Text

ff. 1a–429a · 857 folio sides

  1. 1a

    'phags pa thog med kyis mdzad pa'i theg bsdus bzhugs/ /

  2. 1b

    rgya gar skad du/ mahA yA na sa gra ha/ bod skad du/ theg pa chen po bsdus pa/ /'jam dpal gzhon nur gyur pa la phyag 'tshal lo/ /theg pa chen po la shin tu zhugs pa'i byang chub sems dpas/ theg pa chen po'i che ba'i bdag nyid brjod pa'i phyir/ bcom ldan 'das kyi spyan sngar 'di lta ste/ theg pa chen po las brtsams nas/ chos mngon pa theg pa chen po'i mdo las/ sangs rgyas bcom ldan 'das rnams kyi gsung khyad par rnam pa bcus khyad par du 'phags pa

  3. 2a

    gsungs te/ 'di lta ste/ sangs rgyas bcom ldan 'das rnams kyi gsung shes bya'i gnas kyi khyad par gyis khyad par du 'phags pa dang/ sangs rgyas bcom ldan 'das rnams kyi gsung shes bya'i mtshan nyid kyi khyad par gyis khyad par du 'phags pa dang/ shes bya'i mtshan nyid la 'jug pa'i khyad par gyis khyad par du 'phags pa'i gsung dang/ 'jug pa de'i rgyu dang 'bras bu'i khyad par gyis khyad par du 'phags pa'i gsung dang/ de'i rgyu dang 'bras bu bsgom pa rab tu dbye ba'i

  4. 2b

    khyad par gyis khyad par du 'phags pa'i gsung dang/ sgom pa rab tu dbye ba de nyid la lhag pa'i tshul khrims kyi khyad par gyis khyad par du 'phags pa'i gsung dang/ lhag pa'i sems kyi khyad par gyis khyad par du 'phags pa'i gsung dang/ lhag pa'i shes rab kyis khyad par gyis khyad par du 'phags pa'i gsung dang/ de'i 'bras bu spangs pa'i khyad par gyis khyad par du 'phags pa'i gsung dang/ de'i 'bras bu ye shes kyi khyad par gyis khyad par du 'phags pa'i gsung ngo/ /mdo'i tshig bstan pa 'di ni theg pa chen po sangs rgyas kyi bka' nyid du brjod pa'o/ /ji ltar brjod ce na/ 'di ltar bstan pa 'dis/ nyan thos kyis theg par gang dag ma bstan pa'i gnas bcu po dag theg pa chen po las

  5. 3a

    bstan te/ 'di lta ste/ kun gzhi rnam par shes pa ni shes bya'i gnas su bstan to/ /ngo bo nyid gsum po gzhan gyi dbang dang/ kun brtags pa dang/ yongs su grub pa dag ni shes bya'i mtshan nyid du bstan to/ /rnam par rig pa tsam nyid ni shes bya'i mtshan nyid la 'jug par bstan to/ /pha rol tu phyin pa drug po dag ni des 'jug pa'i rgyu dang 'bras bur bstan to/ /byang chub sems dpa' i sa bcu dag ni de'i rgyu dang 'bras bu sgom par rab tu dbye bar bstan to// byang chub sems dpa' i sdom pa ni der lhag pa'i tshul khrims su bstan to/ /dpa' bar 'gro ba dang nam mkha' mdzod la sogs pa'i ting nge 'dzin dag ni der lhag pa'i sems su bstan to/ /rnam par mi rtog pa'i ye shes ni lhag pa'i shes rab tu bstan to/ /mi gnas pa'i mya ngan las 'das pa ni de'i 'bras bu spangs par bstan

  6. 3b

    to/ /sangs rgyas kyi sku gsum ste/ ngo bo nyid dang/ longs spyod rdzogs pa dang sprul pa ni de'i 'bras bu ye shes su bstan to/ /nyan thos kyi theg pa las khyad par du byas pa gnas bcu po 'di dag ni gang dag bcom ldan 'das kyis byang chub sems dpa' rnams las brtsams nas/ theg pa chen po las khyad par du 'phags pa mchog nyid du bstan pa dag go /de bas na theg pa chen po las brtsams te/ sangs rgyas bcom ldan 'das rnams kyi gsung khyad par rnam pa bcus khyad par du 'phags par shes par bya'o/ /ji ltar na de bzhin gshegs pa'i gsung khyad par rnam pa bcus khyad par du 'phags pa 'dis theg pa chen po sangs rgyas kyi bka' nyid du yongs su bstan pa yin la/ nyan thos kyi theg pa ni theg pa chen por mi chud par bkag pa yin te/ 'di ltar gnas bcu po 'di dag nyan thos kyi theg pa la ni bstan par mi snang la/ theg pa chen po la ni snang ba'i phyir ro zhe na/ gnas bcu po 'di dag ni byang chub chen po kun tu sgrub par byed pa ste/ thams cad mkhyen pa'i ye shes 'thob par shin tu 'thad pa mthun pa 'gal ba med pa'o/ /'dir tshigs su bcad pa/ shes bya'i gnas dang mtshan nyid der 'jug dang/ de yi rgyu 'bras de rab dbye ba dang/ /bslab pa gsum dang de 'bras spangs pa dang/ /ye shes theg pa mchog gyur khyad par 'phags/ /bstan 'di 'di ltar gzhan la ma mthong la/ /

  7. 4a

    'di dag byang chub mchog gi rgyur mthong bas/ /gnas bcu bstan pas khyad zhugs gis? gang yin pa/ /theg pa chen po sangs rgyas dkar 'dod do/ /ci'i phyir gnas bcu po 'di dag gi go rim 'di ltar bstan ce na/ 'di ltar byang chub sems dpa' thog ma nyid du re zhig chos rnams kyi rgyu la mkhas pa la brten nas/ rten cing 'brel par 'byung ba la mkhas par bya'o/ /de'i 'og tu sgro 'dogs pa dbang skur pa 'debs pa'i mdza' i nyes pa yongs su spang ba la mkhas par bya ba'i phyir/ rten cing 'brel par 'byung ba'i chos de dag la mtshan nyid la mkhas par bya'o/ /de ltar rab tu sbyor ba'i byang chub sems dpas mtshan nyid shin tu bzung ba de rtogs par bya ste/ des sgrib pa rnams las sems rnam par grol bar 'gyur ro/ /de'i 'og tu shes bya'i mtshan nyid rtog pa lhag pa'i bsam pa rnam par dag pa la brten te/ sngon sbyor ba can gyi pha rol tu phyin pa drug po dag rtogs par bsgrub par bya'o/ /de'i 'og tu lhag pa'i bsam pa rnam par dag pas yongs su gzung ba'i pha rol tu phyin pa drug po de dag sa bcu dag tu rab tu che ste/ bskal pa grangs med pa gsum du bsgom par bya'o/ /de'i 'og tu byang chub sems dpa' i bslab pa gsum po dag yongs su rdzogs par bya'o/ /yongs su rdzogs nas de'i 'bras bu mya ngan las 'das pa dang/ bla na med pa

  8. 4b

    yang dag par rdzogs pa'i byang chub mngon par rdzogs par 'tshang rgya bar bya ste/ gnas bcu po de dag gi go rim ni de ltar bstan to/ /bstan pa 'dir ni theg pa chen po thams cad yongs su rdzogs pa yin no/ /de la re zhig thog ma kho nar kun gzhi rnam par shes pa ni shes bya'i gnas so zhes brjod pa bcom ldan 'das kyis kun gzhi rnam par shes pa zhes bstan pas/ kun gzhi rnam par shes pa gang du bstan ce na/ bcom ldan 'das kyis chos mngon pa'i mdo las tshigs su bcad de/ /thog ma med pa'i dus kyi dbyings/ /chos rnams kun gyi gnas yin te/ /de yod pas na 'gro kun dang/ /mya ngan 'das pa'ang thob par 'gyur zhes gsungs so/ /yang de nyid las/ chos kun sa bon thams cad pa'i/ /rnam par shes pa kun gzhi ste/ /de bas kun gzhi rnam shes te/ /dam pa dag la ngas bshad do zhes gsungs te/ 'di ni re zhig lung ngo/ /ci'i phyir de kun gzhi rnam par shes pa zhes bya zhe na/ skye ba can kun nas nyon mongs pa'i chos thams cad 'bras bu'i dngos por der sbyor ba 'am/ de yang rgyu'i dngos por de dag tu sbyor ba'i phyir kun gzhi rnam par shes pa'o/ /yang na sems can dag de'i bdag nyid du sbyor bas kun gzhi rnam par shes pa'o// de ni lan pa'i rnam par shes pa zhes kyang bya ste/ 'di la lung ni dgongs pa nges par 'grel pa'i mdo las/ len pa'i rnam par shes pa zab cing phra/ /sa bon thams cad chu bo bzhin du 'bab/ /bdag tu rtog par gyur na mi rung zhes/ /'di ni byis ba rnams la ngas ma bstan/ ces ji skad gsungs pa lta bu'o/ /ci'i phyir len pa'i rnam par shes pa bzhes bya zhe na/ dbang po gzugs can thams cad kyi rgyu yin pa dang/ lus thams cad nye bar len pa'i gnas su gyur pa'i phyir te/ 'di ltar tshe ji srid par rjes su 'jug gi bar du des dbang po gzugs can lnga po dag ma zhig par nye bar gzung ba dang/ nying mtshams sbyor ba sprel ba na yang de mngon par 'grub pa nye bar 'dzin pa'i phyir lus bzung ba yin te/ de lta bas de len pa'i rnam par shes pa zhes bya'o/ /de ni sems zhes kyang bya ste/ bcom ldan 'das kyi sems dang/ yid dang//

  9. 5a

    rnam par shes pa zhes ji skad gsungs pa lta bu'o/ /de la yid ni rnam pa gnyis te/ de ma thag pa'i rkyen byed pas/ gnas su gyur pa'i phyir/ rnam par shes pa 'gags ma thag pa yid ces bya ba rnam par shes pa skye pa'i gnas dag gnyis pa nyon mongs pa can gyi yid nyon mongs pa bzhi po 'jig tshogs la lta ba dang/ nga'o snyam pa'i nga rgyal dang/ bdag la chags pa dang/ ma rig pa dang rtag tu mtshungs par ldan pa ste/ de ni rnam pa shes pa kun nas nyon mongs pa'i gnas so/ /rnam par shes pa ni gang gnas gcig pos ni bskyed la/ gnyis pas ni nyon mongs pa can du byas ba ste/ yul la rnam par rig pa'i phyir rnam par shes pa'o/ /de ma thag pa dang/ ngar sems pa'i sems pa'i phyir yid ni rnam pa gnyis so/ /nyon mongs pa can gyi yid de yod par ci mngon zhe na/ de med du zin na ma rig pa ma 'dres pa med pa'i skyon du 'gyur ro/ /lnga po dag dang 'dra ba med pa'i skyon du yang 'gyur te/ 'di ltar rnam par shes pa lnga'i tshogs dag gi lhan cig 'byung ba'i gnas ni mig la sogs pa'o/ /nges pa'i tshig med pa'i skyon du yang 'gyur ro/ /'du shes med pa dang/ 'gog pa'i snyoms par 'jug pa bye brag med pa'i skyon du yang 'gyur te/ 'di ltar 'du shes med pa'i snyoms par 'jug pa ni nyon mongs pa can gyi yid kyis rab tu phye ba yin gyis/ 'gog pa'i snyoms par 'jug pa ni ma yin te/ gzhan du na 'di gnyis bye brag med pa nyid du 'gyur ro/ /gal te 'du shes med pa bde na ngar 'dzin pa dang/ nga bo snyam pa'i nga rgyal med na 'du shes mang par skye ba thog thag tu nyon mongs pa can ma yin pa'i skyon du yang 'gyur ro/ /dge ba dang mi dge ba dang lung du ma bstan pa'i sems rnams la yang ngar 'dzin pa dus thams cad du kun tu 'byung bar dmigs pa'i yang phyir ro/ /gzhan du na ni mi dge ba'i sems kho na dang de mtshungs par ldan pas nga'o snyam pa'i nyon mongs pa kun

  10. 5b

    tu 'byung gi /dge ba dang lung du ma bstan pa dag la ni ma yin no/ /de'i phyir lhan cig 'byung bar kun tu 'gyur ba dang/ /mtshungs par ldan par kun tu 'byung bas skyon 'di dag tu mi 'gyur ro/ /'dir tshigs su bcad pa/ ma 'dres pa yi ma rig pa dang/ /lnga po dang/ dang 'dra ba dang/ snyoms par 'jug pa'i bye brag dang/ des tshig med pa'i skyon du 'gyur/ /'du shes med par skye ba'i rgyun/ /ngar 'dzin med pa'i skyon du 'gyur/ /ngar 'dzin pa dang ldan par ni/ rnam pa kun tu mi 'thad do/ /nyon mongs can gyi yid med na/ /gnyis mang gsum po 'gal bar 'gyur/ /de med na ni ngar 'dzin pa/ kun na yod par mi 'gyur ro/ /yang dag don la 'jug pa yi/ /sems kyi bgegs su rtag gyur dang/ dus rnams kun tu 'byung ba de/ /ma 'dres pa yi ma rig 'dod/ /yid ni nyon mongs pa can yin pa'i phyir bsgribs la lung du ma bstan pa ste/ sgrib pa'i nyon mongs pa rnams bzhi dang rtag tu mtshungs par ldan no/ /gzugs dang gzugs med pa ni spyod pa'i nyon mongs pa bzhin du 'di ni bsgribs la lung ma bstan pa nyid do/ /gzugs dang gzugs med pa na spyod pa'i yid ni zhi gnas kyis 'khyud pa yin la/ yid ni dus thams cad du ldan pa'i phyir ro/ /kun gzhi rnam par shes pa me gtogs par sems kyi lus gsum pa mi dmigs te/ de lta bas na kun gzhi rnam par shes pa ni sems nyid yin par grub bo/ /sa bon thams cad pa de las yid dang rnam par shes pa 'byung ngo/ /de yang ci'i phyir sems shes kyang bya zhe na/ chos kyi bag chags kyi sa bon sna tshogs rnams kyi kun tu bsags pa'i phyir ro/ /ci'i phyir nyan thos kyi theg par sems de kun gzhi rnam par shes pa zhes bya bar ram/ len pa'i rnam par shes pa zhes bya bar ma bstan ce na/ shes bya phra mo bsdu ba'i phyir te/ nyan thos rnams ni shes bya thams cad shes pa la gtogs pa ma yin no/ /de'i phyir de dag ni de bstan pa med par yang shes par rab tu 'grub pas phyir ma bstan to/ /byang chub sems dpa' rnams ni shes bya thams cad shes pa la gtogs pa yin no/ /de'i phyir de dag la bstan te/ de shes pa med par ni thams cad mkhyen

  11. 6a

    pa'i ye shes thob par slab pa ma yin no/ /yang rnam grangs kyis kun gzhi rnam par shes pa nyan thos kyi theg par yang bstan te/ gcig las 'phros pa'i lung de bzhin gshegs pa 'byung ba'i phan yon rnam pa gzhi'i mdo las/ skye dgu kun gzhi la kun tu dga' kun gzhi las yang dag par byung ba kun gzhi la mngon par dga' ba can dag la kun gzhi spang pa'i phyir/ chos bstan na nyan 'dod la/ rna ba gtod de/ /kun shes par byed par sems nye bar 'jog cing chos kyi rjes su mthun pa'i chos sgrub ste/ de bzhin gshegs pa 'jig rten du byung na ngo mtshar rmad du byung ba'i chos 'di yang 'jig rten du 'byung ngo zhes ji skad gsungs pa lta bu ste/ rnam grangs 'dis ni kun gzhi rnam par shes pa nyan thos kyi theg par yang bstan pa yin no/ /dge 'dun phal chen sde'i lung las kyang rtsa ba'i rnam par shes pa zhes 'byung ste/ rnam grangs des kyang de nyid bstan te/ rtsa ba de la brten pa'i shing ljon pa bzhin no/ /sa ston gyi sde'i lung las kyang 'khor ba ji srid pa'i phung po rnams shes 'byung ste/ rnam grangs des kyang de nyid bstan te/ la lar res 'ga' gzugs dang sems rgyun chad par snang kun gzhi rnam par shes pa la de'i sa bon ni rgyun mi 'chad pa'i phyir ro/ /'phags pa gnas brtan pa rnams kyi lung las kyang/ srid pa'i yan lag lta ba dang/ /shes pa dang ni gtong ba dang/ g.yo ba dang ni rtogs pa dang/ bdun pa 'jug par byed pa yin/ zhes 'byung ngo/ /de'i phyir gang shes bya'i gnas la len pa'i rnam par shes pa nyid dang/ sems nyid dang/ kun gzhi rnam par shes pa nyid dang/ rna ba'i rnam par shes pa nyid dang/ 'khor ba ji srid pa'i phung po dang/ srid pa'i yan lag tu bstan pa de ni kun gzhi rnam par shes pa ste/ kun gzhi rnam par shes pa'i lam chen po gtod pa kho na yin no/ /kha cig 'di snyam du sems yid dang rnam par shes pa zhes bya ba ni don gcig kho na ste/ 'dir tshig 'bru tha dad do snyam du sems pa de yang mi 'thad de/ yid dang rnam par shes

  12. 6b

    pa gnyis don tha dad par dmigs pa'i phyir ro/ /de'i phyir sems kyang don tha dad par 'gyur ro/ /yang kha cig ni bcom ldan 'das kyis skye dgu kun gzhi la kun tu dga' ba zhes rgya cher gang gsungs pa de la nye bar len pa'i phung po lnga po dag ni kun gzhi zhes bya'o snyam du sems so// gzhan dag ni bde ba'i tshor ba 'dod chags dang bcas pa ni kun gzhi'o snyam du sems so/ /gzhan dag ni 'jig tshogs la lta ba kun gzhi'o snyam du sems te/ de dag ni kun gzhi rnam par shes pa la rmongs nas lung dang rtogs pas de snyam du sems so/ /nyan thos kyi theg par rnam par gzhag pa'i tshul du na yang de dag gi rnam par bzhag ba de mi rung ba med mod kyi/ de la ma rmongs pa rnams kyis kun gzhi rnam par bzhag pa de kun gzhi rnam par shes pa yin par yongs su bzung nas rnam par 'jog pa ni ches bzang ngo/ /ji ltar tshes bzang zhe na/ 'di ltar nye bar len pa'i phung po lta po dag ni shin tu sdug bsngal pa'i ngan 'gro rnams su skyes pa dag dang mi mthun pa yin no/ /des na shin tu 'dod pa med par dag la sbyor ba ni mi rigs te/ 'di ltar de dag ni de dang 'bral ba nyid du 'dod do/ /bde ba'i tshor ba 'dod chags dang bcas pa yang bsam gtan bzhi pa yan cad gong ma la med do/ /de dang ldan pa'i sems can rnam pa dang mi mthun pa yin pas der yang de dag sbyor ba mi rigs so/ /'jig tshogs la lta ba yang chos 'di pa bdag mad pa la mos pa dag dang mi mthun pa yin te/ de'i phyir de la yang de dag sbyor ba mi rigs so/ /kun gzhi rnam par shes pa la nang gi bdag gi dngos por khas blangs pa ni shin tu sdug bsngal ba'i 'gro ba rnams su skyes pa sdug bsngal gyi phung po rnam par zhi khar 'dod kyang/ kun bzhi rnam par shes pa la bdag tu chags pas bcings pa rnams de rnam par zhig par 'dod par ni nam yang mi 'gyur ro/ /bsam gtan bzhi pa yan chad gong mar skyes pa rnams 'dod chags dang bcas pa'i bde ba dang mi mthun du zin kyang/ kun gzhi rnam par shes pa la bdag gi

  13. 7a

    dngos por chags pa'i rjes su 'brel ba ni yod pa nyid do/ /de bzhin du chos 'di bdag med pa la mos pa rnams bdag tu lta ba dang mi mthun du zin kyang kun gzhi rnam par shes pa la bdag gi dngos por chags pa'i rjes su 'brel pa yod pa nyid de/ de lta bas na kun gzhi rnam par shes pa la kun gzhi nyid du ces legs par rnam par bzhag pa grub bo/ /'di ni re zhig kun gzhi rnam par shes pa'i rnam grangs rnam par bzhag pa'o/ /de nas 'di'i mtshan nyid rnam par bzhag pa ji ltar ji lta zhe na/ de ni mdor bsdu na rnam pa gsum ste rang gi mtshan nyid rnam par bzhag pa dang/ rgyu nyid du rnam par bzhag pa dang/ 'bras bu nyid du rnam par bzhag pa'o/ /de la kun gzhi rnam par shes pa'i rang gi mtshan nyid ni/ gang kun nas nyon mongs pa'i chos thams cad kyi bag chags la brten nas/ sa bon yongs su 'dzin pa dang ldan pas/ de skye ba'i rgyu mtshan nyid do/ /de la rgyu nyid kyi mtshan nyid ni de ltar kun gzhi rnam par shes pa'i rang gi sa bon thams cad pa de kun nas nyon mongs pa'i chos de nyid kyi rgyu nyid du dus thams cad du nye bar gnas pa yin/ /de la 'bras bu nyid du rnam par bzhag pa nyid ni/ gang kun gzhi rnam par shes pa kun nas nyon mongs pa'i chos de dag nyid kyi thog ma med pa'i dus kyi bag chags la brten nas byung ba'o/ /bag chags zhes bya ba 'di ci zhig /bag chags zhes brjod pa 'di'i brjod par bya ba ni ci zhe na/ chos de dang lhan cig 'byung ba dang/ 'gag pa la brten nas de 'byung ba'i rgyu mtshan nyid gang yin pa de ni brjod par bya ba ste/ dper na til dag la me tog gis bsgos pa til dang me tog lhan cig 'byung zhing 'gags kyang til rnams de'i dri gzhan 'byung ba'i rgyu mtshan nyid du 'byung pa dang/ 'dod chags la sogs pa la spyod pa rnams kyi 'dod chags la sogs pa'i bag chags 'dod chags sogs pa dang lhan cig 'byung zhing 'gags kyang sems ni de'i rgyu mtshan nyid du 'byung ba dang/ mang du thos pa rnams kyi mang du thos pa'i

  14. 7b

    bag chags kyang thos pa de yid la byed pa dang lhan cig tu 'byung zhing 'gags kyang sems ni de brjod pa'i rgyu mtshan nyid du 'byung ste/ bag chags des yongs su zin pas chos 'dzin pa zhes bya ba ltar kun gzhi rnam par shes pa la yang tshul de bzhin du blta bar bya'o/ /kun gzhi rnam par shes pa la kun nas nyon mongs pa'i chos kyi sa bon de dag ci so so tha dad dam/ 'on te tha dad pa ma yin par gnas she na/ de la gnas pa de dag dang rdzas su tha dad pa yang ma yin/ tha mi dad pa yang ma yin mod kyi gang de 'byung pa'i mthu'i khyad par can kun bzhi rnam par shes pa de/ de bzhin du byung ba la sa bon thams cad pa zhes bya'o/ /kun bzhi rnam par shes pa dang/ kun nas nyon mongs pa'i chos de dag dus mnyam du gcig gi rgyu nyid du gcig 'gyur bar ji ltar blta zhe na/ dper na mar me'i me lce 'byung ba dang/ snying po tshigs phan tshun dus mnyam pa dang/ gdung khyim yang dus mnyam du gcig la gcig brten nas mi 'gyel pa bzhin du 'dir yang gcig gi rgyu nyid du gcig 'gyur bar blta'o/ /ji ltar kun gzhi rnam par shes pa kun nas nyon mongs pa'i chos rnams kyi rgyu yin pa de ltar kun nas nyon mongs pa'i chos rnams kyang kun gzhi rnam par shes pa'i rgyu'i rkyen du rnam par bzhag ste/ rgyu'i rkyen gzhan mi dmigs pa'i phyir ro/ /bag chags tha dad pa ma yin zhing sna tshogs dag gi rgyur ji ltar rung zhe na/ dper na tshig gi? gul? rtsi sna tshogs su bsgyur ba'i ras sna tshogs su mi snang ba gang gi tshe tshon gyi snod du bcug pa de'i tshe ras la tshon rnams kyi dbye ba tha dad pa rnam pa sna tshogs du ma ston pa de bzhin du/ kun gzhi rnam par shes pa bag chags sna tshogs kyis bsgos pa yang bag chags kyi dus ni chogs? ma yin yang 'bras bu mngon par 'grub pa'i tshon gyi snod du mngon par phyogs na chos sna tshogs tshad med pa dag ston te/ 'di ni theg pa chen po la phra ba mchog tu zab pa'i rten cing 'brel bar 'byung ba'o/ /mdor bsdus na rten cing 'brel par byung ba

  15. 8a

    ni 'di gnyis te/ ngo bo nyid rnam par dbye ba can dang/ sdug pa dang mi sdug pa rnam par 'byed pa can no/ /de la gang kun gzhi rnam par shes pa la brten nas chos rnams 'byung ba de ni ngo bo nyid rnam par 'byed pa can te/ ngo bo nyid sna tshogs rnam par dbye ba'i byin? gyi dngos por 'gyur ba'i phyir ro/ /rten cing 'brel bar 'byung ba yan lag bcu gnyis pa gang yin pa de ni sdug pa dang mi sdug pa rnam par 'byed pa can te/ bde 'bro dang ngan 'gro dag tu sdug pa dang mi sdug pa'i lus rnam par dbye ba sna tshogs kyi rkyen gyi dngos por 'gyur ba'i phyir ro/ /de la rten cing 'brel par 'byung ba dang po kun gzhi rnam par shes pa la rmongs pa dag kha cig ni rang bzhin gyi rgyu las byung ba nyid du rtog /kha cig ni dbang phyug gis sprul pa'i rgyu las byung ba nyid du rtog /kha cig ni bdag gi rgyu las byung ba nyid du rtog /kha cig ni rgyu med pa dang/ rkyen med pa nyid du rtog go /rten cing 'brel bar 'byung ba gnyis pa la rmongs pa dag ni bdag la byed pa po dang za ba por rtogs ste/ dper na mi dmus long mang zhig yod la/ de dag kyang glang po che ma mthong ba sha stag cig ste/ de dag la la zhig gis glang po che bstan la/ de dag las kha cig gis ni glang po che de'i sna la reg/ kha cig gis ni mche ba la reg /kha cig gis ni rna ba la reg /kha cig gis ni rkang pa la reg /kha cig gis ni mjug ma la reg /kha cig gis ni sgal tshigs la reg nas/ de dag la glang po che ci 'dra zhes dris pa dang/ kha cig na re gshol mnga' lta bu zhig go zhes zer/ kha cig na re gtun shing lta bu zhig go zhes zer/ kha cig na re zhib ma lta bu zhig go zhes zer/ /kha cig na re gtun gyi gzhi lta bu zhig go zhes zer/ kha cig na re phyags ma lta bu zhig go zhes zer/ kha cig na re pha bong lta bu zhig go zhes zer ba de bzhin du/ 'di na rten cing 'brel bar 'byung ba rnam pa gnyis po 'di ni shes pa ma rig pas dmus long du gyur ba glang po che lta bu'i kun gzhi rnam par shes pa'i ngo bo nyid dang/ rgyu dang 'bras bu mi shes pa dag kyang/ kha cig ni rang bzhin rgyu nyid du

  16. 8b

    sems/ kha cig ni sngon byas pa'i rgyu las byung bar sems/ kha cig ni dbang phyug yod par sems/ kha cig ni bdag yod par sems/ kha cig ni rgyu med par 'byung bar sems/ kha cig ni byed pa por sems/ kha cig ni za ba por sems so/ /mdor bsdu na kun gzhi rnam par shes pa'i ngo bo nyid ni rnam par smin pa'i rnam par shes pa sa bon thams cad pa ste/ des khams gsum pa'i lus thams cad dang/ 'gro ba thams cad bsdus so/ /'dir tshigs su bcad pa/ phyi dang nang dang mi gsal ba/ gnyis dang kun rdzob nyid dang ni/ /dam pa'i don te de dag kun/ /sa bon rnam pa drug tu 'dod/ /skad cig pa dang lhan cig 'byung/ /de ni rgyun chags 'byung bar 'dod/ nges rang rkyen la ltos pa dang/ /rang gi 'bras bus bsgrubs pa'o/ /brtan lung ma bstan bsgo bya ba/ /sgo bar byed dang 'brel ba la/ /sgo byed de las gzhan ni min/ /de ni bag chags mtshan nyid do/ /drug po dag la 'brel med de/ /tha dad gsum dang 'gal ba'i phyir/ /skad cig lhan cig med pa'i phyir/ /rigs la bya na gzhan du thal/ /phyi dang nang gi sa bon te/ skyed pa dang ni 'phen par 'dod/ /ma btab sha ba 'phen pa'i phyir/ /mda' ni bar du mi ltung bzhin/ /phyi rol gyi sa bon ji lta ba bzhin du nang gi rnams kyi sa bon de lta ma yin pa'i tshigs su bcad pa/ phyi rol sa bon ma btab pa'am/ /nang gi 'dod pa ma yin te/ /thos sogs bag chags med na ni de 'bras? skye ba mi rigs phyir/ /byas dang ma byas 'jig dang phrad?/ nyes par 'gyur bas 'gal phyir ro/ /nang ni phyi rol rkyen yin te/ /'di ltar de ni bag chags rten/ /yang 'jug pa'i rnam par shes pa gzhan gang yin pa de ni lus dang 'gro ba thams cad du nye bar spyod pa can du blta ste/ dbus dang mdza' rnam par 'byed pa'i tshigs su bcad pa las/ gcig ni rkyen gyis rnam par shes/ /gnyis pa nye bar spyod pa can/ /nye bar spyad dang yongs spyod dang/ /de yi 'jug byed sems las byung/ /zhes ji skad gsungs pa lta bu'o/ /rnam par shes pa de gnyis ni gcig gi rkyen gcig yin to/ /chos mngon pa'i mdo las/ chos kun rnam par shes

  17. 9a

    la sbyor/ /de dag la yang dag de de bzhin/ /phan tshun 'bras bu'i dngos po dang/ /rgyu yi dngos por brtag tu sbyor zhes tshigs su bcad pa gsungs so/ /gal te rten cing 'brel par 'byung ba dang po la rnam par shes pa dgra phan chun du rgyu'i rkyen yin na/ 'on rten cing 'brel par 'byung ba gnyis pa la gang gi rkyen ces bya zhe na/ bdag po'i rkyen to/ /yang rnam par shes pa drug po dag rkyen du zhig gi skye zhe na/ bdag po dang/ dmigs pa dang/ de ma thag pa'i rkyen rnams kyi skye'o/ /rten cing 'brel bar 'byung ba rnams pa gsum po 'khor ba pa dang/ 'dod pa dang mi 'dod ba'i 'gro ba dang/ nye bar spyod pa can gyi rkyen ni bzhi po 'di dag yin no/ /'di ni kun gzhi rnam par shes pa rnam grangs dang mtshan nyid kyis rnam par bzhag pa'o/ /ji ltar kun gzhi rnam par shes pa nyid rnam grangs 'di dag gis bstan pa dang/ de bzhin du mtshan nyid kyang bstan pa ltar 'jug pa'i rnam par shes pa ni ma yin par ci mngon zhe na/ de ltar rnam par bzhag pa'i kun gzhi rnam par shes pa med par/ 'di ltar kun nas nyon mongs pa dang rnam par byad pa mi rung ste/ nyon mongs pa'i kun nas nyon mongs pa dang/ las kyi kun nas nyon mongs pa dang/ skye ba'i kun nas nyon mongs pa yang mi rung ngo/ /'jig rten pa dang/ 'jig rten las 'das pa'i rnam par byang ba yang mi rung ngo/ /nyon mongs pa'i kun nas nyon mongs pa ji ltar mi rung zhe na/ 'di ltar nyon mongs pa dang/ nye ba'i nyon mongs pas bag chags sa bon nyid du byas pa ni rnam par shes ba'i tshogs drug pa dag la mi rung ste/ 'di ltar mig gi rnam par shes pa gang 'dod chags la sogs pa nyon mongs pa dang/ nye ba'i nyon mongs pa gang dag dang lhan cig skyes shing 'gags pa de dag nyid la de dag gi sa bon gyi dngos por bag chags bsgos par 'gyur gyi/ gzhan la ni ma yin no/ /mig gi rnam par shes pa 'gags

  18. 9b

    pa rnam par shes pa gzhan gyi bar du chod pa de la ni bag chags med cing bag chags kyi gnas kyang mi dmigs te/ mig gi rnam par shes pa sngar 'gags pa ni med pa rnam par shes pa gzhan gyis bar du chod pa yin pas/ med pa 'das pa de las 'dod chags la spyod pa dang bcas pa 'byung du mi rung ste/ 'das pa'i las las rnam par smin pa'i 'bras bu 'byung ba bzhin no/ /mig gi rnam par shes pa 'dod chags la sogs pa dang lhan cig 'byung ba de la yang bag chags mi rung ngo/ /re zhig 'dod chags la ni ma yin te/ 'dod chags ni de la rten pa'i phyir dang/ mi brten pa'i phyir ro/ /rnam par shes pa gzhan dag la yang ma yin te/ rnam par shes pa rnams kyi gnas tha dad pa'i phyir dang/ lhan cig byung ba 'gags pa med pa'i phyir ro/ /rang gi dngos po la yang ma yin te/ rang gi dngos po ni lhan cig 'byung ba dang/ 'gag pa med pa'i phyir ro/ /de lta bas na mig gi rnam par shes pa la 'dod chags la sogs pa nye ba'i nyon mongs pas bag chags bsgos par mi rung ngo/ /rnam par shes pa de la rnam par shes pas bsgom par yang mi rung ngo/ /mig/ gi rnam par shes pa la ji ltar de bzhin du 'jug pa'i rnam par shes pa lhag ma rnams la yang ci rigs su rig par bya'o/ /gang yang sa gong ma 'du shes med pa pa nas 'chi 'phos te/ 'dir skyes pa rnams kyi rnam par shes pa nyon mongs pa dang nye ba'i nyon mongs pas nyon mongs par gyur pa thog ma nyid du skye ba de yang sa bon med par skye bar 'gyur te/ bag chags de gnas dang bcas par 'das pas mong ba'i phyir ro/ /nyon mongs pa'i gnyen po'i rnam par shes pa byung na de ma yin pa gzhan 'jig rten pa'i rnam par shes pa thams cad ni 'gags na/ kun gzhi rnam par shes pa med par gnyen po'i rnam par shes pa de ni nyon mongs pa dang nye ba'i nyon mongs pa'i sa bon dang bcas par mi rung ste/ ngo bo nyid kyis rnam par shes pa dang nyon mongs pa rnams dang lhan cig 'byung ba

  19. 10a

    dang 'gags pa med pa'i phyir ro/ /kun gzhi rnam par shes pa med na/ de'i 'og tu yang 'jig rten pa'i rnam par shes pa 'byung ba na bag chags de gnas dang bcas te 'das nas yun ring ste/ med pa'i phyir sa bon med pa las skye bar 'gyur ro/ /de lta bas na kun gzhi rnam par shes pa med na nyon mongs pa'i kun nas nyon mongs pa mi rung ngo/ /las kyi kun nas nyon mongs pa ji ltar mi rung zhe na/ 'du byed kyi rkyen gyis rnam par shes pa mi rung ba'i phyir ro/ /de med na len pa'i rkyen gyis srid pa yang mi rung ba'i phyir ro/ /skye ba'i kun nas nyon mongs pa ji ltar mi rung zhe na/ nying mtshams sbyor ba sprel ba mi rung ba'i phyir ro/ /mnyam par ma bzhag pa'i sa nas shi 'phos pa'i yid bar ma do'i srid pa na gnas pa'i tshe/ yid kyi rnam par shes pa nyon mongs pa can gyis nying mtshams sbyor ba sbrel te/ yid kyi rnam par shes pa nyon mongs pa can de ni bar mdo'i srid par 'gag la/ rnam par shes pa yang ma'i mngal du nur nur po? nyid du brgyal lo/ /gal te yid kyi rnam par shes pa de nyid brgyal na ni brgyal ba de brten nas yid kyi rnam par shes pa ma'i mngal du 'jug par 'gyur te/ des na yid kyi rnam par shes pa gnyis lhan cig tu ma'i mngal du 'jug par 'gyur ro/ /yid kyi rnam par shes pa brgyal ba de ni yid kyi rnam par shes pa nyid du mi rigs te/ dus rtag tu nyon mongs pa can gnas yin pa dang/ yid kyi rnam par shes pa'i dmigs pa la mi dmigs pa'i phyir ro/ /yid kyi rnam par shes pa de brgyal ba yin du chug na yang ci yid kyi rnam par shes pa brgyal bde sa bon thams cad pa yin nam/ /'on te gang de las brten nas zhugs pa yin/ gal te gang brgyal ba de sa bon thams cad pa yin na ni/ des na yid kyi rnam par shes pa zhes bya ba kun gzhi rnam par shes pa nyid kyi rnam grangs kyi ming du bzhug pa yin/ /ji ste de la brten pa sa bon thams cad pa yin pa ni/ des na ga

  20. 10b

    gnas kyi dngos pos rgyur gyur ba'i rnam par shes pa de yang sa bon thams cad pa ma yin na/ gang rten pa 'bras bur gyur pa de lta sa bon thams cad par rung re rkan/ de'i phyir rnam par shes pa brgyal ba gang yin pa de yid kyi rnam par shes pa ma yin gyi/ de ni rnam par smin pa'i rnam dang shes pa sa bon thams cad pa'o zhes bya ba der grub bo/ /nying mtshams sbyor ba sbrel zin pa rnams kyi dbang po gzugs can 'dzin bar byed pa yang de las gzhan rnam par smin pa'i rnam par shes par mi 'thad de/ de ma yin pa'i rnam par shes pa gzhan rnams ni gnas so sor nges pa dang mi brtan pa'i phyir ro/ /rnam par shes pa med pa'i dbang po gzugs can ni mi rung ngo/ /rnam par shes pa dang/ ming dang gzugs mdung khyim ltar gcig la gcig brten ba'i tshul gyis 'dug pa gang yin pa de yang/ rnam par smin pa'i rnam par shes pa med na mi rung ngo rnam par shes pa gzhan nam sems can 'byung ba rnams kyi zas su yang mi rung ste/ rnam par smin pa'i rnam par shes pa med na/ rnam par smin pa'i rnam par shes pa drug po rnams las gang yang rung bas khams gsum ba'i sems can 'byung bo rnams kyi zas byed pa ni mi dmigs so/ /'di nas shi 'phos te mnyam par bzhag pa'i sar skye ba na/ yid kyi rnam par shes pa nyon mongs pa can mnyam par ma bzhag pas nying mtshams sbyor ba sbrel ba yang rnam par smin pa'i rnam par shes pa med na/ de'i sa pa mnyam par ma bzhag pa'i sems nyon mongs pa can sa bon dang ldan pa gzhan de mi 'thang? ngo/ /yang gzugs med pa'i khams su skye ba nyon mongs pa can gyi dge ba'i sems yod pa rnams la nyon mongs pa can gyi dge ba'i sems kyang/ sa bon thams cad rnam par smin pa'i rnam par shes pa med na/ sa bon med cing bzhi? med par 'gyur ro/ /de nyid na 'jig rten las 'das ba'i sems mngon par byed ba'i tshe de ma yin pa gzhan 'jig rten pa'i sems med par 'gyur bas de'i 'gro ba ldog pa nyid du 'gyur ro/ /'du shes med 'du shes med min skye mched du skyes pa rnams kyang ci yang med pa'i skye mched pa'i

  21. 11a

    'jig rten las 'das pa'i sems mngon du byed pa na/ de dag gi 'gro ba gnyi ga ldog par 'gyur te/ 'jig rten las 'das pa'i rnam par shes pa de'i gnas ni/ 'du shes med 'du shes med min skye mched kyi 'gro ba yang ma yin zhing ci yang med pa'i skye mched kyi 'gro ba yang gnas ma yin la/ mya ngan las 'das ba'i 'gro ba yang gnas su mi rung ngo/ /legs par bya ba byed pa 'am/ nyes par bya ba byed pa 'chi 'pho ba na lus smad dam? stong nas rim gyis drod yal bar 'gyur ba yang/ kun gzhi rnam par shes ba med na mi rung ste/ de bas na skye ba'i kun nas nyon mongs pa yang sa bon thams cad pa rnam par smin pa'i rnam par shes pa med na mi rung ngo/ /ji ltar na 'jig rten pa'i rnam par byad ba yang mi rung zhe na/ 'di ltar 'dod pa rnams las 'dod chags dang ma bral ba gzugs na spyod pa'i sems ma thob pas 'dod pa na sbyod pa'i dge ba'i sems nyid kyi 'dod pa'i 'dod chags dang bral bar bya ba'i phyir rab tu sbyor na/ 'dod pa na sbyod pa'i sbyor ba las byung ba'i sems de yang gzugs na sbyod pa'i sems dang lhan cig 'byung ba dang 'gags pa med pa'i phyir nges bsgos pa med pas de sa bon du mi rung ngo/ /gzugs na sbyod pa'i sems 'das pa tshe rabs du mar sems gzhan gyis rab tu bcad pa de yang med pa'i phyir mnyam par bzhag pa'i sems de'i sa bon nyid du mi rung ngo/ /de bzhin du 'dod chags dang bral ba nyid kyis thams cad la yang ci rigs su sbyar bar bya'o/ /de lta bas gang sa bon thams cad pa rnam par smin pa'i rnam par shes pa gcig nas gcig tu brgyud de 'ongs pa de ni gzugs na spyod pa'i mnyam par bzhag pa'i sems de'i rgyu'i rkyen yin la/ sbyar pa las byung ba'i dge ba'i sems de ni bdag po'i rkyen yin par de grub bo/ /de bzhin du 'jig rten las 'das pa'i rnam par byang ba yang sa bon thams cad pa rnam par smin pa'i rnam par shes pa med na mi rung

  22. 11b

    ste/ ji ltar na 'jig rten las 'das pa'i rnam par byang ba mi rung zhe na/ gzhan gyi sgra dang so so rang gi tshul bzhin yid la byed pa la brten nas /de'i rgyu las yang dag pa'i lta ba 'byung ngo zhes bcom ldan 'das kyis bka' stsal pa na/ gzhan gyi sgra las yid la byed pa des? rna ba'i rnam par shes pa 'am/ yid kyi rnam par shes pa 'am/ de gnyi ga la bag chags su bsgos par 'gyur grang na/ de la chos de dag tshul bzhin mi ngal? byed pa na rna ba'i rnam par shes pa ni re zhig mi 'byung ngo/ /yid kyi rnam par shes pa yang de las gzhan pa'i rnam par shes pa rnam par g.yeng bas rab tu chad la/ gang gi tshe tshul bzhin yid la byed pa dang mtshungs par ldan pa'i sems byung ba de'i tshe/ yid kyi rnam par shes pa thos pa'i bag chags bsgos pa de ni bag chags dang bcas te/ 'gags shing 'das nas yun ring du lon te/ med na phyis de'i sa bon can tshul bzhin yid la byed pa dang mtshungs par ldan pa'i sems gang las 'byung bar 'gyur/ /gang yang tshul bzhin yid la byed pa dang/ mtshungs par ldan pa 'jig rten pa'i sems de ni/ yang dag pa'i lta ba dang mtshungs par ldan pa 'jig rten las 'das pa'i sems dang nam yang lhan cig tu skyes pa dang 'gags pa med de/ /de'i phyir des bsgos pa ma yin no/ /ma bsgos pa'i phyir de sa bon du mi rung ste/ de lta bas na 'jig rten las 'das pa'i rnam par byang ba yang sa bon thams cad pa rnam par smin pa'i rnam par shes pa med na mi rung ste/ de la thos pa'i bag chags kyis ni de'i sa bon yongs su 'dzin par mi rigs pa'i phyir ro/ /sa bon thams cad pa rnam par smin pa'i rnam par shes pa ni kun nas nyon mongs pa'i rgyu yin pa de'i gnyen po 'jig rten las 'das ba'i sems kyi sa bon du ji ltar rung/ 'jig rten las 'das pa'i sems ni ma 'dris pa ste/ de bas na de'i bag chags ni med pa nyid do/ /bag chags de med na sa bon gang las 'byung ba brjod dgos do zhe na/ chos kyi dbyings shin tu rnam par dag pa'i rgyu mthun pa thos pa'i bag chags sa bon las de 'byung ngo/ /thos pa'i bag chags gang yin pa de yang ci kun gzhi

  23. 12a

    rnam par shes pa'i ngo bo nyid yin nam/ gal te kun gzhi rnam par shes pa'i ngo bo nyid yin na ni/ ji ltar de'i gnyen po'i sa bon du rung/ ji ste de'i ngo bo nyid ma yin na ni nges thos pa'i bag chags kyi sa bon de'i gnas ci zhig yin par blta zhe na/ sangs rgyas rnams kyi byang chub la brten nas thos pa'i bag chags su gyur pa gang yin pa gnas gang la 'jug pa de lhan cig 'dus pa'i tshul gyis rnam par smin pa'i rnam par shes pa la 'jug ste/ 'o ma dang chu bzhin no/ /de ni kun gzhi rnam par shes pa ma yin te/ /de'i gnyen po'i sa bon nyid yin ba'i phyir/ /bag chags chung ngu la brten nas bag chags 'bring por 'gyur ro/ /bag chags 'bring po la brten nas bag chags chen por 'gyur te/ thos pa dang bsam pa dang/ bsgom pa lan mang du bya ba dang ldan pa'i phyir ro/ /de la thos pa'i bag chags kyi sa bon chung ngu dang 'bring dang chen po yang chos kyi sku'i sa bon du lta ste/ kun gzhi rnam par shes pa'i gnyen po yin pas kun gzhi rnam par shes pa'i ngo bo nyid yin pa dang/ 'jig rten pa yin yang 'jig rten las 'das pa chos kyi dbyings shin tu rnam par dag pa'i rgyu mthun pa yin pas 'jig rten las 'das pa'i sems kyi sa bon du gyur pa'o/ /de ni 'jig rten las 'das pa'i sems ma byung du zin kyang/ nyon mongs pas kun nas dkris pa'i gnyen po dang/ ngan song du 'gro ba'i gnyen po dang/ nyes par byas pa thams cad dngos par byed pa'i gnyen po yin no/ /sangs rgyas dang byang chub sems dpa' dang phrad pa'i rjes su mthun pa'o/ /byang chub sems dpa' las dang po ba rnams kyi 'jig rten pa yin yang chos kyi skur bsdus pa dang/ nyan thos dang rang sangs rgyas rnams kyi rnam par grol ba'i lus su bsdus par yang blta'o/ /de ni kun gzhi rnam par shes pa ma yin gyi/ chos kyi sku dang rnam par grol ba'i lus su bsdus pa ste/ chung ngu dang 'bring dang chen po ji lta ji lta bur rim gyis 'phel ba de lta de lta bur rnam par smin pa'i rnam par shes pa yang 'bring zhing gnas kyang 'gyur ro/ /gnas

  24. 12b

    rnam ba thams cad du gyur na rnam par smin pa'i rnam par shes pa sa bon thams cad pa yang sa bon med par gyur pa dang rnam pa thams cad du spangs pa yang yin no/ /yang ji ltar na kun gzhi rnam par shes pa dang/ kun gzhi rnam par shes ba ma yin pa chu dang 'o ma bzhin du lhan cig gnas pa rnam pa thams cad du 'grib par 'gyur zhe na/ dang? pas chu las 'o? ma? 'thungs pa lta bu dang/ 'jig rten pa'i 'dod chags dang bral ba na/ mnyam par bzhag pa ma yin pa'i sa'i bag chags 'grib pa ste/ mnyam par bzhag pa'i sa'i bag chags 'phel nas gnas gyur pa bzhin no/ /'gog pa la snyoms par 'jug pa rnams kyang rnam par shes ba dang mi 'bral lo zhes gsungs pa'i yang phyir de ni rnam par smin pa'i/ rnam par shes pa dang/ ma bral bar rigs te/ de'i gnyen por 'gog pa'i snyoms par 'jug pa skye ba ni ma yin no/ /de las langs pa rnams kyi gdong 'byung ba yang ma yin te/ rnam par smin pa'i rnam par shes pa rgyun chad pa ni nying mtshams sbyor ba ma btogs? par gzhan du mngon par 'grub pa med pa'i phyir ro/ /gang yang 'gog pa'i snyoms par 'jug pa la yid kyi rnam par shes pa yod pas sems dang bcas pa snyam du sems pa de'i lta na yang sems de mi rung ste/ snyom par 'jug par mi rung ba'i phyir dang/ dmigs pa dang rnam par mi dmigs pa'i phyir dang/ mi dge ba dang lung du ma bstan par mi rigs pas/ dge ba'i rtsa ba dang mtshung? par ldan bar 'gyur pa'i phyir dang/ reg pa dmigs pas 'du shes dang tshor ba kun tu 'byung bar 'gyur ba'i phyir dang/ 'du shes rgyun chad ba tsam du 'gyur bas de'i mthus mnyam par bzhag par 'gyur ba'i phyir dang/ sems pa dang dad pa la sogs pa dge ba'i rtsa ba kun tu 'byung bar 'gyur ba'i phyir dang/ rten las brten pa dbyer mi rung ba'i phyir dang/ dpe yod pa'i phyir dang/ kun tu 'gro ba nyid yin pa las de bzhin du med pa'i phyir ro dge ba dang mi dge ba dang lung du ma bsten par mi 'thad pa'i phyir de yang mi rung ngo/ /gang yang gzugs dang sems kyi mjug thogs su 'byung

  25. 13a

    ba chos rnams kyi sa bon nyid du rtog pa de'i yang gong ma bzhin du mi 'thad kyi steng du gzugs med pa dang/ 'du shes med pa nas shi 'phos pa dang/ 'gog pa'i snyoms par 'jug pa las langs pa'i de yang mi rung ngo/ /de ma thag pa'i rkyen du rung ba ma gtogs par dgra bcom pa'i tha ma'i sems kyang mi rung bar 'gyur ro/ /de ltar na sa bon thams cad rnam par smin pa'i rnam par shes pa med na kun nas nyon mongs pa dang rnam par byang ba mi rung ngo/ /de lta bas na de yod pa nyid dang/ ji ltar bshad pa'i mtshan nyid kyang 'grub po/ /'dir tshigs su bcad pa/ byang chub sems dpa' bzang po'i sems so/ /rnam par shes pa lnga sprengs pa/ /gsal ba de las gzhan pa la/ /sems ni ji ltar 'gyur bar byed/ /gnyen po gyur pa yin zhes byar/ /spangs pa min phyir mi rung ngo/ /de ni spangs pa yin na yang/ /rgyu 'bras tha dad med par 'gyur/ /gal te sa bon bral ba 'am// dngos po med par 'gyur 'dod na/ /de med par ni gnyis med de/ /'gyur ba rung ba ma yin no/ /kun gzhi rnam par shes pa 'di'i rab tu dbye ba gang zhe na/ mdor bsdu na rnam pa gsum dang rnam pa bzhir blta bar bya'o/ /de la bag chags rnam pa gsum gyi bye brag gis rnam pa gsum ste/ mngon par brjod pa'i bag chags kyi bye brag dang/ bdag tu lta ba'i bag chags kyi bye brag dang/ srid pa'i yan lag gi bag chags kyi bye brag gis so/ /rnam pa bzhi ni 'phen pas rab tu dbye ba dang/ rnam par smin pas rab tu dbye ba dang/ rgyu nyid du rab tu dbye ba dang/ mtshan nyid kho nas rab tu dbye pas so/ /de la 'phen pas rab tu dbye ba ni gang rnam par smin pas bag chags gsar du 'byung ba ste/ de med du zin na 'du byed kyi rkyen gyis rnam par shes pa dang/ len pa'i rkyen gyis srid pa mi rung ngo/ /de la rnam par smin pas rab tu dbye ba ni gang 'du byed dang/ srid pa'i rkyen gyis 'gro ba rnams su rnam par smin pa ste/ de med du zin na sa bon med pas gang? 'byung ba'i chos rnams skye bar mi rung ngo/ /de la rgyu nyid du rab tu dbye ba ni gang de nyid yid kyis bdag tu 'dzin pa'i rgyu nyid de de med du zin na yid kyis bdag tu 'dzin pa'i dmigs pa mi rung ngo/ /de la mtshan nyid kyi rab tu dbye ba ni/ /gang de nyid kyi thun mong gi mtshan nyid dang/ thun mong

  26. 13b

    ma yin pa'i mtshan nyid dang/ tshor ba med pa 'byung ba'i sa bon gyi mtshan nyid dang/ tshor ba dang bcas pa 'byung ba'i sa bon gyi mtshan nyid de/ /thun mong ni snod kyi 'jig rten gyi sa bon gang yin pa'o/ /thun mong ma yin pa de ni so so rang gi skye mched kyi sa bon gang yin pa'o/ /thun mong gang yin pa de ni tshor ba med pa 'byung ba'i sa bon no/ /gnyen po byung na thun mong ma yin pa mi mthun pa'i phyogs 'gag go /thun mong pa gzhan gyi rnam par rtog pas yongs su zin pa la ni mthong ba rnam par rag par 'gyur te/ rnal 'byor ba rnams kyi mos pa tha dad pas dngos po gcig la blta bar bya ba tha dad pa dmigs pa bzhin no/ /'dir tshigs su bcad pa/ thun mong 'ching ba skad dka' dang/ /yongs shes bya bar dka' bar 'dod/ /phyi rol mtshan ma chen po las/ rnal 'byor pa yi tha dad sems/ /de ni 'gags par ma gyur kyang/ /dag pa rnams kyi mthong ba dang/? sangs rgyas gzigs pa rnam dag phyir/ /sangs rgyas zhing ni rnam par dag /thun mong ma yin pa gang yin pa de dag ni tshor ba dang bcas pa 'byung ba'i sa bon te/ de med du zin na snod kyi 'jig rten dang/ sems can gyi 'jig rten 'byung ba'i bye brag mi rung ngo/ /yang gnas ngan len gyi mtshan nyid dang/ shin tu sbyangs pa'i mtshan nyid do/ /gnas ngan? len gyi mtshan nyid ni nyon mongs pa dang nye ba'i nyon mongs pa'i sa bon gang yin pa'o/ /shin tu sbyangs pa'i mtshan nyid ni zag pa dang bcas pa'i dge ba'i chos kyi sa bon gang yin pa ste/ de med du zin na rnam par smin pas gnas kyi las su mi rung ba dang/ las su rung ba'i bye brag mi rung bar 'gyur ro/ /yang spyad zin pa dang/ ma spyad pa'i mtshan nyid de/ /spyad zin pa'i mtshan nyid ni gang dge ba dang mi dge ba'i sa bon gyi rnam par smin pa rnam par smin zin pa'o/ /ma spyad pa'i mtshan nyid ni mngon par brjod pa'i bag chags kyi sa bon te/ thog ma med pa'i dus nas spros pa 'byung bas sa bon yin pa'i phyir ro/ /de med du zin na dge ba dang sdig pa'i las byas shing byas pa 'bras bu 'byin pas spyad zin pa yang mi rung la/ mngon par brjod pa'i bag chags gsar du 'byung ba yang

  27. 14a

    mi rung ngo/ /yang na dpe'i mtshan nyid ni kun bzhi rnam par shes pa de sgyu ma dang/ smig rgyu dang rmi lam dang rab rib lta bu'i phyir ro/ /de med du zin na yang dag pa ma yin pa kun rtog pa'i sa bon gyi phyin ci log gi rgyu nyid du mi rung ngo/ /yang mdza' dag nyid dang/ mdza' dag nyid ma yin pa'i mtshan nyid de/ bcings pa mdza' dag dang ldan pa rnams kyi ni mdza' dag nyid kyi mtshan nyid do/ /'jig rten pa'i 'dod chags dang bral ba rnams kyi ni nyam par byas pa'i mtshan nyid do/ /nyan thos dang byang chub sems dpa' slob pa rnams kyi ni phyogs gcig gton pa'i mtshan nyid do/ /dgra bcom pa dang rang sangs rgyas dang de bzhin gshegs pa rnams kyi ni nyon mongs pa'i sgrib pa mdza' dag bton pa'i mtshan nyid do/ /nyon mongs pa dang shes bya'i sgrib pa mdza' dag gton pa'i mtshan nyid de ci rigs su sbyar ro/ /de med du zin na kun nas nyon mongs pa rim gyi ldog par mi rung ngo/ /ci'i phyir dge ba dang mi dge ba'i chos rnams kyi rnam par smin pa ma bsgribs la lung du ma bstan pa'i rnam par smin pa zhes bya zhe na/ /'di ltar ma bsgribs la lung du ma bstan pa ni dge ba dang mi dge ba dang 'gal ba med de/ dge ba dang mi dge ba'i phan tshun mi mthun no/ /rnam par smin pa yang dge ba dang mi dge bar gyur na ni kun nas nyon mongs pa ldog par mi rung ngo/ /de lta bas na rnam par smin pa'i rnam par shes pa ni ma bsgribs la lung ma bstan pa nyid do/ /shes bya'i gnas bshad zin to// //bam po gnyis pa/ shes bya'i mtshan nyid ji ltar blta zhe na/ de ni mdor bsdu na rnam pa gsum ste/ gzhan gyi dbang gi mtshan nyid dang/ /kun rtag pa yi mtshan nyid dang/ /yongs su grub pa'i mtshan nyid do/ /de la gzhan gyi dbang gi mtshan nyid gang zhe na/ gang kun gzhi rnam par shes pa'i sa bon can yang dag pa ma yin pa kun rtog pas bsdus

  28. 14b

    ba'i rnam par rig pa'o/ /de yang gang zhe na/ lus dang lus can dang/ za ba po'i rnam par rig pa dang/ des nye bar spang bar bya ba'i rnam par rig pa dang/ de la nye bar spyod pa'i rnam par rig pa dang/ dus kyi rnam par rig pa dang/ grangs kyi rnam par rig pa dang/ yul gyi rnam par rig pa dang/ tha snyad kyi rnam par rig pa dang/ bdag dang gzhan gyi bye brag gi rnam par rig pa dang/ bde 'gro dang ngan 'gro dang 'chi 'pho dang skye ba'i rnam par rig pa'o/ /de la lus dang lus can dang za ba po'i rnam par rig pa gang yin pa dang/ des nye bar spyad par bya ba'i rnam par rig pa gang yin pa dang/ de la nye bar spyod pa'i rnam par rig pa gang yin pa dang/ dus dang/ grangs dang/ yul dang/ tha snyad kyi rnam par rig pa gang yin pa de ni mngon par brjod pa'i bag chags kyi sa bon las byung ba'i phyir ro// bdag dang gzhan gyi bye brag gi rnam par rig pa gang yin pa de ni bdag tu lta ba'i bag chags kyi sa bon las byung ba'i phyir ro/ /bde 'gro dang ngan 'gro dang 'chi 'pho dang skye ba'i rnam par rig pa gang yin pa de ni/ srid pa'i yan lag gi bag chags kyi sa bon las byung ba'i phyir ro/ /rnam par rig pa 'di rnams kyi khams dang 'gro ba dang skye gnas thams cad bsdus pa gzhan gyi dbang gi mtshan nyid kyi yang dag par ma yin pa kun tu rtog pa bstan pa yin no/ /rnam par rig pa 'di rnams kyi rnam par rig pa tsam nyid yang dag pa ma yin pa kun rtog pas bsdus pa yod pa ma yin pa dang/ nor ba'i don snang ba'i gnas gang yin pa 'di ni gzhan gyi dbang gi mtshan nyid do/ /de la kun stags pa'i mtshan nyid gang zhe na/ gang don med kyang rnam par rig pa tsam de don nyid du snang ba'o/ /de la yongs su grub pa'i mtshan nyid gang zhen gang gzhan gyi dbang gi mtshan nyid de nyid la don gyi mtshan nyid de gtan med pa nyid do/ /de la lus dang lus can dang za ba po'i rnam par rig pa ni mig la sogs pa nang

  29. 15a

    gi khams drug tu rig par bya'o/ /des nye bar spyad par bya ba'i rnam par rig pa ni gzugs la sogs pa phyi'i khams drug tu rig par bya'o/ /de la nye bar spyod pa rnam par rig pa ni mig gi rnam par shes pa la sogs pa'i khams drug tu rig par bya'o/ /rnam par rig pa lhag ma rnams ni rnam par rig pa 'di dag gi rab tu dbye bar rig par bya'o/ /rnam par rig pa 'di dag ni don med pa'i phyir rnam par rig pa tsam mo zhes bya ba 'di la dpe ci yod ce na/ rmi lam la sogs pa'i dper blta bar bya'o/ /dper na rmi lam na don med par yang rnam par shes pa tsam nyid du gzugs dang/ sgra dang/ dri dang/ ro dang/ reg bya dang/ khang khyim dang/ nags tshal dang/ sa dang ri la sogs pa'i don sna tshogs kyi rnam par snang gi de na don ni ci yang med do/ /dpe 'dis ni thams cad du yang rnam par rig pa tsam nyid du khong du chud par bya'o/ /sogs pa zhes bya ba rmos pas ni sgyu ma dang/ smig rgyu dang/ rab rib rnams dper rig par bya'o/ /gal te rmi lam la sogs pa bzhin du sad pa na yang thams cad du rnam par rig pa tsam nyid du zad na/ dper na rmi lam la rnam par rig pa tsam nyid kyi blo 'byung ba de bzhin du 'dir yang ci'i phyir mi 'byung zhe na/ de kho na shes pas sad pa rnams la 'byung ste/ dper na rmi lam gyi zhing ma sad pa la 'byung ba de bzhin du/ de kho na shes pas ma sad pa la mi 'byung gi de kho na shes pas sad pa la 'byung ngo/ /de kho na shes pas ma sad pas rnam par rig pa tsam nyid du ji ltar rjes su dpag par bya zhe na/ lung dang rig pas dpag par bya ste/ de la lung ni bcom ldan 'das kyis sa bcu pa las 'di lta ste/ khams gsum pa 'di ni sems tsam mo zhes gsungs pa dang/ dgongs pa nges par 'grel pa las byang chub sems dpa' byams pas zhus nas bcom ldan 'das kyis bka' stsal pa lta bu ste/ bcom

  30. 15b

    ldan 'das gang ting nge 'dzin gyi spyod yul gyi gzugs brnyan de ci sems de las tha dad pa zhes bgyi 'am/ tha dad pa ma lags zhes bgyi/ bcom ldan 'das kyis bka' stsal pa/ byams pa tha dad pa ma yin zhes bya'o/ /de ci'i phyir zhe na/ rnam par shes pa ni dmigs pa rnam par rig pa tsam gyi rab tu phye ba can yin no zhes nges bshad do/ /bcom ldan 'das ting nge 'dzin gi spyod yul gyi gzugs brnyan de gal te sems las tha dad pa ma lags na/ sems de nyid kyi sems de nyid ji ltar 'dzin pa lags/ byams pa chos gang yang chos gang la yang ni 'dzin mod kyi/ 'on kyang de ltar skyes pa'i sems gang yin pa de ni de ltar snang ngo/ /dper na gzugs kyi rkyen byas te/ gzugs nyid mthong yang/ gzugs brnyan mthong ngo snyam du sems te/ de la ni gzugs de dang gzugs brnyan snang pa de don tha dad par snang ngo/ /de bzhin du de ltar skyes pa'i sems de yang de las don tha dad par snang ngo zhes gsungs pa ste/ lung 'dis rigs pa yang bstan pa yin no/ /'di ltar sems mnyam par bzhag pa na shes bya'i gzugs brnyan rnam par bsngos pa la sogs pa gang dang gang mthong ba de dang de nyid sems mthong ba ste/ rnam par bsngos pa la sogs pa don gzhan med do/ /rig pa 'dis byang chub sems dpa' rnam par rig pa thams cad la rnam par rig pa tsam nyid du rjes su dpag par bya bar 'os so/ /rnam par bsngos pa la sogs pa la dran pa'i rnam par shes pa yang mi rung ste/ dmigs pa de mdun du bzhag na snang ba'i phyir ro/ /thos pa dang bsam pa las byung ba la dran pa'i rnam par shes pa gang yin pa de yang 'das pa la dmigs pa'i phyir/ der snang ba rnam par rig pa tsam du 'gyur ro/ /rjes su dpag pa 'dis byang chub sems dpa' de kho na shes pas/ /ma sad pas kyang rnam par rig pa tsam du rjes su dpag par bya'o/ /gang rmi lam lta bu'i rnam par rig pa sna tshogs bstan pa de dag las mig gi rnam par shes pa la sogs

  31. 16a

    pa'i rnam par rig pa rnams ni rnam par rig pa tsam nyid du rig na/ mig la sogs pa'i rnam par rig pa gzugs can rnams ji ltar rnam par rig pa tsam nyid du blta zhe na/ de dag kyang lung dang rig pas blta bar bya ste/ snga ma bzhin no/ /gal te de dag kyang rnam pa rig pa tsam nyid yin na/ /de dag ci'i phyir gzugs nyid du snang zhing mtshungs la bstan par rgyun gyi 'jug ce na/ /phyin ci log la sogs pa'i kun nas nyon mongs pa'i gzhi gnas yin pa'i phyir ro/ /gzhan du na ni don med pa la don du phyin ci log tu mi 'gyur te/ de med du zin na nyon mongs pa dang/ shes bya'i sgrib pa'i kun nas nyon mongs pa med par 'gyur ro/ /de med du zin na rnam par byang ba yang med par 'gyur te/ /de'i phyir de ltar 'di dag 'byung du rung ngo/ /'dir tshigs su bcad pa/ 'khrul pa'i rgyu dang 'khrul pa ni/ /gzugs kyi rnam par rig pa dang/ /rnam rig gzugs can yin par 'dod/ /med par gyur na cig shos med/ /ci'i phyir lus dang lus can dang za ba po'i rnam par rig pa dang/ des spyad par bya ba'i rnam par rig pa dang/ de la nye par spyod pa'i rnam par rig pa lus thams cad la lhan cig 'byung zhing 'dus par 'byung zhe na/ skye ba dang nye bar spyod pa yongs su rdzogs par mngon pa'i phyir ro/ /ci'i phyir dus kyi rnam par rig pa la sogs pa sna tshogs ji skad du smos pa rnams 'byung zhe na/ /thog ma med pa'i dus kyi 'khor ba'i rgyun mi 'chad pa dang/ sems can gyi khams dpag tu med pa dang/ phan tshun gyi bya ba bsgrub pa'i tha dad dpag tu med pa dang/ yongs su bzung ba nye bar spyad pa'i bye brag dpag tu med pa dang/ las kyi 'bras bu rnam par smin pa 'dod pa dang mi 'dod pa la nye bar spyad pa'i bye brag dpag tu med pa dang/ skye ba dang rga shi myong ba'i bar du dbye ba dpag tu med pa'i phyir ro/ /ji ltar rnam par rig pa 'di dag rnam par rig pa tsam nyid du gnas par 'gyur zhe na/ /mdor bsdu na rnam pa gsum gyi ste/ de tsam du zad pas don med pa'i phyir ro/ /gnyis kyi rnam par rig pa rgyu mtshan dang/ lta pa dang

  32. 16b

    bcas pa'i phyir ro/ /sna tshogs cig car 'byung bas ni sna tshogs kyi rnam par 'byung ba'i phyir te/ de ltar rnam par rig pa 'di dag thams cad ni don med pas de tsam yin la/ mig la sogs pa'i rnam par rig pa dag ni gzugs la sogs pa rgyu mtshan yin pa dang/ de dag gi rnam par shes pa lta ba yin pa lus kyi rnam par shes pa lta ba yin pa'i bar gyi rgyu mtshan dang lta ba dang bcas pa'o/ /yid kyi rnam par rig pa ni mig la sogs pa nas chos la thug pa'i rnam par rig pa thams cad kyi rgyu mtshan dang bcas shing/ yid kyi rnam par shes pa'i rnam par rig pas ni lta ba dang bcas pa ste/ yid kyi rnam par shes pa rnam par rtog pa yin pa dang/ rnam par rig par snang ba thams cad kyis bskyed pa'i phyir ro/ /'dir tshigs su bcad pa/ de tsam gnyis dang sna tshogs nyid/ /rnal 'byor pa rnams rtog par 'dod/ /sems tsam la ni zhugs gyur pa/ /de dang bral na de'i phyir yang/ /kha cig ni yid kyi rnam par shes pa de nyid rten de dang de nas 'byung ba na de dang de'i ming 'thob ste/ sems dpa' la lus dang ngag gi las zhes bya ba bzhin no snyam mo/ /rten thams cad du 'byung ba sna tshogs kyi rnam pas gnyis su snang ba 'byung ste/ de don tsam du snang ba dang/ /rnam par rtog par snang ba'i phyir ro/ /gzugs can gyi khams na yid kyi rnam par shes pa lus la gnas pa'i phyir/ de las gzhan pa'i dbang po gzugs can lus la gnas pa bzhin du gnas thams cad du yang reg bya la 'dzin par snang ba yang 'byung ngo/ /'dir tshigs su bcad pa/ gang zhig lus med phug nas shing/ ring du 'gro la gcig pu argyu/ /gdul bar dka' pa'i sems gdul byed/ /de ni bram zer ngas bshad do/ /yang dbang po lnga po 'di dag gi spyod yul gyi yul ni yid kyis myong ste/ yid ni 'di dag gi rton pa'o zhes ji skad gsungs pa lta bu'o/ /yang skye gnas bcu gnyis bstan pa las rnam par shes pa'i tshogs drug ni yid kyi skye mched do zhes ji skad gsungs pa lta bu'o/ /gang du yang kun gzhi rnam par shes pa'i rnam par rig

  33. 17a

    pa ni don gyi rnam par rig par 'jog pa der yang de las gzhan pa'i rnam par rig pa thams cad ni de'i rgyu mtshan gyi rnam par rig pa'o/ yid kyi rnam par shes pa'i rnam par rig pa brten dang bcas pa ni lta ba yin par rig par bya'o/ /rnam par rig pa rgyu mtshan du gyur pa de dag nyid de'i lta ba 'byung ba'i rgyu mtshan yin pa'i phyir don bzhin du snang ba na de 'byung ba'i rten gyi bya ba byed do/ /de lta na rnam par rig pa tsam nyid du gnas pa yin no/ /ji ltar na snang ba bzhin du yang med pa nyid du blta zhe na/ bcom ldan 'das kyis ji skad du/ byang chub sems dpa' chos bzhi dang ldan na/ rnam par rig pa thams cad kyi don med pa khong du chud par 'gyur te/ rnam par shes pa mi mthun pa'i rgyu mtshan nyid shes pas ni dper na yi dags dang/ dud 'gro dang/ mi dang lha rnams kyis dngos po gcig la rnam par rig pa tha dad pa mthong ba lta bu dang/ dmigs pa med pa'i rnam par rig pa dmigs pas ni/ dper na 'das pa dang ma 'ongs pa dang/ rmi lam dang/ gzugs brnyan dmigs pa lta bu dang/ 'bad pa med par yang phyin ci log med par 'gyur ba shes pas ni don yod na don du dmigs pa'i rnam par shes pa 'bad pa med par de kho na shes pa'i phyir phyin ci log med par 'gyur ba dang/ shes pa rnam pa gsum gyi rjes su mthun par shes pas ni 'di ltar byang chub sems dpa' dang/ bsam gtan pa sems la dbang thob pa rnams la mos pa'i dbang gis de lta de ltar don de dag snang ba dang/ zhi gnas thob pa'i rnal 'byor pa chos la lhag mthong la brtson pa rnams la yid la byed pa tsam du don snang ba dang/ rnam par mi rtog pa'i ye shes thob pa de la gnas pa rnams la don thams cad mi snang ngo zhes gsungs pa lta bu ste/ de ltar na shes pa rnam pa gsum gyi rjes su mthun pa dang/ gtan tshigs gong ma rnams kyis don med par grub pa yin no/ /'dir tshigs su bcad pa/ yi dags dud 'gro mi rnams

  34. 17b

    dang/ lha rnams ji ltar rigs rigs su/ dngos gcig yid ni tha dad phyir/ /don ma grub par 'dod pa yin/ /'das sogs de bzhin rmi lam dang/ /gzugs brnyan rnam pa gnyis la yang/ /dmigs pa yod pa ma yin pas/ de la dmigs par rung phyir ro/ /don ni don tu grub gyur na/ /shes pa rtog pa med mi 'gyur/ /de med pas na sangs rgyas nyid 'thob par 'thad pa ma yin no/ /byang chub sems dpa' dbang thob dang/ /rnal 'byor pa la 'di ltar yang/ /mos pa'i dbang gis sa la sogs/ /dngos po de ltar dmigs par 'gyur/ /'di la su zhig blo ldan zhing/ /zhi ba thob par grub pa yi/ /chos kun yid la byed pa la/ /de ltar don rnams snang phyir dang/ /mi rtog ye shes rgyu ba la/ /don kun snang ba med phyir yang/ /don med khong du chud par bya/ /de med pas na rnam rig med/ /gal te rnam par rig pa tsam don snang ba'i gnas gzhan gyi dbang gi ngo bo nyid yin na/ /de ji ltar na gzhan gyi dbang yin la/ /ci'i phyir na gzhan gyi dbang zhes bya zhe na/ rang gi bag chags kyi sa bon las skyes pa yin pas de lta bas na rkyen gyi gzhan dbang yin no/ /skye nas kyang skad cig las lhag par bdag nyid gnas par mi nus pas na gzhan gyi dbang zhes bya'o/ /gal te de la gnas pa'i don med pa snang ba kun brtags pa'i ngo bo nyid yin na de ji ltar na kun brtags pa yin la/ ci'i phyir kun brtags pa zhes bya zhe na/ yid kyi rnam par shes pa kun tu rtog pa dpag tu med pa'i rnam pa can gyi phyin ci log 'byung ba'i rgyu mtshan yin pas kun brtags pa'o/ /rang gi mtshan nyid med la kun tu rtog pa tsam du dmigs pas kun brtags pa zhes bya'o/ /gal te de gtan med pa'i mtshan nyid yongs su grub pa'i ngo bo nyid yin na/ de ji ltar na yongs su grub pa nyid yin la/ ci'i phyir na yongs su grub pa zhes bya zhe na/ gzhan du mi 'gyur ba'i phyir yongs su grub pa'o/ /rnam par dag pa'i dmigs pa yin pa dang/ dge ba'i chos thams cad kyi mchog yin pa'i phyir mchog gi don gyi yongs su

  35. 18a

    grub pa zhes bya'o/ /yang kun tu rtog pa yod cing kun tu rtag par bya ba yod na/ kun brtags pa'i ngo bo nyid do/ /de la kun tu rtog pa ni gang yin/ kun tu brtags par bya ba ni ci zhig /kun tu brtags pa'i ngo bo nyid ni gang zhe na/ yid kyi rnam par shes pa ni kun tu rtogs pa ste/ rnam par rtogs pa can gyi phyir ro/ /de ni rang brjod pa'i bag chags kyi sa bon las byung ba dang/ rnam par rig pa thams cad kyi brjod pa'i bag chags kyi sa bon las byung ba'o/ /de lta bas na rnam pa mdza' yas pa'i rnam par rtog pa/ ngag gi 'byung ste/ /thams cad du rtog pas kun tu rtog pa zhes bya bas na kun tu rtog pa zhes bya'o/ /gzhan gyi dbang gi ngo bo nyid ni kun tu brtag par bya'o/ rnam pa gang du gzhan gyi dbang gi ngo bo nyid la kun tu brtags pa de ni de la kun brtags pa'i ngo bo nyid do/ /rnam pa gang du zhes bya ba ni ji ltar zhes bya ba'i tha tshig go /kun tu rtog pas ji ltar kun tu rtog /dmigs pa gang dang mtshan mar 'dzin pa gang dang/ mngon par zhen pa gang dang/ ngag kun nas slong ba gang dang/ tha snyad gang dang/ sgro gdogs pa gang gis kun tu rtog ce na/ ming gis dmigs pa dang/ gzhan gyi dbang gi ngo bo nyid la der mtshan mar 'dzin pa dang/ lta bas de la mngon par zhen pa dang/ rnam par rtog pa rnams kyi dag kun nas slong ba dang/ mthong ba la sogs pa tha snyad bzhi po dag gi tha snyad 'dogs pa dang/ med pa'i don la yod do zhes sgro 'dogs pas kun tu rtog go /ngo bo nyid gsum po 'di dag gi tshul ci tha dad pa zhig gam/ 'on te tha dad pa ma yin zhe na/ tha dad pa ma yin pa/ tha dad pa ma yin pa yang ma yin par brjod par bya'o// gzhan gyi dbang gi ngo bo nyid ni rnam grangs kyis na gzhan gyi dbang ngo/ /rnam grangs kyis na de nyid kun rtag pa'o/ /rnam grangs kyis na de nyid yongs su grub pa'o/ /gang gi gzhan gyi dbang gi ngo bo nyid la gzhan gyi dbang zhes bya ba'i rnam grangs gang zhe na//

  36. 18b

    gzhan gyi dbang gi bag chags kyi sa bon las 'byung ba'i gzhan gyi dbang gi phyir ro/ /gang gis de nyid kun tu rtags pa zhes bya ba'i rnam grangs gang zhe na/ kun tu rtog pa'i rgyu mtshan yin pa dang/ des kun tu brtags pa'i phyir ro/ /gang gis de nyid yongs su grub pa zhes bya ba'i rnam grangs gang zhe na/ ji ltar kun tu brtags pa de ltar de btan med pa'i phyir ro/ /gzhan gyi dbang gi ngo bo nyid la rnam pa du yod ce na/ mdor bsdu na rnam pa gnyis te/ bag chags kyi sa bon gzhan gyi dbang dang/ kun nas nyon mongs pa dang/ rnam par byad ba'i ngo bo nyid yongs su grub pa gzhan gyi dbang ste/ gzhan gyi dbang rnam pa 'di gnyis kyis gzhan gyi dbang ngo/ /kun brtags pa'i ngo bo nyid kyang rnam pa gnyis te/ ngo bo nyid du kun tu rtog pa dang/ khyad par du kun tu rtog pas brtags pa'i phyir ro/ /yongs su grub pa'i ngo bo nyid kyang rnam pa gnyis te/ rang bzhin gyis yongs su grub pa dang/ rnam par dag par yongs su grub pa nyid kyi yongs su grub pa'o/ /yang kun tu rtog pa ni rnam pa bzhi ste/ ngo bo nyid du kun tu rtog pa dang/ khyad par du kun tu rtog pa dang/ byad ba dang ma byad ba'o/ /byad ba ni tha snyad la mkhas pa rnams kyi kun tu rtog pa'o/ /ma byad ba ni tha snyad la mi mkhas pa rnams kyi kun tu rtog pa'o/ /yang rnam pa lnga ste/ ming la brten te don gyi ngo bo nyid la kun tu rtog pa ni 'di lta ste/ ming 'di'i don ni 'di'o zhes bya'o/ /don la brten te/ ming gi ngo bo nyid la kun tu rtogs pa ni 'di lta ste/ don 'di'i ming 'di yin no zhes bya ba'o/ /ming la brten te ming gi ngo bo nyid la kun tu rtog pa ni 'di lta ste/ don ma rtogs pa'i ming la kun tu rtog pa'o/ /don la brten te don gyi ngo bo nyid la kun tu rtog pa 'di lta ste/ ming ma rtog pa'i don gyi ngo bo nyid la kun tu rtog pa'o/ /de gnyis la brten te/ de gnyi ga la kun du rtog pa ni 'di lta ste/ don 'di lta bu'i bdag nyid 'di'i ming 'di'o zhes bya'o/ /thams cad bsdu na rnam par rtog pa rnam pa bcu ste/ rtsa ba'i rnam par rtog pa ni 'di lta ste/ kun gzhi rnam par shes pa'o/ /mtshan

  37. 19a

    ma'i rnam par rtog pa ni 'di lta ste/ gzugs la sogs pa'i rnam par rig pa'o/ /mtshan mar snang ba'i rnam par rtog pa ni 'di lta ste/ rten dang bcas pa'i mig gi rnam par shes pa la sogs pa'i rnam par rig pa'o/ /mtshan ma 'gyur pa'i rnam par rtog pa ni 'di lta ste/ dga' ba la sogs pa dang/ bde ba'i tshor ba la sogs pa dang/ 'dod chags la sogs pa dang/ gnod pa dang dus kyi yongs su 'gyur ba la sogs pa dang/ sems can dmyal ba'i 'gro ba la sogs pa dang/ 'dod pa'i khams la sogs pa de 'gyur ba'o/ /mtshan mar snang ba 'gyur ba'i rnam par rtog pa ni 'di lta ste/ ji skad smos pa'i 'gyur ba 'di dag nyid kyis de 'gyur ba'o/ /gzhan gyi bstan pa'i rnam par rtog pa ni 'di lta ste/ dam pa ma yin pa'i chos mnyan pa'i rjes su 'gro ba dang/ dam pa'i chos mnyan pa'i rjes su 'gro ba'i rnam par rtog pa gang yin pa'o/ /tshul bzhin ma yin pa'i rnam par rtog pa ni 'di lta ste/ dam pa ma yin pa'i chos mnyan pa las byung ba ste/ 'di las phyi rol pa rnams kyi rnam par rtog pa'o/ /tshul bzhin gyi rnam par rtog pa ni 'di lta ste/ dam pa'i chos mnyan pa las byung ba ste/ chos 'di pa rnams kyi rnam par rtog pa'o/ /mngon par zhen pa'i rnam par rtog pa ni 'di lta ste/ tshul bzhin ma yin pa'i yid la byed pa las byung ba'i 'jig tshogs la lta ba'i rtsa ba las byung ba lta bar song ba drug cu rtsa gnyis dang mtshungs par ldan pa'i rnam par rtog pa gang yin pa'o/ /rnam par g.yeng ba'i rnam par rtog pa ni 'di lta ste/ byang chub sems dpa' rnams kyi rnam par rtog pa rnam pa bcu ste/ dngos po med pa'i mtshan ma'i rnam par g.yeng ba dang/ dngos po'i mtshan nyid rnam par g.yeng ba dang/ sgro 'dogs pa'i rnam par g.yeng ba dang/ skur pa 'debs pa'i rnam par g.yeng ba dang/ gcig pa nyid du rnam par g.yeng ba dang/ tha dad pa nyid du rnam par g.yeng ba dang/ ngo bo

  38. 19b

    nyid du rnam par g.yeng ba dang/ khyad par du rnam par g.yeng ba dang/ ming ji lta ba bzhin du don du rnam par g.yeng ba dang/ don ji lta ba bzhin du ming du rnam par g.yeng ba'o/ /de la dngos po med par rnam par rtog pa'i gnyen po'i don du bka' stsal pa/ byang chub sems dpa' nyid du yod bzhin du zhes bya ba la sogs pa'o/ /dngos po rnam par rtog pa'i gnyen po'i don tu bka' stsal pa/ byang chub sems dpa' yang dag par rjes su mi mthong ngo zhes bya ba'o/ /sgro 'dogs pa'i rnam par rtog pa'i gnyen po'i don du bka' stsal pa/ byang chub sems pa'i ming yang dag par rjes su mi mthong/ shes rab kyi pha rol tu phyin pa yang dag par rjes su mi mthong/ spyod ces bya bar yang dag par rjes su mi mthong/ gzugs yang dag par rjes su mi mthong/ tshor ba dang 'du shes dang 'du byed dang rnam par shes pa'i bar du yang dag par rjes su mi mthong ngo/ /de ci'i phyir zhe na/ 'di ltar ming ni ngo bo nyid kyi stong ngo zhes bya ba la sogs pa'o/ /skur pa 'debs pa'i rnam par rtog pa'i gnyen po'i don du bka' stsal pa/ stong pa nyid kyis ni ma yin no zhes bya'o/ /gcig pa nyid du rnam par rtog pa'i gnyen po'i don du bka' stsal pa/ gzugs kyi stong pa nyid gang yin pa de gzugs ma yin no zhes bya ba la sogs pa'o/ /tha dad pa nyid du rnam par rtog pa'i gnyen po'i don du bka' stsal pa/ gzugs ni stong pa nyid las gzhan pa yang ma yin te/ gzugs nyid stong pa nyid do/ /stong pa nyid gzugs so zhes bya ba'o// ngo bo nyid du rnam par rtog pa'i gnyen po'i don tu bka' stsal pa/ rab 'byor 'di lta ste/ gzugs zhes bya ba 'di ni ming tsam zhes bya ba zhes bya ba la sogs pa'o/ /khyad par du rnam par rtog pa'i gnyen po'i don du bka' stsal pa/ ngo bo nyid ni mi skye mi 'gag /kun nas nyon mongs pa ma yin/ rnam par byad ba ma yin no zhes bya ba'o/ /ming ji lta ba bzhin du don du rnam par rtog pa'i gnyen po'i don du bka' stsal pa/ ming bcos ma la chos de dag so sor brtags nas ming glo bur gyi rjes su tha snyad 'dogs te/ ji lta ji ltar rjes su tha snyad 'dogs pa de lta de

  39. 20a

    ltar mngon par zhen to zhes bya ba'o/ /don ji lta ba bzhin du ming du rnam par rtog pa'i gnyen po'i don du bka' stsal pa/ byang chub sems dpa' ming de dag thams cad yang dag par rjes su mi mthong ngo/ /yang dag par rjes su mi mthong bas mngon par zhen pa med do zhes bya ba ste/ don ji lta ba bzhin du zhes bya bar dgongs pa'o/ /gzugs la ji lta ba de bzhin du rnam par shes pa'i bar du yang sbyor bar bya'o/ /rnam par g.yeng ba bcu po 'di dag gi gnyen por shes rab kyi pha rol tu phyin pa thams cad du rnam par mi rtog pa'i ye shes bstan te/ de ltar na shes rab ky pha rol tu phyin pa'i don mdza' dag ni mi 'thun pa'i phyogs dang gnyen po dang bcas par rig par bya'o/ /gal te rnam grangs kyi gzhan gyi dbang gi ngo bo nyid gsum du zin na/ 'o na ji ltar ngo bo nyid gsum bye brag med par mi 'gyur zhe na/ rnam grangs gang gi gzhan gyi dbang yin pas des kun brtags pa ma yin/ yongs su grub pa yin no/ /rnam grangs gang gi kun tu brtags pa yin pa des/ gzhan gyi dbang ma yin/ yongs su grub pa ma yin no/ /rnam grangs gang gis yongs su grub pa yin pa des gzhan gyi dbang ma yin/ kun brtags pa ma yin no/ /gzhan gyi dbang gi ngo bo nyid kun tu brtags pa'i ngo bo nyid du ji ltar snang ba de'i bdag nyid ma yin par ci mngon zhe na/ ming gi snga rol na blo med pas de'i bdag nyid du 'gal ba dang/ ming mang pos bdag mang por 'gal ba dang/ ming nges pa med pas bdag 'dres par 'gal ba nyid kyi phyir ro/ /'dir tshigs su bcad pa/ ming gi snga rol blo med phyir/ /mang ba'i phyir dang ma nges phyir/ /de yi bdag nyid bdag med dang/ /bdag 'dres 'gal bar grub par 'gyur/ /chos rnams med la dmigs pa dang/ /kun nas nyon mongs med rnam dag /sgyu ma la sogs 'dra ba dang/ /de gzhi mkha' 'dra shes par bya/ /ji ltar snang ba bzhin du med du zin na gzhan gyi dbang gi ngo bo nyid thams cad du med par ci'i phyir mi 'gyur/

  40. 20b

    de med? na yongs su grub pa'i ngo bo nyid ming thams cad med pa nyid du ji ltar mi 'gyur zhe na/ gzhan gyi dbang dang yongs su grub pa'i ngo bo nyid med du zin na/ /kun nas nyon mongs pa dang/ rnam par byad ba med pa'i nyes par 'gyur ba'i phyir ro/ /kun nas nyon mongs pa dang/ rnam par byad ba ni dmigs so/ /de lta bas na thams cad med pa ma yin no/ /'dir tshigs su bcad pa/ gzhan gyi dbang dang yongs su grub/ /rnam pa kun tu yod pa yin/ /kun nas nyon mongs rnam par dag /dus kun tu ni med par 'gyur/ /sangs rgyas bcom ldan 'das rnams kyi/ /theg pa chen po shin tu rgyas pa bstan pa gang yin pa'i bstan pa der kun tu brtags pa'i ngo bo nyid ji ltar rig par bya zhe na/ med pa'i rnam grangs bstan pas rig par bya'o/ /gzhan gyi dbang gi ngo bo nyid ji ltar rig par bya zhe na/ sgyu ma dang/ smig rgyu dang/ rmi lam dang/ mig yor dang/ gzugs brnyen dang/ brag ca dang/ chu zla dang/ sprul pa lta bur rig par bya'o/ yongs su grub pa'i ngo bo nyid ji ltar rig par bya zhe na/ rnam par byad ba'i chos rnam pa gzhi bstan pas rig par bya ste/ rnam par byad ba'i chos rnams bzhi la/ rang bzhin gyi rnam par byad ba ni 'di lta ste/ de bzhin nyid dang/ stong pa nyid dang/ yang dag pa'i mdza' dang/ mtshan ma med pa dang/ don dam pa ste/ chos kyi dbyings kyang de yin no/ /dri ma med par byad ba ni 'di lta ste/ de nyid sgrib pa thams cad dang mi ldan pa'o/ /de thob pa'i lam rnam par byad ba ni 'di lta ste/ byang chub kyi phyogs dang mthun pa'i chos thams cad dang/ pha rol tu phyin pa la sogs pa'o/ /de bskyed pa'i phyir dmigs pa rnam par byad ba ni 'di lta ste/ theg pa chen po'i dam pa'i chos bstan pa ste/ 'di ltar de ni rnam par byad ba'i rgyu yin pa'i phyir kun tu brtags pa ma yin no/ /chos kyi dbyings dag pa'i rgyu mthun pa yin gzhan gyi dbang ma yin no/ /rnam pa bzhi po 'di dag gi rnam par byad ba'i chos thams cad bsdus pa yin no/ /'dir tshigs su bcad pa/ byung rten sgyu ma la sogs bstan/ rtags la rten nas med pa bstan/

  41. 21a

    rnam par dag pa gzhi brten nas/ /yongs su grub pa bstan pa yin/ /dag pa de ni rang bzhin dang/ /dri ma med dang lam dang dmigs/ /rnam par dag pa'i chos kyi rnams/ /rnam pa bzhi pos bsdus pa yin/ /gzhan gyi dbang gi ngo bo nyid ci'i phyir ji skad rmos pa'i sgyu ma la sogs pa lta bur bstan ce na/ gzhan gyi dbang gi ngo bo nyid la gzhan dag nor ba nyid du som nyi za ba bzlog pa'i phyir ro/ /gzhan gyi dbang gi ngo bo nyid la gzhan dag ji ltar nor pa nyid du som nyi za bar 'gyur zhe na/ 'di ltar gzhan dag 'di snyam du ji ltar na med pa spyod yul du 'gyur snyam du sems pa de dag gi som nyi za ba de bzlog pa'i phyir sgyu ma lta bu nyid do/ /sems dang sems las byung ba don med pa rnams ji ltar 'byung snyam du som nyi za ba bzlog pa'i phyir smig rgyu lta bu nyid do/ /don med na 'dod pa dang mig? 'dod pa'i nye bar spyod par ji ltar 'gyur snyam du som nyi za ba bzlog pa'i phyir rmi lam lta bu nyid do/ /don med na las dge ba dang/ mi dge ba rnams kyi 'bras bu 'dod pa dang mi 'dod pa ji ltar mngon par 'grub par 'gyur snyam du som nyi za ba bzlog pa'i phyir gzugs brnyan lta bu nyid do/ /don med na ji ltar rnam par shes pa sna tshogs 'byung snyam du som nyid za ba bzlog pa'i phyir mig yor lta bu nyid do/ /don med na ji ltar tha dad brjod pa sna tshogs snyam du som nyi za ba bzlog pa'i phyir brag ca lta bu nyid do/ /don med na ji ltar yang dag par 'dzin pa'i ting nge 'dzin gyi spyod yul 'byung snyam du som nyi za ba bzlog pa'i phyir chu zla lta bu nyid do/ /don med na byang chub sems dpa' sems phyin ci log pa rnams sems can gyi bya ba sgrub pa'i phyir bsams bzhin du ji ltar skye snyam du som nyi za ba bzlog pa'i phyir sprul pa lta bu nyid bstan to/ /bcom ldan 'das ci la dgongs te/ tshangs pas zhus pa las de bzhin gshegs pas 'khor ba yang ma dmigs/ mya ngan las 'das pa yang ma dmigs zhes bstan ce na/ gzhan gyi dbang gi ngo bo nyid kun tu brtags pa dang/ yongs su grub pa'i ngo bo nyid yin pa'i

  42. 21b

    phyir 'khor ba dang/ mya ngan las 'das pa nyid bye brag med pa las dgongs nas bstan te/ 'di ltar gzhan gyi dbang gi ngo bo nyid de nyid kun tu brtags pa'i chos ni 'khor ba'o/ /yongs su grub pa'i chos ni mya ngan las 'das pa'o/ /chos mngon pa'i mdo las chos ni gsum ste/ kun nas? nyon mongs pa dang/ rnam par byang ba dang/ de gnyi ga'i char gtogs pa'o zhes bcom ldan 'das kyis gang gsungs pa ci las dgongs te gsungs she na/ gzhan gyi dbang gi ngo bo nyid la kun tu brtags pa'i ngo bo nyid yod pa ni kun nas nyon mongs pa'i? ? gtogs pa'o/ /yongs su grub pa'i ngo bo nyid yod pa ni rnam par byang ba'i char gtogs epa'o/ /gzhan gyi dbang de nyid ni gnyi ga'i char gtogs pa ste/ 'di la dgongs nas bka' stsal to/ /don 'di la dpe ci yod ce na/ dpe ni sa khong na gser yod pa ste/ dper nas khong na gser yod pa la ni sa'i khams dang/ sa dang gser dang gsum dmigs so/ /de la sa'i khams la ni med pa'i sa dmigs la/ yod pa'i gser ni mi dmigs te/ 'di ltar mes reg na sa ni mi snang la gser ni snang ngo/ /sa'i khams ni sar snang ba la log par snang ngo/ /gser du snang ba na de bzhin du snang ngo/ /de bas na sa'i khams ni gnyi ga'i char gtogs pa'o/ /de bzhin du rnam par rig pa la rnam par mi rtogs pa'i ye shes kyi mes ma reg pas na/ rnam par rig pa de yang dag pa ma yin pa kun brtags pa'i ngo bo nyid du snang gi/ yang dag pa yongs su grub pa'i ngo bo nyid du mi snang la/ rnam par shes pa la rnam par mi rtogs pa'i ye shes kyis mes reg pas na/ rnam par rig pa de yang dag pa yongs su grub pa'i ngo bo nyid du snang gi/ log par kun tu brtags pa'i ngo bo nyid du mi snang ngo/ /de lta bas na yang dag pa ma yin pa kun tu rtog pa'i rnam par rig ba gzhan gyi dbang gi ngo bo nyid de ni gnyi ga'i chad? gtogs pa yin te/ sa khong na gser yod pa la sa'i khams bzhin no/ /bcom ldan 'das kyis la lar ni chos thams cad rtag go zhes bstan/ la lar ni mi rtag go zhes bstan/ la lar ni rtag pa yang ma

  43. 22a

    yin mi brtag pa yang ma yin no zhes bstan pa ci las dgongs te/ rtag pa zhes bstan ce na/ gzhan gyi dbang gi ngo bo nyid yongs su grub pa'i chas brtag pa'o/ /kun tu brtags pa'i ngo bo nyid kyi chas mi rtag pa'o/ /gnyi ga'i chas rtag pa yang ma yin mi rtag pa yang ma yin pa 'di las dgongs nas bstan to/ /ji ltar rtag pa dang mi rtag pa dang gnyis su med pa de bzhin du/ bde ba dang sdug bsngal dang gnyis su med pa dang/ dge ba dang mi dge ba dang gnyis su med pa dang/ stong pa dang mi stong pa dang/ gnyis su med pa dang/ bdag dang bdag med pa dang/ gnyis su med pa dang/ zhi ba dang ma zhi ba dang gnyis su med pa dang/ ngo bo nyid yod pa dang ngo bo nyid med pa dang gnyis su med pa dang/ skyes pa dang ma skyes pa dang/ gnyis su med pa dang/ 'gags pa dang ma 'gags ba dang gnyis su med pa dang/ bzod ma nas zhi ba dang bzod ma nas ma zhi ba dang gnyis su med pa dang/ rang bzhin gyis mya ngan las 'das pa dang/ rang bzhin gyi mya ngan las ma 'das pa dang/ gnyis su med pa dang/ 'khor ba dang/ mya ngan las 'das pa dang/ gnyis su med do zhes bya ba la sogs pa'i rab tu dbye ba dag gi sangs rgyas bcom ldan 'das rnams kyi ldem po ngag thams cad rtag pa dang mi rtag pa la sogs pa'i rnam grangs bstan pa bzhin du/ ngo bo nyid gsum yin pa dag tu khong du chud par bya'o/ /'dir tshigs su bcad pa/ ji ltar chos rnams yod min zhing/ /ji ltar rnam pa du mar snang/ /de bzhin chos dang chos med min/ /gnyis su med pa'i don du bsten/ /cha res de dag med pa dang/ /yod pa zhes ni rab tu bsten/ /gnyi ga'i chas ni yod min zhing/ /med ba'ang min zhes brjod pa mdzad/ /ji ltar snang ba de bzhin med/ /de phyir med ces brjod pa mdzad/ /gang phyir de ltar snang gyur pa/ /de phyir yod ces brjod mdzad pa/ /rang dang bdag nyid med pa'i phyir/ /rang gi dngos la mi gnas phyir/ /bzung ba bzhen du de med phyir/ /ngo bo nyid med nyin?

  44. 22b

    du bshad?/ /ngo bo nyid ni med pa yis/ /phyi ma phyi ma brten byas te/ /skye med 'gag med gzod zhi dang/ /rang bzhin mya ngan 'das par grub/ /yang dgongs pa bzhi dang ldem por dgongs pa bzhi sangs rgyas kyi gsung thams cad khong du chud par bya'o/ /mnyam pa nyid las dgongs pa ni 'di lta ste/ /de nyid de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rnam par gzigs su gyur to zhes bya ba lta bu'o/ /dus gzhan la dgongs pa ni 'di lta ste/ de bzhin gshegs pa rin chen mang gi mtshan gzung bas bla na med par yang dag par rdzogs ba'i byang chub tu nges par 'gyur ro zhes bya ba lta bu dang smon lam btab pa tsam gyis 'jig rten gyi khams bde ba can du skye bar 'gyur ro zhes ji skad gsungs pa lta bu'o/ /don gzhan la dgongs pa ni sangs rgyas gang+gA'i klung gi bye ma snyed 'di snyed cig la bsnyen bkur byas na theg pa chen po'i chos kyi don khong du chud par 'gyur ro zhes ji skad gsungs pa lta bu'o/ /gang zag gi bsam pa la dgongs pa ni 'di lta ste/ gang zag kha cig la sbyin pa bsngags la/ /de nyid la bsngags pa ma yin pa'ang gsung ba dang/ sbyin pa ji lta bar tshul khrims dang bsgom pa kha cig kyang de bzhin te/ 'di ni dgongs pa rnam pa bzhi'o/ yang ldem por dgongs pa bzhi ste/ gzhug pa la ldem por dgongs pa ni 'di lta ste/ /nyan thos kyi theg pa 'am/ /theg ba chen por gang zag dang chos kyi ngo bo nyid dang khyad par kun rdzob kyis bden ba'i tshul du bstan pa'o/ /mtshan nyid la ldem por dgongs pa ni gang du chos kyi mtshan nyid bstan pas ngo bo nyid gsum po dag bston pa'o/ /gnyen po la ldem por dgongs pa ni/ /gang du spyod pa brgyad khri bzhi stong gyi gnyen po bstan pa'o/ /bsgyur ba la ldem por dgongs pa ni gang du sgras don gzhan du brjod la/ /don nyid gzhan du ston pa ste/ 'dir tshigs su bcad pa/ snying po med la snying por shes/ /phyin ci log la shin tu gnas/ /nyon mongs kun nas rab nyon rmongs/ /byang chub dam pa thob par 'gyur/ /theg pa chen po'i chos 'chad par

  45. 23a

    'dod pas mdor bsdu na rnam pa gsum gyis bshad par bya ste/ rten cing 'brel bar 'byung ba bstan pa dang/ rten cing 'brel bar 'byung ba'i chos rnams kyi mtshan nyid bstan pa dang/ bshad zin pa'i don bstan pas bshad par bya'o/ /de la rten cing 'brel par 'byung ba bstan pa ni/ chos rnams brjod pa'i bag chags las/ /byung ste de dag nyid las de zhes ji skad gsungs pa lta bu ste/ rnam par smin pa dang 'jug pa'i rnam par shes pa dag phan tshun du rkyen du gyur pas 'byung ba'i phyir ro/ /'jug pa'i rnam par shes pa'i mtshan nyid kyi chos de dag ni rgyu mtshan dang lta ba dang bcas pa'i rnam par rig pa'i ngo bo nyid do/ /de dag kyang gnas kyi mtshan nyid dang/ kun brtags pa'i mtshan nyid dang/ chos nyid kyi mtshan nyid do/ /'dis ni ngo bo nyid gsum gyi mtshan nyid bstan pa yin te/ rgyu mtshan lta ba dang bcas pa las/ de dag mtshan nyid gsum shes bya zhes ji skad gsungs pa lta bu'o/ /de dag gi mtshan nyid ji ltar bshad par bya zhe na/ gzhan gyi dbang gi mtshan nyid la kun brtags pa'i mtshan nyid ni med la/ yongs su grub pa'i mtshan nyid ni de na yod na/ de kho na ma mthong ba dang mthong bas dus gcig tu de gnyi ga yod pa dang med par mi dmigs pa 'am dmigs pa'o/ /gzhan gyi dbang gi ngo bo nyid la kun brtags pa med pa dang yongs su grub pa yod pa'i phyir 'byung ste/ de dmigs pa na de dmigs pa'i phyir ro/ /de mi dmigs pa na de dmigs pa'i phyir ro/ /gzhan dbang la ni brtags pa med/ /yongs su grub pa de na yod/ /de phyir de la gnyi ga yang/ /mi dmigs dmigs pa mnyam pa yin zhes ji skad bshad pa lta bu'o/ /bshad zin pa don bshad pa gang zhe na/ 'di lta ste tshig sngar bshad zin pa'i tshig lhag ma rnams kyis de yon tan gyi dbang du bya ba 'am/ don gyis dbang du bya bas rnam par phye? ste bstan pa'o/ /yon tan gyi dbang du bya ba ni/ 'di lta ste/ shin tu rnam par dag

  46. 23b

    pa'i blo mnga' ba kun tu spyod pa'i gnyis mi mnga' ba/ mtshan nyid med pa'i chos la mchog tu gzhol bar mdzad pa/ sangs rgyas kyi gnas pas gnas pa/ sangs rgyas thams cad dang mnyam pa nyid brnyes pa/ sgrib pa mi mnga' bas rtogs par thugs su chud pa phyir mi? zlog pa'i chos dang ldan pa/ spyod yul gyis mi 'phrogs pa/ rnam par bzhag pa bsam gyis mi khyab pa/ dus gsum mnyam pa nyid du thugs su chud pa/ 'jig rten gyi khams thams cad du khyab pa'i sku dang ldan pa/ chos thams cad la the tshom med pa'i ye shes mnga' ba/ spyod pa thams cad dang ldan pa'i blo mnga' ba chos mkhyen pa la nem? nur med pa/ rnam par ma brtags pa'i sku mnga' ba/ ye shes byang chub sems dpa' thams cad pas yang dag par mnos pa/ sangs rgyas kyis gnas pa gnyis su med pa dam pa'i pha rol tu phyin pa/ de bzhin gshegs pa ma 'dres pa'i rnam par thar par mdzad pa'i ye shes kyi mthar phyin pa/ mdza' dang dpung med pa'i sangs rgyas kyis mnyam par nyid du thugs su chud pa/ chos kyi dbyings kyis klas pa/ nam mkha' i khams kyis mthas gtugs pa/ phyi ma'i mdza' i mur thug pa zhes sangs rgyas kyi yon tan rnams bstan pa'o/ /shin tu rnam par dag pa'i blo mnga' ba/ zhes bya ba'i tshig 'di rnam par dbye ba ni tshig lhag ma rnams yin par rig par bya ste/ de ltar na chos nyid legs par bshad pa yin no/ /shin tu rnam par dag pa'i blo mnga' ba zhes bya ba sangs rgyas bcom ldan 'das rnams kyis blo shin tu rnam par dag pa 'di ni/ yon tan bcu dgus bsdus par rig par bya ste/ shes bya la shin tu sgrib pa med par 'jug pa'i yon tan dang/ yod pa dang/ med pa gnyis su med pa'i mtshan nyid de bzhin nyid mchog tu rnam par dag pa shes par mdzad pa'i yon tan dang/ sangs rgyas kyi mdzad pa lhun gyis grub pa rgyun mi gcod par gnas pa'i yon tan dang/ chos kyi sku la gnas dang dgongs pa dang/ phrin las tha dad

  47. 24a

    pa med pa'i yon tan dang/ sgrib pa thams cad kyi gnyen po bsgoms pa'i yon tan dang/ mu stegs can thams cad kyis mi thub pa'i yon tan dang/ 'jig rten du skyes kyang 'jig rten pa'i chos kyi mi 'phrogs pa'i yon tan dang/ chos rnam bar bzhag pa'i yon tan dang/ lung ston pa'i yon tan dang/ 'jig rten gyi khams thams cad du longs spyod rdzogs pa dang sprul pa'i sku ston pa'i yon tan dang/ the tshom gcod pa'i yon tan dang/ spyod pa sna tshogs kyis 'jug par mdzad pa'i yon tan dang/ phyi ma la chos 'byung ba mkhyen pa'i yon tan dang/ mos pa ji lta ba bzhin du ston pa'i yon tan dang/ sku dpag tu med pas sems can 'dul bar byed pa'i yon tan dang/ chos kyis sku mnyam pa la pha rol tu phyin pa rnams grub pa'i yon tan dang/ mos pa ji lta ba bzhin du sangs rgyas kyis zhing ma 'dres pa ston pa'i yon tan dang/ sangs rgyas kyis sku gsum gyis yul yongs su ma chad pa'i yon tan dang/ 'khor ba'i mdza' ji tsam par sems can thams cad la phan pa dang/ bde bar nye bar gnas pa'i yon tan dang/ mi bzad? pa nyid kyi yon tan gyis bsdus so/ /don gyis dbang du bya ba ni/ yang dag byang chub sems dpa' chos sum cu rtsa gnyis dang ldan na byang chub sems dpa' byang chub sems dpa' zhes bya ste/ sum cu rtsa gnyis gang zhe na/ sems can thams cad la phan pa dang/ bde bar bya ba'i lhag pa'i bsam pa dang/ thams cad mkhyen pa'i ye shes la 'dzud pa dang/ bdag ci'i phyir zhes yongs su shes pa dang nga rgyal bcom pa dang/ lhag pa'i bsam pa brtan pa dang/ bcos ma ma yin par byams pa dang/ mdza' ba dang mi mdza' ba la sems snyoms pa dang/ mya ngan las 'das pa'i mdza' i bar du gtan tu mdza' ba dang/ tshig ran pa dang/ 'dzum pa'i bzhin gyis gsod por smra ba dang/ snying rje chen po yongs su ma chad pa dang/ khur blangs pa rnams

  48. 24b

    la sgyid lug pa med pa dang/ yid yongs su mi skyo ba dang/ thos pa dang don gyis ngoms mi myong ba dang/ bdag gis 'khrul pa rnams la nyes par lta ba dang/ gzhan gyis 'khrul pa rnams la mig she bar bsgo ba dang/ spyod lam thams cad du byang chub kyi sems yongs su spyod bar byed pa dang/ rnam par smin pa la mi? re ba'i sbyin pa dang/ srid pa'i 'gro bar skye ba thams cad la mi gnas pa'i tshul khrims dang/ sems can thams cad la zhes 'gras pa med pa'i bzod pa dang/ dge ba'i rtsa ba thams cad yang dag par sdud pa'i brtson 'grus dang/ gzugs med pa'i khams rnam par gsal ba'i bsam gtan dang/ thabs dang ldan pa'i shes rab dang/ bsngo? ba'i dngos po bzhis zin pa'i thabs dang/ tshul khrims dang ldan pa rnams dang/ tshul khrims 'chal pa rnams la gnyis su med pa'i byams pa dang/ gus par byas te chos nyan pa dang/ gus par byas te dgon par gnas pa dang/ 'jig rten gyi sna tshogs dag la mi dga' ba dang/ theg pa dman pa mi 'dod pa dang/ theg pa chen po'i phan yon la lta ba dang/ sdig pa'i grogs po yongs su spong ba dang/ dge ba'i bshes gnyen? la brten pa dang/ tshangs pa'i gnas pa bzhi yongs su spyod pa dang/ mngon par shes pa ldas? rnam par brtsen? pa dang/ yis la rtog pa dang/ sgrub pa dang log par sgrub pa la gnas pa'i sems can rnams mi gtong ba dang/ tshig gcig tu chad pa dang/ bden pa gces su byed pa dang/ byang chub kyi sems de sngon du 'gro ba zhes ji skad gsungs pa lta bu'o/ /tshigs 'di rnams kyis kyang tshig dang po rab tu dbye ba rig par bya ste/ /sems can thams cad la phan pa dang bde bar bya ba'i lhag pa'i bsam pa zhes bya ba las phan pa dang/ bde bar bya ba'i lhag pa'i bsam pa'i tshig 'di ni las bcu drug gis rab tu dbye bar rig par bya'o/ /de la las bcu drug ni gcig nas gcig tu brgyud pa'i sbyor ba'i las dang/ phyin ci log med pa'i las dang gzhan gyis byed du ma bcug par bdag nyid

  49. 25a

    sbyor ba'i las dag mi 'khrugs pa'i las dang/ zang zing dang ma 'dres pa dang/ phan 'dogs pa dang/ gnod pa byed pa la rjes su chags pa dang/ khong khro ba med pa dang/ tshe rabs gzhan du yang rjes su 'jug pa dang/ tshig gsum gyis zang zing med pa'i las dang/ tshig gnyis kyis de dang mthun pa'i ngag dang/ lus kyis las dang/ bde ba dang/ sdug bsngal gnyis su med par mnyam pa nyid kyis las dang/ mi zhum pa'i las dang/ mi zlog pa'i las dang/ thabs yongs su 'dzin pa'i las dang/ tshig gnyis kyis mi mthun pa'i phyogs las 'dun pa zlog pa'i las dang/ rgyun mi chad par de yid la byed pa'i las dang/ pha rol tu phyin pa drug la yang dag par sbyor ba dang/ bsdu ba'i dngos po la sbyor ba dang/ tshig bdun gyis khyad par du 'gro ba'i las dang/ skyes bu dam pa la brten pa dang/ dam pa'i chos nyan pa dang/ dgon pa la gnas pa dang/ rnam par rtog pa bzang po ma yin pa yongs su spong ba dang/ gnyis kyi yid la byed pa'i yon tan dang/ gnyis kyis grogs kyi yon tan dang/ tshig drug gis grub par sbyor ba'i las dang/ /tshad med pa yongs su dag pa dang/ mthu thob pa dang/ rtogs pa'i yon tan dang/ tshig gsum gyis grub pa'i las dang/ tshogs yongs su sdud pa'i yon tan dang/ the tshom med par 'doms shing rjes su ston pa dang/ gcig ni chos dang zang zing gis sdud pa dang/ sems kun nas nyon mongs pa can ma yin pa dang/ tshig bzhis des 'jog pa'i las dang/ tshig 'di rnams kyis tshig dang po rab tu dbye bar rig par bya ste/ dang po'i tshig ni nyer gzung nas/ /tshig dbye yon tan rjes su 'gro/ /dang po'i tshig ni nyer gzung nas/ /tha dad don gyis tha dad tshig /ces ji skad gsungs pa lta bu'o// //bam po gsum pa/ /shes bya'i mtshan nyid de ltar bshad pa la/ shes bya'i mtshan nyid la 'jug pa ji ltar lta zhe na/ mang du thos pas bsgos pa'i gnas//

  50. 25b

    kun gzhi rnam par shes pas bsdus pa ma yin la/ kun gzhi rnam par shes pa ltar tshul bzhin yid la byed pas bsdus pa chos dang don snang ba 'byung ba'i tshul can gzung ba'i dngos po'i gnas lta bu lta ba dang/ bcas pa'i yid kyi brjod pa rnams kyi sa bon yin pa'o/ /'di la shes bya'i mtshan nyid la 'jug pa su zhe na/ sems kyi rgyud theg pa chen po'i chos mang du thos pas bsgos pa/ sangs rgyas 'byung ba tshad med pa mnyes par bya ba thob pa/ gcig tu mos pa can dge ba'i rtsa ba legs par brtsams pa'i phyir/ bsod nams dang ye shes kyis tshogs legs par brtsams pa'i byang chub sems dpa' o/ /gang du 'jug ce na/ lta ba dang bcas pa'i chos dang don snang ba'i yid kyi brjod pa theg pa chen po'i chos kyi rgyu las byung ba de nyid la/ mos pas spyod pa'i sa dang/ mthong ba'i lam dang/ bsgom pa'i lam dang/ mthar phyin pa'i lam la 'jug ste/ chos thams cad rnam par rig pa tsam du rjes su sgrogs pa la mos pa dang/ ji lta ba bzhin du de rab tu rtogs pa dang/ sgrib pa thams cad kyi gnyen po sgom pa dang sgrib pa med pa'i phyir ro/ /gang gi 'jug ce na/ dge ba'i rtsa ba'i stobs bskyed pa dang/ rnam pa gsum gyi sems spyod pa dang/ gnas bzhi spong ba dang/ chos dang don la dmigs pa'i zhi gnas dang/ lhag mthong bsgom pa rtag tu dad gus par byas te sbyor ba la bag yod pas 'jug go /'jig rten gyi khams dpag tu med pa rnams kyi mir gyur pa'i sems can dpag tu med pa dag skad cig gcig la bla na med pa yang dag par rdzogs pa'i byang chub mngon par rdzogs par 'tshang rgya'o snyam pa ni sems sbyor ba dang po'o/ /bsams pa gang gis sbyin pa la sogs pa pha rol tu phyin pa rnams la kun tu spyod pa'i bsam pa de bdag gis thob ste/ des bdag tshegs chung ngus pha rol tu phyin pa bsgom pa yongs su rdzogs

  51. 26a

    par 'gyur ro snyam pa ni sbyong ba gnyis pa'o/ /dge ba sgrib pa dang bcas pa yang dge ba'i chos rnams dang ldan na 'phral du shi la/ 'phral du 'dod pa bzhin du lus thams cad phun sum tshogs par skye na/ bdag dge ba sgrib pa med pa'i dge ba dang shin tu ldan pa lta 'phral du thams cad phun sum tshogs par ci'i phyir mi 'gyur snyam pa ni sbyong ba gsum pa'o/ /'dir tshigs su gcad pa/ gang phyir sems can dpag med pa/ /mir gyur skad cig re re la/ /rdzogs pa'i byang chub thob gyur pa/ /de phyir zhum par mi bya'o/ /bsam pa gang gis legs yid kyis/ /sbyin pa la sogs byed pa yi/ /bsam pa de thob brtan rnams kyis/ /sbyin pa la sogs nyid du brjod/ /dge dang ldan par shi ma thag /'dod bzhin phun sum tshogs lus 'thob/ /spangs pa dge ldan 'phral du yang/ /phun sum tshogs de cis mi 'thob/ /yid la byed pa spangs pas nyan thos dang rang sangs rgyas kyi yid la byed pa yongs su spong ba dang/ yid gnyis dang som nyi spangs pas theg pa chen po la the tshom thams cad the tshom med pa dang/ chos la mngon par zhen pa spangs pas thos pa dang/ bsam pa'i chos la ngar 'dzin pa dang/ nga'ir 'dzin par mngon par zhen pa yongs su spong ba dang/ rnam par rtog pa spangs pas mdun na gnas pa dang/ bzhag pa'i mtshan ma thams cad yid la mi byed cing rnam par mi rtog pa'i phyir ro/ /'dir tshigs su bcad pa/ mchan ma gang zhig mdun bzhag dang/ /gang yang bdag nyid gnas pa rnams/ /kun la blo ldan mi rtog na/ /byang chub dam pa 'thob par 'gyur/ /gang gis ji skad 'jug ce na/ /thos pa'i bag chags kyi rgyu las byung ba/ /tshul bzhin yid la byed pas bsdus pa/ chos dang don snang ba lta ba dang bcas pa'i yid kyi brjod pa dang yongs su tshol ba bzhi ste/ ming dang don dang/ ngo bo nyid dang bye brag tu btags pa yongs su tshol ba rnams dang/ yang dag pa

  52. 26b

    ji lta ba bzhin du yongs su shes pa bzhi ste/ ming dang dngos po dang/ ngo bo nyid dang/ khyad par du btags pa dang/ ngo bo nyid dang/ khyad par yang dag pa ji lta ba bzhin du yongs su shes pa rnams kyis 'jug ste/ de dag mi dmigs pa'i phyir ro/ /'di ltar byang chub sems dpa' rnam par rig pa tsam la 'jug bar brtson pa de lta bu de yi ge dang don snang ba'i yid kyi brjod pa de la yi ge'i ming de yang yid kyi rtog pa tsam du zad par yang dag par rtog go /yi ge la brten pa'i don de yang yid kyis brjod pa tsam du zad pa de nyid du yang dag par rtog go/ ming de yang ngo bo nyid dang/ khyad par du btags par zad pa tsam du yang dag par rtog go /de'i phyir yid kyi brjod pa tsam du zad pa nyid du dmigs shing ming dang bcas pa'i don/ ngo bo nyid dang/ khyad par du btags pa dang bcas shing/ ngo bo nyid dang/ khyad par du bcas pa don gyi mtshan nyid du mi dmigs pa na/ yongs su tshol ba bzhi dang/ yang dag pa ji lta ba bzhin du yongs su shes pa bzhi po dag gis/ yi ge dang don snang ba'i yid kyi rnam par rtogs pa de dag la rnam par rig pa tsam nyid du 'jug go /rnam par rig pa tsam nyid de la 'jug ces ni ji skad byed ci 'dra bar ni 'jug ce na/ de tsam nyid dang/ rgyu mtshan dang lta ba dang bcas pa gnyis dang/ sna tshogs kyi rnam pa nyid la 'jug ste/ ming dang don dang/ ngo bo nyid dang/ khyad par du btags pa dang/ ngo bo nyid dang/ khyad par gyi don rnam pa drug don med pa nyid dang/ de dag gzung ba dang 'dzin pa'i dngos por nye bar gnas pa dang/ lhan cig tu sna tshogs kyis don snang ba 'byung ba'i phyir ro/ /mun khung na sprul du snang ba'i thag pa bzhin du 'jug ste/ dper na med pa'i phyir thag pa la sprul ni nor ba ste/ de'i don rtogs pa rnams ni med pa la sprul gyi blo ldog cing thag pa'i blor gnas so/ /de yang rnam pa phra mor bya na nor pa ste/ kha dog dang/ dri dang/ ro dang reg bya'i mtshan nyid yin pa'i phyir ro/ /de la ji ltar kha dog la sogs pa'i blo la brten te/ thag pa'i blo yang

  53. 27a

    bzlog par bya ba de bzhin du yongs su grub pa'i ngo bo nyid kyi blo la brten te/ yi ge dang don rnams pa drug snang ba'i yid mi rtog pa de dag la/ sprul gyi blo bzhin du rnam pa drug la yang dag pa'i don bsal na/ rnam par rig pa tsam gyi blo yang rnam par bzhig par bya ba yin no/ /de ltar byang chub sems dpa' 'di yid kyi brjod pa snang pa'i don gi mtshan nyid la 'jug pas/ kun brtags pa'i ngo bo nyid la 'jug pa yin no/ /rnam par rig pa tsam la 'jug pas gzhan gyi dbang gi ngo bo nyid la 'jug pa yin no/ / yongs su grub pa'i ngo bo nyid la ji ltar 'jug ce na/ rnam par rig pa tsam gyi 'du shes kyang bzlog nas 'jug ste/ de'i tshe byang chub sems dpa' don gyis 'du shes rnam par bshig pa de la yid kyi brjod pa thob pa'i chos kyi bag chags kyi rgyu las byung pa de dag don du snang ba thams cad 'byung ba'i skabs med pa yin no/ /des na rnam par rig pa tsam du snang ba yang mi 'byung ste/ gang gis tshe don thams cad la rnam par mi rtogs pa'i ming la gnas shing/ chos kyi dbyings la mngon sum gyi tshul gyis gnas pa de'i tshe/ byang chub sems dpa' de'i dmigs par bya ba dang/ dmigs par byed pa mnyam pas mnyam pa'i ye shes rnam par mi rtogs pa 'byung ste/ de ltar na byang chub sems dpa' 'di yongs su grub pa'i ngo bo nyid la zhugs pa yin no/ /'dir tshigs su bcad pa chos dang gang zag chos dang don/ /bsdus pa dang ni rgyas dang rigs/ ma dag pa dang dag dang mdza' / /rab tu dbye bas ming gi yul/ de ltar na byang chub sems dpa' 'di shes bya'i mtshan nyid la rnam par rig pa tsam nyid du 'jug pas zhugs pa yin te/ der zhugs bas sa? rab tu dga' ba la bzhugs pa yin te/ /chos kyi dbyings legs par rtogs pa yin/ /de bzhin gshegs pa'i rigs su skyes pa yin/ sems can thams cad la sems mnyam pa dang/ byang chub sems dpa' thams cad la sems mnyam pa dang/ sangs rgyas thams cad la

  54. 27b

    sems mnyam pa thob pa yin te/ de ni de'i mthong ba'i lam yin no/ /ci'i phyir yang rnam par rig pa tsam de la 'jug ce na/ 'dres pa'i chos la dmigs pa 'jig rten las 'das pa'i zhi gnas dang/ lhag mthong gi shes pa de dang/ de'i rjes las thob pa sna tshogs kyi rnam par rig pa'i shes pas/ kun gzhi rnam par shes pa'i sa bon rgyu mtshan dang bcas pa thams cad spangs nas/ chos kyi sku la reg pa'i sa bon spel te/ gnas gyur nas sangs rgyas kyis chos thams cad yang dag par 'grub pa'i sgo nas/ thams cad mkhyen pa'i ye shes thob par bya ba'i phyir 'jug go /rjes la thob pa'i shes pa de ni kun gzhi rnam par shes pa thams cad rab tu skye ba dang/ rnam par rig pa'i mtshan ma thams cad la sgyu ma lta bu nyid la sogs par kun tu lta bas rang bzhin gyis phyin ci log par 'byung ngo/ /des na byang chub sems dpa' de sgyu ma byas pa'i chos rnams la sgyu ma mkhan bzhin du rgyu dang 'bras bur bcas pa ston pa la yang dus thams cad du phyin ci log med pa yin no/ /rnam par rig pa tsam nyid la 'jug pa de la ting nge 'dzin bzhi las gnas pa'i nges par byed pa'i cha dang mthun pa bzhi ji ltar blta zhe na/ /yongs su tshol ba bzhi po de dag gis don med par bzod pa chung ngu'i tshe snang ba thob pa'i ting nge 'dzin te/ nges par byed pa'i cha dang/ mthun pa dro bar gyur pa'i gnas yin no/ /bzod pa chen po'i tshe snang ba mched pa'i ting nge 'dzin te rtse mo'i gnas so/ /yang dag pa ji lta ba bzhin du yongs su shes pa bzhi po dag la rnam par rig pa tsam nyid du zhugs pa dang/ don med pa la nges pa ni/ de kho na'i don gyis phyogs gcig tu la zhugs pa'i rjes su song ba'i ting nge 'dzin te/ bden pa'i rjes su mthun pa'i bzod pa'i gnas so/ /gang gi 'og tu rnam par rig pa tsam gyis 'du shes rnam par 'jig pa de ni/ de ma thag pa'i ting nge 'dzin te/ 'jig rten pa'i chos kyi mchog gi gnas su blta'o/ /ting nge 'dzin 'di dag ni mngon par rtogs pa dang/ nye ba pa yin par blta bar bya'o/ /de ltar sa la zhugs te mthong ba'i

  55. 28a

    lam thob pa'i byang chub sems dpa' rnam par rig pa tsam nyid la zhugs pa bsgom pa'i lam la ji ltar sbyor zhe na/ ji ltar rnam par gnas pa bstan pa byang chub sems dpa' i sa bcu mdo sde thams cad bsdus pa nyid du nye bar gnas pa rnams la 'dres pa la dmigs pa 'jig rten las 'das pa dang de'i rjes la thob pa'i zhi gnas dang/ lhag mthong gi shes pas/ bskal pa bye ba khrag khrig brgya stong phrag mang por goms par byas pa'i phyir de gnas gyur nas/ sangs rgyas kyi sku rnam pa gsum thob par bya ba'i phyir sbyor ro/ /nyan thos rnams kyis mngon par rtog pa gang yin pa dang/ byang chub sems dpa' rnams kyi mngon par rtogs pa gang yin pa 'di gnyis bye brag ci yod ce na/ nyan thos kyi mngon par rtogs pa las khyad par bcus byang chub sems dpa' i mngon par rtogs pa khyad par du 'phags par blta bar bya ste/ dmigs pa'i khyad par ni theg pa chen po'i chos la dmigs pa'i phyir ro/ /nye bar brtags pa'i khyad par ni/ bsod nams dang/ ye shes kyi tshogs chen pos brtan pa'i phyir ro/ /rtogs pa'i khyad par ni/ gang zag dang chos la bdag med par rtogs pa'i phyir ro/ mya ngan las 'das pa'i khyad par ni/ mi gnas pa'i mya ngan las 'das pa yongs su 'dzin pa'i phyir ro/ /sa'i khyad par ni/ sa bcus nges par 'byung ba'i phyir ro/ /yongs su dag pa'i khyad par ni/ nyon mongs pa'i bag chags spong ba dang/ sangs rgyas kyi zhing yongs su spyod ba'i phyir ro/ /sems can thams cad dang/ bdag sems mnyam pa nyid thob pa'i khyad par ni sems can yongs su smin par byed par sbyor ba rgyun mi gcod pa'i phyir ro/ /skye ba'i khyad par ni de bzhin gshegs pa'i rigs su skye ba'i phyir ro/ /skye 'byung gi khyad par ni/ sangs rgyas kyi 'khor gyi dkyil 'khor du dus thams cad du skye 'byung yongs su 'dzin pa'i phyir ro/ /'bras bu'i khyad par ni stobs bcu dang/ mi 'jigs pa dang/ sangs rgyas kyi chos ma 'dres pa 'bras bu yon tan tshad med pa 'grub pa'i phyir ro/ /'dir tshigs su bcad

  56. 28b

    pa/ ming dang dngos gnyis phan tshun du/ /glo bur yin par yongs su btsal/ /btags pa rnam pa gnyis po la/ /de tsam nyid du btsal bar bya/ /yang dag ji bzhin yongs shes pas/ /don med par ni rtog gsum dang/ /de med phyir yang de med par/ /mthong ba gsum la 'jug pa yin/ /'di lta ste yang rnal 'byor rnam par dbye ba las gdams pa'i tshigs su bcad pa/ byang chub sems dpa' mnyam gzhag pas/ /gzugs brnyan yid du mthong ba ni/ /don gyis 'du shes bzlog nas su/ /rang gis 'du shes nges par gzung/ /de ltar nang du sems gnas so/ /gzung ba med pa rab rtogs byos/ /de phyir 'dzin pa med rtogs byos/ /des na dmigs pa med par reg /'di lta ste/ theg pa chen po'i mdo sde'i rgyan las/ gzhan yang mngon par rtogs pa'i tshigs su bcad pa dag 'byung ba/ byang chub sems dpa' bsod nams ye shes kyi/ /tshogs rnams mdza' yas pha rol med bsags te/ /chos la sems dpa' legs par snang nges phyir/ /don gyi rnam pa brjod pa'i rgyus byung rtogs/ /brjod pa tsam du don ni nges shes nas/ /de 'dra ba yis sems tsam nyid la gnas/ /de bas gnyis kyi mtshan nyid bral ba yis/ /chos kyi dbyings ni mngon sum nyid du 'gyur/ /sems las gzhan med par ni blos rtogs nas/ /de phyir sems kyang med pa nyid du rtogs/ /blo dang ldan pas gnyis po med rtogs nas/ /de dang mi ldan chos kyi dbyings la gnas/ /rtog med shes stobs mnyam pa'i rjes song bas/ /blo dang ldan pas kun nas rtag par yang/ /de'i gnas thibs po nyes par bsags pa sel/ /rtsi sman chen pos dug ni sel ba bzhin du/ /thub pas gsungs pa'i legs chos legs bzhag pa/ /rtsa ba chos dbyings bcas la nges blo bzhag /dran pa'i rgyud ni rtog pa tsam shes nas/ /yon tan rgya mtsho'i pha rol bstan myur 'gro ba de ltar shes bya'i mtshan nyid la 'jug par bstan pa la/ de'i rgyu dang 'bras bu bstan pa ji ltar lta zhe na/ sbyin pa dang tshul khrims dang/ bzod pa dang/

  57. 29a

    brtson 'grus dang/ bsam gtan dang/ shes rab kyi pha rol tu phyin pa dang drug gis so/ /pha rol tu phyin pa drug dag gis rnam par rig pa tsam nyid la ni ji ltar 'jug /ji ltar na pha rol tu phyin pa drug po dag des 'jug pa'i 'bras bu yin zhe na/ 'di la byang chub sems dpa' longs spyod rnams la kun tu ma chags pa/ tshul khrims rnams la ltung ba med pa/ sdug bsngal rnams la 'khrug pa med pa/ bsgom pa la le lo med pa/ rnam par g.yeng ba'i rgyu 'di dag la mi 'jug pa/ sems rtse gcig tu byas nas/ /tshul bzhin du chos rnams la rab tu rnam par 'byed cing/ /pha rol tu phyin pa drug la brten nas rnam par rig pa nyid la 'jug go /rnam par rig pa tsam nyid la zhugs pa'i byang chub sems dpa' ni lhag pa'i bsam pa dag pas yongs su zin pa'i pha rol tu phyin pa drug po dag 'thob ste/ 'di ltar 'di'i pha rol tu phyin pa drug la kun tu spyod pa'i sbyor ba med kyang/ bstan pa la mos pa dang/ ro myang ba dang/ rjes su yi rang ba dang/ mngon par dga' ba yid la byed pas kyang rtag par rgyun tu rgyun mi 'chad pa'i tshul du pha rol tu phyin pa drug bsgom pa yongs su rdzogs par 'gyur ro/ /'dir tshigs su bcad pa/ byang chub sems dpa' rnams dag gi /dkar po'i chos rnams kun rdzogs dang/ /bzod rnon thob dang rang gi theg /zab cing rgya che bstan pa la/ /rtog pa tsam du rtogs pa'i phyir ro/ /mi rtog ye shes thob pa'i phyir/ /'dod pa dang ni mos pa dag /dag pa bsam pa dag pa nyid/ /snga logs su yang chos rgyun der/ /sangs rgyas rnams ni mthong bas na/ /byang chub nye bar rtogs gyur nas/ /tshogs med par ni thob phyir ro/ /tshigs su bcad pa 'di dag gis ni rnam pa brgyad kyis bsam pa dag pa'i mtshan nyid mdza' dag yongs su bstan pa yin te/ tshogs dang/ bzod pa dang/ dmigs pa dang/ yid la byed pa dang/ gnyen po dang/ ngo bo nyid dang/ rtags dang/ phan yon gyis te/ tshigs su bcad pa'i rtsa ba rnams dang go rim bzhin

  58. 29b

    du sbyar bar rig par bya'o/ /de dag grangs dang de yi mtshan nyid dang/ /go rim nges tshig goms bya yon tan dang/ /rab tu dbye dang bsdu dang mi mthun phyogs/ /yon tan phan tshun rnam nges shes par bya/ /ci'i phyir pha rol tu phyin pa drug kho na zhe na/ mi mthun pa'i phyogs dang/ gnyen po mnyam par bzhag pa dang/ sangs rgyas kyis chos thams cad yang dag par 'grub pa'i gzhi'i gnas dang/ sems can thams cad yongs su smin par bya ba dang/ mthun pas drug nyid do/ /mi 'phags pa'i rgyu'i gnyen por sbyin pa'i pha rol tu phyin pa dang/ tshul khrims kyi pha rol tu phyin pa ste/ mi 'phags pa'i rgyu ni longs spyod la chags pa dang/ khyim la chags pa'o/ /spags pa ldog pa'i rgyu'i gnyen por bzod pa'i pha rol tu phyin pa dang/ brtson 'grus kyi pha rol tu phyin pa ste/ ldog pa'i rgyu ni 'khor ba'i sems can log par bsgrub pa las byung ba'i sdug bsngal dang/ yun ring por dkar po'i phyogs la sbyor bas yongs su skyo ba'o/ /spags nas mi ldog pa'i chud za ba'i rgyu'i gnyen por bsam gtan gyi pha rol tu phyin pa dang/ shes rab kyi pha rol tu phyin pa ste/ chung za ba'i rgyu ni rnam par g.yeng ba dang/ 'chal ba'i shes rab bo/ /de ltar mi mthun pa'i phyogs dang/ gnyen pos grangs rnam par bzhag go /rnam par mi g.yeng ba'i rgyu pha rol tu phyin pa bzhis pha rol tu phyin pa rnam par mi g.yeng ba gcig 'grub po/ /rnam par mi g.yeng ba de la brten nas/ chos kyi de kho na ji lta ba bzhin du mngon du yang dag par rtogs pa'i phyir/ sangs rgyas kyi chos yang dag par 'grub bo/ /de ltar sangs rgyas kyi chos thams cad yang dag par 'grub pa'i gzhi'i gnas kyis grangs grub du rnam par bzhag go /sbyin pa'i pha rol tu phyin pas sems can la phan 'dogs pa dang/ tshul khrims kyi pha rol tu phyin pas sems can la gnod pa mi byed pa dang/ bzod pa'i pha rol tu phyin pas gnod pa la ji mi mnyam pa dang/ brtson 'grus kyi pha rol tu phyin pas

  59. 30a

    bya ba byed par 'gyur ba'i phyir/ phan 'dogs pa'i rgyu 'di dag gis sems can rnams yongs su smin par bya ba'i las su rung bar 'gyur ro/ /de'i 'og tu sems mnyam par ma bzhag pa mnyam par bzhag pa dang/ sems mnyam par bzhag pa rnam par thar par bya ba'i phyir gdams par bya ba rnams yongs su smin par 'gyur te/ de ltar sems can thams cad yongs su smin par bya ba dang mthun pas grangs rnam par bzhag par blta'o/ /'o na 'di dag gi mtshan nyid ji ltar blta zhe na/ dam pa drug gis blta bar bya ste/ gnas dam pa ni byang chub kyi sems gnas yin pa'i phyir ro/ /dngos po dam pa ni mdza' dag kun tu spyod pa'i phyir ro/ /ched du bya ba dam pa ni sems can thams cad la phan pa dang bde ba ched du bya ba'i phyir ro/ /thabs la mkhas pa dam pa ni rnam par mi rtogs pa'i ye shes kyi yongs su zin pa'i phyir ro/ /yongs su bsngo ba dam pa ni/ bla na med pa yang dag par rdzogs pa'i byang chub tu yongs su bsngo ba'i phyir ro/ /rnam par dag pa dam pa ni/ nyon mongs pa dang shes bya'i sgrib pas sgrib pa med par yang dag par 'grub pa'i phyir ro/ /sbyin pa gang yin pa de pha rol tu phyin pa yang yin nam/ pha rol tu phyin pa gang yin pa de sbyin pa yang yin nam zhe na/ sbyin pa yin la/ pha rol tu phyin pa ma yin pa yang yod ces bya ba mu gzhi'o/ /sbyin pa la ji lta ba de bzhin du pha rol tu phyin pa lhag ma rnams la yang mu bzhi ci rigs su blta bar bya'o/ /pha rol tu phyin pa 'di dag gi go rim 'di ci'i phyir bstan ce na/ pha rol tu phyin pa snga ma rnams de'i phyi ma 'byung ba dang mthun pa'i phyir ro/ /'di dag gi nges pa'i tshig ji ltar blta zhe na/ 'jig rten pa dang/ nyan thos dang/ rang sangs rgyas kyi sbyin pa la sogs pa'i dge ba thams cad las phul du byung bar pha rol tu 'gro ba'i phyir pha rol tu phyin pa rnams so/ /ser sna dang dbul ba 'joms pa dang/ longs spyod chen po dang/ bsod nams kyi tshogs thob par byed pas sbyin pa'o/ /'chal ba'i tshul khrims dang/ ngan 'gro zhi bar

  60. 30b

    byed pa dang/ bde 'gro dang/ ting nge 'dzin thob par byed pas tshul khrims so/ /khro ba dang 'khon bzad par byed pa dang/ bdag dang gzhan dag la bde bar byed pas bzod pa'o/ /le lo dang sdig pa mi dge ba'i chos rnam pa dang bral bar byed pa dang/ dge ba'i chos tshad med pa rnam par spel ba mthar phyin par byed pas brtson 'grus so/ /rnam par g.yeng ba sel ba dang/ nang du sems gnas pa sgrub par byed pas bsam gtan no/ /lta bar gyur pa dang 'chal ba'i shes rab thams cad sel ba dang/ yang dag par rnam pa thams cad du chos rnams rab tu shes pas shes rab bo/ /'di dag bsgom pa ji ltar lta bar bya zhe na/ mdor bsdu na bsgom pa rnam pa ltar blta bar bya ste/ kun tu spyod pa la sbyor ba bsgom pa dang/ mos pa bsgom pa dang/ yid la byed pa bsgom pa dang/ thabs la mkhas pa bsgom pa dang/ bya ba bsgrub pa bsgom pa'o/ /de la bsgom pa bzhi ni snga ma bzhin no/ /bya ba bsgrub pa bsgom pa ni/ gang sangs rgyas rnams kyi mdzad pa lhun gyis grub pa rgyun mi bcod pa na/ pha rol tu phyin pa rnams yongs su rdzogs pa'i tshe/ pha rol tu phyin phyin ba bsgom pa'o/ /yid la byed pa bsgom pa ni/ ro myang ba dang/ rjes su yi rang ba dang/ mngon par dga' ba yid la byed pa dang/ mi ngoms pa'i bsam pa dang/ rgyun ring po'i bsam pa dang/ dga' ba'i bsam pa dang/ phan 'dogs pa'i bsam pa dang/ che ba'i bdag nyid kyi bsam pa dang/ dge ba'i bsam pa dang/ bsam pa drug gis yongs su zin pas bsgom pa'o/ /gal te byang chub sems dpa' bskal pa grangs med pa ji snyed kyis/ /bla na med pa yang dag par rdzogs pa'i byang chub mngon par rdzogs par 'tshang rgya ba de snyed kyi dus skad cig ma gcig tu byas pa'i skad cig ma re re bdag gis lus yongs su gtong ba dang/ 'jig rten gyi khams gang+gA'i klung gi bye ma snyed rin po che sna bdun gyis so sor bkang ste/ de bzhin gshegs pa rnams la 'phul bas/ byang chub kyi snying

  61. 31a

    po la gnas kyi bar du mi ngoms pa nyid byang chub sems dpa' i sbyin pa'i bsam par 'gyur la/ dus de srid kho nar stong gsum gyi stong chen po'i 'jig rten gyi khams mes yongs su gang bar skad cig re re la spyod lam bzhi byed cing/ yo byad thams cad dang mi ldan yang tshul khrims dang/ bzod pa dang/ brtson 'grus dang/ bsam gtan dang/ shes rab kyi sems mngon tu byed de/ /byang chub kyi snying po gnas kyi bar du mi ngoms pa nyid byang chub sems dpa' i tshul khrims dang/ bzod pa dang/ brtson 'grus dang/ bsam gtan dang/ shes rab kyis bsam par 'gyur ba 'di ni byang chub sems dpa' i mi ngoms pa'i bsam pa'o/ /gang byang chub sems dpa' de byang chub kyi snying po la gnas kyi bar du mi ngoms pa'i bsam pa de mi 'dor ba 'di ni de'i rgyun ring po'i bsam pa'o/ /gang byang chub sems dpa' de'i pha rol tu phyin pa drug gis sems can la phan btags pas shin tu dga' ba yin gyis/ phan btags pa des sems can rnams ni de ltar ma yin pa 'di ni byang chub sems dpa' i dga' ba'i bsam ba'o/ /gang byang chub sems dpa' de pha rol tu phyin pa drug gis phan btags pa'i sems can de dag thams cad ni bdag la shin tu phan 'dogs pa yin par mthong gi /bdag ni sems can de dag la de lta ma yin par mthong ba 'di ni byang chub sems dpa' i phan 'dogs pa'i bsam pa'o/ /gang byang chub sems dpa' de de ltar pha rol tu phyin pa drug gi dge ba'i rtsa ba bsags pa sems can rnams la 'dod pa'i 'bras bu rnam par smin par yongs su bsngo ba 'di ni byang chub sems dpa' i che ba'i bdag nyid kyi bsam pa'o/ /gang byang chub sems dpa' de de ltar pha rol tu phyin pa drug gis dge ba'i rtsa ba bsags pa de sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba 'di ni/ byang chub

  62. 31b

    sems dpa' i dge ba'i bsam pa ste/ bsam pa drug po 'di dag gis yongs su zin pa'i ro myang ba yid la byed pa bsgom mo/ /gang yang byang chub sems dpa' de bsam pa drug bsgom pa la sogs pa la zhugs pa'i byang chub sems dpa' gzhan dpag tu med pa rnams kyi dge ba'i rtsa ba de la rjes su yi rang ste/ de ltar byang chub sems dpa' i bsam pa drug gis yongs su zin pa'i rjes su yi rang ba yid la byed pa sgom mo/ /gang yang byang chub sems dpa' des sems can thams cad kyi pha rol tu phyin pa drug sgom pa bsam pa drug gis yongs su zin pa dang/ bdag gis pha rol tu phyin pa drug sgom pa la brtson pa bsam pa drug gis yongs su zin pa la/ byang chub kyi snying po la gnas kyi bar du mngon par dga' ste/ de ltar byang chub sems dpa' bsam pa drug gis yongs su zin pa'i mngon par dga' ba yid la byed pa sgom mo/ /gang dag byang chub sems dpa' i yid la byed pa'i sgom pa drug gis yongs su zin pa 'di thos nas/ /dad ba'i sems gcig kyang skyed pa de dag bsod nams tshad med pa skye bar 'gyur zhing/ nyes pa byas pa'i sgrib pa thams cad kyang bshig par 'gyur na/ byang chub sems dpa' lta smos kyang ci dgos/ pha rol tu phyin pa 'di dag gi rab tu dbye ba ji ltar blta zhe na/ de ni rnam pa gsum gsum du lta bar bya ste/ chos kyi sbyin pa dang/ zang zing gi sbyin pa dang/ mi 'jigs pa'i sbyin pa dang/ sdom pa'i tshul khrims dang/ dge ba'i chos sdud pa'i tshul khrims dang/ sems can gyi don bya ba'i tshul khrims dang/ gnod pa byed pa la ji mi snyam pa'i bzod pa dang/ sdug bsngal dang du len pa'i bzod pa dang/ chos la nges par rtog pa'i bzod pa dang/ go cha'i brtson 'grus dang/ sbyor ba'i brtson grus dang/ mi zhum zhing mi 'khrugs la chog par mi 'dzin pa'i brtson 'grus dang/ gnas pa dang/ mngon par sgrub pa dang/ bya ba bsgrub pa'i bsam gtan dang/ rnam par mi rtogs

  63. 32a

    par sbyor ba dang/ rnam par mi rtog pa dang/ rnam par mi rtog pa'i rjes la thob pa'i shes rab bo/ /'di dag bsdus par ji ltar lta zhe na/ 'di dag gi dge ba'i chos thams cad de'i mtshan nyid dang/ de dang mthun pa dang/ de'i 'bras bur bsdus pa'i phyir ro/ /'di dag gi mi mthun pa'i phyogs kyis kun nas nyon mongs pa thams cad ji ltar bsdus par blta zhe na/ de'i mtshan nyid dang/ de'i gzhi dang/ de'i 'bras bus so/ /pha rol tu phyin pa 'di dag gi phan yon ji ltar rig par bya zhe na/ 'khor ba na 'khor pa'i tshe/ dbang phyug bsdus pa dang/ chen por skye ba bsdus pa dang/ phyogs gang dang g.yog 'khor chen po bsdus pa dang/ las kyi mdza' chen po la sbyor ba 'grub pas yongs su bzung ba dang/ gnod pa med pa dang/ nyon mongs pa chung ba yongs su bzung ba dang/ bzo dang/ bstan bcos dang/ rig pa'i gnas thams cad la mkhas pa yongs su bzung ba/ mngon par ma thob kha na ma tho ba med pa/ byang chub kyi snying po la gnas kyi bar du sems can thams cad kyi don bya bar nye bar gnas pa ni byang chub sems dpa' rnams kyi phan yon no/ 'di dag ni phan tshun rnam par nges pa ji ltar blta zhe na/ bcom ldan 'das kyis la lar ni pha rol tu phyin pa thams cad sbyin pa'i sgrar bstan/ la lar ni tshul khrims kyi sgrar bstan/ la lar ni bzod pa'i sgrar bstan/ la lar ni brtson 'grus kyi sgrar bstan/ la lar ni bsam gtan gyi sgrar bstan/ la lar ni shes rab kyis sgrar bstan pa de la dgongs pa gang zhe na/ pha rol tu phyin pa thams cad la sbyor ba na/ 'di dag thams cad kyi spyod pa 'gro ba las dgongs pa'o/ /de ltar shes bya'i mtshan nyid la 'jug pa'i rgyu dang/ 'bras bu bstan nas/ de bsgom pa'i rab tu dpyad? pa ji ltar blta zhe na/ byang chub sems dpa' i sa bcu rnams su blta ste/ de dag kyang gang zhe na/ rab tu dga' ba dang/ dri ma med pa dang/ 'od byed pa dang/ 'od 'phro can dang/ shin tu sbyangs dka' dang/ mngon du

  64. 32b

    gyur dang/ ring du song ba dang/ mi g.yo ba dang/ legs pa'i blo gros dang/ chos kyi sbyin? no/ /'di dag bcu nyid du rnam par bzhag pa ji ltar blta zhe na/ mi mthun pa'i phyogs ma rig pa rnam pa bcu'i gnyen po'i phyir te/ 'di ltar shes bya chos kyi dbyings rnam pa bcu la mi mthun pa'i phyogs ma rig pa rnam pa bcu nyid gnas so/ /shes bya chos kyi dbyings rnam pa bcu ji lta bu zhe na/ sa dang po la ni kun tu 'gro ba'i don tu shes par bya'o/ /gnyis pa la ni mchog gi don tu'o/ /gsum pa la ni rgyu mthun pa don gyi mchog tu'o/ /bzhi pa la ni yongs su bzung ba ma yin pa'i don tu'o/ /lnga pa la ni rgyud tha dad pa med pa'i don tu'o/ /drug pa la ni kun nas nyon mongs pa dang rnam par dag pa ma yin pa'i don tu'o/ /bdun pa la ni chos sna tshogs tha dad pa med pa'i don tu'o/ /brgyad pa la ni bri ba med cing lhag pa med pa'i don dang/ mtshan ma la dbang ba'i gnas kyi don dang/ zhi la dbang ba'i gnas kyi don tu'o/ /dag pa la ni ye shes la dbang ba'i gnas kyi don tu'o/ /bcu pa la ni las la dbang ba'i gnas kyi don dang/ gzungs dang ting nge 'dzin gyi sgo la dbang ba'i gnas kyi don tu shes par bya'o/ /'dir tshigs su bcad pa/ kun tu 'gro don mchog gi don/ /rgyu mthun don gyi mchog nyid dang/ /yongs su 'dzin pa don med dang/ /rgyud rnams tha dad med pa dang/ /nyon mongs rnam dag med don dang/ /tha dad med pa'i don nyid dang/ /dri med 'phel ba med don dang/ /dbang ni rnam pa bzhi yis gnas/ /chos kyi dbyings la ma rig pa/ /nyon mongs can min sgrib pa bcu/ /sa bcu'i mi mthun phyogs rnams kyi/ /gnyen po dag ni sa yin no/ /ma rig pa 'di yang nyan thos rnams kyi ni nyon mongs pa can ma yin gyi/ byang chub sems dpa' rnams kyi nyon mongs pa can du rig par bya'o/ /ci'i phyir sa dang po rab tu dga' ba zhes bya zhe na/ des thog ma kho nar bdag dang gzhan gyi don sgrub nus pa thob pa'i phyir ro/ /ci'i phyir sa gnyis pa dri ma med pa zhes bya zhe na/ 'chal ba'i tshul khrims kyi dri ma thag bsrings pa'i phyir ro/ /ci'i phyir sa gsum pa 'od byed pa ces bya zhe na/ ting nge

  65. 33a

    'dzin dang snyom par 'jug pa nyams pa med pa'i gnas yin pas chos kyi snang ba chen po'i gnas su gyur pa'i phyir ro/ /ci'i phyir sa bzhi pa 'od 'phro ba can zhes bya zhe na/ byang chub kyi phyogs kyi chos rnams kyi sgrib pa thams cad sreg pa'i phyir ro/ /ci'i phyir sa lnga pa shin tu sbyang dga' ba zhes bya zhe na/ bden pa dang 'jig rten pa'i shes pa gnyis phan tshun mi mthun pas/ de bsgrub dka' ba'i phyir ro/ /ci'i phyir sa drug pa mngon tu gyur ces bya zhe na/ rten cing 'brel bar 'byung ba shes pa'i gnas yin pas/ shes rab kyi pha rol tu phyin pa la gnas pa mngon du byed pa'i phyir ro/ /ci'i phyir sa bdun pa la ring du song ba zhes bya zhe na/ sbyor ba las byung ba'i spyod pa'i mthar 'gro pa'i phyir ro/ /ci'i phyir sa brgyad pa mi g.yo ba zhes bya zhe na/ mtshan ma dang mngon par 'du byed pa thams cad kyi mi g.yos pa'i phyir ro/ /ci'i phyir sa dgu pa legs pa'i blo gros zhes bya zhe na/ so so yang dag par rig pa'i shes pa dang po thob pa'i phyir ro/ /ci'i phyir sa bcu ba chos kyi sprin? zhes bya zhe na/ 'dres pa la dmigs pa'i chos thams cad shes pa gzungs dang ting nge 'dzin gyi sgo thams cad khong na yod pa sprin lta bus nam mkha' ltar rgya che ba'i sgrib? pa khebs pa dang/ chos kyi sku yongs su rdzogs par byas pa'i phyir ro/ /sa 'di dag thob pa ji ltar blta zhe na/ rnam pa bzhis blta sa/ mos pa thob pas ni sa la mos pa nyid kyi phyir ro/ /sbyod pa thob pas ni sa dang po rab tu ldan pa'i chos spyod pa bcu thob pa'i phyir ro/ /rtogs pa thob pas ni sa dang po la chos kyi dbyings rtogs nas thams cad rtogs pa'i phyir ro/ /'grub par thob pas ni sa 'di dag gi bsgom pa'i mthar 'gro ba'i phyir ro/ /sa 'di dag gi bsgom pa ji ltar blta zhe na/ 'di la byang chub sems dpa' sa dang sa la zhi gnas dang lhag mthong bsgom pa na/ /rnam pa lngas bsgom ste/ lnga gang zhe na/ 'di lta ste/ 'dres par bsgom pa dang/ mtshan ma med par bsgom pa dang/ lhun gyis grub par bsgom pa dang/ 'bar bar bsgom pa dang/ chog par mi 'dzin par bsgom pas so/ /bsgom pa rnam pa lnga po 'di dag gis byang chub sems

  66. 33b

    dpa' rnams kyi 'bras bu lnga mngon par 'grub par byed de/ 'di ltar skad cig re re la gnas ngan len rnams kyi gnas thams cad 'jig par byed pa dang/ sna tshogs kyi 'du shes dang bral te/ chos kyi kun dga' la dga' ba thob pa dang/ chos kyi snang ba thams cad du tshad med cing rnam pa yongs su ma chad pa yang dag par shes pa dang/ rnam par dag pa'i cha dang mthun pa'i mtshan yar rnam par brtags pa ma yin pa rnams de la kun tu 'byung ba dang/ chos kyi sku yongs su rdzogs pa dang/ yongs su grub par bya ba'i phyir gong ma bas ches gong ma'i rgyu yongs su 'dzin par byed pa'o/ /gtsor nas bcu dag tu pha rol tu phyin pa bcu bsgom par 'gyur to/ drug tu ni drug ji skad bstan pa rnams so/ /phyi ma bzhir ni bzhi ste/ thabs la mkhas pa'i pha rol tu phyin pa ni/ pha rol tu phyin pa drug gis dge ba'i rtsa ba bsags pa sems can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngo ba'i phyir ro/ /smon lam gyi pha rol tu phyin pa ni/ phyi ma la smon lam sna tshogs mngon par sgrub pas/ pha rol tu phyin pa'i rkyen sdud pa'i phyir ro/ /stobs kyi pha rol tu phyin pa ni/ so so rtog pa dang bsgom pa'i stobs kyis pha rol tu phyin pa drug rgyun mi 'chad par kun tu spyod pa'i phyir ro/ /ye shes kyi pha rol tu phyin pa ni/ pha rol tu phyin pa drug po dag rnam par 'jog pa ste/ ye shes kyis chos la longs spyod pa myong ba dang/ sems can yongs su smin par byed pa'i phyir ro/ / yang pha rol tu phyin pa bzhi po 'di dag ni shes rab kyi pha rol tu phyin pa rnam par mi rtogs pa'i ye shes dang/ de'i rjes la thob pa'i ye shes kyis bsdus par blta'o/ /sa thams cad du pha rol tu phyin pa thams cad bsgom par mi 'gyur ba yang ma yin te/ chos kyi rnam grangs de pha rol tu phyin pa'i sde snod kyis bsdus pa'i phyir ro/ /dus ji srid cig gis sa bcu po 'di dag gi bsgom pa yongs su rdzogs par 'gyur zhe na/ gang zag lnga ni bskal pa grangs med pa gsum gyis rdzogs par 'gyur te/ mos pas spyod pa'i gang zag ni bskal pa grangs med pa dang

  67. 34a

    pos rdzogs par 'gyur ro/ /lhag pa'i bsam pa dag pa la spyod pa mtshan ma la spyod pa dang/ mtshan ma med pa la spyod pa dag ni sa drug po dag dang/ bdun pa la bskal pa grangs med pa gnyis pas rdzogs par 'gyur ro/ /de nyid mngon par 'du byed pa med par spyod pa ni/ de yan chad sa bcu'i bar du bskal pa grangs med pa gsum pas bsgom pa yongs su rdzogs par 'gyur ro/ /'dir tshigs su bcad pa/ bzang dang smon pa'i stobs can dang/ /sems brtan khyad par 'gro ba yi/ /byang chub sems dpa' grangs med gsum/ /kun tu brtson pa mdzad ces brjod/ /de ltar rgyu dang 'bras bu bsgom pa'i rab tu dbye bas bstan nas/ de la lhag pa'i tshul khrims kyis khyad par ji ltar blta zhe na/ byang chub sems dpa' i sa las byang chub sems dpa' i sdom pa yang dag par blangs pa las ji skad bshad pa lta bu'o/ /mdor bsdu na khyad par bzhis khyad par du blta ste/ rab tu dbye ba'i khyad par dang/ bslab pa thun mong dang/ thun mong ma yin pa'i khyad par dang/ rgya che ba nyid kyis khyad par dang/ zab? pa nyid kyi khyad par gyis khyad par du blta'o/ /de la rab tu dbye ba'i khyad par ni/ /sdom pa'i tshul khrims dang/ dge ba'i chos sdud pa'i tshul khrims dang/ sems can gyi don bya ba'i tshul khrims kyi phyir ro/ /de la sdom pa'i tshul khrims ni tshul khrims gnyis kyi rten gyi don du rig par bya'o/ /dge ba'i chos sdud pa'i tshul khrims ni/ sangs rgyas kyi chos yang dag par 'grub pa'i rten gyi don du rig par bya'o/ /sems can gyi don bya ba'i tshul khrims ni/ sems can yongs su smin par byed pa'i rten gyi don tu rig par bya'o/ /byang chub sems dpa' rnams kyi bslab pa nyan thos rnams dang thun mong ba ni/ rang bzhin gyis kha na ma tho ba dang/ bcas pa kun tu mi spyod pa'i phyir ro/ /bslab pa thun mong ma yin pa ni/ bcas pa'i kha na ma tho ba dang bcas pa kun tu spyod pa'i phyir te/ bslab pa de la ni gang du nyan thos kyis ltung bar 'gyur ba de la byang chub sems dpa' i ltung ba med do/ /gang du byang chub sems

  68. 34b

    dpa' i ltung bar 'gyur ba de la nyan thos kyi ltung ba med do/ byang chub sems dpa' rnams kyi tshul khrims ni/ lus dang ngag dang sems kyi'o/ /nyan thos rnams kyi ni lus dang ngag gi nyid do/ /de nyid kyi phyir byang chub sems dpa' rnams kyi sems kyi ltung bar yang 'gyur gyi/ nyan thos rnam kyi ni ma yin no/ /mdor bsdu na gang kha na ma tho ba med par sems can thams cad la phan 'dogs pa'i lus dang/ ngag dang yid kyi las de dag thams cad byang chub sems dpas kun tu spyad par bya'o/ /de la bslab par yang bya ste/ de ltar na thun mong dang thun mong ma yin pas khyad par du blta'o/ rgya che ba nyid kyi khyad par ni rgya che ba nyid rnam pa bzhi'i phyir te/ sna tshogs dang tshad med pa'i bslab pa rgya che ba nyid dang/ bsod nams tshad med pa yongs su 'dzin pa rgya che ba nyid dang/ sems can thams cad la phan pa dang bde ba bya ba'i bsam pa yongs su 'dzin pa rgya che ba nyid dang/ bla na med pa yang dag par rdzogs pa'i byang chub la rten pa rgya che ba nyid kyi phyir ro/ /de la zab pa nyid ni gang byang chub sems dpa' thabs mkhas pa rnam pa de lta bus srog gcod pa la sogs pa'i las rnam pa bcu spyod kyang/ des kha na ma tho bar yang mi 'gyur la/ bsod nams tshad med pa yang skyed cing/ bla na med pa yang dag par rdzogs pa'i byang chub kyang myur du mngon par rdzogs par 'tshang rgya ba'o/ /yang sprul pa'i lus dang ngag gi las kyang/ byang chub sems dpa' i zab pa'i tshul khrims su rig par bya ste/ des rgyal srid kyang byed cing/ sems can la brtse ba sna tshogs bstan nas/ sems can 'dul ba la 'god do/ /skyes pa'i rabs sna tshogs bstan pas/ sems can gzhan la gnod pa bya bas/ de las gzhan pa'i sems can la phan 'dogs pa kun tu ston pas/ gzhan dag sems dad pa sngon du 'gro ba'i yongs su smin par bya ba yang 'grub par byed de/ /'di ni byang chub sems dpa' i tshul khrims zab pa nyid kyi khyad par ro/ /mdor bsdu na khyad par rnam

  69. 35a

    pa bzhis/ byang chub sems dpa' i tshul khrims kyi sdom pa khyad par can du rig par bya'o/ /rab tu dbye ba 'dis na byang chub sems dpa' i bslab pa'i rab tu dbye ba tshad med de/ dper na 'dul ba bsnyad ba shin tu rgyas pa'i mdo sde las 'byung pa lta bu'o// // bam po bzhi pa ste bam 'o/ /de ltar lhag pa'i tshul khrims kyi khyad par bstan nas/ lhag pa'i sems kyi khyad par ji ltar blta zhe na/ mdor bsdu na rab tu dbye ba drug gis lta bar bya ste/ dmigs pas rab tu dbye ba dang/ sna tshogs nyid kyis rab tu dbye ba dang/ gnyen pos rab tu dbye ba dang/ lus su rung ba nyid kyis rab tu dbye ba dang/ mngon par sgrub pas rab tu dbye ba dang/ las kyi rab tu dbye ba ste/ theg pa chen po'i chos la dmigs pa'i phyir ro/ /theg pa chen po snang ba dang/ bsod nams thams cad yang dag par bsags pa dang/ ting nge 'dzin gyi rgyal po bzang skyod dang/ dpa' bar 'gro ba la sogs pa'i ting nge 'dzin sna tshogs nyid tshad med pa'i phyir ro/ /chos thams cad 'dres pa la dmigs pa'i ye shes kyis/ khyi'us khyi'u dbyung ba'i tshul du kun gzhi rnam par shes pa la sgrib pa'i gnas ngan len yod pa thams cad 'byin pa'i phyir ro/ /bsam gtan gyi bde ba dag gis gnas gang nas gang du 'dod par skye ba yongs su 'dzin pa'i phyir ro/ /'jig rten gyi khams thams cad du thogs pa med pa'i mngon par shes pa mngon par sgrub pa dang/ g.ye bar byed pa dang/ 'bar bar byed pa dang/ khyab par byed pa dang/ ston pa dang/ gzhan gyi dngos por bsgyur ba dang/ 'gro ba dang/ 'ong pa dang/ sdud pa dang/ rgyas bar byed pa dang/ gzugs kyi lus thams cad 'jog pa dang/ skal pa mnyam pas 'gro ba dang/ snang bar byed cing mi snang bar yang byed pa dang/ dbang nyid du byed pa dang/ gzhan gyi rdzu 'phrul rab tu 'joms pa dang/ sbobs pa dang/ dran pa dang/ bde ba sbyin pa dang/ 'od zer gtod? ba'i rdzu 'phrul chen po mngon par sgrub pa dang/ dka' ba

  70. 35b

    spyod pa thams cad bsdus pa dka' ba spyod pa rnam pa bcu mngon par bsgrub pa'i phyir ro/ /dka' ba spyod pa rnam pa bcu ni 'di lta ste/ khas blang bar dka' ba spyod pa ni/ byang chub chen por smon lam 'debs pa mkhas len pa'i phyir ro/ /mi ldog par dka' ba spyad pa ni/ 'khor ba'i bsdug bsngal rnams kyis mi zlog pa'i phyir ro/ /phyir mi phyogs par dka' ba spyod pa ni/ sems can thams cad kyi log par sgrub pa rnams kyis de las phyir mi phyogs pa'i phyir ro/ /mngon tu phyogs par bka' ba spyod pa ni/ /gnod par byed pa'i sems can rnams don thams cad bya ba la mngon du phyogs pa'i phyir ro/ /mi gos par dka' ba spyod pa ni/ 'jig rten tu skyes kyang 'jig rten pa'i chos kyis mi gos pa'i phyir ro/ /mos par dka' ba spyod pa ni/ rtog pa med par yang theg pa chen po la rgya che ba nyid dang/ zab pa nyid thams cad la mos pa'i phyir ro/ /rtogs par dka' pa'i spyod pa ni/ gang zag dang chos la bdag med pa rtogs pa'i phyir ro/ /khong du chud par bka' ba spyod pa ni/ de bzhin gshegs pa rnams kyi dgongs te/ gsungs pa zab mo khong du chud pa'i phyir ro/ /mi 'byed pa kun nas nyon mongs pa med par dka' ba spyod pa ni/ 'khor ba yongs su mi gtong yang des kun nas nyon mongs pa med pa'i phyir ro/ /spyor bar dka' ba spyod pa ni/ sgrib pa thams cad las rnam par grol ba la bzhugs pa'i sangs rgyas rnams 'khor ba'i mdza' i bar du lhun gyis grub par sems can thams cad kyi don thams cad mdzad pa dag la sbyor ba'i phyir ro/ /khong du chud par dga' ba spyod pa la sangs rgyas rnams kyi dgongs te/ gsungs pa la/ de dag gis khong du chud pa ci 'dra zhe na/ dper na ji ltar na byang chub sems dpa' sbyin phod pa yin zhe na/ gal te sbyin ba chung zad mi sbyin la de phyogs bcu'i 'jig rten sbyin pa bya ba tshad med pa la yang 'jug go /ji ltar na sbyin 'dod pa yin zhe na/ gal te sbyin pa thams cad la 'dod par mi byed pa'o/ /ji ltar na sbyin pa la mos pa yin zhe

  71. 36a

    na/ gal te de bzhin gshegs pa rnams la dang pas mi 'gro ba'o/ /ji ltar na sbyin pa la 'jug par byed pa yin zhe na/ gal te bdag sbyin pa la 'jug par mi byed pa ste/ rang bzhin nyid kyis sbyin zhes bya ba'i tha tshig go /ji ltar na sbyin pa la mngon par dga' ba yin zhe na/ gal te lan dga' sbyin pa ci yang sbyin par mi byed pa'o/ /ji ltar na sbyin pa la che ba yin zhe na/ gal te sbyin pa la snying po med pa'i 'du shes su gyur pa'o/ /ji ltar na sbyin pa dag pa yin zhe na/ gal te ser sna 'byung bar byed pa'o/ /ji ltar na sbyin pa mthar phyin pa yin zhe na/ gal te mdza' la mi gnas par gyur pa'o/ /ji ltar na sbyin pa la bdag po yin zhe na/ gal te sbyin pa la dbang byed pa ma yin pa'o/ /ji ltar na sbyin pa mi zad pa yin zhe na/ gal te mi zad pa la mi gnas bar gyur pa'o/ /sbyin pa la ji lta ba de bzhin du tshul khrims la sogs pa shes rab la thug pa rnams la yang ci rigs su shes par bya'o/ /ji ltar na srog gcod pa yin zhe na/ gal te srog chags rnams 'khor ba las shin tu zlo ba'o/ /ji ltar na ma byin par len pa yin zhe na/ gal te sus kyang ma byin par bdag nyid kyis sems can thams cad len pa'o/ /ji ltar na 'dod pa la log par spyod pa yin zhe na/ gal te 'dod pa rnams la log pa'o zhes spyod pa'o/ /ji ltar na rdzun du smra ba yin zhe na/ gal te gang brdzun pa de la brdzun no zhes smra ba'o// ji ltar na phra ma byed pa yin zhe na/ gal te stong pa nyid la gnas pa'i mchog gis rtag tu gnas pa'o/ /ji ltar na dag rtsub po smra ba yin zhe na/ gal te shes bya'i pha rol tu gnas pa'o/ /ji ltar na tshig kyal pa smra ba yin zhe na/ gal te chos thams cad yang dag par rnam par phye ste ba'o/ /ji ltar na brnab sems can yin zhe na/ gal te rgyun tu bdag bla na med pa'i bsam gtan thob par byed pa'o/ /ji ltar na gnod sems kyi sems dang ldan pa yin zhe na/ gal te sems la nyon mongs par byed pa

  72. 36b

    thams cad la 'dis gnod par byas pa yin no/ /ji ltar na log par blta ba can yin zhe na/ gal te gang thams cad na thams cad la 'dug pa'i log pa de ji lta ba bzhin du mthong ba'o/ /sangs rgyas kyi chos rnams zab po zhes bya ba la/ sangs rgyas kyi chos rnams zab pa gang zhe na/ 'dir bstan pa rtag pa'i chos rnams ni sangs rgyas kyi chos rnams te/ chos kyi sku rtag pa'i phyir ro/ /rung? pa'i chos rnams ni sangs rgyas kyi chos rnams te/ sgrib pa thams cad chad pa'i phyir ro/ /skye ba'i chos ni sangs rgyas kyi chos rnams te/ sprul pa'i sku skye ba'i phyir ro/ /dmigs pa'i chos ni sangs rgyas kyi chos rnams te/ sems can gyi spyod pa brgyad khri bzhi stong gnyen po dag dang bcas pa dmigs pa'i phyir ro/ /'dod chags dang bcas pa'i chos rnams ni sangs rgyas kyi chos rnams te/ 'dod chags dang bcas pa'i sems can rnams kyis/ /bdag tu khas blangs pa'i phyir ro/ /de bzhin du zhe sdang dang bcas pa'i chos rnams ni/ /sangs rgyas kyi chos gti mug dang bcas pa'i chos rnams ni/ sangs rgyas kyis chos so so'i skye bo'i chos rnams ni/ sangs rgyas kyi chos rnams su blta bar bya'o/ /mi gos ba'i chos rnams ni/ sangs rgyas kyi chos rnams te/ grub pa'i de bzhin nyid la sgrib pa thams cad kyis mi gos pa'i phyir ro/ /nye bar gos pa med pa'i chos rnams ni/ sangs rgyas kyis chos rnams te/ 'jig rten du skyes kyang/ 'jig rten pa'i chos rnams kyis nye bar gos pa med pa'i phyir ro/ /de'i phyir sangs rgyas kyi chos rnams ni zab pa zhes bya'o/ /pha rol tu phyin pa bsgom pa dang/ sems can yongs su smin par bya ba dang/ sangs rgyas kyi zhing yongs su dag par bya ba dang/ sangs rgyas kyi chos thams cad bsgrub pa'i phyir/ byang chub sems dpa' i ting nge 'dzin rnams kyi las kyi rab tu dbye bar blta'o/ /de ltar lhag pa'i sems kyi khyad par bstan nas/ lhag pa'i

  73. 37a

    shes rab kyi khyad par ji ltar blta zhe na/ rnam par mi rtog pa'i ye shes kyi ngo bo nyid dang/ gnas dang/ bzhi dang/ dmigs pa dang/ rnam pa dang brgal ba'o lan dang/ rten dang/ grogs dang/ rnam par smin pa dang/ rgyu mthun pa dang/ nges par 'byung ba dang/ mthar thug par 'gro ba dang/ sbyor ba las byung ba dang/ rnam par mi rtog pa dang/ rjes la thob pa'i phan yon dang/ rab tu dbye ba dang/ rnam par mi rtog pa dang/ rjes la thob pa'i dpe dang/ lhun gyis grub par bya ba sgrub pa dang/ zab pa nyid kyis kyang rnam par mi rtogs pa'i ye shes ni/ lhag pa'i shes rab kyi khyad par du blta bar bya'o/ /de la rnam pa lngas rnam par spangs pa ni/ rnam par mi rtog pa'i ye shes kyi ngo bo nyid ces bya ste/ yid la mi byed pa yongs su spangs pa dang/ rtog pa dang bcas pa dang dpyad pa dang bcas pa'i sa las shin tu 'da' yongs su spangs pa dang/ 'du shes dang/ tshor ba 'gog pa nye bar zhi ba yongs su spangs pa dang/ gzugs kyi ngo bo nyid yongs su spangs pa dang/ de kho na'i don la bkra bar 'dzin pa yongs su spangs pa'i phyir te/ rnam par mi rtog pa'i ye shes ni/ rnam pa 'di lnga yongs su spangs par rig par bya'o/ /rnam par mi rtog pa'i ye shes rnam par bzhag pa ji skad bstan pa 'dir tshigs su bcad pa/ byang chub sems dpa' rnams kyi shes/ /rnam par rtog med pa'i ngo bo nyid/ rnam pa lnga ni rnam spangs shing// yang dag don la bkrang 'dzin med/ /byang chub sems dpa' rnams kyi shes/ /rnam par rtog pa med pa'i gnas/ /sems min sems ni kho na ste/ /don la mi sems rgyus byung phyir/ /byang chub sems dpa' rnams kyi shes pa rnam par rtog pa med pa'i gzhi/ /thos pa'i bag chags brjod bcas pa'i/ /yid byed de ni tshul bzhin no/ /byang chub sems dpa' rnams kyi shes/ /rnam rtog med pa'i dmigs pa ni/ /chos rnams brjod du med pa nyid/ /bdag med de bzhin nyid kyang de/ /byang chub sems dpa' rnams kyi shes/ /rnam par mi

  74. 37b

    rtog rnam pa ni/ shes bya dmigs pa de nyid la/ /mtshan ma med pa gang yin pa'o/ /sbyor las byung ba'i rang bzhin te/ /rnam brtags de la gzhan du min/ /yi ge phan tshun sbyor bas na/ /don de sbyor las byung bar yin/ /brjod pa med par brjod bya la/ /shes pa 'jug pa ma yin no/ /'gal ba'i phyir na brjod la min/ /de phyir thams cad brjod du med/ /rnam par mi rtog ye shes ni/ /byang chub sems dpa' i rdo rjes la/ /thob pa'i spyod pa'i rten yin te/ /de ni 'phel bar 'gyur pa'i phyir ro/ /byang chub sems dpa' rnams kyi shes/ /rnam par rtog pa med pa'i grogs/ /lam gnyis su ni brjod pa ste/ /pha rol phyin lnga'i rang bzhin no/ /byang chub sems dpa' rnams kyis shes/ /rnam rtog med pa'i rnam smin no/ /sangs rgyas dkyil 'khor gnyis su ste/ /sbyor ba dang ni thob pas so/ /byang chub sems dpa' rnams kyi shes/ /rnam rtog med pa'i rgyu mthun ni/ /phyi ma phyi ma'i tshe rnams su/ /khyad par du ni 'gro bar 'dod/ /byang chub sems dpa' rnams kyi shes/ /rnam rtog med pa'i 'byung ba ni/ /sa bcu dag tu shes bya ste/ /thob pa dang ni grub phyir ro/ /byang chub sems dpa' rnams kyi shes/ /rnam rtog med pa'i mthar thug pa/ /dag pa'i sku gsum thob phyir dang/ /dbang gi mchog ni thob phyir ro/ /rnam rtog med pa'i ye shes te/ /dad pa tsam dang mos pa yis/ /sdig pa sna tshogs drag rnams kyis/ /gos pa med de nam mkha' bzhin/ /rnam rtog med pa'i ye shes te/ /sgrib pa kun las grol ba'i phyir/ /thob dang grub dang ldan pas na/ /gos pa med de nam mkha' bzhin/ rnam rtog med pa'i ye shes te/ /gos pa med de nam mkha' bzhin/ /'jig rten dag na rnam rgyu yang/ /'jig rten chos kyi rtag mi gos/ /lkugs pas don ni myong 'dod dang/ /ji ltar lkugs pas don myong dang/ /ma lkugs pas ni don myong ltar/ /ye shes gsum ni brjod pa yin/ /rmongs pas don ni myong 'dod dang/ /ji ltar rmongs pas don myong dang/ ma rmongs pas ni don myong

  75. 38a

    ltar ye shes gsum ni brjod pa yin pa lnga pos don ni myong 'dod dang/ /ji ltar lnga pos don myong dang/ /yid kyi don ni myong ba ltar/ /ye shes gsum ni brjod pa yin/ /bstan bcos mi shes bstan bcos 'dod/ /chos dang don myong go rim ltar/ sbyor ba las ni byung ba sogs/ /shes gsum de bzhin shes par bya/ /mi zhig mig ni btsums pa ltar/ /rnam rta ba med pa'i shes de 'dra/ /de nyid mig ni phye ba ltar/ /de rjes thob pa'i shes de 'dra/ /rnam rtog med pa'i shes de ni/ /nam mkha' bzhin du shes par bya/ /de la gzugs ni snang ba ltar/ /de yi rjes thab shes de 'dra/ /ji ltar nor bu sil snyan dag /rtog pa med pa rang las byung/ /de ltar rtag tu rtog med par/ /sangs rgyas phrin las sna tshogs 'byung/ /de la ma yin gzhan pa min/ /mi shes pa dang shes pa'ang min/ /shes bya dang ni khyad med pa'i/ /shes gang de ni mi rtog nyid/ /rnam par brtags bya med pas na/ /chos rnams thams cad rang bzhin gyis/ /rnam rtog med pa gang phyir bzhed/ /de phyir shes de mi rtog nyid/ /de la rnam par mi rtogs pa la sbyor ba las byung ba'i ye shes ni rnam pa gsum ste/ rgyu dang/ 'phen pa dang/ goms pa las byung bas rab tu dbye ba'i phyir ro/ rnam par mi rtog pa'i ye shes kyang rnam pa gsum ste/ cho ga shes pa dang phyin ci ma log pa dang/ /spros pa med pas rnam par mi rtog pa'i phyir ro/ /de'i rjes las thob pa ni rnam pa lnga ste/ rtog pa dang/ rjes su dran pa dang/ rnam par bzhag pa dang/ 'dres pa dang/ 'byor ba la dpyod pa tha dad pa'i phyir ro/ /rnam par mi rtog pa'i ye shes grub pa'i tshigs su bcad pa gzhan dag ni/ yi dags dud 'gro'i ma rnams dang/ /lha rnams ji ltar 'os 'os su/ /dngos gcig yid ni tha dad pas/ /don rnams grub pa med par 'dod/ /'das sogs de bzhin rmi lam dang/ /gzugs brnyan rnam pa gnyis pa'o

  76. 38b

    dmigs pa yod par ma yin phyir/ de la dmigs pa ldan pa'i phyir/ /don ni don tu grub na ni/ /ye shes rtog pa med mi 'gyur/ /de med pas na sangs rgyas nyid/ /'thob par 'thad pa ma yin no/ /byang chub sems dpa' dbang thob dang/ /bsam gtan pa yi mos dbang gis/ 'di ltar sa la sogs pa dag /dngos po de ltar dmigs par 'gyur/ /'di lta rnam par 'byed 'grub pa/ /blo ldan zhi ba thob pa yi/ /chos kun yid la byed pa la/ /de ltar don tu snang phyir ro/ /ye shes rgyu ba rtog med la/ /don rnams thams cad mi snang phyir/ /don med khong du chud par bya/ /de med pas na rnam rig med/ /shes rab kyi pha rol tu phyin pa dang/ rnam par mi rtog pa'i ye shes ni khyad par med de/ ji skad du byang chub sems dpa' i shes rab kyi pha rol tu phyin pa la mi gnas pa'i tshul gyis gnas nas de las gzhan pa'i pha rol tu phyin pa rnams bsgom pas yongs su rdzogs par byed do/ /zhes gsungs pa lta bu'o/ /ji ltar mi gnas pa'i tshul gyis yongs su rdzogs par byed ce na/ gnas rnam pa lnga yongs su spong ba'i phyir te/ mu stegs can gyi ngar 'dzin pa'i gnas yongs su spong ba dang/ de kho na mthong ba'i byang chub sems dpa' i rnam par rtog pa'i gnas yongs su spong ba dang/ 'khor ba dang mya ngan las 'das pa'i mdza' gnyis kyi gnas yongs su spong ba dang/ nyon mongs pa'i sgrib pa spangs pa tsam gyis chog par 'dzin pa'i gnas yongs su spong ba dang/ sems can gyi don la mi lta ba phung po'i lhag ma med pa'i mya ngan las 'das pa'i dbyings kyi gnas yongs su spong ba'i phyir ro/ /nyan thos kyi ye shes dang/ byang chub sems dpa' i ye shes gnyis la khyad par ci yod ce na/ rnam pa lngas khyad par yod par rig par byas te/ rnam par mi rtog pa'i khyad par ni phung po la sogs pa'i chos la rnam par mi rtog pa'i phyir ro/ /nyi tshe ba ma yin pa'i khyad par ni de kho na zad par rtogs pa dang/ shes bya'i rnam pa thams cad la 'jug pa dang/ sems can thams cad kyi

  77. 39a

    ched du bya ba'i nyi che ba ma yin pa'i phyir ro/ /mi gnas pa nyid kyi khyad par ni mi gnas pa'i mya ngan las 'das pa'i phyir ro/ /gtan tu ba'i khyad par ni mya ngan las 'das pa'i dbyings su zad par mi 'gyur ba'i phyir ro/ /gong na med pa la byed par ni de'i gong na de ma yin pa'i theg pa ches khyad par du 'phags pa gzhan med pa'i phyir ro/ /'dir tshigs su bcad pa/ snying rje'i bdag nyid ye shes kyis/ /rnam lnga khyad par 'phags pa rnams/ /'jig rten 'jig rten 'das pa yi/ /phun sum tshogs dang mi ring brjod/ /gang gi tshe byang chub sems dpa' de ltar lhag pa'i tshul khrims dang/ lhag pa'i sems dang/ lhag pa'i shes rab kyi yon tan phun sum tshogs pa dang ldan zhing nor thams cad la dbang 'byor pa thob par 'gyur pa de'i tshe/ /ci'i phyir sems can brel phongs can dag snang zhe na/ sems can de dag la de'i bgegs su gyur pa'i las mthong ba dang/ longs spyod de nye bar sgrub na dge ba'i chos skye ba'i bar du gcod pa nyid du mthong ba dang/ kun tu skyo ba mngon du gyur pas mthong ba dang/ longs spyod de sgrub na mi dge ba'i chos sogs pa'i rgyu nyid du mthong ba dang/ longs spyod de nye bar bsgrub pa nyid de las gzhan pa'i sems can chos mang ba dag la gnod pa'i rgyu nyid du mthong ba'i phyir sems can brel phongs can dag snang ngo/ /'dir tshigs su bcad pa/ las kyis grib dang mngon du 'gyur dang/ /sogs dang gnod byed mthong ba'i phyir/ /byang chub sems dpa' rnams las ni/ /sems can longs spyod mi 'thob brjod/ /de ltar lag pa'i shes rab kyi khyad par bstan to/ /spong ba'i khyad par ji ltar blta zhe na/ byang chub sems dpa' rnams kyi spong ba ni mi gnas pa'i mya ngan las 'das pa gang yin pa'o/ /de'i mtshan nyid ni/ gang nyon mongs pa yongs su btang ba dang bcas pa/ 'khor ba yongs su mi gtong ba'i gnas te gnas gyur pa'o/ /de la 'khor ba ni gzhan gyi dbang gi ngo bo nyid de kun nas nyon mongs pa'i char gtogs pa'o//

  78. 39b

    mya ngan 'das pa ni de nyid rnam par byang ba'i char gtogs pa'o/ /gnas ni de nyid gnyi ga'i ched gtogs pa bstan pa gzhan gyi dbang gi ngo bo nyid do/ /gzhan gyur pa ni gang gzhan gyi dbang gi ngo bo nyid de nyid kyi gnyen po skyes na gang kun nas nyon mongs pa'i cha ldog cing rnam par byang ba'i chang gyur pa'o/ /gyur pa de yang mdor bsdu na/ rnam pa drug ste/ nyam chung bar byed cing rgyas par gyur pa ni mos pa'i dbang gi thos pa'i bag chags gnas pa dang/ 'dzem pa dang bcas pa la nyon mongs pa chung ngu tsam kun tu 'byung ba 'am/ kun tu mi 'byung ba'i phyir ro/ /rtogs nas gyur pa ni sar chud pa'i byang chub sems dpa' rnams kyi ste sa drug pa'i bar du de kho na dang de kho na ma yin pa snang ba nye bar gnas pa'i phyir ro/ /bsgom pas gyur pa ni sgrib pa dang bcas pa rnams kyi ste/ sa bcu'i bar du mtshan ma thams cad mi snang ba dang/ de kho na snang ba'i phyir ro/ /'bras bu yongs su rdzogs pa'i gyur pa ni sgrib pa med pa rnams kyi ste/ mtshan ma thams cad mi snang ba dang/ shin tu rnam par dag pa'i de kho na snang ba dang/ mtshan ma thams cad la dbang 'byor pa thob pa'i phyir ro/ /gyur pa dman pa ni nyan thos rnams kyi ste/ gang zag la bdag med par rtogs pa dang/ 'khor ba la shin tu rgyab kyi bltas pas 'khor ba shin tu yongs su gtong ba'i phyir ro/ /gyur pa rgya che ba ni byang chub sems dpa' rnams kyis ste/ chos la bdag med par rtogs pa dang/ de nyid la zhi bar mthong bar kun nas nyon mongs pa spong zhing yongs su mi gtong ba'i phyir ro/ /gyur pa dman pa byang chub sems dpa' rnams kyi yin na/ nyes dmigs ci yod ce na/ sems can gyi don la mi lta bas byang chub sems dpa' i chos nyid las shin tu 'das ste/ theg pa dman pa pa rnams dang rnam par thar pa mtshungs pa'i nyes dmigs su 'gyur ro/ /byang chub sems dpa' rnams kyi bsgyur ba rgya chen po la phan yon ci yod ce na/ rang gi gnas gyur pa'i gzhis 'khor ba'i chos

  79. 40a

    thams cad la dbang 'byor pa thob pa'i phyir te/ 'gro ba thams cad du sems can thams cad kyi lus ston pas 'dul ba'i thabs la mkhas pa sna tshogs kyis mngon pa mthong ba dang/ theg pa gsum po dag la 'dul zhing 'god pa ni/ phan yon no/ /'dir tshigs su bcad pa/ byis pa rnams la yang dag bsgribs/ /yang dag ma yin kun tu snang/ /de gsal yang dag thams cad du/ /byang chub sems dpa' rnams la snang/ /don med pa dang don yod pa/ /mi snang snang bar shes par bya/ /gnas ni gzhan du gyur pa de/ /'dod dgur rgyu phyir thar pa yin/ 'khor ba dang ni mya ngan 'das/ /mtshungs par shes pa nam skye ba/ /de tshe de phyir de la ni/ /'khor nyid mya ngan las 'das par 'gyur/ /de yi phyir na 'khor ba ni/ gtong ba ma yin mi gtong min/ /de phyir mya ngan las 'das pa yang/ /thob pa ma yin mi thob min/ /de ltar spong ba'i khyad par bstan nas/ ye shes kyi khyad par ji ltar blta zhe na/ sangs rgyas kyi sku gsum po ngo bo nyid dang/ longs spyod rdzogs pa dang/ sprul pa'i sku ye shes kyi khyad par du blta bar bya'o/ /de la ngo bo nyid kyi sku ni gang de bzhin gshegs pa rnams kyi chos kyi sku ste chos thams cad la dbang bsgyur ba'i gnas yin pa'i phyir ro/ /longs spyod rdzogs pa'i sku ni/ gang sangs rgyas kyi 'khor gyi dkyil 'khor sna tshogs kyi rab tu phye ba dang/ chos kyi sku la brten pa ste/ /sangs rgyas kyi zhing yongs su dag pa dang/ theg pa chen po chos kyi longs spyod myong bar mdzad pa'i phyir ro/ /sprul pa'i sku ni gang chos kyi sku la brten pa nyid de dga' ldan gyi gnas na bzhugs pa nas bzung ste/ 'pho ba dang/ bltam pa dang/ 'dod pa la spyod pa dang/ mngon par 'byung ba dang/ mu stegs can gyi gan du gshegs pa dang/ dka' ba spyod pa dang/ mngon par rdzogs par byang chub pa dang/ chos kyi 'khor lo bskor ba dang/ yongs su mya ngan las 'das pa chen po kun tu ston pa'i phyir ro/ /'dir sdom gyi tshigs su bcad pa dang/ mtshan nyid dang ni 'thob pa dang/ /dbang dang gnas

  80. 40b

    dang yongs su bsdus dang/ /dbye dang yon tan zab pa dang/ /dran dang 'phrin las sangs rgyas nyid/ sangs rgyas rnams kyi mtshan nyid ji lta bu zhe na/ chos kyi sku'o/ /mdor bsdu na mtshan nyid lngar rig par bya ste/ gnas gyur pa'i mtshan nyid ni sgrib pa thams cad pa kun nas nyon mongs pa'i char gtogs pa'i gzhan gyi dbang gi ngo bo nyid rnam par log na sgrib pa thams cad las rnam par grol zhing chos thams cad la dbang sgyur ba nye bar gnas pa rnam par byang ba'i char gtogs pa gzhan gyi dbang gi ngo bo nyid du gyur pa'i phyir ro/ /dkar po'i chos kyi rang bzhin gyi mtshan nyid ni pha rol tu phyin pa drug yongs su rdzogs nas/ dbang bcu thob pa'i phyir te/ de la tshe la dbang ba dang/ sems la dbang ba dang/ yo byad la dbang ba ni sbyin pa'i pha rol tu phyin pa yongs su rdzogs pa'i phyir ro/ /las la dbang ba dang/ skye ba la dbang ba ni tshul khrims gyis pha rol tu phyin pa yongs su rdzogs pa'i phyir ro/ /mos pa la dbang ba ni bzod pa'i pha rol tu phyin pa yongs su rdzogs pa'i phyir ro/ /smon lam la dbang ba ni brtson 'grus kyi pha rol tu phyin pa yongs su rdzogs pa'i phyir ro/ /mngon par shes pa lngas bsdus pa'i rdzu 'phrul la dbang ba ni bsam gtan gyi pha rol tu phyin pa yongs su rdzogs pa'i phyir ro/ /ye shes la dbang ba dang chos la dbang ba ni shes rab kyi pha rol tu phyin pa yongs su rdzogs pa'i phyir ro/ /gnyis su med pa'i mtshan nyid ni yod pa dang med pa gnyis su med pa'i mtshan nyid kyis chos thams cad dngos po med pa dang/ stong pa nyid kyi mtshan nyid kyi dngos po yin pa'i phyir ro/ /'dus byas dang/ 'dus ma byas gnyis su med pa'i mtshan nyid ni las dang nyon mongs pa rnams kyis mngon par 'dus ma byas pa nyid dang/ 'dus byas su snang ba kun tu ston pa la dbang 'byor ba'i phyir ro/ /tha dad pa dang gcig pa gnyis su med pa'i mtshan nyid ni/ de la sangs rgyas thams cad kyi gnas tha dad pa ma yin pa dang/ rgyur tshad med pa mngon par rdzogs par byang chub pa'i phyir ro/ /'dir tshigs su

  81. 41a

    bcad pa/ bdag tu 'dzin pa med pa'i phyir/ /gnas la tha dad yod ma yin/ /sngon gyi rjes su 'brang bas na/ /de la gdags pas tha dad med/ /tha dad rigs phyir don med phyir/ /kun phyir thog ma med pa'i phyir/ /dri ma med pa'i gnas la ni/ /sangs rgyas gcig min mang po'ang min/ /rtag pa'i mtshan nyid ni de bzhin nyid rnam par dag pa'i mtshan nyid dang/ sngon gyi smon lam gyi shugs dang/ bya ba yongs su ma rdzogs pa'i phyir ro/ /bsam gyi mi khyad pa'i mtshan nyid ni de bzhin nyid rnam par dag pa de so so rang gis rig par bya ba dang/ 'jig rten na dpe med pa dang/ rtog ge ba'i spyod yul ma yin pa'i phyir ro/ /yang ji ltar chos kyi sku 'di reg pas thog ma nyid du thob ce na/ theg pa chen po'i chos 'dres pa la dmigs pa rnam par mi rtog pa dang/ de'i rjes la thob pa'i ye shes rnam pa lnga legs par bsgoms pas thams cad du tshogs legs par bsags pa dang/ sgrib pa srab mo gzhig par dka' ba shigs pa'i phyir rdo rje lta bu'i ting nge 'dzin gyi ting nge 'dzin/ de'i mjug thogs su sgrib pa thams cad dang bral ba'i phyir/ de dag gis gnas gyur pas thob po/ /yang dbang 'byor pa rnam pa dus chos kyis sku dbang 'byor pa thob ce na/ mdor bsdu na rnam pa lngas 'thob ste/ gzugs kyi phung po gyur pa'i phyir zhing dang/ lus dang/ mtshan dang/ dpe byad bzang po dang/ dbyangs mdza' yas pa dang/ spyi gtsug bltar mi mthong ba la dbang 'byor pa dang/ tshor? ba'i phung po gyur pa'i phyir kha na ma tho ba med cing tshad med la rgya che ba'i bde bar gnas pa la dbang 'byor pa dang/ 'du shes kyi phung po gyur pa'i phyir ming gi tshogs dang/ tshig gi tshogs dang/ yi ge'i tshogs thams cad kyis bstan pa la dbang 'byor pa dang/ 'du byed kyi phung po gyur pa'i phyir/ /sprul pa dang/ bsgyur ba dang/ 'khor bsdu ba dang/ dka' ba'i chos bsdu ba la dbang 'byor ba dang/ rnam par shes pa'i phung po gnas gyur pa'i phyir/ me long lta bu

  82. 41b

    dang/ mnyam pa nyid dang/ so sor rtog pa dang/ bya ba grub pa'i ye shes la dbang 'byor pas dbang 'byor pa 'thob bo/ /chos kyi sku de du zhig gi gnas nyid du rig par bya zhe na/ mdor bsdu na gsum gyi gnas te/ sangs rgyas kyi gnas pa sna tshogs kyi gnas ni/ 'dir tshigs su bcad pa/ gang phyir sangs rgyas rang gi dbyings brnyes nas/ /rnam pa lnga yi bdag nyid dgyes brnyes la/ /de ma thob pas dga' dang bral gyur ba/ /de phyir de 'dod pas ni de thob byos/ /mthu dang bya ba grub dang chos ro dang/ /don dang yon tan 'byor pa dpag med dang/ /rtag tu mi zad gzigs pas sangs rgyas rnams/ /dgyes mchog kha na ma tho med pa brnyes/ /longs spyod rdzogs pa'i sku sna tshogs kyi gnas ni byang chub sems dpa' yongs su smin par mdzad pa'i phyir ro/ /sprul pa'i sku sna tshogs kyi gnas ni/ phal cher nyan thos rnams yongs su smin par mdzad pa'i phyir ro/ /sangs rgyas kyi chos du zhig gis chos kyi sku bsdus par rig par bya zhe na/ /mdor bsdu na rnam pa drug gis bsdus te/ sangs rgyas kyi chos rnam par dag pas ni kun gzhi rnam par shes pa gyur nas/ chos kyi sku thob pa'i phyir ro/ /rnam par smin pa bas ni dbang po gzugs can gyur nas rnam par smin pa ba'i ye shes thob pa'i phyir ro/ /gnas pa ni 'dod pa la spyod pa la sogs pa la gnas par gyur nas ye shes tshad med pas gnas pa thob pa'i phyir ro/ /dbang 'byor pa bas ni yongs su 'dzin pa'i las sna tshogs gyur nas 'jig rten gyi khams thams cad du thogs pa med pa'i mngon par shes pa'i ye shes la dbang 'byor pa thob pa'i phyir ro/ /tha snyad pas ni mthong ba dang/ thos pa dang/ bye brag phyed pa dang/ rnam par shes pa'i tha snyad brjod pa gyur nas sems can thams cad kyi sems tshim par bya ba'i bstan pa mkhyen pa la dbang 'byor pa thob pa'i phyir ro/ /sel ba pas ni gnod pa dang/ nyes pa thams cad sel bar gyur nas sems can thams cad kyi gnod pa thams cad sel ba mkhyen pa brnyes pa'i phyir te/ sangs rgyas kyi chos 'di drug

  83. 42a

    gis sangs rgyas rnams kyi sku bsdus par rig par bya'o/ /sangs rgyas bcom ldan 'das rnams kyi chos kyi sku gang yin pa de ci tha dad pa zhes bya ba 'am/ tha dad pa ma yin pa zhes bya zhe na/ gnas dang/ dgongs pa dang/ phrin las tha dad pa med pas tha dad pa ma yin pa zhes bya'o/ /lus tshad med pa mngon par rdzog par byang chub pa'i phyir tha dad pa zhes bya'o/ /chos kyi sku ji lta ba de bzhin du/ longs spyod rdzogs pa'i sku yang dgongs pa dang 'phrin las tha dad pa med pas tha dad pa ma yin gyi/ /gnas tha dad pas tha dad pa med pa ni ma yin te/ gnas tshad med pas 'byung ba'i phyir ro/ /sprul pa'i sku yang longs spyod rdzogs pa bzhin du blta bar bya'o/ /chos kyi sku de yon tan du zhig dang ldan par rig par bya zhe na/ shin tu yongs su dag pa'i tshad med pa bzhi dang/ rnam par thar pa brgyad dang/ zil gyis gnon pa'i skye mched brgyad dang/ zad par gyi skye mched bcu dang/ nyon mongs pa med pa dang/ smon nas shes pa dang/ so so yang dag par rig pa bzhi dang/ mngon par shes pa drug dang/ skyes bu chen po'i mtshan sum cu rtsa gnyis dang/ dpe byad bzang po brgyad cu dang/ rnam par thams cad yongs su dag pa bzhi dang/ stobs bcu dang/ mi 'jigs pa bzhi dang/ bsrung ba med pa gsum dang/ dran pa nye bar gzhag pa gsum dang/ bag chags yang dag par bcom pa dang/ bsnyel ba med pa'i chos nyid dang/ thugs rje chen po dang/ sangs rgyas kyi chos ma 'dres pa bco brgyad dang/ rnam pa'i mchog thams cad mkhyen pa'i nyid dang/ pha rol tu phyin pa drug yongs su rdzogs pa dang ldan no/ /'dir tshigs su bcad pa/ sems can rnams la thugs brtse ba/ phrad dang bral bar dgongs pa can/ /mi 'bral dgongs shing bde ba dang ldan/ /dgongs pa khyod la phyag 'tshal lo/ /sgrib pa kun las nges par grol/ /thugs pas 'jig rten kun zil mnan/ /khyod kyi mkhyen pas shes bya khyab/ sems grol khyod la phyag 'tshal

  84. 42b

    lo/ /sems can kun gyi nyon mongs kun/ /ma lus pa dag 'dul mdzad pa/ /nyon mongs sel ba nyon mongs? pa/ /brtser bcas khyod la phyag 'tshal lo/ /lhun gyis grub cing chags mi mnga' / /thogs pa mi mnga' rtag tu yang/ /mnyam par bzhag cing 'dri kun gyi/ /lan ldon khyod la phyag 'tshal lo/ /gnas dang gnas pa bshad bya dang/ /tshig dang shes pa ston pa la/ /rtag tu blo gros mi thogs pa/ /ston mchog khyod la phyag 'tshal lo/ /ched du bzhud dang de dag gi /tshig dang spyod mkhyen 'ongs pa dang/ /'gro dang nges 'byung sems can la/ /legs 'doms khyod la phyag 'tshal lo/ /sems can kun gyis khyod mthong na/ /skyes bu mchog tu rtogs par 'gyur/ /mthong ba tsam gyis dang gyur par/ /mdzad pa khyod la phyag 'tshal lo/ /len dang gnas dang gtong ba dang// sprul ba dang ni sgyur ba dang/ /ting nge 'dzin dang ye shes la/ /mnga' brnyes khyod la phyag 'tshal lo/ /thabs dang skyabs dang dag pa dang/ /nges 'byung theg pa chen po la/ /sems can rnams la slu ba yi/ /bdud 'joms khyod la phyag 'tshal lo/ / ye shes dang ni spangs pa dang/ /nges 'byung bgegs byed ston mdzad pa/ /bdag gzhan don la mu stegs gzhan/ /mi tshugs khyod la phyag 'tshal lo/ /'khor du tshar bcad gsung mdzad pa/ /kun nas nyon mongs gnyis spangs pa/ /bsrung ba mi mnga' brnyel mi mnga' / /tshogs sdud khyod la phyag 'tshal lo/ /gshags bzhugs kun tu rtag par yang/ /kun mkhyen ma lags spyod mi mnga' / /khyod ni yang dag don tu na/ /kun mkhyen khyod la phyag 'tshal lo/ /sems can kun gyi don mdzad la/ /khyod ni dus las yol mi gda' / /rtag tu 'bras bu yod mdzad pa/ /mi bsnyel khyod la phyag 'tshal lo/ /'jig rten kun tu gdugs zhag gcig /lan drug tu ni gzigs mdzad pa/ /thugs rje che dang ldan pa po/ /phan gdogs

  85. 43a

    khyod la phyag 'tshal lo/ /gshegs dang thugs su chud pa dang/ /mkhyen pa dang ni phrin las kyis/ /nyan thos dang ni rang sangs rgyas/ /kun mchog khyod la phyag 'tshal lo/ /byang chub chen po rnam pa kun/ /sku gsum dag gis brnyes gyur pa/ /kun tu sems can thams cad kyi/ /dog gcod khyod la phyag 'tshal lo/ /sri ba mi mnga' skyon mi mnga' / /rnyog pa mi mnga' bzhugs mi mnga' / /g.yo ba mi mnga' chos kun la/ /mi spros khyod la phyag 'tshal lo/ / sangs rgyas rnams kyi chos kyi sku ni yon tan 'di dag dang ldan no/ /gzhan yang ngo bo nyid dang/ /rgyu dang 'bras bu phrin las dang ldan pa dang/ /'jug pa'i yon tan rnams dang/ /yang ldan te/ /de lta bas na sangs rgyas rnams kyi yon tan bla na med par rig par bya'o/ /'dir tshigs su bcad pa/ khyod ni dam pa'i don 'grub ste/ /sa rnams kun gyis byung ba lags/ /sems can gyi ni mchog nyid brnyes/ /sems can thams cad rnam 'grel pa/ /mi bas mtshungs pa ma mchis pa/ /yon tan ldan zhing 'jig rten dang/ / 'khor na gda' la rnam kun tu/ /lha mis mthong ba yang ma lags/ /yang sangs rgyas rnams kyis chos kyi sku ni/ zab pa mchog tu zab pa ste/ /de'i zab pa ji ltar blta zhe na/ 'dir tshigs su bcad pa/ skye med sangs rgyas skye ba ste/ /mi gnas pa la rab tu bzhugs/ /lhun gyis grub par thams cad mdzad/ /zas bzhi po ni gsol pa lags/ /tha dad med cing dpag tu med/ /phrin las dpag tu med cing gcig /mi brtan brtan pa'i phrin las can/ /sangs rgyas rnams ni sku gsum ldan/ /gang yang mngon rdzogs sangs rgyas med/ /thams cad sangs rgyas ma yin min/ /skad cig re la dpag tu med/ /dngos po'i dngos med rab tu phye/ /chags pa ma yin mi chags min/ /'dod chags

  86. 43b

    nyid kyi byung ba yin/ /'dod chags 'dod chags min mkhyen nas/ /'dod chags chos nyid la yang zhugs/ /sangs rgyas phung po rnams las 'das/ /phung po rnams la'ang rnam par zhugs/ /de las gzhan min gzhan min min/ /de ma btang bas legs par 'das/ /kun kyang 'dres pa'i phrin las can/ /rgya mtshor chu 'dra rgyal ba rnams/ /byas so byed do bya'o zhes/ /gzhan gyi don la dgongs pa med/ /sems can nyes pas mi snang ste/ /snod chag pa yi? zla ba bzhin/ /'jig rten kun la nyi bzhin du/ /de dag chos 'od khyad par mdzad/ /la lar rdzogs par byang chub ston/ /la lar me bzhin mya ngan 'das/ /nam yang med pa ma yin te/ /de bzhin gshegs pa rnams kyi sku/ /sangs rgyas 'phags min chas rnams dang/ /mi dang ngan song pa rnams dang/ / tshangs spyod ma yin chos rnams la/ /bdag nyid dang ni bzhugs pa mchog /de dag kun tu rnam par dpyod/ /gang tu 'ang rnam par dpyod mi mnga' / /gnas rnams kun tu mthong mod kyi/ /dbang po drug gis spyod yul min/ /nyon mongs thul la spangs pa med/ /sngags kyi bsad pa'i dug dang 'dra/ /sangs rgyas rnams ni nyon mongs las/ /nyon mongs zad pa kun mkhyen brnyes/ /thabs chen rnams dang ldan pa la/ /nyon mongs byang chub yan lag 'gyur/ /'khor ba'ang zhi ba'i bdag nyid de/ /de phyir de bzhin gshegs bsam yas/ /'di dag ni zab pa rnam pa bcu gnyis su rig par bya ste/ 'di lta ste/ skye ba dang/ mya ngan las 'das pa dang/ phrin las dang/ gnas pa zab pa nyid dang/ rnam par gnas pa dang/ grangs dang/ phrin las zab pa nyid dang/ mngon par rdzogs par byang chub pa zab pa nyid dang/ 'dod chags dang bral ba zab pa nyid dang/ phung po spangs pa zab pa nyid dang/ sems can yongs su smin par mdzad

  87. 44a

    pa zab pa nyid dang/ mthong ba zab pa nyid dang/ mngon par rdzogs par byang chub pa nyid dang/ mya ngan las 'das pa kun tu ston pa zab pa nyid dang/ bzhugs pa zab pa nyid dang/ sku kun tu ston pa zab pa nyid dang/ nyon mongs pa spangs pa zab pa nyid dang/ bsam gyis mi khyab pa zab pa nyid do/ /byang chub sems dpa' rnams chos kyi skur sangs rgyas rjes su dran pa na/ rjes su dran pa du zhig gis rjes su dran zhe na/ mdor bsdu na byang chub sems dpa' rnams rnam pa bdun gyis sangs rgyas rjes su dran pa sgom te/ 'jig rten gyi khams thams cad du thogs pa med pa'i mngon par shes pa brnyes pa'i phyir sangs rgyas bcom ldan 'das rnams ni chos thams cad la dbang sgyur ba'i dang can no zhes sangs rgyas rjes su dran pa sgom mo/ /'dir tshigs su bcad pa/ bsgribs shing rgyu dang mi ldan la/ /nges pa gnyis dang ldan pa yi/ /sems can khams la kun tu yang/ /sangs rgyas rnams la mnga' dbang med/ /de bzhin gshegs pa rnams rgyun mi 'chad par dri ma las rnam par grol ba nyid kyi phyir de bzhin gshegs pa rnams kyi sku rtag pa'o zhes bya ba dang/ nyon mongs pa dang/ shes bya'i sgrib pa thams cad dang bral ba nyid kyi phyir/ /de bzhin gshegs pa rnams mchog tu kha na ma tho ba mi mnga' o zhes bya ba dang/ sangs rgyas kyi mdzad pa thams cad lhun gyis grub par rgyun mi gcod pa'i phyir/ /de bzhin gshegs pa rnams lhun gyis grub pa'o zhes bya ba dang/ sangs rgyas kyi zhing yongs su dag pa dang/ chos kyi longs spyod che ba'i phyir de bzhin gshegs pa rnams longs spyod chen po mnga' ba'o zhes bya ba dang/ 'jig rten tu byung yang 'jig rten pa'i chos thams cad kyi mi gos pa'i phyir/ /de bzhin gshegs pa rnams gos ma med pa'o zhes bya ba dang/ mngon par

  88. 44b

    rdzogs par byang chub pa dang/ yongs su mya ngan las 'das pa kun tu ston pas yongs su smin par ma byas pa'i sems can rnams yongs su smin par mdzad pa dang/ yongs su smin par byas pa rnams rnam par grol bar mdzad pa'i phyir/ /de bzhin gsheg pa rnams don chen po'i zhes bya bar sangs rgyas rjes su dran pa sgom mo/ /'dir tshigs su bcad pa/ rang gi sems la rag las dang/ /rtag tu dang dge ldan brtsal mi dgos/ /chos kyi longs spyod chen po rnams/ /rjes su sbyin mdzad phun sum tshogs/ /dbang du ma gyur rab tu rgyu/ /skye bo mang por de 'dod do/ /sangs rgyas kun gyi 'di dag kun/ /blo ldan rnams kyi rjes dran bya/ /sangs rgyas rnams kyi sangs rgyas kyi zhing yongs su dag pa ji ltar rig par bya zhe na/ /byang chub sems dpa' i sde snod stong phrag brgya pa'i mdo sde'i gleng gzhi las ji skad gsungs pa lta bu ste/ bcom ldan 'das gzhal med khang chen po rin po che sna bdun mchog tu 'bar ba bkod pa/ /'jig rten gyi khams dpag tu med pa rgyas par dgengs pa'i 'od gzer chen po shin tu 'byung ba/ gnas kyi bye brag shin tu rnam par phye ba tshad med pa rnam par bzhag pa/ dkyil 'khor yongs su ma chad pa/ khams gsum pa las yang dag par 'das pa'i spyod yul/ 'jig rten las 'das pa de'i bla ma'i dge ba'i rtsa pa las byung ba/ dbang sgyur ba'i rnam par rig pa shin tu rnam par dag pa'i mtshan nyid/ de bzhin gshegs pa'i gnas/ byang chub sems dpa' chen po'i rten/ lha dang klu dang gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa tshad med pa rnam par rgyu ba/ chos kyi ro'i dga' ba dang bde ba chen pos brtan pa/ sems can thams cad kyi don thams cad mdzad pas nye bar gnas pa/ nyon mongs pa'i gnod pa thams

  89. 45a

    cad dang bral ba/ bdud thams cad yongs su spangs pa/ thams cad kyi bkod pa las lhag pa/ de bzhin gshegs pa'i byin gyis rlabs kyis bkod pa/ dran pa dang blo gros dang/ rtog pa chen pos nges par 'byung ba/ zhi gnas dang lhag mthong chen po'i theg pa/ rnam par thar pa'i sgo chen po stong pa nyid dang/ mtshan ma med pa dang/ smon pa med pa nas 'jug pa/ yon tan gyi tshogs tshad med pas brgyan pa/ rin po che'i pad+ma'i rgyan chen po bkod pa la rten pa na bzhugs zhes bya ba ste/ de lta bas na sangs rgyas kyi zhing yongs su dag pa 'di'i kha dog phun sum tshogs pa yang yongs su bstan la/ dbyibs phun sum tshogs pa dang/ tshad phun sum tshogs pa dang/ yul phun sum tshogs pa dang/ 'bras bu phun sum tshogs pa dang/ bdag po phun sum tshogs pa dang/ phyogs phun sum tshogs pa dang/ zham 'bring phun sum tshogs pa dang/ rton pa phun sum tshogs pa dang/ phrin las phun sum tshogs pa dang/ phan 'dogs pa phun sum tshogs pa dang/ 'jig pa med pa phun sum tshogs pa dang/ rten phun sum tshogs pa dang/ lam phun sum tshogs pa dang/ bzhon pa phun sum tshogs pa dang/ sgo phun sum tshogs pa dang/ gzhi phun sum tshogs pa yang yongs su bstan to/ /yang sangs rgyas kyi zhing yongs su dag pa de'i longs spyod ni shin tu dag pa/ shin tu bde ba/ shin tu kha na ma tho ba med pa/ shin tu dbang sgyur ba'o/ /yang sangs rgyas rnams kyi chos kyi dbyings de ni dus thams cad du phrin las lnga dang ldan par rig par bya'o/ /mthong ba tsam gyis long ba dang/ 'on pa dang/ smyos pa la sogs pa'i gnod pa las skyob pa'i phyir sems can rnams kyi gnod pa yongs su skyob pa'i phrin las can dang/ mi

  90. 45b

    dge ba'i gnas nas bslang ste/ dge ba'i gnas la 'jog pa'i phyir ngan song las yongs su skyob pa'i phrin las can dang/ mu stegs can thabs ma yin pas thar par bya ba'i brtson pa rnams kyi 'dun pa bzlog nas sangs rgyas kyi bstan pa la rab tu 'god pa'i phyir? thabs ma yin pa las yongs su skyob pa'i phrin las can dang/ khams gsum las yang dag par 'das pa'i lam nye bar sgrub pa'i phyir 'jig tshogs las yongs su skyob pa'i phrin las can dang/ ma nges pa'i rigs can gyi byang chub sems dpa' theg pa gzhan la yang dag par zhugs pa rnams dang/ nyan thos rnams theg pa chen po sgrub pa la rab tu 'god pa'i phyir/ /theg pa las yongs su skyob pa'i phrin las can te/ sangs rgyas thams cad ni phrin las lnga po 'di dag la phrin las mtshungs par blta bar bya'o/ /'dir tshigs su bcad pa/ rgyu dang gnas dang bya ba dang ni bsam pa dang/ /'du byed tha dad phyir na de yi dbang gis na/ /'jig rten rnams kyi las ni tha dad gyur par 'dod/ /de med pas na 'jig rten 'dren pa'i de lta ma ni/ /gal te de ltar nyan thos dang rang sangs rgyas dang thun mong ba ma yin te/ sangs rgyas rnams kyi chos kyi sku yon tan phun sum tshogs pa 'di lta bu 'di dang ldan pa yin na/ /dgongs pa gang gis theg pa gcig bstan ce na/ 'dir tshigs su bcad pa/ /kha cig dag ni drang phyir dang/ /gzhan yang kun tu bzung ba'i phyir/ /rdzogs pa'i sangs rgyas rnams kyi ni/ /ma nges rnams la theg gcig bstan/ /chos dang bdag med grol mthun phyir/ /rigs ni tha dad gyur pa'i phyir/ /bsam gnyis brnyes phyir sprul pa'i phyir/ /mthar phyin pas na theg pa gcig /de ltar sangs rgyas thams cad kyi chos kyi sku mthun pa yin na/ ci'i phyir sangs rgyas mang por blta zhe na/ 'dir tshigs su bcad pa/

  91. 46a

    khams gcig na ni gnyis med phyir/ /dpag med lhan cig tshogs bsags phyir/ /rim gyis 'byung bar mi rigs phyir/ /sangs rgyas mang por rab tu grags/ /sangs rgyas rnams chos kyi skur gtan tu yongs su mya ngan las 'da' ba ma yin par ji ltar blta zhe na/ 'dir tshigs su bcad pa/ sgrib pa kun las nges grol phyir/ /mdzad pa rnams kyang ma rdzogs phyir/ /sangs rgyas gtan tu mya ngan 'das/ /mya ngan 'das pa'ang min par 'dod/ /longs spyod rdzogs pa'i sku ci'i phyir/ /ngo bo nyid kyi sku ma yin zhe na/ rgyu drug gi phyir te/ de gzugs kyi sku na snang ba dang/ sangs rgyas kyi 'khor gyi dkyil 'khor tshad med pa dag na tha dad par snang ba dang/ mos pa ji lta ba bzhin du mthong bas ma nges pa'i ngo bo nyid du snang ba dang/ gzhan dang gzhan du snang bas/ g.yo ba'i ngo bo nyid du snang ba dang/ byang chub sems dpa' dang/ nyan thos dang/ lha la sogs pa 'khor sna tshogs dang/ 'dres pas 'dres par snang ba dang/ kun gzhi rnam par shes pa dang/ 'jug pa'i rnam par shes pa gnyis gnas gyur pas mi rigs par snang ba'i phyir longs spyod rdzogs pa nyid kyi sku mi rigs so/ /sprul pa'i sku ci'i phyir ngo bo nyid kyi sku ma yin zhe na/ rgyu brgyad kyi phyir te/ byang chub sems dpa' yun ring por nas mi nyams pa'i ting nge 'dzin thob pa rnams dga' ldan dang mi'i nang du skye bar mi rigs so/ /skye ba dran pa rnams kyi ge dang/ rtsis dang/ grangs dang/ lag rtsis dang/ bze? dang/ bstan bcos dang/ 'dod pa la spyod pa dang/ longs spyod mi mkhyen pa mi rigs so/ /nyes par bshad pa dang/ legs par bshad pa'i chos bstan pa mkhyen pa rnams/ /gzhan mu stegs can gyi gan du bzhung pa mi rigs so/ /theg pa gsum gyi lam gyi chos bzang po mkhyen pa

  92. 46b

    rnams dka' ba spyod pa'i mi rigs so/ /dzam+bu'i gling bye ba phrag brgya bor te gcig tu mngon par rdzogs par byang chub pa dang/ chos kyi 'khor lo skor bar mi rigs so/ /gal te mngon par rdzogs pa byang chub pa bstan pa'i thabs med par yang lhag ma rnams su sprul pa rnams kyis sangs rgyas kyi mdzad pa mdzad do zhe na/ 'o na dga' ldan nyid du mngon par rdzogs par sangs rgyas la/ dzam+bu'i gling thams cad mtshungs par sangs rgyas 'byung bar ci'i phyir mi mngon zhe na/ mi mngon pa las na lung dang rigs pa med do/ /sprul pa mang du byung na/ 'jig rten ni gling bzhi par bsdus par yin pas de bzhin gshegs pa gnyis 'jig rten du 'byung ba'i mdo dang 'gal ba med de/ 'khor los sgyur pa'i rgyal po gnyis mi 'byung ba bzhin no/ /'dir tshigs su bcad pa/ sangs rgyas sprul pa phra ba ni/ /rnam kun mngon rdzogs byang chub pa/ /kun tu bstan pa mdzad pa'i phyir/ /mtshungs par mang po mngal du zhugs/ /sems can thams cad kyi don tu smon lam btab pa dang/ sgrub pa gnyis kyi byang chub chen po yang dag par sgrub pas gtan tu yongs su mya ngan las 'da' ba mi rung ste/ smon lam btab pa dang/ sgrub pa don med par 'gyur ba'i phyir ro/ /longs spyod rdzogs pa dang/ sprul pa'i sku gnyis mi rtag pa'i phyir/ de bzhin gshegs pa rnams kyi sku rtag pa'o zhes ji skad du bya zhe na/ rgyu mthun pa dang sprul pa'i sku gnyis chos kyi sku rten pa'i phyir ro/ /longs spyod rdzogs pa rgyun ma chad pa dang/ sprul pa yang dang yang ston pas rtag pa nyid du rig par bya ste/ rtag tu bde ba spyod do zhes bya ba bzhan no/ /rtag tu zas sbyin pa zhes bya ba bzhin no/ /rgyu drug gis na sangs rgyas bcom ldan 'das rnams sprul pa'i sku gtan tu mi bzhugs te/ yongs su smin par byas pa'i

  93. 47a

    sems can rnam par grol bar mdzad pas/ mdzad pa yongs su rdzogs pa dang/ /sangs rgyas kyi sku rtag par 'dod pas mya ngan las 'das pa la 'dun pa med pa bzlog pa dang/ chos zab mo bstan pa khong du ma chud pas sangs rgyas la brnyas pas bzlog pa dang/ rgyun tu mthong na khyad du gsod pas spro ba bskyed pa dang/ ston pa mi dmigs pas so so rang gis brtson 'grus bskyed par bya ba dang/ so so rang brtson 'grus mi 'dor bas myur ba nyid du yongs su smin par bya ba'i phyir ro/ /'dir tshigs su bcad pa/ mdzad pa rdzogs par gyur pa'i phyir/ /zhi ba mi 'dod bzlog pa'i phyir/ /sangs rgyas brnyas pa bzlog pa'i phyir/ /spro ba bskyed par bya ba'i phyir/ /so so rang brtson brtsam bya'i phyir/ /myur du yongs su smin bya'i phyir/ /sangs rgyas rnams ni sprul pa'i skus/ gtan du bzhugs par mi bzhed do/ /sangs rgyas rnams kyi chos kyi sku/ /thog ma med pa'i dus nas dpag tu med du zin kyang/ de'i phyir mi 'bad par mi bya'o/ /'dir tshigs su bcad pa/ gal te sangs rgyas brnyes pa khyad med dpag med pa/ sems can rnams kyi der 'bad nyams pa'i rgyu yin na/ /brnyes pa rtag tu rgyu med nyid du gyur pa 'am/ /rgyu yi rgyun gcod pa ni rig pa'i tshul ma yin/ /theg pa chen po bsdus pa/ slob dpon thogs med kyis mdzad pa rdzogs so// //paN+Di ta dzin mi tra dang shI len+d+ra bo d+hi dang bande ye shes de'i 'gyur// // !/ (/chos mngon pa kun las btus pa zhes bya ba 'phags pa thogs med kyis mdzad pa bzhugs//) // !/ /rgya gar skad du/ a b+hi d+harma sa muts+tsha ya/ bod skad du/ chos mngon pa kun las btus pa/ 'jam dpal gzhon nur gyur pa la phyag 'tshal lo/ /

  94. 47b

    bam po dang po/ sdom ni/ du dang ci phyir nyer len dang/ /mtshan nyid de yi rnam gzhag dang/ /go rim don dang dpe dpya dang/ /bsdus la sogs pa rnam pa bzhi/ /bsdus dang mtshungs ldan ldan pa dang/ rnam par nges pa bzhir dbye ste/ bden dang chos 'thob 'phel gtan ni/ /rnam par nges pa'i dbye ba ste/ /kun las btus pa'i spyi sdom yin/ /phung po rnams ni du/ khams rnams ni du/ skye mched rnams ni du zhe na/ phung po rnams ni lnga ste/ gzugs kyi phung po dang/ tshor ba'i phung po dang/ 'du shes kyi phung po dang/ 'du byed kyi phung po dang/ rnam par shes pa'i phung po'o/ /khams rnams ni bco brgyad de/ /mig gi khams dang/ gzugs kyi khams dang/ mig gi rnam par shes pa'o khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams so/ /skye mched rnams ni bcu gnyis te/ mig gi skye mched dang/ gzugs kyi skye mched dang/ rna ba'i skye mched dang/ sgra'i skye mched dang/ sna'i skye mched dang/ dri'i skye mched dang/ lce'i skye mched dang/ ro'i skye mched dang/ lus kyi skye mched dang/ reg bya'i skye mched dang/ yid kyi skye mched dang/ chos kyi skye mched do/ /ci'i phyir phung po rnams lnga kho na zhe na/ bdag gi gzhi rnam pa lnga brjod pa'i phyir te/ bdag gi gzhi lus yongs su bzung ba dang bcas pa brjod pa dang/ bdag gi gzhi longs spyod brjod pa dang/ bdag gi gzhi tha snyad brjod pa dang/ bdag

  95. 48a

    gi gzhi chos dang chos ma yin pa mngon par 'du byed pa brjod pa dang/ bdag gi gzhi de dag gi gnas brjod pa'i phyir ro/ /ci'i phyir khams rnams bco brgyad kho na zhe na/ lus dang yongs su bzung ba gnyis kyis 'das pa dang da ltar gyi nye bar spyod pa rnam pa drug 'dzin pa'i phyir ro/ /ci'i phyir skye mched rnams bcu gnyis kho na zhe na/ lus dang yongs su bzung ba gnyis nyid ma 'ongs pa'i nye bar spyod pa rnam pa drug skye ba'i sgo'i phyir ro/ /ci'i phyir nye bar len pa'i phung po rnam shes bya zhe na/ nye bar len pa dang ldan pas de'i phyir nye bar len pa'i phung po rnams shes bya'o/ /nye bar len pa gang yin/ 'dir 'dun pa dang/ 'dod chags gang yin pa'o/ /ci'i phyir 'dun pa dang 'dod chags nyid nye bar len pa zhes bya zhe na ma 'ongs pa dang da ltar gyi phung po mngon par 'grub pa dang/ yongs su mi gtong ba'i phyir te/ ma 'ongs pa la 'dod pa dang/ da ltar la lhag par chags pa'i phyir ro/ /ci'i phyir khams rnams dang/ skye mched rnams nye bar len pa dang bcas pa'i chos rnams zhes bya zhe na/ de la phung po bzhin du bshad do/ /gzugs kyi phung po'i mtshan nyid ci zhe na/ gzugs su yod pa rnams pa gnyis kyis gzugs su yod pa'i mtshan nyid de/ reg pas gzugs su yod pa dang/ yul dpyad pas gzugs su yod pa'o/ /rig pas gzugs su yod pa gang zhe na/ lag pa'i 'dus te reg pas reg na/ gzugs su rung ba dang/ bong ba'i 'dus te reg pa dang/ dbyig pa'i 'dus te reg pa dang/ mtshon chi'i 'dus te reg pa dang/ grang ba dang/ tsha ba dang/ bkres pa dang/ skom pa dang/ sbrang bu dang/ sha sbrang dang/ rlung dang/ nyi ma dang/ sdig sprul gyi 'dus te reg pas reg na/ gzugs su rung ba'o/ /yul dpyad pas gzugs su yod pa gang zhe na/

  96. 48b

    gang yul la gzugs 'di dang 'di'o/ /gzugs 'di lta bu dang 'di lta bu'o zhes mnyam par bzhag pa 'am/ mnyam par ma gzhag pa'i yid rtog pa dang/ mtshungs par ldan pas bkra bar 'dzin pa'o/ /tshor ba'i mtshan nyid ci zhe na/ myong ba'i mtshan nyid de myong ba'i ngo bo gang gis dge ba dang mi dge ba'i las rnams kyi 'bras bu rnam par smin pa so sor myong ba'o/ /'du shes kyi mtshan nyid ci zhe na/ 'dus te shes par byed pa'i mtshan nyid de/ /mtshan mar 'dzin pa dang/ bkra bar 'dzin pa'i ngo bo gang gis ci ltar mthong ba dang/ thos pa dang/ bye brag phyed pa dang/ rnam par shes pa'i don rnams la tha snyad 'dog pa'o/ /'du byed rnams kyi mtshan nyid ci zhe na/ mngon par 'du byed pa'i mtshan nyid de/ sems kyi mngon par 'du byed pa'i ngo bo gang gis dge ba dang/ mi dge ba dang/ lung du ma bstan pa dang/ gnas skabs sna tshogs rnams su sems 'jug par byed pa'o/ /rnam par shes pa'i mtshan nyid ci zhe na/ rnam par shes pa'i mtshan nyid de/ /rnam par shes par byed pa'i ngo bo gang gis gzugs rnams kyang rnam par shes pa dang/ sgra dang/ dri dang/ ro dang/ reg bya dang/ chos rnams kyang rnam par she pa'o/ /mig gi khams kyi mtshan nyid gang zhe na/ mig gang gis gzugs rnams mthong bar gyur pa dang/ lta ba dang/ de'i sa bon bsags pa dang/ rnam par smin pa'i kun gzhi rnam par shes pa gang yin pa de mig gi khams kyi mtshan nyid do/ /mig gi khams kyi mtshan nyid ji lta ba bzhin du rna ba dang/ sna dang/ lce dang/ lus dang/ yid kyi khams kyi mtshan nyid kyang de bzhin no/ /gzugs kyi khams kyi mtshan nyid gang zhe na/ mig gang gis gzugs gang dag mthong bar gyur pa dang/ mthong ba rnams dang/ de la mig gi khams dbang byed pa nyid gang yin pa de gzugs kyi khams

  97. 49a

    kyi mtshan nyid do/ /gzugs kyi khams kyi mtshan nyid ji lta ba bzhin du sgra dang/ dri dang/ ro dang/ reg bya dang/ chos kyi khams kyi mtshan nyid kyang de bzhin no/ /mig gi rnam par shes pa'i khams kyi mtshan nyid gang zhe na rten mig dang/ dmigs pa gzugs kyis gzugs su snang ba'i rnam par rig pa gang yin pa dang/ de'i sa bon bsags pa dang/ rnam par smin pa'i kun gzhi rnam par shes pa gang yin pa de mig gi rnam par shes pa'i khams kyi mtshan nyid do/ / mig gi rnam par shes pa'i khams kyi mtshan nyid rnam pa ji lta ba bzhin du rna ba dang/ sna dang/ lce dang/ lus dang/ yid kyi rnam par shes pa'i khams kyi mtshan nyid kyang de bzhin no/ /skye mched kyi mtshan nyid gang zhe na/ /de ni khams bzhin du blta ste/ de yang ji ltar mthun mthun du sbyar ro/ /gzugs kyi phung po'i rnam par bzhag pa gang zhe na/ gzugs kyi gang yin pa ci yang rung ste/ de dag thams cad 'byung ba chen po bzhi dag dang/ 'byung ba chen po bzhi dag rgyud byas pa'o/ /'byung ba chen po bzhi dag gang zhe na/ sa'i khams dang/ chu'i khams dang/ me'i khams dang/ rlung gi khams so/ /sa'i khams gang zhe na/ sra ba nyid do/ /chu'i khams gang zhe na/ gshed ba nyid do/ /mi'i khams gang zhe na/ tsha ba nyid do/ /rlung gi khams gang zhe na/ yang zhing g.yo ba nyid do/ /rgyur byas pa'i gzugs gang zhe na/ mig gi dbang po dang/ rna ba'i dbang po dang/ sna'i dbang po dang/ lce'i dbang po dang/ lus kyi dbang po dang/ gzugs dang/ sgra dang/ dri dang/ ro dang/ reg bya'i phyogs gcig dang/ chos kyi skye mched pa'i gzugs so/ /mig gi dbang po gang zhe na/ 'byung ba chen po bzhig dag rgyur byas pa/ mig gi rnam par shes

  98. 49b

    pa'i rten gzugs dang pa'o/ /rna ba'i dbang po gang zhe na/ 'byung ba chen po bzhi dag rgyur byas pa/ rna ba'i rnam par shes pa'i rten gzugs dang ba'o/ /sna'i dbang po gang zhe na/ 'byung ba chen po bzhi dag rgyur byas pa/ sna'i rnam par shes pa'i rten gzugs dang ba'o/ /lce'i dbang po gang zhe na/ 'byung ba chen po bzhi dag rgyur byas pa/ lce'i rnam par shes pa'i rten gzugs dang ba'o/ /lus kyi dbang po gang zhe na/ 'byung ba chen po bzhi dag rgyur byas pa/ lus kyi rnam bar shes pa'i rten gzugs dang ba'o/ /gzugs gang zhe na/ /'byung ba chen po bzhi dag rgyur byas pa/ mig gi dbang po'i spyod yul gyi don gang yin pa ste/ 'di lta ste/ sngon po dang/ ser po dang/ dmar po dang/ dkar po dang/ ring po dang/ thung ngu dang/ lham pa dang/ zlum po dang/ rdul phra mo dang/ rags pa dang/ phyal le ba dang/ phyal le ba ma yin pa dang/ mthon po dang/ dma' ba dang/ grib ma dang/ nyi ma dang/ snang ba dang/ mun pa dang/ sprin dang/ du ba dang/ rdul ba dang/ khug sna dang/ mngon bar skabs yod pa dang/ rnam par rig byed dang/ nam mkha' kha dog gcig pa'o/ /de yang kha dog bzang po dang/ kha dog ngan pa dang/ de gnyi ga'i bar mar gnas ba dang/ kha dog dang 'dra ba'o/ /sgra gang zhe na/ 'byung ba chen po bzhi dag rgyur byas pa/ rna ba'i dbang po'i gzung ba'i don gang yin pa ste/ yid du 'ong ba dang/ yid du mi 'ong ba dang/ gnyi ga ma yin pa dang/ zin pa'i 'byung ba chen po'i rgyu las byung ba dang/ zin pa ma yin pa'i 'byung ba chen po'i rgyu las byung pa dang/ de gnyi ga dang/ 'jig rten gyi grags pa dang/ grub pas bstan pa dang/ kun brtags pa dang/ 'phags pas tha snyad btags pa dang/ 'phags pa ma

  99. 50a

    yin pas tha snyad btags pa'o/ /dri gang zhe na/ 'byung ba chen po'i bzhi dag rgyur byas pa/ sna'i dbang po'i gzung pa'i don gang yin pa ste/ dri zhim pa dang/ dri nga ba dang/ dri mnyam pa dang/ lhan cig skyes pa dang/ sbyar ba las byung ba dang/ gyur ba las byung pa'o/ /ro gang zhe na/ 'byung ba chen po bzhi dag rgyur byas pa/ lce'i dbang po'i gzung ba'i don gang yin pa ste/ de yang kha pa dang/ sgyur? ba dang/ tsha ba dang/ bska ba dang/ lan tshwa dang/ mngar ba dang/ yid du 'ong ba dang/ yid du mi 'ong pa dang/ gnyi ga ma yin pa dang/ lhan cig skyes pa dang/ sbyar ba las byung ba dang/ gyur pa las byung ba'o/ /reg bya'i phyogs gcig gang zhe na/ 'byung ba chen po bzhi dag rgyur byas pa/ lus kyi dbang po'i gzung ba'i don gang yin pa ste/ 'jam pa nyid dang/ rtsub pa nyid dang/ yang ba nyid dang/ lci ba nyid dang/ mnyen pa nyid dang/ lhod po nyid dang/ lhod ma yin pa dang/ grang ba dang/ bkres pa dang/ skom pa dang/ tshim pa dang/ nyam yod ba dang/ nyam chung ba dang/ brgyal ba dang/ g.ya' ba dang/ 'gred pa dang/ na ba dang/ rga ba dang/ 'chi ba dang/ ngal ba dang/ ngal bsos pa dang/ spungs bzang pa'o/ /chos kyi skye mched pa'i gzugs gang zhe na/ de'i rnam pa lngar blta ste/ bsdus pa las gyur pa dang/ mngon par skabs yod pa dang/ yang dag par blangs pa las byung ba dang/ kun brtags pa dang/ dbang 'byor pa'o/ /tshor ba'i phung po'i rnam par bzhag pa gang zhe na/ tshor ba'i tshogs drug ste/ mig gi 'dus te reg pa las byung ba'i tshor ba bde ba yang rung ste/ sdug bsngal yang rung/ sdug bsngal yang ma yin/ bde ba yang ma yin pa yang? rung ba dang/ rna ba dang/ sna dang/ lce dang/ lus dang yid kyi 'dus te reg

  100. 50b

    po las byung ba'i tshor ba bde ba yang rung/ sdug bsngal yang rung/ sdug bsngal ba yang ma yin/ bde ba yang ma yin pa yang rung ste/ bde ba lus kyi yang rung/ sdug bsngal lus kyi yang rung/ sdug bsngal yang ma yin/ bde ba yang ma yin pa lus kyi yang rung/ bde ba sems kyi yang rung/ sdug bsngal sems kyi yang rung/ sdug bsngal yang ma yin/ bde ba yang ma yin pa sems kyi yang rung/ bde ba zang zing dang bcas pa yang rung/ sdug bsngal dang/ sdug bsngal yang ma yin bde ba yang ma yin pa zang zing dang bcas pa 'ang rung/ bde ba zang zing med pa dang/ sdug bsngal dang/ sdug bsngal yang ma yin/ bde ba yang ma yin pa zang zing med pa yang rung/ bde ba zhen pa brten pa yang rung/ sdug bsngal dang/ sdug bsngal yang ma yin/ bde ba yang ma yin pa zhen pa brten pa yang rung/ bde ba mngon par 'byung ba brten ba yang rung/ sdug bsngal dang/ sdug bsngal yang ma yin/ bde ba yang ma yin pa mngon par 'byung ba brten pa yang rung ba'o/ /lus kyi gang zhe na rnam par shes pa'i tshogs lnga dang mtshungs par ldan pa'o/ /sems kyi gang zhe na/ yid gyi rnam par shes pa dang mtshungs par ldan pa'o/ /zang zing dang bcas pa gang zhe na/ lus la sred pa dang/ mtshungs bar ldan po'o/ /zang zing med pa gang zhe na/ de'i sred pa dang mi ldan pa'o/ /zhen ba bsten pa gang zhe na/ 'dod ba'i yon tan lnga la sred pa dang mtshungs par ldan pa'o/ /mngon par 'byung ba bsten ba gang zhe na/ de dang mi ldan pa'o/ /'du shes kyi phung po'i rnam par bzhag pa gang zhe na/ 'du shes kyi tshogs drug ste/ mig gi 'dus te reg pa las byung ba'i 'du shes dang/ rna ba dang/ sna dang/ lce dang/ lus dang/ yid kyi 'dus te reg pa las byung ba'i 'du shes te/ gang gis mtshan ma dang

