Text
ff. 1b–310a · 612 folio sides
- 1b
rgya gar skad du/ a b+hi sa ma ya a lang+ka ra kA rI k+Sha pra drA pU ra mi to pa de shwa shAs+t+ra TI k+Sha pra sU ta pa ta nA ma/ bod skad du/ shes rab kyi pha rol tu phyin pa'i men ngag gi bstan bcos mngon par rtogs pa'i rgyan gyi tshig le'ur byas pa'i 'grel bshad tshig rab tu gsal ba zhes bya ba/ bcom ldan 'das ma shes rab kyi pha rol tu
- 2a
phyin pa 'phags pa'i skye bo thams cad kyi yum du gyur pa/ sras sangs rgyas dang / byang chub sems dpa' dang / 'phags pa 'dod chags dang bral bar bcas pa thams cad la phyag 'tshal lo// gnyis med ye shes rang bzhin 'phags pa'i gang zag bskyed pa'i yum/ rgyal dang de sras yum gyur zab mo de la phyag 'tshal lo// gzhung 'di rgya che rab zab kun gyis 'jug pas pha rol du// legs 'gro dka' zhing gting mi rnyed phyir bdag 'dras mi dpogs pa/ mkhas pa rnams la mtshar med smod bral 'di brtsams te/ bdag phan thabs mkhas su zhig rang gi brtson pa 'dor//
- 2b
gang zhig rtog pas rgyal ba sras bcas zhabs la lha dbang gtsug gis nor bus 'dud byed cing // mngon par mtho ba'i bde ba rgya chen zad mi shes pa'ang sngon du yongs su longs spyod cing // rab tu 'jigs rung dran pas spu ldang ngan 'gro'i g.yang sa ma rungs pa las legs sbrel ba// lha yi dpag bsam shing lhar skye bo dam pa dga' byed de la su zhig brten mi byed// de phyir skye bo dam pa rigs/ pa'i shing rta lung gi 'khor los drangs pa chen po yis// nyam nga'i lam sbyangs nges pa'i gnas bstan dpag bsam shing chen yal ga rab rgyas gcig la ni// legs 'jus de thob gyur pa'i 'bras bu yid 'ong ro ldan bdud rtsi lta bu brtson pas thob// gang yin de 'dir rang gi ched du legs par yongs su spyad pa mkhas pa rnams kyis rtogs// bcom ldan 'das shAkya'i rgyal po thugs rjes thugs brlan pa des 'gro ba thams cad mngon par mtho ba dang nges par legs pa la 'god pa'i thabs su gyur pa rang rang gi rigs dang rjes su mthun pa'i chos bstan pa ji snyed chos kyi phung po brgyad khri bzhi stong bstan pa rnams las rab dang phul dang / gtso bo dang / gya nom pa nyid ni shes rab kyi pha rol tu phyin pa ste/ der gang ma bsdus pa'i don 'ga' yang med pa'i phyir ro// de yang kha cig ni den dam pa'i bden pa snying po'i don gtso bor byas pa 'phags pa shes rab kyi pha rol tu byin pa'i snying po la sogs pa'o// bden pa gnyis ka'i don las mngon par rtog pa'i don gtsor byas pa'i gzhung yang kha cig ste rgyal ba bskyed ma 'bum pa la sogs pa'o// de la snying po'i don ni mdo sde zab mo rab tu mang po 'am gsal por bstan cing 'phags pa klu skab kyi zhal snga nas dbu ma rtsa ba'i
- 3a
shes rab la sogs par lung gi don gtan la dbab pa nges par mdzad pas the tshom med pa mdzad pa'i phyir skye bo phyi ma rnams 'jug tu rung bar mdzad do// gang du mngon par rtogs pa'i don brtan pa ni rab tu rgyas pa dang zab par ldan pas 'jug pa'i gang zag pa la cher 'gron po phyogs bslad pa bzhin gyur pas rab tu rmongs pa'i gnas su gyur te/ don 'di nyid 'phags pa byams pa skye ba gcig gis thogs pa des gzigs te/ 'gro ba rab tu ldongs pa dmigs bu med pa de dag gi phyir de dag la shes rab kyi pha rol tu phyin pa'i phyogs kyi sgo snang bar bya ba'i phyir rgyal ba'i yum ma lus pa/ thugs la gzhag ste/ gang rtogs dka' ba'i gnas de dag bde blag tu rtogs par bya ba'i phyir/ nyan thos zhi ba tshol rnams kun shes nyid kyis nyer zhi khrid mdzad gang yin pa dang zhes bya ba la sogs pa'i gzhang don rgya chen po yang thabs sla bas nye bar bstan pa 'di mdzad do// de bas na 'di ni man ngag gi bstan bcos yin gyi/ mdo rnams ni 'di las bltos na man ngag ma yin te/ 'jug pa po rnams la nye bar bstan pa ma yin gyi dus yun ring mos go ba bskyed pa tsam gyi yan lag tu gyur pa'i phyir/ de ltar myur du khong du chud par byed pa'i man ngag bstan pa yang blo rab tu nyams chung ba sngon yongs su ma sbyangs pa kha cig gis man ngag gi tshig rab tu bsdus pa khong du chud par mi nus pas na de'i don bde bar rtogs par bya ba'i phyir slob dpon gyi zhal snga nas de'i don dgrol ba shes rab kyi pha rol tu phyin pa la/ gus phyag 'tshal zhes bya ba la sogs pas don rnam par bshad pa 'di legs par brtsams so// de ltar rim pa gsum du byung ba'i rgyal ba'i yum legs par gtan la phab mod kyi/ gang dag blo'i stobs
- 3b
rab tu zhan pa 'am/ yang kha cig dge ba'i bshes gnyen legs par bsnyen bkur mi nus kyi/ rang gi rtog ge'i shes pa tsam gyis rgyal ba bskyed ma'i don shes par 'dod cing mngon pa'i nga rgyal dang ldan pa de dag gi phyir bdag gis 'grel bshad don bsdus pa 'di byas te/ de bas na rim pa re re yang den med par nam yang mi bsam mo// de la mdo 'chad par 'dod pa rnams kyi man ngag ni 'phags pa nyid kyi slob ma rim pa gcig gis bar bcad pa slob dpon dbyig gnyen sangs rgyas gnyis pa zhes bya bas rnam par bshad pa'i rigs pa las/ mdo rnams smra bar 'dod pa la ngas ni man ngag sbyin par bya// dgos pa bsdus pa'i don bcas dang // tshig don bcas dang mtshams sbyar bcas// brgal lan bcas par bsnyad par bya// zhes bshad de 'di yang 'phags pa byams pa nyid kye man ngag brgyud pa'o// de bas na rgyal ba'i yum rnams 'chad par mdzad pa rgyal ba byams pa'i zhal snga nas/ dgos pa dang / bsdus pa dang / tshig gi don ni dngos su bstan cing / mtshams sbyar ba dang / brgal ba dang / lan re// shugs las rtogs par dgongs te shugs kyis bstan to// de yang tshig gi don ni don dang ldan pa'i ming gis bshad pa dang / nges pa'i tshig gis bshad pa dang / rnam grangs kyis bshad pa dang / lung bstan pa'i rigs pas bshad pa dang / don gyi shugs kyis bshad pa tsam mo// de dag las 'dir don gyi shugs kyis bshad pa tsam dang / rnam grangs kyis bshad pa nyid bzung ngo // mtshams sbyar ba shugs las rtogs par bya ba ni slob dpon gyi zhal snga nas dngos su 'grel pa la smos pa ni/ 'phags pa byams pa bdag nyid dam pa rnams kyi spyod pa dang mthun par rab tu ston pas so so rang
- 4a
gis rig pa'i ye shes kyis shes rab kyi pha rol tu phyin pa'i yul can gyi rab tu dang ba ni legs pa thams cad 'thob pa'i chu'i gtso bo yin no zhes bya bar nges par bzung nas/ gzhan dag bcom ldan 'das ma yon tan rin po che phul du dpung du med cing dpag tu med pa'i 'byung gnas la dor gyis 'jug par bya ba'i phyir rab tu dang ba bskyed pa'i ched du/ re shig dang por yum la yon tan ji lta ba bzhin du brjod pa can gyi phyag 'tshal ba zhes bya ba la sogs pa smos te/ de yang skabs dang po las ni mtshams sbyor ba'i tshig sum cu rtsa drug smos te/ skabs gnyis pa las ni nyi shu'o// skabs gsum pa las ni bcu bzhi'o// skabs bzhi pa las ni sum cu rtsa lnga'o// skabs lnga pa las ni nyi shu rtsa bdun no// skabs drug pa las ni gcig nyid do// skabs bdun pa las ni lnga nyid do// skabs brgyad pa las ni bcu gsum mo// de nas ni skabs bar ma la ni 'jug pa'i mtshams sbyar to// de nas ni skabs bsdus pa la 'jug pa'i mtshams sbyor ro// de ltar na mtshams sbyor gyi tshig ni spyir brgya lnga bcu rtsa gsum smos te/ de la skabs kyi dang por bstan pa brgyad ni skabs kyi go rims nges par ston pa'i mtshams sbyor yin la/ lhag ma rnams ni ci rigs su sbyor ro// brgal ba dang lan dag ni gzhan gyi chos rnams kyang yod la/ shes bya la yang ston pa yi// sgrib pa zad par gang brjod pa// de la kho bos mtshar du rtsis zhes pa dang / 'di yis dmigs pa dngos med de// bdag por dran pa yin par bshad// rnam pa'i nyid 'di la ni// rab tu smra rnams chud par grol// zhes bya ba la sogs pa dngos su yang bstan par rung ste/ de ltar yan lag lngas mdo bshad pa
- 4b
'di man ngag 'di'i rtsa ba'i gzhung 'chad par 'dod pa dag la phan 'dogs par shes par bya'o// slob dpon gyi zhal snga nas tshig le'ur byas pa'i 'grel par ni tshigs su bcad pa dang pos phyag 'tshal ba 'grel pa brtsams pa'i dgos pa dang bcas pa bstan to// tshigs su bcad pa lhag pa bzhis ni sngon gyi slob dpon gyis gzhung ji ltar phye ba bstan to// de'i 'og ma tshigs su bcad pa gcig gis ni shes rab kyi pha rol tu phyin pa tshang bar rnyed pa ngo mtshar che ba bdag nyid gzeng bstod pa bstan to// de'i rjes su tshigs su bcad pa gcig gis ni rgyal ba'i yum rnyed pa sangs rgyas kyi byin brlabs yin zhing ston pa la drin du gzo bas bsgrub pa'i mchod pa'i ngo 'or yum 'di dbye bar rigs par bstan to// tshigs su bcad pa tha mas ni rang la spyad de 'jug pa'i bye brag bstan to// de ltar de dag ni 'grel pa brtsam pa la 'jug pa'i tshigs su bcad pa brgyad do// de nas phyag 'tshal ba'i tshigs su bcad pa gcig bkrol ba'o// de nas ni dgos pa la sogs pa bstan pa'i tshigs su bcad pa gnyis bkrol ba'o// / de nas ni bsdus pa'i don rnam pa gnyis kyi tshigs su bcad pa bcwa lnga'i mtshams sbyar ba tsam bstan cing tshigs su bcad pa smos pa yang mdor bsdus pa dang de las phye ba tsam du bstan cing don 'og nas 'chad pa la bltos par bstan to// de nas ni skabs brgyad rim pas bstan po bkrol ba'o// de nas skabs drug tu gzhag pa bstan pa bkrol ba'o// de nas skabs gsum du gzhag pa bstan pa phye ba'o// de ltar rtsa ba'i gzhung phye nas mdo'i don mdor bstan pa'i tshigs su bcad pa gnyis bstan to// de nas ni gzhung ji ltar brtsams pa rang gi ming gis smos pa dang bcas pa'i tshigs
- 5a
su bcad pa gnyis smos so// de nas dge ba yongs su bsngo ba'i tshigs su bcad pa gcig bstan to// de nas ni yum 'di zab pas bdag gi yul ma yin zhing skyes bu dam pa rnams kyi yul du bstan pa'i tshigs su bcad pa gcig go// de nas ni nye bar bstan pa bzod par gsol ba'i tshigs su bcad pa gcig bstan to// 'di ni re zhig 'grel pa'i bsdus pa'i don du shes par bya'o// de ltar spyir sbyar ba'i cung zad cig brjod nas da ni yan lag gi don cung zad dkrol te/ 'dir slob dpon gyis dang po nyid du ci'i phyir phyag 'tshal brtsom zhe na// 'grel pa brtsams pa mthar phyin par bya ba'i phyir te/ gang zhig yul khyad par can la phyag 'tshal ba ni bsod nams chen po rgyud la bskyed la bsod nams dang ldan pa'i bsam pa rnams ni nges par 'grub ste/ de bas na 'phags pa rgya cher rol pa las/ bsod nams ldan pa'i mi yi bsam pa rnams kyang 'grub ces gsungs so// gzhan yang dam pa'i spyod pa dang mthun par rab tu bstan pa'i phyir/ des rang gi gzhung la 'gro ba 'byung ba rnams dad par 'gyur te/ 'jig rten dam pa rnams ni dang por yul khyad par can la phyag 'tshal nas rang 'dod pa'i las la 'jug cing gzhung 'dir yang dang por phyag 'tshal ba snang bas na slob dpon 'di ni dam pa'o// 'dis phyag 'tshal ba'i shes rab kyi pha rol tu phyin pa yang dam pa ste/ dam pas 'dod par bya ba'i phyir ro zhes dad pas rjes su 'brang ba rnams 'jug pa'i thabs su gyur pa'i phyir ro// de ltar dgos pa de gnyis gzigs nas dang po nyid du/ shes rab kyi pha rol tu phyin pa la gus par phyag 'tshal zhes bya ba smos te/ 'dir shes rab kyi pha rol tu phyin pa zhes
- 5b
bya ba ni rnam pa gnyis te/ ngo bo nyid dang / der brten pa'o// ji ltar zhe na/ chos rnams kyi de bzhin nyid chos rnams las de nyid dang gzhan nyid du brjod par bya ba ma yin pa ni rang bzhin gyi shes rab kyi pha rol tu phyin pa ste/ de'i phyir mkhas pa 'jig rten gnas sam mya ngan 'das kyang rung // chos nyid skyon med chos rnams stong pa 'di gnas te// byang chub sems dpas de bzhin nyid 'di rjes su rtogs// de'i phyir de bzhin gshegs zhes sangs rgyas mtshan gsol to// zhes gsungs pa/ de ci'i phyir zhe na/ shes rab kyi pha rol tu phyin pa ni yi ge ma yin te/ de la su yang ston pa dang nyan pa dang // shes par byed pa med do zhes kyang gsungs so// 'dir shes rab kyi pha rol tu phyin pa ni sems las byung ba dge ba khyad par can du bgrang ba ma yin nam/ de ni 'dus byas kyi mtshan nyid yin la de bzhin nyid ni 'dus ma byas kho nar grub pa'i mtha' las bstan te/ des na ji ltar de bzhin nyid de shes rab kyi pha rol tu phyin par 'gyur/ de lta na ni 'gro ba rnams la de bzhin nyid yod pas lung snga ma nyid kyi thams cad de bzhin gshegs par 'gyur ro zhe na/ sems las byung ba dge ba khyad par can la shes rab kyi pha rol tu phyin par gzhag pa ni rang bzhin gyi shes rab kyi pha rol tu phyin pa de rtogs pa'i mthus de'i ming 'thob kyi gzhan du na de shes rab yin du zin kyang pha rol tu phyin par ni ga la zhig 'gyur/ rtogs pa gnyis pa ltar yang mi 'gyur te/ lung snga mas ni de bzhin nyid du rtogs pas de bzhin gshegs par bstan gyi/ de bzhin nyid yod pas der bstan pa ni ma yin te/ de bas na de yod pas nges par phan par byed pa yang ma yin te/ rkyen gzhan la bltos pas na dbul
- 6a
po'i bdag dbang ba'i sa la gnas pa'i gter lta ba'o// de bas nabyis pa rnams ni rang bzhin gyi shes rab kyi pha rol tu phyin pa dang ldan yang de pa rtogs pa'i phreng byis pa zhes bstan pa'i sman nan cing phra ba'i don du 'dren pa'i phyir ro// dan 'di las dgongs te 'phags pa thabs pa'i nal snga nas/ 'gro ba dag na de las gzhan yang cung zad yod min la/ grob ma lu sa pa de la rnam par rmongs pa'i blo// yod pa kun nas spong zhing med la mngon zhen gang yin pa// 'jig rten tshangs pa'i tsha ba chen 'di ka ji lta bu zhes gsungs la/ 'phags pa sangs rgyas pa la mdo theg pa chen po dang rab tu ldan pa las/ byis pas byang chub pa shes kyang // de dag de la rab tu gnas zhes gsungs te/ de'i phying rang bzhin gyi shes rab kyi pha rol tu phyin pa 'di ni shes rab kyi pha rol tu phyin pa ste/ rab tu gces pa'i phyir shes rab kyi pha rol tu phyin pa'i snying po des bya'o zhes kyang gsungs te/ ji ltar las la sogs pa gnas shing 'brel ba ni sems bzung ba'i mtha yin la// sems de yang nyid zhes bya ba'i lus kyi bye brag de la rab tu brten pas na/ bag chags kyi ni dkrug pa'i sems// rnam par rtog pa mang po'i gnas// ting gi yu ba tu gan sa zhes gsungs te/ rten du gyur pa'i snying med na sems mi gnas shing / de ma gnas par gyur na dbang po dang bcas pa'i yum nges par mi gnas pas na snying zhes grags so// de bzhin du rang bzhin gyi shes rab kyi pha rol tu phyin pa med na rnam par mi rtog pa'i ye shes dmigs pags la brten nas kyang skye bar mi 'gyur la/ de ma skyes pa 'gyur na
- 6b
lam dang / 'bras bu dang gzhung dag 'byung / de bam na 'di yang hri da ya zhes gsungs te rab tu gces pa'i phyir ro// de la brten pa ni lam lnga dang / de'i 'bras bu rnam par mi rtog pa'i ye shes dang / de dag ston pa'i gzhung rnams so// de dag las kyang rnam par mi rtog pa'i ye shes ni shes rab kyi pha rol tu phyin par gzhag pa la bstan pas gtso bo ste/ rang bzhin gyis shes rab kyi pha rol tu phyin pa dang / gnyis su med pa dang / lam dang gzhung dag kyang de thob par bya ba'i ched du sbyor ba'i phyir ro// de bas na slob dpon phyogs kyi glang po'i zhal snga nas kyang / shes rab pha rol phyin gnyis med// / ye shes de ni de bzhin gshegs// bsgrub bya de don sbyor ba yis// gzhung dang lam dag de'i sgra yin zhes bshad do// de la gzhang ni 'phags pa shes rab kyi pha rol tu phyin pa stong phrag brgya pa la sogs pa sngar bstan pas bsdus pa gnyis so// lam ni 'og nas 'chad do// rnam par mi rtog pa'i ye shes kyang 'chad par byed pa las gtan la 'bebs so// de ltar rnam par che bas yum 'di'i ngo bo bstan nas/ da ni nges pa'i tshig bstan par bya ste/ shes rab ces bya ba ni/ gzhan sgra shes dang so sor ni// rang rig rab tu shes phyir dang // rab zhi 'thob shes rab phul byung / yon tan 'thob shes phyir shes rab ces bshad pa ste/ lam dang po gnyis la ni dang po'o// mthong ba'i lam dang 'bras bu la ni gnyis pa'o// kun rdzob kyi ye shes la ni gsum pa'o// bsgom pa'i lam la ni bzhi pa'o// khyad par gyi lam la ni nges tshig lnga pa sbyar zhing gzhung la btags te'o// rang bzhin la ni 'bras bu'i ming gis so// de la ji ltar na shes rab de dag la pha rol tu phyin pa zhes bya
- 7a
zhe na/ byis pa rnams kyi yul du gyur pa 'khor ba ni tshu rol yin te/ de las 'das shing ring du song ba 'jig rten las 'das pa'i pha rol tu phyin pa'i don to// des na 'jig rten las 'das pa'i phyir pha rol tu phyin pa ste/ de'i phyir rgyal ba'i yum bar ma las kyang / tshe dang ldan pa shA ri'i bu gang yang 'di skad du shes rab kyi pha rol tu phyin pa gang zhes zer ba na/ tshe dang ldan pa shA ri'i bu shes rab kyi pha rol tu phyin pa zhes bya ba gang yin pa de ni ring du song ba ste/ gang las ring du song ba zhes bya zhe na/ tshe dang ldan pa shA ri'i bu phung po rnams las ring du song bas na de'i phyir ring du song ba zhes bya ste zhes bya ba la sogs pa gsungs te/ de bas na pa ra'i sgra ni pa ra yang ta zhes bya bar bsgyur ro// yang na pa ra'i sgras ni mchog bstan pa de la dngos po'i rkyen sbyar ba ni dngos po'i mchog/ nyid ces bya ste/ ji lta zhes na/ rgya che ba dang yun ring ched du bya// mi zad rgyun mi 'chad cing tshogs med la// dbang 'byor bsngo dang rtsom pa dag dang ni/ 'thob dang rgyu mthun 'grub phyir dam pa'i dngos zhes bshad la// yang yun rings goms shing thabs dang 'bras bu mchog/ 'di dag theg pa dman las mchog gyur dngos zhes bshad pas so// yang na sangs rgyas dang byang chub sems dpa' gang zag mchog dag gis bstan pa'i phyir yang mchog gi dngos po'o// gzhan yang gzhan la sogs pa'i// mchog tu gnod pa las thar bar byed pas na gnyis su spa sbyar ba'o// gzhan ni shes bya'i pha rol tu phyin pas na pha rol du phyin par 'dren te/ de'i tshe ni byin gyis spra rdzogs par drang ste/ i ta saM dzA ta zhes skad kyi byings las 'don pas so// yi ge pa'i
- 7b
po nyid ni gtsug lag gi tshig yin pas 'gal ba zad do// nges pa'i tshig tha ma 'di ni dngos sun 'bras bu la sbyar te/ gzhan la ni brtags nas so// lhag ma ni ci rigs su ngo bo la sbyar ro// daltar nga bo dang nges tshig rgyas par bstan pa las 'dir shes rab kyi pha rol tu phyin pa ram par bye ba de dag las gang la phyag 'tshal zhe na/ ma lus pa bzung ba 'am/ yang na 'bras bu'i bdag nyid/ / du gas la tsun pa las thab dad \u0f7f/ don sa smrangs pa rnas/ dekan rnam par mi rtog par mi 'gyur te rang bzhin la rtog pa'i phyir ro// zhen/ des gang yang yul du ma byas pa'i phyir rang bzhin yin la/ de yang rnam par mi rtog par grub kyi gal te des ya / de yang lags bkris pas rgyas pa rgyu bas rang sa / de sa rnam pa ga pa du d+hAr// da'i byer na yang dag pa rang bzhin ni rnam gyi thams pa mthun pa ye shes kyis kyang mi gzigs te/ de'i don ni ci'i phyir zhe na/ sangs rgyas kyi mkhyen nas chos rnams ma gzigs phyir zhes 'chad par byed do// de bas na ci yang ma mthong ba ni mthong ba dam pa nas mdo las gsungs so// de ltar rang bzhin dang dbyer med pas rang bzhin dang 'bras bu dag ni de nyid dang gzhan du brjod du med pa'o// gzhung dang lam ni de'i ched du sbyor ba'o zhes thang dang / de'i phying dgas rab kyi paras tu phyin pa gnyis su med pa' lags la thag 'tshal banyid dag pas na/ rgyal ba'i tham par malam cing / brgyan papar 'i brags rab kyi rab /
- 8a
phyin pa la phyag 'tshal lo// gang shes rab kyi pha rol tu phyin pa la phyag 'tshal ba de ni thams cad mkhyen pa'i ye shes la phyag 'tshal ba'o// de nas bcom ldan 'das kyis lha'i dbang po brgya byin la bka' stsal pa/ kau shi ka de de bzhin te/ de de bzhin no// gang shes rab kyi pha rol tu phyin pa la phyag 'tshal ba ni thams cad mkhyen pa'i ye shes la phyag 'tshal ba'o// de ci'i phyir zhe kau shi ka 'di las byung ba ni sangs rgyas bcom ldan 'das rnams kyi rnam pa thams cad mkhyen pa nyid do// rnam pa thams cad mkhyen pa nyid kyi ye shes las ni shes rab kyi pha rol tu phyin par brjod do zhes gsungs pa'o// 'dir ni mi 'dod pa'i bzhi pa nyid de/ de la rnam par rtog pa med pa'i phyir ro// gus par zhes bya ba ni dngos po thams cad kyis sam yid rab tu dang bas so// phyag 'tshal lo zhes pa ni mchog tu 'dud par byed pas so// 'dir gang la 'dud par bya gang yang ma dmigs ni bdud pas ci zhig sbyin zhe na/ chos thams cad ni rang gi rnam par rtog pa'i dbang tsam gyis skye zhing 'phel ba la sogs par 'gyur bas na yid dang ba'i dbang gis ci yang med pa la'ang btud pas 'bras bu yid du 'ong ba sbyin la/ gzhan yang don dam par gang yang med du zin kyang / kun rdzob tu ni rgyal ba'i yum 'di nyid gdul bya dang 'tsham pa'i bkod pas gnas te/ de'i phyir gdul bya'i skye bo la brten nas/ de bzhin gshegs pas de dang der// khyod nyid gcig pu gzugs mang dang / sna tshogs mtshan du mngon par brjod ces bstod cing // yang tshig yul kun las 'das gang yin// khyod ni gang la'ang mi rten cing // mtshan med dgos pa med pas na// su'i 'dir khyod bstod par
- 8b
nas// bdag ci tshig kham 'di 'dra bas// khyod la bstod pa ma byas kyang // dgyes mi dgyes las 'das mod kyi// 'on kyang kun rdzob bden pa'o zhes bstod pa brjod de/ de bas na yum 'di spros pa med cing rtog pa med do zhes te/ mchod pa dang phyag la sogs pa spang bar ni mi bya'o// de ltar phyag 'tshal ba'i ci zhig 'grub par 'dod pa yin zhe na/ de'i phyir de'i rgyan tshig le'ur byas pa dag/ rnam par dbye phyir gus phyag 'tshal zhes tshig snga ma dang sbyar te/ de yi zhes bya ba'i bud med kyi rtags kyis brtan pa'i phyir dang / don gyi dbang gis kyang shes rab kyi pha rol tu phyin pa nyid dang sbyar ro// de ltar na gang la phyag 'tshal ba shes rab kyi pha rol tu phyin pa de nyid kyi rgyud tshig le'ur byas pa dag/ rnam par dbye bar bya ba'i phyir gus phyag 'tshal zhes tshig rnam par sbyar ro// rgyan zhes bya ba ni tshig le'ur byas pa'i man ngag gi shes rab kyi pha rol tu phyin pa'i don shes par bya ste/ de shes pas man ngag 'dis mkhas pa rnams dga' zhing 'di drin du yang gzo bar 'gyur te/ de ni dmigs bu lta bu'i phyir ro// de ltar dga' ba bskyed pas na 'di rgyan te dpe'i ming nyid do// don 'di las brten te 'phags pa byams pa'i zhal snga nas kyang / gzugs brgyan rang bzhin yon tan ldan pa me long nang song na// mthong ba'i dbang gi mi rnams rab tu dga' ba'i mchog bskyed pa// de bzhin legs gsungs rtag tu rang bzhin yon tan ldan pa yi// chos kyang don rnams phye bas mkhas rnams 'di na dga' mchog skyed byed gsungs so// tshig le'ur byas pa dag zhes pa ni gzhung gang dag tshigs su bcad pa rtsa ba bzhi pa'i yi ge brgyad par byas pa'i ming ste/ dbang po'i
- 9a
rdo rje la sogs pa las khyad par du gyur pa'o// rnam par dbye zhes pa ni don tsam zhig ste 'chad pa byed pa las/ 'phags pa rnam par grol sde yis// mthu yis don mthong sgo nas ni// go bar sla phyir ngag dang ni// tshig sogs sbyor ba ma byas par// mkhan po yang dag rnam snang mdzad// bla ma bzang la phyag 'tshal te// tshig le'u byas pa'i 'grel gsal ba// 'di ni seng ge bzang pos byas zhes smos pas so// bzhi pa 'di ni rgyu mtshan nyid du blta'o// tshig le'ur byas pa de rnam par dbye ba'i phyir phyag 'tshal bar bstan na/ de rnam par dbye ba nyid la dgos pa ci zhig yod ces rtog pa la/ kun gyi rgyun du 'gyur ba'i phyir zhes smos te/ kun zhes pa ni ji ltar bstan pa'i shes rab kyi pha rol tu phyin pa thams cad kyi'o// rgyan du 'gyur ba zhes bya ba ni 'di skad ston te/ skyes pa 'am bud med gang zhig gi gzugs la dga' ba skye ba'i rgyu ni rgyun rnams yin te/ 'on kyang rgyan de dag dri ma dang bcas par gyur na dga' bar byed mi nus pas na rgyan gyi rgyan ni rgyan de'i dri ma med par bya ba yin no// de bzhin du mkhas pa dga' bar byed pa'i rgyan ni tshig le'ur byas pa nyid do zhes bstan du zin kyang / kha cig ma rtogs pa'am/ log par rtog pa'i dbang gis tshig le'ur byas pa 'di ni rgyal ba'i yum rnams kyi don legs par ston par nus pa ma yin pas 'di rgyan ma yin no snyam du klan ka'i dri ma skye srid do// slob dpon gyi zhal snga nas 'grel pa'i don gsal ba sdeb sbyor spangs pas drang thad du bstan pa 'di mdzad pas de dag gi log par rtog pa dang / ma rtogs pa'i rgyu las byung ba'i dri ma ngan pa 'joms pas na 'grel pa 'di ni rgyan te/ rgyan du byed pas na rgyan gyi rgyan nyid de/
- 9b
de bas na 'di ni dri ma sel bas rgyan te/ ji skad du slob dpon ka ma la shI la'i zhal snga nas/ de nyid kyi phyir klan ka ngan pa'i dri ma bsal bas na 'di ni dbu ma'i rgyan zhes bya'o zhes bshad pa lta bu'o// bzhi pa 'di ni rgyu mtshan nyid ston pa'o// de ltar na 'grel pa'i gzhung ni brjod par byed pa ste/ de'i brjod par bya ba yang sgra'i brjod par bya ba ni tshig le'ur byas pa kho na'o// don gyi brjod par bya ba ni rgyal ba bskyed ma thams cad do// dgos pa yang dngos su ni tshig le'ur byas pa'i don legs par bstan pa ste/ de'i yang dgos pa ni tshig le'ur byas pa de rgol ba pa rnams la rgyan nyid du sgrub pa'o// gzhan dag ni tshig le'ur byas pa'i don legs par bstan pas des rgyan nyid du grub pa ni dgos pa yin la/ des rgyal ba bskyed ma'i don ma lus pa shes pa nas bzung ste/ mi gnas pa'i mya ngan las 'das pa'i bar du ni dgos pa'i yang dgos pa'o zhes rtogs ste/ de ni de ltar 'grub pa nyid 'grel pa 'ba' zhig gis mi srid la/ rtsa ba'i gzhung nyid kyi dbang du byas par yang 'og nas 'chad pa mi 'thad pa nyid do// / gzhan yang tshigs su bcad pa dang po'i dbang 'dis gzhung dbye bar dam bca' bas brtsams pa mthar dbyung ba yang ston te/ phung po dang nyon mongs pa dang / khas blangs pa dang / dam bcas pa dag ni khur yin la/ skyes bu dam pa rnams ni legs par blangs pa'i khur bya ba ma rdzogs kyi bar du mi 'dor ste/ gzhan don brtse ba can rnams srog phyir yang // rang gi nus pa lhod par mi byed de// skyes bu dam pa khur lci khur ba dag/ nyam nga'i lam du nam yang 'dor bar mi byed do zhes bstan pas so// de ltar phyag 'tshal ba dang / bstan par dam bca' ba dang / nyid kyi sbyar ba'i 'grel pa'i dgos pa
- 10a
la sogs pa bstan pa'i tshigs su bcad pa gcig rnam par dkrol ba'o// da ni slob dpor bdag nyid sngoran gyi slob dporan gyi lugs la mkhas par bstar pas 'gro ba rnams rang gi 'grel pa la 'jug par bya ba dang / gzhung du ma 'tshal ba'i 'dzag pa po rnams la'ang bar gdags pa'i phying / sngor gyi slob dpon gyis mdzad pa'i gzhung gdags pa bstan pa'i phyir/ 'gro ba'i chags la chags med mdzad ces pa la sogs pa smos te/ kha cig na re yi ge a di ring po yin pas lhag par ston pa te/ des na kun du rags pa'o zhes zer na/ de dag gis ni mtshams sbyor ba ma rtogs pa ste/ gal te ring po yi na mtshams sbyar bar mi 'gyur ro// de'i phyir yi ge a ni thung ngu sde dgag pa nyid ro// de la mdor bsdus ra 'phags pa thogs med dang / slob dpon dbyig gnyen dag gis skabs brgyad du phye ba med kyi don gzhar du rnam par rig pa'i grub pa'i mthar rgal ba'i yul ba krol te/ tshig la'ur bus pa'i theg pa rin po dbu ma'i lta ba 'dir slob dpon dbyig gnyen de'i yul du ma gyur pas na/ 'bigs pa thogs medang sa 'od byed pa brnyes pas kyang de 'dul ba dang mtshams par dkrol te/ sems can gcig gi doran gyi phyir// phyi mtha' bar du gnas pa gyi zhes gsungs pa'i rjes su 'brang bas so// de dag gi skabs kyi dodan pa brjod cing rnam par rig pa'i zhen pa ma spangs pas na nges byas byas pa mid bzong ste/ 'phags pa'i nang du gtogs pa yi// rnam par grol sde zhes byas kyang // dbu mar gnas pa'i blos rnam bye zhes rim par byas te ba bar ma dang sbyar ba mdzad do// de yi rog tu na grol sde// dang pa'i sel gnas pa yis// zhes pa ni tshigs kyi lab pal pa ste dang pa tsam gyis ni dad pa'i sa'o//
- 10b
bstan bcos mtha' dag ma rnyed par zhes pa ni grub pa'i mtha' rab 'byam la ma 'dris par ro// kha cig na de rgyal ba'i yum mtha' dag ma rnyed par zhes zer te des ni legs par ma smras so// rang dang rjes mthun// rnam bshad byas zhes pa ni de rang gi shes rab 'phel bar bya ba'i phyir gzur brtsams kyi/ gzhan la phan par 'dod pa 'am mngon pa'i nga rgyal gyis ni ma yin te/ ji skad du rig pa brtsams pa ni shes rab 'phel ba'i rgyu'o zhes gsungs so// 'di ni 'dab gshog cung zad skyes pa'i bya 'phur bar rtsom pa dang 'dra bas bsngags pa'i tshig yin gyi spang par mi sbyor ro// de ltar mkhas pas snang byas shing zhes bya ba ni/ 'phags pa rnam par grol sde'i zhal snga nas so// kha cig gis ni bstar bcos kun// ma rnyed zhes bya ba la bstan bcos ni// nyon mongs sgra rnams ma lus 'joms pa dang // ngan 'gro srid las skyob pa gang yin pa// 'chos skyob yon tan ldan phyir bstan bcos te// gnyis po 'di dag gzhan gyi lugs la med// ces pa'i nges pa'i tshig gi tshul gyis na bstan bcos te// de yang khyad par can rgyal ba'i yum rnams so// kun ma rnyed pa nyid ces pa ni rang rang gi blos ma rtogs pa steg zhung ma rnyed pa ni ma yin no// kha cig gis ni zhes pa ni slob dpon dbyig gnyen dang / btsun pa rnam par grol ba'i sde ste/ 'dul ba'i dbang las 'phags pa thogs med kyang der bzang ngo // de rnyed pa gang yin pa de ni ya mtshan no zhes pa ni bdag ni sngon du yang skal pa bzang bas sngon bsod nams mtshar gcig byas pa lha zhes rjes su dga' ba ston pa'i tshig go// de ltar mkhas pas sdang bar byas pa yang bdag gis shes la/ la las ni don tshang bar ma shes la bdag
- 11a
gis tshang bar shes so zhes bstar nas/ de yang rang gi lhas byin pa la sogs pa ni ma yin te/ sangs rgyas kyi mthus yin par bstan pa'i phyir/ de ltar shin tu rnyed dka' ba// zab mo'i lam can 'di lta ste/ sangs rgyas dbang gis rnyed pa ni/ zhes smos te bskal pa mang por yang mtshan tsam yang rnyed par dka' ba'i rgyal ba'i yum don zab mo 'di dang phrad pa ni sangs rgyas kyi byin gyis brlabs kyi dbang nyid yin gyi rnam babs la sogs pa ma yin te/ de ltar ni kye rgyal ba'i sras ban po 'di dag ni de bzhin gshegs pa'i byin gyis brlabs te/ bcu gang zhe na/ dang por byang chub du sems bskyed pa dang / tshe rabs thams cad du byang chub kyi sems mi gtong ba dang / bdud kyi las khong du chud nas de bzlog pa dang / pha rol du phyin pa thos te nan tan byed pa dang / 'khor ba'i sdug bsngal shes nas mi skyo ba dang / chos zab mo rtogs par byas pos 'bras bu thob pa dang / sems can rnams la nyan thos dang rang sangs rgas kyi theg pa stor kyang de'i rnam par grol ba la mi mos pa dang / 'dus byas kyi rang bzhin lo rtog cing 'dus ma byas la mi gnas la 'dus byas dang 'dus ma byas la mi gnas par 'du shes pa dang / nying mtshams sbyor ba la gnas kyang de sel ba dang / rnam pa thams cad mkhyen pa'i ye shes rtogs kyang byang chub sems dpa'i spyod pa sgrub pa'i rigs kyi rgun mi gcod pa ste/ kye rgyal ba'i sras bcu po de dag ni de bzhin gshegs pa'i byin gyis brlabs so zhes gsungs shing / yang yum 'di nyid las kyang de bzhin gshegs pa'i byin gyis brlabs kyis chung ngu ni glegs bam chen po la yi ge gsal ba bris te zhes bya ba la sogs pa gsungs so// de ltar sangs rgas kyi byin gyis brlabs yin na go thugs thugs rjes 'phrogs pa
- 11b
de dag btsun pa rnam par grol ba'i sde la sogs pas rnyed pa nyid du ci'i phyir mi mdzad ce na/ rang gi 'bad pa'i rjes su byin gyi brlabs 'brang ba ni chu'i zla ba lta bu ste/ de'i phyir 'phags pa rab kyi rtsal gyis rnam par gnon pas zhus pa zhes bya ba rgyal ba bskyed ma snying po'i don bstan pa las/ rta cang shes la sogs pa'i dpes bstan la/ 'dis las kyang / sangs rgyas rnams la bkur sti byas// de las dge ba'i rtsa ba bskrun// dge ba'i bshes kyi mgon byas pas// 'di mnyan pa yi snod yin no zhes ston to// de ltar yum 'di rnyed pa ni sangs rgyas kyi mthu yin pas de la byas pa shes pa'i mchod pa bya bar rig pas na/ mkhas pa rnams kyis dbye ba'i rigs zhes smos te/ bka' bzhin 'bad pas bsgrub pa'i lan klan pas/ phan par mdzad pa de la lan du mchod ces bstan pas lan du mchod pa yang bka' bsgrub par bya ba yin la bka' bsgrub pa'i mchog ni rgyal ba'i yum la nan tan byed pa ste/ 'phags pa shes rab kyi pha rol tu phyin pa dpal mchog dang po las/ shes rab kyi pha rol tu phyin pa 'di 'dri ba dang / klog pa dang nyan pa dang / 'don pa dang / kha ton byed pa dang / 'chad pa dang / sems pa dang / sgom pa ni de bzhin gshegs pa thams cad la mchod pa'i cho ga rgyas pa'o zhes gsungs pas so// de ltar na mkhas pa ste/ nges par rtogs pas su yang rung ston pa la drin du gzo ba rnams kyi lan du mchod pa'i ngo 'or yum 'di'i don blo dang gzhung la dbye bar rig pa de'i phyir slob dpon bdag nyid kyang gzhung 'byed par bstan pa'i phyir/ rnam pa kun tu bdag gi ni// spyod yul min yang rang gzhan la/ phan gdags 'dod nas bsod nams dag/ sgrub dang mthun phyir sems dpa' skye zhes smos te/ rnam pa kun tu bdag gi ni// spyod yul
- 12a
min yang zhes pa ni phrag dog la sogs pa'i dbang gi 'grel pa brtsams pa las smod pa srid pas de bkag pa ste/ de skad du slob dpon chos kyi grags pas tshad ma rnam 'grel byed pa na/ skye bo phal cher bal la chags shing zhes bya ba la sogs pa smos pa lta bu'o// rang gzhan la phan gdags 'dod nas zhes pa ni/ bsam pa dag par ston cing gdul bya 'jug pa rnams la'ang bslab pa'o// bsod nams dag bsgrub pa dang / zhes pa ni sgrub pa'i lan du mchod pa ste/ mthur phyir zhes pa ni mchod pa'i thabs bzang po 'di nyid yin pa'i phyir zhes ston pa'o// sems dpa' skyes zhes pa ni brtsam pa'i/ spro ba 'byung ngo zhes ston pa ste/ sems dpa' bskyed cig ces gdam ngag gi rkyer can du yang sbyar ro// da ni phyag 'tshal ba bstan pa ni tshig dgrol ba'i phyir/ 'phags pa byams pa bdag nyid dam pa rnams kyi spyod pa dang mthun par rab tu ston pas zhes bya ba la sogs pa smos te tshig de ni go sla'o// so so rang gis rig pa'i ye shes kyi shes rab kyi pha rol tu phyin pa'i yul can gyi rab tu dang ba ni zhes bya ba la/ so so rang gis rig pa zhes bya ba ni ngag gi lam las 'das pas brjod pa dang bral ba ste/ rang gis yang dag par rig pa de ni gzhan la bstan nus pa ma yin la/ gzhan gyis kyang de brten cing bzung bar nus pa ma yin te/ de bas na rang kho nas yang dag par rig pa ni rang gi yang dag par rig pa'o// de ltar yang phra la shes dka' drang srong chen po'i lam// mi rtog rtog yul ma yin blta bar dka'// rang bzhin zhi zhing 'gag med 'byung ba med// mkhas gsal shes pas khong du chud pa yin// ngo bo nyid med zhi zhing sdug bsngal zad// rgyud las rnam grol mnyam par mya ngan 'das// mtha' dang dbus med
- 12b
tshig gas brjod du med// dus gsum grol ba rnam mkha' 'dra zhing brlangs// bde gshegs spyod yula'i zhing 'a ba 'i// smra ba'i lam rnams kun gyis brjod par dka'// de dgas dang spyod pa de'adra bas// slab dka' na bsnyen par gal nus// don bas ma las sems las rnam par spangs// ye shes mngon bsgrubargyal ba'i spyod yul te/ phung po skyel tshad khams kyi bskyed pa min// sems kyis mi shes yid kyi rnam ma brtags// ji ltar bar snang gnas kyi bya ma rjes// shin tu sa dka' bstan par ma rlom pa// de ltar bde gshegs sras kyis rnams kyang // yid dang sams yul gyis shes mi nus// 'on kyang byams dang rlung rje'i sngon lam gyis// de las thugs sem rim pa'i tshul bzhin du/ bshad par bya ste sems kyi spyod yum min// lenas tshul gyis rdzogs par bya ba'o// de 'dra'i spyod yul pra'o dkar ba// rang rig yin gyi brjod par mi nus byu / 'on kyang bde bar gshegs pa'i mthus brjod kyis/ sems can mthur par nan tan gyis de nyon ces gsungs so// de ltar bstan pa'i dadang pas de brjod du med par bstan na/ ci ste bong gi dra ltang shin tu med pas na brjod par mi nus sem/ 'on te yang du rag ra yang brjod par mi nus/ de la rdzogs dang bye sta na ni de brjod du med pa yin yang rang rig pa ma yin te/ med pa ni rig par bzhag par mi nus tenam mkha'i me tog la sogs pa/ bu'o// des na thal bar 'gyur ba dang / bzlog na gnod pa med pa'i phyir de ni ma grub bo// phyogs gnyis pa ltar na yang mi rigs te/ gang yod bzhin du brjod du mi nus pa ni mi rigs te/
- 13a
bum pa la sogs pa yang brjod du med par 'gyur ba'i phyir dang / brjod du med pa'i yod pa'i tha snyad nyid gang gi tshe su las yid ches par 'gyur/ bla ma la sogs pas kyang de nges pa bskyed par nus pa ma yin te/ brjod par nus pa ma yin pa'i phyir ro// de'i phyir so so rang gis rig pa ni mi 'dod pa nyid do zhe na/ tsaklags lta ba 'di don dam pa'i sgo nas sam/ 'on te kun rdzob kyi sgo can nyid dem 'jug par byed/ gal te don dam par na ni ji skad du smras pa bzhin te/ rang rig pa phra rab tsam yang kho bo yang khas mi len te/ de la rigs pa'i stobs bcom ste gnas pa'i mthu gang zhig la yod par 'gyur/ ci'i phyir zhe na sangs rgyas kyis mkhyen nas chos rnams ma gzigs phyir/ zhes kyang gsungs pas so// 'on te glags 'di kun rdzob kyi sgo nas so zhe na/ de ni glags su mi rung ste/ dngos po kun rdzob pa dag las kha cig ni brtags pa tsam ste bdag la sogs pa'o// kha cig ni rdzas su yod la bstan du rung ba ste bum pa la sogs pa'o// kha cig ni rdzas su yod kyang rang rig pa'i ngo bo byung ba tsam las bstan du med pa de tshor ba la sogs pa'o// de'i phyir rang gis rig pa de ni yod kyang bstan par mi nus pa'o// gal te bstan par mi nus pa'i rang rig pa de'i dbang du byas na gzhan gyi rgyud yod par mi 'gyur te/ de med na 'gro ba'i don bya bar mi 'jug pas theg pa chen po'i tha snyad dag med do zhe na/ rang rig pa ni mngon sum gyis grub pas skur pa mi gdab cing rgyud gzhan yod pa ni rjes dpag las khang du chud par bya ba yin pas na tha snyad ni mi 'jog go// 'di'i don 'di tshad ma'i gzhung de rnam pa bdun gyis shes pas 'dir mi dpyad do// gal te rang rig pa grub na de dag ni
- 13b
gzhan rig pa dang par tshun spangs pas 'gal ba'i ngo bo yin pas/ bcom ldan 'das rnams rang rig pa'i ye shes dang ldan pa ni rnam pa thams cad mkhyen par mi 'gyur te/ gzhan gyi rnam pa mi mkhyen pa'i phyir de mkhyen par ni rang rig pa'i ye shes mi 'grub po der/ sa bad pa'i bar du ring gnyis ji sad smras pa'i 'gal ba yin pas na/ de dag la rnam pa thams cad mkhyen par btags shing / rnal 'byor pa rnams kyi tha snyad ni sems can gdul ba'i dbang ma gtogs pa thams cad du rtogs pa dang mthun pa kho na yin zhes shes par bya ba'i phyir nye bar btags nas bshad de/ de lta ma yin na rnal 'byor pa'i rgyud la/ so so rang gis rig pa'i skad cig ma rnams ji ltar gzhan yid ches par byed pa'i mtshan nyid dag yin zhes 'chad par 'gyur ba'i don yang 'di nyid du gtan la phab pa'o// sangs rgyas kyi sa la ni 'gal ba de dag bsam par mi bya ste/ de ni bsam gyis mi khyab pas na/ grangs med pa la su zhig bgrang // tshad med pa la su zhig 'jal// khyod kyi yon tan grangs dang ni// mthul dpogs pa ma mchis so// zhes bstod pa'o// ye shes kyis zhes bya ba ni rang rig pa rnam par mi rtog pa'i ye shes kyis so// rnam par mi rtog pa zhes bya ba 'di ci zhig yin/ gal te rang bzhin gyis ni mi rtog pa'o// zhe na/ de ltar na ka ba la sogs pa bems po rnams ye shes su 'gyur te/ 'phags pa lha'i zhal snga nas kyang / gal te ye shes mi shes na/ shing ni ye shem yin par thal zhes bshad do// 'on te rtog pa dang dpyod pa las la 'das pas der bzhag na ni bsam gtan gnyis pa la sogs pa yang der 'gyur te/ de dag la rtog pa dang dpyod pa med pa'i phyir ro// yang sems dang
- 14a
sems las byung ba rab tu zhi bas der bzhag na ni 'gog pa'i snyoms par 'jug pa yang der 'gyur ro// rkyen gyis yun du mi 'dzin pas der bzhag na ni rgyal ba la sogs pa yang der 'gyur ro// 'on te mi rtog pa'o snyam sems pas rtog pa gzhan ma skyes pas der bzhag na ni/ de nyid rtog par red pas mi rtog pa ga la yin zhe na/ de dag ni 'dir mi bsam gyis so sor rtog pa'i shes rab kyis yun ring por dngos po rnams la bltas pa las/ dngos po'i cha shas phra rab tsam yang mi dmigs par nges par bags kyis brtan par 'gyur zhing / nam zhig na yul gang la yang rnam par mi rtog cing rang bzhin gyis 'od gsal ba'i ye shes kyi snang ba rab 'byam tshad med pa rang gis rig pa de skye ba ni rnam par mi rtog pa'i ye shes te/ tshu rol mthong ba rnams kyis cung zad kyang ma myangs pas na ji ltar na nges par byed nus te/ khyab dang dbang la sogs ma myong / dpag tu med par gnas pa'i rgyu// 'jig rten spyi bor gyur pas kyang // myong bar gyur pa ma yin pa// yang dag bdud rtsi dag pa 'di// thugs rje dag pa'i rgyu can gyi// de bzhin gshegs pa ma gtogs par// gzhan gyi longs spyod ma yin no zhes bstan te/ de bzhin gshegs pa'i rjes su 'brang ba rnams kyis ni ci rigs su myong ba nyid do// ye shes 'di ni rgyu las dpags te nges par yod par yid ches par bya'i/ bum po la sogs pa'i dngos po ltar gsal por gzung bar ni nam yang mi nus pas na slob dpon gyi zhal snga nas kyang / sgom pa'i stobs grub nas kha cig ni nor bu dang dngul la sogs pa'i shes pa bzhin du 'khrul pa'i mtshan ma mtha' dag spangs pa sgyu ma lta bu'i bdag nyid du snang ba'i blo rnam par mi rtog pa so so rang gis rig par bya ba
- 14b
ci zhig lhur yang dag par skyes nanal 'byor pas shes bya'i sgrib pa yang dag par spong ngo nas 'char pa yang don 'dir gapar la phab pa ste/ ci zhig ltar shes bya ba ni bstan par mi nus pa'i tshig nyid do// gal te so sor rtog pa'i shes rab la goms pa'i rgyu las 'bras bu rnam par mi rtog pa'i ye shes 'byung na/ chu ni rnam par rtog pa nyid yin la de'i 'bras bu de las bzlog pas rgyu dang 'bras bu 'gal bas na ye shes de rgyu ma yin pa las byung bas gang las kyang de 'byung ba 'am/ chu med par ji ltar mi 'byung zhe na/ ji ltar na 'di rgyu ma yin/ so sor rtog pa na yang spros pa med par mos pas zhugs la 'bras bu'i skabs na yang spros pa med pa nyid thob bo// phyogs ma lus pas rgyu dang 'bras bu khyad par med na ni rgyu dang 'bras bu yang ji ltar 'gyur/ rgyus kyang ci zhig bya ste/ phyogs 'ga' yi rjes su 'gro bas kyang rgyur 'dogs so// gzhan yang 'phags pa sdug po bkod pa las kyang / rwa las lan tshar gyur pa dang / 'dam bu las kyang sgrog par 'gyur// mi gtsang srin bu la sogs las/ sbrang mar 'gyur gzhan mi 'dra mang // rgyu dang 'dra ba'i 'bras bu ni// sa rnams gang na'ang mi snang ste// gyur pa rgyu las 'bras bu 'byung zhes gsungs la/ tsan dan gyi shing las me byung ba'i dpes mi 'dra ba'i rgyu las mi 'dra ba'i 'bras bu 'byung ba yang chos rnams kyi chos nyid bsam gyis mi khyab pas kyang 'di la gnod pa med do// de ltar rang rig pa rnam par mi rtog pa'i ye shes ni 'thad pa nyid na/ de mi rtog bzhin du ji ltar na shes rab kyi pha rol tu phyin pa'i yul can gyi rab tu dang ba zhes bzhag/ dang ba ni sems las byung ba dad pa yin no zhe na/ 'di'i don ni sngar smras te/ rnam par mi rtog pa'i ye shes
- 15a
kyi yum 'di nges par byas nas/ de'i rjes las thob pas ji ltar bzung ba la rab tu dang bar byed pa ste/ mig gis mthong ba'i gzugs dag la yid kyis rjes su chags pa lta bu'o// yang na so so rang gi rig pa'i ye shes kyi yul can shes rab kyi pha rol tu phyin pa la rab tu dang bzhes gzhan du sbyar ba la nyes pa med do// lhag ma rnams ni go sla ste/ cung zad dun 'dir phyag 'tshal ba'i dgos pa ni bdag nyid dam pa'i grangs su rdzog par gzhan gyis shes pa ste/ de'i yang dgos pa ni rang gis brtsams pa'i tshig le'u byas pa la gdul bya rnams 'jug pa'o zhes dgongs nas phyag 'tshal ba'o// gcig dang du ma'i ngo bo nyid dang bral ba zhes bya ba la sogs pa'i tshad mas zhes pa ni/ bdag dang gzhan smras dngos 'di dag/ yang dag du na gcig pa dang / du ma'i rang bzhin bral ba'i phyir// rang bzhin med de gzugs brnyan bzhin zhes pa dang / dngos po gang gang rnam dpyad na/ de dang de la gcig nyid med// gang la gcig nyid yod min pa/ del dum nyid kyang med// gcig dang dum ma rtogs par// rnam pa gzhan dang ldan pa yi// dngos po mi rung 'di gnyis ni// phan tshun spangs te gnas phyir ro// zhes bstan pa ni gcig dang / duma'i ngo bo nyid dang bral ba zhes bya ba'o// sogs pa zhes bya ba ni rdo rje gzegs ma// rang las ma yin gzhan las min// gnyis ka las min rgyu med min// dngos po gang dang gang la yang // ba nam yang yod ma yin// zhes bya ba dang / rten cing 'brel bar 'byung ba'i rigs pa/ rkyen las skyes pa gang yin dem skyes// dal ra ba nyid kyis sgrib med zhes bya ba la sogs pa dang
- 15b
gzhan yang skye med rab tu ston nus pa// du mas dngos po gcig mi byed ces pa la sogs pa rnams so// tshad mas zhes bya ba ni gdod ma nas ma skyes pa la yid ches par byed pa'i rgyu gtan tshigs de dag nyid 'jal bar byed pas tshad ma zhes kyang bya ste/ de bzhin du tshul bzhin yid la byed pa'i dbang las rig pa zhes bstan cing / blo dngos po dang mthun par sgrub cing der 'dren pa'i phyir na sgrub pa dang / 'dren pa nyid du bstan to// de yang dang po nyid du chos nyid kyi rig pa la mos par bya ste/ de nyid la the tsam la sogs pa srid na rig pa gzhan gyis de la nges par bya ste/ de nyid la rten par rigs te/ 'di ni yid ches par byed pa lag bo ste dngos po'i stobs las 'ongs pa ni sus kyang 'gal bar bya ba ma yin pas so// de'i phyir bstod par byed pa la las// rnam grol nang na mi g.yo ltar// rig pa'i nang na chos nyid ltar// shes rab nang nakun mkhyer ldan// khyod ni lus can kun gyi mchog/ ces bstod pa brjod do// bzhi dang / lam dang / rnam pa zhes bya ba ni 'chad par 'gyur ba las gsal lo// skye ba med pa yongs su shes pa'i don can gyi tshigs su bcad pa'i mtshan nyid kyi yum la gnod pa ma mthong nas zhes bya ba la/ skye ba med pa yongs su shes pa'i don can zhes bya ba ni/ skye ba med pa yongs su shes pa'i don dang ldan pa ni yum ste/ yum de yang 'dir tshigs su bcad pa gcig gis mtshan nyid bstan pa ste/ mtshan nyid ni nus pa'i mtshan nyid gtso bor byas pa'o// de ltar yum skye ba med pa yongs su shes pa dang ldan pa sras gsum skyed par nus pa'i mtshan nyid 'di la skye ba yod do zhe'am/ sras gsum bskyed pa'i mtshan nyid dang mi ldan no zhes rig pa 'ga' zhig gis gnod pa yod par ma mthong ba ni/ yum 'di'i chos nyid de nyid yin pa'i phyir te/ rgyu mtshan gzhan gang gis
- 16a
kyang btsan thabs su ni de ltar bsgrub par mi nus pas so// nas zhes pa ni phyir zhes pa'i dor te// shes rab kyi pha rol tu phyin pa thams cad mkhyen pa nyid gsum gyi bdag nyid tshul gsum pa can ni zhes pa la/ 'dir shes rab kyi pha rol tu phyin pa zhes bya ba ni khyad par gyi gzhi'o// de'i khyad par ni thams cad mkhyen pa nyid gsum gyis bdag nyid zhes pa smos te/ yum de yang kun rdzob tu yang dbyer med pa'o snyam pa dgag pa'i phyir dang / sras gsum cang skye bar bstan pa'i phyir tshig 'di smos te/ sangs rgyas rnams dang rang sangs rgyas// nyan thos rnams kyis nges bsten pa'i// thar lam khyed nyid gcig pu ste// gzhan zhes bgyi ba ma mchis des shes bstod pa dang / nyan thos kyis la slob par 'dod pas kyang shes rab kyi pha rol tu phyin pa 'di nyid la bslab par bya'o// zhes pa la sogs pas gsungs la/ yang rgyal ba'i yum par ma las kyang / shes rab kyi pha rol tu phyin pa 'di las ni theg pa gsum po nyan thos kyi theg pa dang / rang sangs rgyas kyi theg pa dang / yang dag par rdzogs pa'i sangs rgyas kyi theg pa rnams rgya cher bstan to zhes gsungs so// de ltar na yum 'di ni nyan thos dang rang sangs rgyas rnams bskyed pas gang zag la bdag med pa tsam zhig yin la/ byang chub sems dpa' dang / sangs rgyas rje btsun rnams bskyed pas gang zag dang chos la bdag med pa nyid yin la/ de ni 'phags pa dam pa'i chos dran pa nye bar bzhag pa la sogs pa dang / 'phags pa sdong po bkod pa la sogs pa las kyang bstan pas/ bstan pa 'di la yang don lhag ma med pa la yum 'di la yang rang rang gi rtogs pa las lhag pa'i rmad du byung ba ci zhig yod snyam na/ de gsal ba'i phyir tshul gsum pa can ni zhes bya ba smos te/ 'dir don ni yum la thams cad mkhyen pa nyid gsum du phye ba ni rang bzhin gsum du bye ba ma yin te/
- 16b
dbye bar mi nus pa'i phyir ro// 'o na ci zhe na/ gdul bya'i bsam pa'i dbang gis sras gsum gyis yum yin no zhes bstan gyi/ rnam par nges pa'i dbang du byas pa'i tshe ni sangs rgyas rje btsun kho na'i yum yin gyi/ nyan zothos dang rang sangs rgyas g.yung po la sogs pa lta bu bud med rin po che lta bu'i yum 'dis ga la bskyed/ de'i phyir 'di'i mthu che ba ni 'gro ba ma lus pa sangs rgyas bcom ldan 'das chos kyi rgyal po kho nar bsgrub pas na rab tu/ 'jug pa'i rim pa la sogs pa tsam zhig gtso bor bstan pas gzhung phyogs gcig pa'o// 'phags pa sdong po bkod pa la sogs pa de dag du yang theg pa chen po'i bya ba'i tshul dang 'bras bu la sogs pa gtso bor bstan gyi nyan thos dang rang sangs rgyas rnams kyi lam dang 'bras bu ni ma bstan to// de'i phyir de dag kyang gzhung phyogs gcig pa'o// rgyal ba'i yum 'dir ni rigs thams cad kyi bstan pa bsgrags pas na gzhung chen po shin du rgyas pa'i sde yin te/ don 'di nyid la brten te/ gang yang dag par skyon med pa la zhugs pa de dag ni bla na med pa yang dag par rdzogs pa'i byang chub tu sems bskyed pa'i mthu med de/ de ci'i phyir zhe na de dag gis 'khor ba'i rgyun gyi mtshams bcad pa'i phyir/ 'on kyang de dag gal te bla na med pa yang dag par rdzogs pa'i byang chub tu sems bskyed na de dag la yang rjes su yi rang ngo // khyad par du 'phags pa'i chos rnams las khyad par 'phags pa'i chos rnams 'thob par 'gyur ba de dag gi dge ba'i phyogs la kho bo ni bar chad mi byed do zhes gsungs pa la/ slob dben nyid kyi zhal snga nas kyang 'chang par 'gyur ba las de'i
- 17a
don bstan pa/ theg pa gsum rnam par bzhag pa'i dgongs pa can yid gyi mtshan nyid pa ma yin no// zhes lugs las 'byung bas/ skye bo thams cad bla na med pa yang dag par rdzogs pa'i byang chub kyi mthar thug pa yin te/ de'i phyir 'dod chags dang bral ba dang gcig shos kyi rnal 'byor pas kyang sangs rgyas nyid thob par bya ba'i phyir lam shes pa nyid bsgom par bya ba yid pas khyab pa yin no zhes bstan pa yang 'di nyid du gtan la phab pa yin la/ 'dad par byed pa las de lta na phyag 'tshal ba dang / bstod pa sngon du 'gro ba'i bstan bcos mngon par rtogs pa'i rgyan zhes bya ba la sogs pa brgal ba dang lan rnams kyang 'di nyid du gtan la phab par shes par bya'o// de'i phyir tshul zhes bya ba'i sgra ni rang bzhin gcig kho na las med par rkyen gzhan kha cig gis du mar snang ba'i dum nyid ji snyed pa ni 'dir tshul gyis sngas bstan te yum 'di la thams cad mkhyen pa nyid gsum du bye ba yang rang bzhin phye ba ni ma yin te/ 'jig rten mgon pos thugs rje yis// lus can rnams la bstan slad du// tha snyad mngon du mdzad nas ni// / khyod ni bstan cing bstan ma lags// zhes slob dpon gyi zhal snga nas rnam par mi rtog par bstod pa las bstan to// de ltar na du mar snang ba gcig nyid du sgrub pa ni tshul gsum pa can ni zhes bya ba yin la/ gcig du mar ston pa'i mthu dang ldan par brjod pa ni thams cad mkhyeran pa nyid gsum gyi bdag nyid ces smos pas so// de lta bu'i mthu'i ngo bo de su'i snyam pa la/ shes rab kyi pha rol tu phyin pa zhes smos pa ste/ don gyi go rims ni de ltar blta bar bya'o// chu'i gtso bo zhes pa ni byed pa'i rgyu nyid do// de la thams cad mkhyen pa gsum gyis ni don brgyad bsdus la/ de ni shes rab kyi pha rol tu phyin pa yin no//
- 17b
des kyang 'chang bar 'gyur ba'i tshul gyis don thams cad phun sum tshogs pa yin no zhes de ltar thugs la bzhag nas zhes bya ba la/ dngos po brgyad du rnam par phye ba de dag ni dngos kyi tshul du dpyad na rnam pa thams cad mkhyen pa nyid kyi skabs zhes gcig kho nar gdags par rigs te/ de ci'i phyir zhe na/ sngar bstan pa'i rigs pas lam thams cad ni 'bras bu rnam pa thams cad mkhyen pa nyid gcig pu rgud pa'am/ dngos su bsgrub pa'i phyir ro// de bas na slob dpon gyi zhal snga nas 'chad par 'gyur ba las rnam pa thams cad mkhyen pa nyid ni sangs rgyas nyid kyilam ste mngon par rtog pa thams cad nye bar mtshon pa lhur len pa yin no zhes smos pa yang 'dir bstan pas chog go// 'on kyang sman pa la mos pa kha cig ni 'tshang rgya bar nges kyang bdag ni byang chub chen po'i snod ma yin no// zhes bdag la rnam par smad nas spyad pa spyod la kha cig ni 'tshang rgya ba'i phyir spyad pa spyod kyang 'bras bu ma thob pas lam la gnas pa yin la/ kha cig ni yun ring mo nas bzhed pa'i don yongs su grub pas/ chos kyi rgyal po srid pa gsum gyi bdag por dbang brnyes pa nyid de/ de de ltar thams cad gsum du bsdus pas na skabs brgyad du phye ba yang skabs gsum du bsdu bar shes par bya ba'i phyir/ de la thams cad mkhyen pa gsum gyi don brgyad bsdus la de ni shes rab kyi pha rol tu phyin pa yin te zhes bya ba smos so// de ltar na skabs gcig ce 'am gsum zhes mi bzhag par dngos po brgyad nyid skabs brgyad kyis brjod par bya ba rnam par phye ba 'di ci la dgongs zhe na/ don 'di ni 'og nas ston par 'gyur bas 'dir mi bsam mo// da ni dngos po brgyad thams cad mkhyen pa nyid gsum du ji ltar bsdu ba cung zhig 'dir brjod de/ dang por zhig gang zag dbang po brtul po rims kyis sangs rgyas nyid 'thob pa'i rim pas dang por nyan thos kyi 'bras bu'i dbang du byas te/ rnam pa thams cad mngon par rdzogs par rtogs pa'i rnam pa thams cad mkhyen pa'i
- 18a
rnam pa'i dbang du byas te/ byang chub kyi phyogs kyi chos sum cu rtsa bdun lam bdun du bsdus pa 'di nyid bzhir bstan to// de nas de la rnam pa ji snyed cig yod ces rtog pa la/ mthong ba'i lam gtso bor byas te/ rang gi rnam pa bcu drug med pas na gdul ba med pa'i bar du shes par bya'o// de'i mtshan nyid ji lta bu zhes rtog pa la ni mtshan nyid nyi shu bstan pa'o// de dag gi sbyor ba'i lam gang zhe na zhes rtog pa la ni/ 'phags pa nyan thos lam la ni zhes pa la sogs pa dang / gzugs sogs de mi rtag sogs dang zhes pa la sogs pa gsungs so// sbyor ba'i lam las ni mthong ba'i lam 'byung bas na/ skabs gnyis pa dang gsum par mthong ba'i lam rnam pa dang bcas par bstan to// 'bras bu ni 'dir ma bstan te go slabs sam rang gi gzhung la bltos pas sam/ don gzhan yin yang gdam dag gi skabs su dbang po brtul dang rnon po dag ces bya ba la sogs pas thun mong du bstan du rung ba'o// thams cad shes pas bsdus pa rang sangs rgyas rnams kyi dbang du byas te/ skabs gnyis pa las sbyor ba'i lam dang / mthong ba'i lam dag khyad par dang bcas par bstan la/ skabs bzhi pa las de dag gi bsgom pa'i lam rnam pa'i sgo nas bstan te/ rang sangs rgyas kyi dbang du byas te de ni de tsam du zad do// de'i phyir skabs dang po dang / lnga pa dang / drug pa dang / bdun pa dang / brgyad pa las ni thams cad shes pa dang 'brel ba ma bstan te/ skabs gnyis pa dang / gsum pa dang / bzhi pa dag las bsdus pa'o// yon tan dang skyon dag ni 'di dag la mi sbyor te/ gtso bor ma byas pa'i phyir ro// thams cad shes pa'i skabs bsdus pa'o// lam shes pa'i dbang du byas te/ nyan thos dang rang sangs rgyas te de dag zhi ba'i dbyings nas langs te/ lam mchog shes par byed pa ni skabs dang po nas bstan pa'i sems bskyed pa thog ma dang / gnyis pa dang / gsum pa dang por byas te/ gdam dag la brten nas tshogs kyi lam
- 18b
phal pa sbyangs nas/ skabs bzhi pa las bstan pa'i thar pa'i cha dang mthun pa bskyed de/ skabs dang po nas ji ltar bstan pa'i nges par 'byed pa'i cha dang mthun pa dang / go cha dang / skabs bzhi pa dang / lnga pa las bstan pa'i sbyor ba'i lam sbyangs te/ de dag gi rtags thob par byas nas/ yang de yan chad rigs la gnas shing 'jug pa dang / rang gi skabs nas bstan pa dang / skabs lnga pa'i mthong ba'i lam gyi rnam par rtog pa dag spangs nas/ yang nga gi gabs kyi bskal pa'i lam dang / chags dang / skabs lnga pa las ji ltar bstan pa ltar rnam par rtog pa rnams spangs te/ lam de gnyis rang rang gi rnam pa dang / mtshan nyid dang / rtags dang bcas par sbyangs nas/ yang skabs drug pa yongs su sbyangs te/ de nas sgom pa'i lam khyad par can skabs lnga pa las ji skad bstan pa gcer gyur pa skabs bdun pas dngos po kho nar bstan pa rnam pa dang bcas shing nges par 'byung ba'i sgrub pa'i ngo bo can de rdzogs par byed do// lam de dag thams cad la yang sems bskyed pa dang / rigs dang / gdam ngag dang / dmigs pa dang / ched du bya ba dang / yon tan dang skyon dag ni thun mong du ci rig par sbyar te/ 'di ni skabs brgyad pa las lam shes pa nyid kyi skabs bsdus pa'o// da ni sngar rnam pa thams cad mkhyen pa nyid ni mngon par rtogs pa thams cad nye bar mtshon pa lhur len pa ste zhes smos pa dang / skabs brgyad pa las rnam pa thams cad mkhyen pa'i skabs phyogs gcig tu bsdu ba cig car bstan te/ re zhig rnam pa thams cad mkhyen pa de ni rgyu la ma bltos par 'thob pa med pas de'i rgyu bstan pa la ma thams cad bsdus pa byang chub kyi sems bcu dgu rgyu'i ngo bor bstan to// de yang gdams ngag gis smin par bya ba byed pas gdams ngag bstan to// de yang gdams ngag gis legs par zind pa ni nges par
- 19a
'byed pa'i cha dang mthun pa yin pas de bstan to// nges par 'byed pa'i cha dang mthun par rigs la gnas pa yin pas rigs kyi dbye ba bstan to// rigs la gnas pa rnams la ni dmigs pa dang ched du/ byab bstan to// yang slar thabs gzhan gyis sbyor ba'i lam go cha'i bsgrub pa bstan to// yang sngar mthong ba dang / sdom pa dang / khyad par gyi lam gyi ngo bor 'jug pa dang / tshogs dang / nges par 'byung ba'i sgrub pa rnams bstan to// de'i 'bras bu ni sems bskyed pa tha ma gsum dang // skabs brgyad pa ril gyis bstan cing / skabs drug pa ni 'bras bu thob par bye ba la rab tu 'dris par byed pas lam spyir sbyar te/ de ltar ma kha cig ni rnam pa thams cad mkhyen pa'i rgyu'o// kha cig ni skabs bzhi pa nas bstan pa'i rnam pa dang mtshan nyid do// kha cig ni ngo bo dang / dbye ba dang / phrin las so// kha cig ni 'bras bu gzhan pas khyad par du bstan pa ste/ de'i phyir rnam pa thams cad mkhyen pa'i skabs kho nar skabs thams cad 'dus pas na 'og nas 'chad pa las kyang / rnam pa thams cad mkhyen pa nyid lam/ ston pas 'di las bshad par gang zhes lam gcig pu kho na 'bras bu dang bcas par bstan to// 'di ni rnam pa thams cad mkhyen pa'i skabs su skabs thams cad rab tu bsdus pa'i tshul lo// da ni zhar la bstan pa ni ngo bar skabs kyi bsdu ba gzhan bstan te/ re zhig skabs dang po gsum ni thos pa dang / bsam pa'i shes rab kyi skabs ma lus par skabs de dag tu drangs te bya bar bye ba ste dang po'o// skabs bzhi par ni ji ltar 'dris pa'i skabs gsum du bsdus pa rnams bsgom pa'i shes rab kyis goms par bya ba ste gnyis pa'o// skabs lnga pa ni bsgom pa cung zad grub pas bstan pa ste gsum pa'o// yang skabs drug pa ni shin du ringangadu
- 19b
'dris par byed pa ste bzhi pa'o// de bzhin du skapas bdun pa ni yun dang du 'dris pa'i dbang gis lhun gyis grub par skad cig gis sdud par mthar gyur pa ste lnga pa'o// brgyad pa'i 'bras bu ste drug pa'o// 'di ni 'chad par 'gyur ba las// mtshan nyid de'i sbyor ba dang / de'i rab de yig rim dang / de'i mtha' de yi rnam smin ni// don bsdus gzhan de rnam pa drug/ zhes bstan pa nyid drangs pa'o// yang skabs dang po gsum ni spring shes par bya ba yul tsam ste/ zos pa dang bsam pa dag gis skabs mtha' dag der bsres pa'i tshul gyis 'dris par bya ba yin no// skabs lhag ma bzhi ni legs par bsgom pas rnal 'byor du bya ba yin te/ de bzhin du ska pas tha ma ni 'bras bu yi pas mdor bsdus pa'i dbang du skabs gsum nyid do// de'i phyir yul gyi rgyu ni gsum dag dang // sbyor ba bzhi'i bdag nyid dang // chos sku phrin las 'bras bu ni// mdor bsdus gzhan ni rnam pa gsum// zhes bstan pa'i don nyid 'dir brjod pa'o// de bzhin du rnam pa thams cad mkhyen pa la sogs pa gsum ni las dang po pa'i sa nas brtsams te/ mthong ba'i lam dang / bsgom pa'i lam gyi bar du rim par skye ba 'jig rten dang 'jig rten las 'das pa'i dbang du byas la/ rnam pa kun mngon par rdzogs par rtogs pa la sogs pa rnams ni/ bden pa mthong ba nas yang bsgom pa'i lam gyi gnas skabs na sngar ji ltar mthong ba rnams la slar yang 'dris par byed pas ni 'jig rten dang 'jig rten las 'das pa'i dbang du byas pa yin te/ de'i// phyir 'chad par byed pa las rnam pa dang / lam dang / gzhi thams cad rnam par bsgom pa'i dbye bas go rim bzhin du rnam pa thams cad mkhyen pa nyid la sogs pa mngon par rtog pa rnam pa gsum la/
- 20a
'jig rten pa'i nges par 'byed pa'i cha rtogs pa sngon du 'gro bas 'jig rten las 'das pa'i mthong ba'i lam dang / bsgom pa'i lam rtogs pa yin la/ rnam pa kun mngon par rdzogs par rtogs pa la sogs mngon par rtogs pa rnam pa gsum la ni/ bsgom pa gong nas gong du gnas skabs kyi khyad par gyis rnam pa thams cad du khyad par gyi lam gyis bsdus pa'i ye shes zag pa med pa chung ngu dang 'bring dang chen po'i rim gyis skye ba yin pas gcig car skye ba dgag pa'i phyir/ nges par 'byed pa'i cha la sogs pa bstan pa gsungs pa yin no zhes bya ba smos te/ nges par 'byed pa'i cha dang mthun pa yang nye bar mtshon pa ste/ dran pa nye bar gzhag pa la sogs pa yang nges par 'dris par slar byed pa'i phyir ro// de bas na 'chad par byed pa las/ nges 'byed yan lag dang mthong ba'i// lam dang bsgom pa'i lam dag la/ yang dang yang du sems pa dang // 'jal dang des rtog sgom pa'i lam/ zhes bstan pa yang dran pa nye bar gzhag pa la sogs pa yang bsdu bar rig par bya'o// de ltar bstan pas kyang skabs gsum ste// slob pa'i skabs dang / bslab pa brtan par byed pa'i skabs dang / brtan par gyur pa 'bras bu'i skabs so// 'o na skabs gcig kho na dang / gsum dang drug tu yang bstan la don gyi dbang gis na skabs gnyis kyang yin par nges te/ 'di ltar rgyu'i skabs dang / 'bras bu'i skabs so// de ltar nges par bya nus bzhin du 'phags pa byams pa'i zhal snga nas ci'i phyir skabs brgyad la sogs pa nges par bstan cen/ don 'di yang 'og nas 'chad par 'gyur ro// de ltar na skabs kyi don phal cher 'dir bshad pa ni thams cad mkhyen pa nyid gsum gyis don brgyad bsdus zhes bstan pa'i skabs 'dir cig car kho nar bstan pa ste/ bzung
- 20b
bal tshogs med par bya ba'i phyir ro// 'dir skabs ji snyed du bstan kyang 'jug par byed pa rnams kyis ni rgyu mtha' dag phyogs gcig tu shes par bya ba dang / de'i 'bras bu gang yin pa'ang shes par bya ba gnyis kho nar nges te/ ngor 'di'i tshul yang 'og ras mdor 'chad pas 'dir mi bsapa ste/ 'on kyang skabs kyi don gyis thor ma par 'khrugs par myi bya'i/ rim gyis 'brel bas yid dge bar gnas pa la ni bde ba 'thob par bya'o// rnam par thar pa cung zad tsam zhig gis lhag pa'i zhes bya ba ni/ rang sangs rgyas 'di dag ni sdod kyi 'jig rten rnams 'jig pa dang chags pa'i dbang gis rtogs pa smra ba dang / thams can kyi 'jig can pa'i yang lus ni ba tu jig pas bdag za par dgas pas dmas la bdag med pa'i thugs gcig kyang du chud pas chags bltag pas/ de dbang nga byas te/ gzung ba'i rtog pa nyams phyir dang // 'dzin pa ma spong phyir dang ni// ner gyis bse ru lta bu'i lam// zab pa nyid du mngon par brjod// ces bstan to// 'phags pa rnam par 'jigs su rung ba lung bstan pa'i mdo las rang sangs rgyas rnams kyi rtogs pa gang zhe na/ 'di ltar de dag gis ni chos kyi dbyings mtha' dang dpung med pa bdag med par rtogs so zhes gsungs pa yang chos kyi dbyings dang mnyam pa'i gzung ba'i gzugs kyi phung po las bdag med par rtogs pa ste/ 'dzin pa'i ngo bo phung po lhag ma bzhi la ni ma yin te/ 'khor ba rnams su ni rgyun rab tu rtag pas bdag med ces de dag gis ye shes mi 'jug pa'o// phung po lhag ma dang bcas pa zhes pa ni phung po nyid lhag ma ste/ 'jig rten dag na yang zad du nye ba'i dngos po tha ma la lhag ma zhes grags so// de dang bcas
- 21a
pa ni 'phags pa de dag gis de ma spangs pa'o// de nas gang gi tshe 'phags pa de dgra gis phung po'i khung bor ba de'i tshe ni phung po'i lhag ma med pa ste mdo las bdag khung bor ba'o zhes gsungs pa yang lags par bong ba yang 'di nyid// blugs bamal la las ni lhag ma'i sna mi smras so// dziska da du bstan pa'i mtshan nyid kyi mya ngan las 'das pa ni las dang nyan mongs pa'i 'bras bu'i mazhibs na mya ngan las 'das pa ste/ dA ba tA ba zhes skad kyi byings las 'don pas so// 'dir phyi rol gyi don du smra ba dang / shes bya nang gi nyid du 'dod pa dag gis ni slar srid pa'i sa bon med pas de dag ga' zhig skye ste/ lus bsheg tshe rab bsil bar 'gyur// 'du shes 'gag shing 'du byed ni// rnam par shes pa nu gyur pa// 'di 'dra 'di ni sdug bsngal mtha' ces pa la sogs pa yang brjod do// de dgag pa ni 'phags pa lang gags pa dang / nga la byung sa pa 'di nga ma la m-i sa las pa stan // rdul ba rgyad pa pas par thu / dngos po ma da da pa / rgyun ma shi rna bye brag dag snang ste mang me la sogs pa'o// kha cig ni nam yang mi skye zhing de nyid kyis 'gag pa med pa'i ming tsam pa ste/ na mkha'i me tog la sogs pa'o// kha cig ni skye ba la sogs pa dmigs pa gtan med par mi 'gyur ba ste/ 'gro ba'i sems kyi khyad par ro// de'i phyir ma brtags pa tsam gyis dga' bar byed cing brtags pa na chu shing gi snying po ltar med pa nyid kyis sems dang / de yongs su dag pa'i ye shes kyi sgyu ma tsam 'di ni nam yang med par mi 'gyur la/ de yang dmigs pa'i rkyen la sogs pa med par ni mi rung bas na de dag gis legs par ma smras pa nyid do// de bas na 'khor ba ji srid par 'gro ba'i don byed
- 21b
pa'i byang chub sems dpa' rnams zhes smos te/ kha cig log par lta ba kho nas sangs rgyas bcom ldan 'das rnams kyi ye shes kyang ming tsam du zad de/ bar chad med pa'i ting nge 'dzin gyi rjes la ye shes ni dngos su med cing de bzhin nyid rnam par dag pa tsam du gyur to zhes smra ba 'dis gsal lo// ji lta zher/ de bzhin nyid dag ces bya ba ni chos can ye shes rnam par dag pa'i dbang gis de dang tha mi dad cing de nyid kyang ma yin pa'i de bzhin nyid de dag go// zhes kun rdzob nye bar bzung ste brjod pa lta zhig na/ log pa'i lta ba'i mtshon gyis ye shes rab tu bcad pa khyed kyi de bzhin nyid de dag gang gis bzhag/ gal te chos can la ma brten pa'i de bzhin nyid yod par gyur na go ji ltar 'phags pa dgongs pa nges par 'grel pa las/ gal te don dam pa'i bden pa kun rdzob kyi bden pa las gzhan yin na/ de'i tshe don dam pa chos rnams kyi spyi'i mtshan nyid du mi 'gyur zhing / don dam pa de mthong bas rnal 'byor pa rnams kyi nyon mongs pa spong bar yang mi 'gyur te zhes bya ba la sogs pa gsungs pa'i glags su yang nges par 'gyur ro// gzhan yang gal te de bzhin nyid dag pa ste 'gro ba rnams kyi de bzhin nyid rnam par ma dag pa dag dang tha dad pa ni chos kyi dbyings cha shas gnyis su ji ltar mi 'gyur/ gal te tha mi dad na de'i tshe mngon par byang chub par gyur kyang 'gro ba phal pa las ji ltar de 'phags/ gzhan yang nyon mongs zad pa'i dge slong gis/ 'khor ba gal te rnam ldog na// rdzogs pa'i sangs rgyas rnams kyis kyang / ci'i phyir de yi rtsom mi bshad// rtsom pa yod na nges par yang // lta bar 'gyur ba yongs su 'dzin zhes bstan pa'i klags kyang nges par gnas te/ de'i phyir bdag dang gzhan phung bar byed pa'i thabs su gyur palta ba ngan pa'i dgon pa chen po 'di lta bu ni mkhas pa dag gis mnyam pa'i yul du yang mi 'os par spang ngo // spyod pa'i gnyen por zhes pa ni 'dod chags la spyod pa la sogs pa rtsa ba'i sgo
- 22a
pa bzhi dang / rer yang bye bas brgyad khri bzhi stong rnams so// de dag gi gnyen por gyur pa ni thub pa chen po chos kyi 'khor lo ma lus pa ste chos ni bstan pa'i chos gtso bor byas pa'o// 'khor lo ni gang la bya'i rgud la 'pho bar snang bas na'am/ tshogs kyi don gyi phyir 'khor lo ste sgra'i dod de dag dang nye ba'i phyir ro// ma lus pa ni chos kyi phung po brgyad khri bzhi spong ste/ de la chos kyi phung po gcig gi tsha ji tsam zhe na/ de gcig la ni tshig le'ur byas pa stong pa nyid do// tshigs su bcad pa re re la yang yi ge'i 'bru sum cu rtsa gnyis nyid do// de ltar na chos kyi phung po thams cad la ni tshigs su bcad pa bye ba phrag brgyad dang / yang 'bum phrag bzhi bcur 'gyur ro// 'di ni re shig thud mong gi grangs su bgrang ba'o// theg pa bla na med pa'i dbang du byas te/ dbang po'i glang po che rab brtan gyis bkur bar 'os pa'i snag chas ni chos kyi phung po gcig 'dri bar nus so zhes gsungs te/ de ltar byas na mdo gang dag las 'phags pa lha byin gyis glang po che lnga stong gis bkur bar bya ba'i glegs bam rnams kha don du brjod par byed do zhes gsungs pa 'di yang rig par 'gyur ro// chos kyi phung po ji snyed yod pa nyid na ci'i phyir deng sang 'dzam+bu'i gling na rab tu mi snang zhe na/ kha cig ni 'jig rten gyi khams gzhan na rnam par spyod cing gzhad yang phal cher klu rnams kyi gnas na spyod pa ste/ bstan pa rin chen mchog ltar bzang la phan med par// rnam par dag tshul gang yin klu mgo gdengs ka can// chen po rnams kyi gtsug gi rgyan bzhin gus mnas nas/ sa yi gting na gnas pa'i rab ribasel bar mdzad ces bstan pa'o// chos kyi phung po de dag kyang sde snod gsum nyid du rnam par bzhag ste/ mda'i sde dang / dbyangs kyis bsnyad
- 22b
pa'i sde dang / lung du bstan pa'i sde dang / tshigs su bcad pa'i rnga dang / nad du brjod pa'i sde dag ni 'phags pa nyan zas rnams kyi ma snga' lnga snod du bsdus pa'o// gleng gzhi'i sde dang / rtogs pa brjod pa'i sde dang / delta bu byung ba'i sde dang / skyes pa'i rab dga'akhor dang bcas te ni 'dul ba'i sde snod du bsdus pa'o// shin tu rgyas pa dang / rmad du byung ba'i sde dag ni byang chub sems dpa'i mdo sde'i sde snod du gtogs pa'o// gtan la phab pa'i sde ni gnyi ga'i chos mngon pa'i sna sno du bsdus pa'o// snga snod de dag kyang sde snod gsum sem gnyis kyang yin te/ sde snod dag ni ga sum mes gnyis kyang rung // bsdus pa'i phyir ni rgyu ni dgur 'dod do// de ni bag chags rtogs dang zhi ba dang // rab tu rtogs las rnam par grol bar byed// mdo dang chos mngon 'dul ba dag/ 'dor na don ni rnam bzhir 'dod// blo dang ldan pas de shes nas// rnam pa thams cad mkhyen pa thob// gnas rnams dang ni mtshan nyid dang // chos don smos phyir mdo yin no// mngon du'i phyir dang yang yang dang // zil gnon rtogs phyir mngon pa'i chos// lhung dang 'byung dang ldang ba dang // nges par 'byung dang gang zag dang // bcas pa dang ni rab dbye dang / rnam par nges phyir 'dral ba nyid ces bshad pas so// de las rgyal ba'i yum rje bcu ni 'bum ldan ma la sogs pa 'di dag ni theg pa chen po'i sde snod byang chub sems dpa' rnams kyi mdo shin tu rgyas pa'i sde snod du bsdus pa yin par shes par bya'o// yum 'di nyid la mchod pa dang bstod pa la sogs pa byas pas ni gzhung
- 23a
gzhan la mchod pabs ches bsod nams khyad par du 'phags shing 'di la mgus pa yang de ltar rab tu mi bzad de/ ji skad du/ 'gro ba de gnas min la skrag pa gdung byed 'gyur// bsod nams ma yin phung chen bsag byas yun ring du// rigs med grogs ngan dge sngon ma bsags blo ma sbyangs// chos 'dis skrag 'gyur 'di ni don chen 'di las lhung zhes gsungs la/ blo chung de yis thos nas 'di ni spong byed de// spangs nas skyabs med gyur pa de ni mnar med lhung zhes gsungs shing mtshams med pa'i las byas pa las ches yum 'di spong bar byed pa ma rungs so zhes rgyal ba'i yum rgyas par bstan pa dag las gsal bar gsungs so// ma lus pa rnam pa thams cad du bskor ba mdzad pa zhes bya ba ni/ kha cig na re dang po ni ri dwags kyi nags su 'phags pa kauN+Di n+ya la sogs pa la bden pa bzhi'i chos kyi 'khor lo bskor te 'di ni dman pa'i chos kyi 'khor lo'o// de nas ni rgyal po'i khab tu bya rgod kyi phung po'i ri la snying po dang mngon par rtogs pa'i don ston pa'i chos kyi 'khor lo bstan te/ de ni dgongs pas bshad pa'i 'khor lo gnyis pa/ yin pas na/ lha'i bu dag gis smras pa/ kye ma a la la 'dzam+bu'i gling du chos kyi 'khor lo gnyis pa bskor ba mthong ngo zhes smras pa'i phyir ro// de'i 'og tu ri ma la ya la sogs par chos mngon pa gtan la phab pa'i sde snod mtshan nyid gsum rnam par phye bas nges pa'i don bstan pa'i chos kyi 'khor lo bskor te/ 'di ni chos kyi 'khor lo ma lus pa rnam pa thams cad du bskor ba'o zhes zer ro// de dag gis ni legs par ma smras te/ ji lta zhe na/ thub pa chen pos ni de ltar rim gyis chos bstan pa med de/ ji skad du 'phags de bzhin gshegs pa skye ba 'byung ba bstan pa las kyang / rigs kyi bu de bzhin gshegs pa
- 23b
rnams mngon par rdzogs par sangs rgyas nas/ sangs rgyas shin tu rnam par sangs rgyas pa zhes bya ba'i ting nge 'dzin la snyoms par 'jug ste/ ting nge 'dzin sangs rgyas shin du rnam par sangs rgyas pa la snyoms par zhugs ma thag tu sems can rnams ji snyed pa de snyed kyi sku kun tu gnas par 'gyur ro// sku ji snyed kyi gsung dang thugs dag kun tu gnas par 'gyur ro zhes gsungs la/ gzhan las kyang / kye nga rgyal sras khyod ltos shig/ 'dzam+bu'i gling rnams thams cad na// bde gshegs 'di na bzhugs snyam byed// bdag cag rnams ni 'di snyam du// ri rab rtse la bde gshegs sam// 'jig rten khams rnams gzhan na yang // sangs rgyas mtshar rmad re che zhes gsungs te/ rgya cher ni 'phags pa sum cu rtsa gsum pa'i mdo las shes par bya'o// gzhan yang lha'i bu rnams kyis chos kyi 'khor lo gnyis pa bsgrags pa nyid de'i dang po ni gang zhig yin/ 'phags pa kauN+Di n+ya la sogs pa la bshad pa'o zhe na/ rgyal ba bskyed ma'i gzhung rnam pa gsum car las kyang gnyis pa zhes smos na de'i tshe gang zhig dang por bya/ de'i phyir gnyis pa zhes bya ba ni lha'i bu de dag nyid kyis de'i sngar gang thob pa de tsam las gnyis par bzhag gi/ dang po nges par bden pa bzhi'i chos kyi 'khor lo zhes bya 'di la lung/ dang rig pa ci yang med do// gzhan yang chos kyi 'khor lo ni mthong ba'i lam mo zhes bstan pa yang nges pa med pa kho na sde/ chos kyi 'khor lo kha cig ni tshogs kyi lam mo// kha cig ni sbyor ba'i lam mo// kha cig ni bar chad med pa'i lam gyi bar ro// de bzhin du 'khor lo gsum pa ni dgongs pa can yin la/ 'khor lo gnyis pa rgyal ba'i yum ni dgongs pa can no// zhes bya ba 'di ni log par spyod pa ste/ gang zhig
- 24a
rig pas gnod par byar rung ba de ni nges pa'i don du bzhag cing lung dang rigs pas legs par grub pa ni drang ba'i don du bzhag pa 'di ni rab tu 'khrugs pa'o// 'on kyang don 'di ni dbu ma'i bstan bcos las gtan la phab par gyur pas 'dir mi bsam mo// de ltar na chos kyi 'khor lo ma lus pa rnam pa thams cad du bskor ba ni skad cig gcig kho na la bskor ba ste/ de la gdul bya rnams kyi dus su yun ring thung dang gsung tha dad par thos pa la sogs par zad de 'phags pa dam pa'i chos pad+ma dkar po zhes bya ba theg pa chen po'i mdo las kyang / sa ru ma nas 'thon pa'i byang chub sems dpa' rnams kyi sa bar gyi bskal pa nyi shu rtsa lngar btsem/ ldan 'das shAkya'i gtso bo la mchod par byas mod kyi/ dzam+ba gling pa la sogs pas ni phyi dro gcig gi yun du shes so zhes gsungs la/ bcom ldan 'das 'di ni yongs su mya ngan las ma 'das te da ltar gzugs kyi skur bzhugs shing 'jig rten gyi khams 'di 'jig pa na yang zhing 'dir rab tu dag par gnas la/ ma 'ongs pa'i bskal pa dpag tu med pa yongs su mya ngan las 'da'o zhes gsungs te/ de'i phyir chos kyi 'khor lo ma lus pa ma mtha' dag rnam pa thams cad du bskor ro zhes nges par gzung gi tshul 'di ltar bskor zhes dman pa'i 'du shes kyis ni nges par bya ba ga la nus te/ grangs med pa la su zhig bgrang zhes pa la sogs pa sngar smras pa'o// mtshan nyid kyi bstan bcos dag la zhes bya ba la gzhung gang dag las dngos po rnams sra ba la sogs pa'i mtshan nyid du yod pa don dam par ston// pa ni mtshan nyid kyi bstan bcos so// gang dag las don dam par mtshan nyid med par ston pa ni kun rdzob tu rang gi mtshan nyid tsam du gnas par ston kyang mtshan nyid brjod pa'i bstan bcos ma yin te/ kun
- 24b
rdzob ni dngos po ma yin par khas blangs pa'i don nges pa'i mtshan nyid ma yin pas so// rnam pa zhes bya ba ni kha dog dang dbyibs te/ me lce rnam pa dang me'i kha dog sprug pa la sogs pa'o// rtags zhes pa ni mtsha pang byed pa'i maHnam ste me'i dpal sogs pa'o// mtshan ma zhes bya ba ni rgya se mo'i shing la sogs pa'o// chos de'i yang de dag ma lus par snad cigag tsigagis mkhyen pa'i phying rnam pathams cad mkhyen pa'o// mi rtag pa la sogs pa zhes pa ni bden pa bzhi'i las rnam pa brgyad dang / de dag gi bden pa'i rnam pa brgyad do// theg pa thams cad kyis nges par 'byung ba zhes pa ni gdul bya'i dbang gis theg pa gsum char gyis yongs su mya ngan las 'da' ba ston pa ste/ ji skad du dge slong dag ngalan stong du ni nyan thos kyi mya ngan las 'da' bas mya ngan las 'das so// lan stong du ni rang sangs rgyas kyi mya ngan 'da' bas yongs su mya ngan las 'das so zhes gsungs la/ yang gsungs pa/ theg pa brlabs po ches ni skrag 'gyur zhing / 'di na sems can dman la mos rigs nas// / byang chub sems dpa' 'di dag nyan thos 'gyur// rang rgyal byang chub par yang rab tu ston zhes gsungs te/ rgyu mtshan de gtso bor byas te byang chub sems dpa'i sde snod las nyan thos dang rang sangs rgyas kyi lam bstan pa mdzad de de la 'dris pa tsam du bya ba'i phyir ro// de kho na nyid mngon sum du mi byed par rten pa zhes bya ba la de kho na nyid ni gang zag la bdag med pa'i mtha' zhi ba nyid de/ de mngon sum du mi byed pa ni sgom pas spang bar bya ba'i nyon mongs pa rnams ni mi spong ba'i phyir te/ de ma spangs pas na mya ngan las mi 'da' ste/ de'i phyir slob dpon gyi zhal snga nas kyang / nyan thos kyi lam
- 25a
de byang chub sems dpa' yongs su shes par bya ba yin gyi mngon sum du bya ba ni ma yin pas sgom pa'i lam ni ma bstan to zhes ston par 'gyur ro// bag chags kyi mtshams sbyor ba zhes bya ba ni/ bag chags nying mtshams sbyor ba yin te/ gang dag bag chags zad pa de dag ni yang srid par mtshams sbyor ba med pas so// yang na bag chags kyi mtshams sbyor ba ni bag chags kyi mtshams sbyor ba'o// zhes gsum pa'i bsdu ba'o// de spangs pa can yin no zhes bya ba ni zad pa dang ldan pa ste/ bral ba'i 'bras bu ston pa'o// de lta na yang srid par mtshams sbyor ba ni bag chags kyi rgyu can yin la// bcom ldan 'das 'di la de mi mnga' bas na rgyal po zas gtsang ma'i sras su gyur pa la sogs rgya gang zhig yin zhe na/ 'di ni thub pa chen po'i bya ba bsgrub pa'i ye shes la gdul bya rnams kyi kha dog dang dbyibs su rtags te/ 'di ni gzhon nu don thams cad grub pa'o zhes bya bar bzung bar zad kyi ci yang mtshams sbyor ba med do// de lta na rgyal ba'i yum bar ma las rab 'byor nga'i lus 'di ni rnam pa thams cad mkhyen pa'i ye shes kyi bzhi ste zhes gsungs pas sku de nyid ye shes su ma bstan pa ci'i phyir zhe na/ byis pa rnams ni rang gi mngon par zhen pa rab tu bstan pas na 'di nyid ye shes zhes brjod pas yid ches par rab tu dka' bas na bzhi'o zhes 'jig rten gyi mthun par 'jug pa tsam ste/ rang gi ngo bos ni ye shes nyid kha dog dang dbyibs su snang zhing ring bsrel la sogs par snang bas na 'phags pa dge ba'i rtsa ba yongs su 'dzin pa zhes bya ba theg pa chen pa'o mdo las myong / ngamis rigs rnams bzhag ma yin// skye ba'angadablangs pa ma yin zhing // de yi kha dag bye ba'ang min// gzugs kyi skulas dman pa med ces
- 25b
gsungs la/ slob dpon gyi zhal snga nas kyang / kun rdzob du ye shes kho na la longs spyod rdzogs pa'i sku la sogs par snang ba bskyed pa'i sgo nas don bya ba mdzad pa yin pas chos kyi sku yin zhes 'chad par mdzad de/ de'i phyir bcom ldan 'das 'di ni rtag tu ye shes kyi snang ba rab 'byams tshad med pa gcig kho na yin mod kyi/ ye shes gcig po de kho na la gdul bya'i don mdzad pa'i dbang gis sku dang ye shes du mar btags par zad do// de bas na gdul ba'i so sor 'dzin pas rgyal ba'i ngo bo nyid tha dad par ni mi dbye ba nyid do// gzhi zhes bya ba ni byis pa rnams la bdag dang bdag gir 'dzin pa'i gzhir gyur pa phung po la sogs pa yin la de bdag med par shes pa dang / spong ba la sogs par 'byed pas na gzhi ste/ lhan cig spyod pa'i ming / lhan cig spyod pas thob pa'o// yang na lam thams cad kyi gzhir gyur pa ni gzhi ste/ dang por ni de la rten par bya ba'i phyir ro// de'i phyir 'phags pa sa'i snying po 'khor lo bcu pa zhes bya ba theg pa chen po'i mdo las/ byis pa dbang po zhan cing le lo can/ theg pa gnyis la nan tan mi byed pa// theg pa chen po'i 'khor lo ldan mi 'gyur// de ni rgya chen theg chen snod ma yin zhes gsungs so// de'i tshe ni gzhi 'ang yin la ye shes kyang yin zhes bzhi mthun pa'i bsdu bar bstan to// de ltar phyag 'tshal ba bstan nas// da ni dgos pa la sogs pa smad pa'i don dgrol bar bya ste/ don la the tshom bskyed pa nyid kyis zhes bya ba la/ don ni rgyal ba'i yum mngon par rtogs pa'i rim pa bstan pa thams cad de 'dir brjod par bya ba'i don du gzung ngo // de rnams la the tshom bskyed pa nyid na dgos pa la sogs pa ston pa'i tshigs su bcad pa gnyis dang por smos pa nyid yin te/ ji lta zhe na/ dang por smos
- 26a
bcas pa ste mngon par rtogs pa bdun no// de bas na rnam pa thams cad mkhyen nyid lam ni ba lang shing rta bzhin te/ rnam pa thams cad mkhyen nyid lam de nyid mngon par rtogs pa brgyad kyi bdag nyid do// ston pa zhes pa ni sangs rgyas bcom ldan 'das rnams so// bshad pa zhes pa ni shes rab kyi pha rol tu phyin pa rgyas 'bring rnam pa gsum gyi mdo bshad cing bsdus pa'o// de ji la branan/ gzhan gyis spong bas yin zhes pa ste/ gleng ba ma yin pa ni rnams ma thong ba ma yin pa'o// gzhan de 'an thos la sogs pa snying rje byed pa rnams so zhes 'chad par 'gyur ba'i rim pas so// blo dang ldan pa ni byang chub sems dpa' rnams yin no// 'di las shes pa ni mngon par rtogs pa'i rgyun gyi bstan bcos 'di las so// rtogs par 'gyur ni nges par 'gyur ba ste/ 'di ni tshigs su bcad pa dang po'i don no// mdo don zhes pa ni shes rab kyi pha rol tu phyin pa mdo'i don mngon par rtogs pa brgyad kyi bdag nyid kyi bstan bcos 'di las rim pa ji lta ba bzhin du the tshom med par rtogs pa'o// bdag nyid kyi ni sbyin pa la sogs pa pha rol tu phyin pa bcu'i bdag nyid kyi chos spyod kyang ngo // dran pa ni dran pa'i ye shes so// bzhag pa ni bskyed pa'o// bde blag tu ni rtogs 'gyur ba'i blo dang ldan pas so// sbyor ba ji lta ba bzhin du spyad par byas shing sangs rgyas nyid kyi rgyur nyams su blangs nas sangs rgyas nyid kyi mtshan nyid thob par 'gyur ba ni skyes bu'i mchog yin pas dngos su mngon sum du bgyis shig ces po'i don to// de ltar dgos pa rnam pa gnyis yod
- 26b
par mthong bas bstan bcos 'di la dgos pa med par gang gis kyang dogs par mi bya'o// da ni shes rab kyi pha rol tu phyin pa'i tshig gi don bshad par byas te/ de la shes rab kyi pha rol tu phyin pa ni zhes pa'i tshig nas bzung nas tshigs su bcad pa gnyis kyis dngos po brgyad bstan te/ de ni bstan bcos kyi lus rnam par bzhag pa mdor bsdus nas gsungs so// de nas yang tshigs su bcad pa bcu gsum gyi shes rab kyi pha rol tu phyin pa'i lus kyi bdag nyid kyi dngos po brgyad po 'di rnams nyid rim pa ji lta ba bzhin du bcu dang / bcu gcig dang / dgu dang / bcu gcig dang / brgyad dang / bcu gsum dang / bzhi dang / bzhi'i dngos po bdun cu tham par phye bas bstan bcos kyi lus rnam par bzhag pa rgyas par gsungs so// dngos po bdun cu po de rnams kyang bstan bcos lhag ma mtha' dag gis 'chad ces pas gang zhig shes rab kyi pha rol tu phyin pa'i don rnams mdor bsdus pa dang rgyas pa'i sgo nas brjod ces pa ni spyi'i don to// shes rab kyi pha rol tu phyin pa mdor bsdus te/ bstan pa'i phyir gsungs pa/ shes rab kyi pha rol tu phyin pa ni/ dngos po brgyad kyi yang dag bshad// rnam kun mkhyen nyid lam shes nyid// de nas thams cad shes pa nyid// rnam kun mngon rdzogs rtogs pa dang // rtse mor byin dang mthar gyis pa// skad cig gcig mngon rdzogs byang chub// chos kyi sku dang de bzhin brgyad ces pa'o// 'dir de kho na nyid la shes rab kyi pha rol tu phyin pa zhes brjod de/ de bzhin nyid bems po las rnam par log pa longs spyod rdzogs pa'i sku dang tha mi dad pa'i rang rig pa'i mngon sum gyis shin tu
- 27a
dang / rjes su bstan pa'i cho 'phrul gyis te/ de yang dang po ni na mkha' la 'gro ba la sogs pa'i cho 'phrul bstan pas pha rol zil gyis gnon cing / de nas ni gdul bya'i sems kyi rgyu ba lung bstan pas de rab tu dad par byed la/ de nas rjes su mthun pa'i gdam ngag rjes su bstan pa'i cho 'phrul gyis don dngos su bstan par mdzad pa ni/ 'gro ba mtha' dag la rjes su bstan par mdzad pa de nyid kyis zhes smras pa'o// rgyal ba'i yum rnam pa gsum char las brjod par bya ba nyid du bstan pa gang yin pa dang zhes bya ba ni 'dir tshig le'ur byas pa ni brgyad de brjod par bya ba 'am/ don gyis brjod par bya ba yin la/ mdo rnams/ kyi ni dngos kyis brjod par bya ste sgra'i brjod bya yin no// tshig le'ur byas pa'i brjod par bya ba dngos te sgra'i brjod par bya ba ni rgyal ba'i yum gyi gzhung nyid yin te/ ji lta zhe na/ tshig le'ur byas pas ni 'grel pa'i yum gyi gzhung shes par 'gyur la/ gzhung de dag shes pa las ni don sangs rgyas nyid kyi lam 'bras bu dang bcas pa shes par 'gyur bas so// de'i phyir 'dir gtso bor ni don gyis brjod bya bstan te/ sgra'i brjod/ bya ni go sla bas so// brjod pa dang / brjod par bya ba dag thabs dang thabs kyis sgrub par bya ba'i tshul gyis 'brel par mdzad pa zhes bya ba ni sngar bstan pa kho nar zad do// phyi rol pa dang cig shos kyi 'dod chags dang bral ba la sogs pa chos thams cad bdag med par goms par ma byas pa rnams kyis ma myangs pa de zhes bya ba ni don gyi brjod par bya ba de'i che ba bstan pa ste/ sngar khyab 'jug dbang 'jug la sogs ma myong zhes bya ba la sogs pa'i lung gis bstan pa nyid dege sla'o// da ni dgos pa'i dgos pa ston te/ byang chub sems dpa' zhes bya ba ni byang chub kyi sems bskyed pa thams cad de/ khyad par du ni rigs la gnas
- 27b
pa'i phyir mi ldog pa bcu gsum po rnams te/ de dag ni nges par 'gyur ba'i phyir ro// thos pa las byung ba la sogs pa shes pa'i rim gyis zhes bya ba ni shes rab gsum gyis rim gyi 'jug pa'o// de lta na rgyal ba'i yum 'bad pa chung ngus cig car rtogs pa dgag pa'o// rang dang gzhan gyi ngor phun sum tshogs par bsgrub pa ci la yang ma rag par chas pa dag kho nas zhes pa ni/ sngar byang chub sems dpa' zhes bya ba smos pa'i don nyid bstan pa'o// nyams su myong ba shin tu gsal ba zhes pa ni shes rab rnam pa gsum gyis yum gyi ming dang don sems la gsal por byas pa'o// de dag gis bzhag pa'i bag chags zhes pa ni yang dang yang goms pa'i dbang las sems de'i rnam par 'byung ba bstan pas lhun gyis grub pa yin gyi/ til 'brul snga ma'i me tog gi dris gos pa ltar ni me bsam mo// de ltar goms pa'i dbang de'i mthu las byung ba'i sems las byung bar gdags pa 'dris pa'i dngos po ma brjed pa de nyid dran pa'i shes pa ste/ 'drir dran pa dang ldan pa'i shes pa ni dran pa'i shes pa'o// de'i phyir thams cad du sems nyid gcig pu'i mthu'i bye brag las sems dang sems las byung ba'i gnas skabs kyis dbang gis bzhag pa ni slob dpon chos skyong gizhal snga nas 'di dag gi de'i gnas skabs tsam la bzhag gi dngos su ga la yod ces bshad pa'o// / de ltar byang chub sems dpa' rang dang gzhan gyi don phun sum tshogs par bsgrub par ci la yang rag ma las par chas pa shes rab rnam pa gsum gyis rim gyis nyams su myong bas gsal por byas pa'i bag chags kyi ngo bo dran pa'i shes pa ring du yang ji ltar thos pa la sogs pa mi brjod pa'i ngang du gyur pa de la legs par bzhag nas zhes sbyar te legs par bzhag pa ni 'dris pa'i dngos po rab tu ma brjed pas tshe rabs
- 28a
gzhan du yang rjes su 'brang bar gsal ba'i phyir ro// ci zhig dran pa'i shes pa la legs par bzhag nas zhe na/ chos spyod bcu'i bdag nyid kyi mdo don zhes smos pa bstan pa'i phyir shes rab kyi pha rol tu byin pa'i mdo'i don ma lus pa zhes smos te/ mdo don zhes smos pa dang sbyar ro// mdo'i don de yang gleng gzhi la sogs pa'i gzhung ma lus pa'i don nam/ yang na snying po'i don tsam zhig dran pa'i shes pa la bzhag nas snyam pa la/ gnyi ga'i gtso bo ma yin pa'i phyir mngon par rtogs pa brgyad kyi bdag nyid ces pa smos te/ 'di ni don gtso bor gyur pas na dran pa'i shes pa la bzhag par bya ba ste snying po'i don yang de'i nang du 'dus pa'i phyir ro// gleng gzhi la sogs pa gzhung ma lus pa ni dran pa'i shes pa la nges par bzhag pa med de/ lung gi chos ni rtogs pa'i chos yid la byed pa ni gzings dang 'dra ba'i phyir dang / rnam par g.yeng ba'i ngo bos dman pa'i phyir ro// mngon par rtogs pa brgyad kyi bdag nyid de'i rang bzhin bsdus pa ni/ chos spyod bcu'i bdag nyid ces smos pa pha rol tu phyin pa bcu yin pas na de bstan par byang chub kyi sems dang sbyin pa la sogs pa bsgrub pa'i spyod pa zhes bya ba smos te/ byang chub kyi sems smos pa ni las dang po'i sa nas sangs rgyas kyi sa'i bar du rgyu dang 'bras bu'i ngo bos byang chub kyi sems dang nam yang mi 'bral bas na sbyin pa'i pha rol tu phyin pa la sogs pa yang de dang ldan par bstan pa'i phyir smos te/ stong pa nyid dang snying rje'i snying po can gyi byang chub kyi sems des byin gyis ma brlabs par gyur na sbyin pa la sogs pa yang spyod par mi 'gyur ba'i phyir de gtso bor smos so// de'i phyir byang chub sems dang ldan pa'i zhes bya ba las bar gyi tshig mi mngon par byas pa'o// sbyin pa la sogs pa zhes pa ni/ sbyin dang tshul khrims bzod
- 28b
brtson 'grus// bsam gtan shes rab pha rol byin// thabs stobs smon lam ye shes te// 'di dag pha rol phyin bcur 'dod ces bshad pa rnams so// de dag nyid sgrub pa'i spyod pa ni// theg pa chen po la/ spyod pa gsum ni// dang po smon pa byang chub kyi sems ni 'jug pa'i spyod pa'o// de nas 'jug pa byang chub kyi sems pha rol tu phyin pa bcu ni sgrub pa'i spyod pa ste sngar ji ltar smon pa sgrub pa 'am/ 'bras bu/ legs par sgrub pas so// de nas sangs rgyas kyis ni grub pa'i spyod pa ste/ chos kyi sku'i 'phrin las rnams so// kha cig ni 'dir chos spyod bcu'i bdag nyid ni 'phags pa byams pa nyid kyi zhal sna nas gzhan du/ yi ge 'dri mchod sbyin pa dang // nyan dang klog dang len pa dang // 'chad dang kha ton byed pa dang // de sems pa dang bsgom pa'o zhes gsungs pa'o zhes 'chad pa ni mi 'thad de// de dag ni sbyor bu'i lam gyis sgrub pa'i spyod pa tsam gtso bor gyur pa'i phyir thams cad du ma yin pa dang / slob dpon gyi zhal snga nas kyang 'grel par de dag gi zur tsam yang ma smos pa'i phyir ro// de bzhin du kha cig chos spyod bcu ni rang dang gzhan gyi don gyi las dge ba bcu'o zhes 'dod pa yang mi 'thad de/ slob dpon gyi zhal snga nas 'dir de zur gyis ma bstan pas so// de ltar grub pa'i spyod pa de sprad pa'i 'bras bubaci zhe na/ chos kyi dbyings kun tu 'gro ba'i mtshan nyid sa rab tu dga' ba la sogs pa rtogs pa'i rim pas zhes pa la sogs pa smos te/ chos ni gzugs la sogs pa ji snyed po chos can du bsdu ba rnams te/ de rnams kyi dbyings ni rang bzhin no// ji ltar me'i rang bzhin tsha ba nyid de la me'i khams zhes brjod pa na/ me dang de'i khams tsha ba nyid ni cung zad kyang dbye bar yang mi nus la/ thams cad nas
- 29a
thams cad du gcig par yang mi brjod de 'dzin pa tha dad pa'i phyir ro// de bzhin du chos rnams dang de'i dbyings kyang de ltar blta'o// don de nyid legs par mthong ba na chos thams cad mtha' yas bltar de'i dbyings kyang de dag las gzhan du mi dmigs pas na/ kun tu 'gro ba rtogs pa'i mtshan nyid zhes smos so// mtshan nyid de'i mtshan gzhi gang la gdags zhe na/ sa rab tu dga' ba zhes bya ba smos te/ sa dang po la de ltar rtogs pa yin la/ mtshan nyid de dang ldan pas na rjes kyi ye shes la bdag ni chos kyi dbyings mthong ba'o zhes dga' ba skye bas na de'i ming de skad ces bya ste/ byang chub la ni nye bdang // sems cad dan thub mthong ba la// rab tra dag ba skye bad+hIH// de'i phying ba dag 'anas brjod nas gsungs pa ni donagazhan gyis mi sbyar ba ma do// dek+ta rjes kyi dbyings rtogs ste sangs rgyas nyid du mgyur zhe na/ de bzhin gshegs pa'i mchod pa'i las bskal pa gang+gA'i klung gi bye ma snyed du bya ba la sogs pa'i bsod nams kyi tshogs ma rdzogs pa'i phyir ro// gzhan dag ni de dag gis chos kyi dbyings rtogs pa ni 'jig rten las 'das par bzhag pa'i rgyu mtshan du gyur pa tsam yin gyi/ de yang dag pa ji lta ba bzhin du ni yang dag par rdzogs pa'i sangs rgyas kho na'i thun mong ma yin pa'i// gzigs pa yin te/ de ltar byas na nga'i de bzhin gshegs pa'i snying po shin tu phra zhing lta dka' la zab pa yang sa bcu pa'i byang chub sems dpa' rnams kyi de'u ma mthong ba las mthong bar gyur to/ zhes gsungs pa 'di yang legs par 'gyur ro zhes zer ro// sogs pa'i sgras ni sa gnyis pa dri ma med pa la sogs pa bsdu'o// de dag rtog pa'i rim pas zhes bya ba ni sa de dag gi rim pa ni rang
- 29b
gis rtogs pa tsam gyis bzhag gi rnam pa gzhan du lha'i ris la sogs pa ltar mtho dman ngag med pa'i phyir ro// rnam pa thams cad mkhyen pa nyid mngon sum du byed par 'gyur ba zhes bya ba yang dgos pa'i yang dgos pa zhes bya ba la/ rnam pa thams cad mkhyen pa nyid zhes bya ba ni skabs tha ma las ji skad du bstan pa dang rnam pa dang mtshan nyid dag las ji ltar bstan pa'i bdag nyid do// de mngon sum du/ byed par 'gyur ba ni skad cig ma gcig pa'i mngon par rdzogs pa byang chub pa las ji skad du bstan pa'i skad cig ma bzhis so// des mngon sum du byas pa de nyid dgos pa'i dgos pa ste/ 'bras bu mthar phyin cing phul du byung ba de las 'ga' yang mi rnyed pa'i bdag nyid can no// da ni dgos pa de grub pa'i rgyur gyur pas sngon du 'gro ba'i tshig le'ur byas pa'i dgos pa bstan pa'i phyir gdul bya rnams kyis bde blag tu rtogs par 'gyur ba ni bstan bcos brtsom pa'i dgos pa yin no zhes bya ba sbyar te man ngag gzung bde ba 'di las ni don rtogs par sla la/ de nyid kyis rgyal ba'i yum rnams kyi don pade blag tu 'dis rtogs par 'gyur bas na thabs sla ba'i dgos pa nyid yod do// rgyal ba'i yum gyi don gang zhe na snyam pa la byang chub kyi sems dang sgrub pa la sogs pa'i mtshan nyid ces bya ba smos te/ byang chub kyi sems kyis ni spyod pa rnam pa gsum car bsdus la/ sgrub pa ni sgrub pa'i spyod pa nyi tshe gzung ba ste/ des na mtshan nyid de nyid kyis ni mngon par rtogs pa'i snying po bsdus so// de dag nyid ni rtogs shing thob par 'dod pa'i shes rab kyi pha rol du phyin pa'i don gang yin pa de bstan pa yin la/ de la yang ci'i phyir mngon par 'dod pa skyed ces rtog pa la ni/ sngar ji skad du bshad pa'i dgos pa'i yang
- 30a
dgos pa'i ched du rtogs pa dang thob par 'dod ces sbyar te/ 'di ni don gyi go rims ltar bshad pa'o// // de ltar bstan pa ni sngar dgos pa bsdus pa'i don bcas dang zhes brjod pa las dgos pa la sogs pa bstan pa ste/ da ni bsdus pa'i don bstan pa dgrol bar bzhed nas/ de ltar 'grel pa la sogs pa bsnyad nas gdul bya rnams kyis bde blag tu rtog par bya ba'i phyir dang zhes bya ba la sogs pa smos te/ mdor bsdus pa dang por bstan pas ni dkyus sa bstan pa'i rta thogs pa med par rgyugs par 'gyur ba ltar phyis don rgyas pa rnams mi 'khrug par 'gyur te/ de bas na bde blag du rtogs par bya ba'i phyir zhes smos so// bstan bcos kyi don rnam par phye ba byas pa yang ma 'dzings pa nyid kyis bshad par sla ba zhes bya ba ni 'chad pa po rnams kyis kyang dang po bsdus pa'i phyir 'dor bsdus pa'i don khong du chud na/ skyes bu rta'i kha lo ba yang dkyus kyis sngar mthong bas sems stobs che bar 'gyur zhing rta tshar gcod pa nus par 'gyur ba lta bu'o// gzigs nas zhes bya ba ni tshig gnyi ga'i mthar sbyar ro// mdo dang zhes bya ba ni 'grel pa las/ de la tshig le'ur byas pa dang po gnyis kyis ni dngos po brgyad bsdus pa yin no zhes bshad pa yin no// rgyas par zhes pa ni 'grel pa las tshig le'ur byas pa lhag ma bcu gsum gyis ni de dag nyid kyis don bsdus nas rgyas par bshad de zhes bstan to// lus rnam par bzhag pa ni spyir bstan pa rnam par bzhag pa ste/ ji srid du phye ba rnams ni yan lag dang nyid lag dag lta bu yin pa'i phyir ro// legs par bshad pa yin no zhes bya ba ni thabs bzang po sbyar ba nyid do zhes bya ba'i tha tshig go/ de ni bsdus pa'i don rgyas par rab tu bshad na bzlos bu'i nyes pas
- 30b
gos kyis dgos pas de ma dkrol ba'i rgyu mtshan bstan par bsdus pa'i don gyis tshig le'ur byas pa rnams ni zhes bya ba la sogs pa smos so// da ni bsdus pa'i don dang tshig gi don gyi bar skabs 'di nyid du brjod par bya ba rab tu mang po zhig yod pa de dag bdag gis brjod par bya ste/ shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba tshig le'u byas pa 'dis rgyal ba'i yum thams cad kyi don bsdus pa'o zhes bstan par bya ba yin pa las/ ji ltar bsdus pa'i tshul la sogs pa nges par brjod dgos pas/ de brjod pa'i phyir 'di dran par bya ste/ re shig mdo rnams kyi dbang du byas pa dang mdo rnams dang tshig le'ur byas pa 'brel pa'i dbang du byas te/ gzhung rgyas par bstan pa ni yan lag gcig nyid do// don rnam par nges pa ni yan lag gnyis pa nyid do// de la yan lag dang po'i dbang du byas te/ mdo'i don ston pa'i skabs su don gcig ston pa la rgyas pa dang / 'bring mdor bsdus pa'i gzhung rnam pa lnga dang / rab tu bsdus pa 'phags pa shes rab kyi pha rol du phyin pa sdung po tshigs su bcad pa zhes bya ba dang bcas pa byung zhe na/ gdul bya khams dang mos pa sna tshogs pa rnams gnas pa'i dbang las/ thub pa chen pos lung rngam pa du ma bstan te/ de'i dbang gis don cig bsgrub pa'i gzhung du ma byung ba 'di la don med pa'i nyes pa med do// de las deng sang ni rgyal ba'i yum bar ma'i nyung ngu gnyis 'di lta ste/ 'phags pa shes rab kyi pha rol tu phyin pa khri brgyad stong po zhes bya ba dang / stong phrag bcu pa zhes bya ba yul shar phyogs nas yongs su spyod cing
- 31a
yul dbus na ni mdor bsdus pa'i gzhung stong phrag brgyad pa spyod pas ston par byed do// 'o na de dag gi khyad par ci zhe na/ 'di ni slob dpon gyi zhal snga nas/ la la las don gzhan las tshig/ gzhan las rnam grangs ming gis te// mkhas pa rnams kyi yum kun la'ang // don bsdus de tsam shes par bya// de la bsdus sogs rab dbye ba'i// khyad par yod pa kho nar zad// de lta min na thams cad kyi// rim pa legs par bsdam ma yin zhes 'chad par 'gyur ba ste/ la la las don zhes bya ba ni rgyal ba'i yum bsdus pa las ni don tsam du skabs kyi don ston gyi tshig gis rdzogs par mi nus so// gzhan las tshi ge zhes pa ni yum bar ma las ni skabs kyi don gang yin pa tshig tsam du bstan par gyur kyang rnam grangs rgyas par ni ma yin no// gzhan las rnam grangs ming gis te zhes bya ba ste ni rgyal ba bskyed ma rgyas pa las ni don tha dad pa'i rnam grangs gzugs nas rnam pa thams cad mkhyen pa'i bar du yang dang yang du smos pas ston cing / ming gis gdags pa mi 'dra bas kyang don gcig nyid rgyas par ston te de bzhin nyid dang / yang dag pa'i mtha' dang / bsam gyis mi khyab pa'i dbyings la sogs pa mang du smos pas so// de nyid kyis na de la bsdus sogs rab dbye ba'i// khyad par yod pa kho nar zad zhes gsungs te/ rgyal ba'i yum rnams kyi khyad par ni de tsam du zad ces pa'i don to// kha cig ni rgyal ba'i yum rnams kyi khyad par ni/ de la bsdus sogs rab dbye ba'i// khyad par yod pa kho nar zad ces bya bas bstan la khyad par du byas pa'i yum rnam pa gsum las mngon par
- 31b
rtogs pa'i don bsdu ba ni don tsam gyi bsdu ba dang tshig tsam gyis bsdu ba dang / rnam grangs dang ming tsam gyis bsdu ba ni/ la la las don gzhan las tshig/ gzhan las rnam grangs ming gis te zhes bya bas ston to zhes zer ro// de ltar khyad par du byas pa'i rgyal ba'i yum de dag las yang dang yang du bstan pas zlos bur gyur pa sbyor ba'i lam nyid lan bcu gsum du bstan pa la sogs pa 'di ji ltar 'thad rnam pa thams cad mkhyen pa'i skabs ni mngon par rtogs pa mtha' dag bsdus pa yin zhes bstan pas de'i skabs 'ba' zhig gis kyang cis na don yongs su ma rdzogs zhe na/ zlos bu dang 'dra bar byung ba 'di ni zlos bu ma yin par sngar skabs kyi don nges par 'byed pa na yang don gyis bstan zin to// gzhan yang gdul bya rgyal ba'i yum nyan par 'dod pa rnams kyang kha cig ni dang po nas tha ma'i bar du 'khod de 'phags pa rab 'byor la sogs pa'o// kha cig mgo smos pas go ba 'am/ yongs su rdzogs pa nyan pa'i skal ba med pas skabs de dang de thos nas 'khor gyi dkyil 'khor de nas dong ba ste/ de nas lha'i bu de dag gis bcom ldan 'das la zhes bya ba nas/ rgyang mi ring ba zhig nas mi snang bar gyur to zhes slar song bar bstan pa lta bu'o// yang kha cig ni gzhung dang po nas ma thos kyi skabs de dang de dag yongs su rdzogs nas 'khor der 'dus pa ste/ dper na rnam pa thams cad mkhyen pa nyid kyi skabs yongs su rdzogs pa'i tshe/ de nas stong gsum gyi stong chen po'i 'jig rten gyi khams 'di na rgyal chen bzhi'i ris ji snyed cig yod pa de dag thams cad kyang lha bye ba
- 32a
khrag khrig brgya stong phrag du ma dang lhan cig tu 'khod der 'dus par gyur to zhes bya ba la sogs pa skabs de dang der blo bur du 'dus pa rnams la bstan pas/ de dag la thugs brtse ba'i phyir/ yang sngar 'das pa'i don rnams tshig gzhan gyis bstan te/ de gdul bya ma thos pa rnams kyi don du 'gyur bas na bzlos bu ni med do// gzhan yang sbyor ba'i lam lta bu don gcig nyid la lan du mar bstan pa yang kha cig ni don gyi rang bzhin nyid ston pa ste/ skabs dang po las sbyor ba'i lam gyi dmigs pa dang rnam par dbye ba bstan pa lta bu'o// kha cig don de las tha mi dad kyang tshig gzhan gyis bstan te/ skabs dang po de nyid du yang sems bskyed pa dang / rigs dang go cha'i sgrub pa dag gis sbyor ba'i lam de bstan to// kha cig ni don gyi rnam grangs snga ma las tha dad pas de bstan te/ lam shes pa'i skabs su nyan thos dang rang sangs rgyas kyi sbyor ba'i lam snga ma las don gzhon du gyur pa bstan pa dang / skabs bzhi pa dang lnga pa las sbyor ba'i lam gyi rtags la sogs pas don gzhan du gyur pa bstan pa lta bu'o// de bas na la la las don gzhan las tshig/ gzhan las rnam grangs ming gis te zhes bya ba'i tshigs su bcad pa'i don yang kha cig gis zlos bu lta bu spangs te don gcig tu bsgrub par 'chad pa yang yum gyi don bsdu ba'o zhes bshad pa yin la slob dpon phyogs kyi glang po'i zhal snga nas kyang / shes rab pha rol phyin la rten// mdor bsdus don ni 'di dag yin// slar yang don gzhan la brten nas// don 'di nyid ni bzlas pa yin zhes bshad cing / smra ba'i dam pa khyod kyi bka'/
- 32b
rnam grangs du ma nyid mchis shing // zlos bu yang ni ma mchis la// sbyor ba'i lugs kyi rig pa lags zhes bstod pa byed pa las brjod pas na zlos bu'i nyes pa ni ga la zhig yin/ zlos bu'i skyon med du zin na yang 'dir skabs re re zhig gis byang chub sems dpa'i don rnams ston par nus pa blo bur du 'dus pa'i 'khor gyi dbang du byas pa ltar nges sam/ 'on te skabs ma lus pas/ byang chub sems dpa' rnams kyi don ston par 'gyur/ gzhan yang gzhung 'di dag las ni don mthun du zin kyang sbyor ba'i lam dang mthong ba'i lam la sogs pa ming gdags par rnam pa gzhan du ston pa'i dgos pa ni ci zhig 'di la gzigs/ chos mngon pa la sogs pa'i mdo kha cig las bsten pa ni dang po mi sdug pa bsgom pa dang / dbugs rngub pa dang 'byung ba bgrang ba'i zhi gnas la brten te/ dran pa nye bar bzhag pa la sogs pa'i byang chub kyi phyogs kyi chos lhag mthong gi bdag nyid bsgom mo zhes bstan na 'di rim pa de ltar mdzad pa'i dgos pa ji lta bu zhig gzigs zhe na/ skabs re res kyang byang chub sems dpa'i don ston par nus pa'i phyir blo bur du lhag pa'i 'khor gyi dbang du byas pa kho na ltar nges par brjod cing / skabs ma lus pas byang chub sems dpa'i don bsgrub par nus pa ni ci zhig spos su yod/ gzhan yang sems bskyed pa la sogs pa dag re res kyang byang chub sems dpa' rnams kyi don thams cad ston par 'gyur bas na slob dpon gyi zhal snga nas de ltar na sems bskyed pa dang po dang tha ma'i las bstan pa'i go rims bstan pa 'dis lhag ma bar gyi tshig gi don rnams kyi go rim kyang khong du chud par bya ste/ tshig mangs su dogs
- 33a
nas bdag gri ma bris so zhes 'chad par 'gyur ba'i phyir ro// 'dir don ni tshig gi zur tsam 'am don gyi dbang yang rung ste/ ngag re re la yang skabs brgyad car gyi don rdzogs par sbyar yang zlos bur ni mi 'gyur ro zhes dgongs pa'o// de bas na nges par yang dag re re la don mtha' dag rnam par bzhag par bya'o zhes lhag par ston pa yang med do// kha cig na re skabs dang pos skabs thams cad bsdus pa'i dbang las bya ba yongs su rdzogs par 'gyur ba ni mgo smos pas go ba'i dbang du byas pa'o// sngar bstan pa'i rjes su 'brangs te thams cad mkhyen pa nyid gsum gyis skabs thams cad bsdus pas don yongs su rdzogs par 'gyur ba ni dbang po bar ma'i dbang du byas pa'o// skabs brgyad du rnam par phye ba ni dbang po zhan pa rnams kyi/ dbang du byas pa ste skabs gsum dang drug dang brgyad du bstan pa ni yang dbang po'i bye brag de gsum car la yang bsdus pa dang 'bring dang rgyas pa la dga' ba'i mos pa dang tha dad pa'i dbang tsam du bstan pa'o zhes zer ro// gzhan yang 'di las ming gzhan du gdags pa byas pa la dgos pa ci zhig gzigs zhes smras pa ni/ gal te 'o na de lta na gzhung gzhan du rgyal ba'i yum 'di dag las bstan pa ltar ci'i phyir mi bstan ces 'dri na de la yang ji skad du smra bar byed/ de bas na 'di ni don dang ming dang tshig rnams lugs gzhan kho na yin par shes par bya ste/ de bas na slob dpon gyi zhal snga nas mdor bsdus te rnam par dkrol ba tsam du brjod par 'dod pas ma spros so// de bas na 'di ltar 'di ni lugs gzhan kho na yin pas gang du yang
- 33b
theg pa gzhan la rten nas sun dbyung ba brjod par mi bya'o// zhes 'chad par mdzad pa yang don 'di nyid thugs la bzhag nas gsung bar mdzad do// de bas na tshig le'ur byas par rnam par bshad pa dang bcas pa las mthong ba'i lam la sogs pa zhar la gdags par mdzad pa ni gdul bya blo bul ba rab tu ma sbyangs pa dag la yul gzhan gyi skad yul gzhan pa la nges pa'i tshig so so yang dag par rig pa'i mthus dngos po la brten nas bslab pa dang 'dra bar bsten gyi/ sangs rgyas rnams la bkur sti byas zhes bya ba la sogs pas snod du gyur pa phyir mi ldog pa rnams la ji skad du gdags pa mdzad pa kho nas don yongs su rdzogs par 'gyur ba kho nas 'di la ni log par tha snyad mdzad pa ci yang med kyi so so rang gis khong du mi chud par zad do// gzhan yang mi sdug pa bsgom pa la sogs pa 'jug pa'i rnam pa mi 'dra ba 'dir bstan pa yang 'jug pa po rnams ni khams sna tshogs dang / mos pa sna tshogs su rnam par/ gnas pa'i phyir gcig ji ltar 'jug pa de kho na ltar thams cad kyang 'jug par nges pa'o zhes ni cis bzhag par nus de'i phyir mi sdug pa bsgom pa dang / dbugs rngub pa dang / 'byung ba drang / bdag ni chos mngon pa'i mdo la sogs par sbyor ba'i lam yongs su sbyong ba'i dang por bstan la/ 'dir ni sems bskyed pa'i skabs su sems bskyed pa gsum po lhag pa'i bsam pas bsdus pa/ thar pa'i cha dang mthun pa'i dge ba'i rtsa ba'i skabs su 'di lta ste/ tshogs kyi lam de yongs su sbyang ba'i mtha' la bstan cing / de bzhin thams cad du gtogs pa dmigs
- 34a
pa'i khongs su gtogs par mdzad kyi gcig kho nar tshogs kyi lam gyi dang po 'ba' zhig tu nges pa med la/ chos mngon pa'i mdo la sogs par ji skad du bstan pa ltar 'dir nges par bkag pa yang ci zhig yod de/ dmigs pa thams cad du gtogs pa yin pa'i phyir ro// de bzhin du gzhan la yang ci rigs su sbyar ro// gal te 'di ni shin tu rgyas pa'i sde'o zhes bstan pa ma yin nam/ de ltar na mdo gang dag las rab tu gsal bar bstan pa/ shin tu 'dus pa chos lngas sangs rgyas kyi sa bsdus te me lo nga lta bu dang zhes bya ba la sogs pa bstan pa/ dang / byang chub sems dpa' rnam par dgos pa bcu bstan pa dang / bdud kyi las yang dag phul nyi shu la sogs pa bstan pa de dag 'dir ci'i phyir ma bstan ce na/ gal te don de dag 'dir tshig tu ma smos pa ci'i phyir zhes 'dri na ni kho bos kyang slar dri ste de dag tu yang rgyas pa'i yum 'di'i tshig sems bskyed pa la sogs pa ci'i phyir smos pa ma mdzad/ gal te don gyi dbang du byas te'o zhe na/ de'i tshe ni kha cig ni rgyas bsdus pa dang / kha cig ni 'bras bus bsdus pa dang / kha cig ni grogs kyis bsdus pa dang / kha cig ni rnam grangs kyis bsdus pa dang / kha cig ni ched du ma btsal ba yang shugs kyis 'du ba'i phyir rtsod pa de'i gnas med la/ gzhung rnams phan tshun bltos pa dang bcas pas lcags sgrog gis 'ching ba lta bu yin pas na 'di las ma bstan pa rnams ni de dang de nyid la gzung bar dgongs te/ ma bstan pas kyang nyes pa med la/ rnam pa gzhan yang gdul bya rnams khams dang mos pa sna tshogs pa'i phyir zhes sngar
- 34b
nan tan du smras par zad do// de ltar ji skad du bstan pa'i rim pas legs par smras pa ni dge mod kyi/ rnam par rtog pa gzhan nye bar gnas te/ sbyor ba'i lam la sogs pa rnam pa re re yang lan du mar bstan pa de dag bar du rnam pa gzhan gyis yongs su ma bcad pa 'di ni mi bstan pa 'di'i dgos pa ci zhe na/ 'di ni sngar skye bo ma thos pa rnams kyi phyir bar bar du yongs su bstan par zad ces bya ba dang / sngar 'jig rten pa'i lam nas 'jig rten las 'das pa'i lam gyi bar du rim gyis 'jug pa dang / de ltar zhugs te bsgom pa'i lam la ni sngar ji ltar zhugs pa kho na la rab tu zhen pa rnal 'byor du byed do zhes bstan pa dang / skabs re re 'am ngag re re la yang don thams cad rdzogs par bstan pas zhi gnas las mi nyams par bya ba'i phyir te/ gzhung gang dag las zhi gnas kyi yon tan bstan pa'i dbang du byas te/ bstan pa'i chos thams cad bye brag med par ro gcig par lhag par mos te mnyam par 'jog cing phung po la sogs pa don gyi rnam pa tha dad pa'i 'du shes dang bral bas mdo la sogs pa'i chos kyi dga' ba la dga' ba 'thob po zhes bstan la/ 'phags pa zla ba sgron ma'i mdo las kyang phyogs bcu'i 'jig rten gyi khams su mdo rnams bstan kyang / mdo gcig gi rang bzhin gcig tu thams cad gnas par bstan pa yang don gyi dbang 'di nyid la dgongs par zad do// de'i phyir rim pa 'khrugs par bstan pa ni 'khrugs pa yang yin pas phyogs gcig tu bya la yang na ji ltar bstan pa ltar de nyid nges par bzung gi 'di la go rim bzhin bstan pa ni ci yang med do/
- 35a
zhes shes par bya'o// da ni tshig le'ur byas pa dang 'brel pa'i gzhung gi don gzhan rnams bstan par bya ste/ 'phags pa mi pham pa'i zhal snga nas tshig le'ur byas pa 'dis ci'i phyir gleng gzhi le'u ma bsdus/ de bzhin du rje btsun nyid kyis zhus pa'i le'u la sogs pa yang ma bsdus zhe na/ dang por gleng gzhi'i le'u ni rgyal ba'i yum 'di ji ltar byung bar gyur pa'i 'khor 'dus pa la sogs pa bstan pa yin pas rab tu rtogs par sla zhing gdul bya rnams kyi rang rang gis rtogs par nus bzhin du yang bstan pa ni ji skad du bshad pa'i dges pa la sogs pa dang mi ldan pas blo dang ldan pa dag 'bad pa'i gnas ma yin no// de'i 'og tu sems bskyed pa'i le'u la sogs pa'i le'u grangs lhag ma chos nyid 'gyur ba med pa'i mthar thug pa ni rab tu rtogs par dka' bas na thog mar bshad pa'i dgongs pas le'ur byas pa dang sbyar te bstan te/ de nas byang chub sems dpa'i bslab pa rab tu dbye ba'i le'u ni mtshan nyid gsum gyi dbye bas don dam pa'i bden pa yongs su grub pa'i mtshan nyid snying po'i don theg pa cig nyid dang rigs gcig nyid du bstan pa yin la/ snying po'i don ni mdo sde zab mo du ma 'phags pa 'jam dpal gyi man ngag la sogs pa las kyang gsal por bstan la/ 'phags pa klu sgrub kyi zhal snga nas kyang dbu ma shes rab la sogs par gsal bar mdzad pas 'dir bstan mi/ dgos so zhes dang por bstan to// de'i 'og tu byang chub sems dpa' rtag par rab tu ngu ba'i le'u dang / 'phags pa chos 'phags kyi le'u dag ni slob ma dang dge ba'i bshes gnyen gyi tshul
- 35b
bstan pa ste/ gdul bya ma 'ongs pa rnams la de ltar bslab pa'i ched du sngon byung ba bstan pa ste go bar sla'o// le'u tha ma ni gzhung nye bar bsdu ba'i tshul rgyas pa ste de'i phyir de dag tshig le'u byas pa dang pa sbyar ro zhes shes par bya'o// de ltan gzhung ma lus pas pami bye dum bskur pa tha pa ma y-in gyi/ mda'i na klusu dka' ban pa zhig sabyas kyis bslus pa dang do// de ni de lta no ji ltar sbyar ba'i skabs kyi don ston pa'i tshigs rnams dang / tshig le'ur byas pa sbyar ba'i rim pa ji ltar zhe na/ 'di ni rgyal ba'i yum bar ma'i dbang du byas te 'phags pa rnam par grol ba'i sdes sbyor ba yang dag par mdzad la/ slob dpon gyi zhal snga nas kyang mdor bsdus pa'i yum brgyad stong pa dang legs par sbyar zhing / sangs rgyas dpal ye shes zhabs kyi zhal snga nas kyang / rab tu bsdus pa'i tshigs su bcad pa rnams dang tshig le'ur byas pa dang sbyar te/ de dag la brten te rgyal ba'i yum ma lus par sbyar bar nus pas na yang 'dir sbyar ba'i ngal ba ni mi bya'o// de ltar yang dag par sbyar ba'i gnas su kha cig ni man ngag gi tshig dang mdo'i tshig sbar bar 'thad pa nyid du sdang na/ gang yang shA ri'i bu 'di la byang chub sems dpa' sems dpa' chen pos gnas pa med pa'i tshul du shes rab kyi pha rol tu phyin pa la gnas te sbyin pa dang gtong ba dang yongs su len pa dmigs su med pa'i phyir yongs su btang ba med pa'i tshul gyis sbyin pa'i pha rol tu phyin pa yongs su rdzogs par bya'o// zhes pa la sogs pa bsam pa ste gser bzang po ltar byang chub kyi bar
- 36a
du yongs su mi 'gyur ba'o zhes pa la sogs pa 'di dag la kha cig na re nges par byed nus pa ma yin pa dag rgya mtshan gang gis man ngag gi tshig dang sbyar bar 'gyur/ gzhan yang dro bar gyur pa'i gnas skabs su bu de med du ni mi skye bar brjod pa la sogs pa mdo'i tshig gang dag man ngag gi gzhung gis ma bsdus pa rnams ni ji ltar brjod par bya/ yang mdo sde'i glegs bam kha cig las man ngag gi bstan bcos su smos pa rnams ni snang ba yang gang du sbyar zhe na/ gang dang gang du man ngag gi tshig dang mdo'i tshig sbyar bar bya ba la nges par byed pa'i rgyu mtshan med pa ltar gnas pa ni 'ga' zhig du zad de/ de dag tu yang sbyar ba'i rgyu mtshan ni gnyis te/ kha cig sbyar bar rig pa dag ma sbyar ba na de'i lhag ma ni de dang ma sbyar bar shugs nyid gyis gsal te/ shugs ni 'brel pa ste dngos su brjod pa la gtser ma gyur pa'i phyir ro// gzhan yang yang dag par rdzogs pa'i sangs rgyas kyis de ltar sbyar ba'i lung bcom ldan 'das byams pa 'di la mnga'o zhes kyang shes par bya ste/ 'di ni rgyal tshab tu dbang bskur bas dam pa'i chos kyi mdzod gzhan gyis blta bar bya ba ma yin pa la pha'i lung gis spyod pa'i phyir ro// de'i phyir gang du rgyu mtshan med pa ltar snang ba yang / la la las don gzhan las tshig/ gzhan las rnam grangs ming gis te zhes bstan pa'i tshul gyis na thub pa chen po don byed dang de ston pa'i mtshan ma tsam gyi tshig tu bstan par nges par shes par bya ste/ 'jig rten na yang res 'ga' ni dngos po kha cig tshig dang ming gi rnam grangs dang / rgyu dang / 'bras bu dang / las
- 36b
la sogs pas zhib mor ston cing / kha cig tu ni dngos po la la brda tsam gyis ston cing de bstan par yang 'gyur ba bzhin no// de bas na yum rab tu bsdus pa la sogs pa'i tshig kha cig la nges pa kho nar rgyu mtshan mthus btsal bar ni ma~M byi thub pa chen po'i gsung gi phyag rgya don rgya chen po'i bya ba la nye bar gnas pa tsam du shes par bya'o// mdo'i tshig gang dag man ngag tu ma bsdus pa drabar gyur pa'i gnas skabs su bud mod du mi skye bar mdo las bstan pa la sogs pa kha cig ni bzlam bsdus pas rang gi skabs der gtogs par shes par 'gyur ro// kha cig na gtso bos yan lag bsdus pa ste rgyal po gshegs par brjod pa lta bu'o// kha cig ni skabs brgyad kyi gzhung gi khongs su bstan pa yang go slabs na ched du bsdus pa med de/ dge slong rab tu mang po lung bstan pa la sogs pa ste/ de ltar rang gi blo dri ma med pas ci rigs su rjes su dpag go che ga le'u byas par smos pa kha cig mdo'i glegs bam la la las mi snang ba ni gzhung rab du rgyas pa 'di dag ni 'dri ba la sogs pa dka' bas 'grub par 'gyur ba dang / lnga bcu tha mal 'gro ba rnams ni blo'i stobs rab tu chung ba'i phyir lung gi tshig rab du nyams par zad kyi/ 'di la log par bstan pa'i dri ma mi bsam ste/ bcom ldan 'das byams pas shes rab kyi pha rol tu phyin pa gtan la phab pa'i phyir ro// de ltar de dag ni gzhung rnam pa gnyis kyi tshul brjod pa mdor bsdus pa'o// da ni yan lag gnyis pa'i don mdor bsdus pa mngon par brjod par bya ste/ de yang re zhig snying po'i don bsgom pa don dam pa'i bden pa gtso bor byas pa dang /
- 37a
mngon par rtog pa'i don yid la bya ba kun rdzob kyi bden pa'i dbang du byas pa'o// de ni snying po'i don bsgom pa'i dbang du byas te/ slob dpon gyi zhal snga nas rtse mo'i mngon par rtogs pa'i skabs su de la skye ba dang 'jig pas stong pa'i phyir bdag med do snyam du bsgom pas bdag tu mngon par zhen pa yongs su bor ba de yi dben pa'i phung po la sogs pa rten cing 'brel par 'byung ba skye ba dang 'jig pa'i chos can la yang dag par dmigs te sngon po dang de'i blo dag lhan cig dmigs par nges pa'i phyir 'di ni sems tsam kho na yin gyi phyi rol gyi don med do zhes yid la byed cing / 'dzin pa'i rnam pa can gyi sems la mngon par zhen pa yongs su ma bor bas phyi rol gyi don du mngon par zhen pa spangs te/ gzung ba med na 'dzin pa med do snyam du nges par bsam zhing / 'dzin pa'i rnam pa'i mtshan nyid rnam par rig pa tsam de yang bsal te/ gnyis su med pa'i ye shes de 'ba' zhig yang dag par yod pa'i ngo bo yin no snyam du nges par byas nas// de yang rten cing 'brel par 'byung ba yin pa'i phyir sgyu ma bzhin du ngo bo nyid med pa ste/ yang dag par na gcig tu dngos po dang dngos po med pa la sogs par brtags pa'i ngo bo dang bral ba yin no snyam du bsgoms te/ sgom pa'i stobs grub pa na kha cig gang la nor bu dang dngul la sogs pa'i mchog shes pa bzhin du 'khrul pa'i mtshan ma mtha' dag spangs pa/ sgyu ma lta bu'i bdag nyid du snang ba'i blo rnam par mi rtog pa so so rang gis rig par bya ba ci zhig ltar yang dag par skyes na rnal 'byor pas shes bya'i sgrib pa yang dag par spong ngo // de lta ma yin te dus thams
- 37b
cad du nam mkha' rdzas med pa tsam gyi ngo bo 'dzin pa bzhin du skyed du med pa dang spang du med pa'i rang gi ngo bo 'dzin pa'i phyir skad cig ma'i chos shes pa tsam gyi ngo bo dang shes bya'i mtshan nyid rnams gal te don dam par yod pa zhig tu gyur na de'i tshe gnyen po bsgoms pas nam mkha' bzhin du de dag la cung zad kyang mi byed do// de'i phyir gzhan dag gis dngos por mngon par zhen pa'i phyin ci log mi ldog pas bcom ldan 'das kyi shes bya'i sgrib pa rnam pa thams cad du spangs pa gang yin pa dang / chos rnams kyang yod par khas len pa gang yin pa de ni phan tshun 'gal ba'i don khas len pas kho bos ya mtshan du brtsis so// zhes bya ba yin no zhes log par rtogs pa'i phyogs smad pa dang bcas par brjod pa 'di la brten te ma bsgom pa 'am/ yang na slob dpon byang chub sems dpa' ka ma la shi la'i zhal snga nas rnam par sbyar ba/ shes rab kyi pha rol tu phyin pa bsgom pa'i man ngag mdor bsdus pa las ji skad du bstan pa'i man ngag la brten te bsgom par bya'o// snying po'i don dang mngon par rtogs pa'i don gnyi ga dag la yid la byas pa'i mthar slob dpon gyi zhal snga nas sbar ba'i rgyal ba'i yum 'di'i bstod pa rnam par mi rtog par bstod pa zhes bya ba yid btud pas gud par brjod par bya'o// gang gi tshe mnyam par ma bzhag pa de'i tshe mngon par rtogs pa mo lus pa bsdus par gyur pa'i rim pa rab tu gsal ba'i shes pa gnyid dang rmugs pa la sogs pa bsal cing / yid nang du bsdus pas rim pa bzhin du rnam par bsams te/ de nas skyon bzhi bcu rtsa drug la sogs pa ni rnam par spang bar go cha bgo bar bya'o// yon tan
- 38a
rnams yid la dran pas dbugs dbyung bar bya'o// rnam pa dang mtshan nyid la sogs pa rnams ni ma 'dres par shes par bya'o// de nas dub pa dang bral ba na slar yang spong ba'i 'du byed brgyad kyis bsam gtan gyi skyon rnam pa lnga spangs la snying po'i don bsgom par bya ste/ de ltar yang dag par zhugs pa'i rigs kyi bu dge ba'i bshes gnyen nam yang mi 'dor ba de ni ring po mi thogs par tshogs kyi lam la sogs pa sbyangs te bden pa mthong nas chos kyi rgyal po gcig pu'i go 'phang yang thob par 'gyur ro// de ltar yang dag par brtson pa'i rigs kyi bu 'am rigs kyi bu mo des/ 'jig rten rgyang pan pa'i gtsug lag la 'dod chags dang bral bar mi 'gyur zhing yid 'byung ba dang / sems rnam par dag par mi 'gyur ba'i gzhung la klog pa la sogs pa spangs/ te nyin gcig bzhin du shes rab kyi pha rol tu phyin pa'i glegs bam yi ge rab tu gsal ba ci nus su klog cing lha dang klu la sogs pa la chos kyi sbyin pa rgyas par bya'o// rang gi cho ga dang 'dul ba dang / bya ba'i nges pa gang yin pa rnams las kyang mi 'da' bar bsrung bar bya'o// da ni mngon par rtogs pa'i don yid la bya ba brjod par bya ste/ byang chub sems dpa' yid la spro bar bya ba dang shes bya la yang ma rmongs par bya ba'i phyir snying po'i don bsgom par byed pa btang ba na yang 'du 'dzi dang bral ba'i gnas su skyil mo krung drang por bcas te 'dug pa 'am yang ji ltar bde bas kyang rung ste stan bde zhing 'jam pa la nye bar 'dug la chos kyi phung po ji snyed pa ni rgyal ba'i yum 'dir snying po bsdus pa'o zhes bsams te/ de nas rgyal ba'i
- 38b
yum yid la bya ba ni lam dang 'bras bu gnyis su rnam par phye ste'o// de la dang por lam yid la bya ba yin te de yang tshogs dang / sbyor ba dang mthong ba'i lam dang / sgom pa'i lam rnams gcig nas phye ste/ rtogs par yid la bya'o// de la dang po tshogs kyi lam gyi dbang du byas te de ni tha dad pa'i don dang rnam par dbye ba ste/ ming tha dad pa'i don dbang du byas te de ni tshogs kyi lam dang / las dang po pa'i sa dang / dad pa'i sa zhes bsgrags pa'o// rnam par dbye ba'i dbang du byas te de ni phal pa dang khyad par can gyis rnam pa gnyis so// pal pa nye bar bzung ste de phal par bzhag pa'i rgyu mtshan nyid dang / ngo bo nyid bstan par byang chub kyi phyogs dang mthun pa dang rab tu sbyar ba dang / rnam pa'i dbang du ni de dag nyid dngos po yongs su rtogs pa'i lam dang / rtsol ba'i lam du bsdus pa las dbye ba dang / sems bskyed pa'i dbye ba las ni 'dun pa dang / bsam par brjod pa dang / gdams ngag las ni sgrub pa dang / dkon mchog gsum dang / ma zhen pa dang / yongs su mi ngal ba dang / lam yongs su 'dzin pa dag bden pa'i phyogs tsam par brjod pa dang / dmigs pa dang ched du bya ba rnams ril gyis sbyar ba dang / mtshan nyid la ma lus pa shes par bya ba dang / chos kyi sku'i 'phrin las 'gro ba'i rab tu zhi ba dang bsdu ba'i dngos po bzhi dang / blang ba dang dor bar bya ba rnams rtogs pa dang / dngos por 'dzin pa la cung zad grol bas tshad med pa bzhi bsgrub pa dag dang de'i rtags te/ de ltar na de'i ngo bo nyid dang / rnam pa dang / mtshan nyid dang / sems bskyed dang / gdams ngag dang / dmigs pa dang / ched du bya ba dang / thub pa chen po'i phrin las yang dag par sbyar ba dang / rtags dag ste rnam
- 39a
pa dgus yid la bya'o// de la rtags kyi dbang du byas te de ni mdo de dang de las rnam pa du ma bstan la/ 'phags pa klu sgrub kyi zhal snga nas kyang // so so'i skye bo nyid na'ang stong nyid thos// / nang gi dga' ba yang dang yang du 'byung // dga' las byung ba'i mchi mas mig ni rlan// lus kyi spu rnams ldang ba 'byung bar 'gyur zhes bya ba la sogs pa gsungs pa'o// phrin las dang sbyar ba/ ni bdag cag lam yang dag pa la zhugs shing log pa'i lam du ma zhugs pa ni rje btsun sangs rgyas kyi mthu'o zhes zhes par ston pa la drin du gzo bas dka' bzhin du byed pa la 'jug pa'i yan lag tu 'gyur ba ste/ byang chub tu sems bskyed pa la sogs pa sangs rgyas kyi byin gyis brlabs so zhes ni lung gis dang por bstan cing lan du mchod pa'i tshul yang sngar de nyid du bstan te/ don 'di las bsams te slob dpon zhi ba 'tsho'o 'al snga nas kyang / de'i phyir log par bstan pa yi/ grub mthar 'tshal ba'i blo can la// de lugs rjes 'jug skye bo rnams// snying rje nyid ni rab tu skye// blo nar ldan pas lugs gzhan las// ji ltar snying po med mthong ba// de ltar de dag skyob pa la// gus pa shin du skye bar 'gyur zhes bshad do// tshogs kyi lam khyad par can gyi dbang du byas te/ yang ming/ tha dad pa'i don dang / ngo bo bstan pa byang chub kyi phyogs kyi chos las rdzu 'phrul gyi rkang pa bzhi'i bdag nyid dang / de nyid dang rnam pa'i dbang du byas te ting nge 'dzin yongs su sbyong ba'i lam las dbye ba dang / sems bskyed pa las ni lhag pa'i bsam pa nyid dang / gdams ngag dang dmigs pa dang / ched du bya ba las snga ma lta bu dang / mtshan nyid dag kyang ma lus par shes par bya ba
- 39b
dang / skabs bzhi pa las rang gi ngo bo ji skad du bstan pas legs par bshad pa dang / rnam par dbye ba dang / rtags dang / thub pa'i dbang po'i byin gyi rlabs dang sbyar ba dag gis bstan te/ de la ming tha dad pa'i don gyi dbang du byas te ni tshogs kyi lam khyad par can dang / thar pa'i cha dang mthun pa dge ba'i rtsa ba zhes grags so// khyad par du bzhag pa'i rgyu mtshan ni 'di ni 'di ni ma nges pa'i phyir mi ldog pa zhes bya ba'i tshul gyis so// rnam par dbye ba ni gnas skabs su rtogs pa dang / mos pa las gyur pa dang / lhag par 'dod pa las gyur pa dang / 'thob pa las gyur pa ste rnam pa bzhi'o// rtags kyi dbang du byas te ni tshe dang lus dang rdzu 'phrul dang byin gyis brlabs la dbang ba ste 'bras bu'i rtags so// rang bzhin gyi dbang du byas te ni thams cad la mngon par zhen pa med pa zhes bya'o// thub pa'i dbang po'i byin gyis brnabs kyi dbang du thAs s+ho// khyo gsu ma rnam par dag pas rab du ba'i ba ras hrIn pa drug po dag la gos par byed pa ste/ de ltar nabar pa'i cha dang mthu dge ba'i rtsa ba yang bstan pa'i tshul rnam pa bcu gnyis kyis shes par bya'o// de bzhin du sbyar te sbyor ba'i lam dang mthong ba'i lam dang / sgom pa'i lam tha mal pa dang / de nyid kyi khyad par gyi lam dang / de nyid sangs rgyas kyi sa'i bar du gyur pa dag dang / yang dang po gzhung rnam par dbye ba dang bcas pa'i man ngag gi lugs dge ba'i bshes gnyen mnyes par bya bas thos par 'gyur ba ni bdag gis 'dir bri bar mi 'thad pas na/ byang chub sems dpa' rnams kyis rang gi tshogs yongs su rdzogs par bya ba'i phyir dge ba'i bshes gnyen mgu bar gyis la snying po blang bar
- 40a
byos shig/ de ltar na 'phags pa mi 'khrugs pa'i sngon gyi dam bcas pa bstan pa la sogs pa'i mdo la sogs pa dang / sems can rnam par dbye ba med par chos kyi sbyin pa bya bar bstan pa la sogs pa dang / 'gal bar 'gyur ba ma yin nam/ der ni dge ba'i bshes gnyen mnyes par bya ba la sogs pa'i yan lag ma bshad do zhe na/ dge ba'i bshes gnyen gyi sems rnam par dag pa ston pa de ni de ltar 'thad par 'gyur te/ 'phags pa 'jig rten las 'das pa'i le'u'i mdo la sogs pa las zang zing dang 'brel par chos ston pa ni bdud kyi las yang dag par phul lo zhes gsungs so// nyan pa'i byang chub sems dpa'i dbang dbus teni byang chub sems dpa' rtag pa rab tu drabs dge ba'i bshes gnyen byang chub sems dpa' chos kyi 'phags pa mnyes par ba'i phyir rang gi sha dang khrag dang rkang yang yongs su btang ba'i rjes su 'brang bar bya'o// de bas na 'dir chos nyan pa dang chos smra ba dag gi tshul cung zad cig brjod par bya ste/ byang chub sems dpa'i chos nyan par byed pas chos bcu'i bdag nyid dang ldan par bya ste/ de dag ni ji skad du gsungs pa/ kye'i rgyal ba'i sras bcu po 'di dag ni byang chub sems dpa'i chos yongs su 'tshol ba ste/ bcu gang zhe na 'di ltar g.yo dang sgyu med pas bsam pa thag par chos yongs su tshol ba dang / brtson 'grus lhod pa med par sran 'jug pas brtson 'grus kyis chos yongs su 'tshol ba dang / lus dang srog la mi lta bar chos yongs su 'tshol ba dang / rnyed stobs dang bkur sti dang grags pa'i phyir ma yin gyi 'gro ba thams cad kyi nyon mongs pa spang ba'i phyir chos yongs su 'tshol ba dang / bdag 'ba' zhig
- 40b
