Text
ff. 1a–599a · 1,197 folio sides
- 1a
dur khrod khu byug rol pa'i rgya cher 'grel bdud rtsi thig pa bzhugs/
- 1b
rgya gar skad du/ a mri tasta tha nA ma/ bod skad du/ bdud rtsi thigs pa zhes bya ba/ dpal he ru ka la phyag 'tshal lo/ /bcom ldan bder gshegs thugs kyi thugs/ /gsang gsum don las byung ba yi/ /mthar phyin don la rab zab pa/ /rdo rje gzhon nu rab zab thugs/ /sprul sku'i ngo bor gnas pa'i tshe/ /'khor lo bzhi yi bdag nyid can/ /'bar ba'i 'od kyis 'khrigs pa yi/ /don dam zab mo'i sku mchog la/ /lus ngag yid kyis phyag 'tshal nas//
- 2a
rnal 'byor rgyud kyi rjes 'brangs nas/ /yang dag don chen zab mo'i 'grel/ /bdud rtsi'i thigs ltar bdag gis bkrol// sngags kyi sku la gsal 'jug pa/ /de ni bskyed pa'i rim pa'o/ /sems la dmigs pa tsam zhig ni/ /bskyed pa'i rim ba rdzogs pa'o/ /de gnyis kun rdzob bden pa'o/ /zung 'jug don las gang byung dang/ /mthar phyin man ngag rab zab ston/ /don dam bden pa zhes su gsungs/ /sngags dang dam tshig spyod pa dang/ /'khrul 'khor rdzas te thams cad kun/ /kun rdzob bden pa'i
- 2b
grangs su'o/ /zung 'jug rim dang don dam pa/ /byang chub sems kyi ngo bo rgyu/ /don dam bden pa'i grangs su'o/ /bden gnyis don la rab gnas pa/ /rgyud kun gyi ni don bsdus pa'o/ /byang chub sems te kun gyi dngos/ /gsang ba sbas pa'i don rab gsal/ /dpal ldan rdor gzhon rgyud yin te/ /de bas rgyud rgyal kun gyi rtse/ /tshig nyung ba la don zab pa/ /rdor gzhon rgyud ni rnyed dka' zhing/ /zung 'jug don ni rtogs dka' bas/ /khams gsum sems can thams cad 'khor/ /de bas bla ma'i bka' drin gyis/ /yongs su 'bad de shes nas ni/ /zung 'jug don la rab gnas kyis/ /gleng gzhi'i don ni rgyu ru gsungs/ /gleng bslang ba ni rkyen du gsungs/ /bshad pa'i tshig ni 'bras bu ste/ /rgyu rkyen 'bras bu gsum du gsungs/ /dgos 'brel rnam pa bzhir yod
- 3a
de/ /mi yi skye ba 'khrungs pa'i tshe/ /rgyud ces brjod de brjod pa yin/ /btsun mo padmo'i nang nas byung/ /gleng gzhir 'dod de 'brel pa'o/ / sngags la sdom par bstan pa ni/ nges pa'i tshig ste dgos pa yi/ /zung 'jug 'dod pas chos spyod pa'o/ /de ni 'dod chags bral chos te/ /yang dgos yin zhes rgyal bas gsungs/ /'dod chags can la 'di ltar gsungs/ /rigs lnga'i ngo bor bskyed pa ni/ /rgyud ces bya ste brjod pa'o/ /lnga po rigs gcig gyur pa ni/ /gleng gzhi yin te bral ba'o/ /sku gsung thugs kyi rdo rje ni/ /nges pa'i tshig ste dgos pa'o/ /btsun mo la sogs spyod pa ni/ /rgyu zhes bya ste yang dgos so/ /skye bo don la 'jug pa la/ /yid ches phyir na dgos 'brel bstan/ /tshig gi tshogs la dga' ba dang/ /dngos po'i spyod la dad pa dang/ /rtog pa'i
- 3b
chos la bzlog pa'i phyir/ /de la kun rdzob bden pa bstan/ /yang dag don la mos pa dang/ /zab mo'i chos la dad pa dang/ /byang chub sems kyi don la mos/ /de la don dam bden pa bstan/ /rim pa gnyis pa bstan nas ni/ /bshad pa'i dbye ba gsungs pa yin/ /'jig rten blo rnams dpag med pas/ /gang zag rnam pa lngar 'dod de/ /ud pa la 'dra'i gang zag dang/ /pad dkar 'dra ba'i gang zag dang/ /pad ma dmar 'dra'i gang zag dang/ /tsan dan 'dra ba'i gang zag dang/ /rin po che yi gang zag go /rang bzhin gcig ste tha dad min/ /thams cad mkhyen pas gsungs pa'o/ /'dzin pa mkhas pa'i brjed 'gyur ba/ /ud pal zhes bya'i gang zag go /mang po thos shing ston mi nus/ /pad kar zhes bya'i gang zag go /dad ldan thos brtson snying rje che/ /pad dmar zhes bya'i gang zag go /thos med nga rgyal mang du smra/ /rjes su gzung ba'i don med pa/ /tsan dan zhes bya'i gang zag go /dam tshig dag cing shes rab ldan/ /rgyud thos legs par ston pa ni/ /rin chen zhes bya'i gang zag go /ud pal pad kar pad dmar tsan dan bzhi/ /kun rdzob bden pa bstan pa'i gang zag gi /rdzogs pa'i rim la dad pa dang/ /rtag tu spyod pas slob dpon 'khur/ /rin chen
- 4a
'dra ba'i gang zag ste/ /de la don dam bden pa bshad/ /de ltar snod kyi rim brtags nas/ /bla ma dam pa mkhas pa yis/ /bshad pa rnam pa gnyis bya'o/ /de ltar 'dus pa'i don bstan nas/ / nga ni yan lag gi don rnam par dbye ba'i phyir/ gzhung nyid la 'jug par bya ste/ 'dir sdud par byed pa rdo rje chos kyis ji skad du thos pa thugs la bzhag nas/ gdul bya rnams la bstan pa'i phyir/ 'di skad bdag gis thos pa zhes bya ba gsungs te/ 'di skad ces bya ba ni/ rgyud kyi don ma lus par ston pa'i tshig ste/ ston pa'i bka' o/ /bdag gi zhes bya ba ni/ sdud pa po bdag nyid kyis ston pa las mngon sum du thos kyi/ gzhan dag las brgyud cing brgyud nas thos pa ni ma yin no/ /dus gcig na zhes pa ni/ tshes grangs dang zla ba dang lo dang dus ni nges pa med do/ /de ci'i phyir zhe na/ sems can rnams rtog pa skye ba'i phyir/ nges pa med do/ /thos pa'i dus ni nges pa med do/ /ston pa'i zhal nas gsungs pa'i dus gcig gi tshe na bdag gis 'di thos la gzhan du ni gzhan dag thos pa 'am/ yang na dus gcig ste skad cig ma la thos so zhes pa ste/ 'di dag gis ni bdag nyid thos pa mang ba dang/ shes rab phul du byung ba yin par ston to/ /
- 4b
gang las gang du gang dang lhan cig thos zhes gleng gzhi bstan pa'i phyir/ bcom ldan 'das zhes bya ba la sogs pa gsungs te/ bcom ldan zhes pa ni/ ston pa phun sum tshogs pa bstan pa yin te/ don zab mo phun sum tshogs pa dang/ mi mthun pa'i phyogs bcom pas na bcom ldan 'das so/ /de ni kun rdzob kyi bden pa'o/ /don dam pa'i bden pa bstan pa'i phyir/ gsang ba mchog gi bdag po zhes bya ba la sogs pa gsungs te/ gsang ba mchog gi bdag po zhes pa ni/ sku'i 'khor lo'i sgo bzhi pa dang/ gsung gi 'khor lo'i sgo brgyad pa dang/ thugs kyi 'khor lo'i sgo dgu pa dang/ bde ba chen po'i 'khor lo'i sgo drug pa rnams ni rnal 'byor phyi ma'i rgyud la/ med pas gsang ba'o/ /dkyil 'khor bzhi po 'di kun gyi mchog yin pa dang/ bzhi po'i mchog kyang bde ba chen po'i pho brang ngo/ /pho brang de ni bcom ldan 'das byang chub kyi sems kyi rang bzhin du bzhugs so/ /de'i dus na khams gsum gyi sems can kun kyang byang chub kyi sems kyi rang bzhin du gyur to/ /'khor rnams la yang cang mi gsung ba'i tshul gyis chos ston to/ /de ltar bzhugs pa'i phyir bdag po'o/ /sku'i pho brang na bzhugs pa bstan pa'i phyir/ thig le byang chub kyi sems rdo rje zhes pa gsungs te/ bde ba chen po'i gnas nas lha mo bzhi'i mtshan nyid bslang ste/ spyan drangs pa'i dus na/ 'od kyi gong bu thig le'i gzugs su shas te/ de'i mtshan nyid la ni byang chub kyi sems rdo rje zhes bya'o/ /sku de'i mtshan nyid bstan pa'i phyir/ de bzhin gshegs pa thams cad kyi rnam par dag pa'i mtshan nyid ces pa gsungs te/ de bzhin gshegs pa'i gnas su gshegs shing gshegs pas na/ de bzhin gshegs pa ste/ de lta bu'i sku gdos pa can du bzhugs pa ni bzhugs pa ma yin te/ rang bzhin gyis rnam dag pa'i bdag nyid du bzhugs so/ /de ltar bzhugs nas kyang 'khor rnams la ting nge 'dzin gyi sgo nas chos ston to/ /gsung gi pho brang na bzhugs
- 5a
pa bstan pa'i phyir/ pad mo chen po rnam par dag pa'i gsung zhes pa la sogs pa gsungs te/ pad mo chen po zhes pa ni/ pho brang ste pho brang de ye nas rnam par dag pas pad mo'o/ /'jig rten pa'i gnas dang rten pa'i gnas dang /rten gyi gnas gzhal yas las khyad par du 'phags pas che'o/ /de'i gnas na sprul pa'i sku mtshan nyid du bzhugs te/ gsung rdo rje lta bu'i ting nge 'dzin la mnga' brnyes nas bzhugs so/ /de'i dus na 'gro ba rigs drug la ji ltar 'tsham pa'i chos ston to/ /thugs kyi pho brang na bzhugs pa bstan pa'i phyir/ yid bzhin gyi nor bu rin po che zhes bya ba la sogs pa gsungs te/ thugs kyi pho brang ye phyi mo nas rang bzhin gyis grub pa'i yi ge a gcig gnas te/ de'i dbus na bcom ldan 'das thugs kyi rang bzhin hUM gi dbyibs su bzhugs te/ dran rtog thams cad de las 'byung ste/ shes pa kun gyi gnas so/ /de la ni yid bzhin gyi nor bu rin po che zhes bya'o/ /de ni kun gyi mchog tu gyur pas rgyal po de'i mtshan nyid ni thams cad du rang bzhin gyis 'od gsal ba'i shes pa dang brjod pa'i mdza' las 'das pa'i yon tan de lta bur bzhugs nas/ mnyam pa chen por kun tu khyab par mdzad pa'i sgo nas chos ston te/ thabs gang gi sgo nas kun 'dul ba'i 'phrin las cis 'dul ba'i sgo yangs par kun tu mdzad do/ /de dag kun gyi don bsdus pa bstan pa'i phyir/ sku gsung thugs yon tan dam tshig chen po ma lus pa'i bdag nyid chen po zhes bya ba la sogs pa gsungs te/ de bzhin gshegs pa thams cad kyi sku dang gsung dang thugs kyi 'khor lo yang mnga' brnyes pa'i yon tan gyi sgo nas sems can gyi don mdzad de/ dam tshig chen po ma lus pa'i bdag por gyur pa ni/ bdag nyid chen po'o/ / phyi dang nang du snang ba'i chos gcig gi ngo bor bstan pa'i phyir/ dus gsum gyi chos ma lus mi lus lus pa med pa'i chos thams cad ces pa la sogs pa gsungs te/ dus gsum gyi sngar 'das pa dang da ltar dang phyis so/ /de ltar snang ba thams cad sku gsung thugs
- 5b
kyi gsang bar 'dus pas na/ ma lus te/ sngar 'das pa mi lus te da ltar bzhugs pa lus pa med pa ste/ phyis byon pa de rnams kyi dngos po thams cad bcom ldan 'das bde ba chen po'i gnas su mngon par 'du bar mdzad de/ gnyis su med pa'i rang bzhin las thabs mkhas pa'i rol pa'i rdzu 'phrul rnam pa sna tshogs pa ji ltar 'dul ba la sgra'i tshul du sprul nas don mdzad de/ de lta bu'i don la mnga' brnyes pa ni bcom ldan 'das dpal kun du bzang po'o/ /de ni ston pa phun sum tshogs pa ste/ don dam pa'o/ /gnas phun sum tshogs pa bstan pa'i phyir/ 'og min gyi gnas gsang ba mchog gi dkyil 'khor chen po zhes bya ba la sogs pa gsungs te/ 'og min gyi gnas zhes pa ni gong nas gong du gyur pa ste/ 'jig rten pa'i gnas las yum lnga'i mkha' ni khyad par du 'phags so/ /nyan thos dang rang rgyal pa dang rnal 'byor phyi pa la gsang ba'i gnas kun gyi thun mong ma yin pa'i mchog dam pa'i dkyil 'khor chen po ste/ gong du bshad zin to/ /gsang ba'i gnas bstan pa'i phyir/ btsun mo zhes bya ba la sogs pa gsungs te/ btsun mo ni sangs rgyas kyi shes rab ma ste/ de nyid ni nyon mongs pa rnams 'joms pas na b+ha ga'o/ /de lta bu'i b+ha ga de ni yang dag pa'i pho brang rang bzhin gyis lhun gyis grub pa der thams cad 'dus shing 'byung bas/ dur khrod kyi gzhal yas khang brtsegs pa de la pad+ma sna tshogs kyis steng dang 'og med par brgyan par pad+ma de rnams kyang dbyibs sna tshogs pad+ma kha dog sna tshogs pa la sogs pa'i 'dod pa'i yon tan lnga'i mi mthun pa'i khyad par rin po che sna tshogs kyi rnam grangs las 'das pa dang/ dpe dang tshad med pa rnams kyi gzhal yas khang gi phyi dang nang med par phyogs bcur 'khrigs? shing rnam par klubs par thog ma dang tha ma med par ye nas rang byung gi gnas na 'od kyi tshul du bcom ldan 'das bzhugs so/ /de ni gnas phun sum tshogs pa ste/ don dam kun rdzob gnyis ka'o/ /'khor phun sum tshogs pa bstan pa'i phyir/ rnal 'byor gyi dbang phyug chen
- 6a
po rgyal ba sangs rgyas zhes pa la sogs pa gsungs te/ 'di nas mar 'khor rnam pa lngar shes par bya'o/ /de ci'i phyir zhe na/ dkyil 'khor lnga yod pa'i phyir ro/ /'khor mang po bstan pa'i phyir/ rnal 'byor gyi dbang phyug chen po zhes gsungs te/ yang dag pa'i ye shes la mnga' brnyes pa'i phyir/ rnal 'byor pa phyi dang nang du snang ba'i mtshan nyid la dbang sgyur zhing thams cad kyi bdag nyid chen por gyur pa'i rgyal ba sangs rgyas brjod du med pa/ bgrang ba las 'das pa yon tan chen pos klubs pa nam mkha' i mdza' klas pa 'khor ba med pa'i tshul gyis bskor nas bzhugs so/ /bde ba chen po'i 'khor/ sku'i pho brang gi tshul bstan pa'i phyir/ rnal 'byor ma chen mo zhes bya ba bstan te/ sa'i mtshan nyid rnal 'byor ma chen mo sangs rgyas spyan dang/ me'i mtshan nyid rnal 'byor ma chen mo gos dkar mo dang/ chu'i mtshan nyid rnal 'byor ma chen mo mA ma kI dang/ rlung gi mtshan nyid rnal 'byor ma chen mo dam tshig sgrol ma la sogs pa grangs med pas bskor nas bzhugs so/ /sku'i 'khor ro/ /thugs kyi pho brang gi 'khor bstan pa'i phyir/ rnal 'byor chen po sems pa chen po zhes pa la sogs pas bstan te/ rnal 'byor chen po zhes pa ni yang dag pa'i ye shes phyin ci ma log pa'i rnal 'byor dam pa yang dag pa'i don la rtse gcig tu sems pa'i sems pa chen po btsun mo sems ma dang bcas pa brjod du med pa bgrang ba las 'das pa ste/ brjod du med pa'i yang brjod du med pa'i zhing gi rdul snyed kyis bskor ba med pa'i tshul gyis bskor nas bzhugs so/ /thugs kyi pho brang gi 'khor ro/ /gsung gi pho brang gi 'khor bstan pa'i 'khor/ gzhan yang zhes bya ba la sogs pa gsungs te/ gzhan yang zhes pa ni thugs kyi pho brang gi 'khor las gzhan pa ste gsung gi 'khor lo zhes pa'i tha tshig go /he ru ka rol pa'i tshogs zhes pa ni/ he ni yang dag pa'i don la dgyes pa'o/ /ru ni yang dag pa'i don gyi yul de la chags pa'o/ /ka ni bskyod par byed pa'i 'phrin las so/ /de lta bu'i ngang du rol pa'i tshogs
- 6b
kyis 'khor grangs med pa brjod du med pa rnams kyis bskor ba med pa'i tshul gyis bskor nas bzhugs so/ /gsung gi pho brang gi 'khor ro/ /gsang ba'i pho brang gi 'khor bstan pa'i phyir/ sprul pa chen po sras kyi 'khor ji snyed pa la sogs pa zhes pas bstan te/ /de bzhin gshegs pa'i sku dang gsung thugs las sprul pas sprul pa chen po ste/ de bzhin gshegs pa sras kyi 'khor ji snyed pa la sogs pa dang sems dang sems las byung ba ste/ rig pa las bskyed pa'i sras kyi 'khor dang 'byung ba dang 'byung ba las byung ba ste/ rnal 'byor ma'i tshogs mang po'i 'khor dang/ yang dag pa'i gong ma'i 'khor ji lta ba dang gsang ba'i 'di nyid kyis 'khor ji snyed pa rnams dang/ bcom ldan 'das thabs gcig tu rnam par rtog pas/ snyengs pa mi mnga' bar pho brang na bzhugs pa'i tshul ni dper na yungs 'bru snum gyis gang ba bzhin du gang nas khyab par bzhugs so/ /zhes pa ni gnas par mdzad pa'o/ /bcom ldan 'das kyi btsun mo ni yum kun tu bzang mo yin te/ bcom ldan 'das nyid kyi sku la gnyis su med par 'khril ba'i tshul gyis byang chub kyi sems gyi ngo bor snyel ba mi mnga' bar thams cad dbyings su bsdu bar mdzad do/ de yan chad du 'khor lnga'i mtshan nyid bstan nas/ da ni sdud pa po phun sum tshogs pa bstan pa'i phyir/ 'khor gyi dkyil 'khor de nyid kyi ni zhes pa la sogs pa gsungs te/ 'khor gyi dkyil 'khor du gsungs pa de nyid kyi nang na sdud pa po rnal 'byor gyi dbang phyug rgyal ba sangs rgyas nyid las mi gzhan pa'i rdo rje yid kun tu bzang po yang ston pa'i mtshan nyid btsun mo kun tu bzang mo dang gnyis su med pa'i tshul gyis ston pa bcom ldan 'das kyi spyan snga na bran jo bo la bka' nod pa'i tshul du spobs ba can du bzhugs so/ /sdud pa po phun sum tshogs pa ste kun rdzob don dam gnyis so/ /ston pa des thams cad la rdzu 'phrul gyi spyan gyis gzigs par bstan te/ de'i phyir de nas zhes pa la sogs pa gsungs te/ de nas zhes pa ni de ma thag pa'o/ /nyon mongs pa bzhi bcom zhing legs pa'i yon tan drug dang ldan
- 7a
pas na bcom ldan no/ /rtag pa dang? chad pa'i mdza' la mi gnas pas bdas pa ste/ de lta bu'i ngang tshul mnga' ba'i ston pa gsang ba mchog gi bdag po des phyi dang nang du snang ba la 'di ltar gzigs so/ /sems dang sems las byung ba ni rten can gyi rang bzhin du gzigs pa med pa'i tshul du gzigs la/ 'byung ba dang 'byung ba las gyur pa ni rten gyi rang bzhin te yum lnga'i mkha' rang bzhin du gzigs te/ dus gsum dang srid gsum gyis bsdus pa'i chos de yang dag pa'i ngo bo nyid byang chub kyi sems su gzigs so/ /gzhan yang bstan te/ bsam gtan gsum pa'i lha'i rim la sogs pa dang/ snyoms par 'jug pa ste nyan thos zhi ba'i phyogs la 'jug pa dang/ 'gog pa ste/ nyan thos tshogs drug bkag nas yul drug las 'gog pa dang/ sa'i khyad par la sogs pa sa dang po nas bcu'i bar du ste/ de ltar bye brag tu snang ba'i chos dang re? ngo gang la snang bar grags la bcom ldan 'das dpal kun tu bzang pos ni rdzu 'phrul gyi spyan gyis rang bzhin gyis 'od gsal bar kun tu khyab par gnyis su med pa'i ngang du gzigs so/ /phyin ci ma log par rnam par gzigs so/ /'og ma'i chos rnams gzigs pa de bzhin du sa bcu gcig pa la gnas pa'i phyogs bcu dus gsum kyis? rgyal ba grangs med pa rnams la ma bcos pa'i spyan gyis gzigs so/ /ngo bo nyid kyis rnam par gzigs nas phyi dang nang du snang ba'i chos thams cad ye nas rnam par dag cing ma bcos pa byang chub kyi sems stong pa chen por gzigs te/ nyid kyang stong pa chen po'i don la brnal te smra bsam las 'das pa bcos ma ma yin pa de bzhin nyid kyi ting nge 'dzin la snyoms par zhugs so/ /ston pa de bzhin nyid kyi ting nge 'dzin las gnas pa de'i tshe 'khor ba ste/ khams gsum gyi sems can mya ngan las 'das pa ni rnam par dag pa'i chos thams cad yang dag pa'i ye shes stong pa chen por gyur te/ dper na nam mkha' i mtshan nyid tsam du 'di yin no/ /bsgrub du yod pa ma yin no/ /de ltar chos kyi dbyings na bzhugs pa des sems can gyi don mi mdzad par yum kun
- 7b
tu bzang mos gzigs te/ de las bslang ba'i phyir de nas zhes bya ba la sogs pa gsungs te/ de nas zhes bya ba ni bcom ldan 'das chos kyi dbyings su rnal? ba'i de ma thag pa de la de nas zhes bya ste/ bskul lo bar 'brel lo/ /sangs rgyas kyi yum kun tu bzang mo des sems can gyi don la dgongs nas bcom ldan 'das gsang ba mchog gi bdag pos dgongs pa chos kyi dbyings la brnal nas bzhugs pa la yum kun tu bzang mos glu 'dis bskul lo zhes pa ste/ 'og nas 'byung ba'i glu 'di'o/ /e zhes pas ni chos 'byung ba'i gnas na bzhugs pa zhes pa ste/ de'i mtshan nyid bstan pa'i phyir/ /e ma'o stong nyid bdag med ces pa la sogs pa gsungs te/ e ma zhes pa ni e ma khams gsum gyi sems can la thugs rje'i spyad? thag bcad nas bzhugs pa 'di snyam pa ste/ yi chad pa'o/ /stong nyid bdag med rnam dag klong yangs nas zhas pa ni stong pa nyid kyang yin la bdag med pa yin pas na/ stong nyid bdag med de ye nas rnam par dag pa ma bcos pa'i yang klong yangs pa de nas khams gsum gyi sems can kun la snyoms pa'i thugs rje khyed kyis 'byung bar mi dmigs kyang/ bdag ni shes rab ma ste/ sems can gyi don bya bar dga' ba'i ched du ye nas ma bcos pa'i chos kyi sku dag pa las ma g.yos par thabs mkhas pa'i mdzad spyod kyis khams gsum gyi sems can la snying rje nam mkha' bzhin du kun la khyab par ston/ ces yum kun tu bzang mos bskul bas gsang ba mchog gi bdag po des yum kun tu bzang mos bskul bar mkhyen nas/ stong pa nyid kyi ngang la rnal ba ni de bzhin nyid de de las kun tu snang gi ting nge 'dzin ni 'khor ba'i chos thams cad la khyab pa chen po'i snying rje bskyed pa'i ting nge 'dzin la snyoms par zhugs so/ /'khor ba'i chos rnams la khyab? pa'i snying rje bskyed par g.yos pa de'i tshe phyi dang nang du snang ba'i chos thams cad la khyab pa'i snying rje nam mkha' i mtshan nyid tsam du gnas par gyur to/ zhes pa de de bzhin nyid las ni snying rje rkyen gyis ma g.yos yi ge'i gzugs su ni ma byung byung
- 8a
la khang ba tsam de'i skabs su glus bskul te de'i phyir de nas yang yum kun tu bzang mos zhes pa la sogs pa gsungs te/ de bzhin nyid las bskul ba'i de ma thag pa de nas yang bskul ba'i dus la bab bo zhes bya ste tshig gi phrad do/ /yum kun tu bzang mo stong pa nyid nam mkha' tsam du gnas pa'i ngang las/ 'og nas 'byung ba'i glu 'dis bskul lo/ /e ma'o ma ltar byams pa'i snying rje chen po ni/ zhes bya ba la sogs pa gsungs te/ e ma'o 'di'i don ni gong du bshad zin to/ /ma ltar byams pa'i snying rje chen po ni zhes pas khams gsum gyi sems can la bu gcig pa la ma byams pa bzhin du khyab pa'i snying rje chen po 'ga' la byams pa lta bu ni ma yin no/ /de lta kun la khyab pa'i mtshan nyid de la ni nam mkha' ltar go yang 'byed cing kun la khyab pa zhes gsungs pa gsungs pa yin te/ nam mkha' i rang bzhin las rig pa'i snying rje longs spyod rdzogs pa'i sku mchog kun tu bzang mo bdag la bstan tu gsol zhes rnam par bskul lo/ /yum kun tu bzang mos bskul ba de ma thag pa de nas bcom ldan 'das gsang ba mchog gi bdag pos yum gyis bskul bar mkhyen nas khams gsum gyi sems can rnams la snying rje bskyed de/ nam mkha' i ngang las yang dag pa'i rig pa'i cho 'phrul ye ge hUM gi rang bzhin du rnam par sprul te yi ge de yongs su gyur pa las nam mkha' i dbyings rum nas zhes gsungs pa yin te de las bcom ldan 'das kyi sku bzhangs pa ste/ nga? la ni snying rje'i sku mngon tu byung ste zhes gsungs te/ sku de las ye shes dang ldan pa'i rtags su sku las 'od zer lnga rnam par 'khrigs pa'i phyir/ dper na nam mkha' i dbyings rum nas nyi ma 'bum dus gcig tu shar ba'i gzi brjid lta bu'i zhes gsungs pa yin no/ /bcom ldan de'i sku mdog dang phyag mtshan gsal bar bstan pa'i phyir/ yum kun tu bzang mos bcom ldan 'das kyi sku yongs su rdzogs par mdzad par bskul ba ni/ de nas zhes bya ba la sogs pa gsungs te/ de nas zhes bya ba ni bcom ldan 'das
- 8b
kyi sku bzhengs pa'i de ma thag pa de nas so/ /yum kun tu bzang mos smin rang bsgyur te/ zhes pa ni bcom ldan 'das kyis shes rab ma thams cad chos kyi dbyings las byung yum ste/ des shin tu chags pa'i smin ring bsgyur te shin tu mdzos pa'i spyan gyis bcom ldan 'das la bltas nas yongs su rdzogs par 'dod pa'i phyir rmad du byung ba'i gar rnam pa sna tshogs pa dang glu ste gsang gsum gyi glu dang der ma bas te glu'i bye brag mang pos rnam par bskul ba'i phyir/ 'og nas 'byung ba'i glu 'di blangs so/ /e ma'o yid bzhin sku mchog nyi ma lta bu las zhes pa gsungs te/ e ma'o zhes pas ni yang dag pa'i chos dbyings kyi ngang las longs spyod rdzogs pa'i sku 'di lta bu byung ba ni ngo mtshar ro/ /zhes pa ni dam pa'i tshig go/ sku de lta bu las mtshan dang dpe byad kyis brgyan pa'i phyir/ yid bzhin sku mchog nyi ma lta bu las zhes pa gsungs pa yin no/ /bcom ldan 'das de yang 'gro ba mdza' dag la sprul pa'i cho 'phrul ji ltar 'dul ba bzhin du ston te ston pa'i dus na yang dbyings rnam par dag pa las ma g.yos te de'i phyir rdo rje gar mdzad cing zhes gsungs so/ /de lta bu'i sku mtshan dang dpe byad kyis brgyan pa shin tu brjid pa'i sku mchog rgyan thams cad yongs su rdzogs pa'i sku 'od zer 'bar bas 'khrigs pa'i sku mchog kun tu bzang mo bdag la bstan du gsol/ /a la la ho zhes yang nas yang du rnam par bskul bas/ bcom ldan 'das kyis yum kun tu bzang mos bskul bar thugs su chud de/ rol pa'i sku zhal gsum pa lta bur snang ba ste/ zhal gsum par snang ba ni rnam par thar pa'i sgo stong pa nyid dang/ mtshan ma med pa dang/ rang bzhin gyis 'od gsal ba gsum mnga' ba'i rtags so/ /zhal gsum po yang g.yas dkar ba/ g.yon dmar ba/ dbus mthing nag du bzhugs so/ /g.yas dkar ba ni nyon mongs pas ma gos ba'i rtags so/ /g.yon dmar ba thugs rje'i spyang thag gis 'gro ba mdza' dag 'dren pa'i rtags so/ /dbus mthing ba ni chos nyid la rnam par rtog pa gang gis kyang ma gos pa'i rtogs so/ /phyag drug ste pha rol tu phyin pa drug mnga' ba'i rtags so/ /g.yas kyi dang po na ye shes kyi rdo rje rtse dgu pa bsnams pa ni/ ye shes dgu las mnga' brnyes pa'i rtags so/ /de lta
- 9a
bu'i sku 'bar ba lta bus dus gsum gyi sangs rgyas rnams kyis gzigs par 'gyur ro/ /de ni yongs su rdzogs pa'i ting nge 'dzin to/ /da ni 'khor sdud pa'i ting nge 'dzin ston te/ de'i phyir de nas bcom ldan 'das zhes pa la sogs pa gsungs te/ chos kyi dbyings las sku yongs su rdzogs par bzhengs pa'i de ma thag pa de nas gong du gsungs pa'i 'khor rnams bcom ldan 'das gsang ba mchog gi bdag po des/ rten can gyi 'khor bskyed pa'i phyir hUM zhes lte ba'i dkyil nas drangs te brjod pas gong ma'i 'khor gyi dkyil 'khor de dag nyid kyi sku la bsdu ba mdzad do/ /bsdu ba mdzad nas bde ba chen po'i gnas na bzhugs par gyur to/ /de ni 'khor 'og ma'i rgyu'o/ /'khor sdud pa'i ting nge 'dzin to/ /'di nas mar yab kyi gleng bslang ba bstan te/ bcom ldan 'das nyid kyis skus sbyor ba'i yan lag rnam pa sna tshogs kyi glu dang gsang ba'i glu dang gar steng sgo'i gar dang lag pa'i gar dang rkang pa'i gar dang/ rked pa'i gar dang/ steg pa ste gnas dgu ru sen mos brud pa dang/ bstim pa ste mchu bzhib pa dang/ sbyor ba ste dbang po gnyis sbyor ba dang/ 'khyud pa ste stod smad nas bsdams pa'i tshul gyis yum kun tu bzang mo la mdzes pa'i tshul gyis smin rings bsgyur zhing chags pa'i spyan zim bag gi tshul gyis gzigs te/ spyan har har lta bu'i ma yin te shin tu mdzes pa'i ting nge 'dzin la snyoms par zhugs te/ gnas nas cang mi gsung bar gyur to/ /de'i dus su yum kun tu bzang mos chags par mkhyen nas gleng 'di skad bslang ngo/ e ma'o rol mo'i cho 'phrul 'bar ba'i sku mchog las zhes pa la sogs pas gleng bslang ste shin tu ngo mtshar ba'i phyir/ e ma'o chos kyi dbyings las rol pa'i cho 'phrul 'od zer gyis 'khrigs pa'i shin tu mdzes pa'i 'bar ba'i sku mchog las byang chub sems kyi rang bzhin kun la khyab pa'i byin brlabs te/ grang nas ji ltar gnas pa bstan te/ sprul pa'i 'khor lo 'dab ma drug cu rtsa bzhi pa dang chos kyi 'khor lo 'dab ma brgyad pa dang/ longs spyod rdzogs pa'i 'khor lo 'dab ma bcu drug pa dang/ bde ba chen po'i 'khor lo 'dab
- 9b
ma sum cu rtsa gnyis pa'i dkyil na/ byang chub sems bzhugs pa de'i mtshan nyid la rdo rje zhes bya ste de gnas nas bskyed par byed pa'i rkyen phyag rgya bzhi'i gar mdzad cing zhes so/ /byang chub sems de gshegs pa'i gnas pa bstan pha'i phyir gsang ba'i b+ha ga zhes bya ba la sogs pa gsungs te/ gsang ba'i b+ha ga ni yum gyi pad+ma ste/ thabs las khyad par du 'phags pa'i gnas te/ bcom ldan 'das kyi bzhugs gnas shin tu yangs pa'i mkha' dkyil du bcom ldan 'das kyis bdag re ba bskongs ba'i yang dag pa'i bdud rtsi char chen po bcom ldan 'das kyis bdag la dbab tu gsol lo a la la ho/ zhes rnam par bskul lo zhes pa ste/ yum gyis gleng bslang ba'o/ /de nas yab kyi gleng bslang ba'i phyir/ bcom ldan 'das gsang ba mchog gi bdag po des zhes pa la sogs pa gsungs te/ rdo rje'i glu 'di blangs so zhes par 'brel to/ /gang blang zhe na/ 'og nas 'byung ba 'di lta ste/ a ho bde mchog 'du 'bral med pa'i dbyings nyid ni/ zhes pa la sogs pa gsungs te/ de'i don thugs su chud cing rig pa la mnga' ba'i phyir a ho zhes gsungs te/ byang chub kyi sems de ni bde ba yang yin la mchog kyang yin pas na bde mchog go /de'i gnas 'du 'bral med pa ni yum gyi pad+ma ste dbyings nyid do/ /de lta bu'i gnas shin tu mdzes pa'i phyir 'dzum pa ste rgyan thams cad kyis brgyan pas 'khril pa/ /nyon mongs bsam gos pas pad+ma shin tu yangs pas b+ha ga ste/ de lta bu'i gnas su chags pa'i phyir/ ru zhes gsungs te/ de lta bu ru gsang ba'i rdo rje bzhugs par bya ba'i dga' mchog rdo rje gsang ba'i byang chub sems zhes pa la sogs pa gsungs te/ dga' mchog ces pa ni dga' ba rnam pa bzhi ste/ dga' ba dang/ mchog tu dga' ba dang/ rang bzhin gyis dga' ba dang/ bral ba'i dga' ba dang bzhi'o/ /rdo rje ste gsang ba'i rdo rje ste rnal 'byor phyi pa la med pas na gsang ba'o/ /byang chub kyi sems gshegs pa'i shul dang/ dga' ba bzhi nyams su myong ba'i gnas yin pa dang/ khu ba dang lhan cig skyes pa'i rang bzhin gyi dga' ba'i gnas yin pas na rdo rje zhes bya'o/ /bde ba chen po'i gnas nas dri ma med pa'i byang chub kyi sems de
- 10a
dga' ba bzhi dang ldan te rdo rje'i rtsa ba dang dbus dang rin po che'i gnas nas 'ong ba dang ni sos ka'i chang bzhin du rdo rje'i rtse mo nas 'bab ste bral ba'i dga' ba'o/ /de gang du 'bab ce na/ rgyun mi 'chad par yum gyi pad ma la 'bab pa'o/ /rgyun mi 'chad na 'on ci rtag par chu bo chen po rgyun bzhin du 'ong ngam ci zhes brgal ba dang/ 'on te de ltar ni ma yin te/ rtag par 'bab pa zhig yin na ni rlung la sogs pa'i rkyen gyis bya rgyu med de de bas na rtag tu 'bab pa ni ma yin no/ /brgal ba 'o na gzhung nyid las kyang sos ka'i char bzhin du rgyun mi 'chad par 'bab bo zhes zer na khyod kyi de ltar ma yin na ni gzhung dang 'gal lo zhe na/ 'on te de ltar ma yin te sos ka zhes smos pa ni sos ka'i dus kyang nyams dga' ba'i dus te/ byang chub sems kyang 'bab pa'i dus na mi dga' ba lta bu ma yin te nyams dga' ba'i phyir mthun pa'i dpes so/ zhes smos pa yin no/ /char bzhin du zhes pa ni sos ka'i char pa yang rgya mtsho'i rlangs pas bskyod de bskyod nas 'bab pa ma yin pa dus rtag tu ni 'bab pa ma yin no/ /de bas na byang chub sems kyang rkyen rnam pa gnyis kyis bskyod pa'i dus su 'bab dus rtag tu 'bab pa ni ma yin no/ /brgal pa 'on te khyod kyis de ltar yin na rgyun mi 'chad zer ba dang 'gal lo/ /mi 'gal te rgyun mi 'chad zer ba ni byang chub kyi sems de'i mtshan nyid ye nas ma bcos pa zhes pa dang/ brjod pa'i mdza' las 'das pa ni dus gsum du rtag tu gnas pa yin pas na de la dgongs nas gsungs pa mi 'gal lo/ /zhes the tsom gcod/ de'i don la dam pa'i phyir ho zhes thabs mchog yab kyis gsungs so/ /de nas yang byang chub kyi sems de la yum gyis gleng bslang ba'i phyir/ de nas chags pa yum gyi byang chub sems kyi zhes pa la sogs pa gsungs te/ de nas zhes pa ni gsal lo/ /chags pa ste yum yab kyi rjes su chags pas na btab? ? gyi byang chub ?? chud nas/ de'i don gyi thabs mchog yab kyi byang chub kyi sems la bskul ba'i cho 'phrul gyi sgro 'og nas 'byung ba 'di skad bsgrags so/ /a ho chags pa chen po yum gyi byang chub kyi sems zhes pa la a ho zhes pa ni a nyid chos nyid ye nas skye ba med pa de la ho ste chags pa'o/ /nyon mongs
- 10b
pa'i dbang la chags pa ma yin pa'i phyir chen po'o/ /phyi dang nang du snang ba'i chos dbang du bsdus pas dbang/ gnyis su med pa'i ye shes su 'gyur bas byang chub kyi sems de lta bu'i byang chub sems de las dus gsum gyi bde bar gshegs pa rnams kyang de las bskyed cing kun gyi 'byung gnas su gyur pa'i phyir rtsa bzhi mchog go /yum gyi sems de la 'khor ba'i skyon gang gis kyang ma gos pa'i phyir/ dri med skyon bral zhes gsungs pa yin te/ byang chub kyi sems kyi rten gnas de'i dbyibs pad mar gnas pa'i phyir pad+ma/ pad+ma de'i ze 'bru nas byang chub sems 'od zer gyi chul du byung ste/ de'i gnas su thabs mchog yab kyi byang chub kyi sems mu tig dkar po dri ma med pa nyon mongs pa gsal ba'i phyir bsil ba'i 'od zer bdag gis pad ma'i ze 'bru la spro ru gsol ho/ zhes mtshan nyid kyi sgo nas/ gleng bslang ba'o/ /yab kyi byang chub kyi sems kyi mtshan nyid la gleng bslang ba'i phyir/ yang thabs mchog yab kyi zhes pa la sogs pa gsungs te/ 'di skad ces bsgrags so/ /zhes par 'brel te a ho gsal zhing dag pa'i zla ba'i dkyil 'khor ni zhes pa ni/ byang chub kyi sems de rang bzhin gyis gsal bas na/ gsal zhing rnam par rtog pa'i skyon gyis ma gos pas dag pa/ kun rdzob byang chub kyi sems kyi kha dog dkar por yod pas zla ba'i dkyil 'khor de ni skyon gyis ma gos pa ye nas rnam par dag pa'i byang chub kyi sems de ni dus gsum gyi rgyal ba rnams kyis ji ltar gnas par thugs su chud de/ de lta bu'i byang chub kyi sems de ni bsil ba ste/ 'od zer gyi tshul du yum gyi pad ma'i ze 'bru'i gnas su byang chub kyi sems spro bar bya'o/ /ho zhes rnam par bskul lo/ / de ltar yab yum gnyis kyis gleng bslang nas byang chub kyi sems gnas su drangs nas spro ba dang bsdu ba'i ting nge 'dzin 'di gsungs so/ /de nas bcom ldan 'das zhes pa dang/ 'di skad brjod do zhes pa ni go sla'o/ /e ma'o bde mchog bde ba'i zhes pa ni byang chub kyi sems gnas nas grangs nas bde ba rnyed pa de ni bde ba kun gyi mchog yin te/ de rdo rje las phar yuM gyi pad+mar spros/ yum gyi ba spu'i bu ga nas par byang chub kyi sems rab tu spros pas khams gsum gyi sems can thams cad kyi lus ma phog pas nyon mongs pa thams cad dag par byas pa la ni 'gro ba kun gyi rgyud sbyangs te zhes dus
- 11a
de nyid kyi skabs su dus gsum gyi sangs rgyas kun gyi thugs la phog pas byang chub kyi sems mchod pa phul/ slar sangs rgyas kyi 'od zer bskul zhing slar yum gyi dbyings su 'dus shing thim pa las byang chub kyi sems thig le'i gzugs su yum gyi pad+ma la gsal bar gyur te/ des de nyid du thig le'i 'od kyis kun la khyab pas de'i phyir byang chub kyi sems kyis kun la khyab ces bcom ldan 'das kyis gsungs so/ /byang chub kyi sems kyi 'od zer des 'gro ba rnams sbyangs pa rnams de'i tshe/ 'khor ba dang mya ngan las 'das pa'i chos thams cad byang chub kyi sems 'ba' zhig du gnas so/ de ltar rten can gyi rgyu bsgrubs nas thog ma nyid du bsnyen bsgrub bya ba'i phyir/ de nas bcom ldan 'das gsang ba mchog gi bdag po des/ zhes pa la sogs pa gsungs te/ de nas zhes pa ni bcom ldan 'das kyi sku longs spyod rdzogs pa'i tshul du bzhugs pa de ma thag pa de nas rten gyi dkyil 'khor bskyed de/ bcom ldan 'das longs spyod rdzogs pa'i skur bzhugs pa'i sku las 'od zer las yi ge a 'phros pa las/ a de yongs su gyur pa las chos 'byung ba'i phyag rgyar gsal te/ yum kun tu bzang mo'i mkha' i rang bzhin gru gsum pa de/ steng nas steng du yongs su rgyas pa'i 'phra la gting zab pa'o/ /de'i nang du rig pa'i byin brlabs las yi ge yaM sngon po 'phros pa las/ yaM de yongs su gyur pa las rlung gi dkyil 'khor sngon po dbyibs sbyangs kyi zhal lta bu phyogs bzhin pa ngan bzhis mtshan pa cis kyang mi shigs pa'o/ /de'i steng du gong ma ji lta ba bzhin du raM dmar ser 'phros pa las/ raM yongs su gyur pa las me'i dkyil 'khor gru gsum pa'o/ /de'i steng du chu'i dkyil 'khor dbyibs zlum po/ kha dog dkar po'o/ /de'i steng du su ser po las gser gyi sa gzhi'o/ /de'i steng du laM las rin po che sna lnga las grub pa'i ri rab zur brgyad pa zhig bskyed de/ 'byung pa bzhi ni yuM sangs rgyas spyan la sogs pa'i rang bzhin de de'i phyir btsun mo'i b+ha ga zhes gsungs te/ de las rten gyi rang bzhin grub par bya ba'i phyir/ dam tshig chen po'i pho brang gru bzhi par byin gyis brlab pa'i phyir/ nyid kyi su dang gsung thugs rdo rje
- 11b
las 'di phyung ngo zhes pa ste/ gang phyung zhe na yi ge bruM 'di ri rab kyi steng du re rab las phyung ste bzhag pa las de yongs su gyur pa las 'khor lo 'khor lo yongs su gyur pa las/ rnam par snang mdzad kyi skur gyur te/ de las 'od zer 'phros pas de bzhin gshegs pa'i gzhal yas khang gi rang bzhin kun bsdus nas slar nyid kyi sku la bzhugs pas sku nyid kyang 'od du zhu/ rlung dang mes gzhu ste 'od kyi gong bu gcig tu gyur to/ /de las gzhal yas khang dpag cing gzhal ba las 'das pa/ sangs rgyas dang sems can mnyam pa'i phyir zur bzhir byung ba la sogs pa'i yon tan 'og nas 'byung bas brgyan pa/ ka ba brgyad kyis bteg pa la sogs pa'i pho brang de'i nang nas seng ge la sogs pa'i yon tan dang ldan pa'i sems can lnga'i khri stengs nas/ nyi ma dang zla ba de'i steng na pad+ma de'i steng na rin po che/ rang byung du grub pa'i gzhal yas khang/ de la 'di skad ces gsungs so/ /e ma sangs rgyas thams cad kyi zhes pa nas/ sna tshogs sangs rgyas kun gyi gnas zhes gsungs so/ /zhes pa'i bar gyis ston te go sla'o/ /de nas gzhal yas bskyed pa'i de ma thag pa de nas yang bcom ldan 'das byang chub kyi sems kyi rdo rje'i zhal nas/ sti ta badzra a zhes brjod de/ dkyil 'khor chen po dbus kyi gdan stengs su bzhugs par 'gyur ro/ /de ltar yuM kun tu bzang mo yang 'khril pa'i tshul gyis gnyis su med par bzhugs so/ /de nas yang 'khor bskyed pa'i ting nge 'dzin bstan te de'i phyir/ de nas yang gnyis su med pa'i zhes pa la sogs pa gsungs te/ thog ma byang chub kyi sems ji skad brjod pa'i de ma thag pa'i de nas 'khor bskyed de/ yuM gyi mkha' la byang chub kyi sems kyi thig le'i ngo bor de gnas pa de las/ phyogs dang mtshams su yi ge'i ngo bor gyur te dbus su tha gnyis ze 'brul lo/ /shar phyogs su ta gnyis/ lho phyogs su da gnyis/ nub phyogs su d+ha gnyis/ byang phyogs su na gnyis/ drag po dang thung ngu gnyis te/ rigs lnga'i sa bon no/ /shar phyogs su ka/ lho phyogs su la/ nub phyogs su ga? thung ngu/ byang phyogs su ga ring po/ de ni phyogs kyi sems dpa' rnams kyi sa bon no/ /shar lho mtshams su sa/ lho nub mtshams su pha/ nub byang mtshams su ba thung ngu/ byang shar mtshams su ba ring po ste 'di dag ni mtshams kyi sems dpa' i sa bon no/ /yang shar phyogs su tsa/ lho phyogs su tsha/ nub phyogs su dza thung ngu/ byang phyogs su dza ring po ste de la sogs pa phyogs kyi
- 12a
sems ma yuM gyi sa bon no/ shar lho mtshams su ya/ lho nub mtshams su ra/ nub byang mtshams su la/ byang shar mtshams su sha/ steng dus la sogs pa'i sa bon te mtshams kyi sems dpa' i yuM rnams so/ /shar phyogs/ lho phyogs nya/ nub phyogs su ma/ byang phyogs su sa ste sgo ba bzhi'i sa bon no/ /de ltar yi ge'i dngos po rnams yongs su gyur ba las/ rdo rje dang 'khor lo dang/ rin po che dang pad+ma dang/ ral gri la sogs so so'i phyag mtshan du gyur to/ /phyag mtshan de yongs su gyur ba las/ chos kyi dbyings kyi gzugs brnyan du gyur te gtso bo nyid kyi sku dang gsung dang thugs rdo rje las gsang ba'i snying po 'di brjod do/ /hUM badzra d+h+rig / de brjod ma thag tu de bzhin gshegs pa thams cad zhe sdang chen po'i skur rjes su dran de/ skur gyur to/ /zhes bshad pa cho ga gsum gyis don 'di nas mar bstan te de'i phyir/ sngags kyi yi ge 'phros 'dus pa las zhes zhus pa la sogs pa bstan te/ sngags kyi yi ge zhes pa ni tha'o/ /de 'phros 'dus pa'i yig 'bru las cho 'phrul gyi sgra 'og nas 'byung ba 'di skad ces bsgrags so/ /dus gsum gyi sangs rgyas thams cad kyi gsung rnam par dag pa'i rang bzhin yi ge'i gzugs su gnas pa de'i phyir/ e ma'o zhes pa nas bsgrags so zhes pa'i bar gyis bstan te/ rigs ni zhe sdang gi sangs rgyas rnams kyis gsung ngo/ /de nas thugs kyi cho ga bstan te/ dus gsum gyi sangs rgyas rnams kyi thugs kyi ngo bo rdo rje'i rang bzhin du gyur te/ de'i mtshan nyid bstan pa'i phyir de nas snying po yi ge re zhes pa nas thugs ni bstan pa'o/ /zhes pa'i bar gyis bstan pa'o/ /de nas yi ge rdo rje'i bum pa'i nang na yod pa las/ rdo rjer 'phros skur 'dus pa las 'od kyi gong bur gyur te de'i skabs su gong du gsungs pa'i sngags hUM badzra d+h+rig brjod pas sku yongs su rdzogs te/ 'jig rten gyi khams su gsang ba'i dkyil 'khor nas 'thon te spros pas sems can zhe sdang can gyi rgyud sbyangs nas slar 'dus pa las/ a zhes brjod pas gtso bo nyid pa thim par gyur to/ de'i phyir de nas thugs de nyid ces pa nas bdag po sku gsung thugs nyid la bzhugs so/ /zhes pa'i bar gyis bstan te go sla'o/ /phung po lnga las rnam par shes pa'i phung po rnam par dag pa'o/ /'di ji ltar rgyas par bstan pa bzhin 'og ma rnams la yang shes par bya'o/ /de nas dang po'i byang chub sems
- 12b
las byung ba'i phyir/ de nas gnyis su med pa'i zhes pa nas snyoms par zhugs nas zhes pa'i bar gyis bstan to/ /sku yongs su rdzogs par bya ba'i rkyen gyis bstan pa'i phyir/ nyid kyi sku gsung thugs zhes pa nas gti mug chen po'i sku rjes su dran te/ zhes pa'i bar gyis bstan to/ /gti mug chen po'i gsung gi mtshan nyid bstan pa'i phyir/ gsung yig 'bru las zhes pa nas gsung dri ma med ces pa'i bar gyis bstan to/ /yi ge de yongs su gyur pa las/ thugs mtshan 'khor lor gyur pa bstan pa'i phyir/ snying po'i yi ge zhes pa nas zur brgyad pa lta bu zhes pa'i bar gyis bstan to/ /gtso bo'i yon tan gyi sgo nas ji ltar 'byung ba bstan pa'i phyir/ de'i tshe 'khor lo zhes pa nas sku'i thugs ni bstan pa'o/ /zhes pa'i bar gyis bstan to/ /de nas 'khor lo de yongs su gyur pa las sngags gong ma brjod pa las snang mdzad chen po'i sku mdog dkar po rgyan thams cad kyis brgyan pa g.yas na 'khor lo g.yon na dril bu bsnams te gsang ba'i dkyil 'khor nas 'thon te 'phro ba dang 'dus pas gong ma bzhin du byas te/ a zhes brjod pas shar phyogs su bzhugs so/ /sku lnga las ni phung po rnam par dag pa'i sku ste?/ byang chub kyi sems des phyi dang nang du snang ba thams cad la snang bar mdzad pas na rnam par snang mdzad do/ /gtso bo'i byang chub kyi sems de las dgos 'dod re ba yid bzhin du skong ba de'i phyir/ de nas yang gnyis su med pa'i bdag nyid chen pos rin chen dpal zhes pa nas yon tan phyag rgya bstan pa dang/ g.yas phyogs su bzhugs so zhes pa'i bar gyis bstan te/ sku mdog ni sngo bas des phyag g.yas na rin po che g.yon na dril bu'o/ /phung po lnga las tshong ba'i phung po rnam? par dag ba'o/ /de nas yang byang chub kyi sems kyi mtshan nyid kyis phyi dang nang du snang ba las mdza' yas par khyab pas snang ba mdza' yas te de bstan pa'i phyir/ gsal ba'i sgron ma zhes bya ba nas/ e zhes pa brjod cing rgyab phyogs su bzhugs so/ /zhes bya ba'i bar gyis bstan te/ de yang sku mdog dmar po phyag g.yas na pad+ma g.yon na dril bu'o/ /phung po lnga las ni 'du shes kyi phung po rnam par dag pa'o/ /de nas yang byang chub kyi sems de'i dang du phyi dang nang du snang ba thams cad 'dus shing ye nas rnam par dag par byas te/ 'di ni byas so/ /'di ni ma byas so/ zhes bya ba med de thams cad kyi don gcig gi ngang du bsgrubs te bstan pa'i phyir rdo rje 'phro ba zhes
- 13a
bya ba nas las kyi phyag rgya bstan pa'o zhes pa dang/ g.yon phyogs su bzhugs so zhes pa'i bar gyis bstan to/ /sku mdog ni ljang gu phyag g.yas na ral gri g.yon na dril bu'o/ /phung po lnga las ni 'du byed kyi phung po rnam par dag pa'o/ /de nas byang chub kyi sems de ni gang gi ngo bor yang ma grub par bstan pa'i phyir/ de nas bcom ldan 'das zhes pa nas nam mkha' lta bu'i zhes pa dang rdo rje 'dzin pa'i sku la 'khril pa'i tshul gyis so/ /zhes pa'i bar gyis bstan te sku mdog yab dang mthun phyag g.yas gtso bo la 'khyud g.yon bgrang 'phreng ngo/ /'byung ba lnga las ni nam mkha' i rang bzhin no/ /de nas byang chub kyi sems de nas dus gsum du rnam par rtog pa gang gis kyang bskyong ba ma yin zhing bstan par bstan pa'i phyir bstun pa zhes pa nas snang mdzad sems pa'i sku la 'khril ba'i tshul gyis bzhugs so/ /zhes pas bstan te sku mdog gtso bo dang mthun g.yas dril bu g.yon phreng ba kun la shes par bya'o/ /'byung ba las ni sa'i rang bzhin no/ /byang chub kyi sems de'i rang du phyi dang nang du snang ba thams cad sdud pas na de'i mtshan nyid bstan pa'i phyir sdud ma rdo rje zhes pa nas/ rin chen sems ma'i sku la zhes pa'i bar gyis bstan te/ 'byung ba las ni chu'i rang bzhin no/ /de nas yang byang chub kyi sems des nyon mongs pa srog cing yang dag pa'i dbyings su smin par bstan pa'i phyir/ 'bar ba'i zhes pa nas chos kyi sems pa'i sku la zhes pa'i bar gyis bstan te/ 'byung ba lnga las me'i rang bzhin no/ /de nas yang byang chub kyi sems de'i dang du phyi dang nang du snang ba thams cad la thugs rjes g.yos shing sdud pas na/ de bstan pa'i phyir g.yo ba rdo rje zhes bya ba nas las kyi sems pa'i sku la zhes pa'i bar gyis bstan te/ de ltar 'byung ba rlung gi rang bzhin te de ltar 'byung ba lnga dang rigs lnga'i
- 13b
mtshan nyid ji ltar yin pa bsgoms na/ ji ltar 'dod pa bzhin du 'grub bo/ /de nas byang chub kyi sems de nas mkha' i mtshan nyid du gnas pas nam mkha' i snying po'o/ /byang chub kyi sems de mdza' gnyis su mi ldang zhing yang dag par ma bstan pas na nga'i snying po'o/ /byang chub kyi sems las sgra'i tshul du sku nyid byung nas sems can gyi don mdzad pas spyan ras gzigs dbang phyug go /byang chub kyi sems de'i dang las bzang ngan med pas na kun tu bzang po'o/ /byang chub kyi sems des kun la khyab pas byams pa'o/ /byang chub kyi sems de'i dang las nyon mongs pa mang pas na sgrib pa rnam par sel ba'o/ /byang chub kyi sems de'i ngang du sdud pas na 'jam dpal dus rtag tu de dang mi 'bral bas na phyag na rdo rje'o/ /byang chub kyi sems de dbyings rnam par dag pas na la se la'i ? las gang 'gag pa med par 'byung bsam le'o/ /de'i ngang las ji lta ba'i sgo nas chos ston pa'i gi rti'o/ /ji ltar snang bas na ni rti'o/ /byang chub kyi sems de mnyes shing mnyes pas du pe/ chos kyi byings su spros pas puShpe/ dbyings gsal bar gyur pas mar me ma/ shin tu mnyes pas gandi? ma'o/ /byang chub sems kyi rkyen chos kyi dbyings pas lcags kyu ma/ stong smad nas 'khyud pas zhags pa ma/ rdo rje dang pad mar yang dag par ldan pas lcags sgrog ma'o/ /shin tu dgyes pa'i ro bstar bas dril bu ma'o/ /byang chub kyi sems des 'khor ba'i skyon dag pas ya mAn+ta krid de la 'chi ba med de 'chi bdag gi bdud bcom pas big+han+ta krid byang chub kyi sems de'i ngang du gnyis su mi phyed cing lha'i bu'i bdud bcom pas padmAn+ta krid sha dang las nyon pa rdul tsam yang mi mnga' bas pradz+nyAn+ta krid da/ /de'i phyir gzhan yang sems pa dang zhes pa la sogs pa gsungs te/ gzhan yang rigs lnga yab yum las gzhan pa sems dpa' la sogs pa ste/ de'i
- 14a
phyir sems dpa' ste sa'i snying po la sogs pa brgyad dang/ sems ma ste la se la sogs pa brgyad do/ /khro bo dang zhes pa ni ya mAn ta krid la sogs pa bzhi'o/ /khro bo sgo skyong 'dra ste lcags kyu ma la sogs pa bzhi'o/ /sprul sku la sogs pa ni byang chub sems las sprul pa ste/ thub pa chen po drug ste de rnams bskyed pa dang/ sa bon dang phyag mtshan la sogs pa ni sgyu 'phrul gyi rgyud las ji ltar grags pa bzhin gyi rim pa ji lta bar ro/ /de ltar dkyil 'khor du bkod pa de rnams kyang gang las 'byung zhe na de bstan pa'i phyir/ gnyis med bdag pa byin brlabs las zhes gsungs te/ yab yum gnyis su med pa'i byin gyis brlabs las byung ngo/ /'o na gnas dang lta dang 'di ltar gnas pas rang bzo min nam zhen min te ji skad du/ gnas ngag tu ni dkyil 'khor dang/ 'gro rnams dgong par ji lta bar/ /de ltar ston pa mchog gis mdzad ces so/ /de bzhin gshegs pa thams cad kyi zhes pa ni/ de bzhin nyid kyi gnas su gshegs shing gshegs pas na/ de bzhin gshegs pa ste/ de ma lus pa thams cad kyi sku gsang ba thugs gsang ba ste/ de'i dang du thams cad gnas shing sdud pas na dur khrod/ shin tu dkon pas khu byug /de'i ngang la rol pas rol pa/ de ston pa nyid kyi zhal nas gsungs pas na mdo sde ste/ de las ting nge 'dzin ni don dam pa'i bden pa dang kun rdzob rim par bked pa'i don de/ don dam pa dang/ kun rdzob kyi tshul gyis ji ltar yin pa shes par bya'o/ /le'u zhes bya ba ji ltar gos kyi snal ma mang po bsdoms nas gcig tu byas te/ gon na sbrang bu dang sdig pa la sogs te 'tshe ba'i rnam pa dang rlung dang/ grang ba la sogs pa ste/ gnod pa thams cad bzlog pa de bzhin du/ rgyud kyi don 'dis nyon mongs pa lnga dang 'khor ba'i skye gnas dang phyin ci log gi 'tshe ba las yang dag pa'i dbyings su bzlog pa na gos 'dra ba'i phyir le'u'o/ /rgyud kyi don 'di len cing 'dzin pas ston