  101. 51a

    bcas pa yang dag par shes shing/ mtshan ma med pa dang/ chung ngu dang/ rgya chen por gyur pa dang/ tshad med pa dang/ ci yang med do snyam nas ci yang med pa'i skye mched kyang yang dag par shes pa'o/ /mtshan ma dang bcas pa'i 'du shes gang zhe na/ tha snyad la mi mkhas pa dang/ mtshan ma med pa'i dbyings la snyoms par zhugs pa dang/ srid pa'i rtse mo la snyoms par zhugs pa'i 'du shes ma gtogs pa gang de las gzhan pa'i 'du shes so/ / mtshan ma med pa'i 'du shes gang zhe na/ 'du shes gang ma gtogs pa'o/ /chung ngu'i 'du shes gang zhe na/ gang gi 'dod pa'i khams shes pa'o/ /rgya chen por gyur pa'i 'du shes gang zhe na/ gang gis gzugs kyi khams shes pa'o tshad med pa'i 'du shes gang zhe na/ gang gis nam mkha' mdza' las skye mched dang/ rnam shes mdza' yas skye mched shes pa'o/ /ci yang med pa'i 'du shes gang zhe na/ gang gis ci yang med pa'i skye mches shes pa'o/ /'du byed kyi phung po'i rnam par bzhag pa gang zhe na/ sems pa'i tshogs drug ste/ mig gi 'dus te reg pa las byung ba'i sems ba dang/ rna ba dang/ sna dang/ lce dang/ lus dang/ yid kyi 'dus te reg pa las byung ba'i sems pa ste/ gang gis dge ba'i phyir yang sems par byed/ /kun nas nyon mongs pa'i phyir yang sems par byed/ gnas skabs kyi bye brag la yang sems par byed pa ste/ de ltar na sems pa 'di dang/ tshor ba dang/ 'du shes ma gtogs pa de las gzhan pa'i sems las byung ba'i chos rnams dang/ sems dang ldan pa ma yin pa'i 'du byed rnams ni 'du byed kyi phung po zhes bya'o/ /de dag kyang gang zhe na/ sems pa dang/ yid la byed pa dang/ reg pa dang/ 'dun pa dang/ mos pa dang/

  102. 51b

    dran pa dang/ ting nge 'dzin dang/ shes rab dang/ dad pa dang/ ngo tsha shes pa dang/ khrel yod pa dang/ ma chags pa dang/ zhe sdang med pa dang/ gti mug med pa dang/ brtson 'grus dang/ shin tu sbyangs pa dang/ bag yod pa dang/ btang snyoms dang/ rnam par mi 'tshe ba dang/ 'dod chags dang/ khong khro ba dang/ nga rgyal dang/ ma rig pa dang/ the tshom dang/ 'jig tshogs la lta ba dang/ mthar 'dzin par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa dang/ log par lta ba dang/ khro ba dang/ khon tu 'dzin pa dang/ 'chal pa dang/ 'tshig pa dang/ phrag dog dang/ ser sna dang/ rgyu dang/ g.yo dang/ rgyags pa dang/ rnam par 'tsho ba dang/ ngo tsha med pa dang/ khrel med pa dang/ rmugs pa dang/ rgod pa dang/ ma dad pa dang/ le lo dang/ bag med pa dang/ brjed ngas pa dang/ shes bzhin ma yin pa dang/ rnam par g.yeng ba dang/ gnyi ga dang/ 'gyod pa dang/ rtog pa dang/ dpyod pa'o/ /sems pa gang zhe na/ sems mngon par 'du byed pa yid kyi las te/ dge ba dang/ mi dge ba dang/ lung du ma bstan pa rnams la sems 'jug par byed pa'i las can no/ /yid la byed pa gang zhe na/ sems kyi 'jug pa ste/ dmigs pa la sems 'dzin pa'i las can no/ reg pa gang zhe na/ gsum 'dus nas dbang po'i 'gyur ba yongs su gcod pa ste/ tshor ba'i rten byed pa'i las can no/ /'dun pa gang zhe na/ 'dod pa'i dngos po la de dang de ldan par byed par 'dod pa nyid de/ brtson 'grus rtsom pa'i rten byed pa'i las can no/ /mos pa gang zhe na/ nges pa'i dngos po la ji ltar nges pa bzhin du 'dzin pa ste/ mi 'phrogs pa nyid kyi las can no/ /dran pa gang

  103. 52a

    zhe na/ 'dris pa'i dngos po la sems kyi brjed pa med pa ste/ rnam par mi g.yeng ba'i las can no/ /ting nge 'dzin gang zhe na/ brtags pa'i dngos po la sems rtse gcig pa nyid de/ shes pa'i rten byed pa'i las can no/ /shes rab gang zhe na/ brtags pa nyid kyi dngos po'i tshes rnams la rab tu rnam par 'byed pa ste/ som nyi zlog pa'i las can no/ /dad pa gang zhe na/ yod pa nyid dang/ yon tan can dang/ nus pa rnams la mngon par yid ches pa dang/ dang ba dang/ 'dod pa ste/ 'dun pa'i rten byed pa'i las can no/ /ngo tsha shes pa gang zhe na/ bdag nyid la kha na ma tho bas 'dzem pa ste/ nyes pa spyod pa legs par som pa'i rten byed pa'i las can no/ /khrel yod pa gang zhe na/ gzhan la kha na ma tho bas 'dzem pa ste/ de'i las can no/ /ma chags pa gang zhe na/ srid pa dang srid pa'i yo byad rnams la chags pa med pa ste/ nyes par spyod pa la mi 'jug pa'i rten byed pa'i las can no/ /zhe sdang med pa gang zhe na/ sems can rnams dang/ sdug bsngal dang/ sdug bsngal gyi gnas kyi chos rnams la kun nas mnar sems med pa ste/ nyes par spyod pa la mi 'jug pa'i rten byed pa'i las can no/ /gti mug med pa gang zhe na/ rnam par smin pa las sam lus las sam bsams pa las sam rtogs pa las shes shing so sor brtags pa ste/ nyes par spyod pa la mi 'jug pa'i rten byed pa'i las can no/ /brtson 'grus gang zhe na/ go cha dang/ sbyor ba dang/ mi 'gongs pa dang/ mi ldog pa dang/ chog par mi 'dzin pa la sems mngon par spro ba ste/ dge ba'i phyogs yongs su rdzogs par byed pa/ yongs su sgrub pa'i las can no/ /shin tu sbyangs pa gang zhe na/ lus dang sems kyi gnas ngan len rnams kyi rgyun gcod pa'i phyir lus dang

  104. 52b

    sems las su rung ba nyid de/ sgrib pa thams cad rnam par sel ba'i las can no/ /bag yod pa gang zhe na/ ma chags pa dang zhe sdang med pa dang/ gti mug med pa brtson 'grus dang bcas pa la gnas nas/ gang dge ba'i chos rnams bsgom pa dang/ zag pa dang bcas pa'i chos rnams las sems srung ba ste/ 'jig rten pa dang/ 'jig rten las 'das pa'i phun sum tshogs pa thams cad yongs su rdzogs par byed pa dang/ yongs su sgrub pa'i las can no/ /btang snyoms gang zhe na/ ma chags pa dang/ zhe sdang med pa dang/ gti mug med pa brtson 'grus dang bcas pa la gnas nas/ kun nas nyon mongs pa can du gnas pa dang mi mthun pa sems mnyam pa nyid dang/ sems rnal du 'jug pa nyid dang/ sems lhun gyis grub par gnas pa nyid de kun nas nyon mongs pa'i skabs mi 'byed pa'i rten byed pa'i las can no/ /rnam par mi 'tshe ba gang zhe na/ zhe sdang med pa'i char gtogs pa'i snying rje'i sems nyid do/ tho mi 'tshams pa'i las can no/ /'dod chags gang zhe na/ khams gsum pa'i rjes su chags pa ste/ sdug bsngal skyed pa'i las can no/ /khong khro ba gang zhe na/ sems can rnams dang/ sdug bsngal dang/ sdug bsngal gyi gnas kyi chos rnams la kun nas mnar sems pa ste/ reg pa mi gnas pa dang/ nyes pa spyod pa'i rten byed pa'i las can no/ /nga rgyal gang zhe na/ 'jig tshogs la lta ba la brten nas sems khengs pa ste/ mi gus pa dang/ sdug bsngal 'byung ba'i rten byed pa'i las can no/ /mi rig pa gang zhe na/ khams gsum pa'i mi shes pa ste/ chos rnams la log par nges pa dang/ the tshom dang/ kun nas nyon mongs pa 'byung ba'i rten byed pa'i las can no/ /the tshom gang zhe na/ bden pa rnams la yid gnyis za ba ste/

  105. 53a

    dge ba'i phyogs rnams la mi 'jug pa'i rten byed pa'i las can no/ /'jig tshogs la lta ba gang zhe na/ nye bar len pa'i phung po lnga po dag la bdag gam bdag gir yang dag par rjes su lta ba'i bzod pa dang/ 'dod pa dang/ blo gros dang/ rtog pa dang/ lta ba gang yin pa ste/ lta ba thams cad kyi rten byed pa'i las can no/ /mthar 'dzin par lta bar gang zhe na/ nye bar len pa'i phung po lnga po dag la rtag pa 'am chad par yang dag par rjes su lta ba'i bzod pa dang/ 'dod pa dang/ blo gros dang/ rtog pa dang/ lta ba gang yin pa ste/ dbu ma'i lam gyis nges par 'byung ba'i bar du gcod pa'i las can no/ /lta ba mchog tu 'dzin pa gang zhe na/ lta ba dang/ lta ba'i gnas nye bar len pa'i phung po lnga po dag la mchog dang/ gtso bo dang/ khyad par du 'phags pa dang/ dam par yang dag par rjes su lta ba'i bzod pa dang/ 'dod pa dang/ blo gros dang/ rtog pa dang/ lta ba gang yin pa ste/ lta ba ngan pa la mngon par zhen pa'i rten byed pa'i las can no/ / tshul khrims dang brtul zhugs mchog tu 'dzin pa gang zhe na/ tshul khrims dang/ brtul zhugs dang/ tshul khrims dang/ brtul zhugs kyi gnas nye bar len pa'i phung po lnga po dag la 'dag pa dang/ grol ba dang/ nges par 'byin par yang dag par rjes su lta ba'i bzod pa dang 'dod pa dang/ blo gros dang/ rtog pa dang/ lta ba gang yin pa ste/ ngal ba 'bras bu med pa'i rten byed pa'i las can no/ /log par lta ba gang zhe na/ rgyu 'am/ 'bras bu 'am/ byed pa la skur pa 'debs pa dang/ yod pa'i dngos po 'jig pa ste/ log par rnam par rtog pa'i bzod pa dang/ 'dod pa dang/ blo gros dang/ rtog pa dang/ lta ba gang yin pa ste/ dge ba'i rtsa ba gcod pa'i las can dang/ mi dge ba'i rtsa ba dam du 'dzin pa'i las can

  106. 53b

    dang/ mi dge ba la 'jug pa'i las can dang/ dge ba la mi 'jug pa'i las can no/ /lta ba lnga po 'di dag las sgro 'dogs par lta ba ni du/ skur pa 'debs par lta ba du zhe na/ bzhi ni sgro 'dogs pa'i lta ba ste/ shes bya la ngo bo nyid dang/ khyad par du sgro 'dogs pa dang/ lta ba la mchog dang/ 'dag par sgro 'dogs pa'i phyir ro/ /gcig ni phal cher la skur pa 'debs pa'i lta ba'o/ /sngon gyi mthar rtog pa'i lta ba gang yin pa dang/ phyi ma'i mthar rtog pa'i lta ba gang yin pa de dag lta ba du zhig las 'byung bar rig par bya zhe na/ gnyis sam/ thams cad las so/ /lung du ma bstan pa'i dngos po rnams la lta ba du zhig las 'byung bar rig par bya zhe na/ gnyis sam/ thams cad las so/ /bcom ldan 'das kyis nyes pa gang gzigs na/ phung po dang/ khams dang/ skye mched rnams la rnam pa lngas bdag bsal bar mdzad ce na/ 'jig tshogs la lta bas yongs su zin pa'i nyes pa lnga gzigs nas te/ mtshan nyid dang mi mthun pa'i nyes pa dang/ mi rtag pa nyid kyis nyes pa dang/ rang dbang med pa'i nyes pa dang/ lus med pa'i nyes pa dang/ bsgrim mi dgos par thar par 'gyur ba'i nyes pa'o/ /gang nye bar len pa'i phung po lnga po dag la 'jig tshogs la lta ba'i mdza' nyi shu po/ /gzugs bdag yin par lta ba dang/ bdag gzugs dang ldan pa dang/ gzugs bdag gi yin pa dang/ tshor ba dang/ 'du shes dang/ 'du byed rnams dang/ rnam par shes bdag yin par lta ba dang/ bdag rnam par shes pa dang ldan pa dang/ rnam par shes pa bdag yin pa dang/ rnam par shes pa la bdag gnas so zhes bya ba de la bdag tu lta ba ni du/ bdag gir lta ba ni du zhe na/ lnga ni bdag tu lta ba'o/ /bco lnga ni bdag gir lta'o/ /ci'i phyir bco lnga ni bdag

  107. 54a

    gir ltar ba zhes bya zhe na/ /'brel pas bdag gir 'gyur ba dang/ dbang sgyur bas bdag gir 'gyur ba dang/ tha dad du mi 'jug pas bdag gir 'gyur ba'i phyir ro/ /'jigs tshogs la lta ba dpyad pa'i gzhi can zhes bya ba/ ma dpyad pa'i gzhi can zhes bya ba zhe na/ ma dpyad pa'i gzhi can zhes brjod par bya ste/ thag pa la sprul gyi blo bzhin no/ /khro ba gang zhe na/ gnod par byed pa'i rgyu nye bar gnas pa na khong khro ba'i char gtogs pa'i sems kyi kun nas mnar sems pa ste/ mtshon cha len pa dang/ chad bas gcod pa la sogs pa dang/ gnod pa shes pa'i rten byed pa'i las can no/ /khon du 'dzin pa gang zhe na/ de'i 'og tu khong khro ba'i char gtogs pa nyid kyis shar gnyer ba'i bsam pa mi gtong ba ste/ mi bzod pa'i rten byed pa'i las can no/ /'chab pa gang zhe na/ legs par bskul ba na gti mug gi char gtags pas/ kha na ma tho ba mkhyud pa ste/ 'gyod pa dang/ reg par mi gnas pa'i rten byed pa'i las can no/ /'tshig pa gang zhe na/ /khong khro ba'i char gtogs pa'i khro ba dang/ khon du 'dzin pa sngon du dgro ba'i sems kyi kun nas mnar sems pa ste/ tshig rtsub pa brlan zhing drag po'i rten byed pa'i las can dang/ bsod nams ma yin pa 'phel ba'i las can dang/ reg par mi gnas pa'i las can no/ /phrag dog gang zhe na/ rnyed pa dang bkur sti la lhag par chags pas gzhan gyi phun sum tshogs pa'i khyad par la mi bzod par gyur pa/ sems khong nas 'khrug pa zhe sdang gi char gtogs pa ste/ yid mi bde ba dang/ reg par mi gnas pa'i las can na/ /ser sna gang zhe na/ rnyed pa dang/ bkur sti la lhag par chags nas yo byad rnams la sems kyi kun tu 'dzin pa 'dod chags char gtogs pa ste/ yo byad ma bsnyungs ba'i rten byed pa'i las can no/ /

  108. 54b

    sgyur gang zhe na/ rnyed pa dang/ bkur sti la lhag par chags nas/ 'dod chags dang/ gti mug gi char gtogs pas yon tan ma yin pa kun tu ston pa ste/ log pas 'tshe ba'i rten byed pa'i las can no/ /g.yo gang zhe na/ rnyed pa dang/ bkur sti la lhag par chags nas/ 'dod chags dang/ gti mug gi char gtogs pas nyes pa yang dag par spyod pa ste/ yang dag pa'i gdam ngag rnyed pa'i bar du gcod pa'i las can no/ /rgyags pa gang zhe na/ nad med pa dang/ lang tshol bab pa la brten cing tshe ring ba'i mtshan ma dang/ zag pa dang bcas pa'i phun sum tshogs pa gang yang rung ba mthong nas/ 'dod chags kyi char gtogs pa'i dga' ba dang/ yid bde ba ste/ nyon mongs pa dang/ nye ba'i nyon mongs pa thams cad kyi rten byed pa'i las can no/ /rnam par 'tshe ba gang zhe na/ khong khro ba'i char gtogs pa'i snying brtse med pa dang/ snying rje med pa dang/ brtse ba med pa ste/ rnam par tho 'tsham pa'i las can no/ /'tsha med pa gang zhe na 'dod chags dang/ zhe sdang dang gti mug gi char gtogs pa kha na ma tho bas bdag la mi 'dzem pa ste/ nyon mongs pa dang/ nye ba'i nyon mongs pa thams cad kyi grogs byed pa'i las can no/ /khrel med pa gang zhe na/ 'dod chags dang/ zhe sdang dang/ gti mug gi char gtogs pa'i kha na ma tho bas gzhan la mi 'dzem pa ste/ nyon mongs dang/ nye ba'i nyon mongs pa thams cad kyi grogs byed pa'i las can no/ /rmugs pa gang zhe na/ gti mug gi char gtogs pa'i sems las su mi rung ba nyid de/ nyon mongs pa dang/ nye ba'i nyon mongs pa thams cad kyi grogs byed pa'i las can no/ /rgod pa gang zhe na/ sdug pa'i mtshan ma rjes su 'jug pa'i 'dod chags kyi char gtogs pa'i sems rnam par ma zhi ba ste/ zhi gnas kyi rang du gcod pa'i las can no/ /ma dad

  109. 55a

    pa gang zhe na/ gti mug gi char gtogs pa'i dge ba'i chos rnams la yid kyi ches pa dang/ ma dad pa dang/ mi 'dod pa ste/ le lo'i rten byed pa'i las can no/ /le lo gang zhe na nyal ba dang/ brnyes pa dang/ 'phres pa'i bde ba la brten nas/ gti mug gi char gtogs pa'i sems mi spro ba ste/ dge ba'i phyogs la sbyor ba'i bar du gcod pa'i las can no/ /bag med pa gang zhe na/ chags pa dang/ zhe sdang dang/ gti mug le lo dang bcas pa la gnas nas/ dge ba'i chos mi sgom zhing/ zag pa dang bcas pa'i chos rnams las sems mi srung ba ste/ mi dge ba 'phel ba dang/ dge ba 'grib pa'i rten byed pa'i las can no/ /brjed ngas pa gang zhe na/ nyon mongs pa dang/ mtshungs par ldan pa'i dran pa ste/ g.yeng ba'i rten byed pa'i las can no/ /shes bzhin ma yin pa gang zhe na/ nyon mongs pa dang/ mtshungs par ldan pa'i shes rab ste/ des lus dang ngag dang sems kyi spyod pa la mi shes bzhin du 'jug pa ste/ ltung ba'i rten byed pa'i las can no/ /rnam par g.yeng ba gang zhe na/ 'dod chags dang/ zhe sdang dang/ gti mug gi char gtogs pa'i sems kyi rnam par 'phro ba ste/ de yang ngo bo nyid kyi g.yeng ba dang/ phyi rol du g.yeng ba dang/ nang gi g.yeng ba dang/ mtshan ma'i g.yeng ba dang/ gnas ngan len gyi g.yeng ba dang/ yid la byed pa'i g.yeng ba'o/ ngo bo nyid kyi g.yeng ba gang zhe na/ rnam par shes pa'i tshogs lnga'o/ /phyi rol tu g.yeng ba gang zhe na/ dge ba la zhugs pa'i sems 'dod pa'i yon tan lnga la rnam par 'phro ba'o/ /nad gi g.yeng ba gang zhe na/ dge ba la zhugs pa byis pa dang/ rgod pa dang/ ro myang bar byed pa dang/ mtshan ma'i g.yeng ba gang zhe na/ gzhan yid ches par bya ba sngon du btang ste/ dge ba la sbyor ba'o/

  110. 55b

    gnas ngan len gyi g.yeng ba gang zhe na/ ngar 'dzin pa dang/ nga yir 'dzin pa dang/ nga bo snyam pa'i nga rgyal gyi gnas ngan len la brten nas/ dge ba la zhugs pa'i tshor ba las byung ba rnams la nga zhe'am/ nga'i zhe 'am/ nga'o snyam du 'dzin pa dang/ 'dres pa dang/ mtshan mar 'dzin pa'o/ /yid la byed pa'i g.yeng ba gang zhe na/ snyoms par 'jug pa gzhan nam/ theg pa gzhan la snyoms par 'jug pa dang/ gnas pa'i rnam par 'phro ba gang yin pa ste/ 'dod chags dang bral pa'i bar du gcod pa'i las can no/ /gnyid gang zhe na/ gnyid kyi rgyu la brten nas/ dge ba dang/ mi dge ba dang/ lung du ma bstan pa dang/ dus dang/ dus ma yin pa dang/ rigs pa dang/ mi rigs pa la sems sdud pa gti mug gi char gtogs pa ste/ bya ba shor ba'i rten byed pa'i las can no/ /'gyod pa gang zhe na/ bsams pa dang/ ma bsams pa'i bya ba dang/ bya ba ma yin pa gang yin pa de la brten nas dge ba dang/ mi dge ba dang/ lung du ma bstan pa dang/ dus dang/ dus ma yin pa dang/ rigs pa dang/ mi rigs pa la sems kyis yid la gcags pa gti mug gi char gtogs pa ste sems gnas pa'i bar du gcod pa'i las can no/ /rtog pa gang zhe na/ sems pa 'am shes rab la brten nas/ kun tu tshol ba'i yid kyi brjod pa ste/ de ni sems rtsing ba'o/ /dpyod pa gang zhe na/ sems dpa' 'am/ shes rab la brten nas/ so sor rtog pa'i yid kyis brjod pa ste/ de ni sems zhib pa'o/ /reg par gnas pa dang/ reg par mi gnas pa'i rten byed pa'i las can dag go /yang chos dge ba rnams kyis las ni rang rang gi mi mthun pa'i phyogs spong ba'o/ /nyon mongs pa dang/ nye ba'i nyon mongs pa'i las ni rang rang gi gnyen po'i bar du gcod pa'o/ /sems dang

  111. 56a

    ldan pa ma yin pa'i 'du byed rnams gang zhe na/ thob pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa dang/ srog gi dbang po dang/ ris mthun pa dang/ skye ba dang/ rga ba dang/ gnas pa dang/ mi rtag pa dang/ mig gi tshogs dang/ tshig gi tshogs dang/ yi ge'i tshogs dang/ so so'i skye bo nyid dang/ 'jug pa dang/ so sor nges pa dang/ 'byor 'brel ba dang mgyog pa dang/ go rim dang / dus dang/ yul dang/ grangs dang/ tshogs pa'o/ /thob pa gang zhe na/ dge ba dang/ mi dge ba dang/ lung du ma bstan pa'i chos rnams kyi 'phel ba dang/ 'grib pa la 'thob pa dang/ rnyed pa dang ldan pa zhes gdags so/ /'du shes med pa'i snyoms par 'jug pa gang zhe na/ dge rgyas kyi 'dod chags dang bral la/ steng ma'i 'dod chags dang ma bral ba'i 'byung ba'i 'du shes sngon du btang ba'i yid la byed pas/ sems dang sems las byung ba'i chos bstan pa ma yin pa rnams 'gog pa la 'du shes med pa'i snyoms par 'jug pa zhes gdags so/ /'gog pa'i snyoms par 'jug pa gang zhe na/ ci yang med pa'i skye mched kyi 'dod chags dang bral ba srid pa'i rtse mo las gyen du bskyod pa'i zhi bar gnas pa'i 'du shes sngon du btang ba'i yid byed pas/ sems dang sems las byung ba'i chos brtan pa ma yin pa rnams dang/ brtan pa de dag las kyang kha cig 'gog pa la 'gog pa'i snyoms par 'jug pa zhes gdags so/ /'du shes med pa gang zhe na/ sems can 'du shes med pa'i lha rnams kyi nang du skyes pa'i sems dang sems las byung ba'i chos brtan pa ma yin pa rnams 'gog pa la 'du shes med pa pa zhes gdags so/ /srog gi dbang po gang zhe na/ ris mthun par sngon gyi las kyis 'phangs

  112. 56b

    pa'i gnas pa'i dus nges pa la tshe zhes gdags so/ /ris mthun pa gang zhe na/ sems can gyi ris de dang/ der sems can de dang de dag gi lus 'dra ba la ris mthun pa zhes gdags so/ /skye ba gang zhe na/ ris mthun par 'du byed rnams ma byung ba las byung ba las skye ba zhes gdags so/ /rga ba gang zhe na/ ris mthun par 'du byed rnams kyi rgyun gzhan du 'gyur ba la rga ba zhes gdags so/ /gnas pa gang zhe na/ ris mthun par 'du byed rnams kyi rgyun mi 'jigs pa la gnas pa zhes gdags so/ /mi rtag pa nyid gang zhe na/ ris mthun par 'du byed rnams kyi rgyun 'chad pa la mi rtag pa nyid ces gdags so/ /ming gi tshogs gang zhe na/ chos rnams kyi ngo bo nyid kyi tshig bla dags la ming gi tshogs shes gdags so/ /tshig gi tshogs gang zhe na/ chos rnams kyi khyad par gyi tshigs bla dags la tshig gi tshogs shes gdags so/ /yi ge'i tshogs gang zhe na/ gnyi ga'i gnas yi ge rnams la yi ge'i tshogs shes gdags te/ de gnyi ga gsal bar byed pa'i phyir ro/ /brjod pa yang de yin te/ don yang dag par brjod pa'i phyir ro/ /yi ge'i rnam grangs su gtogs pa gzhan du mi 'gyur bar byed pa'i phyir ro/ /so so'i skye bo nyid gang zhe na/ 'phags pa'i chos rnams ma thob pa la so so'i skye bo zhes gdags so/ / 'jug pa gang zhe na/ rgyu dang 'bras bu'i rgyun mi 'chad pa la 'jug pa zhes gdags so/ /so sor nges pa gang zhe na/ rgyu dang 'bras bu tha dad pa la sogs nges pa zhes gdags so/ /'byor 'brel pa gang zhe na/ rgyu dang 'bras bu rjes su mthun pa la 'byor 'brel pa zhes gdags so/ /mgyogs pa gang zhe na/ rgyu dang 'bras bu myur bar 'byung ba la mgyogs pa zhes gdags so/ /go rim gang zhe na/ rgyu dang 'bras bu re re nas 'byung ba la go rim zhes gdags so/ dus gang zhe na/

  113. 57a

    rgyu dang 'bras bu rgyun du 'byung ba las su zhes gdags so/ /yul gang zhe na/ shar dang lho dang/ nub dang/ byang dang/ 'og dang/ steng dang/ phyogs bcu thams cad na rgyu dang 'bras bu yod pa nyid dang la yul zhes gdags so/ / grangs gang zhe na/ 'du byed rnams kyi so so'i tha dad pa la grangs zhes gdags so/ /tshogs pa gang zhe na/ rgyu dang 'bras bu'i rkyen 'dus pa la tshogs pa zhes gdags so/ /rnam par shes pa'i phung po'i rnam par bzhag pa gang zhe na/ sems dang yid gang yin pa rnam par shes pa'ang de yin no/ /sems gang zhe na/ phung po dang/ khams dang/ skye mched kyi bag chags kyis yongs su bsgom pa/ sa bon thams cad pa'i kun gzhi rnam par shes pa'o/ /rnam par smin pa'i rnam par shes pa dang/ len pa'i rnam par shes pa'ang yin te/ de dag gi bag chags bsags pa'i phyir ro/ /yid gang zhe na/ gang dus rtag tu rlom sems pa'i bdag nyid dang/ kun gzhi rnam par shes pa la dmigs pa dang/ nyon mongs pa bzhi pa bdag tu lta ba dang/ bdag la chags pa dang/ nga'o snyam pa'i nga rgyal dang/ ma rig pa dang mtshungs par ldan pa ste/ de yang lam du mngon du gyur pa dang/ 'gog pa'i snyoms par 'jug pa dang/ mi slob pa'i sa ma gtogs par dge ba dang/ mi dge ba dang/ lung du ma bstan pa thams cad du 'gro ba dang/ gang yang rnam par shes pa drug pa dag 'gags ma thag pa'i rnam par shes pa'o/ /rnam par shes pa gang zhe na/ rnam par shes pa'i tshogs drug ste/ mig gi rnam par shes pa dang/ rna ba dang/ sna dang/ lce dang/ lus dang/ yid kyi rnam par shes pa'o/ /mig gi rnam par shes pa gang zhe na/ mig la brten cing gzugs la dmigs nas so sor rnam par

  114. 57b

    rig pa'o/ /rna ba'i rnam par shes pa gang zhe na/ rna ba la brten cing sgra la dmigs nas so sor rnam par rig pa'o/ /sna'i rnam par shes pa gang zhe na/ sna la brten cing dri la dmigs nas so sor rnam par rig pa'o/ /lce'i rnam par shes pa gang zhe na/ lce la brten cing rol dmigs nas so sor rnam par rig pa'o/ /lus kyi rnam par shes pa gang zhe na/ lus la brten cig reg bya la dmigs nas so sor rnam par rig pa'o/ /yid kyi rnam par shes pa gang zhe na/ yid la brten cing chos la dmigs nas so sor rnam par rig pa'o/ /khams kyi rnam par bzhag pa gang zhe na/ gzugs kyi phung po gang yin pa de ni khams bcu ste/ mig gi khams dang/ gzugs kyi khams dang/ rna ba'i khams dang/ sgra'i khams dang/ sna'i khams dang/ dri'i khams dang/ lce'i khams dang/ ro'i khams dang/ lus kyi khams dang/ reg bya'i khams dang/ chos kyi khams kyi phyogs gcig kyang yin no/ /tshor ba'i phung po dang/ 'du shes kyi phung po dang/ 'du byed kyi phung po gang yin pa de ni chos kyi khams kyi phyogs gcig go /rnam par shes pa'i phung po gang yin pa de ni rnam par shes pa'i khams bdun te/ mig gi rnam par shes pa'i khams dang/ rna ba dang/ sna dang/ lce dang/ lus dang/ yid kyi rnam par shes pa'i khams dang/ yid kyi khams so/ khams rnams kyi nang nas phung po rnams kyis ci zhig ma bsdus zhe na/ chos kyi khams la yod pa'i dus ma byas so/ de yang 'dus ma byas kyi dngos po brgyad de/ chos dge ba rnams kyi de bzhin nyid dang/ de bzhin du chos mi dge ba rnams dang/ lung du ma bstan pa rnams kyi de bzhin nyid dang/ nam mkha' dang/ so sor brtags pa ma yin pa'i

  115. 58a

    'gog pa dang/ so sor brtags pa'i 'gog pa dang/ mi g.yo ba dang/ 'du shes dang/ tshor ba 'gog pa'o/ /chos dge ba rnams kyi de bzhin nyid gang zhe na/ bdag med pa rnam pa gnyis dang/ stong pa nyid dang/ mtshan ma med pa dang/ yang dag pa'i mdza' dang/ don dam pa ste/ chos kyi dbyings kyang de yin no/ /ci'i phyir de bzhin nyid la de bzhin nyid ces bya zhe na/ gzhan du mi 'gyur ba'i phyir ro/ /ci'i phyir stong pa nyid ces bya zhe na/ kun nas nyon mongs pa mi rgyu ba'i phyir ro/ /ci'i phyir mtshan ma med pa zhes bya zhe na/ mtshan ma nye bar zhi ba'i phyir ro/ /ci'i phyir yang dag pa'i mdza' zhes bya zhe na/ phyin ci log med pa'i dmigs pa yin pa'i phyir ro/ /ci'i phyir don dam pa zhes bya zhe na/ 'phags pa'i ye shes dam pa'i spyod yul yin pa'i phyir ro/ /ci'i phyir chos kyi dbyings zhes bya zhe na/ nyan thos dang/ rang sangs rgyas dang/ sangs rgyas kyi chos thams cad kyi rgyu yin pa'i phyir ro/ /chos dge ba rnams kyi de bzhin nyid ji lta ba bzhin du chos mi dge ba rnams dang/ lung du ma bstan pa rnams kyi de bzhin nyid du blta bar bya'o/ /nam mkha' gang zhe na/ gzugs med cing byed pa thams cad kyi go 'byed pa'i phyir ro/ /so sor brtags pa ma yin pa'i 'gog pa gang zhe na/ gang 'gog la 'bral ba ma yin pa'o/ /so sor brtags pa'i 'gog pa gang zhe na/ gang zhe na 'gog la de ni 'bral ba'o/ /mi g.yo ba gang zhe na/ dge rgyas kyi 'dod chags dang bral la gong ma'i 'dod chags dang ma bral ba'i bde ba dang/ sdug bsngal 'gog pa'o/ /'du shes dang/ tshor ba 'gog pa gang zhe na/ ci yang med pa'i skye mched kyi 'dod chags dang bral ba srid pa'i rtse mo las gyen du bskyod pa'i zhi bar gnas pa'i 'du shes sngon du btang pa'i yid

  116. 58b

    la byed pas/ sems dang sems las byung ba'i chos brtan pa ma yin pa dang/ brtan pa de dag las kyang kha cig 'gog pa'o/ /gzugs rnam pa lnga gang yin pa dang tshor ba'i phung po dang/ 'du shes kyi phung po dang/ 'du byed kyi phung po gang yin pa dang/ 'dus ma byas kyis dngos po brgyad gang yin pa de dag gcig tu bsdus te/ rnam pa bcu drug gi bdag nyid ni chos kyi khams so/ /skye mched kyi rnam par bzhag pa gang zhe na/ gzugs can gyi khams bcu po gang yin pa de nyid skye mched bcu'o/ /rnam par shes pa'i khams bdun gang dag yin pa de yid kyi skye mched do/ /chos kyi khams gang yin pa de chos kyi skye mched do/ /de nyid kyi phyir phung po dang khams dang skye mched rnams ni chos gsum du 'gyur te/ gzugs kyi phung po dang/ chos kyi khams dang/ yid kyi skye mched do/ /mig ces kyang bya/ mig gi khams shes kyang bya/ mig gang yin pa mig gi khams kyang de yin nam/ mig gi khams gang yin pa mig kyang yin nam zhe na/ mig yin la mig gi khams ma yin pa yang yod de/ dgra bcom pa'i tha ma'i mig go /mig gi khams yin la mig ma yin pa'ang yod de/ sgo nga'i nang na 'dug pa dang/ nur nur por gyur pa dang/ mer mer por gyur pa dang/ nar nar por gyur pa dang/ ma'i mngal na mig pa dod pa dang/ mig zhar ba dang/ gzugs med par skyes pa'i so so'i skye bo'i mig gi rgyu'o/ mig kyang yin la mig gi khams kyang yin pa yang yod de/ de ma yin pa'i gnas skabs gzhan rnams so/ /mig kyang ma yin la mig gi khams kyang ma yin pa yang yod de/ phung po lhag ma med pa'i mya ngan las 'das pa'i dbyings su yongs su mya ngan las 'das pa dang/ /gzugs su med par skyes pa'i 'phags pa yi'o/ /mig dang mig gi khams ji lta ba bzhin du rna ba dang/ sna dang/ lce dang/ lus kyi

  117. 59a

    khams kyang de bzhin te/ de yang ci rigs su sbyar ro/ /yid gang yin pa yid kyi khams kyang de yin nam/ yid kyi khams gang yin pa yid kyang de yin nam zhe na/ yid yin la yid kyi khams ma yin pa yang yod de/ dgra bcom pa'i tha ma'i yod do/ /yid kyi khams yin la yid ma yin pa yang yod de/ 'gog pa la snyoms par zhugs pa'i yid kyi khams so/ /yid kyang yin la yid kyi khams kyang yin pa yang yod de/ de ma yin pa'i gnas skabs gzhan rnams so/ /yid kyang yin la yid kyi khams kyang ma yin pa yang yod de/ /phung po lhag ma med pa'i mya ngan las 'das pa'i dbyings su yongs su mya ngan las 'das pa'i'o/ /gang du byung zhing skyes par gyur pa de'i sa ba nyid kyi mig gis de'i sa pa'i gzugs rnams mthong ngam zhe na/ de'i mig gis de'i sa ba'i gzugs rnams mthong ba yang yod/ gzhan gyis pas mthong ba yang yod de/ 'dod pa'i khams su byung zhing skyes par gyur pa 'dod pa na spyod pa'i mig gis 'dod pa na spyod pa'i gzugs rnams mthong ba na/ gzugs na spyod pas sa gong ma pas sa 'og ma rnams mthong ba'o/ /mig gis gzugs rnams mthong ba ji lta ba bzhin du rna bas sgra yang de bzhin no/ /'dod pa'i khams su byung zhing skyes par gyur pa ji lta ba bzhin du gzugs kyi khams su byung zhing skyes par gyur pa'ang de bzhin no/ /'dod pa'i khams su byung zhing skyes par gyur pa 'dod par skyes pa'i sna dang/ lce dang/ lus kyi 'dod pa ni spyod pa nyid kyi dri rnams snom mo/ /ro rnams myang ngo/ /reg bya rnams reg go /gzugs kyi khams su byung zhing skyes par gyur pa gzugs na spyod pa'i lus kyis rang gis pa nyid kyi reg bya rnams la reg go /de na dri dang ro ni rang bzhin gyi med de/ khams kyi zas kyi 'dod chags dang bral ba'i

  118. 59b

    phyir ro/ /de'i phyir sna'i rnam par shes pa dang/ lce'i rnam par shes pa yang med do/ /'dod pa'i khams su byung zhing skyes pa na spyod pa'i yid kyi khams gsum na spyod pa rnams dang/ zag pa med pa'i chos rnams kyang shes pa'o/ /'dod pa'i khams su byung zhing skyes par gyur pa ji lta ba bzhin du gzugs kyi khams su byung zhing skyes par gyur pa'ang de bzhin no/ /gzugs med pa'i khams su byung zhing skyes par gyur pa ni/ gzugs su med pa na spyod pa'i yid kyis gzugs med pa na spyod pa rang gi sa pa rnams dang/ zag pa med pa'i chos rnams kyang shes so/ /zag pa med pa'i yid kyis ni khams gsum na spyod pa rnams dang/ zag pa med pa'i chos rnams kyang shes so/ /ci'i phyir phung po rnams go rim du blags she na/ rnam par shes pa'i gnas nyid kyi phyir te/ rnam par shes pa'i gnas bzhi dang/ rnam par shes pa'o/ /yang snga ma'i phyi ma'i rten yin pa'i phyir te/ gzugs ji lta ba bzhin du myong ngo/ /ji ltar tshor bar byed pa de bzhin du 'du shes su byed do// ji ltar 'du shes su byed pa de bzhin du sems par byed do/ /ji ltar sems par byed pa de bzhin du rnam par shes par byed de/ de dang de nye bar 'gro bar 'gyur ro/ /yang kun nas nyon mongs pa rnams dang/ rnam par byang ba nyid kyi phyir te/ gang du kun nas nyon mongs pa rnams dang/ rnam par byang ba dang/ myong ba dang/ mtshan mar 'dzin pa dang/ mngon par 'du byed pa gang gis kun nas nyon mongs pa dang/ rnam par byang ba dang/ gang kun nas nyon mongs pa dang/ rnam par byang ba ste/ phung po rnams kyi go rim bstan pa ni de lta bu'o/ /ci'i phyir khams rnam par go rim bzhin du blags she na/ 'jig rten gyi tha snyad dang mthun pa'i phyir ro/ /'jig rten gyi tha snyad dang/ mthun pa gang zhe na/ de la thog ma kho

  119. 60a

    nar phan tshun lta'o/ /lta ba la brten nas kun tu smra'o/ /de'i 'og tu khrus dang byug pa dang/ pheng ba la longs spyod du byed do/ /de'i 'og tu bza' ba dang btung ba yongs su spyod do/ /de'i 'og tu mal dang gding ba dang bud med la yongs su spyod do/ /thams cad du rnam par rtog pa can ni yid kyi khams so/ /nang gi khams rnams rgyur byas nas/ phyi rol gyi khams rnams go rim du blags so/ /de'i 'og tu rnam par shes pa'i khams rnams kyi go rim ji lta ba bzhin du skye mched rnams kyi yang de bzhin no/ /phung po'i don gang zhe na/ gzugs gang yin pa ci yang rung ste/ 'das pa 'am/ ma 'ongs pa 'am/ da ltar byung ba 'am/ nang gi 'am/ phyi'i 'am/ rags pa 'am/ phra ba 'am/ ngan pa 'am/ gya nom pa 'am/ rgyang ring ba gang yin pa 'am/ thag pa nye ba de thams cad gcig tu bsdus te spungs pa'i phyir gzugs kyi phung po zhes bya'o/ /rnam par shes pa'i phung po'i bar du yang de bzhin te nor gyi phung po bzhin no/ /yang sdug bsngal shin tu rgyas pa'i mtshan nyid kho na'i phyir te/ ji skad du sdug bsngal gyi phung po chen po 'di 'ba' zhig 'byung bar 'gyur ro zhes gsungs pa lta bu ste shing gi phung po bzhin no/ /yang kun nas nyon mongs pa'i khur khyer pa nyid kyi phyir te/ phrag khur khyer pa bzhin no/ /khams kyi don gang zhe na/ chos thams cad kyi sa bon gyi don to/ yang rang gi mtshan nyid 'dzin pa'i don to/ yang 'bras bu dang rgyu'i dngos po 'dzin pa'i don to/ /yang chos kyi rnam pa thams cad bsdus nas 'dzin pa'i don to// skye mched kyi don gang zhe na/ rnam par shes pa skye ba'i sgo'i don to/ /gzugs ni dbu brdos pa lta bu'o/ /tshor ba chu'i chu bur lta bu'o/ /'du shes ni smig rgyu lta bu'o/ /'du byed rnams ni chu shing gi phung po lta bu'o/ /rnam par shes pa ni sgyu

  120. 60b

    ma lta bu'o zhes gang gsungs pa de la/ ci'i phyir gzugs dbu brdos pa lta bu zhes bya ba nas/ rnam par shes pa sgyu ma lta bu'o zhes bya ba'i bar du zhe na/ bdag med pa nyid dang/ gtsang ba med pa nyid dang/ ro bro ba chung ba nyid dang/ mi brtan zhing snying po med pa nyid kyi phyir ro/ /phung po dang/ khams dang/ skye mched kyi rab tu dbye ba gang zhe na/ sdom du na/ rdzas yod shes bya gzugs can sogs/ /zag pa bcas byung la sogs pa dang/ /'das dang rkyen la sogs pa rnams/ /ji ltar bu zhig ci yi phyir/ /phung po dang/ khams dang/ skye mched rnams ji ltar rdzas su yod/ rdzas su yod pa rnams ni du zhig /ci'i phyir rdzas su yod pa rnams su brtag ce na/ brjod pa dang de las gzhan pa la mi ltos par dbang po'i spyod yul du 'gyur ba ni/ rdzas su yod pa'o/ /thams cad rdzas su yod pa'o/ /bdag la rdzas su mngon par zhen pa spangs pa'i rdzas su yod par brtag go /ji ltar na brtags pa'i yod pa yin/ /btags pa'i yod pa rnams ni du zhig /ci'i phyir btags pa'i yod par brtag ce na/ brjod pa dang de las zhen pa la ltos pa dang/ bcas par dbang po'i spyod yul du 'gyur ba ni btags pa'i yod pa'o/ /thams cad kyang btags pa'i yod pa'o/ /bdag la btags par mngon par zhen pa spang ba'i phyir btags pa'i yod par brtag go /ji ltar na kun rdzob tu yod/ kun rdzob tu yod pa rnams ni du zhig /ci'i phyir kun rdzob tu yod par brtag ce na/ kun nas nyon mongs par 'gyur ba'i dmigs pa ni kun rdzob tu yod pa'o/ /thams cad kyang kun rdzob tu yod pa'o/ /bdag la kun nas nyon mongs pa'i rgyur mngon par zhen pa spang pa'i phyir ro/ /ji ltar na don dam par yod/ /don dam par yod pa rnams ni du zhig /ci'i phyir don dam par yod par brtag ce na/ rnam par dag par 'gyur ba'i dmigs pa ni don dam par yod pa'o/ /thams cad

  121. 61a

    kyang don dam par yod pa'o/ /bdag la rnam par dag pa'i rgyur mngon par zhen pa spangs pa'i phyir ro/ /ji ltar na shes par bya ba yin/ shes par bya ba ni du zhig /ci'i phyir shes par bya bar brtag ce na/ shes par bya ba ni rnam pa lnga ste/ gzugs dang/ sems dang sems las byung ba'i chos rnams dang/ sems dang ldan pa ma yin pa'i 'du byed rnams dang/ 'dus ma byas te/ gang du kun nas nyon mongs pa dang/ rnam par byang ba dang/ gang kun nas nyon mongs pa dang/ rnam par byang ba dang/ gang gis kun nas nyon mongs pa dang/ rnam par byang ba dang/ de'i gnas skabs gang yin pa dang/ rnam par byang ba gang yin pa de'i dbang du byas nas/ thams cad kyang shes par bya ba dag go /de la gzugs ni gzugs kyi phung po ste/ gzugs can gyi khams bcu dang/ skye mched bcu dang/ chos kyi khams dang/ skye mched pa'i gzugs so/ /sems ni rnam par shes pa'i phung po ste/ rnam par shes pa'i khams bdun dang/ yid kyi skye mched do/ /sems las byung ba'i chos rnams ni tshor ba'i phung po dang/ 'du shes kyi phung po dang/ mtshungs par ldan pa'i 'du byed kyi phung po dang/ chos kyi khams dang/ skye mched kyi phyogs gcig kyang yin no/ /ldan pa ma yin pa ni ldan pa ma yin pa'i 'du byed kyi phung po dang/ chos kyi khams dang/ skye mched kyi phyogs gcig kyang yin no/ /'dus ma byas ni chos kyi khams dang/ skye mched kyi phyogs gcig go /yang shes bya'i chos rnams ni mos pa'i shes pa'i spyod yul dang/ rigs pa'i shes pa'i spyod yul dang/ rnam par 'phro ba med pa'i shes pa'i spyod yul dang/ so so rang gi shes pa'i spyod yul dang/ gzhan gyi bdag nyid shes pa'i spyod yul dang/

  122. 61b

    'og ma shes pa'i spyod yul dang/ gong ma shes pa'i spyod yul dang/ rnam par sun 'byin pa shes pa'i spyod yul dang/ kun nas mi ldang ba shes pa'i spyod yul dang/ mi skye ba shes pa'i spyod yul dang/ shes pa shes pa'i spyod yul dang/ mthar thug pa shes pa'i spyod yul dang/ don chen po shes pa'i spyod yul gyi phyir yang ngo/ /bdag la shes pa po dang/ mthong ba por mngon par spang pa'i phyir ro/ /ji ltar na rnam par shes par bya ba yin/ rnam par shes par bya ba ni du zhig /ci'i phyir rnam par shes par bya bar brtag ce na/ rnam par mi rtog pa dang/ rnam par rtog pa dang/ rgyu dang/ 'jug pa dang/ rgyu mtshan dang/ rgyu mtshan las byung ba dang/ mi mthun pa dang/ gnyen po dang/ phra ba'i rab tu dbye bas kyang rnam par shes par bya bar blta'o/ /thams cad kyang rnam par shes par bya bar dag go /bdag la mthong ba po la sogs par mngon par zhen pa spang pa'i phyir ro/ /ji ltar na mngon par shes par bya ba yin/ mngon par shes par bya ba rnams ni du zhig /ci'i phyir mngon par shes par bya bar brtag ce na/ kun tu 'gro ba dang/ rjes su thos pa dang/ spyod pa la 'jug pa dang/ 'ong ba dang/ 'gro ba dang/ nges par 'byung ba'i phyir yang ngo/ /thams cad kyang mngon par shes par bya ba dag go /bdag la mthu dang bcas par mngon par zhen pa spang pa'i phyir ro/ /ji ltar na gzugs can yin gzugs can rnams ni du zhig /ci'i phyir gzugs can du brtag ce na/ gzugs de'i bdag nyid dang/ 'byung ba rten du gyur pa dang/ dga' ba kun 'byung ba dang/ phyogs dang bcas pa dang/ yul la khyab pa dang/ yul nye bar bstan du rung ba dang/ yul spyod yul du 'gyur ba dang/ gnyis spyod yul du mtshungs pa dang/ 'brel ba dang/

  123. 62a

    rjes su 'brel ba dang/ rab tu rtog pa dang/ gnod par bya ba yin pa dang/ go bar byed pa dang/ bsags pa rnam par bzhag pa dang/ phyi rol tu bltas pa dang/ nang du bltas pa dang/ yun ring ba dang/ yongs su chad pa dang/ de'i dus dang/ nges par ston pa'i phyir yang gzugs can du blta'o/ /thams cad kyang gzugs can dag go /yang na ci rigs su sbyor ro/ /bdag la gzugs can du mngon par zhen pa spangs pa'i phyir ro/ /ji ltar na gzugs can ma yin/ gzugs can ma yin pa rnams ni du zhig /ci'i phyir gzugs can ma yin par brtag ce na/ gzugs can las bzlog pa ni gzugs can ma yin pa dag go /thams cad kyang gzugs can ma yin pa dag go /yang na ci rigs su sbyar ro/ /bdag la gzugs can ma yin par mngon par zhen pa spangs pa'i phyir ro/ /ji ltar na bstan du yod pa yin/ bstan du yod pa rnams ni du zhig /ci'i phyir bstan du yod par brtag ce na/ mig gi yul ni bstan du yod pa'o/ /lhag ma'i rab tu dbye ba ni/ gzugs can bzhin no/ /thams cad kyang bstan du yod pa dag go /yang na ci rigs su sbyar ro/ /bdag mig gi yul du mngon par zhen pa spang ba'i phyir ro/ /ji ltar na bstan du med pa yin/ bstan du med pa rnams ni du zhig /ci'i phyir bstan du med par brtag ce na/ bstan du yod pa las bzlog pa ni bstan du med par blta'o/ /thams cad kyang bstan du med pa dag go /yang na ci rigs su sbyar ro/ /bdag mig gi yul ma yin par mngon par zhen pa spang pa'i phyir ro/ /ji ltar na thogs pa dang bcas pa yin/ thogs pa dang bcas pa rnams ni du zhig /ci'i phyir thogs pa dang bcas

  124. 62b

    par brtag ce na/ bstan du yod pa gang yin pa de thogs pa dang bcas pa yang yin no/ /yang rnam pa gsum gyis thogs pa dang bcas par blta ste/ rigs dang/ nye bar bsags pa dang/ yongs su sbyang ba ma byas pas kyang ngo/ /de la rigs ni phan tshun du sgrib par byed pa dang/ bsgrib par bya ba'o/ /de la nye bar bsags pa ni rdul phra rab las gong bur gyur pa'o/ /de la yongs su sbyang ba ma byas pa ni ting nge 'dzin gyi dbang gis ma bsgyur ba'i gzugs so/ /yang rab tu 'khrug pa'i gzhi'i gnas yin pas thogs pa dang bcas pa'o/ /thams cad kyang thogs pa dang bcas pa dag go /yang na ci rigs su sbyor ro/ /bdag la thams cad du song ba ma yin par zhen pa spang pa'i phyir ro/ /ji ltar na thogs pa med pa yin/ thogs pa med pa rnams su ni du zhig /ci'i phyir thogs pa med par brtag ce na/ thogs pa dang bcas pa las bzlog pa ni thogs pa med pa'o/ /thams cad kyang thogs pa med pa dag go /yang na ci rigs su sbyar ro/ /bdag la thams cad du song bar mngon par zhen pa spang ba'i phyir ro/ /ji ltar na zag pa dang bcas pa yin/ zag pa dang bcas pa rnams ni du zhig /ci'i phyir zag pa dang bcas pa brtag pa ce na/ zag pa de'i bdag nyid dang/ zag pa dang 'brel pa dang/ zag pas bcings pa dang/ zag pa'i rjes su 'brel ba dang/ zag pa'i rjes su mthun pa dang/ zag pa'i rgyu las byung ba'i phyir zag pa dang bcas par blta'o/ /nye bar len pa'i phung po lnga rnams dang/ khams bco lnga dang/ skye mched bcu dang/ khams gsum dang/ skye mched gnyis kyi phyogs ni zag pa dang bcas pa rnams so/ /bdag zag pa dang bcas par mngon par zhen pa spang ba'i phyir ro/ /ji ltar na zag pa med pa yin/ zag pa med

  125. 63a

    pa rnams ni du zhig /ci'i phyir zag pa med par brtag ce na/ zag pa dang bcas pa las bzlog pa ni zag pa med par blta'o/ /nye bar len pa med pa'i phung po lnga rnams dang/ khams gsum dang/ skye mched gnyis kyi phyogs so/ /bdag zag pa dang bral bar mngon par zhen pa spang ba'i phyir ro/ /ji ltar na 'thab pa dang bcas pa yin/ 'thab pa dang bcas pa rnams ni du zhig /ci'i phyir 'thab pa dang bcas par brtag ce na/ 'dod chags dang/ zhe sdang dang gti mug gi ngo bo gang la brten nas/ mtshon cha len pa dang/ chad pas gcod pa dang/ 'thab rtsod dang/ mched 'bru ba dang/ rtsod pa dang/ 'gyod pa rnams 'byung ba de'i bdag nyid dang/ de dang 'brel ba dang/ nges bcings pa dang/ de'i rjes su 'brel pa dang/ de'i rjes su mthun pa dang/ de'i rgyu las byung ba'i phyir mthab pa dang bcas par blta'o/ /zag pa dang bcas pa ji snyed par 'thob par dang bcas pa'ang de snyed do/ /bdag 'thab pa dang ldan par mngon par zhen pa spang pa'i phyir ro/ /ji ltar na 'thab pa med pa yin/ 'thab pa med pa rnams ni du zhig /ci'i phyir 'thab pa med par brtag ce na/ 'thab pa dang bcas pa las bzlog pa ni 'thab pa med pa'o/ /zag pa med pa ji snyed par 'thob pa'ang de snyed do/ /bdag 'thab pa dang bral bar mngon par zhen pa spang ba'i phyir ro/ /de ltar na zang zing dang bcas pa yin/ zang zing dang bcas pa rnams ni du zhig /ci'i phyir zang zing dang bcas par brtag ce na/ /'dod chags dang/ zhe sdang dang/ gti mug gi ngo bo gang la brten nas/ yang srid pa'i lus la lhag par chags pa de'i bdag nyid dang/ de dang 'brel pa dang/ des bcings pa dang/ de'i rjes su 'brel pa dang/ de'i rjes su 'thun pa dang/ de'i rgyu las byung ba'i phyir zang zing dang bcas par lta'o/ /'thab pa dang bcas

  126. 63b

    pa ji snyed par zang zing dang bcas pa'ang de snyed do/ /bdag zang zing dang ldan par mngon par zhen pa spang pa'i phyir ro/ /ji ltar na zang zing med pa yin/ zang zing med pa rnams ni du zhig /ci'i phyir zang zing med par brtag ce na/ zang zing dang bcas pa las bzlog pa ni zang zing med pa'o/ /'thab pa med par ji snyed par zang zing med pa'ang de snyed do/ /bdag zang zing dang bral bar mngon par zhen pa spang ba'i phyir ro/ /ji ltar na zhen pa rten pa yin/ zhen pa rnams ni du zhig /ci'i phyir zhen pa rten pa brtag ce na/ /'dod chags dang/ zhe sdang dang/ gti mug gi ngo bo gang la brten nas/ 'dod pa'i yon tan lnga rnams la lhag par chags pa de'i bdag nyid dang/ de dang 'brel ba dang/ des bcings pa dang/ de'i rjes su 'brel ba dang/ de'i rjes su mthun pa dang/ de'i rgyu las byung ba'i phyir zhen pa brten par blta'o/ /zang zing dang bcas pa ji snyed par zhen pa brten pa'ang de snyed do/ /bdag la zhen pa dang ldan pa mngon par zhen pa spang ba'i phyir ro/ /ji ltar na mngon par 'byung ba rten pa yin/ mngon par 'byung ba rten pa rnams ni du zhig /ci'i phyir mngon par 'byung bar brtag ce na/ zhen pa rten pa las bzlog pa ni mngon par 'byung ba la brten pa'o/ /zang zing med pa ji snyed par mngon par 'byung ba rten pa'ang de snyed do/ /bdag zhen pa dang bral bar mngon par zhen pa spang ba'i phyir ro/ /ji ltar na 'dus byas yin/ 'dus byas rnams ni du zhig /ci'i phyir 'dus byas su brtag ce na/ gang la skye ba dang/ 'jig pa dang/ gnas pa dang/ gzhan du 'gyur ba yang snang ba de 'dus byas su blta'o/ /chos kyi khams dang/ skye mched kyi phyogs gcig ma gtogs par thams cad kyang 'dus byas dag go /bdag mi rtag par mngon par zhen pa spang ba'i phyir ro/ /ji ltar na 'dus ma byas yin/ 'dus ma byas rnams ni du zhig /ci'i phyir

  127. 64a

    'dus ma byas su brtag ce na/ 'dus byas las bzlog pa ni 'dus ma byas so/ /chos kyi khams dang/ skye mched kyi phyogs gcig go /bdag rtag par mngon par zhen pa spang ba'i phyir ro/ /nye bar len pa pa'i phung po ma yin pa rnams su 'dus byas zhes bya ba 'am/ 'dus ma byas zhes bya zhe na/ 'dus byas kyang ma yin/ 'dus ma byas kyang ma yin zhes bya'o/ /de ci'i phyir zhe na/ las dang nyon mongs pas mngon par 'dus ma byas pa nyid kyi phyir 'dus byas ma yin no/ /'dod pa bzhin du byed pas mngon du phyogs pa dang/ rgyab kyis lta ba'i dngos po nyid kyi phyir 'dus ma byas kyang ma yin no/ /bcom ldan 'das kyis 'dus byas dang/ 'dus ma byas zhes bya ba 'di ni gnyis so zhes gang gsungs pa de lta bu zhe na/ don gang gis 'dus byas su gyur pa'i don des 'dus ma byas ma yin no/ /don gang gis 'dus ma byas su gyur pa'i don de nyid kyis 'dus byas ma yin te/ tshul 'di ni 'dir blta bar bya'o// //bam po gnyis pa/ ji ltar na 'jig rten pa yin/ 'jig rten pa rnams ni du zhig /ci'i phyir 'jig rten par brtag ce na/ khams gsum par gtogs pa dang/ 'jig rten las 'das pa'i rjes las thob pa de ltar snang ba yang 'jig rten pa'o/ /phung po rnams kyi phyogs gcig dang/ khams bco lnga dang/ skye mched bcu dang/ khams gsum dang/ skye mched gnyis kyi phyogs so/ /bdag la 'jig rten du mngon par zhen pa spang ba'i phyir ro/ /ji ltar na 'jig rten las 'das pa yin/ 'jig rten las 'das pa rnams ni du zhig / ci'i phyir 'jig rten las 'das par brtag ce na/ khams gsum pa'i gnyen po rnam par mi rtog pa ni/ 'jig rten las 'das pa ste/ phyin ci log dang/ spos pa med par rnam par mi rtog pa'i phyir ro/ /yang rnam grangs su na 'jig rten las

  128. 64b

    'das pa'i rjes las thob pa yang yin te/ 'jig rten las 'das pa la brten pa'i phyir ro/ /phung po rnams dang/ khams gsum dang/ skye mched gnyis kyi phyogs gcig go /bdag 'ba' zhig tu mngon par zhen pa spang ba'i phyir ro/ /ji ltar na byung ba yin/ byung ba rnams ni du zhig /ci'i phyir byung bar brtag ce na/ 'das pa dang da ltar byung ba ni byung ba'o/ /thams cad kyi phyogs gcig go /bdag ther zug ma yin par mngon par zhen pa spang ba'i phyir ro/ /yang byung ba ni rnam pa nyi shu rtsa bzhi ste/ dang po byung ba dang/ rgyun gyis byung ba dang/ rgyas pa las byung ba dang/ rten byung ba dang/ 'gyur bar byung ba dang/ yongs su smin par byung ba dang/ nyams par byung ba dang/ khyad par du byung ba dang/ 'od gsal bar byung ba ma yin pa dang/ kun tu 'gro bar byung ba dang/ sa bon dang bcas par byung ba dang/ sa bon ma yin par byung ba dang/ gzugs brnyan dang/ dbang 'byor pa dang/ nges par bstan pa'i phyir byung ba dang/ gcig nas gcig tu byung ba dang/ skad cig zhig nas byung ba dang/ phrad pa dang bral bar byung ba dang/ gnas skabs gzhan du byung ba dang/ 'chi 'pho dang skye bar byung ba dang/ 'jig pa dang chags par byung ba dang/ sngon gyi dus na byung ba dang/ 'chi ba'i dus na byung ba dang/ bar du byung ba dang/ nying mtshams sbyor ba'i dus na byung ba'o/ /ji ltar na ma byung ba yin/ ma byung ba rnams ni du zhig /ci'i phyir ma byung bar brtag ce na/ ma 'ongs pa dang/ 'dus ma byas ni ma byung ba'o/ /thams cad kyi phyogs gcig go /bdag ther zug tu mngon par zhen pa spang ba'i phyogs/ /yang byung ba las bzlog pa ni ma byung ba'o/ /ji ltar na 'dzin pa yin/ 'dzin pa rnams ni du zhig /ci'i phyir 'dzin par brtag ce na/ dbang po gzugs can dang/ sems las byung ba'i chos rnams ni 'dzin par

  129. 65a

    lta ste/ phung po gsum dang/ gzugs dang/ 'du byed kyi phung po'i phyogs gcig dang/ khams bcu gnyis dang/ skye mched drug dang/ chos kyi khams dang/ skye mched kyi phyogs gcig go /bdag za ba por mngon par zhen pa spang pa'i phyir ro/ /yang ma phrad pa dang/ phrad nas 'dzin pa dang/ da ltar gyis rang gi mtshan nyid so sor 'dzin pa dang/ rang dang spyi'i mtshan nyid dus thams cad pa'i yul thams cad 'dzin pa yang 'dzin par blta'o/ /tshogs na rnam par shes pa 'byung ba'i phyir btags pa can yang 'dzin par smra'o zhes blta bar bya'o/ /ji ltar na gzung ba yin/ gzung ba rnams ni du zhig /ci'i phyir gzung bar brtag ce na/ 'dzin pa gang yin pa gzung ba yang de yin no/ /gzung ba yin la 'dzin pa ma yin pa'ang yod de/ 'dzin pa'i spyod yul nyid kyi don de thams cad do/ /bdag la yul tu mngon par zhen pa spang ba'i phyir ro/ /ji ltar na phyi rol tu bltas pa yin phyi rol tu bltas pa rnams ni du zhig /ci'i phyir phyi rol tu bltas par brtag ce na/ sangs rgyas kyi bstan pa la thos pa las byung ba dang/ bsams pa las byung ba dang/ de'i rjes su mthun pa'i chos sgrub pas yongs su bsdus pa'i sems dang sems las byung ba'i chos rnams ma gtogs par 'dod pa dang/ rab tu ldan pa ni phyi rol tu bltas pa'o/ / khams bzhi dang/ skye mched gnyis dang/ de las gzhan pa dag gi phyogs gcig go /bdag 'dod chags dang bral ba ma yin par zhen pa spang ba'i phyir ro/ /ji ltar na nang du bltas pa yin/ nang du bltas pa rnams ni du zhig /ci'i phyir nang du bltas par brtag ce na/ phyi rol tu bltas bzlog pa ni nang du bltas pa'o/ /khams bzhi dang/ skye mched gnyis ma gtogs pa de las gzhan pa dag gi phyogs gcig go /bdag 'dod chags dang bral bar mngon par zhen pa spang ba'i

  130. 65b

    phyir ro/ /ji ltar na nyon mongs pa can yin/ /nyon mongs pa can rnams ni du zhig /ci'i phyir nyon mongs pa can du brtag ce na/ mi dge ba dang/ bsgribs la lung du ma bstan pa ni nyon mongs pa can no/ /bsgribs la lung du ma bstan pa ni kun tu 'gro ba'i yid dang mtshungs par ldan pa'i nyon mongs pa dang/ yid kyi rnam par shes pa dang mtshungs par ldan pa'i lhan cig skyes pa'i 'jigs tshogs dang/ mthar 'dzin par lta ba dang/ gzugs dang gzugs med par dang mtshungs par ldan pa'o/ /phung po rnams dang/ khams bcu dang/ skye mched bzhi'i phyogs gcig go /bdag nyon mongs pa dang ldan par mngon par zhen pa spang ba'i phyir ro/ /ji ltar na nyon mongs pa can ma yin/ nyon mongs pa can ma yin pa rnams ni du zhig /ci'i phyir nyon mongs pa can ma yin par brtag ce na/ dge ba dang bsgribs la lung du ma bstan pa ni nyon mongs pa can ma yin pa'o/ /khams brgyad dang/ skye mched brgyad dang/ phung po dang/ khams dang/ skye mched lhag ma rnams kyi phyogs gcig go /bdag nyon mongs pa dang bral bar mngon par zhen pa spang pa'i phyir ro// ji ltar na 'das pa yin/ 'das pa rnams ni du zhig /ci'i phyir 'das par brtag ce na/ byung ba 'gags pa'i mtshan nyid dang/ rgyu dang 'bras bu spyad zin pa dang/ kun nas nyon mongs pa dang/ rnam par byang bar byed pa yang dag par shin tu 'das pa dang/ rgyu yongs su bzung nas zhig pa dang/ 'bras bu dang rang gi mtshan nyid yod pa dang/ med pa dang/ dran pa'i kun tu rtogs pa'i mtshan ma dang/ ltos pas kun nas nyon mongs pa'i mtshan ma dang/ btang snyoms kyis rnam par byang ba'i mtshan ma yin pas kyang 'das par blta'o/ /thams cad kyi phyogs gcig go /bdag 'jug par byed par mngon par zhen pa spang ba'i phyir ro/ /ji ltar na ma 'ongs pa yin/ ma 'ongs pa rnams ni du zhig /ci'i phyir ma 'ongs par brtag ce na/ rgyu yod kyang ma byung ba dang/ rang gi

  131. 66a

    mtshan nyid ma tho ba dang/ rgyu dang 'bras bu ma spyad pa dang/ kun nas nyon mongs pa dang/ rnam par byang ba'i dngos po nye bar mi gnas pa dang/ rgyu dang rang gi mtshan nyid yod pa dang/ med pa dang/ mngon par dga' bas kun nas nyon mongs pa'i mtshan ma dang/ mngon par dga' ba med pas rnam par byang ba'i mtshan ma yin pas kyang ma 'ongs par blto'o/ /thams cad kyi phyogs gcig go /bdag 'jug par byed par mngon par zhen pa spang ba'i phyir ro/ /ji ltar na da ltar byung ba yin/ da ltar byung ba rnams ni du zhig /ci'i phyir da ltar byung bar brtag ce na/ byung ba la ma 'gags pa'i mtshan nyid dang/ rgyu dang 'bras bu spyad zin pa dang/ spyad ma zin pa dang/ kun nas nyon mongs pa dang/ rnam par byang ba nye bar gnas pa dang/ 'das pa dang/ ma 'ongs pa rab tu bzhag pa'i rgyu dang byed pa nye bar gnas kyang da ltar byung bar blta'o/ /thams cad kyi phyogs gcig go /bdag 'jug par byed par mngon par zhen pa spang ba'i phyir ro/ /'das pa dang/ ma 'ongs pa dang/ da ltar byung ba ni gtam gyi gzhi yin no/ /mya ngan las 'das pa ni ma yin te/ /so so rang gis rig par bya ba dang/ brjod du med pa nyid dang/ byung ba nyid dang byung ba dang/ da ltar gyi tha snyad kyi gnas ma yin pa'i phyir ro/ /ji ltar na dge ba yin/ dge ba rnams ni du zhig /ci'i phyir dag par brtag ce na/ ngo bo nyid dang/ 'brel ba dang/ rjes su 'brel ba dang/ slong ba dang/ don dam pa dang/ skye bas 'thob pa dang/ sbyong ba dang/ mdun du byas pa dang/ phan 'dogs pa dang/ yongs su 'dzin pa dang/ gnyen po dang/ nye bar zhi ba dang/ rgyu mthun pas kyang dge bar blta'o/ /phung po rnams dang/ khams bcu dang/ skye mched bzhi'i phyogs so bdag chos dang ldan par mngon par zhen pa spang ba'i phyir ro/ /ngo bo nyid kyi dge ba

  132. 66b

    gang zhe na/ dad pa la sogs pa sems las byung ba'i chos bcu gcig go /'brel pas dge ba gang zhe na/ de dang mtshungs par ldan pa'i chos rnams so/ /rjes su 'brel bas dge ba gang zhe na/ de dag nyid kyi bag chags gang yin pa'o/ /slong bas dge ba gang zhe na/ des kun nas bslang ba'i lus dang ngag gi las so/ /don dam par dge ba gang zhe na/ de bzhin nyid do/ /skye bas thob pa'i dge ba gang zhe na/ dge ba'i chos 'di dag nyid ni sngon goms par byas pa la brten nas/ de'i ngo bo'i rnam par smin pa mngon par grub pa ste/ des de nyid la rang bzhin gyis so sor ma gtogs pa'i 'dod pa kun tu gnas pa'o/ /sbyor bas dge ba gang zhe na/ /skyes bu dam pa la brten pa dang/ dam pa'i chos nyan pa dang/ tshul bzhin yid la byed pa dang/ chos kyi rjes su mthun pa'i chos sgrub pa la brten nas dge ba bsgom pa'o mdun du byas pas dge ba gang zhe na/ gang de bzhin gshegs pa 'am/ mchod rten nam/ gzugs byas pa 'am/ ri mor byas pa mdun du byas pa 'am/ chos sam chos kyi gzhi glegs bam mdun du byas te/ mchod pa'i las byed pa'o/ /'phan 'dogs pa'i dge ba gang zhe na/ gang bsdu ba'i dngos po bzhi po dag gis sems can la phan 'dogs pa'o/ /yongs su 'dzin pas dge ba gang zhe na/ gang sbyin pa las byung ba 'am/ tshul khrims las byung ba'i bsod nams bya ba'i dngos pos mtho ris su skye ba yongs su 'dzin pa 'am/ phyug po rang rigs mthon por skye ba yongs su 'dzin pa 'am/ rnam par byang ba'i rjes su mthun pas yongs su 'dzin pa'o/ /gnyen pos dge ba gang zhe na/ gang rnam par sun 'byin pa gnyen po dag spong ba gnyen po dang/ gzhi gnyen po dang/ thag srid pa gnyen po dang/ rnam par gnon pa gnyen po dang/ bral ba gnyen po dang/ nyon mongs pa'i sgrib pa'i gnyen po dang/ shes bya'i sgrib pa'i gnyen po'o/ /nye bar zhi bas dge ba gang zhe na/ gang 'dod chags

  133. 67a

    mdza' dag spong ba dang/ zhe sdang mdza' dag spong ba dang/ gti mug mdza' dag spong ba dang/ nyon mongs pa mdza' dag spong ba dang/ 'du shes dang/ tshor ba 'gog pa dang/ phung po'i lhag ma dang bcas pa dang/ phung po lhag ma med pa'i bya ngan las 'das pa'i dbyings dang/ mi gnas pa'i mya ngan las 'das pa'o/ /rgyu mthun pas dge ba gang zhe na/ nye bar zhi ba thob pa de'i dbang gis yon tan khyad par can 'jig rten pa dang/ 'jig rten las 'das pa'i mngon par shes pa la sogs pa dang/ thun mong dang/ thun mong ma yin pa rnams so/ /ji ltar na mi dge ba yin/ mi dge ba rnams ni du zhig /ci'i phyir mi dge bar brtag ce na/ ngo bo nyid dang/ 'brel pa dang/ rjes su 'brel ba dang/ slong ba dang/ don dam pa dang/ skye bas 'thob pa dang/ sbyor ba dang/ mdun du byas pa dang/ gnod par byed pa dang/ yongs su 'dzin pa dang/ mi mthun pa'i phyogs dang/ bar du gcod pas kyang mi dge bar blta'o/ /phung po rnams dang/ khams bcu dang/ skye mched bzhi'i phyogs so/ / bdag chos ma yin pa dang ldan par mngon par zhen pa spang ba'i phyir ro/ /ngo bo nyid kyi mi dge ba gang zhe na/ yid dang mtshungs par ldan pa dang/ gzugs dang gzugs med pa na spyod pa'i nyon mongs pa ma gtogs par/ de las gzhan pa'i nyon mongs pa dang/ nye ba'i nyon mongs pa dang/ nyes par spyod pa kun nas slong ba'o/ /'brel pas mi dge ba gang zhe na/ nyon mongs pa dang/ nye ba'i nyon mongs pa dang/ de dag nyid mtshungs par ldan pa'i chos rnams so/ /rjes su 'brel pas mi dge ba gang zhe na/ de dag nyid kyi bag chags so/ /slong bas mi dge ba gang zhe na/ des kun nas slang ba'i lus dang ngag gi las so/ /don dam par mi dge ba gang zhe na/ 'khor ba thams cad do/ /skye bas thob pas mi dge ba gang zhe na/ 'di lta ste/ mi dge ba

  134. 67b

    ngoms? par byas pas de'i ngo bo rnam par smin pa mngon par 'grub pa ste/ des mi dge ba nyid la 'dod chags kun tu gnas pa'o/ /sbyor bar mi dge ba gang zhe na/ 'di lta ste/ skyes bu dam pa ma yin pa la rten pa dang/ dam pa'i chos ma yin pa nyan pa dang/ tshul bzhin ma yin pa yid la byed pa la brten nas/ lus kyi nyes par spyad pa spyod pa dang/ ngag dang yid kyis nyes par spyad pa spyod pa'o/ /mdun du byas pas mi dge ba gang zhe na/ 'di lta ste/ lha'i rigs gang yang rung ba la brten pa mdun du byas nas/ / 'tshe ba sngon du btang ba 'am/ lta ba ngan pa sngon du btang nas lha rten byed pa dang/ gang du skye bo phal po che bsod nams ma yin pas sbyor ba der mchod pa'i las la sbyor ba'o/ /gnod par byed pas mi dge ba gang zhe na/ 'di lta ste/ sems can rnams la lus dang/ ngag dang yid kyis log par byed pa'o/ /yongs su 'dzin pas mi dge ba gang zhe na/ 'di lta ste/ lus kyis nyes par spyod pa spyad pa 'am/ ngag dang yid kyis nyes par spyod pa spyad pas ngan 'gro 'am/ bde 'gror 'bras bu mi 'dod pa 'phel pa 'am/ yongs su rdzogs par byed pa 'dzin pa'o/ /mi mthun pa'i phyogs kyis mi dge ba gang zhe na/ gnyen po'i mi mthun pa'i phyogs kyi chos gang yin pa dag go /bar du gcod pas mi dge ba gang zhe na/ dge ba'i bar chad byed pa'i chos gang yin pa dag go /ji ltar na lung du ma bstan pa yin/ lung du ma bstan pa rnams ni du zhig /ci'i phyir lung du ma bstan par brtag ce na/ ngo bo nyid dang/ 'brel pa dang/ rjes su 'brel ba dang/ slob pa dang/ don dam pa dang/ skye bas 'thob pa dang/ sbyor ba dang/ mdun du byas pa dang/ phan 'dogs pa dang/ nye bar spyad pa dang/ yongs su 'dzin pa dang/ gnyen po dang/ nye bar zhi ba dang/ rgyu 'thun pas kyang lung du ma bstan par blta'o/ /khams brgyad dang/ skye mched brgyad dang/ phung po dang/ khams dang/ skye

  135. 68a

    mched lhag ma rnams kyi phyogs so gcig go /bdag la chos dang/ chos ma yin pa dang bral bar zhen pa spang ba'i phyir ro/ /ngo bo nyid kyis lung du ma bstan pa gang zhe na/ khams dang/ skye mched gzugs can brgyad dang/ mtshungs par ldan pa dang bcas pa'i yid dang/ srog gi dbang po dang/ ris mthun pa dang/ ming gi tshogs dang/ tshig gi tshogs dang/ yi ge'i tshogs so/ /'brel bas lung du ma bstan pa gang zhe na/ sdang ba yang ma yin/ dang ba yang ma yin pa'i sems su? gyur pa'i ming dang/ tshig dang yi ge de dag nyid kyis yongs su zin pa'i sems dang/ sems las byung ba'i chos rnams so/ /rjes su 'brel pas lung du ma bstan pa gang zhe na/ de dag nyid kyi brjod pa'i bag chags so/ /slong bas lung du ma bstan pa gang zhe na/ de dag gis yongs su zin pa'i sems las byung ba'i chos rnams kyis/ gang kun nas slong ba'i lus dang ngag gis las so/ /don dam par lung du ma bstan pa gang zhe na/ nam mkha' dang/ so sor brtag pa ma yin pa'i 'gog pa'o/ /skye pas 'thob pa'i lung du ma bstan pa gang zhe na/ mi dge ba'i chos rnams dang/ dge ba zag pa dang bcas pa'i chos rnams kyi rnam par smin pa'o/ /sbyor bas lung du ma bstan pa gang zhe na/ nyon mongs pa can yang ma yin/ /dge ba yang ma yin pa'i sems dang ldan pa'i spyod lam dang bzo'i gnas so/ /mdun du byas pas lung du ma bstan pa gang zhe na/ 'di lta ste/ lha'i ris gang yang rung ba la brten pa mdun du byas nas 'tshe ba 'am/ lta ba ngan pa rnam par spangs te/ lha rten byed pa dang/ gang du skye bo phal po che bsod nams kyang mi skye la/ bsod nams ma yin pa yang mi skyed par lha rten 'dzug pa'o/ /phan 'dogs pas lung du ma bstan pa gang zhe na/ 'di lta ste/ bran dang gla mi dang las byed pa rnams dang/ bu dang chung ma rnams la

  136. 68b

    spang ba yang ma yin dang ba yang ma yin pa'i sems kyis sbyin pa byin pa'o/ /nyi bar spyad pas lung du ma bstan pa gang zhe na/ 'di lta ste/ so sor btags pa ma yin la/ nyon mongs pa can ma yin pa'i sems kyi longs spyod rnams spyad pa'o/ / yongs su 'dzin pas lung du ma bstan pa gang zhe na/ 'di lta ste/ bzo'i gnas la goms pa'i phyir ro/ /ma 'ongs pa na de'i ngo bo'i lus su yongs su 'dzin par byed pa ste/ des myur ba myur bar bzo'i gnas de dag la bslab pa'i gnas mthar phyin par 'gyur ba'o/ /gnyen pos lung du ma bstan pa gang zhe na/ 'di lta ste/ so sor ma brtags pas sman rten pa'o/ /nye bar zhi bar lung du ma bstan pa gang zhe na/ gzugs dang gzugs med pa na spyod pa'i nyon mongs pa ste/ zhi gnas dang ldan pa'i phyir ro/ rgyu mthun pas lung du ma bstan pa gang zhe na/ sprul ba'i sems dang lhan cig skyes pa'o/ /yang bstan pas kyang dge ba dang/ mi dge ba dang lung du ma bstan par lta ste/ de yang gang zhe na/ gang sangs rgyas rnams dang/ byang chub sems dpa' dam pa'i pha rol tu son pa rnams kyis sems can la phan gdags pa'i phyir ston pa ste/ don de dag de bzhin du yongs su grub pa ni gang yang med do/ /ji ltar na 'dod pa dang rab tu ldan pa yin/ 'dod pa dang rab tu ldan pa rnams ni du zhig /ci'i phyir 'dod pa dang rab tu ldan par brtag ce na/ 'dod chags dang ma bral ba'i dge ba zag pa dang bcas pa dang/ mi dge ba dang/ lung du ma bstan pa ni 'dod pa dang rab tu ldan par blta'o/ /khams bzhi dang/ skye mched gnyis dang/ de las gzhan pa'i phung po dang/ khams dang/ skye mched rnams kyi phyogs cig go /bdag 'dod pa las 'dod chags dang ma bral bar mngon par zhen pa spang ba'i phyir ro/ /ji ltar na gzugs dang rab tu ldan pa yin/ gzugs dang rab tu ldan pa rnams ni du

  137. 69a

    zhig /ci'i phyir gzugs dang rab tu ldan par brtag ce na/ 'dod pa las 'dod chags dang bral la/ /gzugs las 'dod chags dang ma bral ba'i dge ba dang/ lung du ma bstan pa ni gzugs dang rab tu ldan par blta'o/ /khams bzhi dang/ skye mched gnyis ma gtogs par de las gzhan pa'i phung po dang/ khams dang/ skye mched rnams kyi phyogs gcig go /bdag 'dod pa dang 'dod chags dang bral bar mngon par zhen pa spang ba'i phyir ro/ /ji ltar na gzugs med pa dang/ rab tu ldan pa yin/ gzugs med pa dang rab tu ldan pa rnams ni du zhig /ci'i phyir gzugs med pa dang/ rab tu ldan par brtag ce na/ gzugs las 'dod chags dang bral la/ gzugs med pa las 'dod chags dang ma bral ba'i dge ba dang / lung du ma bstan pa ni gzugs med pa rab tu ldan par blta'o/ /phung po bzhi dang/ khams gsum dang/ skye mched gnyis kyis phyogs so/ /bdag gzugs las 'dod chags dang bral bar mngon par zhen pa spang pa'i phyir ro/ /'dod chags dang bral ba nyid kyang/ /phyogs gcig las 'dod chags dang bral ba nyid dang/ mdza' dag las 'dod chags dang bral ba nyid dang/ rtogs pas 'dod chags dang bral ba nyid dang/ gnon pa'i 'dod chags dang bral ba nyid dang/ legs par ston pa'i 'dod chags dang bral ba nyid du blta'o/ /yang 'dod chags dang bral ba nyid bcu ste/ rang bzhin gyi 'dod chags dang bral ba nyid dang/ gnod pas 'dod chags dang bral ba nyid dang/ nye bar brten pas 'dod chags dang bral ba nyid dang/ phul du byung bas 'dod chags dang bral ba nyid dang/ rlongs pas 'dod chags dang bral ba nyid dang/ gnyen pos 'dod chags dang bral ba nyid dang/ yongs su shes pas 'dod chags dang bral ba nyid dang/ spong bas 'dod chags dang bral ba nyid dang/ gong ma dang

  138. 69b

    bcas pas 'dod chags dang bral ba nyid dang/ gong na med pa'i 'dod chags dang bral ba nyid do/ /rang bzhin gyis 'dod chags dang bral ba nyid gang zhe na/ sdug bsngal gyi tshor ba dang/ sdug bsngal gyi tshor ba'i gnas kyi chos rnams la gang mi 'phrod par 'dzin pa nyid do/ /gnod pas 'dod chags dang bral ba nyid gang zhe na/ 'khrig pa la zhugs pa gdung ba dang bral nas gang mi 'phrod par 'dzin pa nyid do/ /nye bar brten pas 'dod chags dang bral ba nyid gang zhe na/ 'drangs par zes pa zas zhim po la yang mi 'phrod par 'dzin pa nyid do/ /phul du byung bas 'dod chags dang bral ba nyid gang zhe na/ thabs shin tu chen po thob pas thabs dma' ba la gang mi 'phrod par 'dzin pa nyid do/ /rmongs pas 'dod chags dang bral ba nyid gang zhe na/ byis pa rnams mya ngan las 'das pa la gang mi 'phrod par 'dzin pa nyid do/ /gnyen pos 'dod chags dang bral ba nyid gang zhe na/ 'jig rten pa 'am/ 'jig rten las 'das pa'i lam gyis nyon mongs pa spong ba gang yin pa'o/ /yongs su shes pas 'dod chags dang bral ba nyid gang zhe na/ mthong ba'i lam thob pa khams gsum pa la gang mi 'phrod par 'dzin pa nyid do/ /spong bas 'dod chags dang bral ba nyid gang zhe na/ sa dang sar nyon mongs pa rab tu spong ba'i mi mthun par 'dzin pa nyid gang yin pa'o/ /sa gong ma dang bcas pa'i 'dod chags dang bral ba nyid gang zhe na/ 'jig rten pa dang/ nyan thos dang rang sangs rgyas rnams kyi 'dod chags dang bral ba nyid gang yin pa'o/ /gong na med pa'i 'dod chags dang bral ba nyid gang zhe na/ sangs rgyas dang/ byang chub/ sems dpa' rnams kyi 'dod chags dang bral ba gang yin pa ste/ sems can thams cad la phan pa dang bde ba'i gnas yin pa'i phyir ro/ /ji ltar na slong ba yin/ slob pa rnams ni du zhig /ci'i phyir slob par rtag ce na/ thar pa la brtson pa'i dge ba ni slob

  139. 70a

    par blta'o/ /phung po rnams dang/ khams bcu dang/ skye mched gzhi'i phyogs so/ /bdag thar pa la brtson par mngon par zhen pa spang ba'i phyir ro/ /ji ltar na mi slob par yin/ mi slob pa rnams ni du zhig /ci'i phyir mi slob par brtag ce na/ bslab pa mthar phyin pa'i dge ba ni mi slob par blta'o/ /phung po rnams dang/ khams bcu dang/ skye mched bzhi'i phyogs so/ /bdag grol bar mngon par zhen pa spang ba'i phyir ro/ /ji ltar na slob pa yang ma yin mi slob pa yang ma yin/ slob pa yang ma yin mi slob pa yang ma yin pa du zhig /ci'i phyir slob pa yang ma yin mi slob pa yang ma yin par brtag ce na/ so so'i skye bo'i dge ba dang mi dge ba dang/ lung du ma bstan pa dang/ slob pa'i nyon mongs pa can dang/ lung du ma bstan ba dang/ mi slob pa'i lung du ma bstan pa dang/ 'dus ma byas ni slob pa yang ma yin/ mi slob pa yang ma yin par blta'o/ /khams brgyad dang/ skye mched brgyad dang/ de las gzhan pa'i phung po dang/ khams dang skye mched rnams kyi phyogs so/ /bdag grol ba ma yin par mngon par zhen pa spang ba'i phyir ro/ /ji ltar na mthong bas spang ba'i bya ba yin/ /mthong bas spang bar bya ba rnams ni du zhig /ci'i phyir mthong bas spang bar bya brtag ce na/ nyon mongs pa can gyi lta ba kun tu brtags pa rnams dang/ the tshom dang lta ba'i gnas dang/ lta ba la log par zhugs pa'i nyon mongs pa dang/ nye ba'i nyon mongs pa gang yin pa dag dang/ gang yang lta bas kun nas bslang ba'i lus kyis las dang/ ngag gis las dang/ ngan song gi phung po dang/ khams dang/ skye mched thams cad ni mthong bas spang bar bya bar blta'o/ /thams cad kyi phyogs gcig go /bdag mthong ba phun sum tshogs pa mngon par zhen pa spang ba'i phyir ro/ /ji ltar na sgom pas spang bar bya ba yin/ sgom pas spang

  140. 70b

    bar bya ba rnams ni du zhig /ci'i phyir sgom pas spang par bya ba brtag ce na/ mthong ba'i lam thob pa'i de yan chad kyi mthong bas spang bar bya ba las bzlog pa zag pa dang bcas pa'i chos rnams so/ /thams cad kyi phyogs gcig go /bdag bsgom pa phun sum tshogs pas mngon par zhen pa spang ba'i phyir ro/ /ji ltar na spang bar bya ba ma yin/ spang bar bya ba ma yin pa rnams ni du zhig /ci'i phyir spang bar bya ba ma yin par brtag ce na/ zag pa med pa ni spang bar bya ba ma yin par blta'o/ /nges par 'byed pa'i cha dang mthun pa ma gtogs par/ phung po rnams dang/ khams bcu dang/ skye mched bzhi'i phyogs so/ /bdag grub par mngon par zhen pa spang ba'i phyir ro/ /ji ltar na rten cing 'brel bar 'byung ba yin/ rten cing 'brel bar 'byung ba rnams ni du zhig / ci'i phyir rten cing 'brel bar brtag ce na/ mtshan nyid dang/ yan lag rnam par dbye ba dang/ yan lag mdor bsdu ba dang/ yan lag rkyen nyid du rnam par bzhag pa dang/ yan lag gi las rnam par bzhag pa dang yan lag kun nas nyon mongs par bsdu ba dang/ don dang/ zab pa dang/ rab tu dbye ba dang/ lugs dang mthun pa dang/ lugs dang mi mthun pas kyang rten cing 'brel bar 'byung bar blta'o/ /chos kyi khams dang/ skye mched kyi phyogs gcig ma gtogs par thams cad do/ bdag dang rgyu med pa dang/ mi mthun pa'i rgyu las byung bar mngon par zhen pa spang ba'i phyir ro/ /mtshan nyid ji lta bu zhe na/ g.yo ba med pa'i rkyen las byung ba dang/ mi rtag pa'i rkyen las byung ba dang/ nus pa'i rkyen las byung ba'i phyir ro/ / yan lag rnam par dbye bas ji lta bu zhe na/ yan lag bcu gnyis rnams te/ rten cing 'brel par 'byung ba'i yan lag bcu gnyis ni/ ma rig pa dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa

  141. 71a

    dang/ tshor ba dang/ sred pa dang/ len pa dang/ srid pa dang/ skye ba dang/ rga shi'o/ yan lag mdor bsdus pa ji lta bu zhe na/ 'phen pa'i yan lag dang/ 'phangs pa'i yan lag dang/ mngon par grub par byed pa'i yan lag dang/ mngon par grub pa'i yan lag go /'phen pa'i yan lag gang zhe na/ ma rig pa dang/ 'du byed dang rnam par shes pa'o/ /'phangs pa'i yan lag gang zhe na/ ming dang gzugs dang/ skye mched drug dang/ reg pa dang/ tshor ba'o/ /mngon par grub par byed pa'i yan lag gang zhe na/ sred pa dang/ len pa dang/ srid pa'o/ /mngon par grub pa'i yan lag gang zhe na/ skye ba dang/ rga shi'o/ /yan lag rkyen nyid du rnam par bzhag pas/ ji lta bu zhe na/ bag chags dang/ shugs dang/ yid la byed pa dang/ lhan cig 'byung bas kyang yan lag rnams rkyen nyid du rnam par bzhag pa rig par bya ste/ de yang ci rigs su sbyar ro/ /yan lag gi las rnam par bzhag pas ji lta bu zhe na/ ma rigs pa'i ci'i las can zhe na/ srid pa la sems can rnams rmongs par byed pa dang/ 'du byed rnams kyi rkyen kyang yin no/ /'du byed rnams ci'i las can zhe na/ 'gro ba rnams su sems can dag rnam par 'byed pa dang/ rnam par shes pa'i bag chags kyi rkyen kyang yin no/ / rnam par shes pa ci'i las can zhe na/ sems can rnams kyi las kyi 'ching ba 'dzin pa dang/ ming dang gzugs kyi rkyen kyang yin no/ /ming dang gzugs ci'i las can zhe na/ sems can rnams lus len du 'jug pa dang/ skye mched drug gi rkyen kyang yin no/ /skye mched drug ci'i las can zhe na/ sems can rnams lus yongs su rdzogs par len tu 'jug pa dang/ reg pa'i rkyen kyang yin no/ /reg pa ci'i las can zhe na/ yul gyi longs spyod la sems can rnams 'dzud pa dang/ tshor ba'i

  142. 71b

    rkyen kyang yin no/ /tshor ba ci'i las can zhe na/ skye ba dang longs spyod la sems can rnams 'dzud pa dang/ sred pa'i rkyen kyang yin no/ /sred pa ci'i las can zhe na/ sems can rnams kyi skye ba 'dren pa dang/ len pa'i rkyen kyang yin no/ /len pa ci'i las can zhe na/ /yang srid pa len pa'i phyir sems can rnams kyi rnam par shes pa nye bar len pa dang bcas par byed pa dang/ srid pa'i rkyen kyang yin no/ /srid pa ci'i las can zhe na/ yang srid par sems can rnams mngon du phyogs par byed pa dang/ skye ba'i rkyen kyang yin no/ /skye ba ci'i las can zhe na/ /ming dang gzugs dang/ skye mched drug dang/ reg pa dang/ tshor ba'i rim gyis sems can rnams mngon par 'grub par byed pa dang/ rga shi'i rkyen kyang yin no/ /rga shi'i las can zhe na/ yang dang yang na tshod 'gyur ba dang/ srog 'gyur ba la sems can rnams sbyor ba'o/ yan lag kun nas nyon mongs par bsdus pas ji lta bu zhe na/ ma rig pa gang yin pa dang/ sred pa gang yin pa dang/ len pa gang yin pa 'di ni/ nyon mongs pa'i kun nas nyon mongs par bsdu'o/ /'du byed gang yin pa dang/ rnam par shes pa gang yin pa dang/ srid pa gang yin pa 'di ni las kyi kun nas nyon mongs par bsdu'o/ /lhag ma rnams ni tshe'i kun nas nyon mongs par bsdu'o/ /don gyi ji lta bu zhe na/ byed pa po med pa'i don ni rten cing 'brel par 'byung ba'i don dang/ rgyu dang bcas pa las byung ba'i don dang/ sems can med pa'i don dang/ gzhan gyi dbang gi don dang/ g.yo ba med pa'i don dang/ mi rtag pa'i don dang/ skad cig pa'i don dang/ rgyu dang 'bras bu'i rgyud rgyun mi 'chad pa'i don dang/ rgyu dang 'bras bu mthun pa'i don dang/ rgyu dang 'bras bu sna tshogs pa'i don dang/ rgyu dang 'bras bu so sor nges pa'i don ni rten cing 'brel bar 'byung ba'i don to/ /zab pas ji lta bu zhe na/ rgyus

  143. 72a

    zab pa dang/ mtshan nyid kyis zab pa dang/ skye bas zab pa dang/ gnas pas zab pa dang/ 'byung bas kyang zab par blta'o/ /yang rten cing 'brel bar 'byung ba skad cig pa yang yin la gnas par yang dmigs/ rten cing 'brel par 'byung ba g.yo ba med pa'i rkyen las byung ba yang yin la/ nus pa'i rkyen las byung ba yang dmigs/ rten cing 'brel par 'byung ba sems can med pa yang yin la/ sems can du yang dmigs/ /rten cing 'brel par 'byung ba byed pa po yang med la/ las dang 'bras bu chud mi za bar yang dmigs shing/ bdag las ma yin/ gzhan las ma yin/ gnyi ga las ma yin/ rang gi byed pa dang/ gzhan gyi byed pa dang/ rgyu med pa las byung ba yang ma yin te/ de'i phyir zab pa'o/ /rab tu dbye bas ji lta bu zhe na/ rnam par shes pa 'byung ba'i rab tu dbye ba dang/ 'chi 'pho dang skye ba'i rab tu dbye ba dang/ phyi'i lo tog 'byung ba'i rab tu dbye ba dang/ 'jig pa dang 'chags pa'i rab tu dbye ba dang/ zas kyis brten pa'i rab tu dbye ba dang/ 'dod pa dang mi 'dod pa'i rnam par 'gro bas rab tu dbye ba dang/ rnam par dag pa'i rab tu dbye ba dang/ mthu stobs kyi rab tu dbye bas kyang/ rab tu dbye bar blta'o/ /lugs dang mthun pa dang lugs dang mi mthun pas ji lta bu zhe na/ kun nas nyon mongs pa'i lugs dang mthun pa dang lugs dang mi mthun pa dang/ rnam par byang ba'i lugs dang mthun pa dang/ lugs dang mi mthun pas kyang/ rten cing 'brel par 'byung ba'i lugs dang mthun pa dang/ lugs dang mi mthun pas bstan par blta'o/ /ji ltar na rkyen yin/ rkyen rnams ni du zhig /ci'i phyir rkyen du brtag ce na/ rgyu dang de ma thag pa dang/ dmigs pa dang/ bdag pos kyang rkyen du blta'o/ /thams cad kyang rkyen yin no/ /chos bdag gi rgyu las 'byung bar mngon par zhen pa spang

  144. 72b

    ba'i phyir ro/ /rgyu'i rkyen gang zhe na/ kun gzhi rnam par shes pa dang/ dag ba'i bag chags so/ /yang ngo bo nyid dang/ rab tu dbye ba dang/ grogs po dang mthun par rtogs pa dang/ rgyas pa dang/ bar du gcod pa dang/ yongs su 'dzin pas kyang rgyu'i rkyen du blta'o/ ngo bo nyid kyis ji lta bu zhe na/ byed rgyu ste/ rgyu'i ngo bo nyid do/ /rab tu dbye bas ji lta bu zhe na/ 'byung ba'i byed rgyu ni dper na/ rnam par shes pa ni rnam par shes pa'i tshogs pa lta bu'o/ /gnas pa'i byed rgyu ni dper na sems can 'byung po rnams dang/ 'byung ba tshol ba rnams kyis lta bu'o/ /rten pa'i byed rgyu ni/ dper na sems can rnams kyis lta bu'o/ /gsal ba'i byed rgyu ni/ dper na gzugs rnams kyi sgron ma lta bu'o/ /'gyur ba'i byed rgyu ni dper na shing gi me lta bu'o/ /'bral ba'i byed rgyu ni/ dper na/ brda bar bya ba'i zer ba lta bu'o/ /bsgyur ba'i byed rgyu ni dper na/ gser la sogs pa'i bzo'i gnas la sogs pa lta bu'o/ /yid ches pa'i byed rgyu ni dper na/ me'i du ba lta bu'o/ /yid ches par byed pa'i rgyu ni dper na/ bsgrub pa'i dam bca' ba dang/ gtan tshigs dang dpe rnams lta bu'o/ /'thob pa'i byed rgyu ni dper na/ mya ngan las 'das pa'i lam lta bu'o/ /tha snyad kyi byed rgyu ni dper na/ ming dang mtshan ma mthong ba lta bu'o/ /ltos pa'i byed rgyu ni/ gang la ltos nas gang don du gnyer ba 'byung ba ste/ dper na bkres pa la ltos nas zas lta bu'o/ /'phen pa'i byed rgyu ni/ rgyang ring po'i rkyen te/ dper na rga shi'i ma rig pa lta bu'o/ /mngon par 'grub pa'i byed rgyu ni/ nye ba'i rkyen te/ dper na 'du byed rnams kyi ma rig pa lta bu'o/ /yongs su 'dzin pa'i byed rgyu ni/ de las gzhan pa'i rkyen te/ dper na lo tog 'byung ba'i zhing dang/ chu dang lung la sogs pa lta bu'o/ /chud par byed pa'i rgyu ni/ mthun pa'i rkyen te/ dper na rgyal po mnyes par bya ba'i rgyal po la legs par bsten pa lta bu'o/ /so sor

  145. 73a

    nges pa'i byed rgyu ni/ rkyen sna tshogs te/ dper na 'gro ba lnga po dag gi 'gro ba lnga'i rkyen lta bu'o/ /lhan cig byed pa'i rgyu ni/ rkyen tshogs pa ste/ dper na rnam par shes pa'i dbang po ma nyams pa dang/ yul yang snang ba dang/ de skyed pa yid la byed pa yang nye bar gnas pa lta bu'o/ /mi mthun pa'i byed rgyu ni bar chad byed pa ste/ dper na lo tog la ser ba lta bu'o/ /mi mthun pa ma yin pa'i byed rgyu ni/ gang chad mi byed pa ste/ dper na bar chad byed pa de nyid med pa lta bu'o/ /grogs kyi ji lta bu zhe na/ chos gang dag grogs yod na 'byung gi /gang yang rung ba ma tshang ba ma yin pa ste/ 'di lta ste/ 'byung ba rnams dang/ 'byung ba las gyur pa'o/ /mthun par rtogs pas ji lta bu zhe na/ chos gang dag lhan cig 'byung bas dmigs pa mthun par rtogs kyi/ gang yang rung ba ma tshang ba ma yin pa ste/ 'di lta ste/ sems dang sems las byung ba rnams so/ /rgyas pas ji lta bu zhe na/ sngon dge ba dang mi dge ba dang/ lung du ma bstan pa'i chos bsgoms pa rnams/ phyi ma'i mthar gong nas gong du shin tu rgyas pa dang/ mchog tu rgyas par 'byung ba gang yin pa'o/ /bar du gcod pas ji lta bu zhe na/ gang mya ngan las 'das pa'i rgyud thag bsring ba'i phyir/ /nyon mongs pa gang yang rung ba'i rgyun rgyas par brtan par byed pa'o/ /yongs su 'dzin pas ji lta bu zhe na/ lus yongs su 'dzin pa'i phyir mi dge ba dang/ dge ba zag pa dang bcas pa'i chos rnams so/ /de ma thag pas ji lta bu zhe na/ rgyun mi 'chad par bar chad med pa dang/ mthun pa dang mi mthun pa las/ sems dang sems las byung ba'i de ma thag pa las kyang/ de ma thag pa'i rkyen du blta'o/ /dmigs pas ji lta bu zhe na/ yul yongs su chad pa'i dmigs pa dang/ yul yongs su ma chad pa'i dmigs pa dang/ yul la bkra bar 'dzin pa med pa'i dmigs

  146. 73b

    pa dang/ yul la bkra bar 'dzin pa'i dmigs pa dang/ dngos po dang bcas pa'i yul gyi dmigs pa dang/ dngos po med pa'i yul gyi dmigs pa dang/ dngos po'i dmigs pa dang/ kun brtag pa'i dmigs pa dang/ phyin ci log gi dmigs pa dang/ phyin ci log ma yin pa'i dmigs pa dang/ thogs pa dang bcas pa'i dmigs pa dang/ thogs pa med pa'i dmigs pas kyang/ dmigs pa'i rkyen du blta'o/ /bdag pos ji lta bu zhe na/ rten la dbang byed pa dang/ 'phen pa la dbang byed pa dang lhan cig 'byung ba la dbang byed pa dang/ skye bar dbang byed pa dang/ gnas par dbang byed dang/ 'bras bu la nye bar spyad par dbang byed pa dang/ 'jig rten pa'i rnam par dag pa la dbang byed pa dang/ 'jig rten las 'das pa'i rnam par dag pa la dbang byed pas kyang/ bdag po'i rkyen du blta'o/ /ji ltar na bsten pa mtshungs pa dang/ de dang mtshungs pa yin/ bsten pa mtshungs pa dang/ de dang mtshungs pa rnams ni du zhig /ci'i phyir bstan pa mtshungs pa dang/ de dang mtshungs par brtag ce na/ rnam par shes pa dang ma bral zhing/ de dang 'dra ba'i dbang po yul la rgyun du 'byung ba dang/ rnam par shes pa dang bral zhing rang dang 'dra brgyun tu 'byung bas kyang/ bstan pa mtshungs par dang de dang mtshungs par blta'o/ /gzugs kyi phung po'i phyogs gcig dang/ gzugs can gyi khams dang/ skye mched lnga'o/ /bdag rnam par shes pa dang ldan pa dang/ mi ldan par mngon par zhen pa spang pa'i phyir ro/ /ji ltar na zin pa yin/ zin pa rnams ni du zhig /ci'i phyir zin par brtag ce na/ /tshor ba 'byung ba'i rten gyi gzugs ni zin par blta'o/ /gzugs kyi phung po'i phyogs gcig dang/ khams dang/ skye ched gzugs can lnga dang/ gzhi'i phyogs gcig go /bdag lus la dbang sgyur bar zhen pa spangs pa'i phyir ro/ /ji ltar na dbang po yin/ dbang po rnams ni du zhig /ci'i phyir dbang por brtag

  147. 74a

    ce na/ yul 'dzin par dbang byed pa dang/ rigs kyi rgyud la dbang byed pa dang/ ris mthun par gnas par dbang byed pa dang/ dge ba dang mi dge ba'i 'bras bu la nye bar spyad par dbang byed pa dang/ 'jig rten gyi 'dod chags dang bral ba nyid la dbang byed pa dang/ 'jig rten las 'das pa'i 'dod chags dang bral ba nyid la dbang byed pas kyang dbang por blta'o/ /tshor ba'i phung po dang/ rnam par shes pa'i phung po dang/ gzugs dang/ 'du byed kyi phung po'i phyogs gcig dang/ khams bcu gnyis dang/ skye mched drug dang/ chos kyi khams dang/ skye mched kyi phyogs gcig go /bdag dbang byed par mngon par zhen pa spang ba'i phyir ro/ /ji ltar na sdug bsngal gyi sdug bsngal nyid yin/ sdug bsngal gyi sdug bsngal nyid rnams ni du zhig /ci'i phyir sdug bsngal gyi sdug bsngal nyid du brtag ce na/ sdug bsngal gyi tshor ba'i rang gi mtshan nyid dang/ sdug bsngal myong bar 'gyur ba'i chos kyi rang gi mtshan nyid kyis kyang/ sdug bsngal gyi sdug bsngal nyid du blta'o/ /thams cad kyi phyogs gcig go /bdag sdug bsngal bar mngon par zhen pa spang ba'i phyir ro/ /ji ltar na 'gyur ba'i sdug bsngal nyid yin/ 'gyur ba'i sdug bsngal nyid rnams ni du zhig /ci'i phyir 'gyur ba'i sdug bsngal nyid du brtag ce na/ bde ba'i tshor ba 'gyur ba rang gi mtshan nyid dang/ bde ba myong bar 'gyur ba'i chos 'gyur ba rang gi mtshan nyid dang/ de la yang rjes su chags pas sems 'gyur bas kyang sdug bsngal nyid du blta'o/ /thams cad kyi phyogs gcig go /bdag bde bar mngon par zhen pa spang ba'i phyir ro/ /ji ltar na 'du byed kyi sdug bsngal nyid yin/ 'du byed kyi sdug bsngal rnams ni du zhig /ci'i phyir 'du byed kyi sdug bsngal tu brtag ce na/ sdug bsngal yang ma yin/ bde ba yang ma yin pa'i tshor ba'i rang gi mtshan nyid dang/ sdug bsngal yang ma yin bde ba yang ma yin

  148. 74b

    ba myong bar 'gyur ba'i chos kyi rang gi mtshan nyid dang/ de gnyi ga'i gnas ngan len du yongs su 'dzin pa dang/ gnyi ga las ma thar ba mi rtog pa nyid kyis rjes su bcings pas grub pa dang/ bde ba yang ma yin pas kyang 'du byed kyi sdug bsngal nyid du blta'o// phung po rnams dang/ khams gsum dang/ skye mched gnyis kyi phyogs gcig ma gtogs par thams cad do/ /bdag sdug bsngal yang ma yin/ bde ba yang ma yin par mngon par zhen pa spang ba'i phyir ro/ /ji ltar na rnam par smin pa dang bcas pa yin/ rnam par smin pa dang bcas pa rnams ni du zhig /ci'i phyir rnam par smin pa dang bcas par brtag ce na/ mi dge ba dang/ dge ba zag pa dang bcas pa ni rnam par smin pa dang bcas par blta'o/ /phung po rnams dang/ khams bcu dang/ skye mched bzhi'i phyogs gcig go /bdag phung po 'jog par byed pa dang nying mtshams sbyor bar byed par mngon par zhen pa spang ba'i phyir ro/ /rnam par smin pa ni kun gzhi rnam par shes pa mtshungs par ldan pa dang bcas par blta'o/ /de las gzhan pa dag ni rnam par smin pa las byung pa'o/ /ji ltar na zas yin/ zas rnams ni du zhig /ci'i phyir zas su brtag ce na/ 'ju bas kyang 'ju ba las gyur pa dang/ yul gyis kyang yul las gyur pa dang/ re bas kyang re ba las gyur pa dang/ len pas kyang len pa las gyur pa nyid kyi zas su blta'o/ /phung po gsum dang/ khams bcu gcig dang/ skye mched lnga'i phyogs gcig go /bdag zas kyis gnas par mngon par zhen pa spang ba'i phyir ro/ /yang zas ni ma dag pa'i lus gnas par byed pa dang/ dag pa dang ma dag pa'i lus gnas par byed pa dang/ dag pa'i lus gnas par byed pa dang/ gnas par kun tu sbyor bar yang blta'o/ /ji ltar na gong ma dang bcas pa yin/ gong ma dang bcas pa rnams ni du zhig /ci'i phyir gong ma dang bcas par brtag ce na/ 'dus byas dang 'dus ma byas

  149. 75a

    kyi phyogs gcig gis kyang/ gong ma dang bcas par blta'o/ /chos kyi khams dang/ skye mched kyi phyogs gcig ma gtogs par thams cad do/ /bdag rdzas ngan par mngon par zhen pa spang ba'i phyir ro/ /ji ltar na gong na med pa yin/ gong na med pa rnams ni du zhig /ci'i phyir gong na med par brtag ce na/ 'dus ma byas kyi phyogs gcig ni gong na med par blta'o/ chos kyi khams dang/ skye mched kyi phyogs gcig go /bdag rdzas kyi mchog tu mngon par zhen pa spang ba'i phyir ro/ /de ltar na tshul 'dis rab tu dbye ba'i tshul tshad med do/ /yang mdor bsdu na phung po dang/ khams dang/ skye mched rnams kyi rab tu dbye ba ni rnam pa gsum ste/ kun brtags pa'i mtshan nyid kyis rab tu dbye ba dang/ rnam par brtag pa'i mtshan nyid kyis rab tu dbye ba dang chos kyi mtshan nyid kyis rab tu dbye ba'o/ /de la kun tu brtags pa'i mtshan nyid kyis rab tu dbye ba gang zhe na/ phung po dang/ khams dang/ skye mched rnams la bdag ce 'am/ sems can dang/ srog dang/ skye ba po dang/ gso ba dang/ gang zag dang/ shed las skyes dang/ shed bu zhes gang kun tu rtog pa'o/ /rnam par brtags pa'i mtshan nyid kyis rab tu dbye ba gang zhe na/ phung po dang/ khams dang/ skye mched de dag nyid do/ /chos nyid kyi mtshan nyid kyis rab tu dbye ba gang zhe na/ phung po dang/ khams dang/ skye mched de dag nyid la bdag med cing/ sems cang/ srog dang/ skye ba po dang/ gso ba dang/ gang zag dang/ shed las skyes dang/ shed bu med la/ bdag med pa ni yod pa nyid do/ /yang rab tu dbye ba rnam pa bzhi ste/ mtshan nyid kyi rab tu dbye ba dang/ rnam pas rab tu dbye ba dang/ lus kyi rab tu dbye ba dang/ rgyun gyis rab tu dbye ba'o/ mtshan nyid kyis rab tu dbye ba gang zhe na/ phung po dang/ khams dang/ skye mched rnams so so'i rang gi mtshan nyid kyis rab

  150. 75b

    tu dbye ba'o/ /rnam pas rab tu dbye ba gang zhe na/ phung po dang/ khams dang/ skye mched de dag nyid kyi rdzas su yod pa dang/ btags pa'i yod pa dang/ kun rdzob tu yod pa dang/ don dam par yod pa dang/ gzugs can dang/ gzugs can ma yin pa dang/ bstan du yod pa dang/ bstan du med pa dang/ de la sogs pa ji skad bstan pa rnams so/ /lus kyis rab tu dbye ba gang zhe na/ sems can rnams kyi lus ji snyed par/ phung po dang/ khams dang/ skye mched rnams kyang de snyed do// rgyun gyis rab tu dbye ba gang zhe na/ phung po dang/ khams dang/ skye mched rnams kyi skad cig re rer 'byung ba'o/ /mtshan nyid kyis rab tu dbye ba la mkhas pas ci zhig yongs su shes zhe na/ bdag la mngon par zhen pa yongs su shes so/ /rnam pas rab tu dbye ba la mkhas pas ci zhig yongs su shes she na/ ril po'i 'du shes yongs su shes so/ /lus kyis rab tu dbye ba la mkhas pa ci zhig yongs su shes she na/ ma byas pa dang phrad pa dang/ byas pa chud mi za ba'i 'du shes yongs su shes so/ /rgyun gyis rab tu dbye ba la mkhas pas ci zhig yongs su shes she na/ bstan pa'i 'du shes yongs su shes so/ /yang phung po dang/ khams dang/ skye mched 'di dag nyid kyis rab tu dbye ba rnam pa drug ste/ phyi rol tu bltas bas rab tu dbye ba dang/ nang du bltas pas rab tu dbye ba dang/ rgyun ring ba'i dus kyis rab tu dbye ba dang/ dus yongs su chad pas rab tu dbye ba dang/ de'i dus kyis rab tu dbye ba dang/ kun tu bstan pas rab tu dbye ba'o/ /phyi rol tu bltas pas rab tu dbye ba gang zhe na/ phal cher 'dod pa'i khams na spyod pas rab tu dbye ba'o/ /nang du bltas bas rab tu dbye ba gang zhe na/ mnyam par bzhag pa'i sa pa thams cad do/ /rgyun ring ba'i dus kyis rab tu dbye ba gang zhe na

  151. 76a

    so so'i skye bo rnams kyi'o/ /dus yongs su chad pas rab tu dbye ba gang zhe na/ slob pa dang mi slob pa'i tha ma'i phung po dang/ khams dang/ skye mched rnams ma gtogs pa'o/ /de'i dus kyis rab tu dbye ba gang zhe na/ mi slob pa rnams kyi tha ma'i phung po dang/ khams dang/ skye mched rnams so/ /kun tu ston pas rab tu dbye ba gang zhe na/ gang sangs rgyas rnams dang/ byang chub sems dpa' dam pa'i pha rol tu song ba rnams phung po dang/ khams dang/ skye mched dag kun tu ston pa'o// bsdus pa gang zhe na/ rnam pa bcu gcig tu blta ste/ mtshan nyid kyis bsdus pa dang/ khams kyis bsdus pa dang/ rigs kyis bsdus pa dang/ gnas skabs kyis bsdus pa dang/ grogs kyis bsdus pa dang/ phyogs kyis bsdus pa dang/ dus kyis bsdus pa dang/ phyogs gcig gis bsdus pa dang/ mdza' dag gis bsdus pa dang/ gcig gis gcig bsdus pa dang/ don dam pas bsdus pa'o/ /mtshan nyid kyis bsdus pa gang zhe na/ phung po dang/ khams dang/ skye mched rnams kyi so so rang gi mtshan nyid gang yin pa de nyid kyis de dag bsdus par blta'o/ /khams kyis bsdus par gang zhe na/ phung po dang/ khams dang/ skye mched rnams kyis sa bon kun gzhi rnam par shes pa gang yin pa de dag gi khams bsdus pa'o// rigs kyis bsdus pa gang zhe na/ phung po dang/ khams dang/ skye mched rnams mtshan nyid tha dad kyang phung po'i don brtsan par byas shing/ khams dang/ skye mched kyi don brtsan par byas nas/ thams cad phan tshun gyis bsdus pa dag go /gnas skabs kyis bsdus pa gang zhe na/ bde ba'i gnas skabs kyi phung po dang/ khams dang/ skye mched rnams ni de dag nyid kyis bsdus pa'o/ /de bzhin du sdug bsngal gyi gnas skabs dang/ sdug bsngal yang ma yin/ bde ba yang ma yin pa'i gnas skabs kyis bsdus pa'o/ grogs

  152. 76b

    kyis bsdus pa gang zhe na/ gzugs kyi phung po 'khor dang bcas pa ni/ /de las gzhan pa'i phung po grogs su gyur pa rnams kyis/ grogs kyis bsdus pas bsdus pa'o/ /de bzhin du de las gzhan pa'i phung po dang/ khams dang/ skye mched rnams la yang rig par bya'o// phyogs kyis bsdus pa gang zhe na/ shar phyogs kyi phung po dang khams dang/ skye mched de rnams gang yin pa de dag nyid kyis bsdus pa'o/ /de bzhin du de las gzhan pa'i phyogs rnams la yang rig par bya'o/ /dus kyis bsdus pa gang zhe na/ 'das pa'i phung po dang khams dang/ skye mched rnams ni de nyid kyis bsdus pa'o/ /de bzhin du ma 'ongs pa dang/ da ltar byung ba rnams kyang/ de dag nyid kyis bsdus pa'o/ /phyogs cig gis bsdus pa gang zhe na/ phung po dang/ khams dang/ skye mched rnams kyis bsdus pa'i chos ji snyed pa de dag gang yang rung bas bsdus pa ni/ phyogs gcig gis bsdus par rig par bya'o/ /mdza' dag gis bsdus pa gang zhe na/ phung po dang/ khams dang/ skye mched rnams kyis bsdus pa'i chos ji snyed pa de dag thams cad ma lus pas bsdus pa ni/ mdza' dag gis bsdus par rig par bya'o/ /gcig gis gcig bsdus pa gang zhe na/ gzugs kyi phung po khams du dang/ skye mched du dag gis bsdus she na/ khams bcu dang/ skye mched bcu dang/ khams dang/ skye mched gcig gis phyogs gcig gis bsdus so/ /tshor ba'i phung po khams du dang/ skye mched du dag gis bsdus she na/ khams dang skye mched gcig gi phyogs gcig gis bsdus so/ /tshor ba'i phung po ji lta bar 'du shes kyi phung po dang/ 'du byed kyi phung po yang de bzhin no/ /rnam par shes pa'i phung po khams dang skye mched du dag gis bsdus she na/ khams bdun dang/ skye mched gcig gis bsdus pa'o/ /mig gis khams phung po du dang/ skye mched du dag gis bsdus she na/ gzugs kyi phung po'i phyogs gcig

  153. 77a

    dang/ skye mched gcig gis so/ /mig gi khams ji lta bar rna ba'i khams dang/ sna'i khams dang/ lce'i khams dang/ lus kyi khams kyang de bzhin no/ /gzugs kyi khams phung po du dang/ skye mched du de dag gis bsdus she na/ gzugs kyi phung po'i phyogs gcig dang/ skye mched gcig gis so/ /gzugs kyi khams ji lta bur sgra'i khams dang/ dri'i khams dang/ ro'i khams dang/ reg bya'i khams kyang de bzhin no/ /mig gi rnam par shes pa'i khams phung po du dang/ skye mched du dag gis bsdus she na/ rnam par shes pa'i phung po dang/ yid kyi skye mched kyi phyogs gcig gis so/ /mig gi rnam par shes pa'i khams ji lta bar rna ba dang/ sna dang/ lce dang/ lus dang/ yid kyi rnam par shes pa'i khams kyang de bzhin no/ chos kyi khams phung po du dang/ skye mched du dag gis bsdus she na/ phung po gsum dang/ skye mched gcig gis bsdus pa'o/ /mig gi skye mched phung po du dang/ khams du dag gis bsdus she na/ gzugs kyi phung po'i phyogs gcig dang/ khams gcig gis bsdus so/ /mig gi skye mched ji lta bar/ rna ba dang/ sna dang/ lce dang/ lus kyi skye mched rnams dang/ gzugs dang/ sgra dang/ dri dang/ ro dang/ reg bya'i skye mched rnams kyang de bzhin no/ /yid kyi skye mched phung po du dang/ khams du dag gis bsdus she na/ phung po gcig dang/ khams bdun gyis so/ /chos kyi skye mched phung po du dang/ khams du dag gis bsdus she na/ phung po gsum dang/ gcig gi phyogs gcig dang/ khams gcig gis bsdus so// de bzhin du de las gzhan pa'i phung po bstan par/ khams dang/ skye mched bstan pa gang yin pa dag dang/ gang dag de bzhin du ma bstan pa de 'di lta ste/ rdzas su yod pa dang/ btags par yod pa dang/ kun rdzob tu yod pa dang/ don dam par yod pa dang

  154. 77b

    shes par bya ba dang/ rnam par shes par bya ba dang/ mngon par shes par bya ba dang/ gzugs can dang/ gzugs can ma yin pa dang/ bstan du yod pa dang/ bstan du med pa la sogs pa de dag kyang/ phung po dang/ khams dang/ skye mched rnams kyis bsdus par ji ltar mthun mthun du rig par bya ste/ de ni sngar bstan pa nyid do/ /don dam pa bsdus pa gang zhe na/ gang phung po dang/ khams dang/ skye mched rnams kyi de bzhin nyid do/ /de ltar bsdus pa la mkhas pas phan yon ci zhig 'thob ce na/ dmigs pa la mngon par bsdus pa'i phan yon 'thob ste/ ji lta ji ltar dmigs pa mngon par sdud pa de lta de ltar dge ba'i rtsa ba mngon par 'phel lo/ /mtshungs par ldan pa gang zhe na/ rnam pa drug blta ste/ tha dad pa med pas mtshungs par ldan pa dang/ 'dres par gyur pas mtshungs par ldan pa dang/ phrad par mtshungs pa dang ldan pa dang/ lhan cig 'byung bas mtshungs par ldan pa dang/ bya ba sgrub pas mtshungs par ldan pa dang/ mthun par rtogs pas mtshungs par ldan pa'o/ /tha dad pa med pas mtshungs par ldan pa gang zhe na/ /rdul phra rab kyi phyogs la phyogs can thams cad tha dad pa med pa'o/ /'dres par gyur pas mtshungs par ldan pa gang zhe na/ rdul phra rab las gong ma phyogs can rnams 'dres par 'gyur ba'o/ /phrad pas mtshungs par ldan pa gang zhe na/ phyogs can 'dus pa rnams nyid phan tshun phrad pa'o/ /lhan cig 'byung bas mtshungs par ldan pa gang zhe na/ phung po dang/ khams dang/ skye mched gang yin pa dag lhan cig 'byung bas 'khod pa ste/ skye ba gcig pa dang/ gnas pa'i dang gcig pa dang/ 'gag pa gcig pa rnams so/ /bya ba sgrub pa'i mtshungs par ldan pa gang zhe na/ 'di lta ste/ dge slong gnyis rtsod pa gang yang rung pa la phan tshun mtshungs par zhugs pa lta bu'o/ /mthun par rtogs pas mtshungs par ldan pa gang zhen

  155. 78a

    sems dang sems las byung ba'i chos rnams/ dmigs pa gcig mthun par rtogs pa'o/ /mthun par rtogs pas mtshungs par ldan pa /de yang gzhan gyi dngos po dang yin gyi/ bdag gi dngos pos ma yin no/ / mthun pa gnyis yin gyi/ mi mthun pa gnyis ni ma yin no/ /dus 'dra ba gnyis yin gyi dus mi 'dra ba gnyis ni ma yin no/ /mthun pa'i khams dang sa pa gnyis yin gyis/ mi mthun pa'i khams dang sa pa gnyis ni ma yin no/ /mtshungs par ldan pa kun tu 'gro ba ni 'di lta ste/ tshor ba dang/ 'du shes dang/ sems pa dang/ reg pa dang/ yid la byed pa dang/ rnam par shes pa rnams so/ /yang mtshungs par ldan pa kun tu 'gro ba nyon mongs pa bzhi po rnams so/ /res 'ga' mtshungs par ldan pa rnams ni/ 'di lta ste/ sems la dad pa la sogs pa dge ba rnams dang/ 'dod chags la sogs pa nyon mongs pa dang/ nye ba'i nyon mongs pa rnams so/ /gnas skabs las gyur pa'i mtshungs par ldan pa ni/ bde ba'i tshor ba mtshungs par ldan pa dang bcas pa'o/ /sdug bsngal dang sdug bsngal yang ma yin/ bde ba yang ma yin pa'i yang de bzhin no/ /rgyun mi 'chad par mtshungs par ldan pa ni/ lus dang sems dang bcas pa'i dus na'o/ /rgyun chad pa'i mtshungs pa ni/ sems med pa'i snyoms par 'jug pas bar du chod pa'o/ /phyi rol tu bltas pa'i mtshungs par ldan pa ni/ 'dod pa'i khams dang mtshungs par ldan pa'i sems dang sems las byung ba rnams las phel cher ro/ /nang du bltas pa'i mtshungs par ldan pa ni/ mnyam par bzhag pa'i sa pa rnams kyi sems dang sems las byung ba rnams so/ /'dris pa'i mtshungs par ldan pa ni so so'i skye'o rnams kyi sems dang sems las byung ba rnams dang/ slob pa dang mi slob pa de dag las

  156. 78b

    kyang kha cig gi'o/ /ma 'dris pa'i mtshungs par ldan pa ni 'jig rten las 'das pa rnams kyi sems dang sems las byung ba rnams kyi dang po dang de'i 'og ma rnams dang/ 'jig rten las 'das pa'i rjes las thob pa rnams kyi'o/ /mtshungs par ldan pa la mkhas pas phan yon ci zhig thob ce na/ sems tsam la tshor ba la sogs pa dang/ kun nas nyon mongs pa dang/ rnam par byad ba'i chos rnams kyi mtshungs par ldan pa dang/ ldan pa ma yin par shes so/ /de shes nas bdag tshor bar byed do/ /'du shes su byed do/ /sems par byed do/ /dran par byed do/ /kun nas nyon mongs so/ /rnam par byad do/ /zhes mngon par zhen pa spong zhing bdag med pa la 'jug go /ldan pa gang zhe na/ mtshan nyid kyis ni snga ma bzhin no/ /rab tu dbye ba ni sa bon dang ldan pa dang/ dbang dang ldan pa dang/ kun tu 'byung ba dang ldan pa'o/ /sa bon dang ldan pa gang zhe na/ 'dod pa'i khams su skye bar gyur pa ni 'dod pa'i khams dang rab tu ldan pa'i nyon mongs pa dang/ nye ba'i nyon mongs pa rnams dang/ gzugs dang gzugs med pa dang/ rab tu ldan pa'i nyon mongs pa dang/ nye ba'i nyon mongs pa rnams dang/ skye bas thob pa'i dge ba rnams dang ni/ sa bon dang ldan pas ldan pa'o/ /gzugs kyi khams su skyes par gyur pa ni/ 'dod pa dang rab tu ldan pa'i nyon mongs pa dang nye ba'i nyon mongs pa rnams dang/ sa bon dang ldan pas ldan pa dang/ ldan pas ma yin pa zhes kyang bya'o/ /gzugs dang rab tu ldan pa dang/ gzugs med pa dang rab tu ldan pa'i nyon mongs pa dang/ nye ba'i nyon mongs pa rnams dang/ skye bas thob pa'i dge ba rnams ni/ sa bon dang ldan pas ldan pa'o/ /gzugs med par skyes par gyur pa ni/ 'dod pa dang rab tu ldan pa dang/ gzugs dang rab tu ldan pa'i nyon mongs pa dang/ nye ba'i nyon mongs pa rnams dang ni sa bon dang ldan pas ldan pa dang ldan pa ma yin

  157. 79a

    pa zhes kyang bya'o/ /gzugs med pa dang ldan pa'i nyon mongs pa dang/ nye ba'i nyon mongs pa rnams dang/ skye bas thob pa'i dge ba rnams ni/ sa bon dang ldan pas ldan pa'o/ /khams gsum pa'i gnyen po thob pa ni rnam pa gang dang gang gis gnyen po byung ba de dang de'i sa bon dang mi ldan pas ldan pa ma yin gyi /gang gi gnyen po ma byung ba de'i sa bon dang ldan pas ldan pa'o/ /dbang dang ldan pa gang zhe na/ sbyor ba las byung ba'i dge ba'i chos 'jig rten pa rnams dang/ 'jig rten las 'das pa'i bsam gtan dang/ rnam par thar pa dang/ ting nge 'dzin dang/ snyoms par 'jug par la sogs pa dang/ de dag las gzhan lung du ma bstan pa kha cig ni dbang dang ldan pas ldan pa'o/ /kun tu 'byung ba dang ldan pa gang zhe na/ phung po dang/ khams dang/ skye mched rnams las dge ba 'am/ mi dge ba 'am/ lung du ma bstan pa 'am/ lung du ma bstan pa yang rung/ chos gang dang gang mngon du gyur pa de dang de'i kun tu 'byung ba dang ldan pas ldan pa'o/ /dge ba'i rtsa ba chad pa na dge ba'i chos rnams kyis sa bon dang ldan pas ldan pa dang/ ldan pa ma yin pa zhes kyang bya'o/ /kun nas nyon mongs pa dang gtan du ldan pa ni yongs su mya ngan las mi 'da' ba' i chos can gyi 'dod chen pa rnams kyi yin par blta ste/ de dag la thar pa'i rgyu med pa'i phyir gtan du ste/ rgyu dang mi ldan pa'o/ /ldan pa la mkhas pas phan yon ci zhig 'thob ce na/ chos rnams kyi 'phel ba dang 'grib pa shes par 'gyur ro/ /de ltar 'phel ba dang 'grib pa shes na/ 'jig rten pa'i phun sum tshogs pa 'am/ rgyud pa gang la yang gcig tu nges par 'du shes par mi 'gyur gyi/ /'di lta ste/ rjas su chags pa dang/ khong khro ba spong bar 'gyur ro/ /chos mngon par kun las btus pa las/ mtshan nyid kun las btus pa zhes bya ste/ kun las btus pa dang /

  158. 79b

    po'o// //bam po gsum pa/ rnam par nges pa gang zhe na/ bden pa rnam par nges pa dang/ chos rnam par nges pa dang/ 'thob pa rnam par nges pa dang/ 'bel ba'i gtam rnam par nges pa'o/ /bden pa rnam par nges gang zhe na/ 'phags pa'i bden pa bzhi pa dag ste/ sdug bsngal dang kun 'byung ba dang/ 'gog pa dang/ lam mo/ /sdug bsngal gyi bden pa gang zhe na/ de ni sems can skye ba dang/ skye ba'i gnas kyis kyang rig par bya'o/ /sems can skye ba gang zhe na/ sems can dmyal ba rnams dang/ dud 'gro rnams dang/ yi dags rnams dang/ mi dang/ shar gyi lus 'phags dang/ nub kyi ba lang spyod dang/ 'dzam bu gling dang/ byang gi sgra mi snyan dang/ rgyal chen bzhi'i ris kyi lha dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed dang/ tshangs ris dang/ tshangs pa'i 'dun na 'don dang/ tshangs chen dang/ 'od chung dang/ tshad med 'od dang/ 'od gsal dang/ dge chung dang/ tshad med dge dang/ dge rgyas dang/ sprin med dang/ bsod nams skyes dang/ 'bras bu che dang/ 'du shes med pa'i sems can dang/ mi che ba dang/ mi gdung ba dang/ shin tu mthong ba dang/ gya nom snang ba dang/ 'og min dang/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched sems can rnams su sems can skye'o/ /skye ba'i gnas gang zhe na/ snod kyi 'jig rten te/ rlung gi dkyil 'khor la ni/ chu'i dkyil 'khor rten to/ /chu'i dkyil 'khor la ni sa'i dkyil 'khor ro/ /sa'i dkyil 'khor la ni ri rab dang/ gser gyi ri bdun dang/ gling bzhi dang/ bar gyi gling brgyad dang/ nang gi rgya mtsho dang/ phyi'i rgya mtsho bzhi dang/ ri rab kyi bang rim dang/ rgyal chen bzhi'i ris dang/ sum cu rtsa gsum gyi gnas gzhan rnams dang/ 'khor

  159. 80a

    yug gi ri dang/ nam mkha' la gzhal med khang rnams dang/ 'thab bral dang/ dga' ldan dang/ 'phrul dga' dang/ gzhan 'phrul dbang byed kyi lha rnams dang/ gzugs na spyod pa rnams dang/ lha ma yin rnams kyi gnas gzhan dag dang/ sems can dmyal ba rnams kyi gnas gzhan dag dang/ tsha ba'i sems can dmyal ba rnams dang/ grang ba'i sems can dmyal pa rnams dang/ nyi tshe ba'i sems can dmyal ba rnams/ dud 'gro dang yi dags kha cig gi gnas gzhan rnams dang/ nyi ma rnam par snang byed kun tu rgyu zhing phyogs snang bar byed pa/ ji snyed pa de snyed kyi steng gi 'jig rten na zla ba stong dang/ nyi ma stong dang/ ri'i rgyal po ri rab stong dang/ shar gyi lus 'phags stong dang/ lho'i dzam+bu'i gling stong dang/ nub kyi ba lang spyod stong dang/ byang gi sgra mi snyan stong dang/ rgyal chen bzhi'i ris kyi lha dang/ sum cu rtsa gsum dang/ 'thab bral dang/ dga' ldan dang/ 'phrul dga' dang/ gzhan 'brul dbang byed kyi lha rnams kyi gnas gzhan stong dang/ tshangs pa'i 'jig rten gyi gnas gzhan stong po 'di ni/ stong spyi phud kyi 'jig rten gyi khams zhes bya'o/ /stong spyi phud kyi 'jig rten gyi khams stong gang yin pa 'di ni/ stong gnyis pa bar ma'i 'jig rten gyi khams zhes bya'o/ /stong gnyis pa bar ma'i 'jig rten gyi khams stong gang yin pa 'di ni/ stong gsum gyi stong chen po'i 'jig rten gyi khams zhes bya'o/ /stong gsum gyi stong chen po'i 'jig rten gyi khams ni/ khor yug chen pos kun du bskor to/ /stong gsum gyi stong chen po'i 'jig rten gyi khams 'di ni mnyam du 'jig cing 'chags so /'di lta ste/ dper na/ char gyi rgyun gnya' shing tsam 'bab pa na/ bar snang la char gyi rgyun 'bab pa rnams kyi bar dang/ mtshams med pa de bzhin du shar phyogs kyi 'jig rten gyi khams 'jig pa dang/ 'chags pa

  160. 80b

    rnams kyi bar dang/ mtshams med de/ gzhan dag ni 'jig go /gzhan dag ni zhig par 'dug go /gzhan dag ni 'chags so/ /gzhan dag ni 'chags nas 'dug go /shar phyogs ji lta bar phyogs bcu thams cad du yang de bzhin no/ /sems can gyi 'jig rten gang yin pa dang/ snod kyi 'jig rten gang yin pa las dang nyon mongs pas bskyed pa/ las dang nyon mongs pa'i dbang gis byung ba 'di mdza' dag ni sdug bsngal gyi bden pa'o/ /yongs su dag pa'i 'jig rten gyi khams de dag ni/ sdug bsngal gyi bden pa ma yin par blta ste/ de dag las dang nyon mongs pas bskyed pa ma yin/ las dang nyon mongs pa'i dbang gis byung ba ma yin te/ smon lam dang dge ba'i rtsa ba'i dbang gis byung ba dag go /de lta bas na sangs rgyas rnams kyi sangs rgyas kyi yul yin pa'i phyir/ /skye ba'i gnas de dag ni bsam gyis mi khyab ste/ de dag ni bsam gtan pa rnams kyi bsam gtan pa'i yul yang ma yin na/ rtog ge pa rnams kyi yul ma yin pa lta smos kyang ci dgos/ yang skye ba ni sdug bsngal lo/ /rga ba ni sdug bsngal lo/ /na ba ni sdug bsngal lo/ /'chi ba ni sdug bsngal lo/ /mi sdug pa dang phrad pa ni sdug bsngal lo/ /sdug pa dang bral ba ni sdug bsngal lo/ /gang 'dod pa btsal te ma rnyed pa de yang sdug bsngal lo/ /mdor na nye bar len pa'i phung po lnga ni sdug bsngal lo/ /ci'i phyir skye ba sdug bsngal zhe na/ dog pa'i sdug bsngal nyid dang/ de las gzhan pa'i sdug bsngal gyi gnas yin pa'i phyir ro/ /ci'i phyir rga ba sdug bsngal zhe na/ na chad gyur pa sdug bsngal nyid kyi phyir ro/ ci'i phyir na ba sdug bsngal zhe na/ khams gyur pa sdug bsngal nyid kyi phyir ro/ /ci'i phyir 'chi ba sdug bsngal zhe na/ srog gyur pa sdug bsngal nyid kyi phyir ro/ /ci'i phyir mi sdug pa dang/ phrad pa sdug bsngal zhe na/ phrad pa

  161. 81a

    sdug bsngal nyid kyi phyir ro/ /ci'i phyir sdug pa dang bral ba sdug bsngal zhe na/ bral bsdug bsngal nyid kyi phyir ro/ /ci'i phyir gang 'dod pa btsal te mi rnyed pa de yang sdug bsngal zhe na/ re ba 'bras bu med pa sdug bsngal nyid kyi phyir ro/ / ci'i phyir mdor na nye bar len pa'i phung po lnga sdug bsngal zhe na/ gnas ngan len sdug bsngal nyid kyi phyir ro/ /de dag brgyad yin yang drug tu 'gyur ro/ /dug yin yang brgyad du 'gyur te/ dog pa'i sdug bsngal dang/ 'gyur ba'i sdug bsngal dang/ phrad? pa'i sdug bsngal dang/ bral ba'i sdug bsngal dang/ re ba 'bras bu med pa'i sdug bsngal dang/ gnas ngan len gyi sdug bsngal la/ /gang sdug bsngal nyid gsum gsungs na/ ci sdug bsngal nyid gsum po de dag gis sdug bsngal rnam pa brgyad bsdus sam/ sdug bsngal rnam pa brgyad kyis sdug bsngal nyid rnam pa gsum bsdus she na/ gcig gis gcig bsdus so/ /skye ba'i sdug bsngal dang/ rga ba'i sdug bsngal dang/ na ba'i sdug bsngal dang/ 'chi ba'i sdug bsngal dang/ mi sdug pa dang phrad pa'i sdug bsngal zhes gang gsungs pa 'dis ni/ sdug bsngal gyi sdug bsngal nyid yongs su bstan to/ /sdug pa dang bral ba'i sdug bsngal dang/ gang 'dod pa btsal te ma rnyed pa de yang sdug bsngal zhes gang gsungs pa 'dis ni 'gyur ba'i sdug bsngal nyid yongs su bstan to/ /mdor na nye bar len pa'i phung po lnga sdug bsngal lo/ /zhes gang gsungs pa 'dis ni/ 'du byed kyi sdug bsngal yongs su bstan to/ /kun rdzob kyi bden par sdug bsngal ba dang/ don dam pa'i bden par sdug bsngal ba zhes gang gsungs pa la/ kun rdzob kyi bden par sdug bsngal ba ni/ gang yin/ don dam pa'i bden par sdug bsngal ba ni gang zhe na/ skye ba'i sdug bsngal nas/ 'dod pa btsal te ma rnyed pa de yang sdug bsngal zhes bya ba'i bar ni/ kun rdzob kyi bden par

  162. 81b

    sdug bsngal ba'o/ /mdor na nye bar len pa'i phung po lnga sdug bsngal lo zhes gang gsungs pa ni/ don dam pa'i bden par sdug bsngal ba'o/ /sdug bsngal spyi'i mtshan nyid gang zhe na/ mi rtag pa'i mtshan nyid dang/ sdug bsngal ba'i mtshan nyid dang/ stong pa'i mtshan nyid dang/ bdag med pa'i mtshan nyid do/ /mi rtag pa'i mtshan nyid gang zhe na/ gang med pa'i mtshan nyid dang/ rnam par 'jig pa'i mtshan nyid dang/ 'gyur ba'i mtshan nyid dang/ 'bral ba'i mtshan nyid dang/ nye ba'i mtshan nyid dang/ chos nyid kyi mtshan nyid dang/ skad cig gi mtshan nyid dang/ rgyun gyi mtshan nyid dang/ nad la sogs pa'i mtshan nyid dang/ sems sna tshogs kyi rnam par 'gyur ba'i mtshan nyid dang/ longs spyod phun sum tshogs pa rgud pa'i mtshan nyid dang/ snor 'jig pa dang/ 'chags pa'i mtshan nyid do/ /med pa'i mtshan nyid gang zhe na/ gang phung po dang/ khams dang/ skye mched rnams la bdag dang bdag gi dus rtag tu med pa'o/ /rnam par 'jig pa'i mtshan nyid gang zhe na/ gang 'du byed skyes pa rnams kyi rnam par 'jig pa'o/ /'gyur ba'i mtshan nyid gang zhe na/ gang 'du byed rnams gzhan dang gzhan du 'byung ba'o/ /'bral ba'i mtshan nyid gang zhe na/ gang 'du byed rnams la dbang byed pa nyams pa dang/ gzhan dag gis bdag gir byas pa'o/ /nye ba'i mtshan nyid gang zhe na/ mi rtag pa nyid kyis non pa'o/ /chos nyid kyi mtshan nyid gang zhe na/ mi rtag pa nyid 'byung ba rgyus 'brel ba'o/ /skad cig ma'i mtshan nyid gang zhe na/ 'du byed rnams skad cig ma las phan chad ni gnas pa'o/ /rgyun gyi mtshan nyid gang zhe na/ thog ma med pa'i dus kyi 'du byed rnams kyi skye ba'i rgyun mi 'chad pa'o/ /nad la sogs pa'i mtshan nyid gang zhe na/ khams dang/ na mtshod dang/ sogs? rnams 'gyur ba'o/ /sems sna tshogs kyi rnam

  163. 82a

    bar 'gyur ba'i mtshan nyid gang zhe na/ res 'ga' ni 'dod chags dang bcas pa'i sems dang/ res 'ga' ni 'dod chags dang bral ba dang/ de bzhin du zhe sdang dang bcas pa dang/ zhe sdang dang bral ba dang/ gti mug dang bcas pa dang/ gti mug dang bral ba dang/ bsdus pa dang/ g.yengs pa dang/ bying ba dang/ rab tu bzung ba dang/ rgod pa dang/ mi rgod pa dang/ nye bar zhi ba dang/ nye bar ma zhi ba dang/ mnyam par bzhag pa dang/ mnyam par ma bzhag pa la sogs pa'i rnam par sems kyi 'byung ba gang yin pa'o/ /longs spyod 'byor pa rgud pa'i mtshan nyid gang zhe na/ 'byor pa thams cad kyi mdza' ni rgud pa'o/ /snod 'jig pa dang/ 'chags pa'i mtshan nyid gang zhe na/ 'jig par byed pa gsum ste/ me dang chu dang rlung ngo/ /'jig pa na bsdus pa gsum ste/ bsam gtan gnyis pa dang/ gsum pa dang/ bzhi pa'o/ /bsam gtan bzhi pa la ni/ gzhal med khang rnams dang lhan cig 'byung ba dang/ lhan cig 'gags pas 'jig cing 'chags so/ / bskal ba bar ma gsum ste/ mu ge'i bskal pa bar ma dang/ nad kyi bskal pa bar ma dang/ mtshon gyi bskal pa bar ma ste/ de dag gi bskal pa tshar phyin par 'gyur ro/ /mar 'bri ba'i bskal pa gcig dang/ yar 'phel ba dang/ mar 'bri ba bco brgyad dang/ yar skye ba gcig ste/ bar gyi bskal pa nyi shur 'jig rten 'jig go /bar gyi bskal pa nyi shur 'jig rten zhig par 'dug go /bar gyi bskal pa nyi shur 'jig rten 'chags so/ /bar gyi bskal pa nyi shur 'jig rten chags nas 'dug go /de dag ni bar gyi bskal pa brgyad cu ste/ de ni bskal pa chen po'o/ /bskal pa bgrang ba'i tshul des/ gzugs na spyod pa rnams dang/ gzugs med pa na spyod pa'i lha'i tshe tshad do/ /sems can de dag gi tshe zad cing/ bsod

  164. 82b

    nams zad pa las kyang zad nas gnas de nas 'chi 'pho bar 'gyur ro/ /tshe zad pas ji lta bu zhe na/ 'chi ba'i dus la bab pa'o/ /bsod nams zad pas ji lta bu zhe na/ dus ma yin par 'chi ba ste/ 'di lta ste/ sems can de dag snyoms par 'jug pa'i ro myangs pas bsod nams zad par 'gyur te/ des na dus la ma bab kyang 'chi'o/ /las zad pa ji lta bu zhe na/ der skyes nas myong bar 'gyur ba dang/ lan grangs gzhan la myong bar 'gyur ba'i las yongs su gtugs pa'o/ /sdug bsngal gyi mtshan nyid gang zhe na/ sdug bsngal nyid gsum dang/ sdug bsngal rnam pa brgyad ni sdug bsngal zhes bya'o/ /ci'i phyir gang mi rtag pa de sdug bsngal zhes gsungs she na/ mi rtag pa nyid ni gnyis kyi char gtogs pa ste/ skye ba'i char gtogs pa dang/ 'jig pa'i char gtogs pa'o/ /skye ba'i char gtogs pa'i mi rtog pa nyid la brten nas/ sdug bsngal gyi sdug bsngal nyid rab tu shes so/ /'jig pa'i char gtogs pa'i mi rtag pa nyid la brten nas 'gyur ba'i sdug bsngal nyid rab tu shes so/ /de gnyi ga'i char gtogs pa'i mi rtag pa nyid la brten nas/ 'du byed kyi sdug bsngal nyid du shes so/ /de la dgongs te/ bcom ldan 'das kyis ngas 'du byed mi rtag pa nyid dang/ 'du byed 'gyur ba nyid la dgongs nas/ gang ci tshor yang rung ba 'di nyid 'dir sdug bsngal du gsungs so zhes bka' stsal to/ yang skye ba dang/ 'jig pa'i chos nyid dang rjes su 'brel ba'i 'du byed rnams la/ skye ba la sogs pa sdug bsngal brgyad mngon te/ de'i phyir/ sdug bsngal zhes bya'o/ /stong pa'i mtshan nyid gang zhe na/ gang la gang med pa de ni des stong par yang dag par rjes su mthong ba ste/ 'di la lhag ma gang yin pa de ni 'dir yod pa'o/ /zhes yang dag par ji lta ba bzhin du rab tu shos so/ 'di ni

  165. 83a

    stong pa nyid la 'jug pa yang dag pa ji lta ba ste/ phyin ci ma log pa zhes bya'o/ /gang la ci zhig med ce na/ phung po dang/ khams dang/ skye mched rnams la rtag pa dang/ brtan pa dang/ ther zug dang/ mi 'gyur ba'i chos can dang/ bdag dang bdag gi med do/ /de lta bas na de dag ni des stong ngo/ /de la lhag ma yod pa ci zhig ce na/ gang bdag med pa de nyid de/ de ltar bdag ni med kyi bdag med pa ni/ yod par stong pa nyid khong du chud par bya'o/ /'di la dgongs nas bcom ldan 'das kyis yod pa yang yod par med pa yang med par yang dag pa ji lta ba bzhin du rab tu shes so zhes gsungs so/ /yang stong pa nyid rnam pa gsum ste/ ngo bo nyid kyi stong pa nyid dang/ de bzhin du yod pa ma yin pa'i stong pa nyid dang/ rang bzhin gyi stong pa nyid do/ /dang po ni kun brtags pa'i ngo bo nyid nye bar bzung bar blta'o/ /gnyis pa ni gzhan gyi dbang gi ngo bo nyid nye bar gzung bar blta'o/ /gsum pa ni yongs su grub pa'i ngo bo nyid nye bar bzung bar blta'o/ /bdag med pa'i mtshan nyid gang zhe na/ ji ltar bdag tu smra ba rnams kyis bdag tu brtags pa'i mtshan nyid des phung po dang/ khams dang/ skye mched rnams mtshan nyid dang bral ba'o/ /phung po dang/ khams dang/ skye mched rnams ni/ bdag gi mtshan nyid kyis bdag med pa'o/ 'di la dgongs nas bcom ldan 'das kyis chos thams cad bdag med pa'o zhes gsungs so/ /bcom ldan 'das kyis 'di dag thams cad ni nga yi ba med pa'o/ /'di ni ngam? yin pa'o/ /'di ni nga'i bdag ma yin pa ste/ de ni de bzhin no/ /zhes yang dag pa'i shes rab kyis yang dag pa ji lta ba bzhin du blta bar bya'o zhes gsungs pa 'di'i don ci zhe na/ phyi'i dngos po 'di ni bdag ma yin pa'o/ /nang gi dngos po 'di ni nga ma yin pa'o/ /'di ni nga'i bdag ma yin pa zhes bya bar dgongs nas gsungs pa ste/ 'di

  166. 83b

    ltar phyi'i dngos po la ni bdag gi ba rnams dang/ nang la bdag dang bdag gi ba rnam par bkag go /skad cig gi mtshan nyid ni mi rtag pa nyid do zhes gang gsungs pa de ji lta bu zhe na/ ji ltar sems dang sems las byung ba skad cig ma yin pa de ltar gzugs kyang skad cig mang blta ste/ sems kyis zin pa dang/ sems dang grub pa dang/ bde ba gcig pa dang/ sems gyur na de 'gyur ba dang/ sems kyi gnas yin pa dang/ sems kyi dbang gis byung ba dang/ sems dbang sgyur ba'i phyir ro/ /yang mthar 'gyur bar dmigs pa dang/ skyes nas kyang rkyen la mi ltos par rang gi ngang gis rnam par zhig pa'i phyir/ gzugs kyang skad cig ma nyid du blta'o/ /gzugs gang yin pa ci yang rung ste/ de dag thams cad 'byung ba chen po bzhi dag dang/ 'byung ba chen po bzhi dag rgyur byas pa'o/ /zhes gsungs pa de ci las dgongs te gsungs zhe na/ srid pa la dgongs nas gsungs so/ /phyogs gcig la brten pa'i dngos po'i don ni rgyur byas pa'i don te/ 'dus pa gang las 'byung ba gang dmigs pa de ni de na yod do zhes brjod par bya'o/ /'byung ba gcig las gyur pa'i 'dus pa yang yod/ 'byung ba gnyis las gyur pa yang yod/ gsum las gyur pa yang yod pas na/ 'byung ba thams cad las gyur pa yod do/ /rgyur byas pa'i gzugs la yang rgyur byas pa'i gzugs gang la 'dus pa gang dmigs pa de ni de na yod pa'o zhes rig par bya'o/ /rdul phra rab bsags pa ni gzugs 'dus pa'o/ /zhes gang brjod pa de la rdul phra rab lus med par rig par bya'o/ /blos mthar rab tu phye nas rdul phra rab tu rnam par bzhag pa ste/ ril po'i 'du shes rnam par gzhig pa dang/ gzugs la rdzas su grub pa med par 'jug par bya ba'i phyir ro/ /yang sdug bsngal 'di ni shin tu rgyas lam bsrabs pa dang/ bsrabs pa dang/ bsrabs pa yang

  167. 84a

    yin la/ ma bsrabs pa yang yin pa yang yod/ bar ma ma bsrabs pa yang yod/ srab la ma bsrabs pa yang yod/ ches srab la bsrabs pa yang yod/ shin tu bsrabs la srab pa yang yod/ sdug bsngal ma yin pa la sdug bsngal du snang zhing/ bsrabs pa chen po nye bar gnas pa yang yod do/ /sdug bsngal shin tu rgyas la ma bsrabs pa gang zhe na/ gang 'dod pa na spyod pa dge ba'i rtsa ba ma bsags pa rnams kyi'o/ /bsrabs pa gang zhe na/ de nyid thar pa'i cha dang mthun pa skyes pa rnams kyi'o/ /bsrabs pa yang yin la ma bsrabs pa yang yin pa gang zhe na/ de nyid 'jig rten pas 'dod chags dang bral ba nyid du bya ba'i phyir dge ba'i rtsa ba gsags pa rnams kyi'o/ /bar ma ma bsrabs pa gang zhe na/ gzugs kyi khams su skyes par gyur pa thar pa'i cha dang mthun pa rnam par spang ba rnams kyi'o/ /srab la ma bsrabs pa gang zhe na/ gzugs med par skyes pa'i thar pa'i cha dang mthun pa rnam par spangs pa rnams kyi'o/ /ches bsrab la bsrabs pa gang zhe na/ gang slob pa rnams kyi'o/ /shin tu ches bsrabs la bsrab pa gang zhe na/ gang mi slob pa rnams kyi srog gi dbang po'i rkyen gyis ming dang gzugs so/ /sdug bsngal ma yin la sdug bsngal du snang zhing bsrabs pa chen por nye bar gnas pa gang zhe na/ gang byang chub sems dpa' dam pa'i pha rol tu phyin pa thob pa rnams kyi ste/ bsams bzhin du srid par skye ba'i phyir ro/ /'chi ba'i sdug bsngal lo zhes gang gsungs pa de la 'chi ba rnam pa gsum ste/ dge ba'i sems yod pa dang/ mi dge ba'i sems yod pa dang/ lung du ma bstan pa'i sems yod pa ste/ sems kyi rgyu ma gsal ba na/ rang gi dge ba'i rtsa ba'i stobs skyed pas sam/ gzhan gyis bsgrubs pas kyang rung ste/ sems gsal ba ni dge ba'i sems yod pa'i 'chi bar blta'o/ /rang gi mi dge ba'i

  168. 84b

    sems bskyed pas sam/ gzhan gyis bsgrubs pas kyang rung? ste/ sems kyi rgyu ba gsal ba ni mi dge ba'i sems yod pa'i 'chi bar blta'o?/ /sems kyi rgyu ba gsal yang rung/ mi gsal yang rung rkyen gnyi ga mtshang ba'i phyir/ mngon par 'du byed mi nus pa'ang rung ste/ lung du ma bstan pa'i sems yod pa'i 'chi bar blta'o/ /dge ba byed pa'i lus ni thog ma nyid smad grang bar 'gyur ro/ /mi dge ba byed pa'i lus ni thog ma nyid stong grang bar 'gyur ro/ /de la mi dge ba byed pa'i bar mdo'i srid pa mngon par grub pa ni/ dper na phyar ba nag po dang mtshan mo mun nag tu snang ba lta bu'o/ /dge ba byed pa ni dper na/ snam bu dkar po 'am/ zla ba'i 'od dang bcas pa'i mtshan mo snang ba lta bu'o/ /bar ma do'i srid pa ni 'dod pa'i khams dang/ gzugs kyi khams su skye ba na'o/ /gzugs med pa'i 'chi ba na'o/ /de ni yid las byung ba dang/ dri za zhes kyang bya'o/ /de ltar thogs na yang zhag bdun gnas te/ de tshun chad kyis 'chi ba'o/ /ci ste na ldog go /de na gnas pa yang la sogs pa'o/ /skal ba mnyam pa'i sems can rnams kyang mthong ngo/ /gang du skye bar 'gyur ba de'i byed gzugs so/ /'gro ba la thag thogs med do/ /rdzu 'phrul dang ldan pa bzhin myur du 'gro zhing skye ba'i gnas su thogs so/ /srad mda'i mthon dman gyi tshul du 'chi 'pho zhing nying mtshams sbyor ro/ / bar ma do'i srid par gnas pa na/ skye ba'i gnas la 'dod chags skyed de/ de las gzhan pa'i nyon mongs pa ni rkyen du 'gyur ro/ /'dod chags dang bcas par bar ma do'i srid pa 'gag cing/ nur nur po rnam par shes pa dang bcas pa 'byung ste/ de ni rnam par smin pa'o/ /de'i 'og tu rten cing 'brel bar 'byung ba las ji skad 'byung ba bzhin du skye gnas bzhi po sgo nga las skye ba dang/ mngal nas skye ba dang/ drod gsher las skye ba dang/ brdzus te skye bar dbang po mngon par 'grub bo/ /kun 'byung

  169. 85a

    gi bden pa gang zhe na/ nyon mongs pa dang nyon mongs pa'i dbang gis 'byung ba'i las so/ /gtso bor bstan pa ni bcom ldan 'das kyis sred pa yang 'byung ba can dga' ba'i 'dod chags dang ldan pa de dang der mngon par dga' ba la kun 'byung gi bden par bstan to/ /gtso bo'i don gang zhe na/ gang thams cad du 'gro ba'i don to/ thams cad du 'gro ba'i don gang zhe na/ 'di ltar sred pa dngos po thams cad du 'gro ba dang/ gnas skabs thams cad du 'gro ba dang/ dus thams cad du 'gro ba dang/ khams thams cad du 'gro ba dang/ tshol ba thams cad du 'gro ba dang/ rnam pa thams cad du 'gro ba'o/ /nyon mongs pa gang zhe na/ grangs dang mtshan nyid dang 'byung ba dang/ dmigs pa dang mtshungs par ldan pa dang/ rnams grangs dang ldog par zhugs pa dang/ khams dang ris dang/ spong bas kyang nyon mongs par blta'o/ /grangs gang zhe na/ nyon mongs pa drug gam bcu'o/ /nyon mongs pa drug gang zhe na/ 'dod chags dang/ khong khro ba dang/ nga rgyal dang ma rigs pa dang/ the rtsom dang lta ba'o/ /de dag nyid lta ba rnam pa lnga'i bye brag gis bcur 'gyur ro/ /mtshan nyid gang zhe na/ chos gang 'byung ba na rab tu ma zhi ba'i mtshan nyid du 'byung ste/ de 'byung bas sems kyi rgyud rab tu ma zhi bar 'byung ba de nyon mongs pa'i mtshan nyid do/ /'byung ba gang zhe na/ nyon mongs pa'i bag la nyal ma spangs par gyur pa dang/ nyon mongs pa'i gnas kyi chos kyang gnas par gyur pa dang/ de la yang tshul bzhin ma yin pa'i yid la byed pa nye bar gnas pa yin te/ de lta bu las nyon mongs pa 'byung bar 'gyur ro/ /dmigs pa gang zhe na/ nyon mongs pa thams cad ni nyon mongs pa thams cad kyi dmigs par blta'o/ /nyon mongs pa'i gzhi yang dmigs pa'o/ /ma rig pa dang lta ba

  170. 85b

    dang/ the tshom ma gtogs par 'dod pa na spyod pa'i nyon mongs pa ni sa gong ma la mi dmigs so/ /sa gong ma'i nyon mongs pa ni sa 'og ma la dmigs pa ma yin no/ /'gog pa dang lam la dmigs pa'i nyon mongs pa gang yin par ni de dag la dmigs pa ma yin par blta'o/ /de'i dmigs pa ni des yongs su rtog pa'o/ /gzhi med pa la dmigs pa'i nyon mongs pa ni lta ba dang mtshungs par blta'o/ /de las gzhan pa ni gzhi dang bcas pa la dmigs pa'o/ /mtshungs par ldan pa gang zhe na/ 'dod chags ni khong khro ba dang mtshungs par ldan pa ma yin no/ /khong khro ba dang ji lta bar the tshom dang yang de bzhin no/ /lhag ma ni de dang mtshungs par ldan no/ /'dod chags khong khro ba dang ji lta ba de bzhin du khong khro ba yang 'dod chags dang nga rgyal dang lta ba dang mtshungs par ldan pa ma yin no/ /nga rgyal ni khong khro dang the tshom dang mtshungs par ldan pa ma yin no/ /ma rig pa ni nyon mongs pa thams cad dang mtshungs par ldan pa dang ma 'dres pa yang yin no/ /ma 'dres pa ni bden pa rnams mi shes pa'o/ /lta ba ni khong khro ba dang the tshom dang mtshungs par ldan pa ma yin no/ /the tshom ni 'dod chags dang nga rgyal dang lta ba dang mtshungs par ldan pa ma yin no/ /khro ba la sogs pa'i nye ba'i nyon mongs pa rnams ni/ phan tshun mtshungs par ldan pa ma yin no/ /ngo tsha med pa dang khrel med pa ni mi dge ba thams cad dang mtshungs par ldan no/ /rmugs pa dang rgod pa dang/ ma dad pa dang le lo dang/ bag med pa ni nyon mongs pa thams cad dang mtshungs par ldan no/ /rnam grangs gang zhe na/ kun tu sbyor ba dang 'ching ba dang/ bag la nyal ba dang/ nye ba'i nyon mongs pa dang/ kun nas dkris pa dang/ chu bo dang/ sbyor ba dang/ nye bar len pa dang/ mdud pa dang/ sgrib pa dang/ thab dang/ dri ma dang/ sdig pa dang/ zug rngu dang/ ci yang dang/ nyes

  171. 86a

    par spyad pa dang/ zag pa dang/ 'phongs pa dang/ yongs su gdung ba dang/ 'khrug pa dang/ 'thab pa dang/ rims nad dang nags sbyor dang/ gags shes bya ba dag go /kun su sbyor ba rnams ni du zhig /ji ltar gang du kun tu sbyor zhe na/ kun tu sbyor ba dgu ste/ rjes su chags pa'i kun tu sbyor ba dang/ khong khro ba'i kun tu sbyor ba dang/ nga rgyal gyi kun tu sbyor ba dang/ ma rigs pa'i kun tu sbyor ba dang lta ba'i kun tu sbyor ba dang/ mchog tu 'dzin pa'i kun tu sbyor ba dang/ the tshom gyi kun tu sbyor ba dang/ phrag dog gi kun tu sbyor ba dang/ ser sna'i kun tu sbyor ba'o/ rjes su chags pa'i kun tu sbyor ba ni/ khams gsum pa'i 'dod chags so/ /rjes su chags pa'i kun tu sbyor ba dang ldan pa ni/ khams gsum la yid byung bar mi 'gyur ro/ yid mi 'byung bas mi dge ba spyod cing dge ba mi spyod de/ des phyi ma la sdug bsngal mngon par 'grub par byed pas sdug bsngal dang kun tu sbyor ro/ /khong khro ba'i kun tu sbyor ba ni/ sems can dang sdug bsngal dang/ sdug bsngal ba'i gnas kyi chos rnams la sems can gyi kun nas mnar sems pa'o/ /khong khro ba'i kun tu sbyor ba dang ldan pa ni/ /khong khro ba'i rgyu las sems yal bar mi 'dor te/ des mi dge ba spyod cing dge ba mi spyod do/ /des phyi ma la sdug bsngal mngon par 'grub par byed pas sdug bsngal dang sbyor ro/ /nga rgyal gyis kun tu sbyor ba ni gna rgyal bdun te/ nga rgyal dang che ba'i nga rgyal dang/ nga rgyal las kyang nga rgyal dang/ nga'o snyam pa'i nga rgyal dang/ mngon par nga rgyal dang/ cung zad snyam pa'i nga rgyal dang/ log pa'i nga rgyal lo/ /nga rgyal gang zhe na/ chung ba bas bdag che ba 'am/ tshungs pa dang mtshungs so snyam sems khengs pa gang yin pa'o/ /che ba'i nga rgyal gang zhe na/ mtshungs pa bas che ba 'am/ che? ba dang mtshungs so snyam du sems khengs

  172. 86b

    pa gang yin pa'o/ /nga rgyal las kyang nga rgyal gang zhe na che bas kyang bdag che'o snyam du sems khengs pa gang yin pa'o/ /nga'o snyam pa'i nga rgyal gang zhe na/ nye bar len pa'i phung po lnga rnams la bdag gam bdag gir yang dag par rjes su lta ba'i sems khengs pa gang yin pa'o/ /mngon pa'i nga rgyal gang zhe na/ gong ma'i nga rgyal thob par bya ba ma thob par bdag gis thob po snyam du sems khengs pa gang yin pa'o/ /cung zad snyam pa'i nga rgyal gang zhe na/ ches 'phags pa bas bdag cung zad cig gis chung ngo snyam du sems khengs pa gang yin pa'o/ /log pa'i nga rgyal gang zhe na/ yon tan ma yin pa dang ldan pa la bdag yon tan dang ldan no/ /snyam du sems khengs pa gang yin pa'o/ /nga rgyal gyi kun tu sbyor ba dang ldan pa ni ngar 'dzin pa dang nga yid 'dzin pa yongs su mi shes so// yongs su ma shes na ngar 'dzin pa dang nga yir 'dzin pa la mngon par zhen nas mi dge ba spyod cing/ dge ba mi spyod de/ des phyi ma la sdug bsngal mngon par 'grub par byed pas sdug bsngal dang sbyor ro/ /ma rig pa'i kun tu sbyor ba ni khams gsum pa'i mi shes pa'o/ /ma rig pa'i kun tu sbyor ba dang ldan pa ni sdug bsngal ba'i chos rnams dang/ kun tu 'byung ba'i chos rnams lhag par chags so/ /de dag la lhag par chags pas mi dge ba spyod cing dge ba mi spyod do/ /des phyi ma la sdug bsngal mngon par 'grub par byed pas sdug bsngal dang sbyor ro/ /lta ba'i kun tu sbyor ba ni lta ba gsum ste/ 'jig tshogs la lta ba dang mthar 'dzin par lta ba dang/ log par lta'o/ /lta ba'i kun tu sbyor ba dang ldan pa ni log pa nges par 'byung ba yongs su tshal lo/ /mngon par zhen to/ /log par 'byung ba la mngon par zhen pas mi dge ba'i spyod cing/ dge ba mi spyod de/ des phyi ma la sdug bsngal mngon par 'grub par byed pas sdug bsngal dang sbyar ro/ /mchog tu 'dzin pa'i kun tu sbyor ba ni lta ba mchog tu 'dzin pa dang/ tshul khrims

  173. 87a

    dar gtul zhugs mchog tu 'dzin pa'o/ /mchog tu 'dzin pa'i kun tu sbyor ba dang ldan pa ni/ log pas nges par 'byung ba thams cad la mngon par zhen pas mi dge ba spyod cing dge ba mi spyod do/ /des phyi ma la sdug bsngal mngon par 'grub par byed pas sdug bsngal dang sbyar ro/ /the tshom gyi kun tu sbyor ba ni bden pa rnams la yid gnyis za ba'o/ /the tshom gyi kun tu sbyor ba dang ldan pa ni/ sangs rgyas dkon mchog la som nyi za zhing chos dkon mchog dang dge 'dun dkon mchog la som nyid za'o/ dkon mchog rnams la som nyi za bas legs par sgrub par mi 'gyur ro/ /dkon mchog rnams la legs par mi sgrub pas/ mi dge ba spyod cing dge ba mi spyod de/ /des phyi ma la sdug bsngal mngon par 'grub par byed pas sdug bsngal dang sbyor ro/ /phrag dog gi kun tu sbyor ba ni/ rnyed pa dang bkur sti la lhag par chags pas/ pha rol gyi phun sum tshogs pa la mi bzod par byas pa'i sems khong nas 'khrugs pa'o/ /phrag dag gi kun tu sbyor ba dang ldan pa na/ rnyed pa dang bkur sti gces su 'dzin pa yin gyi/ chos gces su 'dzin pa ma yin no/ /rnyed pa dang bkur ste gces su 'dzin pas mi dge ba spyod cing dge ba mi spyod de/ /des phyi ma la sdug bsngal mngon par 'grub pas sdug bsngal dang sbyor ro/ /ser sna'i kun tu sbyor ba ni/ rnyed pa dang bkur sti la lhag par chags pa nyid yo byad rnams la sems kun tu 'dzin pa'o/ /ser sna'i kun tu sbyor ba dang ldan pa ni/ sogs pa gces su 'dzin pa yin gyi/ yo byad bsnyungs pa gces su 'dzin pa ma yin te/ sogs pa gces su 'dzin par byed pas mi dge ba spyod cing dge ba mi spyod de/ des phyi ma la sdug bsngal mngon par 'grub par byed bas sdug bsngal dang sbyar ro/ /'chid ba ni gsum ste/ 'dod chags kyi 'ching ba dang/ zhe sdang gi 'ching ba dang/ gti mug gi 'ching ba'o/ /'dod chags kyi

  174. 87b

    'ching bas ni 'gyur ba'i sdug bsngal nyid la 'ching bas 'gyur ro/ /zhe sdang gi 'ching bas ni sdug bsngal gyi sdug bsngal nyid la 'ching bar 'gyur ro/ /gti mug gi 'ching bas ni 'du byed kyi sdug bsngal nyid la 'ching bar 'gyur ro/ /yang 'dod chags dang gti mug dang zhe sdang la brten nas dge ba la sbyong ba na 'dod pa bzhin du byed pa mi 'thob ste/ de'i phyir yang de dag ni 'ching ba rnams so/ /bag la nyal ba ni bdun te/ 'dod pa la 'dod chags kyi bag la nyal dang/ khong khro ba'i bag la nyal dang/ srid pa'i 'dod chags kyi bag la nyal dang/ nga rgyal gyi bag la nyal dang/ ma rig pa'i bag la nyal dang/ lta ba'i bag la nyal dang/ the tshom gyi bag la nyal lo/ 'dod pa la 'dod chags kyi bag la nyal ni/ 'dod pa la 'dod chags kyi phyogs dang mthun pa'i gnas ngan len to/ /khong khro ba'i bag la nyal ni khong khro ba'i phyogs dang mthun pa'i gnas ngan len to/ srid pa'i 'dod chags kyi bag la nyal ni gzugs dang gzugs med pa'i 'dod chags kyi phyogs dang mthun pa'i gnas ngan len te/ /nga rgyal gyi bag la nyal ni nga rgyal gyi phyogs dang mthun pa'i gnas ngan len to/ /ma rig pa'i bag la nyal ni ma rig pa'i phyogs dang mthun pa'i gnas nga na len to/ lta ba'i bag la nyal ni lta ba'i phyogs dang mthun pa'i gnas ngan len to/ /the tshom gyi bag la nyal ni the tshom gyi phyogs dang mthun pa'i gnas ngan len to/ /'dod pa tshol ba ma spangs pas ni 'dod pa la 'dod chags kyi bag la nyal dang/ khong khro ba'i bag la nyal rgyas par 'gyur ro/ /srid pa tshol ba ma spangs pas ni srid pa'i 'dod chags kyi bag la nyal rgyas par 'gyur ro/ /log pas tshangs par spyod pa tshol ba ma spangs pas ni nga rgyal gyi bag la nyal dang/ ma rig pa'i bag la nyal dang/ lta ba'i bag la nyal dang/ the tshom gyi bag la nyal rgyas par 'gyur te/ 'di ltar de dag ni gnyen po chung ngu tsam gyis kyang khengs par 'gyur ro/ /bden pa rnams

  175. 88a

    la rmongs par 'gyur ro/ /log pas thar pa dang thar pa'i thabs la rtog par byed do/ /sangs rgyas rnams kyi bstan pa dam pa'i chos 'dul ba la som nyi za'o/ /the tshom za'o/ /nye ba'i nyon mongs pa rnams ni nyon mongs pa gang dag yin pa de dag nye ba'i nyon mongs pa rnams kyang yin no/ /nye ba'i nyon mongs pa ma yin la nyon mongs pa ma yin pa 'ang yod de/ nyon mongs pa rnams ma gtogs par de las gzhan pa sems las byung ba'i 'du byed kyi phung po nyon mongs pa can no/ /yang 'dod chags ni sems las byung ba nye bar nyon mongs pa'o/ /zhe sdang dang gti mug ni sems las byung ba'i nyon mongs pa ste/ nye ba'i nyon mongs pa des sems nye ba'i nyon mongs pa can du gyur na chags pa dang bral bar mi 'gyur grol bar mi 'gyur te/ sgrib pa de ma spangs pa'i phyir ro/ /bcom ldan 'das kyis ji skad du sems 'di yun ring po nas 'dod chags kyis kun nas nyon mongs pa can du gyur pa/ zhe sdang dang gti mug gi kun nas nyon mongs pa can du gyur pa zhes gsungs pa lta bu'o/ /kun nas dkris pa ni brgyad de/ rmugs pa dang gnyi ga dang/ rgod pa dang 'gyod pa dang/ phrag dog dang/ ser sna dang/ ngo tsha med pa dang/ khrel med pa'o/ /zhi gnas kyi dus dang rab tu 'dzin pa'i dus dang/ btang snyoms kyi dus dang/ rgyu mtshan sgom pa dang/ de dag bzhi dang po rnams par dag pa'i dus na yang dang yang shes cher dge ba'i sems la kun nas bkris par byed pas kun nas dkris pa dag go /chu bo ni bzhi ste/ 'dod pa'i chu bo dang/ srid pa'i chu bo dang/ lta ba'i chu bo dang/ ma rig pa'i chu bo'o/ /rgyun phyogs su 'khyer bar byed pa'i phyir chu bo dag go /'dod pa tshol ba la zhugs pa'i ni dang po'o/ /srid pa tshol ba la zhugs pa'i ni gnyis pa'o/ /log pas tshangs par spyod pa tshol ba la zhugs pa'i ni

  176. 88b

    tha ma gnyis te/ gnas pa dang gnas 'brel pa'i tshul gyis so/ /sbyor ba ni bzhi ste/ 'dod pa'i sbyor ba dang/ srid pa'i sbyor ba dang/ lta ba'i sbyor ba dang/ lta ba'i sbyor ba dang/ ma rig pa'i sbyor ba'o/ /'bral ba'i bar du gcod pa'i phyir sbyor ba rnams te/ de dag kyang tshol ba la zhugs pa gsum po rnams kyi yin te/ ji ltar na mthun mthun du sbyar ro/ /nye bar len pa ni bzhi ste/ 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ bdag tu smra ba'i nye bar len pa'o/ /rtsod pa'i rtsa ba nye bar len pa'i phyir te/ de'i phyir yang srid pa nye bar len pa'i phyir nye bar len pa rnams so/ /'dod pa la 'dod chags dang/ lhag par zhen pa dang/ rnam par bcings pa dang/ yongs su zhen pa dang/ kun tu 'dod chags kyi rgyus khyim pa rnams dang/ khyim pa rnams su rtsod de/ rtsod pa de'i rtsa ba ni dang po yin no/ lta ba la 'dod chags dang/ lhag par zhen pa dang/ rnam par bcings pa dang/ yongs su zhen pa dang/ kun tu 'dod chags kyi rgyus rab tu byung ba rnams dang/ rab tu byung ba rnams su tsod de rtsod pa'i rtsa ba ni nye bar len pa gsum po dag ste/ lta bar gyur pa drug cu rtsa gnyis ni lta ba'i nye bar len pa'o/ /phal cher brtul zhugs dang dka' thub drag po so sor tha dad pa dag ni tshul khrims dang brtul zhugs kyi nye bar len pa'o/ /de dag gi gnas 'jig tshogs la lta ba ni bdag tu smra ba'i nye bar len pa'o/ lta ba'i nye bar len pa dang/ tshul khrims dang brtul zhugs kyi nye bar len pas ni mu stegs can nang phan tshun rtsod do/ /bdag tu smra ba'i nye bar len pas ni mu stegs can rnams dang/ chos 'di pa rnams su rtsod do/ /de ltar de dag rtsod pa'i rtsa ba nye bar len pa la mngon par zhen pas phyi ma la yang srid pa nye bar len te/ des na nye bar len pa rnams zhes bya'o/ /mdud pa ni bzhi ste/ brnab sems lus kyi mdud pa dang/ gnod pa sems lus kyi mdud pa dang/ tshul khrims dang brtul zhugs mchog

  177. 89a

    tu 'dzin pa lus kyi mdud pa dang/ 'di bden no zhes mchog tu 'dzin pa mngon par zhen pa lus kyi mdud pa'o/ /mnyam par bzhag pa'i yid kyi rang bzhin gyi lus kyi bar du bcod pa'i phyir mdud ba rnams te/ 'di ltar g.yeng ba'i rgyu ni bzhi ste/ zang zing cung zad tsam gyi rgyus sems g.yeng ba dang/ rtsod pa la legs par mi sgrub pa'i rgyu dang/ tshul khrims dang brtul zhugs drag pos bsdug bsngal bar gnas pa'i rgyu dang/ tshul bzhin ma yin pas shes bya la rtog pa'i rgyud sems g.yeng bar byed do/ /sgrib pa ni lnga ste/ 'dod pa la 'dun pa'i sgrib pa dang/ gnod sems dang/ rmugs pa dang gnyid dang/ rgod pa dang/ 'gyod pa dang/ the tshom gyi sgrib pa ste/ rab tu 'byung ba la mngon par dga' ba'i dus dang/ bskul ba na legs par sgrub pa'i dus dang/ zhi gnas kyi dus dang/ rab tu 'dzin pa'i dus dang/ btang snyoms kyi dus na dge ba'i phyogs mi rtogs pa'i rgyu yin pas sgrib pa rnams so/ /tha ba ni gsum ste/ 'dod chags kyi tha ba dang/ zhe sdang gi tha ba dang/ gti mug gi thar ba'o/ /'dod chags dang zhe sdang dang gti mug de dag la brten nas/ sngon goms pa'i tshul gyis 'dod chags la sogs pa la spyod par 'gyur te/ spyod pa de ma spangs pas sems las su mi rung ba dang/ dbral dka' bar 'gyur bas de dag ni tha ba rnams zhes bya'o/ /dri ma ni gsum ste/ 'dod chags kyi dri ma dang/ zhe sdang dang gti mug gi dri ma'o/ /'dod chags dang zhe sdang dang gti mug de dag la brten nas/ de'i ngo bo'i 'chal pa'i tshul khrims lhag par spyod de/ grong na 'dug kyang rung dgon pa na 'dug kyang rung tshangs pa mtshungs par spyod pa mkhas pa rnams kyi mthong na/ gang gi phyir 'di skad du tshe dang ldan pa 'di ni 'di lta bu byed pa/ 'di lta bu spyod pa ste/ mi

  178. 89b

    gtsang ba grong gi tshed ma'o zhes brjod par 'gyur ba de dag ni dri ma rnams zhes bya'o/ /sdig pa ni gsum ste/ 'dod chags kyi sdig pa dang/ zhe sdang dang/ gti mug gi sdig pa'o/ /'dod chags dang zhe sdang dang gti mug de dag la brten nas/ dus ring por skye ba dang/ 'chi ba myong bar 'gyur ba de dag ni sdig pa rnams zhes bya'o/ /zug rngu ni gsum ste/ 'dod chags kyi zug rngu dang/ zhe sdang gi zug rngu dang/ gti mug gi zug rngu'o/ /'dod chags dang zhe sdang dang/ gti mug de dag la brten nas/ srid pa dang srid pa'i yo byad rnams la shin tu 'dod pa skyes shing gnas te/ sangs rgyas dang chos dang dge 'dun rnams dang/ sdug bsngal dang kun 'byung ba dang 'gog pa dang lam rnams la the tshom za ba de dag ni zug rngu rnams zhes bya'o/ /lci yang ni gsum ste/ 'dod chags kyi lci yang dang/ zhe sdang dang gti mug gi lci yang ngo/ /'dod chags dang zhe sdang dang gti mug de dag la brten nas/ 'jigs pa dang bcas kho na dang bcas shing/ g.yeng ba mang bar gnas pa de dag ni lci yang rnams zhes bya'o/ /nyes par spyod pa ni gsum ste/ 'dod chags kyi nyes bar spyod pa dang/ zhe sdang dang gti mug gi nyes par spyod pa'o/ /'dod chags dang zhe sdang dang gti mug de dag la brten nas/ lus kyis nyes par spyad pa spyod pa dang/ ngag dang yid kyis nyes par spyad pa spyod pa de dag ni nyes par spyod pa rnams zhes bya'o/ /yang zang zing ngan pa cung zad tsam gyi rgyu dang/ gnod par bya ba'i rgyu la yongs su rtog pa'i rgyu dang/ chos log pa la mngon par zhen pa'i rgyus sems can rnams nyes par spyad pa spyod de/ de lta bas na chags pa dang zhe sdang dang gti mug ni nyes par spyod pa'i rtsa ba rnams zhes bya'o/ /zag pa ni gsum ste/ 'dod pa'i zag pa dang/ srid pa'i zag pa dang/ ma rig pa'i zag pa'o/ /sems rnam par 'phro bar zag par byed pa dang/ phyi rol tu bltas te

  179. 90a

    zag pa'i phyir 'dod pa'i zag pa'o/ /nang du bltas te zag pa'i phyir srid pa'i zag pa'o/ /zag pa de gnyi ga'i gnas yin pa'i phyir ma rig pa'i zag pa'o/ /phongs pa ni gsum ste/ 'dod chags kyis phongs pa dang/ zhe sdang dang gti mug gis phongs pa'o/ /'dod chags dang zhe sdang dang gti mug de dag la brten nas/ srid pa'i yo byad 'dod pa'i phongs pas gnod par byed pa de dag ni phongs pa rnams zhes bya'o/ /yongs su gdung ba ni gsum ste/ 'dod chags kyi yongs su gdung ba dang/ zhe sdang dang gti mug gi yongs su gdud ba'o/ /'dod chags dang zhe sdang dang gti mug de dag la brten nas/ tshul bzhin ma yin par mtshan mar 'dzin pa dang/ mngon btags su 'dzin par 'gyur te/ mtshan mar 'dzin pa dang/ mngon btags su 'dzin pa gang gis lus yongs su gdud bar 'gyur ba dang/ sems yongs su gdung bar 'gyur ba de dag ni yongs su gdud ba rnams zhes bya'o/ /'khrug pa ni gsum ste/ 'dod chags kyi 'khrug pa dang/ zhe sdang dang gti mug gi 'khrug pa'o/ /'dod chags dang zhe sdang dang/ gti mug de dag la brten nas/ gang du dga' ba dang/ lhag par chags par gyur pa de rnam par gyur cing gzhan du gyur na mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams kyis rag par 'gyur ba de dag ni 'khrug pa rnams zhes bya'o/ /'thab pa ni gsum ste/ 'dod chags kyis 'thab pa dang/ zhe sdang dang gti mug gi 'thab pa'o/ /'dod chags dang zhe sdang dang/ gti mug de dag la brten nas/ chad pas gcod pa dang/ mtshon cha len pa dang/ dbyug pa len pa dang/ 'thab pa dang/ mtshad 'bru ba dang/ rtsod pa dang/ 'gyed pa 'byung ba de dag ni 'thab pa rnams zhes bya'o/ rims nad ni gsum ste/ 'dod chags kyi rims nang dang/ zhe sdang dang/ gti mug gi rims

  180. 90b

    nad do/ 'dod chags dang zhe sdang dang/ gti mug de dag la brten nas/ chos ma yin pa la 'dod chags pa yongs su gdung bar 'gyur ba dang/ mi mthun pas chags pa yongs su gdung ba chen pos yongs su gdud bar 'gyur pa dang/ chos log pa'i yongs su gdung ba chen pos yongs su gdung bar 'gyur ba de dag ni rim nad rnams zhes bya'o/ /nags sbyor ni gsum ste/ 'dod chags kyi nags sbyor ba dang/ zhe sdang dang/ gti mug gi nags sbyor ro/ /'dod chags dang zhe sdang dang gti mug de dag la brten nas/ skye ba'i rtsa ba 'du byed rnams la chags te/ 'gro ba lnga'i 'khor bar lus rnam pa sna tshogs mngon par 'grub par byed pa de dag ni nags sbyor rnams zhes bya'o/ /gags ni gsum ste/ 'dod chags kyi gags dang/ zhe sdang dang/ gti mug gi gags so/ /'dod chags dang/ zhe sdang dang/ gti mug de dag la brten nas/ lus la lta ba dang bcas pas dge ba mi sbyor ba dang/ longs spyod la lta ba dang bcas pa dang blo ma byang ba dang/ 'dre zhing gnas pa dang/ cung zad tsam gyis chog par 'dzin pas dge ba la mi sbyor ba de dag ni gags rnams zhes bya'o/ /log par zhugs pa gang zhe na/ 'dod chags ni yul dang lta ba la log par rtogs pa'o/ /'dod chags ji lta bar khong khro ba'ang de bzhin no/ /nga rgyal ni sems can rnams dang lta ba log par rtogs pa'o/ / 'jig tshogs la lta ba dang/ mthar 'dzin par lta ba dang/ log par lta ba ni shes bya log par rtogs pa'o/ /lta ba mchog tu 'dzin pa dang/ tshul khrims dang brtul zhugs mchog tu 'dzin pa ni lta ba la log par rtogs pa'o/ /the tshom ni gnyen po la log par rtogs pa'o/ /ma rig pa ni thams cad la log par rtogs pa'o/ /nyon mongs pa bcu po thams cad ni sdug bsngal dang kun 'byung ba de'i rgyu dang gzhi'i gnas kyis kyang log par rtogs pa'o/ /nyon mongs pa bcu po thams

  181. 91a

    cad ni 'gog pa dang lam la yang de la skrag pa skyed pas log par zhugs pa'o/ /khams kyis ji lta bu zhe na/ khong khro ba ma gtogs par khams gsum pa thams cad do/ /khong khro ba ni 'dod pa dang ldan pa'o/ /'dod chags ni 'dod pa'i khams na bde ba dang/ yid bde ba dang/ btang snyoms dang mtshungs par ldan no/ /'dod pa'i khams na ji lta bar bsam gtan dang po dang gnyis pa yang de bzhin no/ /gsum pa la ni bde ba dang btang snyoms dang mtshungs par ldan no/ de yan chad du btang snyoms nyid dang mtshungs par ldan no/ /khong khro ba ni sdug bsngal dang yid mi bde ba dang btang snyoms dang mtshungs par ldan no/ /nga rgyal ni 'dod pa'i khams na yid bde ba dang btang snyoms dang mtshungs par ldan no/ /bsam gtan dang po dang gnyis pa la ni bde ba dang yid bde ba dang btang snyoms pa dang mtshungs par ldan no/ /gsum pa la ni bde ba dang btang snyoms dang mtshungs par ldan no/ /de yan cad du btang snyoms kho na dang mtshungs par ldan no/ /nga rgyal ji lta ba bzhin du 'jigs tshogs la lta ba dang/ mthar 'dzin par lta ba dang/ lta ba mchog tu 'dzin pa dang/ tshul khrims dang brtul zhugs mchog tu 'dzin pa'ang de bzhin no/ /log par lta ba ni 'dod pa'i khams na yid bde ba dang yid mi bde ba dang btang snyoms dang mtshungs par ldan no/ /gzugs dang gzugs med pa'i khams na ni tshor ba gang yod pa de dang mtshungs par ldan no/ /the tshom ni 'dod pa'i khams na yid mi bde ba dang btang snyoms dang mtshungs par ldan no/ /gzugs dang gzugs med pa'i khams na ni tshor ba gang yod pa de dang mtshungs par ldan no/ /ma rig pa ni nyon mongs pa thams cad dang mtshungs par ldan pa yin pas gang na tshor ba gang yod pa de dang der mtshungs par ldan pa can zhes bya'o/ /ma rig pa ma 'dres pa gang

  182. 91b

    yin pa de ni 'dod pa'i khams na yid mi bde ba dang btang snyoms dang mtshungs par ldan no/ /de yan cad du tshor ba gang yod pa mtshungs par ldan no/ /ci'i phyir nyon mongs pa thams cad ni btang snyoms dang mtshungs par ldan zhe na/ tha mal bar 'dug pa la brten nas nub par 'gyur ba'i phyir ro/ /'dod chags ni 'dod pa'i khams na rnam par shes pa'i tshogs drug dang mtshungs par ldan no/ /'dod chags la ji lta bar khong khro ba dang/ ma rig pa'ang de bzhin no/ /gzugs kyi khams na ni rnam par shes pa'i tshogs bzhi dang ldan no/ gzugs med pa'i khams na ni yid kyi rnam par shes pa'i tshogs dang mtshungs par ldan no/ /'dod chags ji lta bar ma rig pa'ang de bzhin no/ /nga rgyal dang lta ba dang the tshom ni thams cad du yid kyi rnam par shes pa'i tshogs dang mtshungs par ldan no/ /'dod chags dang khong khro ba dang/ nga rgyal ni 'dod pa'i khams na dngos po'i phyogs gcig la 'jug go /'dod pa'i khams na ji lta bar gzugs kyi khams dang/ gzugs med pa'i khams na'ang de bzhin no/ /lhag ma rnams ni thams cad du yang dngos po'i mdza' dag la 'jug go /ris gang zhe na/ nyon mongs pa'i ris gnyis te/ mthong bas spangs bar bya ba dang/ bsgom pas spang bar bya'o/ /'dod pa'i khams na sdug bsngal mthong bas spang bar bya ba dag ni bcu'o/ /sdug bsngal mthong bas spang bar bya ba ji lta bar kun 'byung ba dang/ 'gog pa dang/ lam mthong bas spang bar bya ba rnams kyang de bzhin no/ /gzugs kyi khams na sdug bsngal mthong bas spang bar bya ba dag ni dgu'o/ /sdug bsngal mthong bas spang bar bya ba ji lta bar kun 'byung ba dang/ 'gog pa dang/ lam mthong bas spang bar bya ba rnams kyang de bzhin no/ /gzugs kyi khams na ji lta bar gzugs med pa'i khams na'ang de bzhin te/ de dag mdor bsdu na nyon mongs pa brgya rtsa bcu gnyis ni mthong bas spang bar bya ba'i nyon mongs pa'i ris so/ /'dod pa'i khams na bsgom pas

  183. 92a

    spang bar bya ba drug ste/ 'jigs tshogs la lta ba dang/ mthar 'dzin par lta ba lhan cig skyes pa dang/ 'dod chags dang/ khong khro ba dang/ nga rgyal dang/ ma rig pa'o/ /gzugs kyi khams na ni khong khro ba ma gtogs pa lnga'o/ gzugs kyi khams na ji lta bar gzugs med pa'i khams na'ang de bzhin no/ /de dag mdor bsdu na bcu drug ni bsgom pas spang bar bya ba'i nyon mongs pa'i ris so/ /spong ba gang zhe na/ ji ltar spong ba dang/ yid la byed pa ci 'dra ba dang/ gang zhig? gang las spong ba'o/ /ji ltar spong zhe na/ yongs su shes pa dang/ yongs su spong ba dang/ gnyen po rnyed pas so/ /yongs su shes pa gang zhe na/ de'i gzhi'i dngos po yongs su shes pa dang/ ngo bo nyid yongs su shes pa dang nyes dmigs yongs su shes pa'o/ /yongs su spong ba gang zhe na/ byung bar gyur pa dang du mi len pa'o/ /gnyen po rnyed pa gang zhe na/ ma skyes pa spang ba'i phyir lam rnyed pa gang yin pa'o/ /yid la byed pa ci 'dra bas spong zhe na/ 'dres pa la dmigs pas spong ste/ chos thams cad bdag med pa'o zhes bya ba'o/ /mi rtag pa'i rnam pa la sogs pa gang yin pa de dag ni bdag med pa'i rnam pa'i yongs su spyod par byed pa'o/ /gang zhig gang las spong zhe na/ 'das pa ni 'gags pa'i phyir ma yin no/ ma 'ongs pa ni ma byung ba'i phyir ma yin no/ /da ltar byung ba ni lam dang mnyam du mi 'jug pa'i phyir ma yin no/ /'on kyang nyon mongs pa'i gnas ngan len gang yin pa de las spong ngo/ /gnas ngan len gyi rnam pa gang gi gnyen po gang byung ba gnyen po'i rnam pa de 'byung ba dang/ gnas ngan len gyi rnam pa de 'gog pa ni mnyam pas 'gag te/ snang ba dang mun pa 'byung ba dang 'gag pa bzhin no/ /gnas ngan len gyi rnam pa dang bral bas ma 'ongs pa na nyon mongs pa mi skye ba'i chos

  184. 92b

    can du gnas pa de ni spong ba'o/ /las gang zhe na/ sems pa'i las dang/ bsam pa'i las te/ las kyis mtshan nyid mdor bsdus pa'o/ /yang las rnam pa lnga ste/ dmigs pa'i las dang/ byed pa'i las dang/ rtsol ba'i las dang/ sgyur ba'i las dang/ 'thob pa'i las so/ skabs 'dir ni phal cher rtsol ba'i las su 'dod do/ /sems pa'i las gang zhe na/ sems mngon par 'du byed pa yid kyi las te/ bsod nams dang/ bsod nams ma yin pa dang/ mi g.yo ba'o/ /bsams pa'i las gang zhe na/ lus kyi las dang/ ngag gi las dang/ yid kyis las so/ lus kyi las dang/ ngag gi las dang/ yid kyi las de yang mi dge ba dang dge ba'o/ /mi dge ba ni mi dge ba'i las kyi lam bcu ste/ 'di lta ste/ srog gcod pa dang/ ma byin par len pa dang/ 'dod pas log par g.yem pa dang rdzun du smra ba dang/ phra ma dang/ ngag rtsub mo dang/ tshig gyal pa dang/ brnab sems dang/ gnod sems dang/ log par lta ba'o/ /dge ba ni dge ba bcu'i las kyi lam rnams te/ 'di lta ste/ srog gcod pa spong ba nas tshig kyal ba'i bar du spong ba dang/ brnab sems med pa dang/ gnod sems med pa dang/ yang dag par lta ba'o/ /srog gcod pa la sogs pa rnams kyi mtshan nyid ni gzhi dang/ bsam pa dang/ sbyor ba dang/ nyon mongs pa dang/ zin par byas pas kyang rig par bya'o/ /sems pa las gyur pa'i las shes gang byung ba de la/ sems pa las gyur pa gang zhe na/ gzhan gyis bsgo ba sems pa las gyur pa dang/ gzhan gyis gsol ba btab pa sems pa las gyur pa dang/ mi shes pa'i sems pa las gyur pa dang/ rtsa ba la mngon par zhen pa'i sems pa las gyur pa dang/ phyin ci log gi sems pa las gyur pa'o/ /de la rtsa ba la mngon par zhen pa'i sems pa las gyur pa dang/ phyin ci log gi sems pa las gyur pa'i las byas shing bsags pa'i rnam par smin pa ni myong bar mi 'gyur ba ma yin

  185. 93a

    no/ las kyi byed pa ni kun tu gcod pa'o/ /bsags pa ni bag chags 'phel lo/ /myong bar nges pa'i las shes gang 'byung ba de la/ nges pa gang zhe na/ las byed par nges pa dang/ rnam par smin pa myor bar nges pa dang/ dus nges pa'o/ de la mi dge ba bcu'i las kyi lam rnams kyi rnam par smin pa'i 'bras bu ni ngan song rnams su'o/ /rgyu mthun pa'i 'bras bu ni so so dang mthun pa'i mi'i lus dang yongs su gzung ba mi 'byor ba'o/ /dbang gis 'bras bu ni so so dang mthun pa nyid du phyi'i dngos po mi 'byor pa'o/ /de yang mdor las ji skad du dge ba bcu'i las kyi lam rnams kyi rnam par smin pa'i 'bras bu ni lha dang mi rnams kyi nang du'o/ /rgyu mthun pa'i 'bras bu ni de dag nyid du so so dang mthun par lus dang/ yongs su bzung ba phun sum tshogs pa'o/ /dbang gi 'bras bu ni de dag nyid du so so dang mthun par phyi'i dngos po phun sum tshogs pa'o/ /dge ba dang mi dge ba'i las kyi ni bde 'gro dang ngan 'gror skye ba'i 'phen pa dang/ yongs su rdzogs par byed pa'i las su rig par bya'o// 'phen pa ni gang gis rnam par smin pa 'phen pa'o/ /yongs su rdzogs par byed pa ni gang gis skyes pa 'dod pa dang mi 'dod pa myong ba'o/ /las gcig gis lus gcig 'phen pa'i las kyang yod/ las gcig gis lus du ma 'phen pa'i las kyang yod/ las du mas lus gcig 'phen pa'i las kyang yod/ las du mas lus du ma 'phen pa'i las kyang yod/ las mang po dang ldan pa'i sems can ji ltar rim gyis rnam par smin pa myong bar 'gyur zhe na/ de la gang shin tu lci bar gyur pa de thog mar rnam par smin par 'gyur ro/ /yan na 'chi ba'i dus na gang mngon du gyur pa'o/ /yang na goms par gyur pa'o/ /yang na gang thog mar spyad pa de thog ma nyid du smin par 'gyur ro/ /gsod nams kyi las dang/ gsod nams

  186. 93b

    ma yin pa'i las dang/ mi g.yo ba'i las shes gang 'byung ba de la/ gsod nams gang zhe na/ gang 'dod pa dang rab tu ldan pa'i dge ba'o/ /gsod nams ma yin pa gang zhe na/ gang mi dge ba'o/ /mi g.yo ba'i las gang zhe na/ gang gzugs dang gzugs med pa dang rab tu ldan pa'i dge ba'o/ /ma rig pa'i rkyen gyi bsod nams ma yin pa dang mi g.yo ba'i 'du byed rnams so zhes gang gsungs pa de la/ ji ltar na gsod nams dang gsod nams ma yin pa dang mi g.yo ba'i 'du byed rnams ma rig pa'i rkyen las 'byung ba yin zhe na/ rmongs pa ni gnyis te/ 'bras bu rnam par smin pa la rmongs pa dang/ de kho na'i don la rmongs pa'o/ /'bras bu rnam par smin pa la rmongs pa ni mi dge ba'i 'du byed rnams 'byung ngo/ /de kho na'i don la rmongs pa'i ni bsod nams dang mi g.yo ba rnams so/ srog gcod pa la ni chags pa dang zhe sdang dang gti mug gis sbyar te/ zhe sdang gis ni mthar phyin par byed do/ /srog gcod pa la ji lta bar dag rtsub po dang/ gnod sems la yang de bzhin no/ /ma byin par len pa mi chags ba dang zhe sdang dang/ gti mug gis sbyor te/ chags pas mthar phyin par byed do/ /ma byin par len pa ji lta bar 'dod pas log par g.yem pa dang/ brnab sems la yang de bzhin no/ /brdzun du smra ba la ni chags pa dang zhe sdang dang gti mug gis sbyor te/ gsum po dag las gang yang rung bas mthar phyin par byed do/ /brdzun du smra ba la ji lta bar phra ma dang/ tshig kyal ba yang de bzhin no/ /log par lta ba ni chags pa dang zhe sdang dang gti mug gis sbyor te/ gti mug gis mthar phyin par byed do/ /las thun mong pa zhes kyang 'byung/ las thun mong ma yin pa zhes kyang 'byung stobs dang ldan pa zhes kyang 'byung/ /mthu chung ba zhes kyang 'byung ba la thun mong pa gang zhe na/ gang snod kyi 'jig rten rnam par 'byed pa'o/ /thun mong ma yin

  187. 94a

    pa gang zhe na/ gang sems can gyi 'jig rten rnam par 'byed pa'o/ /yang gang gis sems can rnams phan tshun gyi dbang gis byung ba zhes brjod pa'i sems can rnams kyi phan tshun gyis dbang gis 'byung ba'i las kyang yod de/ 'di ltar sems can gzhan rnams dang phan tshun du lta ba la sogs pas nyes par spyod par mi 'gyur ba'i sems can de ni thun mong ba ma yin no/ /stobs dang ldan pa'i las gang zhe na/ gnyen po'i stobs can gyi gang zag gi sems pa las gyur pa'i las mi dge ba gang yin pa de ni/ gnyen po'i stobs bskyed pas/ gang sems can dmyal bar myong bar 'gyur pa de mthong ba'i chos la myong bar 'gyur ba 'am/ gang mthong ba'i chos la myong bar 'gyur ba de myong bar mi 'gyur ba ste/ de ltar na gnyen po las byung ba'i las dang/ sems pa las gyur pa'i dge ba'i las thams cad kyang stobs dang ldan pa'o/ /'di la dgongs nas bcom ldan 'das kyis 'phags pa nyan thos sems shin tu bsgoms pas tshad med pa rgya che ba la/ gang tshad du byas pa'i las des khrid par mi byed do/ /de la gnas par mi byed do/ /des de 'grang bar mi 'gyur ro zhes gsungs so/ /gnyen po'i mthu chung ba'i gang zag gis sems pa las gyur pa'i las mi dge ba gang yin pa dang/ gang yang sems pa las gyur pa'i las rnam par smin par nges pa de ma spangs pa dang yongs su ma shes pa de ni/ stobs dang ldan pa yin te/ 'di ni 'dir dgongs pa'o/ /yang 'dod pa dang rab tu ldan pa'i mi dge ba gang yin pa dang gang sngon goms par byas pa dang/ gnas la gnas pa dang/ yongs su mya ngan las mi 'da' ba' i chos can rnams kyi bsgrub tu med pa gang yin pa de ni rang bzhin gyi stobs dang ldan pa'o/ /zhing dang sems kyi mngon par 'du byed pas kyang stobs

  188. 94b

    dang ldan pa'i las su rig par bya'o/ /yang rnam pa dgus stobs dang ldan pa'i las su rig par bya ste/ zhing dang dngos po dang ngo bo nyid dang/ bzhi po dang yid la byed pa dang/ bsam pa dang grogs dang/ lan mang du byed pa dang/ skye bo mang pos kyang stobs dang ldan pa ste 'di las bzlog pa ni stobs dang mi ldan pa'i las so/ /bcom ldan 'das kyis su zhig 'di skad du skyes bu gang zag 'di ji lta ji ltar las byed cing sogs pa de lta de ltar rnam par smin pa myong bar 'gyur na/ de lta na tshangs par spyod par gnas par mi 'gyur zhing yang dag par sdug bsngal zad pa dang sdug bsngal mthar dbyung pa'i skabs kyang mi snang ngo zhes zer ba dang/ yang su zhig 'di skad du skyes bu gang zag 'di ji ltar myong bar 'gyur ba ji ltar myong bar 'gyur ba'i las byed cing sogs pa de ltar myong bar 'gyur pa'i rnam par smin pa myong bar 'gyur na/ de lta na ni tshangs par spyod par gnas par 'gyur zhing yang dag par sdug bsngal zad par 'gyur ba dang/ sdug bsngal mthar dbyung ba'i skabs kyang snang ngo zhes zer zhes bcom ldan 'das kyis gang gsungs pa de'i dgongs pa gang zhe na/ 'dir bcom ldan 'das kyis bde ba dang ldan pa'i las kyi rnam par smin pa bde ba dang ldan pa bkag go /sdug bsngal dang ldan pa'i sdug bsngal dang ldan pa dang sdug bsngal yang ma yin bde ba yang ma yin pa dang ldan pa'i sdug bsngal yang ma yin bde ba yang ma yin pa dang ldan pa yang de bzhin no/ /yang bde ba dang ldan zhing bde ba myong bar 'gyur ba'i rnam par smin pa bde ba ni gnang ngo/ /sdug bsngal myong bar 'gyur ba'i sdug bsngal dang/ sdug bsngal yang ma yin bde ba yang ma yin pa myong bar 'gyur ba'i sdug bsngal yang ma yin bde ba yang ma yin pa dang sdug bsngal dang ldan la bde ba myong bar 'gyur ba'i rnam par smin pa bde ba ni gnang ngo/ /sdug bsngal myong bar 'gyur ba'i sdug bsngal dang/ sdug bsngal la yang ma yin bde ba yang ma

  189. 95a

    yin pa myong bar 'gyur ba'i sdug bsngal yang ma yin bde ba yang ma yin pa dang sdug bsngal yang ma yin bde ba yang ma yin pa dang ldan la/ bde ba myong bar 'gyur ba'i rnam par smin pa bde ba ni gnang ngo/ /sdug bsngal myong bar 'gyur ba'i sdug bsngal dang/ sdug bsngal yang ma yin bde ba yang ma yin pa myong bar 'gyur ba'i sdug bsngal yang ma yin bde ba yang ma yin pa'o/ /zhes bya ba 'di ni 'dir dgongs pa'o/ /las kyi rab tu dbye ba ni sdom pa'i las dang/ sdom pa ma yin pa'i las dang/ sdom pa yang ma yin sdom pa ma yin pa yang ma yin pa'i las so/ /sdom pa'i las gang zhe na/ so so thar pa'i sdom pas bsdus pa dang/ bsam gtan gyi sdom pas bsdus pa dang/ zag pa med pa'i sdom pas bsdus pa'o/ /so so thar pa'i sdom pas bsdus pa'i las gang zhe na/ ris brgyad de/ dge slong gi sdom pa dang/ dge slong ma'i sdom pa dang/ dge slong ma'i slob pa dang/ dge tshul gyi sdom pa dang/ dge tshul ma'i sdom pa dang/ dge bsnyen gyi sdom pa dang/ dge bsnyen ma'i sdom pa dang/ bsnyen gnas kyi sdom pa'o/ rab tu byung ba'i sdom pa gang zag ji lta bu'i dbang du byas te rnam par bzhag ce na/ nyes par spyod pa las phen par spyod pa dang/ 'dod pa las dben par spyod pa'o/ /dge bsnyen dang dge bsnyen ma'i sdom pa gang zag ji lta bu'i dbang du byas te rnam par bzhag ce na/ nyes par spyod pa las dben par spyod pa yin gyi/ 'dod pa las dben par spyod pa ma yin no/ /bsnyen gnas pa'i sdom pa gang zag ji lta bu'i dbang du byas te rnam par bzhag ce na/ nyes par spyod pa las dben par spyod pa yang ma yin/ 'dod pa las dben par spyod pa yang ma yin pa'o/ /dge bsnyen bslab pa'i gzhi phyogs gcig la slob na dge bsnyen gyi sdom pa dang ldan pa zhes bya 'am/ ldan pa ma yin pa zhes bya zhe na/ ldan pa zhes bya ste/ tshul khrims 'chal ba zhes kyang bya'o/ zam dang ma ning rnams la

  190. 95b

    dge bsnyen gyi sdom pa bkag gam/ dge bsnyen gyi sdom pa ma bkag ce na/ dge bsnyen nyid ni bkag ste/ dge slong dang dge slong ma'i phyogs gnyis la bsnyen bkur bya ba'i 'os ma yin pa'i phyir ro/ /ma ning ni lnga ste/ skyes nas ma ning du gyur pa dang/ ma ning phrag dog can dang/ ma ning zla ba phyed pa dang/ rlugs pa'i ma ning dang/ nyams pa'i ma ning ngo/ /bsam gtan gyi sdom pa gang zhe na/ 'chal ba'i tshul khrims kun nas slong ba dag gi nyon mongs pa rnams kyi sa bon 'joms pa'i dus na 'dod pa la 'dod chags dang bral bas spong pa gang yin pa dang/ bsam gtan dang po la 'dod chags dang bral ba dang/ bsam gtan gnyis pa la 'dod chags dang bral ba dang/ bsam gtan gsum pa la 'dod chags dang bral bas spong ba gang yin pa'o/ /zag pa med pa'i sdom pa gang zhe na/ bden pa mthong ba zag pa med pa'i spangs pa gang yin pa'o/ /sdom pa ma yin pa gang zhe na/ sdom pa ma yin pa bshan pa dang/ bya gag bsod pa pa dang/ phag gis 'tsho ba dang/ nya pa dang/ ri dags kyi sngon pa dang/ bya ba dang/ bong rgyas 'tsho ba dang/ chom rkun pa dang/ gshed ma dang/ glang po che 'dzin pa dang/ sprul gyis 'tsho ba dang/ btson srungs pa dang/ nyan rna byed pa dang gnod pa byed pa rnams kyi gang yin pa'o/ /de dag gi las skyes pas sam/ yang dag par blangs pas te/ de dag gi las spyad pas nges par byas pa'o/ /sdom pa yang ma yin/ sdom pa ma yin pa yang ma yin pa gang zhe na/ sdom pa'ang ma yin sdom pa ma yin pa'ang ma yin pa'i las dge ba 'am mi dge ba gang yin pa'o/ /bde ba myong bar 'gyur ba'i las gang zhe na/ 'dod pa'i khams dang/ bsam gtan gsum po dag gi dge ba gang yin pa'o/ /sdug bsngal myong bar 'gyur ba'i las gang zhe na/ gang mi dge ba'o/ /sdug bsngal yang ma yin bde ba yang ma yin pa myong bar 'gyur pa'i las gang zhe na/ bsam gtan gsum po las gong

  191. 96a

    ma'i dge ba'o/ /mthong ba'i chos la myong bar 'gyur ba'i las gang zhe na/ gang mthong ba'i chos la rnam par smin pa rnam par smin par 'gyur ba ste/ 'di ltar byams pa'i ting nge 'dzin las langs pa la phan 'dogs pa dang/ gnod par byed pa las byung ba dang/ byams pa'i ting nge 'dzin ji lta bar nyon mongs pa med pa'i ting nge 'dzin dang/ 'gog pa'i snyoms par 'jug pa dang/ rgyun du zhugs pa'i 'bras bu dang/ dgra bcom pa'i 'bras bu las langs pa dang/ sangs rgyas la sogs pa dge slong gi dge 'dun la'ang de bzhin no/ /yang na gang bsam pa shin tu drag pos sbyor bas dge ba 'am mi dge ba spyod pa'o/ /skyes nas myong bar 'gyur ba'i las gang zhe na/ gang tshe phyi ma nyid la rnam par smin pa rnam par smin par 'gyur ba ste/ 'di lta ste/ mtshams med pa lnga'i las rnams so/ /yang na dge ba 'am mi dge ba gzhan yang yin no/ /lan grangs gzhan la myong bar 'gyur ba'i las gang zhe na/ gang de phan chad du rnam par smin pa rnam par smin par 'gyur ba'o/ gnag la rnam par smin pa gnag pa'i las gang zhe na/ gang mi dge ba'o/ /dkar la rnam par smin pa dkar ba'i las gang zhe na/ khams gsum pa'i dge ba'o/ /dkar gnag du gyur la rnam par smin pa dkar gnag tu 'gyur ba gang zhe na/ gang 'dod pa dang rab tu ldan pa'i 'dren ma ste/ bsam pa gnag la sbyor bas dkar ba 'am/ /sbyor bas gnag la bsam pas dkar ba'o/ /mi gnag cing dkar la rnam par smin par mi 'gyur zhing las zad par 'gyur ba'i las gang zhe na/ sbyor ba dang bar chad med pa'i lam rnams la zag pa med pa'i las so/ /sbyin pa'i las gang zhe na/ de'i gzhi dang/ kun nas slong ba dang/ dngos po dang/ ngo bo nyid kyis kyang rig par bya ste/ gzhi ni ma chags pa dang/ zhe sdang med pa dang/ gti mug med pa'o/ kun nas slong ba ni de dag dang ldan pa'i sems so//

  192. 96b

    dngos po ni sbyin par bya ba'i dngos po'o/ /ngo bo nyid ni gtong ba na lus kyi las dang ngag gis las so/ /ji ltar na sbyin pa phun sum tshogs pa yin zhe na/ phyir zhing sbyin pa dang/ phyogs mi 'byed par sbyin pa dang/ 'dod pa yongs su rdzogs par sbyin pa'i phyir ro/ /yang mi gnas par sbyin pa dang/ rgya cher sbyin pa dang/ dga' bas sbyin pa dang/ phyir zhing sbyin pa dang/ snod la sbyin pa dang/ 'khor dang/ glo bur du 'ongs pa la legs par bgos te/ sbyin pas sbyin pa phun sum tshogs par rig par bya'o/ /ji ltar na sbyin par bya ba phun sum tshogs par rig par bya zhe na/ sbyin par bya ba'i dngos po gnod pas grub pa na/ yin pa dang/ sbyin par bya ba'i dngos po gzhan las phrogs pa ma yin pa dang/ sbyin par bya ba'i dngos po ma rul zhing dri ma med pa dang/ sbyin par bya ba'i dngos po rung ba dang/ sbyin par bya ba'i dngos po chos kyis bsgrub pa'i phyir ro/ /ji ltar na tshul khrims dang ldan pa yin zhe na/ yang dag par blangs pa'i tshul khrims rjes su bsrung ba'i phyir ro/ /ji ltar na so sor thar pa'i sdom pas bsdams pa yin zhe na/ nges par 'byin pa'i tshul khrims yin pa'i phyir ro/ /ji ltar na cho ga dang spyod yul phun sum tshogs pa yin zhe na/ ma smad pa'i tshul khrims yin pa'i phyir ro/ /ji ltar na kha na ma tho ba chung ngu tsam rnams la yang 'jigs par lta ba yin zhe na/ shin tu gus par slob pa'i tshul khrims yin pa'i phyir ro/ /ji ltar na yang dag par blangs pa la slob ce na/ bslab pa'i gzhi rnams la bslab pa yongs su rdzogs par slob pa'i tshul khrims yin pa'i phyir ro/ /ji ltar na lus dang ngag gis gdams pa yin zhe na/ shes bzhin gyis yongs su zin pa'i phyir ro/ /ji ltar na lus dang ngag phun sum tshogs pas phun sum tshogs pa yin zhe na/ ltung ba mi byed pa'i phyir ro/ /ji ltar na lus dang ngag gi kun tu spyod pa yongs su dag pa yin zhe na/ 'gyod pa med pa la sogs pa'i rim gyis ting nge 'dzin la gnas

  193. 97a

    pa'i phyir ro/ /ji ltar na lus dang ngag gi kun tu spyod pa dge ba yin zhe na/ nyon mongs pa can gyi rtog pa dang ma 'dres pa'i phyir ro/ /ji ltar na lus dang ngag gi kun tu spyod pa kha na ma tho ba med pa yin zhe na/ smon nas tshangs par spyod pa la gnas pa rnam par spangs pa'i phyir ro/ /ji ltar na lus dang ngag gi kun tu spyod pa gnod pa med pa yin zhe na/ gzhan la brnyas thabs mi byed cing 'grogs na bde ba'i phyir ro/ /ji ltar na lus dang ngag gi kun tu spyod pa rjes su mthun pa yin zhe na/ mya ngan las 'das pa 'thob par byed pa dang mthun pa'i phyir ro/ /ji ltar na lus dang ngag gi kun tu spyod pa rjes su 'byor ba yin zhe na/ dge ba mi sbyoms pa dang/ sdig pa mi 'chab pa'i phyir ro/ /ji ltar na lus dang ngag gi kun tu spyod pa thabs dang ldan pa yin zhe na/ tshangs pa tshungs par spyod pa nye bar bsdud pa'i tshul khrims yin pa'i phyir ro/ /ji ltar na lus dang ngag gi kun tu spyod pa 'tsham pa yin zhe na/ bla ma rnams dang/ bla ma rnams dang 'dra ba rnams la nga rgyal ba cag pa'i phyir ro/ /ji ltar na lus dang ngag gi kun tu spyod pa mthun pa yin zhe na/ gdams ngag la mthun par 'dzin pa'i phyir ro/ /ji ltar na lus dang ngag gi kun tu spyod pa gdung ba med pa yin zhe na/ dka' thub drag po dang/ ngan ngon la mos pa rnam par spangs pa'i phyir ro/ /ji ltar na lus dang ngag gi kun tu spyod pa'i phyir 'gyod pa med pa yin zhe na/ longs spyod dang las kyi mdza' spangs pa la 'gyod pa med pa'i phyir ro/ /ji ltar na lus dang ngag gi kun tu spyod pa yid la bcags pa med pa yin zhe na/ cung zad tsam gyis chog par mi 'dzin pas yid la bcags pa med pa'i phyir ro/ /bcom ldan 'das kyis sems can 'di dag ni las bdag gir bya ba las kyi bgo skal la spyod pa/ las kyi skye gnas pa/ las bstan par bya ba dag ste/ las ni sems can mthon po dang/

  194. 97b

    dma' ba dang/ ngan pa dang/ gya nom par rnam par 'byed pa'o zhes gang gsungs pa de la/ las bdag gir bya ba ji lta bu yin zhe na/ rang gis byas pa'i rnam par smin pa myong ba'i phyir ro/ /ji ltar na las kyi bgo skal la spyod pa yin zhe na/ rang gis byas pa'i rnam par smin pa myong ba de la dge ba dang mi dge ba'i las so so'i bgo bskal la spyod pa'i phyir ro/ /ji ltar na las kyi skye gnas pa yin zhe na/ rgyu med pa dang mi mthun pa'i rgyu rnam par spangs pa'i las kyi skye gnas las sems can byung ba'i phyir ro/ /ji ltar na las bstan par bya ba yin zhe na/ las kyis bcings pa las rnam par thar par byed pa'i gnyen po'i las bsten pa yin pa'i phyir ro/ /sems can mthon po dang dma' ba gang zhe na/ bde 'gro dang ngan 'gror lus thob pa'o/ /ngan pa dang gya nom pa gang zhe na/ de dag nyid skyon dang ldan pa dang yon tan dang ldan pa'o/ /sems can rnams kyi las kyi rnam par smin pa bsam gyis mi khyab po zhes gang gsungs pa de la las kyi rnam par smin pa bsam gyis mi khyab pa ni ji lta bu/ bsam gyis mi khyab pa ni ji lta bu zhe na/ las dge ba rnams kyi rnam par smin pa lha dang mi rnams kyi nang du 'dod pa ni bsam gyis mi khyab pa'o/ /mi dge ba'i las kyi rnam par smin pa sems can dmyal ba dang dud 'gro dang/ yi dags kyi ngan song ngan 'gro log par ltung ba rnams su mi 'dod pa zhes bya ba ni bsam gyis mi khyab pa'o/ /las 'di sems can rnams kyi lus sna tshogs su 'gyur zhes bya ba 'di ni bsam gyis mi khyab pa'o/ /las dge ba dang mi dge ba de nyid gnas dang/ dngos po dang/ rgyu dang rnam par smin pa dang/ rab tu dbye bas ni bsam gyis mi khyab ste/ phyi'i dngos po sna tshogs mngon par 'grub par byed pa'i las bsam gyis mi khyab pa'o/ /nor bu dang/ sngags dang sman dang/ mkhyud bcas dang ldan pa'i las bsam gyis mi khyab rnal 'byor pa thams cad kyi mthu'i las bsam gyis mi khyab/ byang chub sems dpa' rnams

  195. 98a

    kyi dbang gi las bsam gyis mi khyab ste/ 'di lta ste/ tshe la dbang ba dang/ sems la dbang ba dang/ yo byad la dbang ba dang/ las la dbang ba dang/ skye ba la dbang ba dang/ mos pa la dbang ba dang/ smon lam la dbang ba dang/ rdzu 'phrul la dbang ba dang/ ye shes la dbang ba chos la dbang ba'i phyir ro/ /sangs rgyas thams cad kyi sangs rgyas kyi mdzad pa sgrub pa'i phrin las bsam gyis mi khyab po/ /de dag mdor bsdu na kun 'byung ba'i bden pa'i mtshan nyid rnam pa bzhir rig par bya ste/ rgyu'i mtshan nyid dang/ kun 'byung ba'i mtshan nyid dang/ rab tu skye ba'i mtshan nyid dang/ rkyen gyi mtshan nyid do/ /rgyu'i mtshan nyid gang zhe na/ yang srid pa'i bag chags 'jog pa'i byed rgyu yin pa'i phyir rgyu'i mtshan nyid du rig par bya'o/ /kun 'byung ba'i mtshan nyid gang zhe na/ sems can bag chags bsags pa de dang de dag sems can gyi ris de dang der kun 'byung ba'i byed rgyu yin pa'i phyir kun 'byung ba'i mtshan nyid du rig par bya'o/ /rab tu skye ba'i mtshan nyid gang zhe na/ so so rang dang rnam pa dang mchog tu 'byung ba'i byed rgyu yin pa'i phyir rab tu skye ba'i mtshan nyid du blta'o/ /rkyen gyi mtshan nyid gang zhe na/ gzhan dang gzhan 'thob pa dang/ 'da' ba' i byed rgyu yin pa'i phyir rkyen gyi mtshan nyid du rig par bya'o// //bam po bzhi pa/ 'gog pa'i bden pa gang zhe na/ mtshan nyid dang/ za ba dang/ brda dang/ don dam pa dang/ yongs su ma rdzogs pa dang yongs su rdzogs pa dang/ rgyan med pa dang/ rgyan dang bcas pa dang/ lhag ma dang bcas pa dang/ lhag ma med pa dang/ khyad par du 'phags pa dang/ rnam grangs kyis kyang 'gog pa'i bden pa rig par bya'o/ /mtshan nyid kyis ji lta bu zhe na/ de bzhin nyid dang/ lam dang nyon mongs pa mi 'byung ba ste/ gang du 'gog pa dang/ gang gis 'gog pa dang/ gang 'gog

  196. 98b

    ba'o/ /bcom ldan 'das kyis ji skad du/ gang du mig dang rna ba dang/ /de bzhin sna dang lce dang lus/ /yid dang de bzhin ming dang gzugs/ /ma lus par ni 'gags 'gyur ba/ /zhes gsungs pa lta bu'o/ /yang gsungs pa/ gang du mi 'gag pa dang/ kha dog gi 'du shes med par 'gyur ba dang/ chos kyi bar du 'gag pa dang/ chos kyi 'du shes med par 'gyur ba de ni gnas su rig par bya'o zhes/ rnam grangs 'dis ni de bzhin nyid la dmigs pa gang du zag pa dang bcas pa'i dngos po 'gags pa de 'gog pa'i mtshan nyid do/ /zab pas ji lta bu zhe na 'du byed de ngag gi 'jig pa las 'gog pa de gzhan zhes kyang mi bya/ gzhan ma yin pa zhes kyang mi bya/ gzhan pa'ang yin la/ gzhan ma yin pa yang yin zhes kyang mi bya/ gzhan pa'ang ma yin la gzhan ma yin pa'ang ma yin zhes kyang mi bya'o/ /de ci'i phyir zhe na/ spros pa med pa'i phyir ro/ /spros pas ni skabs 'dir tshul bzhin ma yin pa sems ma yin te/ bcom ldan 'das kyis ji skad du/ reg pa'i skye mched drug po dag zad pa dang/ rnam par zhig pa dang 'gog pa dang/ nye bar zhi ba dang/ nub pa las gzhan yod do zhe na/ spros pa med pa spros par byed do/ /gzhan med do zhe 'am/ yod kyang yod la med kyang med do zhe 'am/ gzhan yod pa'ang ma yin med pa'ang min zhe na/ yang spros pa med pa spros par byed do/ /ji srid du skye mched drug yod pa de srid du spros pa'o/ /skye mched drug 'gags pas spros pa med pa ste/ mya ngan las 'das par bstan to zhes gsungs pa lta bu'o/ /? des ji lta bu zhe na 'jig rten pa'i lam gyis sa bon nyams smad pas 'gog pa gang yin pa ste/ de'i phyir bcom ldan 'das kyis de'i rnam grangs su de'i yan lag gis mya ngan las 'das par gsungs so/ /don dam pas ji lta bu zhe na 'phags pa'i shes rab kyi sa bon kun tu bcom pas 'gog pa gang yin pa'o/ /yongs su ma rdzogs pas ji lta bu zhe na/ rgyun

  197. 99a

    tu zhugs pa'i 'bras bur bsdus pa 'am/ lan cig phyir 'ong ba'i 'bras bur bsdus pa 'am/ lan cig phyir mi 'ong ba'i 'bras bur bsdus pa'ang rung ste/ slob pa rnams kyi 'gog pa gang yin pa'o/ /yongs su rdzogs pas ji lta bu zhe na/ dgra bcom pa'i 'bras bur bsdus pa mi slob pa rnams kyi 'gog pa gang yin pa'o/ /rgyan med pas ji lta bu zhe na/ shes rab kyi rnam par grol ba'i dgra bcom pa rnams kyi 'gog pa gang yin pa'o/ /rgyan dang bcas pa ji lta bu zhe na/ gnyi ga'i cha las rnam par grol ba rig pa gsum dang/ mngon par shes pa drug dang ldan pa'i dgra bcom pa rnams kyi 'gog pa gang yin pa'o/ /lhag ma dang bcas pas ji lta bu zhe na/ phung po'i lhag ma dang bcas pa'i 'gog pa gang yin pa'o/ /lhag ma med pas ji lta bu zhe na/ phung po'i lhag ma med pa'i 'gog pa gang yin pa'o/ /khyad par du 'phags pas ji lta bu zhe na/ sangs rgyas dang byang chub sems dpa' rnams kyi mi gnas pa'i mya ngan las 'das par bsdus pa'i 'gog pa gang yin pa ste/ sems can thams cad la phan pa dang bde bar gnas pa'i phyir ro/ /rnam grangs kyis ji lta bu zhe na/ ma lus par spangs pa dang/ nges par spangs pa dang/ byang bar gyur pa dang/ zad pa dang/ 'dod chags dang/ bral ba dang/ 'gog pa dang/ rnam par zhi ba dang/ nub pa zhes bya ba la sogs pa'o/ /ci'i phyir ma lus par spangs pa zhes bya zhe na/ tshig lhag ma rnams kyi phyir ro/ /ci'i phyir nges par spangs pa zhes bya zhe na/ kun nas dkris pa bong? ba'i phyir ro/ /ci'i phyir byang bar gyur pa zhes bya zhe na/ bag la nyal mthar phyin par byed pa'i phyir ro/ /ci'i phyir zad pa zhes bya zhe na/ gnyen po mthong ba'i lam gyis bral ba'i phyir ro/ /ci'i phyir 'dod chags dang bral ba zhes bya zhe na/ gnyen po bsgom pa'i lam gyis bral ba'i phyir ro/ /ci'i phyir 'gog pa

  198. 99b

    zhes bya zhe na/ phyi ma la de'i 'bras bu sdul mi skye ba'i phyir ro/ /ci'i phyir rnam par zhi ba zhes bya zhe na/ mthong ba'i chos la de'i 'bras bu sems kyi sdug bsngal rgyu ba med pa'i phyir ro/ /ci'i phyir nub pa zhes bya zhe na/ phung po lhag ma rnams 'jig pa'i phyir ro/ /ci'i phyir 'dus ma byas zhes bya zhe na/ mtshan nyid gsum dang bral ba'i phyir ro/ /ci'i phyir blta dka' ba zhes bya zhe na/ sha dang lha'i mig gi spyod yul las shin tu 'das pa'i phyir ro/ /ci'i phyir g.yo ba med pa zhes bya zhe na/ 'gro bar 'pho ba dang bral ba'i phyir ro/ /ci'i phyir mdud pa med pa zhes bya zhe na/ sred pa gsum dang bral ba'i phyir ro/ /ci'i phyir 'chi ba med pa zhes bya zhe na/ phung po'i bdud dang bral ba'i phyir ro/ /ci'i phyir zag pa med pa zhes bya zhe na/ nyon mongs pa'i bdud dang bral ba'i phyir ro/ /ci'i phyir gnas zhes bya zhe na/ kha na ma tho ba med pa'i dga' ba'i gzhi yin pa'i phyir ro/ /ci'i phyir gling zhes bya zhe na/ khams gsum yongs su chad pa'i phyir ro/ /ci'i phyir skyob pa zhes bya zhe na/ gnod pa thams cad zlog pa'i phyir ro/ /ci'i phyir mgon zhes bya zhe na/ der bsam pa dang sbyor ba byas pa 'bras bu yod pa'i gzhi'i gnas yin pa'i phyir ro/ /ci'i phyir dpung gnyen zhes bya zhe na/ 'phags pa'i mchog nyid du 'gro ba'i gzhi'i gnas yin pa'i phyir ro/ /ci'i phyir 'chi 'pho med pa zhes bya zhe na/ skye ba dang bral ba'i phyir ro/ /ci'i phyir rims nad med pa zhes bya zhe na/ 'dod pas phongs pa thams cad dang bral ba'i phyir ro/ /ci'i phyir yongs su gdud ba med pa zhes bya zhe na/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa dang bral ba'i phyir ro/ /ci'i phyir bde ba zhes bya zhe na/ 'jigs pa med par gnas pa'i gzhi'i gnas yin pa'i phyir ro/ /ci'i phyir zhi ba zhes bya zhe na/ phan pa'i dngos po'i phyir ro/ /ci'i phyir bde ba'i gzhi zhes bya zhe na/ don dam pa'i bde ba'i gzhi yin pa'i phyir ro/ /ci'i phyir bde bar 'gyur

  199. 100a

    ba zhes bya zhe na/ sbyor ba bde bas de 'thob pa'i gzhi'i gnas yin pa'i phyir ro/ /ci'i phyir nad med pa zhes bya zhe na/ sgrib pa thams cad dang bral ba'i phyir ro/ /ci'i phyir mi g.yo ba zhes bya zhe na/ g.yeng ba thams cad dang bral ba'i phyir ro/ /ci'i phyir mya ngan las 'das pa zhes bya zhe na/ mtshan ma med cing zhi la bde bar gnas pa'i gzhi'i gnas yin pa'i phyir ro/ /ci'i phyir ma skyes pa zhes bya zhe na/ nying mtshams sbyor ba dang bral ba'i phyir ro/ /ci'i phyir ma byung ba zhes bya zhe na/ de'i 'og tu 'byung ba dang bral ba'i phyir ro/ /ci'i phyir ma byas pa zhes bya zhe na/ sngon gyi mdza' i las dang nyon mongs pa'i 'phen pa dang bral ba'i phyir ro/ /ci'i phyir 'dus ma byas pa zhes bya zhe na/ da ltar nyon mongs pa 'du mi byed pa'i gzhi'i gnas yin pa'i phyir ro/ /ci'i phyir skye ba med pa zhes bya zhe na/ ma 'ongs pa'i rgyud 'byung ba dang bral ba'i phyir ro/ /yang 'gog pa'i bden pa'i mtshan nyid rnam pa bzhir rig par bya ste/ 'gog pa'i mtshan nyid dang/ zhi ba'i mtshan nyid dang/ gya nom pa'i mtshan nyid dang/ nges par 'byung ba'i mtshan nyid do/ /ci'i phyir 'gog pa'i mtshan nyid ces bya zhe na/ nyon mongs pa dang bral ba'i phyir ro/ /ci'i phyir zhi ba'i mtshan nyid ces bya zhe na/ sdug bsngal dang bral ba'i phyir ro/ /ci'i phyir gya nom pa'i mtshan nyid ces bya zhe na/ gtsang ba dang bde ba'i dngos po yin pa'i phyir ro/ /ci'i phyir nges par 'byung ba'i mtshan nyid ces bya zhe na/ rtag pa dang phan pa'i gzhi yin pa'i phyir ro/ /lam gyi bden pa gang zhe na/ lam gang gi sdug bsngal yongs su shes pa dang/ kun 'byung ba dang/ 'gog pa mngon du byed pa dang/ lam bsgom pa ste/ 'di ni lam gyi mtshan nyid mdor bsdus pa'o/ /yang lam rnam pa lnga ste/ tshogs kyi lam dang/ sbyor ba'i lam dang/ mthong ba'i lam dang/ bsgom pa'i lam dang/

  200. 100b

    mthar phyin pa'i lam mo/ /tshogs kyi lam gang zhe na/ so so'i skye bo'i tshul khrims dang/ dbang po'i sgo ba rnams pa dang/ zas kyi tshod shes pa dang/ nam gyi cha stod dang/ nam gyi cha smad la mi nyal bar rnal 'byor la brtson pa dang/ shes bzhin du gnas par mngon par dga' ba'o// yang gang rgyur gyur pa'i bde ba gzhan dang/ thos pa las byung ba dang/ bsam pa las byung ba dang/ bsgoms pa las byung ba'i shes rab kyang rung ste/ de bsgom pas mngon par rtogs pa dang/ rnam par thar par 'gyur ba'i gnas kyi gnod nyid du 'gyur ro/ /sbyor ba'i lam gang zhe na/ tshogs kyi gang yin pa sbyor ba'i yang de yin no/ /sbyor ba'i yin la tshogs kyi ma yin pa yang yod de/ tshogs bsags pa'i nges par 'byed pa'i cha dang mthun pa'i dge ba'i rtsa ba rnams te/ de ni dro bar gyur pa dang/ rtse mo dang/ bden pa'i rjes su mthun pa'i bzod pa dang/ 'jig rten pa'i chos kyi mchog rnams so/ /dro bar gyur pa gang zhe na/ so so rang gis bden pa rnams la snang ba thob pa'i ting nge 'dzin dang/ shes rab mtshungs par ldan pa dang bcas pa'o/ /rtse mo gang zhe na/ so so rang gis bden pa rnams la snang ba mched pa'i ting nge 'dzin dang/ shes rab mtshungs par ldan pa dang bcas pa'o/ /bden pa'i rjes su mthun pa'i bzod pa gang zhe na/ so so rang gis bden pa rnams kyi phyogs gcig la zhugs pa dang/ rjes su song ba'i ting nge 'dzin dang/ shes rab dang mtshungs par ldan pa dang bcas pa'o/ /'jig rten pa'i chos kyi mchog gang zhe na/ so so rang gis bden pa rnams la de ma thag pa'i sems kyi ting nge 'dzin dang/ shes rab mtshungs par ldan pa dang bcas pa'o/ /mthong ba'i lam gang zhe na/ mdor bsdu na/ 'jig rten pa'i chos kyi mchog gis mjug thogs su mi dmigs pa'i ting nge 'dzin dang/ shes rab mtshungs par ldan pa dang bcas pa ste/ dmigs par bya ba dang/ dmigs par byed pa mnyam pas mnyam bzhes pa'ang de yin ste/

  201. 101a

    so so rang la sems can gyi brda dang/ chos kyi brda bsal ba dang/ thams cad du gnyi ga'i brda bsal ba la dmigs pa'i chos shes pa'ang de yin no/ /yang mthong ba'i lam rab tu dbye na 'jig rten pa'i chos kyi mchog gi mjug thogs su sdug bsngal la chos shes pa'i bzod pa dang/ sdug bsngal la chos shes pa dang/ sdug bsngal la rjes su rtogs par shes pa'i bzod pa dang/ sdug bsngal la rjes su rtogs pa'i shes pa dang/ kun 'byung ba la chos shes pa'i bzod pa dang/ kun 'byung ba la chos shes pa dang/ kun 'byung ba la rjes su rtogs par shes pa'i bzod pa dang/ kun 'byung ba la rjes su rtogs pa'i shes pa dang/ 'gog pa la chos shes pa'i bzod pa dang/ 'gog pa la chos shes pa dang/ 'gog pa la rjes su rtogs par shes pa'i bzod pa dang/ 'gog pa la rjes su rtogs pa'i shes pa dang/ lam la chos shes pa'i bzod pa dang/ lam la chos shes pa dang/ lam la rjes su rtogs par shes pa'i bzod pa dang/ lam la rjes su rtogs pa'i shes pa'o/ /sdug bsngal gang zhe na/ sdug bsngal gyi bden pa'o/ /sdug bsngal chos shes pa gang zhe na/ sdug bsngal gyi bden pa'i dbang du byas pa'i chos bstan pa rnams so/ /chos shes pa gang zhe na/ sbyor ba'i lam la sdug bsngal gyi dbang du byas pa las byung ba'i chos la rnam par dpyod pa'i shes pa'o/ /gzod pa gang zhe na/ sngar rnam par dpyod pa'i dbang du byas nas so so rang la sdug bsngal gyi bden pa mngon sum du 'gyur ba'i zag pa med pa'i shes rab ste/ gang gi sdug bsngal mthong bas spang bar bya ba'i nyon mongs pa spong ba ste/ sdug bsngal la chos shes pa'i bzod pa zhes bya'o/ /sdug bsngal la chos shes pa gang zhe na/ shes pa gang gis bzod pa'i mjug thogs su rnam par grol ba mngon du byed pa'o/ /sdug bsngal la rjes su rtogs par shes pa'i

  202. 101b

    bzod pa gang zhe na/ sdug bsngal la chos shes pa'i mjug thogs su sdug bsngal la chos shes pa'i bzod pa dang/ sdug bsngal la chos shes pa'i 'di gnyis 'phags pa'i chos rnams kyi rgyu'o zhes so so rang la mngon sum du 'gyur ba'i zag pa med pa'i shes rab bo/ /sdug bsngal la rjes su rtogs pa'i shes pa gang zhe na/ shes pa gang gis rjes su rtogs par shes pa'i bzod pa de nges par 'dzin pa'o/ /de bzhin du bden pa lhag ma rnams la yang bzod pa dang/ shes pa rnams ci rigs su sbyar ro/ de la chos shes pa'i bzod pa dang/ shes pa rnams kyis ni gzu dang rtogs so/ /rjes su rtogs pa'i bzod pa dang shes pa rnams kyis na 'dzin pa rtogs so/ /bzod pa dang shes pa thams cad la yang mtshan ma med par gnas pa'i rnal 'byor can du rig par bya'o/ /sems kyi skad cig bcu drug po 'di dag ni mthong ba'i lam mo/ /sems kyi skad cig ni shes bya la shes pa 'byung ba yongs su rdzogs par rig par bya'o/ /chos rnams la chos kyi mig rdul med cing dri ma dang bral ba skyes so zhes gang gsungs pa de ni mthong ba'i lam gyi dbang du mdzad nas gsungs pa ste/ chos la bzod pa rnams kyi ni rdul med pa'o/ /chos shes pa rnams kyis ni dri ma dang bral ba'o/ /yongs su shes pa dang spangs pas kyang lam rnam par dag pa'i phyir ro/ /chos mthong ba chos 'thob pa chos rigs pa/ chos rtogs pa/ som nyi las rgal ba/ the tshom las rgal ba/ gzhan gyi dring la mi 'jog pa/ ston pa'i bstan pa las gzhan gyis mi bkri ba/ chos rnams la mi 'jigs pa thob pa zhes gang gsungs pa de yang mthong ba'i lam gyi dbang du mdzad nas gsungs pa ste/ chos la bzod pa rnams kyis chos mthong ngo/ /chos shes pa rnams kyis chos thob bo/ /rjes su rtogs pa'i bzod pa rnams kyis chos rig go /rjes su