la phan pa'i phyir ma yin gyi bdag dang gzhan dang 'gro ba thams cad la phan pa'i phyir chos yongs su 'tshol ba dang / chos kyi ma dngas kyi ras chod bya ba'i phyir ma yin gyi/ shes rab la 'jug pa'i phyir chos yongs su 'tshol ba dang / go ba lo ba la dga' ba'i phyir ma yin gyi rab tu brten par bya ba'i chos yongs su 'tshol ba dang / byang chub kyi sems ma btang bas sems can rnams la snying rje'i phyir chos yongs su 'tshol ba dang / yid gnyis dang bral ba'i phyir sems can thams cad kyi the tsom bcad pa'i don du chos yongs su 'tshol ba dang / rlom sems med cing 'dod pa med pa'i phyir sangs rgyas kyi chos yongs su rdzogs par bya bar chos yongs su 'tshol ba dang zhes bya ba rnams so// de de ltar yongs su chos 'tshol ba ni dge ba'i bshes gnyen chos smra ba la sems bskyed pa bcu yis nye bar gnas par byas ste/ de dag ni ji skad du gsungs pa/ kye rgyal ba'i sras byang chub sems dpa' gang gis bla na med pa yang dag par rdzogs pa'i byang chub kyi sems bskyed pa des kyang thams cad mkhyen pa'i ye shes mngon par rdzogs par 'tshang rgya ba'i phyir dge ba'i bshes gnyen rnams la rim gro dang bkur sti dang bsnyen bkur bya'o// de dge ba'i bshes gnyen rnams la rim gro dang bkur sti dang bsnyen bkur byed pa'i tshe dge ba'i bshes gnyen rnams la sems bskyed pa bcu po 'di dag bskyed par bya ste/ bcu gang zhe na/ 'di ltar rim gro bya ba'i sems dang / dgyes par bya ba'i sems dang / ji skad bsgo ba bzhin du nan tan bya ba'i sems dang / thugs mi 'byung ba'i sems dang / rnam par dpyod pa dang yongs su 'khol ba la sogs pa la ji snyam yang mi byed pa'i
- 41a
pa sa dang/ sa pa rnams dang / ngag pa ma thathams cad la rgyud kyis lag gas m+WA 'is sa dang / sman lam gcig pa'i mams dang / smon pa'i sems dang / mtshungs par yongs su rdzogs par bya ba'i sems te/ kye rgyal ba'i sras bcu po 'di dag ni nyan pa dge ba'i bshes gnyen rnams la sems bskyed pa rnams so// de sems bskyed pa bcu po 'di dag bskyed pa'i tshe yongs su dag pa bcu rab tu thob par 'gyur te zhes pa la sogs pa'o// de'i phyir rgyal ba bskyed ma las/ chos smra ba dang / nyan pa 'gal bar 'gyur bas bdud kyi las su 'gyur ba srog gi bar chad du 'gyur ba'i phyogs la sogs par 'gro ba'i dbang du byas pa'i tshe/ yang slob mas dge ba'i bshes gnyen gyi bka' ni mi 'gom gyi rang gi srog la ni 'gom par bya ste/ ji ltar bram ze rgyal ba'i drod kyi skye mched kyi 'phags pa nor bzang me'i g.yang sa chen por 'tsheng bar bya ba'i phyir bsgo ba'i gtam rgyud la yang sbyar bar bya'o// yang chos nyan pa des thun mong du bya ba'i chos bcu bzhi la gnas par bya ste/ de dag ni ji skad du 'phags pa don rgyas pa'i mdo las/ tshe dang ldan pa dag chos nyan par 'dod pa rnam pa bcu bzhis chos nyan par bya ste/ 'di lta ste/ dus su mnyan pa dang / gus par mnyan pa dang / ma rangs pa med par mnyan pa dang / bsgo ba bzhin mnyan pa dang / klan ka mi 'tshol ba dang / chos la gus par bya ba dang / chos la mi brnyas pa dang / chos smra ba'i gang zag la mi brnyas pa dang / bdag la mi bltas pa dang / rtse gcig pa'i sems dang / kun shes par bya ba'i sems dang / rna blags te mnyan pa dang / sems bsdus te mnyan pa
- 41b
dang / sems thams cad kyis bsams te chos mnyan par bya'o zhes gsungs so// de ltar chos legs par mnyan pa zhig yin nam ci ste ma yin zhes/ dge ba'i bshes gnyen gyis ring du/ lta bas brtag ste/ gal te yang dag par tshul phun sum tshogs pa lta na rgyal ba'i yum 'di'i snying po sbyin par bya'i dang po nyid ni gzugs brnyan gyi yon tan ston srid pa'i phyir ro// de la dgongs te/ 'jig rten 'di na legs par ma bsdams pa/ phal cher legs bsdams rtags kyi rgyu byed pas// legs par ma brtags bar du mi dag gis// mdo gzugs lan 'ga' mthong bas yid mi rton// ra ga na kha bsgyur lta bur de 'tshal zhing / lcags phye gser gyis g.yogs po ji lta bar// khong pa rab gdug phyi rol 'phags tshul gyis// 'jig rten 'di na 'khor dang bcas pa rgyu zhes gsungs la slob dpon gyi zhal snga nas kyang 'og nas 'chad pa las/ byang chub sems dpa' dus yun ring mo zhig nas dge ba'i bshes gnyen yang dag par mgu bar byas pa'i man ngag phyin ci ma log pa dang ldan pa zhes ston par 'gyur ro// rgya mtshan de nyid tshad mar mdzad pa dang / slob ma'i cho gas yongs su rdzogs par bya ba'i yan lag tu 'gyur ba la gzigs te/ rje btsun bzang po'i zhal snga nas bdag gis dge ba'i bshes gnyen la lo bcu bdun la bsnyen bkur byas pa yongs su rdzogs nas rgyal ba bskyed ma'i snying po rab tu bsdus pa'i man ngag rmi lam gyi chos su bstan pa ste/ rmi lam gyi gnas skabs su bstan pa yang ngo mtshar du byin gyis brlabs dang ldan pas yid ches par bya ba dang / rje btsun gyis gsungs pa'i brdul zhugs ma rdzogs pas
- 42a
dam bcas pa la brten pa'i mthu bstan pa'i phyir ro// de ltar chos nyan pa po'i tshul mdor bstan nas/ da ni chos smra bar byed pa'i 'jug pa brjod de/ byang chub sems dpa' rnams kyis dang por chos smra ba nisnying rje chen po bskyed cing slob dpon gyi dpe mkhyud med par byas te/ chos sbyin par bya'o// don 'di gnyis gtso bor bstan pa'i phyir 'phags pa 'jam dpal rnam par 'phrul pa'i mdo las kyang / chos ston kyang chos nyan pa rnams la snying rje chen po mi bskyed pa yang bdud kyi las so zhes pa dang / yang mang du zos kyang gzhan gyis shes kyis dogs te chos la slob dpon gyi dpe mkhrung byed pa yang bdud kyi las so zhes gsungs so// gzhan yang snying rje chen po'i rgyu mtshan las zang zing dang ma 'brel bar chos bstan par bya ste/ sngar ji skad du bstan pa'i bdud kyi las su gyur pa spang bar bya ba'i phyir dang / 'phags pa dgongs pa nges par 'grel ba'i mdo las kyang / 'dod phyir su dag dam chos ston byed pa// de dag 'dod pa btang ba phyir len te// myos pa de dag thar med rin chen chos// thob par gyur kyang sprang por rgyu bar byed ces gsungs la/ 'phags pa dam pa'i chos pad+ma dkar po'i mdo las kyang / 'khor la cung zad tsam yang bslang mi bya zhes gsungs shing / rgyal ba bskyed ma nyid las kyang / than legs so zhes bya ba yang mi 'dod de zhes gsungs pa'i rjes su 'jug go/ gzhan yang 'phags pa byams pa'i zhal snga nas/ bstan pa rnams ni srog dang longs spyod tshegs chen rnyed cing snying po med pa dag/ rab dga'i yid kyi sems can sdug bsngal rnams la sbyin rnams rgya chen rtag gtong na// chos yangs skye dgu rnams la rnam pa kun du phan byed tshegs chen rnyed min zhing / shin du btang yang zad med 'phel 'gyur ba lta lan cig ma yin smras kyi
- 42b
dgos zhes gsungs la/ yang 'phags pa byams pas zhus pa zhes bya ba'i mdo las kyang gsungs pa/ byams pa sus stong gsum gyi stong chen po'i 'jig rten gyi khams gang+gA'i klung gi bye ma snyed rin po che sna bdun gyis yongs su bkang ste/ de bzhin gshegs pa dgra bcom pa yang dag par rdzogs pa'i sangs rgyas rnams la dbul ba phul ba bas gang gis snying rje bas tshigs su bcad pa gcig gzhan gyi rgyud la bzhag na/ byams pa bsod nams kyi phung po snga ma des brgya'i char yang nye bar mi 'gro/ stong gi cha dang / 'bum gyi cha dang / bye ba'i cha dang / bye ba khrag khrig 'bum gyi cha dang / grangs dang cha dang / bgrang ba dang / dpe dang / rgyur yang mi bzod do// zhes pa dang / gang gis gang+gA'i ji snyed 'jig rten khams// de dag rin chen byur bur bkang byas te// dga' ba'i sems kyis rgyal la phul ba bas/ gang gis tshigs bcad cig gcig sems can byin/ rin chen sbyin pa shin tu rgya che des// snying rje bskyed nas tshigs bcad sbyin pa la// gang+gA'i cha dang grangs su mi phod na// lan gnyis lan gsum sems la ga la zhig ces so// de bzhin du rgyal ba skyed ma las kyang / byang chub sems dpa' bdag nyid kyis mnyan pa dang bsam pa la sogs pa yang dag pas na/ ches gzhan la sbyin pa la sogs pa bsod nams dang ldan par rgyas par gsungs so// gzhan yang rnam par bshad pa'i rig pa las ji skad du bshad pa'i 'jug pa'i bya ba rnams dang 'brel bar yang bya'o// 'di ni rgyal ba'i yum smra ba po dang / nyan pa po rnams la bdud kyi las dang bral ba'i thabs mdor bstan pa nyid do// de ltar bsdus pa'i don gyi skabs su brjod par bya ba rnams kyis rgyal ba'i yum rnams kyi don ma lus par bstan pa la 'jug par byas nas/ da ni yan lag gi don rnams
- 43a
las rtogs par dka' ba 'ba' zhig brjod par bya med kyi/ gang gis sngar bshad pa'i rjes su 'brang te/ dge ba'i bshes gnyen gyis nye bar bstan pa rnyed na ni/ de la thams cad dka' ba med par blos rtogs par nus la/ gang dag gis de ma rnyed pa rnams kyis ni dka' ba'i gnas kyang dus yun ring mos kyang yu 'di'i don rim par 'brel par 'gyur ba rab du dka' ste/ sngor yang dag par spyad pa dang / rje btsun 'phags pa 'jam dpal la sogs pa lha'i khyad par dag kha nas byin gyis brlabs pa dag ni ma gtogs so// de ltar bsdus pa'i don kun bstan nas/ byang chub sems dpo' byang chub rjes su thob par 'dod pas 'bras bu yin pa'i phyir rnam pa thams cad mkhyen pa nyid thob par bya dgos pas/ dang po rnam pa thams cad mkhyen pa nyid sdud pa'i tshig le rur byas pas rnam par bshad pa'i sgo nas bshad par bzhed de zhes bya ba dang / rnam pa thams cad mkhyen pa nyid rtags pa ni lam shes pa nyid yongs su shes pa med na bde pas lar shes pa nyid ces gsungs te/ de nas yang gzhi thams cad legs par yongs su shes pa med par lam legs par yongs su shes pa med pas thams cad shes pa nyid ces gsungs so// de'i 'og tu yang thams cad mkhyen pa nyid yongs su shes pa ni dbang du bya ba'i phyir yang rnam pa thams cad dang lam dang gzhi shes pa bsdu ba'i sgo nas thams cad mkhyen pa nyid gsum sgom par byed pas rnam pa kun mngon par rdzogs par rtogs par gsungs te/ de'i rjes la ni rnam pa thams cad mngon par rdzogs par rtogs pa las rab kyi mthar phyin pa'i rtogs pa 'byung ngo zhes go sla bar bya ba'i phyir/ rtags la sogs pa bsnyad pa sngon du 'gro ba'i rtse
- 43b
mo'i mngon par rtogs pa gsungs te/ de nas yang rtse mo'i mngon par rtogs pa thob pa so so ba dang bsdus pa nyid du rtogs pa'i don rnams/ go rim bzhin du blags nas brtan por bya ba'i phyir rnam par sgom par byed pas mthar gyis pa'i mngon par rtogs pa gsungs te/ de'i 'og tu ni mthar gyis pa mngon par rtogs pa rnam par bsgoms pa ni de dag nyid shin tu goms par byas pa'i phyir skad cig ma gcig gis sgom pas skad cig ma gcig pa'i mngon par rdzogs par byang chub pa gsungs te/ de ltar rgyu thams cad bstan nas skad cig ma gcig pa'i mngon par rdzogs par byang chub pa rnam par bsgom pa'i skad cig ma gnyis pa la chos sku mngon par byang chub pa gsungs te/ zhes go rim nges par mdzad pa'i rgyu mtshan rim gyis smos pa rnams cig car bdag gis bkod pa ni tshegs chung zhing dran pa la 'dzin dka' ba med pa'i phyir ro// gal te mdo de dang de dag las ni le'u grangs rab tu mang pos bstan pa mdzad pa ma yin nam/ ji ltar na rje btsun gyi zhal snga nas skabs kyi don 'di snyed du mdzad skabs kyi don de yang gcig gi bar du ni bsdu ba bstan na/ gal te dgu la sogs par ci'i phyir mi mdzad ce na/ mdo de dang der le'u grangs de skad du mdzad pa ni gdul bya rab tu dman pa rnams le'u re re zhig kyang bri ba dang / klog pa la sogs pas rim gyis 'jug par rung ba nyid kyis ston pa ste/ gzhan las tha na tshigs su bcad pa gcig tsam yang 'dzin par byed na zhes pa la sogs pa bstan pa bzhin no// byang chub sems dpa' mthu dang ldan pa rnams kyi dbang du byas te ni yongs su rdzogs par gzung bar gsungs la/ rgyal ba skyed ma tshang bar rnyed pa dang zhes yon tan gyi grangs su yang bgrang bar mdzad pa'i phyir ro//
- 44a
de bas na tshig le'ur byas par ni rje btsud kyi zhal snga nas ni mngon par rtogs pa'i dor rnams la gdal bya rnams mi rmongs par bya ba'i phyir skabs brgyad la sogs par bstan te/ dgu la sogs par bsdu ba la ni dor med de/ rgyas pa'i dus na ni nyung bar byed pa nyid bsngags shing bsdus pa dbye ba'i tshe yang rnam par rab du mang po bsngags pa'i phyir dang / skabs dgu pa la sogs par phye na ji ltar brgyad du bstan pa las ci zhig yon tan thob par 'gyur/ de bas na don med pa'i phyir skabs kyi don dgu la sogs par ma mdzad par nges so// sems bskyed pa zhes bya ba la/ 'dir kha cig ni sems bskyed pa dngos gtso bor ston pa ste 'dun pa sogs pa'o// kha cig ni sems bskyed pa 'phel bar byed pa'i grogs la der gdags te sbyor ba dang sbyin pa la sogs pa'o// kha cig ni sems bskyed pa'i 'bras bu la der gdags te bgrod pa gcig pa'i lam la sogs pa'o// dmigaso ba zhes bya ba ni gang la 'dod par bya ba ste don du gnyer por bya ba yang dag par rdzogs pa'i byang chub nyid de dmigs par bya ba ni bsgrub par bya'o// zhes ji ltar bstan pa lta bu'o// rang gi ngo bo zhes pas ni 'dod pa zhes pas bstan te 'og nas 'chad par byed pa'o// ci'i phyir 'dod par byed ce na/ gzhan don phyir zhes pas bstan te de ltar na byang chub sems dpa' sems can rnams la phan par 'dod pa'i sems dang ldan pas byang chub sems dang ldan pas na byang chub sems dpa'i ming yang 'thob pa'o// de ltar na de ni sems bskyed pa'o zhes bstan to// smon pa zhes pa ni smon pa tsam ste tshogs bsags pas sems de bskyed pa'i tshogs blang ba yang ma byas pa'o// 'jug pa zhes pa ni dge ba'i bshes gnyen mnyes par byas te yang dag par
- 44b
blangs pa las byung ba'i sems bskyed pa nas brtsams te/ bar chad med pa'i lam gyi bar du gtogs pa'i sgrub pa'i spyod pa'o// don 'di ni slob dpon zhi ba lha'i zhal snga nas kyang / byang chub sems de mdor bsdu/ na/ rnam pa gnyis su shes bya ste/ byang chub smon pa'i sems dang ni// 'jug pa byang chub nyid yin no// 'gro bar 'dod dang 'gro ba yi// bye brag ji ltar bstan pa ltar// de bzhin mkhas pas 'di gnyis kyi// bye brag rim bzhin shes par bya zhes bshad do// slob dpon dpal sangs rgyas ye shes kyi zhal snga nas ni/ so so'i skye bos pa'i sems can thams cad ni smon pa byang chub kyi sems nyid du bskyed la/ sa rab tu dga' ba nas brtsams te ye shes kyi khyad par chos kyi dbyings ji lta ba bzhin la 'jug pa ni byang chub kyi sems so zhes bstan to// yang kha cig na re/ grogs stobs rgya stobs rtsa ba'i stobs// thos stobs dge ba goms pa las// mi brtan pa dang brtan 'byung ba// gzhan gyis bstan pa'i sems bskyed bshad ces pa dang / rdzogs pa'i sangs rgyas rab bsten byas// bsod nams ye shes tshogs rab bsags// chos la mi rtogs ye shes ni// skyes phyir de ni dam par 'dod ces gsungs pa'i dbang las phyir mi ldog pa'i sar gnas pa dang de ma thob pa las smon pa dang 'jug pa bzhag ste chos la mi rtog pa dang po thob pa ni dro bar gyur pa ste/ zab mo'i don la som nyid med ces pa dang / rmi lam na yang chos rnams kun// rmi lam lta bur lha la sogs zhes pa la sogs pa gsungs pas so zhes zer ro// da ni 'di snyam du 'dun pa dang / snying rje zhes bya ba sems las byung ba gnyis dang mtshungs par ldan pa'i sems sems can dang yang dag par rdzogs pa'i byang chub kyi yul la dmigs te skyes pa ni sems bskyed pa yin na/ ci'i
- 45a
phyir tshig le'ur byas pa las sems las byung ba 'dun pa 'ba' zhig la sems bskyed pa'i sgrar bstan ces bsams nas dri ba dang lan rnams 'byung ba ni yang dag par rdzogs pa'i byang chub 'dod pa nyid ni zhes bya ba la sogs pa smos te/ ni zhes bya ba ni gang gi phyir zhes bya'o// lhag ma ni go sla'o// yang 'dod pa'i bdag nyid gang yin pa de ni gang yin zhes sbyar te/ de'i len bstan pa ni 'dod pa de yang sgyu ma ltar 'dod pa nyid yin gyi dngos po nyid du zhen pas 'dod pa ni ma yin te/ ji ltar sgyu ma mkhan pa zhig/ sprul pa thar pa bya phyir brtson// de ni snga nas de shes pas// de la dregs pa cung zad med// / de bzhin srid gsum sku 'dra bar// rdzogs pa'i byang chub mkhas pas shes// 'gro ba'i ched du go bgos te// 'gro ba de ltar snga nas shes// zhes gsungs pa'i tshul gyis na// 'gro ba'i phan pa 'byung ba'i rgyu yang dag par rdzogs pa'i byang chub 'dod pa yang sgyu ma'i dpe rnam pa brgyad kyis bstan pa ltar 'dod par ston pa ni/ sbyin pa la sogs pa thams cad la sbyin par bya ba dang / sbyin pa po dang // len pa po la sogs pa mi dmigs pas bsgrub par bya'o// zhes bya bar shes par bya ba'i phyir dang zhes bstan pa'o// de bzhin du yang gang gi don du sems bskyed pa yang dag par rdzogs pa'i byang chub/ de ni gang yin zhes dris pa'i lan ni/ sems can thams cad skal ba ji lta ba bzhin du mya ngan las 'das pa la dgod par 'dod pa zhes bya ba ste/ 'di ni byed pa'i rang bzhin gyis las kyis byed pa por bstan par 'gyur bas yang dag par rdzogs pa'i byang chub ni nyan thos la sogs pa dang thun mong ma yin pa'i las can du bstan to// gzhan gyi don ni gang yin ce na zhes dris pa slar brjod pa ni/ ser sna can la sogs pa
- 45b
sbyin pa la sogs par dgod par 'dod pas zhes bya ba tshig snga ma de'i 'bras bu yang sbyar bas ni gzhan gyi don bstan te 'di ni don bsdus pa'o// da ni gzhung brjod de yang dag par rdzogs pa'i byang chub dang gzhan gyi don dag gang yin ce na zhes dris pa'i lan du rje btsun gyi zhal snga nas nyid kyi bstan pa spang zhing mdo las shes par bya ba'i phyir/ ji ltar dris pa de dang de ni bla ma'i lung gis mdo las ji skad bstan pa bzhin du shes par bya zhing / mdo las kyang de dag bsdus pa dang rgyas pa'i sgo nas brjod par shes par bya'o// zhes tshig rnam par sbyar ro// de ni slob dpon gyi zhal snga nas bsdus pa dang rgyas pa'i sgo zhes bya ba dgrol bar rgyal ba'i yum shes rab kyi pha rol tu phyin pa rnam pa gsum char las zhes smos te/ dris pa de dag bstan te zhes bya ba tshig gi lhag ma'o// gzhan dag ni mdo re re la yang de dag bsdus pa dang rgyas pa'i sgo nas bstan to zhes zer na/ de ni mdo rab tu bsdus pa dang rgyas pa las de ltar ga la zhig bstan/ mi 'gal ba zhes bya ba ni 'di rje btsun gyi zhal snga nas rang bzor ni ma bstan gyi/ mdo las kyang de dang de dag de kho na skad gsungs so zhes tshig zur gyis bstan pa ste/ 'di ni tshig le'ur byas pa ril la sbyar ro// gal te de dang de dag mdo las gsungs na/ ji skad du gsungs pa 'dir spos dgos so zhes 'dri ba srid pa la ni de'i lan du/ gtsug lag gi gzhung skabs kyi don ston pa lhur len pa ni thams cad las kyang gsungs med kyi tshig mangs su dogs nas khungs nyid du ma bris so zhes bya ba smos te/ de'i phyir kho bos de dag brjod par mi nus pa ni ma yin mod kyi gzhung mangs na gdul bya bal cher don bsdus pa'i blo rnam par 'khrug par 'gyur bas na mi brjod de/ de'i
- 46a
phyir 'og nas 'chad pa las kyang / go bar sla phyir ngag dang ni/ tshig sogs sbyor ba ma byas par zhes ston te/ ji tsam du gzugs rgyas par bstan cing tshig bsdus pa ni myur du go ba skye ba'i rgyu yin pa'i phyir ro// de la rgyal ba'i yum bar ma'i dbang du byas te ni/ shA ri'i bu 'di la byang chub sems dpa' sems dpa' chen po chos thams cad rnam pa thams cad du mngon par rdzogs par 'tshang rgya bar 'dod pas shes rab kyi pha rol tu phyin pa la brtson par bya'o zhes bya ba'i tshig 'dis yang dag par rdzogs pa'i byang chub te mdor bstan pa'o// shA ri'i bu 'di la byang chub sems dpa' sems dpa' chen po gnas pa med pa'i tshul gyis shes rab kyi pha rol tu phyin pa la gnas te sbyin pa dang / sbyin par bya ba dang / len pa po mi dmigs pa'i phyir yongs su btang ba med pa'i tshul gyis sbyin pa'i pha rol tu phyin pa yongs su rdzogs par bya'o// de bzhin du chos thams cad dmigs su med pa'i phyir shes rab kyi pha rol tu phyin pa la bslab par bya'o zhes pa'i bar du gang gsungs pas de rgyas par bstan pa yin no// yang gzhan gyi don gang yin pa de mdor bstan pa ni byang chub sems dpa' sems dpa' chen po phyogs bcu re re zhing gang+gA'i klung gi bye ma snyed kyi 'jig rten khams re re na sems can gang dag yod pa thams cad ces bya ba'i mthar phung po lhag ma med pa'i mya ngan las 'das pa'i dbyings su mya ngan las 'da' bar 'dod pas shes rab kyi pha rol tu phyin pa la bslab par bya'o zhes bya ba'i bar gyis so// yang sems can pha rol tu phyin pa drug gi mi mthun pa'i phyogs la gnas pa rnams de dang bral bar 'dod pas shes rab kyi pha rol tu phyin pa 'di nyid la bslab par bya'o zhes bya ba'i
- 46b
tshig gis ni gzhan gyi don der rgyas par bstan par shes par bya'o// de ltar de dag la sogs pa mdo gtso bor byas pa gnas skabs kha cig tu bstan pa yang nye bar mtshon pa ste/ rnam pa thams cad mngon par rdzogs par rtogs pa'i rtse mo'i skabs su bdag nyid kyang srog gcod pa spong / sems can gzhan rnams kyang srog gcod pa spong ba la yang dag par bskul/ sems can gzhan gang dag srog gcod pa spong ba yang dag par blangs pa de dag gi yang legs par brjod cing mthun pas dga' bar byed do zhes bya ba la sogs pa yang tshig zur gnyis su sbyar bas 'dir yang drangs te/ de bzhin du mdo'i khungs rnams ni ji ltar bde bar sbyar ba rim pa du ma tshig re re la brjod kyang nyes pa med de de'i mthu ni gcig pu zhig tu ston par yongs su chad pa ma yin pas so// kha cig mdo'i don khungs su drangs pa'i tshul gyis/ bsdus dang rgyas pa'i sgo nas brjod ces pa ni gzhan gyi don 'ba' zhig la sbyor bar byed do// mdo'i don tshig khungs su sbyar ba'i skabs 'dir slob ma la bshad pa dang / mngon par brtson pa'i tshogs la bshad pa'i bye brag dag brjod par bya ba yin mod kyi/ de dag ni rab tu grags pa nyid yin pas 'dir bstan pa la rag las pa ma yin pa'i phyir bzhag go/ de ltar sems bskyed pa dmigs pa dang rang gi ba dang bcas pa brjod nas de ni rab tu dbye nyi shu rtsa gnyis pa sabs kyi tshogs su bcad pa dag gis bshad de zhes thub la sogs pa ni go slabs rnam par mi dbye'o// dga' ldan gyi gnas na bzhugs pa la sogs pa kun tu ston par rung ba nyid ces bya ba la/ sems bskyed pa tha ma gsum ni sangs rgyas kyis kun tu 'od kyi bdag nyid do zhes 'chad pa ma yin nam/ dga' ldan gyi
- 47a
/ gnas na bzhugs pa ni sgom pa'i lam gyi mtha' sa bcu pa'i byang chub sems dpa' nyid yin na/ 'di ji ltar sangs rgyas kyi sa'i yon tan du sbyar bar bya/ 'chad par 'gyur ba chos kyi sku'i phrin las bstan pa las kyang sa bcu pa'i dbang du byas te/ yang de nyid la skye ba gcig gis thogs pa'i ngo bo yang dag par rdzogs pa'i byang chub tu so sor nges pa dang zhes ston to// skye ba gcig gis thogs pa ni byang chub sems dpa' dga' ldan na bzhugs pa kho na'o zhes na/ 'di ni bden mod kyi 'on kyang dga' ldan na bzhugs pa'i tshul ston pa'i byang chub sems dpa'i gzugs ni gnyis te/ 'jig rten gyi khams kha cig na ni sangs rgyas bcom ldan 'das rnams kyi sprul pa'i sku nyid gdul bya'i dbang gis dga' ldan na bzhugs pa'i byang chub sems dpar snang bas rim gyis yang byang chub par ston te/ don 'di nyid nye bar gzigs nas 'bigs pa lang kar gshegs pa las/ yang dag sangs rgyas der sangs rgyas// sprul pa rnams ni 'dir sangs rgyas zhes bya ba gsungs te/ mdo der gzugs kyi khams 'og min la ni der zhes gsungs la/ 'dod pa'i khams la ni 'dir zhes gsungs te/ byis pa rnams kyi rang gi rtog pa tsam gyis nye ba dang ring bar 'dogs pa'i dbang du byas pa'i tha snyad do// 'jig rten gyi khams kha cig tu ni byang chub sems dpa' sa bcu'i dbang phyug dag dga' ldan na bzhugs shing rim gyis 'dzam+bu'i gling 'dir mngon par rdzogs par sangs rgyas pa yang dag pa 'am sprul pa ston te/ don de'i dbang du mdzad nas ni 'phags pa 'jig rten las 'das pa'i le'u las/ kye rgyal ba'i sras bcu po 'di dag ni byang chub sems dpa' dga' ldan na gnas
- 47b
pa'i las te/ bcu gang zhe na/ 'di ltar 'dod pa'i khams kyi lha'i bu rnams 'dod pa'i bde ba bstan pa dang / dbang phrag mi rtag par bstan pa dang / phun sum tshogs pa thams cad rgud par 'gyur bar bstan pa dang / de dag byang chub kyi sems la yang dag par dgod pa 'di ni dga' ldan na gnas pa'i las dang po'o// gzugs kyi khams kyi lha'i bu rnams la bsam gtan dang / rnam par thar pa dang / ting nge 'dzin dang / snyoms par 'jug pa dang / rnam par ldang ba ston cing bsam gtan dang bsam gtan gyi yan lag de dag la mngon par zhen pa dang / srid pas byung ba'i 'jig tshogs su lta ba dang / gti mug gi shas cha ba'i nyon mongs pa rnams yang dag pa ji lta ba bzhin bstan pa dang / gzugs med pa'i phyin ci log la zhugs pa thams cad la sdug par yid la byed pa thams cad mi sdug cing mi rtag par yongs su brtan te byang chub kyi sems la dgod pa 'di ni dga' ldan na gnas pa'i las gnyis pa'o// kye rgyal ba'i sras dga' ldan gyi gnas ni gnas pa'i byang chub sems dpa' rnams ni rgyan bzang po zhes bya ba'i ting nge 'dzin la gnas te lus las 'od bkye zhing stong gsum gyi stong chen po'i 'jig rten gyi khams snang ba chen pos rgyas par bkang nas/ sems can rnams la ji ltar dad pa bzhin du chos sna tshogs kyi sgra skad rab tu brjod de chos kyi sgra skad de dag thos nas sems dang bar 'gyur te/ dga' ldan gyi lhar brtul zhugs mthun par skye bar 'gyur zhing de ltar skyes nas kyang byang chub kyi sems la dgod pa 'di na dga' ldan na gnas pa'i las gsum pa'o zhes bya ba la sogs pa rgyas par gsungs nas/ yang dga' ldan nas 'chi 'pho ba ston pa'i las bcu gsungs te/ rgya cher mdo de nyid las shes par bya ba ste/
- 48a
gzhung mang bar 'gyur bas 'jigs pa'i phyir 'dir ma brjod do// dbye ba zhar la brjod nas zhes bya ba la dang po nyid du sems bskyed pa ni gzhan don phyir// yang dag rdzogs pa'i byang chub 'dod ces bya ba'i dbang 'dis sems bskyed pa'i ngo bo nyid gtso bor ston cing ngo bo nyid kyi gnas skabs tsam la rnam par dbye bar bzhag pa'i phyir 'dir zhar la bstan pa kho na'o// dus ji lta ba bzhin du don du gnyer bar byed pa zhes bya ba ni/ rgya'i rang bzhin gyi sems bskyed pa rnams kyis mtshams gang dang gang yin par mi nyams shing / 'phel bar bya ba'i phyir 'bad pa ni don du gnyer bar byed pa ste/ de yang de'i rgyur gdams ngag don du gnyer bar byed pa nyid do zhes don du gnyer ba'i sgra ni tshig zur gnyis su sbyar ro// des 'phangs pa'i chos 'grub par bya ba'i phyir zhes bya ba la/ des zhes bya ba'i byang chub kyi sems dang po dang rtags mthun pa'i phyir/ chu'i byang chub kyi sems rnams kyis so// de rnams kyis 'phangs pa'i chos ni 'bras bu'i byang chub sems gsum gyis bsdus pa sangs rgyas kyi sa'i rnams so// 'grub par bya ba'i phyir gdamis ngag don du gnyer bar byed ces sbyar ro// gzhan dag ni des zhes bya ba 'di ni bar chad med pa'i phyir dang / byang chub kyi sems bskyed pa zhes bya ba dang / yang rtags 'thun pa'i phyir de nyid dang spyir sbyar la 'phangs pa'i chos ni sems bskyed pa 'phel bar byed pa'i bslab pa ni ji snyed pa rnams yin pas/ de dag 'grub par bya ba'i phyir ni gdams ngag don du/ gnyer bas na yon tan thob pa ni mi sdug pa bsgom pa la sogs pa yin la/ de dag yongs su bsrung ba'i don gyis zhes bya ba ni sems bskyed pa 'phel bar byed pa dang bcas te bsrung ba'i phyir don
- 48b
du gnyer roshes zer ro// 'di ni legs par ma smras te de ltar na 'chad par byed pa las sems bskyed pa dang po dang tha ma'i las bstan pa'i rim pas lhag ma bar gyi tshig gi don rnams kyang khong du chud par bya'o zhes bstan pa yang ji ltar drangs te de'i tshe khyed ni sems bskyed pa'i ngo bo tsam las khas mi len pa'i phyir ro// yang de dang des 'phangs pa khyed smras pa na sangs rgyas kyis// la khyed kyi spyir byar yang med do// de'i phyir nges par tshul snga mkhas blangs te/ yon tan thob pa yongs su bsrung ba'i don gyis zhes bya ba snga ma snga ma mi nyams par bya ba'i dbang gis gong mgong ma yang mngon par 'phel bar bya ba'i phyir don du gnyer bar byed ces shes par bya'o// 'dir yang bar chad med pa'i lam la ni de don du gnyer ba med de/ rang 'byung gi ye shes bskyed par nus pa'i phyir ro// 'o na mdo dag las de bzhin gshegs pa 'ga' zhig chos gsung ba'i gnas su thub pa chen po pal mo che tshogs te/ mjug tu legs so zhes bya ba gnang ba bstan pa der de dag gdams ngag nod pa ma yin na ci zhig la 'du ba mdzad/ tshul 'di las ni bar chad med pa'i lam la de las ji ltar log ce na/ der ni dam pa'i chos la gces spras mdzad pa dang / chos la byas pa bzo ba dang / chos kyi tshul yun ring du bzhag pa'i phyir de lta bu dag bstan gyi de dag ni gdams ngag la bltos pa dang bcas pa ga la zhig yin/ 'doms pa ni gdams ngag ste zhes bya ba la/ 'dir ni don du gnyer bar byed pa ni zhes brjod par rig pa ma yin nam/ ji ltar na 'doms pa ni bstan ce na/ kha cig na re 'di ni byed pa'i lam bstan pa ste/ 'bras chan gyi bya ba dang 'brel pa'i
- 49a
gtam la mer brjod pa lta bu'o zhes zer ro// de la me nyid brjod pa ci'i phyir zhes pa las dngos por bya ba'i 'dri bar 'gyur bas ci zhig phan par byed yang gzhan dag ni ji ltar bstod pa la sogs pa'i grags pa las 'das pa'i ngo bo sangs rgyas rnams thugs dgyes pa'i ngo bo'i gnas skabs la bzhag pa ltar 'dir yang gzhan 'ga' zhig gis 'doms pa zhes ni mi bya ste/ de ni lam yongs su 'dzin pa'i rang bzhin 'ba' zhig yin pa'i phyir ro// 'on ci zhe na/ rang gis yongs su 'doms pa ni gdams ngag ste zhes bya na nyes pa 'dir mi 'gyur ro zhes zer ro// bdag cag gi rje btsun gyi zhal snga nas ni rgyal bskyed ma las bstan pa'i lam ma lus pa ni thun mong nyid du ma lus brje btsun sangs rgyas kyi byin gyis brlabs kyis rim gyi skye bar nges par khas blangs par bya ba ni/ 'gro rnams zhi ba'i las dang ni zhes bya ba la sogs par 'gyur la/ des na 'dir rang gi nyams su blang ba'i bya ba la gzhan gyi byed pa sbyar ba la nyes pa med cing / yang na 'doms pa yang de yin la ji ltar gdams pa ltar sgrub pa yang 'dir gtso bor gyur pa'i gdams ngag go zhes brjod par bya'o zhes gsungs so// gal te de ltar gzhan gyis bstan pa'i gdams ngag mi 'gog pa lta zhig nade ston pa po yongs su 'dzin pa de'i phyir 'dir mi bstan pa mdo las sbyor ba'i lam dang 'brel par ston ce na/ de nyid du bstan par mi bya ba ni rang gis mngon par shes pa'i stobs kyis pha rol zil gyis gnon pa'i dge ba'i bshes gnyen bsten pa dang shes pas thod pa bskyed pa'i dbang du byas te/ de'i phyir dge ba'i bshes gnyen dang phrad pa yang rab tu rnyed par dka' bas de dang phrad pa la rab tu
- 49b
'bad par rigs so// dad pa'i sa la sogs pa ni dman pa la brten par shes par bya'o// sgrub pa la 'doms pa la sogs pa 'di dag las dang po ni tshogs kyi lam dang sbyor ba'i lam la gdams pa'o// lhag ma bden pa nas brtsams te mngon par shes pa la thug pa'i bar ni nges par 'byed pa'i cha dang mthun pa'i gnas skabs so// lhag ma gnyis ni go sla'o// dad pos rjes su 'brang ba ni gang mi'i nang nas mi'i nang du mtshams sbyar bar bya'o// chos kyi rjes su 'brang ba ni sangs rgyas kyi zhing rnam par dag pa gzhan nam/ dga' ldan nas 'dir skyes pa'o// mi'i rigs nas rigs su skye ba ni bsam gtan dang / tshad med pa dang / snyoms par 'jug pa thob pa dag thabs mkhas pa'i dbang gis de dag gi 'bras bu mngon du mi byed kyi rgyal rigs shing sA la chen po la sogs pa'i ngo bor mi'i nang du slar zhing skye ba'o// lha'i rigs nas rigs su skye ba ni yang gzhung snga ma lta bus 'dod pa'i khams kyi lha dag gi nang kho nar slar skye zhing skye ba yongs su 'dzin pa'o// de ltar na rgyun du zhugs pa bsdus pa rnam pa bzhi'o// dad pas mos pa ni byang chub sems dpa' thabs mi mkhas pa dag 'du shes med pa'i snyoms par 'jug pa mngon du byas te/ der skye ba zlog par mi byed par der mtshams sbyar te ring mo zhig gnas nas shi 'phos te slar 'dir mtshams sbyar na/ de ni dbang po brtul ba'i phyir na dad pa tsam yin gyi de la shes rab med ces dgag pa'o// de ni de lta na 'du shes med par skye ba'i byang chub sems dpa' de gang zhig yin/ bden pa mthong ba ni ma yin te/ bsam gtan la sogs pa'i yan lag yongs su zad pa dang zhes ston pa'i phyir ro// snang ba thob pa la sogs pa yang ma yin te/ mi khom pa zad pa dang zhes ston pa'i
- 50a
phyir ro// dad pa'i sa pa yang ma yin te/ 'dir slob pa phyir mi ldog pa'i dge 'dun 'chad pas de dang 'brel pa med pa'i phyir ro zhes na/ 'di la ni brjod par bya ba mi nus pa ni ma yin te/ yul oM de sha pa'i mkhas pa chen po dag gi zhal snga nas mgrin gcig tu/ 'dir slob pa phyir mi ldog pa ni phal cher brjod kyi gzhan med pa ma yin pas na/ mdo las kyang / gang gis mi'i nang nas shi 'phos te mir skyes pa de dag ni/ shA ri'i bu byang chub sems dpa' phyir mi ldog pa ma gtogs pa dbang po brtul po te zhes gsungs so zhes zer ro// kong kan pa dag gi zhal snga nas ni sems can 'du shes med pa dag ni gnyis yin te/ mi khom par bgrang ba dang de las gzhan pa'o// de la phyi rol pa'i lam la sogs pas khams dang sa 'og ma 'og ma dag rnam par sun phyung nas der skyes pa dag ni 'chi 'pho ba'i tshe na log par lta ba'i dbang gis sems can dmyal ba chen por lhung bas mi khom par bgrang shing / byang chub sems dpa' bden pa ma mthong ba dag brgya lam na ci zhig ltar bshes gnyen ngan pa la sogs pas der skyes kyang sangs rgyas kyi mthu'i dbang dang / rang gi byang chub kyi sems la sogs pa'i mthu yis de dag ltar nyams par mi 'gyur bas na/ 'di lta tshe ring por skyes su zin kyang mi khom par skyes pa ma yin te/ 'di ltar bshad pa las ni mdo gang las byang chub sems dpa' theg pa chen po'i snod du 'gyur ba gcig pu zhig yod pa ni lha tshe ring por skye bar gzigs te zhes pa la sogs pa yang legs par bshad par 'gyur ro zhes gsung ngo // baM g+ha la pa dag gis bshad pa ni drod la sogs pa'i tshe phal cher ngan 'gro la sogs pa/
- 50b
spangs pas de skad bshad kyis nges par ni bzod pa thob pa kho na ste/ des na ngan 'gro med pas chos chen po la bzod pa'i phyir zhes 'chad pas 'di ni drod dang rtse mo pa yin no// de dag gnas smad pa der yang yun thung ba dang / sdug bsngal chung ba la sogs pa sbar ro zhes zer ro// rje btsun gyi zhal snga nas ni dgongs pa'i dbang gis bstan par zad pas na bar chad med pa'i lam gyi bar du sbyar ro zhes gsung ngo // 'di lta bu la sogs pa mdo'i gnas de dang der bdag nyid chen po rnams tha dad par 'chad pa rab tu mang po zhig yod pa ni gzhung mangs pas 'jigs pa'i phyir bdag gis 'dir ma bris te/ mdo mnyan pa las khong du chud par bya'o// mthong bas thob pa'i byang chub sems dpa' ni gzhung de bzhin du sbyar ba la thabs mkhas pa'i stobs kyis lha tshe ring por mi skye'i gzhan gang yang rung ba zhig tu skye ba'o// 'di ni thabs mkhas pa'i dbang gis mi skye ba yin la/ snga ma gnyis po ni 'jig pa dang bcas pas smon lam la sogs pas spong ngo // lan cig phyir 'ong ba ni bsam gtan dang tshad med pa la sogs pa thos pas de dag gi 'bras bu mngon du mi byed par dga' ldan du skyes te/ de'i gnas pa mthar phyin nas 'dzam+bu'i gling 'dir babs nas byang chub par ston pa'o// gzhan bar chad gcig pa ni bsam gtan nas chos ma 'dres pa'i bar gyis yon tan thob kyang da dung sangs rgyas mchod pa la sogs pa'i phyir gnas pa tshe gcig gis thogs pa ste/ 'jam dpal khyod da dung yang de bzhin gshegs pa la mchod pa'i las kyis mtshim mam zhes pa lta bu'o// dad pa dang mthong bas thob pa 'di dag ni sngon bzhin no// phyir mi 'ong ba ni zhing mtha' yas par 'dod pa las phyir mi 'ong ba dang / yang theg pa bla na med pa can dang / tshe tshad med pa can
- 51a
dag tu 'dod pa las phyir mi 'ong ba ste/ de dag gi sems can gdul ba'i dus nye bar gnas pa yal bar mi 'dor ba ni gang bor ba'i khams gsum de dag tu yang sems can rnams kyi don byed pa yod pa bstan pas theg pa dman pa'i phyir mi 'ong ba las bye brag tu byas pa'o// bar ma dor mya ngan las 'das pa ni tshangs pa'i 'jig rten du skyes nas lus de nyid kyi tshogs bsags te rdzogs par 'tshang rgya bar ro// skyes gnas pa ni srid pa tha ma pa dang / gang tshe tshad med par byin gyis brlabs pa'i tshe gcig pu de la 'tshang rgya ba'o// mngon par 'du byed pa dang bcas pa ni 'jig rten gyi khams dpag tu med pa dag tu mngon sum pa'i 'bad pas 'gro ba rab tu mang po 'dul zhing / der yang bdag nyid rab du ma smras par don byed pa'i dbang gis lam sbyong ba'o// mngon par 'du byed pa med par yongs su mya ngan las 'das pa ni rang bzhin dang rkyen gyis sems dang po bskyed pa nyid kyis phyir mi ldog pa'i sa thob pas byang chub par 'gyur ba ste/ 'di ltar dge slong mi 'khrugs pa dang bram ze ba rgya mtsho'i rdul dang / 'khor los sgyur ba'i rgyal por gyur pas sems can rnams sbyin pa nas bzung ste dge ba bcu'i las kyi lam la bkod nas de nyid tshangs ris nas 'og min gyi bar du 'gro ba de ni de'i 'og tu de nyid 'og min gyi mthar thug par 'gro ba ste zhes bya ba la de yang gsum yin pa las 'bar ba gang yin pa ni/ dang po bsam gtan bzhi rdzogs pa las slar rkyen 'ga' zhig gis nyams pa na slar bsam gtan dang po thob par byas nas/ de tshangs ris su skyes te der bsam gtan gong ma rnams thob par byas nas de shi ba na 'og min du skye ba blangs te sangs rgyas kyi zhing
- 51b
sna tshogs rnams su byang chub ston pa'o// phyed du 'phar ba ni gzhung snga ma lta bu las tshangs ris nas shi 'phos na gnas gtsang ma 'og ma gcig tu skyes te/ de nas shi 'phos nas 'og min du skye ba'o// / gnas thams cad du 'chi ba ni dga' ldan kho nar bsam gtan dang po la snyoms par zhugs te shi 'phos nas der skye zhing rim pa de ltar gzugs kyi khams kyi gnas ris bcu bdun kun tu tshe 'dzin pa dang / 'dor bas 'og min du song nas de'i 'og tu 'gro ba du ma zhig smin par byed pa'o// yang phyir mi 'ong ba 'ba' zhig gnas gtsang ma yin par gzugs dang gzugs med pa kun gyi bsam gtan gyi bde ba sgyu ma ltar nyams su myong bar byas te/ srid pa'i rtse mor skyes nas de nas yang 'gro ba mang po'i dor byed pa de ni 'dir de'i 'og tu de nyid srid pa'i rtse mo'i mthar thug par 'gro ba ste zhes bya ba ste/ de yang rnam pa gnyis yod pa las gzugs kyi 'dod chags dang bral ba ni 'dod pa'i khams 'dir gzugs kyi khams kyi mthong ba dang / bsgom pas spang bar bya ba spangs te gzugs med pa'i skye mched thob par byas te/ 'di nas shi 'phos nas khams bar ma bor te cig car du der skyes nas de nas yang gdul bya smin par byed pa'o// mthong ba'i chos la zhi ba lus kyi mngon sum du byed pa ni/ tshe gcig pu kho na la rgyal po rin po che sna bdun dang ldan par gnas te de'i tshe tshogs yongs su bsags nas tshe gzhan lus gzhan mi len par rdzogs par 'tshang rgya ba ste 'di ni byang chub sems dpa'i mchog nyid do// phyir mi 'ong ba ni de ltar rnam pa bcu'o// dgra bcom pa'i 'bras bu la zhugs pa ni pha rol tu phyin pa drug la gnas pa'i byang chub sems dpa' sems can rab tu gdul dka' ba
- 52a
log par lta ba rnams 'dul la/ rang gi sems la yang rma mi 'byin par tshogs yongs su rdzogs par byed pa dag ste/ 'di dka' ba mi bzod pa spyod pa'i byang chub sems dpa' chen po zhes bya'o// rang sangs rgyas ni shin tu thabs mkhas pa'i byang chub sems dpa' 'ga' zhig 'jig rten gyi khams gang na dkon mchog gsum gyi sgra mi grags pa'i 'jig rten gyi khams der song nas mngon par byang chub pa ston pa gdul bya mang du 'dul ba ste/ de ltar tha mar bstan pa 'di gsum ni rang dang gzhan gnyi ga'i don las byang chub sems dpa' mchog tu bstan to// 'dir rgyan tu zhugs pa la sogs par byang chub sems dpa' bstan pa yang sprul pa dang / sgra'i gzhi yod pas gnyis te de la sprul pa ni/ theg pa rlabs po ches ni skrag 'gyur zhing // 'di ni sems can dman la mos rig nas// / byang chub sems dpa' 'di dag nyan thos 'gyur// rang rgyal byang chub par yang rab tu ston zhes gsungs so// sgra'i gzhi yod pa'i dbang du byas te ni/ spros med rnyog pa med pa ste/ tshegs med dbyings ni ston par byed// sangs rgyas chos rnams ma lus par// rnam par mthong nas ston par byed// sangs rgyas rnams kyis gang gsungs pa// chos dang ring bar mi rtog cing // chos dang nye bar mi rtog ste// des na de dag 'dre ba med// sgrogs kyang 'dre ba ma yin te// sems can dpag tu med la brjod// sems can de dag mthong ba med// des na de ni nyan thos brjod// kun dga' 'di la dgongs nas ni// nga yis nyan thos yongs su bstan// gnas med byang chub sems dpa' ni// de ltar nyan thos su shes kyis zhes bya ba dang / rkyen rnams 'di dag shes nas ni// de ni gang la'ang mi/
- 52b
gnas te// rang sangs rgyas shes bya ba'i sgrar// byang chub sems dpa' rab tu sngon zhes gsungs la/ yang byang chub sems dpa' 'di dag la rgyun du zhugs pa la sogs pa'i khyad par gyi sgra'i gzhi yod par// yang bstan te/ rgya cher ni 'phags pa phyir mi ldog pa'i 'khor lo'i mdo las drang bar bya'o// yang 'dir gang gis nyon mongs pa'i rnam pa las drug gim bdun nam brgyad kyi rnam pa spang ba las ni/ de rgyun tu zhugs 'bras bu la grags par nas bya ba nas/ gang nas lung bya la ldanan grangs pa brgya ba sangs ba na da tham pa'i 'bras bu la zhugs pal zhes tha ba'i bang sagangs pas gdanas ma mngon pa las rab tu gsal ba dang / 'dir de ltar spangs pa gtso bor gyur pa'i phyir brjod pas ci zhig bya/ nges par 'byed pa'i cha dang mthun pa zhes bya ba la nges pa zhes bya ba ni ma lus pa'o// 'byed pa ni 'joms pa'o// cha ni phyogs gcig go// i ya ni phan pa ste rgyur rtogs pa'o zhes bya'o// chu'i sgo ni theg pa ma lus pa'i'o// 'bras bu ni sangs rgyas nyid kyi mngon sum pa'i rgyur gyur pas so// ngo bo nyid ni chos kyi dbyings kyi rang bzhin du nges par gnas pa ste/ chos kyi dbyings las ma gtogs pa// 'di ltar chos yod ma yin te zhes pa'i tshul las so// chos nyid kyi rnam pa'i sgo ni chos kyi dbyings kyi rang bzhin de yang kun rdzob pa'i dmigs pa dang rnam pa la sogs pa'i bye brag du mar rten cing 'brel par 'byung ba'i mthu'i che bas gnas zhes bya ba'i don to// des na theg pa chen po 'dir ni rang bzhin gcig nyid las sna tshogs par 'gyur ba ni thabs la mkhas pa'i mthu'i che ba yin la/ sna tshogs kyang gcig kho na 'di ltar spros pa med par 'gyur ba ni chos kyi dbyings kyi bdag nyid che ba'o// de ltar nges par 'byed pa'i cha dang mthun pa bstan
- 53a
pa rnam par phye nas/ da ni sgrub pa'i gzhir gyur pa rigs bstan pa dgrol bar bya ba'i phyir/ sgrub pa dang ldan pa la nges par 'byed pa'i cha dang mthun pa ji skad bshad pa dang mthong ba'i lam la sogs gzhan yang 'byung bas sgrub pa'i rten du gyur pa gsungs te zhes bya ba la sogs pas gsungs te sgrub pa 'chad par 'gyur ba bzhi po de dag nyams su len pa dang ldan pa'i byang chub sems dpa' sgrub pa po rnams la nges par 'byed pa'i cha dang mthun pa 'das ma thag tu ji skad bshad pa 'byung ba ste/ de ni go cha'i sgrub pa nyid yin pa'i phyir ro// mthong ba'i lam la sogs pa gzhan yang 'byung bas zhes bya ba la sogs pa smos pas ni bsgom pa'i lam dang khyad par gyi lam bsdus te/ de dag ni 'jug pa dang tshogs dang / nges par 'byung ba'i sgrub pa rnam nyid yin pa'i phyir ro// de ltar/ ma lus pa'i gzhi rigs yin na/ de ltar na dang po kho nar ci te na de ma bstan ce na/ sems bskyed pa la sogs pa'i rgyus tshegs kyi lam gnyis sbyangs te sbyor ba'i lam thob pa ni rigs la gnas par bgrang ngo zhes rgyus 'bras bu shes par bya ba'i phyir ro// gzhan dag ni de ltar sbyang ba ni mngon par 'dus byas pa'i rigs la gsungs pa yin pas/ rang bzhin gyis rigs la ni dang po nyid du rigs brjod par rigs mod kyi rigs gnyis su shes par bya ba'i phyir 'dir bstan to zhes zer ro// de ltar sgrub pa'i rten rigs yin pas de sgrub pa rnams kyi dang por ni bstan na/ sgrub pa'i rten du gyur pa'i rigs zhes bya ba 'di'i don ci zhe na/ de'i phyir rigs zhes bya ba 'di ni yod par sgrub pa dang / de'i rang bzhin dang / rnam par dbye ba dang / rtags dang //
- 53b
yon tan dang / nyes pa dang / nges pa'i tshig dag gis shes par 'gyur te/ de la dang po'i dbang du byas te ni khams rnams dang ni mos pa dang / sgrub pa tha dad dmigs pa dang / 'bras bu tha dad dmigs pa dang / rigs yod nyid du nges par brjod ces gsungs so// gnyis pa'i dbang du byas te/ rigs kyi rang bzhin ni kha cig tu chos kyi dbyings te/ kye rgyal ba'i sras dag byang chub sems dpa' rigs zhes bya ba 'ang na chos kyi dbyings ldang ldan pa/ rnam mkha' ltar yangs po/ rang bzhin gyis 'dags la bA s+t+wa~M/ de la gnas pa'i byang chub sems dpa' rnams ni 'das par sangs rgyas bcom ldan 'das rnams kyi rigs su skyes pa yin/ ma 'ongs pa'i sangs rgyas bcom ldan 'das rnams kyi rigs su skyes pa yin/ da ltar byung ba'i sangs rgyas bcom ldan 'das rnams kyi rigs su skyes pa yin zhes gsungs la/ 'di nyid las kyang / chos kyi dbyings la dbyer med phyir// rigs ni tha dad rung mo yin zhes rgol ba smra bas so// yang 'jam dpal chos kyi dbyings gcig dang yang dag pa'i mtha' gcig yin na snod dang snod med par ji ltar brtags zhes kyang gsungs pas so// yang kha cig tu ni rigs zhes bya ba 'di nges par skye mched kyi bye brag nyid la 'dod par mthong ste chos mngon pa las kyang / kha cig dang po nas de'i rigs/ kha cig sbyangs pa las gyur to zhes bshad la/ theg pa chen po'i dbang du byas te yang 'phags pa chos bcu pa'i mdo las/ du ba las ni mer shes shing // chu skyar las ni chu shes ltar// byang chub sems dpa' blo ldan pa'i// rigs ni rtags kyi sgo nas shes zhes gsungs te/ 'dir rtags ni gang la
- 54a
skye mched khyad par can yod pa'i rang bzhin gyi rtags kyi khyad par 'ga' zhig la bya bar dgongs kyi/ gang la chos kyi dbyings yod pa'i rtags zhes ni mi rigs te de ni spyi la yod pa'i phyir ro// de las 'dir ni rje bdun gyi zhal snga nas rigs kyi rang bzhin ni chos kyi dbyings yin par bzhed la/ 'on kyang rigs kyi dbye ba ni med pa ma yin te/ yang dag par rigs gcig pu yin dubyin kyang 'ga' zhig rang bzhin nam spangs pa las skye bachad kyang par dugyur pa'i dbang las tha dad par bzhag pa tsam du yang dgongs par ni pa yis ston to// gsum pa rnam par dbye ba ni smye theg pa chen po dang rang sangs rgyas dang / 'phags pa nyan thos dang / ma nges pa dang / rigs med pa zhes sngar 'phags pa lang kar gshegs pa las gsungs pa nyid de/ 'on kyang rigs chad pa zhes bya ba 'di ni rnam par grol ba dka' ba'i dbang tsam la dgongs pa ste/ gzhan du na ni 'phags pa shes rab kyi pha rol du phyin pa mchog dang po las/ byang chub sems dpa' kun du bzang po sems can thams cad ni de bzhin gshegs pa'i snying po can no zhes gsungs pa dang / yang 'phags pa zla ba sgron ma'i mdo las/ 'di na snod min sems can gang yang med// 'gro ba 'di kun ma lus sangs rgyas 'gyur// zhes gsungs pa dag ji ltar drangs// bzhi pa rtags kyi dbang du byas te ni// sbyor ba'i sngon du snying rje dang // mos pa dang ni bzod pa dang // dge ba yang dag spyod pa ni// rigs kyi rtags su shes par bya zhes gsungs so// lnga pa dang drug pa'i dbang du byas te na/ ring mo zhig nang ngan song du// 'gro zhig myur du thar pa dang // de'ang sdug
- 54b
bsngal chung ngu myong // skyo bcas sems can yongs smin byed ces pa dang / nyon mongs goms dang grogs ngan dang // 'bongs dang gzhan gyi dbang nyid de// mdor na rigs kyi nyes pa ni// rnam pa bzhir ni shes par bya// zhes gsungs so// bdun pa ni nges pa'i tshig gi dbang du byas te ni// phyogs sams la slob ni go'i sgra ste// ri 'ongs dang rdo rje dang // mtho ris pa lang chu rnams la// mkhas pas go sgra shes par bya zhes brjod pa'i tshul gyis so// yang snying rje'i dbang gi ni sems can dmyal ba la sogs pa'i 'gro ba ngan par thim pas na ku la'o// gzhan dag ni yon ta gyi tshogs kyi rten du 'gyur ba'i phyir na ku la zhes skad kyi byings bstan pa'i rjes su 'brang ngo // ming gi don ni yon tan bskyed pa'i phyir rigs nyid ces bya ste/ 'di ni sa bon dang nus pa'i ming gi don yin pa'i phyir ro// chos kyi dbyings ngo bo nyid kho na zhes bya ba ni dang po bsdus pa'i don gyi skabs su// sgrub pa yi ni rton gyur pa// chos kyi dbyings kyi rang bzhin dang zhes gsungs pa thugs la bzhag nas/ 'di skad smos so// ji skad du bshad pa'i chos ni sgrub pa rnam pa bzhi la sogs pa'o// gzhir gyur pa ni chos kyi dbyings te rtogs pas de dang 'brel pa'i bdag nyid byang chub sems dpa' rnam pa bcu gsum la rigs zhes bstan to zhes bya ba la/ byang chub sems dpa' ni/ bdud rtsi thob byed lam ni 'di min gyis/ lam ngan spongs la lam mchog mnos shig ces/ lha ngan sems can mthong nas go byed de// rgyu des byang chub sems dpa' zhes brjod do zhes bya ba'i tshul gyis na/ byang chub la dgod pa'i phyir sems dpa' ni byang chub sems dpa' zhes
- 55a
bya'o// rnam pa bcu gsum la zhes bya ba ni ji skad du bgrangs pa bcu gsum ste/ de yang dang po ni sbyor ba'i lam gyis bsdus pa bzhi'o// lnga pa ni mthong ba'i lam mo// drug pa ni bsgom pa'i lam mo// bdun pa dang dgu pa ni de dag nyid kyi bral ba dang bral ba'i thob pa gnyis so// brgyad pa ni sa 'od byed pa nas sa drug pa'i bar ro// bcu pa ni sa bdun pa'o// bcu gcig pa ni sa mi g.yo ba nas chos kyi sprin gyi bar ro// bcu gnyis pa ni skye ba gcig gis thogs pa dang srid pa tham pa'o// bcu gsum pa ni khyad par gyi lam rdo rje lta bu'i ting nge/ 'dzin to// de la skye ba gcig gis thogs po'i sa pa ni 'gro ba rnams la sangs rgyas kyi bya bas nye bar gnas pas gdul bya bal mo che bstan pa la dgod par byed pa'i phyir na de'i 'og tu ji lta ba bzhin du bzhugs pa la sogs pa la ldem por dgongs pa'i sgo nas zhes bya ba la sogs pa gsungs te/ de la 'gro ba 'ga' zhig bstan pa 'di la gzhug pa'i phyir dang por de'i sgrib pa spang ba'i thabs kyis bdag dang gang zag dang khams la sogs pa yod par bstan pa dang / chos thams cad med pa dang chos thams cad rten cing 'brel par 'byung ba dang / chos thams cad phyin ci ma log cing rang bzhin gyis 'od gsal lo// zhes kun tu brtags pa dang / gzhan gyi dbang dang / yongs su grub pa'i mtshan nyid la brten te gsungs pa chos kyi phung po gcig gsungs par mi mdzad kyi gdul bya la/ rten cing chos kyi sgo mo brgyad khri bzhi stong rnyed bstan pa dang / byang chub kyi spyod pa rab tu dka' ba brten te nyon mongs pa la gnas pas ni
- 55b
byang chub de thob bo zhes bstan pa dag gzhug pa la ldem por dgongs pa dang / mtshan nyid la ldem por dgongs pa dang / gnyen po la ldem por dgongs pa dang / sbyar ba la ldem por dgongs pa dag dang / yang tshogs dang chos kyi sku dag dang / 'gro ba'i don ni spyod pa yi// sangs rgyas thams cad mnyam pa ste// zhes pa la rten nas 'das pa'i dus kyi sangs rgyas kha cig kyang nga nyid yin/ zhes bstan pa dang / sangs rgyas 'ga' zhig mtshan thos pas phyir mi ldeg pa 'gyur zhes dus ring mo zhig na 'gyur ba la brten pa dang / sangs rgyas gang+gA'i klang gi bye ma snyed la rim gro bya ba byas na de nas gdod theg pa mchog gi don khong du chud par 'gyur ro zhes ston pa don gzhan la rten po dang / gang zag 'ga' zhig la dang por sbyin pa'i legs pa brjod de de yang phyi nas sbyin pa smad pa la sogs pa bstan pa gang zag gi bsam pa la brten pa ste/ de lta na mnyam pa nyid la dgongs pa dang / dus gzhan la dgongs pa dang / don gzhan la dgongs pa dang / gang zag gi bsam/ pa la dgongs pa ste dgongs pa bzhi'o// 'di dag ni theg pa chen po la snang ba lta bur gzung bar bya ste/ zhu ba'i 'og tu za ba la// mar gyi nyid khwa sbrang rtsi dang // kha ra dag ni bdud rtsi bzhin// / ma zhu zas la dug tu 'gyur// de bzhin rab rgyas bdud rtsi yis// dgongs pa'i tshig la mi mkhas shing // byis pa'i blo dang ldan pa la// mi bzad pa yi dug tu 'gyur// zhes gsungs pas so// de ltar dgengs pa brgyad kyi 'gro ba'i don la 'bad pa ni rta 'dul sbyong byed pa ltar nges par dul bar 'gyur bas na de dag nyid theg pa gsum gyi lam la sems can ma lus par
- 56a
'god pa'i mtshan nyid kyi gzhan gyi don gyi go rims so zhes bya'o// don 'di la dgongs te sa bcu pa'i byang chub sems dpa' ni sangs rgyas su bstan pa mdzad do// de'i 'og tu 'khor ba ji srid pa la sogs pa ni skabs bdun par zhi ba du rnam par 'byed pas shes par 'gyur bas 'dir mi brjod do// gang dag tha mar bstan pa 'di sangs rgyas kyi sa la sbyor bar byed pa ni mi rigs te de ltar na sngar smos pa'i byang chub sems dpa' bcu gsum zhes pa ji ltar drang / lhag ma'i tshig gi don ni go sla bas rnam par ma phye ste/ rnam par bshad pa'i rim pa bzlog pa 'di ni dang por bshad pa'i byang chub sems dpa' dbye bar rigs par bsams te de ltar bshad par zad do// ji ltar na nyan thos kyi theg pa la sogs pa rtogs pa'i rims kyis dmigs pa de bzhin du zhes bya ba la sogs pa 'dis ni 'di skad du bstan par 'gyur te nyan thos dag ni rnal 'byor spyod pa ltar rigs tha dad pa dang de chad pa yod par mi 'dod pas na sems can thams cad ma nges pa'i rigs can du 'dod pas na de ltar 'dod pa khyed nyid kyi lugs kyis rigs kyi ngo bo cig yin yang rkyen gyis byas pa'i rtogs pa tha dad pa tsam gyis rigs tha dad par 'thad pa ltar kho bo cag kyang rigs kyi rang bzhin chos kyi dbyings gcig pu kho na bzhin du 'dod kyang de rtogs pa'i rim pa las rigs khyad par can bcu gsum du 'dod ces pa 'di ni bstan bcos las grags pa'i dpe'o// / sla chos nyid du zhes pa ni bstan par sla ba dang go sla ba 'jig rten la grags pa'i dpe'o// sgrub pa'i rten du gyur pa ji skad bshad pa'i zhes pa ni 'das ma zag pa byang chub sems dpa' rnam pa
- 56b
bcu gsum po rnams kyi'o// dmigs pa gang yin zhe na snyam du phyogs snga ma la rtogs pa la/ dmigs pa gsungs te zhes tshig rnam par sbyar ro// de la dmigs pa zhes bya ba 'di gang zhig yin// 'di ltar chos mngon pa las ni rnam par shes pa'i tshogs lnga dang / yid kyi rnam par shes pa dang / ming la ma byang ba'i yid kyi rnam par shes pa dang / brdal blo ma byang ba dang / lta ba dang / nga rgyal dang / de dag dang mtshungs par ldan pa'i chos rnams bor ba de las gzhan dag dang / gang dag bor ba de dag dang / zag pa med pa dang / skal ba mi 'dra ba'i khams dang / sa kun tu 'gro ba rnams dang // ma 'ongs pa'i dmigs pa gzhi gtan la ma phebs pa rnams dang / gang bor ba rnams dang / rtag pa la sogs par skyes pa'i 'dzin pa rnams dang / de dag las zlog pa'i rnam par 'byung ba rnams dang // shes bya'i sgrib pa ma bor ba rnams dang / de spang ba rnams kyi dbang du byas te/ yul yongs su chad pa dang / de las zlog pa dang / yul la bkra bar mi 'dzin pa dang / de las zlog pa dang / dngos po dang bcas pa dang / de las zlog pa dang / dngos po dang / kun brtags pa dang / phyin ci log dang / de las bzlog pa dang / thogs pa dang bcas pa dang / thogs pa med pa'i dmigs pa ste rnam pa bcu gnyis su bye ba'i dmigs pa bstan na 'dir de dag las gang dag bzung zhe na/ re zhig yul la bkra bar mi 'dzin pa'i dmigs pa rab tu smad pa dang / thogs pa med pa'i dmigs pa mchog dag ni 'dir mi bzung ngo // lhag ma bcu las kyang byang chub sems dpa' sa dang po bzhi ni sngar bstan pa ltar rnam par rtog pa'i rigs bzhi ma spangs pas na phyin ci log dang kun brtags pa'i dmigs pa dang yang 'brel
- 57a
zhing dmigs pa lhag ma rnams kyang ci rigs su sbyar ro// byang chub sems dpa' lhag ma dgu ni lhag ma'i dmigs pa brgyad dang 'brel par 'gyur ro// yang gzhan dag ni byang chub sems dpa' bcu gsum po ni thogs pa med pa'i dmigs par 'dod do// dge sbyong tshul nyid zhes bya ba ni lam gyi bden pa gtso bo gyur pa ste ji skad du chos mngon pa las/ dge sbyong tshul ni dri med lam/ zhes bstan pa lta bu'o// lung du ma bstan pa'i lus kyi las zhes bya ba ni phan pa'am gnod pa'i sems dang bral ba'i bzo byed pa'am kha zas za ba la sogs pa'o// rnam pa gnyis pa'i dbye ba bzhi nyid kyis zhes bya ba ni gzhung rtsa ba las zung du sbyar ba phrag bzhi bstan pa rnams so// chos can stobs bcu ste zhes bya ba la/ stobs bcu nyid chos can te stobs re re la yang dpag du med pa'i stobs mnga' mod kyi mdor bsdus na stobs bcur bstan to// zhes mdo las gsungs pa na rang gi yan lag ni 'dir chos su brjod do// gzhan dag ni sangs rgyas su byed pa'i chos kyi gtso bo ni stobs bcu yin pas 'dir chos can gyi sgras ni gtso bo bstan la/ mi 'jigs pa la sogs pa'i yon tan ni chos kyi sgras bstan par 'gyur ro zhes 'dod do// de lta bu la sogs pa la zhes bya ba la de lta bu ni dmigs pa rnam pa bcu gcig rnams so// sogs pa smos pa ni grangs rnam pa bcu gcig tu bzhag pa'i dmigs pa ni nye bar mtshon pa ste/ rgyas par ni rang dang spyi'i mtshan nyid ma lus pa la dmigs par rig pas na chos thams cad ces bstan te/ rgyal sras rnams kyi mi bslab pa// de ni 'ga' yang yod ma yin zhes bshad pa lta bu'o// rtogs pa ji lta bus rim gyis dmigs pas na zhes bya ba la/ rtogs pa'i rim pa mi
- 57b
'dra ba'i shugs kyis na sngar dmigs pa bcu gnyis las ci rigs su phye ba yin te las dang po pa rnams ni mngon par zhen pas dmigs la phyi ma phyi ma rnams ni de las zlog par dmigs pa'i phyir te de ni rtogs/ ba smra ba na// gzhan nag ni byang chub sems dpa' bcugasum par dag ga byung dge ba la dang pa dang rigs shing / rim smras tha par skabs pas la dmags pa'i bar dud dmigs pa ni nags pa'i rim pa'o// zhes 'dod do// ched du bya ba la byang chub sems dpa' de dag don ci zhig gi ched du dmigs pa de lta bu la dmigs pa sgrub par byed ce na zhes bya bar sbyar ro// de'i lan du ni sems can thams cad rim gyis rim gyis sems can gyi mchog sangs rgyas nyid du bya'o zhes yid la byed pa'i phyir sems dpa' che ba nyid do// de dag la sogs pa'i don chen po gsum gyis rim pas dmigs zhes bya ba'i tha tshig go/ gal te de ltar sems can thams cad sangs rgyas mi'i mchog tu gyur na sems can thams cad kyi mchog gi sems can thams cad gang zhe na/ de ni rang rang gi sangs ma rgyas pa'i gnas skabs la dgongs pas nyes med do// dmigs pa ni ched du bya ba de dag mthong nas dmigs pas na dang po ni dmigs pa 'byung la de nas ni ched du bya ba de'i mthus 'byung bas/ na/ 'phags pa rnam par grol ba'i sde'i zhal snga nas mda' ltong du 'jug pa dang / 'bem la phog pa'i dpe dang dus nye ba dang ring ba'i dbang gis 'di gnyis bstan pa mdzad do// de'i rang gi ngo bo gang yin/ zhe na zhes pa la de'i rang gi ngo bo ni sngar sgrub pa zhes bya ba'i ming tsam zhig lan mang du byung bas na/ da ni de'i ngo bo ming can ston cig ces bya ba'i don to// de'i lan du ni thams cad mkhyen pa nyid gsum
- 58a
gyi yul la zhes bya ba la sogs pa gsungs te/ 'dir don ni 'di skad du bstan par 'gyur te/ khyod kyis dris pa'i sgrub pa'i ngo bo de ni mdor na rnam pa gnyis te ji ltar zhen goms pa'i mthu ma thob pa'i phyir sgo du ma nas spyod pa'i sgrub pa bzhi ni skabs dang po gsum gyi dbang du byas te de'i ngo bor bzhag la/ yun ring du 'dris pa'i mthus dge ba sgrub pa ji snyed pha rol du phyin pa drug gi rten dang ldan par bsdu ste bsgrub par nus pa'i sgrub pa drug ni skabs lhag ma bzhi rnams kyis sgrub pa'o// de la rje btsun gyi zhal snga nas ni go cha'i sgrub pas bsgrub pa gnyi ga bstan lhag ma 'jug pa la sogs pa ni sgrub pa dang po'o zhes dgongs pas dus gcig gi tshul gyis ston par mdzad do zhes bya'o// yang gzhan dag ni skabs bdun par ni pa rol tu phyin pa gcig gis kyang ma lus par bsgrub par nus pas na mngon par rtogs pa rnam pa bzhi la zhes bya ba 'di ni rnam pa gsum la zhes bya bar brjod par rigs so zhes bya bar 'dod do// de la go cha la sogs pa'i sgrub pa dang po rnam pa ni go rim bzhin du 'jug pa dang / zhugs pa khyad par du gyur pa dang / 'bras bu thob mngon du byed pa rnams yin la/ sgrub pa tha ma ni ma lus pa gcig du dbyer med pas bsgrub cing snga phyi'i char yang mi lta bar bsgom pa'o zhes bya bar shes par bya ste/ de ni rnam pa thams cad skad cig la mkhyen pa'i dang por sbyor ba yin pa'i phyir ro// go cha'i sgrub pa zhes bya ba ni brtson 'grus rnam pa gsum po go cha dang sbyor ba dang sems can gyi don bya ba dag las/ 'dir ni go cha'i brtson 'grus kyi ngo bo nyid du shes par bya ste go cha yang pha rol tu phyin pa sum cu rtsa drug dag tu bsgrub par sems kyis sran btsugs pas de'i mi mthun pa'i phyogs kyi mi phugs pas na go cha dang / chos mthun te/
- 58b
de bas na go cha brtan par gyon pa la thams cad 'grub pa'i phyir de dang por bstan te/ dgos pa sgrub la mkhas rnams sran thub pas// dka' ba rnams kyang dka' ba med par rgal zhes bshad pa lta bu'o// yang de ni du zhe na drug tshan drug gis ji bzhin bshad ces bya ba'i bka' lung 'dis sum cu rtsa drug mdo dang mthun par bstan to// de la slob dpon gyi zhal snga nas ni bstan pa gang dag bsdus pa ni rab du phye na go ba'i yan lag tu 'gyur te/ dper na gzugs zhes bstan pa'i tshe rgyu dang rgyur byas pa dag gis dbye bas bstan pa lta bu'o// bstan pa gang rab du rgyas pa de dag ni bsdus pago bar byed pa yinate/ dper na gzugs gang ji snyed pa ni phung po lnga pa'o zhes bya'o zhes pa'am/ ji ltar rgyal ba'i yum gyi mdo'i le'u rab du mang po dag 'phags pa rnam par grol ba'i sde'i zhal snga nas le'u brgyad du gdags pa mdzad pa lta bu'o// 'dir yang sum cu rtsa drug du bsdus na go sla bar dgongs pas go cha'i sgrub pa rnam pa drug go zhes bya ba gsungs te/ 'di la rgyu mtshan 'ga' zhig med par ni bsdu bar mi rigs pas na sbyin pa la sogs pa drug dang chos mthun pa'i phyir/ zhes bya ba smos te/ sbyin pa la brten pa'i pha rol tu phyin pa drug car de'i tshe de'i rgyu las byung zhing de'i nyams su len pa las bye bar zad pas na rgyu gcig las byung bar 'dra bas na chos mthun pa'o// gzhan dag ni gdul bya chos kyi rnam par dbye ba la mi rmongs par bya ba'i phyir bcom ldan 'das kyis de lta de ltar gdags pa mdzad pas ming gi chos mthun pa zhes bya ba'i rang gi ngo bo ni pha rol du phyin pa drug kho nar zad de// gal te nyan thos la sogs par yongs su bsngos na des pha rol du phyin par ga la 'gyur zhes 'dod do// 'jug pa'i sgrub pa zhes pa ni chos kyi dbyings la 'jug pa thob nas sgrub ces pa'i don te de'i 'og
- 59a
tu ni mthun pa tsam gyis spyod pa'o// don 'di nyid las dgongs te slob dpon dpal sangs rgyas ye shes kyi zhal snga nas smon pa'i byang chub sems 'jig rten pa thams cad kyi yin la/ 'jug pa byang chub kyi sems ni sa dang po rab tu dga' ba las brtsams te'o zhes bshad do// mi dmigs pa dang ldan pa dang zhes bya ba ni nang stong pa nyid la sogs par mi dmigs shing rtags pa dang / bde ba dang / bdag dang / zhi ba dang / stong pa dang / mtshan ma dang / smon pa dang / dus dang / khams dang / zag pa dang bcas pa dang / 'dus byas kyi khams dang / 'dus ma byas kyi khams rnams gang du yang dmigs shing / de dag med do zhes kyang mi dmigs pa'o// ched du bya ba dang zhes bya ba ni stong pa nyid dang / byang chub kyi phyogs kyi chos rnams dang / sangs rgyas kyi chos ma 'dres pa la sogs te/ mi slob pa'i chos rnams kyi ched du sngar yun ring du 'dris par bya ba rnams bsgom pa'o// rnam pa thams cad mkhyen pa ni 'bras bu la dmigs te 'jug pa'i don to// de ltar 'jug pa byas pa la zhes bya ba ni mthong ba'i lam bskyed pa la'o// / tshogs kyi lam skye bas zhes pa ni sgom pa'i lam 'byung ba ste/ 'dir sangs rgyas kyi rgyu'i chos rdzogs par byed pas na tshogs te/ dngos su na chos du ma'i don to// des na las dang po pa'i sa nas khyad par gyi lam gyis bar du tshogs yin mod kyi/ sgom pa'i lam 'dir nus pa mthu can gyi chos rgyas pa la dmigs pas na 'di la tshogs kyi gtso bor gyur pas tsho gas zhes gsungs so// ye shes kyi tshogs la stong pa nyid nyi shur gsungs pa la/ kha cig ni 'dir ni lam gyi skabs kyi ye shes gtso bor ston pa ni 'bras bu'i ye shes me long lta bu la sogs pa gtso bor ma bstan to zhes zer ro// 'phags pa rnam par grol ba'i
- 59b
sde'i zhal snga nas ni de dag kyang 'dir drangs te brjod par rigs te/ stong pa nyid nyi shu po 'di dag ni mnyam pa nyid kyi ye shes me long lta bu dang bcas pa'i bye brag go zhes gsungs so// sa'i tshogs zhes bya/ ba la 'dir sa'i tshogs de ni rgyas par khong du chud par bya na sa'i nges pa'i tshig dang / sa'i dbye ba dang / rang bzhin dang / shas che ba'i chos dang / yongs su sbyong ba dang / sa de dag thob pa'i lus yongs su 'dzin pa dang / kun rdzob kyi ye shes dang / mi mthun pa'i phyogs dang / sa de dag gi rtags dang / 'bras bu rnams brjod par bya bar rigs so// de la nges pa'i tshi ga ni spyi dang so so bas gnyis te/ re zhig spyi'i dbang du mdzad nas ni// dge ba bsgrub pa sna tshogs la// dga' bas rtags par thams cad du// gnas phyir byang chub sems dpa' yi// sa rnams gnas pa yin par 'dod// 'byung po dpag med 'jigs med phyir// dpag tu med pa de dag la// phyi phyir gong du 'gro ldan phyir// de dag nyid de sar 'dod do zhes gsungs so// de bzhin du so so ba'i dbang du byas te rim pa bzhin du/ byang chub la ni nye ba dang // sems can don sgrub mthong ba la// rab tu dga' ba skye 'gyur te/ de'i phyir rab dga' zhes brjod do// 'chal tshul rtsom pa'i dri bral phyir// dri ma med pa'i sa zhes bya// chos kyi snang ba chen po ni// byed pa'i phyir na 'od byed pa'o// 'di ltar byang chub phyogs mthun chos// rab tu shes sreg me lta bu// de dang ldan phyir sa de ni// gnyis po sreg pas 'od 'phro can// sems can rnams yongs smin byed cing // rang gi sems kyang bsrung ba'i phyir// blo ldan rnams kyis sbyang dka' ba// de phyir sbyang bar dka' zhes bya// shes rab pha rol phyin brten nas// 'khor ba dang ni mya ngan
- 60a
'das// gnyis 'dir mngon du gyur pa'i phyir// mngon du gyur pa zhes bshad do// bgrod gcig lam dang 'brel ba'i phyir// ring du song ba'i sar 'dod do// 'du shes gnyis kyis mi g.yo'i phyir// mi g.yo ba zhes nges par brjod// so so yang dag rig blo bzang // sa de legs pa'i blo gros yin// sprin bzhin gnyis kyi nam mkha'i chos// khyab pa'i phyir na chos kyi sprin// zhes bya ba la sogs pa gzhung gang dag tu ji ltar bstan pa rnams so// de la sa'i dbye ba ni 'jig rten las 'das pa'i sa slob pas bsdus pa ni theg pa chen po 'dir nges pa'i tshig gis bstan pa'i bcu pa rnams so// gzhan du dad pa'i sa la sogs pa mang zhig 'byung ba ni 'dir skabs ma yin pa'i phyir mi dbye'o// sa rnams kyi rang bzhin ni ye shes 'jig rten las 'das pa'i ngo bo nyid do// sa gang zhig la chos gang zhig shas che zhe na/ kha cig na re pha rol tu phyin pa ban dngos por mi dmigs pas ni sa so sor sbyong bar byed de/ bsam dang phan pa'i dngos nyid dang zhes pa logs pa 'chad par 'gyur ba rnams ni sa de dang de la shas cher rgyas par spyod pa'i chos te/ de ltar byas na mdo dang / mthun par 'gyur ro zhes zer la/ gzhan du rigs pa ma yin te/ gal te ji skad du 'chad par byed pa'i sa'i tshogs 'di dag sa ma thob pa thob par byed pa ma yin gyi thob pa la shas che ba zhig yin na de'i tshe sa dgu pa'i tshogs bstan par/ nges 'byung byang chub shing rnams kyi// yon tan zhes bya ba la sogs pa smos pa 'di mi 'thad par 'gyur te/ de dag ni sa bcu pa'i byang chub sems dpa' rnams kyi yon tan yin te/ des na slob dpon gyis kyang de dag ni sa de thob par byed pa'i rgyud gsal por bstan to// de las sa gang la chos gang zhig gis shas che ba ni pha rol tu phyin pa bcur mi bzhin dang / chos gang gis sa de thob par bya ba'i chos de nyid la yang
- 60b
shas cher slob cing / gzhan yang 'phags pa sa bcu pa'i le'u las/ de la bsdu ba'i dngos po sbyin pa dang ngag snyan pa gnyis kyi shas che bas sems can yongs su smin par byed de zhes bya ba la sogs pa gsungs pa dang sbyar ro// yongs su sbyong ba ni zhar la brjod zin to// lus yongs su 'dzin pa'i dbang du byas te/ 'dzam+bu'i gling gi rgyal po dang / 'khor los sgyur ba'i rgyal po nyid dang / lha'i dbang po brgya/ byin nyid dang / 'azab bral dang / dga' ldan dang / 'phrul dga' dang / gzhan 'phrul dbang byed kyi bdag po rnams dang / stong gi bdag po tshangs pa dang / stong gsum gyi stong chen po'i bdag po tshangs pa chen po dang lnga'i bu dbang phyug chen po rnams su phal cher 'gyur bas/ ser sna dang / 'chal pa'i tshul khrims dang / 'dod pa'i 'dod chags dang / 'jig chags la lta ba dang / mu stegs byed kyi gnas dang nga rgyal rnam par 'joms shing sems can rnams la rnam pa thams cad mkhyen pa'i ye shes sgrub par byed pa'o// kun rdzob kyi ye shes kyi dbang du byas te/ sa dang po la ni sangs rgyas brgya'i zhal mthong // ba dang / ting nge 'dzin brgya la snyoms par 'jug pa dang / sangs rgyas kyi zhing brgya sbyong ba la sogs pa skad cig gcig la'o// de bzhin du sbyar te grangs bsgyur ba stong dang / brgya stong dang / khrag khrig dang // khrag khrig phrag brgya dang / khrag khrig phrag brgya stong dang / bye ba khrag khrig phrag brgya stong dang / stong gsum brgya stong phrag bcu'i rdul shin tu phra ba snyed dang / sangs rgyas kyi zhing grangs med pa brgya stong phrag bcu tshang ba'i rdul shin tu phra ba snyed dang / sangs rgyas kyi zhing brjod du med pa bye ba khrag khrig brgya stong phrag bcu'i rdul shin tu phra ba snyed ces bsgyur te/ sa 'di dag gi yon tan de lta bu la sogs pa phal char ni
- 61a
'phags pa sa bcu'i le'ur blta bar rigs so// de la mi mthun pa'i phyogs ni thun mong nyid du bzung ba dang / 'dzin pa'i rnam par rtog pa rigs bzhi grangs brgya rtsa brgyad du gyur pa rnams so// bye brag tu ni ji skad du de las dang po la ni gang zag dang chos la mngon par zhen pa'i shin tu rmongs pa dang / ngan song ba'i nyon mongs pa'i shin tu rmongs pa dang / de'i gnas ngan len mi mthun pa'i phyogs so// gnyis pa la ni ltung ba phra mo'i 'khrul pa'i shin tu rmongs pa dang / las kyi 'gro ba sna tshogs la shin tu rmongs pa dang / de'i gnas ngar len mi mthun pa'i phyogs so// gsum pa la ni 'dod pa'i 'dod chags kyi shin tu rmongs pa dang / thos pa'i gzungs yongs su rdzogs pa'i shin tu rmongs pa dang / de'i gnas ngan len mi mthun pa'i phyogs so// bzhi pa la ni snyoms par 'jug pa la sred pa'i shin tu rmongs pa dang / chos la sred pa'i shin tu rmongs pa dang / de'i gnas ngan len mi mthun pa'i phyogs so// lnga pa la ni 'khor ba la shin tu phyir phyogs pa dang / mngon du phyogs pa yid la byed pa'i shin tu rmongs pa dang / mya ngan las 'das pa la phyir phyogs pa dang mngon du phyogs pa yid la byed pa'i shin tu rmongs pa dang / de'i gnas ngan len mi mthun pa'i phyogs so// drug pa la ni 'du byed 'byung ba mngon sum du 'gyur ba'i shin tu rmongs pa dang / mtshan ma mang du 'byung ba'i shin tu rmongs pa dang / de'i gnas ngan len mi mthun pa'i phyogs so// bdun pa la ni mtshan ma phra mo 'byung ba'i shin du rmongs pa dang / rab tu mtshan ma med pa yid la byed pa'i shin tu rmongs pa dang / de'i gnas ngan len mi mthun pa'i phyogs so// brgyad pa la ni mtshan ma med pa'i sgrib pa'i shin tu rmongs pa dang / mtshan ma dag la dbang ba'i shin tu rmongs pa dang / de'i gnas ngan len mi mthun pa'i phyogs so// dgu pa la ni chos ston pa tshad med pa dang / chos kyi tshig dang yi ge tshad med
- 61b
pa dang / gong nas gong du shes rab dang / spobs pa dang gzungs kyi dbang gis shin du rmongs pa dang / spobs pa la dbang ba'i shin du rmongs pa dang / de'i gnas ngan len mi mthun pa'i phyogs so// sa bcu pa la ni mngon par shes pa chen po'i shin tu rmongs pa dang / gsang ba phra mo la 'jug pa'i shin tu rmongs pa dang / de'i gnas ngan len mi mthun pa'i phyogs so// zhes gsungs pa rnams dang / yang sangs rgyas kyi sa la ni shes bya thams cad la rab tu phra ba'i chags pa'i shin du rmongs pa dang / thogs pa'i shin tu rmongs pa dang / de'i gnas ngan len du gyur pa mi mthun pa'i phyogs so// zhes gsungs pa rnams te/ tha ma sangs rgyas kyi sa'i sgrusgrib pa 'di yang sa bcu pa nyid la ldan pa'i phyir spong ba ma yin yang der bsdu bar bya'o// sangs rgyas kyi sa'i sgrib pas sa bcu pa nyid la rnam par bzhag par ni nyon mongs pa can ma yin pa'i mi shes pa rab tu phra ba'i gnas skabs dang / nyon mongs pa'i bag chags rnams ni sangs rgyas kyi sa'i sgrib pa'o zhes sngon gyi slob dpon kha cig gis bstan pa las kyang / don gyis na 'dir 'gyur ro// sa rnams kyi mi mthun pa'i phyogs bye brag can 'di ni bdag gis sa la 'jug pa las/ yan lag bcu gcig rdzogs gyur pas// rab tu dga' sogs sa bcu gcig/ rmongs gnyis gnas ngan len gcig ste/ mi mthun phyogs de tha dad do// zhes bshad pa'i lugs kyis 'phags pa dgongs pa nges par 'grel pa zhes bya ba theg pa chen po'i lung gis bshad pa'o// sa de dag thob pa'i rtags ni rmi lam gyi rnam pa las shes par bya'o// de ltar na rmi lam dro bar gyur pa'i tshe na med de der gnyis la sogs pa'i sgrib pa lnga zad pa'i phyir ro// de ltar na ji ltar na de dag gi rtags rmi lam du nges par 'gyur zhe na/ de ni bden mod kyi 'on kyang gnyid de ni rnam pa gnyis te/
- 62a
rang dbang med pa nyon mongs pa'i bdag nyid dang / de las zlog pa nyid do// sbyor ba'i lam nyid du dang po bcom yang ched du byin gyis brlabs pas lus rgyas par byed pa dge bar bgrang ba'i gnyid ni sa de dang de/ dag la yang nges par yod pas na/ 'di la nyes pa med do// gzhan dag ni blo bur ba'i shes pa'i snang ba rmi lam lta bur byung ba ni sa de dang de dag la chos thams cad rmi lam ltar rtogs pa'i phyir rmi lam gyi ming gis bstan to zhes zer te/ 'dir lung dang 'gal ba bsgrub pas ci zhig bya/ lung gis tshig ni dgos pa med par sgra gzhan gyis ston par mi mdzad do// de la mtshan ma rnams ni sa dang po la stong gsum gyi stong chen po'i 'jig rten gyi khams gter bye ba khrag khrig brgya stong gis yongs su gang bar mthong ba'o// sa gnyis pa la ni stong gsum gyi stong chen po'i 'jig rten gyi khams gang yin pa lag 'thil lta bur gyur pa la rin po che/ bye ba khrag khrig brgya stong du mas legs par brgyan pa mthong ba'o// sa gsum pa la ni bdag nyid dpa' zhing lag cha dang / go cha sra ba thogs nas pas kyi rgol ba thams cad 'dul bar mthong ba'o// sa bzhi pa la ni phyogs bzhi nas rlung gi dkyil 'khor bzhis thams cad dang ldan pa'i dkyil 'khor chen po la me tog sna tshogs kyis mngon par mthor bar mthong ba'o// sa lnga pa la ni rgyan thams cad kyis brgyan pa'i bud med kyi mgo la me tog tsam pa ka'i phreng ba 'dogs par mthong ba'o// sa drug pa la ni them skas bzhi dang ldan pa'i rdzing gser gyi bye ma brdal ba dang zhing snyog pa med pa la chu yan lag brgyad dang ldan pas yongs su gang ba me tog ut+pal dang / ku mu da dang / pad+ma dkar pos brgyan pa'i chu mthong nas de la bdag nyid rtse dga' yongs su longs spyod par mthong ngo // sa bdun pa la ni ngos g.yas g.yon gnyis na sems can
- 62b
dmyal ba'i g.yang sa mthong ste/ bdag nyid ma smas ma nyams par de nas slar ldog par mthong ba'o// sa brgyad pa la ni phrag pa gnyis na ri dgas kyi rgyal po seng ge ral pa can cod pan thogs pa gcan zan phra mo thams cad skrag par byed cing gnas par mthong ba'o// sa dgu pa la ni 'khor los sgyur ba'i rgyal por mthong ste skye bo bye ba khrag khrig brgya stong du mas yongs su bskor cing mdun gyis bltas te/ mgo bo'i steng na rin po che rnam pa sna tshogs pas spras pa'i gdugs dkar po 'dzin pa mthong ba'o// sa bcu pa la ni de bzhin gshegs pa'i sku mthong ste/ sku mdog gser lta bu 'od 'dom gang ba tshangs pa bye ba khrag khrig brgya stong du mas yongs su bskor cing mdun gyis bltas nas chos ston par mthong ngo zhes bya ba ste/ 'di ni bdag gis 'phags pa blo gros mi zad pas zhus pa theg pa chen po'i mdo las gsungs pa rnams bsdus te bkod pa'o// gang gis gnas skabs ma yin par mtshan ma 'di dag mthong bar gyur pa ni sngags kyi mthu 'am/ bdud kyi byin gyis brlabs yin par shes par bya'o// sa 'di dag gi 'bras bu ni sangs rgyas kyi sa 'od byed pa nyid yin la/ de la gzhan du yang sa phyi ma phyi ma rnams ni de la snga ma snga mar gyur pa rnams kyis 'bras bur rig par bya'o// nyi ma la sogs pa las skyes pa dang zhes pa ni ji ltar mngon par 'byung ba'i mdo las nyi ma las skyes pa dang bu ram shing pa'i mngon byung ba 'phags pa mau d+gal gyi bus shAkya rnams la bshad pa lta bu ste/ ma'i mngal du ma btsas pas na dang po'i rigs btsun par grags pa'o// gzhan dag ni nyi ma dang gser dang nor bu la sogs pa'i 'od lta bu'i sku mdog can du skyes pa zhes 'dod cing /
- 63a
/ de ltar byas na/ khyod sku gser mdog 'od gsal ba'i// tshad ni dmigs su ma mchis te// skad cig mdog gser btsod kha dang // myur bar shel 'od 'dra bar gda'// zhes gsungs pa la sogs pa'i mdo'i tshig rnams kyang legs par drangs par 'gyur ro zhes zer ro// smon lam shes par gang gis gnas pa zhes bya ba ni da dung ngo bo nyid kyi byang chub chen po ma thob tu zin kyang smon lam gyi mthus ni dga' ldan gyi gnas nas babs pa la sogs pa'i mdzad pa bcu gnyis kyis mngon par rdzogs par 'tshang rgya ba'i sbyor ba shes pas gnas pa'o// de lta na 'phags pa sa bcu ba'i le'u las/ smon lam gyi mthus ni sa rab tu dga' ba la yang mngon par rdzogs par 'tshang rgya bar gsungs pas de dag kyang ji ltar na sangs rgyas kyi sar bgrang zhe na/ de ni bden mod kyi 'on kyang sa de dag de'i mngon par 'tshang rgya ba ni rab tu nyung ba sngar bstan pa'i tshul gyis brgya la sogs pas dman pa'i phyir 'di dang ga la zhig snyam/ gnyen po'i cho gas shes bya ba ni 'ga' zhig logs na yod par rtog pa srid pa dgag pa'i phyir gzung 'dzin gyi rnam par rtog pa mi mthun pa'i phyogs kyi gnyen po ni mthong ba dang sgom pa'i lam gnyis kho na gnyen po zhes bya ba 'di las gzhan ni 'dir mi btsal lo zhes bstan pa'i phyir bar skabs kyi tshigs su bcad pa gcig gis de bstan to// de ltar sngar tshogs kyi sgrub pa ni sgom pa'i lam du bstan pa yin na/ mthong ba'i lam 'dir ci zhig 'brel zhe na/ de ltar sgrub pa bzhi lam bzhir bstan pa ni re zhig shas che ba'i dbang du byas kyi de dag re re yang thams cad du mi 'gro ba ni ma yin pas na nyes pa med do// gzhan dag ni 'dir
- 63b
gnyen por bgrang ba ni sgom pa'i lam yin mod kyi mthong ba'i lam yang sbyin gnyen po yin par zhar la bstan to zhes zer ro// gnas skabs kyi khyad par zhes bya ba ni lam de dag la yang mnyam par bzhag pa'i gnas skabs na gnyen po'i ming thob kyi/ mthong ba'i lam gyi skad cig ma brgyad pa lta bu ni kun rdzob kyi bden pa la dmigs pa brgyad pas gzung ba dang 'dzin pa'i rnam par rtog pa'i gnyen por mi 'gyur te/ de ltar na 'phags pa rnam par grol ba'i sde'i zhal snga nas mthong ba'i lam gyi skad cig ma brgyad pa la byang chub sems dpa'i dgongs pa mtha' yas mdzad pa yin te/ gzhan du na skad cig ma dgu pa la sems can gyi khams la bltos pa med pa'i 'gog par ltung bar 'gyur ro zhes gsungs so// de bzhin du sgom pa'i lam yang zag pa med pa mngon par bsgrub pa'i mtshan nyid kyi gnas skabs kho na gnyen por bzhag go/ ji skad du bshad pa'i rnam pa thams cad mkhyen pa nyid dang zhes bya ba la/ ji skad bshad pa ni gnyen po'i tshogs kyi mthar thug pa'i gnas skabs dang po 'dir ji skad bshad pa rnams so// rnam pa thams cad mkhyen pa nyid ni 'dun pa la sogs pa dang nges par 'byed pa'i cha dang mthun pa la sogs pa ni 'di'i rgyu yin pas de skad ces bya zhing / kha cig na 'di nyid kyi dngos po ste sems bskyed pa bcu dgu pa la sogs pa'o// de ltar de dag ma lus pa sngar sbyangs pa dang phyis 'thob pa la dmigs nas skad cig ma gcig gis 'byung bas na nges par 'byung ba ste tshul 'di ni rnam pa brgyad car la sbyar ro// gzhan dag ni tshe dang ldan pa shA ri'i bu sbyin pa'i pha rol tu phyin pa
- 64a
ni 'jig rten pa yang yod/ 'jig rten las 'das pa yang yod zhes bya ba la sogs pa'i mdo'i tshig gis ji skad bshad pa khungs su byas te/ rnam pa de la rnam pa thams cad mkhyen pa zhes bya ba 'di ci zhe na/ kha cig ni bden pa rnams bzhi la dmigs pa'i ye shes skad cig ma bcu drug gis bsdus par 'dod do// gzhan dag ni de ni chos thams cad ngo bo nyid med pa dang / ma skyes pa dang ma 'gags pa dang / gzod ma nas zhi ba dang / rang bzhin gyis mya ngan las 'das pa'i rnam pa mkhyen pas bsdus par 'dod do// kha cig ni sangs rgyas kyis 'dir ni gnyen po mi mthun pa'i phyogs gnyis kyi char dbye ba med pas na mkhyen pa mi mkhyen pa dang / dag pa dang / bzang ba dang / ngan cing mi gtsang ba la sogs pa mkhyen pa kun rdzob pa mi mngar zin kyang / yid bzhin gyi nor bu la sogs pa ltar mi rtog bzhin du 'gro ba rnams kyi mngon par 'dod pa 'grub pas na gzhan gyis shes pa'i snang ba'i dbang tsam las de rnam pa thams cad mkhyen par brjod do zhes zer te/ mkha' lding grub pa ji lta bur// mchod sdong bsgrubs nas 'das gyur nas/ de 'das yun ring lon na yang // dug la sogs pa sel ba ltar zhes bya ba la sogs pa smra bar byed do// yang gzhan dag ni nyon mongs pa dang shes bya dang bag chags kyi sgrib pa ma lus pa spangs pas na/ mi shes pa dang bral ba'i thob pa'i 'bras bu lag ma zil gyi shing thog ltar ma lus pasku ma ltar bkra ba'i ye shes rnam pa thams cad mkhyen pa ni sgra ji bzhin par nges par khas blang ngo zhes zer ro// yang gzhan dag ni shes bya'i mchog ni kun gzhi rnam par shes pa nyid yin te de'i
- 64b
dbang du byas te/ shes bya'i gnas dang mtshan nyid la sogs pa bcu mkhyen pas na thams cad mkhyen pa'o zhes gsungs par 'dod do// 'dir yang yang dag par rdzogs pa'i sangs rgyas la sdang ba dang bcas pa'i ye shes de mnga' 'am ci ste ma yin zhes pa las gyur par shes par bya ste/ kha cig ni snang ba dang bcas pa'i ye shes de mnga' bar gyur pa'i tshe gzung ba dang 'dzin pa'i nyes par 'gyur bas na ye shes rnam pa med pa kun rdzob pa tsam zhig ni rang rig par 'gyur ba ste/ 'di tsam zhig go zhes sngar bstan pa'i phyogs gsum pa 'dod do// gzhan dag ni bskal pa du mar gzung ba dang 'dzin brdzun pa'i ngo bo nyid du goms par gyur pa de la snang ba rnams gzung ba dang / 'dzin pa ji ltar 'gyur te ji skad du/ 'di ltar mthong dang thos pa dang / 'di la dag pa bya med kyi// gang phyir sdug bsngal rgyur 'gyur ba// bden pa nyid du rtog pa zlog/ ces bshad pas na/ nges par snang ba dang bcas pa'i ye shes med ni ji ltar rnam pa thams cad mkhyen par brjod ces zer ro// la la ni rang bzhin gyis 'od gsal btsam la dmigs nas brjod du med pa'i rang bzhin du yod ces 'dod pas phyogs gzhan du gyur pa'o// ha cang spros pas ci zhig bya ste 'di ni nye bar bzhag go/ nges par 'byung ba'i sgrub pa lhur blang bar bya ste dang po ni sems bskyed pa las mngon par shes pa la sogs pa lnga bstan te/ de nas ni 'dir sgrub pa rnam pa brgyad do// de nas ni skabs bzhi par rnam pa dag gi nang du spong ba'i lam ste ma lus par spong zhes bya ba'i don bsdu'o de nas ni skabs lnga par dmigs pa dang rnam pa log par rtog pa rnams kyis lhur blangs te bstan to// de nas ni skabs bdun par mtshan nyid
- 65a
zad pa'as ma tho ba rdzang // denas de yang skabs pa rab dzud 'phru par bad pas byang chub yan lag las rnams// rkang pa dang bang da mthang dang // chung dun snang ba dang / dma'i pang pa'i rgal dang // ra pa kyang rigs pa'o// 'das thasa' ma thas pa lo// 'dang rangs su shes dang gsarnapa pa brgyang kyis bstan / nga ma dang bsdus pas khong du chung pa dbya ba ni 'dir dman dwags khams cad med sogs pa'i de las kyang bar du 'bags pa'i tsho gi 'a rang pa'i byung ma dmigs pa ba'imakha pa yangs su ba / sa smyig nga sa nA ga mas / 'din byung byang byung ba gyu ba la la stsu shes bya thA// shes rab a pyor de tha bstan do// man ngag gi bsnga ba cam pas za ba shes par byed pa'i yal myur d+ha bdang rkang bar byed pa'i ga'ang lugs so// ma bi mngon dkrugs pas so/ sam shes bya ba ni yang dag par rnas pa 'i brjod pa'o// e ya 'gro ba'i ngan // de ni mngon du grags pas yang dag pa nges par ngas par 'grubs ye shas nags pa'i sa na pa sa/ [।] 'dus de bza' da pas dada' bar 'bras bu 'dzin pas na mden dbugs pa'i sa pa namal dbar byu dang / yang // san#/ gas lab ba sa cing mtha
- 65b
pa'i phyir ro// 'brel pa zhes bya ba ni don tsam gyi'o// skabs dang po'i 'grel bshad rdzogs so// // de ltar skabs dang po'i tshig gi le'ur byas pa rnams rnam par bkrol nas da ni gnyis/ pa dgrol ba'i phyir/ rnam pa thams cad mkhyen pa nyid rtogs pa ni lam shes pa nyid med na med pas lam shes pa nyid gsungs te/ zhes bya ba la sogs pa gsungs te/ lam shes pa nyid ni de'i rgyu yin pa'i phyir zhes bya bar dgongs so// nga rgyal bcom pa'i rgyud kho na la skye bo zhes shes par bya ba'i phyir zhes bya ba la/ 'dir nga rgyal dang zhum pa gnyi ga bsal ba la lam skye'i gang yang rung gcig dang ldan pa la ma yin pa ni mngon par 'byung ba'i mdo las rgyal po zas gtsang ma'i lam ji ltar bamyed pa'i dbang du byas pa lta bu'o// 'dir lha rnams zhum pa med cing nga rgyal dang ldan pas de spang bar mdzad pa'o// tshig zur gyis rten brjod pa yin no zhes bya ba ni mdo las bka' sdang pa nyid kyis shes bya'i don te/ tshig le'ur byas pa la ni lnga rnams rung bar bya ba'i phyir zhes smos pas dngos kho nar bstan to// mdo las ni dngos su bcom ldan 'das kyi mthu che ba bsam gyis mi khyab pa bcu las 'od bsam gyis mi khyab pa bstan cing zur gyis rten bstan pa'o zhes bya bar gnas so// 'dod chags dang bral ba 'phags pa nyan thos dang / rang sangs rgyas rnams kyi ni zhi ba'i dbyings nas langs te'o// cig shos byang chub sems dpa' rnams kyis da ltar nyid gnas so// nyon mongs rnam pa thams cad du spangs pa ma yin pas zhes bya ba ni byang chub sems dpa' rnams kyis ni dngas su'o// sangs rgyas byang chub tu thugs bskyed pa las
- 66a
mthas mas sa mas ma thamasasamam sa pas pa ma ma sa gra sa tha masamamathasas mamams ma ma sa zugs mam na tsha sam pa samams samasatham pa sa pa samams samamasapas 'khrungs pa rnams kyang shAkya'i bu mo sa 'tsho ma bdag gir mdzad pa la sogs pa'i thabs mkhas pas 'gro ba'i don du nyon mongs pa ma spangs pa lta bur ston pas na 'di 'thad par 'gyur// ro// byang chub sems dpa' de ltar yongs su shes par bya'o zhes pa ni ched du'am 'di logs su sgom pa'i 'thad pa ni mi dgos kyi/ rang gi lam la de dag gi yon tan rdzogs par shes par bya ba'i don te/ shA ri'i bu nyan thos dang sangs rgyas kyi shes pa dang spong ba gang yin pa de ni byang chub sems dpa' chen po mi skye ba'i chos la bzod pa thob pa'o zhes gsungs pas so// de la mi skye ba'i chos la bzod pa thob pa yang gnyis te/ chog par 'dzin pa'i rnam par mi rtog pa dang / sa mi g.yo ba'o// tshad mar gyur pa'i skyes bus mi gzigs pa'i rgyu 'thad pa dag gis zhes bya ba 'dis ni lung gi tshad ma ston te/ nga byang chub kyi snying po la 'dug pa'i tshe ni gang yang skye ba'am 'gag pa ma mthong ngo zhes bya ba la sogs pa'i gzhung gis so bden pa'i dmigs pa la nges par 'byed pa'i cha dang mthun pa skye'o zhes bya ba yin no zhes bya ba ni ji ltar skyes bu la bsnun pa'i mtshon cha ni dang por go cha phug nas de'i 'og tu 'dod pa'i skyes bu la phigs pa'i dpes so// lung las nyan thos rnams gzhan gyi bstan pa la bltos nas rang gi byang chub rtogs par 'gyur la zhes bya ba ni/ ji skad du 'phags pa byang chub sems dpa'i sde snod las/ nyan thos rnams kyi rnam grol skra phyir 'gro zhes gsungs pa lta bu ste/ don 'di nyid kyi dbang gis slob ma zhes 'di dag brjod de nges par slob dpon dgos pas so// gzhan dag kyang brjod pa
- 66b
dang bcas pa'i chos bstan pas dge ba la 'jug par byed do zhes 'byung ngo zhes bya ba ni 'di dag thos pa sgrogs par byed pas na thos sgrogs so zhes bya ba lta bu'o// sngon zhes bya ba ni bskal pa brgya'i bar du ste/ bse ru bskal pa brgya yis rgyas zhes bshad pas so// rang gi byang chub rtogs par 'gyur te zhes bya ba ni rkyen gyi mthu yis te rang rgyal ba rnams kyi rkyen gyi 'du shes can zhes gsungs pas so// spangs pa ni gzung ba'i rnam par gyur pa phyi rol gyi yul rnams rang bzhin med par shes pa ni me dang chu la sogs pas yang dang yang du 'jig pas rtogs par sla ba'i phyir ro// 'di tsam las ni chos kyi phyogs gcig la bdag med par rtogs par bstan to// btags pa'i chos nyid mi 'gal bar rab tu ston pa zhes bya ni ji ltar btags pa yang chos kyi dbyings la rab tu ma 'das pa'i phyir ro// tshig le'ur byas pa'i don nye bar mtshon pa lhur len pa'i gzhung gis zhes bya ba ni de las de dag rnam pa'o zhes ma smos kyi/ lam shes nyid kyis skad cig ma zhes smos pas na/ mthong ba'i lam de la rnam pa ji snyed yod pa'i don ni ma bshad kyis mthong ba'i lam gyi skad cig ma bcu drug tshig le'ur byas par nye bar mtshon pa nyi tsher mdzad par zad de/ rnam pa'i dbye ba ni rnam pa kun mngon par rdzogs pa'i skabs su ston pa'i phyir ro snyam du sems te/ bshad pa ni sngar dmigs pa dang ni rnam pa dang zhes bya ba la sogs pa'o// ma bshad pa ni 'og nyid nas// gzugs rtag ma yin mi rtag min// zhes bya ba la sogs pa 'chad pa rnams so// de bzhin du lta bar bya'o zhes pa ni skad cig pa'i don tsam du shes par bya'o//
- 67a
zhes so// sgom pa'i go ris la sogs pa pa bstan pa'i phyir zhes bya ba ni/ gal te de dag zer ba ltar skad cig pa'i khyad par tsam du zad na de'i tshe mthong ba'i lam rim gyis bsgom par rim pa ye ma bstan par 'gyur la/ sogs pa zhes bya ba'i sgras bsdus pamanyam par bzhag pa'i dus na yid la bya ba'i rib pa yang ma bsdad par 'gyur ro zhes bya ba'i don to// skyon gzhan yang dmigs pa dang ni dpa pa dang / zhes bya ba la sogs pa spros pa ni dngos su khrid kyi de lung dang 'gal lo zhes bya ba'i don to// de ltar na 'di ni rnam pa rim pa bcu drug dang che 'bring yin gyi skad cig gis chos ri pa yin do// gdul bya brjod par bya ba nyung ba nyid dang zhes bya ba ni sgom pa'i lab 'di byed pa'i rgyu gang yin zhes rtsod pas par du smra ba dgag pa'ab/ gdul bya gang dag la ba 'di'i byed rgyal gnas par brjod du rung ba de dag ni ches nyung sde rab du dkon do zhes bstan pasal ba 'di de da dka' bar bstan pa'o// yang gdul byin pas 'bras bu la gzhol bar zhugs par bya ba'i phyir zhes bya ba ni 'bras bu ste skob pa'i lam gang yin pa la bos pa yid la byed pa la sogs pas der gzhol ba nyid du zhugs par bya ba'i phyir ni dang por byed pa drug po 'di dag der gzhol zhing 'jug par bya'o zhes lam skye ba'i rgya bstan pas de dag la gad pas pa'o// zag pa dang bcas pa dang zag pa med pa'i bye brag ri rnam par rtog pa dang bcas pa de dang bral ba gtso bor gyur pa'o// 'dir bsdus pa'i don no mos pa dang bsngo ba dang / rjes su yi rang ba yid la byed pa dag de dag pa 'jig rten pa'i gnas skabs rjes kyi ye shes kyis sbyor ba yin la/ mngon par bsgrub pa ni mnyam
- 67b
par bzhag pa'i ye shes so// de dag kyang nyan thos la sogs pa la yang ci rigs su ldan pas khyad par can du bsgrub pa ni rnam par dag pa'o// gzhan dag gis ni dri ma med pa nas ji srid sa bdun pa'i bar du ni sgom pa'i lam zag pa dang bcas pa rnams yin la/ sa brgyad pa la sogs par ni mngon par bsgrub pa'i sgom pa'i lam yin te/ mi mthun pa'i phyogs kyi gnyen po bsgom pa'i lam thams cad pa dkyus ma yin pa ni 'chad par 'gyur ba las/ de ni rgyun chags 'chang ba'i phyir// chung dang 'bring dang chen po dang // chung ngu'i chung sogs dbye ba yis// de ni rnam pa dgur bzhed do zhes bstan pa yin no// rnam par dag pa ni dngos su na sgom pa'i lam gyi 'bras bu dang rgyu'i dus mngon sum pa dang ring ba dag gi bye brag bshad par zad do// de ltar na 'di ni sgom pa'i lam gyi yan lag tu gtogs pa bstan cing rnam pa la sogs pa ni gzhan du bstan to zhes zer ro// de dag ji ltar yang rung ste sa re re la yang rnam pa dgu dgur ni brjod do// mos pa rnam pa nyi shu rtsa bdun no zhes bya ba la 'dir mos pa'i rgyu ni/ lung rnam par dag pa dang / rigs pa ji lta ba'o// 'di'i ngo bo nyid ni nges par byas pa'i dngos po la de kho na ltar 'dzin pa'o// 'di las the tshom zlog pa ste mos pa dang ldan pa ni rang gi grub pa'i mtha' las gzhan gyis 'phrog par mi nus pas so// rnam par dbye ba ji lta bu zhe na/ rang nyid kyi don du yum la mos pa dang / gzhan gyi don du dang / gzhi ga'i don du yum 'di la rab tu mos pa ste/ dang po ni 'di ltar 'gro ba ni bde ba 'dod ces gsungs pa'i tshul gyis na/ rang gi ched du 'bad pa med par 'byung ste/ 'khor ba thog ma med pa nas rab tu goms pas so// byang chub sems dpa' rnams
- 68a
ni dang por sems de byung ba na rang dang gzhan mnyam pa 'am/ rang dang gzhan du brje ba'i tshul gyis gnyen po sems can mgu bar bya ba'i rim pa dran pa la sogs pas rang gi don du dmigs pa bzlog te/ de nyid gzhan gyi phyir sbyor bar byed la de'i yang phyi ma'i sems la ni dngos po'i stobs kyis mgul nas sbrel ba ltar rang gzhan gnyi ga'i don 'grub par shes pa nges pa can skye ba'i snga ma ltar re re zhig la zhen pa med pas so// kho cig ni 'dir rang gi don sa ring du song ba'i bar du'o// sa mi g.yo ba nas brtsams te ni gzhan gyi don te sa de la rang gi don du rab tu zhi ba la gnas pa las gzhan gyi don kho nar slar rdzogs pa'i sangs rgyas rnams kyis bslang ba'i phyir ro// sa bcu pa la ni rang dang gzhan gnyi ga'i don te sa 'di la gnas pa ni rgyu mtshan 'dis na sangs rgyas zhes bstan pa'i phyir ro zhes zer ro// grangs nyi shu rtsa bdun du brtse ba'i phyir ni dang po rang gi don du mos pa chung ngu'i dbang du byas te ni rgyal ba'i yum 'di glegs bam ji skad du gsungs pa ltar bris te bcangs pa tsam gyis sangs rgyas kyi sku gdung pha rol tu phyin pa drug gi rgyu las byung ba rnams rin po che sna bdun gyi mchod rten du bcug ste mchod pa byas pa bas ches bsod nams mang du 'dzin ces bya'o// chung ngu'i 'bring ni shes rab kyi pha rol tu phyin pa dang bral na byang chub sems dpa' byang chub tu sems bskyed pa la sogs pa'i mthus rdzogs pa'i sangs rgyas su mi 'gyur te/ slar ldog pa'i phyir 'di'i mthu che ba phul du byung ba bstan bste/ ji ltar rgyal po gser mdog gi mdo las/ bskal pa brgyar spyod pa'i byang chub sems dpa' slar ldog par bstan pa bzhin no// chung ngu'i chen po ni gang mya ngan las 'das pa thob par 'dod na
- 68b
'di la bslab ste/ sangs rgyas rje btsun bzhugs sam grongs kyang rung 'di nyid ston pa'i mdzad pas nye bar gnas pa'i phyir ro zhes 'di'i mthu la mos pa'o// 'bring gi chung ngu'i ni rin po che sna bdun gyi mchod rten gyi dpe nye bar bzung ste'o// 'bring gis 'bring ni de lta bus 'dzam+bu'i gling byur bur bkang ba'i dpe yis so// 'bring gi chen po ni de lta bus gling bzhi pa'i 'jig rten gyi khams bkang ba'i dpe yis so// chen po'i chung ngu ni de nyid kyis stong spyi bud kyi 'jig rten gyi khams dper bzung bas so// chen po'i 'bring ni stong gnyis pa bar ma'i 'jig rten gyi khams dper sbyar bas so// chen po'i chen po ni stong chen po'i 'jig rten gyi khams dper bzung ba'o// rang dang gzhan gyi don du mos pa chung ngu'i chung ngu dbang du byas te/ stong gsum gyi stong chen po'i 'jig rten gyi khams na sems can ji snyed cig yod pa de dag las sems can re res rin po che sna bdun las byas pa'i mchod rten byas te mchod pa'i dpes bston to// chung ngu'i 'bring ni lha ma yin gyi g.yul bzlog pa la sogs pa'i mthong ba'i chos kyi yon tan mang pos so// chung ngu'i chen po ni shes rab kyi pha rol tu phyin pas ma zin pa'i 'jug pa gang yang pha rol tu phyin pa ma yin par bstan pas so// 'bring gi chung ngu ni rgyal ba skyed ma 'di 'dzin pa dang 'chang ba la sogs pa dang ldan pa na nyi tshe ba'i theg pa dang thun mong ma yin pa'i tshul khrims kyi phung po la sogs pa tshad med pa bskyed par bstan pas so// 'bring gi 'bring ni shes rab kyi pha rol tu phyin pa dang ldan pa'i chos 'chad pa de la lha'i bu rnams spobs pa nye bar bsgrub pa la sogs par bstan pas so// 'bring go chen po ni de la pha ma dang 'phags pa'i skye bo
- 69a
rnams kyis kyang dben zhing yid du 'ong bar bya ba la sogs par gang bstan pa'o// chen po'i chung ngu ni spobs pa mi 'phrog pa nas rnam pa thams cad mkhyen pa nyid kyis sems mi 'phrog pa'i bar du gang gsungs pas so// chen po'i 'bring ni phyogs bcu'i 'jig rten gyi khams na gang gnas pa'i lha'i bu rnams gnas der dong zhing glegs bam du byas pa 'di klog pa dang bzung ba dang / bcang ba dang / kun chub par bya ba'i phyir gnas pas de dag la chos kyi sbyin pa 'di gnas par gyur cig ces sems bskyed par bya'o zhes pa la sogs pa gong gsungs so// chen po'i chen po ni der lha'i tshogs thams cad 'ongs pas mos pa rgya chen po ldan par 'gyur ba dang / lus las su rung ba thob pa la sogs te mngon par zhen pa rnams spang ba bstan pas so// gzhan gyi don la mos pa la yang chung ngu'i chung ngu'i dbang du byas te ni glegs bam bzung ba byas pa dang mchod pa tsam gyis mthu bstan pas so// chung ngu'i 'bring ni 'dzam+bu'i gling de bzhin gshegs pa'i sku gdung gis byur bur bkang ba'i dpes bstan pas so// chung ngu'i chen po ni dam tha na med pa yang dag par rdzogs pa'i byang chub thob pa'i bar du nyan thos la sogs pa'i sa'i 'jigs pa med pa bstan pas so// de ltar na sa brgyad pa 'di dag gi 'jigs pa dang bcas par bstan pa ci zhe na/ mos pa rnam pa gsum gyis mtshams brjod pa kho nar zad do// 'bring gi chung ngu ni stong gsum gyi stong chen po'i 'jig rten gyi khams de bzhin gshegs pa'i sku gdung gis byur bur bkang ba'i dpes bstan to// 'bring gi 'bring ni phyogs bcu'i 'jig rten gyi khams na sangs rgyas rnams mdo sde la sogs pa'i chos rnams gsungs
- 69b
pa dang / yang nyan thos la sogs pa gang dag chos 'chad pa de dag ni rgyal ba'i yum 'di las byung bar bstan pas so// 'bring gi chen po ni yum 'di la brten pa ni rgyal po'i skyes bu'i dpe nye bar gzung bas so// chen po'i chung ngu ni phyogs bcu'i 'jig rten gyi khams kyi gang+gA'i klung gi bye ma snyed cig de bzhin gshegs pa'i sku gdung gis byur bur bkang ba'i dpes bstan to// chen po'i 'bring po ni phyogs bcu'i 'phags pa rnams kyi rtogs pa'i rgya nyid du 'di bstan pas so// chen po'i chen po ni shing rnams lo ma dang dbyibs dang kho dog la sogs pa tha dad kyang grib ma la bye brag med par bstan pa'i dpes brjod do// mos pa nyi shu rtsa bdun po chung ngu nas brtsams pa'i rim pa 'dis mi mthun pa'i phyogs ni de las zlog ste chen po nas bgrang bar shes par bya'o// ci 'dir rang kho na'i phyir mos pa la sogs pa brjod dam/ yang na rang gi phyir rgyal ba skyed ma kho na la mos pa brjod ce na/ phyogs gnyi ga ltar mi bsam gyi rang la sogs pa'i phyir yum kho na la mos zhes brjod do// rang gi don du mos pa na yang gzhan gyi ni med pa yang ma yin la/ lhag ma gzhan gyi don du mos pa na yang rang gi don gyis ga la zhig dben/ gnyi ga'i phyir mos pa na yang re re la khyab pa ni mi 'ator te/ spyin bye brag la khyab pa'i phyir ro// bstod pa dang bkur ba dang bsngags pa zhes bya ba la/ 'di dag ni ngag snyan pa do bstod kyi rang bzhin ni ma yin gyi legs par zhugs pa'i byang chub sems dpa' de la thugs dgyes pas gnas pa kho na bstod pa la sogs pa yin te/ 'di yang tshogs kyi lam yang dag par sbyor ba'i dus na gnas skabs thams cad du yang 'byung ba ni/ las dang po pa'i sa
- 70a
nyid la byang chub sems dpa'i sdom pa yang dag par len pa grub pa'i dbang du byas te/ de'i tshe de la dge ba'i phyir// rgyal ba sras dang bcas rnams kyis// dge ba'i thugs kyi rtag par yang // bu sdug 'dra bar dgongs pa yin zhes bshad de rgyas par ni byang chub sems dpa'i sa'i tshul khrims kyi le'ur blta'o// tshul 'dis na thams cad du yang ldan yang sgom pa'i lam gyi dbang du byas pa ni 'dir yon tan yongs su bstan pa'i phyir te/ yams nad 'di rnams zad nas ni zhes bya la sogs par bstan pas so// de ltar bstan pa'i tshul gyis na rigs byed las// yi ge oM ldan phye dang bzhi// tshad du byas pas snyan pa brjod// 'di ni bstod pa smra ba dang // sgra yi tshangs pa'ang 'di nyid de// bkur ba'ang de ltar brjod par bya// yi ge dang ldan tshad sngon bzhin/ sman smra snyan tshig rig byed de// de ni bsngags par 'dod pa'o zhes bya ba smras pa bsal te dgu tshan gsum zhes bya ba ni bstod pa'i dgu tshan dang / bkur ba'i dgu tshan dang / bsngags pa'i dgu tshan te de dag kyang rang gi don du mos pa la ni bstod pa'o// rang dang gzhan gyi don du mos pa la ni bkur ba'o// gzhan gyi don du mos pa ni bsngags pa'o zhes sbyar ro// de la dgu tshan dang po'i dang po ni 'jig rten gyi khams gang+gA'i klung gi bye ma snyed cig de bzhin gshegs pa'i blo gdung gis bkang ba'i dpe yis bstan to// gnyis pa la ni yum 'di gzhan gyi thad du song ste bstan pa'i che ba brjod pas so// gsum pa la ni sems can gcig 'bras bu dang po la gzhag pa dang / 'dzam+bu'i gling gi sems can de dag gi dge ba bcu'i las kyi lam la bkod pa'i dpes bstan to// bzhi pa ni sems
- 70b
can gcig 'bras bu gnyis pa la bkod pa bstan pas so// lnga pa ni 'bras bu gsum pa la bkod pas so// drug pa ni 'bras bu bzhi pa la bkod pas so// bdun pa ni rang byang chub la bkod pas so// brgyad pa ni 'dzam+bu'i gling gi sems can ma lus pa 'bras bu dang po la bkod pa bas// sems can gcig cig pa yang dag par rdzogs pa'i byang chub la bzhag pa mchog tu bstan pas so// dgu pa la ni 'dza m+bu'i gling gi sems can thams cad 'bras bu gnyis pa la bkod pas zhes bstan pas so// bkur ba'i dgu mtshan gyi dang po 'dzam+bu'i gling gi sems can thams cad// 'bras bu gsum la bkod pa'i dpe yis so// gnyis pa ni 'bras bu bzhi pa la bkod pas so// gsum pa ni rang byang chub la bkod pas so// bzhi pa ni 'dzam+bu'i gling gi sems can thams cad dge ba bcu'i las kyi lam la bkod pa bas glegs bam du gyur pa zhig gzhan la byin nam/ tshul bzhin yid la byed na bsod nams che bar bstan to// lnga pa ni gnyis su med pa'i don ji lta bar bstan pa'i che ba bstan pas so// drug pa ni yum 'di ni don dang ldan yi ge dang ldan par bstan pa la yongs su rdzogs par byed pa ni bsod nams mang po dang ldan par bstan pas so// bdun pa ni phyogs bcu'i 'jig rten gyi khams kyi sangs rgyas rnams la ji srid 'tsho'i bar du bde ba'i yo byad thams cad kyis rim gro byas pa bas rgyal ba'i yum 'di yi ge dang don ma nor bar gzhan la bstan pa bsod nams ches mang bar bstan pas so// brgyad pa ni byang chub sems dpa' ltar snang bas bskal pa tshad med grangs med par sbyin pa la sogs pa
- 71a
la smad pa bas rgyal ba skyed pa phyin ci ma log par gzhan la bstan pa ches bsod nams pang du 'phel bar bstan pas so// dgu pa ni 'dzam+bu'i gling la sogs pa phyogs bcu'i phyogs re re zhing gang+gA'i klung gi bye ma snyed kyi 'jig rten gyi khams kyi sems can ji snyed yod pa rgyar tu zhugs pa'i 'bras bu la bkod pa bas/ sems can gcig cig byor mi ldog pa dam pa la bzhag na 'di nyid bsod napas ches bar du 'phel bar gsungs pas so// bsngags pa'i dag can las dang po ni phyir 'ong ba'i dpes so// gnyis pa ni phyir mi 'ong ba'i dpes so// gsum pa ni dgra bcom pa'i dpes so// bzhi pa ni rang byang chub kyi dpes so// lnga pa ni 'dzam+ba'i gling gi sems can ji snyed cig bla na med pa yang dag par rdzogs pa'i byang chub la bskal ba bas/ sems can gcig cig phyir mi log pa'i sa la bkod pa bsod nams ches bang ba'i dpes so// drug pa ni gling bzhi pa'i sems can dpe de ltar nye bar gzung bas so// bdan po ni stong spyi bud kyi sems cad dpe de ltar nye bar brjod pas so// brgyad pa ni stong gnyis pa bar ma dang stong gsum gyi stong chen po'i 'jig rten gyi khams dang / phyogs bcu'i 'jig rten gyi khams kyi sems can rnams dang dpe snga ma dang sbyar bas so// dgu pa ni 'dza pA'i gling nas brtsams te phyogs bcu'i phyogs re re zhing gang+gA'i klung gi bye ma snyed kyi 'jig rten gyi khams kyi sems can 'di dag ma lus pa phyir mi ldog pa'i sol bkod pa bas ni phyir mi ldog pa gang shig mur du mngon par rdzogs par byang chub par bye ba'i phyirang rgyal ba'i yum 'di ston par byed na ches de nyid bsod nams mang bar bstan pas so// bsngo
- 71b
yid la byed pa zhes bya ba ni dge ba 'di dag 'di lta bur gyur cig ces yul rnam pa bcu gnyis su sbyar ba dang / tshogs rnam pa bcu gnyis po 'di dag gis bdag chos kyi rgyal por gyur cig ces bsngo bar bya ba bcu gnyis su yang sbyar ro// lhag pa rnams ni go sla'o// skabs gnyis pa'i 'grel bshad rdzogs so// // de ltar skabs gnyis pa rnam par bshad par byas nas/ da ni skabs gsum pa dgrol ba'i phyir/ gzhi thams cad yongs su shes pa med par lam legs par yongs su shes pa med pas thams cad shes pa nyid gsungs te/ zhes bya ba la sogs pa smos te// 'dir gzhi thams cad yongs su shes pa ni mi mthun pa'i phyogs yin te/ de med par lam legs par yongs su shes pa med pas zhes bya ba ni gnyen po mi mthun pa'i phyogs la bltos te/ 'dzeg pa nyid du byed na/ gang gi tshe mi mthun pa'i phyogs khong du chud pa med na 'di gang gi gnyen por gyur pa ga la zhig shes par 'gyur zhes dgongs pa ste/ de bas na slob dben dpal sangs rgyas ye shes kyi ka la snga nas kyang 'di man cad ni thams cad shes pa nyid kyi mtshan nyid de byang chub gzhan shes par byas nas yang dag par bya dgos pa'i phyir ro zhes bstan to// de ltar byas na lnga pa 'di yang rgyu mtshan nyid du bstan to// lugs las zhes pa ni 'phags pa klu grub kyi bzhed pa las doni thams cad kyi 'dod par bya ba'i phyir lugs so// rten cing 'brel par 'byung ba gang zhes pa ni kun rdzob pa rnams so// de nyid shes pa ni de'i rang bzhin no// khyod ni zhes pa ni rje btsun sangs rgyas so stong par bzhed zhes bya ba la/ 'di gang gis stong zhe na/ kun rdzob pa 'di dag kun rdzob kyis stong pa ste de ltar kun rdzob
- 72a
pa'i rang bzhin ni rtag tu kun rdzob kyis stong pa yin pas cir yang brjod du med pa yin pa'i phyogs 'di las 'phags pa nam mkha' mdzod kyi mdo las spangs pa med pa'i rang bzhin stong pa nyid du bstan pa yang legs par drangs par 'gyur ro// de ltar na theg pa chen po 'dir stong pa nyid ni gsum ste// kun brtags pas stong pa nyid dang / gzhan gyi dbang gis stong pa nyid dang // thams cad kyis stong pa nyid ces bya'o// ji ltar zhe na/ bdag la sogs pa'i rnam par rtog pa ngan pa snying por gyur pa kho na yin gyi de dag ni nam yang mi dmigs pa'i phyir ro// de ltar mngon par rtog pa des stong pa nyid/ 'di ni 'phags pa nyan thos la sogs pa'i ye shes kyi bye brag 'phags par byed pa rnams so// 'di na ma dag par gyur pa'i sems dang sems las byung ba ji snyed pa ni gzhan gyi dbang zhes rnal 'byor spyod pa pa la sogs pas bstan te/ des gang zhig stong pa ni dngos po kun rdzob pa rnams te/ ma brtags gcig pu nyams dga' zhing // skye dang 'jig pa'i chos can yang // don byed pa dag nus rnams kyi// rang bzhin kun rdzob pa yin rtog zhes bstan pa rnams so// de ltar kye rgyal ba'i sras dag khams gsum pa 'di dag ni sems tsam mo zhes gsungs pa 'di ji ltar drar zhe na/ 'di ni rigs par 'gyur te tshu rol mthong ba rnams kyis ni kun rdzob pa ga la zhig ces te/ kun rdzob tsam gyis ra dang ra yir 'dzin pa nyi tshes spyod la/ de yang sems tsam kho na yin pa'i phyir ro// de bas na der ni gzhan gyi dbang gi rjes su 'brang bas de skad gsungs so// de ltar na 'jig rten gyi khams 'chags pa'i rgyu bcu brjod pa'i tshe kha cig kun rdzob tu bstan to//
- 72b
de lta nyi tsher ma zad pa ni kun rdzob par bstar to// de ltar na gzhan gyi dbang gis stong pa nyid 'di ni rang gi mtshan nyid de/ byang chub kyi sems dang po rtogs pa nas brtsams te snang ba dang bcas pa'i ye shes/ kyis 'dzin par byed do// sangs rgyas kyis kun tu bzang po de la snang ba dang bcas pa'i ye shes mngon par brjod pa la rtog pa ngan pa'i gnas med do zhes bstan pa yang rgyu mtshan ni 'di nyid du zad de/ gzhan dun phyi rol gyi don ston pa ltar snang na ji ltar gzung ba dang 'dzin pa'i nyes par mi 'gyur// nang gi shes pa'i bdag nyid ni phyi rol ltar snang zhes bya ba la sogs pa'i phyogs la yang bdag nyid la bdag tsong byed pa la sogs pa'i shes par 'gyur la/ sangs rgyas kyis gan tu bzang po la yang snang ba'i tshogs rnams nyid kyi ye shes sa shes bya ba la sogs pa don med par rdzogs par de ltar mi 'gyur/ de bas na slob dpon skal ldan la sogs pas kun rdzob pa gtso bor brjod pa yin la/ gzhan dag gi ni kun rdzob tu brjod pas phyogs re rer 'dzin pa bkag pa kho nar zad pas/ stong pa nyid gnyis po dbu ma chen po las bstan pa ni re re yang 'gegs par ga la mdzad ces par gnas so// stong pa nyid gsum pa ni gnas skabs gzhan du bstan to// thams cad la yod pa ma yin nam zhes bya ba la 'dis na dngos po rnams kyi rang bzhin ji lta ba yid la byas te/ 'jug pa rnams kyi bsam pa bor nas dris par zad ces shes par bya'o// lhag ma rnams kyi don ni go bar sla bas bdag gis rnam par ma bya'o// skabs gsum pa'i 'grel bshad rdzogs so// // de ltar skabs gsum pa rnam par phye nas/ da ni skabs bzhi pa'i le'ur byas pa don dgrol bar bya ba'i phyir/ thams cad mkhyen pa nyid gsum
- 73a
yongs su shes pa ni zhes bya ba la sogs pa smos te/ 'dir yongs su shes pa zhes bya ba ni skabs brgyad car bsdas pa'i skabs gsum po 'di dag thos pa dang bsam pa'i rang bzhin gyis shes rab kyis bsdus pa dang rgyas par yongs su shes par byed pas so// ni zhes bya ba ni nges par zhes bya ba'i don to// dbang du bya ba'i phyir zhes bya ba ni sgom pas rang gi rgyud la skyed pas rang dbang thob pa'i phyir te/ thos pa dang bsam pa'i shes rab dag ni mi brtan pas rang dbang ma yin la/ sgom pa las ni rang dbang du 'gyur bas so// de ltar shes pa rnam gsum char 'brel bar bya bar rigs so zhes thugs la bzhag nas ni 'phags pa mi pham pa'i zhal snga nas/ gal te thos pa tsam gyis don// mthong 'gyur bsgom pa don med 'gyur// gal te bsgoms pas don mthong 'gyur// de tshe thos pa don med 'gyur shes pa la sogs pa gsungs la/ yang gzhan las kyang / thog mnyan 'dod bla ma bskon bkur bzod dang des byas shing // rang bzhin med pa'i chos la rab rtag bsam gtan bsnyen byed pa// bde gshegs nyid ni rtogs 'gyur 'gro ba rnams bsgom sems tshim byed// chos nyid 'di 'dra'i spyod pas myur du bde gshegs thob par 'gyur zhes gsungs so// 'di ltar sgom pas 'dris par bya dgos pa'i phyir na thams cad mkhyen pa nyid gsum sgom par byed pas de bstan ces sbyar ro// de ltar na 'di bstan pas ci zhig bya/ sngar ji ltar thos pa la sogs pa byas pa'i skabs gsum nyid goms par byas pa ci zhig nus zhe na/ de'i phyir yang rnam pa thams cad mkhyen pa nyid dang / lam dang gzhi zhes pa bsdus pa'i sgo nas sgom par byed pa ces sbyar te/ 'di skad du bstan par
- 73b
'gyur te/ thos pa'i shes rab ni ming 'ba' zhig la dmigs pas rab tu spros pa'i bdag nyid can rgyud 'khrugs par byed pa'o// bsam pa'i shes rab ni ming don dang 'brel cing rnam par rtog pa cung zad bsdus pa'o// sgom pa'i shes rab ni don 'ba' zhig la dmigs pas shin tu zhi zhing spros pa bsdus pa'i ngo bo nyid yin pas na skabs snga ma dag gcig tu bsdus pa skabs 'di yin pa'i tshul gyis rim pa gzhan du bstan pa yin la/ rtse mo'i mngon par rtog pa la sogs pa gsum yang sgom pa gong nas gong du khyad par zhugs pa'i dbang gis rim gyis bsdus te bstan par khong du chud par bya'o// rnam pa kun mngon par rdzogs par rtogs pa zhes bya ba la rnam pa ni bye brag ste sangs rgyas kyi sa la sogs pa la chos kyi bye brag ji snyed cig yod par ston pa'o// kun zhes bya ba ni thams cad mkhyen pa nyid gsum char bgyi'o// gzhan dag thams cad mkhyen pa nyid gsum gyi ro re yang rnam pa kun zhes zer ba ni mi 'thad de de ni dngos su bstan pas so// mngon par zhen pa ni mngon du phyogs te'o// sam ni rdzogs par ram/ yang na yang dag par ro// rtogs pas ni bsgom pas khong du chud pa'o// da ni rnam pa zhes bya ba ni du zhig yod rnam pa'i rang bzhin ci zhig yin/ rnam pa de dag gang gis bzhag ces rtog pa la/ gzhi dang ye shes rnam pa ni zhes bya ba la sogs pa bstan pa dgrol ba'i phyir/ rtag pa la sogs par 'dzin pa zhes bya ba la sogs pa smos te/ sogs pa smos pa ni bde ba dang / gtsang ba dang bdag la sogs pa bsdu'o// de ltar 'dzin pa nyid mi mthun pa'i phyogs te byis pa rnams srid par 'khyam pa'i rgyu'i gtso bo yang 'di nyid yin pas na 'di ni 'khor ba'i gzhi 'am rgyu'o// da ni gzhi de ji ltar gzung
- 74a
bltar med par shes pa'i sgo nas gzhi shes par bstan pa ni gnyen po'i chos nyid kyi ngo bo nyid mi rtag pa la sogs par dmigs pa dang zhes smos te/ de'i dbang du byas pa'i rnam pa zhes bya ba dang sbyar/ ro// ye shes dang zhes bya ba la/ byang chub sems dpa' rnams kyi lam dang 'bras bu ma lus pa ni ye shes rtogs pa'i gnas skabs la brjod pa tsam du zad pas na ye shes zhes bya ste/ de'i rnam pa zhes bya ba dang sbyar ro// rnam pa zhes pa la/ de bzhin gshegs pa rnams kyi ye shes ni yon tan smos pa'i sgo nas rnam pa thams cad mkhyen pa zhes bya ba nas 'dir yang rnam pa zhes smos te// rnams zhes bya ba ni drug pa mang po'i tshig can nyid do// de ltar rnam pa ni gsum zhes bstan nas/ da ni rnam pa'i rang bzhin ci zhig la bya ba de ston pas/ rnam pa nyid du bzhag pa ni mtshan nyid de zhes smos te/ dang por re zhig sngar bstan pa ltar rnam pa zhes bya ba ni bye brag du ma la bya'o zhes bstan cing / de'i 'og tu bye brag de dag tha dad par rtog pa srid pas de dgag par ni/ chos can mtshan gzhi gcig gi mtshan nyid do zhes tha dad pa spong bar byed pa'o// de la thams cad shes pa'i rnam pa nyi shu rtsa bdun ni nyan thos dang rang sangs rgyas rnams kyi gang zag la bdag med par rtog pa'i ye shes mtshan gzhi de'i mtshan nyid do// lam shes pa'i rnam pa sum cu rtsa drug ni byang chub sems dpa' rnams kyi bdag med pa rnam pa gnyi ga'i rtogs pa'i ye shes chen po'i mtshan gzhir gyur pa de'i mtshan nyid do// rnam pa thams cad mkhyen pa'i rnam pa brgya rtsa bcu po rnams ni sangs rgyas bcom ldan 'das rnams kyi ye shes shes bya'i dkyil 'khor ma lus pa la skad cig gis mkhyen pa'i mtshan gzhi
- 74b
de la brten pa'i mtshan nyid do// sangs rgyas kyi rgyud la ni 'phags pa'i skye bo ma lus pa'i yon tan lhan gyis grub cing 'jug pa zhi bas brten pa'i phyir ro// gzhan dag ni rnam pa thams cad mkhyen pa'i rnam pa las thams cad shes pa dang lam shes pas bsdus pa'i rnam pa sum cu rtsa bdun dang / rnam pa sum cu rtsa bzhi po rnams ni theg pa thams cad ni sangs rgyas nyid kyi rgyu yin pa'i phyir// rnam pa thams cad mkhyen pa'i rgyu'i rnam par bzhig gi dngos su na thams cad shes pa dang / lam shes pa'i rnam par gong du drangs te brtsi'o zhes zer te/ 'dir ni spyir mtshan gzhi dang mtshan nyid sbyor ba'o// thams cad shes pa'i skabs su nyan thos rnams kyi rnam pa bcu drug smos pa ni de dag gi mthong ba dang sgom pa'i lam gyi mtshan nyid do// rang sangs rgyas rnams kyi rnam pa bco lnga smos pa ni de dag gi sgom pa'i lam gyi mtshan nyid do// lam shes pa'i rnam pa sum cu rtsa drug smos pa ni mthong ba dang sgom pa'i lam gyi mtshan nyid do// rnam pa thams cad mkhyen pa'i rnam pa brgya rtsa bcu ni rnam par mi rtog pa'i ye shes chen po gcig pu pa de'i mtshan nyid do// yang skabs der bstan pa'i thams cad shes pa'i rnam pa sum cu rtsa bdun ni tshogs kyi lam dang sbyor ba'i lam dang mthong ba'i lam gyi mtshan gzhi rnams kyi mtshan nyid do// lam shes pa'i rnam pa sum cu rtsa bzhi ni rnam par thar pa brgyad dang / mthar gyis gnas pa'i snyoms par 'jug pa dgu ni mthong ba'i lam dang sgom pa'i lam gyi mtshan nyid do// byang chub sems dpa' dag ni bden pa mthong nas bsam gtan la sogs pa'i yan lag zad nas de dag la snyoms par 'jug pa'i rigs pas so// spong ba'i
- 75a
lam gyi rnam pa ni bar chad med pa'i ting nge 'dzin gyi mtshan nyid do// sangs rgyas nyid kyilam ni 'bras bu'i mtshan nyid do// lhag ma rnams ni sngon bzhin te/ 'di ni mtshan nyid dang mtshan gzhi'i sgo nas rnam pa'i rang bzhin ni mtshan nyid du bstan pa'o// gal te rnam pa'i rang bzhin mtshan nyid yin na 'di dag bstan pa'i dgos pa ni ci zhig yin/ 'og nas mtshan nyid dgu bcu rtsa gcig tu ston pa'i mtshan nyid rnams dang 'di la khyad par ci yod zhe na/ 'di bstan pa'i dgos pa ni dang por re zhig byang chub sems dpa' thos pa dang bsam pa'i shes rab dag la gom pa phul du phyin pas rgyal ba'i yum bsgom pa la sogs pa la yon tan bcu bzhi yod par shes par byas pas yid spro bar byas la/ ji skad du bstan pa'i yon tan thob par 'dod pas skyon ji skad gsungs pa rnams ji ltar rigs par spangs te/ de nas thams cad mkhyen pa nyid gsum gyi mtshan nyid rnams shes par byas pas de dag spang ba dang blang ba dang thob par 'gyur bar yid la byas la/ thar pa'i cha dang mthun pa'i dge ba'i rtsa ba bskyed de sbyor ba rnam pa nyi shu bstan pa dang bcas pa'i drod la sogs pa rgyud la bskyed la/ de nas rnam pa brgya bdun cu rtsa gsum bsgom par bya'o zhes bya ba'i rim pa 'dis ni rnam pa bstan pas ni mthong ba dang sgom pa'i lam dag ji ltar bsgom pa gtso bor bstan te 'di ni dgos pa'o// de nyid kyis na rnam pa ni sgom pa'i rim pa yin la/ 'og nas 'chad pa'i mtshan nyid ni rnam pa thams cad mkhyen pa nyid gsum gyi mtshan nyid ji lta bu yin pa tsam zhig ston gyi sgom pa'i rim pa ni gtso bor ma gyur pas khyad par ni yod la/ yang bdag gi go sla bar bya ba'i phyir
- 75b
'dir rnam pa rnams mtshan nyid dang mtshan gzhir phye ste bstan kyang / dang por rim pa ni 'dir rnam pa ji snyed pa bstan la/ 'og nas ni mtshan gzhi dang mtshan nyid du ston pas na lugs tha dad pa'i khyad par yod ces kyang shes par bya'o// de ltar rang bzhin bstan nas da ni rnam pa de dag gang gis bzhag mnyam pa la/ ji ltar phye ba nas des gzhan gyi 'di la rgyu mtshan gzhan ni med ces bstan pa'i phyir de dag kyang thams cad mkhyen pa nyid gsum gyi bye brag gis shes bya ba smos te/ gsum pa 'di ni rgyu mtshan ston par bya'o// de'i phyir rgyu mtshan des na rnam pa gsum kho nar bzhed do zhes bya ba smos te/ 'dis ni grangs nges pa'i rgyu mtshan yang bstan par dgongs pa'o// med pa ni rtag pa'i rang bzhin med pas so// mi skye ba'i skad cig gcig las lhag par skye ba med pa ste/ gang skye bas 'phel ba med pa ni byung ma thag tu 'jig pas na chu'i chu bur lta bu'o zhes bstan pa lta bu'o// des na med pa ni rtag pa med pas rgyun chad par 'gyur ba'i sdug bsngal nyid de/ mi skye ba ni 'du byed kyi sdug bsngal skad cig re rer 'jig pa'o// dben pa ni byed pa po dang gtsang ba la sogs pas so// mi rdzi ba ni bdag med pa'i phyir bdag gis med par rtogs pas mi rdzi ba ste/ de bzhin du gzhan yang ci rigs su shes par bya ste/ tshig gi don rnams ni go sla bas rnam par ma phye'o// sangs rgyas thams cad kyis bshad pa'i de bzhin nyid ces bya ba ni sangs rgyas byung ba gang yang de bzhin nyid mi ston pa ni 'ga' yang mi srid mod kyi/ 'on kyang sangs rgyas kha cig ni theg pa gcig gis ston to// kha cig ni gdul ba dman pa dag rjes su bzung ba'i phyir theg pa gsum gyis ston to// yang kha cig ni theg pa lngas ston pa ni gdul bya skrag pa
- 76a
spang ba'i phyir te/ ji skad du 'phags pa sa'i snying po 'khor lo bcu pa zhes bya ba theg pa chen po'i mdo las kyang / ba dkan nad la 'o ma 'thung bcug bzhin// de phyir dug du 'gyur gyi nad mi sel/ de bzhin snod min nyan thos theg pa dag/ theg chen bshad pa thos na rmongs 'gyur zhing // chad par lta la ngan song ltung 'gyur bas// des ni dbang po rtags te chos bstan to// zhes gsungs te rgya cher na theg pa cig tu ston pa 'phags pa dam pa'i chos pad+ma dkar po'i mdo las shes par bya'o// de ltar sangs rgyas thams cad kyis bshad pa'i de bzhin nyid de ni mya ngan las 'das pa yin te/ mya ngan las 'das pa de gang zhe na/ de bzhin nyid rnam par dag pa'o// zhes bstan pa ste de'i phyir sangs rgyas kyi chos su bstan to// chos thams cad ni 'dus byas dang 'dus ma byas rnams so// de dag la mnga' sgyur ba ni spang pa dang mngon du bya ba dang / bcab pa dang / sred pa dang / dgag pa dang / bskal pa skad cig tu bya ba dang / skad cig bskal ba tsam du byin gyis brlabs pa la sogs pa'o// de ltar chos thams cad la mnga' sgyur ba de ni rang byung gi mthu'o// de la rang byung gang zhe na/ rang byung gi ye shes so// de yang gnyis te chos kyi dbyings dang / srid pa tha ma pas thob pa'i rnam pa thams cad mkhyen pa'i ye shes so// de la chos kyi dbyings kyi dbang du byas te/ de skad du 'phags pa sdong po bkod pa las// 'jig rten khams rnams la la dag/ bsam gyis mi khyab tshig gyur kyang // nam mkha' 'jig par 'gyur ba med// rang byung ye shes de bzhin no zhes gsungs so// de ji ltar rang byung gi ye shes yin zhe na/ rgyu dang rkyen gyi rnam pas ma byas pa'i phyir dang / rnam par mi rtog pa'i ye shes kyi rgyur
- 76b
gyur pa'i phyir ro// gzhan dag ni rgyal ba'i yum las ye shes kyi yum ni gang yang ma yin no// ye shes kyang gang gi yul yang ma yin no// ye shes ni yul med pa'o// gal te ye shes la yul yod na mi shes par 'gyur ro// zhes gsungs pas chos kyi dbyings rnam par dag pa de nyid ye shes su 'dod de de ltar byas na shin tu 'dus chos lngas sangs rgyas kyi sa bsdus te zhes gsungs pa la sogs pa dang 'gal bar 'gyur ro// srid pa tham pas thabs cad mkhyen pa'i ye shes thob pa'i dbang du byas te ni byang chub sems dpa' dus ring du dge ba'i bshes gnyen rab tu mnyes par byas pa'i gdam ngag rab tu bstan pa thos pas tshe de la slob dpon med pa'i ye shes brnyes pa na gzhan la rag ma lus pa'i phyir rang byung ste/ ji skad du nyer 'gro nga ni sangs rgyas te// nga la slob dpon su yang med zhes bya ba la sogs pa gsungs pa lta bu'o// de la rang byung dang po ni sngar bstan pa'i de bzhin nyid sangs rgyas thams cad kyis gsungs pa'o// 'di ni rang byung gnyis pa bzung ste bskal pa mang por goms pa'i mthu las chos thams cad la dbang sgyur ba ni goms te sla bar ma gyur pa'i/ dngos de gang yang yod ma yin zhes ji skad bshad pa lta bu'o// yun de srid du bsod nams bsags pa'i mthu las kyang dbang sgyur bar 'gyur ba ni bsod nams ldan pa'i mi yi bsam pa rnams kyang 'grub zhes gsungs la/ rgyas par ni gzhon nu bsod nams stobs kyi rtogs par brjod pa'i mdo las shes par bya'o// gzhan yang chos thams cad la mnga' sgyusbyar ba'i gtso bo ni chos kyi dbyings las ma rtogs pa'i// 'di ltar chos yod ma yin te zhes bya ba dang / dngos gcig dngos po kun gyi ngo bo nyid/ dngos kun dngos po gcig gi ngo bo nyid// gang gi dngos
- 77a
gcig de bzhin nyid du rtogs// de yis dngos kun de bzhin nyid du rtogs zhes bya ba'i rigs pas/ gang gis chos kyi dbyings shes na de'i mthus ji ltar 'dod pa tsam la rag las pa 'di nyid yin par khong du chud par bya'o// de ltar de bzhin nyid la dmigs te rnam pa thams cad mkhyen pa'i ye shes thob pas na dngos po rnams la dbang skur ba'i mthu'i sgo ras rang bur du bzhag la de nyid du sna tshogs ma 'dres par mkhyen pa'i sgo nas ni rnam pa thams cad mngon par rdzogs par byang chub pa'i sangs rgyas nyid kyi rnam pa zhes bya ste khyad par 'di tsam du zad do// kha cig ni rang byung gi rgyu dang chos can yin la rnam pa thams cad mngon par rdzogs par byang chub pa ni 'bras bu dang chos can de'i chos nyid do zhes zer zhing de'i lung ni rigs kyi bu sangs rgyas bcom ldan 'das rnams mngon par rdzogs par sangs rgyas nas ting nge 'dzin sangs rgyas shin tu rnam par sangs rgyas pa zhes bya ba la snyoms par zhugs te/ ting nge 'dzin de la snyoms par zhugs ma thag tu sems can rnams ji snyed pa de nyid kyi sku kun tu gnas pa'o// sku ji sbed pa de nyid kyi gsung thugs kun tu gnas so zhes gsungs pa'o zhes 'dod do// nyan thos dang byang chub sems dpa'i bye brag gi zhes bya ba la sogs pa la/ byang chub sems dpa' rnams kyis ni lam thams cad bsgom par bya ba yin zhes sngar bstan pas na/ thams cad shes pa nyid byang chub sems dpas 'dris par bya ba'i phyir bsgom pa na zag pa dang bcas pa ste/ de dag ni ched du nyon mongs pa mi spong gi zil gyis gnon pa tsam zhig byed pa'i phyir ro// nyan thos dang rang sangs rgyas rnams kyis bsgom pa'i tshe ni zag pa med pa ste/ de dag ni nyon mongs pa rnams mda' dug can dang /
- 77b
'dra bar spong ba'i phyir ro// de ni go rim bzhin du zhes bya ba ni don bstan pa'o// nyon mongs pa shin du du ma spang ba'i phyir zhes bya ba ni 'od srungs grong khyer chen po'i phyag dar dang ldan ljin dang mi gtsang ba rnams ni bu ram shing gi zhing dang / 'bras kyi zhing dang / til gyi zhing dag la phan par byed do// 'od srungs de bzhin du byang chub sems dpa' rnams kyi nyon mongs pa yang byang chub la phan par byed do zhes gsungs pa'i dgongs pa mthong nas mi spong ba ste/ gzhan yang thabs chen dag dang ldan pa la/ nyon mongs byang chub yan lag 'gyur zhes bstan te/ yan lag gi don ni rgyu'i don to// zag pa ni nyon mongs pa'i ming gis bye brag gi ste 'di ni khams de dang der zag cing ltung bar byed pas na zag pa ste zag pa ni ltung ba'i ming gis khyad par ro// de bzhin du kun tu sbyor ba dang / 'ching ba dang / bag la nyal ba dang / nye ba'i nyon mongs pa dang / kun nas dkris pa dang / chu bo dang / sbyor ba dang / nye bar len pa dang / mdud pa dang / sgrib pa dang / tha ba dang / dri ma dang / zug rngu dang / ci yang dang / nyes par spyod pa dang / phongs pa dang / yongs su gdung ba dang / 'khrug pa dang / 'thab pa dang / rims nad dang / nags sbyor dang / gags zhes bya ba rnams kyis kyang brjod par bya ba rnams so// sbyor ba khyad par can dag gis zhes bya ba la sbyor ba ni nges par 'byed pa'i cha dang mthun pa bzhin no// khyad par can ni nyan thos la sogs pa las khyad par gyur pa rgyu dang yongs su 'dzin pa la sogs pas khyad par 'gyur ba 'am/ yang na sngar thams cad mkhyen pa nyid gsum gyi skabs su sbyor ba bstan pa rnams ni thos pa dang bsam pa'i yul du gyur pas na mchog ma yin la/ 'dir ni bsgom pa'i bya ba byas pas na mchog ces bya bar gdags so// 'dir yang sbyor ba ni nyi shu zhes bsdus te/ bstan pa ni nges par 'byed
- 78a
nga mang sna ba shAn du / sman di ya la sa ldan mod kyi legs par 'byor bapa ni drod thob pa yan chad la sbyor bar bya ste/ tshig gi don nig slabs pa bya'o// bar chad byed pa sbyin zhes bya ba de las dang po pa'i sa nas snyam pa'i lam phal ba'i bar du ldan par bzhag maud kyi/ 'on kyang skyon 'di dag ni phal cher las dang po pa'i sa dang sbyor ba'i lam la rnam par bzhag ste/ de ltar na yon tan rim gyis la mgong mgong ma la ldan la/ smon ni lam 'og ma 'og mal ldan par rig par bya'o// dani 'di brjod par bya ste/ 'phags pa nam mkha'i mdzod kyis zhus pa'i mdo las bdud kyi las rab tu rig pa ni shes rab kyi pha rol tu phyin pa dang / dge ba'i bshes gnyen gyi man ngag gis bsdus so zhes gsungs pa la shes rab kyi pha rol tu phyin pa'i dbang du byas te ni yongs su 'dzin pa'i skabs dang / skabs 'dir mdo las rgyas par bstan pa khong du chud par bya'o// gang lung gzhan la legs par bsdu ba de ni dge ba'i bshes gnyen gyi gdams ngag ste/ de ni ji skad du 'phags pa 'jig rten las 'das pa'i le'u las kyi rgyal ba'i sras bcu po 'di dag ni byang chub sems dpa' rnams kyi bdud de/ bcu gang zhe na/ 'di ltar mngon par chags pa'i phyir phung po'i bdud dang / grags su gyur pa'i phyir nyon mongs pa'i bdud dang / sgrib pa'i phyir las kyi bdud dang / slong ba'i phyir sems kyi bdud dang / skyes pa dang bral bar byed pa tsam gyi bdud dang / g.yo ba dang rlom pa dang / 'gyur ba dang bag med par spyod pas lha'i bu'i bdud dang / de la zhen pa'i phyir dge ba'i rtsa ba'i bdud dang / ro myang bar byed pa'i phyir ting nge 'dzin gyi bdud dang / gzugs brnyan gyi phyir
- 78b
dge ba'i bshes gnyen gyi bdud dang / lam mngon par mi bsgrub pas chos kyi ye shes khong du chud pa'i bdud do// kye rgyal ba'i sras bcu po de dag ni byang chub sems dpa' rnams kyi bdud do de dag yongs su spang ba'i phyir byang chub sems dpa' brtson par bya ba dag go// zhes gsungs la/ yang de nyid las kye rgyal ba'i sras bcu po 'di dag ni byang chub sems dpa' rnams kyi bdud kyi las te/ bcu gang zhe na/ 'di ltar byang chub kyi sems nyams par byed pa'i dge ba'i rtsa ba brtsams pa thams cad ni bdud kyi las so// sems mi mnyam pa'i sbyin pa yongs su gtong ba dang / tshul khrims 'chal pa la yongs su 'khrug pa dang / ngan sems dang ldan pa yongs su spong ba dang / le lo can yongs su gtong ba dang / sems 'khrug pa la brnyas pa dang / shes rab 'chal pa can smos pa ni bdud kyi las so// chos la slob dpon gyi dpe 'khyud byed pa dang bcas pa dang / chos kyi snod la khyad du gsod pa dang / zang zing dang 'brel par chos ston pa ni bdud kyi las so// snod ma yin pa la chos rgya chen po ston pa ni bdud kyi las so// pha rol tu phyin pa rnams mi thos pa dang thos nas log par 'jug pa dang / log par zhugs nas le lo byed pa dang / le lo byas nas sems zhum par byed pa dang / sems zhum par gyur nas byang chub kyi lam spangs pa dang ldan pa'i sems dang sems las byung ba'i chos mi 'byung ba ni bdud kyi las so// sdig pa'i grogs po la brten pa dang / dge ba'i bshes gnyen yongs su spong ba dang / nyan thos dang rang sangs rgyas kyi theg pa 'dod pa dang / skye ba'i skye mched la mngon par mi dga' ba dang / mya ngan las 'das pa dang / 'dod chags dang bral ba dang / sems nye bar zhi ba ni bdud kyi las