- 14b
pa'i gzhung gi tshogs la yang le'u zhes bya ba'o/ /bdud rtsi'i thigs pa zhes bya ba'i/ rgya cher 'grel pa las bden pa gnyis bshad pa'i le'u ste/ dang po'o// //de ltar le'u dang por thams cad bskyed nas/ mthar phyin pa'i don gsal bar bstan pa'i phyir/ de nas zhes pa la sogs pa byang chub kyi sems kyi le'u gnyis pa gsungs te/ bcom ldan 'das la phyag 'tshal nas/ 'di skad gsol ba btab bo/ zhes bya bar sbyar ro/ /bcom ldan 'das sku gsang ba gsung gsang ba thugs gsang ba kun gyi mchog dam pa'i bdag po la mchod pa dang phyag btsal nas 'og nas 'byung ba'i bstod pas bstod de byang chub sems kyi don 'og nas 'byung ba 'di skad ces sdud pa po rdo rje chos kyis bcom ldan 'das la gsol ba gdab bo/ /bcom ldan 'das la bstod pa'i phyir/ e ma'o bder gshegs bcom ldan 'das zhes pa la sogs pa gsungs te/ e ma'o zhes pas ston pa las sdud pa po ngo mtshar pa'i tshig go /bder gshegs kyi don ni gong du bshad zin to/ /bcom ldan 'das zhes pa ni nyon mongs pa thams cad bcom ldan 'das te ston pa la bod pa'i tshig go/ gsang mchog dgyes pa che zhes bya ba ni byang chub kyi sems kyi ngo bo gyur pa la dgyes pa che zhes brjod do/ /rnam par dag pa'i lam zhes bya ba ni bde ba chen po'i 'khor lo la sogs pa'i bdag nyid du gyur pas las/ /zhes brjod do/ /ngo mtshar 'byung ba khyod la 'dud ces bya ba ni byang chub sems nor bu'i nang du gnas pa'i skabs na lhan cig skyes pa'i dga' ba 'byung ba'i bdag por gyur pas ngo mtshar ro khyod la bdag 'dud pas so 'khor rnams kyi don du lus ngag yid gsum gyis 'dud do/ /btung nas ci byed ce na rten dang brten can du snang ba'i de kho na nyid kyi don dang/ don dam pa dang kun rdzob kyi byang chub kyi sems kyi don zhu ba de'i phyir dkyil 'khor rnams kyi de nyid don/ byang chub sems kyi mtshan nyid bsdus pa po dag dang 'khor rnams la bshang du gsol/ zhes 'khor gyis gleng bslang ba'o/ /dkyil 'khor gyi de kho na nyid dang/ byang chub sems kyi mtshan nyid bstan pa'i phyir/ de nas gsang ba
- 15a
mchog gi bdag pos rdo rje yid kun tu bzang po la ston pas bka' stsal pa/ sems dpa' chen po zhes pos nas ngas khyod la bshad kyis lus ngag yid gsum gyi sgo nas nyon cig ces bka' stsal lo/ /sdud pa po yid kun tu bzang po khyod kyis spobs pa bskyed nas 'khor gyi don du zhugs so legs par zhus so zhes lan byin te/ dkyil 'khor gyi de kho na nyid dang/ byang chub sems kyi de kho na nyid dang/ byang chub sems kyi mtshan nyid 'di ni sngon gyi rgyal ba sangs rgyas thams cad dang/ da ltar gyi rgyal ba sangs rgyas thams cad dang/ phyi ma 'byung ba'i rgyal ba sangs rgyas rnams kyi don 'di lam gsungs pa gsung bar rga ba yin te/ de ci'i phyir zhe na/ dkyil 'khor gyi de kho na nyid dang/ byang chub sems kyi mtshan nyid ni brjod du yang med la/ snod du gyur pa yang dkon pa'i phyir ro/ /sems dpa' chen po de bas na khyod nyid la dris shig ces ston pas bka' stsal te/ cang mi gsung bar bzhugs so/ /zhes pa ni de kho na nyid dang sems kyi mtshan nyid ni brjod pa las 'das shing/ gang gi ngo bor ma grub pa'i phyir/ cang mi gsung ba'o/ /de ltar ma gsung pa'i don gyis 'khor rigs lnga dang der ma bas te/ de bzhin gshegs pa thams cad kyi sdud pa po rdo rje chos la zhus shig par bskul ba bstan pa'i phyir/ de nas mi bskyod pa zhes pa nas bka' gsal ba las zhes pa'i bar gyis bstan to/ /de nas sdud pa po rdo rje yid kun tu bzang pos rigs lnga'i sangs rgyas dang/ byang chub sems dpa' rnams kyis bskul bar thugs su chud nas/ 'khor mang po rnams byang chub sems kyi snod du rung bar byin gyis brlabs nas ston pa kun tu bzang po'i zhal du blta nas gnas so/ /zhal du bltas nas gnas pa yang ston pa yang ston pas kyang thugs su chud de/ bde ba bstan pa'i phyir/ de nas bcom ldan 'das zhes pa la sogs pa bsten te/ bka' stsal to zhes par 'brel to/ /zhus pa'i don bstan pa'i phyir/ rdo rje yid kun tu bzang po la sogs pa 'dum pa'i 'khor tshogs
- 15b
rnams nyon cig ces gnang nas bskul te ston pas gleng bslang ngo/ /de nas ston pas 'di skad gsungs so/ zhes bya ba'i don bstan pa'i phyir/ byang chub sems zhes bya ba ni zhes pa la sogs pas bstan te/ byang chub kyi sems de'i mtshan nyid gang yin zhe na/ 'di lha ste brjod dang smra bsam yul las 'das zhes bya ste/ byang chub kyi sems gnas nas bskyod de nor bu'i nang du gnas tsam na khu ba dang lhan cig du skye ba'i dga' ba 'byung ste/ de la yun ring du gnas pa'i dus na phyi dang nang du snang ba rang nyid rang bzhin gyis ston pa'i mtshan nyid du mthong ste/ stong pa'i mtshan nyid de la ni brjod dang smra bsam yul las 'das zhes gsungs te/ dus de nyid du byang chub sems kyi mtshan nyid 'di yin/ 'di lta bu zhig yod do zhes bya ba med de/ brjod pa las 'das so/ /de lta ba'i skabs su don dam pa zhes pa dang/ kun rdzob ces bya ba'i tha snyad thams cad dang bral bas/ don dam kun rdzob tha mi dad ces gsungs pa yin no/ /rang lus ngag yid rdo rje ste zhes bya ba ni/ rang gi lus dang ngag dang yid gsum yang rang bzhin gyis ye nas rnam par dag ste chos kyi dbyings su gyur pas rdo rje zhes gsungs pa yin no/ /gcig gis gnyis kyi las byed pas zhes bya ba ni gcig ces te byang chub sems kyi ngo bo'o/ /las byed pas zhes pa ni/ rten dang brten can gnyis kyis las byed cing bskyed de lha'i dkyil 'khor du snang ba thams cad ni don yod par ma yin te/ ji skad du sgyu 'phrul mtshan mo'i nang nas kyang e ma'o rdo rje phung po yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa' i dkyil 'khor de/ /sa chu spyan dang ma ma ki/ me rlung gos dkar sgrol ma ste/ /nam mkha' dbyangs kyi dbang phyug ma/ /srid gsum ye? nas rnam par dag ces gsungs te/ /de'i phyir/ lus dang ngag yid ma grub par gsungs te/ de ltar lha'i gzugs su lus ngag yid gsum gnas kyang don dam par ma grub ste/ chos kyi dbyings su rtogs pa'i rig pa'i skyes bu gang su yang rung ba de'i na don dam pa byang chub kyi sems
- 16a
bskyed pa yin zhes bcom ldan 'das kyis gsungs so/ /de ni do dam pa'i bden pa ste/ de gsungs ma thag tu 'khor rnams kyis kyang thugs su chud de/ rang rang gi lus ngag yid gsum la sems nas cang mi smra bar 'khod do/ /de nas bcom ldan 'das la sdud pa po la sogs pa'i 'khor rnams kyis rtogs chad dpung ba'i phyir/ de nas yid kun tu bzang po la sogs pa'i rtogs tshad dbul te/ sngon la sdud pa pos rtogs tshad phul ba/ e ma'o bder gshegs bcom ldan 'das/ /sangs rgyas kun gyi byang chub sems/ /rtogs par dka' ba'i snying po 'di/ /rab tu mi rtog gnas med do/ /zhes bya ba las/ e ma'o zhes pa ni sdud pa pos yid kun tu bzang po de byang chub kyi sems thugs su chud de dam pa'i tshig go/ bder gshegs bcom ldan zhes bya ba ni/ bos pa'i tshog ste/ gnyis su med pa'i gnas ni bde ba ste/ de du gshegs pa'i ngang la bzhugs pa ni/ kye bcom ldan zhes bos pa'o/ /sangs rgyas kun gyi byang chub sems zhes bya ba ni/ gzung ba dang 'dzin pa'i mdza' las 'das pa ni sangs rgyas kun gyi byang chub kyi sems yin te de rab tu rtag dka' ba brjod pa thams cad dang bral ba de la ni/ rtag par dka' ba'i snying po 'di zhes gsungs so/ /mdza' rnam pa gnyis dang bral te mi rtog pa'i ye shes de la rnam par rtog pa gang gis kyang bskyod pa ma yin pa ste rtog par dka' bas/ rab tu ni rtags gnas med pa'o/ zhes gsungs/ rang gi lus ngag yid gsum la sems nas 'dug go/ /de na yang 'khor rigs lnga'i rtogs tshad phul ba ston te/ sngon la mi bskyod pas rtogs tshad phul ba/ ye ma'i gzung 'dzin rnam spangs pa/ /tshig dang yi ga'i spyod yul men/ /chos bdag med pa'i mnyam pa nyid/ /rang sems gdod nas ma skyes pa'o/ /zhes bya ba ni/ gzung 'dzin rnam spangs pa zhes pa ni phyi gzung bar bya ba'i yul ni nang 'dzin par byed pa'i sems nyid snang ba las ma gtogs pa yul logs shig na grub pa med do/ 'o na nang 'dzin par byed pa'i
- 16b
sems nyid yod dam zhe na/ med de nang 'dzin pa'i sems nyid kyang skad cig mas gzhig pas rang bzhin med do/ /'o na skad cig ma'i chos gzhig pa ni snga ma ni 'gags phyi ma ni ma byung da ltar ni mi gnas pas stong pa'i rang bzhin du grub ste/ stong pa ni stong pa'i sems zhugs nas rtag pa'i skyon yin na/ gzung ba dang 'dzin pa ji ltar spang du btub mi btub po/ /lan du de ltar ma yin te/ gzung bar bya ba dang 'dzin par byed pa gnyis ka ma grub ste/ stong zhing bdag med par grub la stong zhing bdag med pa zhes bya ba de la yang gnas pa ma yin te/ shes pa dang brjod pa'i mdza' las 'das pa'i phyir/ gzung 'dzin rnam spangs zhes pa nas/ rang sems bzod nas ma skyes pa'o/ zhes mi bskyod pas gsungs so/ /de nas rnam par snang mdzad kyis rtogs chang phul ba'i 'di skad du gsungs so/ /e ma'o chos kun stong pa'i bdag rang gi ngo bo brjod du med/ /brjod med de nyid sna tshogs pa'i/ /chos rnams kun la khyab par gnas/ /zhes bya ba la/ chos kun stong pa'i bdag ces bya ba ni phyi nang du snang ba'i chos thams cad ni ngo bo nyid kyis stong ste/ me me yis stong/ chu chu yis stong/ sa sas stong/ rlung rlung gis stong/ gzugs gzugs kyis stong/ zhes pa la sogs pa rgyal ba yum chen mo las rgya cher gsungs te/ de'i phyir/ chos kun stong pa'i bdag ces gsungs te/ rang gi ngo bo ma skyes pa de la ni/ so so'i ngo bo 'di lta bu yin bya ba brjod du med rang bzhin gyis 'od gsal ba de'i phyir/ rang gi ngo bo brjod du med ces gsungs so/ / 'o na rang gi ngo? bo? ma? skyes pa de la 'di ltar snang ba la ma khyab bam zhen/ khyab ste ma skyes pa ste/ stong pa gting chad pa ni ma yin te gang la yang 'gag pa med par rang 'byung ste/ 'byung ba'i dngos po thams cad la yang mar me dang 'od kyi tshul du khyab nas gnas te/ de'i phyir brjod med? de nyid sna tshogs pa'i/ /chos rnams kun la khyab par gnas/ zhes bcom ldan 'das rnam par snang mdzad kyis gsungs so/ /de nas yang rin chen sems dpas rtogs tshad phul pa 'di gsungs so/ /e ma'o ngo mnyam byang chub sems/ /ming du btags pa'i
- 17a
chos rnams kun/ /mnyam pa nyid la gnas bcas phyir/ /mnyam pa nyid las gzhan med do/ /zhes bya ba la/ mnyam nyid byang chub sems zhes pa ni 'di ltar snang ba thams cad ye phyi mo nyid ma skyes pa chos kyi dbyings yin la/ de'i ngang la ni sangs rgyas sems can gnyis med de/ /de'i ngang la dus rtag tu gnas bcas shing gnas pas ma mnyam pa nyid las gzhan med do/ /zhes rin chen sems dpas gsungs so/ /de nas yang chos kyi sems pas rtogs tshad phul ba 'di gsungs so/ /chos su snang ba thams cad kun/ /rang gi ngo bos brjod du med/ /de nyid byang chub sems su ni/ /mkhas pas bsgoms na rtogs par 'gyur/ /zhes pa la tshes su snang ba thams cad kun zhes pa ni phyi 'byung ba lnga las grub pa bstan pa'i rang bzhin can gyi chos dang/ nang phung po lnga las grub pa'i g.yo bar snang ba thams cad kun/ ye nas ma skyes pa yin te brjod pa las 'das pa de'i phyir/ rang gi ngo bo brjod du med ces gsungs te/ spros pa'i mdza' brgyad dang bral ba ni byang chub kyi sems te/ de la byang chub kyi sems yin zhes brjod pas 'bras bu mi thob ste/ de'i ngang du yang nas yang du mkhas pas nyams su blangs nas gnyis med pa'i ye shes gdod rtogs bar 'gyur ba de'i phyir/ de nyid byang chub sems su ni/ /mkhas pas bsgoms na rtogs par 'gyur/ zhes chos kyi sems pas gsungs so/ /de nas yang las kyi sems pas rtogs tshad phul ba 'di gsungs so/ /chos kun byang chub sems nyid de/ /nges pa med de dngos rtog bral/ /de nyid dag pa'i rang bzhin pas/ /mkhas pas tsi dgar bsgoms na 'grub ces bya/ chos kun byang chub sems nyid de zhes pa ni/ phyi dang nang du snang ba'i chos kun/ ye nas ma bcos pas byang chub kyi sems nyid yin te/ brtags pa'i dngos po ni gsog gsob ya ma brla yin pas des na/ nges pa med de dngos rtog bral/ /de nyid dag pa'i rang bzhin pas/ /mkhas pas cir dgar bsgoms na 'grub/ ces las kyi sems pas gsungs so/ /don dam pa'i bden pa 'ba' zhig
- 17b
bstan pa'o/ /byang chub kyi sems rab tu sdom pa'i le'u ni byang chub kyi sems kyi le'u'o/ /bdud rtsi thigs pa zhes bya ba'i rgya tshar 'grel pa bshad pa las/ le'u gnyis pa'o// //de ltar byang chub kyi sems kyi mtshan nyid bstan pa dang las dang po'i dang po pa rnams la gzugs kyi dkyil 'khor bstan pa'i phyir/ /de nas zhes pa la sogs pa bstan te/ /de nas zhes pa ni lngar gyi le'u 'das pa'i de ma thag pa de nas so/ /yang yid kun tu bzang pos bcom ldan gsang ba mchog gi bdag po la 'og nas 'byung ba'i tshig 'di skad gsol ba btab bo/ /de nas ci 'dod pa'i phyir gsol ba btab ce na/ brnyan ma'i dkyil 'khor ma 'dres par rim par 'dod pa'i phyir/ e ma bder gshegs rgyal ba'i gtso zhes pa nas bde bar gshegs pas bshad du gsol/ a la? la ho zhes pa'i bar gyis bstan te go sla'o/ /zhus pa'i lan bstan pa'i phyir/ de nas ston pa rgyal mchog gis/ zhes pa la sogs pa gsungs te/ de nas ston pa mdza' rnam pa gnyis la rgyal ba'i rgyal mtshan btsugs shing kun gyi mchog du gyur pa des/ sdud pa po kun tu bzang pos zhus pa'i tshig gsan nas/ snyan ma'i dkyil 'khor thugs dang po'i sgo nas rab tu 'khor rnams la bshad de phyi ba'i gang zag las dang po'i dang po ba rnal 'byor la 'jug par 'dod pa'i ched du'o/ /de yang las dang po pa gang zag rnam pa lnga pos kyang slob dpon gyi mtshan nyid ji lta bus bya ba brtag par bya ba'i phyir/ slob dpon byed dang rjes 'brangs pas zhes pa la sogs pa bstan te/ slob dpon byed dang zhes pa ni gang zag lnga po 'dren par byed pa'i phyir/ slob dpon byed dang zhes bya ba ste/ sngon bde bar gshegs pas ji ltar mdzad pa'i rjes su 'brang po'i slob dpon de'i mtshan nyid bshad par bya ste/ de'i phyir blo yangs rgyud la goms pa dang zhes pa la sogs pa bstan te/ blo yangs rgyud la goms pa dang/ zhes pa ni phyi dang nang du snang ba'i chos la rtog pa mi skye zhing blo yangs par mdzad
- 18a
pa/ rnal 'byor gyi rgyud dang/ rnal 'byor bla na med pa'i rgyud la goms shing mkhas pa dang/ bla ma'i nyams kyis man ngag thob cing ting nge 'dzin las su rung ba dang/ ston pa'i bka' phyi nang gi chos sde snod gsum la ma rmongs shing/ the tshom mi za ba dang yang dag pa'i ting nge 'dzin la sran thub cing lta ba mi ldog pa dang/ yang dag pa'i chos la dad pa'i dad pa che ba dang/ phyin ci ma log pa la yid ches pa'i dad pa che ba dang/ yang dag pa'i chos la dad pa che ba dang la sogs pa'i dad pa mnga' ba gsang ba ste/ 'khor lo bzhi'i bye brag dang/ sbas pa ste/ shes rab ma rab 'bring tham gsum la ji ltar bya ba'i thabs mchog rnams/ snod ngan pa gang zag 'phyar po gsang mi thub pa rnams la mi ster ba dang/ bla ma las mthar phyin pa'i dbang mchog rnams thob pa ni/ rdo rje 'dzin pa'i dkyil 'khor gyi las kun kyang bya ba thams cad la yangs shing/ de lta bu'i mtshan nyid dang ldan pa'i slob dpon de ni rdo rje 'dzin pa'i snyan ma'i slob dpon no/ /de nas 'khor lo can gyi slob dpon bstan pa'i phyir/ yan lag dam tshig mnyams dang zhes bya ba la sogs pa bstan te/ yan lag dam tshig ces bya ba ni 'og nas 'byung ba'i dam tshig bco lnga mnyams shing/ mdog dang ste shin tu mdog ser la 'tsher ba dang/ gzugs dang ste gzugs shin du bzang ba stod smad phyed pa'o/ /stobs dang ldan te shin du mi 'os pa'i stobs yod pa'o/ /'khor lo sgyur ba'i mtshan yod pa'i lag pa g.yon pa'i srin lag gi sbab na 'khor lo rtsibs brgyad yod pa/ lus dri zhim po a ka ru la sogs pa'i dri zhim po'i drang dang ldan pa/ de lta bu'i mtshan ma yod pa de ni sangs rgyas 'khor lo can gyi dkyil 'khor gyi slob dpon yin par rab tu gsungs so/ /de nas yang rin po che'i slob dpon gyi mtshan nyid bstan pa'i phyir shes pa che zhing yon tan ldan zhes ba la sogs pa gsungs te/ shes pa che zhing yon tan ldan zhes pa ni phyi dang nang gi chos la ma rmongs pa dang/ bzo dang rig pa'i gnas la mkhas pa dang/ yon tan sgo yangs te ci la yang ma 'gags par byed pa dang spyod lam
- 18b
dag ste chos spyod rnam par bcu spyod pa dang/ rdo rje slob dpon dpun la gdungs te ci 'tsham pa'i sgo nas slob dpon khur zhing mched la gdung ba de lta bu'i ngang tshul gang la yod pa'i gang zag de ni rin po che'i slob dpon no/ /de nas yang pad+ma'i slob dpon gyi mtshan nyid bstan pa'i phyir/ rtag tu zlos pa brtson pa dang/ zhes pa nas/ padmo can gyi bla mar gzung zhes pas bstan te go sla'o/ /de nas yang las kyi rigs kyi slob dpon gyi mtshan nyid bstan pa'i phyir/ bya ba'i las las rmongs shing zhes pa nas/ sna tshogs las kyi bla mar yin zhes pa'i bar gyis bstan te go sla'o/ /de nas dkyil 'khor spyi'i slob dpon gyi mtshan nyid bstan pa'i phyir/ de dag yon tan ma lus ldan zhes bya ba la sogs pa gsungs te/ de dag yon tan ma lus ldan zhes bya ba ni/ gong ma ji snyed brjod pa'i yon tan kun dang ldan pa'o/ /theg pa kun la 'byam pa ni/ phyi nang gi theg pa kun la mkhas shing goms pa ni spyi'i snyan ma'i dkyil 'khor gyi slob dpon no/ /de nas yang slob dpon gyi slob ma'i mtshan nyid ma brtags na snod ngan pas gnyis ka brlag par 'gyur te/ de'i phyir bla ma lung ldan des kyang ni/ slob ma'i mtshan nyid brtag par ces zhes gsungs so/ /da ni 'di nas mar so so'i mtshan nyid bstan te/ de'i phyir rkyen thub mi ldog dam tshig gnas/ /zhes pa nas rdo rje can gyi slob ma rung zhes pa'i bar gyis bstan te go sla'o/ /'khor lo can gyi slob ma bstan pa'i phyir/ lus dang yan lag mdzes ldan dang zhes pa nas sangs rgyas 'khor lo can gyis bshad ces bshad pa'i bar gyis bstan te mtshan nyid go sla'o/ /rin po che'i slob ma bstan pa'i phyir/ spyod lam rnam bzhi lhun sdug cing zhes pa nas/ rin chen dkyil 'khor dag gi'o zhes pa'i bar gyis bstan te go sla'o/ pad+ma'i? slob bu bstan pa'i phyir/ ngag gi sgo nas shin tu sbyangs zhes pa nas pad+ma 'dzin pa'i snod du bshad ces pa'i bar gyis bstan to/ /las kyi slob ma bstan te/ de'i phyir las la gus shing zhes pa nas sna tshogs rdo rje'i bu yin no/ /zhes pa'i tshig bzhi pas bstan to/ /spyi'i dkyil
- 19a
'khor slob ma bstan pa'i phyir/ yon tan de kun ldan pa la/ /kun gyis bskur zhing shin tu mdzes/ /yid du 'ong zhing spyod pa ba'o?/ /spyi yi dkyil 'khor dag la shis/ /zhes pa'i tshig bzhi po des bstan te go sla'o/ /de nas yang dkyil 'khor bya ba'i gnas kyi mtshan nyid bstan te/ de la yang gnyis te/ blang bar bya ba dang spang bar bya ba gnyis so/ blang bar bya ba la so so'i mtshan nyid rnams te bye brag dug go /sngon la spang bar bya ba'i gnas bstan ba'i phyir/ gnod sbyin mo'i sbar rjes dang/ zhes pa la sogs pa bstan te/ gnod sbyin mo'i sbar rjes ni brag la gcan zan gyis brad pa 'dra ba yod pas/ grog po shar shor mang ba/ g.yon na g.ya' mchi ris 'dra ba yod pa/ g.yas na g.ya' sngon po ral gri 'dra ba 'am mdung 'dra ba 'am/ dgra sta 'dra ba yod pa ni gnod sbyin mtshon cha'i gshal rjes dang zhes bya'o 'byung po dag gi rgyu sa dang/ zhes pa ni ri thal ba gtor ba 'am/ mang po sna zug pa de lta bu'o/ /klu gdug dag gi rgyu srang dang zhes bya ba ni/ klu gdug pa yod pa'i chu dmig 'gram mam/ rgyu srang de btsan rgyu ba'i gong sum mo/ /rten dang 'brel ba'i gnas dag dang zhes bya ba rten te/ yul gyi lha 'dre gnyen po'i rten brag gam shing la sogs pa'i 'brel pa ni shing dang brag dang lha 'dre 'brel pa'i gnas te de la sogs pa'i gnas rnams su bsgrub na/ lan ma tho ba dang bcas par 'gyur te/ der tshe'i 'du byed byed par 'gyur ro/ /de sbangs na dngos grub ci 'dod pa myur bar 'od do/ da ni blang bar bya ba'i gnas rnams bstan pa'i phyir/ rdo rje brag chen gtams pa 'am zhes bya ba la sogs pas bstan te/ de yang sngon la rdo rje 'dzin pa'i gnas bstan pa'i phyir/ 'og nas 'byung ba'i mtshan nyid 'di gsungs so/ /rdo rje brag chen gtams pa 'am zhes bya ba ni shin tu brag rdo rje 'am sra ba dang/ mkhregs pa dang/ lhun sdug pa'o/ /ri bo 'dus pa'i rtse rnams zhes bya ba ni rin po che spungs pa 'dra ba'i rtse mo'o/ /mdangs bzangs gangs ri brag du zhes bya ba ni mdangs dga' ba'i gnas dang/ gangs ri te brag dkar po gangs ri dkar po rtse la yod pa
- 19b
dang brag dkar pa lhun sdug pa yod pa'i gnas de rnams su rdo rje 'dzin pa'i rnal 'byor pa'i bsgrub pa'i gnas so/ /'khor lo can gyi gnas bstan pa'i phyir/ phug dang dgon pa'i ri dag dang zhes pa la sogs pa bstan te/ phug dang dgon pa'i ri dag dang/ zhes pa ni spang phug bzang po kha shar du ltas pa 'am/ sngon gyi rnal 'byor pas bsgrubs pa'i dgon pa'i gnas sam spang ri zlum po'i shar du kha bltas pa'o/ /nags tshal dra ba gtibs pa 'am/ zhes bya ba ni lung pa kha shar du bltas pa'i nang na tshal chen pos gtibs nas yod pa 'am/ 'on te shar phyogs kyi ngos nas gtibs nas yod pa'o/ /mdangs bzangs shar du gzhol ba'i zhes bya ba ni shin tu mdangs dga' ba'i gnas de lta bu'i sangs rgyas 'khor lo can gyi gnas so/ /rin po che'i gnas bstan pa'i phyir 'og nas 'byung ba 'di gsungs so/ /rin chen sna lnga'i kha dog gam zhes bya ba ni/ shar dkar ba lho ser ba nub dmar ba byang ljang ba dbus sngo ba'i mtshan nyid dam/ yang na gnas de nyid nas tshon sna tshogs pa yod pa'o/ /rin po che zur brgyad dbyibs 'dra bar zhes bya ba ni/ ri nyid rin po che zur brgyad pa lta bu yod pa dang/ yang brag rin po che spungs pa 'dra ba dang/ yang na sa'i dbyibs rin po che 'dra ba'i gnas/ de ni rin po che bsgrub pa'i gnas yin par bshad do/ /de nas pad+ma'i gnas bstan pa'i phyir/ tsan dan zhes pa nas/ padmo bsgrub par de shis so zhes pas bstan te/ go sla'o ste pad+ma'i gnas so/ /las kyi gnas bstan te/ dur khrod ces bya ba nas sna tshogs rdo rje can gyi zhes pa bstan te sna tshogs rdo rje can gyi bsgrub pa'i gnas so/ /spyi'i gnas bstan te/ ri bran mang po 'dus pa'i spyi/ /ri bos bskor ba'i lhun 'phran tshal zhes pas bstan te/ spyi'i dkyil 'khor bsgrub pa'i gnas so// yang na rigs thams cad kyi yon tan cha dang ldan pas bshad ces bya ba ni gnas lnga'i mtshan nyid tshang ba ni spyi'i dkyil 'khor bsgrub pa'i sa'o/ /bla ma dang slob ma'i gnas rnams kyi mtshan nyid ma brtags na mi 'grub pa'i nyen dang kha na ma tho ba'i ya khar bcas pa ste/ dngos
- 20a
grub ring bas de'i phyir dngos grub ring zhes gsungs so/ /de'i mtshan nyid shes pa'i rnal 'byor pas spang blang gnyis bya ba'i phyir blo can gyis shes nas spang bar bya ba yin zhes bya ba yin gsungs so/ /de nas yang ting nge 'dzin dang ldan mi ldan gyi skyon bstan te/ rnal 'byor blo mchog mi ldan na zhes ba dang bder gshegs rgyal ba kun gyi gsungs zhes pa'i bar gyis bstan te go sla'o/ /ting nge 'dzin dang ldan gnas dang/ /slob ma la sogs pa gzhung dang mthun pa med kyang 'grub par bstan pa'i phyir/ blo dang ldan pa'i rnal 'byor pas zhes pa nas/ 'grub 'gyur 'di la the tshom med ces pas bstan to/ /ting nge 'dzin dang gnas la sogs pa gnyis char 'phrugs na dngos grub myur bar bstan pa'i phyir/ 'on kyang gnas dang slob ma dang/ /mtshan nyid rnams ni bshad pa yin/ zhes pa'i bar gyis bstan te go sla'o/ /de nas gnas la sogs pa rnyed nas sa'i 'du bar bya ba bstan pa'i phyir/ zhes pa la sogs pa bstan te/ mtshan mas dngos po gzhol ba'i phyir zhes pa ni lha'i dkyil 'khor ro/ /de'i dngos po rdzas su snang ba gzhom pa'o/ /lha'i dkyil 'khor bsgom pa'i gnas dang sa dang bar snang dang/ de yang rigs rnams so so gnas kyi mtshan ma ltar/ /brtags te rnyed nas nges par gzung ba'o/ /de nas sa sbyangs te de'i ting nge 'dzin bya ba'i phyir/ ting nge 'dzin rtse gcig pa zhes pas bstan te/ bdag nyid yi dam gyi lhar dran pa bya ba ni/ ting nge 'dzin gcig go nges sa sbyang ba ste/ de la yang gnyis yod de/ phyi'i sbyang ba dang nang gi sbyang ba dang ga'i? phyi'i sbyang? ba ni 'byung ba gsum gyis ji ltar sbyangs pa'o/ /nang gi sbyangs pa ni sa'i dngos po thams cad rang bzhin med de stong par bsgom mo/ /sa dang po med pa des kyang/ sa sbyang ba'i las su 'gyur zhes so/ /de nas yang sa gzhi byin gyis brlabs te/ de'i phyir de dbang 'gyur lha mo de zhes gsungs te/ sa gzhi byin gyis brlabs pa de'i tshe bdag nyid kyis sa'i lha mo spyan drangs te thugs ka'i hUM las 'od zer 'phros pa de las lcags kyur gyur te/ lcags kyus sa'i lha mo spyan drangs nas/ rnal 'byor gyi mdun na gnas par bsam mo/ /de la mchod pa 'bul ba'i
- 20b
phyir mchod pa ste/ sprin pa byas na zhes gsungs te/ sa'i lha mo de la mchod pa rnams dbul lo/ /de'i rjes lha mo'i dga' mdangs kyis khyod dkyil 'khor gyis gsung nas/ /lha mo nyid 'od du zhu de sa la thim pas sa yang rin po che'i sa gzhir gyur te de ka la spran ba zhes bya'o/ /ru tra rgol bas mi tshugs shing/ /byin dang ldan pas der 'gyur ro/ /zhes pa ni de ltar sa gzhi byin gyis brlab pa na/ rnam par rtog pa med cing bsod nams kyi tshogs bsag pa'i gzhir 'gyur ro/ /de nas sa gzhi de bslang ste/ /de'i phyir byin dang ldan pa'i sa gzhi de zhes pa la sogs pas bstan te/ byin dang ldan pa'i sa gzhi de zhes pa ni rigs dang mthun pa'i sa gzhi rnyed pa ni byin brlabs can gyi gnas de sa de lta bu de snang ba dang ste sa bdag gi rgyal po la sogs pa la slang ba'o/ /mi snang ba ste sa'i bdag po la ste sa bdag lha klu'o/ /de gnyis la slang ste/ rgyal po la sogs pa la bden pa smra zhing dag 'jam pas rin bcas te slang ngo/ /sa bdag lha klu la gtor ma byin la bden ba bdar la sa slang ba'i phyir/ thugs thub dang ras chod ma yin par rin dang bden pas sgrol slang/ /zhes gsungs pa yin no/ /de nas yang stegs bu'i las bstan ba'i phyir/ de nas stegs bu gru bzhi la/ /zhes pa la sogs pas bstan te/ de nas zhes pa ni chu'i pra dang sa'i bra rtags pa de ma thag pa de nas stegs bu gru bzhi par brtseg go zhes bya'o/ /stegs bu de la ba spu bya ste/ gang gis bya zhe na bdud rtsi rnam lngas skyang nul bya zhes pas bstan te/ bdud rtsi lnga dang sa bzhag mo bsres la shin tu 'thas par bya ste/ 'thug srab pa'i go ba tsam bya'o/ /de nas thig gdab pa'i las bstan pa'i phyir gos rgyan mdzes ma'i grogs mchog ma zhes bya ba la sogs pa bstan te/ gos brgyan mdzes ma'i grogs mchog ma zhes pa ni/ shin tu mdzes ma'i grogs mchog ma des khrus byas pa/ rgyan rnam ba sna tshogs pas brgyan te/ de la sku gsung thugs su byin gyis brlabs la/ sa'i thig skud bkal du bzhug ste/ de'i phyir gsal bar ldan nam byin brlabs la zhes gsungs pa yin te/ thig skud ring thung gi tshad ni dkyil 'khor rgya nyis 'gyur ro/ /de bas ched ldan rdo rje
- 21a
srang bu'i zhes brjod do/ /thig gdab pa'i sbyor ba bya zhes pa ni/ ras bal dkar po la tshon rtsi lnga pos kha dog bsgyur la/ de mnyam por bkal te/ yi ge lnga bkod la 'phro 'du'i so so'i skur bskyed do/ de la ye shes kyi rigs lnga dgug pa dang gzhug pa dang/ bcing ba dang bstan pa byas nas/ de la mchod pa 'bul bar bya'o/ /de'i rjes la 'od du zhu ste srang bu la thim mo/ /srang bu de grogs po la gtad de 'gu ru chu bdag du 'dug cing shi sha byad du 'dug ste 'di skad brjod do/ /dgongs shig rgyal ba 'khor dang bcas/ /nam mkha' gang ba'i bder gshegs rnams/ /thig gi sgra yis bskul nas ni/ /dus 'di sems can don rnams mdzod ces brjod la/ /ye shes thig gdab ste/ sngon la tshangs thig gnyis gdab/ de nas zur thig gdab/ de nas shar phyogs la sogs pa'i phyogs kyi thig rnams ji ltar 'dod do? pa bzhin du cha bgo zhing gdab bo de'i phyir thig gdab pa'i sbyor ba bya zhes gsungs pa yin no/ /de nas dkyil 'khor dri ba'i thabs bstan te/ de'i phyir 'gro ba blo rmongs mi shes pa zhes pa la sogs pas bstan te/ 'gro ba blo rmongs mi shes pa zhes bya ba ni/ 'gro ba bla rmangs shing mi shes pa bstan pa'i phyir/ bsnyan pa'i dkyil 'khor bri ste/ rnal 'byor pa bdag nyid lha'i ting nge 'dzin du 'jug pa'i phyir dang po las kyi sgor zhugs la zhes gsungs pa yin no/ /de nas tshon byin gyis brlab pa la sogs pa byas nas/ rab 'brid tham gsum ste/ rab ni rin po che sna lnga'o/ /'brid ni 'bras la sogs pa la tshon gyis kha dog bsgyur ba'i tha ma ni sa la byin gyis brlab pa'o/ /de'i phyir kha dog nyi shu rtsa lnga 'am/ lnga'i tshon gyis bri bar bshad/ /kha dog so so'i dkyil 'khor byang shar gyi mtshams nas mdzub gang mnyam por drang ste byin gyis brlabs nas 'dren kar 'di brjod do/ /hUM 'di ni chos dbyings dgab ste/ /de phyung rigs lnga'i ngo bor snang/ /sems can ma lus don bya'i phyir/ /tshon gyi las ni bdag gis btsams/ zhes brjod la ri mo 'di bri'o/ /ri mo de mtho dman du song na dngos grub med pa'i ltas so/ /yon por gyur na bgegs yod pa'i ltas so/ /chad par gyur na slob dpon dang slob ma gnyis ka
- 21b
'chi ba'i ltas so/ /ri mo de log par gyur pa gang yin pa byung pa'i dus de na/ phur pa gdab par bya ba yin te/ de yang phur pa sgrol bdag du byin gyis brlabs la/ hUM badzra kI li kI la ya sarba sha truM phaT ces brjod pas phur pa gdab bo/ /de nas rnam lnga'i tshon gyis dkyil 'khor dam pa de bri bar bya'o/ /de nas rdo rje 'dzin pa'i dkyil 'khor bshad pa'i phyir/ rab tu zlum po'i dkyil 'khor la zhes pa la sogs pa gsungs te/ rab tu zlum po'i dkyil 'khor la zhes bya ba ni/ dbus kyi pho brang bstan pa yin te/ rab tu zlum po bri ba ste/ lha rnams kyi nang rol cha chung phyed nas bskor ro/ / de'i nang rol cha chung zhig la bskor te bsdoms pas cha che chung phye dang gnyis la rdo rjer ba'o/ /thig bzhi gdab pas dkyil 'khor dgu zhes bya ba ni/ rdo rje ra ba'i dbus su thig cha chung ngu re re bzhag ste/ so so'i thig gzhan ma phyis pas phyogs bzhi mtshams bzhi ste brgya do dbus dgu'o/ /cha chung re re bzhag sa de rnams la rdo rje'i gdung bzhi dang/ rdo rje'i ka pa brgyad gnas so/ /gru chad par khyams sgo khyud bcas/ zhes bya ba ni gru chad ni lha rnams kyi nang rol/ rdo rje bum pa'i phyi rol/ bar 'khyams ni lha snam nyid do/ sgo khyud la sogs pa rta babs dang/ rin po che'i rgyan rnam pa sna tshogs gyis brgyan ta la'i skyed shing dang bya dang ba la sogs pa rgyas par bri'o/ /de nas dkyil 'khor la phyag mtshan dgod pa ni spyi'i dkyil 'khor du gsungs pa'i rim pa ji bzhin no/ /so so'i kha dog dang bzhugs thabs bstan pa ni/ dbus su sangs rgyas rdo rje 'dzin pa zhes bya ba la sogs pa gsungs te/ dbus su sangs rgyas rdo rje 'dzin zhes pa ni le tsha'i dbus ma gang yin pa'i bzhugs gnas te/ de'i gnas su nyon mongs pa thams cad spangs pa'i sangs rgyas phyin ci ma log pa'i don dam pa dang/ dus rtag tu mi 'brel bas rdo rje 'dzin pa de lta bu'i ngang tshul dang ldan pa de bzhugs so/ nam mkha' i dbyings dang 'khril ba'i tshul zhes bya ba ni stong pa dang snying rje dbyer med pa'i phyir nam mkha' i dbyings phyug ma/ 'khril ba'i tshul du bzhugs pa da gang na bzhugs pa zhe na/ pho brang gi dbus seng ge'i gang na de'i
- 22a
steng nyi zla pad+ma rin po che'i gdan la/ yang dag par gnas so/ /rnam pa'i mchog rnams rdzogs par yang gsal zhes bya ba ni/ mgur chu dang dpung rgyan dang sen mo do dang do shal la sogs pa'i rnam pa'i rgyan gyi mchog rnams yongs su rdzogs shing gsal bar bya'o/ /sku mdog ni mthing ga ste/ 'od zer lngas 'khrigs par yid kyis blta'o/ /de'i spyan sngar snang mdzad sems zhes bya ba ni/ rdo rje 'dzin pa de'i spyan sngar ni shar phyogs kyi le tshe de'i gnas su bsgom par bya'o/ /rdo rje dbyings dang thabs cig tu zhes bya ba ni/ rdo rje dbyings phyug ma dang 'khril ba'i tshul gyis stobs glang po che'i gdan la yang dag par gnas pa ste/ sku mdog dkar po 'od zer lngas 'khrigs pa kha dog dkar po 'od 'bar ba'o/ /zhes gsungs pa yin no/ /rin chen sems pa g.yas su ste/ zhes bya ba ni rdo rje 'dzin pa zhal shar du gzigs pa ste/ de'i g.yas gang yin pa ni lho phyogs gyi le'u tse ste de'i gnas su bsgom par bya'o/ /rin chen dbyings phyug ma dang bcas zhes bya ba ni/ sems can dgos 'dod re ba yid bzhin du skong ba'i rin chen dbyings phyug ma de dang/ 'khril pa'i tshul gyis rdzu 'phrul rta'i khri la yang dag par bzhugs so/ /'dzam bu na ti'i gser 'od 'dra zhes bya ba ni/ sku mdog ser po gser gyi 'od 'dra ba ste/ 'od zer lngas 'khril ba'i rgyab tu chos kyi sems pa ste/ zhes bya ba ni/ rdo rje 'dzin pa'i rgyab ni nub ste/ nub kyi le'u tse la chos kyi sems pa bsam par bya ba'i gnas yin te/ de'i gnas su bsam par bya'o/ /chos kyi sems mar bcas pa dang zhes bya ba ni/ sems can gyi don mdzad kyang 'khor ba'i skyon gyis ma gos pa'i chos kyi sems ma de dang 'khril pa'i tshul du dbang rma bya'i khri la yang dag par bzhugs so/ /sku mdog dkar po rgyan thams cad kyis brgyan pa ste/ de'i phyir dmar po pad+ma rA ga'i mdog ces bstan pa yin no/ /las kyi sems pa'i g.yon du ste/ zhes bya ba ni/ rdo rje 'dzin pa'i g.yon gang yin pa de byang gi phyogs kyi le'u co ste/ gnas de ru las kyi sems pa bsam par bya'o/ /las
- 22b
kyi dbyings phyug ma dang 'khril zhes bya ba ni/ chos thams cad rang gi ngo bos ma skyes pa'i ngang du mdzad pa'i las kyi dbyings phyug ma dang/ 'khril ba'i tshul gyis nam mkha' lding gi khri chen la yang dag par bzhugs so/ sku mdog ljang gu in+d+ra ni la'i mdog 'dra'o/ /phyi nang sems dpa' sems ma rnams zhes bya ba ni dkyil 'khor gyi bar 'khyams la bsam par bya ba ste/ shar phyogs kyi 'khyams la pad+ma dkar po'i gdan stangs su byang chub sems dpa' sa'i snying po sku mdog dkar po phyag g.yas na rin chen 'bar ba/ g.yon pas rtsa ba bzung nas la se dkar mo dang/ 'khril ba'i tshul gyis bzhugs so/ /lho phyogs kyi khyams la nam mkha' i snying po sku mdog sngon po phyag na ral gri bsnams nas ma lo sngon mo dang 'khril ba'i tshul gyis pad+ma sngon mo'i gdan la bzhugs so/ /nub phyogs kyi khyams la byang chub sems dpa' spyan ras gzigs dbang phyug sku mdog dmar mo/ phyag na pad+ma bsnams pa gir ti dmar mo sku la 'khril nas pad+ma dmar po'i gdan la bzhugs so/ /byang phyogs khyams la byang chub sems dpa' phyag na rdo rje sku mdog ljang gu phyag na rdo rje rgya gram bsnams nas nir ti ljang gu'i sku la 'khril ba'i tshul gyis pad+ma ljang gu'i gdan la bzhugs so/ /de ni nang gi sems dpa' dang sems ma'o/ /shar lho mtshams kyi khyams la byang chub sems dpa' byams pa mai tri sku mdog dkar skya phyag na klu shing bsnams nas/ du be dkar mo sku la 'khril nas pad+ma dkar skya'i gdan la bzhugs so/ /lho nub kyi khyams la byang chub sems dpa' sgrib pa rnam par sel ba/ sku mdog ser po phyag na pu ti bsnams nas puShpe ser mo'i sku la 'khril nas bad ser gdan la bzhugs so/ /nub byang gi khyams la byang chub sems dpa' kun tu bzang po sku mdog dmar po/ /phyag na rin po che bsnams nas a lo ke dmar mo sku la 'khril nas pad+ma dmar mo'i gdan la bzhugs so byang shar mtshams kyi khyams la byang chub sems dpa' 'jam dpal gzhon nu sku mdog ljang gu phyag na ud pa la bsnams nas gnod ljang gu'i sku la 'khril te pad+ma ljang gu'i khri la bzhugs so/ /de ni phyi'i sems dpa' dang sems ma'o/ /de rnams bstan pa la ni phyi nang sems dpa' sems ma rnams zhes
- 23a
gsungs pa yin no/ /phyi nang gang la'ang de bzhin bri zhes pa ni nang gi sems dpa' dang sems ma rnams kyi dkyil 'khor 'dri ba'i dus na nang gi gru chad la bri bar bya'o/ /phyi'i sems dpa' dang sems ma rnams ni phyi'i gru chad la bri bar bya'o/ /bsgom par bya ba'i gnas skabs na ni khyams thabs phyogs dang mtshams su bsgom par bya/ bar khyams dag la sprul sku dang zhes bya ba ni bar khyams kyi shar phyogs su pad+ma ser po'i gdan la sprul sku shAkya thub pa sku mdog ser po phyag na bseg par bsnams nas bzhugs so/ /shar lho phyogs kyi khyams la pad+ma dkar po'i gdan la sprul sku brgya byin thub pa ni/ sku mdog dkar po phyag na pi bang bsnams nas bzhugs so/ /lho'i khyams la pad+ma mthing ga'i gdan la sprul sku dmyal ba'i thub pa ni sku mdog mthing na gshin rje'i zhes bya ba phyag na me chu bsnams pa'o/ /nub phyogs kyi khyams la sprul sku byol song gi thub pa ni/ sku mdog smug po a ba glang mgo can zhes bya ba phyag na po ti bsnams nas pad+ma smug po'i gdan la bzhugs so/ /nub byang gi khyams la sprul sku lha ma yin gyi thub pa sku mdog sngon po thag bzangs ris zhes bya ba phyag na ral gri bsnams nas pad+ma sngon po'i gdan la bzhugs so/ /byang phyogs kyi khyams la sprul sku yi dags kyi thub pa kha 'bar ma zhes bya ba sku mdog ljang gu phyag na rin po che'i sgrom bu bsnams nas pad+ma ljang gu'i gdan la bzhugs so/ /shar phyogs kyi khyams dang nub phyogs gnyis kyi khyams la kun tu bzang po yab yum gnyis bsgoms te/ sku mdog dkar po phyag na rdo rje bsnams so/ /yum gyi phyag na dril bu'o/ /sgor ni sgo ma dang bcas pa zhes bya ba ni shar phyogs kyi sgor khro bo rnam par rgyal ba sku mdog mthing nag phyag na mi mgo gdengs pa bsnams nas/ me dpung 'bar ba'i dkyil na rta gdong lcags kyu ma sku la 'khril nas bzhugs so/ /lho phyogs kyi sgor ni khro bo gshin rje gshed sku mdog dud ka phyag na be con bsnams nas/ yum phag gdong zhags pa ma dang gnyis 'khril ba'i
- 23b
tshul gyis me dpung gi dbus na bzhugs so/ /nub phyogs kyi sgor ni khro bo rta mgrin sku mdog dmar po phyag na thod sprul dang zhags pa'o/ /yum nyi zla lcags sgrog ma dang 'khril ba'i tshul gyis me dpung nang na bzhugs so/ /byang phyogs kyi skor ni khro bo bdud rtsi 'khyil pa sku mdog ljang gu phyag na rdo rje rgya gram bsnams nas yum thal byed dril bum sku la 'khril nas me dpung nang na bzhugs so/ /'di ji ltar rgyas par bstan pa bzhin du dkyil 'khor phyi ma rnams la yang de bzhin du shes par bya ste/ dkyil 'khor 'di ni dkyil 'khor dam pa yin te/ dkyil 'khor thams cad 'di las 'byung ba'i phyir na/ sangs rgyas rdo rje 'dzin pa'i dkyil 'khor nyams dga' dam pa'o/ zhes gsungs pa ste/ rin po che 'dra ba'i gang zag la bstan pa'o/ /de nas pad+ma dkar 'dra'i gang zag la bstan pa'i phyir/ sangs rgyas 'khor lo can gyi dkyil 'khor gsungs te/ gtso bo gang yin pa bsgyur bar shes par bya ste/ bri ba dang lha'i sku mdog la sogs pa rgyas par gong du gsungs pas kun la shes par bya'o/ /'khor lo can gyi dkyil 'khor bstan pa'i phyir/ sangs rgyas 'khor lo can gyis gsungs zhes pa nas/ rdo rje 'dzin pa 'dra ba yin zhes pa'i bar gyis bstan to/ /de nas pad+ma 'dra ba'i gang zag la rin chen dkyil 'khor bstan pa'i phyir/ rin chen dkyil 'khor dam pa ni zhes pa nas rdo rje 'dzin pa'i lho phyogs su zhes pa'i tshig lngas bstan to/ /de nas tsan dan 'dra ba'i gang zag la/ /pad+ma'i dkyil 'khor bstan pa'i phyir/ /pad+ma 'dab ma brgyad pa la/ /zhes pa'i tshig bzhis bstan to/ /de nas ud pa la 'dra ba'i gang zag la/ /las kyi dkyil 'khor bstan pa'i phyir/ /sna tshogs las kyi dkyil 'khor zhes pa nas gzhan yang de bzhin rgyas par bri zhes pa'i bar gyis bstan te go sla'o/ /de nas dkyil 'khor de dag la rgyan bkod pa bstan pa'i phyir/ dkyil 'khor nyams dga' de dag la/ zhes pa la sogs pa gsungs te/ bum pa brgyad dam brgyad gnyis la zhes bya ba ni bum pa brgyad dang/ yang bcu drug tu byas la de'i nang du blugs pa'i rdzas bstan pa'i phyir/ ci 'byor btung ba snum po 'am zhes pa la sogs pa gsungs te/ ci 'byor btung ba snum
- 24a
po 'am zhes bya ba ni/ 'byor pa bza' ba'i bye brag bu ram la sogs pa ci 'byor pa glugs te che ba'i yon tan gyis brgyan pa'i rtags so/ /bdud rtsi lnga'am rin chen bcas zhes bya ba ni/ sman lnga blugs pa de byang chub kyi sems kyi rtags so/ /'bru lnga'i lha rnams kyi mtshan ma'i rtags so/ /rin po che lnga ni lha'i sku mdog gi rtags so/ /gang ba'i rin chen bum pa ni zhes bya ba gong ma'i rdzas rnams kyis kyang gang ba'o/ /dang po gser gyi bum par yang bshad ces bya ba ni rdo rje 'dzin pa'i dkyil 'khor la brgyan par bya'o/ /gnyis pa shel dang dngul gyi de zhes bya ba ni sangs rgyas 'khor lo can gyi'o/ /gsum pa bai DUrya'i zhes bya ba ni rin po che'i rgyan no/ /bzhi pa zangs kyi bum par bya zhes bya ba ni/ pad+ma'i dkyil 'khor gyi rgyan no/ /lnga pa lcags kyi bum par bshad ces bya ba ni/ sna tshogs las kyi dkyil 'khor gyi'o/ /drug pa la ni sna tshogs pa/ /bum pa gang bar bzhag par bya ba zhes bya ba ni spyi'i dkyil 'khor gyi bum pa'o/ /gzhan yang rgyan gyi khyad par dang/ rol mo yid 'ong ci 'byor dang/ zhes bya ba ni bum par ma zad de bla re dang 'phan dang gdugs rgyal mtshan dang ba dan dang dar gyi lda ldi dang rgyan gyi khyad par mang pos brgyan no/ /der ma zad de sbos dang gar dang glu dang rnga dang rnga bo che dang rdza rnga dang pi bang dang/ gling bu dang cang te'u dang cha lang dang dril bu la sogs pa sgra mang po thogs la dkyil 'khor la bskor ba bya'o/ /mchod pa'i yo byad thams cad dang/ gtor ma la sogs mdzes par dgram zhes bya ba ni mchod pa'i yo byad de sbos dang me tog dang mar me dang dri chab dang a rgal sogs pa rim pa ma nor bar bkram mo/ /gtor ma la sogs pa ni phyogs skyong gi gtor ma la sogs pa mang po bkram mo/ /de nas rnal 'byor bas bsgom pa'i rim pas bya ba bstan pa'i phyir/ de nas rnal 'byor can gyis ni zhes bya ba la sogs pa bstan te/ de nas rnal 'byor can gyis ni zhes bya ba ni/ dkyil 'khor 'khor lo'i rgyan la sogs pa thams cad bkram pa'i de ma thag pa de nas/ rnal 'byor pas ting nge 'dzin bsgom pa'i rim pa bya'o/ /de yang ji ltar bya
- 24b
zhe na/ dang por de bzhin nyid kyi ting nge 'dzin bsgom par bya ba dang/ gnyis pa kun tu snang gi ting nge 'dzin bsgom par bya ba dang/ gsum pa rgyu'i ting nge 'dzin bsgom par bya ba ste/ rgyu'i yi ger gnas pa'i skabs nyid na/ dbang chen gyi dkyil 'khor bskyed pa'i gong du gsungs pa'i rim pas bskyed pa ste/ rten gyi dkyil 'khor gdan dang bcas pa'i rjes thogs su rten can gyi dkyil 'khor bskyed de/ gong ma'i rig pa ji bzhin du bya ba ste/ rten can gyi 'khor lo rdzogs pa'i rjes thogs su sku gsung thugs su byin gyis brlabs nas/ phyag rgya bzhis rgyas gdab bo/ /de nas dbang nod pa de dbu rgyan la sogs pa la rigs lnga char gyis brgyan pa'o/ /lhag ma rnams ni rang re rigs lnga so so'i rgyan kho na'o/ /de yan chad du bsnyen bsgrub yan lag bzhi tshang ste/ gtso bo'i sku yan lag du bcas par rdzogs pa ni bsnyen pa'o/ /'khor gyi sku bskyed pa ni nye ba'i bsnyen pa'o/ /sku gsung thugs byin gyis brlab pa ni bsgrub pa'o/ /ye shes sems dpa' bsgom pa ni bsgrub pa chen po ste/ spyir bsnyen bsgrub bzhi'o/ /de nas ye shes sems dpa' i dkyil 'khor spyan drangs te/ bdag nyid kyi thugs kar yi ge hUM las 'od zer 'phros pas/ 'od zer ram/ lha mo lcags kyu mar gyur te/ lha mo de rang bzhin grub pa'i gnas nas ye shes kyi dkyil 'khor pho brang dang bcas par mdun gyi nam mkha' la byon pa dang/ de la phyi nang mchod pas mchod do/ /mchod pa'i rjes la bstod pa yang bya ste rdo rje'i tshig tu 'di skad brjod do/ /hUM chos sku ye nas dag pa la?/ / 'khrul pa'i mtshan ma med pa ste/ /sems can 'khor bar 'khyams don du/ /gzugs brnyan ston pa khyod la bstod ces brjod do/ /zhags pa mas lho sgor zhugs pa dang lcags sgrog mas bstim pa dang/ dril bu mas dgyes par bya ste/ nam sems can gyi don ma grub kyi bar du bstan par bya'o/ /de ltar ting nge 'dzin gyi rim pa bya ba'i phyir/ dbyings nas dkyil 'khor spyan drangs mchod ces gsungs pa yin no/ /de nas dam tshig gi dkyil 'khor dang/ ye shes kyi dkyil 'khor cig 'gyur ba de la mchod pa dbul te/ bdag nyid kyi thugs ka nas 'od zer
- 25a
'phros pas/ 'od zer las lha mo'i tshogs la sel sogs pa mang po sprul te/ de bzhin gshegs pa thams cad la slar thim /de bzhin gshegs pa rnams kyi thugs ka nas/ lha mo mang po slar 'thon nas/ /bdag nyid dkyil 'khor dang bcas pa la mchod pa dang stod pa byad pa de'i phyir/ mnyes nas nye bar gyur ba'i dang zhes gsungs so/ /las bzhi'i mchod pa brtsam byas te/ zhes bya ba ni/ mi 'dra ba bzhi ste/ gzugs sgra dri ro reg la sogs pa'o/ /dbyibs dang kha dog mtshan mar bcas zhes bya ba ni/ dbyibs ring bo dang thung du dang zlum po dang gru bzhi dang ngo/ /kha dog dkar po dang ser po dang dmar po la sogs pa'o/ /lha so so'i phyag na 'dod pa'i yon tan bsnams nas mchod pa'i phyir/ gzugs sgra dri ro reg bya yis zhes gsungs pa yin no/ /mchod pa'i lha mo de rnams kyis/ /bdag dkyil 'khor pa rnams la mchod pa'i phyir/ mchod sbyin stobs pa'i las rnams bya zhes gsungs pa yin no/ /kun rdzob kyi bden pa 'ba' zhig bstan pa'o/ /de nas slob ma la dbang bskur ba'i rim pa bstan pa'i phyir/ de nas rigs kyi bu mchog de zhes pa la sogs pa gsungs te/ de nas rigs kyi bu mchog de zhes pa ni /slob dpon nyid kyi rang bzhin gyi dkyil 'khor du dbang nos pa de'i de ma thag pa de nas gzhung mthun pa'i slob ma de ste/ rigs so so'i mtshan nyid gang dang ldan pa de la dbang bskur ba brtsam par bya'o/ /gsang ba'i dkyil 'khor bstan par bya zhes bya ba ni/ nyan thos las gsang ba'i phyir gsang ba ste/ brnyan ma'i dkyil 'khor de bstan par bya'o/ /ci dga' zhes dris nas ni zhes bya ba ni/ slob dpon kyis dris pa'i bka' lung de gnang ba gsal ba'i tshig go bdag ni 'di la dga' ba'o/ /zhes bya ba ni/ slob ma'i bdag ni gsang ba'i dkyil 'khor la lta bar 'tshal lags so/ /zhes pa ste zhus tshig go /'jug pa pos kyang lan du sbyin zhes pa ste/ gong gi tshig nyid la bsnyags so/ /de nas mna' brtag pa'i phyir/ bla ma lung ldan dam pa des/ /ma na'i rdo rje sbyin pa'i phyir/ /bzlas pa'i chu ni glud par bya/ zhes gsungs te/ bla ma lung dang
- 25b
ldan pa'i dam pa des/ /slob ma mas mi mnga' bar bya ba'i phyir/ pad+ma'i nang du bdud rtsi lnga sbyar ba/ /de la sngags 'di brgya rtsa brgyad du bzlas la blud do/ /oM sarba pany+tsa a mri ta kuN+Da li hUM zhes brjod la/ de nas blud de rdo rje tshig du yang 'di skad yang brjod do/ /'di ni khyod kyi dmyal ba'i chu/ dam tshig nyams na sreg par byed/ /dam tshig bsrungs na dngos grub rgyu/ /rdo rje bdud rtsi chu 'dis 'grub ces brjod la blud de/ /de na dam tshig bstan pa'i phyir/ /gsang ba'i dam tshig sgrags zhes bya ba la sog pa gsungs te/ gsang ba'i dam tshig 'og nas 'byung ba 'di dag bsgrags so/ /skal dang ldan pa'i rigs kyi bu/ /khyod kyis bsrung bar bya ba ni/ /chos nyan pa'i skal dang ldan pa rigs kyi bu zhes slob ma la bos nas khyod kyis bsrung bar bya ba ni 'og nas 'byung ba 'di rnams bstan to/ /zhes bstan par bya ba'i phyir/ lha dang bla ma sbun mi spangs zhes pa la sogs pa gsungs te/ lha dang bla ma spun mi spang zhes bya ba ni yi dam gyi lha dang rtag tu 'grogs par bya ba dang/ rdo rje spun rtag tu mi 'bral ba dang/ rdo rje slob dpon bla ma dam pa ste mi spang ste rtag tu rten par bya'o/ /sngags dang phyag rgya de bzhin de zhes bya ba ni gsang ba'i sngags bzlas pa dang/ de bzhin gshegs pa'i phyag rgya bcas ba dang mi 'bral bar bya'o/ /gsang ba gzhan la spel mi bya zhes bya ba ni/ gsang ba'i man ngag 'di lta bu yin zhes snod ngan pa la bsgrags par bya ba ma yin no/ /bsgrub pa'i rdzas ni rnam pa lnga rtag tu bza' zhing bca' bar bya zhes bya ba ni/ bsgrub pa'i rdzas rnam pa lnga ni zla ba nyi mchu smad dri dang lnga ste/ dus rtag tu bza' zhing spyad par bya'o/ /sha lnga dang ni chang lnga dang/ /'dod pa rnams ni rtag tu bsten zhes bya ba ni/ sha lnga ni glang po'i sha dang/ rta'i sha dang khyi'i? sha dang nam mkha' lding gi sha dang sha chen te lnga'o/ /'dod pa rnams ni 'dod chags chen po dang/ zhe sdang chen chen po dang/ gti mug chen po dang/ nga rgyal chen po dang/ phrag dog chen po dang/ de rnams ni mi spang ste/ rtag tu bston par bya ba'o/ /sbyor dang sgrol dang 'phra ma dang/ /mi snyan sku dang sbyad par bya zhes bya ba ni/ sbyor