  203. 102a

    rtogs pa'i shes pa rnams kyis chos rtogs so/ /thams cad kyis rang gis thob pa la som nyi las rgal to/ /gzhan gyis thob pa la the tshom la brgal to/ /lam bsgom pa la gzhan gyi dring la mi 'jog go /mu stegs can rnams kyis mi 'phrogs pa'i phyir ston pa'i bstan pa la gzhan gyis mi bkri'o/ /chos rnams la mi 'jigs pa thob pa ni yongs su 'dri ba'i chos dang/ lung bstan pa'i chos ni 'dir chos su 'dod de/ sems zhum pa med pa'i phyir de la mi 'jigs pa thob bo// bsgom pa'i lam gang zhe na/ mthong ba'i lam las gang du gyur pa 'jig rten pa'i lam dang/ 'jig rten las 'das pa'i lam dang/ lam chung ngu dang/ lam 'bring po dang/ lam chen po dang/ sbyor ba'i lam dang/ bar chad med pa'i lam dang/ rnam par grol ba'i lam dang/ khyad par gyi lam mo/ /'jig rten pa'i lam gang zhe na/ 'jig rten pa'i bsam gtan dang po dang/ gnyis pa dang/ gsum pa dang/ bsam gtan bzhi pa dang/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ 'du shes med 'du shes min skye mched de/ bsam gtan dang/ gzugs med pa de dag kyang kun nas nyon mongs pa dang/ rnam par byang ba dang/ rnam par bzhag pa dang/ rnam par dag pas rig par bya'o/ /kun nas nyon mongs pas ji lta bu zhe na/ lung du ma bstan pa'i rtsa ba bzhi po sred pa dang/ lta ba dang/ nga rgyal dang/ ma rig pa'o/ /sred pas ni ro myang ba'i kun nas nyon mongs pas kun nas nyon mongs so/ /lta bas ni lta ba'i shas che'i bsam gtan pa nyid kyis kun nas nyon mongs so/ /nga rgyal gyis ni nga rgyal gyi shas che'i bsam gtan pa nyid kyis kun nas nyon mongs so/ /ma rig pas ni the tshom gyi shas che ba'i bsam gtan pa nyid kyis kun nas nyon mongs so/ /de

  204. 102b

    ltar sems kun nas nyon mongs pa gang la gzugs dang gzugs med pa dag na spyod pa'i nyon mongs pa dang nye ba'i nyon mongs pa rnams 'byung ngo/ /rnam par byang bas ji lta bu zhe na/ dag pa'i bsam gtan pa dang gzugs med pa rnams kyang dge ba'i phyir rnam par byad pa zhes bya'o/ /rnam par bzhag pas ji lta bu zhe na/ yan lag rnam par bzhag pa dang/ snyoms par 'jug pa rnam par bzhag pa dang/ tshad rnam par bzhag pa dang/ ming du btags pa rnam par bzhags pas so/ /yan lag rnam par bzhag pas ji lta bu zhe na/ bsam gtan dang po la yan lag lnga ste/ yan lag lnga ni rtogs pa dang/ dpyod pa dang/ dga' ba dang/ bde ba dang/ sems rtse gcig pa nyid do/ /bsam gtan gnyis pa la yan lag bzhi ste/ yan lag bzhi ni nang rab tu dang ba dang dga' ba dang/ bde ba dang/ sems rtse gcig pa nyid do/ bsam gtan gsum pa la yan lag lnga ste/ yan lag lnga ni btang snyoms dang/ dran pa dang/ shes bzhin dang/ bde ba dang/ sems rtse gcig pa nyid do/ /bsam gtan bzhi pa la yan lag bzhi ste/ yan lag bzhi ni btang snyoms yongs su dag pa dang/ dran pa yongs su dag pa dang/ sdug bsngal yang ma yin bde ba yang ma yin pa'i tshor ba dang/ sems rtse gcig pa nyid do/ /gnyen po'i yan lag dang/ phan yon gyi yan lag dang/ de gnyi ga'i gnas kyi rang bzhin kyi yan lag gi phyir ro/ /gzugs med pa rnams na ni zhig nas su ro gcig pa nyid kyi phyir yan lag rnam par bzhag pa med do/ /snyoms par 'jug pa rnam par bzhag pas ji lta bu zhe na/ yid la byed pa bdun gyis bsam gtan dang po la snyoms par 'jug ste/ 'du shes med 'du shes med min gyi skye mched kyi bar du yang de bzhin no/ /yid la byed pa bdun gang zhe na/ mtshan nyid rab tu rig pa'i yid la byed pa dang/ mos pa las byung ba dang/ rab

  205. 103a

    tu dben pa las byung ba dang/ dga' ba sdud pa dang/ dpyod pa dang/ sbyor ba'i mdza' dang/ sbyor ba'i mdza' i 'bras bu yid la byed pa'o/ /tshad rnam par bzhag pas ji lta bu zhe na/ bsam gtan dang po la chung ngur yongs su bsgom pa dang/ 'bring du yongs su bsgom pa dang/ chen por yongs su bsgom pa dang/ bsam gtan dang po la ji lta bar bsam gtan lhag ma rnams dang/ gzugs med pa rnams kyang de bzhin no/ /bsam gtan dang po la chung ngu dang 'bring dang/ chen por yongs su bsgoms pa'i 'bras bu ni bsam gtan dang po'i skye ba gsum mo/ /bsam gtan dang po la ji lta bar bsam gtan lhag ma rnams kyang de bzhin te/ bsam gtan gyi skye ba rnam pa gsum gsum mo/ /gzugs med pa rnams na ni gnas gzhan med pa'i phyir skyes ba tha dad pa yang med do/ /de? na chung ngu dang/ 'bring dang/ chen por yongs su bsgom pas gzugs med pa rnams su skye ba mthon po dang/ dma' ba dang/ ngan pa dang/ bzang por mngon no/ /ming du gdags pa rnam par bzhag pas ji lta bu zhe na/ bsam gtan dang pos bsdus pa'i ting nge 'dzin ji snyed la/ sangs rgyas dang byang chub sems dpa' rnams snyoms par 'jug pa de dag gi ming yang/ nyan thos dang rang sangs rgyas rnams kyis mi shes so/ /bsam gtan dang pos bsdus pa ji lta bar bsam gtan lhag ma rnams dang/ gzugs med pas bsdus pa rnams kyang de bzhin te/ de dag ni bsam gtan gyi pha rol tu phyin pa la brten nas so/ /rnam par dag pas ji lta bu zhe na/ rab kyi mdza' i cha las byung ba'i bsam gtan dang po nas/ 'du shes med 'du shes med min skye mched kyi bar du rnam par dag pa zhes bya'o/ /'jig rten las 'das pa'i lam gang zhe na/ bsgom pa'i lam la sdug bsngal dang/ kun 'byung ba dang/ 'gog pa dang/ lam shes pa rnams te/ chos shes pa dang/ rjes su rtogs pa shes pa'i phyogs rnams dang/ de dag dang

  206. 103b

    mtshungs par ldan pa'i ting nge 'dzin bsam gtan dang po nas ci yang med pa'i skye mched kyi bar du'o/ /'du shes med 'du shes med min skye mched ni/ 'du shes kyi rgyu ba yongs su mi gsal ba'i phyir 'jig rten pa nyid de/ de'i phyir mtshan ma med pa zhes bya'o/ /bcom ldan 'das kyis ji skad du ji tsam du 'du shes kyi snyoms par 'jug pa de tsam du kun shes pa rtogs so/ /zhes gsungs pa lta bu'o/ /'gog pa'i snyoms par 'jug pa ni 'jig rten las 'das pa ste/ mi rnams kyi nang du mngon par sgrub po/ /mi rnams kyi nang du mngon par grub pas mi rnams kyi nang du 'am/ gzugs kyi khams rnams su mngon du byed do/ /gzugs med pa'i khams rnams su mi 'di mngon du 'gyur ba med de/ zhi ba'i rnam par thar pa'i rnam par smin pas gnas pa rnams ni de la 'bad pa'i rtsom pa med pa'i phyir ro/ /lam chung ngu gang zhe na/ chung ngu'i chung ngu dang/ chung ngu'i 'bring po dang/ chung ngu'i chen po ste/ gang gis sa dang sa na khams gsum na spyod pa'i nyon mongs pa rnams kyi nyon mongs pa'i rnam pa chen po'i chen po dang/ chen po'i 'bring dang/ chen po'i chung ngu spong ba'o/ /lam 'bring po gang zhe na/ lam 'bring po'i chung ngu dang/ 'bring po'i 'bring po dang/ 'bring po'i chen po ste/ gang gis sa dang sa na khams gsum na spyod pa'i nyon mongs pa rnams kyi nyon mongs pa'i rnam pa 'bring po'i chen po dang/ 'bring po'i 'bring po dang/ 'bring po'i chung ngu spong ba'o/ /lam chen po gang zhe na/ chen po'i chung ngu dang/ chen po'i 'bring po dang/ chen po'i chen po ste/ gang gis sa dang sa na khams gsum na spyod pa'i nyon mongs pa rnams kyi nyon mongs pa'i rnam pa chung ngu'i chen po dang/ chung ngu'i 'bring po dang/ chung ngu'i chung ngu spong ba'o/ /sbyor ba'i lam gang zhe na/ gang gis nyon mongs pa spong ba'o/ /bar chad med pa'i lam gang zhe na/ gang gi 'og tu bar chad med pa'i nyon mongs pa spong bar 'gyur ba'o/ /rnam par grol

  207. 104a

    ba'i lam gang zhe na/ gang gis nyon mongs pa spangs nas rnam par grol ba mngon du byed pa'o/ /byed par gyis lam gang zhe na/ nyon mongs pa'i rnam pa de las gzhan pa la sbyor ba dang/ bar chad med pa dang/ rnam par grol ba'i lam ni khyad par gyi lam mo/ /yang nyon mongs pa spong bar sbyor ba bsal nas chos sems pa 'am/ zhugs pa'i chos la gnas pa 'am/ snyoms par 'jug pa'i khyad par gyi lam gang yin pa'o/ /yang yon tan khyad par can rnams mngon par sgrub pa 'am/ gnas pa'i lam gang yin pa'o/ /lam bsgom pa gang zhe na/ thob par bya ba'i phyir bsgom pa dang/ bstan pa'i bsgom pa dang/ bsal ba'i phyir bsgom pa dang/ gnyen po bsgom pa'o/ /thob par bya ba'i phyir bsgom pa gang zhe na/ dge ba'i chos ma skyes pa rnams bskyed pa'i phyir bsgom pa'o/ /bsten pa'i bsgom pa gang zhe na/ dge ba'i chos skyes pa rnams gnas pa dang/ mi nyams pa dang/ phyir zhing 'byung ba dang/ 'phel ba dang/ yangs par bya ba'i phyir gang bsgom pa'o/ /gsal ba'i phyir bsgom pa gang zhe na/ sdig pa mi dge ba'i chos skyes pa rnams spang ba'i phyir gang bsgom pa'o/ /gnyen po bsgom pa gang zhe na/ sdig pa mi dge ba'i chos ma skyes pa rnams mi bskyed pa'i phyir gang bsgom pa'o/ /yang lam skye ba na rang gi bag chags 'jig pa de ni thob par bya ba'i phyir bsgom pa'o/ /de nyid mngon du gyur nas bsgom par 'gyur ba de ni bsten pa'i bsgom pa'o/ /rang gi sgrib pa spong ba de ni bsal ba'i phyir bsgom pa'o/ /sgrib pa spangs nas kyang phyi ma la mi skye ba'i chos can du 'jog pa de ni gnyen po bsgom pa'o/ /yang gnyen po rnam pa bzhi ste/ rnam par sun 'byin pa gnyen po dang/ spong ba gnyen po dang/ rten gnyen po dang/ thag srid pa gnyen po ni gnyen po bsgom pa zhes bya'o/ /rnam par sun 'byin pa gnyen po gang zhe na/ zag pa dang

  208. 104b

    bcas pa'i 'du byed rnams la nyes dmigs su lta ba'o/ /spong ba gnyen po gang zhe na/ sbyor ba dang/ bar chad med pa'i lam mo/ /brten gnyen po gang zhe na/ rnam par grol ba'i lam mo/ /thag srid ba gnyen po gang zhe na/ de'i gong ma'i lam mo/ /yang dngos po la yongs su rtogs pa'i lam dang/ rtsol ba las byung ba'i lam dang/ ting nge 'dzin yongs su spyad ba byas pa'i lam dang/ mngon par rtogs par byas pa la sbyor ba'i lam dang/ mngon par rtogs pa dang ma 'dres pa'i lam dang/ mngon pa rtogs pa'i lam dang/ rnam par dag par nges par 'byin pa'i lam dang/ gnas dang dbang pos tha dad pa'i lam dang/ bslab pa gsum yongs su sbyod pa'i lam dang/ yon tan thams cad sgrub par byed pa'i lam dang/ lam sdud pa'i lam ni lam zhes bya ste/ de yang byang chub kyi phyogs kyi chos sum cu rtsa bdun dang/ lam bzhi dang/ chos kyi gnas bzhi dang/ zhi gnas dang/ lhag mthong dang/ dbang po gsum dang/ go rim bzhin no/ /dran pa nye bar bzhag pa rnams ni dmigs pa dang/ ngo bo nyid dang/ grogs dang/ bsgom pa dang/ bsgoms pa'i 'bras bus rig par bya'o/ /dran pa nye bar bzhag pa rnams la ji lta bar byang chub kyi phyogs lhag ma rnams la'ang de bzhin no/ /dran pa nye bar bzhag pa rnams kyi dmigs pa gang zhe na/ lus dang/ tshor ba dang/ sems dang chos so/ /yang bdag gi gnas kyi dngos po dang/ bdag gi longs spyod kyi gzhi dang/ bdag gi dngos po dang/ bdag kun nas nyon mongs pa dang/ rnam par byang ba'i dngos po'o/ /ngo bo nyid gang zhe na/ shes rab dang dran pa'o/ grogs gang zhe na/ de dang mtshungs par ldan pa sems dang sems las byung ba'i chos rnams so/ /bsgom pa gang zhe na/ nang gi lus la sogs pa la lus la sogs pa'i rjes su lta ba'o/ /nang la ji lta bar phyi dang nang dang/ phyi la yang de bzhin no/ /nang gi

  209. 105a

    lus gang zhe na/ lus gang la nang gi skye mched gzugs can dag gang yin pa'o/ /phyi'i lus gang zhe na/ phyi'i skye mched gzugs can rnams so/ /nang dang phyi'i lus gang zhe na/ nang gi skye mched dang 'brel ba'i phyi'i skye mched dbang po'i gnas rnams dang/ gzhan gyi rgyud la yod pa'i nang gi skye mched gzugs can rnams so/ /lus la lus kyi rjes su lta ba gang zhe na/ rnam par rtogs pa'i gzugs brnyan gyi lus dang/ rang bzhin gyi gzugs kyi lus la mnyam pa nyid du lta ba gang yin pa'o/ /nang gi tshor ba gang zhe na/ nang gi lus la brten nas 'byung ba'i tshor ba'o/ /phyi'i tshor ba gang zhe na/ phyi'i lus la brten nas 'byung ba'i tshor ba'o/ /nang dang phyi'i tshor ba gang zhe na/ nang dang phyi'i lus la brten nas 'byung ba'i tshor ba'o/ /tshor ba ji lta bar sems dang chos la'ang de bzhin no/ /lus la lus kyi rjes su lta ba ji lta bar tshor ba la sogs pa la tshor ba la sogs pa'i rjes su lta ba yang de bzhin te/ ci rigs su sbyar bar rig par bya'o/ /yang bsgom pa ni 'dun pa dang/ brtson 'grus dang/ brtsol ba dang/ spro ba dang/ ma than pa dang/ phyir nur ba med pa dang/ dran pa dang/ shes bzhin dang/ bag yod pa'o/ /yid la mi byed pa nye ba'i nyon mongs pa'i gnyen por 'dun pa bsgom mo// le lo nye ba'i nyon mongs pa'i gnyen por brtson 'grus rtsom mo/ /bying ba dang rgod pa nye ba'i nyon mongs pa'i gnyen por rtsol ba bsgom mo/ /sems zhum pa nye ba'i nyon mongs pa'i gnyen por spro ba bsgom pa'o/ /gnod pas yongs su skyob nye ba'i nyon mongs pa'i gnyen por ma than pa bsgom mo/ /cung zad tsam gyis chog par 'dzin pa nye ba'i nyon mongs pa'i gnyen por phyir nur ba med pa bsgom mo/ /gdams ngag brjed pa nye ba'i nyon mongs pa'i gnyen por dran

  210. 105b

    pa bsgom mo/ /ltung bas yid la bcags pa nye ba'i nyon mongs pa'i gnyen por shes bzhin bsgom mo/ /brtson pa 'dor ba nye ba'i nyon mongs pa'i gnyen por bag yod pa bsgom mo/ /bsgom pa'i 'bras bu gang zhe na/ phyin ci log spang ba dang/ bden pa la 'jug pa dang/ lus la sogs pa dang bral ba'o/ /yang dag pa'i spong ba rnams kyi dmigs pa gang zhe na/ mi mthun pa'i phyogs dang/ gnyen po skyes pa dang/ ma skyes pa'o/ /ngo bo nyid gang zhe na/ brtson 'grus so/ /grogs gang zhe na/ de dang mtshungs par ldan pa'i sems dang sems las byung ba'i chos rnams so/ /bsgom pa gang zhe na/ gang 'dun pa bskyed de/ /'bad do brtson 'grus rtsom mo/ /sems rab tu 'dzin to/ /rab tu 'jog go zhes bya ba ste/ 'di ni brtson 'grus bsgom pa gnas dang bcas pa'o/ /gnas ni 'dun pa'o 'bad pa ni brtson 'grus so/ /zhi gnas dang/ rab tu 'dzin pa dang/ btang snyoms kyi mtshan ma yid la byed pa la brtson 'grus rtsom mo/ /bying ba dang rgod pa sel ba yang brtson 'grus nyid de/ 'di ltar de'i 'og tu sems rab tu 'dzin pa dang/ rab tu 'jog pa smos so/ /'bras bu gang zhe na/ mi mthun pa'i phyogs ma lus par nyams pa dang/ gnyen po thob pa dang/ 'phel ba'o rdzu 'phrul gyi rkang pa rnams kyi dmigs pa gang zhe na/ ting nge 'dzin gyis grub pa'i bya ba'o/ /ngo bo nyid gang zhe na/ ting nge 'dzin to/ grogs gang zhe na/ 'dun pa dang/ brtson 'grus dang/ sems dang dpyod pa dang/ de dag dang mtshungs par ldan pa'i sems dang sems las byung ba'i chos rnams so/ /'dun pa'i ting nge 'dzin gang zhe na/ gang gus par sbyor ba la brten nas sems rtse gcig pa nyid la reg pa'o/ /brtson 'grus kyi ting nge 'dzin gang zhe na/ gang rgyun tu sbyor ba la brten nas sems rtse gcig pa nyid la reg pa'o/ /sems kyi ting nge 'dzin gang zhe na/ gang sngon ting nge 'dzin bsgoms pa la brten nas sems rtse gcig pa nyid la reg

  211. 106a

    pa'o/ /dpyod pa'i ting nge 'dzin gang zhe na/ gang gzhan gyis bstan nas chos rab tu rnam par 'byed pa la brten nas sems rtse gcig pa nyid la reg pa'o/ /yang 'dun pa'i ting nge 'dzin ni gang 'dun pa skyed pa na sems rtse gcig pa nyid la reg pa'o/ /brtson 'grus kyi ting nge 'dzin ni gang 'bad cing brtson 'grus rtsom pa na sems rtse gcig pa nyid la reg pa'o/ /sems kyi ting nge 'dzin ni gang sems rab tu 'jog pa na sems rtse gcig pa nyid la reg pa'o/ /dpyod pa'i ting nge 'dzin ni gang sems rab tu 'dzin pa na sems rtse gcig pa nyid la reg pa'o/ /bsgom pa gang zhe na/ spong ba'i 'du byed brgyad goms par byed pa ste/ spong ba'i 'du byed brgyad ni 'dun pa dang/ rtsol ba dang/ dad pa dang/ shin tu sbyangs pa dang/ dran pa dang/ shes bzhin dang/ sems pa dang/ btang snyoms so/ /'di dag brgyad yin du zin kyang bzhir 'gyur te/ 'bad pa dang/ phan 'dogs pa dang/ nye bar 'dogs pa dang/ gnyen po'o/ /yang 'dun pa dang/ brtson 'grus dang/ sems dang/ dpyod pa rnams kyi sdud pa dang/ g.yeng ba bzhi dang bcas par yongs su spangs pa dang/ zhum pa med pa dang/ g.yeng ba med pa dang/ de gnyi ga'i gnas dang mthun pa bsgom mo/ /'bras bu gang zhe na/ de ltar ting nge 'dzin legs par yongs su sbyang bar byas na chos mngon par shes par bya ba gang dang gang mngon du bya bar 'dod pa de dang de la sems mngon par gtong pa de rang rang gi gnas kyi chos rnams la mngon du 'gyur ba'i skal ba can du 'gyur ro/ /dbang po rnams kyi dmigs pa gang zhe na/ 'phags pa'i bden pa bzhi po rnams so/ /ngo bo nyid gang zhe na/ dad pa dang/ brtson 'grus dang/ dran pa dang/ ting nge 'dzin dang/ shes rab bo/ /grogs gang zhe na/ de dag dang mtshungs par ldan pa'i sems dang sems las byung ba'i chos rnams so//

  212. 106b

    bsgom pa gang zhe na/ dad pa'i dbang po ni bden pa rnams la mngon par yid ches pa'i tshul gyis sgom par 'gyur ro/ ?mngon par yid ches pa skyes pa ni bden pa mngon par rtogs par bya ba'i phyir spro ba'i tshul gyis brtson 'grus sgom par 'gyur ro/ /brtson 'grus brtsams pa ni bden pa rnams la nye bar gnas pa'i dran pa mi brjed pa'i tshul gyis sgom par 'gyur ro/ /bden pa rnams la dran pa nye bar gnas pa'i ting nge 'dzin ni sems rtse gcig pa'i tshul gyis bsgom par 'gyur ro/ /bden pa rnams la mnyam par bzhag pa'i shes rab ni rab tu rnam par 'byed pa'i tshul gyis sgom par 'gyur ro/ /'bras bu gang zhe na/ bden pa myur du mngon par rtogs par byed pa dang/ dro bar 'gyur ba dang/ rtse mo dang/ bzod pa dang/ chos kyi mchog rnams sgrub pa'o/ /dbang po rnams ji lta bar stobs rnams la 'ang de bzhin no/ /'di ni bye brag yin te/ mi mthun pa'i phyogs nges par bsrabs pas mi rdzi ba'i phyir stobs rnams so/ /byang chub kyi yan lag rnams kyi dmigs pa gang zhe na/ 'phags pa'i bden pa bzhi po dag gi yang dag pa nyid ji lta ba'o/ /ngo bo nyid gang zhe na/ dran pa dang/ chos rnam par byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms so/ /dran pa ni gnas kyi yan lag go /chos rnam par 'byed pa ni ngo bo nyid kyi yan lag go /brtson 'grus ni nges par 'byung ba'i yan lag go /dga' ba ni phan yon gyi yan lag go /shing tu sbyangs pa dang/ ting nge 'dzin dang/ btang snyoms ni kun nas nyon mongs pa med pa'i yan lag te/ gang gis kyang kun nas nyon mongs par mi 'gyur ba dang/ gang du yang kun nas nyon mongs par mi 'gyur ba dang/ kun nas nyon mongs pa gang yang med pa'o/ /grogs gang zhe na/ de dang mtshungs bar ldan pa'i sems dang sems las byung ba'i chos rnams so/ /bsgom pa gang zhe na/ dran pa yang dag

  213. 107a

    byang chub kyi yan lag bden pa la gnas pa/ 'dod chags dang bral pa la gnas pa/ 'gog pa la gnas pa/ rnam par spong bas yongs su bsgyur ba'i bsgom pa'o/ /dran pa yang dag byang chub kyi yan lag la ji lta bar btang snyoms yang dag byang chub kyi yan lag gi bar du yang de bzhin no/ /'dis ni bden pa la dmigs pa'i byang chub kyi yan lag bsgoms pa yongs su bstan to/ /'bras bu gang zhe na/ mthong bas spang bar bya ba'i nyon mongs pa rnams spong ba'o/ /lam gyi yan lag gi dmigs pa gang zhe na/ de'i 'og tu 'phags pa'i bden pa bzhi po rnams kyi yang dag pa nyid ji lta ba'o/ /ngo bo nyid gang zhe na/ yan lag brgyad de/ yang dag pa'i lta ba dang/ yang dag pa'i rtog pa dang/ yang dag pa'i dag dang/ yang dag pa'i las kyi mdza' dang/ yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /yang dag pa'i lta ba ni yongs su gcod pa'i yan lag go /yang dag pa'i rtog pa ni gzhan go bar byed pa'i yan lag go /yang dag pa'i ngag dang/ las kyi mdza' dang/ 'tsho ba ni gzhan yid ches par byed pa'i yan lag ste/ lta ba dang/ tshul khrims dang/ 'tsho ba rnam par dag pa'i phyir ro/ /yang dag pa'i rtsol ba ni nyon mongs pa'i sgrib pa rnam par spyod pa'i yan lag go /yang dag pa'i dran pa ni nye ba'i nyon mongs pa'i sgrib pa rnam par spyod ba'i yan lag go /yang dag pa'i ting nge 'dzin ni yon tan khyad par can la sgrib pa rnam par spyod pa'i yan lag go /grogs gang zhe na/ de dang mtshungs par ldan pa'i sems dang sems las byung ba'i chos rnams so/ /bsgom pa ni byang chub kyi yan lag bzhin no/ /'bras bu gang zhe na/ yongs su gcod pa dang/ gzhan go bar byed pa dang/ gzhan yid ches par byed pa

  214. 107b

    dang/ nyon mongs pa'i sgrib pa rnam par dag pa dang/ nye ba'i nyon mongs pa'i sgrib pa rnam par dag pa dang/ yon tan khyad par can la sgrib pa rnam par dag pa'o/ /lam bzhi gang zhe na/ mngon par shes pa bul la dka' ba dang/ mngon par shes pa myur la dka' ba dang/ mngon par shes pa bul la sla ba dang/ mngon par shes pa myur la sla ba ste/ dang po ni dbang po rtul po dngos bzhi'i bsam gtan ma thob pa'o/ /gnyis pa ni dbang po rnon po dngos bzhi'i bsam gtan ma thob pa'o/ /gsum pa ni dbang po rtul po dngos gzhi'i bsam gtan thob pa'i 'o/ /bzhi pa ni dbang po rnon po dngos gzhi'i bsam gtan thob pa'i 'o/ /chos kyi gnas gzhi gang zhe na/ brnab sems med pa dang/ gnod sems med pa dang/ yang dag pa'i dran pa dang/ yang dag pa'i ting nge 'dzin dang/ brnab sems med pa dang/ gnod sems med pa ni lhag pa'i tshul khrims kyi bslab pa rnam par sbyong ba'o/ /yang dag pa'i dran pa ni lhag pa'i sems so/ /yang dag pa'i ting nge 'dzin ni lhag pa'i shes rab bo/ /zhi gnas gang zhe na/ 'di lta ste/ nang nyid la sems 'jog pa dang/ rgyun tu 'jog pa dang/ blan te 'jog pa dang/ nye bar 'jog pa dang/ dul bar byed pa dang/ zhi bar byed pa dang/ rnam par zhi bar byed pa dang/ rtse gcig tu byed pa dang/ mnyam par 'jog pa'o/ /lhag mthong gang zhe na/ 'di lta ste/ chos rnams la rnam par 'byed pa dang/ rab tu rnam par 'byed pa dang/ yongs su rnam par rtog pa dang/ yongs su dpyod par byed pa ste/ gnas ngan len dang/ mtshan ma'i gnyen po nyid dang/ phyin ci log las 'byin pa dang/ phyin ci log ma yin pa la sems 'jog pa'i phyir ro/ /yang zhi gnas dang lhag mthong la brten nas/ lam bzhi bar gyur te/ la la ni zhi gnas thob pa yin gyi lhag mthong ni ma thob ste/ de zhi gnas la brten nas lhag mthong la brtson par byed do/ /la la ni lhag mthong

  215. 108a

    thob pa yin gyi zhi gnas ni ma thob pa ste/ de lhag mthong la brten nas zhi gnas la brtson par byed do/ /la la ni zhi gnas kyang thob pa mi yin lhag mthong yang thob pa ma yin te/ de chos la rgod pa mngon par tshar gcod pa'i sems kyis gnyi ga la brtson par byed do/ /la la ni zhi gnas dang lhag mthong yang thob pa yin te/ zhi gnas dang lhag mthong 'dres par gyur nas mnyam par zung du 'jug go /dbang po ni gsum ste/ mi shes pa kun shes par byed pa'i dbang po dang/ kun shes pa dang/ kun shes pa dang ldan pa'i dbang po'o/ /mi shes pa kun shes par byed pa'i dbang po gang zhe na/ sbyor ba'i lam dang mthong ba'i lam gyi sems kyi skad cig bco lnga la gang dbang byed pa'o/ /kun shes pa'i dbang po gang zhe na/ mthong ba'i lam gyi sems kyi skad cig bcu drug pa la brten nas slob pa'i lam thams cad la gang dbang byed pa'o/ /kun shes pa dang ldan pa'i dbang po gang zhe na/ mi slob pa'i lam la gang dbang byed pa'o/ /bsam gtan dang po'i sa pa'i lam sgom pa na/ 'dod pa dang rab tu ldan pa'i dge ba'i rtsa ba rnams sgom par 'gyur te/ de dag la dbang 'byor pa thob pa'i phyir ro/ /bsam gtan dang po'i sa pa la 'dod pa na spyod pa rnams la ji lta ba de bzhin du sa gong ma pa'i lam thams cad sgom pa na/ sa 'og ma pa'i dge ba'i rtsa ba rnams sgom par 'gyur te/ de dag la dbang 'byor pa thob pa'i phyir ro/ /mthar phyin pa'i lam gang zhe na/ gnas ngan len thams cad rgyun bcad pa dang/ phrad pa'i thob pa rnams kyi rgyun chad pa dang/ bral ba'i thob pa rnams thob pa'i phyir/ rdo rje lta bu'i ting nge 'dzin la brten nas/ de ma thag tu gnas ma lus par gyur te/ zad pa shes pa dang/ mi skye ba shes pa'o/ /mi slob pa'i chos bcu yang yin te/ mi slob pa'i yang dag pa'i lta ba

  216. 108b

    nas mi slob pa'i yang dag pa'i ting nge 'dzin gyi bar dang/ mi slob pa'i yang dag pa'i rnam par grol ba dang/ mi slob pa'i yang dag pa'i shes pa'o/ /gnas ngan len thams cad gang zhe na/ mngon par brjod pa'i gnas ngan len kun tu 'gro ba dang/ tshor? pa'i gnas ngan len dang/ nyon mongs pa'i gnas ngan len dang/ las kyi gnas ngan len pa dang/ rnam par smin pa'i gnas ngan len dang/ nyon mongs pa'i sgrib pa'i gnas ngan len dang/ las kyi sgrib pa'i gnas ngan len dang/ rnam par smon pa'i sgribs pa'i gnas ngan len dang/ sgrib pa'i gnas ngan len dang/ rtogs pa'i gnas ngan len dang/ zas kyi gnas ngan len dang/ 'khrig pa'i gnas ngan len dang/ rmi lam gyi gnas ngan len dang/ nad kyi gnas ngan len dang/ rga ba'i gnas ngan len dang/ 'chi ba'i gnas ngan len dang/ yongs su ngal ba'i gnas ngan len dang/ gnas ngan len la brten pa dang/ gnas ngan len chen po dang/ gnas ngan len 'bring po dang/ gnas ngan len chung ngu dang/ nyon mongs pa'i sgrib pa'i gnas ngan len dang/ snyoms par 'jug pa'i gnas ngan len dang/ shes bya'i sgrib pa'i gnas ngan len to/ /phrad pa'i thob pa rnams gang zhe na/ gnas ngan len bsags pa la phrad pa'i thob pa zhes gdags so/ /bral ba'i thob pa rnams gang zhe na/ gnas ngan len zad pa la bral ba'i thob pa zhes gdags so/ /rdo rje lta bu'i ting nge 'dzin gang zhe na/ sbyor ba'i lam gyis bsdus pa dang/ bar chad med pa'i lam gyis bsdus pa'o/ /sbyor ba'i lam gyis bsdus pa ni gang phan chad sgrib pa thams cad kyis mi phyed cing sgrib pa thams cad shigs pas so/ /bar chad med pa'i lam gyis bsdus pa ni gang gi 'og tu zad pa shes pa dang/ mi skye ba shes pa 'byung ste/ ting nge 'dzin de yang bar chad med pa brtan pa sra ba ro gcig pa khyab pa'o/ /'di la

  217. 109a

    dgongs nas bcom ldan 'das kyis dper na/ brag chen po ma grum pa/ ser ga med pa/ khong stong ma yin pa/ gcig tu bsdus pa/ shin tu mkhregs pa de ni shar phyogs kyi rlung gi shugs kyis kyang mi bsgul cing mi g.yos so/ shar phyogs ji lta bar phyogs thams cad kyang de bzhin no zhes gsungs so/ /gnas ma lus par gyur pa gang zhe na/ gang mi slob pa'i lam thob pa'i sems kyi gnas gyur pa dang/ lam gyi gnas gyur pa dang/ gnas ngan len gyi gnas gyur pa'o/ zad ba shes pa gang zhe na/ rgyu zad nas shes pa gang yin pa 'am/ zad pa la dmigs pa'o/ /mi skye ba shes pa gang zhe na/ 'bras bu spangs nas shes pa gang yin pa 'am/ 'bras bu mi skye ba la dmigs pa'o/ /mi slob pa'i chos bcu ni tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes mthong ba'i phung po'i dbang du byas par shes par bya'o/ /yang lam gyi bden pa'i rnam pa ni mtshan nyid bzhir shes par bya ste/ lam gyi mtshan nyid dang/ rigs pa'i mtshan nyid dang/ sgrub pa'i mtshan nyid dang/ nges par 'byin pa'i mtshan nyid do/ /ci'i phyir lam gyi mtshan nyid ces bya zhe na/ de kho na'i don yongs su tshol ba'i phyir ro/ /ci'i phyir rigs pa'i mtshan nyid ces bya zhe na/ nyon mongs pa'i gnyen po'i phyir ro/ /ci'i phyir sgrub pa'i mtshan nyid ces bya zhe na/ sems phyin ci ma log par sgrub pa'i phyir ro/ /ci'i phyir nges par 'byin pa'i mtshan nyid ces bya zhe na/ rtag pa'i gnas su 'gro ba nyid kyi phyir ro/ /bden pa rnams la rnam pa bcu drug ni 'jig rten pa yang yod/ 'jig rten las 'das pa yang yod de/ 'jig rten pa rnams dang/ 'jig rten las 'das pa dag la bye brag ci yod ce na/ shes bya la lags

  218. 109b

    par ma zhugs pa dang/ legs par zhugs pa dang/ sgrib pa dang bcas pa dang/ sgrib pa med pa dang/ rnam par rtog pa dang bcas pa dang/ rnam par rtog pa med pa'i phyir te/ 'di ni bye brag go /'di ni bye brag go /'di ltar 'jig rten las 'das pa'i rnam par 'jug pa na mi rtag pa'i don mthong gi mi rtag pa nyid ces bya bar mthong ba ni ma yin no/ /mi rtag pa nyid kyi don ji lta ba de bzhin du rnam par lhag ma rnams la yang ji ltar mthun mthun du sbyar bar rig par bya'o/ /bden pa rnam par nges pa zhes bya ba ste/ kun las btus pa gnyis pa'o/ /chos rnam par nges pa gang zhe na/ chos zhes bya ba ni mdo'i sde dang/ dbyangs kyis bsnyad pa'i sde dang/ lung bstan pa'i sde dang/ tshigs su bcad pa'i sde dang/ ched du brjod pa'i sde dang/ gleng gzhi'i sde dang/ rtogs pa brjod pa'i sde dang/ de lta bu byung ba'i sde dang/ skyes pa'i rabs kyi sde dang/ shin tu rgyas pa'i sde dang/ rmad du byung ba'i chos kyi sde dang/ gtan la dbab par bstan pa'i sde'o/ mdo'i sde gang zhe na/ gang smos pa'i tshul gyis rkyang bar gsungs pa ste/ phan yon bcu gzigs nas de bzhin gshegs pas smos pa'i tshul gyis chos ston ste/ rnam par bzhag par sla pa dang/ bshad sla ba dang/ gzung sla ba dang/ chos la gus pas myur du tshogs yongs su rdzogs par byed pa dang/ myur du chos nyid rtogs par 'gyur ba dang/ sangs rgyas la shes nas dad pa thob pa dang/ chos dang dge 'dun la shes nas dad pa thob pa dang/ mthong ba'i chos la bde bar gnas pa'i mchog la reg pa dang/ 'brel ba'i gtam gyis gtan la 'bab pas dam pa rnams kyi sems mgu bar byed de/ mkhas pa mkhas pa zhes bya ba'i grangs su 'gro ba'o/ /dbyangs kyis bsnyad pa'i sde gang zhe na/ mdo'i sde de nyid du dbus dang tha mar tshigs su bcad de dbyangs kyis bsnyad pa'o/ /yang drang ba don gyi mdo

  219. 110a

    sde rtogs par byed pas dbyangs kyis bsnyad pa'i sde'o/ /lung du bstan pa'i sde gang zhe na/ gang las nyan thos 'das te shi ba'i dus byes pa dang 'byung ba lung ston pa'o/ /yang nges pa'i don gyis mdo sde ni lung bstan pa'i sde'o/ tshigs su bcad pa'i sde gang zhe na/ tshigs su sbyar nas gsungs pa ste/ de ni rtsa ba gnyis pa dang/ rtsa ba gsum pa dang/ rtsa ba bzhi pa dang/ rtsa ba lnga pa dang/ rtsa ba drug pa'o/ /mched du brjod pa'i sde gang zhe na/ gang yir rangs nas brjod pa'o/ /gleng gzhi'i sde gang zhe na/ gang gi ched du gsungs pa dang/ byung ba dang bcas pa'i bslab pa bcas pa gsungs pa'o/ /rtogs pa brjod pa'i sde gang zhe na/ dpe dang bcas par gsungs pa'o/ de lta bu byung ba'i sde gang zhe na/ gang sngon gyi sbyor ba dang ldan pa'o/ /skyes pa'i rabs kyi sde gang zhe na/ gang byang chub sems dpa' i spyod pa dang ldan pa'o/ /shin tu rgyas pa'i sde gang zhe na/ gang byang chub sems dpa' i sde snod dang ldan no/ /shin tu rgyas pa ji lta ba de bzhin du rnam par 'thag pa dang mtshungs bral yang de bzhin no/ /ci'i phyir shin tu rgyas pa zhes bya zhe na/ sems can thams cad la phan pa dang/ med pa'i gnas yin pa dang/ rgyas pa dang/ rgya che ba dang/ zab pa'i rnam par chos bstan pa'i phyir ro/ /ci'i phyir rnam par 'thag pa zhes bya zhe na/ sgrib pa thams cad rnam par 'thag pa'i phyir ro/ /ci'i phyir mtshungs bral zhes bya zhe na/ mtshungs pa med pa'i phyir ro/ /rmad du byung ba'i chos kyi sde gang zhe na/ gang las nyan thos dang byang chub sems dpa' dang sangs rgyas rnams kyi ngo mtshar rmad du byung ba'i chos bstan pa'o/ /gtan la dbab par bstan pa'i sde gang zhe na/ gang du chos kyi mtshan nyid phyin ci ma log par bstan pa'o/ /mdo'i sde la sogs pa 'di dag ni sde gnod gsum du 'gyur te/ mdo'i

  220. 110b

    sde dang/ dbyangs kyis bsnyad pa'i sde dang/ lung du bstan pa'i sde dang/ tshigs su bcad pa'i sde dang/ ched du brjod pa'i sde gang yin pa 'di ni nyan thos kyi mdo sde'i sde snod do/ /gleng gzhi'i sde dang/ rtogs pa brjod pa'i sde dang/ de lta bu byung ba'i sde dang/ skyes pa'i rabs kyi sde 'khor dang bcas pa 'di ni 'dul ba'i sde snod do/ /shin tu rgyas pa'i sde dang/ rmad du byung ba'i chos kyi sde gang yin pa 'di ni byang chub sems dpa' i mdo'i sde'i sde snod do/ /gtan la dbab par bstan pa ni gnyi ga'i chos mngon pa'i sde snod do/ /ci'i phyir de bzhin gshegs pa rnams kyis sde gnod rnam par bzhag ce na/ nye ba'i nyon mongs pa the tshom gyi gnyen po'i phyir mdo sde'i sde snod rnam par bzhag go /nye ba'i nyon mongs pa mdza' gnyis dang ldan pa'i gnyen po'i phyir 'dul ba'i sde snod rnam par bzhag go /rang gi lha ba mchog tu 'dzin pa nye ba'i nyon mongs pa'i gnyen po'i phyir chos mngon pa'i sde snod rnam par bzhag go /yang bslab pa gsum brjod pa'i phyir mdo sde'i sde snod rnam par bzhag go /lhag pa'i tshul khrims dang lhag pa'i sems kyi bslab pa bsgrub pa'i phyir 'dul ba'i sde snod rnam par bzhag go /lhag pa'i shes rab kyi bslab pa mngon par bsgrub pa'i phyir chos mngon pa'i sde snod rnam par bzhag go /yang chos dang don brjod pa'i phyir mdo sde'i sde snod rnam par bzhag go /chos dang don mngon du bya ba'i gzhi'i gnas kyi phyir 'dul ba'i sde snod rnam par bzhag go /'phel ba'i gtam gyis gtan la 'phebs pas chos la rdzogs par longs spyod pas bde ba la reg par gnas par bya ba'i phyir chos mngon pa'i sde snod rnam par bzhag go /chos 'di dag gang gi spyod yul yin zhe na/ thos pa las byung ba dang/ bsam pa las byung ba dang/ bsgoms pa las byung ba dang/ sems dang sems las byung ba'i chos rnams kyi spyod yul lo/ /sems dang sems

  221. 111a

    las byung ba'i chos rnams ni dmigs pa dang bcas pa dang/ rnam pa dang bcas pa dang/ gnas dang bcas pa dang/ mtshungs par ldan pa zhes kyang bya'o/ /chos kyi nang nas de dag gi dmigs pa gang zhe na/ mdo'i sde la sogs pa'o/ /rnam pa gang zhe na/ phung po la sogs pa dang ldan pa'i don rnams so/ /gnas gang zhe na/ gzhan las rnam par rig pa dang/ dran pa dang/ bag chags so/ /mtshungs par ldan pa gang zhe na/ gcig gi grogs cig yin pa'i tshul gyis rnam pas dmigs pa yang dag par rtogs pa'o/ /chos la dmigs pa'i rab tu dbye ba gang zhe na/ khyab pa'i dmigs pa dang/ spyod pa rnam par spyod pa'i dmigs pa dang/ mkhas pa'i dmigs pa dang/ nyon mongs pa rnam par spyod pa'i dmigs pa'o/ /khyab pa'i dmigs pa gang zhe na/ rnam par rtog pa dang bcas pa'i gzugs brnyan dang/ rnam par mi rtog pa'i gzugs brnyan dang/ dngos po'i mdza' dang/ dgos pa yongs su grub pa'o/ /rnam par rtog pa dang bcas pa'i gzugs brnyan gang zhe na/ mos pa yid la byed pas zhi gnas dang lhag mthong la dmigs pa'o/ /rnam par mi rtog pa'i gzugs brnyan gang zhe na/ de kho na yid la byed pas gang zhi gnas dang lhag mthong la dmigs pa'o/ /dngos po'i mdza' gang zhe na/ gang chos rnams kyi ji snyed yod pa dang/ ji lta ba bzhin du yod pa'o/ /ji snyed yod pa ni phung po dang/ khams dang/ skye mched rnams so/ /ji lta ba bzhin du yod pa ni 'phags pa'i bden pa bzhi dang/ rnam pa bcu drug dang/ de bzhin nyid dang/ 'du byed rnams mi rtag pa dang/ 'du byed rnams sdug bsngal ba dang/ chos thams cad bdag med pa dang/ mya ngan las 'das bzhi pa dang/ stong pa nyid dang/ smon pa med pa dang/ mtshan ma med pa'o/ /dgos pa yongs su grub pa gang

  222. 111b

    zhe na/ gnas gyur pa'o/ /rnam pa bcu drug gi nang nas stong pa nyid kyi rnam pa du zhe na gnyis so/ /sman pa med pa'i rnam pa du zhe na drug go /mtshan ma med pa'i rnam pa du zhe na brgyad do/ /spyod pa rnam par spyod pa'i dmigs pa du zhe na/ 'dod chags la spyod pa rnams kyi ni mi sdug pa'o/ /zhe sdang la spyod pa rnams kyis ni byams pa'o/ /gti mug la spyod pa rnams kyi ni rkyen 'di las gyur brten cing 'brel bar 'byung ba'o/ /brgyal la spyod pa rnams kyis ni khams rab tu dbye ba'o/ /rnam par rtog pa la spyod pa rnams kyi ni dbugs dbyung ba dang/ rdub pa rjes su dran pa'o/ /mkhas pa'i dmigs pa gang zhe na/ phung po la mkhas pa dang/ khams la mkhas pa dang/ skye mched la mkhas pa dang/ rten cing 'brel par 'byung ba la mkhas pa dang/ gnas dang gnas ma yin pa la mkhas pa'o/ /gnas dang gnas ma yin pa la mkhas pa ji ltar blta zhe na/ rten cing 'brel par 'byung ba la mkhas pa la blta'o/ /rten cing 'brel par 'byung ba la mkhas pa dang/ gnas dang gnas ma yin pa la mkhas pa la bye brag ci yod ce na/ chos rnams la chos mngon par 'byung ba'i phyir rgyu med pa dang mi mthun pa'i rgyu yongs su spangs pas rten cing 'brel bar 'byung ba la mkhas pa'o/ /rgyu dang mthun par 'bras bu yongs su bzung ba'i phyir gnas dang gnas ma yin pa la mkhas pa'o/ /nyon mongs pa rnam par spyod pa'i dmigs pa gang zhe na/ sa 'og ma rnams kyi ni rigs pa nyid dang/ sa 'og ma rnams kyi zhi ba nyid do/ /de bzhin nyid dang 'phags pa'i bden pa'o/ /chos la brtson pa chos la rnam par dpyod na/ rigs pa du zhig gis rnam par dpyod na/ bzhis dpyod de ltos pa'i rigs pa dang/ bya ba byed pa'i rigs pa dang/ 'thad pas sgrub pa'i rigs pa dang/ chos nyid kyi rigs pa'o/ /ltos pa'i rigs pa gang zhe na/ gang 'du byed rnams 'byung ba

  223. 112a

    na rkyen las ltos pa'o/ /bya ba byed pa'i rigs pa gang zhe na/ gang rang gi mtshan nyid tha dad pa'i chos rnams so so rang gi bya ba byed pa'o/ /'thad pa sgrub pa'i rigs pa gang zhe na/ gang sgrub pa'i don chad ma dang mi 'gal bar ston pa'o/ chos nyid kyi rigs pa gang zhe na/ thog ma med pa'i dus nas rang dang/ spyi'i mtshan nyid gnas pa'i chos rnams la chos nyid du grags pa'o/ /chos la rigs pas dpyod pa la brtson pa'i kun tu tshol ba gang zhe na/ kun tu tshol ba bzhi ste/ med kun tu tshol ba dang/ dngos po kun tu tshol ba dang/ ngo bo nyid du 'dogs pa kun tu tshol ba dang/ bye brag tu 'dogs par kun tu tshol ba'o/ /ming kun tu tshol ba gang zhe na/ gang ming gi tshogs dang/ tshig gi tshogs dang/ yi ge'i tshogs rnams kyi rang gi mtshan nyid yongs su grub pa med par rtog pa'o/ /dngos po kun tu tshol ba gang zhe na/ gang de bzhin du phung po dang/ khams dang skye mched kyi mtshan nyid yongs su grub pa med par rtogs pa'o/ /ngo bo nyid du 'dogs pa kun tu tshol ba gang zhe na/ gang brjod pa dang brjod par bya pa 'brel ba la ngo bo nyid du 'dogs pa tsam gyi tha snyad kyi rgyu nyid du rtogs pa'o/ /khyad par 'dogs pa kun tu tshol ba gang zhe na/ gang brjod pa dang brjod par bya ba 'brel ba la khyad par du 'dogs pa tsam gyi tha snyad kyi rgyu nyid du rtog pa'o/ /chos kun tu tshol ba la brtson pa'i yang dag pa ji lta ba bzhin du yongs su shes pa gang zhe na/ yang dag pa ji lta ba bzhin du yongs su shes pa bzhi ste/ ming tshol bar gtogs pa yang dag pa ji lta ba bzhin du yongs su shes pa dang/ dngos po tshol bar gtogs pa dang/ ngo bo nyid du 'dogs pa tshol bar gtogs pa dang/ khyad par du 'dogs pa tshol bar gtogs pa yang dag pa ji lta ba bzhin du yongs su shes pa'o//

  224. 112b

    ming tshol bar gtogs pa yang dag pa ji lta ba bzhin du yongs su shes pa gang zhe na/ ming mi dmigs par shes pa'o/ /dngos po tshol bar gtogs pa yang dag pa ji lta ba bzhin du yongs su shes pa gang zhe na/ de bzhin du dngos po'i mtshan nyid dmigs par shes pa'o/ ngo bo nyid du 'dogs pa tshol bar gtogs pa yang dag pa ji lta ba bzhin du yongs su shes pa gang zhe na/ ngo bo nyid du rdzas su mi dmigs par shes pa'o/ /khyad par du 'dogs pa tshol bar gtogs pa yang dag pa ji lta ba bzhin du yongs su shes pa gang zhe na/ bye brag rdzas su mi dmigs par shes pa'o/ /chos la ting nge 'dzin par brtson pa'i rnal 'byor gyis gang zhe na/ de ni rnam pa lngar blta ste/ gzhi dang skyed pa dang/ me long lta bu dang snang ba dang gnas so/ /gzhi gang zhe na/ tshogs bsags pa'i bden pa las brtsams te mang du thos pa nyid do/ /skye pa gang zhe na/ de la dmigs pa'i tshul bzhin yid la byed pa'o/ /me long lta bu gang zhe na/ de la dmigs pa'i ting nge 'dzin mtshan ma dang bcas pa'o/ /snang ba gang zhe na/ gzung ba dang 'dzin pa'i mi dmigs par shes pa'o/ /'di la dgongs nas bcom ldan 'das kyis/ byang chub sems dpa' mnyam gzhag pa/ yid kyi gzugs brnyan mthong bas na/ don gyi 'du shes ldog de nas/ /rang gi 'du shes nges par bzung/ /de ltar nang gi sems gnas nas/ /gzung ba med par rtogs par bya/ /de yi 'og tu 'dzin med par/ /de nas mi dmigs reg par byed/ zhes legs par gsungs so/ /legs par bka' stsal to/ /gnas gang zhe na/ gnas gyur pa'o/ /ji ltar na chos rnams la chos la mkhas pa yin zhe na/ mang du thos pa nyid kyi phyir ro/ /ji ltar na don la mkhas pa yin zhe na/ chos mngon par dang/ 'dul ba mngon pa'i mtshan nyid shes pa nyid kyi phyir ro/ /ji ltar na yi dge la mkhas pa yin zhe na/ nges pa'i tshig bzang po'i yi

  225. 113a

    ge shes pa nyid kyi phyir ro/ /ji ltar na nges pa'i tshig la mkhas pa yin zhe na/ bdag go bdag go zhes yul ma'i nges pa'i tshig la mngon par ma zhen par rjes su tha snyad 'dogs pa shes pa nyid kyi phyir ro/ /ji ltar na sngon gyi mdza' dang phyi ma'i mdza' i 'brel pa'i dgongs pa la mkhas pa yin zhe na/ sngon gyi mthar gzung ba dang/ phyi ma'i mthar nges bar 'byung bar bya ba shes pa nyid kyi phyir ro/ /ji ltar na chos rnams la chos la gnas pa yin zhe na/ bsgom pa la brten par thos pa dang/ sems pa'i sbyor ba 'ba' zhig gis kyang chos la gnas pa ma yin la/ thos pa dang sems pa la ma brten par bsgom pa la sbyor ba 'ba' zhig gis kyang chos la gnas pa ma yin gyi/ gnyi ga la rten te/ gnyi ga la gnas na chos la gnas pa yin no/ /'dzin pa dang kha ton byed pa dang bshad pas thos pa las byung bar blta'o/ /ting nge 'dzin la sbyor ba dang/ cho ga par mi 'dzin pas bsgom pa las byung bar blta'o/ /sbyor ba ni rgyun du chud pa dang/ gus par sbyor ba dang/ ma log par sbyor bar blta'o/ /chog par mi 'dzin pa ni ro mi myang ba dang/ gong du zhi gnas la sbyor bar blta'o/ /ci'i phyir shin tu rgyas pa la byang chub sems dpa' i pha rol tu phyin pa'i sde snod ces bya zhe na/ der pha rol tu phyin pa rnams kyi grangs bstan ba dang/ mtshan nyid bstan pa dang/ go rim bstan pa dang/ nges pa'i tshig bstan pa dang/ bsgom pa bstan pa dang/ rab tu dbye ba bstan pa dang/ bsdus pa bstan pa dang/ mi mthun pa'i phyogs bstan pa dang/ yon tan gyi bsngags pa bstan pa dang/ gcig la gcig nges pa'i phyir ro/ /ci'i phyir shin tu rgyas pa la rgya che ba dang zab par yang bstan ce na/ rnam pa thams cad mkhyen pa nyid rgya che ba dang zab pa'i phyir ro/ /ci'i phyir shin tu rgyas ba la sems can kha cig rgya che ba

  226. 113b

    dang zab par mi mos shing skrag par 'gyur zhe na/ chos nyid dang bral ba dang/ dge ba'i rtsa ba ma bskyed pa dang/ sdig pa'i grogs pos yongs su zin pa'i phyir ro/ /ci'i phyir shin tu rgyas pa la sems can kha cig mos kyang nges par 'byung bar mi 'gyur zhe na/ bdag nyid lta ba mchog tu 'dzin pa la gnas pa dang/ don la sgra ji bzhin du mngon par zhen pa'i phyir ro/ /'di la dgongs nas bcom ldan 'das kyis chos kyi me long chen po'i chos kyi rnam grangs las gsungs pa/ byang chub sems dpa' sgra ji bzhin du tshul bzhin ma yin par chos rnams 'byed pa la lta ba ngan pa nyi shu rtsa brgyad 'byung ste/ lta ba ngan pa nyi shu rtsa brgyad po dag gang zhe na/ mtshan mar lta ba dang/ btags pa la skur pa 'debs pa'i lta ba dang/ kun tu rtogs pa la skur pa 'debs pa'i lta ba dang/ de kho na la skur pa 'debs pa'i lta ba dang/ yongs su 'dzin pa'i lta ba dang/ sgyur ba'i lta ba dang/ kha na ma tho ba med pa'i lta ba dang/ nges par 'byung bar lta ba dang/ dbang zab pa'i lta ba dang/ rab tu 'khrug pa'i lta ba dang/ phyin ci log tu lta ba dang/ 'phel ba'i lta ba dang/ khas mi len pa'i lta ba dang/ ngan g.yo'i lta ba dang/ bkur sti'i lta ba dang/ rmongs pa bstan pa'i lta ba dang/ rtsa ba'i lta ba dang/ lta ba la lta ba ma yin par lta ba dang/ sbyor ba sel pa'i lta ba dang/ nges par 'byin pa ma yin par lta ba dang/ sgrib pa la sogs par lta ba dang/ bsod nams ma yin pa 'phel ba'i lta ba dang/ 'bras bu med pa'i lta ba dang/ chad pas bcad pa'i lta ba dang/ skur pa 'debs pa'i lta ba dang/ bsnyad pa ma yin pa'i lta ba dang/ lta ba chen po dang/ mngon pa'i nga rgyal gyi lta ba'o/ /shin tu rgyas pa las chos thams cad ngo bo nyid med do zhes gang gsungs pa de la dgongs pa gang yin zhe na/ bdag nyid kyis mi 'byung ba dang/ rang gis

  227. 114a

    bdag nyid du med pa dang/ rang gi ngo bo la mi gnas pa dang/ byis pas bzung ba bzhin du mtshan nyid med pa'i phyir ro/ /yang kun du brtags pa'i ngo bo nyid la mtshan nyid kyis ngo bo nyid med pa dang/ gzhan gyi dbang la skye ba ngo bo nyid med pa dang/ yongs su grub pa la don dam pa ngo bo nyid med pa'i phyir ro/ /ma skyes pa ma 'gags pa/ bzod pa? las? zhi ba/ rang bzhin gyis mya ngan las 'das pa zhes 'byung ba'i dgongs pa gang zhe na/ ji ltar ngo bo nyid med pa de ltar ma skyes so/ /ji ltar ma skyes pa de ltar ma 'gags so/ /ji ltar ma skyes pa dang/ ma 'gags pa de ltar bzod ma nas zhi ba'o/ /ji ltar rang bzhin gyis yongs su mya ngan las 'das so/ /yang gang dag gis shin tu rgyas pa la de bzhin gshegs pa rnams kyi dgongs pa khong du chud bar bya ba'i dgongs pa bzhi ste/ mnyam pa nyid la dgongs pa dang/ dus gzhan la dgongs pa dang/ don gzhan la dgongs pa dang/ gang zag gi bsam pa la dgongs pa'o/ /gang dag gis shin tu rgyas pa la de bzhin gshegs pa rnams kyi ldem por dgongs pa khong du chud par bya ba'i ldem por dgongs pa bzhi ste/ bzhugs pa la ldem por dgongs pa dang/ mtshan nyid la ldem por dgongs pa dang/ gnyen po la ldem por dgongs pa dang/ bsgyur ba la ldem por dgongs pa'o/ /shin tu rgyas pa la byang chub sems dpa' chos la ting nge 'dzin du mkhas par ji ltar khong du chud par bya zhe na/ rnam pa lnga ste/ skad cig re re la gnas ngan len gyi gnas thams cad 'jig par byed pa dang/ sna tshogs kyi 'du shes dang bral te/ chos kyi dga' ba la dga' ba 'thob pa dang/ chos kyi snang ba rnam pa yongs su ma chad pa thams cad du tshad med pa yang dag par shes pa dang/ de la rnam par dag pa'i cha dang mthun ba rnam par mi rtogs pa'i mtshan ma rnams kun tu 'byung ba dang/ chos kyi sku yongs su rdzogs par

  228. 114b

    bya ba dang yongs su bsgrub pa'i phyir gong ma bas kyang ches gong ma'i rgyu yongs su 'dzin par byed pa'o/ /ci'i phyir shin tu rgyas ba'i chos la 'dug pa dang/ phye ma la sogs pas mchod par 'os kyi nyan thos kyi chos la ni de ltar yin zhe na/ sems can thams cad la phan ba dang bde ba'i gzhir gyur pa'i phyir ro/ /chos bstan ba kun las btus pa ste/ gsum pa'o// //bam po lnga pa ste tha ma'o/ /'thob pa rnam par nges pa gang zhe na/ gang zag rnam par bzhag pa dang/ mngon bar rtogs par rnam par bzhag par blta'o/ /gang zag rnam par bzhag pa gang zhe na/ spyod pas rab tu dbye ba dang/ nges par 'byung bas rab tu dbye ba dang/ nye bar bstan pas rab tu dbye ba dang/ sbyor bas rab tu dbye ba dang/ 'bras bus rab tu dbye ba dang/ khams kyis rab tu dbye ba dang/ spyad pas rab tu dbye bas kyang gang zag rnam par bzhag par blta'o/ /spyod pas rab tu dbye bas ji lta bu zhe na/ 'dod chags la spyod pa dang/ zhe sdang la spyod pa dang/ gti mug la spyod pa dang/ nga rgyal la spyod pa dang// rnam par rtog pa la spyod ba dang/ cha mnyam pa la spyod pa dang/ nyon mongs pa chud pa'i gang zag go /nges par 'byung bas rab tu dbye bas ji lta bu zhe na/ nyan thos kyi theg pa dang/ rang sangs rgyas kyi theg pa dang/ theg pa chen po pa'i gang zag pgo / nye bar brtan pas rab tu dbye bas ji lta bu zhe na/ tshogs ma bsags pa dang/ tshogs bsags pa'ang yin la ma bsags pa'ang yin pa dang/ tshogs bsags pa'i gang zag go /sbyor ba'i dbye bas ji lta bu zhe na/ ded pas rjes su 'brang pa dang/ chos kyis rjes su 'brang ba'i gang zag go /'bras bus rab tu dbye bas ji lta bu zhe na/ dad pas mos pa dang/ mthong bas thob pa dang/ lus kyis mngon du byed pa dang/ shes rab kyis rnam par grol ba dang/ gnyi ga'i cha las rnam par grol ba dang

  229. 115a

    rgyun du zhugs pa'i 'bras bu mngon du bya ba'i phyir zhugs pa dang/ rgyun du zhugs pa dang/ lan cig phyir 'ong ba'i 'bras bu mngon du bya ba'i phyir zhugs pa dang/ lan cig phyir 'ong ba dang/ phyir mi 'ong ba'i 'bras bu mngon du byed pa'i phyir zhugs ba/ phyir mi 'ong ba dang/ dgra bcom pa nyid kyi 'bras bu mngon du bya ba'i phyir zhugs pa dang/ dgra bcom pa dang/ de ltar thogs na srid pa lan bdun pa dang/ rigs nas rigs su skye ba dang/ bar chad gcig pa dang/ bar ma dor yongs su mya ngan las 'da' ba dang/ skyes nas yongs su mya ngan las 'da' ba dang/ mngon par 'du byed pa med par yongs su mya ngan las 'da' ba dang/ mngon par 'du byed pa dang bcas pas yongs su mya ngan las 'da' ba dang/ gong du 'pho ba dang/ / dgra bcom pa yongs su nyams pa'i chos can dang/ bdag gsod pa'i chos can dang/ rjes su bsrung ba'i chos can dang/ gnas pa las mi g.yo ba'i chos can dang/ rab tu rtogs pa'i 'os su gyur pa dang/ mi 'khrugs pa'i chos can gyi gang zag go /khams kyis rab tu dbye bas ji lta bu zhe na/ 'dod pa na spyod pa'i so so'i skye bo dang/ slob pa dang/ mi slob pa'o/ /'dod pa na spyod pa ji lta bar gzugs na spyod pa dang/ gzugs med pa na spyod pa yang de bzhin no/ /'dod pa dang gzugs na spyod pa'i byang chub sems dpa' dang/ 'dod pa na spyod pa'i rang sangs rgyas dang/ de bzhin gshegs pa bsam gyis mi khyab pa'i gang zag go /spyad pas rab tu dbye ba'i ji lta bu zhe na/ mos pas spyod pa can dang/ lhag pa'i bsam pas spyod pa can dang/ mtshan ma dang bcas pas spyod pa can dang/ mchan ma med par spyod pa can dang/ mngon par 'du byed par med par spyod pa can gyi byang chub sems dpa' i gang zag go /'dod chags la spyod pa gang zhe na/ 'dod chags kyi shas che zhing

  230. 115b

    rgyun ring ba'o/ /rnam par rtog pa la spyod pa'i bar du yang de bzhin te/ rnam par rtog pa'i shas che zhing rgyun ring ba'o/ /cha mnyam pa la spyod pa gang zhe na/ nyon mongs pa rang bzhin du gnas pa'o/ /nyon mongs pa chung ba gang zhe na/ nyon mongs pa shin tu srab pa'i rang bzhin du gnas pa'o/ /nyan thos kyi chos theg pa pa gang zhe na/ nyan thos kyi chos nyid nges pa'ang/ ma nges pa la gnas pa dang/ rang bzhin gyis dbang po rtul ba dang/ bdag rnam par thar par bya ba'i phyir smon lam btab pa dang yid byung ba dang 'dod chags dang bral ba dang/ rnam par grol bar bya ba'i bsam pa can dang/ nyan thos kyi sde snod la dmigs nas chos kyi rjes su mthun pa'i chos sgrub cing gang sdug bsngal gyi mthar phyin pa thob pa'o/ /rang sangs rgyas kyi theg pa gang zhe na/ rang sangs rgyas kyi chos nyid nges pa 'am/ ma nges pa la gnas pa dang/ rang bzhin gyis dbang po 'bring dang/ bdag rnam par thar par bya ba'i phyir smon lam btab pa dang/ yid byung ba dang 'dod chags dang bral ba dang/ rnam par grol bar bya ba'i bsam pa can dang/ bdag nyid mngon par rdzogs par byang chub pa'i bsam pa can dang/ nyan thos kyi sde snod nyid la dmigs nas/ chos kyi rjes su mthun pa'i chos sgrub pa dang/ nges par 'byed pa'i cha dang mthun pa sngon ma bskyed pa dang/ nges par 'byed pa'i cha dang mthun pa sngon bskyed pa dang/ sngon 'bras bu ma thob pa 'am/ sngon 'bras bu thob pa dang/ sangs rgyas 'byung ba med par bdag nyid kyis lam sngon du byas nas bse ru lta bur gyur te/ gcig pu gnas pa 'am rang rgyal bar gyur te tshogs dang spyod pa gang sdug bsngal gyi mthar phyin pa thob pa'o/ /theg pa chen po gang zhe na/ byang chub sems dpa' i chos nyid nges pa 'am ma nges pa la gnas pa dang/ rang bzhin gyis dbang po rno ba dang/ sems can

  231. 116a

    thams cad rnam par thar bar bya ba'i phyir smon lam btab pa dang/ mi gnas pa'i mya ngan las 'das pa'i bsam pa can dang/ byang chub sems dpa' i sde snod la dmigs nas chos kyi rjes su mthun pa'i chos sgrub cing sems can rnams kyang yongs su smin par byed/ sangs rgyas kyi zhing yang yongs su spyod la lung bstan pa yang thob cing/ gang bla na med pa yang dag par rdzogs pa'i byang chub kyang mngon par rdzogs par 'tshang rgya ba'o/ /tshogs ma gsags pa gang zhe na/ gang bden pa'i dbang du byas pa'i chos la dmigs nas mos pa dang dad pa chung ba'i gang zag ste/ de yang thar pa'i cha dang mthun pa chung zhing/ tshe rabs kyi dus nges pa med pa dang ldan pa'o/ /tshogs bsags pa yang yin la ma bsags pa yang yin pa gang zhe na/ gang bden pa'i dbang du byas pa'i chos la dmigs nas mos pa dang dad pa bar ma'i gang zag ste/ de yang thar pa'i cha dang mthun pa 'bring gi tshe rabs nges pa'i dus dang ldan pa'o/ /tshogs bsags pa'i gang zag gang zhe na/ gang bden pa'i dbang du byas pa'i chos la dmigs nas mos pa dang dad pa chen po'i gang zag ste/ de yang thar pa'i cha dang mthun pa chen po'i tshe rabs de nyid kyis dus can dang ldan pa'o/ /yang tshogs ma bsags pa ni bden pa'i dbang du byas pa'i chos la dmigs nas bden pa rnams la chos nges par sems pa'i bzod pa chung ngu dang ldan pa ste/ de yang nges par 'byed pa'i cha dang mthun pa chung ngu tshe rabs kyi dus nges pa med pa dang ldan pa'o/ /tshogs bsags pa yang yin la ma bsags pa yang yin pa ni gang bden pa'i dbang du byas pa'i chos la dmigs nas/ bden pa rnams la chos nges par sems pa'i bzod pa 'bring dang ldan pa ste/ de yang nges par 'byed pa'i cha dang mthun pa 'bring tshe rabs kyi dus nges pa dang

  232. 116b

    ldan pa'o/ /tshogs bsags pa ni gang bden pa'i dbang du byas pa'i chos la dmigs nas/ bden pa rnams la chos nges par sems pa'i bzod pa chen po dang ldan pa ste/ de yang 'jig rten pa'i chos kyi mchog ma gtogs par nges par 'byed pa'i cha dang mthun pa chen po tshe rabs de de nyid kyi dus can dang ldan pa'o/ /'jig rten pa'i chos kyi mchog ni rang bzhin gyis skad cig pa ste/ tshe rabs de nyid kyi dus can kho na'o/ /thar pa'i cha dang mthun pa dang/ nges par 'byed pa'i cha dang mthun pa chung ngu dang 'bring rnams las yongs su nyams pa de ni kun 'byung ba yongs su nyams par zad kyi bag chags yongs su nyams pas ni ma yin no/ /dad pas rjes su 'brang ba'i gang zag gang zhe na/ gang tshogs bsags pa dbang po rtul po pha rol gyis bstan pa'i rjes su 'brangs nas bden pa mngon par rtogs par bya ba'i phyir sbyor pa'o/ /chos kyi rjes su 'brang ba gang zhe na/ gang tshogs bsags pa dbang po rnon po bdag nyid kyis bden pa'i dbang du byas pa'i chos kyi rjes su 'brangs nas bden pa mngon par rtogs par bya ba'i phyir sbyor ba'o// dad pas mos pa gang zhe na/ dad pa'i rjes su 'brang ba'i gang zag gang 'bras bu'i dus na'o/ /mthong bas thob pa gang zhe na/ chos kyi rjes su 'brang ba'i gang zag 'bras bu'i dus na'o/ /lus kyi mngon du byed pa gang zhe na/ gang slob pa rnam par thar pa brgyad la bsam gtan pa'i gang zag go /shes rab kyis rnam bar grol ba'i gang zag gang zhe na/ gang zag pa zad pa ste/ rnam par thar pa brgyad la bsam gtan pa ni ma yin pa'i gang zag go /gnyi ga'i cha las rnam par grol ba gang zhe na/ gang zag pa zad pa dang/ rnam par thar pa brgyad la yang bsam gtan pa'i gang zag go /rgyun du zhugs pa'i 'bras bu la 'jug pa gang zhe na/ gang nges par 'byed pa'i cha dang mthun pa la mthong ba'i lam gyi sems kyi skad cig bco lnga la gnas pa'i gang zag go /rgyun du zhugs

  233. 117a

    pa gang zhe na/ gang mthong ba'i lam gyi sems kyi skad cig bcu drug la gnas pa'i gang zag go/ mthong pa'i la ma ni yang dag pa nyid du nges par gyur pa la zhugs pa ste/ chos mngon par rtogs pa yang de yin no/ /'dod pa rnams las 'dod chags dang/ ma bral ba'i gang zag ni yang dag pa nyid du nges par gyur pa la zhugs nas/ rgyun du zhugs par 'gyur ro/ /phal cher las 'dod chags dang bral ba ni yang dag pa nyid du nges par gyur pa la zhugs nas lan cig phyir 'ong bar 'gyur ro/ 'dod pa rnams las 'dod chags dang bral ba ni yang dag pa nyid du nges par gyur pa la zhugs nas phyir mi 'ong bar 'gyur ro/ /gang gi tshe mthong bas sdang bar bya ba'i nyon mong pa thams cad spangs nas rgyun du zhugs par 'gyur na/ ci'i phyir kun tu sbyor ba gsum spangs nas rgyun du zhugs pa zhes bya zhe na/ gtso bo bsdu ba'i phyir ro/ /ci'i phyir gtso bo zhes bya zhe na/ mi 'phags pa'i rgyu yin pa dang/ 'phags kyang log pas nges par 'byung ba'i rgyu yin pa dang/ yang dag par nges par 'byung ba ma yin pa'i rgyu yin pa'i phyir ro yang shes bya la log par rtogs pa'i rgyu yin pa dang/ lta ba la log par rtogs pa'i rgyu yin pa dang/ gnyen po la log par rtogs pa'i rgyu yin pa'i phyir ro/ /lan cig phyir 'ong ba'i 'bras bu la 'jug pa gang zhe na/ gang bsgom pa'i lam la 'dod pa na spyod pa'i nyon mongs pa rnam pa lnga spangs pa'i lam la gnas pa'i gang zag go/ lan cig phyir 'ong gi gang zag gang zhe na/ gang bsgom pa'i lam la 'dod pa na spyod pa'i nyon mongs pa'i rnam pa drug pa spangs pa'i lam la gnas pa'i gang zag go /phyir mi 'ong ba'i 'bras bu la 'jug pa gang zhe na/ gang bsgom pa'i lam la 'dod pa na sbyod pa'i nyon mongs pa'i rnam pa bdun pa dang/ brgyad pa spangs ba'i lam la gnas pa'i gang zag go?/

  234. 117b

    phyir mi 'ong ba'i gang zag gang zhe na/ gang bsgom pa'i lam la 'dod pa na spyod pa'i nyon mongs pa'i rnam pa dgu pa spangs pa'i lam la gnas pa'i gang zag go /gang gi tshe 'dod pa na spyod pa'i bsgom pas spangs par bya ba thams cad spangs pas phyir mi 'ong bar 'gyur na/ ci'i phyir tha ma'i cha dang mthun pa'i kun tu sbyor ba lnga spangs pas phyir mi 'ong ba zhes bya zhe na/ gtso bo bsdu ba'i phyir ro/ /ci'i phyir gtso bo zhes bya zhe na/ 'gro ba tha ma'i rgyu yin ba dang/ khams tha ma'i rgyu yin pa'i phyir ro/ /dgra bcom pa nyid kyi 'bras bu la 'jug pa gang zhe na/ gang srid pa'i rtse mo pa'i nyon mongs pa rnams kyi rnam pa brgyad spangs pa'i lam la gnas pa'i gang zag go /dgra bcom pa gang zhe na/ gang srid pa'i rtse mo pa'i nyon mongs pa'i rnam pa dgu pa spangs pa'i lam la gnas pa'i gang zag go /gang gi tshe khams gsum na spyod pa'i nyon mongs pa thams cad spangs pas dgra bcom par 'gyur na/ ci'i phyir gong ma'i cha dang mthun pa lnga spangs pas dgra bcom pa zhes bya zhe na/ gtso bo bsdu ba'i phyir ro/ /ci'i phyir gtso bo bsdu ba zhe na/ gong ma nye bar len pa'i rgyu yin pa dang/ gong ma yongs su mi gtong ba'i rgyu yin pa'i phyir ro/ /de ltar thogs na srid pa lan bdun pa gang zhe na/ rgyun du zhugs pa'i gang zag nyid lha dang mi rnams kyi nang du lan bdun yin man du srid pa'i 'khor ba byas nas gang sdug bsngal gyi mdza' ma thob pa'o/ /rigs nas rigs su skye ba gang zhe na/ lha 'am mi rnams kyi nang du rigs nas rigs su song nas gang sdug bsngal gyi mdza' ma tho ba pa'o/ /bar chang gcig pa gang zhe na/ lan cig 'ong ba lha rnams kyi nang du gang sdug bsngal gyi mdza' ma thob pa'o/ /bar ma dor yongs su mya ngan las 'da' ba gang zhe na/ skye ba'i kun tu sbyor ba ni spangs la mngon par 'grub pa'i kun tu sbyor ba ni ma spangs te/

  235. 118a

    bar mdo'i srid pa mngon par grub pa na gang lam mngon du byas nas sdug bsngal gyi mdza' ma thob pa dang/ bar mdo'i srid pa mngon par grub pa na skye ba'i srid par 'gro ba mi sems pa nyid na gang la lam mngon du byas nas sdug bsngal gyi mdza' ma thob pa dang/ mngon par bsam nas skye? ba'i srid pa la mngon par 'jug te/ skye ba'i srid pa ni ma thob pa na gang lam mngon du byas nas sdug bsngal gyi mdza' ma thob bo/ /skyes nas yongs su mya ngan las 'da' ba gang zhe na/ gnyi gar kun tu sbyor ba ma spangs la gzugs kyi khams su skyes pa tsam nyid kyis gang lam mngon du byas nas sdug bsngal gyi mdza' ma thob bo/ /mngon par 'du byed pa med par yongs su mya ngan las 'da' ba gang zhe na/ gang skyes nas mngon par 'du byed pa med par lam mngon du byas nas sdug bsngal gyi mdza' ma thob pa'o/ /mngon par 'du byed pa dang bcas pa'i yongs su mya ngan las 'da' ba gang zhe na/ gang skyes nas mngon par 'du byed pas lam mngon du byas te/ sdug bsngal gyi mdza' ma thob pa'o/ gon du 'pho ba gang zhe na/ gang gzugs kyi khams su sa nas sar skye zhing 'go min gyi bar du zhugs nas der lam mngon du byas te/ sdug bsngal gyi mdza' ma 'thob pa'o/ /la la ni srid pa'i rtse mo'i bar du song nas lam mngon du byas te sdug bsngal gyi mdza' ma thob pa'o/ /spel mar bsgoms pa ni bsam gtan bzhi pa chung ngus yongs su bsgoms pa dang/ 'bring du yongs su bsgoms pa dang cher yongs su bsgom pa dang/ ches cher yongs su bsgoms pa dang/ shin tu chos cher yongs su bsgoms pas gnas btsang ma rnams su skye'o/ /dgra bcom pa yongs su nyams pa'i chos can gang zhe na/ dbang po rtul po myong kyang rung ma myos kyang rung/ gsod kyang rung mi gsod kyang rung ste/ gang mthong ba'i chos

  236. 118b

    la bde bar gnas pa las yongs su nyams pa'i skal pa can yin no/ /bdag gsod pa'i chos can gang zhe na/ dbang po rtul po nyid myos kyang rung ma myos kyang rung/ mi gsod na gang mthong ba'i chos la bde bar gnas pa las yongs su nyams par 'gyur ba'i skal pa can yin la/ bsad na skal pa can ma yin pa'o/ /rjes su srung ba'i chos can gang zhe na/ dbang po rtul po nyid myos na mthong ba'i chos la bde bar gnas pa las yongs su nyams pa'i skal pa? can yin la/ ma myos na skal pa can ma yin pa'o/ /gnas pa las mi bskyod pa gang zhe na/ dbang po rtul po myos kyang rung ma myong kyang rung/ gong mthong ba'i chos la bde bar gnas pa las yongs su nyams par 'gyur ba'i skal pa can yang ma yin la/ dbang po rnams yongs su sbyod pa'i skal pa can yang ma yin pa'i gang zag gi /rab tu rtogs pa'i 'os su gyur pa gang zhe na/ gang dbang po rtul po myos kyang rung ma myos kyang rung/ mthong ba'i chos la bde bar gnas pa las yongs su nyams pa'i skal pa can ma yin la/ dbang po rnams yongs su sbyong ba'i skal pa can ni yin pa'i gang zag go /mi 'khrugs pa'i chos can gang yin na/ rang bzhin gyis dbang po rnon po ste/ myos kyang rung ma myos kyang rung/ gang mthong ba'i chos la bde bar gnas pa las yongs su nyams par 'gyur ba'i skal pa can ma yin pa'o/ /'dod pa na sbyod pa'i so so'i skye bo gang zhe na/ gang 'dod pa'i khams su skyes par gyur la/ 'phags pa'i chos rnams ma thob pa'i gang zag go/ 'dod pa na spyod pa'i slob pa gang zhe na/ gang 'dod pa'i khams su skyes par gyur te/ 'phags pa'i chos rnams thob la/ kun tu sbyor ba'i lhag ma dang bcas pa'i gang zag go /'dod pa na sbyod pa'i mi slob pa gang zhe na/ gang 'dod pa'i khams su

  237. 119a

    skyes par gyur te/ 'phags pa'i chos rnams thob la/ kun tu sbyor ba'i lhag ma med pa'i gang zag go /'dod pa na spyod pa'i gang zag gsum la ji lta bar gzugs dang gzugs med pa na sbyod pa'i gsum la'ang de bzhin du blta bar bya'o/ /'dod pa na spyod pa dang/ gzugs na spyod pa'i byang chub sems dpa' gang zhe na/ gang gzugs med pa'i khams rnam par spangs pa'i bsam gtan dang ldan la/ bsam gtan gyi bde bar gnas shing/ 'dod pa'i khams sam/ gzugs kyi khams su skye ba'i gang zag go/ 'dod pa na spyod pa'i rang sangs rgyas gang zhe na/ gang sangs rgyas 'byung ba med par 'dod pa'i khams su skye bar gyur te/ rang byang chub mngon du byed pa'i gang zag go /de bzhin gshegs pa bsam gyis mi khyab pa gang zhe na/ gang dga' ldan gyi gnas na gnas ba nas bzung ste/ yongs su mya ngan las 'das pa'i bar dang/ byang chub sems dpa' i spyod pa thams cad dang/ sangs rgyas kyi spyod pa yang 'dod pa'i khams su ston pa'i gang zag go/ mos pas sbyod pa can gang zhe na/ mos pas spyod pa'i sa la bzod pa chung ngu dang/ 'bring dang/ chen po dang ldan pa'i gang zag gang yin pa'i byang chub sems dpa' o/ /lhag pa'i bsam pas spyod pa can gang zhe na/ byang chub sems dpa' i sa bcu la gnas pa'i gang zag go /mtshan ma dang bcas pa spyod pa can gang zhe na/ gang byang chub sems dpa' i sa rab tu dga' ba dang/ dri ma med pa dang/ 'od byed pa dang/ 'od 'phro ba can dang/ shin tu sbyang dka' ba dang/ mngon du gyur pa la gnas pa'i gang zag go/ mtshan ma med par spyod pa can gyi gang zag gang zhe na/ gang byang chub sems dpa' i sa ring du song ba la gnas pa'i gang zag go/ mngon par 'du byed pa med par spyod pa can gang

  238. 119b

    zhe na/ gang byang chub sems dpa' i sa mi g.yo ba dang/ legs pa'i blo gros dang/ chos kyi sprin la gnas pa'i gang zag go/ rgyun du zhugs pa'i gang zag ces gang gsungs pa la/ rgyun du zhugs pa ni gnyis te/ rim gyis pa dang/ gcig car nges par 'byin pa'o rim gyis pa ni ji skad bstan pa bzhin no/ /cig car nges par 'byin pa ni gang bden pa rnams mngon par rtogs par byas nas mi lcogs pa med pa la brten te/ 'jig rten las 'das pa'i lam gyis khams gsum na sbyod pa'i nyon mongs pa rnams rnam pas cig car spong ste/ 'di ni rgyun du zhugs pa'i 'bras bu dang/ dgra bcom pa'i 'bras bu dang/ 'bras bu gnyis la gdags so/ /phal cher ni mthong ba'i chos sam/ 'chi ba'i dus kyi tshe kun shes pa thob par byed do/ /gal te mi byed pa na yang de smon lam gyi stobs can yin te/ smon lam gyi dbang gis 'dod pa'i khams nyid du skye ste/ sangs rgyas 'byung ba med na rang rgyal bar 'gyur ro/ /mngon par rtogs pa rnam par bzhag pa gang zhe na/ mngon par rtogs pa bcu ste/ chos mngon par rtogs pa dang/ don mngon par rtogs pa dang/ de kho na mngon par rtogs pa dang/ rjes las mngon par rtogs pa dang/ dkon mchog mngon par rtogs pa dang/ kun du mi 'byung ba mngon par rtogs pa dang/ mthar thug pa'i mngon par rtogs pa dang/ nyan thos kyi mngon par rtogs pa dang/ rang/ sangs rgyas kyi mngon par rtogs pa dang/ byang chub sems dpa' i mngon par rtogs pa'o/ /chos mngon par rtogs pa gang zhe na/ bden pa'i dbang du byas pa'i chos rnams la mos pa dang dad pa chen po thob pa'o/ /don mngon par rtogs gang bzhi na/ nges par 'byed pa'i cha dang mthun pa'i gnas skabs na/ bden pa'i dbang du byas pa'i chos rnams kho na la/ bden pa la chos nges par sems dpa' i bzod pa chen po thob ste/ bzod pa de yang tshul bzhin

  239. 120a

    yod la byed pa chen po'i chung ngu dang/ chen po'i 'bring po dang/ chen po'i chen po dang/ rnam pa gsum gyis rab tu phye ba'o/ /de kho na mngon par rtogs ba gang zhe na/ gang mthong ba'i las kyi sems kyi skad cig bcu drug po dag thob pa'o mthong ba'i lam la ni bden pa rnam par 'jog pa mngon par rtogs pa'i mdza' las byung ba'i kun rdzob shes pa rnams 'thob ste/ mngon du byed pa ni ma yin no/ /de dag ni bsgom pa'i las la mngon du byed do/ /rjes las mngon par rtogs pa gang zhe na/ sgom pa'i lam thams cad do/ /dkon mchog mngon par rtogs pa gang zhe na/ sangs rgyas la shes nas dad pa dang/ chos dang dge 'dun la shes nas dad? pa'o/ /kun du mi 'byung ba mngon par rtogs pa gang zhe na/ mi bya ba'i sdom pa gang thob pas slob ba 'di snyam du sems te/ bdag gi sems can dmyal ba zad do/ /dud 'gro zad do/ /yi dags zad do/ /ngan song ngan 'gro log par ltung? ba zad do/ /bdag yang na song ba'i las byas nas ngan song rnams su rnam par smin pa mngon par 'grub pa'i skal pa can ma yin pa snyam pa'o/ /mthar thug pa'i mngon par rtogs pa gang zhe na/ ji ltar lam gyi bden pa la mthar phyin pa'i lam bstan pa lta bu'o/ /nyan thos kyi mngon par rtogs pa gang zhe na/ mngon par rtogs pa bdun po de dag nyid mdor bsdus te/ nyan thos kyi mngon par rtogs pa zhes bya'o/ /rang sangs rgyas kyi mngon par rtogs pa gang zhe na/ mngon par rtogs pa bdun po de dag nyid gzhan gyi sgra la ma brten par thob pas rang sangs rgyas kyi mngon par rtogs pa zhes bya'o/ /byang chub sems dpa' i mngon par rtogs pa gang zhe na/ mngon par rtogs pa bdun po de dag nyid la byang chub sems dpa' i yang dag par 'grub pa'i bzod pa gang yin pa ste/ mngon du byed pa ni ma yin no/ /yang sa rab tu dga'

  240. 120b

    ba la byang chub sems dpa' i skyon med pa la zhugs pa ni byang chub sems dpa' i mngon par rtogs pa zhes bya'o/ /nyan thos kyi mngon par rtogs pa las byang chub sems dpa' i mngon par rtogs pa khyad par ci yod ce na/ dmigs pa'i khyad par dang/ nye bar stan pa'i khyad par dang/ rab tu rtogs pa'i khyad par dang/ khas len pa'i khyad par dang/ nges par 'byung ba'i khyad par dang/ yongs su 'dzin pa'i khyad par dang/ gnas dang g.yog? 'khor gyi khyad par dang/ btsun par skye ba'i khyad par dang/ skye ba'i khyad par dang/ 'bras bu'i khyad par ro/ /'bras bu'i khyad par ni gnas gyur ba'i khyad par dang/ yon tan phun sum tshogs pa'i khyad par dang/ rnam pa lnga'i khyad par dang/ sku gsum gyi khyad par dang/ mya ngan las 'das pa'i khyag par dang/ 'dres shing nye bar 'dres pa'i ye shes kyi nus pa thob pa'i khyad par dang/ sgrib pa rnam par dag pa'i khyad par dang/ 'dres pa dang nye bar 'dres pa'i las byed pa'i khyad par dang/ mngon par rdzogs par byang chub pa dang/ mya ngan las 'das pa ston pa'i thabs kyi khyad par dang/ yongs su skyob pa rnam pa lnga'i khyad par gyis kyang rig par bya'o/ /tshad med pa la sogs pa yon tan khyad par can 'di dag mngon par rtogs pa gang gis bsdus she na/ rjes las mngon par rtogs pa dang/ mthar thug pa'i mngon par rtags pas bsdus so/ /de dag kyang tshad med pa rnams dang/ rnam par thar pa rnams dang/ zil gyis gnon pa'i skye mched rnams dang/ zad par gyi skye mched rnams dang/ nyon mongs pa med pa dang/ bsam nas shes pa dang/ so so yang dag par rig pa rnams dang/ mngon par shes pa rnams dang/ mtshan dang dpe byad bzang po rnams dang/ yongs su dag pa rnams dang/ stobs rnams dang/ mi 'jigs pa rnams dang/ dran pa nye bar bzhag pa rnams dang/ bsrung ba med pa rnams dang/

  241. 121a

    bsnyel ba mi mnga' ba'i chos nyid dang/ bag chags legs par bcom pa dang/ thugs rje chen po dang sangs rgyas kyi chos ma 'dres pa bco brgyad dang/ rnam pa thams cad mkhyen pa nyid de/ mdo sde las ji skad 'byung ba rnams so/ /byams pa gang zhe na/ bsam gtan la brten to/ sems can rnams la phan pa dang phrad par shog cig par bsam pa'i gnas pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung pa'i chos rnams so/ /snying rje gang zhe na/ sems can rnams la sdug bsngal dang bral bar shog cig par bsam pa'i gnas pa yang dag pa 'byor pa'i zhes bya ba snga ma bzhin no/ /dga' ba gang zhe na/ sems can rnams la bde ba dang mi 'bral bar shog cig par bsam pa'i gnas pa phun sum tshogs pa'i zhes bya ba snga ma bzhin no/ /btang snyoms gang zhe na/ bsam gtan la brten te/ sems can rnams la phan pa'i bsam pa'i gnas pa yang dag par 'byor pa'i zhes bya ba snga ma bzhin no/ /gzugs can gzugs rnams la lta ba ji lta bu zhe na/ 'di lta ste/ sprul pa'i sgrib pa las rnam par thar par bya ba'i phyir bsam gtan la brten te/ lta ba Fpo bdag la gzugs su 'du shes pa dang ma bral ba 'am bzhag pas kyang rung ste/ snang ba'i gzugs rnams la lta ba'i gnas pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /nang gzugs med par 'du shes shing phyi'i gzugs la lta ba ji lta bu zhe na/ lta ba po bdag la gzugs su 'du shes pa dang bral ba 'am/ gzugs med pa'i 'du shes bzhag

  242. 121b

    pas kyang rung ste/ snang ba'i gzugs la lta ba'i gnas pa yang dag par 'byor pa'i zhes bya ba snga ma bzhin no/ /sdug pa'i rnam par thar pa lus kyis mngon sum du byas te rdzogs par byas nas gnas pa ji lta bu zhe na/ 'di lta ste/ sdug pa dang mi sdug pa la kun nas nyon mongs pa 'byung ba'i sgrib pa las rnam par thar bar bya ba'i phyir rang gis sdug pa dang mi sdug pa'i gzugs rnams la phan tshun bltos pa'i 'du shes dang/ phan tshun rjes su 'brel pa'i 'du shes dang/ phan tshun ro gcig pa'i 'du shes thob nas de la gnas pa yang dag par 'byor pa zhes bya ba snga ma bzhin no/ /nam mkha' mdza' yas skye mched kyi rnam par thar pa gang zhe na/ thar pa'i rjes su mthun pa nam mkha' mdza' yas skye mched la gnas pa yang dag par 'byor pa'i zhes bya ba snga ma bzhin no/ /nam mkha' mdza' yas skye mched kyi rnam par thar pa ji lta ba/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med min skye mched kyi rnam par thar pa yang de bzhin du blta bar bya ste/ 'di ltar zhi ba'i rnam par thar pa la chags pa'i sgribs pa las rnam par thar par bya ba'i phyir ro/ /'du shes dang tshor ba 'gog pa'i rnam par thar pa gang zhe na/ 'di lta ste/ 'du shes dang tshor ba 'gog pa la sgrib pa las rnam par thar par bya ba'i phyir/ 'du shes med 'du shes med min skye mched kyi rnam par thar pa la brten te/ zhi pa'i rnam par thar pa la gnas pa las yang dag par 'das nas thar pa dang mthun par gnas pa yang dag par 'byor pa'i sems dang sems las byung ba'i chos rnams 'gog pa'o/ /zil gyis gnon pa'i skye mched bzhi ni thar pa gnyis kyis rig par bya'o/ /bzhi ni rnam par thar pa gcig gis rig par bya'o/ /rnam par thar pa rnams kyis ni dmigs pa la mos par byed do/ /zil gyis gnon

  243. 122a

    pa'i skye mched rnams kyis ni dbang byed pa'i phyir zil gyis gnon to/ /sems can dang sems can ma yin par gtogs pa'i gzugs rnams ni chung ngu dang chen po zhes bya'o/ /mi dang lha'i rnams ni ngan pa dang bzang po rnams so// lhag ma ni rnam par thar par las 'byung ba ji lta ba bzhin no/ /zil gyis gnon pa'i skye mched rnams kyis dmigs pa zil gyis gnan nas zad par gyi skye mched rnams kyis zad par rgyas par byed par gnas pa yang dag par 'byor pa'i ting nge 'dzin dang shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams ni zad par gyi skye mched ces bya'o/ /ci'i phyir zad par gyi skye mched rnams las sa la sogs pa la zad par gdags she na/ gnas dang dang bcas pa'i gzugs la khyab par bya ba 'byor pa nyid kyi phyir ro/ /lhag ma ni rnam par thar pa bzhin du ji ltar mthun mthun du sbyar ro/ /zad par gyi skye mched rnams kyis ni rnam par thar pa rnams 'grub par byed do/ /nyon mongs pa med pa gang zhe na/ bsam gtan la brten te gzhan gyi nyon mongs pa 'byung ba rjes su srung ba'i gnas pa yang dag par 'byor pa'i ting nge 'dzin dang shes rab gang yin pa dang/ de dag mtshungs par ldan pa'i sems dang sems las byung pa'i chos rnams so/ /bsams nas shes pa gang zhe na/ bsam gtan la brtan te/ 'di shes par bya'o/ /zhes bsams nas yang dag par 'byor pa zhes bya ba snga ma bzhin no/ /chos so so yang dag par rig pa gang zhe na/ bsam gtan la brten nas rnam grangs su rtogs pa rnams la thogs pa med pa yang dag par 'byor pa'i zhes bya ba snga ma bzhin no/ /don so so yang dag par rig pa gang zhe na/ mtshan nyid dang dgongs pa la thogs pa med pa yang dag par 'byor pa'i zhes bya ba snga ma bzhin no/ /nges pa'i tshig so so yang

  244. 122b

    dag par rig pa gang zhe na/ yul mi'i skad dang chos kyis nges pa'i tshig la thogs pa med pa yang dag par 'byor pa'i zhes bya ba snga ma bzhin no/ /spobs pa so so yang dag par rig pa gang zhe na/ chos rab tu dbye ba la thogs pa med pa yang dag par 'byor pa'i zhes bya ba snga ma bzhin no/ /rdzu 'phrul gyi mngon par shes pa gang zhe na/ bsam gtan la brten nas rdzu 'phrul gyis rnam par 'phrul pa sna tshogs yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /lha'i rna ba'i mngon par shes pa gang zhe na/ sgra sna tshogs nyan pa yang dag par 'byor pa'i zhes bya ba snga ma bzhin no/ /sems kyi rnam grangs mngon par shes pa gang zhe na/ sems can gzhan dag gi sems kyi spyod pa la 'jug pa yang dag par 'byor pa'i zhes bya ba snga ma bzhin no/ /sngon gyi gnas rjes su dran pa'i mngon par shes pa gang zhe na/ sngon gyi mdza' i spyod pa rjes su dran pa'i yang dag par 'byor pa'i zhes bya ba snga ma bzhin no/ /'chi 'pho dang skye ba mngon par shes pa gang zhe na/ sems can rnams kyi 'chi 'pho dang skye ba yang dag par 'byor pa zhes bya ba snga ma bzhin no/ /zag pa zad pa'i mngon par shes pa gang zhe na/ bsam gtan la brten nas zag pa zad pa shes pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /mtshan dang dpe byad bzang po rnams gang zhe na/ bsam gtan la brten nas mtshan dang dpe byad bzang pos rgyan pa'i sku kun tu ston pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams dang/ de las byung ba'i rnam par smin pa'o/ /gnas yongs su dag pa gang zhe na/

  245. 123a

    bsam gtan la brten nas ji ltar bzhed pa bzhin du gnas len pa dang/ bzhugs pa dang/ yongs su gtong ba yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /dmigs pa yongs su dag pa gang zhe na/ ji ltar bzhed pa bzhin du dmigs pa sprul pa dang/ sgyur ba dang/ mkhyen pa yang dag par 'byor pa zhes bya ba snga ma bzhin no/ /thugs yongs su dag pa gang zhe na/ ji ltar bzhed pa bzhin du ting nge 'dzin gyi sgo la dbang sgyur ba'i yang dag pa'i 'byor pa'i zhes bya ba sngam bzhin no?/ /mkhyen pa yongs su dag pa gang zhe na/ bsam gtan la brten nas ji ltar bzhed pa bzhin du gzugs kyi sgo kun tu 'dzin pa yang dag par 'byor pa'i zhes bya ba snga ma bzhin no/ /gnas dang gzhis? ma yin pa mkhyen pa'i stobs gang zhe na/ bsam gtan la brten nas gnas dang gnas ma yin pa thams cad mkhyen pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /las bdag gir bya ba mkhyen pa'i stobs gang zhe na/ las bdag gir bya ba thams cad mkhyen pa yang dag par 'byor pa'i zhes bya ba snga ma bzhin no/ /stobs lhag ma rnams la'ang de bzhin du ji ltar mthun mthun du rig par bya'o/ /mngon par rdzogs par byang chub pa la mi 'jigs pa gang zhe na/ bsam gtan la brten nas rang gi don las brtsams te/ shes bya'i rnam pa thams cad mngon par rdzogs par byang chub par zhal gyis 'che ba 'jog pa yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /zag pa zad pa mkhyen pa la mi 'jigs pa gang

  246. 123b

    zhe na/ rang gi don las brtsams te zag pa'i rnam pa thams cad zad par zhal gyis 'che ba 'jog pa yang dag par 'byor pa'i zhes bya ba snga ma bzhin no/ /bar du gcod pa'i chos la mi 'jigs pa gang zhe na/ gzhan gyi don la brtsams te/ bar du gcod pa'i chos rnam pa thams cad ston par zhal gyis 'che ba 'jog par yang dag par 'byor pa'i zhes bya ba snga ma bzhin no/ /nges par 'byin pa'i lam la mkhas pa gang zhe na/ bsam gtan la brten nas gzhan gyi don la brtsams te/ nges par 'byin pa'i lam gyi rnam pa thams cad ston par zhal gyis 'che ba yang dag par 'byor pa'i zhes bya ba snga ma bzhin no/ /dran pa nye bar gzhag pa gsum gang zhe na/ tshogs yongs su sdud de/ kun nas nyon mongs pa'i rnam pa thams cad kun tu mi 'byung ba yang dag par 'byor pa'i zhes bya ba snga ma bzhin no/ /bsrung ba med pa gsum gang zhe na/ tshogs yongs su sdud pa nyid la ji lta bar bzhed pa bzhin du gdams pa dang rjes su bstan par sbyor ba yang dag par 'byor pa'i zhes bya ba snga ma bzhin no/ /bsnyel ba med pa'i chos nyid gang zhe na/ ji lta ba bzhin du mdzad pa dang/ gsungs pa'i rnam pa thams cad mngon par brjod pa yang dag par 'byor pa'i zhes bya ba snga ma bzhin no/ /bag chags legs par bcom pa gang zhe na/ thams cad mkhyen par gyur nas thams cad mkhyen pa ma yin pa'i g.yo ba/ kun tu mi 'byung ba yang dag par 'byor pa'i zhes bya ba snga ma bzhin no/ /thugs rje chen po gang zhe na/ rgyun mi 'chad par sdug bsngal la dmigs pa'i thugs rje la gnas pa yang dag par 'byor pa'i zhes bya ba snga ma bzhin no/ /sangs rgyas kyi chos ma 'dres pa rnams gang zhe na/ sku dang gsung dang thugs kyi phrin las thun mong ma yin pa yongs su dag pa yang dag par

  247. 124a

    'byor pa dang/ de bzhin gshegs pa'i dbang po gnas dang 'bras bu dang bcas pa rnams ma thob pa'i yongs su nyams pa med par yang dag par 'byor pa dang/ thun mong ma yin pa'i 'phrin las yang dag par 'byor pa dang/ ye shes la gnas pa thun mong ma yin pa yang dag par 'byor pa'i ting nge 'dzin dang/ shes rab gang yin pa zhes bya ba snga ma bzhin no/ /rnam pa thams cad mkhyen pa nyid gang zhe na/ phung po dang khams dang skye mched rnams la rnam pa thams cad mkhyen pa nyid yang dag par 'byor pa'i ting nge 'dzin dang/ shes rab gang yin pa dang/ de dag dang mtshungs par ldan pa'i sems dang sems las byung ba'i chos rnams so/ /yon tan 'di rnams ji ltar mngon par sgrub ce na/ phyi rol pa dang/ nyan thos sam/ byang chub sems dpa' yang rung ste/ dag pa'i bsam gtan bzhi la brten nas/ tshad med pa rnams mngon par sgrub bo/ /tshad med pa rnams ji lta bar mngon par shes pa lnga yang de bzhin no/ /yon tan lhag ma rnams ni nyan thos sam/ byang chub sems dpa' 'am/ de bzhin gshegs pa'ang rung ste/ rab kyi mthar phyin pa'i bsam gtan bzhi pa la brten nas mngon par sgrub po/ /de yang ci'i phyir zhe na/ bsam gtan la brten nas ji ltar rnam par bzhag pa bzhin du lan mang du yid la byed pa'i phyir ro/ /yon tan 'di dag ni rnam pa gnyis te/ rang gi bya ba la nye bar gnas pa dang/ gnas pa las gyur pa'o/ /rang gi bya ba la nye bar gnas pa gang yin pa de dag ni/ 'jig rten las 'das pa'i rjes la thob pa kun rdzob shes pa'i rang bzhin du blta'o/ /gnas pa las gyur pa gang yin pa de dag ni 'jig rten las 'das pa'i ye shes kyi rang bzhin du blta'o/ /tshad med pa rnams kyis las ci mdzad ce na/ mi mthun pa'i phyogs spong ngo/ /thugs brtse bar gnas pas bsod

  248. 124b

    nams kyi tshogs yongs su rdzogs par mdzad do/ /sems can yongs su smin par mdzad pa la mi skyo'o/ /rnam par thar pa rnams kyis las ci mdzad ce na/ sprul pa'i las mngon par sgrub po/ /dge ba sprul pa la kun nas nyon mongs par mi 'gyur ro/ /zhi ba'i rnam par thar pa rnams la mi chags so/ /mos pa'i phyir 'phags pa'i gnas pa mchog tu rab tu zhi ba'i gnas pas gnas so/ /zil gyis gnon pa'i skye mched rnams kyi las ci mdzad ce na/ dmigs pa zim gyis gnon pa'i phyir rnam par thar pa gsum po dag dmigs pa las dbang sgyur bar mdzad do/ /zad par gyi skye mched rnams kyis las ci mdzad ce na/ zad par rgyas par mdzad pa'i phyir rnam par thar pa'i dmigs pa yongs su sgrub par mdzad do/ /nyon mongs pa med pas las ci mdzad ce na/ gzung ba'i tshig tu 'gyur ro/ /bsams nas shes pas las ci mdzad ce na/ byung ba dang 'byung par 'gyur ba dang/ da ltar gyi lung ston pa dang/ 'jig rten mang pos bkur bar 'gyur ro/ /so so yang dag par rig pa rnams kyis las ci mdzad ce na/ bshad pas sems can rnams kyi sems tshim par mdzad do/ /mngon par shes pa rnams kyis las ci mdzad ce na/ lus kyi las kyis bstan pa la 'dun pa mdzad do/ /ngag gi las kyis bdun pa mdzad do/ /sems kun brjod pas kyang 'dun pa mdzad do/ /sems can gyi spyod pa dang/ 'ong ba dang 'gro ba mkhyen nas/ /sems can rnams nges par 'byung ba la ji lta ba bzhin du 'doms so/ /mtshan dang dpe byad bzang po rnams kyis las ci mdzad ce na/ mthong ma thag tu skyes bu chen po nyid du yid ches par mdzad do/ /sems kyang mngon par dang bar mdzad do/ /yongs su dag pa rnams kyis las ci mdzad ce na/ bsams bzhin du srid par skye ba yongs su 'dzin to/ /bzhed na bskal pa 'am/ bskal pa las

  249. 125a

    lhag par bzhugs so/ /tshe'i 'du byed kyang 'dor ro/ /chos la dbang sgyur ro/ /ting nge 'dzin la dbang sgyur ro/ /dam pa'i chos kyang yang dag par 'dzin to/ /stobs rnams kyis las ci mdzad ce na/ rgyu med pa dang/ mi mthun pa rgyur smras ba dang/ ma byas pa dang/ phrad par smra ba bsal nas yang dag par mngon par mtho ba'i lam ston to/ /sems can gyi sems kyi spyod pa dang/ bshad pa'i snod dang/ bsam pa dang/ bag la nyal ba dang/ dmigs pa dang/ tshogs dang 'os su 'gyur ba dang/ nges par 'byung ba yang rjes su rtogs nas/ ji lta ba bzhin du lags pa'i lam ston to/ /bdud rnams kyang tshar gcod do/ /thams cad du dri ba dris pa yang lung stan to/ /mi 'jigs pa rnams kyis las ci mdzad ce na/ 'khor gyi nang du bdag ston pa yang dag pa yin par 'jog go /rgol ba gzhan mu stegs can rnams kyang tshar gcod do/ /dran pa nye bar gzhag pa rnams kyis las ci mdzad ce na/ kun nas nyon mongs pa can ma yin pas tshigs yongs su sdud do/ /bsrung ba med pa rnams kyis las ci mdzad ce na/ rgyun mi 'chad par tshogs la 'doms so/ /yang dag par rjes su ston to/ /bsnyel ba med pa'i chos nyid kyis las ci mdzad ce na/ sangs rgyas kyi mdzad pa mi 'dor ro/ /bag chags legs par bcom pas las ci mdzad ce na/ nyon mongs pa med pas nyon mongs pa lta bu'i spyod pa ston to/ /thugs rje chen pos las ci mdzad ce na/ nyin mtshan las drug tu 'jig rten la rnam par gzigs so/ /sangs rgyas kyi chos ma 'dres pa rnams kyis las ci mdzad ce na/ sku dang gsung dang thugs kyi 'phrin las yongs su dag pa dang/ 'thob pa dang/ gshegs pa dang/ bzhugs pas kyang nyan thos dang/ rang sangs rgyas thams cad zil gyis gnon to/ /rnam pa thams cad mkhyen pa nyid kyis las ci mdzad ce na/ sems can

  250. 125b

    thams cad kyi the tshom gcod do/ /chos kyi tshul yang ring du 'jug go /nges sems can ma smin pa rnams ni yongs su smin par mdzad do/ /yongs su smin pa rnams ni rnam par grol bar mdzad do/ /mngon par rtogs pa 'di dag la gong mas gong du khyad par du 'phags pa'i lam thob na lam snga ma dman ba ni 'dor ro/ /bsdoms te spong ba yang mngon sum du byed do/ /phung po'i lhag ma med pa'i mya ngan las 'das pa'i dbyings su nyan thos ni lam thams cad rgyun yang dag par gcod pa'i rnam par 'dor bas rnam par spong ste/ byang chub sems dpa' ni ma yin no/ /de'i phyir byang chub sems dpa' rnams ni dge ba'i rtsa ba mi zad pa dang/ yon tan mi zad pa zhes bya'o/ /lung du ma bstan pa'i dngos po gang dag rnam par bzhag pa ci'i phyir zhe na/ tshul bzhin ma yin pa yongs su 'di pa'i phyir ro/ /ci'i phyir tshul bzhin ma yin pa yongs su 'dri zhe na/ rgyu dang 'bras bu dang/ kun nas nyon mongs pa dang/ rnam par byang ba la sems pa yongs su spangs pa'i phyir ro// ci'i phyir byang chub sems dpa' i skyon med pa la zhugs na/ rgyun du zhugs par mi 'gyur zhe na/ rgyun la 'jog pa yongs su ma grub pa'i phyir ro/ /ci'i phyir lan cig phyir 'ong bar mi 'gyur zhe na/ bsams bzhin du srid par skye ba tshad med pa yongs su 'dzin pa'i phyir ro/ /ci'i phyir phyir mi 'ong par mi 'gyur zhe na/ bsam gtan rnams kyis gnas shing 'dod pa'i khams su skye ba'i phyir ro/ /byang chub sems dpa' rnams ni bden pa rnams mngon par rtogs par byas nas/ /sa bcu rnams su bsgom pa'i lam la shes bya'i sgrib pa'i gnyen po lam bsgom gyi nyon mongs pa'i sgrib pa'i gnyen po ni ma yin te/ de byang chub thob pa na nyon mongs pa'i sgrib pa dang/ shes bya'i sgrib pa cig car

  251. 126a

    spong ngo/ /cig car dgra bcom pa dang de bzhin gshegs par 'gyur ro/ /de ni nyon mongs pa ma spangs su zin kyang sngags dang sman gyis sod? pa'i dug lta bu dang/ dper na spangs pa'i dgra bcom pa ltar sa thams cad du nyon mongs pa'i nyes pa mi skyed do/ /yang byang chub sems dpa' shes bya la mkhas pa dang thabs la mkhas pa dang/ yang dag par ma yin pa'i rnam par rtog pa la mkhas pa dang/ rnam par mi rtog pa la mkhas par bya'o/ /dus dus su dbang po rnams sbyong bar bya'o/ /shes bya gang zhe na/ de yang rnam pa drug tu blta ste/ 'khrul pa dang 'khrul pa'i gnas dang/ ma 'khrul pa'i gnas dang/ 'khrul pa yang yin la ma 'khrul pa yang yin pa dang/ ma 'khrul pa dang/ ma 'khrul pa'i rgyu mthun pa'o thabs la mkhas pa gang zhe na/ sems can yongs su smin par bya ba la mkhas pa dang/ sangs rgyas kyi chos yongs su rdzogs par bya ba la mkhas pa dang/ mngon par shes pha myur ba la mkhas pa dang/ lam rgyun mi 'chad pa la mkhas pa'o/ yang dag pa ma yin pa'i rnam par rtog pa gang zhe na/ rtsa ba'i rnam par rtog pa dang/ mtshan ma'i rnam par rtog pa dang/ mtshan mar snang ba'i rnam par rtog pa dang/ mtshan mar 'gyur ba'i rnam par rtog pa dang/ mtshan mar snang ba 'gyur ba'i rnam par rtog pa dang/ gzhan gyis bstan pa'i rnam par rtog pa dang/ tshul bzhin ma yin pa'i rnam par rtog pa dang/ tshul bzhin gyi rnam par rtog pa dang/ mngon par zhen pa'i rnam par rtog pa dang/ rnam par g.yeng ba'i rnam bar rtog pa'o/ rnam par g.yeng ba'i rnam par rtog pa yang dngos po med par rnam par rtog pa dang/ dngos por rnam par rtog pa dang/ sgro 'dogs pa'i rnam par rtog pa dang/ skur ba 'debs pa'i rnam par rtog pa dang/ gcig pa nyid du rnam

  252. 126b

    par rtog pa dang/ tha dad pa nyid du rnam par rtog pa dang/ ngo bo nyid du rnam par rtog pa dang/ khyad par du rnam par rtog pa dang/ ming ji lta ba bzhin du don rnam par rtog pa dang/ don ji lta ba bzhin du ming du rnam par rtog pa'o/ /rnam par mi rtog pa nyid gang zhe na/ chog par 'dzin pa'i rnam par mi rtog pa nyid dang/ phyin ci ma log pa'i rnam par mi rtog pa nyid dang/ spros pa med pa'i rnam par mi rtog pa nyid de so so'i skye bo rnams dang/ nyan thos rnams dang/ byang chub sems dpa' rnams dang go rim bzhin no/ /spras pa med pa'i rnam par mi rtog pa nyid ni yid la byed pa med pas ma yin/ yang dag par 'das pas ma yin/ rnam par zhi bas ma yin/ ngo bo nyid kyis ma yin/ dmigs pa la mngon par 'du byed pas ma yin par blta ste 'on kyang dmigs pa la mngon par 'du byed pa med par blta'o/ /byang chub sems dpa' ni rang bzhin gyis dbang po rnon po yin na ji ltar dbang po rnams sbyong zhe na/ dbang po rnon po'i chung nu la rten te rnon po'i 'bring mngon par sgrub bo/ / dbang po rnon po'i 'bring la brten te rnon po'i chen po mngon par sgrub po/ /'thob pa rnam par nges pa zhes bya ba ste/ kun las btus pa bzhi pa'o// //'bel? ba'i gtam gyis rnam par nges pa gang zhe na/ rnam pa 'dun te/ don rnam par nges pa dang/ rnam par bshad pa rnam par nges pa dang/ rab tu phye nas kun tu bstan pa rnam par nges pa dang/ yang dag pa dri ba rnam par nges pa dang/ bsdu ba rnam par nges pa dang/ smra ba rnam par nges pa dang/ ldem? par dgongs pa rnam par nges pa'o/ /don rnam par nges pa gang zhe na/ don drug las brtsams nas gang rnam par nges pa'o/ /don drug gang zhe na/ ngo bo nyid kyi don dang/ rgyu'i don dang/ 'bras bu'i don dang/ las kyi don

  253. 127a

    dang/ ldan pa'i don dang/ 'jug pa'i don to/ /ngo bo nyid kyi don ni ngo bo nyid gsum mo/ /rgyu'i don ni skye ba dang/ 'byung ba dang/ 'grub pa'i rgyu'o/ /'bras bu'i don ni rnam par smin pa'i 'bras bu dang/ rgyu mthun pa'i 'bras bu dang/ bdag po'i 'bras bu dang/ skyes bu byed pa'i 'bras bu dang/ bral ba'i 'bras bu'o/ /las kyi don ni dmigs pa'i las dang/ byed pa'i las dang/ 'bad pa'i las dang/ sgyur ba'i las dang/ 'thob pa'i las so/ /ldan pa'i don ni mang po las gyur pa dang/ rjes su 'bying ba las gyur pa dang/ 'brel pa las gyur pa dang/ gnas skabs las gyur pa dang/ 'gyur ba las gyur pa'i ldan pa'o/ /'jug pa'i don ni mtshan nyid kyis 'jug pa dang/ rten la 'jug pa dang/ phyin ci log gi 'jug pa dang/ phyin ci log ma yin pa'i 'jug pa dang/ rab tu dbye ba'i 'jug pa'o/ /rnam par bshad pa gtan la dbab pa gang zhe na/ gang gis mdo sde rnams rnam par bshad par byed pa ste/ de yang gang zhe na/ yongs su shes par bya ba'i dngos po dang/ yongs su shes par bya ba'i don dang yongs su shes par bya ba'i rgyu dang/ yongs su shes pa dang/ yongs su shes pa'i 'bras bu dang/ de rab tu shes pa'o/ /yang rnam par bshad pa'i sgo bcu bzhi ste/ sgo bcu bzhi ni/ rnam par bshad pa bsdus pa'i sgo dang/ dngos po bsdu ba'i sgo dang/ yan lag dang nye ba'i yan lag gi sgo dang/ gong nas gong du mngon par sgrub pa'i sgo dang/ spong ba'i sgo dang/ yi ges yongs su bsgyur ba'i sgo dang/ chung za ba dang chung mi za ba'i sgo dang/ gang zag rnam par bzhag pa'i sgo dang/ rab tu dbye bas rnam par bzhag pa'i sgo dang/ tshul gyi sgo dang/ yongs su shes pa la sogs pa'i sgo dang/ stobs dang

  254. 127b

    stobs ma yin pa'i sgo dang/ bzlas te brjod pa'i sgo dang/ mngon par sgrub pa'i sgo'o/ /rab tu phye nas kun tu bstan pa la dbab pa gang zhe na/ ji skad du bstan pa'i chos rnams la ci rigs su sbyar te/ gcig nas rtog pa dang/ tshig gong ma dang sbyor ba dang/ tshig 'og ma dang sbyor ba dang/ mu gnyis pa dang/ mu gsum pa dang/ mu bzhi pa dang/ de bzhin no zhes bya ba dang spong ba'o/ /yang dag par dri ba rnam par nges pa gang zhe na/ /rnam pa brgyad de/ /ci zhes bstan pa yang dag par dri ba rnam par nges pa dang/ ji zhes brjod pa la ji lta bar gang zhes brjod pa la'ang de bzhin no/ /yang rnam par nges pa'i lam bzhi ste/ sun 'byin par byed pa dang/ sgrub par byed pa dang/ gcod par byed pa dang/ khong du chud par byad pa'o/ /bsdu ba rnam par nges pa gang zhe na/ gnas bcus rnam par nges pa bsdus par 'gyur te/ gnas bcu gang zhe na/ bya ba sgrub pa rnam par nges pa dang/ 'jug pa rnam par nges pa dang/ mos pas rnam par nges pa dang/ rigs pas rnam par nges pa dang/ 'bel pa'i gtam gyi rnam par nges pa dang/ rab tu rtogs pas rnam par nges pa dang/ rnam par dag pas rnam par nges pa dang/ mngon par sgrub pas rnam par nges pa dang/ tshig rab tu dbye bas rnam par nges pa dang/ lhun gyis grub pa dang rtsol ba tsam gyis don thams cad 'grub pa rnam par nges pa'o/ /smra ba rnam par nges pa gang zhe na/ smra ba dang/ smra pa'i zhal che ba dang/ smra ba'i gzhi dang/ smra ba'i rgyan dang/ smra ba chad pas gcad pa dang/ smra ba las 'byung ba dang/ smra ba la gces spras byed ba'i chos rnams so/ /smra ba gang zhe na/ smra ba dang/ rmad khyer ba smra ba dang/ rtsod pa smra ba dang tshig ngan smra ba dang/ mthun par smra ba dang/ gdams ba smra ba'o/ /smra ba ni tshig brjod pa thams cad do/ /rmad 'khyer ba smra ba ni 'jig rten na grags pa'o/ /rtsod

  255. 128a

    ba smra ba ni phan tshun mi mthun par gnas ba'o/ /tshig ngan smra ba ni phan tshun tshig brlang? bos nye bar gnas pa'o/ /mthun par smra ba ni ye shes mthong ba rnam par dag pa dang mthun pa'i 'bel? ba'i gtam rnam par nges pa'o// gdams pa smra ba ni sems mnyam par ma bzhag pa mnyam par bya ba dang/ sems mnyam par bzhag pa rnam par thar par bya ba'i phyir bstan pa'o/ /smra ba'i zhal che ba ni rgyal po bzhugs pa dang/ bskos pa 'dul ba'i sa dang/ 'dus pa dang/ chid? mar rung ba'i zla grogs rnams dang/ dge sbyong dang bral ze chos dang don la mkhas pa rnams so/ /smra ba'i gzhi ni bsgrub pa dang sgrub pa'o/ /bsgrub pa ni ngo bo nyid dang khyad par ro/ /sgrub pa ni dam bca' dang gtan tshigs dang/ dpe dang nye bar sbyar ba dang/ mjug sdud dang mngon sum dang/ rjes su dpag pa dang/ yid ches pa'i lung ngo/ /ngo bo nyid bsgrub pa ni bdag gi ngo bo nyid dang/ chos kyi ngo bo nyid do/ /khyad par ni bdag gi khyad par dang/ chos kyi khyad par ro/ /dam bca' ba ni bdag 'dod pa sgrub pa'i don gzhan la go bar ston pa'o/ /gtan tshigs ni bsgrub pa de nyid la ma grags pa'i don yid ches par byad pa'i rgyu mngon sum du dmigs pa dang mi dmigs pa bsnyad pa'o/ /dpe ni mdza' mthong ba dang/ mdza' ma mthong ba mtshungs par sbyar zhing bsnyad pa'o/ /nye bar sbyar ba ni de'i rigs kyi chos lhag med dang 'dra ba la de'i chos sbyar ba'i tshul gyis mthun par bsnyad pa'o/ /'jug sdud pa ni mthar phyin par bsnyad pa'o/ /mngon sum ni rang gi don yong cing snang la mnor ba'o/ /rjes su dpag pa ni mngon sum gyi lhag ma la yid ches pa'o/ /yid ches pa'i lung ni de gnyi ga dang mi 'gal bar stan pa'o/ /smra ba'i rgyan ni bdag dang gzhan gyi gzhung lugs shes pa dang/ tshig zur phyin pa phun sum tshogs pa dang/ mi 'jigs pa dang/ brtan pa dang/ mthun par

  256. 128b

    byed pa'o/ /smra ba chad pas bcad pa ni gtam rjes su bcad pa dang/ gtam 'phro lus pa dang/ gtam gyi nyes pa'o/ /gtam rjes bcan pa ni rang gi smra ba'i skyon khas blang ba dang/ gzhan gyi smra ba'i yon tan khas blang ba'o/ /gtam 'phro lus pa ni 'di lta ste/ gzhan nas gzhan du rgyud pa 'am/ gtam gzhan smra ba ste/ mdo sde las ji skad 'byung ba lta bu'o/ /gtam gyi nyos pa ni ci la ci la dang/ 'khrugs pa dang/ brde? phrad du mi rung ba dang/ ran pa ma yin pa dang/ don dang ldan pa ma yin pa dang/ dus tshigs ma yin par smra ba dang/ mi brtan pa dang/ mi gsal ba dang/ tshig rgyun chags ma yin pa'o/ /smra ba las 'byung ba ni phyir rgol ba snod ma yin pa dang/ 'khor yon tan med pa dang/ bdag kyang mi mkhas par rig nas smra bar mi bya ba dang/ phyir rgol ba snod du zhig gam/ 'khor yon tan dang ldan ni/ bdag kyang mkhas par rig nas smra bar bya'o/ /smra ba la gces spras byed pa'i chos rnams ni bdag dang gzhan gyi gzhung lugs la mkhas pa ste/ des thams cad du smra bar byed do/ /mi 'jigs pa ni gang gis 'khor thams cad du smra bar byed pa'o/ /spobs pa ni gang gis thams cad du lan gdab pa shes pa'o/ /yang bdag legs su 'dod pas smra ba'i tshul shes par bya ba'i brtsod cing smra bar ni mi bya ste/ bcom ldan 'das kyis chos mngon pa'i mdo las ji skad gsungs pa lta bu ste/ gnas bcu gnyis mthong ba'i byang chub sems dpa' dge ba'i phyogs la brtson pa nan tan snying por byed pa sems can sdud pa myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas gzhan dag dang gcod pas smra bar mi bya'o/ /bcu gnyis gang zhe na/ dam pa'i chos don gyi mchog dang ldan pa bshad pa kun shes pa dkon pa dang/ kun shas par bya ba'i bsam pas smra ba dkon pa dang/ tshogs pa mkhas pa dang/ rtog pa dang ldan pa rnams dkon

  257. 129a

    pa dang/ phyogs ngan pa yongs su 'dzin cing mngon par zhen pa'i nyes pa dang/ ngan g.yor smra ba'i nyes pa dang/ dus ma yin par gtam la sbyor ba'i nyes pa dang/ gtam khyad du gsod pa'i nyes pa dang/ tshig brlang po'i nyes pa dang/ yid 'khrugs pa'i nyes pa dang/ gang nyes pa drug rnam par spangs te smra ba dkon pa dang/ 'khrug pa med par smra ba dkon pa dang/ gzhan gyi sems bsrung zhing smra ba dkon pa dang/ ting nge 'dzin rjes su bsrung zhing smra ba dkon pa dang/ rgyal ba 'am pham pa'i sems med par smra ba dkon pa dang/ rgyal pa 'am pham yang kun nas nyon mongs pa med pa dkon pa dang/ kun nas nyon mongs par gyur pa reg par gnas pa dkon pa dang/ reg par mi gnas pa dge ba'i chos rnams la rgyun du bsgom ba dkon pa dang/ dge ba'i chos rgyun du mi sgom pas sems mnyam par ma bzhag pa las mnyam par bzhag pa dang/ sems mnyam par ma bzhag pa las rnam par grol pa dkon ba'o zhe'o/ ldem por dgongs pa rnam par nges pa gang zhe na/ ming gi tshogs dang/ tshig gi tshogs dang/ yi ge'i tshogs rnams kyi don gzhan du brjod la/ don gzhan du yongs su bsgyur ba ste/ ji skad du/ pha dang ma ni bsad byas shing/ rgyal po gtsang sbra can gnyis dang/ yul 'khor 'khor dang bcas bcom na/ mi ni ngag par 'gyur zhes bya/ /zhes gsungs pa lta bu'o/ /yang ji skad du/ yid mi ches dang byas mi gzo/ /mi gang khyim 'bibs byed pa dang/ /go skabs bcom dang skyugs pa za/ /de ni skyes bu mchog yin no/ /snying po mang la snying por shes/ /phyin ci log la shin tu gnas/ nyon mongs kun las rab nyon mongs/ /byang chub dam pa 'thob par 'gyur/ /zhes gsungs pa lta bu'o/ /yang ci skad du/ byang chub sems dpa' chos lnga dang ldan na sbyin pa'i pha rol

  258. 129b

    tu phyin pa yongs su rdzogs par byed do/ /lnga gang zhe na/ ser sna'i chos nyid 'phel bar byed pa dang/ sbyin bas yongs su skyo ba dang/ slong ba la tshig pa za ba dang/ res 'ga' ci yang sbyin par mi byed pa dang/ sbyin pa las ring du gyur pa'o zhes gsungs pa lta bu'o/ /yang ci skad du/ byang chub sems dpa' chos lnga dang ldan na tshangs par spyod pa yin zhing tshangs par spyod pa mchog dang ldan pa ste/ 'khrig pa las gzhan du 'khrig pa las nges par 'byung ba mi tshol ba dang/ /'khrig pa spong ba la g.yel ba dang/ 'khrig pa'i 'dod chags skyes pa dang du len pa dang/ 'khrig pa'i gnyen po'i chos kyis skrag pa dang/ rgyun mi 'chad par gnyis kyi gnyis sbyor ba'o zhes gsungs pa lta bu'o/ /bstan chos 'di ci'i phyir chos mngon ba kun las btus pa zhes bya zhe na/ rtogs nas bsdus pa'i phyir ro/ /kun nas btus pa'i phyir ro/ /yang dag par mtho ba'i gnas yin pa'i phyir ro/ /chos mngon pa kun las btus pa slob dpon thogs med kyis mdzad pa rdzogs so// //rgya gar gyi mkhan po dzi na mi tra dang/ shI lenda bo d+hi dang/ zhu chen gyi lo tsA ba bande ye shes sdes bsgyur cing zhus te gtan la phab pa// // !/ (/theg pa chen po bsdus pa'i 'grel pa bzhugs//) !/ /rgya gar skad du/ ma hA yA na saM gra ha b+hA Sh+yaM/ bod skad du/ theg pa chen po bsdus pa'i 'grel pa/ sangs rgyas la phyag 'tshal lo/ /'phags pa 'jam dpal gzhon nur gyur pa la phyag 'tshal lo/ /bam po dang po/ /gang zhig shes bya'i sgrib pa mun pa rab rib dag gis ji snyed ji lta bar/ /yod pa don dam kun rdzob tshul gyis chos gang gzugs brnyan gzhan du snang gyur pa'i/ /sems can rnams la bsam pa bzhin du dri med thar pa'i thabs ni rnam pa

  259. 130a

    gsum/ /nyon mongs bag chags bcas par bcom pa'i dri med yang dag byang chub mchog rtag pa/ /rnam rtog 'dra ba thams cad spangs pa'i dri med ye shes zer gyis thob gyur nas/ /gang gis lhun gyis grub par phyogs bcu rnams su rab tu ston kyang 'khor ba la/ /der mi rtog pas gnas pa med cing snying rjes mya ngan 'das la mi gnas gang/ /thabs dang shes rab chen pos yongs su gzung bas bdag gzhan don gyi mthar byon dang/ /gang yang dam pa'i chos gang bcom ldan de yis yang dag rtogs nas legs bstan pa/ /gang 'di legs par sgrub dang ldan pa de yis bdud rtsi go 'phang zhi ba 'thob/ /gang zhig spong bar byed pa de ni sdug bsngal rgya mtshor yun ring shin tu 'bying/ /slob dang mi slob 'bras bu la gnas lam de nas seng dge 'dun gzhan gyi mchog /gang zhig bde gshegs dge 'dun yon tan dri med rig pa'i brtul zhugs kyis bsgrubs pa/ /bla med bsod nams zhing la dge ba cung zad phra mo dag kyang 'dir byas na/ /sa dang nam mkha' rgya che ba ltar mkhas pa rnams kyi thar pa sgrub par byed/ /de dag la ni lus ngag yid kyis lan cig min par gus pas phyag 'tshal lo/ /mkhas par rlom pa rang gi rtog la brten pas lung dang rtogs pa dkrugs gyur cing// de ltar yang dag dam chos tshul dkrugs pa la chos kyis rab tu snang mdzad pa'i/ /ting 'dzin mi g.yo 'jig rten 'das la brten nas 'phags pa byams pa la brnyes pas/ /sngon chad ma byung ba yi dam chos ston par mdzad pa'i slob dpon la yang ngo/ /ji ltar nyi ma phyogs rnams thams cad kun tu 'od zer dra ba 'gyed pa ltar/ /gang gis legs pa'i grags pa gzhung gi 'od zer dri med rnam par spro byed de/ /zab cing don che bzang la sna tshogs tshig bzang nges

  260. 130b

    pa'i don gyi mdo las byung/ /gang zhig skye bo mkhas pa rang dga' med pa drang ba mnyen zhing gus par byed/ /shin tu rtogs par dka' pa'i chos de nyid la 'dag pa gi blo ni thogs med la/ /rnyed dang grags pa dang ni bstod dang bde ba rnams la 'ang chags pa rtag med pa'i gang gi ming yang yon tan rjes mthun nges par mkhas pa dag gi rtag brjod de/ /gang zhig thogs med ces ni mi dang lha yis grags pa'i yon tan brjod byed pa/ /mi zad blo las dam chos tshig don bdud rtsi'i char 'bab pa las phyogs gcig nyid/ /thos te byi'u lta bur rang gi nus pas cung zhig gang yang ci gzung dang/ bsdu ba gtan la dbab par shin tu rgyas par bstan las cung zhig brjod par bya/ /des byang la la shin tu rgyas pa'i gzhung gi rgya mtshos skrag pa'i don byed srid/ 'di ltar sangs rgyas bcom ldan 'das rnams kyi gsung khyad par rnam pa bcus khyad par du 'phags pa gsungs te zhes bya ba don ci las brtsams nas rgyu gang gis brjod na/ shin tu yangs pa'i shes bya chos kyi rang bzhin zab cing rgya che ba nyid sangs rgyas dang byang chub sems dpa' i mthus brjod kyi gzhan du na ga la nus/ yang gang gis na bstan bcos 'di rim pa 'di ltar bstan na gang gi phyir chos mngon pa smos pa med na 'di gtsug lag nyid du mi shes pas nges na de'i phyir dang/ mdo'i ming bstan pa'i phyir te/ sa bcu pa bzhin du chos mngon pa theg pa chen po'i mdo zhes bstan to/ /gzhan yang gtsug lag nyid du shes par bya ba'i phyir chos mngon pa zhes bya'o/ /da ni mdo brtsams pa'i dgos pa ni ma rtogs pa rnams kyis rtogs par bya ba'i phyir te/ chos mngon pa'i mdo smos pa ni 'dis chos kyi rnam grangs brjod par bya ba'i don dang/ mdo'i ming bstan pa'i phyir ro/ /theg pa chen po smos pa ni yang nyan thos kyi chos mngon pa bsal ba'i phyir te

  261. 131a

    gang gi phyir chos mngon pa kun gtsug lag ma yin no/ /zhes log par rtog pa'i phyir ro/ /de yang kha cig rang gi rtog pa'i blo dag gis chos mngon pa sangs rgyas kyis gsungs par 'dod do/ /kha cig ni nyan thos kyis bstan pa dang/ mkhas pa dag gis byas par 'dod do/ /theg pa chen po'i mdo zhes bya ba 'dis ni nyan thos la sogs pa las khyad par du 'phags pa nyid ston to/ /yang chos mngon pa smos pas ni byang chub sems dpa' i sde snod bzung ngo/ /yang byang chub sems dpa' i sde snod bzung bas ni rang gi theg pa chen po las rang gi nyon mongs pa 'dul bar yang dag par snang ngo/ /gang theg pa chen por byang chub sems dpa' rnams kyi nyon mongs pa ni rnam par rtog pa nyid nyon mongs pa yin pas byang chub sems dpa' i chos mngon pa ni rgya che zhing zab pa'i mtshan nyid can nyid do/ /de la sde snod gsum ni mdo sde dang/ 'dul ba dang/ mngon pa'o/ /gsum po de dag nyid theg pa dman pa dang/ theg pa mchog gi bye brag gis gnyis su 'gyur te/ nyan thos kyi sde snod dang/ byang chub sems dpa' i snod do/ /yang de ni gsum yang rung gnyis kyang rung ste/ ci'i phyir sde snod ces bya na/ bsdus pa'i phyir te/ shes bya ma lus pa'i don bsdus pa nyid kyis so/ /rgyu gang gis gsum yin na rgyu dgu ste/ the tshom gyi gnyen po yin pas na mdo sde ste/ gang don gang la the tshom za ba de'i don de nges par bstan pa'i phyir ro/ /mdza' gnyis su sbyor ba'i gnyen pos na 'dul ba ste/ kha na ma tho ba dang bcas pa'i longs spyod bkag pas 'dod pa'i bsod nams la sbyor ba'i mdza' spong ba nyid dang/ /kha na ma tho ba med pa'i longs spyod rjes su gnang bas bdag nyid ngal ba'i mdza' la sbyor ba spong ba'i phyir ro/ /bdag gi lta ba mchog tu 'dzin pa'i gnyen pos

  262. 131b

    na chos mngon pa ste/ phyin ci ma log pa'i chos kyi mtshan nyid gsal bar byed pa'i phyir ro/ /yang bslab pa gsum ston pas na mdo sde'o/ /lhag pa'i tshul khrims dang/ lhag pa'i sems yang dag par sgrub pas 'dul ba ste/ tshul khrims dang ldan pa ni 'gyod pa la rab tu 'da' bas ting nge 'dzin 'thob pa'i phyir ro/ /lhag pa'i shes rab yang dag par sgrub pas chos mngon pa ste/ phyin ci ma log pa'i don la rab tu rtog pa'i phyir ro/ /yang chos dang don ston pas na mdo sde'o/ /chos dang don sgrub pas 'dul ba ste/ nyon mongs pa 'dul ba dang/ ldan pa ni de rtogs pas so/ /chos dang don rnam par gtan la dbab pa la mkhas pas na chos mngon pa ste/ rgyu dgu po de dag gis na sde snod ni gsum du 'dod do/ /de dag gis kyang 'khor ba las rnam par grol bar byed pa'i phyir ro/ /yang ji ltar na de dag gis rnam par grol bar byed ce na/ sgo ba dang/ rtogs pa dang/ 'jil ba dang/ rab tu 'byed pas na rnam par 'grol bar byed pa nyid do/ /thos pas ni sems la bsgo ba nyid do/ /bsam pas ni rtogs pa nyid do/ /zhi ba'i don du sgom pa'i phyir 'jil ba nyid do/ /lhag mthong gis ni rab tu 'byed pa nyid do/ /mdor bsdus na mdo sde dang/ 'dul ba dang/ chos mngon pa de dag so so zhing don rnam pa bzhi sde/ byang chub sems dpa' de rnams rtogs na thams cad mkhyen pa nyid thob par 'gyur ro/ /nyan thos kyis ni tshigs su bcad pa gcig gi don shes pas kyang zag pa zad pa 'thob po/ /de ltar so so zhing don rnam pa bzhi yin zhe na/ gnas dang/ mtshan nyid dang/ chos dang/ don mdor ston pas na mdo sde'o/ /de la gnas ni yul gang du gang gis gang la bstan pa'o/ /mtshan nyid ni kun rdzob kyi bden pa'i mtshan nyid dang/ don dam pa'i bden pa'i mtshan nyid do/ /chos ni phung po dang/ skye mched dang/ khams dang/ rten cing 'brel bar 'byung ba dang/ zas dang/ bsam

  263. 132a

    gtan dang/ tshad med pa dang/ rnam par thar pa brgyad dang/ zil gyis gnon pa'i skye mched dang/ zad par gyi skye mched dang/ byang chub kyi phyogs dang/ so so yang dag par rig pa la sogs pa'o/ /don ni rjes su brjod pa'o// mngon du phyogs pa'i phyir dang/ yang dang yang du ston pa'i phyir dang/ zil gyis gnon pa'i phyir dang/ mngon par rtogs pa'i phyir chos mngon par rig par bya ste/ mi gnas pa'i mya ngan las 'das pa la mngon du phyogs pa'i chos ni chos mngon pa'o// bden pa dang/ byang chub kyi phyogs dang/ rnam par thar pa'i sgo la sogs pa yang dang yang du ston pa'i chos ni chos mngon pa ste/ chos re re zhing yang nges pa'i tshig dang/ rang gi mtshan nyid dang/ spyi'i mtshan nyid la sogs pa rab tu dbye ba mang pos ston pa'i phyir ro/ /zil gyis gnon pas na chos mngon pa ste/ phas kyi rgol ba 'dod pa'i dbang du byas nas zil gyis gnon pa nyid do/ /mdo sde'i don 'dis rtogs par byed pas na yang chos mngon pa'o/ /yang 'dul ba ni ltung ba dang/ kun nas 'byung ba dang/ ldang ba dang/ nges par 'byung bar rig par bya'o/ /de la ltung ba ni ltung ba ris lnga'o/ /kun nas 'byung ba ni ltung ba mi shes pa nyid dang/ bag med pa nyid dang/ nyon mongs pa med pa dang/ ma gus pa las so/ /ldang ba ba ni ji lta ba bzhin du sdom pa 'dzin pa'i bsam pas yin gyi/ chad pa'i las kyis ni ma yin no/ /nges par 'byung ba ni rnam pa bdun te/ so sor 'chags pa dang/ ltung bar mthong ba dang/ bslab pa sbyin ba la sogs pa'i chad pa'i las dang/ nang khrims kyis te/ bslab pa'i gnas bcas pa la yang rim gyis rjes su gnang ba la brten nas dge 'dun blo mthun pas rab tu bcas pa'i bslab pa'i gzhi rjes su gnang ba nyid dang/ rten gnas gyur pa nyid kyis te/ dge slong dang dge

  264. 132b

    slong ma bud med dang skyes pa nyid du mtshan gyur pas thun mong ma yin pa'i bye brag dag go /ltung ba'i de kho na nyid chos kyi skye mos tshal gyi rnam pas so sor rtog pa'i khyad par dang/ chos nyid rab tu rtogs pas bden pa mthong ba nyid kyis ltung ba phra zhing phra ba dag las nges par 'byung ngo/ /yang don rnam pa bzhis na 'dul bar rig par bya ste/ gang zag nyid ni gang la brten nas bslab pa bcas pa'o/ /gang zag gi nyes pa gang gis zhus pa na/ de'i dbang gis dge 'dun thams cad 'dus nas bslab pa bcas pa na bcas pa'o/ /rab tu dbye ba ni bslab pa'i gzhi bcas pa de rnam par phye nas gtan la phab pa'o/ /nges par gzung ba ni de la ji ltar ltung ba dang/ ltung ba med par nges par gzung ba'o/ /da ni rtsa ba'i gzhung brtsam par bya ste/ bcom ldan 'das kyi spyan sngar zhes bya ba ni 'phang pa dang gus par bcas pas tshig gzhan du ma yin pa'i don to/ /theg pa chen po la shin tu zhugs pa'i zhes bya ba ni gzungs la sogs pa'i yon tan rab tu thob pa zhes bya ba'i don te/ yon tan de dag thob pas kyang don dang tshig yang dag par 'dzin pa dang/ rab tu ston pa nyid du 'dis bstan pa 'am/ de lta bu'i ming can gyi byang chub sems dpas so/ /ci'i phyir brjod na/ theg pa chen po'i che ba'i bdag nyid brjod pa'i phyir te/ de la brjod pa ni theg pa chen po che ba'i bdag nyid rab tu bstan pa'o/ /'di lta ste/ theg pa chen po las brtsams nas zhes bya ba ni de'i dbang du byas nas so/ /gsung khyad par rnam pa bcus khyad par du 'phags pa zhes bya ba la/ khyad par rnam pa bcus khyad par du 'phags pa'i gzung gang la mnga' ba de ni gsung khyad par rnam pa bcus khyad par du 'phags pa'o/ /yang gzhan yang khyad par du 'phags pa'i sgra'i don ni mchog gi don te/ de lta bu ni khyad par du 'phags pa'i don

  265. 133a

    to/ de la shes bya'i gnas kyi khyad par gyis khyad par du 'phags pa'i gsung zhes bya ba la/ shes par bya bas na shes bya'o/ /de yang kun nas nyon mongs pa dang/ rnam par byang ba pa ste/ de yang ngo bo nyid gsum mo/ /de'i gnas ni rgyu zhes bya ba'i don to/ /khyad par du 'phags pa'i gsung zhes bya ba de yang kun gzhi rnam par shes pas so/ /'di ni las 'dzin pa ste/ shes bya ji snyed pa nyid kyi khyad par yin pas shes bya'i khyad par ro// shes bya'i mtshan nyid ni shes bya'i ngo bo zhes bya ba'i don te/ shes bya'i mtshan nyid ni shes bya'i mtshan nyid de/ ngo bo nyid gsum mo/ /shes bya'i mtshan nyid de la ji ltar 'jug par 'gyur pa 'am/ gang gis 'jug par 'gyur pa ste/ rnam par shes pa tsam mo/ /der 'jug pa ni de la 'jug pa'o/ /'jug pa de'i rgyu dang 'bras bu zhes bya ba la rnam par shes pa tsam la 'jug pa ni 'jig rten pa'i sbyin pa la sogs pa pha rol tu phyin pa la sbyor ba'i dus su ni rgyu'o/ /de dag nyid mngon du gyur cing 'jig rten las 'das par gyur pa ni 'bras bu'o/ /de'i rgyu dang 'bras bu'i sgom pa rab tu dbye ba zhes bya ba la/ de'i rgyu dang 'bras bu nyid ni de'i rgyu dang 'bras bu'o/ /de'i sgom pa'i rab tu dbye ba ni sgom pa goms pa ste/ de'i goms pa ni sa'i khyad par gang yin pa'o/ /de'i bya ba ni sa dag pa'o/ /sgom pa rab tu dbye ba de nyid la lhag pa'i tshul khrims zhes bya ba la/ tshul khrims kyi dbang du byas pa'i bslab pa ni lhag pa'i tshul khrims te/ bslab pa de yang byang chub sems dpa' i sgom pa gang mi dge ba'i chos mi byed pa'i sems so/ /lhag pa'i sems zhes bya ba la/ nang gi sems ni lhag pa'i sems sam/ sems nyid kyi dbang du byas pa'i bslab pa ni lhag pa'i sems

  266. 133b

    te ting nge 'dzin ni/ /lhag pa'i shes rab ces bya ba la/ mngon par rtogs par byed pa'i shes rab ni lhag pa'i shes rab bam/ shes rab nyid kyi dbang du byas pa'i bslab pa ni lhag pa'i shes rab ste/ de yang rnam par mi rtog pa'i ye shes so/ /spangs pa'i khyad par zhes bya ba la/ khyad par du 'phags pa 'am/ /rab tu dbye bas sam/ so so rang gi rig pas nyon mongs pa dang/ shes bya'i sgrib pa spangs pa ste/ de yang mi gnas pa'i mya ngan las 'das pa'o/ /ye shes kyi khyad par gyi khyad par du 'phags pa'i gsung zhes bya ba ni sgrib pa dang bral ba'i ye shes te/ de yang rnam par mi rtog pa'i ye shes rjes su mthun pa pa'o/ /sangs rgyas kyi ye shes ni sgrib pa thams cad kyi bag chags spangs pa ste/ 'di ni rnam par mi rtog pa'i ye shes dang/ ye shes kyi khyad par ro/ /ji ltar brjod ces bya ba ni rnam pa gang gis zhes bya ba'i tha tshig go /pha rol tu phyin pa drug po dag ni de la 'jug pa'i rgyu dang 'bras bur zhes bya ba la rnam par shes pa tsam nyid kyis na ngo bo nyid gsum gyi khyad par dag pa'i pha rol tu phyin pa ni rgyu ste/ 'jig rten dang 'jig rten las 'das pa 'dren par byed pa'i phyir ro/ /sar chud pa rnams kyi ni de dag nyid dag pa'o/ /'jig rten las 'das par gyur pa ni 'bras bu'o/ /byang chub sems dpa' i sa bcu dag ni de'i rgyu dang 'bras bu bsgom pa rab tu dbye ba zhes bya ba la bslab pa gsum dang/ de'i 'bras bu dang/ de'i spangs pa ni de'i 'bras bu spangs pa'o/ /de'i ngo bo ni de'i 'bras bu spangs pa nyid de shes bya'i sgrib pa spangs pa zhes bya ba'i don to/ /rnam par mi rtog pa'i ye shes ni lhag pa'i shes rab ces bya ba la/ nyan thos kyi rnam par mi rtog pa ni phyin ci log bzhi sa rnam par mi rtog pa'o/ /byang chub sems dpa' i ni chos thams cad rnam par mi rtog pa nyid de/ de dag ni rnam par mi rtog pa dag gi khyad par yin no/ /sangs rgyas kyi sku gsum ni de'i 'bras

  267. 134a

    bu zhes bya ba la/ de rnams kyi 'bras bu ni de'i 'bras bu ste/ de'i 'bras bu dang ye shes ni de'i 'bras bu ye shes so/ /de'i ngo bo ni de'i 'bras bu ye shes nyid do/ /de la ngo bo nyid med na chos kyi sku nyid kyang ma yin te/ mig bzhin no/ /de med na longs spyod rdzogs pa'i sku yang ma yin te/ mig gi rnam par shes pa bzhin te/ 'dir rten dang brten mtshungs pa'i chos blta bar bya'o/ /longs spyod rdzogs pa'i sku med par sa chen por zhugs pa'i byang chub sems dpa' rnams kyi chos kyi longs spyod mi 'byung ngo/ /de med par yang tshogs yongs su rdzogs pa mi 'byung ste/ gzugs mi mthong ba bzhin no/ /sprul pa'i sku med par yang mos pas spyod pa'i byang chub sems dpa' rnams dang/ nyan thos dman pa la mos pa rnams kyi dang ba'i rtsom pa nyid nyams par 'gyur ba des na nges par sku gsum du 'gyur ba yin no/ /theg pa chen po nyan thos kyi theg pa las khyad par du byas pa zhes bya ba la/ nyan thos kyi theg pa las ma bstan pa theg pa chen po las khyad par du 'phags pa mchog nyid du bstan pa dag go /de dag kyang gang zhig ce na/ gnas bcu po 'di dag ni byang chub chen po kun tu sgrub par byed pa ste/ thams cad mkhyen pa'i ye shes 'thob par shin tu 'thad pa mthun pa 'gal bar med pa'o zhes bya ba la/ /byang chub chen po kun tu sgrub par byed pa nyid ni/ byang chub chen por sgrub par byed pa nyid de/ rgyu zhes bya ba'i don to/ /shin tu 'thad pa zhes bya ba ni rigs pa la sogs pa'i tshad mas brtags nas nye bar bstan pa'i lam gyi rgyu mtshan te/ rgyu mtshan rnam pa bcu po'o/ /mthun pa zhes bya ba ni mngon par rtogs pa la rab tu sbyor ba na/ rjes su mthun par gnas pa ste/ ji ltar lam bstan pa rjes su

  268. 134b

    mthun par gnas pa bzhin no/ /'gal ba med pa zhes bya ba ni sa rnams la mi mthun pa'i gnod pa'i rgyu med pa ste/ ji ltar bstan pa'i lam la chom rkun la sogs pa'i gnod pa med pa bzhin te/ 'khor ba dang mya ngan las 'das pa dag mi 'gal ba nyid do/ /ci'i phyir go rim 'di ltar bstan ce na/ gang gi phyir byang chub sems dpas re zhig dang po nyid du chos zhes bya ba nas brtsams nas/ 'bras bu mya ngan las 'das pa dang/ bla na med pa yang dag par rdzogs pa'i byang chub mngon par rdzogs par byang chub pa'i bar du 'di las bstan te/ 'di ltar rgyu'i chos rnams zhe na/ rten cing 'brel bar 'byung ba la mkhas par 'gyur te/ gang gi rgyu las 'bras bu 'byung gi /dbang phyug la sogs pa las ni ma yin pas des na rgyu dang 'bras bu gnyis ka yang shes par 'gyur ro/ /de nas ni gang rgyu nyid las byung ba'i chos rnams kyi mtshan nyid shes par bya ste/ mtshan nyid kyang gang zhe na/ yod pa ma yin pa'i kun tu brtags pa la yod par mngon par zhen cing sgro btags pa ste/ yod pa ma yin pa la sgro btags pas na yod pa'i yongs su grub pa la skur pa btab par 'gyur bas mdza' de dag gnyi ga'i skyon spangs pa ni mkhas pa yin no/ /de nas ni 'di ltar rnam par shes pa tsam nyid kyi mtshan nyid du gzung zhing rtogs par bya ste/ des ni sgrib pa med par 'gyur ro/ /de nas rnam par shes pa tsam nyid la 'jug pa na rjes su mthun pa'i pha rol tu phyin pa drug po 'jig rten pa kun rdzob tu gtogs pa dang/ don dam pa dag rtogs par bya ste/ yongs su dag pa'i bsam pas gzung bar bya'o zhes bya ba'i don to/ /de nas ni sa bcu po rnams kyi khyad par gyis bskal pa grangs med pa gsum du goms par bya te/ nyan thos kyi rtogs pa ltar ni ma yin te/ de dag gi ni skye ba gsum gyi gnyen

  269. 135a

    pos thar par 'gyur ro/ /de nas de dag nyid la bsgoms pas lhag pa'i tshul khrims la sogs pa'i bslab gsum yongs su rdzogs par bya'o/ /de nas bslab pa'i 'bras bu mya ngan las 'das pa nyon mongs pa dang/ shes bya'i sgrib pa spangs pa bla na med pa yang dag par rdzogs pa'i byang chub sku gsum rdzogs par byang chub pa zhes bya ba ni go rim ste/ 'di dag nyid ni theg pa chen po'o/ /des na 'di ltar rten cing 'brel par 'byung ba brjod par bya ba de yang kun gzhi rnam par shes pa'i nang du 'dus so/ /de'i mtshan nyid ni de'i ngo bo nyid gsum mo/ /des na rtogs pa ni rnam par shes pa tsam nyid do/ /de las ni pha rol tu phyin pa'o/ /pha rol tu phyin pa las ni sa dag go /sa dag ni bslab pa'o/ /bslab pa las ni spangs pa dang ye shes te/ mi gnas pa'i mya ngan las 'das pa ni sku gsum gyi bsdus pa'o/ /de dag nyid ni sangs rgyas zhes bya ste/ de bas na go rim ni 'di ltar bstan to/ /rnam grangs gzhan yang byang chub chen po kun tu sgrub par byed pa zhes bya ba ni spros pa med pa rnam par mi rtog pa'i ye shes kun tu 'dren pa'o/ /shin tu 'thad pa ni rigs pa'i tshad ma gsum dang mi 'gal ba'o/ /mthun pa zhes bya ba ni sngar rjes su mthun par 'gyur la/ phyis 'gal ba ma yin te/ ji skad du/ dge la rjes su chags pa dang/ gnod la phan pa byed pa la/ /dkar nag ngo bor mi blta ba'i/ /dang po'i rtsa ba snying rje 'dod ces 'byung ba so/ /thams cad mkhyen pa'i ye shes 'thob par zhes bya ba ni chos thams cad rgyun mi 'chad par rnam pa thams cad kyis mkhyen pa 'byung ba nyid do/ /shin tu 'thad pa la sogs pa dag gi don gzhan yang shin tu 'thad pa mthun pa 'gal ba med pa zhes bya ba ni bstan pa dang bshad

  270. 135b

    pa nyid de/ ji ltar zhe na/ shin tu 'thad pa ni mthun pa 'gal ba med par gnas pas so/ /de la kun gzhi rnam par shes pa ni kun gzhi rnam par shes pa nyid kyi lung ni bcom ldan 'das kyis chos mngon pa de nyid las dang por bstan pa thog ma med pa'i dus kyi dbyings zhes bya ba'i tshigs su bcad pa gsungs te/ dbyings zhes bya ba ni rgyu'o/ /chos rnams kun gyi gnas yin te/ zhes bya ba ni gang rgyu yin pa des na chos thams cad kyi gnas yin no/ /zhes bya ba'i don to/ /de yod pas de chos rnams kun gyi gnas yod na 'gro kun te/ gang su 'khor ba na yod pa'i 'gro ba'o/ /'gro ba 'ba' zhig ma yin gyi/ mya ngan las 'das pa'ang ste/ de yod pas na kun nas nyon mongs pa dang mya ngan las 'das pa nyid kyang ngo/ /de ni shes bya'i gnas kun gzhi rnam par shes pa nyid kyi lung ngo/ /lung gzhan yang/ chos rnams kun gyi gnas yin te/ rnam shes sa bon thams cad pa zhes bya ba la/ rkang pa dang po ni rkang pa gnyis pas bshad do/ /dam pa dag la zhes bya ba ni byang chub sems dpa' i nges pa'i tshig yin gyi/ kun gzhi rnam par shes pa'i ni ma yin no/ /der sbyor ba zhes bya ba ni gnas pa'o/ /skye ba can zhes bya ba ni gang dag la skye ba yod pa de dag la skye ba can zhes bya nas so/ /kun nas nyon mongs pa'i chos zhes bya ba ni rnam par byang ba las bzlog pa'i don to/ /sems can dag de'i bdag nyid du sbyor bas zhes bya ba ni 'dzin par byed ces bya ba'i don to/ /yang 'di'i lung ni dgongs pa nges par 'grel pa de las blo gros yangs pa 'gro ba drug gi 'khor ba 'di na sems can gang dang gang dag sems can gyi ris gang dang gang du yang sgo nga las skyes pa'i skye gnas sam/ yang na mngal nas skye ba 'am/ yang na drod gsher pas skye ba'am/ /yang na rdzus te skye ba'i skye gnas su

  271. 136a

    lus mngon par 'grub cing 'byung bar 'gyur ba deng dang po 'di ltar len pa rnam pa gnyis po rten dang bcas pa'i dbang po gzugs dang/ len pa dang/ mtshan ma dang/ ming dang/ rnam par rtogs pa la tha snyad 'dogs pa'i spros pa'i bag chags len pa la brten nas sa bon thams cad pa'i sems rnam par smin cing 'jug la rgyas shing 'phel ba dang yangs par 'gyur ro/ /de la gzugs can gyi khams na ni len pa gnyi ga yod la/ gzugs can ma yin pa'i khams na ni len pa gnyis su med do/ /blo gros yangs pa rnam par shes pa de ni len pa'i rnam par shes pa zhes kyang bya ste/ 'di ltar des lus 'di gzung zhing blangs pa'i phyir ro/ /kun gzhi rnam par shes pa zhes kyang bya ste/ 'di ltar do lus 'di la grub pa dang/ bde ba gcig pa'i don gyis kun tu sbyor ba dang/ rab tu sbyor bar byed pa'i phyir ro/ /sems zhes kyang bya ste/ 'di ltar de ni gzugs dang/ sgra dang/ dri dang/ ro dang/ reg bya dang/ chos rnams kyis kun tu bsags pa dang/ nye bar bsags pa yin pa'i phyir ro/ /blo gros yangs pa len pa'i rnam par shes pa de la brten cing gnas nas rnam par shes pa'i tshogs drug po 'di lta ste/ mig gi rnam par shes pa dang/ rna ba dang/ sna dang/ lce dang/ lus dang/ yid kyi rnam par shes pa dag 'byung ngo/ /de la rnam par shes pa dang bcas pa'i mig dang gzugs rnams la brten nas mig gi rnam par shes pa 'byung ste/ mig gi rnam par shes pa de dang lhan cig 'jug pa dus mtshungs pa/ spyod yul mtshungs pa/ rnam par rtog pa'i yid kyi rnam par shes pa yang 'byung ngo/ /gal te mig gi rnam par shes pa gcig

  272. 136b

    lan cig 'byung na ni mig gi rnam par shes pa dang/ spyod yul mtshungs pa rnam par rtog pa'i yid kyi rnam par shes pa yang gcig kho na lan cig 'byung ngo/ /gal te rnam par shes pa'i tshogs gnyis sam/ gsum 'am/ bzhi lhan cig gam lnga char lhan cig 'byung na yang der rnam par shes pa'i tshogs lnga po dang spyod yul mtshungs pa rnam par rtog pa'i yid kyi rnam par shes pa yang gcig kho na lan cig 'byung ngo/ /dpe'i sgo nas rgyas par blo gros yangs pa 'di lta ste dper na chu'i klung chen po 'bab par gal te rlabs gcig 'byung ba'i rkyen nye bar gnas par gyur na rlabs gcig kho na 'byung ngo/ /gal te rlabs gnyis sam/ gal te rab tu mang po dag 'byung ba'i rkyen nye bar gnas par gyur na rlabs mang po dag 'byung zhing chu'i klung de rang gi rgyun gyis rgyun 'chad par yang mi 'gyur la/ yongs su zad par yang mi 'gyur ro/ /me long gi dkyil 'khor yongs su dag pa la yang gal te gzugs brnyan gcig 'byung ba'i rkyen nye bar gnas par gyur na gzugs brnyan yang gcig kho na 'byung ngo/ /gal te gzugs brnyan gnyis sam/ ga lte rab tu mang po dag 'byung ba'i rkyen nye bar gnas par gur na gzugs brnyan rab tu mang po dag 'byung zhing/ me long gi dkyil 'khor de gzugs brnyan gyi dngos por yongs su 'gyur ba yang ma yin la/ yongs su sbyor bar yang mi mngon no/ /blo gros yangs pa de bzhin du chu klung lta bu dang/ me long lta bu'i len pa'i rnam par shes pa de la brten cing gnas nas gal te mig gi rnam par shes pa gcig lan cig 'byung ba'i rkyen nye bar gnas par gyur na yang mig gi rnam par shes pa yang gcig kho na lan cig 'byung ngo/ /gal te rnam par shes pa'i tshogs lnga char gyi bar dag lan cig 'byung ba'i rkyen nye bar gnas par gyur na yang rnam par shes pa'i tshogs lnga char lan cig 'byung ngo//

  273. 137a

    blo gros yangs pa de ltar byang chub sems dpa' chos kyi lugs zhes pa la brten cing chos kyi lugs zhes pa la gnas nas sems dang/ yid dang/ rnam par shes pa'i gsang ba la mkhas pa yin la/ de bzhin gshegs pa ni byang chub sems dpa' sems dang/ yid dang/ rnam par shes pa'i gsang ba la mkhas par 'dogs na de tsam gyis thams cad kyis thams cad du 'dogs so/ /blo gros yangs pa gang gi phyir byang chub sems dpa' nang gi so so rang gi len pa mi mthong/ len pa'i rnam par shes pa yang mi mthong la/ de yang yang dag pa ji lta ba bzhin du yin pa dang/ kun gzhi yang mi mthong/ kun gzhi rnam par shes pa yang mi mthong/ bsags pa yang mi mthong sems kyang mi mthong/ mig kyang mi mthong/ gzugs kyang mi mthong/ mig gi rnam par shes pa yang mi mthong/ sna ba yang mi mthong/ sgra yang mi mthong/ rna ba'i rnam par shes pa yang mi mthong/ sna yang mi mthong/ dri yang mi mthong/ sna'i rnam par shes pa yang mi mthong/ lce yang mi mthong/ ro yang mi mthong/ lce'i rnam par shes pa yang mi mthong/ lus kyang mi mthong/ reg bya yang mi mthong/ lus kyi rnam par shes pa yang mi mthong zhing/ blo gros yangs pa gang gi phyir byang chub sems dpa' nang gi so so rang gi yid kyang mi mthong/ chos rnams kyang mi mthong/ yid kyi rnam par shes pa yang mi mthong la/ de yang yang dag pa ji lta ba bzhin du yin na/ de ni byang chub sems dpa' don dam pa la mkhas pa zhes bya ste/ de bzhin gshegs pa yang byang chub sems dpa' don dam pa la mkhas pa ni sems dang/ yid dang/ rnam par shes pa'i gsang ba la mkhas pa yin par 'dogs so/ /blo gros yangs pa

  274. 137b

    de tsam gyis sems dang/ yid dang/ rnam par shes pa'i gsang ba la mkhas pa yin la/ de bzhin gshegs pa byang chub sems dpa' sems dang/ yid dang/ rnam par shes pa'i gsang ba la mkhas par 'dog na yang de tsam gyis 'dogs so zhes bya ba dang/ yang don 'di nyid tshigs su bcad pa len pa'i rnam par shes pa zab cing phra ba zhes bya ba la sogs pas bstan te/ rtogs par dka' ba'i phyir ro/ /sa bon thams cad chu bo'i rgyun bzhin 'bab ces bya ba ni rim gyis 'jug pa nyid kyis der sa bon thams cad chu bo'i rgyun bzhin du skad cig mi'i rim gyis 'jug pas so/ /len pa'i rnam par shes pa zhes bya ba ni ming gi rnam grangs dang/ nges pa'i tshig go /bdag tu rtog par gyur na mi rung zhes bya ba ni rnam pa gcig tu zhugs pa nyid la bdag tu rtog par ma byed cig pa'o/ /dbang po gzugs can thams cad kyi rgyu yin pa zhes bya ba'i bshad pa ni 'di ltar tshe ni srid par rjes su 'jug gi bar du zhes bya ba la sogs pa yin te/ gang gi phyir mig la sogs pa'i dbang po gzugs can rnams kun gzhi rnam par shes pas ma bzung na shi ba'i lus bzhin du sngon po la sogs pa'i gnas skabs su 'gyur bas gang yang shi ba'i dus na de dang bral bar gyur pa na 'di dag kyang sngon po la sogs pa'i gnas skabs su 'gyur ro/ /des na 'di ltar bzung bar bya ste/ ji srid des bzung ba'i bar du tshe nyams par mi 'gyur ro/ /lus thams cad nye bar len pa'i gnas su gyur pa'i phyir na yang len pa ste/ 'di bshad pa ni/ nying mtshams sbyor ba sprol ba na yang de dag mngon par 'grub pa nye bar 'dzin pa zhes bya ba 'dis bshad pa yin no/ /gang gi phyir nying mtshams sbyor bar byed pa des na yang nying mtshams sbyor zhing sprel ba mngon par 'grub pa 'dzin par byed pas lus thams cad yongs su bzung bar byas par 'gyur

  275. 138a

    te/ kun gzhi rnam par shes pa la lus thams cad kyi bag chags kun tu gnas pa'i phyir ro/ /de dag mngon par 'grub pa ste/ de'i mngon par 'grub pa ni de mngon par 'grub pa'o/ /nye bar 'dzin pa ni de dag mngon par 'grub ba nye bar len te/ de'i nye bar 'dzin pa yang pa dag gi dngos po skyed par 'gyur ba'o/ /don 'dis ni kun gzhi rnam par shes pa len pa'i rnam par shes pa nyid du yang brjod pa yin no/ /yang de ni sems zhes kyang bya ste/ zhes bya ba'i sems nyid ni kun gzhi rnam par shes pa ste/ yid kyi rnam par shes pa'i don sna tshogs nyid du dmigs pa ltar 'di'i don yang sna tshogs nyid du 'gyur ro zhes bya ba 'dis bstan to/ /de la mtshungs pa de ma thag pa'i rkyen byed pa nyid kyi phyir rnam par shes pa gang de ma thag par 'gags pa nyid ni yid kyi rnam par shes pa'i rgyur 'gyur bas de ni yid gcig go /gnyis pa ni nyon mongs pa bzhis nyon mongs pa can gyi yid de/ de ni 'jig tshogs la lta ba ste/ bdag nyid du mngon par zhen pa pa dang/ gang gi dbang gi nga'o snyam du nga rgyal te/ bdag nyid mtho'o zhes pa dang/ yang de la mi bden pa'i bdag la sred pa'i bdag la chags pa dang/ gsum po de dag gi rgyu ma rig pa ste/ ma rig pa ni mi shes pa'o/ /gang gnas cig pos ni bskyed la/ gnyis pas ni nyon mongs pa can du byas pa ste/ zhes bya ba de la 'gags ma thag pa'i rnam par shes pa yid ces brjod pas ni rnam par shes pa thams cad 'byung ba'i skabs sbyin pas skye ba'i rten yin no/ /gnyis pa nyon mongs pa can ni kun nas nyon mongs par byed pa ste/ gang gi phyir dge ba'i sems la yang bdag go zhes 'byung ba'i phyir ro/ /yul la rnam par rig pa'i phyir rnam par shes pa'o/ /de ma thag pa'i rten byed pa dang/ dar sems

  276. 138b

    pa'i phyir yid ni rnam pa gnyis so/ /zhes bya ba la/ de la yul la 'dzin pa'i don gyis na rnam par shes pa ni skabs ster ba'i don gyis ni yid gcig go /bdag tu nga rgyal la sogs pas kun nas nyon mongs pa'i don gyis na gnyis pa nyon mongs pa can gyi yid do/ /gzhan yang gang nyon mongs pa can gyi yid de med na/ gang gi rgyu can yid dang 'jug pa'i rnam par shes pa yang 'jug par mi 'gyur ro/ /zhes blta bar bya'o/ /rnam par shes pa smos pas yid gnyis pa yang snos pa nyid du 'gyur te/ rgya gang gis yid gang 'gags pa de nyid yid ces brjod pa thob pa'i phyir ro/ /yang 'di'i nges pa'i tshig ni rnam pa sna tshogs kyi bag chags kyi sa bon gyis gang zhing nye bar len pa'i phyir ro/ /de la rnam pa sna tshogs ni rnam pa tha dad pa'o/ /chos kyi bag chags kyi sa bon zhes bya ba ni rgyu gang gis nus pa'i khyad par ro/ /gang zhing zhes bya ba ni shin tu gang zhing bsags zhes bya ba'i don to/ /shes bya phra mo kun tu bsdus pa'i phyir zhes bya ba ni de phra mo yang yin la shes bya yang yin pas shes bya phra mo ste/ shes bya phra mo'o khongs su gtogs pa 'am/ rtogs pa dka' ba'i phyir ro/ /nyan thos ni shes bya thams cad shes pa'i don du spro ba med kyi/ bdag gi don 'ba' zhig gi rgyur de dag ni nyon mongs pa'i sgrib pa rags pa nyid sdug bsngal la sogs pa shes pas spong ngo/ /byang chub sems dpa' ni bdag dang gzhan rnams kyi'o/ /yang de ltar grags pa de sgrub pa gang yin zhe na/ de med du zin na ma rig pa ma 'dres pa med pa'i skyon du 'gyur ro/ /yang ma 'dres pa'i ma rig pa gang zhe na/ gnyen po ma skyes pa na de kho na nyid shes pa la sgrib par byed pa ste/ de yang rnam par shes pa lnga la ni ldan pa ma yin te/ de la gnas pa la mi sgrib pa'i phyir gang na

  277. 139a

    gnyen po 'byung ba yod pa de na mi mthun pa'i phyogs kyang 'byung ba yin no zhes bya bas so/ /nyon mongs pa can ma yin pa'i yid kyi rnam par shes pa de la yang med de/ /nyon mongs pa can nyid du thal bar 'gyur ba'i phyir ro/ /nyon mongs pa can ma yin pa ni gzhan du nyon mongs pa dang/ kun tu spyod par mi 'grub po/ /de lta na nyon mongs pas nyon mongs pa can du yid kyi rnam par shes pa khas len na shin tu nyon mongs pa can nyid du thal bar 'gyur bas ji ltar sbyin pa la sogs pa dge ba'i sems 'byung bar 'gyur/ de dang mtshungs par ldan pa las te/ yang gang dge ba dang mtshungs par 'jug pa'i yid yod pas de la de mtshungs par ldan par 'gyur gyi/ yang nyon mongs pa can gyi yid la ni gnyen po'i phyogs 'dren par mi rigs so/ /yang gang la nyon mongs pa tsam gyi yid dang mtshungs par 'jug pa dge ba'i sems yod na/ de la des drangs pa'i gnyen po'i phyogs skyes pa na cig shos 'gag pa yin pas 'di la skyon med do/ /lnga po dag dang chos mtshungs dang ste/ ji ltar mig gi rnam par shes pa la sogs pa lnga po dag la mig la sogs pa lnga po dag rten mtshungs par yod pa de bzhin du yid kyi rnam par shes pa la yang de dang mtshungs par 'gyur ba'i rten yod pa yin no/ /snyoms par 'jug pa'i bye brag dang ste/ gang la nyon mongs pa can gyi yid yod pa de ni 'du shes med pa'i snyoms par 'jug pa ste de yod pas so/ /gzhan la ni de med de/ de ni khyad par yin no/ /gzhan du na gnyi ga la yid kyi rnam par shes pa kun tu rgyu ba med na bye brag med par 'gyur ro/ /nges tshig med pa'i skyon du 'gyur/ gang 'di skad du ngar 'dzin pas na yid ces bya ba'i nges pa'i tshig de skad du brjod

  278. 139b

    pa'i gzhi gang yin/ rnam par shes pa drug po 'gags ma thag pa'i rnam par shes pa la ni 'di ltar mi brjod de/ 'gags pa'i phyir ro/ /'du shes med pa'i skye ba'i rgyun thob pa na ngar 'dzin pa med pa'i skyon du 'gyur te/ 'di ltar de'i dus skabs na nyon mongs pa can gyi yid med na ngar 'dzin pa med par 'gyur ro/ /de ltar na ni 'phags pas kyang smad par mi 'gyur na de ni skad pa nyid yin pas des na de ni de na yod pa nyid du rtogs par bya'o/ /ngar 'dzin pa dang ldan par ni ste/ sbyin pa la sogs pa sbyin pa la yang ngar 'dzin pa dang ldan pa nyid do/ /ngar 'dzin pa dang ldan pa yang ma rig pa med par mi rigs la/ ma rig pa yang rten med par ma yin zhing rten yang nyon mongs pa can gyi yid med na gzhan med de/ nyon mongs pa dang shes bya'i sgrib pa spang ba'i phyir 'bad pas de dag gi phyir bstan to/ /skye dgu kun gzhi la kun tu dga' ba zhes bya ba ni bstan pa'i tshig go /da ltar dang 'das pa dang/ ma 'ongs pa'i dus gsum gyi go rim bzhin du tshig lhag ma rnams kyis ni bshad do/ /don gzhan yang kun gzhi la kun tu dga' ba ni da ltar ro/ /kun gzhi la dga' ba ni 'das pa'i dus su ste/ gang sngar kun gzhi la dga' ba las da ltar kun gzhi las yang dag par 'byung ngo/ /gang kun gzhi la dga' ba dang/ kun gzhi las yang dag par 'byung ba las ma 'ongs pa'i dus su kun gzhi la rnam par dga' ba'o/ /chos kyi rjes su mthun pa'i chos ni man ngag ji lta ba bzhin du byed pa'o/ /rtsa ba'i rnam par shes pa zhes kyang 'byung ste/ rnam grangs des kyang de nyid bstan te/ rtsa ba la brten pa'i shing ljon pa bzhin no zhes brjod pa la de la rtsa ba'i rnam par shes pa ni rnam par shes pa thams cad kyi rgyur gyur pa nyid de/ dper na shing gi rtsa ba yal ga la sogs pa'i rgyu yin te/

  279. 140a

    rtsa ba med na yal ga la sogs pa mi 'byung ba bzhin du kun gzhi rnam par shes pa yang rtsa ba'i rnam par shes pa nyid do/ /'khor ba ji srid pa'i phung po rnam shes 'byung ste/ rnam grangs nges kyang zhes bya ba la 'khor ba ji srid pa'i phung po nyid kyang de nyid yin no/ /gang gi phyir la lar te gzugs med pa'i khams su gzugs so/ /res 'ga' zhes bya ba ni snyoms 'jug pa kha cig gi gnas skabs su te/ 'di lta ste/ 'du shes med pa'i snyoms par 'jug par ro/ kun gzhi rnam par shes pa la de'i sa bon ni rgyun mi 'chad ces bya ba la gzugs dang sems kyi bag chags kyi rgyu gang las yang srid pa'i gzugs dang sems dag 'byung bar 'gyur ro/ /kun gzhi rnam par shes pa'i lam po che gtod pa zhes bya ba ni shin tu rgyas par byas zhes bya ba'i don te/ kun gzhi rnam par shes pa yongs su bzung nas rnam par 'jog pa de ni shin tu mdzes pa yin no/ /de la ma rmongs pa rnams kyis kun gzhi rnam par shes pa rnam par bzhag pa zhes bya ba la/ de ma rmongs pa'i byang chub sems dpa' gang yin pa dag la de bstan pa'o/ /de la kun gzhi rnam par shes pa'i rnam par bzhag pa ni de bas na shin tu 'thad pa zhes bya ba brtsams te/ de bas na kun gzhi rnam par shes pa kun gzhi nyid du ches legs par rnam par bzhag pa 'grub bo/ /zhes bya ba'i bar gyis so/ /de la ngan 'gro zhes bya ba ni yi dags dang dud 'gro dang/ dmyal ba ni ngan 'gro'o/ /shin tu sdug bsngal ba zhes bya ba ni las kyi 'bras bu shin tu mi 'dod pa can gyi ngan 'gro rnams te/ gang yang der res 'ga' bde ba'i tshor ba 'byung ba de ni rgyu mthun pa'i 'bras bu yin gyi/ rnam par smin pa nyid ni der skyes pa rnams kyi sdug bsngal kho na'o/ /bde ba'i tshor ba 'dod chags dang

  280. 140b

    bcas pa yang bsam gtan bzhi pa yan chad gong ma la med de/ de dang ldan pa'i sems can rnams dang mi mthun pa yin pas/ bsam gtan gzhi pa yan chad gong ma ste/ bsam gtan bzhi pa dang gong ma la yang ngo/ /de dang ldan pa zhes bya ba ni der skyes pa thob pa rnams so/ /kun gzhi rnam par shes pa la nang gi bdag gi dngos por khas blags pa zhes bya nas brtsams nas/ de rnam par gzhig par 'dod pa ni nam yang mi 'gyur ro/ /zhes bya ba'i bar la/ de la nang gi bdag gi dngos por khas blangs pa smos pa ni nang gi bdag nyid khas blangs pa'o/ /sdug bsngal gyi phung po rnam par gzhig par 'dod pa ni tshor ba sdug bsngal dang bral bar gsol ba 'debs so/ /kun gzhi rnam par shes pa la bdag tu chags pas bcings pa zhes bya ba ni kun gzhi rnam par shes pa la bdag go zhes khas blangs nas sred pas bcings pa'o/ /de ltar re zhig rnam grangs rnam par bzhag pa bstan to/ /yang rnam grangs bstan pa tsam gyis kun gzhi rnam par shes pa zhes bya ba'i ngo bo nyid dang/ rgyu nyid dang 'bras bu nyid gang yin pa ni nges par bzung bas mi nus pas de'i rang gi mtshan nyid ni gang kun nas nyon mongs pa'i chos thams cad kyi bag chags la brten nas de skyed pa'i nus pa'i khyad par can gyi rnam par shes pa gang yin pa ni rang gi ngo bo nyid do/ /de nyid kyi nus pa ston pa ni sa bon yongs su 'dzin pa dang ldan pa zhes bya ba la/ de la kun nas nyon mongs pa'i chos rnams thams cad kyi bag chags la brten nas chos de rnams nyid skyed pa'i rgyu mtshan gyi sa bon yongs su 'dzin pa zhes bya ste/ nus pa'i bye brag goms pa dang ldan pa zhes bya ba'i ton to/ /'di dag ni de'i rang gi mtshan nyid do/ /de la rgyu nyid kyi mtshan nyid ni kun nas nyon mongs pa thams cad kyi bag chags la brten nas de skyed pa'i

  281. 141a

    rgyu mtshan gyi sa bon yongs su ldan pa ste/ rnam par shes pa gang kun nas nyon mongs pa'i chos kyi sgo zhing nus pa khyad par can du kun tu bsgrubs pa gang de dag nyid skyed pa'i rgyu mtshan de ni kun gzhi rnam par shes pa'i rgyu nyid kyi mtshan nyid do/ /de la 'bras bu nyid du rnam par bzhag pa nas brtsams nas/ thog ma med pa'i dus kyi bag chags la brten nas byung ba'o/ /zhes bya ba'i bar la/ chos de dag rnams kyi bag chags la brten nas mngon par grub pa thog ma med pa'i dus nas bag chags yongs su bzung bas chos de dag dang lhan cig skye ba dang 'gag pa la brten nas gang skye ba'i rgyu mtshan 'di ni brjod par bya'o zhes bya ba'o/ /kun nas nyon mongs pa'i chos de dag dang lhan cig skye ba dang 'gag pa thob pa ni gang skye ba'i rgyu mtshan nyid ces bya ste/ chos de dag nyid kyi rgyu nyid yin pa'i phyir ro/ /yang ci kun gzhi rnam par shes pa de dang/ kun nas nyon mongs pa'i chos kyi sa bon dag tha dad dam 'on te ma yin/ des cir 'gyur/ de dang tha dad na ni yan lag thams cad kyis kyang tha dad pa thob par 'gyur zhing kun gzhi rnam par shes pa skad cig mas kyang gnod par 'gyur te/ de dang tha dad pa'i phyir de la dge ba dang mi dge ba dag gi bag chags yod pa sa bon nyid yin par 'gyur na de ni lung du ma bstan par 'dod do/ /tha mi dad na yang ji ltar na mang po yin des na de lta na yang ma yin te/ gnyi ga ltar yang skyon yod do/ /de la gnas pa de dag dang rdzas su ni tha dad pa yang ma yin zhes bya ba nas brtsams nas/ sa bon thams cad pa zhes bya'o/ /zhes bya ba'i bar la/ de la tha dad pa yang ma yin tha mi dad pa yang ma yin zhes smos

  282. 141b

    pa ni sngar smras pa'i skyon spangs pa'i don to/ /de de bzhin du 'byung ba la zhes bya ba ni rnam pa de lta bur 'byung ba'o/ /de 'byung ba'i mthu'i khyad par can zhes bya ba ni kun nas nyon mongs pa pa'i chos de dag rnams bskyed pa'i nus pa khyad par can gyi sbyor ba dang ldan pa ste/ de bskyed pa'i nus pa dang ldan pa yang sa bon thams cad pa zhes brjod do/ /don 'di'i dpe ni ji ltar nas kyi sa bon la myu gu bskyed pa'i rgyu nyid yod pas 'di ni de'i rgyu nyid do/ /yang ji ltar dus ring por bzhag pa'am/ me yis nyams pa'i nas kyi 'bru de ni nus pa nye bar bcom pa na de de lta bu'i rnam par gnas su zin kyang mthu nyams par gyur pas sa bon med pa nyid du 'gyur ro/ /de bzhin du kun gzhi rnam par shes pas chos thams cad skyed pa'i nus pa yod pa'i phyir/ des na nus pa dang ldan pa las sa bon thams cad pa zhes brjod do/ /yang ji ltar kun nas nyon mongs pa'i chos de dag dus mnyam du gcig gi rgyu nyid du gcig 'gyur ba ji ltar blta zhe na zhes bya ba ni dpes bstan te/ ji ltar mar me'i me lce byung ba dang snying po tshig pa phan tshun dus mnyam pa skad cig ma cig nyid la snying po gang la brten nas don der byung pas de ni de'i rgyu'o/ /'bar ba yang skad cig ma de nyid la brten nas sreg pas de yang de'i sreg pa'i rgyu'o/ /de ltar na lhan cig 'byung ba'i rgyu yang bstan pa yin no/ /de bas na yod bzhin du yang rgyu dang 'bras bur grub par mthong ngo/ /ji ltar kun gzhi rnam par shes pa kun nas nyon mongs pa'i chos zhes bya ba nas brtsams nas rgyu'i rkyen gzhan mi dmigs pa'i phyir ro/ /zhes bya ba'i bar 'di ni kun gzhi rnam par shes pa dang/ kun nas nyon mongs pa'i chos rnams phan tshun gyi rgyu can nyid du bstan te/ de ltar na rgyu'i rkyen yin no/

  283. 142a

    bag chags tha dad pa ma yin zhing/ sna tshogs ma yin pa de chos tha dad pa sna tshogs dag gi rgyur ji ltar rung zhes bya ba la/ ji ltar rung ba dpes bstan par bya ste/ ji ltar gos skud pa mang po bcings na yang sna tshogs nyid du mi mthong la/ tshon gyi snod du bcug pa na sna tshogs su mthong ba ltar kun gzhi rnam par shes pa ni gos kyi gnas lta bu'o/ /'bras bu mngon par 'grub pa'i tshon gyi snod ni 'bras bu mngon par 'grub pa'i tshon gyi snod de/ /der bcug pa ni rkyen gyis yongs su bzung ba zhes bya ba'i don to/ /bag chags kyi dus na sna tshogs ma yin yang 'bras bu'i dus na rnam pa du ma'i chos kyi rgyu'i ngo bo mthong ste bcos pa'i gos bzhin no// /bam po gnyis pa/ 'di ni theg pa chen po la phra ba mchog tu zab pa zhes bya ba la/ de la phra ba ni so so'i skye bo'i blos rtogs par dka' ba'i phyir ro/ /mchog tu zab pa zhes bya ba ni dgra bcom pa dag gis kyang rtogs par dka' ba'i phyir ro// de la mdor bsdus na rten cing 'brel par 'byung ba ni 'di gnyis te zhes bya ba las brtsams te/ bdag la byed pa po dang za ba por rtog ste zhes bya ba'i bar la/ de la ngo bo nyid rnam par 'byed pa can dang/ sdug pa dang mi sdug pa rnam par 'byed pa can zhes bya ba 'di gnyis kyis ni rten cing 'brel bar 'byung ba'i ming bstan to/ /gang kun gzhi rnam par shes pa la brten nas zhes bya ba ni kun gzhi rnam par shes pa'i rgyu can gyi chos rnams 'byung ba de ni ngo bo nyid rnam par 'byed pa can te/ ngo bo nyid sna tshogs rnam par dbye ba'i rkyen gyi dngos por 'gyur ba'i phyir ro/ /gang ma rig pa la sogs pa can de ni sdug pa dang mi sdug par rnam par 'byed pa can no//

  284. 142b

    de'i phyir sdug pa dang mi sdug pa'am/ /bdag gi ngo bo'i bye brag rnam pa sna tshogs kyi rgyur gyur pa yin no/ /kha cig ni sngon byas pa'i rgyu las byung ba nyid du zhes bya ba ni skyes bu byed pa'i rgyu las kyang de mi 'dod de/ 'di ni dmus long la glang po che'i dpes bstan to/ /ma rig pas dmus long zhes bya ba ni ma rig pas dmus long ste/ kun gzhi rnam par shes pa'i ngo bor shes pa'o/ /rgyu nyid du ces bya ba ni gang sngar rang gi mtshan nyid rnam par bzhag pa'o/ /rgyu'i mtshan nyid rnam par bzhag pa ni rgyu nyid kyi mtshan nyid do/ /'bras bu rnam par bzhag pa ni 'bras bu'i mtshan nyid bstan pa ste/ de mi shes pa ste ma rig pa'i dbang gis kun gzhi rnam par shes pa'i dbye ba mi shes pas chos rnams kyi rgyu nyid du rang bzhin la sogs pa sems so/ /gnyis pa sdug pa dang mi sdug pa rnam par 'byed pa mi shes pas bdag nyid byed pa po dang/ za ba por sems so/ /de la chos thams cad kyi rgyu ni kun gzhi rnam par shes pa ste/ de la bag chags bsags pa'i phyir ro/ /'bras bu yang de nyid de/ de nyid la bsgom pa'i phyir ro/ /ngo bo nyid ni rnam par smin pa'i rnam par shes pa sa bon thams cad pa zhes bya ba la gang bdag nyid kyi ngo bo so sor thob pa ni rnam par smin pa'o/ /sa bon thams cad pa nyid ni des bsgos pa'i phyir ro/ /lus thams cad dang 'gro ba thams cad ces bya ba de la 'gro ba ni lnga'o/ /'gro ba de dang de'i ris mthun pa dang ris mi mthun pa rnam pa sna tshogs ni lus thams cad do/ /kun gzhi rnam par shes pa chos thams cad kyi sa bon du bstan pa de sa bon gyi ngo bo nyid du kun tu gsal bar bya bar 'dod nas/ phyi dang nang dang zhes bya ba la sogs pa tshigs su

  285. 143a

    bcad pa lngas bstan to/ /de la phyi dang nang la sogs pa la nang gi bdag nyid can ni kun gzhi rnam par shes pa'o/ /mi gsal ba ni phyi rol te/ lung du ma bstan pas shes bya'i don to/ /gnyis ni kun gzhi rnam par shes pa dge ba dang mi dge ba'o/ /don gzhan yang kun nas nyon mongs pa dang/ rnam par byang ba'o/ /kun rdzob ces bya ba ni phyi rol te/ kun rdzob de'i sa bon zhes brjod do/ /de bas na 'di dag ni kun gzhi rnam par shes pa yongs su gyur pa nyid yin no/ /dam ba'i don yang kun gzhi rnam par shes pa ste/ de ni chos thams cad kyi sa bon no/ /'di ltar kun gyi sa bon nyid ni rnam pa drug go /yang de dag ni skad cig pa ste/ gnyi ga yang byung ma thag tu 'jig pa'i phyir dang/ sa bon gyi ngo bo nyid du rtag tu mi rung pa'i phyir dang/ de bzhin du gus? thams cad du khyad par med pa'i phyir ro/ /lhan cig 'byung ba ni 'das pa ma yin/ ma 'ongs pa ma yin/ tha dad du ma yin par sa bon gyi dus gang yin pa de nyid ni 'bras bu bskyed pa'o/ /de ni rgyun chags 'byung bar 'dod/ de ni ste kun gzhi rnam par shes pa ni ji srid gnyen po skyes kyi bar du'o/ /phyi rol gyi yang ji srid rtsa ba yod pa dang/ ji srid smin pa yod kyi bar du'o/ /nges dang ste gang sa bon thams cad las thams cad 'byung ba ni med de/ so sor? nges pa de'i sa bon las de 'byung ngo/ /rkyen la bltos pa dang ste/ sa bon thams cad las thams cad du mi 'byung ste/ /rkyen gang thob pa na de 'byung bar 'gyur ro/ /rang gi 'bras bus bsgrubs pa zhes bya ba la/ rang gi sa bon las rang gi 'bras bu 'byung ba ste/ kun gzhi rnam par shes pa las kun gzhi rnam par shes pa nyid dang/ 'bru las 'bru nyid de/ de ltar re zhig sa bon las 'bras bu 'byung ngo/ /bag chags kyi mtshan nyid ji lta bzhin du bstan par bya ba ni/ bstan pa la bsgo bar

  286. 143b

    bya'i g.yo ba la ni ma yin te/ rlung bzhin no/ /rlung gis ni bsgo ba mi 'dzin te/ gang gi phyir rgyang grags tsam gyi bar du yang de la bsgos pa rjes su mi 'jug go /tsam gyi bar gyis ni dpag tshad brgya'i bar du yang dri rjes su 'byung ngo/ /lung ma bstan zhes bya ba ni lung du ma bstan pa la dri zhes bya ba'i don te/ gang dri mi zhim pa sgog skya dang de bzhin du dri zhim pa la ni ma yin te/ lung du ma bstan pa la bsgo bar byed do/ /bsgo bar 'os pa la sgo bar byed kyi/ bsgo bar bya ba ma yin pa 'di lta ste rdo ba dang/ da? dul dang/ gser la sogs pa la ni mi bsgo'o/ /gang bsgo ba 'dzin pa de la bsgo bar byed pas bsgo ba zhes bya ba ste/ bsgo bar 'os pa la'o/ /'brel pa la sgo byed ces bya ba ni 'brel pa med pa la ni ma yin te/ bar chad med par 'byung pa la zhes bya pa'i don to/ /de las gzhan ni min zhes bya ba ni de las gzhan ni de las gzhan nyid de/ /de ma yin pa de las grol ba ste/ kun gzhi rnam par shes pa las gzhan ba la mi bsgo'o/ /skad cig ma la sogs pa de dag thams cad ni kun gzhi rnam par shes pa la yod kyi/ de ni skad cig ma nyid kyi 'jug pa'i rnam par shes pa dang/ gnyen po skyes pa'i bar la mi 'jug pa'am/ 'khor ba ji srid pa'i bar du dge ba la sogs pa nges pa'i rgyur gyur pa'i phyir bsod nams dang bsod nams ma yin pa dang/ mi g.yo ba 'du byed pa'i rkyen la bltos nas/ /dge ba dang mi dge ba'i 'gro bar rnam par smin pa nyid yin gyi 'jug pa'i rnam par shes pa la ni chos mi mthun pa thams cad sbyar bar bya'o/ /gang yang de ltar kun gzhi rnam par shes pa yon tan de dag dang ldan pas don? bsgo bar bya ba yin gyi/ drug po dag la ni ma yin te/ 'brel pa med pa dang/ rnam par shes pa g.yo ba nyid kyis so/ /tha dad gsum dang 'gal ba'i phyir zhes bya ba la/ rten gzhan dang gzhan la re re zhig /dmigs pa gzhan dang gzhan

  287. 144a

    la/ yid la byed pa gzhan gyis don gzhan la rnam pa gzhan gyis 'jug pa'i phyir ro/ /skad cig snga ma las skad cig phyi ma 'byung bar 'gyur bas zhes bya ba dpes bstan pa de dgag par bya ba'i phyir/ skad cig lhan cig med pa'i phyir zhes pa ste/ skad cig dag gcig tu yod pa med de/ gang lhan cig 'byung ba dang 'gag pa yod na ni bag chags kyi gnas 'gyur ro/ /gal te rigs mthun pa'i rnam par shes pa de dang mthun pa'i rigs gang yin pa la 'brel pa med kyang sgo bar byed de/ zhes 'dod na/ rigs la bya na gzhan du thal te/ rigs gzhan la yang thal bar 'gyur te/ mig la sogs pa rnams gzugs dang pa nyid du rigs mthun pas de dag kyang phan tshun bsgo bar thal bar 'gyur ro/ /gang yang sngar bstan pa'i sa bon gnyis po phyi dang nang gi skyed pa dang ni 'phen par 'dod ces bya ba las/ de la skyed par byed pa'i sa bon phyi rol gyi 'bras bu smin par gyur gyi bar du'o/ /nang gi sa bon ni mthar thug pa'i bar du skyed par byed pa nyid do/ /'phen par byed pa ma btab pa ni phyi rol gyi'o/ /shi ba ni nang gi ste/ lus 'di phyis kyang mi 'gyes par 'phongs nas gnas so/ /gal te skye ba'i sa bon gyi rgyu can yin na/ gang gis na de nyams par mi 'gyur te/ dus phyis cung zad tsam yang rjes su 'jug par mi 'gyur ro/ /gal te skad cig ma gcig nas gcig tu 'jug par 'gyur na/ skad cig snga ma skad cig phyi ma'i rgyur 'gyur na ni des na nam yang nyams par mi 'gyur bas de bas na nges par 'phen pa'i rgyu las byung ba yin no// sa bon de dag kyang mnga' stong sbyor ba dang 'dom rdzogs pa gnyis mnga' 'gro ba dang phog pa gnyis kyi rgyur 'gyur ba bzhin no/ /yang 'jug pa'i rnam par shes pa gzhan gang yin pa de ni lus dang 'gro ba thams cad du nye bar spyod pa can du blta bar bya ste

  288. 144b

    zhes bya ba la/ 'di ltar de la nye bar spyod pa 'byung ba nyid ces bya ba'i don te/ nye bar spyod pa'i ngo bo ni nye bar spyod pa can zhes byas nas so/ /don de nyid dbus dang mdza' rnam par 'byed pa'i tshigs su bcad pa dang mngon pa'i lung gis bstan te/ rnam par shes pa de dag nyid gcig gi rkyen gcig yin pa nyid kyi lung ni chos mngon pa'i med las/ chos kun rnam par shes la sbyor zhes bya ba'i tshigs su bcad ba ste/ phan tshun rgyu'i dngos po dang zhes bya ba la rtsa ba'i rnam par shes pa las de dag 'byung ba'i phyir rgyu'o/ /'bras bu'i dngos por rtag tu sbyor zhes bya ba la gang gi tshe kun gzhi rnam par shes pa rgyu yin pa na de'i tshe de 'bras bu yin la/ gang gi tshe de rgyu yin pa na kun gzhi rnam par shes pa 'bras bu yin no/ /de dag ni rten cing 'brel par 'byung pa rnam pa gsum mo/ /'khor pa dang/ 'dod pa dang/ mi 'dod pa'i 'gro ba dang/ nye bar spyod ba can la rkyen rnam pa bzhir 'gyur te/ de la dang po la ni rgyu'i rkyen te/ kun gzhi rnam par shes pa la gnas pa'i chos rnams kyi bag chags so/ /gnyis pa la ni bdag po'i rkyen te/ ma rig pa la sogs pa'i dbang gis 'du byed rnams 'byung ngo/ /yang nye bar spyod pa can gyi rten cing 'brel par 'byung ba zhes brjod la/ rnam par shes pa drug po rnams kyi ni rkyen gsum du 'gyur te/ de la mig gi rnam par shes pa'i bdag po'i rkyen ni omig go /dmigs pa'i rkyen ni gzugs so/ /mtshungs pa de ma thag pa'i rkyen ni gang gi de ma thag tu rnam par shes pa gang 'byung ba ste/ gang gi phyir gal te des skabs ma byin na gang yang 'byung bar mi 'gyur bas so/ /de bzhin du rnam par shes pa lhag ma rnams la yang ngo/ /de ltar kun gzhi rnam par shes pa'i rnam grangs gzhan bstan nas/ da ni mtshan nyid rnam par bzhag par bya ste/ ji ltar gnyi ga yang kun gzhi

  289. 145a

    rnam par shes pa la rung gi /gzhan du ma yin pa de ltar rigs pas nges par bstan par bya ste/ de yang 'di ltar mig gi rnam par shes pa gang 'dod chags la sogs pa nyon mongs pa dang/ nye ba'i nyon mongs pa gang dag dang lhan cig skyes shing 'gag pa de nyid la de dag gi sa bon gyi dngos por bag chags bsgos par 'gyur gyi gzhan la ni ma yin no zhes bya ba la/ de la de nyid la zhes bya ba ni mig gi rnam par shes pa la'o/ /de dag gi zhes bya ba ni 'dod chags la sogs pa dag gi'o/ /sa bon gyi dngos por zhes bya ba ni rgyu'i dngos por/ /gzhan la ni ma yin zhes bya ba ni rna ba'i rnam par shes pa zhes bya ba la sogs pa la ni ma yin no/ /rnam par shes pa gzhan gyis bar du chod pa zhes bya ba ni rna ba'i rnam par shes pa la sogs pas bar du chod pa'o/ /bag chags zhes bya bas ni 'dod chags la sogs pa'i bag chags so/ /bag chags kyi gnas zhes bya ba ni mig gi rnam par shes pa'o/ /'dod chags la sogs pa dang bcas par 'byung du zhes bya ba ni 'dod chags la sogs pa dang bcas par 'byung ba'o/ /de lta bas na 'das pa'i rgyu las ni mi rung ste/ 'di ltar 'das pa'i las las rnam par smin pa'i 'bras bu 'byung ba ji ltar mi rung ba bzhin du de'i yang mi rung ngo/ gal te bye brag tu smra ba 'das pa yod pa nyid du 'dod pas de'i phyir 'das pa las 'byung ngo zhe na/ de da gis 'das pa zhes bya ba ni brjod pas brjod par bya ba nyid du mi 'grub pas des na 'das pa zhes bya ba 'di gang yin/ /chos gang rnam par smin pa'i 'bras bu skyes pa yod pa de ni bag chags med pas ma yin no/ /mig gi rnam par shes pa zhes bya ba la/ re zhig mig gi rnam par shes pa 'dod chags la sogs pa dang lhan cig 'byung ba de la yang bag chags mi rung ste/ mig gi rnam par shes

  290. 145b

    ba las las skyes pa de la bag chags ji ltar rigs/ re zhig 'dod chags la ni ma yin te/ 'dod chags la mig gi rnam par shes pa'i bag chags mi rigs te/ gang gi phyir 'dod chags ni mig gi rnam par shes pa la brten pa'i phyir dang/ mi brtan pa'i phyir ro/ /rnam par shes pa gzhan dag la yang ma yin te zhes bya ba ni rna ba'i rnam par shes pa la ste/ gang gi phyir de dag ni gnas tha dad pa'i phyir dang/ gnas tha dad pa nyid yod na lhan cig 'byung ba dang 'gag pa med pa'i phyir ro/ /mig gi rnam par shes pa'i gnas ni mig /rna ba'i rnam par shes pa'i ni rna'o/ /de bzhin du yid kyi rnam par shes pa'i gnas ni yid ces bya ba'i bar du ste/ 'di ltar des na bskal ba'i gnas nyid yin pas gzhan dag la gzhan dag gi bag chags mi rigs so/ /rang gi dngos po la yang ma yin te zhes bya ba la/ mig gi rnam par shes pa la mig gi rnam par shes pa'i bag chas kyang ma yin te/ mig gi rnam par shes pa gnyis 'byung ba ni med de/ gnyis kyi ngo bo med pas na lhan cig 'byung ba dang 'gag pa med pa'i phyir ro/ /de lta bas na mig gi rnam par shes pa la 'dod chags la sogs pa nyon mongs pa dang/ nye ba'i nyon mongs pas bag chags bsgos par mi rung la/ mig gi rnam par shes pa de la mig gi rnam par shes pa'i bag chags nyid kyang ma yin/ /thog ma nyid du zhes bya ba ni 'dir dang por ro/ /de yang sa bon med par skye bar 'gyur te zhes bya ba ni rgyu med par skye ba'o/ /bag chags de gnas dang bcas par zhes bya ba ni sems dang bcas pa'i nyon mongs pa'i bag chags so/ /nyon mongs pa'i gnyen po'i rnam par shes pa byung na de ma yin pa gzhan 'jig rten pa'i rnam par shes pa thams cad ni 'gags na zhes bya ba ni rnam par shes pa drug po 'gags pa na'o/ /rnam par shes

  291. 146a

    pa de ni nyon mongs pa dang/ nye ba'i nyon mongs pa'i sa bon dang bcas par mi rung ste zhes bya ba ni gang gnyen po'i rnam par shes pa'i rgyun can du 'jig rten pa'i rnam par shes pa rnams 'jug par 'gyur ro/ /de'i 'og tu yang zhes bya ba ni des na 'jig rten las 'das pa'i sems kyi rting la'o/ /bag chags de gnas dang bcas te zhes bya ba la/ gnas dang bcas pa ste/ rnam par shes pa dang bcas pa'o/ /bag chags de zhes bya ba ni nyon mong pa dang/ nyon mongs pa'i bag chags so/ /sa bon med pa las zhes bya ba ni rgyu med pa las so/ /skye bar ni 'byung bar ro/ /'gyur ro zhes bya ba ni kun gzhi rnam par shes pa med par yang ngo/ /de la nyon mongs pa nyid ni kun nas nyon mongs pa nyid de/ nyon mongs pa'i kun nas nyon mongs pa'o/ /de ltar na 'dir nyon mongs pa'i kun nas nyon mongs pa ni rung ngo/ /las kyi kun nas nyon mongs pa rnam pa gang gis mi rung ba de bsgrub par bya ste/ ji ltar mi rung zhe na/ 'du byed kyi rkyen gyis rnam par shes pa mi rung ba'i phyir zhes pa ni bsod nams dang/ bsod nams ma yin pa dang/ mi g.yo ba'i 'du byed 'byung ba dang 'gag pa kun gzhi rnam par shes pa med na gang la bag chags 'jog par 'gyur/ ji ltar na rnam par shes pa'i tshogs drug gis bag chags mi 'dzin pa'i sngar nyon mongs pa'i kun nas nyon mongs pa bstan par bsgrubs zin to/ /de med na zhes bya ba ni 'du byed kyi rkyen gyis rnam par shes pa med na'o/ /len pa'i rkyen gyis sred pa yang mi rung ste/ gang gi phyir 'du byed kyis yongs su bsgos pa'i rnam par shes pa len pa'i dbang gis bag chags rgyas pas srid pa 'byung bas so/ /de la las nyid kun nas nyon mongs pa ni las kyi kun nas nyon mongs pa'i/ las las kun nas nyon mongs pa ni las kyi kun nas nyon mongs pa ste/ kun gzhi rnam par

  292. 146b

    shes pa med na/ de yang mi rung ngo/ /de'i tshe kun nas nyon mongs pa yang ji ltar mi rung zhe na/ de bstan par bya ba'i phyir/ nying mtshams sbyor ba sprel ba mi rung ba'i phyir zhes bya ba ste/ bdag gi dngos po 'thob pa mi rigs pa'o/ /mnyam par ma bzhag pa'i sa nas zhes bya ba ni 'dod pa'i khams nas so/ /shi 'phos pa'i zhes bya ba ni shi ba'i'o/ /yid kyi rnam par shes pa nyon mongs pa can gyis zhes bya ba ni nyon mongs pa dang bcas pa'i yid kyi rnam par shes pa'o/ /nying mtshams sbyor zhing sbrel te zhes bya ba ni bdag gi dngos po yongs su 'dzin pa'o/ /de yang nyon mongs pa can gyis yid kyi rnam par shes pa skye ba'i srid pa la dmigs nas bar mdo'i srid pa 'gag par 'gyur ro/ /brgyal ba de la zhes bya ba ni yid kyi rnam par shes pa khu ba dang khrag dang lhan cig grub pa dang/ bde ba gcig par gyur pa ste/ yid kyi rnam par shes pa brgyal bar gyur pa de la brten nas yid kyi rnam par shes pa gzhan nyid 'jug par 'gyur ro/ /lhan cig tu zhes bya ba ni dus gcig tu yid kyi rnam par shes pa rgyal par 'gyur pa de dang/ yid kyi rnam par shes pa dang ldan par gyur pa'o/ /de ci'i phyir zhe na/ dus rtag tu nyon mongs pa can gnas yin pa'i phyir te/ yid kyi rnam par shes pa de la 'dod chags la sogs pa'i nyon mongs pas nyon mongs pa can gyi yid kyi gnas te/ 'byung ba'i srid pa la dmigs pa'i yid nyon mongs pa can 'di'i gnas yin pas 'di ni nyon mongs pa can gyis gnas so/ /rnam par smin pa lung du ma bstan pa'i gnas skabs su de na nyon mongs pa can gyi gnas ni mi srid do/ /yid kyi rnam par shes pa'i dmigs pa la mi dmigs zhes bya ba ni yid kyi rnam par shes pa ni dmigs pa la nye bar gnas te/ 'di lta ste chos so/ /brgyal bar gyur pa de la ni dmigs pa med de/ de'i phyir 'di ni yid kyi rnam par

  293. 147a

    shes pa nyid du mi rung ngo/ /nying mtshams sbyor bas brel zin pa zhes bya ba ni bdag gi lus rab tu thob pa'o/ /de las gzhan zhes bya ba ni kun gzhi rnam par shes pa ma yin pa ni gzhan pa ste/ gzhan rnam par shes pa drug po rnams ni gnas so sor nges pa rang g.yo ba'i phyir ro/ /ji ltar mig gi rnam par shes pa gnas so sor nges pa yin pa bzhin du/ rna ba'i rnam par shes pa la sogs pa lhag ma rnams kyi yang rna ba la sogs pa dbang po gzugs can rnams ni rten yin no/ /des na gal te rnam par shes pa de dag gi rang rang gi gnas blangs par gyur la/ rnam par shes pa de rnams 'gags par gyur pa na thob pa'i mig la sogs pa rnams rul bar 'gyur ro/ /ji ltar na kun gzhi rnam par shes pa ma yin pa'i rnam par shes pa dang ming dang gzugs mdung khyim ltar gcig la gcig rten pa'i tshul gyis 'jug pa gang yin pa de yang mi rung ngo zhes bya ba la/ ji ltar mi rung ba bstan par bya ste/ ji ltar bcom ldan 'das kyis rnam par shes pa'i rkyen gyis ming dang gzugs/ ming dang gzugs kyi rkyen gyis kyang rnam par shes pa zhes gsungs pa de la/ rnam par shes pa'i rkyen gyis ming ste/ rnam par shes pa'i tshogs so/ /de ni gzugs can ma yin pa'i phung po gzhi yin par brjod do/ /gzugs ni nur nur po'o/ /ming dang gzugs kyi rkyen gyis rnam par shes pa zhes bya ba de la/ kun gzhi rnam par shes pa las gzhan gang yang ma yin te/ gang de ni ming dang gzugs la brten nas skad cig ma gcig nas gcig tu brgyud pa'i brgyun mi 'chad par 'jug go / rnam par shes pa gzhan gyis zas su mi rung ste/ zhes bya ba de bstan par bya ste/ zas ni bzhir bcom ldan 'das kyis gsungs te/ kham gyi zas dang/ reg pa dang/ yid la sems pa dang rnam par shes pa'i'o/ /de la kham gyi zas ni zhu bar

  294. 147b

    gyur pa na ste/ zhu bar gyur pa na gang gi phyir rten la phan 'dogs par byed pa'o/ /reg pa'i zas ni yul dang ldan pa ste/ gzugs la sogs pa'i yul rnams mthong ba tsam nyid kyis rten la phan 'dogs pa skyed pa'o/ /yid la sems pa'i zas ni ? pa dang ldan pa na ste/ gang gi phyir bsam pas rten la phan 'dogs pa 'byung ba ste/ skom pas gdungs pa chu mthong bas ma shi ba bzhin no/ /rnam par shes pa'i zas ni nye bar len pa dang ldan pa ni ste/ gang gis de blangs pa nyid kyis rten gnas pa ste/ de las gzhan du na shi ba'i ro bzhin du rul bar 'gyur ro/ /de lta bas na rten la phan 'dogs par byed pa'i phyir rnam par shes pa'i zas nyid ni kha blang bar bya'o/ /de la reg pa'i zas ni rnam par shes pa'i tshogs drug gang yin pa'i'o/ /yid la sems pa'i zas ni yid kyis bsams pa'i'o/ /gzhan pa rnam par shes pa'i zas nyid du bstan pa gang yin pa ni sems med pa'i gnyid dang/ brgyal ba dang/ 'gog pa la snyoms par zhugs pa na rnam par shes pa drug ni 'gogs par gyur na/ kun gzhi rnam par shes pa med na lus blangs pa mi 'drul bar byed pa gzhan gang yin/ de ltar mnyam par ma bzhag pa'i nying mtshams sbyor ba'i 'brel pa bstan to/ /mnyam par bzhag pa'i yang ji ltar mi rung ba de bstan par bya ste/ 'di ni nyon mongs pa can gyi rnam par shes pas nying mtshams sbyor zhing sbrel te/ mnyam par bzhag pa'i sa la nyon mongs pa can dang/ mnyam par ma bzhag pas nying mtshams sbyor zhing sbrel to/ /nyon mongs pa can zhes/ bya ba ni de'i sa pa'i nyon mongs pas nyon mongs pa can te/ de'i sa pa'i nyon mongs pa ni ting nge 'dzin gyi ro myang ba gang yin pa'o/ /de'i nyon mongs pa can gyi sems ni mnyam par bzhag pa'i sa pa nyid kyi dang/ mnyam par ma bzhag pa'i sems so/ /mnyam par ma bzhag pa'i sa 'di nas

  295. 148a

    shi 'phos pa na shi 'phos pa'i sems gang yin pa de de'i sa pa dang phrad par gang gis ji ltar 'gyur/ des na kun gzhi rnam par shes pa nges par khas blang bar bya ste/ gang la thogs ma med pa nas sa de'i sems kyi bag chags yod de/ bag chags gang las sems de kun tu rgyu ba des nying mtshams sbyor zhing sbrel to/ /gzugs med pa'i khams su skyes pa zhes bya ba ni gzugs las grol ba'o/ /nyon mongs pa can gyi sems dang dge ba'i sems zhes bya ba ni ting nge 'dzin gyi ro myang ba nyid do/ /sa bon med cing gzhi med pa zhes bya ba ni rgyu med pa nyid dang rkyen med pa nyid do/ /don gzhan yang rgyu med pa'i phyir gang las 'byung bar 'gyur/ gzhi med na gang la rten te 'jug par 'gyur na sems de ni kun gzhi rnam par shes pa la rnam par shes pas yongs su bzung ba'i rang gi sa bon las 'byung bar 'gyur te/ de la brten nas de nyid rgyun rab tu 'jug par 'gyur ro/ /de nyid na 'jig rten las 'das pa'i sems mngon du byed pa'i tshe/ de ma yin pa gzhan 'jig rten pa'i sems med par gyur pas de'i 'gro ba ldog pa nyid du 'gyur ro/ /zhes bya ba ni 'bad pa med par phung po lhag ma mang pa'i mya ngan las 'das pa thob par 'gyur ba zhig na/ de yang kun gzhi rnam par shes pa med na ma yin pas de ltar yang mi 'grub po/ /'du shes med 'du shes med min skye mched du skyes pa rnams kyang ci yang med pa'i skye mched pa'i 'jig rten las 'das pa'i sems mngon du byed pa na/ gang gi phyir sems de ni gsal por 'jug pa yin la/ 'du shes med 'du shes med min skye mched kyin ni mi gsal ba yin no/ /des na gsal bar 'jug pa'i sems la gnas nas 'jig rten las 'das pa'i sems mngon du byed de 'jig rten las 'das pa'i sems gcig pu de'i bzhir 'gro ba gnyis mi rung ngo/ /'jig rten pa'i seng dag ni sa gzhan du

  296. 148b

    skyes pa'i sa gzhan pa'i sems mngon du byed pa 'gro ba gnyi ga'i rten du yang mi rigs la/ phung po lhag ma dang bcas pa'i mya ngan las 'das pa'i gzhir yang sems de ni mi rung ngo/ /de'i phyir 'gro ba gsum po de dag kyang gzhi'i ngo bor mi rigs pas kun gzhi rnam par shes pa med na sems de gang la brten par 'gyur/ 'jig rten las 'das pa'i sems de legs par bya ba byed pa'am/ nyes par bya ba byed pa 'chi 'pho ba na lus smad dam stong nas drod yal bar 'gyur ba'ang mi rung ste/ zhes bya ba la de legs par bya ba byed pa dang/ nyes par bya ba byed pa'i lus kyi smad dang stong nas drod yal bar 'gyur te/ 'di ltar legs par bya ba byed pa ni smad nas so/ /nyes par bya ba byed pa ni stong nas te/ des na de dag kyang kun gzhi rnam par shes pas yongs su gzung bar mi 'dod na/ lus drod yal bar 'gyur ba de ji ltar yin/ kun gzhi rnam par shes pa nges gzung bas ni lus 'dor bar byed pa na smad dam stong nas ji ltar rigs par drod yal bar 'gyur ro/ /'dor bar 'gyur ro/ /ji ltar na 'jig rten pa'i rnam par byang ba yang mi rung zhe na/ de bstan par bya ste/ 'dod pa'i 'dod chags dang bral bar bya ba'i phyir rab tu sbyor ba na 'dod pa na spyod pa'i sbyor ba las byung ba'i sems de yang gzugs na spyod pa'i sems dang lhan cig 'byung ba dang 'gag pa med pa'i phyir des bsgos pa med pa gzugs na spyod pa'i sems de sa bon med par skye bo nyid yin par 'gyur te/ gzugs na spyod pa'i sems 'das pa tshe rabs du mar sems gzhan gyis bar bcad pa de yang 'das pa'i phyir med pa nyid de/ mnyam par bzhag pa'i sems de'i sa bon nyid du mi rung ngo/ /de'i rgyu rkyen zhes bya ba ni/ kun gzhi rnam par shes pa la gnas pa'i rang gi sa bon las byung ba'o/ /sbyor ba las byung ba'i dge ba'i sems de ni

  297. 149a

    nus pa med pa ma yin pas bdag po'i rkyen ni de'i nus pa yin gyi/ rgyu'i rkyen nyid ni ma yin no/ /de bas na bdag po'i rkyen las 'dod pa na spyod pa'i sems de 'byung ngo/ /de bzhin du 'dod chags dang bral ba la sogs pa la yang sbyar ro/ /ji ltar 'jig rten las 'das pa'i rnam par byang ba mi rung zhe na/ de bstan par bya ste/ de ni gzhan gyi sgra la brten pa dang/ so so rang gi tshul bzhin yid la byed pa zhes bya ba ni/ sgra dang mtshungs par ldan pa'am yid la byed pa'o/ /yid kyi rnam par shes pa yang de las gzhen pa'i rnam par shes pa rnam par g.yeng bas bar du tshod la zhes bya ba ni yang dag pa'i lta ba dang mtshungs par ldan pa'i 'jig rten las 'das pa'i sems rnam par rnams pa zhes bya ba'i don to/ /gang gi tshe tshul bzhin yid la byed pa dang mtshungs pa'i sems la byung ba de'i tshe/ yid kyi rnam par shes pa thos pa'i bag chags bsgos pa des ni bag chags dang bcas te 'gags shing 'das nas yun ring du lon te/ zhes bya ba la yid kyi rnam par shes pa thos pa? bsgos pa de bag chags dang bcas par dus ring du shin tu 'gags shing shin tu 'das pas yod pa ma yin na phyis de'i rgyu can dag yang gang las 'byung bar 'gyur/ tshul bzhin yid la byed pa dang mtshungs par ldan pa'i sems de la thos pa'i bag chags kyis ni de'i sa bon yongs su 'dzin par mi rigs zhes bya ba la/ de la zhes bya ba ni 'jig rten pa'i yid kyi rnam par shes pa la'o/ /thos pa'i bag chags zhes bya ba ni gang gzhan gyi sgra la brten nas thos pa'i bag chags yid kyi rnam par shes pas brtags pa'o/ /de'i sa bon yongs su 'dzin par mi rigs zhes bya ba ni 'jig rten las 'das pa'i rnam par byang ba'i sa bon yongs su 'dzin par mi rigs pa des na de de las skye bar mi rung ngo/ /yang ji ltar sa bon thams cad smin pa'i

  298. 149b

    rnam par shes pa ni kun nas nyon mongs pa'i rgyu yin na/ de'i gnyen po 'jig rten las 'das pa'i sems kyi sa bon du ji ltar rung zhes bya ba la rnam par smin pa'i rnam par shes pa de nyid mi mthun pa'i phyogs kyi rgyur gyur pa yin na gnyen pa'i phyogs kyi rgyu nyid du yang mi rung ngo/ /'jig rten las 'das pa'i sems ni ma 'dris pa ste/ zhes bya ba dang/ de ni sngar ma skyes pas de'i gang de'i bag chags ni med pa nyid do zhes bya ba la/ 'jig rten las 'das pa'i sems de'i bag chags ni med pa nyid du the tshom med do// chos kyi dbyings shin tu rnam par dag pa'i rgyu mthun pa thos pa'i bag chags kyi sa bon las de 'byung ngo/ /zhes bya ba la nyan thos la sogs pa las bye brag tu byas pa ni/ chos kyi dbyings shin tu rnam par dag pa'i rgyu mthun pa thos pa'i bag chags so/ /gang gi phyir chos kyi dbyings shin tu rnam par dag pa ni nyon mongs pa dang shes bya'i sgrib ba rab tu spangs pa'o/ /chos kyi dbyings shin tu rnam par dag pa gang yin pa de'i rgyu mthun pa ni bstan pa'i chos te mdo sde la sogs pa'o/ /chos kyi dbyings kyi rgyu mthun pa mdo sde la sogs pa thos pa ni chos kyi dbyings rgyu mthun pa thos pa'o/ /de thos pa'i bag chags ni chos kyi dbyings kyi rgyu mthun pa thos pa'i bag chags/ /yang na thos pa nyid kyi bag chags ni thos pa'i bag chags te/ de'i bag chags dang kun zhi rnam par shes pa la gnas pa de'i rgyu can de las 'jig rten las 'das pa'i sems 'byung bar 'gyur ro/ /thos pa'i bag chags gang yin pa de ci kun gzhi rnam par shes pa'i ngo bo nyid yin nam/ 'on te ma yin/ des cing 'gyur/ kun gzhi rnam par shes pa'i ngo bo nyid yin na/ de ji ltar kun gzhi rnam par shes pa de'i gnyen pa'i sa bon nyid du 'gyur/ 'on te de'i ngo bo ma yin na/ thos pa'i bag chags kyi sa bon de'i gzhi gzhan yin par 'gyur ro/ /sangs

  299. 150a

    rgyas rnams kyi byang chub la brten nas thos pa'i bag chags 'jug par 'gyur zhes bya ba ni chos kyi dbyings shin tu rnam par dag pa'i rgyu mthun pa thos pa'i bag chags de nyid do/ /brten nas zhes bya ba ni gang gi rgyu la 'jug pa ste/ de yang lhan cig 'dug pa'i tshul gyis chu dang 'o ma bzhin du ngo bo gcig par 'jug par 'gyur na yang de de'i ngo bo ma yin pa nyid de/ kun gzhi rnam par shes pa ma yin no/ /de'i phyir kun gzhi rnam par shes pa'i gnyen po yin no/ /de la chung ngu dang 'bring dang chen po'i thos pa las byung ba dang/ bsam pa las byung ba dang/ bsgoms pa las byung ba yang blta bar bya ba yin pas ri re zhing yang rnam gsum ba nyid du 'gyur ro/ /don gzhan yang thos ba las byung ba ni chung ngu na'o/ /bsams pa las byung ba ni 'bring ngo/ bsgoms pa las byung ba ni chen po'o/ /thos pa dang/ bsam pa dang/ bsgoms pa lan mang du bya ba dang ldan pa'i phyir zhes bya ba ni thos pa la sogs pa lhag par byed pa ste/ de yang chung ngu na gyi rgyu las 'bring dang/ 'bring las chen po'o/ /nyon mongs pa'i kun nas dkris pa'i gnyen po zhes bya ba ni 'dod chags la sogs pa lhag par 'jug pa de'i gnyen po'o/ /gang gis de spong ba de ni ngan 'gro'i gnyen po yin no/ /gang la rnam grangs gzhan la myong bar 'gyur ba'i las gang gis ngan song du skye bar 'gyur ba de yang/ dengs par 'gyur ba'i rgyu yin te/ mdor bsdu na 'das pa dang/ ma 'ongs pa dang/ da ltar byung ba'i nyes par spyad pa thams cad kyi gnyen po'o/ /ma 'ongs pa na dge ba'i bshes gnyen dang bdag phrad pa thob pa'i gyu nyid kyang yin no/ /byang chub sems dpa' las dang po pa rnams kyi

  300. 150b

    'jig rten pa yin yang chos kyi skur bsdus pa yin par blta bar bya zhes bya ba la/ las dang po pa zhes bya ba ni so so'i skye bo rnams so/ /chos kyi skur bsdus pa zhes bya ba ni de'i rgyur gyur pa'o/ /rnam par grol ba'i lus su bsdus pa zhes bya ba la/ rnam par grol ba'i lus de rgyur gyur pa ni nyan thos rnams rnam par grol ba'i rgyur gyur pa ste/ gang las de 'ba' zhig pa'i rnam par grol bar 'gyur gyi chos kyi sku ni mi mthob pa/ /ji ltar kun gzhi rnam par shes pas rig par byed kyi/ rnam par smin pa'i rnam par shes pas ni ma yin te/ 'gag pa la snyoms par zhugs pa'i kun gzhi rnam par shes pa ni ma yin no/ /rnam par shes pa dang mi 'bral/ /zhes gsungs pas zhes bya bas ni kun gzhi rnam par shes pa yod pa nyid du grub po/ /gang bcom ldan 'das kyis 'di'i rnam par shes pa lus las 'das pa ma yin no zhes gsungs pa de ni rnam par smin pa'i rnam par shes pa ma yin pa gzhan la mi rung ngo/ /gang gi phyir 'gog pa la snyoms par zhugs pa na 'jug pa'i rnam par shes pa'i gnyen po skyes pa na de ni zhi ba nyid mthong ngo/ /yang gal te rtog pa skyes pa na de yang 'byung bas de la dgongs nas ma 'das pa'o zhes gsungs pa yin no zhes zer na/ de ni mu rung ste/ gang gi phyir de dag ni de las 'das pa na yang 'byung bar 'gyur te/ rnam par smon pa'i rnam par shes pa 'gags pas nying mtshams sbyor zhing sprel ba de gang gi phyir med na 'byung ba'i srid pa mngon pa 'grub pa yang yod par mi 'gyur ro/ /gang yang 'gog pa'i snyoms par 'jug pa la yid kyi rnam par shes pa yod pas sems der bcas pa'o/ /snyam du sems pa de ltar na yang sems ni mi rung ste/ snyoms par 'jug par mi rung ba'i phyir kun gzhi rnam par shes pa rang gi mtshan nyid ji skad bstan pa por nas 'jug pa'i rnam par shes pa'i bye brag la 'gog pa'i snyoms par

  301. 151a

    'jug pa sems dang bcas pa nyid du 'dod pa de ni mi rung ngo/ /ci'i phyir zhe na/ snyoms par 'jug pa mi rigs te/ de la yod pa dang bral bar mthong ba'i phyir de las gzhan pa'i sems yin no/ /'du shes tshor ba dag ni 'dir 'gog pa yin te/ de dang de ni 'gag pa yod pas de dang de 'gog pas rab tu bsgos pa de la snyoms par 'jug pa zhes bya bas snyoms par 'jug pa mi rigs par 'gyur ro/ /kun gzhi rnam par shes pa yod par khas len na ni skyon de med de/ de la gnas par 'dod pa'i de dang ma mthun pa de las gzhan pa'i sems dang sems las byung ba de'i gnyen po 'byung gi/ rnam par bsal bar bstan pa ni kun gzhi rnam par shes pa ma yin no/ /des na de las gzhan pa la ni sems de mi 'byung ngo/ /ci'i phyir zhe na/ dmigs pa dang rnam pa dmigs pa'i phyir te/ sems dang sems las byung ba'i rgyun ni dmigs pa dang rnam par med pa ma yin no/ /snyoms par 'jug pa'i sems kyang dmigs pa dang rnam pa med pa'i ngo bor mi 'gyur ba zhig na de dag gnyi ga la yang mi dmigs so/ /kun gzhi rnam par shes pa yod par 'dod pa la ni rkyen 'di dag yod par mi 'gyur te/ de'i rten nye bar gzung bas rab tu phye ba'i phyir ro/ /de la 'jug pa'i rnam par shes pa dge ba la sogs pa'i bye brag yod na rnam par shes pa de la dge ba dang ma dge ba dang lung du ma bstan pa nyid du 'gyur na re zhig dge ba ni ma yin te/ dge ba'i rtsa ba dang mtshungs par ldan par thal bar 'gyur bas de ni 'gal lo/ /ngo bo nyid kyis kyang ma yin te/ rnam par shes pa de ni dge ba dang mi dge ba'i mtshungs par ldan pa dang ma bral bar yang 'gyur ro/ /snyoms par 'jug pa'i sems dge ba nyid yin pas ma chags pa la sogs pa'i dge ba'i rtsa ba dang mtshungs par ldan pa mi 'dod pa yang thob par 'gyur na/ 'di ltar ni mi 'dod de/

  302. 151b

    dge ba'i sems kyi khyad par gzhan la yang thams cad du de thal bar 'gyur ba'i phyir ro/ /mi dge ba dang lung du ma bstan pa la yang med pas dge ba dang lung du ma bstan pa la yang mi rigs te/ 'dod chags dang bral ba'i dus nyid na mi dge ba'i rtsa ba thams cad spangs pas des na mi dge ba ma yin no/ /snyoms par 'jug pa ni dge ba yin pa'i phyir lung du ma bstan pa ma yin no/ /'di'i phyir yang de dge ba ma yin te/ 'du shes dang tshor ba kun tu spyod par thal bar 'gyur te/ dge ba'i rtsa ba med par dge ba nyid ni med pa'i phyir ro/ /dge ba'i rtsa ba la kun tu spyod pa bzhin du 'du shes dang tshor ba la spyod par yang 'gyur te/ rgyu la khyad par med pa'i phyir ro/ /des na 'di ltar rigs te/ mi mthun pa'i phyogs kun tu spyod pa na gnyen pa'i phyogs med pa nyid de// 'dod chags la sogs pa mngon du spyod pa na mi sdug pa la sogs pa med pa bzhin no/ /de ltar de las sems gzhan yod dam? yin/ /'di ltar yang de ni kun gzhi rnam par shes pa ma yin pa sems gzhan yod na/ reg pa dmigs par thal bar 'gyur zhing/ reg pa kun tu spyod bar yang 'gyur te/ mnyam par bzhag pa'i gnas skabs gzhan bzhin du zhes bya ba ni lhag ma'o/ /de'i phyir mnyam par bzhag pa na 'jug pa'i rnam par shes pa'o khyad par yod na/ des na de ni ting nge 'dzin las skyes pa'i shin tu sbyangs pa'i mtshan nyid can gyi tshor ba bde ba'am/ tshor ba sdug bsngal ba'i reg pa 'dor bar mi 'gyur ro/ /des na rkyen de dag las bde ba dang/ bde ba yang ma yin sdug bsngal ba yang ma yin pa tshor ba dag tu 'gyur ro/ /de ci'i phyir zhe na/ de'i mthus mnyam par bzhag par 'gyur ba ste/ mnyam par bzhag pa'i khyad par gzhan dag la yang tshor ba de dag 'byung ba'i mthu yod pa mthong ba de bzhin du 'dir yang nying mtshams sbyor ba'i rgyu'i ngo bo reg pa'i rkyen gyi tshor ba 'byung bar 'gyur na/ de ni mi rigs pa

  303. 152a

    nyid de/ 'du shes rgyun chad pa tsam du 'gyur te/ reg pa'i tshor ba khas len pas de la ni 'du shes rgyun chad pa tsam du 'gyur na/ de ltar mi 'dod de/ gnyi ga yang rgyun chad par gsungs pas de'i phyir reg pa ni mi rung/ /rnam par shes pa gzhan dang de dang lhan cig mtshungs par ldan pa'i reg pa yod na sems pa dang dad pa la sogs pa'i dge ba'i rtsa ba kun tu 'byung bar 'gyur ba'i phyir don rnam par shes pa dang mtshungs par ldan pa'i reg pa 'byung bas de dang lhan cig skyes pa'i sems pa yang yod de zhes gsungs pas sems pa yang 'byung bar 'gyur ba nyid do/ /ji 'byung bar 'gyur ba yod na dge ba'i sems mngon par 'du byed pa nyid yin pa'i phyir dad pa la sogs pa dge ba'i rtsa ba kun tu spyod pa yang 'byung bar 'gyur ba zhig na de ltar ni mi 'dod do/ /gal te ji skad bstan pa'i skyon rnams spangs par bya ba'i phyir dang/ 'gal ba spang par bya ba dang/ des sun dbyung ba'i phyir sems las byung ba bzhag nas sems tsam khas len par byed na de yang mi rung ste/ rten las brten pa dbyer mi rung ba'i phyir ste/ rten ni sems tsam mo/ /brten pa ni sems las byung ba ste/ rten dang brten pa sems las byung ba dag 'khor ba thog ma med pa nas phan tshun med par ma yin pas dus thams cad du de bzhin du 'jug pa na rten dang brten pa dag 'bad pa dang ldan pas kyang dbyer mi nus te/ ci'i phyir zhe na/ dpe yod pa'i phyir te/ gang dus thams cad du lhan cig 'jug pa'i brten pa de mi rtan pas dbyer rung ba yod pa ma yin te/ skye ba dang 'jug pa la sogs pa phan tshun med na ma yin pa'i phyir 'byung ba las gyur pa dang 'byung ba bzhin no/ /de bzhin du sems rtsam las sems las byung ba yang dbyer mi rung ba'i phyir mi rigs so/ /gzhan yang rten las brten pa dbye bar rigs pa ma yin te/ 'du shes dang tshor ba dag ni de'i mi mthun par

  304. 152b

    'gyur bas rnam par sun dbyung ba'i phyir kun tu spyod pa med la/ de las gzhan pa dag kyang ma yin te/ mi rigs pa'i phyir ro/ /rgyu gang gis zhe na/ kun tu 'gro ba nyid yin pa las de bzhin du med pa'i phyir te/ de las gzhan pa dag kyang rnam pa de nyid kyis gzhan dang de la bye brag gi rgyu med pa'i phyir kun tu spyad pa med par 'gyur ba zhig na/ de ltar ni mi 'dod de/ mthong ba dang 'gal ba'i phyir ro/ /sems dang bcas pa'i snyoms par 'jug pa brtag pa rdzogs so// //nga? ni gang yang phyogs gnyis pa de'i don brjod par bya ste/ gang yang gang dag 'gog pa'i snyom par 'jug pa ni yid kyi rnam par shes pas sems dang bcas pa nyid yin gyi/ kun gzhi rnam par shes pas ni ma yin no snyam du sems te/ yang de dag gi sems ni dge ba dang mi dge pa dang lung du ma bstan par mi 'thad pa'i phyir zhes bya ba la/ de ni dge ba nyid yin pas na re zhig mi dge ba med pa nyid do/ /lung du ma bstan pa spyod lam dang ldan pa dang/ bzo'i gnas dang/ sprul pa dang ldan pa gang yin pa de la yang sprul pa pa dang/ med pa nyid do/ /'on te rnam par smin pa lung du ma bstan pa yin na ni de ni kun gzhi rnam par shes pa nyid yin te/ lung du ma bstan pa lnga pa ni med do/ /gal te sems de dge ba yin na ni de la ma chags pa la sogs pa'i dge ba'i rtsa ba dang mtshungs par ldan par 'gyur te/ de lta bu ni sems med pa yin na nyon mongs pa can gyi yid gnas gyur pas dge bar gyur pa'i gnas skabs dge ba'i sems de la brten cing dmigs nas gsum 'dus pa'i reg pa ji ltar 'byung bar mi 'gyur/ reg pa yod par gyur na de lta na yang 'gog pa'i snyoms par 'jug pa med pa nyid du 'gyur te/ de sems dang sems las byung ba ma 'gags pa'i phyir ro/ /yang la la ngag? dge ba'i sems kyis de bskyed pas dge ba ste/ snyoms par 'jug pa 'dren par byed pa'i sems kyi sbyor ba'i shugs kyis dge ba

  305. 153a

    yin na yang ma chags pa la sogs pa dang lhan cig mtshungs par ldan pas ni ma yin te/ nus pa 'dus pa ni 'dus pa zhes byas nas so/ /des na de ni dge ba yin yang skyed par byed pa gsum 'dus pa'i mthu ste/ rgyu mthun pa'i 'bras bu 'byung ba bzhin no/ /zhes rtog na/ de ci yang gang dang gang sbyor ba'i sems dge ba yin pa de ni dge ba'i rtsa ba dang mtshungs par ldan pa yin la/ des 'phags pa yang ma chags pa la sogs pa'i dge ba'i rtsa ba dang mtshungs par ldan par 'gyur te/ de bas na snyoms par 'jug pa'i sbyor ba'am/ snyoms par 'jug par dag dang 'gal bar gnas pa'i ma chags pa la sogs pa rnams gang gis phyir mi 'jug la dge ba ni yang 'jug go zhes zer na/ gang de lta bu ni sus kyang mi 'do de/ rgyu mthun pa'i 'bras bu yang gang gi phyir kun tu sbyor ba dang bcas pa'i chos rnams ni kun tu sbyor ba dang bcas pa nyid du 'gyur/ rnam par shes pa dang bcas pa yang kun gzhi rnam par shes pa dang lhan cig gi dngos po nyid du gyur pa na/ ji ltar kun gzhi rnam par shes pa ni med cing/ kun gzhi rnam par shes pa ma yin pa ni de bzhin du gnas pa nyid du 'gyur te/ de yang 'o ma dang chu mnyam par bsres pa bzhin no zhes bya ba dpes bstan to/ /yang ji ltar 'jig rten pa'i 'dod chags dang bral ba'i kun gzhi rnam par shes pa gcig la mnyam par ma bzhag pa'i sa ba'i nyon mongs pa'i bag chags spangs pa dang/ mnyam par bzhag pa'i sa pa'i dge ba'i bag chags rgyas par rten gnas gyur par 'gyur ro/ /de bzhin du 'di la yang blta bar bya ste/ 'gog pa la snyoms par zhugs pa de yang rnam par shes pa med pa ma yin no zhes gsungs pa des ni kun gzhi rnam par shes pa de yod pa nyid du bsgrubs so// //bam po gsum pa// //gang bcom ldan 'das kyis

  306. 153b

    'di'i rnam par shes pa lus las ma 'das so zhes gsungs pa de rnam par smin pa'i rnam par shes pa ma yin pa gzhan la mi 'thad de/ gang gi phyir 'gog pa'i snyoms par 'jug pa la 'jug pa'i rnam par shes pa spangs pas mi 'byung ste/ de ni zhi bar mthong bas so/ /pang gang la la langs pa na de yang 'byung bar 'gyur bas de'i phyir de las dgongs nas ma 'das pa yin no/ /zhes gsungs pa yin no zhes rtog na/ de ni mi rigs te/ de dag gi ltar na rnam par smin pa'i rnam par shes pa'i nying mtshams sbyor zhing sbrel ba gang rgyun chad cing med na/ mngon par 'grub pa rigs par mi 'gyur bas langs pa na yang 'byung bar 'gyur bar yod pa ma yin/ /gang yang kun gzhi rnam par shes pa ma yin par yid kyi rnam par shes pa bcas pas 'gog pa'i snyoms par 'jug pa sems dang bcas pa nyid yin no/ /snyam du sems pas de bas na de ltar ni mi 'thad do/ /'di ltar na yang mi 'thad de/ gang bcom ldan 'das kyis lus kyi 'du byed 'gag par 'gyur zhing yid kyi 'du byed kyi bar du 'gag par 'gyur/ /de la lus kyi 'du byed ni dbugs 'byung ba dang rdub pa'o/ /ngag gi 'du byed ni rnam par rtog pa dang rnam par dpyod pa'o/ /yid kyi 'du byed ni sems ba dang 'du shes so/ /zhes gsungs pa de la/ ji ltar rnam par rtog pa dang rnam par dpyod pa 'gag par gyur na ngag 'jug par mi 'gyur la/ de bzhin du yid kyi 'du byed 'gags par gyur na yid 'jug pa 'byung bar mi 'gyur ro/ /gal te ji ltar snyoms pa 'jug pa'i dus na lus kyi 'du byed 'gags na yang lus gnas par 'gyur la/ de bzhin du yid kyi 'du byed 'gags par gyur kyang yid gnas par 'gyur ro zhes 'dod na/ de lta bu de yang mi 'thad do/ gang lus gnas pa ni rgyu rnams pa gzhan gyi kyang yin te/ lus kyi 'du byed pa bcom ldan 'das kyis gsungs pa 'di lta ste/ zas dang/ srog gi dbang po dang/ rnam par

  307. 154a

    shes pa ste/ gang dbugs rdub pa dang 'byung ba med na yang gnas par 'gyur ba nyid do/ /yid la ni 'du byed nyid gzhan med pas yid kyi rnam par shes pa gang rnam par gnas pa de med na sems med pa'i gnas skabs nyid 'thob pa 'gyur ro/ /rnam par smin pa'i rnam par shes pa nyid la bcom ldan 'das kyis rnam par shes pa'i sgrar gsungs par 'dod pas/ des na yang langs pa na sa bon thams cad pa las 'jug pa'i rnam par shes pa 'byung bar 'gyur ro zhes 'dod do/ /gang yang gzugs dang sems kyi 'jug thogs su 'byung ba chos rnams kyi sa bon du rtog pa zhes bya ba la/ gzugs kyi skad cig snga ma ni gzugs kyi skad cig phyi ma'i rgyu nyid ltar rnam par shes pa'i sa bon nyid rnam par shes pa'o/ /de la gzugs med pa nas shi 'phos pa'i gzugs ni 'gags nas ring du lon par gyur na yang 'byung ba'i rgyur gzugs ji ltar 'gyur/ 'du shes med pa nas shi 'phos pa dang/ 'gog pa'i snyoms par 'jug pa las langs pa'i tshe yang de'i sems ni 'gags nas ring du lon par gyur na sems 'byung ba de'i rgyu nyid du sems de ji ltar 'gyur/ de ltar yin na dgra bcom pa'i phung po lhag ma med pa'i mya ngan las 'das pa yang mi 'thad de/ rgyu gzugs dang sems ngag zad ba med pa'i phyir ro/ /gang 'das pa de ma thag pa'i rkyen nyid kyis dang po'i gzugs kyi skad cig las ni gzugs/ rnam par shes pa las ni rnam par shes pa 'byung bar blta bar bya ba'i rgyu'i rkyen las ni ma yin no/ /de ltar na kun gzhi rnam par shes pa yod pa nyid du 'grub/ /ji ltar na 'jug pa'i rnam par shes pa la gnas pa tsam gyis rten gnas par gyur par mi rigs pa de'i tshigs su bcad pa gsum gyis bstan te/ /byang chub sems dpa' bzang po'i sems zhes bya ba ni yid kyi rnam par shes pa gnyen po dge ba dang mtshungs par ldan pa

  308. 154b

    ste/ 'jig rten las 'das pa zhes pa'i don to/ /rnam par shes pa lnga spangs pa zhes bya ba ni mig gi rnam par shes pa la sogs pa rnam pa lnga spangs pa'o/ /bsal ba de las gzhan pa la zhes bya ba ni kun nas nyon mongs pa can gyi yid kyi rnam par shes pa gzhan pa la ste/ dge ba zag pa dang bcas pas mi dge ba zag pa bcas pa yongs su spang ba'i don du bzang po zhes smos bzhin du yang de las gzhan pa la zhes smos so/ /sems ni ji ltar 'gyur bar byed ces bya ba ni kun nas nyon mongs pa thams cad kyi sa bon can kun gzhi rnam par shes pa sa bon med par byed ces bya ba'i tha tshig go /gnyen po gyur ba yin zhes bya ba la/ gnyen po yongs su gyur ba yin na/ spangs pa min phyir mi rung ste/ kun nas nyon mongs pa spangs pa las 'gyur gyi/ 'di ltar gnyen po ni spangs pa ma yin pa de'i phyir de ni spangs pa'i rgyu yin na yang 'di ltar 'gyur te/ de lta yin na yang rgyu 'bras tha dad med par 'gyur ba'i skyon du thal bar 'gyur te/ spangs pa zhes bya ba ni mya ngan 'das pa ste/ 'bras bu dang gnyen po zhes bya ba na lam dag ste/ 'bras bu dang gnyen po ni spangs pa yin zhes bya ba 'dir gcig pa nyid du 'gyur bas gnyen po skyes pa tsam gyis mya ngan las 'das pa nyid du 'gyur ro/ /gal te sa bon bral ba'am/ dngos po med par 'gyur 'dod na zhes bya ba la/ 'jug pa'i rnam par shes pa rnams sa bon med par byas pa'am/ dngos po med pa nyid du 'gyur bar 'dod na/ de med bas na gnyis med de/ 'gyur ba rung ba ma yin no/ /zhes bya ba ste/ mnyam par bzhag pa'i gnas skabs na 'jug pa'i rnam par shes pa dag nye bar gyur pa ma yin pas na sa bon med par 'gyur ba'i phyir na/ dngos po med par byas pas de na dngos po med pa'o/ /des na de ltar 'gyur ba rung ba ma yin no/ /kun gzhi rnam par shes pa yod na ni 'jug pa'i rnam par shes pa de dag ring bar

  309. 155a

    gyur pa yin na yang de'i sa bon kun gzhi rnam par shes pa la gnas pa de sa bon dang bral pa'am/ dngos po med par bya bar nus so/ /ngas na 'di ltar gyur pa dang ldan pa kun gzhi rnam par shes pa nyid 'dod par 'gyur ro/ /de ltar sgrub pa'i gzhi rnam par shes pa nyid de'i rnam pa'i bye brag bstan par bya ba'i phyir/ de las bag chags rnam pa gsum gyi bye brag gis zhes bya ba ste/ de la mngon par brjod pa'i bag chags kyi bye brag ni 'di lta ste/ mig ces rjod par byed pa'i rnam par smin pa'i rnam par shes pa'i bag chags de ni mig mngon par 'grub pa'i rgyur gyur te/ mig gang grub cing rnam par smin pa las skyes par brjod par bya ba de mig ces brjod pa'i rgyu las gyur pa'o/ /de bzhin du rna ba la sogs pa brjod par bya ba thams cad la zhes bya ba ni 'di'i bye brag go /bdag tu lta ba'i bag chags kyi bye brag ces bya ba ni 'jig tshogs la lta ba'i dbang gis nyon mongs pa can gyi yang gang gis kun gzhi rnam par shes pa la bdag ces bag chags sgo bar byed de/ gang gis bdag ces bya ba dang/ gzhan zhes bya ba'i bye brag 'dir 'gyur bar byed do/ /srid pa'i yan lag gi bag chags kyi bye brag ces bya ba ni gang dge ba dang/ mi dge ba dang/ mi g.yo ba'i 'du byed mthar thug pa med par 'jug pa ste/ 'di dag ni ji ltar shes bya'i mtshan nyid rgyas pa nyid du bshad bar bya'o/ /de la 'ben pas rab tu dbye ba ni zhes bya ba ni 'phangs pa'i rnam pa'i bye brag go /bag chags gsar du 'byung ba zhes bya ba ni gang dang por byung ba'i bag chags de ste/ bye brag de skad du brjod pa'i kun gzhi rnam par shes pa de med du zin na 'du byed 'byung ba dang 'gags pas yongs su bsgos pa'i rnam par shes pa dang len pas yongs su bzung ba'i 'byung ba'i srid pa la mngon par phyogs pas byas pa'i srid pa mi rung ngo/ /srid pa ste/ 'di las skye ba mngon par 'grub pas na srid pa'o/ /'di ni

  310. 155b

    len pa zhes bya ba dge ba'am/ mi dge ba goms pa'i 'bras bu'o/ /de la rnam par smin pas bar du dbye ba zhes bya ba ni gang 'du byed dang/ srid pa'i rkyen gyis 'phangs pa'i 'gro ba dag tu rnam par smin pa ste/ rnam par smin pa zhes brjod pa'i kun gzhi rnam par shes pa'i bye brag de med du zin na rgyu med pas yang srid pa can nyid kyi chos gzugs can gyi dbang po mig la sogs pa rnams 'byung bar rung ba ma yin te/ de ni rnam par smin pa'i 'bras bu yin pas so/ /de la rgyu nyid du rab tu dbye ba zhes bya ba la yang/ gang kun gzhi rnam par shes pa de nyid la yid brten pa'i phyir bdag tu lta ba dang/ bdag tu 'dzin pa'i rgyu mtshan nyid ni kun gzhi rnam par shes pa'i bye brag ste/ rgyu mtshan zhes bya ba de med na 'jigs tshogs la lta ba'i rgyu gang yin pa yid kyis bdag tu gzung ba de'i dmigs pa mi rigs te/ de ni rgyu mthun pa'i 'bras bu yin pas so/ /de la mtshan nyid kyis rab tu dbye ba zhes bya ba la/ de ni rnam pa mang du 'byung ngo/ /de yang thun mong gi mtshan nyid dang/ thun mong ma yin pa'i mtshan nyid dang/ tshor ba med pa 'byung ba'i sa bon gyi mtshan nyid dang/ tshor ba dang bcas pa 'byung ba'i sa bon gyi mtshan nyid de zhes bya ba ni mdor bstan pa'o/ /de la kun gzhi rnam par shes pa ni sems can thams cad kyi thun mong gi snod kyi 'jig rten gyi rgyur gyur pas na/ tshor ba med pa 'byung ba'i sa bon no/ /gang thun mong ma yin pa zhes bya ba de ni kun gzhi rnam par shes pa so sor rang gi gzugs la sogs pa dang/ skye mched rnams rgyur gyur pa ste/ de ni tshor ba dang bcas pa 'byung ba'i sa bon no/ /de lta bu'i rnam pa can gyi kun gzhi rnam par shes pa med na gang sems can thams cad kyi thun mong gi longs spyod kyi rgyur gyur pa snod kyi 'jig rten yod bar mi 'gyur ro/ /de bzhin du kun gzhi rnam par shes pa gnyis pa med na yang sems can gyi 'jig rten yod pa na yang mi 'gyur te/ des na shing bzhin du tshor ba 'byung

  311. 156a

    bar mi 'gyur ro/ /yang gnas ngan len gyi mtshan nyid ces bya ba ni gang rten la su mi rung ba nyid do/ /shin tu sbyangs pa'i mtshan nyid ni gang las su rung ba nyid do/ /spyad zin pa'i mtshan nyid ni kun gzhi rnam par shes pa med na yang dang yang du byas pa'i dge ba dang mi dge ba'i las gang gi 'bras bu byung ba zad par 'gyur ba de yod par mi rung ngo/ /ma spyad pa'i mtshan nyid ni gang mngon par brjod pa'i bag chags kyi sa bon te/ zhes bya ba ni mngon par brjod pa'i bag chags kyi bye brag ji lta ba bzhin du bstan pa'o/ /thog ma med pa'i dus nas spros pa 'byung bas sa bon yin pa'i phyir ro zhes bya ba la/ thog ma med pa'i dus nas yang dag pa'i tha snyad kyi rgyur gyur pa kun gzhi rnam par shes pa zhes brjod pa de med na mngon par brjod ba'i bag chags gsar du 'byung ba yang mi 'thad do/ /rnying rnams med pas de'i phyir da ltar gyi mngon par brjod pa yang ma yin no/ /snga na med par yang 'gyur te/ gang 'jig rten ni thog ma med pa nas ma byung ba'i phyir ro/ /de'i mtshan nyid ni ci sgyu ma sgyu ma byas pa'i rgyu nyid yin pas 'khrul pa'i glang po la sogs pa'i rgyur 'gyur ba de bzhin du kun gzhi rnam par shes pa dpe'i mtshan nyid du bstan pa yang yang dag pa ma yin pa'i kun tu rtog pa'i sa bon yin pas phyin ci log gi rgyu mtshan yin te/ de med na rgyu mtshan nyid du ni rung ngo/ /ma bsgribs la lung du ma bstan pa zhes bya ba la/ ma bsgribs pa na nyon mongs pa can ma yin pa ste/ nyon mongs pa can ma yin pa dang lung du ma bstan pa ni ma bsgribs la lung du ma bstan pa yin gyi/ ji ltar gzugs kyi khams su skyes pa'i nyon mongs pa dang/ dge ba ma yin pa dang/ lung du ma bstan pa ni ma yin no/ /dge ba dang mi dge ba'i rnam par smin pa nyid yod na kun nas nyon mongs pa ldog par mi 'gyur ro/ de'i phyir na dge ba las dge ba dang/ mi dge

  312. 156b

    ba las mi dge bar 'byung bas 'dus byas la mthar thug pa med de/ des na kun nas nyon mongs pa dang/ dge ba zag pa dang bcas pas 'khor bar 'gyur ro/ /shes bya'i mtshan nyid kyi dbang du byas nas bstan pa la/ de la gzhan gyi dbang gi mtshan nyid gang zhe na/ de ni mdor bsdu na zhes bya ba ni yang dag par bsdus pa'o/ /yang dag pa ma yin pa kun tu rtog pas bsdus pa zhes bya ba ni yang dag pa ma yin pa kun tu rtog pa'o/ /lus dang/ lus can dang/ za ba po'i rnam par rig pa zhes bya ba de la/ lus ni mig la sogs pa'i khams lnga'o/ /lus can ni nyon mongs pa can gyi yid do/ /za ba po ni yid kyi khams so/ /des nye bar spyad par bya ba'i rnam par rig pa ni phyi rol gyi gzugs la sogs pa'i khams drug go /de la nye bar spyod pa'i rnam par rig pa ni rnam par shes pa drug gi khams so// dus kyi rnam par rig pa ni 'khor ba'i rgyun 'jug pa rnam par chad pa med pa nyid do/ /grangs kyi rnam par rig pa ni bgrang ba'o/ /yul gyi rnam par rig pa ni snod kyi 'jig rten no/ /tha snyad kyi rnam par rig pa ni mthong ba dang/ thos pa dang/ shes pa dang/ rnam par shes pa ste tha snyad rnam pa bzhi'o/ /re zhig de lta bu'i rnam par rig pa dag ni shes bya'i gnas su bstan pa ni mngon par brjod pa'i bag chags kyi rgyu can yin no/ /bdag dang gzhan gyi bye brag gi rnam par rig pa gang yin pa'i bye brag gi rten ni bdag tu lta ba'i bag chags kyi rgyu can// gang bde 'gro dang ngan 'gro dang/ 'chi 'pho ba dang/ skye ba'i rnam par rig pa ste/ 'khor ba'i 'gro ba sna tshogs de ni srid pa'i yan lag gi bag chags kyi sa bon nye bar len pa las byung ngo/ /rnam par rig pa 'di rnams kyis zhes bya ba ni bshad ma thag pa'i rnam par rig pa dag go /khams dang/ 'gro ba dang/ skye gnas thams cad bsdus pa zhes bya ba ni khams gsum dang/ de'i khongs su gtogs pa 'gro ba rnam pa lnga dang/ skye gnas rnam pa bzhi dang/ /kun nas nyon mongs pa'o/ /bsdus pa zhes bya ba ni de'i ngo bo nyid do/ /gzhan gyi

  313. 157a

    dbang gi mtshan nyid ces bya ba ni gzhan gyi dbang gi bdag nyid de/ yang dag pa ma yin pa'i kun tu rtog pa bstan pa yin no/ /rnam par rig pa 'di rnams kyi rnam par rig pa tsam nyid yang dag pa ma yin pa'i kun tu rtog pas bsdus pa zhes bya ba de la yang dag pa ma yin pa'i kun tu rtog pas bsdus pa zhes bya ba de'i ngo bo nyid/ yod pa ma yin pa dang/ nor ba'i don snang ba'i gnas gang yin pa 'di ni zhes bya ba ni yod pa ma yin pa dang/ nor pa'i don snang ba'i rgyu ste/ de la yod pa ma yin pa ni med pa ste/ 'di ltar bdag gi ngo bo don de bzhin du yod par bzung nas de nyid la bdag nad par bdag ces snang ba ste/ de'i gnas ni snang ba'i gnas te rgyu zhes bya ba'i tha tshig go /de lta bu ni gzhan gyi dbang gi mtshan nyid do/ /kun tu brtags pa'i mtshan nyid gang zhe na/ gang don med kyang 'di ltar bden pa nyid du snang ba'o/ /rnam par rig pa tsam de don nyid du zhes bya ba ni yang dag pa ma yin pa'i don gyi snang ba ste/ 'di ltar bdag nyid kyi don snang btsam? de'i snang ba'o/ /don nyid du snang ba zhes bya ba ni bzung ba nyid du snang ba ste/ 'di ltar bdag med pa de bdag tu snang ba'o/ /yongs su grub pa'i mtshan nyid ni gang yod pa ma yin pa mi bden pa snang ba'i rgyu don de'i bdag nyid du snang ba gtan med par gyur pa ste/ 'di ltar bdag tu snang ba gtan med par gyur pa nyid ni bdag med pa tsam yod par gyur pa nyid yin te/ 'di dag ni rnam par shes pa tsam mo zhes bya ba sa bcu pa las gsungs pa dang/ dgongs pa nges par 'grel pa'i mdo las kyang/ rnam par shes pa ni dmigs pa rnam par rig pa tsam gyis rab tu phe ba can no zhes ngas bshad do zhes gsungs pa des na dmigs pa rnam par rig par rig pa tsam gyis rab tu phye ba can de ni rnam par rig pa tsam nyid de/ don gyis stong pa zhes bya pa'i tha tshig go/ /rnam par shes pa zhes ngas bshad do zhes bya ba ni rnam par shes pa smos pa

  314. 157b

    nges ni ting nge 'dzin gyi spyod yul gyi rnam par shes pa bstan to/ /'on kyang de ltar skyes pa'i zhes bya ba ni rnam pa de lta bur skyes pa'o/ /de las don tha dad par snang ngo zhes bya ba la/ de las zhes bya ba ni ting nge 'dzin gyi spyod yul las so/ /don tha dad par zhes bya ba ni gzung ba'i ngo bo nyid du rnam par chad pa lta bu rnam par shes pa snang ba nyid do/ /rnam par bsngos pa la sogs pa'i ting nge 'dzin gyi spyod yul gyi gzugs brnyan ni rnam par shes pa ma dran pa ni ma yin te/ gang gi phyir ji lta ba bzhin du yul na gnas pa'i phyir ro/ /de bzhin du nyams su myong ba ni dran pa ma yin te/ mdun du byas pa mthong ba'i phyir dang/ rnam par shes pas dran pa'i don ni mi gsal ba yin pa'i phyir la/ mdun na gnas pa 'di ni gsal bar mthong ba'i phyir ro/ /gzhan yang gal te ji ltar thos pa dang/ bsams pa dang/ goms par byas pa de ni ring du 'das par gyur na yang/ ji ltar da ltar byung ba bzhin du de yang de bzhin no zhe na/ de la thos pa dang bsam pa ni 'das nas ring du lon pa nyid kyis med pa yin la/ thos pa dang bsam pa'i rang bzhin ni 'das nas ring du len pas med pa'i phyir med pa nyid yin te/ des na gang byung ba de ni rnam par shes pa nyid de/ de lta bur snang ba gyur pa yin pas des na 'di dag ni rnam par rig pa tsam nyid du 'thad de/ de'i phyir don med pa nyid du grub bo/ /mig gi rnam par shes pa la sogs pa'i rnam par rig pa rnams ni gzugs can ma yin pas rnam par rig pa tsam nyid du rigs na/ mig la sogs pa'i rnam par rig pa gzugs can rnams ji ltar zhes bya ba de la/ de dag kyang lung dang rigs pas blta bar bya ste/ snga ma bzhin no zhes bya bar bstan to/ /mtshungs la brten par rgyun gyi sa 'jug ces bya ba de la mtshungs pa ni 'dra ba'o/ /brtan pa ni dus gzhan du gnas pa'o/ /phyin ci log la sogs pa'i kun nas nyon mongs pa'i ste/ nyon mongs pa dang

  315. 158a

    shes bya'i sgrib pa zhes bya brgyur gyur pa dag go/ gzhi'i gnas zhes bya ba ni rgyu'i ngo bo'o/ /'di dag nyid gzhan du 'jug par 'gyur na don ma yin pa la don yin no/ /zhes sems phyin ci log tu 'byung bar mi 'gyur la/ de med pas kyang nyon mongs pa'i sgrib pa'i kun nas nyon mongs pa dang/ shes bya'i sgrib pa'i kun nas nyon mongs pa de mi 'byung ngo/ /don 'di dag nyid tshigs su bcad pas bstan pa ni/ 'khrul pa'i rgyu dang 'khrul pa ni rim pa bzhin du gzugs kyi rnam par rig pa dang/ rnam rig gzugs can min par 'dod ces bya ba'o/ /de la gzugs can gyi rnam par rig pa ni 'khrul pa'i rgyu ste/ rgyur gyur pa'i gzugs can gyi rnam par rig pa med na 'bras bur gyur pa'i rnam par rig pa gzugs can ma yin pa gang yin pa yang mi 'byung bas ji ltar na lus dang longs spyod thams cad yod par 'gyur zhes bya ba'o/ /lus dang lus can dang zab por rnam par rig pa gsum rnam par rig pa lus thams cad la lhan cig 'byung zhing zhes bya ba ni dus gcig tu 'jug pa'o/ /nye bar spyod pa zhes bya ba ni rgyu'i ngo bo ste/ rnam pa gsum char yang rnam par rig pa tsam du tshigs su bcad pa dang/ rkyang bas rnam par 'jog par byed do/ /de rkyang ba ni de tsam du zad pas zhes bya ba ste/ thams cad rnam par rig pa tsam ni rnam par rig pa tsam nyid yin pa'i phyir de snyed ni rnam par rig pa tsam mo/ /de'i phyir rnam par rig pa tsam yin gyi don ni med pa'o/ /yang rnam pa gnyis nyid ni rgyu mtshan dang bcas pa dang/ lta ba can gyis rnam par shes pas rnam par bzhag par 'gyur ro/ /gal te rnam rig pa tsam gcig po de'i cha gcig ni rgyu mtshan yin la/ gnyis pa ni lta bar 'gyur na/ des na yang mig rnam par shes pa la sogs pa rnams gnyis nyid/ sna tshogs kyi ngo bo nyid du rnam par bzhag pas yang rnam par rig pa tsam gcig po de nyid la ji ltar rigs pa tshe?