- 79a
so// byang chub sems dpa' la zhe sdang ba'i bsam pa dang / mi snyan pa brjod pa dang / thob pa'i gegs byed pa dang / 'khrul pa'i skyon 'tshol ba dang / mi bde ba'i mig gis lta ba ni bdud kyi las so// dam pa'i chos spong ba dang / ma thos pa'i mdo sde thos na smos pa dang / chos smra ba gzhan gyi bshad pa nyan par mi dga' zhing brnyas te/ khyad du gsod pa dang / bdag bstod pa dang gzhan smod pa ni bdud kyi las so// 'jig rten rgyang pan pa 'tshal zhing yi ge sna tshogs dang / 'bru sna tshogs su rang bzor byas pa'i rang bzol dga' ba dang / nyan thos dang rang sangs rgyas kyi gtam rjes su dran pa dang / zab mo'i gtam 'chab cing sred pa dang / gtam sna tshogs rnam par brjod pa dang / snod ma yin pa la zab mo'i chos ston pa dang / byang chub kyi lam mi 'tshol ba dang / lam ngan pa'i rgyud la gnas pa ni bdud kyi las so// grol ba dang rgal ba dang dbugs byin pa la brten cing bsnyen pa dang / bkur ba dang / rim gro byed kyi/ ma grol ba dang ma rgal ba dang / dbugs ma phyin pa la ni mi brten bsnyen bkur mi byed rim gro mi byed/ yongs su smin par mi byed pa dang mngon pa'i nga rgyal du lhung ste/ su la'ang mi 'dud cing nga rgyal yongs su 'phel bar byed pa dang / sems can la khong khro ba dang / chos kyi ye shes mi 'tshol ba dang / ye shes kyi gter mi srung ba dang / sems rtag tu spang ba dang / mgu dka' zhing gsol ba gdab par dka' ba ni bdud kyi las so// kye rgyal ba'i sras bcu po 'di dag ni byang chub sems dpa' rnams kyi bdud kyi las te/ de dag yongs su spangs shing byang chub sems dpa' rnams sangs rgyas kyi chos 'tshol bar 'gyur ba dag go zhes gsungs so// yang de nyid las kyi rgyal ba'i sras bcu po 'di dag ni byang chub sems dpa'i
- 79b
bdud kyi byin gyis brlabs te/ bcu gang zhe na/ 'di ltar sems zhum par gyur pa ni bdud kyi byin gyis brlabs so// bsam pa 'khrugs pa ni bdud kyis byin gyis brlabs so// rgya chung ngus dgu pa ni bdud kyi byin gyis brlabs so// gcig la mi bzod pa ni bdud kyis byin gyis brlabs so// smon lam las lhag par dmigs pa ni bdud kyi byin gyis brlabs so// nyon mongs pa rnam par bzlog pa dang ni 'dod pa ni bdud kyi byin gyis brlabs so// 'khor ba'i rgyun gcod pa ni bdud kyi byin gyis brlabs so// spyod pa las phyir ldog pa ni bdud kyi byin gyis bslabs so// sems can yongs su smin par byed pa ni bdud kyi byin gyis brlabs so// chos la the tshom za zhing dam pa'i chos spong ba ni bdud kyi byin gyis brlabs so// kye rgyal ba'i sras bcu po de dag ni bdud kyi byin gyis brlabs te de dag yongs su spangs shing byang chub sems dpa' rnams kyi byin gyis brlabs bla na med pa thob par 'gyur ba dag go zhes gsungs so// yang 'phags pa 'jam dpal rnam par 'phrul pa'i mdo las kyang lha'i bu nyi shu po 'di dag byang chub sems dpa' rnams kyi bdud kyi las yang dag phul nyi shu phyin to// nyi shu gang zhe na/ 'di lta ste rnal 'byor spyod pa rnam par grol ba 'dod cing 'khor bas skrag pa rnams la bsnyen pa dang bsnyen bkur byed pa bdud kyi las so// stong pa nyid la sogs sor rtog cing sems can yal bar 'dor ba yang bdud kyi las so// 'dus ma byas la so sor rtog cing 'dus byas kyi dge ba'i rtsa bas yongs su skyo ba yang bdud kyi las so// bsam gtan bskyed cing bsam gtan las rnam par ldog pa 'tshol ba yang bdud kyi las so// chos ston kyang chos nyan pa rnams la snying rje chen po mi bskyed pa yang bdud
- 80a
kyi las so// yon tan dang ldan pa dang sbyin gnas 'tshol zhing tshul khrims 'chal pa rnams la khong khro ba yang bdud kyi las so// nyan thos dang rang sangs rgyas kyi gtam ston cing theg pa chen po'i gtam 'chab pa yang bdud kyi las so// zab mo'i gtam 'chab cing gtam sna tshogs su ston pa yang bdud kyi las so// byang chub sems dpa'i lam shes kyang shes rab kyi pha rol tu phyin pa'i lam yongs su mi 'chol ba yang bdud kyi las so// rab tu brtson pa'i bsngags pa brjod kyang sems can mi brtson pa rnams mngon par mi sbyor ba yang bdud kyi las so// dge ba'i rtsa ba sogs kyang byang chub kyi sems mngon du mi byed pa yang bdud kyi las so// lhag mthong gi rnal 'byor dang ldan par gnas kyang sems can rnams lhag mthong yang dag par 'dzin du mi 'jug pa yang bdud kyi las so// nyon mongs pa ma lus pa zad pa 'tshol zhing 'khor ba'i rgyun gyi nyon mongs pa rnams la smod pa yang bdud kyi las so// shes rab kyi rnam par spyod cing snying rje chen po la dmigs pa mi 'dzin pa yang bdud kyi las so// thabs dang mi ldan par dge baspyod pa thams cad kyang bdud kyi las so// byang chub sems dpa'i sde snod mi 'tshol gyi 'jig rten rgyang pan pa'i gsang tshig 'dzin pa yang bdud kyi las so// mang du thos kyang gzhan gyis shes kyis dogs te chos la slob dpon gyi dpe 'khrud byed pa yang bdud kyilas so// 'jig rten pa'i dgos pa zhal lta byed cing mang du zos pa mi 'tshol ba yang bdud kyilas so// byang chub sems dpa' chos smra bar/ theg pa chen po la yang dag par zhugs pa skal ba mnyam pa rnams mi bsnyen pa bsnyen bku ma byed pa de ni nyan thos dang rang sangs rgyas kyi theg pa la yang dag par zhugs pa skal ba mi mnyam pa la dga' bal
- 80b
gang gi tshe brgya byin nam/ tshangs pa'am 'jig rten skyong ba 'am rgyal po 'am/ tshong dpon nam/ khyim bdag gi longs spyod dang / nor dang rin po che dang dbang phyug gi che ba nyid du gyur pa de'i tshe chos kyi che ba nyid dang ldan pa rnams la mi bsnyen bsnyen bkur mi byed pa 'di dag ni lha'i bu byang chub sems dpa' rnams kyi bdud kyi las yang dog phul nyi shu'o zhes gsungs so// yang 'phags pa klu'i rgyal po ma dros pas zhus pa zhes bya ba theg pa chen po'i mdo las kyang bla ma rnams la mi gus pa ni bdud kyi las so// bdag brjod pas mngon pa'i nga rgyal byed pa yang bdud kyi las so// byang chub sems dpa'i sde snod pha rol tu phyin pa'i lam 'dor ba yang bdud kyi las so// 'jig rten pa dang 'jig rten rgyang pan pa'i gsang tshig dang nyan thos dang rang sangs rgyas kyi theg pa dang ldan pa'i mdo kun tu 'dzin pa ni bdud kyi las so// thabs dang bral ba'i shes rab dang / shes rab dang bral ba'i thabs dang / thos pa nyung bas bsam gtan rnyed pa dang / mang du thos kyang bdag bstod pa ni bdud kyi las so// dge ba'i rtsa ba dang bral bas skye ba yongs su 'dzin pa dang / dge ba'i rtsa ba bsags kyang theg pa chung ngu 'dod pa ni bdud kyi las so// dam pa'i chos mi srung ba dang / sems can yongs su smin par mi byed pa ni bdud kyi las so// byang chub sems dpa' la zhe sdang ba dang chos smra ba'i bsngags pa mi brjod pa yang bdud kyi las so// dge ba'i rtsa ba yang dag par blangs pa 'dor ba dang / mi dge ba'i sems dang du len pa yang bdud kyi las so// / dgon pa la gnas kyang 'dod pa dang / gnod sems dang 'tshe ba'i rnam par rtog pa dang / 'khor gyi tshogs kyi nang du zhugs kyang rnyed pa dang bkur stis bkur ba ni bdud kyi las so// snod ma yin pa la
- 81a
chos ston pa dang / snod du 'gyur ba khyad du gsod pa yang bdud kyi las so// bdud kyi las 'di lta bu 'di dag khong du chud pa dang / thams cad mkhyen pa'i sems la g.yeng ba yang bdud kyi las so// zhes bya ba la sogs pa gsungs so// mdor bsdus nas ni 'phags pa 'jam dpal rnam par 'phrul pa'i mdo las/ mdor na ji tsam du g.yo ba dang rlom pa dang spros pa dang gnyis su rtog pa de tsam du bdud kyi las so// zhes gsungs pa don gyi dbang du shes par bya'o// gzhan yang de nyid las lha'i bu byang chub sems dpa'i bdud kyi las ni brtson 'grus las byung bar rig par bya'o// zhes gsungs pas rab tu sbyor ba'i dus na bdud kyi las rnams 'byung bar rig par bya'o// de dag rig par gyur nas bzlog par bya ba ni ji skad du 'phags pa 'jig rten las 'das pa'i le'u las/ kye rgyal ba'i sras bcu po 'di dag ni byang chub sems dpa' rnams kyi bdud kyi las bzlog pa ste/ bcu gang zhe na/ 'di ltar dge ba'i bshes gnyen bsnyen bkur ba'i phyir nga rgyal thams cad yongs su spong ba ni bdud kyi las bzlog pa'o// bdag la mi stod mi bsngags pa ni bdud kyi las bzlog pa'o// sangs rgyas kyi chos zab mo la mos shing mi spong ba ni bdud kyi las bzlog pa'o// thams cad mkhyen pa'i sems yongs su nyams par mi byed pa ni bdud kyi las bzlog pa'o// chos zab mo'i tshul la brtson zhing bag yod par gnas pa ni bdud kyi las bzlog pa'o// byang chub sems dpa'i sde snod la gnas shing chos thams cad yongs su 'tshal ba ni bdud kyilas bzlog pa'o// yang dang yang nyan cing yang dag pa'i gtam gyis yongs su mi skye ba ni bdud kyi las bzlog pa'o// 'jig rten gyi khams thams cad na
- 81b
bzhugs pa'i de bzhin gshegs pa thams cad la skyabs dang dpung gnyen 'tshal ba'i 'du shes ni bdud kyi las bzlog pa'o// sgrub pa la sangs rgyas thams cad kyi byin gyis brlabs rjes su dran zhing mos pa/ yang dag par len pa ni bdud kyi las bzlog pa'o// byang chub sems dpa' grogs thams cad dge ba'i rtsa ba dang mi gnyis par mngon par bsgrub pa ni bdud kyi las bzlog pa'o// kye rgyal ba'i sras bcu po 'di dag byang chub sems dpa' rnams kyi bdud kyi las bzlog pa snyed de dag gis byang chub sems dpa' bdud kyilas thams cad las 'da' bar 'gyur ba dge gzhes gsungs sa// rang gi gzhung gachag gi don ni go slu bas rnam par ma phye'o// da ni byang chub sems dpa' legs par zhugs pa thams cad mkhyen pa nyid gsum gyi bdag nyid las brtsams te/ rgyal ba'i yum 'di'i mtshan nyid ji snyed pa ston par byed pa'i tshig gi le'ur byas pa rnams dgrol ba'i phyir skyon gyi 'og tu de dag gi mtshan nyid gsungs te zhes sbyar ro// de dag gi zhes bya ba ni byang chub sems dpa' sbyor ba po 'am/ thams cad mkhyen pa nyid gsum po de dag gi zhes bya'o// mtshan nyid zhes bya ba ni rang gi mtshan nyid dang rnam par dbye ba'i mtshan nyid do// rnam par dbye ba'i mtshan nyid ni bum pa la sogs pa gang dung la sogs pa ma yin pa zhes bya ba la sogs pa dngos po gcig tu yang dpag tu med par ldog pa'i dbang gis brjod pa ste/ ji skad du tshad ma rnam 'grel las// gang phyir dngos kun rang bzhin gyis// rang rang ngo bo la gnas phyir// mthun dngos gzhan gyi dngos dag las// ldog pa la ni brten pa can zhes bstan cing / chos tshul zab mo rgya mtsho lta bu'i pha rol gzigs// zhes bstod pa brjod pa lta bu'o//
- 82a
de la slob dpon zla ba grags kyi zhal snga nas ni/ 'di dag ni dgos pa nye bar gyur pa'i dbang dang rnam par rtog pa'i dbang tsam gyis phye bar zad pas na dngos po la mi ldan pas mtshan nyid du mi 'grang ngo zhes 'chad cing slob dpon gyi zhal snga nas kyang / sngar don cig tu rab tu sbyor ba la ldog pa la bltos pas nye bar bskyed pa'i tha dad pa'i ngo bor byed bzod pa ni ma yin no zhes bstan pa'o// gzhan dag ni gal te rig pa'i lam du 'jug pa zhig ni de'i dngos po thams cad kyang sgra'i sde'i rnam pa ming tsam du zad cing btags pa tsam zhig snying por gyur pa kho na'o// mngon par zhen pa stug po phyi rol gyi don yod pa ltar gnas pa'i dbang du byas pa'i tshe ni yang dag pa'i kun rdzob rnams ni ji snyed du btags pa de snyed kyi nus pa'i mtshan nyid dngos po re re la yang ldan zhes zer ro// rang gi mtshan nyid ni rang gi thun mong ma yin pa'i yan lag me la sogs pa'i tsha ba la sogs pa 'jig rten rnams na rigs pas ma bcos pa'i tshe/ gzhan la mi bltos par don byed par snang ba'i dngos po rags pa rnams so// 'dir ni rang bzhin gyi mtshan nyid zung ngo // de yang mtshon par byed pa'i mtshan nyid ni shes pa dang / khyad par dang byed pa rnams ste/ de la shes pa'i mtshan nyid ni thams cad mkhyen pa nyid gsum gyi tha dad pa gsum char yang rgyal ba'i yum 'di ni de bzhin gshegs pa bskyed pa'o zhes bya ba sogs pas shes par bya'o// gal te de ltar thams cad mkhyen pa nyid gsum char gyi rgyal ba'i yum gyi bdag nyid che ba shes par byed par gyur na de'i tshe gzhi thams cad shes par gyur pa kho nas chog pas lam thams cad shes pas ci zhig bya snyam pa la/ shes par byed par mtshungs su zin kyang de dag gi khyad par ni 'di dang 'di lta bu'o zhes ston par byed pa ni khyad par gyi mtshan nyid do// /
- 82b
khyad par can gyi mtshan nyid des don ci zhig byed snyam pa la ni byed pa'i mtshan nyid bstan to// ngo bo nyid mo mtshan par bya ba'i mtshan nyid ni thams cad mkhyen pa nyid de gsum gyis rang bzhin gzhan khong du chud par bya ba la gtso bor ma gyur pa'i rang bzhin du zad do// bsdus pa'i don ni 'di tsam zhig tu zad cing gang dag gis re re nas ma phye ba'i don rnams ni 'phags pa rnam par grol ba'i sde'i zhal snga nas rnam par sbyar ba tshig le'ur byas pa mdo bar ma'i dbang du mdzad pa las rgyas par bstan pa las shes par gyis shig/ thar pa'i cha dang mthun pa zhes bya ba la thar pa ni las dang nyon mongs pa ches rags pa mi khom pa brgyad du 'phen par byed pa la sogs pa dang bral ba'i phyir/ de las thar pas na drod la sogs pa sbyor ba'i lam yin te/ don 'di ni 'phags pa rnam par grol ba'i zhal snga nas/ de la 'dir thar pa ni bral ba'i khyad par yin la de'i cha la phan pas ni thar pa'i cha dang mthun pa zhes bya'o zhes bstan to// de'i phyir chos mngon pa las thar pa bla na med pa yin zhes brjod pa ni 'dir mi sbyar ro// de'i chang zhes smos pa ni phyogs cig tsam gyis phan 'dogs kyi dngos su ni thar pa'i cha dang mthun pa thob nas dmigs pa dang rnam pa la sogs pa ji skad du bstan pa'i khyad par can la slob pas drod la sogs pa 'thob ste/ de'i phyir lam spyi dang khyad par dag gi mtshams su rang gi lam ma thob kyang / de'i khongs su bslan pas bstan pa lam 'og ma dag las khyad zhugs pa'i mtshams sbyor gyi ngo bo dag yod do zhes bshad pa'o// i ya zhes bya ba ni sngar bstan pa bzhin no// 'di'i dbye ba ni 'phags pa rnam par grol ba'i zhal snga nas chen po dang 'bring dang chung ngu zhes gsungs la/ lam 'di mtshon par 'gyur ba'i rtags kyang sems mi 'jug pa dang / mi 'gong ba dang yid la 'gyod par 'gyur ba med pa zhes gsungs so// gzhan yang lam 'di thos pa dang bsam pa'i rang bzhin yin no zhes la
- 83a
cig 'chad do// gzhan dag ni 'di dag ni thos pa dang bsam pa'i shes rab phal che ba yin gyi sgom pa'i shes rab kyang med ces nges par mi dgag go zhes 'chad do// 'phags pa rnam par grol ba'i zhal snga nas ni thar pa'i cha dang mthun pa'i dge ba'i rtsa ba ni thos pa dang bsam pa'i rang bzhin du bzhed pa'i phyir ro// 'di rnams thams cad kyang thos pa dang bsam pa'i rang bzhin can yin par shes par bya ste de thog ma kho nar bsan pa la 'jug pa'i rgyu nyid yin pa'i phyir tshogs brjod cing sbyor ba'i ma mduni de ltung bas par gdags pa mdzad pa'o// thar pa'i cha dang mthun pa 'di yang phyir mi ldog pa rnam par bzhag gam ci ma yin zhe na/ de zhig phyir mi ldog pa ni byang chub las phyir mi ldog pa dang / byang chub khyad par can las phyir mi ldog pa dang / 'jig rten las 'das pa'i sa las phyir mi ldog pa dang / rtsol ba med pa las phyir mi ldog pa dag go/ de las dang po ni 'phags pa nyan thos rnams dang thun mong du byas pa thar pa'i cha dang mthun pa nas bzod pa'i phyir ro// gnyis pa ni theg pa chen po'i drod nas brtsams pa'o// gsum pa ni sa dang po'i ngo bo nyid do// bzhi pa ni sa mi g.yo ba la'o// de ltar na thar pa'i cha dang mthun pa ni theg pa khyad par can gyi byang chub las mi ldog par nges pa ma yin pas na phyir mi ldog pa zhes mi brjod do// theg pa chen po 'dir ni dro bar gyur pa'i dge ba'i rtsa ba rgyud la skyes par gyur pa'i tshe phan chad du byang chub chen po las phyir mi ldog pa ni rtse mo'i mngon par rtog pa las nyan thos dang rang sangs rgyas kyi sa las rmi lam na yang mi 'dod par ston par 'gyur ro// 'o na 'phags pa nyan thos rnams kyi dbang du byas te chos mngon pa la sogs par thar pa'i cha dang mthun pa 'di de dag gi phyir mi ldog par bzhag gam ci ste ma yin zhe na/ kha cig na re de dag ni shes rab dang snying rje chung ba dang sbyangs pa yun thung ba'i dbang
- 83b
gis na thar pa'i cha dang mthun pa'i dge ba'i rtsa ba skyes su zin kyang / nges par phyir mi ldog par nges pa med do zhes zer ro// gzhan dag ni de dag gi dbang du byas te/ yang rang gi mngon par 'dod pa'i ched du bsgrubs pa'i byang chub las ni slar ldog par mi 'gyur gyi dus re de zhig gis de 'thob pas na ring du thogs pa'i dbang tsam las phyir mi ldog par mi bzhag go zhes zer te/ 'dir ni phyir ldog pa dang mi ldog pa la brtsams te/ glengs par zad na dus nye ba dang ring ba'i rtsod pa su zhig byed/ de ltar na drod bskyed pa'i byang chub sems dpa' dang nyan thos dbang po rtul zhing nyon mongs pa mang ba la sogs pa mngon par shes pa bul la dka' ba la sogs pa yang phyir mi ldog par 'gyur ba ma yin no// 'on ci zhe na/ rang gi rgyud nges pa'i rgyu mtshan gtso bor mdzad pa zhig na thar pa'i cha dang mthun pa'i dge ba'i rtsa ba 'di yang phyir mi ldog par brjod mod kyi/ rang gi rtogs pa dang 'tsham par gzhan yid ches par byed pa'i yon tan rnams 'di la med pas na de'i phyir dang / rang yang dngos pos des kyang rang nges par byed pa'i rtags bzung sla ba yang med pa'i phyir tha snyad gdags pa'i gzhir ma gyur pas na 'di phyir mi ldog pa'o zhes gang du ma gsungs te/ 'phags pa 'dod chags dang bral bar gyur pa de dag la yang drod la sogs pa'i rtags ci rigs su rang dang gzhan nges par 'byed pa dag 'byung bar shes par bya'o// rang gi/ rgyud la skye bar mkhas pa zhes bya ba ni gzhan gyi don la dmigs pa rab tu srab pa ste drod ma rnyed pa'i byang chub sems dpa' rnams ni sems can la dmigs par byed mod kyi da dung bdag dang gzhan mnyam pa dang / bdag dang gzhan rje bar nus pa ma yin pa'i phyir te/ de'i phyir yang 'di phyir mi ldog pa ga la yin/ rang bzhin gyi dbang du byas pa'i tshe ni rigs dang rkyen gnyi gas byang chub sems dpa' kha cig tshogs kyi lam phal pa'i dus nyid na phyir mi ldog par
- 84a
gyur pas na rang gi rgyud las lung bstan pa gsungs te/ 'on kyang phyir mi ldog par brjod pas su zhig yid ches byed par nus/ ni zhes bya ba ni nges par bzung ba'o// dbang po'i ngo bo nyid ma yin pa zhes bya ba la/ dbang byed pa'i don gyis dbang por brjod pa yin na/ lam 'dir mi mthun pa'i phyogs ma dad pa dang / le lo la sogs pa gzhom par nges par dbang byed par nus pa ma yin te/ res 'ga' mi mthun pa'i phyogs mthu che bar 'gyur ba'i phyir ro// thams cad kyis bla na med pa'i byang chub 'thob pa ma yin zhes bya ba la bar chad med par 'thob pa ma yin gyi zhes dgag gi rim gyis ni 'phags pa'i skye bo thams cad sangs rgyas nyid du 'gyur bar sngar bstan pa'i phyir ro// de dag nyid rtul pos rtogs par dka' ba'o zhes bya ba ni theg pa chen po dbu ma pa dag gis rtogs par dka' bar brjod pa 'di nyid la rnal 'byang spyod pa pa dag ni rigs chad pas bon tshig pa lta bu zhes de bzhin gshegs pa'i snying po la skur pa smra bar byed do// chos nyid yin pas zhes bya ba ni byed pa po med bzhin du dngos po sgyu ma lta bu rnams kyi nus pa sgyu ma tsam zhig rigs pa'i khur mi theg par de ltar grub par zad de/ 'di ci'i phyir zhes sus kyang dpyad du ni med ces bya ba'i don to// 'dis ni 'thad pa bsgrub pa'i rigs pa rtog gi bkag pa'o// nges par 'byed pa'i cha dang mthun par 'byung ba zhes bya ba la 'dir nges par 'byed pa'i cha dang mthun pa 'di dag re re la yang chung ngu dang 'bring dang chen po gsum gsum du dbye bar bya ste/ re zhig drod kyi dbang du byas te mnyam pa ni chung ngu'o// byams pa dang phan pa dang / khong khro ba med pa dang / rnam par 'tshe ba'i sems med pa'i rnam pa lnga ni 'breng ngo // pa dang ma'i sems dang / spun dang sring mo'i sems dang / bu dang bu mo'i sems dang / bshes dang grogs kyi sems dang / gnyen dang snag gi nya mtshams
- 84b
kyi sems rnams ni chen po'o// rtse mo'i dbang du byas te mi dge ba dang dge ba grangs bzhin du nyams pa dang / len pa'i sgo nas ldog pa dang / zhugs pa'i bdag nyid can de'i sgo nas rnam pa gzhan rnams sdig pa las ldog pa dag lagan pa dag la sbyor ba'i rnam pa gnyis dang zhes bya ba ni rim pa bzhin du chung ngu dang / 'bring ngo // gzhan bdag nyid de ltar zhugs pa rnams la bsngags pa brjod pa dang mthun par bya ba zhes bya ba ni chen po'o// bzod pa'i dbang du byas te ni sbyor ba dang bsngags pa brjod pa dang / mthun par bya ba zhes bya ba rnams rim bzhin du chung ngu dang 'bring dang chen por sbyar ro// 'jig rten chos kyi mchog gi dbang du byas te ni smin par byed pa dang / grol bar byed pa'i lam thams cad mkhyen pa nyid gsum gyi dbang du byas pa de dag rim pa bzhin du chung ngu dang 'bring dang chen por sbyar bar bya'o// de ltar na 'dir zhes bya bas sngar thams cad mkhyen pa la sogs pa'i dbang du byas te// rim gyis rgyud la lam bskyed pa'am/ thos pa dang bsam pa'i shes pa'i shes rab gtso bar byas pa'i tshe ni nges par 'byed pa'i cha dang mthun par de dag de yang rjes su mthun pa dang / khyad par can dang / rab tu rtogs pa dang / gzhan du yongs su bsgyur ba dang / tshe gcig pa dang / stan gcig pa ste/ rnam pa drug ces brjod par bya la/ 'dir ni dbye'o zhes dgos pa'i phyir 'dir zhes bya ba'i sgra smos pa yin no// lhag ma rnams ni go sla bas rnam par ma phye'o// gzung ba dang 'dzin par mngon par ma zhen pa'i rnam pa can zhes bya ba ni rang bzhin gyi rnam par rtog pa rab tu srab cing rjes su dran pa'i rnam par rtog pa med do// rang dang mthun pa'i 'bras bu zhes bya ba la/ rang ni mnyam par bzhag pa'i ye shes te de dang mthun pa'i 'bras bu ni ji ltar mnyam par bzhag pa'i tshe ni dngos po gnyis su mi 'dzin pas na gzung ba dang 'dzin par snang ba nyid med pa ltar de las
- 85a
langs pa na yang bzung ba dang 'dzin par snang ba tsam zhig yod du zin kyang gnyis su zhen pa med pa'i phyir na de rang gi rgyud dang mthun pa'i 'bras bur brjod do// rnal 'byor pa rnams kyi zhes bya ba ni bden pa mthong ba rnams kyi'o// tha snyad rnams ni bya ba la 'jug pa'i bdag nyid rnams nyid rnams ni dus dang yul thams cad du rang gis mnyam par bzhag pa'i dus na chos kyi kun tu 'gro ba'i rang bzhin rtogs pa dang mthun pa kho na yin te 'di ni bzang ngo // 'di ni ngan pa'o// bdag gis chos 'di'i phyir chos smra ba 'di la lus 'di 'bral zhing srog ni btang ngo zhes bya ba la sogs rnam par rtog pa med de brdal blo byung ba dag gis me long la sogs par gzugs brnyan mthong ba snang ba tsam zhig yod de la ji ltar yang mi rtsol bar gnas pa bzhin no// de lta na 'on byang chub sems dpa' sa rab tu dga' ba thob pa ni skad cig la sangs rgyas kyi zhing brgya yongs su sbyong nga zhes bya ba la sogs ji ltar 'grub par 'gyur zhe na/ de'i phyir sems can gdul ba'i dgos pa'i dbang ma gtogs par de ltar nges pa'o zhes tshig tha ma khong nas dbyung ste des na sems can thams cad gdul ba'i dgos pa'i dbang nye bar gnas pa na sngon gyi smon lam gyi mthus sgyu ma tsam du 'di la chos nyid 'di lta bu zhig bdag gis bstan to mnyam pa la sogs pa 'byung ba 'gyur te/ dgos pa'i dbang du rgyal ba rnams// nga dang nga yi gsungs pa ltar zhes bstan pa lta bu'o// 'gro ba 'ga' zhig 'dul ba'i phrin las mi mdzad pa'i tshe na ni sngar bstan pa ltar rang dang mthun pa'i 'bras bu tsam zhig la gnas kyi don mdzad pa'i rnam par rtog pa la sogs pa ci yang mi mnga' bas de dag kyang nye bar brtags nas bshad de/ brtags pa ni 'dir don mdzad pa'i gnas skabs de mi mdzad pa'i dus la yang ngam 'bras
- 85b
bus rgya la brtags te brjod do// brtags pa'i dgos pa ni byang chub sems dpa' rnams la ni rnam par rtog pa med pas chos nyid rtogs pa kho na dang mthun pa yin no zhes shes par bya ba'i phyir ro// gzhan dag ni don mdzad pa dang mi mdzad pa'i gnas skabs gnyis su ni mi dbye'i don mdzad par snang ba'i tshe na yang rtogs pa dang mthun pa las ma nyams mod kyi don gang dang gang zhig mdzad pa'i ting nge 'dzin rnams su ldan gyis grub pa'i tshul gyis 'jug pa yin te/ ji skad du'ajam dpal sgra skad thams cad kyi brda zhes bya ba'i ting nge 'dzin yod de/ ting nge 'dzin de thob na byang chub sems dpa' lnga gang dang / brjod pa dang brda thams cad rtogs shing yi ge thams cad kyi yi ge gcig ston pa dang / yi ge gcig gis yi ge thams cad ston par byed do// 'jam dpal las kyi rnam par smin pa las byung ba bsod nams dang dge ba'i rtsa ba thams cad sogs shing smyon par byed pa zhes bya ba'i ting nge 'dzin yod de/ de ting nge 'dzin de thob nas byang chub sems dpa' cang mi smra bar snyoms par zhugs te/ yi ge gcig tsam yang mi brjod par sems can thams cad kyis sangs rgyas kyi sgra dang chos kyi sgra dang / dge 'dun gyi sgra dang / nyan thos kyi sgra dang / rang sangs rgyas kyi sgra dang / byang chub sems dpa'i sgra dang / pha rol tu phyin pa'i sgra thos par byed do zhes bya ba la sogs pa gsungs pa'i phyir ro zhes zer ro// da ltar gang yang rung ste phyogs gnyis ka la btags par bstan pa yod pas btags pa'i dgos pa bstan pa ni de lta ma yin na rnal 'byor pa'i rgud la so so rang gis rig pa'i skad cig ma rnams ji ltar gzhan yid chas par byed pa'i mtshan nyid dag yin zhes bya ba gsungs te/ btags pa tsam gyis kyang de'i yon tan ma bstan nas su zhig mthong ba'i lam la yid ches nas thob par bya ba'i phyir 'jug
- 86a
zhes bya ba'i don to// sgom pa'i lam zab pa yin no zhes bya ba ni mthong ba'i lam ni zab pa dang / rgya che ba yin la sgom pa'i lam ni phal cher shes bya'i sgrib pa'i gnyen por stong pa nyid du goms par byed pas na zab pa ste/ de ltar na zab pa la rab tu goms par byas pa'i dbang gis na sa brgyad pa la sangs rgyas kyis bskul ba'i mthar thug pa yin no// de ltar rab tu zab pa'i stong pa nyid chen po mngon du byed pas na sngar stong pa nyid la sogs pa la yang gzugs med la/ stong pa nyid la sogs pa gzugs las gzhan pa yang ma yin pas zhes bya ba la sogs pas don dam pa'i bden pa bstan te/ gnyen po'i stobs kyis blo chos kyi dbyings ji lta bar 'gyur zhes bya ba'i tha tshig go/ pa ri ni gong du'o// mthong ba'i don ni ye shes kyis rim gyis nyams su myong ba'i don de la'o// sems dpa' ni thos pa'i shes rab kyis sam sbyor ba'i dus na'o// 'jam pa ni bsam pa'i shes rab kyis sam dngos kyis so// nges par rtog pa ni sgom pa'i shes rab kyis sam rjes las byung bas so// de rnam pa du zhig ce na zhes bya ba la sogs pas ni dang po lam shes pa'i skabs su phye ba'i sgom pa'i lam de dag re re la yang rnam par dag pa dgur bstan cing de las mang ba ni rgyal ba'i yum de dang de las zhes bya ba la sogs pas 'gegs par bya'o ji ltar de bzhin nyid rab kyi mthar phyin pa'i mtshan nyid kyi zhes bya ba la sogs pas ni gzhan gyi don mngon sum du grub par snang ba ltar rang gi don yang don dam par rang bzhin med bzhin du kun rdzob tu 'grub par cis na mi 'gyur zhes bstan pa'o// rgyu med par 'jigs pa yin la zhes bya ba ni sems can pha rol la sogs pas gnod pa ma byas kyang rgyu ste/ 'jigs pa'i byed pa po med par rang gis ngang gis 'jig pa yin te/ 'dus byas thams cad skad cig ma/
- 86b
mi gnas bya ba ga la yod// bya ba byung ba nyid yin pas// byed pa zhes su de la bya zhes gsungs pa lta bu'o// skad cig ma nyid kyis shes bya ba 'di ni de'i rgyu batshan du sbar ro// des ni gsum pa 'di ni rgyu mtshan du blta/ bar bya'o// 'dir slob dpon zla ba grags pa'i zhal snga nas ni dngos po rnams ni skad cig ma'i mi rtag pa med mod kyi gdul bya yid 'byung bar bya ba'i phyir/ de ltar bstan te mi rtag pa ni rgyan chad pa'i mi rtag pa 'ba' zhig go zhes gsungs so// mdo sde rgyan la sogs pa'i lugs kyis ni dngos po rnams la de ldan par bstan te/ rang rang gi rnam par rtog pa'i dbang tsam las de dngos po zhes bya ba dang grub pa med ces brjod pas de dag 'thad par 'gyur ro// phyogs 'dis kyang rgol ba de ni gnod ces lan dang por brjod pa'o// grub pa'i mtha' las kyang zhes bya ba la sogs pas kyang lan gnyis pa ston te// dngos por mngon par zhen pa rab tu ma spangs pa khyod rang gi grub pa'i mtha' ste rig pa dang lung gis rab tu bstan par rang gi 'dred pa grub pa ni de nas par yang 'gror med pas na mtha'o// de tsam du khyed kyis gtan la phab pa'i 'dod pa ston pa'i gzhung las ni 'jig rten sna tshogs las skyes zhes 'byung ba'i phyir na rang gi las kyis rang shi na de la gsod pa po la sdig par ji ltar 'gyur zhes dri ba 'di khyed la kho bo cag gi zla'i shugs kyis dris pa na khyed la yang / kho bo cag dang mtshungs par gnod par 'gyur te/ de'i phyir slob dpon dul ba lha'i zhal snga nas nyes pa mtshungs pa kho nas pha rol po tshams par 'gyur bas de la nyes pa gzhan ni mi brjod do// zhes bstan te 'di yang chos nyid kyi rigs pa yin te/ chos kha cig 'gro ba rnams la mngon sum la sogs gnod pa lta bur snang yang chos rnams kyi chos nyid kyis de khas blang bar bya ba yod de/ tsha bas tshig pa la slar tsha ba la/
- 87a
gdung ba la sogs pa lta bu'o// don dam par zhes bya ba ni khyed kyi don dam pa nges par yod cing don byed pa'i dbang du byas su zin kyang rang gi las kyi 'bras bu la spyad par zad pas na gang zag gzhan du bgrang bar sus kyang su yang bsad pa yang med zhes bya ba la sogs pa'i klan ka khyed la yang 'byung zhes sbyar ro// de dang de la phyogs gzhan nas zhes bya ba ni dbu ma'i bstan bcos dag tu gang don dam par med/ pa de dag ni kun rdzob tu yang med de zhes rtsod pa smra ba'i lan btab pa'i gnas skabs de dang de dag tu zhib tu bstan gyis der ltos shig ces bya'o// phyogs gzhan nas zhes bya ba ni rig pa gzhan yang de dag bstan zhes bya'o// dpe ma grub pa zhes bya ba ni rang bzhin med pa ni don dam par 'dod pa yin la rmi lam gyi gnas skabs la sogs pa ni kun rdzob yang rmi lam la sogs pa 'dra zhes 'dod pas kyang dpe ma grub la/ gal te kun// rdzob pa nyid du zhes zer na yang gnyid log pa'i tshe sems gnyid kyis mthu nyams pa dang / gnyid ma log pa'i tshe ma nyams pa ni nus pa ga la mnyam pas na dpe ma grub pa'o// sangs rgyas kyi mdzad pa bya dgos pas na thabs la mkhas pas gsungs te zhes bya ba la zabs mkhas pa bcu po 'di sangs rgyas kun tu bzang po'i chos su bstan tam 'on te ma yin/ gal te phyogs dang po ltar na ni phyir mi ldog pa'i rtags zhes bya ba la 'di ji ltar rung bar 'gyur gal te phyogs gnyis pa ltar na yang sangs rgyas kyi mdzad pa zhes smos par mi rigs kyi byang chub sems dpa'i bya ba bya dgos pas zhes smos par rigs so zhe na/ 'di ni/ sngar sa bcu pa la ni byang chub sems dpa' sangs rgyas zhes bya bar brjod kyi zhes bya ba la sogs pa'i tshul gyis na/ sa bcu pa'i byang chub sems dpa' dbang bskur ba'i sa le gnas pa dang / skye ba gcig gis
- 87b
thogs pa'i rnam par 'phrul pa sangs rgyas su snang ba'i dbang du byas pa'i mdzad pa yin par shes par bya'o// shes rab kyi pha rol tu phyin pa rnam pa bcu ni thabs la mkhas pa rnam pa bdu ste/ de dag byang chub sems dpa'i mchog de dag gis dmigs par bya ba yin pas na yul te/ mngon sum du bya ba ni dka' thub spyod pa la sogs pa lus dang ngag dang sems kyis ci rigs su nyams su blang ba'o// dus dang dus/ ma yin pa shes pa'i sbyor ba ni zhes bya ba ni sems can 'dul bar 'gyur ba ni mngon sum du bya ba'i dus yin la/ gal te de dag mi 'dul na don med pas mngon du bya ba'i dus ma yin no// de ltar shes pa'i sbyor ba/ ste/ shes nas mngon sum du bya ba'am mi bya ba la sbyor ba ni thabs la mkhas pa yin no// des na no zhes bya ba ni nges par bzung ba'o// skabs bzhi pa'i 'grel bshad rdzogs so// // de ltar skabs bzhi pa rnam par phye nas da ni skabs lnga pa bstan pa dbye ba'i phyir rnam pa thams cad mngon par rdzogs par rtog pa las zhes bya ba la sogs pa gsungs te/ rab kyis mthar phyin pa rtogs pa 'byung ngo zhes go sla bar bya ba'i phyir rtags la sogs pa spyad pa sngon du 'gro ba'i rtse mo'i mngon par rtogs pa zhes bya ba la/ rab kyis mthar phyin pa ni 'og nas 'chad pa'i tshul gyi mi g.yo ba thob par gur phyin cad do// de nas brtsams te sngar ji ltar nyams su myong ba'i drod la sogs pa yang 'dris par byed pa'i tshe/ rtags rnam pa bcu gnyis dang ldan pa la sogs pa'i rtogs pa 'bung ngo zhes skabs tha dad pa cig tu bstan pa ni slob pa'i tshe'i sa mtshams/ gang du 'di dag sbyar ba go sla bar bya ba'i phyir te/ dgos pa de gzigs nas sngar bstan zin pa'i drod la sogs pa yang rtags la sogs par smad pa ste/ ming gzhan du btags pas de dag sngon du 'gro ba'i rtse
- 88a
mo'i mngon par rtogs pa gsungs so// de'i phyir na 'dir rtse mo'i zhes bya ba ni dang po rim gyis skye ba'i dus dang / sa gnyis pa la sogs pa sngar ji ltar bskyed pa goms par byas pa'i chos dag pas mchog du gyur pa'i phyir skabs 'dis bsdus pa'i don kun rtse mor bzhag go/ yang na rtse mo ni skabs 'dir bstan pa'i drod la bya ste 'dir bstan pa'i drod ni sngar bstan pa'i mthong ba'i lam la sogs pa mchog du gyur pa'i phyir na rtse mo'o// de ltar na rtse mo la sogs pa'i mngon par rtogs pa ni rtse mo'i mngon par rtogs pa'o// de la rtags ni phyi dang nang gi rtags bcu gnyis bstan pa dang ldan pas rtags te des bstan pa'i don gyis rtags su bstan pa'o// rnam par 'phel ba ni ji skad smos pa'i bsod nams bcu drug gis 'phel ba'i phyir ro// nges pa zhes bya ba ni sngar nyams su myong ba mi gsal ba rnams 'dir rab tu gsal bar mthong ba phyin ci ma log pa ni nges pa ste/ de'i phyir na bstan pa zhes kyang bstan to// sems kun tu gnas pa ni 'ga' zhig nges par bstan la phebs pas mthong ba'i don la the tshom med pa de ni de nyid las sems rtse gcig pa'i tshul gyis kun nas gnas kyi dmigs pa gzhan mi 'tshol bas na sems kun tu gnas pa'o// tshig gi don ni go sla'o// da ni nges par 'byed pa'i cha dang mthun pa rnams re re yang rnam par rtog pa bzhi bzhi dang ldan par bstan pa dang / gnyen po'i tshogs kyang rnam par rtog pa'i rigs bzhi po gnyis su bsdus pa khams kyi phye na khams re re na sum cu rtsa drug rtsa drug yod pas spyir khams gsum char gyi dbang du byas pa'i tshe rnam par rtog pa brgya rtsa brgyad du bgrang ba de dag 'dir spong bas de bstan pa'i phyir mi mthun pa'i phyogs zhes bya ba la sogs pa smos te/ sngar byang chub sems dpa' rnams kyi nyon
- 88b
mongs pa ni rnam par rtog pa'o zhes bstan pa'i tshul gyis mi mthun pa'i grogs ni rnam par rtog pa'i rigs gnyis so// de la rnam par rtog pa yang rnam pa bzhi ste/ rang bzhin gyi rnam par rtog pa 'dod chags la sogs pa dang / gnyen po'i rnam par rtog pa pha rol du phyin pa la sogs pa ngan 'gro'i gnyen por gyur pa dang / de kho na'i rnam par rtog pa rnam par thar pa'i sgo stong pa nyid la sogs pa dang / thob pa'i rnam par rtog pasku gsum gyis bsdus pa rnams te/ 'di dag ni 'phags pa rnam par mi rtag pa la 'jug pa zhes bya ba'i gzungs las khong du chud par bya'o// de dag 'dir dang po mthong ba'i lam gyi dbang du byas pa'i gzung ba'i// rnam par rtog pa gnyi ga yang gnyen po la rnam par rtog pa dang / de kho na'i rnam par rtog pa dang / thob pa'i rnam par rtog pa rnams su ci rigs su sbyar ro// de nyid la 'dzin pa'i rnam par rtog pa gnyis kyang de dang 'dra/ ba nyid las 'dzin pa'i rnam par rtog pa tha ma ni bzhin gyi rnam par rtog pa'i tshul bung ba'i gnyen po'i rnam par rtog pa ste/ rang bzhin gyi rnam par rtog pa 'dod chags la sogs pa ni lam drug tu bskal pa du ma zhig du zil gyis mnan te/ de'i phyir mthong ba'i lam la sogs par de dag rab du srab pa'i phyir cig tu 'bad par bya ba yin pas na de dag la smos so// yang sgom pa'i lam gyi dbang du byas pa'i rnam par rtog pa'i rigs bzhi yang gnyen po dang de kho na dang thob pa'i rnam par rtog pa'i dbang du byas par ci rigs su sbyar te/ rang bzhin gyi rnam par rtog pa ma yin pa'i rgyu mtshan snga ma bzhin no// de la gzung ba'i rnam par rtog pa/ rnams lam gnyi ga'i sbyor ba'i gnas skabs nyer bsdogs kyis spong bar byed pa ni de dag rags pas shes par sla ba'i phyir ro// 'dzin pa'i rnam par rtog pa rnams lam gnyis kas 'jug pa'i gnas skabs kyi
- 89a
sems dang sems las byung ba rnams kyis spong ba ni de dag phra ba'i phyir nyer bsdogs kyis spong bar mi nus pa'i phyir te/ sbyor ba'i gnas skabs ni mos pa yin la byed pa lta bu yin la 'jug pa'i gnas skabs ni de kho na yid la byed pa lta bu'i phyir ro// de la de dag kyang gnas skabs gnyis po de der gcig nas phye ste spong ngam 'on te bsdoms te spong zhe na/ sbyor ba'i gnas skabs su ni gcig nas bye ste/ spong la/ 'jug pa'i gnas skabs su ni bsdoms te spong bar byed do// 'dir spang bar bya ba'i rnam par rtog pa'i rigs de dag sngar mnyam par ma bzhag pa na mngon par rtogs pa'i don bsgom pa'i rim pas legs par yid la byas pa/ de nas srung ba den gasgobs pan de dag yang gcig dang dum la sags pas dazan dang / de sang bstan pa'i bdag dang phung pa nas brtsams te yang dag pa'i ye shes ba yang dag par ma grub par bsgom pas rim gyis spong ba dang / ji ltar yid la byas pa'i rnam par rtog pa rnams lcug ma bkram pa gdubs pa'i dpes dus gcig tu bsgom pas gzhom par bya'o// de bzhin du kham na rnam par rtog pa sum cu rtsa drug rtsa drug yod pa ni de dag tu skyes pa'i byang chub sems dpa' bden pa ma mthong ba rnams dang / bden pa mthong ba'i yang snyoms par 'jug pa rgyu'i sgo nas de dag la de ltar ldan par bstan pas/ tshul snga ma khams de dang der de dag rang rang gi khams kyi rnam par rtog pa spong ba'i phyir dang / khams gcig po gang yang rung ba dag tu lam bsgom pas kyang rim gyis sam/ sdom pa'i tshul gyis snying po'i don bsgom pa kho nas de dag spong bar byed par shes par bya'o// de'i phyir na mngon par rtogs pa'i don yid la byed pa'i dus su ni rgyal po'i lta ba pos nyes pa byed pa rnams nges par gzung ba lta bu yin no// /
- 89b
snying po'i don gyi nyer bsdogs kyi dus su ni nyes pa byas pa'i mi rnams gshed ma'i lag du khrid pa lta bu yin no// de'i 'jug la sogs pa'i gnas skabs na ni de dag la yan lag bcad pa dang / mig dgag pa la sogs pa lta bu yin no// snying po'i sgom pa'i rab kyi mtha' bar chad med pa'i lam la ni de dag mgo bcad pa lta bu yin no// sangs rgyas kyi kun tu bzang po la ni slar mi skye ba'i chos can du gyur pa lta bu'o// 'di ni gzung ba dang 'dzin pa'i rnam par rtog pa rnams kyi bsdus pa'i don gcig car bstan pa'o// nges par 'byed pa'i cha dang mthun pa'i 'og tu mthong ba'i lam yin te zhes bya ba ni drod la sogs pa bzhi car du phyi rol gyi spong ba la rab tu goms par byas nas/ de'i 'og tu 'jig rten gyi chos kyi mchog gi lam du dus ci rigs par dbang po la sogs pa rjes su mthun par 'dzin pa rang bzhin med par goms par byas te/ de ltar gzung ba dang 'dzin pa'i rnam par rtog par bdu nyams spyad pas skyes bu smras bkru sman gyis spangs pa ltar byas nas mthong ba'i ye shes rnam par dag pa sman bcud kyis lan lta bu rgyud la skyed ces bya ba'i dan d+ha// de la zhes bya ba ni mthong ba'i lam de la'o// 'dir kha cig na re mthong ba'i lam ni skad cig ma gcig kho na'i bdag nyid yin pas na gcig gis tshig can du mdzad do zhes zer te/ gal te skad cig ma gcig yin na ji ltar gnyen po rnam pa bzhi yod zhe na mi mthun pa'i phyogs rnam pa bzhi yod pa la brten par zad de gang dag rnam par rtog pa med pa de dag ni skad cig mar nges te mngon sum gyi tshad ma bzhin no// gal te skad cig ma gnyis pa la sogs par gyur pa ni nges par rtog pa dang bcas par 'gyur ro zhes zer ro// 'di ni phyin ci log tu smras pa ste chos kyi dbyings rtogs pa'i rgyu las ni bskal pa du ma zhig tu yang rnam par rtog
- 90a
pa mi 'byung ba'i phyir dang / mthong ba'i lam de yang thob par byed pa des bsdus pa'i nyer bsdogs dang dngos dang de'i rjes las thob pa rnam par rtog pa dang bcas pas cig car ngu zhing brgya sbyong zhing ting nge/ 'dzin brgya la snyoms par 'jug pa la sogs pa las mang du yod pas na skad cig ma gcig tu ga la zhig tu 'gyur de nyid kyi phyir kha cig gis rnam par rtog pa brgya rtsa brgyad spang ba'i phyir mthong ba'i lam yum 'di'i snying po la lan brgya rtsa brgyad du yang snyoms par 'jug pa'o zhes kyang bstan to// brda sprod pa'i rigs pa rnams ni don gyis shugs kyis kha cig tu ma nges par 'gyur te drug pa 'di ni bzhi par sbyar ro zhes bya ba la sogs pa brjod pa lta bu'o// de ltar na mthong ba'i lam de la dus ji snyed cig thogs zhe na/ 'di ni byang chub sems dpa' shes rab dang brtson 'grus dang dad pa rjes su 'brang bas na gcig tu 'chad pa ci yang med de/ de bzhin du spyi'i dus bskal pa grangs med pa gsum zhes bya ba la sogs pa'i dus kyang nges par ni nam yang mi 'gyur ro// gnyen po rnam pa bzhi ni de dang de spong ba'i gnyen po zhes bzlog pas gdags so// gzung ba'i rnam par rtog pa zhes bya ba'i sgra ni yul 'dogs par srid pa dgag par gzung bar bya'o zhes gzung bar rnam par rtog par zhes 'chad do// nyon mongs pa'i phyir zhes bya ba ni rnam par rtog pa'i phyir zhes bya ba'i don to// rnam par rtog par cig mod ji ltar dgu yin mnyam pa la/ yul gyi dbye bas zhes bya ba smos te lnga pa 'di ni rgya mtshan du sbyar ba'o// dngos po dang ma 'brel bar 'jug pa nyid kyis zhes bya ba la/ dngos po ni ming can te ji ltar rtogs par byed pa'i yul lo// ma 'brel ba ni gal te dngos po de dag brtags pa ltar yod na de'i tshe 'brel par yang 'gyur ba lta zhig na/ de dag med pa'i
- 90b
phyir ma 'brel te des na ma 'brel ces bya ba 'dis ni rnam par rtog pa bzhi med pa tsam zhig tu zad ces ston pa'o// 'jug pa nyid kyis zhes bya ba ni skyes bu 'ga' zhig d+ha dur zos pa'i rgyas nam mkha' la gser gyis/ khab len pa'i phyir 'jug pa lta bur gzhi med par 'jug pa ste/ de'i phyir bar chad med pa'i lam gyi dbang du byas te phyin ci log bzhi med pa spang ba'i ye shes zhes bstan to// so so'i skye bo yul du byas te de skyes bu rdzas su yod par 'dzin pa dang / 'phags pa'i gang zag yul du byas te de la btags par yod par 'dzin pa zhes gzung ba dang / 'dzin par sbyar ro// de la so so'i skye bo de dag ni skyes bu zhes bya ste 'jig rten la grags pa'i rjes su 'brang ba'o// de dag rdzas su yod pa ni yang dag pa'i kun rdzob don bya ba la mthu dang ldan pa zla ba gnyis pa la sogs pa lta bu ma yin no// 'dzin pa ni 'di ni bden de mngon sum du gyur pa'i phyir dang / lung las kyang grol lam dang rang bzhin dang zhes dbye ba gsungs pa'i phyir ro snyam pa'o// 'phags pa'i gang zag ni mya ngan las 'das pa yin la/ mya ngan las 'das pa ni btags pa tsam ste/ ji skad du dge slong dag chos lnga po 'di dag ni btags pa tsam ste lnga gang zhe na/ 'das pa dang ma 'ongs pa dang / mya ngan las 'das pa dang / so sor ma btags pa'i 'gog pa dang / gang zag rnams te 'di dag ni ming tsam mo zhes gsungs pa rnams so// de ltar 'dzin pa ni 'di ni bden te 'di ni ming tsam du yod par grags pas grub cing ming tsam po de med na su zhig lam la nan tan byed ces ming tsam gyi zhen pas 'phags pa'i gang zag rnams yod par rjes su dpog par yang byed pa'o// de dag ji ltar na mi mthun pa'i phyogs yin par gyur snyam du kha cig rtog pa srid pa la/ gang gi tshe de dag gi yul gyi dngos por gyur pa bzung ba'i don so so'i skye bo
- 91a
dang 'phags pa'i gang zag de dag blos btags pa de bzhin du gzung bar bya ste/ yul gyi ngo bor yod pa ma yin zhes gtan tshigs su sbyar te/ dang po phyag 'tshal ba'i don dgrol ba'i skabs su gcig dang du ma la sogs pa'i tshad mas dngos po rnams ma grub par bstan pa'i tshul gyis snying po'i don bsgoms pas 'khor ba dang mya ngan las 'das pa gnyi ga sgyu ma tsam du yang ma grub pas na de dag la 'dzin pa'i rnam par rtog pa yul can rnams lta ga la zhig 'grub dgongs pa'o// kha cig 'dir gal te gzung don rang bzhin med/ de dag gang gis 'dzin par 'dod// de ltar de dag 'dzin pa yi// ngo bos stong pa'i mtshan nyid do// zhes bya ba'i tshig 'dis gzung ba'i rnam par rtog pa bco brgyad ni yul yin la 'dzin pa'i rnam par rtog pa bco brgyad ni yul can yin no zhes rnam par rtog pa'i rigs gnyis yul dang yul can du sbyor ba de dag gis ni cung zad kyang khong du ma chud de/ de dgag pa'i phyir slob dpon gyi zhal snga nas gzung bar bya'o zhes gzung bar rnam par rtog pa zhes sngar smos pa mdzad pa'o// gal te 'phags pa'i gang zag btags par yod pa tsam du rtog pa yang skyon yin na/ mya ngan las 'das pa yang sgyu ma lta bu rmi lam lta bu'o// gang mya ngan las 'das pa las ches mchog tu gyur pa'i chos 'ga' zhig yod na de yang/ sgyu ma lta bu rmi lam lta bu'o zhes gsungs pa ji lta bu zhe na/ de ni mnyam par ma bzhag pa'i shes pa mngon par zhen pa rab tu srab pa'i dbang du byas pa ste/ mnyam par bzhag pa'i tshe ni sgyu ma tsam du yang rtog pa dgag par bya ba'i phyir te/ gang la sems sgyu ma yang med na yi ge rnams la smos kyang ci dgos zhes bya ba la sogs pa gsungs pas so// ji ltar rnam pa dgu yin zhe na zhes bya ba la sogs pas ni
- 91b
sngar bstan pa'i dbang ltar bzhi re re la brten pa'i rnam par rtog pa rnams 'byung ba bstan te go sla'o// rgyu gang yin pa de dag zhes bya bya ba la rgya dang po ni 'gro ba rnams byang chub thob par bya ba'i phyir mthong ba'i lam la sogs pa la sbyor ba'o// gnyis pa ni mthong ba'i lam skyes pa de dag sgom pa'i lam gyis 'phel bar bya ba'i phyir shes rab kyi pha rol tu phyin pa ston pa'o// gsum pa ni nges par byang chub par 'gyur zhing de nas 'gro ba rab tu mang po gang yang byang chub byed pa'i rgyur rgyal ba'i yum gyi don bsgoms pa'o// bar chad med pa'i rgyu ni sangs rgyas nyid kyi dngos kyi rgyu ste de yid la byas pas bdag gcig pu byang chub thob par ma zad kyi rang bas ches mang ba'i sems can thams cad kyang byang chub thob par byed par 'gyur zhes sbyar ro// byang chub chen po ni mthong ba'i lam gyis rgyu mtshan du bstan pa ni rgyu'i gtso bo ste/ sgom pa'i lam yang de nges par byas la/ drod la sogs pa yang de'i ched tsam du gyur pas so// rgyu dang 'bras bu dag don dam par yod par 'thad pa'i dngos po med de/ tshad ma la sogs pas ma grub pa'i phyir zhes sbyar te/ sogs pa zhes pas ni nges pa'i don dang ldan pa'i lung bsdu bar bya'o// gzhan dag ni tshad ma zhes bya ba ni 'thad pa sgrub pa'i rigs pa yin la/ sogs pa zhes pas ni rigs pa lhag ma gsum dang lung bzung ngo zhes 'dod do// chos kyi sku la sogs pa zhes bya bas ni sku bzhi car bzung ste/ de dag ni ma lus par yang 'khrul pa'i dri ma dang bral ba'i phyir ji lta ba bzhin gyi bdag nyid do// ni zhes gang gi phyir zhes bya ba 'am de kho na zhes bya ba'i tshig tu ston pa'o// gang gi phyir de ltar yin pa de'i phyir zhes bya ba 'di ni sngar chos kyi dbyings kyi ngo bo nyid de rnams nam mkha' bzhin du skye ba dang 'gag pa med pa'i phyir ram zhes bya ba la chos
- 92a
nyid kyi rig pa 'di kho na'i dbang gis zhes ston pa ste/ chos kyi dbyings la zad pa dang skye ba med pa'i phyir khyed kyi lta ba 'di mi 'thad do zhes ston pa'o// gcig dang du ma'i ngo bo nyid zhes bya ba la sogs pa 'thad pa sgrub pa'i rigs pa de lta yin pa gang yin pa de'i phyir zhes brjod pa'i tshe ni rigs pa 'dis khyed la gnod par 'gyur ba de'i phyir zhes bya ste/ kha cig ni rgyu dang 'bras bu zhes bya ba rten cing 'brel par 'byung ba'i tshad mas yid la/ sogs pas zhes bya ba ni rdo rje gzigs ma lta bu dang / mtha' bzhi las skye ba dgag pa dag bsdu'o zhes 'dod do// gang dag zhes bya ba ni 'phags pa nyan thos rnams dang / rnam par rig pa tsam du smra ba rnams te de dag ni chos kyi dbyings kyi rang bzhin du ma gtogs pas na zad pa la zad do mnyam pa la sogs pa'i shes pa nges par 'byung bas so// rnal 'byor spyod pa pa rnams ni// chu kham gser dang nam mkha' rnams// dag pa bzhin du dag par 'dod// zhes bya bas dag pa'i gzhi yongs su grub pa don dam pa'i dngos por khas len pa'i phyir ro// kho bo cag dbu ma pa la ni don dam par dngos po yod pa ni skra'i rtse mos bstan par bya ba tsam yang ma mthong bas na/ yang dag par zad pa dang mi skye ba ni 'di la rung ngo zhes bya ba'i don to// go rim bzhin du zhes bya bas ni skyes pa rnams ni de zad pas de 'gog pa'i ngo bo yin la ma skyes pa rnams slar skye ba'i gags byed pa'i dbang gis 'gog pa yin te de ltar skyes pa dang ma skyes pa'i mtshan nyid la gnod pa'i 'gog pa de dag dang bral te/ rnam par rtog pa de dag mi rgyu ba ni kho bo cag dbu ma pa'i don dam par bzhag pa de bzhin nyid kyi ngo bo'i rang bzhin yin na/ khyed ni rnam par rtog pa de dag dang ma bral ba'i phyir khyed la don dam pa'i bden pa rtogs pa'i lta ba med
- 92b
cing / de med pa'i rgyus na khyed kyi mthong ba'i kun rdzob kyi bden pa la don dam pa'i dngos por log par mngon par zhen pa de stobs kyis ci zhig zad cing ci zhig skye zhes sbyar ro// de'i dbang las gzhan gyi mar 'dod gang yin pa// de nyid gzhan gyi chung ma ste// khyed kyi don dam gang yin pa// de ni kho bo'i kun rdzob 'dod ces bstan to// de la skye ba dang 'jig pas stong pa'i phyir zhes bya ba la sogs pas snying po'i/ don bsgom pa'i rigs pa yid la bya ba 'di ni dbu ma'i bstan bcos las gsal bas bdag gis 'dir mi bsam mo// nor bu dang dngul zhes smos pa ni ye shes de'i dmigs pa dag cing yid du 'ong bar ston pa'i dpe'o// sogs pa zhes dpe du ma smos pa ni nor bu la sogs pa'i dngos po du ma zhig skyes bu mig dag pas dus cig kho nar mthong la/ de dag blangs pas phan pa byed pa ltar mthong ba'i lam skyes pa'i byang chub sems dpa' de'i dmigs pa'i yul du ni kun rdzob kyi dngos po ma lus pa lag 'thil gyi shing thog ltar gsal bar 'gyur te de dag gis gnod pa yang mi byed cing / sangs rgyas kyi byang chub la yang phan 'dogs par byed ces bstan pa'i phyir ro// de nyid kyi phyir slob dpon rgan po kha cig gi zhal snga nas/ kun rdzob kyi bden pa gang zhe na/ gang sa rab tu dga' ba ma thob pa rnams kyi gzung ba dang 'dzin pas bsdus pa rnams so// don dam pa'i bden pa gang zhe na/ sa rab tu dga' ba la sogs pa la gnas pa'i byang chub sems dpa' rnams kyi ye shes rnam pa gnyis yul dang bcas pa dag go/ zhes bstan to// 'khrul pa'i mtshan ma mtha' dag spangs pa zhes bya ba la 'khrul pa ni sgro 'dogs pa dang / skur pa 'debs pa ste/ de'i mtshan ma ni bden par 'dzin pa brjod du med par ma shes pa 'khrul pa'i
- 93a
rgyur gyur pa rnams te mtha' dag ni rigs thams cad do// spangs pa zhes bya ba ni rags pa rnams te/ phra ba mtha' dag spangs pa ni sangs rgyas kyi kun tu 'od gang ba yin pa'o// da ni dpe'i sgo nas bstan pa'i phyir/ sgyu ma lta bu'i bdag nyid du snang ba'i blo rnam par mi rtog pa zhes bya ba la sogs gsungs te/ gang zhig rgyu dang rkyen tshogs pa'i mthu'i dbang gis rab tu gsal bar ni snang la/ 'on kyang de larta dang glang po che dang gru dang khyim la sogs pa'i dngos po rnam par smin pa las byung ba med pa de dag ni sgyu ma'o// de lta bu'i bdag nyid du snang ba'i blo ni byang chub sems dpa' gang gi ye shes kyi dngos pa kun rdzob pa ri mor bris pa lta bu 'di dag pad+ma'i 'dab ma ltar yang ma 'dres par mthong la/ des de ltar mthong ba'i tshe nyid ni yod pa'o zhes bya ba dang / med pa'o zhes bya ba la sogs par gang du yang mi 'dzin cing rten cing 'brel par 'byung ba'i chos nyid sgro 'dogs pa dang skur pa 'debs pa'i mtha' dang bral ba rab tu zab pa mi rtog pa skye la/ de yang don dam par ni rang bzhin med pa nyid do// de bzhin nyid la brjod par mi nus pas na so so rang gi rig par mi nus so// med pa yang ma yin la gzhan la brjod par mi nus pa'i phyir tha snyad gdags par dka' bas na/ ci zhig ltar yang dag par skye na zhes gsungs te/ de'i phyir skyes bu mig btsum pas gzugs rnams mi mthong ba ltar ci yang mthong ba med pa ni mthong ba'i lam ma yin gyi sna tshogs mthong yang sgro 'dogs pa dang / skur pa 'debs pa med pa ni mthong ba'i lam ste/ 'di ni byang chub kyi sems dang po zhes bya ba bar chad med pa'i lam dang sangs rgyas kyi sa dang rab tu mthun par skyes pa ste/ de'i phyir mthong ba'i lam 'di gcig tu yang byang chub chen po'i rgyur gyur pa bsngags
- 93b
pa mdzad do// de nas de'i 'og tu ni mthong ba'i lam gyi rgyan dang / sgom pa'i lam la res 'ga'i tshe ni snying po'i don bsgom pa na blo don dam pa'i bden pa kho na dang mthun par skye bas sna tshogs 'di dag rdul phra rab tsam yang mi snang la/ med pa la sogs pa yang de'i tshe mi rtog par 'gyur te/ sa brgyad pa'i byang chub sems dpa' bskul ba las ston pa lta bu'o// res 'ga' yang de'i ye shes rjes su dran pa'i rnam par rtog pa dang / bzhin gyi rnam par rtog pas bsdus pa med kyang rang gi ngo bo'i rnam par rtog pa stug po ldan zhing gnyen po'i rnam par rtog pa la sogs pa mang pos glags pa 'byung ba ni res kyi tshul gyis so// de nas sa brgyad pa la ni snang ba med pa'o// de nas gzhan gnyis la ni snang ba dang bcas pa'o// de nas bar chad med pa'i lam nas brtsams te dang po'i sems kyi rgyu mthun pa'i 'bras bu skabs bdun pa nas bstan pa'i ngo ba skye ba dang de la gnas par 'gyur ro// de ltar na mdo las ci yang mthong ba med pa ni don dam pa mthong ba'o zhes gsungs pa 'di ji ltar drang zhe na/ 'di ni byang chub kyi sems dang po dang bar chad med pa'i lam la sogs pa'i dbang du byas te ni sgo 'dog pa dang skur pa 'debs pa dang ldan pa cir yang mi mthong ba ni don dam pa mthong ba'o zhes bya bas ma yin par dgag pa gzung ste/ bram ze ma mthong zhes bya bas rgyal po la sogs pa ma mthong ba ni mi 'gegs pa bzhin no// 'on kyang 'di ni don dam pa'i bdag nyid mthong ba zhes bya'o// sa mi g.yo ba la sogs pa'i dbang du byas te ni med par dgag pa kho na ste/ sgra ji lta ba bzhin du de ni mthong ba skra'i rtse mos gzung bar bya ba tsam yang med pa'i phyir ro// rnal 'byor pas shes bya'i sgrib pa yang dag par spong ngo zhes bya ba ni ye shes 'di gnyis kas so// de dag la cung zad kyang mi byed do zhes bya ba ni 'brel pa med//
- 94a
pa'i phyir te/ shes pa dang / shes bya don dam par rang grub pas ri man d+har spyod cing bcos pas ri 'bigs byed la ci zhig tu 'gyur/ kho bo cag ni don dam par thams cad chos kyi dbyings su bsdus par 'dod pas de rtogs pa'i tshen gcig gis thams cad g.yo ba la sogs par 'dod la de ma rtogs pa'i bar du ni ji tsam grags pa tsam zhig khas len pa'i phyir ro// gzugs la sogs pa rten cing 'brel par 'byung ba kun rdzob tu yang dag pa'i ngo bo nyid la zhes bya bas ni snang ba mi bsal zhes ston te/ ji skad du/ de phyir rang bzhin med smra yi// snang ba bsal phyir ma yin no zhes bshad pa lta bu'o// 'o na sna tshogra das bu dngos pa ltung bar mi 'gyung ram mnyam pa la/ 'di nyid pa rang bzhin 'dapal mags pa'i bang brtag par bya stegs gangs te/ 'di ni mdams pa lang gi sgra 'tshal ba'i dri pe yis bstan te/ te pi wang rgyud sbeng ba la sogs pa'i 'bad pa med par yang sgra mi 'byung la/ bi wang gi sbubs la sogs pa bshig pa las kyang sgra'i dngos po mi rnyed kyi slar rgyun chad par 'gyur ro// de bzhin du srid pa dang zhi ba gang du yang mi lhung ba de bzhin gshegs pa'i snying po rab tu zab pa de ni gzugs la sogs pa'i de kho na yang ma yin la/ 'di dag spangs te snang ba med par 'gyur ba yang zhi ba'i dbyings tsam zhig yin pas rab tu spangs pas/ de'i phyir 'di dag gi rang bzhin 'di dag gzhan nyid dang 'di nyid du brjod par bya ba ma yin pa tsam zhig khong du chud par bya'o zhes bya bar gnas so// de ltar na sgyu ma'i glang pos sgyu ma'i glang po gzhan zhig pham par byas pa lta bur phyin ci log ldog pas de kho na nyid mthong na rnam par grol bar 'gyur ro zhes smos te/ don 'di ni bcom ldan 'das byams pa'i zhal sngo nas kyang mdo sde rkyen las/
- 94b
sgyu ma'i rgyal pos sgyu ma yi// rgyal po gzhan zhig pham pa ltar// gang dag gis ni chos mthong ba// rgyal sras gang dag nga rgyal med ces gsungs so// sdug bsngal la chos shes pa'i bzod pa zhes bya ba ni mthong ba'i lam nges par gzung ba ste/ skad cig ma de shas cher gyur pa zhes bya'o// rnam pa sum cu rtsa drug can ni rtog pa de snyed cig gi gnyen por gyur pas so// skyes pa ni blo de ltar byung ba'i bdag nyidado// rtse mo'i mngon par rtog pa 'dir zhes bya ba ni skabs dang po rnams kyi mthong ba'i lam gyis ni 'di ltar rnam par rtog pa de snyed de bde blag du spong bar nus pa ma yin la skabs 'og ma dag tu ni de dag spang bal gcig tu 'bad par bya mi dgos pas na 'dir de dag spong bar byed do// bag chags kyi nyon mongs pa zhes bya ba ni rnam par rtog pa de dag gi rgyu ste/ kha cig tu ni sngon du rgyu bcom pas bgal nyal bcom par 'gyur te/ dper na shing tA la'i rtse mo bcad pa'i mthus rtsa ba'i cha myur du skam pa lta bu'o// 'dir yang rnam par rtog pa tsam yin gyi dngos po dang ma 'brel ba yin te/ gong du bud med la sogs pa dang 'brel pa rang bzhin gyi rnam par rtog pa phal cher bag la nyal ba ma bcom na mngon du rgyu 'byung ba ni rgya mtsho'i bya gnam la 'phur ba'i grib ma'i rjes su 'brang ba'i tshul dang / shing n+ya gro d+ha'i rtsa ba las cher 'phel ba lta bu'o// rten cing 'brel par 'byung ba ni gzugs la sogs pa sgyu ma tsam du gyur pa rnams te/ de dag gi chos nyid ni spros pa dang bral ba'o// de la dmigs pas na zhes bya ba ni de la goms par byas pa'i phyir ro// ting nge 'dzin seng ge rnam par bsgyings pa zhes bya ba ni byang chub kyi sems dang po'i mtshan nyid sngar ji skad bstan pa de la yang snyoms par zhugs nas de'i 'og tu dus
- 95a
phyis te rgyun gyis bsdus pa'i mthong ba'i lam mnyam par ma bzhag pa'i dus na'o// de ltar snang ba dang bcas pa'i ye shes dang snang ba med pa dang rnam par rtog pa dang bcas pa'i ye shes gsum po de dag ni mthong ba'i lam ste/ dang po ni sangs rgyas kyi sa'i rgyu mthun pa'o// gnyis pa ni rnam par rtog pa brgya rtsa brgyad spangs pa'o// yang snang ba dang bcas pas ni zhi ba'i dbyings su mi lhung bar byed pa'o// rnam par rtog pa dang bcas pa ni dngos po kun rdzob pa'i rang bzhin kun rdzob pa la gom par byed pa'o// de ltar mthong ba'i lam rnam par rtog pa dang bcas mod kyi dus ring zhig tu dngos po rnams rang bzhin med par mos par byas pa'i dbang gis 'di la blo byang ba'i skyes bus me long la sogs pa'i nang du gzugs brnyan mthong ba ltar mngon par zhen pa shin tu srab pas kha cig gis ni don dam pa'i bden par bzhag cings de dag tu nyon mongs pa yang mi rgyu ba nyid do// rten bsgom pa'i lam zhes bya ba la/ 'di rten yang yin la sgom pa'i lam yang yin pas na rten bsgom pa'i lam ste gzhi mthun pa'i bsdu ba'o// de la de gang gis rten yin zhe na/ yon tan mi lus pa rang las tha mi dad pa rnams kyi rten te 'chad par 'gyur ba las/ yams nad 'di rnams zad nas ni// yun rings lon nas dbugs phyin ltar// rnam pa kun tu 'gro ba yi// bde ba sgrub yon tan phun chogs kun// rgya mtsho che la chu bo bzhin// 'bras bu mchog gis spang ba yi// sems dpa' chen po de la ni// rnam pa kun tu sten par byed// ces ston par byed do// gzhan yang rnam par rtog pa brgya rtsa brgyad spong bar byed pa ni sngar lam thams cad mkhyen pa'i skabs su sgom pa'i lam rnam pa gnyis bstan pa
- 95b
la/ zag pa med pa'i sgom pa'i lam dang dang por mngon par bslab pa'i mtshan nyid kyi byed pa yin la de yang snang ba med pa'i ye shes yin no// de'i rten ni rnam par rtog pa dang bcas pa'i sgom pa'i lam thod rgal gyi snyoms par 'jug pa 'di yin pas rten sgrub pa mngon du 'gro ba yin pa go slabs zhes smos pa yin no// byang chub sems dpa' rnams zhes bya ba ni sgom lam la gnas pa rnams so// ni zhes bya ba ni dmigs kyis bzung ba ste de'i phyir nyan thos rnams la ni tha~Md rgal gyi snyoms par 'jug pa yod kyang / thabs dang shes rab chen pos byin gyis ma brlabs pas na rnam par rtog pa brgya rtsa brgyad spong ba la sogs pa'i yan tan chen po nyid med do zhes ston pa'o// 'dod pa na spyod pa'i rnam par shes pa zhes bya ba'i rig pa dang tha ba ngan pa dang rtseg pa stug po la sogs pa'i rnam par snyam tsam du lta ba 'am/ yang na sems can dmyal ba la sogs pa ji ltar gnas pa rnams sgyu ma tsam du dran pa'o// dbyung ba la ni 'das pa ste rnam pa thams cad mkhyen pa'i skabs su dmigs pa dang rnam pa bstan pa'i lugs so// yang dag par skye ba'i rgyuni/ byang chub la gzhan ston pa dang // de'i rgyu ni yongs gtod dang / de 'thob par chad med pa'i rgyu// bsod nams mang po'i mtshan nyid de zhes bstan pa rnams so// ma 'ongs pa ni nyabar gyur pa bar chad med pa ting nge 'dzin te/ de med pa ni da bskyed par nus pa'i sgom pa'i lam med pa'o// nyan thos kyi rigs can nyid kyi phyir de'i theg pa yid la byed pa dang zhes bya ba la/ nyan thos kyi rigs can zhes bya ba ni rkyen 'ga' zhig gis de la dga' bas de'i lam du zhugs pa'i yin gyi rnal 'byor spyod pa pa rnams smra bltar dang po nas de dag gi rigs can yin zhes ni mi brjod kyi/ sems can thams
- 96a
cad de bzhin gshegs pa'i snying po can yin te/ ji skad du 'phags pa shes rab kyi pha rol tu phyin pa dpal mchog dang po las byang chub sems dpa' kun tu bzang po sems can thams cad ni de bzhin gshegs pa'i snying po can na zhes gsungs la/ 'phags pa zla ba sgron ma'i mdo las kyang / 'di na snod min sems can gang yang med// 'gro ba 'di rnams ma lus sangs rgyas 'gyur zhes gsungs so// 'on kyang 'ga' zhig lam der zhugs na dman pa la goms pa bsgrub par sla ba'i phyir phyis dus ring du yang de la 'dun pa 'byung ste/ don 'di las dgongs nas/ byang chub sems dpa' sems dpa' chen po byams pa'i zhal snga nas/ nyan thos ma nges rnam gnyis te// theg don mthong dang ma mthong ba'o// don mthong 'dod chags bral ba dang // 'dod chags bral min 'di dman pa'o// 'di gnyis 'phags pa'i lam thob pa// srid pa dag tu 'byung ba'i phyir// bsam gyis mi khyab sbyar ba yi// rgya ba dang ni yang dag ldan// gcig ni smon lam dbang gis min// skye ba rab tu sgyur bar byed// cig shos phyir mi 'ong ba dang // ldan phyir sprul pa rab tu sgrub// de gnyis yang dang yid du ni// rang sems kun tu 'byung ldan pas// mya ngan 'das la mngon dga'i phyir// rtog pa bul ba yin par 'dod// don byas ma yin de sangs rgyas// med par skyes nas sprul don gnyer// bsam gtan don brtson der brten nas// byang chub dam pa thob par 'gyur zhes gsungs te/ 'dir rtogs pa bul ba zhes bya ba khungs nyid du 'dod par bya'i ma lus pa ni ma yin te/ de ni rnal 'byor spyad pa pa dag gi ngor gsungs pa'i phyir ro// de bzhin du chos mngon pa las// gnyis srab
- 96b
rigs las bzlog nas ni// sangs rgyas su 'gyur gzhan gsum yang // ston dang bse ru byang chub par// bsam gtan mtha' rten cig la kun zhes pa yang mi 'dod do// 'dir ni 'phags pa klu sgrub kyi zhal snga nas// theg pa gnyis po dag kyang ni// theg pa chen par 'byung bas na// srid pa'i lam gyis dub pa rnams// ral so'i don te de nyid min// nyan thos de dag ji srid du// sangs rgyas rnams kyis ma bskul ba/ de srid ye shes lus gcig gis// ting 'dzin dregs pas myos te gnas// bskul nas sna tshogs gzugs kyis ni// sems can don la dga' byed cing // bsod nams ye shes nyer 'phel nas/ sangs rgyas byang chub thob par 'gyur zhes gsungs pa'i rjes su 'brang zhing byang chub sems dpa'i bslab pa rab tu dbye ba'i le'u las kyang / bye brag med pa kho nar nyan thos rnams bsam gyis mi khyab pa'i skye ba bsgyur bar bstan to// lhag ma rnams ni go sla bas rnam par ma phye'o// bar chad med pa'i ting nge 'dzin ces bya ba ni skad cig ma gcig pa'i mngon par rdzogs pa'i byang chub pa ste/ 'di yang byang chub kyi sems bskyed pa'i dbang du byas te mngon par shes pa la sogs pa lngas bstan no// rigs kyi dbang du byas te shes rab dang thabs dang / slob ma rnams dang thun mong ma yin pa'i chos dang / gzhan gyi don gyi go rim dag gis bstan to// theg pa gzhan gyis nges par 'byung ba bas mchog tu gyur pa'i dbang du byas te nges par 'byung ba'i sgrub pa brgyad kyis bstan to// sgom pa'i lam gyi dbang du byas de ni rnam par dag pas bstan te// rnam pa'i dbang du byas de ni spong ba'i lam du brtags pa bden pa bzhis bsdus pa nyon mongs pa dang mi ldan pa'i mtshan nyid gzhir bstan to// bsod nams kyi tshogs/
- 97a
kyi tshogs chen po'i dbang du byas te ni 'dir bstan to// dmigs pa dang / bdag po dang / rnam pa'i dbang du byas pa dang / log par rtog pa rnams kyang 'dir bstan to// sa mtshams dang mtshan nyid kyi dbang du byas te ni skabs bdun par ston par 'gyur ro// thub pa chen po'i phrin las kyi dbang du byas te ni chos kyi sku'i phrin las las/ byang chub kyi yan lag dang / las chud mi za ba la sogs pa'i rnam pa brgyad kyis ston par 'gyur te/ 'di dag dang gzhan yang yon tan la sogs pa mtha' dag gis 'dir gtan la dbab par bya'o// stong gsum gyi stong chen po'i 'jig rten gyi khams zhes bya ba la lan mang zhig smos pa 'di'i tshad ni/ gling bzhi pa dang nyi zla dang // ri rab dang ni 'dod lha dang // tshangs pa'i 'jig rten stong la ni// stong ni spyi bud yin par 'dod// de stong la ni stong gnyis pa// bar ma'i 'jig rten khams yin no// de stong la ni stong gsum mo// mnyam du 'jig cing 'byung ba yin zhes ji skad bstan pa'o// yang sangs rgyas kyi zhing rgya chen po shes par 'dod pa dag gis ni gling bzhi pa bye ba phrag brgya la ni stong gsum mo// stong gsum bye ba phrag brgya la ni rab 'byam gyi mtshams sbyor ba'o// de bye ba phrag brgya la ni rab 'byam gyi rgyud gcig go/ de bye ba phrag brgya la ni rab 'byam gyi rgyud par ma gcig go/ de bye ba phrag brgya la ni me tog gi gzhi'i snying po'i rgyan bkod pa gcig ste/ 'di ni bcom ldan 'das rnam par snang mdzad de'i rnam par smin pa'i sangs rgyas kyi zhing ngo zhes shes par bya zhing de yang bcom ldan 'das rnam par snang mdzad gangs chen mtsho'i phyag gi mthil gyi rdul phra rab gcig la gnas te/ 'di lta bu'i bcom ldan 'das rnam
- 97b
par snang mdzad de ni longs spyod rdzogs pa'i sku'o// zhes shes par bya'o// dmigs pa'i rkyen ni chos thams cad dngos po med par dmigs pa yin no// zhes bya ba ni rang bzhin gyis 'od gsal ba'i ngo bo nyid de la dmigs pas no zhe na/ yon tan ma lus pa rang las tha mi dad pa rnams kyi rten 'chad par 'gyur ba rnam par mi rtog pa'i ye shes de skye ba zhes bya ba'i don te/ gal te chos thams cad ngo bo nyid med pa ri bong gi rwa la sogs pa ltar ming tsam zhig yin pa'i phyir shin tu med par gyur na ni de'i phyir de dmigs pa'i rkyen du yang ji ltar zhig 'gyur/ shin tu med pa gang yin pa ni nus pa ma lus pa dang bral ba'i phyir dmigs par ga la zhig bzhag/ gal te 'o na rang bzhin gyis 'od gsal bar gyur pa zhig 'di'i dmigs par rnam par bzhag na/ 'o na de nyid dngos por 'gyur ba ma yin nam/ de'i tshe ji ltar na chos thams cad dngos po med par dmigs pa yin zhe na/ byas pa rnams la tha snyad tsam zhig tu rang bzhin gyis gsal ba zhes brjod kyi/ rang gi rang bzhin brjod par ni de sus kyang nam yang mi nus shing yod pa dang med pa la sogs pa'i dngos po gang du yang ma grub pas na/ 'phags pa so so'i rang gis rig pa'i spyod yul zhes bsgrags pa'o// bdag po'i rkyen ni dran pa yin no zhes bya ba la/ sa dang po rab tu dga' ba la byang chub kyi sems dang po bden pa rnam pa gnyis dbyer med pa'i rang bzhin gyi ye shes yang nas yang du 'dris par byas pa'i dngos po de ma brjed pa ni 'dir skyed par byed pas bdag po'i rkyen te/ bdag po'i sgra ni gtso bo'i don ston pa'o// rnam pa ni rang bzhin gyis zhi ba nyid yin no zhes bya ba la/ rnam pa ni kha cig tu rang bzhin gcig tha dad par snang
- 98a
ba la bya bar mthong ste/ me'i rnam pa gang zhe na/ zlum po dang gru bzhi dang 'gro ba dang 'khyil ba la sogs pa'o zhes bya ba lta bu'o// kha cig tu ni rang bzhin la rnam pa zhes zer te/ rnam pa dman pa zhes bya ba la sogs pa'o// de dag las 'dir ni rang bzhin la rnam pa zhes 'dod de/ 'di'i rang bzhin ni rang gi ngo bo'i rnam par rtog pa dang / rjes su dran pa'i rnam par rtog pa la sogs pa zhi ba nyid/ yin no zhes bya ba'o// gal te de ltar rnam par rtog pa thams cad zhin snang ba med pa'i ye shes tsam du 'gyur zhing / de ltar na rnam pa thams cad mkhyen par mi 'gyur ro// gal te zhi ba'i rnam pa ma yin/ na yang dngos por 'dzin pa dang bral bar ma gyur pa 'dis sangs rgyas nyid de ma thag du ga la zhig skyed ces bden pa gnyis 'gal bar 'gyur bas na/ gnas 'di la ni ting dpag dka' ba'i phyir/ zhes bya ba la sogs pa smos so// zab pa nyid ces bya ba ni byis pa gang dag bden pa gnyis dbyer med par mi shes pa dag 'jig pa'i gnas su gyur pa dang / gting rtogs par dka' ba'i phyir ro// blo'i nor can rnams kyis zhes bya ba ni bden pa gnyis dbyer med pa khong du chud pa rnams kyis zhes bya ba'i don to// log par rtogs pa zhes bya ba ni mdor bsdus na/ ji srid du don dam pa'i bden pa 'ba' zhig 'dod pas kun rdzob pa'i rang bzhin spong ba dang / gang dag kun rdzob pa 'dod pas rang bzhin med pa sun 'byin zhing / bden pa gnyis dbyer med pa'i don 'di mi spyod pa thams cad log par// rtogs pa ste/ de las phye bas ni rnam pa bcu drug tu 'gyur ba'o// 'dus byas dang 'dus ma byas kyi khams dag tha dad pa'i dngos po med pa nyid kyis bden pa gnyis gcig car dmigs pa 'thad pa dang zhes bya ba//
- 98b
tshig rnam par sbar te/ de la sogs pas ni bden pa re re zhig gzung bas 'gal bar 'dod pa rnams sel te/ go sla'o de bas na kun rdzob dang don dam pa'i sgo can gyi klan ka la zhes bya ba la sogs pa ni gang dag bden pa re re zhig tshad mar byas nas cig shos sun byung nas/ yang de'i phyir rnam pa thams cad mkhyen pa nyid ma yin par 'gyur te zhes bya ba la sogs pa klan ka 'tshol ba rnams so// bden pa gnyi ga la rten pa'i thabs mkhas pas zhes bya ba ni bden pa gcig cig 'di'i yul yin zhes mi smra ba'i thabs kyis so// rnam pa stong du zhes bya ba ni thabs de la rten pa las ni lan mi zad pa'i don te// stong ni mi zad pa mtshon pa gzhan gyi don to// nges par rnam pa thams cad yang dag par bskyed pa ni rang dang gzhan gnyi ga la'o// bar chad med pa'i ting nge 'dzin bskyed par bya'o zhes bya ba ni bden pa gnyis su dbyer med pa la mos pa yid la byed pa dang / de kho na yid la bya ba'i sgo nas so// skabs lnga pa'i 'grel bshad rdzogs so// // de ltar skabs lnga pa'i don rnam par phyi nas/ da ni skabs drug pa ston par mdzad pa/ rtse mo'i mngon par rtogs pa thob pa zhes bya ba la sogs pa gsungs te/ de ni sa bcu pa'i bar gyis thob par bzhag go// de la sa bcu pa ni gnas skabs gsum du dbye bar bya ste/ rtse mo mngon par rtogs pa la sogs pa yongs su spyod cing rnam pa kun mngon par rdzogs par rtogs pa'i skabs su gsungs pa'i sangs rgyas kyi zhing yongs su sbyong ba la sogs pa byed pa/ 'og min du rnam par smin pa'i lus skyes pa/ dbang bskur ba'i sa la gnas pa ni gnas skabs gcig ste/ 'di'i che ba'i bdag nyid ni chos kyi dbyings la bstod pa las 'phags pa klu sgrub kyi zhal snga nas ji skad gsungs pa lta bu'o//
- 99a
de nas skye ba gcig gis thogs pa'i ngo bo dga' ldan du skyes pa ni gnas thabs gnyis pa ste/ gnas skabs 'di dang / srid pa tha ma pa'i byang chub kyi snying por bdud btul ba'i bar du ni mthar gyis// pa'i mngon par rtogs pa'i skabs la spong bar byed pa'o// de na so snying po byang chub der skad cig gcig dang ldan pa'i shes rab kyi rnam pa thams cad mkhyen pa'i ye shes bskyed pa ni gnas skabs gsum pa ste/ der ni skabs bdun pa bstan pa'i don rdzogs par mdzad pa'o// 'di ni sprul pa'i sku'i dbang du byas pa'o// ngo bo nyid kyi mngon par byang chub pa'i dbang du byas te ni/ 'og min de nyid du skabs snyam pa nyid kyi don khong du tshud nas mngon par rdzogs par 'tshang rgya bar 'gyur ro// saM pa dang bsdus pa nyid du rdzogs pa'i don rnams bya ba la// so so'i don rnams ni spobs re ras ji wAr bsan po dang / tshogs kyi lam la sogs pa'i gnas skabs re re la yang rang bzhin ji snyed yod ces mngon par rtog pa'i don te/ de'i rjes kyi ngo bar thob pa'i ye shes kyis rtogs pa'o// bsdus pa nyid kyi don ni snying po'i don chos kyi dbyings rnam par mi rtogs pa'i ye shes kyi rang bzhin te/ don de ni mnyam par bzhag pa'i ye shes kyis rtogs par mdzad nas so// de ltar na go rim bzhin du bklags zhes bya ba ni yid kyi bklags nas zhes bya ba'i don te/ bskal pa grangs med pa dang por ni 'jig rten mchog gi bar du'o// gnyis par ni sa mi g.yo ba'i bar du'o// gsum pa ni sa bcu pa'i bar du de srid du goms par byas pa nigo rim bzhin du bklags pa'o// 'on kyang da dung de la goms par mi zad par bstan pa'i phyir/ brtan por bya ba'i phyir rnam par sgom par byed pas zhes bya ba smos te/ brtan par bya ba'i phyir zhes bya ba ni
- 99b
lhun gyis grub par 'jug pas ched du 'bad pa mi dgod par bya ba'i phyir ro// rnam par shes pa ni khyad par can du ste sngon bsgoms pa dag pas ches phul du byung ba'i phyir ro// sgom par byed pa zhes bya ba ni yid de'i skal ba can du byed pa'am de'i dngos por byed pa'o// mthar gyis pa'i mngon par rtog pa zhes bya ba la/ dang pa'i tshogs kyi lam bal ba nas bzung stes bcu pa dbang bskur ba'i sa la gnas pa'i bar du rang dang gzhan gyi don ji snyed cig tsam yang de dag la rab tu 'dris par slar yang yid la byed pas na 'di mthar gyis pa ste/ don 'di ni 'bags pa sdong po bkod pa las 'phags pa mi 'pham pa'i zhal snga nas tshong dpon gyi bu nor bzang la rang gi mthar gyis pa'i mngon par rtogs pa ji lta ba khang bzangs rnam par snang mdzad la gzugs brnyan gyi tshul du bstan pa'i rim pa ltar de shes par bya'o// de ltar rnam par bsgom pa de nyid ni mngon par rtogs pa zhes bya ste/ dus ji ltar ba'i rim gyis rtogs pa la mngon du phyogs pa'i phyir ro// gzhung yang de brjod pas de'i ming btags pa ste 'bras bu ni de las byung ba'i phyir de skad ce gdags so// pha rol tu phyin pa bzhi ni shes rab kyi pha rol tu phyin pa'i nang du 'dus pa'i phyir zhes bya ba la 'di ji lta zhe na/ thabs dang / stobs dang / smon lam dang / ye shes kyi pha rol tu phyin pa bzhi po 'di rnams ni shes rab kyi pha rol tu phyin pa'i nang du 'dus par 'gyur ba ni sbyin pa la sogs pa rnams byang chub chen por bsngos pa'i mthu yis chung ngu tsam yang 'khor ba ji srid du mi zad par byed pa'i zabs ni thabs kyi pha rol tu phyin pa ste/ de ni shes rab kyi khyad par ro// yang sbyin pa la sogs pa dngos po ngan pa'am nyung ngu zhig na yang 'phags pa nam mkha'i mdzod kyi mdo la sogs pa'i rjes su 'brangs te/
- 100a
mang zhing khyad par can du sprul te/ phan 'dogs pas 'di ni stobs kyi pha rol du phyin pa ste/ ji ltar byang chub sems dpa' rtag par rab tu ngu ba la sogs pa'i khrag rnams brgya byin gyis tsan dan gyi chur byin gyis brlabs pa lta bu'o// 'di yang shes rab kyi pha rol tu phyin pa'i bye brag go/ gang byang chub sems dpa' legs par spyad pa rnams blos gcig tu bsdus te dngos po dman pa rnams kyang khyad du mi gsod par bdag dge ba'i las 'dis sangs rgyas 'jig rten gyi 'dren par gyur cig/ de ma thob pa'i bar du yang rigs dang longs spyod la sogs pa 'di dang 'di lta bur gyur cig ces smon lam 'debs pas de'i ji ltar smon pa ltar 'grub ste/ chos rnams thams cad rkyen bzhin te// 'dun pa'i rtsal rab tu brten// bdag gis smon lam 'di btab pas// de dang 'dra ba'i 'bras bu 'thob// ces de skad gsungs pa lta bu'o// 'di yang shes rab kyi pha rol tu phyin pa'i khyad par ro// de de ltar smon lam gyi 'bras bu grub pa spyod pa na yang tshe gzhan dang gzhan de dag tu de lta bu'i go 'phangs las mi nyams pa'i ye shes kyi spyod pa dang / ji ltar 'thob pa'i bden pa rnams legs par spyod pa'i 'bras bur 'dod kyi rgyu med pa dang mi mthun pa'i rgyur smra ba la sogs par mi 'dod pa 'di ni ye shes kyi pha rol tu phyin pa ste/ de yang shes rab kyi pha rol tu phyin pa'i bye brag go/ 'dir nye bar bsdu ba'i dbang du gsungs kyi mdor na legs pa'i las ji snyed pa ni shes rab la brten par bya'o// gzhan yang 'phags pa dgongs pa nges par 'grel pa la sogs pa la pha rol du phyin pa drug gi nang du bsdu ba'i tshul rnams kyang shes par bya ste 'dir sbyang ba la nyes pa med do// lnga po 'di ni gtan tshigs su blta bar bya'o// sbyin pa'i pha rol tu phyin pa la
- 100b
sogs pa 'khor gsum rnam par dag pas rab tu phye ba drug ces bya ba la/ 'dir sbyin pa la sogs pa drug 'khor gsum rnam par dag pas pha rol tu phyin pa rab tu phye ba zhes sbyar te/ de la 'khor gsum ni sbyin pa dang len pa dang rdzas zhes bya ba la sogs pa rnams te/ 'di dag ni gtso bos yongs su dag par ma byas na srid pa'i bde ba tsam las bgrod par mi nus pa'i phyir rgyal po'i phyag rgya dang bral ba'i dmag go/ dpung lta bu'o// de dag gi gtso bo ni gang gis de dag pha rol tu phyin pa pha rol tu phyin pa zhes bya ba'i grangs su gtogs pa byed pa yum shes rab kyi pha rol tu phyin pa ste 'di ni rgyal po lta bu'o// de'i phyir ji skad du gsungs pa/ dmus long dmigs bu med pa bye ba khrag khrig rnams// lam yang mi shes grong khyer 'jug par ga la 'gyur// de bzhin mig med pha rol phyin lnga 'di dag kyang // dmigs bu med pas byang chub reg par nus ma yin/ zhes so// rnam pa thams cad yongs su rdzogs pa sa bcu yang dag par sgrub par byed pa dang zhes bya ba la/ 'di dag la 'ga' zhig ma tshang yang sa bcu pa'i dbang phyag tu mi 'gyur bas na rnam pa thams cad yongs su rdzogs pas zhes smos te/ gsum pa ni rgyu mtshan du blta bar bya'o// de yang sa re re la pha rol tu phyin pa re re zhig shas che bar zad kyi dngos kyi tshul dpyad pa'i tshe ni sa re re la yang pha rol tu phyin pa drug char sbyar bar bya'o// 'dis ni gang dag shes rab kyi pha rol tu phyin pa'i mthu 'ba' zhig gis mngon par rdzogs par 'tshang rgya'o zhes smra ba de dag kyang gsal ba yin te/ ji skad du smra ba'i cho ga ni gang yang rung / chos gcig gis ni 'byung ba med// gang yang 'byung ba yod min te// 'byung bar yang dag mi 'gyur ro zhes gsungs pa lta bu'o// dran pa
- 101a
nye bar gzhag pa la sogs pa dang zhes bya brnyan pa nye bar gzhag pa bzhi dang / yang dag par song pa bzhi dang / rdzu 'phrul gyi rkang pa bzhirnams te/ de dag ni nges par 'byed pa'i cha dang mthun pa dang zhes bstan pa dang sbyar te/ de dag tshogs kyi lam la ni sgrub pa yin pa/ phyir mi ldog pa'i sa la bzhag par dgongs pas ni srin las gzhan du bstan to// byang chub kyi yan lag gi rnam pa da zhes bya ba ni dran pa byang chub kyi yan lag la sogs pa ste/ de dag ni mthong ba'i lam zhes bya ba dang sbyar ro// 'phags pa'i lam yan lag brgyad pa zhes bya ba ni yang dag pa'i lta ba la sogs pa ste de dag ni sgom pa'i lam zhes smos pa dang rab tu sbyar ro// de ltar na ji ltar sbyar ba de dag ni go rim bzhin du tshig gzhan du bstan pas rang gi ming gis rnam grangs kyis rjod par byed pa ste/ de ltar sangs rgyas kyi mtshan nyid rjes su dran pa lam rnam pa gsum po 'di dag gis dran par bya'o// nges par 'byed pa'i cha dang mthun pa la sogs pa ni lam gyi bdag nyid ma yin nam/ sangs rgyas ni 'bras bu'i bdag nyid yin na ji ltar lam dran pas de rjes su dran par 'gyur zhe na/ 'di ni nyes pa med de 'og nas lam thams cad ni chos kyi sku'i phrin las su 'chad pas las kyi byed pa po rjes su dran par bya ba'i phyir dang / sangs rgyas de dang po lam ji lta ba brnyes pas byang chub pas byang chub par gyur pa lam dang bcas par dran pa ni gcig tu rab du dang bar 'gyur ba'i rgyu yin pa'i phyir ro// gal te dngos por 'dzin pas de rjes su dran par byed pa srid pas de dgag par bya ba'i phyir don dam par dran pa med pa'i mtshan nyid du rjes su dran par bya'o zhes sbyar te/ gang gis ngal sgrar shes shing // gang gis nga la gzugs su mthong // log par spong bar zhugs pa ste// skye bo de
- 101b
yis nga mi mthong // sangs rgyas rnams ni chos kyi sku// chos nyid du ni sangs rgyas lta// chos nyid shes par bya min pas// de ni rnam par shes mi nus// zhes gsungs pa dang yang mi 'gal la/ dran pa nye bar gzhag/ pa la sogs pa ji skad bstan pa rnams dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das shin tu rnam par dag pa'i blo mngal ba zhes bya ba la sogs pa 'phags pa zla ba sgron ma'i mdo las gsungs pa ltar yang dran par byed pa ste/ 'di ni las dang po pa'i byang chub sems dpa' rnams mu du sangs rgyas dang zad par 'gyur ba'i rgyur yang rig par bya'o// de bzhin du rjes su dran pa dang zhes bya bar sbyar te/ de bzhin du zhes bya ba ni don dam par dran pa med pa'i mtshan nyid du zhes bya ba la sbyor ba'i don to// dge ba dang mi dge ba dang lung du ma bstan pa'i chos zhes bya ba dge ba rnams ni bcom ldan 'das kyi tshe so ni legs par gsungs pa 'di mthong ba la yod pa/ mkhas pa rnams kyi rang gi rig par bya ba zhes bya ba la sogs pa dran par bya'o// mi dge ba rnams ni mi dge ba rang gi rang bzhin gyis grub pa med pa dang / de'i rang bzhin ma shes pa'i dbang du byas te ni spang bar dran par bya'o// lung du ma bstan pa rnams ni de dag la mi 'jug cing dge bar gyur pa rnams la 'jug par dran par bya'o// yang na chos rnam pa gsum du phye ba ni rang gi blo'i 'jug pa'i dbang tsam la rag las pa yin gyi chos rnams la de ltar rang grub pa ni med pas/ sems rnam par rig pa'i mtha' las ni lung du ma bstan pa rnams kyang dge bar 'gyur te//
- 102a
ji skad du rig pa dang gzo la sogs pa gus par byas te sbyin pa byin pas ri dgas e Ne ya'i lta bu'i nyid dang zhes gsungs te e Ne ya ni bse kha sgo'o// yang sdig pa srab pa'i dbang du byas te stoH/ bskyed pa rnyed pa rnams la bde ba nye bar ston pa'i slad du dbul lo zhes gsungs te/ de'i phyir dngos po rnams ni rang bzhin gyis 'od gsal ba tsam zhig tu bden gyi lhag ma'i snang ba rnams ni ma nges par khong du chud par bya'o// chos zhes bya ba ni rtogs pa dang ldan pa rnams la ji skad bshad pa'i tshul gyis thams cad la phan 'dogs pas na ngan song la sogs par lhung ba las 'dzin pa'i phyir ram/ yang na rang gi mtshan nyid 'dzin pa'i phyis nges pa'i tshig gi tshul gyis chos so// snga ma bzhin du rjes su dran par bya'o zhes sbyar te de la snga ma bzhin du don gnyis ston par byed de sngar rnam pa thams cad mkhyen pa'i skabs su gdam dag bstan pa las/ dbang po rdul dang rnon po dag ces bya ba la yang snyegs te/ de'i phyir byang chub sems dpa' phyir mi ldog pa'i dge 'dun zhes bya ba smos so// de las gzhan pa ni don dam par dran pa// med pa'i mtshan nyid du zhes bya ba la yang snyegs par byed do// de la rjes su dran par bya ba ni thun mong du dran par bya ba bcom ldan 'das kyi nyan thos kyi dge 'dun ni legs par zhugs pa/ mthun par zhugs pa drang // por zhugs pa phyag 'tshal ba'i 'os su gyur pa zhes bya ba la sogs pa'i lung gis so// thun mong ma yin pa'i yon tan rjes su dran pa ni phyir mi ldog pa'i sa rab tu brnyes pa/ chos kyi rgyal po'i sras bzhin 'dzum zhing gsod por smra ba/ sems can thams cad kyi bya ba ci yod ces sems dpa' zhes bya ba la sogs pa shin du byas pa'i sder gtogs pa'i mdo sde dang / de las ji skad gsungs pa ltar rjes su dran par bya'o// de bzhin rjes
- 102b
su dran par bya'o zhes bya ba ni snga ma bzhin no// tshul khrims kyi sdom pa dang / dge ba'i chos sdud pa dang sems can gyi don byed pa'i tshul khrims rnams te de dag rjes su dran par bya ba ni 'di lta ste/ tshul khrims ni 'gyod pa med pas rgyad gsil bar byed pa'o// mtho ris kyi lam du gyur pa'o// ji ltar smon pa'i 'bras bu sgrub pa'o// 'gyod pa med pas ting nge 'dzin bskyed pa'o// lha dang mi'i sbyin pa yongs su sbyong// ba'o zhes bya ba la sogs pa'i rim pas so// gtong ba ni ser sna spangs pas sems can la kun du 'dzin pa med cing rang gi lus dang srog la sogs pa rnam par 'byed pa ste/ de'i yon tan rjes su dran par bya ba ni sbyin pa ni mdza' bshes 'phel bar byed pa'o// tshe rabs su rab tu bde ba'i rgyur gyur pa'o// pha ma dang bla ma la mchod pa'i yan lag tu gyur pa'o// gzhan la rag ma las pa'i gtso bo zhes bya ba'i rim pa ste/ rgya cher ni 'phags pa sbyin pa'i pha rol tu phyin pa'i mdo la sogs pa las shes par bya'o// lha ni rgyal chen ris bzhi la sogs pa ste/ de dag rjes su dran par bya ba ni yid du 'ong ba'i las/ khyad par can las grub pa ste/ rnam rtog dge las byung ba yis// las dge 'bras bu lha rnams te// rab tu dang ba'i yid kyis ni// mdzes pa'i lha rnams mngon par grub ces gsungs pas so// de'i phyir bdag gis kyang sems can rnams yid rab tu dang bar byas te/ lhar skye bar bya ba la dgod cing rim gyis theg pa gsum gyis yongs su mya ngan las 'das pa'i dbyings su dgod par bya'o zhes rjes su dran pa dang gzhan yang 'phags pa 'jig rten dbang phyug dang / rje btsun lha mo skul byed ma dang / rje btsun sgrol ma la sogs te mdo gang dang gang dag las mchog tu thugs brtse ba dang ldan pa rnams lhag pa'i
- 103a
/ lha de'i yon tan ji skad bstan pa rnams rjes su dran par bya ba ni 'phags pa sdong po bkod pa las/ de nas kho mo sngon yongs su bsten pa'i lha mo zhig gis bskul te zhes bya ba la sogs pa'i yon tan 'thob pa'o// gzugs la sogs pa'i chos thams cad ces bya ba ni kun nas nyon mongs pa dang rnam par byang bas bsdus pa rnams so// dngos po med pa'i ngo bo nyid du ces bya ba ni chos kyi dbyings kyi rang bzhin du'o// khong du chud pas zhes bya ba ni mos pa yid la byed pas so// rtogs pas zhes bya ba na de kho na nyid yid la byed pas so// yang na de dag mngon par rtogs pa'i don dang snying po'i don la sbyor ro// yang na// rnam grangs kyi bstan pa'o// gang yin pa de ni mthar gyis pa'i bya bar bzhed pa yin no zhes bya ba la skabs 'dir pha rol tu phyin pa drug dang / rjes su dran pa drug dang / chos thams cad dngos po med par rtog pa zhes bya ba rnam pa bcu gsum zhig bstan pa ni sngar rnam par g.yeng ba spang ba'i phyir/ ngag re res kyang mngon par rtogs pa'i don ma lus pa ston par byed pa'o zhes bshad pa'i tshul gyis na byang chub sems dpa' skye ba gcig gis thogs pa dang / srid pa tham pa bcu gsum po 'di dag la brten nas bshad pa dang / 'chad par 'gyur ba'i rim pa thams cad yid la rab du goms par byed de/ kha cig na re mthar gyis/ pa'i bya ba 'di ni dbang bskur ba'i sa dang sa dgu pa la sogs pa yang yid la byed do zhes zer ba ni mi 'thad do// 'di ni skabs 'og ma bar chad med pa'i lam dang cis kyang bar du mchod par bstan pa'i phyir ro// skabs drug pa'i 'grel bshad rdzogs so// // da ni skye ba cig gis thogs pa dang srid pa'i mtha' mar yang shin tu goms par byas pa dbang bskur ba'i sa la sogs par yang ci rigs kyis goms par
- 103b
byas pas/ lhun gyis grub par 'jug pa la/ rab tu las su rung bar gyur pa'i byang chub sems dpa' sems dpa' chen po byang chub kyi snying po'i mchog dam pa la 'dug par gyur pa ste/ skad cig gcig dang ldan pa'i shes rab kyis rnam pa thams cad mkhyen pa'i ye shes skyed par byed pa de bstan pa'i phyir mthar gyis pa'i mngon par rtogs pa rnam par bsgom pa ni sngar ji ltar bslabs pa'i don de dag nyid shin tu goms par byas pa'i phyir skad cig ma gcig gis bsgom pas/ skad cig ma gcig pa'i mngon par rdzogs par byang chub pa yin te zhes bya ba la sogs pa gsungs te/ 'dir skad cig ma zhes bya ba'i don 'di ji ltar blta bar bya kha cig tu 'dus byas kyi chos rnams myur du 'gro ba'i skad cig se gol gtogs pa gcig la yang de dpag tu med pa zhig 'gag ces grub pa'i mtha' las bstan te/ de'i yun la yang 'phags/ pa nyan thos rnams kyis ni de sum brgya dang drag cu rtsa brgyad 'gro bar 'dod de/ skad cig ma 'di'i ngo bor bya ba'am yang na gdags pa'i bstan bcos la sogs pa las dus rnams kyi mthar rnam par bzhag pa'i skad cig ma ji skad bstan pa'i dbang du 'di bya'am/ gal te zhig na skyes bu'i mngon par 'dod pa'i don grub pa'i dus skad cig ma de la bdag gi bya ba rdzogs so zhes brjod pa'i skad cig ma 'di gzung / de la dang po dang bar ma'i dbang du byas so zhe na ni ha cang yang dus yun thung bas ji ltar de rdzogs par nus/ tha ma ltar bya ba ni ting nge 'dzin 'di'i dus nges pa med de snying po byang chub der yang yun ji srid cig bzhugs par 'gyur zhe na/ 'dir sngar nyid du bdag gis dus rnams ni ring zung du gyur pa bsam pa'i dbang las rang grub pa med ces bstan zin pas 'di lta bu'i rnam par rtog pa bskyed pa'i mi cha'o//
- 104a
'on kyang phyogs gsum pa la brten par bya ste/ bar chad med pa'i ting nge 'dzin de ni nges par snying po byang chub der skyed par byed kyi/ byang chub sems dpa' 'ga' zhig snying po byang chub der zhugs pa las ting nge 'dzin de ma bskyed par slar sdang ba ni mi srid ces gsungs la/ snying po byang chub der yang dus ji srid gcig gis ting nge 'dzin de bskyed pa ni rang bzhin brtsam par byas pa'i tshe ni bzhed pa la rag las pa'i phyir dang / dus la mnga' brnyes pas skad cig ma phyogs dang po'i yun gyis kyang de snyed pa la gnod pa med mod kyi/ gdul bar bya ba'i dbang gis gcig kho nar nges pa med pa ste/ de'i phyir 'phags pa dam pa'i chos pad+ma dkar po zhes bya ba'i mdo las/ bcom ldan 'das de bzhin gshegs par mngon par shes pa'i ye shes chen po zhes bya ba de btsun mo'i 'khor nas mngon par byung ste/ sras bcu drug spangs nas snying po byang chub la bzhugs te/ bdud bcom nas de'i 'og tu rnam pa thams cad mkhyen pa'i ye shes mngon du bya ba'i phyir/ bar gyi bskal pa lnga bcur skyil mo krung ma bshig par bzhugs pa las/ de nas gdod mngon par rdzogs par sangs rgyas so zhes gsungs la/ bdag cag gi rje btsun shAkya thub pa'i zhal snga nas ni snying po byang chub la bzhugs pa'i zhag de nyid kyi tho rangs bar chad med pa'i ting nge 'dzin brnyes pas mngon par rdzogs par sangs rgyas par bstan to// de bzhin du khyod kyi dang por lha'i bu'i// bdud kyi me tog rgyal mtshan bskal// de na nyon mongs bdud kyis ni// rgyal rgyal mtshan mthon po brtig// khyod kyis byang chub ma brnyes par// 'dod khams dbang phyug las rgyal te// byang chub par chad mdal ma la// khams gsum dbang phyug las rgyal lo
- 104b
ba la chags pa'i rnal sa ga dus pa byab slang ba dang/ 'am pa da dug nan tha byung chub ga sta ngas par sa spA/ smras g+sasad+hA sogs par rjes su 'brang bar bya'o// de yang mtshan nyid kyis rnam pa bzhi yod pas dang po zhes bya ba la sogs pa la/ rnam pa bzhi po 'di dag skad cig la rtogs par byed dam/ 'on te rim gyis byed/ phyogs dang po ltar na dang po gnyis la sogs pa'i don ji ltar drang bar bya phyogs gnyis pa ltar na yang skad cig ma gcig pa'i ming ji ltar rung ste/ skad cig pa bzhi pa'i mngon par rdzogs par byang chub par ji ltar mi 'gyur zhe na/ de ni nyes pa med de phyogs dang po ltar na yang dang po dang gnyis pa la sogs pa ni grangs bstan pa'i rim pa smos par zad kyi/ don gyi dbang du byas pa'i tshe ni dang po la sogs par mi brjod pa'i phyir ro// phyogs gnyis pa ltar na yang nyes pa med de/ byis pa rnams kyi skad cig gcig kho na la dus la dbang thob pa de rnams kyi skad cig ma bzhi'i skabs su 'gyur ba'i phyir na/ 'dod na skad cig kyang bskal pa tsam du byin gyis brlabs pa byed de zhes ji skad gsungs pa'i tshul gyis so// gal te de ltar skad cig ma bzhi'i rim pas yid la byed pa la skyon med cing bcom ldan 'das mngon par shes pa'i ye shes chen po'i zhal snga nas kyang skad cig ma gcig pa'i mngon par rdzogs pa'i byang chub pa 'di bar gyi bskal pa lnga bcur bsgom pa zhig na/ de'i tshe 'di yang ji ltar mthar gyis pa'i mngon par rtog par mi 'gyur zhe na/ rnam pa thams cad mkhyen pa la sogs pa skabs dang po sngar ni tshogs kyi lam la sogs pa sngar ma mthong ba dang / mthong ba'i don rnams la re re la yang
- 105a
dus ring zhig tu sgom par byed pa na rang rang gi gnas skabs pa yin gyi/ mthar gyis pa'i mngon par rtogs pa ma yin la/ mthar gyis pa'i mngon par rtogs pa'i skabs su ni pad+ma 'dab ma brgya 'bigs/ pa'i bar du myur ba'i shugs kyis sngar ji ltar mthong ba'i lam 'bras bu dang bcas pa rnams rim gyis 'jug pa'i tshul las rim pa snga ma la thogs pa spangs te/ de ma zag pa'i 'jug pas rim pa 'og ma yang dran pa'i sbyor bas yid la byed kyi/ rim pa re re la yun ring du mi gnas pas na mthar gyis pa ste/ rab du myur ba'i rim gyis rtogs pa'i mthar gyis pa'o// skabs bdun pa'i dbang du byas te ni skyes bu rtsig pa la 'tshong ba'i dpes ni rim gyis yid la byed pa gnyi ga ltar ma yin gyi/ sngar ji ltar yid la byas pa'i don rnams gcig du bsdus te/ de dag gi spyi'i mtshan nyid gcig tu bar ma chad pas bzhi char dus gcig la rtogs par byed cing dus ring zhig thogs pa lta zhig na yang yid la byed pa cig nyid la yang nas yang du gtod kyi sngon bzhini du rim gyis ma yin pa'i phyir 'di ni mthar gyis pa'i mngon par rtogs pa las mtshan nyid gzhan du grub bo// rnam par smin pa ma yin pa'i zag pa med par zhes bya ba la/ rnam par smin pa ni rnam pa gsum ste/ sa dang po la 'jig rten las 'das pa rnam par smin pa dang / sa brgyad pa la mtshan ma med par rnam par smin pa dang / sangs rgyas kyi sa la bsam gyis mi khyab cing ldan gyis grub par rnam par smin pa ste/ de dag tu chos thams cad gnas skabs snga ma las mi 'dra/ bar smin pas na rnam par smin pa'o// de ltar rnam par smin pa ma yin pa zhes bya ba ni gang dag mthong ba'i lam rgyud la skyes pa de dag gi gzung ba dang 'dzin pas bsdus pa'i chos ji snyed snang ba de thams cad ni/
- 105b
rnam par smin pa ma yin pa zhes bya'o// zag pa med pa zhes bya ba la de dag gis 'jug pa'i dbang du byas te/ rnam par smin pa ma yin du zin kyang / chos de dag gi rang bzhin ni zag pa med pa yin te/ byis// / pa byang chub mi shes kyang // de dag de la rnam par gnas// zhes gsungs pa'i tshul gyis so// 'dir zag pa ni rtog pa dang nyon mongs pa gnyi ga la sbyar ro// gnyis pa rnam par smin pa'i chos nyid kyi// / gnas skabs kyi zag pa med par zhes bya ba ni sngar ji skad bshad pa'i rnam par smin pa gsum gyis bsdus pa 'phags pa'i skye bo rnams kyi rgyud la yod pa'i chos ji snyed gnas par gyur pa'i phyir rnam par smin pa zhes brjod pa de dag gi rang bzhin chos nyid kyi gnas skabs zag pa med pa kho nar gnas pa'o// rnam par smin pa ni gnas yongs su gyur pa'o zhes brjod na gnas gyur pa ci zhe na/ chos kyi dbying kyi snang ba rnam par dag pa ltar gyur pa yin gyi gang dag gis/ 'gog dang 'du shes med snyoms 'jug/ 'du shes med pa sa las 'byung // mig la ltos bzhin rgyu rkyen ltos// chad nas yang 'byung 'khor 'jug ltos zhes bya ba dang // len dang bzod dang gsal ba dang // sa bon dang ni las rnams dang // lus kyis myong dang sems med pa'i// snyoms 'jug de bzhin 'chi mi 'thad ces bya ba'i rigs pas kun gzhi'i rnam par shes pa zhes bya ba yod par 'dod cing de gnas yongs su gyur pa dang / ma gyur pa las rnam par smin pa dang / rnam par smin pa ma yin par brjod pa ni rig pa ma yin te/ rnam par shes pa/ ni yul gang zhig 'dzin par byed pa/ mig gi rnam par shes pa la sogs pa dang lhan cig tu yang ma mthong la/ rgyal ba la sogs pa'i tshe de dag rgyun chad pa na yang ma yin te/ de'i phyir rtag pa dang chad pa
- 106a
la sogs pa'i lta ba las zlog pa'i phyir bdag dang kun gzhi la sogs pa ni/ chos kyi dbyings dgongs pa'i gzhir bzhag las de nyid la de ltar bstan cing brtags pa ste/ ji skad du gsang ba'i bdag po de la 'khor ba thog ma med pa nas byis pa'i skye bo rnams ngar 'dzin pa dang nga yir 'dzin par mngon par zhen pas bdag gi khyad par grangs med pa rab tu brtags te/ gsang ba'i bdag po de dag bdag gi ngo bo nyid la ma dpyad par bdag go zhes ngar 'dzin pa kun nas slong ngo // gzhan dag ni dus las byung ba dang 'dzin pa pos sprul pa dang nges par 'byung ba dang 'di lta ste/ dbang phyug dang 'byin pa po dang / dus dang / gtso bo dang / byed pa po dang / byed pa po ma yin pa dang / rnal 'byor dang / tshad ma dang / dag pa dang / ma dag pa dang / nang gi bdag dang / skyes bu dang / khyab bdag dang srog dang gang zag dang / rnam par shes pa dang / kun gzhi dang / shes pa po dang / mthong ba po dang / gzung ba dang / 'dzin pa dang / shes pa dang / shes bya dang / shes par bya ba dang / shed las skyes dang / shed bu dang / brjod// par bya ba dang / rjod par byed pa dang / brjod par bya ba ma yin par rtog ste/ gsang ba'i bdag po bdag gi khyad par de lta bu la sogs pa rnal 'byor pa dag gis thar pas sngon brtags pa yin no zhes gsungs pa lta bu'o// de ni 'jig rten dang 'jig rten las 'das pa'i chos de dag gnyi ga yang bye brag med par mtshan nyid med par rtog par byed pa'i phyir/ gsum pa mtshan nyid med par zhes bya ba smos te mtshan nyid ni chos rnams kyi rang gi thun mong ma yin pa'i rang bzhin srab dang / grang ba dang / rig pa dang / bem po la sogs pa so so rang gi mtshan nyid ma lus pa'o// de med par don dam par
- 106b
rig pa'i mthu mi theg pas na med ces brjod kyi/ ri bong rwa lta bu ni ma yin te/ ma brtags na nyams dga' ba'i ngo bo sgyu ma tsam du de dag rang rang gi mtshan nyid du yod pa ni mngon sum du gyur pa'i phyir ro// de ltar mtshan nyid med pa de dag kyang mtshan gzhi tha dad pa dang sra ba dang / tsha ba la sogs pa tha dad pa ltar/ rang ring gi yod pa'i mtshan nyid las log pa tsam du gnas so snyam du rtogs la/ don dam pa ni chos rnams kyi spyi'i mtshan nyid yin pa'i phyir de ltar ni mi bsam par ston pa bzhi pa gnyis su med pa'i mtshan nyid du zhes bya ba smos te/ gzugs kyi stong pa nyid dang tshor ba la sogs pa'i stong pa nyid gang dag yin pa de dag ni gnyis su med cing gnyis su byar med so so ma yin tha mi dad par rtogs par byed ces bya ba'i don to// rtogs pa zhes bzhi char gyi mthar chos thams cad ces bya ba bstan pa ni rtog pa de dag re re yang kun nas nyon mongs pa dang rnam par byang ba'i dngos po ma lus par bsdus pa'i phyir ro// de bzhin du skad cig ma gcig pa'i mtshan nyid ces bya ba smos pa yang rtogs pa de dag bzhi car yang khyad par can gyi ye shes kyi skad cig ma gcig la mngon sum du byed par ston pa'o// de bzhin du mngon par rdzogs par byang chub pa zhes bya ba la/ sam ni rdzogs pa'i don ston pa ste chos thams cad ces smos pas so// de nas ni mngon du byang chub pa ste mngon du rtogs par byed ces bya ba'i don to// 'di skad du byang chub sems dpa' bskal pa mang po zhig tu kun rdzob kyi dngos po rnams kyang ma lus par pad+ma'i 'dab ma ltar ma 'dres par rang gi mtshan nyid dang / lam sam chu la sogs par shes pa la goms par byas la/ de dag gi rang bzhin spros pa dang bral ba'i chos nyid la yang yun ring du goms
- 107a
par byas pa la goms pa'i mthu mthar thug pa'i rtogs pa 'di skye ba na kun rdzob kyi bden pa dang / don dam pa'i bden pa gnyis gcig car nyid du ye shes kyis yul du byas nas phan tshun 'gal bar snang ba dag mi 'gal bar yul du byed pa ni yul gyi rang bzhin de nyid de ltar gnas pa'i phyir yang ste ji skad du/ 'o na de ni rtogs gyur pas// de'i rang bzhin mngon sum phyir// mi mkhas rnams kyang dngos rnams kyi// dngos po 'di 'dra ci mi rtogs// ma yin thog med d+had lci bar// dngos por sgro btags dbang byas pas// de'i phyir srog chags thams cad kyis// mngon sum rtogs par mi 'gyur ro// de la sgro btag/ gcod byed pa// shes par byed pa'i gtan tshigs kyis// rjes su dpogs na shes par byed// rnal 'byor dbang rnams mngon sum gsal zhes bya ba las glengs te/ thog ma med pa'i srid par skyes pa dngos po la mngon par zhen pa'i dug gis dkrugs pa'i blo can dag gis mngon sum tsam du rtogs pas rnam pa rnams khong du chud par mi nus te/ 'dra ba gcig nas gcig tu chud pa dmigs pas blo snang ba dag gis skad cig ma mi rtogs pa bzhin no zhes bshad cing de las kyang brtsam ste/ 'dis ni dngos po rnams kyi sgro btags pa'i rnam pa dben pa ni stong pa nyid ces bya na/ stong pa nyid sgro btags pa'i rnam pas bsgribs pa'i ngo bo yin pa'i phyir dngos po'i rang bzhin bzung bzhin du byis pa rnams kyis nges par mi 'gyur te/ de'i phyir gzung mod kyi tha snyad gdags su mi rung ba'i phyir ma bzung ba dang 'dra ba nyid yin pas 'di ni dmigs pa'i rig byar gyur pa ma yin no zhes bstan to// de'i phyir blo'i 'jug pa'i dbang du byas te don dam pa'i bden pa ni kun rdzob kyi bden pa las rnam par dben pa yin te/ sa rab tu dga'
- 107b
ba la sogs pa'i mnyam par bzhag pa'i ye shes la kun rdzob rnams mi snang ba'i phyir ro// kun rdzob kyi bden pa de yang don dam pa'i bden pa las so rnam par dben pa ste byis pa rnams kyis shes pa la ni kun rdzob 'ba' zhig snang ba'i phyir ro// shes rab dang thabs gnyi ga la goms pa phul du byung ba'i byang chub sems dpa' sems dpa' chen po snying po byang chub la bzhugs pa dang / thub pa'i dbang po rnams kyi ye shes kyi snang ba rab 'byam gyis ni gnyi ga ltar snang ba rnam par btang ste/ bden pa gnyis su dbyer med par snang ba'i dbang gis srid pa dang / zhi ba gnyi gar mi gnas pa'i mya ngan las 'das pa grub ste/ don 'di la sbyar ba'i phyir ni 'phags pa sa bcu pa'i le'u las/ sa mi g.yo ba la gnas pa'i byang chub sems dpa' yang dag par bskul ba'i dbang du byas te/ de dag sa bdun shes rab thabs kyis rab sbyangs shing // shin tu tshogs bsags smon lam chen po rab tu btab// mi yi dam pas byin brlabs dge ba'i rtsal ldan zhing // ye shes mngon 'dod mkhas pa brgyad pa yongs su gnon// bsod nams ye shes nyer bsags snying rje byams ldan zhing // tshad med sems kyi rjes sor mkha' dang 'dra ba'i blo// drang srong chen po chos thos rtogs pa'i stobs ldan pas// mi skye ba'i bzod pa phra zhing zhi ba rab tu thob// snga nas ma skyes mi skye mtshan nyid med pa dang // ma byung 'jig pa med cing rgyu ba med pa dang // dngos po skye 'jig med cing de nyid rtog med pa// yid dang sems kyi chub med cing nam mkha' 'dra// de dang 'di 'dra bzod ldan spros pa med gyur pa'i// mkhas pa'i zab sbeng zhi ba'i gnas rab thob pa yin// dgra bcom rang rgyal 'gro ba kun gyis shes par dka'// mtshan mi sna chos
- 108a
'dzin pa'i 'du shes rnam par gsal// de ltar gnas pa'i yid dang sems ni rtogs pa med// dge slong 'gog dang ldan ltar rnam par rtog mi 'thob// rmi lam chu khyer gnyid sad bzhin du rtsol dang bral// / tshangs pa'i gnas kyi 'dod pa ji bzhin nyid kyang med// sngon gyi byin gyi brlabs kyis bde gshegs bskul ba mdzad// 'di ni bde gshegs dbang bskur bzod pa dam pa ste// nged kyi ye shes stobs yang sangs rgyas chos kyi rnams// de dag khyod la med kyis de la brtson 'grus rtsoms// ci phan khyod kyi nyon mongs 'bar ba kun zhi yang // 'jig rten nyon mongs mas tshig de dag mi lta'am// sems can phyir spyad pa yi sngon smon lam sems// 'gro ba mthar gyur ye shes don zhugs shes rab kyis// chos nyid de bzhin nyid 'di mi rtogs rtag du 'dug/ sa ni rgyal ba nyan thos rang rgyal kun gyi ste// 'dis ni 'jig rten dag tu stobs bcu mi brjod do// gzhan du ye shes yangs pa dus gsum tshad kyis brjod// de ltar de la mtshungs med lha dang mis mchod pa// ye shes sgo mo rnam mang nye bar bsgrub pa mdza// rgyal ba'i chos bsgrubs pha rol mtha' yas bzhugs mdzad pa// de la sngon gyi byang chub spyod pa char mi 'gro// khyu mchog 'di dag ye shes mchog 'di thob nas// phyogs rnams kun tu skad cig gcig gis rgyas 'gengs pa// ye shes shugs dang ldan zhing mngon shes mchog thob pas// rgyal mtsho cher phyin gru tshon rlung gis khyer ba bzhin// ched du skyo sems bral zhing ye shes las la gnas// zhing rnams 'byung zhing gnas pa rnam par spyod par byed// khams rnams bzhi po kha dog tha dad spangs pa dang // phra zhing che dang rnam par tshe la yang dag 'jug/ stong gsum shin tu rdul phra kun la 'jug byed de/ zhes bya ba la sogs pa gsungs te/ de'i phyir gang dag sangs rgyas kyi kun tu
- 108b
bzang po la snang ba dang bcas pa'i ye shes mi 'dod cing / rnam par mi rtog pa'i ye shes tsam zhig 'dod pa yang ji ltar rnal 'byor spyod pa pa rnam pa med par smra ba rnams kyis/ mi rtogs ye shes rgyu ba la// / don kun snang ba med phyir yang // don med khong du chud par bya// de med pas na rnam rig med ces bya ba dang / don ni don du grub gyur na// mi rtog ye shes med par 'gyur// de med pas na sangs rgyas nyid// thob pa rig pa ma yin no zhes bstan pa dang khyad par med par 'gyur ro// de'i phyir de bzhin gshegs pa rnams ni don dam pa'i bden pa rab tu zhi ba de thugs rje chen pos ched du mngon sum du mi mdzad kyis/ bden pa gnyis su dbyer med cing pha rol gyi don dang rnam par shes pa gnyis gang du yang rtag tu med mod kyi chos kyi dbyings kyi mthu rlabs sna tshogs su snang ba'i rnam par ri mor bris pa lta bu rnam pa ma lus pa gsal bar gyur pas bzhugs par nges so// gang yang sa la gzugs rnams yod pa dang / lha yul gnas pa'i khyim rnams ni// rnam pa sna tshogs gang snang ba// de dag kun gzhi snang ba yin// kun gzhi kun tu lag pa ste// kun tu kha mig mgo bo yang // gcig car ram ni rim gyis ni// sa rnams khyab par rab tu gnas// byis pa rnam par myos byed de// rang gi snying la gang gnas pa// de ni de la gnyis tshul du// lus kun bkang ste rab tu gnas// zhes bstan nas de nas yang kun gzhi zhes brdar btags pa gang yin pa de ni byis pa rnams la chos kyi dbyings de nyid de skad ces bya ba'i ming du btags te bstan to zhes ston par mdzad pa ni/ steng min dngos po gang yang med// tho bas rdza ma ji bzhin du// dngos po gang la gnos bya ba'i// dngos po dngos su yod ma yin// de ste stong pa'i dngos yod na// 'jigs byed ma yin gzhig par 'gyur// gzhig bya
- 109a
gzhig par byed pa dag/ de ni rnam par rtog pas btags zhes gsungs la/ 'phags pa klu sgrub kyi zhal snga nas kyang / dang po bdag tu smra ba dang / phyi rol gyi don du smra ba sun phyung ste/ shes bya nang gi nyid du bsgrub pa mdzad nas de nas slar yang // de ni ji bzhin der ni snang // ji ltar snang ste de bzhin min// rnam shes bdag mini tshul yin pas// rnam shes min pa'i gzhi gzhan snang // dper na khab len mthong ba na// lcags ni myur du yongs su 'gul// 'di la sems dpa' yod min na// sems dang bcas pa bzhin du snang // de bzhin kun gzhi rnam par shes// sems med sems dang bcas pa bzhin// 'gro dang 'ong bas rnam g.yo zhing // rtag tu srid pa gsum po len// dper na rgya mtsho'i mtha' ma las// nges par rlabs ni rnam par g.yo// de bzhin kun gzhi rnam par shes// lus la brten te g.yo bar byed ces bstan cing // dper na bu ram mngar ba dang // me ni tsha ba'i rang bzhin te// de bzhin chos rnams thams cad ni// stong pa'i rang bzhin nyid du 'dod ces gsungs pas/ sna tshogs kyi dbyings de/ nyid snang ba dang bden pa gnyis dbyer med par bstan to// sa rab tu dga' ba la sogs par ni de dag gcig mngon du byas pa na gcig mi snang bas phan tshun bzlog pa'i ngo bor gnas shing // rjes las thob pa'i ye shes kyis de dag dbyer med par mos pa tsam zhig byed pa ni sngar/ der gnas gzugs la sogs pa la// sangs rgyas nyid du nges 'dzin dang // zhes gsungs par gsal por bstan pa ste/ slob dpon gyi zhal snga nas shes rab kyi pha rol tu phyin pa la gnas pa ni chos kyi dbyings kyi ngo bo nyid kyi gzugs la sogs pa la de bzhin gshegs pa nyid du nges par 'dzin pa dang zhes bstan pas so// lugs
- 109b
las chos kyi dbyings kyi rang gi ngo bo zhes bya ba la sogs pa'i ngag gcig po 'di ni mtshan nyid rnam pa bzhi car la yang sbyar bar bya'o// sbyin pa la sogs pa'i ye shes bya ba ni mthar gyis pa'i mngon par rtogs pa rab tu bsdu bar mngon par rtogs pa'i rim pa smos pa yin mod kyi// de'i nang nas kyang sbyin pa la sogs pa rnam pa bcu gsum las gang yang rung ba gcig skad cig la dmigs pas bshad pa dang 'chad par 'gyur ba'i don ma lus pa skad cig pa gcig la dmigs par nus te de'i chu ba chen bstan pa'i phyir/ dngos po so sor nges par 'dzin pa dang bral ba zhes bya ba smos te/ rang bzhin gcig tu goms pas so// de'i phyir so sor 'dzin pa las go bzlog pa'i ngo bos ni mang po gcig tu bsdus pa 'ba' zhig tu ma zad kyi zo ba'i dong bu'i dpes gcig gis kyang mang po sdud nus pas na/ sbyin pa la sogs pa re res kyang sbyin pa la sogs pa nas dpe byad bzang po brgyad cu'i bar gyi mtshan nyid kyi chos rnams bsdus pa'i phyir zhes tshig rnam par sbyar ro// sngon gyi smon lam gyi 'phen pa dang zhes bya ba ni/ skad cig gcig dang ldan pa'i shes rab kyis chos thams cad rtogs par gyur cig ces bya ba dang / 'bags pa bzang po spyod pa'i smon lam la sogs pa rgyun du ston pa'i dbang gis te de bas na/ 'phags pa klu sgrub kyi zhal snga nas/ byang chub sems dpa'i sdom pa dang // bzang po'i spyod lam ji lta ba// byang chub sems la gzhol ba yis// blo gros g.yo ba med par bya zhes gsungs so// chos kyi dbyings kyi mthu ni thams cad de'i rang bzhin yin pas gcig dang tha dad pa nyid med pas yang dag par na gcig gis du ma bsdus pa nyid kyang ma yin pas ngo mtshar ci zhig che zhes bya'o// tshig lhag/
- 110a
ma rnams ni go sra bas rnam par ma bye'o// skabs bdun pa'i 'grel bshad rdzogs so// // de ltar skabs bdun po de dag gis rgyu'i gnas skabs yongs su rdzogs par byas nas/ da ni skab brgyad pa 'bras bu'i bdag nyid bstan par bya ba'i phyir skad cig ma gcig pa'i mngon par rdzogs par byang chub pa rnam par bsgoms pa'i skad cig ma gnyis pa la zhes bya ba la sogs pa gsungs so// rnam pa gzhi yin pas zhes bya ba ni ngo bo nyid dang / chos dang longs spyod rdzogs pa dang / sprul pa rnams so// kha cig na re slob dpon gyi zhal snga nas ni gzhung gzhan du sku gsum du bstan pas de ltar bzhed mod kyi/ 'di ni mkhan po yang dag rnam par snang mdzad kyi// gdam ngag gtso bor mdzad pas na// de'i bzhed pa bkod pa'o zhes zer te/ 'og nas sku'i grangs nges par tha dad pa bstan pa'i lugs gang yang sun ma phyung bas na/ de ltar nges pa ni ci yang med do slob dpon gyi zhal snga nas ni skra dur bzhag kyang / nyes pa med par gzhed par gsal lo// dang po zhes bya ba ni grangs kyi dang po 'am/ yang na mchog gi don gyis dang po ste/ sngar rang bzhin gyis shes rab kyi pha rol tu phyin pa'i che bo'i bdag nyid bstan pa'i skabs su bstan pa'i tshul gyis so// ngo bo nyid kyi sku zhes bya ba ni 'di ni ngo bo nyid kyang yin la sku yang yin pas nang ba nyid kyi sku zhes gzhi mthun pa'i bsdu ba'o// de la ngo bo nyid ni chos can khyad par can rnams kyi chos nyid khyad par can gang yin pa de 'dir ngo bo nyid ces bya'o// / chos can khyad par can rnams ni sangs rgyas kyi sa kun tu bzang po'i dran pa nye bar gzhag pa la sogs pa'o// de dag gi chos nyid khyad par can gang yin pa ni don dam pa'i bden pa gang la sems kyi rgyu ba
- 110b
med na yi ge rnams lta smos kyang ci dgos zhes bya ba ste/ de'i phyir de bzhin nyid rnam par dag pa dang rnam par dag pa ma yin pa zhes bya ba ni chos can gyi dbang gis rnam par bzhag pa ma yin pa gzhan gyis ni chung zad kyang rnam par gzhag pa nus pa ma yin la/ chos can dang / de'i chos nyid kyang de nyid dang gzhan nyid du brjod du med pa'i zhes sdang bstan to// de dag gi rang bzhin zhes bya ba'i rnam par 'brel pa ni de dag gi rang bzhin/ ni ngo bo nyid de zhes bya ba'o// mtshan nyid can zhes bya ba'i rnam par 'grel pa ni skye ba med pa'i ngo bo nyid 'di yin te zhes bya ba ste/ mtshan nyid ces bya ba ni rang bzhin de'i tha dad pa ma yin pa'i chos kyi khyad par 'ga' zhig la thos tha dad par bzung ba'i ngo bo nyid la bya ba'i phyir la/ 'dir ni tha dad pa ma yin pa'i chos kyi mtshan nyid de yang skye ba med pa nyid la 'dod de/ des na rang bzhin dang de'i mtshan nyid skye ba med paste/ de las gzhan ma yin pa blos mtshan par bya ba dang / mtshan par byed pa tsam du btags pa'o// bcos ma ma yin pa'i don gyis shes bya ba dang / ngo bo nyid dang lhan cig skye ba dang / ma bcas pa zhes bya ba ni ming gi rnam grangs te/ de nyid kyi phyir chos rnams kyi chos nyid kyis de ltar yin gyi sus kyang byas pa ma yin pas zhes bstan te/ gsum pa 'di ni gtan tshigs su blta bar bya'o// 'jig rten las 'das pa'i lam gyis 'thob kyi zhes bya ba ni sa rab tu dga' ba la sogs pa'i mnyam par bzhag pa'i shes pa sems rgyu ba med pa ni de thob pa ste de dang dbyer med par 'gyur ba'i phyir ro// de'i rjes las thob pa yang de'i 'phen pa dang ma bral bas na thob pa zhes bya'o// 'jig rten las 'das pa'i lam gyis thob pa nyid bstan pa ni rnam par shes pa sgyu ma lta bus chos thams cad rtogs pas thob pa yin no zhes smos
- 111a
te/ rnam par shes pa ni thos pa dang bsam pa dang sgom pa'i shes rab rnams so de nyid don dam par med du zin kyang kun rdzob tsam du don byed pa mi 'dor bas na sgyu ma lta bus zhes bya ba smos so// chos thams cad ni chos kyi dbyings te/ chos kyi dbyings las ma gtogs pa'i// 'di ltar chos yod ma yin te zhes gsungs pas so// thob pa ni snga ma bzhin no// gzhan yang ngo sa nyid kyi sku thob pa ni// chu khams gser dang nam mkha' rnams// dag pa bzhin du dag par 'dod ces gsungs pas/ bral ba'i sgo nas thob pa rnam par nges par bzhag ste/ nad med pa thob pa lta bu'i dpes so// chos can rnam par mi rtog pa'i ye shes ni rjes las thob pa'i ye shes kyis thob par rnam par bzhag pa ste 'di ni de tsam gyis nges par bzhag par bya ba las rnam pa gzhan du mi nus pas so// 'di rnal 'byor gyi mngon sum du sgrub pa'i tshul yang de nyid yin par zad do// chos can kun rdzob mkhyen pa rnams ni rang rig pa'i mngon sum gyi rnam par bzhag go/ de nyid kyang rjes su dpag pa dang da ltar bas rnam par bzhag cing de yang da ltar ba'i mngon sum las 'brel pa thob pa'o// de dag gi rim par 'brel ba ni rgya rnams bya ba byed pa'i rig pa nyid yin pa'i phyir dang 'bras bu rnams bltos pa'i rig pa yin pa'i phyir ro// de dag gi ngo bo nyid la the tshom za ba ni chos nyid kyi rig pas sel bar byed de/ des na sangs rgyas kyi sa la nges par 'byed pa'i tshul ni rig pa bzhi car gyis bsgrub par bya'o zhes bya bar gnas so// gzhan dag ni 'di ni lung gis 'grub pa yin gyi rig pa'i lam gyis bslab pa'i mi bya'o zhes zer te de dag gis kyang legs par smras so// kha cig ni de mi 'dod de lung ni rjes su dpag pa'i
- 111b
tshad mar 'dus pa'i phyir lung 'ba' zhig gis ji ltar tshigs med par 'jug par bya zhes zer ro// yang dag pa'i kun rdzob ces bya ba ni 'jig rten las 'das pa'i ye shes de'i rjes la thob pa'i snang ba/ nyid yin gyi gtsug lag khang gcig la byis pa rnams kyi thun mong gi tha snyad la bstan pa ni 'dir mi gzung ngo // snang ba zhes bya ba ni snang ba tsam yin gyi de dag dngos por grub pa'i mthu can ni ma yin no/ zhes bya'o// de ci'i phyir zhe na/ don dam par chos nyid kyi ngo bo zhes smos te kun rdzob ni dngos po nyid du bzhag pa med do zhes sngar bstan pa'i tshul gyis te/ dngos po zhes bya ba yang rig pa dang ldan par don byed par nus pa'i rang bzhin yin na/ yang dag pa'i kun rdzob pa de dag ni rig pa'i srungs mi bzod pas na de ltar ga la zhig 'gyur// de'i phyir sangs rgyas kyi sa kun du bzang po 'khrul pa'i dri ma mtha' dag ma lus par spangs pa las lus dang ngag gi bkod pa sems can dang sems can ma yin pas bsdus pa ji snyed cig snang ba de dag ni don dam par chos nyid kyi ngo bo de nyid/ gdul bya/ rnams la rang rang gi ji ltar mos pas rab tu phye ba nyid du snang ba'o// gdul bya de dag kyang gang zhe na/ sangs rgyas rnams ni dang po ste/ de dag la ni chos kyi sku gnyis pa phan tshun du snang ngo // don dam pa'i sku dang po 'di de bzhin gshegs pa rnams kyi rnam pa thams cad mkhyen pa'i ye shes kyi yang yul ma yin te/ de ni yul gyi rang bzhin gang du yang ma gyur pas so// chos kyi sku ste gnyis pa ni de dag// gi ye shes kyi snang ba rab 'byam dag la lhun gyis grub par snang te de yang tha dad pa'i rtog pa mi 'byung ba'o// gdul bya gnyis pa ni byang chub sems dpa' rnams te de dag la ni longs spyod rdzogs
- 112a
pa'i sku snang ste/ byang chub sems dpa' sa bcu pa rnams 'ba' zhig la der snang ngo // gzhan dag ni sa brgyad pa nas bzung ste de snang bar smra la/ yang gzhan dag ni smon lam dang bsod nams cher bsags pa'i mthu las thams cad la yang snang mod kyi nyan thos dang rang sangs rgyas cha lugs la mngon par zhen pa'i rigs can de dga' ba' zhig la snang bar mi 'gyur te/ de'i phyir 'phags pa theg pa chen po la dad pa rab tu bsgom pa'i mdo las de'i 'khor du lha dang klu dang gnod sbyin dang mi 'am ci la sogs pa bstan pa mdzad do// zhes zer ro// de ni mi rigs te de dag gis ni sprul pa'i sku nyid la longs spyod rdzogs pa'o// zhes mthong ba brtsan par byas pa'o// gdul bya dman pa ni nyan thos la sogs pa ste de dag gi yul du ni sprul pa'i sku 'ba' zhig snang ngo // sogs pa zhes bya ba ni ma nges pa 'bras bu gang la yang ma zhugs pa dag la'o// de yang dro bar gyur pa thob pa na ni sprul pa'i sku brtags par mthong ba ste/ sangs rgyas la sogs pa mthong ba dang zhes bstan pas so// drod la sogs pa ma thob kyang de lan 'ga' zhig mthong ba ni dgag go/ sa rab tu dga' ba la sogs par ni chos can thams cad mthong ba las ngo bo nyid kyi sku mthong bar mos par byed de/ der snang gzugs la sogs pa la/ sangs rgyas nyid du nges 'dzin dang zhes bstan pas so// tha mi dad kyang zhes bya ba ni rang gi rang bzhin gyi dbang du byas te'o// tha dad par rnam par bzhag go zhes bya ba ni de'i mthu'i bye brag gis tha dad pa ltar snang ba'i dbang gis so// de'i phyir byis pa rnams la 'gal ba lta bur gnas kyang 'gal ba med pa ni chos kyi dbyings bsam gyis mi khyab pa'i phyir sun dbyung bar nus pa ma yin
- 112b
pas/ gang du yang bden pa gnyis phan tshun 'gal bas gcig gis gcig sun dbyung bar ni mi bya'o// rang gi rtog pas gnyi ga las 'gal bar mi bya'o// de'i phyir 'dir byis pa'i gnas skabs na ni yongs su ma dag pa'i chos kyi dbyings de sna tshogs su rnam par rtog pa med bzhin du snang la/ sangs rgyas kyi kun tu bzang po la ni yongs su dag pa'i de bzhin nyid de nyid sna tshogs su snang ba'o// de ltar ngo bo nyid kyi sku de nyid kyi dbang du byas te/ 'phags pa klu sgrub kyi zhal snga nas/ gcig min du ma ma yin bdag dang gzhan la phan pa phun sum tshogs chen gzhir gyur pa// dngos med dngos po med pa ma yin mkha' ltar ro gcig rtogs par dka' ba'i rang bzhin can// gos pa med cing mi 'gyur zhil mi mnyam mnyam pa'i khyab pa can te spos med pa// so so rang rig rgyal ba rnams kyi chos sku dpe med gang yin de la bdag phyag 'tshal/ zhes bstod pa mdzad de/ gzhan las kyang 'di'i mtshan nyid bstan pa gsangab pa'i bdag po chos kyi dbyings rnam par mi rtog pa ji ltar dgos pa thams cad mngon par bsgrub ce na/ gsang ba'i bdag po 'di lta ste dper na nam mkha'i khams ni sems can yang ma yin/ srog kyang ma yin/ shed las skyes pa yang ma yin/ byed pa po yang ma yin/ tshor ba po yang ma yin/ gzung ba yang ma yin/ 'dzin pa yang ma yin zhing / rtog pa dang rnam par rtog pa thams cad dang bral mod kyi/ 'on kyang sems can gyi khams ma lus pa/ rnams 'gro ba dang 'ong ba la sogs pa thams cad byed de 'di la ni dog pa med do// thams cad mkhyen pa gnas med 'di// 'gro ba rnams kyi phyi dang nang // thams cad nges pa nyid du sgrub ces gsungs
- 113a
so// chos kyi sku zhes bya ba ni sku bzhir bzhag pa'i tshe na chos can gyi sku ni chos kyi sku zhes bya ste/ sngar ji skad du bstan pa'i ngo bo nyid kyi chos can ni 'di yin pa'i phyir ro// gang gi tshe sku gsum/ du bstan pa de'i tshe ni chos nyid kyi sku zhes bsdus pa las btags pa ste/ chos nyid ni chos can las tha dad par bzhag par mi nus pas so// spros pa med pa'i ye shes kyi bdag nyid ni sngar bstan pa nyid do// da ni spros pa med pa yang rnam pa du mar gnas par bstan pa'i phyir ro// dran pa nye bar gzhag pa la sogs pa'i ngo bo zhes bya ba smos te/ sogs pa zhes bya ba ni tshad med pa la sogs pa sangs pa nag mas/ 5 / yadun / na gas lanas nas stan/ pa mad pazlas bya ba zlas na/ bag+sa nas kha cig tu ni nyon mongs pa la bya bar yang mthong ste zag pa zad pa zhes bya ba lta bu'o// de yang 'dir gzung ste nyon mongs pa ched du ma spangs pa bag la nyal ba'i tshul lta bur sa bcu pa'i byang chub sems dpa' rnams kyi rgyud la yod pa cung zad pa de sangs rgyas kyi sa la zad par byas pas so// kha cig tu ni zag pa zhes bya ba rnam par rtog pa la bya bar mthong ste/ zag pa'i dbang gis de'i nyon mongs pa rnams skye ba ni zhes bstan pa lta bu'o// 'dir phyogs phyi ma 'di gtso bor bzung ste/ rnam pa de snyed du zin kyang de la rtog pa med cing lhun gyis grub par 'jug pas na zag pa med pa'o// yang na bskal bgrangs med pa du ma zhig gi bar du dngos po rnams la don dam par 'dzin pa dang bden par 'dzin pa spang ba la rab tu goms par mdzad pas snang ba rnams sgyu ma tsam du yongs su mkhyen pa'i phyir
- 113b
lham lta bu'i rnam par rtog pa mnga' yang 'dri la nyes pa med de/ don 'di nyid thugs la bzhag nas/ sems can gyi ni don mdzad thabs// rnam rtogs ye shes mnga' ba na// de yi kun mkhyen rtsom pa ni/ da de ni yin phyir nyes pa med ces bstan cing / yang bden par 'dzin pa'i dbang gis gyon// chags dang zhe sdang la sogs pa// dgra rnams rang 'byung de log na// de rnams 'byung bar gal 'gyur zhes gsungs so// de'i phyir rang gi rnam rtog bden par 'dzin pa nyid spang ba la gcig tu 'bad par bya'o// sgyu ma la sogs pa ltar gnas pa'i tha snyad rnams kyi ni shin tu 'jigs par mi bya ste/ don 'di las dgongs nas 'phags pa lang kar gshegs pa las 'ching ba'i rgyu ni yul ma yin zhes gsungs so// dran pa nye bar gzhag pa rnams kyis ni rim pa bzhin du su ring srel du gshig pa na mi dgyes pa mi mnga' ba dang / tshor ba thams cad kyis mi 'phrogs pa dang / thugs yul rnams la mi rgyu ba dang / chos thams cad mnyam pa nyid kyis ngo bo nyid las mi 'da' ba'i phrin las rnams mdzad do// yang dag par spong ba rnams kyis ni dge ba'i chos rnams las mi nyams pa dang / de'i mi mthun pa'i phyogs de gang gis nyid kyi rgyud la yongs su mi gos pa'i phrin las mdzad do// rdzu 'phrul gyi rkang pa rnams gyis ni mu stegs kyi gtso bo rnams gdul ba la sogs pa'i rgol ba tshar bcad pa dang gzhan 'dun par mdzad do// dbang po rnams kyis ni dge ba rnams la bzhed pa bzhin sbyor ba la thigs pa med par mdzad de// stabs rnams kyis ni dge pa rnams la spong ba dang nang du yang dag par 'dzag pa la sogs pa dgal bar chad kyi chos gang gis kyang rje bar mi nus pa mdzad// byang chub kyi yan lag rnams
- 114a
kyis ni mngon par byang chub pa mdzad pa la nyid kyi rgyud gzhan du thabs kyi grogs btsal ba la rag lus pa med cing rang byung gis ye shes brnyes par mdzad do// 'phags pa'i lam yan lag rnams kyis ni ma 'dres pa'i lam la brten pas sgyu rtsal shes kyi bu ring 'phur la sogs pa'i slob ma'i rim pas byang chub par gyur pa ma yin gyi rang gi lugs kyi lam bzang po la rten dgos pa'i phrin las mdzad de/ 'di dag ni mdor bsdus na byang chub kyi phyogs kyi chos rnams kyi las brjod pa ste/ rgyas par so so'i las re rer ci rigs su sbyar te/ rgyas par ni 'phags pa rgya cher rol pa'i mdo las shes par bya'o// tshad med pa rnams kyis ni 'gro ba la thugs brtse ba la zhugs pas bsod nams kyi tshogs yongs su rdzogs par mdzad do// mi mthun pa'i phyogs kyang spong ngo // 'gro ba rnams yongs su smin par mdzad pa la yongs su mi skyo ba'o// rnam par thar pa rnams las dang po gnyis kyi ni sprul pa'i las mngon par grub par byed cing / gsum pas ni sdug par sprul nas kun nas nyon mongs par mi 'gyur bar byed de/ lhag ma bzhis ni zhi ba'i rnam par thar pa rnams la mi chags so// tha mas ni mos pa'i dbang gis 'phags pa'i gnas pa dam pa shin tu zhi bar gnas pas gnas so// mthar gyis gnas pa'i snyoms par 'jug pa rnams kyis ni dang po bzhis ni 'dod pa'i khams kyi bde ba rnams la ma chags pas shing 'dzam+bu'i grib ma la brten pas lha rnams 'dul ba dang / btsun mo'i 'khor sten kyang 'dod pa'i bde bas mgos par ston cing 'bras sa lu'i chan dang sman mar dge ba chen po la sogs pa gsol yang khams kyi zas la tshigs pa med par mdzad de// lhag ma bzhis ni gzugs med par skyes pa'i lha'i bu rnams skal pa
- 114b
mnyam zhing ris mthun pa'i tshul gyis 'dul ste/ de nas gzugs med pa'i lha'i bu de dag me tog sna tshogs lag na thogs te zhes bya ba la sogs pa shin tu rgyas pa'i mdo de dang de las bstan pa lta bu'o// thams ni 'phags pa nyan thos rnams kyis 'gog pa'i snyoms par 'jug pa las khyad par du ston te/ de dag ni zhag bdun du yang gnas pa'i mthu med la/ bcom ldan 'das ni bzhed na bskal pa'i bar du de la gnas pas so// zad par gyi skye mched rnams kyis ni zad par rgyas par mdzad pa'i ched du rnam par thar pa'i dmigs pa yongs su bsgrub par mdzad do// zil gyis gnon pa'i skye mched rnams kyis ni dmigs pa tha dad par rtog pa zil gyis gnon pa'i phyir rnam par thar pa gsum po rnams dmigs pa la dbang sgyur bar mdzad do// nyon mongs pa med pas ni bka' lung bzung bar bya bar mdzad do// smon gnas mkhyen pas ni 'das pa dang ma 'ongs pa dang da ltar byung ba'i dngos po rnams lung ston pas gzhan la phani 'dogs pa dang / rgyu mtshan des 'jig rten mang pos bkur bar bya bar mi 'gyur ro// mngon par shes pa rnams kyis ni bdag dang gzhan gyi rgyud kyis bsdus pa'i shes bya mkhyen par bya ba la thogs pa med cing de yang lus kyi las kyis bstan pa la 'dun par mdzad do// ngag gi las kyis kyang 'dun par mdzad do// sems kyis kun tu brjod pas kyang 'dun par mdzad do// bstan pas sems can rnams kyi tshim par mdzad do// sems can rnams kyi spyod pa dang po 'ong ba dang 'gro ba mkhyen nas sems can rnams nges par 'byung ba la ji lta bar 'doms pa ste/ des kyang gdul bya myur du grol bar mdzad do// so so yang dag par rig pa rnams kyis ni chos bstan pa thogs pa med pa rnam pa sna tshogs pas gdul
- 115a
bya rnams kyi sems tshim par mdzad de/ chos kyi tshig kun mngon par mkhyen// don rnams kun gyi tshul la mkhas// skad kun rnam par 'byed pa mkhyen// phyogs rnams kun tu yongs dag ldan zhes gsungs pas so// yongs su dag pa rnams kyis ni srid pa rnams su skye ba bsams bzhin du 'dzin cing bzhed par gyur na bskal pa mang por bzhugs te/ ji skad du 'phags pa snying rje chen po pad+ma dkar po'i mdo las/ ji skad gsungs pa lta bu'o// yang bzhed na cha'i 'du byed gtong ngo // yang chos la mnga' sbyar zhing ting nge 'dzin la mnga' sbyar te dam pa'i chos kyang rab tu 'dzin to// dbang rnams kyis ni pha rol tusbyin pa rnams yongs su rdzogs par ston pa'i 'bras bu'i che ba gzhan las sa sar rig par mdzad do// dbang po gsum ni sbyin pa'i 'bras bu'o// de'i 'og ma gnyis ni tshul khrims kyi 'bras bu'o// de'i na ma ni bzod pa'i 'bras bu'o// de'i 'og ma ni brtson 'grus kyi 'bras bu'o// de'i 'og ma ni bsam gtan gyi 'bras bu'o// de'i 'og ma gnyis ni shes rab kyi 'bras bu yin pa'i phyir ro// stobs rnams kyis ni rgyu med par smra ba dang / mi mthun pa'i rgyur smra ba dang / rang gis byas pa ma yin pa dang chad par smra ba bsal nas yang dag par mngon par mtho ba'i lam ston to// sems can rnams kyi sems kyi spyod pa dang // bstan pa bzhag pa snod dang / bsam pa dang / bag la nyal ba dang / dmigs pa dang / tshogs dang / 'os su 'gyur ba dang / nges par 'byung ba yang dag par rjes su rtogs nas nges par legs pa'i lam ji lta ba bzhin du ston te bdud thams cad kyang tshar gcod do// thams cad du zhu ba zhus pa yang lung ston to// mi 'jigs pa rnams kyis ni 'khor gyi nang du bdag yang dag pa'i ston pa yin par rab tu 'jog
- 115b
