor las bshad pa'i rang gi lha'i las kyi phyag rgya bcings te/ las kyi dkyil
- 313a
'khor las bshad pa'i sgeg mo la sogs pa'i mchod pa bzhis rang gi snying ga'i sems dpa' i rdo rje las sprul la/ de'i las kyi phyag rgya rnam pa bzhis bdag nyid yang dag par mchod la phyag bzhi byas te/ mngon par 'dod pa'i las kyi phyag rgya'i dngos grub don du gnyer ba nyid kyis slar yang las kyi dkyil 'khor las bshad pa'i rang gi lha'i phyag rgya bcings te/ rang gi rig pa zlos shing bsgom par bya'o/ /rigs kyi gsang ba'i mchod chen byas/ /zhes bya ba ni 'jig rten gsum las rnam par rgyal ba'i dkyil 'khor las bshad pa'i sgeg mo la sogs pa'i gsang ba'i mchod pa ni mchod chen te zhes byas pa'o/ /ting nge 'dzin gang gis byed ce na/ khro bo'i ting nge 'dzin zhes bya ba smos te/ las kyi dkyil 'khor las bshad pa'i rdo rje hUM mdzad la sogs pa'i las kyi phyag rgya'i sbyor ba ni khro bo'i ting nge 'dzin to/ /mkhas pas cung zad gang bsams pa/ /zhes bya ba ni las kyi dkyil 'khor las bshad pa'i rdo rje hUM mdzad la sogs pa'i las kyi phyag rgya'i dngos grub kyi mtshan nyid kyi dgos pa cung zad bsams pa ste/ thams cad myur du 'grub par 'gyur ro/ /de'i don 'di skad ston pa yin te/ 'jig rten las rnam par rgyal pa'i dkyil 'khor chen po las bshad pa'i rang gi lha'i rnal 'byor byas la/ snga ma bzhin du cho ga thams cad rjes su spyad nas/ phyis 'jig rten gsum las rnam par rgyal ba'i las kyi dkyil 'khor las bshad pa'i rang gi lha'i las kyi phyag rgya bcings te/ rang gi snying ga las sgeg mo la sogs pa'i lha mo bzhi sprul la/ de'i las kyi dkyil 'khor las bshad pa'i las kyi phyag rgya rnam pa bzhis bdag nyid yang dag par mchod nas/ phyag bzhi byas te/ yang snying gis rdo rje 'bar ba'i dbus su
- 313b
rig pa'i yi ge rnam par bsams te/ dngos grub don du gnyer bas de nyid zlos shing bsgom par bya'o/ /'jig rten dbang po'i ting 'dzin gyis/ /zhes bya ba la pad+ma'i rigs kyi las kyi dkyil 'khor las bshad pa'i las kyi phyag rgya'i rnal 'byor byas/ 'jig rten dbang phyug gi ting nge 'dzin des bya'o/ /yid kyis mchod pa byas nas kyang/ /mkhas pas dgos pa gang bsams pa/ /de yis dngos grub thams cad 'thob/ /ces bya ba ni pad+ma'i rigs kyi las kyi dkyil 'khor las bshad pa'i rang gi lha'i las kyi phyag rgya dngos grub dgos pa gang bsams pa nges/ dngos grub thams cad thob par 'gyur ro/ /de'i don ni 'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi 'jig rten dbang phyug gi rnal 'byor byas la/ snga ma bzhin du cho ga thams cad rjes su spyad de/ phyis las kyi dkyil 'khor las bshad pa'i rang gi lha'i las kyi phyag rgya bcings te/ pad+ma'i rigs kyi las kyi dkyil 'khor las bshad pa'i lha mo rnams rang gi snying ga'i pad+ma la sprul la/ ma lus shing lus pa med pa'i de bzhin gshegs pa la sogs pa'i rigs thams cad la mchod pa byas nas/ phyis sgeg mo la sogs pa rnam pa bzhis mchod la phyag bzhi byas te/ yang las kyi dkyil 'khor las bshad pa'i rang gi lha'i las kyi phyag rgya bcings te/ snying ga'i rdo rje pad+ma la rang gi rig pa'i yi ge rnam par bkod nas/ de nyid brjod cing bsgom par bya'o/ /bdug pa la sogs mchod byas na/ / zhes bya ba ni nor bu'i rigs kyi dkyil 'khor las bshad pa'i bdug pa la sogs pa'i las kyi phyag rgya bzhis bdag nyid mchod par bya'o/ /rdo rje snying po'i ting 'dzin gyis/ /zhes bya ba ni nor bu'i rigs kyi las kyi dkyil 'khor
- 314a
las bshad pa'i rang gi lha'i las kyi phyag rgya'i rnal 'byor ni rdo rje snying po'i ting nge 'dzin to/ /rdo rje snying po'i ting nge 'dzin des nor bu'i rigs kyi las kyi dkyil 'khor las bshad pa'i dngos grub kyi mtshan nyid bsam zhing/ mngon par 'dod pa'i dngos grub gang yin pa de thams cad 'grub par 'gyur ro/ /'di skad ston pa yin te/ don thams cad grub pa'i dkyil 'khor chen po las bshad pa'i don thams cad grub pa la sogs pa'i rnal 'byor byas la/ snga ma bzhin du cho ga thams cad rjes su spyad de/ phyis nor bu'i rigs kyi rang gi las kyi dkyil 'khor las bshad pa'i rang gi lha'i las kyi phyag rgya bcings te/ snying kha'i rdo rje rin po che la rang gi rig pa'i yi ge rnam par bkod de/ de nyid blos shing bsgom par bya'o/ /de ltar de bzhin gshegs pa la sogs pa'i rigs thams cad kyi las kyi dkyil 'khor las las kyi phyag rgya bsgrub pa bshad nas/ da ni de bzhin gshegs pa la sogs pa rigs thams cad kyi dkyil 'khor chen po las bshad pa'i rang gi lha'i rnal 'byor byas la/ yang de bzhin gshegs pa la sogs pa'i rigs thams cad byin gyis brlabs pa'i rnal 'byor gyis bya'o zhes bya ba'i don bstan pa'i phyir/ de nas zhes bya ba la sogs pa de bzhin gshegs pa thams cad kyi rigs kyi phyag rgya bsgom pa'i dngos grub kyi rgyud gsungs pa/ de bzhin gshegs pa thams cad dang rigs rnams kyis phyag rgya ni phyag rgya chen po'o/ /de bsgom pa ni yang dang yang mngon du byed pa'o/ /de'i dngos grub phyag rgya chen po 'grub pa'o/ /de ston par byed pa'i rgyud de/ bcom ldan 'das phyag na rdo rjes bshad pa'o/ /de bzhin gshegs pa thams cad kyi byin gyis brlabs pa ni brtan par byas pa'o/ /rnal
- 314b
'byor ni bsgom par byas pa'o/ /de'i dngos grub ni phyag rgya chen po mngon du byed pa'o/ /rdo rje phra mo'i tshul gyis ni/ /rdo rje phra mo bsgoms pa'o/ /de sngar bshad pa'i tshul gyis zla ba gsum bsgoms la/ phyis sems so sor rtog pa la sogs pa'i rims kyis ya tha sarba ta thA ga ta tas+tha a haM/ zhes bya ba'i nga rgyal bsgom par bya'o/ /sangs rgyas rnal 'byor ting 'dzin gyis/ /zhes bya ba ni sems rnam par g.yeng ba med pa'o/ /dngos grub ngam pa thob par 'gyur ro/ /zhes bya ba ni sangs rgyas nyid kyi'o/ /gang gi zhe na/ rnam par snang mdzad la sogs pa de bzhin gshegs pa ste/ rnal 'byor pas sangs rgyas phyag rgya rab bsgrubs pa'o/ /sems dpa' zhes grags kun bdag nyid/ /ces bya ba ni rdo rje sems dpa' o/ /zhes kyi sgra ni gang gi phyir gyi don to/ /gang gi phyir rdo rje sems dpa' ni sems can thams cad kyi sems dang sems las byung ba'i rang bzhin yin pa'i phyir dang/ sems can thams cad kyi rgyud kyi rjes su song ba yin pa de'i phyir ro/ /grags pa'i sgra ni lkog tu ma gyur pa'o/ /kun zhes bya ba ni sems can thams cad kyi khams dang sems las byung ba'i rang bzhin ni bdag gi lus la gnas pa ste/ zhes bya ba ni bdag nyid kyang bdag nyid kyis de'i bdag nyid du rab tu zhugs pa'i sbyor bas yang dag par gnas pa'o/ /de ltar sems dpa' bdag ces byin brlabs pas zhes bya ba ni mngon du byas pa'o/ /rdo rje sems dpa' bdag yin no zhes nga rgyal bskyed nas/ rdo rje sems dpa' i bdag nyid du bsgoms na 'grub par 'gyur zhes bya ba ni/ rnal 'byor pas dngos grub 'grub par 'gyur zhes bya ba'i don no/ /'di skad ston pa yin te/ snga ma bzhin du mnyam pa'i thal mo dang/ rdo rje thal mo dang rdo rje bsdams pa bcings pa dang/ rdo rje bsdams pa dral ba dang/ de nas dbab pa bskyed pa dang
- 315a
rdo rje khu tshur gyis dam tshig gi phyag rgya bcings pa dang sdig pa dral ba'i phyag rgya bcings pa dang/ rang gi snying ga'i rdo rje la rang gi lha'i snying po yid kyis bris la/ de nyid brjod cing chos bdag med par bsgoms te/ de nas rang gi lha'i snying po de nyid dang/ dbyangs kyi yi ge bcu drug las snying gar zla ba'i dkyil 'khor gyi rnam par bsam par bya ste/ de nas de'i steng du snying po de nyid dang/ yi ge ka la sogs pa dang bcas pa la snga ma bzhin du zla ba'i dkyil 'khor gnyis pa bsam mo/ /zla ba'i dkyil 'khor gnyis pa de nyid rang gi snying po dang bcas pa la rdo rje rtse lnga pa nyid rang gi lha'i mtshan ma'i gzugs su bsgom par bya'o/ /de nas rang gi lha'i mtshan ma'i dbus su rang gi lha'i snying po rnam par bsams te/ rang gi lha'i phyag rgya'i nga rgyal ji lta ba bzhin du bsgom par bya'o/ /de nyid badzra satwa a haM zhes brjod pa'i rdo rje sems dpa' i gzugs su bdag nyid bsgom par bya'o/ /de nas bsnyems pa dang bcas pas rdo rje gsor zhing/ yang badzra satwa a haM zhes bsgoms la/ /de nas de nyid rdo rje sems dpa' i lha'i ngo bor bdag nyid snga ma bzhin du bsgom par bya'o/ /rdo rje sems dpa' i rnal 'byor pa'i bsgom pa ni sngar de kho na nyid ston pa'i rgyud du bshad zin to/ /sems dpa' ji bzhin rgya de bzhin zhes bya ba ni ji ltar rdo rje hUM mdzad la sogs pa nas rdo rje sems dpar gyur pa de bzhin du rdo rje hUM mdzad la sogs pa'i mtshan ma'i phyag rgya yang bya'o/ /ji ltar phyag rgya de bzhin bdag ces bya ba ni ji ltar rdo rje hUM mdzad la sogs pa'i rdo rje 'bar ba la sogs pa phyag rgya rdo rje hUM mdzad la sogs pa'i rang bzhin du bdag yin zhes gzugs dang tha mi dad par nga rgyal bskyed cing bsgom par bya'o/ /bsgom pa 'di yi tshul gyis ni/ /rdo rje rigs kyi phyag rgya bsgrub par bya'o zhes bya ba yin no/ /de'i cho ga 'di skad ston pa yin te/ snga ma bzhin du sdig pa dral
- 315b
ba'i mthar thug pa'i cho ga rjes su spyad la/ snying ga'i rdo rje 'bar ba la rang gi khro bo'i lha'i snying po rnam par bsams te/ de nyid brjod cing chos thams cad bdag med pa bsgom par bya'o/ /snga ma bzhin du zla ba'i dkyil 'khor la sogs pa'i rim pas zla ba'i dkyil 'khor gyi steng du rang gi lha'i mtshan ma bskyed la/ de'i dbus su snying po bkod nas/ sems dpa' ji bzhin rgya de bzhin/ /phyag rgya ji bzhin de bzhin bdag /ces bya bas phyag rgya dang lhan cig tu tha mi dad pa'i bdag nyid du bsgoms te/ de'i rigs thams cad phyag rgya de las sprul la/ gdug pa thams cad btul nas de thams cad kyi phyag rgya'i gzugs de las bsam par bya'o/ /chos kyi phyag rgya ni pad+ma'i rigs kyi chen po'o/ /de'i tshul ni rang gi lha'i mtshan ma'i nga rgyal bsgom par bya'o/ /de ltar bya zhe na/ rdo rje phra mo bsgom byas la zhes bya ba smos te/ sngar bshad pa'i tshul gyis rdo rje phra mo zla ba gsum bsgoms la/ phyis kyis phyag rgya'i sbyor ba bsgom par bya'o/ /ngag gi phyag rgya de dag kun sems dpa' chen po'i ting nge 'dzin/ /zhes bya ba ni snying po'i phyag rgya'i sngags kyi rigs pa thams cad kyis rang gi dkyil 'khor chen po las bshad pa'i lha'i rnal 'byor bsgom par bya'o zhes bya ba'i don no/ /'di skad ston pa yin te/ 'gro ba 'dul ba'i dkyil 'khor chen po las bshad pa'i rang gi lha'i gzugs su bdag nyid bsgoms la snying ga'i phyag rgya la sngags kyi rigs pa bzla bar bya'o/ /sangs rgyas kun la dbang bskur dang zhes bya ba ni rin po che yi cod pan gyis/ sangs rgyas kun la dbang bskur ro/ /mchod pa'i gdugs dang/ rgyal mtshan dang/ ba dan dang/ rin po che sna bdun po de dag nyid kyi sangs rgyas thams cad la mchod pa'o/ /dam tshig gi dngos grub rnams ni nor bu'i rigs kyi dkyil
- 316a
'khor thams cad kyi dngos grub po/ /rdo rje las rnams 'grub par byed ces bya ba ni sangs rgyas kun la dbang bskur ba dang/ mchod pa'i dam tshig gi las rnams tha mi dad par bsgrubs pas bcom ldan 'das 'phags pa nam mkha' i snying po'i bdag yin no zhes nges par bsgom par bya'o/ /de nas nor bu'i rigs kyi lha mo'i dngos grub 'grub par 'gyur ro/ /'di skad ston pa yin te/ snga ma bzhin du cho ga thams cad rjes su spyad la/ zla ba'i dkyil 'khor gyi steng du lha'i phyag rgya'i mtshan ma rnam par bsams la/ phyag rgya'i dbus su bzlas pa'i yi ge bkod nas snying po brjod cing/ bdag gi mtshan ma'i phyag rgya'i gzugs su bsgoms la mtshan ma'i phyag rgya de las nor bu'i rigs thams cad sprul te/ des de bzhin gshegs pa la sogs pa sems can gyi khams thams cad dbang bskur bas dbang bskur te/ mchod pa thams cad kyis yang dag par mchod de/ nor bu chen po'i rigs kyi rang bzhin du byas nas/ phyag rgya de la gzhug par bya'o/ /de nas phyag rgya'i gzugs de sems dpar byin gyis brlabs pa'i sbyor bas rdo rje sems dpar bsgoms la/ rang gi lha'i phyag rgya chen po'i gzugs su yang bsgom par bya'o/ / bya ba 'di ni de kho na nyid ma yin pa la mos pa'i rnal 'byor pa'i rim pa yin no/ /gang zhig shin tu de kho na nyid la mos pa'i rnal 'byor pa ni de'i phyag rgya bcings la/ sems dpa' byin gyis brlabs pa'i sbyor ba tsam sngon du byas la/ rang gi lha'i nga rgyal bskyed cing bsgom par bya'o/ /de la de kho na nyid la mos pa'i rnal 'byor pa'i mtshan nyid yin te/ gang gi tshe las dang po pa'i rnal 'byor pas rang la byin gyis brlab pa la sogs pa'i cho ga rgyas pa nas bsam
- 316b
par bya ba'i tshogs thams cad thun bzhi'i sbyor bas nyin re zhing mtshan ma thob par 'gyur ba 'am/ skye pa gzhan las goms pa'i mthus skyes bu 'ga' zhig dge ba'i bshes gnyen las thob pa'i rnal 'byor pa gdams ngag bsgoms nas/ thog ma brtsom pa nas zug nas rgyun mi 'chad pa nyid du mtshan ma nye bar skye bar 'gyur ro/ /de dag gi stobs kyis phyag rgya bcings pa la sogs pa rnams la mngon par zhen pa med par bsgoms pas 'gyur ba 'di ni de kho na nyid la goms pa'i rnal 'byor pa yin te/ dang por lhag par mos pa tsam gyis ni ma yin no/ /de skad du yang/ de nyid sman mos rnal 'byor bas/ /lha la dmigs par 'gyur bas na/ /lugs ma la sogs dag pa la/ /gzugs brnyan rnal 'byor nye bar bskyed/ sku 'am ras ris mchod rten rnams/ /shin tu mnyam gzhag rnal 'byor pas/ /mngon sum du ni mthong ba na/ /de ni rdzogs pa yin par bshad/ /dkar dang ser po'i dkyil 'khor ni/ /'od zer phreng bas 'khrigs pa yi/ /ngo mtshar bar ni 'gyur ba de/ /blo ldan gyis ni mkha' la mthong/ /blo ldan kha dog sna tshogs des/ /gang gis yid ni mtshon par bya/ /bdag gis yid ni mchod par bya/ /dkar po dge bar shes par bya/ /mi shes pa la nag por snang/ /chags can shin tu dmar bar bshad/ /shin tu dga' la de bzhin ser/ /sprin gyis non pa lta bu ni/ /mkhas pas rmongs par shes par bya/ /bdag nyid yongs su dag pa'i cho ga'o/ /mtshan ma 'byung bar 'gyur pa na/ /sems ni brtan par shes par bya/ /de dltar mtshan ma 'di rnams ni/ /sangs rgyas rgyal ba'i bde mchog gi /rdo rje rin chen chu skyes dang/ /sna tshogs lcags kyu nyi ma dang/ /ral gri go cha mnga'
- 317a
gzhu dang/ /rin chen rgyal mtshan rnams kyis brgyan/ /'khor lo mche ba de bzhin mgu/ /gzhad pas gsungs pa khur bcangs pa/ /sgeg mo de bzhin phreng ba mo/ /glu ma dang ni gar ma bdag /me tog bdug pa mar me dang/ /de bzhin dri chab la sogs tshogs/ /me tog kun dga' dri gtsang khang/ /dge slong de bzhin dge slong ma/ /dngos grub drang srong gnyen rnams dang/ /rgyal rigs skye bos bsngags pa dang/ /bu mo gzhon nus brgyan pa dang// chu bo rgya mtsho ne'u sing dang/ /gdugs dang rgyal mtshan ba dan dang/ /rol mo sna tshogs brdung ba dang/ /shes rab pha rol phyin la sogs/ /shes pa'i sgra ni dri ma med/ /nyin zla'i dbyibs dang 'dra ba ni/ /pad+ma sa gzhi 'od dang bcas/ /nam mkha' i glog ni sna tshogs mchungs/ /rnal 'byor pa la rtag tu skye/ /de dag thams cad rnam spangs pas/ /mtshan ma med cing 'grib pa med/ /rtog pa thams cad rnam spangs nas/ /rnal 'byor rtog pa med la gnas/ /de nas rnal 'byor pa de la/ /dga' ba rnam pa lnga skye ste/ /skad cig thang gcig rgyud dag la/ /de bzhin mthar thug 'gyur ba dang/ /chos rnams thams cad des pas ni/ /sangs rgyas kun zhes rab tu grags/ /de la skad cig ma'i dga' ba ni/ /gang tshe skad cig re re sems/ /dmigs pa la ni gnas pa ni/ /g.yeng ba 'gog pa med pas na/ /de'i phyir skad cig ces grags so/ /de la thang gcig ces bya ba'i bar du dga' ba ni/ /gang tshe sbyar ma'i kha dag nas/ /sbrang rtsi 'byung ba myangs pa yis/ /rkang pa'i spyi bo'i mthar thug pa'i/ /lus la khyab par mnyam gzhag par/ /bkres dang nang 'byung bsal nas ni/ /de bzhin lus ni las rung dang/ /sems ni
- 317b
dmigs pa la chags nas/ /rtag tu brtan par gnas par 'gyur/ /de la rgyun du dga' ba ni/ /dga' bas mchi mas 'byung ba bdag /ma bsams lus la 'byung bar 'gyur/ /mgu pa yi ni ting nge 'dzin/ /de ni rgyun zhes bya bar bshad/ / de nas mthar thug pa'i dga' ba ni/ /gang tshe dmigs pa la chags pa'i/ /rnal 'byor pa la sems 'byung ba/ /de tshe dga' ba'i khyad par ni/ /don gzhan nye bar skye bar 'gyur/ /gang tshe lus la skyes pa'i rlung/ /lhag par rab tu zhugs gyur na/ /sems ni rnam par 'khrul pa dang/ /g.yeng ba skye bar mi 'gyur ba/ /de'i tshe rnal 'byor sems rig pas/ /srad mda'i tshul du sbyang bar bya/ /dge ba bsrung ba'i tshul du ni/ /ji lta ba bzhin nges par sbyar/ /de la chos thams cad du nges pa'i dga' ba ni/ /so ga'i tsha bas gdungs pa yi/ /ji ltar lam du 'jug pa'i mi/ /gangs kyi chu ni len pa'i mi/ /cha ba'i dus kyis sdug bsngal te/ /gang zhig 'gog par byed pa na/ /thams cad rnam par 'jigs par 'gyur/ /dag zhing bde ba'i khyad par ni/ /yang dang yang du 'phel bar bzhag /rnam pa thams cad nges pa na/ /chos rnams bla na med pa thob/ /lus ni shin tu spangs pa dang/ /nyon mongs gsum ni rnam dag par bsam gtan dga' ba'i ting nge 'dzin/ /gzugs rnams kyang ni bsags pa dang/ /sa dang pha rol phyin pa dang/ /mngon shes rnams ni 'byung ba dang/ /'dod chags la sogs zhes pas che/ /zhe 'gyur de tshe rnal 'byor pas/ /dang po'i spyod pa la zhugs pas/ /'grub 'gyur 'di ni the tshom med/ /nyon mongs dag rnams zhi phyir dang/ /ting 'dzin 'phel bar bya ba'i phyir/ /rang lha'i rnal 'byor la gnas nas/ /de nas sbyin sreg brtsam par bya/ /zla ba'i dkyil 'khor
- 318a
dbus su ni/ /bdag nyid rtag tu bsam par bya/ /de yi lus kyi snying ga las/ /'od zer 'bar ba'i tshogs gsal ba'i/ /'od kyi dkyil 'khor phreng ba yis/ /phyogs bcur bzhugs pa'i rgyal ba dang/ /stong gsum rdul dang mtshungs pa yi/ /kha dog dkar po la sogs pa/ /bsdus nas lus la gzhug par bya/ /zhi ba'i sbyin sreg ces su bshad/ /rgyas pa'i cho ga sems can rnams/ /mgu ba'i gzugs su bsam par bya/ / shin tu nyon mongs zhi ba'i phyir/ /khro bo'i gzugs kyi khyad par bya/ /rjes su chags pa bud med ni/ /sna tshogs gzugs can bsam par bya/ /las dang po pa'i sbyin sreg 'di/ /gtso bos sngar ni bstan pa yin/ /de ltar bstan par byas nas ni/ /ting 'dzin nyams par mi 'gyur ro/ /gzhan yang bshad pa/ de nyid bsam pa'i rnal 'byor pas/ /lha la dmigs par 'gyur ba na/ /rnal 'byor rang gi dam tshig dag /dam pa'i yi ge 'grub par 'gyur/ /lugs ma la sogs gzugs brnyan la/ /rnal 'byor skye bar mi 'gyur gyi/ /byang chub sems la rab brtson pas/ /de las rnal 'byor lhar 'gyur ro/ /byang chub sems kyi rdo rje 'di/ /sangs rgyas kun gyi bdag nyid de// de phyir rnal 'byor kun bdag gis/ /sangs rgyas thams cad 'thob par 'gyur/ /bdag nyid sangs rgyas kun dang ni/ /gzi can kun tu nges 'gyur bas/ /rang gi lha yi sbyor ba yis/ /de nyid bdag nyid bsgrub par bya/ / 'di ni sangs rgyas thams cad dang/ /gzi can thams cad nyid dang ni/ /rdo rje 'dzin pa thams cad du/ /tshe 'di nyid la 'grub par 'gyur/ /zhes bcom ldan 'das dpal rdo rje sems dpas gsungs so/ /de bzhin gshegs
- 318b
pa la sogs pa'i rigs thams cad kyi dkyil 'khor gyi bshad pa rdzogs so// /'phags pa de kho na nyid bsdus pa'i 'grel pa de kho na nyid snang bar byed pa zhes bya ba'i rgyur phyi ma'i bshad pa'o// /de ltar mchog tu gyur pa'i sems can rnams rjes su gzung ba'i phyir rgyud phyi ma bshad nas/ da ni bsgom pas 'jigs shing skrag pa'i bya ba la mngon par zhen pa'i sems can thams cad rjes su gzung ba'i phyir/ rtog pa thams cad kyi rgyud phyi ma'i phyi ma gsungs pa yin no/ /'dir yang rtog pa thams cad kyi rgyud phyi ma'i phyi mar ni rang gi rigs kyi dkyil 'khor chen po mthong ba tsam gyis rang gi rigs las mthong ba'i snying po dang/ phyag rgya dang/ sngags dang/ rig sngags bsgrub pa ni rgya chen po'i 'jigs shing skrag pa bsod nams chung ba'i sems can rjes su gzung ba'i phyir/ bcom ldan 'das kyis rjes su gnang bar mdzad pa yin no/ /rang gi rigs kyi dkyil 'khor chen po las gsungs pa'i bsgrub par bya ba'i dngos po thams cad kyi sgra ni snying po zhes bya'o/ /rang gi rigs kyi gzungs kyi dkyil 'khor las gsungs pa'i dngos grub thams cad kyi sgra ni phyag rgya'o/ /rang gi rigs kyi chos kyi dkyil 'khor las gsungs pa'i bsgrub par bya ba'i dngos grub thams cad kyi sgra ni sngags so/ /rang gi rigs kyi las kyi dkyil 'khor las gsungs pa'i bsgrub par bya ba'i dngos grub thams cad kyi sgra ni rig pa yin zhes bcom ldan 'das kyis bstan to/ /de la dkyil 'khor chen po mthong ba'i dus nges pa dang/ bzlas pa'i grangs dang/ ras ris dang/ phyi'i mchod pa rnam pa lnga la sogs pa'i mchod pa dang/ phyag rgya'i mchod pa dang/ skyil mo krung la sogs pa nges pa ni yo byad de
- 319a
de la mngon par zhen pa rnams kyi don bstan pa'i phyir de nas zhes bya ba la sogs pa gsungs te/ de nas zhes bya ba'i sgra ni skabs su bab pa ste/ lta ba ngan pa la sogs pa'i sems can rjes su gzung ba'i skabs su bab pa yin no zhes bya ba'i don no/ /de la lta ba ngan pa ni bya ba tsam gyis kun las bzlas pa zab mo'i chos la mi mos pa'o/ /chags bral ni gsang ba bsgom par rab tu spang bar byed pa'i de lta bur gyur pa de dag rgyud phyi ma las bshad pa'i gsang ba 'di ni mi rigs te/ lhag par mos pa'i don mi 'grub pa'i phyir ro/ /de dag sems can kun la phan don du ni bde ba'i 'bras bu thob pa'i phyir/ de bzhin cho ga bshad par bya/ /zhes bya ba ni ji ltar mchog tu gyur pa'i sems can rjes su gzung ba'i phyir/ mchog tu gyur pa'i sems can dang mthun pa'i cho ga bya ba bstan nas/ de nas yongs su ma smin pa'i sems can yongs su smin par bya ba'i phyir/ las dang po pa'i sems can dang rjes su mthun pa'i cho ga bshad par bya'o zhes bya ba'i tha tshig go /de nas yang zhes bya ba'i sgra ni de ma thag pa'o/ /phyag na rdo rje ni rdo rje sems dpa' o/ /yang gi sgra ni rgyud phyi ma la bltos pa'o/ /de bzhin gshegs pa thams cad kyi sgra ni bshad zin to/ /rigs ni ji skad du bshad pa'i rigs rnams so/ /yo byad ni dkyil 'khor chen por bstan pa'i mchod pa la sogs pa de dag sgrub par byed pa'o/ /de'i cho ga rgyas pa ni rnam pa sna tshogs pa ste/ 'di gsungs pa ni bcom ldan 'das phyag na rdo rjes bshad pa'o/ /de la zhes bya ba'i sgra ni dag nye bar dgod pa'o/ /'di zhes bya ba ni 'chad par 'gyur ba'i blo la gnas pa ste/ dkyil 'khor chen por bshad pa'i mchod pa la sogs pa'i
- 319b
yod byad do/ /de bzhin gshegs pa thams cad kyang yin la dogs?/ kyang yin pas na de bzhin gshegs pa thams cad kyi rigs te/ de dag gi yo byad dang/ cho ga rgyas par gyur pa ni bstan pa'o/ /de nas zhes bya ba ni dmigs kyis dgang ba'o/ /de bzhin gshegs pa la sogs pa'i rigs kyi snying po dang/ phyag rgya dang/ sngags dang/ rig pa rnams kyi nang nas re zhig de bzhin gshegs pa rnams de'i rigs kyi snying po'i yo byad 'byung ba yin no/ /dkyil 'khor chen po mthong nas zhes bya ba ni rdo rje dbyings kyi dkyil 'khor chen po sngar bshad pa'i cho ga mthong nas/ bdug pa dang/ mar me dang/ dri'i phyag rgya rnams kyis mchod par bya ste zhes bya ba ni rdo rje bdug pa ma la sogs pa'i las kyi phyag rgya rnam pa bzhi kar byung bas bdag nyid yang dag par mchod la/ rdo rje bzlas pas brtsams par bya'o zhes shes par bya'o/ /ji ltar 'dug ste zhes bya ba ni de bzhin gshegs pa'i zlos ba pos byang chub kyi snying po la sogs pa 'dug pa dang/ rdo rje sems dpa' la sogs pa ni kun dga' ra ba la sogs pa ste/ de skad du yang de bzhin gshegs pa thams cad 'dus nas zhes bya ba la sogs pa rgyud las bshad pas so/ /de la ji skad bstan pa'i gnas su gnas pa ni ji lta ba bzhin du gnas pa'o/ /dus ji tsam zhig tu gnas she na/ zla ba bzhir zhes bya ba smos te zla ba bzhir gnas ji lta ba bzhin du 'dug cing/ de zlos shing gnas te dus bzhir bdug pa la sogs pas mchod pa bya'o zhes bya ba ni snga dre dang/ nyi ma phyed dang/ dgongs ka dang/ mchis phyed kyi dus su bdug pa la sogs pa'i phyag rgya bzhis bdag nyid dang/ de bzhin gshegs pa thams cad la yang dag par mchod par bya'o/ /de bzhin gshegs pa
- 320a
thams cad kyi theg pa chen po mngon par rtogs pa'i mtshan brgya rtsa brgyad pa phyis 'chad par 'gyur ba'i de bzhin gshegs pa mtshan brgya rtsa brgyad pas de bzhin gshegs pa'i rnal 'byor pas de bzhin gshegs pa thams cad la bstod par bya'o/ /rdo rje sems dpa' la sogs pa'i zlos pa pos ni sngar bshad pa'i rdo rje sems dpa' sems dpa' che/ zhes bya ba la sogs pa rdo rje sems dpa' i mtshan brgya rtsa brgyad pas bstod par bya'o/ / phyag bzhis phyag bya ba'i tshul gyis phyag byas la/ lus 'bul ba'i mchod pa yang bya'o zhes bshad pa yin no/ /de ltar phyag rnam pa bzhi byas nas/ bzlas pa'i phreng ba blangs te 'dod pa'i yon tan thams cad la chags pa dang bral bas ji lta ba bzhin du bzlas na myur du dngos grub tu 'gyur ro zhes bya bar sbyar ro/ /de nas sgeg mo la sogs pa mchod pa rnam pa brgyad dang/ las kyi dkyil 'khor las bshad pa'i mchod pa rnam pa bcu drug ni 'dod pa'i yon tan thams cad do/ /kha zas kun dang zhes bya ba ni nya sha dang/ sgog pa dang/ btsong dang/ lhag ma dang/ log srid kyi lha bshos dang/ dkon mchog gsum gyi bshos gtsang spangs pa dang/ kha na ma tho ba med pa ni bza' ba thams cad do/ /de bzhin du 'dod pa kun la nye bar spyod kyang gang la yang kha na ma tho ba'i nyes par mi 'gyur ro/ /rang gi lha nas brtsams nas sgeg mo la sogs pa brgyad dang/ las kyi dkyil 'khor las bshad pa'i mchod pa bcu drug gis mchod la/ bsgom pa ni kun la nye bar longs spyod cing ngo/ /snying po'i don du zhes bya ba ni/ badzra d+hA tu zhes bya ba de bzhin gshegs pa lnga snying po'i don 'di lhag par mos pa'o/ /bdag nyid dang sangs rgyas kyi