  316. 158b

    gcig ni sna tshogs su 'byung bar 'gyur la/ gnyis pas ni 'di ltar 'dzin par byed do/ /yang gang gi phyir yid kyi rnam par shes pas 'dzin par byed pa des na mig la sogs pa'i rnam par rig pa chos kyi mthar thug pa thams cad ni de'i rgyu mtshan yin pas yid kyi rnam par shes pa ni 'di lta ba zhes bya'o/ /yid kyi rnam par shes pa de nyid ni rgyu zhes bya bar yang bstan te/ so sor nges pa ma yin pa'i phyir ro/ /yang gzhan dag ni yul so sor nges pa yin pa'i phyir dang/ rnam par rtog pa med pa nyid de/ des? na gang? rnam? par rtog pa can de ni lta ba zhes bya'o/ /de ltar na 'di ni rnam par rig pa tsam du rnam par bzhag pa'o/ /tshigs su bcad pa la de tsam ste/ don med pa la 'jug pa nyid de/ de tsam gnyis dang ste/ rgyu mtshan dang bcas pa dang/ lta ba can gyi rnam par rig pa tsam mo?// sna tshogs nyid 'jug pa ste/ gang sna tshogs kyi rnam pa can nyid du 'byung ba'i rnam par shes pa de'i 'o/ /rnal 'byor pa rnams rtogs par 'dod ces bya ba ni rnal 'byor spyod pa pa rnams 'di ltar 'dod pa'o/ /gang du zhe na/ sems tsam la ni zhugs gyur pa/ de dang bral na de phyir yang zhes bya ba ste/ 'di ltar yang sems can la zhugs pas don med pa bral bar yang 'gyur ro/ /yang gal te gzung ba'i don med na sems kyis ga la 'dzin par 'gyur zhe na/ de tsam nyid dang/ gnyis nyid dang/ sna tshogs nyid la zhugs par gyur na/ rgyu tsam du bstan pa zhes bya ba'i tha tshig ste/ gzhan dang mtshungs so/ /byang chub sems dpa' kha cig ni yid kyi rnam par shes pa gcig bu nyid du 'dod do/ /gang yang de'i rim pa rnam par bzhag pa bstan par bya ste/ de la sems pa la lus dang ngag gi las zhes bya ba bzhin no zhes bya ba la/ ji ltar sems pa lus kyi sgo nas zhugs par gyur pa na lus kyi las zhes bya ba la/ ngag gi sgo nas ni ngag gi las shes bya/ yid las ni yid kyi las zhes bya ba

  317. 159a

    thob pa bzhin du yid kyi rnam par shes pa gcig pu yin na yang mig la rten nas 'jug pa na de mig gi rnam par shes pa zhes bya ba'i ming thob la/ de bzhin du lus kyi rnam par shes pa zhes bya ba'i bar gyi ming 'thob kyi/ yang de la yid kyi rnam par shes pa ma yin pa rnam par shes pa gzhan kun gzhi rnam par shes pa zhes bya ba lta bu ni med do/ /de ltar na rtan thams cad du 'byung ba na gang gi sna tshogs kyi rnam pa gnyis su snang ba 'byung ste/ de don tsam du snang ba dang rnam par rtog par snang ba'i phyir ro zhes bya ba 'di dag gis yongs su spong ngo/ /de la rten thams cad du zhes bya ba ni mig la sogs pa'i rten thams cad du'o/ /sna tshogs kyi rnam pa gnyis su snang ba zhes bya ba ni de? don tsam du snang ba dang/ rnam par rtog bar snang ba'i phyir ro zhes bya ba'i tshig gnyis kyi ston par byed do/ /gang tshig gnyis po 'dis ni rnam par shes pa gcig po de nyid kyi ra gcig ni don tsam du snang bar 'gyur la/ yang de'i gnyis pa ni don gyi rnam par rtog pa'i rnam bar 'byung ste/ de na sngar smras pa'i skyon med do/ /gang gi phyir gzugs yod na thams cad du reg bya'i snang ba 'byung bar 'gyur te/ gang gi phyir mnyam par bzhag pa rnam par shes pa lnga ni nye ba ma yin la/ nang gi nyams su myong ba ni 'byung bar 'gyur te/ de las gzhan pa'i dbang po gzugs can lus la gnas pa bzhin du bya ba ste/ de ji ltar lus la gnas pa'i dbang po mig la sogs pa gzhan rnams lus de la gnas pa yin pa'i phyir dbang po'i rang gi gnas nyid de la nges byas pa'i phan 'dogs pa dang gnod pa nye bar sgrub par byed do/ /de bzhin du 'dir yang yid kyi rnam par shes pa ni lus la gnas pa yin pa'i phyir lus 'gyur par byed par 'dod par bya'o/ /don gzhan yang ji lus kyi dbang po rnams lus la rten pa nyid ni phyi

  318. 159b

    rol gyi rkyen reg par bya ba yod na lus kyi dbang po la yang reg bya'i snang ba 'byung bar 'gyur te/ de byang bar gyur pa na rang gi rten lus la phan 'dogs pa'am/ gnod par 'gyur bar byed par 'gyur ro/ /de bzhin du yid kyi rnam par shes pa yang lus la rten pa yin pa'i phyir reg bya'i snang bar gyur nas lus la phan 'dogs pa dang/ gnod bsgrub bar byed do/ /'di dag gi lus ni gal te mig la sogs pa rnam par rtog pa med pa de la brten pa'i yid kyi rnam par shes pa 'jug pa yang rnam par rtog pa med pa nyid thob par 'gyur te/ ji ltar nyon mongs pa can gyi yid kun nas nyon mongs pa la brten pas nyon mongs pa can du 'byung ba bzhin no/ /de yang byang chub sems dpas tshigs su bcad pas bsgrub pa'i phyir gsungs pa la/ ring du 'gro zhes bya ba ni yul thams cad la dmigs pa can nyid kyis/ /gcig pu rgyu ba ni gnyis pa med pa'i phyir ro/ /gang zhig lus med ces bya ba ni lus dang bral ba nyid do/ /phug gnas zhes bya ba ni lus kyi phug gi nang na gnas pa nyid do/ /sems 'dul byed ces phye ba ni dbang du byed pa'o/ /gdul bar dka' ba zhes bya ba ni bcos dka' ba'o/ /yang lung ni 'di dag gi sbyod yul gyi yul ni? yid kyis so sor nyams su myong ste zhes bya ba'o/ /gang dbang po'i spyod yul du bstan pa'i yul de ni yid kyis re re zhing so so so sor nyams su myong bar 'gyur te/ chos thams cad la rnam par rtog pa can yin pa'i phyir so sor nyams su myong ba'o/ /yid ni 'di dag gi rten pa'o zhes bya ba la/ gang gi phyir yid g.yengs par gyur na de dag 'byung bar mi 'gyur pas dbang po de dag 'byung/ ba'i rgyur gyur pa'i phyir ro/ /yang lung gis ni rnam par shes pa'i sogs drug ni yid ces bya ba'i sgras bstan gyi rnam par shes pa gzhan gyi sgras ni ma yin te/ rnam par shes pa'i tshogs drug ni yid kyi skye mched do zhes gsungs pa'i phyir ro/ /des na

  319. 160a

    yid 'ba' zhig ni yod do zhes 'di ltar rtogs par bya'o/ /mtshan ma'i lta ba dang bcas pa'i rnam par shes pa rnam par bzhag par bya ba ni kun gzhi rnam par shes pa ste/ yid kyi rnam par shes pa brten kun gzhi rnam par shes pa dang bcas pa ni lta ba'o/ /mig la sogs pa rnam par rig pa ni rgyu mtshan no/ /de ni chos thams cad kyang yin la rtsam par rig pa tsam yang yin pas rnam par rig pa rgyu mtshan du gyur pa de dag nyid ces bya ba ste/ mig la sogs pa 'byung ba'i rgyur gyur pa ni dmigs pa'i ngo bo nyid do/ /de'i lta ba 'byung rgyu mtshan yin pa'i phyir zhes bya ba ni de nyid lta ba yin pa ni de'i lta ba'o/ /de lta ba nyid du snang bar gyur pa na yid kyi rnam par shes pa'i lta ba rgyun mi 'chad par gnas pa'i gyur pa'i phyir rten gyi bya ba byed do/ zhes brjod do/ /rnam par shes pa mi mthun pa'i rgyu mtshan nyid shes pas ni zhes bya ba la/ rnam par shes pa mi mthun pa rnams kyi rgyu mtshan ni don yin no/ /shes par byed pas na shes pa'o/ /dmigs pa med pa'i rnam par rig pa dmigs pas zhes bya ba ni dmigs pa med par yang rnam par shes pa 'byung ba ni lta ba ste/ dper na 'das pa la sogs pa dmigs pa lta bu'o/ /'bad pa med par yang phyin ci log med bar thal bar 'gyur ba shes pas ni zhes bya ba la/ gang gi phyir don ni 'di ltar 'gyur te/ ji ltar snang ba de med bar yang gnyen po 'byung bar 'gyur bas phyin ci log med par thal bar 'gyur te 'di ltar shes pa'o/ /shes pa rnam pa gsum gyi rjes su mthun par shes pas zhes bya ba ni don de shes pa rnam pa gsum gyi rjes su mthun bar shes zhes bya ba'o/ /bsam gtan pa zhes bya ba dang/ nyan thos dang rang sangs rgyas rnams shes bya ba ni nyan thos dang rang sangs rgyas rnams so/ /sems la dbang thob pa zhes bya ba ni sems las su rung ba thob bo/ /mos pa'i dbang gis de

  320. 160b

    ltar don de dag snang ba zhes bya ba la/ gal te sa'i rang bzhin du mos na yang de bzhin du 'gyur la/ de bzhin du me la sogs pa la yang don de bzhin du blta'o/ /zhi gnas thob pa zhes bya ba ni ting nge 'dzin thob pa'o/ /chos la lhag mthong la brtson pa rnams la zhes bya ba ni mdo sde la sogs pa la dpyod pa la brtson pa rnams so/ /yid la byed pa tsam du don snang ba zhes bya ba ni don gcig la yang ji ltar yid la byas pa de lta de ltar rnam pa mang po snang pa'o/ /rnam par mi rtog pa'i ye shes thob pa zhes bya ba la/ drug po la snang ba'i don ji lta ba bzhin du yod pa yin na rnam par mi rtog pa'i ye shes med pa nyid du 'gyur ro/ /de lta na yang de yod pa'i dus na yang don gyi ngo bo nyid med pa na nges par khas blang bar bya'o/ /gal te rnam par rig pa tsam don snang pa'i gnas zhes bya ba ni don med bzhin du yang rnam par rig pa nyid don du snang ba'i rgyu yin na zhes bya ba'i don to/ gal te rnam par rig pa tsam gzhan gyi dbang yin na de ji ltar gzhan gyi dbang yin zhe na/ rang nyid bzung bar bya ba yin te/ rgyu nges na gzhan gyi dbang yin la gzhan zhes brjod na ni rang gi rgyu las byung zhing byung ba nyid na gnas par mi rung ba dang/ rang nyid kyis 'dzin pas gzhan zhes bya ba'i gzhan dbang yin no/ /de la gnas pa zhes bya ba ni bstan pa'i gzhan gyi dbang rnam par rig pa tsam la brten pa'o// don med pa zhes bya ba ni yod pa ma yin pa zhes bya ba'i don to/ /snang ba zhes bya ba ni don du dmigs pa'o/ /de ji ltar na zhes bya ba dang ci'i phyir zhes bya ba dag ni ji ltar bshad ma thag pa lta bu'o/ /dpag tu med pa'i rnam pa can gyi zhes bya ba ni yul thams cad la dmigs pa'i yid kyi rnam par shes pa'o/ /kun tu rtog pa zhes bya ba ni yid kyi rnam par shes pas kun tu brtags pa'o/ /phyin ci log 'byung ba'i rgyu mtshan yin zhes bya ba ni dmigs pa'i ngo bo nyid kyis phyin ci log skye ba'i rgyu mtshan du gyur pa nyid do/ /rang gi

  321. 161a

    mtshan nyid med ces bya ba ni de'i lus med pa'o/ /kun tu rtog pa tsam du dmigs pas zhes bya ba ni 'khrul pa'i rnam par shes pa tsam la dmigs pa nyid do/ /de gtan med pa'i mtshan nyid ces bya ba ni kun tu brtags pa'i ngo bo med pa'i ngo bo nyid do/ /de ji ltar na zhes bya ba dang/ ci'i phyir na zhes bya ba ni gzhan gyi dbang ji lta ba bzhin no/ /gzhan du mi 'gyur ba'i phyir zhes bya ba na slu ba med pa nyid do/ slu ba med pa'i 'khor bzhin no/ /rnam par dag pa'i dmigs pa yin pa dang/ dge ba'i chos thams cad kyi mchog yin pa'i phyir zhes bya ba ni rnam par dag pa'i dmigs pa'i ngo bo ni yongs su grub pa yin te/ mchog yin pa'i phyir yongs su rdzogs pa'i gnas bzhin no/ /kun tu rtog pas ji ltar kun tu rtog ces bya ba ni yid kyi rnam par shes pa ni kun tu rtog pa zhes bya ba la/ de ni gzhan gyi dbang la kun tu rtog pa ste/ rnam pa gang gis kun tu rtog pa de ston par byed pa de ni ming gis dmigs pa dang/ zhes bya ba la sogs pa'i gzhung yin te/ gzhan gyi dbang gi ngo bo nyid la der mtshan mar 'dzin pa dang zhes bya ba la/ gzhan gyi dbang nyid la mig la sogs pa'i ming gi mtshan mar 'dzin pas gang gi phyir mtshan ma bzung nas kun tu rtog go/ lta bas de la mngon par zhen pa dang zhes bya ba ni 'di ni 'di lta bu'o zhes ji ltar mtshan mas mtshan mas mtshan ma nyid du bzung nas zhen pa'o/ /rnam par rtog pa rnams kyis dag kun nas slong ba zhes bya ba la/ ji ltar mngon par zhen pas ni gnod pa yin na yang rnam par rtog? pa gsum gyis ngag kun nas 'byung par byed do/ /mthong ba la sogs pa tha snyad bzhi po dag gis tha snyad 'dogs pa zhes bya ba la ni ji ltar mthong ba dang/ thos pa dang/ shes pa dang/ rnam par shes pa'o zhes bya ba'i tha snyad rnam pa bzhis gzhan dang tha snyad du byed pa'o/ /med pa'i don/

  322. 161b

    la yang ngo zhes sgro 'dogs pas zhes bya ba ni tha snyad ji lta ba bzhin du med pa'i don la don yod pa nyid do /zhe bzung ba'i phyir ro/ /kun tu rtog pa'i rgyu mtshan zhes bya ba ni kun tu rtog pa zhes bya ba yid kyi rnam par shes pa kun tu brtags pa zhes bya ba'i mtshan mar bzung nas dmigs pa'i ngo bo nyid du skye'o/ /des kun nas brtags pa'i phyir ro/ /zhes bya ba ni kun tu rtogs zhes bya ba yid kyi rnam par shes pa des kun tu rtags pa zhes bya ba dmigs par 'gyur ba'i mtshan mas bzung nas kun tu rtog par byed pas don des na gzhan gyi dbang la kun tu brtags pa zhes bya'o/ /yid kyi rnam par shes pa kun tu rtog pas kun tu brtags pa nyid kyis kun tu brtags pa ji ltar kun tu brtags pa de bzhin du de gtan med pas 'di ltar don des na gzhan gyi dbang de nyid yongs su grub pa zhes bya'o/ /kun nas nyon mongs pa dang rnam par byang ba'i ngo bo nyid yongs su ma grub pa gzhan gyi dbang zhes bya ba ni gang gi phyir de lta bu'i gzhan gyi dbang de rnam par rtog par gyur na kun nas nyon mongs par 'gyur la/ rnam par mi rtog par gyur na rnam pa byang bar 'gyur ro/ /de dag gnyi ga'i sgra gcig tu zhugs bar gyur pa ni ma grub ba yin no/ /ngo bo nyid du kun tu rtog pa dang/ khyad par du kun tu rtog pa zhes bya ba de la/ ngo bo nyid du kun tu rtog pa ni ji ltar mig? la sogs pa rnams la mig gi ngo bo la sogs pa kun tu rtog pa'o/ /khyad par du kun tu rtog pa ni 'di lta ste/ de dag nyid kyi ngo bo ma rtog pa la sogs pa'i bye brag gis kun tu rtog par byed pa'o/ /rang bzhin gyis yongs su grub pa dang/ rnam par dag pa yongs su grub pa zhes bya ba de la/ rang bzhin gyis yongs su grub pa ni dri ma dang bcas pa'i de bzhin nyid do/ /rnam par dag pas yongs su grub pa ni dri ma med pa'i de bzhin nyid do/ /byang ba ni tha snyad la mkhas pa zhes bya ba ni tha snyad shes pa'o/ /tha snyad la mi mkhas pa rnams kyi zhes bya ba ni ba lang la sogs pa dag

  323. 162a

    gis te/ gang gi phyir de dag la rnam par rtog pa yod na yang yi ger rjod pas mi chus pa'i phyir ro/ /rnam par rtog pa thams cad bsdus nas rnam par rtog pa rnam pa bcur bstan te/ de la rtsa ba'i rnam par rtog pa zhes bya ba ni kun tu brtag par bya bas na rnam par rtog pa'i rtsa ba zhes bya ba'i tha tshig ste/ de yang kun gzhi rnam par shes pa'o/ /mtshan ma'i rnam par rtog pa zhes bya ba ni rgyu mtshan can gyi rang bzhin gyi rnam par rtog pa zhes bya ba'i tha tshig ste/ de lang gzugs la sogs ba'i rnam par rig pa'o/ /mtshan mar snang ba'i rnam par rtog pa zhes bya ba ni gang mtshan ma'i rnam pa can gyi rnam par rtog pa skye ba ste/ rnam par rtog par bya ba'am/ rnam par rtog pa zhes dbye ba byas te/ de yang mig gi rnam par shes pa la sogs pa'i rnam par rig pa rten dang bcas pa'o/ /mtshan mar 'gyur ba'i rnam par rtog pa zhes bya ba ni gang mtshan ma'i 'gyur ba la mtshan mar 'gyur ba'i bdag nyid can gyi rnam par rtog pa zhes byas ta/ rga ba la sogs pa zhes bya ba ni lus kyi 'byung ba chen po rnams kyi rang bzhin de ngas shing don gzhan du gyur ba ste/ der rnam par rtog pa ni mtshan mar 'gyur ba'i rnam par rtog pa zhes bya'o/ /sogs pa smos pa ni nad dang/ 'chi ba dang bsdu'o/ /bde ba'i tshor ba la sogs pa yang de bzhin te/ lus gzhan du 'gyur ba'o sogs pa smos pas ni sdug bsngal dang/ sdug bsngal yang ma yin bde ba yang ma yin pa bsdu'o/ /'dod chags la sogs pa la yang de bzhin te/ sogs pa smos pas ni zhe sdang dang gti mug bsdu'o/ /gnod pa dang dus kyi yongs su 'gyur ba la sogs ba zhes bya ba la/ de bzhin du lus gzhan du 'gyur ba ste/ gang rnam par rtog pa de la dmigs nas 'gyur ba'o/ /gnod ba zhes bya ba ni rdeg pa dang/ 'ching ba la sogs pa'o/ /dus kyi yongs su 'gyur ba zhes bya ba ni grang ba la sogs pa'i dus na gzhan

  324. 162b

    du yongs su 'gyur ba'o/ /dmyal ba ba'i 'gro ba la sogs pa yang re bzhin te/ sogs pas ni dud 'gro dang/ yi dags bsdu'o/ /'dod pa'i khams la sogs ba zhes bya ba snga ma bzhin te/ sogs pa smos pa ni gzugs dang gzugs med pa'i khams bsdu'o mtshan mar snang bar 'gyur ba'i rnam par rtog pa zhes bya ba la/ mig la sogs pa'i mig gi rnam par shes pa la sogs pa de'i mtshan mar snang bar gang 'gyur ba ste/ mtshan mar snang bar 'gyur ba'i bdag nyid kyi rnam par rtog pa'o/ /de lta bas na 'di dag gi yang ji lta ba bzhin du bstan pa'i rga ba la sogs pa gang gis de dang de'i gnas skabs su 'gyur bskyed par byed pa'o/ /gzhan gyis bstan pa'i rnam par rtog pa zhes bya ba ni gang gzhan gyis bstan pa'o/ /yang de ni rnam pa gnyis te/ dam pa ma yin pa'i chos nyan pa'i rjes su 'gro ba dang dam pa'i chos nyan pa'i rjes su 'gro ba'o/ /de yang rnam pa gnyis te/ chos rnams la rnam par rtog pa ni chos nyan pa'i rjes su 'gro ba ste/ dge ba rnams dang mi dge ba rnams zhes 'di ltar/ bsdu bar bya'o/ /tshul bzhin ma yin pa'i rnam par rtog pa zhes bya ba la/ de yang dam ba ma yin pa'i chos nyan pa las byung ba'o/ /'di las phyi rol ba rnams kyi zhes bya ba ni mu stegs pa rnams so/ /tshul bzhin gyi rnam par rtog pa zhes bya ba la/ de yang dam pa'i chos mnyan pa las byung ba ste/ chos 'di pa rnams zhes bya ba ni sangs rgyas pa rnams so/ /mngon par zhen pa'i rnam par rtog pa zhes bya ba ni gang tshul bzhin ma yin pa'i yid la byed pa'i rgyu las byung ba ste/ bdag tu lta ba la brten pa mdo las bstan pa'i lta ba drug cu rtsa gnyis su gtogs pa dang mtshungs par ldan pa'i rnam par rtog pa gang yin pa'o/ /rnam par g.yeng ba'i rnam par rtog pa zhes bya ba ni byang chub sems dpa' rnams kyi rnam par rtog par cu gang yin pa'o/ /de la dngos po med pa'i mtshan ma'i

  325. 163a

    rnam par g.yeng ba zhes bya ba ni dngos po med pa nyid mtshan ma ste/ rnam par g.yeng ba'o zhes byas nas/ /gang rnam par g.yeng ba de'i gnyen po ni shes rab kyi pha rol tu phyin pa'i gzhung las/ byang chub sems dpa' nyid yod bzhin du zhes bya ba ste/ yod ces smos pas ni byang chub sems dpa' stong pa nyid kyi bdag nyid du yod pa'o/ /'di ltar bstan ste/ gang las bstan pa nyid kyi bdag nyid yod pa de ni stong pa nyid kyi bdag nyid do zhes bya ba'o/ /dngos po'i mtshan ma'i rnam par g.yeng ba zhes bya ba ni dngos po nyid ni rnam par g.yeng ba'i mtshan ma ste/ de'i gnyen po ni yang gzhung de nyid las/ byang chub sems dpa' yang dag par rjes su mi mthong ngo zhes bya ba ste/ kun tu brtags pa dang/ gzhan gyi dbang gi bdag nyid can gyi yang dag par rjes su mi mthong ngo/ /zhes bya bar dgongs so/ /sgro 'dogs pa'i rnam par g.yeng ba zhes bya ba la/ de'i gnyen por ni yang gzhung de nyid las/ gzugs ni gzugs kyi ngo bo nyid kyis stong zhes bya ba la sogs pa gsungs pa ste/ kun tu brtags pa zhes bya ba'i tha tshig go /skur pa 'debs pa'i rnam par g.yeng ba zhes bya ba la/ de'i gnyen po 'di yang gzhung de nyid las/ stong pa nyid kyis ni ma yin no zhes bya ba ste/ chos nyid kyi ngo bo zhes bya ba'i tha tshig go/ gcig pu nyid du rnam par g.yeng ba zhes bya ba la/ de'i gnyen po'i gzhung ni gzugs kyi stong pa nyid gang yin pa de gzugs ma yin no zhes bya ba ste/ gal te gzhan gyi dbang dang/ yongs su grub pa dag gcig yin na des na gzhan gyi dbang yang yongs su grub pa bzhin du dmigs pa rnam par dag par 'gyur ro/ /tha dad pa nyid du rnam par g.yong ba zhes bya ba la/ de'i gnyen po'i gzhung ni gzugs ni stong pa nyid las gzhan pa yang ma yin te/ gzugs nyid stong pa nyid do zhes bya ba ste/ gang gi phyir de dag tha dad pa yin ma? chos las nyid tha

  326. 163b

    dad pa nyid du 'gyur na/ tha dad pa nyid du 'gyur ba ni rung ba ma yin te/ mi rtag pa'i mi rtag pa nyid bzhin no/ /kun tu brtags pa'i ngo bo yongs su bzung nas gzugs nyid stong pa nyid do/ /stong pa nyid gzugs so zhes bya ba ste/ gang kun tu brtag pa de'i ngo bo nyid med pa de ni stong pa nyid yin la/ gang stong pa nyid yin pa de ni de'i ngo bo nyid med pa yin gyi/ ji ltar gzhan gyi dbang dang yongs su grub pa dag ni ma yin no/ /ngo bo nyid du rnam par g.yeng ba zhes bya ba la/ de'i gnyen po'i gzhung ni rab 'byor 'di lta ste/ gzugs zhes bya ba 'di ni ming tsam mo/ /zhes bya ba ste/ gang gi phyir 'di la gzugs kyi ngo bo nyid yod pa ma yin no zhes bya ba'i tha tshig go/ khyad par du rnam par g.yeng ba zhes bya ba la/ de'i gnyen po ni ngo bo nyid ni mi skye mi 'gag /kun nas nyon mongs pa ma yin/ rnam bar byang ba ma yin no zhes bya ba ste/ de las ba ni kun nas nyon mongs pa'o/ /'gag pa ni rnam par byad ba ste/ de ltar mi skye mi 'gag/ kun nas nyon mongs pa ma yin/ rnam bar byad ba ma yin no zhes bya ba'i tha tshig ste/ rkang ba 'di rnams kyi don ni de yin no/ /ming ji lta ba bzhin du rnam par g.yeng ba zhes bya ba ni ming ji lta ba bzhin du don du rnam par g.yeng bar 'gyur ba'o/ /de'i gnyen po ni ming bcos ma la chos de dag so sor brtags nas zhes bya ba ste/ so sor zhes bya ba mi ming gang gi so sor ro// don ji lta ba bzhin du ming du rnam par g.yeng ba zhen bya ba la/ don ji lta ba bzhin du ming du rnam par g.yeng ba 'gyur ba ste/ de'i gnyen po ni glo bur ba'i ming gis tha snyad du byed de zhes bya ba ste/ don gyi ngo bo nyid kyi ming ni med do zhes bya ba'i tha tshig go rnam par/ g.yeng ba bcu po 'di dag gi gnyen por shes rab kyi pha rol tu phyin pa ste/ gang bstan pa'i rgyu las ni rnam par mi rtog ba'i ye shes 'byung bar 'gyur ro/ /gzhan gyi dbang gi ngo bo nyid kun tu brtags ba'i ngo bo nyid du ji ltar snang ba de'i bdag nyid ma

  327. 164a

    yin par ci mngon zhe na/ /de bstan pa ni ming gi snga rol na blo med pas de'i bdag nyid du 'gal ba'i phyir zhes bya ste/ gal te gzhan gyi dbang dang kun tu brtags pa dag gcig pa nyid du gyur na mid la ma bltos par blo don la 'jug par 'gyur te/ ji ltar bum pa zhes bya ba'i ming med par ni bum pa'i don la bum pa'i blo 'byung bar mi 'gyur ro/ /gal te yang bum pa zhes bya ba'i ming dang bum pa mtshan nyid gcig pa nyid yin na ni de la 'jug par 'gyur na yang gang gi phyir mtshan nyid gcig pa ni ma yin pa nyid de/ des na ming dang don de'i bdag nyid yin par 'gal bar 'gyur ro/ /yang 'dir ni ming ni gzhan gyi dbang yin la/ don ni kun brtags pa nyid du rnam par bzhag ste/ gang gi phyir ming gzhan gyi dbang gi stobs kyis don gcig la yang ming mang po kun tu rtog ste/ gal te ming dang don dag mtshan nyid gcig pa nyid yin na des na ming bzhin du don yang mang po nyid du 'gyur ro/ /de ltar gyur na don yang mang po'i bdag nyid du 'gyur bas don gcig mang po nyid kyang yin/ zhes bya ba ni 'di ltar 'gal bar nyid yin no/ /gzhan yang de dag ngo bo nyid gcig pa yin na 'gal ba gnyis pa 'dir yang thal bar 'gyur te/ gang gi phyir go'i? sgra don rnam pa bcu la 'jug par 'gyur ba lta bus ming la ni nges par med pa yin te/ des na gal te ming dang don dag gcig pa nyid du 'dod na ni don de gnyis kyi bdag nyid can yin pas 'gal bar 'gyur ro/ /de ltar 'dod/ na skyon gsum ba yang 'byung bar 'gyur te/ gang gi phyir bag chags la sogs pa mtshan nyid can gyi ming gi don rnams gcig pa nyid du 'gyur ro// don 'di nyid tshigs su bcas pas bstan pa la/ grub par 'gyur zhes bya ba ni gzhan gyi dbang dang kun tu brtags ba dag gcig pa nyid du grub pa'o/ /chos rnams med la dmigs pa dang zhes bya ba la sogs pa'i tshigs su bcad pa 'di ni sgyu ma la sogs

  328. 164b

    pa'i dpe dag gi slob ma yid ches bar byed pa yin te/ slob mas 'gal ba gnyis dris pa ni/ chos rnams med la dmigs pa dang/ nyon mongs med la rnam par dag pa 'gal lo zhes the tshom za bas de la sgyu ma'i dpes bstan te/ ji ltar sgyu ma'i glang po med bzhin du yang dmigs par 'gyur ba de bzhin du/ yang yod pa ma yin na yang dmigs su rung ngo zhes blta bar bya ba dang/ ji ltar nam mkha' rang bzhin gyis 'od gsal ba yin pa'i phyir khug rnal sogs pas bsgribs pa ma yin na yang de dag med pa tsam la dang ba zhes brjod pa bzhin du chos rnams kyang rang bzhin gyis 'od gsal ba yin ba'i phyir kun nas nyon mongs pa nyid med pa yin na yang glo bur ba'i dri ma sgrib g.yogs? su snang ba med par gyur pa ni yang rnam par dag par blta bar bya'o/ /gzhan gyi dbang ji ltar snang ba bzhin du med du zin cha gzhan gyi dbang gi ngo bo nyid thams cad kyi thams cad du med par ci'i phyir mi 'gyur/ de med na yang yongs su grub pa'i ngo bo nyid med par 'gyur te/ gang gi phyir kun nas nyon mongs pa la rnam par byang bar 'gyur bas so// des na de dag gnyi ga med na yang thams cad med par ji ltar mi 'gyur bas de bstan par bya ba'i phyir/ kun nas nyon mongs pa dang rnam par byang ba med pa'i nyes par 'gyur zhes bya ba la sogs pa bstan te/ gang gi phyir kun nas nyon mongs pa dang rnam par byang ba ni dmigs pa'i phyir ro/ /des na de dag gnyi ga dmigs bzhin du yang med do zhes 'dod pa des ni kun nas nyon mongs pa dang rnam par byang ba dag yod bzhin du yang med do zhes skur pa btab par 'gyur ro// //bam po bzhi pa// rang bzhin gyis rnam par byang ba zhes bya ba ni ngo bo nyid kyis rnam par byang ba'i ngo bo nyid de/ de yang de bzhin nyid du yod pa yin na sems can thams cad la spyi'i mtshan nyid kyis de ni yod pa nyid kyi phyir chos thams cad ni de bzhin gshegs apa'i snying po

  329. 165a

    can zhes gsungs so/ /dri ma med pas rnam par byang ba zhes bya ba ni de bzhin nyid de nyid nyon mongs pa dang shes bya'i sgrib pa zhes bya ba dri ma dang bral bar gyur ba'i phyir gang rnam par dag pa'i de bzhin nyid kyis rab tu phyi ba'i sangs rgyas nyid do/ de 'thob pa'i lam rnam par byang ba zhes bya ba ni de 'thob pa'i lam gang yin pa de yang rnam par byang ba ste/ de yang byang chub kyi phyogs dran pa nye bar gzhag pa la sogs pa dang/ pha rol tu phyin pa drug la sogs pa'o/ /de skyed pa nyid kyi dmigs pa rnam par byang ba zhes bya ba ni byang chub kyi phyogs kyi chos de rnams mngon par rtogs pa skyed pa yang yin la/ dmigs pa yang yin pas skyed pa nyid kyi dmigs pa'o/ /de rnam par byang ba yang yin pas de skyed pa nyid kyi dmigs pa rnam par byang ba zhes bya'o/ /de yang mdo'i sde la sogs pa gsung rab yan lag bcu gnyis su gtogs pa'i bstan pa ste/ gang gi phyir bstan pa gang yin pa de kun tu brtags pa yin na ni kun nas nyon mongs pa'i rgyu las byung bar 'gyur ro/ /'on te gzhan gyi dbang yin na ni bden pa ma yin pa'i don du 'gyur ro/ chos kyi dbyings rnam par dag pa'i rgyu mthun pa can yin pas de dag gnyi ga las rnam par grol ba'i phyir ma bden pa ma yin te/ yongs su grub pa nyid las 'byung ba 'gyur ba yin no/ /yang gang du rnam pa bzhi po de dag las gang yang rung ba zhig bstan pa ni theg pa chen po ste/ yongs su grub pa'i ngo bo ston pa yin no zhes 'di ltar rig par bya'o/ /de la dang po gnyis ni mi 'gyur bar yongs su grub pa nyid kyi yongs su grub pa'o/ /phyi ma ni phyin ci ma log par yongs su grub pa yin no/ /don 'di dag nyid tshigs su bcad pa phyi mas bstan to/ /byung rten sgyu ma la sogs bsten zhes bya ba ni gzhan gyi dbang du byung bar bsams pa'o/ /de yang gang du chos thams cad sgyu ma lta bu'o zhes bya ba nas sprul pa lta bu'o zhes bya ba'i bar gyis bstan pa ste/ de ni gzhan gyi dbang gi ngo bo bstan pa

  330. 165b

    yin par shes par bya'o/ /brtags la brten nas med pa bstan zhes bya ba ni gang du gzugs med ces bya ba nas/ chos thams cad med do zhes bya ba'i bar du bstan pa der ni kun tu brtags pa bstan pa yin par shes par bya'o/ /gang gi phyir gzhan gyi dbang gi ngo bo nyid sgyu ma la sogs pa'i dpe nyid kyis bstan pas de ston par mdzad pa ni de la nor ba nyid du som nyi za ba yin te/ nor ba nyid la som nyi za ba la gzhan gyi dbang gi ngo bo nyid sgyu ma'i dpes ston par mdzad de/ ji ltar sgyu ma'i glang po dang/ rta don du med na yang yul du 'gyur ba de bzhin du don yang blta bar bya'o// zhes de'i som nyi bzlog par bya ba'i phyir ro/ /gzhan yang sems dang sems las byung ba don med pa rnams dmigs pa med par ji ltar 'byung bar 'gyur snyam du som nyi za bar 'gyur bas de'i gnyen por smig rgyu ste/ de la smig rgyu'i gnas lta bu ni sems dang sems las byung ba'o/ /chu'i gnas lta bu ni don to/ des na ji ltar smig rgyu rgyu bar gyur pa na chu'i don med bzhin du yang chu'i don gyi blo skyed par byed pa'o/ /de bzhin du sems dang sems las byung ba'i rgyu bar gyur ba na yang yod pa ma yin pa'i don gyi blo 'byung bar 'gyur ro/ /yang byis pa rnams ji ltar don med na 'dod pa dang mi 'dod pa'i nye bar spyod pa ji ltar thob par 'gyur zhes som nyi za ba de bzlog par bya ba'i phyir gzhan gyi dbang ni rmi lam lta bu nyid de/ rmi lam na don ji lta ba bzhin du med na yang 'dod pa dang mi 'dod pa'i nye bar spyad ba thob pa mthong ba bzhin du 'dir yang de bzhin du 'gyur ro zhes shes par bya'o/ /yang don med na las dge ba dang mi dge ba rnams kyis 'bras bu 'dod pa dang mi 'dod pa ji ltar mngon par 'grub par 'gyur snyam du som nyi za ba de bzlog pa'i phyir gzugs brnyan gyi dpes chos mthun ba'i gzhan gyi dbang bstan te/ ji ltar gzugs kyi don med bzhin du yang gzugs brnyan la gzugs nyid kyi blo 'byung bar 'gyur na yang gzugs nyid kyi don yod pa ni ma yin pa de bzhin du 'dir yang 'dod pa dang mi 'dod pa'i 'bras bu'i don yod pa ma yin na

  331. 166a

    yang de dmigs pa nyid du blta bar bya'o/ /yang don med na ji ltar rnam par shes pa sna tshogs 'byung bar 'gyur snyam du som nyi za ba de'i gnyen por gzhan gyi dbang dang chos mthun pas mig yor gyi dpes bstan ste/ ji ltar grib ma'i rtsed mo 'dod pa'i dbang gis rnam pa sna tshogs su bsgyur bar byed pa na de ni mig yor gyi don med bzhin du yang rnam pa sna tshogs su snang ba ni dmigs so/ /de bzhin du rnam par shes pa yang don rnam pa sna tshogs med na yang don rnam pa sna tshogs pa nyid du snang ba yin no/ /yang don med na ji ltar tha snyad brjod pa sna tshogs 'byung bar 'gyur snyam du som nyi za ba de bzlog pa'i phyir brag cha lta bu nyid do zhes 'di ltar rnam par 'jog par byed de/ ji ltar don med bzhin du yang brag ca brag par dmigs par 'gyur ba de bzhin du yang tha snyad brjod pa sna tshogs med bzhin du de nye bar dmigs par 'gyur ro/ /yang don med na ji ltar mnyam par bzhag pa rnams kyi sems dang sems las byung ba rnams la 'jig rten pa'i don dmigs par 'gyur zhes bya ba dang/ mnyam par bzhag pa'i sems kyi ji lta ba bzhin du rab tu shes shing ji lta ba bzhin du mthong ngo/ /zhes 'di ltar 'byung ba de ji lta bu zhes som nyi za bas de'i gnyen por chos mthun ba chu zla'i dpes bstan te/ ji ltar chu la zla ba'i don med bzhin du yang brlan ba nyid dang/ dang ba'i phyir chu la de nye bar dmigs pa bzhin du mnyam par bzhag pa'i sems la dmigs pa'i don med bzhin du yang de nye bar dmigs par 'gyur te/ 'dir yang chu zla lta bu ni brlan pa'i bdag nyid can yin pa'i phyir ting nge 'dzin yin no/ /yang ji lta don med na sems can gyi bya ba bsgrub pa'i phyir byang chub sems dpa' de kho na nyid rtogs pa rnams sems can rnams kyi don gyi phyir blo sngon du btang nas 'gro ba de dang de dag tu bdag gi lus 'dzin par byed ces som nyi za ba de'i gnyen por gzhan gyi dbang dang chos mthun pa sprul pa lta bu na bstan te/ ji ltar sprul pa'i don med bzhin du

  332. 166b

    yang sprul pa'i dbang gis dgos pa sgrub par byed pa na yang sprul pa'i don dmigs pa bzhin du bdag gi lus len pa'i don med bzhin du yang sems can thams cad kyi don byed pa po'i bdag gi lus len pa'i don nye bar dmigs par blta bar bya'o/ /bcom ldan 'das kyis don ci la dgongs nas yod pa ma yin pa'i sgyu ma la sogs pa'i dpe brgyad bstan ce na/ de bstan par bya'o/ /de la re zhig sgyu ma'i dpe ni nang gi bdag nyid can gyi skye mched drug po mig la sogs pa rnams kyi gnyen po ste/ gang gi phyir sgyu ma'i glang po bzhin du de dag yod pa ma yin na yang nye bar dmigs pa nyid du blta bar bya'o zhes ston to/ /smig rgyu'i dpes kyang gang gi phyir snod kyi 'jig rten de rnams kyang de dang mtshungs pa'i phyir smig rgyu bzhin te/ yod ba ma yin na yang gdungs pa'i dbang gis chur dmigs pa bzhin no/ /gzugs la sogs pa nye bar spyod pa'i gnyen po ni rmi lam gyi dpes te/ des na rmi lam bzhin du gzugs la sogs pa 'di dag yod pa ma yin na yang de las byung ba'i 'dod pa dang mi 'dod pa'i nye bar spyad pa yang de bzhin du bstan to/ /lus kyi las kyi gnyen por gzugs brnyan gyi dpe 'dra bar nye bar bstan te/ des na lus kyi las dge ba dang/ mi dge ba la brten nas/ de las gzhan pa'i gzugs kyi gzugs brnyan 'byung ngo zhes ston to/ /ngag gi las kyi gnyen por ni brag ca'i dpe bstan te/ ngag gi las kyi rgyu nyid las ngag gi las kyi 'bras bu brag ca lta bu nyid du des bstan to/ /yid kyi las ni rnam pa gsum ste/ mnyam par bzhag pa'i sa pa dang/ thos pa'i rjes su 'gro ba dang/ 'dod pa na spyod pa'o/ /de la mnyam par ma bzhag pa'i sa pa gang yin pa'i gnyen por mig yor lta bu nyid ces bstan te/ des ni mig yor lta bu zhes yid kyi las kyi 'bras bu bstan to/ /mnyam par bzhag pa'i sa pa'i yid kyi las kyi gnyen por ni chu zla'i

  333. 167a

    dpe ste/ des ni mi nyam par bzhag pa'i sa pa'i yid kyi las ni chu'i zla ba dang 'dra'o zhes bstan to/ /thos pa'i rjes su 'gro ba'i yid kyi las kyi gnyen por ni sprul pa'i dpe ste/ de la thos pa'i rjes su 'gro ba ni thos pa dang bsam pas bsgos pa'o/ /des ni thos pa'i rjes su 'gro ba'i yid kyi 'jug pa ni sgyu ma dang 'dra'o zhes bstan to/ /ngo bo nyid gsum gyi mtshan nyid kyi chos kyi chos nyid de dag ji ltar mdo las 'byung ba dang rjes su mthun par 'gyur ba yin zhe na/ de? ni de bstan par bya ba'i phyir/ tshangs pas zhus pa las bcom ldan 'das kyis ci las dgongs te/ de bzhin gshegs pa 'khor ba yang ma dmigs mya ngan las 'das pa yang ma dmigs zhes bstan ces bya ba gang/ 'khor ba dang mya ngan las 'das pa nyid bye brag med pa las dgongs nas bstan ces bya ba ste/ gzhan gyi dbang ni 'khor ba na yin te/ gang gi phyir de mya ngan las 'das par 'gyur bas so/ /kun tu brtags pa'i chos ni de mya ngan las 'das pa yang ma yin te 'khor ba yin no/ / des na gcig pa nyid du brjod par mi nus par gzigs nas gcig nyid du zhugs pa'i bye brag gi ngo bo med pas 'khor ba yang ma dmigs la mya ngan las 'das pa yang ma dmigs zhes bya ba ni de la dgongs nas der gsungs pa yin no/ /de bzhin du kun tu brtags pa'i ngo bo nyid ni kun nas nyon mongs pa nyid do/ /yongs su grub pa'i ngo bo nyid ni rnam par byang ba nyid do/ /gzhan gyi dbang ni de dag gnyi ga'i bdag nyid yin pa nyid de/ de la dgong pa nas chos mngon pa'i mdo las chos ni gsum ste/ kun nas nyon mongs pa'i char gtogs pa dang/ rnam par byang pa'i char gtogs pa dang/ de gnyi ga'i char gtogs pa'o zhes bya ba bstan pa yin no/ /de yang gser gyi snying po can gyi sa'i dpes bstan te/ de la sa khong na gser yod pa zhes bya ba ni gser gyi

  334. 167b

    sa bon no/ /sa'i khams ni sa? ba nyid do/ /sa ni nye bar rten pa'i gzugs sa'i kha dog gang yin pa ste/ de la gsum po de dag nye bar dmigs pa yin no/ /gser ni sa nyid du snang ba'o/ /de'i gser nyid du shes pa ni phyis 'byung bar 'gyur te/ gang gi tshe? ma? dang 'brel bar gyur ba na/ gser nyid du dmigs par 'gyur ba ste/ des na de yod pa nyid du grub par 'gyur ro/ /don gyi tshigs su bcad pa ni/ ji ltar chos rnams yod min zhing/ ji ltar rnam pa du mar snang zhes bya ba la go rim bzhin du/ de bzhin chos dang chos med min zhes bya ba dang sbyar te/ rgyu gang gis gang gi phyir med pa des na chos rnams yod pa ma yin zhing gang gi phyir snang ba des na chos med pa yang ma yin te/ chos yin no zhes bya ba'i tha tshig go /des na/ de bzhin chos dang chos med min/ /gnyis su med pa gnyis su bstan/ /cha res zhes bya ba ste/ mdza' gcig gis so/ /med pa dang yod pa zhes bya ba ni dngos po dang dngos po med pa'o/ /rab tu bstan zhes bya ba ni bshad pa'o/ /gnyi ga'i cha na yod min zhing/ med pa 'ang min zhes brjod par mdzad ces bya ba ni gang gi phyir gnyi ga'i bdag nyid can gyi gzhan gyi dbang yongs su bzung nas yod pa dang med pa nyid du bstan pa'o/ /ji ltar snang ba de bzhin med ces bya ba ni ji ltar dmigs pa de dang de bzhin du med pa ste/ de phyir med ces brjod par mdzad/ gang gi phyir de ltar snang gyur ba zhes bya ba la/ snang ba tsam du yod pa'i/ phyir yod pa zhes brjod pas de'i phyir yod ces brjod par mdzad ces bya ba'o/ /gang las dgongs na ngo bo nyid med par bstan pa yin pa de ston par byed pa ni/ rang dang zhes bya ba la/ gang gi rang nyid rkyen med par mi 'byung zhes bya ba ste/ re zhig ngo bo nyid med pa nyid kyi dgongs pa gcig yin no/ /chos rnams kyi bdag nyid med pa'i phyir zhes bya ba ni yang 'di'i dgongs pa ni 'di yin te gang 'gags pa de ni de'i bdag nyid du yang

  335. 168a

    mi 'byung bas de'i phyir na yang ngo bo nyid med do/ /rang gi dngos la mi gnas phyir zhes bya ba ni byung ba tsam nyid na skad cig phyi mar mi gnas pa ste/ gnas par mi nus pa'i phyir na yang ngo bo nyid med do/ /de lta bu ni re zhig nyan thos dang thun mong gi chos rnams kyi ngo bo nyid med pa nyid do/ /bzung ba bzhin du de med phyir zhes bya ba ni 'dis ni nyan thos dang thun mong ma yin pa ste/ gang gi phyir ji ltar byis pas yongs su bzung ba'i kun tu brtags pa'i ngo bo ni de bzhin du med pas de las dgongs nas theg pa chen po'i tshul 'dir chos thams cad kyi ngo bo nyid med pa'o zhes gsungs so/ /thams cad ngo bo nyid med pa nyid ni 'di ltar grub pa yin ba te/ skye ba med pa la sogs pas so/ /gang gi phyir gang ngo bo nyid med pa de ni ma skyes pa'o// gang ma skyes pa de ni ma 'gags pa'o/ /gang ma skyes ma 'gags pa de ni gdod ma nas zhi ba'o/ /gang gdod ma nas zhi ba de ni rang bzhin gyi mya ngan las 'das pa yin pas so/ /phyi ma phyi ma brten byas te/ zhes bya ba ni phyi ma phyi ma'i rgyu'i ngo bo yin no zhes bya ba'i tha tshig go /mnyam pa nyid la dgongs pa ni ji ltar kha cig mnyam pa nyid kyi chos nyid la bsams nas de gang yin pa ni bdag yin la bdag gang yin pa ni de yin no/ /zhes smras pa ltar/ bcom ldan 'das kyis kyang chos kyi sku mtshungs pa thugs la bzhag nas/ nga nyid de'i tshe de'i dus na zhes bya ba la sogs pa bstan pa yin gyi/ rnam par gzigs gang yin pa de ni shAkya thub pa nyid ni ma yin te/ mnyam pa nyid la dgongs pa ni 'di yin no/ /dus gzhan la dgongs pa zhes bya ba la/ /gang snyom las mang ba rnams thams cad rnam pa 'di nyid kyis chos 'di la sbyor bar byed pa yin te/ de bzhin gshegs pa rin chen mang gi mtshan bzung ba'i rgyu las byung ba'i dge ba'i rtsa ba des de dag khyad par thob pa'i

  336. 168b

    rgyur 'gyur ba tsam la dgongs nas yin gyi/ mtshan bzung ba tsam nyid kyis nges pa la 'jug par 'gyur zhing/ bla na med pa'i byang chub 'thob pa ni ma yin te/ ji ltar ba na gcig stong du bsgyur zhes brjod pa de ni nyi ma gcig gis sam/ dus gzhan na zhes bya ba'i don te/ pa na gcig po de nyid pa na stong gi rgyur gyur pa bzhin no/ /smon lam btab pa tsam gyis 'jig rten gyi khams bde ba can du skye bar 'gyur ro/ /zhes bya ba yang de bzhin du blta bar bya'o/ /don gzhan la dgongs pa ni theg pa chen po'i chos kyi don du chud par 'gyur ro zhes bya ba la/ ngo bo nyid gsum gyi don gyi mtshan nyid rang gis khong du chud par ni 'gyur ro/ /gal te sgra ji bzhin du don khong du chud pa 'di bcom ldan 'das kyis bzhed pa yin na ni 'di ltar byis pas kyang rtogs par 'gyur pas des na dgongs pa 'di'i don 'di ni/ sangs rgyas mang po bsnyen bkur byas par gyur pas ni ma yin no zhes bya ba'o/ /gang zag gi bsam pa la dgongs pa ni zhes bya ba la/ kha cig la sbyin pa'i bsngags pa gsung la/ yang de nyid ni mi bsngags par yang mdzad do/ /de la 'di ni gang zag gi bsam pa la dgongs pa yin te/ gang zag gang ser sna can du gyur ba de la ni sbyin pa bsngags par mdzad la/ gang sbyin pa la mos pa yod pa de la de nyid bsngags par mi mdzad de/ des na dgongs pa 'di med na sbyin pa la bsngags pa dang ma bsngags pa 'gal ba nyid kyi phyir dgongs pa 'di nyid kyis ni sbyin pa la bsngags pa dang mi bsngags pa rig par 'gyur ro/ /de bzhin du tshul khrims la sogs pa la yang blta bar bya'o/ /sgom pa la? cig kyang zhes bya ba ni 'jig rten pa'i sgom pa'o/ /dgongs pa dang ldem por dgongs pa la tha dad du bya ba ci yod ce na/ bcom ldan 'das kyis gang thugs la bzhag pa ston par mdzad pa de ni dgongs pa yin no/ /gang nyid kyis

  337. 169a

    nges par bstan pa la 'jug par mdzad pa de ni ldem por dgongs pa yin no/ /de la gzhug pa la ldem por dgongs pa ni gang du gang zag dang chos kyi ngo bo dang/ khyad par du kun rdzob kying? den? pa'i tshul du sems can rnams gzhug pa'i phyir bstan pa ni gzhug pa la ldem por dgongs pa'o/ /de la mtshan nyid la ldem por dgongs pa ni gang du chos kyi mtshan nyid bstan par bya ba der ngo bo nyid gsum ston pa'o/ /gnyen po la ldem por dgongs pa ni gang du sems can rnams kyi spyod pa'i gnyen po bstan pa ste/ sems can rnams nyon mongs pa'i gnyen po la gnas par bya ba'i phyir ro/ /bsgyur ba la ldem por dgongs pa ni gang du tshig gi don gzhan du brjod la/ don de nyid gzhan du ston pa ste/ dper na snying po med la snying por shes/ phyin ci log la shin tu gnas/ /nyon mongs kun nas rab nyon mongs/ /byang chub dam pa thob bar 'gyur zhes bya ba lta bu'o/ /de la snying po med ces bya ba ni ting nge 'dzin te/ 'phro ba med pa ni snying ba'o/ /zhes byas nas te/ de la bla ma'i blo 'byung ba ni snying por shes pa'o/ /phyin ci log la shin tu gnas zhes bya ba ni mi mthun pa la rab tu gnas zhes bya ba'i tha tshig ste/ mi rtag pa la rtag pa'o zhes gang phyin ci log pa de ni rtag pa las bzlog pa'i mi rtag pa la rab tu gnas zhes bya ba'i tha tshig go/ nyon mongs kun nas rab nyon mongs zhes bya ba la/ nyon mongs pa ni ngal ba ste/ de nyid kyis ni yun ring por sems can gyi don la rab tu nyon mongs te/ ji ltar nyon mongs par gyur kyang dus ring por 'khor ba na 'di ltar gnas so zhes gsungs pa lta bu'o/ /byang chub dam pa thob par 'gyur zhes bya ba'i tshig gi don go sla'o/ /chos rnams brjod pa'i bag chags las 'byung ste/ de dag nyid las te zhes bya ba de la/ brjod pa'i bag chags las te/ rnam par rtog pa dang phyi rol gyi

  338. 169b

    bag chags kun gzhi rnam par shes pa la kun tu gnas pa'o/ /bag chags de las byung ba ni chos thams cad de/ gang 'jug pa'i rnam par shes pa'i ngo bo'o/ /de dag nyid las te zhes bya ba ni rnam par rtog pa'i bag chags de yang chos kyi rgyu las byung ngo zhes bya ba'i rda tshig go /des ni kun gzhi rnam par shes pa dang 'jug pa'i rnam par shes pa dag phan tshun gyi rgyu can du bstan to/ /'jug pa'i rnam par shes pa'i mtshan nyid kyis chos de dag ni rgyu mtshan lta ba dang bcas pa'i rnam par rig pa'i ngo bo nyid do zhes bya ba ni gang rnam par rig ba rgyu mtshan dang bcas/ lta ba dang bcas pa de'i bdag nyid can no zhes bya ba'i tha chag go /de dag gi mtshan nyid kyang rnam pa gsum ste/ 'di ltar gnas kyi mtshan nyid ces bya ba ni gzhan gyi dbang gi mtshan nyid do/ /de ltar bstan pa 'di ni ngo bo nyid gsum gyi mtshan nyid bstan pa yin no/ /de dag gi don yang tshigs? su bcad pa phyed kyis bstan te/ rgyu mtshan lta dang bcas pa las/ /de dag mtshan nyid gsum shes bya zhes bshad pa ji lta ba bzhin du bstan par bya'o/ /de gnyi ga med pa dang yod par mi dmigs pa 'am/ dmigs pa'am/ de kho na nyin mthong ba dang mthong ba dag dus mnyam pa nyid du zhes bya ba la/ de gnyi ga tsam ni kun tu brtags pa dang/ yongs su grub pa'o/ /de gnyis las gcig ni med pa'o/ /gnyis pa ni yod pa ste/ des na de dag gnyi ga med pa dang yod par zhes gsungs pa yin te/ gang gi phyir de kho na nyid ma mthong ba la kun tu brtags pa nye bar dmigs shing yongs su grub pa dmigs par mi 'gyur ro/ /dus de nyid na de kho na nyid mthong ba la kun tu brtags pa ni mi dmigs la yongs su grub pa ni dmigs par 'gyur ro/ /don de dag nyid tshigs su bcad pas ston pa ni/ gzhan dbang la ni brtags pa med ces bya ba la sogs pa smos te/ de'i phyir de la gnyi ga mnyam zhes bya ba la/ mnyam pa zhes bya ba ni

  339. 170a

    dus gcig tu'o/ /de la zhes bya ba ni gzhan gyi dbang de la'o/ /gnyi ga zhes bya ba ni de kho na nyid mthong ba dang/ ma mthong ba dag go /de phyir zhes bya ba ni rgyu des na zhes bya ba'i tha tshig ste 'di ltar gzhan gyi dbang la kun tu brtags pa ni med la/ yongs su grub pa ni yod do zhes bya ba'i don to/ /byas pa phyin? ci log tu 'dzin ba la sdang bstan pa'i tshig gi don tshig lhag mas yang dag par ston te/ de la kun tu spyod pa gnyis mi mnga' ba zhes bya ba ni gnyis su spyod pa 'di la mi mnga' bas de ni kun tu spyod pa gnyis mi mnga' ba ste/ ji ltar nyan thos dang/ rang sangs rgyas rnams kyi shes pa ni bsgribs pa dang ma bsgribs pa can yin no zhes bya ba'i don to/ /yod pa dang med pa gnyis su med pa'i mtshan nyid mchog tu rnam par dag pa ste/ rnam par dag pa'i de bzhin nyid de ni mtshan nyid med pa'i chos te/ gang gi phyir re zhig 'di la dngos po'i mtshan nyid ni med de/ 'di ltar chos thams cad med pas so/ /med pa'i mtshan nyid kyang ma yin te/ dngos po'i rang gi mtshan nyid la gnas pas so/ /mtshan nyid med pa'i chos mchog tu rnam par dag pa rtogs pas na de ni de bzhin nyid mchog tu rnam par dag par gshegs par mdzad pa'i yon tan zhes bya ba ste/ mchog nyid du rtogs pa na mchog tu gshegs par mdzad pa ste/ gshegs pa zhes bya ba ni 'gro ba zhes bya ba'i don yin pa'i phyir 'gro pa'i tha tshig go /sangs rgyas kyi mdzad ba lhun gyis grub pa rgyun mi 'chad par gnas pa'i yon tan zhes bya ba la/ sangs rgyas kyis mdzad pa la dmigs nas gnas pa ste/ des rnam par gnas zhes bya ba'i tha tshig go /sgrib pa thams cad kyi gnyen po bsgoms pa'i yon tan dang zhes bya ba ni sgrib pa thams cad kyi gnyen po 'di ltar

  340. 170b

    dus thams cad du bsgoms pa'i blo'o/ /'jig rten du skyes kyang 'jig rten gyi chos kyis mi 'phrogs pa zhes bya ba la/ de 'jig rten gyi spyod yul du 'jig rten du skyes pa'i phyir 'jig rten du skyes pa yin? na yang rnyed pa la sogs pa'i 'jig rten pa'i chos kyis 'di ltar mi gos pa'o/ /chos rnam par bzhag pa'i yon tan zhes bya ba ni tshad med pa nyid dang/ bsam gyis mi khyab pa nyid kyi mdo sde la sogs pa'i chos byis pas rtogs par dka' ba rnams mkhyen pas shin tu rnam par dag pa'i blo mnga' ba ste/ shin tu rnam par dag pa'i blo zhes bya ba'i tshig 'di dag ni tshig so so thams cad la sbrel bar bya'o/ /phyi ma la chos 'byung ba mkhyen pa'i yon tan ni ye shes kyis ma 'ongs pa na chos 'di lta bu 'byung ngo zhes bya ba mkhyen pa'i tha tshig go /sku dpag tu med pas sems can 'dul ba sbyor ba'i yon tan zhes bya ba la/ byang chub sems dpa' lus dpag tu med pa gang gis sems can rnams 'dul bar mdzad pa ste/ des sangs rgyas bdag dang gzhan mnyam pa nyid du shes pa 'thob pa dang/ ye shes mnos pa nyid yin pa'i phyir sangs rgyas nyid kyi gdul bya rnams la mdzad par 'gyur ro zhes bya ba 'di don to/ /chos kyi sku mnyam pa la pha rol tu phyin pa rnams grub pa'i yon tan zhes bya ba ni gnyis su med pa'i chos chos kyi sku ni chos kyi sku mnyam pa ste/ de lta bas na 'dir gnyis su med pa'i sku shin rnam par dag pa'i pha rol tu phyin pa thob ces bya ba'i tha tshig go /de bzhin gshegs pa tha mi dad pa rnam par thar par mdzad pa'i ye shes kyi mthar phyin pa zhes bya ba ni de bzhin gshegs pa tha mi dad pa la mos par mdzad pa'i ye shes kyis mthar phyin pa zhes bya ste/ 'dir rnam par thar pa ni mos pa'o/ /sangs rgyas kyi sku gsum gyi yul yongs su chad ba'i yon tan zhes bya ba la/ 'di ltar re zhig chos

  341. 171a

    kyi sku yul ni 'di dag go zhes yongs su bcad par mi nus so/ /de bzhin du longs spyod rdzogs pa dang/ sbrul pa'i sku yang 'jig rten khams 'di snyed do zhes bcad par mi nus so/ /chos kyi dbyings kyi mchog ces bya ba ni gang 'dir rnam par dag pa'i chos kyi dbyings de ni mchog yin pas chos kyi dbyings de yang mchog yin no/ /nam mkha' i khams kyi mkhas gtugs pa zhes bya ba ni nam mkha' ltar sangs rgyas kyi ye shes mi zad ba'i phyir shin tu rnam par dag pa'i blo mnga' ba zhes bya'o/ /yang don gyi dbang du bya ba'i sems can thams cad la phan pa dang bde bar bya ba'i lhag pa'i bsam pa zhes bya ba gzhan gyi don 'di ni las kyi tshig lhag ma bcu drug gis bstan te/ de la bde bar bya ba'i lhag pa'i bsam pa'i las ji lta bu zhig ce na/ thams cad mkhyen pa'i ye shes la 'dzud pa zhes bya ba ste/ 'di ltar sems can de dag thams cad mkhyen pa'i ye shes la btsud par gyur bas des kyang gcig nas gcig tu brgyud pa'i sbyor bar mar me gcig las mar me stong du gyur pa ltar bde bar bya ba'i lhag pa'i bsam pa yang dag par bstan par 'gyur ro/ /de bzhin du tshig thams cad la yang phan pa dang bde bar bya ba'i lhag pa'i bsam pa sbyar bar bya'o/ /bdag ci'i phyir zhes yongs su shes pa dang zhes bya ba ni phan pa dang bde bar bya ba'i lhag pa'i bsam pa yod la/ /yang phyin ci log kyang yod na ni 'di ltar la la phan pa dang bde bar bya ba'i lhag pa'i bsam pa nyid kyis myos par 'gyur ba'i btud ba la sogs pa la nges par sbyor bar byed do/ /gal te des bdag nyid yang dag pa ji lta ba bzhin du yongs su shes pa yin na/ de dang rjes su mthun pa la sems can rnams la yang nye bar ston par byed do/ /nga rgyal dang ldan par gyur ba ni mi shes bzhin du 'di ltar

  342. 171b

    phan gdags pa'i sems kyis phan pa la sbyor ba byed do zhes bya ba'i tha tshig go /nga rgyal bcom pa zhes bya ba ni 'di ltar nga rgyal bcom pa'i sems kyis gsol ba 'debs pa la sdod pa med par chos ston pa zhes bya ba'i tha tshig go /lhag pa'i bsam pa brtan pa zhes bya ba ni 'di ltar sems can phyin ci log tu sgrub pa la sems brtan pa nyid kyi phyir 'phros pas phan pa'i lhag pa'i bsam pa mi 'dor ba zhes bya ba'i tha tshig go/ bcos ma ma yin par byams pa zhes bya ba ni gang rnyed pa'i rgyus sems can rnams la phan pa dang bde ba mi byed pa dang lhag pa'i bsam pa dang ldan pa dang/ phan pa byed pa yin no zhes ji ltar shes par 'gyur zhes bya ba ma yin pa'o/ /de dang mthun pa'i lus dang ngag gi las dag ste/ de la tshig cung zad kyis sngon du gsong bor smra ba ni ngag? gi las so/ /'dir bde ba nyid rgyun mi gcod pa'i snying rje chen po dang/ bzhin 'dzum pa'i lus kyi las te/ de la tshig cung zad ces bya ba ni 'di ltar chos kyi gtam byed pa'o/ /snying rje chen po yongs su ma chad pa ni sdug bsngal gyi sdug bsngal gyis sdug bsngal ba dang/ bde ba rnams ni 'gyur ba'i sdug bsngal dang/ sdug bsngal yang ma yin bde ba yang ma yin pa ni 'du byed kyi sdug bsngal nyid kyis sdug bsngal ba la bde ba dang/ /thos pa dang don gyis ngoms mi myong ba zhes bya ba ni gang thos pa mang po nyid yin na yang btang snyoms dang bcas par mi 'gyur ba'o/ /spyod lam thams cad du byang chub kyi sems yongs su sbyong bar byed pa dang zhes bya ba'i tshig gi don ni sbyod lam yongs su dag pa'i don bzhin no/ /

  343. 172a

    khyad? par du 'gro ba'i las zhes bya ba la/ phan pa'i lhag pa'i bsam pa 'phel bar byed pa'i rgyur gyur pa yongs su rdzogs pa sbyor ba'i las drug po 'di dag mang du byas pas rdzogs par 'gyur ro/ /gus par byas te dgon pa la gnas zhes bya ba ni de la gnas pa na bden pa ma yin pa'i rnam par rtog pa yongs su spong ba'o/ /'jig rten sna tshogs zhes bya ba ni gang dang gang byed pa la sogs pa'o/ /'grub par sbyor ba'i las zhes bya ba ni de'i rdzogs par byed pa'i las kyi rtags so/ /mthu thob pa zhes bya ba ni mngon par shes pa drug go ye shes la rton pa zhes bya ba ni ye shes la rton gyi rnam par shes pa la ni ma yin te/ so so rang gis rig pa'i bdag nyid kyi ye shes bskyed nas ye shes de la mngon sum du sbyor ba'i tshul gyis chos la rab tu gnas pa'o/ /de 'jog pa'i las zhes bya ba ni phan pa dang bde ba bya ba'i lhag pa'i bsam pa gang gis phan pa dang bde ba de nyid la sems can rnams rab tu 'god par byed pa'o/ /de la tshogs yongs su sdud pa'i yon tan zhes bya ba gang gis tshul khrims 'chal pa gang yongs su btong bar mi byed cing thams cad du spong ba ma yin te/ mi dge ba las bslad nas dge ba las sbyor bar byed pa'o/ /the tshom med par 'doms shing rjes su ston pa zhes bya ba ni gang la cha gcig gis gdams ngag byas pa de la yang bdag gis khyod la bstan pa de la bdag gis legs par bstan pa ma yin no/ /zhes brjod par mi byed pa ste/ des na de'i tshig bzung bar 'os par 'gyur ba'o/ /chos dang zang zing gis sdud pa yang gang bden par smra bar byed pa'i chos dang zang zing chos gos la sogs pa de rnams kyis bsdus pa de dag gis kyang de bzhin du sgrub par byed do/ /sems kun nas nyon mongs pa can ma yin pa zhes bya ba ni gang byang chub

  344. 172b

    kyi sems yongs su bzung nas sems can gyi don byed pa yin gyi/ bdag nyid yongs su spyod par byed pa ni ma yin no/ /de lta na yang dge ba'i rtsa ba 'dis bla na med pa yang dag par rdzogs pa'i byang chub mngon par rdzogs par sangs rgyas nas sems can rnams nye bar bsdud par byed par shog cig ces bya ba lta bu'o/ /don 'di dag nyid tshig su bcad pas/ dang po'i tshig ni nyer bzung nas zhes bya ba la sogs pas bstan to/ /de ltar re zhig shes bya dang/ mtshan nyid rnam pa gnyis so// // ji ltar 'jug par 'gyur ba de bstan par bya'o/ /de la shes bya dang mtshan nyid la 'jug pa ji lta bu zhe na/ bsod nams dang ye shes kyi tshogs legs par bsags pa'i byang chub sems dpa' o/ /zhes bya ba'o/ /yang de ni rim pa ji lta bus bsod nams dang ye shes kyi tshogs yongs su rdzogs bar byed ce na/ rgyu'i stobs dang/ dge ba'i bshes gnyen gyi stobs dang/ yid la byed pa'i stobs dang/ nye bar ston pa'i stobs kyis so/ /de la tshig gnyis kyis ni stobs gnyis la grangs bzhin rig par bya'o/ / de la yid la byed pa'i stobs kyis ni gcig tu mos par byed pa'o/ /de yang theg pa chen po'i bag chags kyi rgyu can no/ /de la gcig tu lhag par mos pa yod na sgrub ba la yang dag par 'jug go /sgrub pa la yang dag par gnas na dge ba'i rtsa ba nye bar sogs par 'gyur te/ de ltar na yid la byed pa'i stobs kyis bsod nams dang ye shes kyi tshogs legs par sogs par 'gyur bas go rim gyi tshul ni de ltar ro/ /de ltar na bsod nams dang ye shes kyi tshogs legs par bsags pa ni sa la 'jug par 'gyur la/ de ltar nye bar bstan par gyur pa ni nye bar rten pa'i stobs kyis theg pa chen po'i chos kyi rgyu las byung ba zhes bya ba ste/ bstan pa'i chos la dmigs pa zhes bya ba'i don to/ /gang gis 'jug ce na/ dge ba'i rtsa ba'i stobs

  345. 173a

    bskyed pa dang/ rnam pa gsum gyis sems sbyong ba zhes bya ba nas rtag tu dang gus par byas te sbyor ba dang/ bag yod pas 'jug go zhes bya ba'i bar gyis so/ /dge ba'i rtsa pa'i stobs bskyed pa ni yang ji skad bstan pa'i tshig brgyad la sbyar bar bya'o/ /de la zhum pa gsum gyi gnyen por sems sbyong ba rnam pa gsum ste/ de yang 'di ltar byang chub sems dpas mchog tu zab cing rgya che ba'i bla na med pa yang dag par rdzogs pa'i byang chub mngon par rdzogs par 'tshang rgya bar rtogs par dka' ba thos pa na zhum par 'gyur te/ de'i gnyen por ni sems sbyong ba dang pa'o/ /yang byang chub sems dpas mchog tu zab cing rgya che ba rtogs par dka' ba'i pha rol tu phyin pa sgrub pa la zhum par 'gyur te/ de'i gnyen por sems sbyor ba gnyis pa bstan te/ bsam pa gang gis sbyin pa la sogs pa pha rol tu phyin pa rnams la kun tu gcod pa'i bsam pa zhes bya ba de la/ bsam pa ni dad pa dang 'dun pa'o/ /yod pa dang/ yon tan dang ldan pa dang/ nus pa nyid dang/ pha rol tu phyin pa la yid ches pa nyid de ni byang chub sems dpa' i dad pa'o/ /dad pas bskyed pa'i nan tan byed par 'dod pa nyid ni 'dun pa'o/ /de lta bu'i dad pa dang 'dun pa'i ngo bo nyid kyi bsam pa thob par gyur pa'i byang chub sems dpa' ni tshogs chung ngu nyid kyis pha rol tu phyin pa drug sgom pa yongs su rdzogs par 'gyur ro/ /yang byang chub sems dpa' sangs rgyas rnams kyi zab cing rgya che ba'i chos rab tu 'byed pa la mkhas par gnas pa na 'di ltar sems par byed de/ 'di ltar bla na med pa yang dag par rdzogs pa'i byang chub skad cig ma gcig tu gtogs pa 'thob par bya'o zhes bya ba ni rtogs par dka' o zhes zhum par 'gyur bas de'i gnyen por sems sbyong ba gsum pa bdag dge ba sgrib pa med pa

  346. 173b

    zhes bya ba la sogs pa ste/ gang gi phyir bdag sa bcu po thams cad thams cad du ye shes kyi tshogs legs par bsags pa lta zhes bya bar sbyar ro/ /dge ba sgrib pa med pa dang zhes bya ba ni 'dod chags dang bcas pa'i gnas ngan len bsrabs par byed cing dbral bar dka' ba'i sgrib pa 'byed pa rdo rje lta bu'i ting nge 'dzin te/ ting nge 'dzin gyi bar mtshams med pas sgrib pa thams cad dang bral zhing de'i rten gnas gyur pa des thob par 'gyur ro/ /zhes bya'o/ /shi ba tsam nyid dang ni rnam par bral ba nyid chos mthun pa nyid du 'dod do/ /phun sum tshogs pa ni rnam pa thams cad mkhyen pa'o/ /the tshom thams cad the tshom med par gzung bar bya'o/ /zhes bya ba ni gang theg pa chen po'i chos kyi mtshan nyid rnam par bzhag pa la brtsams nas ngo bo nyid gsum ston pa ste/ 'di lta ste/ chos thams cad do ngo bo nyid med pa ma skyes pa/ ma 'gags pa/ gdong ma nas zhi pa'o/ /chos thams cad ni rang bzhin gyis mya ngan las 'das pa'o/ /zhes bya ba la sogs pa med pa'i grangs kyis kun tu brtags pa'i ngo bo nye bar gzung bar bya'o/ /sgyu ma dang/ smig rgyu dang/ rmi lam dang/ mig yor dang/ gzugs brnyan dang/ chu zla dang/ sprul pa bstan pas ni gzhan gyi dbang gi ngo bo nye bar gzung bar bya'o/ /de bzhin nyid dang/ yang dag pa'i mdza' dang/ mtshan ma med pa dang/ don dam pa dang/ chos kyis dbyings dang/ stong pa nyid la sogs pa'i rnam grangs bstan pas ni yongs su grub pa'i ngo bo nyid nye bar bzung ba nyid de/ 'di la blo gros ngan pa thams cad kyi som nyi 'jug par mi 'gyur ro/ /thos pa dang bsams pa'i chos la ngar 'dzin pa dang nga yir 'dzin pa'i mngon par zhen pa yongs su spong ba zhes bya ba ni chos la mngon par zhen pa tsam spong bar bzhed pa'o/ /rnam par rtog pa spangs pas mdun na gnas pa dang bzhag pa'i mtshan ma thams

  347. 174a

    cad yid la mi byed cing rnam par mi rtog pa zhes bya ba ni sbyor ba las byung ba'i rnam par mi rtog pa'i ye shes la gnas pa'i dge ba'i rtsa ba'i stobs las byung ba'i sems sbyong ba rnam pa gsum la rten nas 'di ltar rtag tu gus pa dang bcas pas bag yod par sbyor ba'i tshul bzhin yid la byed pa'i gnas skabs la gnas pa thams cad du mnyam par bzhag pa'i sems rjes su mthun pa'i bzod pa rnon po la gnas pa yin par rig par bya'o/ /lhan cig tu sna tshogs kyi rnam pa'i don snang ba 'byung ba'i phyir ro zhes bya ba ni ming dang tshig dang yi ge'i tshogs sna tshogs kyi rnam pa snang ba 'byung ba'i phyir dang/ de la brten pa'i don sna tshogs kyi rnam pa snang ba 'byung ba'i phyir ro/ /tshigs su bcad pa ni/ chos dang gang zag chos dang don/ /bsdus pa dang ni rgyas dang rigs/ /ma dag pa dang dag dang mdza' / /rab tu dbye bas? ming gi yul/ /mdor bsdus na byang chub sems dpa' i ming la dmigs pa ni rnam pa bcu ste/ 'di lta ste chos kyi ming ni mig la sogs pa'o/ /gang zag gi ming ni bdag dang sems can la sogs pa'o/ /don ni gsung rab yan lag bcu gnyis su gtogs pa'o/ /don ni gsung rab yan lag bcu gnyis po de'i don gang yin pa'o/ /ming bsdus pa ni chos thams cad ni 'dus byas dang 'dus ma byas zhes bya ba la sogs pa'o/ /ming rgyas ba ni gzugs dang/ tshor ba la sogs pa dang nam mkha' la sogs pa'o/ /rigs kyi ming ni dang po yi ge a nas yi ge ha'i mthar thug pa'i bar ro/ /ma dag pa'i ming ni don dang bcas pa'i so so'i skye bo'o/ /dag pa'i ming ni bden pa mthong ba rnams kyi'o/ /mthar thug pa'i ming ni gang ma 'dres pa'i chos la dmigs pa'i 'jig rten las 'das pa dang/ de'i brje

  348. 174b

    las thob pa'i ye shes gnyis kyis dmigs pa'o/ /de bzhin gshegs pa'i rigs su skyes pa yin zhes bya ba ni rnam pa sna tshogs kyi chos thams cad la brten nas so/ /sems can thams cad la sems mnyam pa nyid ni bdag dang gzhan mnyam pa nyid du rtogs pas bdag la ji lta ba bzhin du de dag gi yang sdug bsngal zad par 'dod pa'o/ /byang chub sems dpa' thams cad dang sems mnyam pa nyid ni byang chub sems dpa' thams cad dang sbyor ba'i bsam pa mnyam pa'o/ / sangs rgyas thams cad dang sems mnyam pa thob pa ni de dag dang chos kyi dbyings kyi bdag nyid tha mi dad par mthong ba'o/ /yongs su tshol ba bzhi po dag gis bsrabs don med par bzod pa chung ngu'i tshe snang ba thob pa'i ting nge 'dzin ces bya ba la/ bsrabs pa ni don med par 'dod pa zhes bya ba'i tha tshig ste/ don med par shes pa ni snang ba thob pa zhes bya ba'i sgras bstan to/ /snang ba thob pa'i ting nge 'dzin zhes bya ba ni don med pa la yang dag par brten pa'i ting nge 'dzin gyis mthong ba'o/ /don med par bzod pa chen po'i tshe zhes bya ba la/ de la bzod pa ni 'dod pa ste/ mngon par 'dod pa'o/ /snang ba mched pa'i ting nge 'dzin zhes bya ba ni/ don med par shes pa chen po ni snang ba mched pa zhes pa'i sgras bstan to/ /ting nge 'dzin zhes bya ba'i sgras ni don med par shes pa de la yang dag par brten pa de bstan to/ /de kho na nyid kyi don gyi phyogs gcig la zhugs pa'i ting nge 'dzin zhes bya ba ni don med par nges par shes par bstan te/ ting nge 'dzin gyi sgras ni don med par nges par shes pa de la yang dag par brten pa de ni ting nge 'dzin zhes bstan to/ /bden pa'i rjes su mthun pa'i bzod pa'i gnas zhes bya ba la/ chos bdag med pa ni bden pa zhes bya'o/ /

  349. 175a

    de'i rjes su mthun pa gang yin pa'i bzod pa ni bden pa'i rjes su mthun pa'i bzod pa'o/ /ji ltar byas pas zhe na/ bzung bar bya ba med na nges pa kho nar 'dzin pa yang med do/ /zhes mos par 'gyur bas so/ /shes bya'i mtshan nyid la 'jug pa zhes bya ba'i don no gzhan yang/ mang du thos pas bsgos pa'i gnas zhes bya ba ste/ theg pa chen po yongs su bsgoms pa'i bdag nyid kyi ngo bo/ /kun gzhi rnam par shes pas bsdus pas ma yin la zhes bya ba dang/ kun gzhi rnam par shes pa ltar tshul bzhin yid la byed pas bsdus pa'i sa bon yin no zhes bya ba ni ji ltar kun gzhi rnam par shes pa kun nas nyon mongs pa'i chos rnams kyi rgyu yin pa de bzhin du de rnam par byang ba'i chos rnams kyi yang rgyur 'gyur ro zhes bya ba'i tha tshig ste/ tshul bzhin yid la byed pas bsdus pa zhes bya ba nas brtsams te/ lta ba dang bcas pa'i yid kyis brjod pa rnams kyi yang ste/ tshul bzhin yid la byed pa las chos dang don gyi rnam pa 'byung bar 'gyur bas rgyu yin no/ /tshul can bzung ba'i dngos po lta bu zhes bya ba ni gzugs su gyur pa zhes bya ba'i don to/ /lta ba dang bcas pa zhes bya ba ni lta bar gyur pa rnams so/ /de dag nyid ni rgyu mtshan dang lta ba dang bcas pa'i rnam par shes pas rnam par 'jog par 'gyur ro/ /de lta bu'i rnam pa la 'jug pa na su zhig 'jug pa bstan par bya ste/ de la theg pa chen po smos pas ni nyan thos la sogs pa'i theg pa spang ba'i don to// sangs rgyas 'byung ba tshad med pa mnyes par bya ba thob pa zhes bya ba ni grangs las shin tu 'das pa'i sangs rgyas 'byung ba mnyes par bya ba gang gis thob par gyur pa ste/ sangs rgyas mngon sum du byas zhes bya ba'i tha tshig go /

  350. 175b

    gcig tu mos pa can zhes bya ba ni gang gis mos pa theg pa chen po las bskyod par mi nus pa ste/ 'das ma thag par bshad pa'i dge ba'i rtsa ba bsags pa'i rgyu rnam pa gsum po dang/ bsod nams dang ye shes kyi tshogs legs par bsags pa ni mi dge ba'i grogs po zhes bya ba'i tha tshig go /de lta bu'i rnam pas 'jug pa'i gnas bstan par bya ba'i phyir smras pa/ yid kyi brjod pa ste yid kyi rnam par rtog pa'o/ /de ni theg pa chen po'i chos gang 'byung ba'i rgyur gyur pa'o/ /yang de nyid du yid kyi brjod pa'i bye brag gis gang dag 'jug pa de ni mos pas spyod pa'i sa 'jug par 'gyur te/ 'di ltar de chos thams cad rnam par rig pa tsam du rjes su sgrogs pa la mos pa skyed par byed de/ des na de ni der zhugs pa zhes brjod do// de ji ltar mthong pa'i lam la 'jug pa de bstan par bya ba'i phyir/ ji lta ba bzhin du de rab tu rtogs pa dang zhes bya ba ste/ yid kyi brjod pa de ji lta ba bzhin du rab tu rtogs pa'o/ /ji ltar na de ji lta ba bzhin du rab tu rtogs zhe na/ ji ltar tshes med pa/ don med pa/ gzung ba med pa/ 'dzin pa med pa'o/ zhes yid kyi brjod pa rtogs pa gang yin pa'o/ /bsgoms pa'i lam la 'jug pa bstan par bya ba'i phyir sgrib pa thams cad kyi gnyen po bsgom pa zhes bya ba ste rab tu rtogs pa de nyid goms par byed pa ni bsgom par gyur pa'o/ /de lta bas na rnam par mi rtogs pa la sogs pa de dag gis gang rtogs pa de nyid kyis sgrib pa rnam par sbyong bar byed pa'o/ /mthar phyin pa'i lam la 'jug pa de bstan pa'i phyir sgrib pa med pa'i phyir zhes bya ba ste/ shin tu rnam par dag pa'i ye shes kyis dus skabs na shin tu phra ba'i sgrib pa yang med pa ni mthar phyin pa'i lam la 'jug pa'o/ /gang gis 'jug pa ston par byed pa ni dge ba'i rtsa ba'i

  351. 176a

    stobs bskyed pa dang/ rnam pa gsum gyis sems gzengs bstod pa zhes bya ba ste/ dge ba'i rtsa ba'i stobs yod pa'i byang chub sems dpa' ni de'i stobs kyis brtan pa'i phyir sems 'gong bar mi 'gyur te/ rnam pa gsum gyis sems sbyong bas kyang sems gzengs bstod pa nyid do/ /de la sbyong ba gnyis pa gang yin pa ji ltar sbyong ba yin pa de bstan par bya ba'i phyir/ 'di lta ste/ ser sna la sogs pa'i sgrib pa spangs pas pha rol tu phyin pa'i rnam par 'ching ba med pa nyid kyis de rnams yongs su rdzogs par 'gyur ro/ /de yongs su rdzogs pa yang sangs rgyas nyid yin te/ chos dang don la dmigs pa la sogs pa nas/ bag yod pa zhes bya ba'i bar gyis so/ /de la rtag tu zhes pa ni rtag tu byed pa nyid do/ /gus par byas te sbyor ba ni bla mar byed pa nyid do/ /gang gong du bstan pa'i rnam pa nyid de ni bag yod pa'o/ /gsum pa gang yin pa de bstan par bya ste/ de la dge ba sgrib pa dang bcas pa zhes bya ba ni 'jig rten pa'i dge ba sgrib pa dang bcas pa zhes bya ba'i don to/ /de'i phyir bdag dge ba sgrib pa med pa dang shin tu ldan pa ni sangs rgyas su mi 'gyur ba nyid ni rigs pa ma yin te zhes bya ba'o/ /de dag gi don tshigs su bcad pas ston pa/ de'i phyir zhum par mi bya'o zhes bya ba ni sems zhum pa nyid du sems gnas par mi bya'o zhes bya ba'i tha tshig go /ji ltar bdag gis bla na med pa'i byang chub mngon par rdzogs par 'tshang rgya bar mi nus zhes don de lta bur byung ba'o/ /legs yid kyi zhes bya ba ni mi dge ba dang lung du ma bstan pa'i sems ma yin zhes bya ba'i tha tshig ste/ 'di ltar lung du ma bstan pa ni rnam par g.yengs pa'i sems kha cig gis sbyin pa la sogs pa

  352. 176b

    byed pa'o/ /de bzhin du mu stegs pa la sogs pa mi dge ba'i sems kyis sbyin pa la sogs pa byed pa ma yin te/ bla na med pa yang dag par rdzogs pa'i byang chub 'dod pas so/ /yang na de'i bsam pas dge ba'i rtsa ba mchog thob pa ni brtan pa rnams so/ /sbyin pa la sogs pa byed pa'i zhes bya ba la/ de la de'i bsam pa ci 'dra ba cig thob nas sbyin pa la sogs pa pha rol tu phyin pa goms par byas pas de'i mi mthun pa'i phyogs ser sna la sogs pa spangs pa'i sems thob pa zhes bya ba'i tha tshig go /byang chub sems dpa' brtan rnams kyi/ /sbyin pa la sogs nyid du brjod/ ces bya ba ni sbyin pa la sogs pa kho nar brjod pa'o/ /sogs pa smos pas ni tshul khrims la sogs pa nas/ shes rab kyi pha rol tu phyin pa rnams gzung ngo/ /'dod bzhin phun sum tshogs lus 'thob ces bya ba ni 'du shes med 'du shes med min skye mched kyi bar 'thob pa ste/ 'gyur ro zhes bya ba'i tha tshig go /spangs pa zhes bya ba ni sgrib pa spangs pa'o/ /phun sum tshogs des zhes bya ba ni sangs rgyas nyid ces bya ba'i tha tshig go /gang gnas bzhi spang bar bya ba de bstan par bya ste/ yid la byed pa yongs su spong ba zhes bya ba ni nyan thos la sogs pa'i yid la byed pa yongs su spong ba'o/ /yid gnyis dang som nyi spangs nas zhes bya ba ni zab cing rgya che ba'i theg pa chen po la yid gnyis dang som nyi spangs pa'o/ /de la yid gnyis ni blo ngan pa 'am de bzhin du g.yo ba'o/ /som nyi ni the tshom mo/ /chos la mngon par zhen pa spangs pas zhes bya ba ni ji snyed thos pa dang bsams pa'i chos rnams la bdag tu 'dzin pa dang bdag gir 'dzin pa yod kyi bar 'jug par mi 'gyur ro/ /rnam par rtog pa spangs pas zhes bya ba ni gang gzugs la sogs pa mdun na gnas pa dang/ gang yang mnyam

  353. 177a

    par bzhag pas rus pa'i phung po la sogs pa dmigs par 'gyur ba'i mtshan ma thams cad yid la mi byed pas rnam par brtag par bya ba la rnam par mi rtog pa'i thabs kyis 'jug par 'gyur gyi/ gzhan du rnam par rtog par 'gyur na 'jug par mi 'gyur ro/ /mdun bzhag dang zhes bya ba ni tshig su bcad pa ste/ spang bar bya ba'i don phyi ma gsal bar byed pa'o/ /gang gi ji ltar 'jug pa de bstan par bya ste/ de la thos pa'i bag chags kyi rgyu las byung ba zhes bya ba ni thos pa'i bag chags kyi rjes su mthun pa'o/ /gang du 'jug pa'i gnas ni sngar bstan pa ste/ de yang theg pa chen po'i bag chags las yang dag par byung ba'i phyir yongs su grub pa'i ngo bo nyid kyis bsdus pa nyid lta bar bya'o/ /yang ji ltar 'jug pa de ston par byed pa ni tshal ba rnam pa bzhi ste/ de ston par byed pa yang ming dang/ don dang/ ngo bo nyid la sogs pa tshig bzhi po de dag gis ji lta ba bzhin du yongs su shes pa mdor bstan te/ ming dang/ don dang/ ngo bo nyid dang/ khyad par du btags pa dang ngo bo nyid dang/ khyad par yang dag pa ji lta ba bzhin du yongs su shes zhes bya ba la ngo bo nyid kyi khyad par gang btags pa de bzhin du byas pa'o/ /ming khyad par du btags pa zhes bya ba ni de mi dmigs pa zhes bya ba'i don to/ /mi dmigs pa ni ming de'i ngo bo nyid dang khyad par du btags pa tsam dpyod bar byed pa'o/ /gang gi phyir de ltar na mang de'i ngo bo nyid dang khyad par med pa des na mid de'i ngo bo nyid btags pa tsam du 'dzin pa'o/ /gang yang dag par dpyod pa ni yongs su chol pa'o/ /gang gi dmigs pa ni yang dag pa ji lta ba bzhin du yongs su shes pa'o/ /'jug ces ni ji skad bya/ ci 'dra bar 'jug ce na zhes bya ba ni dpe bris pa'o/ /de la de tsam nyid

  354. 177b

    ces bya ba ni rnam par rig pa tsam nyid do/ /rgyu mtshan dang lta ba dang bcas pa gnyis zhes bya ba ni rgyu mtshan dang lta ba dang bcas pa'i rnam par shes pa bstan te/ rgyur rab tu gnas pa dang/ rgyu mtshan du snang ba zhes bya bar grags pa de lta bu'i rnam par shes pa gcig nyid rnam pa sna tshogs su 'byung pa ste/ myur ba nyid brgyud mar 'byung bas so/ /gsum po 'di dag nyid rnam par rig pa tsam nyid du 'jug go /de la ngo bo nyid gsum pa la 'jug pa ni theg pa'i dpes bstan to/ /rnam pa drug la yang dag pa'i don gsal zhes bya ba la/ don gyi rnam pa drug la yang dag pa'i don rnam par gsal ba tsam ni rnam par gsal ba'o/ /yid kyi brjod par snang ba'i don gyi mtshan nyid la 'jug pas zhes bya ba ni don gang yin pa de kun tu brtags pa tsam yin no zhes de ltar kun tu brtags pa la 'jug par 'gyur ro/ /ngo bo nyid kyi rnam par rig pa'i ngo bo tsam la 'jug ces bya ba ni yid kyi brjod pa de dag gis rnam par rig pa tsam nyid du gzung nas gzhan gyi dbang la 'jug par 'gyur ro// // bam po lnga pa/ /don du snang ba thams cad 'byung ba'i skabs med pa yin no zhes bya ba ni ji ltar rnam par rig pa tsam gyi rnam par yang mi 'byung na de don gyi rnam par snang ba 'byung ba lta ci smos te/ de'i phyir rnam par rig pa tsam nyid du brtags na yang don du 'gyur bas/ /de'i phyir de las gzhan pa de bzhin nyid mngon sum du ma nyid du 'gyur pa yin no/ /gnas skabs de ni brjod par nus pa ma yin te/ so so rang gis rig par bya ba yin pa'i phyir ro/ /de'i tshe byang chub sems dpa' de'i dmigs par bya ba dang dmigs par byed pa mnyam pas mnyam pa'i ye shes rnam par mi rtog pa 'byung ste/ zhes bya ba la dmigs par byed pa ni ye shes dang dmigs par bya ba de ni de bzhin nyid de/ de dag mnyam gnyid du gyur pa ni

  355. 178a

    nam mkha' nyid du gzung bya dang/ 'dzin pa med par gnas ba zhes bya ba'i tha tshig ste/ gzung ba dang 'dzin par rnam par rtog pa med pa ni rnam par mi rtog pa'o/ /de ltar na yongs su grub pa nyid la zhugs pa yin no/ /gang gi tshe don thams cad la rnam par mi rtog ba'i ming la gnas shing zhes bya ba ni de'i ming ci rnam par ji snyed ces bya ba'i tha tshig bas de'i ming gi bye brag tshigs su bcad pas bstan to/ /de la chos kyi ming ni gzugs dang/ tshor ba dang/ mig ces bya ba la sogs pa'o/ /gang zag gi sangs rgyas bshes gnyen dang/ dad pas rjes su 'brang ba zhes bya ba la sogs ba'o/ /yang chos kyi ming ni mdo sde la sogs pa'o/ /don gyi ming ni yang chos de dag la brten pa'i don to/ /bsdus ba'i ming ni sems can zhes bya ba lta bu'o/ /rgyas pa'i ming ni de dag nyid re re nas brjod pa lta bu'o/ /rigs kyi ming ni yi ge'i phyi mo rnams so/ /ma dag pa'i ming ni so so'i skye bo rnams kyi'o/ /dag pa'i yid ni slob pa rnams kyi'o/ /mthar thug pa rnams kyi ming ni gang 'dres pa'i chos la dmigs pa ste/ sa bcu pa lta bu'o/ /de la don thams cad ni 'dres pa'i chos la dmigs pa'i ye shes kyi dmigs pa'o/ /de lta bu'i rnam pa ni byang chub sems dpa' i ming gi yul yin no/ /de bzhin gshegs pa'i rigs su skyes pa yin zhes bya ba ni gang gis sangs rgyas kyi gdung mi gcod bar gyur pa'o/ /sems can thams cad la sems mnyam pa yin zhes bya ba ni gang gi phyir bdag ji lta ba bzhin du sems can thams cad mya ngan las bzla'o/ /zhes sems dpa' o/ /byang chub sems dpa' thams cad dang sems mnyam pa zhes bya ba ni 'di ltar de dag dang sems mnyam pa nyid thob pa'o/ /sangs rgyas thams cad dang sems mnyam pa zhes bya ba ni gang gi phyir sangs rgyas rnams kyi chos kyi sku'i gnas skabs nges thob par gyur

  356. 178b

    pa ste/ de thos pas sangs rgyas thams cad dang sems mnyam pa thob par gyur ba'o/ /zhi gnas dang lhag mthong gi shes pa/ zhes bya ba ni zhi gnas dang lhag mthong zhes brjod pa'i shes pa'o/ /kun gzhi rnam par shes pa'i sa bon rgyu mtshan par bcas pa'i rgyu mtshan spangs nas zhes bya ba la rgyu mtshan dang bcas ba zhes bya ba ni rgyu mtshan dang bcas pa zhes bya ba'i tha tshig ste/ gang kun gzhi rnam par shes pa kun nas nyon mongs pa'i chos rnams kyi sa bon can no/ /yang rgyu mtshan smos pa ni de'i sa bon de dag gi dmigs pa'i rgyu mtshan bstan pa'i don to/ /da ltar byang sa bon de dag rgyu dang 'bras bu dang bcas par spangs pa bstan par 'gyur ro/ /de'i rjes las thob pa la dgos pa ci yod/ /gal te rnam par mi rtog pas sgrib pa thams cad spangs ba dang sangs rgyas kyi chos rnams kun tu sgrub par 'gyur ro zhe na/ rgyu dang bcas pa'i 'bras bu'i chos rnams des bstan par mi nus te/ de ni mi rtog pa yin pa'i phyir ro/ /de'i phyir rjes la thob pas rgyu dang 'bras bu'i chos rnams stan par byad de rtog ba yin pa dang/ sgyu ma mkhan gyis sgyu ma byas pa bzhin du phyin ci? ma log par 'gyur ba'i phyir ro/ /kun gzhi rnam par shes pa las thams cad rab tu skye ba zhes bya ba ni gang kun gzhi rnam par shes pa'i rgyu las byung ba rnams so// rnam par rig pa'i mtshan ma thams cad de rnam par rig pa rgyur gyur pa las sgyu ma byas pa bzhin du rjes las thob pa'i phyin ci log med par 'byung bas yang dus thams cad du ston par byed do/ /thams cad du de kho na nyid la 'jug pa ni nges par 'byed pa'i cha dang mthun pa las yin pas de'i phyir 'dir yang de bsten par bya'o/ /nges bar 'byed ba'i cha dang mthun pa la yang dag par brten pa zhes bya ba ni nges bar 'byed pa'i cha dang mthun pa la brten pa zhes bya ba'i

  357. 179a

    tha tshig go /mngon par rtogs pa dang nye ba zhes bya ba ni mngon par rtogs pa'i dus su zhes bya ba'i don to/ /ji ltar rnam par gnas pa bstan pa zhes bya ba ni gang rgya ji ltar rnam par gnas pa sa bcu par sa'i rnam par gnas pa bstan pa'o/ /'dris pa la dmigs pa zhes bya ba ni mkhas pas dmigs pa'i gnas la dmigs pa'o/ /'jig rten las 'das pa zhes bya ba ni rnam par mi rtog pa'o/ /de'i rjes la thob pa zhes bya ba ni rnam par bzhag pa ste/ de ni 'jig rten pa zhes brjod par bya ste/ 'di ltar 'jig rten pa dang rjes su mthun pa'i phyir ro/ /gang gi phyir 'jig rten las 'das pa 'ba' zhig ni 'jig rten pa la rig pa ma yin pas so/ /de bas na gcig tu zhugs par mi brjod do/ /de gnas gyur nas zhes bya ba ni 'dres pa la dmigs pa'i ye shes kyi bye brag gnas gyur pa'o/ /sangs rgyas kyi sku rnam pa gsum thob par zhes bya ba ni sangs rgyas kyi sku rnam pa gsum thob par 'gyur pa zhes sbyar bar bya'o/ /mya ngan las 'das pa'i khyad par ni zhes bya ba ni 'di ltar byang chub sems dpa' rnams ni gnas pa'i mya ngan las 'das pa 'dzin par byed kyi nyan thos ni ma yin no/ /yongs su dag pa'i khyad par ni zhes bya ba la/ 'di ltar byang chub sems dpa' rnams bag chags dang bcas pa'i nyon mongs pa rnams spong ba dang/ sangs rgyas kyi zhing yongs su sbyong ba yin gyi nyan thos rnams ni ma yin no/ /ji lta bur de kho na nyid la 'jug pa de tshigs su bcad pa/ ming dang dngos gnyis phan tshun du/ glo bur yin par yongs su btsal zhes bya ba la/ ming ni don la glo bur ba yin la don ni ming la blo bur pa ste/ de'i bdag nyid ma yin pa nyid do/ /yongs su btsal zhes bya ba ni mnyam par

  358. 179b

    bzhag pas blta bar bya'o/ /brtags pa rnam pa gnyis po la/ de tsam nyid du btsal bar bya zhes bya ba ni don gyi ngo bo dang khyad par ma yin pa brtags pa'i ngo bo dang/ brtags pa'i khyad par de tsam pa nyid du blta bar bya'o/ /zhes bya ba'i tha tshig go/ yang dag ji bzhin yongs su shes pas zhes bya ba ni yang dag pa ji lta ba bzhin du yongs su shes pa ste/ 'di ltar gang gi phyir tshol ba rnam pa bzhi zhes bya ba'i rgyu las yang dag pa ji lta ba bzhin du shes par 'gyur ro/ /zhes bya ba'i tha tshig go /don med par ni rtog gsum dang/ mthong ba gsum la zhes bya ba la/ don mang par brtags pa rnam pa gsum mthong ba ste/ ming du brtags pa dang/ ngo bor brtags pa dang/ khyad par du brtags pa'o/ /don med pa ni don med pa nyid do/ /mthong ba gsum la zhes bya ba ni don med na rtog pa yang med par 'gyur ba ste/ gang gi phyir brtags par bya ba yod na de la dmigs ba yang yod de/ de'i phyir don med par gyur na rtog par byed pa yang med bar blta'o zhes bya ba'i tha tshig go /gsum la 'jug pa zhes bya ba ni ngo bo nyid gsum la 'jug pa'o/ /de la ming dang don gnyis phan tshun glo bur ba nyid dus thong bar gyur na kun tu brtags pa'i ngo bo nyid la zhugs pa yin no/ /ming gi ngo bo brtags pa dang/ /khyad par du brtags pa tsam du mthong ba na gzhan gyi dbang gi ngo bo nyid la zhugs pa yin no/ /brtags pa de nyid mthong ba na yongs su grub pa la zhugs pa yin te/ de lta bu ni gsum la 'jug pa yin no/ /gang gis de kho na nyid la 'jug pa'i don gyi man ngag sbyin par byed de/ de la don gyi tshigs su bcad pa/ gzugs brnyan yid du mthong ba ni zhes bya ba la/ chos dang don du snang ba gang yin pa'i gzugs brnyan? de 'di yin no/ /zhes mthong ba'o/ /gang gi mthong

  359. 180a

    zhe na/ byang chub sems dpas? so?/ /gang gis dus na zhe na/ mnyam bzhag pas so/ /don gyi 'du shes bzlog nas su/ rang gi 'du shes nges par gzung zhes bya ba ni de'i dus na don gyi 'du shes bor nas rang gi sems nyid chos dang don gyi rnam pa de yin par gzung zhes bya ba'i tha tshig go /de ltar nang du sems gnas so zhes bya ba ni gang gi sems 'di ltar gnas par gyur pa ste/ don ni med do/ /de lta na yang sems la sems gnas par 'gyur ro/ /zhes bya ba'i tha tshig go /gzung ba med par rtogs par byos zhes bya ba ni/ gzung ba med par shes par gyis shig ces bya ba'i tha tshig go /de phyir 'dzin pa med rtogs kyis zhes bya ba ni gang gi phyir gzung bar bya ba'i don yod pa ma yin pas 'dzin par byed pa'i sems nyid kyang rigs pa ma yin pa nyid du 'gyur ro/ /des na dmigs pa med la reg ces bya ba ni/ de'i phyir na de las gzhan pa'i de bzhin nyid la reg par 'gyur ro zhes smras pa yin te/ de bzhin nyid ni dmigs su med pa'i phyir ro/ /de las gzhan pa mngon par rdzogs pa'i tshigs su bcad pa ji ltar mdo sde'i rgyan las bstan pa las gang de las rtogs par dka' ba de bstan par byas pa/ mdza' yas pha rol med ces bya ba ste/ pha rol ring bas ji ltar tshig la mdza' med ces bya ba lta bu ste/ de la mdza' med pa ma yin na yang mang po nyid la mdza' med ces bya ba'i brjod pa 'thob ste/ 'di yang de dang 'dra'o/ /ci'i tshogs rnams zhe na/ bsod nams ye shes kyi'o/ /de la sbyin pa la sogs pa pha rol tu phyin pa gsum ni bsod nams kyi tshogs so/ /shes rab kyi pha rol tu phyin pa ni ye shes kyi tshogs so/ /brtson 'grus kyi pha rol tu phyin pa ni gnyi ga ste/ de'i don gyi thams cad kyi brtson 'grus ni ye shes so/ /gang sems can gyi don

  360. 180b

    gyi brtson 'grus ni bsod nams kyi tshogs/ /de bzhin du bsam gtan gyi pha rol tu phyin pa yang rnam pa gnyis te/ de la gang yang tshad med pa rnams la dmigs pa'i bsam gtan gyi bsod nams so/ /de las gzhan pa dag gin ye shes kyi tshogs so/ /gang zhe na/ byang chub sems dpa' nyid do/ /chos la sems pa legs par rnam nges phyir zhes bya ba ni/ gar ting nge 'dzin gyi rjes la chos rnams sems par byed pa de legs par rnam par nges pa yin gyi gzhan gyi ma yin no/ /don gyi rnam pa brjod pa'i rgyus byung rtogs zhes bya ba la/ don gyi rnam pa brjod pa'i rgyus zhes bya ba ni yongs su shes pa'o/ /de 'dra ba'i sems tsam nyid la gnas zhes bya ba ni gang gi phyir de ni 'di ltar don du snang ba 'di dag ni sems tsam nyid do zhes bya ba shes pa'o/ de bas gnyis kyi mtshan nyid bral ba yi/ chos kyi dbyings ni mngon sum nyid du 'gyur zhes bya ba ni gzung ba dang 'dzin pa dang bral ba nyid kyis de las gzhan pa'i de bzhin nyid mngon sum nyid du 'gyur ba'o/ /de las gzhan pa ji ltar mngon sum nyid du 'gyur zhe na/ de bstan par bya ba'i phyir/ sems las gzhan med bar ni blos rtogs nas/ de phyir sems kyang med pa nyid du rtogs zhes bya ba la/ sems las gzhan pa'i dmigs par bya ba'i don med la/ de med pas dmigs par byed pa'i sems kyang med pa nyid 'thob ste/ de gnyis kyi med pa nyid byang chub sems dpas rtogs nas de dang mi ldan chos kyi dbyings la gnas zhes bya ba ste/ don de dag dang sems bral? bar gyur ces bya ba'i tha tshig go/ rtag med shes stobs zhes bya ba ni rnam par mi rtog pa'i ye shes kyi stobs so/ /mnyam pa'i rjes song bas zhes bya ba ba ni nam mkha' dang 'dra bar mdo sde la sogs pa'i chos thams cad mnyam pa nyid du

  361. 181a

    mthong ba'o/ /kun nas zhes bya ba ni phyi dang nang gi bdag nyid do/ /ji ltar mthong ba'i chos de dag nyid dus rtag tu mthong bar ni rtag par yang ngo/ /de'i gnas thibs po nyes pa bsags pa zhes bya ba ni kun nas nyon mongs pa'i chos de'i gnas te rgyu'o/ /thibs po zhes bya ba ni rjes su rtogs par dka' ba nyid do/ /nyes pa bsags pa zhes bya ba ni/ kun nas nyon mongs pa'i chos rnams kyi bag chags kyi ngo bo zhes bya ba'i don to/ /thub pas gsungs pa'i legs chos legs bzhag pa/ rtsa ba chos kyis dbyings la nges blo bzhag ces bya ba la/ rtsa ba dang bcas pa'i sems kyis dmigs pa gang la blo nges par bzhag pa ste/ de bzhin nyid de la'o/ /de la rtsa ba'i sems ni gang de bzhin gshegs pa ma lus pa'i bstan pa bsdus pa la dmigs pa ste/ de yang rnam par mi rtog pa'i ye shes yin par blta'o/ /dran pa'i rgyud ni rtog pa tsam shes nas zhes bya ba la/ de yang rtsa ba'i sems la gnas pa ste/ bstan pa'i rjes la thob pa'i don te/ 'das pa dran pa ni dran pa'i rgyud de gang rnam par rtog pa tsam du gyur pa'o/ /rnam par mi rtog pa dang/ de'i rjes la thob pa de dag gnyi gas kyang/ yon tan rgya mtsho'i pha rol te sangs rgyas nyid du'o// brtan myur te byang chub sems dpa' nyid do/ /tshigs su bcad pa de rnams kyi bsdus pa'i don ni dang pos ni tshogs kyi lam mo/ /gnyis pa'i phyed kyi ni sbyor ba'i lam mo/ /phyed phyi ma dang gsum pas ni mthong ba'i lam mo/ /bzhi pas ni bas? bsgom pa'i lam mo/ /lnga pas ni mthar phyir pa'i lam mo/ /gang gi tshe zhugs pa de'i tshe lhag pa'i bsam pa rnam par dag pa yin pa'i phyir pha rol tu phyin pa drug la kun tu spyod pa'i sbyor ba zhes bya ba ni kun tu spyod pa'i sbyor bas thams

  362. 181b

    cad du spyod pa'o/ bstan pa la mos pa zhes bya ba ni gang pha rol tu phyin pa drug dang rab tu ldan pa'i shin tu zab pa de dag la yang ngo/ /ro myang ba yid la byed pa ste/ de dag gi yon tan mthong bas ro myang ba'o/ /mngon par dga' ba yid la byed pa ni ji lta bu'i lhag pa'i bsam pas mchog tu pha rol tu phyin pa thob pa nges pa de lta bu bdag dang sems can thams cad kyis thob par gyur cig ces de lta bu mngon par dka' ba'o/ /re shig lhag pa'i bsam pa dag pa de nyid kyi mtshan nyid gang yin/ /gang gis de dag yongs su bzung ba yin zhe na/ gang gi rjes thogs su tshigs su bcad pa dag gis de'i mtshan nyid ston par byed de/ de la re zhig mos pas spyod pa'i sa la tshogs legs par bsags pa dang/ dkar po'i chos rnams kun rdzogs pa nyid do/ /gzod rnon thob dang zhes bya ba ni chung ngu la sogs pa gzod pa rnam pa gsum las bzod pa'i mchog la gnas pa zhes bya ba'i tha tshig go /gang la dmigs nas dag par 'gyur ba de bsten par bya ba'i phyir/ theg chen la zhes bya ba ste/ gang du zhe na/ zab cing rgya che bstan pa la'o/ /de nyid ni rang gi theg pa ste/ byang chub sems dpa' rnams kyi'o/ /de la zab pa ni chos bdag med pa'o/ /rgya che ba ni nam mkha' mdzod la sogs pa'i ting nge 'dzin to/ yid la byed pa ji lta bus rnam par dag pa de bstan pa'i phyir gal te rtog pa tsam du chos thams cad rtogs pa de'i ngo bo nyid de bstan par bya ste/ 'dod pa dang ni mos pa dag /dag pa bsam pa dag pa nyid yin no/ /de la 'dod pa ni mngon par 'dod pa'o// mos pa ni dad pa'o/ /de'i brtags gang yin pa de bstan par bya ste/ snga logs su ni thog mar bsam pa dag pa'o/ /der zhes bya ba ni bsam pa dag pa der sangs rgyas rnams ni mthong bar 'gyur ba ste/ de ni rtags so/ /chos kun zhes bya ba ni

  363. 182a

    mnyam par bzhag pa'i dus so/ /de'i phan yon gang yin pa de stan par bya ste/ de la gnas pa na byang chub nye bar rtogs gyur nas te/ de thob par byed pa'i thabs rnyed pas tshogs med par 'thob par 'gyur ba'o/ /bsam pa dag pa gang yin pa dang/ rgyu ci 'dra ba dang/ ji lta bu'i bzod pa dang/ dmigs pa gang yin pa dang/ ji lta bu'i yid la byed pa dang/ rtags gang yin pa de tshigs su bcad pa de dag gis bstan te de dag ni lhag pa'i bsam pa dag pa'i lus rnam par bzhag pa'o/ /chud za ba'i phyu 'chal ba'i shes rab ces bya ba la/ de la shes rab 'chal pa ni phyin ci log tu 'dzin pa ste/ ji ltar mu stegs pa lta bu'o/ /des kyang de chud za bar 'gyur ro/ /lhag ma'i don ni go sla'o/ /mi mthun pa'i phyogs dang/ gnyen pos grangs rnam par bzhag pa dang/ sangs rgyas kyi chos thams cad yang dag par 'grub pa'i gzhi'i gnas kyis zhes bya ba ste/ sangs rgyas thams cad kyi chos rnams kyi rgyu'i dngos pos ni rnam par gzhag pa'i rnam grangs gnyis pa ste/ de'i phyir pha rol tu phyin pa drug las lhag pa yang ma yin zhing chad pa yang ma yin ba ste/ rnam par g.yeng ba med pa la brten nas sangs rgyas kyi chos rnams kyi de kho na nyid rtogs par 'gyur bas bsam gtan gyi pha rol tu phyin pa la brten pa'i shes rab kyi pha rol tu phyin pas yang dag pa ji lta ba bzhin du de kho na nyid rtogs par 'gyur zhes bya ba'i tha tshig go /'di dag gis don lhag ma ni go sla'o/ /gang gi phyir rnam par bzhag pa'i rgyu gsum pa ni sems can thams cad yongs su smin par bya ba dang rjes su mthun pas zhes bya ba ste/ sems can thams cad yongs su smin par bya ba nyid la rjes su mthun pa'i phyir na 'di ltar drug tu 'gyur te/ de'i phyir na yang drug tu

  364. 182b

    rnam par bzhag go /sems mnyam par ma bzhag pa rnams mnyam par bzhag bar bya ba'i phyir bsam gtan gyi pha rol tu phyin pa'o/ /sems mnyam par bzhag pa rnams rnam par thar par bya ba'i phyir shes rab kyi pha rol tu phyin pa ste/ yongs su smin par byed pas so/ /gdams par bya ba rnams zhes bya ba ni gdams ngag sbyin par bya ba'o/ /zhes bya ba'i tha tshig go /sbyin pa la sogs pa rnams mtshan nyid gang dang ldan pas pha rol tu phyin pa zhes bya ba 'thob ce na/ gang gi phyir 'jig rten pa dang nyan thos la sogs pa dag la yang sbyin pa la sogs pa yod pas de na 'di dag gi mtshan nyid nges par brjod par bya ste/ pha rol tu phyin pa drug gi mtshan nyid la gnas dam pa zhes bya ba ni 'di ltar byang chub kyi sems gnas yin pa'i phyir/ /dngos po dam pa zhes bya ba ni phyi dang nang gi bdag nyid mdza' dag kun tu spyod pa ni gzhan yod pa ma yin la/ byang chub sems dpa' ni 'dir dngos po mdza' dag yongs su spyod pa yin no/ /ched du bya ba dam pa zhes bya ba ni sbyin pa gang sems can thams cad la phan pa dang bde ba'i ched du byed pa'o/ /thabs la mkhas pa dam pa zhes bya ba ni 'dir 'khor gsum yongs su dag pa'i thabs la mkhas pas yongs su gzung ba ste/ sbyin par bya bar yang ma yin// sbyin pa por yang ma yin la/ len pa por yang rtog par mi byed pa'o/ /de ltar na sbyin pa la sogs pa rnams rnam par mi rtog pa'i ye shes kyis yongs su zin par gyur pa'o/ /yongs su bsngo ba dam pa zhes bya ba ni 'di ltar sbyin pa la sogs pa rnams bla na med pa yang dag par rdzogs pa'i byang chub tu yongs su bsngo ba'o/ /rnam par dag pa dam pa zhes bya ba ni gang gis gang gi tshe sangs rgyas su 'gyur ba nyid kyi sbyin pa la sogs pa rnams te/ de yang nyon

  365. 183a

    mongs pa'i sgrib pa dang shes bya'i sgrib dag las rnam par grol ba kun tu sgrub par gyur ba'o/ /sbyin pa gang yin pa de pha rol tu phyin pa yang de yin nam/ pha rol tu phyin pa gang yin pa de sbyin pa yang de yin nam zhes dris pa'i phyogs de bstan par bya ste/ sbyin pa gang yin pa de pha rol tu phyin pa ma yin pa ni gang pha rol tu phyin pa drug dang bral pa'o/ /pha rol tu phyin pa ni yin la sbyin pa ma yin pa na tshul khrims la sogs pa pha rol tu phyin pa drug gis yongs su bsdus pa'o/ /sbyin pa yang yin la pha rol tu phyin pa yang yin pa ni pha rol tu phyin pa drug gis bsdus pa'i sbyin pa'o/ /sbyin pa yang ma yin pha rol tu phyin pa yang ma yin pa ni tshul khrims la sogs pa drug po de dag dang bral ba'o/ /de bzhin du mu bzhi po thams cad la blta bar bya'o/ /nges pa'i tshig blta bar bya ste/ re zhig thams cad kyi spyi'i nges pa'i tshig ni pha rol tu song ba ni pha rol tu phyin pa ste/ 'jig rten pa dang/ nyan thos dang/ rang sangs rgyas rnams kyi sbyin pa la sogs pa thams cad kyi mchog tu phyin pas des na pha rol tu phyin pa'o/ /so so'i ni rgyu'i dus na ser sna ma bcom par sbyin pa gtong bar mi byed pa'i phyir dang/ 'bras bu'i dus na ni dbul ba las 'dzin par byed pa'i phyir dang/ longs spyod chen po dang/ bsod nams kyi tshogs sbyin par byed pas sbyin pa'o/ /rgyu'i dus na 'chal pa'i tshul khrims zhi bar byed pa dang/ 'bras bu'i dus na ngan 'gro zhi bar byed pa dang/ bde 'gro dang ting nge 'dzin thob par byed pas tshul khrims so/ /de bzhin du pha rol tu phyin pa thams cad kyi nges pa'i tshig ji ltar rigs pa bzhin du sbyar bar bya ste/ bdag dang gzhan dag la bde bar byed pas zhes

  366. 183b

    bya ba la bdag nyid ngan 'gro dang/ 'khon du 'dzin pa dang/ khro ba la sbyor bar mi byed cing/ pha rol dag kyang bde bar byed de/ de dag la sdug bsngal skyed par mi byed do/ /bsgom pa rnam pa lngar blta bar bya ste zhes bya ba la de la kun tu spyod pa la sbyor ba ni kun tu spyod pa la sbyor ba bsgom ba'o/ /bya ba bsgrub pa bsgom pa zhes bya ba ni sangs rgyas kyi mdzad pa shin tu sbyangs pa 'bad pa med pa mnga' pas kun tu spyod pa med bzhin du yang sangs rgyas kyi sku'i gnas skabs kyi pha rol tu phyin pas sems can rjes su bzung ba'i phyir bya ba bsgrub pa 'byung bar 'gyur ba'o/ /de lta bu re zhig bsgom pa'o/ /de snyed kyi dus skad cig ma gcig tu zhes bya ba la/ gang de lta bu'i grangs med pa gsum la sogs pa'i tshad kyi dus skad cig ma gcig tu byas la/ de lta bu'i skad cig mas ji srid byang chub par gyur pa de srid kyi dus su skad cig re re la bdag gis lus zhes bya ba la sogs pa rtsa ba'i gzhung gi rjes su 'brangs nas blta bar bya ste go sla'o/ /rim pa de lta bu nyid kyis byang chub kyi snying po la gnas kyi bar de srid du de lta bu'i tshul khrims la sogs pa'i sems gcig nyid skyed par byed pa nyid do/ /stong gsum gyi stong chen po'i 'jig rten gyi khams mes/ yongs su gang bar skad cig re re la spyod lam bzhi byed cing yo byad thams cad dang mi ldan pa yang zhes bya ba la/ 'dis ni gnas med cing yo byad thams cad dang mi ldan pa nyid bstan to/ /nges par byas pa'i sgrub pa thams cad kyang bshig par 'gyur na zhes bya ba ni nges par shig pa tsam gyis rnam par smin par mi nus par 'dod pa'o/ /yang na ngan 'gror 'gro ba'i gnyen po nyid yin pa'i phyir bsam pa rgya che ba nyid ni mi ngoms pa'i bsam pa'o/ /'di ltar de dag nyid rgyun ring por yang mi 'dor

  367. 184a

    ba'i bsam pa de yod pas na rgyun ring po'i bsam pa ste/ rgyun ring du zhes bya ba ni dus ring du'o/ /don lhag ma ni go sla'o/ /pha rol tu phyin pa'i lus rnam par bzhag pa dang/ rab tu dbye ba bstan pa de bshad par bya ste/ gang gi phyir sbyin pa rnam pa gsum du yin zhe na/ chos kyi sbyin pa la sogs pa ste/ 'di ltar chos kyi sbyin pa ni gzhan gyi dge pa'i rtsa ba nye bar brtan par byed pa'o/ /zang zing gi sbyin pa ni 'di'i lus brtan par byed pa'o/ /mi 'jigs pa'i sbyin pa ni de nyid kyi sems brtan par byed pa ste/ de'i phyir rgyu des na sbyin pa rnam pa gsum du bstan to/ /tshul khrims kyang rab tu gnas pa'i tshul khrims ni sdom pa'i tshul khrims te/ lhag ma gnyis po dag gi don gyi gnas yin pa'i phyir te/ 'di ltar sdom pa la gnas pa'i dge pa'i chos sdud pa'i tshul khrims kyis sangs rgyas kyi chos rnams dang/ byang chub mngon par sgrub pas rten du gyur pa nyid dang/ sems can gyi don byed pa'i tshul khrims kyis sems can yongs su smin par byed pas rten du gyur pa'o/ /bzod pa yang gnod par byed pa la ji mi snyam pa'i bzod pa ni gang gzhan gyis gnod pa byed pa la rab tu kho ba nyid do/ /de'i dbang gis 'khor ba'i sdug bsngal dang du len pa'i bzod pa ste/ gang gi stobs kyis 'khor ba'i sdug bsngal gang yin pa des ldog par mi 'gyur pa'o/ /chos la nges par rtog pa'i bzod pa ni yang chos gang la nges par brtags pa de la 'dod pa ste/ de yang bshad ma thag pa'i bzod pa gnyis po dag gi rten du gyur pa'o/ /brtson 'grus kyi lus kyang rnam pa gsum nyid du bzhag ste/ ji ltar bcom ldan 'das kyi mdo sde gzhan dag las/ brtan pa dang ldan pa dang/

  368. 184b

    brtson 'grus dang ldan pa dang/ spro ba can dang/ pha rol gnon pa brtan pa dang/ blangs pa mi 'dor zhing zhes gsungs pa'i tshig de dag brtson 'grus kyi lus rnam par bzhag pa gsum dang sbyar bar bya'o/ /de la go cha'i brtson 'grus ni brtan pa dang ldan pa nyid du 'gyur ro/ /dang por sbyor pa'i brtson 'grus ni brtson 'grus dang ldan par 'gyur ro/ /sbyor pa'i dus su mi zhum pa dang/ mi 'khrugs pa dang/ chog par mi 'dzin pa zhes bya ba dag rim pa ji lta pa bzhin du spro ba can dang/ pha rol gnon pa brtan pa dang/ blangs pa mi 'dor ba zhes bya ba 'di dag gis bstan pa yin no/ /gang gi phyir gang bdag dang por bla na med pa'i byang chub kyi don du brtan pa dang yang ldan la/ sbyor pa'i dus su brtson 'grus dang ldan du zin kyang sems zhum par gyur na ma yin pas de lta pas na de'i gnyen por spro ba can te/ gang sems spro pa dang ldan pa de sems zhum par mi 'gyur te/ zhum pa ni 'dir sems 'gong pa'i bdag nyid du 'dod do// sems zhum pa med du zin kyang 'khrugs par gyur na sangs rgyas nyid las ldog par 'gyur pas des na de'i gnyen por mi 'khrugs pa'i brtson 'grus bstan te/ de yang pha rol gnon pa bstan pa zhes bya bas pha rol gnon pa brtan pa nyid du bstan to/ /'di ltar pha rol gnon pa brtan pa nyid ni sdug bsngal gyis ldog par mi 'gyur ro/ /sdug bsngal gyis ldog par mi 'gyur du zin kyang gang nyung zad kyis chog par 'dzin na bla na med pa'i byang chub thob par mi 'gyur bas// de'i phyir chog par mi 'dzin pa'i brtson 'grus zhes bya bar yang bstan te/ cung zad kyis chog par mi bzung ngo zhes bya ba'i tha tshig go /de yang blangs pa mi 'dor pa zhes bya ba 'dis bstan te/ don de dag nyid kyis ni brtson 'grus

  369. 185a

    rnam pa gsum bshad pa yin no/ /yang gnas pa'i bsam gtan ni gang gis mthong ba'i chos la bde bar gnas pas gnas pa'o/ /mngon par sgrub pa gang gis mngon par shes pa drug mngon par sgrub pa'o/ /bya ba sgrub pa'i bsam gtan zhes bya ba ni gang bsam gtan la brten nas sems can gyi don byed pa ste/ de ni bya ba sgrub pa'i bsam gtan no/ /bsam gtan rnam pa gsum gyi don ni de dag nyid do/ /shes rab kyi lus rnam par bzhag pa gsum gyi don ni go sla'o/ /'di dag bsdud par ji ltar blta zhe na zhes bya ba ni pha rol tu phyin pa 'di dag gis dge ba'i chos rnams ji ltar bsdu zhes blta bar bya'o/ /gang gis phyir de dag tu 'di dag bsdus pa'i phyir 'di dag tu yang de dag bsdus pa yin par blta bar bya'o/ /'di dag gis dge ba'i chos thams cad bsdus zhes bya ba ni 'dir dge ba'i chos thams cad ni byang chub kyi phyogs kyi chos rnams su 'dod do/ /de'i mtshan nyid ces bya ba la/ de'i mtshan nyid ni shes rab bo/ /de'i rgyu mthun pa zhes bya ba la/ de ni ji ltar mngon par shes pa dang/ stobs bcu la sogs pa'i yon tan gzhan dag gi yang rgyur mthun par gyur pa'o/ /de dang mthun pa zhes bya ba ni dad pa la sogs pa ni de dang mthun par blta bar bya ste/ gang yang dkar po'i chos rnams thams cad yang dag par bsdus pa pha rol tu phyin pa rnams des bstan to/ /de dag gi mi mthun pa'i phyogs rnams kyi kun nas nyon mongs pa'i chos thams cad ji ltar bsdus pa de bstan par bya'o/ /de la de'i mtshan nyid ces bya ba ni de'i mtshan nyid 'dod chags la sogs pa dag go /de'i gzhi zhes bya ba ni gzhi ste/ ji ltar ser sna'i gzhi dang/ ma dad pa nyid dang/ lta ba log pa la sogs pa'o//

  370. 185b

    de'i 'bras bu zhes bya ba ni ji ltar ser sna dang/ 'chal ba'i tshul khrims dang/ khro ba la sogs pa'i 'bras bu'o/ /pha rol tu phyin pa 'di dag gi phan yon bstan par bya ba ni/ kha na ma tho ba med pa'i mngon par mtho ba ste/ ji ltar phyi rol pa'i lta bu ni ma yin te/ de dag gi mngon par mtho ba nyid yin na yang kha na ma thob dang bcas pas dman pa nyid yin pa dang/ yang de dag ni mi rtag pa nyid yin pas so/ /yang pha rol tu phyin pa'i 'bras bu ni mi rtag pa ma yin te/ byang chub kyi snying po la gnas kyi bar du zhes gsungs pa'i phyir ro/ /yang de ni bdag 'ba' zhig gi don yin gyi/ gzhan gyi ma yin pa de ni ma yin te/ gang gi phyir pha rol tu phyin pa'i 'bras bu ni sems can gyi don bya bar nye bar gnas pa zhes bstan pa'i phyir ro/ /pha rol tu phyin pa thams cad kyi 'bras bu'i phan yon ni/ kha na ma tho ba med pa la sogs pa 'di dag yin no/ /shes rab kyi pha rol tu phyin pa sum brgya ba la sogs pa las pha rol tu phyin pa gcig bstan par byas pa der gang thams cad bstan pa yin no zhes bya ba de'i dgongs pa gang yin zhe na/ gcig la rab tu sbyor ba na thams cad kyi byed pa 'gro bar 'gyur ro zhes dgongs pa yin no/ /de la sbyin pa byed pa na lus dang ngag bsdams nas sbyin par byed pa ni de'i tshul khrims kyi pha rol tu phyin pa'i byed pa yin no/ /sbyin pa'i rgyu dang 'bras bu shes pa nyid ni shes rab kyi byed pa ste/ lhag ma rnams kyi byed pa la yang sbyar bar bya'o/ /de'i rgyu dang 'bras bu'i bye brag las brtsams pa ni shes bya chos kyi dbyings rnams bcu po kun tu 'gro ba'i don dang/ gzungs dang ting nge 'dzin gyi sgo la dbang ba'i don gyi bar du'o/ /de la shes bya chos kyi dbyings rnam pa bcu ni de las dang sa la shes bya'i rnam par re re ste/ de yang ma rig pa'i dbang gis mi shes pa yin

  371. 186a

    pas de'i phyir de lta bu'i ma rig pa'i gnyen por sa bcu'o/ /yang na de'i mi mthun pa'i phyogs rnam pa bcu las bcur bzhag ste/ de'i mi mthun pa'i phyogs rnam pa bcu gang zhe na/ so so'i skye bo nyid dang/ bden pa la lus la sogs pas phyin ci log tu sgrub pa dang/ bul ba nyid do/ /thos pa dang/ bsam pa dang/ bsgoms pa brjod pa nyid dang nyon mongs pa phra ba kun tu rgyu ba ste/ lhan cig skyes pa'i 'jig tshogs la lta ba la sogs pas bsdus pa'o/ /de yang chud pa'i rnam pa nyid kyi phyir dang/ yid la byed pa dang bcas pa'i dmigs pa nyid kyi phyir dang/ kun tu spyod pa ring du song ba nyid ni phra ba yin par rig par bya'o/ /theg pa dman pas mya ngan las 'da' ba dang/ mtshan ma rgya chen po la kun tu spyod pa dang/ mtshan ma phra mo la kun tu spyod pa dang/ mtshan ma med par mngon par 'du byed pa dang/ sems can gyi don byed pa la mngon par 'du byed pa dang/ thob par bya ba'i chos la gtso bor bya ba med pa'o/ /de la mngon du 'gro ba'i don las brtsams pa ni chos kyi dbyings kun tu 'gro ba ste/ 'di ltar chos gang yang bdag med pa'i bdag nyid ma yin pa med pa'o/ /mchog gi don zhes bya ba ni de ni sa gnyis pa'i ye shes so/ /rgyu mthun pa'i don gyi mchog ni gang du theg pa chen pos chos bstan pa'i rgyu mthun pa'o/ /mchog ces bya ba ni sa gsum par gyur pa'i ye shes so/ /gang la bdag tu 'dzin pa yod pa de ni kun tu 'dzin pa can te/ ji ltar bdag tu 'dzin pa med pa ni byang gi sgra mi snyan no/ /de la 'di lta bu'i chos kyi dbyings thob par gyur pa ni gang la yang bdag gir 'dzin pa 'byung bar mi 'gyur te/ 'di ltar de lta bu'i ye shes ni bzhi pa la 'byung bar 'gyur ro/ /de nyid

  372. 186b

    brgyud tha dad pa med pa ste/ ji ltar mig la sogs pa sems can so so la yod pa rnams nyid tha dad pa ma yin par shes pa de ni lnga pa'o/ /kun nas nyon mongs pa ma yin pa ni rang bzhin gyis kun nas nyon mongs pa ma yin pa'i phyir kun nas nyon mongs pa ma yin pa ste dag pa nyid kyi ye shes de ni drug pa'o/ /mdo sde la sogs pa sna tshogs kyi don tha dad pa med pa nyid kyi ye shes ni bdun pa'o/ /de ni nyon mongs pa spangs pas bri ba med cing spel bas rnam par byang ba la 'phel ba med pa dang/ rgyu mtshan la dbang ba'i gnas dang/ zhing la dbang ba'i gnas shes pa de ni brgyad pa'o/ /de la rgyu mtshan la dbang ba ni 'di ltar de 'dod par gyur na mtshan ma de mngon sum du byed par 'gyur ba'o/ zhing la dbang ba ni ji ltar gser gyi rang bzhin du sgyur bar 'dod na yang der 'gyur ba de ni de la dbang ba'o/ /so so yang dag par rig pa'i ye shes la dbang ba'i gnas ni dgu pa'o/ /lus la sogs pa'i las la dbang ba'i gnas ni bcu pa'o/ /gzungs dang ting nge 'dzin gyi sgo la dbang ba nyid kyi gnas kyi don kyang bcu pa ste/ ma rig pa 'di yang nyan thos rnams kyi ni nyon mongs pa can ma yin te/ gang gis phyir de dag sa la mi 'jug pas so/ /dang po nyid kyi sa thams cad rab tu rtogs par 'gyur na/ yang ci'i phyir so so'i rim pa bzhag par byed ces rgol ba de la lan gdab pa'i phyir gang la gnas pas gnas pa de'i dbang gis sa rnam par bzhag par bya ste/ ji ltar dang po nyid kyis thams cad yang dag par so sor rtogs na ci'i phyir dang po la rab tu dga' ba zhes bya zhe na/ 'di ltar bdag dang gzhan gyi don yang dag par sgrub pa'i nus pa de'i tshe dang po thob pa yin pas so/ /yang nyan thos rnams kyis de kho na nyid du rtogs pa'i dus na ni bdag gi don yang dag par sgrub pa'i nus pa ni thob kyi/ de dag gis gzhan gyi don

  373. 187a

    gyi ni ma yin pas byang chub sems dpa' rnams kyi ji lta bu de lta bu'i dga' ba 'byung bar mi 'gyur ro/ /ci'i phyir sa gnyis pa la dri ma med pa zhes bya ba ni gang gis de rang bzhin gyis tshul khrims can du gyur pa nyid yin gyi/ dang po bzhin du so sor brtags pa'i tshul khrims can ni ma yin no/ /des na 'di ltar 'chal ba'i tshul khrims kyi dri ma ring du byed pa'i phyir de ni rang bzhin gyis tshul khrims can nyid yin no/ /gang gi phyir sa gsum pa la 'od byed pa zhes bya zhe na/ 'di ltar de ni ting nge 'dzin la snyoms par zhugs pa de las 'bral bar mi 'gyur te/ de las nyams pa med pa na theg pa chen po'i chos kyi snang ba 'byung bar 'gyur bas so/ /gang gi phyir bzhi pa la 'od 'phro ba zhes bya zhe na/ 'di ltar de yis byang chub kyi phyogs kyi chos de dag la gnas par gyur pa na/ de la gnas par gyur pa nyid kyis nyon mongs pa dang nye ba'i nyon mongs pa thams cad bsreg par byed pas/ /ci'i phyir sa lnga pa la shin tu spyad dka' ba zhes bya zhe na/ gang gis de bden pa shes pa'i rnam par mi rtog pa dang/ 'jig rten pa'i bzo dang bstan bcos la sogs pa rnam par rtog pa dang bcas pa kun tu sgrub par byed pa na de dag 'gal bas shin tu dka' ba dang/ gnyi ga 'gal ba yang mngon par sgrub par byed pa na sdug bsngal bas shin tu sbyang dka' ba zhes bya'o/ /yang gang gi phyir drug pa la mngon du gyur pa zhes bya zhe na/ 'di ltar des rten cing 'brel par 'byung ba shes pa la gnas par gyur pa na/ de nas rnam par mi rtog pa gnas pa'i ye shes kyi stobs kyis shes rab kyi pha rol tu phyin pa zhes bya bas kun nas nyon mongs pa'i chos ma yin rnam par dag pa'i chos kyang ma yin/ mdun pa mngon par 'du byed pa dang

  374. 187b

    ldan pa dang/ brgyad pa mngon par 'du byed pa med pa la mngon du phyogs par gyur pas so/ /ci'i phyir sa bdun pa la ring du song ba zhes bya zhe na/ 'di ni sbyor ba las byung ba'i spyod pa de'i mthar 'gro bar gyur pa yin pa dang/ gang gi phyir mtshan ma thams cad kyis mi bskyod pas mngon par 'du byed pa dang bcas par gyur pas so/ /ci'i phyir sa brgyad pa la mi g.yo ba zhes bya zhe na/ mtshan ma thams cad dang/ mngon par 'du byed pa thams cad kyis bskyod par mi nus pa ste/ rang gi ngang gis 'jug pa'i phyir dang/ rnam par rtog pa med pa'i phyir ro/ /ci'i phyir sa dgu pa la legs pa'i blo gros zhes bya zhe na/ legs pa'i blo ni legs pa'i blo gros te/ 'dir so so yang dag par rig pa ni 'dir blo gros kyi sgras bstan te/ ye shes de ni 'dir legs pa'i blo gros zhes bya'o/ /ci'i phyir sa bcu pa la chos kyi sprin zhes bya zhe na/ gang gis chos thams cad bsdus pa la dmigs pa'o/ /'di ltar de la ye shes ni smin lta bu'o/ ting nge 'dzin dang gzungs kyi sgo rnams ni char gyi chu lta bu'o/ /de yang ye shes de'i khong na gnas ste/ 'di ltar nam mkha' sprin gyis khebs par byas nas gnas pa ltar 'dres pa'i chos la dmigs pa'i ye shes kyis kyang sgrib pa rgya chen po rnams mi mngon par byed do/ /chos kyi sku yongs su rdzogs par bya ba'i phyir zhes bya ba ni ji ltar sprin gyi nam mkha' rgyas par 'gengs pa ltar chos kyi skus byang chub sems dpa' i rten la rgyas par 'gengs so/ /'dir 'gengs pa ni spros pa'o/ /'grub pas thob pas ni zhes bya ba ni gang gis sa 'di rnams bsgoms pa las mthar phyin par 'gyur ba'o/ /zhes blta bar bya'o/ /ji ltar sa 'di dag re re zhing bsgom pa bsgom par 'gyur pa de bstan par bya ba ni rnam pa lnga ste/ yang de ni zhi gnas dang/ lhag ma thong dag bsgom pa na de dag gnyi ga yang rnam pa lngas bsgoms te

  375. 188a

    skad cig re re la gnas ngan len gyi gnas skabs thams cad 'jig par byed pa zhes bya ba ni 'di ltar gnas ngan len zhes bya ba nyon mongs pa dang shes bya'i sgrib pa'i sa bon thog ma med pa'i dus can gyi bag chags zhes bya ba ste/ sgrib pa de'i tshogs de ni 'dres pa'i chos la dmigs pa'i zhi gnas dang lhag mthong gi ye shes kyi skad cig re re la stobs chung bar byed pa'am/ /tshogs 'jig par byed pa na 'dir 'jig par byed par bzhed do/ /yang stobs chung bar byed pa ni 'jig par byed pa'o/ /sna tshogs kyi 'du shes dang bral ba ste/ chos kyi kun dga' la dga' ba 'thob pa dang/ zhes bya ba phyogs bcur rnam pa yongs su mchod pa'i chos kyi snang ba rab tu shes pa ste/ gzhung kha ton legs par bya ba bzhin no/ /rnam par dag pa'i cha dang mthun pa'i mtshan ma rnam par brtags pa ma yin pa rnams de la kun tu 'byung ba zhes bya ba la dgos pa yongs su grub pa dang rab tu ldan pa ni 'di'i rnam par dag pa'i cha dang mthun pa'i mtshan ma rnam par brtags pa ma yin pa rnams de la kun tu 'byung ba ste/ 'dir sangs rgyas nyid ni dgongs pa yongs su rdzogs pa'o zhes 'dod do/ chos kyi sku yongs su rdzogs pa dang yongs su grub par bya ba'i phyir gong ma bas ches gong ma'i rgyu yongs su 'dzin par byed ces bya ba ni de la yongs su rdzogs pa ni sa bcu pa la'o/ /yongs su grub pa ni bcu gcig pa sangs rgyas kyi sa la chos kyi sku yongs su sgrub pa'o/ /gong ma bas ches gang ma'i rgyu yongs su 'dzin pa zhes bya ba ni 'di ltar rgyu de las kyang sangs rgyas kyi sa'i bar du 'jug par 'gyur ba'o/ /gtsor ni sa bcu dag tu pha rol tu phyin pa bcu bsgoms par 'gyur te zhes bya ba la/ 'di ltar sa bcu pa las 'byung ba bzhin du ste/ dang po la sbyin pa'i pha rol tu phyin pa

  376. 188b

    lhag par 'jug nas ji srid bcu pa la ye shes kyi pha rol tu phyin pa'i bar gtsor 'jug pas na bcu po dag tu bcu bstan pa yin la/ 'di ltar yang sa thams cad la thams cad kyang bsgom par bya ba yin no/ /drug tu ni drug ces bya ba ni go rim bzhin bstan pa yin te/ 'di ltar sbyin pa'i pha rol tu phyin pa phyi nas bstan la/ ye shes kyi pha rol tu phyin pa sngon du bstan pa lta bu ni ma yin no/ /phyi ma bzhir ni zhes bya ba ni ji ltar bstan par bya ba bzhi pa'o/ /gang du pha rol tu phyin pa drug bstan pa der thabs la mkhas pa'i pha rol tu phyin pa la sogs pa bzhi po dag kyang 'dus par 'gyur ba nyid yin no/ /gang yang bcur bstan pa der ni rnam par mi rtog pa'i ye shes nyid ni shes rab kyi pha rol tu phyin pa'o/ de'i rjes la thob pas bsdus pa nyid ni de las gzhan pa'i thabs la mkhas pa la sogs pa'i pha rol tu phyin par 'gyur ro/ /des na phyi ma rnams la 'di dag bsgom par 'gyur ba yin no/ /thabs la mkhas pa'i pha rol tu phyin pa ni zhes bya ba de ston par byed pa ni sems can thams cad dang thun mong du zhes bya ba la sogs pa ste/ de la thun mong nyid ni dge ba'i rtsa ba bsags pa rnams sems can rnams la ji lta ba bzhin du 'byung bar byed pa'o/ /de yang bstan par bya ste/ gang yang bla na med pa yang dag par rdzogs pa'i byang chub thob par 'dod pas byang chub mngon par rdzogs par byang chub nas sems can thams cad kyi don bya'o zhes bya ba de lta bu'i bsam pa dang ldan pa'o/ /des na gang su dag de lta bu'i sems dang/ de lta bu'i dge ba'i rtsa ba yongs su bsngo bas sems can thams cad kyi don bya'o zhes bya ba des ni sems can thams cad dang thun mong du thabs la mkhas pa'i shes rab dang snying rje dag bstan te/ 'di ltar pha rol tu phyin pa drug

  377. 189a

    gis dge ba'i rtsa ba bsags pa rnams snying rjes ni sems can thams cad dang thun mong du byed do/ /shes rab kyi ni brgya byin la sogs pa nyid du yang yongs su bsngo bar mi byed do/ /des na nyon mongs pa 'byung bar yang mi 'gyur te/ yongs su shes pa'i phyir ro/ /'khor ba yang yongs su mi gtong la/ der yang kun nas nyon mongs pa 'byung bar mi 'gyur ba ni thabs la mkhas par 'gyur ba yin te/ 'di ni thabs la mkhas pa'o/ /gang smon lam sna tshogs kyi rgyu'i dbang gis pha rol tu phyin pa sna tshogs kyi rkyen sdud pa de lta bu ni smon lam gyi pha rol tu phyin pa'i las yin te/ smon lam nyid kyi pha rol tu phyin pa ni smon lam gyi pha rol tu phyin pa'o/ /phyi ma la zhes bya ba la/ phyi ma'i rgyu mtshan ni phyi ma ste 'di ni rgyu mtshan 'dun pa yin te/ de'i tshe smon lam sna tshogs bsgrubs pas des ni phyi ma la 'di dag rnams bsgom par 'gyur ba yin te/ de'i dbang gis pha rol tu phyin pa sna tshogs kyi rkyen sdud pa 'thob po/ /mdo gzhan las stobs gnyis bstan pa ni so sor rtogs pa'i stobs dang/ bsgom pa'i stobs po/ yang gal te bsgom pa'i stobs med pa ni so sor rtogs pa'i stobs kyis 'jug par 'gyur te/ pha rol tu phyin pa gang gis pha rol tu phyin ba mi mthun pa'i phyogs zil gyis mnan nas pha rol tu phyin pa rgyun mi 'chad par 'byung bar 'gyur te/ 'di dag ni stobs kyi pha rol tu phyin pa'o/ /ye shes kyi pha rol tu phyin pa'i las gang yin pa de bstan par bya ste/ ye shes des ni shes rab kyi pha rol tu phyin pa'i ngo bo rnam par mi rtogs pa'i ye shes kyi pha rol tu phyin pa gang yin pa rnam par 'jog pa ste/ gang gis chos pa longs spyod pa myong ba dang/ lhan cig tu chos dang ldan pa'i don dang/ sems can

  378. 189b

    yongs su smin par byed pa'i don yang ye shes kyi pha rol tu phyin pas rnam par bzhag pa yin no/ /chos kyi rnam grangs de pha rol tu phyin pa'i sde snod kyis bsdus pa'i phyir ro zhes bya ba la/ de la pha rol tu phyin pa'i sde snod ni theg pa chen po'i chos thams cad do// sa bcu pa'i chos kyi rnam grangs 'di yang pha rol tu phyin pa'i sde snod nyid yin gyi nyan thos kyi ni ma yin no/ /de bsdus pa nyid kyi phyir na yang pha rol tu phyin pa thams cad sgom pa ni sa thams cad la 'byung bar 'gyur ba yin no/ /sangs rgyas kyi zhing rab 'byams thams cad du sangs rgyas byung ba thams cad kyis kyang rab tu bsgoms pa'i phyir sa 'di rnams ni shin tu mchog tu gyur pa nyid yin pa'i phyir chos kyi rnam grangs de ni yul gyi mchog nyid du bstan la dang por bstan pa yang yin no/ /yang yul de ni shin tu yangs par gyur pa yin pa dang/ nye ba na gnas pa'i yul gzhan gyi gtso bor gyur pa nyid kyis de ni mchog yin no/ /gang zag lnga ni bskal pa grangs med pa gsum gyis rdzogs par 'gyur te/ zhes bya ba la/ de la re zhig mos pa spyod pas na mos pa spyod pa ste/ de ni mos pa spyod pa'i sa bskal pa grangs med pa gcig gis rdzogs par 'gyur ro/ /gang yongs su rdzogs pas ni lhag pa'i bsam pa rnam par dag pa dang/ de kho na nyid so sor rig par 'gyur ro/ /de ni yang sa bcu po thams cad du lhag pa'i bsam pa rnam par dag pas spyod par 'gyur ro/ /de ni yang sa drug la ni mtshan ma dang bcas par spyod do/ /bdun pa la ni mtshan ma med par spyod cing mngon par 'du byed pa dang bcas pa yin te/ grangs med pa gnyis pas grub par 'gyur ba yin no/ /brgyad pa la zhugs pa ni mngon par 'du byed pa med pa yin te/ mngon par 'du byed pa med pa la spyod pa yongs su rdzogs pa ni ma yin no/ /mngon par 'du byed pa med pa la spyod pa yongs su rdzogs pa nyid ni dgu pa dang bcu pa la yin te/

  379. 190a

    gang zag de'i ni bskal pa grangs med pa gsum pas so/ /de lta bu dag ni gang zag gcig la rgyun du zhugs pa dang/ lan cig phyir 'ong ba dang/ phyir mi 'ong ba rnam par bzhag pa bzhin du rnam par bzhag pa'i khyad par gzhan rnam pa lngar 'gyur ba yin no/ /gang bskal pa grangs med pa gsum gyis byang chub sems dpa' bsgom pa rdzogs par 'gyur zhes bstan pa de thog ma med pa'i dus nas 'khor ba na gnas pa'i tshe sbyin pa la sogs pa byin pas kyang 'di ltar sangs rgyas 'byung ba dang phrad par gyur pas gang de lta bu'i bskal pa grangs med pa gsum po de dang po gang nas brtsams nas bstan pa yin zhe na/ de tshigs su bcad pas bstan par bya ste/ bzang dang smon pa'i stobs can dang zhes bya ba ni/ dge ba'i rtsa ba'i stobs can du 'gyur ba dang/ smon lam gyi stobs can du 'gyur ba'o/ /de la dge ba'i rtsa ba'i stobs can ni mi mthun pa'i phyogs kyis zil gyis gnon par mi nus par blta bar bya'o/ /smon lam gyi stobs kyis ni rtag tu dge ba'i bshes gnyen dang phrad pa yin par blta bar bya'o/ /sems brtan khyad par 'gro ba'i zhes bya ba ni/ sems bskyed pa brtan pa can du 'gyur ba dang/ khyad par du 'gro bar 'gyur ba'o/ /de la sems bskyed pa brtan pa ni/ dge ba'i bshes gnyen gyi dbang gis byang chub kyi sems yongs su mi gtong bar blta bar bya'o/ /khyad par du 'gro ba nyid ni skye ba gzhan dang gzhan du mthong ba'i chos nyid la dge ba rnams 'phel bar 'gyur zhing nyams par mi 'gyur bar blta bar bya'o/ /lhag ma ni go sla'o/ /ji ltar byas na byang chub sems dpa' rnams kyi bslab pa nyan thos la sogs pa dag las khyad par du 'phags pa yin zhe na/ rab tu dbye ba'i khyad par

  380. 190b

    dang zhes bya ba la/ 'di ltar nyan thos rnams la ni sdom pa'i tshul khrims gcig pu yod kyi dge ba'i chos bsdud pa'i tshul khrims kyang ma yin/ sems can gyi don byed pa'i tshul khrims kyang ma yin no/ /thun mong dang thun mongs ma yin pa'i zhes bya ba la de la rang bzhin gyi kha na ma tho ba dang bcas pa srog gcod pa la sogs pa ni thun mong gi'o/ /sa brko ba dang rtswa gcod pa la sogs pa ni thun mong ma yin pa ste/ gang yang bcas pa'i kha na ma tho ba'i bslab pa phyi ma rnams so/ /nyan thos kyi ltung bar 'gyur ba de la byang chub sems dpa' i ltung ba med do zhes bya ba ni ji ltar dbyar gyi nang du nyan thos rnams song bar gyur na ltung ba yin no/ /sems can gyi don mthong lam song na byang chub sems dpa' rnams kyi ltung ba yin la/ song na ni ltung ba med do/ /kha na ma tho ba med par sems can thams cad la phan 'dogs pa zhes bya ba ni sems can thams cad la kha na ma tho ba med pas phan 'dogs par byed kyi/ ji ltar bud med khyed la shog ces bya ba lta bus ni ma yin te/ gang gi phyir yang de ni gzhan gyis yongs su bzung ba yin pas kha na ma tho ba med par yang ji ltar 'gyur/ de bas na de dang 'dra ba'i don gzhan yang yongs su spangs la kha na ma tho ba med pas phan gdags par bya'o/ /sems kyi ltung ba zhes bya ba ni gang 'dod pa dang gnod sems la sogs pa'i rnam par rtog pa ni byang chub sems dpa' rnams kyi ltung ba yin gyi/ nyan thos rnams kyi ni ma yin no/ /lhag pa'i tshul khrims kyi bslab pa la sogs pa gsum ni pha rol tu phyin pa'i ngo bo nyid yin na ci'i phyir de pha rol tu phyin pa las tha dad du rnam par bzhag par bya zhe na/ gang gi phyir tha dad du rnam par bzhag par bya ba de bstan par bya ste/ 'di ltar bslab pa rnams phan tshun rgyu'i ngo bor rnam par bzhag par bya ste/ tshul khrims la brten nas ni bsam gtan bskyed par bya ba yin no/ /bsam

  381. 191a

    gtan la brten nas ni shes rab bskyed par bya ba yin no/ /sna tshogs dang tshad med pa'i bslab pa rgya che ba zhes bya ba ni byang chub sems dpa' rnams kyi bslab pa sna tshogs pa dang tshad med pa ste/ gang gi phyir des sems can yongs su smin par byed pa dang/ de dag la phan 'dogs pa ni 'dogs pa'o/ /bsod nams tshad med pa yongs su 'dzin pa zhes bya ba ni 'di ltar nges sems can chod? med par bsod nams kyi tshogs yongs su 'dzin gyi nyan thos rnams kyi ni ma yin no/ /sems can thams cad la phan pa dang bde bar bya ba'i bsam pa yongs su 'dzin pa zhes bya ba ni de la phan pa la 'god pa ni phan pa'i bsam pa'o/ /gang dge ba'i rtsa ba 'di la 'bras bu ci yod pa de gang zag 'dis thob par gyur cig ces bya ba ni bde ba'i bsam pa'o/ /bla na med pa yang dag par rdzogs pa'i byang chub la brten pa rgya che ba zhes bya ba ni gang gi phyir tshul khrims 'di ni bla na med pa yang dag par rdzogs pa'i byang chub kyi rten du 'gyur gyi nyan thos rnams kyi ni ma yin no// //bam po drug pa/ /zab pa nyid ni gang byang chub sems dpa' thabs la mkhas pa'i rnam pa de lta bus zhes bya ba de la/ byang chub sems dpa' ji lta ba de lta bu'i thabs la mkhas pa'i rnam pa'i nus pa can du 'gyur ba de bstan par bya ste/ gal te re zhig 'di ltar shes te/ gang zag 'di ni 'dir mi dge ba mtshams med pa la sogs pa dang ldan pa'o zhes gal te pha rol gyi sems shes par gyur na/ gal te de las bzlog par bya ba'i thabs gzhan med na/ 'di nges par 'di ltar bsad na ni bde 'gror 'gro bar 'gyur la/ nges par las 'di byas na ni nges pa kho nar ngan 'gror 'gro bar 'gyur bar shes

  382. 191b

    shing de lta bur rig par gyur na/ gang 'di ltar sems bskyed par bya ste/ ji ltar yang bdag gis las 'di byas pas bdag ngan song de 'gro ba de ni 'dod kyi/ 'di da ltar gyi sdug bsngal cung zad la sbyar bas ma 'ongs pa'i bde ba thob par 'gyur bar bya'o zhes nges 'di ltar sman pa dang 'dra ba'i sems bskyed nas bsad par gyur kyang bsod nams ma yin pa med kyi/ bsod nams nyid mang du 'phel bar 'gyur te/ gang bsod nams nyid mang du 'phel bar 'gyur ba des na myur du bla na med pa yang dag par rdzogs pa'i byang chub rjes su thob par 'gyur ba ste/ 'di lta bu ni shin tu zab pa'o/ /gang yang sprul pa'i lus dang ngag gi las kyang byang chub sems dpa' i zab pa'i tshul khrims rig par bya ste/ des rgyal srid kyang byed cing sems can la 'tshe ba sna tshogs bstan nas sems can 'dul ba la 'god do zhes bya ba la/ de la sprul pa'i ngo bo nyid ni sprul pa ste/ 'di ltar de yang rgyal po me yis gzhon nu nor bzang la ji ltar bstan pa bzhin du sbyar bar bya'o/ /skyes ba'i rabs sna tshogs bstan pas zhes bya ba ni ji ltar thams cad sgrol gyi skyes pa'i rabs 'byung ba lta bu ste/ der byang chub sems dpas bram ze la bu sbyin par gtang ba de ni sprul ba yin te/ sems can gzhan la gnod pa byed pas sems can gzhan la phan 'dogs pa ni ma yin yang/ gang gi phyir byang chub sems dpa' sems can gzhan la gnod pa byas nas sems can gzhan la phan 'dogs par byed pa 'di lta bu ni zab pa yin no/ /khyad par rnam pa bzhi po de dag nyid ni yang 'dul ba bsgrags pa zhes bya ba shin tu rgyas pa'i mdo sde las brgya stong du mar bstan to/ /lhag pa'i sems las brtsams nas/ theg pa chen po'i chos la dmigs pa zhes bya ba ni gang gi phyir byang chub

  383. 192a

    sems dpa' rnams theg pa chen po'i chos la dmigs kyi/ nyan thos rnams ni ma yin no/ /theg pa chen po snang ba dang/ bsod nams thams cad yang dag par bsags pa dang/ ting nge 'dzin gyi rgyal po zhes bya ba la/ ting nge 'dzin smos pa ni 'di lta bu'i ting nge 'dzin sna tshogs las gang gi phyir nyan thos rnams la ni gcig tsam yang med do/ /gnyen pos rab tu dbye ba zhes bya ba ni gang gi phyir sgrib pa thams cad kyi gnyen por rnam par gnas pa ste/ ji ltar khye'u rags pa ni phra bas 'byin par byed pa de bzhin du kun gzhi rnam par shes pa la rnam par gnas pa'i kun nas nyon mongs pa'i sa bon bag chags zhes bya ba dags pa ni gnyen po phra mos 'byin par byed do zhes bya ba'i tha tshig go /las su rung ba nyid kyis rab tu dbye ba ni las su rung ba bsam gtan la bde bar gnas nas gang du sems can gyi don mthong ba der skye bar 'gyur ba ste/ der yang bsam gtan nyams par mi 'gyur ro/ /de lta bu ni nyan thos rnams la med do/ /mngon par sgrub pas rab tu dbye ba dang zhes bya ba ni 'jig rten gyi khams thams cad du thogs pa med pa ni mngon par shes pa bsam gtan gyis mngon par sgrub par byed pa'o/ / las kyis rab tu dbye ba zhes bya ba la/ g.yo bar byed pa ni 'jig rten gyi khams rnams g.yo bar byed pa'o/ /'bar bar byed pa ni de dag nyid 'bar bar byed pa'o/ /khyab par byed pa ni 'od kyis khyab par byed par blta bar bya'o/ /ston pa ni gang gzhan gyis mi nus pa de'i 'od kyi gzhan 'jig rten gyi khams du ma'i sangs rgyas la sogs pa mthong bar byed pa'o/ /gzhan gyi dngos por bsgyur pa ni sa la sogs pa rnams chu nyid la sogs par

  384. 192b

    bsgyur bar blta bar bya'o/ /'gro ba ni skad cig gcig la 'jig rten gyi khams du mar 'gro ba'o/ /'ong ba nyid ni de dag nyid nas so/ /sdud pa ni rdul phra rab gcig gi nang du 'jig rten gyi khams du ma chud par byas na yang de la 'phel ba med pa'o// rgyas par byed pa ni rdul phra rab gcig gis 'jig rten gyi khams tshad med pa rnams 'gengs par byed pa'o/ /gzugs thams cad las su 'jug pa zhes bya ba ni ji ltar lus la bya ba rnam pa sna tshogs du ma thams cad ston pa'o/ /skal pa mnyam pas 'gro ba ni ji ltar gdul bya'i don du sum cu rtsa gsum pa rnams la kha dog dang dbyibs dag de dang mthun pas mnyam par 'gro ba ste/ de bzhin du thams cad du sbyar ro/ /snang bar byed pa ni rab tu bsal bar byed pa'o/ /mi snang bar byed pa ni rab tu mi snang ba'o/ /dbang nyid du byed pa ni ji ltar bdud sangs rgyas nyid du byed pa lta bu'o/ /gzhan gyi rdzu 'phrul rab tu 'joms pa ni gzhan gyi rdzu 'phrul zil gyis gnon par byed pa'o/ /spobs pa sbyin pa ni 'dri ba nyid la'o/ /dran pa sbyin pa dang/ bde ba sbyin pa ni nyan pa la ting nge 'dzin sbyin pa'o/ /'od zer gtong ba'i rdzu 'phrul chen po ni 'jig rten gyi khams gzhan nas byang chub sems dpa' rnams skud? pa'o/ /rdzu 'phrul chen po mngon par sgrub pa ni chen por gyur pa'i rdzu 'phrul te/ bstan ma thag pa de dag nyid yin te/ de dag ni nyan thos rnams la med do/ /byang chub sems dpa' ni dka' ba spyod pa yin no zhes gsungs pa'i dka' ba spyod pa gang yin zhe na/ dka' ba spyod pa rnam pa bcu po de dag thams cad kyis bstan pa yin no/ /de la mi 'byed par kun nas nyon mongs pa med par dka' ba spyod pa ni zhes bya ba ni mi 'byed pa ni 'dir ma thar pa'o/ /'di lta bu ni thar pa yin te/ gang 'khor ba las kyang ma grol la/ de nyid du kun nas nyon mongs pa yang ma yin

  385. 193a

    pa'o/ /lhag ma dka' ba spyod pa dgu ni don go sla'o/ /dgongs te gsungs pa'i dgongs pa bstan par bya ste/ de la ji ltar na byang chub sems dpa' sbyin phod pa yin zhe na zhes bya ba la/ sems can thams cad bdag nyid lta bur rtogs pas de'i phyir des sbyin pa byin par gyur pa ma yin no/ zhes dgongs so/ /ji ltar na sbyin pa 'dod pa yin zhe na/ kha na ma tho ba dang bcas pa'i sbyin pa la sogs pa la 'di ltar 'dod pa med pa ste/ byang chub sems dpa' i sbyin pa nyid la 'dod bar byed pas ro myong ba med pa'i don te/ ro myang bar mi byed ces bya bar bzhed do/ des na ro mi myang ba ni ro myang ba med pa'i sbyin pa'o/ /ji ltar na sbyin pa la mos pa yin zhe na/ gang gi phyir bdag nyid kyis sbyin pa byed pa thob pa yin gyi/ gang gzhan gyi rkyen gyis 'gro ba ma yin pa'o/ /ji ltar na sbyin pa la 'jug par byed pa yin zhes bya ba la/ rang bzhin gyis sbyin pa gtong ba yin zhes bya ba dgongs pa ste/ 'di ltar bdag nyid kyis kyang 'jug par bya dgos pa ma yin pa ste/ ser sna shin tu spangs pa'i phyir ro/ /des na gzhan dag gzhug pa la yang ldan par 'gyur ro/ /ji ltar na sbyin pa la mngon par dga' ba yin zhes bya ba la/ res 'ga' zhig 'ga' zhig sbyin par byed pa ma yin gyi rtag tu ci bdog pa sbyin pa'o/ /ji ltar na sbyin pa la che ba yin zhes bya ba la/ snying po med pa ni rnam par g.yeng ba med pa ste/ de ni 'di ltar mnyam par gzhag pas sbyin zhing g.yeng ba med pas sbyin par bya'o zhes pa'i tha tshig go /ji ltar na sbyin pa dag pa yin zhes bya ba la/ 'byung ba ni rab tu gnas pa ste/ ser sna rtsa ba nas 'byin par byed pa ste/ gal te ser sna rgyas par gyur na 'byin par byed cing nye bar 'byin par byed pa'o/ /ji ltar na sbyin pa mthar phyin pa yin zhe na zhes bya ba la/ gal te mdza' zhes bya ba

  386. 193b

    mya ngan las 'das pa la/ nyan thos bzhin du gnas par ma gyur na'o/ /ji ltar sbyin pa la bdag po yin zhes bya ba la/ gang sbyin pa la sogs pa'i mi mthun pa'i phyogs de dag gi dbang du gyur pa ma yin pa ste/ des na sbyin pa la sogs pa'i dbang du gyur ba yin te/ de'i mi mthun pa'i phyogs kyi dbang du ma gyur pa'i phyir ro/ /ji ltar na sbyin pa mi zad pa yin zhes bya ba la/ zad pa med pa ni 'dir mya ngan las 'das pa yin par bzhed de/ 'di ltar nyan thos bzhin du mya ngan las 'das pa la gnas pa ma yin no/ /zhes bya ba'i tha tshig go /gang mdo sde las dge slong dgang ni srog gcod pa yin no zhes bya ba la sogs pa gsungs pa de dag gi dgongs pa gang gis gsungs pa de ston par byed ba ste/ ji ltar na 'dod pas log par spyod pa yin zhes bya ba la/ gang gi phyir 'dod pa 'di dag ni log pa yin no zhes de ltar spyod pa'o/ /shes bya'i pha rol tu gnas pa zhes bya ba ni shes bya'i pha rol tu phyin par byas nas gnas zhes bya ba'i tha tshig go / ji ltar na log par lta ba can yin zhes bya ba la/ gang thams cad du gtogs pa'i gzugs la sogs pa dag log pa nyid yin pa'i phyir kun tu brtags pa nyid dang/ gzhan gyi dbang nyid yang dag pa ji lta ba bzhin du mthong ba ste/ kun tu brtags pa nyid ni gzhan gyi dbang las log pa nyid du mthong zhes bya ba'i tha tshig go /lhag ma mi dge ba bcu'i las kyi lam rnams ni go sla'o/ /yang mdo gzhan las gsungs pa'i rtag pa'i chos rnams ni sangs rgyas kyi chos rnams te zhes bya ba/ mi gos pa'i chos rnams ni sangs rgyas kyi chos rnams te zhes gsungs pa'i bar la de dag la dgongs pa yin zhe na/ de bstan par bya ste/ rtag pa ni chos kyi sku'o/ /de bas na chos de ni rtag pa'i chos rnams zhes bstan to/ /chad

  387. 194a

    pa'i chos rnams zhes bya ba ni sgrib pa ji snyed pa dag de la yongs su chad par gyur bas de'i phyir don des na de ni chad pa'i chos rnams zhes brjod do/ /dmigs pa'i chos rnams ni sangs rgyas kyi chos rnams te zhes bya ba la/ sems can gyi spyod pa gnyen po dang bcas pa stong phrag brgyad cu rtsa bzhi nye bar dmigs pa ste/ des na chos de ni dmigs pa'i chos rnams so/ /mi gos pa'i chos rnams ni zhes bya ba la/ sgrib pa thams cad kyis mi gos pa zhes bya ba ni de gzhan nyid do/ /de'i phyir chos de ni mi gos pa'i chos yin no/ /zhes bya ba'i tha tshig go /las kyis rab tu dbye ba ma bstan pas de'i phyir byang chub sems dpa' rnams kyi ting nge 'dzin rnams kyi las gang yin pa bstan par bya'o/ /de la ting nge 'dzin la yang dag par brten nas byang chub sems dpa' rnams pha rol tu phyin pa rnams sgom par byed do/ /de bzhin du de la yang dag bar stan nas? sems can rnams yongs su smin par byed de/ rdzu 'phrul la sogs pa dag gis 'dun par byas nas 'jug par byed do/ /de bzhin du de'i stobs kyis sangs rgyas kyi zhing yongs su sbyong bar byed de/ sems la dbang thob par gyur na ji ltar 'dod pa bzhin du de gser la sogs pa'i rang bzhin du byed do/ /de bzhin du de'i stobs kyis sangs rgyas kyi chos thams cad sgrub par byed de/ de'i las ni de dag yin no/ /lhag pa'i shes rab brjod par bya ba'i dus la bab pas de brjod do/ /de la rnam par mi rtog pa'i ye shes ni lhag pa'i shes rab tu 'dod do/ /de yang rnam pa gsum ste sbyor ba las byung ba'i rnam par mi rtog pa ste/ kun tu tshol ba'i rnam par mi rtog pa dang/ dngos bzhi dang/ de'i rjes las thob pa'o/ /de la shes rab kyi dbang du byas pa ni lhag pa'i shes rab dang po'o/ /nang gi bdag nyid kyi shes

  388. 194b

    rab ni lhag pa'i shes rab gnyis pa'o/ /gang gnas pa'i shes rab ni lhag pa'i shes rab gsum pa'o/ /de la re zhig rnam par mi rtog pa nyid ni bsgrub par bya ba yin pas de'i phyir gnyid ni 'bras bu yin la/ kun tu tshol ba ni rgyur gyur ba yin no// 'bras bur gyur pa de ni rjes la thob pa'i rgyur gyur pa yang yin pas de bsgrubs na de gnyi ga yang bsgrub par byas par 'gyur ro/ /de la dang por re zhig rnam par mi rtog pa'i ye shes kyi ngo bo brjod par bya'o/ /'dir ngo bo nyid de ni mtshan nyid ces brjod de/ byang chub sems dpa' rnams kyi shes/ /rnam rtog med pa'i ngo bo nyid/ /rnam pa lnga ni rnam spangs shing/ /yang dag don la bkrar 'dzin med/ /ces bya bar sbyar ro/ /rnam pa lnga ni yid la byed pa med pa tsam rnam par mi rtog pa'i ye shes nyid yin na gnyid log pa dang/ ra ro ba dang bag med pa la sogs pa yang rnam par mi rtog ba'i ye shes su thal bar 'gyur ro/ /yang rnam par rtog pa dang bcas rnam par dpyod pa dang bcas pa'i sa las 'das pa rnam par mi rtog par 'dod na/ de'i phyir bsam gtan gnyis pa la sogs pa thams cad kyang rnam par mi rtog par thal bar 'gyur ro/ /de lta yin na ni 'jig rten pas kyang rnam par mi rtog pa thob par thal bar 'gyur ro/ /yang na gang du sems dang sems las byung ba mi 'jug pa 'du shes dang tshor ba 'gog pa la sogs pa de'i gnas skabs rnam par mi rtog bar 'dod na de ni ye shes nyid du mi 'gyur te/ 'gog pa'i snyoms par 'jug pa la sogs pa'i dus na sems med pa'i phyir ro/ /yang na gzugs kyi ngo bo bzhin du rnam par shes pa 'dod na yang de'i phyir ji ltar gzugs bems po yin pa bzhin du rnam par shes pa yang bems po nyid du 'gyur ro/ /yang na gang de kho na nyid kyi don la bkra bar 'dzin par zhugs pa de rnam par mi rtog pa yin na/ de nyid ni rnam par rtog par 'gyur te/

  389. 195a

    'di ni de kho na nyid do zhes rtog pa'i phyir ro/ /de lta bu'i rnam pa 'di lnga yongs su spangs pa'i ye shes kyis de kho na nyid kyi don la gal te zhugs par gyur na ni de kho na nyid kyi don ni 'di'o zhes de kho na nyid kyi don la bkra bar 'dzin par mi 'gyur ro/ /de lta bu ni rnam par mi rtog pa'i ye shes kyi mtshan nyid de kho na nyid kyi don la dmigs pa yin te/ mig gi rnam par shes pa bzhin du sna tshogs kyi rang bzhin ma yin no zhes bya ba'i tha tshig go /don 'di dag nyid kyis tshigs su bcad pa dang po yang bstan par gyur pa yin no/ /de ltar ngo bo nyid bstan nas gnas gang la de 'byung bar 'gyur ba bstan par bya ste/ de ltar bstan pa'i ye shes de'i gnas ni sems yin no/ /gal te de'i gnas sems yin na sems ni sems par byed pas na sems zhes bya ba yin pas sems kyi gnas la 'jug par 'gyur ba ni rnam par mi rtog pa zhes bya bar mi rigs so/ /yang sems pa yin na ni de ni shes pa ma yin pa thob par 'gyur ro zhe na/ skyon gnyi ga spang bar bya ba'i phyir tshigs su bcad pa/ byang chub sems dpa' rnams kyi shes/ /rnam par rtog pa med pa'i gnas/ /zhes bya ba la sogs pa gsungs te/ de'i gnas ni sems ni ma yin te/ don la mi sems pa'i phyir ro/ /sems med pa yang ma yin te/ gang de'i gnas sems kyi 'phen pa'i gnas skabs las de byung bar gyur pas na de sems kyi rgyu las byung ba'i phyir te/ de'i phyir sems kho na zhes brjod par bya'o zhes bya ba'i tha tshig go /rgyu gang las 'byung bar 'gyur ba de tshigs su bcad pas bstan pa ni/ byang chub sems dpa' rnams kyi shes/ /rnam par rtog pa med pa'i gzhi/ thos pa'i bag chags

  390. 195b

    brjod bcas pa'i zhes bya ba la sogs pa la/ gang gzhan gyis bstan pa thos pa las ni bag chags so/ /gang bag chags kyi rgyu las ni yid kyi brjod pa yid la byed pa ste/ de ni tshul bzhin yid la byed pa zhes bya'o/ /yang ye shes de'i dmigs pa gang yin pa de de las gzhan pa'i tshigs su bcad pas bstan pa la/ byang chub sems dpa' rnams kyi shes/ /rnam rtog med pa'i dmigs pa ni zhes bya ba la/ de la gang kun tu brtags pa'i ngo bo nyid kyi chos thams cad ni brjod par bya ba med pa yin pas na chos rnams brjod du med pa nyid do/ /yang de'i brjod du med pa nyid gang yin zhe na/ bdag med de bzhin nyid kyang de/ de ni gang zag dang chos kyi bdag med pa ste/ kun tu brtags pa'i ngo bo nyid kyi bdag med pa'o/ /de'i ngo bo ni de nyid de bzhin nyid do/ /des na chad par lta par ma gyur cig pa'o/ /yang de la dmigs par byed pa'i rnam pa gang yin zhe na/ de ston pa'i tshigs su bcad pa/ byang chub sems dpa' rnams kyi shes/ /rnam par mi rtog rnam pa ni/ /shes bya dmigs pa de nyid la/ /mtshan ma med pa gang yin pa'o zhes bya ba la/ ye shes de ni de bzhin nyid de la mnyam pas mnyam par 'byung bas mtshan ma med pa tha mi dad pa'i rnam pa ste/ 'di ni rnam pa'o/ /ji ltar mig gis gzugs rnams 'dzin pa na de la sngon po la sogs pa mthong ba nyid kyi rnam pa dang gzugs sngon po la sogs pa nyid gzhan ma yin pa de bzhin du/ 'dir yang ye shes dang de bzhin nyid dag gzhan ma yin pa ni rnam pa'o/ /yang gal te chos thams cad brjod du med pa yin na de lta na gang la rnam par rtog par byed ce na/ sbyor ba las byung ba'i rang bzhin te/ don du rnam brtags de las gzhan du min/ de bas na de las gzhan du ma yin no/ /yang ji ltar byas

  391. 196a

    nas zhe na/ de sgrub par bya ste/ yi ge phan tshun sbyor bas na/ don de sbyor las byung ba yin te/ yi ge gzhan dang gzhan dag lhan cig tu brjod pa'i don ni sbyor ba las byung ba'i don yin te/ ji ltar mig ces bya pa lta bu'i yi ge rnam par ma chad par brjod pa'i don ni 'di ltar sbyor ba las byung ba ste/ rnam par brtags par bya ba ni de yin no/ /chos thams cad brjod par bya ba med pa yin no zhes bstan pa de gang gis grub pa yin zhe na/ 'di ltar/ brjod pa med par brjod bya la/ /shes pa 'jug pa ma yin no/ /rjod par byed pa la ma byad pa'i phyir brjod par bya ba yod na yang de'i blor mi 'gyur ro/ /yang gal te brjod par byed pa ni brjod par bya ba'i blor 'gyur ro zhe na/ 'gal ba'i phyir na brjod la min te/ rjod par byed pa dang brjod par bya ba mtshan nyid gzhan yin pa'i phyir 'gal ba nyid do/ /rjod par byed pa dang/ rjod par bya ba dag /de phyir thams cad brjod du med ces bya ba ste/ rjod par byed pa dang/ brjod par bya ba dag rgyu'i phyir brjod du med do/ /zhes bya ba'i tha tshig go /yang rnam par mi rtog pa'i ye shes de gang gi rten yin zhe na/ rnam par mi rtog ye shes de/ /byang chub sems dpa' i de rjes la/ /thob pa'i spyod pa'i rten yin te/ gang rnam par mi rtog pa'i ye shes kyi rjes la byang chub sems dpa' i spyod pa thob par 'gyur bas de'i phyir ye shes de'i rten du 'gyur ro/ /de ni 'phel bar 'gyur phyir ro zhes bya ba ste/ de'i phyir de lta bu'i byang chub sems dpa' i spyod pa 'phel bar 'gyur ba'i phyir yang rnam par mi rtog ye shes ni rten du 'gyur ro/ /yang de'i grogs gang yin zhe na/ byang chub sems dpa' rnams kyi shes/ /rnam par rtog pa med pa'i grogs/ /lam gnyis su ni brjod pa

  392. 196b

    ste/ /pha rol tu phyin lnga'i rang bzhin no/ /de la lam gnyis ni tshogs kyi lam dang/ rten gyi lam mo/ /de la tshogs kyi lam ni sbyin pa dang/ tshul khrims dang/ bzod pa dang/ brtson 'grus kyi pha rol tu phyin pa'o/ /rten gyi lam ni bsam gtan gyi pha rol tu phyin pa ste/ gang gi phyir sngar bstan pa'i pha rol tu phyin pa las yang dag par byung ba'i dge ba dang/ bsam gtan la brten nas rnam par mi rtog pa'i ye shes shes rab kyi pha rol tu phyin pa zhes bya ba de 'byung bar 'gyur bas so/ sangs rgyas nyid ma thob kyi bar du rnam par mi rtog pa'i ye shes des rnam par smin pa gang sgrub par 'gyur zhe na/ byang chub sems dpa' rnams kyi shes/ /rnam rtog med pa'i rnam smin ni/ /sangs rgyas dkyil 'khor gnyis su ste/ /sangs rgyas rnams kyi dkyil 'khor gnyis ni longs spyod rdzogs pa'i dkyil 'khor dang/ sprul pa'i dkyil 'khor te/ gang gi tshe gang gis rnam par mi rtog pa'i sbyor ba la zhugs pa'i rnam par smin pa ni sprul pa'o/ /rnam par mi rtog pa'i don thob pa de'i rnam par smin pa ni longs spyod rdzogs par 'gyur ro/ /de dag nyid kyi don bstan pa ni sbyor ba dang ni thob pas so/ /zhes bya ba yin no /ye shes de'i rgyu mthun pa gang yin zhe na/ byang chub sems dpa' rnams kyi shes/ /rnam rtog med pa'i rgyu mthun ni/ /phyi ma phyi ma'i tshe rnams su zhes bya ba ste/ bshad ma thag pa'i dkyil 'khor gnyis po dag phyi ma phyi ma'i tshe la rnam par rtog pa med pa'i rgyu mthun pas khyad par du ni 'gro bar 'dod ces bya ba ste/ gang rnam par mi rtog pa'i ye shes bye brag tu gyur pa de nyid de'i rgyu mthun par blta bar bya'o/ /de ji ltar nges par 'byung bar 'gyur zhe na/ de la/ byang chub sems dpa' rnams kyi shes/ /rnam rtog med pa'i nges 'byung ni/ zhes bya ba la/ mthar thug par

  393. 197a

    'gro ba ni nges par 'byung ba ste/ mya ngan las 'das pa zhes bya ba'i tha tshig go /thob pa dang ni grub phyir ro zhes bya ba la/ ye shes de dang po thob pa dang ldan par 'gyur ro/ /de nas bskal ba brgya stong du ma na grub pa dang ldan par 'gyur ro/ /sa bcu dag tu shes bya ste zhes bya ba la/ /dang po nas brtsams nas rim pa 'di nyid kyis sa dang po la ni thob pa tsam du 'gyur ro/ /dus phyis ni chen po nyid du 'grub par 'gyur te/ de'i phyir 'di ltar bskal pa grangs med pa gsum gyis mya ngan las 'da' bar 'gyur te/ 'di ltar byang chub sems dpa' rnams kyis de srid kyis rnam par mi rtog pa'i mthar nges par 'byung bar 'gyur ro/ /mthar thug par 'gro ba gang yin zhe na/ 'di ltar bshad ma thag pa'i rim pa 'di nyid kyis thob par gyur pa ni mthar thug pa ste/ byang chub sems dpa' rnams kyi shes/ /rnam rtog med pa'i mthar thug pa/ /dag pa'i sku gsum thob phyir dang zhes bya ba'i don te/ dag pa smos pa ni 'dir 'di ltar sku gsum po des dang po nyid du thob pa yin la/ bcu pa la ni shin tu rnam par dag par 'gyur ro/ /dbang gi mchog ni thob phyir ro zhes bya ba ni dag pa'i sku gsum 'ba' zhig thob pas mthar thug par 'gro ba ma yin gyi/ gang yang ye shes rnam par mi rtog pa dang/ 'chad par 'gyur ba'i dbang bcu po de dag thob pas kyang yin par blta bar bya'o/ /rnam par mi rtog pa de'i phan yon gang yin zhe na/ de la re zhig rnam par mi rtog pa ni rnam pa gsum ste/ sbyor ba las byung ba'i rnam par mi rtog pa nyid dang rtsa ba ste/ gang rnam par mi rtog pa nyid dang/ rnam par mi rtog pa'i rjes las thob pa'o/ /de las sbyor ba las byung ba'i rnam par mi rtog pa nyid ni gang byang chub sems dpa' des dang por pha rol po las rnam par mi rtog pa thob la de nas bdag nyid kyis rigs pas dpyad nas lhag par

  394. 197b

    mos par byed cing/ lhag par mos pa de la brten nas gang nges par zhugs pa'i rnam par mi rtog pa zhes bya ba ste/ /'di ltar de'i phyir rnam par mi rtog pa zhes bya bas/ /de lta bu nyid ni rnam par mi rtog pa nyid du 'gyur ro/ /sbyor ba las byung ba de'i phan yon gang zhe na/ rnam rtog med pa'i ye shes de/ /gos pa med de nam mkha' bzhin/ /gang gis ma gos zhe na/ de bstan pa/ sdig pa sna tshogs drag rnams kyis so/ /rgyu gang gis ma gos pa de bstan pa/ dad pa tsam dang mos pa yis zhes bya ba la/ dad pa tsam dang/ gang rnam par mi rtog pa la lhag par mos pa de ni de'i phyir ngan 'gror 'gro ba'i gnyen po nyid yin zhing/ sgrib pa spangs par gyur pas mi gos pa'o/ /rtsa ba rnam par mi rtog pa'i phan yon yang/ gos ba med de nam mkha' bzhin/ /gang zhe na/ rnam rtog med pa'i ye shes de/ /de gang gis zhe na/ sgrib pa kun las so/ /ji ltar czhe na/ thob dang grub dang ldan pas na zhes bya ba ste/ sa rnams thob pa dang ldan pa dang/ grub pa dang ldan pa'i phyir ro/ /'dis ni sgrib pa de'i gnyen po nyid bstan par 'gyur ro/ /rnam par mi rtog pa'i rjes las thob pa'i phan yon ji lta bu yin zhe na/ de yang/ rnam rtog med pa'i ye shes de/ /gos pa med de nam mkha' bzhin/ /'jig rten dag na rnam rgyu yang/ /'jig rten chos kyi rtag mi gos zhes bya ba la/ ye shes de nyid kyis ni sems can gyi don mthong nas srid pa dag tu yang skye bar 'gyur la/ de 'jig rten du skyes par gyur na yang de la 'jig rten gyi chos kyis ni mi gos te/ 'jig rten gyi chos ni rnyed pa dang ma rnyed pa dang/ grags pa dang/ ma grags pa dang/ bstod pa dang/ smad pa dang/ bde ba dang sdug bsngal zhes bya'o/ /de yang rnam par mi rtog pa nyid yin te/ rnam par mi rtog pa'i ye shes las de byung ba'i phyir ro/ /gang ye shes gsum po de dag nyid kyi bye brag ni ji ltar de dag bstan pa bzhin du de yang bstan par bya'o/ /ji ltar lkugs pas don ni

  395. 198a

    myong 'dod ltar ste/ brjod pa med pa ltar sbyor ba las byung ba'i rnam par mi rtog pa ni de bzhin no/ /ji ltar lkugs pas don myong dang ste brjod pa med pa de lta bu ni dngos gzhi rnam par mi rtog pa'o/ /ma lkugs pas ni don myong ltar te/ brjod pa ltar de bzhin du rnam par mi rtog pa'i rjes las thob pa'i rnam par mi rtog pa blta bar bya'o/ /'dir brjod pa ni yi ger brjod pa yin par bzhed do/ /rmongs pas don ni myong 'dod dang zhes bya ba la/ 'dir tha snyad lam byang ba ni rmongs pa yin par bzhed do/ /rmongs pa 'di dag kyang ye shes gsum dang dpe yang lkugs pa bzhin du sbyar bar bya'o/ /lnga pos don ni myong 'dod dang zhes bya ba la/ lnga smos pas ni rtog pa med pa'i mig la sogs pa rnams bsdu bar blta bar bya'o/ /de dag gi 'dod pa dang myong ba zhes bya ba ni thams cad lkugs pa bzhin du ye shes gsum dang sbyar bar bya'o/ /yid kyis don ni myong ba ltar zhes bya ba la/ ji ltar yid kyis don la rnam par rtog cing nyams su myong ba ltar de'i rjes las thob pas nyams su myong ba yang de bzhin te/ rnam par rtog par byed do/ /zhes bya ba'i tha tshig go /bstan bcos mi shes pas bstan bcos 'dod pa lta bu ni sbyor ba las byung ba'o/ /ji ltar bstan bcos de'i chos dang don myong ba lta bu ni rnam par mi rtog pa'o/ /'dir chos ni yi ge tsam du bzhed do/ /ji ltar bstan bcos shes pas chos dang don myong ba de lta bur ni de'i rjes las thob pa blta bar bya'o/ /go rim smos pa ni 'dir chos dang don dang ye shes gnyis bstan pa yin no/ /mi zhig mig ni btsum pa ltar zhes bya ba la sogs pa'i tshigs su bcad pa ni rnam par mi rtog pa dang/ de'i rjes las thob pa gnyis po de dag gi bye brag bstan to/ /nam mkha' bzhin du zhes bya ba ni/ ji ltar nam mkha' khyab pa dang/ ma

  396. 198b

    gos pa dang/ mi rtog pa dang/ brtag par bya ba ma yin pa de bzhin du rnam par mi rtog pa'i ye shes kyang chos thams cad la ro gcig pa stong pa nyid kyis khyab pas na khyab pa'o/ /chos thams cad kyis ma gos pas na gos pa med pa'o/ /rang nyid kyis rnam par mi rtog pas ni rnam par rtog pa med pa'o/ /gzhan gyis brtag par bya ba ma yin pa nyid kyis rnam par brtag par bya ba ma yin pa ste/ rnam par mi rtog pa'i ye shes ni de ltar blta bar bya'o/ /de la gzugs ni snang ba ltar/ /de yi rjes thob shes de 'dra/ ji ltar nam mkha' la gzugs kyi snang ba rnam par brtags pa ltar/ de bzhin du de'i rjes las thob pa'i ye shes blta bar bya ste/ rnam par brtags par bya ba la rnam par rtog pa med pa zhes bya ba'i tha tshig go /yang gal te de lta bu'i rnam par mi rtog pa'i ye shes kyis rab tu bsgos pa'i sangs rgyas nyid des sems can gyi rnam par rtog pa med pa de bzhin du/ de'i sems can gyi don mdzad pa yang rnam par rtog pa med par ji ltar 'gyur zhe na/ de tshigs su bcad pas nor bu dang sil snyan gyi dpes bstan pa/ ji ltar nor bu sil snyan dag ces bya ba la/ ji ltar yid bzhin gyi nor bu rnam par rtog pa med pa bzhin du yang sems can rnams kyi 'dod pa'i don gyi las byed pa dang/ lha rdzas kyi sil snyan rnams ma brdungs par yang der skyes pa'i sems can rnams kyi 'dod pa bzhin du sgra 'byung bar 'gyur ba ltar/ sangs rgyas rnams kyang rnam par rtog pa mi mnga' bzhin du yang phrin las rnam pa sna tshogs 'byung bar 'gyur ro/ /zhes shes par bya'o/ /rnam par mi rtog pa'i zab ba nyid brjod par bya ste/ ci ye shes de gzhan gyi dbang zhes brjod pa'i rnam par brtags bar bya ba'i dngos po la 'jug gam/ /'on te gzhan zhig la dmigs/ /des cir 'gyur/ gal te rnam par brtags par bya ba la dmigs na ni de'i rnam par mi rtog pa nyid mi dmigs so/

  397. 199a

    gzhan la dmigs so zhe na/ de'i dmigs ba gzhan ni med pa nyid kyi phyir/ de la ma yin gzhan la min zhes bya ste/ de la re zhig de la ni ma yin te/ rnam par brtag par bya ba la dmigs pa ni mi 'gyur te/ rnam bar mi rtog pa yin pa'i phyir ro/ /gzhan la yang ma yin te/ gang gi phyir gzhan gyi dbang zhes brjod pa'i chos de nyid kyi chos nyid la dmigs pa'i phyir te/ de'i chos nyid chos de dag ni gcig ba nyid dang gzhan ba nyid du brjod par bya ba ma yin pa nyid do/ /de'i phyir rnam par brtag par bya ba la dmigs pa'am/ gzhan la dmigs pa yin zhes brjod par mi bya'o/ /gzhan yang de shes pa yin nam/ yang na ma yin/ des cir 'gyur/ gal te shes ba yin na ni de ji ltar rtog pa med par 'gyur/ 'on te mi shes pa ngo bo yin na ni ji ltar na ye shes rnam par mi rtog pa zhes brjod par bya zhe na/ shes dang mi shes pa ma yin zhes bya bas bstan te/ re zhig de shes pa ni ma yin te/ 'di ltar sbyor ba las byung ba'i rnam par rtog pa dang bcas pa'i ye shes kyi ngo bo ltar mi 'jug pas so/ /de mi shes pa yang ma yin te/ gang gi phyir sbyor ba las byung ba rnam par rtog pa dang bcas pa'i ye shes rgyur gyur ba las de byung ba'i phyir ro/ /de la ma yin gzhan la min/ shes dang mi shes pa ma yin zhes bya ba'i don gzhan yang gang gi phyir rnam par rtog pa 'jug pa de la yang ma yin te/ des na shes pa yang ma yin no/ /gang gi phyir chos nyid la 'jug pas gzhan pa yang ma yin te/ des na mi shes pa ma yin no/ /de ni snga ma phyi mas bshad par gyur pa ma yin no/ /shes bya dang ni khyad med pa la?/ shes gang de ni mi rtog nyid ces bya ba la/ gang gzung ba dang 'dzin pa'i ngo bor 'jug pa'i sbyor ba las byung ba lta bu ni rnam par mi rtog pa ma yin gyi/ gang yang gzung ba dang shes

  398. 199b

    bya tha mi dad par 'jug pas mnyam pa nyid du 'jug pa de ni rnam par mi rtog pa nyid do/ /ye shes de ni gzung ba dang 'dzin pa'i ngo bo la mi gnas pa nyid do/ /gang yang bcom ldan 'das kyis mdo gzhan las/ /chos thams cad rnam par rtog pa med pa'o zhes gsungs pa de bstan par bya ba'i phyir/ chos rnams thams cad rang bzhin gyis/ /rnam rtog med par zhes bya ba la/ chos thams cad ni rang bzhin gyis rnam par rtog pa med pa'o/ /zhes bya ba'i tha tshig go /gang gi phyir zhe na/ rnam par brtag bya med pas na zhes bya ba ste/ gang gi phyir brtag bar bya ba'i dngos po med pas so/ /gang yang de ltar rnam par brtag par bya ba med pas rang bzhin gyis chos rnams rnam par mi rtog pa nyid yin pa de'i phyir des na sems can thams cad gang gi phyir thar bar mi 'gyur zhe na/ 'di ltar shes gang de ni mi rtog nyid ces bya bas chos thams cad rang bzhin gyis rnam par rtog pa med pa nyid yin na yang sems can la thar pa med par bstan pa ni gang yang rnam par rtog pa mi brten pa nyid long pa'i phyir ro/ /des na chos thams cad rang bzhin gyis rnam par mi rtog pa nyid yin na yang/ gal te der rtogs pa'i ye shes skyes bar gyur na des mngon sum du mthong bar 'gyur la/ de ni rnam par mi rtog pa nyid do/ /des kyang grol bar 'gyur to skyes par ma gyur na ni mi 'gyur ro zhes bya ba'i tha tshig go /de'i phyir ye shes de ni rnam par mi rtog pa'o/ /ye shes gsum ba de rnams kyis rab tu dbye ba bstan par bya ba'i phyir rgyu dang 'phen pa dang/ goms pa las byung ba'i rab tu dbye bas phyir ro zhes bya ba ste/ de la rnam par mi rtog pa'i sbyor ba las byung ba ni rnam pa gsum ste/ 'di ltar kha cig ni rigs kyi stobs las kha cig ni 'phen ba'i stobs las/ kha cig ni da ltar gyi dus su goms pa'i stobs las 'byung bar 'gyur ro/ /de la

  399. 200a

    rigs kyi stobs las ni der rgyur gyur pa las 'byung bar 'gyur ba nyid do/ /de 'phen pa'i stobs las ni de skye ba snga ma la goms par byas pa'i rgyu nyid las 'byung bar 'gyur ro/ /gang goms pa'i stobs las da ltar gyi skye ba nyid la skyes bu byed pa'i stobs kyi rgyu las de 'byung bar 'gyur ba'o/ /chog shes pa dang/ phyin ci ma log pa dang/ spros pa med pas/ rnam par mi rtog pa'i phyir zhes bya ba la/ de la chog shes pas rnam par mi rtog pa ni thos pa dang bsams pa las byung ba'i mthar phyin pa yin par blta bar bya ste/ chog shes pas rnam par mi rtog pa ni chog shes pas rnam par mi rtog pa'o/ /zhes de ltar byas nas thos pa'am bsams pa gang gis blo gang gi mthar phyin par gyur pa de ni so so'i skye bo'i sa la gnas pa'i byang chub sems dpa' i chog shes pa 'byung bar 'gyur ba ste/ de ni re zhig 'di tsam mo zhes de ltar byas pa'i don 'dis chog shes pa'i rnam par mi rtog pa'o/ /don gzhan yang 'jig rten pa'i chog shes pa'i rnam par mi rtog par blta bar bya ste/ gang srid pa'i rtse mor phyin par gyur pa de ni mya ngan las 'da' bar blta bas de'i pha rol na rtogs par bya ba gzhan med do/ /zhes chog shes pa byung bar 'gyur pa'o/ /phyin ci ma log pa'i rnam par rtog pa ni nyan thos la sogs pa rnams kyi yin par blta bar bya ste/ gang gi phyir de dag rnams kyi de kho na nyid rab tu rtogs pa'i ye shes de ni mi rtag pa la sogs pa'i phyin ci log pa rnam pa gzhi las de rtag pa la sogs pa'i rnam pa phyin ci log tu rnam par mi rtog pa'i phyir ro/ /yang spros pa med pas rnam par mi rtog pa ni byang chub sems dpa' rnams kyi yin par blta bar bya ste/ gang gi phyir chos thams cad nas byang chub kyi bar du yang spros pa med par rnam par mi rtog pa nyid kyi phyir rnam par rtog par mi byed do//

  400. 200b

    yang spros pa med pa ni gang gi yul las yang dag par 'das pa dang/ 'jig rten pa'i shes pa'i yul las yang dag par 'das pa yin par rig par bya ste/ gang gi phyir tshig gis bstan par mi nus pa dang/ 'jig rten pa'i shes pas shes par mi nus pa'i phyir ro/ /yang rnam par mi rtog pa'i rjes las thob pa de yang rab tu dbye ba rnam pa lngar blta bar bya ba yin pas rtogs pa dang/ rjes su dran pa dang/ rnam par bzhag pa dang/ 'dres pa dang/ 'byor pa la dpyod pa tha dad pa'i phyir ro/ /zhes bya ba la/ de yang rtog pa la spyod pa dang/ rjes su dran pa la dpyod pa dang/ rnam par bzhag pa la dpyod pa dang/ 'dres pa la dpyod pa dang/ 'byor pa la dpyod pa zhes bya ba ste rab tu dbye ba rnam pa lnga yin no/ /de la rtogs pa la dpyod pa ni/ gang rtog pa'i dus nyid na bdag gis 'di ltar rtogs so zhes dpyod pa ste/ khong du chud pa ni 'dir dpyod pa yin par 'dod do/ /rjes su dran pa la dpyod pa ni gang langs pa na bdag gis rnam par mi rtog pa rtogs so zhes dran pa'o/ /rnam par bzhag pa la dpyod pa ni gang pha rol la bdag gis rtogs pa de ston par byed pa'o/ /'dres la dpyod pa ni gang chos thams cad 'dres shing bsdus pa la dmigs pa'i ye shes kyi mthong ba ste/ 'di ltar rten gnas gyur pa nyid do/ /rten gnas las ni 'byor pa la spyod par 'gyur te/ gang ci bsams pa de thams cad 'byor par 'gyur ro/ /de yang ji ltar sa la sogs pa yang de ltar brtags na gzhan gser la sogs par 'gyur ba'o/ /yang de ni brtags pas 'byor par 'gyur bas na 'byor pa la dpyod pa dang/ ji ltar dpyod pa de bzhin du 'byor par 'gyur pa'o/ /rnam par mi rtog pa'i rnam par bzhag pa bstan zin to/ /sgrub par byed pa ma bstan pas de ston par

  401. 201a

    byed pa'i tshigs su bcad pa ni/ yi dwags dud 'gro mi rnams dang/ lha rnams ji ltar 'os 'os su zhes bya ba ste/ dud 'gro rnams kyi chu la/ yi dags rnams kyis thad du dang/ mi rnams kyis mi gtsang ba dang/ dud 'gro phag la sogs pas gtsang bar mthong ba dang/ mi rnams la zas de dag gtsang ba la/ lha rnams la de dag mi gtsang ba de ltar byas nas/ dngos gcig yid ni tha dad par mthong bas na don rnams grub pa med par 'dod par bya'o/ /de la bden pa nyid du ma grub pas don gang yang yod pa ma yin te/ des na rnam par shes pa dmigs pa med pa nyid du 'gyur ba yin no/ /de'i phyir 'di ni dmigs pa med pa yin te/ 'di'i dmigs pa ni rmi lam ji lta ba bzhin no/ /ji ltar 'das pa dang ma 'ongs pa la de dmigs pa dang/ ji ltar me long dang/ ting nge 'dzin me long dang/ ting nge 'dzin gyi spyod yul lta bu yin pas de tshigs su bcad pas ston pa ni/ 'das sogs de bzhin rmi lam dang zhes bya ba la sogs pa ste/ de yang phyed snga mas phyi ma dang go rim ji lta ba bzhin du blta bar bya'o/ /'di ltar ma yin pa'i dmigs pa ni/ dmigs pa yod pa ma yin pa'i phyir te/ dmigs pa med pa nyid do/ /de nyid la dmigs pa ni de la dmigs pa ste/ rang gi gzugs brnyan la dmigs pa nyid do zhes bya ba'i tha tshig go /de yang 'das pa dang/ ma 'ongs pa dang/ rmi lam dang/ gzugs brnyan dag go rim bzhin du sbyar bar bya'o/ /don ni don du grub na ni/ ye shes rtog pa med mi 'gyur zhes bya ba la/ gal te don gyi ngo bo nyid du yod na ni des na rnam par mi rtog pa'i ye shes med par 'gyur ro/ /'on te de med pa'i ngo bo nyid ni 'dod pa yin no zhe na/ des na rnam par mi rtog pa de med pas

  402. 201b

    na sangs rgyas nyid kyang 'thob par mi 'gyur ro/ /des na nges par 'di ltar 'dod par bya ba yin pas/ byang chub sems dpa' dbang thob dang zhes bya ba ste/ dbang thob par gyur pa zhes bya ba'i tha tshig go /mos dbang gis zhes bya ba ni bsam pa'i dbang gis de lta bu med pa'i sa la sogs pa dag 'di ltar gser la sogs pa'i rang bzhin du 'gyur ba zhes bya ba'i tha tshig go /bsam gtan pa'i zhes bya ba ni nyan thos la sogs pa gzhan gyi yang ngo/ /'di la rnam par 'byed grub pa zhes bya ba ni lhag mthong grub pa zhes bya ba'i tha tshig go /blo ldan zhes bya ba ni byang chub sems dpa' o/ /zhi pa thob pa zhes bya ba ni ting nge 'dzin thob pa zhes bya ba'i don te nang gi bdag nyid kyi'o/ /chos kun yid la byed pa la/ de ltar don du snang phyir ro/ /zhes bya ba la 'di ltar ji ltar mdo sde la sogs pa'i chos rnams kyi don yid la byed pa na de la de ltar de lta bur snang bar 'gyur te/ gal te sangs rgyas nyid yin no zhes chos de dang de dag yid la byed pa na sangs rgyas kyi don du snang bar 'gyur ro/ /de bzhin du gzugs dang tshor ba la sogs pa yang de bzhin no/ /ye shes rgyu ba rtog med la/ /don rnams thams cad mi snang phyir zhes bya ba la/ rnam par rtog pa med pa'i ye shes kyi rgyu ba 'jug pa la 'di ltar don thams cad snang bar mi 'gyur ro/ /de'i phyir/ don med khong du chud par bya ste/ de na gal te don med pa yin na rnam par rig pa yang med par 'gyur ro/ /ji ltar zhe na/ rnam par rig pa med pa bstan par bya ba'i phyir don med pas na rnam rig med ces bya ba la/ rnam par rig pa yang rigs par mi 'gyur bas de med par blta bar bya'o/ /don 'di ni shes bya'i mtshan nyid du go sla bar phye zin to/ /de lta bu'i rnam par mi rtog pa'i ye shes gang yin pa de ni shes rab kyi pha rol

  403. 202a

    tu phyin pa yin te/ gang gi phyir de ni shes rab kyi pha rol tu phyin pa la mi gnas pa'i tshul gyis gnas nas zhes bya ba la sogs pa 'byung bas so/ /de dag nyid kyi don gsal bar bya bar 'dod nas gzhung 'di dag gi bstan te/ ji ltar mi gnas pa'i tshul gyis gnas nas pha rol tu phyin pa rnams bsgom pa yongs su rdzogs par byed ce na/ mu stegs can dang 'dzin pa'i gnas yongs su spong ba dang/ zhes bya ba la mu stegs can shes rab la gnas nas nga rgyal dang bcas par 'gyur te/ bdag ni shes rab la gnas pa/ bdag gi shes rab ni 'di lta bu zhes mu stegs kyi gnas pa'i rnam par rtog pa spong ba'i phyir shes rab kyis gnas pa med pa'i tshul gyis gnas par 'gyur ro/ /de kho na ma mthong ba'i byang chub sems dpa' i rnam par tog pa gnas yongs su spong ba dang zhes bya ba la/ ji ltar de kho na ma mthong ba'i byang chub sems dpa' rnams shes rab kyi pha rol tu phyin pa rnam par brtag par bya ba med pa la 'di ni shes rab kyi pha rol tu phyin pa'o/ /zhes rnam par rtog par byed pa des ni mig gnas pa'i tshul gyis de bzhin du rnam par rtog par mi byed do/ /'khor ba dang mya ngan las 'das pa'i mdza' gnyis kyi gnas yongs su spong ba dang zhes bya ba la/ ji ltar 'jig rten pa 'khor ba'i mdza' la gnas pa dang/ nyan thos mya ngan las 'das pa'i mdza' la gnas pa de bzhin du byang chub sems dpa' gnas pa ma yin te/ de lta na mi gnas pas gnas pa ni ji ltar rigs pa nyid du blta bar bya'o/ /nyon mongs pa'i sgrib pa spangs pa tsam gyis chog par 'dzin pa'i gnas yongs su spong ba dang zhes bya ba la/ ji ltar nyan thos rnams nyon mongs pa'i sgrib pa spangs pa tsam gyis chog par 'dzin pa de bzhin du byang chub sems dpa' ni ma yin te/ de'i phyir na dgongs pa 'dir byang chub sems rnams

  404. 202b

    mi gnas pa'i tshul gyis gnas par rig par bya'o/ /sems can gyi don la mi blta ba phung po'i lhag ma med pa'i mya ngan las 'das pa'i dbyings kyi gnas yongs su spong ba zhes bya ba la/ ji ltar nyan thos rnams sems can gyi don la bltos pa med par phung po dag pa dang ma dag pa ni rten nyid yin no/ /de dag ni khams kyi zas por ba reg pa dang/ yid la sems pa dang/ rnam par shes pa'i zas gsum gyis de'i rten gnas par byed par 'gyur te/ de'i phyir de'i rten gnas par byed pa ni gsum yin no/ dag pa'i rten gnas par byed pa ni kham gyi zas la sogs pa bzhi po de dag nyid yin te/ nyan thos la sogs pa de dag gi rten yang dag pa rnams 'di ltar gnas par byed pa'i phyir ro/ /gnas par ston pa yang bzhi? po de dag nyid de/ de yang gnas pa ltar ston pa'i zas ni sangs rgyas rnams kyi ste bzhi pa'o/ /'di ltar sangs rgyas bcom ldan 'das rnams des rton pa ltar ston te/ sems can sbyin pa po rnams des rab tu mgu bar bya ba'i phyir dang/ bsod nams bsags pa'i don du yin gyi yang de dag gi zas kyi bya ba mdzad par mi 'gyur te/ zas de dag ba zhes pa'i dus su sangs rgyas las lha rnams kyis blangs nas gzhan sems can rnams la sbyin par byed de/ de dag kyang rgyu des byang chub thob par 'gyur ro/ /de dag thams cad kyang zab pa nyid cig pur rig par bya'o/ /de ltar mod kyi sangs rgyas kyi skye ba med pa dang skye ba'i mtshan nyid ni rnam pa bcur rig par bya ste/ kun tu rmongs pa rnam par sel ba nyid dang/ tha dad pa rnam par sel ba nyid dang/ len pa la rang dbang nyid dang/ gnas pa la rang dbang nyid dang/ gtong pa la rang dbang nyid dang/ gnyis su med pa'i mtshan nyid dang/ snang ba tsam nyid dang/ sgyu ma lta bu nyid dang/ mi gnas par rab tu gnas pa nyid dang/ don chen po sgrub pa nyid do//

  405. 203a

    rnam pa bcus de bzhin gshegs pa rnams 'khor ba dang mya ngan las 'das pa la rab tu mi gnas par rig par bya ste/ legs par yongs su shes pa nyid dang/ legs par spangs pa nyid dang/ dngos po med pa shes pa nyid dang/ dngos po med pa'i ngo bo nyid shes pa nyid dang/ mi dmigs shing mi rtog pa nyid dang/ sems yongs su spangs pa nyid dang/ sems so sor thob pa nyid dang/ sems mnyam pa nyid dang/ dngos po la dmigs pa nyid dang/ dmigs pa la dmigs pa nyid do/ /sangs rgyas rnams kyi mdzad pa lhun gyis grub pa yang rnam pa bcus 'grub ste rab tu spangs pa nyid dang/ bya ba la lhun gyis grub pa nyid dang/ byed pa lhun gyis grub pa nyid dang/ las lhun gyis grub pa nyid dang/ med pa lhun gyis grub pa nyid dang/ yod pa lhun gyis grub pa nyid dang/ snga ma las khyad mod pa nyid dang/ bya ba mthar phyin pa nyid dang/ bya ba mthar ma phyin pa nyid do/ /rnam pa bcus na sangs rgyas kyis zas kyi bya ba mi mdzad kyang sku zas kyis gnas par ston te/ sems can rnams kyi bsod nams bsags pa'i phyir dang/ chos mthun pa nyid du yang dag par bstan pa'i phyir dang/ rigs pa la longs spyad par rjes su bslab par bya ba'i phyir dang/ chags pa med par bslab par bya ba'i phyir dang/ mchod pa nye bar bsdu ba'i phyir dang/ brtson 'grus brtsams pa yang dag par shes par bya ba'i phyir dang/ de dge ba'i rtsa ba yongs su smin par bya ba'i phyir dang/ bdag nyid chags pa med par bstan par bya ba'i phyir dang/ las la gus pa nye bar bstan par bya ba'i phyir dang/ smon lam 'byung ba yongs su rdzogs par bya ba'i phyir ro/ /de la gang 'og nas brjod par bya ba rnam par gnas pa dang/ grangs dang phrin las zab pa nyid tshigs su bcad pas bstan pa/ tha dad med cing dpag tu

  406. 203b

    med ces bya ba ste/ rnam par gnas pa zab ba yin no/ /de la tha dad med ces bya ba ni chos kyi sku la dbye ba med pa'o/ /dpag tu med pa ni rten du ma las mngon par byang chub pas so/ /phrin las dpag tu med cing gcig ces bya ba ni grangs zab pa nyid de/ gang gi phyir sangs rgyas rnams du ma nyid yin na yang phrin las ni gcig pa nyid yin no/ /mi brtan pa'i phrin las can/ /sangs rgyas rnams ni sku gsum ldan zhes bya ba la/ sangs rgyas rnams sku gsum dang ldan pas longs spyod rdzogs pa'i 'phrin las ni brtan pa yin la/ sprul pa'i 'phrin las ni mi brtan pa yin te/ de lta bu dag ni phrin las zab pa nyid yin no/ /mngon par rdzogs par byang chub pa zab pa nyid tshigs su bcad pas bstan pa ni/ gang yang mngon rdzogs sangs rgyas med ces bya ba ni/ gang zag dang chos dngos po med pa'i phyir ro/ /thams cad sangs rgyas ma yin min zhes bya ba ni 'di ltar gdags pa ni yang sangs rgyas thams cad mngon par rdzogs par sangs rgyas pa yin no/ /de'i mngon par rdzogs pa ji lta bu zhe na/ skad cig re la dpag tu med ces bya bas bstan te/ gang gi phyir skad cig re re la yang dpag tu med pa mngon par rdzogs par 'tshang rgya bar 'gyur bas so/ /dngos po'i dngos med rab tu phye zhes bya ba ni 'dir de bzhin nyid ni dngos po'i dngos po med pa ste/ des rab tu phye ba ni sangs rgyas yin no zhes bya ba'i tha tshig go /'dod chags dang bral ba zab pa nyid bstan par bya ba'i phyir/ chags pa med yin mi chags min zhes bya ba gsungs te/ 'dod chags med pas chags pa ma yin la/ chags pa med pa nyid kyis na yang mi chags pa yang ma yin te/ 'di ltar chags pa yod na mi chags pa yang rigs pa'i phyir ro/ /'dod chags nyid kyis byung ba yin zhes bya ba ni gang gi phyir 'dod chags kyi kun nas dkris pa spangs

  407. 204a

    pas 'dod chags kyi bag la nyal dag ma? bzung? pa'i phyir gang 'di ma bzung pa nyid kyis des na nyan thos bzhin du mya ngan las 'da' bar 'gyur bas so/ /'dod chags 'dod chags min mkhyen nas/ /'dod chags chos nyid la yang zhugs zhes bya ba ni kun nas brtags pa'i 'dod chags ni 'dod chags ma yin no zhes rnam par shes nas/ 'dod chags kyi de bzhin nyid la zhugs so/ zhes bya ba'i tha tshig go /phung po spangs pa zab pa nyid ston pa'i tshigs su bcad pa ni/ sangs rgyas phung po rnams las 'das/ /phung po rnams la'ang rnam par bzhugs/ zhes bya ba ste/ nye bar len pa'i phung po lnga po gzugs la sogs pa las shin tu 'das nas de dag mi dmigs pa'i chos nyid kyi phung po la rab tu gnas pa'o/ /de las gzhan min min zhes bya ba ni/ kun tu brtags pa'i phung po de dag spangs pa las de gzhan ma yin te/ gang gi phyir de dag nyid kyi chos nyid gang yin pa de la gnas pa'i phyir ro/ /yang gzhan ma yin pa yang ma yin te/ gang gcig nyid yin na yang kun tu brtags pa rnam par dag pa la dmigs pa dang ldan pa'i phyir ro/ /de ma btang ba las legs par 'das zhes bya ba ni de dag gi yongs su grub pa'i phung po ma btang bas legs par 'das so zhes bya ba'i tha tshig go /yongs su smin par mdzad pa ston pa'i tshigs su bcad pa ni/ kun kyang 'dres pa'i phrin las can zhes bya ba ste/ thams cad kyang sems can yongs su smin par mdzad pa'i phrin las mnyam pa nyid yin no/ /ji lta bur zhe na/ rgya mtshor chu 'dra zhes bya ba ste/ ji ltar rgya mtshor 'jug pa'i chu rnams ni nya dang rus sbal la sogs rnams kyi nye bar spyad par 'gyur ro/ /de bzhin du chos kyi dbyings su

  408. 204b

    ? bzhugs pa de dag kyang/ sems can yongs su smin par mdzad pa nye bar 'byung ba mnyam pa nyid yin na/ /byas so byed do bya'o zhes bya ba ni dus gsum du sems can gzhan gyi don la dgongs pa med ces bya ba ste/ de ltar na yang nor bu dang sil snyan? bzhin du sems can thams cad kyi don mdzad par 'jug par 'gyur ba nyid yin no zhes bya ba'i tha tshig go /mthong ba zab pa nyid bstan par bya ba'i phyir/ gang sangs rgyas rtag pa yi sku yin no zhes brjod pa de la rtag pa'i sku nyid yin na 'jig rten gyis mi mthong ba de rgyu gang gis mi mthong zhe na/ sems can nyes pas mi snang ste/ snod chag pa yi zla ba bzhin/ ji ltar snod chag pa'i nang du chu gnas par mi 'gyur la/ de med na yang der zla ba mthong bar mi 'gyur ro/ /de bzhin du zhi gnas kyi rlan med pa'i sems can gyi rgyud la yang sangs rgyas kyi zla ba mthong bar mi 'gyur te/ 'dir chu lta bu ni ting nge 'dzin yin te/ rlan pa'i bdag nyid yin pa'i phyir ro/ /'jig rten kun la nyi bzhin du/ de dag chos 'od khyab par mdzad ces bya ba ni/ sangs rgyas rnams ni ma mthong du zin kyang phrin las mdzad pa nyid yin te/ 'di ltar mdo'i sde la sogs pa'i chos bstan pa 'od zer lta bu gang yin pa des/ sangs rgyas kyi mdzad pa sems can yongs su smin pa la sogs pa 'jig rten la snang ba mdzad pa nyid yin no/ /mngon par rdzogs par byang chub pa dang/ mya ngan las 'das pa kun tu ston pa zab pa nyid ni/ la lar rdzogs par byang chub ston/ /la lar me bzhin mya ngan 'das zhes bya ba ste/ la lar rdzogs par byang chub pa dang/ la lar mya ngan las 'das pa ston pa ni me bzhin du ste/ ji ltar me ni la la na 'bar/ la la na zhi ba de bzhin du sangs rgyas kyang sems can yongs su smin pa kha cig la ni mya ngan las 'das par ston la/ yongs su ma smin pa kha cig la ni de

  409. 205a

    yongs su grol bar bya ba'i phyir rdzogs par byang chub par ston te/ mer tha mi dad pa gcig la ji lta de bzhin du chos kyi sku gcig la yang de bzhin du blta bar bya'o/ /tshigs su bcad ba lhag ma'i don ni go sla'o/ /bzhugs pa zab pa nyid bstan ba'i phyir/ sangs rgyas 'phags min chos rnams dang/ /mi dang ngan song ba rnams dang/ /tshangs spyod ma min chos rnams las/ /bdag nyid dang ni bzhugs pa mchog ces bya ba la/ bdag nyid mchog dang bzhugs pa mchog ste/ 'phags pa la sogs pa'i bzhugs pas bzhugs pa'o/ /de la 'phags pa'i bzhugs pa ni stong ba nyid la bzhugs pa gang yin pa'o/ /lha'i bzhugs pa ni bsam gtan gyis bzhugs pa'o/ /tshangs pa'i bzhugs pa ni byams pa la sogs pa tshad med pa dag gis bzhugs pa'o/ /de la 'phags min chos rnams zhes bya ba ni mi dge ba ste/ des de dag stong pa nyid la bzhugs pas de'i phyir yang 'phags pa'i bzhugs pa'o// gang mi dang? ngan song ba rnams kyi sems can de dag la dmigs pa'i bsam gtan de ni lha'i bzhugs pa'o/ /tshangs par spyod pa ma yin pa la sogs pa'i chos rnams las mchog kyang yin la bdag nyid kyang yin pas 'di ni bdag nyid mchog ste/ stong ba nyid la bzhugs pa de'i bdag nyid do/ /sku kun tu ston pa zab pa nyid ni/ de dag kun tu rnam par dpyod/ /gang du 'ang rnam par dpyod mi mnga' zhes bya ba la/ dge ba dang mi dge ba la blo 'jug par 'gyur ba ste/ de'i rjes las thob pas de dag yongs su dpyod la/ rnam par mi rtog pas ni gang la yang dpyod par mi byed do/ /don gzhan gnyis pa ni sprul pa'i skus ni thams cad la dpyod par byed la/ sku gzhan gyis ni ma yin no

  410. 205b

    zhes bya ba'o/ /gnas rnams kun na'ang mthong mod kyi zhes bya ba ni sprul pa'i lus de nyid thams cad du mthong bar 'gyur ro zhes bya ba'i tha tshig go /dbang po drug gi spyod yul min zhes bya ba ni sems can dmyal ba la sogs par skyes pas mthong ba'i sprul pa de ni der skyes pa de dag 'dul ba'i phyir yin gyi/ de dag nyid ni sprul pa'i sku'i ngo bo nyid ni ma yin te/ dmyal ba de dag gis de mthong ba na 'di yang sems can dmyal ba yin no zhes shes pas yang dmyal ba de dag gis de dbang po drug gi spyod yul du gyur pa ma yin no zhes bya ba'i tha tshig go /nyon mongs pa spangs pa zab pa nyid ston pa ni/ nyon mongs thul la spangs pa med/ /sngags kyis bsad pa'i drug dang 'dra zhes bya ba ste/ byang chub sems dpa' i gnas skabs kyi kun nas dkris pa'i nyon mongs pa thul na yang nyon mongs pa spangs pa ni ma yin te/ de'i bag la nyal yod pa'i phyir ro/ /sngags kyi bsad pa'i dug dang 'dra zhes bya ba ni ji ltar sngags kyis bsad pa'i dug gis ni 'chi bar mi nus pa de bzhin du de dag gis kyang nyon mongs pa yongs su shes pas kun nas nyon mongs par mi byed do zhes bya ba'i tha tshig go /sangs rgyas rnams ni nyon mongs las/ /nyon mongs zad pa kun mkhyen brnyed zhes bya ba ni 'di ltar nyon mongs pa'i bag chags bzung ba dang ldan pa ni nyan thos bzhin du mya ngan las 'da' par mi 'gyur ro zhes bya ba'i tha tshig go /sangs rgyas rnams ni zhes bya ba ni nyon mongs pa zad pa dang/ bcas pa'i thams cad mkhyen pa nyid brnyes zhes bya ba'i don to/ /bsam gyis mi khyab pa zab pa nyid de bstan par bya ste/ de yang 'di ltar nyon mongs byang chub yan lag 'gyur zhes bya ba ste/ kun 'byung gi bden pa'o/ /'khor ba'ang zhes bya ba sdug bsngal gyi bden pa ni zhi ba'i bdag nyid do/ /de lta bu thams cad kyis ni