pa dang / mu stegs can gzhan rgol ba rnams tshar gcod par mdzad do// bsrung ba med pa rnams kyis ni slob ma'i tshogs la rtag tu gdams pa mdzad do// yang dag par rjes su yang ston to// dran pa nye bar gzhag pa rnams kyis ni kun nas nyon mongs pa mi mnga' bar tshogs yongs su sdud do// bsnyel ba mi mnga' ba'i chos nyid kyis ni sangs rgyas kyi mdzad pa yal bar mi 'dor te/ rgya mtsho chu srin chen po'i gnas// dus rlabs yol bar 'gyur srid kyi// gdul bar bya ba'i sras rnams la// sangs rgyas dus la yongs mi 'da'// zhes bstan pa'i tshul gyis so// bag chags yang dag par bcom pas ni// nyon mongs pa mi mnga' bas na nyon mongs pa lta bu'i spyod pa mi ston to// thugs rje chen pos ni lhun gyis grub pas rtag tu ye shes kyi snang bas 'jig rten la gzigs te/ skad cig tsam yang mi gzigs par mi 'gyur ro// gzhan dag ni 'di ni bsnyel ba mi mnga' ba'i chos nyid yin te nyin lan gsum mtshan len gsum du rtag tu gzigs pa ni thugs rje chen po ste/ de ltar bshad na mdo'i don dang yang mthun la mdo sde'i rgyan gyi tshig le'ur byas pa yang legs par drangs par 'gyur ro zhes zer ro// sangs rgyas kyi chos ma 'dres pa rnams kyis ni sku dang gsung dang thugs kyi phrin las yongs su dag pa dang / rnyed pa dang gshegs pa dang bzhugs pas kyang nyan thos dang rang sangs rgyas thams cad zil gyis gnon to// rnam pa thams cad mkhyen pa nyid kyis ni sems can thams cad kyi the tshom gcod cing chos kyi tshul yang yun ring du 'jog ste/ des sems can yongs su ma smin pa rnams ni yongs su smin par mdzad do// yongs su smin pa rnams ni rnam par grol bar mdzad do// lam shes
- 116a
pa nyid la sogs pa sngar bshad pa dag kyang yin no zhes bya ba ni/ sngar nyan thos kyi mthong ba'i lam gyi yon tan dang rang sangs rgyas rnams kyi sgra med par chos ston pa la sog smra pa yon tan de dag kyang sangs rgyas kyi rgyud la mnga' ste/ sngar dge slong dag nga lan stong du nyan thos kyi sa mya ngan las 'da' bas yongs su mya ngan las 'das so zhes bya ba la sogs pa'i tshu la bstan pas so// de dag kyang sangs rgyas kyi rgyud kyis bsdus pa na chos kyi sku ye shes kyi rnam par brjod par bya'o zhes bya ba'i don te/ de dag gi las kyang sangs rgyas mi 'byung ba'i dus su gdul bya smin par mdzad pa dang / theg pa dman dul dad bdag nyan thos su na pa la sogs pas zag pa chen po la 'jug par mdzad de// zhes byab la sogs pace rigs par sbyang // de dag ni chas dag gi phrin pas ma ma tha'// nas de dag rgya sags/ pag nga gas su mngasas byung bar rgyam pa nas kyis na par sbyor bar byed la/ de'i rjes la zad par gyi skye mched rnams kyis ni de yongs su grub par shes par bya ste/ de nyid kyis na sngar rnam pa'i skabs su byang chub sems dpa'i lam la gtso bo rnam par thar pa brgyad la smos pas lhag ma rnams bsdus par shes par bya'o// dbang rnam pa bcu'i dbang du byas te bskal pa brjod du med par tshe'i tshad byin gyis rlob pas tshe la dbang ba dang / ting nge 'dzin grangs medo pa la nges par rtog par 'jug cing ye shes kyi 'jug pa'i tshul gyis sems la dbang ba dang / 'jig rten gyi khams thams cad du rgyan rnam par dbye ba du mas brgyan par byin gyis brlabs pa ston pa'i
- 116b
tshul gyis yo byad la dbang ba dang / dus ji lta ba bzhin las kyi rnam par smin par byin gyis rlob pas las la dbang ba dang / 'jig rten gyi khams thams cad du skye ba ston pas skye ba la dbang ba dang / 'jig rten gyi khams thams cad sangs rgyas kyis gang bar blta bas mos pa la dbang ba dang / dus dang zhing gang du 'dod par mngon par 'tshang rgya bas smon lam la dbang ba dang / rdzu 'phrul gyi rnam par 'phrul ba thams cad yongs su ston pas rdzu 'phrul la dbang ba dang / chos kyi sgo snang ba mtha' dang dpung med par yang dag par ston pas chos la dbang ba dang / de bzhin gshegs pa'i stobs bcu dang mi snyengs pa sad tsag skad cig drug par yongs su sbyin pas ye shes la dbang ba'i zhes 'phags pa stong pa bkod pa las gsungs pa rnams 'dir bkod pa'o// chos kyi su mngon par brjod do zhes zer ro zhes bya ba'i mngon par 'dod pa dang po 'di ni ngo bo nyid kyi sku dang chos kyi sku gnyis gcig tu 'dod pas gnyis su mi dbye'o zhes ston par byed pa slob dpon ye shes zla ba la sogs pa'i grub pa'i mtha'o// gzhan dag ni tshig le'ur byas pa la 'jug par byed do zhes bya ba 'di ni sngar slob dpon nyid kyis ji ltar bshad pa kho na yang bsdus nas bzlas pa ste/ mkhan po yang dag rnam par snang mdzad kyi bzhed pa'o// / gzhan dag na re de dag gi ltar na zhes bya ba la sogs pa'i bstan pa gsum pa 'di ni 'di snyam du gal te de ltar ngo bo nyid kyi sku dang chos kyi sku ni chos dang chos can yin la/ de dag kyang dbyer med na rnam pa thams cad du spros pa dang bral ba'i ngo bor gyur pas sems dang sems las byung ba rnams gnas yongs su gyur pa'i ye shes gzung ba dang 'dzin pa gnyis su med pa sgyu ma tsam du snang ba'i ngo bos 'gro ba'i
- 117a
don mdzad pa rnams med par 'gyur te/ de dag yod na ni yang ngo bo nyid kyi sku med par 'gyur bas de'i phyir ngo bo nyid kyi sku ni mi brjod do zhes bsam nas ye shes kyi sku dang longs spyod pa'i sku dang // sprul pa'i sku gsum du 'jog cing de dag thams cad kyang don dam par ma skyes par brjod kyi/ ma skyes pa de sku gcig tu ga la zhig bzhag ces 'dod pa'o// kha cig na re sku gsum kho na'o zhes zer ro nas bya ba mngon par 'dod pa bzhi pa 'di ni/ sku ni gsum khon zhig yin la/ de yang ngo bo nyid kyi sku dang / longs spyod rdzogs pa dang / sprul pa'i sku dag du 'dod pas/ chos kyi sku ni ngo bo nyid kyi sku'i ming gi rnam grangs su 'dod pa ste/ de'i phyir sangs rgyas kyi sa kun tu bzang po de la ni chos kyi dbyings ltar ye shes rang bzhin gyis 'od gsal ba de tsam zhig la sngon gyi smon lam gyi mthus gdul bya rnams la/ bya chub rgyags mthur kyad ma dang zhes bya ba la sags pa'i yan tan rnams dang ldan par snang ba skyes pa yin / rlung bzhin na de bu ma yin te/ de gyur na de'i snang ba langs spyad rdzogs pa dang / sprul pa yang de nyid kyi sngon gyi smon lam gyi mthu'i shugs kyis snang bas na/ dngos su mi mthun pa chen po la ni sku gcig tu zad pas na/ 'phags pa 'jig rten las 'das pa'i le'u las/ rgyal bas chos nyid lus med rab zhi pa// gnyis med rang bzhin med pa thugs chud nas// gzugs su bzang po mtshan gyis brgyan pa yis// 'gro ba ma lus bkang zhing ston par mdzad ces gsungs so zhes brjod cing tshul de lta bus byis pa rnams kyi dbang du su gcig po de nyid sku gsum du bstan to zhes 'dod pa'o// tshig le'ur byas pa las ngo bo nyid ces bya ba'i sgra'i mjug thogs su chos kyi sku zhes
- 117b
bya ba'i sgra mi 'byung bas zhes bya ba'i tshig 'di ni de'i rig pa ston pa ste/ gal te sku bzhi pa yin na de'i tshe tshig le'ur byas pa'i nang du ngo bo nyid kyi sku'i 'og nyid du 'brel bar chos kyi sku smos par rigs so zhes// / de dag gis ni rnam pa bzhir ni yang dag brjod ces bya ba la bzhi ni 'phrin las dang bzhi zhes 'dod par byed do/ gzhan dag ni ri zhes bya ba mngon par 'dod pa bzhi pa 'di ni sngar sku bzhir 'dod par smra/ ba rnams kyi lan btab pa ste/ ngo bo nyid ces bya ba'i sgra'i mjug thogs su chos kyi sku zhes bya ba'i sgra ma smos pa ni/ tshig le'ur byas pa sbyar ba'i ngor ni ye shes kho na dang mdzad par sbyor ba'i phyir dgos pa nye bar bstan pa'i shugs kyis de skad gsungs pa yin te/ de'i phyir de ni sku gsum du bzhag pa'i rgyu mtshan du mi rung ngo zhes bya ba ni bsdus pa'i don no// de ltar mdzad pa rnams ni chos kyi sku'i 'phrin las zhes btags kyang / sprul pa'i bar du sku thams cad kyis rgyud pa dang dngos su mdzad pas na/ su thams cad kyi mjug tu bstan par rig pas de ltar bstan la/ mdzad pa nyi shu rtsa bdun po de dag sprul pa'i sku'i rjes kho nar 'byung bas de dag gi sprul pa'i sku'i 'phrin las yin pa lta zhig ces kha cig sems pa la/ sngar chos kyi sku'i gdags pa ni ma mdzad la/ sku de ni grub pa'i mtha' thams cad las grags pas 'dir yang ston par rig pa de ltar na de'i las yin te/ des na las kyi byed pa po bstan te las dang byed pa po ni tha mi dad pa'i phyir ro zhes rtog par bya ba'i tshig le'ur byas pa'i ngo bo nyid kyi sku'i mjug thogs su chos kyi sku zhes ma btags so// de ltar de ni dgos pa nye bar ston pa'i shugs zhes bya'o// ye shes kho na zhes bya ba ni/ byang chub phyogs mthun tshad med dang / zhes bya
- 118a
ba la sogs pa ji skad bshad pa rnams te/ de dang mdzad pa chos kyi sku'i phrin las nyi shu rtsa bdun du sbyar ba ni byed pa po dang de'i las su sbyar ro// 'o na ye shes rnams sprul pa'i sku'i rjes su ci'i phyir mi bstan ce na/ de ni sku rnams gtso bo'i rim gyis bstan par rig pa'i phyir dang / ngo bo nyid dang ye shes rnams chos nyid dang chos can du bstan pa'i 'brel pa bsgrub pa'i phyir ro// yang kha cig ni longs spyod rdzogs pa'i sku la mngon par byang chub pa sa bcu pa'i byang chub sems dpa' 'ba' zhig gi snang ba'i lam du gyur pa longs spyod rdzogs pa chen po'i su ji skad bshad pa'i ye shes rnams kyi gzhir gyur pa dang / sa rab tu dga' ba la sogs pa la gnas pa'i snang ba lam du gyur pa sprul pa'i skul longs spyod rdzogs par btags pa dang / sprul pa'i sku ste sku lngar 'dod do// gzhan dag ni sprul pa'i sku la rnam par smin pa dang rnam par smin pa ma yin pa'i dbye bas su lngar ston par byed do// lhag ma rnams ni go sla bas rnam par ma phye'o// mtshan dang dpe byad bzang po 'bar ba zhes bya ba la/ 'di dag gi skyes bu chen por 'tshon par byed pas na mtshan de 'og nas 'chad pa'i sum cu rtsa gnyis so// 'di dag gis gzhan gyi rgyud la rnam par sko bar byed pas na dpe byad bzang po ste/ 'dir a ny+dzana'i sgra'i don ni pha rol po'i rgyud la thub pa chen po'i su'i mdzes pa nyid kyi rnam par sgo zhing zhen par byed pa'i don te/ de bas na mtshan dang dpe byad rnams kyi phrin las ni skyes bu chen por byed pa dang / gdul bya rab tu 'dun par byed pa'o// de la mtshan rnams ni gtso bor gyur pas re re yang pha rol tu phyin pa drug drug gi rgyu las byung bar bstan te/ ji skad du smin mtshams kyi mdzod spu ba mo
- 118b
dang dung dang me tog kun da ltar dkar ba ni sbyin pa'i 'bras bu'o// g.yas su 'khyil ba ni tshul khrims kyi 'bras bu'o// snga zhing zil gyis gnon pa ni bzod pa'i 'bras bu'o// ring bar gnas pa ni brtson 'grus kyi 'bras bu'o// shin du 'khyil cing legs par gnas pa ni bsam gtan gyi 'bras bu'o// 'od mtha' yas pas khyab pa ni shes rab kyi 'bras bu'o zhes bya ba la sogs pa ste rgyas par ni 'phags pa bskal pa bzang po zhes bya ba theg pa chen po'i mdo las shes par bya'o// dpe byad rnams ni 'khor du gyur pas na de ltar bstan pa med de gtso bos bsdus pa'i phyir ro// ji ltar na gtso bo dang 'khor du bstan zhe na/ sen mo zangs kyi mdog lta bu dang / sen mo'i mdog sdum pa dang / sen mo mtho ba dang / sen mo rnams zlum pa dang / sen mo rnams rgyas pa dang / sor mo rnams byin gyis phrab dpe byad bzang po 'di drug ni mtshan phrag gi sor mo ring ba'i 'khor du gyur pa'o// dbu gdugs lta bur rgyas pa dang / dbu sra bung ba ltar gnag pa dang / dbu skra sdug pa dang / dbu skra 'jam pa dang / dbu wa mi 'dzings pa dang / dbum+b+ha mi bshor ba dang / dbus drinam pa ste/ 'di dag ni dbug rngu gtor dang ldan pa dang / spu ring nas g.yas phyogs su 'khyil ba'i 'khor du gyur pa'o// dpral ba legs par dbyes pa dang / dpral ba'i dbyes che ba dang / smin tshugs ring ba dang / smin ma 'jam pa dang / smin ma snum pa dang / smin ma'i su mnyam pa dang / shangs mtho ba dang / shangs gtsang ba ste/ 'di dag ni mdzod spu'i 'khor du gyur pa'o// spyan dag pa dang / sun mdzes par 'dzum pa lta bu dang / spyan yangs pa dang / rje ma sdug pa dang / spyan pad+ma'i 'dab ma 'dra ba ste/ 'di rnam
- 119a
ni spyan mthon mthing dang / spyan gyi rdzim pa'i rdzi ma lta bu'i 'khor du gyur pa'o// snyan mnyam pa dang / snyan ma nyams pa ste/ 'di dag ni 'gram pa seng+ge'i lta bu'i 'khor du gyur pa'o// zhal ha cang mi ring ba dang / sgros shing thog bim pa ltar dmar ba dang / ljags mnyen pa dang / ljags srab pa dang / ljags dmar ba dang / 'brug gi sgra nyid dang / gsung mnyen pa dang / gsung 'jam pa dang / mche ba zlum pa dang / mche ba rno ba dang / mche ba dkar ba dang / mche ba mnyam pa dang / mche ba byin gyis phra ba ste/ 'di rnams ni ljags yangs pa dang / tshangs pa'i dbyangs dang / tshem dkar ba dang / tshems thag bzang ba dang / tshems bzhi bcu mnga' ba dang / tshems mnyam pa dang / ro bro ba'i mchog mnyes pa rnams kyi 'khor du gyur pa ste/ ci rigs su sbyar ro// rtsa mi mngon pa dang // rtsa mdud pa med pa dang / long bu mi mngon pa dag dang / sku gzhon mdog can dang / phyag shing bal ltar 'jam pa dang / phyag gi ri mo mdangs yod pa dang / phyag gi ri mo zab pa dang / phyag gi ri mo ring ba rnams ni/ phyag dang zhabs 'jam zhing gzhon sha chags pa dang / zhabs long bu mi mngon pa'i 'khor du gyur pa ste/ dpe byad kyi long bu mi mngon pa ni long bu chung ngu bzung la mtshan bzang po'i ni de chen po// bzung ngo // kha cig ni mtshan gyi phyi'i long bu ste dpe byad kyi nang gi long bu zhes 'dod do// zhabs mnyam pa dang / zhabs ru sbal ltar gnas pa'i 'khor du gyur pa'o// seng+ge dang / glang po che dang / dang pa dang / khyu mchog dang / g.yas phyogs su dang / mdzes par dang / drang por gshegs pa dang / gom pa snyoms pa rnams ni/ phyag dang zhabs kyi sor me dra bas 'brel pa dang / rting pa yangs pa/
- 119b
rnams kyi 'khor du gyur pa'o// sku 'khril bag chags pa dang / sa byi dor byas pa dang 'dra ba dang / sku rim par 'tsham pa dang / skra gtsang ba dang / sku 'jam pa dang / sku dag pa dang / sku kho lag yangs shing bzang ba dang / sku ma zhum pa dang / sku rgyas pa dang / su shin tu grims pa dang / yan lag rnam par mdzes pa dang / dku zlum pa dang / dku skabs phyin pa dang / dku ma rnyongs pa dang / sku kun nas lta na sdug pa pa dang / kun du spyod pa gtsang ba dang / sku la sme ba gnag bag med pa dag ni sku che zhing drang ba dang / su'i bdun ma tho ba dang / pags pa gser gyi mdog 'dra ba dang / pags pa srab pa dang / dpung mgo zlum pa dang / thal gong rgyas pa dang ro stod seng+ge'i 'dra ba dang / shing n+ya gro d+ha ltar chu zhing gab pa'i 'khor du gyur pa'o// phyal phyung ba dang / phyal ma rnyongs pa dang / dku zlum pa dang / lte ba zab pa dang / lte ba g.yas phyogs su 'khyil ba rnams ni/ 'doms kyi gsang ba sbubs su nub pa'i 'khor du gyur pa'o// dpal be'u dang / bkra shis dang / nya dang g.yung drung khyil pa la sogs pa rnams ni/ mtshan bzang po phyag dang zhabs 'khor lo'i mtshan dang ldan pa dang / phyag dang zhabs dra bas 'brel pa'i 'khor du gyur pa'o// byang chub sems dpa' chen po sa bcu la bzhugs pa rnams dang / thabs gcig tu theg pa chen po'i chos kyi longs spyod kyi dga' ba dang / bde ba kha na ma tho ba med pa nye bar spyod pa'i phyir zhes bya ba 'dis ni mtshan gyi don bstan te// theg pa chen po'i chos ni rtogs pa'i chos so// kha cig na re lung gi chos thun mong ma yin pa yang ston to zhes zer ro// sru 'di'i mtshan nyid kyang 'phags pa klu sgrub kyi zhal snga nas/ rang gi 'byor pa
- 120a
'jig rten las 'das bsam gyis mi khyab legs mdzad rgya'i 'bras// blo can rnams kyi dga' ba bskyed phyir 'khor gyi nang du sna tshogs rgyas par ston mdzad pa// rtag tu dam pa'i chos kyi sgra skad rgya chen 'jig rten kun tu 'phro bar mdzad pa po// sangs rgyas longs spyod rdzogs sku chos kyi rgyal srid gnas pa gang yin de la phyag 'tshal lo zhes gsungs so// de lta bu'i sku 'di ci rtag pa yongs su mya ngan/ las mi 'da' ba zhig gam/ de yang yongs su mya ngan las 'da' bar 'gyur zhe na/ kha cig na re gdul bya gang dag sangs rgyas dkon mchog mi rtag pa'i phyir rtsom pa don med par rtog pa de dag gi phyir 'di rtag pa yongs su mi 'jig pa'i skur brjod cing / rang gi rang bzhin gyi dbang du byas te ni/ 'di yang yongs su mya ngan las 'da' bar 'gyur mod kyi 'on kyang lha'i dbang po brgya byin rnams ni 'chi 'pho ba dang der skye bde dag nyid dang / de bas ches che ba'i lha rnams kyis shes kyi lha yi bu bal pa rnams kyis ni bdag cag gi gnas 'dir lha yi dbang po gcig gi 'bos te/ gzhan zhig lha yi rgyal bar byur zhes bya ba ni rab tu mi shes te/ las kyi me long la sogs pa la lta bas nges par gzhan gyis mi shes par de nyid dam gzhan zhig mtshams sbyor ba ni brgya byin du gyur pa rnams kyi chos nyid du nges pa'o// de bzhin du 'di yongs su mya ngan las 'da' bar yang de bzhin gshegs pa rnams 'ba' zhig gi yul du 'gyur gyi/ sa bcu pa'i byang chub sems dpa' rnams kyi yang yul du mi 'gyur ba'i phyir sku gdung rnam par dbye ba la sogs pa med do zhes 'dod cing / sku 'di mya ngan las 'da' ba'i rgyu yang kye rgyal ba'i sras sangs rgyas bcom ldan 'das rnams kyi chos nyid kyis kyang de bzhin te/ sangs rgyas kyi phrin las thams cad yongs
- 120b
su rdzogs par mdzad de dgongs pa thams cad yongs su rdzogs nas chos kyi 'khor lo shin tu bskor te/ gdul bya thams cad shin tu btul nas byang chub sems dpa' thams cad shin tu lung bstan par gyur te/ mnyam pa med pa'i go 'phangs yongs su mya ngan las 'da' ba chen po yongs su mya ngan las 'da'o zhes gsungs so// zhes zer ro// de dag gis ni legs par ma smras te/ gzhan gang dag las longs spyod rdzogs pa'i sku yongs su mya ngan las 'da' bar bshad pa de dag ni sngar bstan pa ltar/ sprul pa'i sku la longs spyod rdzogs par btags pa'i dbang du byas pa yin gyi/ longs spyod rdzogs pa'i sku ye shes rnam par dag pa'i gzhir gyur pa ni nam yang mya ngan las mi 'di'i skad cig ma'i rgyun can nyid du ni gnas so// sku 'di yang smon lam 'am/ tshogs kyi 'phen pa 'am/ bzhed pa tsam gyis phye ba'i 'og min gyi gnas gcig kho nar mngon par rdzogs par 'tshang rgya ba'i phyir rnam pa rab tu mang po'i longs spyod rdzogs pa'i sku 'og min rnams na gnas pa ni sprul pa'i sku 'ba' zhig rgya chen por snang bar zad do// kha cig ni byang chub sems dpa' ji snyed mngon par rdzogs par sangs rgyas pa rnams longs spyod rdzogs pa'i sku gcig pu zhig gi rang bzhin du zad cing chos kyi sku dang / sprul pa'i sku dang / ngo bo nyid kyi sku yang de ltar gcig tu zad pas sems can rnams ni rnam par shes pa'i rgyad tha dad pa'o zhes bya ba'i sgrub pa 'di sangs rgyas kyi ye shes la ni mtshungs pa ma yin te/ 'o na kyang smon lam gyi dbang gis bdag sems can 'di'i bur gyur te/ sprul pa'i sku byang chub rnyed par gyur pas de dag yongs su smin par byed par gyur cig ces bya ba la sogs pas don mdzad
- 121a
par ni mi 'dra bar gyur to zhes zer te/ 'di lta bu dag ni bdag cag gi spyod yul du ma gyur pas dpyad pa'i rnam par rtog pa ngan pa ci zhig bya ste/ ji ltar bstan pa yang bzod par mdzod cig/ lhag ma rnams ni go sla'o// shAkya thub pa la sogs pa'i gzugs gang gis zhes bya ba la/ dga' ldan nas babs pa la sogs pa don mdzad pa rnam pa bcu gnyis kyi gdul bya yongs su smin par mdzad pa ni rnam par smin pa'i sprul pa'i sku ste/ de la don mdzad pa bcu gnyis ni 'phags pa dad pa'i stobs bskyed pa la 'jug pa'i phyag rgya'i mdo las/ ji skad du dris gcig tu phyogs bcu'i 'jig rten gyi khams rab 'byams thams cad du dga' ldan gyi gnas mchog na bzhugs pa dang / 'chi 'pho ba dang skye ba dang / mngon par 'byung ba dang / dka' ba spyod pa'i sbyor ba dang / byang chub kyi snying por gshegs pa dang / bdud bcom pa dang / mngon par rdzogs par byang chub pa dang / chos kyi 'khor lo rab tu bskor ba dang / yongs su mya ngan las 'da' ba dang / chos nub par ston pa la mkhas pa zhes gsungs pa rnams te/ 'dir chos nub par ston pa yang gdul bya rab tu ma gus pa dag gi chos dang chos smra ba la rten pa'i sdig pa mi 'byung bar bya ba'i phyir sangs rgyas kyi mdzad pa chen po ste/ de'i phyir 'phags pa gser 'od dam pa zhes bya ba theg pa chen po'i mdo las/ sangs rgyas mya ngan mi 'da' zhing // chos kyang nub par mi 'gyur te// sems can rnams ni gdul ba'i phyir// mya ngan 'da' la sogs par ston zhes gsungs so// mtshan nyid 'di las gzhan pa khye'u dang bu mo la sogs pa'i gzugs su snang bas gdul bya yongs su
- 121b
smin par byed pa dang / yang dpag bsam shing dang nor bu rin po che la sogs pa snod kyi 'jig rten du bsdus par sprul yang srid de/ 'phags pa dkon mchog sgron ma'i mdo las ji skad du/ de dag dgon par ljon shing chen por gyur// sman dang rin po che yi gter rnams dang // yid bzhin nor bu 'don 'byin snying po dang // lam go la dong ba rnams la lam ston 'gyur zhes gsungs pas so// de lta bu de dag ni rnam par smin pa ma yin pa'i sprul pa'i sku ste/ 'dir rnam par smin pa'i sgra ni rab tu rgyas pas mi 'dra bar smin pa'i don du brjod par bya ba yin la/ khye'u dang bu mo la sogs pa de dag ni dman par snang ba'i phyir slob pa'i lam gyi gnas skabs dang mi 'dra ba'i shas chung ba'i phyir de dag la de skad ces bya'o// su 'di'i mtshan nyid kyang 'phags pa klu sgrub kyi zhal snga nas/ sems can rnams ni smin par mdzad phyir la la dag tu me 'bar bzhin du gang snang zhing // la lar yang ni rdzogs par byang chub chos kyi 'khor lo rab tu zhi bar gang snang la// sna tshogs thabs tshul rnams kyis rnam pa du mar 'jug cing srid pa gsum gyi 'jigs sel ba// phyogs bcur chub mdzad thub pa rnams kyi sprul sku don chen gang yin de la bdag phyag 'tshal zhes bstan to// dang por 'gro ba bzang po dang bzang po ma yin pa la mngon par zhen pa'i mtshan nyid ces bya ba la sogs pa rnams la/ dang po bzhi ni tshogs kyi lam phal pa'i rang bzhin no// de'i 'og ma lnga ni thar pa'i cha dang mthun pa'i dge ba'i rtsa ba la sbyar ro// de nas gnyis ni sbyor ba'i lam la sbyar ro// lhag ma rnams ni gsal lo// kha cig na re dang po ni tshogs kyi lam mo// de nas lnga ni sbyor ba'i lam gyi rang bzhin no// de nas gcig ni bar chad med pa'i ting nge 'dzin
- 122a
'ba' zhig ste der 'dzin pa spong ba'i sbyor ba yin la/ 'og ma rnams ni gzung ba'i rnam par rtog pa spong ba'i phyir ro zhes zer te/ gzung ba dang 'dzin pa'i don yang phyi rol gyi don dang / rnam par// shes pa nang gi bdag nyid du blta bar bya'o// sngar ji ltar bstan pa'i gzung ba dang 'dzin pa'i rnam par rtog pa rnams ni ma yin te de dag ni sa de dang der 'brel pa'i yin gyi des spong bar ni mi nus te/ de ni 'jig rten las 'das pa'i lam gyi spang ba bya ba yin pa'i phyir ro// de la 'gro ba rab tu zhi ba'i phrin las mdzad nas zhes bya ba la/ 'gro ba ni mi la sogs pa ste/ de dag rab tu zhi ba ni 'dod chags 'bar ba mdzes dga' bo dang / zhe sdang 'bar ba sor mo'i phreng ba dang gti mug 'bar ba ste nga rgyas 'od srungs la sogs te/ de dag kyang rab tu zhi bar bya ba'o// gzhan yang 'phags pa'i gang zag ma yin pa thams cad la thun mong du rab tu spang dka' ba ni 'khrig pa'i 'dod chags yin la de yang bud med gzhon nu rnams ni rab tu shas che ba yin mod kyi sangs rgyas rnams kyis de yang bde bar yongs su spong du 'jug par spyod pa'i phyir na/ 'phags pa klu sgrub kyi zhal snga nas/ shes rab tshul khrims gtong 'byung grags chen dri ma med// lha yul nam mkha' dang ni sa stengs rgyas mdzad nas// sa la mi dang mtho ris na chud mchog bde ba'i// dga' la dga' rnams bzhed dgur rab tu dga' mdzad nas// nyon mongs nyams thag sems can tshogs kyi 'jig skye dang // skye bzhi mdzad rgyal ba'i dbang po nyid rnyed/ nas// 'jig rten las 'das ming tsam zhi la mi g.yo ba// mi bsnyengs nor mi mnga' ba'i go 'phangs brnyes par mdzod ces gsungs so// de ltar 'gro ba'i nyon mongs pa zhi bar gyur pas phrin las
- 122b
dang po mdzad nas 'khor gyi don bya ba'i ngo bo de dag ji ltar dga' ba'i mu tig do shal dang / bza' ba dang bca' ba'i sbyin pas sdud de de yang grol bar byed pa'i chos bstan pa dang / de spyod pa dang / rjes su mthun par bya ba dang / bdag kyang bsgrub pa snying por byed pas sgrub lhur mi len pa dag ni phrin las gnyis pa sbyin pa la sogs pa bsdu ba'i dngos po bzhi la bkod pa ste/ ji skad du 'di dag gi yon tan dang / 'khor sdud pa dang ldan pa rnams/ tshul 'di la ni yang dag brten// kun gyi don kun sgrub byed pas// thabs bzang yon tan ldan pa yin zhes gsungs so// rtogs par mdzad nas zhes bya ba ni spyan par smra ba yun ring du brten cing de bzhin du bsam pa la sogs pa ni nges par blang ba dang de bar bang du chud par nus pa ste phrin las gsum pa'o// gzhan dag gi don byams pa la sogs pa'i mtshan nyid ces bya ba ni ji ltar bsam pa ltar sgrub par rtogs pas na sbru ma mkhan bzhin du rjes su chags pa la sogs pas rnam par dben pa nyid kyis sems can gyi don ces bstan to// sems can rnams bde bar gyur ces bsam pa 'ba' zhig gis chags par 'dzin pa dgag pa'o// de ni blang ba dang dor brtogs nas yang rtogs pa dang mthun par dngos su sgrub pa'i don te phrin las bzhi pa'o// rang gi don ces bya ba ni rang gi don la mngon par zhen pa dang ma bral ba'i phyir ro// 'khor gsum rnam par dag pas rab tu phye ba zhes bya ba ni sngar/ mtshan med rab tu sbyin la sogs// yang dag sgrub la mkhas pa 'di/ rnam pa thams cad rtogs 'di la// thar pa'i cha dang mthun par 'dod ces bstan pa rnams so// rang dang gzhan gyi don gyi mtshan nyid ces bya ba ni srog gcod pa spong ba dang / ma byin par len pa spong ba dang /
- 123a
'dod pas log par g.yem pa spong ba dang / rdzun du smra ba spong ba dang / tshig rtsub po spong ba dang / phra ma spong ba dang / gnod sems spong ba rnams ni gzhan la gnod pa spong ba gzhan gyi don du bsdus la// ngag 'khyal pa dang / brnab sems dang log par lta ba rnams spong ba ni rang la gnod pa spong bas rang gi don bsdus pa 'am/ yang na rang dang gzhan gyi don ces bya ba ni sangs rgyas nyid du bsngos pas nyen thos rnams ltar rang 'ba' zhig gi don ni ma yin gyi gnyi ga'i don du'o zhes bya ba'o// sangs rgyas nyid kyi lam zhes bya ba ni sangs rgyas thob par bya ba la lam dang lam gyi yan lag ji snyed du bstan kyang de dag las gtse bo ni dge ba bcu po 'di dag yin pa'i phyir de skad ces bya'o// dge ba bcu'i las kyi lam la'o zhes bya ba la/ 'di dag rnam par smin pa sdug cing yid du 'ong ba can yin pas na dge ba'o// lus kyi gsum dang ngag gi bzhi dang yid kyi gsum rnams ni bcu'o// las kyi lam zhes bya ba ni/ skad cig gzhan du mi gnas shing // byed med yid kyang gang gis ni// byed dang bcas ltar snang byed pa// sems dpa' de ni yid kyi las// shes bya ba'i tshul gyis na las ni sems pa sems pa de yang brnab sems spong ba dang / gnod sems spong ba dang / log par lta ba spong ba rnams kyi dbang du 'gro zhing / de dag gi lam du 'jug pas na las de'i lam ni de dag go/ lhag ma srog gcod pa la sogs pa bdun ni las kyang yin la sems pa yang dang por 'di dge slong zhing bskyed la de nas kyang 'di dag la brten cing 'jug pas las kyi lam yang yin te/ de skad du dbyig gnyen gyi zhal snga nas/ chos mngon pa mdzod kyi tshig le'u byas pa las/ gsum lam bdun ni las kyang yin zhes bshad la/ las kyi mtshan nyid kyang / de ni
- 123b
sems pa dang des byas/ sems pa yid kyi las yin no// des bskyed lus dang ngag gi las zhes so// de nas chos thams cad rang bzhin gyis stong pa nyid du goms pa la'o zhes bya ba ni mos pa yid la byed pa'i dbang gis goms par byed pa tsam zhig du bzhag gis dngos gzhi ma yin te/ de ni sa rab tu dga' ba la sogs par de kho na nyid yid la byed par bzhag pa'i phyir ro de'i rjes la sbyin pa'i pha rol tu phyin pa la brten nas zhes bya ba ni sbyin pa'i bsod nams kyi las kyi mchog yin/ bsod nams shin tu cher bsags pa'i sems la ji ltar smon pa 'grub pa'i phyir na sbyin pa ni sa dang po der chos kyi dbyings kun tu 'gro ba rtogs pa'i mtshan nyid gnyis su med pa'i chos kyi rgyus te de la sbyor zhes bya ba'i don to// tshogs ni sa dang po'i bsod nams dang ye shes gnyis so// de yongs su rdzogs pa'i rgyur gyur pas zhes bya ba nis rab tu dga' ba la tshogs khyad par can la gnas kyang da dung yongs su rdzogs pa ni ma yin pas de dag yongs su rdzogs par bya ba'i phyir/ sa gnyis pa la sogs pa la tshul khrims la sogs pa'i pha rol tu phyin pa'i chos thams cad yongs su rdzogs par byed cing / de'i tshe yang de dag gi brdar brtags par shes par spyod kyi dngos po 'dzin pa'i tshul gyis ni ma yin pa la 'god do// de bzhin du zhes bya ba ni brdar brtags pa tsam la bltos pa'o// shes pa dang shes bya'i dngos por mngon par ma zhen pa'i mtshan nyid chos thams cad dmigs su med pa'i zhes bya ba ni/ gzung ba dang 'dzin pa'i blo rab tu log pas 'di dag ni dbyer med par chos kyi dbyings sna tshogs snang ba'o zhes bya ba la nges par gyur pa'o// de ltar na shes pa'i phyir rang dang gzhan du 'byed pa med pas rang gi don du mthong bas sems can yongs su smin par byed cing sems
- 124a
can du mngon par zhen pa med pa'i phyir ye shes phrin las dang bcas pa de nyid thabs kyi pha rol tu phyin pa'i stobs so// de la sems can yongs su smin pa ni drod la sogs pa thob pa ste/ shing thog smin pa dang / mo smin pa bzhin du las su rung ba'o zhes bdag gis bla mas lung phog pa'o// de ltar na mdo sde brgyan las kyang bstan to// nyan thos dang thun mang ma yin pa'i byang chub sems dpa'i lam ni shin tu mtshan ma med pa'i dbyings su yang zhugs la 'on kyang de bzhin gshegs pa rnams kyis bskul ba'i mthus yang dag pa'i mtha' mngon sum du ni mi byed pas so// chos thams cad la mngon par zhen pa spangs pa zhes bya ba ni sngar/ rgyal la sogs la chags pa phra zhes bstan pa'i chags pa phra mo yangs 'di las brtsams nas ni/ 'on kyang bsod nams kyi tshogs yongs su ma rdzogs pa'o// gzhan dag ni sa 'og ma la bltos nas mngon par zhen pa spangs par 'dod kyi chags pa phra mo ni sa bcu pa'i bar du ldan par 'dod do// smon lam gyi pha rol tu phyin pa'i mthus byang chub thob pa la'o zhes bya ba la/ 'dir byang chub ni gzugs kyi skur mngon par rdzogs par 'tshang rgya ba'o// de thob pa ni tshogs ma rdzogs pas chos kyi skur mngon par rdzogs par byang chub par mi nus kyi/ gdul bya'i dbang gis gzugs kyi skur mngon par rdzogs par 'tshang rgya ba ni smon lam gyi mthus nus par gyur te/ 'di skad du rgyal ba'i yum par ma las/ shA ri'i bu 'di ltar yang byang chub sems dpa' sems dpa' chen po pha rol tu phyin pa drug la gnas shing sangs rgyas kyi su ci 'a bde'adra ba'i lus su mngon par sprul nas shar phyogs kyi sangs rgyas kyi zhing gad+hA'i klung gi bye ma snyed dag tu dang shing sems can rnams la chas snyan pa la sogs pa gsungs sa// 'on 'phags pas btsum
- 124b
mdo las/ sa bcu pa nas brtsams te smon lam gyi mthus ni dga' ldan nas babs pa la sogs pa'i rim pas mngon par rdzogs par sangs rgyas par gsungs pa ji ltar drang zhe na/ de'i tshe ni sa dgu pa la 'jig rten gyi kham rab tu mang por 'tshang rgya ba'i sbyor ba ston pas 'og ma dag las khyad par du bstan to sangs rgyas kyi zhing sna tshogs rnam par dag pa la bkod nas zhes bya ba la zhing rnams ni yang dag pa'i don du na ye shes kyi snang ba ste/ de'i phyir 'phags pa dri ma med par grags pas bstan pa'i mdo las kyang / sangs rgyas kyi zhing yongs su sbyong bar 'dod pas ni rang gi sems yongs su sbyang bar bya'o zhes gsungs la 'dir yang ye shes kyi stobs kyis zhes gsungs so// de lta bu'i sa bcu'i bdag nyid kyi mtha'i bya ba ni skye ba gcig gis thogs pa la sogs pa gsungs te go sla'o// de nas sgom pa'i lam khyad par can gyi dbang du byas te/ byang chub mtha' dag 'dren par byed/ pa'i chos kyi mtshan nyid byang chub kyi yan lag dang zhes bya ba la sags pa gsungs te/ byang chub mtha' dgani nyan thos dang rang sangs rgyas dang theg pa chen po pa'i byang chub thams cad do// de dag 'dren par byed pa'i chos kyi mtshan nyid ni 'di ltar byang chub kyi yan lag rin po che sna bdun te/ sngar rnam pa'i skabs su bshad pa rnams so// de yang de dag ni mthong ba'i lam yin la/ mthong ba'i lam ni byang chub chen po grub par byed pa mthong ba'i lam zhes bstan pas na de dag la byang chub mtha' dag 'dren par bzhag go/ las dang 'bras bur 'brel pa ni kun rdzob kyi bden pa yin la/ de chud mi za ba'i skad cig ma gcig pa'i mngon par rdzog par byang chub pa des ni ye shes rnam par dag pa bskyed kyi/ bskal pa mang po zhig tu dka' ba byas nas rang gi ye shes rgyun gcod pa ni ma yin pa'i phyir ro// de'i phyir gang dag sangs rgyas kyi sa'i ye shes
- 125a
kun rdzob tu yang med par smra ba de dag gi lta ba dgag par 'di gsungs pa'o// dngos po thams cad ces bya ba ni kun rdzob kyi bden pa rnams so// yang dag pa ji lta ba bzhin du rtogs pa zhes bya ba ni don dam pa'i bden pa las de dag tha dad par mi 'dzin pa'i ngo bo ste ji skad du 'phags pa khye'u snang ba bsam gyis mi khyab pas bden pa gnyis su dbyer med par bstan pa lta bu'o// phyin ci log thams cad ces bya ba ni mdor na bden pa gnyis log par rtogs pa ste/ de dag spang ba ni ji skad du bstan pa'i bden pa gnyis su mi 'dzin pa'i mthu ste/ des na snga ma'i 'bras bur 'di bstan pa'o// de ltar phyin ci log spang ba de yang gang zhig yod par bor ba ni ma yin pas na phyin ci log spang ba gzhi med pa'i ye shes zhes smos te/ gzod ma nas dngos po rnams la phyin ci log phra ba yang med pas na dngos po rnams kyi rang bzhin ji ltar gnas pa zhig des shes par zad de/ de lta bas na sngar 'di la gsal ba ci yang med/ bsnan par bya ba cung zad med// yang dag nyid la yang dag lta// yang na mthong na rnam par grol// zhes gsungs la 'phags pa las kyi sgrib pa rnam par dag pa zhes bya ba theg pa chen po'i mdo las kyang / yul 'di dag ni dug med stong pa ste/ dngos por dmigs pa thams cad gzung du med ces bya ba la sogs pa gsungs te/ don 'di ni rgya cher 'phags pa 'jam dpal gyi man ngag ces bya ba theg pa chen po'i mdo las shes par bya'o// de ltar bstan pa'i tshul gyis yang bzhin gyis yongs su dag pa'i mtshan nyid kyi byang chub sems dpa'i rnam par byang ba zhes gsungs te/ rgyal ba'i sras de'i yon tan de dag rab tu dag cing 'od gsal ba'i rgyu mtshan ni snga ma nyid do// de ltar rnam par dag pa'i
- 125b
yon tan gyi tshogs de dag kyang sangs rgyas kyi sa'i rgyur gnas pa'i phyir dri ma thams cad dang bral ba'i rnam par byang ba'i rgyu'i tshogs zhes smras so// yang lam de la gnas pa ni bdag gi slob pa'i sa 'di yongs su spangs te chos kyi sku 'dus ma byas thob par bya'o zhes mi rtog par ston na ni stong pa nyid kyi ngo bo nyid kyi 'dus byas dang 'dus ma byas tha mi dad par yongs su shes pa la bkod nas zhes bya ba smos/ te// de ltar na 'gro ba rab tu zhi bar mdzad pa nas gzung ste ye shes kyi pha rol tu phyin pa'i bar du ni gnas skabs gong ma gong ma las 'og ma 'og ma rnams tha dad la/ skye ba gcig gis thogs pa'i khyad/ par gsum dang khyad par gyi lam gyi yon tan rnam pa brgyad rang rang gi chos can cig gi yon tan gyi khyad par lnga'o// de bzhin gshegs pa'i sa ni kun tu 'od de/ da ni mi gnas pa'i mya ngan las 'das pa'o// / de la 'god par mdzad pas na phrin las yongs su rdzogs pas thugs la mi mnga' bar gyur pa'i phyir las gzhan de nas ma smras so// 'khor ba ji sred par zhes bya ba ni sngar/ de nyid zad pa med pa'i phyir/ rtag pa zhes kyang nges par brjod ces bstan pa'i tshul gyis so// gal te de ltar bcom ldan 'das thugs rje chen pos phrin las mdzad pa la mngon par brtson pa'i phyir/ sangs rgyas rgyad pa thog ma med pa dag gis sems can dpag tu med pa phung po lhag ma med pa'i mya ngan las 'das pa'i dbyings su snga ma nyid du bkod cing / da ltar dang ma 'ongs pa'i dus su yang de ltar 'god pa mdzad na ci'i phyir 'khor ba tha ma med ce na/ dge slong dag khyed kyis lha yi mig dag pas stong gsum gyi stong chen po'i 'jig rten gyi khams 'di na sems can ji snyed cig gnas pa mthong ba ni ches nyung gis/ ngas shing rta'i phang lo tsam gyi//
- 126a
phyogs na sems can gnas pa rnams mthong ba ni ches mang ngo zhes gsungs pa'i tshul gyis phung po ni rab tu mngal sangs rgyas rnams ni brgya la ma la ni lan 'ga' kho na u dum+ba ra'i me tog bzhin du 'byung ba'i phyir 'di dag zad par bya ba dka' ba'i phyir te/ rdul phra rab re re la yang sangs rgyas dpag tu med par bzhugs pa gang dang gang las bstan pa ni sprul pa'i sku'i dbang dang byang chub sems dpa' dbang thob pa'i yul du byas pa'i phyir ro// gzhan yang gang gi tshe sems can thams cad mngon par rdzogs par sangs rgyas par gyur pa de lta bu'i dus nye bar gnas su chug na yang de dag gi ye shes skad cig ma bde ba chen po rgyun du 'byung ba nyid la 'khor ba zhes bya ba'i phyir yang nyes pa med do// bzhed pas mdzad pa yin no zhes bya ba ni lhun gyis grub par 'byung ba ste/ khyed kyi phrin las ji snyed pa// bzhed pa tsam la rag las te// sbyor 'byung yon tan gcig ma mchis zhes bstod pa lta bu'o// sems bskyed pa dang po na de yang sa gsar zla ba me zhes bya ba la sogs pa'o// tha ma ni 'gro rnams zhi ba'i las dang ni zhes bya ba la sogs pa'o// de dag gi las de ltar bstan pas zhes bya ba ni rang gi gnas skabs kyi bya ba dang / yon tan dang rang bzhin bstan pa'o// go rim bstan pa'i rim pa zhes bya ba ni las dang po pa'i sa nas sangs rgyas kyi sa'i bar du rim pa ma 'khrugs par bstan pas so// lhag ma bar gyi tshig gi don rnams kyi go rim kyang las dang po pa'i sa nas sangs rgyas kyi sa'i bar du ston pa'i dbang du byas pa de dag gis rjes su 'brangs te/ de dag kho na ltar khang du chud par byas te/ de'i dgas pa ni sngar bstan to// de ltar na slob dpon gyi zhal snga nas ci'i phyir 'brel bar de ltar
- 126b
mi ston sum pa la tshig mangs su dogs pas bdag gis ma bris so zhes bya ba gsungs te/ des na tshegs la lta ba 'am/ dgod par mi mkhyen pa ni ma yin gyis dang po nas kyang yum 'di zlos bul/ bur rab tu mang po bung bas dan khong du chud par dka' bar 'gyur na/ gal te dag re re la skabs kyi don mtha' dag bkod na/ de'i tshe yum 'dis gdul bya phal cher khams rab tu 'khrugs par byed pa nyi tshe ba zhig gi yan lag tu 'gyur ba'i phyir ma bkod do// zhes bya ba'i don to// de'i phyir bdag gis kyang 'dir spyad pa ma byas so// skabs brgyad pa'i 'grel bshad rdzogs so// / skabs bsdus pa gnyis kyi don na dang por bshad zin te/ tshig gi don yang go bar sla'o// chung zad du na snga mkhon bzhin du bshad par bya ba yin no zhes bya ba ni skabs bsdus pa rnam par da ba bsdus pa yin du zin kyang / don la ni khyad par bya ba med de/ tshogs chung zad cig bri bar zad do zhes bya ba'i tha tshig go/ da ni gzhung nye bar bsdu ba ston te/ 'phags pa rnam par grol sde yi// mthu yi don mthong sgo nas ni// tshig le'ur byas pa'i 'grel gsal ba// 'di ni seng+ge bzang pos byas zhes bya bar sbyar te ji ltar byas she na/ tshig dang ni dag sogs sbyar ba ma byas par zhes bya bar sbyar te/ de la tshig ni chos rnams kyi khyad par ston par byed pa'o// ngag ni tshig ji snyed pas brjod par bya ba gcig ston par byed pa ste/ ka ba ni byas pa'i phyir mi rtag la de'i phyir de la rang bzhin med do zhes bya ba lta bu'o// sogs pa zhes bya ba ni sdeb sbyar gyi bstan bcos spur blangs te don ston par mtshungs kyang tshig yid du 'ong bar byed pa'i stan dag dag kyang ma
- 127a
sbyar ces bsdu ba'o// de ltar ngag dang tshig dang snyan ngag rnams 'dir ci'i phyir sbyor ba ma mdzad ce na/ go bar sla bar bya ba'i phyir te/ don rgya chen po khong du chud par bya ba'i dus na tshig gi tshogs rab tu mang po bstan pa ni don de khong du chud pa'i bar chad du 'gyur bar snang ste/ de'i phyir 'di gzu bor bstan pas slob ma la bshad pa'i phyogs bstan pa'i khong du chud par sla ba'i yan lag tu byas pa'o// ci 'di gzhan gyis rjes su ma gnang bar byas sam zhe na ma yin te/ mkhan po yang dag rnam snang mdzad// bla ma bzang la phyag 'tshal nas// de dag la gnang ba mnos shing man ngag gi cha gnang ba nas 'di byas zhes bya ba'i don to// kha cig ni 'di ltar mkhan po yang dag rnam snang mdzad ces bya ba ni rje btsun rnam par snang mdzad las snang ba thob par ston pa yin te/ slob dpon 'di ni de'i mngon sum pa yin pa'i phyir ro// bla ma bzang po ni 'phags pa rnam par grol ba'i sde ste/ de dag la phyag 'tshal nas gnang ba mnos te 'di brtsam zhes 'chad par byed do// bde gshegs shes rab ni chos kyi sku'o// mi gsal zhing zhes bya ba ni rjes su dpag pa las 'jug gi mngon sum du yum 'di don dam par ma gyur pas ston pa ste/ ji skad du de la sgro btags gcod byed pa'i// rjes su dpag rnams shes par byed// rnal 'byor dbang rnams mngon sum gsal zhes bstan pa lta bu'o de ltar des ni rtogs pa'i chos khong du ma chud par bstan te/ da ni lung gi chos kyang ma rtogs par byed pa ni bstan bcos kun las thag ring la zhes smos pa'o// de dag kyang gang gi nub mo la dgra bcom pa nges pa dang / sde snod gsum pa slob
- 127b
ma can gnyis mya ngan las 'das pa dang / tshe'i dus byas pa de'i nub mo nub pas/ de phyin cad ni chos kyi gzugs brnyan la spyod pa'i phyir ro// 'o na de dag sus shes zhe na/ bstan bcos rnams kyi don ji lta bu yin pa ni bskal pa mang por bsod nams kyi tshogs bsags pas bdag nyid che ba'i blo can rnams dang / yun ring du dge ba'i bshes gnyen sangs rgyas dang / byang chub sems dpa' rnams kyi man ngag yongs su bzung ba rnams dang / 'phags pa'i skye bo 'phags pa rnam par grol ba la sogs pa de dag gi spyod yul yin no// skye bo mkhas pa rnams ni blo dang ldan pa rnams so// bzod pa mdzod ces bya ba ni bdag la smad pas khyed rnams nyams par ma gyur cig ces dgongs pa 'am/ yang na gzhan gyis 'jigs pas nga rgyal med par ston pa ste/ 'gro ba kun la bran gyur bzhin du gnas par bya zhes gsungs pa'i tshul gyis so// shin tu rgya mtsho'i pha rol ma mthong rgya mtsho'i bya 'dra bdag gis ni// gzhung mchog tshig gi chu gter 'di la 'bad pas rgal bar bsams pa dang // gang gi gting ni rab tu rnyed par dka' bas rab zab ces brjod pa// de yi gting yang bdag gis dman pa bla yis btsal bas 'bad pa yin// de yi dge ba dri med zla zer 'dra ba bdag la gang skyes des// sangs rgyas ye shes 'gro ba'i bshes gnyen dam pa'i dpal du bdag gyur cig/ 'gro ba rnams kyang 'jig rten rgyang pan la sogs gsang tshig 'don pa sogs// nam log nyin dang mtshan du rgyal ba'i yum la gus 'bad gnas gyur cig/ ci'i phyir zhe na/ gzhung gang 'dod chags bral dang mi mthun de rab 'bel// rtsod dang sdang ba'i rtsa ba gcig pu 'gro ba rnams la rab 'tshe'i rgyu/
- 128a
de rten gyur pas ji ltar go 'phang bla med 'gro ba'i gnyen cig 'gyur// de mthong phyir na bdag ni yum 'dir gzhol phyir smon lam brtson par byed// dper na rin chen mang pos gang ba'i gling du song ba'i blo nyams pa'i// tshong pas nor bu rin thang med pa bor te mching bu nor bu len// de bzhin rgyal ba skyed ma rin thang med pa'i nor bu bor nas ni// gcer bu'i gsang tshig dag dang nyi tshe'i theg pa dag la brtson byed smad// shes rab kyi pha rol tu phyin pa'i man ngag gi bstan bcos mngon par rtogs pa'i rgyan gyi tshig le'ur byas pa'i 'grel bshad tshig rab tu gsal ba zhes bya ba/ yul chen po bi da lar skyes pa'i slob dpon mkhas pa chen po pa/ grub pa'i mtha' rab 'byam la mkhyen pa'i snang bas khyab pa/ theg pa chen po dbu ma'i slob dpon dpal chos kyi bshes gnyen zhes bya ba'i zhal snga nas mdzad pa rdzogs so// // rgya gar gyi mkhan po chen po a b+hi yug ta kad ta ra shrI ma tra dang / bod kyi lo ts+tsha ba dge slong chos kyi shes rab kyi dad pas bsgyur cing zhus te gtan la phab pa'o// @#// / shes rab kyi ro phyin pa 'a dan grus gro bden sus paN+DI b+hangs mdad pa bkrugs/ rgya gar skad du/ pradz+nyA pA ra mi tA bin+d+har+tha nA ma/ bod skad du/ shes rab kyi pha rol tu phyin pa'i don bsdus pa zhes bya ba/ dang por yum la dang ba bskyed pa'i don du mkhyen pa gsum gyi yon tan gyi sgo nas yum la phyag 'tshal ba bstan to// de nas 'phags pa byams pa bdag nyid bstan bcos don lnga dang ldan par ston par bzhed pas dgos pa bstan to// dgos pa ni gnyis te/ brgyad pa'i sgo nas dang / dngos kyi dgos pa'o// blo dang ldan pa byang chub sems dpa' rnams kyis rnam pa thams cad mkhyen pa nyid kyi lam mngon sum du byed par 'gyur ro zhes bya ba ni rgyud pa'i dgos pa'o// bde blag tu rtogs pa ni rtsom pa'i dngos kyi/
- 128b
dgos pa'o// de nas tshigs su bcad pa bco lngas shes rab kyi pha rol tu phyin pa'i lus rnam par bzhag pa bstan to// de la dang po gnyis kyis mdor bstan la/ bcu gsum gyis ni cung zhig rgyas par bstan to// mda' tshig le'ur byas pa dang po gnyis kyis shes rab kyi pha rol tu phyin pa kun mngon par rtogs pa brgyad du bsdus par bstan to// de la gnyis te/ grangs nges pa dang / go rim nges pa'o// de la grangs nges pa ni mngon par rtogs pa brgyad ni rgyu dang 'bras bu'i bdag nyid kyis rnam pa gnyis so// rgya ni dmigs pa dang bcas pa'i skyer ba'i bye brag gis mngon par rtogs pa rnam pa bdun yin la/ brgyad pa ni 'bras bu'o// mkhyen pa gsum ni dmigs pa bstan pa'o// lhag ma mngon par rtog pa bzhi ni sbyor ba'o// 'bras bu ni chos kyi sku'o// de la bdun tsam gyis ni mi rdzogs la/ dgu phan chad ni 'bras bu med pas grangs nges pa'o// go rim nges pa ni 'bras bu la brod pa bskyed pa'i don du rnam pa thams cad mkhyen pa nyid dang por bstan to// de nyid la ma goms pa las 'byung bas de'i rjes la ma shes pa bstan to// de nyid mi mthun pa'i phyogs spong ba'i bdag nyid yin pas spang bya gzhi shes de'i rjes la bstan to// 'bras bu thams cad mkhyen pa thob par 'dod pas bsgrub pa nyams su blang dgos pas/ de yang las dang po pa'i gnas skabs nas yin pas las dang po pa'i gnas skabs su go cha'i sgrub pa'i bdag nyid rnam pa kun mngon par rdzogs par rtogs pa zhes bya ba go rim gyi sbyor ba'o// de nyid mthar thug pa las 'jug pa'i bsgrub pa'i bdag nyid rtse mo'i mngon par rtogs pa zhes bya ba rab kyis sbyor ba'o// rtse mo de nyid dbang du bya ba'i phyir ram/ nyams na gso ba'i don/ tshogs kyi sgrub
- 129a
pa'i bdag nyid mthar gyis pa zhes bya ba go rims kyi sbyor ba'o// de nyid mthar thug pas nges par 'byung ba'i srub pa'i bdag nyid skad cig ma gcig la mngon par rtogs pa zhes bya ba mthar phyin pa'i sbyor ba'o// de'i skad cig ma gnyis pa la 'bras bu chos kyi su 'byung bas brlad pa la 'bras bu chos kyi sku mdzad pa dang bcas pa'o// de ni go rim nges pa'o// don brgyad po de yang bsdus na rnam pa gnyis te/ rgyu dang 'bras bu'o// yang na rnam pa gsum ste/ dmigs pa dang / sbyor ba dang 'bras bu'o// de la dang po gsum ni dmigs pa'o// de'i sbyor ba dang / rab dang / go rim dang / mthar phyin pa zhes bya ba'i bye brag gis rnam pa kun mngon par rdzogs par rtogs pa la sogs pa bzhi ni sbyor ba'o// chos kyi sku ni 'bras bu'o// de la mngon par rtogs pa brgyad du nges par bstan pa ni dbang po rtul po dang 'bring gi dbang du byas pa'o// rnon po la ni drug gis chog go/ sgrub pa bzhi lam dang sbyar na go cha sbyor ba'i lam/ 'jug pa mthong ba'i lam/ tshogs sgom pa'i lam/ nges par 'byung ba sgom pa'i lam gyi khyad par gyi lam gyis bsdus mdor na rnam pa kun mngon par rdzogs par rtogs pa la sogs pa mngon par rtogs pa bzhi'i ngo bo nyid do// rnam pa kun mngon par rdzogs par rtogs pa tshogs kyi lam gyi bsdus pa ma yin na mi/ ci ltar go cha sbyor ba'i lam yin zhe na/ go cha'i sbyor ba ni sbyor ba'i lam gyi gnas skabs su rdzogs pa la dgongs pas na sbyor ba'i lam zhes brjod do// de bzhin du 'jug pa dang / tshogs dang / nges par 'byung ba ni mthong ba dang sgom pa dang khyad par gnas skabs su rdzogs pas na lam de dag gi rang bzhin du brjod do// de na
- 129b
mdor na bstan pa'i tshigs su bcad pa gnyis kyi don to// dan brgyad po de yang ra nas bstan pa'i phyir dang por rnam pa thams cad mkhyen pa nyid ni don bcus bstan te// de la so so'i rgyu ba dang / nyan thos dang / rang sangs rgyas kyi sems bskyed las khyad par du byang chub tu sems bskyed pa dang / sems bskyed pa mngan sum du bya ba'i don du'am 'phel bar zla ba'i don gyi phyir gdam dag go/ gdam ngag gi sgo nas sems bskyed pa ci ltar 'phel zhe na/ gdom ngag yod na byang chub tu sems bskyed pa la dad pa dang / spro bas brtson 'grus dang / byang chub kyi sems la sems rtse gcig tu skye ba 'byung bas na ting nge 'dzin dang / byang chub kyi sems yang nas yang du dran pa 'byung bas na dran pa dang / byang chub kyi sems ji lta ba bzhin shes pa'i shes rab la sogs pa thar pa'i cha dang mthun pa dang / de bzhin du rim pa bzhin du 'byung bas de ltar na gdam ngag gi sgo nas sems bskyed pa 'phel ba yin no// gdam ngag dang ldan pa las dang po pa dang stobs kyi bdag nyid kyi dang pa la sogs pa skye ba nges par 'byed pa'i yan lag rnam pa bzhi bstan to// de lag nub shing gtsubs pa'i gnas skabs su dang po grang ba'i reg pa sel mi nus pa'i dro ba tsam 'byung ba bzhin du ma dad pa la sogs pa bas stobs chung ba'i dad pa la sogs pa lnga ni drod ces bya'o// mnyam par gyur pa'i gnas skabs na ni rtse mo zhes bya'o// drod dang rtse mo'i gnas skabs kyi dad pa la sogs pa lnga ni mya ngan las 'das pa la dbang byed pa dang / spang bya spong mi nus pa'i phyir dbang po lnga zhes bya'o// ma dad pa la sogs pa bas stobs che ba'i gnas skabs na ni bzod pa zhes bya'o// ma dad pa
- 130a
la sogs pa ma lus par spong nus pa'i gnas skabs na ni 'jig rten pa'i chos kyi mchog ces bya'o// bzod pa dang chos mchog gi gnas skabs na ni ma dad pa la sogs pa 'joms nus/ pas stobs zhes bya'o// sems bskyed pa la sogs pa'i chos de dag kyang rigs dang ldan pa la skye bas bsgrub pa'i rten theg pa chen po'i rigs bstan to// rigs dang ldan pa de la sgrub pa nyams su/ blangs pa las/ 'byung bas sgrub pa nyams su len pa'i dmigs pa bstan to// nyams su len pa de yang 'bras bu med par ma yin pas chos kyi sku'i dbang nyid kyi 'bras bu ched du bya ba rnam pa gsum bstan to// 'bras bu thob par bya ba'i lam la nan tan du bya dgos pas spro ba'i brtson 'grus kyi go cha'i sgrub pa bstan to// go bgos pa las 'jug pa 'byung bas 'jug pa'i sgrub pa bstan to// 'jug pa dang ldan pa las bsod nams dang ye shes kyi tshogs 'byung bas tshegs kyi sgrub pa bstan to// chags bsags pa las nges par 'byung ba'i sgrub pa 'byung bas nges par 'byung ba'i sgrub pa bstan to// mdor na sgrub pa rnam pa bzhi ni rnam pa kun mngon par rdzogs par rtogs pa la sogs pa sbyar ba bzhi'i bdag nyid de/ de ni rnam pa thams cad mkhyen pa nyid do// byang chub sems dpa' rnams kyis lam thams cad shes par bya dgas pas dang por nyan thos byang chub sems dpa'i lam shes pa sangs rgyas kyi 'od kyi lha rnams kyi rnam smin gyi 'od zil gyis mnan pa la sogs pa rnam pa lnga ni lam shes pa'i sbyor ba'o// de ltar snod du rung ba la sogs pa rnam pa lnga dang ldan pas lam thams cad shes par bya dgos pas dang por nyan thos dang rang sangs rgyas kyi lam bstan/
- 130b
to// 'di dang gzhan pa'i yon tan gyi sgo nas byang chub sems dpa'i mthong ba'i lam bstan to// de'i yon tan phyir mi ldog pa gzhan gyi yon tan ni skye ba snga phyi'i shes rab po// nges par 'byed pa'i cha dang mthun pa ci ste ma smos shes na/ skabs dang por smos zin pas na 'dir ma smos so// 'o na mthong ba'i lam yang smos zin pas na 'dir/ ci ste zho na/ ma yin te/ de bzhin gshegs pa rnams kyis ni chos nyid kyi rnam pa'i tshul gyis gzigs la/ byang chub sems dpa'i rnams kyis ni gnyen po'i tshul tsam du shes pas/ skabs dang po mthong ba'i lam las logs shig tu byang chub sems dpa'i mthong ba'i lam bstan to// nges par 'byed pa'i yan lag ni las dang po pa'i sas bsdus la/ las dang po pa'i gnas skabs na ni gnyis ka yang khyad par med pas logs shig tu ma byas so// des ni sngar ma thob pa thob pas na mthong ba'i lam bstan to// thob pa khyad par du 'gro ba ni sgom pa'i lam yin pas na sgom pa'i lam bstan to// mdor bsdus na rnam pa gnyis te/ zag pa dang bcas pa dang zag pa med pa'o// de la zag pa dang bcas pa ni sbyor ba dang dngos dang mjug gi bye brag gi mos pa dang bsngo ba dang rjes su yid rang ba gsum yin la/ zag pa med pa ni sgrub pa dang shin tu rnam dag gnyis so// de ltar na sgom pa'i lam rnam pa lnga'o// ci'i phyir byed pa logs su ma smos she na/ byed pa dang bcas pa'i dbye ba rnam pa lnga yin pas logs shig tu ma smos so// bstod pa dang bkur ba dang bsngags pa ni mos pa rang dang gzhan dang gnyi ga'i bye brag gi rnam pa gsum la gsum yin pas mos pa ni gnas skabs logs shig tu ma smos so// ci ltar
- 131a
bos pa re re la chung ngu la sogs pa'i bye brag gi rnab pa nyi shu rtsa bdun du 'gyur ba de bzhin du mos pa dgu tshan gsum la bstod pa dang bkur ba dang bsngags pa dang / dgu tshan gsum du 'gyur bas/ de nyi shu rtsa bdun du 'gyur ro// de ltar sgom pa'i lam ni rnam pa lnga'o// lnga po de dang de dag nyid sa gang dang gang gis bsdus she na/ mos pa ni sa gnyis pa dang gsum pa dang / bzhi pas bsdus so// bsngo ba ni sa lnga pa dang drug pa dang bdun pas bsdus so// rjes su yi rang ba ni sa brgyad pa dang dgu pas bsdus so// sgrub pa dang shin tu rnam par dag pa ni sa bcu pas bsdus so// ci'i phyir mos pa rnam pa gsung zhe na/ de la rang gi don du mos pa ni chos kyi sku thob par byed pa'i rgyu mtshon yin la/ gzhan gyi don du mos pa ni sprul pa'i sku thob par byed pa'i rgyu mtshan yin te/ gnyis ka'i don du mos pa ni longs spyod rdzogs pa'i sku thob par byed pa'i rgyu mtshan yin pas mos pa ni rnam po gsum mo// mos pa dang bsngo ba dang rjes su yi rang ba ni las dang po pa'i gnas skabs na yang yod pa ma yin nam/ ci'i phyir sgom lam la de gsum bzhag ce na/ mtshan nyid pa ni sgom pa'i lam na yod pas sgo ba lam du smos so// byang chub sems dpa' rnams kyi lam gyi mi mthun pa'i phyogs bstan pa'i phyir nyan thos rnams kyi thams cad shes pa nyid bstan to// de la dngos su ni blang bar bya ba yin pas byang chub sems dpa'i lam blang bar bya bar ston la/ nyan thos kyi lam ni dar bar bya ba yin pas de'i shugs la ston to// de la sangs rgyas dang byang chub sems dpa' rnams ni stong pa nyid rtogs pa'i shes rab kyis srid pa ste 'khor ba la mi gnas/ snying rjes zhi ba ste mya ngan las 'das pa la mi gnas so// zhes bstan/
- 132a
pa'i lam ni ma bstan te/ sngon mthang ba' lam yang gzhan gyi dan du ma yin napa/ de bzhin du nyan thos kyi sdum pa'i lam yang gzhan gyi dan du ci ste mi ston zhe na/ bden mod kyi sdom pa'i lam ni dngas su byang chub thab pa'i rgyu mtshan yin pas byang chub sems dpa' rnams kyang nyan thos kyi byang chub zab par 'dod pa na dam bcas pa nyams pa'i dgas par 'gyur bas skam pa'i lam ni ma bshad do// de ltar na mkhyen pa gsum dmigs pa'i yul bstan nas/ 'bras bu thams cad mkhyen pa thob par byed pa'i sbyar ba las dang po'i sa bsdus pa rnam pa kun mngon par rtogs pa'i sbyor ba bstan par bya ste/ de la mkhyen pa gsum gA'i rnam pa kun mngan par rtogs pa ni gnyis te/ sa so'i gnas skabs kyis bsdus pa dang / rnal 'byer pa'i rgyud kyis bsdus pa'o// de la so so'i skye bo'i rgyud kyis bsdus pa'i rnam pa ni rjes su dpag pas shes la/ rnal 'byor ba'i rgyud kyis bsdus pa'i rnam pa ni rnal 'byor gyi mngon sum gyi shes so// de la so so'i skye bo'i rgyud kyis bsdus pa'i rnam pa ni rgyu yin la/ rnal 'byor ba'i rgyud kyis bsdus pa'i rnam pa ni 'bras bu'o// don bcu gcig po thams cad dang po gtan la 'bebs pa dang / sgrub pa nyams su len pa'i bye brag gis tshol ba'i sbyor ba dang sgrub pa nyams su len pa'i sbyor ba zhes bya ba rnam pa gnyis su 'gyur ro// de la dang po sems ma bskyed pa'i gong rol nas rnam pa zhes bya ba nas thabs mkhas pa'i bar du shes par byed pa ni yongs su 'tshal ba'i sbyor ba'o// shes nas de thams cad nyams su len pa ni nyams su len pa'i sbyor ba'o// de la dang po mkhyen pa/
- 133a
nyid shes pa tsam yin la/ rtags dang rtags can las sbyor ba skyes par shes pa ni thar pa'i cha dang mthun pa dang / nges par 'byed pa'i cha dang mthun pa dang ldan pa'i skyes bu las 'byung // de ltar sbyar ba dang ldan pa'i skyes bul phyir mi ldag pa'i tshogs bstan/ nges 'byed ma thob pa'i dus na ni sems mi brtan la/ nges 'byed thob yan chad ni sems brtan pa thob pa 'byung bas phyir mi ldog pa zhes bya'o de la zhing dag pa ni bar chad med pa'i ting nge 'dzin thab par byed pa'i rgyu yin no// thabs la mkhas pa ni log par rtog pa sel ba'i rgyu yin no// 'o na nges par 'byed pa'i cha dang // mthun pa skabs 'og ma gnyis la ci'i phyir ston zhe na/ chung ngu dang 'bring dang chen po'i bye brag gis 'di dang 'og ma gnyis te gsum ga la bstan to// mdor na las dang po pa'i gnas skabs na lam thams cad ni thabs dang thabs las byung ba shes pa dang / lam thams cad kyi sbyar ba nyams su len pa ni rnam pa kun mngon par rdzogs par rtogs pa zhes bya'o// de ltar na rnam pa kun mngon par rdzogs par rtogs pa'i gnas skabs su lam thams cad kyi sbyor ba nyams su blangs pa ni de'i sbyor ba ces bya'o// rnam pa kun mngon par rdzogs par rtogs pa mthar phyin pa las de'i rab ces bya ba'i rtse mo'i mngon par rtogs pa 'byung bas rtse mo'i mngon par rtogs pa bstan pa de la rnam pa kun mngon par rtogs pa'i skabs su lam nyams su blangs pa sa lam thams cad rdzogs pa 'byung ba na rtse mo'i mngon par rtogs pa zhes bya'o// de la dang por rtse mor phyin pa'i rtags bstan/ de'i 'og tu bsod nams kyi tshogs rnam par 'phel ba bstan/ de'i 'og tu bstan
- 134a
pa'i bye brag gis ga ma bzhin dus dgul rnam pa dgu yin la/ de spang ba la ltas te skam pa'i lam yang rnam pa dgu yin no// da las dgu ni 'dod pa'i khams dang / bsam gtan bzhi dang / gzugs med pa'i snyoms par 'jug pa bzhi ste dgu'o// dal snyam pa'i lam chung ngus ni nyan mongs pa chen pa spang ngo // de bzhin du gnyen pa'i chung ngu'i chung ngu la sogs pa'i rim pas nyon mongs pa chen pa la sogs pa rim pa ste spong // de la nyin mongs pa ni 'jug pa'i thugs kyinan can la sogs par dril yang chan pa la sogs pa'i rim pas dgu dgu yin la/ de bzhin du gnyen po yang chung ngu'i chung ngu la sogs pa'i rim pas dgu dgu yin te/ de ltar ni skam pa'i lamani sum du rtsa drug tu 'gyur ro// de'i 'og tu bar chad med pa'i ting nge 'dzin ces bya ba sgom pa'i lam gyi khyad par gyilam bstan te// khyad par kyil ma gyi gnas skabs na lag par rtag pa kun snang ba la ga N+DIg sil ba bstan tu// de la rgyu 'bras kyi rim pa ni rnam pa kun mdun par rdzogs par rtogs pa'i nges 'byed rnams rtse ma'i rtags la sogs pa rnam pa bzhi'i sbyar ba'o// phyir mi lhag pa ni mthong bskam pa'i sbyar ba'o// zhing dag pa ni bar chad mdang po'i ting nge 'dzin gyi sbyosbyar ba'o// thabs mkhas pa ni log rtogs sel ba'i sbyar ba'o// rtse ma zhes bya ba rab kyi sbyar ba bsten nas de nyid dbang du bya ba'i phyir ram/ nyams na phyi rags par bya ba'i phyir mthar gyis pa zhes bya ba'i ga rim gyi stor ba'o// de la sngar ni lugs dang mthun pa dang / thaMd gal gyi snyoms par 'jug pa 'tshal ba zhes nyams su blangs pa'o// mthar gyis pa'i skabs su ni pha rol tu
- 135a
chos kyi sku 'byung bas de'i 'og tu chos kyi sku bstan pa de la sangs rgyas kyi sku ni ngo bo nyid dang longs spyod rdzogs pa dang sprul pa dang chos kyi sku ste rnam pa bzhi'o// de la ngo bo nyid kyi sku ni rang bzhin rnam par dag pa'o// chos kyi sku ni dri ma rnam par dag pa'o// longs spyod rdzogs pa'i sku ni sa bcu'i mnga' bdag rnams dang / lhan cig tu chos kyi longs spyod la spyod pa'o// sprul pa'i sku ni nyan thos la sogs pa la snang la gzugs sna tshogs kyis rtag tu sems can gyi don byed pa'o// de yang chos kyi sku las 'byung bas chos kyi sku mdzad pa dang bcas pa zhes bya'o// de ltar ni sku rnam pa bzhi'o// kha cig/ ni ngo bo nyid dang chos kyi su gcig pas na su ni gsum kho na yin no zhes zer ro// de ni ma yin no// ngo bo nyid kyi skul mdzad pa med pas na mdzad pa dang bcas pa zhes bya ba mi 'thad par 'gyur ro// des na mdzad pa dang bcas pa zhes gsungs pas su ni rnam pa bzhi nyid du bzhed pa yin no// de ltar na skabs brgyad do// de la skabs brgyad kyi rim pa ni gnyis te/ bstan pa'i rim pa dang / skye ba'i rim pa'o// de la bstan pa'i rim pa ni rnam pa thams cad mkhyen pa nyid 'bras bu dang por bstan nas rgyu phyis 'chad pa'o// skye ba'i rim pa ni de'i sbyor ba dang / de rab dang / de'i go rim dang / de'i mtha' zhes bya ba'i bye brag gis rnam pa kun mngon par rdzogs par rtogs pa la sogs pa sbyor ba bzhi ni sngar bstan la/ 'bras bu chos kyi sku ni phyis bstan to// de la skabs brgyad gang zag gcig gis nyams su blang ba'i rim pa ni mkhyen pa gsum thos pa'i shes rab kyis nges par byas nas/ de nyid rnam pa kun mngon par rdzogs par rtogs pa yongs su 'tshol ba'i dus su rnam pa nas thabs mkhas pa'i bar du lam dang / lam gyi rim pa kun
- 135b
bsam pa'i shes rab kyis gtan la phab nas/ sems bskyed pa man chad chos mchog yang chad dal ma kun gyi sbyor ba nyams su blangs pa ni rnam kun mngon rdzogs so// rnam pa kun mngon par rdzogs par rtogs par lam thams cad kyi rim pa kun sbyor ba nyams su blangs pas lam kun rdzogs pa ni rtse ma'o// de' nyams nags pa'am mnyams kyang dbang du bya ba'i phyir ga rim bzhin bskam pa ni mthar gyes pa'o// de ltar go ribs bzhin du bsgoms pa las skad cig ma gcig la mngon par rdzogs par byang chub pa 'byung ba'o// de nyid kyi skad cig ma gnyis pa la 'bras bu chos kyi sku 'byung ngo // de ni nyams su len pa'i rim pa'o// shes rab kyi pha rol tu phyin pa'i don bsdus pa/ rgya gar gyi mkhan po ku mA ra shI b+ha dri'i zhal snga nas mdzad pa rdzogs so// // paN+Di ta de nyid dang / lo tsA ba bkra shis rgyal mtshan gyis bsgyur ba'o// @#// shes rab kyi pha rol tu rkyen pa ldang ba chags su de pa'i dga' 'bre 'dzub pon tu dzin brjod par rdzogs sa// rgya gar skad du/ sany+tsa ya gA thA pany+tsi ka/ bod skad du/ sdud pa tshigs su bcad pa'i dka' 'grel/ bam po dang po// thams cad mkhyen pa la phyag 'tshal lo// rgyal ba'i dbang po dang ni bde gshegs sras dang dge sbyong tshul tsam 'dod pa rnams// 'bras bu dam pa dang ni rgyu dang dman pa'i yid kyis 'jug pa'i bye brag gis// rnam pa thams cad mtha' dag lam dang shes bya kun shes gang gi pha rol mchog/ 'gro 'gyur yum der yun rings btung nas 'khrul spangs blo yis de 'grel rgyas par bya/ ma lus 'gro ba'i rtsa lag 'khrul pa'i dri ma bral ba yi// blo can rnams kyi 'bad pa skyed de 'di rgyan mdzad mod kyi// de nyid phyir na bdag kyang 'di la nges par 'jug rigs te// mkhas rnams zhugs pa'i lam ni
- 136a
chen po nyid du mi 'gyur min// de la yang dag par sdud par byed pas rgyas pa la dad pa rnams kyi dbang du mdzad nas rgyu dang 'bras bu phun sum tshogs pa rnam par dag par bya ba'i phyir thams cad mkhyen pa nyid gsum gyi skabs kyis bcom ldan 'das ma shes rab kyi pha rol tu phyin pa rgyas par bshad pa yang tshigs su bcad pa dag gis rgyas par rab tu ston pa la zlos pa la sogs pa'i nyes pa bsal bar 'dod nas/ de nas yang zhes bya ba la sogs pa smras so// de nas yang zhes bya ba ni rgyas par bstan pa'i mjug thogs su 'am/ 'khor shes rab mdor bsdus te bstan pa mnyan par rung bar thugs su chud ma thag tu ste/ tshig gi phrad 'di ni spyir na de ma thag brjod par bya ba yin pa'i phyir ro// rnam pa gcig tu na yang zhes bya ba'i sgra ni 'dir tshig gi rgyan yin par blta ba'o// bcom ldan 'das zhes bya ba ni bdud bzhi bcom pa'i phyir ram/ dbang phyug la sogs pa'i yon tan dang ldan pa'i phyir ro// skal zhes bya ba'i sgra ni dbang phyug la sogs pa brjod par byed pa yin te/ dbang phyug dang ni gzugs bzang dang // grags dang dpal dang ye shes dang // brtson 'grus phun sum tshogs ldan pa// drug po dag la skal zhes bshad ces gang bshad pa yin no// de la bcom ldan 'das kyi dbang phyug phun sum tshogs pa ni de bzhin nyid rnam par dag pa rnam par rtog pa'i bag chags ma lus pas dben pa'i bdag nyid yin te/ rang dang gzhan gyi don 'grub pa ni des rab tu phye ba'i phyir ro// gzugs bzang ba phun sum tshogs pa ni de las gzhan pa'i ye shes kyi 'byung gnas yin pa nyid kyi phyir me long lta bu'i ye shes yin te/ bcom ldan 'das kyi rang bzhin ni ye shes 'dir mtshan nyid gcig pa'i phyir ro// grags pa dang dpal phun sum tshogs pa ni
- 136b
mnyam pa nyid kyi ye shes yin te/ thugs rtse ba la sogs pa'i yon tan rin po ches rab tu phye ba'i phyir 'gro ba thams cad la phan pa bskyed par bzod pa nyid kyis grags pa phun sum tshogs pa mtha' dag gi yang dag pa'i rten yin pa'i phyir dang / dpal dang ldan pa'i phyir ro// ye shes phun sum tshogs pa ni so sor rtog pa'i ye shes yin te/ dngos po thams cad phyin ci ma log par yongs su gcod pa'i bdag nyid yin pa'i phyir ro// brtson 'grus phun sum tshogs pa ni brtson 'grus kyis pha rol tu phyin pa rnam par dag pas rab tu bye ba bya ba sgrub pa'i ye shes yin te/ yon tan rin po che thun mong ma yin pa de lta bus brgyan pa'i bcom ldan 'das bde bar gshegs pas/ tshigs su bcad pa 'di dag bka' stsal to zhes bya bar sbyar ro// 'di smom pa yang tshigs su bcad pa dag gis shes rab bstan pa la mgus pa dag yongs su spang ba'i phyir ro// de lta ma yin te de las gzhan pas bstan na log par bstan par dogs pas ma dad par 'gyur yang bcom ldan 'das ci zhig ston cing tshigs su bcad pa dag bka' stsal ce na/ yang shes rab kyi pha rol tu phyin pa 'di ston zhing de'i tshe tshigs su bcad pa 'di dag bka' stsal to// zhes bya ba gsungs te/ sngar rgyas par bstan pa gang dag yin pa de dag nyid ces bya ba'i tha tshig go/ shes rab ni spyir chos rab tu rnam par 'byed pa yin no// de'i pha rol ni mos pas spyod pa'i gnas skabs na ni chos thams cad bdag med par yid ches pa yin no// rab tu dga' ba la sogs pa'i gnas skabs na ni rtog pa thams cad kyi dben pa yin no// de lta bas na gang dag de lta bu'i pha rol de'i bdag nyid du gyur pa de dag ni shes rab kyi pha rol tu phyin pa yin no// de dag ston cing zhes bya ba ni gang zag la sogs pa'i
- 137a
rnam par rtog pas dben par sgrogs shing ngo // mos pas spyod pa la yod pa'i shes rab kyi pha rol tu phyin pa ni rnam par rtog pa'i ngo bo yin pa'i phyir/ tshigs su bcad pa thos ma thag tu gdul bya'i skye bo'i rgyud gzhung lugs kyis 'du byed skyed pa can dag la skye bas rab tu ston pa ma yin nam/ 'jig rten las 'das pa ni de ltar ma yin te/ de ni rnam par rtog pa las 'das pa'i ngo bo yin/ pa'i phyir dang thos mi thag tu yang mi skye ba'i phyir ro// de lta ma yin no sgom pa don med par thal bar 'gyur ro// thos pa tsam gyi mjug thogs su 'khrul pa dang bral ba'i ye shes skye na ni sgom pa don cung zad kyang rgyas par mi byed de/ gal to thos pa tsam gyis don mthong bar 'gyur na sgom pa don med 'gyur zhes gang bshad pa lta bu yin na de ji ltar khyad par med par shes rab kyi pha rol tu phyin pa 'di ston cing zhes brjod ce na/ de ni de lta ma yin te/ bdag med par yid ches pa ni 'jig rten las 'das pa dang cig shos kyi gnas skabs dag tu khyad par rtog pa med par skye ba'i phyir ro// 'di ltar rnal 'byor pa 'jig rten las 'das pa'i sa mngon du byas pa rnams la yang langs pa'i tshe de kho na nyid 'di ni bcom ldan 'das kyis ji skad bshad pa de kho na ltar yin no zhes rnam par rtog pa'i blo zos pa dang rtogs pa tha dad par rtog pa med pa can 'byung ba kho na'o// de lta bas na rnam par rtog pa de lta bu 'jug pa las bltos te tha snyad kyi sgo nas shes rab bla na med pa rab tu ston pa la 'gal// ba ci yang med do// rtog pa'i skyon bsal ba'i ye shes ni yang dag par na bsgoms pa'i dbang kho nas 'byung bas bsgom pa 'bras bu med pa yang ma yin no// sngon gom pa yongs su bsgoms
- 137b
pa'i sems dang ldan pa rnams la ni shes rab kyi pha rol tu phyin pa bstan pa thos ma thag pa kho nar rnam par mi rtog pa'i ye shes skye ba'i phyir de bstan pa dngos su yang mi 'gal te/ shes rab kyi pha rol tu phyin pa'i bstan pa 'di bshad pas na byang chub sems dpa' drug khris mi skye ba'i chos la bzod pa thob par gyur to zhes bya ba la sogs pa gang gsungs pa lta bu yin no// yang ci'i phyir sngar yang rgyas par bstan zin pa 'di ston zhe na/ 'khor bzhi po de dag ces bya ba la sogs pa gsungs te/ de dag ces bya ba ni sngar bdag med pa bstan pa'i dbang du mdzad pa dag nyid yin gyi gzhan dag ni rung ba ma yin pa'i phyir ma yin no zhes bstan pa'i phyir ro// 'khor bzhi po zhes bya ba ni dge slong dang dge slong ma dang / dge bsnyen dang dge bsnyen ma rnams te/ 'di tsam kho nas gdul bya'i skye bo gtso bo kun nas bsdus pa'i phyir ro// yang na rab tu byung ba'i phyogs bcom ldan 'das kyis bstan pa'i lhag pa'i tshul khrims kyi bslab pa dang / ldan pa 'am/ dkon mchog gsum la skyabs su 'gro ba la sogs pa khas blangs pas khyim na gnas pa'i phyogs thabs la mkhas pa dpe med pas gzugs la sogs pa'i yul nye bar spyad pa zil gyis non pa zhig bcom ldan 'das ma thos pa dang bsam pa la sogs pa'i rim gyis bsgrub par 'gyur gyi dbang du bya ba ma yin pa'i phyir gzhan ni ma yin pas lhag par ma smos so// yang dag par dga' bar mdzad pa'i phyir zhes bya ba ni mdor bsdus te bstan pa la mos pa rnams kun tu dga' bar mdzad pa'i phyir zhes bya ba'i tha tshig go/ rnam pa gcig tu na gang zhig de kho na nyid gzigs pas gzhung rgyas pa 'di snyed gcig gis bstan pa'i don
- 138a
gang yin pa de da tshigs su bcad pa nyung ngu zhig gis rab tu bstan to zhes bcom ldan 'das gsung la mnga' ba nyid du rtogs nas gus pa dang bcas pa'i sems dang ldan pa rnams kyi dga' ba gang yin pa de ni yang dag par dga' ba yin te/ 'di ni mos pas spyod pa'i sa na yod pa'i 'jig rten pa yin no// 'jig rten las 'das pas ni shes rab mdor bsdus te bstan pa'i sgo nas gzhung rgyas pa/ la mngon par zhen pa spangs pa don la gzhol ba'i sems dang ldan pa tshig gis don nyung shas shig gi rjes su 'brangs te 'gro ba mtha' dag bdag med par sgom par byed pa rnams kyis rab tu dga' ba la sogs pa dang ldan par 'gyur ba yin no// de lta bas na tshig 'dis ni shes rab kyi pha rol tu phyin pa ni brjod par bya ba yin no// de gsal bar byed pa ni dngos su dgos pa yin no// yang dag par dga' bar bla na yod pa dang bla na med pa ni brgyud pas yin no// de dag gi thabs dang thabs kyis bsgrub par bya ba'i mtshan nyid kyi 'brel pa ni tshigs su bcad pa nye bar len pa la shugs kyis bstan par khong du chud par bya'o// yang 'dir brjod par bya ba ni shes rab kyi pha rol tu phyin pa yin gyi gzhan ni mi yin no zhes bya ba 'di yang ji ltar shes tshigs su bcad pa de dag kyang gang yin zhe na/ dga' dang gus dang dad pa'i mchog ces bya ba la sogs pa gsungs te/ dga' ba ni dam pa'i chos la dga' ba'o// gus pa ni chos smra ba la sogs pa la zhes byed pa'o dad pa ni theg pa chen po mnyan pa la sogs pa'i 'bras bu la mngon par yid ches pa ste de'i skabs yin pa'i phyir ro// mchog ces bya ba ni thams cad dang 'brel pa'i phyir 'di dag thams cad chen po'i yang chen po'o// nyer gzhag ste/
- 138b
zhes bya ba ni nye bar bzhag ste'o// 'di skad du dad pa dang mi ldan pa'i dam pa'i chos nyan pa'i mi mthun pa'i phyogs ni gnyis yod de dam pa'i chos la sdang ba dang ma gus pa'o// de dag gi gnyen por 'di gsum nye bar bzhag nas bcom ldan 'das ma mnyan par bya'o zhes bshad pa yin no// tshul bzhin yid la byed pa'i sgrub pa dang 'gal ba'i chos rnams yongs su spangs nas zhes bstan pa'i phyir/ sgrib pa nyon mongs pa gsal nas zhes bya ba la sogs pa gsungs te/ sgrib pa nyon mongs zhes bya ba ni slob pa dag nyid don phyin ci log par 'dzin pa'i bgegs byed pa nyid kyis gnod par byed pa'i phyir 'dod pa'i 'dun pa la sogs pa'i sgrib pa'i bdag nyid kyi nyon mongs pa dag yin te de dag bsal nas zhes bya bar sbyar ro// dri ma las 'das pa zhes bya ba ni shin tu kun tu mi spyod pa'i phyir sbyin pa la sogs pa chos dkar po dang 'gal ba ser sna la sogs pa'i dri ma dag las grol ba zhes bya ba'i don to// la la las ni dri ma rab zhi ba zhes 'byung ste/ der ni dri ma zhes bya ba'i sgra tshig snga ma dang sbyar ro// rab zhi zhes bya ba ni nyan pa dang mthun pa'i spyod lam la rnam par gnas pa zhes bya ba'i tha tshig go/ de lta bas na de lta bu dag gi shes rab kyi pha rol tu phyin pa mnyan par gyis zhes bya bar sbyar ro// shes rab kyi pha rol tu phyin pa de yang ni// dngos po brgyad kyis yang dag bshad// rnam kun mkhyen nyid lam shes nyid// de nas thams cad shes pa nyid// rnam kun mngon rdzogs rtogs pa dang // rtse mor phyin dang mthar gyis pa// skad cig gcig mngon rdzogs byang chub// chos kyi sku dang de rnams brgyad// ces bya ba yin no// de la shes rab bsgrub pa'i dgongs pa mthar thug pa ni sems bskyed pa
- 139a
la sogs pa rgyu dang 'bras bu'i rnam pa mtha' dag yongs su gcod pa'i ngo bo yin pas rnam pa thams cad mkhyen pa nyid yin no// de yang sems bskyed pa dang / gdams ngag dang / nges 'byed yan lag rnam bzhi dang // sgrub pa yi ni rten gyur pa// chos kyi dbyings kyi rang bzhin dang // dmigs pa dag dang ched dang ni// go cha 'jug pa'i bya ba dang // tshogs ni nges par 'byung bcas rnams// thub pa'i rnam kun mkhyen pa nyid// ces bya ba yin te/ bcom ldan 'das ci'i slad du rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas kyi lags/ rab 'byor rnam pa gang dag dang rtag gang dag dang mtshan ma gang dag gis chos rnams rab tu bstan pa'i rnam pa de dag dang rtags de dag dang mtshan ma de dag de bzhin gshegs pas thugs su chud de des na rnam pa thams cad mkhyen pa nyid ni de bzhin gshegs pa'i yin no zhes brjod do zhes gang gsungs pa yin no// de la nyan pa po'i skye bo nyan thos la sogs pa las khyad par du 'phags pi sgo nas sems bskyed pa bstan pa'i phyir/ 'gro don mngon zhugs zhes bya ba gsungs te/ 'gro ba'i don ni ci rigs par byang chub gsum thob pa yin no// de'i phyir mngon par zhugs pa ste/ sbyin pa la sogs pa dge ba'i chos la zhugs pa dag yin na shes rab kyi pha rol tu phyin pa mnyan par gyis shig gzhan du na chos kyi rnam pa thams cad rtogs pa med par gzhan gyi don bya bar mi 'thad pa'i phyir ro snyam du dgongs pa yin te/ shA ri'i bu 'di la byang chub sems dpa' chos thams cad rnam pa thams cad rnam pa thams cad du mngon par rdzogs par byang chub par 'dod pas
- 139b
shes rab kyi pha rol tu phyin pa la brtson par bya'o// zhes bya ba la sogs pa gang rgyas par gsungs pa yin no// rang gi don la brtson pa rnams la yang bcom ldan ma 'di 'dod pa'i 'bras bu 'byung ba'i rgyu mtshan du 'gyur ba ma yin nam 'di ltar nyan thos kyi sa la slob par 'dod pas kyang shes rab kyi pha rol tu phyin pa 'di nyid mnyan par bya'o zhes bya ba la sogs pa gsungs na de ji ltar 'gro don mngon zhugs zhes bya zhe na// nges pa'i shes rab pha rol tu phyin ces bya ba gsungs te/ 'di skad du shes rab kyi pha rol du phyin pa bstan pa'i 'bras bu ni gtso bor rnam pa thams cad mngon par rdzogs par byang chub pa yin la de yang byang chub sems dpa' rnams kho na'i yin te gzhan dag la ni de'i 'bras bu mngon par rdzogs par byang chub pa'i skabs med pa'i phyir ro zhes bshad pa yin no// shes rab kyi pha rol tu phyin pa 'di ji ltar na byang chub sems dpa' rnams kho na yin ji zhig ni khyad par 'phags snyam pa la/ gang la dpa' rnams spyod ces bya ba gsungs te/ gang la zhes bya ba ni shes rab kyi pha rol tu phyin pa la'o// spyod pa zhes bya ba ni sa dang pha rol tu phyin pa goms pa'i khyad par gyi 'jug pa'o// dpa' rnams shes bya ba ni byang chub sems dpa' rnams te/ bdud la sogs pas zil gyis mi non pa'i phyir ro// 'di skad du gang la bde bar gshegs pa'i sras rnams 'jug pa de nyid de dag gi thun mong ma yin pa'i lam yin la de yang shes rab kyi pha rol tu phyin pa'i mtshan nyid yin te/ de nyid kyi nang du de las gzhan pa'i pha rol tu phyin pa rnams 'dus pa'i phyir te de bzhin du 'chad par 'gyur ro zhes brjod pa yin no// rnam pa gcig tu na shes rab kyi pha rol tu phyin pa gang la byang chub sems dpa' rnams spyod pa/
- 140a
de ni de dag gi thun mong ma yin pa nyid du sbyar bar rig par bya ste/ de yang 'gro ba mtha' dag bdag med pa'i rnam pa'i spyod yul can yin no// mi rtag pa la sogs pa'i rnam pa tsam gyi spyod yul/ ni ma yin te de ni shes rab kyi pha rol tu phyin pa ltar btsos pa'i ngo bo yin no snyam du dgongs pa yin no// nyan thos kyi sa la slob par 'dod pas kyang zhes bya ba la sogs pa gsungs pa gang yin pa de ni byang chub sems dpa'i lam 'di nyid byang chub mtha' dag yongs su gcod pa'i rgyu yin pa nyid kyis che ba'i bdag nyid brjod pa'i phyir ro// kha cig na re nyan thos la sogs pa'i byang chub kyi gnas skabs su ni shes rab kyi pha rol tu phyin pa snying rje chen po la sogs pa'i thabs dang bral ba yin par blta bar byas te nyan thos la sogs pa'i sa'i rgyu ni chos thams cad bdag med par yid ches pa thabs kyi pha rol tu phyin pa dang bral ba kho na yin pa'i phyir ro// gang yang shes rab kyi pha rol tu phyin pa 'di nyid la bslab par bya'o zhes bya ba khyad par med par gsungs pa de ni 'dir chos thams cad bdag med pa yid ches pa tsam la bltos pa'i phyir te byang chub sems dpa' rnams kyi de kho na nyid yid la byed pa ni thabs dam pas zin pa'i phyir nyan thos kyi yid la byed pa las tha dad pa yin no// zhes brjod do// gal te byang chub sems dpa' rnams kyi lam nyan thos la sogs pa dang thun mong ma yin na de ji ltar btsun pa rab 'byor la sogs pa byang chub sems dpa' la 'doms par zhugs gdam ngag gi de kho na nyid ma mthong ba ni phal cher gdam dag kha na ma tho ba med par byed par bzod pa ma yin te/ de lta ma yin na rdzogs pa'i sangs rgyas dang nyan thos dag gzhan gyi don bya ba la khyad par
- 140b
med par 'gyur ba'i phyir ro zhe na/ de spang ba'i phyir 'dzam+ba'i gling 'dir chu klung ji snyed ces bya ba la sogs pa gsungs te/ ji snyed ces bya ba ni ji snyed yod pa'o// chu klung ni gang+gA dang pak+Shu dang san+ni dang sI ta zhes bya ba bzhi ste de dag nyid ma dros pa las 'byung ba'i phyir ro// 'bab pa zhes bya ba ni rgyan gyis 'bab pa'o// ci zhig byed ce na/ me tog ces bya ba la sogs pa gsungs so// me tog dang 'bras bu mang ba'i sman dag dang nags tshal gang dag yin pa ste de rnams skyed byed ces bya ba ni skyed par byed cing / sgrub par byed ces bya ba'i don to// ci zhig la rten ce na/ klu dbang ces bya ba la sogs pa gsungs te/ 'di skad du gang gi phyir klu dbang klu rnams kyi bdag po ma dros pa zhes bya ba gang yin pa de la brten nas chu bo de dag 'bab pa de'i phyir ni klu'i bdag po de kho na'i mthu dpal te mthu phun sum tshogs pa yin no zhes bshad par 'gyur ro// de dang 'dra bar rgyal ba'i nyan thos pa dag ji snyed chos ston dang zhes bya ba la sogs pa la rgyal ba'i nyan thos pa dag ces bya ba ni rab 'byor la sogs pa'o// chos ni gang gis rtogs pa'i rgyu mthun pa bstan pa'i mtshan nyid dag go/ ston ces bya ba ni bstan pa'i sgo nas so// 'chad ces bya ba ni bshad pa'i sgo nas so// brjod pa zhes bya ba ni de gtan la 'bebs pa'i sgo nas so// rig pa dag dang zhes gang gsungs pa ni bltos pa dang bya ba byed pa dang chos nyid dang 'thad pa'i mtshan nyid bzhi dag dang ldan par zhes bya bar yin no// de bstan pa'i 'bras bu bstan pa'i phyir/ mchog 'phags bde ba byed dang zhes bya ba gsungs te/ mchog ni phung po dang bcas
- 141a
sus sgyu sa shu sus smra sa / pa ga / rgyu gas g+sa/ sbyin sa tha nga bas bsgru nas su byung / bshad pa grus bla / man yin gyi nyid ces pa sogs pa 'arnam yin da nga dbang med pa'i phyir de dwag bya nus th+yab lA~M sags pa'idu dgapa da / sa b+hA pal 'bras bur dgas rtag sgrubs rab tu chub na yang de dag par dab ma rlabasams pa yin te/ yangasus sa pa'i gyur/ rgyal bas rbAs nI la ga de stan pa sa bya ba lnga sogs pa gsangs so// mad gdugs myur rgyal bsan+na m+mu gleng ga la sogs pas sna pa'i / du pagang dag yin pa dgas pam ldan 'das kyi grub pa ba 'gyur la sogs pas zlas pa la stegs pa'i sa bsgrubs te/ dedag pa nas bu smran sa kA gas pa ba ga su rgyu rnams la sbyin par byed pa d+ma'i b+h+ri la ldan 'das kyimany+dzu len gyi de dag nyid kyi bdag mayin te/ bcam du 'das kyi meng ba dpa gas rnam pa thams ca yongs su shes pa yang sa thod pa'i gyur ro// banam ldan 'das rnams ni ma yin te/
- 141b
med pa nyid du srid pa tha ma'i gnas skabs na rnam pa thams cad dang ldan pa de kho na nyid thugs su chud pa'i phyir ro zhes bya ba yin no// byang chub sems dpa'i lam gang yin pa de la ni nyan sras kyi tshul 'bras bu dang bcas pa rab tu ston par byed pas bcom ldan 'das kyi thugs kyi byin gyi brlabs kyi thugs kyi mnga' 'di ni mchog yin par gsal ba kho nar khong du chud par b+hum+b+ha/ dI bla na san mye nga 'drug pa'i dag nyid kyi rnams pa ni// 'di shegs pa nam dka 'dre par byed pa nyid kyi chubs sa thams cad kyi lam thun mong ma yin pa'i ngo bo nyid yin pa'i phyir byang chub kyi sems bskyed pas shes rab kyi pha rol tu phyin pa kho na la rnal 'byor du bya'o zhes bstan nas/ 'di nyid du mngon par 'dod pa'i 'bras bu 'thob pa'i gtso bo'i bya thabs nye bar ston pa'i rang bzhin mthong ba dang sgom pa'i lam la gdams pa bstan pa'i phyir/ gang la shes rab pha rol phyin mchog mi dmigs shing zhes bya ba la sogs pa gsungs te/ byang chub sems dpa' gang la zhes bya ba rnam par bskur te sbyar ro// shes rab ni 'gro ba thams cad bdag med par rtogs pa'i mtshan nyid do// de nyid delas gzhan pa'i pha rol tu phyin pa bas mchog tu gyur pa'i phyir pha rol tu phyin pa mchog yin no// de dmigs pa ni gang zag la sogs pa dang 'brel pa nyid du'am 'dzin pa la sogs pa'i rnam
- 142a
nyid du mngon par zhen pa ste/ de med pa zhes bya bar sbyar ro// byang chub sems dpa' yang gang zag la sogs pa'i rdzas dang phung po la sogs par btags pa'i bdag nyid du yang mi dmigs so// byang chub sems dpa' gang la mthong ba dang sgom pa'i lam gyi gnas skabs dag na de la skrag pa med pa'i bdag nyid chos kyi dbyings kun tu 'gro ba rtogs pa yod pa de la gdam ngag dang rjes su bstad pa yin te/ dben nyid rtags pa dang da ma zla bar bya ba dad du khar thus nas rgyu na cig ga sbyin tu yinan// 'du sa du na ba sa dpa srung ba la sngags pa la gas sa can la sogs par lta ba ma bsal nas bla na med pa'i byang chub mngon du bya mi nus te/ de ni nyon mongs pa dang shes bya'i sgrib pa'i bag chags thams cad las rnam par grol ba'i ngo bo yin pa'i phyir la sems can la sogs par lta ba yang nyon mongs pa mtha' dag gi gnas kyi ngo bos de'i mi mthun pa'i phyogs kyi ngo bo nyid yin pa'i phyir ro// de lta bas na byang chub sems dpas re zhig sems can tu lta ba bdag gis 'di bsgrub par bya'o snyam la bdag dang gzhan du shes pa'i bdag nyid dge ba dang cig shos su tha snyad gdags pa'i rjes su 'brang ba gang yin pa de yang gnyen po'i sgo nas bsal bar bya'o// de ma bsal na mi sdug pa la sogs par mos pa yid la byed pa tsam gyis ni de la rag las te 'byung ba'i nyon mongs pa'i rigs gtan nas bsal bar mi nus pa'i phyir ro// zhes brjod par 'gyur ro// gzhan/ yang / ting 'dzin 'jig rten na ni skom mod kyi// de yi bdag gi 'du shes mi 'jig na// de la nyon mongs yang rab 'khrugs 'gyur te// lhag spyod 'dir ni ting 'dzin bsgom pa bzhin// zhes gsungs pa lta bu
- 142b
yin no// bdag tu lta ba'i gnyen po ni bdag med pa'i lta ba yin te/ de ni bdag med pa la sogs pa'i spyod yul can yin pa nyid kyis de dang 'gal ba'i phyir ro// gal te 'di gnyis phan tshun dmigs pa 'gal pa'i phyir 'gal bar 'dra ba ma yin nam 'di la gang lhag pa ci zhig yod na des na bdag med par lta ba kho na sems can du lta ba'i gnyen por bzhag la/ 'di ni de'i gnyen po ma yin zhe na/ de ni ma yin te/ sa can ma sogs pa m+b+ha ba ni darigs pa med pa'i gyu// la ga ga zugs pa rjes du po lamag sa las pag gas pa gan kyi gas pa rbA thAg sbyin n+tu/ phung po la sogs pa zhig yin par 'gyur grang / gang zag gi rdzas la dmigs pa nyid gcig yin na yang sems can du lta ba mngon sum gyi mtshan nyid dam rjes su dpag pa'i bdag nyid gcig yin par 'gyur grang na/ de la re zhig 'di mngon sum ni ma yin te/ sngon po la sogs par sdang ba bzhin du mig la sogs pa'i rjes su 'gro ba dang ldog pa'i rjes su mi byed pa'i phyir dang yongs su mi gsal ba'i rnam pa can yin pa'i phyir ro// dbang po'i byed pa la mi bltos par skye ba'i shes pa mi gsal bar snang ba can ni mngon sum yin par 'os pa ma yin te/ de lta ma yin na shes pa thams cad mngon sum nyid du thal bar 'gyur ro// 'di ni sngon po mthong ba na sngon por rtog pa'i blo bzhin du bdag gzhan mthong ba'i rjes su 'gro ba yin pa'i phyir rnam par rtog pa'i bdag nyid kyi mngon sum yang ma yin te/ lus la sogs pa kun du rig pa las ma gtogs par bdag gi rnam par mi rtog pa'i phyir ro// gal te 'di ni bdag gi lus la sogs pa yin no zhes tha dad par shes pa'i phyir tha dad pa
- 143a
rab tu grub pa yod do zhe na/ ma yin te shes pa tsam 'jug pa la mngon sum gyi tha snyad mi srid pa'i phyir te/ de las gzhan pa las tha dad pa sngon po la sogs pa rnam pa yongs su gsal bar/ mthong ba la 'di ni ser po la sogs pa la tha dad pa yin no zhes bya bar shes pa ni mngon sum gyi tha snyad kyi yul can yin par 'gyur ro// de lta ma yin te/ shes pa tsam mngon sum nyid yin na ni rtog pa thams cad mngon sum gyi tha snyad kyi yul can yin pa'i phyir 'khrul pa 'am ma 'khrul pa cung zad kyang med par 'gyur ro// de lta bas na/ lus la sogs pa kun tu rig pa las bdag tha dad par ma grub na tha da pa'i blo 'khrul pa yin no// 'di ni bdag gis mthong ngo blta'o blta bar bya'o snyam du shes pa'i mngon sum dus gsum gyi rjes su 'gro ba sgrub par byed pa yin yang bsal ba yin te/ dus la sogs pas so sor nges par khyad par du byas pa'i bde ba la sogs pa'i gnas skabs las ma gtogs pa rjes su 'gro ba'i bdag nyid gcig po mi snang ba'i phyir dang / snang ba rnams kyang rjes su 'gro ba med pa'i phyir ro// / shes pa yod pa tsam la ba dag tu shes pa yang mngon sum gyi tshad ma ma yin no// rtags med pa'i phyir rjes su dpag pa yang ma yin te/ don lkog tu gyur pa la rtags kyis bskyed pa'i shes pa ni rjes su dpag pa yin na bsgrub par bya ba'i bdag la ni rtags cung zad kyang med do// gal te dran pa la sogs pa rtags yin no zhe na/ ma yin te/ de dag bdag mngon sum du ma gyur pa dang / 'brel pa mi rtog pa'i phyir dang tshad mas gnod pa'i yang phyir ro// dran pa la sogs pa dang gis 'jig pa'i ngo bo nyid du gyur pa'i rang bzhin rnams ni rang gis mi 'jig pa'i ngo bo nyid du kun brtags pa'i bdag dang de'i bdag/
- 143b
nyid du mi rung ba'i phyir// phan tshun 'gal ba'i bdag nyid rnams kyang gcig pa nyid yin na ni tha dad pa cung zad kyang med pas 'gro ba mtha' dag tha dad pa dang tha dad ma yin pa'i tha snyad med par thal bar 'gyur ro// dran pa la sogs pa bdag gi 'bras bu yang ma yin te/ rim gyis skye ba dang ldan pa'i phyir ro// rgyu ba dag rtag pa gcig pa'i ngo bo yin pas rim pa dang mi ldan pa la ni de tsam la pa/ las te 'byung ba'i 'bras bu rim can du rig pa ma yin no// gal te nang gi bdag lhan cig byed par rim pa dang ldan pa nye bar bltos nas rang gi 'bras bu skyed pa la rim pa kho nas byed pa'i phyir 'bras bu rim can yin no zhe na/ ma yin te rtag pa nyid kyis phan pa byar med pa ni de las gzhan pa la bltos pa med pa'i phyir ro// phan pa bya ba nyid yin na yang phan pa ni de dang tha mi dad pa'i ngo bo yin pa'i phyir de byas na bdag byas par thal bar 'gyur te/ de lta na yang bdag rtag pa nyid ma yin no// phan pa bdag dang tha dad pa nyid gcig yin na ni dran pa la sogs pa bzhin du 'brel/ pa mi 'thad la/ thug pa med par yang thal bar 'gyur ro// de lta bas na bdag phan pa zhes bya ba 'brel pa med pa dngos po gzhan la phan 'dogs pa'i lhan cig byed pa nye ba la mi bltos pa ni rim gyis byed pa dang bral ba'i phyir de tsam la rag las pa'i dran pa la sogs pa cig car 'byung bar 'gyur ro// de lta na ni skad cig ma gnyis pa la sogs pa 'dod chags la sogs pa nyes pa'i rgyun med pas 'gro ba ma lus pa 'bad mi dgos par mya ngan las 'das pa'i phun sum tshogs pa yang dag par thob par 'gyur te/ 'dod chags la sogs pa yang bdag gis bskyed par bya ba yin
- 144a
pa'i phyir bstan ma yin pa de dag kyang cig car kho nar 'byung ba'i phyir ro// de lta na yang bdag mi rtag pa nyid yin te/ sngon dran pa la sogs pa skyed par byed pa'i de byed pa skad cig ma byin/ chad de mi byed pa'i phyir ro// de'i tshe ni dngos po yang ma yin pa nyid der dngos po'i mtshan nyid ni don byed nus pa yin pa'i phyir ro// zla ba gnyis la sogs par snang ba phyi rol gyi gzugs nyid du don byed pa dang bral ba dag dngos pa nyid du ma grub pa'i yang phyir ro// 'dis ni phung po la sogs pa yang rtag pa'i phyogs nyams pa'i phyir bdag tu lta ba'i dmigs pa nyid yin pa bkag par khong du chud par bya ste/ 'og nas de dag gcig pa nyid la sogs pa'i mtshan nyid du mi 'thad pa'i phyir ro// zhes kyang bshad par bya'o// da ni bdag la sogs pa med na ji ltar thams cad la 'di ni bdag go 'di ni bdag gi'o zhes bya ba ba'i tha snyad 'jug rnal 'byor pa zad pa dang mi skye ba shes pa thob pa rnams kyi bdag gi zag pa zad do zhes bya ba la sogs pa'i blo yang ji ltar rab tu 'grub ce na/ de ni de lta ma yin te/ bdag la sogs pa dang sems can du lta ba la sogs par 'brel pa med pa'i phyir ro// gang zhig gang dang 'brel par rab tu 'grub pa de kho na de bsal na 'byung bar mi 'gyur ba yin na ba dag tu lta ba la sogs pa ni bdag dang 'brel par yang ma grub bo zhes phal cher bstan zin to// de skye ba la phung po la sogs par snang ba ma brtags gcig pun dga' ba ni ji ltar mthong ba bzhin rgyu yin pa nyid do// de nyid la dgongs nas bcom ldan 'das kyis kyang de dang de las dge slong dag gang su dag bdag go zhe'am bdag gi'o zhes yang dag par rjes su lta ba de dag ni nye bar len pa'i phung po lnga po 'di dag kho na la yang dag par rjes su
- 144b
blta'o zhes gsungs so// gal te phung po la sogs pa bdag la sogs pa'i ngo bo ma yin na de ji ltar bdag la sogs pa'i blo'i yul yin zhe na/ de nyid kyi phyir de'i blo'i yul med pas 'khrul pa yin no// de lta ma yin te yul yod pa nyid cig yin na shes pa thams cad la 'khrul pa dang cig shos kyi tha snyad mi 'thad do// gal te 'di 'khrul pa yin na ji ltar de kho na nyid mthong ba dag 'jug ce na/ ma yin te/ de dag ni de'i mtshan nyid la kun tu rmongs pa med pa'i phyir ro// ngo bo gzhan yongs su 'dzin par lhag par zhen pa las bltos nas 'khrul par mngon par 'dod pa'i shes pa dag 'khrul par rnam par bzhag gi rang gi ngo bo la ltos nas ni ma yin te/ rang gi ngo bo ji lta ba bzhin nyams su myong ba'i bdag nyid kyi rang la sgro 'dogs pa med pa'i phyir ro// de lta bas na rnal 'byor pa sems kyi 'jug pa mtha' dag rang gi rnam pa tsam yongs su 'dzin pa dang ldan par lta ba rnam kyang rnam par rtog pa 'byung ba'i tshe rgyu 'ga' zhig gis bdag dang bdag gi zhes bya ba la sogs pa'i rnam par rtog pa 'jug pa la nyes pa med pa kho na'o// gal te bdag la sogs pa 'di thams cad yang dag par med mod kyi 'on kyang byang chub sems dpa' shes rab kyi pha rol tu phyin pa la goms par byed pa dang ldan pas byang chub mngon sum du bya dges so// de mi dmigs pa na ni de goms pa yang mi srid pa'i phyir te de lta bas na de shes rab kyi pha rol tu phyin par blta bar bya dgos pa kho na'o zhe na/ de ni de lta ma yin te/ byang chub sems dpa' gang zag la sogs pa'i bdag nyid du med na de dang 'brel pa'i shes rab kyi pha rol tu phyin pa yang med pa'i phyir dang gzung ba la sogs pa'i rnam pa'i mtshan nyid dang mi ldan pa'i yang phyir ro// de goms pa ni de'i mtshan nyid la kun tu rmongs pa med pa dang ldan pa rnams la kun rdzob tu 'gal ba med pa
- 145a
kho na'o zhes phal cher bstan zin to// // de lta bas na gnyen po de lta bu goms pa'i sgo nas mthong ba'i lam nyon mongs pa'i bag chags thams cad 'gal ba 'dzin pa la sogs par rtog pas dben par mtshan nyid gcig pa yang dag par skyes na gang zag la sogs par rtog pa'i rgyan spong bar 'gyur ro zhes bstan nas/ byang chub sems dpa' yang dag pa'i gdams ngag la gnas pa la// thos pa la sogs pa'i rim gyis mngon par 'phel ba'i thar pa'i cha dang mthun pa dag las rnam par mi rtog pa'i ye shes kyi me'i snga ltas yin pa'i phyir nges par 'byed pa'i cha dang mthun pa dro bar gyur pa skye bo zhes bstan pa'i phyir/ byang chub sems dpa' mi dmigs zhes bya ba gsungs te/ byang chub sems dpa' gang la byang chub kyi sems smon pa dang 'jug pa'i bdag nyid mi rtag pa la sogs pa'i bye brag gis tha dad pa dmigs shing mngon par zhen pa med pa zhes bya bar sbyar ro// 'di ni mtshon pa med par zad kyi snang ba thob pa'i ting nge 'dzin gyi gnas skabs na dngos po thams cad brjod pa'i rjes su 'jug par rtogs pas gzugs la sogs pa'i phung po'i rnam pa thams cad la yang mngon par zhen pa med pa'i phyir/ 'di ni dad pa la sogs pa'i dbang po chung ngus rab tu phye ba'i phyir dro bar gyur pa chung ngu yin par lta bar bya'o// 'bring ni de skad thos nas rmongs pa med cing mi skrag pa zhes bya ba yin te/ rmongs pa ni yang dag par ma rtogs pa'o// skrag pa ni 'jigs par lta ba nyid do// gang la de nyid med pa ste/ de kho na nyid tshad ma dang mi 'gal zhing tshe ba med pa dbang po 'bring po'i mos pas yul du byas pa'i phyir ro// chen po ni byang chub sems dpa' de ni bde gshegs shes rab spyod ces bya ba yin te/ spyad ces bya ba ni skye ba
- 145b
dang 'gal ba la mngon par zhen pa sel ba'i sgo nas yul du byed pa'o// bde gshegs shes rab ni gang zhig skye ba la sogs par mngon par zhen pa'i gnyen po yin pa'i phyir ro zhes bya ba'i tha tshig go// de lta bas na 'dis ni nyan thos la sogs pa'i dro bar gyur pa las byang chub sems dpa'i dro bar gyur pa snang ba thob pa'i ting nge 'dzin gyi mtshan nyid khyad par bzhis khyad par du 'phags par bstan te/ dmigs pa'i khyad par gyis ni dngos po thams cad mi rtag pa la sogs pa'i rnam par dmigs pa'i phyir ro// rnam pa'i khyad par gyis ni brjod pa tsam du rtogs pas de la mngon par zhen pa med pa'i rnam pa can yin pa'i phyir ro// yongs su 'dzin pa dang rgyu nyid kyi khyad par dag ni bde bar gshegs pa la sogs pa thams cad kyis yongs su 'dzin pa dang byang chub gsum gyi rgyu rnam par dag pa'i ngo bo'i mtshan nyid 'og nas 'byung ba dag 'dir yang blta bar bya'o// nyan thos la sogs pa'i dro bar gyur pa ni phal cher phung po la sogs pa tsam la dmigs pa dang mi rtag pa la sogs par mngon par zhen pa'i rnam pa can dang / bde bar gshegs pa la sogs pa yongs su 'dzin pa dang bral ba dang bdag nyid kyi nyon mongs pa tsam gyi gnyen po yin pa'i phyir/ rang gi byang chub tsam gyi 'bras bu can yin te/ de bzhin du nges par 'byed pa'i cha dang mthun pa lhag ma rnams la yang tsa rig par khyad par bzhis shes par bya'o// de ltar re zhig gtso bor gang zag la sogs pa'i dngos por rtog pa dngos su bsal nas gzugs la sogs pa'i dngos por rtog pa bsal ba'i sgo nas dro bar gyur pa'i mjug thogs su rtse mor gyur pa snang ba mdzad pa'i ting nge 'dzin gyi ngo bo nyid dbang po shin tu
- 146a
mchog tu gyur pa'i gnas skabs bstan pa'i phyir ro// gzugs med ces bya ba la sogs pa gsungs te/ gzugs la sogs pa ni sdug bsngal dang kun 'byung gi bden pas yang dag par bsdus pa yin no// bsdus pa'i don ni byang chub sems dpa' de la rtse mo'i gnas skabs na gzugs la sogs par snang ba sems tsam gyi rnam pa gnyis kyi rdul phra rab la sogs pa'i gzugs mi rtag pa la sogs pa'i rnam pa can yang gnas te dmigs pa'i yul rdul tsam yang yod pa min pa 'am mi snang ste de ni yang dag par rigs pa dang lung gi sgo nas mi 'thad pa'i phyir ro zhes bya ba yin no// gzugs la sogs pa ni gcig dang du ma'i ngo bo nyid dang bral ba'i phyir te/ 'di ltar de dag thog ma dang dbus dang tha ma la sogs pa'i bye brag gis yan lag du ma'i ngo bo nyid du snang ba'i phyir dang de la ma gtogs pa'i yan lag can la sogs pa gcig pu yang mi dmigs pa'i phyir ngo bo nyid gcig pa ma yin no// 'on te dmigs pa na dbus dang ni yan lag du ma la ma gtogs pa'i gcig pu rang gi bdag nyid tsam du gnas pa'i phyir du ma nyid nyams pa med do// phan tshun 'dres pa med pa'i ngo bor snang ba'i du ma ni gcig tu 'gyur bar 'os pa ma yin te/ ha cang thal bar bya ba'i phyir dang gcig 'gyur na yang thams cad 'gyur bar 'gyur ba'i phyir ro// rjes su dpag pa'i sgo nas kyang de gcig pa nyid du mi 'grub ste/ sngon po la sogs pa phan tshun yan lag tha dad pa'i bdag nyid du snang ba la de'i gcig pa nyid mngon sum gyis gnod pa'i phyir ro// yan lag las ma gtogs pa'i yan lag can zhig rab tu grub par rtog na ni du ma nyid nyams pa med do// zhes bstan zin to// de'i blo la
- 146b
'dug pa me rjes su dpag pas rab tu grub pa'i phyir ri'i bdag nyid mer snang ba ni ma yin te/ de ma yin pa'i rnam par snang ba'i phyir ro// yan lag can mngon sum ma yin pa dang 'brel ba rab tu grub pa 'i/ rtags kyang cung zad kyang med la rtags dang rtags can 'brel pa rtogs pa med par yang rjes su dpag pa mi 'jug pa'i phyir ro// gcig pa nyid du rtog pa ni sngon po la sogs pa yan lag sna tshogs kyi ngo bor snang ba dag la yang 'jug pa'i phyir 'khrul pa yin no// de skye ba'i rgyu mtshan yang sngon po la sogs pa de dag nyid yin te/ de mthong ba nyid la tha dad pa ma yin pa'i blo skye ba'i phyir dang de las gzhan pa'i gcig pu'i ngo bo yang ma mthong ba'i phyir ro// gal te 'o na sngon po la sogs pa'i rdul phra rab bsags pa yin na zhe na/ ma yin te/ rdul phra rab cha shas med pa'i bdag nyid rnams kyang mi rtog pa'i phyir ro// sngon po la sogs par snang ba na yan lag med pa'i rdul phra rab kyi gzugs cung zad kyang mi dmigs te/ sngon po la sogs pa rags par snang ba nyid du shes pa'i phyir ro// gal te rags pa ni phra mo bsags pa sngon du 'gro ba yin pa'i phyir de grub na rdul phra rab kyang grub pa yin no zhe na ma yin te/ rdul phra rab dang rags pa dag 'brel pa mi rtogs pa'i phyir ro// rdul phra rab grub na de bsags pa'i bdag nyid rigs pa rab tu 'grub par 'gyur gyi gzhan du ni ma yin no// yan lag med pa rnams la bsags pa mi 'grub pa'i yang phyir te/ dbus na 'dug pa'i rdul phra rab la bltos nas phyogs dang yul tha dad pa na gnas pa'i rdul phra rab rnams bsags pa yin na/ de yang rdul phra rab cha shas med pa la phyogs dang yul tha dad pa mi srid pa'i phyir mi 'thad do//
- 147a
phyogs dang yul gcig nyid yin na ni rdul phra rab gcig kho nar rdul phra rab thams cad zhugs pa'i phyir sngon po la sogs pa la mthong ba tsam yang med na rags pa'i rnam pa so sor nges pas de las gzhan pa'i don byed pa lta smos kyang ci dgos mthong ba dang don byed pa dag kyang rab tu grub pa'i phyir la rdul phra rab ni dbang pos mi sod pa'i phyir dang / sgrib pa la sogs pa'i don byed par yang rab du mi 'grub pa'i phyir ro// gcig dang du ma las ma gtogs pa gang gis na sngon po la sogs pa dngos po yod par 'gyur ba'i rnam pa gzhan ni yod pa ma yin te/ 'di gnyis ni phan tshun 'gal bas rnam pa gzhan rnam par gcod pa'i mtshan nyid yin pa'i phyir ro// de ltar gzugs kyi phung po'i mtshan nyid dang mi ldan na de la rten cing dmigs pa tshor ba la sogs pa yang mtshan nyid dang bral bar shes par bya ste/ sems dang sems las byung ba sngon po la sogs par snang ba rnams ji skad bshad pa'i rim gyis gcig dang du ma'i rnam pa dang bral ba'i yang phyir ro// de ltar gzugs la sogs pa'i bdag nyid kyi gnas bsal nas 'gog pa'i bden pas bsdus pa de bzhin nyid la sogs pa'i ngo bo nyid kyi gnas bsal ba'i phyir de zhes bya ba la sogs pa gsungs te/ de zhes bya ba ni byang chub sems dpa'o// chos kun la mi gnas zhes bya ba ni de bzhin nyid la sogs pa'i bdag nyid kyi chos thams cad mngon par zhen pa med pa ste/ yang dag par na de dag gzung ba med pa la sogs pa nyid kyi stong pa nyid kyi rnam pa yin pa'i phyir/ 'o na ji ltar byang chub sems dpa' lam gyi bden pas yang dag par bsdus pa'i shes rab kyi pha rol tu phyin pa la spyod ce na/ gnas pa med par spyod ces bya ba gsungs te/ gang zag dang gzugs/
- 147b
la sogs pa'i chos kyi rnam pa thams cad la mi gnas pa nyid du de sgom par byed ces bya ba'i tha tshig go/ gang gi phyir byang chub sems dpa' des stong pa nyid kyi rnam par rtogs pa'i phyir thams cad mkhyen pa nyid la yang chos dang chos can du rtog pa'i mtshan ma dag gis yongs su gzung ba med cing bdag gir byas pa med pa de nyid kyi phyir mtshan ma'i nyon mongs pa dang bral bas bde gshegs rnams kyis byang chub nyan thos la sogs pa dang thun mong ma yin pa 'thob po zhes bya bar sbyar ro// 'di'i phan yon rab tu bstan pas ni kun rdzob tu yang dngos po med par rtog pa bsal bar shes par bya ste/ ngag de lta bu la sogs pa rdzogs kyi bar du gang cung zad yod par bstan pa thams cad ni 'di lta bur dgongs pa nyid du rig par bya ste/ 'di ni rtse mor gyur pa chung ngu yin no// 'bring ni ji ltar kun tu rgyu ba phreng can zhes bya ba la sogs pa yin te/ byung gyur zhes bya ba ni 'byung bar 'gyur ba'o// shes pa yis dmigs pa ni 'jig rten pa'i rtogs pa'i shes pas phyi dang nang la sogs pa'i bye brag gis 'dzin pa la sogs pa'i ngo bo nyid du lhag par chags pa ste de lta bur gyur pa med pa'o// phung po rnam par 'jig pa ni phung po rnam pa thams cad du mi dmigs pa ste/ de lta bur gyur pa ji lta bar zhes bya bar sbyar ro// de lta bas na 'dis ni ji skad du kun du rgya phrang ba can 'jig rten pa'i lam nyid che ba'i shes pas rtog pa sngon du 'gro ba'i 'jig rten las 'das pa'i lam la zhugs pa yang gal te dngos po 'ga' zhig dmigs par gyur na de'i tshe 'di la dad pa rnyed par yang mi 'gyur te/ 'jig rten las 'das pa dang cig shos kyi lam dag dngos por dmigs pa'i bdag nyid
- 148a
du khyad par med pa'i phyir ro zhes ston par byed do// de lta bas na dngos po rnam pa thams cad du mi dmigs pa'i bdag nyid kho na 'jig rten las 'das pa'i tshul yin la de las gzhan pa ni sgo btags pa'i rnam pa'i spyod yul can yin pa nyid kyi nyon mongs pa'i bag chags mtha' dag gi gnyen po ma yin pa'i phyir 'jig rten pa yin no// gal te gang zag gis dben pa'i khyad par phung po tsam la rnam par lta ba rnams kyang sems can du lta ba med na/ nyon mongs pa'i tshogs thams cad spong bar 'gyur ba kho na ma yin nam/ de ji ltar na gang zag tsam med par lta ba 'jig rten las 'das pa nyid ma yin zhe na/ ma yin te/ phung po la mngon par zhen pa ma spangs na sems can du lta ba mi rtog pa'i phyir ro// de ni phung po la mngon par zhen pa las rab tu byung ba'i phyir te/ sems can du lta ba lhan cig skyes pa ni phung por dmigs pa la ma gtogs pa gzhan las 'byung bar mi dmigs so// rtag pa la sogs par mngon par zhen pa yang phung por yongs su 'dzin pa la rag las pa'i phyir de yang phung po don dam par yod pa ma yin pa la mi rtag pa nyid du mos pas spong ba mi srid pa'i phyir ro// de lta ma yin na mi sdug pa la sogs par mos pa yid la byed pa yang nyon mongs pa'i gnyen por 'gyur bar thal bar 'gyur ro// de lta bas na phung po ma dmigs pa ni tshad mas 'thad pa'i de kho na nyid kyi yul can yin pa'i phyir de kho na nyid yid la byed pas nyes pa'i bag chags mtha' dag/ gi gnyen por gyur pa yin gyi der dmigs pa ni ma yin te/ ji skad du ji srid phung por 'dzin de srid/ de las bdag ces bya bar yang bshad do// // bam po gnyis pa'o// kha cig na rel la
- 148b
las gang zag med pa tsam rtogs pas nyon mongs pa spong bar bshad pa gang yang yin pa de ni de skad du bshad pas gdul ba'i skye bo'i ngor byas pa yin gyi yang dag par yod pa ni ma yin te/ dge slong dag khur yang yod la khung khyer ba yang yod do zhes bya ba la sogs pa bshad pa bzhin no// zhes zer ro// de ltar dpe'i sgo nas chos thams cad bdag med par bstan nas 'di nyid la byang chub sems dpa' bar bstan pa'i phyir/ byang chub sems dpa' gang zhig ces bya ba la sogs pa gsungs te/ de ltar zhes bya ba ni de lta bur ro// gang zhig ji ltar phreng ba can gyis chos rnams yongs su shes pa de ltar shes pa zhes bya ba dang sbyar ro// gang zhig de ltar chos thams cad bdag med par yang rnam par lta ba mya ngan las 'das pa ste/ nyan thos kyi mya ngan las 'das pa la mi reg cid yul du mi byed pa zhes bya ba dang rnal du sbyar te thugs brtse ba chen pos 'gro ba thams cad la lta ba dang bcas pa ni chos thams cad mi dmigs pa yid la byed pa'i phyir ro// de zhes bya ba ni byang chub sems dpa'o// gnas zhes bya ba ni shes rab sgom par byed pa skye bde bad gshegs pa rnams kyi zhes bya ba ni tshig lhag ma yin no// rtse mor gyur pa chen po bstan pa'i phyir yang zhes bya ba la sogs pa gsungs te/ 'di zhes bya ba ni rtse mor gyur pa chen po'i gnas skabs pa'i byang chub sems dpa'o// shes rab kyi pha rol tu phyin pa yongs su rtog pa yang ngo bo nyid kyi sgo/ nas ni 'di ni gang yin gang zhes gsungs pa yin no// gang zhes bya ba'i sgra ni spong ba yin par blta bar bya ste de'i ngo bo nyid 'dzin pa la sogs pa'i rnam par mi 'thad pa'i phyir ro// 'brel
- 149a
pa'i sgo nas ni su'i yid zhes gang gsungs pa yin no// su zhes bya ba ni sngam bzhin te/ dadang 'brel pa'i bdag la sogs pa med pa'i phyir ro// yul gyi sgo nas ni gang las yin zhes chos 'di thams cad sbyang par rtog ces bya ba gang gsungs pa yin te/ kun nas nyan mongs pa dang rnam par blang ba'i bdag nyid kyi chos thams cad chos dang nas can gyi dngos pa dang de stong pa nyid du yang mi 'thad pa'i phyir ro// rtog ces bya ba ni dpyod pa byed pa'o// num pa med cing zhes bya ba ni thams cad sems tsam du rtags pa'i phyir kun tu drangs par mi 'gyur zhing zhes bya ba'i tha tshig ga/ lcags ni go sla'o// de ltar rim gyis 'phel ba'i rtse mor gyur pa las gzung ba dang 'dzin pa med par rtogs pa'i mtshan nyid kyi bzod pa de kho na nyid kyi phyogs gcig gi ting nge 'dzin gyi bdag nyid dag skye bar 'gyur ro zhes ston cing gzugs la sogs pa'i 'du shes phyin ci lag gi ba nyid yin par bstan pa'i phyir/ gal te mi shes bzhin du gzugs su 'du shes shing zhes bya ba la sogs pa gsungs te gal te zhes bya ba ni brgya la'o// mi shes bzhin du zhes bya ba ni gzod ma nas skye ba med pa'i don khang du ma chud par ro// gzugs su 'du shes pa ni gzugs la sogs pa la skye dang khyad par gyi mtshan mar mngon par zhen pa'o// rtog ces bya ba ni gal te phung po dag la stong pa nyid du gzung ba'i bdag nyid du rtog par byed na yang ngo // mtshan ma la zhes bya ba ni mtshan mal te/ phyin ci log la zhes bya ba'i don te// ci'i phyir zhen/ skye ba gnas la dang ma yin zhes bya ba gsungs te/ skye ba med pa nyid sgrub pa'i bag chags thams cad spang ba'i gnas su gyur pa'i phyir
- 149b
gnas yin no// de la ma dad pa ni ma mos pa ste/ gang gi phyir zhes bya ba ni lhag ma yin no// phyin ci log 'di'i gnyen por phyin ci ma log pa bstan pa'i phyir/ gang zhig gzugs min tshor min zhes bya ba la sogs pa gsungs so// sems dpa' zhes bya ba ni 'du byed kyi phung po thams cad nye bar mtshon pa'i phyir ro// yang na 'du byed thams cad sems mngon par 'du byed pa'i ngo bo nyid kyi sems dpa'i bdag nyid yin pa'i phyir te/ 'du byed kyi phung po gang zhe na/ sems dpa'i tshogs drug te zhes gang gsungs pa yin no// mi spyod ces bya ba ni gzugs la sogs pa dngos po med pa'i ngo bo nyid kyi rnam pa nyid yin pa'i phyir gzugs la sogs pa gsung ba'i bdag nyid kyi ngo bo nyid dang bral bar rtogs pa'i phyir te 'di ni bzod pa chung ngu yin no// gnas pa med par spyod ces bya ba ni rten pa med par spyod pa ste/ kun nas nyon mongs pa dang rnam par byang ba'i bdag nyid kyi chos rnams ma skyes par nges par 'byung ba mi 'thad pa'i phyir ro// ma skyes pa ni yang dag par ni gang gis na de la brten nas spyong par 'gyur ba rnam par dag par 'gyur ba'i mtshan nyid kyis nges par 'byung ba sgrub par mi byed de 'di ni bzod pa 'bring yin no// de ni spyod pa med na de dang ldan pa'i byed pa po yang spyod ces bya bar mi dmigs pas spyod ces bya ba la sogs pa'i rnam par byed pa po mtshan ma mi dmigs te/ gzugs la sogs pa'i mtshan ma rnam pa thams cad du med na chos thams cad gzung ba'i ngo bo nyid ma yin pa nyid kyi byed pa po med pa'i phyir ro// zhes bya ba'i tha tshig go/ byed pa po med du zin kyang 'on kyang ci'i phyir so so'i skye bo bzhin du der mi dmigs she na/ de ltar shes rab bstan zhes bya ba smos te/
- 150a
shes rabakyis ma nas ma da byas ma gams pa gyur// dab gsas par bya ba phyir smyan nugs bya basmrasate/ 'di spyad drug gi b+h+ri nga zla brtan pa dab gis chos thams cad skye ba med par mos pa de'i phyir de mtshan ma de dag mi dmigs te/ skye ba med par mos pa'i mtshan ma la mngon par zhen pa thams cad kyi gnyen po yin pa'i phyir ro 'di ni bzod pa chen po yin no// de ltar rim gyis bzod pa chen po thob pa'i rjes la bar chad med par mthong ba'i lam thob pa yin pa'i phyir bar chad med pa'i ting nge 'dzin gyis bsdus pa'i chos kyi mchog gi gnas skabs kyi ting nge 'dzin zhi ba mchog la reg ces bya ba smos te/ de la dge ba rtse gcig pa'i ngo bo nyid yin pa'i phyir ting nge 'dzin dag ste dpa' bar 'gro ba la sogs pa'o// 'dzin pa'i g.yeng ba med pa'i phyir zhi ba dag go/ myur du mngon par rdzogs par byang chub pa'i rgyu yin pa'i phyir mchog dag go/ de dag la reg pa ni byang chub sems dpa' bdag nyid ji lta ba bzhin du rang gi ming dang don byed pa'i rnam pa yul du byed do zhes bya bar sbyar te/ shes rab kyi pha rol tu phyin pa rgyas par bstan pa las ji skad du/ de la dpa' bar 'gro ba zhes bya ba'i ting nge 'dzin gang zhe na ting nge 'dzin gang gis ting nge 'dzin thams cad kyi spyod yul nyams su myong ba ste/ 'di ni dpa' bar 'gro ba zhes bya ba'i ting nge 'dzin zhes bya'o zhes bya ba rgyas par gsungs pa lta bu yin no// 'di dag ni chos kyi mchog chung ngu yin no// 'bring bstan pa'i phyir/ byang chub sems gang de ltar 'dir bdag zhir gnas pa zhes bya ba la sogs pa smos te/ 'dir zhes bya ba ni dpa' bar 'gro ba la sogs pI ting nge 'dzin
- 150b
na'o// bdag zhir gnas pa zhes bya ba ni 'dzin pa'i rtog pa'i g.yeng ba med pa'i phyir sems rab tu zhi ba zhes bya ba'i tha tshig go/ de ni zhes bya ba ni chos kyi mchog gi gnas skabs pa'i byang chub sems dpa'o// sngon gyi de bzhin gshegs pa zhes smos pa ni de bzhin gshegs pa gzhan dag gis kyang de lung bstan pa'i phyir nye bar mtshon pa'i don te/ sangs rgyas gang dag da ltar phyogs bcu'i 'jig rten na bzhugs pa de dag kyang gang zhig ting nge 'dzin 'di dag gis gnas pa de la lung ston to zhes gang gsungs pa yin no zhes lung bstan zhes bya ba nges par rdzogs par byang chub thob par rab tu bstan pa'o// rlom sems med ces bya ba ni gnas ngan len gyi g.yeng ba mngon du mi byed ces bya ba'i tha tshig go/ de nyid bstan pa'i phyir bdag ni mnyam par bzhag ce'am langs zhes bya ba smos te/ ngar 'dzin pa ni nyes pa thams cad skye ba'i rgyu mtshan gyi dngos pos gnas ngan len gyi g.yeng ba'i mtshan nyid yin pa'i phyir ro// 'di las langs nas yang mngon par zhen pa med pa'i phyir gtan med par bstan pa yin no// 'di nyid la dri ba dang bcas pa'i lan gyi sgo nas chos kyi mchog chen po bstan pa'i phyir/ ci'i phyir zhe na zhes bya ba smos so// ci'i phyir zhe na/ bdag yod na de'i ngar 'dzin phyin ci ma log pa'i bdag nyid kyis rnam par g.yeng ba'i ngo bo ma yin pa'i phyir ji ltar de kun nas mi ldang snyam du bsam pa yin no// de yongs su spang ba'i phyir chos kyi rang bzhin yongs su shes phyir zhes bya ba smos so// de skad/ du de la bdag yod na de la ngar 'dzin pa'am de la phyin ci ma log par 'gyur ba zhig na de gnyis ni yod pa ma yin te/ gzugs la sogs pa'i chos bsgom par bya ba dang sgom par byed pa la sogs pa'i//
- 151a
bye brag gis tha dad pa rnams yang dag par na med pa'i phyir dang chos kyi mchog chen po'i gnas skabs na mos pa de'i ngo bo nyid du rab kyi mthar phyin pa'i yang phyir ro zhes brjod pa yin no// nges par 'byed pa'i cha dang mthun pa'i gnas skabs 'di dag ni rnam par rtog pa dang bcas pa'i phyir mthong bas spang bar bya ba gzung ba dang 'dzin pa'i rnam par rtogs pa gnyis dang mtshungs par ldan pa yin no// de la gzung bar rnam par rtog pa rnam pa gnyis te dngos po tsam la rten pa ni gang gis na phung po la sogs pa dngos po tsam la brjod pa tsam du shes pa'o// gnyen po la rten pa ni gang gis na pha rol tu phyin pa la sogs pa'i rnam pa rnam par byung ba'i dngos po kho na las sems tsam du rnam par 'jog par byed pa'o// 'dzin par rnam par rtog pa yang rnam pa gnyis te/ gang zag gi rdzas la rten pa ni gang gis na 'dzin pa'i rnam pa gang zag gi rdzas su sgro btags pa gtso bor sems can la sogs pa lta ba'i yul gyi dngos po 'gog par byed pa'o// der gdags pa la rten pa ni gang gis na der gdags pa tsam yang 'dzin pa ma yin pa nyid du rab tu 'byed par byed pa'o// 'di dag kyang ga rims bzhin du nges par 'byed pa'i cha bzhi po dag la lta bar bya ste/ de la gzung bar rnam par rtog pa dang po rnam padagA'i dbang du mdzad nas/ de ltar spyad na zhes b+ha ba la sogs pa snyams// de ltar zhes bya ba ni dro bar gyur pa'i gnas skabs su rab tu bskrun pa'i mi dmigs pa'i rdul gyis so// bidi gshegs rnams kyi shes rab ces bya ba ni sbyin pa la sogs pa chos dkar po rnams mi dmigs pa'i bdag nyid de ni rdzogs pa'i sangs rgyas kyi go 'phang thob pa'i rgyur gyur pa'i phyir ro zhes
- 151b
bya ba'i tha tshig go/ 'di ni rnam par byang ba'i dngos po la rnam par rtog pa yin no// dmigs pa zhes bya ba ni mi 'gyur zhes bya ba dang 'grel pa'i phyir dmigs par mi 'gyur ba nyid ces bya ba'i tha tshig go// de yang ci zhig ce na/ chos gang spyod pa zhes bya ba smos te chos ni bdag la sogs pa'o de nyid mi dmigs pa'i spyod pa'i rten yin pa'i phyir te sems can du rnam par rtog pa yin no// yang ci'i phyir na mi dmigs ji ltar na bdag la sogs pa mi dmigs pas rang dang gzhan yongs su smin pa la sogs pa'i mtshan nyid kyi spyod par 'gyur zhe na/ spyod pa zhes bya ba la sogs pa smos so// 'di skad du chos thams cad skye ba mi dmigs pa'i mtshan nyid kyi spyod pa med pa gang yin pa de nyid mtshan ma dang mi 'gal ba'i phyir dang bdag dang gzhan rnam par dag pa'i rgyu yin pa'i phyir spyod pa dam pa yin te/ de lta ma yin namos pa yid la byed pa tsam gyis ni sgrib pa spong ba med pa'i phyir 'di khang du chud nas chos ci yang me dmigs pa yin no zhes brjod par 'gyur ro// de nyid 'din zhes bya ba la sogs pa smos pa yin te/ skye ba rnab par dag pa rnam par rtog pa yin no// gal te chos mi dmigs pa yang ji ltar med na gang gis na/ de mi dmigs pa kho na la bshad pa'i mtshan nyid kyi spyod par 'gyur zhe na/ de ni ma yin te/ dngos po ji ltar byis pas dmigs pa tshad mas gnod pa nyid kyis med pa'i phyir ro zhes bshad pa yin te 'chad par yang 'gyur ro// 'o na chos ji lta bur yod zhe na/ gang zhig yod pa ma yin zhes bya ba smos so// de ni yod do zhes bya ba tshig lhag ma yin te/ byis pas dmigs pa'i spyod yul ni sgro btags pa'i spyod yul yin pa'i phyir des sgro btags pas//
- 152a
ga g.yas pa sas cas sa sa ma mas mapa pa thas pa sa ba pa sa ga pa sas pa ma ma ba mas pag ngas mapa mas pams ma bamatham mas sas mas samams sa ya ma sams ma pa dben par mtshan nyid gcig pa kho na don dam pa'i yod pa yin no snyam du dgongs pa yin no// 'di nyid la mtshan mar brjod pa'i 'brel pa/ de ni med ces bya ba smos te/ de nyid kyi phyir tshes de ni ji ltar btags pa ltar yod pa ma yin pas med pa'i sgra brjod do zhes bya ba'i tha tshig go/ de ltar yod pa ma yin te/ de'i phyir med pa zhes bya ba'o zhes gsungs pa yin te/ med par rnam par rtog pa yin no// gal te gzugs la sogs pa rab tu dbye ba tha dad pa'i chos yod pa ma yin nam de ji ltar na 'di med pa nyid yin zhe na/ ma yin te/ gzugs la sogs pa rang gi mtshan nyid kyis stong pa'i phyir ji skad sngar bshad pa lta bu te/ bcom ldan 'das ma las/ shA ri'i bu gzugs ni nang stong pa nyid kyi phyir yod pa ma yin no zhes bya ba la sogs pa gang gsungs pa yin no// phung po la sogs pa dmigs par rnam par rtog pa yin te snga ma kho na rab tu sgrub pa lhur len pa yin par khong du chud par bya'o// de nyid bstan pa'i phyir byis pa rnams kyi de zhes bya ba smos te/ byis pa zhes bya ba ni chos kyi rang gi ngo bo ma gtogs pa'o// de zhes bya ba ni dzi skad bshad pa'i rnam pas bsgrubs pas gzugs la sogs pa'i bye brag gis tha dad pa'i chos yod pa ma yin pa zhes bya ba'i don to// brtags zhes bya ba ni ming dang gzugs la sogs pa nyid du brtags nam zhes bya ba'i tha tshig ste/ ming dang gzugs su mngon par zhen par rnam par rtog pa yin no// de ltar brtags nas ci zhig byed ce na/ med dang yod par byed ces bya ba smos te/ med pa ni skur pa 'debs pa'i mtshan nyid do// yod pa na sgro 'dogs pa'i mtha'i ngo bo nyid do// byed pa ni slong bar byed pa ste/ mtha'
- 152b
gnyis la chags par rnam par rtog pa yin no// 'di nyid rang bzhin gyis skyon chags pa nyid yin par yod dang med pa 'di gnyis med pa'i chos nyid yin te/ zhes bya ba smos so// 'di skad du gzugs la sogs pa yang dag par yod pa ma yin pa'i phyir de dag la sgro 'dogs pa sngon du 'gro ba yod pa dang / med par rnam par rtog pa dag ji ltar phyin ci ma log pa'i ngo bor 'gyur te rnam pa thams cad du yod pa ma yin pa la ni yul dang dus dang rnam pa la bltos nas med par rnam par rtog pa 'am/ yod par rnam par rtog pa don dam pa yin par 'os pa ma yin no phyin ci log kyang kun nas nyon mongs pa dang / rnam par byang ba yongs su mi shes pa'i ngo bo nyid yin pa'i phyir khams gsum pa las nges par 'byung ba'i bgegs ma rungs pa yin no// zhes bshad par 'gyur te// 'di ni kun nas nyon mongs pa dang rnam par byang ba mi shes par rnam par rtog pa yin no// 'di la gal te ji ltar na nges par 'byung ba'i du ma bgegs yin yod pa dang med par rtog pa yod kyang sbyin pa la sogs pa'i pha rol tu phyin pa ji tsam du bsgrub pas skyon med pa'i go 'phar dang 'gal ba med pa kho na'o zhe na/ de ni ma yin te/ ji skad bshad pa'i phyin ci log dang ldan pa ni chos thams cad bdag med par mos pa med par sbyin pa la sogs pa'i pha rol tu phyin pa la gnas pa med pa'i phyir ro// 'khor gsum rnam par dag pa dang bral na sbyin pa la sogs pa pha rol tu phyin pa'i tha snyad la brten pa ma yin te/ gzugs ni gzugs kyis stong ngo zhes bya bar dad pa mi byed pa nas byang chub ni byang chub kyis stong ngo zhes bya ba'i bar du dod par mi byed na de dag sbyin pa'i pha rol
- 153a
tu phyin pa la gnas pa ma yin no zhes bya ba la sogs pa gang gsungs pa yin no// 'di ni 'phags pa'i lam la mi gnas par rnam par rtog pa yin no// dngos su ma bshad kyang rnam par rtog pa snga ma rab tu grub par bya ba'i phyir shugs kyis rgyas par bstan pa dang mthun par rjes su 'brang bar bya ste gzung bar rnam par rtog pa dang po rnam pa dgu yin no// 'o na gang zhig nges par 'byung zhe na/ byang chub sems dpa' gang gis 'di shes nges par 'byung zhes bya ba smos te/ gang gis sbyin pa'i pha rol tu phyin pa la sogs pa'i chos 'di snang ba tsam yin par shes pa des ni sgrib pa mtha' dag gi gnyen po thob pa'i phyir khams gsum pa las nges par 'byung ngo zhes bya ba'i tha tshig go/ de lta bu ni gzung bar rnam par rtog pa gnyis pa yin no// de ltar gzug la sogs pa dngos po med par rab tu bstan pa bshad pa dang 'chad par 'gyur bas ni yongs su grub pa'i mtshan nyid bshad par reg par bya'o// gal te gzugs la sogs pa snang ba tsam du zad na de ji ltar na de la bdag la sogs pas 'dzin pa nyid du shes snyam du dogs pa'i skabs 'dzin par rtogs pa dang po rab tu bstan pa'i sgo nas bsal ba'i phyir/ gang 'dir phung po lnga dag sgyu ma 'drar shes shing zhes bya ba la sogs pa smos te/ 'di skad du gang zag rnam pa thams cad du sngar bkag pa'i phyir dang phung po rnams kyang rang gi mtshan nyid dang bral ba'i phyir byang chub sems dpa' 'di dag sgyu ma dang 'dra ba kho nar shes par bya'o// zhes bshad pa yin no// sgyu ma smos pa ni yod pa ma yin pa las snang ba nye bar mtshon pa yin no// ji ste gal te de dag sgyu ma
- 153b
dang 'dra ba yin na 'o na ni bdag nyid thams cad kyis med pa las snang ba'i ngo bo ma yin te/ 'dra ba'i gzhi ni rlung zad cig tha dad do zhe na/ sgyu ma gzhan dang phung po gzhan du mi byed la zhes bya ba la sogs pa smos te/ phung po la sogs pa dang / skum ni gcig tu 'khrul pa'i bdag nyid du tha dad pa med pa'i phyir ro// dper smos pa ni 'jig rten na grags pa la bltos pa'i phyir ro// snyam du dgod pa yin no// bdag ces bya ba la sogs par brtags pa tsam 'dzin pa'i rnam par 'dod pa dngos por yod do snyam du sems dpa' 'dzin pa'i rnam par rtog pa gnyis pa'i sgo nas bsal ba'i phyir sna tshogs 'du shes bral zhing zhes bya ba la sogs pa smos so// sna tshogs nyid kyis 'du shes ni bdag la sogs pa rnam pa mang por 'dogs pa ste de dang bral ba'o// gzung ba med na de 'dzin pa mi 'thad pas de tsam la yang 'dzin pa'i rnam par mngon par ma zhen pa'i phyir te/ sems tsam brten nas phyi rol ni// ngo bo nyid med shes par bya// de bzhin nyid dmigs gnas nas su// sems tsam las ni bzla bar bya zhes gang gsungs pa yin no// de'i phyir phyin ci log med pas nye bar zhi spyod yin no// lhag ma ni go sla'o// de lta bas na 'dis ni phung po 'khrul pa tsam du rab tu bstan pas gzhan gyi dbang gi ngo bo nyid bshad pa yin te/ de bzhin du gzhan la yang rig par bya'o// ji tsam du 'jig rten gyi tha snyad la bltos nas dngos po'i sgo nas bstan pa de thams cad ni kun brtags pa yin no// gang zhig de ltar mos par dka' ba'i shes rab bstan pa la skrag par mi 'gyur ram zhe na/ dge ba'i bshes dang ldan zhing zhes bya ba la sogs pa smos te/ 'dis ni rgyu
- 154a
gnyis kyis na 'jigs pa med par bshad de/ rten gyi stobs kyis ni dge ba'i bshes gnyen dang ldan pa nyid kyi phyir ro// rang gi shes rab kyi stobs kyis ni lhag mthong dang ldan pa nyid// kyi phyir te/ shes rab 'chal pa dge ba'i bshes gnyen dang phrad pa ni don cung zad kyang rgyas par mi 'gyur ro// zlog pa skrag pa'i rgyu gang zhig sdig pa'i grogs ldan zhes bya ba la sogs pa smos te// / gzhan gyi dring 'jog pa ni blo zhan pa'i phyir ro// de nyid gzhan dag gis choms par 'gyur ba'i phyir/ snod som btang chus reg zhig pa bzhin te/ nges par 'byed pa'i cha dang mthun pa'i gnas skabs thams cad du yongs su gzung ba smos pa khong du chud par bya'o// gang zag la sogs pa med na ji ltar 'di de dang de las byang chub sems dpa' byang chub sems dpa' zhes bya bar tha skad 'dogs she na/ ci'i phyir zhes bya ba la sogs pa smos so// yang na ci zhes bya ba'i sgra ni spong ba'i don yin pa'i phyir de ltar gzugs la sogs pa med na tha snyad 'di rgyu rkyen med pa can yin/ no zhes bya ba yin no// kun rdzob tu 'jug go zhes bya ba 'ba' zhig lhur bya ba'i don yin par zad de/ rab 'byor byang chub sems dpa' zhes bya ba'i tshig gi don ni tshig gi don med pa yin no zhes bya ba la sogs pa gang rgyas par gsungs pa yin no// de la tha snyad 'di'i rgyu mtshan khyad par du bstan pa'i phyir/ kun la zhes bya ba la sogs pa smos te/ gzugs la sogs pa thams cad la chags pa zad pa ni rnam par rtog pa spong ba'o// ci'i phyir der 'dod ce na 'di ltar chags pa gcod byed de rtog pa mtha' dag sel ba'i ngang tshul can yin te/ de'i phyir 'di ni byang chub sems dpa'i ming 'thob bo// /
- 154b
ces bya bar sbyar ro// 'di skad du phung po la sogs pa 'dzin pa la sogs pa'i rnam pa dang bral bar ma tshungs mod kyi phung po'i rgun gang zhig bshad pa dang 'chad par 'gyur ba'i nges par 'byed pa'i cha dang / mthun pa la sogs pa smra ba pa rim gyis sgrib pa thams cad spong ba'i rgyu yin pa de kho na byang chub sems dpar tha snyad gdags pa'i yul yin gyi gzhan ni ma yin no zhes bshad pa yin no// de lta bas na 'dis ni sgrub pa'i gzhi chos kyi dbyings kyi rang bzhin gyis rigs bshad pa yin te/ nges par 'byed pa'i cha dang mthun pa la sogs pa'i gnas skabs thun mong ma yin pa 'di ni byang chub sems dpa' rnams kyi rigs kyis rab tu phye ba yin no zhes bya bar bstan pa'i phyir ro// sgrub pa'i dmigs pa bstan pa'i phyir/ rgyal ba rnams kyi byang chub chags med gyur la reg ces bya ba smos te/ byang chub sems dpa' rang bzhin gyi rigs dang ldan pa'i go cha la sogs pa'i sgrub pa'i dmigs pa ni gtso bor na rdzogs par sangs rgyas pa'i byang chub yin pa'i phyir ro// chags med gyur ces bya ba ni mtshan ma thams cad dang bral ba'i byang chub ces bya bar sbyar ro// lhag ma ni don go bar zad do// byang chub sems dpar tha snyad gdags pa'i rgyu'i thabs kyis dmigs pa bshad zin to// sems dpa' che zhes bya ba la sogs pa 'byung ba de la byang chub la dmigs pa'i sgrub pa'i byang chub sems dpa' chen por bstan pa'i rgyu che ba'i bdag nyid kyi ched ni rnam pa gsum ste/ sems bskyed pa'i che ba'i bdag nyid ni/ sems can tshogs rnams mang po'i zhes bya ba la sogs pa 'byung ba yin no// 'di ni sems can gyi tshogs mang po tshad med pa sems can gyi tshogs rab tu dbye ba
- 155a
dpag tu med pa'i mchog phul du byung bar gyur pa yin te/ 'di ltar 'gro ba yongs su bskyab pa'i phyir smon lam btab pa yin no snyam du dgongs pa yin no// spong ba che ba'i bdag nyid ni sems can gyi khams kyi bdag la sogs par lta ba'i rnam pa thams cad gcod par byed pa yin pa'i phyir te lha rnams ni rtag pa la sogs par ro// rtogs pa che ba'i bdag nyid ni nges par 'byed pa'i cha dang mthun pa la sogs pa'i mtshan nyid de/ dngos su ma gsungs kyang shugs kyis khong du chud par bya ste/ rtogs pa'i khyad par med par 'gro ba thams cad kyi nyon mongs pa spangs par mi 'thad pa'i phyir ro// de lta bu ni sgrub pa'i ched yin te/ sgrub pa ni ji skad bshad pa'i che ba'i bdag nyid kyi ched du 'jug pa'i phyir ro// gal te de ltar na 'o na ni ched dmigs pa las tha mi dad par thal bar 'gyur ro zhe na/ de ni de lta ma yin te/ dmigs pa ni sgrub pa dang dus mnyam pa nyid du de'i yul gyi dngos por rnam par bzhag pa'i phyir yin ched ni de'i 'bras bu 'byung bar 'gyur ba'i gnas skabs kyi ngo bo nyid yin pa'i phyir ro// sgrub pa de yang rnam pa bzhi ste/ go cha'i sgrub pa dang / 'jug pa'i sgrub pa dang / tshogs kyi sgrub pa dang / nges par 'byung ba'i sgrub pa'o// de la go cha ni rnam pa drug tu rig par bya ste/ sbyin pa'i pha rol tu phyin pa'i go na ni/ gtong ba tshe zhes gang gsungs pa yin te/ phyi dang nang gi dngos po'i rnam pa thams cad gtong ba'i bsam pa can yin pa'i phyir ro// tshul khrims kyi pha rol tu phyin pa'i go cha ni/ blo che zhes bya ba yin te/ rang dang gzhan la brten pa'i 'chal pa'i tshul khrims kyi gnyen po'i bsam pa
- 155b
can yin pa nyid kyis blo rgya che ba'i phyir ro// bzod pa'i pha rol tu phyin pa la sogs pa rnam pa bzhi'i go cha ni mthu che zhes bya ba yin te gzhan gyi gnod pa dang dka' ba byed pa dang rnam par g.yeng ba nyid dang de kho na lam mos pa rnams kyis zil gyis mi non pa'i bsam pa can yin pa'i phyir ro// 'jug pa'i sgrub pa sbyor ba'i mtshan nyid ni theg chen zhes bya ba la sogs pa 'byung ba yin te/ theg pa chen po ni sems bskyed pa la sogs pa'i mtshan nyid ji skad bshad pa byang chub sems dpa'i lam 'bras bu dang bcas pa yin no// de la zhugs pa ni de la sbyor ba byas pa zhes bya ba'i tha tshig go// de ltar sbyor ba byas pa ni tshogs yongs su rdzogs par byed de de'i phyir zhi gnas kyi tshogs go cha chen po bgos zhes bya ba smos te/ rnam par g.yeng ba thams cad kyis mi 'khrugs pa'i bsam pa can yin pa'i phyiri go cha chen po bgos pa'o snyam du dgongs pa yin no// de nyid kyi mthu bstan pa'i phyir/ bdud kyi zhes bya ba la sogs pa smos te/ rtse gcig pa'i yid dang ldan pas ni bdud thams cad zil gyis mnan par nus pa'i phyir ro// de'i phyir byang chub sems dpa' la sems dpa' chen po zhes tha dad du gdags pas sems dpa' che zhes bya ba la sogs pa smos so// de ji ltar phyin ci ma log par 'gyur zhe na/ sgyu ma mkhan zhes bya ba la sogs pa smos so// sgyu ma mkhan zhes bya ba la smos pa ni de sprul pa dag la kun tu rmongs pa med par bstan pa'i phyir ro// gzhi mdo zhes bya ba smos pa ni sems can mang po kun tu rmongs pa'i rgyu nyid du bstan pa'i phyir ro// gsod bya de dag ci 'dra zhes bya ba ni sgyu ma byas pa'i gsad par bya ba de dag ji lta bar zhes bya ba'i tha tshig go/ 'gro kun zhes bya ba ni 'gro ba sprul