- 320b
mdun du tshig tsam gyis kyang bsgoms la zhes bya ba ni bdag nyid dam rang gi de bzhin gshegs pa de mdun du bsgom pa 'am/ rang nyid de bzhin gshegs par bsgoms nas bzlas na myur bar dngos grub tu 'gyur ro/ /gang zhig de bzhin gshegs pa rnam par sems rtse gcig par mi nus pa de ni tshig tsam gyis kyang bdag nyid de bzhin gshegs par bsgoms pa 'am/ mdun du byas la ci dgar byed cing zhes bya ba ni bstan mi 'dra ba dang/ bkres pa med pa dang/ sgom pa med pa dang/ skyigs bu dang/ sgregs pa la sogs pa dang/ nyes par mi 'gyur ro zhes bstan pa'i phyir ro/ /rdo rje'i tshig gis lan brgya rtsa brgyad bzlas nas/ myur du dngos grub tu 'gyur zhes bya ba ni brgya rtsa brgyad ni brgya las brgyad lhag ba 'o/ /'di skad ston pa yin te/ rdo rje dbyings kyi dkyil 'khor chen po las bshad pa'i de bzhin gshegs pa'i rnal 'byor pas rang la byin gyis brlabs pa la sogs pa byas nas/ de bzhin du bdug la sogs pa'i phyag rgya rnam pa bzhis bdag nyid yang dag bar mchod la/ gzhal yas khang dang gdan ji lta ba bzhin du sprul la/ rang gi gdan la snga ma bzhin du phyag rgya chen pos 'dug ste/ rang gi de bzhin gshegs pa'i mdun du yongs su brtags nas rnal 'byor gyi gnas la badzra d+hA tu zhes brjod cing sprul la/ bsdu ba la sogs pa'i cho ga thams cad rjes su spyad la phyi'i mchod pa rnam pa lnga dang sgeg mo la sogs pa'i rnam pa brgyad dang/ las kyi dkyil 'khor las bshad pa'i dga' zhing bde ba la sogs pa mchod pa rnam pa bcu drug gis yang dag par mchod la phyag bzhi byas te/ g.yon pa'i khu tshur gyi chos gos 'dzin pa'i tshun can gyis de
- 321a
bzhin gshegs pa'i rdo rje blangs la/ lag pa g.yas pa bgrang phreng snying khar bzung nas bzlas pa'i don gyi de bzhin gshegs pa thig kyi bdag nyid du bsgoms nas brgya rtsa brgyad dam stong rtsa brgyad zlos shing de bzhin gshegs pa mdun du bsgom par bya'o/ /cho ga 'di ni de'i gzugs brnyan la gus pas gsol ba 'debs par 'jug pa 'am/ lta ba 'am/ mthung bzhin du bzlas na ring po mi thogs zhes bya'o lhag ma ni phyis 'chad par 'gyur bas shes par bya'o/ /rdo rje sems dpa' la sogs pa nas rdo rje 'bebs pa'i mthar thug pa 'am/ de bzhin gshegs pa'i rigs rnams ni rang nyid kyi g.yon pa'i khu tshur gyis dang po'i rdo rje blangs la/ lag pa g.yas pas bgrang phreng bgrang zhing zlos par bya'o/ /khyad bar 'di yin te 'di ltar de'i rnal 'byor pa sgeg mo la sogs pa'i mchod pa rnam pa bzhis bdag nyid mchod par bya'o/ /de ltar zla ba bzhi bsnyen pa byas nas/ mtshan thog thag bsgrubs na de'i rjes la las kyi dngos grub 'grub par 'gyur ro/ /de la de'i las ni 'di yin te/ sangs rgyas rjes su 'grub na/ sangs rgyas nyid du myur du 'grub/ /sems dpa' i rdo rje ma grub na/ / phyag rgya kun gyi bdag por 'gyur/ /rdo rje rin chen ma'i phyag rgyas/ /de'i ni rdo rje kun dbang 'gyur/ /chos kyi rdo rje ma grub na/ /sangs rgyas chos ni 'dzin par 'gyur/ /las kyi rdo rje ma'i phyag rgyas/ /rdo rje las ni byed par 'gyur/ / sems dpa' i phyag rgya bcings pa yis/ /rdo rje sems dpa' 'grub par 'gyur/ /rdo rje 'dren pa'i cho ga yis/ /rdo rje 'dzin pa spyan 'dren 'gyur/ /rdo rje 'dod pa'i phyag rgya yis/ /sangs rgyas thams cad rjes ma nyes byed/ /rdo
- 321b
rje legs pa'i cho ga yi/ /sangs rgyas thams cad dgyes par byed/ /rin chen phyag rgya'i cho ga yis/ /sangs rgyas dbang bskur sbyin par byed/ /rdo rje gzi brjid cho ga yis/ /rdo rje gzi brjid myur du 'grub/ /rdo rje dpal 'dzin bsten pas na/ / re ba rnams ni yongs su skor/ /rdo rje bzhad pa'i cho ga yis/ /sangs rgyas kun dang mnyam par bzhad/ /rdo rje chos kyi cho ga yis/ /rdo rje chos ni 'dzin par 'gyur/ /rdo rje rnon po'i cho ga yis/ /sangs rgyas kun gyi shes rab mchog /rdo rje 'khor lo 'dzin brten nas/ /chos kyi 'khor lo bskor bar 'gyur/ /rdo rje gsungs pa'i cho ga yis/ /sangs rgyas gsung gi dngos grub thob/ /rdo rje las mchog bsgrubs pas na/ /rdo rje las su myur du 'grub/ /rdo rje go cha bskon pas na/ /rdo rje sku ni thob par 'gyur/ /rdo rje gnod sbyin bsgrubs pas na/ /rdo rje gnod sbyin mnyam par 'gyur/ /rdo rje khu tshur bcings bas na/ /phyag rgya thams cad 'grub par 'gyur/ /rdo rje 'dzin ma bsgrubs pas na/ /rdo rje chen mo'i dga' ba thob/ /rdo rje phreng ba bcings pas na/ /sangs rgyas kun gyis dbang bskur 'gyur/ /rdo rje glu yi cho cho ga yi/ /rdo rje glu ni len par 'gyur/ /rdo rje gar ni sbyar ba yis/ /sangs rgyas kun gyis de mchod do/ /rdo rje bdug pa'i cho ga yis/ /'gro ba thams cad tshim par byed/ /rdo rje me tog sbyor byed pas/ /des ni 'gro ba dbang du byed/ /snying rje snang ba phyag rgya chos/ /rab mchog mig ni sbyin par byed/ /rdo rje dri yi cho ga yin/ /sdug bsngal thams cad sal bar byed/ /rdo rje lcags kyus drangs pas na/ /'dren pa kun gyi mchog tu 'gyur/ /rdo rje zhags pa'i cho ga yis/ /thams cad rab tu 'jug par 'gyur/ /rdo rje lcags sgrog sbyor ba yis/ /thams cad 'ching bar nus par 'gyur/ /rdo rje 'bebs pa'i cho ga yis/ /thams
- 322a
cad 'bebs par rab tu 'gyur/ /slar yang rdo rje sems dpa' la sogs pa'i las kyi khyad par du 'gyur ba ni lan cig bzlas na bdag nyid bsrung bar 'gyur/ lan gnyis bzlas pa gzhan srung bar 'gyur ro/ /lan gsum bzlas pas 'gro ba thams cad srung bar 'gyur ro/ /lan bzhi bzlas pas grong khyer bsrung bar 'gyur ro/ /lan lnga bzlas pas rgyal srid bsrung bar 'gyur ro/ /lan gsum bzlas pas gling bzhi bsrung bar 'gyur ro/ /lan bdun bzlas pas 'jig rten gyi khams thams cad kyi mthar thug pa'i sems bsrung bar byed do/ /thog mar brjod pa'i bsrung ba'i rigs pa ni gro ga la rig pa'i yi ge bris nas / badzra satwa phaT ces lan gnyis brjod par rig pa bcad par bya ste/ ku sha 'am/ bsrung skud blangs la rig pas bsrung bar bya'o/ /oM badzra sa twa zhes lan gsum brjod pa'i rig pas rgyal bar 'gyur ro/ /lan bzhi brjod pas ga bur dang/ tsan dan dang/ a ka ru rnams kyi bdug pa phul nas mgo la me tog gi phreng ba brtags te/ dpral bar tsan dang gyi thig le byas te/ chos thams cad rmi lam dang mtshungs pa'i bden pa 'dis rdo rje sems dpa' bdag la rmi lam ston cig ces byas na/ dge ba dang mi dge ba'i rmi lam thams cad ston par 'gyur ro/ /mngon par 'dod pa'i dngos po shes par 'dod na bcom ldan 'das thang cig bsgoms la snying po lan lnga bzlas na mtshan ma dgos pa ston par 'gyur ro/ /stong phrag brgya bzlas na las thams cad byed par 'gyur ro/ yar de'i tshes brgyad la dkyil 'khor bris te/ zhag gsum smyung ba byas pa 'am/ 'o ma dang bu ram zos nas der zhugs te/ stong phrag brgyad bzlas par bya'o/ /de nas bsam gtan de the tshom med par 'gyur ro/ /nad pa'i steng
- 322b
du yi ge ba las zla ba las zla ba'i dkyil 'khor dkar po rnam par bsams pa dug zhi bar 'gyur ro/ /lte ba'i steng du yi ge dza las rin po che'i dkyil 'khor ser po bsams pas dug rengs par 'gyur ro/ /rin po che rgya gram gyi steng du rin po che dmar ser gyi dkyil 'khor dang yi ge dza ser po gzhan gyi dug the tshom med par rengs par 'gyur ro/ /thog bzlog par byed do/ /tshar gcod par byed do/ /yi ge ba las zla ba'i dkyil 'khor dkar po bsams na mkhris pa'i rims sel bar byed do/ /tsha ba'i rims sel bar byed do/ /khar bsgoms na mngag gzhug byed do/ /rig pa thams cad kyi steng du bsgoms na mngag gzhug byed do/ /yan lag nyams pa la bsgoms na yongs su rdzogs par 'gyur ro/ / me'i steng du bsgoms na me'i tsha bzhi bar 'gyur ro/ /zhi ba'i las thams cad sgrub par byed do/ /yi ge rdzas rgyas pa'i las bskyed par byed do/ /dbang bskur ba'i ting nge 'dzin gyis dbral ba'i phyogs su bsams nas don chen po bskyed par byed pa'o/ /me lha'i steng du bsgoms na nor bu'i phung po skyed par byed do/ /bdag gi lus la bsgoms na rgyas pa'i las thams cad byed par 'gyur ro/ /yi ge sa las nyi ma'i dkyil 'khor dmar po bsams na 'bebs par byed do/ /sna tshogs rdo rje bsams na sdud par byed do/ /skyes pa dang bud med kyi snying gar pad+ma dmar po'i steng du pad+ma bsgoms na dbang du byed do/ /lha'i snying po gang dang gang bsams pa de dbang du byed par 'gyur ro/ /gdod la bsams na chags shing skal ba dang ldan par 'gyur ro/ /las thams cad byed pas yi ge sa las kyi dkyil 'khor las thams cad dang rjes su mthun par bsgom par bya'o/ /nad pa'i snying gar bsams na bsrung bar byed par
- 323a
'gyur ro/ /bsam bshes pa'i cho gas bsgrub par bya ba'i yid kyi las thams cad sgrub par byed do/ /yi ge tas mnyes bar byed do/ /rdo rje dkyil 'khor thams cad bsgrubs na bsrung bar byed do/ /dbyug par byas nas bsnun par bya bsnun par byed do/ /rdo rje'i dkyil 'khor ljang gur bsgoms na bsrung bar byed do/ /thal mo'i sgras dug gi brgyal ba las sad par byed do/ /yi ge kha dog lnga pa rtag tu bsgoms na las thams cad byed do/ /yi ge bas 'chid bar byed do/ /yi ge dza sa 'gugs par byed do/ /yi ge mas 'bebs par byed do/ /yi ge tas bsnun par byed do/ /de thams cad tshar gcod par byed do/ /gdug pa thams cad yi ge la'i lcags kyur bkug par byed do/ /rdo rje bsgom na gsal par byed do/ /dkyil 'khor gyis sdud par byed do/ /yi ge a las zla ba'i dkyil 'khor bsams na dug zhi bar byed/ /badzra satwa a(rgyud 'grel): zhes byas rtog pa thams cad kyi bye brag las sbyor ba dang/ las thams cad byed par 'gyur ro/ /de ltar bzlas pa'i cho gas bsgrub pa bshad nas/ da ni ras ris bsgrub pa'i bla na med pa'i dngos grub ni/ de nas zhes bya ba la sogs pa gsungs te/ de nas zhes bya'i sgro ni de ma thag pa ste / zla ba bzhi'i bar du sngar bshad pa bzhin du bsnyen pa byas pa'i rjes thogs nyid la'o/ /de'i phyag rgya bzhi pa'i bla na med pa'i dngos grub ni sangs rgyas dang byang chub sems dpa' rnams kyi'o/ /de 'dod pa ni gal te rnal 'byor pa 'dod na ji skad bshad pa'i ras la bcom ldan 'das rnam par snang mdzad la sogs pa nas don yod par grub pa'i bar du bri bar bya ste/ de'i phyag rgya bzhi pa'i dkyil 'khor gyi tshul du zhes bya ba ni phyag rgya chen po'i
- 323b
dkyil 'khor gyi dbyibs dang ji ltar 'dod ba'i kha dog dang rgyan dang rdo rje sems dpa' la sogs pa'i sems dpa' chen po rnams dang/ rdo rje sgeg mo la sogs pa'i lha mo rnam pa brgyad bri bar bya'o/ /'di skad ston pa yin te/ sngar bshad po'i tshul gyis sngon du bsnyen pa zla ba bzhi byas la rnam par snang mdzad la sogs pa'i de bzhin gshegs pa'i rnal 'byor pa 'am/ de bzhin du rdo rje sems dpa' la sogs pa dang/ rdo rje 'bebs pa'i mthar thug pa'i de bzhin gshegs pa'i rigs kyi rnal 'byor pas rang gi lhar bsgoms la/ de'i rjes la ras mnyams pa la/ de bzhin gshegs pa zlos shing srog chags kyi yan lag rnams gsal nas/ rdo rje'i thig zlum por btab pa'i dbus kyi zur bzhi'i dbus su bcom ldan 'das rnam par snang mdzad dkar po zang ma ga pur dang/ bsres la bsnyen dang ldan pa dam tshig shes pa'i ri mo mkhan gyis badzra d+hA tu zhes bya ba'i snying po 'dis bri bar bya'o/ /de'i 'og gi cha la mi bskyod pa'i gnas su rdo rje sems dpa' / g.yas logs su rin chen 'byung ldan gyi gnas su rdo rje rin chen/ steng du 'od dpag tu med pa'i gnas su rdo rje chos /g.yas phyogs su don yod grub pa'i gnas su rdo rje las/ mtshams kyi cha rnams su sgeg mo la sogs pa'i lha mo brgyad rang gi snying po bri bar bya'o/ /rnam par snang mdzad kyi ras kyi cho ga'o/ /ras de nyid kyi dbus su bcom ldan 'das mi bskyod pa bri ba'i tshe mi bskyod pa'i gnas rdo rje sems dpa' rin chen 'gyur ldan gyi gnas su rdo rje rgyal po/ /don yod grub pa'i gnas su rdo rje chags pa'o/ /'od dpag tu med pa'i gnas su rdo rje legs pa'i mchod pa'i lha mo rnams kyang snga ma bzhin du bya ba ni mi bskyod pa'i ras ris
- 324a
kyi cho ga'o/ /dbus su bcom ldan 'das rin chen 'byung ldan 'bri ba'i che mi bskyod pa'i gnas su rdo rje rin chen/ rin chen 'byung ldan gyi gnas su gzi brjid/ don yod grub pa'i gnas su dpal 'od dpag tu med pa'i gnas su rdo rje bzhad pa bris la/ lhag ma ni snga ma bzhin te/ rin chen 'byung ldan gyi cho ga'o/ /bcom ldan 'das 'od dpag tu med pa dbus su 'bri ba de'i tshe mi bskyod pa'i gnas su rdo rje chos/ rin chen 'byung ldan gyi gnas su rdo rje rnon po/ don yod par grub pa'i gnas su rdo rje rgyu/ 'od dpag tu med pa'i gnas su rdo rje gsung ba bris la/ lhag ma ni snga ma bzhin te/ 'od dpag tu med pa'i ras ris kyi cho ga'o/ /dbus su bcom ldan 'das don yod grub pa 'bri ba de'i tshe mi bskyod pa'i gnas su rdo rje las/ rin chen 'byung ldan gyi gnas su rdo rje bsrung ba/ don yod par grub pa'i gnas su rdo rje gnod sbyin/ 'od dpag tu med pa'i gnas su rdo rje khu tshur rang gi snying pos bris te/ lhag ma ni snga ma bzhin te/ don yod par grub pa'i ras ris kyi cho ga'o/ /ras gang la ri mo 'bri pa de'i tshe 'bru dang/ rin po che dang sman thams cad kyis yongs su gang ba'i bum pa gcig dang/ zur bzhir bum pa bzhi bzhag par bya'o/ /de'i steng du bla re dre ba dang/ de'i 'og tu gdugs dkar po la gtsug tor dkar mo bzlas pa dang/ de nas rtsi mar gyi mar me dang/ spos kyi snod rnam pa bzhi bzhag nas rgyun mi 'chad par dbul bar bya'o/ /de nas tsan dan dkar po'i chu yis mchod yon phul la/ rnam par snang mdzad la sogs pa'i gzugs brnyan gyi sbyor ba byas pa'i ras ris de la bzhugs su gsol bar bya'o/ /phyag rgya bzhi pa'i dkyil 'khor las bshad pa'i rdo rje snying po dang/ rdo rje dbyings kyi dkyil
- 324b
'khor chen ba las bshad pa'i rdo rje sems dpa' la sogs pa'i snying po de rnam kyi ji lta ba bzhin du bri bar bya'o/ /rdo rje dbyings kyi khang bu brtsegs pa de'i steng du gdugs dkar po bri bar bya'o/ /de ltar ras la ji ltar mngon par 'dod pa bzhin du bris nas de nas ri mo'i sku gzugs la mchod pa rgya cher byas la/ 'jab kyi tshul gyis ji lta ba bzhin du zla ba bzhi'i bar du bzlas par bya'o/ /snga ma bzhin du rang la byin gyis brlabs la sogs pa byas nas/ khang bu brtsegs pa'i gnas de rdzogs pa dang/ ras la de bzhin gshegs pa'i snying po sprul la/ bsdu ba la sogs pa'i cho ga rjes su spyad nas/ phyi'i mchod pa rnam pa lnga la sogs pa'i mchod pa rgya che ba'i khyad par rnams kyis yang dag par mchod la/ sgeg mo la sogs pa mchod pa brgyad kyis dang/ las kyi dkyil 'khor las bshad pa'i mchod pa rnam pa bcu drug gis yang dag par mchod de/ phyag bzhi byas nas/ sngar bshad pa'i bzlas ba'i cho gas zla ba bzhi'i sbyor bas bzlas te/ mtshan thog thag bzlas par bya'o/ /de nas nam langs pa dang rnam par snang mdzad la sogs pa'i de bzhin gshegs pa thams cad 'grub pa 'am/ rdo rje sems dpa' la sogs pa'i de bzhin gshegs pa'i rigs kyi dngos grub rnams ji ltar bri ba bzhin du 'grub par 'gyur ro/ /de ltar rdo rje dbyings kyi dkyil 'khor chen po las bshad pa'i dngos grub rnams bshad nas/ da ni gzungs kyi dkyil 'khor la gsungs pa'i dngos grub ni de nas phyag rgya bsgrub par? 'dod na/ zhes bya ba la sogs pa gsungs te/ de la phyag rgya ni gzungs kyi dkyil 'khor gyi rig pa brjod pa rnams so/ /de la bsgrub par 'dod pa ni thog ma snga ma bzhin du rdo rje dbyings kyi dkyil 'khor chen por
- 325a
las bshad pa'i rang gi lha'i rnal 'byor byas la/ rdo rje dbyings kyi dbang phyug ma la sogs pa'i gzungs zlos shing snga ma bzhin du zla ba bzhi bsnyen pa byas la/ ras la de bzhin du bri bar bya'o/ /rdo rje dbyings kyi dkyil 'khor chen po las bshad pa'i cho ga thams cad rjes su spyad la/ rdo rje sems dpa' bcings te/ thun bzhi'i sbyor bas stong phrag brgya zla bar bya'o/ /de nas mtshan thog thag rdo rje sems dpa' bcings shing bzlas la/ skyon phyag rgya bar bar du dgrol bar bya'o/ /de nas phyag rgya bcings nas 'bar ba la sogs pa'i dngos grub kyi rtags bsrung ba dang/ de nas phyag rgya bcings bzhin du zhes bya ba 'bras bu gsungs so/ /de ltar gzungs kyi dngos grub bshad nas chos kyi dkyil 'khor dngos grub ni/ de nas ting nge 'dzin bsgrub par 'dod na ni zhes bya ba la sogs pa smos te/ de nas zhes bya ba'i sgra ni skabs su bab pa ste/ chos kyi dkyil 'khor gyi dngos grub gyi gnas skabs so zhes bya ba'i don to/ /rnam par snang mdzad la sogs pa'i rnam par sems rtse gcig pa ni ting nge 'dzin to/ /ting nge 'dzin de yang rnam pa sum cu rtsa bdun no/ /de'i phyir ting nge 'dzin gang la dga' ba zhes gsungs so/ /gal te 'ga' zhig de bsgrub bar 'dod na rdo rje phra mo nas brtsams te/ rdo rje phra mo bsgom par bya ba'i ting nge 'dzin gang la dga' ba de la'o/ /rnam par snang mdzad la sogs pa gang bsgom par 'dod pas snying po rnal 'byor goms par bya'o/ /snga ma bzhin du bzlas pa'i sbyor bas nyin re zhing thun bzhir? rang gi snying po brjod cing rab tu sbyor ba byas la/ bdag nyid dam mdun du rang gi lha'i gzugs su bsgoms par bya'o/ /rtsa? ba
- 325b
bzhir bsnyen pa byas la/ de nas snga ma bzhin du bris te/ cho ga thams cad ji lta ba bzhin du rjes su spyad la/ ras ris kyi mdun du zla ba bzhir rang gi ting nge 'dzin bsgom par bya'o/ /de nas mthar mtshan thog thag bsgom na mtho rangs ka dam tshig gi ting nge 'dzin thob par 'gyur ro/ /de ltar chos kyi dkyil 'khor las bshad pa'i dngos grub bstan nas/ da ni las kyi dkyil 'khor las bshad pa'i/ de nas las bsgrub par 'dor na ni zhes bya ba la sogs pa gsungs te/ las kyi dkyil 'khor las bshad pa'i rig pa rnams bsgrub pa ni las bsgrub par 'dod pa'o/ /de bzhin du bzlas shing zla ba gcig gi bar du bsgrubs na zhes bya ba ni las kyi dkyil 'khor gyi rig pa rnams kyi phyir rdo rje dbyings kyi dkyil 'khor chen po las bshad pa'i cho gas rang gi lha'i rnal 'byor byas la snga ma bzhin du cho ga thams cad rjes su spyad la/ thun bzhi'i sbyar bas zla ba bzhir snga ma bzhin du bzlas pa byas nas bri bar bya'o/ /de nas snga ma bzhin du ras la cho ga thams cad rjes su spyad la/ ras ris kyi rang gi rig pa'i mdun du stong phrag brgya bzlas par bya'o/ /zla ba'i mthar mtshan thog thag bzlas pa byas na las thams cad 'grub par 'gyur ro/ /lan cig brjod pa tsam gyis zhes bya ba la sogs pas ni rang gi rig pa ji lta ba bzhin du bsgrubs la/ lan cig bzlas pa byas nas bdag nyid la sogs pas bsrung bar 'gyur ro/ /ji ltar 'gyur zhe na/ grong dang grong khyer rnams cho ga bcings pas zhes bya ba la sogs pa smos te/ go cha bcings pa'i tshul gyis rang ngam gzhan bsrung bar bya'o/ /mtshams dang/ phyogs dang/ dkyil 'khor dang/ nam mkha' dang/ phur bu dang/
- 326a
ra ba dang/ dra ba rnams ni sogs pa'i sgras bsdu bar shes par bya'o/ /dbab par yang bya ste/ tsan dan dri zhim pas shes bya bas tsan dan ni dkar po 'am/ sh+ri khaN+Da ni tsan dan dri zhim pa'o/ /des byugs nas rang gi rig pa mngon par bzlas la/ rig pa'i lha'i gzugs su brtags la/ rdo rje la sogs pa byugs shing dbab par bya'o/ /khyad par ji lta bu zhe na/ gzung du yod pa dang gzung du med pa'i rdo rje dang/ lcags kyu la sogs pa zhes bya ba la/ gzung du yod pa ni lag pas gzung du yod pa'o/ /gzung du med pa ni yid kyis dmigs pa'o/ /lan cig brjod pas zhes bya ba ni rang gi rig pas ji lta ba bzhin du bsgrubs pa'o/ /sgyu ma'i las kyang byed de zhes bya ba la sogs pa ni snga ma bzhin du rig pa bzlas na/ rma bya'i sgro'i nang du rdo rje rtse lnga pa bcug ste/ bcings nas rdo rje dbyings kyi dkyil 'khor chen po las bshad pa'i rdo rje sems dpa' i phyag rgyas mnan la/ ras ris kyi mdun du bdag la byin gyis brlabs pa la sogs pa'i cho ga thams cad byas nas/ ji lta ba bzhin du bsgrubs la rig pa bzlas te/ ji srid du de bzhin gshegs pa'i phyag rgya 'bebs par 'gyur ba de srid kyi bar du bya'o/ /de nas mjug sgro 'grub par 'gyur ro/ /de nas rma bya'i mdzub? ma bsgrub pa dang/ gzugs sna tshogs la snang bar 'gyur te zhes bya'o/ /de nas dbang du byed par 'dod na zhes bya ba la sogs pa snga ma bzhin du rang gi rigs pa bsgrubs na/ de bzhin gshegs pa la sogs pa'i rigs pa'i rang gi rigs thams cad dbang du byed par 'dod na/ rdo rje dbyings kyi dkyil 'khor chen po las bshad pa'i rdo rje sems ma bcings te/ ji lta ba bzhin du rig pa zlos shing bsgrubs na ji srid du sems dpa' i rdo rje 'bar bar
- 326b
'gyur ba de srid kyi bar du'o/ /de nas de bzhin gshegs pa la sogs pa la dbang du byed par 'gyur ro/ /ci ste 'jig rten dang 'jig rten las 'das pa'i dngos grub 'grub par 'dod na yang zhes bya ba la sogs pa la/ snga ma bzhin du rig bzlos shing bsgrubs na phyis rang gi rig pa'i ras ris kyi mdun du thun bzhir zla ba gcig stong rtsa brgyad bzlab pa byas nas/ de nas mthar rdo rje sems dpa' i phyag rgya bcings te/ mthar mtshan thog thag bzlas pa byas pas rdo rje 'bab par 'gyur ro/ /de phyin chad ces bya ba ni brtson na phyag rgya 'ching ba'i rdo rje 'ching ba'i rdo rje sems dpa' i phyag rgya ji lta ba bzhin du bsgrubs te/ rig pa brjod na 'jig rten gyi dngos grub kyi rig pa 'dzin pa'i dngos grub gang yang rung ba gcig 'grub par 'gyur ro/ /de la 'jig rten gyi dngos grub ni rkang mgyogs te/ mi snang ba dang nam mkha' la 'gro ba dang/ ro langs bslangs pa dang/ sa 'og tu 'gro ba dang/ gter chen po 'don pa dang/ char 'bebs pa dang/ sa'i dbang phyug nyid la sogs pa'i gzugs so/ /rig pa 'dzin pa'i dngos grub ni rdo rje dang/ rin po che dang/ pad+ma dang/ las 'dzin pas tha dad pas tha dad pa'i de lta bur gyur pa'i dngos grub ni de'i nang nas/ ji ltar mngon par 'dod pa gang yang rung ba cig 'grub par 'gyur ro/ /de ltar de bzhin gshegs pa'i rigs kyi yo byad kyi cho ga rgyas ba bstan nas/ da ni rdo rje rigs kyi de nas zhes bya ba la sogs pa smos pa yin te/ de nas zhes bya ba ni bshad zin to/ /de la zhes bya ba ni ngag nye bar dgod pa'o/ /dang po ni thog ma nyid du'o/ /bsnyen pa bya ba ni ci ltar zhe na/ de ltar zhes bya ba smos te/ ji ltar rdo rje dbyings kyi dum bu'i rdo rje dbyings kyi dkyil 'khor chen por bshad
- 327a
pa'i bzlas pa'i cho ga mthong ba de bzhin du 'dir yang shes par bya'o/ /ji ltar 'dod pa bzhin du zhes bya ba ni langs pa 'am 'dug pa'i yi ge 'bum bzlas par bya'o/ /de nas phyag rgya bcings pa med kyang mtshan thog thag bzlas nas de phyin chad sems can thams cad la phan gdags pa dang/ chad pas bcad nus par 'gyur ro/ /'di skad ston pa yin te/ 'jig rten gsum las rnam par rgyal ba'i dkyil 'khor chen po las bshad pa'i rdo rje hUM mdzad la sogs pa'i rnal 'byor byas la/ snga ma bzhin du cho ga thams cad rjes su spyad de/ bcom ldan 'das ji lta ba bzhin du mdun du bzhag la/ mchod pa thams cad kyis yang dag par mchod la phyag bzhi bya'o/ /g.yon pa'i khro bo'i khu tshur gyis khro bo rdo rje blangs la/ lag pa g.yas pa bzlas pa'i phreng ba rang nyid kyi snying gar gzung nas/ bzlas pa'i don gyi bdag nyid dam mdun du bcom ldan 'das bsgoms te khri bzlas par bya'o/ /nyin re zhing thun bzhi'i sbyor bas yi ge 'bum gyi bzlas pa rdzogs kyi bar du bya'o/ /de nas mtshan thog thag bzlas te/ de phyin chad hUM zhes bya bas ri bo yang 'ges par byed do/ /chu bo yang bskems par byed do/ /brdeg cing 'bar byed pa dang/ bya rnams kyang ltung bar byed do/ /bsdams pas gsod par byed do/ /sor mos srin rnams 'jigs par byed do/ /'bru rnams 'don par byed do/ /klu rnams rangs par byed do/ /skyes pa dang bud med rnams rengs par byed do/ /byis pa rnams rengs par byed do/ /thog 'phen pa bzlog par byed do/ /thog dbab par byed do/ /sdigs mdzub tsam gyis 'gro ba rengs pa dang glang po cho gsod par byed do/ /dug gi brgyal pa las slong bar
- 327b
byed do/ /de lta bu la sogs pas sems can thams cad la phan 'dogs pa dang/ tshar gcod par byed do/ /'on de bsgrub par 'dod na yang zhes bya ba la 'jig rten gsum gyi dngos grub gal te bsgrub par 'dod na sngar bshad pa'i cho gas yi ge 'bum rnal 'byor pas bzlas la rdo rje hUM mdzad la sogs pa rang gi khro bo sngags ji lta ba bzhin du byas nas ras la ri mo bri bar bya'o/ /'di skad ston pa yin te/ spu dang srog chags kyi yan lag rnams ras bal la nam par gsal te/ ras la rdo rje ri mo gru bzhir bris nas bsnyen gnas dang ldan pa'i ri mo mkhan gyis dkyil 'khor du zhugs pas/ tshon gzhan dar ma 'dres par snod rangs par bzhag la yi ge 'bum bzlas te/ bcom ldan 'das rdo rje hUM mdzad ras kyi dbus su bri bar bya'o/ /mi bskyod pa'i gnas su khro bo rdo rje sems dpa' / rin chen 'byung ldan gyi gnas su khro bo rgyal po don yod par grub pa'i gnas su khro bo rdo rje legs/ 'od dpag tu med pa'i gnas su khro bo rdo rje chags pa/ mtshams rnams su sgeg mo la sogs pa mchod pa'i lha mo brgyad bri bar bya'o/ /dpal rdo rje hUM mdzad kyi ras kyi cho ga'o/ /ras kyi dbus su rin chen hUM mdzad bri ba de'i tshe mi bskyod pa'i gnas su khro bo rdo rje khro gnyer rin chen 'byung ldan gyi gnas su khro bo rdo rje nyi ma/ don yod grub pa'i gnas su khro bo rdo rje dpal/ 'od dpag tu med pa'i gnas su khro bo rdo rje bzhad pa bris la/ lhag ma ni snga ma bzhin te/ rin chen hUM mdzad kyi cho ga'o/ /dbus su chos kyi hUM mdzad 'bri ba'i tshe mi bskyod pa'i gnas su khro bo rdo rje chos/ rin chen 'byung ldan gyi gnas su khro bo rdo rje rnon po/ don yod grub pa'i gnas su khro bo rdo rje rgyu/ 'od dpag tu med pa'i gnas su khro bo rdo rje gsung ba/ chos kyi
- 328a