  411. 206a

    de bzhin gshegs pa'i bsam gyis mi khyab pa lngar bstan pa rgyu gsum gyis so sor rang gis rig par bya ba yin par bstan pa yin no/ /da ni ji ltar sangs rgyas rnams chos kyi skur rjes su dran zhe na/ byang chub sems dpa' rnam pa bdun gyis rjes su dran par byed cing de dag gis de bsgom pa nyid do/ /de la chos thams cad la dbang sgyur ba zhes bya ba ni mngon par shes pa dag gis chos thams cad la dbang sgyur ba de dag nyid kyis gnas pa ste/ 'di ltar 'jig rten khams thams cad du thogs pa med pa'i mngon par shes pa can du sangs rgyas rnams 'gyur gyi/ nyan thos bzhin du thogs pa dang bcas pa ni ma yin no/ /gal te chos thams cad la dbang sgyur ba yin na de'i ci'i phyir sems can thams cad mya ngan las 'das par mi byed ce na/ de tshigs su bcad pas ston par byed de/ rgyu gang gi phyir mya ngan las bzla bar mi nus pa ni bsgribs shing rgyu dang mi ldan la zhes bya ba la sogs pa ste/ de la bsgribs shing zhes bya ba ni gang las las la sogs pa'i sgrib pas bsgribs pas sangs rgyas mang pos kyang mya ngan las bzla bar mi nus so/ /re zhig de dag la rnam pa de lta bur sangs rgyas rnams la yang nus pa mi mnga' ba nyid do/ /rgyu dang mi ldan la zhes bya ba ni yongs su mya ngan las mi 'da' ba' i chos can ni 'dir rgyu dang mi ldan par 'dod de/ gang la de'i rigs med pa'o/ /nges pa gnyis dang ldan pa'i zhes bya ba/ nges pa gnyis ni las byas par nges pa dang/ rnam par smin pa so sor myong bar nges pa yin par rig par bya'o/ /de'i phyir na yang nges ba gnyis po de dag la sangs rgyas rnams la nus pa mi mnga' o/ /de la rnam par smin pa'i sgrib pa ni lkugs pa'i dngos po la sogs pa yin par blta bar bya'o/

  412. 206b

    rnam par smin pa so sor myong ba ni yang dmyal ba la sogs pa dag tu nges par 'gro bar 'gyur ba ste/ de ni de dag gi bye brag go /sku rtag pa'o zhes bya ba ni dri ma las rnam par grol ba'i de bzhin nyid rgyun mi 'chad pa de ni rtag pa yin la/ de ni de bzhin gshegs pa'i sku yin te/ de'i phyir na sku rtag pa'o/ /de bzhin gshegs pa rnams longs spyod chen po mnga' ba'o zhes bya ba ni gang sangs rgyas kyi zhing yongs su dag pa de ni chen po yin la/ de bzhin gshegs pa rnams kyis longs spyod par mdzad pa yin par rig par bya'o/ /don chen po'o zhes bya ba'i don chen po nyid ni sangs rgyas rnams kyis sems can yongs su smin par mdzad pa rnams yongs su grol bar mdzad pa dang/ ma smin pa rnams smin pa dang/ mngon par rdzogs par byang chub pa'i mya ngan las 'da' bar byed pa yin par blta bar bya'o/ /sangs rgyas rjes su dran pa'i rnam pa lhag ma rnams kyi don ni go sla'o/ /sangs rgyas rjes su dran pa rnam pa bdun po de dag nyid yang tshigs su bcad pa gnyis kyis bstan pa ni rang gi sems la rag las dang zhes bya ba la sogs pa ste/ de la rnam pa bdun po des ni phun sum tshogs pa bstan te/ de la re zhig dang por rang gi sems la rag las pa'o zhes byang chub sems dpa' sangs rgyas kyi phun sum tshogs pa dran par bya'o/ /de yang rtag dang dge ldan te/ de'i phyir na yang mchog tu kha na ma tho ba med pa'o/ /bsal mi dgos zhes bya ba ni lhun gyis grub par sangs rgyas kyi mdzad pa mdzad pa'o/ /chos kyi longs spyod chen po ni sangs rgyas kyi zhing yongs su dag par rig par bya'o/ /dbang du ma gyur rab tu rgyu zhes bya ba ni gang sdug bsngal gyi dbang du ma gyur pa yang yin la/ de ni rab tu rgyu ba yang yod de/ sangs rgyas rnams kyi tha snyad ces bya ba'i tha tshig go /de'i phyir 'di ltar skye bo mang por de 'dod

  413. 207a

    do zhes bya ba ni skye bo mang po'i don 'dod pa phun sum tshogs pa rjes su dran pa gang yin pa'o/ /gang yang stong phrag brgya pa'i mdo sde'i gleng gzhi las sangs rgyas kyi zhing yongs su dag pa rab tu bstan te/ sangs rgyas kyi zhing yongs su dag pa de'i yon tan phul tu byung ba gang yin pa de tshig 'di rnams kyis gsal bar byed de/ re zhig kha dog phun sum tshogs pa ni rin po che sna bdun te/ gser dang/ dngul dang/ baiDUrya dang/ mutsha la garb+ha dang/ rdo'i snying po dang/ de smos pas marga ta la sogs pa yang bzung bar rig par bya ba dang/ mu tig dmar po ste/ de yang srog chags dmar po zhig gi nang nas 'byung ste/ de yang thams cad kyi mchog yin no/ /'jig rten gyi khams dpag tu med pa rin po che'i rgyal pos kun tu snang bar byed do/ /bshad ma thag pa'i rin po che rnams las kun tu 'byung bas so/ /tshig gcig gis ni dbyibs phun sum tshogs pa'o/ /tshig gcig gis ni tshad phun sum tshogs pa'o/ /tshig gcig gis ni yul phun sum tshogs pa'o/ /ji lta bu'i rgyu las zhe na/ 'jig rten las 'das pa rnam par mi rtog pa dang/ de'i bla ma rjes las thob pa dang/ de dag gnyi ga'i dge ba'i rtsa ba las yang dag par byung ba'i dge pa'i rtsa ba ni rgyu yin te/ rgyu phun sum tshogs pa de lta bu yang tshig gcig gis so/ /'bras bu phun sum tshogs pa yang tshig gcig gis so/ /shin tu rnam par dag pa'i rnam par rig pa la gang dbang sgyur ba'i mtshan nyid de ni bdag po phun sum tshogs pa ste tshig gcig gis so/ /phyogs phun sum tshogs ba ni tshig gcig gis so/ /zhabs ring ba phun sum tshogs pa yang tshig cig gis te/ de dag nyid la klu smos pa ni lto 'phye chen po gzung bar bya ste/ sbrul chen po bsdu ba'i phyir ro/ /de la nye bar ston par byed pa ni ston pa phun sum tshogs pa yin te/ tshig

  414. 207b

    gcig gis bstan to/ /de dag brjod nas phrin las gang yin zhe na/ sems can thams cad kyi don thams cad mdzad pa ste/ phun sum tshogs pa de yang tshig gcig gis so/ /phan 'dogs pa phun sum tshogs pa yang tshig gcig gis te/ gang gi phyir de nyon mongs pa yang mi 'byung sdug bsngal yang mi 'byung ba'o/ /gang la dgra med pa de ni 'jigs pa med pa yin te/ bdud bzhi med pa'i phyir ro/ /yang de ni sangs rgyas kyi zhing de na phung po'i bdud yod pa ma yin/ nyon mongs pa'i bdud yod pa ma yin/ 'chi bdag gi bdud yod pa ma yin/ lha'i bu'i bdud yod pa ma yin te/ de'i phyir 'jigs pa med pa phun sum tshogs pa zhes bya ba ste/ de yang tshig gcig gis bstan to/ /gnas phun sum tshogs pa yang gcig gis bstan to// yang lam gang gis sangs rgyas kyi zhing yongs su dag pa der de 'jug ce na/ theg pa chen po thos pa dang/ bsam pa dang/ bsgoms pa'i shes rab kyis te/ dran pa dang/ blo gros dang/ rtogs pa chen po dang go rim bzhin du sbyar ro/ / lam phun sum tshogs pa de yang tshig gcig gis bstan to/ /gzhon pa ni zhi gnas dang lhag mthong ste/ nges 'gro ba yin pa'i phyir ro/ /phun sum tshogs pa de yang gcig gis bstan to/ /sgo gang nas der 'jug ce na/ stong pa nyid dang/ mtshan ma med pa dang/ smon pa med pa nyid ni sgo phun sum tshogs pa ste/ de yang tshig gcig gis bstan to/ /gzhi phun sum tshogs pa yang tshig gcig gis bstan te/ ji ltar sa gzhi rlung gi dkyil 'khor la rab tu brten cing gnas pa de bzhin du sangs rgyas kyi zhing yongs su dag pa de gang la brten cing gnas zhe na/ yon tan gyi tshogs tshad med pas brgyan pa'i rin po che'i pad+ma'i rgyal po chen po dkod pa la brten pa na zhes bya ba'o/ /yongs su dag pa de'i

  415. 208a

    longs spyod ni shin tu gtsang ba zhes bya ba la/ gang gis phyir de'i gtsang ba nyid ni re na phyis la sogs pa mi gtsang ba med pa nyid do/ /shin tu bde ba ni gang tshor ba bde ba 'ba' zhig dang ldan gyi sdug bsngal yang med cing btang snyoms kyang med pa'o/ /shin tu kha na ma tho ba med pa zhes bya ba ni 'di ltar de ni mi dge ba 'am/ lung du ma bstan pa med pa'o/ /shin tu dbang sgyur ba zhes bya ba ni/ der rang gi sems la dbang sgyur ba yin pa'i phyir gang rkyen gzhan la ni mi bltos pa'o/ /yang sangs rgyas rnams kyi chos kyi dbyings de ni zhes bya ba ni chos kyi sku'o/ /de yang 'phrin las lnga dang ldan par rig par bya'o/ /sems can thams cad kyi gnod ba las yongs su skyob pa'i phrin las can zhes bya ba ni gang gis khams gsum las shin tu 'da' bar byed pa'i lam de 'jig rten la ston pa'o/ /khams gsum ni 'dir 'jig tshogs smos pas bstan pa yin no/ /tshig lhag ma rnams kyi don ni go sla'o/ /sangs rgyas thams cad phrin las lnga po 'di dag gis phrin las mnyam ba yin par blta bar bya'o/ /'dir don 'di dag gi tshigs su bcad pa ni/ rgyu dang gnas dang bya ba dang ni bsam pa dang zhes bya ba la sogs pas ni gang sangs rgyas rnams kyi phrin las mnyam pa nyid de rgyu gang gis yin pa rgyas par bstan to/ /gang yang 'jig rten pa rnams kyi yul gyi las nyid gang yin pa de ni tshigs su bcad pa 'di dag gis bstan te/ 'jig rten pa rnams kyi rgyu tha dad pa yin pa de'i phyir 'di ltar dmyal ba yang rgyu gzhan las/ mi rnams kyang rgyu gzhan las/ de bzhin du yi dags kyi bar du yang ste/ de'i phyir rgyu tha dad pa des na/ 'jig rten rnams kyi las ni tha dad gyur par 'dod/ /gnas tha dad pa nyid ni 'di dag gi gnas tha dad pa ste lus so/ /des na

  416. 208b

    las kyang tha dad do/ /bya ba tha dad pa zhes bya ba ni 'di ltar gzhan dag ni tshong byed/ gzhan dag ni gar byed pa la sogs pa'i las tha dad pa dang rab tu ldan pa ste/ de'i phyir bya ba tha dad pas kyang 'jig rten pa rnams kyi las tha dad pa yin no/ / bsam pa tha dad pa zhes bya ba la/ bsam pa ni 'dir mos pa ste/ de lta bas na bsam pa tha dad pa'i phyir yang 'jig rten pa rnams kyi las tha dad do/ /'du byed rnams kyang 'di ltar tha dad pa nyid du 'jug pa ste/ gang 'du byed pa rnams kyi bya ba tha dad pa gang yin pa de yin no/ /gang bdag gi zhe na/ 'jig rten pa rnams kyi'o/ /sangs rgyas rnams kyi ni lhun gyis grub pa'i mdzad pa'i bya ba yin pas de dag thams cad med pa'i phyir sangs rgyas rnams kyi rgyu la sogs pa tha dad pa med pas de'i phyir de dag rnams kyi phrin las kyi mdzad pa la tha dad pa med do/ /theg pa gcig nyid du bstan pa dgongs pa can du gsungs pa yin par ston pa'i tshigs su bcad pa ni/ kha cig dag ni drang phyir dang zhes bya ba la/ nyan thos rigs ma nges pa rnams theg pa chen por drang bar bya ba'i ched du ste/ ma nges pa de ci nas kyang theg pa chen por mya ngan las 'da' bar bya'o zhes bya'o/ /gzhan yang kun tu gzung ba'i phyir zhes bya ba ni byang chub sems dpa' i rigs ma nges pa gang yin pa de dag ci nas theg pa chen po la thun mong du 'gyur ba dang/ theg pa chen po bor nas nyan thos kyi theg pas mya ngan las 'da' bar ma gyur cig ces bya bas so/ /don de dag gi phyir theg pa gcig nyid du bstan pa yin no/ /yang ma nges pa rnams kyi don ni go sla'o/ /chos dang bdag med grol mthun phyir zhes bya ba la sogs pa rgyas par 'byung ba la/ 'dir yang dgongs pa'i dbang gis theg pa gcig nyid du gcig par bstan to/ /yang 'di'i dgongs pa gang

  417. 209a

    yin zhe na/ chos mthun pa'i phyir dang/ bdag med pa mthun pa'i phyir ro/ /de la chos mthun pa nyid ni re zhig 'dir chos ni de bzhin nyid do/ /de ni mthun pa nyid de/ nyan thos la sogs pa thams cad 'dir 'gro bar bya ba yin pas na theg pa zhes byas nas so/ /de mthun pa nyid yin pa'i phyir theg pa gcig nyid do/ /bdag med pa mthun pa nyid ni bdag dang gang zag med pas de'i phyir med pa 'di ni nyan thos so/ /'di ni byang chub sems dpa' o zhes brjod par mi rigs te/ de'i phyir na yang bdag med pa la dgongs nas theg pa gcig pa nyid do/ /grol ba mthun pa nyid ces bya ba ni nyan thos la sogs pa rnams kyang nyon mongs pa las grol ba mthun pa nyid yin te/ de'i phyir 'di la dgongs nas kyang theg pa gcig nyid du bstan to/ de'i phyir bcom ldan 'das kyis kyang rnam par grol ba dang/ rnam par grol ba pa ni tha dad du bya ba med do zhes gsungs so// //bam po brgyad pa/ /rigs ni tha dad ces bya ba ni gang la rigs tha dad pa yod pa ste/ rigs ma nges pa'i nyan thos dag sangs rgyas su 'gyur ba la dgongs nas kyang theg pa gcig nyid du bstan te/ /bsam gnyis brnyes phyir zhes bya ba ni bsam pa gnyis thob pa'i phyir te/ gcig ni mnyam pa nyid kyi bsam pa ste/ gang gis sems can thams cad gang yin pa nyid ni bdag yin la/ bdag kyang de dag nyid yin no zhes de ltar 'dzin pa ste/ de ltar 'dzin pas kyang de mngon par rdzogs par sangs rgyas par gyur pas de dag kyang mngon par rdzogs par sangs rgyas par gyur pa yin te/ dgongs pa de'i phyir yang theg pa gcig nyid do/ /yang bsam pa gnyis pa ni gang dam pa'i chos pad+ma dkar po las nyan thos lung bstan pa de dag gis ni sangs rgyas kyis kyang chos nyid mnyam pa nyid la dgongs nas

  418. 209b

    chos kyi sku thob pa yin no zhes bsams nas mnyam pa nyid la dgongs pa dang/ mthun pa'i bsam pa thob pa ni sangs rgyas kyi chos nyid yang dag par thob pa yin no zhes bya ba'o/ /don gzhan yang de lta bu'i ming can gyi byang chub sems dpa' i 'khor de lung bstan pa yin pas sprul pa'i phyir zhes bya ba smos te/ ji ltar ngas mngon par shes te/ nga nyid lan brgya stong du mar nyan thos kyi theg par mya ngan las 'das par gyur to zhes pa lta bu la dgongs nas theg pa gcig nyid du bstan te/ gang nyan thos kyi theg pas gdul ba'i sems can rnams mya ngan las bzla ba'i phyir bstan pa yin no/ /mthar phyin pas na zhes bya ba ni 'di ltar theg pa 'dis mthar phyin par grol bar bya ba'i theg pa gzhan ni med pas sangs rgyas kyi theg pa 'di ni nyan thos la sogs pa de dag las khyad par du 'phags pa yin pas de las dgongs nas kyang theg pa gcig nyid du bstan to/ /da ni sangs rgyas thams cad chos kyi sku mnyam pa nyid yin na yang rgyu gang gis gcig nyid dam mang po nyid du blta bar bya ba de bstan par bya ste/ de la re zhig gcig nyid du blta bar bya ba ni de dag gi chos nyid ni mnyam pa nyid yin la sangs rgyas kyang de'i rang bzhin yin pas de'i phyir de ni gcig nyid yin te/ chos kyi dbyings gcig nyid yin te/ chos kyi dbyings gcig pas nyid du blta bar bya'o/ /yang gcig nyid du blta bar bya ste/ gang dus gcig la 'jig rten gyi khams gcig tu sangs rgyas gnyis 'byung ba ni mi srid pas de'i phyir yang gcig nyid du blta bar bya'o/ /yang mang po nyid dang gcig nyid tshigs su bcad pas bstan pa ni/ khams gcig na ni zhes bya ba la sogs pa rgyas par 'byung ste/ khams gcig na ni gnyis med phyir zhes bya ba'i tshig gis ni gcig pa nyid du bstan pa'i don te/ gang 'jig rten gyi khams gcig tu sangs rgyas gnyis 'byung ba ni mi srid do zhes bya

  419. 210a

    ba'i tha tshig go /lhag mas mang po nyid du bstan te/ dpag med cig car tshogs bsags phyir zhes bya ba ni gang dus gcig tu byang chub sems dpa' mang po rnams tshogs yongs su bsags par 'gyur la/ gal te de dag gis bsod nams dang ye shes kyi tshogs bsags kyang sangs rgyas nyid thob par mi 'gyur na tshogs bsags pa don med par nyid du 'gyur ro/ /de'i phyir na mang po rnams kyis tshogs yongs su bsags pas 'grub pas sangs rgyas mang po nyid du blta bar bya'o/ /rim gyis 'byung bar mi rigs phyir zhes bya ba ni rim gyis mngon par rdzogs par byang chub par yang mi 'grub ste/ gal te gang gi phyir tshogs yongs su rdzogs par gyur pa rnams rim gyis bzhes par gyur na/ de dag nyid kyi rjes su rim gyis thob par 'gyur te/ gzhan dag kyang mngon par rdzogs par byang chub par 'gyur ba yin no zhes bya ba ste/ de dag mang ba nyid kyi phyir rim gyis rigs pa ma yin te/ gzhan dag kyang mngon par rdzogs par 'tshang rgya bar 'gyur bas so/ /de'i phyir na yang/ sangs rgyas nyid mang po yin no/ /yang kha cig ni sangs rgyas rnams la gtan du yongs su mya ngan las 'da' ba med do zhes zer la nyan thos kyi theg pa pa'i sde pa gzhan dag ni gtan du yongs su mya ngan las 'da' ba yin no zhes zer te/ 'di ltar de dag gnyi ga'i dgongs pa tshigs su bcad pas bston pa ni/ sgrib pa kun las nges grol phyir zhes bya ba la sogs brgya cher 'byung ste/ de la gang gi phyir sangs rgyas ni nyon mongs pa dang shes bya'i sgrib pa thams cad las rnam par grol ba yin pa'i phyir des na gtan du mya ngan las 'das par 'gyur ba yin te/ dgongs pa de'i phyir ro/ /yang gang gi phyir mdzad pa rnams kyang yongs su ma rdzogs pa ste/

  420. 210b

    ma smin pa rnams smin par bya ba dang/ smin pa rnams rnam par grol bar bya ba dgos pa'i phyir mdzad pa de la dgongs nas gtan du yongs su mya ngan las 'da' ba ma yin no/ /de lta ma yin te/ nyan thos bzhin du gtan du yongs su mya ngan las 'da' ba yin na smon lam btab pa 'bras bu med par 'gyur ro/ /da ni gang las dgongs nas ngo bo nyid kyi sku longs spyod rdzogs pa'i sku ma yin zhe na/ de bstan par bya ste/ de gzugs kyi skur snang ba dang zhes bya ba la/ sangs rgyas ni chos kyi sku yin la/ de ni gzugs su mthong ba'i phyir/ chos kyi sku ma yin te/ de lta bu ni chos kyi sku ma yin pas/ de'i phyir na chos kyi sku ma yin no/ /longs spyod rdzogs pa'i sku nga ni sangs rgyas kyi 'khor gyi dkyil 'khor tshad med pa dag na tha dad par snang la/ chos kyi sku la ni tha dad pa med do/ /de'i phyir tshul 'dis kyang longs spyod rdzogs pa'i sku ngo bo nyid kyi sku ma yin no/ /mos pa ji lta ba bzhin du longs spyod rdzogs pa mthong bas kyang ste/ ji ltar mdo las/ kha cig ni kha dog ser po/ kha cig ni kha dog sngon po zhes bya ba la sogs pa rgyas par 'byung ba'i phyir ro/ /de bzhin du longs spyod rdzogs pa'i sku ni ma nges pa'i ngo bo nyid du snang ba yin gyi/ ngo bo nyid kyi sku ni ma nges pa'i ngo bo nyid du mi rigs te/ de'i phyir tshul nges kyang longs spyod rdzogs pa'i sku ni ngo bo nyid kyi sku ma yin no/ /yang longs spyod rdzogs pa de ni gcig nyid yin na yang gzhan dang gzhan du mthong bar 'gyur la/ yang de nyid kho na de las kyang gzhan du mthong bar 'gyur bas de ni g.yo ba'i ngo bo'i ngo bo nyid yin pa'i phyir ngo bo nyid kyi sku yin par mi rigs te/ de'i phyir na yang ngo bo nyid kyi sku ma yin no/ /yang longs spyod rdzogs pa de ni lha la sogs pa'i 'khor dang rtag tu 'dres shing bskor nas gnas pa yin gyi/ ngo bo nyid ni 'dres par mi 'gyur

  421. 211a

    te/ de'i phyir na yang ngo bo nyid kyi sku ma yin no/ /gang yang kun gzhi rnam par shes pa yongs su gyur pa ni ngo bo nyid yin la gal te de dag ngo bo nyid gcig pa nyid yin na de ni longs spyod rdzogs pa yang yin pas 'jug pa'i rnam par shes pa yongs su gyur pa las sku gang mngon par 'grub par 'gyur/ de'i phyir na yang longs spyod rdzogs pa ni ngo bo nyid ma yin te/ rnam pa drug po de dag mi rigs pa'i phyir na yang mi rung ngo/ /da ni gang gi phyir sprul pa'i sku ngo bo nyid kyi sku ma yin pa'i tshul de bstan par bya ste rgyu brgyad kyi phyir ro/ /de la re zhig mi rigs pa dang po ni byang chub sems dpa' yun ring po nas bskal pa du mar yang mi nyams pa'i ting nge 'dzin thob pa rnams ni dga' ldan gyi lha rnams kyi nang du yang skye bar mi rigs na mi rnams kyi nang du lta smos kyang ci dgos te/ sprul pa de ni yang 'jig rten pa yang yin no/ /yang byang chub sems dpa' skye ba dran pa rnams ni yi ge dang/ rtsis dang/ grangs la sogs pa mi mkhyen pa ni mi rigs te/ /de'i phyir na yang sprul pa nyid sems can de rnams gdul ba'i don du byung ba yin no/ /yang bskal pa grangs med pa gsum du byang chub sems dpas bsgrubs par gyur kyang nyes par bshad pa dang/ legs par bshad pa'i ches de dag rnam par ma mkhyen na yang/ de las gzhan pa mngon par rdzogs par byang chub pa'i dus na mkhyen par 'gyur bas/ de'i phyir na yang sprul pa ni ngo bo nyid kyi sku ma yin no/ /yang 'dzam bu'i gling bye ba phrag brgya bor te/ gcig tu mngon par rdzogs par byang chub pa dang/ chos kyi 'khor lo bskor bar mi rigs pas/ sprul pa yin par mi rigs te/ gang gi phyir de dag thams cad kyis sprul pa mthong bar mthun pa'i phyir ro/ /gal te gcig tu mngon par rdzogs

  422. 211b

    par byang chub nas gzhan dag tu sprul pa rnams 'byung bar mdzad pa yin no/ /zhes bya ba'i phyogs len par byed pa yin na yang/ de lta na dga' ldan nyid na gnas bzhin du gling bzhi pa thams cad du sprul pa 'gyed par ci'i phyir mi 'dod/ /yang la la 'di skad du/ sangs rgyas kyi zhing du gtogs pa'i gling bzhi pa la lan sangs rgyas ma mthong ngo zhes zer na/ gling bzhi pa thams cad na mngon par rdzogs par byang chub pa med pa la ni yang lung dang rigs pa med do/ /gal te de lta yin na mdo dang 'gal te/ mdo las kyang/ sangs rgyas gnyis 'byung bar mi 'gyur te/ 'khor los sgyur ba'i rgyal po gnyis mi 'byung ba yin no zhes gsungs pas so zhe na/ gang gi phyir 'di ltar 'khor los sgyur ba'i rgyal po gnyis mi 'byung ngo zhes 'byung ba de ni/ gling bzhi pa gcig tu mi 'byung ba yin gyi/ yang sangs rgyas kyi zhing du ni ma yin no/ /de bzhin du sangs rgyas gnyis 'byung ba yang gling bzhi pa gcig tu mi rigs kyi/ 'di ltar 'jig rten gyi khams gcig tu ni 'dod do/ /da ni mngon par rdzogs par byang chub ba tshigs su bcad pas bstan par bya ba ni/ sangs rgyas rnam 'phrul zhes bya ba la sogs pa rgyas par 'byung ba ste/ don ni dus gang gi tshe dga' ldan na bzhugs pa las/ sangs rgyas mngal du/ gshegs pa de bzhin du dus de nyid kyi tshe na/ gnas brtan shA ri'i bu la sogs pa 'khor 'di dag kyang de bzhin du sprul pa'i gnas skabs kyis de dang der bzhugs par blta bar bya'o/ /de dag rnam par bzhag pas kyang de ltar byas na rnam pa thams cad mngon par rdzogs par byang chub par bstan par bya'o/ /da ni bstan du yongs su mya ngan las 'da' ba mi rigs pa de bston par bya ste/ des sems can thams cad kyi don du smon lam btab pa byas pa dang/ sems can gyi

  423. 212a

    don du sgrub pa nyid byas pa ji ltar sems can gyi don bya'o zhes bya ba lta bur byas pa'o/ /gang de bstan du mya ngan las 'da' bas mya ngan las 'das pa yin na gang smon lam btab pa dang/ sgrub pa dag 'bras bu med par 'gyur ro/ /gang yang de bzhin gshegs pa'i rtag pa'i sku yin no zhes bya ba de longs spyod rdzogs pa dang/ sprul pa dang/ mi rtag pa yin pa'i phyir/ 'jig rten rtag pa'i sku yin zhe na/ de bsgrub par bya ste/ de dag nyid rtag pa yin te/ gang gi phyir rtag pa'i sku chos kyi sku la brten pa'i phyir/ des na rtag pa yin no/ /yang longs spyod rdzogs pa ni rdzogs pa'i longs spyod de la rgyun chad pa med pa'i phyir rtag pa yin no/ /sprul pa yang mngon par rdzogs par byang chub pa dang/ yongs su mya ngan las 'da' ba ston pa'i rgyun chad pa med pas rtag pa yin no/ /de dag gnyi ga yang rtag pa nyid yin pa'i dpe bstan pa ni/ ji ltar na 'jig rten na rtag tu bde ba la spyod do zhes brjod pa lta bu ste/ de ni rtag tu rgyun mi 'chad par byed par 'gyur ba ni ma yin no/ /'on kyang rtag tu bde ba la spyod do zhes ni rjod par byed do/ /yang gang dag 'di ni rtag tu slongs mo sbyin pa yin no zhes zer na/ yang de ni rtag tu sbyin pa ni ma yin te/ res 'ga' zhig sbyin par byed pa yin na yang/ 'on kyang rtag tu slongs mo sbyin pa po yin no zhes rjod par byed pa ltar rtag pa de bzhin no/ /'dir rgol bar byed de/ yang gal te sangs rgyas rnams kyi chos kyi sku thog ma med pa'i dus nas bye brag med pa dpag tu med pa de nyid sems can gyi don bya ba la nus pa yod pa'i phyir/ yang ci'i phyir sems can gyi don du 'bad par byed ce na/ lan tshigs su bcad pas bstan pa yin no/ /gal te sangs rgyas brnyes pa khyad med dpag med pa zhes bya ba'i rgyu 'di nyid kyis 'bad par mi

  424. 212b

    bya'o? zhes zer na/ de'i phyir sangs rgyas rnams thog ma med pa'i dus can yin pa'i phyir/ skyon thams cad 'byung bar thal bar 'gyur ba 'thob pa'am/ thams cad rgyu med nyid du 'gyur ba'am/ rgyu rgyun chad pa med par 'gyur ro zhes bya ba'o/ / gzhan yang snying rjes rgyud bsgos pa'i byang chub sems dpa' rnams sems can thams cad la bu gcig pa bzhin du brtse ba 'byung bas/ sems can don la gzhan byed par 'gyur gyis she'am/ gzhan byed kyang rung/ /mi byed kyang rung/ bdag gis ni mi bya'o zhes bya ba mi rigs so/ /theg pa chen po bsdus pa'i 'grel pa/ theg pa chen po la rab tu gnas pa/ bstan bcos phul du byung ba du ma mdzad pa'i slob dpon dbyig gnyen gyis mdzad pa rdzogs so// //rgya gar gyi mkhan po dI paM ka ra sh+rI dz+nyA na dang/ lo tsA ba dge slong tshul khrims rgyal bas/ yul brag dmar lha sdings/ ri has po ri'i rtse/ chu bo lo hi ta'i 'gram/ dpal bsam yas lhun gyis grub pa'i gnas/ dbyig 'du dpe dkar gling du bsgyur cing zhus te gtan la phab pa// //'di la shlo ka nyis stong tshig brgya brgyad cu yod de/ bam po ni brgyad du byas so// // !/ (/theg pa chen po bsdus pa'i bshad sbyar bzhugs so//) // !/ /rgya gar skad du/ ma hA yA na saM gra ho pa ni band+ha na/ bod skad du/ theg pa chen po bsdud pa'i bshad sbyar/ /bam po dang po/ 'jam dpal gzhon nur gyur pa la phyag 'tshal lo/ /slob dpon snga mas rigs tshul du/ rnam par phye bas blo zhen rnams/ /mi rtogs pas na tshig re nas/ /bsdus pa rnam par dbye bar bya/ /don bcus theg pa chen po mdza' dag don du bsdu bar 'dod pas bstan bcos kyi lus kyi bdag nyid don bcu po de dag gtsug lag nyid du brjod pa'i sgo nas/ theg pa chen po la shin tu zhugs pa zhes bya ba la sogs pa

  425. 213a

    gleng slong bar byed do/ /yon tan gyi tshig gi brtags pa la theg pa chen po la shin tu zhugs pa zhes bya ste/ 'dis theg pa chen po shin tu rtogs pa'am/ de la shin tu zhugs pa'i phyir theg pa chen po la shin tu bzhugs pa'o// byang chub sems dpa' theg pa chen po la shin tu zhugs pa gzungs dang spobs pa'i yon tan thob pa chen po'i don 'dzin pa dang/ rab tu ston par nus pa des sam/ ming de skad ces bya bas gsungs pa'o/ /byang chub sems dpa' zhes bya ba 'di byang chub dang sems can la dmigs pa'i phyir byang chub sems dpa' ste/ sems dpa' zhes bya ba'i sgra ni 'dir srog chags brjod pa yin no/ /dmigs pas kyang de skad bya bar snang ste/ dper na mi sdug pa la sogs pa la dmigs pa'i ting nge 'dzin la mi sdug pa dang/ stong pa nyid ces bya ba dang/ ngan par byas pa la dmigs pa'i yid la gcags pa la 'gyod pa zhes bya ba lta bu'o/ /yang na 'di byang chub kyi phyir sran thub pas na byang chub sems dpa' o/ /theg pa chen po che ba'i bdag nyid ces bya ba ni zab pa dang/ rgya che ba gnyis kyis bla na med pa'o/ /bdag gi sgra ni ngo bo nyid dang/ byed pa'i tshig ste/ dper na me ni tsha ba'i bdag nyid dug ni 'chi bar byed pa'i bdag nyid ces bya ba lta bu'o/ /'di ni che ba'i bdag nyid yin pas che ba ste/ de'i dngos po ni che ba'i bdag nyid do/ /de brjod pa zhes bya ba ni gzhan dag rang gis de mi shes pas rab tu bshad pa'o/ /phyir zhes bya bas ni dgos pa bstan pa'o/ /bcom ldan 'das kyi spyan sngar zhes bya ba la bdud bzhi bcom pa dang/ dbang phyug la sogs pa'i yon tan dang ldan pa'i phyir bcom ldan 'das te sangs rgyas so/ /de ci'i phyir zhe na/ sangs rgyas bcom ldan 'das zhes 'og nas 'byung ba'i phyir ro/ /bcom ldan 'das de'i spyan sngar zhes

  426. 213b

    bya bas ni sangs rgyas kyi gnang bas yid brtan du rung ba nyid du ston te/ ston pa dang nye na gzhan du mi smra ba'i phyir ro/ /'di lta ste zhes bya ba ni gnas bcu nye bar 'god pa'i phyir ro/ /theg pa chen po las brtsams nas zhes bya ba ni de'i ched du 'am/ dbang du byas pa ste/ nyan thos kyi theg pa'am/ 'jig rten las brtsams pa ma yin pa'o/ /yang theg pa chen po smos pa ni 'di kho na las brtsams kyi gzhan las brtsams pa ni ma yin no zhes nges par bya ba'i phyir te/ 'di ltar 'jig rten pa las brtsams nas/ bdan par smra bya khro mi bya/ /slong la chung yang sbyin par bya zhes bya ba la sogs pa rnam pa gzhan dag gis sangs rgyas kyi gsung khyad par du 'phags so/ /nyan thos kyi dbang du byas na/ /kye ma 'du byed rtag pa med/ /skye zhing 'jig pa'i chos can yin zhes bya ba la sogs pa gzhan dag las khyad par du 'phags te/ de lta bas na nges par bya bar rigs so/ /chos mngon pa theg pa chen po'i mdo las zhes bya ba ni chos rab tu rnam par 'byed pa'i rgyu 'am/ grags pa'i phyir chos mngon par ming gtags pa theg pa chen po'i mdo khyad par can las gsungs kyi gzhan las ni ma yin no/ /de ni theg pa yang yin la chen po yang yin pa'am/ chen po rnams kyi theg pa yin pas theg pa chen po ste/ rgyu dang 'bras bu che ba'i phyir byed pa dang/ bgrod par bya ba bsgrub pa'i gzhi yin pa'i phyir ro/ /mdor bsdu na byang chub sems dpa' i sa bcu 'bras bu dang bcas pa'o/ /rgyas par bya na chen po rnam pa bdun dang ldan pa'i phyir te/ byang chub kyi phyogs dang mthun pa rnams dang/ pha rol tu phyin pa rnams dang/ bslab pa rnams dang/ gzhi dang rtags la sogs pa ni theg pa chen po'o/ /de'i mdo ni smos pa'i phyir te/ rkyang ba dang tshigs su sbyar ba'i sgrar snang ba 'dod pa'i don gyi rnam pa'i rjes su 'jug

  427. 214a

    pa'i nyan par rig pa'i tshig go /gal te de lta yin na byang chub sems dpa' de ji ltar bshad de/ /nyan pa'i rnam par rig pa ni des ma bshad do zhe na/ de'i dbang gis byung ba'i phyir de skad ces bya ste/ lha la sogs pa'i dbang gis rmi lam na bstan bcos dang sngags la sogs pa rnyed pa bzhin no/ /gzhan du na ngag gi rnam par rig byed kyang sangs rgyas kyis gsungs pa ji ltar 'gyur/ re zhig ngag gi rang bzhin ni mdor mi 'thad de/ yi ge re re ni don rtogs par byed par mi rung ba'i phyir ro/ /rim gyis 'byung ba lhan cig mi gnas pa rnams kyang tshogs par mi rung ba'i phyir ro/ /de ltar na bdag ma thob pa'i dag ni ming la 'jug par mi rung ngo/ /yi ge'i bdag nyid ma yin pa'i sgra byung ba yang ming la cung zad kyang gsal bar mi byed de/ de ltar na ming gi rang bzhin yang mdor mi 'thad do/ /de lta bas na ji skad bstan pa nyid mdor rigs te/ chos mngon pa zhes bya ba'i theg pa chen po'i mdo de las so/ /rnam pa zhes bya ba ni bye brag ste/ de dag nyid phan tshun ma 'dres pas khyad par du 'gyur bas na khyad par ram/ nyan thos la sogs pa'i chos rnams las mchog tu gyur pa dang/ lhag pa'i phyir khyad par te/ byang chub chen po sgrub par byed pa'i phyir ro/ /bcu zhes bya ba ni grangs te/ sangs rgyas kyi gsung bgrang bar bya ba khyad par du 'phags pas bstan bcos kyi lus rnam par 'jog go /'di dag gis gsung ni rnam pa bcus khyad par du 'phags pas/ sangs rgyas bcom ldan 'das rnams kyi gsung rnam pa bcus khyad par du 'phags pa'o/ /sangs rgyas zhes bya ba ni nyon mongs pa can dang/ nyon mongs pa can ma yin pa'i gti mug gi gnyid gnyis zad pa dang/ shes bya thams cad la shes pa rgyas pa'i phyir sangs rgyas te/ skyes bu gnyid sad pa bzhin no/ /me

  428. 214b

    tog ku? mu da rgyas pa bzhin no/ /shes bya ni shes par bya ba'o/ /gnas kyi sgras phye ba'i phyir gnas pa rnams ni 'dus byas rnams te/ kun nas nyon mongs par 'gyur ba dang/ rnam par byang bar 'gyur ba'i chos rnams so/ /'dus ma byas rnams ni ma yin te/ gnas kyi don med pa'i phyir ro/ /de dag gi gnas ni kun gzhi rnam par shes pa ste/ rgyu yin pa dang/ rten yin pa'i phyir ci rigs su sbyar ro/ /shes bya nyid shes bya'i rten du 'gyur te/ shes bya nyid kyang rnam par smin pa'i rnam par shes pa dang/ mi 'gal lo/ /shes bya'i gnas nyid khyad par yin pas/ shes bya'i gnas kyi khyad par te/ des 'di ltar gsung khyad par du 'phags pas shes bya'i gnas kyi khyad par gyis khyad par du 'phags pa'i gsung ste/ sangs rgyas bcom ldan 'das rnams kyi zhes bya bar thams cad du rnal ma dang sbyar ro// shes bya'i mtshan nyid ni shes bya'i ngo bo nyid de de mtshon par bya ba yin pa'i phyir ro/ /ngo bo nyid gsum zhes bya ba la yongs su grub pa ni dngos po yin pas ngo bo nyid do/ /kun rtags pa ni ngo bo nyid dang 'dra bas ngo bo nyid do/ /'khrul pa'i rgyu yin pa dang/ ngo bo nyid kyi gnas yin pas gzhan gyi dbang gi ngo bo nyid do/ /de la yongs su grub pa'i mtshan nyid ni chos thams cad kyi nang du zhugs pas spyi'i mtshan nyid do/ /gzhan gyi dbang ni lus la sogs pa 'khrul pa'i rnam par rigs pa rnams phan tshun tha dad pa'i phyir rang gi mtshan nyid de/ sa'i khams la sogs pa bzhin no/ /dper na sa'i khams sra bar yongs su gcod pa na gzhan ma yin yang sra ba'i mtshan nyid ces brjod pa lta bu'o/ /yang dper na skyes bu chen po'i mtshan rnams dang/ mdo sde pa'i skye ba la sogs pa bzhin no/ /des na de ni shes bya'ang yin la mtshan nyid kyang yin pa'am/ yang na shes bya'i mtshan nyid yin pas shes bya'i mtshan nyid de/ gzhan ma yin pa dang/ gzhan dang gzhan ma yin pa las grol ba'i phyir ci rigs su sbyar ro/ /des 'di dag gi gsung

  429. 215a

    khyad par du 'phags so/ /'dis shes bya'i mtshan nyid la 'jug pa yin pas shes bya'i mtshan nyid la 'jug pa ste/ 'jug pa ni mngon par rtogs pa'o/ /rnam par rig pa tsam nyid ni shes bya'i mtshan nyid la 'jug pa'o/ /de nyid khyad par te/ des 'di dag gi gsung khyad par du 'phags so/ /'jug pa de'i rgyu dang 'bras bu'i khyad par gyis khyad par du 'phags pa'i gsung zhes bya ba ni 'jug pa zhes bya ba rnam par rig pa tsam nyid de/ de'i rgyu ni mos pas spyod pa'i sa la sbyor ba'i dus na 'jig rten pa'i pha rol tu phyin pa ma dag pa rnams so/ /'bras bu ni rab tu rtogs pa'i dus na de dag nyid 'jig rten las 'das par gyur pa ste/ lhag pa'i bsam pa dag pas yongs su zin pa'o/ /de dag nyid des 'jug pa'i rgyu dang 'bras bu'i khyad par te/ des 'di dag gi gsung khyad par du 'phags so/ /de'i rgyu dang 'bras bu bsgom pa rab tu dbye ba zhes bya ba la rnam par rig pa tsam de nyid kyi rgyu dang 'bras bu ni de'i rgyu dang 'bras bu'o// sgom pa ni de goms par byed pa'o/ /des rab tu dbye bas de'i rgyu dang 'bras bu bsgom pa rab tu dbye ba ste/ sa bcu'i ngo bo nyid do/ /de nyid khyad par te/ des 'di dag gi gsung khyad par du 'phags so/ /pha rol tu phyin pa goms par byed pa tha dad pa'i sa de dag nyid la de nye bar 'dzin pa la brtson pa na de la slob pa yin pas bslab pa gsum rnam par bzhag go /tshul khrims kyi dbang du byas pa'i bslab pa ni lhag pa'i tshul khrims kyi bslab pa ste/ sa de dag nyid la byang chub sems dpa' i sdom pa spong ba dang/ sems can gyi don bya ba dang/ dge ba thams cad spyod pa dang/ tshul khrims rnam pa gsum yang dag par len to/ /gdul ba srab kyis kha lo sgyur ba bzhin du lam log par zhugs pa'i lus la

  430. 215b

    sogs pa'i las rnams 'dis sdom pas na sdom pa'o/ /de ltar na bslab pa nyid lhag pa'i tshul khrims te/ tshul khrims dang lhan cig spyod pa'i phyir ro/ /lhag pa'i tshul khrims kyi khyad par te/ des 'di dag gi gsung khyad par du 'phags so// sems kyi dbang du byas pa'i bslab pa ni lhag pa'i sems kyi bslab pa'o/ /dpa' bar 'gro ba dang nam mkha' i mdzod la sogs pa'i ting nge 'dzin dag ni zhes bya ba la sogs pa smos pas ni bzang skyong dang/ ting nge 'dzin gyi rgyal po la sogs pa bsdu'o/ /lhag pa'i sems kyi bslab pa la ting nge 'dzin nyid sems su ston pas gsungs so zhes smras te/ sems kyi rnam pa bris zhes bya ba las su bstan pa lta bu'o/ /shes rab kyi dbang du byas pa'i bslab pa ni lhag pa'i shes rab kyi bslang pa'o/ /rnam par mi rtog pa'i ye shes ni spros pa'i rnam par rtog pa thams cad kyi gnyen po'o/ /de la sbyor ba pa'i dngos gzhi'i dbang du byas/ de'i rjes la thob pa'i dbang du byas/ de'i bla na med pa'i dbang du byas nas tshul khrims dang/ ting nge 'dzin dang/ shes rab kyi bslab pa 'di lam gyi rang bzhin no/ /de'i 'bras bu spangs pa dang/ ye shes kyi khyad par gnyis kyi khyad par du 'phags pa'i gsung zhes bstan te/ bslab pa 'di rnams kyi 'bras bu ni de'i 'bras bu'o/ de ni de 'bras bu yang yin la spangs pa yang yin pas de'i 'bras bu spangs pa ste/ glo bur gyi sgrib pa dang bral ba de bzhin nyid rnam par grol ba'o/ /mi gnas pa'i mya ngan las 'das pa ni zhi ba 'di du mthong ba'i phyir 'khor ba nyid mya ngan las 'das pa ste/ de shes pa ni chags pa'i gnas ma yin no/ /phung po'i lhag ma med pa'i mya ngan las 'das pa'i dbyings ni mi gnas pa ma yin no/ /de nyid khyad par te/ des 'di dag gi gsung khyad par du 'phags so/ /bslab pa 'di rnams kyi

  431. 216a

    'bras bu ni de'i 'bras bu ste/ de ni de'i 'bras bu yang yin la ye shes kyang yin pas/ de'i 'bras bu ye shes so/ /sangs rgyas kyi sku gsum zhes bya ba la/ ngo bo nyid kyi sku ni dri ma med cing thogs pa med pa'i ye shes te/ chos kyi sku zhes bya ba'i tha tshig go /'di ltar gnyi ga yang rnam par rtog pa kun tu mi 'byung ni rnam par rtog pa dang 'di bye brag ci yod ce na/ de ni gnyen po ste bya ba dang bcos pa'o/ /'di ni 'bras bu bya ba byas pa ste/ 'di ni bye brag go /longs spyod rdzogs pa ni de'i dbang gis thob pa ste/ ye shes khyad par can des byang chub sems dpa' chen po ye shes khyad par du 'phags pa rnams dang lhan cig thun mong ma yin pa'i chos kyi longs spyod rdzogs pa so sor myong ngo/ /phyi rol rnam par dag pa'i ye shes med par byang chub sems dpa' bya ba dang/ tshogs lhag ma yang rdzogs par mi 'gyur ro/ /sprul pa ni de'i rjes la thob pa'i ye shes nyid kyi bye brag go /des de kho na las rab tu mi nyams shing byang chub sems dpa' i longs spyod rdzogs pa mi gtong bas las dang po pa'i byang chub sems dpa' rnams dang/ nyan thos rnams la bya ba sgrub po/ /mig gi dbang po dang/ de'i rnam par shes pa dang/ gzugs kyi dpe rnams dang sbyar te/ de med na med par 'gyur ro/ /de nyid khyad par te/ des de dag gi gsung khyad par du 'phags so/ /nyan thos kyi theg pa las khyad du byas pa zhes bya ba ni der ma bstan pa'i phyir ro/ /gnas bcu po 'di dag ces bya ba ni de dag la theg pa chen po'i don mdza' dag gnas pas gnas te/ bzhi zhes bya ba'i tha tshig go /gang dag byang chub sems dpa' i ched du bshad pa dag go zhes brjod pa'i rigs pa las bcom ldan 'das kyis bstan pa dag go zhes smos pa ni sangs

  432. 216b

    rgyas kyi spyan sngar des gnad nas bshad pa'i phyir te/ sa bcu pa la sogs pa bzhin no/ /de'i phyir bcom ldan 'das kyi spyan sngan? zhes bya ba smos so/ /mchog nyid ces bya ba ni lam de sangs rgyas nyid du 'gyur bar bstan pa mchog yin pa'i phyir ro/ /ji ltar na de bzhin gshegs pa gsung khyad par rnam pa bcus khyad par du 'phags pa 'dis zhes bya ba la sogs pa mi srid du dogs nas smras pa'o/ /'di ltar dngos po drug la sogs pa ni nyan thos kyi theg pa la bstan par rigs la/ bye brag la sogs pa la ni de dmigs te/ de tsam gyis ni bye brag la sogs pa yang sangs rgyas kyi gsung du mi 'gyur ro zhes gzhan gyi skabs su 'gyur ba yid la bzhag nas gnas bcu po 'di dag ni byang chub chen po kun tu sgrub par byed pa ste zhes bya ba la sogs pa smos so/ /de ni byang chub kyang yin la chen po'ang yin pa'am/ chen po rnams kyi byang chub yin pas byang chub chen po'o/ /ye shes dang spangs pa'i khyad par gyi rang bzhin te/ nyon mongs shes bya'i sgrib pa dag spangs pa yin te de spangs pas dri med ye shes thogs pa med/ /'di ni byang chub rnam pa bzhi zhes ji skad egsungs pa lta bu'o/ /de kun tu sgrub par byed cing thob par byed pa ni gnas bcu po dag yin gyi/ dngos po drug gam/ gtso bo la sogs pa ni ma yin pas de dag ni sangs rgyas kyi bka' ma yin no/ /shin tu 'thad pa zhes bya ba ni tshad ma dang ldan pa'i phyir te/ 'di ltar 'og nas gtan la 'bebs so/ /mthun pa zhes bya ba ni mngon du 'gyur ba'i phyir te/ rjes su mthun zhes bya ba'i tha tshig go /'gal ba med pa zhes bya ba ni skyon med pa'i phyir te/ ji ltar dngos po drug la sogs pa shes pa'am/ nyan thos kyi theg pa skyon dang bcas shing sangs rgyas nyid dang mi

  433. 217a

    mthun pa ltar gnas bcu po 'di dag ni de lta ma yin no/ /'dir tshigs su bcad pa zhes bya ba smos pa ni sngar bshad pa dang 'og nas 'byung ba'i don ston pa'o/ /bstan 'di 'di ltar gzhan la ma mthong la zhes bya ba la sogs pas ni byang chub chen po mngon du 'gyur ba dang/ grangs dang go rim gyi dgos pa thad pa dang bcas pa rnam par 'grel te/ 'di ltar byang chub sems dpas thog ma nyid du ro zhig chos rnams kyi rgyu la mkhas pa la brten nas rgyu 'di las 'bras bu 'di 'byung ngo/ /'bras bu 'di'i rgyu ni 'di yin no zhes rten cing 'brel par 'byung ba la mkhas par byas te/ de yang rgyu bstan pa med par ni mi shes so/ /rgyu ni kun gzhi rnam par shes pa ste/ rgyu med pa dang mi mthun pa'i rgyu spangs nas bstan pa'o/ /de'i 'og tu sgro 'dogs pa dang skur pa 'debs pa'i mdza' spangs pas rten cing 'brel bar 'byung ba'i chos de dag gi mtshan nyid shes par bya ste/ med pa dang yod pa lhan cig gcig tu 'dogs pa ni sgro 'dogs pa'o/ /yod pa la skur cing sel ba ni skur pa 'debs pa'o/ /sgro 'dogs pa dang skur pa'i mdza' 'di gnyis ni g.yang sa zhes bya ba'i tha tshig ste/ 'di gnyis la gnas na dbu ma'i lam las rab tu nyams par 'gyur ro/ de gnyis spangs pa la mkhas pa ni yang dag par so sor rtog pa ste/ med pa kun brtags pa la sgro mi 'dogs shing mi skur te med pa'i phyir ro/ yod pa la skur pa 'debs pa'i phyir ro/ /gzhan gyi dbang la sgro 'dogs par mi byed de/ yod pa'i phyir ro/ /yod pa la sgro 'dogs pa'i phyir ro/ /skur bar yang mi byed de 'khrul pa tsam du yod pa'i phyir ro/ /yongs su grub pa la sgro 'dogs par mi byed de yod pa'i phyir ro/ /de nyid kyi phyir skur pa'i mi byed do/ /yang na 'dir

  434. 217b

    sgro 'dogs pa dang/ skur pa'i mdza' spangs pa la mkhas pa 'di ni gang gzhan gyi dbang la kun brtags pa med pas sgro mi 'dogs pa dang/ yongs su grub pa yod pas skur par mi byed pa'o/ /mdza' gnyis spangs pa ngo bo nyid gsum la mkhas pa de lta bu la brten nas rnam par rig pa tsam nyid kyis ji skad smos pa'i shes bya'i mtshan nyid rtogs par bya'o/ /khong du chud pa ni rtogs pa ste/ 'jug pa dang mngon sum du byed pa'o/ /yang na gang gis rtogs pa'o/ /de'i 'og tu 'jug pa rnam par rig pa tsam nyid de dang mthun pa kun rdzob kyi pha rol tu phyin pa drug po dag don dam par rtogs par bya ste/ lhag pa'i bsam pa dag pas yongs su zin par bya'o/ /'dun pa dang mos pa ni bsam pa ste/ shes nas dad pas bsdus pa'i phyir de'i tshe de gnyis lhag par che'o/ /'jug pa ni rdzogs pa'i byang chub mngon par rtogs pa zhes bya ba dang don gcig go /sa bcu dag tu bslab pa gsum la slob cing bskal pa grangs med pa gsum du bsgoms pas de dag nyid yongs su rdzogs par bya'o/ /de'i 'og tu de'i 'bras bu nyon mongs pa dang/ shes bya'i sgrib pa spangs pa dang/ thams cad mkhyen pa'i ye shes dri ma med cing thogs pa med pa thob par bya'o/ /de ltar na go rim dang grangs kyi bgos pa dang/ byang chub chen po dang mthun pa yang dngos dang zhar la bshad pa yin te/ go rim ni 'di kho na yin la grangs kyang bcu kho na ste/ mi nyung mi mang ngo/ /'bras bu bye brag med par 'gyur pa'i phyir nyan thos kyi lam nyid sangs rgyas kyi lam nyid du mi rung ngo/ /byang chub sems dpa' i dbang du byas nas nyan thos kyi theg pa las ni gang du yang sangs rgyas kyi lam bstan pa med do/ /sangs rgyas ni nyan thos las khyad par du ma 'phags par yang mi 'dod de/ ston pa dang slob mar rnam par bzhag pa med par

  435. 218a

    'gyur ba'i phyir ro/ /de bas na lam gyi khyad par nye bar bstan pa 'ga' zhig bshad dgos te/ de ni theg pa chen po 'di las gzhan du mi 'thad do/ /de bas na byang chub chen po kun tu sgrub par byed pa'i phyir theg pa chen po ni sangs rgyas kyi gsung nyid du mngon te/ sangs rgyas kyi lam ni sangs rgyas ma yin pas bshad par mi nus so/ /bstan pa 'dir ni theg pa thams cad yongs su rdzogs pa yin no zhes bya ba ni 'dod pa med pa'i phyir te/ rgyu dang 'bras bu khyad par du 'phags pa'i rnam pa thams cad bshad pa'i phyir ro/ /de'i phyir 'di ni theg pa chen po bsdus pa ste/ ji snyed dang ji lta bzhin du khyad par dang bcas par bstan pa'i phyir ro/ /thog ma med pa'i dus kyi dbyings zhes bya ba la sogs pa ni dang po'i mu med pas na thog ma med pa'i dus so/ /dbyings ni rgyu ste sa bon no/ /gang dag gi zhe na/ kun nas nyon mongs pa'i chos thams cad kyi'o/ /rnam par byang ba rnams kyi ni ma yin te/ 'di ltar 'og nas mang du thos pas bsgom pa'i gnas kun gzhi rnam par shes pas bsdus pa ma yin la/ kun gzhi rnam par shes pa ltar tshul bzhin yid la byed pas bsdus pa'i chos rnams kyi sa bon gang yin pa'o zhes 'byung ngo/ /rten yin pa'i phyir chos rnams kun gyi gnas yin te/ rgyu yin pa'i phyir ni ma yin no/ /rten gyi don ni gnas gyi don te/ rgyu'i don ni ma yin pas gnas logs shig tu smos so/ /gzhan du ni dbyings kyi sgra nyid kyis chog par 'gyur ro/ /de yod pas na 'gro kun dang/ mya ngan 'das pa'ang thob par 'gyur zhes bya ba ni ji ltar gtan la dbab pa'i gnas su 'og nas bshad pa lta bu ste/ skye ba kun nas nyon mongs pa ni kun gzhi rnam par shes pa med na sems can dmyal ba la sogs par mi 'byung

  436. 218b

    ngo/ /zhes bya ba la sogs pa dang/ skye ba la sogs pa'i kun nas nyon mongs pa log pa ni mya ngan las 'das pa ste/ de'i phyir de thob pa yang kun gzhi rnam par shes pa med na mi rung ngo zhes bya ba'o/ /yang zhal nas gsungs pas kun gzhi rnam par shes pa sgrub ste/ chos kun sa bon thams cad pa'i/ /rnam par shes pa kun gzhi ste/ zhes bya ba la sogs pa'o/ /skye ba can zhes bya ba ni 'dus byas rnams so/ /kun nas nyon mongs pa'i chos thams cad ces bya ba ni rnam par byang ba'i chos rnams las rnam par dbye ba'o/ /rnam par byang ba'i chos rnams ni rang bzhin gyis kun nas nyon mongs pa can nyon mongs pa thams cad kyi bang? pa dang mdzod lta bur gyur pa mi mthun pa'i phyogs la 'bras bu'i dngos por sbyor ba ma yin te/ de'i gnyen po yin pa'i phyir ro/ /mi mthun pa dag ni rgyu dang 'bras bu'i dngos por mi rung ngo/ /gang na mi mthun pa'i phyogs yod pa de na gnyen po yod pa'i phyir gnas ni ma yin no/ /rgyu dang 'bras bu'i dngos po'i don ni kun gzhi'i don no lhan cig 'jug pa'i don ni gnas kyi don te/ sman nad med kyi thigs pa dug gi bum pa dang lhan cig gnas pa ni dug gi rgyu las byung bar mi rung ngo/ /der zhes bya ba ni bag chags kyi gnas ston te/ bag chags tsam ni kun gzhi rnam par shes pa ma yin gyi/ bag chags kyi gnas dang bcas pa la bya ba ste/ dper na gzhan dag gi yid kyi rnam par shes pa lta bu'o/ /sbyor ba zhes bya ba ni mngon du khyab par bag chags bsgo zhes bya ba'i tha tshig go /yang na sems can dag de'i bdag nyid du sbyor ba zhes bya ba ni yongs su 'dzin ces bya ba'i tha tshig go /ji ltar chen po la sogs pa gsal ba dag gtso bo la mi gsal ba'i bdag nyid du sbyor ba ltar chos thams cad kun gzhi rnam par shes pa

  437. 219a

    la de lta ni ma yin no/ /zhes bye brag tu dbye ba'i phyir/ sa bon thams cad pa zhes bya ba smos te/ sa bon thams cad dang lhan cig 'byung ba dang 'gag pa'i phyir ro/ /brten pa'i tshul gyis kun gzhi dang 'jug pa'i rnam par shes pa phan tshun du sbyor te/ gtso bo nyid gsal ba'ang yin la bdag gi ngo bo yang yin zhes bya ba de ni 'gal lo/ /dam pa dag la zhes bya ba ni byang chub sems dpa' khyad par can rnams la bshad pa ste/ 'os yin pa'i phyir ro/ /'os ma yin pas gzhan dag la ni ma bshad do/ /de ni len pa'i rnam par shes pa zhes kyang bya ste/ zhes bya ba ni lung gzhan gyis kun gzhi rnam par shes pa'i rnam grangs rnam par 'jog pas grags pa ston to// len pa'i rnam par shes pa zab cing phra zhes bya ba la sogs pa la zab pa ni 'jig rten pa'i mkhas pa'i blos kyang gting dpag dka' ba'i phyir ro/ /phra ba ni nyan thos rnams kyis kyang shes par dka' ba'i phyir ro/ /de'i phyir de dag shes bya phra ba thams cad shes pa'i skabs ma yin pas nyan thos rnams la ma bshad do/ /chu bo zhes bya ba ni skad cig gcig nas gcig tu brgyud pas rgyun mi 'chad pa'i phyir te/ chu'i chu bo bzhin no/ /ji srid 'khor gyi bar du rnam pa gzhan du 'gyur ba med pas 'di la bdag tu yongs su sems par gyur na mi rung zhes byas pa bdag tu lta ba de dag la bstan to/ /dbang po gzugs can thams cad kyi rgyu yin pa zhes bya ba la sogs pa ni sgra 'jug pa'i rgyur ston to/ /'dis tshe ji srid par rjes su 'jug gi bar du grub pa dang bde ba gcig pas dbang po gzugs can thams cad len pas len pa'i rnam par shes pas zhes bya'o/ /gzhan du na ni shi pa'i ro bzhin du

  438. 219b

    'jig par 'gyur ro/ /lus kun te/ lus thams cad nye bar len pa'i gnas su 'gyur ba'i phyir ro zhes bya ba ni dbang po gzugs can rnams ma byung ba dang/ gzugs med par yang lus mngon par 'grub pa ste/ nying mtshams sbyor ba'o/ /de sprel ba ni yongs su 'dzin pa'o/ /de mngon par 'grub pa nye bar 'dzin pa'i phyir khu chu dang khrag gi nang du brgyal ba'i kun gzhi rnam par shes pas lus mdza' dag bzung ba yin te/ lus mdza' dag gi bag chags bsgos pa'i phyir yongs su bzung ba yin no/ /de ni sems zhes kyang bya ste/ zhes bya ba ni rnam grangs rnam par bzhag pa nyid du lung gzhan gyis ston par byed do/ /gnyis pa nyon mongs pa can gyi yid ces bya ba ni 'jig tshogs la lta ba la sogs pa nyon mongs pa bzhi po dag dang mtshungs par ldan pa'i phyir ro/ /de la 'jig tshogs la lta ba ni bdag dang bdag gir mngon par zhen pa'o/ /de'i dbang gis nga'o snyam pa'i nga rgyal te/ nga'o bdag go snyam du khengs so/ /de gnyis yod na bdag la chags pa 'byung ste/ bdag la dga' o/ /de gsum gyi rgyu ni ma rig pa ste/ mi shes pa rig pa'i mi mthun pa'i phyogs so/ /de ni rnam par shes pa kun nas nyon mongs pa'i gnas yin te/ mnyam par bzhag pa dang/ mnyam par ma bzhag pa dang/ dge ba la sogs pa'i gnas skabs su yang/ 'gal ba med par kun tu 'byung ba'i phyir ro/ /gzhan du na ni dge ba'i sems la nga'o snyam du ji ltar 'gyur/ gnas gcig pos ni skyed ces bya ba ni 'gags ma thag pa'i yid kyi'o// gnyis pas ni nyon mongs pa can du byas pa ste/ zhes bya ba ni nyon mongs pa bzhi ngang mtshungs par ldan pa ste/ ngar 'dzin pa la sogs pa'i kun nas nyon mongs pa ni des byas pa'i phyir ro/ /yul la rnam par rig pa'i phyir zhes bya

  439. 220a

    ba ni yul 'dzin par snang ba'i phyir rnam par shes pa'i sgrar grub po/ /de ma thag pa dang ngar sems pa'i phyir yid ni rnam pa gnyis so/ /zhes bya ba ni nges pa'i tshig gis tshul gyis te/ yi ge mi mngon par byas pa'i phyir ro/ /rnam par sgrub pa dang/ nges pa'i tshig gnyis kyis sgra'i don shes pa'i phyir ro/ /'thad pa med bar gzhan la bstan par mi nus pas nyon mongs pa can gyi yid sgrub pa rigs pa tshigs su bcad pa/ rnams kyis 'jog go /ma 'dres pa'i ma rig pa dang zhes bya ba la sogs pa la gal te nyon mongs pa can gyi yid med du zin na de med na ma rig pa ma 'dres par 'gyur ma rig pa ma 'dres pa ni de kho na la shes pa skye ba'i gags byed pa gti mug go zhes 'og nas 'chad do/ /de ni rnam par shes pa lnga po dag la mi 'byung ste/ de la gnas pa la gnyen po med pa'i phyir te/ gang na mi mthun pa'i phyogs yod pa de na gnyen po yod par 'gyur ro// rnam par shes pa lnga ni de'i gnyen po ma yin te de dag la mthong ba'i lam mi skye ba'i phyir ro/ /nyon mongs pa can ma yin pa'i yid kyi rnam par shes pa la yang ma yin te/ nyon mongs pa'i ngo bo nyid de nyid kyis de nyon mongs pa can du 'gyur ba'i phyir ro/ /nyon mongs pa can la yang ma yin te/ de las gzhag pa'i nyon mongs pa dang mtshungs par ldan pas ma 'dres par mi 'grub pa'i phyir ro/ nyon mongs pa des yid kyi rnam par shes pa nyon mongs pa can du dam bca' na ni gtan du nyon mongs pa can du 'gyur te/ nyon mongs pa'i tshan de nyid de dang mtshungs par ldan pa'i phyir sbyin pa la sogs pa'i sems dge bar mi 'gyur ro/ /gang gi ltar na dge ba'i

  440. 220b

    sems dang lhan cig 'byung ba'i nyon mongs pa can gyi yid yod pa de'i ltar na ni de nyid dang mtshungs par ldan par 'gyur gyi/ gzhan dang ni ma yin no/ /nyon mongs pa can gyi yid kyi rnam par shes pas ni de'i gnyen po mngon sum du byed par yang mi rung ste/ gang gi ltar na nyon mongs pa can gyi yid dang lhan cig 'byung ba'i dge ba'i sems yod pa de'i ltar na ni des drangs pa'i gnyen po skye ba'i phyir 'gags te rigs so/ /de ltar na 'ang 'di de las gzhan pa 'jig tshogs la lta ba la sogs pa'i nyon mongs pa dang mtshungs par ldan pa'i phyir ma 'dres par mi 'grub ba ma yin nam/ mi mthun par bzhag pa ste/ de ni nyon mongs pa gzhan dang mtshungs par ldan pa ma yin pa'i phyir ma 'dres pa nyid du 'dod pa ma yin gyi 'o na ji zhe na/ gzhan la med pa'i phyir te/ sangs rgyas kyi chos ma 'dres pa bco brgyad bzhin no/ /ma 'dres par mi 'grub pa'i phyir ro zhes gang smras pa de ni gzhan gyis rnam par bzhag pa la ltos nas nyes pa brjod pa'i phyir ro/ /dbang? po ngag dang 'dra ba zhes bya ba 'di ni sgrub pa ma yin no/ /'o na ci zhe na/ sun 'byin pa ste/ su rnam par shes pa gang zhe na/ rnam par shes pa'i tshogs drug go zhes bya ba 'di khas len pa des ni mig la sogs pa'i rnam par shes pa lnga dang/ yid kyi rnam par shes pa mthun par khas blangs pa de 'gal te/ lhan cig skye ba'i gnas med pa'i phyir ro/ /gzhan gyi gzhung la ni gang lhan cig skye ba'i gnas med pa'i rnam par shes pa ci yang med do zhe'o/ /kun gzhi rnam par shes pa'i lhan cig skye ba'i gnas ma yin nam zhe na/ ma yin te/ bdag po'i rkyen du brjod pas 'dod pa'i phyir ro/ /kun gzhi ornam par shes pa ni yid kyi rnam par shes pa'i rgyu'i rkyen yin no/ /'dir ni nyon mongs pa can gyi yid bdag po'i

  441. 221a

    rkyen du brjod par 'dod do/ /gang dag snying la gnas pa'i gzugs ci yang rung ba zhig yid kyi rnam par shes pa'i lhan cig skye ba'i gnas so zhes smras pa/ de dag gi de yang rnam par rtog pa tsam du zad do/ / yid kyi rnam par shes pa thams cad ni thams cad du nges par rtog pa dang/ rjes su dran pa'i rnam par rtog pa gnyis kyis rnam par na rtog pa nyid du 'gyur te/ dbang po gzugs can la brtan pa mig la sogs ba'i rnam par shes pa bzhin no/ /snyoms par 'jug pa'i bye brag dang zhes bya ba ni 'du shes med pa dang/ 'gog pa'i snyoms par 'jug pa'o/ /gang la nyon mongs pa can gyi yid yod pa de yin 'du shes med pa'i snyoms par 'jug pa la de yod pa dang/ 'gog pa'i snying par 'jug pa la ni med pa'i phyir khyad par du 'thad do/ /gzhan du na ni gnyi gar yang 'du shes dang tshor ba 'gog pa dang/ nyon mongs pa can gyi yid kyi rnam par shes pa kun tu 'byung ba med pa'i phyir bye brag med par 'gyur ro/ /bsam gtan bzhi pa dang/ srid pa'i rtse mo'i sa tha dad pa dang/ nges bar 'byung ba dang/ zhi bar gnas par 'dod pa tha dad pa'i phyir yang tha dad par mi 'gyur ram zhe na/ ma yin te/ rang gi ngo bo tha dad pa med pa'i phyir ro/ /gnyi gar yang sems dang sems las byung ba 'gog par bye brag ci yod/ /'di ni mdo sde pa dang gtan la dbab pa ste/ de dang nye ba'i phyir ro/ /de ni mi ldan pa rnams rdzas su yod par mi 'dod na snyoms par 'jug pa rdzas tha dad par ga la 'gyur/ des tshig med pa'i skyon du 'gyur zhes bya ba la nges ba'i tshig ni ngas tshig ste/ ngar sems pa'i phyir yod do zhes bya ba'i nges pa'i tshig gang yin ba 'di nyon mongs pa can gyi yid med na ci la gnas par 'gyur

  442. 221b

    rnam par shes pa drug ni ngar sems pa'i phyir yod do zhes bya ba de ltar 'thad pa ma yin te 'gags zin pa'i phyir ro/ /'du shes par skye ba'i rgyun/ /ngar 'dzin med pa'i skyon du 'gyur zhes bya ba ni 'du shes med pa'i lha rnams kyi nang du sems dang sems las byung ba 'gags pa'o/ /der skye ba ni nying mtshams sbyor zhing spel ba'o/ /de'i rgyun ni de phan chad rgyun du 'byung ba'o/ /gal te nges nyon mongs pa can gyi yid mi 'dod na ngar 'dzin pa med pa nyid du 'gyur te/ nyon mongs pa mdza' dag dang ldan pa'i skye ba'i rgyun ni ngar 'dzin pa med pa mthong ngo/ /de nyid kyi phyir de ni 'phags pas smad pa'i 'os yin no/ /skye ba'i skad cig ma mngon du gyur pa'i yid kyi rnam par shes pa'i rten can ngar 'dzin pa'i 'phen pas ngar 'dzin pa dang bcas pa nyid do/ /ngar 'dzin pa ma spangs pa'i phyir rjod byed dang bcas pa la sogs pa lta bu'i zhes byar yang mi rung ste/ ngar 'dzin pa dang bcas te 'gags pa dang/ rjod byed la sogs pa yang sems las gzhan du mi 'grub pa'i phyir ro/ /ngar 'dzin pa'i bag chags ni lus kyi rgyud la mi rigs te/ gzugs kyi phung po la de med pa'i phyir ro/ /de lta bas na skad cig phan chad so so'i skye bo'i skye ba'i rgyun ngar mi 'dzin pa med pas ji skad bshad pa de rigs so/ /gang la de dang lhan cig 'byung ba'i sems ngar 'dzin pa'i gnas yod pa de la ni nyes pa med do/ /ngar 'dzin pa dang ldan par ni/ rnam pa kun tu mi 'thad do/ /zhes bya ba ni rnam pa thams cad du ni rung zhes bya ba'i tha tshig go /dge ba'i gnas skabs ni sbyin pa la sogs pa la ngar 'dzin pa dang ldan te/ nga sbyin pa byed do snyam du ngar sems pa'i phyir ro/ /ngar 'dzin pa dang ldan pa ni ma rig pa med na mi 'byung ngo/ /ma rig pa yang

  443. 222a

    sems las byung ba yin pas gnas med par mi 'byung ste/ nyon mongs pa can gyi yid ma gtogs par gnas gzhan med do/ /dge ba'i sems ni ma rig pa'i gnas su mi rung ngo/ /nyon mongs pa can gyi yid med ces bya ba ni ma rig pa ma 'dres pa dang/ lnga pa dag dang 'dra ba'o/ /gsum po 'gal bar 'gyur zhes bya ba ni snyoms par 'jug pa'i bye brag dang/ nges pa'i tshig dang/ ngar 'dzin pa med pa'i skye ba gsum mo/ /ma rig pa ma 'dres pa sngar bstan pa re bshad de/ yang dag don la 'jug pa yi/ /sems kyi bgegs su rtag gyur dang zhes bya ba ni yang dag pa'i don mthong ba'i gags byed pa ste/ de yod na de mi 'byung ba'i phyir ro/ /dus rnams kun tu 'byung ba de zhes bya ba ni dge ba dang/ mi dge ba dang/ lung du ma bstan pa'i gnas skabs su yang rjes su 'brel ces bya ba'i tha tshig go /kun gzhi rnam par shes pa na gtogs par sems kyi lus gsum pa mi dmigs te zhes bya ba ni ji ltar yid ces bya ba'i sgra'i lus na 'gags ma thag pa'i rnam par shes pa yin la/ rnam par shes pa'i sgra'i ni rnam par shes pa dag po dag yin ba ltar sems zhes bya ba'i sgra'i lus gzhan ni de ltar mi dmigs so/ /brjod pa 'di'i lus med pa ni ma yin no/ /'di rnam grangs su gtogs pa'ang ma yin te/ yid dang rnam par shes pa'i sgra gnyis kyi brjod par bya ba tha dad pa'i phyir ro/ /'dir sgra'i lus su 'dod pa ni brjod par bya'o/ /de lta bas na kun gzhi rnam par shes pa ni sems zhes bya ba'i sgra'i brjod par bya ba'o/ /ji lta zhe na/ 'jug pa'i rnam par shes pas bsdus pa'i chos kyis bon nus pa'i khyad par can sna

  444. 222b

    tshogs rnam pa tha dad pa rnams kyis kun du bsags shing gang bar byas pa'i phyir ro zhes bya ba ni de sgor byas shing brten nas zhes bya ba'i tha tshig ste/ de sems kyi sgra de la 'jug pa'i rgyud ston to/ /shes bya phra mo bsdus pa'i phyir ro/ / zhes bya ba ni shes bya phra mo nye bar bzung ba khas blangs pa nas nyan thos rnams lam bshad do/ /de dag ni shes bya rags pa bsdus pas gdul ba yin pa'i phyir ro/ shes bya phra mo shes pa la gtogs pa med pa nyid do/ /nyan thos rnams ni shes bya thams cad shes pa la gtogs pa yin no zhes bya ba ni nus pa dang/ don du gnyer pa dang/ rtogs pa'i mtshan nyid med par ston to/ /de dag ni de bstan pa med par yang zhes bya ba la sogs pa ni nyan thos rnams la kun gzhi rnam par shes pa ma bstan kyang shes bya gzugs la sogs pa rags pa/ sdug bsngal dang kun 'byung ba'i bdag nyid la mi rtog pa la sogs pa'i rnam par so sor rtog pa dag nyon mongs pa rnams sbyong ste/ de'i don du de dag bcom ldan 'das kyi drung na tshangs par spyod par gnas so/ /rags ba nyid ni gzugs ni lus can yin pa'i phyir ro/ /tshor ba la sogs pa ni dmigs pa dang rnam pa yongs su chad pa dang/ rgyu ba rags pa'i phyir de las bzlog pa kun gzhi rnam par shes pa ni phra ba'o/ /chos gcig mngon par ma shes shing yongs su ma shes na yang sdug bsngal mthar 'byin par ngas ma bshad do/ /zhes gang gsungs pa de ni nyon mongs pa rnam las dgongs pa'o/ /ma spangs na zhes bya ba'i bye brag gi sgra dang gzhi mthun pa'i phyir te/ nyon mongs pa la ma gtogs par spang par bya ba gzhan med pa'i phyir ro/ /yang na mi rtag pa la sogs pas spyi'i rnam par brnyegs kyi/ kun gzhi

  445. 223a

    rnam par shes pa nyid ces ma bzung bas nyes pa med do/ /byang chub sems dpa' rnams ni shes bya thams cad shes pa la gtogs pa yin no zhes bya ba ni rigs kyi mthus nus pa dang/ don du gnyer ba dang/ gtogs pa'i mtshan nyid dang ldan pa'i phyir/ thams cad shes par bya bar gtogs so/ /gzhan du na ni gzhan gyi don byed mi nus pa'i phyir ro/ /gzhan dag gi bsam pa dang/ bag la nyal dang/ khams dang/ dbang po mchog dang/ mchog ma yin pa dang/ bskal pa yod pa dang/ bskal pa med pa dang/ dus dang dus ma yin pa mi shes pa thams cad mkhyen pa ma yin pas gzhan gyi don mdza' dag byed mi nus pa'i phyir de don du gnyer ba'i byang chub sems dpa' rnams la kun gzhi rnam par shes pa bshad do/ /de shes pa med par ni thams cad mkhyen pa'i ye shes thob par slab? ma yin no zhes bya ba ni kun gzhi rnam par shes pa med par don du yongs su rtog pa spong bar mi 'gyur te/ de ma spangs na yongs su brtag par bya ba'i don yod pa'i phyir rnam par mi rtog pa'i ye shes med do/ /de'i phyir shes bya thams cad kyi spyi'i mtshan nyid mngon sum du ma byas bas thams cad mkhyen pa'i ye shes thob par slab pa ma yin no/ /rnam par rtog pa dang bcas pa'i shes pas yongs su brtag par bya ba'i don gcig las gcig bzlog pa'i rang gi mtshan nyid ma rtog na ni mdza' yas pa'i phyir thams cad rtog par mi nus so/ /gal te 'di dag kun gzhi rnam par shes pa 'di nyid brjod pa'i bag chags yongs su gyur pa'i dbang gis don dang/ sems can dang/ bdag dang/ rnam par rig par snang ba 'byung par shes na de'i tshe bzung ba'i don med par rtogs nas 'dzin pa yang med par rigs pas khong du chud nas rnam par mi rtog

  446. 223b

    pa'i ye shes 'thob bo/ de'i rjes la thams cad kyi spyi'i mtshan 'di de bzhin nyid goms par byed cing de dang chos thams cad ro gcig par shes te/ mdza' yas pa med pa'i phyir thams cad mkhyen pa'i ye shes thob par sla ba yin no// dmigs pa dag pa lam gtogs par shes pa dag pa'i thabs gzhan med do/ /de ltar na skad cig gcig dang ldan pa'i shes rab kyis chos thams cad shes so zhes gsungs so/ /yang smras pa/ brtag pa'i chos la rnam rtog pa/ /shes bya kun la ma spangs na/ /thams cad mkhyen pa nyid med de/ /de phyir chos la bdag med bstan ce'o/ /lung gi tshul 'di mi mngon par shes pa dag ni/ dper na rgyun gyis mi nus pa yi phyir ro/ /mes ni thams cad sreg 'dod ltar/ /de bzhin thams cad mkhyen 'dod kyi/ /cig car thams cad rig phyir min zhes smra'o/ /de lta bas na kun gzhi rnam par shes pa dang/ ma shes pas thams cad mkhyen pa'i ye shes 'thob par sla ba dang dka' bar gyur ro zhes/ gtso bor kha nar brjod do/ /chos thams cad bdag med pa'o zhes bya ba thams cad mkhyen pa ma yin nam zhe na/ thams cad mkhyen pa ni yin mod kyi/ rnam pa thams cad mkhye? pa ni ma yin no/ /yang rnam grangs kyis kun gzhi rnam par shes pa nyan thos kyi theg par yang bstan te zhes bya ba ni sde pa gzhan la grags par nye bar 'god pas kun gzhi rnam par shes pa'i lam po che gtod pa nyid du 'jug sdud par skabs sbyor ba'o/ /de bzhin gshegs pa byung na phan yon bzhi yod do zhes mdo gang las gsungs pa de ni/ de bzhin gshegs pa byung ba'i phan yon rnam pa bzhi'i mdo de las 'di gsungs so/ /skye dgu kun gzhi la kun tu dga' ba zhes bya ba la sogs pa la/ kun gzhi la brten nas dga' bas da ltar gyi dus na kun gzhi la kun tu

  447. 224a

    dga' o /ji lta zhe na/ 'di ltar kun gzhi las yang dag par byung ba zhes bya ba ni 'das pa'i dus te de las byung ba'i phyir ro/ /'di ltar yang 'di ni ma 'ongs pa na mngon par dga' ba'i ngang tshul can te/ de 'dod pa la gzhol ba'i phyir ro/ /de lta bas na/ kun gzhi la mngon par dga' ba can zhes bya ba'o/ /kun gzhi spongs pa'i phyir zhes bya ba ni legs par gzhom pa'i phyir ro/ /nyan 'dod ces bya ba ni nyan par 'dod pa'o/ /rna ba gtong ces bya ba ni smon lam btab nas thos pa las byung ba'i shes pas nyan pa'o/ /kun shes par byed par sems nye bar 'jog ces bya ba ni bsam pa las byung ba'i shes pas don gtan la 'bebs pa'i phyir ro/ /chos kyi rjes su mthun pa'i chos sgrub ces bya ba ni bsgoms pa las byung ba 'jig rten las 'das pas so/ /lam gyi bden pa ni brtan pa'i chos kyi rjes su mthun pa'i chos te nan tan du bya ba yin pa'i phyir ro/ /de sgrub pa ni rang gi sems kyi rgyud la 'jog pa'i phyir ro/ /dge 'dun phal chen sde'i lung las kyang zhes bya ba 'dis kyang lam po che gtod par sgrub po/ /rtsa ba'i rnam par shes pa zhes bya ba ni rnam par shes pa gzhan dag gi rgyu yin pa'i phyir te/ dper na shing gi rtsa ba ni sdong bu la sogs pa'i rgyu yin pa lta bu'o/ /sa ston sde'i lung las kyang zhes bya ba ni de dag gi lung gi phung po rnam pa gsum la skad cig pa ni gang dag skad cig re re la skye ba dang 'gags pa'o/ /de'i tshe rabs pa ni gang dag 'chi pa la thug gi bar du rjes su 'brang ba'o/ /'khor ba ji srid pa ni gang dag rdo rje lta bu'i ting nge 'dzin ma thob kyi bar du 'brang ba'o/ /de dag kyang gzhi rnam par shes pa las gzhan mi srid pas kun gzhi rnam par shes pa nyid ming gzhan gyis bstan ba ste/ ji skad bstan po'i phung po rnams ni ji srid 'khor bar yod pa ma yin pa'i phyir ro//

  448. 224b

    ji lta zhe na/ la lar res 'ga' zhes bya ba la sogs pa smos te/ gzhi dang dus bstan to/ /de la gzugs med par ni gzugs rgyun chad do/ /'du shes med pa pa dang/ de'i snyoms par 'jug pa la ni sems kyi rgyun chad do/ /kun gzhi rnam par shes pa la ni gnyen po skyes kyi bar du gzugs dang sems kyi sa bon gyi rgyun mi 'chad do/ /'phags pa gnas brtan pa rnams kyi lung las ni srid pa'i yan lag gi sgrar gsungs te/ srid pa'i rgyu yin pa'i phyir ro/ /rnam par phye ste smra ba'i lung las kyang de skad du 'byung ngo/ /lta ba la sogs pa drug ni mig la sogs pa'i rnam par shes pa nas yid la sogs pa'i ba du ci rigs su sbyar ro/ /gang zhig su dag kun gzhi rnam par shes pa la zhe sdang ba ni rnam par shes pa'i cha bdun dang ldan pa'i phreng ba lta bar byed pa nas dngos po yongs su gcod pa'i bar ro zhes smra ba de'i la ni rigs pa thigs pa'i nang du lta bar bya'o/ /lam po che gtod pa yin na zhes bya ba ni sde pa gzhan gyi lung du ma las grags pas kun gzhi rnam par shes pa'i lam du dong ba dang rjes su dong ba nyid ston to/ /kha cig 'di snyam du zhes bya ba ni log pa rtogs pa ston te/ sems dang yid dang rnam par shes pa ni don cig ces bya ba la sogs pa ji skad bshad pa lta bu'o/ /de yang mi 'thad de zhes bya ba ni rigs pa ma yin no zhes bya ba'i tha tshig go/ yid dang rnam par shes pa gnyis don tha dad par dmigs pa'i phyir ro zhes bya ba na brjod ba dang brjod par bya ba'i rang bzhin can gyi sgra gnyis tha dad pa'i phyir te/ rnam par shes pa drug po 'das ma thag pa ni yod do/ /yul so sor rnam par rig pa ni rnam par shes ba'o zhes 'byung bas yid dang rnam par shes pa gnyis don tha dad do/ de bzhin du sems kyi don gyis kyang tha dad du dbye bar bya'o/ /yang kha cig ni zhes bya ba ni kun gzhi la kun tu

  449. 225a

    dga' ba la sogs pa don gzhan du rtog pa ste/ de smras pa/ nye bar len pa'i phung po lnga po dag ni kun gzhi zhes bya ba ste/ de dag la bdag nyid du 'dzin pa'i phyir ro/ /'jig tshogs la lta ba kun gzhi'o zhes bya ba ni nges de dag la bdag nyid du 'dzin pa'i phyir ro/ /bde ba'i tshor ba 'dod chags dang tshor ba lhan cig spyod pa'i spyi ni kun gzhi nyid de/ 'dod chags rgyas par 'gyur ba'i phyir ro/ /yang na so so la bya ste/ chags pa dang de'i gnas pa'i phyir ro// de dag ni kun gzhi rnam par shes pa la rmongs pa rnams so/ /ji lta zhe na/ lung dang rtog pas de snyam du sems so zhes bya ba smos pa ste/ nyes par bstan pa dang/ nyes par khong du chud pa'i phyir ro/ /yang na yid ches pa'i lung mad pa dang/ rang gis kyang khong du ma chud pa'i phyir ro/ /nyan thos kyi theg par gzhag pa'i tshul du na yang de dag gi rnam par gzhag pa de mi rung ba med mod kyi zhes bya ba ni smad pa ste/ rang gis lo rgyus kyi lugs kyi na de thams cad kyi thams cad du rung bar bstan to/ /de la ma rmongs ba rnams kyi kun gzhi rnam par gzhag pa de kun gzhi rnam par shes pa yin par yongs su bzung nas rnam par 'jog pa ni ches bzang ngo zhes bya ba ni smad par rnam par 'grel te/ de'i bshad pa'i rnam par rtog pa'i nyes pa brjod pa'i phyir ro/ /'di ltar nye bar len pa'i phung po lnga po dag ni shin tu sdug bsngal ba'i ngan 'gro rnams su skyes pa dag dang mi mthun pa yin no zhes bya ba la ngan 'gro ni sems can dmyal ba dang/ dud 'gro dang/ yi dags rnams so/ /de dag ni rtag par shin tu sdug bsngal bar bye brag med de/ de dag la res 'ga' yang bde ba med do/ /mi mthun pa zhes bya ba ni mi 'dod pa'o/ /'dod pa med pa'i don la ni su yang mi sbyor te/ sbyor ba'i don dang mi ldan

  450. 225b

    ba'i phyir ro/ /de dag ni de dang 'bral ba nyid du 'dod do/ /zhes bya bas ni de ston te/ sdug bsngal gyi phung po 'di dag med kyang ci ma rung snyam du sdug bsngal gyi phung po dang bral bar 'dod ces bya ba'i tha tshig go /gang dag dang 'bral bar 'dod pa de dag la sbyor bar mi rung ste/ 'gal ba'i phyir ro/ /bde ba'i tshor ba 'dod chags dang bcas pa yang bsam gtan bzhi pa yan chad gong ma gzugs med pa rnams dang mi mthun pa yin te/ yid 'byung ba'i rgyu yin pas rnam par sun 'byin pa'i phyir ro/ /de dang ldan pa'i sems can rnams zhes bya ba ni bsam gtan bzhi pa thob pa rnams so/ /de lta bas na der yang de la de dag sbyor bar mi rigs te/ med pa'i phyir ro/ /'jig rten la lta ba yang chos 'di ba bdag med pa la mos pa dag dang mi mthun pa yin te/ zhes bya ba ni spang bar bya ba'i phyir ro/ /mos pa smos pa ni bdag med pa mthong ba rnams la de med pa'i phyir ro/ /de la yang de dag sbyor ba mi rigs so zhes bya ba ni slong bar 'dod pa dang/ spong ba'i phyir ro/ /de ltar gzhan gyi lugs rnams la skyon brjod nas de rang gi phyogs la gsal zhing yon tan phul du phyin pa brjod par 'dod nas kun gzhi rnam par shes la nang gi bdag gi dngos po khas blangs pa ni zhes bya ba smos te/ ni zhes bya ba'i sgra ni gzhan gyis smras pa'i khyad par bzlog pa'i don to/ /nang du bdag gi dngos por khas blangs pa ni nang gi bdag gi dngos por khas blangs pa'o/ /de bas na shin tu sdug bsngal ba sems can dmyal ba la sogs pa'i 'gro ba rnams su skyes pa sdug bsngal gyi phung po rnam par zhig par 'dod pa la gzhol yang kun gzhi rnam dang shes pa de la bdag tu chags pa'i zhags pas bcings pa rnams de rnam par zhig par 'dod par ni nam yang mi 'gyur te/ tshor ba btang snyoms dang mtshungs

  451. 226a

    par ldan pas mi mthun pa med pa'i phyir ro/ /'di ltar de dag ni rtag tu sdug bsngal ba'i phung po 'di dag med kyang ci ma rung snyam du smon gyi bdag med kyang ci ma rung snyam du ni ma yin te/ bdag tu lta ba'i gnyen po med pa'i phyir ro/ /'gro ba gzhan la brten pa'i phung po rnams la de dag gi 'dod pa gang yin pa de'ang kun gzhi rnam par shes pa'i dbang gis 'gyur gyi/ yid kyi rnam par shes pa la de ltar bdag tu chags par ni mi rung ste/ de ni ngan 'gror sdug bsngal gyi tshor ba dang mtshungs par ldan pa'i phyir ro/ /de nyid kyi phyir 'gro ba gzhan du yang de la 'dod par ni mi rung ngo/ /bsam gtan bzhi pa yan cad gzugs med par skyes pa 'dod chags dang bcas pa'i bde ba dang mi mthun du zin kyang bdag tu chags pas bcings pa ni bdag tu chags pas gzhan gyi dbang gis kun gzhi rnam par shes pa kho na la 'jug gi yid kyi rnam par shes pa la ni ma yin te/ 'di ltar gnyen po ma byung gi bar du kun gzhi rnam par shes pa ni 'gyur ba med par 'jug gi /yid kyi rnam par shes pa ni ma yin te/ 'du shes med pa'i snyoms par 'jug pa dang/ 'du shes med pa dang/ 'gog pa'i snyoms par 'jug pa rnams su rgyun 'chad pa'i phyir ro/ /yid kyi rnam par shes pa tshor ba med pa ni gnyi ga la yang grub pa med do/ /de bzhin du chos 'di pa kun brtags pa'i bdag tu lta ba dang mi mthun du zin kyang kun gzhi rnam par shes pa la bdag tu chags pa dang rjes su 'brel pa lhan cig tu skyes pa ni yod pa nyid de/ glo bur du sgra chen po thos na skrag pa skye ba'i phyir ro/ /chags pa de phung po dag nyid la ci'i phyir mi 'dod ce na/ 'di ltar de dag la de 'byung ba yang kun gzhi rnam par shes pa nyid las 'byung ngo/ /phung po bzhi po dmigs pa dang rnam

  452. 226b

    par yongs su chad pa dag ni 'du shes med pa pa dang/ 'du shes med pa'i snyoms par 'jug pa la brten pa ma yin pa'i phyir ro/ /gal te de ltar na dgra bcom pa la yang 'byung ngo zhe na/ bdag tu lta ba dang mi mthun du zin kyang zhes brjod kyi/ de spangs su zin kyang zhes brjod pa ni ma yin te/ dgra bcom pas ni de spangs bas nyes pa med do/ /yang dgra bcom pa la ni de log pas kun gzhi rnam par shes pa la de chags pa med do/ /de lta bas na kun gzhi rnam par shes pa kun gzhi nyid du ches legs par rnam par gzhag pa grub po zhes bya ba ni gtan la phab nas 'jug sdud pa'o/ /chos legs par zhes bya ba ni nyes pa med pa dang yon tan phul du byung ba'i phyir ro/ /de ltar rnam grangs rnam par gzhag nas ming tsam gyis rang bzhin yongs su rtogs pa'i phyir mtshan nyid rnam par 'jog ste/ rang dang 'brel pa can gyi mtshan nyid kyis rtogs par byed do/ de ni mdor bsdu na rnam pa gsum ste/ zhes bya ba ni rgyu dang 'bras bu tha dad pa'i phyir 'brel pa can gyi mtshan nyid phye bas so/ /rang gi mtshan nyid kyi dbang du byas te/ gang kun nas nyon mongs pa'i chos thams cad kyi bag chags la brten nas sa bon yongs su 'dzin pa dang ldan pas de skye ba'i rgyu mtshan nyid do zhes bya ba smos so/ /'dod chags la sogs pa kun nas nyon mongs pa'i phyogs thams cad dang lhan cig 'byung ba dang/ 'gag pa yang dang yang myong nas skye bar 'dod pa de dag gi skye ba la rgyu'i dngos po yin no/ /sa bon yongs su 'dzin pa dang ldan pas zhes bya ba ni sa bon yongs su 'dzin pa dang ldan pa'i phyir zhes bya ba'i tha tshig go /de la sa bon yongs su 'dzin pa dang ldan pa 'di ni gang skye ba don rnams dang lhan cig byung ba dang 'gog pa myong ba ste/ de lta bur gyur pa ni bag chags zhes bya ba sa bon

  453. 227a

    yongs su 'dzin par rung ngo/ /de dang ldan pa'i phyir yang de dag gi rgyur 'gyur ro/ /gtso bo la sogs pa ni ma yin te/ ji skad du bshad pa'i sa bon yongs su 'dzin pa dang mi ldan pa'i phyir ro/ /de ma thag pa la sogs pa'i rkyen rnams kyang ma yin te/ de dag ni phan 'dogs pa yin gyi rgyu ma yin te/ gtso bo'i rgyu'i sa bon yongs su 'dzin pa dang mi ldan pa'i phyir ro/ /gtso bo'i rgyu ni sa bon te/ de yongs su 'dzin par byed pas kun gzhi rnam par shes pas ni rgyu mtshan gyi/ phan 'dogs par byed pa ni ma yin no/ /rgyu'i mtshan nyid smos pas de skye ba'i rgyu mtshan nyid 'brel pa can gyi mtshan nyid ma yin nam zhe na ma yin te/ dngos po'i rkyen gyis byed pa'i nus pa ma byung ba rgyu mtshan tsam du brjod pa'i phyir ro/ /rgyu nyid ni byed pa'i nus pa nyid byung ba yin gyi/ rgyu mtshan tsam nyid ni ma yin te/ kun gzhi rnam par shes pa sa bon thams cad pa de kun nas nyon mongs pa'i chos de dag nyid kyi rgyu nyid du dus thams cad du nye bar gnas pa yin no/ /zhes 'byung ba'i phyir ro/ /'bras bu nyid kyi mtshan nyid ni de nyid kyi las kyi nus pa nyid byung ba ste/ gang 'jug pa'i rnam par shes pas bsdus pa'i 'dod chags la sogs pa kun nas nyon mongs pa'i chos kun tu 'byung ba de dag gi bag chags skyed par byed pa de ni kun gzhi rnam par shes pa 'bras bu'i mtshan nyid de/ phan tshun rgyu dang 'bras bur byed pa'i phyir ro/ /'og nas kyang chos rnams brjod pa'i bag chags las/ byung ste de dag nyid las de zhes bya ba la sogs pa 'byung ngo/ /bag chags zhes bya ba 'di ci zhig ces bya ba ni bag chags kyi rang bzhin gnyis la dbab pa'i phyir 'dri bar byed pa'o/ /chos de dag lhan cig 'byung ba dang 'gag pa la brten nas de 'byung ba'i rgyu

  454. 227b

    mtshan nyid gang yin pa de brjod par bya ba ste zhes bya ba ni bag chags bsgo bar byed pa de dag dang lhan cig dus gcig tu skye ba dang 'gag pa yun ring du rnyed nas bag chags bsgo bar byed pa de dag nye bar ma gyur kyang skye bar 'gyur ba'i rgyu mtshan nyid ni bag chags bsgo bar bya ba yin te/ nyid ces bya ba'i bag chags bsgo bar bya ba dang/ bsgo bar byed pa las bag chags logs shig tu phyung ba lta bur dngos po'i rkyen gyis ston to/ /dper na til dag la me tog gis bsgos na til dang me tog lhan cig 'byung zhing 'gags kyang til rnams de'i dri gzhan 'byung ba'i rgyu mtshan nyid du 'byung ba'o zhes bya ba ni grags pa'i dpe dper brjod pa'o/ /dper na til rnams sna ma'i me tog la sogs pa dang/ lhan cig tu yun ring du skye ba dang 'gag ba rnyed par gyur nas me tog bsal kyang de'i dri 'byung ba'i rgyu mtshan nyid yin pa dang/ dper na 'dod chags la sogs pa la spyod pa rnams kyi 'dod chags la sogs pa'i bag chags lhan cig 'byung ba dang/ 'gags pa'i rgyu las byung ba rnams dang/ mang du thos pa rnams kyi mang du thos pa'i bag chags kyang thos pa dang lhan cig 'byung ba dang 'gag pa las 'byung ste/ des chos 'dzin pa'i blo dang sgra dag byas pa ltar kun gzhi rnam par shes pa la yang tshul de bzhin du blta bar bya'o/ /zhes bya ba ni gzhan la grags pa la bltos nas kun gzhi'i rnam par shes pa nyid kyis kun gzhi rnam par shes pa nyid ston to/ /dper brjod pa mang po ni 'jig rten dang bstan bcos la bltos pa dang/ phyi dang nang tha dad pa'i phyir ro/ /kun gzhi rnam par shes pa la sa bon de dag ci rdzas su so sor tha dad dam/ 'on te tha dad pa med par gnas zhes bya ba ni nyid 'gag tu gzhug par rtog pa snying la bzhag ste/ gnyi ga la skyon gdags par

  455. 228a

    'dod nas dri ba'o/ /gal te so so ni ni nges na dge ba dang/ mi dge ba dang/ lung du ma bstan pa bag chags bsgo bar byed pa'i chos de dag ji lta ba de bzhin du de dag gi bag chags kyang tha dad pa'i phyogs su 'gyur ba'i skyon du 'gyur ro/ /ji lta tha dad pa ma yin na ni de dag tha dad pa ma yin pa de nyid mi 'thad de/ rgyu dang 'bras bu tha dad pa'i phyir ro/ /de dag dang rdzas su na tha dad pa yang ma yin tha mi dad pa yang ma yin mod kyi zhes bya ba ni tha dad pa dang tha dad pa ma yin pa las yang dag par 'das pa'i tshul gyis kun gzhi rnam par shes pa la bag chags rnams gnas par brjod de/ nus pa'i khyad par gyi rang bzhin gyi phyir ro/ /bag chags zhes bya ba ni nus pa'i khyad par te/ nus pa yang nus pa can dang de nyid dam gzhan zhes brjod par bya ba ma yin no/ /de dag dang phan tshun tha dad dam tha dad pa ma yin zhes 'dri ba ni tshul bzhin ma yin pa ste/ nus pa can rgyur byas nas btags pa'i phyir ro/ /mdo sde pa'i ltar na don gyi rnam par 'dzin pa'i blo 'byung ba dang/ rnam pa rnams phan tshun tha dad pa dang tha dad pa ma yin par bsam pa'i skabs mi rnyed de/ de gnyi ga yang nyes par 'gyur pa'i phyir ro/ /ji lta zhe na/ shing rnams zhes bya ba'i blo de ni gcig yin la rnam pa ni mang ste/ rnam pa rnams re zhig gcig pa nyid ni ma yin te/ mang po nyid du rang rang gis rig pa'i phyir ro/ /du ma nyid kyang ma yin te/ cig car shes pa du ma mi 'byung ba dang rnam par shes pa'i de kho na gcig las mi 'da' ba'i phyir ro/ /de bzhin du kun gzhi rnam par shes pa la gnas pa'i bag chags rnams kyang tha dad pa dang/ tha dad pa ma yin pa las yang dag par 'das pa'i khong du chud par bya'o/ /kun gzhi rnam par shes pa kun nas nyon mongs

  456. 228b

    pa'i tshes de bar? dus mnyam du gcig gi rgyu nyid du gcig 'gyur bas ji ltar lta zhe na/ zhes bya ba ni gcig la gcig rgyu dang ldan par mi srid pa'i phyir ro/ /dper na mar me 'bar ba zhes bya ba ni rigs pas shes par byed do/ / shing tshigs ni me lce 'byung ste de'i yan lag chig pa mang par med pa'i phyir ro/ /des na ji ltar snying po chig pa dang me lce 'byung ba dus gcig pa lta bu ste dus tha dad pa med pa'i phyir ro/ /gal te sngar tshig la phyis me lco 'byung na ni rgyu med pa las 'byung ba'i tshig pa de lta bu me lce yang gang las 'byung bar 'gyur/ ji ste sngar mi lce 'byung la phyis tshig na rgyu med pa las byung ba'i me lce ji lta bu tshig pa yang ji lta bu sti gnyi ga med par 'gyur ro/ /de lta bas na ji ltar mar me'i me lce 'byung ba dang/ snying po tshig pa dag dus gcig pa de bzhin du kun gzhi rnam par shes pa yang dus gcig kho nar phan tshun gcig la gcig rgyu dang 'bras bu'i dngos por 'gyur ro/ /mdung khyim gcig la gcig brten pa yang de bzhin no/ /de ltar rgyu'i rkyen rnam par bzhag ste zhes bya ba ni sa bon yongs su 'dzin pa dang ldan pa ji skad bshad pa ltar de gzhan du ma yin no/ /rgyu'i rkyen gzhan ni/ dmigs pa'i phyir ro zhes bya ba ni 'di skad bstan par 'gyur te/ gang dag gis rgyu lnga ni rgyu'i rkyen to zhes smra ba de dag kyang rnam grangs kyis kun gzhi rnam par shes pa nyid du smra'o/ /bag chags bskyed pa med par ni bskal pa mnyam pa dang/ kun tu 'gro ba dang rnam par smin pa'i rgyu 'das pa rnams rgyu nyid du mi rung ba'i phyir ro/ /bag chags rnams kyang kun gzhi rnam par shes pa las gzhan na med pa'i phyir ro/ /'gron po'i dpes na mtshungs par ldan pa'i rgyu la yang sems dang sems las byung ba phan tshun bltas

  457. 229a

    nas yul la spyod pa rnams kyi rang gi nus pa yod do/ /kun gzhi rnam par shes pa la brten pa'i sa bon med par ni nus pa mi thad do/ /lhan cig 'byung ba'i rgyu nyid ni btags pa ste/ dus gcig tu 'byung ba rnams la rgyu dang 'bras bu'i dngos po mi rung ba'i phyir ro/ kun gzhi rnam par shes pa phyi dang nang gi sa bon thams cad pa yin pa'i yang phyir te/ de la ma gtogs par rgyu'i rten gzhan mi dmigs so/ /bag chags tha dad pa ma yin zhing sna tshogs ma yin pa chos tha dad pa sna tshogs dag gi rgyur ji ltar rung zhe na zhes bya ba ni rigs pa med par rgol ba'o/ /dper na tshig gu'i rtsi sna tshogs kyis bsgyur ba zhes bya ba ni 'thad par smras pa'o/ /tshig gu'i rtsi ni tshon gyi bye brag ste/ sna tshogs su mi snang ba dag go /'bras bu mngon par 'grub pa nyid tshon gyi snod yin pas 'bras bu mngon par 'grub pa'i tshon gyi snod do/ /der bcug pa ni rkyen gyis yongs su zin pa'i phyir ro/ /ras lta bu ni kun gzhi rnam par shes pa ste/ tshon lta bu'i chos sna tshogs kun tu ston pa'i phyir ro/ /theg pa chen po la phra ba zhes bya ba ni 'jig rten pa rnams kyis shes par dka' ba'i phyir ro/ /mchog tu zab pa zhes bya ba ni nyan thos la sogs pas gting dpag dka' ba'i phyir ro/ /rten cing 'brel bar 'byung ba zhes bya ba rgyu las rgyu dang ldan pa 'byung zhes bya ba'i tha tshig go /ngo bo nyid rnam par 'byed pa can zhes bya ba la rang gi ngo bo nyid ni ngo bo nyid do/ /rnam par 'byed par byed pa ni rnam par 'byed par byed pa'o// rnam par 'byed par nus pa'am/ /rnam par 'byed par dgos pa ni rnam par 'byed pa can te/ kun gzhi rnam par shes pas kun nas nyon mongs pa'i chos kyi rang bzhin skye ba can thams cad rnam par 'byed par byed pa'i phyir ro/ /sdug

  458. 229b

    pa dang mi sdug pa rnam par 'byed pa can zhes bya ba ni bde 'gro dang ngan 'gro dang/ 'dod pa dang/ mi 'dod pa'i lus sna tshogs 'grub pa la gtso bo'i rkyen gyis rab tu phye ba'i ma rig pa la sogs pa'i yan lag bcu gnyis te/ kun gzhi rnam par shes pa las 'du byed la sogs pa 'byung ba na ma rig pa la sogs pa'i dbang gis bsod nams dang/ bsod nams ma yin pa dang/ mi g.yo ba tha dad pa'i phyir ro/ /rten cing 'brel bar 'byung ba 'di gnyis la rmongs pa dag kha cig ni sngon byas pa'i rgyu las byung ba nyid rtog ces bya ba ni skyes bu'i byed pa la skur pa'i phyir ro/ /de dag ni ma rig pa ldongs pas dmus long dper byas so/ /sna la reg ces bya ba ni sna la reg ces bya ba'i tha tshig go /mdor bsdu na kun gzhi rnam par shes pa'i ngo bo nyid ni rnam par smin pa'i rnam par shes pa sa bon thams cad pa ste zhes bya ba la mdor bsdu na sngon gyi dge ba dang mi dge ba'i las kyi bag chags dang/ bzung ba dang 'dzin par rnam par rtog pa la mngon par zhen pa rnams kyis rnam par smin pa'i bdag nyid sems can gyi rdzas kyi dngos gzhi kun gzhi rnam par shes pa bsgrubs pa ni rang gi mtshan nyid do/ /des khams gsum pa'i lus thams cad dang/ 'gro ba thams cad bsdus so zhes bya ba la 'dod pa dang gzugs dang/ gzugs med pa na spyod pa'i lus thams cad dang/ sems can gyi rgyud 'gro ba thams cad de/ lha la sogs pa bsdus pa ni 'brel pa can gyi mtshan nyid do/ /ji ltar gzugs dang 'jug pa'i rnam par shes pa yul kha cig dang/ res 'ga' i dus su rgyun chad pa de ltar kun gzhi rnam par shes pa ni gnyen po ma byung gi bar du ma yin te/ khyab pa'i phyir thams cad 'dzin par byed pa'o/ /sa bon thams cad pa zhes bya ba ni 'dir sa bon zhes bya ba'o

  459. 230a

    phyi dang nang dang mi gsal ba zhes bya ba la sogs pa'i tshigs su bcad pa lngas ni de rab tu dbye pa dang bcas pa ston te/ phyi rol gyi sa bon ni nas la sogs pa'o/ /nang gi sa bon ni kun gzhi rnam par shes pa'o/ /mi gsal pa ni lung du ma bstan pa'o/ /gnyis ni phyi dang nang gi'o/ /yang na 'bras bu dang rgyu ste/ de gnyis kyi rgyu mtshan kun gzhi rnam par shes pa yang gnyis so/ /de las rgyu dang gzhi' dngos pos lam? nas nyon mongs pa dang rnam par byang ba'i chos 'byung ba'i phyir ro/ /gang dag gnyis dag ces 'don pa de dag gi ltar na rgyu dang 'bras bu dag ces bshad do/ /kun rdzob ces bya ba ni phyi rol gyi nas la sogs pa ste/ kun gzhi rnam par shes pa gyur pa yin pa'i phyir ro/ /dam pa'i don ces bya ba la don dam pa'i sa bon ni kun gzhi rnam par shes pa ste/ sa bon thams cad kyi rkyen yin pa dang/ de'i bdag nyid yan lag yin pa'i phyir ro/ /sa bon de gnyis ni chos tha dad pa'i phyir rnam pa drug tu dbye bar 'gyur ro/ /skad cig pa zhes bya ba ni byung ma thag tu rnam par 'jig pa'i phyir te/ bye brag med pa'i phyir sa bon rtag pa med do/ /skad cig pa yang 'gags zin pa ni ma yin te bya shi ba'i skad bzhin du 'gags nas 'bras bu mi rung ba'i phyir lhan cig 'byung ba'o/ /de lta bas ni 'bras bu'i dus dang 'gal ba med pa'i phyir sa bon ni 'bras bu dang lhan cig gnas par 'dod de utpa la'i rtsa ba la sogs pa bzhin no/ /lhan cig 'byung ba yang glog bzhin du skad cig gcig dang gnyis dang gsum du gnas pa ma yin gyi/ skad cig gcig nas gcig tu brgyud pas yun ring ba rgyun chags su 'byung ba'i phyir rgyun chags su 'byung ba'o/ /de ci mngon zhe na/ rtsa ba la phan par dang?

  460. 230b

    gnod ba ni yal ga la sogs pa la yang phan gnod du 'gyur te/ de dang ldan pa'i phyir ro/ /gal te rgyun chags su 'byung ba na btags pa'i phyogs kyang sa bon du khas blangs pa'i phyir thams cad las thams cad cig car ci'i phyir mi 'byung zhe na lan btab pa/ des pa zhes bya ba ste nus pa nges pa'i phyir rgyun chags su 'byung du zin kyang thams cad las thams cad cig car mi 'byung ngo/ /de lta na yang dus thams cad cig car mi 'byung ngo/ /de lta na yang dus thams cad du ci'i phyir 'bras bu mi 'byin ce na lan btab pa/ rkyen la bltos pa zhes bya ba ste/ rtag tu rkyen nye bar gnas pa ma yin pa'i phyir nyes pa med do/ /sa bon de'i sa bon gang zhe na/ de'i phyir rang gi 'bras bu'i bsgrubs pa'o zhes bya ba smos te/ sa bon dang sa bon can thog ma med pa'i phyir de'i 'bras bu gang yin pa de nyid sa bon yin no zhes na ji skad smos pa'i sa bon gyi chos dang mi ldan pa'i phyir gtso bo la sogs pa'i sa bon nyid sel to/ /sa bon dang sa bon gyi dngos po ni bag chags bsgo bar bya ba dang sgo bar byed pa'i 'brel pa la bltas pas bsgo bar bya ba dpyod do/ /brtan pa zhes bya ba ni til la sogs pa bzhin du rgyud rgyun chags su 'byung ba ste/ rlung bzhin du g.yo ba ni ma yin no/ /rlung yang me tog la sogs pas bsgo bar bya ba ma yin nam zhe na/ gal te bsgo bar bya bya ba yin na ni bsgos pa'i nyil dang 'brel ba can gyi rdzas gzhan gyi dri bzhin du de dang 'brel pa can gyi rdzas kyi dri yang dmigs par 'gyur ro/ /brtan du zin kyang gang lung du ma bstan pa dri mnyam pa de la bsgo bar 'gyur ro/ /dri zhim po la ni ma yin te/ gla rtsi bzhin no/ /dri nga ba la yang ma yin te/ sgog pa bzhin no/ /bsgo bya ba zhes bya ba ni gang bsgo bar nus pa'am bsgo bar bya ba ste/ phan tshun gyi cha shas 'dre ba'i phyir de ni bsgo par bya ba'o/ /rngo ba la sogs pa ni ma yin te

  461. 231a

    phan tshun 'dra ba med pa'i phyir ro/ /bsgo bar bya ba yang sgo bar byed pa dang 'brel pa gang yin pa de la sgo bar byed de so sor gnas shing 'brel pa med pa la ni ma yin no/ /de las gzhan ni min zhes bya ba la ni zhes bya ba'i sgra ni 'jug pa'i rnam par shes pa rnams bsgo bar bya ba nyid las bzlog pa'i phyir to/ ji skad bshad pa dang mi mthun pa'i phyir ro/ /kun gzhi rnam par shes pa ni gnyen po mi byung? gi bar du rgyun chags su 'byung bas rtag pa'o// gzhan ni res 'ga' rgyun chad pas ma yin no/ /de nyid gcig tu lung du ma bstan pa yin/ gzhan ni ma yin te/ dge ba dang mi dge ba yod pa'i phyir ro/ /de nyid bag chags bsgo bar 'os pa dang bsgo bar nus pa yin te/ rtag la lung du ma bstan pa dang ldan pa'i phyir ro/ /'jug pa'i rnam par shes pa rnams ni ma yin te/ 'di ltar drug po dag la 'brel med de/ ji lta zhe na/ tha dad gsum dang 'gal ba'i phyir zhes bya ba smos pa'o/ /gal te 'jug pa'i rnam par shes pa drag po dag lhan cig 'byung bar 'gyur na gnas dang/ dmigs pa dang/ yid la byed pa gsum po so sor rang gi tha dad par mi 'gyur ro/ /gang gi phyir gsum tha dad par 'gal ba med de tha dad pa nyid yin pa de'i phyir drug po dag cig car 'byung ba med do/ /cig car mi 'byung na phan tshun 'brel pa med do/ /'brel ba med na bsgo bar bya ba dang sgo bar byed pa'i dngos por ga la 'gyur/ /ji ste skad cig snga mas phyi ma la/ sgo bar 'dod na yang mi rung ste/ skad cig lhan cig med pa'i phyir de gnyis cig car du med pa'i phyir ro/ /'brel pa med na bsgo bar bya ba dang sgo bar byed pa med do zhes ston to/ /ji ste rigs kyi dngos po la brten nas rnam par

  462. 231b

    shes pa drug car yang brjod par 'dod pa bye brag med pas rnam par shes pa rigs gcig go /de'i phyir rnam par shes pa 'ga' zhig gam skad cig 'ga' zhig la bsgos nas thams cad la yang bsgos par 'gyur ro zhe na/ de'ang mi rung ste/ rigs la bya na gzhan du thal/ /dgra bcom pa rnams kyi sems kyang rnam par shes pa'i rigs las ma 'das te/ de la yang mi dge ba'i bag chags bsgos par 'gyur ro/ /yang na gzhan du yang thal bar 'gyur te/ rigs gzhan la yang zhes bya ba'i tha tshig go /ji lta zhe na/ mig la sogs pa'i dbang po dbang po'i rigs dang ldan pa rnams ni gzugs dang ba'i bdag nyid can yin pas dbang po nyid thun mong pa'i phyir yid kyi dbang po yang 'byung ba las gyur pa nyid du 'gyur ro/ /bsgo bar bya na bsgo ba ni 'dir zad de/ yang na phan tshun du 'am skad cig snga mas skad cig phyi ma la'am/ rnam par shes pa'i rigs la bsgo grang na/ rnam pa thams cad du mi rung bas kun gzhi rnam par shes pa las gzhan pa'i rnam par shes pa la sgo bar byed pa ma yin no zhes bya ba ni legs par bshad pa'o/ /phyi dang nang gi sa bon 'di gnyi ga yang skyed par byed pa dang 'phen par byed pa ste/ phyi rol gyi sa bon ni myu gu mngon du skyed par byed pa'o/ /brgyud nas sdong bu la sogs pa'i 'phan pa yang yin no/ /nang gi sa bon kun gzhi rnam par shes pa yang ming dang gzugs mngon du skyed par byed pa'o/ /brgyud nas rga shi la thug pa'i bar du 'phen par byed pa yang yin no/ /skyed par byed pa ni yin grang na 'phen par byed par ji ltar 'gyur zhe na/ ma btab shi ba 'phen pa'i phyir zhes bya ba smos so/ /gal te sa bon ni skyed par byed pa yin la/ 'phen par byed pa ma yin na sa bon du ma btab pa

  463. 232a

    sbyang ba la sogs pa'i nang du yod pa'i nas la sogs pa'i sa bon rnams kyi rgyun yun ring por rjes su 'brel par mi 'gyur ro/ /shi ba'i ro rnams kyang rnam par bsdos pa la sogs pa'i gnas skabs su rjes su 'jug par mi 'gyur gyi shi ma thag tu rnam par 'jig par 'gyur ba'i rigs so/ /ji lta zhe na/ mnga' ni bar du mi lhung bzhin/ /dper na mnga' ni sngar bkang la 'phangs na 'gro ba de la 'gro pa de'i skyed par byed pa ni bkang ba ma yin te/ de med pa'i phyir ro/ /mi 'gro ba yang ma yin te/ tshu rol tu ltung bar 'gyur ba'i phyir ro/ /ji srid du 'gro bar bya bar yang 'gro bas ni de'i phyir bkang ba ni de la 'phen pa yin par mngon no/ /gang dag rang gi ngang gis mthar 'jig phyir zhes 'don pa de dag gi ltar na 'di ni 'phen par byed pa nyid kyi gtan tshigs kyi don yin gyi dpe ma yin te/ 'di ltar snying po dang mar zad pa'i mar me 'chi ba'i tshul du mdza' 'gyur ba'i rgyun 'chad pa'i bdag nyid phyi rol gyi rkyen la mi bltos rang gi ngang gis rnam par 'jig pa yin te/ des na gang gis da ltar 'du byed rnams ji ltar sngon bzhin du rgyun rgyas par mi byed pas nges par 'phen pas yongs su zad par rjes su dpag go/ // bam po gnyis pa/ /de ltar nang gi dang phyi'i sa bon gnyis mtshungs par bstan nas/ /phyi rol sa bon ma btab pa'am zhes bya ba la sogs pa mi mtshungs pa nyid brjod do/ /'am zhes bya ba ni nges pa med pa'i don to/ /phyi rol gyi sa bon ni btab kyang rung ma btab kyang rung ste/ sa bon nyid du rnam par rtog ste/ dper na sol ba dang ba glang gi lci ba dang/ lug gi bal la sogs pa ni til dang/ utpa la'i rtsa ba dang/ rtsa dUrba la sogs pa la go rim bzhin te/ til la

  464. 232b

    sogs pa sol ba la sogs pa la btab mod kyi 'on kyang de dag las skye'o/ /'bras sa lu la sogs pa'i sa bon btab pa ni sa lu'i myu gu la sogs pa sa bon du 'gyur ro/ /des pa med pa'i sa bon nyid de ni nang gi kun gzhi rnam par shes pa la 'dod pa ma yin te/ de la ni btab pa nyid sa bon du rung gi ma btab pa ni ma yin no/ /de ci mngon zhe na/ thos pa la sogs pa'i bag chags bskyed pa med na de'i 'bras bu mang du thos pa la sogs pa mi snang ba'i phyir ro/ /phyi rol gyi 'bras sa lu la sogs pa'i sa bon gang yin pa de ni btab kyang res 'ga' chud zos la/ sred la sogs pa'i ni ma btab kyang skye ba de ltar nang gi sa bon ni ma yin te/ byas pa dang ma byas pa chud za ba dang skye pa med pas phyi rol dang mi 'dra'o/ /gal te nang gi sa bon las phyi'i sa bon tha dad pa yin na kun gzhi rnam par shes pas son thams cad pa nyid du sngar bshad pa la gnod par ji ltar mi 'gyur zhe na/ lan btab pa nang gi phyi rol rkyen yin te/ 'di ltar de ni bag chags rten zhes bya ba la sogs pa ste/ 'di ltar 'bras sa lu la sogs pa'i sa bon ni de la za ba'i srog chags rnams kyi las kyi bag chags kyi sa bon kun gzhi rnam par shes pa la gnas pa rnams kyis dar snang bar bsgrubs pa ste/ de'i phyir de las gud na med do yang smras pa/ nam mkha' sa rlung nyi ma dang/ phyogs dang rgya mtsho 'bab chu rnams/ /nang gi byed pa yang dag gi /cha yin phyi rol 'dra bar gnas zhes bya ba la sogs pa'o/ /yang 'jug pa'i rnam par shes pa gzhan gang yin pa de ni lus thams cad dang lha la sogs pa 'gro ba thams cad du nye bar spyod pa can du blta ste zhes bya ba rni nye bar spyod nus pa ste/ dmigs pa dang rnam pa yongs su chad pa'i phyir ro/ /gcig ni rkyen gyi rnam par shes/

  465. 233a

    gnyis pa nye bar spyod pa can/ /nye bar spyod dang yongs spyod dang/ /de yi 'jug byed sems las byung zhes bya ba de la nye bar spyod pa ni tshor ba'o/ /zhes bya ba la sogs pa dbus dang mdza' rnam par 'byed pa'i gzhung nye bar bkod pas ni yid ches pa dang ldan pa dang gzhung lugs gcig tu mthun par ston to/ /chos kun rnam par shes la sbyor zhes bya ba la sogs pas ni kun gzhi rnam par shes pa dang 'jug pa'i rnam par shes pa gnyis gcig gi rkyen gcig yin par lung gis brtan por byed de/ ma la bu rnams bdag cag ni khyod kyi yin no zhes smra ba lta bu'o/ /de dag la yang de de bzhin zhes bya ba ni khyed nga'i yin no zhes bya ba lta bu'o/ /de lta bas na gcig la gcig 'byung bas kun gzhi dang 'jug pa'i rnam par shes pa gnyis phan tshun du rgyu'i rkyen to/ /rten cing 'brel bar 'byung ba dang po la zhes bya ba ni ngo bo nyid rnam par 'byed pa can la ste/ ji skad bshad ma thag pa'o/ /gnyis pa la zhes bya ba ni sdug pa dang mi sdug pa rnam par 'byed pa can la'o/ /bdag po'i rkyen to zhes bya ba ni dngos su na ma rigs pa la sogs pa ste/ de dag gi mthus 'du byed la sogs pa bde 'gro dang ngan 'gror 'byung ba'i phyir ro/ /rnam par shes pa drug po dag rkyen gsum gyis skye zhes bya ba ni bdag po dang dmigs pa dang de ma thag pa zhes bya ba rnams so/ /de la mig ni mig gi rnam par shes pa'i bdag po'i rkyen to/ /gzugs ni dmigs pa'i rkyen to/ /'gags ma thag pa'i yid ni de ma thag pa'i rkyen te go skabs 'byed pa'o/ /ji ltar 'di gsum gyis mig gi rnam par shes pa skye ba ltar rna ba la sogs pa'i rnam par shes pa rnams kyang de bzhin te/ snga ma dang don mthun par rang rang gi gsum gsum po

  466. 233b

    dag gis 'byung bar mtshungs par bshad do/ /'khor ba pa zhes bya ba ni ngo bo nyid rnam par 'byed pa can te/ de las gzhan pa'i rkyen gsum med pa'i phyir rgyu'i rkyen las 'byung ba nyid du nges so/ /de ltar rten cing 'brel bar 'byung ba gsum po de dag gi rkyen ni bzhi ste/ ci rigs su sbyar gyi sems dang sems las byung ba gcig la ni bzhi char ni ma yin par khong du chud par byed do/ /rang dang gzhan gyi lung dag gis kun gzhi rnam par shes pa bsgrubs nas ldan pa'i rigs pas grub par sgrub ste/ rigs pa dang lung so sos mi nus pa'i phyir ro/ /ji skad du dad pas ni nga'i phyir ma 'gro zhig ces bya ba la sogs pa gsungs pa lta bu'o/ /'di ltar kun gzhi rnam par shes pa las gzhan na kun nas nyon mongs pa dang/ rnam par byang ba med kyi de dag de la yod de de'i phyir de yod do/ /de la kun nas nyon mongs pa yin pas kun nas nyon mongs pa ste/ kun nas nyon mongs par gyur pa rnam par ma dag pa zhes bya ba'i tha tshig go /rnam par byang ba yin pas rnam par byang ba ste dag pa'o/ /kun nas nyon mongs pa rnam pa gsum ni nyon mongs pas byas pa dang/ las kyis byas pa dang skye bas byas pa'o/ /rnam par byang ba rnam pa gnyis la 'jig rten pa rnams ni re zhig pa ste/ nyon mongs pa rnam par gnon pa tsam du zad do/ /'jig rten las 'das pa ni bstan du ba ste/ lam gyi bden pas bag la nyal legs par bcom pa'i phyir ro/ /'jug pa'i rnam par shes pa rnams la nyon mongs pa'i kun nas nyon mongs pa mi srid pa'i dbang du byas nas 'di ltar mig gi rnam par shes pa gang zhes bya ba la sogs pa smras so/ /mig gi rnam par shes pa 'gags pa rnam par shes pa gzhan gyis bar du chod pa de la zhes bya ba ni rna ba la sogs pa'i rnam

  467. 234a

    par shes pas bar du chod pa la bya ste/ 'dod chags la sogs pa'i bag chags gnas pa dang bcas pa 'gags pa'i phyir ro/ /'dod chags la sogs pa dang bcas pa 'byung du mi rung ste zhes bya ba ni yang mig gi rnam par shes pa la 'dod chags dang zhe sdang dang/ gti mug dang ldan pa 'byung du mi rung ste/ rgyu med pa'i phyir ro/ /'dod chags la sogs pa dang bcas pa'i mig gi rnam par shes pa de ni de'i rgyur mi rung ste 'das pa'i las las rnam par smin pa'i 'bras bu 'byung ba bzhin no/ /ji ltar bye brag tu smra ba rnams 'das pa'i las las rnam par smin pa'i 'bras bu 'byung zhes bya ba la bag chags kyi bya ba med pas mdo sde pa dag mi 'dod pa de ltar de dag la yang 'das pa med pas de las 'dod chags la sogs pa dang bcas pa'i sems 'byung du mi rung ngo/ /'di ni re zhig 'dod chags la sogs pa dang lhan cig byung ba'i mig gi rnam par shes pa la 'dod chags la sogs pa'i bag chags khas blangs te/ de las gzhan 'byung ba gang yin pa de 'dod chags la sogs pa dang ldan par 'byung du mi rung bar bstan pa yin no/ /da ni 'dod chags la sogs pa dang lhan cig 'byung ba'i rnam par shes pa de nyid la yang bag chags mi 'thad par dpyod do/ /mig gi rnam par shes pa 'dod chags la sogs pa dang lhan cig byung ba de la yang zhes bya ba la sogs pa'o/ /re zhig 'dod chags la ni ma yin te/ 'dod chags ni de la brten pa'i phyir ro/ /zhes bya ba la re zhig gi sgra ni rim gyi don to/ /'dod chags ni sems las byung ba yin pas rnam par shes pa la brten pa'o/ /gnas pas gnas la bsgo ba ni rigs pa'i tshul yin gyi gnas pa

  468. 234b

    nyid kyis gnas pa la bsgo bar ni mi rung ste/ bdag nyid la byed pa 'gal ba'i phyir ro/ /mi brtan pa'i phyir ro/ /zhes bya ba ni kha cig mi 'don te/ rnam par shes pa yang mi brtan pa'i phyir ro/ /rnam par shes pa gzhan dag la yang ma yin te/ zhes bya ba ni rna ba la sogs pa'i rnam par shes pa rnam la'o/ /rnam par shes pa rnams kyi gnas tha dad pa'i phyir ro zhes bya ba la gnas ni rna ba la sogs pa ste/ rnam par shes pa rnams kyi gnas te tha dad do/ /des na mig gi rnam par shes pa nyid mig la brten te 'byung gi gzhan las ni ma yin te/ ji ltar sngar tha dad gsum dang 'gal ba'i phyir zhes bshad pa lta bu'o/ /lhan cig 'byung ba dang 'gag ba med pa'i phyir ro zhes bya ba ni lhan cig 'byung ba ma yin pa rnams la bag chags bsgo bar bya ba dang sgo bar byed pa'i dngos po med pas bag chags kyi mtshan nyid med par ston to/ /rang gi dngos po la yang ma yin te zhes bya ba ni mig gi rnam par shes pa de nyid la bag chags mi bsgo ste/ bsgo bar bya ba dang sgo bar byed pa las dang byed pa dag 'tshol ba'i skyon du 'gyur ba'i phyir ro/ /rnam par shes pa de la rnam par shes pas bsgos pa yang mi rung ngo/ /zhes bya ba ni mig gi rnam par shes pa la rna ba la sogs pa'i rnam par shes pas gzhan de dang lhan cig skyes pa'i 'dod chags la sogs pas bag chags bsgor mi rung zhes bya ba'i tha tshig ste/ snga ma bzhin du gnas tha dad pa'i phyir ro/ /tshul ni 'di tsam dag tu zad de/ rnam pa thams cad du mi rung ngo/ /mig gi rnam par shes pa la ji lta ba de bzhin du zhes bya ba la sogs pa ni snga ma dang don mtshungs par bshad do/ /gang yang gong ma 'du shes med pa nas shi 'phos te 'dir skyes pa rnams kyi zhes bya ba ni 'dod pa'i khams su'o/ /nyon mongs pa dang nye ba'i nyon mongs pas zhes byas

  469. 235a

    ni 'dod chags la sogs pa dang khro ba la sogs pas so/ /thog ma nyid du zhes bya ba ni nying mtshams sbyor ba'i dus na'o/ /gnas dang bcas pa zhes bya ba ni snga ma bzhin du bshad do/ /mdo sde pa dang gtan la dbab pa'i skabs ston te de'i gzhung ltar na 'das pa dang ma 'ongs pa dag dngos po med pa'i phyir ro/ /nyon mongs pa'i gnyen po'i rnam par shes pa byung na zhes bya ba la sogs pas ni gal te kun gzhi rnam par shes pa med na gang gi tshe thog ma nyid du rgyun du zhugs pa'i 'bras bu la 'jug pa la mthong pas spang bar bya ba'i nyon mongs pa'i gnyen po lam skyes pa de'i tshe 'jig rten pa'i shes pa thams cad ni 'gags na bsgom pas spang bar bya ba'i nyon mongs pa'i bag la nyal gang du gnas par 'gyur/ gnyen po nyid mi mthun pa'i phyogs kyi sa bon dang 'brel par ni mi rung ngo/ /ngo bo nyid kyis rnam par grol ba'i phyir zhes bya ba ni rang bzhin gyis rnam par byang ba'i phyir ro/ /zhes bya ba'i tha tshig go /lhan cig 'byung ba dang 'gag pa med pa'i phyir ro zhes bya ba ni mthun pa'i phyogs dang gnyen po phan tshun mi mthun pa'i phyir snang ba dang mun pa bzhin te/ sa bon gyi mtshan nyid du mi rung bar ston to/ /de'i 'og tu zhes bya ba ni mthong ba'i lam gyi 'og tu bsgom pa'i lam la'o/ /'das nas yun ring ste zhes bya ba la sogs pa ni brda phrad par zad do/ /bye brag tu smra ba'i thob pa'i phyogs ni mdo sde pa nyid kyis bsal zil to/ /de ni skyabs su mi rung ngo/ /nye bar gyur pa'i phyir mdo sde pa dang dpyad pa'i dbang du byas pa ste/ de la yang bag chags kyi gnas med pa'i skyon chags pa nyid do/ /de lta bas na kun gzhi rnam par shes pa med na nyon mongs pa'i kun nas nyon mongs pa mi rung ngo zhes bya ba ni gzhan du na mi srid pa'i tshul gyis nges par byas te 'jug sdud pa'o/ /'du byed kyi rkyen gyis rnam par shes pa mi rung pa'i phyir ro/ /zhes

  470. 235b

    bya ba ni 'jug pa'i rnam par shes pa rnams la las kyi kun nas nyon mongs pa mi srid par ston to/ /kun gzhi rnam par shes pa mig la sogs pa'i rnam par shes pa 'dod chags la sogs pa dang lhan cig skyes pa 'du byed kyi rkyen las byung bar 'dod na de yang mi rung ste/ rnam par shes pa'i rkyen gyis ming dang gzugs zhes 'byung ba'i phyir ro/ /mig la sogs pa'i rnam par shes pa ni skad cig gis 'jig pa'i tshul can yin pas 'gags nas yun ring ba'i phyir ming dang gzugs kyi rkyen du mi rung ste/ nyes pa mang du 'gyur ro/ /nyes pa 'dis 'jigs nas nying mtshams sbyor ba'i rnam par shes pa 'dod na de yang mi rung ste/ nying mtshams sbyor ba'i rnam par shes pa'i dus na bsod nams dang/ bsod nams ma yin pa dang/ mi g.yo ba'i 'du byed 'gags nas yun ring pa'i phyir ro/ /'gags pa rnams las ni de 'byung bar yang mi rigs so/ /rjes su chags pa dang khong khro ba dang ldan pa'i phyir nying mtshams sbyor ba'i sems ni lung du ma bstan pa ma yin no/ /rnam par smin pa ni lung du ma bstan pa yin pas de 'du byed gyi rkyen can du mi rung ngo/ /'jug pa'i rnam par shes pa 'du byed dang mtshungs par ldan pa rnams kun gzhi rnam par shes pa la bag chags skyed na ni mi rung ngo/ /de med na len pa'i rkyen gyis srid pa yang mi rung ba'i phyir ro/ /zhes bya ba ni bag chags kyi gnas skabs kyi las rnam par smin par mngon du phyogs par gyur pa'am/ 'jug pa rnyed pa ni srid pa ste/ nying mtshams sbyor ba'i rnam par shes pa ni ma yin no/ /'du byed kyis yongs su bsgos pa'i rnam par shes pa mi 'thad na skye ba'i 'bras bu 'byin par mngon du phyogs par gyur pa na las de gang du gnas te srid par 'gyur/ de lta bas na kun gzhi rnam par shes pa med na las kun nas nyon mongs pa yang mi rung ngo/ /da ni nying mtshams sbyor ba sprel ba mi rung ba'i phyir ro zhes bya ba la sogs pas rnam par shes pa gzhan

  471. 236a

    dag la skye ba'i kun nas nyon mongs pa mi srid par ston to/ /mnyam par ma bzhag pa'i sa nas zhes bya ba ni 'dod pa'i khams nas so/ /shi 'phos pa'i zhes bya ba ni shi ba'o/ /yid bar ma do'i srid pa na gnas pa zhes bya ba ni shi ba dang skye ba'i srid pa gnyis kyi bar gyi srid pa la gnas pa'i sems so/ /yid kyi rnam par shes pa zhes bya ba ni de las gzhan pa'i rnam par shes pa rnams de'i tshe 'gags nas yun ring ba'i phyir ro/ /nyon mongs pa can zhes bya ba ni rjes su chags pa dang khong khro ba dang ldan pa'i phyir phyin ci log gis so/ /nying mtshams sbyor zhes bya ba ni nying mtshams sbyor bar byed pa'o/ /de 'brel pa ni skye ba ste lus yongs su 'dzin ces bya ba'i tha tshig go /yid kyi rnam par shes pa nyon mongs pa can de zhes bya ba ni skye ba'i srid pa la dmigs pa'o/ /bar ma do'i srid par 'gag la zhes bya ba ni de ma 'gags na skye ba'i srid pa mi rung ba'i phyir ro/ /rnam par shes pa yang ma'i mngal du nur nur po nyid brgyal lo brgyal lo zhes bya ba ni de 'gag pa dang dus mnyam du khu chu dang khrag dang lhan cig grub pa dang bde ba gcig pas 'dres par 'gyur te/ ji skad du bcom ldan 'das kyis bka' stsal pa/ kun dga' bo gal te rnam par shes pa ma'i mngal du ma zhugs na nur nur po nyid du 'chags par mi 'gyur ro zhes gsungs pa lta bu'o/ /gal te yid kyi rnam par shes pa de nyid brgyal na ni zhes bya ba ni kun gzhi rnam par shes pa ma yin pa'o/ /brgyal ba zhes bya ba skyes pa rnam par smin par gyur pa ste/ de la brten nas gzhan dang pa dang chags pa dang mtshungs par ldan pa'i dge ba dang mi dge ba dang bde ba dang sdug bsngal gyi tshor ba myong ba dang ldan pa rnam par rtog pa can gyi yid kyi rnam par shes pa phyi ma phyi ma'i gnas skabs rnams su 'byung ngo/ /des na yid kyi rnam par shes pa gnyis dus gcig tu ma'i

  472. 236b

    mngal du 'jug par 'gyur ro zhes bya ba ni gang btsal bar gyur pa ste/ sems can gyi rdzas de'i tshe mngon par 'du byed pa la mi bltos pa rnam par smin pa'i bdag nyid can lung du ma bstan pa dmigs pa dang rnam pa yongs su mchad la/ btang snyoms dang mtshungs par ldan pa brgyal ba de dang/ gang de la brten nas gzhan mngon par 'du byed pa can rnam par smin pa'i rang bzhin ma yin pa dmigs pa dang rnam pa yongs su chad pa bde ba dang sdug bsngal gyi tshor ba dang mtshungs par ldan pa'i rnam par shes pa ste/ de ni mdo dang 'gal ba'i phyir mi 'dod do/ /khyed ni 'di skad 'don te/ rnam par shes pa gnyis snga phyi med par 'byung ba ni gnas ma yin zhing go skabs med do zhes bya ba la sogs pa'o/ /de gnyis ni gcig pa nyid du yang mi 'thad de rang bzhin tha dad pa'i phyir ro/ /rnam par smin pa rgyun chad na ni srog gi rgyun chad par 'gyur ro/ /rnam par smin pa med na 'gro ba yang med par 'gyur ro/ /yid kyi rnam par shes pa po rgyal ba de ni yid kyi rnam par shes pa nyid du mi rigs te/ dus rtag tu nyon mongs pa can nyid gnas yin pa zhes bya ba ni dam bca' ba'i don gyi skyon chos can gyi rang gi ngo bo nyid las bzlog pa ston to/ /gang yid kyi rnam par shes pa nyid du gnyi ga la nges pa de ni rtag tu nyon mongs pa can gnas ma yin te/ dper na dus phyi ma la 'byung ba'i yid kyi rnam par shes pa bzhin no/ /nying mtshams sbyor ba'i sems thams cad ni thams cad nas thams cad du nyon mongs pa gnas yin te/ par ma do'i srid pas bsdus pa'i gnas skye ba'i srid pa la dmigs pa ni thams cad na rtag par nyon mongs pa can yin pa'i phyir ro/ /de ltar na yid kyi rnam par shes pa'i chos las 'das pa'i phyir de nyid kyi rnam par shes par mi rung ngo/ /yang na nyon mongs pa bzhi dang mtshungs par ldan pa

  473. 237a

    nyon mongs pa can gnas yin pa'i phyir nying mtshams sbyor ba'i sems nyon mongs pa can du 'gyur ro/ /rnam par smin pa yin pa'i phyir de ni lung du ma bstan par yang 'dod do/ /nyon mongs pa can gyi yid bsgrubs zin to snyam du bsams pa'o/ /rnam par smin pa nyid kyang bkag ste/ yid kyi rnam par shes pa 'ba' zhig bkag pa ni ma yin no/ /yid kyi rnam par shes pa'i dmigs pa la mi dmigs pa'i phyir ro zhes bya ba ni de yid kyi rnam par shes pa ma yin zhes bya ba de nyid kyi gtan tshigs kyi gnon no/ /gang bdag cag gnyi ga la yid kyi rnam par shes par nges par de ni rang gi dmigs pa la dmigs shing yongs su gcod do/ /dper na phyi ma'i gnas skabs gzhan na 'byung ba'i yid kyi rnam par shes pa bzhin te/ 'jug pa'i rnam par shes pa rnams yul so sor rnam par rig pa'i mtshan nyid yin pa'i phyir ro/ /nying mtshams sbyor ba'i sems ni de ltar dmigs pa yongs su gcod pa ma yin pas de yid kyi rnam par shes pa ma yin no// 'dir 'gog pa'i snyoms par 'jug pa'i sems dang mtshungs par phyir brgal tu yang mi rung ste/ de ni yid kyi rnam par shes pa nyid kyi rnam par shes pa nyid du khas mi len pa'i phyir ro/ /de lta bas na 'dir ni dmigs pa la mi dmigs pa yongs su gcod pa yin gyi med pa nyid ni ma yin te/ 'di ltar de'i tshe chos med pa ni ma yin gyi/ yod bzhin du yongs su mi gcod do/ /yid kyi rnam par shes pa'i gnas mig la sogs pa yongs su ma rdzogs pa'i phyir ro/ /yid kyi rnam par shes pa de brgyal ba yin du chud na yang zhes bya ba nas bzung ste/ de'i rnam par smin pa'i rnam par shes pa sa bon thams cad pa'o/ /zhes bya ba der grub po zhes bya ba'i bar de ni 'jug sdud pa ste/ go sla bas ma bshad do/ /nying mtshams sbyor ba spril

  474. 237b

    zin pa rnams kyi zhes bya ba ni lus thob pa rnams kyi'o/ /dbang po gzugs can zhes bya ba ni yid ma gtogs pa'o/ /'dzin par byed pa zhes bya ba ni yongs su 'dzin pa'o/ /kun gzhi rnam par shes pa la ma gtogs par de las gzhan zhes bya ba ni 'jug pa'i rnam par shes pa'o/ /ji lta zhe na/ gnas so sor nges pa'i phyir zhes bya ba ste/ de mig la sogs pa drug po dag go /'dis ni 'dzin par byed pa gcig pu med par ston to/ /mig gi rnam par shes pa'i gnas ni mig nyid yin no/ /de bzhin du rna ba la sogs pa'i rnam par shes pa rnams kyi gnas kyang rna ba la sogs pa'o gang gi gnas gang yin pa de nyid kyis de 'dzin par mi rung ngo/ /mi brtan pa'i phyir ro zhes bya ba ni g.yo ba'i phyir zhes bya ba'i tha tshig ste/ yud tsam yud tsam la bar chad dang bcas par 'tshol bar 'byung ba'i phyir ro/ /'du shes med pa pa la sogs par yang rgyun chad pas mig la sogs pa zin pa rnams kyang rgyun chad par 'gyur te/ dper na shi ba'i kun gzhi rnam par shes pas btab pa rnams bzhin no/ /gal te lus kyi dbang po'i khog pa zin te khyab pa'i phyir ro zhe na/ de yang mi rung ste/ lus kyi dbang po yang gzung bar bya ba yin pa'i phyir ro/ /gal te de 'dzin par byed pa yin na ni ma zin par 'gyur te/ 'dzin pa gzhan med pa'i phyir ro/ /bcom ldan 'das kyis kyang lus kyi dbang po yongs su btang bas 'chi bar 'gyur gyi rnam par shes pa yongs su btang bas ni ma yin no zhes gsungs pa'i rigs na/ tshe dang drod dang rnam par shes/ /'di dag gang tsha lus 'dor zhing/ /bor nas de tshe 'dug pa ni/ /dper na shing la sems med bzhin zhes gsungs so/ /de lta bas na lus kyi dbang po ni 'dzin par byed par mi rigs so/ /rnam par shes pa dang ming gzugs mdung khyim ltar gcig la gcig

  475. 238a

    brten pa'i tshul gyis 'jug pa gang yin pa de yang rnam par smin pa'i rnam par shes pa med na mi rung ngo zhes bya ba ni bcom ldan 'das kyis rnam par shes pa'i rkyen gyis ming dang gzugs zhes gsungs te/ de la ming ni gzugs can ma yin pa'i phung po bzhi'o/ /gzugs ni nur nur po'o/ /'di gnyis kyi rkyen rnam par shes pa gang yin pa skad cig gcig nas gcig tu brgyud de gnas nyid du gyur pa de yang kun gzhi rnam par shes pa las gzhan ma yin no/ /ming smos ni 'jug pa'i rnam par shes pa bzung na rnam par shes pa smos pas ci zhig gtso bor bstan par 'gyur/ rnam par shes pa las ni bdag gi yid bzlog na rnam par shes pa las 'das pa ni ma yin no zhes gang gsungs pa de yang kun gzhi rnam par shes pa yod na 'thad de/ 'di ltar de ni lus kyi gnas nyid du rgyun mi 'chad par 'jug go /de nyid kyi phyir de ming dang gzugs kyi rkyen du gsungs te/ des lus la khyab pa'i phyir ro/ /kun dga' bo gzhon nu 'am gzhon nu ma'i rnam par shes pa gal te rgyun chad cing 'gags kyang ming dang gzugs de 'phel zhing rgyas pa dang yangs par 'gyur ram bcom ldan 'das de ni mi 'gyur ro zhes bya ba la sogs pa gang gsungs pa de yang kun gzhi rnam par shes pa med na mi 'thad do/ /rnam par shes pa gzhan ni sems can 'byung po rnams kyi zas su yang mi rung ste/ zhes bya ba ni 'jug pa'i rnam par shes pa ste/ snyoms par 'jug pa gnyis dang 'du shes pa pa nas med pas ma khyab pa'i phyir ro/ /zas med par ni khams gsum na spyod pa'i gnas pa med do/ /snyoms par 'jug pa 'am sems dang sems las byung ba 'gog pa ni zas su mdo las ma gsungs te/ kham gyi

  476. 238b

    zas la sogs pa grangs nges pa'i phyir ro/ /de ltar re zhig kun gzhi rnam par shes pa med na 'dod pa'i khams su nying mtshams sbyor ba sbrel pa mi rung ba'i 'thad pa bstan nas/ 'di nas shi 'phos te mnyam par bzhag pa'i sar skye ba na zhes bya ba la sogs pas gzugs dang gzugs med pa rnams su yang de mi rigs pa'i 'thad pa ston te/ 'dod pa'i khams su shi nas gong du skye ba na zhes bya ba'i tha tshig go /yid kyi rnam par shes pa nyon mongs pa can zhes bya ba ni de'i sa pa'i snyoms par 'jug pa'i ro myang ba'i nyon mongs pa dang ldan pa'o/ /sa bon dang ldan pa gzhan mi 'thad do zhes bya ba la 'dod pa spyod pa'i sems ni sa bon dang ldan pa ma yin te/ lhan cig 'byung ba dang 'gag pa med pa'i phyir ro/ /mnyam par bzhag pa'i sems kyang sa bon dang ldan pa ma yin te/ gcig nyid sa bon dang sa bon can gyi dngos por mi rung ba'i phyir ro/ /gzugs na spyod pa'i sems tshe rabs gzhan na thob pa yang sa bon du mi rung ste/ bag chags kyi gzhi rnam par shes pa med pa'i phyir ro/ /gzugs kyi rgyud kyang sa bon can ma yin te/ gzugs khas mi len pa'i phyir ro/ /de lta bas na thog ma med pa'i dus can de'i sa pa'i sems gang la bag chags gnas pa'i kun gzhi rnam par shes pa la nges par gnas bca' bar bya'o/ /yang gzugs med pa'i gnas su skyes pa zhes bya ba la sogs pa la/ nyon mongs pa can gyi dge ba'i sems yod pa rnams kyi zhes bya ba ni snyoms par 'jug pa'i ro myang ba rnams kyi nyon mongs pa can gyi dge ba'i sems kyang gzhi med par 'gyur te/ rnam par smin pa med ces bya ba'i tha tshig go /de'i tshe na sems dang sems las byung ba thams cad ni de'i dngos por 'gyur ba'i phyir ro/ /de lta bas na de'i gzhi rnam par smin pa'i rnam par shes pa nges par khas blang bar bya'o/ /de nyid na zhes bya ba la sogs pa ni

  477. 239a

    gzugs med pa rnams su 'jig rten las 'das pa'i sems zag pa med pa de mngon du byed de de skyes pa na gang zag pa med pa de las gzhan pa'i sems 'jig rten pa 'byung ba de med par 'gyur te/ 'gags pa na 'gro bas bsdus pa'i rnam par smin pa med pas 'gro ba de ldog pa nyid du 'gyur te/ gnyen po mngon sum du gyur na mi mthun pa'i phyogs thams cad spangs pa'i phyir sgrim mi dgos par phung po'i lhag ma med pa'i mya ngan las 'das pa thob par 'gyur ro/ /'du shes med 'du shes med min skye mched du skyes pa rnams kyang zhes bya ba la sogs pa ni gang gi tshe srid pa'i rtse mor skyes pa dag nyon mongs pa rnams spang du gzhan pa'i phyir rang gis pa'i lam med pas ci yang med pa'i skye mched kyis pa'i sems gsal ba mngon du byed do/ /de'i tshe de rnams kyi 'gro ba gnyi ga ldog par 'gyur zhes bya ba ni srid pa'i rtse mo dang/ ci yang med pa'i skye mched kyi 'gro ba gnyi ga las ldog par 'gyur te/ de gnyis kyi gnas med par 'gyur ba'i phyir ro/ /zag pa med pa'i chos ni 'gro bar gtogs pa ma yin te/ ldan pa ma yin pa dang 'gro ba'i gnyen por gyur pa'i phyir ro/ /mya ngan las 'das pa'i 'gro ba yang gnas su mi rung ngo zhes bya ba ni phung po'i lhag ma dang bcas pa'i mya ngan las 'das pa'i dbyings kyi gnas skabs yin pa dang/ 'gro ba thams cad log pa'i phyir mya ngan las 'das pa ni 'gro ba ma yin te/ 'jig rten las 'das pa'i rnam par shes pa'i gnas mya ngan las 'das pa'i 'gro ba'i lus rnam par smin par gyur pa ni gang yang med do/ /mya ngan las 'das pa ni dgra bcom pa rnams kyi 'gro ba'o zhes gang gsungs pa ni brten pa la der 'gro ba'i sgrar brjod do/ /legs par byed pa'am nyes par byed pa 'chi 'pho ba na zhes bya ba la sogs pa la legs par byed pa rnams ni lus kyi smad nas rim gyis drod yal bar 'gyur ro/ /nyes

  478. 239b

    par byas pa rnams ni lus kyi stong nas drod yal bar 'gyur ro/ /de lta bas na de yang kun gzhi rnam par shes pa med na mi 'thad de/ de'i tshe gang na yang yid kyi rnam par shes pa med pas ni ma yin no/ /kun gzhi rnam par shes pa ni med par mi rigs so/ /de ltar kun nas nyon mongs pa rnam pa gsum mi srid par bstan nas 'jug pa'i rnam par shes pa rnams la 'jig rten pa'i rnam par byang ba mi srid par ston te/ 'di ltar 'dod pa rnams las 'dod chags dang ma bral ba zhes bya ba la sogs pa nas gzugs na spyod pa'i sems 'das pa tshe rabs du mar sems gzhan gyis bar du bcad pa de yang zhes bya ba la sogs pa'o/ /thog ma med pa'i 'khor ba na tshe rabs gzhan na thog pa'i gzugs na spyod pa'i sems gang yin pa de ni sa bon ma yin te/ 'di ltar de ni tshe rabs du mar 'dod pa na spyod pa'i sems du mas bar du chod pas mdo sde pa'i gzhung ltar na med de 'das pa'i phyir ro/ /med pa ni gzugs na spyod pa'i sems kyi sa bon du yang mi rung ngo/ /de bzhin du 'dod chags dang bral ba nyid kyis thams cad la yang ci rigs su sbyar bar bya'o zhes bya ba ni snga ma dang mthun par sbyar ba'o/ /ci rigs par zhes bya ba ni gang la gang rigs pa'o/ /de lta bas zhes bya ba la sogs pa nas gang sa bon thams cad pa rnam par smin pa'i rnam par shes pa gcig nas gcig tu brgyud de 'ongs pa de ni gzugs na spyod pa'i mnyam par bzhag pa'i sems de'i rgyu'i rkyen yin la/ sbyor ba las byung ba'i dge ba'i sems de ni bdag po'i rkyen yin par de grub po zhes bya ba'i bar ni 'dir lus pa dang shugs kyis de ltar 'gyur bas kun gzhi rnam par shes pa yod par mjug bsdus nas de ni rgyu'i rkyen yin la/ 'dod pa na spyod pa'i sbyor ba las byung ba'i dge ba'i sems ni bdag po'i rkyen yin par bstan te/ thun mong ma yin pa'i rgyu yin pa ni mthu lhag ma'i phyir go rim bzhin no/ /nga ni

  479. 240a

    'jug pa'i rnam par shes pa rnams la 'jig rten las 'das pa'i rnam par byang ba mi srid par ston te/ gzhan gyi sgra dang so so rang gi tshul bzhin yid la byed pa la brten nas de'i rgyu las yang dag pa'i lta ba 'byung ngo zhes bya ba nas bzung ste/ tshig de nyid kyis bshad zin to/ /de la thos pa'i bag chags ni de'i sa bon yongs su 'dzin par mi rigs so zhes bya ba ni 'jig rten las 'das pa'i sa bon yongs su 'dzin par mi 'thad pa'i phyir te/ gong du ji skad smos pa lta bu'o/ /sa bon thams cad pa rnam par smin pa'i rnam par shes pa ni zhes bya ba nas sa bon du ji ltar rung zhes bya ba'i bar ni mi srid pa'i gnod pas dri ba ste/ nad las nad med pa ni nam yang ma mthong na nad lta bu'i kun gzhi rnam par shes pa las nad med pa lta bu 'jig rten las 'das pa'i sems ji ltar 'byung bar 'gyur/ chos kyi dbyings shin tu rnam par dag pa'i rgyu mthun pa thos pa'i bag chags sa bon pa las de 'byung ngo/ /zhes bya bas ni rgyu gzhan ston to/ /kun gzhi rnam par shes pa ni de'i sa bon ma yin no/ /'o na ci zhe na/ sangs rgyas rnams chos kyi dbyings shin tu rnam par dag pa glo bur gyi sgrib pa dang bral ba gang yin pa de'i rgyu mthun pa ni bstan pa'i chos te/ de'i rgyu las byung bar gyur na 'dra ba'i phyir ro/ /de gnyen po ni thos pa'o/ /de'i bag chags gang yin pa de ni/ 'jig rten las 'das pa zag pa med pa'i sa bon te kun gzhi rnam par shes pa ni mthun pa ma yin pa'i phyir ro/ /thos pa'i bag chags gang yin pa de yang zhes bya ba nas de'i gnas ci zhig yin par blta zhe na zhes bya ba'i bar gyi ni gnas gzhan ston to/ /sangs rgyas rnams kyi byang chub la brten nas zhes bya ba ni ye shes dri ma med cing thogs pa med pa mdo la sogs pa bstan pa'i chos thos pa'i bag chags kyi gnas yin gyi/ kun gzhi rnam par

  480. 240b

    shes pa ni gnas ma yin te/ de dang lhan cig 'thug go /de'i phyir gnas gang la zhes bya ba smos te/ rgyud gang la 'jug pa de lhan cig 'jug pa'i tshul gyis rnam par smin pa'i rnam par shes pa la 'jug ste/ 'o ma dang chu bzhin no/ zhes bya ba ni/ de rnam par smin pa'i rnam par shes pa dang lhan cig 'byung bar 'dod kyi/ de sa bon nyid du ni mi 'dod do/ /thos pa'i bag chags kyi sa bon de ni kun gzhi rnam par shes pa'i ngo bo nyid ma yin te/ de'i gnyen po sa bon nyid yin pa'i phyir ro// zhes bya ba ni kun gzhi rnam par shes pa'i gnyen po rnam par mi rtog pa'i ye shes kyi rgyu yin no zhes bya ba'i tha tshig go /dper na khang du nad du ma zhugs sam dug sna tshogs 'thungs pas na yang rung/ sman bcud kyis len pa dang dug sman 'thungs na nad dang lhan cig tu dus gzhan gyi bar du 'dug kyang dug gi sa bon can yang ma yin la/ dug gi ngo bo nyid kyang ma yin pa ltar thos pa'i bag chags sa bon du gyur pa yang de bzhin no/ /de la bag chags chung ngu la brten nas zhes bya ba la sogs pa ni bshad pa nyid gsal bas brda phrad par sla'o/ /chos kyi sku'i sa bon lta zhes bstan nas rnam par 'grel pa ste/ kun gzhi rnam par shes pa'i gnyen po yin pas kun gzhi rnam par shes pa'i ngo bo nyid ma yin pa dang/ 'jig rten pa yin yang 'jig rten las 'das pa chos kyi dbyings shin tu rnam par dag pa'i rgyu mthun pa yin pas zhes bya ba ste/ zag pa dang bcas pa yin yang 'jig rten las 'das pa zag pa med pa'i sems kyi sa bon yin te/ de'i tshogs yod pa'i phyir ro/ /'dir ni rtogs pa'i mtshan nyid la chos kyi skur brjod par 'dod do/ /'jig rten pa nyid ni 'jig rten pa las brten nas 'byung ba dang/ kun gzhi rnam par shes pa dang lhan cig 'jug

  481. 241a

    pa'i phyir ro/ /gus pa bskyed pa'i phan yon de ni 'jig rten las 'das pa'i sems ma byung du zin kyang zhes bya ba la sogs pa smos so/ /nyon mongs pas kun nas dkris pa'i gnyen po zhes bya ba ni de yod na 'dod chags la sogs pa kun tu mi 'byung ba'i phyir te/ gnyen po yod na mi mthun pa'i phyogs mi skye'o/ /de'i phyir rgyu med na 'bras bu med pas ngan song du 'gro ba'i gnyen po zhes bya ba ste/ 'jig rten pa yi yang dag blta/ /chen po su la yod gyur pa/ /de ni tshe rabs stong du yang/ /ngan 'gror 'gro bar mi 'gyur ro zhes ji skad gsungs pa lta bu'o/ /'o na/ sngon byas pa'i nyes par spyad pas ngan song du 'gro bar mi 'gyur ram zhe na/ de'i phyir nyes par byas pa thams cad dengs par byed pa'i gnyen po yin no zhes bya ba smos te/ thog ma med pa'i dus kyi nyes par byas pa dengs bar byed pa ni mthu 'joms par byed pa ste/ de'i phyir gnyen po'o/ /chos kyi skur bsdus pa na chos kyi sku'i rgyu yin pa'i phyir ro/ /rnam par grol ba'i lus su bsdus pa zhes bya ba de bzhin du brjod pa'o/ /de la chos kyi sku dang rnam par grol ba'i lus kyi khyad par ni 'di yin te/ rnam par grol ba ni nyon mongs pa'i bcings pa dang bral ba tsam du zad de/ dper na grong mi zhig lcags sgrog la sogs pa'i bcings pa dang bral na sdug bsngal de log pa la 'bras bu tsam du zad kyi/ de las lhag pa'i dbang phyug gi khyad par dang ldan pa ma yin pa lta bu'o/ /chos kyi sku ni bag chags dang bcas pa'i nyon mongs pa dang shes bya'i sgrib pa las rnam par grol ba stobs dang mi 'jigs pa la sogs pa ngo mtshar gyi yon tan du mas brgyan pa 'byor pa thams cad kyi gnas ji ltar 'dod pa bzhin du spyod pas rang dbang mchog thob pa ste/ dper na

  482. 241b

    rgyal po'i bu bcings pa dang bral ma thag tu spyi bo nas dbang bskur ba dang/ dbang phyug phun sum tshogs pa mchog dang ldan pa lta bu'o/ /gnas ? 'gyur ro/ /zhes bya ba ni sman bcud kyis len btang nas rgyas par gyur na nad med pa rgyas par 'gyur ba lta bu'i tshul gyis so/ /sa bon thams cad pa yang sa bon med par 'gyur zhes bya ba la sogs pa ni sa bon gyi rnam pa thams cad spangs pa'i phyir te/ kun nas nyon mongs pa'i sa bon thams cad med pa nyid 'di'i spangs par rig par bya'o/ /ngang pas chu la 'o ma 'thungs pa lta bu dang 'jig rten pa'i 'dod chags dang bral ba na mnyam par bzhag pa ma yin pa'i sa pa'i bag chags 'gribs te/ mnyam par bzhag pa'i sa pa'i bag chags 'phen nas gnas gyur pa bzhin no/ /zhes bya ba ni tshig de nyid kyis bshad zin to/ /de ltar kun nas nyon mongs pa dang rnam par byang ba mi 'thad pas kun gzhi rnam par shes pa bsgrubs nas 'gog pa la snyoms par zhugs pa rnams kyang zhes bya ba la sogs pas 'gog pa'i snyoms par 'jug pa mi srid par sgrub po/ /sangs rgyas dang/ rang sangs rgyas dang/ dgra bcom pa dang/ phyir mi ldog pa'i byang chub sems dpa' rnams ma gtogs pa 'gog pa la snyoms par zhugs pa gzhan rnams shi pa las bye brag ston pa na bcom ldan 'das kyis de'i rnam par shes pa lus dang bral ba ma yin no/ /zhes bka' stsal te/ de ni kun gzhi rnam par shes pa las gzhan ma yin no/ /de ltar ci mngon zhe na/ 'gog pa'i snyoms par 'jug pa ni de'i gnyen po ma yin pa'i phyir ro/ /de'i gnyen por 'gog pa'i snyoms par 'jug pa skye ba ma yin te/ dmigs pa dang rnam pa yongs su ma chad pa'i phyir ro/ /rnam par rig pa'i mi gsal ba ni ma zhi ba nyid du yongs su mi gcod pas gnyen po mi byed pa'i

  483. 242a

    phyir 'gog pa'i snyoms par 'jug pa ni kun gzhi rnam par shes pa'i gnyen po ma yin no/ /gang la gnyen po med pa de ni 'gog par mi 'gyur ro/ /'jug pa'i rnam par shes pa gang dmigs pa dang rnam pa yongs su chad pas ma zhi ba de'i gnyen por skye ste/ de 'gag pa nyid do/ /ji ste 'gags kyang des ldang ba'i phyir de dang ma bral ba zhes bya'o zhes bya bar 'dod na de'i phyir/ de las langs pa rnams kyi zhes bya ba la sogs pa smos te/ tshig de nyid kyis bshad zin to/ /'di'i phyir yang de ni yid kyi rnam par shes pa ma yin te/ snyoms par 'jug par mi rung ba'i phyir ro/ /'du shes dang tshor ba 'gog pa med pa'i phyir ro/ /zhes bya ba'i tha tshig ste/ yid kyi rnam par shes pa ni sa mang po pa rnams dang mi ldan pa ma yin pas 'du shes dang tshor ba ma 'gags pa'i phyir snyoms par 'jug par mi rung ngo/ /'di'i phyir yang de ni yid kyi rnam par shes pa ma yin te/ dmigs pa dang rnam par mi dmigs pa'i phyir ro/ /yid kyi rnam par shes pa thams cad ni dmigs pa dang rnam par dmigs pa med par mi 'byung ngo/ /de med pa'i phyir de yang mi 'grub bo/ /'di'i phyir yang de yid kyi rnam par shes pa ma yin te/ dge ba'i rtsa ba dang mtshungs par ldan pa'i phyir ro/ /snyoms par 'jug pa'i sems de ni mi dge ba ma yin la/ lung du ma bstan pa yang ma yin gyi/ dge ba nyid de ma chags pa la sogs pa med par dge ba nyid kyi sems kyang med de/ mtshungs par ldan pas de dang ldan no zhes grub pa'i mdza' las 'byung ba'i phyir ro/ /ma chags pa la sogs pa yang reg pa la sogs pa med par mi 'byung ste/ reg pa ni ting nge 'dzin las byung ba'i shin tu sbyangs pa dang btang snyoms kyi tshor ba dang mthun par gyur te/ tshor ba yang de dang lhan

  484. 242b

    cig skyes par gyur pas snyoms par 'jug pa med do/ /de la 'di snyam du 'du shes dang tshor ba gnyis la 'bres dang zug rngul sogs pa'i dngos por rnam par sun 'byin pa'i 'gog pa'i snyoms par 'jug pa la 'gags par 'gyur ro snyam na/ de'i mthus snyam par bzhag par 'gyur ba'i phyir zhes bya ba la sogs pas de'i lan 'debs so/ /rnam par sun 'byin pas ni mnyam par 'jog par nus kyi/ 'gog par ni mi nus te/ de ci'i phyir zhe na/ mnyam par 'jog pa'i gzhan 'du shes med pa'i snyoms par 'jug pa la 'du shes rgyun chad pa tsam du 'gyur ba'i phyir ro/ /gal te gang rnam par sun phyung ba de 'gog par 'gyur na ni/ des na 'du shes med pa la snyoms par 'jug pa rnams kyi 'du shes rnam par sun phyung bas na 'du shes med pa'i snyoms par 'jug pa la 'du shes tsam du rgyun chad par 'gyur gyi/ gzhan ni ma yin no/ /yang ji ltar 'gog pa med par gnas pa 'gog mi srid pa'i phyir der sems kyang 'gog par 'gyur ba de bzhin du 'gog pa'i snyoms par 'jug pa la sems kyang 'gog par 'gyur gyi gnas pa 'ba' zhig ni ma yin te/ gnas yod pa la gnas pa bsal du mi rung ba'i phyir ro/ /dpe yod pa'i phyir zhes bya ba la 'dir ni 'du shes med pa'i snyoms par 'jug pa dpe ste/ de bzhin du dbyer mi rung ba'i phyir gnyi ga 'gag par 'gyur ro/ /yang na 'byung ba dang 'byung ba las gyur pa dpe yin te/ phan tshun med par mi 'byung ba'i phyir ro/ /dge ba la sogs pa'i sar nges te/ gang dag thams cad du 'gro ba ma yin pa de dag ni sems thams cad la mi 'byung bar rigs so/ /'du shes dang tshor ba ni sa mang po ba yin pas thams cad du 'gro ba nyid du gnas pa'i rang bzhin no/ /de'i phyir rnam par shes pa yod na 'di gnyis med du mi rung ste/ de'i phyir kun tu 'gro ba nyid yin pa las/ de bzhin du med pa'i phyir ro zhes

  485. 243a

    bya ba smos so/ /'di'i phyir yang yid kyi rnam par shes pa ma yin te/ dge ba dang mi dge ba dang lung du ma bstan par mi 'thad pa'i phyir ro/ /yid kyi rnam par shes pa gang yin pa de ni dge ba'am/ mi dge ba'am/ lung du ma bstan pa'am/ gcig tu 'gyur ba de ni dge ba ma yin te/ dge ba'i rtsa ba dang mtshungs par ldan par 'gyur ba'i phyir te/ gong du ma chags pa la sogs pa med par dge bar ji ltar 'gyur de dag kyang reg pa med par ji ltar 'byung/ de yang lhan cig skyes pa'i tshor ba la sogs pa med par ji ltar 'byung zhes ji skad bstan pa bzhin no/ /su zhig sbyor ba las byung ba'i dge ba'i sems kyis 'phangs pas snyoms par 'jug pa'i sems dge ba yin gyi/ dge ba'i rtsa ba dang mtshungs par ldan pa'i phyir ni ma yin no snyam du de ltar rtog pa de'i rtog pa de ni bstan bcos dang mi mthun pa ste/ mtshungs par ldan pa'i de dang ldan zhes rnam par bzhag pa dang 'gal ba'i phyir ro/ /sbyor ba'i sems ni ma chags pa la sogs pa dang mtshungs par ldan pa'i phyir dge ba yin gyi/ de'i rgyu mthun pa'i 'bras bu snyams par 'jug pa'i sems ni ma yin no zhes bya ba'i nges pa 'di sus byas/ de ni bdag nyid kyis dge ba yang ma yin te/ bdag nyid kyis dge ba rnams ni dge ba'i rtsa ba la sogs pa ste/ grangs nges pa'i phyir ro// don dam par dge ba yang ma yin te/ thar pa nyid nges par bya ba'i phyir ro/ /gal te mthu 'dus pa ni 'dus pa ste/ reg pa zhes bya bar 'dod kyi/ thams cad ni ma yin te/ snyoms par 'jug pa la sbyor ba'i dus na tshor ba la sogs pa rnam par sun phyung? ba'i phyir de'i tshe tshor ba skyed pa'i mthu med do zhe na/ de tsam rgyun chad par 'gyur ro zhes bya ba la sogs pas de'i lan btab zin to/ /de lta bas na der tshor ba med pa'i yid kyi rnam par shes pa mi rung ngo/ yang rtog pa dang dpyod pa dag

  486. 243b

    gi 'du byed 'gags pas ngag 'byung bar mi 'gyur na yid kyi 'du byed 'gags kyang yid 'byung ba 'di la rgyu ci yod/ lus kyi 'du byed 'gags kyang lus gnas pa bzhin du yid kyi 'du byed 'gags kyang yid gnas so zhes slar gzhi la du mi rung ste 'di ltar bcom ldan 'das kyis lus gnas pa'i rgyu gzhan dag kyang lus kyi 'du byed du gsungs te/ 'di ltar kha zas dang srog gi dbang po dang rnam par shes pa ste/ dbugs rgyu ba med par yang de dag gis lus gnas par 'gyur ro/ /sems pa dang 'du shes ma gtogs par yid kyi 'du byed gzhan dag ni gang du yang ma gsungs so/ /de lta bas na de nyid med par de gnas par mi rung ste/ de'i phyir de yid kyi rnam par shes pa ma yin te/ zhar la byung ba de tsam gyis chog go /mi dge ba yang ma yin te/ snyoms par 'jug pa dge ba'i phyir ro/ /'du shes ched pa'i snyoms par 'jug pa yang mi dge bar mi 'dod na rnam par thar pa dang mthar gyi gnas pa'i snyoms par 'jug pa'i nang du gtogs pa 'gog pa'i snyoms par 'jug pa lta smos kyang ci dgos/ lung du ma bstan pa rnam pa gsum yang ma yin te/ med pa'i phyir ro/ /de'i tshe bzo'i gnas la sogs pa mi 'byung ngo/ /rnam par smin pa las byung bar dam 'cha' na? ni kun gzhi rnam par shes pa grub po/ /gang rnam par smin pa yang ma yin la mngon par 'du byed par 'jug pa yang ma yin pa zhes bya ba lung du ma bstan pa lnga pa gzhan dag gis brtags pa de ni lung las ma 'byung ste/ mdo dang chos mngon pa la med pa'i phyir ro/ /de ltar gyur na 'gro ba de ldog pa nyid du 'gyur zhes bya bas kyang de'i lan btab zin to/ /gang yang gzugs dang sems kyi 'jug thogs su 'byung ba 'dus byas kyi chos rnams kyi rgyu nyid du mdo sde pa rtog ste/ de 'di snyam du gzugs kyi skad cig snga ma'i 'jug thogs

  487. 244a

    su gzugs kyi skad cig phyi ma 'byung la/ sems kyi skad cig snga ma'i 'jug thogs su yang sems kyi skad cig mtshungs par ldan pa dang bcas pa phyi ma 'byung ste/ 'dir kun gzhi rnam par shes pa rgyur brtag cing dgos snyam du sems pa/ de gong ma bzhin du mi 'thad kyi steng du zhes bya bas sel te/ gzugs dang sems ni 'ga' zhig tu res 'ga' rgyun chad par snang ba'i phyir ro zhes ji skad bstan pa lta bu'o/ /gzhan yang de'i ltar na gzugs med pa nas shi ba'i gzugs ni gzugs kyi sa bon las mi 'byung ste/ 'gags nas yun ring ba'i phyir ro/ /'du shes med pa pa shi ba dang 'gog pa'i snyoms par 'jug pa las langs pa'i sems kyang sems kyi sa bon las 'byung du mi rung ste/ 'gags nas yun ring ba'i phyir ro/ /gal te sems thams cad kun gzhi rnam par shes pa bzhin du sems gzhan gyi sa bon can du nges par 'gyur na ni/ des na phung po'i lhag med pa'i mya ngan las 'das pa'i dbyings su dgra bcom pa'i tha ma'i sems mi rung ste/ de ma thag pa'i rkyen gyis dngos pos sems gzhan gyi sa bon gyi dngos po mi zad pa'i phyir ro/ /de lta na yang phung po'i lhag ma med pa mya ngan las 'das pa med pa nyid du 'gyur ro/ /de lta na sa bon thams cad pa rnam par smin pa'i rnam par shes pa med na nyes pa chen po mang por 'gyur pa'i phyir rang gi don lhur byed pas mi 'dod bzhin du yang rnam par smin pa'i rnam par shes pa nges par rtogs par bya ste/ 'di ni ldan pa'i rigs pa'o 'di la bral ba'i rigs pa yang yod de/ 'jug pa'i rnam par shes pa rnams ni sems dang lhan cig 'byung ba ste/ rnam pa dang bcas pa'i phyir tshor ba la sogs pa bzhin no/ /tshor ba la sogs pa dmigs pa dang rnam par yongs su chad/

  488. 244b

    pa'i sems dang lhan cig 'byung ba'i phyir chos can gyi khyad par las bzlog pa'i rgyus sgrub pa yang ma yin te/ nur nur po la sogs pa'i dus kyis sems las byung ba rnams kyang dmigs pa dang rnam pa yongs su ma chad pa'i sems dang lhan cig 'byung bas nges pa med pa'i phyir ro/ /gzhan yang kun gzhi rnam par shes pa med du zin na ji ltar 'jug pa'i rnam par shes pa la gnas pa la gnas par 'gyur ba mi srid pa de ltar tshigs su bcad pa rnams kyis 'dri ste/ tshigs su sbyar ba bsdebs nas brjod pa'i phyir tshigs su bcad pa'o/ /byang chub sems dpa' bzang po'i sems zhes bya ba la sogs pa la byang chub sems dpa' ni bshad zin to/ /bzang po zhes bya ba ni dge ba'o/ /rnam par shes pa lnga spangs pa zhes bya ba ni yid kyi rnam par shes pa'o/ /bsal ba med las gzhan pa zhes bya ba la/ bsal ba ni mi dge ba dang lung du ma bstan pa las grol ba zag pa med pa ste/ zag pa med pa de las gzhan ba zag pa dang bcas pa ni bsal ba de las gzhan pa'o// mnyen po nyid la ni mthun pa'i phyogs kyi bag la nyal du mi rung ngo/ /gal te gnyen po nyid 'gyur ba yin par 'dod na de'i phyir spangs pa min phyir mi rung ngo zhes bya ba smos te/ gnyen po ni spangs pa ma yin no/ /'o na ci zhe na/ spangs pa'i rgyu yin no// gyur pa ni spangs pa ste/ 'bras bu yin pa'i phyir ro/ /gal te gnyen po nyid spangs pa yin par 'dod na/ rgyu 'bras tha dad med par 'gyur/ spangs pa'i rgyu gnyen po 'bras bu nyid du khas len na gcig tu gyur pa'i phyir ro/ /gal te sa bon bral ba 'am/ /dngos po med par 'gyur 'dod na zhes bya ba ni rnam par rtog pa ste/ 'gyur ba zhig yin na kun nas nyon mongs pa'i sa bon rnam pa mang po bsags pa'i sems kyi sa bon dang bral bar 'gyur ba'am/ yang na sa bon rnams med par 'gyur

  489. 245a

    grang na/ de med par ni gnyis med do zhes bya ba ni yod na sa bon dang bral ba'am/ dngos po med par 'gyur gyi/ de med na ni ma yin no/ /'jig rten las 'das pa'i sems mngon du gyur pa de'i tshe ni de dag med na sa bon dang bral ba'am/ chad par ji ltar 'gyur/ kun gzhi rnam par shes pa 'di'i rab tu dbye ba gang zhe na zhes bya ba ni grub pa'i mtshan nyid kyi don rab tu dbye ba 'dri ba'o/ /rnam pa gsum dang rnam pa bzhir blta bar bya'o/ /zhes bya ba la/ mngon par brjod pa'i bag chags kyi bye brag ces bya ba ni bdag dang chos dang/ bya bar mngon par brjod pa tha snyad btags pa rnams te/ lha dang/ mi dang/ mig dang/ gzugs dang/ 'gro'o zhes bya ba la sogs pa'i bag chags sna tshogs yin te/ nus pa'i khyad par gang las bdag dang/ chos dang/ bya ba'i mngon par brjod par 'byung ba'o/ /bdag tu lta ba'i bag chags kyi bye brag ces bya ba ni nyon mongs pa bzhis nyon mongs par gyur pa'i yid 'jig tshogs la lta ba'i dbang gis kun gzhi rnam par shes pa la bdag go snyam pa'i bag chags kyi bye brag go /srid pa'i yan lag gi bag chags kyi bye brag ces bya ba ni bsod nams dang bsod nams ma yin pa dang/ mi g.yo ba'i 'du byed kyi dbang gis lta ba la sogs pa'i 'gro ba rnams su ma rig pa nas rga shi la thug pa rnams kyi bag chags kyi bye brag go /rnam pa gsum bshad zin to/ /rnam pa bzhir brjod par bya ste/ 'phen pas rab tu dbye ba zhes bya ba la/ gang rnam par smin pa'i bag chags gsar du 'byung ba zhes bya ba ni bag chags 'byung ba brjod pas thog mar skye ba gang yin pa de 'phan pas rab tu dbye ba ste/ des skye pa 'phen pa'i phyir ro/ /de med du zin na 'du byed kyi rkyen gyis rnam par shes pa dang/ len pa'i rkyen gyis srid pa mi rung ngo/

  490. 245b

    zhes bya ba ni 'di ltar kun gzhi rnam par shes pa nyon mongs pa'i bag la nyal la ltos pa skye ba la mngon du phyogs par gnas pa de nyid srid pa zhes bya'o/ /rnam par smin pa'i rab tu dbye ba zhes bya ba ni gang 'du byed dang/ srid pa'i rkyen gyis 'gro ba rnams su 'phags pa rnam par smin pa ste/ de med du zin na rgyu med par gyur pas yang 'byung ba'i mig la sogs pa'i chos rnams skye bar mi rung ste/ rtsa ba med par yal ga la sogs pa mi 'byung ngo/ /rgyu nyid du rab tu dbye ba zhes bya ba ni gang kun gzhi rnam par shes pa nyon mongs pa can gyi yid kyis 'jig tshogs la lta ba'i dbang gis bdag tu 'dzin pas dmigs pa de nyid ni bdag tu 'dzin pa'i rgyu nyid de/ de med du zin na nyon mongs pa can gyi yid dang 'brel pa can gyi ngar 'dzin pa'i dmigs pa med par 'gyur ro/ /mtshan nyid kyis rab tu dbye ba ni thun mong pa la sogs pa'i bye brag gi rnam pa du ma'o/ /de la thun mong ni snod kyi 'jig rten gyi sa bon gang yin pa'o/ /zhes bya ba ni snod kyi 'jig rten du snang ba'i rnam par rig pa rnams kyi byed rgyu'o/ /thun mongs ni rang gi las dang mthun pa'i rnam par smin pa'i dbang gis de la spyod pa po thams cad la der snang ba'i rnam par rig pa skye ba'i phyir ro/ /thun mong ma yin pa ni so so rang gi skye mched kyi sa bon gang yin pa'o/ /zhes bya ba la rang rang la yod pa ni so so rang rang gi ste/ nad gi skye mched drug gi sa bon zhes bya ba'i tha tshig go /thun mong gang yin pa de ni tshor ba med pa 'byung ba'i sa bon no zhes bya ba ni bde ba dang sdug bsngal gyi tshor bas phan 'dogs pa dang gnod par byed pa med pa'i phyir te/ snod kyi 'jig rten la bde ba dang sdug bsngal med do/ /gnyen po byung ste lam gyi bden pa skyes pa na mi mthun pa'i phyogs nang gi skye mched drug gis sa bon 'gags te mi mthun pa'i phyir ro/ /thun mong pa gzhan gyi rnam par rtog pas yongs su zin pa la ni mthong ba

  491. 246a

    rnam par dag par 'gyur te/ zhes bya ba ni rnal 'byor pa nang gi skye mched kyi rnam par rtog pa 'gags pa rnams kyang thun mong ba snod kyi 'jig rten sems can gzhan gyi rnam par rtog pas zin pa gang yin pa de la mthong ba rnam par dag par 'gyur te/ de dag gis de nam mkha' dang 'dra bar mthong bas chus kyang mi 'drul lo/ /sas kyang mi 'dzin to/ /mes kyang mi tshig go /rlung gis kyang mi bsgul to/ /don yod pa la mthong ba rnam par dag pa ji ltar 'gyur zhes gzhan gyi klan ka'i skabs rig nas/ rnal 'byor pa rnams kyi mos pas tha dad pa zhes bya ba la sogs pa smos te/ mos pa gang dang gang yin pa ji ltar mos pa bzhin du gser la sogs pa'i bye brag gis blta bar bya ba sna tshogs pa dmigs pa lta bu ste/ gser dang/ dngul dang/ rtswa dang shing la sogs pa'i bye brag gis dmigs pa sna tshogs so/ /thun mong 'ching ba spang dka' dang/ yongs shes bya bar dka' bar 'dod ces bya ba la/ thun mong zhes bya ba ni thun mong gi rgyu las byung ba'i phyir de skad ces bya'o/ /'chi ba zhes bya ba ni chags pa'o/ /spang par dka' zhing yongs su shes par bya ba dka' bas na spang dka' dang yong shes bya bar dka' ba'o/ /phyi rol mtshan ma chen po las zhes bya ba ni gnas pa chen po snod kyi 'jig rten las zhes bya ba'i tha tshig go /tha dad sems zhes bya ba ni rmos pa sna tshogs rnams kyi'o/ /de ni 'gags par ma gyur kyang zhes bya ba ni sems can gzhan gyi rnam par rtog pas yongs su zin pa'i phyir ma 'gags pa'o/ /dag pa rnams kyi zhes bya ba ni gnas gyur pa rnams kyi'o/ /sangs rgyas gzigs pa rnam dag phyir zhes bya ba ni sogs pa ni gzugs la sogs pa'i rnam par rtog pa ma spangs pa'i so so'i skye bo

  492. 246b

    rnams kyis zhing gang dag 'dam rdzab dang/ rdo dang/ pa tshwa can dang mi mnyam pa dang/ sdong dum dang/ tsher ma dang/ mi gtsang ba dang ldan par mthong ba de dag nyid gzugs la sogs pa'i rnam par rtog pa spangs pa de bzhin gshegs pa rnams kyis gser la sogs pa'i rang bzhin du gzigs te/ mya ngan la shing du mthong ba bzhin no/ /thun mong ma yin pa gang yin pa de ni tshor ba dang bcas pa 'byung ba'i sa bon te zhes bya ba ni bde ba dang sdug bsngal la sogs pa'i tshor ba'i gnas yin pa'i phyir ro/ /de med du zin ni zhes bya ba ni thun mong dang thun mong ma yin pa'i mtshan nyid kyi kun gzhi rnam par shes pa med du zin na 'di ni sems can gyi 'jig rten no/ /'di ni bde ba can no/ /'di ni sdug bsngal can no zhes bya ba'i bye brag med par 'gyur ro/ /gnas ngan len gyi mtshan nyid ces bya ba la ngan pa ni sdig pa'o/ /de len pa ni gnas ngan len to/ /nyon mongs pa dang nye ba'i nyon mongs pa'i sa bon no/ /gnas ngan len ni las su mi rung ba nyid do/ /shin tu sbyangs pa'i mtshan nyid ces bya ba la/ shin tu sbyangs pa ni ji skad smos pa las bzlog pa ste/ lus su rung ba nyid yang ba dang/ zo mdog bde ba zhes bya ba'i tha tshig go /spyad zin pa'i mtshan nyid ni gang dge ba dang mi dge ba zhes bya ba la sogs pa ni rnam par smin zin pa yang smin bar mi nus te/ spyad zin pa'i phyir ro/ /dper na sa bon gyi myu gu bskyed nas yang bskyed mi nus pa bzhin no/ /ma spyad pa'i mtshan nyid ni gang mngon par brjod pa'i bag chags kyi sa bon te/ zhes bya ba ni rkyen ji lta ba bzhin du sa bon rgyas par gyur pa la thog ma'i mdza' med pa'i spros pa rgyur gyur pa'i phyir ro/ /de med du zin na zhes bya ba ni gnyi gi'i mtshan nyid kyi kun gzhi rnam par shes pa med na ste/ re zhig spyad zin pa'i mtshan nyid med na dge ba dang sdig pa zhes bya ba la sogs pa'i 'bras bu

  493. 247a

    byin pas spyad zin pa 'jig pa de med par 'gyur te/ 'bras bu byin nas yang 'bras bur 'gyur ro zhes bya ba'i tha tshig go /ma spyad pa'i kun gzhi rnam par shes pa med du zin na mngon par brjod pa'i bag chags gsar du 'byung bar yang mi rung ste/ mngon par brjod pa sngon gyi snying bar ma gyur pa sngon ma byung ba la da ltar gyir gyur pa ni 'jig rten na gang med do/ /dpe mtshan nyid ces bya ba ni/ dpe sgyu ma la sogs pa dang bstun par bya bar mtshon pa ste/ dper na sgyu ma la sogs pa ni yang dag pa gang yin pa mthong ba'i rgyur gyur pa ji lta bar kun gzhi rnam par shes pa yang de bzhin no/ /de med du zin na zhes bya ba ni dpe sgyu ma la sogs pa dang bstun par bya ba med du zin na kun gzhi rnam par shes pa phyin ci log gi rgyur rtog par mi 'gyur gyi/ yang dag pa mthong ba'i rgyu nyid du rtog par 'gyur ro/ /de ltar kun gzhi rnam par shes pa'i don rnam grangs dang/ nges pa'i tshig dang/ mtshan nyid dang/ rab tu dbye bas bshad zin te/ so so yang dag par rig pa dang mthun pa'i phyir ro/ /ci'i phyir zhes bya ba la sogs pas ni dri ba brtsams nas brjod par 'dod pa brjod de/ ma bsgribs la lung du ma bstan pa zhes bya ba ni nyon mongs pa can ma yin la lung du ma bstan pa zhes bya ba'i tha tshig go /'di ltar zhes bya bas ni rgyu ston to/ /'di ltar ma bsgribs la lung du ma bstan pa ni dge ba dang mi dge ba dang 'gal ba med do zhes bya ba ni rgyu dang 'bras bu'i dngos por ro/ /phan tshun ma yin te/ mi mthun pa'i phyogs dang gnyen po yin pa'i phyir ro/ /de lta bas na rnam par smin pa ni dge ba dang mi dge ba ma yin te/ mi mthun pa gnyis lhan cig tu gnas par 'gyur du 'ong ngo/ /shes bya'i gnas bshad zin to/ /zhes bya ba ni yang bshad par bya ba ma yin pa'o// //bam po gsum pa/ /shes bya'i

  494. 247b

    mtshan nyid mdor bsdu na rnam pa gsum ste/ zhes bya ba ni chos thams cad rnam pa gsum du yongs su chad pa'i phyir ro/ /gzhan gyi dbang gi mtshan nyid ces bya ba ni gzung ba dang 'dzin par yongs su rtog pa'i rjes su 'jug pa'i las dang nyon mongs pa gzhan dag gis dbang byas pa'i phyir te/ shes bya ci yang rung ste de ltar mtshon pa ni gzhan gyi dbang gi mtshan nyid do/ /kun brtags pa'i mtshan nyid ces bya ba ni gtan med pa'i mtshan nyid de/ kun brtag par bya ba gzung ba dang 'dzin pa dang/ gang zag dang chos gang yin pa kun brtags par mtshon pa'i phyir mtshan nyid do/ /de ji ltar na mtshan nyid du 'gyur zhe na/ ji ltar na mi 'gyur/ 'di ltar kun brtags pa shes pa med de/ /yod par thal bar 'gyur ba'i phyir ro/ /mi shes pa ni mtshan nyid du yang mi rung mtshan gzhir yang mi rung ngo zhe na/ ji ltar mi shes te/ bcom ldan 'das kyis ji tsam du yod pa la yod par mi shes zhes bya ba dang/ ci tsam du med pa la med par mi shes pa zhes bya ba dang/ de bzhin du yod pa la yang yod par shes par 'gyur/ med pa la yang med par 'gyur zhes ma gsungs sam/ kun brtags pa gzung pa 'am/ 'dzin pa'am/ bdag gam chos kyi med pa yongs su grub pa'i mtshan nyid gang yin pa de tshad ma'i yul du gyur na rnam par shes so/ /de yongs su shes pas kun tu brtags pa yod pa ma yin par yongs su gcod de mi mthun pa yod pa'i phyir ro/ /yul gyi dngos por khas blangs pas yongs su gcod pa ni ma yin no/ lus dang lus can dang za ba po'i rnam par rig pa zhes bya ba la sogs pa de la lus kyi rnam par rig pa ni dbang po gzugs can du snang ba ste/ de bzhin du 'og ma rnams la yang snang pa'i sgra sbyar bar bya'o/ /lus can gyi rnam par rig pa ni yod do/ /za ba po'i rnam par rig pa ni yid kyi rnam par shes

  495. 248a

    pa'o/ /des nyes par spyad par bya ba'i rnam par rig pa ni phyi'i skye mched rnams so/ /de la nye bar spyod pa'i rnam par rig pa ni rnam par shes pa lnga po dag go /dus kyi rnam par rig pa ni dus gsum du snang ba'o/ /grangs kyi rnam par rig pa ni gcig la sogs par bgrang par snang ba'o/ /yul gyi rnam par rig pa ni grong dang kun dga' ra ba la sogs par snang ba'o/ /tha snyad kyi rnam par rig pa ni mthong ba dang thos pa dang/ bye brag phyed pa dang/ rnam par shes pa zhes bya ba'o// bdag dang gzhan gyi bye brag gi rnam par rig pa ni ngar 'dzin pa dang nga yir 'dzin par chad pa lus la sogs pa'i rnam par rig pa ste nga'o nga'i'o/ /'di ni da'i? ma yin gyi 'di ni gzhan gyi'o/ /zhes bya ba la sogs pa'i bye brag tu 'dzin pa'i phyir ro/ bde 'gro dang ngan 'gro dang/ 'chi 'pho dang/ skye ba'i rnam par rig pa ni lha dang/ mi dang/ sems can dmyal ba dang dud 'gro dang/ yi dwags dang/ skye ba dang 'chi bar snang ba'o/ /de la lus dang lus can dang zhes bya ba nas tha snyad kyi rnam par rig pa gang yin pa de ni mngon par brjod pa'i bag chags kyi sa bon las byung ba'i phyir ro/ /zhes bya ba'i bar ni de'i rgyu las byung ba'i phyir ro/ /de bzhin du bdag dang gzhan gyi bye brag gi rnam par rig pa ni bdag tu lta ba'i bag chags kyi rgyu las byung ba ste/ nyon mongs pa can gyi yid sa bon yin pa'i phyir ro/ /bde 'gro la sogs pa'i rnam par rig pa ni ma rig pa la sogs pa srid pa'i yan lag bcu gnyis kyi bag chags kyi rgyu las byung ba'o/ /rnam par rig pa 'di rnams kyi zhes bya ba la sogs pa'i don ni brnga phrad par zang ngo/ /rnam par rig pa 'di rnams kyi zhes bya ba ni ji skad smos pa rnams kyi'o/ /rnam par rig pa tsam nyid ces bya ba ni log par yongs su rtog pa'o/ /yang dag pa ma yin

  496. 248b

    pa'i kun tu rtog pas bsdus pa zhes bya ba ni gzung ba dang 'dzin pa'i dngos por rnam par 'jog pa'o/ /yod pa ma yin pa dang nor pa'i don snang ba'i gnas zhes bya ba ni gzugs la sogs pa yod pa ma yin pa dang/ der rnam par rtog pa nor bar snang ba rab tu gsal ba'i rgyu'o/ /'di ni gzhan gyi dbang gi mtshan nyid do zhes bya ba ni rtogs par bya ba zlos te ston pa'o/ /gang don med kyang zhes bya ba la sogs pa ni gzhan gyi dbang gi rang bzhin rnam par rig pa tsam nyid sems dang sems las byung ba 'khrul pa'i/ rang gi ngo bo nyid kyi don gyi rnam par rig pa'i cha la dngos por byed pa ni kun brtags pa'i mtshan nyid do/ /de nyid kun brtags pa de dang gtan du bral ba ni yongs su grub pa'i mtshan nyid de/ dper na smig rgyu la rang gi rgyud sngon du btang ste/ chur gzung ba dang 'dzin pa'i dngos por rnam par 'jog pa'i log par yongs su rtog pa ni gzhan gyi dbang ngo/ /chur snang ba la dngos por byed pa ni kun brtags pa'o/ /de dang gtan du bral ba ni yongs su grub pa lta bu'o/ /rnam par rtog pas brtags pa'i don no// kun tu brtags pa'i ngo bo nyid/ /rnam par rtog pas zhan gyi dbang/ /de yi stong nyid yongs su grub/ /rnam par rig ba 'di dag gi zhes bya ba ni lus la sogs pa nas de la nye bar spyod pa la thug pa'i bar gyi rab tu dbye ba ste/ de dag las byung pa'i phyir ro/ /rnam par rig pa rnams don med pa'i dper rmi lam smos te grub pa'i phyir ro/ /dper na rmi lam zhes bya ba ni sogs pa ni tshig de nyid kyi bshad zin to/ /lung dang rig pas zhes bya ba brjod pas ni lung las 'byung ba'i don rje su dpag pa'i yul nyid du ston to/ /sa bcu pa zhes bya ba ni mdo gang las byang chub sems dpa' i sa bcu bstan pa des bcu rnam par bzhag pa'i rnam pa ste/ ming dang/ tshig dang ye ge'i tshogs su snang ba'i rnam par rig pa 'dus pa 'phags pa

  497. 249a

    rdo rje snying po'i dbang gis nyan pa po'i sems kyi rgyud la yod pa'i chos kyi rnam grangs te/ de brjod pas yid ches par rung ba nyid du ston to/ /sems can zhes bya ba la sogs pa la sems ni rnam par rig pa dang don gcig go/ tsam gyi sgras ni don sel bar byed de/ de med pas 'dzin pa yang sel te/ brtags ba'i phyir ro/ /de sems las byung ba med par mi 'byung ba'i phyir sems las byung ba rnams ni mi dgag ste/ ji skad du sems las byung ba rnams med par sems nam yang mi 'byung ngo zhes bya ba la sogs pa gsungs pa lta bu'o/ /'gog pa'i snyoms par 'jug pa gang yin pa de'i sems ji lta bu zhe na/ 'di ni phyogs can la nyes par 'gyur ro/ /kho bo cag la ni de na sems gang yod pa de mtshungs par ldan pa dang bcas par yod do/ /gang med pa de ni mtshungs par ldan pa dang bcas su med do/ /khams gsum pa ni khams gsum du snang ba'i rnam par rig pa rnams so/ /khams gsum pa smos pas ni 'dod pa la sogs pa'i sred pa dang mtshungs par ldan pa khams gsum par gtogs pa'i sems dang sems las byung ba rnams rnam par rig pa tsam nyid du dam bca' ba ste/ de bzhin nyid la de dmigs pa dang/ gzhan gyi dbang la dmigs pa lam gyi bden pas bsdus pa rnams dang rjes las thob pa rnams ni ma yin te/ khams gsum na sbyod pa'i sred pa rnams kyis bdag gir ma byas pa dang/ gnyen po yin ba dang/ ma 'khrul ba'i phyir ro/ /med do sde pa'i gzhung ltar na gzugs med pa'i khams ni sems dang sems las byung ba tsam du zas bas khams gnyis pa zhes mi bya'am zhe na ma yin te/ nor bar bstan pa'i phyir ro/ /gzugs 'ba' zhig med pas rnam par rig pa tsam na ma yin gyi don thams cad med pas so//

  498. 249b

    mdo sde pa rnams ni gzugs med pa nams kyi dmigs pa nor par khas mi len to/ /dgongs pa nges par 'grel pa yang sa bcu pa bzhin du 'am/ chos mngon pa'i mdor byas pa bzhin du bshad par bya'o/ /ting nge 'dzin ni sems rtse gcig tu byed pa sems las byung ba'i chos so/ /de'i spyod yul ni yul lo/ /gzugs brnyan ni gzugs dngos ltar snang ba'o/ /dmigs pa rnam par rig pa tsam gyis rab tu dbye ba can zhes bya ba ni phyi rol gyi dmigs pa med pa'o/ /rnam par shes pa dmigs ba yin par ngas bshad do/ /zhes bya ba ni 'di ltar dmigs pa de rnam par rig pa tsam gyis rab tu phye ba na de'i ngo bo nyid ces bya ba'i tha tshig go /rnam par shes pa ni dmigs par snang ba tsam gyis rab tu phye ba yin par bshad do zhes bya ba'i tha tshig go /sems de nyid kyis zhes bya ba la sogs pa ni bdag nyid la byed pa 'gal bar ston pa'o/ /byams pa chos gang yang zhes bya ba la sogs pa ni lan 'debs pa ste/ chos thams cad ni byed pa med pas byed pa dang byed pa po mi 'thad pa'i phyir ro/ /de ltar skyes pa zhes bya ba ni rten cing 'brel par 'byung ba'i tshe ba de nyid kyis ni gcig kho na rnam pa gnyis su snang ba'i tshul brjod pa'o/ /dper na gzugs kyi gzhi po rang gi bzhin nyid la brten nas sme long la sogs pa'i nang du de nyid snang yang gzugs brnyan mthong ngo snyam du log par sems te/ me long la sogs pa rgyu'i mthus don gzhan du med kyang snang ba'i phyir ro/ /de bzhin du dran pa dang kun tu rtog pa la sogs pa'i rkyen gyi mthus gang tha dad pa ma yin yang tha dad par snang pa ting nge 'dzin gyi spyod yul gyi gzugs brnyan de de bzhin du skyes so/ /lung de ni tshad ma dang bcas par bcom ldan 'das nyid kyis gtan la phab po/ /'di ltar sems mnyam par bzhag pa na zhes bya ba la sogs pas ni rigs

  499. 250a

    pa gzhan nye bar 'god do/ /ji ltar 'dod pa bzhin du snang ba'i phyir rnam par bsdos pa la sogs pa ni sems las gzhan ma yin te/ rnal 'byor pa'i rmi lam du rnam par bsngos ba la sogs pa rmis pa bzhin no/ /dran pa'i rnam par shes pa'ang mi rung ste zhes bya ba ni gzhan gyi dog pa bsal ba'i phyir smos pa ste/ su 'di snyam du ting nge 'dzin gyis spyod yul gyi gzugs brnyan ni dur khrod la sogs pa na mthong ba'i keng rus mang po myong ba'i rgyu las byung bas dran no snyam du sems pa de la/ 'di ni de lta ma yin no zhes sel te/ /dmigs pa de mdun du bzhag na snang ba'i phyir ro zhes bya ba ni gal te de dran pa yin na ni ji ltar yul na mthong ba de'i yul nges ba ji ltar myong ba bzhin du dran ba'i cigs? na de ni de ltar yang ma yin no/ de'i phyir da ltar mngon sum du grub pa bsgoms pa las byung ba'i shes pa de ni dran pa ma yin no/ /'o na thos pa dang bsam las byung ba'i dngos po la rnam par shes pa gang 'byung ba de dran pa yin pas de'i spyod yul ni rnam par shes pa dang tha dad par 'grub par 'gyur ro/ /zhe na/ de yang de lta ma yin te/ 'di ltar thos pa la sogs pa las byung ba la dran pa gang yin pa de ni 'das pa la dmigs pa'i phyir ro/ /'das pa ni med pa'i phyir der snang ba ni rnam par rig pa tsam nyid di 'gyur te/ dran par byas pa sa stong pa'i phyir ro/ /de lta bas na de ltar snang ba'i phyir 'di ni rnam par rig pa tsam ste/ rnal 'byor pas mdun du keng rus dmigs/ /de'i gzugs brnyan bzhin no/ /rjes su dpag pa 'dis zhes bya ba la sogs pa ni gsal ba'i phyir rnam par dgrol bar mi 'bad do/ /gang rmi lam lta bu'i rnam par rig pa sna tshogs zhes bya ba ni lus dang lus can la sogs pa'i rnam par rig pa

  500. 250b

    rnams so/ /de dag las mig gi rnam par shes pa la sogs pa'i rnam par rig pa rnams ni zhes bya ba la sogs pa smos pas ni lus can dang zad bo'i rnam par rig pa bsdu'o/ /de dag ni rnam par rig pa tsam nyid du rigs te rnam par shes pa'i ngo bo nyid yin pa'i phyir ro/ /mig la sogs pa'i rnam par rig pa gzugs can rnams zhes bya ba la sogs pa smos pas ni dpyad par bya ba'i rnam par rig pa bsdu'o/ /ji ltar rnam par rig pa tsam nyid du zhes bya ba na gzugs can yin pas mi srid ba 'dzin pa'o/ /de dag kyang zhes bya ba la sogs pa la lung ni sa bcu pa dang/ dgongs pa nges par 'grel pa las gsungs pa'o/ /rigs pa ni ting nge 'dzin gyi spyod yul gyi gzugs brnyan dang rmi lam la sogs pa'o/ /sam? bzhin no zhes bya ba ni mtshungs par sbyar ba'o/ /gal te de dag kyang zhes bya ba ni mtshungs la/ brtan par rgyun gyis 'jug pa'i rgyu 'dri ba ste/ de la mtshungs pa ni 'dra ba'o/ /brtan pa ni bar ma dor rgyun chad par mi mthong ba'o/ /de nyid rgyun de rgyun chags pa'i phyir ro/ /phyin ci log la sogs pa'i kun nas nyon mongs pa'i gzhi gnas yin pa'i phyir ro/ /zhes bya ba la sogs pa smos pas ni nyon mongs pa dang las dang skye ba bsdu'o/ /mig la sogs pa'i rnam par rig pa rnams ni phyin ci log la sogs pa'i kun nas nyon mongs pa'i gzhi'i gnas nyid yin te/ rgyu'i dngos por gnas pa nyid yin pa'i phyir ro/ /phyir ro zhes bya ba ni dgos pa 'dri ba la ltos nas lan btab pa ste/ gang gi phyir mig la sogs pa dang gzugs la sogs pa'i don med bzhin du de dag tu snang ba'i rnam par rig pa rnams mtshungs pa dang/ brtan par rgyun gyis 'jug pa de kho na'i phyir phyin ci log rnams 'byung

  501. 251a

    ngo/ gzhan du na zhes bya ba ni gal te de ltar mi 'byung na don med pa la don du phyin ci log tu mi 'gyur ro/ /phyin ci log med na rgyu med pa'i phyir/ nyon mongs pa dang shes bya'i sgrib pas kun nas nyon mongs pa med bar 'gyur kun nas nyon mongs pa med du zin na/ rnam par byang ba yang med par 'gyur te/ de ldog pas rab tu phye ba'i phyir ro/ /de'i phyir de ltar 'di ltar 'di dag ces bya ba'i don ni brda phrad par zad do/ /dgos pa'i dbang gis 'byung ba ma yin gyi/ rgyu'i dbang gis 'byung pa ma yin nam zhe na ma yin te/ ji ltar dris pa bzhin lan btab pa'i phyir te/ gzhan gyis ni dgos pa dris kyi/ sa bon zhes bya ba'i rgyu ni ma dris te/ de ni kun gzhi rnam bar shes pa la gnas pa thog ma med pa can yin par shes pas ma dris so/ /'khrul pa'i rgyu ni gzugs su snang ba'i rnam par rig par 'dod do/ /'khrul pa ni gzugs can ma yin pa'i rnam par rig par 'dod do/ /de pas na gal te gzugs su snang ba gzugs can gyi rnam bar rig pa med du zin na 'khrul pa gzugs can ma yin pa'i rnam par rig pa yang med par 'gyur ro/ /yul med pa'i yul can ni mi rung ngo/ /ci'i phyir lus sogs pa'i rnam par rig pa lhan cig 'byung zhes bya ba la sogs pas ni snga ma bzhin du 'dri bar byed do/ /skye ba dang nye bar spyod pa yongs su rdzogs par mngon pa'i phyir ro/ /zhes bya ba ni lan 'debs pa ste/ snga ma bzhin no/ /'di ltar rnam par rig pa lnga po 'di dag lus thams cad la zhugs na nye bar spyad ba dang bcas pa'i lus mdza' dag mngon te/ yan lag gang yang rung ba zhig mtshang na der mi 'gyur ro/ /ci'i phyir dus kyi rnam par rig pa la sogs pa zhes bya ba la sogs pa ni 'dri ba ste/ snga ma bzhin no/ sogs pa smos pa ni grangs

  502. 251b

    dang/ yul dang/ tha snyad dang/ bdag dang/ gzhan dang/ bde 'gro dang/ ngan 'gro dang/ 'chi 'pho dang/ skye bar snang ba'i rnam par rig pa drug bsdu'o/ /thog ma med pa'i dus kyi 'khor ba'i rgyun mi 'chad pa zhes bya ba la sogs pa nas/ skye ba dang rga shi myong ba'i rab tu dbye ba dpag tu med pa'i phyir ro/ /zhes bya ba'i bar ni dgos pa drug po dag gi dus la sogs pa'i rnam par rig pa 'chi 'pho dang/ skye ba'i rnam par rig pa la thug pa dag 'byung bar ston te go rim bzhin no/ /ji ltar rnam par rig pa 'di dag ces bya ba la sogs pas rig pa'i skabs kyis 'thad pa gzhan dang sgrub pa 'dri ba'o/ /de tsam du zas pas zhes bya ba'i don med ces bya ba'i tha tshig ste/ don med pa'i phyir ro zhes 'byung ba'i phyir ro/ /de ltar na tsam smos pas ni don dgag pa'i don bshad pa yin no/ /ji ltar don med pa de ltar lung gis kyang bstan to/ /rigs pa ni kha cig ni bshad zin kha cig ni 'chad par 'gyur ro/ /gnyis kyis zhes bya ba la sogs pa ni rgyu mtshan dang lta ba ste/ de gnyis dang lhan cig pa ni rnam par rig pa rgyu mtshan dang lta ba dang bcas pa ste/ mig la sogs pa zhes bya ba nas lus kyi rnam par rig pa la thug pa rnams so/ /bdag nyid ji lta ba bzhin du gzugs la sogs par snang ba'i rnam par rig pa'i rgyu mtshan kyis ni rgyu mtshan dang bcas pa'o/ /mig gi rnam par shes pa la sogs pa yul so sor rnam par rig par snang ba'i lta bas ni lta ba dang bcas pa'o/ /yang na bzung ba'i cha ni rgyu mtshan 'dzin pa'i cha ni lta ba ste/ gnyis so/ /sna tshogs kyi rnam pa 'byung ba'i phyir te zhes bya ba ni ri mo'i gdid? ba la sogs pa la sna tshogs kyi rnam pa'i rnam par shes pa gcig kho na cha gcig ni bzung ba dang/ cha gcig ni 'dzin par cig car 'byung ngo/ /gang dag de'i skye

  503. 252a

    ba rim gyis 'byung bar 'dod pa de dag gi ltar na gzhi chen po la yang nyin gcig tu yang sna tshogs kyi blo 'byung bar mi 'gyur ro/ /yid kyi rnam par rig pa ni mig la sogs pa nas chos la thug pa'i rnam par rig pa thams cad kyi zhes bya ba la sogs pa ni don thams cad dmigs pa la yid kyi rnam par shes pa dbang byed pas mig la sogs pa'i rnam par rig pa nas chos kyi rnam par rig pa la thug pa'i bar dag rgyu mtshan nyid du rnam par gnas te/ de dag gis de rgyu mtshan dang bcas pa'o/ /yid kyi rnam par shes pa'i rnam par rig pas ni lta ba dang bcas pa ste/ 'di ltar de dag thams cad la rnam par rtog par byed pa dang/ rnam par rig pa thams cad kyi rnam par 'gyur ba'i tshul can yang yin te/ de lta bas na yid kyi rnam par shes pa de 'dir lta ba zhes bya'o/ /'dir tshigs su bcad pa zhes bya bas ni de tsam nyid dang gnyis dang sna tshogs su gtogs pas/ de tsam gnyis dang sna tshogs nyid/ rnal 'byor pa rnams rtogs par 'dod ces bya ba ste/ rnal 'byor spyod pa rnams kyis yongs su shes par 'dod do/ /de dang bral na zhes bya ba la sogs pa la bral bar gyur pa bral ba ste/ dmigs pa med pa'o/ /dmigs pa rnam par bshig pa de med na rnam par rig pa tsam nyi dang bral ba nye bar gnas te/ rnam par rig pa rnam par shes par byed pa nyid du med pa'i phyir ro/ /shes bya med na shes par byed pa mi rung ste/ rgyu yul med pa'i yul can du 'gyur du 'ong ngo/ /gzung ba dang 'dzin par rnam par brtag par bya ba ma yin pa'i dngos po 'phags pa'i so so rang gi ye shes kyis rig pa bem po ma yin pa'i dngos po 'di ni gnas so/ /yid kyi rnam par shes pa de nyid ces bya ba la sogs pas ni lta ba'i bye brag brjod de/ yid kyi rnam par shes pa gcig kho na

  504. 252b

    mig la sogs pa ten? de dang de nas skye ba na mig gi rnam par shes pa nas yid kyi rnam par shes pa zhes bya ba'i bar de dang de'i ming 'thob ste/ rigs gzhan du gyur pa'i rnam par shes pa gzhan ni med do snyam du byang chub sems dpa' kha cig sems so/ /ci 'dra zhe na/ sems pa dper brjod de/ dper na sems pa gcig lus la gnas te/ lus 'jug par byed pa na lus kyi las zhes bya/ dag la gnas te dag 'jug par byed pa na dag gi las zhes bya/ yid dang mtshungs par ldan pa na yid kyi las zhes bya ba lta bu'o/ /gal te yid kyi rnam par shes pa de lta bu ni rnam par mi rtog par 'gyur te/ gnas kyi rigs kyis mig gi rnam par shes pa bzhin no/ /gnas pa ni gnas kyi rjes su byed de/ 'di ltar nyon mongs pa can gyi yod? kun nas nyon mongs pa'i gnas kyis yid kyi rnam par shes pa 'byung ba na nyon mongs pa can nyid du 'gyur ro zhe na/ rten thams cad du 'byung ba na zhes bya ba la sogs pas lan 'debs te/ mig la sogs pa gnas thams cad du 'byung ba ni skye ba'o/ /sna tshogs kyi rnam pas gnyis su snang ba 'byung ste/ zhes bya ba ni 'dzin par rnam par rtog pa'i bdag nyid sna tshogs kyi rnam pas gnyis su snang ste/ rnam par shes pa gcig po la sma cha gcig ni don tsam du snang bar 'gyur/ de'i tshe gcig ni de na la rnam par rtog pa'i rnam par 'byung do/ /de lta bas na rnam par mi rtog pa nyid kyi skyon du mi 'gyur ro/ /gzugs can gyi khams na zhes bya ba ni gzugs med pa'i/ /rnams? na ma yin pa'o/ /ci'i phyir zhe na/ yid kyi rnam par shes pa lus la/ m gnas pa'i phyir zhes bya ba la sogs pa'o/ /dper na mig la sogs pa'i dbang po lus la gnas pa bzhin du zhes bya ba ni des byas pa'i phan pa dang gnod pa lus kyi yang yin pa de bzhin du gzugs can gyi khams na yid kyi rnam par shes

  505. 253a

    lus la gnas pa'i phyir des byas pa'i myong ba lus kyi yang yin no/ /gnas thams cad du yang reg bya la 'dzin par snang ba yang 'byung ngo zhes bya ba ni mnyam par bzhag pa khong lci ba dang/ yang ba myong ba yongs su gcod pa'i phyir ro/ /gcig pur smra ba'i byang chub sems dpa' lung smos pa/ gang zhig lus med ces bya ba la sogs pa ste/ lus med ces bya ba ni khog pa med pa'i phyir ro/ /phug gnas zhes bya ba ni nang na yod pa'i phyir ro/ /ring du 'gro zhes bya ba ni shes bya thams cad du 'gro ba'i phyir ro/ /gcig pu rgyu zhes bya ba de ni khung ste/ gnyis pa med pa'i phyir ro/ /gdul dka' zhes bya ba ni dmu rgod do/ /'dul byed ces bya ba ni dbang du byed pa'o/ /lung gnyis pa yang/ dbang po lnga po 'di dag gi zhes bya ba la sogs pa ste/ spyod yul gyi yul ni yid kyis myong ste/ zhes bya ba la yid kyi rnam par shes pas zhes bya ba'i tha tshig go /yid ni 'di dag gis rton pa'o/ /zhes bya ba ni de'i dbang gis 'grub pa'i phyir ro/ /yang khungs gsum pa smos pa/ rnam par shes pa'i tshogs drug ni yid kyi skye mched de zhes bya ba ni yid kyi rnam par shes pa'i skye mched ces bya ba'i tha tshig go /gang du yang kun gzhi rnam par shes pa'i rnam par rig pa ni don gyi rnam par rig par rnam par 'jog pa zhes bya ba ni don gyi rnam par shes pa'i rgyu yin pas de ltar rnam par 'jog ces bya ba'i tha tshig go /de las gzhan pa zhes bya ba ni lus la sogs pa'i rnam par rig pa rnams so/ /rgyu mtshan zhes bya ba ni dmigs pa yin te/ rnam par bya ba yin pa'i phyir ro/ /yid kyi rnam par shes pa'i rnam par rig pa rten dang bcas pa ni zhes bya ba ni 'das ma thag pa'i yid dang nyon mongs pa can dang bcas pa ste/ de gnyis skyed pa dang kun nas nyon mongs pa'i

  506. 253b

    gnas yin pa'i phyir ro/ /lta ba ni rnam par rtog pa'i phyir ro/ /de'i lta ba 'byung ba'i rgyu mtshan yin pa'i phyir zhes bya ba ni kun gzhi rnam par shes pa de'i lta ba rnam pa sna tshogs 'byung ba'i rgyu mtshan yin pa'i phyir ro/ /mig la sogs pa'i rnam par rig pa dang don ltar snang ba ni yid kyi rnam par rig pa'i lta ba de dang/ rtsa ba'i rnam par shes pa 'byung ba'i rten gyi bya ba byed do/ /yang don med par bstan pa'i phyir lung gzhan dang rig pa gzhan brjod de/ byang chub sems dpa' chos bzhi dang ldan na zhes bya ba la sogs pa'o/ /phan tshun mi mthun pa 'gal ba'i rnam par shes pa rnams kyi rgyu mtshan gyi dngos po ni rnam par shes pa 'byung ba'i rgyu mtshan nyid de/ phyi rol gyi don ni rgyu mtshan nyid du mi rung ba'i phyir de shes pa mi don med par khong du chud par byed do/ /yi dags dang dud 'gro dang mi zhes bya ba la sogs sogs pa ni chu klung gang la yi dags rnams kyi rang gi las kyi rnam par smin pa'i dbang gis rnag la sogs pas gang bar mthong ba de nyid la dud 'gro nya la sogs pas btung ba dang gnas yin pa'i blos gnas par byed do/ /mi rnams ni dngar ba dang dad ba dang bsil ba'i chur rtog cing khrus byed do/ /'thud do/ /'jug go /nam mkha' mdza' yas skye mched la snyoms par 'jug pa'i lha rnams kyis ni nam mkhar mthong ste/ gzugs kyi 'du shes rnam par bshig pa'i phyir ro/ /dngos po gcig la phan tshun mi mthun pa'i rnam par shes pa du ma 'byung ba de ni mi rung ba ste/ chu klung de nyid/ rnag dang gcin dang phyis sas gang ba dang/ dbyug ba dang ral gri thogs pa'i mis bsrungs pa yin na dri zhim pa dang bsil ba'i chu dang/ gnas dang/ btung ba la sogs pa'i bya ba'i 'os dang nam mkha' i bdag nyid du ji ltar 'gyur te/ phyi rol gyi don med do/ /brtags pas der snang bar

  507. 254a

    ni rung ste/ ji skad du/ bud med lus ni gcig pu la/ ro dang 'dod bya za ba zhes/ kun rgyu 'dod can khyi rnams kyi/ /rnam par rtog pa rnam pa gsum mo zhes bshad pa lta bu'o/ /'das pa dang ma 'ongs pa la ni mdo sde pa'i ltar na rnam par shes pa dmigs pa med par grub po/ /rmi lam yang grags so/ /ting nge 'dzin gyi spyod yul gyi gzugs brnyan ni brjod zin to/ /mdun na snang ba'i phyir de ni dran par mi rung ngo/ /zhes bshad pa yin no/ /me long la sogs pa'i nang du bzhin la sogs pa'i gzugs brnyan snang ba yang ji ltar ci yang ma yin pa'i de ltar sngar bshad zin te/ de dag la rnam par shes pa dmigs pa med pa nyid du grub po/ /'bad pa med par yang phyin ci log med par 'gyur ba ni gsal ba'i phyir rnam par dgrol bar kho bos 'bad ba ma byas so/ /gal te ji ltar dmigs pa bzhin/ /don rnams yang dag nyid rtog na/ /yang dag mthong bas lus can rnams/ /'bad pa med par grol bar 'gyur/ /bsam gtan pa zhes bya ba ni nyan thos dang/ rang sangs rgyas rnams te/ bsam gtan ni sems rtse gcig pa dge ba'o/ /'di dag la bsam gtan byed pa'i dang tshul yod pas ni bsam gtan pa'o/ /sems la dbang thob pa rnams la zhes bya ba ni sems las su rung ba nyid thob pa rnams so/ /mos pa ni mos par byed pa ste/ yid ches pa'o/ /de'i dbang gis zhes bya ba ni ji ltar mos pa bzhin du sa la sogs pa chu la sogs pa'i dngos por snang ba'i phyir ro/ /zhi gnas thob pa zhes bya ba ni ting nge 'dzin thob pa rnams te/ zhi gnas dang ting nge 'dzin ni don gcig go /'dis sems g.yengs pa zhi bar byed pas zhi gnas so/ /rnal 'byor ba zhes bya ba ni stong pa nyid la dmigs pa 'am/ 'phags pa'i bden pa bzhi la

  508. 254b

    dmigs pa'i zhi gnas dang lhag mthong zung du 'brel bar 'jug pa rang gi ngang gis 'jug pa dang ldan pa ni rnal 'byor pa ste/ de su dag la yod pa de dag ni rnal 'byor pa'o/ de dag gi de'i rjes la thob pas mdo la sogs pa'i chos la lhag mthong zhes bya ba ni shes rab po/ /de la brtson pa rnams zhes bya ba ni mngon par brtson pa rnams so/ /mdo la sogs pa'i chos la lhag mthong byed pa na mi rtag pa la sogs pa'i don gcig pu la yang ji lta ji ltar skad cig mar 'jig pa la sogs pa'i dngos por yid la byed pa rnams kyi yul du 'gyur ba de lta de ltar rnam pa du mar snang ngo/ /rnam par mi rtog pa'i ye shes thob ste/ de la gnas pa rnams la don thams cad mi snang ngo/ /zhes bya ba la rnam par mi rtog pa'i ye shes ni 'og nas 'chad do/ /don du yod na rnam par mi rtog par mi rung ste/ rnam par brtag par bya ba yod na rnam par mi rtog pa nyid du mi 'thad do/ /gal te don yang dag pa yin du zin na rnam par mi rtog pa'i ye shes byung yang de mi snang bar mi 'gyur te/ yang dag pa'i don la dmigs pa'i phyir ro/ de ltar na zhes bya ba ni rigs pa smos ma thag pa dang rgyu sngar bshad pa rnams kyis kyang don med do zhes 'jug sdud pa'o/ /de ji ltar na gzhan gyi dbang yin zhes bya ba ni bdag rang gis shes par bya zhes bya ba'i tha tshig go /ci'i phyir zhe na/ zhes bya ba ni gzhan la brjod ces bya ba'i tha tshig go /de bzhin du ngo bo nyid gnyis po la yang dris pa gnyis gnyis so/ /dri ba de dag gi lan kyang gnyis gnyis so/ /rang gi bag chags kyi sa bon zhes bya ba la sogs pa ni kun brtags par rjod pa'i bag chags su bstan te/ rang gi sa bon des dbang du byas pa'i phyir gzhan gyi dbang ste/ bdag rang gis shes par bya ba yin no//

  509. 255a

    skad cig las lhag par mi gnas pa'i phyir gzhan la brjod do/ /sa bon gyi gzhan gyi dbang dang/ skye ba dang 'jig pa gzhan gyi dbang gi phyir te go rim bzhin no/ /de la gnas pa'i zhes bya ba ni gzhan gyi dbang la rten pa'i 'o/ /don med pa zhes bya ba gal te med na don zhes ji skad du bya zhe na/ lan 'debs te/ snang ba zhes bya ba ni de mngon par brjod pa'i sa bon las yod pa ma yin yang don gzhan du snang ba ste/ des na don zhes brjod do/ snang ba ni snang ba dang gsal ba dang mngon pa dang rab tu gsal ba zhes bya ba'i tha tshig go /dpag tu med pa'i rnam pa can gyi zhes bya ba ni bdag dang chos rnam pa sna tshogs mdza' yas pa yul du snang ba'i yid kyi rnam par shes pa zhes bya ba kun tu rtog pa'i'o/ /phyin ci log ces bya ba ni 'khrul pa ste/ bzung ba dang 'dzin pa'i don gyi rnam par 'byung ba'i rgyu yin pa'i phyir kun tu brtags pa ste/ de la don du kun tu rtog pa'i phyir ro/ /ring gi mtshan nyid med la kun tu rtog pa tsam du dmigs pas zhes bya ba ni/ bdag dang chos dag med pa las rtog pa rnam par snang bas kun brtags pa zhes bya'o/ /gzhan du mi 'gyur ba ni 'gyur ba med par yongs su grub par shes par bya'o/ /rnam par dag pa'i dmigs pa yin pa dang/ dge ba'i chos thams cad kyi mchog yin pa gnyis kyis yongs su grub pa zhes brjod do/ /yang kun tu rtog pa yod cing zhes bya ba la sogs pas kun brtags pa dpyod do/ /yid kyi rnam par shes pa ni kun tu rtog pa ste/ rnam par rtog pa can gyi phyir ro/ /zhes bya ba ni nges par rtog pa dang rjes su dran pa'i rnam par rtog pa dang 'brel ba'i phyir ro/ /rang brjod pa'i bag chags kyi sa bon las byung ba zhes bya ba ni yid kyi rnam par shes pa yid kyi

  510. 255b

    rnam par shes pa zhes thog ma med pa'i 'khor ba na tha snyad du brjod pa ste/ de'i bag chags ni 'di'i sa bon no/ /rnam par rig pa thams cad kyi brjod pa'i bag chags kyi sa bon las byung ba zhes bya ba ni 'di ltar gzugs la sogs pa mdza' yas par snang ba'i rnam par rig pa brjod pa'i bag chags kyi rgyu las byung ba ste/ der snang bar 'byung ba'i tshul can yin pa'i phyir ro/ /de'i phyir yid kyi rnam par shes pa ni rnam pa mdza' yas pa'i rnam par rtog pa thams cad kyis 'byung ba'o/ /gzhan gyi dbang gi ngo bo nyid ni kun tu brtags par bya'o zhes bya ba ni de'i phyogs gcig mig la sogs pa yul du gyur pa'o/ /rnam pa gang du gzhan gyi dbang gi ngo bo nyid la kun tu brtags pa de ni de la kun brtags pa'i ngo bo nyid do// zhes bya ba ni rnam pa rgyur gyur pa kun brtags pa nyid du ston to/ /kun tu rtog pas ji ltar kun tu rtog ces bya ba ni rnam pa'i rab tu dbye ba dris nas kun brtags pa'i rab tu dbye ba ston to/ /ming gis dmigs pa zhes bya ba ni lha sbyin zhes bya ba la sogs pa'i ming thos nas don la kun tu rtog par byed kyi ming ma thos par ni don la rnam par rtog par byed mi nus so/ /gzhan gyi dbang gi ngo bo nyid lus la sogs pa la der mtshan mar 'dzin pa zhes bya ba ni rang gi mtshan ma la mngon par zhen zhes bya ba'i ni tha tshig go /mtshan mar 'dzin pa ni 'du shes te/ ji ltar 'du shes su 'gyur ba de ltar rjes su tha snyad 'dogs so/ /yang na gzhan gyi dbang gi ngo bo nyid mig la sogs pa la'o/ /lta ba rnam pa lnga nges par rtog pa'i rnam par 'jug pas so/ /de la mngon par zhen pa zhes bya ba ni mtshan mar byas pa la mngon par zhen pa'i dbang gis zhes bya ba'i tha tshig go /lta bas nges par brtags pa'i don la 'di ni de bzhin no zhes mngon par zhes nas gzhan

  511. 256a

    dag la ston par 'dod pa na rtog pa dang dpyod pa dag gis ngag kun nas slong ste/ ma brtags ma dpyad par tshig mi smra'o zhes ji skad gsungs pa lta bu'o/ /mthong ba la sogs pa zhes bya ba ni mthong ba dang thos pa dang/ bye brag phyed pa dang/ rnam par shes pa tha snyad rnam pa bzhi po dag gis te/ ji ltar sprul gyi ming la dmigs pa na thag pa la sprul gyi mtshan ma kyag kyog la sogs pa mtshan mar byed cing de la mngon par zhen nas gzhan la bstan pa'i phyir sprul mthong ngo zhes tshig tu smra ba de dang mtshungs so/ /tha dad pa yang yin zhes bya ba ni kun brtags pa dang gzhan gyi dbang gnyis yod pa dang med pa'i phyir ro/ /yod pa las yod pa nyid ni gzhan ma yin te/ ri bong gi rwa la sogs pa med pa ni yod pa las gzhan ma yin no/ /tha dad ba ma yin pa yang ma yin zhes bya ba ni yod pa dang med pa gcig pa nyid du mi 'thad pa'i phyir to/ /de bzhin du gzhan gyi dbang dang yongs su grub pa gnyis kyang rang bzhin gyis dag pa dang ma dag ba'i ngo bo yin pa'i phyir ro/ /'dir dgongs pa'i rnam grangs la brten nas ni 'di dag gcig par yang 'gyur/ /du mar yang 'gyur bas rnam grangs kyis gzhan gyi dbang nyid kun brtags par bstan te/ kun tu rtog pa'i rgyu mtshan yin pa dang des kun brtags pa'i phyir ro/ /zhes bya ba ni 'di ltar bdag dang gzugs la sogs pa kun brtags pa'i rten pa yin pa dang/ kun tu rtog pa zhes bya ba yid kyi rnam par shes pas bdag dang gzugs la sogs pa'i dngos por kun tu rtog ste/ dgongs pa des kun brtags pa zhes nye bar 'dogs par mdzad do/ /rnam grangs kyis na de nyid yongs su grub pa'o zhes bya ba ni ji ltar snang ba gtan du med pa'i phyir ro/ /bag chags kyi sa

  512. 256b

    bon gyi gzhan gyi dbang zhes bya ba ni rgyu la rag las pas gzhan gyi dbang ngo/ /kun nas nyon mongs pa dang rnam par byang ba'i ngo bo nyid yongs su ma grub pa gzhan gyi dbang zhes bya ba ni 'di ltar rnam par brtag par bya ba'i tshe ni kun nas nyon mongs par 'gyur ro/ /rnam par brtag par bya ba ma yin pa'i tshe ni rnam par byang bar 'gyur te/ de ltar rnam pa gnyis la rag lus pas gzhan gyi dbang ngo/ /de ltar na re zhig ngo bo nyid rnam pa gsum po de dag gi tshul ni ltos pa'i bye brag gis tha dad pa yang ma yin/ tha dad pa ma yin pa yang ma yin te/ bag chags kyi sa bon las byung ba la sogs pa la bltos pa gang gis gzhan gyi dbang yin pa de nyid kyis gnyis po dag ni ma yin no/ /kun tu rtog pa'i rgyu mtshan dang/ des kun brtags pa nyid la bltos pa gang gis kun brtags pa yin pa de nyid kyi gnyis po dag ni ma yin no/ /kun brtags pa gtan med pa la ltos pa gang gis yongs su grub pa yin pa de nyid kyis gnyis po dag ni ma yin no/ /ji ltar gzhan gyi dbang rnam pa gnyis yin pa ltar kun brtags pa yang de bzhin te/ de la ngo bo nyid du kun tu rtog pa ni mig la sogs pa ste/ dngos po tsam nye bar 'dzin pa'o/ /khyad par du kun tu rtog pa ni mi rtag pa nyid la sogs pa'i chos la rtog pa'o/ /rang bzhin gyis yongs su grub pa ni dri ma dang bcas pa'i de bzhin nyid du bstan to/ /rnam par dag pa yongs su grub pa ni dri ma med pa'i de bzhin nyid do/ /bya ba ni tha snyad la mkhas pa rnams kyi zhes bya ba ni tshig sngon du btang nas rang gi bsam pa brjod pa dang 'brel pa'o/ /ma byang ba ni bzlog pa ste/ ba lang la sogs pa rnams kyi'o/ /ming la rten te ming gi ngo bo nyid kun tu rtog pa zhes bya ba ni dper na li ke ra'i gling na gnas pas ba lang gi sgra thos na de'i don ma rtogs nas ba lang gi sgra'i

  513. 257a

    ming gis ming la kun tu rtog pa'o/ /ming ma gtogs pa'i don zhes bya ba ni ming dang ming can 'brel bar ma byas pa de nyid kyis ba lang gi lus mthong nas phyir zhing don la rtog pa'o/ /de gnyi ga la brten pa ni brda shes par bya ba brjod pa dang/ brjod par bya ba gnyis la brten nas rtog pa'o/ /rtsa ba'i rnam par rtog pa ni rnam par rtog pa de las gzhan pa dag gi rtsa ba yang yin la/ rang yang rnam par rtog pas na rtsa ba'i rnam par rtog pa ste/ kun gzhi rnam par shes pa'o/ /mtshan ma'i rnam par rtog pa ni 'di lta ste/ gzugs la sogs pa ste/ 'di'o zhes mtshan mar byed pa'i phyir ro/ /mtshan mar snang ba'i rnam par rtog pa ni 'di lta ste/ rten dang bcas pa'i mig gi rnam par shes pa la sogs pa'i rnam par rig pa'o/ /zhes bya ba ni mtshan mar snang ba'i phyir ro/ /mtshan mar 'gyur ba'i rnam par rtog pa zhes bya ba ni gzugs la sogs par snang ba'i rnam par rig pa'i 'gyur ba ste/ de nyid rnam par rtog pa'o/ /rgal ba la sogs pa zhes bya ba ni rgab la sogs pas gzugs la sogs par snang ba'i rnam par rig pa rnams 'gyur bar byed pa'i phyir te/ 'di ltar rgas na phyi dang nang gi gzugs la sogs par 'gyur ro/ /sogs pa smos pas ni sdug bsngal la sogs pa'i tshor ba bsdu ste/ bde ba'i mig dang bzhin gsal ba'i phyir te/ khros par gyur par la sogs pa mdog mi sdug ces ji skad gsungs pa lta bu'o/ /gnod pa dang dus kyis yongs su 'gyur ba la sogs pa zhes bya ba ni gsad pa dang bcings ba la sogs pas lus la sogs pa'i 'gyur ba skyed pa'i phyir la/ grang ba dang/ tsha ba dang/ char pa la sogs pas kyang phyi dang nang gi lus dang shing la sogs pa'i gzugs la sogs pa gzhan du 'gyur te/ grang pa'i tshe grang bas nyen pa zhes bya

  514. 257b

    ba la sogs pa ji skad gsungs pa lta bu'o/ /sems can dmyal ba'i 'gro ba la sogs pa zhes bya ba la sogs pa smos pas ni ngan 'gro thams cad bsdus te/ de dag tu gzugs la sogs pa 'gyur ba ni grags pa yin no/ /'dod pa'i khams la sogs pa sogs pa zhes bya ba la sogs pa smos pas ni gzugs kyi khams bsdus te/ gzugs med pa'i khams na gzugs la sogs par snang ba'i rnam par rig pa med pa'i phyir ro/ /bsam gtan bzhi po dag na sems can dang snod kyi gzugs la sogs pa nor bu'i 'od ltar dang ba yin du zin kyang 'gyur ba yod pa nyid de/ gnas pa gzhan du 'gyur ba yang snang ngo/ /zhes gsungs pa'i phyir ro/ /mtshan mar snang ba 'gyur ba'i rnam par rtog pa zhes bya ba ni mig gi rnam par shes pa la sogs pa'i rnam par rig pa gzugs la sogs pa'i mtshan mar snang ba rnams te/ rten mig la sogs pa dang bcas te 'gyur ba'o/ /de nyid rnam par rtog pa ste/ ji skad smos pa rga ba la sogs pa 'di dag gis ji ltar mthun mthun du 'gyur bar byed pa'i phyir ro/ /'di ltar rgas na mig la sogs pa nyams pa nyid dang/ rtul ba nyid ces bya ba la sogs pa 'byung ste/ gnas gyur pa'i phyir de la gnas pa'i rnam par rig pa rnams kyang 'gyur ro/ /de bzhin du bde ba la sogs pa'i tshor ba la sogs pas kyang gzhan du 'gyur te/ bde bar gyur pa'i sems mnyam par 'jog pa dang/ sdug bsngal bar gyur pa'i sems rnam par 'khrug pa'i phyir ro/ /de bzhin du gnod pa bsad pa la sogs pa dang/ dus kyi yongs su 'gyur ba dang/ 'dod pa la sogs pa'i khams kyi gnas dang bcas pa'i rnam par rig par 'gyur te/ ji ltar mthun mthun du sbyar ro/ /gzugs med pa'i khams ni bde ba la sogs pa'i tshor

  515. 258a

    bas byas pa'i rnam par rig pa'i 'gyur ba'i rnam par rtog pa'o/ /gzhan gyis bstan pa'i rnam par rtog pa zhes bya ba ni dam pa dang/ dam pa ma yin pa'i bshes gnyen dang phrad nas dam pa dang dam pa ma yin pa'i chos mnyan pa'i rgyu las byung ba'i rnam par rtog pa'o/ /'di nyid phyi rol pa ser skya la sogs pa dang/ chos 'di pa bde bar gshegs pa rnams kyi ni tshul bzhin dang tshul bzhin ma yin pa zhes bya ba yin te/ yang dag pa dang log pa'i lta ba dang mtshungs par ldan pa'i phyir ci rigs su sbyar ro/ /tshul zhes bya ba ni rigs pa ste/ de la de yod pas tshul bzhin no/ /'jig tshogs la lta ba'i rgyu las byung ba lta bar song ba drug cu rtsa gnyis dang mtshungs par ldan ba'i rnam par rtog pa zhes bya ba ni sngon dang/ phyi ma dang/ dbus la rtog pa'i rnam pa ste/ tshangs pa'i dra ba'i mdo las 'byung ba'i tshul du ci bdag 'das pa'i dus na byung ba zhig gam zhes bya ba la sogs pa'o/ /lta ba la mngon bar zhen pa de nyid rnam par rtog pa'o/ /song ba zhes bya ba'i sgra ni rnam par don to/ /rnam par g.yengs ba'i rnam par rtog pa zhes bya ba ni rnam par g.yeng bar byed pas rnam par g.yeng ba ste/ de nyid rnam par rtog pa'o/ /gang las rnam par g.yeng bar byed ce na/ rnam par mi rtog pas ye shes las so/ /ci mngon zhe na/ shes rab kyi pha rol tu phyin pa'i phyogs yin pa'i phyir ro/ /rnam par mi rtog pa'i ye shes ni shes rab kyi pha rol tu phyin pa ste/ de nyid lhur na rnam par rtog pa rnam pa bcu sel ba yin no/ /dngos kyi sgo nas de kho na rtogs pa'am/ brjod par mi nus pa'i phyir te/ de lta bas na shes rab kyi pha rol tu phyin pa thams cad du rnam par rtog pa rnam pa bcu'i gnyen

  516. 258b

    po nyid bstan to/ /'di lta ste/ byang chub sems dpas ji ltar shes rab kyi pha rol tu phyin pa la spyad par bya zhe na/ shA ri'i bu 'di la byang chub sems dpa' ni byang chub sems dpa' nyid du yod bzhin du byang chub sems dpa' yang dag par rjes su mi mthong/ /byang chub sems dpa' i ming yang dag par rjes su mi mthong/ /shes rab kyi pha rol tu phyin pa yang dag par rjes su mi mthong/ /spyod ces bya ba yang dag par rjes su mi mthong/ mi spyod ces bya bar yang dag par rjes su mi mthong/ /gzugs yang dag par rjes su mi mthong/ /tshor ba dang/ 'du shes dang/ 'du byed dang/ rnam par shes pa yang dag par rjes su mi mthong ngo/ /de ci'i phyir zhe na/ 'di ltar ming ni ming gi ngo bo nyid kyis stong/ /gzugs ni gzugs kyi ngo bo nyid kyi stong ste/ stong pa nyid kyis ni ma yin no/ /gzugs kyi stong pa nyid gang yin pa de gzugs ma yin no/ /gzugs ni stong pa nyid las gzhan ma yin te/ gzugs nyid stong pa nyid do/ /stong pa nyid gzugs so/ /de ci'i phyir zhe na/ shA ri'i bu 'di lta ste/ gzugs zhes bya ba 'di ni ming tsam ste/ ngo bo nyid kyis mi skye mi 'gag /kun nas nyon mongs pa ma yin/ rnam par byang ba ma yin te/ ming bcos ma la chos de dag so sor brtags nas glo bur gyi ming gis rjes su tha snyad 'dogs pa'i phyir ro/ /ji ltar rjes su tha snyad 'dogs pa de lta de ltar mngon par zhen to/ /byang chub sems dpa' ni de dag thams cad kyi thams cad du yang dag par rjes su mi mthong ngo/ /yang dag par rjes su mi mthong bas mngon par zhen pa med do/ /gzugs la ji lta bar rnam par shes pa'i bar du yang de bzhin du blta bar bya'o/ /de la dngos po med pa'i mtshan ma'i rnam par g.yeng ba'i rnam par rtog pa'i gnyen por bka' stsal ba

  517. 259a

    byang chub sems dpa' nyid du yod bzhin du zhes bya ba la sogs pa ste/ byang chub sems dpa' la stong pa nyid kyi rang bzhin yod pa'i phyir ro/ /dngos po'i mtshan mar rnam par rtog pa'i gnyen por bka' stsal pa/ byang chub sems dpa' yang dag par rjes su mi mthong zhes bya ba la sogs pa ste/ kun brtags pa'i bdag nyid du med pa'i phyir ro/ /sgro 'dogs pa'i rnam par rtog pa'i gnyen por bka' stsal pa/ 'di ltar ming ni ngo bo nyid kyi stong ngo zhes bya ba la sogs pa'i bar du ste/ brtags pas so zhes bya bar dgongs pa'o/ /skur pa 'debs pa'i rnam par rtog pa'i gnyen por bka' stsal pa/ stong pa nyid kyis ni ma yin no/ /zhes bya ba ste/ chos nyid yod pa'i phyir ro/ /gcig pa nyid du rnam par rtog pa dgag pa'i don du bka' stsal pa/ gzugs kyi stong pa nyid gang yin pa de gzugs ma yin no zhes bya ba la sogs pa ste/ dag pa dang ma dag pa'i dmigs pa'i phyir ro/ /tha dad pa nyid du rnam par rtog pa dgag pa'i don du bka' stsal pa/ gzugs ni stong pa nyid las gzhan pa yang ma yin zhes bya ba la sogs pa ste/ kun brtags pa'i gzugs kyi dngos po med pa nyid ces bya ba'i tha tshig go /ngo bo nyid du rnam par rtog pa dgag pa'i don du bka' stsal pa/ 'di lta ste/ gzugs zhes bya ba 'di ni ming tsam mo zhes bya ba la sogs pa'o/ /khyad par du rnam par rtog pa dgag pa'i don du bka' stsal pa/ ngo bo nyid ni mi skye mi 'gag ces bya ba la sogs pa'o/ /ming ji lta ba bzhin du yang dag pa'i don du rnam par rtog pa dgag pa'i don du bka' stsal pa/ ming bcos ma la chos de dag so sor brtags nas ming glo bur gyis rjes su tha dad 'degs zhes bya'o/ /don ji

  518. 259b

    lta ba bzhin du ming du rnam par rtog pa dgag pa'i don du bka' stsal pa/ byang chub sems dpas ming de dag thams cad yang dag par rjes su mi mthong ngo/ /yang dag par rjes su mi mthong bas mngon par zhen pa med do zhes bya ba ste/ don ji lta ba bzhin zhes bya bar dgongs pa'o zhes bya'o/ /rnam par g.yeng ba bcu po 'di dag gi zhes bya ba nas bzung ste/ des kun brtags ma yin zhes bya ba'i bar ni tshig de nyid kyis bshad zin to/ /brda phrad par zad do/ /ji ltar gzhan gyi dbang kun brtags pa'i char snang yang de'i bdag nyid ma yin pa de bzhin du khong du chud par bya ba'i phyir ming gi snga rol na blo med pas shes bya ba smos te/ gal te gzhan gyi dbang nyid kun brtags pa yin du zin na ming smos pa med par yang kun brtags pa la blo 'byung ba'i rigs so/ /gang ji ltar dmigs pa de yod pas gzhan gyis dbang la ming la ltos par blo 'byung ba zhig na de ni yod pa ma yin te/ de'i phyir gzhan gyi dbang ni kun brtags pa'i bdag nyid du 'gal lo/ /ming mang pos zhes bya ba ni ming gis dbang gis gzhan gyi dbang gi ngo bo nyid don nyid du rtog ste/ don gcig la ming mang po yod pa ni sgra nges par sbyor ba las rnam grangs 'byung ba 'gro ba dang bzod pa dang sa dang sra bar gyur pa zhes bya ba la sogs pa ste/ gcig la du ma'i ngo bo nyid med pas 'gal ba'i phyir gzhan gyi dbang dang kun brtags pa gcig la gcig tu mi rung ngo/ /ming nges pa med pas zhes bya ba ni dper na 'gro lding ba rnams rna ba la mig ces zer ba dang/ 'bras can la chom rkun zhes zer ba dang mchu la tha dad pa zhes zer ba lta bu'o/ /gal te ming dang don gnyis gcig par gyur du zin na/ de'i phyir rna ba la sogs pa'i don 'chol bar 'gyur te/ de yang med pas ji ltar brjod pa bzhin du don med do/ /don de nyid tshigs su sbyar bas

  519. 260a

    sdud de/ bde blag tu blang ba dang zin par bya ba'i phyir ro/ /ji ltar chos rnams med pa'ang yin la dmigs par 'gyur ba dang/ ji ltar kun nas nyon mongs par yang mi 'gyur la/ rnam par byang bar yang 'gyur zhes gtan la dbab pa'i phyir tshigs su bcad pa smos te/ chos rnams med pa dmigs pa dang zhes bya ba la sogs pa'o/ /sgyu ma la sogs pa'i glang po che la sogs pa bzhin du med kyang don du snang ba dang/ ji ltar nam mkha' rnam par dag pas sprin la sogs pas nyon mongs par ma gyur kyang de dang bral na rnam par dag pa zhes bya ba bzhin no/ /thams cad kyi thams cad du med par ci'i phyir mi 'gyur zhes bya ba la thams cad kyis zhes bya ba ni snang ba'i gnas dang/ rtsa nas ston pas dmigs pa med pa'i phyir ro/ /thams cad du zhes bya ba ni dus thams cad du'o/ /yongs su grub pa med ces byar gnyi ga med na yongs su grub pa shin tu 'grub pa ma yin nam zhe na/ rang bzhin gyis rnam par byang ba ni 'grub kyi/ dri ma med pa'i rnam par byang ba ni med do zhes lan 'debs so/ /tshigs su bcad pa ni tshig de nyid kyis bshad zin to/ /theg pa chen po bstan pa la sbyor bas gzhan gyi dbang la sogs pa mtshon pa'i phyir dri ba sngon du btang ste/ med pa la sogs pa'i rnam grangs ston to/ /sgyu ma la sogs pa dpe rnams kyi don tha dad pa ni 'og nas 'chad do/ /rang bzhin gyis rnam par byang ba ni so so'i skye bo rnams kyi ngo bo nyid yang dag pa gang yin pa'o/ /de bzhin nyid ni gzhan du mi 'gyur ba'i phyir chos thams cad kyi spyi mtshan nyid yin te/ de nyid la brten nas sems can thams cad ni de bzhin gshegs pa'i snying po'o/ /de gsung rab las 'byung ngo/ /stong pa nyid ces bya ba ni kun brtags pa med pa'o/ /yang dag pa'i

  520. 260b

    mdza' zhes bya ba ni bden pa'i mur thug pa'o/ /mtshan ma med pa ni gzugs la sogs pa'i mtshan ma thams cad dang bral ba'i phyir ro/ /don dam pa ni ye shes mchog gis thob par bya ba'i phyir ro/ /chos kyi dbyings ni rnam par byang ba'i chos rnams kyi rgyu yin pa'i phyir ro/ /dbyings kyi sgra ni 'dir rgyu'i tshig ste/ gser la sogs pa'i 'byung khung bzhin no/ /dri ma med pas rnam par byang ba zhes bya ba ni tshig de nyid kyis bshad zin to/ /de 'thob pa'i lam rnam par byang ba zhes bya ba ni stong pa nyid thob par bya ba'i phyir te/ lam nyid rnam par byang ba zhes bya ba'i tha tshig go /byang chub ni nyon mongs pa dang shes bya'i sgrib pa spangs pa dri med cing thogs pa med pa'i ye shes kyi rang bzhin no/ /de'i rjes su mthun pa'i phyir dran pa nye bar bzhag pa la sogs pa ming du sum cu rtsa bdun la/ rdzas su bcu dang/ shes rab la sogs pa pha rol tu phyin pa 'og nas 'byung ba rnams so/ /de skyed pa'i phyir dmigs pa rnam par byang ba zhes bya ba la de zhes bya ba ni lam dang sbyar te/ byang chub kyi phyogs la sogs pa'o/ /lhag ma rnams ni tshigs su bcad pa gnyis dang bcas te tshigs de nyid kyis bshad zin to/ /nor pa nyid du som nyi za ba bzlog pa'i phyir ro/ /zhes bya ba ni nor ba nyid du som nyi za ba ste/ ji ltar don med ba kun brtags pa spyod yul du 'gyur snyam du sems pa de dag gi som nyi de bzlog pa'i don du rgyu ma lta bu nyid de/ ji ltar sgyu ma la glang po che med kyang dmigs pa de bzhin du gzugs la sogs pa med kyang gzhan gyi dbang la skye mched drug nyid du rnam par rtog pa ni yul du 'gyur ro/ /smig rgyu lta bu nyid ni ji ltar nyi ma'i smig rgyu g.yo ba na chu med kyang de'i blo 'byung ba ltar phyi rol gyi snod kyi 'jig rten yang de bzhin no/ /rmi lam ni gnyid kyis sems dang sems las byung ba'i

  521. 261a

    tshogs bsdus par gyur pa'o/ /de dang 'dra ba ni ji ltar de na gos la sogs pa'i don med par yang ldug pa dang mi sdug pa'i yul la nye bar spyod pa ltar gnyis kyis ma log pa'i spyod pa yang de bzhin no/ /gzugs brnyan lta bu nyid ni ji ltar me long la sogs pa'i nang du gzugs kyi ngo bo nyid snang gi /gzugs brnyan med kyang gzugs brnyan mthong ngo snyam du sems pa de bzhin du mnyam par ma bzhag pa'i dge ba dang mi dge ba'i sems pa las kyi ngo bo la brten nas med bzhin du yang 'bras bu 'grub pa'o/ /mig yor ni brag 'dra ba'i rtse mo ste/ de dang 'dra ba nyid ni mnyam par ma bzhag pa'i rnam par shes pa sna tshogs rnams de ma yin pa'i bdag nyid don med pa rnams la 'byung ba'i phyir ro/ /brag ca lta bu nyid ni ji ltar brag ca med bzhin du rna ba'i yul mang por gnas pa de bzhin du dag gi sa las med bzhin du yang tha snyad rnam pa sna tshogs su gnas so/ /chu zla ni chu'i nang gi zla ba ste/ ji ltar chu gsher ba dang/ dad pa'i phyir zla ba med bzhin du yang de'i nang na yod par 'dzin pa de bzhin du yang dag pa'i don la dmigs pa nyid du yid ches pa'i rlan gyis bdag nyid kyi ting nge 'dzin dang ldan pa'i yid kyang dmigs pa'i don med bzhin 'jug go /'di gzugs brnyan dang bye brag ci yod ce na/ mnyam par bzhag pa dang/ mnyam par ma bzhag pa nyid du brjod par 'dod pa'o/ /gal te 'di snyam du bzhin la sogs pa rkyen tshogs pa'i che ba nyid kyis chu dang me long la sogs pa de ltar byung ba la 'dzin te/ dper na nye bar bzhag pa la sogs pa'i dbang gis shel la sogs pa lta bu'o snyam du sems na/ de ni ma yin te/ tha dad du 'dzin pa'i phyir ro/ /khron pa'i nang ltar bzhin dang zla ba la sogs pa'i gzugs

  522. 261b

    brnyan me long dang chu dang tha dad par dmigs pa ltar shes la sogs pa ni de lta ma yin te mi 'dra'o/ /kho bo cag gi gzhung la ni chu la sogs pa'i don yod pa ma yin pas chos can mi 'grub po/ /sprul pa byas pa gang yin pa de ni sprul pa ste/ de dang 'dra ba ni ji ltar sprul pa med bzhin du yang sprul ba byed ba la nor pa med pa de'i phyir 'bad pa byed pa de bzhin du byang chub sems dpa' rnams kyang brtags pa'i don med bzhin du gzhan gyi dbang gis sems can rjes su gzung bar 'dod pas skye ba'i gnas de dang de dag tu lus yongs su 'dzin to/ /'di ni de tsam du zad de/ 'di lta ste/ nang dang phyi'i 'o/ /de'i dbye ba ni nye bar spyod pa lus kyi las dang ngag gi las dang/ yid kyi las rnam gsum dang/ mnyam par ma bzhag pa'i sa dang/ mnyam par bzhag pa'i sa dang nor pa med pa'o/ /don rgyang po 'di dag gi dpe brgyad de/ ji skad du/ bcom ldan 'das kyis skyes bu mkhas pa gcig ni dpes bshad pa'i don shes par 'gyur ro zhes gsungs pa lta bu'o/ /bcom ldan 'das kyis ci las dgongs te zhes bya ba nas gzung ste/ 'di las dgongs nas bkal stsal to zhes bya ba'i mdo gnyis ka'i tshig kyang tshig de nyid kyis bshad zin to/ /'khor ba dang mya ngan las 'das pa gnyis bye brag med pa la dgongs nas zhes bya ba ni rnam par rtog pa ma lus par rnam par bshig pas 'khor ba mi dmigs so/ /de mi dmigs na gang gi 'gog pa la mya ngan las 'das par blta/ gzhan nyid du yongs su grub pa med pa ni 'dir bye brag med pa nyid de/ byis pas mngon par zhen pa'i khyad par las bzlog pa'i phyir ro/ /ngo bo nyid gnyis kyi dbang du gyur pa nyid gang yin pa de nyid gzhan gyi dbang gi don gyi mchog go /dper na sa khong na gser yod pa la ni sa'i khams dang/ sa dang gser dang gsum dmigs

  523. 262a

    so zhes bya ba la sa'i khams ni sra ba nyid do/ /sa ni kha dog dang dbyibs te/ 'byung ba dang/ 'byung ba las gyur pa dang/ go rim bzhin do/ /gser zhes bya ba ni gser gyi sa bon no/ /sar snang ba na log par snang ngo zhes bya ba ni de'i bdag nyid ma yin pa'i phyir ro/ /gser du snang ba na de bzhin nyid du snang ba zhes bya ba ni de'i bdag nyid yin pa'i phyir ro/ /sa'i khams ni gnyi ga'i tshar gtogs pa'o zhes bya ba ni sa dang gser gnyis kyi cha dang ldan pa ste/ gzhan gyi dbang gi dpe'o/ /sa dang gser ni kun brtags pa dang yongs su grub pa'i dpe'o/ /de bzhin zhes bya ba ni dpe dang bstun par bya ba la dpe gtod pa ste/ rnam par rig pa tsam nyid ni gzhan gyi dbang gi ngo bo nyid de/ brtags pa dang yongs su grub pa gnyis kyi cha dang ldan pa'o/ /de la rnam par mi rtog pa'i ye shes kyi mes rag pa na yang dag pa dang yang dag pa ma yin pa'i cha snang ba dang mi snang ba go rim bzhin no/ /bcom ldan 'das kyis la lar ni chos thams cad rtag go zhes bstan zhes bya ba la sogs pa la gzhan gyi dbang gi chos nyid de bzhin nyid gang yin pa nges de rtog go /kun brtags pa'i chas mi rtag pa ste/ de la rtag pa med pa'i phyir ro/ /rtag pa med pa ni mi rtag pa'o zhes nges pa'i tshig go /gnyi ga'i chas rtag pa yang ma yin mi rtag pa yang ma yin zhes bya ba ni gnyis su med pa nyid do/ /yongs su grub pa'i chas bde ba dag go /kun brtags pa'i chas sdug bsngal dag go /gzhan gyi dbang gi chas gnyis su med do/ /de bzhin du dge ba dang mi dge ba dag dang/ stong pa dang mi stong ba dag dang/ bdag dang bdag med pa dag dang/ zhi ba dang mig ba dag dang/ ngo bo nyid yod pa dang/ ngo bo nyid med pa dag dang/ skyes pa dang ma skyes pa dag dang/ 'gags pa dang ma 'gags pa dang/ mya ngan las 'das pa dang mya ngan las

  524. 262b

    ma 'das pa dag kyang gnyis su med pa zhes bya ba la sogs pa yang ci rigs su ngo bo nyid gsum la brten te sbyar bar bya'o/ /bde blag tu blang ba dang zin par bya ba'i phyir/ ji ltar chos rnams yod min zhing/ ji ltar rnam pa du mar snang zhes bya ba la sogs pa ste rkyang pa dang tshigs su bcad pa sbyar ba dag gis gsal bar byed pa'i phyir ro/ /ji ltar snang ba bzhin du med pas chos rnams yod pa ma yin no/ /snang bas chos rnams med pa yang ma yin no/ /gang gis phyir chos kyang ma yin chos med pa yang ma yin pa de'i phyir/ gnyis su med pa'i don du bstan to/ /de ltar na cha res de dag med pa dang yod pa zhes kyang bshad par bya ste/ ji ltar snang ba bzhin med pa dang snang ba'i phyir ro/ /gnyi gi 'chas ni yod min zhing/ /med pa'ang min zhes brjod de mdzad ces bya ba ni gnyis su med pa'i phyir te/ snga ma bzhin no/ ji ltar snang ba de bzhin med ces bya ba ni bdag dang chos sam bzung ba dang 'dzin pa'i dngos por med pa nyid de/ tshad ma med pa'i phyir ro/ /gang phyir de ltar snang gyur pa zhes bya ba ni bdag dang bdag gi la sogs pa med bzhin du yang 'jig tshogs la lta ba bzhin du thog ma med pa'i dus kyi mngon par brjod pa'i bag chags yongs su smin pa'i dbang gis so/ /de phyir yod ces brjod pa mdzad ces bya ba ni snang ba'i sgo nas sgra 'jug pa'i phyir ro/ /rnam pa ji lta ba bzhin du ma yin pas gnyis su med pa nyid do/ /de lta na gcer pu pa'i smra ba ltar mi 'gyur ram zhe ma 'brel pa ci zhig yod de de dag ni log par lta ba tshogs par yod pa la yang dag par blta ba'o/ /zhes lta ba thams cad dang mi mthun pa la brten nas gcig pu 'gal ba du ma'i bdag nyid can du 'dod do/ /'dir ni gnyi ga ma yin pa'i bdag nyid de/ de ltar snang bas bdag nyid gcig tu brjod par mi nus pas

  525. 263a

    gzhan gyi dbang ni gnyis su med pa'o zhes bya'o/ /de dag ni gnyis su brjod pas mi mthun no/ /rang dang bdag nyid med pa'i phyir zhes bya ba la rang med pa ni rkyen gyi kha na las pa'i phyir ro/ /bdag nyid kyis med pa ni sngar 'gags pa'i skad cig rnying pa med pa dang gsar ba ni yod pa'i phyir ro/ /rang gi dngos la mi gnas phyir zhes bya ba ni skad cig gi 'og tu 'jog pa'o/ /'di ni nyan thos dang thun mong pa'i bdag med pa'o/ /bzung ba bzhin du de med phyir zhes bya ba ni thun mong ma yin pa'i bdag med pa bstan pa ste/ rtag pa la sogs par phyin ci log tu bzung ba lta bu dang/ gzugs la sogs par phyin ci log tu bzung ba lta bur med pa'i phyir ro/ /byis pa rnams kyis ji ltar gzung pa de bzhin du med pas theg pa chen po la ngo bo nyid med par 'dod do/ /ngo bo nyid med pas 'dis kyang skye ba med pa dang/ 'gag pa med pa la sogs par grub po/ /phyi ma phyi ma brtan byas te zhes bya ba ni gang gi phyir ngo bo nyid med pa de'i phyir ma skyes pa'o gang gi phyir ma skyes pa de'i phyir ma 'gags pa'o/ /gang gi phyir ma 'gags pa de'i phyir gzod ma nas zhi ba'o/ /gang gi phyir gzod ma nas zhi ba de'i phyir rang bzhin gyis yongs su mya ngan las 'das pa ste/ tshig snga ma snga ma la brten nas tshig phyi mi phyir bshad par rig par bya'o/ /dgongs pa ni yid la bzhag pa tsam yin gyi pha rol la bltos par mkhas mi len no/ /ldem por dgongs pa ni de nyid pha rol gzung pa la bltos pa'o/ /mnyam pa nyid la dgongs pa ni sangs rgyas thams cad kyi chos mnyam pa'i phyir/ nga nyid de'i tshe de'i dus na zhes bya ba la sogs pa ste/ dper na 'ga' zhig mtshungs pa yid la bsams nas 'di gang yin pa de nga'o zhes bya ba lta bu yin gyi/ rnam par gzigs gang

  526. 263b

    yin pa de nyid shAkya thub pa ni ma yin pa'o/ /dus gzhan la dgongs pa zhes bya ba ni le lo can gang dag chos 'di la mi sbyor ba de dag la ltos nas de bzhin gshegs pa rin chen mang gi mtshan bzung bas nges par 'gyur ba dang/ smon lam btab pa tsam gyis bde ba can du skye par bstan to/ /de dag sngon du btang ba'i dge ba'i rtsa ba la dgongs pa ste/ dper na 'jig rten pa ni gcig gis stong bsgrubs so/ /zhes bya ba lta bu'o/ /don gzhan la dgongs pa zhes bya ba ni lung gi mtshan nyid kyi theg pa chen po'i chos las rtogs pa'i mtshan nyid kyi theg pa chen po'i chos ni don gzhan te/ de la dgongs nas/ sangs rgyas gang+gA'i klung gi bye ma snyed cig la bsnyen bkur byas na theg pa chen po'i chos kyi don khong du chud par 'gyur ro zhes bya ba gsungs te 'phags pa so so rang gis rig pa'i chos ni rtog par bka' ba' i phyir ro/ /'dis ni theg pa chen po la sgra ji bzhin par 'dzin pa gsal bar rig par bya'o/ /gang zag gi bsam pa la dgongs pa ni 'chal pa'i tshul khrims can gang yin pa de la tshul khrims bsngags pa dang/ tshul khrims dang ldan pa la dge ba'i phyogs rgya chen po la gzhug pa'i phyir tshul khrims mi bsngags pa'o/ /bsgom pa kha cig ces bya ba ni 'jig rten pa'i'o/ /gzhug pa la ldem por dgongs pa zhes bya ba ni/ gzhan gzung pa'i phyir gang du gang zag dang/ chos gnyis kyi ngo bo nyid dang khyad par kun rdzob tu bstan pa ste/ dper na nyan thos kyi theg pa la gzhug pa'i phyir rdzus te byung ba'i sems can yod do zhes bya ba la sogs pa dang/ theg pa chen po la gzhug pa'i phyir gzugs stong pa zhes bya ba la sogs pa lta bu ste/ chad par 'gyur gyis 'jigs pa'i skye bo'i dbang gis so/ /mtshan nyid la ldem por dgongs pa zhes bya ba ni shes bya'i mtshan nyid la gzhug pa'i phyir ro/ /gnyen po la

  527. 264a

    ldem por dgongs pa ni 'dod chags la sogs pa la spyod pa mi mthun pa'i phyogs 'gal ba brgyad khri bzhi stong zhes bya ba la sogs pa ste/ tshig de nyid kyis bshad zin to/ /bsgyur ba la ldem por dgongs pa ni yi ge'i don gzhan du bsgyur ba'i phyir te/ snying po med la snying por shes zhes bya ba la sogs pa'o/ /'phro bar byed pas 'phro ba ste rnam par g.yeng ba'o/ /mi 'phro bas na 'phro ba med pa ni rnam par mi g.yeng ba ste/ ting nge 'dzin to/ /de la snying por 'du shes pa ni shes rab bstan pa'o/ /phyin ci log ces bya ba ni phyin ci log bzhi ste/ de dag la shin tu gnas zhes bya ba ni 'di dag phyin ci log go /zhes bya bar nges te mi 'gyur ba'i phyir ro/ /nyon mongs kun nas rab nyon mongs zhes bya ba ni sha thang bzhin du sems can gyi don byed pa ste/ dub pa zhes bya ba'i tha tshig go /ji skad du thugs rje'i phyir ni 'ba' zhig gis/ 'khor bar yun ring khyod 'o brgyal zhes bya ba la sogs pa smras pa lta bu'o/ /byang chub dam pa thob par 'gyur zhes bya ba ni sangs rgyas kyi byang chub thob par 'gyur zhes bya ba'i tha tshig go/ //bam po bzhi pa/ /'chad par byed pa rnams kyi bshad pa'i rigs pa bye brag tu bstan pa'i dbang du byas nas/ mdor bsdu na rnam pa gsum gyis bshad par bya ste/ zhes bya ba la sogs pa smos te/ rten cing 'brel par 'byung ba bstan pa zhes bya ba la sogs pa'o/ /de la rten cing 'brel par 'byung ba dang rten cing 'brel par 'byung ba'i chos rnams ni shes bya'i gnas bshad pa'i skabs su rten cing 'bral par 'byung ba rnam pa gsum gyi mtshan nyid rab tu rnam par phye ba'i sgo nas mtshan nyid kyis rnam par phye zin to/ /'dir ni sbyor bas yang kun gzhi dang/ 'jug pa'i rnam par shes pa dag phan tshun du rgyu dang/ phan tshun du rgyu dang ldan pa'i dngos por tshigs su bcad pas ston te/ /chos rnams brjod pa'i

  528. 264b

    bag chags las zhes bya ba la sogs pa'o/ /rgyu mtshan dang lta ba dang bcas pa'i rnam par rig pa'i ngo bo nyid do/ /zhes bya ba ni ji skad du sngar bshad pa lta bu ste/ rgyu mtshan dang bcas pa'i rnam par rig pa'i ngo bo nyid ni gzugs kyi rnam par rig pa la sogs pa'o/ /lta ba dang bcas pa'i rnam par rig pa'i ngo bo nyid ni mig gi rnam par rig pa la sogs pa dang/ mig la sogs pa'i rnam par shes pa la sogs pa'o/ /de dag kyang gnas kyi mtshan nyid dang zhes bya ba ni gzhan gyi dbang gi mtshan nyid dag ste/ de ni gnyi ga'i gnas yin pa'i phyir ro/ /kun brtags pa'i mtshan nyid ces bya ba ni de dag gnyis der yongs su rtag par bya ba'i phyir ro/ /chos nyid kyi mtshan nyid ces bya ba ni de'i ltar rnam par bzhag pa'i phyir ro/ /don de nyid tshigs su bcad pa phyed kyis ston te/ rgyu mtshan lha dang bcas pa las/ /de dag mtshan nyid gsum shes bya zhes bya ba'o/ /de kho na ma mthong ba dang/ mthong bas dus gcig tu zhes bya ba ni gang gi tshe de kho na ma mthong bas gzhan gyi dbang gi ngo bo nyid la yongs su grub pa ni med par mthong la/ kun brtags pa ni yod par mthong ba de nyid kyi tshe/ de kho na mthong bas kun brtags pa ni med par dmigs la/ yongs su grub pa ni yod par dmigs so/ /ci'i phyir zhe na/ 'di ltar/ gzhan dbang la ni brtags pa med ces bya ba'o/ /'o na de la ci yod ce na/ yongs su grub pa de na yod ces bya ba smos pa'o/ /de la yang dag pa ma mthong ba ni byis pa rnams te/ med pa la yod par 'dzin pa dang/ yod pa la med par 'dzin pas phyin ci log tu dmigs so/ /de kho na mthong ba ni yang dag pa mthong ba ste/ gang med pa de yang med pa dang/ gang yod pa de yang yod par khong du chud do/ /don de nyid tshigs su bcad pa phyir kyis ston te/ de phyir de la gnyi ga yang/ /mi dmigs dmigs pa mnyam pa yin zhes bya ba'o/ /'di ni re zhig 'chang

  529. 265a

    bar byed pa'i bsam pa la mi bltos par bshad par bya'o/ /bshad zin pa'i don bshad pa ni 'chad par byed pa'i bsam pa'i ngor bya ba'o/ /yon tan gyi dbang du bya ba 'am don gyi dbang du bya ba zhes bya ba ni yon tan gyi bsam pa dang/ don gyi bsam pas so/ /bzlas shing bya ba yin pa ni yon tan rnams te/ gang bdag la legs su 'dod pa rnams kyis lam bzhin du goms par bya ba'o/ /rtogs par bya ba yin pas don de shes par bya ba nyid yin gyi gdon mi za bar goms par bya ba ni ma yin te/ sdug bsngal nyid bzhin no/ /shin tu rnam par dag pa'i blo mnga' ba zhes bya ba'i tshig dang po 'di ni tshig lhag ma rnams kyis rnam par dgrol ba ste/ gal te yon tan mang pos yon tan gcig bshad na/ de lta na legs par bshad pa yin no/ /shes bya la shin tu sgrib pa med par 'jug pa'i yon tan zhes bya ba ni kun tu spyod pa gnyis ni mnga' zhes bya bas 'grel te/ dngos po'i bye brag thams cad la chags pa med cing thogs pa med pa'i phyir ye shes shin tu sgrib pa med pa ste/ ji ltar nyan thos la sogs pa kha cig tu ni sgrib pa dang bcas pa la/ kha cig tu ni sgrib pa med pas kun tu spyod pa gnyis dang ldan pa de lta bu ni ma yin gyi/ 'di'i 'am 'di la kun tu spyod pa gnyis mi mnga' bas kun tu spyod pa gnyis mi mnga' ba'o/ /des na shin tu rnam par dag pa'i blo mnga' ba'o zhes sbyar te/ ye shes dang spangs pa phun sum tshogs pa'i phyir ro/ /de bzhin du tshig 'og ma rnams la yang sbyar par bya'o/ /mtshan nyid med pa'i chos la mchog tu gzhol bar mdzad pa zhes gang gsungs pa de'i 'grel pa ni yod pa dang med pa gnyis su med pa'i mtshan nyid ces bya ba la sogs pa ste/ bdag nyid kyi sa yod pa'i phyir yod pa'i mtshan nyid do/ /kun brtags

  530. 265b

    pa med pa'i phyir med pa'i mtshan nyid do/ /rigs pa 'di nyid kyis med pa'i phyir yod pa ma yin pa'i mtshan nyid dang/ yod pa'i phyir med pa ma yin pa'i mtshan nyid pas gnyis su med pa'i mtshan nyid do/ /mchog tu rnam par dag pa shes par mdzad pa'i yon tan zhes bya ba ni de bzhin nyid mchog tu rnam par dag pa ste/ glo bur gyi dri ma thams cad dang bral ba'i phyir mchog tu dri ma med pa'o/ /de rang gis kyang thugs su chud la gzhan dag la yang khong du chud par mdzad pas mchog tu rnam par dag pa shes par mdzad pa zhes bya ba ste/ de nyid yon tan no/ /des na snga ma bzhin du de dang sbyar bar bya ste/ bdag kyang rnam par dag la gzhan yang rnam par sbyor zhes bya ba'i tha tshig go /sangs rgyas kyi gnas bas gnas pa zhes bya ba 'di'i rnam par bshad pa ni/ sangs rgyas kyi mdzad pa lhun gyis grub pa rgyun mi gcod par gnas pa'i yon tan te/ bsgrim mi dgos par sangs rgyas kyi mdzad pa sems can gyi don la sogs pa la T'phags pa dang lha dang mtshangs pa'i gnas pa rnams kyi rgyun mi 'chad par ji ltar mthun mthun du gnas pa'i phyir te/ nyan thos ltar rab tu bsgrims te bsgrims nas gnas pa ni ma yin pas khyad par du 'phags so/ /sangs rgyas thams cad dang mnyam pa nyid brnyes pa zhes bya ba 'di'i rnam par 'grel pa ni/ chos kyi sku la gnas dang dgongs pa dang phrin las tha dad pa med pa'i yon tan zhes bya ba ste/ gnas tha dad pa med pa ni thams cad kyang ye shes rnam par dag pa'i bdag nyid yin pa'i phyir ro/ /dgongs pa tha dad pa med pa ni thams cad kyang sems can thams cad la phan pa dang bde pa mdzad par dgongs pa'i phyir ro/ /phrin las tha dad pa med pa ni thams cad kyang longs spyod rdzogs pa dang/ sprul pa gnyis kyis gzhan gyi don sgrub pa'i phyir te/ nyan?