- 26a
ba'i yang dag pa'i don la sbyor ba'o/ /sgrol ba ni gnyis med pa'i dang du khams gsum gyi sems can sgrol ba'o/ /'phra ma de phyin ci log dang brel ba'o/ mi snyan pa ni yang dag pa'i don la yid ches pa'i tshig smra ba'o/ /sku ni gnyis su med pa'i don te gzhan gyis ma byin yang blang bar bya ba'o/ /spyad par bya ba ni gnyis su med pa'i byang chub kyi sems de ni spyad par bya'o/ /dka' thub dka' ba spyad mi bya/ /khrims dang sdom pas bcings pa min/ /zhes byab ni yang dag pa'i don la yid ches pa med na dka' thub khrims nyis brgya lnga bcu bsrung bar yang lus ngag yid gsum gyi sdom pa byas kyang rnam par rtog pas bcings ba ste/ de ltar byas pa ma yin no/ /yang dag pa'i don la yid mches na ni ji ltar byas ba rtog pa'i don yin no/ /snying nas slob dpon smod pa ni/ /bsgrubs kyang 'grub par mi 'gyur ro/ /zhes bya ba ni snying gi gting nas zhe sdang skyes te slob dpon thabs g.yo yis smod na thabs kyi sgo nas bsgrubs kyang dngos grub thob par mi 'gyur ro/ /de ni dkyil 'khor du bzhugs pa'i rim pa ste/ dkyil 'khor dang po bsgrubs pa'i dbang zhes bya'o// de nas dkyil 'khor bstan pa'i rjes su bum pa'i dbang bskur ba brtsam te/ bum pa brgyad dam bcu drug rnams gcig tu bsdom pa las/ 'on te rang las bya ste/ hUM las rdo rjer 'gyur/ rdo rje las mi bskyod pa'i skur bskyed do/ /de la dgug dang gzhug dang gti ma byas nas/ de nas dkyil 'khor bstan pa'i rjes su bum pa'i dbang bskur ba brtsam te/ bum pa brgyad dam bcu drug rnams gcig tu bsdom pa las/ 'on te rang las bya ste/ hUM las rdo rjer 'gyur/ rdo rje las mi bskyod pa'i skur bskyed do/ /de la dgug dang gzhug dang gtim byas nas/ mchod pa dang bstod pa bya ba'i rjes la mi bskyod ba zhu nas chu'i gzugs su gyur te/ des dbang bskur ba ni/ gnyis pa rdo rje rgyal po'i dbang zhes bya'o/ /de nas cod pan gyes dbang bskur te/ swa las rin po che las rin chen 'byung ldan gyi skur gyur te/ de la yang dgug pa dang bstod pa yan chad bya ste/ de yongs su gyur pa las cod pan gyi gzugs su gyur te/ nges dbang bskur ba ni gsum pa gsang ba'i gsang ba nyan ba'i dbang zhes bya'o/ /de nas rdo rje'i dbang sbyin te/ aM las pad+ma las snang ba mdza' yas kyi skur gyur te de la
- 26b
mchod bstod bya ste/ de yongs su gyur pa las rdo rjer gyur te nges dbang bskur ba ni bzhi bar chad pa'o dbang yang sbyin zhes bya'o/ /de nas dril bu'i dbang bskur yi ge ha las ral gri de yongs su gyur pa las don yod grub pa'i skur gyur te/ de la mchod bstod? bya ste/ de yongs su gyur pa las dril bur gyur te/ des dbang bskur ba ni las kyi dbang ni lnga bar sbyin zhes bya'o/ /de nas ming gi dbang bskur te slob dpon gyi lag bslob? ma'i mgor bzhag ste/ rdo rje tshig tu yang 'di skad brjod de/ khyod ni sangs rgyas dngos yin te/ /rab tu bsngags pa'i gsang ba'i ming/ /rdo rje che ge mo zhes pa/ /de ring khyod la dbang bskur ro zhes pa ni drug pa rab 'byams rgyal po'i dbang zhes bya'o/ /de nas slob dpon gyis dbang bskur ba dang/ gsang ba'i dbang dang shes rab kyi dbang dang ye shes kyi dbang ste/ de rnams la sog pa'i dbang rnams ji snyed pa tshang bar bskur du rung bar bshad ces gsungs so/ /de nas drin la lan gyis glan pa'i phyir yon dbul bar bstan te/ de'i phyir nas dbang thob bya'i phyir zhes bya ba la sogs pa bstan te de nas dbang mchog thob bya'i phyir zhes bya ba ni/ dbang bskur ba'i de ma thag ba de nas/ de dbang gi mchog rnams thob par bya ba'i phyir yon dbul lo/ /rigs kyi bu mchog de dag gis zhes bya ba ni/ rigs so so'i mtshan nyid dang ldan pa'i bu mchog gang yin pa de dag gis/ yon gyi mchog rang gi bye brag gi dbul te/ de yang srog lus la ma 'jungs pa'i sems kyis dbul te/ de'i phyir yon mchog dag ni dbul bar nges/ srog lus man chad rdzas kyi rnams/ ma 'dungs pa'i sems kyis dbul te/ zhes pa la sogs pa gsungs pa yin no/ /de nas rdo rje 'dzin pa'i yon bshad pa'i phyir/ rang gi lus dang sems dga' dang zhes pas bstan te/ rang gi lus dang sems dga' dang zhes bya ba ni/ rang gi lus dbul gyis bzhes shig bdag gi sems dbul gyis bzhes shig pa ste/ lus ngag yid gsum gyi sgo nas slob dpon dam pa mnyes byed pa'o/ /snying yang yon gyi mchog yin
- 27a
te zhes bya ba ni/ snying brtse zhing gdung ba ni yon gyi mchog dam pa'o/ /sems kyi dgongs pa gang dang gang zhes bya ba ni/ slob dpon dam pa de'i thugs dang ji ltar 'tsham pa gang dang gang ste/ de dang de ru dbul bar bya'o/ gong du bstan pa'i yon rnams ni/ rdo rje 'dzin gyi yon du bshad do/ /de nas sangs rgyas 'khor lo can gyi yon bstan te/ mi chen dag ni 'dod pa yi/ /yon tan sna tshogs dbul ba ni/ /zhes bya ba ni mi chen ni bran gyi nang na snying nye dbul ba dang/ rdzas sdug pa dbul ba dang/ 'dod pa'i yon tan lnga la sogs pa dbul ba ni/ sangs rgyas 'khor lo can gyi yon yin no/ /de nas rin po che'i yon tan te/ rin po che dang nor gyi dbyig /ji snyed pa thams cad ni zhes bya ba ni/ rin po che sna lnga la sogs pa thams cad dang/ nor gyi dbyig phangs pa thams cad dang/ ci 'os shing mtsham pa'i nor ji snyed yod pa thams cad ni/ rin chen 'dzin gyi yon yin no/ /de nas padmo'i yon bstan te/ ma dang bu mo chung ma dang zhes bya ba ni ma las zhes pa med de bu mo dang chung ma dang snying du sdug pa dbul lo/ /sring mo shin tu brgyan pa dang zhes bya ba sring mo la gzi g.yu la sogs pa rin po che sna tshogs pas brgyan la dbul bar bya'o/ /mi'i ming dang mtshan ma can zhes bya ba ni/ rta la sogs pa mi'i mtshan ma yong ba dang/ dud 'gro'i rigs mo'i mtshan ma yong pa de rnams padmo can gyi yon yin no/ /de nas las kyi yon bstan te/ glang po rta dang shing rta dang zhes bya ba ni/ glang po che dang rta bzang po dang/ shing rta legs mo dang/ der ma zad de byol song ji ltar 'degs che ba rnams dbul ba'i phyir ro/ /chogs rnam pa sna tshogs dang/ theg pa'i bye brag thams cad kun zhes pa gsungs te/ sna tshogs rdo rje'i yon yin no/ /de nas spyi'i dkyil 'khor gyi yon ni sangs rgyas kun la zhes pa nas/ spyi'i dkyil 'khor dag tu dbul zhes pa tshig lngas brtan go sla'o/ /de nas yon de rnams slob dpon la phul bar ma zad de/ shes rab ma la yang dbul bar bstan pa'i phyir/ dkyil 'khor dag gi de
- 27b
dag tu zhes pa la sogs pa gsungs te/ gong du gsungs pa'i dkyil 'khor de dag tu sbas pa dang gsang ba'i dbang bskur na/ de'i rkyen gzungs ma de dang de dag la yang gong du gsungs pa'i yon gyi bye brag de dang de dag dbul lo/ /de nas dbang rtags sbyin pa bstan pa'i phyir/ ? ? mchog la zhes pa la sogs pa gsungs pa bstan te/ dbang mchog thob pa'i rigs kyi bu mchog de la ni dang po kho nar sems bskyed pa brjod par bya zhing 'di lta ba'i rgyu des 'bras bu 'di lta ba thob pa'i gtan tshigs sbyin de de'i phyir dang po sems kyi gtan tshigs sbyin zhes gsungs so// gnyis pa phyag rgya bsgom pa gtad ces bya ba ni/ dbang gnyis pa thob pa'i rtags ni rten dang rten du snang ba bsgoms pa'o/ /gsum pa gsang ba'i nges don bshad/ ces bya ba ni/ dbang gsum pa'i rtags su yon tan gyi che rnams te/ rten gyi yon dang rten can gyi yon tan bsgrags ba'o/ /bzhi par chos kyi glegs bam bshad ces bya ba ni dbang bzhi pa thob pa'i rtags ni gsung rnam par dag ba ste/ gzhan dang gzhan don la rgyu'i chos ston ba'o/ /lnga par las bzhi'i rgya rtags sbyin zhes bya ba ni/ dbang rdzogs pa'i rtags su 'phrin las rnam pa bzhi rtags sbyin pa'o/ /drug par rin ba'i bdun nam/ rdzas kyi khyad par can dag dang/ /yang na sna tshogs tshang bar sbyin zhes bya ba ni/ dbang drug pa rdzogs pa'i rtags du rdo rje las drangs pa'i ming ste/ rin po che sna bdun gyis mjug bsdus pa'i ming gdags pa ste/ gsang ba'i ming ngo/ der ma zad de rdzas kyi khyad par rin po che sna bdun nyid du yang sbyin par bya'o/ /der ma zad de yang sna tshogs pa'i rtags sbyin par bya'o/ /de nas dbang ji ltar thob pa'i rmi ltas bstan pa'i phyir/ dbang mchog thob pa'i rmi ltas na zhes bya ba la sog pa gsungs te/ slob ma sta gon la gnas nas ku sha'i stan la seng ge'i nyal thabs kyis nyal ba'i dus na/ dbang ji ltar thob par 'ong ba'i rmi ltas dag dang 'byung bar des te/ de yang 'og nas 'byung ba 'di rnams te/ des yang sngon la rdo rje 'dzin pa'i dbang thob pa'i rmi ltas bstan pa'i phyir/
- 28a
rang gi sems la dbang thob dang zhes bya ba nas/ /mthong nas rdo rje 'dzin pa'i dbang thob pa'i snga ltas yin par nges zhes pas bstan te/ dgrol mi dgos dkyus nyid na gsal lo/ /de nas sangs rgyas 'khor lo can gyi dbang thob nas 'ong ba'i sde ltas bstan pa'i phyir/ lus kyi rdzu 'phrul thob pa dang zhes pa nas 'khor lo can gyi dbang thob ltas zhes pa'i bar gyis bstan te/ dkyus nyid gsal lo/ dgrol mi dngos so/ /de nas rin po che'i dbang thob pa'i snga ltas bstan pa'i phyir/ rin chen sna tshogs sbyor ba dang zhes pa nas/ rin chen rigs kyi dbang thob ltas zhes pa'i bar gyis bstan te go sla'o/ /de nas pad+ma'i dbang thob nas 'ong ba'i snga ltas bstan ba'i phyir/ pad+ma'i rdzi ngan rtse ba dang zhes pa nas/ rdo rje chos kyi dbang thob yin zhes pa'i bar gyis bstan te dkyus nyid gsal lo/ /de nas sna tshogs rdo rje dbang thob pa'i snga ltas bstan pa'i phyir/ las rnams kun la 'jug pa dang/ zhes pa nas sna tshogs rdo rje'i dbang thob ltas zhes pa'i bar gyis bstan te go sla'o/ /de nas phyi'i dbang thob pa'i snga ltas bstan pa'i phyir/ rmi lam mtshan ma ji snyed pa la sogs pa gsungs/ gong du bstan pa'i rmi ltas dang mtshan ma dang ji ltar rmis shing mthong ba de rnams spyi'i dbang thob pa'i rtags so/ /yang na ci yang ma mthong ba'am zhes pa ni gong du bstan pa'i ltas rnams med do/ /rmi lam na chos nyid stong ba 'di lta bu yin no zhes ston cing bdag gis kyang bstan pa'i rmi lam na gtogs pa'o/ /sngon sum gsang ba thams cad kun zhes bya ba ni rmi lam du mngon gsum dang 'dra bar khyod kyis lus la ni 'khor lo rnam pa bzhi yod do/ zhes ston pa dang rang gis kyang yid kyi yul du gsal ba mthong ba de ni ci'i dkyil 'khor gyi dbang thob pa'i snga ltas? su rung bar bshad do/ /de nas dbang thob pa'i yon tan bstan pa'i phyir/ gang zhig dkyil 'khor 'di dag tu/ zhes pa la sogs pa bstan te/ gang zhig dkyil 'khor 'di dag tu zhes bya ba ni rigs kyi bu gang su yang rung ba'i dkyil 'khor gong du gsungs ba'i bye brag de
- 28b
dag tu zhugs nas dbang thob pa'i gang zag de'i yon tan ni 'og nas 'byung ba 'di rnams so/ /'jig rten gtso dang 'khor gyis bskur zhes bya ba ni/ 'jig rten 'di na dbang che ba'i gtso bo dang/ de'i 'khor rnams kyis bskur ste byang par 'gyur ro/ /tshe ring bde ba phun sum tshogs pa zhes bya ba ni/ 'jig rten 'di ru tshe ring zhing longs spyod phun sum tshogs par 'gyur ro/ /kun gyis bstod cing bkur ba dang zhes pa ni/ 'jig rten pa kun gyis bstod pa dbul zhing thams cad kyis bkur sti byed pa'o/ /sdug cing bsngags pa brjod pa dang zhes bya ba ni/ kun gyi yid du 'ong zhing yon tan gyi bye brag brjod pa'o/ /nad med lang tsho bde ba dang zhes bya ba ni/ nad med cing shin tu gzhon par gyur pa dang/ shes rab phul du byung ba'i lang tsho ba dang/ lus yang zhing bde ba phun sum tshogs pa'o/ /'jig rten mthu chen 'dul ba dang zhes bya ba ni/ 'jig rten 'di na mthu che ba'i gnod sbyin la stsogs pa 'dul ba'o/ /sangs rgyas kun gyi sras su dgongs zhes bya ba ni/ dus gsum sangs rgyas kun gyis kyang dus dam par thugs kyis dgongs so/ /rgyal sras rnams kyi grogs su mthong zhes bya ba ni/ rgyal ba'i sras po rnams kyis spun dang grogs su mthong ngo/ /de la sogs te bsam mi khyab ces pa la sogs pa ni/ 'jig rten 'di'i yon tan mang po 'byung zhing mi dang lha dang lha ma yin dang gnod sbyin la sogs pas kyang bkur sti byed do/ /de nas sku'i dkyil 'khor dang thugs kyi dkyil 'khor dang gsung gi dkyil 'khor gsum po gang yang rung ste/ zhugs pa'i yon tan 'dra bar bstan pa'i phyir/ sangs rgyas dag ni thams cad kyi/ zhes pa la sogs pa gsungs te/ gong du gsungs pa'i dkyil 'khor thams cad kyi nang nas/ sku'i dkyil 'khor tsa ka li bkod pa las/ de'i dkyil 'khor du zhugs nas/ rnam pa thams cad 'grub par 'gyur te/ de ji ltar bsam pa bzhin du 'grub bo/ /gsung gi dkyil 'khor du 'jug pa'i yon tan bstan pa'i phyir/ gzhan yang sangs rgyas thams cad kyi zhes pa la sogs pa bstan te/ gong du gsungs
- 29a
pa'i sangs rgyas kyi gsung gi dkyil 'khor yi ger bkod pa'i phyir/ yi ge gsung gi dkyil 'khor bris pa las zhes gsungs te/ so so'i gdan stengs su so so'i yi ge gsal bar bkod pa'i phyir/ yi ge gsung gi phyag rgya tshogs/ /ji bzhin gsal bar bkod pa'o zhes gsungs te/ de ltar dkod pa'i gsung gi dkyil 'khor der zhugs pa'i yon tan yang gong ma dang 'dra ba'i phyir/ dkyil 'khor dag tu slob ma rnams/ /zhugs pa yang ni de bzhin no/ /zhes pas bstan te/ de nas thugs kyi dkyil 'khor du zhugs pa'i yon tan kun 'dra bar bstan te/ thugs kyi dkyil 'khor dam pa de ni phyag mtshan dgod pa ste/ de bstan pa'i phyir thugs kyi dkyil 'khor dam pa ni zhes pa la sogs pa gsungs te/ bstan pa'i dkyil 'khor sku'i 'khor lo dgod pa dang/ gsung yig 'bru dgod pa dang/ thugs phyag mtshan dgod pa gsum gyi dam par gyur pa thugs kyi dkyil 'khor bri bar bstan te/ 'jig rten dkyil 'khor bris nas kyang zhes gsungs pa yin no/ /brnyan ma'i dkyil 'khor so so'i bzhugs gnas su so so phyag mtshan bri ba'i phyir/ so so'i rang rtags phyag mtshan rnams/ /ji bzhin gnas su dgod pa ru/ /zhugs pa la sogs byas pa na/ /yon tan de dang 'dra ba thog ces gsungs so/ /de nas dkyil 'khor gsum du nges pa med par bstan pa'i phyir/ sku dang gsung thugs kyi rnams zhes pa la sogs te/ sku'i dkyil 'khor la yang gsum/ gsung gi dkyil 'khor la yang gsum/ thugs kyi dkyil 'khor la yang gsum ste de'i phyir/ gcig la yang gsum gsum yod pa yin zhes gsungs so/ /gsum po re re yang gsum du 'gyur te/ de bas na rnal 'byor pa blo dang ldan pas ni dkyil 'khor la nges pa med par shes par bya'o/ /zhes ston pas gsungs so/ /sku gsung thugs kyi gzugs kyi dkyil 'khor bstan pas na gzugs kyi dkyil 'khor gyi le'u'o/ /bdud rtsi thigs pa zhes bya ba rgya
- 29b
cher 'grel pa las/ kun rdzob kyi bden pa 'ba' zhig gi bshad pa'i le'u ste/ gsum pa'o// //de ltar gzugs kyi dkyil 'khor bstan kyang ting nge 'dzin gyi dkyil 'khor ma shes na/ rtag pa'i mdza' la gnas pa de gsal ba'i phyir/ de nas zhes pa la sogs pa gsungs te/ gzugs kyi le'u bshad pa de ma thag pa de nas ting nge 'dzin gyi dkyil 'khor bshad de gsungs pa ste/ de'i phyir/ de nas rgyal ba rdo rje 'dzin zhes bya ba ni/ ston pa'i ngo bo nyid de yang dag pa'i don dang gnyis mi 'bral bas rdo rje 'dzin zhes brjod do/ /thams cad mi 'gyur nam mkha' che zhes bya ba ni/ ston pa'i ngo bo nyid de/ phyi nang du snang ba'i chos thams cad sku gsung thugs kyi dkyil 'khor de yang don dam par yod pa ma yin te/ de snang la rang bzhin med pa'o/ /rang bzhin med pa de dus gsum du 'gyur pa med do/ brjod pa dang bral ba nam mkha' bzhin de ltar gsum gyi dkyil 'khor gsum du gsungs pa dang don dam par rang bzhin med par bstan pa ni/ gsung rnam par dag ste de'i phyir rnam dag gsung mchog rgyal po des/ gsung ni 'di skad bka' stsal to/ /mgo nas 'byung ba 'di skad bka' stsal to/ de yang ting nge 'dzin gyi ma zin na ji ltar byas pa de thams cad skyon du 'gyur ba de bstan pa'i phyir/ rdo rje thig ni btab pa dang/ zhes pa la sogs pa gsungs te/ rdo rje thig ni btab pa dang zhes bya ba ni/ dang pos rtag pa dang mjug thig gdab pa'i bar du ji ltar byas pa'i las so/ /tshon rtsi dag ni dgye ba'i? bsnyan ma'i dkyil 'khor te zhes bya ba ni tshon dgye ba'i las dang phyag mtshan dang yig 'bru dang/ sku la sogs pa dgod pa'i brnyan ma'i dkyil 'khor de/ rnal 'byor pa yang dag pa'i don la sems mi bya'o byas na skyon ci yod ce na/ yod de bsnyan ma'i dkyil 'khor byas na dngos po? la? mngon par zhen pa'i skyon yod pas gnyis su med pa'i dngos grub rnyed par dka' ba'i phyir/ byas na dngos grub rnyed par dka' zhes gsungs pa yin no/ /de nas ting nge 'dzin gtso blang ba'i phyir/ de bas ting nge 'dzin nan tan bsgom zhes gsungs so/ /de nas so so'i ting nge
- 30a
'dzin bsgom pa bstan pa'i phyir/ nam mkha' dbyings kyi dbus gnas par zhes pa la sogs pa ste/ nam mkha' dbyings kyi dbus gnas par zhes bya ba ni/ nam mkha' i dbyings kyi dbus dbyings te/ yi ge e las grub pa'i chos 'byung ba'i gnas te/ de'i dbus su bsgom par bya'o/ /ci bsgom zhe na dbang chen dkyil 'khor bsgom par bya zhes gsungs te/ chos 'byung ba'i nang du rlung gi dkyil 'khor e las grub pa dang/ me'i dkyil 'khor yi ge ram las grub pa dang/ chu'i dkyil 'khor yi ge baM las grub pa dang/ sa'i dkyil 'khor yi ge sum las grub pa dang/ rin po che'i ri rab yi ge laM las grub pa de rnams bsgom par bya'o/ /gzhal yas khang me 'bar ba bsgoms zhes bya ba ni/ dpag cing gzhal ba las 'das pas gzhal yas te/ yi ge bruM las grub pa'i gzhal yas khang/ rta babs la sogs pa rgyan rnam pa sna tshogs pas 'khrigs shing gzhal yas de'i phyi rol na hUM las grub pa'i rdo rje gur la me 'od 'bar ba ste/ des 'khrigs pa'o/ /'khor lo'i rgyan dang rol mo'i tshogs zhes bya ba ni chos kyi 'khor los brgyan pa dang/ gang du brgyan zhe na rta babs kyi steng du brgyan pa'o/ /rol mo ni 'dod pa'i lha mo ste/ gzugs kyi lha mo gar mkhan ma la sogs pas brgyan pa'o/ /gang du brgyan na rmad gi phyag la brgyan no/ /de ni rang sngags bdag po bsgom zhes bya ba ni/ gzhal yas khang gang na dang bcas pa der ni rang gi sngags kyi bdag mo'i 'khor dang bcas pa bsgom mo/ /'dir ji ltar gsungs pa bzhin du 'og ma rnams la yang sbyar bar bya ste/ spyi'i tshig de kun la khyab pa'o/ /de nas rdo rje 'dzin pa'i ting nge 'dzin bstan pa'i phyir/ nam mkha' dbyings kyi dbus ni rdo rje dkyil 'khor bsgom par bya zhes bya ba ni/ chos 'byung ba'i phyag rgya de ni nam mkha' ste de'i dbus su gzhal yas khang bsgom pa de/ de'i nang du rdo rje dkyil 'khor bsgom par bya'o/ /rang sngags
- 30b
rdo rje can gyi gzugs zhes bya ba ni rang gi kun gzhi rnam par shes pa rdo rje 'dzin pa'i sku bsgoms na/ 'phags pa'i gnas thob pa'i dus su gnyis su med pa'i rdo rje can du 'gyur ro zhes ston pas gsungs so/ /de nas 'khor lo can gyi ting nge 'dzin bstan pa'i phyir/ /nam mkha' dbyings kyi dbus su ni zhes bya ba la sogs pa gsungs te/ bsgoms na 'khor lo can du 'gyur zhes pas ston to/ /de nas rin po che'i ting nge 'dzin bstan pa'i phyir rin chen dkyil 'khor bsgoms par bya zhes pa dang/ rin chen mdzes pas bstan to/ /padmo'i ting nge 'dzin bstan pa'i phyir padmo zhes pa nas padmo can du 'gyur zhes pas bstan to/ /las kyi ting nge 'dzin bstan pa'i phyir las kyi zhes pa nas/ /las kyi sems par 'gyur zhes pas bstan to/ /de nas phyi'i dkyil 'khor du ting nge 'dzin bstan pa'i phyir/ sangs rgyas kun gyi zhes pa nas sangs rgyas kun dang mnyam par 'gyur zhes pas bstan te/ ye shes drug pa'i ngo bo nyid do/ /de nas ting nge 'dzin de bsgom par bya ba'i gnas bstan pa'i phyir/ rab tu dben pa'i gnas dag gam zhes pa la sogs pa bstan te/ rab tu dben pa'i gnas ni dur khrod de la ma mo'i dben pa dang/ ri bo ni sbrul gdug pa yod pas dben pa dang/ chu gling gi chu srin gyis dben pa dang/ nags 'dab ni stag dang dom gyis 'jigs pas mi 'ong bas de lta bu'i gnas su ting nge 'dzin bsgoms na ni/ rnal 'byor pa nyid ji ltar 'dod pa'i dngos grub thob par 'gyur ro/ de ci tsam du bsgoms na thob pa'i tshad bstan pa'i phyir/ rnal 'byor can gyi zla drug tu/ bsgoms na dngos grub thob par 'gyur zhes pas bstan te/ yang dag pa'i ting nge 'dzin dang/ 'byor pa'i rnal 'byor pas zla ba drug tu bsgoms na nges par ji ltar 'dod pa 'grub par 'gyur ro// de nas rnal 'byor la gnas pa'i dus su/ nang gi sbyin sreg bya ba bstan pa'i phyir/ glang po'i sha la sogs pa'i zhes bya ba la sogs pas bstan te/ a las band+ha dkar po sgo nga gcas pa 'dra ba zhig bskyed do/ /de'i 'og du raM las me'i dkyil 'khor gru gsum pa zhig
- 31a
bskyed do/ /de'i 'og tu yaM las rlung gi dkyil 'khor gzhu dbyibs 'dra ba sngon po ba dan bzhis mtshan pa zhig bskyed do/ /de nas ban d+ha'i nang du glang po'i sha dang rta sha dang nam mkha' lding gi sha dang khyi'i sha dang bya'i sha ste lnga bsam mo/ /de'i steng du dri chen dang dri chu dang/ pad+ma rak+ta dang/ mangs dang/ byang chub kyi sems dang lnga bsam par bya'o/ /de'i steng du a las zla ba'i dkyil 'khor lnga bsam par bya'o/ /de'i steng du oM aM dang hUM swa dang ha rnams so/ /sa'i phyogs su bsam par bya'o/ /ban d+ha de'i nam mkha' las zla ba'i dkyil 'khor de'i steng du hUM las rdo rje rdo rje'i bum pa'i nang du yang hUM ngo/ yig 'bru lnga po de las 'od zer 'phros pas/ dus gsum gyi bde bar gshegs pa thams cad kyi sku dang gsung dang thugs la phog pas/ thugs dam gyi rgyud bskul te/ slar yig 'bru la thim pas/ yi ge dang bdud rtsi lnga rnams yongs su gyur pa las/ rigs lnga'i sku mdog dang phyag mtshan du rgyan rnams shin tu gsal bar blta'o/ /sha lnga las ni glang po che'i sha glang po che gdan la sogs pa'i gdan lngar gyur ta/ glang po che'i sha las ni glang po che'i gdan du 'gyur ro/ /rta sha las ni rta'i gdan nyid du 'gyur ro/ /bya sha las ni rma bya'i gdan du 'gyur ro/ /nam mkha' lding gi sha las ni shang shang gi gdan du 'gyur ro/ /khyi sha las ni seng ge'i gdan du 'gyur ro/ /de nas rdo rje bum pa'i nang na gnas pa'i hUM las 'od zer 'phros pas/ bde bar gshegs pa thams cad rigs lnga'i mtshan nyid du mdzad de/ de spyan drangs nas bstim nas de la mchod pa rnam pa lnga dbul bar bya'o/ /de'i rjes la so so rang rang gi thugs ka nas 'od zer lcags kyu 'phros pas/ de dus gsum gyi sangs rgyas thams cad kyi bdud rtsi'i ngo bor spyan drangs te/ rigs lnga la thim pas rigs lnga gdan dang bcas par bdud rtsi'i ngo bor zhu bar gyur to/ /de'i skabs nyid du rdo rje'i hUM las 'od zer gong ma bzhin du 'phros pas bdud rtsi yang dgug ste bstim pa'i rjes la/ hUM gi 'od zer gyis rlung gi dkyil 'khor bskyed do/ /des me'i dkyil 'khor
- 31b
sbar/ mes ban d+ha bskol te gcig gis gcig bskyod pas/ rdo rje yang lhung ste bdud rtsi'i ngo bor 'gyur te/ band+ha dang rdo rje gnyis thabs dang shes rab bo/ de las bdud rtsi dkar lhung lhung gnas pa de las yi ge gsum gyis byin gyis brlabs te/ oM A(rgyud 'grel): hUM gsum gyis band+ha'i kha bcad pa'o/ /de ni bdud rtsi byin gyis brlabs pa'o/ /de nas bza' ba'i ting nge 'dzin bstan te/ bdag nyid kyi ye shes sems dpa' i thugs kar dkyil 'khor 'khor lo skad cig ma'i ting nge 'dzin gyis bskyed la/ /bdag nyid kyi lce la hUM las rdo rje'i bum pa'i nad na hUM gnas pa de'i 'od zer gyis drangs nas bza' bar bsam/ las kyi rdo rje byin la bza' ba dang/ gnyis su shes par bya'o/ /de ltar rnal 'byor pas bza' bar bstan pa'i phyir/ sha lnga dag la byin gyis brlab/ /zas phyir 'di dag bza' bar bya ste/ kha zas gzhan la chags mi bya zhes pa la sogs pa gsungs te/ bdud rtsi'i zas bza' ba las ma rtogs par zas phal pa la chags par bya ba ni ma yin no/ bdud rtsi des bdag nyid kyi thugs ka'i 'khor lo chim par bsam pa ni/ nang gi sbyin sreg bya zhes bya ba ste/ za ba'i ting nge 'dzin to// de nas yang sku gsung thugs kyi dkyil 'khor bsgom par bstan te/ de yang sngon la sku'i dkyil 'khor bsgom par bstan pa'i phyir/ nam mkha' dbyings kyi dbus gnas par/ /rang sngags sku ni rnam pa kun/ /ji ltar bsgoms na 'grub par 'gyur/ /zhes pa la sogs pa gsungs te/ chos 'byung ba'i dbus su gong gi rim pa ji bzhin pa'i gnas su sku'i dkyil 'khor bsgoms na/ 'phags pa'i gnas su gyur pa'i dus na mtshan dang dpe byad du ldan par 'gyur te/ yongs su rdzogs pa'i ting nge 'dzin to/ /de nas gsung gi ting nge 'dzin bsgom pa bstan te/ de'i phyir nam mkha' dbyings kyi dbus gnas par/ /rang sngags yi ge'i rnam pa kun/ /ji bzhin bsgrubs na 'grub par 'gyur/ /zhes pa ni/ 'phags pa'i dus na gsung 'gag pa med pa'i ting nge 'dzin la mnga' brnyes
- 32a
pa ste/ chos kyi phyag rgya dang ldan pa'o/ /de nas yang thugs kyi dkyil 'khor bstan pa'i phyir/ nam mkha' dbyings kyi zhes pa nas 'grub 'gyur 'di la the tshom med ces pas bstan te/ las dang po pas ting nge 'dzin goms pas lan cig 'phags pa'i sku thob pa'i dus na thugs spros pa med pa'i ting nge 'dzin ni la dbang sgyur ro/ /de nas ting nge 'dzin bsgoms la snyan la sogs pa'i rdzas dang/ yo byad la sogs pa med kyang 'gal ba med cing bsgrub par bstan pa'i phyir/ rtse gcig pa'i ting nge 'dzin zhes pa ni gong du gsungs pa'i ting nge 'dzin la gzhan du mi g.yo bas rtse gcig pa ste/ de la gnas shing bsgom na/ gang 'dod pa las byed pas na de la ni cho ga ste bskyed pa'i rim pa dang/ rdzas dang yo byad rnams tshogs na yang ni gtso bor bshad de/ ting nge 'dzin dang ldan na nges par 'grub pa ste/ de bas ting nge 'dzin la nan tan cher bskyed de/ yang nas yang du ting nge 'dzin gyi dkyil 'khor bsgom par bya ba'o/ /de nas yang ting nge 'dzin gyi sems 'dul ba'i thabs dpe bstan pa'i phyir/ dper na glang chen smyon pa dag /gdul thabs lcags kyus 'dul ba ltar zhes bya bas bstan te/ dper na glang po che smyon pa dag 'dul ba'i dus na/ skyes bu rtsal po ches lcags kyus dpral ba nas bzung nas 'dul ba ltar/ byang chub kyi sems kyang 'dul bar bstan pa'i phyir/ rang sems dmu dgod 'dul dka' yang zhes bya ba la sogs pa gsungs te/ /rang sems dmu dgod 'dul dka' yang zhes bya ba ni/ rang gi sems ni rlung la zhon nas kun nas 'gro ste shin tu 'dul bar dka' ba'o/ /'on te gang gis thub par 'gyur zhe na/ mnyam gzhag ting 'dzin rtse gcig gis/ /btul nas dngos grub ya mtshan 'gyur zhes bya bar bstan/ dang por rang gi sems dbugs kyi rta la zhon nas mi thub par yul phyin pa'i dus su/ rten gyi rigs thams cad gzhal yas khang gi rang bzhin du bstan/ rten gyi rigs thams cad lha'i skur bstan te/
- 32b
des sems brtas par bya ba'i las te/ kun rdzob kyi bden pa'o/ /sems de bskyed pa'i rim pa la bstan par gyur tsam na/ rdzogs pa'i rim pa la gnas par bya ste/ lta ba'i dngos po thams cad kyang snang la rang bzhin med de/ byang chub kyi sems 'ba' zhig tu 'gyur ro// byang chub kyi sems 'ba' zhig du gyur tsam na sems 'phro bar gyur pa'i bya ba'i yul med de/ mnyam pa nyid du 'gyur ro/ /de'i phyir mnyam gzhag ting 'dzin rtse gcig gi zhes bya ba yin te/ de'i dang la gnas shing gnas pa'i dus na/ gnyis su med pa'i ye shes thob par 'gyur te/ de la ni btul nas dngos grub ya mtshan du 'gyur zhes gsungs pa yin no/ /de nas mtshan ma la sogs pa bsgoms na gnyis su med pa'i ye shes mi 'byung ngam zhe na/ mi 'byung bar bstan pa'i phyir/ mtshan ma dag gi gzugs brnyan dang zhes pa la sogs pas bstan te/ mtshan ma dag gi gzugs brnyan dang zhes bya ba ni/ mtshan ma'i gzugs brnyan lha'i sku ru bsgoms pa dang/ gsung gi mtshan ma yig 'bru bsgom pa dang/ thugs kyi mtshan ma phyag mtshan du bsgoms pa la sogs pa byas kyang gnyis su med pa'i ye shes mi 'byung ste/ rtag pa'i skyon gyis bcings pa'i phyir ro/ /der ma zad de lugs ma la sogs pa phyag rgya la sogs pas kyang gnyis su med pa'i ye shes mi skye ste/ de'i phyir mtshan ma'i ting nge 'dzin bsgom byas nas kyang/ rang gi rnal 'byor mi 'byung ste zhes gsungs pa yin no/ /'o na rnal 'byor gang las byung zhe na/ de bstan pa'i phyir/ byang chub sems la gzhol ba'i mis zhes pa la sogs pas gsungs te/ byang chub kyi sems la yang gnyis las don dam pa'i byang chub kyi sems dang/ kun rdzob byang chub kyi sems kyi don dam pa byang chub kyi sems mtshon pa yin te/ byang chub kyi sems bde ba chen po'i gnas nas drangs pa'i dus na/ nor bu'i nang du rin po che'i gnas su bzung ba dang/ ye shes bskyed de de la ni/ /rang gi rnal 'byor lngar 'gyur ro zhes
- 33a
gsungs te/ bde ba chen po'i lha zhes bya'o/ /ye shes la ni khu ba dang lhan cig skyes pa'i ye shes zhes bya'o/ /de'i ngang las yang nas yang du 'dris pa dang/ dus nam zhig na rang bzhin lhan cig skyes ba'i ye shes rtogs par 'gyur te/ de'i phyir de bas nan tan rtse gcig gis/ /mtshan ma med la brtson bar 'bad ces gsungs so/ zhes pas bstan te don dam pa'i bden pa'o/ /ting nge 'dzin gyi dkyil 'khor dngos su ston pa'i le'u ni ting nge 'dzin gyi dkyil 'khor gyi le'u'o/ /bdud rtsi thigs pa rgya cher bshad ba las/ bden pa gnyis kyi bshad pa'i le'u ste/ bzhi pa'o// //de ltar gzugs brnyan gyi dkyil 'khor dang ting nge 'dzin gyi dkyil 'khor bstan kyang/ sngags dang phyag rgya ma gsungs na/ /sems can gyi don mi 'grub pa'i phyir/ de nas zhes pa la sogs pa bstan te/ bcom ldan 'das gsang ba mchog gi bdag po la sdud pa pos sngags dang phyag rgya'i don zhus pa bstan pa'i phyir/ de nas yang bcom ldan 'das gsang ba mchog gi bdag po la rdo rje yid kun tu bzang po la gsol ba zhes pa ni bshad par bya ba'i tshig phrang ngo ci zhig gsol zhe na 'og nas 'byung ba'i tshig 'di rnams so/ /bcom ldan sangs rgyas thams cad kyi sngags dang phyag rgya rnams kyi mtshan nyid sems can thams cad la sman pa'i slad du bshad du gsol zhes pas zhus pa'i tshig ste/ /bcom ldan 'das zhes pos nas/ sangs rgyas thams cad kyi sngags bzlas pas ci ltar 'gyur/ phyag rgya bcas pas ji ltar 'gyur/ sngags dang phyag rgya'i mtshan nyid de phyi rabs kyi rnal 'byor pa dang sems can rnams la sman pa 'di slad du bcos nas bcom ldan 'das kyis bshad du gsol zhes sdud pa pos zhus pa'i tshig go /de zhus pa'i tshig de la lan blan pa'i phyir/ de nas bcom ldan 'das gsang ba mchog gi bdag pos sngags dang phyag rgya 'di
- 33b
dag bshad do/ /zhes pa la sogs pas bstan te/ bcom ldan 'das kyis bshad do zhes pa'i tshig gi phrad do/ /sems pa chen po nyon cig ces bya ba ni bod pa'i tshig ste/ sems pa chen po zhes sdud pa po la bos nas/ sngags dang phyag rgya'i don 'di bshad kyis lus ngag yid gsum gyi sgo nas tshur nyon cig ces pa'o/ /da nas sngags dang phyag rgya'i don bstan pa'i phyir/ 'di ni sangs rgyas thams cad kyi zhes pa la sogs pa gsung te/ 'di ni sangs rgyas thams cad kyi zhes 'byung ba 'og nas 'byung ba'i sngags 'di ni sangs rgyas thams cad kyi dkyil 'khor gang yin pa bsgom zhing sems brtas par byas te sngags 'di zlas nas phyag rgya bcas na ji ltar yang 'grub par 'gyur te/ de'i phyir las gang bsgrub pa'i snying po yin zhes gsungs so/ /'di la gang zhig dang mos pa/ /snang mdzad sems pa nyid 'drar 'gyur zhes bya ba ni sngags dang phyag rgya 'di la mos pa'i gang zag des dang po lha'i rnal 'byor la sems bstan par byas la/ de nas bdag nyid kyi snying kha nas pad+ma 'dab ma brgyad ba'i steng na zla ba'i dkyil 'khor/ de'i steng na nyi ma'i dkyil 'khor de gnyis kyi bar na 'khor lo'i lta ba'i nang na zla ba'i dkyil 'khor de'i dbus na oM gnas te lhag ma yi ge rnams kyis langs ba'i thabs su g.yas nas bskor bar gnas te/ de nas dbugs 'byung ba'i dus na rtsa g.yas nas zhugs te/ sna bug g.yas nas byung nas ji tsam du dbugs byung ba'i yi ge'i phreng ba de lta bu'o/ nang du dbugs 'jug pa'i dus na yang sna bug g.yon nas 'jug ste/ rtsa g.yon pa'i gnas nas yang bzhi po la thim ste ci srid nang na gnas pa'i bar du gzung bar bya'o/ /de ltar byas shing yang nas yang du goms pa dang/ 'jug ji srid 'dod pa bzhin du 'grub ste/ bde bar gshegs pa mchod par 'dod pa'i dus na bde bar gshegs pa la dmigs nas phyag rgya bcas sngags bzlas bas sngags dang phyag rgya las mchod pa'i lha mo mang po 'thon nas mnyes pa dbul bar 'gyur ro/ /
- 34a
sems can gyi don byed par 'dod na gang yin pa'i sems can de la phyag rgya gtang nas sngags bzlas pas bla na med pa'i ye shes kyi sa thob par 'gyur ro/ /sngags dang phyag rgya de las rnam pa gnyis gnyis su grub pa'i phyir/ oM bud d+ha bai ro tsa na oM zhes pa nas byang chub mchog tu gdon mi za'i zhes pa'i bar gyis bstan te/ bdag nyid kyis 'bras bu ji lta bu thob pa'i ting nge 'dzin gyi le'u las bstan te/ 'dir ma bkod do/ /las gnyis ni 'phags pa mchod pa'i las dang/ sems can gyi don bya ba gnyis las/ mnyes shing mnyes pa zhes pas 'phags pa mchod pa'i las so/ /byang chub mchog tu gdon mi za'o/ /zhes pas sems can gyi don no/ ji ltar 'dir rgyas par bstan pa bzhin du 'og ma rnams la yang shes par bya'o/ /phyag rgya'i mtshan nyid ni dkyus nyid gsal lo/ /de nas yang rdo rje 'dzin pa'i sngags dang phyag rgya bstan pa'i phyir/ gzhan yang rdo rje 'dzin nyid kyi zhes pa nas rdo rje mi 'khrugs phyag rgyar bshad ces pas bstan te/ bsgom pa'i rim pa ni gong du gsal bar bstan te/ dbus kyi snying po ni hUM de so so'i snying po dang phyag mtshan nyid do/ /las nyid bstan pa'i phyir ro/ /sngags dang phyag rgya 'di yis ni/ /sangs rgyas grags pa chen po yang zhes pa la sogs pa bstan te/ grub pa'i dus na phyag rgya gtad sngags bzlas pas/ dus gsum gyi sangs rgyas kyang bskrag cing 'dar bar gyur na/ bdud rnams lta smos kyang ci dgos zhes pa'o/ /de nas rin chen 'dzin pa'i sngags dang phyag rgya bstan pa'i phyir/ gzhan yang rin chen 'dzin pa'i zhes pa nas/ rin chen 'dzin pa'i phyag rgya yin zhes pas bstan te go sla'o/ /las gnyis pa bstan pa'i phyir/ sngags dang phyag rgya 'di yis ni/ bde ba mchog rnams sbyin par byed ces pa ste/ gong du gsungs pa'i sngags dang phyag rgya 'dis grub pa'i dus na/ phyag rgya gtang sngags bzlas pas 'chi ba'i dus las bzlog pa ste/ shin tu bde ba'i mchog rtsa rgyas par byed pa'i
- 34b
phyir/ gang dga' ba yang rab 'gengs na zhes gsungs pa yin te/ tshe zad pa yang 'gengs na bgegs las phyung ba smos ci dgos zhes so/ /de nas yang chos kyi sems dpa' i sngags dang phyag rgya bstan pa'i phyir/ gzhan yang chos kyi sems dpa' i zhes pa nas pad ma sems dpa' i phyag rgya bstan pa yin zhes pa'i bar gyis bstan te/ dkyus nyid gsal lo/ /las nyid bstan pa'i phyir sngags dang phyag rgya 'di yis ni zhes pa la sogs pa gsungs te/ gong du gsungs pa'i phyag rgya 'di yis ni/ dus gsum gyi sangs rgyas grags pa chen po'i kun kyang phyag rgya gtang sngags bzlas pas dbang du gyur par gdon mi za bar khams gsum gyi skye bo smos kyang ci dgos te/ mi dgos so zhes pa'i tha tshig go /de nas yang las kyi sems dpa' i sngags dang phyag rgya bshad pa'i phyir/ gzhan yang las kyi sems dpa' i zhes pa nas las kyi yin zhes pa'i bar gyis bstan te/ go sla'o/ /las gnyis bstan pa'i phyir/ sngags dang phyag rgya 'di yis ni/ /las rnams thams cad byed par 'gyur zhes pas bstan te/ sngags 'grub pa'i dus na phyag rgya dang sngags bzlas pas 'phags pa mchod pa dang sems can gyi don ji ltar 'dod bzhin du 'grub ste/ grub pa thob pa'i dus su'o/ /de nas yang yum rnams kyi sngags dang phyag rgya bstan te/ de yang sngon la dbyings phyug ma'i sngags dang phyag rgya bstan pa'i phyir/ de nas gzhan yang bshad bya ba zhes pa la sogs pa bstan te/ thebs las ni gzhan pa shes rab ma'i bshad pa'o/ /dbyings phyug ma'i sngags 'di yin zhes bya ba ni dbyings phyug ma'i gsang ba'i sngags ni 'og nas 'byung ba 'di yin te/ de yang thabs la ji skad gsungs pa bzhin 'dir yang ngo/ /oM bud+d+ha lo tsa na oM zhes bya ba'i sngags gang yin pa dang/ sbyar bar bya'o/ phyag rgya ni go sla ste ma bkrol lo/ /de nas mchod par bya ba dang/ sems can gso bar bya ba ni/ rdo rje dbyings phyug ma'i sngags dang phyag rgya bstan te/ sems can thams cad bsrung bar bya ba ni/ ma ma gi'i sngags
- 35a
dang phyag rgya bstan to/ /de nas yang chos kyi gsung rnam par dag pa sems can gyis thob par bya ba pad+ma dbyings phyug ma'i sngags dang phyag rgya bstan to/ /de nas yang sangs rgyas dang sems can gnyis dbang du bya ba de bstan pa'i phyir/ las kyi dbyings phyug ma'i sngags dang phyag rgya bstan to/ /de nas yang sku gsung thugs kyi phyag rgya bstan te/ de yang sngon la sku'i phyag rgya bstan te/ sems can gang la byin gyis brlabs pa do sku'i gnas su yi ge oM/ dkar po la rnam par snang mdzad kyi sku yongs su rdzogs par bskyed nas byin gyis brlabs te/ sku'i sngags dang phyag rgya byin gyis brlabs pa'o/ /de nas yang gsung byin gyis brlab pa ni/ gsung gi gnas rta mgrin gyi 'khor lo'i dbus yi ge oM dmar po las/ snang ba mdza' yas kyi skur byin gyis brlabs pa ste/ gsung gi sngags dang phyag rgyas bstan to/ /de nas yang thugs kyi byin gyis brlabs pa bstan te/ de yang thugs kyi gnas snying ga'i rtsa gsum gyi g.yas pa'i nang du yi ge hUM las mi bskyod pa'i skur bskyed la byin gyis brlabs te/ thugs kyi yang sngags dang phyag rgyas bstan to/ de nas yang sngags dang phyag rgya brjod pa las 'das pa bstan te/ de'i phyir de la sogs te mdza' yas mchog ces pa la sogs pa gsungs te/ gong du gsungs pa'i sngags dang phyag rgya de la sogs pa bgrang ba las bsam yas pa gang gis kyang 'grang zhing dpag pa las 'das pa las ni mchog ste/ de ni chos dbyings mnyam dang mi mnyam zhes brjod pa ni/ 'di ni chos kyi dbyings dang mnyam pa yin la/ 'di ni mi mnyam pa yin zhes brjod par bya ba dang bral te/ de'i phyir nam mkha' dbyings kyi mdza' klas pa zhes gsungs pa yin te/ nam mkha' ni dpag pa las 'das pa yin te/ de'i dbyings ni chos kyi dbyings rnam par dag pa yin pas/ brjod med brjod du med pa'i zhes gsungs te/ nam mkha' i dbyings ni brjod med de las 'das te/ shes pa dang
- 35b
brjod pa las 'das pa ni brjod du med pa ste/ de'i yon tan mdza' klas pa bsam gyis mi khyab pa 'byung zhes ston pas gsungs so/ /sngags dang phyag rgya spro ba ston pa la/ sngags dang phyag rgya spros pa'i le'u'o/ /bdud rtsi thigs pa las zhes bya ba rgya cher bshad pa las bden pa gnyis bshad pa'i le'u lnga pa'o// //de nas yang rigs lnga'i dkyil 'khor dang/ sku gsung thugs kyi dkyil 'khor rnams ni ston pas gsungs pa yin la/ de las gzhan ni ma gsungs so/ /snyam pa'i blo 'khor rnams la skye ste de gsal ba'i phyir/ de nas zhes pa la sogs pa bstan te/ sngags dang phyag rgya bstan pa'i de ma thag pa de nas sdud pa po rdo rje yid kun tu bzang pos ston pa bcom ldan 'das gsang ba mchog gi bdag po la 'og nas 'byung la 'di skad bshad do/ /e ma'o rnam dag stong pa'i lam zhes pa la sogs pa gsungs te/ e ma'o rnam dag stong pa'i lam zhes pa ni/ e ma'o ni ngo mtshar ba'i tshig ste/ gang la ngo mtshar rang gi lus la stong pa'i lam yod ba ngo mtshar ba'o/ /rnam dag ni ye nas ma bcos pa stong pa'i lam 'di ni rang la rang chas su yod pa 'di lta bu'o zhes pa'i stong ba'i lam ni byang chub kyi sems kyi lam ste/ de yang ji ltar yin zhe na 'khor lo rnam pa bzhi ste/ sprul pa'i 'khor lo'i 'dab ma drug cu rtsa bzhi ba dang/ chos kyi 'khor lo 'dab ma brgyad pa dang/ longs spyod kyi 'khor lo 'dab ma bcu drug pa dang/ bde ba chen po'i 'khor lo 'dab ma sum bcu rtsa gnyis pa'o/ /'on te de rnams gang na gnas she na/ dpal rdo rje rtse mo'i rgyud las kyang kun rdzob brjod pa ma yin te/ lte ba mdza' zad shes rab la/ /thabs ni ze 'bru'i rtser zhes bya/ /rtsa bar 'dab ma drug cu bzhi/ /ma skyes pa yi snying po can/ /so dbus chos su bstan pa ste/ /kun 'byung lam chen brgyad yod pa/ /sngon la brgyad cha gnyis yod pa/ /rtsa bzhi nang gi ma mo bzhi/ /phyogs bzhi rtsa bzhi thabs bzhi ste/ /bcud ni phung po 'byung bar bshad/ /rtag par chos su 'di bstan te/ /snying po'am
- 36a
chos kyi sku zhes bya/ /de nyid ye shes snying po yin/ /'di yi 'khor lo nam mkha' i khams/ /thams cad kun la khyab chen po/ /de gnyis steng du longs spyod de/ /sngon las brgyad cha gnyis yod pa/ /'byung bzhi bar yang stong ba'o/ /ye shes lnga yi snying po can/ /chags pa rtag tu rang 'chad bas/ /log lta rtag tu sgral bar dka' / /'byung 'jug sgo gsum thar bar 'gyur/ /bde chen mtshan ldan pad+ma mdzes/ /rtag par gzhol med yi ge hUM/ /rang bzhin chos skur mang zhes bya/ /ting 'dzin goms pa'i ye shes kyis sa gnas kun tu bde ba che/ /bde chen mgo bor gnas phyir ro/ /dkyil 'khor yan lag bcas sprul sku/ /de gnyis bde ba bsdu byas te/ /g.yas dang g.yon dang dbus dang gsum/ /rim gyis stong par 'jug pa ste/ /ye shes skye ba nges pa med/ /sems nyid bde la gang gnas pa/ /goms pas 'od kyang mi dmigs shing/ /skra'i rtse mo brgyar bshags bya/ /mthar ni dmigs par mi 'gyur te/ /bde ba yid kyis mi bya zhing/ /mdza' rnams ci la 'ang mi gnas te/ 'gro don 'dod pa'i sku gnyis kyang/ /sgra yi tshul las thogs pa med/ /rang bzhin dang ba'i ye shes ni/ /snang stong gnyis su ma yin pas/ /rtag tu thig le chen por gsungs/ /stong pa'i lam zhes de la bya'o/ /zhes gsungs so/ /sangs rgyas kun gyi sku'i mchog zhes bya ba ni/ dus gsum sangs rgyas thams cad kyi sku'i mchog ni chos sku ste/ chos sku de la thams cad 'byung ba'i bdag por gyur pa'i phyir/ sna tshogs las byung khyod la 'dud ces bstod pa'o/ /sangs rgyas kun gyi gsung gi mchog ces bya ba ni dus gsum gyi sangs rgyas thams cad kyi gsung rnam par dag pa'i 'byung ba'i don gsal ba'i sgra chen khyod la 'dud ces gsung gi sgo nas bstod pa'o/ /sangs rgyas kun gyi thugs chen po zhes bya ba ni/ dus gsum gyi sangs rgyas thams cad kyi thugs rnam par mi rtog pa'i ye shes kyi mnga' bdag gi gtso bo khyod la phyag
- 36b
'tshal 'dud ces thugs kyi sgo nas bstong pa'o/ /sangs rgyas ye shes rdo rje can zhes bya ba ni/ dus gsum sangs rgyas thams cad kyi yang dag pa'i ye shes mnga' ba'i rtags su rdo rje 'dzin pa bstod de ston pa'i ngo bor rdo rje 'dzin pa khyod la 'dud ces pas bstod pa'o/ /chos kyi 'khor lo rab bsgyur ba zhes bya ba ni/ ston pa'i thugs yang dag pa'i ye shes kyis phyi dang nang du snang ba thams cad la gsal zhing chos kyi 'khor lo bskor bas de'i phyir sangs rgyas 'khor lo khyod la 'dud ces bstod pa'o/ /nor bu 'dzin pa khyod la 'dud ces bya ba ni/ ston pa'i thugs ye shes kyi sems can gyi dgos 'dod re ba yid bzhin skod bas nor bu 'dzin zhes brjod pa'o/ /de ltar ston pas sems can gyi don mdzad kyang 'khor ba'i skyon gyis ma gos pas de'i phyir padmo 'chang la 'dud ces pa'o/ /de ltar phyi nang gi don gang la yang ma 'gags pas don yongs su grub ste/ sna tshogs las la phyag 'tshal 'dud ces sdud pa pos ston pa la gsol ba btab bo/ /don dam pa'i bden pa'o/ /'khor gyi rtog pa de gsal ba'i phyir/ de nas bcom ldan 'das zhes ba la sogs pa bstan te/ ston pa thugs spros pa med pa'i dbyings su sku gnas sku gsung thugs kyi sprul pa bsam yas par dgye ba'i phyir/ de bzhin nyid la dmigs nas cad mi smra bar bzhugs so/ zhes pa ste/ thugs spros pa med pa'o/ /de ltar ston pas sku gsung thugs kyi sprul pa dgye ba de'i tshe rigs lnga bde bar gshegs pa thams cad dang 'khor rgya mtsho dang bcas pa rnams kyis/ bcom ldan 'das kyis sprul pa dgye pa la 'di ltar gzigs pa'i phyir/ 'dul ba'i thabs ni sna tshogs kyis zhes pa la sogs pa gsungs te/ 'dul ba'i thabs sna tshogs zhes bya ba ni/ 'gro ba rigs drug la sogs pa'i 'dul thabs sna tshogs pas 'dul te de'i phyir/ 'gro rnams sna tshogs 'dul bar 'gyur zhes gsungs pa yin no/ /la las sku'i don mdzad 'gyur zhes pa ni so so'i 'dul skal gyis/ sku yis don mdzad par 'gyur ro/ /'gro rnams kun la sdig
- 37a
spong gzugs zhes bya ba ni/ 'gro ba rigs drug char la don mdzad kyang log pa'i spyod pas don ma mdzad de/ phyin ci ma log cing sdig pa thams cad spangs nas/ yang dag pa'i ye shes dang ldan pa'i sgo nas don mdzad do/ /sprul pas so sor 'dul ba rnams ni zhes pa ni so sor las kyis mthong ba bzhin 'dul lo/ /de yang skus so sor 'dul ba bstan pa'i phyir/ dmyal ba rnams la gshed pos 'dul zhes pa nas/ 'thun byas sku ni sna tshogs 'dul zhes bya bas bstan te go sla'o/ /de nas gsung spros pa med pa'i sgo nas don mdzad pa bstan pa'i phyir/ chos kyi 'khor lo sna tshogs ni zhes pa nas/ de snyed sgra skad tha dad ston zhes pa'i bar gyis bstan te go sla'o/ /de nas yang sku ltam pa la sogs pas 'dul bar bstan pa'i phyir/ la lar lhums su gshegs pa'i tshul zhes pa nas byin brlab cho 'phrul de ltar bstan zhes pa'i bar gyis bstan te go sla'o/ /de nas yang so sor 'dul zhing chos kyi 'khor lo bskor ba'i byin gyis brlabs kyi sems can rnams ji ltar mos par gyur pa bstan pa'i phyir ro/ /de tshe 'gro rnams thams cad dang zhes pa la sogs pas bstan te/ de yang ston pas sku gsung gi cho 'phrul rnam pa'i bye brag gis/ 'gro ba rnams la so sor chos kyi 'khor lo bskor ba de'i tshe/ 'gro ba rigs drug thams cad kyang yang dag pa'i byang chub la dad par 'gyur te/ 'o na ma dad pa gang yin zhe na de bstan pa'i phyir/ las kyi stobs kyis dbang sgyur ba/ /log pa can gyi ru tra rnams/ /log lta'i mthu snyems ma rtogs pa zhes pas bstan te/ sngon gsang ba'i zab mo ni thos yang dag pa'i lta ba ni ma shes pa'i las kyi stobs kyis/ dbang gis tshe 'di nyid la ldog pa la dga' ba yang dag pa'i don la smod pa'i ru tra rnams ni log par lta ba 'jig rten 'dir ni mthu che ba dag gtum tshig du smra ba de ni ma rtogs pa/ tshogs par bstan par 'khor rnams kyis gzigs pas gong gi the tsom skyes pa'i rtogs pa gsal/ lhag pa'i sems can rnams sangs rgyas kyi bstan
- 37b