hUM mdzad kyi ras kyi cho ga'o/ /las kyi hUM mdzad dbus su 'bri ba'i tshe mi bskyod pa'i gnas su khro bo rdo rje las/ rin chen 'byung ldan gyi gnas su khro bo rdo rje bsrung ba/ don yod grub pa'i gnas su khro bo rdo rje gnod sbyin/ 'od dpag tu med pa'i gnas su khro bo rdo rje khu tshur/ lhag ma snga ma bzhin no/ /las kyi hUM mdzad kyi ras kyi cho ga'o/ /de la rdo rje hUM mdzad la sogs pa rnam pa bzhi'i phyag rgya bzhi pa'i dkyil 'khor las bshad pa'i rig pas sam/ 'jig rten gsum la rnam par rgyal ba'i dkyil 'khor chen po las bshad pa'i rdo rje sems dpa' la sogs pa'i sngags kyi ras la bris la las rnams kyi cho ga lhag ma yang gzung bar bya'o/ /de bzhin gshegs pa'i ras la bris pa'i cho ga ltar ni ma smos su zin yang snga ma bzhin du gzung bar bya'o/ /de ltar mchod pa byas nas zhes bya ba ni de bzhin du ras la bris la rang la byin gyis brlab pa la sogs pa'i cho ga byas la/ snga ma bzhin du khang bu brtsegs pa gdan dang bcas pa sprul la/ phyag rgya bzhi pa'i dkyil 'khor las bshad pa'i rig pa rnams kyis rdo rje hUM mdzad la sogs pa bskyed la/ de nas 'jig rten gsum las rnam par rgyal pa'i dkyil 'khor chen po las bshad pa'i snying pos hUM gis rdo rje sems dpa' la sogs pa rang gi gnas su bzhugs su gsol ba la bsdu ba la sogs pa byas te/ mchod pa rnam pa lngas mchod nas/ sgeg mo la sogs pa mchod pa rnam pa brgyad dang/ las kyi dkyil 'khor las bshad pa'i mchod pa'i phyag rgya rnam pa bcu drug gis mchod par bya'o/ /de bzhin du mchod pa byas nas zhes bya ba'i don 'di yin par shes par bya ste/ zla ba gcig 'dod
- 328b
pa kun la longs spyod cing/ sgeg mo la sogs pas mchod pa rnam pa brgyad dang/ las kyi dkyil 'khor las bshad pa'i mchod pa rnam pa bcu drug bsgoms pa ni 'dod pa kun la longs spyod pa'o/ /ci dga' ba bzhin du zhes bya ba bshad zin to/ /brgya stong du bzlas pa zhes bya ba stong rtsa brgyad bzlas pa ste/ stong rtsa brgyad pa de ni brgya stong du bzlas so/ /dus bzhir zhes bya ba la sogs pa ni go sla'o/ /de'i don ni 'di skad ston pa yin te/ mchod pa'i mthar thug pa'i cho ga thams cad rjes su spyad la/ phyag bzhi byas nas nyin re zhing thun bzhi ru stong bzlas shing zla ba gcig gi mthar thug pa de srid kyi bar du bya'o/ /de mthar zla ba nya la 'jig rten gsum las rnam par rgyal ba bcings te/ cho ga thams cad rjes su spyad nas/ ji srid du rang gi khro bo'i sngags zlos shing phyag rgya bcings pa de la hUM zhes bya ba'i sgra byung gi bar du bzlas par bya'o/ /de ltar 'jig rten gsum las rnam par rgyal ba'i dkyil 'khor chen po las bshad pa'i dngos grub bsgrub pa yo byad kyi cho ga rgyas pa bstan nas/ da ni 'jig rten gsum las rnam par rgyal ba'i dkyil 'khor chen po las bshad pa'i cho ga dngos grub bsgrub pa ni yo byad de cho ga ni/ de nas zhes bya ba la sogs gsungs pa yin te/ de nas zhes bya ba'i sgra ni skabs su bab pa ste/ phyag rgya ni 'jig rten gsum las rnam par rgyal ba'i gzungs kyi dkyil 'khor las bshad pa'i gzungs rnams so/ /de bsgrub pa ni phyag rgya bsgrub pa'o de la gal te 'ga' zhig bzlas pa'i phyag rgya rnams bsgrub par 'dod na yang de nas ? ji lta ba bzhin du bzlas pa byas la zhes bya ba ni de bzlas pa'i cho gas/ rang gi gzungs kyi rig pa'i yi ge 'bum bzlas par bya'o/ /de nas rdo rje
- 329a
hUM zhes bya ba la sogs pa ji lta ba bzhin du bshad pas gzungs kyi rig pa'i ras kyi mdun du snga ma bzhin du stong rtsa brgyad bzlas la thun bzhi'i sbyor ba byas te/ ji srid du zla ba gcig gi mthar thug pa'i bar du byas la mthar zla ba nya la/ 'jig rten gsum las rnam par rgyal ba'i phyag rgya bcings te/ gzungs kyi rig pa mtshan thog thag bzlas na de lta bu des phyag bya ba 'grub par 'gyur ro/ /de nas gzungs thams cad 'grub par 'gyur ro/ /de ltar rdo rje rigs kyi gzungs kyi dkyil 'khor bsgrub pa bstan nas/ da ni rdo rje rigs kyi chos kyi dkyil 'khor las bshad pa'i dngos grub bsgrub pa'i yo byad kyi cho ga rgyas pa bshad pa ni de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ sngon du bsnyen pa nyid kyi rjes thogs la'o/ /rdo rje hUM zhes bya ba'i ting nge 'dzin nas brtsams te/ bsgom zhing zhes bya ba ni rdo rje hUM mdzad nas brtsams nas ji srid du rdo rje 'bebs pa'i mthar thug pa'i rdo rje rigs kyi chos kyi dkyil 'khor las bshad pa'i khro bo rnams kyi nang nas/ khro bo gang yang rung ba mngon par 'dod pa de ting nge 'dzin bsgom par bya'o/ /ji ltar zhe na/ de bzhin du bzlas pa'i tshul gyis zhes bya ba smos te/ snga ma bzhin du 'jig rten gsum las rnam par rgyal ba'i dkyil 'khor las bshad pa'i rang gi lha'i rnal 'byor byas la/ cho ga thams cad rjes su spyad de/ phyag byas la phyis chos kyi dkyil 'khor las bshad pa'i rang gi lha'i chos kyi phyag rgya bcings te/ de'i rjes la g.yon pa'i khro bo'i khu tshur gyis rdo rje blangs te/ lag pa g.yas pas bzlas pa'i phreng ba bzung nas snga ma bzhin du chos kyi dkyil 'khor las bshad pa'i rang gi rigs pa'i yi ge
- 329b
'bum bzlas par bya'o/ /de nas ji lta ba bzhin du ras la bris te/ zla ba gcig thun bzhi'i sbyor bas rang gi ting nge 'dzin bsgom par bya'o/ /snga ma bzhin du cho ga thams cad rjes su spyad la/ de nas zla ba nya la ting nge 'dzin nyid kyis mtshan thog thag bzlas pa byas nas mngon par shes pa lnga skye bar 'gyur ro/ /de ltar chos kyi dkyil 'khor gyi yo byad kyi cho ga bstan nas/ da ni rdo rje rigs kyi dkyil 'khor las bshad pa'i dngos grub bsgrub pa'i yo byad kyi cho ga ni/ de nas zhes bya ba la sogs gsungs te/ snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas la/ snga ma bzhin du bsdu ba la sogs pa phyag bzhi'i mthar thug pa'i cho ga rjes su spyad nas/ g.yon pa'i khro bo'i khu tshur gyis khro bo'i rdo rje blangs te/ lag pa g.yas pas snga ma bzhin du bzlas pa'i phreng ba gzung la sngar bshad pa'i cho gas las kyi dkyil 'khor las bshad pa'i yi ge 'bum bzla bar bya'o/ /de nas sngar bshad pa'i ras ris kyi mdun du rdo rje'i cho ga gis rang gi rig pa stong rtsa brgyad bzla bar bya'o/ /nyin re zhing thun bzhi'i sbyor ba byas la/ de nas zla ba nya la mtshan thog thag bzlas pa byas nas las thams cad la rig pa'i yi ge lan gcig brjod pas 'grub par 'gyur ro/ /de ltar rdo rje rigs kyi yo byad kyi rgyud bstan nas/ da ni pad+ma'i rigs kyi yo byad ni de nas zhes bya ba la sogs pa gsungs te/ de nas dang po 'bum bzlas pa byas nas zhes bya ba ni 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ bsdu ba la sogs pa'i phyag bzhi'i mthar thug pa'i cho ga rjes su spyad nas/ g.yon pa'i pad+ma'i khu tshur gyis rdo rje pad+ma blangs te/ lag pa g.yas pas
- 330a
bzlas pa'i phreng ba bzung nas/ 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas na sngon du bsnyen pa byas par 'gyur ro/ /de nas pad+ma'i dkyil 'khor zur bzhi pa'i thig btab la/ ras kyi dbus su bcom ldan 'das 'gro ba 'dul ba/ mi bskyod pa'i gnas su sangs rgyas pad+ma/ rin chen 'byung ldan gyi gnas su pad+ma'i rgyal po/ don yod par grub pa'i gnas su pad+ma'i chags pa/ 'od dpag tu med pa'i gnas su pad+ma'i legs pa/ mtshams kyi char pad+ma'i sgeg mo la sogs pa mchod pa'i lha mo rnam pa brgyad sngar bshad pa'i cho gas bri bar bya'o/ /'gro ba 'dul ba'i ras kyi cho ga'o/ /ras kyi dbus su thor tshugs sangs rgyas bri ba de nyid kyi tshe mi bskyod pa'i gnas su pad+ma'i khro gnyer rin chen 'byung ldan gyi gnas su pad+ma'i nyi ma/ don yod par grub pa'i gnas su pad+ma'i dpal/ 'od dpag tu med pa'i gnas su pad+ma'i bshad pa/ lhag ma ni snga ma bzhin te/ gtsug phud sangs rgyas kyi cho ga'o/ /ting nge 'dzin pad+ma'i dbus su bri ba'i tshe mi bskyod pa'i gnas su pad+ma sgrol ma/ rin chen 'byung ldan gyi gnas su pad+ma rnon po/ don yod par grub pa'i gnas su pad+ma rgyu/ 'od dpag tu med pa'i gnas su pad+ma'i gsung bris la/ lhag ma ni snga ma bzhin du byas te/ ting nge 'dzin pad+ma'i ras kyi cho ga'o/ /dbus su bcom ldan 'das pad+ma nges pa'i dbang phyug 'bri ba'i tshe mi bskyod pa'i gnas su pad+ma gar gyi dbang phyug /rin chen 'byung ldan gyi gnas su pad+ma bsrung ba/ don yod par grub pa'i gnas su pad+ma gnod sbyin/ 'od dpag tu med pa'i gnas su pad+ma'i khu tshur bris la/ lhag ma ni snga ma bzhin te/ pad+ma nges
- 330b
pa'i dbang phyug gi ras kyi cho ga'o/ /de ltar ras la bris nas snga ma bzhin du rang la byin gyis brlabs pa la sogs pa byas la/ bsdu ba la sogs pa cho ga rjes su sbyar nas/ mchod pa rnam pa lnga dang/ sgeg mo la sogs pa'i mchod pa brgyad dang/ pad+ma'i rigs kyi las kyi dkyil 'khor las bshad pa'i mchod pa bcu drug gis/ ras ris kyi bcom ldan 'das 'khor dang bcas pa la yang dag par mchod la phyag bzhi byas te/ zla ba gcig nyin re zhing thun bzhi'i sbyor bas stong phrag brgya bzlas par bya'o/ /de nas zla ba nya la mtshan thog thag du bzlas par bya'o/ /de nas bcom ldan 'das 'gro ba thams cad 'dul ba song nas ci 'dod pa'i mchog gi skabs 'byed par 'gyur ro/ /de ltar 'gro ba 'dul ba'i dkyil 'khor chen po las bshad pa'i dngos grub bsgrub pa'i yo byad kyi cho ga bstan nas/ da ni 'gro ba 'dul ba'i gzungs kyi dkyil 'khor las bshad pa'i dngos grub sgrub pa'i yo byad kyi cho ga ni/ ci ste phyag rgya bsgrub par 'dod na yang/ zhes bya ba la sogs pa gsungs pa yin no/ /snga ma bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ g.yon pa'i pad+ma'i khu tshur gyis rdo rje pad+ma blangs te/ g.yas pas bgrang phreng snying gar gzung nas/ gzungs kyi dkyil 'khor gyi rig pa 'bum bzlas par bya'o/ /de nas ji skad du bshad pa'i ras ris la phyag bzhi'i mthar thug pa'i cho ga thams cad rjes su spyad nas/ rdo rje chos ma bcings te/ rigs pa stong rtsa brgyad du brjod cing nyin re zhing thun bzhi'i sbyor bas zla ba gcig snga ma bzhin du bzlas pa bya'o/ /de nas zla ba nya
- 331a
la mthar mtshan thog thag chos kyi rdo rje ma'i phyag rgya bcings te/ nam langs pa na phyag rgya'i dngos grub du 'gyur ro/ /de nas phyag rgya bcings pa ji lta ba bzhin du 'gro ba 'dul bar byed do/ /de ltar 'gro ba 'dul ba'i gzungs kyi dkyil 'khor las bshad pa'i dngos grub bsgrub pa'i yo byad kyi cho ga bstan nas/ da ni 'gro ba 'dul ba'i chos kyi dkyil 'khor las bshad pa'i dngos grub bsgrub pa'i yo byad kyi cho ga ni/ ci ste ting nge 'dzin gyi tshul bsgrub par 'dod na yang zhes bya ba gsungs so/ /de bzhin du zhes bya ba la sogs pa snga ma bzhin du 'gro ba 'dul ba'i dkyil 'khor chen po las bshad pa'i phyag rgya bzhi pa'i mthar thug pa'i rang gi lha'i cho ga rjes su spyad nas/ g.yon pa'i pad+ma'i khu tshur gyis rdo rje pad+ma blangs te/ lag pa g.yas pas bgrang phreng bzung nas/ snga ma bzhin du chos kyi dkyil 'khor las bshad pa'i rang gi lha'i sngags 'bum bzlas par bya'o/ /de nas ji skad bshad pa'i ras ris mdun du chos kyi dkyil 'khor las bshad pa'i rang gi lha'i phyag rgya bcings te/ nyin re zhing thun bzhi'i sbyor bas chos kyi dkyil 'khor las bshad pa'i rang gi lha'i sngags zla ba gcig bzlas par bya'o/ /de nas zla ba nya la mtshan mthar thog thag bzlas pa bya ste/ nam langs pa dang ting nge 'dzin thams cad mngon du byed par 'gyur ro/ zhes rdo rje chos kyis gsungs so/ /de ltar chos kyi dkyil 'khor las bshad pa'i rang gi lha'i sngags kyi dngos grub bsgrub pa'i yo byad kyi cho ga bstan nas/ da ni 'gro ba 'dul ba'i las kyi dkyil 'khor las bshad pa'i dngos grub bsgrub pa'i yo byad kyi cho ga rgyas pa ni/ ci ste las bsgrub par 'dod na yang zhes bya ba gsungs so//
- 331b
de bzhin du bzlas pa zhes bya ba la sogs pa la/ snga ma bzhin du 'gro ba 'dul ba'i dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas 'gro ba 'dul ba'i las kyi dkyil 'khor las bshad pa'i rang gi rig pa sngar bshad pa'i cho ga stong rtsa brgyad bzlas pa byas na/ sngon du bsnyen pa byas par 'gyur ro/ /de nas ras ris kyi mdun du chos kyi rdo rje ma bcings te/ thun bzhi'i sbyor bas stong rtsa brgyad bzlas pa zla ba gcig tu bzlas par bya'o/ /mthar mtshan thog thag bzlas la de'i rjes la nam langs pa na las thams cad 'grub par 'gyur ro/ /de ltar pad+ma'i rigs kyi yo byad kyi cho ga rgyas par bstan nas/ da ni nor bu'i rigs kyi yo byad dang cho ga rgyas pa ni/ de nas nor bu'i rigs kyi yo byad dang cho ga rgyas pa ni 'di yin te zhes bya ba gsungs so/ /de la dang po kho nar zhes bya ba'i snga ma bzhin du don thams cad grub pa'i dkyil 'khor chen por bshad pa'i rang gi lha'i rnal 'byor byas la phyag bzhi'i mthar thug pa'i bsdu ba la sogs pa'i rjes su spyad nas/ g.yon pa'i rin po che'i khu tshur gyis rdo rje rin po che blangs la/ lag pa g.yas pas bzlas pa'i bgrang phreng snying khar gzung ste/ don thams cad grub pa'i dkyil 'khor chen po las bshad pa'i rang gi lha'i sngags snga ma bzhin du 'bum bzlas bar bya'o/ /de nas rin po che zur bzhi pa'i thig btab la/ ras kyi dbus su bcom ldan 'das don thams cad grub pa/ mi bskyod pa'i gnas su nor bu'i mtshan ma/ rin chen 'byung ldan gyi gnas su rin chen rgyal po/ don yod grub pa'i gnas su rin chen chags pa/ 'od dpag tu med pa'i gnas su rin chen legs pa/ mtshams kyi cha rnams su
- 332a
sgeg mo la sogs pa'i mchod pa'i lha mo brgyad sngar bzhin pa'i cho gas bri bar bya'o/ /don thams cad grub pa'i ras kyi cho ga'o/ /ras kyi dbus su bcom ldan 'das rin chen lta ba 'bri ba de'i tshe mi bskyod pa'i gnas su rin chen phreng ba/ rin chen 'byung ldan gyi gnas su rin chen nyi ma/ don yod grub pa'i gnas su rin chen dpal/ 'od dpag tu med pa'i gnas su rin chen bshad pa bris la/ lha mo ni snga ma bzhin no/ /rin chen lta ba'i ras kyi cho ga'o/ /bcom ldan 'das rin chen pad+ma dbus su 'bri ba de'i tshe/ mi bskyod pa'i gnas su gtong ba'i ting nge 'dzin gyi ye shes kyi snying po/ rin chen 'byung ldan gyi gnas su rin chen rnon po'o/ /don yod grub pa'i gnas su rin chen 'khor lo/ /'od dpag tu med pa'i gnas su nor bu gsung ba bris la/ lhag ma snga ma bzhin te/ rin chen pad+ma'i nges kyi cho ga'o/ /dbus su bcom ldan 'das rin chen char 'bebs 'bri ba'i tshe mi bskyod pa'i gnas su nor bu mchod pa/ rin chen 'byung ldan gyi gnas su nor bu bsrung ba/ don yod grub pa'i gnas su nor bu'i gnod sbyin/ 'od dpag tu med pa'i gnas su nor bu khu tshur bris la/ lhag ma ni snga ma bzhin te/ rin chen char 'bebs kyi ras kyi cho ga'o/ /de ltar ras ris bris nas de nas bsdu ba la sogs pa'i cho ga byas la/ ras ris bcom ldan 'das la mchod pa rnam pa lnga dang/ rin chen sgeg mo la sogs pa rnam pa brgyad dang/ las kyi dkyil 'khor las bshad pa'i rigs ma bcu drug gis yang dag par mchod la phyag bzhi byas nas/ nyin re zhing thun bzhi'i rnal 'byor ba'i stong rtsa brgyad zla ba gcig bzlas par bya'o/ /de nas zla ba nya
- 332b
la mtshan thog thag bzlas la/ nam langs pa dang bcom ldan 'das de bzhin gshegs pa thams cad kyis dbang bskur ba'i rin po che'i byang chub sems dpa' nam mkha' i snying po byon nas/ dbang bskur ba byin par mdzad do/ /dbang bskur ba des stong gsum gyi stong chen po'i 'jig rten gyi khams der rig 'dzin gyi 'khor los sgyur bar 'gyur ro/ /de ltar don thams cad grub pa'i dkyil 'khor chen po las bshad pa'i dngos grub kyi yo byad kyi cho ga bstan nas/ da ni nor bu'i rigs gyi gzungs kyi dkyil 'khor gyi yo byad kyi cho ga rgyas pa ni/ ci ste phyag rgya bsgrub par 'dod na yang zhes bya ba gsungs so/ /de bzhin du zhes bya ba la sogs pa la/ don thams cad grub pa'i dkyil 'khor chen po las bsad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas g.yon pa'i khu tshur gyis rdo rje rin po che blangs la/ lag pa g.yas pas bzlas pa'i phreng ba snying gar gzung te/ nor bu'i rigs su bshad pa'i ? kyi rig pa snga ma bzhin du 'bum bzlas pa bya'o/ /de nas bshad ma thag pa'i ras la bsdu ba la sogs pa'i cho ga byas la mchod pa rnam pa lnga dang/ rin chen sgeg mo la sogs pa rnams dang/ las kyi dkyil 'khor las bshad pa'i mtshon pa rnam pa bcu drug gi phyag rgya rnams kyis mchod la phyag bzhi bya'o/ /de nas las las bshad pa'i rdo rje rin chen gyi dam tshig gi phyag rgya bcings te/ rang gi gzungs kyi rigs pa stong rtsa brgyad bzlas shing/ nyin re zhing thun bzhi'i sbyor bas zla ba gcig gi bar du bzlas par bya'o/ /de nas zla ba nya la mtshan thog thag bzlas pas de'i rjes la bsam pa thams cad kyi las byed par 'gyur ro/ /de ltar nor bu'i rigs kyi gzungs bsgrub pa'i yo byad kyi cho ga
- 333a
bstan nas/ da ni nor bu'i rigs kyi chos kyi dkyil 'khor las bshad pa'i dngos grub bsgrub pa'i yo byad kyi cho ga rgyas pa ni/ ci ste nor bu'i ye shes bsgrub par 'dod na yang zhes gsungs pa yin no/ /nor bu'i rigs kyi chos kyi dkyil 'khor las bshad pa'i sngags kyi dngos grub ni nor bu ye shes so/ /gal te bsgrub par 'dod na yang sgrub pa po des de bzhin du rdo rje rin po che las byung ba'i ting nge 'dzin ji lta bar rims bzhin du bsgom par bya ste/ pad+ma'i rigs kyi ting nge 'dzin sgrub pa po rnal 'byor pas snga ma bzhin du 'phags pa nam mkha' i snying po'i thugs ka'i rin po che las skyes pa'i rdo rje rin po che las 'byung ba'o/ /ting nge 'dzin ni don thams cad grub pa la sogs pa'i nor bu rin chen 'bebs pa'i mthar thug pa'i chos kyi dkyil 'khor las bshad pa'i phyag rgya chen po'i gzugs kyis go rims ji lta ba bzhin du bsgom pa ni yang nas yang du mngon du byed pa'o/ /ji ltar bsgom par bya zhe na/ dngos po med pa'i nam mkha' i las zhes bya ba smos te/ ji ltar rin po che 'byung zhe na/ nam mkha' dang mnyam pa nyid kyi ye shes las so/ /nam mkha' de yang gzung ba dang 'dzin pa'i rnam par rtog pa spangs pa'i phyir dngos po med pa'o// de bas na dngos po med pa'i nam mkha' rtog pa thams cad spangs pa las rin po che ji ltar 'byung bar 'gyur ci'i phyir zhe na/ rnam par rtog pa las 'byung ba med par 'dod pa'i phyir ro/ /nam mkha' dang mnyam pa'i ye shes de yang bag chags dang bcas pa'i nyon mongs pa spangs shing/ shin tu rnam par rtog pa med pa de'i phyir/ rdo rje rin po che de las skyes pa don dam par yod pa ma yin no zhes bstan to/ /rin po che las byang chub sems
- 333b
dpa' i sku ji ltar 'byung zhes bya ba ni/ gdod ma nas ma skyes pa'i phyir na rin po che'i rgyu las byung ba'i don thams cad grub pa la sogs pa'i byang chub sems dpa' i sku ji ltar 'byung zhing skye ba yin zhes bya ba'i don no/ /rdo rje rin po che ni don dam par ma skyes shing de yang med pa'i phyir de'i rigs kyang don dam par ma skyes pa de'i phyir nor bu'i rigs rnams sgyu ma dang mtshungs par bsgom zhing bzlas par bya'o/ /ji lta ba'i rim pa bzhin du zhes bya ba'i don bshad pa ni 'di nyid kyis ston pa yin te/ ting nge 'dzin 'di'i dus bzhir bsgoms la/ ji ltar gang du smos pa bzhin du zhes bya ba ni phyag bzhi byas la stong phrag brgya bzlas par bya'o zhes bya ba'i don no/ /gong du smos pa bzhin du zhes bya ba ni snga ma bzhin du zhes bya ba'i don yin no/ / de nas zhes bya ba ni de ma thag pa ste/ stong phrag byas pa'i rjes thogs nyid la'o/ /mdun gyi ras ris snga ma bzhin du zla ba gcig tsam bzlas pa byas la/ de nas bzlas pa'i mthar ting nge 'dzin de nyid kyis mtshan thog thag bzlas par bya'o// de nas nam langs pa dang bcom ldan 'das rnams kyis dbang bskur bar 'gyur ro/ /'di skad ston pa yin te/ don thams cad grub pa'i dkyil 'khor chen po las bshad pa'i rang gi lha'i rnal 'byor byas nas/ phyag bzhi'i mthar thug pa'i cho ga rjes su spyad de/ rang gi lha'i phyag rgya chen po bcings nas/ de'i sngags brjod cing 'di ltar bsgom par bya ste/ dngos po med pa'i nam mkha' la rin po che ji ltar 'byung bar 'gyur/ rin po che las byang chub sems dpa' i sku ji ltar 'byung zhes de ltar bsgoms nas/ sngar bshad pa'i tshul gyis nor bu'i rigs kyi dkyil 'khor las bshad pa'i rang gi sngags stong phrag brgyad bzlas par bya'o/ /de nas ras ris kyi mdun du sngar bshad pa'i tshul
- 334a
gyis rang gi lha'i ting nge 'dzin bsgoms te/ nyin re zhing thun bzhi'i sbyor bas zla ba gcig bzlas par bya'o/ /de nas zla ba nya la mthar mtshan thog thag bzlas na nam langs pa dang/ de bzhin gshegs pa thams cad byon nas ci dga' ba bzhin du dbang bskur bar 'gyur ro/ /zhes de bzhin gshegs pa nam mkha' i snying pos gsungs so/ /de ltar nor bu'i rigs kyi chos kyi dkyil 'khor las gsungs pa'i dngos grub bsgrub pa'i yo byad kyi cho ga rgyas pa bstan nas/ da ni nor bu'i rigs kyi las kyi dkyil 'khor las bshad pa ni de nas las kyi bsgrub pa bshad de zhes bya ba gsungs so/ /de bzhin du bzlas la zhes bya ba ni snga ma bzhin du nor bu'i rigs su bshad pa'i phyag bzhi'i mthar thug pa'i kho na rjes su spyad la/ g.yon pa'i rin po che'i khu tshur gyis rdo rje rin po che blangs la/ lag pa g.yas pas bzlas pa'i phreng ba snying gar gzung la/ nor bu'i rigs kyi las kyi dkyil 'khor du bshad pa'i rig pa 'bum bzlas par bya'o/ /de nas ras ris kyi mdun du phyag bzhi'i mthar thug pa'i cho ga rjes su spyad la/ thun bzhi'i sbyor bas nyin re zhing stong rtsa brgyad zla ba gcig bzlas par bya'o/ /de bzhin du bzlas la/ zla ba nya la mthar mtshan thog thag bzlas pa bya'o/ /de nas nam langs pa dang bcom ldan 'das nam mkha' i snying po don thams cad 'grub par 'gyur te/ de'i rjes la rig pa rnams lan cig brjod pas las thams cad byed par 'gyur ro/ /de ltar de bzhin gshegs pa la sogs pa rigs thams cad kyi yo byad kyi cho ga rgyas pa'i rgyud bstan nas/ da ni snying po thams cad bsgrub par 'dod na zhes bya ba la sogs pa rigs thams
- 334b
cad kyi zlos pa pos shes pa'i sgra brjod la/ rang gi snying po dang/ phyag rgya dang sngags dang/ rig pa bzla bar bya'o/ /zhes bya ba'i don bstan pa'i phyir/ de nas zhes bya ba la sogs pas rigs thams cad kyi thun mong du gyur pa'i yo byad kyi cho ga rgyas pa gsungs pa yin no/ /de bzhin gshegs pa la sogs pa'i rigs rnams kyi thun mong ni spyir ro/ /yo byad kyi cho ga rgyas pa ni shis pa'i sgra la sogs pa'i mtshan nyid do/ /grub par gyur ces brjod la snying po ci dgar zlos shing/ zhes bya ba ni snying po sems so/ /de ci dga' ba ni mngon par 'dod pa'o/ /de bzhin gshegs pa thams cad ces bya ba ni yang snying po bsgrub par 'dod na de bzhin gshegs pa thams cad grub par gyur cig ces brjod la/ snying po ci dgar zlos shing bsgrub pa'i cho ga bya'o/ /'di skad ston pa yin te/ rigs rigs su yang dkyil 'khor chen po las bshad pa'i dngos grub bsgrub par 'dod na/ phyag bzhi'i mthar thug pa'i cho ga thams cad rjes su spyad la/ sems can thams cad sangs rgyas dang/ byang chub sems dpa' i nyid du gyur nas bsam pa thams cad yongs su rdzogs par byed pa'i las kyis tshim zhing snying po 'dod pas/ de bzhin gshegs pa thams cad 'grub par gyur cig brjod par bya'o/ /de nas rang gi rigs kyi dkyil 'khor chen po las bshad pa'i sngags bzla bar bya'o/ /de ltar spyi'i snying po'i yo byad bshad nas/ rigs thams cad kyi thun mong ba nyid kyi phyag rgya'i yo byad gsungs pa ni/ de la 'di ni phyag rgya'i yo byad cho ga ste zhes bya ba'o/ /'di skad ston pa yin te/ snga ma bzhin du rang gi rigs kyi dkyil 'khor chen po las bshad pa'i rang gi lha'i rnal 'byor gyi cho ga dang/
- 335a
phyag bzhi'i mthar thug pa'i cho ga rjes su spyad la/ rang gi rigs kyi gzungs kyi phyag rgya bcings te/ 'di skad brjod par bya'o/ /phyag rgya thams cad bdag la dga' bar gyur cig ces smras la/ de nas rang gi rigs kyi gzungs kyi rig pa bzla bar bya'o/ /de ltar de bzhin gshegs pa thams cad kyi gzungs kyi dkyil 'khor gyi yo byad bstan nas/ da ni de bzhin gshegs pa la sogs pa'i rigs thams cad kyi dkyil 'khor las bshad pa'i yo byad gsungs pa ni/ spros pa med pa'i tshig grub par gyur cig ces bya ba la sogs pa'o/ /rang gi rigs kyi de la spros pa ni rnam par rtog pa las byung bas na spros pa ste/ ngag gi rnam par rtog pa'i spros pa med ces bya ba'i don no/ /de bzhin gshegs pa thams cad kyi ting nge 'dzin gyi chos thams cad rang bzhin gyis rnam par dag par sems rtse gcig pa'o/ /'di skad ston pa yin te/ rang gi rigs kyi dkyil 'khor chen po las bshad pa'i rang gi lha'i rnal 'byor byas la/ snga ma bzhin du phyag bzhi'i mthar thug pa'i cho ga rjes su spyad la/ rang gi rigs kyi chos kyi dkyil 'khor las bshad pa'i rang gi lha'i phyag rgya chen po bcings te/ spros pa med pa'i tshig 'grub par gyur cig ces brjod cing/ de bzhin gshegs pa thams cad kyi ting nge 'dzin bdag la skye bar gyur cig ces smras la/ de nas chos kyi dkyil 'khor las smras pa'i rang gi sngags sngar bshad pa'i tshul gyis bzlas par bya'o/ /de ltar de bzhin gshegs pa la sogs pa'i rigs thams cad kyi chos kyi dkyil 'khor las bshad pa'i sngags kyi spyi'i yo byad kyi cho ga rgyas par bstan nas/ da ni de bzhin gshegs pa la sogs pa
- 335b