  531. 266a

    nyan thos la sogs pa ltar bsam pa tsam 'ba' zhig ni ma yin no/ /sgrib pa mi mnga' bas rtag par thugs su chud pa zhes bya ba 'di'i bshad ba ni sgrib pa thams cad kyi gnyen po bsgoms pa'i yon tan zhes bya ba ste/ nyon mongs pa'i dang/ shes bya'i sgrib pa thams cad kyi gnyen po 'phags pa'i lam rnam pa thams cad mkhyen pa nyid dang/ ting nge 'dzin la dbang ba'i bdag nyid can goms par mdzad pas sgrib pa thams cad kyi dri ma rnams kyis ma bsgos pa'i rtogs pa bsten pa zhes bya ba thugs su chud pa ste/ brnyes pa zhes bya ba'i tha tshig go /phyir mi ldog pa'i chos dang ldan pa zhes bya ba 'di'i 'grel pa ni/ mu stegs can thams cad kyis mi thub pa'i yon tan zhes bya ba ste/ bstan pa dang thugs su chud pa'i chos gnyis gzhan dag gis phyir bzlog mi nus pa'i phyir te/ de las ches khyad par du 'phags pa'i chos med ces bya ba'i tha tshig go /spyod yul gyis mi 'phrogs pa zhes bya ba 'di'i bshad pa ni/ 'jig rten du skyes kyang 'jig rten gyi chos kyis mi 'phrogs pa'i yon tan zhes bya ba ste/ gang las su spyod pa de de'i spyod yul yin pa dang 'dra bas spyod yul te/ rjes su chags pa dang khong khro ba la sogs pa med pa'i phyir de la rnyed pa dang ma rnyed pa la sogs pa'i 'jig rten gyi chos brgyad kyis 'phrogs par mi nus te/ ji skad du/ gang zhig sa la 'jig rten chos brgyad rlung gi stobs kyis mi bskyod ba/ zhes bya ba la sogs pa bshad pa lta bu'o/ /rnam par bzhag pa bsam gyis mi khyab pa zhes bya ba 'di'i rnam par bshad pa ni/ chos rnam par bzhag pa'i yon tan zhes bya ste/ mdo la sogs pa gsung rab yan lag bcu gnyis po dang de'i rang dang spyi'i mtshan nyid bshad pa rnam par 'jog

  532. 266b

    ba'o/ /de bsam gyis mi khyab pa ni brtag tu med pa'i phyir te/ byis pa'i blo'i spyod yul ma yin pa'i phyir dang/ 'jig rten las 'das pa'i phyir ro/ /de'i rnam par bzhag pa bsam gyis mi khyab pas na rnam par bzhag pa bsam gyis mi khyab pa ste/ de nyid yon tan no zhes snga ma bzhin no/ /dus gsum mnyam pa nyid du thugs su chud pa zhes bya ba 'di'i rnam par bshad pa ni/ lung ston pa'i yon tan zhes bya ba ste/ dus gsum po dag la mnyam nyid du thugs su chud par gyur pa'am/ dus gsum mnyam pa nyid du thugs su chud ces bya ba'i tshig rnam par sbyar ba'o/ /da ltar gyi bzhin du 'das pa dang ma 'ongs pa'i dus kyi don rnams kyang 'byung ngo/ /'byung bar 'gyur ro zhes lung ston pa'i phyir ro/ /'jig rten gyi khams thams cad du zhugs pa'i sku dang ldan pa zhes bya ba'i de'i bshad pa ni/ 'jig rten gyi khams thams cad du longs spyod rdzogs pa dang/ sprul pa'i sku ston pa'i yon tan zhes bya ba ste/ phyogs bcu'i zhing thams cad du sku gnyis gdul ba ji lta ba bzhin du kun tu ston pa'i phyir ro/ /chos thams cad la the tshom med pa'i ye shes mnga' ba zhes bya ba 'di'i rnam par bshad pa ni the tshom gcod pa'i yon tan zhes bya ba ste/ bdag nyid kyis gtan la phebs pa bzhin du gzhan la yang gtan la 'bebs? pa'i phyir ro/ /bdag nyid la nges pa med par gzhan gyi the tshom nges par byed mi nus te/ nges pa med par the tshom gcod pa med do/ /spyod ba thams cad dang ldan pa'i blo mnga' ba zhes bya ba 'di'i rnam par bshad pa ni spyod pa sna tshogs kyi mjug par mdzad pa'i yon tan zhes bya ba ste/ rigs dang gnas sbyod dang ya mtshan can thams cad kyi spyod pa dang 'dra ba rnams kyis sems can skal pa yod pa rnams 'dzud pa'i phyir te/ skal pa mnyam pa'i gnad du 'gro ba'i mdo las

  533. 267a

    'byung ba bzhin no/ /gzugs ni gang dang gang gis su/ lus can dag ni 'dul 'gyur ba/ /thugs rjes non nas de dang de/ /thugs brtse bdag nyid ston pa mdzad ces kyang bshad do/ /chos mkhyen pa la nem nur med pa zhes bya ba 'di'i bshad pa ni/ phyi ma la chos 'byung ba mkhyen pa'i yon tan zhes bya ba ste/ 'phags pa nyan thos rnams kyis gang la 'di ni dge ba'i rtsa ba med pa'o/ zhes smras pa de la sangs rgyas bcom ldan 'das rnams kyis ma 'ongs pa'i dus na 'byung bar 'gyur ba'i dge ba'i chos 'byung pa mkhyen te/ tshe rabs gzhan dang 'brel ba'i dge ba phra mo mngon sum du mdzad pa'i phyir ro/ /rnam par ma brtags pa'i sku mnga' ba zhes bya ba 'di'i bshad ba ni/ mos pa ji lta ba bzhin du ston pa'i yon tan zhes bya ba ste/ mos pa ji lta ba bzhin du gser la sogs pa'i rang bzhin du snang yang sku la rnam par rtog pa mi mnga' ba'i phyir nor bu dang sil snyan la sogs pa bzhin te/ de bzhin gshegs pa'i bsang ba'i mdo las ji skad gsungs pa lta bu'o/ /ye shes byang chub sems dpa' thams cad kyis yang dag par mnos pa zhes bya ba 'di'i bshad pa ni/ sku dpag tu med pas sems can 'dul bar sbyor ba'i yon tan zhes bya ba ste/ byang chub sems dpa' ye shes thob pa khyad par can rnams kyis byang chub sems dpa' lus dpag tu med pas sems can 'dul ba'i don du sbyor ba chos mnyan pa sngon du btang ba gang yin pa de ni sangs rgyas kyi dbang gis phan gdags pa dang/ yongs su gtad pa gnyis kyis rgyun mi 'chad par gcig nas gcig tu brgyud de 'byung ngo/ /byang chub sems dpa' thams cad kyis yang dag bar mnos pa ni bdag nyid du byas pa'o/ /sangs rgyas kyi

  534. 267b

    gnas ba gnyis su med pa dam pa'i pha rol tu phyin pa zhes bya ba 'di'i bshad pa ni/ chos kyi sku mnyam pa la pha rol tu phyin pa rnams grub pa'i yon tan zhes bya ba ste/ gnyis su med pa'i phyir mnyam pa nyid do/ /chos kyi sku mnyam ba la pha rol tu phyin pa rnams grub pa ni 'bras bu'i gnas skabs yin pa'i phyir ro/ /yang na mnyam pa ni lhag chad med pa ste/ chos kyi sar pha rol tu phyin pa thams cad grub ba ste/ sa dag la byang chub sems dpa' rnams kyi ltar de la ni lhag chad ci yang med do// pha rol tu phyin pa zhes bya ba ni pha rol tu phyin ba zhes bya ba'i tha tshig go /de bzhin gshegs ba ma 'dres ba'i rnam par thar par mdzad pa'i ye shes kyi mthar phyin ba zhes bya ba 'di'i bshad pa ni/ mos pa ji lta ba bzhin du sangs rgyas kyi zhing ma 'dres pa ston pa'i yon tan zhes bya ba ste/ dbyer med pas sangs rgyas kyi zhing gcig yin yang sems can rnams kyi mos pa la bltos nas mkhyen bzhin du bcom ldan 'das kyis gser la sogs pa'i rang bzhin du mos pa mdzad nas ma 'dres par kun tu ston to/ /de'i phyir sangs rgyas ma 'dres pa'i mos pa'i ye shes kyi mthar phyin ba zhes bya bar tshig rnam par sbyar te/ rnam bar thar pa zhes bya ba ni 'dir mos par bzhed do/ /mdza' dang dbus med pa'i sangs rgyas kyis mnyam pa nyid thugs su chud pa zhes bya ba 'di'i bshad pa ni/ sangs rgyas kyi sku gsum gyi yul yongs su ma chad pa'i yon tan zhes bya ba ste/ yul yongs su ma chad pa'i yon tan gyi ni 'jig rten gyi khams bzhin du sangs rgyas kyis mdza' med cing dbus med pa rnams su 'am/ yang na sa ni 'dir 'jig rten gyi khams te/ de nyid yul/ /mdza' dang dbus med pa'i sku gsum gyi bdag nyid can gyi sangs rgyas rnams gyis ni 'jig rten gyi khams ma lus pa thams cad du mnyam par gshegs te/ chos

  535. 268a

    kyi sku la sogs pa ni 'jig rten gyi khams 'di tsam du zad kyi/ gzhan du ni ma yin no zhes bya bar yongs su chad pa med pa'i phyir ro/ /yang na chos kyi sku la sogs pa mdza' dang dbus med pa mnga' ba'i sangs rgyas dag sa rnams su mnyam par thugs su chud pa zhes bya bar tshig rnam par sbyar ba ste/ thams cad du yang sems can gyi don kun tu ston pa'i phyir dang/ chos kyi sku yang rang bzhin gyis mdza' dang dbus med pa'i phyir ro/ /chos kyi dbyings kyis klas pa zhes bya ba 'di'i bshad pa ni/ 'khor ba'i mdza' ji tsam par sems can thams cad la phan pa dang bde bar nye bar gnas pa'i yon tan zhes bya ba ste/ chos kyi dbyings kyi don ni bshad zin to/ /'di'i des klas pa ni shin tu rnam par dag pa'i phyir ro// de'i rgyu mthun pa mdo la sogs pa'i chos rnams ni da ltar dang/ phyi ma la ji ltar mthun mthun du sems can thams cad la phan pa dang bde ba'i phyir nye bar gnas so/ /nam mkha' i khams kyi mthas gtugs pa zhes bya ba 'di'i bshad pa ni/ mi zad pa nyid kyi yon tan zhes bya ba ste/ nam mkha' ni sgrib pa med pa'i ngo bo nyid de/ thogs pa dang bcas pa'i rdzas rnams la mi sgrib pa'i las can no/ /de nyid khams te/ rang gi mtshan nyid 'dzin pa'i phyir ro/ /khung bu dang snang ba dang mun pa'i ngo bo nyid ni ma yin te/ mdza' yod par 'gyur ba'i phyir ro/ /ji ltar nam mkha' mdza' yas mu med cing zad pa med la 'jig pa dang skye ba'i 'gyur ba med cing rtag tu lus can rnams la skabs 'byed par nye par gnas pa de bzhin du chos kyi sku yang sems can thams cad la phan pa dang bde bar nye bar gnas pa'i mtshan nyid de/ sems can gyi khams ji srid par 'gro ba thams cad kyi don mdzad pa rgyun mi gcod do/ /blo phul du byung ba'i phyir yon tan des na shin tu rnam par dag pa'i blo mnga' ba zhes

  536. 268b

    bya'o/ /bcom ldan 'das ni nyan thos dang byang chub sems dpa' rnams las blo phul du byung ba'i phyir khyad par du 'phags so/ /ji ste zhe na/ kun tu spyod pa gnyis mi mnga' ba zhes bya ba smos pa ste/ nyan thos la sogs pa ni shes bya la gnyis kun tu 'byung ste/ ye shes dang nyon mongs pa can ma yin pa'i mi shes pa'o/ /de med pa'i phyir sangs rgyas kyi ye shes phun sum tshogs so/ /spangs pa phun sum tshogs pa'i dbang du byas nas mtshan nyid med pa'i chos la mchog tu gzhol bar mdzad pa zhes bya ba smos te/ 'khor ba dang mya ngan las 'das pa'i mtshan nyid dang mi mthun pa'i mtshan nyid mi gnas pa'i mya ngan las 'das pa'i phyir/ de thabs gang gis brnyes zhe na/ sangs rgyas kyi gnas pa gnas pa zhes bya ba smos pa ste stong pa nyid dang thugs rje chen po la gnas pa'i phyir bcom ldan 'das ni 'khor ba la yang mi gnas/ /mya ngan las 'das pa la yang mi gnas so/ /sangs rgyas kyi gnas pa 'di ci zhig gzhan dag dang thun mong pa yin nam zhe na/ ma yin te/ sangs rgyas thams cad dang mnyam pa nyid brnyes pa zhes smos pa ste/ sangs rgyas rnams ni phan tshun 'dres pa nye bar 'dres par rnam pa thams cad du gnas pa'i phyir ro/ /de ltar rang gi don phun sum tshogs pa gzhan gyi don mdzad pa la gdul ba rnams kyi sgrib pa thams cad kyi gnyen po'i dbang du byas nas sgrib pa mi mnga' bar rtogs par thugs su chud pa zhes bya ba smos so/ /de la bar chad byed pa bdud la sogs pas de las phyir mi zlog pa'i dbang du byas nas phyir mi zlog pa'i chos dang ldan pa zhes bya ba smos so/ /sems can gang dag gi don mdzad pa na de dag gi spyod pas mthon dman du 'gyur pa med pas spyod yul kyis mi 'phrogs pa'o/ /thabs gang gis sems can gyi don mdzad pa de'i dbang du byas nas rnam par bzhag pa bsam gyis mi khyab pa zhes bya ba smos so/ /ci sangs rgyas rnams kyi so so'i sbyor ba tha

  537. 269a

    dad dam zhe na/ ma yin te/ ci'i phyir zhe na/ dus gsum mnyam pa nyid du nges par 'byung ba smos pa ste/ dus gsum rnams su sangs rgyas thams cad don thams cad mdzad par mthun par nges par 'byung ba'i phyir ro/ /de de ltar sems can gyi don mdzad na 'jig rten gyi khams re rer rim gyis mdzad dam zhe na/ ma yin te/ ci'i phyir zhe na/ 'jig rten gyi khams thams cad du zhugs pa'i sku dang ldan pa zhes smos pa ste/ 'jig rten gyi khams thams cad du sangs rgyas 'byung ba kun tu ston pa'i phyir ro/ /de dang der the tshom skyes shing skyes pa rnams gcod pa'i mthu mnga' bar brjod pa'i phyir/ chos thams cad la the tshom mi mnga' ba'i mkhyen pa can zhes bya ba smos pa'o/ /gdul ba rnams kyi rigs tha dad pa'i phyir/ ci rigs su theg pa la 'dul ba la mkhas pa'i dbang du byas nas/ /spyod pa thams cad dang ldan pa'i blo mnga' ba zhes bya ba smos so/ /gdul ba de nyid la skal pa yod pa'am/ skal pa med pa la mkhas pa'i dbang du byas nas/ chos la nem nur mi mnga' ba'i mkhyen pa dang ldan pa zhes bya ba smos so/ /yang dag pa dang/ log pa dang/ de gnyi ga sgrub pa dang ldan pa'i gdul ba de dag la dkal ba la sogs pa'i rnam par rtog pa mi mnga' ba'i dbang du byas nas/ rnam par ma brtags pa'i sku mnga' ba zhes bya ba smos so/ /ma nges pa'i rigs kyi nyan thos dang/ byang chub sems dpa' rnams drang ba dang/ yang dag par gzung ba'i phyir dang/ theg pa chen po yang dag par bsngags pa'i dbang du byas nas/ ye shes byang chub sems dpa' thams cad kyis yang dag par mnos pa zhes bya ba smos so/ /thams cad mkhyen pa yin nam ma yin zhes ston pa la 'dul ba rnams the tshom za ba'i skabs kyi dbang du byas nas

  538. 269b

    sangs rgyas kyi gnas pa gnyis su med pa dam pa'i pha rol tu phyin pa zhes bya ba smos te/ sangs rgyas thams cad dang mnyam pa nyid brnyes pa zhes gsungs pa'i phyir ro/ /thams cad gcig tu thal bar 'gyur ba spang ba'i phyir/ de bzhin gshegs pa ma 'dres pa'i rnam par thar par mdzad pa'i ye shes kyi mthar phyin pa zhes bya ba smos so/ /gal te gcig pa yang ma yin/ tha dad pa yang ma yin na mtshan nyid ci 'dra zhe na/ mdza' dang dbus med pa'i sangs rgyas kyi sa mnyam pa nyid thugs su chud pa zhes bya ba smos so/ /rtag pa dang mi rtag pa nyid la sogs pa thams cad mdza' yin na de'i mtshan nyid med pa spang ba'i phyir chos kyi dbyings kyis klas pa zhes bya ba smos te/ chos kyi dbyings kyi mtshan nyid yongs su dag ste/ spros pa dang bral ba zhes bya ba'i the tshig go /de lta yin na dus ji srid cig tu sems can gyi don mdzad ce na/ nam mkha' i khams kyi mthas gtugs pa zhes bya ba smos so/ /don sum cu rtsa gnyis po dag ni/ las bcu drug gis rab tu dbye bar rig par bya'o zhes bya ba la/ las nyid ni bya ba yin pa nyid du bstan pa'i phyir ro/ /phan pa dang bde bar bya ba'i lhag pa'i bsam pa zhes bya ba la phan pa ni phyi ma la bde ba ste/ dper na 'dod chags kyi shas che ba tshangs par spyod pa lta bu'o/ /bde ba ni da ltar gyi dga' ba ste/ dper na 'dod pa can rnams kha na ma tho ba dang bcas pa'i yul la nye bar spyod pa lta bu'o/ /phan pa dang bde ba ni da ltar dang ma 'ongs pa na dga' ba ste/ dper na 'dod chags chung ngu'i tshangs par spyod pa de nyid lta bu'o/ /de la byang chub sems dpa' rnams ni da ltar dang ma 'ongs pa na lus can rnams bde ba bla na med pa la brtan par ji ltar 'gyur zhig gu snyam du dad pa dang 'dun pa'i ngo bo nyid kyi bsam pa shes che ba ni lhag pa'i bsam pa'o/ /thams cad mkhyen pa'i ye

  539. 270a

    shes la 'jud pa zhes bya ba ni gcig nas gcig tu brgyud ba'i las kyis ston te/ mar me las mar me stong du ma ched par byed pa bzhin du gcig nas gcig tu brgyud pa'i las kyis phan pa dang bde bar bya ba'i lhag pa'i bsam pa bstan pa yin te/ de bzhin du tshig 'og ma thams cad la yang phan pa dang bde bar bya ba'i lhag pa'i bsam pa'i bshad pa sbyor bar bya'o/ /la la phan pa dang bde bar bya ba'i lhag pa'i bsam pa can yin yang phyin ci log tu 'gyur ba yod pas/ /bdag cir zhes bya ba'i shes pas phyin ci log med pa'i las bstan te/ bdag shes pa ni phyin ci ma log par sbyor ba'i phyir ro/ /ji skad du/ bdag shes pa yi yon tan mtshungs pa med/ /bdag mi shes pa'i dri ma mtshungs pa med/ /lha dang mir bcas pa yi 'gro ba 'di/ /cha 'di gnyis kyis brgyan cing gnod par 'gyur zhes bshad pa lta bu'o/ /de skad du/ bdag shes pa ni snying gi rtsa lag gyur pa yin zhes bya ba la sogs pas yang bshad do/ /nga rgyal bcom pa zhes bya ba ni/ gzhan gyis byed du ma bcug par bdag nyid sbyor ba'i las kyis bshad de/ gsol ba 'debs pa la mi sdod par chos ston par 'jug pa'i phyir ro/ /lhag pa'i bsam pa brtan pa zhes bya ba ni mi 'khrugs pa'i las kyis ston te/ 'khor ba pa'i sdug bsngal rnams kyis sems skyo bar byed mi nus pa'i phyir ro/ /bcos ma ma yin par byams pa dang/ mdza' ba dang/ mi mdza' ba la sems snyoms pa dang/ mya ngan las 'das pa'i mdza' i bar du gtan du mdza' ba zhes bya ba gsum ni zang zing med pa'i las rnam pa gsum gyis 'chad de/ de la zang zing dang ma 'brel ba zhes bya ba la/ zang zing gi phyir byams pa de ni bcos ma ste/ rnyes pa yod kyi bar du byams pa'i phyir ro/ /zang zing med par

  540. 270b

    byams pa ni bcos ma yin pa ste/ dus thams cad du med par mi 'gyur ba'i phyir ro/ /su gang zang zing la rag lus te mdza' ba ni mdza' ba dang mi mdza' ba la rjes su chags pa dang khong khro ba dang ldan te/ sems snyoms par mi 'gyur ro/ /zang zing med pa'i sems dang ldan pa ni gnyi ga la yang sems snyoms par 'jug go /zang zing gis byas pa'i mdza' ba la mthun par byed pa ni ji srid mtsho? ba'i bar du mthun par byed pa ste/ gtan du ma yin no/ /byang chub sems dpa' ni zang zing med par byams pa ste/ tshe rabs gzhan dag na yang rjes su mthun par byed pas mya ngan las 'das pa la thug gi bar du gtan du byams so/ /tshig ran pa dang 'dzum pa'i bzhin gyis gsod por smra ba zhes bya ba 'di gnyis ni phan pa dang bde bar bya ba'i lhag pa'i bsam pa dang mthun pa'i ngag dang lus kyi las kyis bshad do/ /snying rje chen po yongs su ma chad pa zhes bya ba ni bde ba dang sdug bsngal gnyis su med par mnyam pa nyid kyi las gyis bshad de/ su dag sdug bsngal ba nyid dag la snying rje 'jug gi/ bde ba rnams la ni ma yin pa de'i las ni ma snyoms pa ste/ gzhan du mi 'jug pa'i phyir ro/ /byang chub sems dpa' ni bde ba dang sdug bsngal dang sdug bsngal yang ma yin bde ba yang ma yin pa yang rung/ sems can du bsdus pa rnams 'du byed kyi sdug bsngal nyid dang ldan pas de dag la bye brag med par snying rje ba'i phyir las mnyam pa yin no/ /khur blangs pa rnams la sgyid? lug pa med pa zhes bya ba ni mi zhum pa'i las kyis brjod do/ /sems can thams cad bsgral pa'i khur la/ / btson bar byas pa'i rtsol ba yongs su mi gtong pa'i phyir ji ltar dam bcas pa sgrub pa'i phyir ro/ /yongs su mi skyo ba zhes bya ba ni mi bzlog pa'i las kyis rnam par 'grel te/ sems can log pa sgrub pas phan pa dang bde bar bya ba'o/ /lhag pa'i bsam

  541. 271a

    pa dang mthun pa'i las las bzlog par mi nus pa'i phyir ro/ /thos pa dang don gyis ngoms mi myong ba zhes bya ba ni/ thabs yongs su 'dzin pa'i las kyis rnam par 'byed do/ /mnyam pa yin pas thos pa ste/ mdo la sogs pa'i chos rnams yin gyi mnyan par bya ba gang ci yang rung ba ni ma yin no/ /don ni de dag nyid kyis brjod par bya ba'o/ /thos pa dang/ don gnyis la ngoms mi myong ba ni chog mi shes pa ste/ de ni sems can yongs su smin par bya ba'i thabs yongs su 'dzin pa'i las te/ thos pa dang don gyis mi ngoms pa ni skal pa ji lta ba bzhin du tshig dang yi ge 'brel pa rnam kyis chos stan pa'i phyir ro/ /tshig gnyis kyis mi mthun pa'i phyogs las 'dun ba bzlog pa'i las zhes bya bas ni/ bdag gi 'khrul pa rnams la nye bar lta ba dang/ gzhan gyi 'khrul pa rnams la mi gsher bar bsgo ba zhes bya ba 'di gnyis so/ /de la mi mthun pa'i phyogs ni 'dod chags la sogs pa'o/ /de las 'dun pa bzlog pa ni phyir bzlog pa ste/ /bdag gi 'khrul pa'i skyon yang dag par mthong na de las ldog go /legs pa bsdoms pas kyang tshig gzung bar 'os pas gzhan dag bya ba ma yin pa las bzlog par nus kyi gzhan du ni ma yin te/ ji skad du/ gnas ma yin zhing go skabs med de/ gang dag log par zhugs la zhes bya ba la sogs pa mdo las ji skad gsungs pa lta bu'o/ /'jig rten na yang/ rang gi nyes la nyes shes na/ /dus zhig na ni 'bral par 'gyur/ /de la yon tan 'dzin pa yi/ /nga rgyal can la 'bral mi 'gyur zhes brjod do/ /su zhig ltung ba 'byung ba la phan bar 'dod pa'i phyir ma yin gyi/ khros te gleng na de'i tshig de yang gzung bar log pa ma yin pas nges mi mthun zhing log par sgrub par

  542. 271b

    'gyur gyi/ bu gcig pa dang 'dra bar byams ba skyes pa ni ltung ba yang gleng bar byed las phyin chad mi bya ba'i sdom pa yang 'dzin du 'jug go /spyod lam thams cad du byang chub kyi sems yongs su spyod ba zhes bya ba ni/ rgyun mi 'chad par de yid la byed pa'i las kyis shes par byed do/ /de zhes bya ba ni phan pa dang bde bar bya ba'i lhag pa'i bsam pa dang sbyar ro/ /byed pa thams cad du byang chub kyi sems yongs su sbyor ba'i phyir te/ spyod yul yongs su dag pa'i mdo las ji skad du/ 'dug pa ni 'di ltar sems can thams cad byang chub kyi snying po la 'dug par gyur cig ces sems bskyed do/ zhes bya ba la sogs pa gsungs pa lta bu'o/ /tshig bdun gyis khyad par du 'gro ba'i las zhes bya ba ni/ rnam par smin pa la mi re ba'i sbyin pa zhes bya ba nas bsdu ba'i dngos po bzhis zin pa'i thabs zhes bya ba'i par re/ /gong nas gong du rab tu dga' ba la sogs pa'i sa'i gnas skabs pa'i pha rol tu phyin pa drug po ji skad smos pa'i mi mthun pa'i phyogs ma lus par bsal ba rnams dang/ bsdu ba'i dngos po rnams ni khyad zhugs par khyad par du 'gro ba 'phel ba 'thob pa'i rgyu'o/ /las ni bya ba yin pa'i phyir ro/ /pha rol tu phyin pa bzhi ni tshig de nyid kyis bshad zin to/ /gang la khyad par yod pa de bshad par bya ste/ de na sems can gyi don bya ba mi mthong ba'i phyir byang chub sems dpa' ni gzugs med pa'i khams su mi skye'o/ /des na byang chub sems dpa' i bsam gtan gang yin pa ni/ gzugs med pa'i khams rnam par bsal ba ste spangs zhes bya ba'i tha tshig go /thabs la mkhas pa ni snying rje dang ldan pa'i shes rab ste/ de sems can gyi don byed pa'i phyir ro/ /de med na sems can gyi don med par 'gyur te/ sangs rgyas nyid ni sems can gyi don no/ /ji skad du/ khyod ni shes rab thugs rje zung 'brel pas/ /zin nas gzhan

  543. 272a

    la phan pa mdzad par gyur/ gzhan gyi don du yang dag spyod pa ni/ byang chub spyod pa gcig pu'i lam lags so/ /zhes bshad pa lta bu'o/ /bsdu ba'i dngos po bzhi ni sbyin pa dang/ snyan par smra ba dang/ don spyod pa dang/ don mthun pa'o/ /sbyin pa ni phan 'dogs pa'i phyir sbyin pa la 'jug pa'o/ /snyan par smra ba ni bye brag tu rtogs pa'i phyir te/ chos ston pa'i mtshan nyid yin pa'i phyir ro/ /don spyod pa ni dge ba la 'dzud pa'i phyir te/ yang dag pa len du 'jug pa'i ngo bo yin pa'i phyir ro/ /don mthun pa ni mthun par 'jug pa'i phyir te/ yon tan mtshungs pa nyid kyi ngo bo nyid yin pa'i phyir ro/ /yang na sbyin pas ni chos kyi snod du byed do/ /snyan par smra bas ni chos la mos par byed do/ /don spyod pas ni chos la mos pa bsgrub par byed do/ /don mthun pas ni zhugs pa sbyor bar byed de/ yang dang yang du bkra bar byed pa'i phyir ro/ /de dag nyid thabs te/ ngo bo nyid kyis sdud pa'i phyir ro/ /tshig drug gis grub par sbyor ba'i las zhes bya ba la grub par bya ba'i phyir sbyor ba ni grub par sbyor ba'o/ /gang gis grub pa de ni las so/ /skyes bu dam pa la brten pa dang/ zhes bya ba nas/ grogs kyi yon tan zhes bya ba de dag ni mdo'i tshig brgyad pa'o/ /tshul khrims dang ldan pa dang/ tshul khrims 'chal ba rnams la gnyis su med pa'i byams pa zhes bya ba nas/ dge ba'i bshes gnyen la brten pa zhes bya ba'i bar gyis bshad de/ yid la byed pa'i yon tan dang grogs kyi yon tan gnyis tshig gnyis gnyis kyis bshad pa'i phyir ro/ /'di dag la tshul khrims yod pa'i phyir tshul khrims dang ldan pa'o/ /tshul khrims sdig pa can ni tshul khrims 'chal pa'o/ de dag las chos nyan pa na chos la gus pa'i phyir de gnyi ga la yang bshes gnyen bzang por 'du shes nas de dag la brten to/ /tshul khrims 'chal ba la skyes bu tha shal zhes brnyas par mi byed de/ ji skad du/ mkhas pa tshul khrims ngan yang

  544. 272b

    mi dman zhing/ /phan par smra la gsal bar smra ba la/ /bla ma ci 'dra de bzhin gus par byed/ /de yi legs par sma la byams de 'dra zhes bshad pa lta bu'o/ /gus par byas te chos nyan zhes bya ba ni ji skad du/ rnam pa bcu drug gis chos mnyan par bya'o/ /zhes bshad pa lta bu'o/ /gnas nas rgyang grags gcig phan chad ni dgon pa'o/ /gus par byas te zhes bya ba ni ji lta ba bzhin du gus pa'o/ /rnam par rtog pa bzang po ma yin pa ni 'dod pa la sogs pa dang ldan pa ste/ gar byed pa dang/ gar byed du 'jug pa dang glu len pa la sogs pa 'jig rten gyi sna tshogs pa mi dga' bas de dag yongs su spong ngo/ /yid la byed pa'i yon tan ni nyan thos dang rang sangs rgyas kyi theg pa 'dod pa 'dor ba dang/ theg pa chen po'i yon tan 'dod pa dang ldan pa'i phyir ro/ /grogs kyi yon tan ni sdig pa'i grogs po yongs su spong ba dang/ dge ba'i bshes gnyen la bsten pa'o/ /gsum gyis grub pa'i las zhes bya ba ni grub pa'i rtags so/ /las kyi sgra ni 'dir rtags kyi rnam grangs su gtogs pa ste/ tshad med pa dang/ mthu dang/ rtogs pa'i yon tan rnams kyis de dag bshad do/ /tshangs pa'i gnas pa bzhi yongs su sbyong ba zhes bya ba la logs pa tshad med pa bzhi po byams pa dang/ snying rje dang/ dga' ba dang/ btang snyoms ni tshangs pa'i gnas pa'o/ /de dag ni grub po na rnam par dag pa bag la zhi ba bzhin du shes par byed pas rtags kyi sgra 'thob po/ /mthu zhes bya ba ni mthu stobs te/ mngon par shes pa lnga po dag gis rnam par rol pa'i phyir rdzu 'phrul che ba nyid do/ /zag pa zad pa'i mngon par shes pa ni mthu ma yin te shes rab kyis rnam par grol ba rdzu 'phrul che ba ma yin pa'i phyir ro/ /yang na byang chub sems dpa' i skabs yin pas de ma smos te/ 'di yang grub pa'i rtags so/ /rtogs pa ni mngon sum du byed pa dang/ de mngon sum du byed pa'i dbang ste/ ye shes la rten pa zhes

  545. 273a

    bya bas ston te/ /so so rang gis rig pa bdag nyid kyis mngon sum pa'i ye shes so/ /rton pa ni phug ste tshad mar bshad pa yin gyi/ don tsam rnam par shes pa ni ma yin te/ des zhi bar mi 'gyur ba'i phyir ro/ /tshig bzhis des 'jog pa'i las shes bya ba ni phan pa dang bde bar bya ba'i lhag pa'i bsam pa des 'jog pa ni des 'jog pa'o/ /de nyid las te/ sgrub pa dang log par sgrub pa la gnas pa'i sems can rnams zhes bya ba nas rdzogs pa'i bar ro/ /'di dag gi bshad pa na/ tshogs yongs su sdud pa'i yon tan zhes bya ba nas bzung ste/ tha mar thug gi bar te/ tshul khrims 'chal pa mi dge ba'i gnas las bskyod de/ dge ba la 'jog gi /sgyug? par ni mi byed do/ /tshig gcig tu chad pa ni the tshom med par gyur pa'i gdams pa dang rjes su bstan pa tshig gzung bar 'os pa yin pa'i phyir/ the tshom can gyi tshig ni gzung bar 'os pa ma yin pa'i phyir ro ba don pa ces su byed pa zhes bya ba ni/ chos dang zang zing gis sdud pa zhes bya bas 'chad de bsgo ba dang/ gang yang rung ba dang/ gnyi ga las yang dag par bgo bsha' bya bar dam bcas nas chos dang zang zing gnyis kyis de bzhin du sgrub pa'i phyir ro/ /'di yang las yin no/ /byang chub kyi sems sngon du 'gro ba ni des yongs su bzung bas sems kun nas nyon mongs pa med par byed de/ bsnyen bkur byed pa la sogs pa tshe 'di'i 'bras bu la chags par mi sems pa'i phyir dang/ byang chub chen po thob par bya ba'i sems pa'i phyir ro/ /tshigs su bcad pa'i don ni brda phrad par zad do/ /de lta bu'i las dang ldan pa'i byang chub sems dpas shes bya'i mtshan nyid ji ltar mngon par rtogs par byed pa de ltar brjod par bya'o/ /mang du thos pas bsgos pa'i gnas zhes bya ba ni theg pa chen po'i skabs yin pa'i phyir ro/ /theg pa chen po'i chos dang don mang

  546. 273b

    du thos pas sems dang sems las byung ba'i rgyud bsgos pa yin te/ mang du thos pa ni mngon par rtogs pa med pa'i phyir ro/ /'di ltar bcom ldan 'das la 'phags pa sgra gcan zin gyis gsol pa/ bcom ldan 'das kyis bdag la mngon par rtogs par bgyi ba'i slad du/ gdams su gsol/ bka' stsal pa/ sgra gcan zin khyod kyi phung po pa bzung ngam/ des gsol pa/ bcom ldan 'das ma bzung lags so/ /bcom ldan 'das kyis bka' stsal pa/ sgra gcan 'dzin de lta bas na phung po pa nyid je zung shig /kun chub par gyis shig ces bya ba la sogs pa'o/ /kun gzhi rnam par shes pas bsdus pa ma yin zhes bya ba ni chos kyi dbyings shin tu rnam par dag pa'i rgyu mthun pa dang/ de'i gnyen po yin pa'i phyir de'i rang bzhin ma yin te/ 'gal ba'i phyir des bsdus pa ma yin no/ /kun gzhi rnam par shes pa ltar sa bon yin pa zhes bya ba ni ji ltar kun gzhi rnam par shes pa kun nas nyon mongs pa'i chos rnams kyi rgyu yin pa de bzhin du gnas 'di yang rnam par byang ba'i chos rnams kyi rgyu yin te/ rgyu'i dngos po tsam du dpe dang bstun pa yin gyi/ gzhan du ni ma yin no/ /chos ni mdo la sogs pa'o/ /don ni de dag nyid kyi brjod par bya ba bdag med pa la sogs pa'o/ /'di dag ni de'i rnam par 'byung ba'i dang tshul can yin pas der snang ba 'byung ba'i tshul can no/ /bzung pa'i dngos po'i gnas lta bu zhes bya ba ni de dang 'dra bar snang ba'i phyir ro/ /lta ba dang bcas pa zhes bya ba ni rna ba'i rnam par shes pa dang bcas pa'o/ /yid kyi brjod pa rnams zhes bya ba ni yid kyi rnam par shes pa rnams so/ /yang na lta ba'i cha dang bcas pa'i gzung ba dang 'dzin pa'i dngos por rnam par bzhag pa rnams te/ ji skad sngar bshad pa bzhin no/ /'jug pa su zhe na zhes bya ba ni 'jug par byed pa mngon par rtogs par byed pa po dpyod pas 'dri ba glang slong ngo/ /sems kyi rgyud theg pa

  547. 274a

    chen po chos mang du thos pas bsgos pa zhes bya ba la sogs pa la/ sangs rgyas 'byung ba tshad med pa mnyes par bya ba ni mngon du byed pa ste/ 'dis de thob pas sangs rgyas 'byung ba tshad med pa mngon du byed pa thob ces bya ba'i tha tshig go /gcig tu mos pa can zhes bya ba ni gang theg pa chen po'i chos la mngon par yid ches te/ bshes gnyen ngan pa gang gis kyang dbyer mi byed pa'o/ /theg pa chen po pa mang du thos pa la sogs pa rnam pa 'di gsum gyis/ dge ba'i rtsa ba legs par bsags pa'i phyir bsod nams dang ye shes kyi tshogs legs par bsags pa'i byang chub sems pa'o/ /gang du 'jug ce na/ zhes bya ba ni yul dmigs kyis dbye ba lhur len pas 'dri ba'o/ /lta ba dang bcas pa'i chos zhes bya ba la sogs pa la/ theg pa chen po'i chos kyi rgyu las de'i rnam par 'byung ba 'jug pa po'i yid kyi brjod pa ni 'jug par bya ba'i yul yin pas gzhi nyid du brjod par 'dod pa'o/ /yid kyi brjod pa de la 'jug pa kha cig ni/ mos pas spyod pa'i sa la 'jug ste/ thos pa tsam gyis chos thams cad rnam par rig pa tsam nyid du mos pa'i phyir ro/ /kha cig ni mthong ba'i lam la 'jug ste/ ji lta ba bzhin du yid kyi brjod pa rab tu rtogs pa'i phyir ro/ /de la ji lta ba bzhin du rab tu rtogs pa ni 'di yin te/ 'di ltar sems can med pa dang/ chos med pa dang/ bzung ba med pa dang/ 'dzin pa med par rab tu rtogs pa'o/ /kha cig ni sgom pa'i lam la 'jug ste/ nyon mongs pa dang/ shes bya'i sgrib pa thams cad kyi gnyen po nyid du sgom pas de rnam par dag pa'i phyir ro/ /kha cig ni 'thar phyin pa'i lam la 'jug ste/ sgrib pa med pa'i phyir ro/ /de ltar na rab tu rtogs pa rnam pa bzhi'o/ /gang gis 'jug ce na/ zhes bya ba ni rgyu yongs su 'dri ba ste/ thabs gang gis 'jug ce na zhes bya ba'i tha tshig

  548. 274b

    go /dge ba'i rtsa ba'i stobs bskyed pa zhes bya ba la sogs pas ni de ston to/ /dge ba'i rtsa ba'i stobs can du gyur zin kyang sems zhum pa yang yod do snyam pa la/ rnam pa gsum gyis sems sbyong ba zhes bya ba slos so/ /'jig rten gyi khams dpag tu med pa rnams kyi zhes bya ba la sogs pa la sems sbyong ba dang po'o/ /zhes bya ba ni gsal bar byed pa ste/ bshad pa nyid kyis gsal bar byas zin to/ /bsam pa de bdag gis thob pa ste zhes bya ba ni bgegs med ces bya ba'i tha tshig go /gang gi phyir ser rna med pa dang/ 'dod pa la rnam par rtog pa med pa dang/ gnod sems med pa dang/ le lo med pa dang/ gnyid dang rmugs pa med pa dang/ ma rig pa med pa de'i phyir/ tshegs chung ngus pha rol tu phyin pa drug po dag bsgom pa yongs su rdzogs par 'gyur ro snyam pa ni sems sbyong ba gnyis pa ste/ bsam pa khyad par du 'phags pa thob na sbyin pa la sogs pa rang gi ngang gis 'byung ba'i phyir ro/ /dge ba sgrib pa dang bcas pa yang zhes bya ba ni 'jig rten pa'i dge ba ste/ de dang ldan pa'o/ /de ni mi mthun pa'i phyogs ma spangs pa'i phyir sgrib pa dang bcas pa'o/ /bdag ni mi mthun pa'i phyogs spangs pa sgrib pa med pa'i dge bas dge ba can yin na/ sangs rgyas nyid du phun sum tshogs par ci'i phyir mi 'gyur snyam pa ni sems sbyong ba rnam pa gsum pa ste/ sems rab tu 'dzin cing rnon por byed ces bya ba'i tha tshig go /don de nyid tshigs su bcad pa rnams kyis sdud de/ gang phyir sems can dpag med pa/ /mir gyur skad cig re re la/ rdzogs pa'i byang chub thob gyur pa zhes bya ba la sogs pa'o/ /zhum pa zhes bya ba ni sems gong ba'o/ /de mi bya zhes bya ba'i ba tshig ste/ bdag gi bla na med pa yang dag par rdzogs pa'i byang chub mngon par rdzogs bar 'tshang rgya bar mi nus so/ /snyam du bdag la nus pa med par bsam par mi bya ste/ ji skad du/ gang dag kha cig ba de bar

  549. 275a

    gshegs pa'i go 'phang thob gyur pa/ /de yang shin tu dman pa'i gnas skabs der ni lhung bar gyur/ /khyod ni nyam ngar lhung yang bdag la smad pa mdzad pa ma byung/ /bdag smod ro yin skyes bu skyid pa 'jig par byed/ /ces bshad pa lta bu'o// bsam pa gang gis zhes bya ba'i bsam pa de ni sngar bshad zin to/ /chags pa med par sbyin pa la 'jug pa'i rgyu yin no/ /legs yid kyis zhes bya ba ni dge ba'i sems rnams kyis yin gyi/ mi dge ba dang lung du ma bstan pa'i sems rnams kyis ni ma yin te/ ji ltar 'jig rten pa dge ba dang lung du ma bstan pa rnam par g.yengs pa'i sems dang ldan pa rnams kyang srid pa dang longs spyod 'dod pas sbyin pa la sogs pa la 'jug pa ltar/ byang chub sems dpa' rnams ni de lta ma yin te/ bla na med pa yang dag par rdzogs pa'i byang chub don du gnyer ba'i phyir ro/ /bsam pa de thob ces bya ba ni rang gi ngang gi 'byung ba'i bsam pa ji skad smos pa gang gis pha rol tu phyin pa rnams sgom pa de thob pa'o/ /brtan rnams kyi zhes bya ba ni byang chub sems dpa' rnams kyi ste/ gang gi phyir/ sbyin pa la sogs pa nyid du brjod pa yin gyi de ni mi mthun pa'i phyogs ni ma yin par nges par byas pas mi mthun pa'i phyogs spong bas bsgrim mi dgos par 'jug pa nyid bstan to/ /sogs pa smos pa ni tshul khrims la sogs pa'i pha rol tu phyin pa khong du chud par bya'o/ /dge dang ldan pa shi ma thag ces bya ba ni 'jig rten pa'i dge bas dge ba can shi ba'o/ /'dod bzhin phun sum tshogs lus thob ces bya ba ni 'jig rten pa rnams srid pa'i rtse mo'i bar du yang skye bar 'gyur zhes bya ba'i tha tshig go /spangs pa dge ldan zhes bya ba ni sgrib pa spangs pa'i dge bas dge ba dang ldan pa rnams zhes bya ba'i tha tshig go /phun sum tshogs te zhes bya ba ni ji ltar 'dod pa'i sangs rgyas nyid do/ /gnas bzhi spong

  550. 275b

    ba zhes par smos pa'i spang par bya ba de dag ston te/ yid la byed pa spangs pas zhes bya ba ni nyan thos dang rang sangs rgyas kyi theg pa yid la byed pa 'dor ba'i phyir ro/ /yid gnyis dang som nyi spangs pas zhes bya ba ni/ theg pa chen po'i zab pa nyid dang rgya che ba nyid la yid gnyis phyin ci log dang the tshom med par bya ba'o/ /chos la mngon par zhen pa spangs pas zhes bya ba ni/ thos pa dang bsams pa'i chos la ngar 'dzin pa dang/ nga yir 'dzin par mngon par zhen pa spang bar bya ste/ mngon par rtogs pa'i bar du gcod pa'i phyir ngas nyan to ngas khong du chud do/ /nga'i thos pa'o/ /nga'i don to zhes mngon par zhen par mi bya'o/ /rnam par rtog pa spangs pas zhes bya ba ni gang mdun na bsal mi dgos par rang gi ngang gis gzugs la sogs pa gnas pa dang/ gang yang ting nge 'dzin 'dod pas bsgrims te/ rnam par byang ba bi'i keng rus la sogs pa bzhag pa dmigs par gyur ba'i mtshan ma de thams cad yid la me byed pas rnam par mi rtog par spong ba'am/ pha rol tu phyin pa la sogs pa nas sangs rgyas dang/ byang chub sems pa'i mtshan ma'i bar la/ de ni 'di yin no zhes mngon par zhen nas rnam par rtog par mi byed pa'o/ /tshigs su bcad pa ni tshig de nyid kyis bshad zin to/ /gang gis ji ltar 'jug ce na zhes bya ba ni byed pa dang 'di ltar bya ba 'dri ba'o// 'di ltar 'jug par byed pa pos las la 'jug par byed pa na byed pa dang mngon par rtogs pa'i mtshan nyid kyi bya ba 'di lta bu dang 'di lta bu bya'o zhes bya ba gdon mi za bar dgos par 'gyur te/ des na gnyi ga ston to/ /thos pa'i bag chags kyi rgyu las byung ba zhes bya ba la sogs pas ni byed pa ston to/ /yongs su tshol ba bzhin dang/ yang dag pa ji lta ba bzhin du yongs su shes pa bzhi zhes bya bas ni 'di ltar bya ba ston to/ /sbyor ba'i dus na ni yongs su tshol ba ste/

  551. 276a

    nges par rtogs pa'i rnam pa'i lta ba dmigs pa med pa'i rnam par 'jug pa'i yongs su rtog pa'o/ /dmigs pa med par nges pa'i ye shes ni 'bras bu'i rang bzhin te/ yang dag pa ji lta ba bzhin du yongs su shes pa'o/ /de la ming ni gzugs zhes bya ba la sogs pa'i tshig go /ming de yongs su tshol ba ni yid kyi brjod pa tsam nyid du rtog pa ste/ yid kyi rjod pa las gud na med pas gtags par yod pa'i phyir ro/ /dngos po yongs su tshol ba ni ji ltar ming gi tshogs la sogs pas phung po dang/ khams la sogs par brjod pa de bzhin du yongs su grub pa med par rtog pa ste/ rigs dang rigs can gyi 'brel pa tha dad na de dang ldan pa'i brjod pa mi rung ba'i phyir ro/ /ming gi dngos po brjod par bya ba'i don gang yin pa ming la brten pa'i brjod par bya ba de la yang yid kyi brjod pa tsam du zad par rtog par byed de/ phyi rol gyi rnam par 'dzin pa las zlog cing/ nang gi yan lag tu nye bar rtog par byed do/ /gzugs la sogs pa zhes bya ba'i tshig de yang na ni ngo bo nyid du brtags pa'i rang bzhin du 'gyur te/ lus dang tshor ba zhes bya ba la sogs pa ste/ gang zag brtags pa ltar med bzhin du yang ngo bo nyid du 'dogs pa'i phyir ro/ /yang na ni khyad par du gdags pa'i mtshan nyid de/ mi rtag pa dang sdug bsngal ba zhes bya ba la sogs pa ste/ med bzhin du khyad par 'dogs pa'i phyir ro/ /ming dang bcas pa'i don zhes bya ba ni ming dang brjod par bya ba dang bcas pa'o/ /ngo bo nyid dang khyad par du brtags pa dang bcas shing zhes bya ba ni ngo bo nyid khyad par gyi sgra gnyis dang bcas pa'o/ /ngo bo nyid dang khyad par du bcas pa zhes bya ba ni don gnyis dang bcas pa ste/ 'di thams cad don gyi mtshan nyid du mi dmigs pa na zhes bya ba la sogs pa ni kun brtags pa'i don mi dmigs

  552. 276b

    par nges par sems pa'i rnam pa yongs su tshol pa bzhi po thabs su gyur pa rnams kyi 'bras bu yang dag pa ji lta ba bzhin du shes pa rnam pa bzhi nyid do/ /de dag mi dmigs pa'i phyir ro zhes bya ba ni ming la sogs par mi dmigs par nges pa'i phyir ro zhes bya ba'i tha tshig go /nges par rtogs pa'i yongs su tshol ba'i 'bras bu ni mi dmigs pa ste/ ming yongs su tshol ba'i 'bras bu ni mi dmigs pa'i shes pa'o dngos po yongs su tshol ba'i 'bras bu ni dngos po mi dmigs pa'i shes pa'o/ /de bzhin du ngo bo nyid dang khyad par du gdags bal yang brjod par bya'o/ /gal te don med pa'i phyir rnam par rig pa tsam nyid la 'jug na/ rnam par rig pa tsam nyid de la 'jug ces ji skad bya zhes bya bas spong bar byed de/ de nyid 'di'i don yin par bsams pa'o// ? dgag pa'i phyir de tsam nyid ces bya ba smos so/ /rnam par rig pa'i don med pa nyid yin gyi/ phyi rol 'ba' zhig gis ni ma yin no/ /gal te don med pa nyid yin no skye mched bcu gnyis la sogs pa bshad pa dang/ 'jig rten pa'i don gyi tha snyad kyi rjes su zhugs pa ji lta bu zhe na/ de'i phyir rgyu mtshan dang lta ba dang bcas pa gnyis zhes bya ba 'di smos te/ don med bzhin du yang phyi rol gyi don du snang ba'i rnam par rig pa ni don mngon par brjod pa'i bag chags kyi dbang gis 'grub la/ rnam par rig pa snang ba yang lta ba zhes bya bar btags pas 'gal ba med do/ /ci rgyu mtshan dang lta bar snang ba'i rnam par rig pa 'di dag rigs gzhan du gyur pa nyid ces 'jug par byed dam/ /'on te ma yin zhe na/ de'i phyir sna tshogs kyi rnam pa nyid la 'jug ces bya ba smos te/ rnam par shes pa gcig nyid bzung ba dang 'dzin pa'i dngos por rnam pa tha dad pas dus gcig tu rnam pa sna tshogs su snang ngo zhes 'jug go /sna tshogs zhes bya ba ni shes pa gcig nyid

  553. 277a

    rnam pa mang por rang gis rig go /rtog pa rnam pa 'di gsum rnam par dgrol ba'i skabs kyis ming la sogs pa don rnam pa drug don med pa nyid ces bya ba la sogs pa gsum bstan to/ /ci 'dra bar ni 'jug ces gang smos pa de'i dper/ mun khung na sprul tu snang ba'i thag pa bzhin du 'jug ces bya ba la sogs pa smos te/ dpes ngo bo nyid gsum rtogs par ston to/ /dper na med pa'i phyir thag pa la sgrul ni nor pa ste/ de bzhin du ming la sogs pa don rnam pa drug yin yi ge dang don du snang ba'i yid kyi brjod pa gzhan gyi dbang la ming la sogs pa yang nor ba yin no/ /de la ji ltar thag pa'i blo la brten nas med pa la 'khrul pa'i phyir sprul gyi blo ldog pa de bzhin du gzhan gyis dbang la brten nas ming la sogs pa kun brtags pa'i don rnam pa drug gi blo rnam bar ldog go /ji ltar kha dog dang dri la sogs pa la brten nas cha shas su bshig na thag pa'i blo yang ldog ste/ de skad du/ thag pa sprul du shes pa las/ thag par mthong nas don med do/ /de yi cha mthong de la yang/ /shes pa sprul ltar rnam par 'khrul ces bshad do/ /de bzhin du rnam pa drug la yang dag pa'i don bsal na zhes bya ba la/ bsal ba ni phral ba ste/ med ces bya ba'i tha tshig go /don yang dag pa ma yin pa rnam pa drug po med pa'i mtshan nyid yongs su grub pa la brten nas gzhan gyi dbang 'khrul pa yang bzlog par bya ba yin te/ bsal bar bya ba yin no/ /yid kyi brjod par snang ba'i don gyi mtshan nyid la 'jug pas zhes bya ba ni yid kyi brjod pa 'di don du snang gi /kun brtags par bya ba'i don ni med do/ /zhes kun brtags pa la 'jug go /rnam par rig pa tsam la 'jug pas zhes bya ba ni rnam par rig pa tsam 'di ma rig pa'i dbang gis 'khrul te don med bzhin du 'khrul pa don gyi rnam par snang ngo/ /zhes gzhan gyi dbang la 'jug go /yongs su grub pa la 'jug pa'i

  554. 277b

    skabs kyi/ don gyi 'du shes rnam par bshig pa zhes bya ba smos te/ don gyi 'du shes bsal zhes bya ba'i tha tshig go /don du snang ba thams cad 'byung ba'i gnas skabs med pa yin no/ /zhes bya ba ni don du snang ba gang gis kyang skyed mi nus so zhes bya ba'i tha tshig go /des na rnam par rig pa tsam du snang ba yang mi 'byung zhes bya ba ni bzung ba med na 'dzin pa med pa'i phyir te/ rnam par rig pa tsam don du byas nas mi 'byung zhes bya ba'i tha tshig go /don thams cad la rnam par mi rtog pa'i ming la gnas shing zhes bya ba la sogs pas ni ming gi spyod yul mdo la sogs pa'i chos gang yin pa de dag gis ma 'phags pa la 'di thams cad ni ming tsam mo zhes bya bar rnam par gnas shing/ ji skad du/ thams cad ming tsam kho na ste/ rtog pa thams cad 'jug pa med/ /ming du snang ba'i rnam rig la/ /ming zhes nye bar 'dogs par byed ces bshad pa lta bu'o/ /chos kyi dbyings la mngon sum gyi tshul gyis gnas so/ /zhes bya ba ni so so rang gis mngon sum du byed pas gnas kyi/ mos pas ni ma yin no// dmigs par bya ba dang/ dmigs par byed pa mnyam pas mnyam pa'i ye shes zhes bya ba ni ji ltar dmigs par bya ba med pa de bzhin du dmigs par byed pa yang med pas dmigs par bya ba dang dmigs par byed pa gnyis mnyam pas mnyam pa nyid do/ de ltar na 'di yongs su grub pa'i ngo bo nyid la zhugs pa yin no zhes bya ba ni 'jug pa'i byed pa po'i spyod pa med par gyur pa'i mthar thugs ston to/ /btags pa dang gzhan gyi dbang la 'jug pa ni lhag ma dang bcas pa'i phyir 'jug pa'i bya ba mthar thug pa ma yin pas byed pa po nyid du brjod par 'dod pas 'jug par bstan pa yin no/ /don thams cad la rnam par mi rtog pa'i ming la zhes gang bshad pa yul dang bcas pa'i ming de rab tu dbye ba ni tshigs su bcad pas ston te/ chos zhes bya ba ni gzugs

  555. 278a

    la sogs pa'o/ /gang zag ces bya ba ni lhas byin dang/ dad pas rjes su 'brang zhes bya ba la sogs pa'o/ /chos zhes bya ba ni sangs rgyas kyi gsung rab mdo'i sde dang/ dbyangs kyi bsnyad pa'i sde la sogs pa'o/ /don zhes bya ba ni de'i brjod par bya ba ste/ pha dang ma ni gsang byas shing/ /rgyal po gtsang sbra can gnyis dang/ /yul 'khor 'khor dang bcas bcom nas/ /mi ni dag pa nyid du 'gyur zhes bya ba la sogs pa'o/ /bsdus pa zhes bya ba ni chos thams cad bdag med pa zhes bya ba la sogs pa'o/ /rgyas pa zhes bya ba ni gzugs bdag med pa zhes bya ba la sogs pa'o/ /rigs zhes bya ba ni yi ge'i 'bru a zhes bya ba la sogs pa ste/ tshig dang ngag gi rgyu yin pa'i phyir ro/ /ma dag pa zhes bya ba ni so so'i skye bo rnams te/ nyon mongs pas dri ma can du gyur pa'i phyir ro/ /dag pa zhes bya ba ni 'phags pa rnams te/ dri ma spangs pa'i phyir ro/ /mdza' zhes bya ba ni bsdus pa la dmigs pa ste/ shes rab kyi pha rol tu phyin pa dang/ sa bcu pa la sogs pa bsdus pa'i don la dmigs pa'i phyir ro/ /chos kyi dbyings legs par rtogs pa yin zhes bya ba ni de mngon sum du byed pa'i phyir ro/ /de bzhin gshegs pa'i rigs su skyes pa yin zhes bya ba la/ de bzhin gshegs pa'i rigs ni chos kyi dbyings yin te/ de rtog pa dang de la dmigs pa'i ye shes khyad par can bskyed pa dang/ sngon gyi gnas gyur pa dang gnas gzhan bskyed pa'i phyir der skyes pa yin te/ phal pa rigs mthun par skyes pa bzhin du sangs rgyas nyid du nying mtshams sbyor ba'o/ /gang gi phyir sa dang po mngon par rtogs nas de bzhin gshegs pa'i rigs su sangs rgyas kyi sras su skyes pa de nyid kyi phyir 'phags pa byams pa sa bcu la gnas pa shAkya thub pa'i sras kyi thu bo nyid du bye brag tu byas te spobs pa'i rgyun gyis bstod pa

  556. 278b

    las/ gang phyir khyod ni da ltar yon tan gyis/ /de dag bstan pa kun gyi spyi bor gnas/ /de phyir khyod nyid shAkya thub pa yi/ /sras kyi thu bo yon tan rnams kyis legs zhes rgya cher 'byung ngo/ /sems can thams cad la sems mnyam pa thob pa yin zhes bya ba ni thams cad la bdag med par mnyam pa nyid du mthong ba'i phyir te/ ji skad du/ sems can thams cad ni de bzhin gshegs pa'i snying po'o/ /zhes gsungs pa lta bu'o/ /byang chub sems dpa' thams cad la sems mnyam pa zhes bya ba ni de dag gi gnas gang yin pa de bdag gi yang yin no snyam pa'i phyir ro/ /sangs rgyas thams cad la sems mnyam pa thob pa yin te zhes bya ba ni de dag gi chos kyi sku gang yin pa de bdag gis kyang thob po snyam pa'i phyir ro/ /de ni de'i mthong ba'i lam yin no zhes bya ba ni nyan thos kyi mthong ba'i lam bzhin du chos kyi dbyings sngon ma mthong ba mthong ba'i phyir ro/ /ci'i phyir yang rnam par rig pa tsam de la 'jug ce na zhes bya ba ni dgongs pa 'dri ba ste/ thams cad mkhyen pa'i ye shes thob par bya ba'i phyir ro/ /zhes brjod pa'i rigs pa las de'i go rim smos pa ni byang bar bya ba'i phyir te/ ji ltar bstan pa bzhin du sbyar bar bya'o zhes gdul ba'i tshogs skal pa yod pa la phan 'dogs pa'o/ /'dres pa'i chos la dmigs pa zhes bya ba ni de bzhin nyid kyi rang bzhin yin pas theg pa chen po bstan pa'i chos thams cad bsdus te dmigs pa'o/ /gzhan du ni dus ring mo zhig tu rnam par mi rtog pa'i ye shes skye bar mi 'gyur ro/ /'jig rten las 'das pa ni zag pa med pa dang rnam par mi rtog pa'i phyir ro/ /zhi gnas dang lhag mthong gi shes pa zhes bya ba ni de skad ces bya ba'i mnyam par bzhag pa phyin ci ma log pa'i shes pas so/ /sna tshogs kyi rnam par rig pa'i shes pas zhes bya ba ni chos rnams kyi rgyu dang 'bras bu'i dngos po bla na yod pa

  557. 279a

    dang/ bla na med par rnam par 'jog pa ste/ bzung ba dang 'dzin pa'i rnam pa can gyis zhes bya ba'i tha tshig go /kun gzhi rnam par shes pa'i sa bon rgyu mtshan dang bcas pa thams cad ces bya ba ni gzugs la sogs par snang ba'i bag chags sgo bar byed pa dang bcas pa rnams te/ rgyu dang 'bras bur bcas pa'i sa bon spangs pa bstan to/ /chos kyi sku la reg pa'i sa bon zhes bya ba ni theg pa chen po mang du thos pa'i bag chags rnams te/ de ni chos kyi sku thob pa'i sngon du 'dren pa'i phyir ro/ /gnas gyur nas zhes bya ba ni de bzhin nyid rtogs pas sems dang sems las byung ba rnams dri ma med par byung ba'am/ de bzhin nyid rnam par dag pas te/ stobs dang mi 'jigs pa la sogs pa/ sangs rgyas kyi chos thams cad 'grub pa'i sgo nas so/ /thams cad mkhyen pa'i ye shes thob par bya ba'i phyir zhes bya ba ni dri ma med cing thogs pa med pa'i ye shes brnyes par bya ba'i phyir ro/ /rjes la thob pa'i ye shes de zhes bya ba la sogs pa la/ kun gzhi rnam par shes pa thams cad rab tu skye ba zhes bya ba ni rgyur gyur pa rnams so/ /rnam par rig pa'i mtshan ma thams cad la zhes bya ba ni 'bras bur gyur pa rnams la ste/ gzhan gyi dbang gi ngo bo nyid ji lta ba bzhin du mthong ba'i phyir bzung ba dang 'dzin par snang ba rnams la phyin ci log dang nor pa med par rtog go /ji ltar sgyu ma mkhan ni de la glang po che la sogs pa med par mthong ba'i phyir rtswa la sogs pa rgyu ma'i rgyu rnams la phyin ci log med kyi/ gzhan dag ni rtswa la sogs pa la glang po che la sogs par mthong ba'i phyir 'khrul pa de bzhin du de kho na mthong bas gzung ba dang 'dzin pa med pa'i ngo bo nyid yongs su grub pa mngon sum du byas nas langs pa na yang rdzas la dag pas dag bstan pa'i dus na chos

  558. 279b

    rnams kyi rgyu dang 'bras bu ston pa kun nas slong bar byed pa kun rdzob kyi shes pa dus thams cad du phyin ci ma log par gnas so/ /nyan pa po dag ni phyin ci log ste/ de dag kyang sems kyi rgyud la thos pa'i bag chags bsgos te/ des bya ba bsgrub pa'i phyir rim gyis khad kyi khad kyis phyin ci log par 'gyur ro/ /rjes la thob pa ni rnam par mi rtog pa yang ma yin/ rnam par rtog pa dang bcas pa yang ma yin te/ nyon mongs pa can du thal bar 'gyur ba'i phyir ro/ /de'i phyir lhag pa'i shes rab kyi bslab pa bstan pa'i gnas su rnam par mi rtog pa rjes dang dngos dang 'jug pa'i bye brag gis rnam par mi rtog pa rnam pa gsum du 'chad par 'gyur ro/ /mngon par rtog pa thams cad la nges par 'byed pa'i cha dang mthun pa rnams 'byung ste/ de ni snga ma'i rang bzhin yin pa'i phyir de dag bstan to/ /yongs su tshol ba bzhi po dag gis zhes bya ba ni ming dang don dang ngo bo nyid dang khyad par du brtags pa nges par rtog pa'i bdag nyid can ji skad bstan pa rnams kyis so/ /don med par bzod pa chung ngu'i tshe zhes bya ba ni don med par bzod pa chung ngu'o/ /snang ba ni gsal ba ste/ don med par shes par bya'o/ /de 'dod pa'i phyir thob pa'i phyir thob pa ste/ des na snang ba thob pa'i ting nge 'dzin ni snang ba thob ces bya ba'i tha tshig go /dro bar gyur pa zhes bya ba ni dro ba lta bu'i dge ba'i rtsa ba ste/ gtsubs shing gtsubs pa las me 'byung bar 'gyur ba bzhin du de kho na shes pa'i me'i snga rol gyi yang rang bzhin gnas rgyu zhes bya ba'i tha tshig go /nges par 'byed pa ni mngon par rtog pa'o/ /de'i cha ni chos bdag med par gzod pa'o/ /de la phan pa dag ni de'i cha dang mthun pa dag go /rtse mo ni dge ba'i rtsa ba g.yo ba'i rtse mor phyin pa'i phyir ro/ /yang dag pa ji lta ba bzhin du yongs su shes pa bzhi pa ming la sogs pa mi dmigs par nges pa gong du smos pa rnams la gnas pa ni ming la sogs pa ni rnam par rig pa tsam du

  559. 280a

    zad kyi/ don ni gang yang med do zhes bya bar nges pa ni de kho na'i don gyi phyogs gcig la zhugs pa'i ting nge 'dzin to/ /gzung ba tsam gyi dngos pa 'gog pa'i phyir phyogs gcig pa nyid de/ 'di ltar don med par khong du chud pa yin gyi/ rnam par rig pa tsam yang med par ni ma yin no/ /de nyid kyi phyir de ni bden pa'i rjes su mthun pa'i bzod pa'i gnas yin no/ /rjes su mthun pa ni nye ba'i phyir te/ des gzung ba med pa la brten nas 'dzin pa yang med par rtogs par 'gyur ba'i phyir ro/ /ting nge 'dzin 'di dag ni mngon par rtogs pa dang nye ba yin par zhes bya ba ni mngon par rtogs pa'i dus na 'byung ba yin par zhes bya ba'i tha tshig go /ji ltar rnam par gnas pa bstan pa zhes bya ba ni rang dang spyi'i mtshan nyid dang/ rtags la sogs pa spros pa gang dang gang gis sa bcu par sa rnams bstan pa de dag la 'dres pa'i chos la dmigs pa nyid ni 'dres par byas nas dmigs pa'i phyir ro/ /gzhan du na tshogs bsags su zin kyang rnam par mi rtog pa'i ye shes mi srid pa'i phyir ro/ /'jig rten las 'das pa zhes bya ba ni rnam par mi rtog pa'o/ /de'i rjes la thob pa rnam par 'jog par byed pa dang/ rjes la dag pas dag pa 'jig rten pas kyang de yul du byas pa'i phyir ro/ /de gnas gyur nas zhes bya ba ni rnam par mi rtog pa dang rjes la thob pa gnyis kyis gnas sems dang sems las byung ba'i rgyud rnam par dag nas te/ sangs rgyas kyi sku rnam pa gsum thob par bya ba'i phyir zhes 'og nas 'chad do/ /khyad par gyi gnas skabs nas bcus zhes bya ba la sogs pa la/ dmigs pa'i khyad par ni theg pa chen po'i chos la byang chub sems dpa' thos pa las byung ba la sogs pa'i shes rab gsum gyis dmigs te/ nyan thos kyi theg pa'i chos la ni ma yin no/ /bsod nams

  560. 280b

    kyi tshogs ni sbyin pa dang tshul khrims dang bzod ba lnga? sbyor ba rnams so/ /ye shes kyi tshogs ni thos pa la sogs pa ste/ de dag skal ba mi nyung bar bsags pa dag gis bstan nas khyad par des byang chub sems la byang chub sems dpa' i mngon par rtog pa'i stobs bskyed pa'o/ /rtogs pa'i khyad par ni nyan thos ni gang zag la bdag med pa tsam mngon par rtogs par byed do/ /byang chub sems dpa' ni gang zag dang chos la bdag med pa mngon par rtogs par byed do/ /mya ngan las 'das pa'i khyad par ni byang chub sems dpa' rnams kyi ni/ mi gnas pa'i mya ngan las 'das pa ste/ shes rab dang snying rje'i thabs kyis yongs su zin pas 'khor ba dang mya ngan las 'das pa'i mdza' la mi gnas pa'i phyir ro/ /nyan thos ni 'dus ma byas kyi mya ngan las 'das pa la gnas so/ /sa'i khyad par ni byang chub sems dpa' ni sa bcu po dag gis nges par 'byung ngo/ /nyan thos rnams la ni sa rnam par bzhag pa med do/ /yongs su dag pa'i khyad par ni byang chub sems dpa' rnams kyi ni nyon mongs pa yang bag chags dang bcas par spong la/ sangs rgyas kyi zheng yang gser la sogs pa'i rang bzhin du rnam par dag go /nyan thos rnams la ni bag chags dang bcas par spong ba yang med la/ sangs rgyas kyi zhing yongs su dag pa yang med do/ /bag chags zhes bya ba ni nyon mongs pa mang du zin kyang nyon mongs pa dang bcas pa bzhin du g.yo bar byed pa'o/ /sems can thams cad dang bdag sems mnyam pa nyid thob pa'i khyad par ni byang chub sems dpa' ni bdag dang gzhan mnyam pa nyid thob pas sems can yongs su smin par bya ba'i sbyor ba rgyun mi gcod do/ /nyan thos ni bdag dang gzhan tha dad du phye bas bdag gi don nyid la sbyor gyi/ gzhan gyi don la mi sbyor ro/ /skye ba'i khyad par ni byang chub sems dpa' ni de bzhin gshegs pa'i rigs chos kyi dbyings su skyes nas sangs rgyas su

  561. 281a

    'gyur te/ 'khor los sgyur ba'i rigs su skyes pa'i gzhon nu mtshan dang ldan pa bzhin no/ /nyan thos ni de lta ma yin te/ ma rabs kyi rigs bran khol gyi bu bzhin no/ /skye 'byung gi khyad par ni byang chub sems dpa' ni pad+ma'i snying po la dkyil mo dkrung? bcas te 'dug par rdzus te skyes nas sangs rgyas nyid thob kyi bar du dus thams cad du de bzhin gshegs pa'i 'khor gyi dkyil 'khor rnams su skye'o/ /sangs rgyas kyi 'khor gyi dkyil 'khor ni zag pa med pa'i dbyings te/ sangs rgyas kyi yul lo/ /nyan thos ni ma'i mngal du skyes te phal? pa bzhin no/ /'bras bu'i khyad par ni byang chub sems dpa' i 'bras bu ni stobs la sogs pa yon tan gyi tshogs kyis brgyan pa lhun gyis grub par sems can gyi don byed nus pa chos kyi sku thob pa'o/ /cig shos kyi 'bras bu ni zag pa dang bcas pa'i skye ba med pa'o/ /yongs su tshol ba dang de'i 'bras bu bde blag tu rtogs par bya ba'i phyir tshigs su gcad pa gnyis kyis bsdud do/ /ming dang dngos gnyis phan tshun du/ glo bur yin bar yongs su btsal zhes bya ba ni ming la dngos po glo bur ba dang/ dngos po la'ang ming glo bur ba zhes bya ba yin gyi/ ji ltar kha cig sgra dang don rtag tu 'brel pa ni lhan cig skyes pa'o zhes bya ba la sogs par sems pa lta bu ni ma yin no/ de tsam nyid du btsal bar bya/ /yul gang du zhe na/ btags pa rnam pa gnyis po la zhes bya ba smos te/ ngo bo nyid du btags pa dang khyad par du btags pa la'o/ /ji ltar zhe na/ 'di ni btags pa tsam ste tha snyad btags par zad kyi 'di la ngo bo nyid dang khyad par du btags pa ni med do zhes bya bar sbyar ro/ /yang dag ji bzhin yongs shes pas/ /yongs su tshol ba bzhi po 'dis so/ /don med par zhes bya ba ni don dang bral bar ro/ /rtog gsum zhes bya ba ni ming du rtog pa dang/ ngo bo nyid

  562. 281b

    du btags par rtog pa dang/ khyad par du btags par rtog pa'o/ /de ming phyir zhes bya ba ni don med pa'i phyir ro/ /don med par zhes bya ba ni rtog pa dang rnam pa gsum med par mthong ba'o/ /gsum la 'jug pa yin zhes bya ba ni ngo bo nyid gsum la 'jug pa'o/ /tshigs su bcad pa dang po'i phyed kyis ni ming dang dngos po gnyis gcig la gcig glo bur yin par mthong nas kun brtags pa'i ngo bo nyid la zhugs pa yin no/ /tshigs su bcad pa dang po'i phyed 'og mas ni ngo bo nyid dang/ khyad par du btags pa rtog pa tsam nyid du mthong nas gzhan gyi dbang gi ngo bo nyid mngon par rtogs pa yin no/ /tshigs su bshad pa gnyis pa rangs pas ni rtog par zad kyi/ /dngos por ni ma yin no zhes rtog pa rnams kyang med par mthong bas yongs su grub pa la 'jug go /gzhan du min dag pa dang ma dag pa med pas bcings pa dang thar pa mi 'grub po/ /su zhig de ltar yongs su tshol nas 'bras bu thob pa dang su la de skad bstan pa de'i dbang du byas nas tshigs su bcad pa/ byang chub sems dpa' mnyam gzhag pas/ /gzugs brnyan yid du mthong ba ni zhes bya ba la sogs pa'o/ /chos dang don du snang ba ting nge 'dzin gyi gzugs brnyan gang yin pa de yid yin par mthong ba ste/ ji skad du rnam par shes pa ni dmigs pa rnam par rig pas rab tu phye ba can no/ /zhes ngas bshad do/ /zhes der gsungs pa lta bu'o/ /sus mthong zhe na byang chub sems dpa' mnyam bzhag pas zhes bya ba ste/ sems rtse gcig pas so/ /don gyi 'du shes bzlog nas su zhes bya ba ni gzugs brnyan de las don gyi 'du shes bsal nas so/ /rang gi 'du shes nges par gzung zhes bya ba ni bdag gi mnyam par bzhag pa'i sems 'di nyid chos dang don lta bur so sor snang ngo snyam du'o/ /de ltar nang du sems gnas so zhes bya ba ni de'i tshe de'i sems nyid la sems

  563. 282a

    gnas pa yin no zhes bya ba'i tha tshig go /bzung ba med par rab rtogs byos zhes bya ba ni gzung ba med par shes par bya'o/ /de phyir 'dzin pa med rtogs kyis zhes bya ba ni gzung ba med na 'dzin pa mi 'thad pa'i phyir ro// de nas dmigs pa med la reg ces bya ba ni de gnyi ga'i ngo bo nyid dmigs pa dang bral ba'i de bzhin nyid khong du chud de rab tu rtogs pa'o/ /bsod nams kyi tshogs ni sbyin pa la sogs pa pha rol tu phyin pa gsum mo/ /ye shes kyi tshogs ni shes rab kyi pha rol tu phyin pa'o/ /brtson 'grus ni gnyi gar gtogs so/ /bsam gtan ni tshad med pa la dmigs pa ni bsod nams so/ /gzhan ni ye shes kyi yan lag go /mdza' yas pha rol med ces bya ba ni mdza' yas shing pha rol med pa ste/ mang pa dang rgyang ring ba'i phyir go rim bzhin no/ /glu dbyangs dang sil snyan mdza' yas pa dang 'dra'o/ /rgya mtsho pha mdza' med pa dang 'dra'o/ /bsags te zhes bya ba ni yongs su rdzogs par byas te zhes bya ba'i tha tshig go /chos la sems pa legs par rnam nges phyir zhes bya ba ni ting nge 'dzin gyi rjes la mdo'i sde la sogs pa la shin tu nges pa'i phyir te/ the tshom med pa'i phyir ro/ /don gyi rnam par brjod pa'i rgyus byung rtogs zhes bya ba ni don rnams kyi rgyu ni yid kyi brjod pa yin par shes pa ste/ ji skad du chos rnams brjod pa'i bag chags las byung ste zhes bya ba la sogs pa gsungs pa lta bu'o/ /rtog pa de yis bsgos pa yis/ /rtog pa yid phyed de yi gnas zhes kyang bshad de/ tshigs su bcad pa 'dis ni tshogs kyi lam bstan to/ /de 'dra ba'i sems tsam nyid la gnas zhes bya ba ni don gyi rnam pa la ste/ 'di ltar de 'di snyam du sems 'di nyid don gyi rnam par yongs su gyur to snyam

  564. 282b

    du sems so/ /de bas gnyis kyi mtshan nyid bral ba yi/ /chos kyi dbyings ni mngon sum nyid du 'gyur zhes bya ba ni don med par rtogs pa sngon du 'gro ba'i sems tsam la gnas nas gzung ba dang 'dzin pa'i mtshan nyid gnyis dang bral ba gnyis su med pa'i chos kyi dbyings mngon sum du 'gyur te/ nges par skyes pa'i phyir ro/ /tshigs su bcad pa 'dis ni sbyor ba'i lam bstan to/ /ji ltar mngon sum du 'gyur ba de ltar ston te/ sems las gzhan med par ni blos rtogs nas/ /de phyir sems kyang med pa nyid du rtogs/ zhes bya ba ni sems las gzhan pa dmigs par bya ba'i don med de/ de med pas dmigs par byed pa yang mi 'thad de zhes bya bar sbyar ro/ /blo dang ldan pa zhes bya ba ni shes rab kyi khyad pa dang ldan pa'i phyir ro/ /gnyis pa med rtogs nas zhes bya ba ni nges par gyur pa'o/ /de dang mi ldan chos kyi dbyings la gnas zhes bya ba ni bzung ba dang 'dzin pa dang bral ba la zhes bya ba'i tha tshig go /gnas zhes bya ba ni gnas par byed pa'o/ /tshigs su bcad pa 'dis ni mthong ba'i lam bstan to/ /rtogs med shes stobs zhes bya ba ni rnam par mi rtog pa'i ye shes kyi mthus so/ /mnyam pa'i rjes song zhes bya ba ni ji ltar gzung ba med pa de ltar 'dzin pa yang med do zhes mnyam pa nyid kyi rjes su song nas mdo'i sde la sogs pa'i chos rnams nam mkha' ltar mnyam pa nyid du mthong ba'i phyir ro/ /kun nas zhes bya ba ni phyi dang nang nas so/ /rtag par yang zhes bya ba ni dus thams cad du'o/ /de'i gnas thibs po nyes pa bsags pa zhes bya ba ni kun nas nyon mongs pa'i chos de dag gi rgyu'o/ /thibs po ni shes par dka' shing rtogs par dka' ba ste/ kun nas nyon mongs pa'i chos kyi bag chags kyi mdzod kun bzhi'o/ /rtsi sman chen pos dug ni sel ba bzhin zhes bya ba ni go sla bas ma

  565. 283a

    bshad do/ /tshigs su bcad pa 'dis ni bsgom pa'i lam bstan to/ /thub pas gsungs pa'i legs chos legs bzhag pa/ zhes bya ba ni thub pas gsungs pa'i chos bzang po mdzes par rnam par bzhag pa'o/ /rtsa ba chos dbyings zhes bya ba ni tshig bsdus pa la dmigs pa'o/ /rtsa ba zhes bya ba ni sa bcu pa ste/ mdo sde thams cad kyi ma mo yin pa'i phyir ro/ /de'i chos rnams ni chos gang dag la de 'jug pa'o/ /chos de dag gi dbyings ni stong pa nyid de/ de la rjes la thob pa'i ye shes kyis dran pa bzhag ste'o/ /dran pa'i rgyud ni rtog pa tsam shes nas zhes bya ba ni dran pa'i rgyud ni rtsa ba'i chos kyi dbyings la 'jug pa'o/ /de rtog pa tsam du shes pa ni dran par bya ba'i tshe chos med par zhes bya ba'i tha tshig ste/ mdo'i sde la sogs pa'i chos dran pas pha rol tu phyin pa la sogs pa 'bras bu dang bcas pa dran par bya ba rnams kun brtags pa'i bdag nyid du med pa'i phyir ro/ /mngon par rtogs pa'i go rim 'dis rnam par mi rtog pa dang rjes la thob pa gnyis kyis/ /yon tan rgya mtsho'i pha rol brtan myur 'gro zhes bya ba ste/ yon tan phun tshogs thams cad kyi gnas sangs rgyas nyid 'thob ste/ ji skad du/ mngon par byang chub dus na yon tan mdza' yas de dag cig car du/ bya? rnams gnas 'cha' slad du shing ltar khyod kyis ji zhig ltar brnyes gyur zhes bshad pa lta bu'o/ /brtan pa zhes bya ba ni rnam par mi rtog pa dang de'i rjes la thob pa de gnyi ga 'dzin pa'o/ /de su zhe na/ byang chub sems dpa' zhes sbyar bar bya'o/ /myur du zhes bya ba ni skyen par ro/ /bskal pa chen po grangs med pa gsum gyis dus chen po zhes brjod na de myur du zhes ji skad du bya zhe na/ rtog pa tsam du zad pa'i phyir de lta ma yin te/ dus gsum brtags pa las ji skad du/ rmi lam ?min

  566. 283b

    la gcig kun/ /yud tsam gyis kyang dmigs pa ste/ des na dpag med dus dag kyang/ /skad cig nyid du 'du bar 'gyur zhes bshad pa lta bu'o/ /brtson 'grus sbyangs pa'i yang phyir te/ ji skad du/ legs phyir dus thung ba yang brtson 'grus lhod pa rnams la rigs su snang/ /rab tu brtson pa khyod la dpag tu med pa'i dus kyang thung ngur 'das zhes bya ba la sogs pa smras pa lta bu'o// //bam po lnga pa/ /rnam par rig pa tsam nyid la 'jug pa'i rgyu ni pha rol tu phyin pa drug po sbyor ba'i dus na 'jig rten pa ste/ de dag ston to/ /'di la byang chub sems dpa' longs spyod rnams la kun du ma chags pa zhes bya ba ni sbyin pa'i pha rol tu phyin pa'o/ /kun tu chags pa ni gtong ba'i mi thun pa'i phyogs chags pa ste/ de nyid rnam par g.yeng ba'o/ /'og ma la yang de bzhin du brjod par bya'o/ /tshul khrims rnams la ltung ba med pa zhes bya ba ni tshul khrims kyi pha rol tu phyin pa'o/ /ltung ba ni rnam par g.yeng ba'o/ /sdug bsngal rnams la 'khrug pa med pa zhes bya ba ni bzod pa'i pha rol tu phyin pa'o/ /'khrul ba ni rnam par g.yeng ba'o/ /bsgom pa la le lo med pa zhes bya ba ni brtson 'grus kyi pha rol tu phyin pa'o/ /le lo ni rnam par g.yeng ba'o/ /rnam par g.yeng ba'i rgyu 'di dag la mi 'jug pa zhes bya ba ni mi mthun pa'i phyogs rnam par g.yeng ba'i rgyu dag la mi 'jug ste/ yongs su spangs pa'i phyir ro/ /sems rtse gcig tu byas nas zhes bya ba ni sems mnyam par bzhag nas te/ bsam gtan gyi pha rol tu phyin pa'o/ /tshul bzhin du chos rnams la rab tu rnam par 'byed ces bya ba ni shes rab kyi pha rol tu phyin pa ste/ pha rol tu phyin pa drug po 'di dag gis rnam par rig pa tsam nyid la 'jug go /zhugs pas ni lhag pa'i bsam pa dag pas yongs su zin pa'i pha rol tu phyin pa drug po 'bras bur gyur pa

  567. 284a

    dag 'thob ste/ 'di ltar 'di'i pha rol tu phyin pa drug kun tu spyod pa'i sbyor ba med kyang rtag par rgyun du rgyun mi 'chad pa'i tshul du pha rol tu phyin pa drug bsgom pa yongs su rdzogs par 'gyur ro/ /zhes bya ba gal te byang chub sems dpa' 'di tshul khrims kyi pha rol tu phyin pa la mi sbyor na tshul khrims 'chal bar mi 'gyur ram zhe na/ ma yin te/ rab tsam du ma sbyor ba'i phyir ro/ /tshul khrims la mi sbyor ba na ni skyon 'di 'byung na/ /rab tsam tu mi sbyor ba'i phyir nyes pa ma yin te/ 'di ltar bstan pa la mos pa la sogs pas sbyor bas de'i phyir nyes pa med do/ /de la bstan pa la mos pa ni gang pha rol tu phyin pa dang rab tu ldan pa'i bstan pa zab mo/ /rnams la yang dad pa'o/ /ro myang ba yid la byed pa ni pha rol tu phyin pa rnams la yon tan du blta ba'o/ /rjes su yi rang ba yid la byed pa ni gzhan la gnas pa 'am/ bdag la gnas pa'i pha rol tu phyin pa rnams la gzhan nam bdag gi phyir rab tu dga' ba'o/ /mngon bar dga' ba yid la byed pa ni rtag tu khyad par du 'phags par gyur cig ces de dang mi 'bral bar smon pa'o/ /lhag pa'i bsam pa dag pa ni tshogs dang bzod pa dang/ dmigs pa dang yid la byed pa dang/ gnyen po dang ngo bo nyid dang rtags dang phan yon gyi brjod par bya'o/ /de la mos pas spyod pa'i sa la ni tshogs legs par bsags pa'i phyir te/ dkar po'i chos rnams kun rdzogs zhes bya ba ni tshogs kyis so/ /bzod de rnon thob ces bya ba ni chung ngu dang/ 'bring po bsal nas chos la nges par rtog pa'i bzod pa chen po la 'jug pa ste/ bzod pas so/ /rang gi theg ces bya ba la sogs pa ni dmigs pa ste/ thab pa ni pha ba'i don nyid de chos la bdag med pa nyid do/ /rgya che ba ni mthu dang ldan pa ste/ nam mkha'

  568. 284b

    mdzod la sogs pa'i ting nge 'dzin to/ /rtog pa tsam du rtogs pa'i phyir zhes bya ba ni yid la byed pas te/ chos thams cad rtog pa tsam du shes pa'i phyir ro/ /mi rtog ye shes thob pa'i phyir zhes bya ba ni gnyen pos so/ /'dod pa dang ni mos pa dag ces bya ba ni ngo bo nyid kyis te/ dad pa dang 'dun pa'i ngo bo nyid yin pa'i phyir ro/ /snga logs su yang chos rgyun der/ sangs rgyas rnams ni mthong bas na zhes bya ba ni rtags kyis so/ /gang gi snga logs su zhe na/ dag pa'i snga rol tu'o/ /chos rgyun ces bya ba ni ting nge 'dzin nyid du bstan to// der zhes bya ba ni ting nge 'dzin la te/ mnyam par bzhag pas sangs rgyas mthong ngo/ /de mthong ba'i phyir byang chub dang nye bar rtogs so/ /nye bar rtogs kyang tshogs chen pos 'thob pa'am snyam pa bzlog pa'i phyir/ tshogs med par ni thob phyir ro zhes bya ba smos te/ 'di ni phan yon no/ /de'i gnas skabs pas ni de thob par bya ba'i thabs rnyed pas byang chub dang nye bar yang mthong la/ tshogs goms par byas pas yongs su smin pa'i shugs kyi mthus tshogs med par yang 'thob po/ /de bas na tshigs su bcad pa gsum po 'di dag gis lhag pa'i bsam pa dag pa rnam pa brgyad bshad do/ /de dag grangs dang de yi mtshan nyid dang/ go rim des tshig goms bya yon tan dang zhes bya ba la sogs pa ni 'og nas 'byung ba'i don gleng slong ba'i tshigs su bcad pa'o// grangs rnam par bzhag pa'i dbang du byas nas/ /mi mthun pa'i phyogs dang gnyen po rnam par bzhag pa zhes bya ba la sogs pa smos so/ /rgyu gsum gsum gyis pha rol tu phyin pa rnam pa drug nyid de mi nyung mi mang ngo/ /mi mthun pa'i phyogs dang gnyen po rnam par bzhag pa rnams kyis rnam par 'grel ba ni/ mi 'phag pa'i rgyu'i gnyen por sbyin pa'i pha rol tu phyin pa dang/ tshul khrims kyi pha rol tu phyin pa ste/ zhes bya ba nas spags nas mi ldog pa'i chud za ba'i rgyu'i gnyen por bsam gtan

  569. 285a

    gyi pha rol tu phyin pa dang/ shes rab kyi pha rol tu phyin pa ste zhes bya ba'i bar du'o/ /chud za ba'i rgyu ni rnam par g.yeng ba dang/ 'chal pa'i shes rab bo zhes bya ba la smad pa'i shes rab can rnams kyis phyin ci log tu bzung ba ni chud za ba ste/ mu stegs can bzhin no/ /lhag ma ni go bar sla ste/ bshad pa nyid kyis legs par rnam par phye zin to/ /sangs rgyas kyi chos thams cad yang dag par 'grub pa'i gzhi'i gnas kyis zhes bya ba ni grangs rnam par bzhag pa'i rgyu gnyis pa ste/ sangs rgyas kyi chos thams cad kyi rgyu yin pa'i phyir pha rol tu phyin pa drug nyid de mi nyung mi mang ngo/ /ji lta zhe na/ rnam par mi g.yeng ba'i rgyu sbyin pa la sogs pa bzhin/ /pha rol tu phyin pa rnam par mi g.yeng ba gcig 'grub po zhes bya ba ni mi mthun pa'i phyogs rnam par g.yeng ba med pa'i phyir ro/ /rnam par mi g.yeng ba zhes bya ba ni bsam gtan gyi pha rol tu phyin pa'o/ /rnam par mi g.yeng ba de la brten nas zhes bya ba ni bsam gtan gyi pha rol tu phyin pa de nyid la brten nas so/ /chos kyi de kho na ji lta ba bzhin du mngon du yang dag par rtogs pa'i phyir zhes bya ba ni de bzhin nyid la dmigs pa'i shes rab kyi pha rol tu phyin bas sangs rgyas kyi chos stobs la sogs pa yang dag par 'grub ste/ 'grub par 'gyur ro/ /sems can thams cad yongs su smin par bya ba dang mthun pas zhes bya ba ni grangs rnam par bzhag pa'i rgyu gsum pa'o/ /sbyin pa'i pha rol tu phyin pas sems can la phan 'dogs pa ni bde ba bskyed pa'o/ /tshul khrims kyi pha rol tu phyin pas sems can la gnod pa mi byed pa ni sdug bsngal mi skyed pa'o/ /bzod pa'i pha rol tu phyin pas gnod pa la ji mi snyam pa ni mi mdzad pa ste/ mi mjed na gnod pa mi byed pa'i phyir gzhan la phan 'dogs so/ /brtson 'grus kyi pha rol tu phyin pas bya ba byed par 'gyur ba'i phyir zhes bya ba ni de dag la phan 'dogs pa'i phyir nges

  570. 285b

    gnod pa mi byed pa'i phyir ro/ /sems mnyam par ma bzhag pa dang mnyam par bzhag pa'i phyir zhes bya ba ni bsam gtan gyi pha rol tu phyin pas so/ /sems mnyam par bzhag pa rnam par thar par bya ba'i phyir zhes bya ba ni shes rab kyi pha rol tu phyin pas so// gdams par bya ba rnams zhes bya ba ni gdams ngag gi yul du gyur pa rnams so/ /yongs su smin par 'gyur zhes bya ba ni yongs su smin par bya ba'i yul du 'gyur ba'o/ /mtshan nyid kyi skabs kyis/ /dam pa drug gis blta bar bya ste/ gnas dam pa ni zhes bya ba la sogs pa smos te/ re re la yang dam pa drug ste/ phal cher ni bshad pa nyid kyis rnam par dkrol bas go bar sla'o/ /des na cung zad tsam zhig rnam par dgrol lo/ /mdza' dag kun tu spyod pa'i phyir zhes bya ba ni phyi dang nang gi dngos pa rnam pa thams cad yongs su gtong ba'i phyir ro/ /rnam par mi rtog pa'i ye shes kyis yongs su zin pa'i phyir ro zhes bya ba ni sbyin par bya ba dang/ sbyin par byed pa dang/ len pa la rnam par rtog par mi byed bas? 'khor gsum yongs su dag pa'o// lhag ma ni go sla bas ma bshad do/ /sbyin pa yin la pha rol tu phyin pa ma yin pa yang yod ces bya ba ni dam pa drug dang bral ba'o/ /pha rol tu phyin pa yin la sbyin pa ma yin pa yang yod ces bya ba ni dam pa drug dang ldan pa'i tshul khrims la sogs pa'o/ /sbyin pa yang yin la pha rol tu phyin pa yang yod ces bya ba ni dam pa drug dang ldan pa'i sbyin pa la sogs pa'o/ /sbyin pa yang ma yin la pha rol tu phyin pa yang ma yin pa yang yod ces bya ba ni dam pa drug dang bral bar tshul khrims la sogs pa'o/ ji ltar sbyin ba la mu bzhi yod pa de bzhin du pha rol tu phyin pa gzhan lnga po dag la ci rigs su sbyar bar bya'o/ /de nyid kyi phyir bas ru lta bu rnams la ni/ pha rol phyin drug ming yang med/ /bcom ldan nyag cig pha rol phyin/ /drug gi spyi la bzhugs pa lags//

  571. 286a

    zhes gsungs so/ /de'i phyis 'byung ba dang mthun pa'i phyir ro zhes bya ma longs spyod rnams lam chags na tshul khrims srung nas so/ /tshul khrims dang ldan na bzod do/ /bzod na mi mthun pa la mi ma ded pas brtson 'grus rtsom mo/ /brtson 'grus brtsams na sems mnyam par 'jog go /sems mnyam par bzhag na yang dag pa ji lta ba bzhin du rab tu shes te/ gor mi gya dgos pa'o/ /'jig rten pa dang/ nyan thos dang/ rang sangs rgyas kyi sbyin pa la sogs pa'i dge ba'i rtsa ba thams cad las phul du byung bar pha rol tu 'gro ba'i phyir zhes bya ba ni 'di dag gi spyi'i nges pa'i tshig ste/ 'dir phul gyi tshig gi don ni pha rol la bya'o/ /ser sna dang dbul ba 'joms pa zhes bya ba la sogs pa ni so so'i bye brag gi nges pa'i tshig go /de la ser sna dang dbul ba 'joms zhes bya ba ni rgyu'i dus na'o/ /longs spyod chen po dang bsod nams kyi tshogs thob par byed pa zhes bya ba ni 'bras bu'i dus na'o/ /'chal ba'i tshul khrims dang ngan 'gro zhi bar byed pa zhes bya ba ni rgyu'i dus na'o/ /bde 'gro dang ting nge 'dzin 'thob par byed pa zhes bya ba ni 'bras bu'i dus na'o/ /khro ba ni zhe sdang mngon du gyur pa ste/ 'phral du gnod pa byed pa'i gzhi'o/ /'khon pa ni mdud pa 'dzin pa ste/ zhe sdang mi 'dor ba'o/ /de gnyi ga zad pa byed pa ni rgyu'i dus na'o/ /bde dang gzhan la bde bar byed pa ni 'bras bu'i dus na'o/ /nges pa'i tshig 'og ma rnams la yang de bzhin du blta bar bya ste/ bshad pa nyid kyis legs par phye zin to/ /bsgom pa ni goms par bya ba ste lhur len pa'o/ /kun tu spyod pa la sogs pa'i bye brag gis rnam pa lngar dbye'o/ /kun tu spyod pa la sbyor ba bsgom pa zhes bya ba ni sbyin pa la sogs pa la legs par 'jug pa ste/ dad sogs sbyin phod khyad par 'phags zhes bya ba dang/ bsti stang byas nas dus su lag pa bdar te sbyin

  572. 286b

    zhes ji skad bshad pa lta bu'o/ /yang ji skad du/ nus pa chung yang gzhan phan sbyor/ /rnam pa kun tu gtang mi bya/ /gnas skabs kun tu nus mthun par/ /sems can rnams la phan gdags so/ /zhes bshad pa lta bu'o/ /mos pa bsgom pa ni dad pa dang 'dod pa gnyis kyi sbyin pa la sogs pa la mngon par yid ches pa dang/ sbyin 'dod pa la sogs bskyed pa'i phyir te/ ji skad du/ gzhan phan las la mthu med kyang/ /de yi bsam pa rtag tu bya/ /gang la bsam pa de yod pa/ /de ni de la don gyis zhugs zhes bshad pa lta bu'o/ /yid la byed pa bsgom pa ni ro myang ba dang/ rjes su yi rang ba dang/ mngon par dga' ba yid la byed pas bsdus pa ste/ snga ma bzhin no/ /thabs la mkhas pa bsgom pa ni rnam par mi rtog pa'i ye shes kyis yongs su zin pa'i phyir te snga ma bzhin no/ /bya ba bsgrub pa bsgom pa ni de bzhin gshegs pa pha rol tu phyin pa drug yongs su rdzogs pa'i chos dang ldan pa rnams sngon gyi 'phen pas bsgrim mi dgos par skal pa ji lta ba bzhin du sbyin pa la sogs pas gzhan gyi don nan tan du mdzad pa'o/ /bsgom pa ni de nyid bsgom pa'am/ de'i phyir bsgom pa'o/ /ni zhes bya ba'i sgra ni yid la byed bsgom pa las khyad par du bstan to/ /bsam pa drug gis yongs su zin pas bsgom pa zhes bya ba ni mi ngoms pa'i bsam pa la sogs pa ste/ bshad pa nyid kyis shin tu legs par rnam par phye zin mod kyi/ 'ga' zhig chung zad bshad par bya'o/ /mi ngoms pa ni chog par mi 'dzin pa'o/ /de rnyed kyi dus skad cig ma gcig tu byas pa'i skad cig re re la zhes bya ba ni gal te grangs med pa gsum gyi tshad kyi dus skad cig gcig tu gyur la/ de 'dra ba'i skad cig gis dus ji srid kyis byang chub pa de snyed kyi dus su skad cig re re la zhes bya ba la sogs pa'i don ni brda phrad par zad do/ /mes yongs

  573. 287a

    su gang ba zhes bya ba ni gnas dang mi ldan pa'o/ /yo byad thams cad dang mi ldan yang zhes bya ba ni phyir bcos su med pa ste/ yo byad dang bcas pa ni sdug bsngal la phyir bcos par rtsom pa'o/ /spyod lam bzhi smos pas ni shin tu rgya che ba nyid du ston te/ gnas dang yo byad dang mi ldan pa yang spyod lam bzhi po dag gis tshul khrims la sogs pa pha rol tu phyin pa rnams mngon du byed pa'i phyir ro/ /rgyun ring po nyid ni dus ring por rgyun mi gcod pa'i phyir ro/ /phan 'dogs pa'i bsam pas slong ba ni byang chub sems dpa' i dge ba'i bshes gnyen no/ /zhes bya ba la sogs pa'o/ /'dod pa'i 'bras bu rnam par smin par zhes bya ba ni 'dod pa'i 'bras bu rnam par smin par bya ba'i phyir ro/ /che ba'i bdag nyid kyi bsam pa ni che ba'i bdag nyid dang ldan pa'i bsam pa'o/ /su zhig bdag 'byor par bya ba'i phyir yongs su bsngo ba de'i bsams pa ni bdag 'tsho ba'i phyir chung ba'o/ /su zhig sems can thams cad kyi don du yongs su bsngo ba'i bsam pa de'i che ba nyid ni gzhan la phan 'dogs pa'i skabs yin pa'i phyir ro/ /dge ba ni kha na thob med pa dang/ dag pa dang/ bkra shis pa dang don gcig go /su zhig srid pa dang longs spyod phun sum tshogs par bya ba'i phyir sbyin pa la sogs pa yongs su bsngo ba de'i bsam pa ni sdug bsngal don du gnyed pa'i phyir kha na ma tho ba dang bcas pa'o/ /su zhig sems can thams cad sangs rgyas nyid thob par bya ba'i phyir yongs su bsngo ba de'i bsam pa ni kho na tho ba med pa'i phyir dge ba'o/ /bsam pa drug po 'di dag gis yongs su zin pa'i ro myang ba yid la byed pa sgom mo/ /zhes bya ba'i don ni brda phrad par zad do/ /rjes su yi rang ba dang mngon par dga' ba yid la byed pa'i dam par 'grel pa ni bshad pa nyid kyis legs par phye zin to/ /bshig par 'gyur zhes bya ba ni 'bras bu

  574. 287b

    med par byed ces bya ba'i tha tshig go /ngan 'gro'i gnyen po yin pa'i phyir ro/ /re re la yang gsum gsum du dbye bas rab tu dbye ba ston to/ /chos sbyin yang dag ji bzhin du/ /mdo sogs nyon mongs can min ston/ /zang zing gi sbyin pa ni mtsho ba'i yo byad yongs su gtong pa'o/ /mi 'jigs pa'i sbyin pa ni gsod pa la sogs pa bzlog pa'i phyir te/ mi 'jigs pa'i sbyin pas 'gron du gnyer ba'i phyir ro/ /chos kyi sbyin pa ni dge ba'i rtsa ba rton pa'i phyir ro/ /zang zing gi sbyin pa ni lus rton pa'i phyir ro/ /mi 'jigs pa'i sbyin pa ni sems rton pa'i phyir ro/ /sdom pa'i tshul khrims ni mi dge ba rnams las sdom pa yang dag par blangs pa ste/ 'dis lus dang/ ngag sdig pa'i las rnams las sdom pas na sdom pa'o/ /de nyid tshul khrims te/ tshul khrims 'og ma gnyis kyi rten to/ /sdom pa'i bdag nyid can gyis sangs rgyas la mchod pa la sogs pa/ dge ba'i chos sdud pa'i tshul khrims ni stobs la sogs pa sangs rgyas kyi chos thams cad thob par 'gyur pa'o/ /sems can gyi don bya ba'i tshul khrims ni sems can yongs su smin par bya ba'i phyir chos dang mthun pa'i bya ba'i grogs byed pa dang/ kha na ma tho ba med pa yang dag par 'geng pa la sogs pa'o/ /de la gnod pa byed pa la ji mi snyam pa'i bzod pa ni sems can yongs su smin par bya ba las mi ldog pa'i rgyu'o/ /gnyis pa ni sangs rgyas nyid las mi ldog pa'i rgyu ste/ grangs ba dang/ tsha ba dang/ bkres pa dang/ skom pa la sogs pa'i sdug bsngal rnams kyi mi zlog pa'i phyir ro/ /gsum pa ni bzod pa snga ma gnyis kyi rten te/ zab pa dang rgya che ba'i chos la bzod pa'i phyir ro/ /go cha'i brtson 'grus ni 'di lta bu dang 'di lta bu bya'o zhes thog mar brtson pa ste/ mthu dang ldan par gnas pa zhes bya ba'i mdo'i tshig 'dis bstan to/ /sbyor ba'i brtson 'grus ni bsam

  575. 288a

    la ji lta ba bzhin du sbyor ba'i dus na brtson pa ste/ brtson 'grus dang ldan pa zhes bya ba mdo'i tshig 'dis bstan to/ /mi zhum zhing mi 'khrugs la chog par mi 'dzin pa'i brtson 'grus ni bsam pa dang mthun pa'i spyod pa de byang chub kyi snying po la 'dug gi bar du yongs su mi gtong ba'o/ /bdag nyid skyo bas spro ba nyams par mi byed pa ni mi zhum pa'o/ /gzhan gyi gnod pa rnams kyis mi zlog pa ni mi 'khrugs pa'o/ /byang chub la thug gi bar du bar mdor yongs su mi gtong ba ni chog par mi 'dzin pa ste/ dge ba'i chos rnams la spro ba dang/ brtul ba dang brtson pa mi 'dor ba zhes bya ba'i lung gis ni go rim bzhin du mi zhum pa la sogs pa'i 'grel ba'o/ /gnas pa'i bsam gtan ni mthong ba'i chos la bde bar gnas par bya ba'i phyir te/ nga rgyal dang/ lta ba dang sred pa la sogs pa spangs pas dag pa can yin pa'i phyir ro/ /gnyis pa ni mngon par shes pa la sogs pa yon tan mngon par sgrub pa'i phyir ro/ /gsum pa ni sems can gyi don bya ba bsgrub pa'i phyir te/ bsam gtan byas na mu ge dang nad kyis 'jigs pa la sogs pa zhi bar 'gyur ba'i phyir ro/ /rnam par mi rtog par bya ba'i phyir sbyor ba ni rnam par mi rtog par sbyor ba ste/ de'i tshogs yin pa'i phyir ro/ /rnam par mi rtog pa ni dngos gzhi'o/ de'i rjes la thob pa ni mngon par rtogs pa'i mdza' las byung ba ste/ kun rdzob shes pa'i bdag nyid can chos bston pa kun nas slong ba'o/ /'di dag bsdus par ji ltar lta zhe na zhes brjod la/ 'di dag gis dge ba'i chos thams cad bsdus pa'i phyir ro/ /zhes bstan pa ni mi rigs te/ bstan pa bzhin ma byas pa'i phyir ro/ /'di ni nyes pa ma yin te/ gal te 'di dag gis dge ba'i chos thams cad bsdus na don du dge ba'i chos thams cad kyis kyang 'di dag bsdus par bstan pa

  576. 288b

    yin no/ /dge ba'i chos thams cad ni gsum ste/ sbyin pa la sogs pa dang/ dad pa la sogs pa dang/ dran pa nye bar bzhag pa la sogs pa nas stobs la thug pa rnams so/ /de la de'i mtshan nyid kyis bsdus pa ni sbyin pa la sogs pa nyid do/ /sbyin pa la sogs pas dad pa la sogs pa dge ba'i sa mang po pa sbyin pa la sogs pa dge ba'i sems 'byung ba rnams ni de dang mthun pas bsdus te/ dad pa la sogs pa dang ldan na sbyin pa la sogs pa la 'jug pa'i phyir ro/ /byang chub kyi phyogs rnams dang/ nyon mongs pa med pa la sogs pa dang/ stobs la sogs pa ni de'i 'bras bur bsdus pa ste/ pha rol tu phyin pa'i 'bras bu yin pa'i phyir ro/ /ji skad du/ sa dang pha rol phyin pa ni/ /sangs rgyas chos kyi gnas yin no/ /gnas gyur pa ni 'bras bu ste/ chos kyi sku zhes brjod pa yin/ zhes bshad pa lta bu'o/ /de dag gi mi mthun pa'i phyogs ser sna dang/ 'chal ba'i tshul khrims dang khro ba dang/ le lo dang/ rnam par g.yeng ba dang/ 'chal ba'i shes rab rnams kyis/ kun nas nyon mongs pa thams cad ji ltar bsdus par blta zhe na/ de'i mtshan nyid kyis zhes bya ba ni ser sna la sogs pa nyid de/ gzhan gyi dngos po dang bral ba'i phyir/ ngo bo nyid kyis bsdus pa'o/ /de'i gzhi zhes bya ba ni ma dad pa la sogs pa nas log par blta ba la thug pa rnams te/ ser sna la sogs pa'i rgyu yin pa'i phyir ro/ /de'i 'bras bus zhes bya ba ni g.yo la sogs pa ste/ ser sna la sogs pa'i 'bras bu yin pa'i phyir ro/ /pha rol tu phyin pa rnams kyi phan yon gyi dbang du byas nas/ dbang phyug bsdus pa zhes bya ba smos pa ni sbyin pa'i pha rol tu phyin pa'i phan yon nyon mongs pa can ma yin zhing/ kha na ma tho ba med pa ste/ phan yon mngon par ma tho ba kha na ma tho ba mang pa zhes bya ba ni thams cad dang sbyar bar bya'o/ /chen por skye ba bsdus pa ni tshul khrims kyi pha rol tu phyin pa'i ste/

  577. 289a

    bde 'gro yin pa'i phyir ro/ /phyogs dang g.yog 'khar chen po bsdus pa ni bzod pa'i pha rol tu phyin pa'i ste/ phyogs ni nye du'i tshogs so/ /g.yog 'khor ni bran pho dang bran mo la sogs pa'i tshogs so/ /las kyi mdza' chen po la sbyor ba 'grub pas yongs su bzung ba ni brtson 'grus kyi pha rol tu phyin pa'i ste/ las kyi mdza' chen po'i? mdza' ni 'khor los sgyur ba'i rgyal srid la sogs pa'o/ /de dag la sbyor ba ni rab tu 'bad pa'o/ /de 'grub pa ni mngon par 'grub pa'o/ /des yongs su bzung ba ni thogs pa med pa'i phyir ro/ /gnod pa med pa dang/ nyon mongs pa chung ba'i sa bon yongs su bzung ba ni bsam gtan gyi pha rol tu phyin pa'i ste/ bsam gtan gyis de'i mthu 'joms pa'i phyir ro/ /bzo dang bstan bcos dang rig pa'i gnas thams cad la mkhas pa yongs su bzung ba mngon par mtho ba kha na med pa ni 'jig rten pa'i mngon par mtho ba ltar kha na ma tho ba dang bcas pa ma yin pa'o/ /kha na ma tho ba med pa yin yang dus yongs su chad pa ma yin no/ /'o na ci zhe na/ byang chub kyi snying po la gnas kyi bar du'o/ /'jig rten ba rnams kyi bdag gi don byed pa lta bu yang ma yin no/ /'o na ci zhe na/ sems can thams cad kyi don bya bar nye bar gnas pa ste/ pha rol tu phyin pa thams cad re re la yang mngon par mtho ba'i nges par 'di bzhin du brjod par bya ba'o/ /la lar ni sbyin pa'i sgrar bstan ces bya ba ni rdo rje gcod pa la sogs pa'i mdo las gcig bstan gyi/ thams cad ma bstan pa de ci las dgongs shes ldem por dgongs pa 'dra ba'o/ /pha rol tu phyin pa thams cad la sbyor ba ni 'di dag thams cad kyi spyod pa 'gro ba las ldem por dgongs pa ste/ 'di ltar sbyin pa na sdom pa dang/ bzod pa dang ldan pa dang/ spro ba dang ldan pa dang/ sems rtse gcig pa dang/ las dang 'bras bur 'brel

  578. 289b

    pa rig pa dang ldan pa sbyin pa la 'jug gi /gzhan du ni ma yin no/ /de bzhin du ser sna dang/ khro ba dang/ le lo dang/ rnam par g.yeng ba dang/ log par lta ba spangs pa tshul khrims la 'jug go /gzhan du ma yin no/ /de bzhin du pha rol tu phyin pa gzhan dag la yang brjod par bya'o/ /yang smras pa/ sbyin 'dod nyid kyis chags pa sel bar byed/ /byams pas zhe sdang gus kyi nang? rgyal? te/ /phrag dog ldan pa slong la bde 'dod pas/ /med can sbyin pa yod par lta bas sel ce'o// yang ji skad du/ chos dang zang zing mi 'jigs tshul du rnam par 'byed pa na/ /pha rol phyin pa drug po dag ni sbyin pa'i bdag nyid yin zhes bshad do/ /zhes bya ba'i mtshan nyid la 'jug pa'i rgyu dang 'bras bu bstan pa/ /zhes bya ba ni mtshan nyid la 'jug pa'i rgyu dang 'bras bur gyur pa pha rol tu phyin pa 'di dag ci rigs su mthong ba dang/ bsgom pas spang bar bya ba'i gti mug spang ba'i phyir bsgom par bya bas na de bsgom pa rab tu dbye ba'i dbang du byed do/ /sa bcu rnams su zhes bya ba ni byang chub sems dpa' rnams kyi mngon par rtogs pa dang/ sngam? pa dang/ 'dod chags dang bral ba dang/ byang chub kyi phyogs sgom pa dang/ bden pa la lta ba dang/ rten cing 'brel bar 'byung ba la so sor rtog pa dang/ rtsol ba dang bcas pa dang/ lhun gyis grub par mtshan ma med par gnas pa dang/ so so yang dag par rig pa dang/ dbang skur ba'i shes bya'i sgrib pa dang/ nyon mongs pa 'di dag tu sel bas nas rnams so/ /chos kyis dbyings ni kun tu 'gro ba la sogs pa rnam pa bcur yongs su shes par bya'o/ /rnam pa bcu po de dag gi mi mthun pa'i phyogs ma rig pa rnam bcu nyid de/ /de spang bar bya ba'i phyir yongs su shes pa rnam pa bcu'o/ /de yongs su zhes pas sa bcu dag la 'jug ste/ chos bdag med pa shes pa'i gnas skabs ni sa rnam

  579. 290a

    so/ /sa dang po la ni kun tu 'gro ba'i don du shes par bya'o zhes bya ba la sogs pa la/ chos thams cad stong pa'i phyir gang mi stong pa'i chos med do zhes de ltar sa dang po la zhugs pa yin no/ /gnyis pa la ni mchog gi don du ste/ 'di ni chos thams cad kyi mchog yin pas dper na 'dod chags dang bral ba'i mchog ces gsungs pa lta bu ste/ de ltar sa gnyis pa la zhugs pa yin no/ /gsum pa la ni rgyu mthun pa don gyi mchog tu ste/ bstan pa'i chos ni 'di'i rgyu mthun pa'i mchog go /zhes gsum pa la zhugs pa ste/ 'di ltar legs par gsungs pa gcig don du yang bdag nyid yongs su 'dor ro/ /bzhi pa la ni yongs su bzung ba ma yin pa'i don du ste/ 'di ni bdag gam gzhan gang gi yongs su bzung ba yang ma yin no zhes bdag gi med pas bzhi pa la zhugs pa yin te/ mdo'i sde la sogs pa'i chos la sred pa rnam par bzlog pa'i phyir ro/ /lta pa la ni rgyud tha dad pa med pa'i don du ste/ ji ltar gzugs la sogs pa rgyud tha dad pa ltar 'di na de lta ma yin no zhes lnga pa la zhugs pa yin no/ /drug pa la ni kun nas nyon mongs pa dang rnam par byang ba ma yin pa'i don du ste/ 'di ni rang bzhin gyis kun nas nyon mongs pa can ma yin na rnam par dag par yang lta ga la 'gyur/ /rnam par byang ba ni kun nas nyon mongs pa sngon du 'gro ba'i phyir ro// zhes drug pa la zhugs pa yin no/ /bdun pa la ni chos sna tshogs tha dad pa med pa'i don du ste/ ji ltar mdo'i sde la sogs pa chos 'di dag sna tshogs ba ltar 'di ni de lta ma yin no zhes bdun pa la zhugs pa yin no/ /brgyad pa la ni bri ba med cing lhag pa med pa'i don zhes bya ba la/ bri ba med pa ni chos thams cad du chud pa'i phyir ro/ /lhag ma med pa ni chos la lhag par gnas pa med pa'i phyir ro/ /yang na kun nas nyon mongs pa 'bri ba na 'bri bar mi 'gyur ba dang/ rnam par byang ba 'phel ba na

  580. 290b

    'phel bar mi 'gyur ba'o/ /mtshan ma la dbang ba'i gnas kyi don dang/ zhing la dbang ba'i gnas kyi don du chos kyi dbyings sa brgyad ba nyid la rtog te/ de thob pa ni ji lta bu 'dod pa de lta bur gang 'dod pa 'thob po/ /de thob pa ni zhing gser las grub pa 'am gzhan ji lta bur mos pa de bzhin du snang ngo/ /sa gong ma rnams la ni mtshan ma med par gnas pa bsgrims te/ sgrubs pa yod do/ /sa brgyad pa la ni lhun gyis grub pas 'dod pa tsam la rag las pa'i phyir te/ de ltar sa brgyad pa la zhugs pa yin dgu ba la ni ye shes la dbang ba'i gnas kyi don du ste/ de la brten nas so so yang dag par rig pa thob pa'i phyir ro/ ye shes kyi tshogs kyi pha rol tu phyin pa yang thob pas chos thams cad la sgra ji bzhin ma yin par dgongs pa'i don shes te/ ji lta ba bzhin du sems can yongs su smin par bya ba dang/ chos la rdzogs par longs spyod pa so sor myong ba'i phyir de ltar dgu pa la zhugs pa yin no/ /bcu pa la ni las la dbang ba'i gnas kyi don dang/ gzungs dang ting nge 'dzin gyi sgo la dbang ba'i gnas kyi don du ste/ ji ltar 'dod pa bzhin du lus dang/ ngag dang yid kyi las thob pa'i phyir ro/ /mngon par shes pa lnga po dag gis rang rang gis las ji lta ba bzhin du bsgrub pa'i phyir gzungs ni gang gis tshig gi dang don la sogs pa 'dzin pa'o/ /dbang ni de la dbang pa'am des dbang byed pa ste/ sangs rgyas kyi gsungs pa thams cad kyi tshig dang don 'dzin pa'i phyir ro/ /ting nge 'dzin gyi sgo la dbang ba ni snyoms par 'jug pa thams cad kyi sgrib pa spangs pa ji ltar 'dod pa bzhin du nam mkha' mdzod la sogs pa'i ting nge 'dzin la snyoms par 'jug par bya ba'i phyir ro/ /chos kyi dbyings ni dbang 'di gnyis kyi gnas kyi don dus bcu pa la rab tu rtags so/ /ma rigs pa 'di yang nyan thos rnams kyi ni nyon mongs pa can ma yin gyi zhes bya ba ni

  581. 291a

    spang bar bya ba ma yin pa'i phyir ro/ /de mi spong ba ni de'i gnyen po'i sa la 'jug pa'i skabs ma yin pa dang/ mya ngan las 'das pa la bgegs mi byed pa'i phyir ro/ /byang chub sems dpa' rnams kyi ni nyon mongs pa can te zhes bya ba ni spang bar bya ba'i phyir ro/ /spong ba ni de'i gnyen po'i sa la 'jug pa'i skabs yin pa dang/ rnam pa thams cad mkhyen pa nyid kyi bgegs byed pa'i phyir ro/ /sa dang po la 'jug pa nyid na chos kyi dbyings ni rnam pa thams cad rab tu thob pa yin na gong nas gong du rnam pa ci'i phyir brjod ce na/ chos kyi dbyings thob nas gnas pa'i rnam pa 'di dag gis gnas te/ thob pa tsam gyis chog par 'dzin cing gyi na 'dug pa ma yin par ji ltar shes par 'gyur zhes gnas pa'i kun tu spyod pa yang dag par bstan pa'i phyir ro/ /sgra 'jug pa'i rgyu mtshan gyi dbang du byas nas/ /bdag dang gzhan gyi don sgrub nus pa thob pa'i phyir ro/ /zhes bya ba smras te/ ji ltar mngon par rtogs pa'i byang chub sems dpa' gnyi ga'i don sgrub nus pa thob pa'i phyir rab tu dga' ba de ltar nyan thos la sogs pa ni ma yin te/ rang gi don tsam sgrub nus pa'i phyir ro/ /de'i phyir de dag gi ni rab tu dga' ba zhes mi bya'o/ /sa dang po mi rigs pas gong ma rnams kyang mi rigs te/ de sngon du 'gro ba'i phyir ro/ /dri ma med pa ni 'chal pa'i tshul khrims kyi dri ma thams cad dang bral bas rang bzhin gyis tshul khrims dang ldan pa'i phyir ro/ /'od ni chos kyi snang ba ste/ de byed pa'o/ /ting nge 'dzin dang snyoms par 'jug pa nyams pa med pa'i gnas yin zhes bya ba la/ ting nge 'dzin rnams ni bsam gtan rnams so/ /snyoms par 'jug pa rnams ni gzugs med pa'o/ /yang na ting nge 'dzin sems rtse gcig pa'i mtshan nyid kyi mnyam par 'jog pa ni snyoms par 'jug pa ste/ mngon sum du byed pa'o/ /mi nyams pas na nyams pa

  582. 291b

    med pa'o/ /chos kyi snang ba chen po'i gnas ni 'di ltar byang chub sems dpa' sa de la ting nge 'dzin dang snyoms par 'jug pa rnams dang bral ba ma yin te/ de dang ma bral bas na/ theg pa chen po'i mdo'i sde la sogs pa'i chos rnams la snang pa 'thob po/ /de'i gnas yin pa dang rgyu yin pa'i phyir 'od byed ces bya'o/ /de la 'od 'phro ba yod pas na 'od 'phro can te/ de ci zhe na/ byang chub kyi phyogs rnams so/ /de dag gi 'od 'phro ba ni sgrib pa thams cad sreg pa'i phyir ro/ /sa de la byang chub kyi phyogs rnams kyis mang du gnas pa'i phyir de dag gi nyon mongs pa dang nye ba'i nyon mongs pa thams cad thal bar rlog go /shin tu sbyang bar bya dga' bas na shin tu spyang dka' ste/ sa de la kun rdzob dang don dam pa'i bden pa la mkhas pa'i phyir bden pa shes pa rnam par mi rtog pa dang/ 'jig rten pa'i yi ge dang/ lag rtsis dang/ bzo dang bstan bcos la sogs pa shes pa rnam par rtog pa dang/ cas pa yang dag par sgrub po/ /kun rdzob dang don dam pa'i bden pa mkhas pa mi mthun pa gnyis kyis bsgrub par dka' ba'i phyir ro/ /mngon du gyur pa nyid ni shes rab kyi pha rol tu phyin pa la gnas pa mngon du gyur pa'i phyir ro/ /sa de la rten cing 'brel par 'byung ba la gnas pa yin pas rkyen nyid 'di pa zhes bya ba shes pa'i stobs kyis rnam par mi rtog par shes rab kyi pha rol tu phyin pa la gnas pa mngon du byed do/ /chos rnams kun nas nyon mongs pa'am/ rnam par dag par bye brag mi 'byed do/ /ring du song ba ni sbyor ba las byung ba'i spyod pa'i mthar 'gro ba'i phyir te/ gang gis sa de la sbyor ba'i spyod pa yongs su rdzogs par 'gyur ba des rtsol ba dang ldan par 'bad nas chos thams cad kyi mtshan ma la mi g.yo ba yin no/ /mi g.yo ba nyid ni mtshan ma thams cad dang mngon par 'du byed pa thams cad kyis

  583. 292a

    sa de la g.yos bar mi nus pa'i phyir ro/ /sa bdun pa la yang kun tu mi spyod pas mtshan ma thams cad kyis mi g.yos par 'dod mod kyi/ mngon par 'du byed pa med cing rang gi ngang gis ma yin la/ brgyad pa la ni bsgrim mi dgos par rang gi ngang gis 'jug pas 'di ni khyad par ro/ /de'i blo gros legs pa yin pas/ /legs pa'i blo gros te/ so so yang dag par rig pa bzhi thob pa'i phyir ro/ /de ni dang po yang yin la so so yang dag par rig pa'i shes pa yang yin pas/ so so yang dag par rig pa'i shes pa dang po'o/ /shes pa ni blo gros zhes bya ba dang don gcig ste/ chos dang don dang nges pa'i tshig dang spobs pa so so yang dag par rig pa'o/ /'di dag thob pas chos kyi tshig kun mngon par mkhyen/ /don rnam pa kun gyi tshul la mkhas/ /skad kun rnam par 'byed pa mkhyen/ /phyogs rnams kun tu spobs dang ldan/ /zhes bya ba yin no/ /dang po ni thog ma ste/ so so yang dag par rig pa'i mtshan nyid shes pa sngon ma thob pa thob pa'i phyir ro/ /chos kyi sprin ni 'dres pa la dmigs pa zhes bya ba la sogs pa ni 'di 'dres pa la dmigs pa yin pas 'dres pa la dmigs pa ste/ de ni 'dres pa la dmigs pa yang yin la chos thams cad shes pa yang yin pas 'dres pa la dmigs pa chos thams cad shes pa'o/ /de bzhin nyid las gzhan pa ma yin pas mdo'i sde la sogs pa chos thams cad bsdus pa la dmigs te/ chos thams cad kyi spyi'i mtshan nyid kyi yul shes pa de ni sprin lta bu'o/ /de'i khong na ni sprin la chu ji lta bar ting nge 'dzin dang gzungs kyi sgo chu lta bu dag yod de/ de dag skyed par nus pa'i phyir ro/ /ji ltar sprin gyis nam mkha' la sgrib par byed khebs par byed pa de bzhin du chos thams cad bsdus pa la dmigs pa'i shes pa des

  584. 292b

    kyang nyon mongs pa dang shes bya'i sgrib pa chen po nam mkha' lta bu rgya che zhing mu med pa la sgrib par byed pa sel bar byed de/ spong bar byed ces bya ba'i tha tshig go /yang ji ltar sprin gyis nam mkha' chus kun tu 'gengs pa de bzhin du ye shes des kyang yon tan gyi tshogs kyi gnas kyi sku yongs su rdzogs par byed do/ /thob pa'i dbang du byas nas/ /rnam pa bzhis lta ste/ zhes bya ba smos so/ /mos pa thob pa ni sa'i dbang du bya ba bstan pa'i chos la 'di ni de bzhin no zhes nges par 'dzin pa'i phyir ro/ /spyod pa thob pas zhes bya ba ni sa dang rab tu ldan pa'i bstan pa'i chos spyod pa bcu thob pa'i phyir ro/ /zhes bya ba las bstan pa'i chos spyod pa bcu ni/ yi ge 'dri mchod sbyin pa dang/ /nyan dang klog dang 'dzin pa dang/ 'chad dang kha ton byed pa dang/ /de sems pa dang sgom pa'o/ /rtogs pa thob pas ni sa dang po la zhes bya ba la sogs pa ni sa dang po yang dag par rtogs pa las thams cad rtogs pa yin te/ de dang rigs gcig pa'i phyir te/ ji ltar smyug tshigs dang po pa/ /bkas pa'i tshul ltar thams cad kyang de ltar myur du 'gas par 'gyur/ /de bzhin ye shes gcig nas gcig ces bshad pa lta bu'o/ /grub pa thob pas ni bsgom pa'i mthar phyin par 'gro ba'i phyir ro/ /sa dang sa zhes bya ba ni sa re re la ste zlos pa'o/ /zhi gnas ni ting nge 'dzin te/ rnam par g.yeng ba ni gnyen po'o/ /lhag mthong ni phyin ci log gi gnyen po ste shes rab po/ /de gnyis sgom pa ni so so la brtson pa ste/ rnam pa lngas goms par byed pa'o/ /'dres par sgom pa zhes bya ba la sogs pa la 'dres pa ni bsdus pa ste/ sa gcig kho na la thams cad mngon par bsdus te goms par byed pa'i phyir ro/ /gzhan yang sgom pa na dmigs pa keng rus la sogs pa la thams cad 'dres par byed do snyam pa de bsal pa'i phyir mtshan ma med par sgom pa zhes bya ba smos te mtshan

  585. 293a

    ma thams cad dang bral ba'i chos kyi dbyings dbyer med pa bsgom pa'i phyir ro/ /mtshan ma med pa sgom pa yang rtsol ba dang bcas shing 'bad pas 'jug par 'gyur ro snyam pa bsal ba'i phyir/ /lhun gyis grub par sgom pa zhes bya ba smos te bsgrim mi dgos pa rang gi ngang gis 'jug pa'i phyir ro/ /lhun gyis grub par sgom pa yang mchog dang mchog ma yin pas rnam pa gnyis su 'gyur ro snyam pa bsal ba'i phyir 'bar bar sgom pa zhes bya ba smos te/ 'bar ba dang mchog ces bya ba ni don gcig go /la la 'bar bar bsgom pa thob nas 'dis thams cad byas zin gzhan gyis ci zhig bya zhes chog par 'dzin par 'gyur ro snyam pa bsal ba'i phyir/ chog par mi 'dzin par sgom pas so/ /zhes bya ba smos te/ mtshan ma med pa 'bar bang bsgoms so zhes mi sbyor bar mi bya'o/ /khyad par thob par bya ba'i phyir bsgom pa la brtson par bya'o/ /gnas ngan len gyi gnas thams cad 'jig par byed ces bya ba la gnas ngan len gyi gnas ni kun gzhi rnam par shes pa'o/ /de 'jig par byed pa ni tshogs su mi byed pa ste/ tshogs 'jig pa'i phyir dper na sman bcud len gyis nad kyi tshogs bzlog pa bzhin no/ /sna tshogs kyi 'du shes dang bral te chos kyi kun dga' la dga' ba thob pa zhes bya ba ni bdag dang chos dang sangs rgyas la sogs pa'i 'du shes kyi mtshan ma dang bral ba'i phyir ro/ /'dir kun nas dga' bas na kun dga' ste/ chos nyid kun dga' yin pas chos kyi kun dga' o/ /chos ni 'dir chos kyi dbyings so/ /der dga' ba ni tshim pa ste/ dper na yul can thub pa 'ga' zhig phyi rol gyi kun dga' ra ba 'am/ /skyed mos tshal lam/ nags su dga' ba bzhin no/ /thams cad du tshad med ces bya ba ni phyogs bcur 'di tsam zhes yongs su ma chad pa dang

  586. 293b

    rnam pa tshad med pa'i phyir rnam pa yongs su ma chad pa'i chos kyi snang ba yang dag par shes te/ gzhung goms pa la lta ba bzhin no/ /rnam par dag pa'i cha dang mthun pa'i mtshan ma rnam par btags pa ma yin pa rnams de la kun tu 'byung zhes bya ba la rnam par dag pa'i cha dang mthun pa ni sangs rgyas nyid du 'gyur ba'i cha la phan pa ste/ rnam par dag pa ma skyes su zin kyang sangs rgyas dang/ 'khor los sgyur ba dang/ gdugs dkar po la sogs pa'i mtshan ma rnam par btags pa ma yin rnams kun tu 'byung ngo/ /chos kyi sku yongs su rdzogs par bya ba ni sa bcu pa la'o/ /de nyid grub pa ni sa bcu gcig pa sangs rgyas kyi sa la'o/ /gong ma bas ches gong ma ni gong nas gong du ste/ sangs rgyas kyi sa'i rgyu mdzes pa nyid de/ rgyu shin tu bsags pa'i phyir ro/ /de ltar bsgom pa rnam pa lnga'i 'bras bu rnam pa 'di lnga go rim bzhin du brjod na/ gtsor na sa bcu dag tu pha rol tu phyin pa bcu bsgom par 'gyur te/ zhes bya ba la sogs pa ni bsgom pa rnam par dbye ba'i nges pa nyid brjod do/ /sa so so la yang pha rol tu phyin pa bcu char sgom par mi 'gyur ram/ sa 'di la pha rol tu phyin pa 'di sgom par 'gyur ro zhes nges par bya ba ni mi rigs so zhe na/ gtsor na zhes bya ba smos pas nyes pa med de/ gang la gtsor gang bsgom par 'gyur ba de de la ston gyi/ der gzhan yang bsgom par 'gyur ba dgag pa ni med de/ mdo las ji skad du/ sa rab tu dga' ba de la sbyin pa'i pha rol tu phyin pa lhag par che ba yin te/ lhag ma rnams kyang yang dag par mi sgrub pa ni ma yin no/ /zhes bya ba la sogs pa gsungs pa yin no/ /drug tu ni drug ces bya ba ni rab tu dga' ba la sogs pa la sbyin pa la sogs pa'o/ /phyi ma bzhir ni bzhi ste/ zhes bya ba ni ring du song ba la sogs pa la thabs la sogs

  587. 294a

    pa'o/ /thabs la mkhas pa'i pha rol tu phyin pa zhes bya ba la sogs pa la/ 'dir thabs la mkhas pa gang zhe na/ gang 'khor ba yang yongs su mi gtong la mya ngan las 'das pa yang don du gnyer ba de thabs la mkhas pa ste dge pa'i rtsa ba 'dis sems can thams cad kyi don bya'o snyam nas sems can thams cad dang thun mong du byed de/ des sems can rnams yongs su mi gtong bas 'khor ba yongs su mi gtong ngo/ /gang yang byang chub mngon par rdzogs par 'tshang rgya bar bya'o snyam nas yang dag par rdzogs pa'i byang chub tu yongs su bsngo bar byed pa 'di ni mya ngan las 'das pa don du gnyer ba'o/ /smon lam gyi pha rol tu phyin pa ni phyi ma la zhes bya ba 'di ni pha rol tu phyin pa'i rkyen sdud ces bya ba dang sbyar ro/ /smon lam sna tshogs mngon par sgrub pa ni smon pa'i don mngon par 'du byed pa'i phyir te/ sangs rgyas su grub cig /sems can thams cad kyi don byed par shog cig ces bya ba la sogs pas de mngon par sgrub pa'i phyir gang la pha rol tu phyin pa rnams kyi rkyen yod pa der skye'o/ /stobs kyi pha rol tu phyin pa ni so sor rtog pa dang/ bsgom pa'i stobs kyis zhes bya ba la sogs pa la/ so sor rtog pa'i stobs ni bsgom pa'i stobs med pa'i dus na'o/ /yod pa'i dus na ni gnyi ga yang yod de/ stobs cig shos kyang de na yod pa'i phyir ro/ /ye shes kyi pha rol tu phyin pa ni pha rol tu phyin pa drug pa dag rnam par 'jog pa gang yin pa ste/ grangs dang de'i mtshan nyid la sogs pa'i rnam pa'i bye brag gis/ chos la longs spyod pas myong ngo/ /'di ni sbyin pa'o/ /'di ni tshul khrims so/ /'di ni bzod pa ste/ mtshan nyid 'di lta bu'o zhes bya ba la sogs pa shes pas sgra ji bzhin ma yin par chos khor

  588. 294b

    du chud pa'i phyir sems can yongs su smin par byed do/ /yang pha rol tu phyin pa bzhi po 'di dag mi shes rab kyi pha rol tu phyin pa zhes bya ba ni bcu pa rnam par mi rtog pa'i ye shes dang de'i rjes la thob pa nyid pha rol tu phyin pa bcu rnam par bzhag pa'i der ni thabs la sogs pa pha rol tu phyin pa nyid du bsten to/ /gang gi tshe pha rol tu phyin pa drug tu rnam par bzhag pa de'i tshe ni rnam par mi rtog pa dang/ de'i rjes la thob pa shes rab kyi pha rol tu phyin pa ste/ bzhi po dag der 'dus pa'i phyir ro/ /sa bcu ba'i chos kyi rnam grangs de pha rol tu phyin pa'i sde snod kyis bsdus pa'i phyir zhes bya ba la pha rol tu phyin pa'i sde snod ni theg pa chen po'i chos thams cad de/ des sa bcu pa 'di bsdus so/ /de lta bas na sa thams cad du pha rol tu phyin pa bsgom par mi 'gyur ba yang ma yin zhes khungs brjod do/ /gang zag lnga ni bskal pa grangs med pa gsum gyis rdzogs par 'gyur te zhes bya ba ni gang zag gcig nyid la gnas skabs tha dad pa mos pas spyod pa la sogs pa'i bye brag gis rnam pa lngar 'gyur ro/ /de la lhag pa'i bsam pa dag pa la spyod pa yang rnam pa gnyis te/ mtshan ma la spyod pa dang/ mtshan ma med pa la spyod pa'o/ /mtshan ma med pa la spyod pa yang rnam pa gnyis te/ mngon par 'du byed pa dang mngon par 'du mi byed pa la spyod pa'i phyir ro/ /de la mos pas spyod pa ni bskal pa grangs med pa dang pos sa dang po yongs su rdzogs par 'gyur te/ de las de kho na rtogs pa'i phyir ro/ /lhag pa'i bsam pa dag pa la spyod pas drug po dag tu mtshan ma dang bcas pa la spyod pa dang/ bdun pa la mtshan ma med pa la spyod pa ni bskal pa grangs med pa gnyis pas yongs su rdzogs par 'gyur ro/ /de nyid mngon par 'du byed pa med par spyod pa ni de yan chad sa bcu pa'i bar du bskal pa grangs med pa gsum pas bsgom pa

  589. 295a

    yongs su rdzogs par 'gyur te/ brgyad pa la ni mngon par 'du byed pa med par spyod pa nyid yongs su 'grub po/ /dgu pa dang bcu pa la ni mngon par 'du byed pa med par spyod pa nyid do/ /gang zag gcig kho na la gnas skabs gzhan dang ldan pas tha dad de/ rgyun du zhugs pa la sogs pa bzhin no/ /'o na thog ma med pa'i 'khor ba la gang nas bzung ste/ grangs med pa gsum gyi rtsom pa bgrang zhes dri ba khong du bzhag ste tshigs su bcad pas ston to/ /bzang dang smon pa'i stobs can dang/ zhes bya ba la bzang po ni dge ba ste/ de stobs dang ldan par gyur pa ni bzang po'i stobs can te/ de la de yod pa'i phyir ro/ /smon pa ni 'dir smon lam du 'dod de/ de la de yod pas smon lam gyi stobs can no/ /de la dge ba'i rtsa ba'i stobs can ni mi mthun pa'i phyogs kyi zil gyis mi non pa'i phyir ro/ /smon lam gyi stobs can ni rtag tu dge ba'i bshes gnyen dang phrad pa'i phyir ro/ /sems brtan pa nyid ni mi dge ba'i grogs pos mos pa bzlog kyang byang chub kyi sems yongs su mi gtong ba'i phyir ro/ /khyad par 'gro ba ni mthong ba'i chos dang tshe rabs phyi ma la dge ba'i chos 'phel ba dang/ yongs su mi nyams pa'i phyir ro/ /de ltar gang gi tshe dge ba'i rtsa ba dang/ smon lam gyi stobs can dang/ sems brtan te bar ma dor mi ldog pa dang/ khyad par du 'gro ste/ /yon tan chung zad kyis chog par mi 'dzin pa de nas bzung ste grangs med pa gsum brtsam mo/ /rgyu dang 'bras bu rab tu dbye ba bshad zin to/ /tshul khrims kyi dbang du byas te/ bslab pa ni lhag pa'i tshul khrims kyi bslab pa ste/ byang chub sems dpa' i sa las ji skad bshad pa lta bu zhes bya ba la sogs pa la der ji skad bshad snyam pa la/ mdor bsdu na khyad par rnam pa bzhis zhes bya ba la sogs pa smos so/ /rab tu dbye ba'i khyad par ni sdom?

  590. 295b

    pa dang dge ba'i rtsa ba sdud pa dang sems can gyi don bya ba'i tshul khrims tha dad pa'i phyir ro/ /sdom pa'i tshul khrims ni rnam pa thams cad du mi dge ba spong ba yang dag par 'dzin pa'o/ /dge ba'i chos sdud pa'i tshul khrims ni rnam pa thams cad du dge ba'i chos yang dag par sgrub pa'o/ /sems can gyi don bya ba'i tshul khrims ni bdag gi bde ba la mi chags mi lta bar rnam pa thams cad du sems can gyi don byed pa'o/ /tshul khrims gnyis kyi rten gyi don du rig par bya'o zhes bya ba ni rgyu yin pa'i phyir te/ lus dang ngag dang yid bsdams na sangs rgyas kyi chos stobs la sogs pa yang dag par sgrub pa dang/ yang dag par phul du phyin pa thob par byed kyang nus la/ theg pa gsum la 'dzud pas sems can yongs su smin par byed pa'i skal pa can du yang 'gyur gyi/ i gzhan du ni ma yin no/ /'di ni byang chub sems dpa' i tshul khrims kyi khyad par te/ nyan thos la sogs pa la bslab pa gnyis med pa'i phyir ro/ /sdom pa'i tshul khrims kyang khyad par du 'phags pa'o zhes bstan te/ bslab pa thun mong dang thun mong ma yin pa'i khyad par zhes bya ba de la bslab pa thun mong pa ni rang bzhin gyis kha na ma tho ba dang bcas pa rnams te/ bkag pa bcas pa med par yang mi 'dod pa'i 'bras bu can srog gcod pa la sogs pa nyan thos dang/ byang chub sems dpa' gnyi gas mi bya bar nges par mthun pa'o// bslab ba thun mong ma yin pa ni bcad pas bkag pa bcas pa'i kha na ma tho ba dang bcas pa rnams te/ dbyar gyi nang logs su 'gro ba la sogs pa kun tu spyod pa'i phyir ro/ /bslab pa de la ni zhes bya ba ni bslab pa phyi ma bcas pa ni kha na ma tho ba kun tu spyod la'o//? gang du dbyar gyi nang logs su song na nyan thos kyi ltung bar 'gyur ba de la ni dbyar bcad kyang gdul ba la blta bas yul gzhan du 'gro ba'i byang chub sems dpa' la ltung ba med de/ gzhan gyi don gtso bo yin pa'i phyir ro/ /gang du sems can gyi don byar yod

  591. 296a

    kyang dbyar chad pas 'jigs nas yul gzhan du mi 'gro ba'i phyir byang chub sems dpa' la ltung bar 'gyur ba de la nyan thos la ltung bar mi 'gyur te/ snying rje chung ba'i phyir ro/ /byang chub sems dpa' rnams kyi tshul khrims sems kyi yin pa ni 'di ltar 'dod pa la 'dun pa dang gnod sems la sogs pa'i rnam par rtog pa ni byang chub sems dpa' i 'chal pa'i tshul khrims yin gyi/ nyan thos kyi ni ma yin te/ bdun spong ba yang dag par blangs pa'i phyir ro/ /de'i phyir nyan thos rnams kyi tshul khrims ni lus dang ngag gi yin gyi/ sems kyi ni ma yin no/ /mdor bsdu na gang kha na ma tho ba med par sems can thams cad la phan 'dogs pa zhes bya? ba ni sems can thams cad la phan 'dogs pa kha na ma tho ba med ces bya ba'i tha tshig ste/ ji ltar bgrod par bya ba ma yin par 'gro ba la sogs pa lta bu ni ma yin no/ /de ni phan 'dogs pa yin yang kha na ma tho ba med pa ma yin te/ de lta bu spang? ba'i phyir kha na ma tho ba med pa smos so/ /lhag pa'i tshul khrims la sogs pa bslab pa gsum po pha rol tu phyin ba rnams kyi nang du ma 'dus sam/ ci'i phyir logs shig tu brjod ce na/ rnam par bzhag pa gzhan gyi ngor bya ba'i phyir te/ snga phyi rgyu dang 'bras bu'i dngos por bstan pa'i phyir ro/ /ji skad du tshul khrims kyi phung po la rten nas ting 'dzin gyi phung po 'byung/ bsam gtan la brten nas shes rab kyi phung po 'byung ngo/ /de las rnam par grol ba dang rnam par grol ba'i ye shes mthong ba'i phung po 'byung ngo zhes gsungs pa lta bu'o/ /rgya che ba nyid kyi khyad par zhes bya ba ni byang chub sems dpa' rnams kyi bslab pa ni sna tshogs dang tshad med pa ste/ 'di ltar de dag gis Fsems can rjes su bzung ba'i phyir de lta bu dang de lta bu yang bslab par bya'o/ /bsod nams tshad med pa rgya che ba yongs su 'dzin pa nyid ni snying rje chen po yongs su ma chad pa'i phyir bsod nams tshad med pa yongs su 'dzin to/ /sems can thams cad la phan pa dang bde

  592. 296b

    ba bya ba'i bsam pa yongs su 'dzin pa rgya che ba nyid ces bya ba la dge ba yang dag par 'dzud pa ni phan pa'i bsam pa'o/ /de nyid la lam sbyor ba ni bde ba'i bsam pa'o/ /yang na phyi ma la bde bar smon pa ni phan pa'i bsam pa'o/ /bla na med pa yang dag par rdzogs pa'i byang chub la brtan pa ni dmigs pa'i phyir ro/ /nyan thos la sogs pa la 'di thams cad med pas rgya che ba nyid kyi khyad par ro/ /zab pa'i khyad par gyi dbang du byas nas/ gang byang chub sems dpa' thabs mkhas pa de lta bus zhes bya ba la sogs pa smos so/ /srog gcod pa la sogs pa'i las gang gis gnas skabs su spyod ce na/ gal te de gzhan mi dge ba'i las la 'jug par mngon du phyogs par shas shing de'i sems kyang rig par gyur la/ de rnam pa gzhan gyis kyang mi zlog pa dang/ ngan song du yang 'gro ba dang/ de bas ngan pa de 'gror skyes yang mthong nas bdag las 'dis ngan song du 'gro ba ni bla'i/ 'di dag sdug bsngal gyi phung po chen po dang ldan par gyur na ni mi rung ngo snyam pa'i bsam pa khyad par du 'phags pa thob pas mi gtong zhing sman pa lta bur phan par 'dod pas srog gcod pa'i las byed na kha na ma tho ba med par 'gyur te/ bsod nams tshad med pa yang skyed cing bla na med pa yang dag par rdzogs pa'i byang chub kyang myur du mngon par rdzogs par 'tshang rgya ste/ gzhan du ni ma yin no/ /zab pa nyid ni rtogs par dka' ba'i phyir ro/ /yang lus dang ngag gi las rtogs par dka' ba ni des rgyal srid kyang byed ces bya ba la sogs pa ste/ dper na rgyal po me'i spyod pa gshed ma dang gnod pa dang/ gsod par bsgo ba'i rnam par rig pa rnams lta bu dang/ 'phags pa 'jam dpal la sogs pa byang chub sems dpa' rnams kyi srog gcod pa sprul pa lta bu yin no/ /gzhan du na sdig pa'i las las sems can mi zlogs so/ /sems can gdul ba'i phyir sems can la brtse ba rnam pa sna tshogs de dag kyang sprul ba byed do/ /skyes pa'i rabs sna tshogs bstan pas

  593. 297a

    zhes bya ba ni sprul pa'i lus dang ngag gi las rtogs par dka' ba'i phyir zab ces bya ba dang sbyar te/ dper na thams cad sgrol la sogs pa'i skyes pa'i rabs las bram ze la bu gnyis la sogs ba byin pa sprul pa lta bu'o/ /ci'i phyir zhe na/ byang chub sems dpa' ni sems can gzhan la gnod pas sems can gzhan la phan 'dogs pa mi mdzad pa'i phyir ro/ /gal te de lta na sprul pa'i sbyin pa la sogs pas pha rol tu phyin pa rnams ji ltar rdzogs par 'gyur zhe na/ len pa po la sprul pa dang ma sprul pas phan btags pas mtshungs pa'i phyir ro/ /ci ste len pa po yang sprul par gyur na de lta na yang nyes pa med de/ 'di lta bu'i sbyin pas pha rol tu phyin pa rnams 'grub pa ni ma yin no/ /'o na ci zhe na/ sbyin pa la sogs pa la sems can sems dang ba sngon du 'gro ba'i yongs su smin par bya ba'i phyir ro/ /rab tu dbye ba 'dis ni zhes bya ba ni lhag pa'i tshul khrims kyi rab tu dbye bas so/ /bslab pa'i rab tu dbye ba ched med ces bya ba ni ji ltar 'dul ba bsnyad pa theg pa chen po'i mdo las khyad par bzhi po 'di dag spros pa dang bcas par stong phrag brgyas bshad pa lta bu'o/ /lhag pa'i tshul khrims kyi bslab pa'i rnam par 'grel pa'o// //lhag pa'i sems kyi bslab pa'i dbang du byas nas/ mdor bsdu na rab tu dbye ba drug gis blta bar bya ste/ zhes bya ba smos so/ /sems kyi sgra ni 'dir sems las byung ba'i ting nge 'dzin du brjod de/ sems kyis bris zhes bya ba'i sems pa la bya ba bzhin no/ /ting nge 'dzin de dmigs pa dang bcas pa'i phyir dmigs pa la sogs pas rab tu dbye'o/ /theg pa chen po'i chos la dmigs pa'i phyir ro/ /zhes bya ba ni nyan thos kyi chos la dmigs pa sel to/ sna tshogs kyis rab tu dbye ba ni theg pa chen po snang ba zhes bya ba la sogs pa ste/ gang la snyoms par

  594. 297b

    zhugs na theg pa chen po'i chos mdza' dag snang ba de theg pa chen po snang ba'i ting nge 'dzin to/ /gang du bsod nams thams cad yang dag par bsags te/ bdag gir byas par gyur pa de ni bsod nams thams cad yang dag par bsags pa zhes bya'o/ /ting nge 'dzin gyi rgyal po bzang skyong ni/ 'jig rten gyi rgyal po bzhin du ting nge 'dzin thams cad kyi bdag po ste/ gang yod na phyogs bcu rnams su da ltar byung ba'i dus kyi sangs rgyas bcom ldan 'das rnams mngon sum du mthong bar 'gyur ba'o/ /dpa' bar 'gro ba ni ting nge 'dzin rnams kyi mchog ste/ dmag mi rnams kyi nang na dmag dpon dpa' ba bzhin du bdud kyis tshogs 'joms par nus pa'o/ /gnyen pos rab tu dbye ba ni chos thams cad 'dres pa la dmigs pa dang ldan pas sgrib pa thams cad kyi gnyen po'i dngos por gnas pa'o/ /de bzhin nyid du chos thams cad 'dres par byed de/ de las gud na med pa'i phyir ro/ /khye'us khye'u dbyung ba'i tshul du zhes bya ba ni khye'u snga ma khye'u phyi mas dbyung ba'i tshul du zhes bya ba'i tha tshig ste/ dper na khye'u phra mos khye'u sbom po 'byin pa de bzhin du kun gzhi rnam par shes pa la nyon mongs pa dang shes bya'i sgrib pa'i sa bon bag chags kyi bdag nyid rags pa gnas pa thams cad de bzhin nyid la dmigs pa gnyen po'i shes pa dang ldan pa'i ting nge 'dzin phra mos 'byin to/ /las su rung ba nyid kyis rab tu dbye ba ni bsam gtan gyi bde ba dag gis gnas nas bsam gtan las yongs su ma nyams pa bzhin du ji ltar 'dod pa gang du sems can gyi don mthong ba der skye ste/ ting nge 'dzin las su rung ba'i phyir ro/ /'di 'dra ba'i ting nge 'dzin gyi las su rung ba nyid ni nyan thos la sogs pa nyid la med do/ /mngon par bsgrub pas rab tu dbye ba ni ting nge 'dzin gyi yon tan gyis

  595. 298a

    'jig rten gyi khams dpag tu med pa rnams su thogs pa med pa'i mngon par shes pa skyed do/ /de la g.yo ba la sogs pa'i rnam par 'phrul pa 'byung ste/ 'jig rten gyi khams tshad med pa g.yo bar byed pa ni ting nge 'dzin gyi mthus 'gul bar byed pa ste/ /'bar bar byed pa dang khyab par byed pa yang de bzhin no/ /'jig rten gyi khams mthong bar mi nus pa mdza' yas pa gzhan dag gam sangs rgyas la sogs pa yang ston to/ /sa la sogs pa yang chu la sogs pa'i dngos por gzhan du sgyur ro/ /skad cig gis 'jig rten gyi khams du mar 'gro'o/ /'ong ngo rdul phra rab gcig gis ni nang du 'jig rten gyi khams mang po sdud kyang cher mi skye bar byed do// 'jig rten gyi khams mdza' yas pa rnams su rdul gcig gis rgyas par byed de/ khyab par byed do/ /rang gi lus su gzugs kyi lus thams cad 'jug go /gdul ba'i phyir gang gi gzugs gang yin pa de'i gan du/ gzugs de nyid kyis 'gro'o/ /snang bar byed pa ni mngon par byed pa'o/ /mi snang bar byed pa ni mi mngon par byed pa'o/ /dbang nyid du byed pa ni bdud sangs rgyas nyid du sgyur ba'o/ /gzhan gyi rdzu 'phrul rab tu 'joms ba ni gzhan gyi rdzu 'phrul rab zil gyis gnon pa'o/ /spobs pa med pa rnams la spobs pa sbyin par byed do/ /brjed das ba rnams la dran pa sbyin par byed do/ /gang dag gi sa byang chub sems dpa' rnams 'gug par 'gyur pa pho nya lta bu'i 'od zer gtong ste/ gang dag nyan thos la sogs pa la med pa'i rdzu 'phrul chen po 'di dag mngon par 'du byed do/ /gang dka' ba spyod pa'i byang chub sems dpa' zhes brjod la bka' ba spyod pa rnam pa

  596. 298b

    bcu po de dag ston to/ /khas blang bar dka' ba spyod pa ni byang chub chen por smon lam 'debs pa khas len pa'i phyir te/ dka' ba ni bdag gi bde ba la mi lta bar gzhan gyi don byed par dam 'cha' ba' i phyir ro/ /mi ldog par dka' ba spyod pa ni 'khor ba'i sdug bsngal grang pa dang rlung la sogs pas mi zlog pa'i phyir ro/ /phyir mi phyogs pa ni sems can log par sgrub pa dang ldan pa rnams kyi don bya dka' ba las phyir mi phyogs pa ste/ /gang dag ma la sogs pa la log par sgrub pa dang/ brtse ba'i phyir mi dgos par yang mig bslangs nas rkang pa gnyis kyis 'dril ba de'i don bya dka' ba'o/ /mngon du phyogs par dka' ba ni gnod pa byed pa'i sems can rnams kyi don bya ba bya dka' ba'o/ /'jig rten du skyes kyang 'jig rten pa'i chos rnyed pa la sogs pa brgyad kyis mi gos pa ni dka' ba'o/ /rtogs pa med par yang theg pa chen po'i don phra zhing mthu'i khyad par can la mos shing dad bar dka' ba'o/ /rtogs pa ni mngon par rtogs pa ste/ yang dag par khong du chud ces bya ba dang don gcig go /gang zag dang chos med pa'i ngo bo nyid kun brtags pa dgag pa'i sgo nas bya dka' ba'o/ /khong du chud pa ni dgongs te gsungs pa'o/ /dka' ba ni thos pa'i don btang ste/ ma thos pa'i don rjes su rtogs pa'i phyir ro/ /'khor pa yang yongs su mi gtong la de'i nyes pas kyang kun nas nyon mongs pa can ma yin pa ni dka' ba ste/ de gnyis mi 'byed pa'i phyir ro/ /sbyor bar dka' ba ni nyon mongs pa dang shes bya'i sgrib pa thams cad las rnam par grol ba spangs pa la zhugs pa'i de bzhin gshegs pa rnams sems can gyi don

  597. 299a

    mdzad pa'i khyad par ro/ /gal te sbyin pa cung zad mi sbyin la zhes bya ba ni bdag dang gzhan mnyam pa nyid du rtog pas sems can thams cad bdag gis byas te/ sbyin pa de byang chub sems dpas sbyin pa'i phyir te/ thams cad la thams cad sbyin par dgongs pa'o/ /yang na sbyin par bya ba dang sbyin par byed pa dang len pa po mi dmigs pa'i phyir 'khor gsum yongs su dag pas so/ /gal te sbyin pa thams cad la 'dod par mi byed pa'o zhes bya ba bkag pa la 'dod pa med ces bya ba'i tha tshig ste/ nye ba la sbyin pa dang/ /bdag la sbyin pa byin pa dang/ bdag la sbyin pa byin par 'gyur ba dang/ bdag gi snga rabs rnams kyis byin bas sbyin no snyam pa de la 'dod par mi byed kyi/ mya ngan las 'das pa la dmigs pa dang/ dngos po la mi gnas par 'dod par byed pa'o/ /gal te de bzhin gshegs pa rnams la dad pas mi 'gro ba'o/ /zhes bya ba ni so so rang gis rig par bya ba'i chos nyid khong du chud nas rang gi rtogs pas sbyin par byed ces bya ba'i tha tshig go /gal te bdag sbyin pa la 'jug par mi byed pa zhes bya ba ni rang gi ngang gis 'jug pas sbyin pa'i phyir de la bdag nyid 'jug mi dgos pa'o/ /gzhan ni 'jug par byed de/ yang dag par 'dzin du 'jug pa'i phyir ro/ /gal te lan 'ga' sbyin pa ci yang sbyin bar mi byed pa'o/ /zhes bya ba ni rtag tu thams cad sbyin par byed ces bya ba'i tha tshig go /gal te sbyin pa la snying po med pa'i 'du shes su gyur pa'o zhes bya ba la mi 'phro ba ni ting nge 'dzin te/ des sems rnam par mi 'phro ba'i phyir ro/ /der 'du shes pa

  598. 299b

    ni mnyam par bzhag pas sbyin par byed ces bya ba'i tha tshig go /gal te ser sna 'byung bar byed pa'o zhes bya ba ni rtsa nas 'byin ces bya ba'i tha tshig go /gal te mdza' la mi gnas par gyur pa'o zhes bya ba ni zhi bar bkod pa gcig la nyan thos ltar gnas pa ma yin pa'o/ /gal te sbyin pa la dbang byed pa ma yin pa'o/ /zhes bya ba ni sbyin pa'i mi mthun pa'i phyogs ser sna la sogs pas dbang byed pa ma yin zhes bya ba'i tha tshig go /gal te mi zad pa la mi gnas par gyur pa'o zhes bya ba ni phun sum tshogs pa phul du byung ba'i mthar thug pa sangs rgyas nyid thob nas de nyid du mi gnas kyi/ sprul pa rnams gzhan la phan gdags ba'i phyir sbyin pa la 'jug ces bya ba'i tha tshig go/ sbyin pa la ji lta ba de bzhin du tshul khrims la sogs pa la yang ci rigs su zhes bya ba ni snga ma bzhin du sbyar ba ste/ ji ltar na tshul khrims dang/ ldan pa yin zhe na/ gal te tshul khrims chung zad mi srung ba ste/ bdag dang gzhan mnyam pa nyid du mthong ba'i phyir gzhan gyi tshul khrims dang ldan par 'gyur ba'o/ /mdo gang las/ dge slong dag nga ni srog gcod pa'o/ /zhes bya ba la sogs pa 'byung ba der dgongs pa ston te/ gal te srog chags rnams 'khor ba las shin tu zlo ba'o zhes bya ba ni 'da' bar byed ces bya ba'i tha tshig go /gal te sus kyang ma byin par zhes bya ba ni ma sprul bar ro/ /bdag nyid kyis sems can thams cad len pa'o zhes bya ba ni gzhan gyis byed du ma bcug par zhes bya ba'i tha tshig go /'dod pa rnams la log pa'o zhes spyod pa'o zhes bya ba ni yul gyi 'dod pa rnams dang kun tu rtog pa'i 'dod pa rnams 'khrul ba tsam gyi phyir te/ ji skad du/

  599. 300a

    'dod chags zhe sdang gti mug ni/ /kun tu rtog las 'byung zhes brjod/ /sdug dang mi sdug log pa las/ /brten nas kun tu 'byung ba yin/ /sdug dang mi sdug log pa las/ /brten nas gang dag 'byung ba ni/ /de dag ngo bo nyid kyis med/ /de bas 'dod pa yang dag min zhes bshad pa lta bu'o/ /gang brdzun pa de la brdzun no zhes smra ba'o zhes bya ba ni/ ji skad du/ bcom ldan 'das kyis slu chos shes/ /gang gsungs de ni brdzun pa ste/ /'du byed thams cad slu ba'i chos/ /des na de dag brdzun zhes bya/ /zhes bshad pa lta bu'o/ /stong pa nyid la gnas pa'i mchog gis zhes bya ba ni nges pa'i tshig gi tshul lo/ / shes bya'i pha rol tu gnas pas zhes bya ni/ 'dug ces bya ba'i tha tshig ste/ shes bya'i pha rol ni thams cad mkhyen pa nyid do/ /gal te chos thams cad yang dag par rnam par phye ste smra ba'o zhes bya ba ni tshig gnyis kyis bshad zin to/ /gal te rgyun tu bla na med pa'i bsam gtan thob par byed pa'o zhes bya ba ni des pa'i tshig gi tshul du snga ma bzhin te/ sangs rgyas kyi thugs kyi rgyud la mda' ba' i bsam gtan ni bla na med pa'o/ /sems la nyon mongs par byed pa thams cad la 'dis gnod par byas pa yin no zhes bya ba ni bkag pa ste/ spong du bcug ces bya ba'i tha tshig go /thams cad na thams cad la 'dug pa'i log pa zhes bya ba ni yang dag pa ma yin pa kun tu rtog pa'o/ /yang dag pa ji lta ba bzhin du mthong ba zhes bya ba ni ma nor ba nyid du mthong ba'o/ /sangs rgyas kyi chos rnams zab po zhes mdo las gsungs pa de dag gang zhe na

  600. 300b

    gang mdo gzhan las 'byung ba rtag pa'i chos rnams ni sangs rgyas kyi chos rnams te/ zhes bya ba nas gos pa med pa'i chos rnams ni sangs rgyas kyi chos rnams so zhes bya ba der dgongs pa ston te/ chos kyi sku rtag pa'i phyir ro// zhes bya ba la/ chos kyi sku ni gnas gyur pa'i mtshan nyid de/ sgrib pa thams cad dang bral ba de bzhin nyid do/ /rtag pa ni 'gyur ba med pa'i phyir ro/ /dri ma med cing thogs pa med pa'i ye shes bla na med pa yang yin te/ zag pa med pa'i phyir gzugs med pa ltar rnam par smin pa ni rnam yin no/ /de rtag pa ni de bzhin nyid dang/ 'dres pa'i phyir ro/ /las dang nyon mongs pas mngon par 'du ma byas pa'i phyir ro/ /sems can gyi spyod pa brgyad khri bzhi stong ni 'dod chags dang zhe sdang dang gti mug dang mnyam pa la spyod pa rnams re re la yang grangs nyi khri chig stong yod pa'i phyir ro/ /gnyen po dang bcas pa ni chos kyi phung po brgyad khri bzhi stong rnams so/ /'dod chags bcas pa'i chos rnams dang/ zhes sdang dang bcas pa'i chos rnams dang/ gti mug dang bcas pa'i chos rnams zhes bya ba ni/ bshad pa nyid kyis rnam par dkrol zin to/ /mi gos pa'i chos rnams zhes bya ba ni shin tu rnam par dag pa'i de bzhin nyid la sgrib pa thams cad kyis mi gos pa'i phyir ro/ /'jig rten du skyes kyang 'jig rten pa'i chos rnams kyis gos pa med pa'i don ni brda phrad par zad do/ / dgongs te gsungs pa'i 'bras bu ci yin zhe na/ ston pa pos bzhag sla ba ste/ don yongs su bsdus pa'i phyir ro/ /gzhan dag la yang bshad sla ba'o/ /de nyid kyi phyir bstan pa bzung bas tshogs yongs su

  601. 301a

    rdzogs par bya sla ba'o/ /tshogs yongs su rdzogs pas bde bar chos nyid rtogs par byed do/ /sangs rgyas la shes nas dad pa thob ste/ de'i che ba nyid dmigs pa'i phyir ro/ /chos dang dge 'dun la yang de bzhin no/ /mthong ba'i chos la bde bar gnas pa'i mchog kyang 'thob ste/ de rtogs pa'i phyir ro/ /'beb pa'i gtam gtan la 'bebs pas mkhas pa rnams kyi mdun na mkhas pa mkhas pa zhes bya ba'i grangs su 'gro ste/ dgongs nas gsungs pa'i dgongs pa ni bcu po 'di dag go /de nyid kyi phyir nyan thos kyi theg par yang/ pha dang ma ni gsad byas shing/ zhes bya ba la sogs pa bstan to/ /byang chub sems dpa' rnams kyi ting nge 'dzin rnams kyi las ni rnam pa bzhi ste/ pha rol tu phyin pa bsgom pa dang/ de la brten nas ji ltar 'dod pa bzhin du gser la sogs pa'i rang bzhin du sgyur ba'i phyir sangs rgyas kyi zhing yongs su dag par byed pa dang/ stobs la sogs pa sangs rgyas kyi chos yang dag par sgrub pa dang/ rdzu 'phrul la sogs pas 'dun par byas nas sems can rnams 'dzud cing yongs su smin par byed pa'o/ /ji skad bshad pa lta bu'i ting nge 'dzin med par pha rol tu phyin pa bsgom pa la sogs pa bzhi sgrub par mi nus te/ nyan thos bzhin no/ /lhag pa'i sems kyi bslab pa bshad zin to// //bam po drug pa// sems mnyam par bzhag na yang dag pa ji lta ba bzhin rab tu shes so zhes 'byung bas ting nge 'dzin gyis 'og tu lhag pa'i shes rab kyi bslab pa brjod par bya'o/ /bslab pa ni rig pa 'dzin pa yin pas

  602. 301b

    shes rab dang bslab pa gnyis tha dad pa med pa ma yin nam zhe na/ gal te de lta na lhag pa'i shes rab nyid bslab pa'o/ /zhes gzhi mthun par bya'o/ /de lta na yang dbang du bya ste zhes bya ba'i don med de/ de las gzhan pa ci'i dbang du byas nas lhag pa'i shes rab ces bya/ ji ltar bslab pa snga ma gnyis tshul khrims kyi dbang du byas/ sems kyi dbang du byas nas bslab pa shes rab gzhan yod pa ltar lhag pa'i shes rab ces bya ba 'dir ni de lta ma yin no zhe na/ de lta na 'o na ni sbyor ba las byung ba'i shes rab ni dngos gzhi'i dbang du byas pa'o/ /dngos gzhi ni de'i rjes la thob pa'i dbang du byas pa ste/ gnyi ga yang ye shes bla na med pa'i dbang du byas pa'o/ /lhag pa'i shes rab kyi bslab pa de gang zhe na/ rnam par mi rtog pa'i ye shes te/ de ni ngo bo nyid la sogs pa zab pa nyid la thug pa'i bar dag gis bshad do/ /ngo bo nyid kyi dbang du byas nas rnam pa lnga rnam par spangs pa zhes bya ba smos so/ /bzlog pa'i sgo nas mtshan nyid ston te/ dmus long la gzugs brnyad pa bzhin du bsgrub pa'i sgo nas brjod par mi nus pa'i phyir ro/ /rnam par rtog pa gsal ba'i sgo nas rnam par mi rtog ipa'i ye shes bsgrub tu rung gi gzhan du na rnam par rtog pa dang bcas par 'gyur ro/ /rnam par mi rtog pa de dag gang zhe na/ yid la mi byed pa zhes bya ba la sogs pa rgyas par smos pa'o/ /gal te yid la mi byed pa nyid rnam par mi rtog pa'i ye shes yin du zin na/ gnyis kyis log pa dang/ ra ro ba la sogs pa yid la ci yang mi byed pa yang rnam par mi rtog pa'i ye shes su 'gyur ro/ /de yang 'dod pa ma yin te 'bad pa med par yang thams

  603. 302a

    cad phyin ci log med par thal bar 'gyur ba'i phyir ro/ /rtog pa dang bcas shing dpyod pa dang bcas pa zhes bya ba la sogs pa ni gal te rtog pa dang dpyod pa las 'das pas rnam par mi rtog pa'i ye shes yin na ni des na bsam gtan gnyis pa yan chad kyi so so'i skye bo dang nyan thos la sogs pa yang rnam par mi rtog pa'i ye shes su 'gyur bas de yang 'thad pa yin no/ /'du shes dang tshor ba 'gog pa zhes bya ba la sogs pa yang gal te 'du shes dang tshor ba rnam par zhi ba rnam par mi rtog pa yin na ni des na rnam par mi rtog pa'i ye shes nyid du mi 'gyur te/ sems med par sems las byung ba rnams mi 'byung ba'i phyir ro/ /'gog pa'i snyoms par 'jug pa la sogs pa la yid kyi rnam par shes pas sems dang bcas pa nyid du 'gal te/ sems las byung ba med par ni/ sems ni nam kyang mi 'byung ste/ nyi ma dang ni 'od zer bzhin/ /de dag nyid dang lhan cig 'byung zhes bshad pa lta bu'o/ /gzugs kyi ngo bo nyid yongs su spangs pa zhes bya ba ni gal te rnam par mi rtogs pa'i gzugs la sogs pa lta bu yin na ni des na ye shes nyid du mi 'gyur te/ 'byung ba las gyur pa yin pa'i phyir ro/ /de kho na'i don la bkra bar 'dzin pa zhes bya ba la sogs pa ni gal te de kho na'i don la rnam par mi rtog pas rnam par mi rtog pa bkra bar 'dzin pa 'byung ba gang yin pa de rnam par mi rtog pa yin na ni de rnam par mi rtog pa nyid du mi 'grub ste/ bkra bar 'dzin pa nyid rnam rtog pa'i phyir ro/ /rnam pa lnga po 'di dag nyid tshigs su bcad pa rtsa ba gsum gyis bkag nas rtsa ba bzhi pas rnam par mi rtogs

  604. 302b

    pa'i ye shes kyi ngo bo nyid ston to/ /yang dag don la bkra 'dzin med ces bya ba ni bkra bar mi 'dzin pa'i ngo bo nyid ces bya ba'i tha tshig go /'di ltar gnas brtan par 'dod nas tshigs su bcad pas smras pa/ byang chub sems dpa' rnams kyi shes/ rnam par rtog pa med pa'i gnas zhes bya ba la sogs pa ste/ ye shes ni sems las byung ba yin pas sems ni gnas su 'gyur ba yin no/ /sems gnas yin dang rnam par mi rtog pa ni mi rung ste/ sems kyi sgra ni sems pa'i rgyu las byung ba'i phyir ro/ /ji ste sems med pa gnas yin na ni des na ye shes nyid du mi 'gyur te/ gzugs bzhin no zhe na/ nyis 'gegs gi thag pa 'di tshigs su bcad pa phyed kyis lan 'debs so/ / don la mi sems rgyus byung phyir zhes bya ba ni rnam par mi rtog pa'i gnas sems ma yin te/ 'di ltar don la mi sems pa'i phyir ro/ /sems med pa yang de'i gnas ma yin te/ sems kyi rgyu las byung ba'i phyir ro/ / 'di ltar de ni sems kyi rgyu las 'byung ste/ bsgoms pa'i dbang gis gang na sems dang sems med par rnam par rtog pa las shin tu 'das pa'i gnas zhes brjod pa'i gnas skabs de 'thob po/ /gzhi zhes bya ba ni rgyu ste/ byed rgyu'o/ /de'i dbang du byas nas/ thos pa'i bag chags brjod bcas pa'i zhes bya ba smos so/ /gzhan dag las sgra thos pa de ni mnyam par bya ba yin pa'i phyir thos pa ste/ gzhan ni ma yin no/ /de goms pa'i phyir nus pa khyad par can ni bag chags te/ de'i rgyu las byung ba yid kyi brjod pa yid la byed pa'o/ /de ni tshul bzhin zhes bya ba ni rigs pa ste/ rnam par byang ba zhes bya ba'i tha tshig go /dmigs pa dang

  605. 303a

    bcas pa'i phyir ye shes kyi dmigs pa ston te/ byang chub sems dpa' rnams kyi shes/ /rnam rtog med pa'i dmigs pa ni/ /chos rnams brjod du med pa nyid ces bya ba la sogs pa'o/ /brjod du med pa nyid ces bya ba ni brjod pa rang bzhin med pa nyid de/ brjod pa kun brtags pa'i ngo bo nyid dang bral ba'o/ /bdag med de bzhin nyid kyang de zhes bya ba ni grags pa'i tshig gnyis kyis gsal bar byed pa ste/ gang zag dang chos med pa'i ngo bo nyid sgro btags pa dang bskur pa 'debs pa'i mdza' las grol ba ni rnam par mi rtog pa'i ye shes kyi dmigs pa'o/ /dmigs pa dang bcas pa'i chos rnams ni rnam pa dang bcas pa'i phyir dmigs pa 'dzin par byed do/ /rnam par mi rtog pa'i ye shes kyi rnam pa ni de bzhin nyid la dmigs par brjod do/ /mtshan ma med pa gang yin pa'o/ /zhes bya ba ni mtshan ma thams cad yid la mi byed pa ste/ rnam pa med pa nyid rnam pa'o/ /zhes bstan par 'gyur ro/ /gal te rnam par brtag par bya ba'i don med na rnam par brtag par bya ba 'di ci zhe na/ de'i don bstan pa'i phyir/ sbyor las byung ba'i rang bzhin te/ zhes bya ba la sogs pa smos te/ yi ge'i 'bru phan tshun sbyor pas rta lcag ces bya ba la sogs pa rgyun ma chad par brjod pa brdal 'dris pa la bltos nas don kun brtags pa'o/ /de las gzhan du min zhes bya ba ni sbyor ba las byung ba de las gzhan du ma yin pa ste/ 'brel pa brjod pa med na de med pa'i phyir don dam pa pa ma yin zhes bya ba'i tha tshig ste/ brjod du med pa zhes bya ba ji ltar brjod du med ces bya ba'i 'thad pa smos pa/ brjod pa

  606. 303b

    med par brjod bya la/ shes pa 'jug pa ma yin no zhes bya ba la sogs pa ste/ gal te brjod par bya ba'i don zhig yod na ni brjod pa med par yang de shes par 'gyur ba'i rigs na brjod pa lam byang ba ni brjod par bya ba yod kyang de'i blo mi 'byung bas brjod par bya ba'i don med par nges so/ /ji ste brjod pa la brjod par bya ba'i blo 'byung ngo snyam na/ de spang ba'i don du 'gal ba'i phyir na brjod la min zhes bya ba smos te/ mtshan nyid mi 'dra zhes bya ba'i tha tshig go /dbang po tha dad pas bzung bas brjod pa ni brjod par bya ba dang mtshan nyid mi 'dra ba yin na de ji ltar brjod par bya bar rung/ de phyir thams cad brjod du med ces bya ba la/ thams cad ces smos pas ni brjod pa dang brjod par bya ba dang/ gnyi ga smos pas 'jug sdud do/ /rnam par mi rtog pa'i ye shes de gang gis rten yin zhe na/ rnam par mi rtog ye shes de/ /byang chub sems dpa' i de rjes la/ /thob pa spyod pa'i rten yin te/ /zhes bya ba smos te/ ye shes de ni rnam par mi rtog pa'i ye shes kyi rjes las byang chub sems dpa' i spyod pa gang thob pa de'i rten te gnas yin no/ /de ni 'phel bar 'gyur phyir ro/ /zhes bya ba ni byang chub sems dpa' i spyod pa de 'phel bar 'gyur ba'i phyir te/ rten gyi dgos pa bstan to/ /gcig pus ni mi nus pa'i phyir ye shes de'i grogs gang zhe na/ byang chub sems dpa' rnams kyi shes/ /rnam par rtog pa med pa'i grogs/ /lam gnyis su ni brjod pa ste/ zhes bya ba smras te/ tshogs kyi lam dang/ rten gyi lam mo/ /pha rol tu phyin pa lnga'i rang bzhin no/ /zhes bya ba ni de'i ngo bo nyid do/ /de la pha rol tu phyin

  607. 304a

    pa bzhi ni tshogs kyi lam mo/ /bsam gtan gyi pha rol tu phyin pa ni rten gyi lam mo/ /sems mnyam par bzhag pa sngar bshad pa'i pha rol tu phyin pa'i dge bas brtan pa la shes rab kyi pha rol tu phyin pa zhes brjod pa'i rnam par mi rtog pa'i ye shes 'byung ngo/ /ji srid du sangs rgyas nyid ma thob pa de srid du rnam par mi rtog pas gang du rnam par smin par byed snyam pa la/ byang chub sems dpa' rnams kyi shes rnam rtog med pa'i rnam smin ni/ sangs rgyas dkyil 'khor gnyis su ste zhes bya ba smos te/ longs spyod rdzogs pa'i dkyil 'khor dang/ sprul pa'i dkyil 'khor ro/ /sbyor ba dang ni thob pas so zhes bya ba ni rnam par smin pa'i don brjod kyi/ 'di rnam par smin pa'i rgyu ni ma yin te/ de'i gnyen po yin pa'i phyir ro/ /'di ni rnam par smin pa'i don gzhan yin te/ 'di lta ste/ bdag po'i don to/ /gal te rnam par mi rtog pa'i don du brtson par gyur na ni de'i tshe de'i dbang gis sprul pa'i dkyil 'khor du skye'o/ /ji ste rnam par mi rtog pa thob par gyur na ni/ de'i tshe longs spyod rdzogs pa'i dkyil 'khor du skye'o/ /ye shes de'i rgyu mthun pa gang yin snyam pa la/ byang chub sems dpa' rnams kyi shes/ /rnam rtog med pa'i rgyu mthun ni/ /phyi ma phyi ma'i tshe rnams su/ /zhes bya ba la sogs pa smos te/ dkyil 'khor gnyis po de nyid du tshe rabs phyi ma phyi ma dag la rnam par mi rtogs pa'i ye shes de nyid khyad zhugs par khyad par du 'gyur te/ phyis skyes pa'i khyad par de nyid de'i rgyu mthun pa'o/ /de'i nges par 'byung ba ji lta bu

  608. 304b

    snyam pa la/ byang chub sems dpa' rnams kyi shes/ /rnam rtog med pa'i nges 'byung ni/ /sa bcu dag tu shes bya ste/ /thob pa dang ni grub phyir ro/ /zhes bya ba smos te/ /sa dang po la zhugs na mthong ba'i lam gyi gnas skabs su sa thams cad thob pa'i phyir/ rnam par mi rtog pa nges par 'byung ngo/ /bsgom pa'i lam la ni de dag nyid du grub po/ /mthar phyin pa'i dbang du byas nas/ dag pa'i sku gsum thob phyir dang zhes bya ba smos te/ dag pa smos pa ni 'di ltar sa dang po nyid la sku gsum thob cing sa bcu pa la ni dag pa yin te/ des na gang gi tshe dag pa'i sku gsum thob par 'gyur gyi/ sku gsum tsam du mi zad la/ de thob pas kyang dbang dam pa bcu yang thob pa yin gyi/ dag pa'i sku gsum 'ba' zhig thob pa ni ma yin pa de'i tshe rnam par mi rtog pa'i ye shes kyi mthar phyin to/ /ye shes de gang dag gis ci'i 'dra bar gang gis gos pa med snyam pa la rnam rtog med pa'i ye shes de/ /dad pa tsam dang mos pa yis/ /sdig pa sna tshogs drags rnams kyis/ /gos pa med de nam mkha' bzhin zhes bya ba smos so/ /gang dag gis shes pa gang smos pa ni sdig pa sna tshogs drag po rnams kyis so/ /ci 'dra bar zhes bya ba ni de nam mkha' lta bur gyur pa'o/ /gang gis zhes gang smos pa ni/ /dad pa tsam dang mos pas ni/ /dad pa tsam gyi shes rab dang/ /mos pa'i rgyus mi gos pa'o/ /sgrib pa kun las grol ba'i phyir zhes bya ba ni nyon mongs pa'i sgrib pa dang shes bya'i sgrib pa dang bral ba'i phyir ro/ /thob dang grub dang ldan pas na zhes bya ba ni sa dang po la ni thob po/ /

  609. 305a

    sangs rgyas kyi sa la ni grub po/ /'jig rten dag na rnam rgyu yang/ /'jig rten chos kyi rtag mi dgos zhes bya ba ni skye ba'i gnas thams cad du skye ba ston kyang rnyed pa la sogs pa 'jig rten gyi chos brgyad po dag dang mi 'dre bas 'jig rten las 'das pa ste/ pad+ma bzhin no/ /'o na sbyor ba las byung ba dang/ dngos gzhi dang rjes las thob pa rnam par mi rtog pa'i ye shes rnam pa gsum khyad par ci yod ce na/ khyad par bstan pa'i phyir/ lkugs pas don ni myong 'dod dang/ zhes bya ba la sogs pa smos te/ dper na lkugs pas don myong bar 'dod pa la re zhig mi myong ba de bzhin du sbyor ba las byung bar blta'o/ / dper na lkugs pas don myong yang mi brjod pa de bzhin du dngos gzhir blta'o/ /ji ltar ma lkugs pas don myong zhing smra ba de bzhin du de'i rjes la thob par blta'o/ /rmongs pas don ni myong 'dod dang zhes bya ba ni tshigs su bcad pa 'di 'ang de bzhin du bshad par bya'o/ /rnam par shes pa lnga pos don ni myong 'dod dang zhes bya ba ni don myong bar mos shing don myong bar 'dun pa zhes bya ba'i tha tshig ste/ de lta bur ni sbyor ba las byung bar blta'o/ /dper na rnam par shes pa lnga po dag gi don myong yang rnam par mi rtog pa de lta bu ni dngos gzhi'o/ /dper na yid kyi rnam par shes pa dgos pa gnyi ga can gyis ni myong zhing rnam par rtogs pa yang byed de/ de lta bur ni de'i rjes la thob pa'o/ /de bzhin du bstan bcos mi shes pa bstan bcos shes par 'dod pa dang/ bstan bcos brjod pa na tshig 'bru myong ba dang/ de nyid nyan pas chos kyi don rtags

  610. 305b

    par 'gyur te/ dpe gsum po dag gis sbyor ba la sogs pa gsum go rim bzhin du dpe dang bstan to/ /mi zhig mig ni btsum pa ltar/ /zhes bya ba la sogs pa ni dngos gzhi dang rjes las thob pa'i dpe ste/ rnam rtog med pa'i shes de ni/ /nam mkha' bzhin du shes par bya zhes bya ba dang/ tshigs su bcad pa 'di gnyis kyis ni dngos gzhi dang rjes la thob pa'i khyad par bstan to/ /de la gzugs ni snang ba ltar zhes bya ba ni nam mkha' la'o/ /de'i rjes la thob pa'i ye shes ni de ltar blta bar bya ste/ rnam par brtag par bya ba dang/ rnam par rtog pa zhes bya ba'i tha tshig go /sbyor ba las byung ba ni rnam par mi rtog pa'i rgyu yin pas rnam par mi rtog pa'o/ /rjes la thob pa ni de'i rgyu las byung ba'i phyir ro/ /gal te sangs rgyas nyid rnam par mi rtog pa'i ye shes kyis rab tu phye ba yin na sems can du rnam par rtog pa mi mnga' ba sems can gyi don ji ltar mdzad ce na/ nor bu dang sil snyan la sogs pa'i dpe rnams kyis lhun gyis grub par mdzad par stan to/ /ji ltar nor bu sil snyan dag ces bya ba la sogs pa'o/ /de dag ni sems pa med pa'i phyir 'di snyam du bdag cag gis 'bar ba bya'o/ /sgra 'byung bar bya'o snyam du mi sems mod kyi/ 'on kyang yid bzhin nor bu rnams dang lha'i sil snyan ma dkrol ba rnams der skyes pa'i sems can gyi dbang gis 'bar ro/ /sgra 'byung ngo/ /de bzhin du sangs rgyas bcom ldan 'das kyi mdzad pa yang sems can la sogs pa'i rnam par rtog pa mi mnga' bar gdul ba ji lta ba bzhin du phan 'dogs pa sna tshogs 'byung ngo/ /rnam par mi rtog pa de nyid

  611. 306a

    kyi zab pa brjod de ji lta zhe na/ 'di la rnam par mi rtog pa'i ye shes gzhan gyi dbang zhes bya ba rnam par rtog pa la dmigs pa zhig gam/ de las gzhan pa 'am/ de bzhin du shes pa zhig gam/ mi shes pa zhig ce na/ gal te gzhan gyi dbang rnam par rtog pa la dmigs na ji ltar rnam par mi rtog par 'gyur/ ji ste de las gzhan pa zhig shes byar ni med pa nyid do/ /gal te mi shes pa zhig na ni rnam par mi rtog pa'i ye shes kyang ji skad du bya/ ci ste shes pa yin na yang de'i shes bya dgos par 'gyur bas rnam pa thams cad du yang nyes par 'gyur ro zhe na/ de la ma yin gzhan la min zhes bya ba la sogs pas de'i lan 'debs so/ /re zhig rnam par mi rtog pa'i phyir gzhan gyi dbang zhes bya ba rnam par rtog pa la 'jug ces bya bar ni mi rung ste/ rnam par rtog pa la dmigs pa ni rnam par mi rtog par mi srid pa'i phyir ro/ /de las gzhan pa yang ma yin te/ 'di ltar rnam par rtog pa de nyid kyi chos nyid la dmigs pa'i phyir te/ chos nyid ni chos las de nyid dang gzhan du brjod du med pa'i phyir ro/ /ye shes kyang rnam par rtog pa dang/ rnam par mi rtog pa la dmigs pa nyid du brjod du med do/ /sbyor ba las byung ba dang rjes la thob pa ltar shes pa yang ma yin te/ rnam par mi rtog pa'i phyir ro/ /mi shes pa yang ma yin te/ sbyor ba las byung ba'i shes pa sngon du 'gro ba'i phyir ro/ /shes bya dang ni khyad med pa'i/ /shes gang de nyid mi rtog nyid/ /ces bya ba ni bzung ba dang 'dzin par rnam par dbye bar yongs su chad pa med pa'i phyir 'di ni

  612. 306b

    shes pa'o/ /'di ni shes bya'o zhes khyad par med pa gang yin pa de ye shes de'i rnam par mi rtog pa nyid de/ gang shes bya dang tha dad pa ma yin pa de ni nam mkha' dang snang ba bzhin no/ /rnam par brtag bya med pas na/ zhes bya bas ni mdo sde dag las chos thams cad rang bzhin gyis rnam par mi rtogs pa zhes gang 'byung ba ston te/ gang gis phyir rnam par brtag par bya ba kun brtags pa'i don med pas de'i phyir rang bzhin gyi rnam par mi rtog pa'o zhes mdo las 'byung ngo/ /gal te chos thams cad rang bzhin gyis rnam par mi rtog pa yin na de'i tshad du 'bad mi dgos pas ci'i phyir srog chags thams cad ma grol zhe na/ 'di ltar de dag la chos de dag ni 'di lta bu'o zhes mngon sum du rtogs pa'i ye shes ma skyes pa'i phyir ro/ /rnam par brtag par bya ba med pa'i phyir byang chub sems dpa' rnams la ni shes pa de skye ste/ de'i phyir de dag nyid rnam par grol gyi/ gzhan dag ni ma yin no/ /rgyu dang 'phen pa dang goms pa las byung bas rab tu dbye ba'i phyir ro/ /zhes bya bas ni sbyor ba las byung ba la sogs pa re re yang rnam pa gsum gsum du ston to/ /la la'i rigs ni 'di lta bu yin te/ gang zhig rkyen rnyed nas myur du de la sbyor ba las byung ba skye ba de'i rigs las de 'byung ngo/ /rigs ni thog ma med pa'i dus kyi skye mched drug bye brag can sangs rgyas kyi snod du gyur pa'o/ /su la mngon gyi rgyu yod pa de la tshe rabs snga ma la goms par byas pa'i 'phen pa'i stobs kyis 'byung bar 'gyur ro/ /kha cig ni da ltar byung ba'i tshe la goms par

  613. 307a

    byas pas skyes bu byed pa'i stobs kyis 'byung ngo/ /chog shes pa'i phyir rnam par mi rtog pa ni chog shes pas rnam par mi rtog ste/ don nyung ngus chog par bzung nas gong ma'i khyad par la rnam par mi rtog pa'i phyir te/ dper na 'jig rten pa rnams kyi thos pa dang/ bsams pa las byung ba'i shes pa gnyis kyis don 'ga' zhig la dad par byas sam/ nges par byas sam/ bsgoms nas srid ba'i rtse mo'i bar du thob nas ldog pa lta bu ste/ de nyid thar pa bsgom du mngon par zhen pa'i phyir ro/ /phyin ci ma log pas rnam par mi rtog pa ni 'phags pa nyan thos rnams kyi ste/ /de dag ni bsgoms pa las byung ba'i shes rab kyis rdul la sogs pa'i bden pa la sogs pa phyin ci ma log pa bzhis dmigs kyi/ de phan chad mi rtags pa la sogs pa la ni phyin ci log tu rnam par mi rtog go /spros pa med pas rnam par mi rtog pa ni byang chub sems dpa' rnams kyi ste/ de dag ni mi rtag pa la sogs pas kyang rnam par mi rtog cing byang chub ces bya ba'i bar du yang spros par mi byed de/ de kho na nyid dag gi lam las 'das pa dang/ 'jig rten pa'i shes pa las 'das pa'i phyir ro/ /spros pa zhes bya ba ni kun rdzob ste/ sgra dang 'jig rten pa'i shes pas bsdus pa ste/ de med pa'i phyir spros pa med pa nyid do/ /de'i rjes la thob pa ni rnam pa lnga ste/ rtogs pa dang rjes su dran pa dang/ rnam par bzhag pa la sogs pa 'bras bu tha dad pa'i phyir ro/ /dpyod pa zhes bya ba'i sgra ni re re dang sbyar ro/ /de la rtogs pa la dpyod pa zhes bya ba la rtogs pa ni

  614. 307b

    mngon par rtogs pa dang de kho na gtan la phebs pa ste/ ting nge 'dzin la de'i rjes la thob pas 'di ni de lta bu'o zhes so so rang gi dpyod pa'o/ /de nyid rjes su dran pa la dpyod pa ni de'i 'og tu bdag gis 'di lta bu rtogs so/ /zhes rtogs pa rjes su dran pa'i phyir ro/ /rnam par bzhag pa la dpyod pa ni langs nas gzhan dag la ji ltar rtogs pa bzhin du brjod pa'i phyir ro/ /'dres pa la dpyod pa ni chos thams cad bzlugs nas dmigs pa'i phyir te gang gis gnas 'gyur ba'o/ /gnas gyur nas/ 'byor bar bya ba'i dpyod pa ni ye shes mngon du gyur pa can gyis gang bsams pa de thams cad 'byor bar 'gyur te/ des sa la sogs pa yang gser la sogs pa nyid du 'gyur ro/ /dpyod pa ni 'dir shes pa zhes bya ba'i sgrar 'dod do/ /rnam par brtag par bya ba med pa'i phyir rnam par mi rtogs pa'o/ /zhes bshad pa ji ltar rnam par brtag par bya ba'i don med ce na/ de med par tshigs su bcad pa rnams kyi bsgrubs ste/ yi dags dud 'gro mi rnams dang/ zhes bya ba la sogs pa ste/ gang la mi rnams chu'i blo 'byung ba de la yi dags rnams kyis thang bur mthong ngo/ /gang la mi rnams mi gtsang ba'i blo 'byung ba de la dud 'gro rnams kyi kha zas kyi blo 'byung ngo/ /gang la yi dags rnams dang dud 'gro rnams gtsang ba'i blo 'byung ba de la mi rnams mi gtsang ba'i blo 'byung ngo// gang la mi rnams kha zas kyi blo 'byung ba de la lha rnams kyi mi gtsang bar mthong ste/ 'gal ba rnams ni gcig la mi srid pas kun brtags pa'i don med do/ /gal te don med na dmigs pa med pa'i shes pa

  615. 308a

    ji ltar kun tu 'byung zhe na/ 'di la dri ba ci yod ce na/ mdo sde pa khyed kyi ltar na yang 'das pa dang ma 'ongs pa la dmigs pa med pa'i shes pa ji ltar 'jug /rmi lam na yang zhes bya ba ni khyim ngan pa chung ngu'i nang na nyal ba'i rmi lam gyis shes pa ri dang chu klung dang glang po che'i shes pa dang/ rang gi mgo gcod par mthong ba yang dmigs pa ma yin no/ /gzugs brnyan rnam pa gnyis po la/ zhes bya ba ni me long dang ting nge 'dzin gyi spyod yul la zhes bya ba la ste/ rang gi sems kyi gzugs brnyan la dmigs pa'i phyir dmigs pa med pa'o/ /de la dmigs pa dang ldan pa'i phyir zhes bya ba ni 'jug sdud pa ste/ 'das pa dang ma 'ongs pa la sogs pa la dmigs pa dang ldan pa'i phyir zhes bya ba'i tha tshig go /don ni don du grub na ni/ /ye shes rtogs pa med mi 'gyur zhes bya ba ni gal te don ngo bo nyid kyis don du grub par gyur na rnam par mi rtogs pa'i ye shes mi 'grub ste/ rnam par brtag par bya ba yod pa'i phyir ro/ /rnam par mi rtog pa med pa'i phyir/ sangs rgyas nyid med par 'gyur zhes bya ba ni rtsa ba la gnod pa'i skyon no/ /de lta bas na nges par don mi 'grub par shes par bya'o/ /'di'i phyir yang don med de 'di ltar byang chub sems dpa' dbang thob dang zhes bya ba la sogs pa ste/ dbang rnyed pa can zhes bya ba'i tha tshig go /bsam gtan ba'i zhes bya ba ni byang chub sems dpa' las gzhan pa nyan thos la sogs pa rnams te/ de dag bsam gtan byed pa'i tshul can yin pas bsam gtan pa'o/ /mos pa'i dbang gis zhes bya ba ni bsam gtan pa'i dbang gis so/ /'di ltar

  616. 308b

    sa la sogs pa dag /dngos po de ltar dmigs par 'gyur zhes bya ba ni gser la sogs pa'i dngos por zhes bya ba'i tha tshig go /'di la rnam par 'byed grub pa zhes bya ba ni shes rab grub pa zhes bya ba'i tha tshig go /blo ldan zhes bya ba ni blo grub pa dang ldan pa'i phyir te/ byang chub sems dpa' nyid blo ldan no/ /zhi ba thob pa'i zhes bya ba ni ting nge 'dzin thob pa'o/ /chos kun yid la byed pa zhes bya ba ni mdo'i sde dang dbyangs kyis brnyad pa'i sde la sogs pa'i chos thams cad do/ /de ltar don du snang ba'i phyir ro/ /zhes bya ba ni ji lta ji ltar mdo'i sde la sogs pa bdag med pa la sogs pa'i rnam par yid la byed pa de lta de ltar de dag gi don snang bar 'gyur ba'i phyir te/ yid la byed pa nyid bzung ba dang 'dzin pa nyid du de la snang bar 'gyur gyi/ phyi rol gyi don gang yang med par mngon no/ /ye shes rgyu ba rtog med la zhes bya ba la sogs pa ni don du grub pa med ces bya bar sbyar te/ gang gi phyir rnam par mi rtog pa'i ye shes mngon du gyur pa la don thams cad mi snang bas de'i phyir yang don med par khong du chud par bya'o/ /de med pas na rnam rig med ces bya ba ni don med pa'i phyir te/ de'i phyir rnam par rig pa yang med par khong du chud par bya'o/ /rnam par shes par bya ba'i don med na rnam par rig par mi rung ngo zhes zhes bya ba'i mtshan nyid bshad pa nyid du sngar legs par rnam par phye zin to/ /shes rab kyi pha rol tu phyin pa dang rnam par mi rtogs pa'i ye shes ni khyad par med de zhes bya ba ni mtshungs pa ste rnam par mi rtog pa'i ye shes gang yin pa de nyid shes rab kyi pha rol tu phyin pa ste/ 'di ltar de nyid las kyang/ byang chub

  617. 309a

    sems dpa' shes rab kyi pha rol tu phyin pa la mi gnas pa'i tshul gyis gnas nas de las gzhan pa'i pha rol tu phyin pa rnams bsgoms pas yongs su rdzogs par 'gyur ro/ /zhes 'byung ngo/ /de ji lta bu zhe na/ gnas rnam pa lnga yongs su spong ba'i phyir zhes bya ba smos te/ mu stegs can gyi ngar 'dzin pa'i gnas yongs su spong zhes bya ba la sogs pas gnas lnga bstan to/ /'di la gnas pas gnas te/ bdag gi shes rab kyi bdag cag gis rab tu shes so zhes mu stegs can rnams ngar 'dzin pa lags so/ /gnas de ni byang chub sems dpas yongs su spong ste/ nga dang nga'i zhes bya ba/ shes rab la mi 'byung ngo/ / de yongs su spangs pa'i phyir mi gnas pa'i tshul gyis shes rab kyi pha rol tu phyin pa la gnas pa yin no/ /de kho na ma mthong ba'i byang chub sems dpa' ni shes rab kyi pha rol tu phyin pa rnam par mi rtog pa yin na shes rab kyi pha rol tu phyin pa zhes rnam par rtog pa la gnas pa lta bu ste/ gnas de byang chub sems dpas yongs su spong ngo/ /de lta na mi gnas pa'i tshul gyis de la gnas pa yin te/ ji skad du/ khyod nyid mthong ba 'ching ba ste/ ma mthong ba yang 'ching bar 'gyur/ /khyod nyid mthong ba grol ba ste/ /ma mthong ba yang grol bar 'gyur zhes bshad pa lta bu'o/ /'khor ba dang mya ngan las 'das pa'i mdza' gnyis kyi gnas yongs su spong ba zhes bya ba ni ji ltar 'jig rten pa dag nga rgyal dang bcas pa'i phyir 'khor ba'i mdza' la gnas pa dang/ ji ltar 'phags pa nyan thos dag nyon mongs pa spangs pa'i

  618. 309b

    phyir mya ngan las 'das pa'i mdza' la gnas pa ltar/ byang chub sems dpa' rnams ni de lta ma yin te/ de lta bas na mdza' de gnyi ga'i gnas yongs su spangs pas mi gnas pa'i tshul du'o/ /nyon mongs pa'i sgrib pa spangs pa tsam gyis chog par 'dzin pa'i gnas zhes bya ba ni nyan thos rnams kyi ste/ de tsam gyis don byas par sems dpa' i phyir ro/ /de ni sems can gyi bar chad byed pas byang chub sems dpa' rnams kyis yongs su spong ste/ ji skad du dmyal bar 'gro ba byang chub la/ /gtan du bgegs byed ma yin gyis/ /rang sangs rgyas kyi sa dang ni/ /nyan thos sa dag bgegs byed do/ /zhes bshad pa lta bu ste/ gnas de yongs su spangs pas mi gnas pa'i tshul du'o/ /sems can gyi don la mi lta ba phung po'i lhag ma med pa'i mya ngan las 'das pa'i dbyings kyi gnas zhes bya ba ni nyan thos sems can gyi don la mi lta bar phung po'i lhag ma med pa'i mya ngan las 'das pa la gnas te/ shing tshig pa'i me bzhin du mya ngan las 'das pa'o/ /de ni byang chub sems dpa' rnams kyis yongs su spong ste/ shes rab dang snying rje mi gnas pa'i mya ngan las 'das pa'i phyir ro/ /de yongs su bor bas mi gnas pa'i tshul bshad par bya'o/ /nyan thos kyi ye shes las byang chub sems dpa' i ye shes rnam pa lngas khyad par ston te/ rnam par mi rtog pa'i khyad par zhes bya ba ni nyan thos rnams phyin ci log bzhi la rnam par mi rtog go /byang chub sems dpa' rnams ni byang chub ces bya ba'i bar du chos thams cad la rnam par mi rtog go /nyi tshe ba ma yin pa'i khyad par ni rnam pa gsum ste/ de kho na rtogs pa nyi tshe ba

  619. 310a

    ma yin pa ni nyan thos rnams de kho na'i phyogs gcig gang zag la bdag med par rtogs pa'o/ /byang chub sems dpa' rnams ni gang zag dang chos gnyi ga la bdag med par rtogs so/ /shes bya'i nyi tshe ba ma yin pa ni nyan thos rnams sdug bsngal la sogs pa'i bden pa tsam la shes pa bskyed de/ de tsam gyis don byas pa'i phyir ro/ /byang chub sems dpa' rnams ni shes bya thams cad la shes pa bskyed do/ /sems can rnams la nyi tshe ba ma yin pa ni nyan thos rnams ni bdag gis don du zad pa dang mi skye ba shes pa la spyod pa'o/ /byang chub sems dpa' rnams ni sems can thams cad kyi ched du byang chub chen por sbyor te/ rnam pa 'di gsum ni nyan thos dang byang chub sems dpa' gnyis kyi nyi tshe ba ma yin pa'i khyad par ro/ /mi gnas pa nyid khyad par yin pas mi gnas pa'i khyad par te nyan thos rnams ni mya ngan las 'das pa la gnas so/ /byang chub sems dpa' rnams ni snying rje dang/ ye shes kyi dbang gis mya ngan las 'das pa la mi gnas so/ /bstan du pa'i khyad par zhes bya ba ni nyan thos dang byang chub sems dpa' i mya ngan las 'das pa'i khyad par ston te/ nyan thos rnams ni mar me'i 'od bzhin du phung po'i lhag ma med pa'i mya ngan las 'das par zad par 'gyur ro/ /byang chub sems dpa' rnams ni sangs rgyas su gyur nas gzugs med bzhin du chos kyis skus 'khor ba ji srid par gnas so/ /gong na med pa'i khyad par zhes bya ba'i khyad par 'dis kyang de dag gis ye shes khyad par du 'phags te/ nyan

  620. 310b

    thos rnams kyi gong na ni rang sangs rgyas kyi theg pa dang/ theg pa chen po yang yod/ byang chub sems dpa' rnams kyi sangs rgyas kyi theg pa'i gong na ni theg pa gzhan med pas rnam pa lnga po 'di dag ni nyan thos dang byang chub sems dpa' i ye shes kyi khyad par du rig par bya'o/ /don de nyid tshigs su bcad pas sdud de/ snying rje'i bdag nyid ye shes kyis/ /rnam lnga khyad par 'phags pa rnams zhes bya ba la sogs pa ste/ rnam pa lnga bshad zin to/ /'jig rten 'jig rten 'das pa yi zhes bya ba ni 'jig rten pa dang 'jig rten pa las 'das pa ste/ 'jig rten pa'i phun sum tshogs pa ni bsam gtan dang gzugs med pa rnams so/ /'jig rten las 'das pa ni mya ngan las 'das pa khyad par du 'phags pa'o/ /de'i bgegs su gyur pa'i las mthong ba'i phyir zhes bya ba ni byang chub sems dpa' rnams la mthu mnga' yang ci'i phyir gzhan la nor la sogs pa mi sgrub pa de brjod do/ de'i zhes bya ba ni longs spyod rnams dang sbyar ro/ /longs spyod rnams kyi bar du gcod pa'i las mthong nas spyad du med pa'i phyir sbyin pa 'bras bu med par 'gyur du 'ong zhes de dag la mi sbyin te/ gal te de dag la longs spyod phun sum tshogs pa bsgrub kying? longs spyod mi nus pas 'di bsgrubs kyang ci phan snyam mo/ /dper na ma ni byis pa'i snam bu la/ nu zho blud par nus mod kyi/ kha yi bu ga zum pa yi/ / bu la mas ni ji ltar bya/ /zhes bshad pa lta bu'o/ /longs spyod de nye bar bsgrub na dge ba'i chos skye ba'i bar du gcod pa nyid du mthong ba'i phyir zhes bya ba na longs spyod bsgrub pa la spyod pa'i bgegs su