- 156a
pa dang 'dra bar shes zhes bya bar sbyar ro// 'di skad du ji ltar sgyu ma mkhan kho nas sgyu ma byas pa 'khrul pa tsam nyid du shes kyi de la kun tu rmongs pa'i phyir skye bo gzhan gyis ni ma yin pa de ltar byang chub sems dpa'i sbyin pa'i pha rol tu phyin pa la sogs pa la gnas pa kho nas sbyin par bya ba la sogs pa 'gro ba mtha' dag sprul pa lta bur shes so zhes bshad par 'gyur te/ byang chub sems dpa'i lhag mthong gi tshogs thun mong ma yin pa yin no// ji ste gal te 'gro ba 'khrul pa tsam yin na de ji ltar byang chub sems dpa' de bcings pa las thar bar bya ba'i phyir 'jug ce na/ gzugs zhes bya ba la sogs pa smos so// de ci'i phyir zhe na/ yod pa min zhes bya ba smos pa yin te ji skad bshad pa'i rnam pas med pa la bcings pa dang thar pa mi 'thad pa'i phyir ro snyam du dgongs pa yin no// 'o na ji ltar byang chub 'thob par 'gyur zhe na/ de ltar zhes bya ba la sogs pa smos te/ de ltar bshad ma thag pa lta bu'i so sor rtog pa'i mtshan nyid kyi shes rab kyis zhes bya ba'i tha tshig go/ zhum pa'i sems med pa zhes bya ba ni rtse ba chen po'i mthus nyan thos la sogs pa'i byang chub la chags pa med pa zhes bya ba'i don te/ 'di ni zung du 'brel pa'i tshogs yin no// 'di nyid kyi che ba'i bdag nyid bstan pa'i phyir go cha zhes bya ba la sogs pa smos te/ sems dpa' chen por tha snyad gdags pa'i rgyu bshad zin to// theg pa chen po la zhugs pa zhes bshad pa gang yin pa de la/ theg pa chen por tha snyad gdags pa'i rgyu mtshan gang yin zhe na/ ci'i phyir zhes bya ba la sogs pa smos so// de lta bas na 'dir rgyu bshad pa de gang zhes bya ba ni bshad ma thag pa lta bu'i chos dge ba'i rang bzhin pa'o//
- 156b
zhon nas zhes bya ba ni bdag nyid chogs bsags pa nyid kyis de la gnas zhes bya ba'i tha tshig go/ de dag kyang bdag nyid kyi tshogs ji lta ba bzhin du 'god pa'i phyir te/ de lta bas na rang dang gzhan yongs su smin pa'i rgyu mtshan yin pa'i phyir 'di ni theg pa chen po yin te/ theg pa gzhan la rnam pa 'di mi srid pa'i phyir ro snyam du dgongs pa yin no// 'di ni thabs la mkhas pa'i tshogs yin no// ji ltar de la 'di snyed kyi mthu zhig yod snyam pa la mkha' 'dra zhes bya ba smos te/ 'di ltar nang stong pa nyid la sogs pa'i ngo bo nyid yin pa'i phyir phyin ci ma log pa'i bdag nyid yin zhes bya ba'i tha tshig go/ 'di ni ye shes kyi tshogs yin no// gzhal med khang chen zhes bya ba ni 'di ltar dpa' bar 'gro ba la sogs pa'i ting nge 'dzin gyi tshogs kyi mtshan nyid yin pa'i phyir dga' bar byed pa nyid kyis gzhal med khang bzhin du gzhal med khang yin te/ bsod nams kyi tshogs yin no// 'di ltar dga' ba ni zag pa med pa ste/ lam gyi tshogs kyi bdag nyid yin pa'i phyir ro// skyid pa ni rab tu dga' ba la sogs pas rnam par dag pa'i mtshan nyid yin te/ bdag nyid ji lta ba bzhin du sa'i tshogs kyis ngo bo nyid yin pa'i phyir ro// bde ba ni rtog pa'i tshe ba thams cad spang ba'i bdag nyid yin te/ gnyen po'i tshogs yin pa nyid kyi phyir ro// mngon par 'thob byed ces bya ba ni mngon du thob par byed pa'o// de lta bas na 'di ni theg pa chen po yin pas na theg pa'i mchog ces bya ba smos te/ tshogs kyi sgrub pa bshad zin to// tshogs bsags pa ni nges par 'byung bar 'gyur bas 'di man chad nges par 'byung ba'i sgrub pa brjod par bya ste/ de la theg pa
- 157a
ni phyogs gzhan la sogs par phyin par byed pa'i bdag nyid kyis 'gro ba'i byed pa'i khyad par yin par grags so de la 'di phyogs gang du 'gro na theg pa yin zhe na/ gang zhig zhon nas zhes bya ba la sogs pa smos so// phyogs zhes smos pa ni nye bar mtshan pa tsam du zad de chos thams cad kyang yul la sogs pa'i bdag nyid du dmigs su med pa'i phyir ro// de lta bu ni mnyam pa nyid du nges par 'byung ba'i sgrub pa yin no// zhon nas zhes bya ba ni sems can gyi khams gang zhig/ zhon nas 'gro ba de ni theg pa 'gro bar yin pa 'am/ yang na byed pa po nyid du brjod par 'dod na ni byang chub sems dpa' yin te/ de yang dmigs su med ces bya ba lhag ma yin no// de lta bu ni sems can gyi don du nges par 'byung ba'i sgrub pa yin no// gal te 'o na ji ltar mya ngan/ las 'das par tha snyad gdags she na/ mya ngan las 'das pa zhes bya ba la sogs pa smos so// 'di skad du re zhig gzhan gyis kun brtags pa'i 'gro ba la sogs pa'i bya ba ni mi 'thad de/ de ni rdzas la brten pa'i phyir la yan lag la sogs pa'i rdzas kyang med pa'i phyir ro zhes bshad zin to// de lam gtogs pa mi dmigs pa'i yang phyir ro zhes bshad pa yin no// gal te 'on yul gzhan du 'byung ba tsam bya ba yin par zad mod ce ni ma yin te/ gzugs la sogs pa'i phung po med na de 'byung ba yang mi 'thad pa'i phyir ro// mya ngan las 'das pa kun nas nyon mongs pa med pa tsam gyi mtshan nyid du ni kun nas nyon mongs pa nyid 'gro ba ma yin te/ de'i tshe na de med pa'i phyir ro// rnam par byang ba yang ma yin te/ de yang 'khrul pa dang bral ba tsam
- 157b
gyi ngo bo nyid yin pa'i phyir ro// gal te sems bskyed pa phyin ci ma log pa'i bdag nyid kyi rnam par byang ba zhig der 'gro bar 'gyur ro zhe na ma yin te/ dngos po dang dngos po med pa dag 'grel pa med pa'i phyir ro// mya ngan las 'das pa ma yin pa'i bdag nyid yin na ni rnam par byang bar ngo bo nyid gcig pa yin pas ci'i phyir der 'gro bar 'thad pa ma yin no// de nyid der 'gro bar 'gyur ba ni ma yin te/ 'gro ba po dang bgrod par bya ba dag ni gzhi tha dad pa'i phyir ro// 'gro ba la sogs pa ji ltar mngon par zhen pa gzung ba la sogs pa'i bdag nyid du med pa'i yang phyir ro// de lta bas na mya ngan las 'das pa ni gtso bor na 'gro ba la sogs pa mi dmigs pa tsam kho na ma btsal bas rab tu 'grub pa'i dga' ba yin no zhes bshad par 'gyur te/ lhun gyis grub par nges par 'byung ba'i bsgrub pa yin no// 'di nyid 'jig rten na grags pas rab tu bsgrub pa'i phyir/ dper na zhes bya ba la sogs pa smos te/ 'jig rten gyi tha snyad mi shi bar song ngo zhes bya bar yang de'i 'gro ba mi dmigs pa tsam kho na la 'jug pa'i phyir ro snyam du dgongs pa yin no// der 'gro ba mi snang ba 'am dus su 'phos pa yin no zhes bya bar yang rig pa dang ldan pa ma yin te/ tshad med pa'i phyir dang tshad mas gnod pa'i yang phyir ro// de'i so na 'dug pa nyid mi snang ba la sogs pa yin na de bzhin du dmigs pa la sogs par thal bar 'gyur ba'i phyir te/ de lta bas na yang dag par na mi snang ba'am dus su 'pho ba 'ga' yang med do// mi dmigs pa'i bdag nyid yin na ni dngos po de nyid ma yin te/ de nyid ni gzhan nyid yin par mi 'thad
- 158a
pa'i phyir ro// de lta ma yin na thams cad la tha dad pa med par thal bar 'gyur te/ ha cang spros pas chog go/ rgyu des zhes bya ba ni sngon gyi mtha' la sogs par theg pa mi dmigs pa'i phyir te/ rnam pa thams cad du mi dmigs pa nyid mya ngan 'das par tha snyad gdogs pa'i rgyu yin no snyam du dgongs pa yin no// theg pa 'di'i sngon gyi mtha' mi dmigs so// zhes bya ba la sogs par gang gsungs pa yin te/ de lta bu ni mtha' las 'das par nges par 'byung ba'i sgrub pa yin no// gal te re zhig byang chub sems dpa' yang yod la de'i sems bskyed pa la sogs pa'i khyad par kho na yang theg pa chen po la sogs pa yin par 'gyur ba ma yin nam zhe na/ de'i phyir sngon gyi mtha' dang zhes bya ba la sogs pa gsungs te/ sngon gyi mtha' ni so so'i skye bo'i gnas skabs so// phyi ma'i mtha'i mi slob pa'o// da ltar byung ba ni slob pa'o// yang ni sngon gyi mtha' la sogs pa ni spyir 'das pa la sogs pa'i dus yin te/ der byang chub sems dpa' gang zag la sogs pa'i bdag nyid du mi dmigs zhes bya bar sbyar ro// de nyid bstan pa'i phyir dus gsum dag pa zhes bya ba smos te/ med pa kun nas nyon mongs pa// / med pa'i phyir ro// de bu ni thob par byed pa bkag pa yin no// 'dus ma byas zhes bya ba ni gong nas gong ma'i gnas skabs kyi ngo bo nyid du ma bsgrub pas te/ de lta bu ni thob par bya ba bkag pa yin no// spros med ces bya ba ni rnam par byang ba thob par dmigs pa'i spros pa med pa'i phyir te/ de lta bu ni 'thob pa bkag pa yin no// thob par byed pa la sogs pa mi dmigs
- 158b
pa de nyid sgrib pa med pa yin pa'i phyir nges pa 'byung ba'i mchog yin no// 'di ni zhes bya ba la sogs pa de lta bu ni thob pa'i nges par 'byung ba'i sgrub pa yin no// mi dmigs pa kho na lhar byas na thabs dang bral bas nam zhig rnam pa thams cad mkhyen pa nyid 'thob par 'gyur zhe na/ gang gi zhes bya ba la sogs pas smos so// tshe zhes bya ba la sogs pa ni dus ni brdar btags pa tsam du zad pa nyid du bstan pa'i phyir ro/ sems can 'du shes med ces bya ba ni sems can du mngon par zhen pa dang ldan pa la ni snying brtse ba chen po med de/ de ni kun tu rmongs pa'i gnyen po yin pa'i phyir ro snyam du dgongs pa yin no// de bstan pa'i phyir 'di ni zhes bya ba la sogs pa smos te/ sems can du dmigs pa ni sgrib pa'i gnyen po ma yin te phyin ci log gi ngo bo nyid yin pa'i phyir ro// gal te zhes bya ba la sogs pa la sems can dang sdug bsngal du shes pa nyid sdug bsngal yang snyam zhes bya ba la sogs pas gsal bar byed do// yongs rtog ces bya ba ni rang dang gzhan dag tu mngon par zhen pa'o// lhag ma ni don go bar zad do// thabs dang shes rab kyi rang gi ngo bo phyin ci ma log par bstan pa'i phyir/ bdag ci 'dra bar zhes bya ba la sogs pa smos so// de 'drar sems can thams cad shes zhes bya ba ni bdag nyid la bzhin du sems can thams cad la yang snying brtse bas phan pa dang bde ba bskyed par zhugs pa'i phyir ro// / de 'drar chos kun shes zhes bya ba ni shes rab kyis gzhan gyis kun brtags pa'i sems can bzhin du chos thams cad stong pa nyid du rtogs pa'i phyir ro// de bstan pa'i phyir skye ba med dang zhes bya/
- 159a
ma yin pa'i sgrub pa de yang rten gang yin pa dang dmigs pa gang yin pa dang ched du bya ba gang yin pa nas rnam pa'i bar dang ldan pa yin no// de la 'dir sgrib pa med pa'i ye shes gang yin pa 'di ni rnam pa thams cad mkhyen pa nyid yin no// rnam pa thams cad mkhyen pa nyid bshad zin to// // 'di'i rgyu ni lam gyi rnam par shes pa nyid yin la de yang dro ba la sogs pa'i gnas skabs kyi bye brag gi ci rigs par bdag dang gzhan yongs su smin par byed pa yin no// slob ma bse ru'i lam gang dang // 'di dang gzhan pa'i yon tan gyis/ phan yon che ba mthong ba'i lam// byed pa dang ni mos pa dang / bstod dang bkur dang bsngags pa dang // bsngo dang rjes su yi rang ba// yid la byed pa bla med dag/ sgrub dang shin tu dag pa zhes// bya ba 'di ni sgom pa'i lam// byang chub sems dpa' mkhas rnams kyi// lam shes nyid ni de 'drar bshad// gsol pa bcom ldan 'das ci'i slad du byang chub sems dpa' rnams kyi lam gyi rnam par shes pa nyid lags/ bka' stsal pa/ rab 'byor byung chub sems dpa' ni nyan thos kyi lam gang yin pa dang rang sangs rgyas kyi lam gang yin pa dang sangs rgyas kyi lam gang yin pa'i lam thams cad bskyed par bya zhing lam thams cad shes par bya'o zhes bya ba gang rgyas par gsungs pa yin no// de la byang chub sems dpas dmigs pa'i sgo nas dro bar gyur pa la sogs pa'i gnas skabs kyi nyan thos kyi lam mi dmigs pa'i tshul gyis yongs su shes pa ni gang zhig gzugs la zhes bya ba la sogs pa yin te/ de ni gzugs la sogs pa'i phung po la dmigs pa yin pa'i phyir de skad ces bshad do// chos nyid gnas pa zhes bya ba la chos nyid ni stong
- 159b
ba la sogs pa smos te dor go bar zad do// de lta bu ni rnam pa thams cad mkhyen pa nyid du nges par 'byung ba'i sgrub pa yin no// yang ci'i phyir skye ba la sogs par rtog pa las 'das pa kho na shes rab kyi pha rol tu phyin pa yin zhe na/ 'jig rten dag na chos ming ji snyed ces bya ba la sogs pa smos so// kun la skye ba zhes bya ba ni 'jig rten gyi tha snyad kyis bdag gis byas pa'i chos thams cad la skye ba'o// yang dag 'das pa ni 'gag pa'o// spangs nas zhes bya ba ni de gnyis yongs su spangs nas so// 'chi med ces bya ba ni nyams pa med pa ste phyin ci log rnams kyis zil gyis mi non pa'i phyir ro// de'i phyir ye shes 'di ni dam pa yin no// de las gzhan med ces bya ba ni 'di ltar 'di'i gong na ye shes phyin ci ma log pa gzhan med do zhes bya ba'i tha tshig go/ de lta bas na ye shes 'di kho na skye ba la sogs pa'i rtog pa'i dri ma dang bral ba'i phyir shes rab kyi pha rol tu phyin pa yin gyi gzhan ni ma yin te/ de ni dam pa ma yin pa'i phyir ro// de'i phyir zhes bya ba la sogs pa ni go bar sla'o// de la 'dir the tshom med pa'i 'jig rten las 'das pa'i lam chos thams cad mnyam pa nyid la gnas pa bstan pa'i phyir/ de ltar spyod ces bya ba la sogs pa smos so// shes rab ldan zhes bya ba ni shes rab can no// mnyam pa nyid la gnas pa nyid bstan pa'i phyir rang bzhin zhes bya ba la sogs pa smos te don go bar zad do// de lta bu ni lam gyi nges par 'byung ba'i sgrub pa yin no// de la 'dir go rim ni 'di yin te/ byang chub kyi sems bskyed pa yang dag pa'i gdam ngag bsgrubs pas nyan thos la sogs pa dang thun mong ma yin pa'i nges par 'byed pa'i cha dag bskyed par byed do// thun mong
- 160a
pa nyid de/ gang gi phyir de la gnas pa de'i phyir gzugs la sogs pa la mi gnas so snyam du dgongs pa yin no// gzugs la sogs pa dang stong pa nyid la gnas pa dgag pa dang sgrub pa dag gis ni go rim bzhin du drod dang rtse mo'i gnas skabs dag shes pa bstan to// rtag pa la sogs pa'i gnyen po'i sgo nas ni rtag dang mi rtag ces bya ba la sogs pa yin te/ 'di ni nye bar mtshon par zad kyi kun 'byung ba la sogs pa'i rnam pa dag kyang yongs su shes par bya ba yin pa'i phyir ro// de lta bu ni bzod pa'i gnas skabs shes pa yin no// 'bras bu'i sgo nas ni 'bras bu thob dang / zhes bya ba la sogs pa yin te/ 'bras bu thob pa ni slob pa'i gnas skabs na yod pa yin no// rang sangs rgyas dang rdzogs pa'i sangs rgyas kyis smos pa ni gang zhig mchog la yang mi gnas pa de ji ltar gnas par 'gyur zhes shes par bya ba'i phyir te/ de lta bu ni chos kyi mchog gi gnas skabs kyi khyad par yin no// de bzhin du mthong ba dang sgom pa'i lam gyi gnas skabs kyi khyad par yang 'bras bu rtog pa'i bye brag gis khong du chud par bya'o// yang ci'i phyir sangs rgyas kyi sa la yang mi gnas she na/ rdzogs pa'i sangs rgyas kyi sa ni chos thams cad la mi gnas pa'i mtshan nyid yin pa'i phyir dang 'dra bar byang chub sems dpas kyang gang la yang mi gnas par bya dgos te/ de'i phyir ji ltar 'dren pa zhes bya ba la sogs pa smos so// 'dus ma byas khams ni mya ngan las 'das pa'i dbyings so// 'dus byas ni 'khor ba'o// gnas la zhes bya ba ni 'dus byas dang 'dus ma byas kyi mtshan nyid kyi gnas la zhes bya ba'i tha tshig go/ gnas zhes bya ba ni phyin ci
- 160b
ma log pa'i phyir mi mthun pa'i phyogs rnams kyis mi g.yos pa yin zhes bya ba'i don to// de nyid bstan pa'i phyir gnas med gnas yin zhes bya ba la sogs pa smos te don go bar zad do// 'dir ni rnam par rtog pa'i yul ma yin pas brjod du med pa nyid mi gnas pa'i rgyu yin par rtogs par bya ste/ 'di'i dbang du mdzad nas/ lha'i bu de ltar na 'di la cung zad kyang ston pa med do zhes bya ba gang rgyas par gsungs so// de lta bu ni rang sangs rgyas kyi lam la gzung ba'i rtog pa spangs pa'i khyad par yin no// 'dis ni nyan thos kyi lam las khyad par du 'phags par rig par bya ste/ de la ni gzung ba'i rnam par rtog pa ma spangs pa'i phyir ro// lam gyi rnam par shes pa 'di nyid byang chub gsum gyi rgyu'i dngos por bstan pa sa lam thams cad kyi yul can nyid du bstan pa'i phyir/ gang bdag ces bya bal sogs pa smos so// bzod pa 'di la ma brten zhes bya ba ni bdag nyid ji lta ba bzhin lam la mos pa med par zhes bya ba'i tha tshig go/ 'di nyid kyi dpe dper na zhes bya ba la sogs pa smos te go bar sla'o// gal te chos thams cad brjod du med pa nyid yin na/ chos smra ba la sogs pa de bshad pa la sogs pa mi 'thad pa ma yin nam zhe na/ de'i phyir chos 'chad pa dang zhes bya ba la sogs pa smos so// 'di skad du dngos po rnams brjod du med pa nyid yin yang bshad pa la sogs pa'i rnam par rtog pa gang yin pa de ni kun rdzob tu yin gyi yang dag par ni ma yin te/ thams cad sgyu ma lta bur med pa nyid du khyad par med pa'i phyir ro zhes brjod pa yin no// 'dis rang sangs rgyas kyi rtogs pa 'dzin par rtog pa ma spangs pas rdzogs pa'i sangs rgyas kyi rtogs pa/
- 161a
rtogs pa thams cad kyis dben pas khyad par du 'phags so zhes bya bar bstan par khong du chud par bya'o// mos pa de lta bu'i rten bstan pa'i phyir gang zag bzhi po zhes bya ba la sogs pa smos so// rgyal sras bden la mkhas pa ni// mthong ba'i lam thob pa yin no zhes bya bar sbyar ro// som nyi spangs pa zhes bya ba ni the tshom dang bral ba zhes pa'i tha tshig te/ nyan thos dang rang rgyal ba'i lam mngon sum du byed pa na ni de lta ma yin no// ji ltar de dag gi 'bras bu mngon du byed par mi 'gyur zhe na/ byang chub sems dpa' mkhas rig de ltar spyod pa ni zhes bya ba la sogs pa smras so// mkhas po ni bdag nyid der mi dmigs pa'i phyir de la phyen ci ma lag pa zhes bya ba 'don to// rig ces bya ba ni mkhas pa ste/ bdag nyid ji lta ba bzhin du nyan thos la sogs pa'i lam gyi rnam pa la mkhas pa'i phyir ro// gang zhig gang la dmigs pa de ni de'i bdag nyid kho nar 'gyur ba ma yin no// de lta ma yin na rnam par byang ba 'phags pa'i lam kun nas nyon mongs pa'i phyogs/ kyi mtshan nyid la dmigs pa yang kun nas nyon mongs pa'i bdag nyid du thal bar 'gyur ba'i phyir ro// 'o na gang la slob ce na/ thams cad mkhyen pa nyid ched du zhes bya ba la sogs pa smos so// de nyid phyin ci ma log pa nyid du bstan pa'i phyir/ gang zhig ces bya ba la sogs pa smos te/ slob pa ni nyan thos dang rang rgyal ba'i dro bar gyur pa la sogs pa'i gnas skabs kyi mtshan nyid do// mi slob pa ni de las bzlog pa ste gang zhig rnam pa thams cad du gzung ba la sogs par mngon par zhen pa med pa'i phyir de gnyis la mi slob pa de'i slob pa ni thams cad mkhyen pa nyid la slob
- 161b
pa 'di nyid yin no zhes bya bar sbyar ro// de lta bu ni rang sangs rgyas kyi lam gyi dro bar gyur pa'i gnas skabs shes pa yin no// de ji ltar byang chub sems dpa' zag pa dang bcas pa dang zag pa med pa dag 'grib pa dang 'phel bar bya ba'i phyir slob ce na/ gzugs 'phel zhes bya ba la sogs smos so// chos rnams sna tshogs ni tshor ba la sogs pa'o// de lta bu ni rtse mor gyur pa shes pa yin no// 'o na ci zhig 'dzin par byed ce na/ slob cing thams cad mkhyen pa nyid kyang yongs 'dzin la zhes bya ba smos te/ nang stong pa nyid la sogs pa'i phyir gzugs la sogs pa la yongs su 'dzin pa med pa nyid slob pa dam pa'i ngo bo nyid yin pa'i phyir ro// de lta bu ni bzod pa la phyin ci ma log pa yin no// nges 'byung gang yin zhes bya ba ni 'di ltar skye ba la sogs par mi lta ba ni rtog pa thams cad las grol lo zhes bya ba'i tha tshig go// de lta bu ni chos kyi mchog la kun tu ma rmongs pa yin no// de ltar rang sangs rgyas kyi lam shes pa nyid bshad pa yin no// 'di man chad ni byang chub sems dpa' rnams kyi lam shes pa bden pa bzhi'i yul can yin par rig par bya ste/ 'di lta ste sdug bsngal la dmigs pa'i sgo nas ni gzugs ni shes rab ma yin zhes bya ba la sogs pa 'byung ba yin no// de la gzugs la sogs pa dang shes rab de'i bdag nyid du mi dmigs pa ni sdug bsngal la chos shes pa'i bzod pa yin no// rten dang brten pa'i dngos por mi dmigs pa ni sdug bsngal la chos shes pa yin no// ji ltar de'i bdag nyid ma yin zhe na/ 'di lta bu gzugs la sogs pa dang shes rab 'di ni nam mkha'i khams dang mtshungs te/ ngo bo nyid med pa'i phyir ro// de lta bu ni sdug bsngal la rjes su shes pa'i bzod pa yin no// ji ltar rten dang brten pa'i dngos po ma yin zhe na/ 'di ltar yod
- 162a
pa ma yin pas tha dad med de/ de ni tha dad pal brten pa'i phyir ro// de lta bu'i sdug bsngal la rjes su shes pa yin no// de bzhin du bden pa gzhan dag la yang bzod pa dang shes pa rtog pa ci rigs par sbyar bar bya'o// de lta yin na 'khrul pa tsam yang ga las 'byung zhe na/ kun 'byung ba la dmigs pa'i sgo nas ni/ dmigs pa rnams kyi zhes bya ba la sogs pa smos te/ dmigs pa ni gzung ba'i rnam par bgrang ba gzugs la sogs pa'o// de'i rang bzhin ni rigs mthun pa'i rnam pa dus phyis 'byung ba skyed par byed pa nyid yin no// pha mtha' med ces bya ba ni rigs mthun pa rab tu skye ba ste rgyun chad pa med pa zhes bya ba'i tha tshig go/ sems can ni 'dzin pa'i rnam par kun tu brtags pa'i phung po la sogs pa'o// lhag ma rnams ni snga ma bzhin no// 'o na ni nam mkha' dang mtshungs pa ma yin no zhe na/ nam mkha' zhes bya ba la sogs pa smos te/ yang dag par na chos thams cad rang gi mtshan nyid kyis dben par mtshan nyid gcig pa'i phyir ro snyam du dgongs pa yin no// de ltar yul mtha' med pa'i phyir shes rab kyang mtha' med pas shes rab ces bya ba la sogs pa smos so// de ltar rgyu dang bcas par 'byung ba'i sdug bsngal ji ltar ldog ce na/ 'gog pa la dmigs pa'i sgo nas ni 'du shes zhes bya ba la sogs pa smos te/ 'du shes ni 'dzin pa la sogs pa'i rnam par rtog pa yin no// tshu rol yin zhes bya ba ni kun nas nyon mongs pa'i mtshan nyid kun 'byung ba yin no zhes bya ba'i tha tshig go/ rnam par bshig nas zhes bya ba ni bor nas so// pha rol/ zhes bya ba ni rnam par byang ba'o// 'di skad du sdug bsngal gyi rgyu ni phyin ci log ma gtogs pa gzhan med pa de la de yang gnyen po mngon du gyur pas bral ba la rnam par byang ba zhes grags te/ de la gnas
- 162b
pa rnams khon ston pa'i thugs dang mthun par 'jug pa'i phyir ro zhes bshad pa yin no// gang dag ces bya ba la sogs pa'i tshig gi don ni go bar zad do// ji ltar na bdag la sogs par 'du shes pa tsam kun nas nyon mongs pa yin te de ni 'du shes par bya ba'i gzhan gyi dbang du gyur pa'i phyir ro zhe na/ lam la dmigs pa'i sgo nas ni gal te zhes bya ba la sogs pa smos so// 'di skad du gal te bcom ldan 'das kyis sems can la sogs pa'i tha snyad dus mtha' yas pa zhig tu brjod par gyur kyang des kyang sems can la sogs pa rab tu 'grub par mi spyod de/ de las mi 'byung ba'i phyir dang de dang 'brel pa rab tu ma grub pa'i phyir ro zhes sngar bshad zin to zhes brjod par 'gyur ro// sems can la sogs pa skye ba med par rtogs pa de nyid gnyen po phan yon che ba yin pas 'di ni zhes bya ba la sogs pa smos te/ spyod pa de lta bu ni mthong ba dang tshe phyi ma'i yon tan skye ba'i rgyu yin no snyam du dgongs pa yin no// mthong ba'i lam bshad zin to// // bam po gsum pa// 'di man chad ni sgom pa'i lam byed pa dang bcas pa yin no// byed pa de yang rnam pa gsum ste/ lung bstan pa thob pa'i byed pa ni gang tshe nga ni zhes bya ba la sogs pa 'byung ba yin no// 'di dang zhes bya ba ni sgom pa'i lam gyis bsdus pa dang zhes bya ba'i tha tshig go/ mthun par smra 'gyur zhes bya ba ni gzhan du mi smra ba'i phyir te/ mi skye ba'i chos la bzod pa dang bcas pa 'di nyid lung bstan pa thob pa'i rgyu yin pa'i phyir ro// lhag ma ni go sla'o// mi rdzi ba'i byed pa ni 'dzin pa la sogs pa la zhugs pa la dug la sogs pas mi tshugs pa yin pa'i phyir shes rab pha rol phyin pa zhes bya ba la sogs pa smos so// 'dzin pa ni tshig gis sgo nas mos pa yid la byed pas so// chub byed pa ni don gyi sgo nas de kho na dang /
- 163a
mos pa yid la byed pa dag gis so// bar chad byed pa med pa'i byed pa ni 'dzin pa la sogs pa la bdud la sogs pas glags mi thod pa yin pa'i phyir zhes bya ba la sogs pa smos so// glags ni gnaga'o// rnyed mi 'gyur zhes bya ba ni rnyed par mi 'gyur ba kho na'o zhes bya ba'i tha tshig go// de la byed pa'i rim pa ni lung bstan pa ni yang dag par thob nas gzhan dag gis mi tshugs shing bar chad byed pa med pa ni byed pa'i mamin nyid yin na// mos pa yang rnam pa gsum ste/ rang gdan phyims pa ni de yang mtshad rten la mdzad pa pas phul dubyung ba chad la 'das pa'i bas nams nye bar sogs pa'i d+he shesu rab kyi pha rol tu phyin pa'i glegs pa ma 'dzin pa la sogs pa'i rten yin no// mchod pa bral dbyung ba de yang 'brel pa'i sgo nas ni bde gshegs zhes bya ba la sogs pa gang gsungs pa yin no// de'i rten gyi khyad par sgrub pa'i sgo nas ni byas shing zhes bya ba gang 'byung ba yin te/ rin po che sna bdun gyi mchod rten byas nas zhes bya bar sbyar ro// de mang ba nyid kyi sgo nas ni de dag ces bya ba la sogs pa 'byung ba yin te/ gang+gA'i bye ma snyed kyi zhes bya ba ni gang+gA'i klung gi bye ma dang mnyam pa zhes bya ba'i ze tshig go// yongs su rtag bzung zhing zhes b+hA ba ni yongs su rtag pa nye bar bzung nas te/ yang dag bden sems can de dag thams cad de lta bu'i mchod pa la sbyor ba mi srid pa'i phyir ro// byed pa po mang po'i sgo nas ni sems can ji snyed pa zhes bya ba la sogs pa 'byung ba yin te bye ba zhes bya ba ni byed pa dag /
- 163b
na yod pa zhes bya ba'i don to// bar chud med par sbyor ba'i sgonas ni las gzhan mi byed ces bya ba 'byung ba yin te mchod pa byed ces bya bar sbyar ro// yo byad kyi khyad par gyi skyo nas ni sgra'i me tog ces bya ba la sogs pa 'byung ba yin no// dus kyi khyad par g+hi sgo nas ni bskul pa 'am zhes bya ba la sogs pa yin no// shes rab kyi pha rol tu phyin pa'i glegs pa ma 'dzin pa la sogs pa ni rdzogs pa'i byang chub kyi gtso bo'i rgyur gyur pa'i phyir de bas kyang ches mchog tu gyur pa'i phyir gang zhig ces bya ba la sogs pa gsungs so// bsti snang byed gyur na zhes bya ba ni bsti stang byed par gyur na zhes bya ba yin no// rang dang gzhan gyi don gyi mos pa ni de yang rang dang gzhan yongs su sbyin pa dang mthun 'ashes rab kyi pa ral tu phyin pa rtogs pa na te/ de'i dbang du mdzad nas/ rig sug suM chenas bya ba la sogs pa gsungs so// bcom ldan 'das ma ga sngags chen po nyid yin pa yang 'tshe ba thams cad zhi ba'i phyir sdug bsngal chos zhes bya ba la sogs pa 'byung ba yin no// dus gsum gyi bde bar gshegs pa'i rgyu gcig yin pa'i phyir ni gang dag 'das dang zhes bya ba la sogs pa gsungs pa yin no// mkhas pa zhes bya ba ni bshes gnyen can te/ shes rab kyi stobs kyi phyin ci ma log pa'i phyir ro// 'jig rten dang 'jig rten las 'das pa'i bde ba'i rgyu yin pa nyid kyi phyir ni 'dus byas bde dang zhes bya ba la sogs pa yin no// 'dus byas ni zag pa dang bcas pa'o// 'dus ma byas ni gzhan no// gal te sbyin pa'i pha rol tu phyin pa la sogs pa'i tshogs mtha' yas pa zhig yod pa ma yin nam shes rab kyi pha rol tu phyin pa lhag ma ci zhig yod na gang gis na 'di kho na rig sngags chen mo zhes bya zhe na/ 'di kho na sa bzhin du yon tan gyi lo tog skye ba'i gzhir gyur pa'i phyir ni sa bon
- 164a
btab nas zhes bya ba la sogs pa 'byung ba yin no// byang chub yon tan ni stobs la sogs pa'o// de dag ces bya ba ni yon tan la sogs pa'o// 'khor los skur ba bzhin du yon tan rin po la rang dbang yod pa'i phyir ni 'khor los sgyur rgyal zhes bya ba la sogs pa 'byung ba yin no// 'di skad du de ni bdag med pa la phyin ci ma log par ngo bo gcig pa'i phyir dang de la rag las te rab tu skye ba'i phyir byang chub sems dpa' gang la shes rab kyi pha rol tu phyin pa de yod pa de kho na la de las gzhan pa'i yon tan gyi tshogs yod kyi gzhan la ni med do zhes bshad pa yin/ gzhan gyis don gyi mos pa ni de dang shes rab kyi pha rol tu phyin pa kho na las yin te/ rtag tu gzhan gyi don byed pa'i yul can yin no// de bstan pa'i phyir rgyal bas brgya byin zhes bya ba la sogs pa gsungs so// dri ba'i lan de nyid gal te zhes bya ba la sog/ pas ston to// gur la zhes bya ba ni gyur te'o// byur bur gtams gyur kyang zhes bya ba ni sangs rgyas kyi zhing rnams bde bar gshegs pa'i ring bsrel gyi/ mchod rten gyis byur bur bkang bar gyur kyang zhes bya bar sbyar ro// de dag kyang yongs su btang ste shes rab kyi pha rol tu phyin pa kho na gzhan gyi don dpag tu med pa'i rten yin pa'i phyir mchod par bya ba'i don du len to zhes bya bar shes rab kyi pha rol tu phyin pa zhes bya ba la sogs pa gsungs te/ de lta bu ni chung ngu yin// bde bar gshegs pa'i ring bsrel la mchod pa yang tshogs dpag tu med pa'i rgyu yin pa'i phyir ci'i phyir de yongs su gtong snyam du bsams nas/ ci slad ce na zhes bya ba smos so// de'i lan gdab par/ sku gdung mi gus bdag ma lags zhes bya ba la sogs pa smos so// 'on kyang zhes bya ba ni de lta yin yang ngo // shes rab yongs su bsgos
- 164b
pas zhes bya ba ni sku gdung rnams shes rab kyi sa yongs su bsgos pas zhes sbyar te/ gzugs phun sum tshogs pa phul du byung ba yang shes rab kyi rten yin pas rab tu phye ba'i phyir dang de rtogs pa'i rten du gyur pa'i phyir ro// mchod par bgyid ces bya ba ni mchod par bgyid do zhes bya ba'i tha tshig go// 'di nyid kyi dpe dper na zhes bya ba la sogs pa smos so// 'o na ni bcom ldan 'das kyis mya ngan las 'das pa bstan pa na de'i rten ma yin pa'i phyir ring bsrel la mchod par mi 'gyur ro zhe na/ de nor bu'i gab tshe'i tshul gyis lan gdab pa'i phyir/ nor bu rin chen zhes bya ba la sogs pa smos so// de ni zhes bya ba ni gab tshe de yang zhes bya ba'i tha tshig go/ de phyung gyur kyang zhes bya ba nor bu de phyung yang ngo // dngos bstan pa'i phyir/ de bzhin zhes bya ba la sogs pa smos so// 'dzin 'tshal zhes bya ba ni kun 'dzin par 'tshal ba'o// 'di ni thar pa lags zhes bya ba ni gang gi phyir zhes bya ba lhag ma yin te/ shes rab kho na rtog pa'i lcags sgrog gcod pa'i thabs yin pa'i phyir dang de'i bdag nyid yin pa'i phyir ro// pha rol tu phyin pa gzhan yang de la rag lus pa'i ngo bo yin pa'i phyir ni sbyin pa sbyin pa'i sngon du 'gro ba zhes bya ba la sogs pa 'byung ba yin no// sngon du 'gro ba ni rgyar gyur pa yin te/ phyin ci log tu gyur pa la ni rnam pa thams cad du sbyin pa la sogs pa mi 'thad pa'i phyir/ chud mi bzan phyir zhes bya ba la sogs pa ni ser sna la sogs pas zil gyis ma non par bya ba'i phyir zhes bya ba'i tha tshig go/ dge ba'i chas yangs su 'dzin po zhes bya ba ni dngas dang mjug gi gnas zhabs dag tu'o// shes rab ni 'bal zhig gis rang gi byab byed pas 'dis zhes byab la sogs pa zlos to// de lta bu ni 'phreng yin no/
- 165a
shing sna tshogs kyi grib ma bzhin du pha rol tu phyin pa yul sna tshogs pa gzhan yang shes rab kyi pha rol tu phyin par ro gcig pa'i phyir ni dper na 'dzam+bu'i gling na zhes bya ba la sogs pa 'byung // ba yin te/ 'dzam+bu'i gling mos pa ni gling 'di na 'dug pa rnams la grags pa'i phyir ro// rnam pa sna tshogs la sogs pa ni go rim bzhin du rigs dang dbyibs dang kha dog tha dad pa'i phyir ro// brjod pa ma rtog par zhes bya ba ni thams cad la grib ma zhes bya ba'i ming du brjod pa 'ba' zhig tu zad do zhes bya ba'i tha tshig go/ rgyal ba'i zhes bya ba smos pa ni de dang 'brel pa'i sbyin pa la sogs pa sbyin par bya ba la sogs/ pa dmigs pa'i rnam pa nyid du bstan pa'i phyir ro// de'i phyir de dag shes rab ces brjod par bstan pa'i phyir/ shes rab kyi pha rol tu phyin pa'i zhes bya ba la sogs pa gsungs so// pha rol tu phyin pa rnams shes rab kyi bdag nyid yin pas grol ba'i rgyu'i ngo bo yin par kun tu bstan nas/ de'i bdag nyid yin par bstan pa'i phyir thams cad mkhyen pa nyid phyir zhes bya ba la sogs pa gsungs te/ gzhan gyi don gyi mos pa chen po yin no// de bzhin du snga ma dag la yang chung ngu la sogs pa'i bye brag bdag nyid ji lta ba bzhin du sbyar bar bya'o// mos pa yid la byed pa 'di nyid kyi phyin ci ma log par ston pa'i bstod pa shes rab ltar bcos pa spangs nas/ shes rab kyi pha rol du phyin pa'i spyod pa ston pas bstan pa'i phyir/ byang chub sems dpa' gal te zhes bya ba la sogs pa gsungs so// bcos ma nyid gsal bar bya ba'i phyir/ mkhas pa nam yang zhes bya ba la sogs pa smos te/ phung po la sogs pa'i chos rnams yang dag par na med pa'i phyir ro snyam du dgongs pa yin no//
- 165b
shes rab phyin ci ma log par ston pa ni gang la zhes bya ba la sogs pa 'byung ba yin te/ ston pa gang la zhes bya ba lhag ma yin no// de la mi dmigs pa'i rgyu bstan pa'i phyir chos kun skye med ces bya ba la sogs// pagasungs sa de 'du ba shA la las gad+hA'i zhes thu ba la sagasuM gsungs pa yin na// gang gis nags blan byang chub sems dpa' sa bawAg ma yin// ts+tshan du la zhugs pa ni bsas dam pa las byung ba nyid kyis mchog tu gyur pa'i phyir ro// sems can mchog la zhes bya ba ni byang chub sems dpa' la'o// mchog ces bya ba'i sgra ni dam par brjod par byed pa yin pa'i phyir te/ byang chub sems dpa' gzhan gyis byang chub tu sems bskyed pa la zhes bya ba rgyas par gang gsungs pa yin no// ci'i phyir zhe na zhes bya ba ni khams gsum las 'dod chags dang bral ba las mchog tu gyur pa gzhan ci zhig yod snyam du bsams pa yin no// de'i lan gdab par smra mchog de dag ces bya ba la sogs pa smos te 'dir zhes bya ba ni shes rab kyi pha rol tu phyin pa glegs bam la bris pa la'o// / bslabs nas zhes bya ba ni mnyan pa la sogs pa'i rim gyis goms par byas pas zhes bya ba'i tha tshig go/ stong pa nyid rtogs pa'i 'bras bu yang ci rigs par sems can rnams kyi byang chub gsum 'byung ba yin pas/ de thos ces bya ba la sogs pa gsungs te/ de'i phyir rang gi nyon mongs pa tsam spangs pa'i mtshan nyid kyi dgra bcom pa nyid pas byang chub sems dpa'i shes rab kyi glegs bam sbyin pa ji skad bshad pa khyad par 'phags so snyam du dgongs pa yin no// 'di nyid rab tu bsgrub pa'i phyir myu gu la sogs pa dang chos mthun par bsngags pa bstan pa'i phyir/ myu gu
- 166a
med par zhes bya ba la sogs pa gsungs so// de la myu gu lta bu ni byang chub kyi sems bsam pa dag pa'i sa'i mtshan nyid yin te/ de ni yal ga la sogs pa lta bu 'jig rten dang cig gos kyi chos dang rdzogs pa'i byang chub rab tu skye ba'i rgyu yin pa'i phyir dang de kho na nyid la mos pa'i sa bon las byung ba'i phyir ro// nyi ma lta bu ni rnam par smin pa'i sas bsdus pa yin te/ de ni mngon par 'du byed pa med par mtshan ma med pas 'od gsal ba'i blor dang sa so yang dag par rig pa'i 'od zer dag gis de kho na nyid rab tu ston pa sngon du 'gro ba can 'gro ba'i dge ba'i las kyi rgyu yin pa'i phyir ro// mdzes pa lta bu ni sangs rgyas kyis kun tu 'od sleb pa thams cad spangs pa'i ngo bo nyid yin no// de med na chu klung lta bu thos pa las byung ba'i ye shes la sogs pa mi 'thad pa'i phyir te/ de bstan par bya ba'i phyir ye shes gang las 'byung zhes bya ba la sogs pa gsungs so// ye shes 'byung ba ni thos pa las byung ba'i ye shes kyi rgyu ba'i rgyun te/ de ni byang chub gsum gyis bon rgyas pa byed pa'i rgyur gyur pa'i phyir ro// yon tan 'phel ba ni bsam pa dang bsgoms pa'i bdag nyid de de yang yang dag par dga' ba'i rgyu yin pa'i phyir me tog dang 'bras bu lta bu yin no// sangs rgyas sa ni skabs la sogs pa yon tan rin po che'i mtshan nyid yin te/ rang dang gzhan gyi rten snang bar byed pa'i chu yin pa'i phyir ro// bsod pa la sogs pa 'di dag ni rang dang gnyi ga dang ga kyi don gyi skabs kyis tha dad pa'i rnam par bzhag par rig par bya'o// des na mdo gzhan las de bzhin gshegs pa rnams kyis bstod cing bkur la bsngags pa dag dang zhes gsungs pa 'di yang
- 166b
legs par drangs pa yin na// mos pa yid la byed pa bshad zan to// de ltar mas pas zin pa ni bsod nams kyi tshogs la rjes su yi rang ba'i khyad par gyis 'brel bar 'gyur bas 'jig rten 'din zhes b+hab la sogs pa gasrungs sa// snang byed nas bya ba ni snang bar byud pa stem ngam ces bya ba ni rtog sa/ sag nags ni smin bu ma mang la sogs pa ste 'dzin nya parnya seMn pang bad dade// 'dra za srung nas bya ba ni 'od cig byung ba la zhes bya bu'i thamag sa/ sa pa ces bya ba ni char yang ma pang razhes bya bar sbyar ro// de bzhin du byang chub sems dpa'i rjes su yi rang ba'i sems sanyan zhes gas byas bsags pa'i bas nams kyi chags pas kya yang ma pa de bsam pa dman pa'i bras na man pa'i phyir ranas bstan pa nyan gyis chags rnams zhes zla ba la sags pa gsungs tad dag bar zad do// de ltar dge ba bsags pa 'phel ba yang rdzogs pa'i byang chub tu yongs su bsngob blang ses me lta bstan bsdu ba yid la byed pa rnam pa lta ste/ mi dmigs pa'i bsngo pa ni bde bar ga sa la sogs pa thams cad kyi bsod nams la rjes su yi rang bas bskyed pa'i dge ba'i rtsa ba me dmigs pa'i tshul gyis rdzogs pa'i byang chub tu yongs su bsngo ba'i phyir/ 'das dus zhes bya ba la sogs pa gsungs pa yin no// bri stong zhes bya ba ni bye ba snyeng rnams na'o// mya ngan las 'das pa zhes bya ba ni yongs su mya ngan las 'das nas ring po ma lon pa bstan pa ma nus pa rnams zhes b+hA ba tshig ste/ yongs su mya ngan las 'das nas ring zhig len pa na gang du 'das pa nyid du bshad zin pa'i phyir ro// de bar shes bya ba ni dang pa byang chub tu sems brgyad pa dang dam pa'i chos nub pa'i dras
- 167a
kyi bar gyi zhes bya ba'i tha tshig go/ bsod nams de'i mtshan nyid ji lta bu zhig ce na/ pha rol phyin zhes bya ba la sogs pa gsungs te/ pha rol tu phyin pa'i ngo bo nyid rgya'i gnas skabs kyis bsdus pa dang sangs rgyas kyi chos kyi bdag nyid rang dang gzhan gyi don phun sum tshogs pa 'bras bus rab tu che ba yin no snyam du dgongs pa yin no// gang yang zhes bya ba ni bsod nams zhes bya bar sbyar ro// sangs rgyas sras rnams zhes bya ba ni sangs rgyas kyi sras rnams kyi dge ba zag pa dang bcas pa ste/ gzhan ni slob pa la sogs pa'i bye brag gis bshad pa'i phyir ro// zag pa med pa zhes bya ba ni chos gang dag yin pa zhes bya ba ni chos yang dag yin pa zhes bya ba lhag ma yin no// bsdus nas zhes bya ba ni blos bsdus nas bsod nams de zhes bya ba la khong nas drang ngo // byang chub phyir zhes bya ba ni de'i ched du'o// bsngo zhes bya ba ni yongs su bsngo bar byed pa'o// de ltar yongs su bsngo zhes bya ba ni yongs su bsngo bar byed pa'o// gal te sems su 'du shes 'byung 'gyur zhing zhes bya ba ni/ yongs su bsngo ba'i sems la 'dzin pa la sogs par zhen pa ste 'du shes kyi don ni thams cad la yang de dang 'dra bar khong du chud par bya'o// 'du shes na nyes pa ci zhig yod ce na/ 'du shes phyir na zhes bya ba la sogs pa smos te/ lha gnas zhes bya ba ni 'jig tshogs la lta ba la mngon par zhen pa'o// 'di ltar sems sngar bshad pa'i 'du shes gsum gyi mtshan nyid kyi chags pa gsum po de la chags/ pa gsum po de la chags pa yin te/ de lta na yang yongs su bsngos par mi chud pas na dmigs pa yod pas zhes bya ba la sogs pa smos so// yongs su bsngo ba ni sngon bsags pa'i dge ba la brten
- 167b
nas rdzogs pa'i sangs rgyas nyid du rung ba'i sems skye ba yin te/ sgro 'dogs pa'i sems ni de dang mi mthun pa'i phyir ro snyam du dgongs pa yin no// mi dmigs pa ni phyin ci ma log pa yin pas phyin ci ma log pa'i bsngo ba ste/ de yang skad cig ma nyid du so sor rtog pas bdag tu phyin ci ma log pa'i sgo nas ni gal te zhes bya ba la sogs pa gsungs pa yin no// gang du zhes bya ba ni byang chub tu'o// 'di skad du rnam par rtog pas yul du ma byas par ni byang chub tu yongs su bsngo ba mi srid la der rnam par rtog pa yang dus snga ma pa yin pas re zhig na yang dag par na de'i dmigs par gyur pa byang chub kyang 'jig par 'gyur te/ de dang tha mi dad pa'i phyir ngo zhes bshad pa yin no// chos la phyin sa ma log pa'i sgo nas ni chos kyis nas bya ba la sogs pa gsungs pa yin no// chos thams cad pan rgyun gzung ba la sogs pa'i yin pa'i phyir dang yang dag par nam skyes pa'i phyir rosam du dgongs pa yin te/ chos kyis chos ma shes sa zhes bya ba gang rgyas par gsungs pa yin no// sprin tsam log pa yang skye ba med pa la yang mtshan mar mi byed pa dang ldan pa yin pas de'i phyir mtshan ma med pa'i bsngo ba ni/ gal te zhes bya ba la sogs pa 'byung ba yin no// chos kyi mtshan ma yang kha zas bzang po dug dang 'dres pa za ba lta bur mthar gnod pa'i phyir/ ji ltar dug ces bya ba la sogs pa smos so// de lta bas na rgyal bas snang ba'i yongs su bsngo ba kho na mchog yin pas sangs rgyas kyis snang ba'i bsngo ba ste/ de ni de ltas zhes bya ba la sogs pa gsungs pa yin no// ji ltar zhes bya ba ni ji ltar rgyal bas mkhyen pa ltar rjes su yi rang ba dang yongs su bsngo bar bya'o zhes bya
- 168a
bar sbyar ro// de zhes bya ba ni dge ba de zhes bya bar bsnyeg go/ de yongs su mkhyen pa yang rnam pa dang rgya dang mtshan nyid kyi sgo nas yin par bstan pa'i phyir/ rnam pa gang yin zhes bya ba la sogs pa gsungs so// de ltar zhes bya ba ni tshul de ltar na sangs rgyas mi spong ba'i rgyu yin no// rgyal bas gsungs pa smra zhes bya ba ni des gnang ba'i yongs su bsngo ba dang ldan pa'i phyir ro snyam du dgongs pa yin no// de'i phyir bsod nams kyi tshogs mtshungs pa med pas bsod nams chen po'i bsngo ba ste lnga pa de ni de ltar yongs su bsngo zhes bya ba la sogs pa gsungs pa yin no// thams cad ces bya ba ni dmigs pa thams cad do// lhag ma ni go sla'o// dag pa 'jig rten pa'i sgom pa'i lam bshad zin to// 'jig rten las 'das pa ni sgrub pa dang rnam par dag pa'i mngon par rtog pa'i bye brag gi/ rnam pa gnyis so// de la mngon par rtogs pa dang po ni pha rol tu phyin pa thams cad kyi mig du gyur pa nyid kyis thams cad mkhyen pa nyid thob par bya ba'i ched du shes rab kyi pha rol tu phyin pa sgrub pa'i phyir te/ de ni dmus long zhes bya ba la sogs pa gsungs pa yin no// dmus long smos pa ni shin tu rang dbang med par bstan pa'i phyir te gzhan ni sngon goms pas kyang lam shes par 'gyur ro// mig med ces bya ba ni mig med pa dag ste/ dngos gzhi gnas skabs na shes rab kyi mig med pa'i phyir ro// dmigs su med pas zhes bya ba ni 'jug gi gnas skabs na shes rab kyi dmigs su dang // bral ba'i phyir ro// gang tshe zhes bya ba ni gnas skabs gang na'o// shes rab kyis ni rab tu zin gyur pa zhes bya ba ni shes rab kyi pha rol tu phyin pa lnga po bdag gir byas pa zhes bya bar sbyar ro// 'di'i ming
- 168b
zhes bya ba ni shes rab ces bya ba'i ming ces bya bar bsnyeg go/ de med na ri mo'i las bzhin du rnyed pa phun sum tshogs pa'i mchog med pas dper na zhes bya ba la sogs pa smos te don go bar zad do// de yang mi dmigs pa'i bdag nyid yin pas mi dmigs pa'i rnam pa sgrub pa'i phyir ni gang tshe zhes bya ba la sogs pa gang gsungs pa yin no// de ci'i phyir zhe na/ nam mkha' zhes bya ba la sogs pa smos te/ shes rab kyi pha rol tu phyin pa ni 'dus byas la sogs pa la dmigs pa dang 'gal bas rnam pa thams cad du dben par spyod yul gcig pa'i phyir ro// 'dis ni dag pa 'jig rten pa las khyad par du bstan pa yin no// de'i spyod yul ni chos thams cad snang ba tsam yin pa'i phyir te rnam par mi rtog pa'i ye shes kyis ni chos thams cad nam mkha'i ngos dang 'dra ba thugs su chud do/ rjes las thob pa ni chos thams cad sprul pa lta bu'i bar du gzigs so zhes gang bshad pa yin no// de ltar na dmigs pa dang bcas pa'i snying brtse ba yang 'khrul pa yin pas/ gal te zhes bya ba la sogs pa smos te go bar sla'o// de ltar sgrub pa ni rim gyis sgrib pa dang bral bas mngon par rtogs pa gnyis pa'o// de nye bar bstan pa yang rigs mthun pa las rab tu skye ba'i rgyu can yin pas de bstan pa'i phyir byang chub sems dpa' gang zhig ces bya ba la sogs pa smos so// sngon spyad spyod pa'i tshe zhes bya ba ni tshe snga ma la'o// mom nyi med ces bya ba ni blo gros som nyi med pa kho nar gyur pa zhes pa'i tha tshig go/ thos ma thag tu zhes bya ba ni thos pa tsam kho na ste/ tshe 'di la zhes bya ba lhag ma yin no// ston pa'i 'du shes bskyed ces bya ba ni shes rab kyi pha rol tu phyin pa 'di la zhes
- 169a
bya bar sbyar ro// des ni zhes bya ba ni byang chub sems dpa' de nyid kyis rtogs par 'gyur zhes bya bar sbyar te/ rdzogs pa'i byang chub tu nges pa'i phyir mthun pa'i rgya phun sum tshogs pas de kho na nyid la mos pa'i phyir 'gyur zhes bya bar ni 'gyur ro// de spong ba'i rgyu sel ba'i sgo nas ni sngon spyod tshe zhes bya ba la sogs pa gsungs pa yin te/ bsnyen bkur byas su zin kyang zhes bya ba lhag ma yin no// spong byed de zhes bya ba ni bde bar gshegs pa la mchod pa shes rab la mos pa med pa ni de la mos pa'i rgyu ma yin pa'i phyir ro// skyabs med gyur pa ni de kho na nyid spong na bsod nams thams cad spangs pa'i phyir ro// de kho na nyid la mos pa phun sum tshogs pa ni de dang rigs mthun pa las rab tu skye ba can yin pas/ de lta bas na zhes bya ba la sogs pa smos so// legs par don du gnyer ba de spong ba dang ldan pa ni tshong pa rin po che'i gling du 'gro ba rang zong zad pa bzhin du bde bar gshegs pa la mchod pa la sogs pa yang don med pa kho nar 'gyur bas/ dper na dang bA nas zlabs migs pa smrams// 'bras bladag pa'i na man gzugs kyi dag panas rgyab la sngags pa 'byung ba yin no// gzugs kyi nas rgyu ba ni ny-i mnapa na pa'i phyir phung po la sogs pa'i zhes bya ba'i tha tshig go/ 'bras bu'i dag pa ni slob pa'i gnas skabs na te/ dag pa ni sgro btags pas dben pa'i sgo nas yin par sbyar ro// de'i phyir gzugs la chags pa dang masrab papa gnas sabs su yang ma dad pas 'bras thag zugs dag ces rgyab la sogs pa smras so// gnan nyid yin pa na rjes nge sa yin nan// rnamamatha' nas kya
- 169b
la sogs pa smos te/ dbyer med bcad du med ces bya ba ni go rim bzhin du rdzas dang rnam pa tha dad pa med pa'i phyir/ de ltar ro gcig par rtogs pa nyid du dag pa yin no// snyam du dgongs pa yin te/ de lta bu 'di ni lam gyi rnam par shes pa nyid kyi mtshan nyid bshad pa yin no// // 'di man chad ni byang chub gzhan shes par byas nas spang bar bya dgos pa thams cad shes pa nyid kyi mtshan nyid de/ de yang shes pas srid la mi gnas shing // snying rjes zhi la mi gnas dang // thabs ma yin pas rang ba dang // zabs kyis ring ba ma yin nyid// mi mthun gnyen po'i phyogs dag dang // sbyor dang de yi mnyam nyid dang // nyan rdzas la sogs mthong ba'i lam// de 'du zhes nyid du dod// drang ba la sogs pa tsam la midag pa la sags pa'i rnam par gas pa'i byor te/ sam ldan 'dres tsob mad du nyan pas dang rang sangs rgyas rnams kyi thams cad shes pa nyid legs/ bcom ldan 'das kyis bka' stsal pa/ rab 'byor thams cad ces bya ba ni 'di lta ste/ nang dang phyi'i chos 'di tsam du zad la de dag thos dang rang sangs rgyas rnams kyi shes kyi lam thams cad kyis kyang ma yin la rnam pa thams cad kyis kyang ma yin no zhes gang gsungs pa yin no// de yang srid pa dang zhi ba la mi gnas pa'i sgo nas spong bas/ khams gsum zhes bya ba la sogs pa smos te/ khams gsum ni 'dod pa dang gzugs dang gzugs med pa dag go/ de dag las yang dag 'das pa ni de dag gi rang gi ngo bo yongs su shes pas de la sred pa med pa'i phyir ro// rnam par grol ba'ang min zhes bya ba ni gzhan la phan par bya ba'i phyir skye ba la sogs pa ston pa'i phyir ro// de nyid bstan pa'i phyir nyon mongs gsal bar gyur kyang
- 170a
zhes bya ba la sogs pa gsungs te nyon mongs pa dang bral yang snying rje chen po'i gzhan gyi dbang gis grong du rgya ba bzhin du sprul pa 'am skye ba la dbang thob pas skye ba la 'gal ba med pa'i phyir ro snyam du dgongs pa yin no// skye ba'i srid pa'i nyon mongs pa// kun gyi nyon mongs shes bshad pa gang yin pa de ni nyon mongs pa dang mthun pa'i bye ba la dgongs pa yin te spros pas chog go// tshul lugs rmad du byung ba 'di ga las yin zhe na/ shes rab pha rol phyin pa yis zhes bya ba smos so// de khyad par du bya ba'i phyir gar spyod ces bya ba la sogs pa gsungs te/ de ni byang chub sems dpa' rnams kyi shes rab gzhan la snying brtse bas rab tu phye ba gang yin pa de yi mig 'phrul yin no zhes bya ba'i tha tshig go/ 'di'i me mthun pa ni srid pa'i tshogs su gyur pa'i phyir phung po la mngon par zhen pa yin pas/ 'gro ba 'di dag ces bya ba la sogs pa smos te/ ming ni tshor ba la sogs pa'i phung po bzhi'o// gzugs ni gzugs kyi phung po ste/ ming dang gzugs ni chags pa'i gnas yin pa'i phyir dang / rgal bar dka' ba'i phyir 'dam rdzab lta bur 'dam yin no// de dag la chags pa yang srid pa'i rgyu ma rungs pa yin pas 'khor ba'i 'khor lo zhes bya ba la sogs pa gsungs te/ 'khor ba ni rlung gi 'khor lo bzhin du nyon mongs pa dang las dang tshe rnams rgyun mi 'chad par 'byung ba'i phyir 'khor lo lta bu yin no// de'i gnyen po yang mi mthun pa'i nyes pa rtogs pa'i sgo nas ni 'gro ba zhes bya ba la sogs pa gsungs pa yin no// 'khrul pa zhes bya ba ni 'gro ba 'khrul pa zhes bya bar sbyar ro// ri dgas rgyang chud 'dra zhes bya ba ni ri dgas rgyang chud pa dang 'dra bar te/ nges par 'byung ba ma thob/
- 170b
pa'i phyir ro// bdag nyid ma 'khrul pas 'gro ba skyabs par 'jug pa'i sgo nas ni shes rab ldan pa zhes bya ba la sogs pa 'byung ba yin no// rnam par rgyu zhes bya ba ni ming la sogs pa la mi gnas pa rnams// snying rjes 'gro ba la phan par bya ba'i phyir 'jug go/ de lta ma yin na byang chub gzhan spongs par mi 'gyur ro// zhes bya ba'i tha tshig go/ gzugs la sogs pa 'di dag la mi spyod pa kho na sbyor ba yin// pas/ spyod pa yongs dag ces bya ba la sogs pa gsungs te/ chags pa thams cad ces bya ba ni gzugs la sogs pa la bstan pa dang cig shos la sogs pa'i rnam par mngon par zhon pa'i mtshan nyid dag go/ de yongs su spangs pa'i phyir spyod pa mchog yin pas chags las zhes bya ba la sogs pa smos so// spyod pa yongs dag gsal bar bya ba'i phyir de ltar zhes bya ba la sogs pa gsungs so// 'gro zhes bya ba ni rdzogs pa'i byang chub tu zhes bya ba lhag ma yin no// rlom sems thams cad dang bral na sbyor ba mnyam pa nyid kyis nyi ma bzhin du 'od gsal ba'i phyir dang me bzhin du 'gro ba'i nyon mongs pa'i bud shing sreg pa'i phyir ni/ nyi ma zhes bya ba la sogs pa 'byung ba yin te don go bar zad do// de ltar rab tu sbyor ba ni rang bzhin gyis dag pa yid la byed pa'i sgo nas thams cad shes pa nyid kyi lam spong ste/ de'i yul ni kun nas nyon mongs pa dang rnam par byang ba'i bye brag gis bden pa bzhi yin pa'i phyir/ chos rnams thams cad ces bya ba la sogs pa smos te/ rang bzhin dag ces bya ba ni rang bzhin gyis nyon mongs pa med pa'i phyir ro// yongs dag ces bya ba ni shes bya'i sgrib pa dang bral ba ste/ yang dag par na med pa'i phyir ro snyam du dgongs pa yin no// gal te de ltar na'o// /
- 171a
na ni lta ba po dag gi mtshan nyid yin pa'i phyir bdag tu dmigs pa ma yin nam zhe na/ byed pa po yang mi dmigs zhes bya ba la sogs pa smos te/ de lta bas na gang zag mi dmigs pa 'dis ni thams cad shes pa nyid kyi mthong ba'i lam mtshan pa yin te/ nyan thos la sogs pa'i rtogs pa ni phal cher gang zag tsam ma dmigs pa'i ngo bo yin pa'i phyir ro// lam gyi rab tu dbye ba 'di ni lam gyi rnam par shes pa nyid kyi skabs su rgyas par bshad zin pas yang mi brjod do// chos thams cad mi dmigs pa'i sgo nas de spong ba ni/ chos kun zhes bya ba la sogs pa yin te/ de lta bu thams cad shes pa nyid kyis mtshan nyid yin no// // byang chub sems dpas de ltar nges par gzung nas rnam pa kun mngon par rdzogs par rtogs pa'i mtshan nyid kyi sbyor ba yid la bya dgos pas rnam pa kun mngon par rdzogs par rtogs pa ste/ de yang rten ni sbyor bar bcas pa dang // yon tan skyon ni mtshan nyid bcas// thar dang nges 'byed cha mthun dang // slob pa phyir mi ldog pa'i tshogs// srid dang zhi ba mnyam nyid dang // zhing dag bla na med pa ni// rnam kun mngon rdzogs rtogs pa ste// 'di ni thabs mkhas bcas pa yin// de la re zhig sbyor ba'i rten ni rgyal ba la ni zhes bya ba la sogs pa gsungs/ pa yin te/ shes rab spyod ces bya ba ni shes rab la mi skrag pa'i sems kyis 'jug pa zhes bya ba'i tha tshig go/ 'di ni sbyor ba'i rten byang chub sems dpa'i sngon gyi sangs rgyas la lhag par bya ba byas pa/ de la dge ba'i rtsa ba bskrun pa/ bshes gnyen dam pa la brten pa/ shes rab la mos pa dang ldan pa yin no zhes bstan pa yin te/ gzhan la ni spyod pa 'di lta bu mi 'thad pa'i phyir ro zhes sngar
- 171b
rgya cher bshad zin to// sbyor ba 'di ni rnam pa bcu ste/ 'di lta ste sbyor ba med pa'i sbyor ba ni/ phung po khams la zhes bya ba la sogs pa gsungs te/ khams la zhes bya ba ni mig la sogs pa la'o// yang phung po zhes bya ba smos pa ni zag pa med pa'i phung po yin par gzung ba'i phyir ro// byang chub sems dpa'i brtson zhes bya ba ni sbyor ba med pa nyid rnam pa thams cad du phyin ci ma log pa nyid kyis brtson pa'i bdag nyid yin pa'i phyir ro snyam du dgongs pa yin no// shes rab la the tshom med pa ni lung bstan pa'i gzhi yin pa'i phyir lung bstan pa'i sbyor ba ni/ sems can de ni ring nas zhes bya ba la sogs pa gsungs pa yin te/ sbrul dang sgyu ma 'dra zhes bya ba ni de dag dang 'dra ba'i phyir ro// phyir mi ldog pa'i sbyor ba ni som nyi med pa'i sbyor ba la phyir mi ldog pa yin pa'i phyir/ phyir zhing sbyor byed ces bya/ bal sogs pa 'byung ba yin te/ slob la zhes bya ba ni lhag pa'i tshul khrims dang lhag pa'i sems kyi bslab pa dang ldan pa zhes bya ba'i tha tshig go/ nges par 'byung ba'i sbyor ba ni dgon par zhugs pas gnag rdzi la sogs pa mthong ba bzhin du shes rab mnyan pa bar du gcod pa'i thibs po thams cad las 'da' ba'i ngo bo nyid yin pa'i phyir ro// dgon pa'i lam ni zhes bya ba la sogs pa 'byung ba yin te/ mtshams kyi nags tshal phun sum tshogs zhes bya ba ni grong la sogs pa'i mtshams dang ldan pa'i nags tshal phun sum tshogs pa zhes bya ba'i tha tshig go/ nye ba'i zhes bya ba ni de na yod pa'i grong la sogs pa gang yin pa de dag nye ba'i'o// 'di dag ces bya ba ni gnag rdzi la sogs pa'i rtags so// rtags zhes bya ba ni dbugs phyin pa'i rgyu'o snyam du dgongs pa yin no// dbugs
- 172a
phyin thob par gyur cing zhes bya ba ni shes rab mnyan pa srid pa'i nyes pa'i gnyen po yin pa'i phyir ro// 'jig med de zhes bya ba ni rdzogs pa'i byang chub tu smon pas gzhan gyis gegs byed pa yin pa'i phyir ro// de bsal bar bya ba'i phyir/ dgra bcom zhes bya ba la sogs pa smos so// rtag tu sbyor ba ni rgya mtsho chen por 'gro ba bzhin du rdzogs pa'i byang chub tu zhugs pa yang / de dang nye bar gyur na rtag tu 'jug pa'i rtags mthong ba yin pa'i phyir mi zhig ces bya ba la sogs pa 'byung ba yin te/ rtags zhes bya ba ni ring ba'i rtags te shing la sogs pa zhes bya ba'i tha tshig go/ rgya mtsho chen po nye bar gyur to snyam te zhes bya ba ni de dang nye ba na shing la sogs pa med pa'i phyir ro// rig par bya zhes bya ba ni shes par 'gyur zhes bya ba'i tha tshig go/ de ci zhig ce na/ rnam par 'dren pas zhes bya ba sogs pa 'byung ba yin te/ bdag ces bya ba ni bdag nyid do// reg par 'gyur zhes bya ba ni mngon du byed par 'gyur ba ste de'i rtags thos pa la sogs pa rtag tu dmigs pa'i phyir ro// ma du dgangs pa yin na// mngon par rdzogs par byang chub pa na ba'i stong pa ni dpyid kyi dus su lam lags pa'i sdong po bzhin du shes rab thob pa yang dri ma med pa'i yon kan gyi lo ma la som pa nye ba'i gzhir gyur pa yin pa'i phyir/ dpyid dus bzang la zhes bya ba la sogs pa 'byung ba yin te/ dpyid dus bzang la zhes bya ba smos pa ni dus log pa spang ba'i phyir/ bskrun zhes bya ba ni 'grub par 'gyur ba ste/ yal ga rnams kyis lo ma la sogs pa zhes bya ba bar skabs dang sbyar ro// lhag ma ni don go bar zad do// myurang du mngon par rdzogs par byang chub pa'i sbyor ba ni sbrum
- 172b
ma sdug bsngal gyis nyen pa bzhin du shes rab la 'dun pa la sogs pa dang ldan pa las mur du mngon par rdzogs par byang chub pa 'byung ba yin pa'i phyir dper na zhes bya ba la sogs pa 'byung ba yin no// gang zhes bya ba ni sdug bsngal dag gis nyams thag pa zhes bya ba lhag ma yin no// skyid pa zhes bya ba ni skyed par byed pa'i zhes bya ba'i tha tshig go/ 'phel ba dang 'grib pa med pa'i sbyor ba ni myur du/ mngon par rdzogs par 'tshang rgya ba mi dge ba dang cig shos dag la 'phel pa dang 'grib par mi lta ba yin pa'i phyir shes rab kyi pha rol phyin mchog ces bya ba la sogs pa 'byung ba yin te/ gzugs zhes smos pa ni tshor ba la sogs pa yang nye bar mtshon pa yin no// chos dang chos ma yin pa mi dmigs pa'i sbyor ba ni pha rol tu phyin pa'i bdag nyid kyi gnyen po mi mthun pa'i phyogs dang bcas pa dang chos kyi dbyings de bzhin nyid ces bya ba dmigs pa yin pa'i phyir/ gang zhig chos dang zhes bya ba la sogs pa 'byung ba yin te/ gang zhig mi mthong ba de gnas zhes bya bar sbyar ro// 'di'i rnam par mi rtog pa'i sbyor ba yang 'dir sangs rgyas kyi chos la sogs pa la yang mi rtog pa yin pa'i phyir/ gang zhig 'dir spyod ces bya ba la sogs pa gsungs pa yin te// rnam par mi rtog ces bya ba ni ngo bo nyid la rnam par mi rtog pa'i phyir ro// rtog bral zhes bya ba ni sgo 'dogs pa'i rtog pa dang bral ba'i phyir ro// byin gyis brlabs kyis spyod ces bya ba ni smon lam gyi shugs kyis 'gro ba yongs su smin par bya ba'i ched du 'jug pa'i phyir ro// 'dis ni rnam par rtog pa'i mtshan ma rnam pa bzhi dang bral ba'i sbyor ba bstan pa yin te/ phung po dang pha rol du
- 173a
phyin pa dang de kho na nyid dang / sangs rgyas kyi chos rnams la go rim bzhin du rang bzhin dang / gnyen po dang de kho na nyid dang thob par rtog pa'i mtshan ma'i mtshan nyid yin pa'i phyir ro// mtshan ma'i rab tu dbye ba 'di ni rnam par mi rtog pa la 'jug pa'i gzungs bstan pa la khong du chud par bya'o// de ltar sbyor ba kha na ma tho ba med pa'i phan yon mdor bstan pa ni/ 'di ni shes rab ces// bya ba la sogs pa 'byung ba yin te/ de ltar sbyor ba ni bdud kyis zil gyi mi non pa la sogs pa'i yon tan dang ldan pa'i phyir ro snyam du dgongs pa yin no// 'di la bdud kyi bar du gcod par 'gyur ba yang gang dag yin zhe na/ smra ba'i zla ba sangs rgyas zhes bya ba la sogs pa smos te/ rab 'byor gyis zhus pa ni des gdul ba'i 'gro ba dad par bya ba'i phyir ro// smra ba'i zla ba zhes bya ba ni dngos po thams cad gsal bar byed pa yin pa'i phyir te/ de bas na de la zhu'o snyam du dgongs pa yin no// yon tan ni shes rab la sbyor ba ste/ de kho na'i khongs su yon tan thams cad 'dus pa'i phyir ro// de las zhes bya ba ni bar du gcod par 'gyur ba de dag las zhes bya ba'i tha tshig go/ cung zad tsam zhes bya ba ni bar du gcod par 'gyur ba rnam pa dgu ste/ 'di lta ste bya ba gzhan la spobs pa ni// rgyal bI shes rab pha rol phyin ces bya ba la sogs pa yin te/ 'dri tshe zhes bya ba ni 'dri ba'i tshe na'o// tha dad pa nyid ni yul tha dad pa'i phyir ro// rnam pa du ma nyid ni yul gcig la rnam pa sna tshogs pa'i phyiraro// / de la spobs pa myur ba nyid ni shes rab 'dri bar sems pa bar ma do kho nar ldog pa yin pa'i phyir ro// 'gro ba'i don ma byas par zhes bya ba la sogs pa 'byung ba yin no// don zhes bya ba la don ni
- 173b
shes rab 'dri ba la sogs pa yin te/ de ni 'gro ba la phan pa'i rten yin pa'i phyir ro// phyir phyogs pa'i rgya mtshan 'dzin pa nyid ni 'di las bdag gis ming ma smos pa'i sgo nas lung bstan pa med do snyam nas phyir phyogs shing spong ba srid pa'i phyir 'di bshad tshen zhes bya ba la sogs pa yin te rigs ni tshe rigs so// bdud kyi las zhes bya ba ni de ni zhes bya ba lhag ma yin te bdud kyi byin gyis brlabs kho nas spong ba ste/ de lta bu 'byung ba'i phyir ro// rtsa ba mdor ba ni yal ga la sogs pa lta bu'i chos gzhan gyi gzhi yin pas thams cad kyi rtsa bar gyur pa shes rab kyi pha rol tu phyin pa 'dor ba yin/ pa'i phyir de ltar zhes bya ba la sogs pa gsungs pa yin no// theg pa mchog las nyams pa ni glang po don du gnyer ba zhig de snyed kyang de'i rjes 'tshol ba bzhin du theg pa'i mchog tu gyur pa shes rab kyi pha rol tu phyin pa yongs su spangs nas mdo gzhan 'tshol bar byed pa yin pa'i phyir/ glang po zhes bya ba la sogs pa gsungs pa yin no// gya nom pa'i ro myang ba las nyams pa ni kha zas bzang po bor nas kha zas ngan pa 'tshol ba bzhin du shes rab bor nas lam gzhan gyis rdzogs pa'i byang chub don du gnyer bar byed pa yin pa'i phyir dper na la la zhes bya ba la sogs pa 'byung ba yin te/ dgra bcom rnams kyi sa dang de dang ldan pa'i mdo la sogs pas so// bkur sti la sogs pa la bltos pa nyid ni/ bkur sti zhes bya ba la sogs pa gsungs pa yin te/ lha dang bcas pa'i sems zhes bya ba ni sti stang la sogs pa la zhes bya bar sbyar ro// 'dris byed ces bya ba ni bshes par byed pa'o// thabs ma yin pas thabs la mkhas pa 'tshol bas ni chos btang nas ni zhes bya ba la
- 174a
sogs pa 'byung ba yin te/ chos ni shes rab ces bya ba yin no// chos min zhes bya ba ni bdud kyis bstabs pa'i mdo goms par byed pa'o// lam gol 'gro ba ces bya ba ni de lta bur zhes bya ba lhag ma yin no// ston par byed pa la dga' ba med pa ni/ gang dag de'i tshe na zhes bya ba la sogs pa 'byung ba yin te/ 'dun cing zhes bya ba ni mngon par 'dod cing ngo / dad gyur nas zhes bya ba ni shes rab kyi 'bras bu la mngon par yid ches pa'i phyir ro// bya ba ldan zhes bya ba ni bya ba gzhan la bral ba'o// rig nas zhes bya ba ni shes nas so// bar du gcod pa mang ba nyid bstan pa'i phyir de'i tshe na zhes bya ba la sogs pa gsungs te/ de'i tshe na zhes bya ba ni shes rab 'dri ba la sogs pa'i tshe na'o// gang dag gis zhes bya ba ni gang rnams kyis so// dge slong smos pa ni las gzhan med pa rnams la yang bar chad byed pa yod pa bstan pa'i phyir ro// bar chad byed pa'i rgyu bstan pa'i phyir rin chen zhes bya ba la sogs pa gsungs te/ rin chen chos zhes bya ba ni chos thams cad kyi de kho na nyid ston par byed pa yin pa'i phyir ro// dkon la zhes bya ba ni shes rab rnyed pa ni yun ring mo zhig nas zhugs pas bsgrub par bya ba yin pa'i phyir ro zhes bshad do// de'i phyir de ni zhugs nas ring po ma lon par mi 'thob pas/ theg pa gsar du zhugs pa zhes bya ba la sogs pa gsungs te/ blo chung ba ces bya ba ni blo gros tshad yod pa'o// 'on kyang ci'i phyir ma rnyed ce na/ de la bar chad bya phyir zhes bya ba la sogs pa smos so// de ni sangs rgyas kyi byin gyis brlabs kho nas rnyed par 'gyur bar phyogs bcu'i zhes bya ba la sogs pa smos so// yongs su 'dzin zhes bya ba ni 'dri ba la sogs
- 174b
pa bar chad med pa nyid do// de la sbyor ba ni brtson no zhes bya ba'i tha tshig go/ shes rab la dgongs pa ni bcom ldan 'das rnams de las 'khrungs pa'i phyir ro// ma zhig ces bya ba la sogs pa smos te/ rim gro byed ces bya ba ni srid du byed pa'o// yum gyur zhes bya ba ni yum du gyur pa'o// dgongs pa mdzad ces bya ba ni bgegs med par bya ba'i phyir zhes bya ba khong nas drang ngo // bar chad byed pa'i rab tu dbye ba bshad zin to// // rnam pa kun mngon par rdzogs pa rtog pa 'di kho na'i mtshan nyid brjod par bya ste/ de yang shes pa dang khyad par dang byed pa dang / ngo bo nyid kyi mtshan nyid kyi dbye bas rnam pa bzhi'o// de la shes pa'i mtshan nyid ni thams cad mkhyen pa nyid gsum gyi sgo nas rnam pa bcu ste/ thams cad mkhyen pa nyid kyi dbang du byas nas de de bzhin gshegs pa mngon par bsgrub pa shes pa ni dus gsum gyi de bzhin gshegs pa rnams shes rab kyis bskyed pa yin pa'i phyir/ gang dag ces bya ba la sogs pa 'byung ba yin te/ 'di las zhes bya ba ni sbyor ba'i bdag nyid kyi shes rab ji skad bshad pa'i dbang du mdzad pa yin no// 'jig rten zhes pa ni phung po la sogs pa'i bdag nyid kyi 'jig rten rang dang spyi'i mtshan nyid du yongs su gcod pa'i phyir te de ston pas 'jig rten ston pa zhes bya ba gsungs so// de'i phyir bcom ldan 'das ma rdzogs pa'i sangs rgyas kyi yum dngos yin pas/ rgyal ba ces bya ba la sogs pa smos so// sems can gyi sems kyi spyod pa shes pa ni 'gro ba thams cad kyi sems kyi rab tu dbye ba ji lta ba bzhin yongs su shes pa yin pa'i phyir/ sems can gzhan gyi zhes bya ba la sogs pa
- 175a
'byung ba yin no// chos nyid mi 'khrugs pa shes pa ni de bzhin nyid ni so so'i skye bo dang 'phags pa'i bye brag gis kyang gzhan pa ma yin pa'i phyir/ 'jig rten zhes bya ba la sogs pa 'byung ba yin te/ 'jig rten zhes bya ba ni so so'i skye bo dang slob pa'i ngo bo nyid do dngos bral zhes bya ba ni 'dzin pa la sogs par sgro btags pa log pa tsam gyi bdag nyid yin pa 'ba' zhig tu zad de de/ ni tshu tshul 'dra ba tsam du rnam par bzhag pa'i rjes su 'gro ba'i rnam pa yin gyi yang dag pa'i rnam pa ni 'ga' yang med do snyam du dgongs pa yin no// shes rab pha rol phyin pas zhes bya ba ni lam gyi rnam/ pa spyod yul can gyi shes rab kyis so// mkhyen zhes bya ba ni thugs su chud pa ste de bzhin nyid ces bya bar sbyar ro// ji ltar 'di tha dad pa ma yin zhe na/ rab tu dbye ba shes pa ste de bzhin gshegs pa rnams 'das pa la sogs pas tha dad kyang chos nyid son 'dug pa'i phyir ro// mkhas pa zhes bya ba la sogs pa smos te gnas sam zhes bya ba ni gnas kyang rung ba'o// chos nyid nges pa zhes bya ba ni chos nyid nges pa ste/ de bstan pa'i phyir chos rnams stong pa zhes bya ba la sogs pa gsungs so// mtshan nyid med pa shes pa ni/ byang chub sems dpa' zhes bya ba la sogs pa 'byung ba yin te/ 'di zhes bya ba ni gzugs la sogs pa'i mtshan nyid kyis dben pa'i bdag nyid kyi de bzhin nyid ces bya bar sbyang ngo // de'i phyir sangs rgyas su tha snyad gdags pa yid pas/ de'i phyir zhes bya ba la sogs pa smos so// rten rang gi chos shes pa ni rnam pa thams cad shes pa nyid kyis bde bar gshegs pa skyed par byed pa yin pa'i phyir dang / de bzhin gshegs/
- 175b
pa gnas pa'i rten yin pa'i phyir/ shes rab pha rol phyin pa zhes bya ba la sogs pa 'byung ba yin te/ shes rab kyi pha rol tu phyin pa 'dzin pa'i rnam par 'dod pa nyid dga' tshal yin te dga' ba rnam pa du ma'i rten yin pa'i phyir ro// de lta bu des ni ci zhig mdzad ce na/ byed pa med pa shes pa ste 'gro ba yongs su smin par bya ba la sogs pa la zhugs kyang byed pa po la sogs pa mi dmigs pa'i phyir/ sems can zhes bya ba la sogs pa smos so// ji ltar yongs su smin par byed ce na/ stong pa nyid ston par byed pa shes pa ste seng ge bzhin du shes rab kyi ri dang / rdzong la brten nas mu stegs can ri dgas skrag par byed pa'i rgyu stong pa nyid kyi sgra sgrogs pa'i phyir/ dper na seng ge zhes bya ba la sogs pa 'byung ba yin te/ 'jigs pa med par zhes bya ba ni bag tsha ba med par ro// ji ltar rnam par grol bar byed ce na/ stong pa nyid mthong ba'i shes pa ste/ nyi ma'i 'od zer bzhin du bdag nyid shes rab kyi nam mkha' la gnas te srid pa'i srid pa bsal nas chos yang dag pa ji lta ba bzhin du ston pa'i phyir dper na nam mkha' zhes bya ba la sogs pa 'byung ba yin te/ shes pa'i mtshan nyid bshad zin to// sa gzhan las khyad par 'phags pa ni rnam pa brgyad de mthong bas khyad par du 'phags pa ni sdug bsngal gyi bdag nyid kyi gzugs la sogs pa mthong ba med pa nyid mthong ba phyin ci ma log pa'i ngo bo nyid yin pa'i phyir gzugs rnams zhes bya ba la sogs pa 'byung ba yin te/ rnam par shes pa ni 'jug pa'i rnam par shes pa drug go/ sems ni kun gzhi rnam par shes pa'o// yid ni nyon mongs pa can gyi yid do// ji ltar na mthong ba med pa nyid mthong bar 'gyur zhe na/ nam mkha'
- 176a
zhes bya ba la sogs pa smos te/ 'di sad du ji ltar dka ba la sogs pa'i dngos po mthong ba la ma mkha' mthong ba'i thasnya 'dogs kyi nam mkha'i dngos por gyu pa mthong ba'i phyir ni ma yin pa de bzhin du brtags pa med par mthong ba nyid chos mthong ba dam pa yin no zhes tha snyad brtags te de bstan pa'i thabs gzhan ni med pa'i phyir ro zhes bshad pa yin no// yang ma mthong ba la rang dang gzhan gyi don 'byung ba ci zhig yod ce na/ bya ba thams cad bsdus pas khyad par du 'phags pa ste/ shes rab kyi pha rol tu phyin pa ni blon po bzhin du bdag dang gzhan la phan pa sgrub pa yin pa'i phyir/ gang gis zhes bya ba la sogs pa 'byung ba yin te de ltar zhes bya ba ni de ltar bshad pa'i tshul du'o// chos kun zhes bya ba ni kun 'byung ba'i ngo bo nyid dag go/ rgyal po btang snyoms 'dug pa ji lta ba de bzhin du zhes bya ba khong nas drang ngo // sangs rgyas mdzad dang zhes bya ba sems can rdzogs pa'i byang chub tu yongs su smin par byed pa'o// nyan thos chos rnams ni bden pa'i tshul la 'god pa'o// btang snyoms su 'dug pa nyid rab tu bstan pa'i phyir rgyal po grong du zhes bya ba la sogs pa smos te/ bsdud pa ni len pa ste blon po'i dbang gis zhes bya ba khong nas dbyung ngo // yon tan zhes bya ba ni rang gi don phun sum tshogs pa'i mtshan nyid kyi yon tan ngag ste/ shes rab kyi mthus zhes bya ba lhag ma yin no// de ltar bdag nyid btang snyoms su 'dug na ring mo zhig du 'bras bu phun sum tshogs par mi 'gyur bar bya ba'i phyir myur du mngon par shes pa nyid kyi khyad par du 'phags pa ste/ sangs rgyas dang byang chub sems dpa' rnams la dad pa dang ldan pa ni 'gog pa la
- 176b
rnas shes pa nyid kyis myang du mngon par rdzogs par 'chang rgya ba'i phyir grang na zhes bya ba la sogs pa thos te/ bstan pa ni dang sa bya bar gyur ro// zil gyis minon ces bya ba'i sgrib pa thams dang kyis ma gtses par ro// de bzhin du gzhan dag la yang rab tu dbye ba'i mtshams sbyar ba ni ci rigs par brtag par bya'o// dmigs pas khyad par du 'phags pa ni gru chag pa'i mi ro la sogs pa la 'ju ba kho na ltar 'gog pa la rjes su shes pas srid pa'i rgya mtsho'i pha rol du 'gro ba'i phyir/ dper na rgya mtshor zhes bya ba la sogs pa 'byung ba yin te/ rgya mtsho smos pa ni rten med pas rgal bar dka' ba nyid du bstan pa'i phyir ro// gang zhig 'dzin pa zhes bya ba ni ro la sogs pa la zhes bya bar sbyar ro// dad pa ni yod pa nyid dang mngon par 'dod pa'i rnam pa yin no// thabs ni snying brtse ba la sogs pa'i mtshan nyid do// yon tan de nyid gang dag gam shes rab gang la yod pa de la de skad ces bya'o// // bam po bzhi pa// rten gyis khyad par du 'phags pa ni rdza ma so btang ba bzhin du lam shes pa kho na byang chub kyi tshogs kyi chu thub par byed pa yin pa'i phyir/ dper na la la zhes bya ba la sogs pa 'byung ba yin te/ bde bar zhes bya ba ni bde blag tu zhes bya ba'i tha tshig go/ phyin par 'gyur zhes bya ba ni bum pa zhes bya bar skabs dang sbyar ro// kyang zhes bya ba ni 'on kyang zhes bya ba'i tha tshig go/ ma rung 'gyur zhes bya ba ni byang chub gzhan du ldang ba'odad pas zhes bya ba ni dad pa can gyis so// sa gnyis ni nyan thos dang rang sangs rgyas kyi byang chub kyi mtshan nyid do// lhag ma ni go sla'o// phun sum tshogs pas khyad par du 'phags pa ni rgya mtsho'i gru
- 177a
bcos legs ma byas pa dang / cig shos dag bzhin du shes rab nyams pa dang / cig shos dag rdzogs pa'i byang chub yongs su nyams pa dang thob pa'i rgyu yin pa'i phyir/ dper na bcos legs ma byas zhes bya ba la sogs pa 'byung ba yin te/ nor dang bcas shing zhes bya ba ni gra nor dang bcas shing zhes bya bar sbyar ro// de nyid ces bya ba ni gong du bshad pa'i byang chub sems dpa'o// ma smras pa ni nyon mongs pa dag gis so// ma nyams pa ni shes bya'i sgrib pas so// yongs su bzung bas khyad par 'phags pa ni mi nyams chung ba bzhin du lhan cig byed pa shes rab dang thabs kyis yongs su ma zin pas srid pa dang zhi bar lhung ba srid pa'i phyir/ lo brgya nyi shu zhes bya ba la sogs pa 'byung ba yin te/ 'jig pa med cing zhes bya ba ni nyams su myong bar mi 'gyur nas bya ba na te// m+b+ha nyams nas b+hA ban sdud pa dang na pa gcig tungs par ma 'gyur ra nas zla ba la dag she// rA snang ba med pas khyad par du 'phags pa ni bshes gtsun dpa gdams ngag gi stobs kyis mchog tu 'dzin pa med pa'i sbyin pa la sogs pa rdzogs pa'i byang chub tu bsngo ba yin pa'i phyir/ byang chub sems dpa' dang po'i zhes bya ba la sogs pa 'byung ba yin te/ las dang po'i sa ni mos pa spyod pa yin no// yang na rab tu dga' ba yin te zag pa med pa dang po'i yongs su sbyor bar gyur pa'i phyir ro// slob ma bzang po bla ma la gus pa gang yin pa de dang ldan pa'o// de dag gis zhes bya ba ni de rnams kyis so// mkhas pa zhes bya ba ni yang dag pa'i gdams ngag la mkhas pa'i phyir mkhas pa rnams te dge ba'i bshes gnyen
- 177b
zhes bya bar sbyar ro// brten par bya zhes bya ba ni brten par bya ba'o// de las zhes bya ba ni dge ba'i bshes gnyen de dag pas so// de dag ces bya ba ni de dag 'byung bar byed pa yin te gang gi phyir zhes bya ba lhag ma yin no// yon tan rnams ji ltar 'byung ba de bstan pa'i phyir/ shes rab pha rol phyin pa zhes bya ba gsungs te shes rab la'o// de nyid kyi phyir 'di ni bcom ldan 'das kyis kyang gsungs pa sangs rgyas zhes bya ba la sogs pa smos so// da ni gdams ngag bstan pa'i phyir/ sbyin dang zhes bya ba la sogs pa gsungs te/ byang chub ni rnam par byang ba'i bdag nyid rnams so// / phung po ni kun nas nyon mongs pa'i mtshan nyid rnams so// de la de skad bstan par bya zhes bya ba ni de dag la de skad bstan par bya ba 'am de dag bzung bar bya'o zhes bya bar sbyar ro// rten gyis khyad par du 'phags pa la sogs pa bzhi po 'di dag ni lam gyi bzod pa dang shes pa'i bye brag gi sgo nas shes par bya'o// khyad par du 'phags pa bshad zin to// // de'i byed pa ni 'gro ba'i skyabs la sogs pa'i don gyis rnam pa dgu ste/ de ltar spyod pa zhes bya ba la sogs pa gang gsungs pa yin te/ legs mtsho smra ba'i zla ba ces bya ba ni mchog ston par byed pa nyid kyis gzhan gyi don sgrub pa rang gi yon tan phun sum tshogs pa sngon du 'gro ba can du rab tu bstan pa'i phyir ro// skyabs ni 'khor ba pa'i sdug bsngal bzlog par byed pa'i phyir ro// dpung gnyen ni mya ngan las 'das pa'i bde ba la 'god par byed pa'i phyir ro// gnas ni sdug bsngal gyi rgya sel bar byed pa'i phyir ro// rten ni de'i dbang gis rnam par byang bar 'gro ba'i phyir ro// blo ni phan pa dang cig shos
- 178a
yongs su gcod pa de la rag las pa'i phyir ro// gling ni de la brten pa rnams srid pa'i sred pa'i chus zil gyis mi non pa'i phyir ro// yongs 'dren pa ni rang dang gzhan gyi don la 'jug pa de la brten pa'i phyir ro// ji ltar na de lta bu yin zhe na 'di ltar don 'dod pa yin te snying brtse ba chen po dang ldan pas so zhes bya ba'i tha tshig go/ gsal byed ni gang zag la bdag med par rab tu bstan par byed pa'i phyir ro// sgron ma ni 'gro ba bdag med par rab tu ston par byed pa'i phyir ro// smra ba'i zla ba nyid yin par rab tu bstan pa'i phyir/ chos mchog smra ba ces bya ba smos te/ so so yang dag par rig pa rnams kyis de kho na nyid rab tu ston par byed pa'i phyir ro// mi mthun 'khrugs pa ni mi 'jigs pa bzhi dang ldan pa'i phyir te/ de lta bu ni byed pa'i mtshan nyid yin no// 'dir ni phyi ma phyi ma snga ma snga ma'i rgyu yin par khong du chud par bya'o// gang gis na de lta bur 'gyur ba 'di'i ngo bo nyid kyi mtshan nyid ci zhig yin zhe na/ ngo bo nyid kyi mtshan nyid de yang rnam pa brgyad do// dka' ba byed pa'i ngo bo nyid ni 'gro ba'i skyabs la sogs pa bya dka' yang de'i go cha gyon pa'i phyir/ grags chen zhes bya ba la sogs pa 'byung ba yin no// de lta na ji ltar rmongs par mi 'gyur zhe na/ mi dmigs pa'i ngo bo nyid de de'i don du brtson yang de'i phung po la sogs pa'i mtshan nyid mi dmigs pa'i phyir phung po zhes bya ba la sogs pa 'byung ba yin no// 'o na ni rnam par byang ba la mngon par zhen par 'gyur ro zhe na/ mngon par zhen pa med pa'i ngo bo nyid de theg pa gsum gyi dbang du byas nas rnam par byang ba la mngon par zhen pa med cing the tshom med pa rnams rang dang gzhan gyi don las phyir mi ldog pa nyid du nges par gzung ba'i phyir theg pa
- 178b
gsum zhes bya ba la sogs pa 'byung ba yin no// g.yo ba med pa ni kun nas nyon mongs pa'i phyogs kyis so// mi 'khrugs chos can ni mya ngan las 'das pa ste de lta ma yin na phyin ci log pa'i phyir mi ldog pa nyid ma yin no snyam du dgongs pa yin no// spros pa med pa ni the tshom chung ngu la sogs pa gsum dang bral ba'i phyir te de nyid the tshom zhes bya ba la sogs pa gsungs pa yin no// yang ji ltar na theg pa chen por 'du shes pa de yang phyin ci log pa nyid yin de'i yul ni shin tu rnam par byang ba'i phyir ro zhe na/ dmigs pa med pa'i ngo bo nyid de chos zab pa nyid kyis dmigs par bya ba dang dmigs par byed pa'i khyad par med pas ston pa yang chos kyi 'khor lo bskor bar 'jug pa la thugs las chung ngur mdzad pa'i phyir 'dren pa rnams kyi zhes bya ba la sogs pa 'byung ba yin te rdogs pa ni mthong ba'i lam gyis so// thob pa ni bsgom pas so// su shes snyam zhes bya ba ni 'gas kyang mi go'o// snyam nas zhes bya ba'i tha tshig ste/ yang dag par na med pa'i phyir dang mi mthun pa'i phyogs la mngon par dga' ba'i phyir ro// snyam nas zhes bya ba'i tha tshig go/ de'i phyir 'jig rten dang mi mthun pa'i ngo bo nyid ni/ sems can rnams zhes bya ba la sogs pa 'byung ba yin no// gnas zhes bya ba ni sems can du lta ba ste de ni yul la sred pa la sogs pa'i rten yin pa'i phyir ro// 'dzin pa ni chos su rnam par rtog pa'o// mi mkhas pa ni sems can du lta ba'o// blun mongs pa ni yul la mngon par 'dod pas so// mun pa bzhin zhes bya ba ni 'dzin pa la sogs par rtog pas so// chos ni de dang mi mthun pa yin pas/ thob par bya ba'i chos ni zhes bya ba la sogs pa gsungs te/ des na 'jig rten dag dang brtsod pa
- 179a
'byung zhes bya ba ni de'i phyir brtsod do zhes bya ba'i tha tshig go/ de nyid rab tu sgrub pa'i phyir gzhi med pa'i ngo bo nyid de/ chos kyi dbyings ni phyogs thams cad kyi nam mkha' bzhin du gzugs la sogs pa'i gzhi med pa'i phyir rang bzhin gyi gzhi ma yin pa'i phyir nam mkha'i zhes bya ba la sogs pa 'byung ba yin no// ci'i phyir tha dad pa nyid med ce na/ 'di ltar bye brag gyur pa med de thams cad du dben par mtshan nyid gcig pa'i phyir te de bzhin du chos kyi dbyings kyang zhes bya ba lhag ma yin no// de ci'i phyir zhe na/ 'gro ba med pa'i mtshan nyid de kun rdzob tu dus dang rnam par byang ba la sogs pa tha dad kyang de kho na nyid la 'dzin pa la sogs pa'i khyad par du 'gro ba med pa'i phyir 'das pa'i zhes bya ba la sogs pa 'byung ba yin te/ 'das pa'i de bzhin nyid gang yin pa zhes de skad du sbyar ro// bye brag med pa ni 'dzin pa la sogs pas dben pa ni thams cad du 'dra ba'i phyir ro// de rab tu bsgrub pa'i phyir de bzhin nyid mi dmigs pa'i ngo bo nyid de de kho na nyid mngon par rdzogs par byang chub pa ni de bzhin nyid la yang mi dmigs pa'i ngo bo nyid yin pa'i phyir dang de ni de'i rjes su mthun pa'i phyir de'i don du yang shes rab la brtson par bya ba yin pas/ bde gshegs byang chub ces bya ba la sogs pa 'byung ba yin te/ 'di ni zhes bya ba ni de bzhin nyid ces bya bar skabs dang sbyar ro// thob 'dod pa zhes bya ba ni mi dmigs pa'i tshul gyis thob par 'dod pa'o// de lta ma yin te/ 'dzin pa la sogs pa'i bye brag yod na tha dad pa dang bral ba med pa'i phyir ro// sbyor ces bya ba ni byang chub sems dpas zhes bya bar sbyar ro// de ci'i phyir zhe na/ shes rab med na zhes bya ba la sogs pa smos te/ bya 'dab gshog med pas
- 179b
nyams btsal med pa bzhin du de las gzhan pa'i dge ba bsags kyang thabs dang shes rab kyi 'dab pashog med nas gzhan du ltung ba srid pa'i phyir/ bya zhig ces bya ba la sogs pa smos te/ lus dpag tshad brgya rtsa lnga bcu pa zhes smos pa ni de lta bur chen po yang 'dab gshog med na nam mkha' la 'gro bar mi nus par bston pa'i phyir ro// sum cu rtsa gsum pa'i gnas nas 'dzam+bu'i gling du 'ong ba smos pa ni yul theg ring bar bstan pa'i phyir te thag nye bar 'gro ba ni sgrub pa sla ba'i phyir 'dab gshog med kyang ji zhig ltar nus so// mchongs na zhes bya ba ni bor na'o// der ni zhes bya ba ni de nas sa ma dza m+bu'i gling der ni zhes bya bar sbyar ro// dngos bstan pa'i phyir rgyal ba rnams kyis zhes bya ba la sogs pa gsungs te/ dge ba gzhan nye bar bsags pa yang mtha' dag gi sgo nas ni sbyin pa'i pha rol tu phyin pa la sogs pa lngacur bsgrub pa'i phyir ra// gal te shes rab med na ji ltar pha rol tu phyin par tha snyad gdags shen/ bden med kyi gzhan gyi bsam pa dang bstan par gsung pa'i phyir nyes pa med do// dus ring ba'i sgo nas ni bskal pa du mar yang dag par bsgrub pa'i phyir ro// spel ba'i sgo nas ni smon lam chen po mtha' yas pa bsgoms pas de spel ba'i phyir ro// 'on kyang nges par 'byin pa'i gtso bo med pa'i phyir byang chub mi thob pas thabs med ces bya ba la sogs pa smos te/ mtshan nyid kyi rab tu dbye ba bshad zin to// thabs dang shes rab 'bras bu dang bcas pa yang thar pa'i cha dang mthun pa can gyi yin pas/ sangs rgyas theg pa 'di la nges 'byung zhes bya ba la sogs pa gsungs te/ sbyin pa la sogs pa yang dag par sgrub pa la mkhas pa mtshan
- 180a
mar ma byas pa ni rnam pa thams cad mngon par rdzogs par byang chub pa la thar pa'i cha dang mthun pa yin par 'dod do// 'di la zhes bya ba ni ji skad bshad pa'i sangs rgyas kyi ye shes la zhes bya bar sbyar ro// nges par 'brur 'dod ces bya ba ni mtshan ma med pa'i sbyin pa la sogs pa la mos pas nges par 'byung bar 'dod pa zhes bya ba'i tha tshig go/ gang zhes bya ba ni byang chub sems dpa'o// de ltar thar pa'i cha dang mthun pa thob pa de ni sbyor ba'i lam la nges par 'byed pa'i chu dang mthun pa sgrub par byed pas/ 'gro ba kun la zhes bya ba la sogs pa smos te/ sems snyoms zhes bya ba ni dro bar gyur pa thob pa ni brjod pa tsam du mos pas rang dang gzhan mnyam pa nyid thob pa'i phyir ro// pha ma'i 'du shes zhes bya ba ni rtag tu de la 'dod pa don du gnyer ba'i phyir ro// phan pa'i sems ni rtse mor gyur pa'i gnas skabs pa'i yin te/ phyi ma la phan par bya bar sems dpa'i phyir ro// byams pa'i yid ces bya ba ni bzod pa'i gnas skabs na yod pa ste/ bde ba kha na ma tho ba med pa nye bar bsgrub par sems pa'i phyir ro// thu ba med pa ni chos kyi mchog gi gnas skabs na yod pa yin te/ gnod sems med pa'i phyir ro// drang la zhes bya ba ni g.yo med pa'i phyir ro// de ltar bsam pa bstan nas sbyor ba bstan pa'i phyir tshig 'jam zhes bya ba la sogs pa gsungs te/ 'dis ni byams pa'i lus kyi las kyang nye bar mtshon pa yin no// 'di dag kyang gong du bshad pa ni de kho na nyid yin la byed pa'i khyad par gyis rab tu phye ba yin no// de ni 'gro ba la phan pa'i thabs kyis khyad par du byas pa yin te/ de'i phyir bzlos pa nyid ma yin no// de bzhin du gzhan la yang mi bzlos pa nyid
- 180b
du skabs kyis khong du chud par bya'o// mi ldog rig par bya zhes gsungs pa gang yin pa de lam 'di la de dag gi rtags kyi rab tu dbye ba gang yin zhe na/ 'jig rten mgon po zhes bya ba la sogs pa smos te/ phyogs tsam zhes bya ba ni de dag gi yon tan mtha' dag ni bstan pa'am mnyan par mi nus pa'i phyir ro snyam du dgongs pa yin no// phyir mi ldog pa de dag kyang nges par 'byed pa'i cha dang mthun pa dang mthong ba dang sgom pa'i lam gyi bye brag gis rnam pa gsum mo// de la yon tan bcu drug gis nges par 'byed pa'i cha dang mthun pa'i gnas skabs dag yin pas/ mtha' dag 'du shes bral zhes bya ba la sogs pa smrasaH/ blang ba la sogs pa brjo pas ma nags gyu ze pa nyid kyi 'du gas nyid myed pa dang / 'thad pa smra ba dang / gnan pa stegs can lam gan+de pa'i rgya dkon mchog gsum la mi byed pa nyid dang / rtag tu sdig pa spong ba dang / rang yongs su smin par bya ba'i phyir dge ba'i las kyi lam la rten pa dang / 'gro ba yongs su smin par bya ba'i phyir zang zing med par chos kyi mchog sbyin pa dang / sgrib pa sbed pa'i phyir chos zab mo la mngon par dga' ba dang / byams pa'i ngag gi las dang / spyod lam thams cad du legs par shes bzhin dang ldan pa dang / gzung ba'i g.yeng ba med pa ni rtag tu phyi nang gi gtsang sbra dang ldan pas gzhan mu stegs can dad par bya ba'i phyir rlung gi gtsang sbra kun du spyod pa dang / bsod nams kyi mthus chos gos la sogs pa la drang ba la sogs pa med pa'i phyir gos la gzob pa dang / lus kyi las la sogs pa kha na ma tho ba med pa'i phyir sgo gsum dben zhing dag pa dang sbyangs pa'i yon tan kun nas nyon mongs
- 181a
pa med pa yang dag par len pa'i phyir rnyed pa la sogs pa la mi lta ba dang / 'dzin pa'i g.yeng ba med na pha rol tu phyin pa'i mi mthun pa'i phyogs rnams kyis mi 'khrugs pa'i phyir khyu mchog dang / rtag tu chos 'dod pa dang / bdud la sogs pas byang chub las mi zlog pa'i phyir gzhan gyi dring mi 'jog pas so// yon tan 'di dag ni dri bar gyur pa la sogs pa'i gnas skabs su ci rigs par sbyar bar bya'o// bcwa drug gis mthong ba'i lam gyi gnas skabs dag yin pas/ bsam gtan bzhi la zhes bya ba la sogs pa smos te/ bsam gtan bzhi yid la byed pa'i rnam par mi g.yeng ba dang / sdug bsngal gyi rnam pa la phyin ci ma log pa ni bsam gtan la mi gnas pa'i phyir ro myang ba med pa dang / chos thams cad stong pa nyid du rtogs pa'i phyir grags pa mi 'dod pa dang / kun nas mnar sems kyi dngos po dag bdag med par khong du chud pa'i phyir khro ba med pa dang / thabs la mkhas pa ni sred pa med kyang 'jig rten la snying brtse bas de dag dang mthun na khyim na gnas pa kun tu ston pa'i phyir dngos po la mngon par zhen pa med pa dang 'tsho ba'i ched du yang bas longs spyod sgrub pa med pa'i phyir 'tsho ba dag pa dang / nyon mongs pa can gyi sems kyis drag shul mi spyod pa dang / bud med dbang du bya ba la sogs pa mi sbyor ba'i phyir lus kyi las dam pa dang / khye'ur 'gyur ro zhe'am bu mor 'gyur ro zhes bya ba ston pa la sogs pa spangs pa'i phyir ngag gi las nyon mongs pa can ma yin pa dang / dngos po thams cad rang bzhin gyis mya ngan las 'das par rtogs pa'i phyir dben pa'i shes rab mngon par brtson pa dang / ngo bo nyid kyis zhi bar khong du chud pa'i phyir 'thab pa la sogs pa dang bral ba dang / rgyud gzhan la yang chos gya nom pa nye bar bsgrub pa'i bsam pa can yin pa'i phyir byams pa
- 181b
bstan pa dang / de kho na nges par 'byung ba yin pa rtogs pas byang chub gzhan mngon par mi 'dod pa'i phyir thams cad mkhyen pa nyid 'dod cing de'i bstan pa la gzhol ba dang / mtha' 'khob la sogs pa spangs pa'i phyir skye ba la dbang ba nyid dang / rigs pa dang ldan pa'i chos rtogs pas bdag nyid la phyir mi ldog pa nyid du nges par 'dzin pa'i phyir rang gi sa la the tshom med pa dang / rang gi rtogs pa ri rab dang 'dra ba'i phyir mi g.yo ba nyid dang / 'di kho na nges par 'byung ba yin no// zhes bya bar rtogs na de'i phyir srog kyang yongs su mdor ba'i phyir dam pa'i chos la dga' bas so// 'di dag ni bden pa so so'i bzod pa dang shes pa dang mthun par ci rigs par mi nag pa la sogs pa'i rnam pa'i sgo nas blta bar bya'o// gom pa'i lam la gnas pa rnams ni chos zab mo ji ltar mthong ba goms par byed pa yin pas/ gzugs dang zhes bya ba la sogs pa smos te/ mtshan ma med pa ni rang bzhin gyis gzugs su rung ba la sogs pa'i mtshan ma med pa'i phyir ro// zhi ba ni stong pa nyid dang smon pa med pa'i bdag nyid yin pa'i phyir te/ de'i phyir/ zab mo snyam du dgongs pa yin no// dper na mda' yis zhes bya ba la sogs pa ni 'di skad du mda' la sogs pas rgya mtsha'i gting ji skad du bshad pa'i tshul du shes rab kyi phung po la sogs pa la gting ma rnyed pa ni phyir mi ldog pa dag yin par rig par bya'o// zhes bshad pa yin no// 'di nyid kyi yon tan dri ba mngon du 'gro ba can bstan pa'i phyir/ byang chub sems dpa' gang zhig ces bya ba la sogs pa gsungang/ te/ za ba gyur ces bya ba ni gting dpag dka' ba'i phyir ro// theg pa ni byang chub kyi lam yin pa'i phyir ro// don dam pa ni ye shes dam pa'i yul yin pa'i phyir ro// chags med ni rang bzhin gyis dag pa'i
- 182a
phyir ro// de yang chos la bdag med pa ston par byed pa yin pa'i phyir gang la zhes bya ba la sogs pa smos te/ gang la zhes bya ba ni chos gang dag la zhes bya bar sbyar ro// bsod nams kyi tshad bstan pa'i phyir dper na zhes bya ba la sogs pa gsungs te/ skyes bu rjes su chags pa dper brjod pa ni bud med dang phrad par dus btab nas de la rnam par rtog pa mang bar bstan pa'i phyir ro// thob par 'gyur zhes bya ba ni shes rab yid la byed pa skad cig ma cung zad gcig gis bskal pa de snyed du bsgrub par bya ba'i bsod nams sngon du byed do zhes bya ba'i tha tshig go/ chos zab mo la goms pa yang chung ngu dang 'bring po dang chen po'i bye brag gis rnam pa gsum mo// de la chung ngu ni sbyin pa la sogs pa gzhan mchog tu gyur pa yang shes rab kyi chos sbyin pa tsam gyis zil gyis gnon pa yin pa'i phyir/ byang chub sems dpa' gang zhig ces bya ba la sogs pa 'byung ba yin te/ dgra bcom pa rang rgyal zhes bya ba ni dgra bcom pa dang rang sangs rgyas dag la zhes bya ba'i tha tshig go/ 'bring ni shes rab kyi pha rol tu phyin pa'i rgyu las byung ba'i chos sbyin pa rdzogs pa'i byang chub tu bsngos na khams gsum pa'i bsod nams thams cad pas mchog yin pa'i phyir/ byang chub sems dpa' gang zhig ces bya ba la sogs pa 'byung ba yin no// chen po ni de ltar mchog tu gyur pa'i bsod nams kyi tshogs la yang gsog la sogs par rtogs pas zag pa med pa'i bsod nams gzhal du med pa yongs su 'dzin pa yin pa'i phyir/ bsod nams de yang zhes bya ba la sogs pa 'byung ba yin te/ gsog ni gzugs su rung ba'i mtshan nyid la sogs pas dben pa'i phyir ro// stong pa ni sdug bsngal la sogs pa'i rnam pas stong pa'i phyir ro// gsob ni mtshan
- 182b
ma med pa'i phyir ro// ya ma brla ni rten cing 'brel par 'byung ba'i phyir ro// snying po med pa ni 'dzin pa la sogs pa dang bral ba'i phyir ro// gzhal du med pa zhes bya ba ni stong pa nyid du ro gcig pas gzhal bya ba la sogs pa'i sgra mi 'jug pa'i phyir ro// de lta na de kho na nyid ni rnam par rtog pa med pa'i phyir gzhal du med pa zhes bya ba la sogs pa'i tha snyad kyang mi 'jug pa ma yin nam de lta na yang brjod pa tsam ni gnyen po ma yin pa'i phyir mi mthun pa dang gnyen po dag nyams pa dang 'phel ba med par thal bar 'gyur bas/ sangs rgyas kyis bshad ces bya ba la sogs pa smos te/ bshad ces bya ba ni mdor bstan pa'i sgo nas so// rab tu sbyar zhing zhes bya ba ni rgyas par bshad pa'i sgo nas so// rab tu bstan pa ni the tshom spong ba'i sgo nas so// bskal pa bye ba zhes bya ba la sogs pa smos pa ni gnyen po ma yin pa goms pa ni yun ring mo zhig lon du zin kyang don med par rab tu bstan pa'i phyir ro// de bzhin du pha rol tu phyin pa la sogs pa'i chos kyang gnyen po ma yin te/ de dag kyang sbyor ba'i dus na rnam par rtog pa'i mtshan nyid yin pa'i phyir/ rgyal ba rnams kyi zhes bya ba la sogs pa smos so// de'i lan gdab par yongs bsngo zhes pa la sogs smos te/ de ltar rlom sems thams cad las 'das pa'i yongs su bsngo ba nyid rnam par mi rtog pa'i go 'phang rab tu skye ba'i rgyu yin pa'i phyir ro snyam du dgongs pa yin no// sems dang po bskyed pas rab tu phye ba'i yongs su bsngo ba ni byang chub pa'i rgyu ma yin te/ de ni de'i tshe na 'gags nas yun ring zhig lon pa'i phyir ro// bar chad med pa'i lam gyi mtshan nyid kyang ma yin te/ sems dang po sogs pa don med par 'gyur ba'i phyir ro// de dag 'dus pa yang ma yin te/ de dag ni rim gyis 'byung ba nyid dang ring du mi gnas pa nyid
- 183a
kyis lhan cig pa med pa'i phyir ro zhe na/ de 'bru mar gyi snying po sreg pa'i tshul gyis lan gdab pa'i phyir 'bru mar snying po zhes bya ba la sogs pa smos so// 'bru mar gyi snying po smos pa ni sreg bal sogs pa gsungs te/ dang po'i sems ni mos pa spyod pas rab tu bsdus pa'o// zhi ba ni byang chub ces bya bar skabs dang sbyar ro// 'byung zhes bya ba ni myu gu la sogs pa gcig nas gcig rngu brgyad de skyeb gas sa na grus pa gyu bya ba ni byed rgyu ste brgyad pas zhes bya ba lhag ma yin no// de ni snying rje dang mtshungs par ldan pas sa bon grung po dang 'dra ba'i phyir ro// 'gags la zhes bya ba ni skad cig ma gnyis pa la sogs pa'i dus na sems kyi skad cig ma snga ma 'gags pa'i phyir ro// med pa de'i ma yin zhes bya ba ni 'gags pa'i dus gzhan na yang yod pa ma yin pa'i phyir byang chub ni de'i ma yin te/ dngos su'o snyam du dgongs pa yin no// rim gyis ni sems kyi skad cig ma snga ma snga ma rnams tshogs su rdzogs par byed pa'i rgyu yin pa'i phyir thigs pas bum pa 'gengs pa bzhin du byang chub kyi rgyu yin pas/ chu'i thigs pa zhes bya ba
- 183b
la sogs pa smos te chu'i thigs pas zhes bya ba ni chu'i thigs pa dag gis so// rim gyis zhes bya ba ni mthar gyis zhes bya ba'i tha tshig go/ de zhes bya ba ni bum pa zhes bya bar sbyar ro// thabs kyi mthus ni byang chub mchog rgya yin te/ de ni tshogs yongs su rdzogs par bya ba nyid la chu lta bu yin pa'i phyir ro// de lta bas na chos zab mo la goms pa ni rdzogs pa'i sangs rgyas kyi rgyur gyur pa'i phyir phyir mi ldog pa nyid kyi rtags dam pa yin no// phyir mi ldog pa'i rab du dbye ba bshad zin no// // de dag gis kyang mi gnas pa'i mya ngan las 'das pa la bslab par bya dgos pas 'khor ba dang mya ngan las 'das pa mnyam pa nyid ni stong pa zhes bya ba la sogs pa 'byung ba yin te/ mya ngan las 'das pa ni 'gro ba la phan 'dogs pa'i sems nyams pa'o// mtshan ma ni 'dzin pa la sogs pa'o// 'dir dper na zhes bya ba la sogs pa smos te/ de bzhin du byang chub sems dpa' yang stong pa nyid du ro gcig pa'i phyir rgya mtsho'i tshu rol dang pha rol gyi 'gram lta bu 'jig rten pa dang 'jig rten las 'das pa'i gnas skabs dag la blo gros ma chags par gnas so snyam du dgongs pa yin no// de ltar spyod pa'i zhes bya ba ni bdag med pa nyid du rnam par blta ba'o// rlom sems med ces bya ba ni kun nas nyon mongs pa dang rnam par byang ba khyad par med pa rtogs pa'i phyir ro// 'di la ci'ang med ces bya ba ni khyad par med par rtogs pas na byang chub la skrag pa med pa ste/ yang dag par na mnyam pa nyid du rtogs pa kho na khyad par dpe med pa yin pa'i phyir ro// de ltar mnyam pa nyid la zhing rnam par dag pa ni snod dang sems can gyi 'jig rten dag la mya ngan gyi dgon pa dang gnod sems la sogs pa
- 184a
mthong na de dag rnam par sbyang ba'i phyir phyi ma'i mtha'i mur thug par go cha gyon pa'i phyir dang de yang skyo ba med pa'i phyir/ 'jig rten dgon pa'i lam zhes bya ba la sogs pa 'byung ba yin te/ rtag tu brtson zhes bya ba ni rtag tu pha rol tu phyin pa rnams la rab tu zhugs pa'o// rab shes nas zhes bya ba ni dgon pa la sogs pa sgyu ma lta bur lta ba'o// zhing dag pa bshad zin to// // de yang thabs dang ldan pa'i 'bras bu yin pas thabs la mkhas pa ste/ de'i yul ni stong pa nyid do// de'i sbyor ba ni snying brtse bas sems can la lci ba sngon du 'gro ba'i shes rab yid la byed pa yin pas byang chub sems dpa' zhes bya ba la sogs pa 'byung ba yin te/ mnyam par ma bzhag ces bya ba ni 'jug dang sbyor ba'i gnas skabs dag na'o// yongs mi nyams zhes bya ba ni shes rab dang snying brtse ba dag gis 'khor ba dang mya ngan las 'das par mi lhung ba'i phyir ro// thabs de yang rnam pa bcu gnyis te/ bar chad byed pa las yang dag par 'da' ba'i thabs ni sgyu rtsal la mkhas pa'i skyes bu bzhin du byams pas sems can gyi khams la dmigs ta zhugs pa bdud la grags pa bar nad byed pa las yang dag par 'da' ba'i phyir/ dper na skyes bu zhes bya ba li sogs pa 'byung ba yin te/ btsun zhes bya ba ni goms par byas pa'o// sgyu ma sgrub zhes bya ba ni gcig pus kyang 'khor du ma ston pa'i phyir ro// 'gro don rab tu 'dod pa zhes bya ba ni snying rje med pa ni nus su zin kyang gzhan yongs su bskyab pa la mi 'jug pa'i phyir ro// de yis zhes bya ba ni ji skad bshad pa'i skyes bus so// kun tu zhes bya ba ni thams cad la te sems can gyi khams zhes bya bar sbyar ro// sa gnyis las
- 184b
zhes bya ba ni nyan thos dang rang sangs rgyas kyi sa dag las te/ rab 'das nas zhes bya bar skabs dang sbyar ro// byang chub reg mi byed ces bya ba ni tshogs ma rdzogs pa 'am de la yang mngon par zhen pa med pa'i phyir ro// snyam du dgongs pa yin no// thun mong ma yin pa'i thabs ni 'gro ba'i las kyi dbang gis nam mkha' la snod kyi 'jig rten gnas pa bzhin du sems can yongs su mi gtong ba'i bsam pas shin tu dka' ba'i stong pa nyid la gnas pa'i phyir mkha' la bya la sogs pa 'byung ba yin te/ de la zhes bya ba ni chu'i phung po de la'o// 'gro ba ces bya ba ni rten zhes bya bar sbyar ro// las la spyod pa'i rgyu zhes bya ba ni snod kyi 'jig rten med pa las kyi 'bras bu la spyad par mi nus pa'i phyir ro zhes bya ba'i tha tshig go/ bya ba zhes bya ba ni sbyin pa la sogs pa bsdu ba'i dngos po'i mtshan nyid dag go/ bya ba ston pa gang la rten sems can rnams kyis shes pa'i ched du smon lam gang yin pa de kho na yod pa zhes bya bar tshig rnam par sbyar ro// gnas pa med ces bya ba ni stong pa nyid ni num mkha' bzhin du/ rten ma yin pa'i phyir te/ 'on kyang sa gzhan du mi lhung ngo snyam du dgongs pa yin no// mtshan ma med pa'i thabs ni stong pa nyid la gnas pa mtshan ma dang mtshan ma med pa dag du mi 'dzin pa'i phyir/ gang gi tshe na zhes bya ba la sogs pa 'byung ba yin te/ mtshan ma la mngon par ma zhen pa'i phyir zhi la spyod pa yin no// mtshan ma med pa la mngon par ma zhen pa'i phyir rab zhi spyod pa yin no// mi gnas par gnas pa'i thabs ni nam mkha' dang sa dag la bya bzhin du zhi ba dang mtshan ma dag la mi gnas par sems can gyi don bya ba la gnas pa'i phyir bar snar zhes bya ba la sogs pa 'byung ba yin te/ de na gnas pa
- 185a
ma yin zhes bya ba ni nam mkha' kho na la 'gro ba'i phyir ro// rnam thar sgo zhes bya ba ni stong pa dang mtshan ma med pa dang smon pa med pa'i bdag nyid yin te/ grol ba'i thabs yin pa'i phyiraro// smon lam gyi 'phen pas rjes su 'jug pa'i thabs ni 'phong dpyad la mkhas pa ji ltar 'dod pa bzhin du mda' gnam du 'phangs pa 'dzin pa de ltar shes rab la gnas pa sngon gyi smon lam gyi 'phen pa'i rjes su 'jug pas yang dag pa'i mtha' mngon sum du byed pa'i phyir/ dper na 'phong slabs zhes bya ba la sogs pa 'byung ba yin te/ mda' gzhan dag ces bya ba ni gnas gzhan dag gis so// phyi bzhin rgyud mar long btags nas zhes bya ba ni rgud mar 'phangs te sngar 'phangs pa'i mda' sde sa la lhung du mi ster ro zhes bya bar sbyar ro// thabs ni snying brtse ba la sogs pa'i mtshan nyid do// stobs ni gnas dang gnas ma yin pa zhes pa la sogs pa'o// rdzu 'phrul ni nam mkha' la 'gro ba la sogs pa'o// rnam dpyod po ni ngo bo nyid med par blta ba'o// sbyong nyid dam pa ni rnam par rtog pa'i bag chags mtha' dag med pa'o// de thob mi byed pa ni tshogs yongs su ma rdzogs pas de mngon sum byas na lhun gyis grub par 'gro ba yongs su skyob pa med pa'i phyir ro// cho gas yongs su rdzogs pa yang dag pa'i rnam par rtog pa'i mngon par bsgrub pas bsgrub par bya ba yin pa'i phyir te/ sa mi g.yo ba las gal te sangs rgyas bcom ldan 'das de dag gis byang chub sems dpa' de mngon par bsgrub pa'i sgo la gzhug pa mdzad na de nyid 'di'i yongs su mya ngan las 'da' bar 'gyur ro zhes gang gsungs pa lta bu yin no// skyo ba med pa'i thabs ni dge slong
- 185b
rdzu 'phrul dang ldan pa nam mkha' la dus gcig tu cho 'phrul byed pa dag gis mi skyo ba bzhin du stong pa nyid la gnas pa yang sems can skyabs pa'i bya ba dag gis skyo bar mi 'gyur ba'i phyir dper na dge slong zhes bya ba la sogs pa 'byung ba yin te/ dge slong smos pa ni de la the tshom med pa rnams 'di la the tshom mi za bar bya ba'i phyir ro// cig car cho 'phrul byed pa ni dus gcig tu bya ba 'gal bar ston pa'o// / de bstan pa'i phyir 'gro dang zhes bya ba la sogs pa smos te/ skyo ba med cing zhes bya ba ni bsam pa'i sgo nas so// dub pa med ces bya ba ni sbyor ba'i sgo nas so// ye shes rdzu 'phral pha rol tu phyin zhes bya ba ni thabs dang ye shes don yod pa phul du byung ba'o// zung du 'brel ba'i thabs ni mig yang sa chen por mchong ba bzhin du snying brtse ba sngon du 'gro ba'i rnam par thar pa'i sgo mngon du gyur na shes rab dang thabs kyi gdugs gnyis yongs su bzung bas sa gzhan du mi ltung ba'i phyir/ dper na mi 'ga' zhes bya ba la sogs pa 'byung ba yin te/ mchong bar byed cing zhes bya ba ni 'dor bar byed pa ste lus zhes bya bar sbyar ro// lhung bar mi 'gyur zhes bya ba ni snang bar mi 'gyur zhes bya ba'i tha tshig go/ ji snyed der ni 'gro bar 'gyur zhes bya ba ni bgrod par bya ba ji snyed pa der bde blag kho nar 'gro bar 'gyur snyam du dgongs pa yin no// chos rnams shes bya ba ni stong pa nyid la sogs pa zhes bya bar skabs dang sbyar ro// 'gro ba la phan pa bskyed pa'i thabs ni rin po che'i gling du phyin pa bzhin du ting nge 'dzin gyi mchog thob pa 'jig rten la snying brtse bas yang dag pa'i rnam par rtog pa mngon du byed pa'i phyir ro// de lta ma yin na gzhan gyi don mi 'thad pa'i phyir/ dper na rin chen 'dod pa
- 186a
zhes bya ba la sogs pa 'byung ba yin te phyir yang khyim du 'ong 'gyur ba zhes bya ba ni slar 'ong bar 'gyur ba zhes bya bar sbyar ro// yid mi bder 'jog pa min zhes bya ba ni gnyen bshes kyi tshogs sdug bsngal ba 'ba' zhig yid la bzhag nas phyir ldog pa yin te/ rang gi don ni med pa'i phyir ro snyam du dgongs pa yin no// stong pa nyid ni yon tan rin po che'i 'byung gnas yin pa'i phyir dang srid pa'i chu med pa'i phyir rin chen gyi gling yin no// chags pa med pa'i thabs ni tshong pa bzhin du mkhas par bya ba'i phyir lam la sogs pas rab tu zhugs kyang de la mi gnas pa'i phyir/ dper na don gnyer zhes bya ba la sogs pa 'byung ba yin te/ bar gyi zhes bya ba ni bgrod par bya ba'i lam ka yi'o// grong khyer gang yin pa dang grong brdal gang yin par zhes bya bar sbyar ro// 'gro zhes bya ba ni grong khyer la sogs pa de dag tu 'gro ba la'o// de yang zhes bya ba ni grong khyer la sogs par ro// lam la mkhas par 'gyur zhes bya ba ni lam rgyas la mkhas par bya ba 'ba' zhig gi don du rtogs par byed pa kho nar zad do// de zhes bya ba ni byang chub sems dpa'o// rang rgyal rnams kyi zhes bya ba ni rnam par grol ba dang shes pa zhes bya bar sbyar te shes pa ni lam mo// kun la zhes bya ba ni lam la sogs pa rab tu dbye ba dang bcas pa la zhes bya ba'i tha tshig go// / byams pa chen po'i sbyor ba'i thabs ni 'gro ba la byams pa mngon du 'gro ba'i stong pa nyid la sogs pa mngon sum du gyur na mya ngan las 'das pa dang 'dus byas su gdags pa las yang dag par 'das pa'i phyir ro// gang che zhes bya ba la sogs pa 'byung ba yin te/ de ni gnas med do/
- 186b
zhes bya ba ni byams pa'i sbyor ba dang stong pa nyid kyi ting nge 'dzin dag ni go rim bzhin du mya ngan las 'das pa dang srid pa gdags pa dang 'gal ba'i phyir ro snyam du dgongs pa yin no// mi dmigs pa'i/ thabs ni sprul pa bzhin du rnam par thar pa'i sgo la gnas pa ni gdul bar bya ba rnams kyis bya ba thams cad la lus tsam rtogs pa'i phyir ming tsam du 'dogs pas/ dper na sprul pa'i zhes bya ba la sogs pa 'byung ba yin te/ mi lus mi snang ma yin zhing zhes bya ba ni kun tu rtogs pa med kyang lus kyi byed pa tsam rtogs pa'i phyir ro// ming gis kyang zhes bya ba ni ming kho nas zhes bya ba'i tha tshig go/ phyir mi ldog pa'i rtags kyi thabs ni bdag nyid thabs dang shes rab la gnas shing gzhan dag la yang de ston pas phyir mi ldog pa nyid du nges par 'dzin pa yin pa'i phyir/ gal te zhes bya ba la sogs pa 'byung ba yin te/ spyod pa zhes bya ba ni spyod pa'o// chos zab mo nyid bstan pa'i phyir stong pa zhes bya ba la sogs pa gsungs so// phyir mi ldog pa'i sa'i chos ni 'gro ba la lta ba dang ldan pa'i stong pa nyid la sogs par goms par byed pa'i mtshan nyid dag go/ lung ma bstan ces bya ba ni byang chub sems dpa' rung ba spyod pa la sogs pa 'dri bar byed pa rnams la ji skad du bshad pa'i chos rab bstan par bdag nyid ma mos pa'i phyir dang sems can la bslu ba'i phyir rdzogs pa'i byang chub kyi 'os ma yin pa'i phyir ro snyam du dgongs pa yin no// 'dir yang thabs kye go rim ni snga ma snga ma rab tu sgrub par phyi ma phyi ma bstan pa'am/ yang na bdud la sogs pas bar chad ma byas pa ni thun mong du ma yin pa'i thabs la brten nas mtshan ma med pa la gnas pa yin// /
- 187a
zhes bya bar khong du chud par bya ste de bzhin du 'og ma dag la yang rab tu dbye ba'i go rim ni ci rigs par sbyar bar bya'o// rnam pa thams cad mngon par rtogs pa bshad zin to// / de ltar yang dag par rab tu brtson pa ni shes rab phul du gyur pa sgrub par byed pas rtse mor phyin pa'i mngon par rtogs pa te/ de yang de'i rtags dang rnam 'phel dang / brtan dang sems kun gnas pa dang // mthong zhes bya dang sgom pa zhes bya ba'i lam ni so so la/ rnam par rtog pa rnam bzhi yi// gnyen po rnam pa bzhi dag dang // bar chad med pa'i ting nge 'dzin// log par sgrub dang bcas pa ni// yang dag byang chub 'bras 'byung ba'i// rtse mo'i mngon rtogs yin par gsungs// re zhig de'i yid ches par byed pa'i rtags ni rnam pa dgur bshad de/ sa gzhan la dga' ba med pa'i rtags ni snying brtse ba dang shes rab phul du byung bas go rim bzhin du rmi lam na yang sa gzhan dang khams gsum pa dag la dga' ba med pa'i phyir/ dgra bcoms dang zhes bya ba la sogs pa 'byung ba yin no// rang dang gzhan gyi don gyi dbang du byas pa'i rtags ni rmi lam na yang bdag dang gzhan yongs su smin par bya ba'i phyir rdzogs pa'i sangs rgyas mthong ba dang 'gro ba la chos rab tu ston pa'i phyir/ sangs rgyas rnams mthong zhes bya ba sogs pa 'byung ba yin no// lung bstan yin par rig par bya zhes bya ba ni thams cad shes rab phul du byung ba thob pa'i phyir ro// snying brtse ba// phun sum tshogs pa'i rtags ni rmi lam na yang ngan song du skyes pa'i sems can mthong na de'i mod la ngan song rnam par bzlog pa'i smon lam 'debs pa'i phyir/ rmi lam na ni zhes bya ba la sogs /
- 187b
pa'abyung ba yin no// mthu phun sa ma tshogs pa'i nags ni bden pa'i byin gyi brlabs kyis grong khyer la me 'bar ba la sogs pa rabaduzhi bar byed pa'i phyir/ bden pa'i byin gyi brlabs zhes bya ba la sogs pa 'byung ba yin no// mngon pa'i nga rgyal med pa nyid kyi rtags ni bden pa'i byin gyi brlabs kyis 'byung po'i gdon la sogs pa rab tu zhi yang dregs par mi 'gyur ba'i phyir/ 'jig rten 'byung po'i zhes bya ba la sogs pa 'byung ba yin te/ phan dang snying brtser ldan pa ni rnyed pa la sogs pa 'dod pa ma yin pa'o zhes bya bar dgongs pa yin no// rlom sems ni bdag ni phyir mi ldog pa yin no zhes bya ba la sogs pa mtshan mar 'dzin pa yin no// de sngon du 'gro ba'i khengs pa ni mngon pa'i nga rgyal yin la mngon pa'i nga rgyal can yang phyir mi ldog pa ma yin pas/ ji ste zhes bya ba la sogs pa smos te/ de ni zhes bya ba ni byang chub sems dpa'o// rlom sems kyi rang gi ngo bo bstan pa'i phyir/ bdag lung bstan snyam zhes bya ba gsungs so// ci'i phyir zhe na/ bden pa'i byin gyi brlabs zhes bya ba la sogs pa smos so// 'byor pas zhes bya ba ni 'grub par 'gyur ba ste/ gang gi phyir bdag gi zhes bya ba lhag ma yin no// gzhan gyis lung bstan zhes bya ba ni bdud/ kyis sangs rgyas su 'gyur ro zhes bstan pa'o// de nyid rgyas par bstan pa'i phyir/ ming gi gzhi las zhes bya ba la sogs pa gsungs so// gang la gzhi ming kho na yod pa de ni de skad ces bya ste smra/ zhes bya ba khyad par yin no// de nyid bstan pa'i phyir/ 'di skad ces bya ba la sogs pa smos so// bdun mes rgyad kyi zhes bya ba ni ming ni 'di zhes bya zhes bya ba lhag ma yin no// gang tshe khyod ni sangs/
- 188a
rgyas 'gyur ba'i zhes bya ba ni gang gi tshe 'grub par 'gyur ba'i zhes bya ba'i tha tshig go// khyod ces bya ba ni khyod kyi'o// 'di skad du khyod dang pha ma la sogs pa dang / pha mes bdun rgyud kyi bar gyi ming ni 'di zhes bya'o// gang gi tshe khyod rdzogs pa'i sangs rgyas su 'gyur ba de'i tshe khyod kyi ming 'di zhes bya ba kho nar 'gyur ro// khyod kyi sbyangs pa'i yon tan yang dag par blangs pa yang tshe snga ma la yang 'di kho na dang 'dra bar gyur pas khyod ni gdon mi za bar sangs rgyas su 'gyur ro zhes bdud kyis bstan pas nga rgyal 'dzin pa ni lung ma bstan po yin par rig par bya'o zhes bshad pa yin no// dben pa ni gnas pa na rab tu dben pa'i zhes bya ba la sogs pa 'byung ba yin no// bdud kyis yongs su bslang zhes pa ni bdud kyis byin gyis brlabs pa yin no// de lta ma yin na skye bo med pa'i grong la sogs pa la gnas/ pa tsam gyis ni khengs pa med pa'i phyir ro// byang chub sems dpa' rnams kyi mthun pa'i dben pa gang yin zhe na/ rtag tu grong dang zhes bya ba la sogs pa smos te/ ma gtogs par zhes bya ba ni snying rjes sems can yongs su smin par byed pa dang shes rab kyis byang chub la sbyor ba 'ba' zhig tu zad de grong la sogs pa na gnas kyang sems srid pa'i bde ba la ma chags so snyam du dgongs pa yin no// gzhar mi bskyed ces bya ba ni dgra bcom pa dang rang sangs rgyas kyi theg pa la nam yang dga' ba bskyed par mi byed do zhes bya ba'i tha tshig go/ 'di ni dben par gsungs zhes bya ba ni srid pa dang zhi ba la ma chags pas dben pa yin pa'i phyir ro// de las gzhan pa ni skye bos shin tu dben pa na gnas kyang 'dre bar gnas pa kho na yin pas/ gang zhig ces bya ba la sogs pa smos te 'di ni
- 188b
zhes bya ba ni bshad ma thag pa'i dben pa'o// lhag pa'i nga rgyal gyi yul bstan pa'i phyir/ byang chub sems dpa' 'gro ba'i don zhes bya ba la sogs pa gsungs te/ de la zhes bya ba ni grong gi nang na spyod// / pa'i byang chub sems dpa' la'o// brnyas pa byed pa zhes bya ba ni khyad du gsod par byed pa'o// ji ltar zhe na 'di ni dgon dben zhes bya ba la sogs pa smos so// de lta bas na grong dang dgon pa na spyod pa gnyis las sngar bshad pa'i dben pa kho na mchog yin pas gang zhig grong ngam zhes bya ba la sogs pa smos so// 'dis che ba'i bdag nyid bstan pa'i phyir byang chub sems dpa' drod snyoms zhes bya ba la sogs pa gsungs te/ byang chub sems dpa' gang zhig dben pa de lta bu la drod snyom zhing brnyas par byed pa de ni dben pa gzhan la rten pa'i phyir bdag nyid nyams shing phung bar 'gyur ba 'ba' zhig tu zad de lus dub pa 'bras bu med pa tsam gyis zhes bya ba'i tha tshig go/ bshes gnyen dam pa la brten pa'i rtags ni nad pa sman pa la brten pa bzhin du nga rgyal btsem zhing skyo ba med par dge ba'i bshes gnyen la bsnyen bkur byed pa'i phyir/ de lta bas na zhes bya ba la sogs pa smos so// gso phyir zhes bya ba ni gso bar bya ba'i phyir te ji ltar nad pa'i tshogs kyis sman// pa la bsnyen bkur bya ba de bzhin du dge ba'i bshes gnyen la brten par bya'o zhes bya ba'i tha tshig go/ de yang gang zhe na sangs rgyas zhes bya ba la sogs pa smos te/ sangs rgyas gang dag yin pa dang byang chub sems dpa' gang dag yin pa dang pha rol tu phyin pa drag po gang dag yin pa de dag ni dge ba'i bshes gnyen yin no// de ci'i phyir zhe na/ de dag rjes su ston byed zhes bya ba la sogs
- 189a
pa smos te/ de dag ces bya ba ni sangs rgyas la sogs pa'o// 'di ni zhes bya ba ni pha rol tu phyin pa drug gi mtshan nyid do// rgya rnam gnyis kyis zhes bya ba ni rjes su ston pa dang rang // / gi mtshan nyid kyi rgyu rnam gnyis kyis zhes bya ba'i don to// sgrub pa de yang gtso bor shes rab yin pas shes rab dam pa la mngon par brtson pa'i rtags ni bde bar gshegs pa thams cad kyi bgrod pa gcig po yin pa nyid kyi shes rab kyi pha rol tu phyin pa kho na la mngon par brtson pa yin pa'i phyir/ rgyal ba 'das dang zhes bya ba la sogs pa smos so// gsal zhes bya ba ni gsal bar byed pa ste/ rnam pa thams cad mkhyen pa nyid kyi dbang du byas pa'i phyir ro// smon pa ni lam shes pa nyid kyi rgyu las byung ba'i phyir ro// snang ba ni thams cad shes pa nyid kyi rang gi ngo bo rab tu ston pa'i phyir ro// ston mchog ces bya ba ni nyon mongs pa tshar gcod par byed pa'i phyir dang / byang chub gzhan la skyob pa'i phyir ro// chos thams cad tha dad pa med par rtogs pa'i rtags rnachos thams cad kyir po 'ang shes rab kyi pha rol tu phrin par mtshan nyid gcig par yongs su gcad pa'i phyir ro// ji ltar zhes bya ba la sogs pa 'byung ba yin te/ mtshan nyid stong zhes bya ba ni 'dzin pa la sogs pa'i rnam pas so// chos 'di thams cad ces bya ba ni gzugs la sogs pa'o// mtshan nyid de dang 'drar shes zhes bya ba ni de kho na bzhin du 'dzin pa la sogs pa'i rnam pas dben par ro// de nyid gsal bar bya ba'i phyir stong zhing zhes bya ba la sogs smos so// 'di skad du bshad pa yin te/ lkog tu gyur pa ni 'dzin pa nyid ma yin te bdag nyid kyi byed pa mi shes
- 189b
pa ni 'dzin pa nyid du rab tu ma grub pa'i phyir ro// rang gi ngo bor mi shes pa ni yod pa'i tha snyad kyi yul ma yin te/ de lta na ni thams cad kyi ngo bo nyid dus thams cad du yod par thal bar 'gyur ba'i phyiraro// / yul yongs su gcod pa'i sgo nas de rab tu 'grub pa yang ma yin te/ lkog tu gyur pa'i bdag nyid dang yul rig par 'brel par ma grub pa'i phyir ro// med na mi 'byung ba rab tu grub pa med par ni 'ga' yang gang gi rtags kyi dngos po yang ma yin te ha cang thal bar 'gyur ba'i phyir ro// gal te 'dzin pa med pa ni rang gi bems po'i bdag nyid yul yongs su gcod pa mi 'thad pa'i phyir ro// / zhe na ma yin te/ de dag rjes su 'brel pa rtogs pa med par de lta bu mi srid pa'i phyir ro// yul bems po'i bdag nyid ni rang gi ngo bo mi 'dor ba yin pas 'dzin pa yod du zin kyang ji ltar shes par 'gyur/ 'on te de'i rang gi ngo bo nyams na rang gis rtogs pa'i bdag nyid kho nar skye bas de'i rnam pa yongs su gcod pa'i phyir ro zhe na ni/ 'dzin pa de'i ngo bo skyed par byed pa yin pa 'ba' zhig tu 'gyur ro// de ni mi 'dod pa yang ma yin te/ rang dbang du rig pa yang gzhan la rag las te skye bar khas len pa'i phyir ro// gal te ngas shes so zhes bya bar bdag tu 'dzin pa po shes pa'i phyir sngon po la sogs pa'i rnam pa nyams su myeng ba rang dbang can ma yin no zhe na/ ma yin te/ de ltar nyams su myong ba med pa'i rnam par rtog pa de'i rtags kyi rjes su 'brang ba ma yin pa ni/ slob pa'i rtog pa bzhin du tshad ma ma yin pa'i phyir dang tshad mas gnod pa'i phyir yang ma yin te/ sngon po la sogs par snang ba ni gzhan gyi byed pas dben par snang ba'i phyir ro// 'jig rten pa'i tha
- 190a
skad thams cad ni snang ba dang rnam par rtog pa la rag las pa kho na yin la de gnyis kyang rang rig pa'i mtshan nyid yin pas 'dzin pa po lkog tu gyur pa gzhan brtag pa'i tshogs dbyung ba ni mi dgos so// gal te de bas na 'dzin pa'i rnam pa ni mngon sum yin la gzung ba ni lkog tu gyur pa yin du zad mod ce na/ ma yin te/ phan tshun 'gal ba'i phyir te lkog tu gyur pa nyid ni rtogs par ma gyur pa'i rnam pa yin la gzung ba nyid ni rtogs par gyur pa'i rang bzhin yin pas de dag gcig la gcig par ji ltar 'gyur/ phyi rol gyi don lkog tu gyur pa yin na nyams su myong ba ni de las byung ba dang 'dra ba dag gis kyang de 'dzin pa nyid du rung ba ma yin te/ shin tu mngon sum du ma gyur pa ni skyed par byed pa dang 'dra ba dag tu rab tu mi 'grub pa'i phyir ro// nyams su myong bar so/ sor nges pa ni rang gi rgyu las byung ba de la rag las te 'byung ba kho na yin no// de lta bas na bdag nyid kyis bsal ba'i phyogs la lan 'debs pa'i yongs su ngal ba ni don med do// gal te gzung ba dang 'dzin pa'i mtshan nyid de dag ni grags pa kho na yin te/ phyi dang nang gi sngon po la sogs pa dang sim pa la sogs pa'i tshor ba dag ni yul dang yul can gyi ngo bo nyid du rtogs pa'i phyir rozhe na/ de yang rig pa dang ldan pa ma yin te/ ba lang gi rwa lta bur phan tshun yongs su 'dzin pa'i byed pas stong pa de dag ni dus gcig tu snang bas gzung ba dang 'dzin pa'i dngos po so sor nges par mi 'thad pa'i phyir ro// gal te tshogs pa snga ma las so sor nges pa yin no zhe na ma yin te/ byed pa med pa nyid kyis khyad par med pa'i phyir ro// yul dang yul can nyid du de dag gi
- 190b
khyad par grub na ni dus gcig tu snang ba 'di ga las yin zhes dris na tshogs pa snga ma las so zhes brjod par bya ba yin no lhag par zhen pa las nang gi myong ba 'dzin pa nyid du 'grub pa yang ma yin te/ de ni dkar po'i bdag nyid la ser por shes pa bzhin du gzhan du snang bas gnod pa'i phyir ro zhes phal cher bshad zin to// gal te sngon po la sogs pa ni sngon ma shes pa nang gi rig pa'i dus kho na ni snang ba'i phyir gzung ba nyid yin la sim pa la sogs pa ni rang gi rgyud la ma shes pa med pa'i phyir rang rig pa'i mtshan nyid kyis 'dzin pa nyid yin no zhe na/ ma yin te de bzhin du sngon po'i ngo bo la yang mi gsal ba med pa'i phyir ro// sngon po'i rnam par snang ba ni lkog tu gyur pa yin par 'os pa ma yin te/ de ni gzhan du 'gyur ba dang 'gal ba'i phyir sim pa la sogs pa yin no// gzhan du na rtag tu rtog par gyur pa'i rnam pa nyid dam rtog par ma gyur pa'i rnam pa nyid dam de gnyi ga'i ngo bo nyid du 'gyur ro// de la yang ma mthong bar gyur pa'i rnam pa las tha dad par mthong bar gyur pa snang ba'i phyir de nyid rnam pa gzhan nyid ni ma yin te mang du brjod pas chog go/ der rtog pa las ma gtogs pa lkog tu gyur pa zhes bya ba yang yod pa ma yin no// kun tu rtog pa dang snang ba la yod pa dag gsal ba dang / cig shos kyi rang gi ngo bo'i mtshan nyid yin pa'i phyir tha dad pa med pa'i ngo bo nyid du ni thal bar mi 'gyur ro// snang ba la sogs pa'i rang gi rgyu so sor nges pa ni gong du phal cher bshad zin pa nyid do// de lta bas na ma mthong ba rtags pa ni don cung zad kyang rgyas par mi 'gyur ro// gsung rab kha cig las 'dzin pa la sogs pa'i tha snyad gdags pa 'byung ba gang yin pa de ni
- 191a
de la zhen pa la bltos nas gdul bya'i ngor mdzad pa yin pas nges kyang 'khrul pa med do// de lta bas na ji skad bshad pa'i shes rab kyi pha rol du phyin pa'i tshul gyis na 'dzin pa la sogs pas dben par mtshungs pa'i phyir yang dag par spros pa med pa'i ngo bo nyid kyis tha dad pa'i mtshan nyid kyi dngos po ni cung zad kyang med do zhes bya bar gnas so// de ltar yin na sems can rnams ji ltar 'khor zhe na/ sems can zhes bya ba la sogs pa smos so// zas ni gzugs la sogs pa yin te smad par bya ba yin pa'i phyir ro// de 'dod pa ni de dag la mngon par 'dod pa ste 'jig tshogs la mngon par zhen pa'i phyir ro// de bstan pa'i phyir yongs su rtogs pas zhes bya ba smos te/ da dang nga'i zhes bya ba la sogs pa mngon par zhen pas so// 'khor ba dang zhes bya ba ni rtog pa snga ma'i dbang gis bdag la sogs par rtog par 'jug pa nyid 'khor ba yin par dgongs pa yin ro// yang dag par na de'i mtshan nyid bral ba'i phyir rnam par rtog pa'i 'ching ba 'di yang nam mkha' la 'dud pa 'dod pa dang 'dra bas/ bdag dang zhes bya ba la sogs pa smos te/ gnyis zhes bya ba ni bdag dang bdag gi mtshan nyid kyi chos rnams so// yang dag min zhes bya ba ni ma phyes pa ste/ de lta bas na stong pa yin gyi gang zag dang bral ba tsam gyis ni ma yin ro zhes bya ba'i tha tshig go/ bdag nyid kyis zhes bya ba ni bdag nyid kyis log par zhen pa'i mtshan nyid kyis bcings pa yin gyi dbang phyug la sogs pas ni ma yin te de ni de'i phyed par byed pa nyid du mi 'thad pa'i phyir ro// rigs mthun pa'i rnam par rtog pa snga ma ma gtogs par rnam
- 191b
par rtog pa phyi ma 'byung ba'i rgyu gzhan ni ma mthong ste nyams su myong ba rnam par ma brtags pa'i ngo bo nyid ma gtogs par bems po'i bdag nyid sa la sogs pa ni med pa'i phyir/ nus pa ma mthong ba ni cung zad kyang rgya'i tha snyad kyi yul ma yin te ha cang thal bar 'gyur ba'i phyir ro// brtan pa rnams kyang rgyu ma yin pa'i phyir ro// zhes pa la cher bshad zin to mang du mi dgos so// de lta bas na don gzhan med kyang dogs pa'i dug bzhin du rtog pa tsam kho na sdug bsngal 'byung ba'i rgya yin pas/ dper na zhes bya ba la sogs pa smos te/ dogs pas zhes bya ba ni sbrul la sogs pa mthong ba'i sgo nas dug tu dogs pas so// rgyal bar 'gyur zhes bya ba ni yang dag par na dug rma dang khong du song ba med kyang der 'du shes pa tsam kho nas rgyal ba la sogs par 'gyur ro zhes bya ba'i tha tshig go// yang dag min rtog skye zhing 'chi zhes bya ba ni de bzhin du bdag la sogs pa med kyang mi mkhas pa dag der rtog pa tsam kho nas skye ba la sogs pa'i sdug bsngal gyi rgyun 'byung ngo zhes bya ba'i don to// // bam po lnga pa// chos thams cad ni stong pa'o zhes rtogs pa lhag par zhen pa'i yul la bltos nas chos rnams mtshungs pa nyid yin yang kun nas nyon mongs pa dang rnam par byang ba'i bye brag rtogs pa shes rab phul du byung ba'i rtags te dgu pa ni/ ji ltar zhes bya ba la sogs pa 'byung ba yin no// ji ltar zhes bya ba ni gzung ba la sogs pa'i mtshan nyid kyi rnam pa gang gis so// 'dzin pa ni mngon par zhen pa'o// de ltar shes pa ni de'i rang gi ngo bo kho na la bltos nas yin gyi bdag med par rtogs pa'i yul la bltos nas ni ma yin no snyam du dgongs pa yin no// de'i ngo bo ni 'dzin pa la sos/
- 192a
pa rnam par rtog pa yang rnam par byang bar mtshar nyid gcig pa'i phyir gal te ji ltar na gcig la kun nas nyon mongs pa dang rnam par byang ba'i bdag nyid phan tshun shin du 'gal ba dag tu 'bur sher/ ma yin te kur nas nyon phongs pa'i phyogs khor bdag med pa'i shes pa la dben pa'i mtsha nyi' du snang bas tha dad pa ma yin pas 'dzin pa las bltos pa'i phyir tAM/ stong par shes pa shan tu brtan pa bskyed pa'i ched du de ltar rnam par bzhag pa'i phyir ro// dngos su ri beng pa la sgo 'dogs pa med pa'i mtshar nyid gcig tu rnam par byung ba'i bdag nyid de khor nyid rtog pa'i yul can las kun nas nyon monges pa'i phyogs log pa'i rnam par rtog pa'i chur tu 'jug pa gzhan yer rang bstan pa'i phyir/ 'di la gang yang shes bya ba la sogs pa smos te/ 'di la zhes bya ba ni kun nas nyon mongs pa dang rnam par blang ba dag la'o// gang yang shes bya ba raM bdag la sogs pa'o// rtogs zhes bya ba ni chos dang gang zag da kur tra btags pa med pa'i phyir kur nas nyon mongs pa dang rnam par byang ba'i bye brag ni ji sad bshad pa'i mtshan nyid kho nga zang ngobs bya bar khong du chud ngo zhes bya ba'i tha tshig go// de sa ma yir rjer cing 'brel par 'byung ba'i rang gi ngo bo rab tu rnam par dbye ba dri ma dang bcas pa dang dri ma med pa ma gtogs pas shes rab pu la dbyung bar mi 'gyur ro// chags kyi rab tu dbye ba bshang zir ro// / shos rab mngon par 'phel ba ni rnam pa ba gcig ste/ 'di lta ste/ de ston pas mngon par 'phel ba ni bdag nyid shes rab yid la byed pa dang ldan la gzhan gyi don gyi dbang du byas nas de ston pa de las gzhan pa sbyin pa las bung ba'i
- 192b
bsod nams kyi tshogs pas mchog tu gyur pa'i phyir/ dzam+ba'i gling na zhes bya ba la sogs pa 'byung ba yin no// sbyin pa mi chung ba nyid ni rnam pa bzhi ste/ 'brel pa'i khyad par gyis ni sems can thams cad dang 'brel pa'i phyir te 'dzam+bu'i gling smos pa ni nye bar mtshon par zad do// sbyor ba'i khyad par gyis ni rdzogs pa'i byang chub kyi sems kyis rab tu sbyor ba'i phyir ro// gzhi'i khyad par gyis ni lo bye ba phrag du mar yang dag par bgrub pa'i phyir ro// 'jug gis khyad par gyis ni bla na med pa'i byang chub tu yongs su bsngo ba'i phyir ro// de bas kyang shes rab kyi pha rol tu phyin pa rab tu ston pa shin tu mchog tugyur pa yin pas/ gang zhig ces bya ba la sogs pa smos te/ than zhes bya ba ni chung ngu na'o// rjes su mthun byed na zhes bya ba ni rab tu ston par byed na'o// bsod nams char mi bod ces bya ba ni bsod nams kyi char yang mi phod do zhes bya ba'i tha tshig go/ 'jug par bya zhes bya ba ni rab tu bstan par bya ba ste/ shes rab kyi chos sbyin pa ni bla na med pa'i byang chub kyi bde ba 'dren par byed pa yin pa'i phyir ro// zung du 'brel pa'i yid la byed pas mngon par 'phel ba ni shes rab dang snying rje yid la byed pa dang ldan pa 'gro ba thams cad kyi bsod nams don yod pa'i 'byung gnas yin pa'i phyir shes rab pha rol phyin mchog ces bya ba la sogs pa 'byung ba yin te/ snying rje'i che ba nyid ni 'gro ba mtha' dag la dmigs kyang de la/ phyin ci ma log pa'i phyir ro// de bstan pa'i phyir sems can 'du shes med ces bya ba gsungs so// don yod yongs su spyod ces bya ba ni yang dag pa'i bslab pa phun sum tshogs pas de'i
- 193a
chos gos la sogs pa yongs su spyod pa bdag dang gzhan gyi 'bras bu don yod par 'gyur ba'i phyir ro// gzhan gyi don du rung ba nyid kyis mngon par 'phel ba ni shes rab legs par sbyor ba sems can 'du shes med ces bya ba gsungs so// thams cad 'dren pa'i rgyar gyur pa'i phyir/ byang chub sems dpa' gang 'dir zhes bya ba la sogs pa 'byung ba yin te/ yun ring 'brel pa zhes bya ba ni thog ma med pa'i dus nas nyon mongs pa can du gyur pa'i phyir ro// lom yang zhes bya ba ni chos la bdag med pa'i lam ste de ni the tshom med pa'i rgyu yin pa'i phyir ro// pha rol ces bya ba ni 'gram ste mya ngan las 'das pa'i mtshan nyid do// ston ces bya ba ni nye bar ston pa ste/ rnam pa gzhan gyis sems can gyi khams dgrol mi nus so// snyam du dgongs pa yin no// shes/ rab pha rol phyin pa la zhes bya ba ni shes rab kyi pha rol tu phyin pa la brtson par de de'i phyir bya dgos so zhes bya ba lhag ma yin no// bar chad med par rab tu sbyor bas mngon par 'phel ba ni mi bkren pas rin po che rnyed de sbyor ba las rin po che yid la byed pa bzhin du shes rab la rab tu sbyor ba bar chad med pa'i phyir/ mi zhig ces bya ba la sogs pa 'byung ba yin te sngon kyang ma rnyed pa zhes bya ba ni gzhan// / gyis rin po che rnyed pa ni shin tu dga' ba med pa'i phyir ro// mchog ces bya ba ni bya ba ngan pa la dga' bar mi 'gyur ba'i phyir ro// rnyed par gyur te zhes bya ba ni rin po che'i mchog rnyed par gyur te zhes bya bar// sbyar ro// rnyed ma thag tu zhes bya ba ni de'i mod la ste ring mo zhig tu spyad spyad nas stor ba ni phal cher ha cang sdug bsngal ba'i rgyur mi 'gyur ba'i phyir ro snyam du dgongs pa yin no// stor na ni zhes bya ba
- 193b
nirlag na te mi gang zhig gis rin po che de zhes bya bar skabs dang sbyar ro// rin chen mngon 'dod ces bya ba ni rtag tu rin po che yid la byed pa de kho na yid la mi bde bar 'gyur ro zhes bya ba'i tha tshig go/ de dang / 'dra bar shes rab kyi yon tan rjes su dran pa lhar blang bar bya'o zhes bstan pa'i phyir/ de ltar zhes bya ba la sogs pa smos te/ shes rab tu sbyor ba ni gti mug gi mun pa 'joms par byed pa yin pa'i// phyir rin po che dang 'dra ba nyid do// rin chen rnyed pa dang 'dra bar bag yod par gyis shig ces bstan pa'i phyir/ rin chen rnyed nas zhes bya ba la sogs pa smos te/ rnyed nas zhes bya ba ni sngar stor ba'i rin po che de mthong nas zhes bya ba'i don to// blangs te zhes bya ba ni blangs nas so// rab tu brtson zhes bya ba ni bag yod par byas te'o// dkris nas zhes bya ba ni gos la sogs pa'i nang du dam por thum por phur nas te rin po che zhes bya bar skabs dang sbyar ro// myung du 'gro bar byed pa zhes bya ba ni gang zhig dgra 'ong gis dogs nas myur du 'gro ba de ni zhi bar 'gyur te yang rin po che de mi stor bar bya ba'i phyir snyam du dgongs pa yin no// spangs pas mngon par 'phel ba nyid ni nyi ma bzhin du byang chub sems dpa' shes rab la mngon par brtson pa dam pa ma yin pa'i lta ba'i mun pa thams cad/ spangs pas ci rigs par srin bu me khyer la sogs pa lta bu'i nyan thos la sogs pa bas mchog tu gyur pa'i phyir nyi ma zhes bya ba la sogs pa 'byung ba yin te gang la sprin dang bral ba'i 'od zer gyi dra ba yod pa de la de skad ces bya'o// mun nag thibs po'i mun pa zhes bya ba la sogs pa ni shin tu smag tu gyur pa ste mtshan mo zhes bya ba'i tha tshig go/ 'joms zhes bya ba ni sel ba'o// srin bu me khyer zhes bya/