la rigs thams cad kyi las kyi dkyil 'khor las bshad pa'i rigs pa gsungs pa ni/ de la 'di ni rig pa'i yo byad kyi cho ga ste zhes bya'o/ /de la ma rig pa'i chos kyi mtshan nyid ni mngon par zhen pa des mdongs par 'gyur ba'o kye ma zhes bya ba ni snying rtse ba'o/ /khams gsum pa ni gnas pa'i sems can de dag blo la bzhag nas/ kye ma sems can 'di dag ces bya ba smos so/ /de bzhin gshegs pa yang yin la thams cad kyang de yin pas na de bzhin gshegs pa thams cad ni rang bzhin gyis 'od gsal ba'i sems dang sems las byung ba'o/ /de ni rig pa thugs su chud cing sdom par gyur to/ /zhes bya ba ni de la rig pa ni rnam par thar pa'i sgo sum cu rtsa bdun gyi rigs kyi dkyil 'khor las bshad pa'i rang bzhin gyis 'od gsal ba'i rnam par thar pa'i sgo'i rang bzhin de las 'byung ba'i rig pa'i dkyil 'khor yang dag par thugs su chud cing mngon sum du mdzad pa'o/ /de sdom par gyur pa ni mngon sum du byed pa'i rgyur gyur pa'o/ /de ni 'di skad ston pa yin te/ snga ma bzhin du rang gi rigs kyi dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas phyag rgya chen po bcings te/ thugs rje chen po dang byams pa'i spyan gyi sems can gyi khams thams cad la gzigs nas/ sems can mgon med pa 'di dag thams cad ma rig pas mdongs par gyur pa'i khams gsum pa zo chun gyi rgyun ma lta bur 'khor ba des ji lta ba bzhin du rang bzhin gyi 'od gsal ba'i de bzhin gshegs pa thams cad kyi chos kyi sku'i lam gyi rig pa khong du chud cing sdom par 'gyur ba ma mthong ba rnams la bdag gis de bzhin gshegs pa thams cad kyi rig pa khong du chud cing sdom par gyur par bya'o zhes
- 336a
bsams nas 'di skad ces brjod par bya'o/ /sems can 'di dag thams cad ma rig pas mdongs par 'gyur ba la/ de bzhin gshegs pa thams cad kyi rigs pa thugs su chud cing sdom par 'gyur ba la bya'o zhes smras la/ de nas rang gi rigs kyi las kyi dkyil 'khor las bshad pa'i rang gi snying pos lha mo'i tshogs rnams sprul la/ sems can gyi khams thams cad de bzhin gshegs pa la sogs pa'i rigs kyi rang bzhin du bskyed la/ sngar bshad pa'i tshul gyis rig pa bzla bar bya'o/ /de ltar de bzhin gshegs pa la sogs pa'i rigs thams cad kyi snying po dang/ phyag rgya dang/ sngags dang/ rigs pa thams cad kyi spyi'i yo byad kyi cho ga rgyas pa bstan nas/ nga ni rdo rje sems dpa' la sogs pa'i sgra brjod cing/ de'i don gyis bdag nyid rang gi lha'i skur bsgoms pa 'am mdun du bsgoms la snying po dang/ phyag rgya dang/ sngags dang/ rig pa bzlas bar bya'o zhes bya ba'i don bstan pa'i phyir de nas zhes bya ba la sogs pa'i rigs thams cad kyi snying po dang/ phyag rgya dang sngags dang/ rig pa rnams kyi thun mong du rdo rje bzlas pa bya'o/ /rgyas pa gsungs pa ni ci dga' ba nyid du zhes bya ba la sogs pa'o/ /sprid pa dang sgegs bu dang sgregs pa dang skyil krung tha dad pa ci dga' ba nyid du bya'o/ /sems dpa' gang gis snying po dang zhes bya ba la sogs pa go sla'o/ /bzlas pa'i don du bsgrub par bya ba de ni bdag gam zhes bya ba ni rnam par smad mdzad la sogs pa nas rin chen 'bebs pa'i mthar thug pa de zlos shing snying po dang/ phyag rgya dang/ sngags dang/ rig pa rnams rang nyid zlos shing/ rnam par snang mdzad la sogs pa la/
- 336b
badzra d+hA tu zhes bya ba'i don la sogs pas bzlas pa'i don shes nas bsgrubs la/ mngon par bya ba 'am/ mdun du bsgom par bya'o zhes bya ba'i don no/ /de ltar byas na cir 'gyur zhe na/ bsgrub par bya ba 'grub par 'gyur zhes bya ba smos te/ snying po dang/ phyag rgya dang/ gsang sngags dang/ rig pa rnams kyis bsgrub pa'i bya ba 'grub par 'gyur ro zhes bya ba'i don no/ /de ltar de bzhin gshegs pa la sogs pa'i rigs thams cad kyi thun mong gi cho ga rgyas par bstan nas da ni zlos pa po rnams spro ba bskyed par bya ba'i phyir bzlas brjod kyi 'bras bu brjod par bya'o zhes bya ba'o/ /cho ga bstan par bya ba'i phyir/ de nas zhes bya ba la sogs pas de bzhin gshegs pa la sogs pa rigs thams cad kyi thun mong gi dngos grub kyi cho ga rgyas par gsungs so/ de la bya ba la sogs pa na go sla'o/ /gang na gter yod pa der zhes bya ba la sogs pa snga ma bzhin du rdo rje dbyings kyi dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ rtog pa thams cad kyi rgyud phyi ma'i phyi ma las bshad pa'i tshul gyis zla ba bzhir sngon du bsnyen pa byas la/ mthar mtshan thog thag bzlas pa byas nas rdo rje gter la sogs pa sbyor ba'i bsgrub par bya'o/ /shing skye ba de lta bur mthong na de na gter yod par shes par bya'o/ /gter dang gter gyi lha dang zhing skyong dang sa phyogs rnams bcings la gnas der song ste/ bdag nyid gnas de? bcas pa bsrung bar byas nas/ ji lta ba bzhin du rang gi lha de'i phyi'i mchod pa thams cad kyis yang dag par mchod ste phyag bzhi byas/ rdo rje lcags sgrog gi dam tshig gi phyag rgya bcing bar bya'o/ /rdo rje gter yod pas zhes bya ba la sogs pa ni bsgrub pa'i snying
- 337a
po brjod cing gter gyi gnas der rdo rje lta bas bltas la/ rdo rje 'phar ba lta bu mthong na de na gter yod pa shes par bya'o de nas langs la blang bar bya'o/ /de la 'di ni zhes bya ba la sogs pa ni rdzu 'phrul gyi dngos grub gsungs pa yin te/ yang rdo rje dbyings las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ rdzu 'phrul gyi dngos grub bsgrub par 'dod na chu'i steng nas phar 'gro ba la sogs pa yid kyis byas pas/ de ltar na rdo rje dngos grub tu 'gyur ro/ /de la rdo rje chu zhes bya ba la sogs par ni thun bzhi'i sbyor bas zla ba bzhir de bzhin gshegs pa'i rigs kyi yo byad cho ga bzhin du bzlas la/ de nas de bzhin gshegs pa'i ras ris kyi mdun du yang zla ba bzhi snga ma bzhin du bya'o/ /de nas zla ba nya la mtshan thog thag bsgoms na de'i rjes la 'grub par 'gyur ro/ /badzra sid+d+hi zhes lan gsum brjod cing/ badzra dzA la zhes kyang brjod la/ chu'i steng tu 'chags pa la sogs pa'i rdzu 'phrul byas la/ ji lta ba bzhin du bsgrub par bya'o/ /lhag ma ni go sla'o/ /de la 'di ni zhes bya ba la sogs pa la rig pa 'dzin pa'i dngos grub gsungs pa yin no/ /phyag rgya bsgrub na zhes bya ba snga ma bzhin du rdo rje dbyings kyi dkyil 'khor chen po las bshad pa'i rang gi lha'i rnal 'byor byas la phyag bzhi'i mthar thug pa'i cho ga rjes su spyad nas/ rdo rje 'dzin pa la sogs pa'i rdo rje rig pa 'dzin pa'i gzugs su bdag nyid bsams la/ badzra bi d+ha ra zhes de skad du lan gsum brjod par bya'o/ /de nas rdo rje 'dzin pa la sogs pa'i rig pa 'dzin pa'i dngos grub kyi snying po 'di de bzhin gshegs pa'i rigs kyi yo byad
- 337b
kyi cho gas zla ba bzhir bzlas pa byas la/ de nas de bzhin gshegs pa'i rigs kyi ras ris kyi mdun du slar yang zla ba bzhir snga ma bzhin du bzlas pa bya'o/ /de nas zla ba nya la mtshan thog thag bzlas na de'i rjes la rdo rje rig 'dzin gyi 'khor los sgyur ba'i dngos grub tu 'gyur/ lhag ma ni go sla'o/ /da ni dngos grub chen po bsgrub pa ni/ de la 'di ni zhes bya ba la sogs pa smos te/ snga ma bzhin du rdo rje dbyings kyi dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas/ badzra satwa zhes bya ba la sogs pa rang gi phyag rgya'i snying po lan gsum brjod cing/ badzra badzra zhes kyang brjod la thams cad rdo rje la sogs pa'i gzugs su ting nge 'dzin bdag nyid rnam par bsams la/ badzra badzra zhes brjod cing dngos grub sgrub pa'i snying po dang/ de bzhin gshegs pa'i rigs kyi yo byad kyi cho gas zla ba bzhir bzlas pa bya'o/ /de nas de bzhin gshegs pa'i rigs kyi ras ris kyi mdun du yang zla ba bzhir zlos shing/ de'i rjes la zla ba nya la mtshan thog thag bzlas na nam langs pa dang sems can phyag rgya'i gzugs su 'gyur ro/ /lhag ma ni go sla'o/ /de bzhin gshegs pa'i rigs kyi dngos grub kyi cho ga rgyas pa'i bstan nas/ da ni rdo rje rigs kyi gsungs pa ni/ de la 'di ni rdo rje rigs kyi dngos grub ste zhes bya ba'o/ /'jig rten gsum las rnam par rgyal ba'i phyag rgya zhes bya ba la sogs pa ni snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga thams cad rjes su spyad nas/ 'jig rten gsum las rnam par rgyal ba'i dkyil 'khor chen po
- 338a
las bshad pa'i rang gi sngags kyi yi ge 'bum bzlas la/ de nas dbang phyug chen po'i gzungs brnyan bzo bo mkhas pas byed du bcug la /de'i lto bar bsngags te bcug ste/ snga ma bzhin du 'jig rten gsum las rnam par rgyal ba'i phyag rgya chen po bcing bar bya'o/ /de nas 'dod pa'i rgyal pos lha chen po ji lta ba bzhin du bkug ste/ khro bo rdo rje lcags kyu la sogs pa rnams kyis kyang gzugs brnyan la ji lta ba bzhin du dgug pa dang/ gzhug pa dang/ bcing ba dang/ dbang du byas te/ 'jig rten gsum las rnam pa rgyal ba'i phyag rgya bcings la/ ras ris mdun du thun bzhi'i sbyor bas zla ba gcig tsam gyi bar du stong rtsa brgyad zlos shing rkang pa g.yon pas mnan par bya'o/ /de nas ji srid du zla ba nya la gzugs brnyan de skad 'byin par 'gyur ba de srid kyi bar du bzla bar bya'o/ /lhag ma ni go sla'o/ /phyag rgya bsgrub pa na zhes bya ba la sogs pa la snga ma bzhin du 'jig rten gsum las rnam par rgyal ba'i dkyil 'khor chen po las bshad pa'i rang gi lha'i rnal 'byor byas la/ cho ga thams cad rjes su spyad de/ rdo rje dbyings las bshad pa'i rdo rje rin chen gyi phyag rgya bdag nyid dbang bskur la/ snga ma bzhin du yi ge 'bum bzlas par bya'o/ /de nas ras ris kyi mdun du 'jig rten gsum las rnam par rgyal ba'i phyag rgya bcings te/ nyin re zhing thun bzhi'i sbyor bas/ stong rtsa brgyad zlos shing zla ba gcig gi bar du bya'o/ /de'i rjes la zla ba nya la mtshan thog thag bzlas na 'grub par 'gyur te/ de nas grub pa dang dbang bzhir gyur te zhes bya ba la sogs pa ni go sla'o/ /de la 'di ni zhes bya
- 338b
ba la sogs pa la/ snga ma bzhin du cho ga thams cad rjes su spyad la yi ge 'bru 'bum bzlas par bya'o/ /de nas ras ris kyi mdun du sgeg mo la sogs pa gsang ba'i mchod pa bzhis de bzhin gshegs pa thams cad la thun bzhi'i sbyor bas/ ji srid du rtag tu mchod pa zla ba gcig gam gsum gyi bar tu byas la/ de nas mtshan thog thag mchod na bde ba dang yid bde ba thams cad kyi dngos grub thob par 'gyur ro/ /de la 'di ni dngos grub dam pa ste/ zhes bya ba la sogs pa la/ snga ma bzhin du rang la byin gyis brlab pa la sogs pa byas nas/ yi ge 'bru 'bum bzlas par bya'o/ /de nas ras ris kyi mdun du stong rtsa brgyad zlos shing rang gi lha'i phyag rgya bcings te/ thun bzhi'i sbyor bas snga ma bzhin zla ba gcig bzlas par bya'o/ /de nas zla ba nya la mtshan thog thag byas na/ nam langs pa dang/ rdo rje hUM mdzad la sogs pa dang 'dra bar 'gyur ro/ /de ltar rdo rje rigs kyi dngos grub kyi cho ga rgyas pa bstan nas/ /de na pad+ma'i rigs kyi de la 'di dag ni pad+ma'i dngos grub ste zhes bya ba la sogs pa gsungs te/ snga ma bzhin du 'gro ba 'dul ba'i dkyil 'khor chen po las bshad pa'i cho gas rang gi lha'i rnal 'byor byas la/ phyag bzhi pa'i mthar thug pa'i rjes su spyad nas nang gi sngags snga ma bzhin du stong rtsa brgyad bzlas par bya'o/ /de nas ras ris kyi mdun du rang gi lha'i ting nge 'dzin gyis g.yon pa'i bsnyems pa dang bcas pas pad+ma blangs la lag pa g.yas pas pad+ma gzung la/ pad+ma 'byed cing pad+ma rab tu dmar ba bsgoms nas nyin re zhing thun bzhi'i sbyor bas zla ba gcig tsam gyi bar du stong rtsa brgyad bzlas par bya'o/ /de nas zla ba nya la mtshan thog thag bzlas na de bzhin gshegs pa la sogs pa dang/ sems can mnyes par byed nus
- 339a
par 'gyur ro/ /snga ma bzhin du dbang byed pas pad+ma 'dod pa bsgoms shing zla pa nya la mtshan thog thag bsgoms na/ nam langs pa dang de bzhin gshegs pa la sogs pa sems can gyi khams thams cad bdag nyid kyi nor dang bcas pa dbang du byed par 'gyur ro/ /byams pas bsgoms pa'i ting nge 'dzin gyis zhes bya ba ni sngon du bsnyen pa la sogs pa dang/ bsgrub pa'i cho ga rjes su bcang la/ de nas mtshan thog thag bzlas na /nam langs pa dang/ thams cad bsrung ba nus par 'gyur ro/ /snga ma bzhin du chog thams cad rjes su spyad la/ pad+ma'i 'dab ma 'byed ba'i tshul gyis bdag nyid 'jig rten dbang phyug tu bsgoms la/ ras ris kyi mdun du mchod thog thag bzlas na 'jig rten dbang phyug gi gzugs dang ldan par 'gyur ro/ /de ltar pad+ma'i rigs kyi dngos grub kyi cho ga rgyas pa bstan nas/ da ni nor bu'i rigs kyi rnal 'byor de la 'di dag ni nor bu'i rigs kyi dngos grub rnams te zhes bya ba la sogs pa gsungs so/ /de la zhes bya ba la snga ma bzhin du don thams cad grub pa'i dkyil 'khor chen po las bshad pa'i rang gi lha'i rnal 'byor byas la/ phyag bzhi'i mthar thug pa'i cho ga rjes su spyad nas de bzhin gshegs pa thams cad kyi dbang bskur bas dbang bskur ba ste/ rang rang gis bsgom par bya'o/ /de na thun zhi'i sbyor bas bzlas pa 'bum byas la/ ras ris kyi mdun du yang zla ba gcig bzlas pa bya'o/ /zla ba nya la mtshan thog thag bzlas na dbang bskur ba thams cad thob par 'gyur ro/ /snga ma bzhin du cho ga thams cad spyad nas/ thun bzhi'i sbyor bas mar ma'i snang ba de bzhin gshegs pa la phul nas bzlas par bya'o/ /de nas
- 339b
ras ris kyi mdun du snga ma bzhin du thun bzhi'i sbyor bas stong rtsa brgyad bzlas de ji srid zla ba gcig tsam pa de srid kyi bar du bya'o/ /de nas zla ba nya la mtshan thog thag bzlas pas nam langs pa dang rin chen nyi ma dang gzi brjid mnyam par 'gyur ro/ /snga ma bzhin du phyag bzhi'i mthar thug pa'i cho ga rjes su spyad la/ thun bzhir de bzhin gshegs pa thams cad la phyi rol gyi mchod pa dang/ nor bu'i rigs kyi las kyis dkyil 'khor chen po las bshad pa'i mchod pa bcu drug gis nam mkha' i khams bkang la/ de bzhin gshegs pa la sogs pa dang/ sems can gyi khams thams cad de rnams kyi nor bu'i rigs kyi bsam pa thams cad yongs su rdzogs par tshim par bya'o/ /nyin re zhing thun bzhi'i sbyor bas ji srid 'bum yongs su rdzogs pa de srid kyi bar du bzlas par bya'o/ /de nas ras ris kyi mdun du snga ma bzhin zla ba gcig bzlas la/ mthar mtshan thog thag bzlas na bsam pa tham cad yongs su rdzogs pa'i dngos grub tu 'gyur ro/ /snga ma bzhin du phyag bzhi'i bya ba'i mthar thug pa'i cho ga rjes su spyad nas/ rdo rje rin po che blangs te/ rang gi lha'i sbyor bas 'bum bzlas par bya'o/ /de nas ras ris kyi mdun du snga ma bzhin du zla ba gcig tsam byas la mtshan thog thag bzlas la/ tho rangs ka rdo rje snying po dang 'dra bar 'gyur ro/ /de ltar de bzhin gshegs pa la sogs pa rigs thams cad kyi dngos grub kyi cho ga rgyas pa'i rgyud bstan nas/ da ni thabs med par snying po dang/ phyag rgya dang sngags dang/ rig pa rnams bsgrub pa mi 'gyur ro zhes bya ba'i don 'di bstan pa'i phyir ro/ /de nas zhes bya ba la sogs pas de bzhin gshegs pa la sogs pa'i rigs thams cad kyi rtog pa thams cad kyi dngos grub
- 340a
thabs kyi rgyud gsungs pa yin/ /rtog pa yang yin la thams cad kyang yin pa na rtog pa thams cad ces rnam par snang mdzad la sogs pa nas/ rdo rje 'bebs pa'i mthar thug pa'i phyag rgya thams cad ni de dag gi thabs to/ mngon sum du byed pa'i rgyu yin pa'i phyir ro/ /de'i dngos grub ni phyag rgya chen po la sogs pa mngon sum du byed pa'o/ /de ston par byed pa'i rgyud de bcom ldan 'das rdo rje sems dpas bshad pa'o/ /'jig rten 'dul ba ji lta ba zhes bya ba ni rnam pa gang dang gang gis 'dul bar 'gyur ba'i sems can gyi khams kyi 'jig rten gyi de dang de 'dra ba'i don grub pa la sogs pa'i dngos grub 'dod pa'o/ /gang du zhe na rgyud 'dir te/ de'i dngos grub thob pa'i thabs so/ /gang zhe na /de'i thabs ni phyag rgya ste zhes bya ba smos te/ phyag rgya chen po la sogs pa'i phyag rgya'o/ /de'i dngos grub chen po kun gyi rgyu gyur pa yin no zhes bya ba'i don no/ /de ltar de bzhin gshegs pa la sogs pa'i rigs thams cad kyi dkyil 'khor chen po las bshad pa'i dngos grub kyi thabs bstan nas/ da ni de bzhin gshegs pa la sogs pa'i rigs thams cad kyi gzungs kyi dkyil 'khor las bshad pa'i dngos grub kyi thabs ni 'jig rten chags dang bral bas 'dul/ zhes bya ba la sogs pa gsungs pa yin te/ de la gzungs kyi dkyil 'khor la chags pa dang bral ba ni sems phyir phyogs pa ste/ nyan thos dang rang sangs rgyas la mos pa dang/ theg pa chen po la mos pa mdo sde spyod pa la sogs pa'i 'jig rten no/ /de ltar gyur pa'i 'jig rten chags pa dang bral ba de ni 'dul ba'o/ /nyan thos dang rang rgyal ba'i lam bsgom pa dang/ shes rab kyi pha rol tu phyin pa bsgom pa rnams kyang de'i mngon
- 340b
par 'dod pa'i don 'grub par 'gyur ro zhes bya ba'i don no/ /gzungs kyis 'dul ba'i 'jig rten rnams la chags shing 'dod pa de las skyes pa'i phyag rgya'i dngos grub ni chags las skyes pa'o/ /chags pa las skyes dngos grub de'i thabs gang yin zhe na/ de'i thabs ni bsgom pa de zhes bya ba smos so/ /gzungs kyi dngos grub thob pa ni gzungs bsgoms pas so zhes bya ba'i don no/ /de ltar gzugs kyi dngos grub kyi thabs bstan nas/ da ni rigs thams cad kyi chos kyi dkyil 'khor gyi dngos grub kyi thabs gsungs pa ni/ bden pas 'jig rten 'di nyams pas zhes bya ba la sogs pa'o/ /'jig rten gsum na spyod pa'i sems can gyi khams 'di dag bden pa las nyams pa'o/ /chos thams cad rang bzhin gyis rnam par dag pa'i don dam pa'i bden pa de lta bur gyur pa la dngos por 'dzin pa'i zhen pa'i 'jig rten sngags kyi dngos grub mi 'dod do/ /chos thams cad rang bzhin gyis rnam par dag pa'o/ /zhes bya ba bden pa bsgoms pas ni rig pas 'dod pa yin no zhes bya ba'i don no/ /de bas na spros pa med pa'i thabs kyis ni dngos grub kun gyi mchog tu 'gyur zhes gsungs so/ /chos kyi dkyil 'khor las bshad pa'i rigs thams cad kyi dngos grub kyi thabs ni gnyis su med pa bsgom pa thob pa yin no zhes bya ba'i don no/ /de ltar rigs thams cad kyi sngags kyi dngos grub kyi thabs bshad nas/ da ni de bzhin gshegs pa la sogs pa'i rigs thams cad kyi las kyi dkyil 'khor las bshad pa'i rigs pa'i dngos grub kyi thabs ni/ ma rig mngon chags 'di la ni zhes bya ba la sogs pa gsung ste/ gzung ba dang 'dzin pa rnam par rtog pa ni ma rig pa'o/ /de la mngon par zhen pa'i 'jig rten pa'o/ /rig pa'i
- 341a
dngos grub yod min te/ /zhes bya ba ni gzung ba dang 'dzin pa'i mngon par zhen pa ni 'jig rten chos thams cad rang bzhin gyis so/ /gsang ba'i zhes bya ba rtogs pa ma skyes pa'i phyir zhes bya ba'i tha tshig go /de'i thabs ni rgya che las/ dngos grub mchog thob po zhes bya ba ni de la chos thams cad rang bzhin gyis 'od gsal ba khong du chud par gyur bas chos thams cad rang bzhin gyis 'od gsal ba bsgoms pa'i thabs ni rgya che ba yin no zhes bya ba'i tha tshig go /de ltar de bzhin gshegs pa la sogs pa'i rigs thams cad rtog pa thams cad thabs kyi dngos grub kyi rgyud bshad nas/ da ni snying po dang/ phyag rgya dang/ gsang sngags dang/ rig pa rnams kyi bsod nams med pa ma yin no zhes bya ba'i don bstan pa'i phyir/ de nas zhes bya ba la sogs pa la rtog pa thams cad kyi rgyud gsungs yin no/ /rtog pa thams cad ni ji skad bshad pa'o/ /bsod nams kyi dngos grub kyi rgyud ni snying po dang/ phyag rgya dang sngags dang/ rig pa rnams mngon du byed ces bya ba'i don no/ /mchod pa rnam bzhi byas nas ni zhes bya ba la sogs pa la/ rigs thams cad kyi dkyil 'khor chen po rnal 'byor pas rang la byin gyis brlab pa la sogs pa byas nas mchod pa chen po dang/ dbang bskur ba dang/ chos dang las kyi mtshan nyid ni mchod pa rnam pa bzhi ste/ rang gi rigs kyi las kyi dkyil 'khor las bshad pa'i mchod pa bcu drug gi mchod pa byas nas bsod nams chen po thob par 'gyur te/ lus dang ngag dang/ sems rnam par dag pa thob par 'gyur zhes bya ba'i tha tshig go /de bas na bsod nams med kyang sangs rgyas mchod 'grub 'gyur 'di la the tshom med/ ces bya ba smos so/ /sangs rgyas rnams
- 341b
kyis mchod pa ni/ sangs rgyas mchod pa'o/ /las kyi dkyil 'khor las bshad pa'i mchod pa bcu drug gis phyag rgyas mchod na skye ba gzhan du bsod nams bsags pa med kyang/ rigs thams cad kyi dkyil 'khor chen po las bshad pa'i phyag rgya chen po'i dngos grub 'grub par 'gyur ro/ /de ni 'di skad ston pa yin te/ bdag ni bsod nams med pa'o zhes bdag nyid la brnyas shing smad par mi bya'o/ /phyag rgya cu drug po rnams kyi bsod nams thams cad thob par 'gyur ro/ de ltar rigs thams cad kyi dkyil 'khor chen po las bshad pa'i phyag rgya chen po la sogs pa'i dngos grub thob pa'i bsod nams kyi dngos grub kyi rgyud bshad nas/ da ni de bzhin gshegs pa la sogs pa'i rigs thams cad kyi gzugs kyi dkyil 'khor las bshad pa'i dngos grub thob pa'i bsod nams kyi dngos grub kyi rgyud gsungs pa ni/ de la 'di'i phyag rgya'i bsod nams kyi rgyud de zhes bya'o/ /gsang ba bsrungs nas zhes bya ba ni yongs su bskyed ba'o/ /ci zhig bsrungs she na/ dam tshig ces bya ba ni sku dang/ gsung dang thugs rdo rje gzungs kyi dkyil 'khor du zhugs pa rnams so/ /de nyid 'chad pa ni gsang ba zhes bya ba bris pa'i phyag rgya'i gzugs can mchod par 'os pa'i rig pa'i lha mo'i gzungs 'di dag ni gsang ba'o/ /bsod nams chen po thob par 'gyur ro zhes bya ba ni gzungs kyi dngos grub bsgrub pa na sku dang/ gsung dang/ thugs rnam par dag pa thob par 'gyur ro zhes bya ba'i don no/ /de nas bsod nams med kyang myur bar ni dam tshig bsrungs na 'grub par 'gyur zhes gsungs so/ /des lus dang ngag dang yid rnam par dag pa'i bsod nams skye ba'i gzhan du bsags pa med kyang gzungs kyi dkyil 'khor
- 342a
las bshad pa'i dngos grub rnams myur du 'grub par 'gyur bas bstan par mi bya'o/ /de ni 'di skad ston pa yin te/ gzungs bsgrub pa pos slob dpon gyis bshad pa gzhan la bstan par mi bya zhing bdag gzungs bsgrub pa yin no zhes kyang smra ba mi bya'o/ /de ltar de bzhin gshegs pa la sogs pa'i rigs thams cad kyi gzungs kyi dngos grub kyi bsod nams kyi rgyud bshad nas/ da ni de bzhin gshegs pa la sogs pa'i rigs thams cad kyi chos kyi dkyil 'khor la bshad pa'i dngos grub bsgrub pa ni/ de la zhes bya ba la sogs pa sngags kyi dngos grub kyi bsod nams kyi rgyud gsungs pa yin no/ /sangs rgyas mtshan la sogs pa brjod na zhes bya ba ni shes rab kyi pha rol tu phyin pa la sogs pa'i mdo sde las bshad pa'i bsod nams chen po thob par 'gyur zhes bya ba ni snga ma bzhin no/ /'di gang gis shes na chos sbyin pas na dngos grub thob ces bya ba smos te/ sems can rnams la shes rab kyi pha rol tu phyin pa la sogs pa ston pa zhes pa'i tha tshig go /de ltar sngags kyi bsod nams kyi dngos grub kyi rgyud bshad nas/ da ni de bzhin gshegs pa la sogs pa'i las kyi dkyil 'khor las bshad pa'i rig pa rnams kyi bsod nams kyi dngos grub ni de la 'di ni rig pa'i bsod nams kyi rgyud gsungs pa yin no/ /bsod nams de ni sbyin pa'i mchog /ces bya ba ni de bzhin gshegs pa la sogs pa rigs thams cad kyis rig pas bsgrub pas thams cad rang bzhin gyis 'od gsal bar bsgom pa yis chos kyi mtshan nyid las mngon par zhen pa yongs su spang bar bya'o/ /de skad du yang chos thams cad kyi mtshan nyid
- 342b
la mngon par zhen pa spang bar bya'o zhes gsungs so/ /sbyin pa'i pha rol phyin rdzogs na/ /zhes bya ba gsungs pa 'di ni phyi'i dngos po me tog dang bdug pa la sogs pa ci'i 'byor pas de bzhin gshegs pa rnams dang sems can rnams la sbyin bar bya'o/ /de skad du yang/ sangs rgyas sems can rnams la sbyin/ /nyin zhag don med mi bya'o/ /zhes gsungs so/ /de yi nang na sbyin pa mchog yin no/ /gang gis she na bsod nams kyi nang na'o/ /ci zhig 'gyur zhe na/ byin brlabs bsod nams thob par 'gyur zhes bya ba smos te/ sbyin pa'i pha rol tu phyin pa yongs su rdzogs par 'gyur zhes bya ba'i don no/ /des sbyin pa'i pha rol tu phyin pa yongs su rdzogs pas cir 'gyur zhe na/ sbyin pa'i pha rol phyin rdzogs na/ /myur du sangs rgyas nyid du 'gyur zhes bya ba smos so/ /de ltar de bzhin gshegs pa la sogs pa'i rigs thams cad kyi bsod nams kyi dngos grub kyi rgyud gsungs nas/ da ni gdul bya de rnams de nyid la shes rab med na snying po dang/ phyag rgya dang/ sngags dang/ rig par 'grub par mi 'gyur ro/ /zhes bya ba'i don 'di bstan par bya ba'i phyir/ de nas zhes bya ba la sogs pas rtog pa thams cad kyi shes rab kyi dngos grub kyi rgyud gsungs pa yin no/ /rtog pa thams cad kyi las kyi dngos grub bsgrub pa ste/ sngags kyi yi ge rnams skye ba med par zhugs pas na yi ge a las rab tu 'jug pa yin no/ /des na yi ge thams cad rnam par bsgoms la/ sngags kyi yi ge rnams gcig tu 'gyur ba zhes bya ba rnam par thar pa'i sgo rang gi kha nas gzhan zhal du zhes bya ba ni rang gi kha nas gzhan gyi zhal du 'jug par bsgoms na dngos grub thob par 'gyur ro zhes bya'o/ /de ltar rang gi kha nas gzhan gyi zhal du bsgoms na shes rab kyi pha rol
- 343a
tu phyin pa'i dngos grub thob par 'gyur ro/ /'di skad ston pa yin te/ rang gi rigs kyi dkyil 'khor las bshad pa'i snying po zlos shing/ chos thams cad gdod ma nas ma skyes pa'o zhes pa bsgoms te/ bdag nyid lha'i sku gzugs brnyan dang mtshungs pa dang/ mdun du yang lha'i gzugs bzhag la/ de yang gzugs brnyan dang mtshungs par bsams te/ dngos po la ma zhen par 'grub par 'gyur ro/ /da ni de bzhin gshegs pa la sogs pa'i rigs thams cad kyi gzungs kyi shes rab kyi dngos grub ni shes rab nges 'bigs zhes bya ba la sogs pa gsungs pa yin no/ /ngas par 'bigs pa ni nges 'bigs so/ /chos thams cad bdag med pa'i ye shes kyi lam gyi yi ge a ni shes rab kyi pha rol tu phyin pa'o zhes bya ba'i don no/ /nges par 'bigs pas na nges 'bigs te shes rab po/ /'jig rten gsum na spyod pa'i bag chags dang bcas pa'i nyon mongs pa spangs nas/ bla na med pa yang dag par rdzogs pa'i byang chub kyi rang bzhin gyi de bzhin gshegs pa'i ye shes so zhes bshad pa yin no/ /zhes bya ba'i sgra ni nges par gzung ba'o/ /ting nge 'dzin ces grags pa ste/ zhes bya ba ni nges par 'bigs pa'i shes rab la ting nge 'dzin ces bshad de/ de bzhin gshegs pa de la rnam par g.yeng ba mi mnga' i phyir ro/ /de nas phyag rgya myur 'grub par/ /zhes bya ba ni des de lta bu'i ngo bo la nges par 'bigs pa'i shes rab kyi skal pa dang ldan pa la phyag rgya'i gzungs thams cad 'grub par 'gyur te/ bsgrub pa po'i rgyud la mngon sum du 'gyur zhes bya ba'i tha tshig go /gang gi phyir rnal 'byor pa des de ltar bsgrubs na 'grub pa nyid 'gyur ro/ /de ltar de bzhin gshegs