pa la dad par 'gyur te/ byang chub spyod pa'i sgo ji snyed pa'i sgo nas spyod pas khams gsum gyi sems can de snyed 'bras bu bde la 'god de/ yang dag pa'i sa la gnas par 'gyur ro/ /de ltar so so'i sgos 'dul ba'i cho 'phrul sna tshogs par bstan par 'khor rnams kyis gzigs pas gong gi the tsom skyes pa'i rtog pa bsal te/ gnyis su med pa'i don la sems nas gnas so/ /de nas 'dul ba'i 'khor tshogs rnams kyis sdud pa po la bstan pa'i phyir/ de nas 'khor lo der 'dus pa'i zhes pa la sogs pas bstan te/ ston pa'i cho 'phrul 'khor rnams la bstan zin pa'i de ma thag pa de nas ston pa'i 'khor der 'dus pa rnams sdud pa po yid kun tu bzang pos ston pa la bskul nas cho 'phrul rnam pa sna tshogs pas 'gro ba'i don mdzad pa de la ngo mtshar du gyur te/ sdud pa pos rdo rje yid kun tu bzang po la 'khor rnams kyis 'og nas 'byung ba'i don 'di skad ces gsol te/ e ma'o zhes pa ni ngo mtshar ba'i tshig go /e ma'o rdo rje kun tu bzang zhes bya ba ni/ ston pa'i sprul par gyur cing ston pa nyid sdud pa po yin 'khor rnams kyang rtogs te de'i phyir kun bzang zhes bos pa'o/ /ngo mtshar khyod la phyag 'tshal 'dud ces bya ba ni/ ston pa las tha mi dad par gyur pa ni ngo mtshar te khyod la deng 'khor rnams kyang phyag 'tshal lo zhes so/ /e ma gsang sngags ya mtshan che zhes bya ba ni/ gsang ba'i sngags ni gsang sngags te/ yang dag pa'i ye shes so/ / e ma'o ston pa cho 'phrul che zhes pa ni/ the tshom skye ba bsam pas/ ngo mtshar ba'o/ /e ma'o sngags kyis mi 'dul med ces bya ba ni/ nyon mongs pa lnga'i gnyen por mdzad pa'o/ /'di ni ngo mtshar ya mtshan no/ zhes bya ba ni gong du ston pas mdzad pa 'di ni shin tu ngo mtshar lags so/ /zhes 'khor rnams kyis sdud pa po la gsol ba dang/ de nas sdud pa pos 'khor gyi byang chub sems dpa' de thos pa'i the tshom skyes pa'i rgyu bstan pa'i phyir/ rdo rje yid kyis bka' stsal pa zhes pa la sogs pa gsungs te/ rigs
- 38a
kyi bu khyod tshur nyon cig ces bya ba ni/ 'dus pa'i 'khor tshogs yang dag pa byang chub sems kyi rigs kyi bu rnams nyon cig ces bskul ba'i tshig go /gsang ba'i theg pa 'di nyid la su zhig mos pa'i skyes bu des zhes bya ba ni gsang ba'i theg pa bla na med pa de las rnal 'byor pa gang su yang rung ba zhig mos pas 'jug na rnal 'byor pa des mi bya ba ni gang yang med de/ mi 'grub pa ni gang yang med ces bya ba ni gsang ba'i rdo rje theg pa 'di la zhugs pa'i rnal 'byor pas ni 'og nas 'byung ba'i las 'di rnams bya ba'o/ /de yang ldem po ngag gi sgo nas gsungs te/ don dam pa'i bden pa bstan pa'i phyir/ rtag tu gsod la brtson pa dang zhes bya ba la sems pa bstan to/ /de yang ji ltar zhe na rtag tu gsod la brtson pa dang zhes bya ba ni/ bdag nyid kyi snying la rtsa'i dangs ma brgyad gnas te/ de yang gsum chos kyi rtsa'o/ /gcig ye shes kyi rtsa'o/ /gsum ni rang rgyud kyi rtsa'o/ /gcig ni yon tan gyi rtsa'o/ /de ltar rtsa 'phra mo brgyad yod do/ /chos kyi rtsa la ni/ 'od ser po gcig gnas so/ /dbyibs ci 'dra na zlum po'o/ /tshul ni dngul chu zhun ma la gzhol mar gyi zol song ba dang 'dra'o/ /snying po ni oM mo/ sa bon su dang tri'o/ /de gsum gyi kha dog ni za 'og gur phug pa 'dra'o/ /ye shes kyi rtsa la ni 'od mthing ga zhig gnas te/ dbyibs ci 'dra zhe na zhags pa 'am sbrul 'khyil ba lta bu'o/ /tshul ni dar skud le brgan la shel sgong brgyus pa lta bu'o/ /snying po ni hUM ngo/ sa bon ni a dang nri'o/ /rang rgyud kyi rtsa la ni 'od dmar po gcig gnas te/ dbyibs ni zla gam dmar po lta bu'o/ /tshul ni sos ka'i chu la mig rgyu ba 'am/ rtsi skya ba'i kha la zil pa chags pa lta bu'o/ /kha dog ni zangs ma'i zhun ma la ra gan gyi zol song ba lta bu'o/ snying po ni a'i sa bon ni pre dang du'o/ /de yang ma rtogs pa'i dus na 'khor ba'i rgyu ste/ a dang ni la sogs pa'o/ /rtogs pa'i dus na ye shes te/ oM la sogs pa'o/ /de yang ji ltar srog ce na/ 'od ser po la kun bzhi
- 38b
rnam par shes pa gnas pa dang/ 'od mthing ga la yid kyi rnam par shes pa gnas pa dang/ 'od dmar po la nyon mongs pa can gyi yid gnas so/ /dmar nag la sgo nga'i rnam par gnas so/ /de yang lha mi gnyis su skye ba'i kha 'dzin ni yid kyi rnam par shes pas byas nas a dang ni la sogs pa'o/ /lha ma yin dang byol song du skye ba'i kha 'dzin ni kun gzhi rnam par shes pas byas nas sa bon su dang tri gnyis la sog go/ yi dags dang dmyal bar skye ba'i kha 'dzin ni sgo nga'i rnam par shes pa dang/ nyon mongs pa can gyi yid kyis byas nas bre dang du las sog go /de ltar gnas pa 'di 'gro ba rigs drug gi sems can la rang chas su yod pa'o/ /de lta bu'i rtsa 'phra mo brgyad po de yang thag pa khug pa bzhin gnas pa'o/ /de lta bu brgyad 'dom pa'i dbus na rtsa'i dangs ma'i yang dangs ma dar gyi skud pa lta bu la dbyibs ba thag khug pa 'dra ba gcig yod do/ /de'i sbom 'phra ni rta rnga bcu ru gshags pa tsam gyis 'brel dar dkar gyi skud pa lta bu de la/ dbugs kyi dangs ma gser sa 'og na gnas pa'i rlangs pa tsam cig rgyu'o/ /dbugs kyi dangs ma de la kha dog rnam pa sna tshogs pa gnas so/ /de'i dkyil na byang chub kyi sems thig le chen por bzhugs so/ /de'i dpe ji lta bu zhe na/ gser zhun ma'i sbubs kyi nang nor bu rin po che ke ke ru zhes bya ba bcug pa lta bu'o/ /kha dog ni nyi ma shar ba'i dkyil 'dra ba'o/ /de ni chos kyi dbyings so/ /rtsa'i dangs ma'i yang dangs ma dar dkar gyi skud pa lta bu la gdod ma nas phung po rten byed pas na/ 'byung ba'i dangs ma de sa ltar snang ba yum sangs rgyas spyan du gsol ba yod pa'o/ /de'i stong pa chen po'i ye shes te/ khams thams cad dbyings rnam par dag pa'i ngang du gyur pa med pa'i rten byed pa'i/ dar dkar gyi skud pa lta bu de la khrag gi dangs ma mtshal lcog la ma lta bu gnas pa'i gdod ma nas phung po long 'dogs pas 'byung ba'i dangs ma chu
- 39a
ltar snang ba ste/ yum mA ma kI'o/ /de nyid mnyam pa nyid kyi ye shes te/ thams cad bkol ba med pa'i dbyings gcig tu bsdus pas so/ /de nyid la dbugs kyi dangs ma gser sa le sbram sa 'og na gnas pa'i rlangs pa tsam zhig gnas pa'i gdod ma nas phung po yang zhing g.yo ba'i rgyu byed pas 'byung ba rlung du snang ba'o/ /de ni bya ba grub pa'i ye shes te/ bya ba thams cad la g.yo bas na'o/ /byang chub kyi sems de ni thabs dang shes rab snyoms pa yang yod la/ khams gsum par yang yod de/ thig le de la a ni la sogs pa'i yi ge rnams bsdus shing byang chub kyi sems thig le'i ngo bor brtags pas/ sangs rgyas kyi ye shes nam mkha' i rang bzhin lta bu skye zhing 'gro ba rigs drug rgyun gcod pa'o/ /de yang ji ltar gcad ce na thig le byang chub gyi sems las su rung nas/ 'od dang ldang ba'i ngo bor gyur tsam na/ aM gi gong dang 'og na su dang tri gnas pa dang/ hUM gi gong 'og na a dang nri gnas pa dang/ a'i gong 'og na pre du gnyis gnas pa 'od du 'bar te/ thig le la rang bzhin med par thim zhing song bas/ thig le yang rang bzhin med par dar gyi skud pa lta bur rta rnga bcu ru gshags pa tsam la thim nas mtshal cog la ma'i dangs ma tsam du gnas pa ste/ bde ba chen po chags par byed pa yin no/ /de yang 'od du 'bar zhing 'bar bas dbugs kyi dangs ma gser sa 'og na gnas pa'i rlangs pa tsam zhig gnas pa de bde ba chen por g.yo ste 'bar bar byed do/ /de'i 'og tu 'bar bas der drod kyi dangs ma me long nyi ma la bzhag pa'i ngang tsam zhig gnas pa de gdod ma med pa nas phung po smin par byed pa'i rang bzhin 'byung ba me ltar snang ba'i rang bzhin te 'od kha dog lnga pa'o/ /de ni so sor rtog pa'i ye shes te/ thams cad bde ba chen po'i dbyings su rtogs pa'i sgron ma'o/ /'od de'i dkyil na yi ge med pa'i thig le chen po'i byang chub kyi sems bzhugs pa de ni
- 39b
dangs mo? chen po'o/ /de'i gdod ma nas phung po gsal bar byed pa'i rten byed pa'i 'byung ba'i dangs ma de rtsa bug rnams dang/ nam mkha' ltar snang ba'o/ /de ni khyab pa chen po'i ye shes yum kun tu bzang mor gsal ba ste/ thams cad yang dag pa'i dbyings su gsal ba'i go skabs 'byed pa'o/ /de ltar thig le gser zhun ma lta bu ni shes rab ste/ yum thams cad kyi ngo bo'o/ /der rin po che ke ke ru bcug pa dang 'dra ba ni/ thabs kyi rgyal po ste/ kun tu bzang mo la sogs pa yab rnams kyi'o/ /de ni me long lta bu'i ye shes byang chub kyi sems thig le chen po de la me long lta bu'i ye shes te/ lta ba ni mthong ba med pa'i tshul du mthong ba'o/ /de'i yab gang yin pa yum yin la yum gang yin pa yab yin zhing/ 'od gyi gong bu der tha dad pa ma yin par mthong ngo/ /dangs ma chen po'i thig le nyid kyang rang bzhin med par song ste/ ye nas lhun gyis grub pa nam mkha' i gzugs su byung ba de nyid ni thig le chen po byang chub kyi sems zhes bya ba chos nyid kyi sku'o/ /de ltar gyur pa'i ngang la ni 'gro ba rigs drug gi sems can rtsad gcad pa zhes bya'o/ /de la rtag par ting nge 'dzin gnas pa ni/ rtag tu gsod la brtson pa dang zhes gsungs pa'o/ /ma byin len dang mi tshangs spyod ces bya ba ni/ byang chub kyi sems de ni ma byin par yang dag par blang bar bya'o/ /yang dag pa'i don de dus rtag tu spyad par bya ba'o/ /rdzun dang tshig rtsub smra ba dang/ zhes pa ni/ rdzun yang smra bar bya ba ma yin te/ brjod dang bral ba'i don 'di lta bu yin no/ zhes ston pa ni rdzun du smra ba'o/ /ngag rtsub smra ba gang yin te/ rnam par rtog pa'i shes pa med pas ngag rtsub smra ba'o/ /de nas bdud rtsi lnga bza' ba bstan te/ zas su sha dang/ bshang gci dang/ rnag khrag bron mo 'thung ba dang zhes bya ba ni/ sha chen dang bshang ba ste/ dri chen dang gci ba ste/ dri chu dang rnag ste/ byang chub kyi sems khrag ste/ pad+ma rak+ta te bdud rtsi lnga'i ngo bo ru bza' zhing btung ba'o/ /ngan zos ngan spyad thams cad kyis/ /
- 40a
gsang ba 'di nyid 'grub par 'gyur/ zhes bya ba ni/ bdud rtsi lnga ni zos shing spyad pas gsang ba'i don 'di nyid 'grub par 'gyur te/ dam tshig go/ pha dang khu bo mes po dang/ /bu dang spun dang tsha bo rnams/ zhes bya ba ni pha ste 'dod chags dang/ khu bo ste zhe sdang dang/ mes bo ste gti mug dang/ bu ste nga rgyal dang/ spun te phrag dog dang lnga'o/ /tsha bo rnams ni de kun gyi spyi'i mtshan nyid do/ /zhe sdang sems kyis gsang byas na/ /rdo rje rigs kyi zhing du 'khrus/ zhes bya ba ni nyon mongs pa lnga/ spyi'i mtshan nyid dang/ drug po ni me long lta bu'i ye shes la sogs pa lnga stong pa chen po'i ye shes dang drug gi ngang du zhe sdang chen po'i ting nge 'dzin gyis gsad na gnyis su med pa'i ye shes ma bcos pa rdo rje rigs su 'gyur ro/ /don dam pa'i bden pa'o/ /de nas byang chub kyi sems bde ba chen po pho brang nas bskyod pa la rkyen gnyis te/ ting nge 'dzin gyis bskyod pa dang shes rab ma'i rkyen gyis bskyod pa'o/ /de la ting nge 'dzin gyi rkyen gyis bskyod pa'i le'u 'di nyid kyi stod nas gsungs so/ /shes rab ma'i rkyen gyis dbab pa bstan pa'i phyir/ ma dang bu mo sring mo dang gdol pa mo phyal ba la zhes pas bstan te/ ma ni rdo rje rigs ma'o/ /bu mo ni 'khor lo'i rigs ma'o/ sring mo ni rin po che'i rigs ma'o/ /gdol pa mo ste las kyi rigs ma'o/ /phyal ba ste pad+ma'i rigs rnams la byang chub kyi sems rtogs par 'dod pa'i rigs kyis sbyar na 'byung ba bzhi'i rkyen gyis drangs nas/ dga' ba dang mchog tu dga' ba dang/ bral ba'i dga' ba rnams ni nyams su blang bar bya ba ma yin te/ khu ba dang lhan cig skyes pa'i ye shes bya ba rang bzhin dga' ba de nyams su blang bar bya'o/ /de yang gnas gang du nyams su blang zhe na/ rdo rje'i bum pa'i dbus su ste yi ge bzhi'i dbus su'o/ /'o na yi ge bzhi'i dbus su ni bzung la gzhan du mi gzung ba ci ste na yi ge bzhi'i dbus su gzung ste yi ge suM par ma 'das na ni khu ba dang lhan cig skyes pa'i ye shes mi skye la yi ge bzhi la slebs na ni mi
- 40b
zin pa'i skyon yod pas dbus su bzung bar bya ba kho na yin no/ /'o na yi ge bzhi rang gang yin zhe na/ yi ge ni 'di rnams so/ /oM aM hUM phaT ces pa rnams so/ 'o na yi ge lnga 'dug na bzhi zhes bya ba mi 'gal lam zhe na/ mi 'gal te/ 'byung ba bzhi dang sbyar na/ oM ni sa'i rang bzhin yin ba dang/ hUM ni me'i rang bzhin yin pa dang/ aM ni chu'i rang bzhin yin pa dang/ phaT ni rlung gi rang bzhin byang chub kyi sems ni nam mkha' i rang bzhin pa'i phyir mi 'gal ba'i phyir ro/ /'o na 'byung ba lnga de ru smos nas ci dgos she na/ dgos pa med pa ma yin te/ rdo rje'i rtse mo'i nang nas kyang/ byang chub sems ni rab za ba/ /bde ba'i gnas nas spyan drangs nas/ /rin po che yi gnas su ni/ /'byung ba gsum gyis gzung bar bya/ zhes gsungs te mi 'gal lo/ /de ltar byang chub kyi sems nyams su len pa'i dus na yang dag pa'i ye shes su 'gyur te/ 'khor ba'i skyon gyis ma gos pas pad+ma'i rigs su nges par skye zhes gsungs pa yin no/ /de lta bu'i don la dgongs te gsungs ba'i tshig de la 'khor byang chub tu sems skye ba rnams bcom ldan 'das 'di lta bu'i tshig ngan pa smra ba snyam nas/ byang chub sems dpa' rnams bskrag ste/ rab tu brgyal nas sa la 'gyel bar 'gyur ro/ /de nas yang 'khor de rnams kyi the tshom bsal ba'i phyir/ de nas yang rdo rje yid kun tu bzang pos/ bcom ldan 'das gsang ba mchog gi bdag po la bltas te/ bcom ldan 'das byang chub sems dpa' 'di rnams sngon gyi 'du shes ngan pa yid la dran nas brgyal nas 'gyel na 'di dag slar gso bar gsol zhes gsol ba btab pa dang/ de bslang ba'i phyir/ bcom ldan 'das kyis byang chub kyi 'od zer gyi zhing 'khyil pas 'khor de dag bstims te/ byang chub kyi sems kyis byin gyis brlabs mdzad do/ /byang chub kyi sems bstims shing byin gyis brlabs pa des/ byang chub sems dpa' rnams slar dran pa rnyed de/ sa las langs nas bcom ldan 'das gsang ba mchog gi bdag po'i
- 41a
zhal du mig mi 'dzum par lta ste 'khod do/ /de nas 'khor gyi the tshom de bsal ba'i phyir/ de nas bka' stsal to zhes bya bar sbyar ro/ /de nas yang lung bsgo ba'i phyir rigs kyi bu rnams rang rang gi 'du byed ngan ba de rnams thong zhig ces gsungs te/ thong zhes pa ni zlog pa ste/ khyed rnams kyi bsam pa mang pos ci zhig bya/ bcom ldan 'das ngas dgongs pa bshad pa'i tshig la khyed rnams kyis drang por bzung bas tshig ngan par 'gro ste/ de'i bsam pa ngan pa rnams ma smra bar thong zhig pa'o/ /byang chub spyod pa'i gnas 'di yin zhes pa la sogs pa ston pa yis/ 'khor rnams kyi the tsom bsal ba'i phyir tshig go /byang chub spyod pa'i gnas 'di yin te zhes bya ba ni/ byang chub spyod pa de'i gnas na bde ba chen po'i gnas de nyid yin no// thams cad nam mkha' i rang bzhin te zhes bya ba ni/ bde ba chen po'i don de thams cad nam mkha' i mtshan nyid yin te/ mtshan nyid de la yang mi gnas pa'i phyir/ nam mkha' la yang mtshan nyid med ces brjod pa yin no/ /de nyid 'jig rten sna tshogs te zhes bya ba ni/ mtshan nyid med pa de nyid 'di ltar rnam pa sna tshogs par snang ste/ snang ba de nyid kyang gzugs su snang ba thams cad de/ de bzhin gshegs pa'i sku'i rang bzhin yin pa dang/ sgra ru grags pa thams cad de bzhin gshegs pa'i gsung gi rang bzhin yin pa'i phyir te/ phyag rgya'i tshogs chen de nyid do/ /zhes gsungs pa yin no/ /de ltar phyi dang nang du snang ba yang sgyu ma tsam du snang la don dam par de bzhin gshegs pa'i thugs spros pa med pa yin pa'i phyir/ chos sku sgyu mar dbang sgyur ba/ /de la dngos po ga la yod ces gsungs pa yin no/ /ci spyod ci bsgrub ci bsgoms kyang/ /byang chub nyid de ltung gnas med ces bya bsgom bsgrub la sogs pa ji ltar spyad kyang don dam pa'i dbyings las ma g.yos par shes na byang chub nyid
- 41b
de lhung gnas med do/ /lhung gnas nyid yang dag pa'i ye shes su 'gyur ba bstan pa'i phyir/ dmyal ba'i gnas nyid bla med gnas zhes gsungs te/ dmyal ba'i gnas su gdags pa'i gnas med de/ ye nas rnam par dag pa'i gnas so/ /de nas yang khams gsum gyi sdug bsngal nyid gnyis su med pa'i ye shes yin pa'i phyir/ sdug bsngal nyid ni byang chub la/ /'khor ba nyid ni mya ngan 'das/ /sgrib pa nyid na mngon sangs rgyas zhes gsungs pa yin te/ khams gsum gyi sdug bsngal ni yang dag pa'i ye shes yin te/ ma bcos pa'i byang chub kyi sems te/ de ltar ngo bo nyid kyis sangs rgyas pa'i rang bzhin la 'khor ba zhes bya ba ga la yod de mya ngan las 'das pa'o/ /de ltar nges pa'i don de la sems rtse gcig tu gnas par bya ba'i phyir/ /nges don de la 'dud par sbyor zhes bcom ldan 'das kyis gsungs pas/ byang chub sems dpa' de som nyi dang bral nas rang rang gi de bzhin nyid la dmigs nas/ brjod pa las 'das te/ cang mi smra bar 'khod de/ zhes don dam pa'i bden pa'o/ /thugs rjes 'dul ba'i ston pa'i le'u la thugs rjes 'dul ba'i le'u'o/ /bdud rtsi'i thigs pa zhes bya ba rgya cher bshad pa las/ bden pa gnyis kyis bshad pa'i le'u ste/ drug pa'o// //de ltar thugs rjes 'dul ba bstan kyang log pa'i lam pa dregs pas myos pa de zhi bas mi 'dul te/ de la khros pa'i tshul gyis 'dul bar 'khor rnams kyis ston pa la bskul ba bstan pa'i phyir/ de nas zhes pa la sogs pa bstan te/ de nas bcom ldan 'das rigs lnga'i bde bar gshegs pa la sogs pa thams cad dgongs pa gcig tu gyur te zhes bya ba ni rigs lnga'i bde bar gshegs pa'i 'khor gyi byang chub sems dpa' thams cad dgongs pa chos kyi dbyings gcig tu gyur te so so ma yin pa'o/ /log pa'i lam pha dngos po la mngon par 'chel ba/ mngon pa'i nga rgyal gyi mthu bsnyems nas/ sangs rgyas kyi bstan pa la mngon par mdad pas/ 'jig rten 'phung bar byed
- 42a
ba rnams zhes bya ba ni/ sngon gsang sngags zab mo'i don dang lta spyod la sogs pa thob kyang yang dag pa'i shes rab kyis ma zin pas de bzhin gshegs pa'i sku mdog dang phyag mtshan rang rgyud du gzung bas skye ba phyi ma la gzugs 'jig pa lag cha gdug pa'i ru trar gyur te/ shin tu nga rgyal gyi mthu bsnyems nas gnas pa'o/ /sngags hUM hUM phaT phaT la sogs pa'i don gsung rnam par dag par ma rtogs pas/ ngag gtum tshig sod cod la sogs pa'i sgras sems can brgyal bar byed pa sgrogs pa'o/ /thugs spros pa med par ma rtogs pas/ zhe sdang mnar sems dang ldan pa'i ru tra dregs pas myos pas dngos po la 'chel ba sangs rgyas kyi bstan pa la shin tu yang ma dad pa de la zhi bas 'dul ba'i skabs la ma bab ste/ de bzhin gshegs pa'i mdzad spyod kyis 'dul bar 'khor rnams kyang gzigs nas/ bcom ldan 'das gsang ba mchog gi bdag po la 'og nas 'byung ba'i don 'di skad ces 'khor rnams kyis gsol ba btab bo/ /e ma'o log pa'i lam gyis mnar ba la/ /zhi bas phan par mi 'gyur te/ zhes pa la sogs pa gsung te/ log par lta bas mnar ba de la zhi bas phan par 'di nyid la mi 'gyur te/ phyis kyang ngu 'bod kyi gnas su lhung ba'i phyir/ 'o dod 'bod pa lhung bar 'gyur zhes gsungs te/ lus ngag yid gsum gyi sgo nas khro zhing gtum par gnas pa'i phyir/ shin tu khro gtum gtum pa la zhes gsungs pa yin te/ de la ni gang gis kyang 'dul bar mi 'gyur te/ ye shes khros pas 'dul bar 'gyur ba de bas na/ sangs rgyas bcom ldan 'das kyi 'khor rnams mngon par 'du bar mdzad par rigs zhes 'khor rnams kyis gsol ba dang/ gdug pa can de khro bos 'dul bar bcom ldan 'das kyis thugs su chud nas 'khor rnams la spyan gzigs te/ hUM hUM hUM zhes brjod pas rigs lnga bde bar gshegs pa la sogs pa'i 'khor thams cad stong pa
- 42b
nyid kyi ba spu'i bu ga nas zhugs nas thugs kar thim bsdus te gnyis su med pa'i dbyings su mi snang bar mdzad do/ /de nas gnas kyi dkyil 'khor la sogs pa thams cad/ bcom ldan nyid kyi sku'i dbyibs la bsdus te dngos po mi snang bar mdzad do/ / de nas bcom ldan 'das nyid kyi yang dag pa'i dbyings su thim ste/ de bzhin nyid kyi ting nge 'dzin gnas par 'gyur ro/ /de yang ci mngon zhe na/ dpal bdud rtsi rgyud las/ zhi bas ma 'dul las 'di la/ /drag pos khros pas 'dul 'gyur te/ /ting 'dzin gsum la rab gnas nas/ /de byung khros pa'i gzugs brtag go zhes gsungs so/ /ting nge 'dzin gsum ji ltar yin zhe na/ ji skad du bshad pa'i rgyud kyi rjes su 'brangs nas/ rdo rje khros pas zhe sdang gcod/ /mtshon chen sngon po 'bar ba ni/ /nam mkha' i dkyil nas thigs pa shar zhes gsungs so/ /bcom ldan 'das de bzhin nyid la gnas pa'i dus na rdo rje ste/ de bzhin nyid kyi ting nge 'dzin te rgyu'i rnam pa'o/ /de la dregs pa can 'dul bar dgongs pa'i ting nge 'dzin gyis g.yos pa ni/ kun tu snang ba'i ting nge 'dzin te/ rkyen ni de la ni khros pas zhe sdang gcod pa'o/ /de nas 'bras bu'i ting nge 'dzin khros pas bskul ba ni/ yi ge hUM sngon po 'bar ba 'byung ste de ni khros pa'i rgyal po'i thugs mtshon pas chen po ste/ yi ge la 'od rnam pa lnga 'phros/ yi ge yongs su gyur pa las/ nyid kyi sku khro bo 'du bar mdzad pa'i phyir hUM badzra kro ta ma ha ra tsa phaT ces pa'i sgra brjod cing/ rdo rje khro bo'i ting nge 'dzin la snyoms par zhugs te zhes bya ba ni sngags kyi sgra grags pa ni shin tu khros pas bskul te rdo rje gyur pa de/ ye shes kyi rdo rje rtse dgu pa can la ni snyoms par zhugs pa'o/ /rdo rje yongs su gyur gyur pa las sngags kyis bskul te bslang pas/ khros pa'i sku mngon par 'du mdzad de/ dbu dang zhabs dang phyag stong khams kyi rdul snyed rab tu 'jigs pa mdza' yas par snang bar mi zad par
- 43a
'thon par 'gyur ro/ /de ni yongs su rdzogs pa'i 'bras bu'i ting nge 'dzin to/ /de nas gzhal yas khang byin gyis brlabs pa bstan te/ de'i phyir thugs ka nas zhes gsungs pa yin te/ khros pa'i rgyal po'i thugs ka nas/ hUM 'phros te hUM las rdo rjer gyur te phyogs dang mtshams kun rdo rjer gtams pa'i steng dang 'og dang rdo rje sa gzhi dang gur ro/ /de'i dbus su yi ge e las/ chos 'byung ba'i phyag rgya yum kun tu bzang mo'i mkha' gru gsum pa ste/ yongs su brtag par bya ba'i de'i dbus su yum bzhi'i ngo bor ji ltar rgyas par gzhan nas bstan pa ste/ rim pa ji ltar sbyor/ de nas rked dus kyi ri rab kyi steng du rig pa'i bruM smug nag yongs su gyur pa las 'byung ba'i gzhas yas khang ste/ de yang rlung nag rdo rje'i dkyil 'khor la brten pa dang khrag gi rgya mtsho 'khrugs pa'i dkyil na/ rkeng rus chen po ri rab 'bar ba'i steng na drag po e'i gzhal yas khang bruM gyi dbus su byung ste/ de yang rgyan nam mkha' i rgya dang mnyam pa rdo rje'i gur las kyang 'bar ba'i 'phro bas 'khrug pa gzhal yas khang las kyang 'od zer lnga 'phros zhing 'khril bar 'gyur ro/ /de nas khros pa'i rgyal po'i yum bskyed pa'i phyir/ de nas zhes pa la sogs pa gsungs te/ oM badzra ma ha kro ti zhes khros pa'i rgyal po brjod pas/ de bzhin nyid kyi dbyings las khro mo dbang phyug ma mngon par phyung ste/ thabs dang shes rab 'jug pa'i phyir/ oM sarba ta thA ga ta a nu ra ga badzra swa b+ha ba At+ma ko haM/ zhes pa ste/ chags pa'i rang bzhin no/ de nas yang pad+ma dang/ rdo rje yang dag par ldan pa las/ gnyis su med pa byang chub kyi sems byung ba las/ hUM hUM hUM hUM b+hi sha gro t+ta dzwa la maN+Da la phaT phaT phaT ha la ha la hUM phaT ces khros pa'i rgyas pos brjod pas/ phyogs bcu'i sangs rgyas thams cad sngon gyi smon lam bskul ba yis/ zhe sdang rdo rje'i sku rjes su dran nas dbu stong phyag stong mnga' ba dang/
- 43b
spyan stong mnga' ba phyag na gdug pa'i mtshon cha kha TwAM ga la sogs pa bsnams nas/ 'jig rten drug tu 'thon par 'gyur ro/ /khro bo rnams kyi zhal nas kyang/ hUM hUM phaT phaT da ha na da ha la sogs pa'i sgra mang po brjod pa de'i tshe/ 'jig rten drug gi phyogs mtshams thams cad g.yos rab tu g.yos so/ /kun tu rab tu g.yos par 'gyur ro/ /zhabs sa la brdabs pas kyang/ 'khrug rab tu 'khrug kun tu 'khrugs so/ /spyan gyi 'od zer gyis kyang tshig rab tu tshig kun tu tshig go /shangs kyi rlung gis kyang 'thor rab tu 'thor ro/ kun tu rab tu 'thor ro/ /de ltar khro bo'i byin brlabs byung ba de'i tshe/ 'jig rten 'phung bar byed pa'i dregs pa chen po dang/ lha'i dbang po brgya byin dang 'jig rten gyi mes po tshangs pa dang/ lha ma hA de ba dang/ lha khyab 'jug rnams rang rang mthu dang stobs dang che ba ston cing shin tu khro gtum mo/ /de nas yang las kyi lha sras mchog rdo rje gzhon nus dregs pa ji ltar bsgral ba bstan pa'i phyir/ de nas zhes pa la sogs pas bstan te/ 'jig rten drug gi phyog mtshams g.yos pa'i de ma thag pa de nas 'jigs byed chen pos hUM hUM hUM badzra kro ta sarba big nan phaT hUM zhes gong du spros pa'i khro bo dbu dang phyag stong mnga' pa'i khro bo chol pa de dag gis phyogs bcu nas gnas pa'i dregs pa bsgral lo de nas yang hUM hUM zhes 'jigs byed chen pos brjod pas khro bo de dag slar 'dus te khrag 'thung chen po'i mdun du sbas mchog rdo rje gzhon nu'i sku mthing nag dmar nag de dbus mthing nag g.yas ljang nag g.yon dmar nag gi tshul gyis zhal rngam pa pha rol du phyin pa drug gi rtags su phyag drug zhabs bzhi shin tu bgrad pas stongs tshul du bzhugs pas/ rdo rje gshog pas gtams pas sangs rgyas lnga dbu la rdzogs shing skra kham nag gyen du 'khyil zhing sku la dur khrod kyi rgyan gyis brgyan pa/ stong rdo rje'i cha lag pa
- 44a
smad rdo rje'i phur bas gtams pas dur khrod kyi me 'bar ba'i dkyil na yum ral cig ma ngang? 'khril pa'i tshul gyis gnas pa cig du gyur te/ bka' nod pa'i tshul du khrag 'thung chen po la phyogs nas/ gnas shing dregs pa kun zhabs 'og du brdzis te gnas pa las/ khrag 'thung gi rgyal pos phyogs bcu nas/ sras mchog rdo rje gzhon nu la dbang bskur ba'i phyir byang chub sems kyi 'od zer gyi phyogs bcu dus gsum gyi sangs rgyas thams cad zhe sdang rdo rjes bskul te bkug nas mdun gyi dkyil 'khor na gnas pa las/ bshad pa'i rgyud kyi rjes 'brangs nas/ /rdo rje gzhon nu'i rigs 'dzin rnams/ /srid pa'i phur bu grub mdzod cig /sangs rgyas kun gyi ye shes sku/ /dang nyid rdo rje chos dbyings las/ /'bar ba'i khro bo mi zad pa/ /sku yi dbyings su rdzogs gyur cig /thabs kyi spyod pas 'gro don du/ /byams dang snying rjes gang 'dul ba/ /sangs rgyas 'phrin las rdzogs byas nas/ /dbang dang byin brlabs 'dir stsol cis ces pas dbang bskur bar mdzad do/ / de nas ye shes kyi dkyil 'khor gyis dbang bskur te/ phyi nang gsang pa'i dbang rdzogs par bskur te de'i phyir/ khros pa'i rgyal po dbang bskur ba'i phyir zhes gsungs pa yin te/ dbang thos pa'i rtags su hUM badzrA kro ta dz+nyA na badzra zhes brjod nas/ las kyi rdo rje rtse dgu pa ni phyag g.yas dang por byin/ ye shes kyi rdo rje rtse lnga pa ni/ g.yas par mar byin nas/ dbang ste rang bzhin grub pa'i gnas su gshegs so/ /de nas sras rdo rje gzon nu nyid kyis gong du btul ba'i dregs pa de dag la kha TwAM ga phyag g.yon gyi bar mar 'phros nas/ phog pa'i ?mnga' las rgyal ba'i rtags su bsnams pa'o/ /de nas yang khrag 'thung chen pos sras phur pa lnga bskyed nas dregs pa can/ nyon mongs pa lnga bsgral ba'i phyir/ de nas yang
- 44b
khrag 'thung chen pos zhes pa la sogs pa gsungs te/ khrag 'thung chen pos/ thugs ka nas 'od zer 'phros te dus gsum gyi de bzhin gshegs pa thams cad zhe sdang rdo rje gzhon nu dang/ nga rgyal rdo rje gzhon nu dang/ 'dod chags rdo rje gzhon nu dang/ phrag dog rdo rje gzhon nu dang/ gti mug rdo rje gzhon nu la sogs pa bkug ste byang chub sems kyi lam nas phyung nas de nas hUM lngar gyur te/ yongs su gyur pa las sras phur pa lngar gyur te/ de bstan pa'i phyir/ rdo rje las 'thon te zhes pa nas thugs ka nas ye shes sems dpa' dang ldan pa zhes pa'i bar gyis bstan te dkyus nyid gsal lo/ /de nas yum gyi mkha' la gdon pa bstan pa'i phyir/ rdo rje las 'thon te zhes pa nas thugs ka nas ye shes sems dpa' dang ldan pa zhes pa'i bar gyis bstan de dkyus nyid gsal lo/ / de nas yum gyi mkha' la gdon pa bstan pa'i phyir/ e'i gdan la zhes pa bstan te/ shes rab ma la 'byung ba'i phyir/ e'i gdan la sras mchog rdo rje gzhon nu'i spyan mnga' na bka' nod pa'i tshul du bzhugs so/ /de nas sras mchog rdo rje gzhon nu'i zhabs 'og nas gzir ba'i dregs pa can de rnams bsgral ba'i khrag 'thung chen pos bskul ba ni/ hUM mthing nag grub gsum zhes pa'i tshig bzhis bstan te/ thob ces pa'i bar du'o/ /de nas sras mchog rdo rje gzhon nus kyang bsgral ba bstan pa'i phyir/ khro bo las kyi skye gnas bzung/ /de zhes pa nas rim pa thil bar khyab 'jug pho mo 'khor dang bcas pa bsgral lo/ zhes pa'i bar gyis bstan te dkyus nyid gsal lo/ /de nas yang khrag 'thung chen pos sras mchog rdo rje gzhon nu la sku za byed chen por dbang bskur zhing byin gyis brlabs pa'i phyir/ khrag 'thung chen pos dzwa la raM zhes brjod pas me dpung dud kha 'bar nyid 'phro ba sras mchog rdo rje gzhon nu phyag g.yas dang por phul te bsgrol ba'i dbang bskur/ dregs pa can bsgral ba'i nyon mongs
- 45a
pa thams cad bsregs spyangs/ snying dang nad grol dang phung po rnams ha ha zhes zhal du gsol nas phung po lhag ma dang bcas par mdzad do/ /de nas yang sras mchog rdo rje gzhon nus phyogs bcu'i khro bo dang/ khro mo bcu mthong nas khro mos bsgral bar bstan pa'i phyir/ de'i tshe zhes pas bstan te/ khrag 'thung chen pos sras mchog rdo rje gzhon nus dbang bskur ba de'i tshe/ sras mchog rdo rje gzhon nu yab yum gnyis su med pa'i byang chub sems kyi sprin las gsang ba'i pad+ma la 'od zer du 'phros 'od zer las yi ge hUM hUM la sogs pa bcu ru gyur dza(rgyud 'grel): dang hUM dang baM dang ho(rgyud 'grel): rnams gsal bar 'gyur te/ yi ge rnams yongs su gyur pa las rdo rje dril bu dang/ lcags kyu zhags pa lcags sgrog dang dril bu rnams su gyur to// phyag mtshan de rnams yongs su gyur pa las gtso bos sngags kyi le'u nas byung ba'i/ oM badzra kro ta hUM kar hUM zhes bya ba la sogs pa'i khro be bcu'i bskyed pa'i sngags brjod pas song/ /so so'i sku yongs su rdzogs par bskyed de yang ji lta zhe na khro bo hUM ka ra zhes bya ba ni khro bo chen po hUM ka ra dbu gsum phyag drug pa dbu gsum pa sku dang zhal dbus ma sngo skya g.yas dkar g.yon dmar ba'i/ phyag drug la g.yas g.yon dang po gnyis na rdo rje dung chen dmar gyis bkang ba 'khrug cing gsol ba'o/ /bar ma gnyis na mda' gzhu 'gengs pa/ tha ma gnyis na ri rab phur bu 'dril ba'o/ /rnam par rgyal ba dang zhes pa'i zhal dbus dkar ba'o/ /g.yas sngon po g.yon ljang ser phyag bar ma gnyis rdo rje dang 'khor lo'o/ /dbyug pa sngon po zhes bya ba ni sku dang zhal dbus sngo skya g.yas dkar g.yon dmar skya'o/ /phyag byar ma gnyis na dbyug pa rin po che dang/ me dpal bsnams pa'o/ /gshin rje gshed po dang zhes pa ni sku dang zhal dbus sngon po g.yas sngo skya g.yon ljang nag phyag bar ma gnyis na
- 45b
dbyug pa mi mgo can dang/ dgra sta bsnams pa'o/ /mi g.yo mgon po dang zhes pa ni/ sku dang zhal dbus ljang g.yas sngon po/ g.yon smug nag phyag bar ma gnyis na rdo rje dang zhabs pa'o/ /rta mgrin dang zhes pa ni sku dang zhal dbus dmar nag /g.yas dkar ba g.yon sngon po phyag bar ma gnyis na ral gri dang sprul gyi zhags pa'o/ gzhan gyis mi thub pa dang zhes bya ba ni sku dang zhal dbus dmar skya g.yas ser po g.yon ljang gu phyag par ma gnyis na ban d+ha dang rnga yab po/ /bdud rtsi 'khyil pa zhes bya ba ni/ sku dang zhal dbus ma ljang nag g.yas ser po g.yon dung ka phyag bar ma gnyis na rdo rje rgya gram dang rin po che dbyug pa'o/ /khams gsum rnam par rgyal ba dang zhes bya ba ni/ sku zhal dbus ser po g.yas dkar/ g.yon ljang gu phyag par ma gnyis na 'khor lo dang mnga' gzhu'o/ stobs po che rnams so/ zhes bya ba ni sku dang zhal dbus dud ka g.yas nag po g.yon dmar po phyag bar ma gnyis na zhags pa dang thob bsnams pa'o/ /khro mo rdo rje sgra 'byin ma rnams dang/ zhes pa la sogs pa sku mdog yab dang 'dra khyad par ni phyag gnyis na dril bu thogs nas mgul pa nas 'khyud nas gnas pa'i phyir/ 'khyil ba'i chul gyis 'thon te zhes gsungs te/ gsang ba'i dkyil 'khor nas 'thon te/ phyogs bcur sems can gyi don la skye ste/ phyogs skyong 'og nas 'byung ba yang skabs 'di nyid du bsgral par rig par bya'o slar 'dus nas phyi rol gyi dkyil 'khor du rang rang so so'i gdan 'og nas gsungs pa rnams la bzhugs so/ /tshul ji ltar bzhugs she na de bstan pa'i phyir/ dbu gsum phyag drug zhabs thur du gtams pa gdug pa'i zhes pa la sogs pa sha stag ste/ zhes pa'i bar gyis bstan te de ltar zhugs so/ /de nas 'khor gyi 'phra men ma skyed par bya ste/ phyogs bcu'i khro bo yab yum gnyis su med pa'i byang chub kyi sems las sprul pa lcam
- 46a
dral bskyed de/ thabs dang shes rab kyi cha so sor smin par 'gyur te/ mche ba can g.yas su'o/ gshog pa can g.yon du'o/ /de ltar sprul pa lcam dral bskyed nas 'khor gnas pa bstan pa'i phyir/ de dag gi 'khor na zhes pa nas rlung yang mi shor bar gtams nas zhes bya ba'i bar gyis bstan to/ khro bo rnams kyi gdan bstan pa'i phyir/ nyi zla dang zhes pa nas gong ma ltar bsgral lo/ zhes pa'i bar gyis bstan te/ nyi ma dang zla ba ni thabs kyi shes rab brtags so// phyogs skyong ba bcu yis ni gdan mdzad pa ni mi dge ba bcu rnam par dag nas dge ba bcu la gnas pa'i rtags so/ /de yan chad du ni rtsa ba'i dkyil 'khor gsungs te/ skra ga'i mgo can la sogs pa bzhi yan chad do/ /nga ni las la btang ba'i lha bskyed par bya ste/ de'i phyir de nas zhes pa la sogs pa gsungs te/ dpal khrag 'thung chen pos gsang ba rol pa'i ting nge 'dzin la snyoms par zhugs te zhes bya ba ni bsod nams dang ye shes kyi tshogs gnyis rdzogs pa'i ngang tshul can de ni dpal de'i ngang du khams gsum gyi nyon mongs pa sdud pa'i rtags su/ khrag 'thung bas khrag 'thung gzhan las khyad par du 'phags pas chen po/ de'i thabs dang shes rab kyi rjes su chags pa'i gsang ba gnyis su med par rol pa'i ting nge 'dzin la snyoms par zhugs te/ de nyid du yang khams gsum thams cad mnyam nyid kyis rgyas btab par 'gyur ro/ /de nas dregs pa chen po'i ma dang bu mo dang chung ma rnams dbang du bsdu ba'i phyir/ 'od zer lcags kyur 'phro bas spros shing hUM hUM e a ra li ru lu ru lu hUM dza/ zhes khrag 'thung chen pos brjod pas dregs pa chen po'i ma dang bu mo dang chung ma'i tshogs kyi gtso mo ni nyi shu rtsa brgyad 'khor grangs med pa dang bcas nas khrag 'thung chen po'i thad du yud tsam
- 46b
gyis 'dus par 'gyur ro/ /de nas yang khrag 'thung chen pos e a ra li ho zhes brjod pas 'dus pa rnam gnyis kyi sku la 'khyil te/ dgyes pa'i sprin la ho/ zhes brjod pas rdzogs pa'i tshul du skad cig re re la sal sal bskyed de/ sku mdog dang phyag mtshan ni sgyu 'phrul las ji skad gsungs pa bzhin no/ /de nas yang seng gdong ma la sogs pa bskyed de/ dgyes pa'i sprin las he he zhes brjod pas brjod pa'i de ma thag pa de nyid du sku rdzogs par gsal bya ste/ dkyil 'khor gyi phyi mtshams su 'khod do de nas yang de 'dren par byed pa la sogs pa'i pho nya 'gyed pa'i phyir/ yang dgyes pa'i sprin las phaT ces brjod pas skad cig ma re re la gsal bar byas la sgo sgor 'khod do/ /de rnams ni las kyi lha yin par shes par bya'o/ /de nas yang ma mo de rnams rang gi gnas su bkrad pa'i phyir/ khrag 'thung chen po rab tu khros pa'i ting nge 'dzin gyis phaT zhes pas bskrad de/ ma mo de rnams rang rang gi gnas ga la ba der yud tsam gyis phyin par dgye'o/ /de nas sngar gyi dregs pa rnams myos nas yong pa de rnams slar myos par bya ba'i phyir/ de nas khro bo rnams phyag brang la bsnol te btsir bas mi gtsang ba'i phyag rgya rgya mtshor 'khyil te/ dran pa med par byas so/ de nas yang dran pa med pa de rnams gso bar bya ba'i phyir/ khrag 'thung chen pos thugs rjes bdud rtsi 'byung ba'i ting nge 'dzin la snyoms par zhugs nas/ rnams nas khro mo sme sha 'thon te des mi gtsang ba'i rgya mtsho brdubs pas rgya mtshod drags pa de dag slar dran pa thob ste/ kun rdzob kyi bden ba mthong/ de nas phyogs skyong de dag gis kyang dpal chen po 'bangs su mna' por te khas blangs so/ /de nas yang lus khro bo rnams kyi gdan brir phul te/ bdag gi lus nyon mongs pa 'di khro bo rnams la gdan du dbul gyis bzhes su gsol/ /bdag gi sems
- 47a
kyis ni phyi rabs kyi rnal 'byor pa phyogs skyong bar bgyid lags so/ /zhes khas blang zhing dam bcas so/ /de ltar btus shing dbang du bsdus pas/ de'i tshe gdon phyogs skyong ba rnams khro bo rnams kyi zhabs 'og du bzhag pa yin no/ /de'i dus na ma dang bu mo dang chung ma rnams kyang dpal chen po'i 'khor du phul te/ dpal khrag 'thung gi rgyal pos kyang ma dang bu mo rnams la lce la bdud rtsi bzhag ste/ dam tshig phog ste phyi rab kyi rnal 'byor pas ci bsgo pa'i las bya bar khas blangs nas dam yang bca' o/ /de nas las kyi lha ru dbang bskur te/ gzhal yas khang gi mu ran la bzhag go /dregs pa can btul pa'i le'u'o// //bdud rtsi thigs pa zhes bya ba rgya cher bshad pa las kun rdzob kyi bden pa 'ba' zhig gis bshad pa'i le'u ste/ bdun pa'o// //de ltar gdug pa can btul ba dang/ ji ltar phur pa gdab pa bstan pa yang las dang po pas bstan pa'i dkyil 'khor la brten nas btub dgos pa'i phyir de nas zhes pa la sogs pa gsungs te/ de nas bcom ldan 'das las phyung zhes par bya bar 'brel te ci byung zhe na nyid kyi dkyil 'khor 'di phyung ngo/ gang nas phyung zhe na/ sku gsung thugs las phyung ngo zhes bya'o/ /ci'i phyir na gdug pa can bsgral ba'i phyir phyung ba'o/ /de nas dkyil 'khor bya ba'i gnas bstan pa'i phyir/ dur khrod dang ni rim? grog gnas/ zhes pa la sogs pas bstan te/ dur khrod ni ma mo 'dul ba'i gnas yin pas/ drag po bsgrub pa'i las la shis pa'o/ dam grog gi gnas ni klu btsan gdug pa can gnas pa der bya ba'o/ rkang gcig shing ni rkang gcig ste/ the rang gi 'du ba'i gnas yin pas/ der shis pa'o/ /sum mdo ni lam gyi sum mdo ste/ tho rang gi lha 'dre thams cad rgyu ba'i srang te der bsgrub pa'o/ khang stong
- 47b
ni bud med 'du ba'i gnas te/ der bsgrub bar bya ba'o/ /gnas de rnams su rdo rje drag po'i dkyil 'khor bya'o de'i dbyibs ji ltar bya zhe na/ de bstan pa'i phyir/ 'bar ba'i 'khor lo rtsibs brgyad pa/ zhes pa la sogs pas bstan te/ dpal khrag 'thung chen po'i thugs las/ rnam par thar pa brgyad kyi sgo nas nyon mongs pa bsgral ba'i phyir/ 'khor lo rtsibs brgyad par phyung ba'o/ /gru chad bzhi ni 'khor lo'i phyi rol khyams kyi nang gang yin pa'o/ /gru bzhi'i sgo khyud bzhi dang ldan zhes bya ba ni khyams te/ lha snam mo/ sgo khyud bzhi ni phyogs bzhi'o/ /'bar ba'i bar khyams gnyis kyis mdzes zhes bya ba ni sgo'i phyi rol tu khyams gnyis bya ba ste/ der yang me ri bri ba'o/ /dbus kyi lte ba zlum po la zhes bya ba na 'khor lo'i lte ba zlum po ste/ de la thig bzhi btab pas le tshe brgyad du 'gyur te/ de'i le'u tshe dbus dang phyogs gnyis te/ shar phyogs nub phyogs dbus dang gsum po de dag la ni mthing nag gi gru gsum pa la mdza' me ri 'od 'bar ba bri ba ste/ 'khor lo rtsibs rnams la yang bri bar bya'o/ /dra ba dang dra ba phyed pa rin po che pha gu la sogs pa'i rgyan thams cad rgyas par bri ba ni/ rgyud gzhan dag las ji ltar rgyas par bstan pa bzhin bri bar bya'o/ /de nas lha dgong pa'i rim pa bstan pa ste/ de'i phyir dbus su dregs pa'i gdan dag la/ zhes pa la sogs pa bstan te/ dbus su dregs pa'i gdan la rdo rje gzhon nu yab yum dgod ces bya ba ni/ bsnyen pa'i dkyil 'khor ba yang dgod par bya ba yin la/ dregs pa bsgral ba'i 'og dus su yang gnas pa'o/ /spyan nga nyid dang phyogs bzhi ru/ /gru gsum me 'od 'bar ba la/ /sras mchog phur pa lnga po dgod ces bya ba ni spyan de'i bcom ldan 'das rdo rje gzhon nu'i mdun nyid do/ /phyogs ni mar phyogs la sogs pa bzhi'o/ /de'i gnas rnams su gru gsum pa'i phyi rol nas me 'bar bas bskor ba de la sras mchog phur pa lnga dgod pa ste/ sngon dregs pa can bsgral ba'i dus su bkod la/ bsgrub pa'i
- 48a
skabs su bgegs bskrad pa'i ched du bya ba ste/ rdo rje gur byas pa'i de ma thag bar ro/ /'khor lo rtsibs brgyad pa la ni/ rnam rgyal ces pa nas gdan la brkyang bskum tshul du gnas zhes pa'i bar gyis bstan te/ dkyus nyid gsal lo/ /nang dang phyi'i grwa rnams su zhes pa ni nang gi 'khor lo'i phyi rol du/ phyi ni lha rnams la ji ltar dkyus nas gsal bar bstan pa'i lha ni las la gtong ba'i lha ste las kyi dus su shes par bya'o/ phyi rol me 'khyams dang po la zhes bya ba ni sgo'i phyi rol gyi khyams dang po la/ pho nya drug cu gnas par rtag pa ste/ de yang las kyi dus su sbyor cig bsgrub pa'i dus nyid du thabs kyi g.yas shes rab g.yon gang yin pa nas las byed pa ste/ zhor las 'byung ba'i ting nge 'dzin no/ /sgo bzhi dag tu sgo srungs kyis dgong ces bya ba ni/ sgo ni shar phyogs la sogs pa bzhi'o/ /sgo srungs ni lcags kyu ma la sogs pa bzhi'o/ /phyi rol me khyams bar ma la zhes pa ni sgo'i phyi rol gyi khyams gnyis pa la/ slas dang byi mo'i tshogs kyis gtso bo bcu dang/ brgyad kyis skor zhes bya ba ni/ bcu pa gnyis la nyi shu tham pa/ de'i steng du brgyad kyis bsnan pas nyi shu rtsa brgyad dgong par bya ste/ de yang las kyi dus so/ de'i phyi rol gyi khyams la dam can lha mo 'khor dang bcas pa dang/ bdag nyid chen mo yang shon mu ka yang bsam par bya ba ste/ las dus su de nas yang dkyil 'khor la rgyan gyis brgyan pa'i phyir dur khrod thod pa dgu nang du zhes pa la sogs pa bstan te/ dur khrod thod pa dgu nang du zhes bya ba ni/ thod pa'i le tshe dgu'i nang du tshil chen gyi me mar dgu byas la dur khrod kyi ngas le ldong bu byas la/ me mar kha dgu gtang ste/ thod pa ni nga dang bdag med pa'i rtags la/ mar me ni ye shes kyi dbyings rtogs pa'i rtags so/ /rdo rje sha chen thang mar brdal
- 48b
dmar gyi rag ta rgya mtsho dkyil/ zhes bya ba la sogs pa gsungs pa/ sha chen thang mar brdal ba ni/ ma mo dang mkha' 'gro ma'i dam rdzas te/ dmar la sogs pa'i yang de bzhin du shes par bya'o/ /phyogs bzhi mtshams bzhi ste/ brgyad du yang stag gi rgyal mtshan dang shun chen bse'i rgyal mtshan te/ chu srin gyi rgyal mtshan zhing gi rgyal mtshan te re re la gnyis gnyis te brgyad gzugs par bya'o/ zhing lpags g.yang gzhi sprin ltar gtibs zhes bya ba ni/ bla bre zhing gi g.yang gzhis bre bar bya'o/ /de la sogs pa'i rgyan gyi rnams/ /ci rigs par ni bre bar bya'o/ /zhes bya ba ni dar mthing nag gi yol ba bre ba dang/ zhing gi phran phyogs nas gdags pa dang/ band+ha bgegs pa phyogs nas bzhag pa yang ngo/ /de nas yang dkyil 'khor la lha rnams kyi rang rang mtshan mar rdzas bzhag pas bstan par bya ba'i phyir/ 'bar ba'i tshogs kyi zhes pa la sogs pa gsungs te/ 'bar ba'i tshogs kyi bdag po rnams/ /rang rang skos su bzhag par bya zhes bya ba ni/ dkyil 'khor gyi lha rnams kyi rang rang rdzas su bzhag par bya ba ni/ mgo nas 'byung ba'i 'di'o/ mtshan ldan ban d+ha cang lo can/ /dbang po lnga dang ldan pa ni/ /gtso bo yab yum mtshan mar bzhag ces bya ba ni mtshan dang ldan pa'i ban da gling gsum pa 'am bu gcig pa ste/ de'i nang du dbang po lnga blugs la dkyil 'khor gyi dbus su bzhag par bya'o/ /dur khrod rkang gi phur pa lnga/ /sras mchog phur ba'i mtshan mar dgod ces bya ba ni/ bgegs gdon pa'i dus so/ /dur khrod kyi phur pa lnga la sras mchog tu byin gyis brlabs nas mchod pa phul phyogs bzhi dang dbus dang lngar gzugs par bya ste/ bsgrub pa 'di ma thon gyi bar du/ bar chod kyi bgegs ma btang zhes brjod la mtshams gcad do/ thod pa'i dum bu bcu drug gi /zhes bya ba ni thod pa'i le'u tshe bcu drug
- 49a
ni/ 'phra men ma bcu drug ni mtshan mar dgod pa ste las kyi lha'o/ /yan lag ni sems can thams cad ni/ khro bo khro mo rnams kyi rdzas zhes bya ba ni sor mo nyi shu ni khro bo dang khro mo rnams kyi rdzas so/ so dang ne'u rtseg 'bar ba 'bur rnams pho nya rnams kyi mtshan mar bzhag ces bya ba ni/ rus pa'i mgo kun bzhag par bya'o/ /rgal tshigs la sogs rnams kyi rdzas/ /ci bgyi tshogs kyi rdzas su bzhag ces bya ba ni/ rgal tshigs nyi shu rtsa brgyad ni slas dang byi mo'i rdzas su'o/ /yan lag bzhi'i mtshan ma ni zhes bya ba ni/ lag gnyis rkang ba gnyis bzhi ni sgo bzhir bzhag pa ste/ de yang rdzas rnams la bri bar bya ba'i thabs bstan te/ so so gsung gi yi ge 'bru rnams ni/ /rang rang rigs kyi mtshan ma la/ /yab yum byang chub sems kyi bri zhes bya ba ni/ yig 'bru hUM hUM la sogs pa'i so so rang rang gi mtshan ma gang yin pa la byang chub sems kyis bri bar bya ste/ dur khrod kyi snyug gus so/ /de nas yang ting nge 'dzin bstan te/ bla ma lung ldan des kyang ni/ /khros pas drag po'i rnal 'byor bya zhes bya ba ni bsgrub par bya ba ngang las gnyis ka'i dus su shin tu khros pa'i ting nge 'dzin bya ba yin gyi/ bsnyen pa'i dus su ma yin no/ /de nas drag po'i dkyil 'khor bstan te/ dbang ldan phyogs kyi grwa la yang/ zhes bya ba ni/ sras phur pa'i dkyil 'khor gyi byang shar gyi mtshams su bya'o/ /ci bya zhe na/ 'brub khung las kyi dkyil 'khor ni zhes bya ba ni/ gang bzas pa po de brlag par bya ba'i gnas la/ 'brub khung zhes bya'o/ /dbyibs ji ltar bya zhe na/ drag po'i hom khum dbyibs 'dra la zhes gsungs te/ zur gsum bskor ba bya ba ste/ phyogs re re la sor nyi shu'o/ /zabs su sor bcu bskor ba'o/ /de'i phyogs re re la sor nyi shu nyi shu'o/ /zabs su sor bcu bskor ba'o/ /de'i phyogs ji ltar bsgo zhe na/ rtse mo lho phyogs su
- 49b
bstan zhes gsungs te/ rtse mo ni lho'i phyogs su bstan la bsko'o/ /'o na de la brgyan par bya ba med ngam zhe na/ hUM hUM dang phaT kyis bskor bar bya zhes gsungs te/ gru gsum nyid nag pos byug pa'i mkha' la/ hUM dang phaT kyis spel la bri bar bya'o/ /de'i nang du gzhug par bya ba'i rdzas bstan pa'i phyir/ dus la bab cing zhes pa la sogs pas bstan te/ dus la bab pa'i sems can de/ /las la bab pa'i rnal 'byor pas/ /mtshan ma ming du bcas par bya/ zhes bya ba ni/ bsgral bar bya ba'i dus la bab pa'i sems can de nyams dang ldan pa'i rnal 'byor ba des/ mtshan ma dang bcas par bya ba yin to/ de'i rgyu ni srub ma'i lo ma dang grog mkhar gyis dang/ khre dang chu me'i phub ma dang ba ru dang/ glang ru dang/ rta ru mig rnams ni bong bu'i bdud rtsis sdus? la gzugs byas te/ zhing gi ras ma'i shun la zhing gi bam khrag gis badzra kI la ya che ge mo mA ra ya phaT ces bya ba bris la snying gar blan pa de'i phyir/ mtshan ma'i ming du bcas par bya zhes gsungs so/ /'o na de la ji ltar bzhag ce na/ de bstan pa'i phyir/ mgo ni lho nub mtshams su bzhag /rkang pa byang shar mtshams su bstan/ /hom khung nang du bzhag par bya zhes gsungs te/ mgo lho nub mtshams su bstan pa ni/ srin po yod pa'i gnas yin pas so/ /rkang pa byang shar mtshams su bstan pa'i phyir bsgrol ba las kyi bdag mo'i gnas yod pa'i phyir bstan pa'o/ /hom khung gi gnas gon du bzhag pa ni bsgral ba'i gnas yin pas gzhug pa'o/ /'o na hom khung gru gsum ni bsgral ba'i gnas yin la gzhan ni ma yin pa ci zhe na/ lan du hom khung gru gsum ni bsgral bar bya ba kho na'i gnas yin te/ zur gsum du 'byung ba ni/ log par lta ba sgrol ba'i rtags su 'byung ba drag po'i gnas so/ /'o na ci zur gsum du bya ba thams cad bsgral ba'i gnas yin/ chos 'byung ba'i nang du rten gyi dkyil 'khor bsgom pa de yang 'gal te/ chos 'byung ba bsgral?