- 194a
ba ni me khyer rnams so// srog chags 'byung ba ni de las gzhan pa'i srog chags 'od dang bcas pa rnams so// shes rab par la phyin mchog spyod ces bya ba ni ji skad bshad pa'i shes rab rdog pa'i sprin mtha' dag dang bral na 'od gsal ba'i phyir ro// byang chub sems mang zhes bya ba ni dmigs pa can zhes bya ba lhag ma yin no// de dag kyang zil gyis gnon to zhes bya bar sbyar te/ dmigs pa ni rdzogs pa'i byang chub kyi mi mthun pa'i phyogs yin pa'i phyir ro// gzhan yongs su smin par byed pas mngon par 'phel ba ni rgyal po'i bu bzhin du byang chub sems dpa' rang gi bde ba bgo bsha' byed pa'i ngang tshul can yin pas 'jig rten pa thams cad kyis mngon par 'gro bar bya ba'i 'o sa yin pa'i phyir/ dper na zhes bya ba la sogs pa 'byung ba yin te/ kun gyis zhes bya ba ni de las gzhan/ pa'i rgyal ba'i bu kun gyi nang na zhes bya ba'i tha tshig go/ mngon par 'gro bya'os zhes bya ba ni bsten par 'os pa yin no// ci'i phyir zhen 'di ni zhes bya ba la sogs pa smras te/ dalta na yang zhes bya ba ni da lta nyid nas kyang de rgyal srid ma thob pa nyid nas zhes bya ba'i tha tshig go/ smos ci dgos zhes bya ba ni rgyal srid la gnas na lta ha cang yang dga' bar byed ces bya ba'i tha tshig go/ bdud rtsi sbyin par byed ces bya ba ni rang gis rtogs pa'i thabs gzhan dag la yang ston pa'i phyir ro// chos kyi rgyal po zhes bya ba ni rdzogs pa'i sangs rgyus te chos thams cad la mnga' sgyur ba'i phyir ro// mthus mngon par 'phel ba ni de ltar rang dang gzhan gyi don dang mthun pa'i shes rab mngon par 'phel ba bdud kyi gnod pa thams cad zil gyis mi non pa'i phyir/ de'i cha na zhes bya ba la sogs pa 'byung ba
- 194b
yin te/ de'i tshe na zhes bya ba ni shes rab phul du byung ba'i tshe na'o// zug rngu ldan par 'gyur zhes bya ba ni mya ngan la sogs pa'i zug rngu dang ldan pa'i phyir ro de bstan pa'i phyir/ mya ngan nyams thag ces bya/ ba la sogs pa gsungs te/ mya ngan nyams thag ces bya ba ni bdag gi gnod pa bya ba don du gnyer ba gang yin pa de 'dir ma grub bo snyam du sems dpa'i phyir ro// sdug bsngal 'di lus kyi tshor ba sim pa ma yin pa'o// yid mi bde ba yid kyi'o// nyam chung ba ni stobs med pa'o// skar mda' gtong zhes bya ba ni bdud kyis zhes bya bar skabs dang sbyar te byang chub sems dpa' la 'jigs pa bstan/ pa'i phyir zhes bya ba ni lhag ma yin no// de nyid bstan pa'i phyir/ ji ltar zhes bya ba la sogs pa gsungs te/ ji ltar zhes bya ba ni ci nas kyang ngo // 'gyur zhes bya ba ni 'gyur snyam nas so// 'on kyang byang chub sems dpa'i yid 'khrug pa med pa de ci'i phyir zhe na/ gang tshe zhes bya ba la sogs pa smos so// de dag ces bya ba ni byang chub sems dpa'o// bsam pa rab ldan zhing zhes bya ba ni gus par byas te sbyor ba'i phyir ro// nyin mtshan zhes bya ba ni nyin mtshan du ste rtag tu sbyor ba'i phyir ro// sems mkha' 'gro bya ltar gyur pa nyid ni srid pa dang zhi ba la mi gnas pa'i phyir ro// lus dang ngag gi las dag ni des rab du phye ba yin pa'i phyir ro// nag po'i rtsa lag ni bdud de sdig pa la dga' ba'i phyir ro// spyod pa gang zhig bdud kyis glags rnyed pa'i rgyu yin zhe na gang tshe zhes bya ba la sogs pa smos te/ 'thab pa ni/ lus kyis kun du brtsom pa'o// rtsod pa ni ngag gis so// mi mthun pa ni sngon gyi kho na rjes su dran pa'i phyir ro// khros pa'i sems dang ldan gyur pa ni da ltar byung ba'i kun nas mnar sems kyi gzhi mthong ba'i
- 195a
phyir ro// nyams bder 'gyur ba ni dga' ba sngon du 'gro ba'i lus kyi bde ba dang ldan pa'i phyir ro// de dga' ba'i rgya bstan pa'i phyir/ de gnyis zhes bya ba la sogs pa gsungs te/ de gnyis 'thab mo la sogs pa la zhugs pas na smad par bya ba'i dngos po la mngon par zhen pa'i phyir sha za dang 'dra'o snyam nas so// dam bcas rang gi zhes bya ba ni bdag nyid kyi'o// dam bcas pa ni rang dang gzhan gyi don sgrub pa'i smon lam mo// ci'i phyir de nyams she na/ sdang zhing zhes bya ba la sogs pa smos te/ sdang ba ni bsam pa'i sgo nas so// bzod dang bral ba ni sbyor ba'i sgo nas so// gal yod ces bya za ni yod de rgan zhes bya ba'i tha tshig ste/ bzod pa dang thal ba'i tshogs thams cad dang 'gal ba'i phyir ro// phyogs dang bcas pa zhes bya ba ni 'khor dang bcas pa'o/ lung ma bstan pa zhig gis lung bstan pa ji skad bshad pa'i rtags dang ldan pa rnams la sems rab tu ldang na yang bdud kyis glags rnyed pa'i rgyu yin pas/ lung bstan ma thob ces bya ba la sogs pa smos so// gzhi nas go cha bgo dgos so zhes bya ba ni gal te bar skabs su de'i gnyen po mi byed na nyes pa dang ldan pa'i sems kyi skad cig ma ji snyed pa de snyed kyi bskal par gzhi nas tshogs bsags nas rdzogs pa'i byang chub bsgrub par bya dgos te gzhan du ni ma yin no// dran pas mngon par 'phel ba ni sems sdang ba thams cad la dran pa nye bar gnas pas de las myur du nges par 'byung ba'i phyir/ sangs rgyas zhes bya ba la sogs pa smos so// sems ni bzang ba min snyam zhes bya ba ni sems 'di rung ba ma yin no snyam pa ste/ dran pa skyed byed ces bya bar sbyar ro// ci'i phyir zhe na/ bzod pa'i pha
- 195b
rol tu phyin pas zhes bya ba la sogs pa smos te/ bzod pa'i pha rol du phyin pa thams cad dang mthun pa'i phyir ro zhes bya ba'i tha tshig go/ de ltar dran pa nye bar gnas pa ni so sor 'chags par byed de 'di ni bdag gis mi rigs pa byas so zhes 'chags par byed do// phyis kyang sdom par byed de phyin chad de ltar mi bya'o zhes sems kyis sdom pa'i phyir ro// dga' bar mi byed pa ni bdag lta bu kun la phan pa dang bde ba nye bar bsgrub pa mtha' dag bya dgos pa gang yin pa des 'khrug par bya 'am zhes rang gi bsam pa la smod pa'i phyir ro// de ni zhes bya ba ni byang chub sems dpa'o// mi 'dod pa 'byung ba'i gzhir gyur pa'i sems can ni skyes zin pa'i phyir skye ba'i gags byed pa yang ma yin la skad cig ma yin pas rang gi ngang kho nas zhig pa'i phyir de 'jig par byed pa ma yin nam de 'chags pa la sogs pa byed pas yon tan ci zhig 'thob ce na/ sangs rgyas chos 'dir slob ces bya ba smos te/ dug la sogs pa la 'gal ba'i rkyen nye bar sbyor ba bzhin du nyes pa'i gnyen po'i sems kyang ma 'ongs pa'i mi 'dod pa'i 'bras bu'i gegs byed pas mngon par 'dod pa'i bya ba 'grub pa'i rgyur gyur pa'i phyir ro snyam du dgongs pa yin no// bslab pa'i khyad par gyis mngon par 'phel ba ni pha rol tu phyin pa thams cad la 'khor gsum yongs su dag par slob pa'i phyir/ gang zhig slob tshe zhes bya ba la sogs pa 'byung ba yin no// khas mi len zhes bya ba ni mngon par zhen pa med pa ste/ yang dag par na rdzas la ma gtogs pa'i bya ba med pa'i phyir ro// slob po ni bdag la sogs pa'i byed pa'o// bslab pa'i chos rnams ni pha rol tu phyin pa la
- 196a
sogs pa'i mtshan nyid de dag ni bslab par bya ba yin pa'i phyir ro// dmigs pa ni dmigs par byed pa ste med ces bya bar sbyar ro// mi rtog pa zhes bya ba ni yang dag par na pha rol tu phyin pa la slob pa dang de'i mi mthun pa'i phyogs mtshan nyid kyis dben par ngo bo tha mi dad pa'i phyir ro zhes bya ba'i tha tshig go/ pha rol tu phyin pa'i mi mthun pa'i phyogs zad pas mngon par 'phel ba ni de ltar mi dmigs pa'i spyod pas mi mthun pa'i phyogs rnam pa thams cad du song ba'i phyir ro// byang chub sems dpa' gang zhig ces bya ba la sogs pa 'byung ba yin te/ bslab nyams zhes bya// ba ni lhag pa'i sems dang lhag pa'i shes rab kyi bslab pa nyams pa'o// tshul khrims 'chal pa ni lhag pa'i tshul khrims med pa ste mi 'gyur ro zhes bya bar sbyar ro// brnyes par bya phyir zhes bya ba ni brnyes par bya ba'i phyir ro// de ni zhes bya ba ni byang chub sems dpa'o// de ci'i phyir zhe na/ bslab lhag bslab la mkhas te lhag pa'i tshul khrims la sogs pa'i bslab pa'i ngo bo nyid shes pa yin no// de yang ji ltar zhe na/ 'di ltar dmigs pa med ces bya ba smos te/ bslab pa thams cad stong pa'i ngo bo nyid du shes pa'i phyir ro// de'i mjug bsdu bar mkhas pa zhes bya// ba la sogs pa smos te/ slob ces bya ba ni slob pa rnams kyi'o// gcig tsam yang zhes bya ba ni sems bskyed pa gcig kyang mi dge bar mi 'byung ngo snyam du dgongs pa yin te/ de'i gnyen po shin tu ngang du gyur pa'i phyir ro// de dpes bstan pa'i phyir ro// nyi ma zhes bya ba la sogs pa smos te/ bar snang la mun pa mi gnas pa ji lta ba bzhin du zhes bya bar sbyar ro// bzhin zhes bya ba ni 'dra/
- 196b
ba'i don yin no// gnyen po rnyed pas mngon par 'phel ba ni lta ba'i rab tu dbye ba ma lus pa 'jig tshogs la lta ba'i nang du 'dus pa bzhin du lhag pa'i shes rab kyi bslab pa kho na'i nang du pha rol tu phyin pa thams cad 'dus pa'i phyir/ shes rab pha rol phyin la zhes bya ba la sogs pa 'byung ba yin te/ 'dir ni 'dus par 'gyur zhes bya ba ni shes rab ni de las gzhan pa'i pha rol tu phyin pa rnams 'grub pa'i rgyur gyur pa'i phyir dang ser sna la sogs pa mi mthun pa'i phyogs rnam pa drug bzlog pa'i phyir ro// gnyis zhes bya ba ni rtsa gnyis te lta bar gyur pa drug cu rtsa gnyis po 'di dag ni tshangs pa'i dra ba'i mdo'i rjes 'brangs su te khong du chud par bya'o// 'dus zhes bya ba ni 'jig chags le lta ba'i nang zhes bya bar sbyar te/ lta bar gyur pa thams cad bdag tu la bas rab tu bye ba'i phyir ro// srog gi dbang po'i nang du dbang po gzhan 'dus pa lta bu yin pas na/ dper na zhes bya ba la sogs pa smos so// 'gog par 'gyur zhes bya ba ni 'gag par 'gyur ba ste/ mig la sogs pa'i rgyud kyi rgyun 'jug pa'i rgyu ni srog gi dbang po yin pas de med na de'i nang du 'dus pa mig gi dbang po la sogs pa nus pa'i bdag nyid rnams 'byung bar mi 'thad pa'i phyir ro// 'dus par gsungs zhes bya ba ni de dang 'dra bar dri ma med pa'i yid la brten pa'i shes rab med na de'i nang du khyad par la brten pa'i sbyin pa'i pha rol tu phyin pa la sogs pa 'gags pa'i phyir shes rab spyod pa dang ldan pa'i pha rol tu phyin pa 'di dag thams cad ni de kho nar 'dus par bshad pa yin no zhes bya ba'i tha tshig go/ mngon par 'phel ba bshad zin to// 'di'i bstan pa ni thabs la mkhas pas skye bo de lta bu dag la phan gdags pa'i
- 197a
phyir bdag gis bslab par bya ba 'ba' zhig tu zad do snyam pas nyan thos la sogs pa'i yon tan thams cad la yang dag par slob kyang de dag la dmigs shing dga' ba med pa'i phyir/ byang/ chub sems mkhas zhes bya ba la sogs pa 'byung ba yin te/ de la zhes bya ba ni nyan thos la sogs pa'i yon tan la'o// gnas zhes bya ba ni dmigs pa ste med ces bya bar sbyar te/ de dag kyang yang dag paden bdag med par rtogs pa'i phyir ro// mi bskyod ces bya ba ni skyed par mi byed pa ste/ snying rje chen po'i gzhan gyi dbang du gyur pa'i phyir ro// snyam du dgongs pa yin no// de ltar phyir mi ldog pa'i chos nyid kyis brtan pa phul du byung bar gyur na phyir mi ldog pa'i sems bskyed pa ting nge 'dzin gyis nye bar zin pa ni de las gzhan po'i rjes su yi rang bar byed pa rnams kyi bsod nams kyi 'byung gnas mchog yin pas/ mi ldog ces bya ba la sogs pa smos te/ srang la gzhal bas zhes bya ba ni srang la btab pas so// tshad gzung rung zhes bya ba ni tshad zin par 'gyur ba ste/ de ni 'di skad du 'jig rten gyi khams dpag tu med pa na yod pa'i ri rab rnams ni srang la gzhal bas de dag gi tshad shes par nus kyang srid kyi rjes su yi rang ba de ldan pa'i bsod nams kyi tshogs ni de lta ma yin no zhes bshad pa yin no// ci'i phyir zhe na 'di ltar dge ba don gnyer zhes bya ba la sogs pa smos te/ phyir mi ldog pa'i sems bskyed pa la rjes su yi rang na thar pa 'dod pa thams cad kyi bsod nams kyi phung po la rjes su yi rang ba yin pa'i phyir ro zhes bya ba'i tha tshig go// 'gro ba'i thar pa ni rdzogs pa'i sangs rgyas kyi chos bstan pa las rab tu byung ba'i phyi ra la rdzogs pa'i sangs rgyas kyang / phyir mi ldog pa'i sems bskyed
- 197b
pal rag las pa'i phyir te/ de bas na de la rjes su mi rang nas 'gro ba mtha' dag gi bsod nams la rjes su yi rang ba yin pas/ de'i phyir zhes bya ba la sogs pa smos te/ de'i phyir zhes bya ba ni ye shes phun sum tshogs pa'i ngo bo'i thar pa de'i chang du'o// kha cig las ni ci'i phyir zhes 'byung ste/ de ni ci'i phyir ra zhes dri ba'i dor du blta bar bya'o// de dag ces bya ba ni phyir mi ldog pa rnams so// sdug bsngal zad par bya phyir shes bya ba ni nyon mongs pa bag chags dang bcas pa spang bar bya ba'i phyir te gzhan dur sdug bsngal zad pa med pa'i phyir ro// de ltar ting nge 'dzin thob pa'i shes rab mngon par 'phel b.las nges par 'byed pa'i cha dang mthur pa'i gnas skabs kyi rnam par rtog pa'i gnyen por mthong ba'o lam gyi bdag nyid mchog tu gyur pa 'byung ngo // rnam par rtog pa de yang gzung ba dang 'dzin par rnam par rtog pa dag re re la rnam pa gnyis gnyis yod pa'i phyir rnam pa bzhi'o// de la gzung bar rnam par rtog pa 'jug pa'i phyogs mtha' dag la rten pa de'i gnyen por sems bskyed pa la sos pa'i chos rnams la bdag nyid kyis rnam par rtog pa med pas stong pa nyid la sogs pa'i rnam par yongs su shes pa'i phyir/ byang chub sems dpa' gang zhig ces bya ba la sogs pa smos te/ chos rnams kun ni 'jug pa'i phyogs su bsdus pa'i sems bskyed pa la sogs pa'o// spros med ces bya ba ni smon pa'i spros pa med par zhes bya ba'i don to// log pa'i chos mtha' dag la brten pa de bsal bas sgrib pa thams cad bzlog par bya ba'i phyir shes rab gang gis stong pa la sogs pa'i mtshan nyid kyi chos rnams shes shing / de la yang gnyis kyi 'du shes med pas byang samasas pa pas mas tha mam pa' sa sa nga sa sa za mams pa masas sa sa mas ma pas ma sa sa sa sas nga mas ngas ya pa sa thams pa 'a ma pasas sams sa mas tha sa sas ca sa yangs ya sas sa sa pa sa mas pa sams mas pamags ma chis sa
- 198a
chub 'tshol ba'i phyir/ de ni zhes bya ba la sogs pa 'byung ba yin te/ de ni shes rab gnyis kyis zhes bya ba ni byang chub sems dpa' de ni shes rab kyis gnyis su mngon par zhen pas kyang chub 'chol bar mi byed de 'jig rten las 'das pa'i gnas skabs na rnam par byang bar rnam par rtog pa yang med pa'i phyir ro zhes bya ba'i tha tshig go/ rnam par rtog pa thams cad ni thams cad du 'dzin pa la sogs par rtog pa 'byung ba'i phyir dang thams cad las rnam par log pa'i bdag nyid kyi dngos po la dngos po gzhan dang tha mi dad par 'dzin pa'i phyir rang bzhin gyis phyin ci ldog gi mtshan nyid kho na yin no// gal te de bas na de ltar shes pas yod pa'i phyir dngos po rnams tha mi dad pa yin par 'gyur ro zhe na/ ma yin te/ dngos po yod pa'i rang gi ngo bo ni don byed nus pa yin la de dag kyang gcig pa nyid yin na ni dngos po thams cad don cig byed par thal bar 'gyur ro// de lta na yang kun nas nyon mongs pa dang rnam par byang ba dag la yang tha mi dad par 'dzin pas gcig pa nyid na bcings pa dang thar pa so sor rnam par bzhag pa mi 'thad do// gal te de dag nyid so so'i khyad par la brten pa'i nus pa tha dad pas tha snyad tha dad pa yod do zhe na/ de lta na ni dngos po'i ngo bo don gyi bya ba byed pa ni rjes su 'gro ba med pa'i phyir la brtan pa gcig pu'i bdag nyid ni rang shes pa bskyed pa'i mthu yang med pas rjes su 'gro ba ma yin pa'ang dngos po med pa'i mtshan nyid yin pa'i phyir thun mong ma yin pa/ nyid grub pa yin la/ gzung ba dang 'dzin pa'i rnam pa dang bral ba'i yang phyir te/ phal cher bshad zin to// de dang 'dra bar rnam par log pa ji ltar 'dzin pa yang 'khrul pa yin pa'i phyir rang gi ngo bo la
- 198b
bltos nas rnam par mi rtog pa nyid yin yang sgrib pa'i gnyen po ma yin pa'i phyir byang chub sems dpa' ni des byang chub 'tshol bar mi byed do zhes bya bar gnas so// 'dzin par rnam par rtog pa yang rnam pa gnyis yin te/ sems can rdzas su yod pa la brten pa dang / der gdags pa la brten pa'o// de dag med par bstan pa'i phyir/ rnal 'byor pa de zhes bya ba la sogs pa gsungs/ te/ brtson pa ni sems can don dam par yod par rtog pa med pa'i phyir te don yod na ni phyin ci log pa'i phyir brtson pa ma yin no// rnal 'byor pa zhes bya ba ni yang dag par btags pa tsam la yang / 'dzin pa nyid du mi rtog pa'i phyir ro zhes bya ba'i tha tshig go/ rnam par rtog pa de yang mdor bsdun rnam pa bzhir reg par bya ste/ rigs su rnam par rtog pa ni de bsal bar bdag ni rdzogs pa'i byang/ chub kyi 'os yin gyi nyan thos la sogs pa'i byang chub dang mi 'gal lo snyam du yang rnam par rtog pa med pa'i phyir/ nam mkha'i khams zhes bya ba la sogs pa smos te/ de dang zhes bya ba ni nam mkha'i khams la de dang ngo // der zhes bya ba ni nam mkhar ro// gang gis kyang ni de ma thob ces bya ba ni gang gis kyang nam mkha'i khams de thob pa med do zhes bya bar sbyar ro// de ni 'di skad du dper na nam mkha'i khams kyi ming gzhan nam mkha' zhes bya ba dang ldan pa yang de dang 'gal ba med la dngos po med par ro gcig pa'i phyir gang gis kyang de ma thob pa de bzhin du byang chub sems dpa' nye bar zhi bar spyod pa yang rdzogs pa'i byang chub dang nye bar yang ma yin bdag nyid byang chub gzhan dang 'gal lo snyam du yang mi sems te/ yang dag par na thams cad dben par mtshan nyid gcig/
- 199a
pa'i phyir ro zhes brjod pa yin no// yang dag par 'grub par rnam par rtog pa de bsal ba'i phyir sku ma byas pa'i skyes bu bzhin du 'gro ba'i don yang dag par bsgrub pa'i rnam par rtog pa med kyang skye ba sna tshogs la sogs pa'i bya ba rab tu 'byung ba'i phyir/ skye bo'i dbus na zhes bya ba la sogs pa smos te/ skye bo 'di zhes bya ba ni skye bo'i tshogs so// de yang zhes bya ba ni skyes bu de yang zhes bya bar sbyar ro// de'i byed pa bstan pa'i phyir/ rdzu 'phrul zhes bya ba la sogs pa smos te/ 'gro ba rnams dang 'brel ba'i rdzu 'phrul ston pa kho na byed pa yin no zhes bya ba'i tha tshig go/ yang dag par na ji ltar ltad mo pa rnams kyis de'i lus la sogs pa la skyes bu yang dag pa'i ngo bo shes pa de lta bu ni med pas de bstan pa'i phyir/ de la lus med ces bya ba la sogs pa smos so// de bzhin zhes bya ba ni sgyu ma'i skyes bu bzhin du'o// nam yang mi sems zhes bya ba ni gzhar yang mi sems pa ste rnam par rtog pa zhes bya ba lhag ma yin no// gang zhig ce na byang chub rtogs nas zhes bya ba la sogs pa smos te// / don dam par na gang zag la sogs pa med pa'i phyir ro snyam du dgongs pa yin no// skye ba sna tshogs ni skye ba la dbang ba nyid kyi mi la sogs pa skye ba'o// bya ba mang ldan pa zhes bya ba ni sbyin pa la sogs pa'i dngos po dang ldan pa'o// byed par rnam par rtog pa ni de dgag pas de bzhin gshegs pa'i sprul pa bzhin du bya ba thams cad mngon par 'grub pa'i phyir/ dper na sangs rgyas zhes bya ba la sogs pa smos so// sprul pa de byed pa zhes bya ba ni byed pa na ste rnam par rtog pa'i shes pa med par zhes bya bar sbyar ro// // bya ba'i 'bras bu'i rnam par rtog pa ni de bsal bas shing gi 'khrul 'khor bzhin du rang gi bya ba'i
- 199b
'bras bu thams cad mngon par bsgrub pa'i phyir/ shing mkhan zhes bya ba la sogs pa smos te/ shing mkhan zhes bya ba ni 'khrul 'khor mkhan no// bzo bo zhes bya ba ni rang gi bya ba la mkhas pa'o// mkhas/ pa des zhes bya ba ni de las gzhan pa'i sgyu rtsal la mkhas pa ste gzhan gyis ni de lta bu'i 'khrul 'khor 'grub par mi 'gyur ro// skyes pa bud med dang 'dra bar zhes bya ba ni skyes pa dang bud med lta bu zhes bya ba'i don to// rnam par mi rtog pa ni bya ba nar ma'i 'bras bu la rnam par rtog pa med pa'i phyir ro// gal te 'o na ni bya ba la 'jug pa ma yin te/ de ni rnam par rtog pa la rag las pa'i phyir ro zhe na/ nyes pa med de/ 'khrul 'khor bzhin du yod pa tsam gyis de la 'jug pa'i phyir ro// de la ni chu bzo byed pa'i rnam par rtog pa yod pas 'di ni de dang me 'dra'o// snyam du yang dogs par mi bya skye 'di la yang sngon gyi sngon lam gyi 'phen pa yod pa'i phyir ro// rnam par rtog pa la yang rang yod pa tsam ma gtogs pa byed pa gzhan ni med pa kho na yin la de ni 'di dang yang khyad par med do// shin tu goms pa dang ldan pa rnams/ la rgyu rnam par rtog pa'i shes pa med par kha ton la sogs pa'i bya ba 'jug pa dag 'byung ba yang mthong ste mang du mi dgos so// de ltar rnam par mi rtog pa'i spyod pa'i phan yon ni rnam pa gsum ste/ bkur ste phun sum tshogs pa ni brgya byin la sogs pa thams cad kyis phyag byas pa'i phyir/ de ltar spyod mkhas zhes bya ba la sogs pa 'byung ba yin no// sangs rgyas thams cad kyis dgongs pa ni sangs rgyas thams cad kyis de'i yon tan brjod pa'i phyir/ phyogs bcu'i zhes bya ba la sogs pa 'byung ba yin no// bar chad byed pa med pa nyid ni bdud thams cad kyis kyang bar chad bya bar mi nus pa'i phyir/ gang+gA'i
- 200a
klung mnyam zhes bya ba la sogs pa 'byung ba yin te/ 'di skad du gal te 'jig rten gyi khams thams cad na yod pa'i sems can rnams bdud du gyur la bdud re res kyang ba spu'i bu ga re re nas byung ba'i bdud kyi lus kyi tshad de skyed gcig stsal du zini kyang 'on kyang byang chub sems dpa' rnam par mi rtog par spyod pa la bar chad bya bar mi nus so zhes bshad pa yin no// de nyid gsal bar bya ba'i phyir/ rgyu rnam bzhis zhes bya ba la sogs pa smos te/ rgyu bzhi las stong pa nyid la rnam par gnas pa ni chos bdag med pa rtogs par bdud kyis sprul pa'i yul gyi nye bar spyad pa dpe med pa dag la mngon par zhen pa med pa'i phyir ro// sems can thams cad kyi mi gtong ba nyid ni snying rjes sems can la lta ba dang bcas pa 'gro ba mi mthun pa mthong ba las yang dag pa'i mtha' mngon du mi byed pa'i phyir ro// dam bcas pa brtan pa nyid ni ji skad du smras pa de bzhin byed pas le lo med pa bya ba thams cad la bar chad med par rab tu sbyor ba'i phyir ro// sangs rgyas kyis dgongs pa nyid ni tshogs bsags pas bde bar gshegs pas byin gyis brlabs pa'i sbyor ba 'bras bu yod par 'gyur ba'i phyir ro// bde gshegs byin rlabs can zhes bya ba ni gang la rten bde bar gshegs pa kho na'i byin gyis brlabs pa yod pa de la de skad ces bya'o// thams cad du yang shes rab kho na gtso bo yin pas de la mos pa sngon du 'gro ba'i rab tu 'jug pa ni thams cad mkhyen pa nyid kyi tshogs yongs su rdzogs par 'gyur ba'i phyir/ de bzhin gshegs yum zhes bya ba la sogs pa smos te/ thams cad mkhyen pa nyid la zhugs zhes bya ba ni shes rab kyi pha rol du phyin pa sgrub pa dang ldan pa thams cad mkhyen pa nyid gcig tu gzhol ba yin pa'i
- 200b
phyir ro// snyam du dgongs pa'o// gal te thams cad mkhyen pa nyid la zhugs na 'o na ji ltar rnam par mi rtog pa yin rang gi lam gyi 'bras bu la rnam par rtog pa med pa ni de la 'jug pa mi 'thad do zhe na/ de'i lan gdab par chos dbyings zhes bya ba la sogs pa smos te/ stobs la sogs pa'i chos kyi rgyu yin pa'i phyir chos kyi dbyings so// dus thams cad du 'gyur ba med pa'i phyir de bzhin nyid de stong pa nyid de ni rtag tu de kho na bzhin pa'i phyir ro// gnas par mi 'gyur zhes bya ba ni de la yang mngon par zhen pa'i bdag nyid kyis gnas par mi byed do zhes bya ba'i tha tshig ste/ de la mngon par zhen pa ni phyin ci log pa nyid kyis de la gnas pa'i ngo bo ma yin pa'i phyir ro// de lta bas na gnas pa med pa ste/ mngon par zhen pa med pa kho na gnas pa zhes bya ba yin te/ de bzhin nyid la gnas pa yin no zhes bya bar skabs dang sbyar ro// bar snang la sprin dang rig sngags 'chang ba dang 'dra bas/ dper na zhes bya ba la sogs pa smos te/ gnas med ces bya ba ni khyim med pa'o// gnas 'dod pa zhes bya ba ni gnas mngon par bsgrub par 'dod pas te/ 'di skad du dper na rig sngags 'chang bar snang la rgyu ba gnas mngon par bsgrub par 'dod na nam mkha' kho na la dus ma yin par me tog dang 'bras bu dang lo ma dang ldan pa'i shing gi skyed mos tshal la sogs pa byin gyis rlob par byed pa de bzhin du byang chub sems dpa' stong pa nyid la mi dmigs pa'i tshul gyis gnas pa yang rang dang gzhan gyi yon tan phun sum tshogs pa'i rten gyi mchog yin no zhes bshad pa yin no// gal te de lta na de bzhin nyid la mi gnas pa yin pas de ji ltar 'jig rten las 'das pa'i lam gyis de rtogs nas dag pa 'jig rten pa'i gnas skabs na gzhan dag la ston par byed ce na/ de'i lan gdab
- 201a
par de ltar spyod pa zhes bya ba la sogs pa smos te/ rtogs par byed pa ni khong du chud par byed pa'o// sangs rgyas chos rnams ni skyobs la sogs pa'o// dmigs mi 'gyur zhes bya ba ni dmigs par mi byed pa ste/ 'jig rten las 'das pa'i gnas skabs na zhes bya ba'i tha tshig go/ chos 'dod lta bar byed ces bya ba ni tshig dang don 'dzin par nus pa'i nyan pa po ste mi dmigs zhes bya bar skabs dang sbyar ro// zhi 'dod ces bya ba ni bdag dang gzhan gyi sgrib pa spang bar 'dod pa rnams so// de nyid kyi khyad par ni yon tan dga' zhes bya ba yin te/ ye shes phun sum tshogs pa 'dod pa rnams zhes bya ba'i don to// 'di ni gnas pa yin zhes bya ba ni ji skad bshad pa'i tshul gyis gang zag la sogs pa mi dmigs pa kho na rtog pa thams cad kyi gnyen po yin pa nyid kyis mthong ba'i lam gyi bdag nyid dang de'i rjes la thob pa ni gnas pa yin te/ mchog tu rab tu dga' ba'i rgyu yin pa'i phyir ro// gzhan ni kun nas nyon mongs pa la brten pa'i phyir ma yin no zhes bya ba'i tha tshig go/ mthong ba'i lam 'di ni rdzogs pa'i byang chub kyi rgyu yin la de'i rgyu yang rnam pa gsum ste/ rdzogs pa'i byang chub kyi tshul la gzhan yang dag par sbyor ba ni snying brtse ba'i shes rab kyi gnas pa nyan thos la sogs pa'i gnas pa thams cad pas phul du byung ba rang dang gzhan gyi don gyi rten la gzhan yang dag par sbyor ba rdzogs pa'i byang chub 'dren par byed pa yin pa'i phyir/ de bzhin gshegs kyis zhes bya ba la sogs pa 'byung ba yin te/ dgra bco mo rnam thar zhes bya ba ni dgra bcom pa rnams kyi rnam par thar pa gzugs can gzugs rnams la lta ba zhes bya ba la sogs pa ma chags pa'i mtshan nyid
- 201b
brgyad po ji snyed pa zhes bya ba'i don to// de bzhin gshegs kyi ma gtogs par zhes bya ba ni rdzogs pa'i sangs rgyas kyi gnas pa dag ma gtogs par te/ de dag ni rnam pa thams cad du nyon mongs pa dang shes bya'i sgrib pa'i bag chags dang bral ba nyid kyis gong na med pa yin pa'i phyir ro snyam du dgongs pa yin no// yang na de bzhin gshegs pa rnams kyi rnam par thar pa me long lta bu'i ye shes la sogs pa sgrib pa med pas rab tu phye bas dgra bcom pa ste yon tan ma lus pa'i 'os su gyur pa de ma gtogs par bya bar sbyar ro// gnas pa 'di ni zhes bya ba ni ji skad bshad pa'i rtog pa'i skyon dang bral ba mthong ba'i lam gyi bdag nyid kyi sems bskyed pa 'di ni zhes bya bar dgongs pa yin no// zhi ba ni bdag nyid ji lta ba bzhin du 'dod pa la sogs pa la chags pa'i nyes pa dang bral ba'i phyir ro// de dag ni ting nge 'dzin yang yin te/ bsam gtan dang gzugs med pa dang tshad med pa'i ngo bo nyid yin pa'i phyir ro// rab zhi bde zhes bya ba ni zag pa med pa'i tshor ba sim pa ste/ de dang mtshungs par ldan pa'i gnas pa ji snyed pa zhes bya bar skabs dang sbyar ro// kun gyi zhes bya ba ni nyan thos la sogs pa'i gnas pa kun gyi nang na'o// mchog ni rang gi don phun sum tshogs pa'i rgyu yin pa'i phyir ro// gong na med pa yin zhes bya ba ni gzhan gyi don phun sum tshogs pa'i rgyu yin pa'i phyir ro// 'di ni stong pa nyid kyi spyod yul can yin yang thun mong ma yin pa'i thabs kyis bar ma dor mya ngan las 'da' bar mi 'gro ba'i phyir// 'dab chags zhes bya ba la sogs pa smos so// 'di skad du dper na bya ni nam mkha' la gnas kyang lhung bar mi 'gyur la nya ni chu'i nang la gnas kyang 'tshubs te mi 'chi ste/ de gnyis ni yong gis de na
- 202a
spyod pa'i phyir ro// de bzhin du sangs rgyas dang byang chub sems dpa' yang shes rab dang snying brtse bas chos thams cad bdag med pa gzigs bzhin du thugs skyo bar mi 'gyur bas bar ma dor rang dang gzhan gyi don dang mthun pa'i sems bskyed pa'i gegs byed pa'i mya ngan las 'das pa yang mngon du mi mdzad do// gang gi phyir de ltar shes rab kyi gnas pa don chen po yin pa de'i phyir/ sems can kun gyi zhes bya ba la sogs pa smos te/ sems can kun gyi yon tan ni 'jig rten dang 'jig rten las 'das pa'i bsam gtan la sogs pa'i yon tan rnams so// de dag gi mchog tu zhes bya ba ni mchog nyid du'o// 'gro bar 'dod pa'i spangs pa phun sum tshogs pa ma lus par thob par 'dod pa'o// mchog reg ces bya ba ni mngon du bya ba zhes bya bar 'dod pa zhes bya ba'i tha tshig go/ de ci zhig ce na sangs rgyas ye shes me long lta bu'i ye shes la sogs pa phun sum tshogs pa'i mtshan nyid thun mong ma yin pa'i phyir mchog tu rmad byung yin no// de ltar shes rab kyi gnas pa spangs pa dang ye shes kyi mtshan nyid rang gi don phun sum tshogs pa'i rgyu nyid du bstan nas gzhan la phan pa bsgrub pa'i rten nyid yin par bstan pa'i phyir/ chos kyi sbyin pa zhes bya ba la sogs pa gsungs so// chos kyi sbyin pa ni pha rol tu phyin pa'i chos rab tu ston pa ste sbyin par 'dod pa gang yin pa zhes bya bar sbyar ro// rab ni thos pa'i gnas skabs na pha rol tu phyin pa thams cad kyi khams rtas pa skyed par byed pa yin pa'i phyir ro// mchog ni sems pa'i tshe na mdo'i don phyin ci ma log pa la rjes su 'jug pa'i thabs yin pa'i phyir ro// dam pa ni sgom pa'i tshe na 'jig rten dang 'jig rten las 'das pa'i don 'grub pa'i rgyu yin pa'i phyir ro// phan mdzad rnams kyi zhes bya ba ni bde bar gshegs pa sras dang bcas
- 202b
pa rnams dang 'brel ba ste/ sangs rgyas dang byang chub sems dpa' 'grub pa'i rten ni ji skad bshad pa'i shes rab yin pa'i phyir ro snyam du dgongs pa yin no// gnas shes bya ba ni gnas pa'o// 'di la zhes bya ba ni bshad ma thag pa la'o// bsten par gyis zhes bya ba ni des zhes bya ba kho nas drang ngo // de bstan pa'i phyir bslab pa 'di ni zhes bya ba la sogs smos te/ 'di ni zhes bya ba ni shes rab kyi pha rol tu phyin pa'i bslab pa 'di'o// bslab pa yongs brjod pa zhes bya ba ni sbyin pa'i pha rol tu phyin pa la sogs pa'i slab pa dag go/ bslab pa ji snyed kun gyi zhes bya ba ni bslab pa thams cad kyi nang na'o// 'di ni ser sna la sogs pa'i bag chags kyi gnyen po yin pa'i phyir mchog kyang yin la yon tan bla na med pa thams cad 'grub pa'i rgyu yin pa'i phyir gong na med pa yang yin no// gang gi phyir de lta yin pa de'i phyir mkhas pa gang zhig ces bya ba la sogs pa smos te/ bslab pa kun zhes bya ba ni bslab pa thams cad kyi'o// pha rol 'gro 'dod pas zhes bya ba ni sbyin par bya ba la sogs pa mi dmigs pa'i bdag nyid 'khor gsum rnam par dag pa'i pha rol mngon du bya bar 'dod pas zhes bya ba'i don to// sangs rgyas bslab pa zhes bya ba ni gang gi phyir 'di sangs rgyas rnams kyi thun mong ma yin pa de'i lam yin pa de'i phyir 'di kho na la slab par gyis shig ces bsgo ba'i don yin no// // tung ba dag la shes rab yongs su gtod pa ni thos pa la sogs pa'i rim gyis chud mi gsan pa'i phyir pha rol tu phyin pa mchog gi chos gtod pa ni byang chub dang mthun pa'i phyir te// de bstan pa'i phyir 'di ni chos gter zhes bya ba la sogs pa smos so// 'di ni zhes bya ba ni shes rab kyi pha rol tu phyin pa'i bdag nyid 'di'o// gter mchog ni nyan thos la sogs pa dang thun mong ma yin pa'i
- 203a
byang chub kyi phyogs dang mthun pa'i yon tan rin po che'i rten yin pa'i phyir ro// chos ni stobs la sogs pa'o// mdzod ni gnas so// de'i phyir sangs rgyas rigs te rgyu yin no// bcom ldan 'das rnams ni stobs la sogs pa'i chos kyis rab du phye ba yin pa'i phyir la de dag kyang shes rab rnam par dag pa'i mtshan nyid yin pa'i phyir ro snyam du dgongs pa yin no// 'gro ba'i bde dang skyid pa'i mdzod ces bya ba ni shes rab ces bya ba chos kyi dbyings 'di ni 'gro ba'i bde ba lhag pa'i tshul khrims kyi bslab pa'i rnam par smin pa'i bdag nyid lus kyi tshor ba sim pa gang yin pa dang skyid pa lhag pa'i sems kyi bslab pa las rab tu byung ba gang yin pa de'i mdzod dang gnas yin no zhes bya bar sbyar te/ lhag pa'i shes rab kyi bslab pa ni bslab pa thams cad rnam par dag pa'i yan lag tu gyur pa'i phyir ro zhes bya ba'i tha tshig go/ sangs rgyas kyang nyung shas cig gi rigs ma yin gyi thams cad yin pas de'i phyir/ 'das dang zhes bya ba la sogs pa smos te/ chos dbyings zad mi 'gyur zhes bya ba ni bde bar gshegs pa thams cad kyis de'i bdag nyid yongs su bzung yang chos kyi dbyings 'dzin pa la sogs pa'i mtshan nyid kyis dben pa'i bdag nyid ni rtag tu thams cad na yod pa'i phyir zad par mi 'gyur ro zhes bya ba'i don te/ de lta bas na 'di la 'bad de thos pa la sogs pas yongs su bsrung bar bya'o zhes bya ba lhag ma yin no// don 'di'i gzhung rgyas pa'i rjes su 'brangs te 'phags pa kun dga' bo la yongs su gtad pa'i skabs nas khong du chud par bya'o// // bsod nams kyi tshogs mang ba nyid shes rab goms pa las rab tu byung ba rdzogs pa'i sangs rgyas kyi rgyu gsum pa ni shing la sogs pa bskyed par bya ba la sogs pa bzhin du
- 203b
shes rab kyang 'jig rten dang 'jig rten las 'das pa'i chos thams cad sgrub par nus pa'i phyir/ shing dang zhes bya ba la sogs pa smos te/ de dag ces bya ba ni shing la sogs pa'o// sa la yang dag 'byung zhing / 'thon zhes bya ba las ni sa gzhi'o// de las yang dag 'byung ba ni dang por sa las gyur pa nyid du byung ba'i phyir ro// 'thon pa ni rgyun gyis so// zad pa ni rgyu/ zhig pa'o// 'phel ba ni sngon med pa'i rnam par brten pa'o// yongs su me nyams zhes bya ba ni rgyun mi 'dra ba nyid du mi 'gyur ba'o// gang gi phyir rnam par mi rtog pa de'i phyir skyo ba med ces bya bar sbyar te/ skyo ba ni rnam par mi rtog pa'i chos yin pa'i phyir ro// sras ni byang chub sems dpa'o// lha rnams zhes bya ba ni lha rnams kyi ste brgya byin dang tshangs pa la sogs pa'i lha'i ris rnams kyi zhes bya ba'i don to// 'gro ba kun gyi zhes bya ba ni mi la sogs pa'i yang zhes bya ba'i tha tshig go/ de ltar shes rab pha rol gyi rgyu dang chos mthun par bstan nas nang gi chu dang chos mthun par bstan pa'i phyir/ sems can tha ma zhes bya ba la sogs pa gsungs te/ sems can rnams kyi tha ma 'bring dang mchog gyur pa nyid ni go rim bzhin du ngan song dang mi dang lha'i 'gro ba tha dad pa'i phyir dang dbang po tha dad pa'i phyir ro// ma rig pa ni gang zag la sogs par dmigs pa yin te rig pa dang 'gal ba'i phyir ro// sems can 'di dag thams cad ni de las byung ba yin zhes bya bar skabs dang sbyar te/ rjes su chags pa dang khong khro ba med par ni thams cad du 'jug pa dang ldog pa med pa'i phyir la de gnyis kyang log par dmigs pa las byung ba'i phyir dang bdag nyid kyang phyin log gi ngo bo nyid yin pa'i phyir ro snyam du dgongs pa yin no// de'i phyir rkyen rnams tshogs shing rkyen la rag las nas 'byung ngo zhes
- 204a
bshad kyi rtag pa yang ma yin la rgyu med pa can ma yin te res 'ga' ba yin pa'i phyir ro// sdug bsngal ni nye bar len pa'i phung po'i mtshan nyid do// de yang byed pa po med kyang 'khrul 'khor bzhin du bya ba de dang de la 'jug pa mthong ba'i phyir te de la mi rig pa las ma gtogs pa rgyu gzhan ni med do snyam du dgongs pa yin no// 'khrul 'khor de ni zad med ces pa ni ma rig pa'i bdag nyid do// phung po la dmigs pas mngon par zhen pa ni rigs mthun pa 'byung ba'i rgyur gyur pa'i phyir 'khrul 'khor lta bu yin la de yang rtag tu de'i bdag nyid kho nar 'byung ba'i phyir zad pa med do// dngos kyi mjug bsdu ba'i phyir ye shes zhes bya ba la sogs pa smos te/ ye shes ni me long lta bu'i ye shes la sogs pa'o// tshul ni sgom pa'i lam mo// sgo ni mthong ba'i lam mo// thabs ni nges par 'byed pa'i cha dang mthun pa rnams so// rtsa ba ni/ de dag gi tshogs kyi bdag nyid pha rol tu phyin pa'i phung po yin te/ de kho na nyid la mos pas bsdus pa'i sbyin pa la sogs pa ni bsod nams kyi rgyun bla na med pa'i rten yin pa'i phyir ro// de kun zhes bya ba ni de dag thams cad do// des ni 'di skad du dper na sa las shing la sogs pa sa las gyur pa nyid du skye ba dang ma rig pa las sems can gyi rab tu dbye ba phyin ci log tu dmigs pa'i bdag nyid dag 'byung ba rnams las dang ma rig pa dag gi ngo bo zad pa med de/ 'bras bu de dag gi bdag nyid nye bar ma bzung ba'i phyir ro// shing la sogs pa dang srog chags rnams rang gi rgyud la yod pa'i sa nyid dang / log par dmigs pa'i bdag nyid nye bar gzung nas skye ba la de skad du tha snyad 'dogs pa ni ma yin te/ de dag gi rang gi rgyud tha dad pa'i ngo bo nyid yin yang sa las gyur pa ma yin pa nyid la sogs pa las log pa'i bdag nyid
- 204b
kyis de gang du tha skad 'dogs pa'i phyir ro// rlu dang bzas bu dag gcig pa nyid yin na ni/ rang gi bo dang byed pa tha dad pa dang thal pas rlung zad byung rtswa yang ma yin la 'bras bu yang ma yin pa'i phyir/ 'thob mthu 'dag ste nA dang 'bras bu tha dad par mthar ba'i rnan med par thal bar 'gyur ro// 'bras bus las snang ba ma yin pa la sogs pa'i dbor bur yang de'i rgyu 'phel ba yang med de/ sa T+Ti dang log par dmigs pa'i bdag nyid ni rigs mi mthun pa las log pa tsam du khyad par med pa'i phyir ro// de bzhin du shes pa las ji skad bshad pa'i ye shes kyi rgyun skye ba la yang zad pa med de/ gang gis kyang de'i ngo ba yongs sum bzung ba'i phyir ro// 'phel ba yang med de/ rtag tu 'dzin pa la sogs pas dben pa'i mtshan nyid du khyad par med pa'i phyir ro// rdzogs pa'i byang chub rgyu rnam pa gsum bshad zin to// byang chub de ni sgrib pa zad pa dang mi skye ba'i mtshan nyid yin la de dag kyang rten cing 'brel par 'byung ba la zad pa dang skye ba med par rtogs pa'i ngo bo nyid yin gyi sgrib pa spangs nas yang mi skye ba'i spyod yul can dag ni ma yin te/ chos thams cad rang bzhin gyis med pa'i phyir ro// mthong ba'i lam la spyod pa'i shes rab kyang rten cing 'brel par 'byung ba'i bdag med pa'i spyod yul can yin pa nyid kyis ma rig pa'i gnyen po yin pa'i phyir ro// byang chub sems dpa' gang zhig ces bya ba la sogs pa smos te/ skye med ces bya ba ni gang zhig gis rten cing 'brel par 'byung ba la skye ba med pa nyid dang 'di nyid la zad pa med pa nyid du shes rab 'di shes pa de ni rang byung thob par 'gyur ro zhes bya bar sbyar ro// gzhan ni ma yin te/ ma rig pa'i ling tog gis sgrib pa'i phyir ro snyam du dgongs pa yin no// bcom nas zhes bya ba ni pha rol tu
- 205a
sa cad kyi mthun pa sngags ma dug pa thabs pa bas nas/ shang na u ma 'tsha/ dgas ma bka' tham mthun pa'i phyogs grangs she na/ shes rab ni bzhin nyid kyi yul can yin pas thams cad kyiganyen pa yin pa'i tha~Mng te/ 'kho gsul ma dmigs pa med par sbyin pa la sogs pas sder sAl sogs pa sde ba'i rgyu rtog pa gsal bar mi nus so// de nyid kyi phyir na de dag la pha ral du phyin pa zhes za skad mi gdags so// shes rab dam pas rab tu bye ba'i sbyin pa la sogs pa ni sad cig ma gcig la yang pha rol tu phyin pa ral gyis tha mad rten te/ de dag gi mtshan nyid yin pa'i phyir dang / thams cad kyi ma mthun pa'i thobs bzlag pa'i bye ra// 'di ltar sbyin pa'i sems kyi sad cig kho na la sems can rnams ma byams pa'i phying tshul khrims yin no// len pa pa ga ba la sogs pa'i bzud pa'i mtshan nyid kyi bzad pa yin no// 'gro ba sgrub pa la spro ba phrer brtson 'grus yin no// byang chub gzhan yid la byed pa'i g.yeng ba med pa'i phyir bsam gtan yin na// mums bul sogs par sa sor rtog pa'i phyir shes rab yin no// de bzhin du dul khrims la sogs pa'i sems kyis skad cig la srung bar bya ste/ rab 'byor 'di la byang chub sems dpa' sbyin pa sbyin par byed pa la ni byams pa'i lus dang ngag dang yid kyi las nye bar gnas par 'gyur zhes bya ba nas/ de ltar na sbyin pa'i pha rol tu phyin pa la gnas pa ni pha rol tu phyin pa drug cang yongs su rdzogs par 'gyur ro zhes bya ba'i bar gang gsungs pa yin no// 'dis ni mthong ba'i lam skad cig ma gcig yin par bstan par rig par bya ste/ sems kyi skad cig kho na la pha rol tu phyin pa
- 205b
yon tan thams cad mngon du byed pa'i phyir ro// gal te 'o na ni rab tu dga' ba'i gnas skabs kho nar pha rol tu phyin pa thams cad rnam par dag pa'i phyir sa gzhan de don med par 'gyur ro zhe na/ bden des thams cad ni mtshan nyid gcig pa'i phyir 'jig rten las 'das pa'i gnas skabs la bltos na khyad par ci yang med do// dag pa 'jig rten pa'i gnas skabs pa'i yon tan ni kha cig mthong ba'i skad cig mas bsgrub par bya ba yin la kha cig bsgoms pas bsrub par bya ba yin no// sa'i khyad par rnam par bzhag pa yang de las ltos pa'i phyir nyes pa med do// // de lta bu'i mtshan nyid kyi mthong ba'i lam las ji ltar mthong ba goms pa'i rdo rje nyid bsgom pa'i lam 'byung // de yang mnyam par bzhag pa'i gnas skabs la yang mngon par zhen pa med pa'i mtshan nyid yin par rig par bya ste/ bsam gtan la sogs pa la gnas kyang de kho na nyid mthong ba'i stobs kyis de la mi gnas pa'i phyir/ mthu chen zhes bya ba la sogs pa smras te/ mthu chen zhes bya ba ni lags dang mthun pa la sogs pa'i rim gyis bsam gtan dang po la sogs pas gnas par nus pa'o// de la bsam gtan dang po ni dge brtse gcig pa 'dod khams kyi gnyen po yin no// gnyis pa ni spyod pa'i gnyen po yin no// gsum pa ni yid bde ba'i gnyen pa yin no// bzhi pa ni bde ba'i gnyen sa/ yin no// bsam gtan bzhi po 'di dag dang / gzugs med pa nam mkha' mtha' yas la sogs pa dang 'gog pa'i snyoms par 'jug pa dag gis te/ rab 'byor 'di la byang chub sems dpa' sems dpa' chen pa ni 'dod pa dag las dben pa sdig ta mi dge ba'i chos rnams las dben pa rtog pa dang bcas pa dang spyod pa dang bcas pa dben pa las skyes pa'i dga' ba dang bde ba can bsam gtan dang pa
- 206a
rdzogs par byas te gnas so// de bzhin du 'du byed dang tshor ba 'gog pa'i snyoms par 'jug pa rdzogs par byas te gnas so// de 'gog pa'i snyoms par 'jug pa las langs te 'du shes med// 'du shes med min skye mched kyi snyoms par 'jug pa la snyoms par 'jug go/ zhes bya ba'i gang rgyas par gsungs pa yin no// // bam po drug pa// rten pa zhes bya ba ni gzung bar rnam par rtog pa'o// gnas pa ni 'dzin par rnam par rtog pa ste/ der mi byed pa ni sgom pa'i lam rtog pa'i rnam pa thams cad kyi gnyen po yin pa'i phyir ro// de ltar rnam par mi rtog pa nyid kyis skye ba'i bsam gtan la/ 'dod chags dang bral/ na'o na de la gnas ci dgos she na/ de bstan pa'i phyir/ 'on kyang zhes bya ba la sogs pa gsungs te/ 'on kyang zhes bya ba ni de lta mod kyi'o// bsam gtan 'du shes zhes bya ba ni bsam gtan rnams 'du shes tsam gyis mtshan nyid yin pa'i phyir/ kha cig las ni bsam gtan yan lag bcas pa zhes 'byung ste/ der ni rab tu dang ba la sogs pa'i yan lag dang bcas par 'dug pas na bsam gtan yan lag dang bcas pa rnams so zhes bya bar blta'o// des ni 'di skad du rnam par mi rtog bzhin du de ltar bsam gtan la sogs pas gnas pa gang yin pa de ni de lta bu'i sems bskyed pa brgyad pas rdzogs pa'i byang chub bsgrub par bya ba yin pa'i phyir ro// zhes bshad par 'gyur te/ sgom pa'i lam bshad zin to// // de mchog tu gyur pa ni bar chad med pa'i ting nge 'dzin gyi mtha' ste/ byang chub sems dpa'i sgom pa rdo rje lta bu'i ting nge 'dzin kho na yin pa'i phyir de bstan par/ shes rab mchog thob ces bya ba la sogs pa smos so// shes rab mchog thob ces bya ba ni sa chen po'i gnas skabs na thob pa'i shes rab mtshan ma med//
- 206b
palhur gyis grub pa'o// bsam gtan dag la gnas pa zhes bya ba ni bshad ma thag pa'i mtshan nyid kyi bsam gtan bzhi la gnas pa'o// gzugs med ting 'dzin dam pa bzhi yang zhes bya ba ni nam mkha' mtha' yas skye mched la sogs pa'i mtshan nyid kyi gzugs med pa'i ting nge 'dzin bzhi yang nyams su myong ngo zhes bya bar sbyar ro// ci'i phyir zhe na/ 'di ltar bsam gtan 'di dag ces bya ba la sogs pa smos so// bsam gan can pa 'did/ byung rab ma pa na yang 'anas dngas su pa sas mchags gage sung pa du mams pa'i rdzogs pa byung chu 'dun pa yin te/ lcags mthun pa dang / lugs las bzlog pa'i rim gyis bsam gtan dang po la sogs pa'i snyoms par 'jug pa sngon du 'gro ba bsam gtan bzhi pas bsdus pa'i rdo rje lta bu'i ting nge 'dzin rdzogs pa'i byang chub kyi de ma thag pa'i rgyu yin pa'i phyir ro// zag pa zad pa ni nyon mongs pa'i sgrib pa spangs pa tsam yin te/ snying brtse ba chen po'i gzhan gyi dbang gis sngon tshogs mtha' dag yongs su rdzogs pa ma yang dag pa'i mtha' mngon du mi byed pa'i phyir de'i ched du mi slob po snyam du dgongs pa yin no// // 'dir log par bsgrub pa ni pha rol du phyin pa'i mi mthun pa'i phyogs kun tu spyod pa yin te/ de yod na rdzog pa'i byang chub kyi de ma zag pa'i ngo bo mi 'thad pa'i phyir ro// de bsal ba'i don du shes rab phul du byung ba dang ldan pa'i sbyin pa'i pha rol du phyin pa la sogs pa phun sum tshogs pa'i bdag nyid rang rang gi mi mthun pa'i phyogs dang bral bar ston par mdzad de/ shes rab 'chal pa ni yul gyi gzhan gyi dbang du gyur pas le los dge brtsams pa thams cad la mi bzod cing mi dge ba'i bsam pa las ma logs
- 207a
pas dam pa'i chos dang zang zing la sogs pas gzhan la phan 'dogs par mi 'jug pa'i phyir ro// de la bsam gtan gyi pha rol du phyin pa mi mthun pa'i phyogs ni rnam pa lnga ste/ mtshan pa'i g.yeng ba de'i gnyen por 'dri ni zhes bya ba la sogs pa smos so// yon tan la sogs pa ni byang chub sems dpa' rnams te/ rang dang gzhan gyi don gyi dbang du byas nas rnam pa thams cad du bsam gtan gyi yon tan yang dag par bsgrub pa'i phyir ro// ngo mtshar ni rgya phun sum tshogs pa'i phyir ro// rmad byung ni 'bras bu thun mong ma yin pa'i phyir ro// mtshan ma ni bdag ni mnyam par bzhag pa'o snyam pa la sogs pa'i rnam par rtog pa 'byung ste/ de mod pa ni shes rab kyis de'i bsam gtan gyi 'khor gsum rnam par dag pa'i phyir ro// rnam par smin pa'i gzhan gyi dbang du gyur pa'i g.yeng ba de spang bar bsam gtan thob kyang 'jig rten la snying brtse bas 'dod pa'i khams su 'jug pa'i phyir/ de la gnas rnams zhes bya ba la sogs pa smos so// de la gnas rnams zhes bya ba ni bsam gtan la sogs pa la gnas pa rnams te gzhan dag ni gnyug mar zad pa'i phyir 'dod/ pa'i khams su skye ba la ngo mtshar cung zad kyang med do zhes bya ba'i tha tshig go/ gal te lus mi zhig gyur na zhes bya ba ni gal te lus gang gis bsam gtan rnams thob pa de ji zhig ltar zhig par gyur na zhes bya ba'i tha tshig go/ bsam pa ji bzhin zhes bya ba ni 'dod pa las 'dod chags dang bral yang gzhan gyi don du smon lam btab pa'i phyir skye ba mi 'gal snyam du dgongs pa yin no// yongs su nyams pa'i g.yeng ba de bsal bar lho dang byang gi sgra mi snyan du skye ba sngon du 'gro ba'i phyir 'dzam+bu'i gling du skyes pa bzhin du byang chub sems dpa' 'dod pa'i khams su skyes kyang de yul rnams la mngon par chags pa med pas bsam gtan
- 207b
thob pa las yongs su mi nyams pa'i phyir/ dper na zhes bya ba la sogs pa smos te/ mi 'thob ces bya ba ni lhar skye ba med par byang gi sgra mi snyan dag tu skye bar mi 'gyur gyi 'on kyang sngar lhar gyur nas snyam du dgongs pa yin no// de na yongs su gzung ba'i yul zhes bya ba ni lho dang byang gi sgra mi snyan dang 'brel pa'i yul shin tu dga' dga' ltar 'dug pa zhes bya bar sbyar ro// mther nas zhes bya ba ni nyams su myong nas so// phyir 'dir 'ong bar gyur na zhes bya ba ni 'dzam+bu'i gling 'di kho nar 'ong bar 'gyur na'o// chags pa ni mngon par zhen pa'o// de mi byed ces bya bar sbyar te/ 'dzam+bu'i gling gi yul rnams ni lho dang byang sgra mi snyan gyi yul gyi phun sum tshogs pa la bltos nas ngan pa'i phyir ro snyam du dgongs pa yin no// de bzhin zhes bya ba ni de dang 'dra bar ro// rnal 'byor brtson zhes bya ba ni sems rnam par ma g.yengs pa'o// chags pa med ces bya ba ni 'gro ba'i sred pas ma gos pa'o// de bstan pa'i phyir chu'i pad+ma zhes bya ba la sogs pa smos te/ dper na pad+ma chu'i nang nas skyes kyang des mi chags pa bzhin du byang chub sems dpa' 'dod par skyes kyang de'i sred pas mi gos so snyam du dgongs pa yin no// 'o na ci'i phyir der skye zhe na/ bdag nyid chen po zhes bya ba la sogs pa smos so// bdag nyid chen po zhes bya ba ni byang chub sems dpa' rnams te/ phyir yang 'dod pa'i khams su gnas par byed do// zhes bya bar skabs dang sbyar ro// sems can yongs su smin bya ba kho nar zad ces bya ba ni gdul ba'i sems can skal ba mnyam par skyes pa 'dod pa na spyod pa rnams yongs su smin par bya ba'i ched 'ba' zhig tu zad do// zhing skyong zhes bya ba ni snod kyi 'jig rten sbyang bar bya ba'i phyir/ 'dod pa'i khams na rdo ba dang tsher ma la sogs pa mi mthun pa mthong nas de dag dang bral bar bya ba'i ched du dge ba'i tshogs rtsom
- 208a
pa'i phyir ro// pha rol phyin ces bya ba ni pha rol du phyin pa 'di dag yongs su rdzogs par bya ba'i yang phyir ro// sems can yongs su smin par byed pa ni tshogs yongs su rdzogs pa'i rgyu yin pa'i phyir te/ byang chub sems dpa' rnams kyi gzhan yongs su smin par byed pa yang bdag nyid kyi sangs rgyas kyi chos yongs su rdzogs par byed par 'gyur ro zhes gang gsungs pa yin no// gzugs med par skye ba ni gzugs la sogs pa'i 'du shes kyi 'tshe ba dang bral ba'i phyir gya nom pa yin yang rnam pa thams cad du skye ba la dbang bas rang gir mi byed de/ de ni bdag dang gzhan la phan pa dang mthun pa pha rol tu byin pa la sogs pa'i chos yi de la byed pa dang 'gal ba'i phyir byang chub yon tan zhes bya ba la sogs pa gsungs te/ 'gyur 'ong zhes bya ba ni 'gyur na mi rung ngo snyam nas zhes bya ba'i don to// ro myang pa'i g.yeng ba ni mi zhig gis rin po che'i gter rnyed pa la sred pa med cing gnyen 'dab yongs su sbyong bar byed pa bzhin du bsam gtan gyi bde ba'i ro myang ba bor nas 'gro ba snying brtse bas 'dod pa'i khams su 'jug pa'i phyir/ dper na mi zhig ces bya ba la sogs pa smos so// chags par mi byed ces bu pa ni rin po che'i gter nge la chags par mi byed pa'o// des ni 'di skad du dper na mi 'ga' zhig rin po che'i gter rnyed nas de la gcig pu kho na chags pa mi skyed kyi 'di ni 'khor rnams la phan gdags pa'i rgyu yin no snyam nas dus gzhan zhig na blangs te khyim du song nas bdag nyid ma chags pa gnyen 'dab yongs su myong bar byed pa dang 'dra'o zhes bshad pa yin no// de bzhin zhes bya ba la sogs pa 'byung la/ dga' ba dang bde sbyin zhes bya ba ni sems can rnams la dga' ba dang bde ba sbyin par
- 208b
byed pa yin gyi bdag nyid de dag la chags pa ni ma yin no zhes bya ba'i tha tshig go/ ting nge 'dzin zhi ba bzhi zhes bya ba ni gzugs med pa'i mtshan nyid kyi ting nge 'dzin bzhi'o// zhi ba zhes bya ba ni rang rang gi mi mthun pa'i phyogs dang bral ba'o// bsam gtan zhes bya ba ni sems rtse gcig pa nyid de/ bsam gtan dang ting nge 'dzin thob pa bsam gtan dang gzugs med pa'i mtshan nyid gang la de kho na'am des pa pa / nas ba sa ga/ pa thugs ba thob kyang nyan thos dang rang sangs rgyas kyis don du gnyer ba byang chub dam pa'i gegs su gyur pa g.yeng ba'i mtshan nyid yin pa'i phyir/ gal te zhes bya ba la sogs pa smos te/ skyed na zhes bya ba ni gal te dgra bcom pa dang rang sangs rgyas kyi theg pa la dga' ba'i sems bskyed na'o// mnyam par ma gzhag pa ni rnam pa thams cad spangs pa phun sum tshogs pa dang 'gal ba'i phyir ro// sems rgod pa ni ye shes thams cad phun sum tshogs pa'i 'os ma yin pa'i phyir ro// sems g.yengs gyur pa ni gzhan gyi don phun sum tshogs pa'i snod du ma gyur pa'i phyir ro// 'dir bstan tshigs sangs rgyas yon tan yongs nyams su zhes bya ba gsungs te/ dman pa'i yid la byed pa ni rdzogs pa'i byang chub kyi 'os ma yin pa nyid kyis ma thob par yongs su nyams pa'i ngo bo nyid yin pa'i phyir ro// mnyan pa gru zhig bzhin zhes bya ba ni gru zhig pa'i mnyan pa bzhin du zhes bya ba ni rgya mtsho mtha' dag gi pha rol du 'gro bar mi nus so zhes bya ba'i tha tshig go// de lta bas na nyams na byang chub sems dpa' rnams la ni srid pa'i longs spyod la zhen pa yul la chags pa'i
- 209a
ba// rnam par g.yeng ba sla ste/ de na rdzogs pa'i byang chub dang gtan du 'gal ba ma yin pa'i phyir/ gnan yang zhes bya ba la sogs pa smos so// dgra bcom dang rgyal breg bral zhes bya ba ni theg pa gzhan/ la dga' ba dang bral ba'o// byang chub sems dpa' dga' na zhes bya ba ni rdzogs pa'i byang chub tu nges par sems bskyed na'o// rtag tu ma nyam gzhag yin zhes bya ba ni sangs rgyas nyid kyi 'os yin pa las 'dod pa'i yon tan la mngon par brtson pas g.yengs par mi 'gyur ba'i phyir ro// snyam du dgongs pa yin no// // brtson 'grus kyi pha rol tu phyin pa'i mi mthun pa'i phyogs ni rnam pa drug ste/ le lo ni de med pa 'jig rten la pan gdags pa'i don du rtag tu go cha gyon pa'i phyir/ sems can zhes bya ba la sogs pa smos so// chags pa'i gnas dedang de dag la chags pa'i phyir sems can rnams yin la dag pa dang mi dge ba'i chos rnams kyi 'gro ba de dang de dag tu gang zhig zag pas na gang zag rnams yin te/ nye bar len pa'i phung po phyin ci log lnga yin no// gang dag la de dag gi phyir de dag drung ba'i phyir sems dpa' ste/ sems/ go cha'i brtson 'grus kyis rnam par dag pa yod pa'i byang chub sems dpa' de dag la de skad ces bya'o// nga rgyal 'dzin pa ste bran mo chu chun bzhin du nga rgyal bcom pa'i yid kyis gzhan dag gis brnyas na yang 'gyur ba med pas rtag tu sems can gyi bya ba la 'jug pa'i phyir/ brtson 'grus zhes bya ba lnga sogs pa 'byung ba yin te/ zan mo chu chun zhes bya ba la sogs pa smos pa ni ngan las la yang nga rgyal med pa nyid du bstan pa'i phyir ro// dbang med ces bya ba ni rang dbang med pa'o// rje'i dbang zhes bya ba ni rje'o// gzhan gyi dbang du gyur pa de zhes bya ba'i don to// dpa' rnams zhes bya ba ni rang yongs su smin par byed
- 209b
pa'i dbang du byas nas 'jug pa'i brtson 'grus kyi stobs kyis rang gi mi mthun pa'i phyogs rnams kyis mi non pa'i phyir ro// bran mo rje'o dbang du gyur pa de nyid gsal bar bya ba'i phyir/ spro ba byas sam zhes bya ba la sogs pa smos so// bzlog tshig ces bya ba ni ngal yang dang yang du brdeg tu ci yod ces phyir zlog pa'i tshig ste mi smra zhes bya bar sbyar ro// der yang ma zad kyi shin tu skrag pa'i yid kyis phyis chad pa 'ong bar dogs pas 'jigs bcas shing de'i mod la sdug bsngal 'byung bar dogs pas zil gyis non par gyur te skrag pa'i yid kyis zhes bya bar sbyar ro// sreg pa nyid bstan pa'i phyir/ 'di yis bdag ni zhes bya ba la sogs pa smos te/ bdag gis bzlog na rje'o 'dis bsad par 'gyur du 'ong ngo snyam nas rgyu des na cung zad kyang mi smra'o zhes bya ba'i tha tshig go/ de bzhin du byang chub sems dpas kyang gzhan gyis brnyas pa thams cad la bran lha bur bu dgos pas de bzhin zhes bya ba la sogs pa smos te/ gnas par bya zhes bya ba ni bran bzhin du gnas par gyis shig ces bya ba'i tha tshig go/ ci'i phyir zhe na/ 'di ltar 'di las zhes bya ba smos te 'gro ba 'di las so// byang chub thob cing zhes bya ba ni byang chub 'grub cing ngo // yon tan rdzogs par 'gyur zhes bya ba ni pha rol tu phyin pa'i mtshan nyid kyi yon tan rnams kyang yongs su 'grub par 'gyur te/ byang chub sems dpa' rnams kyi rgyu dang 'bras bu phun sum tshogs pa'i rten ni 'gro ba yin pa'i phyir ro snyam du dgongs pa yin no// de nyid sreg ces bya ba ni 'di skad du dper na rtswa dang shing las byung ba'i mes rtswa la sogs pa de nyid sreg par byed pa de bzhin du rgyud gang kho na las nga rgyal la sogs pa'i me skyes pas de kho na sreg par byed de/ byang chub kyi myu gu skye ba dang mi mthun par byas pa'i phyir ro// de bas na byang chub sems dpa' dag ni sems
- 210a
can rnams la nga rgyal bcom nas 'jug go zhes bshad pa yin no// bdag nyid bde ba la chags pa ste bdag gis bde ba btang zhing chags pa med pa lan du phan 'dogs pa la mi lta ba ni ma bzhin du bar chad med par sems can gyi don bya ba la 'jug pa'i phyir bdag gi bde ba zhes bya ba la sogs pa smos te/ mngon par brtson zhes bya ba ni gzhan yongs su smin par bya ba'i phyir 'jug pa'i brtson 'grus dang ldan pa'o// bu gcig pa zhes bya ba smos pa ni de la ma shin tu byams par bstan pa'i phyir ro// rim gro byed pa ltar zhes bya ba ni 'tsho ba byed pa ltar ro// gnas par gyis zhes bya ba ni gnas par gyis shig ces bya ba'i don to// skyo ba dang du mi len pa ste/ yid skyo ba med pa ni tsho gas mthar phyin par bya ba'i don du yun ring por 'jug par bya ba'i phyir/ byang chub sems dpa' gang zhig ces bya ba la sogs pa smos te/ yun ring 'khor 'dod ces bya ba ni yun ring mo zhig tu srid pa'i kha bachud par 'dod pa'o// ci'i phyir zhe na sems can don zhes bya ba la sogs pa smos te/ sems can gyi don dang zhing sbyang bar bya ba'i phyir brtson pa'i rnal 'byor pa ni tshogs mthar phyin par byed pa'i brtson 'grus dang ldan pas 'khor ba 'dod kyi srid pa'i bde ba la chags pa ni ma yin no zhes bya ba'i tha tshig go/ yid skyo ba ni ring zhig du bya dka' ba byed pa dang ldan du zin kyang brtson 'grus kyi pha rol tu phyin pa dang ldan pa ma yin te/ sems de'i mi mthun pa'i phyogs kyi zil gyis non pa'i phyir/ byang chub sems dpa' mi mkhas zhes bya ba la sogs pa smos so// bskal pa bye ba 'grang zhes bya ba ni bdag gis bskal pa bye ba 'di snyed gcig tu 'jug par bya dgas so zhes 'grang bas zhes bya ba'i don to// ring bar 'du zhes bya ba ni bdag gis dus yun ring mo 'di khas blangs so snyam pa'i bsam pa
- 210b
bar gnas pa'i phyir ro// sdug bsngal zhes bya ba ni sdug bsngal ba'i yid kyis zhes bya ba'i tha tshig go// byang chub sgrub ces bya ba ni byang chub sgrub par byed pa'o// le lo can zhes bya ba ni 'di skad du de ltar skyo ba'i bsam pas pha rol tu phyin pa la sogs pa'i chos kun tu spyod pa ni dka' ba byed pas sdug bsngal nyams su myong bar 'gyur la des kyang brtson 'grus kyi pha rol tu phyin pa nyams pa yin te/ yid skyo ba ngan pa la gnas pa'i phyir ro zhes bshad pa yin no// yang gang zhig byang chub tu sems bskyed pa dang po nas bzung ste bla na med pa'i ye shes kyi bar 'di la nyin zhag cig tsam du lta bas skyo ba la ji snyam par byed pa de ni brtson 'grus brtsams pa yin par rig par bya ste/ byang chub mchog tu zhes bya ba la sogs pa 'byung ba yin no// sems bskyed ces bya ba ni byang chub tu sems bskyed pa'i sems bskyed pa dang po nas bzung ste zhes bya ba lhag ma yin no// nyin mtshan cig tsam du zhes bya ba ni nyin zhag gcig tsam du ste dus de tsam du'o// sems byed na zhes bya ba ni sems par byed na yid la zhes bya bar sbyar ro// lhag ma ni don go bar zad do// sems zhum pa nyid ni byang chub dka' ba brtsam pas bsgrub par bya ba yin no zhes zos na sems zhum pas brtson 'grus kyi pha rol tu phyin pa yongs su mi rdzogs pa'i phyir/ gal te zhes bya ba la sogs pa 'byung ba yin te smra ba las zhes bya/ ba ni smra bar byed pa las so// de ci zhig zhe na/ ri rab ri bshig pa'i zhes bya ba yin te/ bshig pa'i zhes bya ba ni bcom pa'i 'o// rjes la bya ba ni 'og tu'o// thob 'gyur zhes bya ba ni byang chub mchog mngon du byed par 'gyur ba'o// ji ste zhes bya ba ni ji ste de skad thos nas so// skyo ba'i blo skyed ces bya ba ni 'o na ni bdag byang chub kyi snod ma yin no zhes skyo ba skyed cing ngo // tshad kyang sems byed na zhes bya ba ni 'di ltar ri rab 'di ni tshad
- 211a
chen po yin pas bdag gis gzhom par mi nus so shes de snyam du sems na zhes bya ba'i tha tshig go/ de yongs su spang bar brtson 'grus phun sum tshogs pa bstan pa'i phyir/ ji ste zhes bya ba la sogs pa smos te/ de ni zhes bya ba ni byang chub sems dpa' ste sngar smras pa lta bu thos nas sems bskyed na'o// ji lta bu zhig cen/ 'di tsam tshod lta ci dka' zhes zhes bya ba ste/ ri rab bshig nas byang chub 'thob par 'gyur ba gang yin pa 'di ni tshegs chung ba'o snyam pa'o// de'i phyir skad cig tsam la zhes bya ba smos te/ skad ci kho nar ri rab thal ba bzhin du thal bar brlags te btang ngo snyam mo// brtson 'grus brtsams pa ste zhes bya ba ni tshogs mthar phyin pa dang mthun pa'i brtson 'grus yin pa'i phyir ro// 'di ltar ring por mi thogs zhes bya ba la sogs pa 'byung ba yin te don go bar zad do// gang zag la sogs par phyin ci log pa ni bdag la sogs par 'du shes pa lus la sogs pas brtson par byas kyang gnam sa bzhin du rdzogs pa'i byang chub dang ring bar 'gyur ba'i phyir/ 'gro ba zhes bya ba la sogs pa smos te/ don bu zhes bya ba ni bdag gi don 'bal zhig du brtson par bya bar ma zad kyi 'jig rten gyi don du yang bya'o snyam du sems dpa'o// 'on kyang le lor gyur pa yin te/ 'di ltar bdag tu 'du shes gnas pa ste bdag tu mngon par zhen pas so// bdag la sogs par phyin ci log pa ni rnam par byang ba skye ba'i gags su gyur pa'i phyir ro// de gsal bar bya ba'i phyir/ thams cad mkhyen pa nyid las zhes bya ba la sogs pa smos so// de lta bas na lus la sogs pa la mngon par zhen pa med pa kho na bla na med pa'i ye shes kyi 'os yin pa'i phyir/ brtson 'grus phun sum tshogs pa'i mchog yin pas/ gang tshe zhes bya ba la sogs pa smos so// ci'i phyir lus la sogs pa'i
- 211b
'du shes dang bral zhe na/ 'di ltar 'du shes rnam par log pa ste sems can la sogs pa'i 'du shes log pa chos kyi dbyings la zhes bya ba'i tha tshig go/ de la gnas pa ni brtson 'grus kyi 'khor gsum rnam par dag pa'i phyir ro snyam du dgongs pa yin no// de bstan pa'i phyir/ gnyis su med chos spyod ces bya ba smos so// 'di ni zhes bya ba ni 'di kho na ste/ brtson 'grus kyi pha rol tu phyin pa de kho na nyid la phyin ci ma log par/ mtshan nyid gcig pa'i phyir ro// de lta ma yin te/ brtson 'grus rnam par dag pa med na byang chub yod pa ma yin no// de lta ra ni pha rol du phyin pa'i tha snyad gdags pa yang med do// de ni bla na med pa'i ye shes kyi rgyu'i ngo bo la brten pa yin no// snyam du dgongs pa yin ni// de bstan pa'i phyir byang chubazhib ces bya ba la sogs pa smos te/ 'di ni byang chub 'dod pa'i brtson 'grus kyi pha rol tu phyin pa yin par de bzhin gshegs pas gsungs kyi gzhan gyis ni pa yin no snyam du dgongs pa yin no// bzod pa'i pha rol tu phyin pa mi mthun pa'i phyogs ni rnam pa drug ste/ gnod pa byed pa'i rkyer ni de yod na khro ba srid pa'i phyir ro// de bsal bar bya ba'i phyir gnod pa byed pa dag la yang bzod pa'i yan lag bsgom pas phan 'dogs pa'i blos yongs su dga' bar 'gyur ba'i phyir ro// gal te gzhan las zhes bya ba la sogs pa smos so// ngan du brjod pa ni skabs su ma bab par smra ba'i phyir ro// tshig rtsub ni mi dga' bar byed pa'i phyir ro// bdag bde yin zhes bya ba ni bsnyan pa la sogs pa smra ba gang yin pa 'di ni rdzogs pa'i byang chub dang mthun pa'i phyir bdag gi bde ba yin no// de lta ma yin te/ gzhan gyi gnod pa byas pa la bzod pa med na ji ltar byang chub thob par 'gyur snyam nam yongs su dga' bar 'gyur gyi btang snyoms tsam du byed
- 212a
ba kho nar ni ma zad do zhes bya ba'i tha tshig go/ bdag dang gzhan du mngon par zhen pa ni de nyes pa 'byung ba'i gzhi yin pa'i phyir ro// de yongs su spang ba'i chos la nges par rtog pa'i bzod pa ni ngan du smra ba la sags pa la chos thams cad bdag med par so sor rtog pa'i phyir su smra zhes bya ba la sogs pa 'byung ba yin te/ su zhes bya ba la sags pa'i sbyin thams cad du yang spong ba yin par blta bar bya'o// gang gis zhes bya ba ni rgyu gang gis smras te/ yang dag par na ngag kun nas slong bar byed pa zhe sdang la sogs pa med pa'i phyir gang gis kyang ma yin no zhes bya ba'i tha tshig go/ gang zhig ces bya ba ni don rab tu bstan par bya ba'i phyir zhes bya ba lhag ma yin te/ chos thams cad brjod du med pa'i phyir gang yang ma yin no snyam du dgongs pa yin no// chu gang gi phyir smra zhes bya bar skabs dang sbyar te/ dngos po thams cad la byed pa med pa'i phyir dang / bdag med pa'i phyir ro snyam du dgongs pa yin no// bzod pa'i pha rol phyin mchog ces bya ba ni chos la nges par rtogs pa'i bzod pa dang ngo // bzod pa'i yon tan ma mthong ba ni bzod pa de lta bu'i phan yon ma mthong na mngon du mi byed pa'i phyir ro// de gsal ba'i don du phan yon bstan pa'i phyir/ byang chub sems dpa' gang zhig ces bya ba la sogs pa gsungs te/ legs chos ldan zhes bya ba'i phan yon 'di ni gang zhig ji skad bshad pa'i yid la byed pa'i yon tan dang ldan pa'i bzod pa byed pa de'i yin gyi nyams chung ba la sogs pas byed pa ni ma yin no snyam du dgongs pa yin no// bsod nams phung bas de la zhes bya ba ni sangs rgyas la sogs pa la ni rin po che tshad med pa phul ba'i bsod nams gang yin pa des bzod pa'i pha rol tu phyin pa de la bsod nams kyi char yang mi
- 212b
bod de/ de ri dmigs pa can yin pa'i phyir la bzod pa phyin cig log pa'i ngo bo nyid yin pa'i phyir ro snyal du dgongs pa yin no// sbyin pa'i rgyu las byung ba'i bsod napas kyi tsho gas lhung mi dmigs pa gang yin pade ni pha rol tu phyin pa mtha' dag gi ngo bo nyid yin pa'i phyir thub par bA mi rus pa kho na'o// gang gis na 'dis bsod napas gzhan grib par 'gyur ba'i bzod pa 'di 'bras bu ci zhig ce na/ bzod pa la gnas pa'i zhes bya ba la sogs pa smos so// 'bras bu de yang rnam pa lnga ste/ chu mthun pa'i 'bras bu ni lus ni yongs su dag 'gyur te zhes bya ba 'byung ba yin te/ bzod pa la goms pa'i phyir lus gnod sems la sogs pas dri ma can du ma byas pa'i phyir ro// rnam par smin pa'i 'bras bu de gzugs kyi skus bsdus pa mtshan sum cu rtsa gnyis kyis rab tu phye ba mtha' yas pa yin te/ de ni bzod pa'i rnam par smin pa yin pa'i phyir ro// skyes bu byed pa'i 'bras bu ni sems can rnams la chos stong pa nyid rab tu ston pa yid te chos la nges par rtog pa'i bzod pa'i stobs kyis phyin ci ma log par stor par rab tu 'jug pa'i phyir ro// badrag po'i 'bras bu ni 'gro ba dga' bar 'gyur ba yin te/ bzod pa'i dbang gis 'gro ba'i rgyud dag la byang chub sems dpa' la dmigs pa'i dga' ba skye ba'i phyir ro// bral ba'i 'bras bu ni de kho na nyid la so sor rtog pa'i bzod pa'i mthus mo shes pa dang bral na mkhas pa yin pa'i phyir ro// gnod sems dang rjes su chags pa dang ldan pa nyid ni de dag med na byang chub sems dpa' phan 'dogs pa dang gnod pa byed pa dag la mtshungs par par gdags pa'i lhag pa'i bsam pa can yin pa'i phyir/ gal te zhes bya ba la sogs pa smos te/ blangs zhes bya ba ni blangs nas so// rab gus
- 213a
/ zhes bya ba ni gan nubyas pas zhes bya ba'i thatshig go/ byang chub sems dpa' la ni nyug byed la shes bya ba ni sa can gyi ma rnamams zhes thubar byung // 'thung byed ces bya ba ni mag la ma mdag 'thor bar byed pa ste byang chub sems dpa'i zhes bya bar skabs dang sbyar ro// gnyi ga la zhes bya ba ni phan 'dogs pa dang gnod pa byed pa la'o// de yis zhes bya ba ni byang chub sems dpas so// byang chub gzhan du yongs su bsngo ba ni de ni nyan thos la sogs pa'i byang chub kyi yan lag yin pas rdzogs pa'i byang chub kyi rgya'i bzod pa'i pha rol tu phyin pa'i mi mthun pa'i phyogs su gyur pa'i phyir ro// de'i gnyen po ni/ rdzogs pa'i byang chub tu yongs su bsngo ba ste/ des yongs su bzung ba'i bzod pa'i pha rol tu phyin pa ni gang zag gzhan gyi bzod pa bas mchog tu gyur pa'i phyir byang chub sems dpa' zhes bya ba la sogs pa smos te/ sems bskyed de ni zhes bya ba ni ji skad bshad pa'i bzod pa'i mtshan nyid kyi sems bskyed pa de'o// dgra bcom rang rgyal zhes bya ba ni dgra bcom pa dang rang sangs rgyas kyi'o// sems can khams kyi/ zhes bya ba ni de las gzhan pa'i bzod pa ji snyed pa yang zhes bya bar sbyar ro// zil gyis gnon zhes bya ba ni zil gyis non par 'gyur ba ste/ byang chub sems dpa'i bzod pa ji skad bshad pa'i yongs su bsngos pa lta bu ni ye shes dam pa'i rgyu yin pa'i phyir ro snyam du dgongs pa yin no// sdug bsngal la ji mi snyam par mi byed pa ni de dang ldan pa bzod pa med pa srid pa'i phyir ro// de'i gnyen po ni 'gro ba thams cad du don med pa'i nyon mongs pa dang mthun pa'i sdug bsngal rjes su dran pas rdzogs pa'i byang chub kyi rgyur byang chub sems dpa'i sgrub pa'i sdug bsngal ba la sems gus pa dang bcas pa nyid de/ des sdug
- 213b
bsngal thams cad dang du len pa'i phyir/ bzod byed ces bya ba la sogs pa 'byung ba yin no// sems de bstan pa'i phyir sems dmyal zhes bya ba la sogs pa gsungs te/ sems can dmyal ba la sogs pa smos pa ni sdug bsngal mang po nyid du bstan pa'i phyir ro// 'dod pa'i yon tan rgyu yis zhes bya ba ni 'dod pa la lhag par zhen pa mi 'dod pa'i bsags pas dmyal ba la sogs par 'gro ba'i phyir ro// dbang med ces bya ba ni rang dbang med pa ste/ sdug bsngal gang dag la rang dbang med pa yod pa de dag la de skad ces bya ste las kyi gzhan gyi dbang gis de nyams su myong ba'i phyir ro snyam du dgongs pa yin no// byang chub ched du zhes bya ba ni byang chub kyi phyir ro// nga zhes bya ba ni rang nyams su 'gro ba drang bar khas blangs pa'i dus na zhes bya ba'i tha tshig go/ de lta bas na gang zhig 'di ltar spro ba ni bzod pa la gnas pa yin pas/ lcags dbyig ces bya ba la sogs pa smos te/ sdug bsngal ji snyed ces bya ba ni ji skad bshad pa'i sdug bsngal las ma gtogs pa gzhan dang gzhan dag kyang zhes bya ba'i tha tshig ste de ni bzod pa'i pha rol tu phyin pa la gnas pa yin no// zhes bya ba lhag ma yin no// bzod pa'i rang gi mi mthun pa'i phyogs dang bral ba bshad zin to// // tshul khrims kyi brjod par bya ste/ de'i mi mthun pa'i phyogs ni tshul khrims kyi tshul khrims la sogs pa'i bye brag gis rnam pa drug gi drug kho na'o// yul la chags pa ni des gcig tu nyes par spyod pa las rnam par mi ldog pa'i phyir ro// de'i gnyen po ni zhi ba 'dod pa nyid yin te/ des gcig du nyes par spyod pa spong ba yang dag par len pa'i phyir/ tshul khrims kyis ni zhes bya ba la sogs po smos te/ zhi ba 'dod ces bya ba ni thar pa 'dod ces bya ba'i tha tshig
- 214a
zlab yongs sum rdzogs pa nyid ni de sbyin pa'i tshul khrims kyi gegs sa gyur ba'i phyir te/ bdag nyid bsgrub pa yongs sum rdzogs pa ni ngal cher gzhan dag la slob par nus pa ma yina'o// de'i gnyen po ni stobs bcu'i spyod yul la gnas pa yin te/ de ni bslab pa rdzogs pa'i ngo bo nyid yin pa'i phyir/ stobs bcu'i zhes bya ba la sogs pa smos so// rang gi bslab pa las 'da' ba ni de bzod pa'i tshul khrims dang 'gal ba'i phyir ro// de'i gnyen po ni tshul khrims mnyams pa nyid de/ rnam pa thams cad du 'chal pa'i tshul khrims kyi rgyud ga la bzod pa'i tshul khrims nyid kyis rang gi bslab pami 'khrugs pa'i phyir ro// theg pa dman pa mngon par 'dod pa ni spro ba chen po'i tshul khrims kyi mi mthun pa'i phyogs yin pa'i phyir ro// de'i gnyen po ni 'gro ba mtha' dag la phan gdags pa'i phyir tshul khrims phun sum tshogs pa rdzogs pa'i byang chub tu yongs su bsngo ba yin te/ de yod na rang dang gzhan gyi don gyi rten can gyi brtson 'grus mtha' yas pas sdom pa'i bya ba thams cad kyi pha rol tu phyin// par 'gyur ba'i phyir sdom pa'i bya ba zhes bya ba la sogs pa smos so// ji snyed ces bya ba ni sdom pa'i bya ba sdom pa dang sems can gyi don dang dge ba'i chos sdud pa'i tshul khrims kyi bdag nyid ji snyed yod pa'o// rjes su 'jug ces bya ba ni srung bar byed pa'o// de yang zhes bya ba ni bya ba de yang zhes bya bar skabs dang sbyar ro// de lta ma yin na tshul khrims kyi pha rol tu phyin pa'i 'bras bu sangs rgyas nyid thob/ pa'i gegs su gyur pa'i phyir 'chal pa'i tshul khrims ma rungs pa yin pas/ gal te zhes bya ba la sogs pa smos te/ theg pa gzhan la dga' ba ni byang chub kyi sems skye ba'i gegs su grur pa'i phyir de
- 214b
dag ni byang chub sems dpa' mkhas pa rnams kyi nang na tshul khrims 'chal pa yin no// spyod pa nyams zhes bya ba ni spyod pa nyams shes te/ de ni de las gzhan pa'i byang chub sems dpa'i bslab pa las 'da' ba'i rgyu mtshan nyid yin pa'i phyir ro// rdzogs pa'i byang chub tu yongs su bsngos na 'dod pa'i yon tan la gnas su zin kyang tshul khrims 'chal pa nyid ma yin pas/ ji ste zhes bya ba la sogs pa smos te don go bar zad do// de ci'i phyir zhe na/ 'di ltar chos gang zhes bya ba la sogs pa smos so// byang chub yon tan 'byung 'gyur ba zhes bya ba ni gang las byang chub kyi yon tan stobs la sogs pa yang dag par 'grub par 'gyur ba'i chos de ni zhes bya bar sbyar ro// tshul khrims don zhes bya ba ni tshul khrims kyi ngo bo nyid de/ rdzogs pa'i byang chub kyi yon tan gyi 'os yin pa nyid kyis sgrib pa'i gdung ba thams cad kyi gnyen por gyur na phyis bsil bar 'gyur ba'i phyir ro// su dag gi yin zhe na/ yon tan chos ldan rnams kyi zhes bya ba smos te/ byang chub sems dpa' rnams kyi yin no// de dag rdzogs pa'i sangs rgyas kyi ngo bo don du gnyer ba'i phyir de rung ba'i chos kho na de dag gi tshul khrims yin gyi gzhan gyi ma yin no zhes bya ba'i tha tshig go/ de bstan pa'i phyir/ chos gang phan byed rnams kyi zhes bya ba la sogs pa smos te/ byang chub yongs nyams pa zhes bya ba ni chos gang la byang chub las yongs su nyams par 'gyur ba yod pa zhes bya bar tshig rnam par sbyar ro// 'di ni zhes bya ba ni chos 'di'o// gang gi/ phyir de lta yin pa de'i phyir/ gal te zhes bya ba la sogs pa smos te/ 'dod yon lnga zhes bya ba ni gzugs la sogs pa chags par 'gyur ba'i yul lnga'o// spyod kyang zhes bya ba ni spyod du zin kyang ngo //
- 215a
sangs rgyas bsgrub bya snyam du zhes bya ba ni gal te bdag gis ji ltar na nges par sangs rgyas su 'gyur ba de ltar rab tu 'bad par bya'o snyam du thams cad mkhyen pa nyid yid la byed na'o// tshul khrims/ pha rol phyin la gnas zhes bya ba ni tshul khrims kyi pha rol tu phyin pa la gnas pa yin te/ de'i tshe zhes bya ba ni lhag ma yin no// dkon mchog gsum la skyabs su 'gro bas thog drangs pa'i rdzogs pa'i byang chub tu sems bskyed pa'i chos ni byang chub kyi yon tan thams cad skye bar rung ba yin pa'i phyir ro snyam du dgongs pa yin no// de la gzhan pa ni gal te skal ba zhes bya ba la sogs pa 'byung ba yin te/ sems bskyed de ni zhes bya ba ni rang sangs rgyas dang dgra bcom pa'i byang chub tu sems bskyed pa gang yin pa ste/ de ni rang dang gzhan gyi don phun sum tshogs pa'i bdag nyid kyi byang chub las yongs su nyams pa'i rgyu yin pa'i phyi/ phas pham pa'i ltung bas kyang ches lci bar rig par bya'o// phas pham pa'i ltung ba ni de ltar nyams pa'i rgyu ma yin te/ de'i bsam pa ni gtan du ba ma yin pa'i phyir ro// ltung ba byung ba ni su yang rung ste phal cher 'di snyam du bdag gis gdon mi za bar 'khrul pa 'di kho na rtag tu ngang du gyur par bya'o snyam du ni mi sems te/ 'dod chags la sogs pa kun tu spyod pa ni phung bar 'gyur ba'i rgyu gcig pu yin pas mngon par dga' bar bya ba ma yin pa'i phyir ro// de nyid kyi phyir gtan du ba ma yin pas rdzogs pa'i byang chub kyi sems dang lhan cig mi 'gal ba'i phyir phas pham pa'i ltung ba ni ji ltar theg pa dman pa 'dod pa de ltar byang chub sems dpa' rnams kyi gtan du bar du gcod pa'i chos ma yin no// de ni 'jigs pa med pa'i 'bras bu gzhan don don du gnyer ba'i ngo bo nyid kyis bla na med pa'i ye shes kyi
- 215b
'bras bu can gyi yid la byed pa dang 'gal ba'i phyir ro snyam du dgongs pa yin no// de lta bas na tshul khrims srung zhing zhes bya ba la sogs pa smos te/ yongs bsngo la zhes bya ba ni yongs su bsngo bar byed na ste/ de lar nA tshul khrims phun sum tshogs pa'i mchog tu 'gyur ra zhes bya ba'i tha chog go/ tshul khrims kyi yon tan gyis nga rgyal byed pa ni de mnyam par bzhag pa'i tshul khrims dang mi mthun pa'i phyir te/ chud nga rgyal gyi nye bar bcom pa ni mnyam par bzhag pa'i tshul khrims kun tu sgrub par mi 'gyur ro// de'i gnyen po ni nga rgyal bcom pa nyid de bstan pa'i phyir/ de yis zhes bya ba la sogs pa smos so// de yis zhes bya ba ni bshad mthug pa lta bu'i tshul khrims kyis so// rlom sems med ces bya ba ni khyad du gsod pa med pa ste gzhan dag la zhes bya ba lhag ma yin no// gang zag la sogs par lta ba na de shes rab kyi tshul khrims kyi mi mthun pa'i phyogs yin pa'i phyir ro// de dgag par nga'i 'du shes zhes bya ba la sogs pa smos so// nga'i 'du shes ni nga'o snyam du lta ba'o// sems can du 'du shes ni rgyud gzhan dag la gang zag dang phung po la sogs par mngon par zhen pa'o// tha dad pa'i 'du shes dang ldan pa ni phyin ci log gi ngo bo nyid yin pa'i phyir don dam pa'i tshul khrims ma yin pas/ gal te zhes bya ba la sogs pa smos so// shin tu tshul khrims 'chal ces bya ba ni sems can dag la yon gnas ma yin pa'i 'du shes nye bar 'jog pa'i phyir dang bdag dang gzhan du phyin ci log pa dang ldan pa yin pa'i phyir ro// gang gi phyir de lta yin pa de'i phyir/ gang la bdag gi zhes bya ba la sogs pa smos te/ 'du shes 'dod chags bral la zhes bya ba ni gang la 'du shes la 'dod chags
- 216a
dang bral zhing mngon par zhen pa med pa de la sdom pa ma yin pa ga la yod de de'i rtsa ba ni der 'du shes pa yin pa'i phyir ro snyam du dgongs pa yin no// 'di ni tshul khrims sdom par zhes pa ni tshul khrims dang cig shos dag tha dad pa med pa nyid du rtogs pas don dam pa'i tshul khrims yin no snyam du dgongs pa yin no// de bzhin du snga ma dag la yang ci rig par so so'i pha rol tu phyin pa'i// rab tu dbye bas mi mthun pa'i phyogs kyi khyad par sbyar bar bya'o// tshul khrims kyi pha rol tu phyin pa'i mi mthun pa'i phyogs nyams pa bshad zin to// sbyin pa'i brjod par bya ste/ 'dir yang snga ma bzhin du sbyin pa'i sbyin pa la sogs pa'i bye brag gis mi mthun pa'i phyogs rnam pa drug go/ lta ba dang bcas pa'i sems nyid ni de dngos po gtong ba'i mi mthun pa'i phyogs yin pa'i phyir ro// de'i gnyen po ni sdug pa dang mi sdug pa'i dngos po la mi lta ba nyid de/ de yod na bye dang nang gi dngos po yongs su gtong ba srid pa'i phyir/ sems can dag pa zhes bya ba la sogs pa smos te/ bshad pa'i rim pa 'dis ni pha rol tu phyin pa snga ma rnam par dag pa phyi ma'i rnam par dag pa'i rgyu yin no zhes bya bar ston par byed do// lta ba med pa yin zhes bya ba ni mi lta ba yin zhes bya ba'i tha tshig go/ lhag ma ni go sla'o// gang zag tu 'dzin pa ni de ser sna skye ba'i rgyu mtshan nyid kyi dngos pos tshul khrims kyi sbyin pa'i gegs su gyur pa'i phyir ro// de gnyen po ni rang gi sems la sogs pa la bdag med pa nyid du/ rtogs pa ste/ des ser sna'i mtshan nyid kyi 'chal pa'i tshul khrims kyi bdag nyid kyi sbyin pa yang dag par 'grub pa'i phyir/ chos rnams zhes bya ba la sogs pa smos so// bdag med ces bya ba ni rang
- 216b
ba pa babya 'dram mapas tsamamam pas rung lalangs la gis bdag med pa'i ngo bo yin pa'i phyir dang / bdag gis byin gyis ma brlabs pa'i phyir te/ rgyu ma yin pa'i phyir ni byin gyis rlob pa po'i dngos por mi 'thad pa'i phyir rtag pa yang rgyu ma yin pa'i phyir te/ ji skad sngar bshad pa lta bu'o snyam du dgongs pa yin no// ya ma rla zhes bya ba ni chu'i gzhan gyi dbang du gyur pa'o// de ni gnas med do zhes bya ba ni sems can du lta ba ni ser sna'i rgyu'i gtso bo yin na de med pas de yang mi srid do snyam du dgongs pa yin no// gang dag la bdag tu 'du shes pa yod pa zhes bya ba la sogs pa ni 'di skad du bdag du 'dzin pa yod na bdag la chags pa'i phyir rang gi bde ba sgrub pa'i dngos po la bdag nyid du 'dzin cing de las kyang de la chags pa'i 'dod chags 'byung bas sems rmongs pa de dag la gtong ba'i blo gtan du blta ga la yod de/ mi mthun pa'i phyogs stobs dang ldan pas de shin tu zil gyis gnon pa'i phyi ro zhes bshad pa yin no// ser sna'i skyon pa mthong ba ni de yod na slong bar byed pa la sogs pa log par bsgrub pa la mi bzod pas ser sna 'byung ba'i phyir ro// de'i gnyen po ni ser sna mi mthun pa yin par rtog pa ste/ des slong bar byed pa thams cad la dge ba'i bshes gnyen yin par 'du shes shing ser sna dang bral bas bzod pa'i yan lag gi gtong ba yang dag par bsgrub pa'i phyir/ ser sna can ni zhes bya ba la sogs pa smos so// ser sna can ni zhes bya ba ni ser sna dang ldan pa ni zhes bya ba'i tha tshig go/ yi dgas gnas su skye bar 'gyur zhes bya ba ni skye bar 'gyur te/ yo byad la sogs pa la chags pa'i rnam par smin pa la sogs pa ni yi dgas kyi 'gro ba yin pa'i phyir ro// dbul por 'gyur zhes bya ba ni rgyu mthun pa'i 'bras bu'o// shes nas zhes bya ba ni de ltar ser sna'i
- 217a
nyes pas mi dang yi dgas kyi 'gro ba dag na sems can dbul por gyur pa dag shes nas so// gtong la mos par 'gyur zhes bya ba ni sbyor ba'i sgo nas te/ don du gnyer ba'i skye bo mtha' dag la thams cad nye bar bsgrub pa'i phyir ro// lkug par gtong zhes bya ba ni bsam pa'i sgo nas te/ gnod pa'i rnam pa thams cad kyis gegs su mi 'gyur ba'i gtong ba'i bsam pa can yin pa'i phyir ro// / de'i phyir gling bzhi zhes bya ba la sogs pa smos te/ mchil ma'i thal ba 'dra zhes bya ba ni mchil ma'i thal ba bzhin du bdag nyid rin po ches brgyan pa'i gling rnams la yang mngon par ma zhen pa'i phyir ro// / byin nas dga' bar 'gyur gyi zhes bya ba ni de dag byin nas don du gnyer ba'i skye bo mgu bar mthong ba'i phyir ro// theg pa gzhan du yongs su bsngo ba ni de rang dang gzhan gyi don gyi dbang du byas pa'i brtson 'grus chen po phul du byung ba dang ldan pa'i gtong ba'i bsam pa dang 'gal ba'i phyir ro// de'i gnyen po ni byang chub mchog tu yongs su bsngo ba ste/ des brtson 'grus gtan du ba'i ngo bo nyid kyi sbyin pa'i pha rol tu phyin pa 'grub par 'gyur ba'i phyir/ byang chub sems dpa' zhes bya ba la sogs pa smos so// 'di byin par gyur cig snyam du zhes bya ba ni sbyin pa 'dis srid pa gsum du gtogs pa'i sems can ji snyed pa de dag gi phun sum tshogs pa kha na ma tho ba med pa rnams 'byor par gyur cig mnyam du bsam nas zhes bya ba'i tshig go/ de nas ci byed ce na/ de yang zhes bya/ bab la sogs pa smos te/ de ltar bsgrub pa'i bsod nams kyi phung po de yang 'gro ba spang ba'i phyir yongs su bsngo bar byed de/ des ni sbyin pa de mi zad par 'gyur ro zhes bya ba lhag ma yin no//
- 217b
mthong ba dang ma mthong ba'i srid pa'i longs spyod don du gnyer ba ni de rdzogs pa'i yid la byed pa'i rtse gcig pa'i ngo bo nyid kyi sbyin pa'i pha rol du phyin pa dang 'gal ba'i phyir ro// de dgag pa'i phyir/ sbyin pa sbyin nas zhes bya ba la sogs pa smos so// dngos la gnas par byed pa ni mthong ba'i 'bras bu don du gnyer ba'o// rnam par smin pa ni sbyin pa'i 'bras bu 'jig rten pha rol pa dang 'brel pa'i/ mkhas pa zhes bya ba ni bshes gnyen can de/ thams cad mkhyen pa nyid yid la byed pa las rnam par ma g.yengs pa zhes bya ba'i tha tshig go/ thams cad gtong ba ste zhes bya ba ni sbyin pa'i rnam par smin pa yang sems can kho na la yongs su bsngo ba'i phyir/ mang po dpag tu med par 'gyur zhes bya ba ni sbyin par bya ba'i dngos po chung gis kyang gtong ba'i bsam pa che ba'i phyir te/ longs spyod dang yo byad kyi rnam pa kha na ma tho ba med pa mtha' dag 'byung bas mang po'o// phung po med pa'i mya ngan las 'das pas yang mi zad pa'i phyir dpag tu med pa ste/ 'bras bu nam mkha'i mdzod la sogs par 'gyur ro snyam du dgongs pa yin/ yang na dngos po chung ngu yang gtong ba'i bsam pa'i khyad par med pa kho nar sbyin pa'i pha rol tu phyin pa'i mchog yin te/ rjes su yi rang ba'i yid la byed pa tsam gyis sems can thams cad kyis bdog pa thams cad btang ba las byung ba'i bsod nams dus mi thung ba zhig tu mngon par 'dus byas pa zil gyis gnon pa'i phyir/ srid pa gsum na zhes bya ba la sogs pa smos so// yongs su rtag pa bzung ste zhes bya ba ni yongs su rtag pa nye bar bzung ste'o// yang dag par ni sems can thams cad la de lta bu'i rnam pa mi srid pa'i
- 218a
phyir ro// sangs rgyas la sogs pa smos pa ni len pa po'i khyad par gyi bsod nams che ba nyid du bstan pa'i phyir ro// nyan thos legs 'tshol na zhes bya ba ni rdzogs pa'i byang chub don du gnyer bas kun nas bslang ba'i sbyin pa byin pa'i khyad par ni thub par mi nus so snyam du dgongs pa yin no// thabs mkhas zhes bya ba ni sbyor ba med par bsam pa tsam gyis bsod nams mi nyung ba la sogs pa la mkhas pa'i phyir ro// bsod nams bya ba'i dngos la zhes bya ba ni bshad ma thag pa lta bu la'o// yongs su bsngo bas zhes bya ba ni yongs su bsngo bar byed pa ste/ yongs su bsngo ba ni sangs rgyas kyi byang chub kyi rten yin pa'i phyir ro zhes bya ba'i don to// zil gyis non ces bya ba ni zil gyis gnon par 'gyur ba ste/ byang chub sems dpa' des zhes bya bar sbyar ro// rjes su// yi rang bas ji ltar bsod nams zil gyis non pa de dpes gsal bar bya ba'i phyir/ nor bu 'ching bu zhes bya ba la sogs pa smos so// des ni 'di skad du dper na nor bu 'ching bu'i phung po shin tu// / cher zin kyang rin po che bai DUr+ya gcig gis zil gyis gnon par 'gyur te de ni longs spyod la sogs pa phun sum tshogs pa'i rgyu yin pa'i phyir ro// de bzhin du byang chub sems dpa'i rjes su yi rang bas kyang 'gro ba'i bsod nams kyi tshogs zil gyis gnon par 'gyur te/ de ni rang dang gzhan gyi don phun sum tshogs pa'i rgyu yin pa'i phyir ro zhes bshad pa yin no// chos kyi mtshan nyid la phyin ci log pa ni de phyin ci ma log pa'i bdag nyid kyis sbyin pa'i pha rol tu phyin pa'i mi mthun pa'i phyogs yin pa'i phyir ro// de'i gnyen po ni chos thams cad stong pa nyid du rtogs pa ste/ des bstangs
- 218b
pas sbyin pa zag pa med pa'i tshogs 'phel ba'i rgyur gyur pa'i phyir/ gal te zhes bya ba la sogs pa smos so// de la bdag gir mi byed ces bya ba ni gal te chos thams cad bdag med par rtogs pa'i phyir de la bdag gi nyid du mi byed na'o// dngos po pangs med ces bya ba ni phangs pa ni bdag gir mngon par zhen pa sngon du 'gro ba can yin pa'i phyir de med na de mi srid do snyam du dgongs pa yin no// / dge ba'i chos kho na zag pa med pa nyid kyis sgrib pa thams cad spong ba'i rgyu yin pa'i phyir mthu chen ste/ byang chub sems dpa' gang la yod pa de la de skad ces bya'o// sprin med 'od ldan zla dkyil yar gyi ngo bzhin no zhes bya ba ni zla ba'i dkyil 'khor gang la sprin med pa'i 'od zer yod pa de la de skad ces bya'o// rtse mo'i mngon par rtogs pa'i rab tu dbye ba bshad zin to// // mthar gyis pa brjod par bya ste/ de ni chos thams cad rang bzhin gyi bdag med kyang 'jig rten mngon par zhen pa spang ba'i phyir sbyin pa'i pha rol tu phyin pa la sogs pa la 'jug pa'i rim pa'i mtshan nyid yin par rig par bya ste/ bcom ldan 'das de ji ltar na chos thams cad dngos po ma mchis pa'i ngo bo nyid la byang chub sems dpa' sems dpa' chen po'i mthar gyis bgyid pa dag gda' lags sam zhes bya ba nas/ gal te bdag byang chub mngon par rdzogs par sangs rgyas kyang rung 'on te bdag mngon par rdzogs par sangs ma rgyas kyang rung ste/ chos thams cad ni dngos po med pa kho na yin mod kyi mal bdag gis gang zhig mngon par rdzogs par sangs rgyas nas sems can dngos po'i 'du shes la spyod pa thams cad la dngos po med pa la 'god par 'gyur ba bla na med pa yang dag par rdzogs
- 219a
pa'i byang chub mngon par rdzogs par 'tshang rgya bar bya gong ma chag go snyam du zhes bya ba'i bar dang / sems dang po bskyed pa nas bzung ste bdag nyid kyang sbyin pa byin zhing gzhan dag kyang sbyir pa la so sor 'god par byed do zhes bya ba'i bar gang rgyas par 'byung ba yin no// de la sbyin pa'i pha rol tu phyin pa mthar gyis pa rtogs po ni zas la sogs pa sbyin pa la goms pas bdag dang gzhan yongs su smin par byed pa'i phyir/ byang chub sems dpa'i zhes bya ba la sogs pa 'byung ba yin te/ yi dgas 'gro ba gcod ces bya ba ni sbyor ba'i gnas skabs kho na na rang gi nor la sogs pa 'dzin pa med pa nyid kyis yi dgas kyi 'gro ba spangs pa'i phyir ro// dbul ba gcod zhes bya ba ni 'gro ba thams cad du tshegs med par yo byad phun sum tshogs pa rnyed pa'i phyir ro// nyon mongs pa thams cad gcod ces bya bar skabs dang sbyar te/ 'khor gsum mi dmigs pa khong na yod pa'i sbyin pa'i pha rol tu phyin pa bsgoms pas mthong ba'i lam gyi gnas skabs na nyon mongs pa'i sgrib pa thams cad spangs pa'i phyir ro// spyod tshe zhes bya ba ni sa rab tu dga' ba la sogs pa la 'jug pa na zhes bya ba'i don to// longs spyod ni 'dzam+bu'i gling gi bdag po la sogs pa'i mtshan nyid do// mtha' yas pa ni mi gnas pa'i mya ngan las 'das pa 'dren par byed pa yin pa'i phyir ro// rgyas pa ni rnam pa mang ba'i phyir dang sems can thams cad kyi gsos su gyur pa'i phyir ro// sdug bsngal gyur pa zhes bya ba rnam pa gnyis te/ rgyu'i sdug bsngal gyis ni ser sna la sogs pa'i nyes pas nye bar bcom pa'i phyir ro// 'bras bu'i sdug bsngal gyis ni dbul ba la sogs pas ces pa'i phyir ro// yongs su smin byed ces bya ba ni yongs su
- 219b
smin par byed pa ste/ skyon dang yon tan bri zhing 'brel par bya ba'i phyir zang zing la sogs pas kun tu bsdus nas pha rol tu phyin pa'i chos sbyin pas rung ba nyid du byed do zhes bya ba'i tha tshig go/ sbyin pas rang gi lings spyod la 'dzin pa spangs nas/ khrims kyis zhes bya ba la sogs pa smras te/ tshul khrims phun sum tshogs pa ni ngan 'gro thams cad dang 'gol ba'i phying dung 'gro smos pa ni nye bar mtshon par zad do// mi khom brgyad ni ngan sang tra skye ba la sogs pa ste/ rang dang gzhan gyi don la 'dzag par rung ba ma yin pa'i phying de dag kyang spang ngo zhes bya bar sbyar ro// de las bzlog pa ni dal ba ste de dag rnyed/ rtag tu zhes pa ban dus thams cad druH/ srung ba'i gnas gapas nas pat+tA / rdo rjeg bu'i dzin ma T+wA~Mg ga bang du mi dmigs pa dang ldan pa'i tshul khams ces dang dang gzhan pa'i lus bsgrub pa'i phyir ro// de ltar tshul khrims kyi pha rol tu phyin pas sdig pa'i bsam pa las rnam par log pa ni bzod pas zhes bya ba la sogs pa smras so// dam pa zhes bya ba ni bdag dang gzhan gyi nyes pa'i rten ma yin pa ste/ chos la nges par rtog pa'i bzod pas de kho na nyid kyi ye shes dang mthun pa'i gzugs thob pa'i phyir ro// rgya chen ni sprul pa 'od zer 'phro ba phun sum chags padape med pa yin te/ sems can gyi don sgrub pa dag la sdug bsngal la ji mi snyam pa'i bzod pa ldan gyis grub par 'gro ba la phan 'dogs nus pa'i sku 'grub pa'i phyir ro// gsod mdog ces bya ba ni mdog gser ltar dang ba'o// lta ba'i 'os pa zhes bya ba ni lta na sdug pa ste/ gzhan gyis gnod pa byas pa dang du len pa'i bzod pa ni gzhan gyi stong du sdug pa'i rgyu yin pa'i phyir ro//
- 220a
de ltar bzod pa dang ldan pa ni/ brtson 'grus kyis zhes bya ba la sogs pa smos so// dkar po'i yon tan ni zag pa med pa'i pha rol tu phyin pa la sogs pa'o// de dag 'grib mi 'gyur zhes bya ba ni yang dag par spong ba'i gnas skabs na dri ma med pa'i ye shes kyi 'os su rung ba thob pa'i phyir ro// ye shes mtha' yas mtha' yas zhes bya ba ni byang chub kyi phyogs dang mthun pa sum cu ru bdun gyi bdag nyid de de ni brtson 'grus kyi pha rol tu phyin pa rnam par dag pas rab tu phye ba'i sa 'od 'phro can du thob pa'i phyir ro// rgyal ba'i bang ba ni stobs bcu la sogs pa'i mtshan nyid do// de'i mdzod ni gnas te/ ye shes gang yin pa de yang sangs rgyas nyid kyi gnas skabs na rnyed do zhes bya bar sbyar ro// de ltar dge ba la spro ba phun sum tshogs pa rnyed pa ni/ bsam gtan gyis zhes bya ba la sogs pa smos so// smad pa zhes bya ba ni 'dod pa'i yon tan smad par bya ba dag 'dor zhes bya bar sbyar te/ rdzu 'phrul gyi rkang pa dag la gnas pa bsam gtan la brten nas yul dag la chags pa sel ba'i phyir ro// rig pa ni gsum ste/ lha'i mig dang sngon gyi gnas rjes su dran pa dang / zag pa zad pa shes pa'o// mngon par shes pa ni drug ste/ gsum po de dag dang / lha'i rna ba/ dang / rdzu 'phrul dang / pha rol gyi sems shes pa'o// de dag mngon par bsgrub pa ni sa lnga pa la bsam gtan gyi pha rol tu phyin pa rnam par dag pas rim gyis mngon par shes pa la sogs pa'i yon tan mchog tu gyur pa thob pa'i phyir ro// ting nge 'dzin ni seng ge rnam par bsgyings pa la sogs pa ste/ de yang gnas skabs gong ma gong ma dag tu mngon par sgrub po zhes bya bar skabs dang sbyar ro// /
- 220b
mnyam par bzhag pa ni yang dag pa ji lta ba bzhin rab tu shes par 'gyur bas/ shes rab kyis zhes bya ba la sogs pa smos te/ dbang po dang stobs la sogs pa'i gnas skabs na yod pa'i shes rab kyis so// chos kyi rang bzhin yongs shes nas zhes bya ba ni byang chub kyi yan lag dang lam gyi yan lag gi gnas skabs na chos kyi dbyings kun tu 'gro ba'i don la sogs par rtogs nas zhes bya ba'i tha tshig go/ ma lus pa las yang dag 'da' bar 'gyur zhes bya ba ni chos la bdag med par rtogs pas khams gsum pa'i sred pa thams cad spong ba'i phyir ro// 'khor lo rin chen zhes bya ba ni 'khor lo rin po che ste/ de ni yang dag pa ji lta ba bzhin du rtogs pa'i ngo bo nyid kyis 'gro ba'i nyon mongs pa gcod par byed pa yin pa'i phyir dang 'od gsal ba'i phyir ro// de bskor byas nas zhes bya ba ni rgyud gzhan la rab tu sbyar nas so// de lta ma yin te/ yang dag pa ji lta ba bzhin rtog pa po med na bstan pa la yid ches pa med pas blang bar bya ba ma yin pa nyid du 'gyur ro// snyam du dgongs pa yin no// chos kyang ston ces bya ba ni shes bya'i sgrib pa mtha' dag dang bral bas thabs la mkhas pa thob pa ni dbang byed pa dam pa'i ngang du gyur pas rtsol ba med par sngon gyi smon lam gyi 'phen pas gdul bya rnams la pha rol tu phyin pa'i chos rnam pa mtha' yas pa ji ltar rtogs pa bzhin rab tu ston par byed pa zhes bya ba'i tha tshig go/ thabs kyi pha rol tu phyin pa la sogs/ pa'i rim pa ni ma bshad de/ de dag ni sbyin pa'i pha rol tu phyin pa la sogs pa 'di dag kho na'i nang du 'dus pa'i phyir/ 'di ltar rjes su yi rang ba la sogs pas sbyin pa la sogs pa yongs su
- 221a
rdzogs par byed pa ni thabs yin no// de ltar bsags pa rnams rdzogs pa'i byang chub tu yongs su bsngo ba ni smon lam yin no// rang gi mi mthun pa'i phyogs kyis zil gyis mi non sa // la mas migs s+ho/ sa pa'i na pa gas rkyen// rnams ma pa sa telta bar bya'o// de ltar rim gyis pha rol tu phyin pa dgal goms pa las cig car pha rol tu phyin pa thams cad kyi rang gi ngo bo rtogs pa'i mtshan nyid skad cig ma gcig la mngon par rdzogs par byang chub kyi ste/ de ni sbyin pa la sogs pa re res kyang // zag pa med pa thams cad ni// yang dag bsdus phyir thub pa yi// skad cig gcig mngon rdzogs byang chub// de bstan pa'i phyir/ chos 'di yongs rdzogs byas nas zhes byal sogs pa smos te/ chos 'di zhes bya ba ni pha rol tu phyin pa'i bdag nyid thams cad da// yongs rdzogs byas nas zhes bya ba ni sbyin pa la sogs pa'i nang nas pa rol tu phyin pa snyan cig ma gang yang rung ba gcig gcig gis mngon du byas so// de dag ni gcig gi nang du gcig 'dus pas rnam par smin pa'i gnas skabs su gcig rtogs na rnam pa thams cad mngon sum du byed pa'i phyir te/ dper na zo chun khyud mo la// mi yi zo ba gcig bskyod pas// thams cad 'gul bar byed pa ltar// skad cig ye shes de dang 'dra// gang tshe rnam smin chos nyid kyi// gnas skabs chos dkar kun gyi rgya// shes rab pha rol phyin skyes pa// de tshe skad cig ye shes 'byung zhes gang bshad pa yin no// rgyas par bstan pa las kyang / rab 'byor dper na gzhan 'phrul dbang byed kyi lha rnams
- 221b
ni yid la bsams pa kho nas yo byad thams cad 'byung bar 'gyur ro// rab 'byor de bzhin du byang chub sems dpa' chen po yang yid la bsam pa kho nas pha rol tu phyin pa thams cad yongs su rdzogs par 'gyur ro// zhes bya ba la sogs pa gsungs so// de bzhin du sa bcu pa las kyang rtsol ba med cing mtshan ma med par 'byung ba'i gnas skabs kyi dbang du mdzad nas/ de'i sems kyi skad cig re re la pha rol phyin pa bcu po dag yongs su rdzogs par 'gyur ro zhes bya ba rgyas par gsungs so// skad cig ma gcig gis mngon par rdzogs par byang chub pa bshad zin to// // de ltar rnam pa thams cad du rtog pa'i rgyun bcom pa'i pha rol tu phyin pa'i skad cig ma gcig kha nas slob pa'i bag chags thams cad bsal nas rang dang gzhan gyi don phrin sum tshogs pa'i mtshan nyid kyi 'bras bu 'byung bar 'gyur bas chos kyi sku ste/ de ni ngo bo nyid longs spyod rdzogs bcas dang / de bzhin gzhan ni sprul sku dang // chos su mdzad par bcas pa ste// rnam pa bzhir ni yang dag brjod// de'i dbang du mdzad nas/ yongs dag zhing dang zhes bya ba la sogs pa gsungs so// de la zhing dang sems can rnam par dag pa ni don dang sems can du snang ba'i kun gzhi rnam par shes pa 'byung ba'i ngo bos me long lta bu'i ye shes kyi bdag nyid ngo bo nyid kyi sku yin te/ rtag tu bcom ldan 'das rnams kyi rnam par mi rtog pa'i ngo bo nyid gcig pa yin pa'i phyir ro// sangs rgyas rgyud ni thugs brtse ba chen pos rab tu phye ba nyon mongs pa can gyi yid gyur pa'i bdag nyid mnyam pa nyid ye shes yin te/ de ni thabs dang shes rab kyi bdag nyid kyis bde bar gshegs pa thams cad kyi rgyu yin pa'i phyir
- 222a
ro// chos kyi rgyud ni yid kyi rnam par shes pa rnam par rtog par byed pa gyur pa'i ngo bo gzung la dpe med pa dang mtshungs par ldan pa so sor rtog pa'i ye shes yin te/ de ni lung dang rtogs pa'i bdag nyid kyi chos rab tu 'byung ba'i rgyu yin pa'i phyir ro// ye shes 'di gnyis ni longs spyod rdzogs pa'i sku yin te/ mnyam pa nyid dang so sor rtog pa dag ni ji ltar rtog pa'i chos la nye bar longs spyod/ pa'i rten yin pa'i phyir/ dge 'dun rgyud ni mig la sogs pa'i rnam par shes par gyur pa'i mtshan nyid brtson 'grus kyi pha rol tu phyin pa rnam par dag pas rab tu bye ba bya ba sgrub pa'i ye shes te/ de mdzad pa mtha' dag la 'jug pa'i rgyu'i dngos pos dge 'dun thams cad 'grub pa'i rgyu yin pa'i phyir ro// 'di yang sprul pa sna tshogs kyi rten pa'i phyir sprul pa'i sku yin no// chos kun yongs su 'dzin zhes bya ba ni rang gi ngo bo tha dad pa med pa nyid du mngon sum du byed pa ste/ chos kyi dbyings rnam par dag pa'i ye shes kyis stobs kyis kun nas nyon mongs pa dang rnam par byang ba'i bdag nyid kyi chos thams cad tha dad pa med pa'i dra ba rtags ma// chos ky-i su bshad zin te// de ltar ye shes mtha' dag brnyes pa'i bdag nyid kyi 'bras bu phun sum tshogs pa'i khyad par chos byin ci ma log pa rab tu ston pa gtso bor sems can gyi don mdzad pa'i mtshan nyid kyi phrin las bstan pa'i phyir/ 'gro ba zhes bya ba la sogs pa smos te/ sman pa'i mchog tu gyur pa ni rnam pa thams cad du 'gro ba'i nyon mongs pa'i nad 'joms par mdzad pa yin pa'i phyir ro// byang chub ni sgrib pa thams cad dang bral ba 'jig rten las 'das pa'i ye shes yin no// gang la lam de rgyu de kho na yod pa de la de skad ces bya ste/
- 222b
bstan pa'i chos ni chos kyi dbyings shin tu rnam par dag pa'i rgyu 'thun pa yin pa'i phyir ro// 'di zhes bya ba ni shes rab bstan pa 'di'o// de nyid kyi yon tan brjod pa'i ched du mi bstan pa'i phyir/ ming ni 'di zhes// / bya ba la sogs pa smos so// yon tan rin chen sdud pa ni yon tan rin po che thams cad 'dren par byed pa yin pa'i phyir ro// 'di ltar byang chub kyi lam dang ldan pa ste/ rgya byang chub dang ldan pa ni pha rol tu phyin pa'i chos rtogs par skye ba'i rgyu yin pa'i phyir ro// ci'i phyir gsungs she na/ lam 'di zhes bya ba la sogs pa gsungs te/ thugs brtse ba chen po'i ngang du gyur pa ni 'gro ba la gtan du phan pa 'byung ba'i rgyu yin pa'i phyir lam 'od sems can kun gyis thob par bya ba'i phyir bshad do// mngon par rtogs pa brgyad po 'di dag gi bstan pa'i go rim ni rnam pa thams cad mkhyen pa nyid dang / lam gyi rnam pa shes pa nyid dang / thams cad shes pa nyid ni mtshan nyid kyi sgo nas bstan te/ spang bar bya ba dang spang bar bya ba'i mtshan nyid kyi dbang du byas nas de dag bstan pa'i phyir ro// rnam pa kun mngon par rdzogs par rtogs pa ni sbyor ba'i sgo nas te/ de thob par sbyor ba 'bras bu rang gi ngo bos nye bar mtshon pa sngon du 'gro ba'i de thob par sbyor ba rtsom pa'i phyir ro// rtse mo mngon par rtog pa ni khyad par gyi sgo nas te/ rab tu zhugs pa la khyad par du 'gro ba srid pa'i phyir ro// mthar gyis pa'i mngon par rtogs pa ni mngon par rtog pa'i rim pa'i sgo nas te/ sbyor ba khyad du gyur na rim gyis sa dang pha rol tu phyin pa mngon par rtogs pa 'byung ba'i phyir ro// skad cig ma gcig gis mngon par rdzogs par byang chub pa ni mthar thug par 'gro ba'i sgo nas so// rim gyis chos rtogs pa'i shes rab mtshan ma
- 223a
med cing rnam par mi rtog par 'byung ba na/ skad cig ma gcig kho nas rtogs par bya ba thams cad mngon sum du byed pa'i phyir ro// chos kyi sku ni rnam par smin pa'i sgo nas te/ de ltar zhugs pa'i 'bras bu ni spros pa med pa'i ye shes dang chos nyid rnam par dag pa yin pa'i phyir ro// yang na rnam pa thams cad mkhyen pa nyid la sogs pa gsum ni yul gyi sgo nas bstan to// de'i 'og ma bzhi ni rgyu'i sgo nas so// chos kyi sku mdzad pa dang bcas pa ni 'bras bu'i sgo nas bstan par rig par bya'o// 'bras bu la lha gzhan gyis kyang // bcol na ci'i phyir 'bad mi bya// gruH mitra kho na'i dUr// dka' 'grel 'di ni 'dir byas so// de ltas 'di ni bdag gis zur 'dis bdag nyid blun par bstan nges kyis// mkhas pa thugs rje rdzogs pa bdag gis de 'dir ga/ rim cung zad mdzod// 'gro ba'i de nyid brtags dka'i gzhung la bstan pa rtogs dka'i khyim gcig po// shes rab pha rol phyin tshul 'di la bdag 'dra blun pos ci byar yod/ dri med dge ba'i zer gyis mun pa kun gsal ba'i// ye shes rin po che'i tshig shas 'grel byas nas// dge ba 'dir thob gang des re zhig 'jig rten gyi// yid la tsa nas sangs rgyas ye shes tshul 'jug shog// sdud pa tshigs su bcad pa'i dka' 'grel slob dpon bud d+ha shA ka dz+nyA nas mdzad pa rdzogs so// // rgya gar gyi mkhan po bid+yA kA ra sid+ha dang / zhu chen gyi lo tsA ba ban+de dpal brtsegs kyis bsku re nas zhus te gtan la phab pa'o// // mang+ga laM/ @#/ mngon par rtags pa'i rgyan gyi 'grel pa zags pa'i cha ga ta na tis mdza da pa brtsigs sa// rgya gar skad du/ a b+hi sa ma yA lang+ga ra
- 223b
brid+d+ha k+Shi rti ka lA nA ma/ bod skad du/ mngon par rtogs pa'i rgyan gyi 'grel pa grags pa'i cha zhes bya ba/ 'phags pa 'jam dpal gzhon nur gyur pa la phyag 'tshal lo// 'phags pa byams pas rnam mdzad pa// sangs rgyas yum gyi don kun ni// sdud par byed che ga le'ur byas// thos shing rnam par bsams nas ni// gzhan la lan mang bshad gyur kyang // don rnams bskrad pa'i 'jigs pas brtsams// de la bcom ldan 'das 'phags pa byams pas shes rab kyi pha rol tu phyin pa mtha' dag gi don thams cad bsdus pa mngon par rtogs pa brgyad kyi rgyan gyi tshig le'ur byas pa mdzad par bzhed nas mngon par rtogs pa thams cad 'grub pa'i rgyur srid pa gsum gyi bla ma rgyal ba'i yum bcom ldan 'das ma nyid la thog mar re zhig phyag 'tshal ba gsungs pa/ kun shes zhes bya ba la sogs pa ste/ gang zhes bya ba ni sangs rgyas kyi yum bcom ldan 'das ma ste/ 'chad par 'gyur ba mngon par rtogs pa brgyad kyi rang bzhin nyid kyi rab tu phye ba'i shes rab kyi pha rol tu phyin pa'i bdag nyid do// gang zhig kun shes ni shes pas srid la mi gnas zhes bya ba la sogs par 'chad par 'gyur ba'i don gyi dngos po dgu yongs su shes pa'i rang bzhin de/ zhi ba 'tshol ba rnams grol bar byed pa'i don gyis nyan thos kyi sangs rgyas dang rang sangs rgyas dang zhi ba'i nye bar mthun pas mya ngan las 'das pa rnam pa gnyis thob par byed do// gang zhig lam zhes pa ni thams cad shes pa nyid sngon du song ba'i bdag nyid mog mog por byed la sogs pa 'chad par 'gyur ba'i dngos po bcu gcig gi bdag nyid yongs su shes pa'i rang bzhin te/
- 224a
byang chub sems dpa' rnams kyi bya ba 'gro ba rnams la phan par byed pa'i don gang zhig de yis rdzogs par byed pa'o// shes rab kyi pha rol tu phyin pa gang thob pa thams cad shes pa dang / lam shes pa nyid sngon du song ba can ni rnam pa kun mkhyen pas rab tu bye ba'i bdag nyid de/ sna tshogs rnam pa 'di dag kun gsungs pa zhes ston pa'i mtshan nyid bya ba'i sgo nas rtogs par bya ste/ sems bskyed pa ni zhes pa la sogs pa 'chad par 'gyur ba'i dngos po bcu yongs su shes par 'gyur ba'i bdag nyid dang ldan zhes pa ni gang zhig dngos su mdzad pa'i sna tshogs rnam pa 'di dag kun shes pa la rnam kun ni chos thams cad do// 'di dag ni 'di rnams so// thub pa ni sangs rgyas bcom ldan 'das so// gsungs zhes pa ni gsungs pa danas pa sa dung byang chub sems dpa gas rab kyi pha rol tu phyin pa nyid skyed byed ma ste phyag 'tshal bstod ces bya bar 'brel te// 'di skad ces 'bras bu mngon par rtogs par byed pas mngon par rtogs pa ste rgyur gyur pa bdun no// mngon par rtogs par bya bas mngon par rtogs pa ste 'bras bur gyur pa gcig po ste/ de ltar mngon par rtogs pa brgyad kyi bdag nyid kyi shes rab kyi pha rol tu phyin pa yin na// 'dir kun shes zhes pa la sogs pa'i gsum po nyid rab tu dbye bas ci ste phyag 'tshal zhes brjod par ni mi bya ste/ 'di rnams nyid ni dngos po'i rab tu dbye bas bya ba yin la/ gzhan kun
- 224b
ni 'di rnams las spros pa nyid kyi phyir ro// de lta na gsum pa 'di rnams nyid 'dus pa ni mngon par rtogs pa bzhi pa'o// rab tu gsal bar song ba ni lnga pa'o// go rims su rtogs pa ni drug pa'o// gnas skabs kyi dbye bas gnas kyi mtshan nyid du gyur pa rtogs pa ni bdun pa'o// 'gro ba'i don byed pa'i bya ba dang bcas pa de bzhin gshegs pa'i sku gsum gyi bdag nyid ni brgyad pa ste/ de lta bas na gsum po 'di rnams nyid ni dngos po'i rab tu dbye bas phye ba zhes rab tu rtogs par bya ba'i ched du gsum po 'di rnams nyid kyis rab tu dbye bas phyag 'tshal zhes pa skyon med do// gzhan dag 'di snyam du ma mthong ba dang / ma thos pa dang / sngar rnam par ma shes pa'i yul rnams la ji ltar blos mi dpyod pa de bzhin du mthong ba dang thos pa dang sngar rnam par shes po'i yul rnams kyang dpyod pa med pa'i rang bzhin te/ chos thams cad ni rab tu mi gnas pa zhes bya ba yin la/ byed pa med pa'am/ rnam par rtog pa thams cad las yang dag par 'das pa'i gnas skabs kyi bye brag gi bdag nyid ni bsam gyis mi khyab pa'i rnal 'byor zhes bya ba 'am/ don dam par chos thams cad rang bzhin med cing kun rdzob tu phung po lnga po'i rgyun rnams grub po zhes pa 'am/ chos tham cad ma skyes pa'i ye shes zhes pa 'am/ gzung ba 'am 'dzin pa las rnam par grol ba nam mkha' lta bur snang ba med par gsal ba'i rgyun no zhes pa 'am/ nam mkha' thams cad du khyab cing sna tshogs kyi mtshan ma nus pa ltar spros pa mtha' dag ni bde ba chen po'i rang bzhin du gsal bas rgyun no zhes pa'am/ sprul pa'i skyes bri ltar ma brtags na nyams dga' ba'i mthus rang longs spyad
- 225a
dang gnas la sogs pa'i rnam pa ni gsal ba'i rgyun tsam mo zhes pa 'am/ sems can so so la thog ma dang tha ma med par ji srid so sor sdang ba de srid pa ni gzung ba dang 'dzin par brtags pa las nges par grol ba dgag par mi nus pa'i gsal ba tsam lus dang longs spyod dang gnas la sogs pa'i sna tshogs pa'i rnam pa'i 'khor lo'i bdag nyid du gsal ba'i rgyun no zhes pa 'am/ sems rnams la ji srid so sor snang ba de srid ni gzung ba dang 'dzin pa dang rgyu dang 'bras bu'i mtha' bzhi las nges par grol ba gsal ba tsam dgag par mi nus pa gnyis su med pa'i sems su gsal ba zhes pa la sogs shes rab kyi pha rol tu phyin pa'i tshig gi don nye bar mang du brjod de/ de bzhin du gsungs pa/ shes rab kyi pha rol tu phyin pa ni gnyis su med pa'i ye shes te de bzhin gshegs pa'o// bsgrub bya de'i don du sbyor bas gzhung dang lam dag kyang ngo zhes bya ba la sogs pa gsungs pa ma yin nam/ de la 'dir mngon par rtogs pa brgyad kyi bdag nyid kyi shes rab kyi pha rol tu phyin pa 'di ci ste bshad ces sems pa la bden te/ so so rang rang gi bsam pas don dam par shes rab kyi pha rol tu phyin pa ni 'di lta bu nyid de/ bcas pa'i bcas pa gsum gyi sgra'i brjod bya rnams 'gog pa dang lam gyi bden par bsdus pa zhes nye bar brjod par 'gyur te/ de yongs su bstan par bya yang 'og nas shes rab kyi pha rol tu phyin pa'i tshig gi don bshad pa'i skabs su 'byung bar 'gyur zhing / yang ji srid du rab tu phye ba dkar po'i chos rnams yang dag par bsdus pa'i rang bzhin 'bras bu dang bcas pa'i theg pa gsum gyi sgra'i
- 225b
brjod bya rnams 'gog pa dang lam gyi bden par sdus pa gang zhig shes rab kyi pha rol tu phyin pa de bde blag tu rtog par bya ba'i don du mngon par rtogs pa brgyad so so'i rnam par dbye ba rgyal ba byams pas brtsams zhes pas kyang snga phyi 'gal ba med do// tshigs bcad dang po'i bshad pa'o// 'o na bcom ldan 'das nyid kyis rgyas 'bring rnam pa gsum gyi shes rab kyi pha rol tu phyin par mngon par rtogs pa brgyad kyi rim pa gsungs na/ de la bstan bcos 'di brtsams pa dgos pa ci yod ces zhus pa la/ gsungs pa/ rnam pa thams cad mkhyen nyid lam// ston pa 'di las bshad pa gang // gzhan gyis myong ba ma yin te// blo dang ldan pas rtogs par 'gyur// chos spyod bcu yi bdag nyid kyi// mdo don dran pa la bzhag nas// bde blag tu ni rtogs 'gyur ba/ rtsom pa yi ni dgos pa yin// zhes pa ste/ de la snod dang ldan pa'i slob ma'i rgyud la mngon par rtogs pa brgyad rim pa ji lta ba bzhin du the tshom med cing nges pa skyed par byed pa'i mtshan nyid ni bstan bcos 'di'i dgos pa yin par tshigs su bcad pa dang pos brjod do// 'bras bu sangs rgyas nyid thob par bya ba'i rgyur nyams su len pa'i mtshan nyid ni dgos pa'i dgos pa yin par tshigs su bcad pa gnyis pas brjod de/ 'di ni spyi'i don to// da ni tshig gi don brjod par bya ste/ rnam pa thams cad mkhyen pa nyid ces pa ni sangs rgyas nyid de/ chos dang longs spyod dang sprul pa'i sku gsum gyi bdag nyid kyi de bzhin gshegs pa 'bras bur gyur pa brgyad pa chos kyi sku'i mngon par rtogs pa zhes bya ba'i don to// lam zhes pa ni de dang
- 227a
rnam par dag par sbyong pa nyid dngos su mngon sum du byed pa ni chos kyi sku'o// shin tu rnam par dag pa stong pa nyid kyang de'i yul yin pa nyid kyis shes rab kyi pha rol tu phyin pa'o// / longs spyod rdzogs pa'i sku yang de'i rten yin pa nyid kyis shes rab kyi pha rol tu phyin pa'o// longs spyod rdzogs pa'i sku la brten pa'i stobs dang / mi 'jigs pa la sogs pa ldog pa byas pa'i dbye bos phye ba'i yon tan gyi tshogs mtha' dag kyang de dang dngos po gcig la rten gcig pa nyid kyis na'o// sprul sku mdzad pa dang bcas pa yang de'i 'bras bu'am nyid kyis so// mngon par rtogs pa bdun kyang de'i rgyu nyid kyis na shes rab kyi pha rol du phyin pa zhes bya ste/ mngon par rtogs pa brgyad ni shes rab kyi pha rol du phyin pa zhes bya ba'i tshig gis brjod bya yin no// de la sems bskyed pa dang gdams ngag dang // nges 'byed yan lag rnam bzhi dang // sgrub pa yi ni rten gyur pa// chos kyi dbyings kyi rang bzhin dang / dmigs pa dag dang tshe dang ni// go cha 'jug pa'i bya ba dang // tshogs ni nges par 'byung bcas rnams// thub pa'i rnam kun mkhyen pa nyid ces pa la/ sems bskyed pa dang / gdams ngag dang / nges par 'byed pa'i cha dang mthun pa dang / sgrub pa'i rten dang / sgrub pa'i dmigs pa dang / sgrub pa'i ched du bya ba dang / sgrub pa'i go cha dang / sgrub pa'i 'jug pa dang / sgrub pa'i tshogs dang / sgrub pa'i nges par 'byung ba ces pa ste/ dngos po bcu'i bdag nyid ni rnam pa thams cad mkhyen pa'o// de la yang thub pa'i rnam kun mkhyen pa nyid ces pas ni rnam pa thams cad mkhyen pa nyid bstan pa'o// mog mog por byed la sogs dang // slob ma bas
- 227b
ru'i lam gang dang / 'di dang gzhan pa'i yon tan gyis// phan yon che ba mthong ba'i lam// byed pa dang ni mos pa dang // bstod dang bkur dang bsngags pa dang // bsngo dang rjes su yi rang dang // yid la byed pa bla med dag/ slub dang shin tu dag pa zhes// bya ba 'di ni bsgom pa'i lam// byang chub sems dpa' mkhas rnams kyi// lam shes nyid ni de 'dra bshad ces pa la/ mog mog por byed la sogs pa rten dang / nyan thos kyi lam dang / rang sangs rgyas kyi lam dang / phan yon chen po ni byang chub sems dpa'i mthong lam dang / sgom pa'i lam gyi byed pa dang / mos pa yid la byed pa dang / bstod bkur bsngags pa dang / bsngo ba yid la byed pa dang / rjes su yi rang ba yid la byed pa dang / sgrub pa dang / shin tu dag pa zhes pa ste/ dngos po bcu gcig gi bdag nyid ni lam shes so// de la yang byang chub sems dpa' mkhas pa rnams kyi zhes pas lam shes pa nyid bstan to// shes pas srid la mi gnas shing // snying rjes zhi la mi gnas dang // / thabs ma yin pas ring ba dang // thabs kyis ring ba ma yin dang // mi mthun gnyen po'i phyogs dang // sbyor dang de yi mnyam nyid dang // nyan thos la sogs mthong ba'i lam// de 'dra kun shes nyid du 'dod ces pa ste/ 'khor ba la rab tu mi gnas pa dang / mya ngan las 'das pa la rab tu mi gnas pa dang / ring ba dang / ring ba ma yin pa dang / mi mthun pa'i phyogs dang / gnyen po'i phyogs dang / rab tu sbyor ba dang / mnyam pa nyid dang / mthong ba'i lam dang zhes pa ste/ dngos po dgu'i bdag nyid ni thams cad shes pa'o// de yang nyan thos la sogs pas shes pas
- 228a
kun shes nyid bstan pa'o// rnam pa sbyor bar bcas rnams dang // yon tan skyon ni mtshan nyid bcas// thar dang nges 'byed cha mthun dang // slob pa phyir mi ldog pa'i tshogs// srid dang zhi ba mnyam nyid dang // zhing dag bla na med pa ni// rnam kun mngon rdzogs rtogs pa ste// de ni thabs la mkhas pa yin// zhes pa ste/ rnam pa dang / sbyor ba dang / yon tan dang // skyon dang / mtshan nyid dang / thar pa'i cha dang mthun pa dang / nges par 'byed pa'i cha dang thun pa dang / slob pa phyir mi ldog pa'i tshogs dang / 'khor ba dang mya ngan las 'das pa mnyam pa nyid dang / sangs rgyas kyi zhing yongs su dag pa dang / thabs la mkhas pa zhes bya ste/ dngos po bcu gcig gi bdag nyid ni rnam kun mngon rdzogs rtogs pa'o// de yang rnam kun mngon rdzog zhes pas bstan to// de yi rtag dang rnam 'phel dang // brtan dang sems kun gnas pa dang // mthong zhes bya dang sgom pa zhes// bya ba'i lam ni so so la// rnam par rtog pa rnam bzhi yi// gnyen po rnam pa bzhi dang ni// bar chad med pa'i ting nge 'dzin// log par bsgrub dang bcas pa ni// rtse mo'i mngon rdzogs zhes pa la rtags dang / rnam par 'phel ba dang / brtan pa dang ting nge 'dzin dang / mthong ba'i lam la rnam par rtog pa rnam pa bzhi'i gnyen po dang / sgom pa'i lam la rnam par rtog pa bzhi'i gnyen po dang / bar chad med pa'i ting nge 'dzin dang / log par bsgrub dang zhes pa'i dngos po brgyad kyi bdag nyid ni rtse mo'i mngon par rtog pa ste/ rtse mo'i mngon rtog zhes pas bstan to// rnam gsum rnam bcu mthar gyis pa zhes pa ni sbyin pa dang / tshul khrims
- 228b
dang / bzod pa dang / brtson 'grus dang / bsam gtan dang / shes rab kyi pha rol du phyin pa drug dang / sangs rgyas dang / chos dang / dge 'dun dang / gtong ba dang / tshul khrims dang // lha ste rjes su dran pa drug dang / chos thams cad dngos po med pa dang zhes pa'i dngos po bcu gsum gyi bdag nyid ni mthar gyis pa'i mngon par rtogs pa ste/ de yang mthar gyis pa zhes pas/ bstan to// skad cig gcig mngon rdzogs byang chub// mtshan nyid kyis ni rnam pa bzhi zhes pa ni zag pa med pa'i chos thams cad skad cig ma gcig la mngon par byang chub pa dang / dkar po'i chos thams cad skad cig ma gcig la mngon par byang chub pa dang / mtshan nyid med pa'i chos thams cad skad cig ma gcig la mngon par byang chub pa dang / chos thams cad gnyis su med pa'i skad cig ma gcig la mngon par byang chub pa ste/ dngos po bzhi'i bdag nyid ni gad cig ma gcig la mngon par byang chub pa'o// de yang skad cig gcig mngon rdzogs byung chub ces pas bstan te/ ngo bo nyid longs rdzogs bcas dang // sprul pa zhes ni rnam gsum dang // chos su mdzad par bcas pa ste// rnam pa bzhir ni yang dag brjod ces pa la/ ngo bo nyid kyi sku dang / longs spyod rdzogs pa'i sku dang / sprul pa'i sku dang / de'i mdzad pa dang zhes pa'i dngos po bzhi'i bdag nyid chos kyi sku'o// de yang chos sku zhes pa bstan to// mngon par rtogs pa brgyad bstan pa'o// shes rab kyi pha rol tu phyin pa'i tshig gi don gang zhes shes par 'dod pa la rnam pa thams cad mkhyen pa nyid la sogs pa tshig brgyad kyi don gang yin pa de ni shes rab kyi pha rol tu//
- 229a
phyin pa'i tshig gi don du brjod do// tshig brgyad po de rnams kyi don kyang gang zhes shes par 'dod pa la sems bskyed pa la sogs pa'i tshig bdun cu'i don rnams kyis don brjod do// da ni tshig bdun cu'i don mdor bstan pa de rnams bshad pa'i phyir gsungs pa/ sems bskyed pa ni gzhan don phyir// yang dag rdzogs pa'i byang chub 'dod// de dang de ni mdo bzhin du// bsdus dang rgyas pa'i sgo nas brjod ces pa la sems shes pa ni gzhan don du don tsam 'dzin pa la brjod de/ de bas na sems kyi sgra ma yang dag par rdzogs pa'i byang chub 'dod pa nyid la bzhed do// gang zhig ce na gsungs pa/ sems bskyed pa ni gzhan don phyir// yang dag rdzogs pa'i byang chub 'dod// ces pa ste yang dag par rdzogs pa'i byang chub 'dod pa nyid la bya'o// de la ci zhes bya ba la sogs gsungs pa/ gzhon don phyir zhes pa ste/ gzhan ni rang las gzhan pa'i sems can thams cad do// de rnams kyi don ni 'khor ba dang 'khor ba'i rgyu dag las yongs su sgrol ba dang / sangs rgyas nyid dang sangs rgyas nyid kyi rgya la rnam par 'god pa ste/ 'gro ba'i don du yang dag par rdzogs pa'i byang chub 'dod pa nyid ni byang chub tu sems bskyed pa zhes pa'i don to// ji ltar bcom ldan 'das kyis shes rab kyi pha rol tu phyin pa'i mdor de bsdus pa dang rgyas pa'i sgo nas yang dag par rdzogs pa'i byang chub 'dod pa la bshad de/ de yang gzhan gyi don/ du gsungs so// de bzhin du bdag gis kyang 'dir rjes su mthun par bstan par bya ste/ de dang de ni mdo bzhin du// bsdus dang rgyas pa'i sgo nas brjod ces pa ste/ mdo bzhin ni mdo dang rjes su
- 229b
mthun par byas kyi rang gar ni ma yin no// byang chub tu sems bskyed pa'i ngo bo bshad nas/ da ni de'i rab tu dbye ba gsungs pa/ de yang sa gser zla ba me// gter dang rin chen 'byung gnas mtsho// / rdo rje ri sman bshes gnyen dang // yid bzhin nor bu nyi ma glu// rgyal po'i mdzod dang lam po che// gzhon ma bkod ma'i chu dang ni// sgra snyan chu bo sprin rnams kyis// rnam pa nyi shu rtsa gnyis so// zhes pa la/ de yang zhes pa sems bskyed pa ste/ 'dun pa la sogs pa dang bcas pa dkar po'i chos thams cad bskyed cing 'dzin pa la sogs pa'i chos thams cad kyi sa la sogs pa dang mthun/ par 'gyur pa rnam pa nyi shu rtsa gnyis su rtogs par bya'o// de lta bas na sems bskyed pa 'dun pa chung ngu dang bcas pa'i sems bskyed pa ni sa lta bu ste/ dkar po'i chos thams cad kyi sa bon gyi gzhi byed cing 'dzin par 'gyur bas so// mdun pa 'bring dang bcas pa ni gser lta bu ste/ nam byang chub kyi bar du mi 'gyur zhing mi zad pas na'o// 'dun pa chen po dang bcas pa ni zla ba tshes pa lta/ bu ste/ nyi ma la so so la 'phel bar 'gyur bas so// sa dang po la 'jug pa'i lam dang bcas pas me lta bu ste/ thams cad mkhyen pa nyid gsum la sgrib pa'i shing sreg pas na'o// sbyin pa'i pha rol tu phyin pa dang bcas pa gter lta bu ste/ sems can thams cad tshim par byed pa'i phyir ro// tshul khrims kyi pha rol tu phyin pa dang bcas pas rin chen 'byung gnas lta bu ste/ yon tan mtha' dag ni rin chen 'byung ba'i rten du gyur pas so// bzod pa'i pha rol tu phyin pa dang bcas pas rgya mtsho chen po lta bu ste/ mi mthun pa'i gnod pa thams cad kyis mi bskyod
- 230a
pas so// brtson 'grus kyi pha rol du phyin pa dang bcas pas rdo rje lta bu ste/ yid ches pa'i 'dod pa'i don gzhan gyis mi byed pas na'o// bsam gtan gyi pha rol tu phyin pa dang / bcas pas ri bo lhun po lta bu ste/ rnam par g.yeng bas dmigs pa las rab du mi g.yos pas so// shes rab kyi pha rol du phyin pa dang bcas pas sman lta bu ste/ nyon mongs pa dang shes bya'i sgrib pa'i nad rnams rab du zhi bar byed pas so// thabs kyi pha rol tu phyin pa dang bcas pas dge ba'i bshes gnyen lta bu ste/ gnas skabs thams cad du sems can gyi don yongs su mi gtong ba'i phyir ro// smon lam gyi pha rol tu phyin pa dang bcas pas yid bzhin gyi nor bu ste/ ji ltar smon lam btab pa bzhin 'bras bu thob pas so// stobs kyi pha rol tu phyin pa dang bcas pas/ nyi ma lta bu ste/ gdul bya'i sa bon rnams yongs su smin par byed pas so// ye shes kyi pha rol du phyin pa dang bcas pas snyan pa'i glu'i sgra lta bu ste/ gdul bya rnams 'jug par byed pa'i chos ston pas na'o// mngon par shes pa dang bcas par gyur pas rgyal po chen po lta bu ste/ thogs pa med par sems can gyi don nyams su len pas so// bsod nams dang ye shes kyi tshogs dang bcas pas mdzod lta bu ste/ bsod nams dang ye shes kyi tshogs du ma'i gnas su gyur pas na'o// byang chub kyi phyogs kyi chos dang bcas pas lam po che lta bu ste/ 'phags pa thams cad gshegs pa dang rjes su gshegs pa'i phyir ro// thugs rje dang shes rab tu bcas pas gzhon pa lta bu ste/ 'khor ba dang mya ngan las 'das pa'i mthar mi lhung zhing mi gnas pa'i mya
- 230b
rnalas 'das par yang dag par gyu pa gyur // gzungs dngasas pang dag pa dag par gnas pas klas cu zlaH/ zang pa myed par tham pa dang thos pa nas masnyas 'dzin pas na'o// chos kyi sbyin pa dang bcas pas sgra snyan pas lte bu ste/ thar pa 'dod pa'i gdul bya rnams la thar pa'i rgyu dang bcas par snyan par sgrogs par byed pas so// theg pa gcig gi ma dang bcas chu ba'i rdzun b+ha za ste/ dbyab zad pa gzhan gyi don byed pas na'// chos kyi sku dang bcas pas sprin lta bu ste/ dga' phrar gyi gnas la sogs par sems can gyi dran yang dag par mthong na bdud rtsi'i char rab tu 'bebs pas so// de la las dang po pa'i sas yang dag par bsdus pa gsum mo// sa dang po la rab tu 'jug pa'i lam gyis yang dag par bsdus pa gcig go/ rab tu dga' ba la sogs pa'i sa bcus yang dag par bsdus pa mthong ba dang sgom pa'i lam gyi bcu'o// khyad par gyis lam gyis yang dag par bsdus pa lnga po'o// sbyor ba dang dngos gzhi dang mjug gi rab tu dbye bas sangs rgyas kyi sas yang dag par bsdus pa gsungs te/ sems bskyed pa ni rnam pa nyi shu rtsa gnyis so// sems bskyed pa gsungs nas gdam ngag brjod par bya ste/ cho ga ji lta ba bzhin du byang chub tu sems bskyed nas dge ba'i bshes gnyen las bya ba rnams slob pa ni gdams ngag ste/ de yang yul gyi dbye bas rnam pa bcur gsungs te/ sgrub dang bden pa rnams dang ni// sangs rgyas la sogs dkon mchog gsum// ma zhen yongs su mi ngal dang // lam ni yongs su 'dzin pa dang // spyan lnga dang ni mngon shes kyi// yon tan drug dang mthong lam dang // sgom zhes bya la gdam
- 231a
ngag ni// bcu yi bdag nyid shes par bya zhes pa la/ sgrub dang zhes bya ba ni ji lta ba bzhin du byang chub tu sems bskyed pa nas bzung ste ji srid sangs rgyas nyid kyi bar du dkar ba'i chos mtha' dag la yang dag par brten te thun mong du bslab par bya ba dang / bye brag tu 'chad par 'gyur ba'i go cha dang / 'jug pa dang / tshogs dang / nges par 'byung bar bshad pa rab tu sbyor ba dang / mthong ba dang / bsgom pa dang / khyad par gyi rang bzhin dang bzhi la sgrub pa ste/ gsungs pa'i mtshan nyid sgrub pa rnams ji lta ba bzhin du rtogs pa ni sgrub pa la gdams pa'o// bden pa rnams shes pa ni 'phags pa'i bden pa bzhi rnams te/ sdug bsngal dang / kun 'byung dang / 'gog pa dang lam mo// sdug bsngal ni 'bras bur gyur pa'i gzugs la sogs pa'i phung po ste/ 'bras bur gyur pa'i sems can gyi 'jig rten gyis yang dag par bsdus pa'o// kun 'byung ni de dang 'dra bar sdug bsngal skyed pa'i rgur gyur pa'i gzugs la sogs pa'i phung po de rnams nyid de/ rgyur gyur pa'i sems can gyis yang dag par bsdus pa'o// 'gog pa ni sdug bsngal zad pa mya ngan las 'das pa ma skyes pa mi 'gog pa bya ba med pa las dang nyon mongs pa dang skye ba'i mi mthun par gyur pa 'jigs pa thams cad rab tu bcom pa phun sum tshogs pa thams cad kyi rgyur gyur pa yod pa thams cad dang bral ba'i mtshan nyid du grub pa zhes brjod pa'i dngos po'i bye brag ni mya ngan las 'das par 'dod do// lam ni 'gog pa'i rgyu ste/ yang dag pa'i lta ba la sogs pa tshul khrims dang ting nge 'dzin dang shes rab kyi bdag nyid kyi 'phags pa'i lam yan lag brgyad ni lam gyi bden pa zhes pa ste bye brag tu smra ba'o// de la gzung ba dang 'dzin pa'i
- 231b
rang bzhin gyis dngos po'i chos thams cad kyi sgra'i brjod bya 'phags pa'i bden pa bzhir bye brag tu smra ba la sogs pas kun tu brtags pa'i tshul de rnams thams cad ni byang chub sems dpas don dam par rang bzhin med cing kun rdzob tu thams cad snang bar shes par bya'o// 'khor ba dang / slob pa dang / nyan thos dang rang sangs rgyas dang / byang chub sems dpa' dang / yang dag rdzogs pa'i sangs rgyas// dang / mya ngan las 'das pa dang / gal te de las ches khyad par du 'phags pa'i chos gcig yod na yang zhes pa'i phyogs 'di yang kun tu brtags pa'i tshul gyis 'di dag thams cad rang bzhin med cing kun rdzob tu rnam par bzhag par rtogs par bya ste/ chos de dag thams cad ni gzung ba dang 'dzin pa med par de dang de'i rnam par gsal bar yongs su gyur pa'i bdag nyid kyi gnas skabs su gnas pa nyid kyi phyir ro// de yang rnam par shes pa yongs su gyur pa nyon mongs pa dang bcas pa'i 'khor ba'i gnas skabs 'bras bur gyur pa ni sdug bsngal gyi bden pa'o// de nyid yongs su gyur pa de dang 'dra ba 'jig rten pha rol gyi rgyur gyur pa ni kun 'byung gi bden pa'o// de nyid yongs su gyur pa mtshan dang dpe byad 'bar ba skyon med cing yon tan byed pa ni 'gog pa'i bden pa'o// rnam par shes pa yongs su gyur pas pha rol tu phyin pa bcu yang dag par 'dus pa ni lam gyi bden par gnas pa ste/ 'phags pa'i bden pa bzhi rnams so// rnam par shes pa yongs su gyur pa de yang don dam par skye ma 'am zhes bya ba la sogs pa ni brtsod pa'i sa'o// tshu rol gyi gnas la gnas pa mu stegs mtha' dag dang bye brag tu smra ba dang / mdo sde pa rnams dang mthun pa theg pa chen po la gnas pa rnams kyis
- 232a
ni don logs shig tu 'dod pa de rnams las ring du 'das pa'o// zhes pa ni 'phags pa'i bden pa bzhi la gdams pa'o// sangs rgyas la sogs dkon mchog gsum zhes pa ni sangs rgyas// dkon mchog dang / chos dkon mchog dang / dge 'dun dkon mchog ces pa ste dkon mchog gsum mo// shin tu rnam par dag par brtags pa'i gzung ba dang 'dzin pas stong pa nyid mngon sum du mdzad pa/ dang / stobs dang mi 'jigs pa la sogs pa sangs rgyas kyi chos mtha' dag gi rten du gyur pa gzhan bems po las rnam par log pa'i mtshan dang dpe byad du 'bar ba'i longs spyod rdzogs pa'i bdag nyid dang / sprul pa sna tshogs pas 'gro ba'i don mdzad pa zhes pa ste/ chos dang longs spyod rdzogs pa dang / sprul pa ste/ sa gsum gyi bdag nyid ni de bzhin gshegs pa'o zhes rtogs par byed pa ni sangs rgyas dkon mchog la gdams pa'o// dam pa'i chos ni rnam pa gnyis ni ston pa'i lung dang / rtogs pa'i bdag nyid ces pa ste/ lung las sangs rgyas dang / byang chub sems dpa' dang / nyan thos dang // rang sangs rgyas dang / slob pa rnams kyis byang chub kyi phyogs tshad med pa la sogs pa la rtogs pa dang bcas pa'i yid kyi yon tan dang / de brjod par byed pa gsung rab yan lag bcu gnyis kyi chos kyang nges par byed pa ni chos dkon mchog la gdams pa'o// byang chub sems dpa'i sdom pa blangs pa so so'i skye bo nas bzung ste ji srid sa bcu pa la rab tu zhugs pa'i sna tshogs pa'i rab tu dbye ba phye ba'i blo dang ldan pa bdag nyid chen po de rnams ni byang chub sems dpa'i dge 'dun no// dge slong gi sdom pa blangs pa so so'i skye bo nas bzung ste ji srid khams na 'dod chags dang bral ba gang