- 343b
pa la sogs pa rigs thams cad kyi shes rab kyi dngos grub bstan nas/ da ni de bzhin gshegs pa la sogs pa thams cad kyi chos kyi dkyil 'khor las bshad pa'i sngags kyi shes rab kyi dngos grub gsungs pa ni/ de la 'di ni sngags kyi shes rab kyi dngos grub kyi rgyud de zhes bya'o/ /shes rab sgra'i rjes 'brangs la zhes bya ba ni chos dang don dang nges pa'i tshig dang spobs pa so so yang dag par rig pa rnams rnam par shes par bya'o/ /de nyid kyi ngo bo nyid ni ting nge 'dzin to/ /ci'i phyir zhe na/ tshig ni rab tu spros pas na/ /zhes bya ba smos te/ ngag gi rnam par rtog pa'i spros pa ste/ rnam par rtog pa'i chos thams cad rang bzhin gyis rnam par dag pa'o zhes bya ba'i don no/ /de nas dngos po'i khyad par de lta bu dang dag gi rnam par dag pa'o zhes bya ba'i don no/ /des na dngos po'i khyad par de lta bu dang/ ngag gi rnam par rtog pa la dngos por mngon par zhen pa med pas/ shes rab sgra'i rjes 'brangs la/ /ting nge 'dzin ces rab tu grags/ /de bsgom par ni myur bar yang/ /sngags kyi dngos grub thob par 'gyur zhes bya ba'o/ /de nas shes rab sgra'i rjes 'brang ba bsgoms pa des de ltar chos kyi dkyil 'khor las bshad pa'i dngos grub thob par 'gyur ro/ /da ni de bzhin gshegs pa la sogs pa'i rigs thams cad kyi las kyi dkyil 'khor las bshad pa'i rigs rnams kyi shes rab kyi dngos grub gsungs pa ni/ de la 'di ni rigs pa'i shes rab kyi dngos grub kyi rgyud do zhes bya'o/ /rig pa ni rigs thams cad kyi las kyi dkyil 'khor las bshad pa'i rig pa'i lha'i gzugs so/ /sngags ni chos kyi dkyil 'khor las bshad pa dang las kyi dkyil 'khor las bshad pa'i rig pa'i sngags te/ rig pa dang sngags de gnyis la khyad par du ma de dag
- 344a
la yod pa ma yin te/ chos thams cad rang bzhin gyis 'od gsal bas thams cad ro cig pa'i phyir ro/ /shes rab bsgoms na myur ba ni/ /nges par dngos grub thob par 'gyur zhes bya ba la/ de ltar chos thams cad rang bzhin gyis 'od gsal ba'o/ /zhes chos thams cad rang bzhin gyi 'od gsal ba'i mtshan nyid du shes rab kyis rnam par dpyad nas/ yang nas yang du mngon du byas nas rnal 'byor pa las kyi dkyil 'khor las bshad pa'i de bzhin gshegs pa la sogs pa'i rigs thams cad kyi rig pa'i dngos grub thob par 'gyur ro/ /de ltar de bzhin gshegs pa la sogs pa'i rigs thams cad kyi rtog pa thams cad kyi shes rab ye shes kyi dngos grub kyi cho ga rgyas pa'i rgyud bstan nas da ni de bzhin gshegs pa la sogs pa'i rigs thams cad rtog pa thams cad kyi tshogs kyi dngos grub kyi rgyud ni/ de nas zhes bya ba la sogs snying po dang/ phyag rgya dang/ sngags dang/ rig pa rnams kyi tshogs kyi dngos grub tu 'gyur ba ni/ tshogs med par ma yin no zhes bya ba'i don bstan pa'i phyir/ rtog pa thams cad kyi tshogs kyi dngos grub kyi rgyud bstan cing mngon sum du byed do zhes bya ba'i don te/ /mchod pa thams cad rab byas na/ /zhes bya ba ni phyi rol gyi mchod pa la sogs pa dang/ sgeg mo la sogs pa brgyad dang/ las kyi dkyil 'khor las bshad pa'i mchod pa bcu drug la sogs pa'i mchod pa thams cad kyis rab tu sems rtse gcig pas byas nas bzlas pa dang bcas pas tshogs rnams 'phel bar 'gyur ro/ /gang dag ce na/ dag pa ni chos rnams kyi zhes bya ba smos te/ rnam par snang mdzad la sogs
- 344b
pa nas rin chen 'bebs pa'i mthar thug pa'i dkyil 'khor chen po las bshad pa'i dngos grub rnams thabs dang/ shes rab yongs su rdzogs pa'i rnal 'byor pas bsgrub par 'gyur ro zhes bya ba'i don no/ /de bas na rnal 'byor bas tshogs ni 'grub par 'gyur ro zhes bya ba'i don no/ /de ltar de bzhin gshegs pa la sogs pa'i rigs thams cad kyi dkyil 'khor chen po las bshad pa'i dngos grub bsgrub pa'i tshogs kyi dngos grub kyi rgyud bshad nas/ da ni de bzhin gshegs pa la sogs pa'i rigs thams cad kyi gzungs kyi dngos grub bsgrub pa'i tshogs gsungs pa ni/ de la 'di ni phyag rgya'i tshogs kyi dngos grub kyi rgyud de zhes bya'o/ /dkyil 'khor mang po zhugs pa dang/ /zhes bya ba ni mang po de rnams su zhugs pa ni 'khor lo mang por zhugs pa'o/ /de skad du yang 'khor lo dkyil 'khor zhes bshad de/ de nyid dam tshig ces grags pa'o/ /zhes bya ba gsungs so/ /dkyil 'khor mang po bris pa'i phyir zhes bya ba ni dkyil 'khor yang yin la mang po yang yin pas na dkyil 'khor mang po ste/ de dag brtags shing bris pa'i phyir tshogs yongs su rdzogs par 'gyur ba'o/ /tshogs ni rdzogs par bya ba gsungs te/ tshogs thams cad rdzogs pa na phyag rgya rnams kyi dngos grub chen po sangs rgyas nyid dang byang chub sems dpa' nyid thob pa'i rgyu rab tu 'phel bar 'gyur ro/ /da ni chos kyi dkyil 'khor las bshad pa'i rigs thams cad kyi rjes su yi rang ba'i tshul zhes bya ba gsungs pa ni sangs rgyas dang/ byang chub sems dpa' thams cad dang/ rang sangs rgyas dang 'phags pa nyan thos yang dag par song ba dang/ yang dag par zhugs pa dang/ sems can thams cad kyi dus gsum du lus dang ngag dang/ yid
- 345a
las byung ba'i bsod nams gang ci yang rung ba de thams cad la yongs su yi rang bar bgyid do zhes dag du brjod cing/ rjes su yi rang ba de dang por byas pa'i lhag ma ni chos kyi 'khor lo bskor bar gsol ba 'debs pa yin pas rjes su yi rang ba la sogs pa'i sgra brjod do/ /de'i tshul ni de bzhin du brjod do/ /de bzhin du dam pa'i chos bklags pa dang/ zhes bya ba ni shes rab kyi pha rol tu phyin pa la sogs pa zab mo'i mdo sde 'don pa'o/ /da ni las kyi dkyil 'khor las bshad pa'i de bzhin gshegs pa'i de bzhin gshegs pa la sogs pa'i rigs thams cad la rig pa'i tshogs kyi dngos grub gsungs pa ni /ma rig rab tu spangs pa dang/ /zhes bya ba la sogs pa la/ dngos por 'dzin pa'i mngon par zhen pa ma rig pa'o/ /chos thams cad rang bzhin gyis 'od gsal ba de bsgoms pas shin tu phul du byung bas nges par gsal ba ni rab tu spangs pa'o/ /de'i dngos po ni de kho na nyid de/ de gang las yin zhe na/ sbyin pa'i pha rol phyin tshul las/ /zhes bya ba smos te/ shes rab kyi stobs kyis len pa po dang/ gtong ba po dang/ gtang bar bya ba mi dmigs pa dang/ mngon sum du byed pa ni sbyin pa'i pha rol tu phyin pa'o/ /chos thams cad kyi mtshan nyid la mngon par zhen pa spangs pas de nyid kyi tshul ni thob pa'i thabs so/ /de'i phyir sbyin pa'i pha rol tu phyin pa'i tshul las/ tshogs ni yongs su rdzogs nas kyang/ /zhes bya ba ni las kyi dkyil 'khor las bshad pa'i rig pa rnams bzlas pas dngos grub thob po zhes bya'o/ /de ltar de bzhin gshegs pa la sogs pa'i rigs thams cad kyi rtog pa thams cad kyi tshogs kyi dngos grub kyi rgyud bshad nas/
- 345b
da ni de rnams kyi mtshan ma byung ba med na ye shes kyi dngos grub tu mi 'gyur ro zhes bstan pa'i phyir/ de nas zhes bya ba la sogs pas de bzhin gshegs pa la sogs pa'i rigs thams cad kyi mtshan ma 'byung ba ye shes kyi dngos grub kyi rgyud gsungs pa ni/ de bzhin gshegs pa la sogs pa'i rigs rnams dang/ rdo rje dang/ rin po che dang/ pad+ma dang/ sna tshogs rdo rje la sogs pa de dag ye shes gang las 'byung ba de ni rigs thams cad kyi mtshan ma 'byung ba'i ye shes so// de'i dngos grub ni phyag rgya chen po la sogs pa mngon sum du byed pa'o/ /de ji ltar rdo rje 'byung zhe na zhes bya ba ni ye shes gang gis rdo rje la sogs pa bskyed pa yin zhes bya ba'i don no/ /de nyid bcom ldan 'das sems dpa' ste/ zhes bya ba ni rnam par snang mdzad chen po ste/ bcom ldan 'das kun tu bzang po'i byang chub chen po'i sems de bzhin gshegs pa thams cad kyi thugs la bzhugs so zhes bya ba sngar bshad pa gang yin pa sngar bshad pa'o/ /de nyid rdo rje las skyes pas na rgyu yin gyi gzhan du ni ma yin no zhes bya ba'i don no/ /de ltar 'gyur ba gang yin zhe na/ thams cad sems zhes bya ba smos te/ de bzhin gshegs pa la sogs pa nas/ sems can thams cad kyi sems dang sems las byung ba'i rang bzhin yin no zhes bya ba'i don no/ /'dir gang yin zhe na/ nyid bdag ces bya ba smos te/ gzung ba dang/ 'dzin pa'i rtog pa gzhan gyi dbang med pa'i phyir ro/ /ci'i phyir gzung ba dang 'dzin pa'i rnam par rtog pa gzhan gyi dbang med pa yin zhe na/ gang gi phyir sku gsung thugs kyi rdo rje ni/ /zhes bya ba la sogs pa smos te/ de la sku dang gsung dang/ thugs rdo rje ni bshad zin to/ /de'i rang bzhin gyi sems dpa' bstan pa ni rdo rje sems dpa' yin no
- 346a
zhes bya ba'i don no/ /ting nge 'dzin de gang yin zhe na/ rang 'byung gi zhes bya ba smos te/ sangs rgyas bcom ldan 'das kyi'o/ /sems dpa' kun gyi mchog sems dpa' zhes bya ba ni rdo rje rgyal po la sogs pa gzhan dag ni thog ma dang tha ma med pa'i chos kyi dbyings kyi ngo bo rdo rje sems dpa' las byung ba de'i phyir de dag gi mchog go /rdo rje snying gar rab bsgoms na/ /rdo rje sems dpa' zhes grags te/ /zhes bya ba ni gang gi tshe de bzhin gshegs pa la sogs pa'i rnal 'byor pas snying ga'i zla ba la rdo rje rtse lnga pa'i rnam par bsgom par byed pa de'i tshe/ rdo rje sems dpa' zhes grags so/ /rnal 'byor gyi rgyud du grags pa la phyi rol du ni skyes bu'i gzugs su yin no zhes sems na 'di la rdo rje rab tu gnas zhes bya ba ste/ snying ga'i sems dpa' rdo rje de la thog ma dang tha ma med pa'i rdo rje sems dpa' kun rdzob kyi gzugs kyis thog ma dang tha ma med pa'i chos kyi dbyings kyi ngo bo dngos po thams cad gzugs brnyan tsam du rab tu gnas par ston par byed pa yin no/ /gzhung 'di tsam gyis ni thog ma dang tha ma med pa'i rdo rje sems dpa' i rdo rje rtse lnga pa'i rnam par bskyed pa bstan te/ de nyid sangs rgyas rnams kyi ni/ /ye shes tshul de mnyam med do zhes bya ba ni sems dpa' rdo rjer gyur pa'i rdo rje sems dpa' zla ba'i dkyil 'khor bsgom pa'i ye shes kyi tshul /ye shes kyi tshul de gang gi yin zhe na/ sangs rgyas rnams kyi zhes bya ba smos te/ sangs rgyas bcom ldan 'das rnams kyi mnyam pa med pa'i 'od can sems dpa' i rdo rjer nges par 'byung ba brtan pa dang/ g.yo ba'i dngos po thams cad kyi rang bzhin rdo rje sems dpa' sna tshogs pa'i gzugs su 'gyur ba'o/ /khams gsum
- 346b
kun gyi rdul snyed du/ /de nyid kyi ni rgyal ba yin/ /zhes bya ba ni sems dpa' 'byung ba'i dus su badzra satwa zhes bya ba la sogs pa'i sgras bskul nas/ 'jig rten gyi khams thams cad kyi rdul phra rab dang mnyam pa'i de bzhin gshegs pa rnam par snang mdzad la sogs pa de bzhin gshegs pa'i gzugs brnyan ting nge 'dzin las byung ba'o/ /de dag nyid kyi rgyal ba'i rdo rje'i sku ni de rnams las/ rdo rje sems dpa' yang dag 'gyur/ /zhes bya ba ni 'jig rten gyi khams thams cad kyi rdul phra rab dang mnyam pa'i rnam par snang mdzad la sogs pa'i gzugs brnyan gcig du 'gyur ba de la rdo rje sems dpa' la sogs pa nas rdo rje 'bebs pa'i mthar thug pa'i byang chub sems dpa' thams cad kyi sku'i ngo bo bskyed pa yin pa de'i phyir/ de rnams las rdo rje sems dpa' yang dag par 'gyur ro/ /sems dpa' dang po de nyid las/ /mtshan ma thams cad yang dag 'byung/ /zhes bya ba ni sems dpa' i rdo rjer 'gyur pa las rdo rje sems dpa' i ngo bo dang/ rdo rje lcags kyu la sogs pa'i phyag rgya las rdo rje rgyal po la sogs pa skye ba yin no zhes bya ba'i don no/ /de skad du yang/ ji ltar bcom ldan rtag pa las/ /rdo rje sems dpa' kun 'byung ltar/ /rdo rje'i mtshan ma la sogs las/ /'byung bar 'gyur ba 'grub pa yin zhes gsungs so/ /mtshan ma las ni sems dpa' che zhes bya ba ni rdo rje la sogs pa nas dril bu'i mthar thug pa'i rang gi mtshan ma rnams kyis dkyil 'khor rdo rjer bsgrubs nas ye shes sems dpa' 'jug pa'i dus sam/ 'og min du mngon par byang chub pa mngon sum du byed pa'i dus su rdo rje sems dpa' i sku bskyed pa yin no/ /zhes bya ba'i don no/ /de nyid gang las shes she na/ rang gi
- 347a
sems yongs su sbyong ba'i dus su sems dpa' byin gyis brlabs pa'i sbyor bas rdo rje sems dpa' bskyed la/ rdo rje sems dpa' las byung ba ni/ rdo rje rgyal po la sogs pa bya'o zhes gsungs so/ /de'i phyir bdag nyid gyi rnal 'byor gyi dus su rdo rje rgyal po la sogs pa rnams rang gi mtshan ma las bskyed pa ma yin la/ sems dpa' bskyed pa'i dus su rdo rje sems dpa' la sogs pa de bzhin gshegs pa las 'byung ba yin par the tshom mi bya'o/ /de las tshul 'di thams cad 'byung/ /zhes bya ba ni rnam par snang mdzad la sogs pa'i de bzhin gshegs pa'i thugs kha'i mtshan ma las rdo rje sems dpa' la sogs pa byung nas/ de bzhin gshegs pa thams cad kyi de kho na nyid bsdus pa'i mdo 'di gsungs pa yin no zhes bya ba'i don no/ /da ni phan yon gsungs pa ni/ /gang zhig gis ni thos 'gyur ba/ /zhes bya ba la sogs pa smos te thos 'gyur zhes bya ba ni thos pa bstan to/ /dad cing zhes bya ba ni dad pa skyes pas lhag par sems dpa' yin no zhes bya ba'i tha tshig go /'dzin byed ces bya ba ni ji ltar thos pa'i mdo ma brjod par sems la bzhag na de ston pa'o/ /snying gar yang rtag tu bsgoms nas ni/ /zhes bya ba ni ji ltar thos pa dang/ bsam pa dang/ shes pas nges par byas nas/ yang dang yang mngon du byed cing/ rtag tu dga' ba de ni yid mgu bas sbyor bas na/ de ni myur du grub pa thob/ /ces bya ba ni sgrub pa pos mdo ji ltar thos pa bsam pa'i shes pas nges par byas nas/ yang dang yang don du byas pa nyid kyis sangs rgyas kyi dngos grub thob par 'gyur ro/ /de ltar de bzhin gshegs pa la sogs pa rigs thams cad kyi de bzhin gshegs
- 347b
pa thams cad kyi de kho na nyid 'byung ba'i ye shes kyi cho ga rgyas pa'i rgyud bstan nas/ da ni snying po dang/ phyag rgya dang/ gsang sngags dang rig sngags rnams rtog pa 'byung ba'i ye shes med na dngos grub tu mi 'gyur ro zhes bstan pa'i phyir/ de nas shes pa la sogs pas rtog pa thams cad 'byung ba'i ye shes kyi cho ga rgyas pa'i rgyud gsungs pa yin no/ /de bzhin gshegs pa la sogs pa'i rigs thams cad kyi rtog pa thams cad ni ji skad du bshad pa'o/ /de dag 'byung ba ni ye shes skyes pa ste/ gang 'byung ba'i ye shes de ni rtog pa thams cad 'byung ba'i cho ga ye shes so/ /de'i cho ga rgyas pa ni de bzhin gshegs pa la sogs pa'i rigs thams cad kyi bye brag rnam pa sna tshogs pa'o/ /sangs rgyas rnams zhes bya ba la sogs pa la/ 'jig rten gyi khams thams cad kyi rdul phra rab dang mnyam pa'i sangs rgyas bcom ldan 'das rnams ni gzung ba dang 'dzin pa'i rnam par rtog pa spangs pas gnyis su med pa'i ye shes thog ma dang tha ma med pa chos kyi dbyings kyi rang bzhin du yod par 'gyur bas na rtag cing ther thug pa'o/ /mi rtog pa ni rnam par rtog pa spangs pa'o/ /ye shes de las phyag rgya chen po la sogs pa rnam par rtog pa'i gzugs su rtogs pas na rtog pa zhes brjod do/ /rtog pa med pa'i ye shes las phyag rgya chen po la sogs par brtags pa gdul bya'i dbang gis skye ba de ltar de bzhin gshegs pas gsungs pa yin no/ /de ltar de bzhin gshegs pa rnams kyis rtog pa 'byung ba'i ye shes bshad nas/ da ni de bzhin gshegs pa'i rigs kyi mi rtog gang la rtog bdag med/ ces bya ba la sogs pa gsungs te/ gang la gang gi tshe rnam par rtog pa'i rtog pa
- 348a
med pa ni chos kyi dbyings kyi ngo bo yin la/ rtog pa'i bdag nyid ni dkyil 'khor la sogs pa kun rdzob kyi bden pa'i rang bzhin no/ /dkyil 'khor la sogs pa'i ngo bo gdul bya'i dbang gis brtags pas rtog pa las 'byung ba zhes bya ste/ dkyil 'khor la sogs pa rtog pa las byung ba ni skyes pa'o/ /dkyil 'khor la sogs pa'i ngo bo de gang yin zhe na/ rdo rje sems dpa' sems dpa' che/ /zhes bya ba smos te/ thog ma dang tha ma med pa'i chos kyi dbyings yin no zhes bya ba'i tha tshig go /de phyir rtog pa zhes brjod do/ /zhes bya ba ni gang gi ngo bos brtags pa'i rang bzhin gyi rtog pa ni de bzhin gshegs pas rtog pas zhes gsungs so/ /de bzhin gshegs pa'i rigs kyi rtog pa'i ngo bo'i rang bzhin de nyid kyis gdul bya rnams rnam par rtog pa ni brtags pa zhes brjod do/ /da ni rdo rje rigs kyi cho ga bzhin du ri mo bris zhes bya ba la sogs pa smos te/ 'jig rten gsum las rnam par rgyal ba'i rtog pa rdo rje rigs kyi rang bzhin gang zhig sems kyis bris nas sgro btags pa ni rnam par brtags pa'o/ /ni'i sgra ni nges par gzung ba'o/ /ri mo bris zhes bya ba ni phyag rgya chen po la sogs pa'i gzugs su rnam par rtogs pas brtags pa'o/ /ngo bo ni gang zhing ci zhig ster bar byed ce na/ rtog pa grub sbyin zhes rtog pa/ /zhes bya ba smos te/ rdo rje rigs kyi dkyil 'khor la sogs pa'i dngos grub ster ro zhes bya ba'i tha tshig go /de'i phyir rtog pa zhes gsungs so/ /zhes bya ba ni rdo rje rigs kyi rnam pas 'dul ba'i rtog pa'i mtshan nyid yin pa de'i phyir/ de bzhin gshegs pa rtog pa dang bral ba'i bdag nyid bcom ldan 'das kyis rtog pa zhes bstan to/ /de ltar rdo rje rigs kyi rtog pa
- 348b
'byung ba'i ye shes bstan nas/ da ni pad+ma'i rigs kyi ni/ /rtog pa las ni 'dod chags 'byung/ /zhes bya ba la sogs pa gsungs te/ sems can smin cing grol bar byed pa'i 'dod chags ni pad+ma'i rigs kyi ngo bo bcom ldan 'das rdo rje 'chang chen po'i chags pa'o/ /rtog pa dang bcas pa las 'byung ba'i pad+ma'i rigs sprul pa'i sems bskyed pa'o/ /pad+ma la gnas te/ zhes bya ba ni pad+ma'i rigs kyi rang bzhin gyi chags pa de ni rang bzhin gyis rnam par dag pa'i chos kyi ye shes kyi ngo bo'i pad+ma'i bskyed pa'i tshul nyid kyis rtag tu gnas pa ste/ de skad cig re re zhing pad+ma'i rigs bskyed pa'i rgyur gyur par gnas pa'i phyir ro/ /de'i phyir rtog pa gnas pa ni grub pa nyid de 'gyur ro zhes bya ba la/ de'i phyir rang bzhin gyis dag pa'i chos nyid kyi ngo bo'i ye shes ni pad+ma'i gdul bya la rnam par rtog pa la brten nas/ phyag rgya chen po la sogs pa'i dngos grub 'byung zhing skye bar 'gyur ro/ /'di las kyang pad+ma'i rigs kyi rtog pa 'byung ba'i rtog pa gsungs shing bshad pa yin no/ /da ni nor bu'i rigs ni de la 'di ni nor bu'i rigs kyi rtog pa 'byung ba'i rgyud ces bya ba gsungs te/ nor bu ni yid bzhin gyi nor bu ste/ de la sems med pas na rtog pa med pa'o/ /mthu yis shin tu mchog gyur pa/ /zhes bya ba ni sems can gang dang gang gis yid bzhin gyi nor bu lag du thob par 'gyur ba de dag gi bsam pa thams cad yongs su rdzogs par byed de/ bsam pa tsam kho nas sangs rgyas kyi chos ma 'dres pa dang ldan par gyur ba'i phyir ro/ /de dang de dag gi rnam par rtog pa med kyang yid la bsam pas sems can thams cad kyi bsam pa yongs su rdzogs par byed pa'i las kyi mtshan nyid mthu shin tu mchog tu gyur pas mngon par
- 349a
mtho ba'o/ /de ltar rnam par mi rtog pa las/ /lha rjes dngos grub 'byung bar 'gyur/ /zhes bya ba ni ji ltar yid bzhin gyi rnam par mi rtog pa las bsams pa tsam gyis sems can rnams la 'jig rten pa'i dngos grub 'byung bar 'gyur ro/ /rtog pa med pa rnam par rtog par 'gyur ba yin nam zhe na ma yin te/ rtog pa gtan med pa'i phyir ro/ /de ltar mnyam pa nyid kyi ye shes rnam par rtog pa na nor bu dang mtshungs pas na rnam par mi rtog pa las nor bu'i rigs kyi dngos grub thams cad 'byung ba yin no/ /rnam par rtog pa las 'dul ba gang yin pa de la rin po che'i rigs bskyed pa'i rgyur 'gyur ba ni rnam par mi rtog pa la rtog pa zhes brjod do/ /de ltar de bzhin gshegs pa la sogs pa'i rigs thams cad kyi rtog pa 'byung ba'i ye shes bstan nas/ da ni de bzhin gshegs pa'i rigs thams cad kyi snying po dang phyag rgya dang sngags dang rig pa rnams med na/ snying po dang phyag rgya dang sngags dang rig pa 'byung ba'i ye shes kyi dngos grub tu mi 'gyur ro zhes bya ba'i don bstan pa'i phyir/ de nas zhes bya ba la sogs pas rtog pa thams cad kyi snying po la sogs pa 'byung ba'i ye shes rgyud gsungs pa yin no/ /de bzhin gshegs pa la sogs pa'i rtog pa thams cad kyi rigs rnam pa bzhi'i dkyil 'khor chen po las bshad pa'i rnam par snang mdzad la sogs pa nas rin chen 'bebs pa'i mthar thug pa'i phyag rgya chen po'i ngo bo nyid kyi ston par byed pa'i sgra la snying po zhes bya'o/ /de 'byung ba'i ye shes la de skad ces bya'o/ /yid la 'dod pa'i cho ga yis/ /zhes bya ba ni phyag rgya chen po la sogs pa'i dngos grub bsgrub pa'i sgrub pa pos bcom ldan
- 349b
'das kyis gsungs pa'i cho ga gang yin pa de ni yid la 'dod pa'i cho ga'o/ /de la cho ga nyid kyis phyag rgya chen po la sogs pa dang/ bzlas pa la mngon par dga' ba gang yin pa des 'grub par 'gyur gyis gzhan gyis ni ma yin no/ / ting 'dzin bsgrub pa'i snying la gnas/ /zhes bya ba ni phyag rgya chen po la sogs pa'i gzugs la rtse gcig pa'i ting nge 'dzin no de bsgrub pa pos yongs su rdzogs shing mthar thug par byed pa'o/ /de khyad par ji lta bu zhe na/ snying la gnas pa ni blo la gnas pa ste/ rtogs par bya ba'i ngo bo zhes bya ba'i don no/ /de'i phyir snying po zhes brjod do/ /rtog par bya ba'i ngo bo yin pa des na sems dpa' ni snying po ste/ gzung bar bya ba'i cho ga'i ngo bo gnas pa'i phyir ro/ /rtog par bya ba don du gnyer bar tha mi dad par nye bar brtags nas phyag rgya chen po la sogs pa ngo bo de ston par byed pa'i sgra la yang snying po zhes brjod do/ /de ltar de bzhin gshegs pa la sogs pa rigs thams cad kyi dkyil 'khor chen po las bshad pa'i snying po 'byung ba'i ye shes bstan nas/ da ni de bzhin gshegs pa la sogs pa'i gzugs 'byung ba'i ye shes ni de nas rtog pa thams cad kyi phyag rgya 'byung ba'i ye shes kyi rgyud gsungs te/ de ltar 'khor los sgyur ba'i rgyal po'i phyag rgya mchog tu bstan pa ni 'da' bar dka' zhing mi byed pas 'khor los sgyur ba'i rgyal po'i phyag rgya mchog gi yongs su khrims te/ tshig gis bcad pa yin no zhes bya ba'i don no/ /ji ltar de'i khrims la gnas pa rnams kyis 'da' bar dka' zhing mi byed pa bzhin bdag nyid chen po'i gzugs brnyan ni de bzhin gshegs pa dang/ rdo rje sems dpa' la sogs pa'i bdag nyid chen po rnams kyi rdo rje sems dpa' la sogs
- 350a
pa la 'da' par dka' zhing mi phyed pas gdul bya rnams kyi rgyud la rgyas btab pas/ phyag rgya zhes bya bar grags par de bzhin gshegs pas bstan pa'o/ /de ltar phyag rgya 'byung ba'i ye shes bstan nas/ da ni de bzhin gshegs pa la sogs pa'i rigs thams cad kyi chos kyi dkyil 'khor las bshad pa'i sngags 'byung ba'i ye shes ni/ de nas rtog pa thams cad kyi sngags 'byung ba'i ye shes kyi rgyud de zhes bya ba gsungs te/ 'da' bar bya ba ma yin zhing zhes bya ba la sogs pa la/ 'da' bar bya ba ma yin pa ni khyad par du mi gsang ba'o/ /dbye bar dka' ba ni bstan par bya ba ma yin no/ /gsang ba nyid ces bya ba ni ma bstan pa'o/ /chos thams cad rang bzhin gyis rnam par dag pa mngon sum du byed pa ni gsang ba'i dngos grub ste/ de'i don brjod pa la sngags zhes gsungs pa yin no/ /de'i phyir na sngags zhes brjod/ ces bya ba ni gsang ba la sogs pa sngags kyi tshul yin pa des sngags phyi ma rnams la yang chos mthun pas sngags zhes brjod de/ da ni de bzhin gshegs pa la sogs pa'i rigs thams cad kyi las kyi dkyil 'khor las bshad pa'i rig pa ni/ de nas zhes bya ba la sogs pa rig pa 'byung ba'i ye shes gsungs pa yin no/ /ma rig pa ni grags par zad pa'o/ /de rab tu bzhag cing 'jigs pas na gzhig pa'o/ /ngag gi rig pa mchog grub cing/ /zhes bya ba ni so so yang dag par rig pa bzhi thob pas na ngag gi rig pa mchog grub pa'o/ /rtogs shing rig pa'i dngos grub ste/ /de phyir rig pa zhes brjod do/ /zhes bya ba ni so so yang dag par rig pa bzhi'i ye shes thob pa'i dngos grub ste/ so so yang dag par rig pa
- 350b
rtogs pa thob cing rnyed pa ni rig pa'i dngos grub bam/ rig pa'i thob zhes bya ba khams kyi don tha dad pas dngos grub thob pa ni grub pa'o/ gang gis de ltar ma rig bcom/ /rang gi rig pa mchog grub ste/ /so so yang dag par rig pa bzhi rtogs shing khong du chud pa'i rang bzhin gyi ngo bo dngos grub kyi ngo bo yin pa de'i phyir/ rig pa zhes de bzhin gshegs pas gsungs so/ /gang gi tshe ye shes 'di bsgrub pa'i rgyud la bskyed pa'i rgyur gyur pa ni rigs so/ /de ltar de bzhin gshegs pa'i rigs thams cad kyi snying po dang/ phyag rgya dang/ sngags dang/ rig pa 'byung ba'i ye shes kyi rgyud bstan nas/ da ni de bzhin gshegs pa'i rigs thams cad kyi snying po dang/ phyag rgya dang/ sngags dang/ rig pa zlos pa po rang dang gzhan gyi skal ba dang ldan pa dang/ skal ba dang mi ldan pa brtag par byas na 'jug par bya'o/ /zhes bya ba'i don bstan pa'i phyir/ de nas zhes bya ba la sogs pas rtog pa thams cad kyi ye shes 'byung ba'i rgyud gsungs pa yin no/ /rtog pa thams cad ni rnam par snang mdzad la sogs pa nas rin chen 'bebs pa'i mthar thug pa'i ye shes 'das pa dang/ ma 'ongs pa dang/ da ltar byung ba'i dngos po tshig de la nges pa yin? no zhes gsungs so/ /thams cad kyi dkyil 'khor chen por bshad pa'i sngags kyi snying po de bzla bar bya'o/ /gang gi yin par rig par bya zhe na/ bdag gam gzhan yang rung pa'o/ /gang rig par bya zhe na/ 'byung ba dang 'byung? bar 'gyur ba'o/ /gang gis mthong ba ni mig gi rnam par shes pa'o/ /thos pa ni rna ba'i rnam par shes pa'o/ /thams cad de bzhin du de shes par bya'o/ /'di skad ston pa yin te/ bdag dang gnas bsrung ba ji lta ba bzhin