- 50a
ba'i gnas su 'gro ba'i skyon yod de 'gal lo/ /lan du mi 'gal te chos 'byung nyid du bsgral ba'i gnas yin te/ ci'i phyir zhe na/ chos 'byung ba'i dbyibs yin pa'i phyir/ khams gsum gyi sems can de'i dbyings su bsgral bas/ chos 'byung ba'i bsgral bar bya ba'i gnas kho na yin zhes gsungs so /de nas rnal 'byor pas ye shes kyi dkyil 'khor spyan drang pa bstan pa'i phyir/ de nas zhes pa la sogs pas bstan te/ gdeng dang ldan pa'i rnal 'byor des zhes bya ba ni/ bdag nyid dam tshig sems pa'i dkyil 'khor du gyur pa des so/ /rdo rje sbyugs pa blangs nas ni zhes bya ba ni hUM ring po ni rdo rje sbyugs pa ste/ thugs ka'i hUM las hUM byung ba'o/ /khrag 'thung tshogs kyi sprin phung rnams zhes bya ba ni/ dus gsum gyi sangs rgyas thams cad bcom ldan 'das rdo rje gzhon nu'i dkyil 'khor rten dang rten du byas pa gnas pa'o/ /rdo rje'i g.yab mos spyan drangs te/ zhes bya ba ni/ rdo rje'i bum pa'i nang na hUM gnas pa de las 'od zer 'byung ba ni rdo rje'i g.yab mo'o/ /de las lha mo lcags kyu mar gyur te/ des rang bzhin grub pa'i gnas nas ye shes kyi dkyil 'khor spyan drangs te/ mdun gyi nam mkha' la byon par lta'o/ /de nas yang dam tshig gi dkyil 'khor la bstim par bstan pa'i phyir/ / gnyis med brten par gtims nas ni zhes gsungs te/ zhags pam dang lcags sgrog ma dang dril bu mas rim pa ji lta bar bstan pa byas nas/ de nas yang lha la dbang bskur ba'i phyir/ /bdag nyid kyi thugs ka nas 'od zer 'phros pas 'od zer lha mo'i tshogs su gyur te/ phyogs bcu'i bde bar gshegs pa'i sku la thim nas gsang ba'i mchod pa phul/ dbang bskur cig par bskul/ slar la phyogs bcu'i bde bar gshegs pa'i thugs ka nas lha mo 'tshogs
- 50b
mang po byung ste/ la la ni skra skrol/ la la ni byug pa byed/ la la ni tsan dan gyi char 'bebs/ la la ni gdugs dang rgyal mtshan 'dzin/ la la ni bum pa thogs te spyi bor blugs pa ni dbang gi rgyu'o/ /dbang gi 'bras bu ni so so rigs kyi dbu brgyan pa'o/ /slob dpon la la ni ye shes kyi dkyil 'khor bstim pas yongs su rdzogs par 'gyur bas des cho ga gsung ngo/ /de nas yang yongs su rdzogs pa'i dkyil 'khor de la mchod pa dbul pa bstan pa'i phyir/ rmad du byung ba'i mchod pa brtsam/ /'dod pa'i yon tan lnga yis mchod ces gsungs te/ rmad du byung pa'i mchod pa ni/ bdag nyid kyi thugs ka nas 'od zer rnam pa lnga 'phros pas/ 'od zer lnga las lha mo'i tshogs mang po 'byung ba ste/ bde bar gshegs pa'i sku la bzhugs pas mchod pa'i rgyud bskul/ bde bar gshegs pa'i thugs ka nas lha mo mang po slar 'thon te/ bdag gi dkyil 'khor la bskor nas phyi mchod pa'i rnam pa dang/ nang mchod pa'i rnam pa dang/ gsang ba'i mchod pa'i rnam pa rnams/ bdag la gnas phul bstod pa 'di skad brjod do/ /hUM bskal ba me ltar 'bar ba yi/ /'od zer 'du 'phro'i klod dkyil na/ /khro bo khro mo rnams bzhugs pa/ /sku ni jir yang 'gyur ba'i gzugs/ /hUM dbu skra kham nag ral pa can/ /gyen du 'khyil cing srid rtser 'bar/ /mi nyams khro gnyer sdang mig ni/ /log pa blta ba 'dul ba'i spyan/ /hUM mche bzang yag gtsigs pa ni/ /skye shi rtsang nas gcod pa'i tshul/ /sku gsung thugs kyi byin brlabs las/ /phyag mtshan sna tshogs cir yang snang/ /hUM thugs rje'i byin brlabs sprin ltar gtibs/ /byams pa'i 'od zer glog bzhin 'byug /rngam pa'i sgra skad 'brug ltar bsgrogs/ /sprul pa'i thog thog char ltar 'bebs/ /hUM thugs rje chen po'i byin brlabs kyis/ /bdag la byin gyis brlabs mdzad cing/ /bdag gi lhag pa'i bsam pa rnams/ /grub par
- 51a
byin gyis brlab du gsol/ /hUM 'khyil cing rgyan dang 'khyil pa yi/ /sems la brjod med sku mi mnga' / /sgra las 'das pa'i sbyor ba ste/ /bsam dang bral ba'i ye shes lags/ /hUM srid gsum 'joms pa'i lha la phyag 'tshal bstod/ /mnyam nyid ngang gis khrol phyag 'tshal bstod/ khros bas longs spyod mdzad la phyag 'tshal bstod/ /rdo rje 'du 'phro tshogs la phyag 'tshal stod ces gsungs te/ de nas sgra'i tshul du lha mo'i tshogs rnams mi snang bar gyur to/ /de ltar yang nas yang du bsgrubs pa dang/ grub pa'i rtags 'ong ste/ de yang rab 'bring gsum las/ bsnyen pa gsum ni lha'i dkyil 'khor gsal ba dang/ zhal 'dzum pa dang bzhad pa'o/ /de lta bu'i mtshan ma mthong na gdod bsgrub pa la 'jug par bya'o/ /bsgrub pa'i rtags gsum ni phur pa las 'od 'byung ba dang/ phur bu ldeg pa dang 'phar ba gsum mo/ /de ltar rtags byung zhing las su rung pa ni mnyes na nye bar 'gyur ba dang/ zhes gsungs pa yin no/ /de nas 'grub pa'i rtags byung ba dang/ drag pa'i las la 'jug par bya ste/ de gang la dmigs par bya ba bstan pa'i phyir/ rdo rje slob dpon brnyas byed dang/ zhes pa nas/ rnal 'byor ci'i dgrar gyur pa/ zhes pa'i bar gyis bstan te/ dkyus nyid gsal lo/ /de nas dmigs par bya ba de gnas nas dus ci ltar dgug pa bstan pa'i phyir/ brnag pa'i nan thur bya ba ni zhes pa la sogs pa bstan te/ khro bo gsum pa'i sbyor ba'am/ zhes pa'i khro bo lcags kyu thogs pas bzas pa po gang yin pa de rlung gi dkyil 'khor gyi steng du bzhag nas rlung gi lcags kyus gzung nas drangs/ khro bo la la phyag na rdo rje dang tho ba thogs nas rang dbang med par rtog cing 'dod de/ rnal 'byor pas kyang sngags bzlas pas bya ba'i sngags ni 'di'o/ /hUM suM b+ha ni suM b+ha hUM/ grih+na grih+na hUM/ grih+na pa ya
- 51b
grih+na ba ya hUM A na ya ho b+ha ga ban bidyA ra tsa ya hUM phaT ces brjod cing/ bdag nyid kyi thugs ga nas ye shes sems dpa' i thugs ka nas rdo rje rdo rje'i nang na zla ba'i dkyil 'khor la hUM gnas pa de las khro bo dmar po rgyud mar phyung la dgug pa bya ste/ gzugs la bstims pa'i las bya'o/ /yang lcags kyu rnal 'byor gyis zhes bya ba ni 'on te khro bo sum b+ha ni'i sbyor ba mi byed na yang 'di yis dgug ste/ bdag nyid kyi hUM las dza brtsegs mar phyung te/ de las lha mo lcags kyu can du gyur te/ pho yin na kha nas sbubs la zhon nas snying dkar nag mtshams na shes pa de dgug /mo yin na mtshan ma nas yar pad+ma'i rtsa ba'i bu gu nas zhugs nas/ mas dgug pa bya ste bstims la bsgral ba'o/ /yang na yum gyi pad+ma la dza brtsegs gcig bzhag la/ yab kyi byang chub kyi sems kyis bskul bas/ dza las 'od 'phros 'od la 'phra me nams lcags kyu nan tan du gyur te/ rtsa'i bu ga nas shes pa drangs te bstim pa bya ba'o/ /dgug pa'i dus bstan pa'i phyir/ nyin mtshan gung la rab bkug ste zhes gsungs te/ nyin mo dang mtshan mo'i gung la shes pa nyams nas yod pas der dgug par bya'o/ /yang na nam stod dang nyi ma dros 'byam tsam na/ shes pa nyams nas yod pas dus de dus su bzlas pa ni shi ga la bya'o/ /de'i rnam shes rlung 'dra ba/ /mtshan ma'i ming du bcas pa la/ /srin bu me khyer 'drar bcug ste/ gzugs la phab cing sgrog gis bcing zhes bya ba de bzas pa po gang yin pa de'i rnam par shes pa snying gi dbugs rtsa gsum pa'i dbus gang yin pa de na shes pa gnas te/ shes pa de'i brda' ni rlung yin te/ rlung de la bskyod pa bkug ste de'i dus nyid na yang thogs pa med pa'i gzugs dang dbang po tshad ba ste/ mtshan ma ming du bcas par dgug go /de yang rlung gi dkyil 'khor la bskyon te/ thogs pa med par dgug pa ni/ srin bu me
- 52a
khyer ba bzhin du dgug ste/ gzugs la phab ste de yang bdag nyid kyi sngags bzla zhing zhags pa'i sgrog gis bcing par bya'o/ /de nas ri rab la sogs pa phyag rgya bzhi'i rgyas gdab bar bya ste/ ting nge 'dzin nang sngags kyis sbyor ba bya ste/ bla ma'i bka' las shes par bya'o/ /de nas yang 'go pa'i lha dang dbral ba'i phyir/ lce pog nag po'i dud pas dgug /'go ba'i lha dang dpral bar bya zhes gsungs te/ lce pog nag po'i ni gu gul nag po'i dud pas 'go ba'i lha yang yin pa de/ dud pas bdug cing des pa rgyal bar 'gyur te bral nas 'gro'o/ /de yang sngags kyi sbyor ba bya ba'o/ /de'i lus tsha ba bskyed pa'i phyir lus ngan ske tshe cha ba dug gis dgang zhes gsungs te/ bzas pa po de'i lus kyi nang du tsha ba bskyed de/ dug gi gtor mar byin gyis brlabs la khong du 'thung du gzhug par bya'o/ /dug de 'thung bas rtsa'i bu gu nas rgyas te shes pa mnyams kyi bar du tsha ba dang na ba'i sdug bsngal bsam pa 'byung bar bsam ste/ de nas shes pa nyams na rang gis mi rigs pa'i las byas pa dran nas 'gyod pa drag po byed par bsam par bya'o/ /dug gis bsgral zhing shes par bya ba ji ltar bsdu ba ni gab pa'i 'khor lo las shes par bya'o/ /de nas phur pa rdzas kyi dkyil 'khor las bskyed de gdab par bya'o/ /de nas phur pa rdzas kyi dkyil 'khor ni/ /grub ba'i rtags byung ba dang/ phur pa rdzas kyi dkyil 'khor bzhengs su gsol bar bya ba yin te/ de yang dpus kyi pho brang nas gru gsum mthing nag nyi shu rtsa gcig tu bri bar bya'o/ /tha ma'i rgyan rnams mi bsgrub pa'i dus nyid dang 'dra'o/ /byang shar gyi mtshams rdo rje gur gyi nang du drag po'i dkyil 'khor gong du gsungs pa bri bar bya ba ste/ drag po'i dkyil 'khor de'i grwa'i phyogs su spungs te bzhag ces gong nas gsungs te/ khro bo'i phur pa mang po
- 52b
kun zhes bya ba ni/ sras phur pa so so'i rigs te/ sku gsung thugs kyi rigs las byung ba nyi shu rtsa gcig go /de la ni mang po kun zhes gsungs so/ /grwa'i phyogs zhes bya ba ni/ pho brang na bzhugs pa'o/ /spungs te bzhag ces pa ni/ las kyi bzlas pa'i dus su phur pa gzi byin bskyed par bya ba ste/ phur pa de re re la kI li kI li zhes bya ba'i sngags nyi shu rtsa gcig bzlas par bya ba ste/ de bzlas shing phur pa dril bas bdag nyid kyi thugs ka nas 'od zer mthing nag tu 'phros phur pa las kyang 'od zer 'phros pas dus gsum gyi sangs rgyas thams cad la drag po'i dus las bab po bar bskul bas/ de dag gi thugs zhe sdang rjes su dran thugs ka nas khro bo gdug pa can dang bcas pa mang po 'phro zhing phur pa ma thim pas/ phur pa shin tu drag po'i 'od zer 'bar zhing bsgral ba'i mthu dang ldan par gyur pa de/ phur pa kun la bya ba yin te/ rang re las kyi sngags dang bsgrags shing/ de ni phur pa gzi byin bskyed pa de phur pa gso ba'o/ /de nas gdab pa'i gnas kyi gtso bo rnams bstan pa'i phyir/ rdo rje drag po'i phur pa yis/ /lte ba snying mgrin dpung mgo dang/ /gsang gnas yan lag lnga la gdab ces gsungs te/ lte ba snying ga dang mgrin pa dang/ dpung mgo dang gsang gnas lnga rnams ni gnas kyi gtso bo lnga'o/ /yan lag gi rnam par shes pa ni tshogs gzhan dag go /gdab pa ni mgo nas gsal lo/ /yungs kar mtshon cha'i char gyis dbab ces pa ni/ 'phra men drug pa'i sngags kyis yungs kar brgyab pas/ yungs kar las mtshon cha gdug pa mang por gyur te/ gzas pa po'i lus la lhag par yang gzer nas bsgral bar bya'o// de nas mtshan ma'i dngos po bzhi ste/ mtshon cha'i rab tu brtson pa yis/ /rkang pa g.yas g.yon gang yin nas/ /rdul du gtub cing sbyin sreg bya'o/ /zhes bya ba ni/ gtub pa'i las bstan te/ phur pa gdab pa'i mtshan ma'i dngos po zhig de la khro
- 53a
bo rab tu 'bar bas mtshon cha'i char brtson par rab tu phab ste/ pho yin na g.yas nas btubs/ mo yin na g.yon nas rdul du gtub par bsams pa'o/ /gtubs pa'i dum bu de bsreg par bstan te de'i phyir/ drag po hom gyi dkyil 'khor du/ /tsher ma can gyi me sbar te/ /lha'i tshogs la thim par dbul zhes gsungs pa yin te/ drag po hom gyi nang du tsher ma can gyi shing la me sbar te/ der drag po'i skabs nas 'byung ba'i ting nge 'dzin byas te lha la phul na/ sangs rgyas nyid kyang 'jig par 'gyur na/ sems can rnams ltas mo kyang ci dgos te mi dgos so zhes ston pas gsungs so/ /drag po'i dkyil 'khor ston pa'i le'u la ni/ drag po'i dkyil 'khor ston pa'i le'u'o// //bdud rtsi thigs pa zhes bya ba rgya cher bshad pa las/ kun rdzob kyi bden pa 'ba' zhig bshad pa'i le'u brgyad pa'o// //de ltar drag po'i dkyil 'khor bstan kyang sngags dang phyag rgya ma bstan par mi 'grub pas de bstan pa'i phyir/ de na zhes pa la sogs pa gsungs te/ bcom ldan 'das des bshad do zhes sbyar ro/ /de yang sngon la khrag 'thung chen po'i sngags dang/ phyag gyi bstan te de'i phyir/ oM sh+rI badzra ku ma ra ya k+Sha hUM/ /zhes pa la sogs pas bstan te bdag nyid kyi thugs ka'i ye shes sems dpa' i rdo rje'i nang na zla ba nyi ma kha sbyar gyi dbus na/ hUM las sngags kyi 'phreng ba g.yon bskor du bskor nas gnas pa la/ zla ba dang nyi ma ni 'byung ba bzhi'i rang bzhin yin pas des bskyed de/ rtsa g.yas nas 'gro ste/ ji ltar spro ba dang bsdu ba bstan pa'i rim par 'gyur ba'am/ yang na sngags mang po bzlas pas yi ge mngon par mthong ba 'am/ yang na yi ge'i 'phro 'du byas shing sngags bzlas pas/ sgrub pa'i tshed me tog la sngags bzlas nas nam mkha' la
- 53b
bskyur ba dang slar la mi ltung bar nam mkha' la 'dug pa ni/ 'grub pa'i tshad do/ /de ltar 'grub pa dang/ las 'di ltar 'grub par 'gyur te/ phyag rgya bcas nas gang yi pa la gdod nas sngags bzlas pa dang ji ltar 'dod pa bzhin du 'grub ste/ sngags kyi grub ste mthar phyin pa'o/ /ji ltar rgyas par bshad pa bzhin/ /'og ma rnams la'ang shes par bya'o/ /khros pa'i stengs su gnas nas kyang zhes bya ba ni rab tu spyan zlog pa la bya'o/ /g.yas pa rdo rje gdangs pa'i sa/ /zhes bya ba ni/ lag pa g.yas pas rdo rje gzung ste 'phyar ba'o/ /lhag pa g.yon pa phur pa 'debs chul du zhes bya ba ni/ lag pa g.yon pas phur pa 'debs tshul du khu tshur bcangs la phar gtad pa'i tshul du bya ba'o/ /zhabs gnyis ni g.yas pa brkyang g.yon pa bskum pa'i tshul du gnas par bya ba ni dpal khrag 'thung chen po'i sngag dang phyag rgya yin par bshad do/ /gong du gsungs pa'i sngag dang phyag rgya grub pa'i dus 'di yis ni/ sangs rgyas rdo rje 'dzin pa yang rab tu bsgral te/ 'chi bar 'gyur na/ khams gsum gyi skye bo smos kyang ci dgos te/ 'chi bar 'gyur ro zhes pa'i tha tshig go /de yang khros pa'i rgyal mo'i sngags dang phyag rgya bstan te/ oM badzra kro ta e ka badzra hUM ya zhes bya ba ni/ khro mo'i sngags so/ /phyag rgya nyid dkyus nyid gsal lo/ /dbang du 'gyur bar nges zhes bya ba ni rdo rje gsang ba bka' gnod pa'i nang nas kyang/ mo gzugs 'jig rten dbang du 'gyur zhes gsungs te/ mau'i gzugs des sems can 'dod chags can dbang du 'du ba'o/ /de nas sras phur pa'i sngags dang phyag rgya bstan te/ oM badzra kI li kI la zhes pa nas/ khams gsum skye bo smos ci dgos zhes pa'i bar gyis bstan te go sla'o/ /de nas hUM ka ra'i sngags dang phyag rgya bstan te/ oM badzra kro ta hUM ka ra hUM zhes bskyed pa rkyen gyi sngags so/ /gardza gardza hUM phaT/ ces pa ni bzlas pa las kyi sngags so/ /sngags 'di las kyi dus su
- 54a
rtsa ba'i sngags dang 'grogs te/ bzlas pa las khro bo hUM ka ra'i hUM las sku gsung thugs kyi khro mo mang po rgyud par 'byung nas lag na lcags kyu thogs nas dgug par byed pa'o/ /de'i phyag rgya ni go sla'o/ /de nas rnam par rgyal ba'i sngags dang phyag rgya bstan pa'i phyir/ oM badzra kro ta bi tsa ya hUM zhes pa ni bskyed pa'i rkyen gyi sngags so/ /ha na ha na hUM phaT ces pa ni bzlas pa las kyi sngags so/ /sngags 'di bzlas shing gnas na grub pa'i dus na ci yang bzlog par byed do/ /drag po'i dus su sngags bzlas pas gzas pa po la grogs byed pa'i lha klu gang yin pa de bzlog par byed pa ste/ /dad nas 'gro ba'o/ /de nas dbyug pa sngon po'i sngags dang phyag rgya bstan te/ oM badzra kro ta nI la daN+Da hUM zhes bskyed pa rkyen gyi sngags so/ /da ha da ha hUM phaT ces pa ni bzlas pa las kyi sngags te/ sngags 'di bzlas pa'i dus na dbyug pa sngon las khro bo 'chol pa mang po 'thon te/ gzas pa po gang yin te gsod pa'o/ /phyag rgya dkyus nyid gsal lo/ /de nas gshin rje gshed po'i sngags dang phyag rgya bstan te/ oM badzra yamAn+ta ka hUM zhes pa ni bskyed pa rkyen gyi sngags so/ /pa tsa pa tsa hUM phaT ces pa bzlas pa las kyi sngags so/ /sngags 'di bzlas shing phyag rgya bcings pa'i dgug par bya ba'i dus na lcags kyu can du 'phro ba dang bsang par bya ba'i dus na mtshon chas gdug pa can thogs pa 'phro ba dang dbye ba'i dus na gdug pa la sogs pa spro ba dang/ skrad pa'i dus na rnga mo la skyon nas ded nas 'gro ba'i las byed pa'o/ /de nas yang mi g.yo mgon po'i sngags dang phyag rgya bstan te/ oM badzra kro ta arya a tsa le hUM zhes pa ni/ bskyed pa rkyen gyi sngags so/ /band+ha band+ha hUM phaT ces pa bzlas pa las kyi sngags so/ /sngags 'di bzlas shing phyag rgya bcas pas/ /lha dang klu dang gnod sbyin thams cad ci bsgo ba'i las thams cad byed par 'gyur te /bgegs bsal
- 54b
bred cing brgyal bar 'gyur ro/ /de nas yang rdo rje'i sngags dang phyag rgya bstan te/ oM badzra kro ta ha ya grI ba hUM/ bskyed pa rkyen gyi sngags so/ /hu lu hu lu hUM phaT ces pa ni/ bzlas pa las kyi sngags so/ /sngags bzlas phyag rgya bcings te/ gtad pas dug 'joms par 'dod pa'i dus na rta mgrin yab yum gyi bdud rtsi dug gis zin pa'i bu gar drangs zhing bstim pas dug sel bar gyur to/ /ser ba bzlog pa'i dus na ba spu'i bu ga nas kyang khro bo ral gri thogs pa mang po byung ste/ sprin ral par bsam mo/ /bdag nyid kyis kyang mig bzlog la sngags bzlas so/ /nad ba bsrung bar 'dod na/ bdud rtsi'i chu rgyun seng ge'i sgo nas drangs la nad pa la bstim ste nad thams cad byang bkrus par bsam mo/ /yang gzhan gyis mi thub pa'i sngags dang phyag rgya bstan te/ oM badzra kro ta a pa ra tsi ta hUM/ bskyed pa rkyen gyis sngags so/ /tista tista hUM phaT ces pa ni bzlas pa las kyi sngags so/ /sngags bzlas phyag rgya bcings nas gtad pas gdon la sogs pa thams cad gzir bar byed pa'o/ /de nas yang bdud rtsi 'khyil ba'i sngags dang phyag rgya bstan te/ oM badzra kro ta hUM a mri ta kuN+Da li hUM zhes pa ni bskyed pa rkyen gyi sngags so/ /tshin tshin hUM phaT ces ba ni bzlas pa las kyi sngags so/ /sngags bzlas phyag rgya gtad bas sangs rgyas dang byang chub sems dpa' yang bskyod bar nus na gzhan la sprad pa lta smos kyang ci dgos zhes so/ /de nas yang khams gsum rnam par rgyal ba'i sngags dang phyag rgya bstan te/ oM badzra kro ta tre lokya bi tsa ya hUM zhes bskyed pa rkyen gyi sngags so/ /bind+ha bind+ha hUM phaT ces pa ni bzla pa las kyi sngags so/ /sngags ? phyag rgya bcings te/ bdag gi thugs ka nas khro bo'i zhags pa thogs pa ? bar byed do/ /de nas stobs po che'i sngags dang phyag rgya bstan te/ oM
- 55a
badzra kro ta hUM ma ha pa la hUM zhes pa ni bskyed pa rkyen gyi sngags so/ /spo ta ya spo ta ya hUM phaT ni bzlas pa las kyi sngags so/ /sngags bzlas phyag rgya gtad pas than pa byung ba'i dus na klu thams cad bred cing brgyal nas char 'bebs par byed do/ /ha cang yang char ches na dur khrod kyi ras la dug nas sngags mjug nas bzlog ste bzlas na tshar pa 'chad par 'gyur ro/ /de nas yang khro mo rnams kyi mtshan nyid thabs kyi las ji ltar yin pa ltar shes par bya'o/ /dkyus ni dgrol mi dgos so/ /gzhan yang sprul pa'i pho nya dang zhes pa la sogs pa rnams ni/ nges pa med par rgyal bas gsungs so/ /sngags dang phyag rgya'i le'u las ni sngags dang phyag rgya'i le'u'o/ /bdud rtsi thigs pa'i rgya cher bshad pa la skun rdzob kyi bden pa 'ba' zhig gis bshad pa'i le'u ste/ dgu pa'o// //de ltar sngags dang phyag rgya la sogs gsungs kyang sras bskyed pa la sogs pa'i ting nge 'dzin gyi rim par che ba med na las kyi go skabs kyis mi phyed pas/ ting nge 'dzin rim par phye ba bstan pa'i phyir/ de nas zhes pa la sogs pa gsung te/ bcom ldan 'das kyis 'di gsungs so/ zhes bya ba sbyar ro/ /gang gsungs she na/ thabs 'og nas 'byung ba 'di gsungs so/ /nam mkha' i dbyings kyi dbus ngas bar/ /nyi ma'i dkyil 'khor bsgom par bya zhes bya ba ni/ nam mkha' i dbyings ni chos kyi 'byung gnas te/ de'i nang du yi ge bsams la de yong su gyur ba las nyi ma'i dkyil 'khor bsgom mo/ /de dbus bdag po'i gzugs bsam ste/ las rnams thams cad brtsam par bya zhes ba ba ni nyi ma'i dkyil 'khor de'i dbus su yi ge hUM hUM de las rdo rje rtse dgu pa de las bdag po'i gzugs su bskyed de/ sku yongs su rdzogs pa dang/ las thams cad brtsam par bya'o/ /nam mkha' i 'khor
- 55b
lo rab bsgyur bas zhes bya ba ni/ nam mkha' i gnyis med pa'i ye shes stong pa nyid yin la/ de'i 'khor bcom ldan 'das rdo rje gzhon nus bsgyur pa las rnams thams cad byed par 'gyur te/ mi bya ba gang yang med do/ /don dam pa byang chub kyi sems so/ /de nas sras phur pa bskyed pa'i ting nge 'dzin bstan pa'i phyir/ de nas zhes pa la sogs pa gsungs te/ phur pa rgyun gyi ting nge 'dzin 'di gsungs so/ /zhes bya ba ni/ mgo nas 'byung ba 'di rnams so/ /gdeng dang ldan pa'i rnal 'byor pas/ zhes bya ba ni yang dag pa'i ting nge 'dzin dang dus rtag tu mi 'bral zhing/ sems bde ba'i nyams yod pa ni/ gdeng dang ldan pa'i rnal 'byor pas/ des bsgom par bya ba ni/ 'di ste dang po dngos med byang chub sems/ /stong pa chen po'i ting nge 'dzin las/ zhes bya ba ni/ dang po chos kyi dbyings spros pa'i mdza' brgyad dang bral ba de nyams su blangs nas bsgoms te/ dngos po ci yang med pa'i ngang la rdzas kyi phur pa khro bo'i gzugs su bstan te/ de yang ji ltar rtag ce na/ rgya mdud steng du gzhal yas khang/ khrag 'thung tshogs kyis rnam par bsgom/ zhes pa'i bar gyis bstan te/ rgya mdung dbu ma'i steng rin po che zur brgyad pa'i nang du gzhal yas khan bsgom par bya'o/ /rgyan la sogs pa gzhung gzhan las gsungs pa ji bzhin pa'i rim pa'o gzhal yas khang de'i nang du zhing rnams kyi gdan stengs su gsal ba'i steng ste/ nyi ma dang zla ba gnyis brtsegs pa'i steng du khrag 'thung gi tshogs 'od zer gyis spyan drangs nas/ gzhal ya khang gi nang du rgyas par bsgom mo/ /de la ting nge 'dzin gyi mchod pa dbul lo/ /de las sras mchog la yang zhes bya ba ni/ rten dang brten can du de las sras mchog kI la ya zhes bya ba ni/ rten dang brten
- 56a
can du bcas pa'i phur pa de las te rten dang brten can du bcas pa'i bdag gi zhal du thim nas lte ba'i dbus su ye shes kyi mes bzhu nas/ yum gyi pad+ma la gsang ba'i rdo rje yis 'phros pas sras phur du bsnyen bsgrub gnyis la ni gcig du 'gyur/ las kyi dus su nyi shu tsa cig go /de yang 'od dbung las phyag mtshan las skur bskyed do/ /zhal gcig phyag bzhi pa'o/ /dbu ska kham nag gyen du 'bar ba spyan gsum pa can/ de las sras mchog kI la ya zhes bya ba'o/ /rgya mdung man chad khro bo'i gzugs zhes bya ba ni/ zur gsum par gnas pa'o/ /phur pa'i lha nyid gsal bar bsgom zhes bya ba ni/ phur pa'i thugs ka nas hUM las yi ge'i phreng bas bskor bar gnas te/ yid kyis gsal bar bris lta bar bya'o/ /de nyid byin dang ldan pa'i phyir zhes bya ba ni/ sras phur ba de byin dang yang ldan par bya ba'i phyir/ oM h+ri phaT ces yig 'bru bsam zhes bya ba ni/ yi ge gsum pa'o/ /yongs su bsam par bya ba'o/ /de gang du bsam zhe na/ spyi bo rked pa rtse mo la zhes gsungs te/ spyi bo oM dkar po/ rked pa h+ri dmar po/ rtse la phaT mthing nag go /de lar bkod pa ji ltar bsgom zhe na/ sku gsung thugs su bsgom par bya zhes gsungs te/ oM las zla ba'i dkyil 'khor gyi steng du sku'i rdo rje bsgom mo/ /h+ri las pad+ma 'dab brgyad pa'i steng du gsung gi rdo rje bsgom mo/ /pha las nyi ma'i dkyil 'khor gyi steng du thugs kyi rdo rje bsgom ste/ skus sku rnam par dag gcing brjod par byin gyis brlab pa dang/ gsung gis gsung rnam par dag cing drag po'i gdang sgra dang ldan par byin gyis brlab pa dang/ thugs kyis thugs rnam par dag cing zhes sdang chen pos sgrol ba'i mthu dang ldan pa'o/ /de nas ye shes lnga dang ldan par
- 56b
byin gyis brlab te/ ye shes lnga'i ye shes lnga zhes bya ba ni/ me long lta bu'i ye shes la sogs pa las byung ba'i yi ge 'og nas 'byung ba 'di lnga'o/ /oM a hUM swaha/ lnga po 'di'o/ /de gang du bsgom zhe na/ spyi bo lce dang snying ga dang rked pa yan lag dag la te / zhes bya ba ni/ spyi bo ste/ steng gi sgor oM bsgom mo/ /de ni chos kyi dbyings kyi ye shes las byung ba ste/ de dang ldan par byin gyis brlab pa'o/ /lce la aM ste so sor rtog pa'i ye shes las byung ba ste/ de dang ldan par byin gyis brlab pa'o/ /rked par swa ste mnyan pa nyid kyi ye shes las 'byung/ de dang ldan par byin gyis brlab pa'o/ /snying gar hUM ste me long lta bu'i ye shes las byung ba ste/ de dang ldan par byin gyis brlab pa'o/ /yan lag gi rked mtshan du ha ste/ bya ba grub pa'i ye shes las byung ba ste/ de dang ldan par byin gyis brlab pa'o/ /de tar ye shes lnga dang ldan par byin gyis rlabs nas/ da ni spro bsdu'i yi ge thugs ye shes rtse gcib par byin gyis brlabs te/ de bstan pa'i phyir/ spro dang bsdu ba'i yi ge ste/ hUM gsum dang ni phaT gsum gyis/ gsungs te spro bar bya ba ste phaT to/ bsdu ba'i yi ge hUM ngo/ /de lta ba'i yi ge drug po gang du bkod ce na/ ngos gsum dang zur gsum la rtse mo gcig tu bsgom par bya'o zhes gsungs te/ ngos gsum la hUM gsum/ zur gsum la phaT gsum/ ngos kyi hUM gsum ni/ thugs kyi rang bzhin la rnam par thar pa'i sgo stong pa nyid dang/ mtshan ma med pa dang/ rang bzhin gyis 'od gsal ba gsum nga'o bas hUM gsum ste/ des nyon mongs pa 'joms pa'i rtags tu/ zur gsum la phaT gsum du byung ba'o/ /de nas gsang ba'i dkyil 'khor ni/ sku shin tu rtas pa de'i phyi rol gyi e'i gdan la gdon bar bya ste/ oM badzra kI li kI la ya tib ta tsakra hUM dza zhes brjod pa/ gsang ba'i gnas nas e'i gdan la bzhugs su gsol lo/ /
- 57a
bzhugs pa de la dbang bskur bar bya ste/ de bstan pa'i phyir rigs kyi dbang mchog thob bya'i phyir/ zhes pa la sogs pa gsungs te/ rang gi rigs kyi dbang bskur te/ zhes bya ba ni rang gi rigs so so'i dbang bskur te/ /de yang ji ltar zhe na/ 'chol bar spros la so sor bstim zhes gsungs te/ 'chol bar spros pa ni sku'i rigs la yang sku gsung thugs spros la sku gsung thugs las yang de bzhin no/ /de ltar 'chol bar spros pas dus gsum gyi sangs rgyas thams cad la ma chod pa phul nas/ sku gsung thugs su dbang bskur cig par bskur/ khams gsum gyi nyon mongs pa sbyangs slar la rang rang gi rigs ma 'chol bar bsdus nas bstim pas/ so so'i dbang thob ste/ /byin dang ldan par 'gyur ro/ /de nas yang byang chub kyi sems kyis dbang bskur zhing/ byin dang ldan par bya ba'i phyir/ g.yas g.yon thabs dang shes rab las zhes pa la sogs pa gsungs te/ lag pa g.yas pa thabs kyi rang bzhin te/ de'i mthil du ma bsams la/ de las nyi ma'i dkyil 'khor de'i steng du/ a bsam a las kun tu bzang po'i skur bskyed de/ lag pa g.yon pa shes rab kyi rang bzhin te/ de'i mthil du a bsam/ de las zla ba'i dkyil 'khor de'i steng du/ a bsam de las kun tu bzang mo'i bskur bskyed do/ /de'i rjes las g.yas g.yon gnyis ka'i sor mo'i mthil bcu la zla ba'i dkyil 'khor bsam par bya'o/ /de nas thal mo mnyam por sbyar la su ra ta stom zhes brjod pas/ kun tu bzang po yab yum sbyor ba mdzad pas/ byang chub kyi sems 'od zer du 'phros te/ zla ba'i dkyil 'khor dag gi steng du gnas par gyur te/ g.yas pa'i lnga la gung mo la aM mthe bong la hUM mdzub mo la h+raM/ srin lag la h+ri/ mthe chung la ha bsam
- 57b
par bya'o/ /g.yon pa rnams la yang de rnams bsam par bya'o/ /de las sku yongs su rdzogs par bskyed de las sor mo yab yum bcur sgom zhes gsungs pa'o/ /yab yum bcu po sbyor ba'i brda' bskul te/ oM badzra a tsa la hUM zhes brjod pas/ yab yum rdo rje dang pad+ma phrang pa ste/ sor mo cung zad bsnol la oM badzra ban hUM zhes brjod pas yab yum stod smad 'khyud pa ste/ sor mo rgyab tu bsnol te bsdam pa'o/ /de nas byang chub kyi sems yum gyi mkha' la gnas pa la/ oM sarba ta thA ga ta pu tsa dz+nyA na badzra swa b+hA ba at+ma ko haM zhes brjod pas/ yum gyi ba spu'i bu ga nas byang chub kyi sems 'phros te/ dus gsum gyi bde bar gshegs pa la mchod pa phul/ sras phur pa 'di la byang chub sems kyis dbang bskur cig pa'i byin brlabs 'od 'phros pas/ zhes gsungs pa yin no/ /de nas phur pa lag pas blangs la sa ma ya stwaM zhes brjod la blang/ mthe bong dang srin lag gung mo ni sku gsung thugs gsum gyi dbus su btsug lag pa'i rting pa phye stwaM zhes brjod la blang/ mthe bong dang srin lag gung mo ni ya a zhes brjod pas/ dus gsum gyi bde bar gshegs pa yab yum gyi byang chub kyi sems mu tig dkar po dri ma med pa ltar/ sras phur pa la thim ste/ thim pas byang chub sems kyi dbang thob nas shin tu 'od 'phros par 'gyur ro/ /de la ni 'du byed las kyis byin gyis brlabs zhes gsungs te/ lag pa g.yas g.yon gyi thabs shes rab gnyis kyi 'du byed kyis bskul te byin gyis brlabs pa'o/ /phyogs bcu rgyal pa yab yum gyi byang chub kyi sems kyi sras de la bstims pas de la ni/ phyogs bcu'i rgyal ba yab yum gnyis med sbyor ba'i byang chub sems dpar ma chad bar de la bstims/ zhes gsungs te/ sras phur pa de la bar ma chad par bstim zhing dbang bskur ba'o/ /des kyang byin chen 'dus
- 58a
par 'gyur zhes bya ba ni/ byang chub sems kyi dbang bskur ba des kyang dus gsum gyi bde bar gshegs pa'i byang chub kyi sems kyi byin brlabs thams cad sras phur pa la 'dus par gyur to/ de nas yang sku gsung thugs dbang ste/ de'i phyir de nas sku gsung thugs nyid du/ /byin gyis brlab cing bstan bya ste/ zhes gsungs te/ sngon la thugs su byin gyis brlab cing dbang bskur ba bstan te/ bdag nyid las thugs phyag mtshan mang po spros pas las gnyis byas te sems can gyi kun gzhi la gnas pa'i bag chags sbyangs/ bde bar gshegs pas sras phur pa la/ thugs rjes byin gyis rlobs shig par bskul nas/ gphar 'phros pas slar 'dus pa dang dus gsum gyi bde bar gshegs pa'i thugs kha nas kyang phyag mtshan mang po sras phur pa la gnyis su med par bstims pas sras phur pa'i thugs ka'i hUM la thim pas shin tu thugs bstan zhing 'od 'phro bar 'gyur te/ phyag rgya bcas te/ oM badzra swa ta ra tsa hUM zhes brjod cing bstim pa'o/ /des ni thugs nyid rdo rjer 'gyur zhes gsungs te/ brtan pa'i phyir rdo rje'o/ /de nas gsung gis dbang bskur zhing byin gyis brlabs te lag gnyis sor mo rtse sprad de zhes bya ba ni/ lag pa'i sor mo kun sbrang cing ma sprad la khad pa tsam bya ste/ /pad+ma lta bur byas pa'i phur pa lag pa'i rting pa'i bar du bcug ste/ rting pas phur bu dril bar bya zhing/ rnal 'byor rdo rje'i tshig tu brjod pa'i sngags ni 'di yin te/ oM phur bu b+ha ta phaT/ ces brjod pas bdag nyid kyi thugs ka nas hUM/ mang po 'phros te las gnyis byas te/ sems can ngag gi mi dge ba thams cad sbyangs dus gsum gyi bde bar gshegs pa thams cad la sras phur pa la gsung gis dbang bskur zhing byin gyis rlobs shig par bskul bas/ hUM 'phros pa nyid dang bde bar gshegs pa'i
- 58b
thugs ka nas gsung yig 'bru mang po slar 'dus nas sras po'i gsung gi gnas su byin gyis brlab cing bstim mo/ /de ni gsung nyid rdo rjer 'gyur zhes te/ dbang bskur zhing byin gyis brlabs pas gsung bstan zhing khros pa'i gdangs dang ldan pa'o/ /de nas yang sku'i dbang bskur zhing byin brlab pa ston te/ lag gnyis sor mo rgyab bsnol te/ mthe bong gshibs ba'i chang ba ru zhes bya ba ni/ /lag pa gnyis bsnol thal mo sbyar la sor mo rnams brgyab tu bsnol te/ mthe bong gnyis gzhibs te/ de'i bar du phur pa bcug la rdo rje bcug la rdo rje phur bu de 'dril bar byas shing rnal 'byor pas kyang/ rdo rje'i tshig tu brjod pa'i sngags 'og nas 'byung ba 'di'o/ /oM ha na ha na sti sta tsakra hUM phaT ces brjod pas bdag nyid kyi thugs ka nas sku mang po spros pa las gnyis byas te/ sems kyi lus kyi mi dge ba thams cad sbyangs/ /bde bar gshegs pas sras phur pa la dbang bskur cig par bskul bas/ sku 'phros pa de nyid dang bde bar gshegs pa'i thugs ka nas sku mang po byung nas sras phur pa la thim pas sku'i gnas gang yin pa de la byin gyis brlabs shing dbang bskur bas des ni lus nyid rdo rjer 'gyur/ de nas sras phur pa de la mchod pa bya ba bstan te/ de'i phyir de nas phur bu rgyan gyi ting nge 'dzin 'di gsungs so/ zhes bya ba ni/ sras phur pa la dbang bskur ba'i de ma thag pa de nas mchod par bya ba 'og nas 'byung ba 'di gsungs so /e yi gdan la bzhugs pa yi/ /khros pa'i rgyal po de nyid la /zhes bya ba ni e'i gdan la bzhugs pa ni shes rab las byung ba'i rtags te/ khros pa'i rgyal pos de nyid la mchod par dbul bar bya ba yin te/ bdag nyid kyi thugs ka nas du ba la sogs pa'i lha mo rnams ston nas/ des phyi'i mchod pa dbul
- 59a
ba'o/ /la se la sogs pas nang gi mchod pa dbul ba'o/ /yungs kar rgyal pos brdeg bya zhing/ zhes pa ni/ lag mthil gnyis la nyi ma dang zla ba bsams la/ nyi ma dang zla ba ni thabs dang shes rab kyi rang bzhin te/ gnyis kyi dbus su yungs kar bzhag pas thabs dang shes rab kyi mthus yungs kar khro chung du gyur te/ des phur pa la brdegs pas khro chung phur pa la thim pas shin tu rno zhing dpal dang ldan de 'od zer 'bar bar gyur te/ rtse gcig rdo rjer byin gyis brlabs zhes gsungs so/ /lag mthil g.yas su sbyar ba yi/ /gu gul dud pa sprin phung gis/ gtug chen mchod pas mchod par bsgom zhes bya ba ni/ lag mthil g.yas su yi ge ho bsam la / yi ge yongs su gyur pa las me dpung 'bar bar bsams pa de la gu gul bsregs te /sras phur pa la gtugs pas gu gul gyi dud pas mchod pa phul bar bsam/ ho las 'byung ba me'i dur khrod kyi me dpung gi dkyil na bzhugs par bsam mo/ /phyi nang mchod pa ci 'byor bas/ mchod de las gang bsgom par bya zhes bya ba ni/ phyi nang gi mchod pa ni gong du gsungs so/ /de ltar mchod pa byas pa'i rjes la bstong pa ni/ /hUM bskal pa me ltar 'bar pa'i klong dkyil nas/ mthing nag gru gsum 'bar ba'i dkyil 'khor du/ /badzra 'dus pa'i sras mchog kI la ya/ /thugs rje mnyam pa'i dbyings nas sprul pa 'gyed/ /zhe sdang bdud 'dul sku la phyag 'tshal bstong/ /bskal pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /b+hud ta 'dus pa'i sras mchog kI la ya/ /sku mchog rdzogs pa'i sku la 'od zer 'phro/ /gti mug bdud 'dul sku la phyag 'tshal bstod/ /bskal
- 59b
pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /rang na 'dus pa'i sras mchog kI la ya/ /yon tan rgya mtshor 'khyil zhing dbyings nas gsal/ /nga rgyal bdud 'dul sku la phyag 'tshal bstod/ /bskal pa me ltar 'bar ba'i klong dkyil nas/ mthing nag gru gsum 'bar ba'i dkyil 'khor du/ /pad+ma 'dus pa'i sras mchog kI la ya/ /gsung mchog bsgrags pas 'gro ba mdza' dag 'dul/ /'dod chags bdud 'dul sku la phyag 'tshal bstod/ / bskal pa me ltar 'bar ba'i klong dkyil nas/ /mthing nag gru gsum 'bar ba'i dkyil 'khor du/ /kar ma 'dus pa'i sras mchog kI la ya/ /'phrin las drag pos log lta 'dul mdzad cing/ /phrag dog bdud 'dul sku la phyag 'tshal lo/ zhes bstong nas bdag gi brnag pa'i las 'di lta bu grub par mdzod cig /ces bsgo ba'o/ /de nas yang ston pas bzlas mchog rgyun gyi ting nge 'dzin 'di gsungs so/ /bdag nyid dang po rnal 'byor du 'dug ste/ /snying gar nyi ma'i dkyil 'khor la/ zhes bya ba ni/ bdag nyid dang po bdag la mchod pa dang bstod pa byas pa'i de ma thag par/ lha'i rnal 'byor las ma 'phos par/ /bdag nyid kyi ye shes sems dpa' i thugs ka nas rdo rje'i nang na nyi ma'i dkyil 'khor bsgom mo/ /de'i steng du mthing nag 'bar ba'i hUM bsgom mo/ /hUM de la oM badzra kI li kI la ya/ hUM phaT/ ces pa ni bsnyen pa'i dus su bskor la bya'o/ /bsgrub pa'i dus su shar la 'byung ba bya'o/ /las kyi dus su zhar la 'byung ba bya ba'o/ /las kyi dus su gang gis spros pa'o/ /de la bskor ba la ni/ sngags kyi yi ge rab bskor zhes gsungs pa'o/ /phur pa la yang de bzhin te zhes bya ba ni/ phur pa la yang gong du bstan pa bzhin du bya ba'o/ /rang sngags tshigs su brjod pa las zhes bya ba ni/ yi ge bskul ba dang spro ba'i sngags te/
- 60a
oM badzra kI li kI la ya hUM phaT ces rdo rje'i tshig du brjod pas/ /hUM yan chad ni bskul ba'o/ /phaT kyis bskul ba ni spro ba'o/ /de ltar sngags drag dal phyed par bzlas pas/ yi ge las 'od du 'phros pas/ 'od de rtsa g.yas nas zhugs sna'i bu gu g.yas nas 'thon/ sras phur pa'i sna g.yon nas zhugs snying ga'i yi ge'i rnams bskul sras phur pa nyid shin tu 'od zer 'phro ba byas/ rtsa dbus mnas mar zhugs lte ba'i dbus nas 'byung bdag nyid kyi lte ba'i sbu gu nas zhugs bdag gi lus 'od zer can du byas snying ga'i yi ge bskul rtsa g.yas pa nas 'od du 'bar de bzhin du mgal me chad pa la bskor ba ji bzhin te/ spro ba dang bsdu ba'i yi ge'i las kyi skabs kyis 'khor ro/ /de'i zhar la byung ba'i ting nge 'dzin bsnyen pa'i dus su 'od zer phar 'phro ba tsam na/ de la 'od zer mgar ba'i tsha tsha bzhin du phyogs bcur 'phros pa de'i las gnyis byas te/ khams gsum gyi sems can log par lta ba rnams bsgral bde bar gshegs pa rnams la drag po'i phur pa 'di byin gyis rlobs shig par bskul bas/ dus gsum gyi bde bar gshegs pa'i thugs ka nas/ phur pa phra mo'i skur 'phros te/ sras phur bu rab tu khros pa'i snying gar bstim la byas nas gzi byin bskyed cing mthu bskyed par bya ba 'o/ /sgrub pa'i dus su zhor las byung ba'i ting nge 'dzin te 'od las khro chung lcags skyu can du gyur te/ des gzas pa po gang yin pa'i rnam shes de bkug nas sras phur bu'i 'og tu chud par bsams pa'o/ /las kyi dus ni bdag dang phur bu gnyis dang/ phyogs bcu'i khro bo bdun gyi thugs ka nas/ spro zhing dgug par bya ba'o/ /grangs kyi bsnyen pa'i dus su ni sa ya'o/ /bsgrub pa'i dus su ni 'bum mam nyis 'bum mam/ sum 'bum mo/ las kyi dus su ni re re la brgya
- 60b
rtse brgyad brgyad do/ /de lta bu'i grangs kyi bsnyen pa tshad pa ni/ mtshan ma dbyung bar gdon mi za zhes bya ba'i mtshan ma rnam pa lnga ste/ dang po du ba 'dra ba dang gnyis pa mar me'i dra ba dang/ zhes pa la sogs pa 'byung ngo/ /mdor na rtags sku'i mtshan ma byung na'o/ / drag po'i rtags gsum ni/ /rab kyis mngon du khugs pa dang/ 'bring gis ling gar khugs pa dang/ tha mas mtshan ma rtag tu 'ong ste/ de lta bu'i mtshan ma byung ste/ bsnyen pa grangs tshang na'o/ /dus kyi mtshan ma ni zla grangs dang lo grangs zhag grangs kyi dus su'o/ / mtshan ma'i bsnyen pa ni mtshan ma nam byung gi bar du ste/ mtshan ma mthong ba na bsnyen pa tshang ba'o/ /de ltar bsnyen pa dang bsgrub pa dang las kyi mtshan ma byung ba dang/ gdong las 'og nas 'byung ba la sbyar ba'o/ /de nas phur pa gdab pa'i ting nge 'dzin bstan te/ de'i phyir de nas gdab par rgyun gyi ting nge 'dzin 'di gsungs so/ zhes pa la sogs pas bstan te/ tib ta tsakra phur pa'i lha zhes bya ba ni/ sras phur ba nyid la bya ste/ rdzas kyi phur pa'i lha'o/ /khros pa mi zad 'bar ba yi/ sras phur pa de shin tu yang khros pa mi zad pa'i 'od zer 'bar ba'o/ /rked nas lag g.yon 'debs tshul du zhes bya ba ni/ phur pa'i rked pa nas lag pa g.yon pas bzung ste/ 'debs pa'i tshul du gzas pa po'i g.yas pa'i thobs rdeg tshul du bya zhes pa ni/ g.yas pa'i tho bas 'byar tshul gyis brdeg pa ste 'byor ba'o/ /rdo rje sder mo'i sngags 'di yis/ /bdun nam nyi shu rtsa gcig tu zhes bya ba ni/ 'debs pa'i dus dus su/ so so'i sngags dang sgrogs la grangs ni bdun nam nyi shu rtsa gcig bzlas pas gdab pa'o/ /rdo rje sder mo'i sngags 'di'o/ / oM na ma(rgyud 'grel): sa man+ta ka ya bak+tsit+ta nan/ /oM g+ha g+ha g+ha ta ya sarba du stan mA ra ya phaT/ kI li kI li ya sarba pA paM phaT hUM hUM hUM badzra kI la ya ta rod Adz+nya pa ya ti kA ya bak+tsit+ta badzra kI la ya hUM phaT /drag tu brjod cing gdab par bya zhes bya ba ni/ sngags so so
- 61a
dang sgrogs pa ste ci drag tu brjod la gnas su gdab pa ste/ sngon la snying la gdab pa ste/ skabs de ru tshe lung khrus lung gnyis bya ba ste/ sngags 'og nas 'byung bas bya'o/ /de nas gzugs de nyid bkug cing bstan par bya'o/ / bstan par bya zhing gdab pa'i phyir /zhes bya ba la sogs pa gsungs te/ gzugs la bsdu zhing mtshan mar gdab par bya ba'i phyir/ rdo rje tshig tu 'og nas 'byung ba 'di brjod do/ /dam tshig can gyi dus la bab ces bya ba ni/ bdag nyid chen mo'i sngon bcom ldan 'das kyi spyan snga ru rang gi srog gi snying po mdong sol du phul nas rnal 'byor pa'i grogs bya bar khas blangs shing dam bcas pa'i dam tshig can dang/ sho na mu ka sngon gdug pa can 'joms pa'i dus na zangs kyi wa mo la zangs kyi mi mo zhon nas lcags kyi spyang ki brgyad ni g.yon na khrid dpal gyi khyi brgyad ni g.yas nas khrag 'thung gi rgyal po ci bgyi bka' bstsal du gsol zhes zer zhing 'ong ba'i dus su dam tshig pho gcig dam la brtags pa'i dam tshig can dang/ sa bdag chen mo'i phur bu'i srung mar khas blangs shing dam bcas te/ dbang bskur bas mos pa'i sa la dbang bas sa bdag ste de'i dus su dam la btags pa'i dam tshig can dang/ de rnams kyi srog gi snying po'i dam la ma 'da' bar las gyis shig pa ste/ dgug pa'i las bskul zhing btang ba'o/ /de yang ji ltar btang zhe na/ bdag nyid chen mo ni mthu'i bdag nyid du gyur pa re ma ti bskul te/ bsgrub pa'i dus su sha chen dang gsur chen dang nal gyi sha dang khrag chen dang gla ba shing kun tsan dan dkar dmar rnams kyi mchod pa dbul zhing/ gzhung gzhan nas byung ba'i tshig bshad kyis bcol ba bya zhing srog gi snying po nas drang zhing las la btang ngo/ /de nas yang sho na mu ka'i bskul ba ni/ nyi ma'i mchod pa phul la las
- 61b
bcol ba ni/ de yang ci'i phyir zhe na/ bshad pa'i rgyud kyi rjes 'brangs nas/ sho na mu ka bskul ba ni/ nyi ma'i mchod pa phul la bskul zhes pa ste/ de yang srog gi snying po nas drangs shing las bcol lo/ /de nas yang sa bdag chen mo la las bcol te/ snod kyi khrag snod kyi sha las gzhi blangs pa'i gtor ma byin la sngon gyi lo rgyus dang/ dam ji ltar gsal ba yang brjod la srog gi snying po nas drangs la las bcol lo/ /de nas 'phra men ma las la bskul te/ snying sna mang po dang/ khrag sna mang po dang/ gtor ma byas te/ ming nas bos la 'phra men ma bcu drug las la gtang ngo/ /de nas yang srin mo'i tshogs la las bcol te/ snying gi rtsa ba ni srog pa rtsa ste/ de las gzhi blangs te gtor ma byas la mtshan tshig nas bos la gtor ma byin la las bcol ba ste/ gtor ma byin gyis brlab pa bdud rtsir byin gyis brlab pa ste/ gong nas gsungs pa'i rim pa'o/ /de ni bsgrub pa'i dus su sbyor cig /drag po'i dus su ni las kyi sngags bzlas shing khrag spungs kyi brdeg pa'o// bsnyen pa'i dus su ni gtor ma byin gyi las bcol ba ni ma yin no/ /de ltar gtor ma byin nas las bcol ba ni/ ci la dgos she na/ de bstan pa'i phyir/ byang chub mchog tu sems bskyed cing zhes pa la sogs pa bstan te/ de yang chos kyi dbyings su bsgom pa'i don dam pa byang chub mchog tu sems bskyed pa dang/ sku gsung thugs kyi dkyil 'khor du sku phyag rgya chen por bsgom pa kun rdzob byang chub mchog tu sems bskyed cing/ dus gsum gyi rgyal ba sangs rgyas thams cad kyi gdung 'tshob cing bde bar gshegs pa'i sku'i rigs dang/ gsung gi rigs dang thugs kyi rigs dang/ rnal 'byor pa'i lus ngag yid gsum gyis 'dzin cing bsgom pa'i rnal 'byor pa bdag cag rnams la ni/ bdag gi