  621. 311a

    gyur pa'i las med du zin kyang/ gal te 'di ltar de longs spyod phun sum tshogs pa rnyed nas bag med pas dge pa'i chos skye bar mi 'gyur ba'i mthong na mi sgrub ste/ 'di ni mthong ba'i chos la dbul por gyur pa ni bla'i/ 'di tshe rabs gzhan dag na yang longs spyod phun sum tshogs pa dang bral bar gyur na mi rung ngo zhes mi sgrub po/ /'di lta bus kyang mi sgrub ste/ kun tu skyo ba mngon du gyur par mthong ba'i phyir zhes bya ba'o/ /bdag ni dbul po'o/ /zhes gang zhig kun tu skyo ba mngon du gyur par mthong na de la yang mi sgrub ste/ longs spyod bsgrubs pas bde bar gyur na kun tu skyo ba mngon du gyur pa med par 'gyur te/ des kyang dge ba'i chos rnams mi skye bar gyur na mi rung ngo snyam mo/ /mi dge ba'i chos sogs pa'i rgyu nyid du mthong ba'i phyir zhes bya ba ni gang longs spyod chen po bsgrubs na bde bar gyur na kun tu skyo ba mngon du gyur pa med par 'gyur te/ des kyang dge ba'i chos rnams mi skye bar gyur na mi rung ngo snyam mo/ /mi dge ba'i chos sogs pa'i rgyu nyid du mthong ba'i phyir zhes bya ba ni gang longs spyod chen po bsgrubs na phun sum tshogs pa des rgyags nas mi dge ba'i chos sogs par mthong ba de la yang mi sgrub ste/ dper na blo gros yangs pa rnams la nor med dger 'gyur te/ nyes na dbul bar gyur nyid bla yi sdig spyod de lta bu min/ ma rabs sems rgyags gyur na dbang po'i rta 'khrul te/ rigs pa min dang phongs pa kun gyi snod du 'gyur zhes bshad pa lta bu'o/ /sems can ches mang ba dag la

  622. 311b

    gnod pa'i rgyu nyid du mthong ba'i phyir zhes bya ba ni su dbang phyug thob nas sems can shin tu mang po dag la gnod par byed pa de la yang mi sgrub te/ 'di gcig pu dbul ba'i sdug bsngal myong pa ni bla'i/ 'dis gzhan mang po la gnod pa byas na mi rung ngo snyam mo/ /don de nyid tshigs su bcad pas sdud de/ las dang sgrib dang mngon gyur dang/ zhes bya ba la sogs pa'o/ /lhag pa'i shes rab kyi bslab pa bshad zin to/ /mi mthun pa'i phyogs spang ba'i phyir rnam par mi rtog pa'i ye shes ni gnyen po nyid yin pas de'i 'og tu spang ba'i khyad par brjod do/ /mi gnas pa'i mya ngan las 'das pa zhes bya ba ni 'jig rten pa dang nyan thos ltar 'khor ba dang mya ngan las 'das pa la mi gnas pa'i phyir ro/ /nyon mongs pa yongs su btang ba dang bcas pa zhes bya ba ni kun nas nyon mongs pa rnams dang/ de ? yongs su btang ba dang bcas pa ste/ de'i mthu la gnod pa'i phyir ro/ /'khor ba yongs su mi gtong ba'i gnas te/ gnas gyur pa zhes bya ba ni gnas gyur pa de la gzugs med pa bzhin du gnas pa ni shes rab kyi khyad par dang ldan pa'i phyir nyon mongs pa rnams kyi skabs kyang mi 'byed la/ snying rje'i gzhan gyi dbang gis/ 'khor ba yang mi 'dor ro/ /gnas ni gang de'i gyur pa ni gang zhe na/ 'khor ba ni gzhan gyis dbang gi ngo bo nyid de zhes bya bas ston te/ 'khor ba ni 'khrul pa'i sems dang sems las byung ba rnams te/ skye ba dang 'chi ba'i dpyang thag la 'phyang mo nyug pa'i rgyun mi 'chad pa'i phyir ro/ /kun nas nyon mongs pa'i cha zhes bya ba ni kun brtags pa'i rnam

  623. 312a

    pa'i chas so/ /mya ngan las 'das pa ni de nyid rnam par byang ba'i char gtogs pa ste/ kun brtags pa'i dngos po med pa'i char gtogs pa'o/ /gnas ni de nyid gnyi ga'i char gtogs pa ste/ gzhan gyi dbang ngo/ /gang gi gnas she na/ gyur pa'i ste 'brel ba'i phyir ro/ /de gyur pa ni de yongs su gyur pa'o/ /yang na sangs rgyas kyi chos rnams kyi gnas te/ ji skad du/ sa dang pha rol phyin pa ni/ /sangs rgyas chos kyi gnas yin no/ /gnas gyur pa ni 'bras bu ste/ /chos kyi sku zhes brjod pa yin zhes bshad pa lta bu'o/ /ji ltar ni 'gyur gyur pa de gang yin snyam pa la gzhan gyi dbang 'khrul pa'i bdag nyid de'i gnyen po skyed na zhes bya ba smos te/ rnam par mi rtog pa'i ye shes skyes na'o/ /kun nas nyon mongs pa'i cha ldog cing zhes bya ba ni 'khrul pa'i cha gzung ba dang 'dzin pa nyid de/ ldog pa ni gzhan du gyur pa'o/ /rnam par byang ba'i char gyur pa zhes bya ba ni gzung ba dang 'dzin pa med pa'i dngos por te/ /gzung ba dang 'dzin pa med pa nyid ni so so rang gis rig par bya ba brjod du med pa'o/ /nyam chung bar byed cing rgyas par gyur pa ste/ /mos pa'i dbang gis thos pa'i bag chags bskyed pa'i stobs kyis rnam par smin pa'i rnam par shes pa la gnas pa'i nyon mongs pa'i bag chags nyam chung bar byed cing rnam par byed pa rgyas par 'gyur ba'o/ /mos pa dang thos pa'i bag chags gnas pas 'dzems pa dang bcas pa la nyon mongs pa chung ngu kun tu 'byung ba 'am/ kun tu mi 'byung bar 'gyur ro/ /rtogs nas gyur pa ni/

  624. 312b

    sar chud pa'i byang chub sems dpa' rnams kyis ste/ zhes bya ba la sogs pa ni/ de kho na dang de kho na ma yin pa snang ba ste/ bar chad dang bcas pa dang/ bar chad med par rnam par mi rtog pa'i ye shes kun tu 'byung ba'i phyir de la re 'ga' ni de kho na snang/ re 'ga' ni de kho na ma yin pa ste/ langs pa'i 'og tu ste sa drug pa'i bar du'o/ /bsgoms pas gyur pa ni sgrib pa dang bcas pa rnams kyi ste zhes bya ba la sogs pa ni shes bya'i sgrib pas sgrib pa dang bcas par gyur pa'i mtshan ma thams cad mi snang ba dang/ de kho na nyid snang bar gnas gyur pa gang yin pa de ste/ sa bcu pa'i bar du'o/ /'bras bu yongs su rdzogs pa'i gyur pa ni sgrib pa med pa rnams kyi ste zhes bya ba la sogs pa ni gang sgrib pa thams cad kyis sgrib pa med par gyur pa'i mtshan ma thams cad mi snang bar gyur pa dang/ sgrib pa thams cad med pa'i phyir de shin tu rnam par dag pa'i de kho na snang ba dang mtshan ma de dag nyid la dbang thob par gyur pa'i gnas yin te/ 'di ltar mtshan ma la dbang thob pa de nyid kyis ji ltar 'dod pa bzhin du sems can gyi don byed do/ /gyur pa dman pa na go sla ste/ bshad pa nyid kyis de bshad pa yin no/ /gyur pa rgya che ba ni byang chub sems dpa' rnams kyi ste zhes bya ba la sogs pa la/ kun nas nyon mongs pa spong zhing de yongs su mi gtong ba'i phyir zhes bya ba ni kun nas nyon mongs pa 'khor ba bdag med par rtogs pas kun nas nyon mongs pa med pa'i phyir ro/ /de yang yongs su mi gtong ba ni 'khor ba de nyid la zhi bar mthong bas so/ /gyur pa dman pa'i nyes dmigs

  625. 313a

    ni go sla bas ma bshad do/ /gyur pa rgya che ba'i phan yon chos thams cad la dbang 'byor ba thob nas de bskal ba dang mnyam pa'i lus thams cad kun tu ston pas thabs rnam pa sna tshogs kyi mngon par mtho ba 'jig rten pa'i phun sum tshogs pa dang/ theg pa gsum la gdul ba la bskal pa can rnams 'dul zhing 'god de chos nyid khong du chud par byed pa ni phan yon yin no/ /gnas gyur pa'i skabs nas tshig su bcad pa/ byis pa rnams la yang dag sgribs/ /yang dag ma yin kun tu snang zhes bya ba la sogs pa'o/ /ma rig pa ma spangs pa rnams la ni de kho na mi snang ste/ de'i phyir bsgribs pa zhes bya'o/ /byis pa rnams la ji ltar de kho na bsgribs nas ma rig pa'i dbang gis de kho na ma yin pa kun tu snang ba de ltar byang chub sems dpa' rnams la ni ma yin te/ ma rig pa spangs pa'i phyir de dag la ni de kho na nyid snang ste/ rig pas kyang de kho na ma yin pa med par rtogs pa'i phyir ro/ /de ltar byas na don med pa dang don yod pa/ mi snang snang bar shes par bya zhes bya ba la mi snang ba ni don med pa kun tu brtags pa'o/ /snang ba ni don yod pa yongs su grub pa'o/ /gang de kho na ma yin pa mi snang ba dang/ de kho na snang ba 'di ni gnas gyur pa'o/ /'dod dgur sgyur phyir thar pa yin zhes bya ba ni gnas gyur pa de nyid thar pa ste/ rang dbang yod pa'i phyir ro/ /'jig rten na yang 'dod dgur rgyu ba thob pa ni ci 'dod pa bzhin spyod pas grol ba zhes bya'o/ /'khor ba dang ni mya ngan 'das/ mtshungs par shes pa nam skye ba zhes bya ba la/ 'khor ba zhes

  626. 313b

    bya ba ni kun brtags pa'i ngo bo nyid de/ de yang dngos po med pa nyid ni stong pa nyid de/ stong pa nyid ni mya ngan las 'das pa zhes bya'o/ /de ltar na gtong ba ma yin te/ 'di ltar 'khor ba nyid de'i mya ngan las 'das par 'gyur ro// me gtong min te/ 'di ltar de yang 'khor ba la 'khor ba'i 'du shes mi 'jug go /thob pa ma yin te/ 'di ltar 'khor ba las gud na mya ngan las 'das pa mi rnyed do/ /mi 'thob min te/ 'di ltar de nyid de'i mya ngan las 'das pa'o/ /spong ba'i rnam par 'grel pa'o/ /spang bar bya ba spangs pas ye shes dri ma med cing thogs pa med par 'gyur bas na spong ba'i khyad par gyi 'og tu ye shes kyi khyad par brjod do/ /jo bo nyid kyi zhes bya ba ni bcos ma ma yin pa'i phyir ro/ /sku ni bsags pa lta bu ste/ chos rnams kyi sku ni chos nyid kyi sku'o/ /chos thams cad la dbang sgyur ba'i gnas yin pa'i phyir ro zhes bya ba ni 'di ni chos thams cad la dbang sgyur ba'i gnas dang ldan pa'i phyir ro/ /yang na chos thams cad la dbang psgyur ba yang yin la gnas kyang yin no/ /longs spyod rdzogs pa'i sku ni gang sangs rgyas kyi 'khor gyi dkyil 'khor sna tshogs kyis rab tu phye ba ste/ bde ba can la sogs pas rab tu phye ba'o/ /chos kyi sku la brten pa zhes bya ba ni de yod na de yod pa'i phyir ro/ /sangs rgyas kyi zhing yongs su dag par bya ba'i phyir theg pa chen po'i mdo la sogs pa'i chos myong ste/ de'i don rtogs pa'i phyir ro/ /yang na sangs rgyas kyi zhing yongs su dag pa gser la sogs pa'i rang bzhin can dang chos myong bar mdzad pa ste/ sngon gyi tshogs 'phen pa'i mthus so/ /rnam par mi rtog cing dri ma

  627. 314a

    med la thogs pa med pa'i ye shes sngon du 'gro ba'i ye shes de'i dbang gis rnam par thar pa bsam gyis mi khyab pa la gnas pas sa chen por chung pa'i byang chub sems dpa' rnams la sangs rgyas kyi zhing yongs su dag pa dang/ theg pa chen po'i chos la longs spyod par snang ba'i ye shes skye'o/ /sprul pa'i sku ni chos kyi sku la brten pa nyid snga ma bzhin no/ /ye shes kyi khyad par de'i mthus dga' ldan gyi gnas na bzhugs pa nas gzung ste/ yongs su mya ngan las 'das pa zhes bya ba'i bar skal pa can rnams kyi rgyud gzhan dag la ming dang skal pa mnyam par snang ba'i rnam par rig pa rnams 'byung ngo/ /'dir sdom gyi tshigs su bcad pa zhes bya ba ni bsdoms pa'i don bstan pa ni sdom mo/ /mtshan nyid dang ni thob pa dang zhes bya ba la sogs pa la/ mtshan nyid lnga zhes bya ba ni bstan pa'o/ /gnas gyur pa'i mtshan nyid ces bya ba la sogs pa ni bshad pa'o/ /sgrib pa thams cad pa kun nas nyon mongs pa'i char btogs pa'i gzhan gyis dbang gi ngo bo nyid rnam par log na zhes bya ba ni gzhan gyi dbang gi kun nas nyon mongs pa'i cha gzung ba dang/ 'dzin pa'i dngos po gang yin pa de'i gzung ba dang 'dzin pa rnam par log par gyur na sgrib pa las rnam par grol ba'i phyir ro/ /chos thams cad la dbang sgyur ba nye bar gnas pa rnam par byang ba'i char btogs pa'i gzhan gyi dbang gi ngo bo nyid du yongs gyur te/ gzung ba dang 'dzin pa'i dngos po'i ngo bo nyid la gyur pa'o/ /dkar po'i chos kyi rang bzhin gyi mtshan nyid ni nyan thos rnams kyi

  628. 314b

    gnas gyur pa ni nyon mongs pa spangs pa tsam gyis rab tu phye ba'i phyir dkar po'i chos kyi rang bzhin ma yin gyi/ byang chub sems dpa' rnams ni pha rol tu phyin pa yongs su rdzogs pas dkar po'i chos kyi rang bzhin nyid de/ de la ni lung du ma bstan pa'i gnas skabs kyang gang yang med na nyon mongs pa can gyi gnas skabs lta ga la yod/ dbang bcu ston te/ che la dbang ba ni ji ltar 'dod pa bzhin du 'chi ba'i phyir ro/ /sems la dbang ba ni gang 'khor ba na kun nas nyon mongs pa med pa dang/ gzhan dag gi bsam pa ji lta ba bzhin du yo byad kyang sgrub cing de la de dag gi sems gtad ba'o/ /yo byad la dbang ba ni zas la sogs pa'i yo byad rnams ji ltar bsams pa bzhin du gnas pa'i phyir ro/ /yo byad ni tshogs chas zhes bya ba dang don gcig ste/ bsam pa ji lta ba bzhin du sems can rnams la yo byad sbyin pa'i phyir ro/ /sbyin pa'i pha rol tu phyin pa yongs su rdzogs pa'i phyir ro/ / zhes bya ba ni gsum char yang de'i 'bras bu yin pa'i phyir ro/ /las la dbang ba ni lus dang ngag gi las ji ltar bsams pa bzhin du gnas pa'i phyir te/ sems can rnams kyang de la 'dzud? pa'i phyir ro/ /skye ba la dbang ba ni ji ltar bsams bzhin du 'gro ba rnams su skye ba'i phyir te/ ji skad du/ tshul khrims dang ldan pa'i smon pa 'grub po zhes gsungs pa lta bu'o/ /mos pa la dbang ba ni ji ltar mos pa bzhin du sa la sogs pa gser la sogs par sgyur bas de'i mos pa'i rjes su 'jug pa'i phyir ro/ /bzod pa'i pha rol tu phyin pa'i 'bras bu ni/ ji ltar sngon des sems can thams cad kyi sems dang mthun par byas pa de

  629. 315a

    bzhin du sa la sogs pa yang de'i mos pa'i rjes su mthun par 'gyur ro/ /smon lam la dbang ba ni ji ltar smon lam btab pa bzhin du 'grub pa'i phyir ro/ /brtson 'grus kyi pha rol tu phyin pa'i 'bras bu ni sngon sems can gyi don la brtson 'grus ma btang ba'i phyir ro/ /mngon par shes pa lngas bsdus pa'i rdzu 'phrul la dbang ba ni ji ltar bsams pa bzhin du mngon par sgrub pa'i phyir ro/ /bsam gtan gyi 'bras bu ni sngon sems can rnams kyi dgos pa ji lta ba bzhin du bsam gtan la snyoms par zhugs pa'i phyir ro/ /ye shes la dbang ba ni ji ltar bzhed pa bzhin/ ye shes mngon sum du mdzad pa'i phyir ro/ chos la dbang ba ni mdo'i sde dang dbyangs kyis bsnyad pa'i sde la sogs pa bsam pa ji lta ba bzhin du ston pa'i phyir te/ sngon gzhan dag la ji ltar 'dod pa bzhin du ye shes btang ba'i phyir ro/ /shes rab kyi pha rol tu phyin pa'i 'bras bu'i khyad par ro/ /yod pa dang med pa gnyis su med pa'i mtshan nyid kyis zhes bya ba la yod pa'i mtshan nyid ma yin pa ni/ chos thams cad dngos po med pa'i bdag nyid yin pa'i phyir ro// med pa'i mtshan nyid ma yin pa ni/ stong pa nyid kyi ngo bo nyid yin pa'i phyir ro/ /'dus byas dang 'dus ma byas gnyis su med pa'i mtshan nyid ces bya ba ni/ las dang nyon mongs pa rnams kyis mngon par 'dus ma byas pa'i phyir 'dus byas kyi mtshan nyid ma yin no/ /chos 'dus byas su snang ba kun brtags su ston pa la dbang 'byor ba thob nas de dag la yang dang yang ston pa'i phyir 'dus ma byas kyi mtshan nyid

  630. 315b

    ma yin no/ /tha dad pa dang gcig pa gnyis su med pa'i mtshan nyid ces bya ba ni chos kyi sku gcig pa'i phyir tha dad pa'i mtshan nyid ma yin no/ /gnas tshad med pa dag gis 'thob pa'i phyir gcig pa'i mtshan nyid ma yin no/ /'di gnyis las gang yang rung ba gcig med pa'i phyir gnyis su med pa'o/ /rtogs pa sla bar bya ba'i phyir don de nyid tshigs su bcad pa gnyis kyis sdud de/ bdag tu 'dzin pa med pa'i phyir zhes bya ba la sogs pa'o/ / gang la nga'o snyam du 'dzin pa yod pa de la 'di ni gzhan no/ /zhes bya ba yod la/ gang la gzhan zhes bya ba ni rnam par gcod pa yod pa de na/ tha dad pa yod kyi chos kyi sku la ni bdag tu 'dzin pa gang yang med pas tha dad pa med do/ /gal te tha dad pa med na ji ltar sangs rgyas nyid mang snyam pa la/ sngon gyi rjes su 'brang bas na/ de la gdags pa tha dad byed ces bya ba smos te/ byang chub sems dpa' i gnas skabs kyi rjes su 'gro bas 'di ni shAkya thub pa'o/ /'di ni rnam par gzigs so/ /zhes tha snyad dang mthun par byas pa'i phyir ro/ /tha dad rigs phyir sangs rgyas nyid gcig ma yin no/ /rigs ni skye mched drug gi khyad par te/ de ni tha dad de/ rang bzhin du gnas pa dang yang dag par bsgrubs pa'i phyir ro/ /de tha dad pas sbyar ba yang tha dad de/ de las sangs rgyas ni gcig yin gyi/ gzhan du ma yin no zhes bya ba mi rigs so/ /don med phyir zhes bya ba ni sangs rgyas nyid mang po nyid ces bya bar sbyar te/ sangs rgyas nyid gcig tu zad na ni so so'i tshogs rnams don med par 'gyur ro/ /kun phyir zhes bya ba ni sangs rgyas rnams ni theg pa

  631. 316a

    gsum po dag la 'god pa'i phyir so sor sems can gyi don mdza' dag la ?? gtan mdzad do/ /gal te sangs rgyas gcig kho na yin na ni sangs rgyas gnyis pa med pa'i phyir de sems can rnams sangs rgyas nyid la ma 'jog par mi mdzad pas sangs rgyas kyi mdzad pa mdza' dag mdzad par ma gyur te/ de'i phyir sangs rgyas nyid mang po nyid du shes par bya'o/ /thog ma med pa'i phyir zhes bya ba ni 'khor ba bzhin du sangs rgyas bcom ldan 'das rnams la yang thog ma'i mdza' med par 'dod de/ sangs rgyas gzhan la bsnyen bkur ma byas pa'i byang chub sems dpa' i sangs rgyas nyid ni rgyu med pa las byung bar gyur du 'ong ngo/ /de lta bas na gcig pa ma yin no/ /mang po yang ma yin te/ dri ma med pa'i gnas la tha dad pa med pa'i phyir ro/ /dri ma med pa'i gnas ni 'dir chos kyi dbyings su 'dod do/ ye shes kyi bye brag gi blo bur gyi dri ma spangs pa'i phyir te/ de la tha dad pa med do/ /rtag pa'i mtshan nyid ces bya ba ni ther zug gi mtshan nyid do/ /de bzhin nyid rnam par dag pa de ni rtag pa ste/ gzhan du na de bzhin nyid ces bya ba yang med par 'gyur ro/ /sngon gyi smon lam gyis shugs kyi phyir zhes bya ba ni des sngon 'di skad du sems can tshad med pa dag yongs su mya ngan las bzla'o/ /zhes smon lam btab pa yang rtag pa nyid med du zin na de grub par mi 'gyur ro/ /smon lam btab tu zin kyang sems can mdza' yas pa'i phyir bya ba yongs su rdzogs par mi 'gyur te/ sems can ji srid par gnas pa'i phyir rtag pa nyid do/ /bsam gyis

  632. 316b

    mi khyab pa'i mtshan nyid ni de bzhin nyid rnam par dag pa de so so rang gis rig par bya ba zhes bya ba la sogs pa la/ bsam pa zhes bya ba ni rigs pa nges par sems pa las byung ba'i shes pa ste/ rtog ger gtogs pa dper shes par bya ste/ de'i spyod yul ma yin pas rtogs ga'i sa la yang dag par 'das pa'i phyir bsam gyis mi khyab pa nyid do/ /chos kyi sku ni mos pa dang chos spyod pa rnams kyis kyang thog ma nyid du 'thob pas na reg bas 'thob ces bye brag tu byas te/ 'thob pas rnyed pa yin no/ /rtag pa'i phyir bskyed pa zhes mi brjod do/ /theg pa chen po'i chos 'dres pa la dmigs pa rnam par mi rtog pa zhes bya ba la sogs pa'i don brda phred par zad do/ /rnam pa lnga legs par bsgoms pa zhes bya ba la/ rnam pa lnga ni skad cig re re la gnas ngan len gyi gnas thams cad 'jig par byed pa dang/ sna tshogs kyi 'du shes dang bral te/ chos kyi kun dga' la dga' ba thob pa dang/ chos kyi snang ba thams cad du tshad med cing rnam pa yongs su ma chad pa yang dag par shes pa dang/ rnam par dag pa'i cha dang mthun pa'i mtshan ma rnam par brtags pa ma yin pa rnams de la kun tu 'byung ba dang/ chos kyi sku yongs su rdzogs pa dang yongs su grub par bya ba'i phyir gong ma bas ches gong ma'i rgyu yongs su 'dzin par byed pa'o/ /sgrib pa srab mo gzhig bar dka' ba shigs pa'i phyir zhes bya ba ni rdo rje lta bu'i mtshan ma ston te/ dper na rdo rje ni shin tu sra ba gzhig par dka' ba'i rdo rje yang phigs so/ /de bzhin du ting nge 'dzin 'di yang de las gzhan pa'i

  633. 317a

    shes pa rnams kyis gzhig par dka' ba nyon mongs pa can ma yin pa'i mi shes pa'i rnam pa shin tu sra ba gzhig pa'i phyir ye shes kyi de ma thag pa'i lam yin pas rdo rje dang bstan pa ste/ ting nge 'dzin des ni sgrib pa thams cad dang bral lo/ /de dag gnas gyur pas 'thob ces bya ba ni rnam par mi rtog pa dang de'i rjes la thob pa'i ye shes de gnyis kyis gnas gyur ba ches kyi sku thob po/ /'byor pa rnam pa lngas zhes bya ba ni phung po lnga gyur pas so/ /nyan thos ni sdug bsngal gyis 'jigs pa'i phyir mdze can lus 'dor ba bzhin du phung po'i rgyun gcod do/ /byang chub sems dpa' ni thabs yongs su gzung ba'i phyir mdze can sgrin po sman bcud kyis len la brten pa bzhin du kha na ma tho ba med pa nyid du sgyur ro/ /de la gzugs kyi phung po gyur pas sangs rgyas kyi zhing la dbang 'byor te/ ji ltar 'dod pa bzhin du gser las sogs pa'i rang bzhin ston pa'i phyir ro/ /lus bstan pa la dbang 'byor te/ ji ltar bsams pa bzhin du 'gyur ba dang/ 'khor gyi dkyil 'khor tha dad pa rnams su skal pa ji lta ba bzhin du sems can rnams la ston pa'i phyir ro/ / mtshan dang dpe byad bzang po la dbang 'byor te/ mtshan de dang dpe byad bzang po de dang de ji ltar 'dod pa bzhin du rab tu ston pa'i phyir ro/ /sangs rgyas kyi gsung dbyangs mdza' yas pa dang/ spyi gtsug bltar mi mthong ba yang dbang 'byor te/ tshor ba'i phung po gyur pa ni kha na ma tho ba med cing tshad med la rgya che ba'i bde bar gnas pa la dbang 'byor pa thob ste/ de la kha na ma tho ba med pa ni nyon mongs pa med pa'i phyir ro//

  634. 317b

    tshad med pa ni sna tshogs kyi phyir ro/ /rgya che ba ni khams gsum pa'i bde ba las shin tu 'das pa'i phyir ro/ /'du shes kyi phung po gyur pas ni bstan pa la sogs pa la dbang 'byor pa thob ste/ 'di ltar 'du shes ni mtshan mar 'dzin pa'i bdag nyid de/ don yongs su gcod pa'o/ /ji ltar 'du shes su 'gyur ba de ltar ming gi tshogs la sogs pas rjes su tha snyad dang dogs so/ /'du byed kyi phung po gyur pas ni sprul pa dang bsgyur ba dang/ 'khor bsdu pa dang/ dkar po'i tshogs bsdu ba la dbang 'byor pa 'thob ste/ de la sprul pa la dbang 'byor pa ni ji ltar 'dod pa bzhin du sprul pa'i phyir ro/ /sgyur ba la dbang 'byor pa ni sa la sogs pa ji ltar 'dod pa bzhin du gser la sogs pa'i dngos por bsgyur ba'i phyir ro/ /'khor bsdu ba la dbang 'byor ba ni ji ltar bsams pa bzhin du lha la sogs pa'i 'khor 'gugs pa'i phyir ro/ /dkar po'i chos bsdu ba la dbang 'byor ba ni ji ltar bsams pa bzhin du zag pa med pa'i chos mngon du byed pa'i phyir ro/ /rnam par shes pa'i phung po gyur pas ni me long lta bu dang/ mnyam pa nyid dang/ so sor rtog pa dang/ bya ba sgrub pa'i ye shes la dbang 'byor pa thob ste/ de la me long lta bu'i ye shes ni dmigs pa mngon du ma gyur kyang bsnyel ba mi mnga' ba'o/ /mnyam pa nyid kyi ye shes ni sems can thams cad la mnyam par gzigs pa gang las byung ba'o/ /so sor rtogs pa'i ye shes ni gang gis ting nge 'dzin dang/ gzungs kyi sgo rnams dang shes bya gzhan dag kyang ji ltar bzhed pa bzhin du thogs pa med par mkhyen pa'o/ /bya ba sgrub pa'i ye shes ni gang gis

  635. 318a

    dga' ldan la sogs pa na gnas pa nas gzung ste/ mya ngan las 'das pa'i bar du de dag kun tu ston pas sangs rgyas kyi mdzad pa bsgrub pa'o/ /chos ji snyed cig gi gnas yin zhes bya ba ni 'dri bas smras pa'o/ /mdor bsdu na gsum gyis gnas te zhes bya ba ni rgyas par bya na yon tan tshad med pa rnams kyi gnas so/ /mdor bsdu na ni gsum gyi gnas te/ sangs rgyas kyi gnas pa sna tshogs kyi gnas zhes bya ba ni 'di ltar chos kyi sku la brten nas gnas pa rnam pa sna tshogs lha dang 'phags pa dang tshangs pa'i gnas pa rnams kyis gnas te/ de'i phyir de ni de dag gis gnas so/ /de la lha'i gnas pa rnams kyi nang na ni bsam gtan bzhi pa la de bzhin gshegs pa rnams lan mang du gnas pa mdzad do/ /'phags pa'i gnas pa rnams kyi nang na ni stong pa nyid la gnas so/ /tshangs pa'i gnas pa rnams kyi nang na ni snying rje la gnas so/ /sna tshogs 'di dag gis nyan thos la sogs pa las khyad par du 'phags so/ /nyan thos kyi mya ngan las 'das pa las khyad par du bstan pa'i phyir/ gang phyir sangs rgyas rang gi dbyings brnyes nas zhes bya ba la sogs pa smos so/ /rang gi dbyings brnyes zhes bya ba ni chos kyi dbyings brnyes pa'o/ /dga' dang bral zhes bya ba ni nyan thos rnams chos kyi dbyings de ma rnyed pas rnam pa lnga'i bdag nyid kyi dga' ba dang bral te/ mgo bcad pa dang 'dra ba'i mya ngan las 'das par mya ngan las 'da' bas dga' ba dang bral ba'o/ /de'i phyir de 'dod pas ni de thob byed ces bya ba ni dga' ba rnam pa lnga 'dod pa'i byang chub sems

  636. 318b

    dpas chos kyi dbyings de yang dag par thob par byed do/ /rnam pa lnga'i bdag nyid kyi dga' ba de gang zhe na/ mthu dang bya ba grub dang chos ro dang zhes bya ba la sogs pa smos te/ dga' ba'i rgyu tha dad pa'i phyir ro/ /mthu ni nus pa ste/ de'i dpag tu med pa ni de de bzhin gshegs pa mthu dang ldan pa de/ dga' i? klung du ma'i bye ma bgrang ba las 'das pa snyed kyi chos kyi sku la tha dad pa med pa'i phyir te/ thams cad kyang mthu mtshungs pa'i phyir ro/ /gang dag la mthu dpag tu med pa mnga' ba de dag la dgyes pa skye'o/ /dang zhes bya ba'i sgri? ni bsdu ba'i don to/ /bya ba ni byed pa ste/ sems can gyi don te/ skal pa ji lta ba bzhin du theg pa gsum la 'god pa'o/ / de grub pa dpag tu med pa ni dus gsum po de dag la yang thogs pa med pa'i phyir ro/ /de'i phyir mthu dpag tu med pa dang bya ba grub pa dpag tu med pa las dgyes pa skye'o/ /chos kyi ro ni mdo'i sde dang dbyangs kyis bsnyad pa'i sde'i chos dang ldan pa'o/ /dpag tu med pa ni 'dres pa'i phyir ro/ /de'i don ni mdo'i sde'i la sogs pa'i chos kyi brjod par bya'o/ /de'i 'byor pa ni ji ltar yid la byed pa bzhin du snang ba'i phyir ro/ / chos kyi ro dpag tu med pa dang/ don 'byor pa dpag tu med pa las dgyes pa skye'o/ /yon tan rnams ni mngon par shes pa la sogs pa ste/ de dag gis 'byor ba dpag tu med pa las dgyes pa skye'o/ /kha cig na re don ni mya ngan las 'das pa 'am ji ltar 'dod pa'o/ /yon tan ni stobs la sogs pa zhe'o/ /rtag tu mi zad gzigs pas zhes bya ba ni mthu la sogs pa bdag la yod pa de bzhin nyid dang ro

  637. 319a

    gcig pa de dag nyid mya ngan las 'das par yang yongs su zad pa med par gzigs nas dgyes pa skye'o/ /mchog ni khams gsum pa las yang dag par 'das pa'i phyir ro/ /kha na ma tho ba med pa ni bag chags dang bcas pa'i nyon mongs pa dang shes bya'i sgrib pa spangs pa'i phyir ro/ /chos kyi sku ni longs spyod rdzogs pa'i sku'i gnas nyid de de yod na kun tu ston pa 'byung ba'i phyir ro/ /de ni nyi ma dang 'od zer gyi tshul lta bu yin no/ /sprul pa'i sku'i gnas zhes bya ba 'dir yang de nyid gnas kyi don to/ /phal cher zhes bya ba la sogs pas ni mos pas spyod pa'i byang chub sems dpa' bsdu ba'i phyir ro/ /nyan thos ni dman pa la mos pa ste/ de dag dang las dang po pa'i byang chub sems dpa' rnams ni sangs rgyas mthong ba med par yongs su smin par mi 'gyur ro/ /sa chen por chud pa rnams ni chos zab cing rgya che ba rtogs pa'i phyir sprul pa'i skus yongs su smin par bya ba ma yin no/ /bsdus pa ngo bo nyid kyis bsdus pa ni/ sangs rgyas kyi chos rnam par dag pas zhes bya ba ste/ chos kyi sku'i ngo bo nyid gang yin pa de ston te/ chos kyi sku shin tu rnam par dag pa'i phyir ro/ /gang zhig rnam par dag pa 'am/ gang zhig gyur pa yin snyam pa la/ kun gzhi rnam par shes pa gyur nas zhes bya ba smos te/ kun nas nyon mongs pa can thams cad kyi sa bon can de gnyen pos bsal na yon tan kha na ma tho ba med pa mang po thams cad dang mthun par 'gyur te/ dper na sman nad med kyis dug bsal na sman nad med du 'gyur ba bzhin du gyur pa brjod par bya'o//

  638. 319b

    rnam par smin pas zhes bya ba ni sangs rgyas kyis chos kyis bsdus zhes bya bar sbyar ro/ /mig la sogs pa'i dbang po gyur nas zhes bya ba ni de dag rnam par smin pa yin pa'i phyir ro/ /de gyur pa yang sngon byung ba'i tshul gyis rnam par smin pa nyid du gdags te/ sngon byung ba'i tshul nyid kyis rnam par smin pa'i ye shes thob po/ /gnas pas zhes bya ba ni sangs rgyas kyi chos kyis bsdus pa'o/ /'dod pa la sogs pa gnas gyur nas zhes bya ba la sogs smos pas ni mos pa la sogs pa bsdu'o/ /de gyur pas gnas pa'i ye shes 'thob bo/ /ye shes tshad med pas gnas pa thob pa'i phyir ro zhes bya ba ni gang gis lha la sogs pa'i gnas pa sna tshogs rnams kyis gnas so/ /dbang 'byor pa bas ni yongs su 'dzin pa'i las sna tshogs gyur nas zhes bya ba 'jig rten na zhing las dang tshong la sogs pa yongs su 'dzin pa'i las sna tshogs gang yin pa de gyur nas 'jig rten gyi khams thams cad du thogs pa med pa'i ye shes 'thob bo/ /tha snyad pas zhes bya ba ni 'jig rten na mthong ba la sogs pa'i tha snyad gang yin pa de dag gyur nas mthong ba dang thos pa la sogs pa dbang 'byor pa thob ste/ des sems can thams cad kyis sems tshim par byed pa'i ye shes thob bo/ /sel pa bas zhes bya ba ni gang 'jig rten na mdza' bo dang nor gyis stobs kyi rgyal po'i pho brang 'khor ba la sogs pa nas byung ba'i gnod pa zhi bar byed ba ste/ de gyur nas sems can thams cad kyi gnod pa thams cad zhi bar byed pa'i ye shes 'thob bo/ /rnam pa drug po 'di dag gyur pas sangs rgyas kyi chos drug 'thob bo/ /gnas dang dgongs

  639. 320a

    pa dang 'phrin las tha dad pa med pa gsum gyis sangs rgyas thams cad kyi sku dbyer med do gnas tha dad pa med pa ni de bzhin nyid tha dad pa med pa'i phyir ro/ /dgongs pa tha dad pa med pa ni thams cad kyang phan pa dang bde bar dgongs pa'i phyir ro/ /phrin las tha dad pa med pa ni thams cad kyang 'gro ba'i mdzad pa'i phyir te/ mngon par rdzogs par byang chub pa dang yongs su mya ngan las 'das pa ston pa'i phrin las can yin pa'i phyir ro/ /lus tshad med pa mngon par rdzogs par byang chub pa'i phyir tha dad pa zhes bya'o/ /zhes bya ba ni 'di ltar lus gzhan dang gzhan tshad med pa rnams kyis byang chub sems dpa' dag mngon par rdzogs par sangs rgyas pa ste/ de'i phyir tha dad pa med pa ma yin te/ ji skad du sngar/ bdag tu 'dzin pa med pa'i phyir/ /gnas pa tha dad yod ma yin/ /sngon gyis rjes su 'brang bas na/ /de la gdags pas tha dad byed ces bshad pa lta bu'o/ /de bzhin du gnyis la yang brjod par bya ste/ /de gnyis kyi gnas ni chos kyi sku yin la/ dgongs pa dang phrin las dag kyang tha dad pa med do/ /tha dad pa 'di ni 'khor gyi dkyil 'khor gzhan no/ /'di ni gzhan no zhes bya ba dang/ 'di ni shAkya thub pa'o/ /'di ni rnam par gzigs so zhes bya ba'o/ /bcom ldan 'das kyis slob ma la sogs pa dang thun mong ma yin pa'i yon tan rnams kyang shin tu sbyangs pa'i phyir khyad par du 'phags pa brjod de/ shin tu yongs su dag pa zhes bya ba ni nyon mongs pa dang shes bya'i sgrib pa spangs pa'i rgyud la yod pa'i phyir ro/ /tshad med pa

  640. 320b

    zhes bya ba ni sems can tshad med pa la dmigs pa'i byams pa dang/ snying rje dang dga' ba dang btang snyoms rnams so/ /so so yang dag par rig pa bzhi ni chos dang don dang nges pa'i tshig dang/ spobs pa so so yang dag par rig pa'o/ /mngon par shes pa drug ces bya ba ni rdzu 'phrul dang/ lha'i rna ba dang/ sems kyi rnam grangs shes pa dang/ sngon gyi gnas rjes su dran pa'i shes pa dang/ 'chi 'pho dang skye ba shes pa dang/ zag pa zad pa shes pa'i bdag nyid do/ /skyes bu chen po'i mtshan sum cu rtsa gnyis ni phyag dang zhabs kyi mthil 'khor lo yod pa la sogs pa'o/ /dpe byad bzang po brgyad cu ni sen mo tho ba la sogs pa ste/ mdo las ji skad du 'byung pa bzhin no/ /de dag ni chos kyi sku dang ldan pa ste/ de yod na de dag kun tu ston pa'i phyir ro/ /zhes bshad pa yin no/ /rnam pa thams cad yongs su dag pa bzhi zhes bya ba ni gnas yongs su dag pa dang/ dmigs pa yongs su dag pa dang/ thugs yongs su dag pa dang/ mkhyen pa yongs su dag pa'o/ /stobs bcu ni gnas dang gnas ma yin pa mkhyen pa'i stobs dang las bdag gir bya ba mkhyen pa'i stobs dang/ bsam gtan dang rnam par thar pa dang/ ting nge 'dzin dang snyoms par 'jug pa mkhyen pa'i stobs dang/ dbang po mchog dang mchog ma yin pa mkhyen pa'i stobs dang/ mos pa sna tshogs mkhyen pa'i stobs dang/ khams sna tshogs mkhyen ba'i stobs dang/ /thams cad du 'gro ba'i lam mkhyen pa'i stobs dang/ sngon gyi gnas rjes su dran pa mkhyen pa'i stobs dang/ 'chi 'pho dang skye ba mkhyen pa'i stobs dang/ /zag pa zad pa mkhyen pa'i stobs so//

  641. 321a

    mi 'jigs pa bzhi ni nga yang dag par rdzogs pa'i sangs rgyas pa la nga la chos 'di dag mngon par rdzogs par sangs ma rgyas so zhes 'dir nga la rgol ba'i mtshan ma yang dag par mi mthong zhes bya ba ni mi 'jigs pa dang po'o/ /nga zag pa zad pa la zag pa 'di dag ma zad do zhes 'dir nga la su yang rgol ba'i mtshan ma yang dag par mi mthong ngo zhes bya ba ni mi 'jigs pa gnyis pa'o/ /nga nyan thos rnams la nges par 'byung ba'i lam bshad pa de ni de byed pa'i sdug bsngal yang dag par zad par nges par 'byung ba ma yin no zhes 'dir nga la su yang rgol ba'i mtshan ma yang dag par mi mthong ngo zhes bya ba ni mi 'jigs pa gsum pa'o// ngas nyan thos rnams la bar du gcod pa'i chos gang dag bshad pa de dag bsten kyang bar du gcod par mi 'gyur ro/ /zhes 'dir nga la su yang rgol ba'i mtshan ma yang dag par mi mthong ngo zhes bya ba ni mi 'jigs pa bzhi pa'o/ /mtshan ma yang dag par rjes su mi mthong bas bde ba thob pa bag tsha ba med pa thob mi 'jigs pa thob nas gnas so zhes bya ba zhig kun la yang brjod par bya'o// //bam po bdun pa ste tha ma/ bsrung ba med pa gsum ni de bzhin gshegs pa'i sku'i phrin las kyi spyod pa yongs su dag pa ste/ de bzhin gshegs pa la ma bltos te gzhan gyis shes par gyur na mi rung ngo zhes cab par bya ba sku'i phrin las yongs su ma dag pa med pa 'di ni bsrung ba med pa dang po'o/ /sku'i phrin las ji lta ba bzhin du gsung gi phrin las dang/ thugs kyi phrin las kyang brjod par bya'o/ /dran pa nye bar bzhag pa gsum ni de bzhin

  642. 321b

    gshegs pa chos ston pa na kha cig gus par nyan cing rna ba gtong ba dang/ kun shes par byed pa'i sems nye bar 'jog pa dang/ chos kyi rjes su mthun pa'i chos sgrub kyang des de bzhin gshegs pa dgyes par mi 'gyur/ yid bde bar mi 'gyur/ thugs ya ya por mi 'gyur ba dang/ /bzlog ste kha cig gus par mi nyan ces bya ba rgyas par sbyar te/ des de bzhin gshegs pa kun nas mnar sems su mi 'gyur/ mi bzod par mi 'gyur/ thugs mi ches par mi 'gyur ba dang/ kha cig gus par byas te nyan pa dang kha cig gus par mi nyan kyang des de bzhin gshegs pa dgyes pa dang kun nas mnar sems pa gnyi gar mi 'gyur te/ de bzhin gshegs pa ni thams cad du yang dran pa dang ldan zhing mkhyen bzhin du btang snyoms can du bzhugs so/ /bsnyel ba med pa'i chos nyid ni bag chags legs par bcom pa kho na'i phyir te/ /'og nas 'chad do/ /sangs rgyas kyi chos ma 'dres pa bco/ brgyad ces bya ba la/ thun mong ma yin pa'i don ni ma 'dres pa'i don to/ /de bzhin gshegs pa la 'khrul pa med pa ni 'di lta ste/ dge slong dgra bcom pa zag pa zad pa bsod snyoms kyi phyir grong rgyu ba na res 'ga' glang po che gtum po dang/ rtag tu ma po dang/ ba brdung grus ma dang/ khyi za ba dang/ lhan cig 'gro ba dang/ tshang tshing tsher mas 'dzings par 'gro ba dang/ /sprul la rkang pa gnyis kas rdzis pa dang/ gang du bud med mi rigs pa skyes pas pos pa'i khyim de lta bur 'jug pa dang/ dgon par lam nor nas lam log par 'gro ba dang/ chom rkun rnams dang/ rkun po rnams dang/ seng ge dang/ stag dang/ spyang ki dang lhan

  643. 322a

    cig 'gro ba dang/ /de lta bu la sogs pa dgra bcom pa'i 'khrul pa de de bzhin gshegs pa thams cad kyi thams cad du mi mnga' o/ /gzhan yang dgra bcom pa res 'ga' dgon pa na nags khrod chen por rgyu ba na lam nor te grong gtong du phyin nas sgra 'byin pa dang/ sgra sgrogs pa dang/ ku co cher 'don pa dang/ bag chags kyi nyes pa la brtan nas nyon mongs pa can gyi gang mo rta gang so snang bar dgod pa nye bar ston pa de/ lta bu'i dgra bcom pa'i ca co de de bzhin gshegs pa la thams cad kyi thams cad du mi mnga' o/ /de bzhin gshegs pa la bsnyel ba mi mnga' ba ste/ nyon mongs pa med par yun ring po nas mdzad pa dang/ gsungs pa rjes su dran pa'i phyir ro/ /gzhan yang dgra bcom pa ni snyoms par bzhugs na mnyam par bzhag par 'gyur gyi/ langs na mnyam par bzhag pa ma yin no/ /de bzhin gshegs pa la ni gnas skabs thams cad du sems mnyam par ma bzhag pa med do/ /gzhan yang dgra bcom pa ni phung po la shin tu mi mthun pa'i 'du shes su mi 'gyur zhing/ phung po med pa'i mya ngan las 'das pa la zhi ba'i 'du shes su 'gyur ro// de bzhin gshegs pa la ni phung po dang mya ngan las 'das pa la tha dad pa'i 'du shes mi mnga' o/ /gzhan yang dgra bcom pa ni so sor ma brtags par sems can gyi don yal bar 'dor ro/ /de bzhin gshegs pa la ni so sor ma brtags pa'i btang snyoms de lta bu mi mnga' o/ /gzhan yang dgra bcom pa ni shes bya'i sgrib pa rnam par dag pa las brtsams te/ 'dun pa las kyang ma thob pa'i yongs su nyams pas

  644. 322b

    yongs su nyams so/ /brtson 'grus dang/ dran pa dang ting nge 'dzin dang/ shes rab dang rnam par grol ba las kyang yongs su nyams so/ /de bzhin gshegs pa la ni yongs su nyams pa rnam pa 'di drug med do/ /gzhan yang dgra bcom pa ni res 'ga' lus kyi las dge ba la 'jug /res 'ga' lung du ma bstan pa la 'jug go /lus kyis las ji lta bar ngag gi las dang yid kyi las kyang de bzhin no/ /de bzhin gshegs pa'i phrin las gsum po ni ye shes sngon du 'gro ba dang/ ye shes kyi rjes su 'brang ba'i phyir lung du ma bstan pa'i las med do/ /de la ye shes kyis kun nas bslang ba'i phyir ye shes sngon du 'gro ba'o/ /ye shes dang lhan cig rgyu ba'i phyir ye shes kyi rjes su 'brang ba'o/ /gzhan yang dgra bcom pa ni rtsol ba tsam gyis dus gsum gyi shes bya'i dngos po rtogs par mi nus te/ des na de'i ye shes mthong bag chags par 'gyur ro/ /thams cad rtogs par yang mi 'gyur te/ des na de'i ye shes mthong ba thogs par 'gyur ro/ /de bzhin gshegs pa ni rtsol ba tsam gyis dus gsum gyis shes bya'i dngos po thams cad rtogs te/ de lta bas na de dag ni sangs rgyas kyi chos ma 'dres pa bco brgyad ces bya'o/ /rnam pa'i mchog thams cad mkhyen pa nyid ni phung po dang skye mched rnams la yod pa'i rnam pa'i mchog thams cad mkhyen pa ste/ de'i ngo bo 'dir tshigs su bcad pa zhes bya ba ni chos kyi sku la gnas pa'i yon tan thun mong ma yin pa rnam par 'grel pa 'dir bstod pa'i sgo nas tshigs su sbyar ba byas te/ des yon tan 'di dag rnam par 'grel to/ /sems can rnams la

  645. 323a

    thugs brtse ba zhes bya ba ni tshad med pa bzhi po dag snying brtse ba'i ngo bo nyid yin pa'i phyir bshad pa'o/ /sdug bsngal yang ma yin bde ba yang ma yin pa'i dus na bde ba dang phrad par shog cig pa'i bsam pa ni byams pa'o/ /sdug bsngal gyi dus na de dang bral bar shog cig pa'i bsam pa ni snying rje'o/ /bde ba'i dus na de dang mi 'bral bar shog cig pa'i bsam pa ni dga' ba'o/ /dgongs pa can zhes bya ba ni bde? ba'o/ bde dang phan dgongs pa zhes bya ba nyid btang snyoms te/ btang snyoms ni brtul ces bya ba'i tha tshig ste/ gzhan dag gis nyon mongs pa mi skye bar bya ba'i phyir/ kun nas nyon mongs pa med pa'i bsam pa'i mtshan nyid do// gang gi phyir khyod nyid yon tan yin pa de'i phyir/ khyod la phyag 'tshal lo zhes phyag 'tshal ba thams cad dang sbyar ro/ /sgrib pa kun las nges par grol zhes bya ba ni nyan thos rnams la bcom ldan 'das kyi rnam par thar pa khyad par du bstan pa'o/ /thub pas 'jig rten kun zil mnan/ ces bya ba 'di ni zil gyis gnon pa'i skye mched kyi khyad par yongs su ston to/ /khyod kyi mkhyen pas shes bya khyab ces bya ba ni zad par gyi skye mched yongs su bton te/ nyan thos kyi theg pa las byung ba lta bu'i rnam par thar pa brgyad dang/ zil gyis gnon pa'i skye mched brgyad dang/ zad par gyi skye mched bcu ni ma yin gyi/ rnam par bzhag pa 'dir ni rnam par thar pa zil gyis gnon pa'i skye mched dang/ zang bar gyi skye mched rnams kyi sngon du 'gro ba'i phyir ro/ /nyon mongs pa med pa ni kun rdzob kyi mkhyen pa'i bdag nyid do//

  646. 323b

    de khyad par du byed de/ nyan thos kyi nyon mongs pa med pa ni grong ngam 'brog gang du song na sems can gcig 'ga' la 'thab pa dang/ nyon mongs pa bdag dang gzhan la gnod pa 'byung ba der yang mi 'jug go /sangs rgyas ni de lta ma yin te/ de ni nyon mongs pa skye yang skal pa med pa rnams 'dul bar gzigs na gshegs nas nyon mongs pa 'dul te/ de ni sems can kun gyi nyon mongs kun/ /ma lus pa dag 'dul mdzad pa zhes bya bas 'grel te/ /ji ltar nyon mongs pa med pa med pa la gnas pa gzhan dag las nyon mongs pa med pa 'ga' zhig skye ba'i rkyen tsam spong ba dang/ 'dod pa na spyod pa'i nyon mongs pa bzhi dang bcas pa 'dul gyi gzhan ni mi 'dul ba ltar/ sangs rgyas ni de ltar ma yin te/ de ni nyon mongs pa thams cad spong ngo/ /nyon mongs pa sel ba yin gyis/ nyon mongs pa can spong ba ni ma yin zhing nyon mongs pa can rnams la rtag tu thugs brtse ba dang bcas pa ste/ ji skad du/ gdon gyi zin la gnod bsal phyir na smad pa brdag pa dang/ tshig rtsub smra ba spyod byed zin pa rdeg pa mi byed ltar/ de bzhin nyon mongs rnams la thugs rje 'jug pa mi mnga' zhing/ /nyon mongs zin pa'i skye bo'i mched du khyod ni bzhugs par 'gyur zhes bshad pa lta bu'o/ smon nas shes pa yang rnam pa lngas khyad par du 'phags te/ /lhun gyis grub pa dang/ chags pa mi mnga' ba dang/ thogs pa mi mnga' ba dang/ rtag tu mnyam par bzhag pa dang/ the tshom gcod pas so/ /nyan thos ni shes pa gang la smon nas mnyam par bzhag pa de kho na shes kyi/ gzhan du ma

  647. 324a

    yin no/ /sangs rgyas ni de lta ma yin te/ bsgrim mi dgos par lhun gyis grub par mkhyen pas nor bu dang sil snyan bzhin no/ /shes par bya ba mkhyen par gyur zin pas mkhyen pa chags pa mi mnga' ste/ nyon mongs pa'i sgrib pa bag chags dang bcas te/ spangs pa'i phyir ro/ /shes bya'i sgrib pa spangs pa'i phyir mkhyen pa thogs pa mi mnga' o/ /snyoms par 'jug pa'i sgrib pa spangs pa'i phyir rtag tu mnyam par bzhag pa ste/ skyon med bzhud kyang mnyam par bzhag ces bya ba la sogs pa 'byung ngo/ /gang gi phyir de lta bur gyur pa de'i phyir khyod rtag tu 'dri ba thams cad kyi lan ldon pa zhes bya'o/ /so so yang dag par rig pa'i 'grel pa'i tshigs su bcad pa ni/ gnas dang gnas pa bshad bya dang zhes bya ba la sogs pa'o/ /de la gnas ni bstan pa'i chos te/ mdo'i sde la sogs pa'o/ /gnas pa ni de'i brjod par bya ba'i don to/ /nga ni gnyis kyis bshad par bya ba yin pas ston pa gnyis te/ tshig dang shes pa ste/ ngag kun tu slong bar byed pa'i phyir ro/ /de dag la blo gros mi thogs pa ni mkhyen pa ldog pa med pa'o/ / de la gnas la blo gros thogs pa med pa ni/ /chos so so yang dag par rig pa ste/ rnam grangs su gtogs pa rnams la thogs pa med pa'i phyir ro/ /gnas pa la blo gros thogs pa med pa ni don so so yang dag par rigs pa ste/ rang dang spyi'i mtshan nyid dang/ chos rnams kyi don gzhan la sogs pa'i dgongs pa la thogs pa med pa'i phyir ro/ /tshig la blo gros thogs pa med pa ni nges pa'i tshig so so yang dag par

  648. 324b

    rig pa ste/ yul gyi skad tha dad pa rang rang phan tshun med gzhan gyis tha snyad 'dogs pa dang/ chos kyi nges pa'i tshig la thogs pa med pa'i phyir ro/ /chos rab tu dbye ba'i shes pa la blo gros thogs pa med pa ni spobs pa so so yang dag par rig pa'o/ /mngon par shes pa rnam par 'byed pa'i tshigs su bcad pa ni/ ched du bzhud dang de dag gis zhes bya ba la sogs pa'o/ /legs 'doms zhes bya ba'i sgra ni re re dang sbyar te/ de ni mdzes par 'doms pa yin pas legs 'doms so/ /bye brag khong du chud par bya ba'i phyir smra ba ni 'doms pa'o/ /ched du bzhud nas legs par 'doms zhes bya ba ni rdzu 'phrul gyi mngon par shes pas 'dul ba ji lta ba bzhin du bzhud pa'i phyir ro/ /de dag gis tshig rnams kyis legs par 'doms zhes bya ba ni lha'i rna ba'i mngon par shes pas 'gro ba thams cad pa'i 'dul ba rnams kyis smras pa'i sgra don dang ldan pa'i rgyang ring po yang gsan nas ji ltar mthun par chos ston pa'i phyir ro/ /spyod pa mkhyen nas legs par 'doms zhes bya ba ni sems kyi rnam grangs kyi mngon par shes pas dbang po mchog dang mchog ma yin pa rtogs pa'i phyir ro/ /'ongs pa la legs par 'doms zhes bya ba ni sngon gyis gnas rjes su dran pa'i shes pa ste/ des 'ongs pa rtogs pa'i phyir ro/ /'gro ba la legs par 'doms pa zhes bya ba ni 'chi 'pho dang skye ba shes pa ste/ des 'gro ba rtogs pa'i phyir ro/ /nges par 'byung ba la legs par 'doms pa zhes bya ba ni zag pa zad pa'i mngon par shes pas nyon mongs pa spangs pa rtogs pa'i

  649. 325a

    phyir ro/ /chos sku ni mtshan dang dpe byad bzang po kun tu ston pa'i gnas yin pas de dang ldan pa lta bur ston to/ /sems can kun gyi khyod mthong na/ /skyes bu mchog tu rtog par 'gyur// zhes bya ba ni skyes bu chen por khong du chud par 'gyur te/ mtshan dang dpe byad dang ldan pa khyod mthong na kye ma bcom ldan 'das ni skyes bu chen po'o/ /zhes rtogs par 'gyur ro/ /mthong ba tsam gyis dad par 'gyur zhes bya ba ni dad pa skyed par mdzad pa'o/ /yongs su dag pa bzhi'i rnam par 'grel pa'i bstod pa ni/ len dang gnas dang gtong ba dang/ /sprul pa dang ni bsgyur ba dang zhes bya ba la sogs pa'o/ / gnas yongs su dag pa ni bsam gtan la brten nas ji ltar bzhed pa dang/ ji srid du bzhed pa de bzhin du sku lus len pa dang/ bzhugs pa dang 'dor ba la mnga' brnyes pa'o/ /dmigs pa yongs su dag pa ni sngon med pa'i gzugs sprul pa dang/ sngon byung ba'i gzugs gser la sogs pa'i dngos por sgyur ba dang/ rnam pa thams cad du thugs su chud pa mnga' brnyes pa'o/ /thugs yongs su dag pa ni ji ltar bzhed pa bzhin du ting nge 'dzin gyis sgo la dbang sgyur ba ste/ skad cig re re la ji ltar bzhed pa bzhin du ting nge 'dzin gzhan la snyoms par 'jug pa'i phyir ro/ /mkhyen pa yongs su dag pa ni ji ltar bzhed pa bzhin du gzungs kyi sgo kun tu 'dzin pa yang dag par 'byor ba'o/ /stobs kyi rnam par 'grel pa'i bstod pa ni/ thabs dang skyabs dang dag pa dang zhes bya ba

  650. 325b

    la sogs pa ste/ bde 'gro dang ngan 'gro dang las dang ngag pa dang/ theg pa chen po dang/ don bzhi po dag la sems can rnams slu ba'i phyir bdud gang yin pa de 'joms par byed pas stobs bcu rnams kyi las brjod do/ /de la dge ba ni bde bar 'gro ba'i thabs so/ /mi dge ba ni ngan 'gro'i thabs so/ /zhes de ston pa la bslu ba'i phyir bdud nye bar gnas te/ 'di ni de lta ma yin gyi/ 'di ni log pa ste/ mi dge ba las bde 'gro'o/ /bde ba las ni ngan 'gro zhe 'am/ yang na thams cad ni rgyu med pa 'am/ dbang phyug la sogs pa'i rgyu las byung ba'o/ /zhes zer ba la bcom ldan 'das kyi gnas dang gnas ma yin pa mkhyen pa'i stobs kyi 'gro ba rgyu med pa las byung ba dang/ mi mthun pa'i rgyu las byung ba ni gnas ma yin zhing go skabs med de/ 'di yod pas 'di 'byung/ 'di skyes pa'i phyir 'di skye ba ste/ 'di ltar ma rig pa'i rkyen gyis 'du byed rnams 'byung gis go rims la sogs pas dbang phyug la sogs pa 'am yin no zhes 'joms te/ gnas dang thabs zhes bya ba ni don cig go /skyabs zhes bya ba ni las te/ ji skad du 'jig rten ni las bdag gir bya ba las kyi bgo skal la spyod pa zhes bya ba la sogs pa gsungs pa lta bu'o/ /'dir yang bslu ba ni snga ma bzhin no/ /der yang bdud gang yin pa de bcom ldan 'das kyi las kyi rnam par smin pa mkhyen pa'i stobs thogs pa med pas sems can ni las kyis mthon po dang/ dma' ba dang/ ngan pa dang/ bzang por rnam par phye ba yin gyi/ dbang phyug la sogs pa las byung ba ni ma yin/

  651. 326a

    glo bur du byung ba ma yin no zhes bya ba la sogs pa snga ma bzhin du 'joms so/ /dag pa zhes bya ba ni dag pa/ /rnam pa gnyis te/ 'jig rten pa dang 'jig rten las 'das pa ste/ rnam par gnon pa dang bag la nyal yang dag par 'joms pa bsam gtan dang ting nge 'dzin dang snyoms par 'jug pas dag pa dang/ 'phags pa'i lam gyis dag pa'i phyir re zhig pa dang gtan du ba'o/ /'di la yang bslu ba ni snga ma bzhin no/ /der yang bdud gang yin pa de bcom ldan 'das kyi ting nge 'dzin dang snyoms par 'jug pa mkhyen pa'i stobs kyis 'joms so/ /des 'byung theg pa chen po la zhes bya ba ni stobs lhag ma'i las ston to/ /sangs rgyas nyid du nges par 'byung bar bya ba'i phyir theg pa chen po ston pa na bslu ba'i phyir bdud nye bar 'dug ste/ bla na med pa yang dag par rdzogs pa'i byang chub ni rnyed par dka' / / nyan thos nyid du nges par 'byung yang sla'o zhes zer ba de la/ de bcom ldan 'das kyis stobs rnam pa bdun gyis 'joms so/ /mi 'jigs pa rnams rnam par 'byed pa ni bstod pa'i sgo nas ye shes dang ni spangs pa dang/ /nges 'byung bgegs byed ston mdzad pa zhes bya ba la sogs pa smos te/ de yang dag par rdzogs pa'i sangs rgyas pa zhes bya ba ni ye shes so/ /zag pa 'di dag spangs so zhes bya ba ni spangs pa ste/ 'di gnyis ni rang gi don gyi dbang du byas pa'o/ /ngas nyan thos rnams la nges par 'byung ba'i chos gang dag bshad pa zhes bya ba ni nges par 'byung ba ston pa'o/ /de dag nyid la bar du gcod pa'i chos

  652. 326b

    ? ? bsnyan pa zhes bya ba ni bgegs byed pa ste/ bar du gcod pa dang bgegs byed pa zhes bya ba ni don gcig go /'di gnyis ni gzhan gyi dbang las brtsams pa ste/ de'i phyir/ bdag gzhan don la mu stegs gzhan/ mi tshugs khyod la phyag 'tshal lo/ /zhes bya ba smos te/ 'jigs ba med cing mi tshugs pa'i phyir 'jigs pa dang bral bar ston to/ /bsrung ba med pa dang dran pa nye bar bzhag pa rnam par 'byed pas bstod pa'i tshigs su bcad pa/ 'khor du tshar bcad gsung mdzad pa/ zhes bya ba ni bsrung ba med pa rnams ston te/ su la bsrung bar bya ba lus la sogs pa'i las sba bar bya ba yod pa des ni spyod lam ngan pa la sogs pa'i 'jigs pas 'khor gi nang du tshar bcad nas smra bar mi nus so/ /kun nas nyon mongs gnyis spangs pa zhes bya ba ni gus par nyan pa dang/ gus par mi nyan pa dang/ gnyi ga la rjes su chags pa dang/ khong khro ba med pa'i phyir ro/ /slob ma'i tshogs sdud pa ni dran pa nye bar bzhag pa'i phyir te/ de'i phyir bsnyil mi mnga' zhes bya ba la sogs pa smos te/ bod pa'i tshig go /bag chags legs par btsam pa'i dbang du byas te/ bstod pa/ gshegs bzhugs kun tu rtag par yang zhes bya ba la sogs pa ste/ grong ngam grong khyer gang du bsod snyoms kyi phyir gshegs pa de ni gshegs pa'o/ /bzhugs pa ni shing drung la sogs pa gang du spyod lam bzhi po dag gis bzhugs pa'o/ /kun mkhyen ma legs spyod mi mnga' zhes bya ba ni nyon mong pa zad kyang bag chags kyi rjes su bcing bas byas pa'i rgod pa la sogs pa ste/ dper na

  653. 327a

    gnas brtan maung+ga la gyi bu chen po tshe rabs lnga ma lnga brgyar spre'ur gyur pa'i bag chags rjes su 'ching ba yod pas nyon mongs pa med par gyur kyang spre'u ltar 'chod zhing 'gro zhes grags pa dang/ rang sangs rgyas gcig tshe rabs mang por smad 'tshong bar 'gyur pa'i bag chags kyis lhag mas bdag cha bar byed pa rnam pa de lta bu thams cad mkhyen pa ma yin pa'i spyod? pa de bcom ldan 'das la mi mnga' bas thun mong ma yin pa'i yon tan brjod do/ /khyod ni yang dag don du na/ /kun mkhyen khyod la phyag 'tshal lo/ /zhes bya ba ni ji ltar rdzogs byed la sogs pa bzhin thams cad mkhyen pa ma yin par thams cad mkhyen pa ltar 'chos pa ltar bcom ldan 'das ni de lta ma yin te/ de'i phyir bden pa'i don du thams cad mkhyen pa'o/ /yang na yang dag pa'i don du na zhes bya ba dang/ kun mkhyen ces bya ba gnyis so sor bod pa'i tshig go /bsnyel pa med pa'i chos nyid kyis bstod pa ni/ sems can kun gyi don mdzad la/ /khyod ni dus las yol mi gda' zhes bya ba la sogs pa'o/ /gang gi tshe gang gi bya ba yod pa de'i de la bcom ldan 'das nye bar bzhugs shing dus las yol par mi mdzad de/ ji skad du/ chu srin gnas pa'i rgya mtsho ni/ /dus las yod bar 'gyur yang srid/ /be'u lta bu'i 'dul ba la/ /sangs rgyas dus las yol mi 'gyur zhes gsungs pa lta bu'o/ /rtag tu 'bras bu yod mdzad pa/ zhes bya ba ni de'i mdzad pa dang 'bras bu yod par mdzad pas 'bras bu yod pa ste/ mdzad pa don med pa ma yin zhes bya

  654. 327b

    ba'i tha tshig go /de la bsnyel pa mi mnga' bas mi bsnyel ba'o/ /thugs rje chen pos bstod pa/ 'jig rten kun la gdugs zhag gcig ces bya ba'o/ /thugs rje chen po ni kun rdzob kyi mkhyen pa ste/ des su ni 'phel su ni 'grib/ su ni yongs su smin par bya ba yin/ su ni rnam par grol bar bya ba yin zhes bya ba la sogs par bcom ldan 'das nyin mtshan lan drug 'jig rten la so sor rtog go /thugs rje chen po de yang 'jig rten thams cad la so sor rtog pa'i las can dang/ phan par bya ba bsam pa'i ngo bo nyid do/ /de'i chen po nyid ni bsod nams dang ye shes kyi tshogs chen po yang dag par sdud pa sdug bsngal nyid gsum dang bral ba'i rnam pa dang/ khams gsum pa'i pa? sems can la dmigs pa dang/ sems can thams cad la mtshungs par 'jug pa dang/ de bas ches khyad par du 'phags pa med pa'i phyir ro/ /sangs rgyas kyi chos ma 'dres pa bco brgyad po dag gis bstod pa/ gshags dang thugs su chud pa dang/ zhes bya ba la sogs pa ste/ gshegs pa zhes bya bas ni de bzhin gshegs pa la 'khrul pa med pa zhes bya ba nas bzung ste/ so sor ma brtags pa'i btang snyoms med pa zhes bya ba'i bar chos drug bstan to/ /thugs su chud pa zhes bya ba 'dis kyang dran pa nyams pa med pa zhes bya ba nas bzung ste/ rnam par grol ba nyams med pa zhes bya ba'i bar drug ston to/ /mkhyen pa dang zhes bya ba 'dis ni dus gsum lam chags ma thogs pa'i ye shes mthong ba 'jug ces bya ba gsum ston te/ phrin las kyis zhes bya ba 'dis kyang

  655. 328a

    gsum bstan te/ sku dang gsung dang thugs kyi phrin las 'jug par byed pa dang/ rjes su 'brang ba'i ye shes dang ldan pa'i phyir ro/ /nyan thos dang ni rang sangs rgyas dkon mchog ces bya ba ni ma 'dres pa'i yon tan dang ldan pa'i phyir ro/ /rnam pa thams cad mkhyen pa nyid kyi dbang du byas nas bstod pa/ byang chub chen po rnam pa kun/ /sku gsum dag gis brnyes gyur pa zhes bya ba la sogs pa ste/ rnam pa rnams kyi mchog thams cad mkhyen pas rnam pa'i mchog thams cad mkhyen pa ste/ de'i ngo bo ni rnam pa'i mchog thams cad mkhyen pa nyid do/ /rnam pa'i khyad par thams cad du 'phags pa thams cad kyis shes bya thams cad mkhyen pa'o/ /sku gsum ni ngo bo nyid kyi sku la sogs pa ste/ de dag gis byang chub chen po dri ma med cing thogs pa med pa'i ye shes kyi ngo bo nyid rnam pa thams cad du brnyes pas sangs rgyas bcom ldan 'das kyis gang mkhyen par ma gyur pa'i rnam pa de med do/ /de'i phyir 'jig rten thams cad na lha dang mi la sogs pa sems can thams cad kyi the tshom thams cad gcod pa'i phyir ro dogs pa thams cad gcod pa ste/ som nyi thams cad kyi mdud pa 'grol pa la mkhas pa nyid kyi byed pas rnam pa thams cad mkhyen pa nyid bye brag tu byas so/ /pha rol tu phyin pa rnams kyis bstod pa sri ba mi mnga' skyon mi mnga' zhes bya ba la sogs pa ste/ sri ba mi mnga' ba ni sbyin pa'i pha rol tu phyin pa'o/ /skyon mi mnga' ba ni tshul khrims kyi pha rol tu phyin pa'o/ /rtog pa mi mnga' ba ni bzod

  656. 328b

    pa'i pha rol tu phyin pa ste/ rtog pa'i rgyu gnod sems kyi sems de med pas rtogs pa'o/ /bzhugs mi mnga' ba ni spro ba mngon? du 'brang ba'i sbyor bas bskyed pa'i brtson 'grus kyis mi bzhugs pa'o/ /g.yo ba mi mnga' ba ni bsam gtan gyis pha rol tu phyin pa ste mnyam par bzhag pas ma g.yengs pa ni mi g.yo ba'o/ /chos kun la ma spros zhes bya ba ni shes rab ste/ rnam par mi rtog pa'i ye shes so/ /shes rab de yang chung zad kyang spros pa mi byed pa ste/ lhag ma ni snga ma bzhin no/ /chos kyi sku ni gzhan yang ngo bo nyid dang zhes bya ba la sogs pa yon tan drug dang ldan no/ /zhes bstan nas tshigs su bcad pa dag gi 'chad do/ /khyod ni dam pa'i don grub ste/ zhes bya ba ni rnam par dag pa'i de bzhin nyid kyis rab tu phye ba'i phyir ngo bo nyid kyis chos kyi sku yongs su grub pa'i phyir ro/ /brjod par /'dod pa'i dbang gis na ngo bo nyid kho na bcom ldan 'das kyi yon tan nyid du ston te/ dper na yon tan brjod par 'dod pa la me'i tsha ba zhes bya ba lta bu'o/ /sa rnams kun gyis 'byung ba lags zhes bya ba ni rab tu dga' ba la sogs pa sa bcu thams cad kyi nges par 'byung ba zhes bya ba'i tha tshig ste/ 'dis ni don dam pa 'grub pa'i rgyu ston to/ /sems can kun gyi mchog nyid brnyes/ zhes bya ba ni 'bras bu bstan pa ste/ 'bras bu ni sems can thams cad kyi mchog thams cad mkhyen pa nyid do/ /sems can thams cad rnam 'grel ba zhes bya bas ni las ston to/ /mi bas mtshungs pa ma mchis pa'i/ /yon tan ldan zhing zhes bya ba ni ldan

  657. 329a

    ba ste/ stobs la sogs pa thun mong ma yin pa'i yon tan mdza' yas pa dag dang ldan pa'i phyir yon tan dang 'brel pa yin no/ /'jig rten dang/ 'khor na gda' la rnam kun tu/ /lha mis mthong ba yang ma lags zhes bya ba la/ yid gi sgra ni mthong ba sdud do/ /rnam pa kun tu lha mi rnams kyis mthong ba yang ma lags zhes bya ba ni sku gsum bcom ldan 'das kyis tshul bstan pa ste/ gnyis kyis ni mthong ba'i phyir ro/ /gcig gis ni mi mthong ba'i phyir ro/ /zab pa zhes bya bas ni ngo bo nyid ston to/ /mchog tu zab pa zhes bya bas ni khyad par ston to/ /'jig rten gyis mkhas pa'i blo'i spyod yul ma yin pa'i phyir gang rtogs par dka' ba 'di ni chos kyi sku'i ngo bo nyid do/ /nyan thos la sogs pa'i blo'i spyod yul ma yin pa'i phyir gang mchog tu zab pa/ 'di ni de'i khyad par ro/ /zab pa nyid rnam pa bcu gnyis po 'di ni tshigs su bcad pa rnams kyis sdud de/ de la skye ba zab pa nyid de/ skye med sangs rgyas skye ba ste/ zhes bya ba la/ sangs rgyas kyi skye ba ni gzhan nyon mongs pa rnams kyi skye ba med pa ste/ de dag skye ba med pa ni sangs rgyas rnams kyi skye ba yin pas skye med skye ba'o/ /mya ngan las 'das pa zab pa nyid ni/ mi gnas pa la rab tu zhugs zhes bya ba'o/ /'khor ba dang mya ngan las 'das pa la mi gnas pa la rab tu zhugs pa ste/ mi gnas pa'i mya ngan las 'das pa zhes bya ba'i tha tshig go /phrin las zab pa nyid ni lhun gyis grub par thams cad mdzad ces bya ba ste/ nor bu dang sil snyan la

  658. 329b

    sogs pa bzhin du 'bang pa yang med la sems can gyi don yang mdzad do/ /gnas pa zab pa nyid ni/ zas bzhi po ni gsol ba legs zhes bya ba ste/ zas rnam pa bzhi la ma dag pa'i rten gnas par byed pa ni kham gyi zas te/ nyon mongs pa'i 'ching ba can mdza' dag gnas par 'gyur ba'o/ /dag pa dang ma dag pa'i rten gnas par byed pa ni gzugs dang/ gzugs med par skyes pa rnams kyi reg pa dang/ yid las sems dpa' dang rnam par shes pa ste/ khams gyi zas las 'dod chags dang bral ba rnyed pa'i phyir ro/ /rgyun tu zhugs pa la sogs pa la yang lus ngag pa dang ma dag pa ste/ slob pa'i phyir ro/ /de dag ni zas rnam pa bzhi char gyis gnas par 'gyur ro/ /rnam par dag pa'i rtan gnas par byed pa ni dgra bcom pa rnams kyis ste/ bzhi po de dag nyid do/ /zas kyis gnas pa ltar ston pa sangs rgyas bcom ldan 'das rnams kyi zas kyang kham gyis zas la sogs pa bzhi po de dag nyid do/ /de dag ni de dag mi gsol la/ de dag gis de dag gnas pa'ang yin mod kyi/ 'jig rten dang mthun par de ltar ston cing gnas par yang mdzad do/ /tha dad med ces bya ba ni rnam par gnas pa zab pa nyid do/ /dpag tu med ces bya ba ni grangs zab pa nyid de chos kyi sku dbyer med pa dang/ sku mang po mngon par rdzogs par byang chub pa'i phyir te/ go rim bzhin no/ /dpag tu med pa yin yang phrin las tha dad pa ma yin no/ /'o na ci zhe na/ phrin las gcig pa dag ste/ sprul pa dang longs spyod rdzogs pas gzhan gyi don grub pa'i phyir ro/ /de'i phyir/ mi brtan brtan pa'i phrin las

  659. 330a

    can zhes bya ba ste/ gnyis kyis ni mi brtan no/ /ngo bo nyid kyis ni brtan te/ 'di ni phrin las zab pa nyid gzhan no/ /gang yang mngon rdzogs sangs rgyas med ces bya ba la sogs pa ni mngon bar byang chub pa zab pa nyid do/ /ji ltar mngon par rdzogs par sangs rgyas med ce na/ gzhan gyi dbang kun brtags pa nyid du med pa'i phyir ro/ /thams cad sangs rgyas ma yin min zhes bya ba ni gzhan gyi dbang de nyid yongs su grub par yod pa'i phyir ro/ /skad cig re la dpag tu med ces bya ba ni gang+gA'i klung du ma'i bye ma'i grangs las 'das pa snyed kyi 'jig rten gyi khams rnams su mngon par rdzogs bar byang chub pa'i phyir ro/ /dngos po'i dngos med rab tu phye zhes bya ba ni dngos po rnams kyi dngos po med pa stong pa nyid kyis sangs rgyas nyid phul du phyin pa'i go 'phang brnyes par byas pa'o/ /'dod chags dang bral ba zab pa nyid ni/ chags pa ma yin mi chags min zhes bya ba ste/ ji ltar chags pa ma yin zhe na/ gzhan gyis dbang kun brtags pa nyid du med pa'i phyir ro/ /gang gi phyir chags pa ma yin pa de nyid kyi phyir mi chags pa ma yin te/ 'dod chags yod na 'dod chags med pa 'byung ba'i phyir ro/ /'dod chags nyid kyis 'byung ba yin zhes bya ba ni stong pa nyid la chags pa gang yin pa dge ba'i chos 'dun pa zhes bya ba'i rgyu des byung ba yin no/ /yang na 'dod chags kyis kun nas dkris pa ni spangs la/ 'dod chags kyi bag la nyal mi sel ba ste/ de nyid yo byad du byas nas byang chub chen po thob pa'o/ gal

  660. 330b

    te bag la nyal sel na nyan thos bzhin du yongs su mya ngan las 'da' bar 'gyur ro/ /'dod chags 'dod chags mi mkhyen nas zhes bya ba ni kun brtags pa'i 'dod chags 'dod chags ma yin pa nyid du mkhyen nas so/ /'dod chags chos nyid la yang bzhugs zhes bya ba ni de bzhin nyid la ste/ de la 'jug pa ni mngon sum du byed pa'o/ /phung po spangs pa zab pa nyid ni sangs rgyas phung po rnams las 'das zhes bya ba ste/ kun brtags la sogs pa phung po lnga la kun ma brtags pas 'das te/ de mi dmigs pa'i phyir ro/ /phung po rnams la'ang rnam par bzhugs zhes bya ba ni chos nyid kyi phung po rnams la'o/ /de las gzhan min zhes bya ba ni kun brtags pa'i phung po rnams las chos nyid kyi phung po rnams gzhan ma yin te/ kun brtags pa med pa'i phyir ro/ /gzhan min zhes bya ba ni kun brtags pa kun nas nyon mongs pa ma yin pa'i phyir ro/ / chos dang chos can dang gzhan dang gzhan ma yin pa nyid las grol ba'i yang phyir ro/ /de ma btang bas legs par 'das zhes bya ba ni chos nyid kyi phung po yongs su ma btang bas shis par mya ngan las 'das pa'o// yongs su smin par mdzad pa zab pa nyid ni kun kyang 'dres pa'i phrin las can zhes bya ba ste/ sems can gyi don gyi phyir phan tshun du yan lag gi dngos por 'dre ba'i phyir spyod pa 'dres pa dang nye bar 'dres pa dag go / ci 'dra zhe na/ rgya mtsho chu 'dra zhes bya ba smos te/ dper na rgya mtsho chen por bab pa'i klung gi chu rnam par dbye ba med par nya la sogs pa'i don byed pa de bzhin no/ /byas so byed do bya'o zhes gzhan gyi don la

  661. 331a

    dgongs pa med ces bya ba ni sems mngon par 'du bya ba med par bsgrim mi dgos par mdzad pa ste/ brgya byin la sogs pa bzhin no/ /gal te de bzhin gshegs pa rnams kyi sku rtag pa yin na ci'i phyir rtag tu mi snang snyam pa la/ sems can nyes pas mi snang ste/ snod chags pa yi zla ba bzhin zhes bya ba smos te/ dper na snod chags pa'i nang du zla ba mi snang ba ni snod gyi ba nyes pa chu mi gnas pa'i phyir ro// de bzhin du zhi gnas kyi brlan pa med pa ngag gis rgyud rnams la sangs rgyas mi snang ste/ rgyud kyi nyes pa'i phyir ro/ /chu lta bu ni ting nge 'dzin te/ mnyan pa'i bdag nyid yin pa'i phyir ro/ /de bzhin gshegs pa ni ?? dge ba'i chos zag pa med pa'i gzugs brnyan lta bu'o zhes bya ba la sogs pa yang gsungs pas so/ /gang dag skal pa yod pa de dag gis ni mthong ngo/ /de dag mi snang du zin kyang phrin las rnams mthong ste/ 'di ltar 'jig rten kun la nyi bzhin du/ /de dag chos 'od khyab par mdzad/ /mdo'i sde la sogs pa dam pa'i chos dag gi rang bzhin gyi 'od zer stong gi phreng ba dang ldan pa'i sangs rgyas nyi ma rnams ni bshad pas 'jig rten mngon par khyab par mdzad nas/ yongs su smin par mdzad pa la sogs pa phrin las mdzad pa nyid do/ /rdzogs par byang chub pa dang mya ngan las 'das pa kun tu ston pa zab pa nyid ni/ la lar rdzogs par byang chub ston/ /la lar me bzhin mya ngan 'das zhes bya ba ste/ dper na me ni kha cig tu 'bar la/ /cig tu 'chi ba de bzhin du sangs rgyas rnams kyang yongs su smin

  662. 331b

    pa kha cig la rdzogs par byang chub pa ston te/ de rnam par thar bar bya ba'i phyir ro/ /yongs su ma smin pa kha cig tu mya ngan las 'das pa ste/ mdzad pa med pa'i phyir ro/ /nam yang med pa ma yin te/ zhes bya ba la sogs pa'i don ni brda phrad bar zad do/ /bzhugs pa zab pa nyid ni/ sangs rgyas 'phags min chos rnams dang zhes bya ba la sogs pa'o/ /'phags pa ma yin pa rnams kyi chos ni mi dge ba rnams te/ de dag la yang bdag nyid mchog dang bzhugs pa mchog yin te/ stong pa nyid dang/ smon pa med pa dang/ mtshan ma med pa zhes bya ba'i gnas pas mi dge ba'i chos la dmigs nas bzhugs pa'i phyir ro/ /mi dang ngan song ba rnam la yang bdag nyid dang bzhugs pa mchog rnams yin te/ bsam gtan dang snyoms par 'jug pa lha'i gnas pa de la dmigs nas bzhugs pa'i phyir ro/ /tshangs spyod ma yin chos rnams la yang bdag nyid dang bzhugs pa mchog rnams yin te/ tshad med pa bzhi zhes bya ba'i tshangs pa'i gnas pas de la dmigs nas bzhugs pa'i phyir ro/ /de la mchog ni chos kyi dbyings so/ /de'i bdag nyid de/ de bzhin gshegs pa rnams ni de'i ngo bo nyid yin no/ /de nyid kyi phyir rtag pa'o/ /sku kun tu ston pa zab pa nyid ni/ de dag kun tu rnam par dpyod ces bya ba ste/ rnam par mi rtog pa'i rjes la thob pa'i ye shes kyi rnam par dpyod pa ni 'dir rnam par dpyod pa'o/ /gang du zhe na/ kun tu ste/ dge ba dang mi dge ba dang lung du ma bstan pa dang/ zag pa dang bcas pa dang/ zag pa med pa dang/ 'dus byas dang/ 'dus ma byas la

  663. 332a

    sogs pa shes bya tha dad pa la'o/ /gang duAng rnam par dpyod mi mnga' zhes bya ba ni rnam par mi rtog pas te/ de rnam par dpyod pa dang bral ba'i phyir ro/ /gnas rnams kun tu snang mod kyi zhes bya ba ni sprul pa'i skus skye ba la sogs pa kun tu ston pa'i phyir ro/ /dbang po drug gis spyod yul min zhes bya ba ni don dam par chos kyi sku skye ba'i skye mched sems can dmyal ba la sogs pa dang skal pa mnyam pa rnams kyis mi rtogs pa'i phyir ro/ /nyon mongs pa spangs pa zab pa nyid ni nyon mongs ma thul spangs pa med ces bya ba ste/ thul ba ni byang chub sems dpa' i gnas skabs na de dag gis nyon mongs pa ma spangs pa ste/ 'di ltar sngags kyis bsad pa'i dug dang 'dra/ dper na sngags kyis bsad pa'i dug ni nad pa rnams kyi yo byad du 'gyur pa de bzhin du de dag gi nyon mongs pa rnams kyang kun nas dkris pa med cing bag la nyal lus pa'i phyir ro/ /ci'i phyir bag la nyal lhag ma 'jog ce na/ nyan thos kyi theg pas myur du yongs su mya ngan las 'das na mi rung ngo snyam mo/ /de'i phyir nyon mongs pa nyid nyon mongs pa zad pa thams cad mkhyen pa'i rgyu ste/ ji skad du/ dran dang shes pas zin pa'i nyon mongs yon tan sna tshogs yongs su 'grub pas/ yang bar gyur pa khyod kyi yo byad rnams su 'gyur ba lags zhes bshad pa lta bu'o// bsam gyis mi khyab pa bzab pa nyid ni ji ltar na/ de dag gi nyon mongs pa byang chub kyi yan lag tu 'gyur zhing 'khor ba g.yang zhi ba'i bdag nyid du 'gyur ba dang/ de'i 'bras bu ci yin zhes de ltar

  664. 332b

    ?? pas nam yang sangs rgyas rnams bsam par mi nus pa'o/ /zad pa nyid rnam pa bcu gnyis bshad zin to/ /zab pa'i don ni rtogs par dka' ba'i don to/ /sangs rgyas rjes su dran pa'i dbang du byas nas/ sangs rgyas bcom ldan 'das ni chos thams cad la dbang du sgyur ba'i dang can zhes bya ba smos te/ chos thams cad la dbang sgyur ba'i ngang tshul can yin pas dbang sgyur ba'i dad can te/ bzhed pa tsam la rag las par yon tan phun sum tshogs pa thams cad mngon du 'gyur ba'i phyir ro/ /de'i phyir 'jig rten gyi khams mdza' yas mu med pa thams cad du thogs pa med pa'i mngon par shes pa brnyes pa'i phyir zhes bya ba smos so/ /gal te de bzhin gshegs pa rnams kyi mngon par shes pa 'jig rten gyi khams thams cad du thogs pa med pa yin na ci'i phyir sems can thams cad yongs su mya ngan las mi zlo zhe na/ chos thams cad la dbang sgyur ba spyir btang ba dmigs kyis bsal bar tshigs su bcad pas ston te/ bsgribs shing rgyu dang mi ldan la zhes bya ba la sogs pa'o/ /de la bsgribs pa ni nyon mongs pa dang/ las dang/ rnam par smin pa'i sgrib pa rnams kyis te/ nyon mongs pa nas che ba yin/ mtshams med pa byed pa yin/ blun zhing lkugs pa yin no/ /rgyu dang mi ldan pa ni yongs su mya ngan las mi 'da' ba' i rigs can te/ log pa nyid du nges pa'o/ /nges pa gnyis ni las byed par nges pa dang/ rnam par smin pa myong bar nges pa'o/ /yul 'di la ni yongs su mya ngan las 'da' bar sangs rgyas rnams la mnga' dbang mi mnga' o

  665. 333a

    de la las byed par nges pa ni yang dang yang du goms pa'i phyir skal pa mnyam pa'i rgyu las gdon mi za bar rgyu mthun pa'i 'bras bu 'byung ba'i phyir te/ dper na rgyal po ma skyes dgras pa bsad pa lta bu'o/ /rnam par smin pa myong bar nges pa ni nges par rnam par smin pa'i las kyi 'bras bu myong bar 'gyur bas te/ dper na shAkya ba rnams 'phags skyes pos gnod pa byas te bsad pa lta bu'o/ sangs rgyas bcom ldan 'das rnams chos thams cad la dbang bsgyur ba'i dang can zhes spyir btang ba gang yin pa de ni dmigs kyis bsal ba'i yul 'di byas te/ mtshams med pa yi las rnams dang/ / nyon mongs drag dang ngan 'gro dang/ /mi snyan sems can 'du shes med/ /sgrib pa gsum du 'dod pa yin zhes kyang bshad do/ /de bzhin gshegs pa rnams kyis sku brtags pa'o zhes bya ba ni shin tu rnam par dag pa'i de bzhin nyid kyi ngo bo nyid yin pa'i phyir ro/ /de yang gzhan du mi 'gyur bas 'gyur ba med pa'i phyir ro/ /de bzhin gshegs pa rnams mchog tu kha na ma tho ba mi mnga' o zhes bya ba ni nyon mongs pa dang shes bya'i sgrib pa kha na ma tho ba spangs pa'i phyir ro/ /de bzhin gshegs pa rnams lhun gyis grub pa'o zhes bya ba'i don ni brda phrad par zad de/ rnam pa ni sil snyan la sogs pa lta bu'o/ / de bzhin gshegs pa rnams la longs spyod chen po mnga' ba'o zhes bya ba ni sangs rgyas kyi zhing gi yon tan bkod pa'i rgyan ni longs spyod che ba'i phyir ro/ /gos pa med pa'i rnam pa'i don yang brda phrad par

  666. 333b

    zad de pad+ma bzhin no/ /de bzhin gshegs pa rnams don chen po'o zhes bya ba ni sems can gyi don che ba'i phyir te/ skal pa ji lta ba bzhin du rdzogs par byang chub pa dang/ mya ngan las 'das par kun tu ston pas yongs su smin pa dang/ rnam par grol bar mdzad pa'i phyir ro/ /sangs rgyas rjes su dran pa bdun po 'di nyid tshigs su bcad pa gnyis kyis sdud de/ rang gi sems la rag las dang zhes bya ba sogs pa'o/ /rang gi sems las rag las pa'i phun sum tshogs pa zhes bya ba 'di ni chos thams cad la dbang sgyur ba'i rnam pa ston to/ /rtag pa phun sum tshogs pa zhes bya ba ni rang gi sgra nyid kyis rtag pa'i rnam pa ston to/ /dge ldan phun sum tshogs pa zhes bya bas ni mchog tu kha na ma tho ba mi mnga' ba ston to/ /bsal mi dgos pa phun sum tshogs pa zhes bya ba 'dis ni lhun gyis grub pa'i rnam pa ston to/ /chos kyi longs spyod chen po rnams/ /rjes su sbyin mdzad phun sum tshogs/ zhes bya ba 'dis ni longs spyod chen po'i rnam pa ston to/ /dbang du ma gyur rab tu rgyu ba phun sum tshogs pa zhes bya ba 'dis ni 'jig rten gyi chos thams cad kyi mi gos pa ston to/ /skye bo mang por de 'dod pa phun sum tshogs pa zhes bya ba 'dis ni don chen po mdzad pa'i phyir ro/ /sangs rgyas kun gyis 'di dag kun ces bya ba ni sangs rgyas thams cad kyi phun sum tshogs pa rnam pa bdun po 'di dag thams cad blo ldan byang chub sems dpa' rnams kyis rjes su dran par byas te/ bsam par bya/ brjod par bya zhing/ brjod par mi bya'o zhes bya ba'i tha tshig go /

  667. 334a

    sangs rgyas kyi zhing yongs su dag pa'i dbang du byas nas/ bcom ldan 'das gzhal med khang chen po rin po che sna bdun mchog tu 'bar ba bkod pa zhes bya ba la sogs pa smos te/ rin po che mchog tu 'bar ba sna bdun gyis bkod pa ste/ spras pa'i bye brag go /yang na bkod pa de nyid de dag gis mchog tu 'bar ba'o/ /de la rin po che sna bdun ni gser dang/ dngul dang/ bai DUrya dang/ spug dang/ shel dang/ rdo'i snying po dang/ mu tig dmar po'o/ /rdo'i snying po ni anda rnyil dang/ mthon ka dang/ mthon ka chen po la sogs pa'o/ /mu tig dmar po ni srogs chags dmar po pa zhes bya ba'i rigs kyi ste/ de'i khong nas byung ba'i mu tig ni mu tig dmar po zhes bya'o/ /de ltar mchog tu 'bar ba de ni gang 'jig rten gyi khams dpag tu med pa rgyas par 'gengs pa'i 'od zer chen po shin tu 'byung ba ste/ 'jig rten gyi khams dpag tu med pa rgyas par 'gengs pa ste/ de dag ni 'jig rten gyi khams dpag tu med pa rgyas par 'gengs pa yang yin la/ 'od zer chen po yang yin pas 'jig rten gyi khams dpag tu med pa rgyas par 'gengs pa'i 'od zer dag ste/ de na zhes bya bar tshig rnam par sbyar te/ 'jig rten gyi khams dpag tu med pa rgyas par 'gengs pa'i 'od zer chen po shin tu 'byung ba de na'o/ /de lta bas na 'dis ni sangs rgyas kyi zhing yongs su dag pa'i kha dog phun sum tshogs pa bstan to/ /'dir gnas kyi bye brag shin tu rnam par phye ba tshad med pa dag rnam

  668. 334b

    par bzhag pas/ gnas kyi bye brag shin tu rnam par phye ba tshang med pa rnam par bzhag pa ste/ shin tu rnam par phye ba ni blo sngon du btang nas cha rnam par bzhag ste/ bkod pa'i phyir ro/ /'dis ni dbyibs phun sum tshogs pa bstan to/ /dkyil 'khor yongs su ma chad pa zhes bya ba ni dkyil 'khor dag 'di tsam mo zhes yongs su ma chad pa 'am/ yang na gang gi dkyil 'khor yongs su ma chad pa de ni dkyil 'khor yongs su ma chad pa'o/ /'dis ni tshad phun sum tshogs pa bstan to/ /de'i gnas sam yul khams gsum pa las yang dag par 'das pa'i spyod yul yin pas/ khams gsum pa las yang dag par 'das pa'i spyod yul ni sangs rgyas kyi zhing ste/ khams gsum na spyod pa'i sred pa rnams kyi rnam par smin pa ma yin pa'i phyir ro/ /'dis ni yul phun sum tshogs pa bstan to/ /gal te rnam par smin ba ma yin na de'i rgyu gang yin snyam pa la/ 'jig rten las 'das pa de'i bla ma'i dge ba'i rtsa ba las byung ba zhes bya ba smos so/ /'jig rten las 'das pa'i dge ba'i rtsa ba ni rnam par mi rtog pa'o/ /de'i bla ma'i dge ba'i rtsa ba ni de'i rjes la thob pa ste/ rgyu des 'byung ba yin gyis/ rgyu med pa las byung ba 'am/ dbang phyug la sogs pa'i rgyu las byung ba ni ma yin no/ /'dis ni rgyu phun sum tshogs pa bstan to/ /dbang sgyur ba'i rnam par rig pa shin tu rnam par dag pa'i mtshan nyid ces bya ba ni de dbang sgyur ba'i rnam par rig pa shin tu rnam par dag pa gang yin pa de'i mtshan nyid yin te/ de rnam par rig pa tsam gyi phyir ro/ /de na rnam par rig pa las gzhan pa'i rin po che la

  669. 335a

    sogs pa med kyi/ rnam par rig pa de nyid shin tu rnam par dag pas de ltar snang ste/ 'dis ni 'bras bu phun sum tshogs pa bstan to/ /de bzhin gshegs pa'i gnas zhes bya ba 'dis ni bdag po phun sum tshogs pa bstan te/ bdag po khyad par can sangs rgyas bcom ldan 'das kyi gnas yin gyi/ gzhan gyi/ man? ma yin no/ /byang chub sems dpa' chen po'i rten zhes bya ba ni phyogs phun sum tshogs pa ste/ der ni sa chen por chud pa'i byang chub sems dpa' rnams phyogs yin gyi /nyan thos rnams ni ma yin no/ /lha dang klu dang gnod sbyin dang dri za dang lha ma yin dang nam mkha' lding dang mi 'am ci dang lto 'phye chen po dang mi dang ma ma yin pa tshad med pa rnam/ par rgyu ba zhes bya bas ni zhabs 'bring ba phun sum tshogs pa ston te/ /der ni lha la sogs pa zhabs 'bring ba yin gyi/ gang yang rung ba ni ma yin no/ lto 'phye chen po ni sbrul lo/ /lhag ma ni go sla bas ma bshad do/ /chos kyi ro'i dga' ba dang bde ba chen pos brtan pa zhes bya ba ni de na chos kyis ro'i dga' ba dang bde ba chen pos bstan pa yod pas shes tshig rnam par sbyar ro/ /brtan pa ni zas te 'dis ni de'i phun sum tshogs pa bstan to/ /sems can thams cad kyi don thams cad mdzad pas nye bar gnas pa zhes bya ba ni phrin las phun sum tshogs pa ste/ sems can gyis don mdzad pa'i phyir ro/ /nyon mongs pa'i gnod pa thams cad dang bral ba zhes bya ba ni phan 'dogs pa phun sum tshogs pa ste/ nyon mongs pa las gyur

  670. 335b

    ba'i gnod pa med pa'i phyir ro/ /bdud thams cad yongs su spangs pa zhes bya ba ni 'jigs pa med pa phun sum tshogs pa ste/ phung po dang nyon mongs pa dang 'chi bdag dang/ lha'i bu'i bdud kyi dgra'i 'jigs pa med pa'i phyir ro/ /thams cad kyi bkod pa las lhag pa de bzhin gshegs pa'i byin gyis rlabs kyis bkod pa zhes bya ba ni byang chub sems dpa' thams cad kyi bkod pa gang dag yin pa de dag pas lhag pa de bzhin gshegs pa'i byin gyis rlabs kyis der bkod pa zhes bya bar sbyar ro/ /'dis ni rten phun sum tshogs pa bstan te/ gnas thams cad kyi mchog yin pa'i phyir ro/ /dran pa dang blo gros dang rtogs pa chen pos nges par 'byung ba zhes bya ba la dran pa chen po ni thos pa las byung ba'i shes rab gang yin pa'o/ /blo gros chen po ni bsams pa las byung ba'i shes rab bo/ /rtogs pa chen po ni bsgoms pa las byung ba'i shes rab ste/ 'dis ni lam phun sum tshogs pa bstan to/ /lam ni nges par 'byung ba'i rnam grangs su gtogs pa'i phyir ro/ /zhi gnas dang lhag mthong chen po'i theg pa zhes bya ba ni lam nas gang la zhon te 'gro ba de theg pa ste zhi gnas dang lhag mthong gnyis kyis 'gro ba'i phyir ro/ /chen po ni nyan thos dang rang sangs rgyas dang byang chub sems dpa' rnams las khyad par du 'phags pa'i phyir te/ 'dis ni gzhon pa phun sum tshogs pa bstan to/ /rnam par thar pa'i sgo chen po stong pa nyid dang/ mtshan ma med pa dang/ smon pa med pa nas 'jug pa zhes bya bas ni sgo phun sum tshogs pa ston te/ sgo ni sgo mo dang don gcig go /

  671. 336a

    'jig rten gyi grong khyer dang mthun par rnam par thar pa'i sgo gsum po dag nas der 'jug pa'i phyir ro/ /chen po ni snga ma bzhin no/ /yon tan gyis tshogs tshad med pas brgyan pa rin po che pad+ma'i rgyal po chen po'i bkod pa la brten pa zhes bya ba ni gzhi phun sum tshogs pa bstan te/ dper na sa ni rlung gi dkyil 'khor la brten pa de bzhin du yon tan gyi tshogs tshad med pas brgyan pa yang pad+ma chen po'i rgyal po la brten to/ /rgyal po bkod pa ni pad+ma gzhan thams cad pas mchog tu gyur pa'i phyir ro/ /yang na rgyal po chen po ni sangs rgyas rnams te/ chos kyi rgyal po yin pa'i phyir ro/ /de dag gi pad+ma bkod pa'i brten pa de la dus dang mthun par bzhugs so/ /sangs rgyas kyi zhing yongs su dag pa de'i longs spyod ni shin tu dge ba ste/ gcin skyag dang bral bas mi gtsang ba med pa'i phyir ro/ /shin tu bde ba ste/ sdug bsngal dang tshor ba bar ma med pa'i phyir ro/ /shin tu kha na ma tho ba med pa ste/ mi dge ba dang lung du ma bstan pa med pa'i phyir ro/ /shin tu dbang sgyur ba can te/ sems bskyed pa tsam la rag las pas rkyen la mi bltos ba'i phyir ro/ /chos kyi dbyings de ni zhes bya ba ni chos kyi sku'o/ /phrin las lnga dang ldan pa zhes bya ba la/ gnod pa yongs su skyob pa'i phrin las can zhes bya ba la gnod pa ni smyon pa dang/ 'on pa la sogs pa ste/ ji skad du sangs rgyas mthong bas long ba rnams kyis ni mig rnyed 'on pa rnams kyis ni rna bas thos/ smyon pa rnams kyis ni dran pa rnyed ces bya ba la sogs

  672. 336b

    pa gsungs pa lta bu'o/ /chos kyi sku ni dbang po drug gi spyod yul ma yin no zhes bshad pa ma yin nam/ long ba 'am gzhan dag gis mthong ba zhes bya ba de ji lta bu zhe na/ chos kyi sku mthong zhes mi smra'i/ 'on kyang sngon gyi/ smon lam gyi shugs kyis dbang gis rnam par mi rtog bzhin du de dag gi sprul pa'i sku'i 'jug pa yod na de ltar long ba la sogs pas mig la sogs pa thob pa gang yin pa de chos kyi sku grub pa'i phrin las te/ tshogs kyis shugs kyi skus 'khor lo bskor ba bzhin no/ /ngan song las yongs su skyob pa'i phrin las can zhes bya ba ni mi dge ba'i gnas nas bslang ste/ dge ba'i gnas la 'jog pa'i phyir ro/ /don gyi na ngan song las yongs su skyob par 'gyur te/ rgyu med na 'bras bu med pa'i phyir ro/ /thabs ma yin pa las yongs su skyob pa'i phrin las can zhes bya ba ni bshad pa de nyid kyis bkrol zin to/ /'jig tshogs las yongs su skyob pa'i phrin las can zhes bya ba la 'jig tshogs ni 'jigs pa'i bdag nyid kyi tshogs so/ /gnas gsum gang du 'jig tshogs la lta ba 'jug pa de las 'da' ba' i phyir sprul pa'i skus chos ston pa yongs su skyob bo/ /theg pa las yongs su skyob pa'i phrin las can zhes bya ba ni ma nges pa'i rigs can nyid ni byang chub sems dpa' dang nyan thos rnams dang sbyar te/ de dag theg pa chen po la 'jog pa ni phrin las lnga pa'o/ /lnga po de dag la sangs rgyas rnams phrin las mtshungs par blta bar bya'o/ /ji lta zhe na/ rgyu dang gnas dang bya ba dang ni bsam pa dang zhes bya ba la sogs pa'i tshigs su bcad pa smos pa'o/ /rgyu

  673. 337a

    tha dad pas 'jig rten na las tha dad par 'gyur te/ 'di lta ste/ rgyu gzhan gyis ltar 'gyur ro/ /gzhan gyis mir 'gyur ro/ /tha dad pas lha la sogs pa'i las tha dad do/ /sangs rgyas rnams ni de lta ma yin te/ tshogs tha dad pa med pa'i phyir rgyu tha dad pa med do/ /gnas ni lus te khog pa'i/ /de tha dad pas kyang las tha dad par 'gyur te/ 'di lta ste/ lha sbyin gyi lus kyang gzhan/ mchod sbyin gyi lus kyang gzhan no/ /sangs rgyas rnams ni de lta ma yin te/ chos kyi sku tha dad pa med pa'i phyir sku tha dad pa med do/ /bya ba ni bya ba ste/ dgos pa bya ba dang don gcig go /de tha dad pa'i phyir yang las tha dad de/ 'di lta ste/ chod? pa rnams kyi las kyang gzhan/ zhing rmed pa rnams kyi las kyang gzhan/ rgyal po'i zhabs 'bring byed pa rnams kyi las kyang gzhan no/ /sangs rgyas rnams ni de lta ma yin te 'gro ba'i don sbyod pa'i mdzad pa tha dad pa med pa'i phyir ro/ /bsam pa ni sems pa ste/ de tha dad pas kyang las tha dad de 'di lta ste/ phan pa'i bsam pa'i las kyang gzhan/ phan pa ma yin pa'i bsam pa'i las kyang gzhan no/ /sangs rgyas rnam ni de lta ma yin te/ phan pa dang bde ba mdzad par dgongs pa'i phyir ro/ /'du byed ni rtsol ba ste/ de tha dad pas kyang las tha dad par 'gyur te/ 'di lta ste/ rtsol ba chung ngu'i las ni chung ba dang/ rtsol ba chen po'i las ni che ba'o/ /sangs rgyas rnams ni de lta ma yin te/ de mi mnga' ba'i phyir de dag ni mdzad pa thams cad lhun gyis grub pa'o/ /de bas na rgyu la sogs pa tha

  674. 337b

    dad pa lnga med pa'i phyir lnga po dag las phrin las tha dad pa mi mnga' ba ni legs par brjod pa yin no/ /theg pa gcig bstan pa'i dgongs pa kha gcig dag ni drang phyir dang zhes bya ba la sogs pa tshigs su bcad pas ston to/ ma nges pa'i rigs can gyi nyan thos rnams gzhan gyis thar par mi 'gyur bar rtogs nas theg pa chen po nyid kyis nges par 'byung bar bya ba dang/ ma nges pa'i rigs can gyi byang chub sems dpa' gzhan yang kun tu bzung ba'i phyir te/ de dag spro ba med par gyur kyang theg pa gcig thos par byas pas kun tu bzung na nyan thos kyi theg pas yongs su mya ngan las 'da' bar mi 'gyur ba bya ba yin no/ /chos mthun pa'i phyir zhes bya ba la chos ni 'dir de bzhin nyid de/ 'di ni nyan thos la sogs pa thams cad dang yang thun mong ngo/ /de'i phyir las su sgrub par theg pa'i sgra smos te/ de bzhin nyid gcig pa'i phyir theg pa gcig go /bdag med pa thun pa'i phyir zhes bya ba ni gang zag la bdag med pa thun pa'i phyir ro/ /gang zag gi rdzas tha dad pa yin na ni 'di ni nyan thos so/ /'di ni byang chub sems dpa' o zhes theg pa tha dad par 'gyur pa zhig na de med pa'i phyir theg pa gcig pa nyid do/ /grol ba mthun phyir zhes bya ba ni nyon mongs pa'i sgrib pa las rnam par grol ba tha dad pa med pa'i phyir te/ ji skad du/ bcom ldan 'das kyis rnam par grol ba dang rnam par grol ba ni tha dad du dbyer med do/ /zhes gsungs pa lta bu'o/ /dgongs pa des na theg pa gcig nyid do/ /rigs ni tha dad gyur pa'i phyir zhes bya ba ni 'di ltar rigs ma nges pa'i phyir ro/ /byang chub

  675. 338a

    tu bsngos pa dag ni nyan thos kyi rigs yin du zin kyang sangs rgyas kyi rigs su 'gyur te/ de'i phyir theg pa gcig nyid do/ /bsam gnyis brnyes phyir zhes bya ba ni bdam? pa rnam pa gnyis thob pa'i phyir te/ sangs rgyas rnams ni bdag gang yin pa de dag gi /zhes sems can thams cad la bdag gi bskur dgongs pa brnyes so/ /nges na mngon par rtogs par sangs rgyas pa des de dag kyang mngon par rdzogs par sangs rgyas par 'gyur te/ re zhig 'di ni bsam pa brnyes pa gcig go /gnyis pa ni sangs rgyas bcom ldan 'das kyis dam pa'i chos pad+ma dkar po las shA ri'i bu la sogs pa nyan thos rnams lung bstan pa ste/ bdag cag kyang sangs rgyas dang mtshungs so snyam pa'i bsam pa 'dzin du bzhugs pa'i phyir ro/ /yang na ming de skad ces bya ba'i byang chub sems dpa' rnams 'khor der de skad lung bstan to/ /de'i phyir sangs rgyas rnams kyi gsung gcig la rnam pa gnyis te/ nyan thos rnams kyang sangs rgyas dang mtshungs par thob pa'i bsam pa 'dzin du bcug pa dang/ byang chub sems dpa' rnams kyang lung bstan pa'o/ /sprul pa'i phyir zhes bya ba ni dge slong dag ngas mngon par shes te/ nyan thos nyid du lan brgya phrag tu ma byas nas mya ngan las 'das so zhes gsungs pa lta bu'o/ /sangs rgyas su gyur nas ji ltar nyan thos nyid du mya ngan las 'da' bar 'gyur te/ de la dgongs pa ni 'dul ba rnams la lus de dang der sprul nas ngas dgos pa byas te mya ngan las 'das pa bstan to snyam pa 'di yin no/ /de'i phyir don du na nyan thos dang sangs rgyas kyi theg pa

  676. 338b

    gang yin pa de nyid theg pa chen po yin pas theg pa gcig pa nyid du gyur to/ /mthar phyin pas zhes bya bas ni mthar phyin par zhal gyis bzhes nas theg pa gcig ces gsungs kyi gzhan dag med pa ni ma yin no/ /'o na ci zhe na/ de'i gong na theg pa med pa'i phyir theg pa gcig ste/ khyad par can med pa'i phyir ro/ /theg pa gzhan dag ni khyad par can dang bcas pa'o/ /khams gcig na ni gnyis med phyir zhes bya ba ni 'jig rten gyi khams gcig na sangs rgyas gnyis med pa'i phyir ro/ /'o na gcig nyid du 'gyur ro snyam pa de bzlog pa'i phyir/ /dpag med lhan cig tshogs bsags phyir zhes bya ba smos so/ /'o na ni 'jig rten gyi khams gcig tu sangs rgyas mang po rim gyis 'byung ngo snyam pa de'i phyir/ rim gyis 'byung bar mi rigs phyir zhes bya ba smos te/ tshogs yongs su rdzogs pa rnams la rim gis 'byung ba'i rgyu ci yang med do/ /'di la kha cig theg pa chen po nyid de gyur kyang phung po'i lhag ma med pa'i mya ngan las 'das pa'i dbyings kyis bsam pas sangs rgyas rnams gtan du yongs su mya ngan las 'da' bar 'dod do/ /kha cig ni phung po'i lhag ma dang bcas pa'i mya ngan las 'das pa'i dbyings kyi bsam pas gtan du yongs su mya ngan las 'das pa ma yin par 'dod do/ /de gnyi ga yang mi rung ste/ sangs rgyas rnams ni gtan du yongs su mya ngan las 'da' ba yang ma yin/ gtan du yongs su mya ngan las 'da' pa ma yin pa yang ma yin te/ dgongs pa ma 'gas ni gtan du yongs su mya ngan las 'das so/ /dgongs pa 'gas ni gtan du yongs su mya ngan las ma 'das so/ /sgrib pa kun las nges grol phyir te/ /gtan

  677. 339a

    du yongs su mya ngan las 'das so/ /mdzad pa rnams kyang ma rdzogs phyir/ /yongs su mya ngan las 'das pa ma yin no/ /de gzugs kyi skur snang ba'i phyir zhes/ bya ba ni longs spyod rdzogs par snang ba'i phyir ro/ /ngo bo nyid ni gzugs kyis skur snang ba ma yin no/ /sangs rgyas kyi 'khor gyi dkyil 'khor tshad med pa dag na longs spyod rdzogs pa tha dad pa snang gis ngo bo nyid tha dad pa med do// mos pa ji lta ba bzhin du mthong bas ma nges pa'i ngo bo nyid du snang ba'i phyir/ zhes bya ba ni 'di ltar kha cig longs spyod rdzogs pa'i sangs rgyas la sgres par mthong ngo/ /kha cig gis gzhon nur mthong/ kha cig gis dar la bab par mthong yang ngo bo nyid la ni ma nges pa med do/ g.yo ba'i ngo bo nyid du snang ba'i phyir zhes bya ba ni mthong ba po gcig nyid kyis kyang longs spyod pa dang/ res 'ga' ni rnam pa gzhan du mthong/ res 'ga' ni rnam pa gzhan du mthong yang/ ngo bo nyid la ni g.yo ba med do/ /byang chub sems dpa' dang nyan thos dang lha la sogs pa dang/ longs spyod rdzogs pa'i sku rtag tu 'dres pa yin yang ngo bo nyid la ni 'dres par mi rung ngo/ /gnas gyur pa mi rigs par snang ba'i phyir ro/ /zhes bya ba la/ kun gzhi rnam par shes pa gyur pa ni ngo bo nyid do/ /'jug pa'i rnam par shes pa gyur pa ni longs spyod rdzogs pa'o/ /mi rig pa drug po 'di dag gis ngo bo nyid ni longs spyod rdzogs par mi rung ngo/ /sprul pa ni rnam pa brgyad kyis ngo bo nyid du mi rung ste/ byang chub sems dpa' yun ring po

  678. 339b

    nas mi nyams pa'i ting nge 'dzin thob pa yongs su ma nyams pa rnams dga' ldan gyi lha dang mi'i nang du 'dod pa spyod pa rnams su skye bar mi rigs te/ bskal pa mi nyung bar ting nge 'dzin las mi nyams pa'i 'bras bu ni 'dod pa na spyod par mi rigs so/ /de'i phyir sprul pa de ni ngo bo nyid las gzhan zhes bya bar grub po/ /skye ba dran pa rnams zhes bya ba nas bzung ste/ bka' ba spyod pa mi rigs/ /zhes bya ba'i bar ni 'grel pa la mi ltos par tshig de nyid kyis bshad zin to/ /dzam+bu'i gling bye ba phrag brgya? bor te/ gcig tu mngon par rdzogs par byang chub pa dang/ chos kyi 'khor lo bskor ba mi rigs so/ /zhes bya ba ni sprul pa ni rigs te/ thams cad du de mthun pa'i phyir ro/ /de'i phyir sprul pa ni ngo bo nyid du mi rung ngo/ /ji ste dzam+bu gling gzhan rnams su mngon pa rdzogs par byang chub pa bstan pa med par dzam+bu'i gling gcig tu mngon par rdzogs par sangs rgyas nas/ lhag ma rnams su sprul pa rnams kyis sangs rgyas kyis mdzad pa mdzad par 'dod na/ de'i phyir/ dga' ldan nyid du mngon par rdzogs par sangs rgyas par ci'i phyir mi 'dod/ gal te khyod kyi/ lugs ltar dzam+bu'i gling gcig tu mngon par rdzogs par sangs rgyas la/ lhag ma rnams su sprul pa ston par rung na/ de'i phyir dga' ldan nyid du mngon pa rdzogs par sangs rgyas la/ de nyid na bzhugs bzhin du gling bzhi pa'i dzam+bu'i gling thams cad du sprul pa ston par ci'i phyir mi rung ste/ gling bzhi pa'i dzam+bu'i gling thams cad du mngon par rdzogs par byang chub pa med do/ /zhes gang gis stobs kyis/

  679. 340a

    dzam+bu'i gling gang du yang sangs rgyas 'byung ba mi snang bar shes par bya ba'i lung yang med la/ rigs pa yang med do/ /'on te de bzhin gshegs pa gnyis snga phyi med par 'jig rten gyi khams gtsigs? tu 'byung ba ni/ gnas ma yin zhing go skabs med do/ /zhes gang gsungs ba'i mdo dang mi 'gal lam/ /dzam+bu'i gling thams cad du sangs rgyas cig car byung bar gyur na/ de dang 'gal lo zhe na/ de bzhin gshegs pa gnyis zhes bya ba la sogs pas lan 'debs te/ mdo 'dir ni 'jig rten gyi khams gling bzhi par brjod par bzhed pa yin gyi/ /stong gsum pa ni ma yin no/ /'khor los sgyur ba'i rgyal po gnyis mi 'byung ba bzhin no/ /zhes bya ba na ji ltar de bzhin gshags? pa cig car 'byung ba de bzhin du 'khor los sgyur ba yang cig car mi 'byung ngo zhes mdo las gsungs la/ de dag ni gling bzhi pa gcig tu mi 'byung gi/ stong gsum du ni ma yin pas/ sangs rgyas kyang de bzhin du sbyar bar bya'o/ /'dir tshigs su bcad pa zhes bya ba ni mngon par rdzogs par byang chub pa ste/ sangs rgyas sprul pa phra ba ni/ zhes bya ba la sogs pa'i tshigs su bcad pas ston pa'o/ /ji ltar sangs rgyas sprul pa'i skus/ /yum gyi lhums su mngal du 'jug pa de bzhin du de'i zhabs 'bring ba gnas brtan shA ri'i bu la sogs pa nyan thos mang po dag kyang/ rang rang gi sprul pas rang rang gi ji lta ba bzhin ma'i mngal du zhugs so/ /mtshungs par zhes bya ba ni dus mthun pa ste/ de ltar rnam pa thams cad mngon par rdzogs par byang chub bar rab tu bstan pa yin no/ /

  680. 340b

    sems can thams cad kyi don du smon lam btab pa dang/ sgrub pa gnyis kyis zhes bya bas ni ji ltar gtan du yongs su mya ngan las 'das pa de ltar mi rung bar ston to/ /sems can thams cad kyi don bya'o snyam du smon lam btab cing sgrub pas kyang sems can gyi don nyid mdzad do/ /gal te gtan du yongs su mya ngan las 'da' bas yongs su mya ngan las 'da' na/ de gnyis 'bras bu med par 'gyur ro zhes bya bas mi yongs su mya ngan las 'da' bar mi 'thad pa'i rgyu bar du chod pa de brjod do/ /kha cig tu de bzhin gshegs pa rnams kyi sku ni mi rtag pa'o/ /zhes gang gsungs pa de ni longs spyod rdzogs pa dang/ sbrul pa'i sku mi rtag pa'i phyir ro/ /gal te de gnyis mi rtag na sku rtag pa'o/ /zhes ji skad du bya zhe na/ de gnyis kyang rtag pa yin te/ rgyu mthun pa dang sprul pa'i sku gnyis chos kyi sku rtag pa la brten ba'i phyir ro/ /rnam grangs kyi rtag pa nyid du ston te/ /chos kyi sku la bltos nas de dag gi sku rtag pa'o zhes tshig rnam par sbyar ro/ /sku gzhan gnyis la bltos nas/ /de dag gi sku mi rtag pa la gnas pa'o zhes tshig rnam par sbyar ro// yang longs spyod rdzogs pa ni/ longs spyod rdzogs pa rgyun ma chad pa zhes bya ba ni/ longs spyod rdzogs pa rgyun ma chad cing rgyun tu 'jug pas rtag pa'o/ /rtag tu bde ba spyod do/ /zhes bya ba bzhin no/ /zhes bya ba ni re zhig dper na rgyun ma chad par bde ba spyod pa ma yin mod kyi/ 'on kyang rgyun mi 'chad pa'i phyir 'di rtag tu bde ba spyod do/ /zhes bya ba de bzhin du longs spyod rdzogs pa'i sku yang gtan du

  681. 341a

    gnas pa ma yin mod kyi 'on kyang rtag pa zhes bya ste/ byang chub sems dpa' i 'khor gyi dkyil 'khor de dag der rgyun mi 'chad par ston pa'i phyir ro/ /sprul pa ni yang dang yang ston pa'i dgos pas rtag pa ste/ rtag tu zas sbyin no zhes bya ba bzhin no/ /dper na rtag tu zas sbyin pa ma yin mod kyis/ yang dang yang sbyin pa'i phyir rnyed sla ba la dgongs nas/ rtag tu zas sbyin zhes bya ba de bzhin du sprul pa'i sku yang skye ba dang 'jig pa med pas rtag pa ma yin mod kyi/ 'dul ba ji lta ba bzhin du yang dang yang ston to/ /rnyed sla ba'i phyir rtag pa zhes bya'o/ /mya ngan las 'das pa la 'dun pa med pa'i phyir/ zhes bya ba ni yongs su mya ngan las 'das pa kun tu ston pa'i dgos pa bstan to/ /de bzhin gshegs pa rtag par rig nas/ sangs rgyas kyi sku rtag pa don du gnyer te/ mya ngan las 'das pa la mi phyogs par 'gyur bas bcom ldan 'das kyis de bstan na de la 'dod par 'gyur ro/ /chos zab mo bstan pa khong du ma chud pas zhes bya ba ni sangs rgyas bzhugs na 'di rtag go zhes chos zab mo bstan pa khong du chud par bya ba la 'bad pa med par 'gyur te/ gal te da ltar khong du ma chud kyang dus shig na rtogs par 'gyur grang snyam mo/ /yang dang yang 'dri ba 'am 'dzin na/ brnyas pa skye bar 'gyur te/ bdag gi log par zin na/ de la 'dis de skad bshad do zhes zer ro/ /mi bzhugs na ni brnyas pa me skye de/ de'i dgongs pa bdag cag gis ma zin gyis/ bcom ldan 'das yongs su mya ngan las 'das na

  682. 341b

    bdag cag la khong du chud par byed pa su yod ces chos rtogs par byed pa lhur len par 'gyur ro/ /ston pa mi dmigs pa zhes bya ba ni/ bcom ldan 'das yongs su mya ngan las 'das na/ bdag cag kyang brtson 'grus la gnas te/ ston pa med pa'i 'gro ba la ston pa thob par bya ba'i rigs so snyam mo/ /gzhan du na ni bcom ldan 'das ston pa 'gro ba'i mgon mdzad do/ /zhes brtson 'grus mi brtsom par 'gyur ro// so so rang brtson 'grus mi 'dor pas zhes bya ba ni brtson 'grus brtsams pa rnams brtson 'grus 'dor ba yongs su spang ba'i phyir te/ ji srid du bcom ldan 'das bzhugs pa de srid du dge ba'i rtsa ba yongs su smin par bya'o snyam mo/ /rgyu drug ji skad bstan pa'i bsdu ba'i tshigs su bcad pa ni mdzad pa rdzogs par 'gyur ba'i phyir zhes bya ba la sogs pa'o/ /gal te chos kyi skus sangs rgyas gtan du dpag tu med na sangs rgyas kyis 'phongs pa chung zad kyang med kyi/ de'i don du 'bad ci dgos zhes rgol ba'i skabs rig nas/ sangs rgyas rnams kyi chos sku thog ma med pa'i dus nas/ zhes bya ba la sogs pa smos so/ / kha cig 'di snyam sems te/ sangs rgyas gcig kho nas sems can thams cad kyi dgos pa sgrub par spyod kyis/ de ni don la 'bad ci dgos snyam du sems pa de'i blo bsal ba'i phyir/ gal te sangs rgyas brnyes pa khyad med dpag med pa/ zhes bya ba la sogs pa smos so/ /gal te chos kyi sku la sangs rgyas nyid thob pa dus thams cad du khyad par med pa/ sangs rgyas nyid la 'bad pa ldog pa'i rgyur

  683. 342a

    'gyur na sangs rgyas nyid thob pa rtag tu rgyu med pa las byung bar 'gyur bas/ sngon gyi sangs rgyas de dag kyang bsgrims pa med par sangs rgyas nyid du 'gyur par thal bar 'gyur ro/ /ji ste de dag rgyu med pa las 'byung bar mi 'dod na/ rgyu'i rgyun gcod pa ni rigs pa'i tshul ma yin/ sangs rgyas nyid thob pa dus thams cad du khyad par med pa ni/ 'bad pa nyams pa'i rgyur mi 'gyur ro/ /bshad pa 'di ngo bo nyid med pa/ sangs rgyas nyid du smon byas shing/ /lung rigs dag pas dag pa'i blor/ /snying rjer brtul ba'i yid kyis byas/ /theg chen zab mo 'di la ni/ /sems ni mnyam gzhag ma yin zhing/ /da ltar gyi ni cha mthong ba'o/ /bdag 'dra'i rtog pa ci zhig 'dra/ /'on kyang grub mdza' la brten nas/ /dge ba goms pa sngon 'gro ba'i/ /bsod nams kyis ni 'jig rten rnams/ /rnam kun mchog mkhyen thob par shog/ // theg pa chen po bsdus pa'i bshad sbyar/ slob dpon dge bsnyen btsun pa ngo bo nyid med pa chos rnams sgyu ma lta bu'i ngo bo nyid du thugs su chud pas mdzad pa rdzogs so// //rgya gar gyi mkhan po dzi na mi tra dang/ shI len+d+ra bo d+hi dang/ zhu chen gyi lo tsA ba bande ye shes sdes bsgyur cing zhus te gtan la phab pa/ /'di la shlo ka ni nyis stong bdun brgya bdun cu rtsa bzhi yod do// // */ (/theg bsdus gnas dang po'i bshad pa don gsang ba bzhugs so/) /rgya gar skad du/ bi bri ta gU DhArtha paN+Di byA khyA/ bod skad du/ don gsang ba rnam par phye ba bsdus te bshad pa/ sangs rgyas dang byang chub sems dpa'

  684. 342b

    thams cad la phyag 'tshal lo/ /rnal 'byor spyod pa'i sa ni/ nyan thos la sogs pa dang/ mthun mong dang/ mthun mong ma yin pa'i yang dbang du mdzad nas mdzad do/ /rab tu byed pa 'di ni nyan thos la sogs pa dang thun mong ma yin pa'i tshig gi don bcus theg pa chen po mdza' dag bsdu bar bzhed nas brtsams te/ gzhi gcig gis kyang ma yin/ kun rdzob dang don dam pa'i bden pa dang gnyis kyis kyang ma yin/ brtags pa la sogs pa gsum gyis kyang ma yin/ dus gsum dang 'dus ma byas dang bzhis kyang ma yin/ ming la sogs pa lngas kyang ma yin no/ /theg pa chen po la shin tu zhugs pa zhes bya ba ni/ btags pa 'am yon tan/ phun sum tshogs pa yin te/ theg pa chen po nyid ni der 'gro bas na de bzhin nyid ces bya ba'i dmigs pa yin no/ /der bzhugs pa ni sa dang po nyid la'o/ /shin tu zhugs pa ni/ kun tu 'gro ba la sogs pa'i sgrib pa spangs pa'i phyir sa bcu pa la yin no/ /brjod pa dang brjod par bya ba'i bdag nyid kyi theg pa chen po ni mi bzung ste/ mthar ma phyin pa yang de la bzhugs pa'i phyir ro/ /gzhan yang chos kyi dbyings la zhugs pa kho nas de la legs par bzhugs pa yin no/ /pha rol tu phyin pa'i ngo bo nyid ni ma yin te/ de ni de la 'jug pa'i thabs yin pa'i phyir ro/ /gzhan yang de dag kyang de rtogs pa kho nas rnam par dag par 'gyur ro// byang chub sems dpa' i skabs yin pa'i phyir 'bras bu'i bdag nyid ni ma yin no/ /de ltar na shin tu zhugs pa zhes smos pa yang gzhan du mi smra ba'i phyir te/ yang dag par ma zhugs pa ni bcom ldan 'das kyi spyan

  685. 343a

    sngar yang brgya byin bzhin du log par yang smra ste/ ji skad du/ brgya byin gyis/ mjug tu bdag ni nyams gyur nas zhes bya ba la sogs pa smras pa lta bu'o/ /gal te rdzas gcig bstan pa mdzad na ni de 'ba' zhig bcu pa ston nus par yid ches kyis/ sa bcu'i dbang phyug gzhan la ni ma yin no/ /spyir brjod na ni de 'dra ba'i phyir gzhan la yang yid ches par 'gyur ro/ /byang chub sems dpa' zhes bya ba ni/ byang chub dang sems can la dmigs pas na tha snyad du btags te/ mi sdug pa la sogs pa bzhin no/ /rnam pa gcig tu na 'di la byang chub tu sems pa yod pa ste/ sems zhes bya ba'i sgra bsam pa yin pa'i phyir byang chub sems dpa' o/ /theg pa chen po'i che ba'i bdag nyid brjod pa'i phyir zhes bya ba la 'dir theg pa chen po smos pa ni/ brjod pa dang brjod par bya ba dang/ pha rol tu phyin pa rnams dang de bzhin nyid dang/ 'bras bu la yod pa yongs su bzung ste/ 'di thams cad kyi che ba'i bdag nyid ni zab pa dang rgya che ba dag gis bla na med pa nyid do/ /bdag nyid ces bya ba'i sgra ni rang bzhin dang 'bras bu'i tshig tu grags te/ dper na me ni tsha ba'i bdag nyid/ dug ni bsod pa'i bdag nyid ces bya ba lta bu'o/ /bcom ldan 'das kyis spyan sngar zhes bya ba ni/ sangs rgyas kyis gnang ba nyid kyis yid ches pa nyid du ston te/ ston pa dang nye na gzhan du mi smra ba'i phyir ro/ /ston pa dang mi nye na ni sgrib pa'i lhag ma dang bcas pa'i phyir log par smra bar yang 'gyur ro/ /'di lta ste zhes bya ba'i sgra ni tshig

  686. 343b

    gi don bcu po nye bar dgod pa'i phyir ro/ /'dir yang theg pa chen po zhes smos pa ni/ brjod pa'i bdag nyid kyi theg pa chen po la bsnyag ste/ /'chad par 'gyur ba'i khyad par rnam pa bcus tha dad pa'i de bzhin gshegs pa'i bka' theg pa chen po gang yin pa de'i dbang du mdzad pa yin pas/ de bas na 'dir ni tshig gis rang bzhin gyis theg pa chen po la bya bar mngon no/ /'on kyang ci'i phyir yang theg pa chen po zhes bya ba smos zhe na/ tshig gi don bcus thun mong ma yin pa bsdu bar bstan pa'i phyir ro/ /gal te de ni don gyi bdag nyid yang mtshungs pas 'on kyang smos par mi bya ste/ theg pa chen po'i che ba'i bdag nyid brjod na gdon mi za bar bcu pa yang de sdud ba yin pa kho nar 'gyur ro zhen ma yin te/ 'bras bu'i sgo nas kyang che ba'i bdag nyid du sems so/ /'di ltar theg pa chen po'i 'bras bu ni rnam pa bcu la ma gtogs pa nyan thos kyis theg pa mu stegs can dang thun mong ma yin pa zhig yod la des khyad par du 'phags so zhes bya bar yang 'dzin pas/ nyan thos dang thun mong ma yin par nges par 'chad par 'gyur bas theg pa chen po kho na bsdus so/ /zhes bya bar de'i don du yang theg pa chen po zhes smos par bya ste/ /de bsdus par bstan pa'i phyir ro/ /chos mngon pa theg pa chen po'i mdo las zhes bya ba 'dis ni tshig gi don bcu po lung dang ldan pa nyid du ston te/ gzhi thun pa nyid kyi gzhi'i bdun pa yin no/ /'di ltar gsung rab las mdo ni sangs rgyas kyis bka' nyid du grags la/ chos mngon pa yang smos pa'i don ston par byed pa nyid du grags so/ /gal te de lta na

  687. 344a

    mdo zhes smos pa kho nas chog mod ce na de ni ma yin te/ mdo rnams ni drang ba'i don gyi phyir yang yin pas tshig gi don bcu po yang de bzhin du gdul ba'i dbang gis dgongs pa can gyi don ston pas drang ba'i don nyid yin par 'dzin par 'gyur ro/ /chos mngon pa ni smos pa'i don ston pa lhur len pa'i phyir nges pa'i don yin no/ /gal te de lta na chos mngon pa zhes smos pa kho nas mchog mod ce na/ de ni ma yin te/ ye shes la 'jug pa la sogs pa bzhin du gtsug lag ma yin pa nyid du thal bar 'gyur ro/ /rnam pa gcig tu na gang gi phyir chos mngon pa zag pa med pa'i shes rab yin pa de'i phyir chos mngon pa ni spyi'i mtshan nyid kyis rab tu phye ba yin te/ zag pa med pa'i shes rab kyi yul ni spyi'i mtshan nyid de bzhin nyid yin pa'i phyir ro/ /rang gi mtshan nyid kyis rab tu phye ba gang yin pa de ni mdo yin te/ gdul ba'i dbang gis thun mong ma yin pa yang btsor bstan pa'i phyir ro/ /de bas na chos mngon pa'i mdo ni gnyi ga'i mtshan nyid kyis rab tu phye ba yin la/ de dang 'brel bas rab tu byed pa yang gnyi ga'i bdag nyid yin no zhes bya bar ston to/ /rnam pa gcig tu na chos mngon pa ni rab tu rnam par 'byed pa'i phyir lhag pa'i shes rab kyis bslab pas rab tu phye ba yin la/ de yang btsor mya ngan las 'das pa 'dren par byed pa yin gyis/ bslab pa gzhan gnyis ni gtsor 'dren par byed pa nyid ma yin no/ /mdo ni bslab pa gsum char gyis rab tu phye ba yin te/ gdul ba'i dbang gis gsum char bstan pa'i phyir ro/ /de bas na

  688. 344b

    de ni chos mngon pa dang mdo zhes bya ba'i tshig gnyi gas tha snyad gdags kyi 'dul bas ni ma yin no/ /de ni gcig tu lhag pa'i tshul khrims dang/ lhag pa'i sems kyis rab tu phye ba'i phyir te/ tshul khrims kyis ni rang gis dngos su yin la/ mnyam par bzhag pas ni 'bras bu'i sgo nas yin gyis bar du mchod pa'i phyir shes rab kyis ni ma yin no/ /de bas rab tu byed pa 'di ni chos mngon pa'i mdo dang 'brel gyi/ 'dul ba'i sde snod dang 'brel pa ni ma yin no/ /zhes bya ba'i tha tshig go /theg pa chen po zhes smos pa ni nyan thos la sogs pa dang thun mong ma yin pa nyid du bstan pa'i phyir ro/ /nyan thos la sogs pa dang thun mong ma yin pa'i phyir rnam pa bcu po 'chad par 'gyur pas de dag nyid khyad zhugs pa yin te/ de dag gi khyad par du 'phags pa'i gsung ngo/ /brjod par bya ba med pa'i brjod pa ni thams cad khyad par med de/ de lta bas na shes bya'i gnas zhes bya ba la sogs pa don rnams kyis khyad par du byed do/ /zhes bya ba ni yongs su grub pa la sogs pa'i bye brag gis rnam pa gsum mo/ /yongs su grub pa yang rnam pa gnyis te/ rtag pa dang mi rtag pa'o/ /rtag pa gang yin pa de ni de bzhin nyid ces bya ste/ de ni chos can gyi chos nyid yin pa'i phyir gnas ni chos can no/ /chos can du 'dra yang brtan pa'i phyir kun gzhi rnam par shes pa kho nas gnas su rnam par bzhag gi /mi brtan pa'i phyir 'jug pa'i rnam par shes pa ni ma yin no/ /de lta bas na 'dis ni de bzhin nyid ni chos can gyis chos nyid yin pa'i

  689. 345a

    phyir/ nam mkha' i me tog la sogs pa bzhin du gtan med pa ma yin no zhes bshad pa yin no/ /mi rtag pa gang yin pa de yang rnam pa gnyis te/ yang dag pa'i ye shes kyi bdag nyid dang sa bon gyi bdag nyid do/ /yang dag pa'i ye shes gang yin pa de ni kun gzhi'i rnam par shes pa la rag las te/ 'byung ba'i phyir gnas kho na yin no/ /sa bon gyis bdag nyid kyang bzhin du gnas pa dang yang dag par bsgrubs pa dang rnam pa gnyis te/ gnyis ka yang len pa'i rnam par shes pa dang lhan cig 'jug pa'i phyir de dag gi gnas yin pa nyid do/ /gzhan gyis dbang yang rnam pa gnyis te/ kun nas nyon mongs pa dang dag pa 'jig rten pa'o/ /dag pa 'jig rten pa ni len pa'i rnam par shes pa dang 'brel pa'i phyir de'i gnas yin pa kho na'o/ /kun nas nyon mongs pa la yang rnam pa gnyis te/ rnam par shes pa bdun gyi tshogs kyis bsdus pa dang/ kun gzhi rnam par shes pas bsdus pa'o/ /rnam par shes pa bdun gyi tshogs kyis bsdus pa gang yin pa de ni kun gzhi rnam par shes pa dang 'jug pa'i rnam par shes pa ngag phan tshun rgyu dang 'bras bu'i dngos po dag yin pa yang len pa'i rnam par shes pa ni brtan pa'i phyir/ len pa'i rnam par shes pa kho na gnas yin gyi rnam par shes pa gzhan ni gnas ma yin te/ mi brtan pa'i phyir ro/ /kun gzhi rnam par shes pa yang sa bon dang rnam par smin pa'i bye brag gis rnam pa gnyis su dbye ste/ de gnyis las gang yang rung ba zhig gnas nyid du rnam par bzhag la/ cig shos ni

  690. 345b

    de la brten par rnam par brtag par bya'o/ /yang na skad cig ma snga phyi 'jug pa'i sgo nas gnas dang rten pa nyid dang/ rgyu nyid dang/ 'bras bu nyid kyis tha dad pa nyid yin no/ /sems las byung ba gang dag rnam par shes pa dang mtshungs par ldan pa de dag gis gnas kyang rnam par shes pa kho na yin te/ des nye par bstan pa'i yul la khyad par 'dzin pa nyid du zhugs pas de dag gtso bo yin pa'i phyir dang de ni gtso bo yin pa'i phyir ro/ /de bas na rten pa yin pa'i phyir de dag kho nas de la bsgo bar byed kyi/ des na de dag la ma yin no/ /kun brtags pa yang kun brtags par bya ba'i dngos po'i gzhi can nyid yin pas kun gzhi rnam par shes pa'i gzhi gang la brtags pa de ni dngos su de'i gnas nyid yin no/ /rnam par shes pa gzhan gyi gzhi can gyi gnas su yang brtan pa nyid yin pa'i phyir brgyud pa'i sgo nas de nyid rnam par bzhag go /'dir rnam pa bcu pa dag gi rnam par dbye ba ni 'di yin te/ 'jug pa dang rgyu dang 'bras bu dag dang de dag bsgom pa'i rab tu dbye ba dang/ bslab pa gsum zhes bya ba rnam pa 'di drug ni theg pa chen po'i spyod pa'i ngo bo nyid yin no/ /de yi dmigs pa ni shes bya'i gnas dang shes bya'i mtshan nyid do/ /de la yang shes bya'i mtshan nyid ni gdon mi za bar shes par bya ba yin pa nyid kyis dngos su rang gi ngo bos dmigs pa yin no/ /shes bya'i gnas ni de'i gnas yin pa nyid kyis so/ /spyod pa de nyid kyis 'bras bu ni spangs pa dang ye shes kyi khyad par gyi rnam pa dag yin pas de'i phyir tha mar bstan to/ /de lta bas na 'di

  691. 346a

    las ni theg pa chen po'i dmigs pa gang yin pa dang/ theg pa chen po gang yin pa dang/ theg pa chen po'i 'bras bu gang yin pa de dag bstan to/ /dkyus ma nyid spyad par bya ste/ shes bya'i mtshan nyid ni ngo bo nyid gsum mo/ /de la yongs su grub pa ni rtag pa dang mi rtag pa'i mtshan nyid de bzhin nyid dang yang dag pa'i ye shes kyi ngo bo nyid de/ don dam pa dang rang rig pa'i sgo nas 'jig rten las 'das pa'i ye shes kyis shes par bya ba yin no/ /gzhan gyi dbang ni 'jig rten las 'das pa'i rjes la thob pa'i ye shes kyi shes par bya ba dang so so'i skye bo'i shes pas kyang rang rig pa'i sgo nas shes par bya ba yin no/ /'o na yongs su grub pa de ma mthong bar gzhan gyi dbang mi mthong ngo/ /zhes 'byung ba gang yin pa de ji lta bu zhe na/ de ni gzhan gyi dbang ma lus par mngon sum pa dgag pa lhur bya ba yin pas nyes pa med do/ /rnam pa gcig tu na kun brtags pas dben par nges par mi bzung ba'i phyir te/ gzhan gyi dbang dang rig pa yod kyang gcig tu nges par ma zin pa'i phyir/ yongs su grub pa 'di ma mthong ba zhes bya ba la sogs pa smos so/ /kun brtags pa ni so so'i skye bo'i shes pas shes par bya ba kho na yin te/ /de ni gcig tu mngon par zhen pa'i yul yin pa'i phyir ro/ /rnam par gtan la dbab pa bsdu ba las brtags pa ni shes pa gang gis dmigs pa yang ma yin no zhes bshad pa gang yin pa ni/ med pa'i phyir gang gi rten du yang mi 'gyur ro/ /zhes bya ba'i don yin gyi/ sgro btags par yang yul du mi

  692. 346b

    'gyur pa ni ma yin te/ 'di ltar de nyid las so so'i skye bo'i shes pa'i dmigs pa'o/ /zhes 'byung ba de'i phyir yang de lta bu yin no/ /theg pa chen po'i skabs ma yin nam/ so so'i skye bo'i shes pa'i skabs su ci 'bab ce na/ zhar la smos pa'i phyir nyes pa med do/ /rnam pa gcig tu na mos pas spyod pa'i yul yin pa'i phyir dang/ /zag pa med pa'i ye shes las langs pa'i sems dang ldan pa rnams kyi yang dam pa'i chos nyan pa la sogs pa na yul nyid du nye par 'gro ba'i phyir skabs su 'bab ste 'gal ba med do/ /de bzhin gshegs pa'i gnas skabs na ni 'jig rten las 'das pa'i rjes la thob pa'i yul yang ma yin te/ mngon par zhen pa thams cad spangs pa'i phyir la/ /brtags pa yang mngon par zhen pas bya ba'i phyir ro/ /de bzhin gshegs pa gang gi tshe gzhan gyi sems kyis bzung ba'i kun brtags pa yongs su gcod pa de'i tshe yang phyin ci ma log pa'i de kho na nyid kyi bdag nyid yul du 'gyur gyi/ ji ltar brtags pa de ltar ni yul du mi 'gyur ro/ /byang chub sems dpa' i spyod pa yang gang zag gis gnas skabs kyi rim pa dang bsgrub pa mngon par 'grub pa'i rim pa'i sgo nas tha dad do/ /gang zag gis gnas skabs kyi rim pa'i sgo nas ni rnam pa gsum ste/ /'jug pa dang de'i rgyu dang 'bras bu dag dang bsgom pa'i bar du dbye ba'o/ /de la yang dang po gnyis ni nye bar len pa yin la gsum pa ni nye bar blang ba yin te/ 'di ltar gang zag zhugs pa rgyu dang 'bras bu dag la gnas pa gang yin pa ni de la brten nas sa bcu rab tu dbye ba yin no/ /bsgrub pa'i rim pa ni

  693. 347a

    brlab pa gsum gyis bstan te/ bsgrub pa'i rim pa 'dis ni gang zag gis gnas skabs gsum po 'di dag rab tu 'byed do/ /de la yod ni de bzhin gshegs pa'i gnas skabs na zhes bya la 'jug pa phyin ci ma log pa yin mod kyi/ 'dir ni 'jug pa dang po la dgongs pa yin no/ /phyin ci ma log pa de yang gang du yongs su rdzogs she na/ 'di ltar bzod pa 'bring gi gnas skabs na ni kun brtags pa'i phyogs gcig po bzung ba'i rnam pa yang dag par rtogs so/ /chen po dang chos kyi mchog gi gnas skabs dag na ni 'dzin pa'o/ /de'i 'jug thogs su mthong ba'i lam gyi skad cig ma dang po la ni de bzhin nyid do/ / de la gzhan pa'i sa rab tu dga' ba la ni 'jug pa yongs su rdzogs pa yin no/ /'jug pa de'i rgyu dang 'bras bu zhes bya bar tshig rnam par sbyar te/ mos pas spyod pa'i sa la ni rgyu'o/ /rab tu dga' ba la sogs pa'i gnas skabs na ni 'bras bu'o/ /de'i rgyu dang 'bras bu bsgom pa rab tu dbye zhes bya ba ni/ gtso bo yin pa'i phyir 'bras bu kho na'i rab tu dbye ba mdzad do/ /zhal la bskal pa grangs med pa rnams kyi rnam par dbye ba bstan par rgyu'i rnam par dbye bar mdzad par 'gyur ro/ /lhag pa'i tshul khrims zhes bya ba la sogs pa ni gtso bo yin pa'i phyir bslab pa gsum smos so/ /zhal la ni gzhan pha rol tu phyin pa rnams kyang smos pa ste/ sbyin pa dang tshul khrims zhes bya ba la sogs pa'i sgra'i bye brag gi de skad du bstan to/ /gang gi tshe sems can gyi don bya ba'i tshul khrims la sogs pa smos pa de'i tshe ni

  694. 347b

    dngos kho nar yin no/ /lhag pa'i sems zhes bya ba la sogs pa ni/ sa dang po gsum la ni theg pa chen po rab tu snang ba'i ting nge 'dzin to/ /sa bzhi pa dang lnga pa dang drug pa dang bdun pa dag la ni bsod nams thams cad sdud pa'i ting nge 'dzin to/ /dgu pa dang brgyad pa la ni ting nge 'dzin gyis rgyal po bzang skyod do/ /bcu pa la ni dpa' bar 'gro ba dang nam mkha' mdzod la sogs pa'o/ /lhag pa'i shes rab ces bya ba la sogs pa ni/ gtso bo yin pa'i phyir dngos gzhi smos te/ sbyor ba pa dang rjes kyi dag ni phyis ston to/ /spangs pa'i khyad par zhes bya ba la sogs pa la mya ngan las 'das pa ni rnam pa bzhi ste/ phung po dang bcas pa dang phung po med pa dang/ /rang bzhin gyis mya ngan las 'das pa dang/ de bzhin du mi gnas pa'i mya ngan las 'das pa'o/ /de la 'dir ni gsum ni nyan thos la sogs pa dang/ thun mong yin pa'i phyir mi gzung gi /mi gnas pa'i mya ngan las 'das pa de bzhin nyid sgrib pa gnyis dang bral ba kho na thun mong ma yin pa'i phyir bzung ngo/ /ye shes kyi khyad par zhes bya ba la sogs pa de la chos ni stobs la sogs pa'o/ /de dag gi sku ste rten ni chos kyi sku'o/ /de nyid de bzhin nyid yongs su dag pa yin te/ sangs rgyas kyi chos rnams ni de la rag las te/ 'byung ba'i phyir ro/ /sku zhes bya ba'i sgra yang rten du grags te/ lus kyi dbang po bzhin te/ bsags pa nyid yin yang mig la sogs pa'i rten yin pa'i phyir ro/ /rnam pa gcig tu na sku ni rang gi mtshan nyid kho na yin la rang gi mtshan nyid yin pa'i phyir

  695. 348a

    chos so/ /'di ni sku yang yin la chos kyang yin pas chos kyis sku ste/ de yang de bzhin nyid yongs su dag pa yin no/ /sku zhes bya ba ni sgra yang rang gi mtshan nyid du yang grags te/ rnam par shes pa'i lus bzhin te/ gzugs can ma yin pa rnams la bsags pa med pa'i phyir ro/ /chos kyi sku de ni ye shes kyi rgyu yin pa'i phyir ye shes kyi khyad par te/ de nyid ngo bo nyid kyi sku yin no// de bzhin gshegs pa'i ye shes thams cad ni nyid kyi longs spyod rdzogs par dgongs pa'i phyir longs spyod rdzogs pa'i sku yin no/ /stobs la sogs pa'i ngo bo nyid gang yin pa dang/ mtshan dang dpe byad bzang po nyid du gyur ba gang yin pa de dag kyang de bzhin gshegs pa'i ye shes kyi ngo bo yin pa'i phyir ye shes kyi khyad par yin no/ /de'i dbang gis byang chub sems dpa' rnams la so sor mtshan dang dpe byad bzang po la sogs par snang ba sems dang sems las byung ba dag la khyab pa gang yin pa de yang gzhan longs spyod rdzogs par dgos pa'i phyir longs spyod rdzogs pa'i sku yin no/ /de bzhin gshegs pa'i ye shes kyi dbang kho nas byang chub sems dpa' mos pa spyad pa spyod pa dang/ nyan thos la sogs pa'i rgyud la so sor mtshan dang dpe byad bzang po la sogs par snang ba'i sku ni yun thung ngur gnas pa'i phyir sprul pa ste/ ye shes kyi 'bras du yin pa'i phyir ye shes kyi khyad par yin no/ /sangs rgyas bcom ldan 'das rnams zhes bya ba bshad par bzhed nas/ theg pa chen po sangs rgyas

  696. 348b

    kyi bka' nyid du brjod pa'o zhes bya ba la sogs pa smos so/ /de lta zhe na gang dag nyan thos kyi thegs pa nyid theg pa chen po yin no zhes bya bar rtogs pa de dag ni sangs rgyas kyi gsung de theg pa chen po yin par yang brjod do/ /de'i phyir nyan thos kyi theg pa ni theg pa chen po nyid du sangs rgyas kyi bka' ma yin te/ rnam pa bcu bstan pa dang bral ba'i phyir grangs can la sogs pa'i bstan chos bzhin no/ /nyan thos kyi theg pa las khyad par du byas pa zhes bya ba ni/ gsung khyad par rnam pa bcus khyad par du 'phags pa zhes bya ba de ston te/ gang gi phyir nyan thos kyi theg pa las ni/ shes bya'i gnas la sogs pa yongs su ma rdzogs par bstan la/ 'di las ni shes bya'i gnas la sogs pa rnam pa thams cad bstan pa de'i phyir nyan thos kyi theg pa las khyad par du bya ba/ /rnam pa bcus de bzhin gshegs pa'i gsung khyad par du spog pa yin no/ /mchog nyid kyi phyir yang khyad par du 'phags so/ /ji ltar mchog nyid yin zhe na/ mchog nyid du bstan pa'i phyir ro/ /mchog nyid du bstan pa nyid ji ltar zhe na/ 'di ltar bcom ldan 'das kyi byang chub sems dpa' rnams las brtsams nas bstan pa yin pas so/ /'dis ni gdul ba mchog nyid kyi phyir mchog nyid do zhes bya ba'i tha tshig go /'di ltar gdul ba'i dbang gis kyang bstan pa dman pa dang mchog nyid yin te/ dper na so so'i skye bo yin pa'i tshong pa ga gon dang mdzes ldan dag gis ched du ni dman pa bstan/ 'phags pa'i skabs yin pas lnga sde'i dbang du mdzad nas ni 'bring/ byang chub sems dpa' rnams kyi dbang du mdzad nas ni/ shes

  697. 349a

    rab kyi pha rol tu phyin pa rnam pa brgyad bstan te/ brtags pa'i rnam pa dgag pa'i sgo nas mchog go /rnam pa brgyad ni shes rab kyi pha rol tu phyin pa sum brgya pa dang/ lnga brgya pa dang/ bdun brgya pa dang/ nyis stong lnga brgya pa dang/ brgyad stong pa dang/ khri brgyad stong pa dang/ nyi khri lnga stong pa dang/ 'bum pa bstan pa yin no/ /dam pa'i chos pad+ma dkar po la sogs pa bstan pa ni/ rab kyi mchog yin te/ 'di ltar de las ni theg pa gcig bstan pas ma nges pa'i rigs can rnams kyang de las 'dren to/ /mya ngan las 'das pa chen po'i mdo la sogs pa bstan pa ni rab kyi phul yin te/ /'di ltar de las ni de bzhin gshegs pa rnams 'khor ba ji srid par bzhugs shing sems can gyi don mdzad par bstan to/ /sangs rgyas phal po che'i mdo bstan pa ni rab kyi phul gyi mchog yin te/ 'di ltar mdo de ni de bzhin gshegs pa mngon par rdzogs par sangs rgyas nas ring po ma lon par phyogs bcu na gnas pa'i byang chub sems dpa' sa bcu'i dbang phyug rnams la lan cig rab tu bstan to/ /gong du nyan thos kyi theg pa chen po nyid du sangs rgyas kyi gsung yin pa nyid dgag pa'i phyir gtan tshigs rnam pa bcu bstan pa dang bral ba'i phyir zhes bya ba de ni ma grub ste/ nyan thos kyi theg pa las kyang kun gzhi la kun tu dga' ba zhes bya ba la sogs pas shes bya'i gnas bstan pa'i phyir ro/ /sems can brdzus te skye ba yod do/ /zhes bya ba la sogs pas kun brtags

  698. 349b

    pa yang bstan pa'i phyir ro/ /'di las sems can med do zhes bya ba la sogs pas yongs su grub pa yang bstan pa'i phyir ro/ /chos 'di dag ni rgyu dang bcas zhes bya ba la sogs pas gzhan gyi dbang yang bstan pa'i phyir ro/ /shes bya la 'jug pa yang mig dang gzugs la sogs pa zhes bya ba la sogs pas bstan pa'i phyir ro/ /de'i rgyu dang 'bras bu bstan pa yang yod de/ pha rol tu phyin pa drug bstan pa'i phyir ro/ /bsgom pa rab tu dbye ba yang dge 'dun phal chen sde'i sde pa las sa'i rnam par dbye ba'i mtshan nyid bstan pa'i phyir ro/ /bslab pa gsum yang bstan pa'i phyir ro/ /mya ngan las 'das pa yang zad pa dang 'dod chags dang bral ba zhes bya ba la sogs pas bstan pa'i phyir ro/ /chos kyi sku mi slob pa'i chos kyi ngo bo nyid dang/ longs spyod rdzogs pa'i sku chos kyi 'khor lo bskor bar mdzad pa dang des bskye ba sprul pa'i sku bstan pa'i phyir sku gsum yang bstan to snyam pa'i bsam pa 'di jis ltar na 'dis zhes bya ba la sogs pa smos so/ /'di ltar gnas bcu po 'di dag ces bya ba la sogs pa 'dis ni gtan tshigs sgrub par byed de/ rnam pa bcu rdzogs par bstan pa dang bral ba'i phyir ro/ /zhes bstan tshigs ston pa'i phyir ro/ /'di ltar nyan thos kyi theg pa las ni shes bya'i gnas kyang rgyu'i bye brag dang mtshungs par ldan pa'i bye brag dang/ dmigs pa bstan pa dang/ bag chags kyi brten nyid la sogs pa'i dbye bas ma bstan to/ /kun brtags pa yang gzugs la sogs pa'i bye brag dang yongs su grub pa yang chos la bdag med pa'i

  699. 350a

    mtshan nyid dang gzhan gyi dbang gi dngos po yang rnam par shes pa brgyad kyi tshogs kyi mtshan nyid rab tu rnam par ma phye'o/ /shes bya la 'jug pa yang ji skad bstan pa'i kun brtags pa la sogs pa la 'jug pa'i mtshan nyid ma bstan to/ /de med pas 'khor gsum rnam par dag pa'i pha rol tu phyin pa dag kyang rnam par ma phye la sems can gyi don bya ba'i tshul khrims la sogs pa yang ma bstan to/ /dge 'dun phal chen sde rnams la sa'i dbye ba bstan pa gang yin pa de yang phyogs kyi khongs su gtogs pa yin no/ /lhag pa'i tshul khrims kyi bslab pa yang sems can gyi don bya ba'i tshul khrims kyi mtshan nyid rnam par ma phye'o/ /lhag pa'i sems kyang theg pa chen po rab tu snang ba'i mtshan nyid kyis ting nge 'dzin la sogs pa'i dbye ba dang/ lhag pa'i shes rab kyang bdag med pa gnyi ga rtog pa'i dbye ba dang mi gnas pa'i mya ngan las 'das pa yang ji skad 'chang bar 'gyur ba dang/ sku gsum yang ji ltar bzhed pa bzhin rnam par ma phye'o/ /byang chub chen po kun tu sgrub par byed pa ste/ zhes bya ba la sogs pas ni/ rang gi phyogs sgrub par byed do/ /'phags pa shes rab kyi pha rol tu phyin pa la sogs pa'i mdo ni theg pa chen po nyid du sangs rgyas kyi gsung yin te/ byang chub chen po kun tu sgrub par byed pa'i don ston pa'i phyir gnyi ga la grags pa skyes pa'i rabs kyi sde la sogs pa bstan pa bzhin no/ /'dod do zhes bya ba'i sgra tshigs su bcad pa las 'byung bar 'chad par 'gyur ba dang/ sbyor ba'i phyir ma grub pa nyid kyang ma yin te/ byang chub chen po

  700. 350b

    kun tu sgrub par byed pa'i don ston par 'dod pa'i phyir ro zhes bya ba'i tha tshig go /byang chub chen po ni 'dir de bzhin nyid dri ma med pa'o/ /de kun tu sgrub pa ni mngon sum du byed pa'o/ /de ci'i phyir zhe na/ thams cad mkhyen pa'i ye shes thob par bya ba'i phyir ro/ /mi gnas pa'i mya ngan las 'das pa dang sku gsum po byang chub chen po'i gnas skabs kho na yin na ji ltar byang chub chen po kun tu sgrub par byed pa yin zhe na/ rgyud gzhan dag la chos kyi dbyings kyi rgyu mthun pa thos pa'i bag chags kyi rim gyis so/ /yod ni byang chub ye shes yin mod kyis/ /'on kyang tshig phye nas sbyar bar bya ste/ gang gi phyir 'di dag byang chub chen po kun tu sgrub par byed pa de'i phyir thams cad mkhyen pa'i ye shes thob par byed pa yin no/ /byang chub chen po kun tu sgrub par byed pa de yang shin tu 'thad pa zhes bya ba la sogs pa tshig gsum gyis khyad par du byed de/ de la shin tu 'thad pa ni dmigs pa'i ngo bo nyid kyi theg pa chen po gang yin pa shes bya'i gnas dang/ shes bya'i mtshan nyid de phyin ci ma log pa'i phyir ro/ /mthun pa ni spyod pa'i ngo bo nyid kyi theg pa chen po gang yin pa shes bya la 'jug pa la sogs pa rnam pa drug ste/ 'bras bu'i rjes su mthun pa'i phyir ro/ /'gal ba med pa ni 'bras bu'i ngo bo nyid kyi theg pa chen po gang yin pa spangs pa dang/ ye shes kyi khyad par gyis ngo bo ste/ rgyu dang mi 'gal ba'i phyir ro/ /rnam pa gcig tu na rnam pa bcu po ngo bo nyid gsum gyi nang du 'dus pa'i phyir ngo bo nyid gsum gyi dbye bas shin tu 'thad pa la sogs pa yin te/ de la shin tu 'thad pa ni yongs su

  701. 351a

    grub pa ste/ tshad ma dang mi 'gal ba'i phyir ro/ /mthun pa ni gzhan gyis dbang ste/ rnam par byang ba dang mthun pa'i phyir ro/ /'gal ba med pa ni kun brtags pa ste/ tha snyad dang mi 'gal ba'i phyir ro/ /rnam pa gcig tu na rnam pa bcu bcar mngon sum gyi tshad ma dang ldan pa'i phyir/ shin tu 'thad pa'o/ /rjes su dpag pa dang ldan pa'i phyir mthun pa'o/ /sngon gyi sangs rgyas kyi lung dang mi 'gal ba'i phyir 'gal ba med pa'o/ /rnam pa gcig tu na mngon sum dang rjes su dpag pa dang lung rnams dang ldan pa'i phyir shin tu 'thad pa'o/ /rnam par byang ba dang 'thun pa'i phyir mthun pa'o/ / 'gal ba kun nas nyon mongs pa'i dgra bor gyur pa'i phyir 'gal ba med pa'o/ /rnam pa gcig tu na bden pa gsum gyi skabs kyi mtshan nyid kyis bden pa'i dbang du byas nas shin tu 'thad pa'o/ /don dam pa'i bden pa'i dbang du byas nas mthun pa'o/ /kun rdzob kyi bden pa'i dbang du byas nas 'gal ba med pa'o/ /rnam pa gcig tu na rnam pa bcu po bskal pa grangs med pa dang pos bsdus pa ni shin tu 'thad pa ste/ sa gong ma dang mthun pa'i phyir ro/ /bskal pa grangs med pa gnyis pas bsdus pa ni mthun pa ste/ lhag pa'i bsam pa rnam par dag pa'i phyir ro/ /bskal pa grangs med pa gsum pas bsdus pa ni 'gal ba med pa ste/ mngon par 'du bya ba med par 'jug pa'i phyir ro/ /rnam pa gcig tu na rang bzhin du gnas pa'i rigs kyis bsdus pa ni shin tu 'thad pa'o/ /yang dag par

  702. 351b

    bsgrub pa'i rigs kyis bsdus pa ni mthun pa'o/ /'bras bu'i gnas skabs kyis bsum? pa na 'gal ba med pa'o/ /de la 'dir gnas bcu po 'di dag gis go rim ni bstan zin pa nyid de/ dmigs pa'i ngo bo nyid gang yin pa de ni rgyu yin pa'i phyir dang por bstan to/ /dmigs pa ji lta ba bzhin shes bya la 'jug pa la sogs pa drug ni de'i 'bras bu yin pa'i phyir phyis so/ /spangs pa dang ye shes kyi khyad par dag ni de'i 'bras bu yin pa'i phyir de bas kyang phyis so/ /dmigs pa dag la yang snga phyi ni shes bya'i gnas ni rgyu yin pa'i phyir ro/ /shes bya'i mtshan nyid ni 'bras bu yin pa'i phyir ro/ /shes bya la 'jug pa la sogs pa drug la yang gsum mtshan dang po gang yin pa de ni gang zag gi gnas skabs kyis rab tu phye ba yin pa'i phyir dang por bstan to/ /gsum tshan gnyis la spyod pa'i ngo bo nyid ni de la brten pa yin pa'i phyir phyis bstan to/ /gsum mtshan dang po la yang rnam pa dang po gnyis gang yin pa de ni nye bar len pa yin pa'i phyir sngar bstan to/ /rnam pa gsum pa gang yin pa de ni nye bar blang bar bya ba yin pa'i phyir phyis so/ /rnam pa dang po gnyis la yang shes bya la 'jug pa ni rgyu yin pa'i phyir dang por ro/ /rnam pa gnyis pa ni 'bras bu yin pa'i phyir phyis so/ /sgrub pa la yang mi mthun pa'i phyogs ji ltar rags pa bzhin go rim yin te/ 'di ltar 'chal ba'i tshul khrims ni brtags sla ba'i phyir ches rags pas/ de'i gnyen por lhag pa'i tshul khrims kyis bslab pa'o/ /de bzhin du rgod pa dang

  703. 352a

    rnam par g.yeng ba la sogs pa rags pa de dag gi gnyen por lhag pa'i sems kyi bslab pa'o/ /de bzhin du gnas ngan len gyi sa bon rjes su brel pa mi phra bas de'i gnyen por lhag pa'i shes rab kyi bslab pa'o/ /rnam pa gcig tu na sa'i rim pas go rim du blags pa yin te/ 'di ltar sa gnyis pa ni lhag pa'i tshul khrims kyi bslab pas rab tu phye ba yin te/ de la tshul khrims kyi pha rol tu phyin pa yongs su rdzogs pa'i phyir ro/ /sa gsum pa ni lhag pa'i sems kyis bslab pas rab tu phye ba yin te/ 'jig rten pa'i bsam gtan dang ting nge 'dzin dang snyoms par 'jug pas gnas pa'i phyir ro/ /bzhi pa la sogs pa ni lhag pa'i shes rab kyi bslab pas rab tu phye ba yin te/ byang chub kyi phyogs dang mthun pa la sogs pa rab tu rnam par 'byed pas gnas pa'i phyir ro/ /spangs pa dang ye shes dag kyang bden pa ji ltar bstan pa bzhin go rim yin te/ 'di ltar mi gnas pa'i mya ngan las 'das pa ni 'gog pa'i bden pas bsdus pa yin la/ de'i 'bras bur gyur pa ye shes ni lam gyis bden pas bsdus pa yin te/ ye shes kyi khyad par ni spangs pa sngon du 'gro ba can yin pa'i phyir go rim de ltar bstan to/ /bstan bcos mdzad pas ni go rim bzhin du bstan pa'i phyir/ chos rnams kyi rgyu la mkhas pa la brten nas shes bya la sogs pa smos te/ rgyu med pa dang mi mthun pa'i rgyu de yongs su spang ba'i phyir rgyu la mkhas pa'o/ /de'i ched du

  704. 352b

    shes bya'i gnas bstan te/ chos thams cad ni kun gzhi rnam par shes pa la rag las pa'i phyir ro/ /rten cing 'brel par 'byung ba la mkhas par zhes bya ba ni/ sdug pa dang mi sdug pa'i 'gro ba rnam par 'byed pa dang nye bar spyod pa pa'i rten cing 'brel par 'byung ba bstan pa'i phyir ro/ /rgyu la mkhas pa zhes bya ba smos pa ni/ ngo bo nyid rnam par 'byed pa pa'i rten cing 'brel bar 'byung ba rab tu bstan pa'i phyir te/ 'dir yang gzhan la mkhas pa ni ngo bo nyid rnam par 'byed pa pa'i rten cing 'brel par 'byung ba la mkhas pa sngon du 'gro ba can yin pa'i phyir/ /rten cing 'brel bar 'byung ba la mkhas pa'i phyis bstan to/ /de'i 'og tu rten cing 'brel bar 'byung ba la mkhas na chos rnams kyi mtshan nyid la 'jug par nus pas shes bya'i mtshan nyid bstan to/ /sgro 'dogs pa dang bskur ba'i mdza' i nyes pa yongs su spang pa zhes bya ba de la kun brtags la sgro 'dogs pa ni bye brag tu smra ba la sogs pa lta bu ste/ gzugs la sogs pa la de kho na nyid du khas len pa'i phyir ro/ /gzhan gyi dbang la skur pa 'debs pa ni bdag nyid thams cad du gdags pa'i gzhi spong pa'i phyir ro/ /yongs su grub pa la skur pa 'debs pa yang gcig tu med par rtogs pa 'am/ kun rdzob tu yod par rtog pa'i phyir ro/ /re zhig gcig tu med pa ni ma yin te/ de bzhin nyid rdzas kyi chos yin pa'i phyir ro/ /gdags pa'i nye bar len pa med par ni brtags pa'i ngo bos stong pa'i de bzhin nyid nges par bzung bar mi nus so/ /mi rtag pa

  705. 353a

    nyid la sogs pa bzhin du btags pa'i yod pa yang ma yin te/ de dag ni gnas skabs kyi bye brag la btags pas 'khrul pa'i phyir la/ de bzhin nyid ni gnas skabs thams cad du mi 'khrul pa'i phyir ro/ /de bas na brtan pa'i phyir rdzas yin la rdzas kyis chos yin pa'i phyir med pa nyid kyang ma yin no/ /de ltar na brtags pa la sgro 'dogs par mi byed pa'i phyir dang/ gzhan gyi dbang dang yongs su grub pa dag la skur pa 'debs par mi byed pa'i phyir sgro 'dogs pa dang skur pa'i nyes pa spangs pa nyid do/ /yang na ngo bo nyid re re la yang sgro 'dogs pa dang skur pa'i nyes pa spang ba nyid sbyar te/ de la brtags pa la sgro 'dogs pa ni snga ma bzhin no/ /skur pa 'debs pa ni thams cad kyi thams cad du kun rdzogs tu yang sel ba'i phyir ro/ /gzhan gyi dbang la sgro 'dogs pa ni mdo sde pa la sogs pa lta bu ste/ de kho na nyid kho nar khas len pa'i phyir ro/ /'di ltar sems dang sems las byung ba rnams rigs mthun pa'i dngos po dang bral ba'i phyir de kho na'i bdag nyid du ni bsgrub par ni mi nus kyis/ de ni 'jig rten pa'i tha snyad kyis gzhi med par ma btags pas rten cing 'brel pa nyid du khas blang ba 'ba' zhig tu zad do/ /gzugs ni 'jig rten gyi tha snyad kyis sems dang sems byung ba las gus na yod par brtags te/ rmi lam la sogs pa la 'khrul pa'i phyir dang/ shin tu brtag mi bzod pa'i phyir rten cing 'brel par 'byung ba

  706. 353b

    nyid yin pa bsal lo/ /skur pa 'debs pa ni snga ma bzhin sbyar ro/ /yongs su grub pa la sgro 'dogs pa ni ji ltar brjod pa de kho na bzhin du de kho na nyid du yongs su 'dzin pa'i phyir ro/ /skur pa 'debs pa ni snga ma bzhin no/ /gzhan dag ni gzhan gyi dbang la sgro 'dogs pa gzhan du 'chad de/ ji ltar 'dzin pa'i bdag nyid du grags pa de ltar mngon par zhen pa'i phyir yin gyi/ yod pa'i phyir bzung ba dang 'dzin pas dben pa'i bdag nyid du ni ma yin te/ de ltar sgro 'dogs pa'i phyir sgro 'dogs pa yin no zhe'o/ /rten cing 'brel par 'byung ba'i chos de dag la zhes bya bas 'dir brgal ba/ gal te brten cing 'brel par 'byung ba dag la sgro 'dogs pa dang skur pa 'debs pa spangs pa nyid kyis mtshan nyid la mkhas pa yin na/ brtags pa dang yongs su grub pa dag la mkhas pa go skabs su ci 'bab ste/ gcig ni med pa nyid kyis rten cing 'brel par 'byung ba ma yin pa'i phyir la/ cig shos de bzhin nyid kyi mtshan nyid kyang rtag pa'i phyir ro zhe na de ni ma yin te/ mtshan nyid la mkhas pa zhes bshad pa mtshan nyid ni/ 'dis mtshon pas na gzhan gyi dbang la kun brtags pa dang yongs su grub pa yin te/ 'di ltar sems can ma dag pa rnams ni brtags pa'i bdag nyid du dag pa rnams kyis ni bdag med pa'i bdag nyid du mtshon to/ /gzhan gyi dbang rang nyid ni mtshon par bya ba yin pas na mtshan nyid de de nyid sbyar par bya'o/ /'di la thams cad kyi kun rdzogs kyi bden pa bzhi dang/ don dam pa'i bden pa bzhi'o/ /de la 'jig rten gyi kun rdzob tu ni brtags pa la sgro yang mi 'dogs skur pa

  707. 354a

    yang mi 'debs so/ /rigs pa'i kun rdzob tu ni sems dang sems las byung ba'i ngo bo nyid gzhan gyi dbang la sgro yang mi 'dogs skur pa yang mi 'debs so/ /rtogs pa'i kun rdzob tu ni bden pa'i lugs ji ltar rnam par bzhag pa la mngon pa zhen pa nyid kyis sgro yang mi 'dogs la mngon par rtog pa dang mthun pa med par skur pa yang mi 'debs so/ /don dam pa'i kun rdzob tu ni ji skad brjod pa'i yongs su grub pa la/ sgro yang mi 'dogs skur pa yang mi 'debs te/ de bzhin du 'jig rten gyi don dam pa dang rigs pa'i don dam pa dang/ rtogs pa'i don dam pa dang/ don dam pa'i don dam pas de kho na bzhin du sgro 'dogs pa dang/ skur pa 'debs pa spangs pa nyid sbyar bar bya'o/ /gzhan dag ni phung po la sogs pa rten cing 'brel bar 'byung ba rnams la bde ba dang sdug bsngal ba dang rmongs pa yongs su 'gyur ba la sogs pa nyid du sgro 'dogs pa'i phyir sgro 'dogs pa'o/ /bdag nyid thams cad du med par rtog pa'i phyir skur pa 'debs pa'o zhes brjod de/ brtags pa la sogs pa ngo bo nyid gsum dang sbyor bas ni ma yin no/ /rtogs par bya ste zhes bya ba la sogs pa la/ mkhas pa dang po la ni phan yon rten cing 'brel par 'byung ba la mkhas pa yin la/ gnyis pa la yang mdza' gnyis spang ba la mkhas pa ma yin nam/ mkhas pa ni shes pa yin pas de nyid rtogs pa yin no zhe na/ /de ni ma yin te/ mkhas pa ni mos pas spyod pa'i thos pa las byung ba dang bsams pa las byung ba dang/ bsgoms pa las

  708. 354b

    byung ba zag pa dang bcas pa yin par bzhed la/ rtogs pa ni zag pa med pa'i ye shes yin no/ /des sgrib pa rnams las zhes bya ba la sogs pa ni/ de la dro ba'i gnas skabs na ni pha rol tu phyin pa'i mi mthun pa'i phyogs ser sna la sogs pa rnams par gnon pa'i spong bas kun tu mi 'byung ba tsam rnam par grol ba yin te/ de dag ni bsgoms pas spang bar bya ba yin pa'i phyir ro/ /rtse mo dang bzod pa dang chos kyi mchog gi gnas skabs na ni/ mthong bas spang bar bya ba'i nyon mongs pa'i sgrib pa dang/ shes bya'i sgrib pa kun brtag pa rnam par gnon pa rnam par grol ba yin no/ /mthong ba'i lam gyi/ gnas skabs na ni sgrib pa rnam pa de gnyi ga'i sa bon yang dag par bcom pa rnam par grol ba yin no/ /de yan cad rdo rje lta bu'i ting nge 'dzin gyi bar du ni shes bya'i sgrib pa'i sa bon lhan cig skyes pa rim gyis yang dag par 'jims? te/ 'jig tshogs la lta ba dang mthar 'dzin par lta ba lhan cig skyes pa yid kyi rnam/ par shes pa dang mtshungs par ldan pa dag ni sa bzhi pa la thams cad kyi thams cad du rnam par mnan to/ /de las gzhan pa 'dod chags dang zhe sdang gti mug rnams rnam pa thams cad du rnam par mnan pa dang/ /nyon mongs pa can gyi yid ni sa brgyad pa la rnam par mnan to/ /thams cad kyi sa bon dang nyon mongs pas 'phangs pa'i bag chags ni rdo rje lta bu'i ting nge 'dzin gyis cig car kun nas 'joms so/ /lhag pa'i bsam pa dag pa la brten nas zhes bya ba ni/ /sa bcu pa las bstan pa drang po'i bsam pa nyid la sogs pas so/ /sngar sbyor ba can gyi zhes

  709. 355a

    bya ba la sogs pa ni/ rgyun cig pa'i phyir de skad brjod de/ rgyur gyur pa gang dag yin pa de dag rtogs pa'i sgo nas bsgrubs par bya ba yin no/ /rtogs par bsgrubs pa yang pha rol tu phyin pa'i mi mthun pa'i phyogs ser sna la sogs pa'i sa bon bcom pa dang/ 'khor gsum yongs su dag pas yongs su zin pa'i sgo nas pha rol tu phyin pa rnams gags med par 'jug pa gang yin pa'o/ / de'i 'og tu lhag pa'i bsam pa dag pa'i rgyu can sa bcu'i mtshan nyid bsgom pa rab tu dbye ba yin pas de bstan to/ /de yang yod ni bskal pa grangs med pa gnyis kyis yin mod kyi/ 'on kyang gsum nyid ni der yongs su rdzogs pa yin pas grangs med pa gsum du zhes bshad do/ /bslab pa yongs su rdzogs pa ni sa la brten pa yin pa'i phyir/ de'i 'og tu bslab pa gsum ste/ 'di dag gi nang go rim ni snga ma bzhin no/ /lhag ma'i go rims kyang snga ma bzhin no/ /theg pa chen po thams cad yongs su rdzogs pa yin no zhes bya ba ni/ dmigs pa la sogs pa'i bye brag ci skad bshad pa'i sgo nas so// 'di ni bcu po mdor bsdus nas/ rnam par bshad pa yin te/ rgyas par ni 'di man chad nas ston to/ /der yang rnam grangs dang rang gi mtshan nyid dang rigs pa dang rab tu dbye ba dang rnam pa bzhis rnam par bshad par bya ste/ nyam pa po rnams kyis bye brag tu rtogs par bya ba'i phyir dang por rnam grangs tsam zhig bsnyad do/ /de'i 'og tu brjod par bya bar 'dod pa rnams la mtshan nyid brjod do/ /rang gi mtshan

  710. 355b

    nyid rab tu grub par bya ba'i phyir rigs pa rgyas pa'o/ /rigs pas bsgrubs pa rang gi grub pa'i mdza' la rnam par gnas par bya ba'i phyir rab tu dbye ba'o/ /rnam grangs la yang khyad par rnam pa bzhi ste/ theg pa chen po'i thun mong ma yin pa dang/ nyan thos kyi/ theg pa dang theg pa chen po thun mong ba dang/ nyan thos kyi theg pa'i thun mong ma yin pa dang/ de'i rtsid pa'o/ /de la rtsad pa ni 'di yin te/ ci 'jug pa'i rnam par shes pa'i rgyud la kun gzhi rnam par shes pa zhes bya bas rnam grangs shig yin nam 'on te de dang tha dad pa zhig yin zhes bya ba'o/ /de la re zhig rnam grangs dang po'i dbang du mdzad nas/ bcom ldan 'das kyis kun gzhi rnam par shes pa zhes bstan pas kun gzhi'i rnam par shes pa gang du zhes bya ba la sogs pa smos so/ /'dir ni 'dri ba'i lan 'chad par 'gyur ba dang sbyar na 'dri ba 'di theg pa chen po pa mi mkhas pa zhig yin par mngon te/ 'di ltar dris pa'i don theg pa chen por gtogs pa'i mdo brjod pas gtan la dbab pa mdzad do/ /'on te sde ba zhig 'dri na 'on kyang nyes pa med do/ 'di ltar de sngar tshad mas theg pa chen po sangs rgyas kyi gsung yin par khas len du bcug pas so/ /yang na slob dpon nyid kyis ma 'ongs pa'i skye bo la bltas nas bdag nyid kyis dris nas lan gdab pa byas pa yin no/ /thog ma med pa'i zhes bya ba la sogs pa ni/ 'dir yang kun gzhi'i rnam par shes pa zhes bya ba'i rnam grangs 'di dris na/ shes bya'i gnas zhes bya ba'i sgra chos kun gyi gnas yin pa nyid du ston pa mdzad de/ kun gzhi rnam par shes pa

  711. 356a

    dris na/ de yang dri ba byas pa yin no snyam du dgongs pas so/ /de'i phyir 'di ni skabs su ma bab pa ma yin gyi skabs su bab pa yin no/ /rnam pa gcig tu na kun gzhi rnam par shes pa'i lan gdab par mdzad pa yin na yang ji ltar sngar shes pa'i gnas brtan nas kun gzhi'i rnam par shes pa bstan pa de bzhin du 'dir yang shes bya'i gnas kyi ngo bo nyid dpyad pas kun gzhi rnam par shes pa'i sgra dpyod par mdzad pa yin no/ /rnam grangs kyi skabs su don gyi skabs la ci 'bab ces brjod par yang mi nus te/ rang gi mtshan nyid bstan pa 'di ltar ma yin pa ni 'og nas 'chad par 'gyur ba'i phyir ro// thog ma med pa'i dus kyi zhes bya ba ni glo bur du byung ba ma yin no zhes bya ba'i don to/ /dbyings zhes bya ba ni rgyu zhes bya ba'i tha tshig go /chos rnams kun gyi 'dra ba'i gnas zhes bya ba ni/ 'di la re zhig las dge ba dang mi dge ba ni gnas ma yin no/ /de dag gnas shig yin na rnam par smin pa'i 'bras bu'i yin par 'gyur drang na rnam par smin pa'i 'bras bu lhan cig pa 'am/ de ma thag pa ni med pas gang gi tshe 'bras bu de byung ba na las de 'das so/ /'das pa yang gnas ma yin te byed pa zhig pa'i phyir nam mkha' i me tog bzhin no/ /skal pa mnyam pa dang srog gi dbang po dag kyang gnas nyid ma yin te/ rdzas su med pa'i phyir ro/ /gal te de thams cad yin pa zhig tu gyur na yang tshad yod pa zhig gis gnas yin par 'gyur ro/ /bgegs mi byed pa'i ngo bo tsam gyis kun gyi gnas so zhes brtag par yang mi nus te/

  712. 356b

    'di ltar gtan med pa yang gnas nyid du thal bar 'gyur ro/ /de bzhin du rang gi sde pas kun brtags pa gzhan yang gnas yin pa nyid dgag pa dang/ shugs kyis chos kun gyi gnas ni kun gzhi'i rnam par shes pa yin no/ /kun gzhi gang gis gnas yin pa'i kun te brtag pa'i phyir/ de yod pas na 'gro kun dang mya ngan las 'das pa'ang thob par 'gyur zhes bya ba smos te/ 'gro kun zhes bya ba ni kun nas nyon mongs pa'i gnas nyid yin pa'o/ /mya ngan las 'das pa'ang thob par 'gyur zhes bya ba ni/ thob pa dang bsams pa la sogs pa'i rim gyis rnam par byang ba'i gnas nyid yin par ston to/ /rgyu med par smra ba dgag pa'i phyir thog ma med pa'i dus zhes bya ba smos so/ /smra ba gang dag kha cig mi mthun pa'i rgyu gtso bo la sogs pa rtag pa nyid kyis thog ma med pa'i dus par rtog pa yod pa de dag yongs su spang pa'i phyir 'dra ba'i gnas zhes bya ba smos so/ /'bras bu dag dang 'dra na gnas yin no zhes bya ba'i don te/ ji ltar 'bras bu skye ba dang 'brel pa de kho na bzhin du rgyu gang zhig skye ba dang 'jig pa dang ldan pa de ni 'bras bu dang 'dra bar dgongs pa yin no/ /de bzhin du smra ba gang dag kha cig rgyu rtag pa las kyang 'bras du skye la/ rgyu ni byed pa dang ldan pa nyid du rtog par byed pa yod de/ dper na bye brag pa dag lta bu'o/ /de dgag pa'i phyir de yod pas na zhes bya ba smos te/ byed pa med pa kho nar yod pa tsam gyis rgyu yin no zhes bya ba'i tha tshig go /'dir yang de kho na yod pas zhes bya ba dang de yod pa

  713. 357a

    khong nas shes/ gnyi gar nges par gzung bar bya/ rig par bya ste/ gang dag rgyu rtag pa yin la bdag la sogs pa'i rdzas dang gzhan gtso bo las 'bras bu 'byung bar rtog par byed pa de dag ni nges par bzung ba dang pos gsal to/ /gang dag yod pa tsam dang byed pa dang/ ldan pa nyid kyis rgyu'i dngos por rtog par byed pa de dag ni nges par gzung ba gnyis pas so/ /yang dpyad par bya ste 'dir gang gis tshe kun nas nyon mongs pa'i gnas nyid kyis kun gzhi rnam par shes par tha snyad gdags te/ ji skad du kun nas nyon mongs pa'i chos thams cad sbyor pa zhes 'chad par 'gyur ba lta bu zhig yin na ni phyogs de la ni thog ma med pa'i dus kyi dbyings zhes bya ba kun nas nyon mongs pa'i gnas nyid kyis dbyings yin par dgongs te/ de'i tshe ni rgyu'i rkyen yin pa'i phyir de yod pas na 'gro kun dang zhes bya'o/ /rnam par byang ba las bltos na ni kun nas nyon mongs pa'i sa bon de/ bdag po'i rkyen yin te mi mthun pa'i phyogs med par gnyen po med pa'i phyir ro/ /de bas na bdag po'i rkyen yin pa'i phyir mya ngan las 'das pa'ang thob par 'gyur zhes gsungs so gang gi tshe kun nas nyon mongs pa'i sa bon la yang bltos rnam par byang ba rang bzhin gyi rigs la yang bltos nas kun gzhi'i rnam par shes par tha snyad gdags te/ dpal 'phreng seng ge'i nga ro'i mdo las/ rnam par byang ba'i sa bon la bltos nas sems can thams cad de bzhin gshegs pa'i snying po can no zhes 'byung ba dang/ mya ngan las 'das pa chen po'i mdo las/ kun gzhi rnam par shes pa dang/ 'jug pa'i rnam par

  714. 357b

    shes ba dag gis longs spyod rdzogs pa'i sku bsdus so zhes gang 'byung ba lta bu zhig yin na ni de'i phyir 'di lta bu yin te/ thog ma med pa'i dus kyi dbyings zhes bya ba gnyi ga'i sa bon las bltos te tha snyad gdags so// de'i tshe yang bde 'gror 'gyur ba'i kun nas nyon mongs pa'i sa bon rgyu'i rkyen yin pa'i phyir dang/ thar pa'i cha dang mthun pa'i thos pa las byung ba la sogs pa'i dge ba'i rtsa ba bsags pa rnam par byang ba'i sa bon 'phel zhing kun nas nyon mongs pa'i sa bon yang gsal bar byas nas/ skad cig ma bcu gnyis 'dus pas nye bar bzung ba'i bdag gi ngo bo mngon par 'grub pa'i sgo nas rnam par byang ba'i sa bon bdag po'i rkyen yin pa'i phyir de yod pas na 'gro kun dang zhes bya ba gsungs la kun nas nyon mongs pa mi mthun pa'i phyogs kyis ngo bos bdag po'i rkyen yin pa'i phyir dang/ rnam par byang ba'i sa bon rgyu'i rkyen yin pa'i phyir/ mya ngan las 'das pa'ang thob par 'gyur zhes bya ba/ gsungs so/ /yang na kun nas nyon mongs pa'i sa bon rgyu'i rkyen yin pa'i phyir dang/ rnam par byang ba'i sa bon yang rnam par byang ba'i rgyu'i rkyen yin pa'i phyir go rim bzhin du sbyar ba nyid du/ de yod pas na 'gro kun dang/ mya ngan las 'das pa'ang 'thob par 'gyur zhes gsungs so/ /rnam pa gcig tu rgyu rtag pa dgag pa'i phyir/ thog ma med pa'i dus zhes bya ba gsungs te/ dus zhes bya ba ni skye ba dang 'jig pa'i mtshan nyid do/ /gang la de rgyun chags par 'jug pa'i sgo nas/ thog ma med pa yod pa de ni thog ma med pa'i

  715. 358a

    dus kyi dbyings/ gzhan gyis kun brtags pa'i gtso bo la sogs pa ni de lta bu ma yin no/ /kha cig ni sngon byas pa'i rgyur smra ba khas len la/ rang gi sde pa nyid dag la yang kha cig rgyu ni snga la 'bras bu na phyi bar rtog par byed de/ 'di gnyi ga'ang rgyu dang 'bras bu dag snga/ phyi yod pa nyid du mngon par zhen to/ /'das pa dang ma 'ongs pa'i lta ba ngan pa de dag gsal ba'i phyir chos rnams kun gyi 'dra ba'i gnas zhes bya ba gsungs so/ /dus mnyam pa'i gnas ni 'dra ba'i gnas te/ 'bras bu dang dus mnyam du rgyu yod pa zhes bya ba'i don yin na/ de la yang nges par mi zin to/ la las rgyu dang 'bras bu'i dngos po dus tha dad pa yang khas blangs ba'i phyir ro/ /chad par smra ba gang dag kha cig 'di skad du/ 'di nyid du bdag 'di 'chad par 'gyur ro zhes zer ba yod pas de dgag pa'i phyir/ de yod pas na 'gro kun dang zhes bya ba gsungs te/ de yod pas 'gro ba thams cad du 'pho bar 'gyur ro zhes bya ba'i don to/ /rtag pa smra ba gang dag kha cig 'khor ba'i btson ra ba'i bdag ni rtag pa nyid du rtog par byed pa yod pas de dgag pa'i phyir/ mya ngan 'das pa'ang thob par 'gyur zhes bya ba gsungs so/ /yang na shes bya'i gnas dpyad pas kun gzhi rnam par shes pa'i sgra dpyod par mdzad ba yin zhes bshad pa shes bya'i gnas de ni rang gi ngo bos shes bya'i mtshan nyid rnam pa gsum gyi gnas yin la/ de yang tshigs su bcad pas ston to/ /thog ma med pa dus kyi dbyings zhes bya ba ni rang gi ngo bo'o/ /chos rnams kun gyi 'dra

  716. 358b

    pa'i gnas zhes bya ba ni/ gzhan gyi dbang sems dang sems las byung ba thams cad kyi gnas yin pa'o/ /de yang pas na 'gro kun dang zhes bya ba ni brtags pa'i bdag nyid de/ kun nas nyon mongs pa'i chos kun brtags pa nyid do zhes 'chad par yang 'gyur ro/ /mya ngan 'das pa'ang 'thob par 'gyur zhes bya ba ni yongs su grub pa'i rten nyid de/ rnam par byang ba'i chos yongs su grub pa nyid do zhes 'chad par yang 'gyur ro/ chos kun sa bon thams cad pa zhes bya ba la sogs pa ni nyan thos kyi theg pa las grags pa kun gzhi la kun tu dga' ba zhes bya ba 'di nyid sbyar bar bya ba ma yin nam zhe na/ 'di las rnam par shes pa smos pa mi 'byung la sngar ni rnam par shes pa dris te/ de lta bas na gang las rnam par shes pa smos pa 'byung ba de nyid nye bar sbyar ro/ /de ltar na 'o na dge 'dun phal chen sde las grags pa srid pa'i yan lag gi rnam par shes pa nye bar sbyar bar bya ba yin no zhe na/ de las kyang kun gzhi smos pa mi 'byung la sngar ni kun gzhi dris te/ /de lta bas na gang las gnyi ga 'byung ba de kho na theg pa chen po'i thun mong ma yin par bshad do/ /chos kun zhes bya ba ni kun nas nyon mongs pa thams cad kyi'o/ /grangs can gyis brtags pa gtso bo la sogs pa yang de lta bu yin pas de rnam par bcad pa'i phyir/ rnam par shes pa zhes bya bar gsungs so/ /'di dag gi gnas su 'gyur ba na rten dang/ brten pa nyid kyi gnas su 'gyur ram zhe na/ sa bon thams cad pa'i zhes bya ba gsungs te/ rgyu nyid kyi gnas su 'gyur zhes bya ba'i

  717. 359a

    don to/ /gal te rnam par shes pa yin na 'dir dmigs pa ci zhig yin zhe na/ sa bon dang mig la sogs pa dang yul gzugs la sogs pa'o/ /sa bon de yang rnam pa gnyis te/ dge ba dang mi dge ba dang lung du ma bstan pa'i sa bon yongs su smin pa dang yongs su ma smin pa'o/ /sa bon rnam pa de dag gnyi ga yang khams gsum na 'di'i dmigs pa yin no/ /mig la sogs pa dang/ gzugs la sogs pa ni 'dod pa dang gzugs kyi khams kho na'o/ /mig la sogs pa zhes bya ba yang mig la sogs pa gang dag yin zhe na/ mig la sogs pa'i sa bon yongs su ma smin pa 'khor ba thog ma med pa nas gnas pa gang gi tshe yongs su smin par gyur pa de'i tshe mig la sogs pa zhes bya'o/ /yang ji ltar yongs su smin par 'gyur zhe na/ mig la sogs pa 'grub par 'gyur ba'i las srid pa'i yan lag gi bag chags dang/ mig mig ces bya ba nas lus lus zhes bya ba'i bar gyi mngon par brjod pa'i bag chags la yang brten nas gang gi tshe gzugs can gyi khams su sngon po la sogs pa'i rnam par shes pa rnams kyi bdag po'i rkyen gyi dngos por yongs su gyur pa de'i tshe yongs su smin pa zhes bya'o/ /yang de ltar sa bon yongs su smin pa rnams mig la sogs pa'i rnam par shes pa rnams la khyad par ci zhig byed ce na/ re zhig dge ba dang mi dge ba dang lung du ma bstan pa'i sa bon las mig gi rnam par shes pa dge ba dang mi dge ba dang lung du ma bstan pa'i ngo bo skye ba la mig yongs su smin pa sgra la sogs pa'i yul la ldog

  718. 359b

    pas rang gi yul la 'jug ba'i khyad par byed do/ /yang mthong bar 'gyur ba'i srid pa'i yan lag gi bag chags mig gi sa bon la ci zhig byed na yongs su smin par byed? ces bya zhes na/ /bde 'gro dang ngan 'gro'i ngo bor byed? pa la de skad ces bya'o/ ka yig mig ces mngon par brjod pa'i bag chags kyi mthu las ni ci nas kyang mig mig ces tha snyad 'dogs pa'i rgyur 'gyur ba de ltar mig gi sa bon yongs su 'gyur ro/ /mig gi rnam par shes pa ni/ mig gi rnam par shes pa mig gi rnam par shes pa zhes mngon par brjod pa'i bag chags kyi khyad par de dang/ gzugs gzugs shes mngon par brjod pa'i bag chags kyi khyad par de las ji lta ji ltar 'dzin par mngon par zhen pa dang/ /gzung ba'i mngon par zhen pa'i rgyur 'gyur ba de lta de ltar yongs su 'gyur bar 'gyur te/ /de bzhin du rna ba'i rnam par shes pa la sogs pa la yang bsam pa bde bya'o/ /kun gzhi rnam par shes pa'i dmigs pa mig la sogs pa yin no zhes bshad pa ci rang gi rgyud du gtogs pa kho na dmigs sam zhe na/ smras pa ma yin te/ /gzhan gyi rgyud du gtogs pa dag la yang dmigs te/ de skad du sems can du snang ba ni dbang po lngar rang dang gzhan gyi rgyud dag la yang yin pa'o/ /zhes bshad do/ /yang ji ltar mig la sogs pa dmigs bar 'gyur zhe na/ kun gzhi rnam par shes pa de ni rang gi mig la sogs pa dang 'brel pa dang/ /gzhan dang 'brel par 'gyur ba'i las kyis gang gis na 'khrul pa can gyi rang gi

  719. 360a

    rgyud la ni sems can gyi rnam par rig pa gzhan gyi rgyud la ni sems can gzhan du rnam par rig pa'i rgyud 'gyur ba de lta bur so sor snang ba'i khyad par can du 'gyur ro/ /kha dog dang dbyibs nyid 'ba' zhig dmigs par byas pa ma yin nam zhe na/ de ni ma yin te de dag la dmigs kyang de dag dang tha mi dad par grags pa la sogs pa yang dmigs par byas so zhes tha snyad gdags so/ /'o na gal te gzhan gyi rgyud du gtogs pa'i mig la sogs pa yang dmigs pa yin la/ de dag kyang nus pas rab tu phye ba yin na go /ci'i phyir rang gi rgyud las gzhan gyi mig gi rnam par shes pa la sogs par skye bar mi 'gyur te/ dmigs bar byas pa mig la sogs pa'i nus pa yod pa'i phyir ro zhe na/ de ni ma yin te/ yang dper na yid kyi rnam par shes pa gzhan gyi mig la sogs par skye la/ mig gi rnam par shes pa la sogs pa'i rgyu ma yin pa dang yang dper na rang gi rgyud la yang kun gzhi rnam par shes pa'i rnam pa mig la sogs pa'i nus par snang ba'i dmigs pa la de dang mtshungs par ldan pa'i reg pa la sogs pa dmigs pa mtshungs ba nyid kyis dmigs la/ mig gi rnam par shes pa la sogs pa'i rgyu yang ma yin pa ltar 'di yang de dang 'dre bar 'gyur ro/ /nus pa'i rten nyid kyang gzhan du min la dmigs pa'i dngos po yang gzhan du yin te/ rten nyid kyis ni mig la sogs pa'i rnam par shes pa'i rgyu yin no/ /'o na gal te rnam par shes pa yin na 'di la sems las byung ba dag kyang yod par 'gyur ro zhe na/ da ltar yin te/ reg pa la sogs ba lnga kun tu

  720. 360b

    'gro ba yod do/ /ci'i phyir reg pa la sogs pa kho na yin zhe na/ thams cad du 'gro ba yin pa'i phyir ro/ /kha cig ni reg pa ma 'ongs pa kho na dbang po dang yul dang rnam par shes pa rnams/ phan tshun 'brel ba'i byed pa sems thams cad la byung bas kun tu 'gro ba nyid yin par khas len to/ /de ni rigs ma yin te/ ma 'ongs pa la skyes bu'i byed pa med pa'i phyir ro/ /de lta bas na reg pa ni yul gyi khyad par phan pa dang gnod pa dang/ gnyi ga las bzlog pa'i mtshan nyid kho na la reg pa dbang pa 'gyur ba byed pas 'byung ba yin la/ /de yang phan pa dang gnod pa dang/ /bar mar gnas pa'i yul rnams las gang yang rung ba zhig langs par 'byung ba'i phyir kun tu 'gro ba yin no/ /tshor ba yang bye brag tu smra ba kha cig sems dang sems las byung ba thams cad la 'byung ba yul nyams su myong ba'i mtshan nyid yongs su gcod pa yin la rang rig pa khas mi len pa'i phyir rang nyams su myong ba yongs su bor nas phan pa dang/ gnod pa dang gnyi ga las bzlog pa'i yul yongs su bzung ba'i rnam pa can gyi rag pa'i gzugs brnyan gyi tshul du rnam pa'i rjes su byed pa myong pa'i mtshan nyid yin par brjod de/ de'i phyir reg pa'i rkyen gyi tshor ba yin no zhe'o/ /de yang rigs pa ma yin te/ tshor ba reg ba'i rjes su byed pa nyid kyis de la dmigs par thal bar 'gyur du 'ong ngo?/ / sems dang sems las byung ba rnams ni phan tshun ma dmigs te/ dmigs pa nyid nyams par thal bar 'gyur ba'i phyir ro/ /de lta bas na tshor ba ni reg pas yongs su bcad pa'i yul gyi khyad par phan pa dang/ gnod pa dang

  721. 361a

    gnyi ga las bzlog pa'i mtshan nyid kho na rang gir byed pa nyams su myong ba'i mtshan nyid yin te/ /rig pa'i rkyen can zhes kyang bya la/ de yang rang gir byed pa med na mi 'byung ba yin pas thams cad du 'gro ba nyid do/ /'du shes ni gzhan sel bar sgrub par byed pa mngon par brjod pa'i bag chags yongs su smin pa las byung ba/ rang gi yul la yul gzhan sel bar byed cing 'jug pa'o zhes bya bar thams cad kyis shes pa nyid do/ /yul gzhan sel ba yang dmigs par bya ba'i yul thams cad la yod pas kun tu 'gro ba nyid yin no/ /yid la byed pa yang bye brag tu smra ba rnams kyi ltar na/ chos thams cad bzhi tshan du nges pa'i phyir rnam par shes pa yul gzhan dang phral nas yul gzhan la gtong pa ma yin gyi 'on kyang rang gi yul la 'jug pa tsam zhig byed par zad do/ /rnal 'byor spyod pa rnams kyi ltar na yang/ gzung ba dang 'dzin pa'i sa bon las byung ba'i rnam par shes pa la bdag po'i rkyen nyid kyis gzung bar snang ba la gtong ba yin te/ don 'dis na sems kyi 'jug pa zhes bya'o/ /don 'di yang thams cad du 'byung bas thams cad du 'gro ba nyid yin no/ /sems pa yang dge ba dang mi dge ba dang gnyi ga las bzlog pa'i rnam par mngon par 'du byed cing 'byung ba yin pas thams cad du 'gro ba nyid las mi 'dra'o?/ /lung yang yod de gsum 'dus pa gang yin pa de ni reg pa'o/ /reg pa dang lhan cig skyes pa ni tshor ba dang sems dang 'du shes yin pas dbang po tha mi dad pa yin la/ de las byung ba yid la byed pa yang nye bar gnas

  722. 361b

    par 'gyur ro/ /zhes bya ba la sogs pa yin no/ /yang bye brag tu smra bas 'dun pa la sogs pa kun tu 'gro ba gzhan lnga bshad pa gang yin pa de dag ci'i phyir mi 'byung zhe na/ /yul nges pa nyid kyis kun tu 'gro ba nyid med ba'i phyir ro/ /de dag gi ltar ni 'dun pa ni byed 'dod pa nyid de yul la gtong pa yin na de yang yid la byed pa las mtshan nyid tha dad pa ma yin pas de lta bu yin par mi bzung ngo/ /de lta bas na bsams pa'i dngos po la 'dod pa ni 'dun pa yin na/ de yang mi 'dod pa dang bar mar gnas pa'i dmigs pa dag la mi 'byung bas kun tu 'gro ba ma yin no/ /mos pa ni lhag par mos pa ste/ nges pa zhes bya ba'i don to/ /de yang bye brag tu smra ba rnams kyi lta can the tshom yod pa'i gnas skabs ni the tshom dang mtshungs par ldan pa'i sems la yang 'byung ste/ yul gzhan las ldog pa'i rnam pa can yin par yongs su bzung ba'i phyir ro/ /de ni mtshan nyid de lta bu ma yin te/ 'du shes kyi byed pa kho nas greg pa'i phyir ro/ /de lta bas na mos pa na mos pa ni the tshom log pa nges pa'i dngos po la de kho na bzhin du nges par 'dzin pa yin te/ de bas na kun tu 'gro ba ma yin no/ /ting nge 'dzin yang kha cig ni rtse gcig pa nyid kyi mtshan nyid skad cig ma gcig gnas pa yin par sems so/ /de ni de lta yin par mi bzung ste/ sems la rang gi skad cig gnas pa yod pa'i phyir ro/ / gzhan dag ni sems dang sems las byung ba rnams yul so so la gyes pa yongs su spong bas yul gcig la sdud cing 'jog pa ni ting nge 'dzin yin par sems so/ /de yang de ltar yin par mi gzung ste/ /'du shes kho

  723. 362a

    nas grog pa'i phyir ro/ /de lta bas na ting nge 'dzin ni brtag par bya ba'i yul kho na skad cig la cig dang/ gnyis dang gsum la sogs pa'i rgyun 'jug pa nyid kyis sems rtse gcig pa nyid kyi rgyu yin pas khas blangs la/ de yang brtag par bya ba ma yin pa'i yul la rgyun dang bral ba'i gnas skabs na mi 'byung bas kun tu 'gro ba ma yin no/ /dran pa ni bye brag tu smra ba rnams kyi ltar na sems kyi mngon par brjod pa nyid de/ de yang yul bsal bar byed pa 'am/ mtshan mar 'dzin pa cig yin grang na/ gnyi ga ltar na yang shes rab dang 'du shes dag gi don grag pa'i phyir de ni yang dag pa ma yin no/ /de bas na dran pa ni yul 'dris pa la de'i rjes su 'gro ba'i sems kyi mngon par brjod pa yin la/ de yang ma 'dris pa la med pas kun tu 'gro ba ma yin no/ /de lta na yang dran pa yang dag byang chub kyi yan lag tu mi 'gyur te/ mthong pa'i lam la de bzhin nyid sngon nyams su ma myong ba'i phyir ro zhe na/ de ni nyes pa med de/ skad cig ma dang po la dran pa yang dag byang chub kyi yan lag yod pa ma yin no/ /gnyis la sogs pa la ni yod do// de'i tshe ni de bzhin nyid sngar nyams su myong ba nyid do/ /mthong ba'i lam la byang chub kyi yan lag bdun zhes bshad pa ni rgyun las dgongs pa yin gyi/ skad cig ma ni ma yin pas 'gal ba med do/ /yang na sbyor ba'i dus na de bzhin nyid spyi'i rnam pa nyams su myong bas skad cig ma dang po la yang dran pa yang dag byang chub kyi yan lag mi 'gal lo/ /shes rab kyang bye brag tu smra ba rnams kyi ltar na chos rab tu rnam par

  724. 362b

    'byed pa yin no/ /rab tu 'byed pa yang gal te yul yongs su gcod pa tsam zhig yin na de ni sems dang sems las byung ba thams cad la mtshungs so/ /de lta bas na shes rab ni nye bar brtag par bya ba kho na la rigs pa dang rigs pa ma yin pa dang gnyi ga las bzlog pa'i mtshan nyid kyi rab tu rnam par 'byed pa yin te/ de bas na shes rab ni kun tu 'gro ba ma yin no/ /de nyid kyi phyir mig la sogs pa'i rnam par shes pa'i tshogs nye bar gnas pa las byung ba rnams la shes rab mi srid de/ de dag yongs su rtog par mi nus pa'i phyir ro/ /mtshungs pa de ma thag pa yid kyi rnam par shes pas 'phangs pa rnams ni yod do/ /kun tu 'gro ba ma yin pa de dag kyang rnam par shes pa gsal ba dang mtshungs par ldan pa'i phyir kun gzhi rnam par shes pa mi gsal ba dang lhan cig mtshungs par mi ldan no/ /'phen par byed pa'i las kyi rnam par smin pa kun gzhi rnam par shes pa ni ma bsgribs la lung du ma bstan pa yin pa'i phyir 'dod chags la sogs pa nyon mongs pa can dang dad pa la sogs dge ba rnams kyang mi srid do/ /gnyid la sogs pa ma nges pa gzhan bzhi po gang dag yin pa de dag yang mtshungs par mi ldan te/ re zhig gnyid ni nye ba'i nyon mongs pa'i ngo bo nyid gang yin pa de ni gti mug gi khyad par 'ga' kho na la gdags te/ mi gsal ba'i ngo bo nyid kyis sems mngon par sdud par byed pa'i phyir ro/ /dge ba dang lung du ma bstan pa'i gnas skabs kyi gang yin pa de yang shes rab kyi rdzas ma nges pa gnyi ga'i gnas skabs su 'byung ba la gdags te/ ma nges pa nyid kyi

  725. 363a

    phyir dang gsal ba nyid du 'byung ba'i phyir ro/ /'gyod pa yang rtog pa'i rnam par yid la bcags pa 'dren pa'i phyir shes rab kho na la gdags so/ /rtog pa dang dpyod pa dag kyang rtog pa'i rnam par zhugs pa yin pas de dag kyang shes rab kho na la gdags so/ /shes rab dang ma rig pa dag ni kun gzhi rnam par shes pa dang mtshungs par ldan pa ma yin te/ nyon mongs pa can ma yin pa'i phyir dang kun tu 'gro ba ma yin pa'i phyir ro/ /rtog pa dang dpyod pa dag sems pa la gdags pa de dag kyang thams cad la ma yin gyi/ tshol zhing so sor rtog pa'i rnam pa can la yin na sems pa de lta bu ni kun gzhi rnam par shes pa dang mtshungs par ldan pa ma yin te/ mi gsal ba'i phyir ro/ /spros pa btang la dkyus ma kho na brjod par bya ste/ yang na chos rnams kyi kun gzhi ni zhes bya ba 'di la kun gzhi rnam par shes pa ni rnam pa gnyis te/ 'bras bu'i gnas skabs rnam par smin pa gang yin pa dang/ rgyu'i gnas skabs rnam par smin pa gang yin pa ste/ rnam par smin pa'i dbang du mdzad nas chos rnams kun gyi kun gzhi ni zhes bya ba gsungs so/ /rnam par ma smin pa'i dbang du mdzad nas/ sa bon kun pa'i zhes bya ba gsungs so/ /gnyi ga'i dbang du mdzad nas/ de bas kun gzhi rnam par shes te zhes bya ba gsungs so/ /de la dmigs par gyur pa mig la sogs pa dang/ gzugs la sogs pa gang dag yin pa de dag ni de'i so sor snang ba'i ngo bo yin pa nyid kyis kun gzhi rnam par shes pa de rten nyid kyis kun gzhi

  726. 363b

    yin no/ /rang dang mtshungs par ldan pa'i tshor ba la sogs pa dang/ rnam par shes pa bdun gyi tshogs rnams kyi ni de la rag las te skye ba nyid kyi phyir kun gzhi yin no/ /skye ba can kun nas nyon mongs pa'i chos thams cad 'bras bu'i dngos por der sbyor ba 'am zhes bya ba ni/ phal che ba'i phyir de skad brjod de/ sems can gyi rtsi? mas ni phal cher kun nas nyon mongs par 'gyur ro/ /kha cig kun nas nyon mongs par mi 'gyur ba ni mi slob pa rnams dang/ byang chub sems dpa' sa brgyad pa la gnas pa la sogs pa rnams te/ de dag gis kun gzhi rnam par shes pa gyur pa de rnam par byang ba'i chos kyi rten du mi 'gyur ba ni ma yin no/ /gang yang kun nas nyon mongs pa'i gnas skabs na rang bzhin du gnas pa'i rig dang yang dag par bsgrubs pa de yang rnam par byang ba'i chos kyi rgyu nyid yin yang kun gzhi nyid du ni mi 'dod de gnas skabs de na gtso bo ma yin pa'i phyir dang rdzas su med pa'i phyir ro/ /gang gi phyir kun gzhi zhes bya ba'i tha snyad bye brag med pa'i rgyu'i dngos po tsam la btags par snang ba de'i tshe ni yongs su gyur pa la yang bya ba nyid de/ yongs su mya ngan las 'das pa chen po'i mdo las ji skad du/ kun gzhi rnam par shes pa dang 'jug pa'i rnam par shes pa dag gis longs spyod rdzogs pa'i sku bsdus so zhes byung pa lta bu'o/ /'dir yang gal te gzhan dag der sbyor ro zhe 'am/ de gzhan du sbyor ro zhes byas kyang rung/ gnyi ga ltar na yang kun gzhi ni rgyu'i ngo bo kho na yin te/ sgra 'jug pa'i rgyu mtshan nges pa'i

  727. 364a

    tshig gis byas pa tha snyad par zad do/ /'jug pa'i rnam par nges pa dag dang/ lhan cig phan tshun rgyu dang 'bras bu'i ngo bo yin pa ni rkyen rnam par bzhag par dpyod par 'gyur ro/ /sems can rnams de'i bdag nyid du sbyor bas zhes bya ba ni gnas pa ste/ sems can rnams ni kun gzhi rnam par shes pa'i ngo bor gnas so/ /ji ltar zhe na/ bdag nyid du zhes bya ba smos te/ bdag nyid yin pa'i phyir ro/ /de ni sems can rnams kyi bdag nyid yin te/ bdag nyid shin tu dul ba yis zhes 'byung ba'i phyir ro/ /gzhan 'jug pa'i rnam par shes pa la ni bdag ces nye bar mi 'dogs te/ skabs skabs su rgyun 'chad pas bdag dang chos mi mthun pa'i phyir ro/ /rnam pa gcig tu na sems can rnams de'i bdag nyid du sbyor bas zhes bya ba ni/ nyon mongs pa can gyi yid dang mtshungs par ldan pa'i 'jig tshogs la lta bas dmigs pa yin no/ /rnam pa gang du zhe na/ bdag nyid du ste/ bdag gi rnam pa zhes bya ba'i tha tshig go /'jug pa'i rnam par shes pa gzhan dang gzhan dag kyang nye bar len pa'i phung po lnga'i khongs su ma gtogs pa ma yin pa'i phyir yid kyi rnam par shes pa dang mtshungs par ldan pa'i 'jig tshogs la lta ba rnam pa nyi shus bdag tu dmigs pa ma yin nam/ /de dag kyang kun gzhi yin par 'gyur ro zhe na/ phal cher dmigs pa la kun gzhir dgongs pa yin na yid kyi rnam par shes pa dang mtshungs par ldan pa'i 'jig tshogs la lta ba ni phal cher dmigs pa ma yin te/ dus dpag tu yod pa zhig tu kun tu 'byung ba'i phyir ro/

  728. 364b

    yang nyon mongs pa can gyi yid kyis kun gzhi rnam par shes pa la ji ltar dmigs she na/ de'i dbang gis bdag gi rnam par skye ba'i sgo nas yin gyi/ rang gi ngo bo 'jog pa'i sgo nas ni ma yin no/ /yang 'dir gang dag 'di skad du mig la sogs pa ni kun gzhi'i ngo bo nyid ma yin te/ dbang po yin pa'i phyir yid kyi dbang po bzhin no/ /zhes zer ba de ni kun gzhi'i ngo bo nyid ma yin pa yid kyi dbang po dang de'i ngo bo nyid yin pa srog gi dbang pos ma nges pa yin no/ /mig la sogs pa ni rnam par shes pa'i ngo bo nyid ma yin te/ rnam par shes pa grags pa'i rten yin pa'i phyir/ yid kyi dbang po bzhin no/ /zhes kyang brjod par mi nus so/ /dgongs pa nges par 'grel pa'i mdo las zhes bya ba la dgongs pa ni ldem por dgongs pa'o/ /de la nyan thos rnams kyi dbang du mdzad nas bstan pa gang yin pa de ni de las gzugs la sogs pa brtags pa yin par ldem por dgongs pa ma bkrol lo/ /gang yang shes rab kyi pha rol tu phyin pa rnam pa brgyad bstan pa de yang/ 'di ni kun brtags pa dgag pa lhur mdzad pa yin no/ /zhes bya bar ldem por dgongs pa ma dkrol lo/ /'di las ni ldem por dgongs pa bkrol bas na/ dgongs pa nges par 'grel pa zhes bya'o/ /de la zab pa ni rnam par smin pa gang yin pa ste/ 'jig rten gyi mkhas pa rnams kyis gting dpag par mi nus pa'i phyir ro/ /phra ba ni sa bon gyi gnas skabs gang yin pa ste/ rdzas su med pas de nyid dang gzhan nyid dag tu brjod par bya ba ma yin pa nyid kyi brtag par dka' ba'i phyir ro/ /rnam pa gcig tu na thos pa las byung ba dang bsam pa las byung ba

  729. 365a

    dang/ skyes nas thob pa'i shes pa dag gis mngon sum du ma byas pa'i phyir zab pa'o/ /'jig rten pa'i bsgom pa las byung ba'i mngon sum ma yin pa'i phyir phra ba'o/ /rnam pa gcig tu na nyan thos dang rang sangs rgyas dang/ so so'i skye po thams cad kyi shes pas yongs su ma shes pa'i phyir zab pa'o/ /byang chub sems dpa' mos pas spyod pa'i shes pas shes par dka' ba'i phyir phra ba'o// sa bon thams cad ces bya ba 'dis ni/ grangs can gyi smra ba sel te/ sa bon rnams dang lhan cig skye ba dang 'gag pa'i tshul gyis sa bon bzung ba byas pa rnam par shes pa de sa bon gyi dngos por 'gyur gyi gtso bo bzhin du gzhan la mi bltos par sa bon yongs su 'dzin par ni ma yin no/ /rlung gi rgyun shugs drag po chu'i rlabs 'byung ba dang mthun pa ni chu bo'o/ /de bzhin du kun gzhi rnam par shes pa skad cig ma brgyud pa bred chags pa'i rgyun yang rim dang cig car dag tu 'jug pa'i rnam par shes pa bdun gyi rlabs 'byung ba dang mthun pa'i phyir tshu bo'o/ /rnam pa gcig tu na rang gi sde pa kha cig rgyu dang 'bras bu dag de nyid dang gzhan nyid du sems pa de'i gnyen por chu bo bzhin du zhes gsungs pa yin te/ ji ltar klung gi chu'i las de nyid dang gzhan du brjod par bya ba ma yin rlabs 'byung ba de bzhin du kun gzhi'i rnam par she pa'i rgyun gyi rgyun las kyang de nyid dang gzhan nyid du brjod par bya ba ma yin pa sems dang sems las byung ba'i rlabs rnams 'byung ngo/ /'di ltar rgyu las 'bras bu gzhan nyid du ni brjod par mi nus te/

  730. 365b

    thams cad las thams cad 'byung bar thal bar 'gyur du 'ong bas so/ /gzhan ma yin pa nyid kyang ma yin te/ grangs can gyi smra bar thal bar 'gyur du 'ong bas so/ /byis pa rnams la zhes bya ba la/ byis pa ni 'dir nyan thos kyi rigs can gang dag de'i dus kyi skal pa med pa kun gzhi rnam par shes pa'i ldem por dgongs pa nges par 'grel pa bstan pa'i don la log par brtags pas ma thob par yongs su nyams pa'i sgo nas rang gi 'bras bu las yongs su nyams par 'gyur ba de dag yin no/ /dbang po gzugs can thams cad nye bar len par byed pa nyid ces bya ba 'dis ni/ nying mtshams sbyor ba sbrel ba'i 'og rol gyi dbang po gzugs can tshe ji srid pa gang dag yin pa de dag nye bar len pa ston te/ nying mtshams sbyor ba sbrel ba'i skad cig mnye bar len pa ni mjug thogs kyi tshig gis ston pa'i phyir ro/ /dbang po gzugs can thams cad ni 'dir rten du gyur pa'i 'gyur ba chen po dag dang/ de dag dang tha mi dad par 'dug pa yul gzugs la sogs pa dang bcas pa la dgongs pa yin no/ /lus thams cad nye bar len pa'i gnas su gyur pa nyid ces bya ba 'dis ni nying mtshams sbyor ba sbrel pa'i skad cig ma la lus skye ba ril dang 'brel pa mig la sogs pas bsdus pa sa bon gyi sgo nas dang/ lus kyi dbang po rang gi ngo bo'i sgo nas nye bar len pa ston to/ /'di ltar tshe ji srid par rjes su 'jug pa'i bar du des dbang po gzugs can dag ces bya ba la sogs pas ni tshig dang po'i nye bar len pa'i don rnam par 'grel te/ 'jig pa'i gags su bdag gir byas so zhes bya ba'i tha tshig go

  731. 366a

    yang ji ltar cig la sogs pa bdag gir byas she na/ phan pa dang gnod pa dag gis bde ba dang/ sdug bsngal la sogs pa'i rten nyid du snang ba'i phyir ro/ /bdag gir ma byas par snang ba gang yin pa de ni ma zin pa yin te/ dper na snod kyi 'jig rten dang/ shi ba'i ro la sogs pa lta bu'o/ /dper na rmi lam na yid kyi rnam par shes pa gcig las tha dad pa ma yin yang lus bde ba dang sdug bsngal la sogs pa'i rten du snang ba gang yin pa de ni zin pa'o zhes 'khrul pa'i rgyur grags la/ khang bzangs la sogs par snang ba gang yin pa de ni ma zin pa'o/ /zhes grags pa ltar 'di la yang tshul ni de dang 'dra'o/ /nying mtshams sbyor ba sbrel ba na yang zhes bya ba la sogs pas ni tshigs gnyis pa'i nye bar len pa'i don rnam par 'grel te/ nying mtshams sbyor ba sbrel ba skye ba ril dang 'brel pa'i lus kyi sa bon du gtogs pa ste mngon par bsgrubs pa'i sgo nas lus bzung ba yin no/ /zhes bya ba'i don to/ /yang ci'i phyir bye brag tu nye bar len pa gnyis ston ce na/ rtsod pa'i phyir te/ rang gi sde ba rnams kyi ltar na/ tshad dang mtshams sbyor 'dod chags bral/ nyams dang 'chi 'pho skye ba dag /yid kyi rnam shes kho nar 'dod ces 'byung bas nying mtshams sbyor ba'i 'og rol tu ni mig la sogs pa'i rnam par shes pa kho na nye bar len pa po yin par grags la/ nying mtshams sbyor ba sbrel ba na ni yid kyi rnam par shes pa nye bar len pa po yin par grags so/ /de gnyi ga yang ji ltar mi srid pa de bzhin du skye ba'i kun nas nyon mongs pa spyod pa nas ston par 'gyur ro/ /de nyid kyi phyir de'i

  732. 366b

    gnyen por bye brag tu nye bar len pa gnyis bstan to/ /de la dbang po gzugs can thams cad nye bar lon par byed pa nyid ni 'dod pa dang gzugs kyi khams dag tu yin par rig par bya'o/ /gzugs med pa'i sems can rnams la yang dbang po gzugs can ni srid na/ ci'i phyir 'dod pa dang gzugs kyi khams dag tu zhes bya ste/ 'di ltar gzugs med pa'i sems can rnams kyi gzhal med khang dag dang/ bcom ldan 'das la yang chos mnyan pa dang lta ba dang/ rim gro bya ba'i phyir 'ong bar mdo gzhan dag las 'byung ngo zhe na/ las las skyes pa'i dbang po gzugs can nye bar len par byed pa nyid las bsams te smras pa'i phyir nyes par med do/ /gzugs med pa na spyod pa rnams kyi mig la sogs pa ni ting nge 'dzin las skyes pa yin no/ /'on te de lta na go gzugs can gyi khams na yang lha'i mig dang rna ba yang ting nge 'dzin las skyes pa'i phyir ma zin par 'gyur ro/ /de lta na 'o na ni/ 'dod pa dang gzugs na spyod pa'i dbang po gzugs can las bsams te smras pas nyes pa med de/ de na ni dbang po gzugs can yod pa nyid du rang gi sde ba rnams la grags so/ /nying mtshams sbyor ba sbrel ba na lus thams cad nye bar len pa'i gnas su gyur pa nyid ni khams gsum char na yin par rig par bya ste/ rang gi sde pa ni khams gsum char na yang yid kyi rnam par shes pa kho nas nying mtshams sbyor ro zhes bya bar log par rtogs pa'i phyir ro/ /thun mong ma yin pa'i rnam grangs brjod pa rdzogs so// //thun mong gi dbang du mdzad nas/ de ni sems zhes kyang bya ste/ zhes

  733. 367a

    bya ba la sogs pa smos so/ /de la khyad par ni 'di yod de theg pa chen po las ni res 'ga' ni rnam par shes pa brgyad kyi tshogs sems dang yid dang rnam par shes pa zhes bya ba'i sgra sbyor la/ res 'ga' ni sems zhes bya ba'i sgra ni gtsor kun gzhi rnam par shes pa kho na la/ yid ces bya ba'i sgra ni nyon mongs pa can gyi yid la rnam par shes pa zhes bya ba'i sgra ni rnam par shes pa drug la'o/ /nyan thos kyi theg pa las ni sgra 'di gsum char yang gtsor rnam par shes pa drug kho na la sbyor ro/ /zhes brjod cing 'di rnams kyi des pa'i tshig dbye ba yang 'di skad du brjod de/ sogs pas na sems so/ /rtogs pas na yid do/ /rnam par shes pas na rnam par shes pa'o/ /yang na dus kyi bye brag yin te ma 'ongs pa ni sems so/ /'das pa ni yid do/ /da ltar byung ba ni rnam par shes pa'o/ /yang na byed pa'i bye brag yin te/ ring du 'gro ba ni sems so/ /sngon du 'gro ba ni yid de chos thams cad ni yid sngon du 'gro ba can no/ /zhes 'byung ba'i phyir ro/ /nying mtshams sbyor ba'i byed pa'i bye brag gis rnam par shes pa ste/ 'du byed kyis rkyen gyis rnam par shes pa'o zhes 'byung ba'i phyir ro/ /yang na bstan pa'i bye brag yin te/ khams bstan par ni sems te/ sems kyi khams bdun zhes 'byung ba'i phyir ro/ /skye mched bstan par ni yid de yid kyi skye mched ces 'byung ba'i phyir ro/ /phung po bstan par ni rnam par shes pa ste/ rnam par shes pa'i phung po zhes bstan pa'i phyir ro/ /yang na ldan pa ma yin pa'i ming? gi bye brag yin no/

  734. 367b

    yang na sgra tsam zhig tha dad par zad do zhes zer te/ de thams cad ni rung ba ma yin no/ /de la re zhig sogs pas na sems so zhes smras pa gang yin pa/ gal te rang gi nus pa sogs pa yin na ni sems las byung ba ? rnams dang gzugs la yang thal bar 'gyur ro/ /'on te 'bras bu sogs pas so zhe na/ las kho na yin par 'gyur te/ las kyang kun gzhi rnam par shes pa med par mig sogs zhes 'chad par 'gyur ro/ /de bzhin du gal te rnam par shes pa gang yin pa de nyid rtogs pa yin no zhes bya na ni sgra tsam zhig tha dad par 'gyur ba 'ba' zhig tu zad kyi rgyu mtshan ni ma yin no/ /'on te gzhan zhig la bya'o/ /zhe na de yang ma bshad do// rnam par shes pas na rnam par shes pa zhes bya ba ni khas len pa nyid do/ /bcom ldan 'das kyis gre skyes kyi mdo las gsungs pa'i phyir ro/ /de bzhin du ma 'ongs pa ni sems so zhes bya ba ji ltar na sems zhes bya/ gal te sems las byung ba'i tshogs bsags nas/ da ltar gyi dus su 'ong bas so zhe na/ de na rnam par mi 'ong ste ma 'ongs pa med pa'i phyir dang byed pa med pa'i phyir ro/ /de bzhin du 'das pa yang ji ltar yid yin/ gal te mtshungs pa de ma thag pa'i rkyen gyi dngos pos 'bras bu 'byin pa dang/ 'dzin par nus pa'i phyir yin la de yang yang dag pa nyid kho nar khas len na khyim bya shi ba yang skad 'byin par 'gyur bas de ni rnam par mi 'ong ste/ rnam par shes pa ni da ltar byung ba yin par khas len pa nyid do/ /de bzhin du byed pa'i bye brag la yang thag ring po 'dzin pa'i phyir sems yin na sems las byung ba dag la yang thal bar 'gyur ro/ /yid sngon du 'gro

  735. 368a

    ba zhes bya ba 'di la yang gnas skabs gang na las byed pa de'i sngon rol na dngos su yod ma yin te/ 'das pa med pa'i phyir ro/ /nying mtshams sbyor ba yang 'jug pa'i rnam par shes pas mi srid kyi kun gzhi rnam par shes pas ni srid do zhes ston par 'gyur ro/ /de bzhin du sems kyi khams bdun zhes bya ba yang sems kyi sgra snga ma bzhin du brtag mi bzod do/ /skye mched bstan par yang yid kyi sgra skye mched du mi srid pa'i phyir dang 'das pa yang med pa'i phyir ro de bzhin du phung po bstan par rnam par shes pa zhes bya ba'i sgra 'byung bar brjod do/ phung po la sogs pa ni gang zag gdags pa'i rgyu yin la/ gdags pa'i rgyur yang da ltar gyi rnam par shes pa rung ngo zhes 'don to/ /de yang 'thad pa ma yin te/ 'das pa la sogs pas tha dad pa la rnam par shes pa'i phung por 'byung ba'i phyir ro/ /gdul bya 'ga' zhig la rnam grangs 'ga' zhig gis yid ches par bya ba'i phyir dang/ so so yang dag par rig pa bskyed pa'i phyir ming gi sgra tsam zhig tha dad par khas len pa nyid yin na rnam grangs tha dad pa de nyid rgyu mtshan gang gis yin pa ni ma smras pas de yang rung ba ma yin no/ /de lta bas na theg pa chen po pa rnams kyi ci lta ba de ltar na bzang ste/ gang gi tshe rnam par shes pa brgyad car gyi tshogs la bya ba de'i tshe ni kun gzhi'i rnam par shes pa ni sogs pas na sems so/ /nyon mongs pa can gyi yid ni don sems pas na sems so/ /rnam par shes pa drug gi tshogs ni sna tshogs la dmigs pa'i phyir sems so/ /rnam

  736. 368b

    par shes pa'i tshogs brgyad car yang mtshungs pa de ma thag pa'i don dam/ rtogs pa'i don gyis gdags pa'i sgo nas yid yin no/ /rnam par shes pa'i tshogs brgyad car yang yul so sor rnam par rig pa'i don gyis rnam par shes pa yin no/ /gang gi tshe gtsor bya ba de'i tshe ni sogs pa'i phyir dang sna tshogs pa'i phyir dang don sems pa'i phyir kun gzhi'i rnam par shes pa kho na sems yin gyi gzhan ni ma yin te/ rgyu gsum mi srid pa'i phyir ro/ /dus rtag tu gsal ba'i rnam par rlom pa'i phyir nyon mongs pa can gyi yid kho na yid yin gyi gsal ba'i phyir kun gzhi'i rnam par shes pa yang ma yin la/ rgyun 'chad pa'i phyir rnam par shes pa gzhan dag kyang ma yin no/ /sna tshogs su gsal pa'i rnam pa can yin pa'i phyir 'jug pa'i rnam par shes pa kho na rnam par shes pa yin gyi/ /mi gsal ba'i phyir kun gzhi'i rnam par shes pa yang ma yin la/ sna tshogs can ma yin pa'i phyir nyon mongs pa can gyi yid kyang ma yin no/ /de la gtsor sems la brten na sems zhes kyang bya ste zhes bya ba smos so/ /khyad par nyid du na yang khungs bcom ldan 'das kyis sems dang yid dang rnam par shes pa zhes ji skad gsungs pa lta bu'o zhes bya ba smos so/ /de la gtsor ni sems kun gzhi'i rnam par shes pa kho na yin par ston par 'gyur ro/ /yid ni khyad par du bstan pa'i phyir/ de la yid ni rnam pa gnyis te zhes bya ba smos so/ /de ma thag pa'i rkyen byed pas gnas su gyur pa'i phyir zhes bya ba ni zhar la spyir yid kun rdzob pa de ston par mdzad pa yin no/ /'dir yang drug po kho na las 'das ma thag

  737. 369a

    pa gang yin pa de gzung gi phan tshun dag tu ni ma yin te/ lhan cig kyang 'byung ba'i phyir ro/ /dngos bstan pa'i phyir/ gnyis pa nyon mongs pa can gyi yid ces bya ba smos so/ /nyon mongs pa bzhi po zhes bya ba ni kun gzhi'i rnam par shes pa la bdag nyid du 'dzin pa'i phyir 'jig tshogs la lta ba'o/ /bdag nyid du bzung ba gang yin pa des khengs par 'gyur ba'i phyir nga'o snyam pa'i nga rgyal lo/ /gang gis khengs par 'gyur pa de la mngon par zhen pa'i phyir bdag la chags pa'o/ /de dag thams cad kyang ma rig pa las 'gyur bas ma rig pa'o/ /de ni rnam par shes pa kun nas nyon mongs pa'i gnas so zhes bya ba ni rnam par shes pa drug car gyi yang zag pa dang bcas pa nyid kyi gnas yin no zhes bya ba'i tha tshig ste/ kun nas nyon mongs pa zhes bya ba'i sgra ni zag pa dang bcas pa'i rnam grangs yin pa'i phyir skye ba'i kun nas nyon mongs pa bzhin no/ /de ltar ma yin na ma bsgribs la lung du ma bstan pa'i skye ba ji ltar kun nas nyon mongs pa yin par 'gyur/ yid kyi rnam par shes pa las ltos na ni 'chad par 'gyur ba skyed pa'i rkyen nyid kyang yod de/ mtshungs pa de ma thag pa dang/ thun mong ma yin pa'i phyir kun nas nyon mongs pa'i gnas nyid dang por bstan to/ /yang nyon mongs pa can gyi yid ji ltar na zag pa dang bcas pa nyid kyi rgyu yin zhe na/ de la re shig gang gi che rnam par shes pa drug gi tshogs nyon mongs can yin pa de'i tshe ni rang mtshungs par ldan pa'i zag pa dag kho na dang lhan cig 'byung ba'i phyir de dag zag pa dang bcas pa nyid du grub na/ gang gi tshe nyon mongs pa can ma yin pa de'i tshe go ji ltar

  738. 369b

    yin/ zag pa'i sa bon dang 'brel pa'i gnas las skye ba'i phyir ro/ /zhes brjod par yang mi nus te lam gyi bden pa la yang thal bar 'gyur du 'ong bas so/ /nyon mongs pa can gyi yid khas len na ni de dang mtshungs par ldan pa'i zag pa dag kho na dang lhan cig 'byung ba'i phyir zag pa dang bcas pa nyid yin no/ /de lta na 'o na ni 'jog pa dang 'jig rten las 'das pa'i lam la snyoms par 'jug pa'i gnas skabs na kun gzhi'i rnam par shes pa zag pa dang bcas pa nyid du mi 'gyur te/ de ni de'i tshe nyon mongs pa rnams dang lhan cig mi 'jug go zhe na/ de ni ma yin te/ de ni zag pa'i rgyu yin pa'i phyir zag pa dang bcas pa nyid yin no/ /de la nyon mongs pa bzhi dang sngar bstan pa'i kun tu 'gro ba lnga dang mtshungs par ldan pa'i phyir 'di'i sems las byung ba ni dgu kho na yin no/ /yul so sor nges pa rnams kyi nang nas re shig 'dun pa ni mi 'byung ngo/ /de ni rnam gsum ste don du gnyer ba'i 'dun pa dang/ 'phrad pa'i 'dun pa dang/ mi 'bral ba'i 'dun pa'o/ /re shig don du gnyer ba'i 'dun pa ni ma yin te/ yid kyi yul ni nye ba'i phyir ro/ /ma bral bar rnam par snang ba'i phyir 'phrad ba'i 'dun pa yang ma yin te/ 'phrad pa'i 'dun pa ni dngos po thag ring ba'i yul can yin pas so/ /mi 'brel ba'i 'dun pa yang ma yin te de ni bral gyis dogs pas rab tu phye ba yin pa'i phyir la nyon mongs pa can gyi yid la ni de med pa'i phyir ro/ /mos pa yang mi 'byung ste/ nges pa'i bdag nyid kyi mos pa ni the tshom rnam par chad pa sngon du 'gro ba can yin pa'i phyir dang yul nyams su myong ba can yin pa'i phyir la/ yid ni ngo bo gcig

  739. 370a

    pa nyid du 'jug pa'i phyir the tshom yang mi srid la da ltar byung ba'i yul can yin pa'i yang phyir ro/ /dran pa yang yul nyams su myong ba can yin pa'i phyir ma yin te/ nyon mongs pa can gyi yid ni skad cig re re la sngon med pa'i rdzas la dmigs pa'i phyir ro/ /ting nge 'dzin yang ma yin no/ /ci'i phyir te/ 'di ltar brtag par bya ba'i dngos po la sems rtse cig pa nyid do zhes bshad pa 'di la yang brtag par bya ba'i dngos po yang yod la rtse gcig pa nyid kyang yod de kun gzhi'i rnam par shes pa la dmigs pa'i phyir ro zhe na/ de ni ma yin te gang la rnam par g.yeng ba yod pa las sems kyis mnyam par 'jog pa de la ting nge 'dzin yod na/ nyon mongs pa can gyi yid ni de lta bur mnyam par 'jog pa ma yin te/ 'khor ba ji srid par ngo bo gcig pa nyid du 'jug pa'i phyir ro/ /yang na dmigs pa'i skad cig ma snga ma nyams su myong ba gang yin pa de nyid la yang dang yang du 'byung ba ni ting nge 'dzin dang mtshungs par ldan pa yin na nyon mongs pa can gyi yid ni de lta bu ma yin te/ skad cig re re zhing sngon med pa'i rdzas la dmigs pa'i phyir ro/ /yang na dbang po gzugs can gyi rnam par shes pa rnams ma gtogs pa mnyam par ma bzhag pa'i sems dang mtshungs par ldan pa'i shes rab gang yang rung ba de thams cad ni mngon par rtogs pa'i rtog pa yin na/ de yang nyon mongs pa can gyi yid la yod de/ bdag tu lta ba dang mtshungs par ldan pa'i phyir ro/ /mngon par rtogs pa'i rnam par rtog pas rnam par rtog pa dang bcas pa'i sems gang yin pa de ni/ ting nge 'dzin dang mtshungs par ldan par rung ste/ de'i

  740. 370b

    ? snang ba'i phyir ro/ /shes rab kyang khas blang dgos pa nyid de bdag tu lta ba dang mtshungs par ldan pa'i phyir ro/ /rtsa ba'i nyon mongs pa bcu po'i nang nas de las gzhan pa'i lta ba rnams dang ni mtshungs par mi ldan te/ shes rab gzhan dang mtshungs par mi ldan pa'i phyir ro/ /rnam grangs kyis mtshungs par ldan pa yang ma yin te/ de las rnam par brtags pa nyid kyi lta ba gsum po gang dag yin pa de dag dang ni mtshungs par mi ldan te yid ni bsgom pas spang bar bya ba yin pa'i phyir ro/ /bsgom pas spang bar bya ba mthar 'dzin pa dang yang mtshungs par mi ldan te/ bdag tu 'dzin pa sngon du 'gro ba can yin pa'i phyir ro/ /nyon mongs pa can gyi yid ni ngo bo gcig pa yin pa'i phyir bdag nyid du bzung nas rtag pa nyid du 'dzin par nus pa ma yin no/ /bdag tu lta ba rnam pa gnyis las kyang bdag gi'i rnam pa can de mi srid de/ bdag tu lta ba sngon du 'gro ba can yin pa'i phyir ro/ /zhe sdang ni mi dga' ba'i rnam pa can yin pa'i phyir la/ yid ni dga' ba'i rnam pa can du 'jug pa'i phyir ro/ /dga' ba'i rnam pa can nyid yin yang sim pa'i tshor ba can ni ma yin te/ gang du skyes pa de'i 'o gzhan zhes 'byung ba'i phyir reg pa la sogs pa ji ltar skabs su 'bab pa dag kho na bsgres pa'i phyir ro/ /'on te 'chor ba gzhan yang yod na ni khyad par du byas par 'gyur ro/ /mi rung ba'i yang phyir te/ yid bde ba dang mi ldan te/ kun brtags pa'i dbang gis 'byung ba'i phyir ro/ /yid ni mngon par rtogs pa'i rnam par rtogs pa yod kyang gti mug pa'i rnam pa can gyi yongs su rtog pa ni med do/ /bde ba yang ma yin te/ rtag tu