- 351a
du byas na/ rang gi rigs kyi dkyil 'khor chen po las bshad pa'i rang gi lha'i rnal 'byor phyag bzhi'i mthar thug pa rjes su spyad la/ rang gi snying ga'i zla ba la rang gi phyag rgya'ang de'i dbus bzlas pa'i yi ge rnam par bsams te/ de nyid brjod par bya'o/ /chos thams cad gzugs brnyan dang mtshungs pa'i bden pa gang yin pa de'i bden pas de 'das pa dang ma 'ongs pa dang/ de ltar 'byung ba'i sems kyi bdag nyid ji lta ba des thams cad bdag la so sor snang bar gyur cig ces bden pa'i byin gyis brlabs byas la/ ji srid du thams cad mthong ba dang thos par 'gyur ba de srid kyi bar du gnas par bya'o/ /da ni phyag rgya'i ye shes 'byung ba ni/ /gang yang rung ba'i phyag rgya bcings/ /zhes bya ba la sogs pa gsungs te/ de bzhin gshegs pa'i rigs thams cad kyi gzungs kyi phyag rgya de las gang yang rung ba'i phyag rgya gcig bcing ba'o/ /bdag gis cho ga ji bzhin du/ /zhes bya ba ni sngar bshad pa'i tshul gyis phyag bzhi'i mthar thug pa'i cho ga rjes su spyad la snying gar rang gi rigs kyi mtshan ma la gzungs kyi rig pa rnam par bkod de/ de nyid brjod cing/ rang gi gzungs kyi phyag rgya chen po la sogs pa bcings nas/ snga ma bzhin du byung zin pa dang/ 'byung ba dang/ 'byung bar 'gyur ba'i skye bo thams cad yongs su brtags par bya'o de bas na 'jig rten pa la bltas na ni/ gong ma bzhin du kun 'byung zhes bya ba ni 'das pa dang/ ma 'ongs pa dang/ da ltar byung ba'i dngos por so sor brtags nas 'jig rten pa thams cad brtags par bya'o/ /da ni de bzhin gshegs pa'i rigs thams cad kyi chos kyi dkyil 'khor las bshad pa'i sngags kyi ye shes ni de la 'di ni zhes bya ba la sogs pa smos so/ /lan cig tsam yang sngags brjod
- 351b
na/ zhes bya ba ni chos kyi dkyil 'khor las bshad pa'i rang gi lha'i sngags brjod pa'o/ /rang gi lce la smrar gyur pa/ /zhes bya ba ni de zlas pas rang gi lce la gang yang rung ba smra bar 'gyur ro/ /de gang yin zhe na/ 'das dang 'byung dang byung gang yin/ /zhes bya ba ni go sla'o/ /'di skad ston pa yin te/ snga ma bzhin du rang gi rigs kyi dkyil 'khor chen po las bshad pa'i phyag bzhi'i mthar thug pa'i cho ga rjes su spyad la/ rang gi chos kyi dkyil 'khor las bshad pa'i rang gi lha'i chos kyi phyag rgya bcings te/ lce la rdo rje dkar po rtse lnga pa bsams nas/ rang gi lha'i chos kyi dkyil 'khor las bshad pa'i sngags kyi yi ge rnam par bkod la/ de nyid brjod cing bden pa'i byin gyis brlabs sngon du 'gro bas ji srid du rang gi lha'i chos kyi dkyil 'khor las bshad pa'i sngags kyi yi ge rnam par bkod pa de nyid brjod cing/ bden pa'i byin gyis brlabs pa dang bcas pas rang nyid sngags lan cig brjod na thams cad smra bar 'gyur ro/ /de na de bzhin gshegs pa la sogs pa'i rigs thams cad kyi dkyil 'khor las bshad pa'i rig pa rnams ni/ de la 'di ni zhes bya ba la sogs pas rig pa'i ye shes skye ba yin no/ /rig pa lan cig brjod na ni/ /zhes bya ba la sogs pa ni snga ma bzhin du rang gi dkyil 'khor chen po las bshad pa'i phyag bzhi'i mthar thug pa'i cho ga rjes su spyad la/ phyis rang gi sngags kyi las kyi dkyil 'khor las bshad pa'i rang gi rig pa'i las kyi phyag rgya bcings te/ bden pa'i byin gyis brlabs bdar nas/ /rang gi snying kha'i rdo rje la rig pa'i yi ge rnams bkod nas/ lan gcig brjod nas ji srid du rang gi lha'i gzugs kyi bdag nyid du gyur pa de srid du bsgoms na 'dod
- 352a
ba'i dngos po yongs su shes par 'gyur ro/ /de ltar de bzhin gshegs pa'i rigs thams cad kyi rtog pa thams cad kyi cho ga rgyas pa'i rgyud bstan nas/ da ni de bzhin gshegs pa la sogs pa'i rigs thams cad kyi zlos pa pos thun mong dang/ khyad par gyi sku dang/ gsung dang/ thugs rdo rje'i phyag rgya'i sgrub pa nyams su blang bar bya'o zhes bya ba'i don bstan pa'i phyir/ de nas zhes bya ba la sogs pa rigs thams cad kyi thun mong ba ni spyi'o/ /de gang zhe na/ gsang ba'i sku dang/ gsung dang/ thugs kyi rdo rje phyag rgya'o/ /de bsgrub pa ni de rdzogs pa'i rgyur gyur pa'o/ /ji ltar de ltar 'dug nas kyang/ /zhes bya ba la sogs pa la de bzhin gshegs pa'i zlos pa po dang/ rdo rje sems dpa' la sogs pa de bzhin gshegs pa'i rigs kyi zlos pa pos sngon du bsnyen pa'i dus sam/ bsgrub pa'i dus su skyil mo krung gang yang rung ba des 'dug la bsgrub pa dang bzlas pa bya'o/ /ji ltar bris pa'i rjes 'brangs nas/ /bdag nyid lha'i gzugs sam mdun du bsgom par bya ba yin no/ /ji ltar ri mo tshul du ni/ /brkyang bskum la sogs rab gnas pa/ /zhes bya ba la sogs pa la/ rdo rje rigs kyi zlos pa pos de las bshad pa'i dkyil 'khor chen po dang/ gzungs dang/ las kyi dkyil 'khor gyi sgrub pa pos bsgrub pa'i tshe ji ltar bris pa dang/ rjes su mthun par brkyang bskum gyi tshul du gnas pas gnas par bya'o/ /rang gi lha'i gzugs su bdag nyid dam mdun du bsgoms la/ shin tu khros pas mtshan thog thag bzlas shing bsgrub par bya'o/ /chos kyi dkyil 'khor gyi rnal 'byor pas kyang skyil mo krung gis 'dug ste/ de las bshad pa'i chos kyi dkyil 'khor bsgrub par bya'o/ /rdo rje skyil mo krung bcas la/ /zhes bya
- 352b
ba la sogs pa la /pad+ma'i rigs kyi sgrub pa pos bsgrub pa'i tshe rang gi rigs kyi chos kyi dkyil 'khor las bshad pa'i phyag rgya chen po bcings te/ ji ltar bris pa dang/ rjes su mthun par rang gi lha'i gzugs kyi bdag nyid dam/ mdun du mtshan thog thag zlos shing bsgom par bya'o/ /ji ltar 'dug gam nyal ba'am zhes bya ba la sogs pa/ nor bu'i rigs kyi zlos pa pos sngon du bsnyen pa'i dus sam/ bsgrub pa'i dus su ldang ba dang/ 'dug pa dang/ 'chag kyang rung ste/ bsgrub ba 'am bzlas pa bya'o/ /rdo rje rin chen dbang sgyur na/ /zhes bya ba ni rin po che'i rigs zlos pa 'am/ bsgom pa la rdo rje rin chen gyis dbang bskur bar bya'o/ /de ltar de bzhin gshegs pa la sogs pa'i rigs thams cad kyi sku'i gsang ba'i phyag rgya'i bsgrub pa bshad nas/ da ni de bzhin gshegs pa thams cad kyi gsung gi gsang ba'i phyag rgya bsgrub pa gsungs pa ni/ de la zhes bya ba la sogs pa gsungs pa yin no/ /lce rtse shin tu mi bskul zhing/ /zhes bya ba ni lce'i rtse mo mi bskyod pa yin no zhes bya ba'i don te/ shin tu mi bskyod pa yin no zhes bya ba'i don no/ /so dang mchu gnyis sbyar nas ni/ /zhes bya ba ni shin tu so dang mchu sbyar ba ma yin te/ rnam pa de lta bu'i sgra dang bral ba'i rdo rje'i tshig ni sgra spangs pa'o/ /rtog pa thams cad bsgrub bya zhing/ /zhes bya ba ni de bzhin gshegs pa la sogs pa nas/ rin po che'i rigs kyi mthar thug pa'i rtog pa thams cad bsgrub pa'o/ /de ltar de bzhin gshegs pa la sogs pa'i rigs thams cad kyi thun mong gi gsung gi phyag rgya bsgrub pa'i rgyud bstan nas/ da ni rdo rje rigs kyi khyad par bsgrub pa ni/ hUM zhes bya ba'i 'brug sgra bsgrags/ /zhes bya ba la sogs pa smos te/ bsgrags pa gzhan du hUM zhes bya ba gang yin pa khro
- 353a
po gang gis yi ge 'brug sgra ltar sgrogs pa'o/ /hUM zhes bya ba 'brug sgra ltar sa 'og gi mthar thug pa'i thos pas na zab pa'o/ /brtan pa ni dus yun ring du gnas pa'o/ /rdo rje chen po khro bo gsal/ /rdo rje khro bo'i gsung 'grub po/ /zhes bya ba ni rdo rje chen po yang yin la khro bo yang yin pas na rdo rje chen po khro bo chen po'i khro bo ste/ dmigs pa'i thugs rje chen po las 'byung ba'i rdo rje chen po'i rigs kyi rang bzhin gyi khro bo de'i gsung gi de yin no zhes nges pa bskyed nas/ bzlas pa byas pa 'dis rigs kyi dngos grub thob par 'gyur ro/ /de ltar rdo rje rigs kyi khyad par gyi bsgrub pa brjod nas/ da ni pad+ma'i rigs ni dbugs mi 'byin ltar dbugs 'byin cing/ zhes bya ba smos te/ dbugs mi 'byin pa'i don ni cung zad cig dbugs 'byin pa ltar dbugs phyung nas/ phra ba'i tshig shin tu gsal zhing thos par 'gyur ba de lta bu des pad+ma'i rigs kyi snying po dang/ phyag rgya dang/ gsang sngags dang/ rig sngags rnams bsgrub pa nas sgrub pa po rnams bsgrub par 'gyur zhes bya'o/ /khyad par ci lta bu zhe na/ ting 'dzin ye shes snying po yis/ /zhes bya ba smos te/ ting nge 'dzin ye shes rnams ni ting nge 'dzin ye shes so/ /de'i snying po ni de'i bskyed pa'i gnas su gyur pa gang yin pa de la ting nge 'dzin ye shes snying po zhes bya'o/ /de ni 'di skad ston pa yin te/ mnyam par bzhag pa'i sems kyis bzlas pa byas pa yin no/ /da ni nor bu'i rigs ni de la 'di ni zhes bya ba la sogs pa gsungs te/ shin tu yongs su gsal tshig gis/ /zhes bya ba la shin tu yongs su gsal ba ni shin tu yongs su gsal zhing mngon pa yin no zhes bya ba'i tha tshig go /rtag tu 'dud la brtson byed cing/ /zhes bya ba ni de bzhin gshegs pa
- 353b
thams cad la dmigs shing phyag btsal bas goms pas phul du byung ba nyid do/ /tshul 'di bzlas par gyur na ni/ /zhes bya ba la nor bu'i rigs kyi zlos pa pos dag gi bzlas pa de lta bu byas par 'gyur ba de ser sna yongs su spangs pa'i tshul gyis snying po dang/ phyag rgya dang/ sngags dang/ rig pa'i dngos grub kyi mtshan nyid myur du thams cad 'grub par 'gyur ro/ /de ltar de bzhin gshegs pa la sogs pa'i rigs thams cad kyis gsang ba'i dag gi phyag rgya bsgrub pa bstan nas/ da ni de la 'di ni zhes bya ba la sogs pas de bzhin gshegs pa'i rigs thams cad kyi gsang ba'i phyag rgya bsgrub pa gsungs pa yin no/ /rtag tu 'dod pa bcom ldan 'das/ /zhes bya ba smos te/ thog ma dang tha ma med pa'i rdo rje sems dpa' yin no zhes bya ba'i don no/ /sems can thams cad bde sbyin pa/ /zhes bya ba ni thog ma dang tha ma med pa'i chos kyi dbyings la dmigs pa'i rnal 'byor 'dis zhes bya ba smos te/ thog ma dang tha ma med pa'i rdo rje sems dpa' yin no zhes bya ba'i don no/ /sems can thams cad bde sbyin pa/ zhes bya ba ni thog ma dang tha ma med pa'i chos kyi dbyings la dmigs pa'i rnal 'byor 'dis 'jig rten dang 'jig rten las 'das pa'i bde ba bskyed pas na bde ba sbyin no/ /rdo rje sems dpa' bdag nyid du/ /zhes bya ba la sogs pa ni go sla'o/ /'di skad ston pa yin te/ de bzhin gshegs pa dang de bzhin gshegs pa'i rigs kyi zlos pa po rnams kyis bdag nyid gzugs brnyan dang mtshungs pa dang/ rang gi lha'i gzugs gdong ma nas ma skyes pa yin no zhes bsgom zhir bzlas pa bya'o/ /da ni rdo rje rigs kyi de la 'di ni zhes bya ba la sogs pa gsungs te/ sems can la phan pa dang/ zhes bya ba la sogs pa ni go sla'o/ /phan pa de'i don ni 'di skad ston pa yin te/ rdo rje rigs kyi
- 354a
zlos pa pos ma rungs pa thams cad khro bos 'dul ba'i phyir/ sems can thams cad rdo rje'i rigs kyi rang bzhin du bsams la/ rang gi lha'i nga rgyal bskyed nas bzlas par bya'o/ /da ni pad+ma'i rigs kyi de la 'di zhes bya ba la sogs pa gsungs te/ ji ltar pad+ma rab chags pa/ /zhes bya ba la sogs pa ni go sla'o/ /srid pa'i chags pas de 'grub 'gyur/ /zhes bya ba ni 'dod pa dang gzugs dang gzugs med pa'i sems can gyi srid pa sbyin zhing grol bar nus pa'o/ / 'di skad ston pa yin te/ pad+ma'i rigs kyi zlos pa po sems can gyi khams ma lus pa pad+ma'i rigs kyi rang bzhin du bskyed nas/ thams cad bdag yin no zhes nus pa bskyed la bzlas pa bya'o/ /nor bu'i rigs kyi de la 'di ni nor bu'i rigs kyi gsang ba zhes bya ba la sogs pa gsungs te/ nam zhig sems can thams cad kyi/ /zhes bya ba la sogs pa gsungs te/ nam zhig sems can thams cad kyi/ /zhes bya ba la sogs pa ni go sla'o/ /de ni 'di skad ston pa yin te/ nor bu'i rigs kyi zlos pa pos sems can gyi khams thams cad la byams pa dang/ snying rje'i tshul du bltas la rin po che'i rigs kyi dbang bskur bas dbang bskur la/ bsam pa yongs su rdzogs pa'i rin po che'i rigs su bskyed nas/ rang gi lha'i nga rgyal bskyed par bya'o/ /'di ltar de bzhin gshegs pa las thams cad kyi gsang ba'i phyag rgya'i sems kyi bsgrub pa bstan nas/ da ni de bzhin gshegs pa la sogs pa'i rigs thams cad kyi gsang ba'i rdo rje phyag rgya bsgrub pa ni de la 'di ni zhes bya ba la sogs pa gsungs te/ ji ltar langs pa 'am 'dug pa zhes bya ba la sogs pa la/ de bzhin gshegs pa'i rnal 'byor ram de bzhin gshegs pa'i rigs kyi rnal 'byor nyin re zhing lan gcig bya ba 'am/
- 354b
de bzhin gshegs pa'i rnal 'byor gyis lag pa g.yon pa chos gos 'dzin pa'i khu tshur gyis g.yogs te/ spyod lam rnam pa bzhir rang gi lha'i snying po dang/ phyag rgya dang/ sngags dang/ rig pa gang yang rung ba de zlos shing/ rtag du rang gi lha'i gzugs su bdag nyid bsgom par bya'o/ /de bzhin gshegs pa'i rigs kyi rnal 'byor pas kyang g.yon pa'i rdo rje khu tshur gyis bya'o/ /da ni rdo rje rigs gsungs pa ni de ltar gnas kyang ji lta ji ltar byed kyang rung zhes bya ba la sogs pa la snga ma bzhin rdo rje rigs kyi rnal 'byor byas la/ phyag bzhi'i mthar thug pa'i cho ga rjes su spyad nas/ g.yon pa'i khro bo khu tshur gyi mdzub mo chos gos kyis g.yogs la/ snying po dang/ phyag rgya dang/ sngags dang/ rigs pa rnams las gang yang rung ba'i bzlas pa byed cing rtag tu rnal 'byor bsgom par bya'o/ /pad+ma'i rigs kyi de la 'di ni zhes bya ba la sogs pa gsungs te/ lag pa g.yon pas pad+ma'i khu tshur bcings te/ sbas nas ni zhes bya ba la sogs pa la/ snga ma bzhin du pad+ma'i rigs kyi rnal 'byor byas nas/ phyag bzhi'i mthar thug pa'i cho ga rjes su spyad la/ g.yon pa'i pad+ma khu tshur gos kyi g.yogs te/ snga ma bzhin du rnal 'byor bya'o/ /nor bu'i rigs kyi de la zhes bya ba la sogs pa gsungs te/ g.yon pa'i rin chen khu tshur ni/ zhes bya ba la sogs pa la snga ma bzhin du nyin re zhing lan cig nor bu'i rigs kyi rnal 'byor byas la phyag bzhi'i mthar thug pa'i cho ga rjes su spyad de/ rdzogs par gyur pa dang / g.yon pa'i rin po che'i khu tshur gos kyis g.yogs te/ snying po dang/ phyag rgya dang/ sngags dang/ rig pa rnams las gang yang rung bzlos shing/ rang gi lha'i gzugs su rtag tu bsgom par bya'o/ /da ni rigs thams cad kyi rdo
- 355a
rje'i phyag rgya'i thun mong du bsgrub pa'i cho ga ni de la 'di ni zhes bya ba la sogs pa gsungs te/ phyag rgya chen po'i tshul du ni/ /zhes bya ba las lha'i khyad par gang gi sku'i gsang ba gang yin pa 'di ni phyag rgya chen po ste/ de dang de'i ngo bor bdag nyid bsgom pa'i sbyor ba bya'o/ /de nyid kyi don ni rang gi sems dpa' i ting nge 'dzin zhes bya ba smos te/ lhag ma ni go sla'o/ /dpal de kho na nyid bsdus pa'i 'grel pa de kho na nyid snang bar byed pa las rtog pa thams cad kyi rgyud phyi ma'i phyi ma bshad pa rdzogs so// //de ltar rtsa ba'i rgyud dang phyi ma dang rtog pa thams cad kyi rgyud phyi ma'i phyi ma bshad nas/ nga ni ji skad du bshad pa'i dkyil 'khor rnams su slob ma bcug la/ dbang bskur ba thams cad kyis dbang bskur nas/ snga ma bzhin du lha thams cad gshegs su gsol la sprul pa rnams rang gi lus la bzhugs par byas nas/ mi'i 'jig rten du mngon par byang chub pa'i phyir/ rang gi snying ga'i sems dpa' i rdo rje la mtshan brgya rtsa brgyad pas yang dag par bstod nas/ slob dpon ci bde bar gnas par bya'o/ /zhes bya ba'i don bstan pa'i phyir/ de nas zhes bya ba la sogs pa gsungs te/ de nas zhes bya ba'i sgra ni de ma thag pa ste/ dbang bskur ba'i rjes thogs nyid la/ rjes su gnang ba'i dbang bskur bar bya'o zhes bya ba'i don no/ /phyag na rdo rje zhes bya ba la sogs pa la ni bshad zin to/ /mtshan brgya rtsa brgyad pa 'di gsol ba gdab po zhes bya ba ni bshad ma thag pa'i rdo rje sems dpa' la gsol ba 'debs pa ni chos kyi 'khor lo bskor ba'i don du gnyer ba'o/ /bcom ldan 'das ni rnam par snang mdzad do/ /rdo rje dbyings zhes bya ba ni de bzhin gshegs
- 355b
pa thams cad kyi sku dang/ gsung dang/ thugs kyi rdo rje dbyings nyid ni rgyu yin pa'i phyir rdo rje dbyings so/ /sems dpa' che zhes bya ba ni sems dpa' chen po 'di la mda' bas na sems dpa' chen po'o/ /de bzhin gshegs pa thams cad kyi chos bdag med pa'i ye shes ni 'di yin no zhes bya ba'i don no/ /sems can don zhes bya ba ni sems can gyi don 'di la mda' bas na sems can gyi don de rin po che'i rigs kyi ngo bos sems can gyi don mdzad pa'i phyir ro/ /mchog bdag nyid ces bya ba la mchog ni chos kyi dbyings so/ /de nyid kyi bdag du 'gyur ba 'di la mda' bas na chos bdag nyid do/ /shAkya'i rgyal po zhes bya ba ni shAkya rnams kyi rgyal por 'gyur bas na shAkya'i rgyal po'o/ /ye shes che zhes bya ba ni ye shes chen po 'di la mnga' bas na ye shes che'o/ /thams cad mkhyen pa'i ye shes kyis don thams cad khong du chud pa'i ngo bo ni de bzhin gshegs pa yin no zhes bya ba'i don no// rdo rje bdag nyid ces bya ba ni sku dang/ gsung dang/ thugs rdo rje'i rang bzhin gyi bdag nyid gang yin pa de ni rdo rje bdag nyid de mtshan bdun yin no/ /sems dpa' 'byung ba zhes pa ni rdo rje sems dpa' la sogs pa de las skye ba'o/ / de'i don zhes bya ba ni kun rdzob dang/ don dam pa'i de kho na nyid kyi don ni de kho na nyid yin no/ /sems can rgyu zhes bya ba ni khams gsum pa na spyod pa'i sems can bskyed pa'i rgyu yin pa'i phyir ro/ /tshul chen po zhes bya ba ni tshul yang yin la chen po yang yin pas na tshul chen po ste/ thar pa thams cad thob pa'i lam yin pas so/ /sems can don chen zhes bya ba ni rin po che'i rigs kyi rang bzhin gyi sems can gyi don 'di la mda' bas na don chen no/ /dgos pa'i don
- 356a
'di las kyi dkyil 'khor gyi mchod pa'i ngo bo'i dgos pa la bya ba zhes bya ba ste/ de nyid kyi don 'di la mda' bas na dgos pa'o sems dpa' sems dpa' zhes bya ba ni sems dpa' ni zla ba'i dkyil 'khor yin la/ de'i steng gi zla ba'i dkyil 'khor gnyis pa la sems dpa' sems dpa' zhes brjod de mtshan bdun yin no/ /sangs rgyas chos zhes bya ba ni sangs rgyas rnams kyi chos ni sangs rgyas chos te/ rang bzhin gyis rnam par dag pa'i ting nge 'dzin to/ /chos chen po zhes bya ba ni shes rab ye shes kyi ngo bos thams cad du song bas na chos chen po'o/ /chos kyi 'khor lo zhes bya ba ni dkyil 'khor thams cad kyi ngo bo yin pa'i phyir chos kyi 'khor lo'o/ /rab bskor ba zhes bya ba ni rdo rje sems dpa' la sogs pa'i dkyil 'khor phyogs bcu rab tu bskor bas na rab bskor ba'o/ /smra ba che zhes bya ba ni rdo rje gsung ba'i ngo bos thams cad du song bas na smra ba che'o/ /rang rig mchog ces bya ba ni rdo rje gsung ba'i ngo bos de bzhin gshegs pa thams cad spros pa med pa'i chos la nges par sbyor zhing mchog yin pa'i phyir rang rig mchog go /sems dpa' chen po zhes bya ba ni dag gi spros pa thams cad dang bral ba'i ye shes kyis thams cad du song ba'i phyir rdo rje gsung ba'i ngo bo nyid ni sems dpa' chen po'o/ /las chen zhes bya ba ni rdo rje las kyi ngo bos sangs rgyas kyi sprul pa'i las dang/ sems can gyi don gyi las kyis thams cad du song bas na las chen po'o/ /bsrung ba che zhes bya ba ni phyir mi ldog pa'i ngo bo'i rdo rje bsrung bas phyir mi ldog pa'i brtson 'grus kyi ngo bo rdo rje bsrung ba yin pas na bsrung ba che'o/ /las rnams thams cad ces bya ba ni so sor
- 356b
rtog pa'i brtson 'grus kyi ngo bo thams cad bsrung zhing skyong bar byed pa ni rdo rje gnod sbyin no/ /las rnams thams cad rab bsgrub byed/ /ces bya ba ni rdo rje gnod sbyin gyi gzugs kyi sems can gdug pa rnams 'dul bar byed pas na rab bsgrub pa'o/ / bdag nyid chen po zhes bya ba ni 'khor gsum rnam par dag pa'i mtshan nyid can ni brtson 'grus kyi pha rol tu phyin pa'i bdag nyid rang bzhin 'di la mda' bas na bdag nyid chen po'o/ /'gro spyod mchog ces bya ba ni 'gro ba rnams kyi spyod pa ni sems dpa' i spyod pa ste/ rdo rje sems dpa' la sogs pa'i phyag rgya chen po la spyod pa de rnams las mchog tu gyur pas 'gro spyod mchog ste/ sems dpa' i phyag rgya bcing ba'i brtson 'grus kyi spyod pa de rnams las mchog tu gyur pas ni rdo rje khu tshur ro// sems dpa' rgyu khyod ces bya ba ni rdo rje sems dpa' la sogs pa'i sems dpa' de dag gi rgyu ni rdo rje khu tshur te/ rdo rje sems dpa' la sogs pa'i phyag rgya 'ching ba'i dngos grub bskyed pa'i phyir ro/ /pha rol tu phyin pa kun brnyes pa zhes bya ba la pha rol tu phyin pa kun ni bcu drug go /thob pa ni pha rol tu phyin pa ni thob pa'o/ /thams cad mkhyen pa kun mkhyen to/ /dus gsum gyi don thams cad yongs su mkhyen pa'i phyir ro/ /sems so sor rtog pa las rtog pa'i phyir na ye shes so/ /mkhyen pa ni don thams cad yang dag par mkhyen pas na kun mkhyen pa'o/ /sems dpa' kun zhes bya ba ni khams gsum pa na spyod pa'i sems can gyi khams thams cad kyi rang bzhin no/ /yin pa'i phyir ro zhes bya ba'i don no/ /chos lugs su sprul pa mdzad pa'i phyir na sems can kun no/ /thab chen po 'di la mda' ba na thab chen po'o/ /phyag rgya chen po la sogs pa'i ngo bos tha dad du song ba'i phyir ro/ /shes rab chen po khyod ces bya ba ni shes rab chen po 'di la mda'
- 357a
pas na shes rab chen po ste/ rang bzhin gyis rnam par dag pa'i chos mngon sum du mdzad pa'i shes rab kyi pha rol tu phyin pa'i ngo bos tha dad du song ba'i phyir thugs rje chen po zhes bya ba ni chen po yang yin la thugs rje yang yin pas na thugs rje chen po ste/ dmigs pa med pa'i thugs rje chen po dang ldan pa'i phyir ro/ /mchog gi mchog ces bya ba ni mchog rnams kyi mchog go /thugs rje dang ldan pa rnams kyi nang nas thugs rje chen po mchog yin no zhes bya ba'i don no/ /thugs rje zhes bya ba ni snying rje'i yon tan gyi rang bzhin yin pa'i phyir thugs rje'o/ /thugs rje'i rang bzhin bdag nyid 'di la mnga' bas na byams pa che'o/ /kun mdzad ces bya ba ni sems can gyi don kun mdzad pas na kun mdzad do/ /shAkya seng ge zhes bya ba ni mi dmigs pa bzhi dang ldan pas na seng ges 'jigs pa lta bu mi mnga' bas na seng ge'o/ /shAkya che zhes bya ba ni shAkya'i rigs kyi skye ba yongs su gzung bas na shAkya'i shAkya thub pa zhes bya ba shAkya rnams thub pas na shAkya thub pa ste/ lus dang ngag dang yid thub pa dang ldan pas na thub pa che'o/ /'dul chen po zhes bya ba ni 'dis sems can 'dul bar byed pas na 'dul ba ste/ 'dul ba yang yin la chen po yang yin pas na 'dul ba che'o/ /sems can 'dul bar byed pa thams cad du khyab pa yin zhes bya ba'i tha tshig go khyab pa po zhes bya ba ni bstan pa dang g.yo ba'i dngos po ni bdag nyid du 'gyur ba'i phyir khyab bdag go /'gro don zhes bya ba ni drang ba'i don du gsungs pas na 'gro don no/ /'dul byed du nges pa de rnams la mchog tu gyur pas na 'dul mchog go /brgyad chos dbyings zhes bya ba ni gzung ba dang 'dzin pa spangs pa'i sems ni chos kyi dbyings so/ /mnyam brnyes zhes bya ba la
- 357b
de bzhin gshegs pa dang mnyam pa ste/ de bzhin gshegs pa mngon sum ste/ phyed pa ni mnyam par brnyes pa'o/ /chos kyi dbyings zhes bya ba ni de bzhin gshegs pa'i rang bzhin nyid chos kyi dbyings so/ /de bzhin gshegs pa zhes bya ba ni chos thams cad kyi de bzhin nyid rtogs pa ni de bzhin gshegs pa'o/ /rdo rje mgon po zhes bya ba ni rdo rje sems dpa' la sogs pa de dag gi bdag bde ba chen po'o/ /chen po yang yin la mgon po yang yin pas na mgon po chen po ste/ rnam par snang mdzad chen po'i rang bzhin chos kyi dbyings so/ /sems can tshogs zhes bya ba ni 'jig rten dang/ 'jig rten las 'das pa'i sems can thams cad kyi gzugs su gzung nas bzhugs pa'i phyir ro/ /'od chen po 'di la mda' bas na 'od chen te/ nam mkha' thams cad 'od kyi khyab pa'i phyir ro/ /snang ba che zhes bya ba ni snang ba chen po 'di la mnga' bas na snang ba che/ rdo rje nyi ma ye shes kyi nyi ma'i snang bas phyi nang gi mun pa dang bcas pa gsal bar byed pa'i phyir ro/ /brtson 'grus chen po zhes bya ba ni brtson 'grus chen po 'di la mnga' bas na brtson 'grus chen po ste/ byang chub chen po yongs su sbyong ba'i brtson 'grus de thams cad du khyab pa'i phyir ro/ /stobs che zhes bya ba ni de bzhin gshegs pa'i stobs bcu'i chen po 'di la mnga' bas na stobs chen po'o/ /dpa' chen po ni yin pas na dpa' chen po ste/ so sor rtog pa'i brtson 'grus kyi rang bzhin rdo rje gnod sbyin gzugs bdud bzhi las rgyal ba'i phyir ro/ /rab dpa' mchog ces bya ba ni shin tu dpa' bas rab tu dpa' ste/ de dag gi rab dpa' mchog go /rang bzhin gyis 'od gsal ba'i sku nan tan du byed pa'i brtson 'grus kyi rang bzhin rdo rje khu tshur gyi gzugs kyi khams na spyod pa'i bag chags dang
- 358a
bcas pa'i nyon mongs pa brtsad nas 'don pa'i phyir/ bde spyod ces bya ba la bde ba ni sangs rgyas thams cad kyi bde ba chen po'o/ /de'i bdag nyid du myong zhing spyod pas na bde spyod do/ /dpa' ba khyed ces bya ba ni dpa' ba gzi brjod can te/ bcom ldan 'das rdo rje nyi ma rgyal po thams cad zil gyis gnon pa'o/ /tshangs pa zhes bya ba ni tshangs pas 'dul ba rnams la de'i gzugs ston pa'i phyir ro/ /rang 'byung zhes bya ba ni slob dpon med par thams cad mkhyen pas mkhyen cing rtogs pa'i phyir/ bsod nams ye shes kyi tshogs dang ldan pas bcom ldan 'das zhes brjod la/ de 'di la mnga' bas na bcom ldan 'das so/ /shAkya'i dpa' bo thub chen po/ /zhes bya ba ni shAkya rnams la dpa' bas nas shAkya'i dpa' bo ste/ phyir mi ldog pa'i brtson 'grus kyi chos so/ /de nyid nyan thos dang/ rang rgyal ba dang/ byang chub sems dpa' rnams las khyad par du gyur pas na thub pa che'o/ /kun bdag che zhes bya ba ni dngos po thams cad kyi chos kyi rang bzhin yin pa'i phyir kun bdag go /thub pa zhes bya ba ni gdul bya rnams la thub pa'i gzugs brten pas na thub pa'o/ /dag pa zhes bya ba ni las dang nyon mongs pa'i sgrib pa spangs pas dag pa'o/ /chos rgyal khyod la zhes bya ba ni 'jig rten gsum gyi chos kyi rgyal srid thob pa'i phyir na chos rgyal lo/ /nam mkha' sku ste zhes bya ba ni don dam par gzugs kyi sku med pas na de de bzhin nyid kyi gzugs dang sems can med pa'i sku la nam mkha' i sku zhes bya ste/ sku med pa'o/ /sku'i mchog ces bya ba ni de bzhin nyid kyi ngo bo'i sku la mchog tu gyur pas na sku gsum zhes bya ba ni longs spyod rdzogs pa dang/ sprul pa dang/ chos kyi sku dang ldan pa'i phyir sku gsum mo/ /