- 62a
sgom la gnod cing lus dang tshe la gdug pa'i sgra dang bgegs sam gang yin pa dang/ 'on te bdud dang ste srog gi bar du gcod pa dang/ dgra ste dge ba la bar du gcod pa rnams ni/ bsgral ba'i gnas de'i bdud kyis ni dngos grub 'phrog par byed la/ dgras ni rnam par 'tshe bar byed de/ de rnams dbang du bsdu ba'i phyir/ khro bo chen po'i byin brlabs kyis/ yud tsam gyis ni de bkug nas/ /mngon spyod tshul bzhin bsgral ba dang/ /lus ngag rdul du bshig nas kyang/ /sdug bsngal nyams su myong bar mdzod/ ces gsungs/ khro mo chen mo bcom ldan 'das rdo rje gzhon nu'i byin brlabs kyis bdag nyid chen mo dang/ sho na mu ka dang/ sa bdag chen mo dang/ 'phra men ma dang/ za byed ma dang/ mche ba can dang gshog pa can la sogs pa'i pho nya'i tshogs kyis se gol gtogs pa tsam thang cig yud tsam gyis 'dul bar bya ba'i zhing gang yin pa de gnas nas 'dir bkug nas/ dbang po mngon sum du drag po'i las kyi mngon spyod kyi tshul bzhin du bsgral nas/ kun gzhi rnam par shes pa rgyal ba'i sras su bya ba dang/ nyon mongs pa'i bag chags nye bar len pa'i phung po bshig pa'i phyir 'byung ba bzhis bskyed pa'i lus ngag yid gsum rdul du bshig nas kyang/ las dang nyon mongs pa'i bsgrib pa sbyangs pa'i phyir/ mnan cing gzir ba'i sdug bsngal gzas pa po gang yin pa'i lus ngag yid gsum gyis nyams su myong bar mdzod cig /ces pa las bcol te/ 'on te las byed du ma 'dod na bdag nyid kyis bsnyen phur dril zhing bdag nyid kyi lce la nyi ma'i dkyil 'khor gyi steng du hUM de las rdo rje bum pa'i nang na hUM gnas pa de'i 'od zer gdug pa de bdag nyid chen po la sogs pa'i steng gi sgo nas rtsa'i bu ga kun nas phar zug ste/ 'od zer nges bdag nyid chen mo la sogs pa'i snying
- 62b
khrag zhal du rdubs pas bdag nyid chen mo la sogs pa rab tu myos nas 'gyel bar bsam mo/ /de'i phur pa dang gnyi ga las 'od 'phro ba'o/ /de nas yang phur pa'i rtse mo dam can rnams la gtad de dril zhing bdag nyid bdud rtsi 'byung ba'i ting nge 'dzin du zhugs te/ dam can rnams gan kyal du dgyel ba'i snying kar gtad pas phur ba las bdud rtsi dkar la dag pa'i chu rgyun 'byung bas ma mo rnams kyi lus bsos te/ gzi mdangs can du byas nas/ bdag gi dam tshig ni gang lags las ni ci bgyi zhes zer zhing 'dug par smra ba'o de las bdag nyid kyi las ni dam can rnams kyi kha ru bdud rtsi blud de/ oM a mri ta ma ma ya ha ha nan ra gan zhes blud pas sngon ji ltar dam bcas shing khas blangs pa de rjes su dran nas rnal 'byor pa ji ltar 'dod pa'i las byed par 'gyur ro/ /de ni dam can rnams thugs dam gnas la phab la drag po'i las la bskul ba'o/ /de nas mnan par bya ba'i snying po gsungs te de'i phyir/ oM laM zhes bya ba la sogs pa gsungs te/ de'i oM laM zhes gsungs pa ni/ gzas pa po gang yin pa'i spyi bo yi steng du laM bsam par bya ba'o/ /laM de yongs su gyur pa las/ gser gyi ri rab shin tu brjid che zhing lcib zhig bskyed ba ste/ de ni oM laM ste rngos po ri rab bo/ rngos po de yang bcom ldan gyi thugs rnam par mi rtog pa bsam g.yos pa'i phyir hUM laM mo/ de lta bu dang ldan pa'i ri rab des gzas pa po gang yin ba gzir ba'i phyir na bstan pa ni zhes pas gzir cig pa'o/ /rngos po'i ra rab de rngos lhad de snang ba sku'i rang bzhin/ de las 'od 'phro ba gsung gi rang bzhin de las don dam par rang bzhin med pa thugs kyi rang bzhin de'i phyir mo ha ga ya b+ha ga ban da zhes gsungs pa yin te/ mo ha na sku dang ldan pa'i ri rab/ g.yan gsung 'od zer dang ldan pa'i ri rab/ b+ha ga bAn da na thugs spros pa dang bral ba
- 63a
bcom ldan 'das dang ldan pa'i ri rab bo/ /sku gsung thugs dang ldan pa'i ri rab des gzas pa po las dang nyon mongs pa gzir ba'i phyir/ sh+ri kri bi kri zhes gsungs pa yin te/ las gzir ba ni sh+ri kri las kyis bskyed pa'i nyon mongs pa gzir ba ni bi kri'o/ /de yang gzir ba'i las la byin can du bya ba'i phyir badzra hUM ka ra ste ri rab de'i steng du ma bsam ste de yongs su gyur pa las nyi ma'i dkyil 'khor de'i steng du hUM bsams te/ / / yongs su gyur pa las rdo rje rgya gram du gyur/ de'i steng du nyi ma'i dkyil 'khor de'i steng du hUM yongs su gyur pa las rdo rje ste de las ni/ hUM ka ra'i sku yongs su gyur par bskyed de/ bskyed pa'i sngags badzra hUM ka ra hUM zhes pas ? gsal bar bskyed de/ de'i zhal nas gdug pa'i sngags hUM hUM hUM phaT phaT phaT ces sgrogs shing/ gzas pa po gang yin pa de/ 'bros su mi gnang bar zil gyis gnon pa'o/ /de nas yang 'dren par byed pa'i sngags sgras bstan te/ de'i phyir/ oM badzra kI li kI la ya dza(rgyud 'grel): hUM baM ho(rgyud 'grel): zhes gsungs te/ 'khor ba'i gnas nas drang ba'i phyir sngags 'di brjod pas/ bdag gi thugs ka nas ye shes sems dpa' i hUM las rdo rje/ rtseg mar byung ste de las 'phra men ma lcags kyu thogs pa dang/ rgyud mar byung nas dgug pa ste le'u brgyad pa nas 'byung ba dang sbyar ro /de nas yang tshe lung dang khrus lung bstan te de'i phyir rdo rje'i tshig tu brjod nas ni/ bkrag dang gzi mdangs bdag la bstim zhes pa la sogs pa gsungs te/ rdo rje'i tshig tu 'og nas 'byung ba'i sngags 'di brjod nas kho'i bkrag dang gzi mdangs phrogs nas bdag la thim par bya ste/ de yang snyan phur gdab pas phur pa'i 'od zer gyis gzas pa po'i snying dkar nag gi mtshams su btab
- 63b
pas tshe rabs thog ma med pa'i dus nas kun gzhi la bag chags ngan pa bsags pa ste phur pa'i 'od zer gyis bsregs par bsam mo/ /de'i skabs las ni rnam par byang ba'i byang chub sems zhes bya ste khrus lung ngo/ /de nas kun gzhi'i rnam par shes pa shel dag pa'i rang bzhin du gnas pa ste/ phur pa'i 'od zer gyis bzhu nas dngul chu zhun ma bzhin du gnas pa ste/ phur pa'i rtse mo la 'ub kyis 'dus nas a'i rang bzhin gnas te de'i dus su ri rab kyi steng na bzhugs pa'i khro bo hUM ka ra bzhengs nas gnas pa de la bdag nyid kyi phur pa dam tshig gi phyag rgyas bton nas/ oM sarba bignan kI la ya hUM hUM phaT phaT ces pa ni gzhan du man ngag gis sbyar bar bya'o/ /oM badzra hUM ka ra hUM a zhes brjod nas/ hUM ka ra la gtad pas hUM ka ra bzhengs pa des blangs nas bdag nyid kyi steng gi sgo nas mar thim par bya ste/ gzas pa po'i tshe phrogs nas/ bdag gi tsher gyur par bsam mo/ /de ni yang dag pa'i ye shes zhes bya ste/ don dam pa byang chub kyi sems so/ /lung las ni tshe lung zhes bya'o/ de yang dkyus nyid las/ a nyid byang chub sems kyi khrus/ /phur pa nyid kyang gzi byin bskyed/ 'od dang mthu dpung lhag par bskyed/ ces gsungs te/ bdag nyid kyi snying gi dkyil na ye phyi mo nas grub pa'i ye shes a ni kun gzhi'i rang bzhin te ye nas rnam par dag par gnas pa nyid byang chub kyi sems kyi khrus yin par bstan te/ de phur pa la 'dus pa ni byang chub sems dbang du bsdu ba ste/ phur pa nyid kyang gzi byin can du gyur pa'o/ /de nas yang dbu zhabs kyi tshig gsal bar bstan pa'i phyir /de nas phyogs bcu'i khro bo la zhes pa la sogs pas bstan te/ rdo rje'i tshig gis 'og nas 'byung ba 'di skad bskul lo/ /dngos grub bar chad byed pa'i bgegs/ /bdug cig sdang sems ldan pa rnams
- 64a
zhes bya ba ni/ sku gsung thugs kyi dkyil 'khor la gnas shing mi gnas pa'i ye shes chen po'i dngos grub bsgrub pa'i bar du gcod pa'i bgegs dang yang dag pa'i ting nge 'dzin la gnas pa'i zhe sdang gi sems kyis gdug cing phrag dog gi sems kyi sdang ba'i sems dang ldan pa'i gzas pa po de 'khor ba'i gnas nas drang ba'i phyir zung zhig pa de/ khro bo rnam par rgyal ba'i byin brlabs las bskul ba ste/ dza dang sbyar ro/ gzas pa po de rang gi bde ba'i gnas nas bskul pa'i phyir/ rgyob cig pa de rnam par rgyal pa'i rigs dbyug pa sngon po can gyis brgyab nas rgyob cig /dbang po'i yul la mi gtong ba dang/ yan lag 'khum mi nus par bya ba'i phyir/ rnam par chings shig ces pa ste/ khro bo gshin rje gshed po'i byin gyis brlabs las bskul ba ste hUM dang sbyar de nas yang bag chags kyi phung po phur pa btab nas yang dag gi shes pa dang ni phral log pa'i shes pa bsgral ba de mtshon gyis btub pa'i las byas nas gnas pa de brlag par bya ba'i phyir/ gtogs shig pa ste/ gshin rje gshed po'i rigs can/ khro bo mi g.yo mgon po yis/ phung po gtum zhing 'phrag gis brdungs pa ste/ kha tha dang sbyar ba'o/ gzas po de la stong pa dang/ grogs byed srog la skyob pa'i lha 'dre gang yin pa de dang 'bral pa'i phyir/ grogs dang 'bral bar gyis zhes gsungs pa ste/ rta mgrin gyi rigs gzhan gyis mi thub pa'i byin gyis brlab pa'i grogs dang dbral ba ste/ ha sa ya ra na dang sbyar ro/ /myur du bsgral zhing dbang du 'dus nas rigs gang yin min smra ru gzhug pa'i phyir rings par khug la smra ru chug cig /ces pa ste/ khro bo bdud rtsi 'khyil pa'i byin gyis brlabs las smrar gzhug pa ste/ dzwa la pa ya dang sbyar/ gzas pa po'i shes pa srin bu me khyer bzhin du bkug
- 64b
pa ste gzugs dang ri mo la dbab pa'i phyir/ phob cig ces pa ste/ khro bo rta mgrin gyi byin gyis brlabs las phyung ba'i baM ste/ a be sha dang sbyar/ gzas pa po'i las dang nyon mongs pa gzir ba'i phyir/ rnam par gzir bar byos zhes gsungs te/ hUM ka ra'i byin brlab las byung ba ste/ oM laM dang sbyar ro/ /gzas pa po de'i dkyil 'khor du chud nges par bya ba'i phyir/ de'i dbang du gyur nas ni zhes gsungs te rdo rje'i rigs khro bo stobs po che'i dbang du byas nas/ de'i rigs khams gsum rnam par rgyal ba yis /bsgo ba'i bka' rnams nyan bar gyis zhes pa la sogs pa bstan te/ drag po spyi'i tshig go /de nas bsod pa'i las kyi sngags bstan pa'i phyir/ hUM pa ra bid dan zhes pa la sogs pa gsungs te/ hUM pa ra bid tan zhes bya ba ni/ rdo rje gzhon nus bsod pa'i las kyi sngags te/ kI la ya bco brgyad dang sbyar te/ kun gzhi rtsad nas phyung ba'i dus su sbyar bar bya'o/ /tshin d+ha tshin d+ha badzra hUM phaT/ ces bdud rtsi 'khyil ba'i bsod pa'i las kyi sngags te sngags 'di brjod cing lte ba'i dkyil du brgyab pas bdud rtsi 'dzag pa'i sgo gcad de/ de yang ye shes su byas pa'o/ /binda binda badzra phaT ces pa ni khams gsum rnam rgyal gyi gsod pa'i las kyi sngags te/ sngags 'di bzlos shing khams gsum rnam par rgyal pa'i cha las byung ba'i phur bas pus mo'i lha nga bo'i ltag na stobs bskyed pa'i rtsa yod pa la btab ste/ rtsa'i sbubs nas stobs 'phrog ste/ ye shes su bya ba'o/ /de nas yang gri na g+h+ri nwa badzra hUM phaT ces bya ba rdo rje rta'i gsod pa las kyi sngags te/ sngags 'di brjod cing rdo rje rta'i cha las byung ba'i phur pa des/ mgrin pa dag gi gnas su btab pas/ ro'i longs spyod thams cad phrogs nas ye shes su byas pa'o/ /de nas yang ha na ha na badzra hUM phaT rnam par rgyal ba'i cha las byung ba'i phur pa des sngags 'di
- 65a
brjod cing mig la btab pas mig gi rnam par shes pa dbang du bsdus ye shes su bya'o/ /de'i rnam par rgyal ba'i bsod pa'i las kyi phyag rgya'o/ /de nas yang mi g.yo mgon po'i bsod pa'i las kyi sngags bstan pa'i phyir/ banda banda badzra hUM phaT ces gsungs pa ste/ sngags 'di bzlas shing mi g.yo mgon po'i cha las byung ba'i phur pa blangs nas lce'i dbus zla ba kham pa 'dra ba'i dbus su btab pas lce'i rnam par shes pa phrogs te ye shes su bskyed pa'o// de nas yang stobs po che'i sa bod pa'i las kyis sngags bstan pa'i phyir/ tadya thA badzra hUM phaT ces pa yin te sngags 'di zos shing stobs po che'i cha las byung ba'i phur pa rkang mthil na bskyod par byed pa'i rtsal stobs bskyod pa'i stobs phrogs nas ye shes su bskyed pa'o/ /de nas yang dbye bar byed pa'i las kyi sngags bstan pa'i phyir ha sa ya ra ni h+ri ra na hUM phaT/ ces bya ba yin te/ stong grogs dang bral bar bya ba'i dus su sbyor cig /de nas yang bcing bar byed pa las kyi sngags bstan pa'i phyir/ sh+ri krin an ya hUM phaT ces pa yin te/ 'ching bar byed pa'i skabs gang yin pa'i dus su sbyor cig /de nas yang smra bar byed pa'i snying po bstan pa'i phyir/ dzwa la pa ya dzwa la ya hUM phaT/ ces pa yin te/ yungs kar la bsngags la rdo rje spyan dmig rno la gtor la gong du gsungs pa'i rigs la sogs pa'i gang yin pa 'dri ba'o/ /de nas 'bebs par byed pa'i snying po bstan pa'i phyir/ a be sha ya a be sha ya hUM phaT/ ces bya ba ni 'bebs pa'i skabs gang yin par sbyar ro/ gzugs dang gnyis su med par bya'o de nas zhal dbye ba'i sngags bstan pa'i phyir/ bi da ya bi da ya hUM phaT ces pa yin te/ gtung ba'i phung po de zhal du bstabs pa'i phyir zhal phye zhig pa ste/ bstan pa'i
- 65b
dus su'o/ /de nas yang rdo rje 'phra men tshogs rnams la bskul bar bstan pa'i phyir/ rdo rje 'phra men tshogs rnams la/ zhes pa la sogs pa bstan te/ rdo rje las byung bas rdo rje 'phra men ma'o/ /mngag pa'i phyir tshogs rnams la rdo rje'i tshig gis bskul bar bya ste/ thabs dang shes rab las byung zhing/ thabs kyi bcol zhing sems can gyi don la brtson par 'bad pa'i phyir na bran zhes bya la/ theg chen chos kyi dbyings las 'byung zhing rim pa nas sprul zhing mngag par bya ba'i phyir gnas su phyin par 'gro ba'i phyir na/ pho nya gtso bo rnams kyis ji ltar bcol zhing bka' stsal nas zhi ba dang rgyas pa dang/ dbang du bya ba dang/ bskra par bya ba dang/ bsad par bya ba dang bsgo ba nyan pas bka' nyan te/ las kyi lha rnams kyis mngon spyod kyi 'phrin las bya ba'i dus la bab ces bya ba'o/ /khyed kyi dam tshig dus la bab ces pa ni/ las kyi lha khyed kyi dam tshig dus la bab ces pa'o/ /tha tshig ji ltar bcas pa bzhin zhes bya ba ni/ sngon bcom ldan 'das kyi spyan snga ru ji ltar dam bcas shing khas blang bzhin du drag po'i 'phrin las myur du byos zhes bcol ba'o/ /gal te 'am 'o na te las byed du mi 'dod cing tha tshig las 'das par gyur na/ rdo rje chu yis brdeg par nges zhes bya ste/ las kyi lha la phur pa gtad cing dril la gnad la dbab pa ste/ gong du gsungs pa'o/ /de nas yang gzhan gyis mi thub pa'i sngags bstan pa'i phyir/ /ha na ha na badzra hUM phaT ces pa yin te/ sngags 'di bzlas shing gzhan gyis mi thub pa'i cha las byung ba'i phur pa de blangs te dril nas bud pa'i rtsa gyen du 'greng ba ste/ g.yas kyi rtsa dang g.yon gyi rtsa gnyis la btab pas thabs dang shes rab rgyu brgyun gcad de ye shes su bya ba'o/ /de nas yang dbyug pa sngon po'i las kyi sngags bstan pa'i phyir/ da ha da ha badzra hUM phaT ces pa yin te 'di bzlos shing dbyug pa sngon po'i cha las byung ba'i phur
- 66a
pa blangs te dril nas rna ba'i rnam par shes pa la gtab pas rna ba'i rnam par shes pa dbang du bsdus nas/ ye shes su bya ba'o/ /de nas yang gshin rje gshed kyi gsod pa las kyi sngags bstan pa'i phyir/ pa tsa pa tsa hUM phaT ces pa yin te/ sngags 'di bzlas shing gshin rje gshed kyi chad las byung ba'i phur pa blangs te dril nas rna ba'i rnam par shes pa dbang du bsdus nas btab pas rna ba'i rnam par shes pa dbang du 'dus nas ye shes su bya ba'o/ /de nas yang bdag nyid chen mo gsod pa'i las kyi sngags bstan pa'i phyir/ ma ta ma ta badzra hUM phaT ces pa yin te/ bdag nyid slu la sngags 'di bzlas shing khrag dang nyung nag gis brgyab nas gzugs dpung thal bar brlag par bsam ste/ ma mo'i thun no/ /de nas yang sho na mu ka'i gsod pa'i las kyi sngags bstan pa'i phyir/ dzwa la dzwa la badzra hUM phaT/ ces pa yin te/ sho na mu ka bskul la sngags 'di bzlos shing yungs nag gis brgyab pas/ gzugs kyi phung po de la 'phar spyad la sogs pa mang po stong cing za bar bsam pa'o/ /de nas mche ba can gyi bsod pa'i las kyi sngags bstan pa'i phyir/ su ru su ru badzra hUM phaT ces pa yin te/ /sngags 'di bzlos shing mche ba can bskul nas/ yungs nag gzugs la brgyab pas mche ba can gyi tshogs grangs med pas gzugs la stod cing za ba'o/ /de nas yang gshog pa can gyi gsod pa'i las kyi sngags bstan pa'i phyir/ /mu ru mu ru badzra hUM phaT ces pa yin te/ bskul la sngags 'di bzlos shing yungs nag brgyab pas gzugs kyi phung po de la gshog pa can gyi tshogs stong cing za bar bsam mo/ /de nas yang dpal lha mo dbang gri bsod pa las kyi sngags bstan pa'i phyir/ ka ta ka te zhes pa yin te/ dpal lha mo dbang bskur la sngags bzlos shing yungs nag gi brgyab pas gzugs
- 66b
kyi phung po de la tho ba'i char phab par bsam mo/ /de nas yang lha mo dbang gi gsod pa las kyi sngags bstan pa'i phyir/ dza ya bi dza ye zhes gsungs pa yin te/ lha mo dbang bskur la sngags bzlas shing yungs nag gis brgyab pas gzugs kyi phung po de yang lhag par yang dum bu dum bur gyur par bsam mo/ /de nas yang klu mo dbang gis bsod pa las kyi sngags bstan pa'i phyir/ a tsin te/ a pa ra tsi ta mar sa na zhes pa yin te/ klu mo dbang bskur la sngags 'di bzlos shing yungs nag gis 'phangs pas gzugs kyi phung po de lhag par yang thal bar 'gyur bar bsam mo/ /de nas yang legs mo dbang gis bsod pa las kyi sngags bstan pa'i phyir/ /bra mar tan ya hUM phaT ces pa yin te/ legs mo dbang bskur la sngags 'di bzlas shing yungs nag gis brgyab pas gzugs kyi phung po de lhag par chu srin byed pas gnyis par bsam mo/ /des kyang bstan pa'i las su 'gyur zhes bya ba ni phur ba btab pa'i las kyis bsgral nas/ de'i ting la khrag dang yungs nag dang/ las kyi lha'i sgrol sngags kyis brgyab pas lhag par yang bsod pa'i las te brtan par 'gyur ro/ /de nas yang gzugs de gdab par bya ba'i phyir/ de nas sras mchog bskul bar bya zhes pa la sogs pa gsungs te/ de nas sras mchog bskul par bya zhes bya ba ni sras mchog sprul pa bskul bar bya ba yin te/ bdag nyid dkyil 'khor gyi lha 'khor dang bcas pa'i thugs ka nas/ khro bo mang po 'phros te/ de rnams kyi lag na ral gri dang dgra sta dang/ 'khor lo dang be con la sogs pa'i mtshon cha gdug pa mang po thogs te lus dum bu dum bur btub par bya ba'i phyir/ rdo rje gsang ba'i bka' las ni/ /sdig can gang zhig 'da' byed pa/ /stobs chen khro bo chen pho yis/ /klang pa tshal pa rgya ru khos/ /zhes pa
- 67a
gsungs te/ rdo rje gzhon nu'i gsang ba'i bka' las ni mi dge bcu byed pa'i sdig can dang/ mtshams med lnga byed pa'i pha gsod pa dang/ ma gsod pa dang/ rnal 'byor gyi sku la 'tshang 'dod pa dang/ gtsug lag khang gi sku 'khor la sku ba dang/ mthun pa'i bar du dbyen 'jug pa la sogs pa'i las byed cing thugs rje spyang thag tshad cing ngan song gsum du skye nges pa'i sdig can gang zhig 'da' bar byed pa dang/ bcom ldan 'das dpal rdo rje gzhon nu 'khor dang bcas pa rnams kyi ye shes kyi stobs dang/ dbyings kyi don chen po dang ldan pa'i khro bo chen po las nyon mongs pa'i bag chags sbyangs shing ma rig pa'i rgya mo dral ba'i phyir ye shes lnga'i mtshon cha'i char phab nas klad pa tshal pa brgya du bkas pa dang/ lus dum bu stong du btubs shig pa'o/ /nyon cig bgegs dang log 'dren rnams/ /rdo rje bka' las 'da' ma byed ces bya ba ni/ rdo rje gzhon nu'i byin gyis brlabs kyis las dang nyon mongs pa'i bag chags par nas chos thos pa'i skal ba dang ldan pa'i phyir/ rna ba'i dbang pos nyon cig dge ba dang srog gi bar du gcod pa'i bgegs dang/ sku gsung thugs kyi dngos grub bsgrub pa la rnam par 'tshe bar byed cing log par 'dren pa'i dgra bo'i tshogs rnams bcom ldan rdo rje gzhon nu nga'i bka' la 'da' bar ma byed cig ces brjod cing/ rnal 'byor pa bdag nyid kyis kyang phyag tu ral gri thogs nas sngags 'di brjod cing btub bo/ hUM ma ma ba shi ku ru ma taM dz+nyA na ka ra i dan de ma ma kar ma sh+ri kAM re swAhA/ zhes pa na ma mo rnams kyi gdug pa'i sngags te/ sngags 'di brjod cing ling ga dum bu dum bur btub par bya'o/ /de nas yang stong grogs byed pa'i lha dang dbral ba bstan pa'i phyir/ de nas dbye ba rgyun gyi ting nge
- 67b
'dzin 'di gsungs so/ /zhes pa la sogs pa bstan te/ gsung ngo zhes bya ba ni 'og ma 'di'o/ /gdug cing sdang sems ldan pa yi/ /lha 'am 'on te bdud kyang rung/ /de yi mthu dpung byed pa rnams/ mthu dang rdzu 'phrul med par mdzod ces bya ba ni/ log par lta ba'i sems can de'i lus kyi sgo dang ngag gi sgo nas gdug cing yid kyi sgo nas/ zhe sdang gi sems byed pa'i gdug pa can gyi tshogs tshangs pa dang/ brgya byin dbang phyug chen mo ma hA de ba dang khyab 'jug chen po dang/ srin po lang ka mgrin bcu la sogs pa'i 'jig rten pa'i bdud dam 'on te lha yang rung ba 'am/ 'jig rten 'di na mthu che ba ston pa su yang rung ba/ sgrub pa po bka' gzhung bzhin du byed pa'i rnal 'byor pa nga la bar chad byed pa'i dgra bgegs rnams gzhan la gnod pa byed pa de'i mthu dpung byed pa rnams kyi pha rol pos nyams su blang du mi 'dod pa'i rdzu 'phrul ston pa de gnyis med par gyis shig ces pa ste/ tra sa ra trin zhes pa dang sbyar ro/ /rdzu 'phrul 'brog pa'i snying po ni/ tadya thA hUM phaT ces pa yin te/ sngags 'di brjod cing gong du gsungs pa'i bdug pas bdug pa'o/ /de nas yang hUM ka ra'i gsod pa las kyi sngags bstan pa'i phyir/ sarba ma na ya badzra hUM phaT ces pa yin te/ hUM ka ra'i cha las byung ba'i phur pa blangs te dril te/ sngags 'di brjod cing tshangs pa'i bu gar gdab pas lus mgo mjug bcu dang bral nas yang dag pa'i ye shes su byas so/ /de nas yang btubs pa'i phung po btung ba'i phyir ro/ /de nas btung ba rgyun gyi ting nge 'dzin 'di gsungs so/ /zhes pa la sogs pa bston te/ gsung ngo zhes bya ba ni 'og ma 'di'o/ /khro mo rnams kyi dkyil 'khor du zhes bya ba ni/ khro mo rnams kyi mkha' gru gsum pa'i nang du'o/ /rdo rje thob bsgom bya zhing zhes bya ba ni rdo rje tho ba ni thabs kyi gsang ba'i rdo rje'o/ /dngos
- 68a
bor gyur pa'i gnas chen kun zhes bya ba ni btubs pa'i dngos po ma lus pa kun/ rdul phran bzhin du brdung bar bya zhes gsungs pa ste/ rdo rje tshig gis bskul bar bya ba ni/ 'og nas 'byung ba 'di'o/ /rdungs shing rdo rje 'bar ba'i gtun zhes bya ba ni nyon mongs pa'i sgrib pa mang po 'byongs par yod pa de sbyangs shing bag chags kyi phung po bshig pa'i phyir/ gang yin pa'i phung po de/ rdo rje thobs brdungs shing/ ye shes kyi rdo rje de la'o/ 'bar ba dang khro mo'i dbyings la 'od 'bar ba'i gtun du/ brdung bar bya ba ni dus gsum gyi bde bar gshegs pa'i bka' las 'da' bar byed cing lus ngag yid gsum gyis mi dge ba byed pa'i sdig can rnams yang dag pa'i gsang ba'i rdo rje las byung ba'i me dpal dang chas pa'i rdo rje gzas pa po gang yin pa'i gdug pa'i snying bsregs nas rnam par rtog pas rtags pa'i sgyu ma'i lus ngag rdul phran bzhin du/ brdungs shig pa'o/ 'on te gang du brdung zhe na/ de bstan pa'i phyir/ khro mo 'bar ba'i gtun khung du/ /rdo rje tho bas brdung byas te/ zhes bya ba gsungs te/ khro mo khams gsum gyi gtun du/ thabs khro bo gsang ba'i rdo rje tho bas brdung bar byas nas/ lha yang rung ste brlag par bya zhes gsungs te/ 'jig rten gyi lha tshangs pa dang rgya byin la sogs pa yang brlag par 'gyur na/ gzhan sems can lha smos ci dgos te brlag par 'gyur ro/ /zhes pa 'di brdung bar byed pa'i snying po ni 'di yin te/ kha thaM kha thaM kha thaM hUM hUM hUM phaT phaT phaT ces gsungs te/ sngags de yang gsum gdebs su byas nas bzlas shing/ rnal 'byor pas dngos su yang gtun gru gsum du tho bas brdung bar bya ba'o/ /de nas yang brdung ba'i lhag rol de khro mo rnams kyi zhal du bstabs pa bstan pa'i phyir/ bstabs pa rgyun gyi ting nge 'dzin 'di gsungs so/ /zhes bya ba la sogs pa bstan te/ rdo rje khro bo
- 68b
'bar ba dang/ zhes bya ba ni/ rdo rje ni yang dag pa'i rdo rje ste/ stong pa nyid kyi ye shes so/ /de las byung ba'i khro bo ni/ bcom ldan 'das dpal rdo rje gzhon nu'i sku la 'od 'bar ba ste/ de'i zhal du bstabs pa'o/ /rdo rje za byed srin mo dang zhes bya ba ni/ bcom ldan 'das dpal rdo rje gzhon nu'i byin brlabs las byung ba'i/ /khro bo rab tu rngam pa'i mi bzad pa mche ba gtsigs pa log par lta ba za bar byed pa de'i zhal du stabs par bya ba ste/ de yang khro mo dang za byed pho nya bcu sbrul pa dang lcam dral rnams la bstab par bya'o/ / de rdo rje gnod sbyin zhal gdangs par zhes bya ba ni/ gnyis med pa'i ye shes las ma g.yos pa ni rdo rje ste/ de las 'byung ba'i bdag nyid chen mo dang/ sa bdag chen mo la sogs pa'i zhal du bstabs pa'o/ /mtshan ma'i dngos po bstims par bsgom zhes bya ba ni/ mtshon gyis gtubs pa'i dum bu mtshan mar srad ba'i dngos po de khro bo dang khro mo dang 'phra man ma'i bdag nyid chen mo'i zhal du bstabs pas/ de rnams kyis thim mar gsol bar bsam mo/ /de yang zhal du bstabs pa'i dus su/ rdo rje tshig 'og nas 'byung ba 'dis bskul bar bya ste/ nam mkha' i khra ma'i zhal gdangs su/ zhes bya ba ni/ chos nyid ma bcos pa'i don gyis ngo bo de ni nam mkha' ste/ de las byung ba'i khro bo mi bzad pa zhal gdangs pa ru khams gsum gyi sems can nyon mongs pa lnga yis bcing snas ngan song gsum du 'khor ba de thugs rje chen po'i byin gyis brlabs kyis/ thang cig yud tsam la 'gro ba kun zhal du 'phra men ma nges bstabs pas/ khro bo rol pa'i tshogs khyod kyi zhal du yud tsam la btims par mdzod cig pa'o/ /de nas zhal du 'khor ba mdza' dag gsol ba'i gting la/ dgyes nas dkyil 'khor du byams pa dus gcig tu bzhad pa de'i phyir/ rol pas dgyes pa'i gang rgyangs sgrogs zhes gsungs pa yin no/ /sdus shing sregs la myur du zo bya ba ni khams
- 69a
gsum gyi 'khor ba ma lus par sdus shig /'od zer gyi bsregs la myur du za'o/ zhes pa ste/ stabs par bya ba'i sngags ni 'di yin te/ bi da ya'i sngags brjod pa'i rjes la badzra kro ta yag sha rag sha kro ta khA hi khA hi/ zhes pas zhal du gsol nas/ gsal ba'i gting la dgyes pa'i gang mo 'di yin te/ ha ha ha zhes bzhad nas/ de nas gnas phyi mo dang phrad pa'i phyir/ hUM hUM hUM zhes pas rnam par shes pa hUM du bsdus nas lte ba'i dbus su ye shes kyi mes bzhu nas phaT phaT phaT ces pas yum gyi pad+ma la spros pas yum gyi pad+ma de ni gnas phyi mo ste/ de ni gnas phyi mo dang phrad pa'o/ /de'i gnas su bcom ldan 'das rdo rje 'dzin par bskyed de/ de la dbang tshang bar bskur nas 'jig rten gyi khams su sems can gyi don la btang ngo/ /de ni las bya ba la 'bras bu yang pa zhes bya ste/ sangs rgyas kyi sras so/ /de ltar byas pa'i gnas kyi man ngag ste/ las ma grub bar du bya ba ma yin no/ /byas na skyon ci yod ce na/ byang chub sems kyi 'khor la dbang bskur bas/ rnal 'byor dam pa yin pa'i gral du 'gro bas rnal 'byor pa nyid dam tshig nyams pa dang/ las mi 'grub pa'i skyon yod do/ /'grub nges pa dang gnas kyi man ngag de ltar las mthar phyin par bya ba'o/ /de nas yang de ltar ma yin nas phung po lhag rol de sreg pa zhig yin na/ hom gyi las bstan pa'i phyir de nas/ bsreg pa rgyun gyi ting nge 'dzin 'di gsungs so/ zhes pa la sogs pa bstan to/ 'di gsungs so/ zhes pa mi bsreg par bya ba'i don ston pa'i zhal nas 'og nas 'byung ba 'di gsungs so/ /klong yangs 'khyil ba'i hom khung du/ zhes bya ba ni/ chos kyi dbyings dang mnyam pa'i hom khung du/ chos 'byung ba'i phyag rgya ste/ dbyings rnam par dag pa'i ngang du 'khyil pa'i hom khung du/ 'bar ba rab tu 'khrug pa 'dug pa can gyi me sbar te/ bskyed pa me lha dang ye shes dang dbyer med par
- 69b
byas pa'i 'bar ba'i me dpung gi dngos por 'gyur ba gzugs dum bu rnams ye shes kyi me'i nang du sreg par bya ste /rdo rje tshig tu bsgral bar bya ba ni/ 'og nas 'byung ba 'di'o/ /raM me dpung 'bar ba'i klong dkyil du/ mtshan mar gyur pa'i dngos po 'di/ /bsreg pas dngos po kun brlag ste/ slar mi ldog par bsreg par 'gyur zhes gsungs te/ raM zhes pa ni dang po'i me lha'i sa bon no/ /de la yang sku yongs su rdzogs pa'i dus na/ sku las 'od 'bar bas me dpung 'bar ba ste/ de lta bu'i me lha'i klong dkyil du/ brdungs pa'i phye mar snang ba'i dngos po 'di/ bsregs sam phye mar snang ba kun brlag nas slar mi ldog par bsregs pas thal bar gyur pa rtag go /me sbar bar bya ba'i sngags ni 'di yin te/ raM dzwa la dzwa la pa ra na hUM phaT ces pas me sbar la/ tsher ma can gyi sreg shing gi nang du gzhug par bya'o/ /de nas bsregs pa'i thal ba de gtad khram bya zhing mnan par bya bar bstan pa'i phyir/ de nas mnan la rgyun gyi ting nge 'dzin gsungs so/ zhes bya ba la sogs pa bstan te/ nam mkha' i rdo rje'i dkyil 'khor du zhes bya ba ni/ nam mkha' ni 'byung ba ste/ gru gsum du gnas pa'o/ de lha 'am klu 'am gnod sbyin nam the'u rang ngam/ ma mo la sogs pa gang la 'dod pa'i gnas su chos 'byung ba dgos pa de'i nang du gzhug pa'o/ /de gang gzhug ce na gzas pa bo de gzhug pa'o/ /ji ltar gzhug ce na/ gang la gtong pa'i gzhug gi rgyu bdun la gzugs byas la gzhug pa ste/ de yang re ba ni drag po'i las la shis pa yin pas de'i nang du btums la ra rog dang khyi dkar po'i spul bsgril ba yi dkar nag gis bcings la/ rdo rje rgya gram gyis ni drag po'i las kyi rgya ste/ des rgyas btang la ho khung du gzhug par bya ba'o/ /de'i steng du g.yam pa sngon po la yang rdo rje rgya gram bris la kha bcad la bzhag par bya ste/ rlung gi dkyil 'khor rtag par bya ba'o/ /de'i steng du raM las me'i dkyil 'khor rtag par
- 70a
bya ba'o/ /de'i steng du baM las chu'i dkyil 'khor brtag go /de'i steng du suM las sa'i dkyil 'khor bskyed de'i phyir dbang chen dkyil 'khor bsgom par bya zhes gsungs so/ /dbang chen dkyil 'khor steng du lam las ri rab zur brgyad pa shin tu brjid cing brtan pa cig bskyed do/ /de'i steng du ma las nyi ma'i dkyil 'khor du gyur pa'i steng du yi ge hUM las rdo rje rgya gram du gyur/ rdo rje rgya gram gyi lte ba la yang nyi ma'i dkyil 'khor brtag par bya ba ste/ de'i mdza' ma yang me lce'i phreng bas bskor nas gnas pa'o/ de'i phyir/ ri rab steng du rdo rje bskyed/ rgya gram steng du bsam pa ni zhes gsungs pa yin no/ /nyi ma'i dkyil 'khor de'i dbus su hUM bsam hUM yongs su gyur pa las/ rdo rje bsgom par bya'o/ las kyi rdo rje de yongs su gyur pa las bcom ldan 'das don yod grub pa de bskyed par bya'o/ /bcom ldan 'das de'i 'khor na yang gdug pa'i 'khor grangs med pa me dpung gi nang na bzhugs par bsgom ste/ de ltar bsgom pa des skye 'gro gdug pa can gyi las dang nyon mongs pa mnan nam/ bskal pa mdza' i bar du thar ba'i dus med par brtag pa'i phyir/ las kyi rdo rje dkyil 'khor bsgom/ skye 'gro thams cad mnan par bsam zhes gsungs so/ /de nas yang gnon pa'i dus de nyid du/ /rdo rje tshig tu brjod pa ni/ 'og nas 'byung ba'i 'di'o/ /hUM las kyi rdo rje 'khor dang bcas/ /'jig rten khams ni rab 'byams na/ /leg par lta ba'i sems can rnams/ /skad cig yud la mnan par shog ces brjod par bya ba ste/ las kyi rdo rje'i dkyil dang 'khor du bcas pa yis/ khams gsum gyi nyon mongs pa thams cad thar ? ? la gnon cig pa'o/ /de yang ming? ba bskyed pa'i sngags ni 'di'o/ /oM badzra su me truM zhes pas bskyed pa'o/ /las kyi rdo rje bskyed pa'i sngags 'di'o/ /hUM sa ma ya ? zhes pa ste/ las kyi rdo rje bskyed do/ /de nas ting nge 'dzin yongs su gsal zhing
- 70b
goms pa'i nus mthu bstan/ de'i phyir/ dkyil 'khor dag ni thams cad du/ /ting 'dzin dkyil 'khor mdza' yas mchog /las su rung pa'i rnal 'byor pas/ /de yis mi 'grub gang yang med/ /mi bya ba ni gcig kyang med ces bya ba 'di gsungs te/ bsnyan pa'i dkyil 'khor thams cad la/ ting nge 'dzin gyi dkyil 'khor mdza' yas pa med na don mi 'grub ste/ rtag pa'i nang du 'gyur ro/ /ting nge 'dzin te dkyil 'khor de'i ngang du yang nas yang du 'dis shing sems las su rung ba'i rnal 'byor pa des las ji ltar 'dod pa bzhin du 'grub pa gang yang med do/ zhi ba dang rgyas pa dang dbang gis las dang/ bskrad pa dang/ bsad pa'i las mi bya ba ni gcig kyang med do/ /de nas yang ting nge 'dzin la gnas pa'i rnal 'byor pa de bde bar gshegs pa yin bar bstan pa'i phyir/ ting 'dzin kyang du 'dis pa yi/ /mi zhes bya ba bder gshegs yin /sangs rgyas zhes ni gud na med/ /ces gsungs te/ ting nge 'dzin la dus rtag tu gnas shing klong du gyur ba'i mi re ni bde bar gshegs pa nyid yin te/ de ci'i phyir zhe na/ bde ba'i gnas ni chos kyi dbyings spyos pa dang bral ba yin la/ ting nge 'dzin ni gnyis su ma pa'i ye shes te/ de la gnas pa ni spros pa dang bral ba'i ye shes kyi rgyu las bzhugs pa de'i phyir bde bar gshegs pa'o/ /de ltar gnyis su med pa'i shes pa de la gnas shing gnas pas dus nam? zhig na spros pa dang bral ba mngon du rtogs par 'gyur te/ de'i dus na nyon mongs pa thams cad ni/ ye shes kyi ngo bor gyur/ sangs rgyas kyi che ba'i yon tan ni yongs su rgyas pa de nyid la/ sangs rgyas zhes ni gud na med ces ston pa dpal kun tu bzang bas? gsungs so/ /de ni don dam pa'i bden pa'o// //rgyun gyi ting nge 'dzin rim par phye bas so sor bstan pa'i le'u pa? ni/ rgyun gyi ting nge 'dzin rim par phye ba'i le'u'o/ /bdud rtsi'i thigs pa zhes bya ba rgya cher bshad pa las/ don dam
- 71a
pa'i bden pa dang/ kun rdzob kyi bden pa gnyis kyi bshad pa'i le'u ste/ bcu pa'o// //de nas rgyun gyi ting nge 'dzin la sogs pa gsungs kyang/ 'phrin las bzhi'i bye brag 'di ma bstan na/ sems can gyi don mi 'grub pas de bstan pa'i phyir/ de nas bcom ldan 'das gsang ba mchog gi bdag po des/ lhun gyis grub pa'i 'phrin las kyis rnam par sbyong ba 'di gsungs so/ zhes pa ste/ gsungs pa'i don ni 'og nas 'byung ba 'di/ kun tu sna tshogs las kyi rnams zhes bya ba ni/ zhi ba bsgrub pa ste/ sangs rgyas 'khor lo can gyi bsgrub pa'i gzhung gang yin pa bsgrubs zhi ba'i las bya ba dang/ rin po che'i bsgrub pa byas la/ rgyas pa'i las bya ba dang/ pad+ma'i las bya ba dang dbang gi las bya ba dang/ gdon mi za'i bsgrub pa byas la drag po'i las bya ba dang/ kun tu sna tshogs rnal 'byor gyis zhes bya ba ni/ kun tu sna tshogs kyi dkyil 'khor spyi'i kha dog ji lta ba bzhin du/ ting nge 'dzin du bdag gnas nas/ sems can gyi don du zhi ba dang dbang dang mngon spyod la sogs pa sna tshogs kyis sems can gyi don bya'o/ /de ltar spyi'i tshig bstan nas/ 'di nas mar ni 'phrin las so so'i gzhung bstan te/ sngon la phyi dang nang du snang ba'i rnam par rtog pa sbyang zhing zhi bar bya ba'i phyir/ zhi ba'i las sngon las bstan pa'i phyir/ 'jig rten khams ni rab 'byams na zhes pa la sogs pa bstan te/ 'jig rten khams gsum gyi sems can rab tu rmugs shing yid thim par yod pa dang gal te pha rol gnod pa byed cing yid rmugs par byed pa'i sems can la/ de gsal bar bya ba'i phyir/ sna tshogs las kyis zhi ba sbyar ba bya'o/ /de yang ji ltar zhe na/ bkra shis dben pa'i gnas dag tu zhes bya ba ni/ le'u gsum las gsungs pa'i sangs rgyas 'khor lo can gyi gnas gang yin de ru bsgrub par bya'o/ /
- 71b
bkra shis mtshan ldan yum mchog gzungs zhes bya ba ni/ dang po bsgrub pa'i dus su bkra shis pa'i yum ni sha dkar la srab pa rked pa phra la/ mig dkyus ring la smin ma bar ma chad pa sor mo 'phral ring ba/ smad zheng che ba ring thung gnyis spangs pa'i yum mchog de/ gzung bar bya ba'o/ /las kyi dus su ni g.yon phyogs su bzhag pa las brtsam par bya'o/ /rnam snang mdzad kyi rnal 'byor ram/ mi bskyod phyag rgyar bdag gnas la zhes bya ba ni/ rnam par snang mdzad kyi dkyil 'khor gsal bar bsgrub pa 'am/ yang na mi bskyod pa'i dkyil 'khor bsgrubs la/ 'od zer dkar po bdud rtsi'i/ chu rgyun 'bab cing sems can gang yin pa la stems pas/ de'i bag chags ngan pa byang nas so so'i pas gang yin ba de gsal bar 'gyur ro// dkar la zlum pa'i dkyil 'khor la zhes bya ni/ zhi ba'i thab khung ni kha dog dkar por byug pa'o/ /dbyibs ni zlum po'o/ /che chung ni khru gang du bya ba'o/ /zabs su ni khru phyed brko ba'o/ /kha khyer sor bzhi bskor bar bya ste/ dbus kyi kha khyer la/ rdo rje 'od 'phro bas brgyan/ zhes bya ba sde/ rdo rje rab gtang bar bya'o/ /de'i phyi rol gyi rgya sor bzhi yod pa la dpangs su sor cig yod pa'i cha ga de la 'khor los bskor bar bya'o/ /de ni me thab bca' thabs so/ /de nas yang phur pa dgong pa'i rim pa ni zhe ba'i phur pa gzhung du byed na/ lha'i mtshan nyid kun kyang sku mdog dkar po zhal gcig phyag gnyis pa bsgrub pa'i dus su bsnyen phur yang dkar po la bya ba ste/ de bstan pa'i phyir/ rin chen kha dog dkar po'o/ dkar po'i shing las byas pa'i zhes pa ni/ rin chen kha dog dkar po ni dngul la byas pa ste/ de la phur pa 'am yang na de med na 'o ma can gyi shing dkar po la bya ste/ de la phur pa byas la 'od zer yang dkar por spro bar bya ba'o/ /de ni bsgrub pa'i dus su ni phur pa zlum po drug gdab ste/
- 72a
zhes bya ba ni/ sras phur pa zlum po'i rtse mo zlum po drug gdab ste las bya'o/ /gang du gang ba cen/ bde bar gshegs pa'i sgo drug tu'o/ /der btab bas cir 'gyur zhe na/ phur ba'i 'od zer dkar po yis bde ba chen po'i sgo drug nas zhugs nas/ sems can gyi nyon mongs pas 'thibs nas rmugs pa de dang/ nang pa la sogs pa nang rnam pa mang po gang yin pa dang/ sems can gdug pa can yin na sems la gdug pa'i zhe sdang yod pa de/ ye shes kyi chus bkrus nas/ yang dag pa'i shes pa dang ldan par byas pa'o/ de ni las kyi dus su sbyar ba'o/ /de nas me lha bskyed pa'i rim pa ston pa te/ de la yang gnyis las thab khung nyid gzhal yas khang du byas nas/ 'jig rten pa'i me de me lha'i skur bskyed nas/ de la rang bzhin grub pa'i gnas nas ye shes kyi me lha spyan drangs te bstims nas/ mchod pa phul nas zhi pa'i las bcol lo/ ye shes kyi me lha gshegs su gsol la/ dam tshig gi me lha'i thugs kar zhi ba'i lha gnyis kyi gzhung gang yin pa bskyed de /de la ye shes kyi dkyil 'khor spyan drangs la bstim pa'i phyir/ zhi ba'i lha tshogs spyan yang drangs zhes gsungs so/ /yang thab khung gong ma 'dra bar gzhal yas su byas la de'i nang du dam tshig sems dpa' i dkyil 'khor gzhung gnyis gang yin pa bskyed pa la/ lha rnams kyi zhal nyid 'jig rten pa'i me yin par bsams la/ de ni me lha zhal du bya ba yin te de las ye shes kyi dkyil 'khor spyan drangs te/ bstim la mchod pa dbul bar bya'o/ /snying rje byams pa'i mchod sbyin bya zhes bya ba ni/ khams gsum gyi sems can rmugs pa la sogs pa la snying rje bskyed de/ de la byams pas mchod pa bya ba dang/ mi dge ba bcu spangs nas dge ba bcu la gnas pa'i phyogs skyong bcu la las
- 72b
bcol ba'i phyir/ bsreg rdzas sbyin par bya'o/ /yam shing dkar la sbar ba'i me zhes bya ba ni/ yam shing gi rim pa ston te/ rlon la sbam dang bcas rtse mo cha las byung ba chur mdzub gang yod pa/ sbams su chag pa gang yod pa/ mngar zhing 'o ma yod pa'i shing la bya'o/ /shing de ma gas mi 'khyogs pa 'bus ma zos pa la bya'o/ /'o na gas pa la sogs pa byung na skyon ci yod ce na/ yod de gas par gyur na sha kra can du skye ba dang/ yon por song nar dbang po ma tshang bar skye ba dang/ 'bus zos na yan lag ma tshang bar skye bas skyon yod pas/ gzabs la legs par bya'o/ /'on te 'khyogs pa las ma rnyed pa zhig yin no/ bdud rtsi 'khyil pa'i sngags kyis byin gyis brlabs la bya'o/ /dkar la sbar ba'i me zhes pa ni dngul la dkar po'i snod sar par shing dkar po legs mo blugs btsugs pa 'am/ dkon pa'i gnas nas me blangs la/ shong ba'i shing nang du glugs la gong du gsungs pa'i sngags kyis me sbar bar bya ste/ rlung yab kyis bud par bya'o/ /de ltar me legs bar sbar nas bud shing gi nang du me blugs par bya'o/ /dkar la mngar pa'i rdzas rnams kyis/ zhi ba'i tshul du sbyin sreg bya/ zhes bya ba ni/ zhi ba la sngon la mar dbul bar bya ba yin te/ oM badzra kI li kI la ya shan ting ku ru swAhA/ zhes dbul bar bya'o/ /gzhung gcig tu bya ba yin na/ oM na ma sa man+ta bud+d+ha naM ru ru pu ru dzA la ni tI ta? lo tsha ni sarba a to na ye shan+taM? ku ru swAhA/ zhes pas mar dbul bar bya ba yin te/ /gzhung gnyis so/ /oM sarba saM ba de swAhA zho zan gyi'o/ /oM sarba ga ga da ha ni badzra a swAhA/ zhes pa ni til lo/ oM badzra A yu she swAhA/ zhes pa ni dur ba'i 'o/ oM badzra? ? sha ye swAhA/ zhes pa ni 'bras so ba'i'o/ /oM pwa ti ha na ya badzra swAhA/ zhes pa ni ku sha dbul ba'o/ oM badzra badzra ya swAhA/ 'bras lag par dbul ba'o/ /oM ma ha be ga ya swAhA zhes pa nas tshan? no/ /oM ma ha pa la swAhA zhes
- 73a
bas 'bras can no/ oM kas ma ri swAhA gro can no/ oM badzra adz+nya pra da ya she na ga ya swAhA yam shing gi'o/ /rdzas rnams thams cad g.yas su dgram/ mchod rdzas rnams ni g.yon du'o/ /rdzas dang mchod rdzas kun la mngar gsum blugs par bya'o/ /kha dog kun kyang dkar por byug /dngul phye 'bras can dkar po la gtor ma byas te sbyin par bya'o/ zhes bya ba ni/ dngul phye dang 'bras can dang 'o ma mar kar la gtor ma byas te las gyi lha la byin la las bcol te/ bsgrub pa'i dus su yang po/ /baM gyi tshogs kyi dkyil 'khor du/ / gti mug las kyis 'chal ba rnams zhi bas gyur par dbyings su rol zhes bya ba ni/ baM ni zlum por ste zlum por byas pa'i dkyil 'khor du zhi ba'i lha tshogs spyan drangs shing/ mchod pa phul zhing lo ser gyis/ /gti mug las kyis 'chal ba rnams/ bsal zhing sbyangs pas rmugs pa la sogs pa'i sems can nyon mongs pa'i sbyangs shing/ zhi bar gyur pa yang dag pa'i don rtogs shing rnam par rtog pa med par 'gyur ro/ /de ni zhi ba'i 'bras bu ste don dam pa'i bden pa'o/ yaM shing la sogs pa ni kun rdzob kyi bden pa'o/ /don dam pa'i 'bras bu skye ba mi slu ba'i bden pa'o/ /de ni zhi ba'i las so/ /de nas rgyas pa'i las bstan pa'i phyir 'jig rten khams ni rab 'byams na/ zhes pa la sogs pa bstan te/ 'jig rten khams ni khams gsum gyi sems can log 'phongs par gyur pa gnyis yod pa las/ tshes 'phongs pa dang zas nor gyis 'phongs pa'o/ /tshes 'phongs pa la gnyis rang gi tshes 'phongs pa dang bu tsha'i tshes 'phongs pa'o/ /de ltar 'phongs pa yod pa de la ni 'phongs par 'gyur ba'i 'gro gang la zhes pa gsungs pa yin te/ de lta bu'i ched du/ sna tshogs las kyis rgyas par sbyar bar bya ba yin te/ de yang gang du bya zhe na/ tsan dan nags tshal me tog dang/ nyams dga' skyed mo tshal du zhes bya ba ni/ tsan dan gyi nags tshal de dri zhim po sna tshogs pa yod pa'i gnas sam/ me tog dri zhim po yod pa'i gnas sam/ nyams dga' zhing
- 73b