- 232b
zag chen po brgyad la sogs pa'i dbye bas che ba nyid chen po de rnams thams cad ni nyan thos kyi dge 'dun no// zhes nges par byed pa ni dge 'dun dkon mchog la gdams pa'o// dkon mchog gsum po de rnams la gdams pa'o// ma zhe na zhes pa ni bsod nams dang ye shes bskyed pa zhugs pa'i byang chub sems dpa' de ni mi mthun pa'i yul rnams la zhen pa ni mi ldan pa ste/ phung po lnga// la sogs pa dngos po thams cad mi dmigs pas de las ldog pa ni ma zhen par gdams pa'o// yongs su mingal zhes pa ni bskal pa grangs med pa gsum gyi yun gyi yang dag par rdzogs/ pa'i byang chub thob par bya ba la lus dang ngag dang sems yongs su ngal bar gyur pa de yang gzung ba dang 'dzin par sgro btags pa las gyur pa ste/ de bas na thams cad gnyis su med cing sgra tshogs kyi rnam par gsal ba tsam gyi bdag nyid do zhes sna tshogs rnams 'di ltar nges par byed pa ni yongs su mi ngal bar gdams pa'o// lam ni yongs su 'dzin pa zhes pa ni ji ltar yongs su gyur pa'i de kho na nyid rtogs pa sngon du song nas tshogs mtha' dag la goms par byed pa ni lam ste/ de'i rnam par dbye ba thams cad rtogs par bya ba'i don du phyogs bcu'i 'jig rten gyi khams na bzhugs pa'i sangs rgyas la sogs pas gsungs pa 'dzin pa ni lam yongs su 'dzin pa la gdams pa'o// spyan lnga zhes pa la sha'i spun gyis ni dngos po so sor nges pa rnams 'dzin to// rnam par smin pa'i spyan gyis ni sems can thams cad kyi skye ba dang 'chi ba 'dzin to// shes rab kyi spyan gyis ni ji ltar gnas pa'i dngos po'i de kho na nyid 'dzin par byed do//
- 233a
chos kyi spyan gyis ni 'phags pa'i gang zag thams cad 'dzin no// sangs rgyas kyi sman gyis ni chos thams cad kyi rnam pa kun 'dzin te/ 'di dag thams cad shes pa'i snang ba'i bdag nyid du nges par byed pa ni spyan lnga la gdams pa'o// mngon shes drug gi yon tan zhes pa la/ rdzu 'phrul gyi mngon par shes pa ni sa g.yo ba la sogs par byed pa'i bya ba'o// lha'i rna ba'i mngon par shes pa ni 'jig rten gyi khams thams cad du gnas pa'i phra ba dang chen po'i sgra thams cad thos par byed pa'i bya ba'o// gzhan gyi sems shes pa'i mngon par shes pa ni 'dod chags dang bcas pa la sogs pa'i gzhan gyi sems shes pa'i bya ba'o// sngon gyi gnas rjes su dran pa'i mngon par shes pa ni rang dang gzhan sna tshogs pa'i skye ba rjes su dran pa'i bya ba'o// mngon par 'dus byas pa can gyi lha'i mig gi mngon par shes pa ni gzugs thams cad yongs su shes pa'i bya ba'o// zag pa zad pa shes pa'i mngon par shes pa ni nyon mongs pa dang shes bya'i sgrib pa rnams spong ba'i bya ba'o// 'di rnams thams cad nyid ni de dang de'i sems kyi rnam pa'i bdag nyid do zhes nges par byed pa ni mngon par shes pa drug la gdams pa'o// mthong lam zhes bya ba ni bye brag tu smra ba la gnas pas sdug bsngal dang kun 'byung dang 'gog pa dang lam gyi bden pa rnams la so sor chos shes pa'i bzod pa dang / chos shes pa dang rjes su shes pa'i bzod pa dang / rjes su shes pa zhes pa ste skad cig ma bcu drug gi bdag nyid ni mthong ba'i lam du 'dod do// de yang byang chub sems dpa' rmi lam lta bur chos thams cad lhag par mos par byas te/ de la spang bar bya/
- 233b
ba'i dngos po'i gnyen po'i phyogs sgom par bya zhes slob pa ni mthong ba'i lam la gdams pa'o// mthong ba'i lam gyis yul du byas pa'i dngos po'am gzhan yang rung rung ste/ yang nas yang du yid la goms par byed pa ni sgom pa'i lam te/ de yang rmi lam la sogs pa lta bu ste/ spang bar bya ba'i dngos po dang de'i gnyen po'i phyogs nyid bsgom par bya zhes nges par byed pa ni sgom pa'i lam la gdams pa'o// dge 'dun ni 'phags pa dang 'phags pa ma yin pa dang nyan thos dang byang chub sems dpa' rnams thun mong du gsungs so// da ni 'phags pa nyan thos dang thun mong gi rab tu dbye ba bstan pa'i phyir gsungs pa/ dbang po rdul dang rnon po dag/ dad dang mthong thob rigs nas rigs// bar chad gcig par skyes nas dang // byed dang byed med 'og min 'gro/ 'phar gsum srid rtse'i mthar thug 'gro/ gzugs kyi 'dod chags bcom pa dang // mthong chos zhi lus mngon sum byed// bse ru dang ni nyi shu'o zhes pa dang 'dir nyi shu them pa ni 'phags pa dang gang zag la dam bcas pa ste/ dad pas mos pa dang / mthong bas thob pa dang rgyan du zhugs pa dang / lha'i rigs nas rigs dang / mi'i rigs nas rigs dang / lan cig phyir 'ong ba'i 'bras bul so sor zhugs pa dang / lan cig phyir 'ong ba dang / bar chad gcig pa dang / phyir mi 'ong ba'i 'bras bu la so sor zhugs pa dang / bar ma dor yongs su mya ngan las 'da' ba phyir mi 'ong ba dang / skye nas yongs su mya ngan las 'da' ba phyir mi 'ong ba dang / mngon par 'du byed pa dang bcas par yongs su mya ngan las 'da' ba phyir mi 'ong ba dang / mngon par 'du byed pa med par yongs su
- 234a
mya ngan las 'da' ba phyir mi 'ong ba dang / 'phar ba gyir mi 'ong ba dang / byed du 'bar ba phyir mi 'ong ba dang / gnas thams cad du 'phar ba phyir mi 'ong ba dang / mthong ba'i chos la zhi ba phyir mi 'ong ba dang / lus kyi mngon sum du byed pa phyir mi 'ong ba dang / dgra bcom pa'i 'bras bu la so sor zhugs pa dang / nyan thos kyi sangs rgyas ni sangs rgyas dkon mchog gi nang du 'dus pas na rang sangs rgyas dang zhes pa ste nyi shu'o// 'di ni tshigs bcad gnyis las/ rad dang mthong thob ces pa gnyis ni rab tu dbye bar gsungs so// dbang po rdul dang rnon po dag ces pa ni 'di dag gi bye brag tugyur pas rab tu dbye bar bgrang bar ni mi bya'o// rgun tu zhugs pa ni rab tu dbye bar don gyis shes par bya'o// lha'i rigs nas rigs dang / mi'i rigs nas rigs ni dngos su rab tu dbye bar gsal lo// 'bras bu gnyis pa la so sor zhugs pa dang / 'bras bu gnyis pa la gnas pa rab tu dbye bar don gyis shes par bya'o// bar chad gcig pa ni rab tu dbye bar tshig gis gsal lo// 'bras bu gsum pa la so sor zhugs pa ni rab tu dbye bar don gyis shes par bya'o// bar mdo dang / skye gnas dang / byed dang byed med/ 'og min zhes pa la bar ma dor zhes pa ni bar mdor yongasus mya ngan las 'da' ba'o// skyes nas shes pa ni skyes nas yongs su mya ngan las 'da' ba'o// byed dang zhes pa ni mngon par 'du byed pa dang bcas par yongs su mya ngan las 'dra' ba'o// byed med ces pa ni mngon par 'du byed pa med par yongs su mya ngan las 'da' ba zhes pa ste/ ming gis phyogs gcig gis phyir mi 'ong ba bzhi po rnams gsungs so// 'og min zhes pa ni 'di rnams
- 234b
kyi khyad par yin pas rab tu dbye ba ni ma yin no// 'bar gsum zhes pa ni phyir mi 'ong ba'i rab tu dbye ba'o// srid rtse'i mthar thug 'gro dang / gzugs kyi 'dod chags bcom pa zhes pa 'di rnams kyang ra tu dbye ba ma yin no// mthong chos zhi ba dang / lus kyi mngon sum du byed pa zhes pa ni rab tu dbye bar tshig gis gsal lo// dgra bcom pa'i 'bras bu la so sor zhugs pa ni rab tu dbye bar don gyis shes par bya'o// nyan thos kyi sangs rgyas sangs rgyas dkon mchog gi nang du 'dus pa'i phyir na rang sangs rgyas dang bcas pas gang zag nyi shu'o// nga ni nges par 'byed pa'i yan lag brjod par bya ste/ nges par 'byed pa ni 'dir rnam par rtog pa med pa'i skad cig ma bcu dag gi bdag nyid kyi mthong lam mo// de'i yan lag ni rgyu ste/ rnam pa bzhi bsgoms pa'i rang bzhin gyis gong nas gong du khyad par 'phags pa ste/ de rnams rim pa ji lta ba bzhin du drod dang rtse mo dang bzod pa dang chos kyi mchog ces pa ste/ drod thob pa dang / rtse mo thob pa dang / bzod pa thob pa dang / chos kyi mchog thob pa zhes pa'o// nges par 'byed pa'i mdang mthur pa de yang brjod par bya ste/ 'di rnams ni nyan thos rnams la yang yod/ byang chub sems dpa' rnams la yang yod de/ de la/ nyan thos la sogs pa'i nges par 'byed pa'i cha dang mthun pa rnams kyi dmigs pa ni bden pa bzhi po rnams so// rnam pa ni mi rtag pa la sogs pa ste/ sdug bsngal gyi bden pa ni mi rtag pa/ sdug bsngal pa/ stong pa/ bdag med pa'i mtshan nyid de// kun 'byung gi bden pa ni kun 'byung ba/ d+hu/ rkyer/ rab tu bskyed pa'i rang bzhin no// 'gog pa'i bden pa ni 'gog pa/ gya nas pa/
- 235a
nges par 'byung ba'i bdag nyid do// lam gyi bden pa ni lam/ rigs pa/ sgrub pa nges par 'byin pa'i rang bzhin zhes pa ste/ nyan thos la sogs pa'i dmigs pa dang rnam pa'o// byang chub sems dpa' rnams kyi drod la sogs pa so sor chung ngu dang 'bring dang chen po'i dbye bas rnam pa bcu gnyis su 'gyur te/ nyan thos kyi lam drod la sogs pa las gang zhig gis khyad par gyis khyad par 'phags par gyur pa ste/ de rnams bstan pa'i phyir gsungs pa// dmigs pa dang ni rnam pa dang // rgyu dang yongs su 'dzin pa yis// byang chub sems dpa' skyob pa yi// drod sogs bdag nyid ji bzhin du// rnab rtogs bzhi po ldan rten pa// chung dang 'bring dang chen po rnams// nyan thos bse ru bu dang // bcas pa dag las khyad par 'phags shes pa la/ dmigs pa dang / rnam pa dang / theg pa gsum char thob pa'i rgyu dang / zabs la mkhas pa'i dge ba'i bshes gnyen gyi mtshan nyid yang dag par yongs su 'dzin pa dang / rnam par rtog pa bzhi spong ba'i sbyor ba dang ldan pa dang / byang chub sems dpa' dang 'brel pa'i drod la sogs pa chung ngu dang 'bring dang chen pos khyad par du 'phags pa'o// gang las she na/ gsungs pa/ nyan thos bse ru lta bu dang / bcas pa dag las khyad par 'phags zhes pa ste/ nyan thos dang rang sangs rgyas dang 'brel pa'i drod la sogs pa las shes pa'i don to// drod chung ngu'i dmigs pa dang rnam pa bshad par bya ste/ dmigs pa mi rtag la sogs pa// bden pa'i rten can de yi ni// rnam pa mngon zhen la sogs 'gog ces bya ba la/ dmigs pa zhes pa ni dmigs pa'i chos rnams te/ dmigs par byed cing yul du byed pas
- 235b
na'o// 'dir sdug bsngal la sogs pa bden pa bzhi'i chos can la/ de'i rnam pa mi rtag pa la sogs pa bcu drug gi chos ni dmigs pa'o// dmigs pa ste de rnams nyid la mngon par zhen pa la sogs 'geg ces pa la sogs kyi sgras gzhan yang sgro btags pa'i chos rnams so// 'gog ces pa ni mngon par zhen pa med par chos rnams gsal ba tsam nyid do// gzhan du yang dngos po med pa'i sgras dngos po'i khyad par ro// mi dmigs pa'i sgras mi dmigs pa'i khyad par ste/ rigs pa rjes su 'tshol ba rnams kyis sbyar bar bya'o// de la sgyu ma lta bu'am/ sgra ma lta bu ma yin zhes pa ni rtsod pa'i sa'i bye brag ste phyis bstan zhing gsal bar bya'o// thams cad nas thams cad du med pa tsam ni khas blang bar mi bya ba nyid do// theg pa gsum char thob pa'i rgya zhes pa ni byang chub sems dpa' rnams kyi drod la sogs pas theg pa gsum char gyi 'bras bu de yang thob pa'i rgyu nyid do// nyan thos la sogs pa'i drod la sogs pas rang rang gi theg pa de'i 'bras bu thob pa'i rgyu nyid do// drod 'bring po'i dmigs pa dang rnam par brjod pa ni/ gzugs sogs skye 'jig ces pa ni dmigs pa'o// gnas bral dang zhes pa ni rnam pa'o// gzugs la sogs pa'i phung po dang skye mched dang khams rnams kyi skye ba dang 'jig pa ni skye 'jig ste/ gnas 'gog ces pa ni dmigs pa'o// 'gog pa'i sgra ni snga ma'i snyegs sa rtsa ba nyid kyis so// brjod par byed pa'i sgra rnams kyis rgyun 'dra ba med pa'i// gnas skabs rnams ni gnas bral lo// rgyan 'dra ba'i gnas skabs rnams ni gnas pa zhes pa ste/ gnas bral dang gnas dag 'gog pa'i zhen pa ni gnas so// drod chen por gyur pa'i dmigs pa
- 236a
dang rnam pa gsungs pa/ btags dang brjod du med ces pa la btags pa ni dmigs pa'o// brjod du med pa ni rnam pa'o// de'i don ni 'di yin te/ gzugs la sogs pa'i phung po dang skye mched dang khams rnams dang sangs rgyas dang byang chub sems dpa' la sogs pa'i chos thams cad ni rang bzhin gyis ma skyes pa nyid de/ gzung ba dang 'dzin pa las grol ba bdag nyid so so'i rigs pa sna tshogs de rnams ni gsal ba'i rgyud tsam gyi bdag nyid do// de'i phyir gzugs la sogs pa'i bdag nyid kyi chos thams cad ni btags par yod par grub ste/ rang rig sems su snang ba nyid la sgro btags shing tha snyad du bu zhes pa ni dmigs pa'o// de rnams btags par grub pa nyid kyis dge ba dang mi dge ba la sogs pa thams cad ni rang bzhin gyis brjod du med ces pa rnam pa'o// gas stan du byung ba stan drang nus pa la/ rnas pa sa pa/ nas thags pa nas ma na ngo bor rang bzhin med// de dag gcig gi rang bzhin gcig/ de mi rtag sogs par mi gnas zhes pa la/ tshigs su bshad pa dang po 'di'i phyed kyis ni dmigs pa bstan to// phyi ma phyed kyis ni/ de'i rnam pa bstan to// gang gi phyir de rnams ni gzugs la sogs pa'o// de'i ngo bor ni gzugs la sogs pa'i ngo bor ro// rang bzhin ni dngos por ma grub pa'o// de'i phyir gzugs sogs ni gzugs kyi phung po la sogs pa'o// mi gnas ni khas mi len pa ste dmigs pa bstan no// de dag ni gzugs la sogs pa ste/ de la stong pa nyid du gcig pa ni phan tshun rang bzhin gcig pa
- 236b
byas pa// gnanas la sags pa 'i rtag pad+ma g.yul sags pa ga nas pa/ sa su na pam pa pa sa/ wAm zung ba 'duphags pa dang pa ste/ de rnams de'i ngo bos stong // de dag gcig gi rang bzhin gcig ces pa ni dmigs pa'o// chos rnams mi 'dzin gang yin dang zhes pa ni rnam pa'o// de rnams zhes pa ni gzub/ pa'i phung por gyur pa rnams te/ mi rtag pa dang / sdug bsngal ba dang / stong pa dang / bdag med pa la sogs pa rnams so sor gzugs stong pa dang / de'i ngo bos stong zhes pa/ sogs pa'i rang bzhin de'i ngo bos stong pa nyid do// des na mi rtag pa la sogs pa dang / stong pa dag gcig pa ni phan tshun rang bzhin gcig pa nyid kyis zhes pa dmigs pa'o// gzugs la sogs pa'i phung po rnams kyis de kho na nyid rang bzhin gyis 'od gsal ba'o// gang zag rjes su mi 'dzin pa de ni rnam pa'o// da ni gzugs la sogs pa rang bzhin btso mor gyur pa chen po de'i dmigs pa dang / rnam pa brjod par bya ste/ de la mtshan mar mi mthong phyir nus pa ni dmigs pa'o// thams cad dmigs su med par ni/ shes rab brtags pa zhes pa ni rnam pa'o// de rnams ni gzugs la sogs pa rang bzhin gyis 'od gsal ba de nyid do// mtshan ma ni dbye ba'i skabs kyi rgyur gyur pa'i sa yang dag par mthong ba ni/ pa ste dmigs pa'o// thams cad ni brtags pa'i chos thams cad do// dmigs su med par ni gnyis su med par dmigs pa'i bdag nyid do// yongs su rtog pa ni rang bzhin rje/
- 237a
ces pa ste/ rnam pa dgu ni dge ba'i rtsa ba g.yo ba'i rtse mor gyur pa nyid kyi rtse mor gyur pa rnam pa gsum mo// bzod pa chung ngu'i dmigs pa dang rnam pa brjod par bya ste/ gzugs sogs ngo bo nyid med nyid// de med pa ni ngo bo nyid ces pa la/ gzugs sogs ngo bo nyid med ces pa ste dmigs pa'o// de rnams ni gzugs la sogs pa dngos po med pa'o// ngo bos stong pa nyid ni brtag/ pa stong pa de'i rang bzhin te/ gzugs la sogs pa stong pa ni ma yin zhes pa rnam pa'o// bzod pa 'bring gi dmigs pa dang rnam pa brjod par bya ste/ de dag skye med nges 'byung med ces pa ni dmigs// pa'o// ngag dang zhes pa ni rnam pa'o// 'dir yang gzugs sogs zhes pa la sgeg pa ste skye med ces pa gzugs la sogs pa skye ba med pa'o// nges 'byung med ces pa ni gzugs la sogs parlag pa med pa'o dag dang zhes pa ni gzugs la sogs pa dag pa'o// bzod pa chen po'i dmigs pa dang rnam pa brjod par bya ste/ de rnams mtshan ma med ces pa ni dmigs pa ste/ de rnams zhes pa gzugs la sogs pa'o// mtshan ma med pa nyid ni de rnams mtshan ma med pa'o// de'i mtshan mar mi brten pas/ mos min 'du shes med pa yin zhes pa ni rnam pa'o// de'i gzugs la sogs pa rnams so// mtshan ma ni dbye ba'i tha snyad kyi rgyu'o// de la mi brten pa ni de rnams la mtshan ma med pa'o// gzugs la sogs pa'i mtshan nyid la mi rten pa'o// dngos po med pas na mos min ni khams mi len pa'o// 'du shes med ni mtshan ma yongs su 'dzin pa'i dngos po med pa'o// chos chen po la bzod pas na bzod pa ste rnam pa gsum mo// chos mchog chung ngu'i dmigs pa dang rnam pa brjod par bya
- 237b
ste/ ting nge 'dzin zhes pa ni dmigs pa'o// de'i byed pa zhes bya ba ni rnam pa ste/ mdo las ji ltar gsungs pa dpa' bar 'gro ba dang / nam mkha' mdzod dang dri ma med pa dang / seng ge rnam par rol pa la sogs pa'i ting nge 'dzin ni dmigs pa'o// ting nge 'dzin de'i byed pa ni myur bar mngon par rdzogs par byang chub cing dka' ba med par 'gro ba'i byed pa zhes pa ni rnam pa'o// chos mchog 'bring gi dmigs papa dang rnam pa brjod par bya ste/ lung ston zhes pa ni dmigs pa'o// rlom pa phrad ces pa ni rnam pa'o// de ltar sku gsum gyi bdag nyid kyi de bzhin gshegs pa sangs rgyas nyid du thog mar lung ston pa ni dmigs pa'o// byang chub sems dpa' bdag ni rnam rtog thams cad las 'das pa zhes pa'i nga rgyal zad pa ni rnam pa'o// chos mchog chen po'i dmigs pa dang rnam pa brjod par bya ste/ gsum po gcig gi ngo bor gcig ces pa ni dmigs pa'o// ting 'dzin rnam par mi rtog pa ces pa ni rnam pa'o// byang chub sems dpa' dang ting nge 'dzin dang shes rab kyi pha rol tu phyin pa rnams phan tshun rang bzhin gcig pa zhes pa ni dmigs pa'o// byang chub sems dpa' de yang ting nge 'dzin la sogs pa de la rnam par rtog par mi byed ces pa ni rnam pa'o// 'jig rten pa'i chos thams cad las shin tu 'das pa'i chos kyi mchog de rnam pa gsum mo// de ltar nges par 'byed pa'i cha dang mthun pa bzhi po rnams so sor chung ngu dang 'bring dang chen po'i dbye bas rnam pa bcu gnyis su zhes par bya'o// 'chad par 'gyur ba'i mthong ba dang sgom pa'i lam gyi mi mthun pa'i phyogs su gyur pa nyid kyis spang bar bya ba'i rnam par rtog pa bzhi spong ba'i yang dag pa'i/
- 238a
sbyor ba brjod pa'i phyir gsungs pa/ gzung bar rtog pa rnam pa gnyis// bzhi dang de'i gnyen po yis// rmongs dang phung sogs dbye ba yis// de ni so sor rnam pa dgu zhes pa la/ gzung ba'i rnam rtog de ni rnam pa gnyis te/ kun nas nyon mongs pa la rten pa dang / gnyen po'i phyogs kyi dngos po la rten pa'o// kun nas nyin mongs pa'i dngos po de yang rnam pa dgu yin pa nyid kyi de'i rnam par rtog pa yang rnam pa dgu'o// gnyen po'i phyogs kyi dngos po yang rnam pa dgu yin pa nyid kyis de'i rnam rtog kyang rnam pa dag zhes pa ste/ gzung ba'i rnam rtog ni so sor rnam pa dgu'o// de la ma rig pas yongs su bslang ba'i yul nyid kyi nam rig pa'i rnam par rtog pa'o// phung po rnam par rtog pa dang / ming dang gzugs la mngon par zhen pa'i rnam par rtog pa dang mtha' gnyis la zhen pa'i rnam par rtog pa dang / kun nas nyon mongs pa dang rnam par byang ba mi shes pa'i rnam par rtog pa dang / 'phags pa'i lam la mi gnas pa'i rnam par rtog pa dang / dmigs pa'i rnam par rtog pa dang / bdag pa sogs par rnam par rtog pa dang / rnam par dag pa skye ba la sogs par rnam par rtog pa ste/ kun nas nyon mongs pa'i dngos po la gnas pa'i rnam par rtog pa dgu'o// de bzhin du phung po'i don du rnam par rtog pa dang / skye mched du rnam par rtog pa dang / rten cing 'brel par 'byung bar rnam par rtog pa dang / stong pa'i don la rnam par rtog pa dang / pha rol tu phyin pa la rnam par rtog pa dang / mthong ba'i lam la rnam par rtog pa dang / sgom pa'i lam la rnam par rtog pa dang / mi slob pa'i lam la rnam par rtog pa ste/ gnyen po'i phyogs kyi dngos po la brten pa'i rnam par rtog pa yang rnam pa
- 238b
dgu'o// bdag sogs rang dbang ngo bo dang // de bzhin phung sogs rten sgo nas// rdzas dang btags pa'i rten can gyis// 'dzin pa'i rnam pa gnyis su 'dod ces pa la// 'dzin pa'i rnam par rtog pa yang rnam// / pa gnyis te/ rdzas kyi bdag nyid du gnas pa dang / btags pa'i bdag nyid du gnas pa'o// rdzas kyi bdag nyid kyang 'chad par 'gyur ba rang dbang la sogs pa'i dbye ba rnam pa dgu nyid kyis de'i yul can gyi rnam par rtog pa yang so sor dgu'o// btags pa'i bdag nyid du grub pa yang phung po la sogs pa la brten pa'i sgo nas rnam pa dgu nyid kyis de'i yul can nyid kyis rnam par rtog pa yang rnam pa dgu'o// 'di nyid gsungs pa/ de bzhin zhes pa ste/ ji ltar gzung ba'i rnam rtog so sor rnam pa dgu yin pa de ltar 'dzin pa'i rnam rtog kyang zhes pa'i don to// de bdag rang dbang can du rnam par rtog pa dang / gcig pur rnam par rtog pa dang / rgyur rnam par rtog pa dang / lta ba po la sogs pa'i bdag tu rnam par rtog pa dang / kun nas nyon mongs par rnam par rtog pa dang / bdag 'dod chags dang bral ba'i gzhir rnam par rtog pa dang // bdag mthong ba'i lam gyi gzhir rnam par rtog pa dang / sgom pa'i lam gyi gzhir rnam par rtog pa dang / don byas pa'i gzhir rnam par rtog pa ste/ rdzas kyi rang bzhin la brten pa'i rnam par rtog pa dgu'o// phung por btags pa'i rnam par rtog pa dang / skye mched du btags pa'i rnam par rtog pa dang / khams su btags pa'i rnam par rtog pa dang / rten cing 'brel par 'byung bar btags pa'i rnam par rtog pa dang / rnam par byang bar btags pa'i rnam par rtog pa dang / mthong ba'i lam du btags pa'i rnam par rtog pa dang / sgom pa'i lam du btags pa'i rnam par rtog pa dang / khyad par gyi lam du btag
- 239a
pa'i rnam par rtog pa dang / mi slob pa'i lam du btags pa'i rnam par rtog pa zhes pa ste/ btags pa'i rang bzhin du gnas pa'i rnam par rtog pa dgu'o// sngon du mdor bstan pa'i yongs su 'dzin pa de rgyas par bstan pa'i dus la bab pas gsungs pa/ sems mi 'gong ba nyid sogs kyis/ ngo bo nyid med sogs ston byed// de'i mi mthun phyogs bor ba// rnam pa kun tu yongs 'dzin yin zhes pa la/ sems zhes pa ni slob ma'i sems so// mi 'gong ba ni bsod nams dang ye shes kyi tshogs bskyed pa la ma zhum pa'o// sogs pa'i sgras ji ltar dman par mi 'gyur ba'o// de bzhin du yang dag pa thabs la mkhas pas rang bzhin med pa la sogs pa ston pa'o// rang bzhin med pa ni btags pa'i gzung ba dang 'dzin pas stong pa yin gyi/ thams cad du chad pa nyid ni ma yin no// sogs pa'i sgras ni bsod nams kyi ste de gnyis ka yang ston pa po// de'i khyad par ji lta bu zhe na/ gsungs pa/ de yi mi mthun phyogs bor ba zhes pa la/ bsod nams dang ye shes kyi cho gas de dag gi gang zhig mi mthun pa'i phyogs ni ser sna la tshogs pa dang / ma rig pa la sogs pa'o// de dag bor ba ni gang zhig de'i mi mthun pa'i phyogs de dag bor nas bsod nams dang ye shes kyi cho gas de dag ston pa'o// de dag nye bar bskyed pa po ser sna la sogs pa'i nyes pa dang bral ba'i skyes bu'i khyad par yang dag par yongs su 'dzin pa/ dge ba'i bshes gnyen zhes pa'i don to// da ni sgrub pa'i rten brjod par bya ste/ grub pa ni byang chub kyi spyod pa'o// rten ni gzhi'o// de nyid gsungs pa/ rtogs pa yi ni chos drug dang // gnyen po dang ni spong ba dang // de dag yongs su gtugs pa dang // shes rab snying brtser bcas pa dang // slob ma
- 239b
thun mong min nyid dang // gzhan gyi don gyi go rims dang // ye shes rtsol ba mi mnga' bar// 'jug pa'i rten la rigs zhes brjod ces pa la/ drod la sogs pa bcu gsum gyi rtogs pa'i chos kyi mtshan nyid kyi sgrub pa'i rten ni rigs te thog mar byang chub tu sems bskyed pa'i byang chub sems dpar brjod do// chos kyi dbyings ni dngos por ma grub pa nyid kyis dngos su rigs ma yin te/ 'on kyang dmigs pa yin pa nyid kyis rigs zhes brjod do// rgyu'i don gyis rigs kyis don te/ ji skad gsungs pa'i byang chub sems dpa' nyid do// rtogs pa'i chos drug ces pa ni drod dang rtse mo dang / bzod pa dang / chos kyi mchog dang / mthong ba'i lam dang / sgom pa'i lam zhes pa ste/ chos rnam pa drug rtogs pa'o// gnyen po dang ni spong ba dang zhes pa la gnyen po'i phyogs dang mi mthun pa'i phyogs de dag ni gnyen po'i// / phyogs dang mi mthun pa'i phyogs so// yongs su gtugs pa ni rtogs pa brtan pa 'am/ rnam par rtog pa zad pa ste/ de dag gcig tu bgrang ngo // shes rab snying brtser bcas pa zhes pa la snying rjes yongs su zin pa'i shes rab ste/ de dag kyang gcig tu gsal lo slob ma thun mong min nyid dang zhes pa ni nyan thos la sogs pa dang thun mong ma yin pa'i chos so// gzhan gyi don gyi go rim dang zhes pa la bsam pa ji lta ba bzhin du theg pa gsum ston pa'i go rims so// ye shes rtsol ba mi mnga' bar zhes pa ni sangs rgyas kyi ye shes dka' ba med pas chos bcu gsum rtogs pa'o// gang zhig rig/ pa ni 'dir skabs kyis yang dag par rdzogs pa'i byang chub po// sgrub pa dang ldan pa'i byang chub sems dpa' de'i rten gyis gnas zhes pa'i don to// 'o na rgyu ba dang mi rgyu bar bcas pa'i sna tshogs rnams
- 240a
ni chos kyi dbyings kyi bdag nyid de/ de bas na chos kyi dbyings dang spong ba 'di ri gcig nyid kyis na nyan thos kyi byang chub sems bskyed pa'i nyan thos kyi byang chub sems dpa' ni nyan thos kyi rigs so zhes pa 'di dang / de ltar nges par rang sangs rgyas kyi rigs dang / yang dag par rdzogs pa'i sangs rgyas kyi rigs zhes pa mi 'thad do// chos kyi dbyings la dbyer med phyir// rigs ni tha dad rung ma yin zhes rgol ba'o// rten pa'i chos kyi bye brag gis// de yi dbye ba yongs su brjod ces pa ni lan no// chos kyi dbyings thams cad du bye brag med pa yin kyang nyan thos kyi byang chub sems dpa' ni nyan thos nyid rdzogs par byed/ bsod nams dang ye shes kyi chags kyi chos rnams kyi gzhir gyur pa gang yin pa de rnams de'i rigs so// de ltar gang zhig rang sangs rgyas kyi byang chub sems dpa'i chos rnams kyi rten du gyur pa de rnams de'i rigs so// de ltar gang zhig yang dag par rdzogs pa'i sangs rgyas kyi byang chub sems dpa'i chos rnams kyi rten du gyur pa de ni de'i rigs so// ji ltar bye brag med pa'i bum pa rnams las la la ni 'bru mar gyi bum pa/ la la ni mar gyi bum pa/ la la ni spang rtsi'i bum pa zhes pa lta bu'o// sgrub pa'i rten bshad nas da ni dmigs pa brjod par bya ste/ dmigs pa chos rnams thams cad de// de yang dge la sogs pa yin// 'jig rten pa yi rtogs pa dang // gang dag 'jig rten 'das 'dod dang // zag bcas zag pa med chos dang // gang dag 'dus byas 'dus ma byas// slob ma thun mong chos rnams dang // gang dag thub pa'i thun mong min zhes pa la/ thog mar chos thams cad ni dge ba dang mi dge ba dang lung du ma bstan pa ste rnam pa gsum du dbye'o// dge
- 240b
ba ni dri ma med pa'i lam mo// mi dge ba ni srog gcod pa la sogs pa ste/ bde 'gro dang ngan 'gro ster bar byed pa nyid kyis na'o// lung du ma bstan pa ni lus kyi las la sogs pa'o// dge ba dang mi dge ba dang lung du ma bstan pa de rnams las sa bon dul ba lta bur lung du ma bstan pa'i chos bzhag pa ste/ dge ba dang mi dge ba'i chos de dag mdor bsdus nas rnam pa bzhir dbye bar bya ste/ 'jig rten pa dang / 'jig rten las 'das pa dang / zag pa dang bcas pa dang / zag pa med pa'o// de la 'jig rten pa ni byis pa'i skye bo thams cad dang 'brel pa'i phung po lnga la sogs pa'o// 'jig rten las 'das pa ni 'phag pa'i skye bo thams cad kyis yang dag par bsdus pa'i bsam gtan bzhi la sogs pa'o// zag pa dang bcas pa ni bdag tu lta ba'i gnyen po ma yin pa nye bar len pa'i phung po lnga la sogs pa'o// zag pa med pa'i bdag tu lta ba'i gnyen po dran pa nye bar bzhag pa la sogs pa'o// yang dge ba dang / mi dge ba'i chos de dag rnam pa bzhi ste/ 'dus byas dang / 'dus ma byas dang / slob mthun mong ba dang / thun mong min par brjod pa'o// 'dus byas ni rgyu dang rkyen la bltos pa ste/ 'dod pa'i khams la sogs pa'o// 'dus ma byas ni rgyu rkyen la mi bltos pa ste/ stong pa nyid la sogs pa'o// slob mthun mong ni 'phags pa'i rigs thams cad kyis rab tu bsgoms pa'i bsam gtan bzhi la sogs pa'o// thun mong min pa ni yang dag par rdzogs pa'i sangs rgyas su gyur pas goms pa'i stobs bcu dang mi 'jigs pa bzhi la sogs pa'o// de ltar na dge ba dang / mi dge ba dang / lung du ma bstan pa ste/ gsum dang / bzhi dang / bzhis dmigs pa rnam pa bcu gcig tu gsungs
- 241a
pa'o// sgrub pa'i ched du bya ba brjod par bya ste/ sems can kun mchog nyid sems dang // spong dang rtogs dang gsum po la// chen po gsum gyi rang 'byung gi/ ched du bya ba 'di shes bya zhes pa la/ gang dag gi don du bsod nams dang ye shes kyi tshogs bskyed cing sogs pa ni chad du bya ba'o// de gang gi zhe na/ gsungs pa sems can kun mchog skyes pa ste/ sems can thams cad/ la rnam pa thams cad kyi mchog byed pa ni sems can kun mchog go/ de khyad par ji lta zhes pa la gsungs pa/ sems dang zhes pa la sogs pa ste/ sems dang / spong ba dang / rtogs pa nyid dang gsum po// de latshan pags la sems can pa rnab pa tham kyis rnas thams cad pangan sum du byed par// slang brnyan pan nan mangs pa'i sgrub padang shes bya'i sgrub pa bgachags dang bcas pa dang bral ba'o// rtogs pa chen po ni stobs dang mi 'jigs pa la sogs pa sangs rgyas kyi yon tan thams cad thob pa'o// chen po gsum gyis mtshon pa gang yin pa de ni sems can mchog ste/ 'di ni sgrub pa'i ched du bya ba'o// rang byung ni yang dag par rdzogs pa'i sangs rgyas yin gyi/ nyan thos la sogs pa ni ma yin no// de bas na byang chub sems dpa' rnams kyis de bzhin du bsgrub par bya zhes bstan to// sgrub pa'i rten dang / dmigs pa dang / ched du bya ba rnams gsungs nas/ da ni sgrub pa bzhi po rnams brjod par bya ste/ de las sgrub pa'i go cha gsung pa/ sbyin la sogs pa rnam drug la// de rnams so sor bsdus pa yis// go cha'i sgrub pa gang yin ni// drug tshan drug gi ji bzhin bshad ces pa'o// sbyin la sogs pa zhes pa la// sbyin pa
- 241b
rnam pa gsum ni rdzas dang / mi 'jigs pa dang chos so// dge ba'i chos sdud pa'i tshul khrims dang / sdom pa'i tshul khrims dang / sems can gyi don byed pa'i tshul khrims so// sdug bsngal la ji mi snyam pa'i bzod pa dang / gzhan gyis gnod pa byas pa la ji mi snyam pa dang / chos la nges par sems pa'i bzod pa'o// sbyor ba'i brtson 'grus dang / mi lhod pa'i brtson 'grus dang / go cha'i brtson 'grus so// rang gi skyon spong ba dang / rdzu 'phrul bskyed pa dang / mthong ba'i chos la bde bar gnas pa'i bsam gtan no// zos pa'i rang bzhin gri shes rab dang / bsam pa'i rang bzhin dang / sgom pa'i rang bzhin gyi shes rab ces pa ste/ de ltar so sor rnam pa gsum gsum mo// pha rol du phyin pa drug las gcig gi bdag nyid kyang pha rol tu phyin pa drug tu rnam par bzhag par bya ste/ byang chub sems dpa'i go cha yin pas so// de la sbyin pa gtong ba dang / de'i 'bras bu nyan thos la sogs pa spong ba dang / nam byang chub ma thob kyi bar du sbyin pa 'di la gtong ba/ bya zhes pa la sogs par mi sems pa ni chos la nges par sems pa'i bzod pa'o// 'di nyid yang nas yang du nyid kyang goms par byed cing gzhan rnams la yang ston par spro ba ni brtson 'grus so// ser sna la sogs pa yongs su spangs nas sbyin pa de nyid la sems rtse gcig pa ni bsam gtan no// sbyin pa de yang dag par rdzogs pa'i byang chub tu yongs su bsngo ba'i dus su 'di dag thams cad ni sgyu ma lta bu'o zhes shes par byed pa ni shes rab ces pa ste/ sbyin pa'i pha rol tu phyin pa gcig pu nyid kyang pha rol tu phyin pa drug gis so// de ltar tshul khrims bsrung ba dang /
- 242a
bzod pa phran sum chags par bya ba dang / brtson 'grus brnam par bya ba dang / bsam gtan nyams su blang ba dang / shes rab bskyed pa ste/ de'i 'bras bu yang sems can thams cad la dbul nas bsngo bar gyu zhes pa pa ma du byin ba drug nyid kya pa rol du ldan pa drug rngu 'gyur te/ de bsan drug chen drug ni sum d+hun+ta drug tug na'i sgrub pa'o// gnyis pa sgrub pa'i 'a pa brjod par bya ste/ 'jug pa'i sgrub pa ni byang chub kyi ched du 'gro bar rtsom pa ste/ de yang yul gyi dbye bas rnam pa dgur gsungs so// bsam gtan gzugs med sbyin sogs dang // la med byabs la sogs pa dang // dmigs pa med dang ldan pa dang // 'khor gsum rnam par dag pa dang // ched du bya dang mngon shes drug/ rnam kun mkhyen pa'i tshul la ni// 'jug pa'i sgrub pa theg chen la// 'dzegs pa yin par shes par bya zhes pa ste/ bsam gtan zhes pa ni bsam gtan bzhi ste/ rtog pa dang / dpyod pa dang / dga' ba dang / bde ba dang / sems rtse gcig pa ste/ yan lag lnga ni bsam gtan dang po'o// nang yongs su dang ba dang / dga' ba dang / bde ba dang / sems rtse gcig pa ste/ yan lag bzhini bsam gtan gnyis pa'o// btang snyoms dang / dran pa dang / shes bzhin dang / bde ba dang / sems rtse gcig pa ste/ yan lag lnga ni bsam gtan gsum pa'o// btang nobs yongs su dag pa dang / dran pa yongs su dag pa dang / sdug bsngal ba dang / bde ga ma yin pa'i tsho rab dang / sems rtse gcig pa ste/ yan lag bzhi ni bsam gtan bzhi pa'o// gzugs med bzhi ni 'dod pa'i khams dang gzugs kyi khams dag las 'dod chags dang bral
- 242b
nas nam mkha' nyid la mtha' yas par dmigs par byed de/ des na nam mkha' mtha' yas skye mched do// de las kyang 'dod chags dang bral nas rnam par shes pa nyid gcig pu la mtha' yas par dmigs// te/ de bas na rnam shes mtha' yas skye mched do// de las kyang 'dod chags dang bral nas cung zad med pa nyid la dmigs par byed de/ de bas na cung zad med pa'i skye mched do// de nas de las kyang 'dod/ chags dang bral nas 'du shes med 'du shes med min nyid la dmigs par byed de/ de bas na 'du shes med min mtha' yas skye mched ces pa ste/ bsam gtan gzugs med la sgrub pa'i 'jug pa zhes thams cad dun pa'i mthu na ng+ku bar gyur// sbyi mags zhes pa ni rje ga gsungs pa'i ba la tu pa drugag/ la mazhes pa mthong ba dang / rnal pa dang / mi sgrub pa dang / khrid par lam rnams so// byams la sogs zhes pa ni byams pa dang / snying rje dang / dga' ba dang / btang snyoms rnams te/ sems can thams cad bde ba dang ldan par 'dod pa ni byams pa'o// sdug bsngal dang bral bar 'dod pa ni snying rje'o// bde ba dang mi 'bral bar 'dod pa ni dga' ba'o// sdug bsngal dang bral ba dang ldan par 'dod pa ni btang snyoms te byams pa la sogs pa'o// dmigs pa med dang ldan pa dang zhes pa ni gzung ba dang 'dzin pa'i dngos por btags pa mtha' dag mi dmigs pa ste/ gnyis su med par dmigs pa'i rang bzhin no// 'khor gsum rnam par dag pa dang zhes pa ni sbyin pa po dang / sbyin par bya ba'i dngos po dang / sbyin bya rnams rmi lam lta bu la sogs par so sor snang bas rnam par dag par bya'o// ched du bya dang zhes pa ni sems can thams cad kyi mchog tu
- 243a
bya ba dang / skyon thams cad las grol bar bya ba dang / yon tan thams cad dang ldan par ste/ des na ched du bya ba ni rnam pa gsum mo// mngon shes drug ces pa ni sngon du bshad pa rnams so// rnam kun mkhyen pa'i tshul zhes pa la rnam pa thams cad kyi chos thams cad rtogs pa ni rnam kun mkhyen no// de'i tshul ni lom mo// 'dzeg pa ni theg pa chen po la sgrub pa'i 'jug pa ste rnam pa dgur brjod do// da ni gsum pa bsgrub pa'i cho gas brjod par bya ste/ brtse dang sbyin la sogs pa drug/ zhi gnas lhag mthong bcas pa dang // zung du 'brel pa'i lam gang dang / thabs la mkhas pa gang yin dang // ye shes dang ni bsod nams dang // lam dang gzungs dang sa bcu dang // gnyen po tshigs kyi sgrub pa yi// rim pa yin par shes par bya// zhes pa la/ byang chub kyi tshogs su gyur pas chogs su bcu bdun te/ snying rje'i tshogs dang / sbyin pa'i tshogs dang / tshul khrims kyi cho gas dang / bzod pa'i cho gas dang / brtson 'grus kyi tshogs dang / bsam gtan gyi tshogs dang / shes rab kyi tsho gas dang / zhi gnas kyi tsho gas dang / lhag mthong gi tshogs dang / zung du 'jug pa'i lam gyi tshogs dang / thabs la mkhas pa'i cho gas dang / ye shes kyi tshogs dang / bsod nams kyi tshogs dang / lam gyi tshogs dang / gzungs kyi tshogs dang / sa'i tshogs dang / gnyen po'i tshogs shes pa'o// zhi gnas shes pa ni sems rtse gcig pa'o// lhag mthong bcas pa zhes pa ni lhag mthong bcas par 'jug pa'o// khyad par du mthong ba ni lhag mthong ste/ shes rab ces pa'i don to// zung du 'brel pa'i lam gang zhes pa ni zhi gnas dang lhag mthong dag ni zung ngo //
- 243b
de mnyam par 'jug pa ni zung du 'brel pa'i lam mo// thabs la mkhas pa gang yin dang zhes pa la/ sangs rgyas nyid kyi thabs ni pha rol tu phyin pa drug ste/ de rnams la mkhas pa ni thabs la mkhas pa'o// / ye shes zhes pa ni stong pa nyid nyi shu'i ye shes so// bsod nams zhes pa ni sbyin pa dang / tshul khrims dang / bzod pa dang / de'i yul brtson 'grus kyang bsod nams so// lam zhes pa ni byang chub kyi phyogs kyi chos sum cu rtsa bdun la sogs pa'o// gzungs dang zhes pa ni gzungs rnam pa bzhi rnam pa ste/ bzod pa'i gzungs dang / chos kyi gzungs/ don gyi gzungs dang / sngags kyi gzungs rnams so// sa bcu zhes pa ni rab tu dga' ba la sogs pa'o// gnyen po zhes pa ni mthong ba dang sgom pa'i lam dag rnam pa brgyad du 'chad par 'gyur ba'i gnas skabs kyi bye brag gis te/ lam de dag nyid kyi me mthun pa'i phyogs su gyur pa rnam par rtog pa brgyad sun 'byin par byed pa nyid kyis ni gnyen po'i phyogs so// stong pa nyid nyi shu brjod par bya ste/ nang gang phye dang gnyis ka dang // dngos po stong pa nyid dang ni// phyogs dang mya ngan 'das lam dang // rgyu las skyes dang gzhan pa dang // mtha' las 'das sogs dor med dang // rang bzhin dngos po thams cad dang // skyes sogs chos rnams 'das pa sogs// 'brel dang gzhan pa'i gzugs dag dang // nam mkha' stong pa brjod pa dang // chos dang gzhan pa'i dngos po dang // rang rang ngo bos stong pa nyid// stong pa nyi shu tham par 'dod ces pa'o// de la stong pa zhes bya ba ni thams cad du 'od gsal ba brtags pa'i rang bzhin nyid kyi stong pa'o zhes bya bar byams pa la sogs pa bzhed do// nang zhes pa ni mig la sogs pa'i dbang po lnga'i
- 244a
bdag nyid kyi las stong pa ste nang stong pa nyid do// phyi zhes pa ni lus la phyi rol gyi gzugs la sogs pa stong pa ste/ phyi stong pa nyid do// gnyis ka zhes pa ni lus las phyi rol ma yin pa dang / lus kyi dbang pos ma khyab pa'i sen po la sogs pa de dag gi bdag nyid stong pa ste/ des na de ni phyi nang stong pa nyid do// dngos po stong pa nyid ces pa ni gang zag la sogs pa stong pa ste/ de ni stong pa nyid stong pa nyid do// phyogs zhes pa ni phyogs bcu po rnams stong pa ste/ de ni chen po stong pa nyid do// mya ngan 'das lam zhes pa ni lam dang bcas pa'i mya ngan las 'das pa stong pa de ni don dam pa stong pa nyid/ rgyu las skyes dang gzhan pa dang zhes pa la/ rgyu las skyes pa'i khams gsum po rnams stong pa ste/ de ni 'dus byas stong pa nyid do// gzhan ni ma skyes pa la sogs pa ste/ de ni 'dus ma byas stong pa nyid do// mtha' las 'das sogs dor med dang // rang bzhin dngos po thams cad dang zhes pa la/ mtha' las 'das pa ni rtag pa'i dngos po ste/ de'i stong pa nyid ni mtha' las 'das pa stong pa nyid do// sogs pa'i sbas thog ma dang tha ma med pa gzung ste gang la thog ma dang tha ma med pa sde 'khor ba'o// de stong pa nyid ni thog ma dang tha ma med pa stong pa nyid do// dor ba ni rnam par g.yeng bste gang la de med pa ni dor ba med pa ste/ zag pa'i lam lo// de'i stong pa nyid ni dor ba med pa stong pa nyid do// rang bzhin zhes pa ni chos kyi dbyings te de'i stong pa nyid ni rang bzhin stong pa nyid do// dngos po thams cad ces pa ni dngos po thams cad stong pa nyid de/ de'i stong pa nyid ni chos thams cad stong pa nyid do// skye sogs chos rnams 'das pa lags zhes pa la/ skye sogs chos rnams
- 244b
ni 'dus byas kyi dngos po'i skye ba la sogs pa'i chos te/ skye ba dang / gnas pa dang / rgas pa dang / 'chi ba ste/ 'dus byas kyi mtshan nyid ces pa'i don to// de'i stong pa nyid ni rang gi mtshan nyi stong ba nyid do// 'das pa la sogs pa ni 'das pa dang / ma 'ongs pa dang / da ltar te/ dus gsum mo// de'i stong pa nyid ni mi dmigs pa stong pa nyid do// 'brel dang gzhan pa'i gzugs zhes pa la yang dag par 'brel ba'i gzugs ni yang dag par ldan pa'i chos te/ 'bras dang yungs kar la sogs pa'i phung po ste/ de'i stong pa nyid ni dngos po med par rang bzhin stong pa nyid do// gzhan pa'i gzugs ni dngos po med pa ste/ de dag tha snyad du bya ba'i rgyu 'bras dang yungs kar la sogs pa nyid de/ de'i stong pa nyid ri dngos po med pa stong pa nyid do// nam mkha' stong par brjod pa zhes pa la dam mkha' zhes bya ba dang / sdong pa zhes bya ba ste/ dngos po dang dngos po med pa nyid do// chos zhes pa la lung dang rtogs pa'i chos dang / de'i stong pa ni rang bzhin stong pa nyid do// gzhan pa'i dngos po dang / rang rang ngo bos stong pa nyid ces pa la gzhan ni lus las logs shig pa'i bdag nyid rang bzhin gyis te/ rang bzhin de kho na nyid kyis stong pas gzhan pa'i dngos pa sdod pa nyid ces pa'o// stong cho gas rang bzhin med pa la 'gro ba rnams kyis de dang de'i rnam par sgro 'dogs pa bcad pa'i don du stong pa nyid nyi shur brjod do// 'di rnams yongs su shes pa ni ye shes kyi tshogs so// sa bcu zhes pa ni sa'i tshogs su brjod do// sa bcu ni rab tu dga' ba dang / dri ma med pa dang / 'od byed pa dang / 'od 'phro ba dang / bgrod par dka' ba dang / mngon
- 245a
dag ba dang / rang dus ba dang / rmugs pa dang / legs pa thazlas dang/ rdzu zhe/ 'dunam mag shid ma sa pa rnags pa zlan ky-i gan sa/ yongs su spyong ba ni mi bcu la// sa ni dang pathab 'gyur te// bas pa dang phan pa'i dngos nyid dang // sems can rnams la sems mnyam nyid// gtung dang bshes gnyen bstan pa dang // dam chos dmigs pa 'tshol ba dang // rtag tu nges 'byung sems nyid dang // sangs rgyas skur 'dod dga' ba dang // chos ston pa dang bden pa yi// tshig ni bcu pa yin par 'dod// 'di dag rang bzhin mi dmigs pas// yongs su sbyong ba shes par bya// zhes pa ste/ bsam zhes pa ni sems can thams cad la mi bslu ba'i bsam pa'o// phan pa'i dngos nyid ces pa ni sems can thams cad la phan par dgyes par byed pa'o// sems can rnams la sems mnyam nyid ces pa ni/ sems can thams cad la phan par sems pa'o// gtong dang zhes pa ni thams cad gtong ba'o// bshes gnyen bsten pa ni dge ba'i bshes gnyen la bsnyen bkur byed pa'o// dam chos dmigs pa tshol ba dang zhes pa ni sangs rgyas kyi gsung la ji srid du rab tu 'byed pa de srid du 'tshol zhing / dpyod pa'o// rtag tu nges 'byung sems nyid dang zhes pa ni/ khyim gyi gnas las log pa'o// sangs rgyas bskur 'dod dga' ba dang zhes pa ni sangs rgyas ni bcom ldan 'das te/ chos dang yang spyod rdzogs pa dang // sprul sgo gsum du 'dod pa'o// chos ston pa dang zhes pa ni zang zing la mi bltos pa'i sems kyis chos ston pa'o// bden pa'i tshig ni bcu pa yin par 'dod ces pa la/
- 245b
bden pa'i tshig ni bden pa'i tshigs rnams te/ de chu bcu par 'dod do// 'di dag rang bzhin mi dmigs pas// yongs su sbyong bar shes par bya zhes pa la/ 'di dag ni bsam pa la sogs pa'o// yongs su sbyor ba ni rnam par dag pa'o// gzung ba dang 'dzin pa'i rang bzhin mi dmigs pa ni gnyis su med pa nye bar dmigs pa'i bdag nyid do// shes par bya zhes pa ni rtogs par bya ba'o// 'di rnams ni rab tu dga' ba'i sar 'jug pa'i thabs te/ yongs su sbyong ba bcu po rnams stong pa nyid du bsgoms pas/ sa dang po rab tu dga' ba thob par 'gyur ro// tshul khrims byas pa gzo dang bzod// rab tu dga' dang skye ba hU~M// bkur gas pa rnyan pa dang // bad basbyin pa lasags bdun nas s+ho// tshul khrims nas pa na pa zhim sbyi rnas pa gsus yangs su rdzogs pa'o// zlas pa gzugs ni gzhan gyis phan pa byas pa dran pa'o// bzod ces pa ni bzod pa rnam gsum rdzogs pa'o// rab tu dga' dang zhes pa ni dam pa'i las la rab tu dga' ba'o// snying brtse zhes pa ni sems can thams cad kyi don du snying rjes bcings pa'o// ces pa ni mkhan po la sogs pa la 'dud pa'o// gus pa zhes pa ni dge ba'i bshes gnyen gyis bstan pa'i chos rnams nyams su len pa'o// brtson 'grus zhes pa ni sbyin pa la sogs pa dge ba'i chos thams cad la spro ba'o// las brgyad po 'di rnams kyis sa gnyis pa dri ma med pa thob par 'gyur ro// thos pas mi ngoms nyid dang ni// zang zing med par chos sbyin dang // sangs rgyas zhing kun sbyong ba dang // 'khor bas yongs su mi skyo dang // ngo tsha khrel yod ces bya ba// rlom med bdag nyid de rnam lnga zhes pa ste// thos pas mi
- 246a
ngoms nyid dang ni zhes pa ni cho mnyan pas ngoms pa med pa'o// zang zing med par chos sbyin dang zhes pa ni rnyed pa la sogs pa la mi bltos pa'i sems kyi chos rnams ston pa'o// sangs rgyas zhing kun skyong ba dang zhes pa ni rten dang rten pa'i sangs rgyas kyi zhing yang dag par sbyong ba'o// 'khor bas yongs su mi skyo dang zhes pa ni phan btags pa'i sems can rnams kyi tshul mi sdug pa bstan yang yongs su mi skyo ba'o// ngo tsha khrel yod ces bya ba zhes pa ni rang dang gzhan gyi dbang du byas te mi dge ba'i chos rnams las ldog pa ste/ de ltar rnam pa lnga'o// rlom med bdag nyid ni rnam par rtog pa med pa'i las te/ des ni sa gsum pa 'od byed pa thob par 'gyur ro// nags gnas 'dod nang phyogs shes dang // sbyangs pa yang dag sdob rten dang // bslab pa yongs su ma gtong dang // 'dod pa rnams la smad pa dang // mya ngan 'das dang bdog kun gtong // mi zhum pa dang lta ba med ces pa ste/ nags gnas zhes pa ni dgon pa na gnas pa'o// 'dod chung zhes pa ni ma thob pa'i rdzas rnams la ma chags pa'i// chog shes zhes pa ni rnyed pa thob pas chog shes shing // lhag pa mi 'dod pa'o// sbyangs pa yang dag sdom rten dang zhes pa la/ bsad skams pa la sogs pa sbyangs/ pa'i yon tan bcu gnyis brten pa'o// bslab pa yongs su mi gtong dang zhes pa ni 'tsho ba'i ched du yang bslab pa rnams yongs su mi gtong ba'o// 'dod pa rnams la smod pa dang zhes pa ni 'dod pa'i yon tan lnga rnams la smad pa'o// mya ngan 'das zhes pa ni 'khor ba las bzlog pa'o// bdag kun gtong zhes pa ni kun btags par yod pa thams cad gtong ba'o// mi zhum zhes pa ni dge ba/
- 246b
rnams nyams su blang ba la sems ma zhum pa'o// bltos pa med ces pa ni dngos po thams cad la mi bltos pa'o// sngon bzhin du yongs su sbyangs pa bcu'i las rnams kyi sa bzhi pa 'od 'phro ba thob par 'gyur ro// 'dres dang khyim la 'khren pa dang // 'du 'dzir gyur pa'i gnas dang ni// bdag bstod gzhan la brnyas pa dang // mi dge'i las lom bcu dang ni// rlom pas khengs dang phyin ci log/ yid gnyis dang ni nyon mongs bzod// bcu po 'di dag rnam spangs na// sa lnga pa ni yang dag thob ces pa ni 'dris dang zhes pa ni rnyed pa la sogs pa'i don du phyug po la sogs pa dang yang dag par smra ba'o// khyim la 'khren pa zhes pa ni dad pa can gyi khyim nye bar mi ston pa'o// 'du 'dzir gyur pa'i gnas dang ni zhes pa skye bos yongs su gang ba'i grong la sogs pa'o// bdag bstod gzhan la brnyes pa dang zhes pa ni rang nyid la stod ra zer zhing gzhan la smod pa'o// mi dge'i las lam bcu dang ni zhes pa ni mi dge ba bcu'i las kyi lam mo// rlom pa zhes pa ni thos pa la sogs pa'i nga rgyal lo// khengs dang zhes pa ni gzhan la mi 'dud pa'o// phyin ci log ces pa ni dge ba rnams la mi dge ba la sogs par phyin ci log tu zhen pa'o// yid gnyis zhes pa ni bden pa dang / dkon mchog dang / las dang 'bras bu rnams la the tshom skyes pa'o// nyon mongs bzod ces pa ni 'dod chags dang zhe sdang dang gti mug la sogs pa la lhag par brten pa'o// rnam spangs nas zhes pa ni thams cad du gnyis pa'i mtha' can sbyar bar bya'o// bcu po 'di dag rnam par spangs pa'i lam la gnas pa'i byang chub sems dpa' sa lnga pa sbyang dka' ba thob par 'gyur ro// sbyin dang tshul khrims bzod brtson 'grus// bsam
- 247a
gtan shes rab rab rdzogs pas// slob ma dang ni bse rul// dga' dang sdug pa'i sems spangs pa// bslangs na mi zhum bdog pa kun// btang yang mi dga' med pa dang // dbul yang slong ba mi spong bas// sa ni drug pa yang dag 'thob ces pa ste// sbyin pa la sogs pa pha rol tu phyin pa drug rab tu rdzogs pa zhes pa ni chos drug po rnams mi spong ba dang / de bzhin du nyan thos la mngon par dga' ba dang / rang sangs rgyas la mngon par dga' ba dang / dus yun ring por tshogs rnams la goms par bya ba la sreg pa'i sems spangs pa zhes pa ni gsum po rnams so// gang gis sems mi zhum pa dang / bdog pa thams cad gtang yang mi dga' ba med pa dang / dbul yang slong ba rnams mi spong ba ste/ chos bcu gnyis po 'di rnams kyis sa drug pa mngon du gyur pa thob par 'gyur ro// bdag dang sems can 'dzin pa dang / srog dang gang zag chad rtag dang // mtshan ma rgyu dang phung po dang // khams dang skye mched dag dang ni// khams gsum pa la chags gnas dang / sems na kun tu zhum pa dang // dkon mchog gsum dang tshul khrims dang // de ltar lha la mngon zhin dang // stong pa nyid la rtsod pa dang // de dang 'gal ba'i nyes pa ni// nyi shu gang la rnam chad pa// de yi sa ni bdun pa thob ces pa la// 'dzin pa zhes pa ni mngon par zhen pa ste/ de yang bdag gi spa dang por byas nas skye mched kyi sgra'i bar gyi tshig bcu gcig po rnams la so sor sbyar bar bya'o// bdag tu 'dzin pa dang sems can du 'dzin pa dang / srog tu 'dzin pa dang / gang zag tu 'dzin pa dang / chad par 'dzin pa dang / rtag par 'dzin pa dang / mtshan mar 'dzin pa dang / rgyur 'dzin
- 247b
pa dang / phung por 'dzin pa dang / khams su 'dzin pa dang / skye mched du 'dzin pa zhes pa ste bcu gcig go// khams gsum pa la chags gnas dang // sems ni kun du zhum pa dang // zhes pa ni khams gsum du gnas pa lus kyis so// khams gsum pa la chags pa ni yid kyis so// sems ni kun tu zhum pa zhes pa ni gnyis ka'o// dkon mchog gsum dang tshul khrims dang // de ltar lha la mngon zhen dang zhes pa ni gzung ba 'dzin pa'i dngos pos sangs rgyas su lta ba la mi rten pa dang chos su lta ba la mi rten pa dang / dge 'dun du lta ba la mi rten pa dang / tshul khrims su lta ba la mi rten pa ste rnam pa bzhi rnams so// stong pa nyid la rtsod pa dang zhes pa ni chos thams cad kyi stong pa nyid la brtsod pa ste/ the tshom zhes pa'i don to// de dang 'gal ba zhes pa ni stong pa nyid dang 'gal ba'o// de ltar nyes pa nyi shu thams cad dang bral ba ste/ 'chad par 'gyur ba'i yon tan nyi shu tham pa gang la yongs su rdzogs pa des ni sa bdun pa ring du song ba thob par 'gyur ro// gang zhig yon tan nyi shu tham pa yongs su rdzogs par byed pa de rnams bstan pa'i phyir gsungs pa/ rnam thar sgo gsum shes pa dang / 'khor gsum rnam par dag nyid dang // snying rje dang ni rlom med dang // chos mnyam nyid dang tshul gcig shes// mi skye ba dang zad shes dang // tshul rnams rnam pa gcig tu ston// rtog pa kun tu 'joms pa dang // 'du shes lha dang nyon mongs spong // zhi gnas nges par sems pa dang // lhag mthong la ni mkhas pa dang // sems dul ba dang thams cad la// thogs pa med pa'i ye shes dang // chags pa'i sa min gar 'dod pa// zhing gzhan du ni
- 248a
mnyam 'gro dang // kun tu bdag gi ngo bo ni// ston pa nyid dang nyi shu'o// zhes pa ste/ yon tan nyi shu'o// sgo gsum zhes pa ni stong pa nyid dang / mtshan ma med pa dang / smon pa med pa zhes pa'o// 'khor gsum rnam par dag nyid dang zhes pa ni ster ba po dang / len pa po dang / sbyin par bya ba'i dngos po rnams te/ rang rang gi sems su spang ba tsam gyi bdag nyid rtogs pa'o// snying rjes shes pa ni chos la dmigs pa'i snying rje chen po'o// rlom med ces pa ni gzung ba dang 'dzin pa'i dngos po mi dmigs pa'o// chos mnyam nyid ces pa ni chos thams cad rang bzhin gyi 'od gusal ba des mnyam zhing rnams pa'o// tshul gcig shes zhes pa ni 'gro ba'i don byed par nus pa'i theg pa chen po'i rang bzhin ni tshul gcig ces pa'o// mi skye ba dung zang shes dang zhes pa niphung po lnga po rnams ma skyes par shes pa dang brtags pas stong pa'i mtshan nyid kyi zab mo'i chos nyid ni zad pa zhes pa'o// chos rnams rnam pa gcig tu ston zhes pa ni de kho na nyid theg pa chen po'i mtshan nyid gcig gi tshul du ston pa'o// rtog pa kun tu 'joms pa dang zhes pa ni chos rnams thams cad kyi rtog pa yang dag par 'joms pa'o// 'du shes lha dang nyon mongs spong zhes pa ni mtshan ma rnams spong ba dang / lta ba lnga po rnams spong ba dang / 'dod chags la sogs pa'i nyon mongs pa rnams spong ba'o// zhi gnas nges par sems pa dang zhes pa ni sems rtse gcig
- 248b
yongs su zhi ba'o// thams cad la thogs pa med pa'i ye shes zhes pa ni gzugs la sogs pa la mi thogs pa'i ye shes so// chags pa'i sa min zhes pa ni mngon par zhen pa'i gnas ma yin// pa'o// gar 'dod par zhing gzhan du ni mnyam 'gro ba zhes pa la ji ltar 'dod par dus mnyam par sangs rgyas kyi zhing du 'gro ba'o// kun tu bdag gi ngo bo ni// ston pa nyid dang zhes pa ni gdul bya'i rjes su mthun par thams cad du bdag gi ngo bo yang ston pa zhes pa'o// yon tan nyi shu yongs su rdzogs shing sngon du gsungs pa'i skyon nyi shu po rnams yongs su spangs pas sa bdun pa dang / du song ba thob pa 'gyur ro// sems can kun yid shes pa dang // mngon par shes pas brtse ba dang // sangs rgyas zhing bzang sgrub pa dang // yongs su brtags rtser sangs rgyas brtan// dbang sa shes dang rgyal ba yi// zhing spyod sgyu ma ltar gnas dang // bsams bzhin srid pa len pa dang // las ni rnam pa 'di brgyad bshad ces pa ste/ sems can kun yid shes pa dang zhes pa ni sems can thams cad kyi sems kyi dpyod pa shes pa'o// mngon par shes pas rtse ba dang zhes pa ni 'jig rten gyi khams rnams su rtse ba ni sangs rgyas kyi rnam 'phrul gyis so// mdzes pa'i mngon par shes pa ni so sor gzhom du med pa'o// sangs rgyas zhing bzang sgrub pa zhes pa ni rten gyi sangs rgyas kyi zhing gser gyi bye ma brdal ba la sogs pa'i rang bzhin du yongs su gyur pa'o// yongs su brtag phyir sangs rgyas rten zhes pa ni rnam pa thams cad kyi chos thams cad yongs su brtag pa byas par gyur pa'o// de yongs su brtag pa'i mtshan nyid ni sangs rgyas la gus pa'o// dbang po shes
- 249a
zhes pa ni dad pa la sogs pa'i dbang po mchog dman shes pa'o// rgyal ba'i zhing sbyong zhes pa ni rten pa'i sangs rgyas kyi zhing gi bdag nyid kyi sems can yongs su dag par byed pa'o// sgyu ma ltar gnas zhes pa ni thams cad du sgyu ma lta bur shes pa'o// bsams bzhin srid pa len pa dngo zhes pa ni sems can gyi don du lta ba'i blo mngon du song bas skye ba'i len pa ste/ dngos po brgyad po 'di rnams kyis sa brgyad pa mi g.yo ba thob par 'gyur ro// smon lam dag ni mtha' yas dang // lha la sogs pa'i skad shes dang // spobs pa chu bo lta bu dang // mngal du 'jug pa mchog dang ni// rigs dang rus dang cho 'brang dang // 'khor dang skye ba dag dang ni// nges 'byung byang chub shing rnams kyi// yon tan phun sum tshogs pa yin zhes pa ste/ smon lam dag ni mtha' yas zhes pa ni smon lam gyi don mtha' yas thob pa'o// lha la sogs pa'i skad shes pa ni lha rnams dang / sems can thams cad kyi skad yongs su shes pa'o// spobs pa chu bo lta bu dang zhes pa ni chu bo'i rgyun ltar dngos po so so rnams la mi zad pa'i spobs pa phun sum tshogs pa ste/ mtha'i phun sum tshogs pa zhes pa 'di nas bzung nas thams cad du sbyar bar bya'o// mngal du 'jug pa mchog dang ni zhes pa la/ skye bo thams cad kyis bsngags pa'i mngal du 'jug pa phun sum tshogs pa'o// rigs dang rus dang zhes pa ni rgyal po la sogs pa'i mtshan nyid ni rigs phun sum tshog pa'o// rje'u rigs la sogs pa'i mtshan nyid ni rus phun sum tshogs pa'o// cho 'brang zhes pa ni nye du la sogs pa'i rjes su 'brang ba'i mtshan nyid kyi cho 'brang phun sum tshogs pa'o// 'khor dang zhes
- 249b
pa ni rang gi byang chub kyi 'khor phun sum tshogs pa'o// skye ba zhes pa ni dbang po la sogs par skyes pa ni skye ba phun sum tshogs pa'o// nges 'byung byang chub shing rnams kyi zhes pa ni sangs rgyas la sogs/ pas bskul ba'i nges par 'byung ba ste/ nges 'byung phun sum tshogs pa'o// yid bzhin gyi nor bu lta bu'i shing a shrad+tha la sogs pa ni byang chub kyi shing phun sum tshogs pa'o// yon tan phun sum tshogs pa zhes pa ni yon tan thams cad yongs su rdzogs pa ste/ yon tan phun sum tshogs pa'o// dngos po bcu gnyis po 'di rnams kyis sa dgu pa legs pa'i blo gros thob par 'gyur ro// 'chad par 'gyur ba'i sa dgu po gang rnams kyi tshogs de rnams thams cad bsdoms pa ni sa bcu pa'i cho gas yin zhing / don gyi shugs kyis shes par bya bas de'i cho gas logs shig tu brjod par mi bya'o// sa bcu pa ni rang bzhin bstan pa'i phyir gsungs pa/ sa dgu 'das nas ye shes ni// gang gis sangs rgyas sar gnas pa// de ni byang chub sems dpa'i sa// bcu pa yin par shes par bya zhes pa ste/ sa dgu 'das nas zhes pa ni rigs la sogs pa'i sa dgu ste/ de la rigs kyis ni mya ngan las 'das pa'i rigs can no// brgyad pa'i sa ni rgyun tu zhugs pa'i 'bras bu la so sor zhugs pa'o// mthong ba'i sa ni rgyun tu zhugs pa rnams kyi'o// bsrab pa'i sa ni lan cig phyir 'ong ba rnams kyi'o// 'dod chags dang bral ba'i sa ni phyir mi 'ong ba rnams kyi'o// byas pas bsrung ba'i sa ni so sor zhugs pa gsum gyi'o// nyan thos kyi sa ni nyan thos kyi'o// rang sangs rgyas kyi sa ni rang sangs rgyas kyi'o// byang chub sems dpa'i sa ni byang chub sems dpa' rnams kyi/
- 250a
ste/ sngon du brjod pa'i sa dgu po rnams gcig du bsdus nas so// sa dgu po 'di rnams las yang dag par 'das nas byang chub sems pa'i ye shes gang gis kun du 'od sangs rgyas pa'i sar gnas par 'gyur ba'i ye shes kyi bdag nyid de ni byang chub sems dpa'i sa bcu pa'o// sa rnams kyi tshogs dag brjod nas/ da ni gnyen po'i tshogs rnams brjod par bya bas de'i dbang du byas nas gsungs pa/ mthong dang sgom pa'i lam dag la// gzung dang 'dzin pa'i rnam rtog rnams// nye bar zhi bar bya ba'i phyir// gnyen po rnam pa brgyad ces bya zhes pa ste/ mthong ba'i/ lam la gnas skabs kyi bye brag bzhi'i bdag nyid kyis gnyen po rnam pa bzhi'o// sgom pa'i lam gnas skabs bzhi'i bye brag gi bdag nyid kyis gnyen po'i rnam pa bzhi rnams so// mthong ba dang sgom pa'i lam dag gnas skabs bye brag gi bdag nyid kyis gnyen po rnam pa brgyad du shes par bya'o// de'i ci'i don du shes par bya zhes pa la gsungs pa/ gzung ba zhes pa la sogs pa la dngos po tsam gyi rang bzhin du gnas pa dang / gnyen po'i dngos por gnas pa ste/ gzung ba'i rnam rtog gnyis so// gang zag gi rang bzhin dang / gang zag btags pa la brten pa'i rang bzhin te/ 'dzin pa'i rnam rtog rnam pa gnyis so// mthong ba'i lam la gzung ba dang 'dzin pa'i rnam rtog rnam pa bzhi'o// sgom pa'i lam la yang gzung ba dang 'dzin pa'i rnam rtog rnam pa bzhi ste/ gzung ba dang 'dzin pa'i rnam rtog brgyad po mi mthun pa'i phyogs de rnams nye bar zhi bar bya ba dang / spang ba'i phyir gnyen po rnam pa brgyad du rtogs par bya'o// sgrub pa'i nges par 'byung //
- 250b
ba ste bzhi pa gsungs pa/ ched du bya dang mnyam nyid dang // sems can don dang 'bad med dang // shin du nges par 'byung ba dang // rnam pa'i mtshan nyid nges 'byung dang // rnam pa thams cad mkhyen nyid du// nges 'bung lam gyi spyod yul can// rnam pa brgyad kyi bdag nyid 'di// nges 'byung sgrub pa yin zhes bya zhes pa ste/ ched du bya zhes pa ni sems chen po la sogs pa rnam pa gsum gyi bye brag gis sems can thams cad las khyad par du 'phags pa mchog gi bdag nyid byed pa'o// mnyam nyid ces pa ni rang gsal ba'i bdag nyid kyi chos thams cad gzung ba dang 'dzin pas stong pa mnyal pa'o// sems can na zhes pa na rdzas de nam mkhar 'khang ba ma stangs kyi bang du 'gro ba'i dun byed pa'o// 'bad med ces pa ni chags med par sems can thams cad kyi the bzud pa'o// shin tu zhes pa ni rtag pa dang chad pa ni mtha' gnyis la mnyam pa'i rang bzhin la gnas pa'i nges 'byung thob pa'i mtshan nyid ces pa ni theg pa gsum gyi don thob pa'o// rnam pa thams cad mkhyen pa// nyid du zhes pa ni rnam pa thams cad yongs su shes pa'o// nges 'byung lam gyi spyod yul can zhes pa ni nyan thos la sogs pa dang thun mong ma yin pa'i pha rol tu phyin pa bcu'i bdag nyid ni byang chub sems dpa'i yul yin no// de ltar ched du bya ba'i nges par 'byung ba dang / mnyam pa nyid du nges par 'byung ba dang / sems can gyi don du nges par 'byung ba dang / tshegs med par nges par 'byung ba dang / shin tu nges par 'byung ba dang / thob pa'i nges par 'byung ba dang / rnam pa thams cad mkhyen pa'i nges par 'byung ba dang / lam gyi nges par 'byung ba ces pa ste/ yul gyi dbye
- 251a
bas sgrub pa'i nges par 'byung ba rnam pa brgyad gsungs so// mngon par rtog pa'i rgyun gyi 'grel pa grags pa'i cha zhes bya ba las mabs dang po'i 'grul pa'o// / da ni lam shes bsta pa'i phyir gsungs pa/ lha rnams rung bar bya ba'i phyir// 'od kyi mog mog por mdzad dang // yul nges pa dang khyab pa dang // rang bzhin dang ni de'i las zhes pa ste/ mog mog por mdzad ces pa ni nga rgyal gyis rab tu myos pa'i lha'i rigs rnams kyi 'od med par mdzad pa'o// 'od kyis zhes pa ni sangs rgyas kyi sku'i 'od kyis so// don ci'i phyir zhes pa la gsungs pa/ rung bar bya ba'i phyir zhes pa ste/ rung ba ni gcig nas gcig tu brgyud nas sangs rgyas nyid du byed pa'i phyir te/ de yang byang chub kyi sems nyid do// de bas na byang chub tu sems bskyed par bya ba'i phyir mog mog por byas zhes pa'i don to// 'jig rten pa thams cad las mtho zhing phul du gyur pa'i bcom ldan 'das te/ des na de'i rang bzhin thob par bya ba'i phyir byang chub tu sems bskyed par bya zhes bya ba'i don to// yul nges pa dang zhes pa ni byang chub tu sems bskyed pa'i yul la skal ba dang ldan pa ni byang chub sems dpa'i rigs can yin gyi nyan thos la sogs pa'i rigs can ni ma yin no zhes pa'i don to// khyab pa zhes pa ni zhi ba bgrod pa gcig pa'i nyan rang gi byang chub nyid la nges pas na de gtogs pa gzhan byang chub tu gyur pa'i nyan thos la sogs pa thams cad kyis kyang byang chub tu sems bskyed par bya zhes pa ste/ de bas na byang chub tu sems bskyed pas 'di rnams thams cad la khyab pa'o// rang bzhin zhes pa ni sems can gyi don du mya ngan las 'das pa la zhen pa spong ba dang nyon mongs pa thams cad yongs su
- 251b
mi gtong ba'i rang bzhin no// de'i las zhes pa ni ji srid nam 'khor ba ma stongs kyi bar du 'gro ba rnams kyi don bskal pa ji lta ba bzhin du byed pa ni byang chub sems dpa'i las so// lam shes ni byang chub sems dpa' 'ba' zhig gi yin te/ des na nyan thos la sogs pa'i lam 'dir bstan par mi rigs so snyam pa la/ byang chub sems dpas nyan thos la sogs pa'i lam la rang gi shes rab kyis dag par byas te goms par bya ba yin pas des na nyan thos kyi lam gsungs pa/ lam shes nyid kyi tshul la ni// 'phags pa'i bden pa bzhi dag gi/ rnam pa mi dmigs sgo nas ni/ nyan thos lam 'di shes par bya zhes pa ste/ sdug bsngal gyi bden pa la mi rtag pa nyid dang / sdug bsngal ba nyid dang / stong pa nyid dang / zhi ba nyid dang zhes pa ste rnam pa bzhi'o// zhi ba zhes pa ni bdag med pa'i don to// kun 'byung gi bden pa la kun 'byung ba nyid dang / rgyu nyid dang / rab tu skye ba nyid dang / rkyen nyid dang / nad dang 'bras dang / po la mig dang / mi sdug pa zhes pa ste/ rnam pa'i dbye ba brgyad do// yang sdug bsngal dang kun 'byung gi bden pa dag la gzhan pa nyid dang / 'jig pa'i chos can nyid dang / mi rtag pa nyid dang / zhi gnas nyid dang zhes pa ni rnam pa'i dbye ba bzhi'o// yang de dag la 'jigs pa nyid dang / 'tshe ba nyid dang / 'dren pa nyid dang zhes pa ste rnam pa'i dbye ba gsum mo// 'gog pa'i bden pa la/ bdag nyid dang / zhi ba nyid dang / rnam par bral ba nyid dang / stong pa nyid dang / mtshan ma med pa nyid dang / smon pa med pa nyid dang / mngon par 'dus ma byas pa nyid dang zhes pa ste rnam
- 252a
pa'i dbye ba bdun no// lam gyi bden pa la lam nyid dang / rigs pa nyid dang / sgrub pa nyid dang / nges par 'byin pa nyid dang zhes pa rnam pa'i dbye ba bzhi ste/ de rnams ni nyan thos rnams mya ngan las 'das pa'i grong khyer du 'jug par byed pa'i lam mo// byang chub sems dpa' rnam pa de rnams la gzung ba dang 'dzin pa'i rang bzhin du mi dmigs shing gnyis su med pa yongs su dmigs pa'i bdag nyid kyi de kho na so sor rig pa'i lam 'dis yang dag par rdzogs pa'i byang chub thob par byed do// nyan thos rnams kyi drod la sogs pa'i lam gzhan logs shig tu gsungs pa de ltar byang chub sems dpa'i yang dag par bya ste de dag gsungs pa/ 'phags pa nyan thos lam la ni// gzugs la sogs pa stong pa'i phyir// stong pa nyid rnams dbyer med pas// dro ba de dag mi dmigs pas// rtse mor gyur pa dag tu 'dod// de la rtags la sogs tshul gyis// gnas pa bkag pas bzod pa rnams// sa bcu dag las brtsams nas ni// mi gnas rgyas par bstan pa yis// chos kyi mchog tu 'gyur bshad de// ci'i phyir zhe na sangs rgyas kyis// mkhyen nas chos rnams ma gzugs phyir zhes pa ste/ gzugs la sogs pa phung po do de'i stong pa nyid dang / gzugs la sogs pa'i stong pa rnams dbyer med pa dag drod du 'dod do// de rnams zhes pa ni gzugs la sogs pa mi dmigs pas rtse mor gyur pa'o// de la zhes pa ni gzugs la sogs pa la rtag pa dang mi rtag par gnas pa bkag pa ni bzod par bzhed do// sa bcu zhes pa ni rab tu dga' ba la sogs pa'i sa bcu dang por byas nas chos thams cad
- 252b
ladrug gi tshogs rgyas par myi gnas par bstan pa ste/ gzung ba dang 'dzin par brtags pa'i tshul gyis thams cad khas thang du med par ston pa'o// 'on chos thams cad brtags pa'i tshul du mi gnas pa dang / so sor rig pa'i bdag nyid gsal ba tsam gyi tshul lo// zhes pa 'di ji ltar shes snyam pa la gsungs pa/ ci'i phyir zhe na sangs rgyas kyis shes pa ste/ bcom ldan 'das kyis btags pa'i phung po dang khams dang skye mched kyi chos rnams yang dag par ma gzigs pa nyid yin gyi/ yang gsal ba'i bdag nyid tsam gyi gzigs pa ma yin te/ sangs rgyas bcom ldan 'das dbang por byas pa med par thal ba'i phyir ro// kun rdzob tu sangs rgyas bcom ldan 'das med pa ma yin no zhe na/ gzhan bems po las log pa tshogs pa gnyis su med pa de/ ma grub na kun rdzob kun bltos pa med pas ma grub par thal bar 'gyur ro// zhes pa ni chos mchog gi rtogs par gsungs so// 'phags pa nyan thos lam la ni zhes pa nyan thos kyi lam yang byang chub sems dpas rnam par bzhag par shes par bya ba'i don to// nyan thos kyi lam las rang sangs rgyas kyi lam khyad par du 'phags par bstan par 'dod nas nyan thos kyi sangs rgyas las rang sangs rgyas kyi sangs rgyas nyid khyad par du gsungs pa/ rang 'byung bdag nyid rtogs pa'i phyir// gzhan gyis bstan kyang mi dgos la// bse ru lta bu'i ye shes ni// zab pa nyid du mngon par brjod ces pa ste// nyan thos rnams ni gzhan las thos nas rnam par grol ba'o// rang sangs rgyas ni gzhan gyis bstan pa la mi bltos pa nyid de/ sngon goms par byas pa'i
- 253a
stobs kyis grol bar 'gyur ro// de bas na de rnams la gzhan gyi bstan mi dgos zhes pa ni khyad par 'phags pa gcig go/ nyan thos ni tshig gi sgo nas gzhan rnams la chos rnams go bar byed pa'o// rang sangs rgyas na tshig med par smon lam gyi stobs kyis ye shes kyi nus pas gzhan rnams la chos kyi go ba ston par byed do zhes pa ste/ ye shes zab pa 'dis ni khyad par 'phags pa gnyis pa'o// tshig med par chos rnams bstan par ji ltar nus shes dogs pa la gsungs pa/ gang gang don ni gang gang la// ji lta ji ltar nyan de dang // de la sgra med kyang don de// de ni de lta de ltar snang zhes pa ste// tshigs bcad 'di'i don ni go sla'o// rang sangs rgyas kyi bye brag rnams mngon par bstan nas/ de'i lam gyi bye brag kyang gsungs pa// gzung ba'i rtogs pa nyams phyir dang // 'dzin pa ma spangs phyir dang ni// rten gyi bse ru lta bu'i lam// yang dag bsdus par shes par bya zhes pa ste/ gzung ba'i don gyi rtog pa dang / 'dzin pa'i don gyi rtog pa rim pa ji lta ba bzhin du spangs pa dang / ma spangs pa dang / rang sangs rgyas kyi theg pas yang dag par bsdus pa'i rten pa'i chos kyi rten du gyur pa dang / ji ltar gsungs pa'i bden pa bzhi'i bdag nyid rnams ni rang sangs rgyas/ kyi lam mo// de yang byang chub sems dpas stong pa nyid kyi rnam par dag par bya bar rtogs par bya'o// rang sangs rgyas kyi lam gyi nges par 'byed pa'i cha dang mthun pa ji lta ba yin pa de byang chub sems dpas rtogs par bya ba de lta bu gsungs pa/ btags pa'i chos nyid mi 'gal bar// ston pa'i rnam pa dro gyur pa// rtse mor gyur pa gzugs la sogs// 'grib pa med la sogs pas
- 253b
phye// nang stong nyid la sogs pa yis// gzugs sogs mi 'dzin phyir bzod pa// gzugs sogs skye ba med sogs kyi// rnam pa can ni chos kyi mchog ces pa ste/ gzugs la sogs pa'i phung po btags pa'i yod pa kun rdzob kyi gnas skabs de'i mi 'gal ba ni gzugs la sogs pa'i phung po'i chos nyid gsungs pa ste/ gzugs bstan pa las de'i rnam pa ni drod kyi rtogs pa'o// btags pa'i yod pa gnyis kyi gzugs la sogs pa'i phung po rnams 'phel ba med cing 'bri ba med pa zhes pa rtse mor gyur pa'i rtogs pa'o// ji skad gsungs pa'i stong pa nyid nyi shu po rnams kyi gzugs la sogs pa'i phung po rnams khas mi len pa ni bzod pa'i rtogs pa'o// gzugs la sogs pa'i phung po rnams so sor ma skyes shing mi 'gag pa'i tshul ni chos kyi mchog gi rtogs pa'o// 'di nas bzung ste byang chub sems dpa'i lam brjod par bya ste/ de la re zhig mthong ba'i lam gsungs pa// bden dang bden la bzod pa dang // shes pa'i skad cig rnam bzhi yis// lam shes nyid/ la mthong ba'i lam// phan yon bcas pa 'di bshad do zhes pa ste/ bden pa so so la skad cig ma bzhi bzhi ste/ sdug bsngal la chos shes pa'i bzod pa dang / sdug bsngal la chos shes pa dang // sdug bsngal la rjes su shes pa'i bzod pa dang / sdug bsngal la rjes su shes pa ste/ de ltar kun 'byung gi bden pa dang / 'gog pa'i bden pa dang / lam gyi bden pa rnams la yang ste/ byang chub sems dpa'i lam shes la skad cig ma 'di rnams kyis mthong lam 'di brjod pa'o// phan yon bcas pa 'di zhes pa ni mdo rnams las phan yon rgyas par gsungs pa de 'dir mdor bsdus nas brjod/
- 254a
ces pa'i don to// tshigs su bcad pa lngas sdug bsngal la chos shes pa la sogs pa'i skad cig ma bcu drug po 'di rnams kyi rang bzhin bstan pa'i phyir gsungs pa/ de bzhin nyid dang sangs rgyas dag/ phan tshun rten pa rten med phyir// rnam grangs khas mi len pa dang // chen po tshad med nyid dang bcas// dpag med mtha' nyid med pa dang // der gnas gzugs la sogs pa la// sangs rgyas nyid du nges 'dzin dang // blang med dor ba med sogs dang // byams la sogs dang stong nyid dang // sangs rgyas nyid ni thob pa dang // rnam par byang kun yongs bsdus dang // nyam nga ba dang nad kun sel// mya ngan 'das 'dzin zhi nyid dang // sangs rgyas rnams kyis bsrung la sogs// srog mi gcod pa la sogs pa// rnam pa kun mkhyen tshul la ni// bdag nyid gnas te sems can dag 'god dang sbyin pa la sogs pa// rdzogs pa'i byang chub tu bsngo ba// lam shes nyid kyi skad cig ma zhes pa ste/ de bzhin nyid dang sangs rgyas dag/ phan tshun rten dang rten med phyir// rnam grangs khas mi len pa dang // zhes pa la sogs pa la/ gzugs la sogs pa'i stong pa nyid dang sangs rgyas dag rten dang rten pa med pas de'i bdag nyid de/ de bas na rnam grangs kyi dbye ba khas mi len pa ni sdug bsngal la chos shes pa'i bzod pa'o// chen po tshad med nyid dang bcas zhes pa ni tshad med pa dang bcas pa des 'jug ces pas tshad med bcas te chen po dang tshad med pa zhes ba'i don to// gzugs la sogs pa thams cad du yul dang dus kyi dngos po med par yongs su mchad pas chen po zhes pa ste/ sdug bsngal la chos shes pa'o// gzugs la sogs pa tshad 'an
- 254b
dag tsacam pa zhes yongs su bcad pas tshad gzung du med pas chud bdu bzhes paste/ sdug bsngal la rjes su shes pa'i bzad pa'o// dpag med mtha' nyid med pa dang zhes bya la mtha' nyid ni mtha' ste/ dpag pa dang mtha' dag med pa zhes dpag med ces pa'i don to// gzugs la sogs pa rnams bgrang bas yongs su bcad du med pas na dpag med ces pa ste/ sdug bsngal la rjes su shes pa'o// gzugs la sogs pa rnams kyi mtha' med pas na mtha' med ces pa ste/ kun 'byung la chos shes pa'i bzod pa'o// gzugs la sogs pa zhes pa'i tshig ni thams cad du tshig rkang la sbyar bar bya'o// der gnas sangs rgyas nyid ces pa ni de la gzugs la sogs pa'i de bzhin nyid 'di la gnas pa rten la ste/ sangs rgyas nyid du blta bar bya zhes pa ni kun 'byung la chos shes pa'o// blang med dor ba med sogs dang zhes pa la/ gzugs la sogs pa blang bar mi bya zhing dor bar mi bya'o// sogs pa'i sgras so so bdag nyid rig pa nyid kyi gzugs la sogs pa rnams ji lta ba bzhin du rtogs pa ni kun 'byung la rjes su shes pa'i bzod pa'o// byams la sogs zhes pa ni byams pa dang snying rje dang dga' ba dang btang snyoms te kun 'byung la rjes su shes pa'o// stong nyid thob pa zhes pa ni stong pa nyid nyi shu po rnams mthong ba ste/ 'gog pa la chos shes pa'i bzod pa'o// sangs rgyas nyid du nges 'dzin dang zhes pa ni sangs rgyas med pa'i zhing khams rnams su sems can gyi don byed pa'i sangs rgyas kyi skur ston pa ni 'gog pa la chos shes pa'o// rnam par byad kun shes pa la 'dir yang nges 'dzin zhes pa gong ma'i skabs
- 255a
dang sbyar ba ste/ 'gog pa la rjes su shes pa'i bzod pa'o// nyam nga ba dang nad kun sel zhes pa la nyam nga ba ni sems kyi sdug bsngal lo// nad ni lus kyi sdug bsngal te de ngag sel ba ni kun tu gsal ba zhes pa ste/ 'gog pa la rjes su shes pa'o// mya ngan 'das 'dzin zhi nyid dang zhes pa ni lam la chos shes pa'i bzod pa'o// sangs rgyas rnams kyi srung la sogs zhes pa ni shes rab kyi pha rol tu phyin pa 'di bzhugs pa'i gnas dag sangs rgyas bcom ldan 'das kyi gnas skabs thams cad du shin du srung bar 'gyur ro// sogs pa'i sgras ni dge ba rnams 'phel bar byed pa skye lam la chos shes pa'o// srog mi gcod pa la sogs pa// rnam pa kun mkhyen tshul la ni// bdag nyid gnas te sems can dag/ 'god dang zhes pa la srog gcod pa las slar log pa dang por byas nas ji srid rnam pa thams cad mkhyen pa'i bar la bdag nyid gnas nas gzhan dag kyang de rnams nyid la 'god par byed pa zhes pa ni lam la rjes su shes pa'i bzod pa'o// sbyin pa la sogs pa rdzogs pa'i byang chub du bsngo ba ces pa ni lam la rjes su shes pa ste/ skad cig ma bcu drug gi bdag nyid kyi byang chub sems dpa'i mthong ba'i lam bshad do// // sgom pa'i lam brjod par bya ba la/ de'i byed pa rnam pa drug mdo las dang por gsungs pa 'dis na de la re zhig byed pa nyid gsungs pa/ kun nas zhi dang thams cad la/ 'dud dang nyon mongs las rgyal dang // gnod pas rdzib med nyid dang // byang chub dang ni rten mchod nyid ces pa la/ kun nabazhi zhes pa ni rnam pa rnams kyi rang gi sems 'dul bar byed pa nyid
- 255b
kyis ni zhi ba'o// 'dud ces pa ni dge ba'i bshes gnyen la sogs pa la phyag byed pa'o// nyon mongs las rgyal zhes pa ni 'dod chags dang zhe sdang dang gti mug la sogs pa rnams rnam par bcom pa'o// gnod pas rdzib med nyid dang zhes pa gzhan dag gis gnod pa byas pa yul du mi byed pas dug med par gyur pa'o// byang chub ces pa yang dag par rdzogs pa'i byang chub tu rdzogs pa'o// rten mchod ces pa ni shes rab kyi pha rol tu phyin pa la klog pa la sogs pa'i gnas de rnams su lha dang lha ma yin dang mi rnams kyis mchod par 'gyur ba ste/ rnam pa drug po 'di rnams ni sgom pa'i lam gyi byed pa 'am las so// dade ni sgom pa'i lam gyi dbye ba brjod par bya ste/ de yang zag pa dang bcas pa dang / zag pa med pa'i chos kyi dbye bas rnam pa gnyis so// de la zag pa dang bcas pa ni mos pa dang bsngo ba dang rjes su yi rang ba zhes bya ba'i sgom pa'i lam mo// de rnams la mos pa yid la byed pa zhes bya ba sgom pa'i lam gsungs pa/ mos pa rang gi don dang ni// rang gzhan don dang gzhan don dang // rnam gsum shes bya de yang ni// chung dang 'bring dang chen po ste// so sor rnam pa gsum du 'dod// chung ngu'i chung sogs dbye ba yis de yang rnam gsum de ltar na// rnam pa nyi shu bdun du 'dod ces pa ste/ 'dir gzhung gi bdag nyid kyi shes rab kyi pha rol tu phyin pa 'di la ches lhag par yang dag par yid ches pa ni mos pa ste/ de yang rnam pa gsum du shes par bya'o// rang gi don rnam pa gsum du shes par bya zhes pa la/ chung ngu dang 'bring dang chen po ste zhes pas so// chung ngu'i chung ngu la sogs pa'i dbye bas de
- 256a
rnams kyang so sor rnam pa gsum gsum du 'gyur ro// de ltar rnam pa nyi shu bdun du 'dod ces pa ni rnam pa 'di'i tshul gyis rab tu dbye ba'o// de la rang gi don gyis mos pa rnams ni// 'di lta ste chung ngu'i chung ngu dang / chung ngu'i 'bring po dang / chung ngu'i chen po dang / 'bring gi chung ngu dang / 'bring gi 'bring po dang / 'bring gi chen po dang / chen po'i chung ngu dang / chen po'i 'bring po dang / chen po'i chen po'o// de ltar rang gzhan nyid kyi mos pa dang / gzhan gyi mos pa dag kyang rig par bya ste/ mos pa'i dbye ba nyi shu rtsa bdun no// ji lta ba bzhin du gsungs pa'i mos pa bsgom pa'i byang chub sems dpa' spro bar bya ba'i dbang du mos pa la 'di ltar sangs rgyas la sogs pas bstod pa la sogs par byed de/ de bstan pa'i phyir bstod pa dang bkur ba dang bsngags pa rnams gsung/ pa/ shes rab pha rol phyin pa la// mos pa'i gnas skabs rnams la ni// dgu tshan gsum gyis bstod pa dang // bkur ba dang ni bsngags par 'dod ces pa ste/ ji ltar shes rab kyi pha rol du phyin pa la byang chub sems dpa' gang zhig mos pa de'i mos pa rnams chung ngu dang 'bring dang chen po'i dbye bas dgu tshan gsum gyi nyi shu rtsa bdun gyi rnam pa ji ltar phye ba de ltar bstod pa dag kyang shes par bya ste/ de la bstod pa ni bstod pa tsam mo// bkur ba ni 'bring du bstod pa'o// bsngags pa ni cher bstod pa'o// bsngo ba yid la byed pa zhes bya ba'i sgom pa'i lam gsungs pa/ yongs su bsngo bar khyad par can// de yi byed pa mchog yin no// de ni dmigs med rnam pa can// phyin ci ma log mtshan nyid do// dben dang sangs rgyas bsod nams tshogs// rang bzhin dran pa'i
- 256b
spyod yul can// thabs mkhas mtshan ma med pa dang // sangs rgyas rjes su yi rang dang // khams gsum gtogs pa ma yin dang // chung dang 'bring dang chen po yi// bsngo ba gzhan ni rnam gsum te// bsod nams che 'byung bdag nyid do zhes pa ste/ nyan thos la sogs pa'i bsod nams kyi phung po las byang chub sems dpa'i bsod nams kyi phung po yongs su bsngo ba 'dis khyad par du byed pas khyad par can te/ des yongs su bsngo ba ni khyad par can gyi yongs su bsngo ba'o// de'i khyad par 'di gang gi zhes pa la gsungs pa/ de ni zhes pa ste/ byang chub sems dpa'i 'o// byed pa mchog ni sems can thams cad lathun mong du byas te yang dag par rdzogs pa'i byang chub du bsod nams yongs su bsngo ba'i mtshan nyid dade/ bya ba'i khyad par gyis khyad par du yongs su bsngo ba'o// de na dmigs med rnam pa can zhes pa ni/ bsod nams gang zhig yongs su bsngo ba dang / byang chub gang zhig tu dang / sems gang gis dang / bsngo ba gang gis dang bsngo bar byed pa la sogs pa de rnams thams cad ji lta ba bzhin gyi mtshan nyid du med pas mi dmigs par yongs su bsngo'o// phyin ci ma log mtshan nyid do zhes pa la/ ji bzhin pa'i don rtogs pa ni phyin ci ma log pa ste/ des yongs su bsngo ba ni phyin ci ma log pas yongs su bsngo ba'o// dben dang zhes pa ni 'du shes thams cad las rnam par grol ba'i sems kyis yongs su bsngo ba ni dben dang yongs su bsngo ba'o// sangs rgyas bsod nams tshogs/ rang bzhin dran pa'i spyod yul can zhes pa la/ sangs rgyas la sogs pa rnams kyi bsod nams kyi cho gas de'i rang bzhin ni mi rtag pa la sogs pa'o// de dran pa'i spyod yul du gang
- 257a
gis yongs su bsngo ba de ni sangs rgyas bsod nams tshogs kyi rang bzhin dran pa'i spyod yul du yongs su bsngo ba'o// thabs bcas shes pa ni kun rdzob dang don dam pa'i bden pa las ma 'das pas yongs su bsngo ba ni thabs dang bcas pas yongs su bsngo ba'o// mtshan ma med ces po ni mtshan mar mi rtogs pas yongs su bsngo ba ni mtshan ma med pa yongs su bsngo ba'o// sangs rgyas rjes su yi rang dang zhes pa ni sangs rgyas thams cad kyis rjes su gnang nas yongs su bsngo ba'o// khams gsum gtogs pa ma yin dang zhes pa la/ srid pa'i dngos po la ma chags pas yongs su bsngo ba ni khams gsum gtogs pa ma yin pas yongs su bsngo ba'o// bsngo ba gzhan na rnam gsum po zhes pa la sogs pa ni gzhan yongs su bsngo ba'o// bsod nam che 'byung bdag nyid do zhes pa yongs su ma gos pa ste/ de yang chung ngu dang / 'bring dang chen po'i dbye bas rnam pa gsum mo// mtshan ma med pa'i rnal 'byor gyis yongs su bsngo ba ni chung ngu'o// / mi dmigs pa'i rnal 'byor gyis yongs su bsngo ba ni 'bring ngo // gzhan ma yin pa'i de nyid kyis rnal 'byor gyi yongs su bsngo ba ni chen po ste/ yongs su bsngo ba'i dbye ba rnam pa bcu gnyis su bshad do// rjes su yi rang ba yid la byed pa gsungs pa/ thabs dang mi dmigs pa dag gis// dge ba'i rtsa la yi rang ba// rjes su yi rang yid byed pa// bsgom pa yin par 'dir brjod do zhes pa ste/ thabs kyis kun rdzob tu bsod nams kyi tshogs la dmigs par bya zhing mi dmigs par gzung ba dang 'dzin pa dag mi dmigs par rnam par dag par byas te/ de bzhin gshegs pa thams
- 257b
cad la sogs pa'i bsod nams kyi tshogs la rjes su yi rang ba ni rjes su yi rang ba yid la byed pa'o// mos pa yid la byed pa dang / yongs su bsngo ba yid la byed pa dang / rjes su yi rang ba byed pa'i bdag nyid rnam pa gsum ni zag pa dang bcas pa'i sgom pa'i lam mo// da ni zag pa med pa'i sgom pa'i lam brjod par bya ste/ de yang rnam pa gnyis te/ mngon du gyur pa dang / shin tu dag pa'o// de la mngon du gsungs pa/ de yi ngo bo nyid mchog nyid// kun la mngon du mi byed dang // chos rnams dmigs par ni// gtod par byed pa don chen nyid ces pa ste/ ngo bo zhes pa ni gzugs la sogs pa'i chos rnams phyin ci ma log pa'i de kho na nyid du ston pa ni skam pa'i lam gyi rang bzhin no// mchog ces pa ni sgom pa'i lam ma gtogs par sangs rgyas thob par mi 'gyur zhes pa 'dis na mchog go/ kun la mngon du mi byed ces pa ni sgom pa'i lam gyi bye brag rtogs pas rab tu sbyong ba yang de kho na nyid la te/ gzugs kyi phung po la sogs pa'i chos thams cad ma skyes pa'o// chos rnams dmigs pa med pa ni zhes pa la mi dmigs par rnam par dag par byas te/ kun rdzob tu rnal 'byor pas sangs rgyas thams cad kyi chos rnams bskyed par bya'o// don chen zhes pa la chen po ni sangs rgyas nyid kyi don te/ 'dis na don chen ni sgom pa'i lam te/ de'i sgom pa ni mngon du gyur pa mtshan gyi sgom pa'i lam mo// sgom pa'i lam la sogs pa sangs rgyas kyi chos mtha' dag khas len pa'i zla ba ni mos pa'o// mos pa de nyid gang gi rgyu mtshan nyid kyis shes pa la gsungs pa/ sangs rgyas rten dang sbyin sogs dang // thabs la mkhas pa gang yin dang // 'di la mos pa'i rgyu dag yin// chos kyis phongs pa'i rgyu dag ni//
- 258a
bdud kyi thibs kyi non pa dang // zab mo'i chos la mdzes dang // phung po la sogs mngon rten dang // sdig pa'i grogs pos zin pa'o zhes pa ste/ de bzhin gshegs pa thams cad bsten cing bkur ba dang / sbyin pa la sogs pa pha rol tu phyin pa bcu la goms par bya ba dang / thabs ni sangs rgyas nyid 'grub pa'i rgyu rkyen te/ de la mkhas pa na sangs rgyas kyi chos la mos pa'i rgyu dag yin no// bdud kyi thibs kyis non cing 'tshe ba dang / zab mo'i chos la mi mos pa dang / phung po dang khams dang skye mched la mngon par zhen pa dang / sdig pa'i grogs pos zin pa zhes pa ni chos kyi phongs pa'i chu yin no// rnam par dag pa'i mtshan nyid kyi sgrol ba'i lam gsungs pa/ 'bras bu dag pa gzugs la sogs// dag pa nyid de gang gi phyir// de gnyis tha dad ma yin zhing // gcad du/ sogs pa dag pa nyid do// gzugs la sogs pa'i phung po zag pa dang bcas pa gang zhig dag pa ni de nyid de'i phyir 'bras bu dag pa dang gzugs dag pa la sogs pa dag pa de gnyis dbyer med bcad du med pa'i phyir tha dad pa pa yin zhes pa ni 'bras bu dang / gzugs la sogs pa gnyis ka rnam par dag pas na tha dad du ma grub pa'o// bcad du med ces pa ni 'bras bu dag pa dang / ga la sogs pa dag pa gnyis su med pa'i rang bzhin zhes pa'i don to// thun mong gi rnam par dag pa'i mtshan nyid bstan nas bye brag rnams gsungs pa/ nyon mongs shes tha lam gsum gyi/
- 258b
thams phyir slob ma bser dang // rgyal sras rnams kyi dag pa ste// sangs tes rngam pan shid du ces pa ste/ 'dod chags pa'i nyen phongs pa rnams spang ba las nyan thos kyi rnam par dag pa'o// shes bya'i sgrib pa'i phyogs gzung ba'i rnam par rtog pa spangs pa las rang sangs rgyas kyi rnam par dag pa'o// theg pa gsum thob par byed pa la sgrib pa spangs pa las byang chub sems dpa'i rnam par dag pa'o// rnam pa thams cad kyis chos thams cad la nyon mongs pa dang shes bu'i sgrib pa bag chabs dang bcas pa spangs pa las shin du ste sangs rgyas bcom ldan 'das kyi rngam par dag pa'o// sa dag ni 'dod pa'i khams dang / gzugs kyi khams dang / gzugs med pa'i khams kyi rnams par 'jug pa brgyad de/ de rnams rnam par dag pa ni bsgrub par bya'o// dbas nas dgul bcom pa'i lam rnam pa dgung bstan par bya ste/ sa dgu la ni chen po yi// chen po la sogs dri ma yi// gnyen po'i phyogs chung ngu yi// chung ngul sogs lam yir na zhes pa ste dag par byed pas na dag pa'o// chen po'i chen po la sogs pa mi mthun pa'i phyogs rnam pa dgra'i gnyen po'i phyogs nyid ni chung ngu'i chung ngu la sogs pa'i lam gyi rim pa ji lta ba bzhi rnam pa dgu'o// sangs rgyas kyi dag pa ste ji ltar shin du zhes pa la gsungs pa/ klan ka de ni spangs pa yis// lam ni 'jal dang gzhal bya dag/ mnyam pa nyid kyi/ dmas gsum bya/ gnyen pa nyid du 'dod pa yin zhes pa ste/ 'jal byed dang gzhal bya mnyam pa nyid ces pa la 'jal byed ni 'dzin pa'o// gzhal bya ni gzung ba ste/ de dag gi mnyam pa nyid ni gcig du yang med
- 259a
cing gnyis su yang med pas ma grub pa nyid kyi phyir mnyam pa'o// de dag nyid khams gsum pa'i gnyen po'i phyogs nyid kyis te/ ji skad gsungs pa'i shin du ba'i sgom pa'i lam zhes pas shin tu dag pa'i sangs rgyas bcom ldan 'das so// klan ka de ni spangs pa yis zhes pa ni chung ngu'i chung ngu la sogs pa gnyen po'i phyogs kyi chung ngu'i chung ngu la sogs pa'i mi mthun pa'i phyogs nyid la'o zhes pa ni mi rigs te/ gnyen po'i phyogs chen po'i chen po la sogs pas mi mthun pa'i phyogs chung ngu'i chung ngu la sogs pa spong ba ni rigs te/ dper na gos la zhen pa'i dri ma phra mo dag bkru ba ni khrus mkhan gyi brtson pa chen po spang bar nus so// de bas na ji ltar gsungs pa'i rim par rtogs par bya'o// mngon par rtogs pa'i rgyan gyi 'grel pa grags pa'i cha zhes bya ba las skabs gnyis pa'i 'grol ba'o// // da ni nyan thos la sogs pa'i gang zhig thams cad shes pa de'i sde snod las bshad pa bden pa bzhi la rnam pa bcu drug gi bdag nyid la sogs pa ji lta ba bzhin du 'dir byang chub sems dpa'i lam la rtogs par bya'o// de lta bas na rtogs pa'i phyir gsungs pa/ tshu rol pha rol mtha' la min// de dag bar na mi gnas pa/ dus rnams mnyam pa nyid shes phyir// shes rab pha rol phyin par 'dod ces bya ste/ shes rab kyi pha rol tu phyin pa ni 'dir thams cad shes pa'o// 'di la nyan thos kyi dus rnams mnyam pa nyid yongs su shes pa med pas na 'khor ba dang mya ngan las 'das pa dang dbus su yang khas mi len te/ byang chub sems dpas 'di lta bur khas blang bar mi bya zhes rtogs pa bya ste/ de ni shes
- 259b
rab kyi pha rol tu phyin pa'o// tshu rol min zhes pa ni 'khor ba la'o// pha rol min zhes pa ni mya ngan las 'das pa'o// de dag bar na mi gnas zhes pa ni sangs rgyas dang byang chub sems dpa' rnams so// 'dod pa ni yang dag par 'dod pa'o// gang zhes pa la gsungs pa/ dus rnams mnyam pa nyid shes phyir zhes pa ste/ dus gsum po rnams kyi dngos po kun rang gsal ba'i bdag nyid gzung ba dang 'dzin pas stong pa de nyid mnyam pa nyid de dag dngos su mngon du byas pas 'khor ba la rab du mi gnas pa dang mya ngan las 'das pa la rab tu mi gnas zhes bshad do// 'o na stong pa nyid ni thams cad du yod pa nyid de rtogs pa'i shes rab kyi pha rol du phyin pa yang thams cad du yod pa yin na/ de dag nyan thos rnams kyi ci ste mi rtogs/ byang chub sems dpa' kho nas ci ste rtogs zhes sems pa la gsungs pa/ de ni mtshan mar dmigs sgo nas// thabs ma yin pas ring ba ste// de ni thabs la mkhas pa yis// yang dag nye ba nyid du bshad ces pa ste/ de ni mtshan mar dmigs sgo nas zhes pa ni phung po la sogs pa gzung ba dang 'dzin pa dag tu yongs su 'dzin pa ste/ de yang mtshan mar 'dzin pas so// gzung ba dang 'dzin par dmigs pas thabs ma yin no// thabs ma yin pa des na nyan thos kyi shes rab kyi pha rol tu phyin pa ring ba ste/ mi rtag pa la sogs pa bzhin du mngon sum du byas kyang nges pa ma skyes pa'o// sangs rgyas la sogs pa rnams ni thabs la mkhas pas gzung ba dang 'dzin pa bkag pa'o// mtshan nyid kyi stong pa nyid mngon sum du byed pa'i bdag nyid kyi shes rab kyi pha
- 260a
rol tu byin pa'i ku nye bar brjod du// 'dis nin pa dang drang bdag bshad do// nyan thos la sogs pa rnams kyis gzung ba dang 'dzin pa la sogs pa'i byung ba rnams pa bdag sa byin gyis brlabs par gas pa ni mi mthun pa'i phyogs sa// de dag snang pa nyid dngas par byas pa'idagatan pa'i thugs sa// dus gsum gyi dang bzhin gcig d+hA shes pa nom mthun pa'i phyugs so/ 'di ni 'das pa'o// 'di ni ma 'ongs pa'o// 'di ni da ltar ro zhes dbye ba nges par shes pa ni gnyen po'i phyogs so// ser sna la sogs pa mi mthun pa'i phyogs so// sbyin pa la sogs pa la chags pa dang / byang chub kyi phyogs rnams la chags pa ni gnyen po'i phyogs so// 'di dag kyang byang chub sems dpa'i mi mthun pa'i phyogs yin no zhes bstan pa'i phyir gsungs pa/ gzugs sogs phung po stong nyid dang // dus gsum rtogs pa'i chos rnams dang // sbyin sogs byang chub phyogs rnams la// smod pa'i 'du shes mi mthun phyogs shes pa'o// byang chub sems dpa' de rnams kyi gnyen po'i phyogs gang yin zhes sems pa gsungs pa/ sbyin la sogs la ngar 'dzin med// gzhan dag dol sbyor byed pa// de ni chags pa'i mtha' 'gog pas// rgyal la sogs pa chags pa phra zhes pa ste/ sbyin pa la sogs pa la rang nyid kyang kun tu spyod pa dang / gzhan dag kyang de la 'god par byed pa dang / bdag dang bdag gi med par rtogs pas ngar 'dzin med pa na chags/ pa med pa la rab tu zhugs pa'i byang chub sems dpa'i gnyen po'i phyogs so// 'di zhes pa 'am 'di nyid ces pa'i chags pa med pa la zhugs pa'i mtshan nyid ni nga rgyal med pa'o// chags pa'i
- 260b
mtha' 'gog pa ni chags pa'i tshogs rnams la zad par byed cing 'gog par byed pas na 'gog pa'o// gal te byang chub sems dpas chags pa med pa kho na la 'jug par byed na de lta na ni de bzhin gshegs pa la sogs pa rnams la mchod pa bya ba dang / gus pa bya ba dang / phyag bya ba dang / sbyin pa la sogs pa yang mngon par chags pa yin pas/ mi mthun pa'i phyogs su thal bar 'gyur ro zhes sems na bden te/ bla na med pa'i tshogs kyi rgyar chags pa phra mo 'di yang mi mthun pa'i phyogs nyid do zhes pa 'di la skrag par mi bya'o// chags pa phra mo 'di mi mthun pa'i phyogs nyid yin pa de ji ltar zhes pa la gsungs pa/ chos kyi lam ni rang bzhin gyis// dben pa'i phyir na de zab ces pa ste/ de ni shes rab kyi pha rol du phyin pa'o// zab pa gzung ba dang 'dzin pas stong pa'i yul te/ ngo bo nyid kyis so// chos kyi lam ni rtags pa'i tshogs te bden pa med pa'o// des na shes rab kyi pha rol tu phyin pa der chags pa thams cad dang bral bas na chags pa phra mo yang mi mthun pa'i phyogs nyid do// de la chags pa phra mo rnams ji ltar spong zhes sems pa la gsungs pa/ chos rnams rang bzhin gcig par ni// shes pas chags pa spong ba nyid ces pa ste/ shes rab kyi pha rol tu phyin pa 'di ji ltar rtogs par dka' zhes pa la gsungs pa/ mthong ba la sogs bkag pa yis// de ni rtogs par dka' bas bshad ces pa ste/ mthong ba ni mthong bya 'am mthong byed do// sogs pa'i sgras byed pa po la sogs pa gzung ngo // de bkag pas shes rab kyi pha rol tu phyin pa stong pa nyid gsal ba'i bdag nyid de ni rtogs par
- 261a
dka' bar brjod do// des na rtogs par dka' ba'i phyir bcom ldan 'das ma ni shin tu zab bo// yang shes rab kyi pha rol tu phyin pa 'di gzung ba dang / 'dzin pa la sogs pa'i dngos por bsam gyis mi khyab pa de ji ltar zhes pa la gsungs pa/ gzugs la sogs par mi shes phyir// de ni bsam gyis mi khyab par 'dod ces pa ste/ gzugs la sogs par zhes pa ni gzugs kyi phung po la sogs pa ni gzung ste/ sangs rgyas kyi chos ma 'dres pa'i mthar thug pa de'i bdag nyid du 'dus te/ gzung ba dang 'dzin pa'i dngos po dang bcas par shes rab kyi pha rol du phyin pa 'di bsam gyis mi khyab par 'dod de/ de lta bas na gzung ba la sogs pa'i dngos po shes rab kyi pha rol tu phyin pa la rtogs pa ni byang chub sems dpa'i mi mthun pa'i phyogs so// mi mthun pa'i phyogs dang gnyen po'i phyogs dag gis nye bar bsdu ba gsungs pa/ de ltar kun shes nyid lugs la// mi mthun phyogs dang gnyen po dag/ rnam par dbye ba ma lus pa/ ji skad bshad pa 'di shes bya zhes pa ste/ thams cad ces pa'i dbang dbyis pa'i nyan thos dang byang chub sems dpa' dag gi dzi sa dag sangs pa'i rim pas mi mthun pa'i phyogs dang gnyen pa'i phyogs kyi dbye ba shes par bya'o// ji ltar thams cad ces pa la gnas pa'i nyan thos kyi rab tu sbyor ba de la byang chub sems dpa' ni kun du spyad par mi bya ste/ de nyid bstan pa'i phyir gsungs pa/ gzugs sogs de mi rtag sogs dang // / de ma rdzogs dang rab rdzogs dang // de la chags pa med nyid la// sbyor ba bkag pas spyod pa ni// mi 'gyur byed po med nyid dang // sbyor ba bkag pa rnam gsum dang // skal pa ji bzhin 'bras thob pas// /
- 261b
de ni 'bras bu yod 'dod dang // gzhan la rag las min gang dang // shes byed rnam bdun snang ba la zhes pa ste/ gzugs sogs zhes pa ni gzugs dang tshor ba la sogs pa nas rnam pa thams cad mkhyen pa'i mthar thug pa'o// de mi rtag sogs zhes pa ni gzugs la sogs pa de rtag pa dang mi rtag pa la sogs par dbye ba'o// de ma rdzogs dang rab rdzogs dang zhes pa la gzugs la sogs pa ma rdzogs pa dang rab tu rdzogs pa nyid kyis so// de la chags pa med nyid la zhes pa ni gzugs la sogs pa la ma zhen pa nyid kyis te/ de la gsungs pa'i yul rnam pa bzhi dang 'chad par 'gyur ba rnam pa bzhi ste de ltar na rnam pa brgyad la'o// sbyor ba bkag pas spyod pa ni zhes pa la spyod pa ni nyams su blang ba'o// sbyor ba ni rtog pa'o// de'i dgag pa ni de dag spong ba ste/ rnam par rtog pa med pa nyid ni byang chub sems dpa'i rab tu sbyor ba'o// de'i shugs kyis na nyan thos la sogs pa'i rnam par rtog pa dang bcas pa nyid ni rab tu sbyor ba ste/ de'i sde snod du shes par bya'o// ma 'gyur zhes pa ni gzugs la sogs pa 'gyur bar sgro 'dogs par mi byed pa'o// byed pa med nyid ces pa ni gzugs la sogs pa nam yang byed pa por rtog par mi byed pa'o// sbyor ba dka' ba rnam gsum dang zhes pa ni sangs rgyas kyi chos rnams rtogs par bya ba'i chu'i dka' spyod dang / 'jug pa'i dka' spyad dang / ston pa'i mtshan nyid kyi byed pa'i dka' spyod do// de'i 'bras bu yod 'dod dang zhes pa ni chos thams cad ston pa'i mtshan nyid kyi dka' ba spyod pa ni 'bras bu med pa ma yin no// de bas na grol ba ji lta ba bzhin 'bras bu thob par byed pa'o// gzhan la rag las min gang dag zhes bya ba ni byang chub sems dpa' rang nyid kyi chos nyid rtogs pa ni gzhan la dag ma
- 262a
las pa ste/ gzhan las rtogs pa ma yin zhes pa 'dris so// shes byed rnam pa bdun zhes pa ni chos thams cad ni rmi lam dang / sgyu ma dang / smig rgya dang / gzugs brnyan dang / dri zla'i grong khyer dang / skra brnyan dang / sprul pa lta bur shes par byed pa nyid kyis te/ rdum bdun zhes bya ba ni byang chub sems dpa' rnams so// de la gzigs la sogs pa'i rab du sbyor ba dang / gzugs la sogs pa mi rtag pa la sogs pa'i rab tu sbyor ba dang / gzugs la sogs pa yongs su ma rdzogs pa'i rab tu sbyor ba dang / gzugs la sogs pa la chags pa med pa'i rab tu sbyor ba dang / gzugs la sogs pa mi 'gyur bar rab tu sbyor ba dang / chos thams cad ni byed pa po med pa'i rab tu sbyor ba dang / sangs rgyas thams cad kyi chos rnams thob par bya ba'i ched du go cha'i dka' spyod kyi rab tu sbyor ba dang / sangs rgyas kyi chos thams cad thob par bya ba'i ched du 'jug pa'i dka' spyod kyi rab tu sbyong ba dang / sems can thams cad la rnam pa thams cad kyi chos thams cad ston po'i bdag nyid kyi phrin/ las kyi don du 'dug pa nyid kyis na phrin las kyi dka' spyod kyi rab tu sbyor ba'o// nges par chos kyi 'khor lo rab tu bskor bar byed pa nyid kyis ni 'bras bu yod pa'i rab tu sbyor ba'o// rang nyid kyis yul thams cad yongs su shes pas gzhan la rag ma las pa'i rab tu sbyor ba dang / ji skad gsungs pa'i rnam pa bdun po'i rab tu sbyor ba zhes pa ste/ byang chub sems dpa'i chags pa med pa'i rab tu sbyor ba rnam pa bcu gnyis so// mnyam pa nyid kyi sgo nas rab tu sbyor ba sgom par bya zhes pas mnyam pa nyid gsungs/ gzugs la sogs la rlom med pa// rnam bzhi de yi mnyam pa nyid
- 262b
ces paste/ gzugs la sogs pa rnam pa bcu gnyis kyis rab tu sbyang ba zhes pa ste/ de'i rab tu skyong bas mnyam pa nyid ces par 'brel lo// gzugs la sogs pa la rnam par rtogs par mi byed pa dang / gzugs la sogs pa cung zad kyang rnam par rtogs par mi byed pa dang / gzugs la sogs pa la gzhan dang gzhan du rnam par mi 'byed pa dang / gzugs la sogs pa bdag gis rtogs zhes rnam par rtog par mi byed ces pa ste/ rlom med bzhi'i rab tu sbyor bas mnyam pa nyid do// rab tu sbyor ba dang / mnyam pa nyid brjod nas mthong ba'i lam shes par bya ba'i phyir mthong ba'i lam de nyid du gsungs pa/ sdug bsngal la sogs bden pa la// chos shes rjes su shes pa dang // bzod shes skad cig bdag nyid 'di// kun shes tshul la mthong ba'i lam zhes pa ste/ bden pa so so la chos shes pa'i bzod pa dang / chos shes pa dang // rjes su shes pa ste/ de ltar skad cig ma bcu drug gi bdag nyid ni thams cad shes pa'i dbang du byas pa'i mthong ba'i lam mo// skad cig ma bcu drug go rnams rim pa bzhin bstan pa'i phyir gsungs pa gzugs rtag ma yin mi rtag min// mtha' las 'das dang rnam dag dang // ma skyes ma 'gags la sogs dang // mkha' 'dra chags pa spangs pa dang // yongs su 'dzin las grol ba dang // ngo bo nyid kyi brjod med dang // gang phyir 'di don brjod pa yis// gzhan la sbyin du med pa dang // dmigs pa med par byed pa dang // shin tu rnam dag nad mi 'byung // ngan song cha dang 'bras bu ni// mngon du bya la mi rtog nyid// mtshan ma dag dang ma 'brel dang // dngos dang ming dang gnyis po la// shes pa skye ba med pa ni// kun shes nyid kyis skad cig ma zhes pa ste/ gzugs rtag ma yin mi rtag min zhes pa ni
- 263a
gzugs dang tshor ba la sogs pa nas rnam pa thams cad mkhyen pa'i mthar thug pa rnams rang bzhin gyis 'od gsal zhing brtags pa'i rang bzhin med pa nyid kyis rtag pa ma yin zhing mi rtag pa yang ma yin zhes pa ni sdug bsngal la chos shes pa'i bzod pa'o// mtha' las 'das dang zhes pa ni brtags pa nyid dang bral bas rtag pa dang chad pa'i mtha' gnyis las 'das shes pa sdug bsngal la chos shes pa'o// rnam dag dang zhes pa ni gzugs la sogs pa rang bzhin gyis yongs su dag pa zhes pa ni sdug bsngal la rjes su shes pa'i bzod pa'o// ma skyes ma 'gags la sogs dang / zhes pa ni gzugs la sogs pa nas rnam pa thams cad mkhyen pa'i mthar thug pa rnams ma skyes pa dang ma 'gags pa dang / kun nas nyon mangs pa med pa dang rnam par byung ba med pa ni sdug bsngal rjes su shes pa'o// mkha' 'dra zhes pa ni gzugs la sogs pa nas rnam pa thams cad mkhyen pa'i mthar thug pa rnams 'od gsal ba nyid kyis sgro btags pa'i spros pa thams cad las grol zhes pa kun 'byung la tshes shes pa'i bzod pa'o// chags pa spangs pa ni gzugs la sogs pa rnams rang bzhin gyis yongs su dag pa nyid kyis nam mkha' ltar gos pa med pa zhes pa kun 'byung la rjes su shes pa'o// yongs su 'dzin las grol ba zhes bya ba ni gzugs la sogs pa rnams nam mkha' ltar gzung ba dang 'dzin pa med pa zhes pa kun 'byung la rjes su shes pa'i bzod pa'o// ngo bo nyid kyis brjod med dang zhes pa ni gzugs la sogs pa rnams rang bzhin gyis rnam par rtog pa med par gsal bas brjod du med pa ste/ brjod bya dang rjod byed du med pa zhes pa kun 'byung la rjes su shes
- 263b
pa'o// brjod pa yis shes pa dang grol ba zhes pa sbyar te/ brjod par bya ba dang rjod par byed pa'i rgya rnams kyis gzugs la sogs pa ni grol ba'o// ci ste zhes pa la gsungs pa/ gang phyir 'di don brjod/ pa'i rgyus gzhan dag la thob pa med pa des na gzugs la sogs pa rnams brjod du med cing rgyur med ces pa 'gog pa la tshes shes pa'i bzod pa'o// dmigs pa med par byed pa dang zhes pa ni gzugs la sogs pa rnams dmigs par bya ba'i bdag nyid du byed pa med pa ni 'gog pa la chos shes pa'o// shin tu rnam dag ces pa ni gzugs la sogs rnams te/ de kho na nyid du dri ma'i zhad tsam yang med pas na shin tu rnam dag ste/ 'gog pa la rjes su shes pa'i bzod pa'o// nad mi 'byung zhes pa ni gzugs la sogs pa shin tu rnam par dag pas nad la sogs pa 'byung bar mi 'gyur te/ 'gog pa la rjes su shes pa'o// ngan song chad dang zhes pa la/ ngan song rnams chad pa ni ngan 'gro las 'das pa ste/ gzugs la sogs pa rnams shin tu rnam par dag par mos pa nyid kyis dran song chad par 'gyur te/ lam la chos shes pa'i bzod pa'o// mi rtog nyid ces pa ni chos thams cad skye ba dang 'gag pa'i rnam par rtog pa zad pa ste/ de lta mod kyi gzugs la sogs pa rnams la shin tu rnam par dag par mos pa nyid kyi lam la chos shes pa'o// 'bras bu mngon du bya ba dang / mtshan ma dag dang ma 'brel dang zhes pa la/ sangs rgyas la sogs pa'i 'bras bu rnams mngon du bya ba'i don du rnam par rtog pa'i rgyu mtshan ma rnams yongs su spong ba zhes pa ni lam la rjes su shes pa'i bzod pa'o// dngos dang ming dang gnyis po la// shes pa skye ba med pa ni zhes pa la/ dngos zhes pa ni brjod par bya ba ste/ don gyi
- 264a
dadas par// ming nas pa ni rjod byed domyig go// gnyis pa zhes pa ni gzung ba dang 'dzin pa dag go/ shes pa zhes pa ni gsungs pa 'di na rnams gang gis shes pa'i don dan ma par ma skyes pa'o// dang yig ni sdud pa ste/ brjod par bya ba dang / rjod par byed pa dang gzung ba dang 'dzin pa rnams kyang ma skyes pa ste lam la rjes su shes pa dang / kun shes nyid kyi skad cig ma zhes pa'o// 'di rnam byang chub sems dpas thams cad ces pa 'di'i mthong ba'i lam gyi bdag nyid skad cig ma bcu drug tu rtogs par bya'o// nyan thos kyis ji ltar rtogs par bya ba'i sdug bsngal la chos shes pa'i bzod pa la sogs pa de ltar nyan thos kyi lam nyid du brjod do// thams cad shes pa nyid la byang chub sems dpas nyan thos kyi lam shes par ni bya ste/ mngon du thu ba ni ma yin no// des na 'dir bskam pa'i lamam bstan to// kun mkhyen rnam pa gsum rgyas pa'i tshul gyis bstan nas nye bar bsdu ba'i phyir gsungs pa/ de ltar 'di dang yang 'di dang // yang 'di yin te rnam gsum po// 'dis ni gnas skabs gsum pa/ dag/ rdzogs par yongs su bstan pa yin zhes pa ste/ ji skad gsungs pa'i rigs pas 'di dang zhes pa ni rnam pa thams cad mkhyen pa'o// yang 'di zhes pa ni lam shes pa'o// yang 'di yin te zhes pa ni thams cad shes pa'o// le'u gsum rdzogs par bstan pa'o// mngon par rtogs pa'i rgyan gyi 'grel pa grags pa'i cha zhes bya ba las skabs gsum pa'i 'grel pa'o// // kun mkhyen pa gsum yongs su shes par dbang du bya ba'i don du yang dngos po dang lam dang rnam pa rnams bsdus nas kun mkhyen rnam pa gsum bsgom par bya zhes pas rnam pa kun mngon par byang chub pa gsungs pa/
- 264b
shAng lags rnam pa yi// rnam pazhes mardzun nyud// gnas thaMd nyid rnamags pa byed// na rnam pa gas ma nas b+haSh+Ta/ ban+d+ha gas pan masanan da du kun dgas pa'i ngan pa na la sogs par dmigs pa'o// de la gang zhig ye shes kyi rnam pa ye shes kyi bya bar 'gyur ba dang / rtogs par 'gyur ba'i mi rtag pa la sogs pa'i chos kyi rab tu dbye ba ste/ de rnams kyi rnam pa ni mtshan nyid ces pa ni mtshan pa'o// kun mkhyen rnams rnam pa gsum yin pa nyid kyis na de'i rnam pa yang gsum nyid do// de la thams cad shes par rtogs pa'i rnam pa dag gsungs pa/ med pa'i rnam pa nas gzung ste// maM ga la ba'i rnam pa'i bar// bden pas sil bzhi dang // lam la de ni bca lnga shA nas pa ste/ med pa'i rnam pa nas gas sa ji srid mi g.yo ba'i pha rol du phyin pa'o zhes pa'i byar rnam pa nyi shu rtsa bdun te/ sdug bsngal ba dang kun 'byung ba dang / 'gog pa'i bden pa rnams bzhi bzhi'o// lhag ma bco lnga ni lam gyi bden pa'o// de la sdug bsngal la med pa nyid dang / mnyam pa nyid dang dben po nyid dang / kun gnyer med pa nyid de rnam pa bzhi'o// kun 'byung la gnas med pa nyid dang / nam mkha' med pa nyid dang / brjod du med pa nyid dang / rlom pa med pa zhes pa ste bzhi'o// 'gog pa la 'ong ba med pa nyid/ bsdur med pa dang / zad pa med pa dang / skye ba med pa nyid de rnam pa bzhi'o// lam la byed pa po med pa dang / shes pa po med pa dang / 'pho ba med pa dang / nyams pa med pa dang / rmi lam dang / sgra brnyan dang / gzugs brnyan dang / smig rgyu dang / sgyu ma dang / kun nas nyon mongs pa med pa dang / rnam par byang ba med pa dang / yongs su ma gos pa dang / nga rgyal
- 265a
med pa dang / g.yo ba med pa dang / rmi lam ste bco lnga'o// spyir sdom na nyi shu rtsa bdun te thams cad shes pa'i rnam pa lnga'o// lam shes kyi dbang du byas nas gsungs pa/ rgyu dang lam dang sdug bsngal dang // 'gog pa la ni go rim bzhin// de dag brgyad dang bdun dang ni// lnga dong bcoM ga ces grag pa so zhes paste/ ku ni kun 'byung ngo // 'dir kun 'byung thog mar gsungs pa ni 'bras bu'i thabs su gyur pa nyid kyis na'o// sdug bsngal dang 'gog pa phyis gsungs pa ni 'bras bur gyur pa nyid kyis na'o// de rnams kyi rnam pa ni rim pa ji lta ba bzhin du brgyad dang / bdun dang / lnga dang / bcu drug tu mdo las gsungs pa'o// de la kun 'byung la chags pa dang bral ba dang / gnas pa med pa dang / zhi ba dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / bden pa med pa ste brgyad do// lam la tshad med pa dang / mtha' gnyis kyi rjes su mi 'gro ba dang / so so ba med pa dang / gzhan la rab tu med pa dang // rnam par rtog pa med pa dang // gzhal bya med pa dang / go skabs med pa'i rnam pa dang bdun no// sdug bsngal la mi rtag pa dang / sdug bsngal ba dang / stong pa nyid dang / bdag med pa dang / mtshan nyid med pa'i rnam pa dang lnga'o// 'gog pa la nang stong pa nyid dang / phyi stong pa nyid dang / byi nang stong pa nyid dang / stong pa nyid stong pa nyid dang / chen po stong pa nyid dang / don dam pa stong pa nyid dang / 'dus byas stong pa nyid dang / 'dus ma byas stong pa nyid dang / mtha' las 'das pa stong pa nyid dang / thog ma dang tha ma med pa stong pa nyid dang / dor ba med pa stong pa nyid dang / rang bzhin stong pa nyid dang / chos thams cad stong
- 265b
pa nyid dang / rang gi mtshan nyid stong pa nyid dang / mi dmigs pa stong pa nyid dang / dngos po med pa'i ngo bo nyid stong pa nyid bcu drug gi rnam pa bcu drug ste/ spyir sdoms na rnam pa sum cu drug go/ rnam pa thams cad mthun par rtogs pa'i rnam pa rnams gsungs pa/ sman mkhyen nyid gsum gyi zag gis// lam gyi bden pa dang mthun par// dran pa nye gzhag nas gzung ste// tham sangs rgyas nyid rnam par// slobs byang chub sems dpa' dang // sangs rgyas rnams la rim bzhin te// sum cu bdun dang sum cu bzhi// sum cu rtsa dgu dag tu bzhed ces pa ste/ 'phags pa'i gang zag thams cad yang dag par bsdus pa rnam pa thams cad mkhyen pa ste/ kunam khyen gsum yang dag par bsdus pa'i sem gyi grangs des pa bzhin du nyan thos rnams kyi sum cu rtsa bdun dang / byang chub sems dpa' rnams kyi sam du rtsa bzhinapa sangs rgyas rnams kyi sum cu rtsa dgur bzhed do// de la lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa ste/ dran pa nye bar gzhag pa bzhi'o// sdig pa mi dge ba'i chos skyes pa rnams spong ba dang / mi dge ba'i chos ma skyes pa rnams mi bskyed pa dang / dge ba'i chos ma skyes pa rnams bskyed pa dang / dge ba'i chos skyes pa rnams 'phel bar byed pa ste yang dag par spong ba bzhi rnams so// 'dun pa'i ting nge 'dzin dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin te/ rdzu 'phrul gyi rkang pa bzhi rnams so// dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po lnga rnams so//
- 266a
'di rnams nyid mi mthun pa'i phyogs kyis mi rdzi bas na dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang lnga po rnams so// dran pa yang dag byang chub kyi yan lag dang / chos rab tu rnam par 'byed pa yang dag byang chub kyi yan lag dang / brtson 'grus yang dag byang chub kyi yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ces bya ba ste byang chub kyi yan lag bdun no// yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tshe ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin zhes bya ba ste 'phags pa'i lam yan lag brgyad do// 'di rnams ni thams cad shes pa nyid du rtogs pa'i rnam pa sum cu rtsa bdun te slob ma rnams kyi'o// stong pa nyid dang / mtshan pa med pa dang / smon pa med pa ste rnam par thar pa'i sgo gsum dang / gzugs can rnams la gzugs su lta ba ni rnam par thar pa dang po'o// nang gzugs can gyi mtshan ma la phyi'i gzugs su lta ba ni rnam par thar pa gnyis pa'o// sdug pa'i rnam par thar pa lus kyis mngon du byas te gnas pa ni rnam par thar pa gsum pa'o// 'dir lus kyi shes pa ni shes rab kyis shes par rtogs par bya'o// nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min//
- 266b
skye mched dang / 'du shes dang tshor ba dag 'gog pa ste lnga'o// sngar gyi gsum dang bsdoms pas rnam par thar pa brgyad do// bsam gtan dang po dang / bsam gtan gnyis pa dang / bsam gtan gsum pa// dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med min gyi skye mched dang / 'gog pa'i snyoms par 'jug pa ste mthar kyis gnas pa'i snyoms par 'jug pa dgu'o// sdug bsngal dang / kun 'byung dang / 'gog pa dang / lam te bden pa bzhi po rnams dang / sbyin pa la sogs pha rol tu phyin pa bcu po rnams te/ rnam pa sum cu rtsa bzhi po lam shes kyis yang dag par bsdus pa ni byang chub sems dpa' rnams kyi'o// gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / mos pa sna tshogs mkhyen pa'i stobs dang / 'jig rten gyi khams du ma mkhyen pa'i stobs dang / dbang po mchog dang mchog ma yin pa mkhyen pa'i stobs dang / thams cad du 'gro ba'i lam mkhyen pa'i stobs dang / kun nas nyon mongs pa dang / rnam par byang ba mkhyen pa'i stobs dang / sngon gyi gnas rjes su dran pa'i stobs dang / 'chi 'pho dang skye ba mkhyen pa'i stobs dang / zag pa zad pa zad pa mkhyen pa'i stobs te bcu po rnams so// mngon par byang chub pa la mi 'jigs pa dang / zag pa rnams zad pa la mi 'jigs pa dang / bar du gcod pa'i chos rnams kyis 'jigs pa dang / nges par 'byung ba'i chos rnams kyis mi 'jigs pa bzhi rnams so// chos so sor yang dag par rig pa dang / don so so yang dag par rig pa dang / nges pa'i tshig so sor yang dag par rig pa
- 267a
dang / spobs pa so so yang dag par rig pa ste so so yang dag par rig pa bzhi'o// 'khrul pa mi mnga' ba dang / ca co mi mnga' ba dang / dran pa nyams pa mi mnga' ba dang / sems mnyam par ma gzhag pa mi mnga' ba dang / 'du shes sna tshogs mi mnga' ba dang / sems can rnams la btang snyoms su bzhag pa mi mnga' ba dang 'dun pa nyams pa mi mnga' ba dang / brtson 'grus nyams pa mi mnga' ba dang / dran pa nyams pa mi mnga' ba dang / ting nge 'dzin nyams pa mi mnga' ba dang / shes rab nyams pa mi mnga' ba dang / rnam par grol ba nyams pa mi mnga' ba dang / lus kyi las rnams ye shes sngon du 'gro ba dang // ngag gi las rnams ye shes sngon du 'gro ba dang / yid kyi las rnams ye shes sngon du 'gro ba dang / 'das pa la ma chags shing ma nyams pa'i ye shes dang / ma 'ongs pa rnams la ma chags shing ma nyams pa'i ye shes dang / da ltar rnams la ma chags shing ma nyams pa'i ye shes te/ sangs rgyas kyi chos ma 'dres pa bco brgyad do// sangs rgyas kyi gsungs pa'i de bzhin nyid dang / chos thams cad kyi gtso bor rang 'byung ba dang / rnam pa kun mngon par byang chub pa zhes pa ste/ yang dag par rdzogs pa'i sangs rgyas la rnam pa dag sum cu rtsa dgu'o// de ltar thams cad shes pa nyid kyis bsdus pa'i rnam pa nyi shu rtsa bdun no// lam shes pa nyid kyis bsdus pa'i rnam pa sum cu rtsa drug go/ rnam pa thams cad mkhyen pas yang dag par bsdus pa la gang zag gi rab tu dbye bas sum cu rtsa bdun dang / sum cu rtsa bzhi dang / sum cu rtsa dgu ces pa ste bcu lhag pa'i brgya'o// thams cad gcig tu bsdus na bdun cu rtsa gsum lhag pa'i brgya thems pa'i rnam pa rnams so// rnam pa dag gsungs nas/ da ni ji ltar rab tu
- 267b
sbyor ba mdor bstan pa de rnams brjod par bya ste/ bcom ldan 'das ma yang shes rab tu sbyor ba nyi shu brjod par bya ba de la rab du sbyor bar byed pa yang sbyor ba po nyid las 'gyur te/ de bas na thos par 'gyur ba yang rnyed par dka' zhes bstan pa'i phyir gsungs pa/ sangs rgyas rnams la bkur sti byas// de las dge ba'i rtsa ba bskrun// dge ba'i bshes kyis mgon bcas pa// 'di nyan pa yi snod yin no// sangs rgyas bsten dang kun 'dri dang // sbyin dang tshul khrims sogs spyod pas// len dang 'dzin pa la sogs pa'i// snod du dam pa rnams bzhed do zhes pa ste// des nges par bdag nyid chos nyan pa po gang gis sngon du sangs rgyas rnams la skyabs su 'gro bas byang chub tu sems bskyed pa la sogs pa byas pas skal ba dang ldan par 'gyur ba ste sangs rgyas ni chags pa dang zhe sdang dang gti mug med pa'i mtshan nyid can yin te/ de rnams la dge ba'i rtsa ba bskrun pas na/ dge ba'i bshes gnyen gyis byin gyis brlabs pa la sogs pa bzhi po rnams nyid kyis 'di nyan pa'i skal ba dang ldan zhing snod yin gyi gzhan ni ma yin no// yang gang gis skye ba snga ma la sangs rgyas rnams la lan mang du bkur sti byas pa dang / yang dag par dris pa dang sbyin pa la sogs pa pha rol tu phyin pa drug dang bcas pa la legs par goms par byas na de dag nyid len pa dang 'dzin pa dang don rtogs pa la sogs pa'i snod du 'gyur zhes pa ni tshigs bcad dag gi don no// da ni rab tu sbyor ba rnams bstan pa'i phyir gsungs pa/ gzugs la sogs la mi gnas phyir// de la sbyor ba bkag pa'i phyir// de yi de bzhin nyid zab phyir// de rnams gting dpag dka' ba'i phyir// de dag tshad ni med phyir dang // tshegs chen yun rings rtogs
- 268a
pa'i phyir// lung bstan phyir mi ldog pa dang // dem 'brang bar chad med ces dang // byang chub nyed dadamur ba dang // gzhan don 'phel med 'grib med phyir// chos dang chos min sogs mi mthong // gzugs sogs bsam me khyab mi mthong // gzugs sogs de yi ba can pa dang // de yi de bar rnam mi rtog/ 'bras bu rin chen sbyin byed dang // de ni dag pa mtshams dang bcas zhes pa ste/ gzugs la sogs la mi gnas phyir zhes pa ni gzugs la sogs pa'i phung po rnabs khas mi len pa ste/ gzugs la sogs pa la mi gnas pa'i rab tu sbyor ba'o// de la sbyor ba bkag pa'i phyir zhes pa ni gzugs la sogs pa la chags pa'i mtshan nyid kyi sbyor ba bkag pa ni gzugs la sogs pa la rnal 'byor bkag pa'i rab tu skor ba'o// de'i de bzhin nyid zab phyir zhes pa ni gzugs la sogs pa'i de bzhin nyid zab pa'i phyir bcom ldan 'das ma ni zab pa ste zab pa'i dbang ser ba'o// de rnams gting dpag dka' ba'i phyir zhes pa gzugs la sogs pa gting dpag dka' ba nyid kyis na bcom ldan 'das pa ni gting dpag dka' ste gting dpag dka' ba'i rab tu sbyor ba'o// de dag tshad ni med phyir dang zhes pa ni gzugs la sogs pa tshad med pa'i phyir bcom ldan 'das ma ni tshad med pa ste/ tshad med pa'i rab tu sor ba'o// tshegs chen yun rings rtogs pa'i phyir zhes pa ni bcom ldan 'dab ma de yis spro ba byas pa'i sdig pa rnams dag pa ni tshegs chen po yun rings kyis mngon par rtogs zhes pa ste/ tshegs chen yun ring gis rtogs pa'i rab tu sbyar ba'o// lung bstan zhes pa ni gang gis 'di lta bu'i bcom ldan 'das ma thos nas mi skrag cing ji ltar nus pa bzhin du rab tu 'jug pa
- 268b
de ni sangs rgyas nyid gsum gyis rjes la lung bstan pa thob pa ces pa ni lung bstan pa rab tu thob pa'i sbyor ba pa'o// phyir mi ldog ces pa ni gang gis bcom ldan 'das ma 'di dag la rtog pa med pa thob par 'dod pa dang / ji srid du don 'di rnams yid la byed par 'gyur ba de ni phyir mi ldog par 'gyur te/ phyir mi ldog pa'i rab tu sbyor ba'o// des 'byung zhes pa ni gang zhig 'di lta bu'i bcom ldan 'das ma thob par bya ba'i phyir ji srid du de kho na nyid yid la byed pa de ni bya dka' ba'i mtha' las nges par 'byung ba ste/ nges par 'byung ba'i rab tu sbyor ba'o// bar chad med bcas zhes pa ni bar chad med pa dang bcas par 'jug pa ste/ nges par 'byung ba dang bcas pa ni nges par 'byung ba dang bar chad med pa'i don to// gang gis bcom ldan 'das ma mthong ba la sogs pa thob pa des bar chad med pa nyid du byang chub tu lung bstan pa thob ces pa ste/ bar chad med pa'i rab tu sbyor ba'o// byang chub nye dang zhes pa ni gang gis bcom ldan 'das ma la blta ba la sogs pa'i don thob pa des nye ba nyid du mngon par byang chub pa thob ces pa ste/ nye bar mngon par byang chub pa'i rab tu sbyor ba'o// myur ba zhes pa ni byang chub tu zhes pa dang sbyar te/ gang gis bcom ldan 'das ma blta ba la sogs pa thob pa des yun ring bo ma yin pas yang dag par byang chub ces pa ste/ myur bar mngon par byang chub pa'i rab tu sbyor ba'o// gzhan don zhes pa ni gzhan gyi don du byang chub sems dpa' rnams rnam pa du ma'i rab tu sbyor bas chos kyi 'khor lo bskor ba la 'jug ces pa ste/ gzhan don gyi rab du sbyor ba'o// 'phel med 'grib med ces pa ni shes rab kyi pha rol tu phyin pa spyod pa 'di la gang gis phung po dang khams dang skyo
- 269a
mched la sogs pa rnams 'phel ba dang 'grib par ma mthong ba de ni 'phel med 'grib med kyi rab tu sbyor ba'o// chos dang chos min sogs mi mthong zhes pa ni gang zhig gzugs nas ji srid thams cad mkhyen pa'i bar du chos shes pa de ni rjes su mi mthong ngo // chos min zhes rjes su mi mthong ba de ni chos dang chos min la sogs pa mi dmigs pa'i rab tu sbyor ba'o// gzugs sogs bsam mi zang mi mthong zhes pa ni gzugs la sogs pa bsam gyis mi khyab pa nas ji srid thams cad mkhyen pa'i bar du bsam gyis mi khyab ste/ de'i don mi mthong ba ni mtshan ma med pa'i bar du sbyor ba'o// / gzugs sogs de yi mtshan ma dang // de'i ngo bor rnams mi rtog ces pa ni ting nge 'dzin la gnas te gzugs la sogs pa nas ji srid thams cad mkhyen pa'i bar du rnam par rtog pa med pa ni rnam rtog med pa'i rab tu sbyor ba'o// 'bras bu rin chen sbyin byed dang zhes pa la/ 'bras bu rin chen ni rgyun tu zhugs pa nas ji srid chos kyi 'khor lo bskor ba'i bar du'o// de ster ba ni bcom ldan 'das ma ste 'bras bu rin chen sbyin byed kyi rab tu sbyor ba'o// dge pa zhes pa la/ dag pa'i phung po ni bcom ldan 'das ma ste/ gzugs la sogs pa dag pa nas ji srid thams cad mkhyen pa'i bar du byed de/ rnam par dag pa'i rab tu sbyor ba'o// mtshams dang bcas zhes pa ni skyes bu'i don mchog yin pa nyid kyis bcom ldan 'das ma ni bar du gcod pa mngab ste/ des na lo gcig gi bar gyis rdzogs pa ni bzang po'o// rab tu sbyor ba nyi shu po rnams brjod nas/ da ni rab tu sbyor ba byed pa'i yon tan bsngags pa de dag gsungs pa/ bdud kyi mthu bcom la sogs pa// yon tan rnam pa bcu bzhi'o zhes pa
- 269b
ste/ bdud rnams kyi nus pa bcom pa'i yon tan dang / sangs rgyas rnams kyi dgongs pa yon tan dang / sangs rgyas rnams kyis gzigs pa'i yon tan dang / yang dag par rdzogs pa'i byang chub la nye bar gyur pa'i yon tan dang / don chen po la sogs pa'i yon tan dang / phyogs rnams su gzigs pa'i yon tan dang / dkar po'i chos thams cad yongs su rdzogs pa'i yon tan dang / chos thams cad brjod pa'i yon tan dang / mi byed pa'i yon tan dang / skye bo mang po la dge ba'i rtsa ba rnams bskyed pa'i yon tan dang / dam bcas pa'i don rdzogs par byed pa'i yon tan dang / 'bras bu rgya chen po yongs su 'dzin pa'i yon tan dang / mdo'i don rnams rab tu rtogs pa'i yon tan dang / pha rol tu phyin pa drug nges par thob pa'i yon tan te yon tan bcu bzhi po rnams brjod pa'o// rab tu sbyor ba rnams kyis yon tan bshad nas/ skyon rnams brjod par bya ste/ rab tu sbyor ba rnams la bar chad byed pa ni skyon te/ de dag gsungs pa/ skyon ni bcu tshan bzhir bcas pa// drug tu nges par rtogs par bya zhes pa ste/ skyon bzhi bcu rtsa drug ces pa'i don te/ dus yun ring por shes rab kyi pha rol tu phyin pa thob pa dang / shin tu myur bas shes rab kyi pha rol tu phyin pas sems kyi rnam par g.yeng ba dang / shes rab kyi pha rol du phyin pa shes pa ste/ 'di yang skyon yin te/ yun ring du goms par ma byas pas rtsa ba ma bcom pa'i shing ngam glog ltar g.yo zhing mi brtan pas so// bcom ldan 'das ma mnyan pa la sogs pa la lus rnam par g.yeng ba dang / sems kyi rnam par g.yeng ba dang / klog pa la sogs pa ma dad pa la sogs pas byas pa dang / bcom ldan 'das ma la mi mos pa'i rgyus
- 270a
spyod pa la sogs pa'i tshig 'dzin pa dang / bcom ldan 'dam ma thob pa'i rgyur mngon par zhen pa nyams pa dang / bla na med pa'i chos kyi bdud rtsi nyid ni bcom ldan 'das ma ste de la mchog/ myang ba nyams pa dang theg pa chen po theg pa thams cad kyi bla na med par 'dzin pa nyams pa dang / bcom ldan 'das ma la zhugs pa'i bya ba nyams pa ste/ bcu tshan dang po'o// bcom ldan 'das ma thob pa'i thabs la rmongs pa dang / tshig rkang dman pa dang / mchog dag la yang dag par rmongs pa dang / bcom ldan 'das mal dor tha dad pa du mang yongs su rtog pa dang / bcom ldan 'das ma dri ba la mngon par zhen pa dang / bcom ldan 'das mal dngos po med par mngon par zhen pa dang / bcom ldan 'das ma la yi ger mngon par zhen pa dang / bcom ldan 'das ma la yi ge med par mngon par zhen pa dang / skye bo'i gnas la sogs pa la yid la byed pa dang / rnyed pa dang bkur sti dang bstod pa la sogs pa nyams su len pa dang / nyan thos la sogs pa'i mdo lam ma yin pa dag la byang chub thob pa'i thabs mkhas pa'i lam mo// zhes pa ni ban tshan gnyis pa'o// chos ston pa po dang nyan pa po dag chos bstan pa'i mi mthun pa'i phyogs su gyur pa'i mi mthun pa'i 'dod pa'o// 'dun pa'i yul gyi dbye bas mi mthun pa'i phyogs la 'dod pa'o// bla ma rnyed pa mi 'dod la slob ma cung zad tsam 'dod pa mi mthun pa'i phyogs 'dod pa'o// sbyangs pa'i yon tan la sbyong ba dang mi sbyor ba mi mthun pa'i 'dod pa'o// dge ba dang mi dge ba 'dod pa mi mthun pa'i 'dod pa'o// gtong ba dang ser sna mi mthun pa'i 'dod pa'o// sbyin pa dang mi lon pa mi mthun pa'i 'dod pa'o//
- 270b
mdor bstan rgyas pas go yang mi mthun pa'i 'dod pa'o// mdo la sogs pa chos shes pa dang mngon par mi shes pa dag kyang mi mthun pa'i 'dod pa'o// pha rol tu phyin pa drug mnyam par rtogs pa dang mnyam// par ma rtogs pa dag mi mthun pa'i 'dod pa ste bcu tshan gsum pa'o// thabs la mkhas pa dang mi mkhas pa dag mi mthun pa'i 'dod pa'o// gzungs so sor thob pa dang ma thob pa dag mi mthun pa'i 'dod pa'o// yi ge 'dri bar 'dod pa dang mi 'dod pa dag mi mthun pa'i 'dod pa'o// 'dod pa'i 'dun pa dang bral bar 'dod pa dang mi 'dod pa dag mi mthun pa'i 'dod pa'o// ngan 'gro las dben pa dang mi dben pa dag mi mthun pa'i 'dod pa'o// bde 'gror 'gro ba la yid dga' ba dang yid mi dga' ba mi mthun pa'i 'dod pa'o// gcig pur gnas par 'dod cing 'khor rnams su 'gro bar dga' ba yang mi mthun pa'i 'dod pa'o// skabs 'byed par 'dod pa dang skabapa 'byed par mi 'dod pa dag kyang mi mthun pa'i 'dod pa'o// nor rdzas don du gnyer ba dang nor rdzas don du mi gnyer ba yang mi mthun pa'i 'dod pa'o// 'chi ba la sogs pa'i ched kyis yul rnams su 'gro bar 'dod pa dang / 'gro bar mi 'dod pa yang mi mthun pa'i 'dod pa zhes pa ste bcu chen bzhi pa'o// mu ge'i yul du 'gro bar 'dod/ pa dang mi 'dod pa yang mi mthun pa'i 'dod pa'o// chom rkun la sogs pa yod pa'i yul phyogs su 'gro bar 'dod pa dang mi 'dod pa yang mi mthun pa'i 'dod pa'o// khyim bdag dad pa can gyi phyogs su 'gro bar yid dga' ba dang yid mi dga' ba yang mi mthun pa'i 'dod pa'o// bdud kyis rab tu sbyor ba'i bar chad byas pa yang mi mthur pa'i 'dod pa'o// shes rab kyi pha rol tu phyin pa ltar bcos
- 271a
pa 'dzin pa yang mi mthun pa'i 'dod pa'o// bdud kyis sprul pa'i sangs rgyas kyi gzugs la sogs pa la mngon par 'dod pa yang bdud kyi las te/ skyon bzhi bcu phra drug po rnams brjod pa'o// rab tu sbyor ba rnams kyi mtshan nyid bstan pa'i phyir gsungs pa/ gang gis mtshon de mtshan nyid du// shes bya de yang shes pa dang // khyad par byed dang rnam gsum ste// mtshon bya ngo bo nyid gang yang zhes pa ste/ mtshon par byed par 'dod pa mtshan nyid de gang zhig byed par bsgrub pa'i mtshan nyid de ni rnam pa gsum ste/ shes pa dang / bye brag dang byed pa'o// gang zhig mtshon par bya ba'i mtshan nyid de las bsgrub pa'o// de yang rang bzhin nyid ces mtshan nyid rnam pa bzhi'o de la thams cad shes pa'i dbang du byas te rnam par shes pa'i bdag nyid rnam pa bcu drug mtshan nyid du bstan pa'i phyir gsungs pa/ de bzhin gshegs pa 'byung ba dang // 'jig rten 'jigs med bdag nyid dang // sems can sems kyi spyod pa dang // de bsdus pa dang phyir bltas dang // mi zad pa yi rnam pa dang // chags bcas sogs dang rgya chen dang // chen por gyur dang tshad med dang // rnam shes bstan du med pa dang // sems lhor med dang shes pa ste// g.yo ba la sogs shes bya dang // de las gzhan yang de dag ni// de bzhin nyid kyis rnam par shes// thub pas de bzhin nyid rtogs te// gzhan bstan pa zhes bya ba la// thams cad shes pa nyid skabs kyi// shes pa'i mtshan nyid bsdus pa yin// zhes pa ste/ shes pa zhes pa ni tshig 'di rnams la bdun pa'i mtha' can du sbyar bar bya'o// de bzhin gshegs pa 'byung ba dang zhes pa ni bcom ldan 'das ma las de bzhin gshegs pa rnam
- 271b
skye bar shes pa'o// 'jig rten 'jig med bdag nyid dang zhes pa ni 'jig rten rnams kyi rgyan gnas pa mi nyams par shes pa'o// sems can sems kyi spyod pa dang zhes pa ni sems can thams cad kyi sems kyi spyod yul shes pa'o// de bsdus pa dang phyir bltas dang zhes pa sems kyi rnam par g.yeng ba dang / mi g.yed pa shes pa'o// mi zad pa yi rnam pa dang zhes pa ni sems mi zad pa'i rnam par shes pa'o// chags bcas sogs shes pa ni 'dod chags dang bcas pa'i sems dang / 'dod chags dang bral ba la sogs pa'i sems shes pa'o// rgya chen zhes pa ni sems rgya che ba shes chen por klung dang zhes zla ba ni chen po stong pa nyid du gyung pa'i sems te chen po gur pa'i sems shes pa'o// tshad med ces pa ni chad med pa'i semasags pa'o// rnam shes bstan dug pa dang zhes pa ni bstan du med pa'i mig shes pa ste/ gang zhig gzugs la bstan du med pa de ni bstan du med pa'i sems shes pa'o// sems ltar med dang shes pa ste zhes pa ni gang gi sems ltar med pa de shes pa ni ltar med pa'i sems shes pa'o// g.yo ba la sogs shes bya dang zhes pa la sems de'i g.yo ba dang mi g.yo ba dang gnyis ka dang rab tu 'gegs pa shes pa'o// de la g.yo ba ni rnam par gyur pa'o// mi g.yo ba ni 'gog pa ste ma gyur pa'o// gnyis ka ni gyur pa dag gis rab tu 'gegs pa ni gnyis ka 'gegs pa ste gyur pa yang ma yin ma gyur pa yang ma yin zhes pa'o// de rnams ni de bzhin nyid rnam par shes zhes bya ba ste g.yo ba la sogs pa rnams nyid de de bzhin nyid kyi rnam par shes pa'o// thub pas de bzhin nyid rtogs te// gzhan la bstan pa zhes bya 'di ces
- 272a