- 358b
sku min bsgom pa'o zhes bya ba ni ji skad du bshad pa'i sku gsum chos bdag med pa'i lam gyis bsgoms pas snang ba med pa'i phyir na sku min bsgoms pa'o/ /kun gyi sku zhes bya ba ni ngo bo nyid du rnam par smin pa dang/ longs spyod rdzogs pa dang/ sprul pa'i sku'i gzugs kyi sku yin pa'i phyir kun gyi sku'o/ /sku che ba zhes bya ba ni skus nam mkhar khyab pas sku che'o/ /rdo rje sku zhes bya ba ni rdo rje rtse lnga pa la sogs pa gzugs su gnas pa'i phyir rdo rje sku'o/ /gsung min gsung ste zhes bya ba ni sgra brnyan dang mtshungs par gsung bar mdzad pas na gsung min gsung ngo/ /gsung gi mchog ces bya ba ni ngag gi spros pa thams cad dang bral ba'i ye shes ni gsung gi mchog 'di la mnga' bas na gsung gi mchog go /gsung gsum gsung min ston pa po/ /zhes bya ba ni sku dang/ gsung dang/ thugs kyi gsang ba rnam pa gsum sgra brnyan dang mtshungs pa'i gsung ston pa'o/ /sgra yis gsum gsung med par ston pa po ni 'chad pa'o/ /kun gsung zhes bya ba ni ji ltar mos pa'i sems can gyi khams la skad sna tshogs pas skad re res chos ston pa ni kun gsung ba'o/ /shin tu gsung ba che ba zhes bya ba ni gsung gis nam mkha' i khams thams cad khyab pa'i phyir na shin tu gsung che ba'o/ /rdo rje gsung zhes bya ba ni oM dang swAhA las ma 'das pa'i phyir dang/ lha dang bcas pa'i 'jig rten la de gsungs pa'i phyir rdo rje gsungs/ sems min sems zhes bya ba sems min chos kyi dbyings te/ de nyid kyi sems 'di la mnga' bas na sems can sems so/ /sems kyi mchog ces bya ba ni sems de nyid sems kyi ngo bos sems thams cad las phul du byung bas na sems kyi mchog go /sems gsum sems min ston pa po/ /zhes bya ba la sems gcig ni kun gzhi'i rnam par
- 359a
shes pa dang/ gnyis pa ni nyon mongs pa can gyi yid dang/ sems gsum pa ni mig dang/ rna ba dang/ lce dang/ lus dang/ yid kyi rnam par shes pa'o/ /de dag bdag med pa bstan pa'i phyir sems gsum sems min ston pa'o/ /thams cad sems zhes bya ba ni ji skad du bshad pa'i sems can thams cad de/ bdag nyid rang bzhin du gsal bas na thams cad sems so/ /sems dpa' che zhes bya ba ni rdo rje phra mo'i gzugs su yongs su brtags pa'i sems can gyi khams thams cad khyab pas na sems che'o/ /rdo rje sems zhes bya ba ni rdo rje rtse lnga par yongs su brtags pa'i sems kyi rang bzhin yin pa'i phyir rdo rje sems so/ /de skad du yang/ byang chub sems gang de rdo rje/ /zhes gsungs so/ /rdor min rdor zhes bya ba ni rdo rje rtse lnga pa'i rdo rje med pas na rdo rje yin te/ stong pa nyid kyi rdo rje 'di mnga' bas na dgos min rdo rje rdo rje mchog ces bya ba ni rdo rje yin pa'i rdo rje ngo bo de nyid ni rdo rje'i gzugs thams cad la khyad par du gyur pa'i phyir rdo rje mchog go /rdo rje gsum zhes bya ba ni sku dang/ gsung dang/ thugs rdo rje'i rdo rje gsum ston pa'i phyir na rdo rje gsum mo/ /rdor min ni sbyong zhes bya ba ni so so'i skye bo'i rnal 'byor pa'i lus dang/ ngag dang/ yid rdo rje ma yin pa de dag rdo rje 'dzin pas na rdor min sbyong ngo/ /rdo rje thams cad ces bya ba ni rdo rje'i sgo thams cad du bltas pa'i phyir rdo rje mchod do/ /rdo rje che zhes bya ba ni chos kyi dkyil 'khor gyi rdo rje nam mkha' khyab pas na rdo rje nam mkha' che'o/ /rdo rje zhes bya ba ni rdo rje sems dpa' i phyag na gnas pa'i rdo rje ni'o/ /kun khyab ces bya ba ni chos bdag med pa'i ngo bos chos thams cad du song ba'i phyir kun khyab po/ srid pa'i rtse mo gcig ces bya ba ni 'dod pa dang/ gzugs dang gzugs med
- 359b
pa rnams las rab tu mi gnas pa ni mya ngan las 'das pa'i srid pa'i rtse mo ni yin pa'i phyir/ srid pa'i rtse mo mchog go /bde gshegs mchog po zhes bya ba ni rnam par snang mdzad chen po/ gzugs kyis rnam par snang mdzad la sogs pa ste/ de bzhin gshegs pa rnams kyi bdag po mdzad pas na bde gshegs bdag po'o/ /rgyal ba zhes bya ba 'di ni nyon mongs pa las/ rgyal bar mdzad pas na rgyal ba'o/ /khams gsum zhes bya ba ni 'dod pa dang/ gzugs dang/ gzugs med pa'i khams sprul pas sprul pa na khams gsum mo/ /rgyal po zhes bya ba ni rgyal po chen po bzhi'i gzugs su ston pas rgyal po che'o/ /snang mdzad khyod ces bya ba ni phyogs bcur gzugs khams kyi snang ba ston pas na rnam par snang mdzad do// kun gyis sangs rgyas thob par byed ces bya ba'o/ /phyir mi ldog pa'i sa bon bsags pas sangs rgyas nyid du nges par 'gyur ba yin no zhes bya ba'i don no/ /bla na med pa yang dag par rdzogs pa'i byang chub tu nges par 'gyur bas tshe 'di nyid la de bzhin gshegs pa bla na med pa yang dag par rdzogs pa'i byang chub tu mngon par sangs rgyas par 'gyur ro/ /zhes bstan pa yin par rtogs par bya'o/ /mgon po khyod la gsol ba ni go sla'o/ /chos kyi 'khor lo rab tu bskor zhes bya ba ni gsang sngags kyi theg pa gsungs shig ces bya ba'i tha tshig go /de nas 'di gsungs ma thag ces bya ba ni go sla'o/ /sangs rgyas kyi zhing thams cad na bzhugs pa'i sangs rgyas thams cad dang/ 'jig rten gyi khams na bzhugs pa'i sangs rgyas rnams 'jig rten gyi khams thams cad na/ bzhugs pa'i sangs rgyas dang bcas pa'i sangs rgyas kyi zhing rnams/ de rnams nyid ni sa bla sa steng ni mtho ris kyi mtshan nyid can rnams na'o/ /phyogs bcu'i 'jig rten gyi nam mkha' i khams thams cad khyab pa'i sems can
- 360a
thams cad kyi mdun du rdul phra rab thams cad ji snyed pa'i dkyil 'khor zhes bya ba ni rnam par snang mdzad kyis shAkya thub pa las chos kyi 'khor lo 'jug pa ni sngags kyi theg pas sems can rnams la ston par mdzad do zhes bya ba'i tha tshig go /de nas zhes bya ba la sogs pa ni go sla'o/ /ji ltar sna tshogs 'dul 'gyur ba/ /zhes bya ba ni rdo rje dbyings la sogs pa'i dkyil 'khor du 'jug pa'i skal pa dang ldan pa'i sems can rnams la rnam pa sna tshogs pa'o/ / rdo rje 'khor lo rab tu bskor/ /zhes bya ba ni rdo rje sems dpa' la sogs pa'i rigs kyi dkyil 'khor phyogs bcur sprul nas 'jug pa sngon du 'gro bas sems can rnams la bstan pa yin no zhes bya ba'i tha tshig go /da ni 'di gsungs ma thag tu zhes bya ba la sogs pa ni go sla'o/ /de nas byang chub sems dpa' chen po 'jig rten gsum las rnam par rgyal ba zhes bya ba la sogs pa thams cad go sla'o/ /'di skad ston pa yin te/ rdo rje dbyings la sogs pa de bzhin gshegs pa'i rigs kyi dkyil 'khor bris la slob ma bcug nas/ dbang bskur ba thams cad kyis dbang bskur te/ de bzhin gshegs pa'i dbang bskur bar 'os pa la rnam par snang mdzad kyi phyag rgya chen pos bzhag ste/ bdag nyid rdo rje sems dpa' i nga rgyal bskyed nas/ rdo rje dbyings kyi sems dpa' che/ /zhes bya ba la sogs pa mtshan brgya rtsa brgyad pas bstod nas/ mgon po khyod la gsol ba ni/ /sems can kun la phan pa'i phyir/ /snying rje chen po bskyed nas kyang/ /chos kyi 'khor lo bskor bar mdzad/ /ces sngags kyi theg pa 'chad pa'i de rnams la rjes su gnang ba sbyin par bya'o/ /de nas des rjes su gnang ba thob pa dang/ de bzhin gshegs pa thams cad la bos te/ 'di skad ces brjod par bya ste/ bcom ldan 'das de
- 360b
bzhin gshegs pa thams cad 'dus nas byon par mdzad du gsol zhes bya'o/ /da ni slob dpon gyis de bzhin gshegs pa thams cad kyi nga rgyal yongs su byas nas/ 'jig rten kun las thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /chos kyi 'khor lo rab tu bskor/ /zhes bya ba gang gnang ba gnod par bya'o/ /yang slob dpon gyis rdo rje sems dpa' i phyag rgya bcings te/ dkyil 'khor bri ba'i gnang pa sbyin par bya'o/ /'jig rten kun las thams cad du/ /sems can kun la phan pa'i phyir/ /ji ltar sna tshogs 'dul 'gyur ba/ /rdo rje'i 'khor lo rab tu bskor/ /zhes bya ba brjod par bya'o/ /gang zhig rdo rje sems dpar dbang bskur bar 'os la/ rdo rje sems dpa' i mtshan brgya rtsa brgyad pas bstod la/ dkyil 'khor bri ba'i chos kyi 'khor lo bskor ba'i phyir/ bshad ma thag pa tshigs su bshad pa gnyis kyis rjes su gnang ba sbyin par bya'o/ /de ltar rdo rje rigs kyi dkyil 'khor bris la/ slob ma dbang bskur ba thams cad kyis dbang bskur te/ rdo rje hUM mdzad kyi phyag rgya chen pos bzhag la 'jig rten gsum las rnam par rgyal ba'i mtshan brgya rtsa brgyad pas bstod la/ de'i nga rgyal bskyed de/ sngar bshad pa'i tshigs su bcad pas sngar bshad pa'i rjes su gnang ba byin la/ 'jig rten kun las thams cad du/ /sems can kun la phan pa'i phyir/ /ji ltar sna tshogs 'dul 'gyur la/ /khro bo'i 'khor lo rab tu bskor/ /zhes bya bas rdo rje rigs kyi dkyil 'khor bri ba'i rjes su gnang ba sbyin par bya'o/ /pad+ma'i rigs kyi dkyil? 'khor? bris la/ 'gro ba 'dul ba'i nga rgyal gyis 'dug ste/ slob ma dbang bskur ba thams cad kyis dbang bskur nas/ 'gro ba 'dul ba'i phyag rgya chen pos bzhag la/ 'gro ba 'dul ba'i mtshan brgya rtsa brgyad pas bstod la/ de nyid kyi chos kyi 'khor
- 361a
lo bskor ba'i rjes su gnad ba sbyin par bya ste/ 'jig rten kun la thams cad du/ /sems can kun la phan pa'i phyir/ /ji ltar sna tshogs 'dul 'gyur pa/ /pad+ma'i 'khor lo rab tu bskor/ /zhes bya ba pad+ma'i rigs kyi dkyil 'khor bri ba'i rjes su gnang ba sbyin par bya'o/ /de ltar nor bu'i rigs kyi dkyil 'khor bris la/ snga ma bzhin du dbang bskur ba thams cad kyis slob ma dbang bskur nas/ don thams cad grub pa'i rnal 'byor sngon byas la/ don thams cad grub pa'i phyag rgya chen pos slob ma bzhag ste/ de nyid mtshan brgya rtsa brgyad pas bstod nas/ de nyid kyi chos kyi 'khor lo bskor ba'i rjes su gnang ba sbyin par bya'o/ /'jig rten kun las thams cad du/ /sems can kun la phan pa'i phyir ro/ /ji ltar sna tshogs 'dul 'gyur ba/ /nor bu'i 'khor lo rab tu bskor/ /zhes bya ba nor bu'i rigs kyi rjes su gnang ba sbyin par bya'o/ /de nas byang chub sems dpa' chen po phyag na rdo rje zhes bya ba la sogs pa la de nas zhes bya ba'i sgra ni de ma thag pa ste/ de ltar slob ma la bshad ma thag pa'i rjes su gnang ba'i dbang bskur bas dbang bskur nas dkyil 'khor ji lta ba bzhin gshegs su gsol ba'i rjes thogs la/ byang chub sems dpa' chen po phyag na rdo rje yi sprul pa nye bar bsdu ba'i chags su bcad pa rnam pa 'di brjod par bya'o/ /mi'i nang nas babs nas kyang/ /zhes bya ba ni mi la sogs pa'i sems can rnams kyi mngon par 'dod pa'i dgos pa bsgrub pa'i don du'o/ / mgon pos rab tu bsgrub par mdzod/ /ces bya ba ni dkyil 'khor sprul cing nga rgyal bskyed pa nas brtsams nas/ rnam 'phrul chen po'i rab tu bstan par bya'o zhes bya ba'i tha tshig go/ mi rnams kyi nang du babs nas zhes bya ba ni mi
- 361b
rnams kyi don mdzad pa yin no zhes bya ba'i don no/ /rdo rje 'khor lo mchog bskor zhing/ /zhes bya ba la mchog gi dam pa ste/ theg pa gsum gyis 'dul ba yin no zhes bya ba'i don no/ /de ltar bcom ldan 'das rdo rje sems dpas gsol ba btab nas bcom ldan 'das rnam par mdzad kyi 'khor bsdu ba mdzad pa'i phyir/ de nas yang bcom ldan 'das de bzhin gshegs pa thams cad gcig tu 'dus nas zhes bya ba ni de bzhin gshegs pa thams cad la bskul ba yin no/ /de nas de bzhin gshegs pa thams cad kyis spro ba dang bsdu ba mdzad nas gcig tu 'das te bcom ldan 'das rnam par snang mdzad kyi thugs su zhugs so/ /de nas zhes bya ba la sogs pa la de ltar de bzhin gshegs pa rnams bcom ldan 'das rnam par mdzad la zhugs nas/ de bzhin gshegs pa thams cad kyi sku dang/ gsung dang/ thugs rdo rje'i rang bzhin gyi bdag nyid du chu dang 'o ma bzhin du bsgoms pa'i stobs kyis gcig tu gyur par mkhyen nas so/ /phyag na rdo rje la 'di skad gsungs so zhes bya ba smos te/ phyag na rdo rje ni rdo rje sems dpa' o/ /ci zhig gsungs she na/ rigs kyi bu khyod kyang zhes bya ba smos so/ /de bzhin gshegs pa thams cad ces bya ba ni rnam par snang mdzad la sogs pa de bzhin gshegs pa lnga'i rang bzhin no/ /rdo rje'i ni byang chub tu sems bskyed pa'i rdo rje ste/ de bzhin gshegs pa lnga'i rigs kyi rdo rje'o/ /de skad du yang rigs ni rdo rje dang/ pad+ma dang/ nor bu'i rigs rnams so/ /rdo rje chen po'i rigs ni rdo rje sems dpa' i rigs so/ / dkyil 'khor thams cad ni rdo rje dbyings la sogs pa'i khang bu brtsegs pa'i rang bzhin no/ /de ltar de bzhin gshegs pa thams cad dang rdo rje'i rigs thams cad dang/ rdo rje'i rigs thams cad kyi dkyil 'khor gyi rang bzhin de dag ba'i
- 362a
thugs su zhugs shig pa'o/ /de bzhin gshegs pa thams cad thugs su zhugs par mkhyen nas nan tan du byas ba'i phyir bcom ldan 'das rnam par snang mdzad la gsol ba btab nas/ bcom ldan 'das rdo rje sems dpa' 'chad par 'gyur ba'i de bzhin gshegs pa'i rjes su gnang ba nan tan du byas pa'i tshigs su bcad pa gsungs pa yin no/ /de nas de bzhin gshegs pa thams cad kyi rdo rje sems dpa' byin gyis brlabs nas/ 'dul mdzad de bcom ldan 'das rnam par snang mdzad kyi thugs su zhugs te/ de nas byang chub sems dpa' chen po phyag na rdo rje zhes bya ba la sogs pa la/ de ltar de bzhin gshegs pa rnams bzhugs pa'i rjes thogs nyid las/ rdo rje sems dpa' bcom ldan 'das rnam par snang mdzad kyi thugs su zhugs nas/ de bzhin gshegs pa thams cad dang/ bcom ldan 'das rnam par snang mdzad kyi sku thams cad dang zhes bya ba ni ngo bo nyid kyi sku rnams so/ / gsung thams cad la 'jug pa'i gnas dang zhes bya ba ni yi ge'i gnas rnam pa brgyad de/ snying ga mgrin pa mgo bo dang/ /de bzhin lce yi rtsa ba dang/ /so dang sna yi rjes dang ni/ /mchu dang rkan dang bcas pa'o/ /zhes bya ba 'di dag ni sngags thams cad 'jug pa'i gnas bstan te/ 'di rnams ni gsung thams cad 'jug pa'i gnas su 'gyur ro/ /sems kyi rgyud 'byung ba thams cad dang zhes bya ba ni ji skad du bshad pa'i kun gzhi'i rnam par shes pa la sogs pa'o/ /de dag rgyu dang 'bras bur gyur pa dus gsum pa'i sangs rgyas rnams 'byung ba'o/ /rgyud ni rgyun mi chad pa rgyun chags pa'o/ /de rnams kyi sems kyi rgyun chags pa yin no/ /rdo rje'i tshul thams cad ni de bzhin gshegs pa
- 362b
thams cad kyi'o/ /tshul ni thos pa dang bsam pa dang/ bsgom pa'i shes rab kyis slob pa'i dang tshul/ /yan lag dang /nyid lag dang/ thams cad ces bya ba ni lag pa dang rkang pa sogs pa'o/ /gnas thams cad ces bya ba ni tshogs kyi gnas rnams so/ /mtshan thams cad ces bya ba ni/ skyes bu chen po'i mtshan sum cu rtsa gnyis so/ /dpe byad bzang po thams cad ces bya ba ni dpe byad bzang po brgyad cu'o/ /ba spu'i bu ga thams cad dang/ rdul phra mo snyed kyi dkyil 'khor thams cad ces bya ba ni de bzhin gshegs pa thams cad kyi sku mnga' ba'i thugs kar de rnams bzhugs so zhes bya ba yin no/ /de ni 'di skad ston pa yin te/ slob dpon gyis dkyil 'khor gyi lha gshegs su gsol ba'i rjes thogs nyid la rdo rje sems dpa' i nga rgyal mngon du byas nas/ bcom ldan 'das rnam par snang mdzad sprul pa'i skus ri'i rgyal po ri rab kyi steng du na/ rdo rje dbyings la sogs pa'i dkyil 'khor gyi dbus su bzhugs pa la/ mi yi nang du babs nas kyang/ /dgos phyir sems can kun gyi don/ /rdo rje 'khor lo mchog bskor zhing/ /mgon po rab tu bsgrub pa mdzod ces bya ba la sogs pas gsol ba gdab par bya'o/ /de nas rnam par snang mdzad kyi nga rgyal bskyed la bcom ldan 'das de bzhin gshegs pa thams cad gcig tu 'du bar mdzad du gsol zhes brjod par bya'o/ /de nas de bzhin bshags pa thams cad gcig tu 'dus nas rnam par snang mdzad kyi thugs su zhugs so/ /de nas bcom ldan 'das rnam par snang mdzad kyi nga rgyal bskyed nas/ de bzhin gshegs pa thams cad kyi sku dang/ gsung dang/ thugs rdo rje'i bdag nyid du gyur par lhag par mos par bya'o/ /rigs kyi bu khyod kyang de bzhin gshegs
- 363a
pa thams cad dang/ rdo rje'i rigs thams cad dang/ de bzhin gshegs pa thams cad kyi thugs dang pa'i thugs su zhugs shing ces bya'o/ /mdun na gnas pa'i rdo rje sems dpa' la gsol ba gdab par bya'o/ / de nas rdo rje sems dpa' i nga rgyal bskyed nas/ mdor na sangs rgyas thams cad kyi/ /sku gsung thugs kyi rdo rje la/ /bzhugs nas sems can thams cad la/ /phan pa'i don ni bsgrub par bya/ /zhes bya ba'i tshigs su bcad pa brjod nas 'jig rten gyi khams thams cad kyi rdul phra rab dang mnyam pa'i de bzhin gshegs pa'i gzugs rnams bdag nyid kyis bsam mo/ /de bzhin gshegs pa'i gzugs de rnams kyang rnam par snang mdzad kyi thugs su zhugs so/ /de nas rdo rje sems dpa' i nga rgyal bskyed la/ rnam par snang mdzad kyi thugs kar gnas nas de bzhin gshegs pa thams cad rnam par snang mdzad kyi sku thams cad dang/ gsung thams cad 'jug pa'i gnas dang sems can gyi rgyud 'byung ba thams cad dang/ yan lag dang nyid lag thams cad dang/ mtshan ma thams cad dang/ dpe byad bzang po thams cad dang/ ba spu'i khung bu thams cad dang/ rdul shin tu phra mo snyed kyi sku dang/ gsung dang/ thugs la zhugs nas rnam par snang mdzad kyi rang bzhin du bsam par bya'o/ /de nas zhes bya ba'i sgra ni de ma thag pa ston pa'o/ /sangs rgyas nas ring po ma lon pa zhig ces bya ba ni de bzhin gshegs pa la sogs pa'i rigs thams cad kyi dkyil 'khor thams cad bcug pa'i rjes thogs nyid la de ltar rnam par snang mdzad kyi bdag nyid du rtogs par bya'o zhes bya ba'i don no/ /de bzhin gshegs pa la sogs pa zhes bya ba ni go sla'o/ /de nas ri rab ri'i rtse? mo nas
- 363b
snying bo byang chub la ga na bar gshegs nas zhes bya ba ni mi rnams kyi 'jig rten des ri rab kyi steng gi byang chub kyi snying por 'gro ba mi nus pas na'o/ /de'i tshad du bcom ldan 'das kyis byang chub kyi zhing drung du zhes bya ba ni sprul pa'i skus shAkya'i rigs su skye ba bzhes nas/ bcom ldan 'das shAkya thub pa byang chub kyi shing drung du zhugs ba'o/ /rang nyid byang chub kyi shing drung du bzhugs so zhes bya ba'i don no/ /'jig rten pa dang mthun par bya ba'i phyir zhes bya ba ni don dam par 'og min du mngon par rdzogs par sangs rgyas nas/ 'jig rten pa dang mthun pa'i phyir/ rtsa 'chong bkra shis la zhes pa la sogs pa la rtsa gdan gyi phyir blangs nas ched du brjod pa 'di ched du brjod do/ /e ma'o zhes bya ba la sogs pa la/ e ma'o zhes ba bshad zin to/ /don mchog ces bya ba ni dam pa phul du byung ba'i don no/ /de gang yin zhe na/ sems can don zhes bya ba smos te/ de gang zhig yin zhe na/ sems can kun bstan pa zhes bya ba smos te/ kun la de bstan pas na kun bstan pa ste/ de bzhin du rtogs par bya'o/ /de dag kun la bstan pas ngo mtshar ba ci zhig yod ce na/ gang phyir 'dul dbang brtan pa rnams zhes bya ba smos te/ sems can 'dul ba'i dbang gis so/ /brtan pa rnams zhes bya ba ni dmigs pa thams cad kyis mi g.yo ba'i de bzhin gshegs pa'o/ /mu stegs lta la gnas par mdzad/ /ces bya ba ni mu stegs kyi spyod pa ngan pa la mos pa dang/ dka' thub la mos pa'i mi la sogs pa'o/ /de dag gi lta ba ni dka' ba spyod pa dang/ mi zhim pa'i zas la mos par 'gyur ba'i shes pa gang yin pa de la gnas pa mdzad do/ de dag 'dul ba'i phyir de'i do spyod par rab tu bstan nas/ spong bar mdzad pa ni ngo mtshar ba'o/ /
- 364a
mdor na mi 'dul 'jig rten pa/ /zhes bya ba ni chos bdag med pa'i phan yon rab tu bstan pa'o/ /lta ba ngan pas ldongs pa rnams/ /zhes bya ba ni chad par lta bas ji skad du bshad pa'i ye shes la de ldongs pas na lta ba ngan pa rnams la thams cad nas ldongs pa'o/ /de ni 'di skad ston pa yin te/ lta ba ngan pa can gyi 'jig rten mi 'dul ba rnams sna tshogs pa'i sgo nas 'dul bar mi nus pa la rab tu ba/ zhag nas/ dka' ba spyod ba dang/ sbyod ba ngan pa la gnas bar bya ste/ de'i rjes la dka' ba spyod pa dang/ lta ba ngan pa la spyod pa mi 'dul ba'i 'jig rten rnams chos bdag med pa'i ye shes kyi snang bas rnam par dag par bya ba'i phyir dang/ sa dang po la sogs pa sangs rgyas dang byang chub sems dpa' thob par 'gyur ba'i phyir/ mngon par rdzogs par sangs rgyas nas/ mngon par byang chub bston par byed pa yin zhes bya ba'i tha tshig go /de nas 'dod pa spyod pa'i lha rnams kyis bcom ldan 'das kyi de kho na nyid ma shes nas zhes bya ba ni bcom ldan 'das 'og min du mngon par rdzogs par sangs rgyas nas/ yang 'jig rten pa dang rjes su mthun pa'i phyir sprul pa'i skus mngon par sangs rgyas pa ston bar byed pa de kho na nyid mi shes pa brjod cing smra ba yin no/ /ci zhig smra zhe na ji skad du/ kye dge sbyong ci byang chub kyi phyir 'di lta bu'i sdug bsngal ba/ mi bzad pa zhes bya ba la sogs pa smos te/ dka' ba las byung bas na drag po'o/ /mi mthun par gyur pas na mi bzang pa'o/ /grogs po rnams kho bos byang chub thob par bsgrubs shig ces bya ba ni bsgrub pa don du gnyer ro zhes bya ba'i don no/ /ci'i phyir de skad du gsungs
- 364b
she na/ mchog sbyin pa'i mngon par zhen pa spangs pa'i phyir ro/ /de nas 'dod pa na sbyong pa'i lha rnams zhes bya ba nas brtsams te/ de'i gtam rgyud byas pa la thug ba'i gzhung gis lha rnams kyang byang chub pa yongs su shes pa med pa dang/ mchog sbyin par mi nus par bstan pa yin no/ /da ni 'di skad ston pa yin te/ byang chub sems dpa' zhes bya ba'i sgra'i don yang lha rnams kyis mi shes na/ ci'i phyir byang chub ster bar nus zhes bya'o/ /de nas 'jig gsum po mdza' dag gis dbang phyug chen po zhes bya ba la sogs pa ni go sla'o/ /grogs po rnams la kho bo la bla na med pa yang dag par rdzogs pa'i byang chub smin par bsgrubs shig ces bya ba la sogs pa ni lha'i bdag po rnams kyis kyang mchog ster bar mi nus par bstan to/ /bcom ldan 'das bdag gis byang chub stsol bar mi nus so zhes bya ba ni byang chub kyi yongs su me shes so zhes bya ba'i don no/ /gang thos pa dang bsam pa'i shes pa gang gis byang chub shes pa yin no zhes bya ba'i tha tshig go /bdag cag nyid mngon par rdzogs par 'tshang rgya bar 'gyur ro zhes bya ba ni lha rnams kyang mngon par 'dod pa'o/ /de ltar lha rnams la brtags par mdzad nas/ bcom ldan 'das kyis bden par gsungs gi na/ de ni gzugs min gzugs la min zhes bya ba la sogs pa la/ byang chub ni gzugs kyi phung po'i rang bzhin ma yin pa dang/ tshor ba dang/ 'du shes dang/ 'du byed dang/ rnam par shes pa'i phung pa'i rang bzhin gzugs med pa ni byang chub ma yin no/ bden min zhes bya ba ni 'phags pa'i bden pa bzhi'i rang bzhin yang ma yin no/ /rdzun min zhes bya ba ni mgal me'i 'khor lo la sogs pa'i rdzun pa'i rang bzhin ma yin no/ /gal te de ltar gzugs kyi
- 365a
phung po la sogs pa'i rang bzhin byang chub ma yin na/ /de ltar 'on te ci 'dra ba zhig yin zhe na/ gtsang ma zhes bya ba smos te/ gzung ba dang 'dzin pa'i rnam par rtog pa spangs pa gnyis su med pa'i sems dang/ sems las byung ba'i rang bzhin ni zhes bya ba'i don no/ /sangs rgyas byang chub ces bya ba ni sangs rgyas kyi byang chub ni sangs rgyas kyi byang chub ste/ dag pa'i ngo bo yin pa de ni sangs rgyas kyi byang chub yin no zhes gsungs so/ /ye shes 'di brtags na rgyal ba nyid du gyur zhes bya ba ni chos thams cad dngos po med par nges pa'i phyir de nyid ni ye shes te/ ye shes 'di zhes bya'o/ /mngon sum du byas nas rtogs pas nyon mongs pa thams cad spangs nas rnal 'byor pa de bzhin gshegs par 'gyur ro/ /de nas lha'i dbang po zhes bya ba la sogs pa ni de ltar byang chub kyi don bstan pas lha'i bdag po byang chub kyi don ni sems dngos po med par shes pa/ mngon par rdzogs par byang chub pa mngon sum du byed par 'dod pas yang dang yang mngon sum du byas nas/ cang mi smra bar gnas par 'gyur ro/ /de nas zhes bya ba la sogs pa la/ de ltar byang chub kyi don mngon sum du byas shing gnas pa'i lha'i bdag po rnams la/ byang chub kyi don shes pa med na/ byang chub snying por rtswa'i gdan la 'dug nas/ byang chub par mi 'gyur ro zhes rnam par rtog pa bskyod pa'i phyir rtsa'i gdan de las bzhengs te/ de dag gi mngon pa'i nga rgyal gzhom pa'i phyir/ bcom ldan 'das kyis lha rnams la 'di skad ces bka' stsal to/ /grogs po rnams sangs rgyas kyi ye shes 'di lta bu sgrub par gyis shig /de dag
- 365b
gis gsol ba/ bcom ldan 'das byang chub ster bar rdo mi thogs lags so/ /gal te kho na cag gis byang chub kyi don shes na gdan bting ba la de bzhin du 'dug nas/ rim pa bzhin du khong du chud cing yongs su shes par gyur nas kho bos mi nus shes par bya bar bsams so/ /go rim bzhin du rtogs shing yongs su shes par khong du chud par 'gyur ba yin no mnyam pa'i mngon pa'i nga rgyal spang ba'i phyir/ bcom ldan 'das kyis yid kyis rab tu rtogs pas na/ zhes bya ba la sogs pas gsungs so/ /oM tsit+ta pra ti be taM ka ro mi zhes brjod cing/ sems so sor rtog pa bsgom pa'i phyir/ byang chub sems zhes bya ba ni/ oM bo d+hi tsit+ta utpa ta ya mi zhes bya ba byang chub kyi sems bsgom par bya'o/ /brtan par byas shes bya ba ni/ oM tiSh+Tha badzra zhes bya ba de kho na nyid kyi sems brtan par byed pa'o/ /sems dpa' i rdo rje brtan byas nas/ zhes bya ba ni/ oM badzra At+ma ko haM zhes bya bas zla ba'i dkyil 'khor gyi steng du rdo rje'i bdag 'di brtan par bya'o/ /sangs rgyas su ni bdag bsgoms shig /ces bya ba ni rdo rje 'gyur ba'i rang gi sems te/ oM ya tha sarbba ta thA ga ta sta tha a haM zhes brjod cing/ sangs rgyas kyi gzugs su bdag nyid bsgom par bya'o/ /de dag gis de lta bu lags shes smras nas dong ngo/ /de ltar byas pa nyid da ltar bla na med pa yang dag par rdzogs pa'i byang chub du byed par khyed kyis nus par 'gyur ro/ /bsod nams dang ye shes kyi tshogs bsgom pa kho nas mngon par byang chub par 'gyur ro/ /yon tan thams cad dang ldan pa'i phyir ro zhes bya bar dgongs so/ /de nas zhes bya ba la sogs pa la/ de nas ni skabs su bab pa'o/ /de ltar lha'i