skyed mos tshal mang po yod pa'i gnas su bya'o/ /gnas kyi dam pa der lcug phran ma yum mchog gzungs/ zhes bya ba ni/ lo bcu drug ma'i yum mchog gzung la bsgrub par bya'o/ /las kyi dus su ni g.yon du gzhag par bya'o/ rin chen sems dpar bdag gnas par zhes bya ba ni/ rin chen sems ma'i dkyil 'khor gsal bar brtag cing rgyas pa'i las bsgrub par bya'o/ /de yang 'od zer yang ser po 'phros pa tshe'i gnas su bstim pa dang/ nor zas la sogs so/ sa'i gnas su bstim par bya'o/ /ser po gru bzhi dkyil 'khor la zhes bya ba ni/ me thab bya ba bstan te/ kha dog ser por byug /khru ngo gru bzhi pa ste khru gang zabs su brko ba'o/ /brkos pa'i sa las 'phang sor bzhir bskyed la/ kha khyer sor bzhi par bya'o/ /zheng dang dpangs gnyis gsor bzhi bzhir bya'o/ / rin chen chu skyes dag gis brgyan zhes bya ba ni/ dbus kyi kha khyer la rin po che gtang bar bya'o/ /nang du pad+ma'i 'bras bu'o/ /phyi rol gyi sor bzhi la pad+mas bskor bar bya'o/ /slob dpon kha cig gi gzhung nas brgyad par byed pa yin la/ dbus kyi kha khyer la rdo rje ra ba gtang bar bya ba yin na/ phyi rol sor bzhi la yang 'khor lo'i 'phreng ba btang bar bya ba yin zhes gsungs te/ de las kyi bye brag gis brgyan pa yin no/ /de nas yang las gnyis pa'i gzhung bstan pa'i phyir/ rin chen kha dog ser po 'am zhes bya ba ni/ rin po che gser te de la phur pa'i rgyu byas te/ bsgrub pa'i dus su lha rnams kyang kha dog ser por bya ba yin no/ /'od zer yang ser por spros la de las gang yin pa de bya ba yi/ ser po'i las byas pa'i phur pa zur bzhi pa bzhi btab ste zhes bya ba ni las kyi dus su ni bya ba ste/ sras phur pa'i shing las byung ba bzhin ni cha las 'byung ba ste/ bde ba chen po'i gnas kyi sgo bzhir btab pas/ phur pa las 'od ser po 'phros de'i tshe'i gnas gang yin pa de ru zla ba dang nyi ma ga bur gnas pa'i nang du che bstim zhing bstan bar byas
- 74a
shing rgyas par lta'o/ /spyod pa rgyas par 'dod na phur pa las 'od 'phros pas 'jig rten gyi khams khengs pa'i nor phyugs kun bkug cing rang rang gi gnas kyi nor phyugs la bstim te/ phur pa yang khang pa'i phyogs bzhir gdab bo/ bu tsha 'phel bar 'dod na phur pa las 'od 'phros pa las tshangs rigs man ni gdab kyi pho'i mtshan can thams cad 'gugs te/ pho'i skye gnas la bstims pa bu tsha 'phel bar 'dod do/ /rgyas pa'i lha tshogs spyan drangs zhes bya ba ni/ ye shes kyi dkyil 'khor spyan drangs pa'i rim pa ste/ tshogs kyi dkyil 'khor gyi rim pa dang/ dam tshig gi me lha bskyed pa'i gzhung gnyis ka gong du gsungs pa'o/ /las kha dog ser por yod pa'o/ /de nas ye shes kyi me lha dang/ ye shes kyi dkyil 'khor spyan drangs la bstim la mchod pa phul la/ de'i rjes la dang ba'i sems kyis mchod de/ dkyil 'khor gyi lha la'o/ sbyin zhes bya ba ni/ phyogs skyong la sbyin par byas nas rgyas pa'i las bcol ba'o/ /ser po'i shing las sbyar ba'i me zhes bya ba ni/ ser po'i shing la yam shing la bya ba yin te/ gru bzhi pa chur khru gang ba spom du chag pa gang yod pa dbus kyi cha las byung ba'o/ me sbar ba'i me zhes bya ba ni gser ram ser po'i shing snod sar par ser po'i shing legs mo blangs la/ shar rgyal po'i khyim nas me blangs te sbar bar bya ba'i me de bud shing gi nang du blugs par bya'o/ /kha ba'i ro ldan ser po'i rdzas rgyas pa'i tshul du sbyin bsreg bya zhes bya ba ni/ ro khang pa yod pa kha dog rdzas thams cad ser por byas pa'o/ /rgyas pa'i tshul du sbyin bsreg bya zhes bya ba ni/ rgyas pa'i sna drang ba'i ni zho'i sa drangs la lhag ma rnams ni rim bzhin du dbul ba'o/ /sngags ni oM badzra kI li kI la ya bA b+hyo swa che ge mo rgyas par gyur cig ha thams cad ces pas dbul lo/ /gzhung gcig gi oM na ma sa man ta bud+d+ha nan bA b+hyaM swa che ge mo
- 74b
rgyas par gyur cig ces dbul te/ rdzas lhag ma rnams ni gong du ji ltar gsungs pa'i rim pas dbul bar bya'o/ /de nas gtor ma bya ba'i rgyu bstan pa'i phyir/ gser phye 'bru rnams ser po la gtor ma byas te rgyas par bya zhes bya ba ni/ bsgrub pa'i dus su bya ba ste/ gser phye dang 'bru las byas pa'i gtor ma byas pa thams cad kha dog ser por byas la/ gtor ma de las kyi lha la bsngo ste/ byin la rgyas pa'i las bcol lo/ /de nas yang dkyil 'khor du ji ltar bya ba bstan pa'i phyir/ ma mo'i tshogs kyi dkyil 'khor du/ /nga rgyal las kyis 'chel ba rnams /rgyas par gyur par gdon mi za zhes gsungs so/ /ma ni gru bzhi ste de'i dkyil 'khor du/ rgyas pa'i lha tshogs gzhung gnyis pa'i lha rnams gsal bar bsgom zhing/ rgyas pa'i don gang yin pa bsgrub na 'grub pa dang nga rgyal gyis 'chel ba'i sems can rnams kyi 'dod pa rgyas par gyur te/ bsam pa rangs nas yang dag pa'i dbyings su rol par gyur to/ dbyings las ma g.yos par te yang dag pa'i dbyings su gnyis med pa'i ye shes kyi rol pa ste/ bden pa gnyis su shes par bya ba ste/ rgyas pa'i las so/ /de nas yang dbang gi las bstan pa'i phyir/ 'jig rten khams ni thams cad kun zhes pa la sogs pas bstan te/ 'jig rten gyi khams 'di na gang dang gang la chags par 'gyur ba'i sems can de'i don du/ dbang du bya ba 'di sbyar bar bya'o gsungs so/ /de nas gang du bya zhe na/ de bstan pa'i phyir/ zla mtshan can gyi chu gling du zhes gsungs te/ star bu g.yon pa 'am/ srub ma'i 'bras bu yod ba'i chu gling du bsgrub par bya ba yin te/ gang du bsgrub ce na/ ? cig ma'i gzungs ma gzungs zhes gsungs te /sdong cig ma ni zhes bya ba ni/ rabs chad mo de dbang du bya ba'i sku mchog du shis pas/ de dang grogs la bsgrub par bya ba'o/ las kyi dus su ni g.yon du gzhag par bya ba yin/ snang ba
- 75a
mdza' yas pa'i dkyil 'khor bsgom par bstan pa'i phyir/ snang ba mdza' yas rnal 'byor raM zhes bya ba gsungs te/ snang ba mdza' yas kyi dkyil 'khor gsal bar bsgoms la/ /bsgrubs te 'od zer 'phro zhing gang yin pa'i las bya ba'o/ gzhung gnyis pa bstan pa'i phyir rdo rje ltar ni rnam par bsgom zhes gsungs te/ dbang gi sgrub pa byed pa'i dus su dbus kyi gtso bo ni rta ste de'i mgo gang yin ba ru bcom ldan 'das nyid bzhugs pa ste/ de'i dkyil 'khor gyi lha rnams kyi sku mdog dang kun dmar por bya ba ste/ 'od zer yang dmar por 'phros shing gang yin pa dbang du bya ba'o/ /de nas yang dbang gi me thab bstan pa'i phyir/ zla gam dmar po'i dkyil 'khor la/ 'od zer 'phro ba mda' gzhu brgyan zhes gsungs pa yin te/ de dbang gi thab khung ni dbyibs zla gam du 'dug pa ste/ zla gam gyi mkha' la sor nyi shu yod pa/ rgyab la sor bzhi bcu yod pa'o/ zabs su sor bcu bskor ba bya ste/ kha dog ni dmar po'i/ kha khyer ni sor gsum gtang zhes pa dang/ dpangs su sor gsum mo// dbus kyi kha khyer la mda' gzhu dang lcags las shin tu 'od zer 'phros pas brgyan par bya'o/ de'i phyi rol gyi sor gsum la zhags pas brgyan par bya'o/ zangs la sogs pa'i rin chen nam dmar ba'i shing las byas pa'i zhes bya ba ni/ gzhung gnyis pa bsgrub pa'i dus su zangs sam dmar po'i shing las byas pa'i bsnyen phur la 'od du 'phro ba'i 'od zer dmar pos spro zhing/ las gang dbang du bya ba de 'dus par bsam mo/ /las kyi dus su ni phur pa zla gam lnga btab ste/ dmar po rgyud las byas pa'i phur brtse mo zla gam du 'dug pa rim pa lnga'i cha las byung ba'i phur pa de gang dbang du 'dod pa'i gnas lnga ru gtugs shing btab pas/ gang gi gnas lnga nas bskul te dbang du 'gyur ro/ /de nas yang ye
- 75b
shes kyi dkyil 'khor spyan drangs pa bstan pa'i phyir/ dmar smug 'phro ba'i lha mchog rnams/ rdo rje sbyags pas spyan drangs te/ zhes bya ba gsungs te/ bskyed pa'i rim pa ni/ gong du rgyas par gsungs so/ /dam tshig gi me lha ni gsus pha ldir ba ral pa mchod phyir phyang ba phyag na 'gun de la sogs pa bsnams pa ste/ mdog ni las kyi bye brag dang sbyar bar bya'o/ de la ye shes kyi dkyil 'khor dang ye shes kyi me ltar dmar la smug pa'i mdangs ston pa'i sku mdog dang 'od zer 'phro ba des rdo rje sbyugs pas spyan drangs te/ stims te de la mchod par bya ste/ de yang shin tu dga' zhing chags pa'i yid kyis mchod par bya ba ste/ dkyil 'khor gyi lha la sbyin zhes bya ba ni/ phyogs skyong bkug la bsreg rdzas byin la las bcol ba'o/ /de nas yam shing dang me sbar ba'i rim pa bstan pa'i phyir/ dmar po'i shing las sbar ba'i me zhes gsungs te/ dmar po'i shing las zhes bya ba ni yams shing la bya ba ste/ dmar po'i shing la dbyibs zla gam du byas pa/ mchur sor lnga sboms su chag gang yod pa de lta bu bya ba'o/ /sbar ba'i ma zhes bya ba ni zangs gzhong sar pa'i nang du dmar ba'i shing legs par brdzangs la tshos ma'i khyim nas me blangs te/ sbar ba'i me de bud shing gi nang du blugs par bya'o/ /de nas yang rdzas dbul ba'i rim pa bstan pa'i phyir/ skyur zhing dmar ba'i rdzas rnams kyis/ /dbang gi tshul du sbyin sreg bya zhes gsungs te/ rdzas kun kyang kha dog dmar por bsgyur zhing/ /yung ba las sna drangs la dbul bar bya ste/ dbul ba'i sngags ni 'di'o/ /oM badzra kI li kI la ye pu ti hUM che ge mo? dbang du 'dus par gyur cig hUM zhes pas dbul lo/ /gzhung gong ma'i sngags ni oM na ma sa man+ta bu ta nan pu ti hUM che ge mo dbang du 'dus par gyur cig hUM zhes pas dbul lo/ /gzhan glong du bstan pa'o/ /de nas yang gtor ma'i rgyu bstan pa'i phyir/ zabs phye 'dru rnams dmar po
- 76a
la/ gtor ma bya ste dbang du bsdu pa'o/ zhes bya ba gsungs te/ bsgrub pa'i dus su zangs phye dang 'bru rnams la sogs pa'i gtor ma kun dmar por byas te/ las kyi lha la byin la dbang gi las 'di khyod kyis grub par gyis shig ces bsgo ba'o/ gang dbang du bya ba de dbang du 'du'o/ /de nas yang dkyil 'khor du ji ltar bya ba bstan pa'i phyir/ ma'i tshogs kyi dkyil 'khor du/ 'dod chags las kyis 'chil ba rnams/ dbang du bsdus pas dbyings su rol zhes gsungs te/ ma'i dkyil 'khor ni zla gam ste/ dkyil 'khor dmar po ru/ /dbang gi lha rnams gsal bsgom zhing/ de'i 'od zer gyis 'dod chags la dad pa'i sems can bsdus na dbang du byas te byang chub sems kyis rgyas btab pa de ni dbyings su rol pa ste/ don dam pa'i bden pa'o/ /rdzas la sogs pa'i bye brag gis kun rdzob kyi bden pa ste/ dbang gi las so/ /de nas yang drag po'i las bstan pa'i phyir/ 'jig rten khams ni rab 'byams na zhes bya ba la sogs pa gsungs te/ 'jig rten gyi khams 'di na/ shin tu gdug pa'i sems can la drag shul gyi spyod pa sbyar byas nas zhes bya ba ni shin du gdug cing log par lta ba'i sems can de la zhi bas 'dul ba ma yin te/ drag shul spyod pa sbyar byas nas 'dul bar bya'o/ /de yang gnas gang du bya zhe na/ rkang gcig can nam dur khrod du zhes gsungs te/ mtshan nyid gong du gsungs pa dang sbyar bar bya'o/ /rigs ngan dme sha can la sogs/ mi reg ma'i gzungs ma gzungs zhes bya ba ni/ bsgrub pa'i dus su ni rigs ngan dme sha can ni gsod byid bshan pa'i rigs te/ drag po'i las byed pa'i bsgrub pa'i dus su rten bar bya'o// mi reg ma ni lugs ma ste/ de ni gdug pa'i gzungs ma ste/ las kyi dus su g.yon du gzhag pa'o/ rdo rje khro bor bdag gnas la zhes bya ba ni bcom ldan 'das rdo rje gzhon nu nyid du bdag gnas par byas la/ dkyil 'khor gyi lha rnams kyang sku mdog mthing nag
- 76b
khros pa'i zhal gdangs shing mche ba gtsigs pa'o/ /de nas me thab kyi rim pa bstan pa'i phyir/ nag po gru gsum dkyil 'khor la/ /rtsang thod rgyan gyis brgyan bar bya'o zhes gsungs te/ drag po'i me thab ni zur gsum pa'o/ /kha dog nag por byug pa ste/ ngos re la sor nyi shu nyi shu'o/ /zabs su sor bcu skor sor gsum gyi dgye/ zheng dang dpangs gnyis sor gsum mo/ de'i phyi rol du sor gsum du btang bar bya ba ste/ dbus kyi kha khyer la thod pas bskor/ de'i phyi rol tu rdo rje rtse dgu ba dang mda' gzhu dang mdung rtse gsum pa dang dgra sta dang/ kha TwAM ga dang gdug pa'i mtshon cha kun ka sti la la gtang/ de'i phyi rol gyi dkyil 'khor gyi mu ran la rtsang dmar pos bskor bar bya'o/ de nas yang srog chags bsad pa'i rgyu bstan pa'i phyir/ lcags sam nag po'i shing rnams la/ tsher ma can gyi shing rnams sam/ mi'i rus pa'i phur pa ni zhes bya ba gsungs te/ lcags sna la phur pa byas te/ gnam lcags dang khro chung dang sgo gser dang/ srog chags bsad pa'i mdung rtse dang/ srog chags bsad pa'i dgra sta dang lnga la bya'o/ /yang na nag po'i shing gi dug shing ste/ ? tshor yod pa'i shing ? phur pa bya ba'o/ /de med na tsher ma gdug ba yod pa'i shing la phur pa bya ba'o/ /mi rkang gi phur ba la sogs pa'i rnams kyi rtse mo zur gsum du byas la brnyen phur gyi dus su ni gcig gis bya ba yin la/ las kyi dus su ni gsum gdab ste zhes gsungs te/ sku gsung thugs kyi ? las phyung ba'i phur pa rnams so/ /gdab pa'i gnas dang ji ltar gdab ba ni/ ting nge 'dzin gyi rim par phye ba la sogs pa gsungs pa ji lta ba'o/ /de nas ye shes kyi dkyil 'khor dang/ ye shes kyi me lha spyan drangs pa bstan pa'i phyir/ mthing nag ? gsum ?? lha tshogs rnams/ /dregs pa gdul phyir spyan drangs te/ zhes bya ba gsungs te/ mthing nag 'khrug pa'i ye shes kyi lha tshogs rnams gdug pa can ? zhing zhal du gsol ba'i phyir spyan drangs te/ dam tshig gi dkyil
- 77a
'khor la bstims la btang snyoms khros pa'i mchod pa bya'o sbyin pa'i las kyi lha rnams dang/ phyogs skyong la byin la las bcol lo/ /de nas yang me sbar ba dang yams shing gi go rims bstan pa'i phyir/ tsher ma'i shing las zhes bya ba gsungs te/ tsher ma can gyi shing la byas te/ mchu ru sor bzhi sboms su chag pa phyed yod pa/ rtsa ba'i cha las byung ba'i gdug pa'i shing las bya ba'o/ /sbar pa'i me zhes bya ba ni lcags gong sar pa'i nang bshan pa'i khyim nas me blangs nas sbar ba de bsreg shing gi nang du blugs pa'o/ /de nas yang rdzas rtsub pa'i rim pa bstan pa'i phyir/ nag po'i tsha shing rtsub ba yis/ drag po'i tshul du sbyin sreg bya zhes gsungs te/ drag po'i rdzas kun kyang kha dog nag por bya ba yi/ rdzas kyi ro kun kyang rtsa bzhi rtsub par bsam yod par bsam pa'o/ /sna drang ba ni gdug pa'i tsher ma can gyi sna drangs la/ dbul ba ste dbul ba'i sngags ni/ oM badzra kI li kI la ya sum pa hUM che ge mo mA ra ya phaT/ ces pas dbul ba'o/ /de nas yang drag po'i gtor ma'i rgyu bstan pa'i phyir/ lcags phye 'bru nag sha khrag las/ sbyar ba'i gtor mas drag shul spyad ces gsungs te/ lcags phye dang 'bru nag po las byas pa'i gtor ma de drag po'i dus su 'phra men ma dang sring mo'i tshogs dang bdag nyid chen mo dang/ sa bdag chen mo la sogs bskul la gtor ma de gzugs la brdeg cing bsad pa'i las bya'o/ /sha khrag sna tshogs las byas pa'i gtor ma ni las kyi lha 'khor dang bcas pa la bsngos la btang ngo/ /de nas yang dkyil 'khor du ji ltar bya ba bstan pa'i phyir/ e'i tshogs kyi dkyil 'khor du/ zhe sdang las kyis 'tshe ba rnams/ brlag par gyur pa'i dbyings su rol zhes gsungs te/ e ni chos 'byung pa'i dkyil 'khor te de'i gnas su bcom ldan 'das khrag 'thung gi tshogs gsal bar bsgoms la/ de'i nang du stong
- 77b
khams kyi sems can zhe sdang las kyis 'tshal ba rnams zhal du gsol nas/ dngos po phur po rags par byas nas/ yang dag pa'i ye shes ni dbyings su gsal bar ba ste/ bzhugs pa ni don dam pa'i den pa'o/ rdzas la sogs pa ni 'bras bu longs spyod mi slu bas bden pa ste kun rdzob bo/ de nas yang bskrad pa yang bya ste/ dur khrod kyi ras ma la/ 'khor lo'i rtsibs brgyad pa bris la de'i dbus su rnga mo'i gzugs shig bris la/ de la gzas pa po gang yin pa skyon la dbang gi dgos pa ji ltar bzhin du bya ste/ gzugs des bstims nas 'khor lo'i rtsibs rnams la yang/ oM badzra kI li kI la ya hUM dza dza zhes pa bris te 'og gi thad kar nas g.yon bskor du bskor nas bri ste/ rnal 'byor pa'i zil gyis kyang/ bzlas pa'i bsngags pa'i sde nyid yin te/ ting nge 'dzin gyis kyang kho'i khang phyi khyim gyi 'og tu rlung gi dkyil 'khor bsgoms la/ de'i ba dan bzhi bskyod pas rnga mo'i dmigs bzhi rang dbang med par bskyed nas khro bo'i las la ni sngags te/ khrid la las ni tho ba dang ral gri dang dgra sta dang thogs nas ded nas 'gro bar dmigs la/ bsnyen pa yang thon pa dang/ sgrub pa la 'jug ste/ 'dzab grangs thon pa ngang las la sbyar te/ las kyi dus su stong thon pa dang/ dur khrod kyi ras ma btags la/ dbang gi tshul du sbyin sreg byas la/ bskul ba'i sngags bskrad pa'i sngags nyid kyis bya ste sbyin sreg zin pa dang so'i? them pa'i 'og tu spes la bzhag go /de'i rjes la lho phyogs kyi khams kyi gshin rje gshed po'i yul du bskyal bar bsam ste/ gnas bskyod pa'i man ngag go /de nas rtags thon pa dang rdzas slar la dbyung bar bya'o/ /de ni bskrad pa'i man ngag go /de nas yang 'phrin las bsam las pa yod par bstan pa'i phyir/ ji snyed 'phrin las bsam yas kun/ /'gro ba bsam yas bsam pa rnams/ /ji snyed 'dul ba'i thabs tshul du/ bsam yas 'phrin las rnam par
- 78a
spros zhes gsungs te/ sangs rgyas kyi sku gsung thugs kyi 'phrin las bsam yas par kun gsungs shing mdzad pa yang/ 'gro ba rigs drug gi bsam pa bsam yas par yod pa de/ de rnams gdug pa'i thabs sam mthun pa'i tshul du/ sangs rgyas kyi sku gsung thugs las 'phrin las bsam yas pa rnams spros so/ /de nas yang 'phrin las spros pa de rnams yang dag pa'i ngang du lhun gyis grub par bstan pa'i phyir/ mnyam nyid dbyings kyi ngang nyid la/ /las kyi bye brag rtsis las 'das/ /bya med ngang du lhun gyis grub pa ste/ ma bcos pa'i don dam pa'i bden pa'o/ /'phrin las so so'i 'dul tshad ni/ kun rdzob kyi bden pa rnam pa gnyis su 'du shes bcom ldan 'das dpal kun tu ma bcos pa brjod pa'i tha snyad dang bral ba'i ngang du ye nas lhun gyis grub pa ste/ ma bcos pa'i don dam pa'i bden pa'o/ /'phrin las so so'i 'dul tshad ni/ kun rdzob kyi bden pa rnam pa gnyis su 'du shes bcom ldan 'das dpal kun tu bzang pos de skad ces gsungs so/ /las kyi rim par phye nas bstan pa la ni las kyi rim par phye ba'i le'u 'o/ /bdud rtsi thigs pa zhes bya ba rgya cher bshad pa las/ bden pa gnyis kyi bshad pa'i le'u ste/ bcu gcig pa'o// // de nas yang? las kyi rim par phye ba la sogs pa gsungs kyang dam tshig 'di ma gsungs na 'bras bu 'grub par mi 'gyur bas de bstan pa'i phyir/ de nas bcom ldan 'das zhes bya ba la sogs pa gsungs te/ dam tshig gsang ba 'di gsung so/ zhes bya ba ni/ mi 'da' ba' i phyir dam tshig ste/ rtogs 'dul dam tshig de ? sbom/ /spros med dbyings la g.yos pa med/ ces bya ba gsungs te/ 'di nas mar spyi'i dam tshig gsungs te/ e ma'o zhes pa ni ngo mtshar ba'i tshig ste
- 78b
gang la ngo mtshar na sku gsung thugs kyi dam tshig rtsa ba dang yan lag tu bcas pa la ngo mtshar ba'o/ /sna tshogs log rtog bsam yas la zhes bya ba ni/ sems can gyi bsam pa log par rtog pa mi mthun bsam yas pa la/ de rnams kyi rtog pa 'dul ba'i phyir/ rtsa ba dang yan lag tu bcas pa'i dam tshig de snyed cig spros te/ chos nyid kyi don gyi ngo bo la ni spros pa med de/ yang dag pa'i dbyings la g.yos pa med do/ /gnyis su med pa'i ye shes de ni sngags kyis 'dul ba chen po ste/ bsrung ba med pa'i bsrung ba chen po'i 'o/ /'di ni dam tshig rdo rje ste/ zhes bya ba ni gong du gnyis med pa'i ye shes 'di nyid dam tshig ste/ de ci'i phyir zhe na/ rnam par rtog par mi 'gyur ba'i phyir ro/ /de nyid rdo rje ste dngos po mtshan mas mi shigs pa'i phyir ro/ /sku gsung thugs kyi dam tshig ni/ grub nas 'jig pa'i dus mdza' med ces bya ba ni/ sku'i dam tshig ni skur snang ba thams cad de bzhin gshegs pa'i sku ste/ bzang pa dang ngan pa dang/ ring ba dang thung ba la tha snyad btags na de bzhin gshegs pa'i sku la smad pas sku'i dam tshig nyams pa yin te/ ltar byang ma yin no/ /gsung gi dam tshig ni sgrar grags pa thams cad de bzhin gshegs pa'i gsung ste/ sgra snyan pa dang mi snyan pa la sogs pa la tha snyad btags na/ de bzhin gshegs pa'i gsung la smad pas na/ gsung gi dam tshig nyams pas/ de ltar ? ?? kyi dam tshig ni gnyis su med pa ste/ spos pa dang bral ba'o/ /de la yod med du btags na sgro skur btab pa ste/ thugs kyi dam tshig nyams pas ye nas ma bcos pa dang/ brjod pa las 'das pa'i ngang las ma g.yos par bzhag pa'o/ /sku gsung? ?? de ltar 'grub pa la ni/ 'jig pa'i dus mi ? de/ de'i phyir 'gyur na 'jig pa'i dus ma zab? med ces gsungs pa yin no/ /sku gsung thugs kyi dam tshig de dus gsum du ye nas gnas pa'i phyir/ rdo rje dam tshig lu gu rgyud ces
- 79a
gsungs te/ mi 'bral ba'i phyir ro/ /sku gsung thugs las rnal 'byor pa dus rtag tu mi 'da' bas/ rnal 'byor dka' thub dam tshig ces gsungs te/ rnal 'byor pa'i lus ngag yid gsum gyi sdom pa'o/ /rnal 'byor pas sku gsung thugs dang bral na/ srog dang 'dra ba'i gnyis med pa'i ye shes mi 'grub pa de'i phyir/ du ma gcig tu bsdus pa'i srog ces gsungs te/ spros pa dang bral ba ste/ bcom ma yin pa'i don dam pa'o/ yan lag dam tshig 'da' bar dka' zhes bya ba ni/ sku gsung thugs kyi dam tshig mnyams na yan lag dam tshig nyams kyang mi nyams pa'i phyir/ 'da' bar dka' zhes gsungs so/ /de ltar spyi bstan nas/ da 'di nas mar ni/ rtsa ba'i dam tshig rgyas par bstan pa'i phyir/ rdo rje bla ma slob dpon zhes pa la sogs pa bstan te/ rdo rje bla ma slob dpon la zhes bya ba ni/ sku'i dam tshig bstan te/ slob dpon ni bka' gzhan gyi bcag par bya ba ma yin pa'i phyir/ rdo rje spyi gtsug bkur ba'i phyir bla ma man ngag bsten pa'i phyir/ slob dpon de la slob mas srog la bab kyang bkur bar bya'o/ de nas yang slob dpon gyi rim pa bstan pa'i phyir/ dam tshig dbang dang shes rgyud dang/ /man ngag 'bras bu slob dpon la zhes pa la sogs pa gsungs te/ dam tshig dbang gi slob dpon ni/ dang po bdag la dbang bskur zhing dam tshig sgrogs pa'i slob dpon na/ shes rab rgyud kyi slob dpon ni bdag gi rigs la sogs pa la chos ston pa ste/ chos ston pa'i slob dpon no/ man ngag 'bras bu'i slob dpon ni/ shes rab kyi ye shes kyi sgo nas khu ba dang lhan cig skyes pa'i ye shes ston cing/ rang bzhin lhan cig skyes pa rtogs par byed pa'i slob dpon gsum gyi bye brag de la ji ltar bkur bar bya ba yin nam/ gcig gi mtshan nyid yin mnyam pa la de gsal bar bya ba'i phyir/ lta
- 79b
zhing bskur bar bya ba ni/ pha dang ma dang mig 'bras ltar/ /bskur zhing gces par bya ba yin zhes gsungs te/ dam tshig dbang gi slob dpon la/ /bkur bar bya ba'i rim pa ni/ /'jig rten na pha las gces pa med pas pha bzhin du bkur bar bya'o/ /shes rab kyi rgyud kyi slob dpon la ni 'jig rten na pha las gces shing gnyen pa med pas na/ pha bzhin du bskur bar bya'o/ man ngag 'bras bu'i slob dpon la ni/ mig gi 'bras bu ltar bkur bar bya'o/ /ci'i sgo nas kyang bkur zhing gces par bya ba yin no/ /de'i phyi bzhin be'u ltar 'brang zhes bya ba ni/ slob dpon gsum ga la yang ste/ lhag par yang man ngag ston pa'i slob dpon de'i phyi nas be'u bzhin 'brang ba ste mthun pa'i dpe'o/ sna tshogs sna tshogs ci sgo nas/ /mnyes shing dgongs pa bskang ba yin zhes bya ba ni/ slob dpon kyi thugs ka dang ji ltar 'tsham pa bzhin bya ba yin te/ mnyam par bya ba'i tha tshig go /bla ma spun dang ming sring la/ man ngag bya ba'i sems bor te/ /rdo rje theg pa'i spun yin pas/ /gcig la gcig ni mig bzhin blta/ zhes bya ba ni bla ma'i spun zla dang/ rang gi nyal rogs pho mo gang yin pa de la mngan bya ba ma yin te/ phyin ci log gi sems dor bar bya ba'o/ de la mngan mi bya ba ci'i phyir zhe na/ rdo rje theg pa'i spun yin pas/ zhes gsungs te gsang sngags rdo rje theg pa spun yin pas/ de la ni mngan bya ba yang spang bar bya ba'o/ /'o na ji ltar blta zhe na/ gcig la gcig ni mig bzhin blta zhes gsungs te/ gcig la gcig ni mig gi nang du rdul song na mi bzod pa de la rdul song gis dogs nas bsrung ba ltar/ gcig la gcig nyes pa bsrung zhing lta bar bya'o// 'di ni sku'i sa ma ya'o/ zhes bya ba ni/ gong gsungs pa de ni sku'i dam tshig go /de nas yang gsung gi dam tshig ni/ oM badzra kI li kI la ya sum pa ni hUM che ge mo mar ya phaT ces dpul bar bya ba'o/ /de nas yang drag po'i gtor ma bstan pa'i phyir/
- 80a
lcags phye dang 'bru nag po la byas pa'i gtor ma de drag po'i dus su 'phra men ma brgyad dang/ sring mo'i tshogs dang/ bdag nyid chen mo dang/ sa bdag chen mo la sogs pa bskul la/ gtor ma de gzugs la brdeg cing/ gsod pa'i las bya'o/ sha khrag sna tshogs la byas pa'i gtor ma ni las kyi lha 'khor dang bcas pa ni bsngos pas las la gtang ngo/ /de nas yang dkyil 'khor du ji ltar bya ba bstan pa'i phyir/ e'i tshogs kyi dkyil 'khor du zhes las kyis 'chel ba rnams brlag par gyur pas dbyings su rol zhes bya ba gsungs te/ e ni chos 'byung ba'i dkyil 'khor te/ de'i gnas su bcom ldan 'das khrag 'thung gi tshogs gsal bar bsgoms nas/ de'i ngang du khams gsum gyi sems can zhe sdang las kyis 'chel ba rnams/ zhal du gsol nas/ dngos po'i phung po brlag par bya ba nas yang dag pa'i shes pa ni/ ye shes kyi dbyings su gsal bar byas te/ bzhugs pa'i don dam pa'i bden pa'o/ /rdzas la sogs pas 'bras bu longs spyod mi slu bas bden pa ste/ kun rdzob po de nas yang bgrad pa yang bya ste/ dur khrod kyi ras ma la 'khor lo rtsibs brgyad pa bris pa de'i dbus su rnga mo'i gzugs gcig bris pa de la gzas pa po gang yin pa skyon la/ dbang gis dgongs pa ji lta ba bzhin du byas te/ gzugs la bstim la/ 'khor lo'i rtsibs brgyad rnams la yang/ oM badzra kI li kI la ya hUM dza dza zhes pa bris te/ 'og gi thad ka nas g.yon bskor du bskor nas bris te/ rnal 'byor pa nyid kyis bzlas pa'i sngags de yin no/ /ting nge 'dzin gyis kyang kho'i khang khyim gyi 'og tu rlung gi dkyil 'khor bsgoms la/ de'i ban da bzhin bskyed pa'i rnga mo'i mig bzhi rang dbang med par bskyod nas/ khro bo la las ni rnga mo'i sna nas drangs te khrid/ la las
- 80b
ni thob dang ral gri dang dgra sta thogs nas ded nas 'gro bar dmigs la bsnyen pa thon pa dang/ bsgrub pa la 'jug ste/ 'dzab grangs khri thon pa dang las la sbyar te/ las kyi dus su stong thon pa yang dur khrod kyis sa ma ya la gtubs la/ dbang gi tshul du sbyin sreg bya ste/ bskul ba'i sngags bskrad pa'i sngags nyid kyis bya ste/ sbyin sreg zin pa dang/ sgo'i them pa'i 'og tu sbas la gzhag go /de'i rjes la b+ho phyogs kyi khams gshin rje'i rgyal po'i yul du bskyal bar bsams te/ gnas bskyod pa'i man ngag go / de nas sngags thon pa dang/ rdzas de slar la dbyung bar bya'o/ /de ni bskrad pa'i man nag go /de nas yang 'phrin las bsam yas par yod par bstan pa'i phyir/ ji snyed 'phrin las bsam yas kun/ /'gro ba bsam yas bsam pa rnams/ /ji snyed 'dul ba'i thabs tshul du/ /bsam yas 'phrin las rnam par spros zhes gsungs te/ sangs rgyas kyi sku gsung thugs yi 'phrin las bsam yas pa gsungs shing mdzad pa yang 'gro ba rigs drug gi bsam yas yod pa de rnams 'dul ba'i thabs pas? mthun pa'i tshul du/ sangs rgyas kyi sku gsung thugs las 'phrin las bsam yas pa sgros pa'o/ /de nas yang 'phrin las spros pa de rnams yang dag pa'i ngang du lhun gyis grub par bstan pa'i phyir/ mnyam nyid dbyings kyi ngang nyid las/ / las kyi bye brag rtsis las 'das/ /bya med dad du lhun gyis grub ces gsungs te/ mnyam pa nyid kyi dbyings gnyis su med par bstan pa'i phyir/ dang po tha tshig bcas pa ltar/ zhes bya ba la sogs pa bstan te/ dang po tha tshig bcas pa ltar? ces bya ba ni/ dang po dbang bskur ba'i dus su ji ltar dam bzhin du sngags rnams dus rtog tu ? mi 'chad pa dang lha'i sku phyag rgya dus rtag tu bcas pa ni thun mong dang bcas thun mong ma yin pa'i dngos grub 'byung ba'i rgyu yin pas
- 81a
sngags dang phyag rgya 'di dag lus ngag yid gsum gyis dus rtag tu brtan bor gzung nas mi 'bral ba ni gsung gi sa ma ya ru ston pas bshad do/ /de ni gsung gi dam tshig go /de nas yang thugs kyi dam tshig bstan pa'i phyir/ phyi gsang bzhi dang bar gsang bzhi zhes pa la sogs pa gsungs te/ phyi gsang bzhi dang bar gsang bzhi zhes bya ba ni/ dkyil 'khor gyi de kho na nyid dang/ lha'i de kho na nyid phyag rgya'i mtshan nyid rnams ni phyi gsang bzhi'o/ bar gsang bzhi ni/ bde ba chen po'i 'khor lo dang/ longs spyod kyi 'khor lo dang/ chos kyi 'khor lo dang/ sprul pa'i 'khor lo dang bzhi'o/ /yang gsang bar 'os pa dang zhes bya ba ni/ dga' ba bzhi yis mtshon nas yang dag pa'i ye shes nyams su len ba ni gsang bar 'os pa'o/ /de lta bu'i don de gzhan la ma smra zhig ces dang po slob dpon gyi gnyer ba'i gsang ba'i man ngag 'bras bu rnams/ gzhan dang gzhan dag 'di lta bu yin no/ zhes snod ngan pa phal la mi spel ba 'di ni thugs kyi sa ma ya'o/ /de lta bu sku gsung thugs kyi dam tshig 'di ni/ dus gsum du 'jig pa'i dus mdza' med de/ bsrung bar bya'o/ /spyir sa ma ya ni rdo rje ste zhes gsungs so /de dag nyams par gyur na ni/ /rtsa ba nyams te rigs rlag 'gyur/ zhes bya ba ni sku gsung thugs kyi dam tshig de nyams par gyur na/ rtsa ba'i dam tshig nyams te/ 'bras bu'i de bzhin gshegs rigs brlag par 'gyur ro/ /de ni nyams pa'i skyon no/ de nas yang pha rol po'i dam tshig nyams pa'i rnal 'byor skyon bstan par bya ste/ de'i phyir nyams 'gyur nyes pa brjod mi lang zhes bya ba gsungs te/ pha rol pos sku gsungs thugs kyi dam tshig nyams na de'i nyes pa brjod kyis mi lang ste/ de ni rtsa ba'i dam tshig nyams pa yin pas dam la gnas pa'i rnal 'byor pa de dang nyams pa gnyis skad cig tsam yang yud tsam yang smra ba de mi bya'o
- 81b
smras na skyon ci yod ce na/ de bstan par bya ba'i phyir/ smras na 'bras bu nyams par 'gyur zhes gsungs te/ smras pas nyid kyis rtsa ba'i dam tshig nyams par 'gyur ro/ /de nas yang yan lag gi dam tshig bstan pa'i phyir/ 'dod chags zhe sdang gti mug dang/ zhes bya ba la sogs pas bstan te/ 'dod chags zhe sdang gti mug dang/ /nga rgyal phrag dog chen po ni/ /bder gshegs lnga'i rang bzhin bas zhes bya ba ni/ /'dod chags ni 'dod cing chags pa ste/ de spangs na grol ba ma yin 'dod chags kyi mtshan nyid ni/ gnyis su med pa'i ye shes 'dod cing/ chos nyid la chags pas rnam par dag ste/ 'od dpag med kyi rang bzhin bas mi spang ngo/ /zhe sdang ni pha rol la zhe sdang ba de/ de spangs pas grol ba ni ma yin te/ zhe sdang gi mtshan nyid ni/ phyin ci log gi nyon mongs pa la zhe sdang zhing med par byed pas zhe sdang rnam par dag pa ste/ mi bskyod pa'i rang bzhin bas mi spang ngo/ /gti mug ni mi shes shing tshor ba med pa ste/ de spangs nas gral ba ma yin te/ gti mug gi mtshan nyid ni phyin ci log gi rtog pa gang yang 'byung ba ma yin zhing/ shes pa dang brjod pa las 'das ?? bas na gti mug rnam par dag pa ste/ rnam par snang mdzad kyi rang bzhin bas mi spang ba dang/ nga rgyal ni ma rig pas smra ba ste/ de yang spangs nas grol ba ma yin te/ nga rgyal gyi mtshan nyid de ni/ chos nyid gnyis su med pa'i don la gnas shing/ phyin ci log gi don la nyon mongs pa ni mi gnas pas nga rgyal ba ste/ nga rgyal rnam par dag pa ste/ rin chen 'byung ldan gyi rang bzhin bas mi spang ba dang/ phrag dog ni gzhan gyi yon tan la phrag dog ste/ de spangs nas grol ba ma yin te/ phrag dog gi mtshan nyid ni/ chos kyi dbyings spros pa'i mdza' brgyad dang bral bas/ spros pa med par phrag dog ste/ phrag dog rnam par dag pas gdon mi za bar 'grub ba'i rang bzhin bas mi spang ba ste/ de'i phyir chen po zhes gsungs te/ chung ngu rnam par dkar
- 82a
ba'o/ /de ni mi spang ba'i dam tshig lnga'o/ /de nas yang dor bar mi bya ba'i dam tshig bstan pa'i phyir/ sha chen bshang gci khu ba khrag/ dbang ba'i rgyu ste bdud rtsi spos/ dor bar mi byas ma ya ho/ zhes gsungs te/ sha chen dang bshad ba dang/ gci ba dang khu ba dang/ khrag lnga ni rnam par rtog pas mi gtsang ba dang/ sogs pas bdud rtsi ste de las zlog pa'i phyir/ dag pa'i rgyu ste bdud rtsi ngos? zhes gsungs te/ sha chen la sogs pa lnga ni/ ye nas rnam par dag pa'i ye shes lnga'i dngos po ste/ de rnam par rtog pa'i bdud las zlog nas bdud rtsi ye shes lnga'i rang bzhin te/ mi gtsang ba de nas dor bar bya ba ma yin te/ ye shes lnga'i rang bzhin bas dor bar mi bya ba'i sa ma ya'o/ de ni dor bar mi bya ba'i dam tshig lnga'o/ /de nas spyad par bya ba'i dam tshig bstan pa'i phyir/ rdzun dang tshig rtsub smra ba dang/ /sbyor dang sgrol ba'i dam tshig ni/ /bder gshegs lnga'i mdzad spyod pas/ /rtag tu spyad pa'i dam tshig go /zhes gsungs te/ brdzun ni chos nyid dngos po med pa'i rang bzhin la/ 'di lta bu yin no zhes drang ba'i don du ston pa'i rdzun te/ mi bskyod pa'i mdzad pa yin pas rnal 'byor pas kyang spyad par bya ba yin pa dang/ tshig rtsub ni 'di ltar snang ba thams cad 'khrul pa yin te/ yod pa ma yin no/ zhes 'byung ba ni/ tshig rtsub mo ste rnam par snang mdzad kyi mdzad spyod yin pas/ rnal 'byor pas kyang spyad par bya ba yin pa dang/ rku ba ni 'di ltar snang ba'i chos thams cad ye nas ma bcos pa'i rang bzhin 'od gsal ba de ni rin po che 'dra ba yin pa 'di ni rtogs par bya ba yin zhing 'di ni nyams su blang ba'o/ zhes phyin ci log thams cad yang dag pa'i dbyings su rku ba ni/ rin chen 'byung ldan gyi mdzad spyod de/ rtag tu rnal 'byor pas spyad par bya'o/ /sbyor ba ni 'di ltar snang ba thams cad kun rdzob tu lha dang lha
- 82b
mo'i ngang du 'byor la/ don dam par skye ba med pa'i ngang du 'byor pa ni/ 'od dpag tu med pa'i mdzad spyod do/ /rnal 'byor pas rtag tu spyad par bya'o/ /sgrol ba ni khams gsum gyi sems can thams cad rnam par rtog pas bcings pa thams cad skye ba med pa'i ngang du sgrol la/ skye ba med ces bya ba de yang mi gnas par sgrol ba ni/ gdon mi za bar 'grub pa'i mdzad spyod de/ rnal 'byor bas dus rtag tu spyad par bya ba'i phyir/ /bde bar gshegs pa lnga'i mdzad spyod pas rtag tu spyad pa'i dam tshig go /zhes gsungs te/ de ni spyad par bya ba'i dam tshig lnga'o/ /mi spang mi dor spyad par bya zhes bya ba ni/ /nyon mongs pa lnga bde bar gshegs pa lnga'i rang bzhin pas/ mi spang ba dang/ bdud rtsi lnga ye shes kyi rang bzhin pas mi dor ba dang/ brdzun dang tshig rtsub la sogs pa bde bar gshegs pa'i mdzad spyod yin bas/ spyad par bya ba'o/ yan lag bco lnga'i dam tshig ni/ zhes bya ba ni/ mi spang bar bya ba'i dam tshig lnga dang/ mi dar bar bya ba'i dam tshig lnga dang/ spyad par bya ba'i dam tshig lnga ste bco lnga'o/ /srog gi phyir yang mi gtang zhes bya ba ni/ rang la phan pa'i srog yin te/ srog ma chang na mi 'chi ba dang 'dra bar gnyis med pa'i ye shes te rtogs shing khong du chud nas skye ba med pa'i dbyings rnam par dag ste/ de la 'chi ba ga la yod de/ 'bras bu de thob par bya ba'i phyir mi gtong/ gad mi gnang? zhe na/ rtsa ba dang/ yan lag tu bcas pa'i dam tshig tu ni gnyis med pa'i ye shes thob par bya ba'i bzhi 'am rmang min pa'i phyir na mi btang ba'o/ /btang na skyon ci yod/ de bstan pa'i phyir/ btang na 'bras bu ga la 'byung zhes gsungs te/ rtsa ba dang yan lag tu bcas pa'i dam tshig med cing ma bsrungs na/ srog dang 'dra pa'i 'bras bu ga la 'byung ste/ mi 'byung ste rlag par gyur pa'i tha tshig go /de'i nyes pa brjod las 'das zhes pa ni/ rtsa ba dang yan lag tu bcas pa'i dam
- 83a
tshig nyams pa'i nyes pa ni/ brjod pa las 'das te brlag par 'gyur ba'i tha tshig go /de nas yang dam tshig nyams pa de thugs rjes ma gzung na dmyal bar 'gro bas/ de thugs rjes gzung ba'i phyir/ snying nas slob dpon smod pa dang/ zhes pa la sogs pa bstan te/ snying nas slob dpon smod pa dang/ zhes bya ba ni/ dang po shes pa slob bu'i dus na slob dpon de la kha 'jam dang/ spyod pa legs mos 'dris par byed cing/ shes pa lobs nas slob dpon de yis bya ba med pa'i spyod pa byed cing/ chos dang slob dpon de las ma 'ongs par gzhan la 'ong ba bskur zer zhing rang gi shes pa las slob dpon gyis mi shes pa skad zer ba ni/ snying nas slob dpon smod pa ste/ de ma bsgral na mnar med du ltung ba'o/ /sangs rgyas bstan ba la gnas pa dang zhes bya ba ni/ sangs rgyas kyi bstan pa la gnas par byas nas/ spyod pa phyin ci log bzhi byed cing rdzun dang rku ba dang sgyu dang g.yo la sogs pa de ni thugs rjes ma gzung na/ mnar med par ni ltung ba'o/ /theg pa chen po smod pa dang zhes bya ba ni/ sangs rgyas kyi bstan pa theg pa chung ngu la gnas par byas nas/ theg pa chen po'i nang nas kyang/ rnal 'byor bla na med pa'i theg pa la smod pa ni mnar med pa'i dmyal bar 'gro bas/ de thugs rjes gzung ba'o/ /sems can yongs la gnod byed dang zhes bya ba ni/ dang por sangs rgyas kyi bstan pa la dad cing zhugs nas/ phyis de las ni log nas/ sangs rgyas kyi bstan pa la yang smod sems can yongs la 'tshe bar byed pa'i gang zag de/ mnar med par ltung ba ste/ de thugs rjes gzung ba'o/ rnal 'byor gzung ba'o/ /rnal 'byor spyod pa'i dkar? la gyur ni zhes bya ba ni/ chos 'khor gnyan po gshig pa dang/ dben ris gnyan po 'joms pa dang/ gtsug lag khang gi dkor rku ba dge 'dun mdun pa'i bar du dbyen 'dzud pa la sogs
- 83b
te/ de ni rnal 'byor spyi dgra yin te/ /de lta bu'i rigs rnams la myur du bsgrims te ma bsgral na/ rtsa ba dang yan lag tu bcas pa'i rdo rje'i dam tshig nyams pas na/ rnal 'byor pas lus ngag yid gsum gyi sgo nas/ grims phyung las sngags dang phyag rgya'i shugs kyis bsgral bar bya'o/ /de ltar bsgral na yang dag pa'i gnas dang phrad pa de ni/ thugs rjes gzung ngo/ /de nas yang dam tshig gi yon tan bstan pa'i phyir/ dam tshig 'di ni smad po che zhes pa la sogs pa gsungs te dam tshig 'di ni smad pa che zhes bya ba ni/ rtsa ba dang yan lag tu bcas pa'i dam tshig 'di ni yang dag pa'i ye shes bsgrub pa'i gzhi yin pa'i phyir na smad po che ste/ de'i phyir sangs rgyas bsgrub pa'i rgyu dang gzhi/ zhes gsungs pa yin no/ /de nas yang dam tshig gi ngo bo bstan pa'i phyir/ yid bzhin nor bu rin po che zhes gsungs te/ dam tshig gi ngo bo ni yid bzhin gyi nor bu rin po che ste/ ma bcos pa'i don dam pa byang chub kyi sems ni/ dam tshig gi ngo bo'o/ /de nas yang dam tshig bsrungs ba'i yon tan bstan pa'i phyir/ dam tshig gnas rnams mi gcod ba zhes bya ba la sogs pa gsungs te/ rtsa ba dang yan lag tu bcas pa'i dam tshig gi gnas rnams bsrung zhing mi gtong ba'i rnal 'byor pa de ni/ legs pa'i yon tan brjod kyis mi lang ba 'byung ste/ sangs rgyas kyi rgyu la gnas pas na/ sangs rgyas dang 'dra bar 'gyur ro zhes gsungs so/ dngos grub gzhan lta smos ci dgos zhes bya ba ni/ rtsa ba dang yan lag tu bcas pa'i dam tshig bsrungs na sangs rgyas dang 'dra bar 'gyur na gzhan gyis dngos grub smos kyang ci dgos te de ltar thob? pa'i phyir ye nas nan tan bskyed do/ rtsa ba dang yan lag gi dam tshig bsrung/ zhes ston pa dang dpal kun tu bzang pos gsungs so/ /dam tshig rim par phye nas ston pa la ni dam tshig rim par phye ba'i le'u'o/ /bdud rtsi thigs
- 84a
pa zhes bya ba rgya cher bshad pa las/ bden pa gnyis kyis bshad pa'i le'u ste/ bcu gnyis pa'o// //de ltar dam tshig la sogs pa bstan kyang don bsdus nas so so'i don re re la gol du dogs pa'i phyir/ de nas zhes bya ba la sogs pa bstan te/ de yang sngon la gong du gsungs pa'i le'u bcu gnyis pa yan chad kyi don la dam zhing ston pa la yid rang bstan pa'i phyir/ yid kun tu bzang po la sogs pa 'dus pa'i 'khor tshogs ma lus pa rnams rang rang gi bsam pa rangs par gyur te/ zhes bya ba ni 'khor thams cad gnyis su med pa'i byang chub sems su mngon du gyur nas/ ston pa la 'khor rnams kyis gtsug gi 'dus pas rnal 'byor mchog gi tshul du phyag bya ste/ bcom ldan 'das kyi sku gsang ba gsung gsang ba thugs gsang bar zhugs pa'i bdag po la 'khor rnams kyis mdun gyis ltas te/ ston pa la ngo mtshar nas rmad du byung ba'i tshig gis 'og nas 'byung ba 'di skad ces bsgrags so/ /e ma'o ngo mtshar rmad du byung ba'i mnyam nyid dbyings mchog nas/ /thugs rje chen po gsal la ma 'dres kun du khyab par brdal zhes bya ba ni/ /rmad du byung ba'i chos nyid ma bcos pa'i dbyings nyid nas khams gsum gyi sems can gyis dag pa'i chos nyid ma rtogs pa las thugs rje chen pos lta ba dang spyod pa dang dbang dang dam tshig la sogs pa so sor bsal zhing ma 'dres par bstan cing kun tu khyab brdal ba'i phyir/ sku dang gsung thugs yon tan 'phrin las/ phyag rgya'i dkyil 'khor brjod mi lang zhes gsungs te/ sku'i dkyil 'khor la yang gsum/ gsung gi dkyil 'khor la yang gsum/ de bzhin du thugs dang yon tan 'phrin las la yang gsum gsum ste/ phyag rgya'i dkyil 'khor brjod mi lang ba zhig gsungs pa yang 'gro ba rigs drug gi bsam pa mi mthun pa bsam yas
- 84b
ba yod pa'i ched du ste/ de'i bsam pa rnams rlog pa'i phyir/ phyag rgya'i dkyil 'khor bsam yas pa zhig gsungs so/ /de ltar thugs rje chen pos 'gro ba rnams gzung ba'i phyir/ 'gro ba bsam yas rnam rtog de snyed/ thugs rjes phyogs pa/ e ma'o ngo mtshar che'o/ zhes gsungs so/ /de nas yang ston pa'i byin brlabs las don dam kun rdzob gnyis la ngo mtshar ba bstan pa'i phyir/ e ma'o rmad du byung ba'i chos/ /nam mkha' dang ni mnyam ba la/ /sgyu 'phrul rnam par 'phrul ba rnams/ /kun rdzob tsam du bstan pa mtshar zhes bya ba ni/ ston pa'i thugs rnam par mi rtog pa'i ye shes de las/ sku'i dkyil 'khor la sogs sgyu 'phrul rnam par 'phrul ba bsam yas pa rnams don dam par chos nyid las ma g.yos shing kun rdzob tu sgyu ma tsam du bstan pa ngo mtshar che'o zhes 'khor rnams kyis ston pa la ched du glengs so/ /de'i tshe bcom ldan 'das gsang ba mchog gi bdag po ni/ brjod du med pa'i dgongs pa dus bzhi mnyam pa nyid kyi dbyings la dgongs nas cang mi gsung bar bzhugs so/ /de nas yang sdud pa po ston pa la don bsdu bar gsol ba btab par bstan pa'i phyir/ /de nas rdo rje yid kun du bzang pos gsol ba btab bo zhes bya bar 'brel te/ gsol ba btab pa'i tshig ni/ bcom ldan 'das zhes bos nas/ bsgo bar gsol ba btab pa'o/ /de nas yang ston pas gong du gsungs pa'i don kun mdor bsdus nas bshad par gnang bar bstan pa'i phyir/ de nas zhes bya ba la sogs pa gsungs te/ gsang ba mchog gi bdag pos 'di skad ces bka' stsal to/ zhes bya bar 'brel to/ /gsungs pa'i tshig ni 'di ste/ sems dpa' chen po zhes bos nas lus ngag yid gsum gyis nyon cig ces gnang ba gsal to/ /rgyud kyi rgyal po chos kyi don 'di nyid ston pa ngas don bsdus te khyed la bshad par bya'o/ zhes gsungs te/ bshad pa'i gsung ni 'di'o/ /e ma'o chos rnams thams cad sems kyi 'khrul pa ste/ sems las ma rtogs
- 85a
chos 'ga' tsam yang yod ma yin zhes bya ba ni/ phyi dang nang du snang ba'i chos thams cad ni/ tshe rabs thog ma med pa'i dus nas rtog pa'i dbang gis/ brtags pa'i ngo la 'khrul bar snang ba ste/ chos su snang ba yang nang gi shes pa nyid snang ba las ma gtogs pa/ yul logs shig na grub pa med do bar bstan pa'i phyir/ sems las ma rtogs chos 'ga' tsam yang yod ma yin zhes gsungs so/ /de nas yang ston pas dkyil 'khor la sogs pa gsungs pa/ de yang 'khrul pa'i ro la snang gi yang dag pa'i blo can la mi snang bar bstan pa'i phyir/ 'khrul ba bzlog phyir rgyal bas chos bstan pa/ /de'i sgyu 'phrul sgyu 'dra 'khrul pa snang/ zhes gsungs te/ khams gsum gyi sems can gyis ye nas med pa'i rang bzhin pa la/ sems 'khrul ba'i dbang gis mtshan mar bzung ba de las bzlog pa'i phyir/ lha'i dkyil 'khor sgyu ma tsam du bstan te/ rags pa'i mtshan ma mi gnas par bya ba'i phyir bstan to/ /lha'i dkyil 'khor sgyu ma 'dra ba bstan pa'i de nyid kyang 'khrul pa la snang bar zad kyi yang dag pa'i shes pa ni snang ba med do/ /'khrul dang 'khrul la snang ba'i chos rnams kun/ /rang gi sems yin snang bar zad ces bya ba ni/ phyi'i yul med pa la 'khrul ba yod pas bzung bas 'khrul ba/ de las zlog nas lha'i dkyil 'khor du bstan pa de yang 'khrul pa la snang ba yin te/ de ltar snang ba'i chos rnams kun rang gi sems nyid yin te sems nyid snang ba las ma gtogs pa yul logs shig nas snang sgyu med pa'o/ /de nas yang sems nyid ma grub pa bstan pa'i phyir/ sems kyi rang bzhin dngos po ma grub ste/ snga phyi gsis nas rang bzhin yongs kyis med ces gsungs te/ sems kyi rang bzhin de dngos por grub pa ma yin te/ skad cig ma snga phyis gses pas snga ma ni 'gags/ phyi ma ni ma byung/ da ltar ni mi gnas pas/