  741. 371a

    yod pa'i nyes par thal bar 'gyur ba'i phyir ro/ /'o na btang snyoms pa yin na ji ltar dga' ba'i rnam pa can yin zhe na/ bdag la chags pa dang mtshungs par ldan pa'i phyir ro/ /the tsom yang dngos po gnyis su byed pa'i yul can nyid kyis shes rab kho na la brtags pa yin na/ de dang yang mi ldan te/ yid ni rigs gcig pa'i rnam pa can yin pa'i phyir ro/ /rigs gcig pa'i rnam pa can nyid kyis re shig ma rig pa dang mtshungs par ldan par ni rung na/ 'dod chags la sogs pa phan tshun du go ji ltar zhe na/ 'dir sde pa'i gsung rab kyi lugs lta bur dgongs pa ni ma yin gyi 'dir ni 'jug pa'i rnam par shes pa rnams la yang 'dod chags la sogs pa mi 'gal ba rnams phan tshun mtshungs par ldan par zhal gyis bzhes so/ /rtsa ba'i nyon mongs pa 'di dag ni ma rig pa med par nyon mongs pa gzhan dang mtshungs par ldan pa yang ma yin te/ ma rig pa yang rtsa ba'i nyon mongs pa yin pa'i phyir rtsa ba'i nyon mongs pa ma rig pa dang 'dra'o/ /nye ba'i nyon mongs pa rnams las kyang khro ba dang rnam par tshe ba dang/ khon du 'dzin pa dang/ phrag dog dang 'tshig pa gang dag yin pa de dag ni mi dga' ba'i rnam par 'jug pa'i phyir dang/ kha phyir bltas pa'i phyir/ mtshungs par mi ldan no/ /rgyags pa dang rgyu dang g.yo dang 'chab pa dang ser sna dag ni/ 'dod chags dang gti mug gi char gtogs pa nyid yin yang kha phyir bltas pa'i phyir ro/ /ngo tsha med pa dang khrel med pa dag ni gcig tu mi dge ba yin pa'i phyir ro/ /shes bzhin ma yin pa ni kha phyir bltas pa'i phyir ro/ /rnam par

  742. 371b

    g.yeng ba ni ngar 'dzin cing nga'o snyam pa'i nga rgyal gyi gnas ngan len gyi g.yeng ba yin pa'i phyir mtshungs par ldan no/ /bag med pa ni 'dod chags dang gti mug gi char gtogs pa'i phyir ro/ /rgod pa ni 'dod chags kyi char btogs pa'i phyir ro/ /mi dad pa dang le lo dang rmugs pa rnams gti mug gi char btogs pa'i phyir ro/ /yang na mtshungs par mi ldan pa nyid de 'dod chags la sogs pa ni sngar gsal ba'i rnam par zhugs pa yin la/ de'i rjes la shes kyis bri bar zhugs pa na nye ba'i nyon mongs pa rnams shes gdags na/ yid la ni de lta bu mi srid de/ ngo bo gnyis cig pa nyid du zhugs pa'i phyir ro/ /brjed ngas pa yang ma yin te/ 'dres pa'i dngos po la dmigs pa'i phyir ro/ /gnyis kyang ma yin te gzugs dang gzugs med pa'i khams dang 'gal ba'i phyir ro/ /'gyod pa yang ma yin te/ mi dga' ba'i rnam pa can yin pa'i phyir ro/ /rtogs dang dpyod pa dag kyang ma yin te tshol ba dang/ so sor rtog pa'i rnam pa can yin pa'i phyir ro/ /yid 'di ni lung sil bu'i mdo las/ de ni nyon mongs pa rnams las nges par grol bar ma gyur mi 'gyur ro zhes bya ba la sogs pa 'byung ba dang dgongs pa nges par 'grel pa la sogs pa'i mdo las kyang grub po/ /rigs pas kyang bsgrubs par ma rig pa ma 'dres pa zhes bya ba la sogs pa smos so/ /ma 'dres pa ni ma rig pa rang dbang can yin gyi/ rtsa ba'i nyon mongs pa gzhan dang mtshungs par mi ldan pas ni ma yin te/ khro bo la sogs pa dang mtshungs par ldan pa yang der thal bar 'gyur du 'ong bas so/ /nyon mongs pa dang nye ba'i nyon mongs pa thams cad dang mtshungs

  743. 372a

    bar mi ldan pas der thal bar 'gyur ba ma yin te/ de med par thal ba nyid du 'gyur bas so/ /de lta bas na rtsa ba'i nyon mongs pa dang mtshungs par ldan pa dang/ de las gzhan pa'i sems dang sems las byung ba'i tshogs la yang rdzas gzhan dang ma 'dres pa'i phyir rang dbang can ni ma 'dres pa yin gyi/ thun mong ma yin pa'i don gyis ni ma yin te/ rnam par shes pa gzhan dang mtshungs par ldan pas der thal bar 'gyur du 'ong bas so/ /'dir ni sde pa dag gi ltar na rnam pa cig kho na te/ 'jug pa'i rnam par shes pa dang mtshungs par ldan pa bden pa mthong ba'i gags byed pa yin te/ de ni mthong bas spang bar bya ba yin pa'i phyir ro/ /theg pa chen po'i ltar na ni rnam pa gnyis te dus nges par kun tu 'byung ba'i phyir/ 'jug pa'i rnam par shes pa dang mtshungs par ldan pa ni gcig go /gnyis pa ni dus thams cad du kun tu 'byung ba'i phyir 'chad par 'gyur ba'i sgrub pas rab tu grub pa yin no/ /de ni 'jug pa'i rnam par shes pa rnams la ma yin te/ de rnams ni rgyun 'chad pa'i phyir/ yang khyad par du dpyad par bya ste/ re shig rnam par shes pa'i tshogs lnga la ni ma yin te/ gang na mi mthun pa yod pa de na gnyen po yod pa'i phyir ro/ /nyon mongs pa can gyis yid la yang gnyen po med pa'i phyir de med par thal bar 'gyur ba ma yin nam zhe na/ de ni ma yin te 'di ni sgrub pa ma yin gyi 'on kyang 'di ni ma bslabs pa sde pa dag gis khas blangs pa sun 'byin pa yin no/ /gal te pha rol po rnam par shes pa'i tshogs lnga la yang ma 'dres

  744. 372b

    pa yod do/ zhes smra bar byed na/ de la brjod par bya ste/ rnam par shes pa gang la mthong ba'i lam yod pa de la mi mthun pa'i phyogs yod pa khyod kyis khas blangs na rnam par shes pa'i tshogs lnga la ni lam med de de kha phyir bltas pa'i phyir ro/ /yang na gang la zhes bya ba ni yul dang sbyar ro/ /yul bden pa bzhi'i ngo bo nyid gang la gnyen po yod pa de kho na la de'i dmigs pa nyid du de'i mi mthun pa'i phyogs mthong bas spang bar bya ba yod na/ rnam par shes pa'i tshogs lnga ni ma yin de kha phyir bltas pa'i phyir ro/ /rang gis lta bas kyang tshig 'di 'di ltar drang ste/ gang la zhes bya ba 'di ni yul du gyur pa de bzhin nyid dang sbyar ro/ /de yang brtan pa'i phyir kun gzhi'i rnam par shes pa la de dang 'brel par ston to/ /de nyid la nyon mongs pa can gyi rnam par shes pa dang mtshungs par ldan pa'i ma rig pa yang yod de/ /kun gzhi'i rnam par shes pa la bdag med par mthong pa'i gags su gyur pa'i phyir ro/ /gnas skabs dang yang sbyar te/ gnas skabs gang na mthong ba'i lam gyi skad cig ma dang po yod pa'i gnas skabs de na srang mda'i mthon dman bzhin du mi mthun pa'i phyogs chos kyi mchog rnams dang lhan cig 'gag pa yin na/ 'di thams cad ni rnam par shes pa'i tshogs lnga la mi srid de/ gcig tu mnyam par ma bzhag pa yin pa'i phyir ro/ /dus thams cad du kun tu 'byung ba de nyid kyi rnam par shes pa la yang rung ba ma yin te/ gcig la chos nyid rang dbang can mi srid pa'i phyir re zhig 'dod chags la sogs pa sems las byung pa rang dbang can la ni ma yin no/ /nyon mongs pa

  745. 373a

    can ma yin pa la yang ma yin te/ de dang 'gal ba'i phyir na/ che chung gi rim pas sbyor ba'i lam bsgom pa nyam par 'gyur ba'i yang phyir ro/ /des na shugs kyis gang la dus thams cad kun tu 'byung ba de yod par 'gyur ba rnam par shes pa gzhan bdun pa khas blang dgos te/ de ni nyon mongs pa can gyi yid yin no/ /de la ni ma rig pa dang yang dbang can yod de de'i stobs kyis de dang mtshungs par ldan pa 'dod chags la sogs pa drangs pa'i phyir ro/ /'jug pa'i rnam par shes pa rnams la ni/ sngar kun tu rmongs pa la de las gzhan pa'i nyon mongs pa 'byung ba'i phyir sngar spyad pa gtso bo yin pa'i phyir de'i 'og tu 'dod chags pa sogs pa dang mtshungs par ldan na res 'ga' rang dbang can ma yin par yang 'gyur ro/ /lnga po dag dbang 'dra ba med pa'i skyon du yang 'gyur te zhes bya ba ni re zhig bye brag tu smra ba rnams kyi ltar rnam par shes pa'i tshogs lnga'i rten ni mig la sogs pa lhan cig skye ba yin no/ /dmigs pa ni gzugs la sogs pa'o/ /mtshungs pa de ma thag pa'i rten ni yid 'das pa kho na yin no/ /yid kyi rnam par shes pa'i rten ni yid 'das pa kho na yin no/ /dmigs pa ni dus gsum dang dus kyis ma bsdus pa yin no/ /gnas brtan pa rnams kyi ltar na rnam par shes pa'i tshogs lnga'i thams cad bye brag tu smra bas bshad pa bzhin no/ /yid kyi rnam par shes pa'i lhan cig skye ba'i rten ni snying gi phyogs kyi bug gcig dang gnyis dang gsum dang gzhi nas bu ga dgu'i bar yin no/ /dmigs pa ni snga ma bzhin no

  746. 373b

    dge 'dun phal chen sde rnams kyi ltar na yang rnam par shes pa'i tshogs lnga'i rten ni tshul de dang 'dra'o/ /lhan cig skye pa'i rten gzhan ni rtsa ba'i rnam par shes pa yin no/ /yid kyi rnam par shes pa'i lhan cig skye ba'i rten ni de kho na yin no// mtshungs pa de ma thag pa'i rkyen ni snga ma bzhin no/ /sa ston sde rnams kyi ltar na rtsa ba'i rnam par shes pa zhes bya ba'i sgra btang ste 'khor ba ji srid pa'i phung po zhes bya ba'i sgra sbyar bar bya'o/ /gzhan thams cad ni de kho na dang 'dra'o/ /mdo sde pa rnams kyi ltar na rnam par shes pa'i tshogs lnga la dbang po dang don dag ni lnga la/ rnam par shes pa ni 'chi ste mi gsal bas de dag gi dbang gi skye ba'i phyir ro/ /mtshungs pa de ma thag pa'i rkyen ni snga ma bzhin no/ /yid kyi rnam par shes pa'i rten ni yid 'das ma thag pa kho na yin no/ /'di ni gsal ba'i phyir skye ba yul gyis byas pa'i nges pa ni med do/ /dmigs pa ni snga ma bzhin no/ /rnam par shes pa'i tshogs drug car gyi yang rgyu'i rkyen ni dbang po gzugs can la yod pa dang/ sems la yod pa'i sa bon yin no/ /bdag po'i rkyen ni ma yin te/ bye brag tu smra ba'i srog gi dbang po lo sogs pa lta bur de 'gyur ba'i rjes su byed pa med pa'i phyir ro/ /'dir ni rnam par shes pa'i tshogs lnga'i rten dang dmigs pa dag ni bye brag tu smra ba dang 'dra'o/ /sa bon gyi rten gyi dngos po ni lhan cig skye ba yin no/ /yid kyi rnam par shes pa'i yang dmigs pa ni de dang 'dra'o/ /yid 'das ma thag pa yang snga ma bzhin no/ /bdag po'i rkyen lhan cig skye ba ni nyon mongs pa can gyi yid yin no/ /de la 'dir bye brag tu smra ba rnams la brjod par bya ste/ 'jug pa'i rnam par

  747. 374a

    shes pa nyid du mtshungs pa las ci'i phyir rnam par shes pa drug pa'i rten 'das ma thog? pa kho na yin gyis/ /rten lhan cig skye ba ni ma yin/ rnam par shes pa drug pa ni rten 'das pa can kho na ma yin te 'jug pa'i rnam par shes pa yin pa'i phyir mig la sogs pa'i rnam par shes pa yin no/ /zhes bya ba'i rjes su dpag pas gnod do/ /dge 'dun phal chen sde rnams dang sa ston sde rnams kyi ltar na rtsa ba'i rnam par shes pa dang 'khor ba ji srid pa'i phung po zhes bya ba rnam par shes pa drug car gyi tha mi dad pa'i rgyu yin pa de dag la yang brjod par bya ste/ yid kyi rnam par shes pa ni rten thun mong pa can kho na ma yin te/ 'jug pa'i rnam par shes pa yin pa'i phyir de dag bzhin no/ /gang dag gis snying gi phyogs thun mong ma yin pa'i rten yin par rtog pa de dag gi ltar na yang sems las byung ba'i tshor ba nyid nyams par 'gyur te/ rdul phra rab bsags pa la brten pa'i phyir thams cad lus kyi kho na yin par 'gyur ro/ /rjes su dpag pas kyang gal te 'dod pa dang gzugs kyi khams kyi yid kyi rnam par shes pa'i rten ni gzugs can ma yin te/ yid kyi rnam par shes pa yin pa'i phyir gzugs med pa'i khams na spyod pa'i yid kyi rnam par shes pa bzhin no/ /mdo sde pa la yang brjod par bya ste/ lhan cig ces bya ba'i sgra de ma thag pa brjod par byed pa la brten nas/ lhan cig skyes bya ba'i sgra de ma thag pa la yang mthong ste/ dper na byams pa zhes bya ba la sogs pa lta bu'o/ /de la yang dmigs kyis bsal ba ni bya dgos so/ /

  748. 374b

    ci'i phyir rten lhan cig skye ba kho na ma yin zhe na/ 'gog pa'i snyoms par 'jug pa la sogs pa las ldang ba'i tshe mtshungs pa de ma thag pa'i rkyen lhan cig skye ba ma yin pa'i phyir ro/ /rang gi gzhung lugs kyis kyang brjod par bya ste/ yid kyi rnam par shes pa ni skye ba'i rten rang gi ming gis nye bar mtshon pa'i rkyen mched thun mong ma yin pa can yin te/ rgol ba la rab tu grags pa'i 'jug pa'i rnam par shes pa'i khongs su gtogs pa'i rnam par shes pa yin pa'i phyir mig gis rnam par shes pa bzhin no/ /de la skye ba'i rten ces bya ba'i sgra ni/ kun nas nyon mongs pa'i rten rnam par gcad pa'i phyir te/ de ni drug car la yang khyad par med pa'i phyir ro/ /mdo sde pa la dpe grub par bya ba'i yang phyir te/ lhan cig skye ba'i rten smos na ni/ der snang ba nyid yin par 'gyur ro/ /thun mong ma yin pa smos pa ni/ mtshungs pa de ma thag pa'i rten rnam par dpyad pa'i phyir dang/ rtsa ba'i rnam par shes pa la sogs pa rnam par dpyad pa'i yang phyir te/ de ni de dag gis sa bon gyi khyad par med par yang rnam par shes pa'i tshogs drug car gyi yang thun mong gyi rten nyid du brtags so/ /rang gis ming gis nye bar mtshon pa zhes smos pa ni/ gnas brtan pas rab tu brtags pa snying gi phyogs rnam par dpyad pa'i phyir ro/ /de ni ming gis nye bar mtshon pa med de/ yid kyi rnam par shes pa la yid ces bya ba'i sgrar brjod pa med pa'i phyir ro/ /'on te de nyid yid yin no zhes zer na skye mched ces smos pas de rnam par dpyad do/ /de nyid skye mched yin no zhes brjod par yang mi nus te/ dge slong yid ni nang gi skye mched de gzugs can ma yin pa bstan du med pa thos

  749. 375a

    pa med pa'o zhes bya ba la sogs pa'i lung gis gnod pa'i phyir ro/ /'jug pa'i rnam par shes pa'i khongs su gtogs pa zhes brjod nas/ yang rnam par shes pa zhes brjod pa ni rnam par shes pa'i phung po yin par bstan pas ldan pa ma yin pa rnam par dpyod pa'i phyir ro/ /phyir rgol ba la grags pa dmyal ba'i bsrung ma la sogs pa'i yid kyi rnam par shes pas ma nges pa yang ma yin te/ gtan tshigs rgol ba la grags pa nyid kyis khyad par du byas pa'i phyir de dang 'dra ba ma yin no/ /lhan cig skye ba'i rten nyon mongs pa can gyi yid kyi ngo bo nyid la sogs pa mdza' yas pa bsgrub par bya ba dang 'gal ba'i chos 'grub pa dang 'gal ba khams gzhan na gnas pa'i sems can gyi yid kyi rnam par shes pa dang sems can gyi tshogs gsum pas bsdus pa rnams kyis kyang ma nges pa'i phyir ro/ /de ni khams gzhan du gtogs pas khyad par du byas pas 'grub pa yang ma yin te/ sems can gyi tshogs gsum pas bsdus pa dag kho nas ma nges pa'i phyir ro/ /yang dag par rdzogs pa'i sangs rgyas 'das pa'i yid kyi rnam par shes pa'i phyogs su byas pa'i phyir 'gal ba rang la rten ma grub pa'i phyir ro/ /zag pa dang bcas pa nyid khyad par du byed na ni/ chos thams cad la reg pa'i phyir sgrub pa sgrub pa'i nyes pa dang ldan no/ /'jig rten las 'das pa'i snyoms par 'jug pa slob pa'i gnas skabs kyi yid kyi rnam par shes pas ma nges pa yang ma yin te/ de'i tshe yang yid gyur pa gnas pa'i phyir ro/ /dgongs pa nges par 'grel pa'i mdo las ni/ res 'ga' ni

  750. 375b

    gcig dang ste gang gi tshe yid dang zhes 'byung ba'o/ /res 'ga' ni gnyis dang ste yid dang yid kyi rnam par shes pa dang zhes 'byung ba'i phyir ro/ /gal te yang de'i tshe gyur pa yang yid ma yin pa zhig tu gyur na ni 'di yang yid ma yin par 'gyur la/ 'di skad du res 'ga' ni gcig dang ste gang gi tshe yid kyi rnam par shes pa dang zhes kyang bshad par 'gyur ro/ /gzhan yang rgyal ba la sogs pa la 'jug pa'i rnam par shes pa'i tshogs yul la rag las te skye ba rnams de mi nye ba'i phyir rgyun 'chad do zhes bya ba ni rigs ni/ yid 'khor ba ji srid par rigs gcig pa dang/ dmigs pa nye ba kun gzhi rnam par shes pa las 'byung ba gi ji ltar rgyun 'chad/ yid de yang kha cig na de? gnas skabs de na zag pa med pa yin te/ 'di ltar nyon mongs pa can gang yin pa de ni 'phags pa'i lam la snyoms pas 'jug pas rgyun kun tu mi 'byung bas sa bon gyi gnas skabs par 'jog go zhes zer ro/ / zag pa med pa ni thog ma med pa'i rang gi rigs las bdag med pa mngon sum du byas pa'i 'phags pa'i lam bzhin du kun gzhi rnam par shes pa dang 'byung ngo/ /yang zag pa med pa las langs pa la zag pa dang bcas pa'i sems pa sngon du gyur pa'i tshe nyon mongs pa can khyad par med pa gang yin pa skye bar 'gyur ro/ /'on te slob pa'i gnas skabs na sa bon bcom pa'i phyir nam yang nyon mongs pa can gyi yid med na ni zag pa med pa kho na 'byung ste/ de nyid kyi phyir dgra bcom pa ni bya ba thams cad la spyod pa rab tu zhi ba'o zhes 'byung ngo/ /kha cig na re zag pa dang bcas pa ste/ 'di ltar nus pa gnyis dang ldan pa'i phyir ro zhes zer ro/

  751. 376a

    cig car bdag med pa gnyi ga mthong ba'i gags su gyur pa'i ma rig pa gang yin pa de la brten nas thag pa'i srid kyi dbyings la rtogs pa mngon du 'gro ba can gyi sprul du rab tu rtog pa bzhin du nyon mongs pa can gyi yid dang mtshungs par ldan pa'i lta ba cig car chos dang gang zag tu rab tu rtog par byed pa 'byung ngo/ /'jig rten las 'das pa'i lam skyes na ni/ 'phags pa nyan thos gang zag la bdag med pa mthong ba'i phyir gang zag tu sgro 'dogs pa med par yid de chos rnams la mi gsol ba dang/ sgro 'dogs pa'i ngo bo nyid gti mug dang lta ba dang mtshungs par ldan par 'byung ngo/ /nyon mongs pa can ma yin bde yang nyan thos kyi 'bras bu la gags mi byed pa'i phyir dang/ 'dod pa'i 'bras bu'i rgyu yin pa'i phyir dang/ mya ngan las 'das pa thob par byed pa yin pa'i phyir te/ don dam pa ma yin pa'i phyir dge ba ni ma yin no/ gzhan yang las las skyes pa yin yang spyod lam pa dang sprul pa pa nyid du mi rung ba nyid kyis ma bsgribs la lung ma bstan pa'i phyir rnam par smin pa las skyes pa nyid du bshad do/ /zag pa rnams dang lhan cig skye ba dang 'gags pas rang gi sa bon yongs su rgyas pa'i sgo nas 'byung ba'i phyir zag pa dang bcas pa yin no/ /chos nyon mongs pa can ma yin pa la chags pa dang nga rgyal dag dang yang mtshungs par ldan no/ /de nyid kyi phyir 'phags pa nyan thos kha cig la nyon mongs pa las byung ba lta bu'i spyod pa snang ste/ de ni bag chags zhes bya'o/ /'on te gal te byang chub sems dpa' byang chub tu yongs su bsngo ba pa

  752. 376b

    'am nges pa'i rigs can zhig yin par gyur na ni/ gnas skabs de na bdag med pa gnyis mngon sum pa'i zag pa med pa kho na 'byung ngo/ /lhan cig 'byung ba'i rten ces bya ba ni/ bye brag tu smra ba'i phyogs ltar na lhan cig ces bya ba'i sgra cig car yin par bshad par bya'o/ /mdo sde pa'i phyogs ltar na ni/ de ma thag pa yin te byams pa dang lhan cig par 'gyur pa zhes bya ba bzhin no/ /ji ltar cig car ram de ma thag tu yang rung mig la sogs pa'i skye ba'i rten lhan cig skye ba thun mong ma yin pa ltar /yid kyi rnam par shes pa'i yang de dang 'dra'o/ /zhe bya ba'i tha tshig go /nges pa'i tshig med pa'i skyon du yang 'gyur ro/ /zhes bya ba 'di ni sun 'byin pa yin no/ / gzhan gyis nges pa'i tshig yang dag pa nyid du khas blangs pa gang yin pa de ni/ 'jug pa'i rnam par shes pa rnams la mi rung gi nyon mongs pa can gyi yid la ni rung ste/ de ni gong du bstan zin te/ /'du shes med pa dang 'gog pa'i snyoms par 'jug pa zhes bya ba ni/ /'gog pa dang 'du shes med pa'i snyoms par 'jug pa dag go /kha cig ni so sor brtags pas 'gog pa'i khyad par gyi rang gi ngo bo sems dang sems las byung ba mi skye ba tsam kho na yin par 'dod do/ /kha cig ni sems dang ldan pa ma yin pa'o/ /kha cig ni rten gyi sems dang sems las byung ba 'gog pa'i gnas skabs dang/ 'gag pa na sems dang sems las byung ba 'jug pas drangs pa'i bag chags te/ langs pa yang de dang ldan pa'i phyir/ rnam par thar pa brgyad dang ldan pa zhes bya ba snang ba'i phyir ro/ /de la 'du byed kyi phung po'i zhes smos pa'i phyir dang/ ldan pa ma yin pa

  753. 377a

    rnams kyang bsal ba'i phyir yongs su rtog pa dang po dang gnyis pa spangs so/ /rtog pa gzhan gnyis las kyang 'gog pa'i snyoms par 'jug pa las 'du shes med pa'i snyoms par 'jug pa sbyor ba la sogs pa'i khyad par yod kyang 'du shes med pa'i snyoms par 'jug pa ni ngar 'dzin pa'i nga'o snyam pa'i nga rgyal dang/ bdag la chags pa kun tu 'byung ba'i phyir ma zhi ba nyid yin no/ /de gnyis 'phags pa dang 'phags pa ma yin pa'i rgyud kyi khyad par gzhan yang 'dod de/ 'phags pa rnams kyi g.yang sa bzhin du yongs su spangs pa'i phyir ro/ /snyoms par 'jug pa gnyi ga la sems dang sems las byung ba nye bar zhi ba khyad par med pa'i phyir ji ltar 'dir 'gyur/ de lta bas na nyon mongs pa can gyis yid khas blang dgos te/ de 'gag pa'i phyir 'gog pa'i snyoms par 'jug pa zhi ba nyid yin la/ de ma 'gags pa'i phyir 'du shes med pa'i snyoms par 'jug pa ngar 'dzin pa dang nga'o snyam pa'i nga rgyal dang/ bdag la chags pa kun tu 'byung ba'i phyir ma zhi ba nyid yin no/ /de lta ma yin na 'di gnyis la 'phags pa dang 'phags pa ma yin pa'i rgyud kyis byas pa'i khyad par yod bar mi 'gyur ro/ /'du shes med pa par zhes bya ba la sogs pa ni gal te nyon mongs pa can gyi yid med na ci'i phyir 'phags pa rnams 'du shes med pa pa nyon mongs pa can ma yin pa kho mi khom par skye ba'i gnas nyid kyis slong bar mdzad/ 'jug pa'i rnam par shes pa nye bar zhi ba tsam ni mi khom pa'i gnas ma yin te 'gog pa'i snyoms par 'jug pa bzhin no/ /nyon mongs pa can gyi yid yod na ni

  754. 377b

    ngar 'dzin pa la sogs pa kun tu 'byung pas phyin ci log gis yun ring mo zhig tu gnas dgos pas mi khom pa'i gnas nyid du 'gyur ro/ /dus thams cad du zhes bya ba la sogs pa ni de? sbyin pa byin no/ /?bsrog chags gsod nga ri mo 'dri'o/ /zhes ngar 'dzin pa dge ba la sogs pa'i sems mngon du gyur pa'i dus na kun tu 'byung bar grags so/ /ngar 'dzin pa kun tu 'byung ba dang/ skad cig ma tha dad pa las dus tha dad pa nyid cha phra ba'i phyir 'khrul pas dge ba la sogs pa'i sems dang dus mnyam pa nyid du yongs su bzung bar zad pa ma yin nam zhe na/ ma yin te ngar 'dzin pa ni gdon mi za bar dus thams cad du kun tu 'byung ngo zhes bya bar khas blang dgos so// de lta ma yin na ji ltar dge ba dang lung du ma bstan pa dag zag pa dang bcas pa nyid yin/ re zhig rang gi rgyud la yod pa'i zag pa la dmigs pa nyid kyis ni ma yin te/ 'di'i gnas skabs na de dag 'das pa nyid dang/ ma 'ongs pa nyid kyis med pa'i phyir ro/ /med pa ni zag pa rnams rgyas par yang mi 'gyur ro/ /gzhan gyi rgyud la yod pa'i zag pa la dmigs pa nyid kyis kyang ma yin te/ phyi'i dmigs pa bsal ba'i phyir ro/ /bdag po tsam gyis yin na ni/ zag pa med pa la thal bar 'gyur ro/ /yang na zag pa med pa la mi dmigs pa'i phyir rtag tu 'gyur ro/ /de dang rigs mthun pa nyid kyis yin na ni nye bar btags pa'i skyon du 'gyur ro/ /zag pa dang bcas pa'i sa bon dang/ 'brel pa nyid kyis kyang ma yin te/ lam gyi bden pa la yang thal ba'i nyes par 'gyur ba'i phyir ro/ /nyon mongs pa can gyi yid yod na ni zag pa dang lhan cig 'byung ba'i phyir zag pa dang bcas pa

  755. 378a

    nyid du 'grub po/ /gzhan du na zhes bya ba la sogs pa la bye brag tu smra ba'i phyogs ltar na ngar 'dzin pa bsgribs la lung du ma bstan pa yin pa'i phyir de ji ltar mi dge ba'i sems la kun tu 'byung/ mdo sde pa'i phyogs dang rang gi phyogs ltar na ngar 'dzin pa dang nga'o snyam pa'i nga rgyal lhan cig skye ba dag bsgribs pa kho na la kun tu 'byung ba'i phyir de dag ji ltar mi dge ba'i sems la kun tu 'byung ba ma yin nam zhe na/ de ni ma yin te/ mi dge ba ni 'dir dge ba'i mi mthun pa yin no/ /bsgribs pa yang yin te rnam par smin pa mi 'dod pa can yin par dgongs pa ni yin no/ /bye brag tu smra ba'i lta bur ngar 'dzin pa dang/ nga'o snyam pa'i nga rgyal du grags pa gang yin pa de ni rang gi phyogs ltar na kun btags pa kho na la yin te/ mi dge ba'i sems kho na la 'byung bas mi dge ba'i sems zhes smos so/ / lhan cig 'byung bar kun tu 'byung ba dang zhes bya ba nyon mongs pa can gyi yid dang mtshungs par ldan pa'i ngar 'dzin pa dang/ mtshungs par ldan par kun tu 'byung ba la zhes bya ba 'jug pa'i rnam par shes pa dge ba dang mtshungs par ldan pa yin na nyes pa 'di dag tu mi 'gyur te/ dus thams cad du ngar 'dzin pa kun tu 'byung ba med pa'i nyes pa'o/ /gzhan dag ni mtshungs par ldan par kun tu mi 'byung ba la zhes bya bar 'don te/ tshig de gnyis ni don rnam pa drug car gyi mjug sdud pa yin no/ /nyon mongs pa can gyi yid yod na ni ngar 'dzin pa la sogs pa 'jug pa'i rnam par shes pa drug dang lhan cig

  756. 378b

    kun tu 'byung bar 'gyur gyi de dag dang mtshungs par ldan pa ni ma yin no/ /lhan cig 'byung bar kun tu 'byung ba zhes bshad na mtshungs par ldan par yang 'gyur bas mtshungs par ldan par kun tu mi 'byung ba la zhes bya ba smos so/ /kun tu 'byung ba ni skad cig ma tha dad bar yang yin pas lhan cig 'byung bar kun tu 'byung ba zhes bya ba smos so/ /nyon mongs can gyi yid med na zhes bya ba la sogs pa'i tshigs su bcad pas ni tshigs su bcad pa gnyis bshad pa'i don nyid sdud pa yin no/ /gnyis med ces bya ba ni ma rigs pa ma 'dres pa dang/ lnga po dang 'dra ba'o/ /gsum po 'gal bar 'gyur zhes bya ba ni snyoms par 'jug pa'i khyad par dag dang/ nges pa'i tshig dang/ ngar 'dzin pa'i skye ba dang gsum mo/ /ma rig pa ma 'dres pa ni mi brtan pa dang brtan pa ste/ mi bstan pa ni yid kyi rnam par shes pa dang mtshungs par ldan pa kho na yin te/ kha nang du bltas pas rang dbang can yin pa'i phyir ro// de yang mthong bas spang bar bya ba kho na yin no/ /gang zhig nyon mongs pa can gyi yid sgrub pa'i phyir gong du nye bar bkod pa gang yin pa de ni bstan pa dang bsgom pas spang bar bya ba yang yin no/ /da ni de chos mngon pa'i mdo las gsungs pa'i tshigs su bcad pas ston par byed do/ /theg pa chen po sangs rgyas kyis gsung yin pa nyid du gong du rab tu bsgrubs pa'i phyir sil bu'i mdo'i tshigs su bcad pa lhan cig tu ni skye zhing 'gag ces bya ba la sogs pa ci'i phyir nye bar ma bkod ce na/ 'di las ma rigs pa dngos su ma bstan pa'i phyir ro/ /de la yang dag pa nyid don yin te/ 'phags pa'i bden pa bzhi'i ngo bo nyid yin na/ /de la dmigs par byed pa

  757. 379a

    nyid du sems 'jug pa'o/ /bgegs su rtag gyur ba ni ji srid zag pa dang bcas pa'i sems kun tu 'byung ba'i bar du'o/ /de ni bye brag tu smra ba rnams dang mdo sde pa rnams kyis ltar na res 'ga' mngon du mi 'gyur yang thob pa dang sa bon gyi sgo nas yang dag pa mthong ba'i bgegs su gyur pas dus thams cad du kun tu 'byung ba yin no zhes bya ste/ gang gi phyir mngon du gyur pa bzhin du bgegs su gyur pa de'i tshe? dus thams cad du 'byung ba yin par khas blang bar bya'o zhe'o/ /thob pa ni re zhig de gsal ba'i phyir dang snga ma dang phyi mar yang khyad par med pa'i phyir bgegs su gyur pa ma yin par yang rigs na/ sa bon go ji ltar de 'di ltar de ma nyams pa ni yang dag par mthong ba'i bgegs su gyur ba yin la sdug bsngal chos shes pa'i bzod pa'i skad cig la nyams pa ni de'i bgegs su gyur pa ma yin no/ /de nyid kyi phyir slob pa la sa bon nyams pa yod pa'i phyir sprin dang bcas pa'i nyin mo gzugs mthong ba bzhin du chos mthong ba yin la/ mi slob pa'i ni spangs pa'i phyir sprin med pa'i nyin mo gzugs mthong ba bzhin du chos mthong ba yin no// yang na mthong bas spang bar bya ba'i mi shes pa nyid nyon mongs pa can gyi gnas skabs dang dge ba zag pa dang bcas pa dang lung du ma bstan pa'i gnas skabs na mngon du gyur pa dang/ sa bon gyi sgo nas yang dag par mthong ba'i gags su gyur pa yin no/ /de 'gags na ni mun pa 'gags na snang ba 'byung ba bzhin du yang dag par mthong ba 'byung ste/ de'i phyir ma rig pa'i khyad par gzhan brtag pa mi bya'o/ /zhe na de ni

  758. 379b

    rigs pa ma yin te gang zhig mi gsal ba'i ngo bo nyid kyi sgrib pa'i bdag nyid yin pa de ni yang dag pa mthong ba'i gags su gyur pa yin na/ mun pa mngon du gyur pa ni sgribs pa'i bdag nyid yin gyi sa bon gyi gnas skabs ni ma yin te phyi'i mun ba dang chos mthun pas so/ /phyi'i mun pa'i sa bon ni mthong ba'i bgegs byed par grags pa yin no/ /sa bon ni mnyam pa dang nyams pa rang gi 'bras bu skye ba dang mi skye ba la bya ba byed kyi/ rigs gzhan gyi bgegs byed pa la ni ma yin no/ /skal ba ma nyams pa'i rgyu ma bsags pa nyid dang/ bsags pa nyid kyis yongs su ma rgyas pa'i phyir dang/ yongs su smin pa'i phyir sprin dang bcas pa dang sprin med pa'i nyin mo gzugs mthong ba bzhin du slob pa dang mi slob pa'i lta ba dag gis chos mthong ba yin gyi sa bon bgegs su gyur pa'i phyir ni ma yin no/ /'o na ni dge ba'i sa bon yongs su ma rgyas pa dang yongs su rgyas pa de nyid las yang dag pa ma mthong ba dang mthong bar 'gyur ro zhe na/ de ni ma yin te mi shes pa kun tu 'byung ba'i gnas skabs pa mthong ba'i bgegs byed pa yin no zhes de ni bshad zin to/ /bgegs byed pa med na ni/ dge ba zag pa dang bcas pa'i sems ba chung ngus kyang yang dag par mthong ba'i phyir nyon mongs pa zad par 'gyur ro/ /de lta bas na rtag tu kun tu 'byung ba'i mi shes pas khas blang bar bya'o/ /de yang rnam par shes pa gzhan med pa ma yin te/ dge ba dang lung du ma bstan pa'i gnas skabs na de mi srid par thal bar 'gyur ba'i phyir ro/ /de'i phyir nyon mongs pa can gyi yid ni grub pa yin no/ /nyon mongs pa can yin pa'i phyir zhes bya ba la sogs pas nyon mongs pa can nyid kyis

  759. 380a

    yang dag pa mthong ba la sgrib pa'i phyir bsgribs pa ste/ gzugs dang gzugs med pa na spyod pa'i nyon mongs pa bzhin du dus thams cad du ldan pa'i phyir ro/ /dus thams cad du ldan pa nyid nyid ni kha nang du bltas pa nyid kyis phra ba'i mi 'gal bas so/ /dge ba dang mi 'gal ba'i phyir lung du ma bstan pa yin te/ dper na gzugs dang gzugs med pa na spyod pa'i nyon mongs pa zhi gnas dang mthun pa lung du ma bstan pa de dang 'dra'o/ /zhar la 'ongs pa rdzogs so// //dkyus ma nyid kyi dbang du mdzad nas sems kyi lus gsum pa zhes bya ba smos te/ bstan pa'i sgo nas gsum pa nyid ma yin gyi 'on kyang bshad pa'i sgo nas yin no/ /kun gzhi'i rnam par shes pa ma gtogs par zhes bya ba ni/ 'jug pa'i rgyu mtshan thun mong ma yin pa'i dbang du mdzad nas gsungs pa yin no/ /sems zhes bya ba ni rnam par shes pa las gzhan pa'i don brjod par byed pa yin te/ sems dang yid dang rnam par shes pa zhes bya ba'i tshig 'di'i phyogs gcig yin pa'i phyir/ dper na bsgrubs pa'i yid ces bya ba dang 'dra'o/ /gtan tshigs de nyid kyi phyir yid kyang don gzhan rjod par byed pa yin te/ rnam par shes pa zhes bya ba bzhin no/ /kun gzhi'i rnam par shes pa grub pa de cing dgos she na/ de'i phyir sa bon thams cad ba de las yid dang rnam par shes pa 'byung ngo zhes bya ba smos so/ /da ni chos kyi bag chags kyi sa bon bsags pa rnams kyis zhes bya ba la sogs pas rgyu mtshan thun mong ma yin pa de ston to/ /sna

  760. 380b

    tshogs nyid dang sems dpa' ni mthun mong ma yin pa'i phyir nye bar ma bkod de/ gang tshe sems zhes bya ba'i sgra sems dang sems las byung ba dang sems dang ldan pa ma yin pa zhes bya ba de lta bu la sogs pa la sbyor ba de'i tshe ni rgyu mtshan thun mong la brten to/ /yang ci'i phyir zhes bya ba ni theg pa chen po'i thun mong ma yin pa'i rnam grangs ston pa yin no/ /shes bya phra mo bsdu ba'i phyir zhes bya ba na shes bya ni rnam pa gnyis te/ phra mo dang rags pa'o phra mo ni spyi'i mtshan nyid kyi sgo nas chos la bdag med pa dang/ rang gi mtshan nyid kyi sgo nas shes par dka' ba nyid kyis kun gzhi'i rnam par shes pa'o/ /rags pa ni spyi'i mtshan nyid kyi sgo nas gang zag la bdag med pa dang/ /rang gi mtshan nyid kyi sgo nas gzugs la sogs pa'o/ /de la nyan thos rnams ni spyi'i mtshan nyid dang rang gi mtshan nyid rags pa thos pa dang bsams pa dag gis goms par byas nas go rim bzhin du 'phags pa'i lam dang de'i rjes la thob pa'i shes pas mngon sum du bya bar nus te/ de'i phyir de rnams la de kho na bstan to/ /ci'i phyir zhe na/ shes pa ni zhar yin pa'i phyir la mya ngan las 'das pa ni gtso bo yin pa'i phyir ro// de nyid shes bya thams cad shes pa la rtogs pa ma yin no zhes bya bas ston te/ de bas na de dag ni blo mi gsal ba'i phyir shes bya thams cad shes pas rtogs par bya ba'i phyir zhugs pa ma yin gyi rags pa kho na shes bar nus la de tsam gyis de dag gi rnam par grol ba 'grub ba'o/ n/de'i phyir de dag ni zhes bya ba la sogs pas ni don de nyid ston to/ /byang chub sems dpa' rnams ni zhes bya ba ni spangs pa ni med na med pa yin pa'i phyir

  761. 381a

    la thams cad mkhyen pa'i ye shes ni gtso bo yin pa'i phyir ro/ /nus pa yang yod la don du yang gnyer ba'i phyir shes bya thams cad shes pa la gtogs pa yin no/ /de'i phyir 'phags pa'i lam gyis spyi'i mtshan nyid rags pa dang phra mo dang/ de'i rjes la thob pa'i ye shes kyis rang gi mtshan nyid rigs pa dang phra mo mngon sum du byas nas dgos pa'i gtso bo ma thob par 'khor ba nyid na yongs su rgyu'o/ / de bas na de'i phyir de dag la de bstan te zhes bya ba la sogs pa smos te/ 'di ltar gang kho na thos pa dang bsam pa ngag gis yul du byas pa de kho na phyis mngon sum du byed do/ /nyan thos kyi theg pa dang thun mong ma yin pa'i dbang du mdzad nas/ /yang zhes bya ba la sogs pa smos te/ thams cad yod par smra ba rnams kyi yin no/ /kun gzhi la kun tu dga' ba zhes bya ba la sogs pa tshig bzhi ni rnam grangs tsam du zad de/ dbang po rtul po rnams kyis rtogs par bya ba'i phyir ram/ gdul ba 'ga' zhig rnam grangs 'ga' zhig gis don grags pa rtags par bya ba'i phyir ram/ gdul ba rnams la so so yang dag par rig pa'i sa bon bskyed pa'i phyir ro/ / yang na kun gzhi la kun tu dga' ba zhes bya ba ni bstan pa yin no/ /lhag ma ni dus kyi khyad par gyis de'i bshad pa yin no/ /'das pa dang da ltar byung ba dang ma 'ongs pa'i yul gyi khyad par gyi go rims bzhin no// yang na 'dod pa dang gzugs dang/ gzugs med pa'i bye brag gi tshig gsum go rims bzhin du de'i bshad pa yin no/ /yang na ngan song gi 'gro ba dang lha ma yin gyi 'gro ba dang/ lha'i 'gro ba las brtsams nas

  762. 381b

    tshig gsum go rim bzhin du bshad pa yin no/ /go rim bzhin du 'phan bar byed pa dang/ rdzogs par byed pa/ yi dags dang lha'i 'gro bas bsdus pa dag gis mngon par grub pa'i phyir lha ma yin gyi 'gro ba gzhan du rnam par bzhag go /yang na mngal nas skye ba dang sgo nga las skye ba dang/ drod gsher las skye ba dang/ rdzus te skye ba'i skye gnas kyi dbang du mdzad nas tshig gzhi go rim bzhin no/ /yang na 'dod pa na spyod pa dang/ gzugs kyi sred pa dang/ gzugs med pa'i sred pa dang/ 'jigs pa'i sred pa las brtsams nas so/ /yang na phyin ci logs bzhi las brtsams nas so/ /nyan 'dod la zhes bya ba la sogs pa tshig bzhi ni/ skyes bu dam pa la brten pa dang/ thos pa dang/ bsams pa dang bsgoms pa las byung ba'i shes rab kyi dbang du mdzad nas go rim bzhin no/ /de la skyes bu dam pa la brten pa ni gsum gyi sbyor ba yin no/ /yang na thos pa las byung pa'i shes rab kyi khyad par yin no/ /yang na bsnyen bkur byed pa'i gnas skabs na skyes nas thob pa'i shes rab yin no/ /chos kyi rjes su mthun pa'i chos shes bya ba la chos ni bden pa mthong ba'o/ /rjes su mthun pa'i chos ni de'i sbyor ba'i lam mo/ /rnam pa gcig tu na chos ni mi slob pa'i lam mo/ /rjes su mthun pa'i chos ni slob pa'i lam mo/ /rnam pa gcig tu na chos ni don dam pa mya ngan las 'das pa'o/ /rjes su mthun pa'i chos ni zag pa med pa'i lam thams cad do/ /lung rnams las zhes mang po'i tshig smos pa ni/ lung mang po las 'byung ba'i phyir ro/ /rtsa ba'i rnam par shes pa zhes bya ba ni yid kyi rnam par shes pa gzhan bstan pa zhig yin no/ /zhes bya ba de ltar rtogs so/ /de ni kun tu

  763. 382a

    rtog pa tsam du zad de yid kyi rnam par shes pa'i rgyud gzhan nyid mi rung ba'i phyir mig gi rnam par shes pa'i rgyud gzhan bzhin no/ /rtsa ba la brten pa'i shing ljon pa bzhin no/ /zhes bya ba ni/ de las gzhan pa'i rnam par shes pa rnams kyi rtsa bar gyur pa'i phyir ro/ /'khor ba ji srid pa'i zhes bya ba ni la la ni ji srid 'tsho'i bar du 'jug ste/ dper na srog lta bu'o/ /la la ni skad cig tsam ste/ dper na 'jug pa'i rnam par shes pa lta bu'o/ /kun gzhi'i rnam par shes pa ni mya ngan las 'das pa'i bar du 'jug go /la lar res 'ga' zhes bya ba ni gzugs med pa'i khams dang/ 'gog pa la sogs pa'i snyoms par 'jug pa'i gnas skabs na go rim bzhin du gzugs dang sems dag gi rgyu 'chad pa mthong ba'i phyir ro/ /'di la de dag ni ldan pa ma yin pa'i 'du byed kyi khyad par zhig 'khor ba ji srid pa yin pa nyid du rtogs te/ ldan pa ma yin pa rnams bsal ba'i phyir de ni rigs pa ma yin no/ /gang shes bya'i gnas zhes bya ba ngo bo nyid bstan pa dang/ len pa'i rnam par shes pa la sogs pa zhal la theg pa chen po'i thun mong ma yin pa'i rnam grangs brjod pa dang/ nyan thos kyi theg pa dang thun mong gi tshig gsum dang/ de ni kun gzhi'i rnam par shes pa ste zhes bya ba thun mong ma yin par bshad par bya ba'i rnam grangs bstan pas ni de mjug sdud pa yin no/ /dang 'khor ba ji srid pa'i phung po nyid ces bya ba la dang zhes bya ba'i sgra ni gong ma rnams bsdu ba'i don to/ /yang na sde pa gzhan dag 'don pa bsdu ba'i phyir te/ dper na mang pos bkur ba'i sde rnams mig la

  764. 382b

    sogs pa'i rnam par shes pa drug bstan nas rnam par smin pa'i rnam par shes pa ston pa lta bu dang/ gnas brtan pa rnams de kho na bzhin du bstan nas srid pa'i yan lag gi rnam par shes pa ston pa lta bu ste/ de dag kyang rnam par shes pa drug las rigs gzhan du gyur pa'i phyir kun gzhi'i rnam par shes pa yin no/ /lam po che bstod pa kho na yin no zhes bya ba ni dper na rgyal po chen po'i gshegs shul long ba rnams kyis mi mthong zhing mi ngan pas bgrod par bya ba ma yin pa de bzhin du kun gzhi'i rnam par shes pa skal pa med pa rnams kyi yul ma yin pa 'am/ dper na 'khor los sgyur ba'i rgyal po chen po gshegs shul gser gyi bye mas g.yogs pa de dbang thang med pa rnams la mi snang ba ltar 'di yang de dang 'dra'o/ /rtsod pa'i dbang du mdzad nas 'dir tshig 'bru tha dad do zhes bya ba smos so/ /sngar bshad pa rnam pa drug gi ni ming khyad par yod pa nyid 'ba' zhig tu zang ngo zhes ston par byed de tshig 'bru ni ming gi rten yin pa'i phyir ro/ /yid dang rnam par shes pa gnyis don tha dad par dmigs pa'i phyir ro zhes bya ba ni de dag gi gzhung lugs nyid kyis 'das pa ni yid de rgyur gyur pa yin pa la da ltar byung ba ni rnam par shes pa ste 'bras bur gyur pa yin no/ /de lta bas na sems zhes bya ba'i sgra ni rnam par shes pa las don gzhan brjod par byed pa yin te/ tshig de dag gi phyogs gcig yin pa'i phyir yid ces bya ba'i sgra bzhin no/ /ma 'ongs pa sems yin par rnam par bzhag par yang mi nus te/ nges pa'i tshig mi srid pa'i phyir ro?/ /yang na don tha dad par dmigs pa'i phyir ro zhes bya ba ni sngar bsgrubs pa'i tshad ma'i lugs kyi de skad du

  765. 383a

    brjod pa yin no/ /yang kha cig ni zhes bya ba ni btsun pa dbyig bshes so/ /nye bar len ba'i phung po lnga po dag ces bya ba ni/ de'i lta ba la grags pa kun gzhi'i rnam par shes pa la ma gtogs pa gang dag yin pa'o/ /gzhan dag ces bya ba ni btsun pa me'u thung ste/ 'dod chags dang bcas pa zhes bya ba ni 'dod chags dang mtshungs par ldan pa'o/ /yang na 'dod chags dang dus mnyam pa ste/ phyogs 'di la ni 'dod chags la dmigs par byed pa yang bsdu'o/ /gzhan dag ces bya ba ni btsun pa dbyangs sgrogs te/ don de dag gsum char yang 'dod chags kyi rang gir byed pa'i phyir kun gzhi zhes bya'o/ /lung dang zhes bya ba ni/ de las rnam par phye ste bstan pa'i phyir ro/ /rtogs pas zhes bya ba ni spyi'i mtshan nyid rags pa rtogs pa'i phyir dang/ de'i rjes la thob pa'i shes pas rang gi mtshan nyid gzugs la sogs pa rags pa kho na rtogs kyi phra mo ni ma yin pas so/ / nyan thos kyis theg ba rnam par bzhag pa ni shes bya rags pa'i dbang du mdzad pa yin pas/ de dag gi yongs su rtogs pa de yang shes bya rags pa la bzhugs pa rnams la rung ba nyid do/ /tshes bzang ngo zhes bya ba ni nying mtshams sbyor bar byed pa ni sems can thams cad la khyab par byed pa yin pa'i phyir ro/ /de yang gzhan gyi lta ba la mi srid pa dang/ rang gi lta ba la srid pas sgrub par mdzad de/ /'di ltar zhes bya ba la sogs pa ni gzhan gyi lta ba la mi srid par ston pa yin no/ /bye brag tu smra ba rnams kyi ltar na 'phen par byed ba dang rdzogs par byed pa'i las mi dge ba kho na dmyal ba rnams su lus 'grub pa'i phyir/ rnam par smin pa las

  766. 383b

    skyes pa'i tshor ba sim pa ?bde ba yang ma yin sdug bsngal yang ma yin pa med do/ /mnar med pa ma gtogs pa tsha ba dang/ grang ba dag na ni rlung bsil ba dang dro ba'i reg pas rgyu mthun pa las 'byung ba'i bde ba yod do/ /yi dwags dang dud 'gro dag na ni/ mi dge ba kho nas 'phangs mod kyi res 'ga' zhig la lar rdzogs par byed pa dge ba yin pas rnam par smin pa las skyes pa bde ba dang bde ba yang ma yin/ sdug bsngal yang ma yin pa yod do/ /de lta bas na mnar med pa ni shin tu sdug bsngal ba'i ngan 'gro yin no/ /mdo sde pa rnams kyi ltar na/ mnar med pa ma gtogs ba dmyal ba dag na yang rgyu mthun pa las byung ba'i bde ba med de/ rlung gi reg pas ni sdug bsngal nye bar zhi ba tsam 'ba' zhig tu zang ngo/ /bde ba yang ma yin sdug bsngal yang ma yin pa ni yod mod kyi/ mi dga' ba'i rnam pa can yin pa'i phyir de ni 'dod chags dang mthun pa ma yin no/ /yi dwags dang dud 'gro kha cig na yang de dang 'dra'o// de lta bas na gnyi ga la grags pa'i nye bar len pa'i phung po de dag la 'dod chags kyi sbyor ba med de/ de dag dang 'bral bar 'dod pa'i phyir ro/ /bsam gtan bzhi pa yan chad ces bya ba la sogs pa ni mdo sdes pa kha cig ni bsam gtan bzhi pa'i bar las mi gsal sogs pa'i rnam par shes pa srid pa'i phyir bde ba dang sdug bsngal yod la/ srid pa'i rtse mo'i bar la yid kyi rnam par shes pa srid pa'i phyir yid bde ba yod par 'dod do/ /de dag gi lta ba de ni mthar gyis snyoms par 'jug pa bstan pa'i mdo la sogs pa dang 'gal ba'i phyir gong ma la med de zhes bya ba'o/ /de dang ldan pa zhes bya ba ni/ bsam gtan bzhi pa la sogs pa dang ldan pa'o/ /'jig tshogs

  767. 384a

    la lta ba zhes bya ba la 'jig tshogs la lta ba ni rnam pa gnyis te/ kun brtags pa gang yin pa de ni slob pa rnams kyi ni spangs pa'i phyir la/ /sbyor ba'i lam la gnas pa'i so so'i skye bo rnams kyi ni kun tu mi 'byung ba'i phyir mi mthun pa yin no/ /lhan cig skyes pa ni gnyi ga la kun tu 'byung mod kyi bdag med pa la mos pa'i phyir de la chags pa ni ma yin no/ /rang gi lta ba la srid pa'i dbang du mdzad nas/ kun gzhi'i rnam par shes pa la zhes bya ba la sogs pa smos so/ /nang gi zhes bya ba la ni nang du'o/ /rnam par gzhig par 'dod par ni nam yang mi 'gyur ro zhes bya ba ni btang snyoms kyi tshor ba dang mtshungs par ldan pas mi mthun pa med pa'i phyir ro/ /'di ltar sdug bsngal gyi phung po 'di dag rnam grangs med par med kyang ci ma rung snyam du sems kyis/ bdag nyid med kyang ci ma rung snyam du ni ma yin te/ bdag tu lta ba'i gnyen po med pa'i phyir dang/ nyon mongs pa can gyi yid dang mtshungs par ldan pa'i 'dod chags kyang 'di la sbyar bas so/ /yang ji ltar mi dge ba'i las kyi 'bras bu bde ba yang ma yin sdug bsngal yang ma yin pa'i tshor ba yang yin zhe na/ de ni ma yin te/ 'dir sde pa'i lta ba lta bu ni ma yin no/ /'dir ni bde ba dang yid bde ba ni dge ba'i las kyi rnam par smin pa las skyes pa yin la/ sdug bsngal dang yid mi bde ba ni mi dge ba'i las kyi rnam par smin pa las skyes pa yin no/ /bde ba yang ma yin sdug bsngal yang ma yin pa ni/ gnyi ga'i rnam par smin pa lam skyes pa yin no/ /mi dge ba'i rnam par smin pa las skyes pa gang yin pa de ni/ mi

  768. 384b

    dge ba'i rnam pa can nyid ma yin te/ mi gsal bas de la nyon mongs pa can gyis yid sbyor bar srid do/ /rnam grangs bstan pa rdzogs so// /nga ni mtshan nyid rnam par bzhag pa'i skabs la bab po/ /'dir yang dngos po bdun nye bar bkod de/ mtshan nyid dang/ bag chags dang/ de'i de nyid dang/ gzhan nyid dang/ phan tshun du rkyen nyid dang/ sna tshogs dang sna tshogs ma yin pa nyid dang/ rten cing 'brel bar 'byung ba dang/ rkyen rnam par bzhag pa'o/ /'di thams cad ni mtshan nyid kyi zhar la yin pa'i phyir mtshan nyid du rnam par bzhag go /dngos po dang po'i dbang du mdzad nas/ /de nas 'di'i mtshan nyid rnam par bzhag pa ji ltar zhes bya ba smos so/ /mdor bsdu na zhes bya ba ni rgyas par ni rnam par gtan la dbab pa bsdu ba las ji skad 'byung ba bzhin no/ /de la rang gi mtshan nyid ni kha cig na re gang la rgyu sa bon yongs su ma smin pa dang/ sa bon yongs su smin pa yod pa de ni gzhan gyis dbang rten cing 'brel par 'byung ba'i sa bon yin te/ gzhan gyi dbang de ni 'bras bu yin no zhes zer ro/ /de skye ba'i rgyu mtshan nyid do zhes 'byung ba'i phyir de ni rung ba ma yin te/ /ma smin pa ni skye ba'i rgyu mtshan ma yin no/ /kha cig na re gzhan gyi dbang rten cing 'brel par 'byung ba'i rang gi mtshan nyid ni 'bras bu la bltos na sa bon de rgyu yin la/ de nyid bsgo bar byed pa'i chos las ltos na ni 'bras bu yin no/ /zhes zer ro/ /de yang rigs pa ma yin te/ de skye pa'i rgyu mtshan nyid de zhes 'byung ba'i phyir dang/ bag chags la brten nas 'byung ba zhes 'byung pa'i phyir ro/ /de lta bas na

  769. 385a

    yongs su smin pa dang yongs su ma smin pa dbye ba ma byas par sa bon gyi cha dang rnam par smin pa'i cha bsdus nas rang gi mtshan nyid ces phyir ste/ rnam smin sa bon thams cad pa zhes 'byung ba'i phyir dang/ 'og nas mdor bsdu na kun gzhi'i rnam par shes pa zhes bya ba la sogs pa 'byung ba'i phyir ro/ /de nyid de la kun gzhi'i rnam par shes pa'i rang gi mtshan nyid ni zhes bya ba la sogs pas bston to/ /bag chags la brten nas shes bya ba ni 'dir 'byung ba zhes bya ba khong nas dbyung ste/ 'dis ni rnam par smin pa'i cha rten cing 'brel bar 'byung ba bshad do/ /de skye ba'i rgyu mtshan nyid do zhes bya ba ni/ de nyid kun nas nyon mongs pa'i chos de rnams skye ba'i rgyu mtshan nyid yin pa'o/ /yang ji ltar rgyu mtshan nyid yin zhes na/ sa bon yongs su 'dzin pa dang ldan pas zhes bya ba smos so/ /'di ni gtso bo la sogs pa rnam par dpyad pa'i phyir te/ 'di ltar sa bon yongs su 'dzin pa dang ldan pa ni skye ba dang ldan pa rnams dang lhan cig skye ba dang 'gag pa dag gis bag chags yongs su 'dzin pa yin no/ /'dis ni sa bon gyi cha bstan to/ /de la kun nas nyon mongs pa thams cad kyi bag chags ni 'di yin te/ mngon par brjod pa'i bag chags dang/ srid pa'i yan lag gi bag tshogs pa dang/ 'jigs tshogs la lta ba'i bag chags so/ /mngon par brjod pa'i bag chags ni rgyu'i rkyen yin te/ kun gzhi'i rnam par shes pa'i rang gi ngo bo mngon par 'grub pa'i rgyu yin pa'i phyir ro/ /srid pa'i yan lag gi bag chags ni bdag pa'i rkyen yin te/ bde 'gro dang ngan 'gror 'gyur ba'i rgyu yin

  770. 385b

    pa'i phyir ro/ /'jig tshogs la ba'i bag chags kyang bdag po'i rkyen yin te/ bdag dang gzhan du 'byed pa'i rgyu yin pa'i phyir ro/ /de lta ma yin na sems can thams cad gcig nyid du 'gyur ro/ /sa bon gyi cha de nyid rnam par phye nas kun nas nyon mongs pa'i chos de dag nyid kyis zhes bya ba la sogs pas rgyu'i mtshan nyid du bstan to/ /rnam par smin pa'i cha yang gang kun gzhi'i rnam par shes pa zhes bya ba la sogs pas 'bras bu nyid du bstan to/ /bag chags kyis dbang du mdzad nas bag chags zhes bya ba 'di ci zhig ces bya ba la sogs pa smos te/ chos mthun pa gang gis na bag chags zhes bya/ bag chags de ni ci yin zhes dri ba gnyis kyi don yin no/ /bsgo bar bya ba kun gzhi'i rnam par shes pa de sgo bar byed pa'i chos rnams dang lhan cig skye ba dang 'gag par gyur nas sgo bar byed pa'i chos de rnams kyis 'ongs pa skye ba'i rgyu mtshan du 'gyur ba ni bag chags te/ dper na 'jig rten na til rnams me tog dang phrad nas lhan cig skye ba dang 'gag pa la brten nas de dang 'dra ba'i dri 'byung ba'i rgyu mtshan du 'gyur ba lta bu 'am/ dper na bstan bcos la kun nas nyon mongs pa'i phyogs dang 'thun pa 'dod chags la sogs pa dang/ rnam par byang ba'i phyogs dang mthun pa mang du thos pas yongs su bsdus pa dran pa dang shes rab la sogs pa dang lhan cig skye ba dang 'gag par 'gyur ba'i sems de dag dang 'dra ba skye pa'i rgyu mtshan du 'gyur ba bag chags yin pa lta bu'o/ /'dir yang skad cig ma'i bye brag la bsgo bar bya ba dang/ sgo bar byed pa nyid dgag par 'chad par 'gyur ba'i phyir rgyun gyi tshul du kun gzhi'i rnam par shes pa nyid

  771. 386a

    rnam par bzhag la/ rang gi tshogs dang mtshungs par ldan pa'i sems la pha rol bag chags khas len du bcug la/ lhan cig 'byung zhing 'gags na zhes brjod do/ /de 'byung ba'i rgyu mtshan nyid ces bya ba ni/ dri ba gnyis pa'i lan yin na/ /sgo bar byed par mthun pa nyid kyis bag chags zhes bya bas shugs kyis ni dri ba dang po'i lan yang yin no/ /'di la rnam par rtog pa gsum ste/ kha cig na re bag chags ni sgo bar byed pa la mi bltos par chos nyid kyis gnas la 'dod chags la sogs pa lhan cig skye ba dang 'gags pas ni yongs su gsol ba 'ga' zhig tu zad kyi skyed pa ni ma yin no/ /zhes zer ro/ /de ni de ltar yin te/ 'di ltar kun gzhi'i rnam par shes pa dang/ 'phags pa'i lam skye ba'i rgyu mtshan nyid ni rang bzhin gyi rigs te/ rgyu'i rkyen nyid du bag chags yin par khas len na/ de dag ni lhan cig skye ba dang 'gag pas rang gi bag chags skyed par mi srid de/ kun gzhi'i rnam par shes pa gnyis phrad pa med pa'i phyir dang/ 'phags pa'i lam yang 'dris pa ma yin pa'i phyir ro/ /yongs su gso bar byed pa ni mi 'dra ba yang 'gyur bas de ni mi 'gal lo/ /gzhan dag ni til la sogs pa bag chags sgo bar byed pa la bltos pa mthong nas sgo bar byed pas sngon med pa skyed pa dang/ sgo bar byed pas sngon bskyed pa yongs su gser bar yang 'dod de nang gi skye mched la dmigs pa'i yid kyi rnam par shes pa de'i khongs su btogs pa kun gzhi'i rnam par shes pa la yang dmigs par 'dra bas kun gzhi'i rnam par shes pa bskyed par bya ba la bag chags rgyu'i rkyen du

  772. 386b

    gyur pa skyed par yang sems so/ /'phags pa'i lam gyi rigs kyang zag pa med pa'i lam gyi bdag nyid ma yin gyi/ 'on kyang rgyud gang la nyon mongs pa dang/ shes bya'i sgrib pa'i sa bon srab pa'i phyir spang du rung ba de ni byang chub sems dpa' i rigs yin la/ gang la nyon mongs pa'i sgrib pa'i sa bon yod pa de ni nyan thos dang rang sangs rgyas kyi rigs yin/ gang la gnyi ga'i sa bon che ba'i phyir slad du mi rung ba yod pa de ni rigs med pa yin no/ /'phags pa'i lam gyi skad cig ma dang po la ni rgyu'i rkyen med do/ /rkyen gzhi zhes bya ba ni ji ltar srid par gsungs pa'i phyir ro zhes zer ro/ /gzhan dag na re bag chags ni chos nyid kyi gnas pa yongs su gso bar bya ba dang/ sngon med pa bskyed par bya ba yang yin te/ bskyed pa'i bag chags du ma ni lhan cig byed pa'i rgyu nyid kyis chos nyid bag chags kyis bdag po'i rkyen yin la/ chos nyid kyi bag chags gang yin pa dang/ sngon med pa bskyed pa'i bag chags du ma yang bye brag tu smra ba brtags pa skal pa mnyam pa'i rgyu bzhin du skad cig ma gcig pa'i 'bras bu skye ba'i yang rgyu'i rkyen nyid du sems so/ /de la rnam par rtog pa dang po la gleng ba bya ste/ 'dod chags la sogs pa ni yongs su gso ba tsam du nye bar gnas pa'i phyir rgyu'i rkyen du mi 'grub ste/ dper na 'du byed kyi rkyen gyis rnam par shes pa zhes bya ba 'di la 'du byed rnam par shes pa'i sa bon yongs su gso bar byed pa yin pa'i phyir bdag po'i rkyen nyid yin pa lta bu'o/ /'o na rten cing 'brel bar 'byung ba gnyis pa la gang gi rkyen ces bya zhe na/ bdag po'i rkyen to/ /zhes 'byung ba'i yang phyir te/ des na kun gzhi'i rnam par shes pa ji lta

  773. 387a

    pa de bzhin du kun nas nyon mongs pa'i chos rnams kyang rgyu'i rkyen yin no zhes bya ba 'di 'gal lo/ /de ni ma yin te/ rigs mthun pa'i sa bon yongs su gsos pas rgyu'i rkyen nyid yin te/ dper na bye brag tu smra ba'i bskal pa mnyam pa'i rgyu rdzas gzhan nyid skal ba mnyam pa'i phyir rdzas gzhan gi yin pa lta bu'o/ /bdag po'i rkyen ni mi 'dra ba'i bag chags yongs su gsos ba'i phyir yin no/ /'on te til la sogs pa la de lta bu ma mthong ba'i phyir ji ltar chos nyid kyis gnas pa'i bag chags su 'gyur zhe na/ de ni rigs pa ma yin te/ sgog skya dang rdo la sogs pa la me tog dang phrad kyang de'i dri ma 'dzin pa snang ba'i phyir til la sogs pa la chos nyid kho nas dri 'dzin pa'i nus pa yod do/ /zhes bya bar shes so/ /gzhan yang sems dang sems las byung ba la ma gtogs pa'i dngos po med pa'i phyir til la sogs pa ni med pa kho na'o/ /'jig rten gyi grags par bag chags kyi rten nyid du grags pas bag chags 'byung ba la sogs pa'i dpe tsam du byas pa 'ba' zhig tu zad na ji ltar de dang 'dra bar thal bar 'gyur ro/ /rnam par rtogs pa gnyis pa la yang kha cig gleng ba/ kun gzhi'i rnam par shes pa ni kun gzhi'i rnam par shes pa gzhan dang lhan cig skye ba dang 'gag pa med pa'i phyir de skye ba'i rgyu mtshan gyi bag chags su mi 'gyur ro zhe'o/ /dmigs pa 'dra ba'i yid kyi rnam par shes pas bag chags bskyed do zhes bshad pa ma yin nam zhe na/ de ni rigs pa ma yin te/ /dmigs pa ni rnam pa gnyis te/ sems dang sems las byung ba'i ngo bo nyid rdzas dang/ gzugs kyi bdag nyid rdzas su med pa'o/ /de la sems

  774. 387b

    dang sems las byung ba la dmigs pa'i yid kyi rnam par shes pa gang yin pa des ni/ de dag kho na bskyed par bya ba'i phyir bag chags skyed la/ gzugs la dmigs pa gang yin pa des de kho na bskyed par bya ba'i phyir ro// sems tsam nyid kyis lugs kyis ni gnyi ga ltar yang dmigs pa dang/ rnam pa ma grub pa'i phyir ji ltar na dmigs pa'i sgo nas 'dra bar 'gyur/ 'on te mngon sum du dmigs pa dang brgyud pa'i sgo nas gzhan du rnam pa gnyis te/ de la mngon sum gyi dmigs pa ni gzung ba'i rnam pa gang yin pa'o/ /brgyud pa'i dmigs pa ni kun gzhi'i rnam par shes pa ste/ de'i dbang gis bzung ba'i rnam par snang ba'i phyir ro/ /de bas na rgyud pa'i dmigs pa'i sgo nas rdzas su yod pa la dmigs pa ni ji ltar na dmigs pa'i sgo nas mi 'dra snyam du sems na/ rtog pa 'di la yang gzhan gyi sems dang sems las byung ba'i dbang gis kyang yid kyi rnam par shes pa dmigs pa dang rnam pa yongs su 'dzin par skye ba'i phyir/ des bskyed pa'i bag chags gzhan gyi sems dang sems las byung ba rnams kyi rgyu'i rkyen du 'gyur bas sems can thams cad rgyud gcig pa nyid du thal bar 'gyur ro/ /rgyu de dmigs pa nyid yin na yang dmigs pa dang rnam pa yongs su ma grub pa'i phyir dmigs pa dang rnam pa mi 'dra ba de'i so na 'dug go /gang yang rang bzhin gyi rigs nyon mongs pa dang shes bya'i sgrib pa srab po yin no/ /'phags pa'i lam la rgyu'i rkyen med do/ /zhes smras pa gang yin pa de yang rigs pa ma yin te/ rang bzhin du gnas pa'i rigs ni skye mched drug gi khyad par ro zhes 'byung ba'i phyir dang/ sde ba

  775. 388a

    thams cad las kyang sems dang sems las byang ba thams cad rkyen ba zhes skye bar 'byung ba'i phyir ro/ /rnam par gtan la dbab pa bsdu ba las 'byung ba ni sgrib pa'i sa bon srab pa nyid kyis chos nyid kyis sa bon zag pa med pa yod pa nyid du bstan pa yin na zhes bya bar dgongs pa yongs su brtag par nus so/ /de nyid dang gzhan nyid kyi le'u yi ge dbang du mdzad nas/ kun gzhi rnam par shes pa dang kun nas nyon mongs pa'i chos kyi sa bon de dag ni zhes bya ba la sogs pa smos so/ /kun nas nyon mongs pa zhes bya ba ni zag pa dang bcas pa'i chos kyi sa bon dag ces bya ba'i tha tshig go /zag pa med pa'i sa bon dag kyang yod pa ma yin nam zhe na/ /'di la rnam par rtog pa gnyis pa smra ba rnams na re/ so so'i skye bo'i rgyud kyi chos kyi sa bon dag gi dbang du mdzad nas bshad pa yin na/ de dag la ni zag pa med pa'i sa bon yang med do zhes zer ro/ /de ni rigs pa ma yin te/ rnam par rtog pa de spangs pa'i phyir ro/ /de lta bas na so so'i skye bo'i rgyud las bon gang dag sde ba dag las grags pa de dag gis dbang du mdzad nas bshad pa yin la/ sde ba dag las ni zag pa dang bcas pa'i sa bon grags so/ /yang na zag pa med pa'i sa bon 'chad par 'gyur ba kun gzhi ma yin pa zhig bya ba las kun gzhi'i rnam par shes par bsdus pa gang yin pa de'i dbang du mdzad pa de bshad pa yin pas nyes pa med do/ /so so tha dad dam zhes bya ba ni kun gzhi'i rnam par shes pa las rdzas su gzhan pa nyid du gnas pa zhig gam/ gal te de ltar

  776. 388b

    gzhan nyid gcig yin na ni/ /gzugs ni bsal ba'i phyir sa bon de dag sems dang sems las byung ba'i ngo bo nyid yin par 'gyur ro/ /des na rten gcig la sems can gyi rgyud mang po zhig tu thal bar 'gyur ro/ /ji ltar skad cig ma gcig la sems dang sems las byung ba mang po zhig 'byung la/ rgyud du ma nyid kyang ma yin pa lta bu ma yin zhe na/ 'di la nyes pa med de/ sems las byung ba rnams la rag las te 'byung ba'i phyir ro/ /'o na ji ltar skad cig ma gcig la 'jug pa'i rnam par shes pa bdun 'byung la/ rgyud du ma nyid kyang ma yin pa lta bu yin no zhe na/ 'di la nyes pa med de/ de dag ni kun gzhi rnam par shes pa'i gcig la rag las te 'byung ba'i phyir ro/ /sa bon rnams ni sems dang sems las byung ba'i ngo bo nyid gcig yin na/ kun gzhi'i rnam par shes pa las rang dbang du gnas pa'i phyir rgyud du mar thal ba so na 'dug go /'on te kun gzhi rnam par shes pa las sa bon rnams tha mi dad pa zhig tu gyur na ni/ de ma sgribs la lung du ma bstan pa'i phyir/ sa bon rnams kyang ma bsgribs la lung du ma bstan pas na ma bsgribs la lung du ma bstan pa'i chos 'byung ba kho nar 'gyur gyi/ ma bsgribs la lung du ma bstan pa las dge ba dang mi dge ba'i chos 'byung bar ni rigs pa ma yin no/ /de ltar phyogs gnyi ga la yang nyes pa gnyis snang bas/ de la gnas pa de dag dang/ rjes su tha dad pa yang ma yin zhes bya ba la sogs pa smos te/ kun gzhi rnam par shes pa las de nyid dang gzhan nyid du brjod par bya ba ma yin pa rnams yin no/ /zhes bya ba'i don to/ /de lta bur grags pa gzhan yang chud zad lta yod dam zhe na/ smras pa yod de dper na

  777. 389a

    bye brag tu smra ba'i da ltar gyi rdzas la 'bras bu 'dzin pa'i mtshan nyid lta bu'o/ /de ni rdzas las gzhan pa yang ma yin te/ /rdzas byed pas stong pa'i phyir da ltar ma yin par thal bar 'gyur du 'ong bas so/ gzhan ma yin pa yang ma yin te/ rdzas kyi rang gi mtshan nyid las tha mi dad pa'i phyir 'das pa'i dus na yang byed pa yod pas da ltar nyid thal bar 'gyur du 'ong bas so/ /yang dper na mdo sde pa'i gzugs med pa'i khams su 'phags pa zag med pa'i sems mngon du gyur na/ sems de las kun nas nyon mongs pa'i sa bon rnams de nyid du brjod par bya ba yang ma yin te/ de dang 'dra bar zag pa med pa nyid du thal bar 'gyur du 'ong bas so// gzhan nyid du yang brjod par bya ba ma yin te/ snga ma bzhin du rgyud du mar thal bar 'gyur du 'od ba lta bu yin no/ /de bzhin du grub pa'i mdza' gzhan dag la yang sbyar bar bya'o/ /mod kyi zhes bya ba la sogs pas ni/ don de nyid kyi mjug sdud cing sa bon gyi rang bzhin ngo bo ston to/ /'byung ba'i mthu'i khyad par can zhes bya ba 'dis ni mthu'i khyad par yin pa'i phyir/ kun gzhi'i rnam par shes pa'i bdag nyid kyang ma yin no zhes bya ba'i tha tshig go / de bzhin du 'byung ba sres bya ba 'dis ni/ kun gzhi'i rnam par shes pa las gzhan yang ma yin te/ kun gzhi'i rnam par shes pa kho na rgyur byas nas yin no zhes bya ba'i don to/ /sa bon thams cad ba zhes bya ba 'dis ni/ /de lta bu'i sa bon gyi sa bon thams cad pa zhes bya'o zhes bya bar ston to/ /phan tshun rkyen gyi le'u'i dbang du mdzad nas/ kun gzhi'i rnam par shes pa dang/ zhes bya ba la sogs pa smos te/ 'dir yang

  778. 389b

    kun nas nyon mongs pa zhes smos pa ni snga ma bzhin du bshad par bya'o/ /mdo sde pa yang 'di la de bzhin du rgol zhing rtog ste/ de'i ltar na rkyen skad cig ma tha dad par rnam par 'jog go /de gal te dus mi mnyam pa dag kho na rgyu dang 'bras bu nyid yin no zhes sgrub kyang rung/ 'on te dus mnyam pa dag 'gog kyang rung/ gnyi ga ltar na yang ma nges pa nyid du bar tu bstan pa'i phyir/ me lce dang tshig pa dang mdud khyim dag bshad par bya'o/ /de la re zhig tshig pa snga la me lce 'phyi ba ni ma yin te/ 'di ltar tshig pa zhes bya ba ni/ bud shing mes byas pa'i 'gyur ba yin no/ /de lta bas na me lce med par sngar tshig pa med do/ /de nyid kyi phyir me lce 'phyi ba yang ma yin no/ /de bzhin du me lce lnga la// tshig pa 'phyi ba yang ma yin te/ 'bar ba bzhin du bud shing 'gyur ba med par thal bar 'gyur du 'ong bas so/ /ji ltar na bud shing ma tshig pa kho nar me lce'i rten du 'gyur te/ de lta bas na tshig pa dang me lce dag ni dus mnyam pa nyid do// kun gzhi'i rnam par shes pa ni/ sa bon gyi char bsdus pa dang/ rnam par smin pa'i char bsdus pa dang/ rnam pa gnyis zhes bshad do/ /sa bon yang rnam par rtog pa gsum pa ltar na rnying dang skyed pa dang/ rnam pa gnyis so// de la? skad cig ma gang kho na las sa bon snying las 'jug pa'i rnam par shes pa skye ba skad cig ma de kho na la kun gzhi'i rnam par shes pa la sa bon gsar skyed do/ /gsar dang rnying nyid dbye ba ma byas par spyir 'jug pa'i rnam par shes pa'i sa bon yin la 'jug pa'i rnam par shes pa yang sa bon gyi rgyu yin no zhes bya ba'i don 'di dag rab tu grub par bya ba'i phyir dpe dang po'o/ /rnam par shes pa dang po ltar na sa bon gang kho na las 'byung ba de nyid

  779. 390a

    yongs su gso'o/ /zhes bya ba'i don 'di rab tu grub par bya ba'i phyir dngos kho nar dpe dang po'o/ /rnam par smin par bsdus pa gang yin pa de ni 'jug pa'i rnam par shes pa'i yin la/ 'jug pa'i rnam par shes pa yang rnam par smin par bsdus pa'i bdag po'i rkyen yin te/ phan tshun rag las te 'byung ba'i phyir bye brag tu smra ba'i tshe la sogs pa phan tshun lta bu'o zhes bya ba'i don 'di rab tu 'grub par bya'i phyir mdud khyim gyi dpe'o/ /ji ltar mdud khyim phan tshun brten pas mi 'gyel ba de bzhin du/ kun gzhi'i rnam par shes pa dang 'jug pa'i rnam par shes pa dag phan tshun gyi dbang gis mi 'jig go /'di yang 'gog pa'i snyoms par 'jug pa la sogs pa la nyon mongs pa can gyi yid kun tu 'chad pa'i phyogs la ni/ zag pa dang bcas pa'i gnas skabs na zhes bshad par bya'o/ /gzhan du gyur ba'i phyogs la ni spyir zhes bshad par bya'o/ /de ltar rgyu'i rkyen du rnam par gzhag ste zhes bya ba'i gzhung gang yin pa de na sa bon gyi cha dang/ 'jug pa'i rnam par shes pa'i dbang du mdzad pa yin no zhes drang bar bya ste/ rnam par smin pa'i cha gang yin pa de ni sa bon gyi cha'i rten tsam gyi bdag po'i rkyen yin la sa bon gang yin pa de ni sa bon gyi cha mngon par 'grub pa'i rgyu yin pa'i phyir rgyu'i rkyen yin no/ /sa bon rnam pa gsum zhes bshad pa de la 'jig tshogs la lta ba'i bag chags kyi sa bon gang yin pa de ni dus mnyam pa dang dus mi mnyam po'i bdag po'i rkyen yin no/ /srid pa'i yan lag gi bag chags kyi sa bon gang yin pa de ni dus mnyam pa kho

  780. 390b

    na'i bdag po'i rkyen yin no/ /spros pa'i bag chags kyi sa bon rgyu'i rkyen ces bya ba bshad pa gang yin pa de ni/ kha cig na re dus mnyam pa nyid du gcig gi rgyu nyid du gcig 'gyur zhes 'byung ba'i phyir dus mnyam pa kho na'i rkyen yin te/ 'bras bu da ltar 'byung ba yin na/ 'das pa ni med pas nam mkha' i me tog bzhin du rgyu nyid du mi 'thad pa'i phyir dang/ rgyu da ltar byung ba yin na 'byung bar 'gyur ba ni med bas 'bras bu nyid du mi thad pa'i phyir ro zhes zer ro/ /gzhan dag na re rnam par gtan la dbab pa bsdu ba las/ dus mi mnyam pa kho na'i rkyen du 'byung bas rgyu'i rkyen ni srid pa'i yan lag gi sa bon bzhin du dus mi mnyam pa kho na yin no/ /dus mnyam du gcig gi rgyu nyid du gcig 'gyur zhes bya ba gang yin pa de ni 'di ltar drang ste/ rgyu sa bon ni da ltar byung ba yin la/ 'bras bu 'byung bar 'gyur ba ni ma 'ongs pa yin mod kyi/ 'on kyang rgyu da ltar byung ba gang yin pa de nyid 'bras bu ma 'ongs pa yin no/ /de bzhin du 'jug pa'i rnam par shes pa skyes pa ni sa bon ma 'ongs pa 'bras bu 'byung bar 'gyur ba'i rgyu yin la/ rgyu da ltar byung ba gang yin pa de nyid 'bras bu ma 'ongs pa yin pas dus mnyam pa nyid yin te/ rim pa 'dis na sa bon ni rgyun 'jug pa'i rnam par shes pa'i rgyu yin la/ 'jug pa'i rnam par shes pa yang rgyun 'jug pas sa bon gyi yin pas gcig gi rgyu nyid du gcig 'gyur bar yang rig par bya ste/ dpe gnyis la yang de bzhin du sbyar bar bya'o zhes zer ro/ /kha cig na re dus mnyam du gcig gi rgyu nyid du gcig 'gyur zhes 'byung ba'i phyir dang/ rnam par gtan la dbab pa bsdu ba las dus mi mnyam pa'i rgyu'i rkyen nyid du 'byung ba'i phyir/ rgyu'i rkyen ni dus mnyam pa dang dus

  781. 391a

    mi mnyam pa yang yin no zhes zer ro/ /yang re zhig rnam par rtog pa dang po la gleng bar bya ste/ sa bon dang 'jug pa'i rnam par shes pa dag ni dus mnyam du rgyu'i rkyen nyid du rung ngo/ /sa bon snga ma ni rgyun 'jug pas sa bon 'phyig? ma'i dus tha dad pa kho na'i rgyu'i rkyen yin no/ /bdag po'i rkyen ni ma yin te/ bskal pa mnyam pa mngon par 'grub pa'i rgyu yin pa'i phyir ro/ /mtshungs pa de ma thag pa'i rkyen yang ma yin te/ sems dang sems las byung ba'i ngo bo nyid ma yin pa'i phyir ro/ /dmigs pa'i rkyen yang ma yin te/ sa bon la dmigs pa med pa'i phyir ro/ /sa bon rgyun 'jug pas mi 'byung ngo zhes brjod par yang mi nus te/ byas pa chung za bar thal bar 'gyur ba'i phyir ro/ /rnam par rtog pa gnyis pa yang gzhung yi ge dang mi mthun par bshad pa yin te/ gzhung ni sa bon dang kun nas nyon mongs pa'i chos rnams da ltar byung ba'i dus kho nar dus mnyam pa nyid yin la/ de nyid la gcig gi rgyu nyid du gcig 'gyur bar bshad pa yin no/ /de lta bas na rnam par rtog pa gsum pa kho na bzang ste/ de la rgyu'i rkyen nyid dus mnyam pa ni sa bon dang 'jug pa'i rnam par shes ba dag go /dus mi mnyam pa ni sa bon rgyun 'jug pas sa bon gyi'o/ /dus mnyam du gcig gi rgyu nyid du gcig 'gyur zhes bya ba gang yin pa 'di ni/ sa bon dang 'jug pa'i rnam par shes pa phan tshun gyi dbang du mdzad nas gsungs pa yin no/ /gang yang rgyu da ltar byung ba'i yin na 'byung ba 'gyur ba ni med pas 'bras bu nyid du mi 'thad pa'i phyir ro zhes smras pa ni/ don dam pa bsams pa la ni de de ltar yang yin no/ /kun rdzob tu ni rgyu'i

  782. 391b

    rkyen du rnam par bzhag ba dus mnyam pa dang mi mnyam pa yang yin te/ sa bon dang myu gu lta bu dang/ mar me dang 'od lta bu'o/ /dngos po dang dngos po med pa dag kyang de dang ldan pa'i phyir dang/ de la rag las pas te/ 'jug pa'i phyir de lta bur grags so/ /don 'di nyid 'jug bsdu bar ji ltar kun gzhi'i rnam par shes pa zhes bya ba la sogs pa smos so/ /'di la kha cig na re kun nas nyon mongs pa'i chos ni kun gzhi'i rnam par shes pa dang/ mtshungs par ldan pa'i reg pa la sogs pa yang bzung ste/ 'di ltar de dag ni rang gi bag chags 'jog pa na kun gzhi'i rnam par shes pa'i rgyu yin la/ kun gzhi'i rnam par shes pa yang de dag gis bskyed pa'i sa bon yongs su smin pa'i sgo nas de dag bskyed par bya ba de dag gis yang rgyu yin no/ /zhes zer ro/ /gzhan dag na re de dang mtshungs par ldan pa rnams ni bzung ste/ 'di ltar rnam par smin pa nyid kyis lung du ma bstan pas mi gsal pa'i phyir bag chags skyed mi nus kyi/ las kyi 'phen pa'i dbang kho nas 'byung ngo/ /byung ba rnams kyang rgyu mthun pa'i 'bras bu bskyed pa'i phyir bag chags mi 'jog ste/ 'di ltar las kyi 'phen pa kho nas ma shi'i bar du 'byung ngo zhes zer ro/ /rgyu'i rkyen gzhan mi dmigs pa'i phyir ro/ /zhes bya ba ni sems dang sems las byung ba la ma gtogs pa gzugs can dang ldan pa ma yin pa ste/ 'di ltar 'di gnyi ga yang rdzas nyid du mi rung ba'i phyir sems dang sems las byung ba'i gnas skabs dag la gdags so/ /de'i phyir gtsor ni sems dang sems las byung ba rnams kho na phan tshun rgyu'i rkyen yin la/ de'i sgo nas ni kha cig gzugs can rnams

  783. 392a

    kyang sa bon skyed pa'i rim gyis rgyu'i rkyen nyid du khas len to/ /gzhan dag ni btags pa ni med pa dang 'dra'o/ snyam du khas mi len to/ /yang na rgyu'i rkyen gzhan mi dmigs pa'i phyir ro/ /zhes bya ba ni/ sde ba gzhan dag gis kun btags pa rgyu zhes bya ba rgyu lnga nyid/ ces bya ba 'di'o/ /ji ltar mi dmigs she na/ re zhig lhan cig 'byung ba dang mtshungs par ldan pa'i rgyu dag ni phan tshun rig mi mthun pa'i phyir ro/ /gal te dus tha mi dad pa nyid la rigs mi mthun pa rnams med na mi 'byung ba'i phyir rgyu'i rkyen nyid yin na ni/ bdag po'i rkyen tha dad pa med par 'gyur te/ des na mig la sogs pa yang de dag gis rnam par shes pa rnams kyi rgyu'i rkyen nyid du 'gyur ro/ /de lta bas na rgyu'i rkyen ni rigs mthun pa'i 'bras bu mngon par 'grub pa la bltos pa yin no/ /de yang sa bon dang rdzas kyi sgo nas rnam pa gnyis la re zhig sa bon gyi sgo nas ni ma yin no/ /lhan cig 'byung ba dang mtshungs par ldan pa rnams rang skye bar bya ba'i phyir phan tshun sa bon 'jog pa ni med de/ gzugs can rnams dang ldan pa ma yin pa rnams gsal ba'i phyir dang/ 'jug pa'i rnam par shes pa la sa bon 'jog pa 'gog pa'i phyir dang/ gzhan yang khas mi len pa'i phyir ro/ /gzhan ni lhan cig 'byung ba dang mtshungs par ldan pa rnams rang gi sa bon las 'byung zhing rang gi sa bon 'jog pas lhan cig 'byung ba dang mtshungs par ldan pa'i rgyu zhe'o/ /zhes khas mi len te/ /rdzas kyis sgo nas kyang ma yin te/ lhan cig 'byung ba dang mtshungs par

  784. 392b

    ldan pa rnams ni phan tshun rigs tha dad pa'i phyir snga ma bzhin no/ /skal pa mnyam pa dang kun tu 'gro ba'i rgyu dag rgyu'i rkyen nyid du 'gyur na/ rdzas 'dra ba dang sa bon 'dra ba'i sgo nas rnam pa gnyis shig tu gyur grangs na/ re zhig rdzas 'dra ba ni ma yin te/ 'das nas ring zhig len pa rnams la skyes bu'i bye pa med pa'i phyir dang/ bskal pa mnyam pa dang/ kun tu 'gro ba 'gags ma thag pa yang rgyu'i rkyen du rung ba ma yin te/ mtshungs pa de ma thag pa'i rkyen gyis 'phangs pa'i phyir ro/ /sa bon med par ni dngos po rnams kyi rang gi mngon par 'grub par yang rung ba ma yin no/ /'gag ma thag pa'i skad cig ma nyid sa bon gyi rten kyang ma yin te/ 'jug pa'i rnam par shes pa dag la sa bon 'jog pa 'gog pa'i phyir ro/ /sa bon ni 'bras bu mngon par 'grub par bya ba la nye ba yin na/ de yang kun gzhi'i rnam par shes pa kho na la srid pas de kho na rgyu'i rkyen nyid yin no/ /de ltar na gzhan gyi lta ba la skal pa mnyam pa dang kun tu 'gro ba'i rgyu dag sa bon gyi sgo nas kyang rkyen nyid du mi rung ngo/ /rnam par smin pa'i rgyu yang rang gi ngo bo'i sgo nas ni/ 'das nas ring zhig lon pa nyid kyis med pa'i phyir ro/ /sa bon gyi sgo nas kyang rigs mi mthun pa nyid kyis bdag po'i rkyen gyis 'phangs pa'i phyir rgyu'i rkyen nyid du mi rung ngo/ /yang na rgyu'i rkyen gzhan zhes bya ba ni dus tha dad pa ste/ re zhig sems dang sems las byung ba 'gag ma thag pa dag ni rgyu'i rkyen ma yin te/ mtshungs pa de ma thag pa'i rkyen gyi 'phangs pa'i phyir dang/ sa bon gyi rten ma yin pa'i phyir ro/ /gang gi tshe kun gzhi'i rnam par shes pa de'i tshe yang skad cig ma snga

  785. 393a

    mas bsdus pa'i sa bon ni rnam par shes pa phyi ma'i rkyen ma yin te/ nas kyi sa bon dang myu gu la sogs pa bzhin no/ /'di ltar gang na rgyu zhig nas 'bras bu yin pa de ni/ rgyu dang 'bras bu dag snga phyi nyid du 'gyur la gang la rgyu'i byed rgyu ma zhig par 'bras bu yin pa der ni rgyu dang 'bras bu dag dus tha mi dad pa kho na ste/ dper na utpa la'i rtsa ba la sogs pa lta bu'o/ /sa bon kun gzhi rnam par shes pa ma 'gags par yang 'bras bu rnam par shes pa zhes bya ba yin no/ /de lta bas na sa bon kun gzhi'i rnam par shes pa ni 'bras bu dang dus mnyam pa kho nar rgyu'i rkyen yin te/ 'bras bu dang mi 'gal ba'i phyir utpa la'i rtsa ba la sogs pa bzhin no/ /ji ltar mi 'gal zhe na/ de'i gags byed pa ma yin pa'i phyir ro/ /kun gzhi'i sa bon gyi rgyun nyid ni 'jug pa'i rnam par shes pa ma yin te/ de'i rgyun yin pa'i phyir skad cig mas bsdus pa'i sa bon ni sa bon phyi ma'i rgyu'i rkyen du 'gyur ro/ /'o na de ltar na rgyu'i rkyen gzhan mi dmigs pa'i phyir ro/ /zhes bya ba 'di 'gal bar 'gyur ro zhe na/ 'di ni 'jug pa'i rnam par shes pa'i dbang du mdzad nas gsungs pa yin pas mi 'gal lo/ /sna tshogs dang sna tshogs ma yin pa'i le'u'i dbang du mdzad nas/ bag chags tha dad pa ma yin zhing zhes bya ba la sogs pa smos so/ /ji ltar na bag chags ni kun gzhi'i rnam par shes pa rgyur byas nas 'jug pa'i phyir tha dad pa ma yin zhing/ dge ba dang mi dge ba nyid du mi dmigs pa'i phyir sna tshogs ma yin la/ de las byung ba'i chos rnams phan tshun rang gi mtshan nyid tha dad pa'i phyir dang/ dge ba

  786. 393b

    dang mi dge bar sogs pa ngo bor mngon pa'i phyir tha dad pa dang/ sna tshogs pa yin/ 'di skad du nas kyi sa bon sna tshogs ma yin pa las sA lu dang nas dang gro la sogs pa tha dad cing sna tshogs pa dag skye ba ni ma mthong ngo zhes ston to// dper na tshig ku tsi sna tshogs kyi zhes bya ba la sogs pa la tshig gu rtsi ni tshon gyi khyad par bye brag mi mngon pa zhig go /yang na tshig gu rtsi ni tha gus cing ba'i khyad par bye brag mi mngon pa yin no/ /de bzhin du sgo bar byed pa sna tshogs kyis bskyed pa'i bag chags sna tshogs kyang bag chags kyi dus na sna tshogs su mi mngon no/ /'bras bu 'grub pa nyid tshan gyi snod de der bcug pa'o/ /rkyen nyid du rnam par bzhag pa'i phyir gos lta bu ni kun gzhi'i rnam par shos pa yin te/ tshan lta bu'i chos sna tshogs ston pa'i phyir ro/ /rten cing 'brel bar 'byung ba'i le'u'i dbang du mdzad nas/ 'di ni theg pa chen po la zhes bya ba la sogs pa smos te/ phra ba ni so so'i skye bo rnams kyis shes par dka' ba'i phyir ro/ /mchog tu zab pa ni nyan thos dang rang sangs rgyas kyi gting dpogs par dka' ba'i phyir ro/ /yang na phral ba ni nyan thos la sogs pas shes par dka' ba'i phyir ro/ /mchog tu zab pa ni mos pas sbyang pa la spyod pa'i byang chub sems dpa' gting dpogs par dka' ba'i phyir ro/ /yang na phra ba ni mnyam par ma bzhag pas shes par dka' ba'i phyir ro/ /mchog tu zab pa'i mnyam par bzhag pa'i shes pas kyang gting dpogs par bka' pas phyir ro/ /gang gi phyir de ltar kun gzhi'i rnam par bshes pa la brten nas chos sna tshogs 'byung ba shes par bka' zhing gting dpogs par dka' de'i phyir 'di ni

  787. 394a

    theg pa chen po kho na las bstan to/ /nye bar spyod pa can gyi rten cing 'brel par 'byung ba de nyid rnam par 'byed pa can gyi nang du bsdus nas mdor bsdu na zhes bya ba smos so/ /de la ngo bo nyid rnams rnam par 'byed par nus pa 'am der dgos pa ni/ ngo bo nyid rnam par 'byed pa can no/ /de bzhin du sdug pa dang mi sdug pa'i 'gro ba rnam par 'byed par nus pa'am der dgos pa ni sdug pa dang mi sdug pa'i 'gro ba rnam par 'byed pa can no/ /ngo bo nyid sna tshogs rnam par dbye ba'i phyir rkyen gyis dngos por gyur pa'i phyir ro zhes bya ba ni 'di las 'byung bas na rten cing 'brel par 'byung ba'o zhes bya ba'i phyir te/ de yang spros pa'i bag chags kyi ngo bo nyid do/ /bde 'gro dang ngan 'gro dag tu zhes bya ba la/ bde 'gro dang ngan 'gro ni ming dang gzugs la sogs pa tshor ba la thug pa rnams dang/ skye ba la sogs pa ste/ de la las dang nyon mongs pa'i ngo bo nyid kyi yan lag rnams rkyen du gyur pas na sdug pa dang mi sdug pa'i 'gro ba rnam par 'byed pa can nyid yin no/ /yang na bde 'gro dang ngan 'gro ni yan lag bcu gnyis nyid yin te/ yan lag snga ma snga ma la brten nas/ yan lag phyi ma phyi ma 'byung ba'i phyir ro/ /rim pa 'dis ni yan lag bcu gnyis po nyid bde 'gro dang ngan 'gro dag tu rgyu nyid du 'gyur ro/ /de la brten cing 'brel par 'byung ba dang po ni phra ba'i phyir dang/ zab pa'i phyir theg pa chen po kho na las bstan te/ kun gzhi rnam par shes pa de las bstan pa'i phyir ro/ /gnyis pa ni kun gzhi'i rnam pa rnam par ma phye ba'i phyir de ltar zab pa ma

  788. 394b

    yin pas nyan thos kyi theg pa las kyang bstan to/ /de dag la la la zhig gis glang po che zhes bya ba ni kun gzhi'i rnam par shes pa ji ltar sngon sangs rgyas kyis bstan pa de bzhin du/ de bzhin gshegs pa rnams kyis mu stegs can ga la bstan pa na'o/ /kha cig gis ni glang po che'i sna la zhes bya ba ni dper na kun gzhi'i rnam par shes pa de nyid la mu stegs can de nyid kyis sa bon thams cad pa la sogs pa'i dngos por thos pa lta bu'o/ /kha cig na re zhes bya ba ni dper na mu stegs can de dag nyid kyi nus pa bsags pa tsam du dmigs nas log par rang bzhin la sogs pa rgyu nyid du rtog par byed pa lta bu'o/ /sa bon thams cad pa zhes bya ba 'dir sa bon zhes bshad pas de'i zhar la sa bon bye brag tu shes par bya ba'i phyir phyi dang nang dang zhes bya ba la sogs pa smos te/ phyi'i sa bon sA lu dang utpa la'i rtsa ba la sogs pa'i'o/ /nang gi kun gzhi'i rnam par shes pas bsdus pa'o/ /mi gsal ba gnyis zhes bya ba ni dge ba dang mi dge ba gnyis ma kun nas nyon mongs pa dang rnam par byang ba gnyis mi gsal zhing yongs su mi gsal ba ste/ lung du ma bstan pa zhes bya ba'i tha tshig go /kha cig ni gnyis su zhes 'don te sa bon ni dge ba dang mi dge ba gnyis su dpyad na 'am/ kun nas nyon mongs pa 'am rnam par byang ba gnyis su dpyad na mi gsal te lung du ma bstan to zhes bya ba'i don to/ /de la phyi'i sa bon ni lung du ma bstan pa ste/ lung du ma bstan pa nyid kyis mi gsal ba yin no/ /nang gi yang dge ba la sogs pa'i ngo bor mi dmigs pa'i phyir mi gsal ba yin no/ /yang na phyi'i

  789. 395a

    sa bon ni lung du ma bstan pa'i phyir ro/ /nang gi yang cung zad cig mi gsal te nang gi dge ba dang mi dge ba'i chos kyis bskyed pa gang yin pa de ni dge ba dang mi dge ba yin pa'i phyir ro/ /gnyis dang kun rdzob ces bya ba ni phyi'i ste tha snyad pa'i shes pa'i yul yin pa'i phyir yongs su ma grub pa yin no/ /dam pa'i don ni nang gi ste/ brtag pa zod? pa nyid kyis yongs su grub pa'i phyir ro/ /skad cig pa dang zhes bya ba la sogs pas ni sa bon rnam pa drug ston to/ /de la brtag pa las 'bras bu mi dmigs pa'i phyir phyi dang nang gi sa bon gnyi ga skad cig ma yin no/ /nang gi 'bras bu dang lhan cig 'byung ngo zhes sngar bsgrubs zin to/ /phyi'i yang cung zad cig lhan cig 'byung bar grags te dper na utpa la'i rtsa ba dang chu shel dang sgron ma dang grib ma dang myu gu la sogs pa lta bu'o/ /yang na phyi'i sa bon thams cad kyang 'bras bu dang lhan cig 'byung ba yin no/ /sa bon dang myu gu la sogs pa gang la rgyu dang 'bras bu'i dngos por dus mi mnyam pa'i ngo bor grags pa de yang myu gu'i gnas skabs na sa bon sA lu'i 'bru'i rgyun 'jug pas 'byung ngo/ /de ni de lta yin te 'di ltar myu gu la sogs pa'i rgyun gyi mthar thug pa'i dus su yang 'bras bu mngon par 'grub pa'o/ /rgyun gyis 'jug pas 'byung ba de yang myu gu la sogs pa med na mi 'byung ba'i phyir mtshungs par ldan pa'i rgyu bzhin du rgyu yang yin la/ lhan cig 'byung ba yang yin te mi 'gal lo/ /phyi'i sa bon ni 'gral? ba'i rgyu dang ma 'phrad kyi bar du rjes su 'jug pa tsam gyis rgyun chags su 'byung ba yin no/ /nang gi yang srid pa'i yan

  790. 395b

    lag gi bag chags kyi sa bon ni rnam par smin pa'i 'bras bu ma byung gis bar du'o/ /'jig tshogs la lta ba'i sa bon dang nyon mongs pa can gyi spros pa'i bag chags kyi sa bon ni gnyen po ma byung gi bar du'o/ /dge ba dang lung du ma bstan pa'i spros pa'i bag chags kyi sa bon yang nyan thos dang rang sangs rgyas dag gi yongs su mya ngan las ma 'das kyi bar du'o/ /de bzhin gshegs pa'i ni rdo rje lta bu'i bar du rgyun 'jug pa tsam gyis rgyun chags su 'byung ngo/ /de lta bas na 'dis ni sa bon lhan cig 'byung ba yin yang klog bzhin du skad cig ma gcig ma gnyis sam gsum du gnas pa ni ma yin no zhes ston par byed do/ /gal te rgyun chags su 'byung na thams cad las thams cad ci ste mi 'byung zhe na/ ngas dang zhes bya bas lan 'debs te 'bras bu 'ga' kho na la rgyu la la nges so zhes bya ba'i don to/ /nges kyang ci'i phyir dus thams cad du 'bras bu mi 'byung zhe na/ rkyen la bltos pa dang zhes bya bas lan 'debs te/ rkyen rtag tu nye bar ma yin pas nyes pa ma yin no/ /'o na sa bon de'i sa bon gang yin zhe na/ de'i phyir rang gi 'bras bus bsgrubs pa'o/ /zhes bya ba smos te/ sa bon dang sa bon can dag thog ma med pa'i phyir 'di'i 'bras bu gang yin pa de nyid sa bon no/ /'dis ni gtso bo la sogs pa sa bon nyid yin pa sel te/ ji skad bshad pa'i sa bon gyi chos dang mi ldan pa'i phyir ro/ /sa bon dang sa bon can gyi dngos po ni 'dir bsgo bar bya ba dang sgo bar byed pa la ltos pa yin par zhan pas brtan zhes bya ba la sogs pas bsgo bar bya ba dpyod par byed do/ /de la brten pa ni mi 'gyur ba ste/ til la sogs bzhin du rgyud

  791. 396a

    rgyun chags su 'byung ba yin gyi rlung bzhin du g.yo ba ni ma yin no/ /rlung ni 'brel pas dri 'dzin pa kho nar zad kyi rang gi ngo bos dri 'byung bar bya ba'i phyir bag chags 'dzin pa ni ma yin no/ /sgra bzhin du chad pa yang ma yin no/ /brtan pa yang gang zhig lung du ma brtan pa dri mnyam pa yin gyi sgog skya dang tsan dan la sogs pa lta bu dri mi zhim pa dang zhim pa ni ma yin no/ /bsgo bya ba zhes bya ba ni yan lag gnyen pa'i phyir bsgo bar 'os pa'am bsgo bar nus pa gang yin pa de bsgo bar bya ba yin/ yan lag sra ba'i phyir rdo la sogs pa ni ma yin no/ /bsgo bar bya ba yang bsgo bar byed pa dang 'brel gang yin pa de la bsgo bar byed kyi ma 'brel ba so so na gnas pa la ni ma yin no/ /de bzhin du kun gzhi'i rnam par shes pa kho na brtan pa'i phyir bsgo bar bya ba yin gyi gzugs ni ma yin te/ gzugs med pa'i gnas skabs na 'chad pa'i phyir ro// 'o na ni kun gzhi'i rnam par shes pa yang phung po med pa'i mya ngan las 'das par 'chad pa'i phyir bsgo bar bya ba ma yin par 'gyur ro zhe na/ de ni ma yin te/ 'di ni dus ji srid du sgo bar byed pa yod pa'i dus de srid du bsgo bar bya ba rgyun chags su 'byung ba'i bstan pa la dgongs pa yin no/ /gzugs med pa'i khams na ni sgo bar byed pa yod kyang bsgo bar bya ba gzugs med do/ /de bzhin du lung du ma bstan pa'i phyir kun gzhi'i rnam par shes pa kho na yin gyi 'jug pa'i rnam par shes pa ni ma yin te/ /de'i rgyu ni bar chad dang bcas pa dang bar chad med par dge ba dang mi dge ba kun tu spyod pa nyid du shas che bas gcig tu ma bstan pa ma

  792. 396b

    yin pa'i phyir ro/ /yang me long lta bu'i ye shes la bsgo bar byed dam 'on te sgo bar mi byed/ gal te sgo bar byed na ni sngon gyi de bzhin gshegs pa dus mi thung par bag chags can dag pas da ltar gyi de bzhin gshegs pa rnams bag chags nyung ba nyid kyis mthu dman par yang thal bar 'gyur la/ dge ba bsgo bar bya bar thal bar 'gyur te/ sangs rgyas kyi chos rnams ni gcig tu dge ba'i phyir ro/ /'on te bsgo bar mi byed na ni ji ltar skad cig ma'i rgyun gyi so sor rtog pa'i ye shes la sogs pa 'byung bar 'gyur ro zhe na/ bsgo bar mi byed do zhes bya ba 'di kho na bzang ngo/ /so sor rtog pa'i ye shes la sogs pa 'byung ba ni sngon gyi sa bon gyi rgyun rdo rje lta bu'i dus nyid na cig car yongs su rgyas pa las yin gyi sngon med pa las ni ma yin no/ /de bzhin gshegs pa las gzhan pa rnams kyi ni bag chags med par nyon mongs pa can dang nyon mongs pa can ma yin pa'i chos rnams khyad par can du 'byung bar mi 'gyur bas gdon mi za bar bsgo bar bya ba yin par khas blang dgos so/ /de bzhin du mi rtag pa'i phyir kun gzhi'i rnam par shes pa kho na la bsgo bar 'os pa 'am bsgo bar nus kyi / brtan pa'i phyir nam mkha' dang so sor brtags pa'i 'gog pa dag la ni ma yin no/ /rang gi rgyud du gtogs pa'i kun gzhi'i rnam par shes pa sgo bar byed pa rnams dang lhan cig skye ba dang 'bral ba yin gyi 'das pa dang ma 'ongs pa dang/ rgyud gzhan du gtogs pa yang ma yin pa 'di yang 'dir bsgo bar bya ba'i mtshan nyid du brjod par bya la/ rten bsgo bar bya ba yin gyi rten pa reg pa la sogs pa ni ma yin na no/ /sde pa la ma grags pa'i

  793. 397a

    phyir de skad du ma bstan te/ sde pa la ni kun gzhi'i rnam par shes pa dang mtshungs par ldan pa'i reg pa la sogs pa ma grags so/ /bsgo bar bya ba'i mtshan nyid 'di ni gzhan la grags pa'i bsgo bar bya ba dgag pas rnam par bzhag pa yin te/ dgag pa rgyas par ni 'chad par 'gyur ro/ /de ni bag chags mtshan nyid do/ /zhes bya ba ni bag chags ni bsgo bar bya ba'i chos yin pas bsgo bar bya ba'i mtshan nyid gang yin pa de yang bag chags kyi yin pa'i phyir ro/ /mdo sde ba gang dag rnam par shes pa'i tshogs lnga dang dbang po brten dang bcas pa'i gzugs bsgo bar bya ba yin par sems dpa' de dag gi dgag pa 'chad par 'gyur ro/ /gang dag rnam par shes pa'i tshogs drug kho na bsgo bar bya ba yin gyi gzugs ni ma yin no zhes bya bar sems pa de dag gi dgag pa ni lung du ma bstan pa ma yin pa'i phyir zhes bya bar bshad zin mod kyi/ de'i zhar la drug po dag la zhes bya ba la sogs pas dgag pa gzhan brtsam mo/ /de la kha cig na re 'jug pa'i rnam par shes pa drug po dag ni phan tshun bag chags 'jog pa ma yin te/ gzhan khas len pa nyid kyis lhan cig skye ba dang 'gag pa'i mtshan nyid kyi 'brel pa med pa'i phyir ro/ /yang gzhan gyi ji ltar de ltar khas blangs she na/ tha dad gsum dang 'gal ba'i phyir/ 'di ltar gsum po brten dang dmigs pa dang yid la byed pa dag ni rnam par shes pa'i tshogs drug la so so tha dad par mthong te/ gal te cig car skye bar gyur na de dang 'gal bar 'gyur ro zhes zer ro/ /de ni rigs pa ma yin te/ dbang po la sogs pa tha dad pa nyid ma yin yang cig car skye par

  794. 397b

    ma mthong pa'i phyir dang gar dang zla ba la lta ba la sogs pa la srog chags rnams kyi dbang po la sogs pa tha dad kyang cig car skye ba mthong ba'i phyir ro/ /de lta bas na gzhan du rnam par bya ste/ 'jug pa'i rnam par shes pa drug po dag ni 'brel pa med pa'i phyir phan tshun bsgo bar bya ba ma yin no/ /re zhig gzugs can ma yin pa'i phyir phrad pa'i 'brel pa ni med do/ /dus mnyam du skye ba tsam gyis 'brel pa ma yin te/ rgyud gzhan la yang bag chags 'jog par thal bar 'gyur ba'i phyir ro/ /mtshungs pa de ma thag pa'i rkyen cig gis byas pa'i 'brel pa yang ma yin te/ de ni go 'byed pa tsam la nye bar sbyor gyi/ 'bras bu rnams phan tshun sbyor pa la ni ma yin no// gang gi tshe 'jug pa'i rnam par shes pa drug car gyi mjug thogs su 'jug pa'i rnam par shes pa drug car cig car rim gyis skye pa de'i tshe mtshungs pa de ma thag pa'i rkyen gcig med pa'i yang phyir ro/ /rten dang dmigs pa dang yid la byed pa gcig skye bas 'brel pa yang ma yin te/ tha dad gsum 'gal ba'i phyir/ 'jug pa'i rnam par shes pa drug gi rten dang dmigs pa dang/ yid la byed pa ni so sor tha dad par mthong ste de lta yin na 'gal bar 'gyur ro/ /'jug pa'i rnam par shes pa drug po 'di ni rten la sogs pa tha dad pa'i phyir phan tshun 'brel pa med pa yin te/ rgyud gzhan bzhin no zhes gzhan la rjes su dpag pas gnod pa yin no/ /sems can gcig gi rgyud du gtogs pa nyid kyis 'brel pa yang ma yin te/ rten la sogs pa tha dad pa nyid kyis sems can gcig gi rgyud du gtogs pa nyid bsgrub par dka' ba'i phyir ro/ /'jug pa'i rnam par

  795. 398a

    shes pa dang/ kun gzhi'i rnam par shes pa dag ni mdud khyim bzhin gcig la gcig brten pa'i phyir 'brel ba yin no/ /gal te rten gcig pa nyid kyis 'brel pa'i phyir mig gi rnam par shes pa snga ma ni mig gi rnam par shes pa phyi ma'i sgo bar byed pa yin no zhe na/ de'i phyir skad cig lhan cig med pa'i phyir zhes bya ba smos so/ /'di dag ni bsgo bar bya ba dang sgo bar byed pa ma yin te/ dus tha dad pa'i phyir dus tha dad pa'i til dang me tog bzhin no/ /gal te yang snga ma dang phyi ma dag rgyun gcig pa nyid kyis rigs gcig pa'i phyir bsgo bar bya ba sgo bar byed pa yin no zhe na de'i phyir/ rigs la bya na gzhan du thal zhes bya ba smos te/ gzugs can gyi dbang po yang rigs gcig pa'i phyir gzugs can gyi adbang po skad cig ma snga ma bsgo bar bya ba nyid du 'gyur ro/ /des na sems kyi rgyud kho na bsgo bar bya ba yin no/ /zhes brjod par mi bya'o/ gang gi phyir de ltar dpyad na kun gzhi'i rnam par shes pa las gzhan pa ni bsgo bar bya bar rung ba ma yin pas/ de las gzhan pa las bsgo bar mi byed pa de'i phyir phyi dang nang gi zhes bya ba la sogs pa smos so/ / phyi dang nang gi sa bon de gnyi ga yang skyed par byed pa dang 'phen par byed pa yin te/ phyi'i sa bon ni myu gu'i mngon sum du skyed par byed pa yin no/ /sdong bu la sogs pa rgyud pa rjad? na 'dug pa'i bar gyi ni 'phen par byed pa yin no/ /nang gi sa bon kun gzhi'i rnam par shes pa ming dang gzugs kyi ni mngon sum du skyed par byed pa yin no/ /rgyud pa rga shi'i bar gyi ni 'phen par byed pa yin no/ /re shig skyed par byed pa ni yin

  796. 398b

    la rag na yang 'phen par byed go ji ltar yin zhe na/ me btab shi ba 'phan pa'i phyir zhes bya ba smos te/ gal te skyed par byed pa kho nar yin gyis 'phen par byed pa ma yin par gyur na/ nas la sogs pa'i sa bon rjed la sogs pa na 'dug pa ma btab pa rnams kyis rgyun dus ring por 'brel par mi 'gyur ro/ /ma btab pa zhes smos pa ni btab pa ni chu la sogs pas bsgyur ba'i phyir de 'phangs pa ma yin pas so/ /shi ba'i lung rnams kyi rgyun yang rjes su 'jug par mi 'gyur ro/ /'o na ci zhe na/ shi ma thag tu 'jig par 'gyur ro/ /gal te yang sa bon ma btab pa dang shi ba'i ro rang gi rgyun kho nas 'jug gi 'phen par byed pa'i dbang gis ni ma yin no zhe na/ rang gi ngang gis thar 'jig bzhin zhes bya ba smos te/ 'di ltar phyi'i rkyen las bltos bar snying po dang snum zad pa'i mar me 'jig pa'i tshul du rang gi ngang gis mthar yongs su 'gyur bas 'jig pa mthong ngo/ /des na gdon mi za bar 'phen par byed pa zad de de'i phyir de 'du byed kyi rgyun gzhan rgyun chags par mi 'gyur ro/ /zhes bya bar rjes su dpag go /de ltar phyi dang nang gi sa bon dag 'dra ba nyid du bstan nas/ phyi rol sa bon ma bsgos pa'am zhes bya ba la sogs pas mi 'dra ba nyid brjod do/ /'am zhes bya ba'i sgras ni bsgos pa yang yin pas te/ bsgos pa'i sa bon nyid ni ma tu lung ga'i sa bon rgya skyegs kyi khu bas bskus ba rnams so/ /ma bsgos pa'i sa bon nyid ni nas kyi sa bon la sogs pa'o/ /nang ni 'dod pa ma yin te/ gal te sngon med pa bskyed pa ste/ ji skad du rnam par rtog pa gnyis pa las brjod pa lta bu yang rung gal te chos nyid kyi sa gnas pa'i sa

  797. 399a

    bon yongs su gsos pa yang rung ste/ rnam pa thams cad du bsgos pa sa bon nyid yin na/ phyi rol gyi ni de lta yang ma yin no/ /nas la sogs pa rang dang mthun pa'i 'bras bu bskyed pa'i phyir tshul sogs pas yongs su gsos shing nus pa bzhag pa yang sa bon gyi khyad par yongs su gsos pa zhes ni bya'o/ /gzhan dag ni phyi rol sa bon ma btab pa 'am zhes bya bar 'don te/ ma btab pa'i sa bon nyid ni dper na til dang utpa la'i rtsa ba dang durba la sogs pa la sogs pa la go rim bzhin du sol ba dang/ ba lang gi lci ba dang/ lug la sogs pa'i lta bu ste/ sol ba la sogs pa la til la sogs pa'i sa bon btab pa ni ma yin no/ /btab pa'i sa bon nyid ni nas la sogs pa'i'o/ /phyi'i sa bon 'di ni rnam par brtags pa'i yin te/ nang gi chos nyid kyis gnas pa'i phyir ro/ /sngon med pa bzhag pas sa bon btab pa nyid yin no/ sol ba la sogs pa la ni da ltar btab pa yang ma yin te/ grags pa med pa'i phyir ro/ /nad gi ni bsgos pa kha na 'am btab pa kho na sa bon nyid yin zhe na bshad pa/ thos sogs bag chags med na ni/ de 'bras te/ 'bras bu mang du thos pa dang// mngon par shes pa la sogs pa ma mthong ba'i phyir ro/ /gzhan yang gal te ma bsgos par til dang utpa la'i rtsa ba la sogs pa bzhin du/ glo bur du 'bras bu 'byung bar 'gyur na ni gtong ba can dbul por 'gyur la/ ser na can yang dbang phyug nyid du 'gyur te/ des na/ byas dang ma byas 'jig dang phrad/ nyes par 'gyur phyir grub pa'i mdza' dang 'gal bar 'gyur ro/ /byas pa sbyin pa'i sa bon 'jig pa'i phyir dang/

  798. 399b

    byas pa dbul po nyid dang phrad cing 'byung bar 'gyur pa'i phyir ro/ /gal te phyi'i sa bon kun gzhi'i rnam par shes pa las tha dad pa yin na/ sngar kun bzhi'i rnam par shes pa ni sa bon thams cad pa nyid du zhes bshad pa la ji ltar gnod par mi 'gyur zhe na/ nang ni phyi rol rkyen yin te/ /zhes bya ba la sogs pas lan 'debs te/ 'di ltar sA lu la sogs pa'i sa bon de dag la nye bar spyod par byed pa'i srog chags rnams kyi las kyi bag chags kyi sa bon kun gzhi'i rnam par shes pa la yod pa dag gis de dag tu snang ba nyid du bsgrubs pa yin no/ /de bas na de las tha dad pa ma yin no/ /thun mong dang thun mong ma yin pa'i rten cing 'brel par 'byung ba'i zhar la 'ongs pa sa bon rdzogs so// //thun mong ma yin pa'i rten cing 'brel par 'byung ba'i khongs su gtogs pa nye bar spyod pa can gyi rten cing 'brel par 'byung ba gang yin pa de bstan par yang zhes bya ba smos so// 'jug pa'i rnam par shes pa zhes bya ba ni 'jug pa'i rnam par shes pa drug po dag yin te/ yang rnam par shes drug po dag ces 'byung ba'i phyir ro/ /ci'i phyir drug po kho na yin zhe na 'di ltar lus dang 'gro ba thams cad du yul 'dod pa dang mi 'dod pa dang phrad na nye bar spyod pa gtsor bde ba dang sdug bsngal ba dang btang snyoms gsal pa yin pas so/ /kun gzhi'i rnam par shes pa ni mi srid de mi gsal ba'i phyir ro/ /nyon mongs pa can gyi yid de kyang gsal ba yin mod kyis/ de ni gtsor lto ba gtso bor gyur pa yin gyi tshor ba ni ma yin no/ /de lta bas na nye bar spyod pa ni gtsor tshor bas rab tu phye ba yin pa'i phyir 'jug pa'i rnam par shes pa

  799. 400a

    drug kho na nye bar spyod pa can yin no/ /ji skad gsungs pa lta bu'o/ /zhes bya ba ni nye bar spyod pa can nyid kyi khungs so/ /gcig ni rkyen gyi rnam par shes zhes bya ba ni kun gzhi'i rnam par shes pa 'bras bu nyid kyang yin mod kyi sa bon gyi rten nyid kyis ni chos rnams kyi rang gi ngo bo'i rgyu yin pa'i phyir rkyen gyis rab tu phye ba yin pas rkyen gyi rnam par shes pa zhes bya'o/ /'jug pa'i rnam par shes pa ni nye bar spyod pas rab tu phye ba yin pa'i phyir nye bar spyod pa can zhes bya'o/ /nye bar spyod pa ni gtsor 'jug pa'i rnam par shes pa dang mtshungs par ldan pa kho na'i tshor ba yin no/ /de la mtshan mar 'dzin pa ni longs spyod do/ /nye bar spyod pa de la 'jug par byed pa ni de dag las gzhan pa'i 'du byed rnams te gtsor 'jug pa'i rnam par shes pa dang mtshungs par ldan pa'i sems las byung ba rnams yin no/ /de lta bas na 'dis ni phyi'i dngos po med kyang srog chags rnams kyi nye bar spyod pa 'byung bsad par ston to/ /sngar cig gi rkyen gcig yin par bshad pa de lung gis bstan par chos mngon pa'i mdo las tshigs su bcad pa zhes bya ba smos so/ /rkyen gyi rnam par shes pa zhes bshad pas gzhan rnams ni rkyen ma yin pa nyid du dogs pa de bsal ba'i phyir dang/ zhar la 'og nas 'byung ba'i rkyen bstan pa'i phyir yang 'dir bkod do// chos kun rnam par shes pa la sbyor zhes bya ba ni/ rnam par bstan la dbab pa bsdu ba las ji skad du kun gzhi'i rnam par shes pa ni 'jug pa'i rnams la rnam pa gnyis kyis rkyen byed de/ sa bon gyi ngo bo dang/

  800. 400b

    sten sbyin pa'i sgo nas so/ /de la sa bon gyi sgo nas ni 'jug pa'i rnam par shes par dang dge ba dang mi dge ba dang lung du ma bstan pa gang chung zad 'byung ba de thams cad ni kun gzhi'i rnam par shes pa'i sa bon can yin pa'o/ /de la rten sbyin pa'i sgo nas ni kun gzhi'i rnam par shes pas zin pa'i gzugs can gyi dbang po rnams la brten nas rnam par shes pa'i tshigs lnga 'byung bar 'gyur gyi ma zin pa dag la ma yin pa dang/ mig la sogs pa'i rten bzhin du kun gzhi'i rnam par shes pa yod na rnam par shes pa'i tshogs lnga dang/ yid dang yid kyi rnam par shes pa 'byung bar 'gyur gyi/ /med na ma yin pa'o/ /de la 'jug pa'i rnam par shes pa ni kun gzhi'i rnam par shes pa la rnam pa gnyis kyis rkyen byed de mthong ba'i chos la sa bon yongs su gso ba dang tshe phyi ma la de mngon par grub par bya ba'i phyir sa bon yongs su 'dzin pa 'jog pa'i sgo nas so/ /de'i phyir mthong ba'i chos la sa bon yongs su rgyas nas ji ltar kun gzhi'i rnam par shes pa la brten pa'i 'jug pa'i rnam par shes pa dge ba dang mi dge ba lung ma bstan pa 'byung ba de lta de ltar rang gi rten la lhan cig 'byung ba dang 'gag pas bsgo bar byed do/ /rgyu dang rkyen des na 'jug pa'i rnam par shes pa phyi ma rnams dge ba la sogs pa'i ngo bor ches rgyas pa dang ches sbyangs pa dang ches gsal bar 'byung bar 'gyur ro/ /zhes bya ba la sogs pa bshad pa lta bu'o/ /rkyen gyi le'u'i dbang du mdzad na gal te rten cing 'brel par 'byung ba dang po la rnam par shes pa de dag ces bya ba la sogs pa smos te/ gang gi tshe kun gzhi'i rnam par shes pa ngo bo nyid

  801. 401a

    rnam par 'byed par nye bar gnas pa de'i tshe ni sa bon de la brten nas ni 'jug pa'i rnam par shes pa yin la/ de la yang brten nas ni mngon par 'du bya ba las byung ba'i kun gzhi'i rnam par shes pa yin pas de ltar rten cing 'brel par 'byung ba ngo bo nyid rnam par 'byed pa can rnam par shes pa de dag dang phan tshun rgyu'i rkyen nyid yin no/ /des na/ shugs kyis na rten cing 'brel par 'byung ba dang po ni chos thams cad la rgyu'i rkyen yin no/ /zhes bshad par 'gyur ro/ /kun gzhi'i rnam par shes pa ni de rnams la mtshungs pa de ma theg pa dang/ dmigs pa dang/ bdag po'i rkyen gyi ngo bor yang gnas pa'i phyir de mtshungs pa de ma thag pa la sogs pa'i rkyen nyid du yang brjod par bya ba ma yin nam zhe na re zhig mtshungs pa de ma thag pa'i rkyen nyid du ni brjod par mi bya ste/ rnam par shes pa gang zhig mngon du gyur na rnam par shes pa gzhan skye ba'i gags byed pa la 'gags na skabs 'byed pas skye ba dang mthun par 'gyur ba de ni mtshungs pa de ma thag pa'i rkyen yin no kun gzhi'i rnam par shes pa ni 'jug pa'i rnam par shes pa rnams la de ltar yang ma yin te/ kun gzhi'i rnam par shes pa mngon du gyur bzhin du 'jug pa'i rnam par shes pa skye ba'i phyir/ dmigs pa'i rkyen nyid du yang brjod par mi bya ste/ mig la sogs pa'i rnam par shes pas mngon sum du mi dmigs pa nyid kyis dmigs pa'i rkyen dngos ma yin pa'i phyir ro/ /bdag po'i rkyen nyid du yang brjod par mi bya ste/ mi sgrib pa'i ngo bo tsam gyis gtso bo ma yin pa'i phyir ro/ /'di ni ngo bo nyid rnam par 'byed par nus pa yang ma yin te rten tsam gyis

  802. 401b

    phan dogs pa'i phyir ro/ /sngar phan tshun rkyen yin par bsgrubs pa'i phyir dang chos mngon pa las kyang tshigs bcad de bstan pa'i phyir grub par byas nas/ gal te rten cing 'brel bar 'byung ba dang po la rnam par shes pa de dag phan tshun du rgyu'i rkyen yin na zhes bya ba smos so/ /rten cing 'brel par 'byung ba gnyis pa la zhes bya ba ni sdug pa dang mi sdug pa'i 'gro ba can la'o/ /yang ji ltar sdug pa dang mi sdug pa'i 'gro ba 'grub ce na/ sdug bsngal la kun tu rmongs pa bdag nyid bde bar bya ba'i phyir 'du byed rnam pa gsum la 'jug ste/ /de dag ni ma rig pa'i rkyen gyis 'du byed rnams yin no/ /de dag kun tu spyod pas ma 'ongs pa'i 'bras bu rnam par shes pa'i sa bon ma 'ongs pa'i rnam par shes pa skye ba dang mthun par rnam par bzhag pa ni 'du byed kyi rkyen gyis rnam par shes pa zhes bya'o/ /de de ltar rnam par 'jog pa na ming dang gzugs kyi sa bon yang ma 'ongs pa'i ming dang gzugs skye bar bya ba'i phyir rnam par 'jog pa ni rnam par shes pa'i rkyen gyis ming dang gzugs zhes bya'o/ /de yang de ltar rnam par 'jog par ni skye mched drug gi sa bon yang ma 'ongs pa'i skye mched drug skye bar bya ba'i phyir rnam par 'jog par byed pa ni ming dang gzugs kyi rkyen gyis skye mched drug ces bya'o/ /de yang de ltar rnam par 'jog pa na reg pa'i sa bon yang ma 'ongs pa'i reg pa'i skye bar bya ba'i phyir rnam par 'jog par byed pa ni skye ched drug gi rkyen gyis reg pa zhes bya'o/ /de yang de ltar rnam par 'jog pa na tshor ba'i sa bon ma 'ongs pa'i tshor ba skye bar bya ba'i phyir/ rnam par 'jog par byed pa ni reg pa'i rkyen gyis tshor ba zhes bya ste/ sa bon

  803. 402a

    de cig car yongs su gsos kyang 'bras bur gyur pa rnam par shes pa la sogs pa snga ma la phyi ma rten pa nyid du dmigs pa'i phyir gang ji skad smos pa'i go rim bzhin rkyen du rnam par bzhag par brjod do/ /tshe rabs gzhan gyi las kyi mngon par grub pa'i tshor ba kun tu gcod pa'i gnas skabs la rten nas de la dmigs pa 'am de dang mthun pa'i dngos po la dmigs pa'i sred pa'i chung ngu skye ba ni tshor ba'i rkyen gyis sred pa zhes bya'o// de la yang brten nas 'dun pa'i 'dod chags 'dod pa la sogs pa la dmigs pa ni sred pa'i rkyen gyis len pa zhes bya'o/ /'dun pa'i 'dod chags kyis yongs su gsos pa bsod nams la sogs pa'i sa bon gang yin pa de ni srid pa'o/ /'bras bur gyur pa rnam par shes pa la sogs pa tshor ba la thug pa'i sa bon yin te/ de ni spros pa'i bag chags kyi ngo bo nyid rnam par 'byed pa'i rgyu yin pa nyid kyis ngo bo nyid rnam par 'byed pa'i rten cing 'brel bar 'byung ba'i khongs su bsdus pa'i phyir dang/ sdug pa dang mi sdug pa'i 'gro ba'i rgyu yin pa'i phyir ro/ /ris mthun pa gzhan du 'bras bu gyur par rnam par shes pa la sogs pa tshor ba la thug pa srid pa sngon du 'gro ba can rim gyis mngon par 'grub pa ni skye ba'o/ /de yod na skra nyams pa dang mdog mi sdug pa dang pags pa khungs pa la sogs pa'i ngo bor yongs su gyur pa'i gnas skabs dang srog chad pa'i gnas skabs ni rga shi zhes bya ste/ bden pa mthong ba la 'phen pa med do sred pa dang bral ba la srid pa med do/ /zhes 'byung ba'i phyir rmongs pa ni 'dir mthong bas spang bur bya ba'i ma rig pa yin no/ /de la ji ltar phyir mi g.yo ba'i las bsam

  804. 402b

    gtan spel ma dang mtshungs par ldan pa tshe rabs gzhan ma 'dris pas gnas gtsang ma lnga pa 'phen ce na/ de ni ma yin te bsam gtan bzhi pa'i snyoms par 'jug pa'i sa bon zag pa dang bcas pa chen po 'khor ba thog ma med pa nas 'dris pa 'bras bu che bar skye ba 'phen par byed pa gnas pa bsam gtan spel ma'i mthus mi che ba la sogs par skye bar skyung bar byed de yan lag de ni sa 'og ma'i mi mthun pa'i phyogs kyis mi g.yos pa'i phyir mi g.yo ba nyid yin gyi mya ngan las 'das pa bzhin rnam par smin pa la mi g.yo ba'i phyir ni ma yin no/ /phyir mi 'ong ba rnams ni khyad par du 'gro ba yin pa'i phyir gnas kyi khyad par gcig tu skye ba gcig kho na ma yin nam skye ba gnyis pa la sogs pa ni so sor ma brtag pa'i 'gog pas 'gags pa'i phyir 'bras bu che ba dag tu skye ba lnga med na ji ltar mi che ba la sogs par rnam pa lnga sgyur bar byed ce na/ de ni ma yin te 'bras bu che ba dag kho nar so sor ma btags pa'i 'gog pas 'gags pa'i phyir ro/ /de la 'dir ma rigs pa la sogs pa ni yan lag phyi ma rnams kyi dmigs pa dang mtshungs pa de ma thag pa'i rkyen nyid du 'khrul ba'i phyir dang ngo bo nyid dang rnam pa'i khyad par dag gis kyang rigs tha dad pa'i phyir rgyu dang dmigs pa dang mtshungs pa de ma thag pa'i rkyen nyid du khas mi len gyi khyab pa'i phyir dang rig tha dad pa'i phyir bdag po'i rkyen nyid de kho nas rnam par bzhag go /yang rnam par shes pa drug pa dag ces bya ba ni nye bar spyod pa can gyis rten cing 'brel bar 'byung ba ste/ bdag po'i rkyen ni mig la sogs pa dbang po drug po/ /dmigs pa'i rkyen ni yul gzugs la sogs pa'o/ /mtshungs pa de ma thag

  805. 403a

    pa'i rkyen ni drug po 'gags ma thag pa'o/ /'di dag la rgyu'i rkyen bdag nyid ji lta ba bzhin dge ba la sogs pa'i sa bon yang yod pa yin nam/ de ci'i phyir mi brjod ce na/ kha cig na re de ni ma khyab pa'i phyir ma brjod de 'di ltar 'phags pa'i lam ni 'dris pa ma yin pa'i phyir skad cig ma dang po skye ba sa bon med pa can yin no zhes zer ro/ /de ni rigs pa ma yin te/ rang bzhin gyi rigs sngar bsgrubs zin pa'i phyir ro// 'on te yang bye brag tu smra ba rnams bskal pa mnyam pa'i rgyu khas mi len pa'i phyir 'phags pa'i lam gyi skad cig ma dang po'i rgyu'i rkyen med pa can du 'dod de/ de dang mthun par de ma brjod do zhe na de lta na yang rigs pa ma yin te de'i lugs kyis de la yang lhan cig 'byung ba dang mtshungs par ldan pa'i mtshan nyid kyi rgyu'i rkyen ? 'on te nye bar spyod pa can ni nye bar spyad par bya ba la bltos pa yin la/ nye bar spyod par bya ba yang sems dang sems las byung ba dang mi la sogs pa lus su bsdus pa dang 'gro ba de dang de dag na yul gzugs la sogs pa yin te/ de ltar na nye bar spyad par bya ba ni gsum po'i bdag nyid de kho na bas de nyid kyi rkyen gsum gyis rnam par phye ste bstan to snyam na/ de yang rigs pa ma yin te kun gzhi'i rnam par shes pa'i khongs su gtogs pa sa bon yongs su smin pa lus su bsdus pa nyid kyis nye bar spyad par bya ba nyid yin pas de'i rgyu rkyen yang brjod par thal bar 'gyur ro/ /de lta bas na ngo bo nyid rnam par byed pa'i skabs kyi rten cing 'brel par 'byung ba dang po la rgyu'i rkyen bstan zin pa'i phyir dang/ nye bar spyod pa yang skad cig ma snga ma dang phyi ma 'gag pa dang skye ba'i rim

  806. 403b

    gyis rgyun gyis rab tu phye ba yin pa'i phyir dang/ mig la sogs pa'i rten nyid du gzugs la sogs pa ni dmigs pa nyid du grags pa'i phyir mtshungs pa de ma thags pa'i rkyen la sogs pa kho na bstan gyi rgyu'i rkyen ni ma yin no zhes byas na legs so// 'di dag yin no/ /zhes bya ba ni kha cig na re go rim bzhin du ji skad bstan pa'i brten cing 'brel par 'byung ba gsum gyi rkyen rnams mdor bsdus nas 'jug bsdus pa yin no/ /zhes zer ro/ /gzhan dag na re sngar ni gtsor rkyen rnam par bzhag pa mdzad pa yin no/ /da ni yon tan gtso bo'i ngo bo la ma brten par rten cing 'brel par 'byung ba re re'i rkyen bzhi'i ngo bo nyid rkyen bzhi las skye bar ston te zhes zer ro/ /de la spros pa'i bag chags dbye ba ma byas par spyir 'khor ba ji srid par gnas pa'i sgo nas brten cing 'brel par 'byung ba dang ngo? kun gzhi'i rnam par shes pa ni des gzhan pa rnams kyi rkyen bzhir 'gyur te sa bon gyi brten dang mi bsgribs pa dang dmigs pa dang rang gi rigs kyi skad cig ma la skad cig ma snga ma 'gags pas mtshungs pa de ma thag pa'i rten sbyin pa'i sgo nas so/ /de yang rkyen bzhis kho na las skye ste rang gi rgyud dang 'brel cing lhan cig 'byung ba'i sa bon gyi sgo nas rnam par shes pa'i tshogs bdun las de dang 'dra ba'i bag chags dang 'brel pa skye ba na rgyu'i rkyen dang rten dang bcas pa'i dbang po la dmigs pa'i phyir dmigs pa'i rkyen dang/ rang las gzhan pa mi sgrib par gyur pa dag las te bdag po'i rkyen dang/ rang gi rig kyi skad cig ma 'gags pa mtshungs pa de ma thag pa'i rkyen las so/ /nying mtshams sbyor ba sbrel ba ni 'jug pa'i rnam par shes pa drug kun tu 'byung ba dang 'gal ba'i phyir dang/ de 'gag pa nying mtshams sbyor ba sbrel ba dang

  807. 404a

    mthun pa'i phyir de bas na srid pa par ma'i yid kyi rnam par shes pa nyon mongs pa can tha ma yang de'i mtshungs pa de ma thag pa'i rkyen yin no/ /de bzhin du ma rig pa la sogs pa yang so sor rigs mi mthun pa'i 'bras bu skye ba la bltos nas rkyen bzhi'i ngo bo nyid kyi rkyen bzhi las skye bar ci rigs par bshad par bya'o/ /sa bon du gyur pa rnams dang gzugs can gyi yan lag rnams la rkyen gzhi po ril mi srid pas 'jug pa'i rnam par shes pa'i tshogs drug po dag rkyen bzhi'i ngo bo nyid kyis rkyen gzhi'i la skye bar bshad par bya'o/ /rnam sras zhes bya ba ni thun mong ma yin pa zhes bya ba la sogs pa'i ming ngo/ /mtshan nyid kyis zhes bya ba ni le'u bdun gyis so/ /ji ltar zhes bya ba ni ji skad smos pa'i rnam par 'god pa yin te 'jug pa'i rnam par shes pa rnams kho na la bsams nas gzhan rgol zhing rtog par byed do/ /de la 'jig rten pa rnams la rnam pa'i rab tu dbye ba mdza' yas pa srid mod kyi 'das ma thag pa sdug ba dang mi sdug pa dang mi sdug pa'i 'gro ba kun nas nyon mongs pa gsum gyi gnas skabs kyi rten cing 'brel bar 'byung ba nye bar bstan par nyon mongs pa'i kun nas nyon mongs pa la sogs pa gsum gyi bye brag kho na nye bar 'god do/ /'jig rten pa'i rnam par byang ba ni dag pa'i bsam gtan dang gzugs med pa'i mtshan nyid do/ /'jig rten las 'das pa ni 'phags pa'i lam gyi mtshan nyid dang 'gog snyoms par 'jug pa'i mtshan nyid dang/ gnas gyur pa'i mtshan nyid do/ /'di dag ni 'jig rten las 'das pa nyid yin pa ni 'phags pa'i lam gyi stobs kyis snyoms par 'jug pa'i phyir dang/ 'phags pa'i lam sngon du 'gro ba

  808. 404b

    can nyid kyi phyir ro/ /de ltar na kun nas nyon mongs pa dang rnam par byang ba spyir na rnam pa bdun yin no/ /nyon mongs pa rnams yang dang yang du byung ba ni nyon mongs pa'i kun nas nyon mongs ste/ de yang nyon mongs pa mang ba'i phyir 'dod pa'i khams yin no/ /de na yod pa nyid rnam pa gsum du dbye ste/ rgyun chags su kun nas nyon mongs pa 'byung ba dang/ 'du shes pa'i snyoms par 'jug pa las langs pa la kun nas nyon mongs pa 'byung ba dang 'phags pa'i lam las langs pa kun nas nyon mongs pa 'byung ba'o/ /de ni rang gis bskyed pa'i bag chags dang 'brel pa yin na de yang kun gzhi'i rnam par shes pa med na mi rung ngo/ /de la kun nas nyon mongs pa dang po la ni 'dod chags la sogs pas mig gis rnam par shes pa 'dod chags la sogs pa 'am/ 'dod chags la sogs pa'i bag chags yongs su bzung ba'i mig gi rnam par shes pas rna ba'i rnam par shes pa la sogs pa'am/ 'dod chags la sogs pa'i bag chags yongs su bzung ba'i mig gi rnam par shes pas mig gi rnam par shes pa phyi ma gzhan la bsgo bar gyur grang na/ de la 'dod chags la sogs pas mig gis rnam par shes pa la bsgo ba nyid dgag pa'i dbang du mdzad nas/ 'di ltar mig gi rnam par shes pa gang zhes bya ba la sogs pa de nyid de dag gi sa bon gyis dngos por bag chags bsgos par 'gyur gyis zhes bya ba'i bar smos so/ /'di ji ltar mi rung zhe na/ dgos pa med pa'i phyir te bag chags 'jog par byed pa ni rang dang mthun pa'i 'bras bu bskyed pa'i ched yin na de ni lta ba 'di lta ba 'di la rung ba ma yin no zhes mig gi rnam par shes pa 'gags pa rnam par shes pa gzhan gyis bar du chod pa de la ni zhes bya

  809. 405a

    ba la sogs pas bstan to/ /rnam par shes pa gzhan gyis bar du chos pa zhes bya ba ni rna ba'i rnam par shes pa la sogs pas bar du chod pa'o/ /bag chags med cing bag chags kyi gnas kyang mi dmigs zhes bya ba ni 'dod chags la sogs pa'i bag chags rten dang bcas te 'gags pa'i phyir sa bon med pas de las 'dod chags la sogs pa dang mtshungs par ldan pa'i mig gi rnam par shes pa skye bar mi 'gyur pa'o/ /rgyu gcig tu brtogs pa'i phyir rna ba'i rnam par shes pa 'jug thogs su skye ba nyid kun gzhi'i rnam par shes pa'i rgyun bzhin du mig gi rnam par shes pas zin pa'i bag chags yongs su 'dzin cing skye ba yin nam zhe na/ de ni ma yin te/ brten tha dad pa'i phyir rgyud gcig tu btogs pa nyid bsgrub par dka' o zhes de ni/ tha dad gsum dang 'gal ba'i phyir zhes bya ba der rnam par phye zin to/ /ji ste yang 'di ni rgyud gcig tu gtogs pa kho na yin te/ 'di ltar rnam par shes pa gcig pa nyid mig la sogs pa'i rten de dang de nas skye pa na de dang de'i ming 'thob par zad do snyam na/ de ltar na yang rigs pa ma yin te lhan cig skye ba dang 'gag pa'i ngo bos skad cig ma snga mas skad cig ma phyi ma la bag chags 'dog par mi srid pa'i phyir dang/ bag chags chos nyid kyis gnas na yang yongs su gso ba med par skye bar mi rung ba'i phyir dang/ sems med pa'i gnas skabs na sems kyi rgyud chad pa nyid kyis ji skad bshad pa'i skyon du thal par 'gyur ba'i phyir dang rten tha dad pa nyid kyis rgyun kyis rdzas gcig pa nyid bsgrub dka' ba'i yang phyir ro/ /yang 'dir brgya la bye brag tu smra ba nyon mongs pa 'das pa las nyon mongs

  810. 405b

    pa yin la de yang mig gi rnam par shes pa skye ba yin no zhes zer na/ de'i phyir med pa 'das pa de las 'dod chags dang bcas pa 'byung du mi rung zhes bya ba smos so/ /'das pa'i las las zhes bya ba ni rnam par smin pa'i rgyu 'bras bu phyung zin gang yin pa de na dper dgod par bya'o/ bskal pa mnyam pa'i rgyu skad cig mas bar du chod pa ni rang gi 'bras bu mi 'byin te/ 'das nas yun ring du lon pa'i phyir rnam par smin pa'i rgyu 'bras bu phyung zin pa lta bu'o/ /yang 'das pa'i las las zhes bya ba 'di ni 'od srungs pa'i lta ba bshad pa yin te de dag gis ltar na 'das pa cung zad cig ni yod de bskal pa mnyam pa'i rgyu thams cad dang rnam par smin pa'i rgyu 'bras bu ma phyung ba'o cung zad cig ni med de rnam par smin pa'i rgyu 'bras bu phyung zin pa'o/ /de ni de dag gi phyir de skad bshad pa yin te/ de ni mdo sde pa'i skabs dgag pa'i phyir yang de skad du brjod par bya'o/ /mig gi rnam par shes pas 'dod chags la sogs pa la sgo bar byed pa dgag par mig gi rnam par shes pa 'dod chags la sogs pa dang lhan cig 'byung de zhes bya ba la sogs pa smos so/ /mig gi rnam par shes pa ni mtshungs par ldan pa'i sgo nas nyon mongs pa can yin pas de lta bu'i 'bras bu'i skye bar bya ba'i phyir rang la brten pa'i 'dod chags la sogs pa la bag chags 'jog go /zhe na/ de ni rigs pa ma yin no/ /de la brten pa'i phyir zhes bya ba ni 'dir sems las byung ba rnams gang la brten pa'i rten nyid kyis sgo bar mi byed do/ /zhes bya ba de ltar ni gzung bar mi bya ste/ 'jug pa'i rnam par shes pa bdun gyis kun gzhi'i rnam par shes pa dang mtshungs par ldan pa'i

  811. 406a

    reg pa la sogs pa la bsgo bar byed pa nyid du thal bar gyur na mi rung bas so/ /de lta bas na 'di skad du 'dod chags la sogs pa la sgo par byed pa ni ma yin te skad cig re re la gzhan la rags las te/ skye ba'i rgyu can yin pa'i phyir sgra la sogs pa bzhin no zhes rnam par dbye bar bya'o/ /mi brtan pa'i phyir ro zhes bya ba ni 'dod chags pa la sgo bar mi byed de rgyu mi brtan pa'i phyi sgra dang klog la sogs pa bzhin no 'dod chags la sogs pa'i bag chags yongs su bzung ba'i mig gi rnam par shes pas rna pa'i rnam par shes pa la sogs pa la sgo bar byed pa nyid dgag pa'i dbang du mdzad nas rnam par shes pa gzhan dag la yang ma yin te/ zhes bya ba la sogs pa smos so/ /'di la kha cig na re mig la sogs pa'i rnam par shes pa rnams kyi gnas tha dad pa'i rgyus gzhan gyi/ lta bas lhan cig 'byung ba dang 'gag pa med do/ /gang dag rten cig pa can du 'jug pa can de dag ni cig car skye ste/ dper sems dang sems las byung ba rnams lta bu'o snyam du ba sems pa'i phyir ro/ /de'i phyir mig gi rnam par shes pas rna ba'i rnam par shes pa la sogs pa la bsgo bar byed pa ma yin te/ lhan cig skye ba dang 'gag pa dang bral ba'i phyir 'das nas ring zhig lon pas da ltar lta bu dang ma 'ongs pa lta bu dang rgyud gzhan du gtogs pa rnam par shes pa dus tha dad pa lta bu'o zhes zer ro/ /gzhan dag ni de dang lhan cig 'byung ba dang 'gag pa med pa'i phyir ro zhes dang zhes bya ba'i sgra'i don to/ /des na mig gi rnam par shes pas rna ba'i rnam par shes pa la sogs pa la sgo bar byed pa ni

  812. 406b

    ma yin te/ gnas tha dad pa'i phyir rgyud gzhan gyi rnam par shes pa bzhin no/ /lhan cig 'byung ba dang 'gags pa med pa'i phyir ro zhes bya ba 'dis ni gzhan gyis blta pa kho nas gzhan la rjes su dpag pas gnod par brjod par bya'o/ /rnam par rtog pa bzhi pa dgag pa'i dbang du mdzad nas rang gi dngos po la yang ma yin te zhes bya ba la sogs pa smos so/ /de la mig gi rnam par shes pa ni mig gi rnam par shes pa'i phyi ma'i rang gi rigs yin pa'i phyir rang gi dngos po yin la 'dod chags la sogs pa phyi ma'i yin no/ /de dag la sgo bar byed pa yin te lhan cig 'byung ba dang 'gag pa dang bral ba'i phyir snga ma bzhin no/ /rdzas gcig gi rgyud yin pa'i phyir kun gzhi rnam par shes pa bzhin du rang gi nus pa rjes su 'jug par 'gyur ba ma yin nam zhe na/ ma yin te nus pa yod kyang 'bras bu mngon par 'grub pa ni yongs su bso ba la rag las pa yin no/ /de lta ma yin na 'dod chags la sogs pa rtag tu 'byung ba 'am cig car 'byung ba kho nar 'gyur ro/ /yongs su bso ba yang lhan cig 'byung ba dang 'gag pa la rag las pa yin te/ /dper na til la sogs pa'i me tog gi dri'i bag chags yongs su bzung ba me tog dang lhan cig 'byung ba dang 'gag par byas pa bzhin no/ /de lta bas na mig gi rnam par shes pa la zhes bya ba ni rnam par rtog pa dang po 'gag pa'i 'jug bsdud pa yin no/ /rnam par shes pa de la rnam par shes pas bsgos par yang mi rung ngo zhes bya ba ni rnam par rtog pa gzhi pa dgag pa'i 'o/ /dgag par ma dag pa ni gtso bo ma yin pa'i phyir 'jug bsdu ba ma byas so/ /de bzhin du 'jug pa'i rnam par shes pa lhag

  813. 407a

    ma rnams la yang zhes bya ba ni dpyad pa mthun pa'i phyir mthun par bsgre ba yin no/ /nyon mongs pa'i kun nas nyon mongs pa gnyis pa dgag pa'i dbang du mdzad nas gang yang sa gong ma 'du shes med gnas shi 'phos te/ zhes bya ba la sogs pa smos te/ gong ma zhes bya ba ni sgra ni 'du shes med pa'i zhes bya ba'i sgra dang go bar byed pa yin pa'i phyir khyad par dang nus pa med pa'i tshig bsdu ba yin par rig par bya'o/ / 'dir skyes pa rnams kyi zhes bya ba ni 'dod pa'i khams yin par ston to/ /nyon mongs par gyur ba thog ma nyid du skye ba de yang zhes bya ba ni bye brag tu smra ba rnams kyi lhar na srid pa bar mar nying mtshams sbyor ba'i sems gdon mi za bar nyon mongs pa can yin pas de dang por nyon mongs pa can yin no/ /mdo sde pa rnams kyi ltar na srid pa bar ma'i sems tha ma gdon mi za bar 'dod chags la sogs pa gang yang rung ba zhig dang mtshungs par ldan po'i phyir de dang par nyon mongs pa can yin no/ /de la sa bon med pa'i phyir skye bar yang mi rung ste 'dod pa spyod pa'i nyon mongs pa'i sa bon rten dang bcas te 'gags pa'i phyir ro/ /nyon mongs pa'i sa don de gzugs kyi rgyud la yang ma yin te/ gzugs la sgo bar byed pa nyid du gzhan khas mi len pa'i phyir dang/ rnal 'byor spyod pa la gzugs ma grub pa'i yang phyir ro/ /gnas gzhan nas 'dir skyes pa rnams la yang ji skad ston pa'i tshul gyi sa bon med pa'i phyir nyon mongs pa can gyi sems dang por skye ba de mi rung mod kyi sems kyi rgyun ched pa nyid kyis ni glags med pa'i phyir 'du shes med pa pa kho na nas

  814. 407b

    'chi 'pho ba nye bar bkod do/ /kun nas nyon mongs pa gsum pa dgag pa'i dbang du mdzad nas/ nyon mongs pa'i gnyen po'i rnam par shes pa byung na zhes bya ba la sogs pa smos pa te/ nyon mongs pa'i gnyen po rnam par shes pa zhes bya ba ni sdug bsngal la chos shes pa'i bzod pa dang mtshungs par ldan pa'o/ /'gags na zhes bya ba ni zag pa dang bcas pa nyid du mtshungs pa'i phyir ngas par 'byed pa'i cha dang mthun pa dag la nyon mongs pa'i sa bon yod par 'gyur ro zhe na/ de dgag pa'i phyir 'gag na zhes smos pa yin no/ /de la yang gtan lung ma bstan ces bya ba la sogs pas rung ba ma yin mod kyi gzhan dang mthun par de skad du bshad do/ /gal te yang 'jig rten pa'i chos kyi mchog 'gags pa kho na 'phags pa'i lam gyis skad cig ma dang po la sa bon 'jog go snyam du sems na/ de'i phyir ngo bo nyid kyis rnam par grol ba'i phyir zhes bya ba smos so/ /la la ni ngo bo nyid kyis rnam par grol ba kho na yin te zag pa med pa slob pa'i sems gang yin pa'o/ /la la ni ngo bo nyid kyi rnam par grol ba dang rgyud rnam par grol ba yang yin te/ zag pa med pa mi slob pa'i sems gang yin pa'o/ / 'di gnyi ga yang nyon mongs pa'i sa bon gyi rten ma yin pa'i phyir dang dmigs pa dang mtshungs par ldan pa dag gis nyon mongs pa rnams rgyas par mi 'gyur ba'i phyir rnam par grol ba yin no/ /de bas na slob pa'i gang zag pa med pa'i sems ni nyon mongs pa'i sa bon dang ldan pa ma yin te ngo bo nyid kyis rnam par grol ba nyid du 'dod pa'i phyir dgra bcom pa'i sems bzhin no/ /lhan cig 'byung ba dang 'gag pa med pa'i phyir ro/ /zhes bya ba ni 'di

  815. 408a

    skad du ston pa yin te zag pa med pa'i sems ni nyon mongs pa'i sa bon gyi rten ma yin te de dang 'gal ba'i phyir ro/ /gang zhig gang dang 'gal ba de ni de'i sa bon gyis rten ma yin te dper na mun pa'i snang ba lta bu'o/ /'gal ba nyid ji ltar zhe na/ mi mthun pa dang gnyen por gyur pa'i phyir te de yang lhan cig 'byung ba dang 'gag pa med par grags so/ /gang dag res dga' lhan cig 'byung ba dang 'gag par grags pa de dag ni mi mthun pa'i phyogs dang gnyen po'i ngo bor yang ma grags so/ /de ltar ni rim pa 'dis ni dge ba zag pa dang bcas pa'i sems kyang nyon mongs pa'i sa bon gyis rten ma yin na zag pa med pa lta smos kyang ci dgos/ de'i 'og tu yang zhes bya ba ni mthong ba'i lam las langs pa'o/ /'das nas yun ring ste zhes bya ba la sogs pa ni don go bar zad do/ /bye brag tu smra ba'i thob pa'i phyogs ni mdo sde pa rnams nyid kyis bsal zin pas de ni skabs ma yin no/ /mdo sde pa'i yang bag chags kyi rten med pa'i nyes pa dang ldan pa nyid yin no/ /de lta bas na kun gzhi'i rnam par shes pa med na nyon mongs pa dang nye ba'i nyon mongs pa'i sa bon mi rung ngo zhes rigs pas gtan la phab nas 'jug sdud pa yin no/ /'du byed kyi rkyen gyis rnam par shes pa zhes bya ba la kha cig gi lta ba ni tshe rab gsum pa'i gnas skabs pa'i rten cing 'brel par 'byung ba khas blangs pa la nying mtshams sbyor ba rnam par shes pa kho na 'du byed kyi rkyen can yin no zhes bya ba yin no/ /de ni mdo sde pa rnams pa kho nas bkag ste/ de ji ltar bkag pa ni rten cing 'brel par 'byung ba'i skabs nas nges par gzung bar bya'o/ /

  816. 408b

    de lta bas na mdo sde pa'i lta bas kyang bsod nams la sogs pa'i 'du byed kyis yongs su bsgos pa'i rnam par shes pa 'byung ba kho na 'du byed kyi rkyen gyis rnam par shes pa zhes bya'o/ /gang gi phyir de lta yin pa'i de'i phyir las kyi kun nas nyon mongs pa'i skabs su rnam par shes pa'i yan lag bstan to/ /'du byed kyi bag chags 'jog pa de yang dgag pa ji skad smos pa dang rten cing 'brel par 'byung ba'i skabs su rnam par shes pa'i yan lag bstan pa las na 'jug pa'i rnam par shes pa rnams la mi srid do hes bya bar nges par gzung bar bya'o/ /de lta bas na 'du byed kyis yongs su bsgos pa'i kun gzhi'i rnam par shes pa 'byung ba kho na la 'du byed kyi rkyen gyis rnam par shes pa zhes bya'o/ /sngar ni ngo bo nyid rnam par shes pa thun mong ma yin pa'i bdag po'i rkyen gyis skabs kyis rnam par shes pa zhes bshad do/ /da ni las kyi kun nas nyon mongs pa'i skabs yin pa'i phyir de skad du ma bshad de/ 'du byed kyi sa bon dang rnam par shes pa ma 'ongs pa'i sa bon 'di gnyi ga yang spyir rnam par shes pa'i yan lag yin no/ /gal te rnam par shes pa'i yan lag kun gzhi'i rnam par shes pa yin na mdo las rnam par shes pa'i yan lag 'jug pa'i rnam par shes pa drug yin par rnam par phye ba dang 'gal ba ma yin nam zhe na/ de ni ma yin te/ der ni rjes su 'jug pa'i tshul gyis 'bras bus rgyu ston te/ dper bkras pa dang skom? pa dag gis reg bya'i khyad par lta bu'o/ /snyam du dgongs pa yin no/ /de ltar na kun gzhi'i rnam par shes pa med na 'phen par byed pa'i las kyis kun nas nyon mongs pa mi rung ngo/ /de med

  817. 409a

    na zhes bya ba kun gzhi'i rnam par shes pa med na 'am/ bag chags kyis mtshan nyid kyi sa bon med na las kyi sa bon de gang na gnas shing ma 'ongs pa mngon par grub par bya ba la mngon du phyogs par byed pa na len pa yin par 'gyur te/ 'dis ni mngon par grub par byed pa'i las kyis kun nas nyon mongs pa med par ston to/ /skye pa'i kun nas nyon mongs pa ni rnam par smin pa'i mtshan nyid do/ /de yang 'chi 'pho ba'i gnas skabs dang/ 'chi 'pho ba'i gnas skabs ma yin pa'o/ /'chi 'pho'i gnas skabs ma yin pa yang rnam pa gnyis te nying mtshams sbyor ba sprel ba'i skabs dang nying mtshams sbyor ba sprel pa'i 'og gnas pa'i gnas skabs so/ /nying mtshams sbyor ba sprel pa'i gnas skabs kyang khams gsum pa'i bye brag gi rnam pa gsum mo/ /de thams cad ni kun gzhi'i rnam par shes pa med na mi rung ngo/ /de la 'dod pa'i khams kyi nying mtshams sbyor ba sprel ba mi rung bar bstan pa'i phyir mnyam par ma bzhag pa'i sa nas zhes bya ba smos so/ /'di la yang bye brag tu smra ba rnams kyi blta ba ni nying mtshams sbyor ba'i sems ni nyon mongs pa can yin no zhes bya ba yin no/ /de ni mdo sde pa rnams kho nas nying mtshams sbyor ba'i sems ni/ nying mtshams sbyor ba sprel ba'i skad cig mas bsdus pa yin pa'i phyir lus kyi dbang po bzhin te rnam par smin pa las skyes pa yin no zhes bya ba lta bu la sogs pa rnam pa bsal to/ /de lta bas na mdo sde pa rnams kho nas khas blangs pa srid pa bar ma'i sems tha ma ni rjes su chags pa la sogs pa gang yang rung ba zhig dang mtshungs par ldan pa'i phyir

  818. 409b

    nyon mongs pa can yin la/ de sngon du 'gro ba can ma'i mngal du nying mtshams sbyor ba'i sems rnam par smin pa'i bdag nyid kyang kha chu dang khrag dang lhan cig grub pa dang bde ba gcig pa'i nur nur po nyid du rnam par 'chags so/ /de ni lus kyi rnam par shes pa yang ma yin te lus kyi dbang po zhen pa'i phyir ro/ /de las gzhan pa'i dbang po gzugs can med pa'i phyir dbang po gzugs can gyi rnam par shes pa gzhan yang ma yin pas shugs kyis na yid kyi rnam par shes pa yin no zhe na'o/ /de la yang btsun pa dpal len na re rnam par smin pa rnam par shes pa de ni phyis dge ba la sogs pa'i sems kun tu 'gyur ba na 'gag la/ dge ba la sogs pa'i sems 'gags nas yang mtshams sbyor ro zhes zer ro/ /de ni rigs pa'i rjes su 'brel pa nyid las bar skabs su gzhan du rje zhing rnam par smin rgyud 'chad pa'i nying mtshams sbyor pa ni med de lus kyi dbang po bzhin no zhes bkags la dge ba la sogs pa'i sems 'gag nas rnam par smin pa'i sems su yang 'dod de/ de lta bas na nying mtshams sbyor ba nas bzung ste ma shi'i bar du rnam par smin pa'i rgyun 'jug go zhes de ltar gzhan gyi lta ba nges par byas nas gal te yid kyi rnam par shes pa nyid ces bya bar smos so/ /'o na mngal na 'dug pa la dge ba dang mi dge ba'i yul la rnam par rtog pa'i sems mngon du gyur na yid kyi rnam par shes pa'i khyad par gzhan du gyur ro zhe na/ de spang bar gzhan gyi lta ba nyid kyis de lta brten nas zhes bya ba smos so/ /yid kyi rnam par shes pa dge ba dang nyon mongs pa can ni rnam par smin pa'i yid kyi rnam par

  819. 410a

    shes pas tha dad ma yin gyi 'on kyang rnam par smin pa'i rnam par shes pa nyid kyi gnas skabs kyi khyad par 'ga' zhig la mngon par yid ches pa'i rnam pa yongs su 'dzin pa dang kun tu chags pa la sogs pa'i bdag nyid kyis rnam par shes pa dge ba dang nyon mongs pa can zhes bya ste/ de yang rigs pa'i rjes su 'brang ba kho na las rnam par phye'o/ /gnas skabs kyi khyad par yang gnas skabs gzhan la brten pa yin pas de skad ces bshad do/ /'di yang nying mtshams sbyor pa'i skad cig ma'i 'og ma la bya ste/ nying mtshams sbyor ba'i skad cig ma ni gcig tu ma bsgribs la lung du ma bstan pa yin pa'i phyir ro/ /'dir bshad pa mngon par yid ches pa la sogs pa'i rnam pa can gang yin pa de ci rnam par smin pa'i rnam par shes pa 'dzin pa'i rnam pa can las gzhan zhig gam 'on te gzhan ma yin pa zhig yin/ gal te gzhan ma yin na ni dge ba dang nyon mongs pa can nyid yin pa nyams te rnam par shes pa 'dzin pa'i rnam pa can bzhin no/ /las kyi mngon par grub pa'i lung du ma bstan pa ni mi gsal pa'i phyir phyin ci ma logs par yongs su gcod pa 'am phyin ci log tu rtag par nus pa ma yin no/ /'on te gzhan yin na ni dad pa la sogs pa rnam par smin pa'i rnam par shes pa las tha dad par 'gyur te 'dzin par byed pa'i rnam pa tha dad pa'i phyir tshor ba dang 'du shes dang sems dpa' bzhin no zhes bya bar gyur to/ /'di ltar mdo sde pa rnams kyi ltar na tshor ba la sogs pa sems las byung ba gsum rdzas nyid du mngon par

  820. 410b

    'dod do/ /'on te kun gzhi'i rnam par shes pa'i sa bon bzhin du mngon par yid ches pa'i rnam pa de nyid dang gzhan du brjod par bya ba ma yin no zhe na/ de ni yang dag pa ma yin te 'dzin par byed pa nyid du 'dod pa'i phyir ro/ /dmigs pa 'dzin par byed pa ni brjod par bya ba ma yin par grags pa med la kun gzhi sa bon yang dmigs pa 'dzin par byed pa yin par mi 'dod do/ /de ltar na phyogs 'dis reg pa la sogs pa'i dbang shes pas nyams su myong ba'i yul la rnam rtog par byed pa mngon brjod pa la sogs pa dang mtshungs par ldan pa'i rnam par shes pa gzhan yang gzhan nyid yin par bsgrub par bya'o/ /de'i phyir yid kyi rnam par shes pa gzhan gnyis par gyur to zhes bya bar nges par byas nas/ des na yid rnam par shes pa gnyis zhes bya ba la sogs pa smos so/ /thal bar 'di ni mngal nas byung ba la yang srid mod kyi ma'i mngal du zhes bya ba 'dis ni nying mtshams sbyor ba'i skabs yin pa'i phyir de dang nye ba'i gnas skabs thal ba ston par byed do/ /de na gnas ma yin no zhes bya ba la sogs pa dang ring du 'go zhes bya ba la sogs pa mdo dang 'gal lo/ /ji ste yang mdo de ni dge ba'i lam mi dge ba'i rigs mthun pa gnyis cig car skyes pa med pa la bya'o zhes de ltar drang ngo snyam du sems na/ yid kyi rnam par shes pa chags pa de ni zhes bya ba la sogs pa smos so/ /nyon mongs pa can gnas yin pa'i phyir zhes bya ba ni 'dir dpyad par bya ste/ gal te re zhig nyon mongs bzhi dang mtshungs par ldan pa'i yid nyon mongs pa can gnas yin pa'i phyir de yid kyi rnam par shes pa ma yin te 'dod chags la sogs pa bzhin no zhe na/ gtan tshigs ma

  821. 411a

    grub pa'i don nyid yin te/ nyon mongs pa can gyi yid ma grub pa'i phyir ro/ /'on te bsgrubs zin to snyam du sems na/ de ltar yang phyogs gzhan du 'gro bar 'gyur bas rnam pa thams cad du gtan tshigs kyi ma nges pa nyid ldog pa med de/ yid kyi rnam par shes pa dge yang srid pa'i phyir ro/ /'on te rnam par shes pa nyon mongs pa can mtshungs par de ma thag pa'i rkyen yin pa'i phyir zhes gtan tshigs kyi don de lta bur brten te nying mtshams sbyor ba'i sems 'di la yang mtshungs pa de ma thag pa'i rkyen srid pa bar ma'i sems tha ma nyon mongs pa can yod do zhe na/ de lta yang ma nges par nyid yin te yid kyi rnam par shes pa mtshungs pa de ma thag pa'i rkyen rnam par shes pa nyon mongs pa can yang yod pa'i phyir ro/ /'on te gtan tshig 'di nges par bzung ba yin no zhe na/ de lta na ma grub pa nyid yin te nying mtshams sbyor ba'i sems 'di ni mtshungs pa de ma thag pa'i rten can kho na ma yin te sa bon gyi rten yang khas blangs pa'i phyir ro/ /ma nges pa nyid kyang yin te/ yid kyi rnam par shes pa dge ba'i rtsa ba kun tu spyod par byed pa med par lta ba dgu pa mtshungs par ldan pa mtshungs pa de ma thag pa'i rkyen nyon mongs pa can gyi rten can du nges pa la yang rgyu yod pa'i phyir ro/ /de lta na 'o na srid pa bar ma'i sems tha ma kho na 'dir nyon mongs pa can du bzung ste de yang nying mtshams sbyor ba'i sems 'phen par byed pa yin pa'i phyir bdag po'i rkyen nyid kyi rten yin te/ 'di ltar skye ba'i nying mtshams sbyor ba thams cad ni nyon mongs pa can gyi sems sngon

  822. 411b

    du 'gro ba can kho na yin bar dmigs so/ /dus rtag tu zhes bya ba smos pa yang don 'di nyid nye bar bstan pa'i phyir te/ gal te nyon mongs pa can gyi sems skabs 'byed pa tsam nyid kyis mtshungs pa de ma thag pa'i rkyen gyi ngo bor nye bar sbyor na ci'i phyir nying mtshams sbyor ba'i sems thams cad la nges par nye bar gnas par 'gyur/ skabs 'byed pa tsam la ni nyon mongs pa can dang nyon mongs pa can ma yin pa/ dag khyad par 'ga' yang med do/ /de lta bas na nying mtshams sbyor pa'i sems kyi 'phen par byed pa nyon mongs pa can gyi sems yin zhes te yid kyi rnam par shes pa yin pa la ni chung zad mi phan te de ltar nyon mongs pa can gyi sems nges par 'phang bar bya ba ni sems can gyi rgyud du ma la grags so/ /de'i phyir nying mtshams sbyor ba'i sems ci yid kyi rnam par shes pa yin te dus rtag tu srid pa bar ma'i sems tha ma nyon mongs pa can gyis 'phangs pa'i phyir lus kyi dbang po bzhin no/ /gzhan dag ni lus rtag tu zhes bya ba smos pa logs shig tu gtan tshigs kyi khyad par nyid du nye bar 'god do/ nying mtshams sbyor ba'i sems de ni yid kyi rnam par shes pa ma yin te dus rtag tu ma shi bar du rnam par smin pa'i ngo bor rjes su 'jug pa'i phyir lus kyi dbang po bzhin no/ /zhe'o/ /yid kyi rnam par shes pa'i dmigs pa'i rnam pa mi dmigs pa'i phyir ro zhes bya ba yid kyi rnam par shes pa'i dmigs pa'i rnam par gang yin zhe na/ gsal ba'i rnam par yongs su gcod pa nyid do/ /de med pa'i phyir dmigs pa'i rnam pa yongs su ma chad pa nyid yin no/ /de'i phyir yid kyi rnam par shes pa ma yin pa de

  823. 412a

    dmigs pa'i rnam pa yongs su ma chad pa'i phyir lus kyi dbang po bzhin no zhes bya bar grags so/ /'di gzhan la ma grub pa ma yin nam zhe na/ de ni ma yin te mdo sde pas brgyal ba dang 'du shes med pa dang 'gog pa'i snyoms par 'jug pa la sogs pa la yid kyi rnam par shes pa'i dmigs pa'i rnam pa yongs su ma chad pa nyid du khas blangs pa'i phyir ro/ /ma nges pa nyid kyang ma yin te 'du shes med pa la sogs pa'i sems kyang phyogs kho na yongs su 'dus pa'i phyir ro/ /bye brag tu smra ba gang zhig nying mtshams sbyor ba'i rnam par shes pa dmigs pa'i rnam pa dmigs pa can du sems pa de la yang de bzhin du lan gdab par bya ste/ yid kyi rnam par shes pa'i dmigs pa ni rnam pa bzhi ste/ 'das pa dang ma 'ongs pa dang 'dus ma byas pa dang da ltar byung ba'o/ /re zhig nying mtshams sbyor ba'i sems de 'das pa la dmigs pa ni ma yin te/ mngon par shes pa med par nying mtshams sbyor ba'i sngon rol gyi lus rjes su dran pa ni med do/ /ma 'ongs pa dang 'dus ma byas la dmigs pa yang ma yin te/ mthong ba dang thos pa med pa'i phyir ro/ /mthong ba dang thos pa dag gis brtags nas ma 'ongs pa dang 'dus ma byas la dmigs na de ni nying mtshams sbyor ba'i gnas skabs na mi srid do/ /da ltar byung ba ni rnam pa gnyis te rang gi rgyud du gtogs pa dang gzhan gyi rgyud du gtogs pa'o/ /de la gzhan gyi rgyud la ni mi dmigs te rtogs pa'i rgyu med pa'i phyir snga ma bzhin no/ /rang gi rgyud du gtogs pa yang dbang po gzugs la ni mi dmigs te de kho na bzhin du rtog

  824. 412b

    par ma rung ba'i phyir ro/ /yul gyi gzugs la yang dmigs par rung ba ma yin gzugs la sogs pa la mig la sogs pa'i dbang po rnam par shes pas drangs pa'i yid kyi rnam par shes pa khas len gyi mngon sum du byed pa ni ma yin na mig la sogs pa'i rnam par shes pa de yang nying mtshams sbyor ba'i gnas skabs na med do zhes sngar bstan zin to/ /yid kyi rnam par shes pa de brgyal ba yin du chug na yang zhes bya ba la sogs pa ni yid kyi rnam par shes pa gnyis su 'gyur ro/ /zhes bshad pa la re zhig gcig ni khas len pa nyid de dge ba la sogs par zhugs pa gang yin pa'o/ /cig shos kyang rnam par smin par gyur pa brgyal ba gang yin pa'o/ /de la ming tsam la brtsad pas kho bo cag la ci bya/ dngos po'i de kho na nyid brtags par bya ste/ yid kyi rnam par shes pa de brgyal ba yin tu chug na yang zhes bya ba la sogs pa ni khyod nyon mongs pa can dang nyon mongs pa can ma yin pa'i chos rnams sa bon la rag las te skye bar khas len pa sa bon de gal te rnam par shes pa brgyal ba'i rten can nyid yin la rgyu'i rkyen gyi bdag po nyid kyi sa bon de las kyang nyon mongs pa can dang nyon mongs pa can ma yin pa'i bdag nyid de skye ba na de la brten nas skye bo zhes khas len na rnam par shes pa brgyal ba de sa bon thams cad pa yin pa'i phyir kun gzhi'i rnam par shes pa nyid yin par shugs kyis smras par 'gyur te/ kun gzhi'i rnam par shes pa'i dngos po rnam grangs gzhan gyis bsgrubs pa'i phyir ro zhes bya ba de ston to/ /'on te gang de la rten nas zhes bya ba la sogs pas ni rnam par shes pa rgyal ba de ni sa bon thams

  825. 413a

    cad pa yin pa'i phyir nyon mongs pa can dang/ nyon mongs pa can ma yin pa'i rnam par shes pa'i bdag po tsam gyis brten ces bya ba 'ba' zhig tu zad kyi/ de la rten pa nyon mongs pa can dang/ nyon mongs pa can ma yin pa'i rnam par shes pa gang yin pa de kho na sa bon thams cad pa'o zhes brjod par nus pa yang ma yin no/ /de ci'i phyir zhe na/ de la brten pa'i rnam par shes pa mi brtan pa'i phyir dang/ rten pa yin pa'i phyir dang lung du bstan pa'i phyir dang/ sgo bar byed pa rnams lhan cig skye ba dang 'gag pa med pa la sogs pa'i phyir ro zhes de ston par byed do/ /skye ba'i kun nas nyon mongs pa nying mtshams sbyor ba sbrel ba'i 'og gnas pa'i gnas skabs pa yang rnam pa gsum ste dbang po gzugs can len par byed pa dang/ ming dang gzugs la bltos nas rkyen dang 'bras bu dang/ sems can rnams kyi zas so/ /de la rnam pa dang po'i dbang du mdzad nas nying mtshams sbyor ba sprel zin pa rnams kyi zhes bya ba la sogs pa smos so/ /'di yang 'dod pa dang gzugs kyi khams dag na srid mod kyi mnyam par ma bzhag pa'i skabs yin pa'i phyir 'dod pa na spyod pa kho na gzung ngo/ /de las gzhan zhes bya ba ni 'jug pa'i rnam par shes pa'o/ /dbang po gzugs can 'dzin par byed pa zhes bya ba ni 'dir dbang po zhes smos pas dbang po dang tha mi dad par 'dug pa'i gzugs la sogs pa yang bzung ste/ 'di ltar zin pa gang yin pa de 'dzin par byed pa yin na zin pa yang gzhan ma yin te/ dgu rnam gnyis zhes 'byung ba'i phyir ro/ /'di la zag pa med pa'i rnam par shes pa gang yin pa de ni dbang po 'dzin par byed pa ma yin te 'gal ba'i phyir

  826. 413b

    mya ngan las 'das pa bzhin no/ /dge ba zag pa dang bcas pa gang yin pa de yang 'dzin par byed pa ma yin te dge ba'i phyir lam bzhin no/ /mi dge ba yang 'dzin par byed pa ma yin te/ lung du bstan pa'i dge ba bzhin no/ /lung du ma bstan pa gzhan spyod lam dang bzo ba'i gnas pa dang sprul pa pas bsdus pa gang yin pa yang 'dzin par byed pa ma yin te/ rnam par smin pa ma yin pa'i phyir dge ba bzhin no/ /rnam par smin pa'i rnam par shes pa dbang po dang lhan cig /las gcig gis 'phangs pa'i phyir grub pa dang bde ba nyid dang 'dra bar gyur pa ni gcig la gcig brten pas dbang po 'dzin par byed pa yin par 'gyur ro/ /rang gi lta bas 'jug pa'i rnam par shes pa rnam par smin pa'i bdag ma yin mod kyi gzhan gyi lta ba ni khas blangs nas rnam par smin pa'i rnam par shes pa zhes brjod de 'jug pa'i rnam par shes pa zhes brjod de 'jug pa'i rnam par shes pa de ji ltar 'dzin par byed pa yin/ gal te dmigs pa'i dngos por rang gir byed pa'i phyir ro zhe na/ phyi rol yang zin par 'gyur ro/ /'on te rten gyi dngos por yongs su bzung ba'i phyir ro zhe na/ dbang po ni zin par 'gyur gyi dbang po dang tha mi dad par 'dud pa'i gzugs ni ma yin no/ /rten gyi dngos po kho nar yongs su bzung ba'i phyir 'dzin par byed pa yin la dbang po dang tha mi dad par 'dug pa'i gzugs ni dbang po dang tha mi dad par 'dug pa kho nas zin pa yin no zhe na/ 'jug pa'i rnam par shes pa de ni rim pa 'dis kyang 'dzin par byed par mi 'thad do zhes bstan pa'i phyir gnas so sor nges pa'i zhes bya ba smos so/ /'jug pa'i rnam par shes pa ni gnas

  827. 414a

    so sor nges pa'i phyir rnam par shes pa gzhan gyi gnas rnam par bcad de rang gi gnas 'dzin par byed pa yin pas rnam par shes pa gcig gcig mngon du gyur na rnam par shes pa gzhan gyi rten ma zin pa'i phyir shi ba'i lus kyi bzhin du dbang po gzhan rnam par 'chad pas yang rgyud med par thal bar 'gyur ro/ /yid kyi rnam par shes pa ni phyi'i gzugs bzhin du dbang po gzugs can la mi brten pa'i phyir/ gzugs can gang gi yang 'dzin par byed pa ma yin pas gzhan la rjes su dpags pas gnod pa yin no/ /dbang po gzhan gyi rnam par shes pas dbang po gzhan gyis rten 'dzin par byed par khas blangs kyang 'jug pa'i rnam par shes pa ni 'dzin par byed pa nyid du mi srid par bstan pa'i phyir mi brtan pa'i phyir ro zhes bya ba smos te/ gang gi tshe sems med pa'i gnyid dang brgyal ba dang snyoms par 'jug pa'i gnas skabs na 'jug pa'i rnam par shes pa thams cad 'gags pas 'dzin par byed pa'i rnam par shes pa dang bral ba nyid kyi dbang po rnams ma zin pa'i phyir de'i phyir rnam par chad pa'i thal ba so na 'dug pas 'jug pa'i rnam par shes pa ni 'dzin par byed par rung ba ma yin no/ /gal te yang de'i tshe lus kyi dbang po lus thams cad la khyab pa'i phyir dbang po gzhan 'dzin par byed pa yin no snyam na/ de ni yin te lus dbang po de 'dzin par byed pa gzhan dang bral ba nyid kyis ma zin pa nyid du thal bar 'gyur ro/ /'on te las kyi 'phen pa'i dbang kho nas dbang po gzugs can thams cad 'jug pa'i rnam par shes pa 'gags kyang rjes su 'jug par 'gyur ro snyam na

  828. 414b

    rnam par shes pa med pa'i zhes bya ba la sogs pa smos te/ las kyi 'phen pa yod kyang rnam par shes pa dang bral ba'i phyir ma zin pa son 'dug ste bum pa la sogs pa bzhin no zhes bya ba'i tha tshig go /yang na rnam par shes pa med pa'i dbang po gzugs can ni mi rung ngo zhes bya ba ni rang gi lta bas bshad pa yin te/ sems dang sems las byung ba la ma gtogs pa'i dngos po gsal na phyi dang nang gi gzugs 'di thams cad sems dang sems las byung ba'i gnas skabs kyi khyad par dag la gdags pa yin no/ /gnas skabs de na yang 'jug pa'i rnam par shes pa thams cad 'gags pas gal te kun gzhi'i rnam par shes pa khas mi len na mig la sogs pa gnas skabs kyi khyad par gang zhig gis rab tu phye bar 'gyur/ yang na de'i tshe gnyid log pa dang brgyal ba dang snyoms par 'jug pa po yongs su dag gcig yin/ 'o na ni kun gzhi'i rnam par shes pa yang dbang po gzugs can la brten pa yin pas ji ltar 'dzin par byed pa yin zhe na de ni ma yin te/ 'dir ni brten pa'i phyir 'dzin par byed pa yin gyi/ 'on kyang brten gyi phyir yin la kun gzhi'i rnam par shes pa ni chos thams cad kyi rten yin pa'i phyir dbang po gzugs can gyi rten yang yin no/ /gzhan yang 'di lta ste/ dbang po gzugs can 'dzin par byed pa nyid 'di yang 'di'i 'bras bu yin no/ /gzhan yang ji ltar rang gi lta ba ltar gzugs can rnams zin pa nyid yin pa de bzhin du dbang po gzugs can thams cad 'dzin par byed pa nyid yin par nye bar len pa'i phyir zhes bya ba der rnam par phye zin to/ /skye ba'i kun nas nyon mongs pa'i gnas skabs kyi rnam pa gnyis pa yang kun

  829. 415a

    gzhi'i rnam par shes pa med na mi thad par bstan pa'i phyir rnam par shes pa dang zhes bya ba la sogs pa smos so/ /mdo 'dir ni ming phung po bzhi'i ngo bo nyid yin par bzung ste ming dang gzugs rnam par dbye ba las de ltar bstan pa'i phyir ro/ /de'i phyir gal te kun gzhi'i rnam par shes pa med na rnam par shes pa gzhan gang zhig ming gi khongs su gtogs pa'i rnam par shes pa'i rkyen du 'gyur ming dang gzugs kyi khongs su gtogs pa'i 'jug pa'i rnam par shes pa de yang rnam par shes pa gang gi /rkyen du 'gyur/ rgyun 'jug pas ming snga ma yang 'jug pa'i rnam par shes pa phyi ma'i 'jug ba'i rnam par shes pa snga ma yang ming phyi ma'i rkyen yin no zhes khas blangs par yang mi nus te/ mdud khyim gyi dpes ming dang gzugs dang rnam par shes pa dus mnyam pa dag kho na gcig gis rkyen gcig yin par bsgrub? pa'i phyir ro/ /rang gi lta bas nyon mongs pa can gyis yid gang yin pa de yang chos thams cad kyi gnas ma yin pa'i phyir dang chos thams cad kyis yongs su gso bar bya ba ma yin pa'i phyir/ 'jug pa'i rnam par shes pa rnams dang gzugs kyi rgyu yang ma yin pas khongs su gtogs pa rung ba med pa nyid do/ /skye ba'i kun nas nyon mongs pa gnas pa'i gnas skabs pa gsum pa yang tha mi dad par yang bstan pa'i phyir/ rnam par shes pa gzhan ni sems can 'byung po rnams kyis zas su yang zhes bya ba la sogs pa smos so/ /zas ni gzhi ste zhes bya ba'i mdo de la kham gyis zas ni 'dod pa'i khams kho na na'o/ /reg pa la sogs pa ni

  830. 415b

    khams gsum tshor ba yin no/ /de la 'jug pa'i rnam par shes pa ni khams gsum mdza' dag khyab pa mi srid pas/ rnam par shes pa drug po rnams las gang yang rung bas zhes bya ba ni zas byed pa zhes bya ba ston pa yin no/ / gnas skabs gang na mi srid ce na/ sems med pa'i gnyid dang brgyal ba dang snyoms par 'jug pa dang 'du shes med pa'i gnas skabs na'o/ /reg pa dang sems pa dag kyang don? med pa'i/ phyir de dag kyang zas nyid du mi rung bar brjod par bya ba yin nam zhe na/ brjod par bya ba ma yin te/ 'jug pa'i rnam par shes pa mi srid par bstan pa byas na de mtshungs par ldan pa rnams kyang don gyis byas pa kho na yin pas log shig tu mi brjod do/ /de'i phyir gnas skabs de na zas med par gnas pa mi 'thad do/ /'di la mdo sde pa na re yid la sems pa'i zas ni rnam gnyis te mngon du gyur pa'i sems can dang ldan pa'i sems pa rnam par smin pa'i rgyus bskyed pa'i bag chags rnam par smin pa rnam par smin zin pas bzung ba'o/ /sems med pa'i gnas stabs na sems pa dang po mi srid du chug /gnyis po go ci'i phyir mi srid ces zer te/ de ni kun gzhi'i rnam par shes pa la ma gtogs pa'i bsgo bar bya ba dgag pa bsgrub pas lan gdab par bya'o/ /gzhan yang shes bya nang gi yin pa'i lta ba la gal te sems dang sems las byung ba ril med na de'i gnas skabs kyi khyad par lus kyang med pa'i phyir las kyis 'phags pa'i nus pa de ci la rten par 'gyur/ gnas skabs de na yang kun gzhi rnam par shes pa ni phan 'dogs par byed pa nyid du yod do zhes bya bar ci'i phyir khas mi

  831. 416a

    blang/ yang na sems dang bcas pa'i gnas su bsam par bya ste/ kham gyi zas ni rgyas pa'i rgyu yin pa'i phyir la/ 'jug pa'i rnam par shes pa dang mtshungs par ldan pa'i reg pa bde ba myong bar 'gyur ba dang/ mngon par 'dod pa'i yul don du gnyer ba'i mtshan nyid yid la sems pa ni lus la phan 'dogs pa'i rgyu yin pa'i phyir rnam par smin pa'i 'bras bu yongs su gso bar byed pa nyid kyis zas nyid du yang rigs na/ 'jug pa'i rnam par shes pa go ji ltar/ gal te phan 'dogs par byed pa'i phyir ro zhe na/ de ni ma yin bde ba la sogs pa myong bar gyur pa'i reg pa dang re ba'i sems pa ma gtogs pa de logs shig tu phan 'dogs pa nyid du mi rung ba'i phyir ro/ /'on te gags mi byed pa tsam gyis so zhe na/ de ni ma yin te de lta na mig la sogs pa yang zas nyid du thal bar 'gyur ro/ /'on te yul yongs su gcod pa tsam gyis so zhe na/ de ni ma yin te 'phags pa'i lam la yang thal bar 'gyur ba'i phyir ro/ /'on te mthun pa'i phyir ro zhe na ji ltar mthun pa nyid yin zhes de nyid dpyad par bya'o/ /de lta bas na mig la sogs pa ni rnam par smin ba'i rnam par shes pa dang lhan cig /las gcig gis 'phangs pa ste de dang lhan cig grub ba dang bde ba nyid gcig par gyur cing de la rag las te gnas pa yin pas kun/ gzhi rnam par shes zas nyid yin par rig so zhes de ltar nges par byas nas/ rnam par smin pa'i rnam par shes pa med na zhes bya ba la sogs pa smos so/ /kun gzhi'i rnam par shes pa ni gzugs can 'dzin par byed pa yin no zhes bya ba 'di kho nas don

  832. 416b

    go ba'i phyir zlos bur 'gyur ba ma yin nam zhe na/ ma yin te zas ni gzhi ste/ zhes bya ba 'dir kun gzhi'i rnam par shes pa kho na rnam par shes pa'i zas nyid du dgongs so/ /zhes bstan par rtsis che ba'i phyir ro/ / skye ba'i kun nas nyon mongs pa gzugs kyi khams su nying mtshams sbyor ba'i dbang du mdzad nas/ 'di nas shi 'phos te zhes bya ba la sogs pa smos so/ /yid kyi rnam par shes pa zhes bya ba ni de nying mtshams sbyor ba dang mthun pa'i phyir ro/ /nyon mongs pa can zhes bya ba ni srid pa par ma'i sems tha ma'o/ /mnyam par ma bzhag pa zhes bya ba ni ro myong ba dang mtshungs par ldan pa'i bsam gtan yang nyon mongs pa can yin no/ /de ni mnyam par bzhag pa dang 'dra bas de rnam par bcad pa'i phyir ro/ /nying mtshams sbyor ba sprel ba zhes bya ba ni skye ba'i srid pa'o/ /de la mnyam par ma bzhag pa zhes bya ba la sogs pas ni srid pa bar ma'i sems tha ma nyon mongs pa can ni nyon mongs pa dpyad pa ji skad smos pa ltar na 'jug pa'i rnam par shes pa'i sa bon thams cad bar mi 'thad do/ /zhes bya bar ston par byed do/ /'di ni nyon mongs pa'i kun nas nyon mongs pa'i dbang du byas pa kho nar skabs su bab par byas zin mod kyis skye ba'i kun nas nyon mongs pa dang mthun pa'i phyir 'dir yang nye bar bkod de 'di ltar srid par nying mtshams sbyor ba thams cad ni nyon mongs pa can gyi sems sngon du 'gro ba can yin pas so/ /gal te de lta yin dang 'di thams cad 'dod pa'i khams na spyod par nying mtshams sbyor ba la yang brjod par bya ste/ sgo gnyis su bstan pa kho nas don go ba'i phyir ro/ /ji

  833. 417a

    ltar 'dir sa bon med pa'i phyir nyon mongs pa can gyi sems mi 'thad pas srid par nying mtshams sbyor ba med par 'gyur ba de bzhin du der yang der thal bar bya la/ ji ltar der yid kyi rnam par shes pa gnyis cig car 'byung bar 'gyur ro zhes bya ba de bzhin du 'dir yang thal bar bya'o/ /yang de'i sa pa zhes bya ba ci'i phyir smos zhe na/ skye ba'i sa pa sa gang yin pa de mngon par 'grub par byed pa'i nyon mongs pa yang nges par de'i sa pa kho na yin no/ /zhes nye bar bstan pa'i phyir ro/ /mngon par 'grub par byed pa'i nyon mongs pa de yang rnam pa gnyis te dus snga ma'i srid pa'i srid pa dang/ lan pa'i mtshan nyid dang gzugs can gyi khams skye ba'i srid pa bar ma'i sems tha ma dang mtshungs par ldan pa'o/ /'phen par byed pa'i nyon mongs pa ni nges te res 'ga' ni sa mtshungs pa yin te/ /gang gi tshe 'dod pa na spyod pa'i ma rig pas 'dod pa ni spyod pa kho na'i 'du byed dag kun nas slong bar byed na'o/ /res 'ga' ni sa mi mtshungs pa yin te gang gi tshe 'jig rten pa'i bsam gtan dang po'i nye bar bsdogs bar chad med pa'i lam dang mtshungs par ldan pa'i las kun nas slong bar byed na mthong bar byed na mthong bas spang bar bya ba'i gti mug 'dod pa na spyod ste/ 'dod chags pa dang ma bral ba rnams sa gong ma gang yin pa'i nyon mongs pa kun tu mi spyod pa'i phyir dang/ 'dod chags dang bral ba'i gnas skabs na yang ma chad pa'i lam mngon du mi byed pa'i phyir dang/ bar chad med pa'i lam kho nas gong du yang skye ba'i phyir ro/ /gal te nying mtshams sbyor la

  834. 417b

    sbrel pas sa mtshungs pa'i nyon mongs pas byas pa kho na yin na/ 'o na gang gi tshe gzugs can gyi khams nas shi 'phos nas gzugs med pa'i khams dag tu skye ba de'i tshe gzugs med pa na spyod pa'i skye ba'i srid pa mngon par grub par byed pa'i sems nyon mongs pa can de dag zhig yin zhe na/ 'di la mdo sde ba rnams kyi lta ba ni/ gzugs kyi 'dod pa dang bral ba gzugs can gyi khams su 'chi ba la gang gis na gzugs med pa'i khams na spyod pa'i srid par nying mtshams sbyor bar 'gyur ba 'chi ba'i sems tha ma gzugs na spyod pa'i nyon mongs pa can 'byung ste/ de bzhin du nam mkha' mdza' yas skye mched du 'chi ba'i sa gong ma pa yang brjod par zhes bya ba yin no/ /theg pa chen po las ni 'chi ba'i sems thams cad ma bsgribs la lung du ma bstan pa yin par brjod na der ji lta bu zhe na/ der yang 'dod chags dang bral ba 'chi ba la ji srid du 'chi ba'i sems tha ma 'byung ba de srid du gang zhig 'chi ba'i sems tha mas bar du chod kyang rgyud pas gzugs med par skye ba'i srid pa mngon par grub par byed pa sa gong ma pa'i lus la mngon par dga' ba dang mtshungs par ldan pa'i sems nyon mongs pa can 'byung ngo/ /gang yang 'di skad du de'i tshe phyir mi 'ong ba la de med do zhes bshad pa ni sa gang las 'dod chags dang bral ba sa de pa'i don gnyer ba mi 'byung ba la dgongs te gsungs pa yin no/ /de ltar ni gzugs med pa'i nying mtshams sbyor ba ni bar du tshod pa'i rgyun can las dgongs nas nyon mongs pa can gnas yin pa'i phyir zhes brjod do/ /'o na gang gi che srid pa'i rtse mo nas shi 'phos nas rnam shes mdza'

  835. 418a

    yas skye mched kyi bar shi 'phos nas ci yang med pa'i skye mched la sogs pa sa gsum du nying mtshams sbyor ba de na 'chi ba la nyon mongs pa can gyis sems gang gis dbang gin 'og mar nying mtshams sbyor bar 'gyur ba dang/ nyon mongs pa can gnas yin pa'i phyir zhes kyang brjod par 'gyur bas gang ba zhig yin na/ srid pa'i rtse mo la sogs pa'i sa pa'i nyon mongs pa sa 'og mar nying mtshams sbyor bar byed pa ni ma yin la/ sa gong ma pa'i rkyen gyis sa 'og ma pa'i nyon mongs pa mngon du byed par yang rung ba ma yin no zhe na/ de ni ma yin te de na yang 'chi ba la nyon mongs pa'i sa bon/ gang gi dbang gis ni 'og mar nying mtshams sbyor bar 'gyur zhing nyon mongs pa gnas yin pa'i phyir zhes bya brjod par 'gyur ba sa 'og ma pa rgyas par 'gyur ro/ /de ltar na rnam pa 'dis gzugs med pa'i nying mtshams sbyor ba ni don go ba'i phyir logs shin tu nye bar dgod par mi bya'o/ /nying mtshams sbyor ba sbrel zin pa rnams kyi zhes bya ba la sogs pas ni/ 'dod pa na spyod pa'i nying mtshams sbyor ba'i dbang du mdzad nas 'dod pa'i khams kho nar skye ba'i kun nas nyon mongs pa gnas skabs rnam pa gsum so sor bstan te khams gsum pa'i sems can 'byung po rnams kyi zhes bya ba'i zhar la smos pa yin no/ /de'i 'og tu ni gzugs na spyod pa'i nying mtshams sbyor ba bstan to/ /da ni skye ba kun nas nyon mongs pa'i gnas skabs pa 'dod pa dang/ gzugs na spyod pa dang thun mong ma yin pa bstan pa'i phyir/ yang gzugs med pa'i khams su skyes pa zhes bya ba la sogs pa

  836. 418b

    smos so/ /'dis ni 'di ston phar byed de gzugs med par spyod pa rnams la glo bur du 'dod chags la sogs pa dang dad pa sogs pa skye ba de dag sa bon gzugs na spyod pa'i sems nyon mongs pa can thogs ma med pa'i 'khor ba nas nye bar bsags pa sngon du 'gro ba can yin par ni mi thad de 'das pa ni med pa'i phyir ro/ /sa bon rang mtshungs par ldan pa'i sems sngon du 'gro ba can yang ma yin te/ rgyu dang 'bras bu dus mnyam pa khas mi len pa'i phyir dgra? bcom pa'i sems kyang nyon mongs pa can du thal bar 'gyur ba'i phyir ro/ /mig la sogs pa rnam par shes pa de'i sa bon yang ma yin te de dag ni gzugs med pa'i khams na med pa'i phyir ro/ / sa bon yid kyi rnam par shes pa lung du ma bstan pa 'gags ma thag pa can yang ma yin te/ lung du ma bstan pa de ni gang gis na 'dod chags la sogs pa 'am dang pa la sogs pa de'i sa bon can du 'gyur ba nyon mongs pa can dang dge ba dag gis lhan cig skye ba dang 'gags pas bsgos pa yin no/ /lung du ma bstan pa de/ chos nyid kyi sa bon dang bcas pa ma yin te/ rigs gcig pa'i rgyun chags pa med pa'i phyir ro/ /yid kyi rnam par shes pa lung du ma bstan pa de ni 'khor ba thogs ma med pa ni rgyun chags pa ma yin te/ 'dod pa dang gzugs na spyod pa'i yid kyi rnam par shes pa nyon mongs pa can dge ba la sogs pa du ma dang mig gi rnam par shes pa la sogs pa rten gyi khyad par tha dad pa can dag gis bar du chod pa'i byas pa'i phyir ro/ /des na sa bon de rnam par 'chad pa'i phyir sa bon de sngon du 'gro ba can ma yin no/ /sa bon med par skye bar khas blang

  837. 419a

    bar mi nus te/ dgra bcom pa'i sems kyang nyon mongs pa can du thal bar 'gyur ba'i phyir ro/ /de lta bas na 'di'i rgyu'i rkyen med par rab tu bstan to/ /'di gzugs can gyi khams su yang brjod par bya ba ma yin nam zhe na/ de ni ma yin te der ni gal te na dbang po gzugs can brten dang bcas pa la sa bon nyid du rten par sems pas nye bar bkod do/ /gzhan yang dge ba dang nyon mongs pa can byung ba de dag rten med par yang 'gyur te/ khams gang na yang rnam par smin pa'i 'bras bu'i rgyun lam brten par nyon mongs pa can dang dge ba'i sems dus mnyam du 'byung ba ni mthong ngo/ /skye ba'i kun nas nyon mongs pa'i skabs yin pa'i phyir 'di skabs su ma babs par brjod pa ma yin nam zhe na/ 'di ni skabs su ma bab pa ma yin te/ de lta bas na nyon mongs pa can dang dge ba'i sems kyi gnas dang rten du gyur pa skye bar bsdus pa rnam par smin pa zhes bya ba kun gzhi'i rnam par shes pa khas blang bar bya'o snyam du dgongs pa yin no/ /de nyid na zhes bya ba la sogs pa 'dis kyang 'di ston te 'jig rten pa'i 'jug pa'i rnam par shes pa dang 'gal bar lam gyi bden pa mngon du byed pa/ gal te kun gzhi'i rnam par shes pa rgyun chags par 'byung ba khas mi len na/ des na gzugs med pa na spyod pa'i 'phags pa 'jig rten las 'das pa lam la snyoms par zhugs pa rnams kyi 'gro ba ma sgribs la lung du ma bstan pa'i mtshan nyid ldog pa kho nar 'gyur ba zhig na/ bag la nyal gyi lhag ma dang bcas pa 'am phung po med pa'i mya ngan las 'das pas

  838. 419b

    yongs su mya ngan las ma 'das pa'i 'gro ba ni ldog par yang khas mi len to/ /mdo sde pa la 'gro bar yongs su rtag pa'i rgyu ldan pa ma yin pa'i srog dang ris su mthun pa la sogs pa la yang yod pa ma yin no/ /nam mkha' mdza' yas pa'i skye mched la sogs pa sa gsum na ni/ rang gi sa pa'i 'phags pa'i lam yod pa srid do/ /'du shes med 'du shes med min gyi skye mched na ni 'du shes zhan pa'i phyir rang gi sa pa'i 'phags pa'i lam med de/ de'i phyir sa gsum dang mi mthun pas 'du shes med 'du shes med min skye mched logs shig tu dpyad par/ 'du shes med 'du shes med min skye mched ces bya ba la sogs pa smos so/ /'dis ni 'di ston te/ srid pa'i rtse mor sgyos pa ci yang med pa'i skye mched kyi lam mngon du byed pa na/ re zhig ci yang med pa'i skye mched ni 'gro ba'i rten ma yin te/ de las 'dod chags dang bral ba'i phyir ro/ /srid pa'i rtse mo yang 'gro ba'i rten ma yin te de'i sa pa'i sems dang sems las byung ba med pa'i phyir ro/ /'gro ba'i rten med par ni sems can 'ga' yang gnas par ma grags so/ /'phags pa'i lam de nyid kyang 'gro ba ma yin te 'gro ba'i gnyen po yin pa'i phyir ro/ /'on te gal te mya ngan las 'das pa'i rten yin no/ /snyam na/ de'i phyir mya ngan las 'das pa'i 'gro ba yang zhes bya ba smos te/ 'gro ba zhes bya ba'i sgra ni 'dir ngo bo nyid yin no/ / yang ci'i phyir mya ngan las 'das pa rten ma yin zhe na mya ngan las 'das pa ni rnam pa gnyis te/ phung po'i lhag ma dang bcas pa dang phung po'i lhag ma med pa'o/ /'di gnyi ga yang mi srid pa'i phyir rten du rung ba ma yin no//

  839. 420a

    'phags pa'i lam gyi skad cig ma dang po kho na la phung po lhag ma dang bcas pa'i mya ngan las 'das pa ni ma yin te/ phra rgyas lhag ma dang bcas pa'i phyir ro/ /phung po'i lhag ma med pa'i mya ngan las 'das pa yang ma yin te gson po'i gnas skabs yin pa'i phyir ro/ /yang na mya ngan las 'das pa ni nyon mongs pa dang skye ba mi skye ba tsam yin na mi skye ba yang med pa yin pas med pa ni gang gi yang rten yin par ma mthong ngo/ /de lta bas na 'gro bar bsdus pa 'phags pa'i lam gyi rten du 'gyur ba gang yin pa kun gzhi'i rnam par shes pa khas blang bar bya'o/ /skye ba'i kun nas nyon mongs pa 'chi 'pho'i gnas skabs ba'i dbang du mdzad nas/ legs par bya ba byed pa 'am nyes par bya ba byed pa 'chi 'pho ba na zhes bya ba la sogs pa smos te/ smad dam stod nas zhes bya ba 'dis ni 'chi ba na legs par bya ba byed pa'i lus ni rkang mthil nas bzung ste/ rims kyi drod yal bar 'gyur la/ nyes par bya ba byed pa'i ni spyi bo nas bzung ste/ rim gyis drod yal bar 'gyur ro/ /zhes bya ba de ston par byed do/ /de ltar rnam par shes pas rim gyis lus yongs su 'dor bar khas blangs pa de la rnam par shes pa gang gis shes bya ba dpyad par bya ba'o/ /de la re zhig lus kyi rnam par shes pas ni ma yin te ma shi'i bar gnas skabs kyi yan lag gang dang gang gis lus kyis rnam par shes pa mi skye ba'i yan lag de dang de lus kyi rnam par shes pas yongs su por ba'i phyir dbang po 'gags na drod yal ba nyid du thal bar 'gyur du 'ong bas so/ /de bzhin du mig gi rnam par shes pa la sogs pa yang

  840. 420b

    brjod par bya'o/ /yid kyi rnam pas shes pas kyang ma yin te ci'i phyir zhe na/ 'di ltar de lus la brten pa ma yin te yid la brten pa'i phyir ro/ /lus kyang de la brten pa ma yin te de'i 'bras bu ma yin pa'i phyir ro/ /rang gi brten la mi skye ba 'am rang gi 'bras bu mi byed na yongs su 'dor ba zhes bya na de gnyi ga yang yid kyi rnam par shes pa dang lus su lhan cig mi srid do/ /'on te yod pa tsam gyis yongs su mi 'dor ba yin la/ med pas ni yongs su 'dor ro snyam du sems na/ de yang rigs pa ma yin te srog tha ma chad pa tshun chad rtag tu yid kyi rnam par shes pa yod pas rim gyis lus yongs su 'dor ba med par thal bar 'gyur ba'i phyir ro/ /de ni gang gis ma lus thams cad la khyab par gnas la phyis rim gyis zhum pa'am cha shas kyi 'gag pa na rim kho nas rang gi yan lag rnams med pa'i lus kyi phyogs de yongs su 'dor bar 'gyur ba yan lag dang bcas pa yang ma yin no/ /gzhan yang yid kyi rnam par shes pa ni rtag tu yod pa'i phyir de'i phyir de'i dbang gis lus yongs su mi 'dor ba 'am yongs su 'dor bar rung ba ma yin no/ /de lta ma yin na sems med pa'i gnyid la sogs pa'i gnas skabs dang dbang po gzhan gyi rnam par shes pa kun tu 'byung ba'i gnas skabs na 'chi bar thal bar 'gyur te de med pa'i phyir ro/ /'on te las kyi 'phen pa rim gyis zad pa'i phyir rim gyis dbang po rnams 'gag go snyam du sems na/ de nyid dpyad par bya ste ci rnam par shes pas rang gir ma byas pa'i dbang po kho na dus re zhig cig gnas nas rang nyid las kyi mthu zad nas 'gag par 'gyur pa zhig gam/ 'on te

  841. 421a

    rnam par shes pas rang gir byas pa dus re zhig cig gnas nas las kyi mthu zad nas rnam par shes pas yongs su 'dor ba na 'gag par 'gyur ba zhig yin/ gal te rtog pa dang po yin na de ni grags pa ma yin te/ brgyal ba la sogs pa'i gnas skabs na yang sems khas len pa'i phyir rnam par shes pa med pa'i dbang po ni gang du yang ma grags so/ /tshe dang drod dang rnam shes kyis zhes bya ba la sogs pa'i mdo dang yang 'gal bar 'gyur te de las ni rnam par shes pas yongs su bor bas dbang po rnams mi gnas par gsungs so/ /'on te rtog pa gnyis pa yin no zhe na/ de nyid rnam par shes pa gang gis yongs su bor na 'gag par 'gyur zhes dpyad na rnam pa thams cad du 'jug pa'i rnam par shes pa dag gis de rung ba ma yin no/ /yang kun gzhi'i rnam par shes pa yod na ji ltar rung zhe na/ de la ni dbang po thams cad rten to/ /de'i phyir dbang po'i phyogs gang dang gang zhig las kyi 'phen pa yongs su zad pas rnam par min pa'i rnam par shes pa de skye ba dang mi mthun par gyur pa'i sa phyogs de dang de'i dbang po 'gags pas drod yal ba nyid yin no/ /rim pa 'dis na dbang po ma lus par yongs su bor bas lus ril drod yal ba'i par du 'gyur bas de ltar na rung ste 'di ni re zhig phyi rol gyi don khas blangs pa'i tshul yin no/ /shes bya nang gi yin par lta ba la ni gang gi tshe kun gzhi'i rnam par shes pa lus mdza' dag tu snang bar skye ba de'i tshe lus thams cad zin pa yin la/ gang gi tshe lus kyi phyogs la la ni bdag tu/ la la ni phyi rol gyi rnam par snang ba de'i tshe gang zhig bdag tu snang ba'i rnam pa can de ni

  842. 421b

    zin pa yin la/ phyi rol gyi rnam pa can ni ma zin pa'i phyir drod yal ba yin te/ de yang gnas pa'i skabs su 'dzin par byed pa'i skabs kho nar bstan zin to/ /nyon mongs pa kun nas nyon mongs pa la sogs pa dpyad pa kho nas sa bon med pa'i phyir gzugs na spyod pa'i nyon mongs pa dang dge ba'i sems mi 'thad par shugs kyis bshad zin pa nyid do/ /yang rnam par byang pa'i skabs kyis bstan par bya ba yin pas/ ji ltar na 'jig rten pa'i zhes bya ba la sogs pas 'jig rten pa'i rnam par byang ba ston to/ /'dod pa las 'dod chags dang bral ba gal te na nyer bsdogs thob pa yin no snyam pa la gzugs na spyod pa'i sems ma thob pa zhes bya ba smos so/ /'dod pa na spyod pa'i dge ba'i zhes bya ba ni thos pa las byung ba dang bsam pa las byung ba dag gis so/ /sbyor ba las byung ba'i sems zhes bya ba ni bsam pa las byung ba rab kyi mthar ma la gnas pa dag gis mjug thogs su gzugs na spyod pa'i sbyor ba las byung ba skye ba'o/ /de ni gzugs na spyod pa'i sems kyi sa bon du mi rung ste/ ji ltar bstan pa'i tshul gyis na sa bon yongs su 'dzin par mi rung ba'i phyir ro/ /'on te gzugs na spyod pa'i sems 'khor ba thogs ma med pa nas 'dris pa gang yin pa de sa bon yin no snyam du sems na/ gzugs na spyod pa'i sems tshe rabs du mar 'dod pa na spyod pa'i sems tshe rabs du mas bar du chod pa de ni 'das pa nyid kyis med pa'i phyir sa bon du rung ba ma yin no/ /kun gzhi'i rnam par shes pa'i phyogs la ni gzugs na spyod pa'i sems kyi sa bon 'khor ba thog ma med pa nas chos nyid kyis gnas pa 'am bskyed pa'ang rung rnam par ma chad par rgyud 'ongs pa rnam par

  843. 422a

    smin par gyur pa gzugs na spyod pa'i bskal pa mnyam pa'i rgyu yin pa'i phyir/ rgyu'i rkyen yin pa 'dod pa na spyod pa'i sbyor ba las byung ba'i sa bon de yongs su gso bar byed pa yin pa'i phyir dang/ ma bsgribs pa'i ngo bo yin pa'i phyir bdag po'i rkyen yin no/ /yang ci'i phyir 'dod pa na spyod pa mtshungs pa de ma thag pa'i rkyen nyid du yang brjod par mi bya ste/ 'di ltar de ni 'gag ma thag pa yin no/ /zhe na/ ma khyab pa'i phyir brjod par mi bya ste/ 'di ltar 'gags ma thag pa gang yin pa de kho na mtshungs pa de ma thag pa'i rkyen yin gyi gzhan ni ma yin no/ /bdag po'i rkyen ni rtsol ba nas gzung ste thos pa las byung ba la sogs pa'i sems thams? cad yin te/ 'di ltar de dag gis rims gyis sa bon yongs su gso bar byed pa na mjug tu gzugs la spyod pa'i sems bar chad med par 'byung ngo/ /de bzhin du 'dod chags dang bral bar bya ba'i phyir snyoms par 'jug pa'i sa bsam gtan gnyis pa la sogs pa thams cad la yang ci rigs su sbyar bar bya'o/ /'jig rten las 'das pa'i rnam par byang ba dang po'i dbang du mdzad nas/ ci ltar 'jig rten las 'das pa'i zhes bya ba la sogs pa smos te/ gzhan gyi sgra zhes bya ba ni sangs rgyas dang de'i nyan thos la sogs pa chos bstan pa'o/ /so so rang gi zhes bya ba ni rna ba'i rnam par shes pas tshig nges par bzung nas de'i rjes la thob pa brjod pa dang brjod par bya ba'i rnam pa phyin ci ma log pa'i bdag nyid du yongs su gcod par byed pa nye bar rtog pa'i rnam par zhugs pa'i rnam par shes pa ni rigs pa dang ldan pa'i yid la byed pa gtsor gyur pa'i

  844. 422b

    phyir so so rang gi tshul bzhin yid la byed pa zhes bya'o/ /de'i rgyu las yang dag pa'i lta ba 'byung ngo/ /zhes bya ba ni zag pa med pa'i shes pa thams cad kyi dang po'o/ /gzhan gyis sgra las yid la byed pa des zhes bya ba la sogs pas ni de yang ji ltar gzhan gyi lta ba la rgyu dang bdag po'i rkyen med pa mi skye ba de ston par byed de/ de la ji re zhig bdag po'i rkyen chos kyi mchog ces bya ba sems kyi rab tu gyur pa de med par ston par byed do// de la so so rang gi tshul bzhin yid la byed pa des rna ba'i rnam par shes par 'ba' zhig ma yid kyi rnam par shes pa'am gnyis ga 'dus ba la bag chags bsgo bar 'gyur grang/ snga ma gnyis la mi 'thad na gnyi ga yang bsgo bar bya ba nyid du mi 'thad par bstan par 'gyur bas snga ma gnyis kho na bstan par de la chos de dag ces bya ba la sogs pa smos so/ /re zhig rna ba'i rnam par shes pa ni med pa'i phyir sgo bar ma byed do/ /yid kyi rnam par shes pa yang tshul bzhin yid la byed pa dang mtshungs par ldan pa gang yin pa de tshul bzhin yid la byed pa de dang lhan cig skye ba dang 'gag pas sgo bar byed mod kyi 'on kyang rang gi ris? dang mthun pa'i 'bras bu skyed par nus pa ni ma yin no/ /ci'i phyir zhe na/ de'i 'jug thogs su chos kyi mchog skye ba ni ma yin te/ chos kyi mchog rnams ni dus ring mo zhig tu mngon du bya ba yin pa'i phyir ro/ /gang zhig myur du thar pa de yang tshe gcig tu thar pa'i cha dang mthun pa thos pa las byung ba goms pa byas pas yin no/ /de lta bas na tshul bzhin yid la byed pa dang mtshungs par ldan pa'i yid kyi rnam par shes pa sgra la

  845. 423a

    dmigs pa de ni/ de las gzhan pa'i rnam par shes pa rnam par g.yeng ba nyon mongs pa can dang lung du ma bstan pa dag gis yun ring mo zhig bar du chod do/ /tshul bzhin yid la byed pa dang mtshungs par ldan pa'i sems zhes bya ba ni chos kyi mchog ces bya ba'i sems gang yin pa de zhes bya ba'i don to/ /'dis ni ston te 'jig rten las 'das pa'i yang dag pa'i lta ba'i bdag po'i rkyen gyi chos kyi mchog ces bya ba'i sems yin la/ /de yang sa bon ni gzhan gyis lta bas/ sgra yid la byed pa dang mtshungs par ldan pa'i sems yin no/ /gal te sa bon nyid du rtog na de ni rung ba ma yin te 'gags nas yun ring du lon pa'i phyir ro/ /de'i phyir bdag po'i rkyen sa bon med pa ci ltar rung bar 'gyur/ bdag po'i rkyen med pa'i phyir yang dag pa'i lta ba yang med de de ltar re zhig bdag po'i rkyen med par bshad pa yin no/ /rgyu'i rkyen yang med par bstan pa'i phyir/ gang yang tshul bzhin yid la byed pa dang mtshungs par ldan pa'i 'jig rten pa'i sems de ni zhes bya ba la sogs pa smos so/ /de la tshul bzhin yid la byed pa dang mtshungs par ldan pa'i 'jig rten pa'i sems chos kyi mchog ces bya ba de ni sa bon yongs su 'dzin par mi rung bas 'jig rten las 'das pa'i sems kyis bag chags ma bsgos pa'i phyir de'i sa bon ma yin pas 'jig rten las 'das pa'i sems kyi sa bon med pa'i phyir rgyu'i rkyen med do/ /gal te yang thos pa'i bag chags sgra yid la byed pas bskyed pa brgyud nas chos kyi mchog rnams la 'ongs pa gang yin pa de 'jig rten las 'das pa'i sems

  846. 423b

    kyi sa bon du 'gyur ro snyam na/ de la thos pa'i bag chags kyi zhes bya ba la sogs smos pa thos pa'i bag chags ni chos kyi mchog de la 'jig rten las 'das pa de'i ched du sa bon nyid du yongs su 'dzin pa rung ba ma yin te ji skad sngar bstan pa bzhin no/ /de lta bas 'di kun gzhi'i rnam par shes pa'i phyogs la rgyu dang bdag po'i rkyen dag ma tshang ba med par gzhan la bstan par bya dgos par bya gnas pa de brjod par bya ba nyung ba'i phyir dang rgyu'i rkyen dpyad pa'i skabs 'das ma thags pa yin pa'i phyir dang gzhan 'das pa'i klan ka spang ba'i sgo nas kyang re zhig je rgyu'i rkyen kho na bstan par bya'o/ /de la re zhig gzhan gyi klan ka ni tshul bzhin yid la byed pa dang mtshungs par ldan pa 'jig rten pa'i sems ni 'jig rten las 'das pa'i sa bon du mi rung ngo zhes bstan pas/ don gyis na de'i sa bon kun gzhi'i rnam par shes pa yin no zhes khas blangs par 'gyur ro// de'i phyir ji ltar kun gzhi'i rnam par shes pa kun nas nyon mongs pa'i rgyu yin pa rang gi gnyen po'i sa bon du rung ste/ dug ni bdud rtsi'i sa bon du rung ba ma yin no zhes bya ba yin no/ /klan ka gzhan yang tshul bzhin yid la byed pa dang mtshungs par ldan pa 'jig rten pa'i sems ni 'jig rten las 'das pa'i sems dang lhan cig skye ba dang 'gag pa med pa'i phyir de'i sa bon du mi rung ngo zhes bstan pas don gyis na kun gzhi'i rnam par shes pa ni 'jig rten las 'das pa'i sems dang lhan cig skye ba dang 'gag par rung bas de'i sa bon yin no zhes khas blangs par 'gyur ro/ /de'i phyir ji ltar 'jig rten las 'das pa'i sems 'das pa ma yin pa kun gzhi'i

  847. 424a

    rnam par shes pa dang/ lhan cig skye ba 'gag pa'i tshul gyis rang gi bdag nyid bskyed pa'i phyir bag chags 'jog par 'gyur zhes bya ba yin te klan ka gnyis spang ba'i phyir chos kyi dbyings shin tu rnam par dag zhes bya ba la sogs pa smos so/ /de la chos kyi dbyings ni de bzhin nyid do/ /de ni rang bzhin gyis yongs su dag pa yang yin pas gnas skabs rnam par dag pa nyid kyi dbang du mdzad nas shin tu rnam par dag pa zhes bya ba smos so// //de la yang nyan thos dang rang sangs rgyas rnams kyi rnam par dag pa yin no/ /de bzhin gshegs pa rnams kyi sgrib pa gnyi ga dang bral ba'i phyir shin tu rnam par dag pa yin no/ /de'i phyir de bzhin nyid shin tu rnam par shes pa la dmigs pa'i 'jig rten las 'das pa'i ye shes de'i rjes la thob pa dag pa 'jig rten pa'i ye shes kha cig gis gzhung lugs kyis ni dmigs pa'i rnam pa dang bral la byed rgyu tsam gyis dbang gis/ kha cig gi gzhung lugs kyis ni gsung rab yan lag bcu gnyis kyi rnam par snang ba dang ldan la rnam pa 'dra ba'i rgyu nyid kyi dbang gis gdul ba'i rgyud dag pa rna ba'i rnam par shes pa de'i rjes la thob pa yid kyi rnam par shes pa la gsung rab kyi rnam pa yongs su grub pa'i ngo bo nyid snang ba ni 'dra bas brgyud pas chos kyi dbyings kyi rgyu mthun pa zhes kyang bya thos pa zhes kyang bya'o/ /des kun gzhi'i rnam par shes pa la bag chags bzhag pa gang yin pa de ni bsams pa las gyur pa'i sa bon yin la de yang rim gyis dro bar gyur pa'i sa bon yin pa nas de yang chos kyi mchog

  848. 424b

    gi bar gyi sa bon yin zhing chos kyi mchog gis bzhag pa'i sa bon ni 'jig rten las 'das pa yin no/ /zag pa dang bcas pa ji ltar zag pa med pa'i sa bon du 'gyur ba ma yin nam zhe na/ 'di la kha cig na re sngar gzhan gyis lta ba la bdag po'i rkyen med par bstan pa de'i gnyen por rang gi lta ba la bdag po'i rkyen rim pa 'dis bstan te/ de la chos kyi mchog ni byed pa po yin pa'i phyir dang go skabs 'byed pa'i rgyu yin pa'i phyir bdag po'i rkyen dang mtshungs pa de ma thag pa'i rkyen yin no/ /des bskyed pa'i sa bon ni bdag po'i rkyen kho na yin no/ /de bzhin nyid ni dmigs pa'i rkyen te de ltar na zag pa med pa'i dang po ni rkyen gsum gyis skye'o/ /de ltar byas na de bzhin nyid dmigs pa'i rkyen gyis sa bon can no zhes bya ba dang mthun par byas pa yin no zhes zer te/ rgyu'i rkyen med do snyam du bsams pa'i phyir ro/ /gzhan dag na re zag pa med pa'i sa bon chos nyid kyi gnas pa chos kyi dbyings kyi rgyu mthun pa thos pa'i bag chags kyi rim pas yongs su gso bar bya ba yin par bstan to/ /phra ba'i phyir dngos su lhang por ni ma bstan te/ 'du byed kyi rkyen bstan pa la kun gzhi'i rnam par shes pa bzhin no/ /de lta bas na rkyen bzhi kho nas skye'o/ /de bzhin nyid dmigs pa'i rkyen gyis sa bon can zhes 'byung ba gang yin pa de ni chos kyi dbyings kyi rgyu mthun pa thos pa'i bag chags kyi sa bon pa zhes bya ba'i rim pa 'di kho na las dgongs nas bstan pa yin no zhes zer ro/ /gzhan dag na re rna ba'i rnam par shes pa la sogs pa'i sa bon zag pa med pa chos nyid kyis gnas pa la brten nas ji skad smos pa'i tshul gyis

  849. 425a

    bshad par gnang ba'i rna ba'i rnam par shes pa skye'o/ /de nas de'i mjug thogs su rang gi sa bon zag pa med pa kho na las de la dmigs pa'i yid kyi rnam par shes pa zag pa med pa bsam pa las byung bas bsdus pa'o/ /de nas rim pa 'dis zag pa med pa'i sems gzugs na spyod pa chos kyi mchog gis bsdus pa'i bar skye'o/ /de nas nges bskyed pa'i sa bon las 'das pa sdug bsngal la chos shes pa'i bzod pa dang mtshungs par ldan pa'i sems so/ /thos pa las byung ba la sogs pa chos kyi mchog la thug pa thar pa'i cha dang mthun pa dang/ nges par 'byed pa'i cha dang mthun pa 'di rnams kyang/ ldan pa ma yin mod kyi bsod nams kyi cha dang mthun par 'dra ba'i phyir nye bar gdags pa'i sgo nas 'dod pa dang/ gzugs na spyod pa nyid yin la nyon mongs pa can gyi yid dang lhan cig 'dug pa'i phyir zag pa dang bcas pa nyid kyang yin te/ 'di ltar 'di ni kun gzhi ma yin pa'i rnam par rnam par shes pas bsdus par 'chad par 'gyur ro/ /mi gsal ba'i phyir de kho na nyid ma mthong ba yin te de lta bas na rim pa 'di ni don dngos kho na la brten nas bstan pa yin no zhes zer ro/ /de la phyogs dang po ltar na ni gzhung dang 'gal te 'di ltar 'dir ni rgyu rkyen sgrub pa kho nar snang ngo/ /gal te yang rgyu'i rkyen med par yang skye bar 'gyur na ni dgra bcom pa yang nyon mongs pa can gyi sems su 'gyur ro// phyogs gnyis pa ltar na yang zag pa dang bcas pa ji ltar zag pa med pa'i rgyu yin zhes bya ba'i lan thebs par dka' o/ /phyogs bsam de ni nyes pa med par snang ngo/ /de lta bas na rim pa 'dis ni zag pa dang bcas

  850. 425b

    pa'i sa bon rgyu'i rkyen nyid du khas ma blang ba'i phyir dang/ rang bzhin gyi sa bon zag pa med pa'i thos pa las byung ba la sogs pa'i rim gyis yongs su gsos pa yang rgyu'i rkyen nyid du khas blangs pa'i phyir go rim bzhin du klan ka dang po dang gnyis pa spangs par rig par bya ste/ de ltar na re zhig rgyu'i rkyen bsgrubs pa yin no/ /thos pa'i bag chags gang yin pa de yang zhes bya ba la sogs pa'i gzhung ni kha cig na de bdag po'i rkyen ni dro bar gyur pa la sogs pa'i rim gyis chos kyi mchog yin bar don gyis nges par gzung ba nyid/ de yang bsgrub par bya mi dgos pas thos pa la sogs pa'i bag chags de nyid kyi rab tu dbye ba bstan pa'i phyir ro zhes zer ro/ /kha cig na re gzhung 'di ni bdag po'i rkyen sgrub pa'i phyir ro/ /zhes zer ro/ /gal te kun gzhi'i rnam par shes pa'i ngo bo nyid yin na ni zag pa dang bcas pa'i phyir bdag po'i rkyen nyid yin gyi rgyu'i rkyen du mi 'grub pas ji ltar de'i gnyen po sa bon du rung zhes bya ba smras so/ /ji ste de'i ngo bo nyid ma yin na rgyu'i rkyen nyid du ni grub na/ gang zhig de'i rten nyid du nye bar gnas shing 'jig rten las 'das pa'i lam la yang bya ba byed par 'gyur ba bdag po'i rkyen ni brjod dgos so zhe na/ sangs rgyas rnams kyi zhes bya ba la sogs pas kun gzhi'i rnam par shes pa kho na rten yin no zhes ston par byed do/ /byang chub la brten nas zhes bya ba 'dis kyang kha cig na re chos kyi dbyings kyi rgyu mthun pa thos pa'i rim pa ji skad bstan pa nyid ston to/ /zhes zer ro/ /kha cig na re byang chub thob kyi bar du byang chub la brten nas te ched du zhes bya ba yin no/ /zhes zer ro/ /gnas gang

  851. 426a

    la zhes bya ba ni sems can gyi rgyud gang la'o/ /lhan cig 'dug pa'i tshul gyis rnam par smin pa'i rnam par shes pa la 'jug ste zhes bya ba la kun gzhi'i rnam par shes pa smos pa ni ma khyab pa'i phyir te 'di ltar de ni sa brgyad pa la sogs pa la gnas pa'i byang chub sems dpa' i rgyud dang/ dgra bcom pa dang/ rang sangs rgyas rnams kyi rgyud la med kyi rnam par smin pa'i rnam par shes pa ni yod do/ /thos pa'i bag chags de ni rten cig tu rtogs pa'i phyir kun nas nyon mongs pa'i sa bon dang gcig pa nyid du 'gyur ba yang med de/ 'o ma dang chu bzhin du rang gi mtshan nyid tha dad pa'i phyir ro/ /'di ltar bsod nams kyi cha dang mthun pa'i sa bon 'dod chags la sogs pa'i sa bon dang mtshan nyid tha dad pa'i phyir 'o ma dang chu bzhin du 'dug na 'di la khyad zhugs pa ci zhig yod ce na/ de'i phyir de ni kun gzhi rnam par shes pa yang ma yin zhes bya ba smos te/ /gnyen po'i ngo bos de mtshan nyid tha dad pa nyid du dgongs pa yin gyi 'bras bu tha dad pa tsam gyis ni ma yin no zhes bya ba'i don to/ /bsod nams kyi cha dang mthun pa ni kun gzhi'i rnam par shes pa'i gnyen po yang yin no/ /ji ltar rten gcig na dug dang sman dug sel dag 'dug pa ltar 'di yang de dang 'dra bar rig par bya'o/ /kun gzhi'i rnam par shes pa las de nyid dang gzhan nyid du brjod par bya ba ma yin pa'i phyir bag chags kun nas nyon mongs pa'i gnyen por yang mi rung ngo zhes kyang brjod par mi nus te de bzhin nyid kyis ma nges pa'i phyir ro/ /yang rim pas gang gis gnyen po de 'phel bar 'gyur zhe na/ de la bag chags

  852. 426b

    chung ngu la brten nas zhes bya ba la sogs pas 'phel ba'i rim pa ston to/ /so sor thos pa dang bcas pa dang/ bsgom pa lan mang du bya ba dang ldan pa'i phyir te chung ngu gang yin pa de nyid chung ngu'i 'bring po nas chen po'i chen por 'gyur gyi bar du dge ba'i chos rnams bsgom par bya ba yin pa'i phyir ro/ /de lta ma yin gyi gal te chung ngu la sogs pa rgyud so so tha dad pa zhig tu gyur na mngon par 'phel bar bya ba'i phyir bsgom pa dgos pa med par 'gyur ro/ /'dod chags la sogs pa'i bag chags kyi rgyu ni chung ngu'i rgyun nas bag chags chen po'i chen po'i rgyun gyi bar du yang gzhan kho na yin te de ltar byas na rim gyis spong ngo// de lta ma yin gyis chung ngu gang yin pa de nyid gnas skabs de bor nas chen po'i chen po'i bar du gyur na cig car spong bar 'gyur gyis rim gyis ni ma yin no/ /thos pa'i bag chags kyi sa bon chung ngu dang 'bring po dang chen po de yang zhes bya ba ni gzhan gyi lta ba ltar na chos kyis sku zag pa med pa'i tshul khrims kyi phung po la sogs pa'i mtshan nyid yin te/ de ni de'i skyed par byed pa nyid kyis sa bon yin no/ /rang gi lta ba ltar na ni chos kyi sku de bzhin nyid kyi mtshan nyid yin te/ de ni de'i thob par byed pa nyid kyi sa bon yin par rig par bya'o/ /ci'i phyir de ltar rig par bya zhe na/ kun gzhi'i rnam par shes pa'i gnyen po yin pas kun gzhi'i rnam par shes pa'i ngo bo nyid ma yin par bsdus pa zhes bya bas ji skad smos pa'i rgyu nyid ston par byed do/ /kun gzhi'i rnam par shes pa'i ngo bo nyid ma yin par bsdus pa nyid 'di ni de'i gnyen po sa bon yin pa'i

  853. 427a

    phyir ro/ zhes bshad na/ de'i gnyen po'i sa bon ji ltar yin zhe na/ de'i phyir 'jig rten pa yin yang 'jig rten las 'das pa chos kyi dbyings shin tu rnam par dag pa'i rgyu mthun pa yin pas zhes bya ba la sogs pa smos so/ /de la 'jig rten pa nyid yin pa ni de kho na mthong pa'i gnas skabs na kun tu spyod pa'i phyir ro/ /sa bon de ni yon tan gyi khyad par byed pa na gnyen po 'dren par byed pas de'i phyir de ni 'jig rten las 'das pa'i sems ma byung du zin kyang zhes bya ba la sogs pa smos te/ 'dis ni nyon mongs pa dang skye ba dang las kun nas nyon mongs pa'i gnyen po nyid grogs nyid yin par bstan to/ / de la nyon mongs pa'i kun nas dkris pa'i gnyen po zhes bya ba 'dis ni nyon mongs pa'i kun nas nyon mongs pa'i gnyen po nyid bstan te/ ji lta ji ltar thos pa la sogs pa lan mang du byed pa de lta de ltar 'dod chags la sogs pa nye bar bcom pa'i phyir nyon mongs pa kun tu mi 'byung ngo/ /bag med pas kun tu byung na yang myur bar rnam par gnon te/ re zhig nye bar gzhom pa la nus pa yod pas de skad ces bstan to/ /de bzhin du 'og ma dag la yang gnyen po srid pa'i dbang du byas nas rnam par bshad par bya'o/ /de la ngan song gi 'gro ba'i gnyen po zhes bya ba 'dis ni skye ba'i kun nas nyon mongs pa'i gnyen po ste/ ji lta ji ltar thos pa la sogs pa lan gsum du byed pa de lta de ltar ngan song ba'i sgros? pa'i bag chags kyi sa bon nye bar bcom pas ring mo zhig tu ngan song du mi 'gro'o/ /'on te/

  854. 427b

    ji zhig ltar song na yang myur du thar ba dang/ de na yang skyo ba dang bcas shing sems can smin par byed do/ /de nyid kyi phyir 'jig rten pa yi yang dag lta/ /chen po gang la yod gyur pa/ /de ni bskal pa stong phrag du 'ang/ /ngan 'gror 'gro bar mi 'gyur ro/ /zhes gsungs so/ /de la nyes par byas pa thams cad dengs par byed pa'i gnyen po zhes bya ba 'dis ni las kun nyon mongs pa'i gnyen po ste/ de bzhin du thos pa la sogs pa lan mang du byas pas ngan song bar 'gyur ba'i las sngon byas pa rnams gang gis na rang gi rnam par smin pa mi 'byin pa nye bar 'joms so/ /ji ste bag med pas sdig pa'i las kun tu spyod na yang myur du nye bar 'joms so/ /'on te las nges ngan song du 'gro na yang ring mo zhig na? ngan song du 'gro'o zhes bya ba de lta bu la sogs pa sbyar bar bya'o/ /de la sangs rgyas dang byang chub sems dpa' dang phrad pa'i rjes su mthun pa'o zhes bya ba 'dis ni grogs nyid bstan te/ /thos pa la sogs pa'i bag chags kyis grogs yongs su bzung bas bde 'gror skye bar 'gyur ba'i las dge ba zag pa bcas pa gang gis na de dag dang phrad par 'gyur ba sangs rgyas dang byang chub sems dpa' dang ma bral ba'i gnas kyi khyad par dag tu rnam par smin par 'gyur ro/ sngar chos kyi sku'i sa bon zhes bshad pa de la de gang dag chos kyi sku'i sa bon yin zhe na/ de'i phyir byang chub sems dpa' las dang po pa rnams kyi 'jig rten pa yin yang zhes bya ba la sogs pa smos te chos kyi sku'i rgyu yin pa'i phyir chos kyi skur bsdus pa

  855. 428a

    zhes bshad do/ /de la de bzhin nyid nyon mongs pa dang shes bya'i sgrib pa bag chags dang bcas pa las rnam par grol ba ni stobs dang mi 'jigs pa la sogs pa'i chos kyi rten yin pa'i phyir chos kyi sku zhes bya'o/ /nyan thos dang rang sangs rgyas kyi rigs can gyis las dang po pa rnams kyi yang gang gis lus su bsdus pa yin zhe na/ rnam par grol ba'i lus su bsdus pa zhes bya ba la sogs pa smos te/ de la nyon mongs pa'i sgrib pa las rnam par grol ba'i ngo bo nyid yin pa'i phyir rnam par grol ba'i lus zhes bya'o/ /rnam par smin pa'i shes pa yang 'bri zhes bya ba ni rdo rje lta bu'i ting nge 'dzin gyi gnas skabs na'o/ /gnas kyang 'gyur ro zhes bya ba ni de bzhin nyid kyi mtshan nyid kyi sku nyid du 'gyur ro zhes bya ba'i tha tshig ste/ 'di yang de bzhin gshegs pa rnams las brtsams nas bshad pa yin no/ /gnas rnam pa thams cad du gyur na zhes bya ba ni de bzhin nyid kyi gnas rnam par grol ba'i sku nyid du gyur na zhes bya ba'i don to/ /rnam par smin pa'i rnam par shes pa sa bon thams cad pa yang sa bon med par gyur pa zhes bya ba ni kun nas nyon mongs pa'i sa bon thams cad spangs pa zhes bya ba'i tha tshig go /'di yang nyan thos dang rang sangs rgyas mi slob pa rnams kyi phung po'i lhag ma dang bcas pa'i mya ngan las 'das pa'i dbang du byas nas bshad pa

  856. 428b

    yin te/ de na rnam par smin pa thams cad kyis thams cad du mi srid pa'i phyir ro/ /lhan cig 'dug pa'i tshul gyis 'jug ces kyang bshad/ mjug thogs su rnam par smin pa'i rnam par shes pa yang 'bri zhes kyang bshad pas/ de'i phyir yang ji ltar na zhes bya ba la sogs pa gleng slong bar byed do/ /dad pas chu las 'o ma 'thungs pa lta bu zhes bya ba 'di ni grags pa yin te/ lhan cig pa'i ngo bor 'jug kyang la la ni ril gyis zad la/ la la ni ma nyams par bsdus so zhes bya ba'i tha tshig go /'jig rten pa'i 'dod chags bral ba na zhes bya ba la sogs pas ni ji ltar kun gzhi rnam par ma bzhag pa la brten cig la 'dod pa na spyod pa'i kun nas nyon mongs pa'i bag chags/ mnyam par ma bzhag pa'i sa'i bag chags dang lhan cig pa'i ngo bor 'jug pa'i 'jig rten pa'i lam gyis nye bar bcom pas nyams par 'gyur ba dang/ mnyam par bzhag pa'i sa'i bag chags 'phel bar byas nas gnas 'gyur ba de bzhin du kun gzhi'i rnam par shes pa rnam par bzhag pa la yang 'jig rten las 'das pa dang/ kun nas nyon mongs pa'i sa bon dag rnam pa thams cad 'phel ba dang ma lus par spong bar rig par bya'o zhes ston par byed do/ /gnas gyur pa bzhin yin no zhes bya ba ni/ /de bzhin nyid gnas gyur pa yin par sems te/ ji lta ji ltar

  857. 429a

    'jig rten pa'i lam goms pas kun nas nyon mongs pa'i bag chags bcom pa'i phyir 'dod chags la sogs pa mi 'byung ba de lta de ltar de bzhin mngon sum du ma byas kyang cha de yongs su 'gyur ro zhe'o// //kha cig na re/ gnas ngan len gyi gnas gyur yin par sems so// //ci 'gyur ba rdzogs so// // sarba mang+ga laM/