- 366a
bdag po rnams la sangs rgyas pa'i gdams ngag bstan nas/ 'jig rten dang thun par bya ba'i phyir rang gi bsgom pa'i mthus bdud pham par byas nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /de ltar bcom ldan 'das mngon par rdzogs par sangs rgyas nas rang gi snying gar zla ba rdo rje'i gzugs la/ rdo rje sems dpa' sems dpa' che/ zhes bya ba la sogs pas bstod pa yin te/ rdo rje sems dpa' zhes bya ba ni snying po rang bzhin khyod yin no zhes gsungs pa yin no/ /sems dpa' che zhes bya ba ni spro ba dang bsdu ba'i sgo nas so/ /theg pa che zhes byang chub sems dpa' i rang bzhin 'bras bu dang bcas pa yin no/ /bdag nyid che zhes pa ni bdag nyid chen po 'di la mda' bas na bdag nyid che/ snang ba chen po bya ba spros pa dang bsdu ba'i sgo nas so/ /mgon po che zhes bya ba ni rnam par snang mdzad chen po'i ngo bos sangs rgyas dang byang chub sems dpa' rnams la mgon pos mdzad pas na mgon po che'o/ /rdo rje rgyal po zhes bya ba ni rdo rje rgyal po snying po'i sgo nas so/ /rdo rje che zhes bya ba ni rdo rje lcags kyu la sogs pa spro ba dang bsdu ba'i sgo nas so/ /rdo rje zhes bya ba ni thugs ka'i sems dpa' i sgo nas so/ /de bzhin gshegs pa kun zhes bya ba ni de bzhin gshegs pa thams cad 'dren pa'i lam gyis thams cad 'dren pa'i las kyis thams cad du khyab pa'i phyir ro/ /brtson 'grus che zhes bya ba ni bsdu ba'i dngos po bzhi dang bcas pa'i las thams cad khyab pa'i brtson 'grus che'o/ /thabs chen po zhes bya ba ni gzhal du med pa 'gugs pa'i rang bzhin yin pa'i phyir thabs chen po ste mtshan bdun
- 366b
no/ /rdo rje 'dod pa zhes bya ba ni rdo rje sems dpa' i snying po'i sgo nas so/ /dag pa che zhes bya ba ni chos bdag med pa'i chags pa'i ngo bos bag chags dang bcas pa nyon mongs pa spangs pa'i dag pa che'o/ /kun gyi bde ba zhes bya ba ni 'jig rten dang 'jig rten las 'das pa'i rang bzhin yin pa'i phyir gyi bde ba'o/ /bde ba che zhes bya ba ni dngos po dang dngos po med pa'i dpyad pa dang bral bas bde ba chen po'i rnam par thar pa'o/ /bde mchog ces bya ba ni bde ba chen po'i ngo bos thams cad mchog tu gyur pa'i phyir ro/ /thog ma dang tha ma med pa zhes bya ba ni bshad zin to/ /bzhad chen zhes bya ba ni bcom ldan 'das rdo rje sems dpa' o zhes gsungs pas na mtshan bdun no/ /rdo rje legs pa zhes bya ba ni snying po'i sgo nas so/ /dgyes pa che zhes bya ba ni spro ba dang bsdu ba'i sgo nas so/ /legs zhes bya ba ni legs par byed ces rang bzhin no/ /rab dgyes pa zhes bya ba ni de bzhin gshegs pa la sogs pa dang/ sems can rnams yid bde ba bskyed par mdzad pa'i phyir rab dgyes pa'o/ /mnyes pa che zhes bya ba ni yid bde ba'i rang bzhin gyis thams cad khyab pa'i phyir mnyes pa che'o/ /dgyes pa che zhes bya ba ni yid bde ba'i rang bzhin gyis thams cad du khyab pa'i phyir mnyes pa che'o/ /dgyes pa che zhes bya ba ni yid bde ba bskyed pas thams cad du khyab pa'i phyir dgyes pa che'o/ /rab dgyes khyod ces bya ba ni sems can rnams la rab tu dgyes pa shin tu bskyed pa'i phyir na rab dgyes khyod de mtshan bdun yin no/ /rdo rje rin chen zhes bya ba ni snying po'i sgo nas so/ /rgyal po che zhes bya ba ni khams gsum pa'i chos kyi rgyal srid thob pas na rgyal po che'o/ /dbang bskur bzang po zhes bya ba
- 367a
ni dbang bskur ba bzang po 'di la mda' bas na dbang bskur bzang po'o/ /nam mkha' dang mnyam pa'i ye shes kyi bdud rtsi'i chus khams gsum pa na spyod pa'i bag chags dang bcas pa'i nyon mongs pa'i dri ma 'khrud par byed do zhes bya ba'i don no/ /bdag po che zhes bya ba ni rin po che'i rigs kyi rang bzhin gyi sbyin pa'i bdag po ni sbyin bdag chen po ste/ 'khor los sgyur ba chen po yin pa'i phyir/ rin chen thams cad ces bya ba ni nor bu'i rigs thams cad kyi rin po che'i rang bzhin yin pa'i phyir/ rin chen thams cad do/ /mdzes pa che zhes bya ba ni rin po che'i rigs kyi rang bzhin gyis sems can thams cad mdzes pa chen por byed pas na mdzes pa che'o/ /rnam rgyan khyod ces bya ba ni rin po che'i cod pan la sogs pa'i rgyan thams cad kyis sems can thams cad rnam par brgyan par byed pa'i phyir rnam brgyan de mtshan bdun no/ /rdo rje gzi brjid che zhes bya ba ni snying po'i sgo nas so/ /gzi brjid che zhes bya ba ni spro ba dang bsdu ba'i sgo nas so/ /'od che zhes bya ba ni 'od kyis nam mkha' i khams thams cad khyab pas na 'od che'o/ /lham me chen po ste zhes bya ba ni de bzhin gshegs pa la sogs pa thams cad gsal ba 'di la mda' ba lham me chen po'o/ /rgyal po'i 'od ces bya ba ni de bzhin gshegs pa'i 'od kyi ngo bo yin pa'i phyir ro/ /'bar ba chen po 'di la mda' bas na 'bar ba che'o/ /sangs rgyas 'od? zhes bya ba ni rdo rje sems dpa' la sogs pa'i sangs rgyas de dag gi 'od kyi ngo bo yin pa'i phyir te mtshan bdun yin no/ /rdo rje rgyal mtshan zhes bya ba ni snying po'i sgo nas so/ /rdo rje dpal zhes bya ba ni spro ba dang bsdu
- 367b
ba'i sgo nas so/ /rgyal mtshan che zhes bya ba ni sangs rgyas rnams kyi rgyal mtshan chen po yin pa'i phyir rgyal mtshan che'o/ /nor rab gtong zhes bya ba ni sems can thams cad la yid bzhin gyi nor bu'i rgyal mtshan btsugs nas rin po che sna bdun la sogs pa'i nor ster bas na nor rab gtong ngo/ /nam mkha' i rgyal mtshan zhes bya ba ni nam mkha' dang mnyam pa nyid kyi ye shes las byung bas nam mkha' i rgyal mtshan no/ /yu ba che zhes bya ba ni sangs rgyas dang byang chub sems dpa' i mchod sdong chen po ni yu ba che ste/ byang chub sems dpa' chen po rdo rje dpal gyi sku'o/ /gtog pa'i rgyal mtshan zhes bya ba ni yid bzhin gyi nor bu'i rgyal mtshan gyi don thams cad gtong bas na gtong pa'i rgyal mtshan te mtshan bdun no/ /rdo rje bzhad pa zhes bya ba ni snying po'i sgo nas so/ /gzhad pa che zhes bya ba ni spro ba dang bsdu ba'i sgo nas so/ /dgyes pa che zhes bya ba ni yid bde ba dpag tu med pa'i rgyur gyur pas na dgyes pa che'o/ /rab dgyes che zhes bya ba ni yid bde ba bskyed par byed pas na rab dgyes ma'o/ /dgyes pa'i shugs zhes bya ba ni rtog pa med pa dga' ba'i rgyun 'byung ba yin pa'i phyir dgyes pa'i shugs so/ /rol shing dgyes zhes bya ba ni byang chub sems la dga' zhing mgu bas na rol zhing dgyes so/ /chos dgyes khyod ces bya ba ni sangs rgyas kyi chos stobs dang/ mi 'jigs pa'i yul la chos kyis mgu bas na chos kyis dgyes pa ste mtshan bdun yin no/ /rdo rje chos shes bya ba snying po'i sgo nas so/ /thams cad chos zhes bya ba ni chos thams cad rang bzhin gyis rnam par dag pa'i ting nge 'dzin gyi ngo bo yin pa'i phyir thams cad chos so rab sbyong ba zhes bya ba ni chos thams cad rang bzhin gyis
- 368a
ting nge 'dzin de nyid kyis sems can gyi khams shin tu sbyong bas na sbyong ba'o/ /sangs rgyas chos zhes bya ba ni sangs rgyas rnams chos te/ chos thams cad rang bzhin gyis rnam par dag pa'i de bzhin gshegs pa'i ting nge 'dzin gyis ngo bos/ chos rab mchog ces bya ba ni chos thams cad rnam par dag pa'i ting nge 'dzin gyi ngo bo nyid kyis chos thams cad las phul du byung ba yin pas na chos rab mchog go /'dod chos zhes bya ba ni dmigs pa med pa'i thugs rje chen po'i 'dod pa de'i chos ni pad+ma'i rigs te mtshan bdun no/ /rdo rje rnon po zhes bya ba ni snying po'i sgo nas so/ /ral gri zhes bya ba ni spro ba dang bsdu ba'i sgo nas so/ /shes rab ye shes pa zhes bya ba ni chos thams cad bdag med par nges pa'i ngo bo yin pa'i phyir na shes rab ye shes so/ /blo gros che zhes bya ba ni de nyid kyi ye shes chen pos thams cad du song ba'i phyir blo gros che'o/ /sdig gcod ces bya ba ni shes rab ye shes kyis sems can thams cad kyi 'dod chags la sogs pa'i nyon mongs pa'i 'ching ba gcod par mdzad pas na sdig gcod do/ /ral gri chen po zhes bya ba ni shes rab kyi ye shes kyi ral gris thams cad du song ba'i phyir ral gri che'o/ /sangs rgyas mchog khyed ces bya ba ni shes rab ye shes kyi ral gri chen po'i ngo bo de yang sangs rgyas bcom ldan 'das rnams kyi mtshon cha yin pas na sangs rgyas mtshon cha ste mtshan bdun yin no/ /rdo rje rgyu zhes bya ba ni snying po'i sgo nas so/ /'khor lo che zhes bya ba ni 'khor lo'i phyag rgyas spro ba dang bsdu ba'i sgo nas so/ /sangs rgyas 'khor lo zhes bya ba ni 'khor lo'i phyag rgya'i ngo bo de sangs rgyas rnams kyi yin pas na sangs rgyas
- 368b
'khor lo'o/ /gter chen po zhes bya ba ni rdo rje dbyings la sogs pa'i dkyil 'khor gyi ngo bos zad mi shis pa'i phyir na gter chen po'o/ /dkyil 'khor kun zhes bya ba ni rdo rje dbyings la sogs pa'i dkyil 'khor thams cad kyi ngo bo yin pas na dkyil 'khor kun no/ /chos kyi mchog ces bya ba ni mdo sde thams cad kyi chos kyi tshul las dkyil 'khor gyi ngo bo mchog tu gyur pa'i phyir/ chos kyi mchog go /chos kyi 'khor lo zhes bya ba ni rdo rje sems dpa' la sogs pa'i dkyil 'khor gyi gzungs kyi gdul bya'i skye bo'i rgyud la 'pho bar byed pas chos kyi 'khor lo ste mtshan bdun yin no/ /rdo rje gsung ba zhes bya ba ni snying po'i sgo nas so/ /gsung ba che zhes bya ba ni spro ba dang bsdu ba'i sgo nas so/ /spros med ces bya ba ni sems can thams cad kyi dag gi rnam par rtog pa dang bral ba'i ye shes kyi ngo bo yin pa'i phyir spros pa med do/ /yi ge chen po zhes bya ba ni spros pa med pa'i ye shes kyi ngo bo gsungs pa'i phyir na ye shes chen po'o/ /yi ge med ces bya ba ni spros pa med pa'i ye shes kyi ngo bos ma la sogs pa'i yi ge rnams spangs pa'i phyir yi ge med pa'o/ /bzlas pa che zhes bya ba ni lce'i phyag rgyas nam mkha' thams cad khyab pa'i phyir bzlas pa che'o/ /sangs rgyas gsung zhes bya ba ni lce'i phyag rgya de yang sangs rgyas rnams kyis gsungs pa yin pas na sangs rgyas gsung ste mtshan bdun yin te/ rdo rje las zhes bya ba ni snying po'i sgo nas so/ /las rab mchog ces bya ba ni dge ba rnams kyi las yin pas na rab ste/ sangs rgyas kyi sprul pa dang/ sems can gyi don byed pa'i mtshan nyid de ni mchog yin pas na las rab mchog go /las chen zhes bya ba ni spro ba dang bsdu ba'i sgo nas so/ /
- 369a
las rab byed pa ste zhes bya ba ni ma lus shing lus pa med pa'i sangs rgyas mchod pa'i mtshan nyid kyi dgyes pa'i las byed pas na las rab byed do/ /gsang ba'i mchod pa ces bya ba ni rtsom pa'i brtson 'grus kyis bsgrub pa'i rang gi mchod pa yin pa'i phyir gsang ba'i mchod pa'o/ /mchod pa che zhes bya ba ni rtsom pa'i brtson 'grus kyi las kyis thams cad du khyab pa'i phyir na mchod pa che'o/ /sangs rgyas mchod pa zhes bya ba ni rtsom pa'i brtson 'grus kyi mchod pa'i las kyi ngo bo de yang sangs rgyas rnams kyi yin pa de bas na sangs rgyas mchod khyod ces bya ba ste mtshan bdun yin no/ /rdo rje bsrung ba zhes bya ba ni snying po'i sgo nas so/ /go cha che zhes bya ba ni go cha'i phyag rgya sgro ba dang bsdu ba'i sgo nas so/ /go cha mchog ces bya ba ni dbyer mi phyed pa'i go cha'i ngo bo ni go cha'i phyag rgya rnams las mchog tu gyur pas na go cha mchog ces bya'o/ /brtan pa che zhes bya ba ni brtan pa yang yin la chen po yang yin pas na yongs su sbyong ba'i brtson 'grus kyi ngo bos bla na med pa yang dag par rdzogs pa'i byang chub las phyir mi ldog pa'i phyir na brtan pa che'o/ /srung ba che zhes bya ba yongs su sbyong ba'i brtson 'grus kyi ngo bos thams cad du khyab pa'i phyir na bsrung che'o/ /bdud chen po zhes bya ba ni yongs su sbyong ba'i brtson 'grus kyi ngo bo nyid kyis sems can thams cad kyi rgyud la bla na med pa yang dag par rdzogs pa'i byang chub kyis sems kyi phyir phyogs pas gsod bas na bdud chen pa'o/ /sangs rgyas pa brtson 'grus zhes bya ba ni sangs rgyas bcom ldan 'das rnams kyi dgongs pas de'i yang bdud chen po'i ngo bor gyur pas na sangs rgyas brtson 'grus te/ mtshan bdun yin no/ /rdo rje gnod sbyin zhes bya
- 369b
ba ni snying po'i sgo nas so/ /khro bo che zhes bya ba ni spro ba dang bsdu ba'i sgo nas so/ /ma rungs thams cad ces bya ba ni ma rungs pa'i bdud skrag par byed pa'i phyir dang/ ma rungs thams cad ces bya ba ni ston pa'i phyir na ma rungs pa thams cad do/ /skrag byed pa zhes bya ba ni de bzhin gshegs pa la sogs pa sems can gyi khams thams cad kyi rdo rje gnod sbyin gyis 'jigs pa chen po'i gzugs bzlog par byed pa'i phyir skrag byed pa'o/ /sangs rgyas kun zhes bya ba ni sangs rgyas bdag nyid yin pa'i phyir na sangs rgyas kun no/ /thabs chen po zhes bya ba ni chos thams cad rang bzhin gyis 'od gsal ba yin no zhes so sor rtog pa'i brtson 'grus kyi bdud bzhi 'joms par byed pas na thabs chen po'o/ /mchog ces bya ba ni bshad ma thag pa'i so sor rtog pa'i brtson 'grus ni gzhan la mchog tu gyur pa'i phyir na mchog go /gnod sbyin zhes bya ba ni rang bzhin gyis 'od gsal ba'i so sor rtog pa'i brtson 'grus kyis bdud bzhi za bas gnod sbyin te mtshan bdun no/ /rdo rje mtshams sbyor zhes bya ba ni snying po'i sgo nas so/ / phyag rgya zhes bya ba ni 'od gsal bsgrubs pa'i brtson 'grus kyis mngon sum du byas pa'i ngo bos sems can rnams la rgyas 'debs pas na phyag rgya che'o/ /dam tshig chen po zhes bya ba bshad ma thag pa'i phyag rgya chen po'i gzugs nyid kyis thams cad du khyab pa'i phyir dam tshig che'o/ /bcing ba che zhes bya ba ni de bzhin gshegs pa thams cad kyi sku dang gsung dang thugs kyi phyag rgya rnams dam tshig chen po'i ngo bo gcig tu byed pas na 'ching ba che'o/ /khu tshur zhes bya ba ni bshad ma thag pa'i ngo bos thams cad du khyab pa'i phyir khu tshur chen po'o/ /phyag rgya mchog ces bya ba ni dge ba'i phyag rgya ni bzang po'i phyag rgya ste/ sangs rgyas dang byang chub sems dpa' thams cad kyi sku dang/ gsung dang/ thugs kyi phyag rgya'o/ /rdo rje khu tshur gyi
- 370a
ngo bos de rnams la khyad par du gyur pas na mchog go /rdo rje khu tshur zhes bya ba ming gi dbang bskur ba'i sgo nas te mtshan bdun yin no/ /de bzhin gshegs pas bya zhing zhes pa la sogs pa ni go sla'o/ /brjod de mchod de bsti stang bya/ zhes bya ba ni bsti stang du bya ba bzang po 'di la mnga' bas na bsti stang bya'o/ /'dir bsti stang du bya ba ni shin tu gus shing bsti stang bya ba de dag phul du byung bar gnas pa'i phyir mchod de bsti stang du bya'o/ /lhag ma ni go sla'o/ /'di skad ston pa yin te/ de ltar dkyil 'khor gyi lha sprul pa thams cad bsdu ba mdzad nas ri rab kyi rtse mo yongs su btang nas/ 'og min gyi gnas su lhan cig tu gyur par bdag nyid bsam par bya'o/ /slob dpon gyis de nas dga' ldan gyi gnas su dam pa tog dkar po sprul nas chos ston par mdzad pa yin no/ /de nas shAkya'i rigs su dga' ldan na spyod pa'i lha'i bu shi 'phos nas shAkya'i rigs su skyes par mdzad nas/ dga' spyod pa'i mthar thug pa dang/ don thams cad grub pa'i spyod pa btang nas byang chub chen por drung du gshegs pa yin no/ /shis pa la sogs pa'i rtsa'i gdan blangs nas/ e ma'o sems can bstan pa yi/ /sems can don ni bdag don mchog /gang phyir 'dul dbang bstan pa rnams/ /mu stegs lta la gnas par mdzad/ /mdor na mi 'dul 'jig rten pa/ /lta ba ngan pas mdongs pa rnams/ /ye shes snang bar dag bya'i phyir/ /sangs rgyas byang chub thob par 'gyur/ /de nas 'dod pa'i lha rnams la 'di skad du/ kye dge sbyong ci byang chub kyi phyir 'di lta bu'i sdug bsngal rnams kyis dga' ba bskyed par mdzad dam zhes gsol nas/ bdag nyid la bskul bar bsam par bya'o/ /de nas rtsa'i gdan gting ste/ steng du bzhugs
- 370b
nas lha rnams 'di skad ces bka' stsal to/ /grogs po rnams kho bos byang chub thob par bsgrubs shig /yang dbang phyug chen po la sogs pa'i lha rnams kyi snying po byang chub ga na ba der song nas/ zhabs la spyi bos phyag byas te/ 'di skad ces gsol to/ /bcom ldan 'das bdag la thugs brtse bar dgongs te/ rang gi gdan 'di las bzhengs la lha rdzas kyi gdan la bzhugs te/ bla na med pa yang dag par rdzogs pa'i byang chub tu mngon par rdzogs par sangs rgyas par mdzad du gsol zhes smra bar bsam par bya'o/ /de nas de dag la 'di skad ces bka' stsal to/ /grogs po rnams kho bos bla na med pa yang dag par rdzogs pa'i byang chub smin par bsgrubs shig /de nas de dag gis 'di skad ces gsol to/ /bcom ldan 'das bdag cag gis byang chub stsol bar mi nus so/ /ci ste bdag cag gis nus par mi 'gyur na/ da lta bdag nyid yang dag bar rdzogs pa'i sangs rgyas su 'gyur ro zhes smra bar bsam par bya'o/ /de nas de dag gi don de nyid gsal bar mdzad pa ni/ de ni gzugs min gzugs med min/ /bden min rdzun min gtsang ba yi/ /sangs rgyas byang chub ye shes 'di/ /rtogs na rgyal ba nyid du 'gyur/ /de nas lha'i bdag po rnams kyis byang chub pa'i don mngon sum du byas par bsam par bya'o/ /rtsa'i gdan de las bzhengs te grogs po rnams sangs rgyas kyi ye shes 'di lta bu rtogs par bya ba'i phyir bsgrubs shig /de dag gis gsol ba/ bcom ldan 'das de skad ces bka' stsal ba de bsam par rngo mi thogs lags so/ /de yang gdan de nyid las bzhugs pa bzhin du tshigs su bcad pa mngon par byang chub pa lnga bsgoms pa'i gdams ngag de dag rab tu bstan te/ yid kyis rab tu brtags bas na/ /byang chub sems ni brtan par byas/ /sems dpa' rdo rje
- 371a
brtan byas la/ /sangs rgyas su ni bdag bsgoms shing/ /de nas de dag gis de lta bu legs so zhes khas blangs nas dong bar bsam mo/ /mtshan mo de nyid kyi tho rangs bdud pham par byas nas/ bla na med pa yang dag par rdzogs par sangs rgyas par bsam par bya'o/ /snying ga na gnas pa'i rdo rje sems dpa' la/ rdo rje sems dpa' sems dpa' che/ /zhes bya ba la sogs pa'i mtshan brgya rtsa brgyad pa 'dis bstod par bsam par bya'o/ /de nas phyag na rdo rje zhes bya ba ni rnam par snang mdzad kyi thugs ka na gnas pa'i rdo rje sems dpa' o/ /de bzhin gshegs pa thams cad gcig tu 'dus te zhes bya ba ni 'og min gyis gnas na longs spyod rdzogs pa'i sku ston pa'i de bzhin gshegs pa gang yin pa de thams cad kyis bcom ldan 'das rnam par snang mdzad dang gsung gcig tu legs so zhes bya ba rab tu byin no/ /lag gnyis legs par byed pa'i phyag rgya bcings te/ rdo rje sems dpa' khyod phyag 'tshal zhes bya ba la sogs pas legs so zhes gsungs so/ /de'i don 'di skad ston pa yin te/ de la mi rnams kyis mngon par byang chub pa ni 'di ltar rnam par bsams te/ rnal 'byor pa sprul pa'i skus mi rnams kyi shAkya thub pa'i shugs kyis rab tu zhugs pa yin la/ 'og min du rnam par snang mdzad dang bdag nyid lhan cig tha mi dad par bsams nas snying ga na gnas pa'i rdo rje sems dpa' la mtshan brgya rtsa brgyad pas bstod nas/ yang legs so zhes bya ba'i phyag rgya bcings nas/ rdo rje theg pa bla na med/ /de bzhin gshegs pa kun gyi gsang/ /theg pa chen po mngon 'dul ba'i/ /mdo sde legs par bshad pas na/ /rdo rje sems dpa' khyod legs so/ /rdo rje rin chen khyod legs so/ /rdo rje chos ni khyod legs so/ /rdo rje las ni khyod legs so/ /de
- 371b
bzhin gshegs pa thams cad dang bcas pa dgyes par 'gyur ro/ /de nas rdo rje sems dpa' i gtsug tor dang/ rdo rje bsrung ba dang/ rdo rje gnod sbyin dang/ rdo rje khu tshur gyi phyag rgya rnams kyis bdag nyid yang dag par bsrungs la/ rdo rje sems dpa' sems dpa' che/ /zhes yang dang yang du brjod cing ji ltar mngon par 'dod pa'i dge ba'i phyogs byed cing gnas par byed pa'o/ /bcom ldan 'das kyis de skad ces bka' stsal pa dang/ de nas rdo rje sems dpa' thams cad kyis sangs rgyas kyi zhing 'di dag thams cad dper na til gyi gang bu bzhin du yongs su gang bar gyur to zhes bya ba nas brtsams nas/ rdo rje theg pa bla na med/ /de bzhin gshegs pa kun gyis gsang/ /theg pa chen po mngon bsdus pa/ /mdo 'di legs par bshad pa'o/ /zhes bya ba'i bar du'o/ /de ltar de bzhin gshegs pa thams cad kyi de kho na nyid bsdus pa zhes bya ba theg pa chen po'i mdo gang yin pa de sdud pa po bdag gis 'og min lha'i rgyal ba'i gnas na/ bcom ldan 'das rnam par snang mdzad bzhugs te bka' stsal zhing/ gsungs pa de las mngon sum du/ 'di skad bdag gis thos pa de ni 'di yin no zhes bdag nyid kyis khas blang ba yin no/ /byang chub sems dpa' chen po kun tu bzang po la sogs pa rnams kyis sdud pa po yongs su rdzogs pa'i dus su lcang lo can gyi pho brang na gnas pa'i sdud par byed pa sa bcu'i dbang phyug phyag na rdo rjes gsungs pa mthar rjes su yi rang zhing mngon par bstan to/ /de ltar bcom ldan 'das rnam par snang mdzad kyis de bzhin gshegs pa de kho na nyid bsdus pa theg pa chen po'i mdo gsungs pa yang de bzhin gshegs pa thams cad dang/ byang chub sems dpa' dang bcas pa rnams rjes su yi rang zhing mngon par bstod do/ /gang na gnas she na/ rang gi thugs ka na zhes bya ba smos te/ rang gi thugs la zhugs pas
- 372a
na rang gi thugs ka na gnas pa'o/ /bcom ldan 'das rnam par snang mdzad kyi thugs ka na de bzhin gshegs pa thams cad dang/ byang chub sems dpa' dang bcas pa bzhugs pa gang yin pa de ni/ 'og min gyi gnas na de bzhin gshegs pa gang+ga'i klung gi bye ma snyed dang/ mnyam par bzhugs pa gang yin pa de dag thams cad dgyes shing mnyes nas gsungs pa la mngon par dgyes par gyur to zhes bya bar sbyar ro/ /gang gis gsungs pa yin zhe na/ bcom ldan 'das rdo rje sems dpa' zhes bya ba smos te/ bcom ldan 'das rdo rje sems dpa' ni/ 'khor los sgyur ba bzhi'i rang bzhin du ston pa gang yin pa dang/ bcom ldan 'das rnam par snang mdzad kyis 'og min gyi gnas su mngon par byang chub mngon sum du mdzad pa'i rjes thogs nyid la gsungs pa 'di dang/ rdo rje sems dpa' i ri rab kyi rtse mo na bzhugs nas 'di rgya che bar gsungs pa yin no/ /de'i don 'di skad ston pa yin te/ 'di ltar ri rab kyi steng du 'khor los sgyur ba bzhi'i rang bzhin gyis/ bcom ldan 'das rdo rje sems dpa' de kho na nyid bsdus pa gsungs pa dang/ bcom ldan 'das rnam par snang mdzad kyis 'og min gyi gnas su mngon par byang chub pa mngon sum du rjes thogs nyid la/ byang chub sems dpa' chen po kun du bzang po la sogs pa thog mar gsungs pa yin no/ /mngon par dgyes zhes bya ba ni/ mngon par dga' bar gyur pa zhes bya ba'i tha tshig go /de bzhin gshegs pa thams cad kyi de kho na nyid bsdus pa zhes bya ba theg pa chen po'i mdo'i 'grel pa'o// //de skad du yang/ chos bdag med pa'i chags pa yis/ /skye dgu chags pas brkos pa mis/ /de bzhin rigs sna tshogs pa yi/ /phyogs rnams kun tu yang dag bzhugs
- 372b
thugs rje chen po las byung ba'i gdug cing ma rungs 'dul mdzad pa/ rdo rje rigs chen sna tshogs pa'i/ /zhe sdang mtshan ma rab zhi zhing/ med pa'i lta ba chen rmongs pa'i/ /khams gsum 'dam gyi nyes pa las/ /pad+ma chen po'i rigs dag pa/ /kun tu dag par rnam par bzhugs/ /ser sna'i dri ma 'jig byed cing/ /sems can bsam pa yongs rdzogs byed/ /nor bu chen po'i rigs kyi lha/ /nam mkha' bzhin du yang dag bzhugs/ /thams cad gzugs brnyan dang mtshungs pa/ /skye ba med cing gnas med pas sgyu ma sogs bzhin rnam rig pa'i/ /byang chub snying po rab bsgrubs phyir/ /snying rjes khyab pa'i sems kyis ni/ /blo ldan rdo rje sems dpa' yis/ /nam mkha' i mthar thug grags pa yis/ /de nyid bsdus rgyud 'di gsungs so zhes gsungs pa yin no/ /oM dza ya na gtsug nor bu/ /'jig rten gsum po dga' byed pa'i/ /byang chub sems dpa' i tshogs gnas pa/ /dpal ldan gtsug lag khang chen du/ /rgyud kyi 'grel pa de nyid ni/ /snang byed dag pa 'di bshad pas/ /bdag gis bsod nams gang bsags pa/ /byang chub sems kyi 'bras bskyed nas/ /de yis 'jig rten ma lus pa'i/ /rdo rje 'dzin pa kun dga' che/ /snying po bsam gyis mi khyab gtso/ /rdo rje 'dzin chen rgyal gyur cig/ //'phags pa de bzhin gshegs pa thams cad kyi de kho na nyid bsdus pa'i theg pa chen po mdo'i bshad pa de kho na nyid snang bar byed pa zhes bya ba rdzogs so// //grangs la rmongs pa gzhig pa'i phyir/ /gzhung 'di'i grangs kyi tshad dag ni/ /stong phrag dag ni bco brgyad du/ /'gro ba phan pa bskyed phyir byas/ /slob dpon kun dga' snying pa'i zhal snga nas kyis mdzad pa'o// //'o ma'i rgya mtsho lta bu'i myang ro yul khams kyi/ /pad+ma'i snying po lta bu'i dgon gnas dbyar thang du/ /mgon po byams pa lta bu'i mkhas pa thugs rje la/ /
- 373a
tshangs pa'i rgyal po lta bu'i lha rjes gsol btab nas/ /tshong dpon nor bzangs bzhin du dga' bas bsgyur ba lags/ /nyi ma'i 'od zer bzhin du sa stengs rgyas par shog / yon gyi bdag po chen po dza sras lce 'bar gyis bskul nas/ rgya gar gyi mkhas pa paN+Di ta chen po thugs rje chen po dang/ zhu chen gyi lo tsa ba dge slong 'phags pa shes rab kyis bsgyur cing zhus te gtan la phab pa'o// //bkra shis //