pa la thub pas de nyid yang dag par rtogs nas gang zhig yang dag par rtogs pa de nyid gzhan rnams la ston pa ste chos ston pa shes pa'o// thams cad shes pa nyid skabs kyi// shes pa'i mtshan nyid bsdus pa yin zhes pa ni nye bar bsdu ba yin no// lam shes pa nyid kyi dbang du byas nas shes pa'i mtshan nyid rnam pa bcu drug rtogs par bya ba'i phyir gsungs pa/ stong nyid mtshan ma med bcas dang // smon pa rnam par spangs pa dang // skye med 'gag pa med sogs dang // chos nyid rnam par 'khrug med dang // 'du mi byed dang rnam mi rtog/ rab dbye mtshan nyid med nyid la// lam shes nyid kyi skabs kyi ni// shes pa'i mtshan nyid yin par bzhed ces pa ste/ shes pa'i sgra ni bdun pa'i mtha' can te kun tu sbyar ro// stong nyid ces pa ni stong pa nyid shes pa'o// mtshan ma med bcas shes pa ni mtshan ma med par shes pa'o// smon pa rnam par spangs pa dang zhes pa ni smon pa med par shes pa'o// skye mdo 'gag pa med sogs dang zhes pa la sogs pa'i sgras kun nas nyon mongs pa med pa dang / rnam par byang ba med pa la sogs pa ste/ gzugs de ni ma skyes pa dang / ma 'gags pa la sogs pa zhes pa'o// chos nyid rnam par 'khrug med dang zhes pa la thams cad du chad pa spangs pa nyid kyis bsal ba brtags pas stong pa khas blangs pas chos nyid 'khrugs pa med par shes pa'o// 'du mi byed ces pa rtogs pa'i chos thams cad 'du bya ba med pas 'du mi byed par zhes pa'o// rnam mi rtog ces pa ni chos thams cad la mi rtog ces pas mi rtog par shes pa'o// rab dbye mtshan nyid med nyid la zhes pa ni chos thams cad rab du dbye ba med par shes pa dang / chos
- 272b
thams cad mtshan nyid med par shes pa'o// lam shes zhes pa ni nye bar rabasdu bya'o// rnam pa thams cad mkhyen pa'i dbang du byas te shes pa'i mtshan nyid rnam pa bcu drug tu bstan par bya ste/ rang gcos brtan nyir gnas pas// gnas dang gus par zla ba dang // zlum khyod dang mnyes padang // dril mtshad dang byed pa ga// kun 'jug maldan pa gang yin dang // ma mthang sbyin par mdzad pa dang // 'jig rten stong nyid rnam pa dang // brjod dang shes mdzad mngon sum dang // bsam mi khyab dang zhi nyid ston// 'jig rten 'du shes 'gog pa la// rnam kun mkhyen pa'i tshul la ni// shes pa'i mtshan nyid ces bshad do zhes pa ste/ shes pa zhes pa zhes pa thams cad du sbyang bar byug// rang gi chos brten nye gnas pas// gnas dang shes pa la rang gi chos ni 'gro ba'i don te/ de la nye bar brten nas sangs rgyas bcom ldan 'das gnas zhes nges par byas pa ni rang gi chos la nye bar brten te gnas par shes pa'o// gus par bya ba dang / bla ma nyid dang / mnyes pa dang zhes pa la sangs rgyas bcom ldan 'das de dag la gus par bya ba la sogs par shes pa'o// de la mchod dang byed med dang zhes pa la// shes rab kyi pha rol tu phyin pa'i bdag nyid kyis chos de la mchod pa byas pa dang / mchod par byed pa po de dag shes pa ni de la mchod pa dang byed pa po shes pa gnyis so// kun 'jug mkhyen pa gang yin dang zhes pa ni 'jig rten thams cad kyi rang bzhin shes pa'o// ma mthong ston par mdzad pa dang zhes pa ni ma mthong pa'i don ston par shes pa'o// 'jig rten stong nyid rnam pa dang // brjod dang shes mdzad mngon sum dang zhes pa
- 273a
ni 'jig rten thams cad kyi stong pa nyid kyi rnam par shes pa dang / 'jig rten thams cad kyi stong pa nyid du brjod pa shes pa dang / 'jig rten thams cad kyi stong pa nyid dbang pos shes pa'o// dbang po la brten pas na dbang po ste mngon sum du ston pa po zhes pa'i don to// bsam mi khyab dang zhi nyid ston zhes pa ni 'jig rten thams cad kyi bsam gyis mi khyab pa dang zhi ba nyid shes pa'o// 'jig rten 'du shes 'gog pa la zhes pa ni 'jig rten gyi mtshan ma 'gog pa shes pa'o// shes pa'i mtshan nyid ces pa ni nye bar bsdu ba ste/ shes pa'i mtshan nyid gsungs pa'i sngon du gsungs pa'i rab tu sbyor ba rnams kyi shes pa'i mtshan nyid brjod nas khyad par gyi mtshan nyid gsungs pa/ bsam mi khyab sogs khyad par gyis khyad zhugs bden pa'i spyod yul can// skad cig ma ni bcu drug gis// khyad par mtshan nyid bshad pa yin// zhes pa ste/ bsam gyis mi khyab pa la sogs pa 'chad par 'gyur ba'i khyad par rnams kyis nyan thos la sogs pa'i lam las khyad par du 'phags te/ bden pa bzhi'i yul la skad cig ma bcu drug gis khyad par gyi mtshan nyid mdo las gsungs pa'o// bsam gyis mi khyab pa la sogs pa'i khyad par gang zhig ces pa la gsungs pa/ bsam mi khyab dang mi mnyam dang // gzhal dang bgrang las yang dag 'das// 'phags pa kun sdud mkhas pa yis// rig bya thun mong min zhes nyid// / shes myur nyung dang mang med dang // sgrub dang yang dag 'grub pa dang // dmigs pa rten dang bcas pa dang // mtha' dag pa dang yongs 'dzin dang // ro myang med dang khyad par ni// bcu drug bdag/
- 273b
nyid shes bya ste/ gang gis lam ni gzhan dag las// khyad du 'phags pas khyad par lam zhes pa ste/ bsam mi khyab dang mi mnyam dang zhes pa ni sangs rgyas la sogs pa'i chos thams cad ni bsam pa las 'das pa na bsam gyis mi khyab ces pa'i don to// mnyam pa las 'das pa na mi mnyam pa nyid do// gzhan dang bgrang las yang dag 'das zhes pa ni tshad la sogs pa las 'das pas na gzhal du med pa'o// bgrang ba las 'das pas na grangs med pa nyid do// khyad par bzhi po 'dis rim pa ji lta ba bzhin du khyad par 'phags pa sdug bsngal gyi bden par 'gyur ba'i skad cig ma bzhi'o// 'phags pa kun sdud ces pa ni 'phags pa kun kyang bcom ldan 'das ma'i nang du 'dus zhes pa ni khyad pa gcig go/ mkhas pa yis/ rig bya thun mong min shes nyid ces pa ni bcom ldan 'das ma ni mkhas pa'i rig bya ste gnyis pa'o// de yang nyan thos la sogs pa dang thun mong ma yin pa nyid kyi dngos po shes pa ste gsum pa'o// shes myur nyung dang mang med dang zhes pa la myur bar mngon par shes pa nyid ces pa bzhi pa ste/ khyad par rnam pa bzhi yis khyad par 'phags pa ni kun 'byung gi bden par rtogs pa'i skad cig ma bzhi'o// nyung dang mang ba med pa ni zhung dang mang med ces pa khyad par gcig go/ sgrub dang yang dag 'grub pa dang zhes pa ni bcom ldan 'das ma sgrub pa na thos pa las gong nas gong du nyams su myong ba ni gnyis pa'o// yang dag 'grub pa ni gong nas gong du sangs rgyas kyi chos rnams 'thob pa ste gsum pa'o// dmigs pa zhes pa ni bcom ldan 'das ma la bdag nyid thams cad kyi dngos pos
- 274a
dmigs pa'o// khyad par bzhi pa 'dis kyad du 'phags pa na 'gag pa'i bden par gtags pa'i skad cig pa bzhi pa rnams so// rten dang bcas shes pa ni rten dang bcas par byang chub sems dpa' gnas pas rten bcas so// rten gyi sgras 'dir byang chub sems dpas lam dang bcas par gzung bar bya zhes pa ste khyad par gcig go/ mtha' dag ces pa ni pha rol tu phyin pa thams cad do// mtha' dag gi khyad par de gnyis pa'o// yongs su 'dzin zhes pa ni shes rab kyi pha rol tu phyin pa yongs su 'dzin pa'i byang chub sems dpa' nges par sangs rgyas nyid du 'gyur rags pa ni gsam pa'o// ro kyang byed ces pa 'di byang chub sems dpas dag pa'i rtsub thams cad blan med pa yang dag par rdzogs pa'i byang chub tu yongs su bsngo bar byed kyi chos thams cad gzung ba dang 'dzin par des ro myang bar mi byed ces pa ste/ khyad par rnam pa bzhis khyad par 'phags pa ni lam gyi bden pa'i skad cig ma bzhi pa'o// khyad par lam zhes pa la sogs pa ni khyad par gyi sgra'i don du bstan pa ste nye bar bsdu ba'o// khyad par gyi mtshan nyid gsungs pa'i mngon du gsungs pa'i rab tu sbyor ba ni bdag byang chub sems dpa'i gang zhig 'chad par 'gyur ba phan pa la sogs pa'i bya ba byed pa'o// de la rab du sbyor ba'i byed pa'i mtshan nyid de dag gsungs pa/ phan dang bde dang skyob pa dang // mi rnams kyi ni skyabs dag dang // gnas dang mgon dang gling dang re// yongs 'dren pa zhes bya ba dang // lhun gyis grib dang theg gsum gyi// 'bras bu mngon sum mi byed bdag/ tha mar gyur pa'i mdzad pa ste// 'di ni byed pa'i mtshan nyid yin zhes pa ste/
- 274b
mi rnams shes pa ni tshig kyang rnams thams cad gyur bar bya'o// phan pa dang shes pa ni mya ngan las 'das pa'i lam pan pa nyid du nye bar ston pa ni phan pa'i byed pa'o// bde bces pa ni mya ngan las 'as pa'i bde ba la rnam par 'jog pa ste bde ba'i byed pa'o// skyob pa zhes pa ni sems can thams cad rnam par ltung ba las skyob par byed pa ste/ 'dis ni slob pa ni chos ston pa skyob pa'i byed pa'o// skyabs zhes pa ni 'jigs pa nye bar gnas pa rnams 'jigs pa las sgrol ba ste/ skyabs kyi byed pa'o// gnas dang zhes pa ni sems can thams cad kyi gnas kyi rang bzhin du nye bar gnas pa ste gnas kyi byed pa'o// mgon dang zhes pa ni 'khor par song ba rnams yon tan thams cad dang ldan par byed pa ste/ mgon gyi byed pa'o// gling dang zhes pa ni 'dod chags la sogs pa'i nyon mongs pa'i rgya mtshor bying ba rnams chos kyi sem sar 'jog pa ste gling gi byed pa'o// yongs 'dren pa zhes bya ba dang shes pa ni rnam par lhung ba'i sems can thams cad chos bstan pas sdud pa ste yongs su 'dren pa'i byed pa'o// lhun gyis grub dang zhes pa ni 'bad pa mi dgos par sems can thams cad kyi don byed pa ste lhun gyis grub pa'i byed pa'o// theg gsum gyi zhes pa ni sems can don gyi bya ba'i phyir theg pa gsum gyis nges par 'byung ba'i 'bras bu mngon sum mi byed bdag ces pa ni nyan thos dang rang sangs rgyas kyi byang chub kyi 'bras bu dag rnam pa thams cad du mngon sum mi byed pa dang / sems can gyi don bya ba'i phyir tsho gas yongs su rdzogs par byed kyi yang dag par rdzogs pa'i byang chub kyi 'bras bu yang mngon du mi byed pa ste/ theg pa gsum gyis nges par 'bung ba de'i 'bras bu
- 275a
mdanasapa byu pa na ngas par 'byung ba byud pa// Tham+bu b+hU ba'i madz+nyA pa snrunas pa lta/ g+hu pa ni 'bras buza ba d+ha b+h+yAM/ bla pa'i mdzad pa ni b+h+rama'o// dun pa mtshan nyid yin zhes pa ni nye bar bsdu ba'o// kun mkhyen rnam pa gsum gyi rab tu sbyor ba rnams kyi byed par sgrub pa'i mtshan nyid rnam pa gsum brjod nas/ da ni las su sgrub pa'i rang bzhin gyi mtshan nyid gsungs pa// nyon mongs rtags dang mtshan ma dang // mi mthun phyogs dang gnyen po dag/ dben dang dka' dang nyes pa dang // ched du bya dang mi dmigs dang // mngon par zhen pa bkag pa dang / dmigs pa zhes bya gang yin dang // mi mthun thogs pa med pa ste// gzhi med 'gro med skye med dang // de bzhin nyid ni mi dmigs dang // ngo bo nyid bcu drug bdag nyid// mtshan gzhi lta bur mtshon/ spya// ma na na par ban pa 'i rnaMms pa/ na pangs rnas pa spyod rmugs pa sngags pa'i nan mongs pa rnams kyis dpan pa bzhin de// sa da shes TIg na mongs pa rnams kyi rtags de dag dang bral ba'i rang bzhin no// mtshan ma zhes pa ni nyon mongs pa'i mtshan ma gang rnams yongs su 'dzin pa de rnams kyis dben pa'i rang bzhin no// mi mthun phyogs dang gnyen po dag ces pa la/ mi mthun pa'i phyogs dang gnyen po'i phyogs ni 'dod chags la sogs pa dang / 'dod chags med pa la sogs pa ste/ de gnyis las dben pa'i rang bzhin no// dka' dang zhes pa ni sems can yongs su bsgral ba'i phyir dka' ba'i rang bzhin no// nges pa dang zhes pa ni theg pa gzhan rnams las dben pas theg pa chen po nyid la dga' ba'i rang bzhin no//
- 275b
ched du bya dang zhes pa ni sems can thams cad kyi mchog la sogs pa'i ched du byed pa ste/ ched du bya ba de'i rang bzhin no// mi dmigs dang zhes pa ni bsgom bya dang sgom pa'i chos dag mi dmigs pa'i rang bzhinan// mngon par rten pa bklag pa dang zhes pa ni mngon par shin pa'i dang bzhinan// dmyigs pa zhes bya ga yin dang nus pa la/ dmigs par b+ha ba dmigs pa sgo chos thams cad kyi pa nyid de/ de nyid kyi rang bzhin ni 'di yin pas dmigs pa'i rang bzhin no// mi mthun zhes pa ni 'jig rten pa thams cad dang mi mthun pa ste/ shes rab kyi pha rol tu phyin pa'i bdag nyid kyi chos bstan pa na 'jig rten pa rnams ni mngon par brjod pa la 'jug ste/ de bas mngon par brjod pa de med pa'i bdag nyid kyi shes rab kyi pha rol tu phyin pa'i bdag nyid bstan pas 'jig rten pa thams cad las mthun par gyur pa'i rang bzhin no// thogs pa med pa zhes pa ni gzugs nas ji srid rnam pa thams cad mkhyen pa'i bar du thogs pa med pa ste/ thogs pa med pa'i rang bzhin no// gzhi med 'gro med skye med dang zhes pa ni de chos ston par gyur pa na gnas med pa dang 'gro ba med pa dang skye ba med pa ste/ gnas 'di la gzugs la sogs pa med ces pa ni gnas med pa'i rang bzhin no// 'dir 'gro/ med ces pa ni 'gro ba med pa'i rang bzhin no// skye med ces pas skye ba med pa'i rang bzhin no// de bzhin nyid ni mi dmigs dang zhes pa la/ de bzhin nyid ni stong pa nyid de/ stong pa nyid de las lhag par gyur pa nyams su myong ba med pa de ni rtog pa la sogs pa bzhin du tha snyad du btags pa nyid ces pa ste/ de bzhin du dmigs su med pa'i rang bzhin no// ngo bo nyid bcu drug bdag nyid ces pa ni gang zhig/
- 276a
de'i de ma thag tu gsungs pa'i rnam pa bcu drug gi rang bzhin no// bzhi pa'i mtshan nyid de 'dir ji ltar mtshan nyid yin/ 'dis mtshon pas zhes sems pa la gsungs pa/ mtshan gzhi lta bur mtshon pas na zhes pa la/ mtshan gzhi 'am mtshan nyid dag kyang ste/ des na chos gnyis ni brtags pa'i rang bzhin gyi mtshan nyid du brjod do// da ni thar pa'i cha dang mthun pa bstan pa'i phyir gsungs pa/ mtshan med rab tu sbyin la sogs// yang dag sgrub la mkhas pa ni// rnam pa thams cad rtogs 'di la// thar pa'i cha dang mthun par 'dod ces pa ste/ mtshan mar dbye ba'i gnas skabs rgyu'i yul du med pa'i shes pa gang yin pa de ni mtshan ma med pa ste/ de kho na nyid du dmigs pa med pa'i shes pa'o// des khyad par du byas pa'i sbyin pa'i pha rol tu phyin pa la sogs pa nas rnam pa thams cad mkhyen pa'i mthar thug pa de rnams rang gi sems la yang 'grub pa de'i don 'di ste/ mtshan ma med pa'i sbyin pa la sogs pa rnams rang gi sems la bskyed pa'i don du mkhas thar par bsngo ba'i dge ba rnams la thar pa'i cha dang mthun pa zhes dgongs so// gang zhig 'dir thar pa'i cha dang mthun pa'i dge ba'i rtsa ba mkhas pa du zhig ces pa la gsungs pa/ sangs rgyas sogs dmigs dad pa dang // sbyin sogs spyod yul brtson 'grus dang // bsam pa phun tshogs dran pa dang // rnam par mi rtog ting 'dzin dang // tshes rnams rnam pa thams cad du// shes pa'i shes/
- 276b
rab dang rnam lnga// rdzogs pa'i byang chub non pa yis// rtogs la rdul pos rtogs dkar ba zhes ces pa ste/ sangs rgyas sogs dmigs dad pa dang zhes pa ni dang po'o// sbyin sogs spyod yul brtson 'grus dang zhes pa ni gnyis pa'o// bsam pa phun tshogs dran pa ni sems can thams cad la yid rang bas dge ba 'dod pa ste gsum pa'o// rnam par mi rtog ting nge 'dzin ni bzhi pa'o// dngos pa thams cad kyichos larnam pa thams cad du shes pa na gas ba ste lnga par// dge pa rnam pa ldan thang pa'i cha dang mthun pa bzhidade// dad pa la sogs pa 'dri rnams rna pa'i chen pa nyid kyis yang dag par rdzogs pa'i byang chub thob par 'gyur ro// 'bring gis rang sangs rgyas kyi byang chub po// chung ngus nyan thos kyis byang chub thob par gsungs so// da ni nges par 'byed pa cha dang mthun par gsungs pa/ dro ba rnams kyi dmigs pa 'dor// sems can thams cad yin par bsngags// de dag nyid la sems mnyam sogs// rnam pa dag ni bcur bshad do// bdag nyid sdig pa mchog de bzhin sems can rnams// smin byed sogs kyis shes par bya zhes pa ste/ 'dir zhes pa ni rnam pa kun mngon par byang chub par ro// dro ba rnams kyis dmigs pa ni sems can thams cad do// rnam pa dag ni sems can thams cad la rnam pa bcur blta ste/ mnyam pa dang / byams pa dang / phan pa dang / zhe sdang ba med pa dang / brnyan pa med pa dang / ma dang pa dang / sring mo
- 277a
dang / spun zla dang / bu dang bu mo dang / mdza' bo dang bshes dang gnyen dang snag gi gnyen mtshams kyi rnam pa'i rang bzhin no// snag gi gnyen mtshams ni sha khrag gis 'brel pa ste drod du gyur pa'o// bdag nyid sdig pa las ldog cing // sbyin la sogs la gnas pas gzhan// de dag la ni 'god pa dang // bsngags pas brjod dang mthun pa nyid// rtser gyur zhes pa ni rang nyid mi dge ba bad+ma/ las ldog cing sbyin pa la sogs pa la gnas pas gzhan dag kyang mi dge ba bcu las zlog pa dang / sbyin pa la sogs pa las 'god pa dang // de ltar gnas pa'i bsngags pa brjod pa'o// mthun pa ni de/ dag las thabs sna tshogs kyis phan par byed pa ste rtse mor gyur pa'o// de bzhin bzod pa ni/ rang gzhan rten can bden shes pa zhes pa la/ rang dang gzhan rnams la bden pa'i shes pa bskyed pa ni bzod pa'o// chos mchog de bzhin sems can rnams// smin byed sogs kyis zhes par bya zhes pa ste/ de bzhin zhes pa ni rang dang gzhan rnams kyi rten gyi sems can rnams yongs su smin par byed ces pa ste/ 'dir zhes pa ni theg pa chen por ro// gzhan ni go sla'o// phyir mi ldog pa'i mtshan nyid gsungs pa/ gzugs la sogs las ldog sogs rtags// rnam pa nyi shu bskyed pa yis// des 'byed yan lag gnas pa yi// phyir mi ldog pa'i mtshan nyid 'di zhes pa ste/ gzugs la sogs pa las bzlog pa nyid la sogs pa'i rtags nyi shus nges par 'byed pa'i cha dang mthun pa la gnas pa'i phyir mi ldog par nges par 'byed do// mtshan nyid nyi shu po de rnams kyang gang yin zhes sems pa la gsungs pa/ gzugs la sogs las ldog pa dang // the tshom mi dal zad pa dang // bdag nyid dge ba
- 277b
la gnas shing // gzhan dag de la 'god pa dang // gzhan gyi rten can sbyin sogs dang // zab mo'i don la'ang som nyi med// gyis lus sogs dang sgrib pa ni// rnam pa lnga dang mi 'grogs dang // bag la nyal kun 'joms pa dang // dran pa dang ni shes bzhin dang // gos la sogs pa gtsang ba dang // lus la srin bu rnams mi 'byung // gya glu med sems sbyangs pa ni// len dang ser sna med sogs dang // chos nyid ldan par 'gro nyid dang // sems can don du dmyal tshe la dang // gzhan gyis bkri bar mi btu ba dang // lam gzhan nye bar sngon bdud la// bdud ces bya bar rtogs pa dang // sangs rgyas dgyes pa'i spyod pa ste// rtags ni nyi shu de dag gis// drod dang rtse mo bzod bcas dang // chos mchog rnams la gnas pa ni// rdzogs pa'i byang chub las mi ldog ces pa ste/ gzugs la sogs las ldog pa dang zhes pa ni chos thams cad 'od gsal ba nyid kyis gzung ba la sogs pa'i dngos po med par rtogs pa ste mtshan nyid gcig go/ the tshom mi dal zad pa dang zhes pa ni the tshom zad pa dang mi dal zad pa'o// de la bden pa dang dkon mchog dang las dang 'bras bu rnams la yid gnyis yod pa ste the tshom mo// de zad pa ni gnyis pa'o// ldog par rtog pa dang / dmyal ba dang / yi dgas dang / byol song dang / lha tshe ring ba dang / sangs rgyas kyi gsung mi grag pa dang / mtha' 'khob tu skyes pa dang / dbang po ma tshang ba ste mi khom pa brgyad do// de rnams zad pa ni gsum pa'o// bdag nyid dge ba la gnas shing zhes pa ni rang nyid dge ba rnams la gnas nas gzhan rnams kyang de la 'god pa ni bzhi pa'o// gzhan gyi rten can sbyin sogs dang zhes pa ni sems can thams cad la
- 278a
sbyin pa la sogs pa sdod par byed pa ni lnga pa'o// zab po'i don la yang som nyi med ces pa phyin ci ma log pa'i stong pa nyid rtogs par bya ba la dge ba'i bshes gnyen la mi bltos ma ste drug pa'o// byams pa sngon du 'gro ba'i lus dang ngag dang yid kyi las te bdun pa'o// sgrib pa ni rnam pa lnga dang mi 'grogs dang zhes pa ni 'dod pa la 'dun pa dang / gdod sems dang / gnyid dang / rmugs pa dang / rgod pa dang / 'gyod pa dang / the tshom ste sgrib pa rnam pa lnga dang / mi 'grogs pa ni brgyad pa'o// bag la nyal kun 'joms pa dang zhes pa bgo la nyal dang nyon mongs pa de rnams spong ba ni dgu pa'o// dran pa dang ni shes bzhin dang zhes pa ni dran pa dang bcas pa'i shes bzhin no// dran pa ni sngon nyams su myong ba rnams sngon du byed pa'o// shes bzhin ni yang dang yang du lus dang ngag rnams la so sor rtog pa ste/ dran pa dang bcas pa'i shes bzhin ni bcu pa'o// gos la sogs pa gtsang ba ni bcu gcig pa'o// lus la sran bu rnams mi 'byung ba ni bcu gnyis pa'o// gya gu med sems ces pa ni sems dang lus dang ngag rnams yon po ma yin pa ste bcu gsum pa'o// sbyangs pa ni len zhes pa ni sbyangs pa'i yon tan rnams yang dag par len pa de yang bcu gnyis te/ phyag dang khrod pa dang / chos gos gsum pa dang / phying pa pa dang / bsod snyoms pa dang / stan gcig pa dang / phyis mi len pa dang / dgon pa pa dang / shing dung pa dang / dur khrod pa dang / gzhi ji bzhin pa dang / sman bskus te bor rab ste bcu bzhi pa'o// ser sna med sogs zhes pa ni pha rol du phyin pa drug gi mi mthun pa'i phyogs su gyur pa ser sna la sogs pa de dag med pa bco lnga pa'o// chos nyid ldan par 'gro nyid dang zhes pa
- 278b
ni gzung ba dang 'dzin pas stong pa nyid mi 'gog pas gong nas gong du 'gro ba ste bcu drug pa'o// sems can don du dmyal 'chol dang zhes pa ni thugs rje chen pos sems can gyi don du dmyal bar 'gro ba ni bcu bdun pa'o// gzhan gyis bkri bar mi btub dang / zhes pa ni bco brgyad pa'o// lam gzhan nye bar ston bdud la/ bdud ces bya bar rtogs pa dang zhes pa la/ de bzhin gshegs pas gsungs pa'i/ lam las lam gzhan nyid bdud kyi lam du brjod par bya ste/ de dag gi bdud nyid du shes pa de ni bcu dgu pa'o// sangs rgyas dgyes pa'i spyod pa ste zhes pa ni sbyin pa la sogs pa pha rol tu phyin pa bcu la spyod pa de dag las sangs rgyas thams cad dgyes par 'gyur zhes pa ste nyi shu pa'o// drod dang rtse mo zhes pa la sogs pa ni nye bar bsdu ba'i tshogs su bcad po ste/ nges par 'byed pa'i yan lag gnas pa'i byang chub sems dpa' rnams rtags nyi shu po 'dis yang dag par rdzogs pa'i byang chub las phyir mi ldog par mtshon zhes pa'i don to// mthong ba'i lam la gnas pa'i phyir mi ldog pa'i byang chub sems dpa'i dge 'dun gyi mtshan nyid gsungs pa/ mthong ba'i lam la bzod pa dang // shes pa'i skad cig bcu drug ni// byang chub sems dpa' mi ldog pa'i// mtshan nyid yin par shes par bya// zhes pa ni mthong ba'i lam la gnas pa'i byang chub sems dpa' phyir mi ldog pa'i rtags su rig par bya ba rnams ni bzod pa dang shes pa'i skad cig bcu drug ces pa'i don to// skad cig ma bcu drug po de rnams kyang gang zhes pa la gsungs pa/ gzugs sogs 'du shes ldeg pa dang // sems brtan theg pa dman dag las// rnam ldog bsam gtan la sogs pa'i// yan lag yongasu
- 279a
zad pa dang // lus sems yang ba nyid dang ni// 'dod la spyod la thabs pakhas dang // nAg ng+gA grangs par spyad pa dang // 'tsho ba rnam par dag nyid dang // byang mags par chad byed rnams dang / tshogs dang dbang sogs bcas pa yi// g.yul 'gyed ser sna la sogasal// sbyor dang rjes su sbyor ba yi// gnas pa so sor bkag pa dang // chos ni rdul tsam mi dmigs nyid// rang gi sa la nges pa nyid// sa gsum la ni gnas pa dang // chos kyi don du srog gtong ba// de 'dra'i skad cig bcu drug ni// blo ldan mthong ba'i lam gnas kyi// phyir mi ldog pa'i rtags dag yin zhes pa ste/ gzugs sogs 'du shes ldog pa dang zhes pa ni gzugs la sogs pa nas ji srid sangs rgyas kyi bar du 'du shes mtshan ma ste/ rtogs bya dang rtogs byed kyi dngos po de dag ldog pa ni sdug bsngal la chos shes pa'i bzod pa'o// sems brtan zhes pa ni bdud la sogs pas mi phyed pa 'am/ byang chub kyi sems brtan pa ste sdug bsngal la chos shes pa'o// theg pa dman dag las/ rnam ldeg ces pa ni nyan thos dang rang sangs rgyas kyi theg pa dag yongs su spong ba ste/ sdug bsngal la rjes su shes pa'i bzod pa'o// bsam gtan la sogs pa'i yan lag yongs su zad pa dang zhes pa ni bsam gtan dang gzugs med pa la sogs pa gang rnams kyi yan lag ni de thob par byed pa'i rtags te/ de rnams yongs su zad cing nyams dma' bar byas pa ni sdug bsngal la rjes su shes pa'o// lus sems yang ba nyid dang ni zhes pa la lus yang ba ni lus kyi las la zo mdog par 'jug pa'o// sems yang ba ni yul la 'dzin pa la mkhas shing rgyal ba ste de gnyis ka yang kun 'byung la chos shes pa'i bzod pa'o// 'dod la spyod la thabs mkhas dang
- 279b
sa pa ni khyim pa'i byung chub sems dpa' mams can narnams sangs su smyin par bya ba'i thabs pa pa mas pa rjid kyis ma dgas par 'ad pa sbyin par byed nas pa ste/ kun 'byung ba sags pa // rtag tu tshangs par spyod pa dang zhes pa ni kun 'byung la rjes su shes pa'i bzod pa'o// 'tsho ba rnam par dag nyid dang zhes pa ni phan par byed pas 'tsho ba ste kun 'byung la rjes su shes pa'o// phung sogs zhes pa ni phung po dang khams dang skye mched rnams la sbyor dang rjes su sbyor ba yi// gnas pa so sor bkag pa dang zhes 'chad par 'gyur ba de 'dir yang blta bar bya'o// de la sbyor ba ni mngon par chags/ phyug/ rjes su snang ba ni mngon par mchags par// de dag gi gnas pa ni sems kyi spyod pa'o// de dgas sor bklag pa ni 'gag pa sa rnaMs shes pa'i bzad pa'o// ba shA byed rnams sa rtogs pa'i bar du gcod pa'i chos rnams la ji ltar gsungs pa'i sbyor bas gnas pa so sor bkag pa ni 'gog pa la chos shes pa'o// tshogs zhes pa ni byang chub kyi tshogs te/ sbyin pa la sogs pa la ji ltar brjod pa'i sbyor ba dang rjes su sbyor bas gnas pa so sor bkag pa ni 'gog pa la rjes su shes pa'i bzod pa'o// dbang sogs bcas pa yi g.yul 'gyed/ ces pa la dbang por bcas par 'jug pa zhes pas dbang bcas ni yul dang ste/ gang dang gang du dbang sogs bcas par g.yul 'gyed pa ni dbang po dang yul dag g.yul 'gyed pa de dang der sbyor ba dang rjes su sbyor ba'i gnas pa so sor bkag pa ni 'gog pa la rjes su shes pa'o// ser sna la sogs zhes pa ni ser sna la sogs pa na sbyin pa la sogs pa pha rol tu phyin pa drug gi mi mthun pa'i phyogs su gyur pa la sbyor
- 280a
ba dang / rjes su sbyor ba'i gnas pa so sor bkag pa ni lam la chos shes pa'i bzod pa'o// chos ni rdul tsam mi dmigs nyid ces pa ni gzung ba dang 'dzin pa'i chos kyi mtshan nyid mi dmigs pa ste/ lam la chos shes pa'o// rang gi sa la nges pa nyid// sa gsum la ni gnas pa dang zhes pa la kun mkhyen gsum gyi bdag nyid kyi rang gi sa gsum la ji lta ba bzhin du nges par byas te gnas pa ni lam la rjes su shes pa'i bzod pa'o// chos kyi don du srog gtong ba zhes pa la chos ni mdo sde dang mngon pa dang 'dul ba'i gzhung gi bdag nyid dang de'i don te de'i ched du srog kyang gtong ba ste lam la rjes su shes pa'o// de 'dra'i skad cig bcu drug ni// blo ldan mthong ba'i lam gnas kyi// phyir mi ldog pa'i rtags dag yin zhes pa ni nye bar bsdu ba'o// sgom pa'i lam la gnas pa'i phyir mi ldog pa'i byang chub sems dpa'i dge 'dun gyi mtshan nyid rtogs par bya ba'i phyir de'i bye brag sgom pa'i lam brjod par 'dod nas de'i bye brag rnams re zhig gsungs pa/ sgom pa'i lam ni zab pa ste// zab mo stong pa nyid la sogs// zab pa de'i sgro 'dogs dang // skur ba'i mtha' las grol ba nyid ces pa ste/ sgom pa'i lam zab pa ni rtogs par dka' ba ste/ zab pa de ni stong pa nyid la sogs pa'o// sogs pa'i sgras ni mtshan ma med pa dang / smon pa med pa dang / rang bzhin gyis 'od gsal ba rnams gzung ngo // sgom pa'i lam gyis zab pa ni stong pa nyid du brjod na stong pa nyid ji lta bu zhes pa la gsungs pa/ sgro 'dogs dang / skur ba'i mtha' las grol ba nyid ces pa ste/ sgro 'dogs kyi mtha' las grol ba'i stong pa nyid ni zab mo zhes pa'i don to// /
- 280b
sgro 'dogs pa ni brtags pa rnams su'o// bskur pa ni bsal ba rnams la'o// gnyis ka las grol ba stong pa nyid ni sgom pa'i lam gyi bye brag tu brjod do// sgom pa'i lam gyi khyad par du gsungs pa/ nges 'byed yan lag dang mthong ba'i// lam dang sgom pa'i lam nyid la// yang dang yang du sems pa dang // 'jal dang nges rtog sgom pa'i lam zhes pa ste/ nges par 'byed pa'i yan lag dang // mthong ba'i lam dang / sgom pa'i lam la gnas nas de'i skabs su mthong ba'i don dag zos pa dang bsam pa dang sgom pa'i rang bzhin gyi shes pas rim pa ji lta ba bzhin du yang nas yang du sems pa dang 'jal ba dang nges par rtog pa rnams kyi rgyun lam byung ba ni sgom pa'i lam mo// 'di rnams du zhes sems pa la gsungs pa/ de ni rgyun chags yin pa'i phyir// chung dang 'bring dang chen po rnams// chung ngu'i chung sogs dbye ba yis// rnam pas rnam pa dgur bzhed do zhes pa ni sgom pa'i lam ni rnam pa dgur bzhed do// yang de nyid kyis de'i mi mthun pa'i phyogs kyi rab tu dbye ba yang dgur brjod do// ji ltar zhes pa la gsungs pa// chung dang 'bring dang chen po rnams// chung ngu'i chung sogs dbye ba yis zhes pa ste/ de la chung ngu'i chung ngu dang chung ngu'i 'bring dang chung ngu'i chen po dang / 'bring gi chung ngu dang 'bring gi 'bring dang 'bring gi chen po dang / chen po'i chung ngu dang chen po'i 'bring dang chen po'i chen po'o// rim pa 'di gnyis kyis mi mthun pa'i phyogs rnams kyang rnam pa dgur rig par bya'o// gnyen po'i phyogs ni go rim ji lta bas 'joms par byed do// mi mthun pa'i phyogs ni go rim las ldog pa gzhom bya ste/ mar me'i snang ba phra mos mun nag chen po rnams so sor
- 281a
'joms zhes pa'i dpe nyid kyis te/ sgom pa'i lam ni rnam pa dgu'o// 'o na rgyal ba'i yum de dang der bskom pa'i lam re re'i rab tu dbye ba las kyang bsod nams grangs med cing gzhal du med pa tshad med pa phye'o// sgom pa'i lam yang grangs med cing ga zhal du med pa dang / tshad med pa'i dbye bar gsungs na/ de la 'dir rnam pa dgur ji ltar 'gyur zhes pa la gsungs pa/ grang med la sogs bstan pa rnams// dam pa'i don du bzod ma yin// kuni rdzob de dag thugs rtsengs// rgyu mthun gyur par thub pa bzhed ces pa ste/ sbom pa'i lam las bsod nams grangs med ba la sogs pa skye bar 'gyur zhes gang zhig shes rab kyi pha rol du phyin pa las gsungs pa de rnams ni don dam par bstan par mi nus pa dang / sgom pa'i lam yang gzhal du med pa la sogs pa rab tu dbye bar mi nus pa'o// 'o na don ci'i phyir der gsungs mnyam pa la/ thugs rje chen pos byis pa'i skye bo rnams gzhug pa'i phyir thub pa rnams kyis gsungs pa zhes pa ste/ de bas na sgom pa'i lam ni rnam pa dgu nyid do// de ni rnam par rtog pa'i bdag nyid yin pas de kho na nyid du rang bzhin med pa'i phyir sgom pa'i lam ni don med pa nyid du ston pa'i phyir gsungs pa/ dngos po brjod du med pa la// nyams pa dang ni 'phel mi rung // skom zhes bya ba'i lam gyis ni// ci zhig nyams shing ci zhig thob ces pa ste/ dngos po zhes pa ni sems dpa' dang 'jal ba la sogs pa ji ltar gsu pa'i sgom pa'i lam ni dngos po'o// brjod du med ces pa ni gang zag la sogs pa bzhin du brjod du med pa'i dngos por gyur pa'o// nyams pa dang ni 'phel mi rung zhes pa ni mi mthun pa'i phyogs dang /
- 281b
gnyen po'i phyogs kyi bdag nyid de dag nyams pa dang 'phel ba dag med pa'o// de la sgom pa'i lam 'dis ci zhig 'joms shing ci zhig ni 'phel te/ cung zad kyang med pas ci yang mi byed do zhes pa ni rgal ba'i don to// 'dir lan ni/ byang chub ji lta de bzhin du// 'di ni 'dod pa'i don srub byed ces pa ste/ ji ltar byang chub de bzhin du zhes pa ni de kho na nyid du gnyis su med pa'i shes pa'i bdag nyid yang kun rdzob du yang sangs rgyas kyi mtha' dag 'dzin pa dang 'gro ba'i don byed pa ste/ de bzhin du sgom pa'i lam 'di yang kun rdzob tu rang gi yul la yang dag par nges par byas te mngon par 'dod pa'i don grub pa dang / nyin mongs pa zad pa'i bya ba dang byang chub skyed par byed pa'i mtshan nyid sgrub par byed ces pas sgom pa'i lam 'di don med pa ma yin no// 'on kyang byang chub nyid ni ji lta bu/ skom pa'i lam 'di ji lta bur rtogs par bya zhes pa la gsungs pa/ byang chub de bzhin nyid mtshan nyid// de yang de'i mtshan nyid bzhed ces pa ste de bzhin nyid 'di stong pa nyid do// mtshan nyid 'di rang bzhin no// gang zhig sgom pa'i lam de yang de'i mtshan nyid// de/ gang gi rang bzhin de bzhin yin par de ltar de'i mtshan nyid kyang de bzhin no// ji ltar byang chub stong pa nyid yin yang kun rdzob tu mngon par 'dod pa'i don rnams byed do// de bzhin du sgom pa'i lam 'di yang gnas pa nyid ces pa'i don to// 'o na byang chub grub par gyur nas dper bya ba ma yin gyi ma grub pa ni dper sbyar bar mi bya'o zhes bstan pa'i phyir gsungs pa/ sems ni snga mas byang chub par zhes pa la sogs bste/ byang chub ni rnam pa thams cad kyis chos thams cad mngon sum du byed pa can rnam par mi rtog pa'i shes rab po// de yang sgom pa'i lam gyi bdag nyid rnam par rtog pa rnams 'dus pa nyid du go ste/
- 282a
rnam pa sog sarnams 'i rnas gcig pa yang mgab stengs gtsigs ngas pa med pas so// ri kyim po sred pa yang meng / de ra nyid na yin pa nam sa yon med pa thal par 'gyur zhes pa'i sun 'byin da grags pas btang snyoms su bdage bar// sams ri thams cang dab pang// rig nga pa yi shes pas/ dpar shesapa'i las gyi sems rnams byang rab mi skyed de/ phyi ra rnams don med par thal bar 'gyur ba'i phyir ro// phyi mas kyang pa yin te/ sgom pa'i labasnga pa na/ yor med par thal bar 'gyur ba'i phyir ro// dpas ra byang chub bskyed pa ni shin tu dka'o zhes pa ni brgal ba'o// pang po'i dpe'i tshul gyis ni// byang rub bar du 'gyur ba yin zhes pa ni lan ro// de'i don ni 'dzi te/ dpe na mar po'i gang cig dang pos sdong du rig pa ni ma yin pa rnams don med par thal bar 'gyur ba'i phyir ro// phyi mas rig pa yang ma yin te/ snga pa rnams don med par thal ba 'gyur ba'i phyir ro// 'od kyang mar po'i rgyad kyis tshig ces par me'i dpes gsungs te/ de ltar rkang pa'i sar yang nan nyid kyis byang chab bskyed ces pa'o// bskyed pa'i lab brga ba sngon du song ba'i la gdab pas rnam par gzhag par byas nas/ deni phyir mi ldog pa'i byang chub sems pa'i 'du kyimatshan med gsus pa/ zab po'i rjes nyid rnam pa brjod/ phye 'ang na dang // de bzhi ri sa bya dang // shes dang smon pa gnyis med dang // thabs mkhas pa la zab pa nyid chos nyid ni chos thams cad kyis rang bzhin no// gang zhig rnam pa la nadzin rags pa nyams su len pas na zab pa'o// de skom pa po'i byang chub sems dpa' rgom pa'i ya la gnas pa'i
- 282b
phyir mi ldog pa'i byang chub sebasad pa'i dge 'dun gyi yul rnam pa brgyad zab pa ste/ gang dang gang zhes pa la gsungs pa/ skye ba dang zhes pa la sogs pa'o// skye ba ni zab pa ste/ gnyis su med kyang 'khor ba'i thog ma nas rten cing 'brel par 'byung ba yod pas so// 'gog pa yang zab pa ste/ ma skyes kyang 'gog pa yod pas na'o// de bzhin nyid 'di yang zab pa ste/ de'i bdag nyid yin yang de bsgom pas na'o// shes bya yang zab pa ste/ shes pa med kyang de rnam par gnas pas so// shes pa yang zab ste/ shes bya med kyang shes pa yod na'o// spyod pa yang zab pa ste/ ches thams cad la bya ba med kyang byang chub kyi spyad pa spyod pas na'o// gnyis su med pa yang zab ste/ gnyis sgro 'dogs pa yin yang gnyis su med pa'i sems su gsal bar nges pas so// thabs la mkhas pa yang zab ste// 'gro ba rnams ma grub kyang rgyud mi 'chad par 'gro ba mtha' dag gi don byed pas te 'di rnams thams cad ni mi 'gal ba ste/ don dam pa dang kun rdzob kyi bden pa dag la mnyam par brten pa nyid kyis na zhes brjod do// slob pa phyir mi ldog pa'i tshogs rnams so// da ni srid dang zhi ba mnyam nyid dang zhes mdor bstan pa bshad pa'i phyir gsungs pa/ chos rnams zil ma 'dra ba'i phyir// srid dang zhi bar mi rtog pa// las med la sogs klan ka yi// lan ni ji skad bshad par zad ces pa ste/ srid pa zhes pa ni nyon mongs pa dang bcas pa'i khams gsum pa'i sems su snang ba'o// zhi ba zhes pa ni chos dang 'ongs spyod dang sprub pa'i sku gsum gyi rnam pa nyon mongs pa med pa'i sems su snang ste/ khyad par du yang dag par rdzogs pa'i sangs rgyas zhes brjod do// de dag tu rtog pa byed pa ni dbye bar mi shes pa ste/ stong pa nyid kyis byin gyis brlabs pa rang rang gi sems su snang ba tsam gyi bdag nyid yin pa des na spyi shes
- 283a
pa'i zhes pa'i don to// de ltar yin pa ci'i phyir zhe na/ chos rnams rmi la lta bu nyid kyis so// sad pa'i gnas skabs kyi bdag nyid kyi sems kyi snang ba rnams rmi lam lta bu ste/ rmi lam ni gnyid kyi gnas skabs la nye bar dmigs par gyur pa na lag pa dang glang po la sogs pa'i rnam pa sems su snang ba'o// chos rnams kyang de dang de 'dra ba nyid kyis tha ral gyi rang bzhin las ring du 'das pas de rtogs pa nyid ni sangs rgyas zhes dkod pa'o// las med la sogs can ka yi// lan ni ji skad bshad par zad ces pa la/ ches thams cad ni zil ma lta bu yin pas ji ltar mdo sde las gsungs pa/ de bzhin du rmilam du sbyin pa dang rnam par 'tshe ba la sogs pas bsod na ras dang sdig par 'gyur ba med do// de bzhin du gnyid ma log pa'i gnas skabs su yang thal bar 'gyur ro zhes pani brgal ba'o// lan ni ji ltar mdo las gsungs pa de bzhin du rtogs par bya ste/ bcom ldan 'das kyis ji ltar gsungs pa dmigs pa dang bcas pa nyid las las rnams skye bar 'gyur gyi gzhan dmigs pa med pa las ni pa yin no zhes so// rmi lam gyi skabs su 'dir dmigs pa med pa'i sems te/ de bas na gzhan gyi drung du grub pa med pas de dag tshar bcad pa dang pan gdags par byas pa las sdig pa dang bsod nams dag med pa ni rigs pa'o// tha ma la gnyid ma log pa'i gnas skabs ni dngos por gyur pa mi bslu ba'i yul can nyid kyis sems su snang ba gzhan gyi rgyud las skyes par gyur pa nyid kyis dmigs pa dang bcas pa'o// slob dpon dbyig gnyen zhabs kyis ji ltar gsungs pa/ phan tshun bdag po nyid kyis na// rnam par shes pa nges pa yin zhes pa'o// de dag 'dir tha mal gnyid ma log pa'i gnas skabs gzhan gyi rgyud du grub pa de rnams phan gdags pa dang tshar bcad pa byas na bsod nams dang sdig pa dag gi rnam par bzhag pa
- 283b
ni legs par gnas pa nyid do// sangs rgyas kyi zhing yongs su dag pa'i dbang du byas te gsungs pa/ sems can 'jig rten de bzhin du/ snod kyi 'jig rten mdag pa// de la dag par bsgrubs pa yis// sangs rgyas zhing ni drag pa nyid ces pa ste/ sems can 'jig rten ni sems can dang bcas pa'i mtshan pa ste/ gang zhig ma dag pa ni sgom pa dang / ltogs pa la sogs pa'o// de yis gzhan dge mthong nas rang gi sangs rgyas kyi zhing gi sems can rnams dag pa nye bar sdud par byed pa smon lam la sogs pas lha'i longs spyod la nye bar sdud pas sems can gyi 'jig rten dag par byed do// de bzhin du snod kyi 'jig rten ni sems med pa'i chen / gang shig sa dag pazhes pa'i dir yang snang bying byas/ mang ma dang ba dang ngam thag la sogs pa de yis gzhan dag mazang bas rang gi sangs rjes kyi 'jig rten dag pa nye bar lda pags la sogs pa'i rang bzhin gyi sa gzhi mnyam par byed pa ni snod kyi 'jig rten dag par byed pa'o// sems can dang snod kyi 'jig rten dag pa nyid ni sangs rgyas kyi zhing dag par gsungs te/ de gnyis kyi bdag nyid ni de yin pa'i phyir ra// zlabs pa mkhas pa bstan pa'i phyir gsungs pa/ 'di yul rab tu myong ba ste// dgra rnams la ni 'das pa dang // mi gnas ji bzhin shugs dang ni// thun mong ma yin mtshan nyid dang // ma chags pa dang mi dmigs dang // mtshan pa smon lam zad pa dang // de yi rtags dang tshad med pa// thabs la mkhas pa rnam pa bcu zhes pa ste/ thabs ni sangs rgyas nyid kyi sgrub thabs so// de la mkhas pa ni phyin cim log pa'i shes pa ste thabs la mkhas pa'o// 'di yi zhes pa ni thabs la mkhas pa ste/ de'i yul dang rab tu sbyor ba brjod par bya ba ste/ de la ting nge 'dzin rnam pa gsum dang / byang chub kyi
- 284a
phyogs rnams shes pa ste/ yul ni mdo nyid kyis rgyas par gsungs so// rab tu sbyor ba zhes pa ni/ dgra rnams las ni 'das pa dang zhes pa la sogs pa'i rkang pa bcu po rnams la so sor yang dag par sbyor bas rnam pa bcur rig par bya'o// dgra rnams ni dgra nyid de bdud bzhi la sogs pa ste/ rab tu sbyor ba gang zhig de rnams las 'das pa de ni dgra rnams las 'das pa'i rab tu sbyor ba'o// gang gi chos thams cad la gnas kyang la lar rab tu mi gnas pa de ni mi gnas pa'i rab tu sbyor ba'o// gang gis ji ltar smon par bzhin du 'gro ba'i don bya ba'i phyir byang chub kyi lam la goms par byed pa de ni shugs kyis rab tu sbyor ba'o// gang gis yang dag par rdzogs pa'i spyod pa nyid la goms par byed pa de ni nyan thos la sogs pa dang thun mong ma yin pa'i rab tu sbyor ba'o// gang gis sems can thams cad kyi 'jigs pa bsal ba'i phyir byang dab kyi spyod pa kun tu spyod pa de ni ma chags pa'i rab tu myong ba'o// gang gis rtags pa'i chos thams cad mi dmigs par bstan pa'i don du sangs rgyas kyi rdu la goms par byed pa de ni mi dmigs pa'i rab tu sbyor ba'o// / gang gis sems can thams cad kyi mtshan mar gzung ba bsal ba'i don du sangs rgyas nyid kyi rgyul rab tu goms par byed pa de ni mtshan pa med pa'i rab tu sbyor ba'o// gang gis sems can thams cad srid pa gsum du rdzo lam gdab cing zad par bya ba'i phyir byang chub kyi rdul spyod pa de ni srin pa med pa'i rab du sbyor ba'o// de yi zhes pa ni phyir mi ldog pa'o// gang zhig la sogs pas de mtshon par byed cing shes par byed pa de ni nags kyi rab tu sbyor ba'o// gang gis tshad med pa'i yul dang dus kyi sems can rnams yongs su bskyab pa'i phyir byang chub kyi rgyal goms par byed pa de ni tshad med pa'i rab tu sbyor ba'o// rab tu sbyor ba rnam pa
- 284b
bcur phye bas thabs la mkhas pa gsungs so// mngon par rtogs pa'i rgyan gyi 'grel pa grags pa'i cha zhes bya ba las skabs bzhi pa'i 'grel pa'o// // rtse mo'i mngon par rtogs pa la de'i rtags dang zhes pa la sogs pa'i dngos po dgu mdor bstan pa de las rtags bshad pa'i phyir gsungs pa/ rmi lam na yang chos rnams kun// rmi lam lta bur lha la sogs// rtse mor phyin pa'i sbyor ba'i rtags// rnam pa bcu gnyis dag tu bzhed ces pa ste/ rtse mo'i mngon rtogs kyi rtags rnams rnam pa bcu gnyis po de rnams las gang gis rmi lam na chos thams cad rmi lam lta bur lta ba la sogs pa ni rtags gcig go/ sogs pa'i sgras nyan thos dang rang sangs rgyas kyi byang chub dang srid pa gsum du sems mi bskyed pa ni gnyis pa'o// rmi lam na de bzhin gshegs pa la sogs pa mthong ba ni gsum pa'o// rmi lam na nam mkha' las sangs rgyas kyi rdzu 'phrul rnam par 'phrul pa mthong ba ni bzhi pa'o// rmi lam na chos ston pa'i sems skye ba ni lnga pa'o// dmyal ba la sogs pa'i ngan 'gro gsum mthong ba las rang gi sangs rgyas kyi zhing du de dag spang ba'i sems ni drug pa'o// rmi lam 'am sad pa'i gnas skabs su gal te bdag sngon gyi sangs rgyas kyis lung bstan pa yin na grong khyer la sogs pa tshig pa rab tu zhi bar gyur cig ces pas bden pa'i byin gyis brlabs kyis rab tu zhi ba ni bdun pa'o// gal te bdag yang dag par rdzogs pa'i byang chub la lhag par mos pa'i sems dang bcas par gyur na de yi mi 'di las mi ma yin pa ring du song zhig ces pas bdud kyis byin gyis brlabs pa min par bden pa'i byin brlabs kyis me ma yin pa ring du 'bros pa ni brgyad pa'o// rang nyid kyis sangs rgyas dang byang chub sems dpa'i mtshan nyid mngon par shes nas dge
- 285a
ba'i bshes gnyen du brten pa ni dag pa'o// rab pa thams cad kyis shes rab kyi pha rol tu phyin pa la slob pa ni bcu pa'o// thams cad la mngon par mazhen pa ni bcu gcig pa'o// sangs rgyas kyi byang chub tu nye bar gyur pa ni bcu gnyis pa ste/ de ltar rtags bcu gnyis so// rtse mor phyin pa'i rnal 'byor pa'i rtags rnams mngon par brjod nas/ de'i rnam 'phe la gsungs pa/ 'dzam+bu'i gling gi skye ba rnyed/ sangs rgyas mchod pa'i dge la sogs// dper mdzad nas ni rnam pang de// rnam 'phel bcu drug bdag nyid do zhes pa ste/ ting nge 'dzin gong nas gong du gyur pa'i gnas skabs kyi bye brag rnams ni rnam 'phel lo// rnam pa bcu drug ji ltar shes par bya snyam pa la gsungs pa/ 'dza m+bu'i gling zhes pa la sogs pa ste/ 'dzam+bu'i gling na gnas pa'i sems can gyi grangs ji snyed pa de snyed kyis mtshon pa'i sangs rgyas de snyed la mchod pa byas pa'i bsod nams gang zhig dper byas pa de ni de bzhin no// sangs rgyas de rnams la mchod pa'i dge ba la sogs pa dper lan mang du mdzad de dpe yis rnam pa bcu drug tu dbye ba byas pas rnam par 'phel ba bcu drug du rtogs par bya'o// de la shes rab kyi pha rol du phyin pa yid la byed pa rnam 'phel gcig go/ chos rnams ma skyes par bzed pa so sor thob pa gnyis pa'o// rtogs bya dang rtogs pa po'i tshes dag mi dmigs pa ni gsum pa'o// bud par du 'phags pa'i dge ba bcu la sogs pa thob pa ni bzhi pa'o// gzugs med pa'i snyoms par 'jug pa thob pa ni lnga pa'o// lha thams cad kyi sder nye bar 'pho ba ni drug pa'o// bdud thams cad zil gyis gnon pa ni bdun pa'o// byang chub sems dpa'i gnas skabs nyid du chos ston pa la sogs pa sangs rgyas dang 'dra ba de dag gi gnas skabs ni
- 285b
brgyad pa'o// yongs su dag pa la slob pa ni dgu pa'o// sangs rgyas kyi spyod yul du gyur pa ni bcu pa'o// sangs rgyas nyid kyi 'bras bu thob pa'i mtshan ma ni bcu gcig pa'o// pha rol tu phyin pa'i mi mthun pa'i phyogs kyi sems mi bskyed pa ni bcu gnyis pa'o// gzugs la sogs pa rnams rang rig par grub pa nyid kyis gzugs la sogs pa dang lhan cig tu gyur pa'i dbang po'i shes pa mi skye ba ni bcu gsum pa'o// pha rol tu phyin pa rnams sdud pa'i shes pa ni bcu bzhi pa'o// phun sum tshogs pa thams cad so sor thob pa ni bco lnga pa'o// yang dag par rdzogs pa'i byang chub la kun tu nye bar gyur pa ni bcu drug pa ste/ de ltar na rnam 'phel rnam pa bcu drug go/ da ni brtan pa gsungs pa/ sems can don yongs mi gtong ba// kun mkhyen nyid gsum chos rnams kyi// yongs su rdzogs pa bla med pa// nges pa zhes ni mngon par brjod ces pa ste/ 'di skad gsungs pa'i rnam pa thams cad mkhyen pa nyid la sogs pa kun mkhyen gsum du gtogs pa'i byang chub tu sems bskyed pa la sogs pa'i chos rnams yongs su rdzogs pa bla na med par gyur pa de yang sems can gyi don yongs su mi gtong bar gyur pa de ni rtse mo'i mngon rtogs kyi nges par brjod do// sems kun gnas shes sngon du mdor bstan pa de yang ting nge 'dzin nyid do// de bas na ting nge 'dzin gyi dbang du byas te gsungs pa/ gling bzhi pa dang stong dag dang // stong gnyis gsum dag dper mdzad nas// bsod nams mang po nyid kyis ni// ting 'dzin yongs su bsgrags pa yin zhes pa ste/ 'di'i don 'di ltar 'dod de/ gling bzhi pa la sogs stong dang / stong gnyis pa dang / stong gsum gyi 'jig rten gyi khams su gnas pa'i sems can de rnams kyi gang zhig pha rol tu phyin pa la sogs pa'i tshogs nas snying rje la
- 286a
sogs pa'i chogs dang / gang shig de'i rang bzhin gyi ting nge 'dzin dpagra tha med bu de rnams kyi bsod nams gang yin pa de napas dper byas te/ de bas kyang bsod nams du ma'i bdag nyid ni gso ba'i ting nge 'dzin te sems kun tu gnas pa zhes bya'o// mthong zhes bya dang sgom pa zhes bya ba'i lam ni so so la/ rnam par rtog pa rnam bzhi yi// gnyen po rnam pa bzhi dang ni zhes pas sngon du mdor bstan pa de ni de'i dbang du byas te gsungs pa/ 'jug pa dang ni ldog pa la// gzung ba'i rnam rtog so sor de// dgu yi bdag nyid ji bzhin yul// min pa'i bdag nyid dag shes bya zhes pa ste/ de la re zhig gzung ba'i rnam rtog rnam pa gnyis// / gzung ba'i yul ji lta bu zhes sems dpa' la gsungs pa/ ji lta bzhin yul min bdag nyid ces pa ste/ mi bden pa la 'dod pa'i bdag nyid do// rnam par rtog pa 'di yul la 'jug pa ni byang chub sems dpe'i blang bar bya ba'i phyogs so// ldog pa ni byang chub sems dpa' dor bar bya ba'i phyogs so// de yang so sor yul gyi dbye bas rnam pa dgu'o// gzung ba'i rnam par rtog pa mngon par brjod nas/ 'dzin pa'i rnam par rtog pa gsungs pa/ sems can rdzas dang rtag yod par// rnam rtog 'dzin pa dag tu 'dod// so so'i skye bo 'phags dbye bas// so sor de dag dgu bdag nyid ces pa ste/ gzhan 'jug pa ni rnam rtog gnyis kyang 'dzin pa po yul gyis so// gnyis ji ltar mnyam pa la/ rim pa ji lta bar rdzas dang rtags pa'i yod pa ste/ sems can rnams kyi rnam par rtogs pas so// de la dang po ni so so'i skye bo'i'o// gnyis pa ni 'phags pa rnams kyi'o// de yang so sor rnam pa dgu'o// 'di ji ltar mi bden pa la 'dod pa'i bdag nyid kyi rtog par rtog pa yin zhe na/ mi bden pa nyid la 'dzin pa po'i rnam rtog gnyis so// 'di dag nyid
- 286b
gsungs pa/ gas te gzung don de bzhin med/ de dag gang gi 'dzin par 'dod// de snang de dag 'dzer pa yi// ngobs stong pa'i mtshan nyid do zhes pa ste/ 'dzin pa'i ngobs zhes pa ni 'dzin pa po'i tshul gyis so// de dag rjes pa ni dzin pa'i rnam pa nag pa'i// rnam par rnags pa ban pa'adi yang sa kyar rnam pa dgung bsungs pa/ delas dang ponar pa dgra pa dis bya zhes sems pal bsnangs pa/ dge dang rigs dang hU~M/ ni yang dag 'grub pa dang // shes pa'i dmigs pa ma 'khrul dang // mi mthun phyogs dang gnyen po dang // rang gis rtog sa dang byed pa dang // de'i las bya'i 'bras bu la// 'jug pa'i phyogs kyi rten can gyi// nam rtog de ni rnam dgung 'dod ces pa ste/ 'di rnams zhes pa ni thog ma'i gzung rtog rnams so// ngo bo nyid ces pa ni byang chub tu sems bskyed pa'i ngo bo ste/ ngo bo nyid kyis rnam par rtog pa'o// rigs zhes pa ni yang dag par rdzogs pa'i byang chub kyi rigs la rigs su rnam par rtog pa'o// lam ni yang dag 'grub pa dang zhes pa ni shes rab kyi pha rol tu phyin pa mngon du byed pa la lam yang dag par 'grub pa'i rnam par rtog pa'o// shes pa'i dmigs pa ma 'khrul dang zhes pa ni shes pa'i dmigs pa med pa nyid kyis te shes pa'i dmigs pa ma 'khrul pa'i rnam par rtog pa'o// mi mthun phyogs dang gnyen po dang zhes pa la rnam par mi rtog pa'i ye shes ni gnyen po'i phyogs so// rnam par rtog pa ni me mthun pa'i phyogs te/ gnyen po'i phyogs dang mi mthun pa'i phyogs kyi rnam par rtog pa'o// rang gi rtogs zhes pa ni nyan thos la sogs pa'i spangs nas byang chub sems dpa'i chos rang gis rtogs pa ste/ rang gis rtogs pa'i rnam par rtog pa'o// byed pa dang / de'i las bya'i 'bras bu la zhes pa la/ byang chub sems dpa'i byed pa po zhes 'dir
- 287a
pa da brtag par// dngal pa ni ga stan pa byags pa slab ste/ sa kyi dpa pa dag par/ tha ba'i yas pan mnyan pa'i thugs zang ba ste/ b+hU ba'i 'thas pa sa par rnag pa dang por gzung ba'i rang bzhin gyi dngos po dgu spangs pa las thog mar gzung ba'i rnam par rtog pa dgu'o// ngo bo nyid la sogs pa blang bar bya ba nyid kyis 'jug pa'i phyogs kyis byin gyis brlabs par 'di dag shes par bya'o// gzung ba'i rnam par rtog pa gnyis pa 'di yang rnam pa dgur ji ltar 'gyur zhes pa la gsungs pa/ srid dang zhi bar lhung ba'i phyir// rtogs pa dman pa nyid dang ni// yongs su 'dzin pa med pa dang // lam gyi rnam pa ma tshang dang // gzhan gyi rkyen gyis 'gro ba dang // ched du bya ba log pa dang // nyi che ba dang sna tshogs nyid// gnas dang 'jug la rmongs pa dang // rjes la 'gro zhes bya ba la// rna rtog dgu yi bdag nyid 'di// ldog pa'i phyogs kyi rten can te// nyan thos la sogs yid la 'byung zhes pa ste/ srid dang zhi bar lhung ba'i phyir// rtogs pa dman pa nyid dang ni zhes pa la 'khor ba dang mya ngan las 'das pa lhung ba nyid kyis srid pa dang zhi ba'i mtshan nyid yongs su ma shes pas rtogs pa dman pa ste/ rtogs pa dman pa'i rnam par rtog pa'o// yongs su 'dzin pa med pa dang zhes pa la// yongs su 'dzin pa ni ji skad gsungs pa'i dge ba'i bshes gnyen te/ yongs su 'dzin pa med pa'i rnam par rtog pa'o// lam gyi rnam pa mtshang dang zhes pa ni shes bya'i sgrib pa mtha' dag gi gnyen po'i phyogs kyi lam ma tshang ba ni lam ma tshang ba'i rnam par rtog pa'o// gzhan gyi rkyen gyis/ 'gro ba dang zhes pa ni de bzhin gshegs pa la sogs pa rnams la bltos nas rang gi lam rtogs pa nyid kyis gzhan gyi rkyen gyis 'gro ba'i rnam par rtog pa'o// ched du bya ba log pa dang zhes pa ni snying rje med pas ji skad
- 287b
gsungs pa'i ched du bya ba spangs pa ni ched du bya ba log pa'i rnam par rtog pa'o// nyi tshe ba zhes pa ni nyon mongs pa'i sgrib pa spangs nas lam tsam nyid rtogs pa ni nyi tshe ba'i rnam par rtog pa'o// sna tshogs nyid ces pa ni 'bras bu dang po la sogs pa rtogs pa ni sna tshogs kyi rnam par rtog pa'o// gnas dang 'jug la rmongs pa dang zhes pa ni bde 'gro dang ngan 'gro dag la gnas pa dang 'byung ba la rmongs pa ni gnas pa dang 'jug pa mi shes pa'i rnam par rtog pa'o// rjes la 'gro zhes bya ba la rang nyid kyis yongs su mi shes pas sangs rgyas dang byang chub sems dpa' dag gi rjes su 'gro ba ni rjes su 'gro ba'i rnam par rtog/ pa ste/ gzung rtog gnyis pa'i dgu tshan no// yul 'di rnams kyang byang chub sems dpas spang bar bya ba nyid log pa'i phyogs yin par shes par bya'o// rdzas su yod par so so'i skye bos brtags par 'dzin pa'i rnam par rtog pa dang po rnam pa dgur ji ltar 'gyur zhes pa la gsungs pa/ 'dzin dang so so thar pa dang // yid la byed dang khams rnams ni// gsum char nye bar 'brel pa dang // gnas dang mngon par zhen pa dang // chos kyi dngos po btags pa dang // chags pa dang ni gnyen po dang // ji ltar 'dod bzhin 'gro nyams la// 'dzin pa dang por shes par bya zhes pa ste/ sgom pa'i lam gyi rab tu sbyor ba'i gnas skabs kyi spang bya 'dzin pa rdzas su yod pa bdag nyid du 'dzin pa dang thar pa la sogs pa'i chos rnam pa dgu ste/ de'i rnam par rtog pa yang 'dzin pa'i rnam par rtog pa dgu'o// de yang 'phags pa rnams kyi rab tu spangs pa nyid kyis na so so'i skye bo rnams kyi chos so// de la 'dzin pa dang so sor thar pa dang zhes pa ni rdzas su yod pa'i bdag nyid sdug pa dang mi sdug pa dag nye bar len pa dang yongs su gtong ba ni 'dzin
- 288a
pa dang so sor thar pa'i rnam par rtog pa'o// de ltar gzhan rnams la yang bdag gi dbang du byas pa nyid kyis thams cad la bsgrub par bya ba ni ji ltar rig par blta bar bya'o// yid la byed dang zhes/ pa ni brtags pa'i dan gang zhig yid la byed pa ni yid la byed pa'i dam par rtag pas// khams rnams ni gas ma chang na par 'brel ba dang zhes pa ni na ba'i de ma thag zla bdag rdzas su yod pa 'ams rnasum pa dang 'jug pa ni khams gsum pa dang 'brel pa'i rnam par rtog pa'o// gnas shes pa ni stong pa nyid kyis gnas skabs te gnas la rnam par rtog pa'o// mngon par zhen pa zhes pa la sangs rgyas la sogs pa la mngon par zhan pa ni mngon par zhen pa'i rnam par rtog pa'o// chos kyi dngos po btags pa dang zhes pa la/ btags pa'i chos btags pa'i dngos po ni btags pa'i rnam par rtog pa'o// chags pa nin kho na nyid kyi ye shes bskyed pa la chags pa ste/ chags pa'i rnam par rtog pa'o// gnyen po zhes pa ni nyon mongs pa thams cad kyi gnyen po'i phyogs nyan thos dang rang sangs rgyas kyi lam gyi bdag nyid ni gnyen po'i phyogs kyi rnam par rtog pa'o// ji ltar 'dod bzhin 'gro nyams la zhes pa ni mngon par shes pa la sogs pa med par ji ltar 'dod pa bzhin 'gro ba ni nyams pa ste/ ji ltar 'dod pa bzhin 'gro nyams kyi rnam/ par rtog pa'o// 'dzin pa'i rnam par rtog pa dang po'i dgu tshan no// 'dzin pa'i rnam par rtog pa gnyis pa btags pa'i yod pa ni rnam pa dgur ji ltar 'gyur zhes pa la gsungs pa/ ched bzhin nges par mi 'byung dang // lam la lam min 'dzin pa dang // 'gag dang bcas pa'i skye ba dang // dngos po ldan dang mi ldan dang // gnas dang rigs ni 'jigs pa dang // don du gnyer dang rgyu med dang // phyir rgol ba ni
- 288b
dmigs pa la// 'dzin pa'i rnam rtog gzhan yin no zhes pa ste/ ched bzhin nges par mi 'byung dang zhes pa ni nyan thos kyi lta bar gyur pa nyid kyis ji ltar gsungs pa'i ched du bya ba rnam pa gsum po rnams la so sor mi 'gro ba ni ched bzhin nges par mi 'byung ba'i rnam par rtog pa'o// lam la lam min 'dzin pa dang zhes pa ni rang gi mngon par 'dod pa'i lam yongs su mi shes pas la mo gzhan la lam du 'dzin pa ni lam la lam yin du 'dzin pa'i rnam par rtog pa'o// 'gag dang bcas pa'i skye ba dang zhes pa ni btags pa'i chos thams cad ni skye ba dang 'gag pa'i rnam par rtog pa'o// dngas po ldan dang mi ldan dang zhes pan dngos po mtha' dag mtshams med pa dang bar mtshams dang bcas par so sor snang ba nyid kyis ldan pa dang mi ldan pa ste ldan pa dang mi ldan pa'i rnam par rtog pa'o// gnas zhes pa ni gzugs la sogs pa'i gnas rnams ni nam mkha' la kun nu gnas pa'i nam mkha' lding lta bu nyid kyis te/ gnas kyi rnam par rtog pa'o// rigs ni 'jig pa dang zhes pa ni byang chub tu sems bskyed pas nyan thos la sogs pa'i rigs 'jig pa ste/ nyan thos la sogs pa'i rigs 'jig pa'i rnam par rtog pa'o// don du gnyer dang rgyu med dang zhes pa/ don du gnyer ba ni stong pa nyid de la don du gnyer ba med pa ste/ don du gnyer ba med pa'i rnam par rtog pa'o// rgyu med ni rten cing 'brel par 'byung ba med pa ste/ rgyu med kyi rnam par rtog pa'o// phyir rgol ba ni dmigs pa la zhes pa ni nga rgyal la sogs pa dmigs pa ste/ phyir rgol ba dmigs pa'i rnam par rtog pa'o// gsungs pa'i mthong ba'i lam gyi spang bar bya ba'i rtog pa sum cu rtsa drug po rnams ni mi mthun pa'i phyogs su gyur pa dang gnyen po'i phyogs te 'di rnams nyid do// mthong ba'i lam gyi
- 289a
gnas skabs kyi khyad par gyi bdag nyid rnams ni ji ltar mdo bzhin du rtogs par bya'o// 'o na mthong ba'i lam ni dang por de kho na nyid shes pa'i ye shes yin te/ de yang ye shes kyi tshogs kyi nang du 'dus pas bsod nams kyi tshogs med par de dag tsam gyi ni byang chub tu mi 'gyur ro mnyam pa la gsungs pa/ de bas na bsod nams kyi tshogs kyi bdag nyid kyi byang chub kyi rgyu la gzhan gsum bstan pa'i phyir/ gsungs pa/ byang chub gzhan la ston pa dang // de'i rgyu ni yongs gtod dang // de thob bar chad med pa'i rgyu// bsod nams mang po'i mtshan nyid do// zhes pa ste/ byang chub gzhan la ston pa dang zhes pa ni yang dag par rdzogs pa'i byang chub gzhan dag la ston pa ni gcig go/ de'i tshun yongs gtod dang zhes pa ni/ de'i rgyuni byang chub kyi rgyu ste/ shes rab kyi pha rol tu phyin pa'i gzhung gi bdag nyid byang chub kyi don du yangs su btad pa ni gnyis pa'o// de thab par chad med pa'i d+ha// bsid rnams mang pa'i mtshan nyid de zhes pa la/ yang dag par rdzogs pa'i byang chub thob par byabal bar chad med pa ji med rab tu sa ba byed par gyur pa rang gi rgyud la yod pa'i bsod nams kyi tshogs kyi mtshan nyid ni gsum pa'o// rgya zhes pa ni tshogs rnam pa gnyis kyis bsgrub pa'i byang chub kyi'o// 'o na yang dag par rdzogs pa'i byang // chub 'di thob par bya ba'i ched du ci zhig gsungs zhes pa la gsungs pa/ dri ma zad dang mi skye ba'i// ye shes byang chub ces brjod de// zad med skye med phyir de dag/ go rim bzhin du shes par bya zhes pa ste/ 'dir tshigs bcad phyed dang pos nyan thos kyis sa la gnas nas rjes su 'tshal ba'i byang chub kyi mtshan nyid gsungs so// phyed phyi mas theg pa chen po rjes su 'tshol ba'i byang chub kyi mtshan nyid de gnyis//
- 289b
nye bar bkod pa'o// dri ma ni nyon mongs dang shes bya'i sgrib pa rnams so// zad pa dang mi skye ba ni skyes pa rnams zad pa dang ma skyes pa rnams mi skye ba'o// de dag ni zad pa dang mi skye ba'i shes pa gang yin pa ste/ de ni byang chub ces brjod do// dri ma rnams zad pa dang mi skye ba'i ye shes kyi mtshan nyid ni byang chub ces pa'i don to// byang chub kyi mtshan nyid gcig go/ 'di dag spangs nas gzhan rigs pas len par byed pa ni theg pa chen po gyur pa'i byang chub kyi mtshan nyid ces brjod do// dri ma rnams ni sgro btags pa nyid kyi bdag la sogs pa lta bu ste/ gang gi phyir zad pa dang mi skye ba dag med pas so// / de bas na zad pa med pas ma skyes pa ste/ zad pa med pa nyid dang mi skye ba med pa nyid du shes par bya ste/ de nyid ni theg pa chen po pa'i byang chub tu rtog par bya'o// theg pa chen po ni rang bzhin gyis yongs su dag par bya'o// theg pa chen po'i rang bzhin gyis yongs su dag pa nyid do// chos thams cad kyi dri ma zhes bya ba blo bur ba nyid pas de kho na nyid zad pa dang mi skye ba med par shes pa'i mtshan nyid ni byang chub ces pa'i don to// da ni zad pa dang mi skye ba'i ye shes ni byang chub ces sngon du bstan pa'i gzhan gyi mtshan nyid sun dbyung ba'i phyir gsungs pa/ 'gog pa med pa'i rang bzhin la// mthong zhes bya ba'i lam gyis ni// rnam par rtog rigs ci zhig zad// skye med rnam pa ci zhig thob ces pa ste/ gang gi phyir chos rnams kyi bdag nyid gzung ba dang 'dzin pas stong pa nyid kyi rang bzhin te/ de yang thog ma dang tha ma med pa'i thams cad du yod pa nyid do// de bas na de'i mi mthun pa'i phyogs su gyur pa sgro btags pa'i gzung ba dang 'dzin pa bdag nyid kyis ni nyon mongs pa la sogs pa'i dri ma thams cad du/
- 290a
'dir med pa'id do// de bas mthong ba'i lal gyis rnam par rtog pa'i rigs ni mi zhig zang pa la skye ba med pa ci zhig thob ste/ ci yang med pas zhes par dgongs so// 'on chos thams cad kyang gzung ba dang 'dzin pa'i bdag nyid la shes bya nyid kyi sgrib pa zad par brjod par bya ba yin na ni de bzhin du ji ltar bshad ces pa la gsungs pa/ gzhan gyi chos rnams kyang yod la// shes bya la yang ston pa yi// sgrib pa zad par brjod pa gang // de la kho bos mtshan du rtsis zhes pa ste/ gzugs kyi phung po la sogs pa'i chos rnams dngos po zhes bya bar yod cing de 'dzin pa'i sangs rgyas bcom ldan 'das kyi shes bya'i sgrib pa rnams zad pa zhes pa 'di la kho bos mtshar du brtsis pa'o// gzugs kyi phung po la sogs pa brtag bzod pa nyid der sgro btags pa'i shes bya'i sgrib pa de'i nus mthus te/ des na shes bya'i sgrib pa rnams ji ltar zad ces par dgongs so// 'o na shes bya'i sgrib pa rnams ji ltar zad ces pa la gsungs pa/ 'di la bsal bya ci yang med// bsnan par bya ba cung zad med// yang dag nyid du yang dag lta// yang dag mthong na rnam par grol zhes pa ste/ 'di la zhes pa ni gnyis su med pa'i sems gsal ba'i rgyan gyi bdag nyid kyi chos thams cad ldog pas byas pa'i dbye bas yongs su brtags pa'i gzung ba dang 'dzin pas stong pa nyid de/ des na stong pa nyid 'di la bsal bar bya ba ci yang med do// de'i rten du gyur pa'i sems kyi rang bzhin de la/ de las ni stong pa nyid kyang bsal bar thal par 'gyur ro// 'di la bsnan par bya ba cung zad med pa ni bems po la sogs pa'i rang bzhin no// 'o na ji ltar bya zhes sems pa la gsungs pa/ yang dag nyid du yang dag lta// yang dag mthong na rnam
- 290b
par grol zhes pa ste/ lta ba ni rang rig pas mngon sum du bya'o// yang dag nyid kyis ni tshad mas so// yang dag nyid ni de kho na nyid de stong pa nyid kyi bdag nyid do// gang gis yang dag mthong nas rnam par grol// ba de ni 'khor ba'i 'ching ba las grol bar 'gyur ba'o// byang chub la sogs pa skabs las 'ongs pa rnams bshad nas/ gtso bor bstan par bya ba mthong ba'i lam gsungs pa/ sbyin pa la sogs re rer ni// / de dag pan tshun bsdud pa gang // skad cig gcig pa'i bzod pa las// bsdus pa de 'di mamang bal ma// de nas sang ge nam ba snyungs pa// ting de 'dzin la snyoms zhugs nas// rten cing 'byung lugs mthun dang // lugs mi mthun la rtog par byed ces pa ste/ sbyin pa la sogs zhes bya ba ni bdun pa'i mtha' can no// sbyin pa la sogs pa gcig gi nang du gzhan rnams 'dus pa'o// de dag ces pa ni rang las gzhan pa'i lnga po rnams so// phan tshun ni gcig la gcig go/ bsdus pa'i rtse mo'i mngon rtogs 'dir ro// mthong ba'i lam skad cig ma gcig tu rtogs par bya'o// de yang sdug bsngal la chos shes pa'i bzod pa'i skad cig ma yin par gzung gi gzhan ma yin par nges so// de 'dir mthong ba'i lam zhes pa ni sems dbang du byas pa'i don de lung las rab tu grags pa'o// de nas seng ge rnam bsgyings pa'i zhes pa'i ting nge 'dzin la byang chub sems dpa' snyoms par zhugs te rten cing 'brel par 'byung ba yan lag bcu gnyis la lugs su 'byung ba'i ma rig pa'i rkyen gyis 'du byed ces pa la sogs pa dang / mi mthun pa ni ma rig pa 'gags pas 'du byed 'gag ces pa la sogs pa'o// rtog par byed ces pa ni dpyod par byed pa ste mthong ba'i lam brjod pa'o// da ni sgom pa'i/
- 291a
lam 'di la thod rgal gyi snyoms par 'jug par bstan pa'i phyir gsungs pa/ 'gog dang bcas pa'i snyoms 'jug dgur// rnam pa gnyis su song 'ongs nas// 'dod par rtogs pa'i rnam par shes// mnyam gzhag min pas mtshams gzung ste// thod rgal du ni snyems 'jug pa// gcig dang gnyis gsum bzhi dang lnga// drug dang bdun dang brgyad rgal nas// 'gog pa'i bar du mi 'dra bgro zhes pa ste/ 'dod par rtags pa'i rnam par shes// ma'am gzhag min pas mtshams bzung gnas pa ni 'dod pa'i khams pa rnams nang pa nyid kyis rnam par gal ba yin pas rnam par rtog pa'i ye shes nas mtshams bzung ba byas pa'o// 'gog dang bcas pa'i snyoms 'jug ces pa ni 'gog pa'i snyoms par 'jug pa mthar byas te/ bsam gtan bzhi dang gzugs med pa bzhi'o// 'gog pa'i snyoms par 'jug pa dang zhes pa ni snyoms par 'jug pa dgu'o// sor 'ongs nas shes pa ni bsam gtan dang po nas gzung nas go rims su bsgom pa'i phyir 'gog pa'i bar du song ba'o// de nas 'gog pa nas brtsams te go rim las bzlog te bsgom pa'i phyir bsam gtan dang po'i bar du slar 'ongs pa'o// rnam pa gnyis su shes pa ni go rim las bzlog pa'i tshul gyis 'gro ba dang 'ong ba shes bya'i don to// 'gog pa nas bsam gtan dang por 'ongs te slar yang gang gis gcig dang gnyis gsum bzhi dang lnga/ drug dang bdun dang brgyad du thod rgal du snyoms par 'jug go/ 'gog pa'i snyoms par 'jug pa ste ji srid der zhugs pa'o// de la rtogs pa'i rim pa 'di ni mi 'dra bar 'gro bas na mi 'dra ba ste/ tha~Md rgal gyi snyoms par 'jug par brjod do// de nyid 'dir byang chub
- 291b
sems dpa'i sgom pa'i lam du brjod do// sgom pa'i lam gyi spang bar bya ba'i rtog pa sum cu rtsa drug yod pa de las thog mar gzung ba'i rnam rtog rnam pa dgu gsungs pa/ mdor bsdus rgyas dang sangs rgyas kyi// bskang bas yongs su ma bzung dang // dus gsum yon tan med pa dang // legs pa'i lam ni rnam gsum la// gzung ba'i rnam rtog 'di gcig ste// sbyor ba'i rnam pa'i spyod yul can zhes pa ste/ mdor bsdus zhes pa ni sems can gyi ngor chos ston pa mdor bsdus pa ste/ mdor bsdus pa'i rnam par rtog pa'o// rgyas dang zhes pa ni de nyid la chos ston pa ste rgyas pa'i rnam par rtog pa'o// sangs rgyas kyis bstang bas yongs su ma bzung dang zhes pa ni sangs rgyas kyis bstang bas gang zhig yongs su ma bzung ba de ni med pa'i rnam par rtog pa'o// dus gsum yon tan med pa dang zhes pa la// yon tan ni rjes su bsngags pa ste/ de dag med pa'o// des cir 'gyur zhes pa la/ dus gsum ste rab tu sbyor ba'i lam gyi dus su yon tan med pa'i rnam par rtog pa dang / mthong ba'i lam gyi dus su yon tan med pa'i rnam par rtog pa dang / sgom pa'i lam gyi dus su yon tan med pa'i rnam par rtog pa'o// legs pa'i lam ni rnam gsum la zhes pa ni byang chub rnam pa gsum gyi lam ste/ rab tu sbyor bri/ lam gyi rnam par rtog pa dang / mthong ba'i lam gyi rnam par rtog pa dang / sgom pa'i lam gyi rnam par rtog pa'o// gzung ba'i rnam rtog 'di gcig ste zhes bya ba ni gzung ba'i rnam rtog thog ma'i gcig/ po nyid rnam pa dgur phye ba'o// khyad par ji lta bu zhe na/ gsungs pa/ sbyor ba'i rnam pa'i spyod yul can te sgom pa'i lam gyi sbyor ba gang gi rnam pa'i khyad par yin pa de'i yul ni gzhom bya nyid kyi yul te/
- 292a
thog ma'i gzung rtog rnam pa dgu zhes pa'o// gzung ba'i rnam par rtog pa gnyis pa'i yul gang zhig ces pa la gsungs pa/ gnyis pa sems dang sems byung rnams// 'jug pa'i yul can yin bzhed de/ sems mi skyed dang byang chub kyi// snying po yid la mi byed dang // theg pa dman pa yid byed dang // rdzogs pa'i byang chub yid mi byed// sgom dang rgom pa med pa dang // de dag las ni bzlog nyid dang // ji bzhin don min rnam rtog pa// sgom pa'i lam la shes par bya zhes pa ste/ gnyis pa sems dang sems byung rnams// 'jug pa'i yul can yin bzhed de zhes pa ni sgom pa'i lam dang lhan cig tu spyod pa'i sems dang sems las byung ba rnams mi skye ba la sogs pa'i gnas skabs la gang zhig la lar 'jug pa'i yul can ni gzung ba'i rnam rtog gnyis shes pa'i don to// de nas sems mi skye dang zhes pa la sogs pa 'di rnams nyid rnam rtog rnam pa dgu po'i yul du brjod do// sems mi phye dang zhes pa ni byang chub kyi sems mi skye ba'i rnam par rtog pa'o// byang chub kyi snying po yid la mi byed dang zhes pa la byang chub kyi snying po yid la mi byed pa ni byang chub kyi snying po yid la mi byed pa'i rnam par rtog pa'o// theg pa dman pa yid byed dang zhes pa ni nyan thos kyi theg pa yid la byed pa'i rnam par rtog pa dang / rang sangs rgyas kyi theg pa yid la byed pa'i rnam par rtog pa'o// rdzogs pa'i byang chub yid mi byed ces pa ni yang dag par rdzogs pa'i byang chub yid la mi byed pa'i rnam par rtog pa'o// sgom dang zhes pa ni sgom pa'i rnam par rtog pa'o// sgom pa med pa dang zhes pa ni sgom pa med pa'i rnam par rtog pa'o// de dag las ni bzlog nyid dang zhes pa ni sgom pa yang min sgom pa min pa yang min pa'i rnam par rtog pa'o// /
- 292b
ji bzhin don min zhes pa ni yul med pa nyid kyis ji bzhin don min pa'i rnam par rtog pa'o// gzung ba'i rnam rtog gnyis pa'i dgu tshan no// 'dzin pa'i rnam rtog dang po rnam pa dgur ji ltar 'gyur zhes pa la gsungs pa/ sems can btags pa'i spyod yul can// chos btags pa dang stong nyid min// chags dang rab 'byed bdag nyid dang // dngos por byed dang theg gsum dang // yon ni dag pa ma yin dang // spyod pa rnam par 'khrugs pa la// 'dzin par byed pa dang por de// shes par bya ba bsgrags pa yin zhes pa ste/ sems can btags pa'i spyod yul can zhes pa ni sems can rnams rdzas su yod par ma grub pas sems can rnams ni btags pa'i rnam par rtog pa'o// chos btags pa zhes pa ni phung po la sogs pa'i chos rnams 'di rdzas su yod par ma grub pas chos rnams ni btags pa'i yod pa zhes pa chos btags pa'i rnam par rtog pa'o// stong min nyid ces pa ni 'khor ba nas bzung ste btags pa'i chos rnams yongs su mi gtong bas stong nyid min pa'i rnam par rtog pa'o// chags dang zhes pa ni gzung ba dang 'dzin pa dag med kyang gzung dang 'dzin par so sor snang ba'i bsam pa'i rgyur yod pas chags par rnam par rtog pa'o// rab 'byed bdag nyid ces pa 'di ni gzugs so zhes pa nas bzung ste/ ji srid du'adi ni rnam pa thams cad mkhyen pa'o zhes pa'i bar te chos rab tu 'byed pa'i rnam par rtog pa'o// dngos por byed ces pa la dngos por ni gzugs la sogs pa'o// byed pa'i gzugs la sogs pa'i dngos po'i ched du bcom ldan 'das ma la kun tu sbyor ba ste/ dngos po'i ched du rnam par rtog pa'o// theg pa gsum dang zhes pa ni nges par rtog pa la rnam par gnas pa'i theg pa gsum po ni theg pa
- 293a
gsum du rnam par rtog pa'o// yon ni dag pa ma yin dang zhes pa ni gal te de bzhin gshegs pa rnams sprul pa lta bu yin na de la yon phul bas ji lta bur yang dag par 'gyur zhes pa ni yon dag pa ma yin pa'i rnam par rtog pa'o// sbyor ba rnam par 'khrugs pa la zhes pa ni shes rab kyi pha rol tu phyin pa'i don du gzhung des yang dag par rjes su 'dzin pa ni spyod pa rnam par 'khrugs pa'i rnam par rtog pa ste/ 'dzin pa'i rnam rtog thog ma'i dgu tshan rnams so// 'dzin pa'i rnam rtog gnyis pa rtogs par bya ba'i phyir gsungs pa/ sems can btags dang de rgya yi// yul can sgom pa'i lam 'brel pa// de la gnod par byed pa yis// mi mthun phyogs gzhan rnam pa dgu zhes pa ste/ sems can btags dang zhes pa ni sangs rgyas dang byang chub sems dpa' la sogs pa yang btags pa'o// de'i rgya ni rnam pa thams cad mkhyen pa la sogs pa yang btags pa'o// de'i yul zhes pa 'di sems can btags pa de'i rgyu'i yul lo// gzhan zhes pa ni 'dzin pa'i rnam rtog gnyis pa'o// sgom pa'i lam 'brel pa// mi mthun phyogs zhes pa ni sgom pa'i lam gyi mi mthun pa'i phyogs so// de la gnod pa byed pa yis zhes pa ni de la gnod pa byed pa nyid kyis na'o// 'di rnam pa dgur ji ltar 'gyur snyam pa la gsungs pa/ thams cad mkhyen nyid gsum dag gi/ bdag nyid ji bzhin sgrib rnam gsum// zhi lam de bzhin nyid sogs dang // mtshungs par ldan dang mi ldan dang // mi mnyam sdug bsngal la sogs dang // nyon mongs rnams kyi rang bzhin dang // gnyis su med la kun rmongs la// rnam par rtog pa tha mar bzhed ces pa ste/ 'dzin pa'i rnam rtog phyi ma'o// thams cad mkhyen nyid gsum
- 293b
dag gis// bdag nyid ji bzhin sgrib rnam gsum zhes pa ni rnam pa thams cad mkhyen pa'i sgrib pa la gang zhig kun tu rmongs pa dang ni mtha' na yod pa'i kun rmongs kyi tshig sbyar bar bya ste/ de ltar thams cad du gzhan rnams la yang kun rmongs kyi tshig sbyar bar bya'o// rnam pa thams cad mkhyen pa'i sgrib pa la kun tu rmongs pa dang / lam mkhyen pa'i sgrib pa la kun tu rmongs pa dang / thams cad shes pa'i sgrib pa la kun du rmongs pa'o// zhi lam zhes pa ni nyan thos la sogs pa'i lam la kun du rmongs pa'o// de bzhin nyid sogs dang mtshungs par ldan dang mi ldan dang zhes pa ni de bzhin nyid dang // sogs pa'i sgras skad cig ma nyid la sogs pa ste/ 'dis chos thams cad dang mtshungs par ldan pa dang mi ldan par kun du rmongs pa'o// mi mnyam zhes pa ni shes rab kyi pha rol tu phyin pa 'di chos dkon mchog yin pa nyid kyis 'dra ba la kun tu rmongs pa'o// sdug bsngal la sogs zhes pa ni sdug bsngal gyi bden pa la sogs pa la kun du rmongs pa'o// nyon mongs pa rnams kyi rang bzhin dang zhes pa 'dod chags la sogs pa nyon mongs pa rnams kyi rang bzhin la kun tu rmongs pa'o// gnyis su med pa la zhes pa ni gzung ba dang 'dzin pa stong pa nyid la kun tu rmongs pa'o// kun tu rmongs pa'i tshig rkang dgu po rnams la rnam par rtog pa'i sgra yang kun tu sbyar ro// 'dzin pa'i rnam rtog gnyis pa rnam pa dgur gsungs pa'o// 'dir mthong ba'i lam la spang bar bya ba'i gzung ba'i rnam par rtog pa gnyis dang 'dzin pa'i rnam par rtog pa yang gnyis su gsungs so// 'di nyid kyis na rnam par rtog pa rnam pa bzhi'o// de rnams so sor dgu dgu ste// sum cu rtsa drug du 'gyur ro// 'di rnams nyid
- 294a
yang 'dod pa dang gzugs med pa'i dbye bas rnam pa gsum du phye na rnam rtog brgya rtsa brgyad du 'gyur ro// de ltar sgom pa'i lam gyi spang bar bya ba'i rnam par rtog pa yang brgya rtsa brgyad du rtogs par bya'o// 'di rnams thams cad ni mi mthun pa'i phyogs yin pa nyid kyis mthong ba'i lam dang sgom pa'i lam gyi gnas skabs kyi khyad par gyi gnyen po'i phyogs kyis spang bar bya ba ni ga / pa byags dang smras pa'i mab pa ba dang / the khang la gags pa ra gyub ga ba na// dgasungs rtog pa de rnams zad nas byang chub sems dpa' cir 'gyur zhes pa la gsungs pa/ yams nad 'di rnams zad nas ni// yun ring lon nas dbugs 'byen ltar// rnam pa kun du 'gro ba yi// bde sgrub yi ldan chags pa// d+hab kyil chub pan// 'bras bram tshog gas pa sa// sems dpa' chen padrus no// ram parnyan du sbyin par byangargyas pan gsus pa'i rnams so// yams nad ni yon tan nye bar 'joms pa ste/ 'di rnams zad par gyur nas so// yun ring lon nas zhes pa ni dus yun ring pos so// dbugs 'byin ltar zhes pa ni slar 'ongs pa'i srog lta bu'o// sems dpa' chen po zhes pa ni sgom pa'i lam la gnas pa'i byang chub sems dpa'o sgom pa'i lam gyi de ma thag tu bar chad med pa'i lam zhes pas na bar chad med pa'i ting nge 'dzin gsungs pa/ stong gsum skye bo nyan thos dang // bse ru'i rtogs pa phun tshogs dang // byang chub sems dpa'i skyon med la// dkod pa'i dge rnams dper mdzad nas// bsod nams mang po nyid
- 294b
kyis ni// sangs rgyas nyid kyi bar med de// bar chad med pa'i ting nge 'dzin// de ni rnam pa kun mkhyen nyid ces pa ste/ stong gsum na gang zhig sems can gyi 'jig rten gnas pa de rnams nyan thos kyi byang chub dang // rang sangs rgyas kyi byang chub dang / byang chub sems dpa'i rtogs pa rnams la bkod pas dge ba gang dag thob pa dper nye bar mtshon par byas te/ de bas snang bsod nams ches mang zhing bsod nams kyi nos pa'i rgyur gyur pa gang mtshon pa'i ting nge 'dzin gyi khyad par de ni bar chad med pa'i ting nge 'dzin lta bur gyur pa zhig mnyam pa la gsungs pa/ sangs rgyas nyid kyi bar med de zhes pa ste/ bar chad med pa'i sangs rgyas nyid thob pa'i chu zhes pa'i don to// bar chad med pa'i ting nge 'dzin gyi rgyas thob po'i sangs rgyas nyid dri lta bu nas sems pa la gsungs pa/ de ni rnam pa kun mkhyen nyid ces pa ste/ spangs rgyas nyid de ni rnam pa thams cad mkhyen pa nyid yin gyi/ gzhan ni ma yin zhes pa'i don to// 'o na sangs rgyas nyid kyi mtshan nyid rnam pa thams cad mkhyen par gsungs pa de'i dmigs pa ni gang zhig yin bdag po'i rgyu ni ci zhig yin/ rnam pa ni ji lta bu zhes shes par 'dod pa la bstan pa'i phyir gsungs pa/ 'di yi dmigs pa dngos med de// bdag po dran pa yin par bzhed// rnam pa zhi nyid 'di la ni// rab tu smra rnams rgyu dmar rgol zhes pa ste/ 'di yi zhes pa ni rnam pa thams cad mkhyen pa'i 'o// de'i dmigs pa dngos po med pa ni chos thams cad brtags pas stong pa nyid do// / bdag po dran pa yin par bzhed ces pa ni ting nge 'dzin nyid bskyed pa'i rgyur gyur pas so// rang bzhin gyis zhi ba ni rnam pa'o// 'di la zhes pa ni gnas pa 'di la'o// rab tu smra rnams rgyud pa
- 295a
rgol zhes pa ni phyir rgol ba la sogs pa rnams yod pa'i don gang zhig la phyir rgol ba rnams dang phan tshun rtsod par 'gyur mnyam pa la gsungs pa/ dmigs pa 'thad dang de yi ni// ngo bo nyid ngas gzung ba dang // rnam pa mthun nyid la shes dang // dam pa'i dzin dang gan rdzob dang // khyo konas gagasum pa dang // thabs mkhas thub pa'i rtog pa dang // sprin ci lagani la bas dang // gnyen po mi mthun phyogs dag dang // mtshan nyid dang ni sgom pa la// smra ba rnams kyi log rtogs pa// rnam pa kun mkhyen nyid rten can// rnam pa bcu drug dag tu bzhed ces pa ste/ dmigs pa 'thad dang zhes pa ni gzugs la sogs pa med pa la ji ltar dmigs pa 'thad ces pa ste/ dmigs pa 'thad pa la rtsod pa'o// de'i ngo bo nyid ces pa ni gzugs la sogs pa de'i ngo bor 'dzin zhes pa ste/ de'i ngo bo nyid nges par rgol ba'o// rnam kun mkhyen nyid ye shes dang zhes pa ni dngos po thams cad med pas rnam pa thams cad mkhyen pa nyid kyang med na ji ltar de rtogs pa'i bdag nyid kyi ye shes yod ces pa ste/ rnam pa thams cad mkhyen pa'i ye shes la rgol ba'o// dam pa'i don zhes pa ni stong pa'i dngos po med la stong pa nyid don dam pa'i rang bzhin du med ces pa ni don dam pa mtshal ba'o// kun rdzobacas pa bden pa la bltos nas brdzun pa yin la/ bden pa ma grub pas de yang mi 'grub ste/ de bas na gnyis ka yang mthub ces pa ni bden pa gnyis la brgal ba'o// sbyor dang zhes pa ni sbyor ba la sogs pa mi dmigs na ji ltar de rnams nges shing kun tu spyod// ji ltar de dag nye bar dmigs zhes pa ni sbyor ba la brgal ba'o// dkon mchog gsum po zhes pa ni
- 295b
rtogs bya ba sogs pas ji ltar chos thams cad kyi rang bzhin rtogs pa'i ni sangs rgyas yin zhes pa ni sangs rgyas dkon mchog la brgal ba'o// tshig tu ma grub pas ji ltar de'i rgyun gyi bye brag rnams chos rnams yin zhes pas ni dkon mchog la brgal ba'o// chos ma grub na ji ltar de'i don rtogs pa'i dge 'dun yin zhes pa ni dge 'dun dkon mchog la brgal ba'o// thabs mkhas zhes pa ni sangs rgyas nyid med na ji ltar de'i thabs la mkhas pa yin zhes pa ni thabs la mkhas pa la brgal ba'o thub pa'i rtogs pa zhes pa ni de bzhin gshegs pa nyid med na ji ltar de'i rtogs pa bstan pa yin zhes pa ni rtogs pa las brgal ba'o// phyin ci log ces pa ni yod pa nyid dang / med pa nyid dang rtags pa nyid dang / mi rtag pa nyid la sogs pa du mar phyin ci log tu rtogs pa'i gnas skabs zhes pa ni phyin ci log la brgal ba'o// lam zhes pa ni nyan thos la sogs pa'i lam du mar gsungs na gang la yid brtan par bya zhes bya ba ni lam la brgal ba'o// gnyen po mi mthun phyogs dag dang zhes pa ni dam bcas pa tsam nyid kyis gnyen po'i phyogs dang mi mthun pa'i phyogs su 'gyur ram zhes pa ni gnyen po dang mi mthun pa'i phyogs su las brgal ba'o// mtshan nyid ces pa ni mtshan nyid med pa'i mtshan nyid ces pa ni chos kyi mtshan nyid la brgal ba'o// sgom pa la zhes pa ni rnam pa du mar gsungs pas gang la bsgom par bya zhes pa ni bsgom par bya ba la brgal ba'o// log rtogs zhes pa ni rnam pa bdun ni'o// / yul gang zhes pa la gsungs pa/ rnam pa kun mkhyen nyid rten can zhes pa ste rnam pa thams cad mkhyen pa nyid la log par rtogs pa'o// drug dang bcu ni bcu drug ces pa'i don to// 'dir don dam pa'i
- 296a
bden pa la bltos nas brgal ba'o// kun rdzob kyi bden pa la bltos nas ni lan gdab par bya'o// kun rdzob kyi bden pa la bltos nas ni brgal ba'o// don dam pa'i bden pa la bltos nas ni lan gdab par gyur// mngon par rtag pa'i rgyun gyi 'brel bkrugs pa'i mnas bya ba las sabs sa pa'i 'grel ba'o// 'jugs par rtogs pa'i do na rnams gro ma bzhin bstan par bya baN+DI phying mthar gyis mngon par rtog pa gsungs pa/ sbyin pa shes rab par dag dang // sangs rgyas la sogs dran dang chos// dngos med ngo bo nyid kyis te// mthar gyis pa yi bya bar bzhed ces pa ste/ sbyin pa dang tshul khrims dang / bzod pa dang / brtson 'grus dang / ting nge 'dzin dang / shes rab kyi pha rol tu phyin pa rnams dang / sangs rgyas dang chos dang / dge 'dun dang / tshul khrims dang / gtong ba dang lharnam rjes su dran pa dang / brtags pa'i chos thams cad ma grub pa dang zhes pa ni dngos po bcu gsum po rnams kyis mthar gyis pa'i mngon par rtogs par brjod do// mngon par rtogs pa'i rgyan gyi 'grel pa grags pa'i cha zhes bya ba las skabs drug pa'i 'grel pa'o// mthar gyis pa'i mngon par rtogs pa'i de ma thag tu skad cig ma gcig la mngon par byang chub pa'o// de yang mtshan nyid kyis rnam pa bzhi ste/ zag pa med pa'i chos thams cad skad cig ma gcig la mngon par byang chub pa dang / dkar po'i chos thams cad skad cig ma gcig la mngon par byang chub pa dang / mtshan nyid med pa'i chos thams cad skad cig ma gcig la mngon par byang chub pa dang / gnyis su med pa'i chos thams cad skad cig ma gcig la mngon par byang chub pa'o// 'di rnams la thog ma rtogs par bya ba'i phyir gsungs pa//
- 296b
sbyin pa la sogs re res kyang // zag med chos kun bsdus pa'i phyir// thub pa'i skad cig ma gcig pa'i// rtogs pa 'di ni shes par bya zhes pa ste/ zag med chos kun ni sangs rgyas kyi zag pa med po'i chos sbyin pa la sogs pa'i pha rol tu phyin pa rnams dang / mtshan dang dpe byad rnams dang / sprul pa'i mdzad pa'i mthar thug pa'i// de rnams kyi nang nas sbyin pa la sogs pa re res kyang // zag pa med pa'i chos 'di rnams yang dag par bsdus te/ sbyin pa la sogs pa'i sems gcig gi skad cig gi dus su zag pa med pa'i chos gzhan thams cad kyang rtogs pas na zag pa med pa'i chos thams cad skad cig ma gcig la mngon par byang chub pa zhes bya'o// de yang thub pa nyid kyi yin gyi nyan thos la sogs pa rnams kyi ma yin no// byang chub sems dpa' ni lam gyi gnas skabs su brjod do// zag pa med pa'i chos cig shes pa'i dus su zag pa med pa'i chos thams cad ji ltar shes zhes pa 'jig rten pa'i dpes rtog par bya ba'i phyir gsungs pa/ ji ltar phyes bras blo chu'i rgyud// rtog thabs gcig gis bskyod pa na// thams cad gcig char 'gul ba ltar// skad cig ye shes de bzhin no zhes pa ste/ dper na skyes bus zo chu'i gdang bu gcig rtog thabs gcig gis bskyed par byur na tho chu thams cad dus gcig la 'gul bar 'gyur ro// de ltar sbyin pa la sogs pa'i sems gcig gi dus su yang zag pa med pa'i chos thams cad rab tu ldang zhing sngon goms par byas pa'i shugs nyid kyis thams cad dus gcig tu rtogs par 'gyur ro// gnyis pa bstan pa'i phyir gsungs pa// gang tshe chos dkar thams cad kyi// rang bzhin shes rab pha rol phyin// rnam smin chos
- 297a
nyid gnas skabs skyes// de tshe skad cig ye shes zhes pa ste/ rnam smin chos nyid ces pa ni lhun gyis grub par rab tu gnas pa zhes pa ni rnam smin chos nyid kyi gnas skabs so// dkar po'i chos thams cad bdag nyid ji lta bu zhes pa la dkar po'i chos thams cad kyi rang bzhin ni shes rab kyi pha rol du smon par rigs te/ 'di ltar ye shes bskyed pa skad cig gcig gi ye shes kyi dngos su dkar po'i chos thams cad rtogs pas so// gsum pa bstan par bya ba'i phyir gsungs pa/ sbyin la sogs pa'i spyod pa yis// chos kun rmi lam 'drar gnas na// chos rnams mtshan nyid med pa nyid// skad cig ma ni gcig gis rtogs zhes pa ste/ chos rnams zhes pa ni gzugs la sogs pa rnams so// gang dag gi mtshan nyid ni gzugs kyis thogs pa dang bcas pa'i bdag nyid do zhes pa la sogs pa ste med pa'o// skad cig ma ni gcig gis rtogs zhes pa ni mngon sum du byed pa thob pa zhes bya ba'i don to// bzhi pa rtogs par bya ba'i phyir gsungs pa/ rmi lam dang ni de mthong nyid// gnyis kyi tshul du mi mthong ltar// chos rnams gnyis su med pa yi// de nyid skad cig gcig gis mthong zhes pa ste/ gnyid log pa'i gnas skabs su nye bar thob pa'i yul de rnams ni bdag nyid so sor rig pa nyid de/ gzung bar bya ba'i yul med kyang des gzung bar logs shig tu shing dang ri dang rgya mtsho la sogs par nye bar btags te nam mkha'i khams kyi rnam par shes pa nyid kyis bems por chad pa ltar mngon no// de mthong zhes pa la rmi lam mthong ba'i skyes bu sems bsal ba'i bdag nyid des 'dzin pa po med kyang 'dzin pa por logs shig tu brtags pa lag pa dang rkang pa la sogs pa'i rnam par 'khor lo'o// gnyis pa 'di ni brdzun
- 297b
pas nye bar bzhag pa ste/ gang zhig gzung ba dang 'dzin par dbye bar mi lta bas des na chos kyi rnam pa gzugs brnyan lta bu dang gnyis su med pa'i sems rang gsal ba'i rgyan gyi bdag nyid do// gnyis su med pa ni brtags pa'i gzung ba dang 'dzin pa la sogs par grol ba'i mtshan nyid de skad cig ma gcig gis mthong ba ste/ skad cig gcig la mngon par byang chub pa rnam pa bzhi'o// mngon par rtogs pa'i rgyan gyi 'grel pa grags pa'i cha zhes bya ba las skabs bdun pa'i 'grel pa'o// // mngon par rtogs pa brgyad pa mngon du bstan pa gsungs pa/ ngo bo nyid longs rdzogs bcas dang // de bzhin gzhan pa sprul pa ni// chos su mdzad par bcas pa ste/ rnam pa bzhir ni yang dag brjod ces pa de'i don ni 'di yin te/ chos kyi sku'i mngon par rtogs pa bshad bya rjes su bzung ste/ des ni ngo bo nyid sku dang / longs spyod rdzogs pa'i sku dang / sprul pa'i sku dang / sku gsum gyi mdzad pa 'gro ba'i don byed pa'i bya ba dang bcas pas rnam pa bzhir yongs su bzung ba'o// dper na bcu drug tu dam bcas pa las grangs ma tshang bas che'o bstan te// grangs khas blangs pa ltar mdor bstan pa'i tshig dang bcas pas sku bzhir khas blangs pa de rang dga' byed pa ste/ snying rje'i gnas yin no// theg pa gzhan dang sku bzhi dang sku lnga dang rnam par bzhag pa theg pa gzhan gyi tshul yin la/ 'di ni pha rol tu phyin pa'i theg pa yin pas so// pha rol tu phyin pa'i theg pa 'dir yang byang chub kyi phyogs la sogs pa'i yon tan gyi tsho gas rnams ni longs spyod rdzogs pa'i phyogs nyid yin pas na sku gsum du rnam par bzhag pa nyid yin te/ gzhan du na bcom ldan 'das kyi gdung la sogs pa yang sku logs shig par rnam par bzhag par thal bar 'gyur te/ de bas na sku gsum du
- 298a
bshad pa 'di nyid ni rigs pa'o// de rnams las ngo bo nyid kyis sku bstan pa'i phyir gsungs pa/ thub pa'i ngo bo nyid kyi sku ni// zag pa med chos rnams kun tu// rnam par dag gyur gang dag yin// de dag rang bzhin mtshan nyid can zhes pa ste/ chos gang zhes pa ni longs spyod rdzogs pa'i sku dang / de'i sbyin pa'i yid kyis yon tan gyi tshogs dang / sprul pa'i sku dang / de dag gi mdzad pa'i mtshan nyid dang / dngos po rnam pa bzhi pa'o// rnam pa kun rnam par dag pa zag pa med pa gang zhig chos de rnams kyi rang bzhin de ni rnam par dag pa ste/ brtags pa'i gzung ba dang / 'dzin pa stong pa nyid do// de ni sangs rgyas bcom ldan 'das rnams kyi sku yin no// longs spyod rdzogs pa dang / sprul pa dang / de dag gi mdzad pa rnams yongs su ma dag pa med pa'i 'am zag pa dang bcas pa med de/ zag pa med chos rnams kun tu// rnam par dag 'gyur gang dag yin zhes pa'i tshig gis yang dag par gzung bar bya ba yin no// de la 'di ltar ldog par byas pa'i tha dad kyis yongs su brtags pa'i stong pa nyid kyi bdag nyid ni ngo bo nyid kyi skur rtog par bya'o// chos gang zhes pa la/ byang chub kyi phyogs dang / longs spyod rdzogs pa dang / sprul pa dang / de dag gi mdzad pa'i mtshan nyid ste/ gang rnams kyi rang bzhin ni ngo bo nyid kyi skur rtogs par bya ba de rnams rim pa ji lta ba bzhin du bstan pa'i phyir gsungs pa/ byang chub ces pa la sogs pa ste/ byang chub phyogs shes pa lus dran pa nye bar gzhag pa dang / tshor ba dran pa nye bar gzhag pa dang / sems dran pa nye bar gzhag pa dang / chos dran pa nye bar gzhag pa bzhi po rnams so// mi dge ba'i chos ma skyes pa rnams mi bskyed pa dang / mi dge ba'i chos skyes pa rnams phyir spong ba'i rtson pa dang / dge ba'i chos ma
- 298b
skyes pa rnams bskyed pa'i phyir brtson pa dang / dge ba'i chos skyes pa 'phel bar byed pa'i phyir brtson pa ste/ yang dag par spong ba bzhi rnams so// 'dun pa'i ting nge 'dzin dang / brtson 'grus kyi ting nge 'dzin dang / sems pa'i ting nge 'dzin dang / dpyod pa'i ting nge 'dzin dang / rdzu 'phrul gyi rkang pa bzhi rnams so// dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po ste/ dbang po rnams so// 'di rnams nyid me bathun pa'i phyogs kyis zil gyis mnan par mi nus pas stobs su gyur pa ste/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs te/ skabs rnam pa lnga'o// dran pa yang dag byang chub kyi yan pag dang / chos rab tu 'byed pa yang dag byang chub kyi yan lag dang / brtson 'grus yang dag byang chub yan lag dang / dga' ba yang dag byang chub kyi yan lag dang / shin tu sbyangs pa yang dag byang chub kyi yan lag dang / ting nge 'dzin yang dag byang chub kyi yan lag dang / btang snyoms yang dag byang chub kyi yan lag ste rnam pa bdun no// yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin te/ 'phags pa'i lam yan lag brgyad pa rnams te/ byang chub kyi phyogs kyi chos sum cu rtsa bdun no// tshad med ces pa ni tshad gzung du med par sems can la dmigs pa nyid kyis te/ byams pa dang / snying rje dang / dga' ba dang / btang snyoms te tshad med pa bzhi'o// rnam par thar pa dang zhes pa ni nang gzugs su 'du shes pas phyi rol gyi gzugs su lta ba ni gcig go/ nang gzugs kyi pa sam pa pa yang ma par sa ya yang mamamams sa yang sa pa yang mamatha ma mam ngas pa ma mam thas thas pa sa ma mams sa sa mam mamatsham ma mams ma la masamam mas pa mal sa yas pas ma la bam mtsham sas
- 299a
mtshan ma med la phyi'i gzugs su lta ba ni gnyis pa'o// sdug pa'i rnam par thar pa lus kyi mngon sum du byas te gnas pa 'di ni gsum pa'o// gzugs med bzhi rnams dang / 'du shes dang tshor ba 'gog pa ste rnam par thar pa brgyad do// mthar gyis gnas pa'i snyoms par 'jug pa dgu zhes pa ni bsam gtan bzhi rnams dang / gzugs med bzhi po rnams dang / 'du shes dang tshor ba 'gog pa ste/ mthar gyis gnas pa'i snyoms par 'jug pa dgu po rnams so// zad par bcu'i bdag nyid dang zhes pa ni zad par gyi skye mched ni zad par sa'i skye mched dang / zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par nam mkha' dang / zad par rnam par shes pa ste/ zad par gyi skye mched bcu'o// zil gyis gnor pa'i skye mched ni rab tu dbye bas rnam pa brgyad ces pa ni nang gzugs la mtshan mar 'du shes shing phyi'i gzugs la ni bsdus pa 'am nga rgyal can du lta ba ste/ de zil gyis gnon par shes pa ni phyi ste gcig go/ nang gi gzugs mtshan mar 'du shes shing phyi'i gzugs can la rgyas par lta ba ste/ de zil gyis gnon par shes pa ni gnyis pa'o// nang gi gzugs ni gzugs med par 'du shes la phyi'i gzugs la bsdus nas lta ba de zil gyis gnon par shes pa ni gsum pa'o// nang gi gzugs la gzugs med par 'du shes zhing phyi'i gzugs can la rgyas par lta ba ste zil gyis gnon par shes pa ni bzhi pa'o// nang gi gzugs la/ mtshan mar 'du shes shing phyi'i gzugs pa sngon por lta ba ni lnga pa'o// de ltar ser por mthong ba ni drug pa'o// dmar por mthong ba ni bdun pa'o// dkar por mthong ba ni brgyad pa ste/ zil gyis gnon pa'i skye
- 299b
mched rnam pa brgyad do// nyon mongs med dang zhes pa ni nyon mongs med pa zhes bya ba'i ting nge 'dzin to// gang zhig la snyoms par zhugs nas gzhan gyi rgyud la rten nas kyang nyon mongs pa rnams kun tu 'byung bar mi 'gyur ba'o// smon nas mkhyen zhes pa ni dgos pa thams cad las nges par grol nas the tshom ma lus pa sel ba'i shes pa ni smon nas mkhyen no// mngon shes zhes pa ni rdzu 'phrul gyi mngon par shes pa dang / lha'i rna ba'i mngon par shes pa dang / gzhan gyis sems shes bya ba'i mngon par shes pa dang / sngon gyi gnas rjes su dran pa'i mngon par shes pa dang / lha'i mig gi mngon par shes pa dang / zag par zad pa'i mngon gas/ rA // // sa ya ga gas pa/ ma na yang dag pa ga pa dang / das pa nga dag par ga pa dang / smra ba'i tshigs sa nga dgapa dang / spobs pa so so yang dag par rig pa ste/ so so yang dag par shes pa rnam pa bzhi'o// rnam pa thams cad dag bzhi dang zhes pa ni rten rnam par dag pa dang / dmigs pa rnam par dag pa dang / sems rnam par dag pa dang / ye shes rnam par dag pa ste/ dag pa rnam pa bzhi rnams so// dbang bcu zhes pa ni tshe la dbang ba dang / sems la dbang ba dang / yongs su shes pa la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba ste/ dbang bcu'o// skyabs bcu zhes pa ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / mos pa sna tshogs mkhyen pa'i stobs dang / dbang po
- 300a
mchog dang mchog ma yin pa mkhyen pa'i stobs dang thams cad du 'gro ba'i lam mkhyen pa'i stobs dang / kun nas nyon mongs pa dang / rnam par byang ba mkhyen pa'i stobs dang / sngon gyis gnas rjes sudran pa mkhyen pa'i stobs dang / 'chi 'pho dang skye ba mkhyen pa'i stobs dang / zag bzad pa mkhyen pa'i stobs te/ de bzhin gshegs pa rnams kyis stobs brgya'o// mI 'jigs pa ni bzhi zhes pa ni mngon par byang chub pa la mi 'jigs pa dang / zag pa rnams zad pa la mi 'jigs pa dang / bar chad kyi chos rnams kyis mi 'jigs pa dang / mya ngan las 'das pa'i chos la mi 'jigs pa ste/ mi 'jigs pa rnam pa bzhi'o// bsrung ba med pa rnam gsum dang / zhes pa ni skyon med pa nyid kyi de bzhin gshegs pa la gzhan gyis 'jigs pa med de/ des na skul bsrung ba med pa dang / gsung la bsrung ba med pa dang / thugs pa ji lta ba bzhin du rjes su chags pa dang / zhe sdang ba dang / gnyi ga dag bral ba ste/ de ltar bcom ldan 'das dran pa dang ldan par gnas pa ni dran pa nye bar gzhag pa rnam pa gsum mo// bsnyel ba mi mnga' ba'i chos nyid dang zhes pa ni sems can gyi don byed pa'i dus las ma 'das pa'i tshan nyid ni bsnyel ba mi mnga' ba'i chos nyid do// bag chags yang dag bcom pa dang zhes pa ni nyon mongs pa dang shes bya'i sgrib pa'i bag chags yang dag par bcom pa'o// skye la thugs rje chen po dang zhes pa ni sems can thams cad kyi sdug bsngal dang de'i rgyu rnams bsal bar bzhed pa'o// thub pa kho na'i ma 'dres chos bco brgyad
- 300b
bshad pa gang yin dang zhes pa ni skal 'khrul pa mi mnga' ba dang / gsung la ca co mi mnga' ba dang / dran pa nyams pa mi mnga' ba dang / sems mnyam par ma bzhag pa mi mnga' ba dang / 'du shes sna tshogs mi mnga' ba dang / grangs so so la btang snyoms mi mnga' ba dang / 'dun pa yongs su nyams pa mi mda' ba dang / brtson 'grus yongs su nyams pa mi mnga' ba dang / dran pa yongs su nyams pa mi mnga' ba dang / ting nge 'dzin yongs su nyams pa mi mnga' ba dang / shes rab yongs su nyams pa mi mnga' ba dang / rnam par grol ba yongs su nyams pa mi mnga' ba dang / lus kyi las kyi sngon du ye shes 'gro ba dang / ngag gi las kyi sngon du yaM shes 'gro ba dang / yid kyi las kyi sngon du ye shes 'gro ba dang / 'das pa rnams lam chags shing ma thogs pa'i ye shes dang / ma 'das pa rnams la mchags shing ma thogs pa'i ye shes dang / da ltar ba rnams la ma chags shing ma thogs pa'i ye shes te/ sangs rgyas kyi chos ma 'dres pa bco brgyad ces bya'o// rnam pa thams cad mkhyen pa nyid dang zhes pa ni ji ltar gsungs pa'i rnam pa thams cad mkhyen pa'i bdag nyid kyi mngon par rtogs pa'o// de ltar de bzhin gshegs pa chos can la chos kyi phung por mngon par brjod de ldog pas byas pa'i tha dad du yongs su brtags pa de bzhin gshegs pa'i thugs kyi yon tan gyi chos so// nyan thos la sogs pa'i nyon mongs pa med pa'i ting nge 'dzin la sangs rgyas kyi nyon mongs pa med pa'i ting nge 'dzin 'bras bu'i sgo nas bye brag tu bstan pa'i phyir gsungs pa/ nyan thos nyon mongs pa'i lha// mi'i nyon mongs yongs spong ba nyid// rgyal ba grong sogs de dag gi/ nyon mongs rgyan gcod nyon mongs med ces pa ste/ nyon mongs med ces pa ni nyon mongs pa rnams med pa dang gang zhig
- 301a
nyon mongs pa med pa'i ting nge 'dzin de ni nyon mongs pa med pa'i ting nge 'dzin gyi bye brag ste/ nyan thos rnams gang zhig nyon mongs pa med pa'i ding nge 'dzin la snyoms par zhugs par gyur pa'i nyan thos de rnams kyis mthong na mi'i nyon mongs pa rnams 'byung bar mi 'gyur zhing mi skye ba'o// de bzhin gshegs pa nyon mongs pa med pa'i ting nge 'dzin la snyoms par zhugs pas ni gang zhig mthong ba/ dang ma mthong ba rnams kyang rung ste grong khyer la sogs pa'i sems can gyi nyon mongs pa'i rgyun gcod pa ni bye brag go/ nyan thos la sogs pa'i smon gnas mkhyen pa bas de bzhin gshegs pa'i smon gnas mkhyen pa khyad par du 'phags par bstan pa'i phyir gsungs pa/ sangs rgyas smon nas mkhyen pa ni// lhun gyis grub dang chags spangs dang // thogs pa med dang rtag gnas dang // dri la kun lan 'debs par bzhed ces pa ste/ sangs rgyas kyi gong smon nas mkhyen pa ldan gyis grub pa ni rnam par rtog pa med pa nyid kyis so// chags spangs ni bltos pa med pa nyid kyis so// thogs med ni thams cad du thogs pa med pas so// rtag gnas ni 'khor ba ma stongs kyi bar du kun tu gnas pas na'o// dri ba kun lan 'debs par bzhed ces pa ni so so yang dag par rig pa bzhi thob pas te/ nyan thos la sogs pa rnams kyi ni 'di rnams las phyin ci log pa'o// 'o na rtag par 'gro ba'i don byed pa'i nus pa yod pa ni yon tan thams cad kyi rang bzhin longs spyod rdzogs pa'i sku'i bdag nyid kyi de bzhin gshegs pa kun tu gnas pa yin yang rtag par don mi byed pa ci ste zhes rgal ba'i lan gdab pa'i phyir gsungs pa/ rgyu ni yongs su smin gyur nas/ gang dang gang la gang dang ni// de che bya ba/
- 301b
phan gyur pa// de dang de la der snang ngo zhes pa ste/ rgyu ni dge ba'i rtsa ba sngon du bskyed pa rnams so// yongs su smin par mi 'gyur ba'o// sems can gang la dus gang chos bstan pa la sogs pa'i bya ba ni phyis phan par 'gyur te/ des na de'i don byed pa gang yin pa de ni de bzhin gshegs par brjod de/ tshes ston pa po la sogs par nye bar gnas pa nyid kyis so// 'di rnams kyi rjes su 'thun pa'i dpe bstan pa'i phyir gsungs pa/ lha yi rgyal pos char pab kyang // sa bon mi rung mi 'gyur ltar// sangs rgyas rnams ni byung gyur kyang // skal ba med pas bzang mi myong zhes pa ste/ go sla'o// 'o na yon tan thams cad kyi gnas longs spyod rdzogs pa'i sku ni sangs rgyas nyid de/ de yang dngos por gyur pa nyid kyis phyogs gcig nyid dang / skad cig ma'i rgyan gyi bdag nyid yin na de ji ltar 'dis kun tu khyab pa dang rtag pa nyid dag tu brjod ces sems pa la gsungs pa/ de ltar mdzad pa rgya che'i phyir// sangs rgyas khyab par nges par brjod// de nyid zad pa med pa'i phyir// rtag pa zhes kyang brjod pa yin zhes pa ste/ ji ltar rgyal po phyogs gcig pa yin yang yul phyogs ji tsam du rgyal po'i bka' lung bzhin du bya ba byed pa'i yul de srid du ni rgyal pos khyab ces brjod do// de bzhin du bcom ldan 'das/ kyang nam mkha'i khams ji srid pa de snyed du gdul bya rnams la chos ston pa'i bye ba'i rnam 'phral gyi khyad pas khyab pa zhes brjod do// ji ltar chu bo gang+gA rgyan mi 'chad par 'bab pas rtag pa zhes brjod do// de bzhin du bcom ldan 'das kyang 'og min gyi gnas stug po bkod pa'i zhing khams kyi gzhal yas khang na longs spyod rdzogs pa'i sku'i bdag nyid rgyun mi 'chad par bzhugs pa la rtag pa
- 302a
zhes brjod do// chos kyi sku de ni de bzhin gshegs pa las ldog pas byas pa'i tha dad du yongs su brtags pa'i yid kyi yon tan rin po che'i tshogs su brjod do// chos su gyur pa yid kyi yon tan rnams mngon par brjod nas chos can du gyur pa bems po la sogs pa'i longs spyod rdzogs pa'i sku bstan pa'i phyir gsungs pa/ mtshan ni sum cu rtsa gnyis dang // dpe byad brgyad cu'i bdag nyid 'di// theg chen nye bar longs spyod phyir// thub pa'i longs spyod rdzogs skur bzhed ces pa ste/ ci zhig longs spyod pa zhes pa la gsungs pa/ theg chen nye bar longs spyod phyir zhes pa ste/ theg pa chen po'i chos nyan pa la sogs pa'i sgo nas shes pa'i don to// sa bcu'i dbang phyug rnams kyis theg pa chen po nye bar longs spyod pa'i phyir longs spyod rdzogs pa'i sku zhes bya'o// theg pa chen po'i gzhung la yang longs spyod pa'i sku 'di bems po gzugs sku'i bdag nyid ces zer ba ni cher 'khrul pa yin te/ 'di bems po nyid du rtogs pa ni rmongs pa rnams kyis yongs su brtags pa'o// 'di brdzun pa ni ma yin te/ bems po las log par rang rig pa'i mngon sum nyid kyis thub pas so// ldog pas byas pa'i tha dad tsam du ye shes kyi bdag nyid 'di gnas pa'o// mtshan sum cu rtsa gnyis po de rnams kyang gang dag ces pa la tshigs bcad lngas gsungs pa/ phyag zhabs 'khor los mtshan dang rus sbal zhabs/ phyag dang zhabs sor dra bas 'brel ba dang // phyag ni zhabs bcas 'jam zhing gzhon sha rtags// 'di yi sku ni bdun dag mtho ba dang // sor mo ring dang rting yangs sku che drang // zhabs long mi mngon spu ni gyen du phyogs// byin pa e Ne ya'i 'dra phyag ring mdzes// 'doms kyi sba ba srubs su nub pa'i
- 302b
mchog/ pags pa gser mdog pags pa srab pa dang // spu ni re re nas g.yas legs 'khrungs dang // zhal mdzod spus brgyan po stod seng ge 'dra// 'di yi dpung pa mgo zlum thal gong rgyas// 'di la ro mi zhim pa'ang ro mchog snang // sku ni n+ya gro dra ltar chu zheng gab// gtsug tor yang 'phags ljags rings mdzes pa dang // tshangs dbyangs 'gram pa seng ge 'dra dang tshams// shin tu dkar dang tshad mnyam thag ba sna da // gangaseMn pa'i pa ma kyang ba dang // la ban shing ji rnam ga/ 'dra ba 'di dag sum rgyag nanas pa ste/ ga mas mnanas pa smra zhabs kyi mthil la 'khor los mtshan pa'o// rus sbal zhabs zhes pa ni zhabs kyi mthil kun gyi sar reg pa ste/ rus sbal lhar sa mnyam par sa la kun gnon pa'o// phyag dang zhabs sor dra bas 'brel pa dang zhes pa ni phyag dang zhabs kyi sor mo'i bar rnams 'brel pa'o// phyag ni zhabs bcas 'jam zhing gzhon sha chags zhes pa ni phyag dang zhabs dag 'jam zhing gzhon sha dang ldan pa'o// 'di yi skun bdun dag mtho ba dang zhes pa ni lag pa dang rkang pa dang dpung pa gnyis dang mgrin pa ste/ bdun po mtho ba 'dis sku mtshan pa ni bdun mtho ba'o// sor mo ring dang zhes pa ni sor mo rnams ring ba'o// rting yangs zhes pa ni ji ltar mdzes par sha rgyas shing // rting pa yangs pa'o// sku che drang zhes pa ni sku che zhing drang ba'o// zhabs long mi mngon zhes pa ni rje ngar dang rkang pa'i bar na gnas pa nyid kyis na long bu mi mngon pa'o// spu rnams gyen du phyogs zhes pa ni lus kyi spu rnams gyen du phyogs pa'o// byin pa e Ne ya'i 'dra zhes pa la e Ne ya ni ri dgas kyi bye brag ste/ de'i byin pa tshigs med cing zlum la khad kyis//
- 303a
phra ba ste/ de ltar gyur pas e Ne ya'i byin pa'o// phyag ring zhes pa ni phyag gis brlang slebs pa'o// 'doms kyi sba ba srubs su nub pa'i mchog ces pa la 'doms ni gsang ba'i gnas so// sbubs ni pags pa'o// nub pa ni sbas pa'o// mchog ni khyad par 'bags pa ste/ 'doms kyi sra ba sbubs su nub pas na'o// pags pa gser mdog ces pa gser btso ma'i kha dog lta bu/ pags pa sra bces pa ni pags pa shin tu srab pa'o// s+phu ni re re nas g.yas legs 'khrungs dang zhes pa ni ba s+phu re re nas g.yas phyogs su 'khyil ba'o// zhal mdzod spus rgyan zhes pa ni mdzod spus mtshan pa'i zhal lo// ro stod seng ge'i 'dra zhes pa ni sku stod seng ge'i 'dra ba'o// 'di'i dpung mgo bla ma zhes pa ni shin tu yang zlum pa'i dpung pa'o// thal gong rgyas zhes pa ni de dag mtho ba ni thal gong rgya ba'o// 'di la ngo mi zhim pa'ang ro mchog snang zhes pa ni ro mi zhim pa dag kyang ro mchog tu snang zhes pa'o// sku ni n+ya gro d+ha ltar chu zhe ba gab ces pa ni n+ya gro d+ha ltar kun tu tshad mnyam pa'o// gtsug tor yang 'pha/ pa ni spyi bor gtsug tor gyis mdzes pa'o// ljags ring mdzes zhes pa ni ljags ring zhing sra ba la mdzes pa'o// tshangs dbyangs zhes pa ni tshangs pa'i dbyangs lta bu'o// 'gram pa seng ge'i 'dra zhes 'gram pa seng ge'i 'gram pa lta bu yin no// shin du dkar zhes pa ni tshems shin tu dkar ba'o// tshad mnyam zhes pa ni tshems rnams mnyam pa'o// thags bzang zhes pa ni cal col ma yin pa'i tshe/ so// grangs ni bzhi bcu tham par tshang ba dang shes pa ni mchad cing ma lhag par grangs bzhi bcu tham par gyur pa'o// des na tshems mnyam par grangs bzhi bcu'o// spyan ni mthon mthing zhes pa mngon pa
- 303b
sngo ba'i spyan no// spyan rdzib mchog gi 'dra ba zhes pa ni mchog gi rdzi ma lta bu gang gi spyan la yod pa de ni rdzim pa mchog gi lta bu'o// 'di rnams sum cu rtsa gnyis mtshan zhes pa ni skyes bu chen por mtshon par byed pas mtshan dide// sangs rgyas bcom ldan 'das dang / byang chub sems dpa' rnams dang / 'bar las srung ba'i rgyal po rnams kyi mtshan tham du rtswa gnyis blanam ma yin pa'o// mtshan bzang po 'di rnams kyang 'di nga rgyul goms par byas pas 'gyur ro// zhes bstan pa'i phyir gsungs pa/ 'di yi mtshan ni gang gang gi/ sgrub par byed pa'i rgyu gang yin// de dang de ni rab rdzogs pas// mtshan ni 'di rnams yang dag 'grub ces pa ste/ 'di yi zhes pa ni longs spyod rdzogs pa'i sku yin no// mtshan gang dang gang gi rgyu rnams la goms par byas shing bslabs pas mtshan dang de rnams rab tu rdzogs par 'gyur ro// stobs dang mi 'jigs pa la sogs pa rnams ni thugs kyi yon tan yin pa nyid kyis shin tu yang mi mngon pas mtshan bzang po sum cu rtsa gnyis po de nyid kyis longs spyod rdzogs pa'i skur nges shes pa'i don to// mtshan rnams thob par byed pa'i rgyu gang dang gang gi zhes pa gsungs pa/ bla ma skyel la sogs pa dang // yang dag blangs pa bstan pa dang // bsdu ba bsnyen dang gya nom pa'i// dngos po sbyin dang bsad bya ba// thar par byed dang dge ba ni// yang dag blangs pa spel la sogs// sgrub byed rgya'i mtshan nyid de// mdo las ji skad 'byung ba bzhin zhes pa de'i don ni 'di yin te/ bla ma rnams skyel ba dang slar yang sngun pa su ba dang / chos rnams nyan pa dang / me tog gi phreng ba la sogs pa 'bral ba dang / 'khor g.yog 'bral ba dang / mchod rten la sogs pa la phyag la sogs pa byas pas phyag dang zhabs kyi mthil dag 'khor los
- 304a
mtshan pa'o// chos spyod kyi yi dmal brtan pas zhabs legs par gnas pa ste dus sbal zhabs so// sbyin pa dang / snyan par smra ba dang / don spyod pa dang / don 'thun pas phyag dang zhabs kyi dra bas 'brel ba'o// mchog gi kha zas dang btung ba byin pas phyag dang zhabs dag 'jam zhing gzhon sha chags pa dang / su'i bdun mtho ba yang 'di nyid kyis so// bcings pa rnams thar bar byas pas sor mo rnam srog rjes su srung ba byas pas zhabs kyi rting pa yangs pa'o// srog gcod pa la srang log pas sku che zhing drang ba'o// dge ba'i rtsa ba rnams la yi dam du bcas pas zhabs kyi lor bu mi mngon pa'o// dge pad blangs pa la yi dam du slob pas sku'i ba spu gyen du phyogs pa'o// sogs pa'i sgras yang dag par bsdus pa brjod par bya ste/ mchod pa dang / sgyu rtsal la sogs pa rig pa sbyin pa byin pas byin pa ri da ya'i 'dra ba'o// nor yod cing slong ba po 'ongs pa'i dus su phyir ma log pas phyag ring ba'o// skye bo thams cad tshangs par spyod pa la bkod pa dang / gsang bdaganyer gtad pa dag bsrungs pas 'doms sbubs su nub pa'i mchog go// gya nom pa'i gding ba dag byin pas kha dog gseng btsom lta bu'o// gnas khang mchog dag sbyin par byin pas lpags pa srab pa'o// 'du 'dzi'i gnas la sogs pa yongs pas baspu rnams re re nas g.yas phyogs su 'khrungs pa'o// bla ma 'am gong ma rnams gnas ji ltar 'dzag pas zhal mdzod spos brgyan pa'o// thams cad du rtsub pa'i ngag rnam par spangs pas su stod sa snyan par spro ba dang mthun par phebs par smra bas dpung pa zlum pa'o// sman la sogs pa'i sbyin pa byin pas thal garang rgyas pa'o// nad pa'i nad g.yog byas pas re mi zhim pa yang ngo mchog tu snang ba'o// nags
- 304b
mos tshal la sogs pa yid du 'ong ba sbyin pa byin pas sku n+ye gro d+ha ltar chu zheng gab pa'o// lha khang la sogs pa khyad par du 'phags pa byin pa las dbu'i gtsug tor yang 'phags pa'o// 'jam pa la sogs pa'i tshig smras pa las ljags ring shing mdzes pa'o// 'jig rten gyi khams thams cad kyi sems can rnams dam pa'i chos shes par byas pa las tshangs pa'i dbyangs so// ngag bkyil ba las rnam par log pa las seng ge'i 'gram pa'o// skye bo thams cad la yang dag par sems pa la sogs pas tshems shin tu dkar ba'o// 'tsho ba yang dag par dag pa las tshems mnyam pa'o// bden pa'i ngag la kun tu spyod pa las tshams thags bzang ba'o// dbyen pa'i tshig la goms par mi byed pas mnyam par grangs bzhi bcu them pa'o// sems can thams cad la bu gcig pa snang lta bas spyan mtho na mthing ngo // zhe sdang la sogs pa las log par ston pas spyan gyi rdzi ma pa mchog gi lta bu ste/ skyes bu chen po'i mtshan sum cu rtsa gnyis rgyu dang bcas pa bstan pa'o// de na dpe byad bzang po brgyad du bstan pa'i phyir gsungs pa/ thub pa'i sen mo zangs mdog dang // mdog sdum mtho dang sor mo rnams// zlum rgyas byin gyis phra ba dang // rtswartsa me mngon dang mdud pa med// long bu mi mngon zhabs mnyam dang // seng ge glang chen bya dang ni// khru mchog stabs gshegs g.yas phyogs dang // mdzes gshegs drang dang 'khril bag dang // byi dor byas 'dra rim par 'tsham// gtsang dang 'jam dang dag pa'i sku// sku'i kho lag yangs shing bzang // goms snyoms can ni dag pa dang // shin tu gzhon mdog bdag nyid can// sru zhum med dang rgyas pa dang // shin tu grims pa'i sku nyid dang // yan lag shin tu rnam 'byed dang // gzigs pa mun med dag pa dang // dku zlum skabs byin ma rnyongs dang // phyang nge ba dang lte ba ni// zab dang g.yas phyogs 'khyil ba dang // kun nas lta na sdug pa dang // kun spyod gtsang
- 305a
dang skul ni// sme ba nag bag med pa dang // phyag ni shing bal ltar 'jam dang // phyag ris mdangs yod zab rings dang // zhal ni ha cang mi ring dang // mchu ni bim+ba ltar dmar dang // ljags mnyen pa dang srab pa dang // dmar dang 'brug gi sgra nyid dang // gsung gnyen 'jam dang mche ba zlum// rdo dang dkar dang mnyam pa dang // byin gyis phra dang shangs mtho dang // mchog du dag pa dag dang ni// spyan yangs pa dang rdzi ma stug/ pad+ma'i 'dab ma 'dra ba dang // smin tshugs ring dang 'jam pa dang // sA ba dang spyi ni mnyam pa dang // phyag rings rgyas dang snyan mnyam dang // nyams pa rnam par spangs pa dang // dpral ba logs par 'byes pa dang // dbyes che ba dang dbu rgyas dang // dbu skra bung bltar gnag dang // sdug 'jam mi 'dzings ngo bo dang // mi bshor skyes bu'i yid 'phrog dang // dpal gyi be'u bkra shis ni// g.yung drung 'khyil pas brgyan pa ste// sangs rgyas dpe byad bzang por bzhed ces pa ste/ zangs mdog ces pa ni 'du byed thams cad la ma chags pas sen mo zangs mdog lta bu'o// mdog snum ces pa ni sems can thams cad la phan par mos pa nyid kyis mdog snum pa'o// mtho zhes pa ni gang zhig rigs mtho bar skye bar byed pa'i las de nyid kyis sen mo mtho ba'o// sen mo rnams zlum zhes pa ni kha na ma tho ba med pa nyid kyis sor mo rnams zlum pa'o// rgyas zhes pa ni dge 'dun nyid kyis sor mo rnams so// byin gyis phra ba zhes pa ni yang dag pa la go rims su 'jug pa nyid kyis sor mo rnams byin gyis phra ba'o// rtsa mi mngon zhes pa ni lus la sogs pa'i las kyi mtha' shin tu mi mngon pas rtsa mi mngon pa'o// mdud pa med ces pa ni nyon mongs pa rnams bkrol ba nyid kyis rtsa rnams mdud pa med pa'o// long bu mi mngon zhes pa ni chos shin tu gsang ba'i blo nyid kyis long bu mi mngon
- 305b
pa'o// zhabs mnyam zhes pa ni ngan 'gro'i gnas thams cad las skye bo rnams kun tu bsgral ba nyid kyis zhabs mi mnyam pa med pa'o// seng ge zhes pa ni srid pa zil gyis gnon pa'i dge ba nyid kyis seng ge'i stab su gshegs pa'o// glang chen zhes pa ni 'dod chags zil gyis gnon pa'i dge ba des klu'i skabs su gshegs pa'o// bya zhes pa ni nam mkha' la kun tu 'gro ba'i dge ba des ngang pa'i stabs su gshegs pa'o// khru mchog ces pa ni skyes bu dam pa'i dge ba des khyu mchog gi skabs su gshegs pa'o// g.yas phyogs gshegs pa zhes pa ni rigs pa'i lam du gshegs pa'i dge ba des g.yas phyogs su gshegs pa'o// mdzes gshegs zhes pa ni dge ba la rab tu dang ba des mdzes par gshegs pa'o// drang dang zhes pa ni rtag par drang po'i sems kyi dge ba des drang por gshegs pa'o// 'khril bag chags ces pa ni rnam par dag pa'i yon tan brjod pa des 'khril bag chags pa'o// byi dor byas 'dra zhes pa ni sdig pa'i chos byi dor byas pa des sku byi dor byas pa lta bu'o// rim par 'tsham zhes pa ni snod dang rjes su mthun par chos ston pa des sku rim par 'tsham pa'o// gtsang dang zhes pa ni lus la sogs pa gtsang sbra'i spyod pa de sku gtsang ba'o// 'jam dang zhes pa ni sems 'jam pa nyid kyis su 'jam pa'o// dag pa'i sku zhes pa ni sems rnam par dag pa nyid kyi sku rnam par dag pa'o// mtshan ni yongs su rdzogs pa dang zhes pa ni chos thams cad yongs su rgyas par btul ba des mtshan yongs su rdzogs pa'o// sku'i kho lag ces pa ni yon tan mdzes shing che bar brjod pa des sku'i kho lag rgya che ba'o// goms snyoms pa ni thams cad la sems mnyam pa nyid kyis gom pa
- 306a
snyoms shing zhabs mnyam pa'o// spyan ni dag pa zhes pa ni shin du rgyas par dag pa'i chos bstan pa des spyan rnam par dag pa'o// shin tu gzhon mdog can zhes pa ni rtogs par sla ba'i chos bstan pas shin tu gzhon mdog can no// skyo zhu ma med ces pa ni rtag par sems ma zhum pa nyid kyis na sku zhum pa med pa'o// rgyas pa dang zhes pa ni dge ba rnams rgyas par gyur pa nyid kyis sku rgyas pa'o// shin tu grims pa'i sku nyid dang zhes pa ni yang srid par skye ba zad pa'i byed las gang yin pa de nyid kyis sku shin tu grims pa'o// yan lag shin tu rnam 'byes zhes pa ni rten cing 'brel par 'byung bshin tu bye ste bstan pa des yan lag dang nying lag rnams rnam par 'byes pa'o// gzigs pa mun med dag pa dang zhes pa ni shin tu rnam par dag pa'i dngos po ston pa po nyid kyis gzigs pa mun pa med cing dag pa'o// dku zlu ma zhes pa ni slob ma phun sum tshogs par bzlums pa'i las nyid kyis dku zlum pa'o// skabs byin zhes pa ni 'khor ba'i skyon gyis ma gos pas dku skabs phyin pa'o// ma rnyongs zhes pa ni nga rgyal gyi rwa bcag pa nyid kyis dku ma rnyongs pa'o// byang nge ba dang zhes pa ni chos mi zad par gnas pa nyid kyis dku byang de ba'o// lte ba zab ces pa ni chos zab mo so sor rig pa nyid kyis lte ba zab pa'o// / lte ba g.yas phyogs 'khyil ba zhes pa ni slob ma rigs pas 'dzin pa'i las de nyid kyis lte ba g.yas phyogs su 'khyil ba'o// kun nas lta na sdug pa zhes pa ni 'khor rnams mchog tu gyur pa'i las gang yin pa de nyid kyis kun nas lta na sdug pa'o// kun spyod gtsang dang zhes pa ni sems gtsang ba nyid kyis kun spyod gtsang ba'o// sku la ni sme ba nag bag med pa dang zhes pa ni dus ma yin par chos mi 'dul ba
- 306b
nyid kyis skul sme ba nag bag med pa'o// phyag ni shing bal ltar 'jam dang zhes pa ni lus la sogs pa 'jam pa thob par byed pa'i chos ston pa po nyid kyis shing bal ltar 'jam pa'i phyag go/ phyag ris mdangs yod ces pa ni mdangs dang ldan par thos pa chen po so sor thob pa nyid kyis phyag ri sa mdangs yod do// zab ces pa ni chos zab mo la kun tu gnas pa nyid kyis phyag gi ri mo zab pa'o// ring zhes pa ni yang dag par rig par yongs su dag pa'i chos ston pa nyid kyis phyag gi sor mo ring ba'o// zhal ni ha cang mi ring dang zhes pa ni bslab po'i gnas du ma ston pa po nyid kyi zhal ha cang mi ring ba'o// mchuni bim+ba ltar dmar dang zhes pa ni 'jig rten thams cad gzugs brnyan ltar rig pa nyid kyis bim+ba ltar dmar ba'i mchu'o// ljags gnyen zhes pa ni 'jam pa'i tshig gis 'dul ba nyid kyis ljags gnyen pa'o// srab ces pa ni yon tan du ma nye bar brjod pa nyid kyis ljags srab pa'o// dmar dang zhes pa ni byis pa'i skye bo rnams gting dpag dka' ba'i chos kyis 'dul bar bzhed pa nyid kyis ljags dmar ba'o// 'brug gi sgra nyid ces pa ni 'jigs pa thams cad las sel ba'i las nyid kyis 'brug gi sgra nyid do// gsung gnyen 'jam zhes pa ni 'jam pa la sogs par gsungs pas gsung gnyen zhing 'jam pa'o// mche ba zlum zhes pa ni srid par yang dag par sbyor ba la zlog pa nyid kyis mche ba zlum pa'o// rno zhes pa ni gdul dka' ba'i skye bo 'dul ba nyid kyis mche ba rno ba'o// / dkar zhes pa ni dkar ba'i chos kyis 'dul ba nyid kyis mche ba dkar ba'o// 'jam zhes pa ni mnyam pa'i sa la rab tu gnas pa nyid kyis mche ba mnyam pa'o// byin gyi phra zhes pa ni mngon par rtog
- 307a
pa'i rim pa gsal bar byed pa nyid kyis mche ba byin gyis phra ba'o// shangs mtho dang zhes pa ni shes rab gsal bar byed pa'i gnas nyid kyis shangs mtho ba'o// mchog tu dag pa zhes pa ni dag/ pa'i skye bo'i rigs su skye ba'i las gang yin pa de nyid kyis shangs dag cing gtsang ba'o// spyan yangs zhes pa ni mchog tu rgya che ba'i chos bstan pa nyid kyis spyan yangs pa'o// rdzi ma sdug ces pa ni sems can gyi tshogs rnams rig pas bsdus pas spyan gyi rdzi ma sdug pa'o// pad+ma'i 'dab ma 'dra ba dang zhes pa ni lang 'tsho dang ldan pa'i skye bo thams cad kyis mngon par bsngags pa'i las gang yin pa de nyid kyis pad+ma'i 'dab ma 'dra ba'i spyan no// smin tshugs ring zhes pa ni rtag tu ring du gzigs pa nyid kyis smin tshugs ring ba'o// 'jam zhos pa ni 'jam par chos kyis 'dul ba'i dge ba nyid kyis smin ma 'jam pa'o// snum zhes pa ni dge bas snum pa'i rgyud kyis shin tu sdum pa'i smin ma'o// spu mnyam zhes pa ni skyon kun tu lta ba nyid kyis smin ma'i spu rnams mnyam pa'o// phyag ring rgyas zhes pa ni gzhan gyi sdug bsngal sel ba nyid kyis phyag ring zhing rgyas pa'o// snyan mnyam zhes pa ni 'dod chags la sogs pa'i g.yul las rnam par rgyal bas na snyan mnyam pa'o// nyams pa rnam par spangs pa zhes pa ni sems can thams cad la ma nyams pa'i rgyun nyid du byas pas snyan gyi dbang po ma nyams pa'o// dpral ba legs par 'byes pa dang zhes pa ni lta ba gzhan thams cad las rnam par log pa nyid kyis dpral ba legs par 'byes pa'o// dbyes che ba zhes pa ni phyir rgol ba thams cad rab tu pham par byas pa nyid kyis dpral ba'i dbyes che ba'o// dbu rgyas zhes pa ni smon lam mchog tu yongs su rgyas pa nyid kyis dbu
- 307b
rgyas pa'o// dbu skra bung ba ltar gnag dang zhes pa ni yul rnams la chags pa la sogs pa las log pa nyid kyis dbu skra bung ba ltar gnag pa'o// stag ces pa ni mthong ba dang sgom pa'i lam gyi spang bar bya ba rnams zad par bya ba nyid kyis dbu skra sdug pa'o// 'jam zhes pa ni 'jam pa'i blos yongs su shes pa nyid kyis dbu skra 'jam pa'o// mi 'dzings ngo bo zhes pa ni 'dod chags la sogs pas sems mi 'dzings pa nyid kyis dbu skra mi 'dzings pa'o// mi bshor zhes pa ni rtag par tshig rtsub pa ma yin pa nyid kyis dbu skra mi bshor ba'o// skyes bu'i yid 'phrog ces pa ni byang chub kyi yan lag gi me tog gcal du bkram pa nyid kyis skyes bu'i yid 'phrog pa'i dbu sla'o// dpal gyi be'u bkra shis ni zhes pa thams cad mdzes par gyur pa'i las gang yin pa de nyid kyis dpal gyi be'u dang bkra shis la sogs pa'i ri mo phyag dang zhabs kyi mthil dag la yod pa'o// sangs rgyas bcom ldan 'das kyi dpe byad bzang po brgyad cu bstan pa'o// yon tan mtha' dag dang ldan pa longs spyod rdzogs pa'i sku bstan nas/ sprul pa'i sku bstan pa'i phyir gsungs pa/ gang gis 'khor ba ji srid par// 'gro la phan pa sna tshogs dag/ mnyam du mdzad pa sku da ni/ thub pa'i sprul sgra rgyun mi 'chad// ces pa ni shAkya thub pa la sogs pa'i sprul pa'i sku gang dang gang gis 'jig rten gyi khams sna tshogs par sems can mtha' dag la yang dag par phan pa'i don mnyam par mdzod cing 'di'i sku rgyun mi 'chad pa ni sangs rgyas bcom ldan 'das kyis sprul pa'i sku'o// de ltar ngo bo nyid kyi sku mngon sum du mdzad pa po stobs dang mi 'jigs pa la sogs
- 308a
pa'i yon tan gyi rang bzhin gyi dpal longs spyod rdzogs pa'i sku'i bdag nyid yang dag par rdzogs pa'i sangs rgyas bcom ldan 'das kyis nam mkha'i khams mtha' dag tu dag pa sna tshogs pas khyab par mdzad na ji srid nam mkha'i mthas gtugs par 'gro ba'i don rnams byed do// rnam pa nyi shu rtsa bdun gyis 'gro ba'i don byed pa ni 'di'i mdzad par bstan pa'i phyir gsungs pa/ de bzhin las kyang rgyun mi 'chad// 'di yi 'khor ba yin par bshad// 'gro rnams zhi ba'i las dang ni// bsdu rnam bzhi la 'god pa dang // kun nas nyon mongs bcas pa yi// rnam par byang ba rtog pa dang // sems can rnams don ji bzhin gyi// don dang pha rol phyin drug dang // sangs rgyas lam dang rang bzhin gyis// stong pa nyid dang gnyis zad dang // brda' dang dmigs pa med pa dang // lus can rnams ni yongs smin dang // byang chub sems dpa'i lam dang ni// mngon par zhen pa ldog pa dang // byang chub thob dang sangs rgyas zhing // rnam par dag dang nges pa dang // sems can don ni tshad med dang // sangs rgyas bsten sogs yon tan dang // byang chub yan lag las rnams ni// chud mi za dang bden mthong dang // phyin ci log ni spangs pa dang // de bzhin med pa'i tshul dang ni// rnam par byang dang tshogs dang ni// 'dus byas 'dus ma byas pa la// tha dad yongs su mi shes dang // mya ngan 'das la 'god pa ste// chos kyi sku'i phrin las 'di// rnam pa nyi shu bdun du bzhed ces pa ste/ 'gro rnams zhi ba'i las dang ni zhes pa ni sems can rnams la tshes bstan pa'i don du de rnams kyi ngan 'gro rab tu zhi bar byed pa'i phrin las so// bsdu rnam bzhi la 'god pa dang zhes pa ni bsdu ba'i dngos po bzhi la 'god pa'i 'phrin
- 308b
las so// kun nas nyon mongs bcas pa yi// rnam par byang ba rtogs pa dang zhes pa ni kun nas nyon mongs pa dang rnam par byang ba rtogs pa la 'god pa'i phrin las so// sems can rnams don ji bzhin gyi// / don dang zhes pa ni sems can la don ji lta ba bzhin du ste phyin ci ma log pa'i rang bzhin la 'god pa'i 'phrin las so// pha rol phyin drug ces pa ni// sbyin pa la sogs pa'i pha rol tu phyin pa drug la 'god pa'i phrin las so// sangs rgyas lam zhes pa ni bsam pa ji lta ba bzhin du nyan thos dang / rang sangs rgyas dang / yang dag par rdzogs pa'i sangs rgyas kyi lam la 'god pa'i phrin las so// rang bzhin gyis stong pa nyid ces pa ni chos thams cad rang bzhin gyis stong pa nyid la 'god pa'i 'phrin las so// gnyis zad ces pa ni sgros btags pa'i gzung ba dang 'dzin pa gnyis zad pa la 'god pa'i phrin las so// brda' zhes pa ni sgra dang don dag de kho na nyid du 'brel ba med pas brjod bya dang rjod byed du brdar btags pa la 'god pa'i phrin las so// dmigs pa med pa zhes pa ni chos thams cad mi dmigs pa la 'god pa'i phrin las so// lus can rnams ni yongs smin dang zhes ni sems can rnams yongs su smin pa la 'god pa'i 'phrin las so// byang chub sems dpa'i lam dang ni zhes pa ni/ byang chub sems dpa'i lam la 'ged pa'i phrin las so// mngon par zhen pa bzlog pa dang zhes pa ni mngon par zhen pa thams cad bzlog pa la 'god pa'i phrin las yin no// byang chub tho ba dang zhes pa ni rang rang gi byang chub la 'god pa'i phrin las so// sangs rgyas kyi zhing rnam par dag ces pa ni sangs rgyas kyi zhing yongs su dag pa la 'god pa'i phrin las so// nges dang zhes pa ni yang dag par
- 309a
rdzogs pa'i byang chub tu nges pa la 'god pa'i phrin las so// sems can don ni tshad med dang zhes pa ni sems can gyi don tshad med pa la 'god pa'i phrin las so// sangs rgyas bsten sog yon tan dang zhes pa ni sangs rgyas bsnyen pa la sogs pa'i yon tan la 'god pa'i phrin las so// byang chub yan lag ces pa ni byang chub kyi yan lag rnams la 'god pa'i phrin las so// las rnams chud mi za zhes pa ni las kyi 'bras bu chud mi za ba la 'god pa'i phrin las so// bden mthong zhes pa ni 'phags pa'i bden pa bzhi mthong ba la 'god pa'i phrin las so// phyin ci log ni spangs pa dang zhes pa ni thams cad du yul rnams la 'khrul pa spangs pa la 'god pa'i phrin las so// de gzhi med pa'i tshul dang ni zhes pa ni 'khrul pa'i gzhi med pa la 'god pa'i phrin las so// rnam par byang dang zhes pa ni dkar po'i chos thams cad la 'god pa'i phrin las so// tshogs zhes pa ni bsod nams dang ye shes kyi tshogs rnams la 'god pa'i phrin las so// 'dus byas 'dus ma byas pa la// tha dad yongs su mi shes dang zhes pa ni 'dus byas dang 'dus ma byas dag tha dad du yongs su mi shes pa la 'god pa'i phrin las so// mya ngan 'das la 'god pa ste zhes pa ni ji ltar rigs par phung po lhag bcas dang lhag med kyi mya ngan las 'das pa la 'god pa'i phrin las so// chos kyi sku'i phrin las zhes pa ni longs spyod rdzogs pa'i sku'i bdag nyid kyi/ bcom ldan 'das las tha mi dad gang zhig ldog pas byas pa'i tha dad tsam yongs su brtags pa'i byang chub kyi phyogs dang tshad med pa la sogs pa yid kyi yon tan de rnams ni bsags pa'i phyir chos kyi sku
- 309b
zhes bya ba sku bzhi pa ni ma yin no// phrin las rnam pa nyi shu rtsa bdun du bstan pa'o// // mngon par rtogs pa'i rgyan gyi 'grel pa grags pa'i cha zhes bya ba las skabs brgyad pa'i 'grel pa'o// de ltar re zhig shes rab kyi pha rol tu phyin pa rnam pa brgyad du bsdu ba gsungs nas/ gzhan yang rnam pa drug du bstan pa'i phyir gsungs pa/ mtshan nyid de'i sbyor ba dang // de rab de yi go rim dang // / de'i mtha' de'i rnam smin ni// don bsdus gzhan te rnam pa drug/ mtshan nyid ces pa ni sbyor ba'i gzhir mtshon par byed pas na mtshan nyid de kun mkhyen rnam pa gsum mo// mtshan nyid de'i sbyor ba ni rnam pa kun mngon par byang chub pa'i mngon par rtog pa ni sbyor ba'o// rab gsal ba ni mngon par rtogs pa'o// sbyor ba'i go rim ni mthar gyis pa'i mngon par rtogs pa'o// sbyor ba'i mtha'i skad cig ma gcig la mngon par byang chub pa'o// sbyor ba'i 'bras bu chos sku mngon par rtogs pa'o// slar yang 'di nyid don rnam pa du gsungs te/ yul gyi rgyu ni gsum dag dang // sbyor ba bzhi yi bdag nyid dang // chos sku phrin las bdag nyid ni// mdor bsdus gzhan te rnam pa gsum zhes pa ste/ 'di nyid don gzhan rnam pa gsum gyis bsdus te/ de la rgyu dang sbyor ba dang 'bras bu'o// de la rgyu ni rnam pa gsum ste/ sbyor ba yul gyis kun mkhyen rnam pa gsum mo// sbyor ba bzhi'i bdag nyid rnam pa kun mngon par byang chub pa'i mngon par rtogs pa dang / rtse mo'i mngon par rtogs pa dang / mthar gyis pa'i mngon par rtogs pa dang / skad cig ma gcig la mngon par byang chub pa'i mngon par rtogs pa'o// sbyor ba'i 'bras bu ni
- 310a
chos dang / longs spyod rdzogs pa'i dang / sprul pa'i sku dang / de'i mdzad pa'o// tshig don legs par 'byed pa'i 'grel// gzhan dag med pa'i bshad mkhan la// blo ldan slob mas dris nas skyes// de la brtse phyi rangs 'di byas// gal tig/ dgyis mthong bral// 'bras thob bdag gi dge shing gis// bdag gi bla ma ye shes dpal// chos kyi grags pa gzhung sa ni// shes rab 'byung gnas gnyis pa yin// bstan bcos dri med yod pa yi// seng po 'don rnams rang gis rdzogs// kun la ga me dag bskyer ba'igro// gA ya sgyu med cing da par// byung chu ba sems dpa'i sma pan+d+han// smye na du nam pa me gzhes/ dab ba'i tshul po ldan pa ste// bram tho ba mar gyung pa sa// den med pa ya ga slang ri canagrag ma suM gang dgas bdus ses/ la gyur cig/ ma na par tshogs pa'i na gyi'i bral pazugs pa'i zhes zug/ sa pa cu pardzogs so// ga r+b+he / rdzun pa ngas yo tan ba shes s+thA nas ci gta la / bdag gis brdzur pa sad nams / sems rten kun gyi tshun dru // 'di bskur ba stong / pa ga ga/ mas pa dpa sa na // tho pag na na narnags tsun