- 85b
rang bzhin med par gyur pas nang gi sems dngos por ma grub pa'o/ /de nas yang sems ma grub ces bya ba de la mi gnas par bstan pa'i phyir/ gzod nas ma skyes ye nas rnam par dag /yi ge med cing sgra dang tha snyad bral zhes gsungs pa yin te/ sems ma grub pa de yang sems yod pa las rkyen gyis byas nas med pa ni ma yin gzod ma na ma skyes shing/ ye phyi mo nas rnam par dag pa ste/ rnam par dag pa de la yi ges brjod pa med cing/ tshig gi sgra dang tha snyad dang bral ba'o/ /de nas yang sgra dang tha snyad dang bral zhes pa de ni/ stong pa nyid stong pa nyid de stong pa nyid ces pa de nyid brtags pa ste/ de las kyang 'das par bstan pa'i phyir/ stong pa'i spyod pa nyid de stong pa'i yul las 'das/ zhes gsungs te/ stong pa'i stong pa ni stong pa'i yul te de la yang mi gnas te/ mi gnas pa'i ye shes chen po mthar phyin pa'i man ngag ste/ bcos ma ma yin pa'i don dam pa'o/ de ltar 'khrul pa dang yang dag pa gnyis ka sems las byung ba'i phyir sems ni chos kyi rtsa ba ste/ rtsa ba de nyid srid ba dang grol bar snang zhes gsungs te/ 'khrul bar snang ba ni rang gi sems snang bas sems nyid yin la/ sems de nyid ye nas ma bcos par gnas pa ste/ /rtsa ba'o/ /rtsa ba de nyid rang bzhin gyis 'od gsal ba srid pa dang grol bar snang zhes ston pas 'khor ba rtsa bas bcad de/ dgyes pa med pa dgyes pa'i tshul gyis dgyes par bstan te ho zhes gsungs so/ /de nas yang gong du gsungs pa'i don kun mi gnas pa'i ye shes chen po nyid kyi ngang du bstan la mi gnas pa'i ye shes chen po de la ci yang med par bstan pa'i phyir/ de la e ma'o sems nyid stong pa chen po'i ye shes la zhes pa la sogs pas bstan te/ ye nas ma bcos pa'i dbyings nyid la ni gnas dang ston pa 'khor zhes ga la yod ces gsungs te/ gnas zhes bya ba dang/ ston pa zhes bya ba dang/ bstan pa zhes bya ba kun rdzob kyi bden pa yin te/ don dam pa'i bden pa la ni ga la yod de med do/ ting nge 'dzin dang
- 86a
yig 'bru phyag mtshan dang/ rdzogs pa dang bzhugs thabs rim du bgrang du med ces bya ba ni/ ting nge 'dzin rnam pa gsum dang lha rnams bskyed pa'i yig 'bru dang/ yig 'bru las gyur pa'i phyag mtshan dang/ phyag mtshan de la sku yongs su rdzogs pa dang rdzogs nas gdan la bzhugs pa'i thabs rnams rim du bgrang ba de ni kun rdzob kyi bden pa ste/ rnam par rtog pa zlog pa la mi bslu bas bden pa'o/ /bcos ma ma yin pa'i don dam pa la ni bgrang du 'ang med pa'o/ /stong nyid snying rje byang chub sems bskyed med ces bya ba ni stong pa nyid bsgom zhes bya ba dang/ de'i ngang las khams gsum gyi sems can snying rje bskyed ces bya ba ni/ byang chub kyi sems rnam pa gnyis bskyed ces gsungs pa ni/ kun rdzob kyi bden pa'o/ /bcos ma ma yin pa'i don dam pa la ni bskyed pa la sogs pa yang med do/ gzugs brnyan med cing ting 'dzin bsam dang bral zhes bya ba ni/ gzugs brnyan te brnyan ma'i dkyil 'khor la sogs pa dang/ ting nge 'dzin gyi dkyil 'khor gsungs pa rnams ni kun rdzob kyi don dam pa'o/ bcos ma ma yin pa'i don dam pa la ni bsam par bya ba dang/ bsam par byed pa med pas ting nge 'dzin bsam dang bral zhes gsungs so/ /sngags dang phyag rgya med cing thugs rjes 'dul ba'ang med ces pa ni/ sngags ni so so'i sngags dang sngags kyi las bstan pa dang/ lha so so'i phyag rgya dang/ phyag rgya'i las bstan pa dang/ khams gsum gyi sems can la so so'i 'dul tshad bstan pa la ni kun rdzob kyi bden pa'o/ /ma bcos pa'i don gyi ngo bo la ni/ /thugs rjes 'dul ba yang med do/ /gzungs? gdul du med cing drag po'i dkyil 'khor med/ /snying po bstan tshul med cing rgyun gyi ting 'dzin med/ bya ba med cing sdom pa kun las 'das/ zhes bya ba ni/ ma rung ba log? par lta ba'i dregs pa can gdul ba dang/ drag po'i dkyil 'khor gyi bye brag gsungs pa
- 86b
dang/ so sor drag po'i snying po gsungs pa dang khro bo so so'i stangs thabs gsungs ba dang/ rgyun gyi ting nge 'dzin gyi rim pa gsungs pa rnams ni kun rdzob kyi bden pa'o/ /ma bcos pa'i don dam pa'i bden pa la ni de ltar gong du gsungs pa'i rim par byang med cing sdom pa kun las 'das ba de/ gong du gsungs pa'i rnam grangs de kun cig tshig gi tha snyad yin te don dam par med do/ /'o na dkyil 'khor la sogs pa ji snyed pa gsungs pa de yis ci bya zhe na/ de gsal bar bya ba'i phyir/ 'khrul ba bzlog phyir kun rdzob tsam du bstan/ zhes gsungs pa'o/ 'o na lha'i dkyil 'khor la kun rdzob tsam du bstan pa 'di dor bar bya ba yin nam zhe na/ de gsal bar bya ba'i phyir/ de bas bstan pa 'di la rab bstan te/ don dam bden pa nges par rig par bya zhes gsungs te/ kun rdzob tsam du lha'i dkyil 'khor du bstan pa 'di la rnal 'byor ba las dang po bas sems sbyang bar bya ba'i phyir/ sgyu ma tsam du bstan pa 'di la brten par bya ba ni de bas na bstan pa sgyu ma 'di la rab tu brten te sbyangs la don dam pa'i bden pa nges pa po nang rig par bya'o/ de nas ma rtogs pa'i dus na lha'i dkyil 'khor la sogs pa thams cad don dam pa'i bden pa rtogs pa'i thabs? su bstan la/ don dam pa'i bden pa rtogs pa'i dus ni/ brjod par bya ba kun sgrib pa yin par bstan pa'i phyir/ sems las 'das pa'i chos kyi rang bzhin ni/ tshig dang yi ge tha snyad kun las 'das/ /mthun pa'i dpes kyang? de la mtshon du med ces bya ba gsungs te/ dang po sgyu ma tsam du bstan pa'i lha'i dkyil 'khor la/ sems sbyangs nas/ sems las su rung ba byas la las su rung ba'i sems de yang don dam par? rung? bzhin med pa ste/ rang bzhin med pa'i sems de ?? 'das pa'i? chos nyid kyi rang bzhin ni/ tshig gis brjod pa dang yi ges mtshon pa dang/ tha snyad gyis 'di ltar yod bya ba med de/ tha snyad kun las 'das pa yi/ de la ni mthun pa'i dpe nam mkha' ste nam mkha' des kyang mtshon du nus pa ma yin te/
- 87a
mtshon du med de mtshon par mi nus pa'i gtan tshigs de las gang du bstan pa'i rim pa de kun don dam pa'i bden pa rtogs pa'i dus na kun bsgrib pa yin pa'o/ /mtshon med blo ldan de la ngad? mi 'gyur zhes bya ba ni/ mtshon du med pa'i blo dang ldan pa de ni sgrib pa dang bya ba dang/ rnam par byang ba dang zhes bya ba dang/ don dam kun rdzob ces bya ba de la dad par mi 'gyur ro/ /de ci'i phyir zhe na/ chos thams cad gang gi ngo bor yang ma grub pa'i phyir ro/ 'o na bden pa gnyis gang gi ngo la snang zhe na/ bden gnyis blo ldan de la snang bar zad/ ces bya ba ni/ sems can gyi bsam pa la bden pa rnam pa gnyis snang bar zad de/ rgyu dang 'bras bu yin pas so/ zhes ston pas gsungs pas 'khor rnams ston pa'i bkas bsam par ngas? nas rab tu dga' ste ston pa'i 'khor du 'dus pa'i 'khor tshogs ma lus pa rnams bcos ma ma yin pa'i de kho na nyid don la sems shing gnas nas cang mi smra bar gyur te gnas so/ /de nas yang sdud pa po la dbang bskur ba bstan pa'i phyir/ de nas bcom ldan 'das gsang ba mchog gi bdag po des zhes pa la sogs pa gsungs te/ sdud pa po rdo rje yid kun du bzang po'i lce la pad+ma'i steng du ston pas yi ge hUM bzhag hUM de yongs su gyur pa las/ las kyi rdo rje rgya gram gcig tu gyur/ las kyi rdo rje de yongs su gyur pa las lce pad+ma de la thim ste/ don bsdus pa'i nus mthu dang ldan par byin gyis brlabs shing/ dbang bskur zhing dus de nyid du ming rdo rje chos su btags pa de'i phyir/ rdo rje chos su dbang bskur te/ don bsdu bar byin gyis brlabs nas/ 'og nas 'byung ba'i tshig 'di ston pas bka' stsal pa/ sems pa chen po zhes bos nas/ dang po ngo mngon par rdzogs par sangs rgyas nas 'jug mdo bshad kyi bar du sems can gyi don du tshig gcig tsam yang bshad cing brjod pa med do/ /
- 87b
de ci'i phyir zhe na/ dris pa dang chos thams cad ni bshad cing brjod pa dang bral ba'i phyir ro/ /bshad cing brjod pa dang bral ba'i don de ltar sus rtogs par 'gyur zhes dris pa dang/ lan du phyogs bcu dus bzhi'i sangs rgyas rnams ni bshad cing brjod pa dang bral? ba'i don thugs su chud nas/ mngon par rdzogs par sangs rgyas pa'o/ /sngar sangs rgyas pa de bas na da yang ma 'ongs pa'i rnal 'byor dad pa can rnams kyis kyang/ brjod pa dang bral ba'i don de bde blag du rtogs shing thugs su chud par bya ba'i phyir/ mdo 'di ni nges bshad de/ rnal 'byor pa phyi ma'i don du ngas brjod de sems dpa' chen po zhes bos nas/ bsgo ba bya ba'i tshig 'di gsungs so/ /da sdud pa po khyod kyis kyang ma 'ongs pa'i rnal 'byor pa'i don du ngas bshad pa'i mdo 'di'i don bsdus la/ rnal 'byor phyi ma la mi nub par bya ba'i phyir ngo bo gsung chos kyi yi ge snang zhing mi nub par gyis shig /nga yis gsungs pa'i mdo 'di yang dag pa'i lam de/ rnal 'byor phyi mas lam 'di la brten nas chos nyid ma bcos bar de kho na nyid rnal 'byor phyi ma de dag gis khong du chud par sdud pa po khyod kyis kyis shig /de ltar khyod kyis ngas bshad pa'i mdo 'di rnal 'byor phyi ma dad pa can gyi don du gsung chos kyi yi ger snang bar byas pa na/ 'on tang na dad pa can gyi rnal 'byor pa phyi ma de dag gi ni gsang ba rdo rje theg pa'i don la yid ches nas/ gting 'jug shing rnal 'byor gyi dbang phyug chen po'i rgyud 'dzin par 'gyur ro/ /sems dpa' chen po zhes bos nas/ gong du gsungs pa'i gtan tshigs de bas na/ ngas bshad pa'i mdo 'di ni rnal 'byor phyi ma rnams kyi yang dag pa'i nye lam chen po nyid yin par khyed kyis shes? par bya'o/ zhes ston pas bsgo ba med pa'i tshul gyis sdud pa po la bsgo ba dang/ de'i tshe sdud pa pos kyang ston pa la stod cing sdud par khas blangs pa'i phyir/ rdo rje yid kun du bzang pos zhes pa la sogs pas bstan te/ rdo rje chos rab tu dga' ba'i yid
- 88a
kyis zhes bya ba ni chags pa'i yid kyis so/ /rang gi rdo rje gnas su gsor zhing zhes bya ba ni/ rang gi rang nyid do/ /rdo rje ni gsang ba'i rdo rje ste/ de'i gnas ni yum gyi b+ha ga ste/ btsun mo bya ba mo dang gnyis su med pa'i tshul gyis/ bcom ldan 'das la byang sems kyi mchod pa phul nas 'og nas 'byung ba 'di skad ces bstod do/ /e ma'o bcom ldan dgyes pa che/ /mi nub rgyal mtshan yongs kyi bdag /bder gshegs kun gyi thugs kyi thugs/ /byang chub sems la phyag 'tshal bstod ces bya ba ni/ byang chub sems kyi ngo bo la bstod pa ste/ 'khor lo rnam pa bzhi dang dga' ba rnam pa bzhis ji ltar byang chub kyi sems thab cing rang bzhin gyis dga' ba'o/ /de la phyag 'tshal zhing bstod nas don zhu ba'o/ /don bsdu bar byed pa'i phyir/ bcom ldan 'das zhes pa la sogs pa gsungs te/ /bcom ldan 'das zhes sdud pa po rdo rje chos kyis bos nas/ rnal 'byor gyi dbang phyug sngar 'das pa dang/ da ltar zhugs pa dang/ phyis ma 'ongs pa'i lam chen po lta bur ston pas gsungs pa'i mdo chen po 'di bdag la snang ba lags pas na/ da bdag cag gis kyang mdo 'di mi nub pa'i rgyal mtshan chen por gnas par bgyi'o/ /rnal 'byor phyi ma'i don du bdag gis gsung chos kyi yi ger yang gnas par bgyi'o/ /bcom ldan 'das gsang ba mchog gi bdag nyid du yang bdag gis gnas par bgyi'o/ /mdo 'di'i don 'tshal zhing ston pa'i gang zag skyes bu dam pa des gzhan la phan 'dogs par yang bdag gis gnas par bgyi'o/ /mdo 'di'i don 'chad cing ston pa'i gang zag skyes bu dam pa des gzhan la phan 'dogs par yang bdag gis gnas par bgyi'o/ /rnal 'byor pa'i dgos pa skong bas yid bzhin gyi nor bu rgyal po lta bur yang bdag gis gnas par bgyi'o/ /mu stegs la sogs pa gzhan gyi sde pas rab tu mi/
- 88b
chod pa yang bdag gis bgyi'o/ zhes sdud pa po rdo rje chos kyis khas blangs shing ston pa la gsol to/ /de'i tshe bcom ldan 'das gsang ba mchog gi bdag po/ gnyis su med pa'i ngang la rnal te/ cang mi gsung bar gyur to/ /rgyud yongs su gtad cing snga ma bzhin du gos dang 'dra ba'i phyir na/ le'u'o/ /bde bar gshegs pa'i gsang gsum ston pa'i rab zab rgyud/ /bden gnyis don rtogs bshad tshul yang dag shes/ /tshul des nyon mongs pa la bdud rtsi thigs pa ltar/ /bdag gi rgyud kyi don nyid mthar thug bshad byas pas/ /bdag gi dge ba gang thob de ni bdud rtsi'i thigs pa ltar/ /'gro ba rtog pa'i nad kyis gdungs pa rnams la rgyas par shog/ //bdud rtsi thigs pa zhes bya ba'i rgya cher bshad pa las le'u bcu gsum pa'i bden pa gnyis kyis bshad pa'o// de bzhin gshegs pa thams cad kyi sku dang gsung dang thugs gsang ba dur khrod khu byug rol pa'i rgya cher bshad pa/ bdud rtsi thigs pa zhes bya ba slob dpon mtshos kyis rdo rjes mdzad pa rdzogs so// //rgya gar gyi mkhan po pad+ma'i thod phreng gi zhal snga nas/ zhu chen gyi lo tsa ba dz+nyA na ku ma ras zhus nas bsgyur te gtan la phab pa'o// (//thabs kyi zhags pa pad mo'i 'phreng ba'i 'grel pa bzhugs/) /'phags pa thabs kyi zhags pa padmo 'phreng gi don bsdus pa'i 'grel pa/ dpal rdo rje sems dpa' la phyag 'tshal lo/ theg pa chen po la don rnam pa gnyis te/ mtshan nyid kyi theg pa dang/ rdo rje'i theg pa'o/ /de la mtshan nyid kyi theg pa ni/ mdo sde dag la sogs pa'i tshul gyis/ byang chub sems dpa' i spyod pa spyad pas bskal pa grangs med pa gsum gyis gnon pa ste/ yun ring po nas pha rol tu phyin pa bcu la sogs pa/ dka' ba sna tshogs pa dpyad pas grub ces 'byung/ rdo rje'i theg pa ni gsang sngags kyi sgo nas 'jug pa ste/ rdo rje lta bu rnam pa gsum gyi mthu rnyed nas/ tshe 'di la 'grub ces 'byung ba
- 89a
ste/ de ni theg pa chen po'i yang chen po zhes bya'o/ /'di mgo mjug tu/ 'jig rten dang 'jig rten las 'das pa'i chos thams cad dkyil 'khor gsum du 'dus shing/ zhing dang dpyod yul yongs su dag pas/ yon tan gyi khyad par gong na med de/ bcom ldan 'das kyis gsungs pa thams cad kyi nang na yang bkri ba'i don ma yin gyi/ nges pa'i don gtan la phab pa dang/ rmad du byung ba'i sde las btus te bstan to/ /de la 'phags pa thabs kyi zhags pa/ padmo 'phreng gi don bsdus ba zhes bya ba ni/ de la 'phags pa ni nyan thos dag kyang 'jig rten las 'phags mod kyi skabs 'dir de la mi bya'o/ /theg pa chen po'i yang chen po/ nyan thos dang yun ring po nas 'grub pa las 'phags pa ste/ tshe 'di nyid la grub pa dang/ sangs rgyas bcom ldan 'das chen po la bya'o/ /thabs kyi zhags pa zhes bya ba ni thabs ni snying rje chen po ste/ mtshams med pa lnga la sogs pa la rol cing/ phyin ci log la zhen pa'i sems can rnams sgrol ba'o/ /zhags pa ni mi gtong ba ste/ 'khor ba nyid mnyam pa'i chos su mkhyen pas/ 'khor bar mi gtong bar sbyor ba la bya'o/ /'di ni sbyor ba rnam gnyis zhes kyang bya/ che mchog rnam gnyis zhes kyang 'byung/ pad mo zhes bya ba la/ pad ma ni shes rab kyi rtags to/ chos thams cad la dpyod kyang/ bag chags su mi 'gyur ba'o/ /phreng zhes bya ba ni/ thabs kyi rtags te/ sprul pa'i phreng ba rgyun mi 'chad pa la bya'o/ /dper na thabs dang shes rab zung 'brel pas/ 'khor ba dang mya ngan 'das pa la mi gnas pa'i don to/ /don bsdus pa zhes bya ba ni/ gsung rab bcu gnyis dang/ tan tra ? co brgyad la sogs pa las bsdus pa'o/ /de nas bcom ldan 'das dpal kun rig rnam par snang mdzad la/ bcom ldan 'das rdo rje sems dpa' rig pa'i byin brlabs las byung ba'i mchod pas/ rgya yongs su ma chad pa'i gzhal yas
- 89b
khang/ bla re dang/ gdugs dang/ rgyal mtshan dang/ sgeg mo la sogs pa phyi nang gi mched pa brgyad kyis mchod de/ lan gsum skor ba byas nas/ sa so rig pa bdun pa'i phyag 'tshal nas/ spyan sngar 'dug ste/ 'di skad gsol to/ /zhes bya ba ni bcom ldan 'das/ dpal rnam par snang mdzad la/ rdo rje sems dpas don bsdus bar gsol ba'i phyir/ rig pa'i byin gyis brlabs las byung ba'i mchod pa'i sprin chen pos mchod de/ 'og nas byung ba'i 'di skad gsol ba btab pa'i don to/ /bcom ldan 'das dus gsum du gshegs pa'i sangs rgyas bcom ldan 'das kyis mkhyen pa/ sangs rgyas bcom ldan 'das rnams kyi dpyod yul/ nyan thos dang thun mong ma lags pa thabs gang gis rtogs pa de/ tshe 'di nyid la thams cad mkhyen pa'i go 'phang thob par 'gyur ba'i don brlabs te bshad du gsol/ zhes lan gsum du gsol ba btab bo/ zhes bya ba'i tha tshig go/ de skad gsol ba btab pa dang/ ci yang mi gsung bar 'dzum pa mdzad nas 'di skad bka' stsal pa/ zhes bya ba ni/ rdo rje sems dpa' don bsdu bar gsol ba gnang nas/ da ltar dang ma 'ongs pa'i sems can thams cad la phan pa'i phyir/ don bsdu bar gsol ba 'di yin no snyam nas dgyes te/ 'dzum pa mdzad nas 'og ma nas 'byung ba skad bka' stsal ces bya ba'i tha tshig go /sems dpa' chen po nyon cig /don 'di dang phyi nang gi chos thams cad 'dra ste/ bden pa gnyis su 'dus so/ /bden pa gnyis la yang tshul 'di ltar rig par bya'o/ zhes bya ba ni/ go bar bya ba'i phyir/ sems dpa' chen po zhes/ rdo rje sems dpa' la pos ba'o/ /'di'i don dang phyi nang gi chos thams cad 'dra ste zhes bya ba ni/ thabs kyi zhags pa padmo 'phreng gi don dang/ phyi snod kyi 'jig rten dang/ bcud kyi 'jig rten gyi chos thams cad 'dra po zhes bya ba'i don to/ /ci'i phyir 'dra zhe na/ zhes bya ba smos te/ snod bcud kyi 'jig rten gyi chos dang/ thabs kyi zhags pa pad+ma 'phreng gyi don dang 'dra ste/ chos thams
- 90a
cad bden pa gnyis su 'dus pa'i tha tshig go /de la bden pa gnyis ni gad/ tshul ci ltar rtog par bya zhe na/ bden pa gnyis la tshul 'di ltar rig par bya zhes smos te/ bden pa gnyis ni don dam pa'i bden pa dang/ kun rdzob kyi bden pa'o/ /de yang nyan thos kyi ltar ma yin gyis/ chos thams cad mtshan ma med pa las byung bas/ don dam pa'i rgyu'o/ /sgyu ma tsam du snang bas/ kun rdzob ni 'bras bur rig par bya'o/ /de nyid bstan pa'i phyir/ bden gnyis rgyu dang 'bras bu'i tshul/ /de bzhin nyid la gnas bcas nas/ /phyi nang snod bcud rnam par dag/ byed dpyod thams cad tshogs gnyis 'gyur/ zhes gsungs te/ snod kyi 'jig rten lta bu/ chen po lnga gcig gi nang na yang lnga yod de/ de'i chas gzhigs na/ chen po lnga yang ma grub ste/ rang bzhin med pa dang/ nang bcud kyi 'jig rten lta bu yang/ sems dang sems las 'byung ba'i chos/ snga ma ni 'das/ phyi ma ni ma 'ongs pa'o/ /da ltar ni mi gnas pas rang bzhin med do/ /rang bzhin med pa ni/ don dam pa'i bden pa ste rgyu'o/ /de las so so'i rtsal sgyu ma tsam du yod pa ni/ kun rdzob kyi bden pa ste 'bras bu'o/ /chos de dag gi de bzhin nyid ni don dam pa ste/ rgyu la mi gnas pa'i tshul gyis gnas na/ phyi nang gi snod bcud kyi 'jig rten 'bras bu'i chos la ji ltar dpyad kyang sgrib pa rnam gnyis su mi 'gyur te de ltar chos thams cad la dpyad kyang/ mtshan nyid med pas/ bag chags su mi 'gyur ba ni ye shes kyi tshogs so/ /bdag dang 'phags pa thams cad mnyam pa'i phyir/ /spyod pa ni bsod nams kyi tshogs su 'gyur zhes bya ba'i don no/ /bsod nams dang ye shes kyi tshogs ni/ pha rol tu phyin pa bcu dpyad pas rdzogs zhes 'byung na/ de dag rdzogs sam zhe na/ rdzogs par bstan pa'i phyir/ pha rol phyin bcu rdzogs pa ste/ /sa bcu rim gyis bkod pa la/ /mnyam nyid rig pa'i rdo rje yis/ /
- 90b
sa rnams mnyam pa nyid du sbyor/ zhes gsungs te/ bag chags su mi 'gyur bas/ chos thams cad la dpyod pa ni/ sbyin pa'i pha rol tu phyin pa'i 'bras bu dang bcas pa'o/ /nyon mongs pa rnam par byang ba mi zhan par rig nas/ bdag dang 'phags pa thams cad so so ma yin tha mi dad par rtog pa ni/ tshul khrims kyi pha rol tu phyin pa'o/ /'di lta bu'i chos la bzod pa 'am/ 'khrul par 'gyur kyang sgrib par mi 'gyur ba dang/ mtshan dang dpe byad 'og nas 'byung ba ltar rig pa ni/ bzod pa'i pha rol tu phyin pa'o/ /spyod lam rnam bzhir gnyid log kyang/ bsod nams dang ye shes kyi tshogs su rig pa ni/ 'bad pa med pa'i brtson 'grus kyi pha rol tu phyin pa'o/ /dbang po lnga ni rigs lnga/ yul lnga ni yum lngar rig nas/ sems g.yos kyang/ chos dbyings las mi 'gyur par rig cing/ rdo rje lta bu'i ting nge 'dzin gyis/ chos thams cad la thogs pa med par 'jug pa ni/ bsam gtan gyi pha rol tu phyin pa'o/ /'khor ba'i chos la spyod kyang/ mya ngan las 'das pa dang/ so so ma yin par rig pa ni/ nyan thos las khyad par che bas/ shes pa'i na? ma khyad par cha 'am/ phul zhes bya ste/ shes rab kyi pha rol tu phyin pa'o/ /kun nas nyon mongs pa'i chos thams cad rnam par byang ba'i chos su rig cing/ 'phags pa thams cad mnyes pas/ bdag dang gzhan gyi don du 'gyur zhing grol ba ni/ thabs kyi pha? rol tu phyin pa'o/ /bdag dang 'phags pa thams cad so so ma yin pa dang/ zhing dang dpyod yul thams cad yongs su dag par rig pa ni/ smon lam gyi pha rol tu phyin pa'o/ /'khor ba dang kun nas nyon mongs pa las/ mya ngan las 'das pa dang/ rnam par byang na? gung na med par rig ste/ 'khor ba dang kun nas nyon mongs pa gnon pa ni/ stobs kyi pha rol tu phyin pa'o/ /gang zag la bdag med par rtogs pas/ bag chags la sogs pa'i gnas med cing chos la bdag med pas/ bag chags rang rang gi
- 91a
ngo bo yang med par rig cing/ de ltar rig pa'i ye shes su dus thams cad du 'gyur ba ni/ ye shes kyi pha rol tu phyin pa'o/ /de'i 'bras bu ni/ sa dang po nas bcu pa'i bar du ste/ nyan thos kyi ltar rim gyis bgrod pa ni ma yin gyi/ stong pa nyid kyi ye shes rdo rjes/ mnyam pa nyid du sbyor bas/ sa bcu yang tshe 'di nyid la skad cig gis rdzogs par byed do/ /de ci'i phyir zhen/ sems dpa' chen po nyon cig /zhes bya ba ni/ kun nas nyon mongs pa'i chos dang/ rnam par byang ba'i chos/ mtshan nyid gcig tu ston pa las the tshom za bar dogs nas/ 'di skad gsungs so/ /rdo rje lta bu'i ye shes kyis/ /chos kun sgyu mar rig pa'i phyir/ /dngos dang dngos med bag chags bsregs/ /yang na ye shes me zhes bya/ zhes gsungs te/ stong pa nyid kyi ye shes kyis chos thams cad sgyu mar rig pa'i phyir/ dngos po rtog par lta ba dang/ stong pa chad par lta ba la sogs pa/ las legs nyes gnyis kyi bag chags bsreg pa'i phyir/ ye shes kyi me zhes bya'o/ /yang gsungs pa/ dgu dang 'bras bu rnam smin ni/ /med min rgyu 'bras mthun par grub/ /de bzhin mnyam nyid ye shes kyis/ /rig pas tshogs su 'gyur bas so/ /zhes gsungs te/ las dge sdig gi 'bras bu ni/ dper na mun pa'i nang du sgron me byung na/ mun pa'i bsam pas sgron ma 'ongs pas mun pa bros so snyam du yang mi sems kyi/ sgron mas kyang/ mun pa bsal lo snyam du mi sems mod kyi/ sgron ma byung na/ mun pa chos nyid kyis 'gro ba dang 'dra bar/ las dge sdig kyang mtho rim dang/ ngan song bsgrub bo snyam yang mi sems/ mtho ris ngan song gis kyang/ dge sdig bsgrub bo snyam mi sems mod kyi/ sems kyi khyad par gyis de ltar grub bo/ /de bzhin du chos thams cad mnyam pa nyid du rig pas kyang/ sangs rgyas su bsgrub bo snyam du mi sems kyi/ chos nyid kyis grub ces bya ba'i tha tshig go /de la
- 91b
yang mnyam pa nyid la yang rnam pa bzhi ste/ phyi'i yul chen po lnga ste/ de bzhin gshegs pa lngar mnyam pa dang/ nang gi sems ye shes mnyam pa dang/ kun rdzob tu lha dang/ lha mo'i tshul du mnyam pa dang/ don dam par skye 'gag med par tshul du mnyam pa'o/ /de lta bu chos mnyam pa nyid kyi rig pa dang mi ldan na/ mi dge ba bcu'i las kyi 'bras bu ni/ ngan song gsum gyi sdug bsngal du ltung ngo/ /dge ba bcus ni 'dod khams kyi lha dang mir grub bo/ /mi g.ye bas ni gzugs dang gzugs med pa'i khams su skyes te/ de dag ni rnam par smin pa zad nas/ ngan song du ltung ngo/ /de bas na dpal mchog dang po las/ sems dpa' chen po rang gi rig pa'i ye shes kyis sems can thams cad mnyam pa nyid rtogs pa med na/ sangs rgyas kyis la spyi bo nas lag gis drangs te bzhag na yang/ sems can dmyal ba'i gnas su mthong ngo/ /rang rig dang ldan na/ dmyal ba'i gnas kyang/ sangs rgyas kyi zhing yongs su dag par mthong ngo/ zhes gsungs so/ /dper na lha'i bu dri ma med pa'i 'od kyang/ /ngan song sbyong ba'i dkyil 'khor byas pas/ ngan song las mtho ris su thar gyi/ rang rig pa'i ye shes med pas/ sangs rgyas ma grub bo/ /zhes bshad do/ /de bas chos thams cad la mnyam pa nyid du rig nas/ dge sdig gi chos thams cad 'dra ste/ bsod nams dang/ ye shes kyi tshogs su 'gyur zhes bya ba'i tha tshig go /mnyam pa nyid kyi don gsal bar rig pa med pa rnams kyis ni/ dge ba bcu la goms par bya bar rigs so/ /mnyam pa nyid du rtogs pa rnams kyis kyang/ dge ba bcu la/ gtsor len pa ni/ de nyid mnyam par mi rung? ste/ nyan thos kyis yin no/ /theg pa chen po'i chos gnyis ka /sangs rgyas kyi snod rim pa dang sbyar te/ sems can gyi don du 'gyur bar gsungs par 'dra bas/ nyan thos kyi chos la lhag par sun dbyung zhing spang bar mi rung ngo/ /rang gi shes rab rtul bas/
- 92a
chos mnyam pa nyid ma rtogs pa'i phyir ro/ /chos mnyam pa nyid sun dbyung bar mi bya'o/ /rnam pa gcig tu na sems can dmyal ba'i chos kyang mi bkol ces 'byung na/ nyan thos lta ci smos te/ thams cad mnyam par dpyad de/ tshe 'di nyid la thams cad mkhyen pa'i go 'phang thob ces gsungs pa bstan pa'i phyir/ lam gyi nang na nye lam bde rdzogs pa/ /thabs kyi nang na mnar dam pa ste/ /bsgrubs nas tshe 'dis sangs rgyas che ba yang/ /blang dor med pas sku rdo rje thob ces gsungs te/ 'dod pa'i yon tan rnam pa lnga ni/ mchod pa rnam pa lnga'i rang bzhin pas/ 'dod chags ni longs spyod rdzogs pa'i sku'o/ /zhe sdang gtum khro thugs rje chen po'i stobs/ stong pa bdag med pa'i don dang sbyar nas/ sems can log par phyogs pa dag/ hUM gis rnam par shes pa bsdus/ ho ye shes kyi rlung gis btags te/ dmigs su med pa'i don la sbyor zhing/ gang stobs pa'i phyir/ zhe sdang gi sprul pa'i sku'o/ /gti mug gi ni chos thams cad rnam par mi rtog pa'i khongs su 'dus pas/ chos kyi sku'o/ de lta bas na dug gsum ma spangs par/ sku gsum du gyur pas nye lam mo/ /rnam pa gcig tu nyan thos kyi ltar byas na/ khams gsum gyi nyon mongs pa bsgom pas spang bar bya ba 'ba' zhig kyang/ brgya dgu bcu rtsa brgyad yod de de dag spangs na dgra bcom pa'i 'bras bu thob po/ /de nas sdod shes bya'i sgrib pa spong ste/ bskal pa grangs med pas/ chos mnyam pa nyid rtogs nas sangs rgyas so/ /de ltar chos mnyam pa nyid rtogs nas/ nyan thos kyi ltar kun nas nyon mongs pa dang/ rnam par byang ba'i chos so sor lta zhing/ nyon mongs pa ni spong/ rnam par byang ba'i chos thob par 'dod pa lta bu ni yin gyi/ rim gyis spang du med de/ kun nas nyon mongs pa'i rang bzhin med par rig nas/ rnam par byang ba yin pas/ spang du med de/ dper na nyi ma shar nas yul khams rgyud de shar ba
- 92b
ni ma yin gyi/ 'dzam bu gling dus gcig du lhag gis 'char ba dang 'dra bar/ chos mnyam pa nyid du rig nas/ sgrib pa rim gyis spang du med de/ thams cad mkhyen pa'i go 'phang dus gcig du thob bo zhes pa'i tha tshig go /bcom ldan 'das kyis kyang/ sems can drang pa'i thabs bsam gyis mi khyab pa zhig gsungs te/ de dag gi nang nas dam pa 'di yin no/ /de bas na 'di las 'byung ba bzhin bsgrubs na/ tshe 'di nyid las ye shes mnyam pa nyid kyi klong chen du gyur nas/ sangs rgyas kyi sa phyi mar bsdad? mi dgos te tshe 'di nyid la 'grub bo/ /nyan thos ltar dge ba ni rung/ mi dge ba ni sgribs 'dos pa lta bu ni ma yin gyi/ ci ltar dpyad kyang bsod nams dang/ ye shes kyi tshogs su 'gyur zhes bya ba'i tha tshig go /'phags pa thabs kyi zhags pa pad 'phreng gi bden pa gnyis bstan pa'i le'u ste/ dang po'o// // da ni sgor 'jug pa'i 'tsham tshim bstan pa'i phyir/ sems dpa' chen po dam tshig ni/ bdag dang gzhan la phan pa'i phyir ngas bshad do/ zhes gsungs te/ gti mug zhe sdang nga rgyal/ 'dod chags phrag dog ni/ bsrung du med pa'i sdom pa can/ /de ni dam tshig rdo rje yin/ /zhes gsungs te/ gti mug ni rnam par snang mdzad kyi dam tshig ste/ ci'i phyir zhe na/ ma rig pa ni spang du med/ rig pa ni bsgrub tu med/ chos kyi dbyings su ro gcig pa'i phyir ro/ /zhe sdang ni mi 'khrugs pa'i dam tshig ste/ chos kyi dbyings las kyang ma gyur ? thams cad du 'dus pa'i phyir ro/ /nga rgyal ni rin chen 'byung ldan gyi dam tshig ste/ chos thams cad mnyam pa nyid du bden par rig nas/ de la sran tshugs pa'i phyir/ 'dod chags ni snang ba mdza' yas kyi dam tshig ste/ thams cad dbang du byed pa'i tha tshig go /phrag dog ni thams cad gdon mi tha bar grub pa'i dam tshig ste/ chos mnyam par ma rtogs pas/ dge sdig yod pa'i phyir phrag dog go /mdor na chos thams cad mnyam pa nyid du chud de/ rang rig pa'i ye shes can du gyur na bsrung ba dang mi bsrung ba
- 93a
med de/ thams cad chos kyi klong du gyur pas/ grub pa yin pa'i phyir bsrung du med kyi/ ma grub cing sems la ye shes nyams pa med bzhin du dam tshig ma bsrungs na/ dmyal ba'i yang gting du 'gyur te/ mnyam pa'i ye shes ma rtogs pas/ mnyam la skur pa btab pa yin no/ /dam tshig chen po ni/ dag pa rnam pa gsum ste/ de nyams su myong zhing/ log par bya ba'i gnya' non du/ dam tshig lnga dang/ /dam rdzas lnga dang/ chos la dge sdig med pa dang/ zas la gtsang sme med pa'i dam tshig ma nyams na/ dug lnga spyod kyang/ de'i skyon gyis mi gos pa ni lus rdo rje zhes bya/ dag gis sna tshogs su smras kyang/ nyes pa'i skyon gyis ma gos pa'i phyir dag rdo rje zhes bya'o/ /de ltar rig pa ni sems rdo rje zhes bya'o/ /'phags pa thabs kyi zhags pa padmo phreng ba las/ dam tshig bstan pa'i le'u ste/ gnyis pa'o// //da ni dkyil 'khor gsum sems dpa' chen po dbang 'di dag ni/ rang gi rig pa'i rtsal gyis thob bo/ zhes gsungs te/ dkyil 'khor rnam gsum gyi tshul gyis/ chos thams cad mnyam pa nyid du rig pa ni/ dbang rang bzhin gyis 'thob bo zhes pa'i don to/ /thabs dang shes rab dbang chen te/ /rdo rje dril bu rig pas 'dzin/ /mya ngan 'das dang 'khor ba yi/ /'dod pa'i chos la dbang byed pa'o/ zhes gsungs te/ de yang ci lta bu zhe na/ mya ngan las 'das pa dang/ 'khor ba'i chos thams cad la/ ji ltar 'dod pa bzhin dbang byed ces gsungs te/ rigs kyi gtso bo ni thabs te/ longs spyod rdzogs pa'i sku'o/ /rigs kyi gtso bo ni shes rab ste/ chos kyi sku'o de dag gi byin gyis brlabs las byung ba'i byang chub kyi sems skye ba ni/ sprul pa'i sku'o/ /de dpyod pa 'phags pa thams cad dang/ bdag tu tha mi dad par dpyod pa ni/ sku gsum thob pa'i dbang ngo/ rdo rje ni thabs kyi rtags te/ chos thams cad la dpyod
- 93b
pa'o/ dril bu ni shes rab kyi rtags te/ chos thams cad la sgyu mar rig pa'i phyir/ 'khor ba dang mya ngan las 'das pa'i chos thams cad la/ ji ltar 'dod par dbang sgyur zhing dpyod do/ glang po las kyang/ phyogs bcu'i 'jig rten gang nas kyang/ /sangs rgyas rnyed par yod mi 'gyur/ /rig pa'i sems nyid sangs rgyas te/ /sangs rgyas gzhan tu ma tshol cig /ces 'byung ba lta bu'o/ 'phags pa thabs kyi zhags pa padmo 'phreng ba las dbang gi le'u ste/ gsum pa'o// //da ni mchod pa'i mchog bstan pa'i phyir/ sems dpa' chen po mchod pa'i dpa' i mchog ni 'di ltar rig par bya'o/ nyan thos las khyad par cher 'phags pa'i phyir mchod pa'i mchog ces bya'o/ /ci'i phyir mchod pa dang mchod ces gsungs te/ bdag mchod kun mnyes thams cad 'drangs/ /kun la phan pa'i sman yin te/ rnal 'byor bdag nyid chen po yis/ /thams cad brgyan cing bza' bar bya/ zhes gsungs te/ 'phags pa thams cad dang/ stong khams kyi sems can dang/ bdag tu chos kyi dbyings mnyam pa nyid kyi so so ma yin pa mi dad par rig pa'i rnal 'byor pas/ bdag nyid zhal zas 'dod pa'i yon tan lnga rtag tu dpyad te/ bdag tshim pas/ 'phags pa thams cad mnyes par gyur pa dang/ 'di lta bu'i byin gyi brlabs kyis khams gsum gyi sems can thams cad kyang 'drangs shing dga' bas rnal 'byor pas ni/ dus thams cad du mchod pa dang/ gtor ma bya ba dang/ hom yang 'phags pa dang/ bdag so so ma yin pa'i ting nge 'dzin gyis lus kyi nang du ni yi ge bruM las/ gzhal med khang du gyur pa'i dbus na/ 'phags pa rnams bzhugs par gsal bar dmigs te/ kha ni hom bung/ lce ni las/ gang bya ba'i gtso bo dang bcas pa/ lag pa ni hom gzar du dmigs te/ de ltar phun sum tshogs pa'i don yin pas/ bdag nyid khyad par du 'phags pa'i sems dang ldan pas/ bdag ma nor pa'i dbang phyug chen po yin pa'i phyir/ zhal
- 94a
zas dang rgyan gyis brgyan par bya'o/ zhes bya ba'i tha tshig go/ 'phags pa padmo phreng gi don las mchod pa'i le'u ste bzhi pa'o// //de ni dkyil 'khor gsum phye ste bshad par bya'o/ /kun tu 'od kyi sa las 'das/ /pad+ma'i spyan du gyur pas ni/ /rig pa'i byin brlabs chen po las/ /rang 'byung 'od kyi 'du 'dra'i tshul/ /ces gsungs te/ chos kyi sku ni kun tu khyab par gnas so/ /de las 'das par khyab pa ni/ ma chags pa'i spyan gyis chos kyi sku la bltas na/ ji lta bu'i tshul du yang ma mthong ba/ de ltar mthong ba'i tshe/ 'bad pa med par rig pa'i byin brlabs las/ rang 'od kyi 'du 'phro ltar byung ngo/ /dang po yang chos kyi sku'i byin gyis brlabs las 'byung/ slar yang der 'dus te/ mtshan ma med pa las rang bzhin gyis gnas so/ /de ltar 'byung ba gang bcas na/ bstan pa'i phyir/ yi ge tshogs chen 'khor lo ste/ /mchan dang dpe byad kun las 'phro/ /rang bzhin gdum pa'i gzugs can dang/ /mgyogs pa mgyogs ma'i pho nyar ldan/ zhes gsungs te/ yi ge 'bru lnga pos mtshon pa las/ ye shes lnga las gtso bo rnam par snang mdzad dang/ mi 'khrug pa dang/ rin chen dpal dang/ snang ba mdza' yas dang/ gdon mi za bar grub pa'o/ /ye shes lnga'i yul lnga nas/ gtso bo kun tu bzang mo dang/ yangs ma'i spyan dang/ mA ma kI dang/ na bza' dkar dang/ dam tshig sgrol ma'o/ /de'i byin gyis brlabs pa las byung ba ni rtsa gnyis dang sbyar/ sems dpa' bcu drug dang/ sems ma bcu drug ste/ bcu drug gnyis ni sum cu rtsa gnyis te/ mtshan sum cu rtsa gnyis dang sbyar/ sems dpa' bcu drug la/ dbu rgyan lta bu'i rigs lnga lnga zhig 'byung ba ni/ spyir brgyad cu ste dpe byad bzang po brgyad cu dang sbyar ro/ /sems ma la dbu rgyan yod kyi/ gnyis gyi byin gyis brlabs las 'byung bas/ dpe byad kyi skabs su bshad/ rtsis las 'das pa'i
- 94b
nang du rtogs so/ rig pa'i byin rlabs las byung ba'i sems dang/ sems las ma gtogs pa'i mtshan dang dpe byad ni/ 'khor lo bskor ba'i rgyal po yang yod de/ de ni sangs rgyas ma yin no/ /khro bo dang khro mo rnams ni/ mtshan ma'i dpyod yul la/ khro zhing gtum pa de rtag chad kyi mdza' la khro gtum zhes bya ba'i don to/ /pho nya ni 'gro ba med par kun tu phyin pa ste/ chos kyi dbyings dang tha mi dad pa'i don to/ /'di dag 'bad rtsol med par rang 'byung bas/ rang bzhin gyi dkyil 'khor ces bya'o/ /de la 'di ni thig le rdo rje yin/ 'di nas gang zag bdag med pa/ /rtogs par bya phyir ngas bshad de/ /mkhas pas de la sbyor bar gyis/ zhes gsungs te/ de la thig le ni chos kyi dbyings so/ /rdo rje ni lha dang lha mo'i tshul du yod pa la bya'o/ /don tu na rdo rje dbyings kyi dkyil 'khor zhes bya'i tha tshig go / ting 'dzin gyi dkyil 'khor 'di bshad pas/ gang zag la bdag med par rtags pa'i phyir bshad do zhes pa'i don to/ rnal 'byor pas 'bad mi dgos pas/ lha dang lha mo'i tshul du ji ltar 'byung bar rtogs pa 'am/ 'byor par gyis shig pa'i tha tshig go/ // 'phags pa thabs kyi zhags pa padmo 'phreng ba las/ ting 'dzin gyi dkyil 'khor gyi le'u ste/ lnga pa'o// //da ni gzugs brnyan gyi dkyil 'khor bstan pa'i phyir/ sems dpa' sbyed yul thams cad ni/ 'di ltar rig par bya'o/ zhes gsungs te/ chen po lnga la de bzhin gshegs pa gcig la lnga lngar rig par gyis/ khams gsum bdag nyid yin pa ste/ sku gsum zhes kyang de la bya'o/ /nam mkha' rnam par snang mdzad/ sa mi 'khrug pa/ chu rin chen 'byung ldan/ me snang ba mdza' yas/ rlung gdon mi za bar grub pa'o/ /sa gcig pu la yang sra ba dang/ 'du ba dang/ dro ba dang/ g.yo zhing bskyed pa ste/ de rnams gzhigs na/ nam mkha' bag ma zhi bas lnga lnga yod de/ de bzhin du lhag ma rnams la de bzhin du rig par bya'o/ /de ni sems dpa' dang sems
- 95a
ma'i mtshan nyid do/ /lus ni gzugs kyi khams/ dag ni 'dod pa'i khams/ yid ni gzugs med pa'i khams/ lus ni longs spyod rdzogs pa'i sku yin/ sems ni chos kyi sku yin/ ngag ni sprul pa'i sku'o/ /yang gsungs pa/ ye shes dang ni 'gro ba lnga/ /mnyam pas so sor dbyer med de/ sngags dang phyag rgyas dbang bskur bas/ /spyod lam kun du ma 'da' la zhes gsungs te/ de ltar mnyam pa nyid du rtogs pa ni/ de bzhin gshegs pa dang/ bdag so so ma yin bar rig pas/ sangs rgyas gud nas dpyad mi dgos/ ngag smras so cog sngags yin pas/ snying po lhag par brjod du med/ /lus bskyod do cog phyag rgya yin pas/ phyag rgyas bsrung mi dgos te/ sngags dang phyag rgyas ni/ bdag nyid chen po'i rig pa'i ye shes kyi rtsal? chen por dbang bskur ro/ dper na dbang po lnga ni yab lnga/ yul lnga ni yum lnga ste/ lus ni be ro tsa na/ mig ni ak+Sho b+hya/ rna ba ni a mi de ba/ sna ni rang na sam b+ha ba/ lce ni a mo ka si ti/ gzugs thams cad ni rdo rje sgeg mo/ sgra thams cad ni rdo rje dbyangs/ dri thams cad ni rdo rje phreng ba/ ro thams cad ni rdo rje gar ro/ reg thams cad ni kun tu bzang mo/ tshogs bye ba ni/ bdag gi byin rlabs thams cad 'dus shing/ tshogs pa'i phyir tshogs zhes bya'o/ /dkyil ces bya ba gang zhe na/ thams cad bdag gi sems las sprul pa'i phyir/ ye shes thams cad chos nyid dag pa las sprul pas/ chos dang sems dang rig pas mnyam par gyur pa las/ dkyil de sems la bya'o/ /'khor gang zhe na/ thams cad dbus mdza' med par ye shes kyis khyab cing rdzogs par spyod pa ni 'khor zhes bya'o/ /de lta bu ni tshogs kyi dkyil 'khor zhes bya'o/ /yang rnam gcig tu sgo lnga'i rnam par shes pa rang thad du ma 'phros te/ yang rnam gcig tu/ sems dang yid dang/ rnam par shes pa zhes bya ste/ 'di gsum du kun 'dus pas/ dkyil 'khor thams cad 'byung ba'i rgyu yin no/ /
- 95b
de la sems kyi rang bzhin kun gzhi'i rnam par shes pa la/ bag chags sna tshogs pa bsags pas gnas gyur te/ bsod nams kyi zhing dag pa ni/ chos kyi dbyings rnam par dag pa'i ye shes te/ de bzhin gshegs pa'i rigs so/ /kun gzhi'i rnam par shes pa phyi nang gi 'jig rten la/ rgyun mi 'chad par rtogs shing sna tshogs kyi rang bzhin du 'jug pa nyid/ rang thang tu 'phros te/ ye shes su 'phros pas rnam par dag pa'i thabs su rig cing/ gnas su gyur pa ni me long lta bu'i ye shes rdo rje'i rigs so/ /nyon mongs pa'i yid bdag tu lta ba gnas su gyur pa ni mnyam pa nyid kyi ye shes te/ rin po che'i rigs so/ /sgo lnga'i rnam par shes pa rang thad du ma 'phros te/ ye shes su blta bas su/ rnam par dag pa'i thabs su rig cing gnas gyur pa ni/ bya ba nan tan gyi ye shes te las kyi rigs so/ /yid kyi rnam par shes pa gzung 'dzin gyi dang du rtogs pa can/ yul la rang thad du ma 'phras pas/ rnam par dag pa'i thabs su rig cing gnas gyur pa ni/ pad+ma ltar thabs kyi sgo sna tshogs kyis/ so sor kun tu rtogs pa'i ye shes te pad+ma'i rigs so// ye shes su ltas pas ni/ rnam par dag pa'i thabs su rig pas/ kun tu lta ba'i bsnol te khar ni rab sbyar nas/ ldan pa g.yas su byo ba las/ /chags pa'i tshul gyis lta ba las/ /rdo rje 'bebs pa'i phyag rgya yin/ /lag gnyis thal mo mnyam sbyar nas/ /sor mo rgyab tu bsnol nas su/ gung mo gnyis gshibs bsgreng ba ni/ /rdo rje sems dpa' i phyag rgya yin/ /lag gnyis sor mo bsnol nas su/ /gung mo gnyis kyi rtse mo rnams/ /myu gu'i tshul du bkug pa ni/ /rdo rje rin chen ma'i phyag rgya/ /lag gnyis sor mo rnams bsnol te/ /phan tshun gsum po bsdams pa las/ /gung mo bar du bkug bsnol nas/ /rdo rje las ma'i phyag rgya yin/ /'phags pa thabs kyi zhags pa padmo phreng ba las/ phyag rgya'i le'u ste bcu pa'o// //da ni rig sngags
- 96a
gcod pa'i le'u bshad de/ de nas dkyil 'khor gyi lha dang/ lha mo rnams la phyag na rdo rje la sogs pa byang chub sems dpa' brgyad dang/ 'khor phal po che dbyangs dang mthun par bstod nas/ /oM phyogs bcu'i 'jig rten rab 'byams ni/ /rgyal ba gang bzhugs 'khor dang bcas/ /bla med lha lnga lha mo yi/ /grub pa'i byin brlabs bsam mi khyab/ /oM sems pa bcu drug rigs kyi gtso/ /sems ma bcu drug rigs kyi yum/ /mthu chen khro bo khro mo dang/ /pho nya 'jig rten skyong dang ldan/ /oM sngon gyi thugs dam chen po ni/ /'jig rten ma lus thams cad kun/ /rgyal ba'i zhing du sbyor bas na/ /phyag rgya chen por bdag sbyor cig/ oM dpa' po chen po mthur ldan rnams/ thugs rje chen po'i byin brlabs kyis/ /bdag gi lhag pa'i bsam pa rnams/ /grub par byin gyis brlab tu gsol/ /oM khams gsum zhing du sbyor la phyag 'tshal lo/ /dmigs med chos kyi sku la phyag 'tshal lo/ /longs spyod rdzogs pa'i sku la phyag 'tshal lo/ /cir yang sprul pa'i sku la phyag 'tshal lo/ zhes bstod nas/ nyid kyi thugs kar zhugs te/ rol pa khro bo zhes bya ba'i ting nge 'dzin la snyoms par zhugs nas/ khro bo'i rtog pa bshad do/ /de nas bcom ldan 'das rdo rje sems dpa' la/ lag na rdo rjes 'di skad ces gsol to/ /bcom ldan 'das da ltar dang/ ma 'ongs pa'i dus na/ gcer bu pa dang/ kun tu rgyu la sogs pas/ so so'i rig sngags kyi las kyis/ lha ma hA de ba la sogs pa/ 'jig rten gyi lha dang/ gnod sbyin mthu bo che dang/ 'phra men thams cad bskul nas/ sems can la srog gi bar chad bgyid 'tshe bar bgyid/ shin du sdug bsngal bar bgyid na/ de thabs gang gis bzlog par bgyid/ sbyor ba bcad par bgyi/ bka' stsal pa/ lag na rdo rje nyon cig /'di ni de bzhin gshegs pa'i sku dang gsung dang/ thugs rdo rje'i bdag pos sngon yang bshad de/ lag na rdo rje khyod kyis byas pa'i gsang sngags dang/
- 96b
srid bzad par bya ba'i gsang sngags thams cad kyang bzlog par byed/ gnon par byed na/ kun tu rgyu la sogs pa gzhan lta ci smos/ de nas bcom ldan 'das kyis rdo rje mtshon cha'i/ ting nge 'dzin la snyoms par zhugs nas/ sku dang gsung dang thugs rdo rje las/ gsang sngags bzlos shing gnon pa dang/ sbyor ba gcod pa zhes bya ba 'di gsungs so/ /oM dzwa la badzra hUM/ man+t+ra sum ba ni/ oM dzwa dzwa la hUM/ oM bruM/ hUM bruM traM bruM/ traM bruM/ a bruM/ 'di gsungs ma thag tu/ phyogs bcu nas mtshon cha'i char chen po bab ste/ lag na rdo rje nyid kha spub tu 'gyel nas/ khrag tu skyugs bar gyur to/ /lha dang gnod sbyin thams cad brgyal te/ lus dum bur chad par gyur to/ /de nas bcom ldan 'das kyis/ de dag gi sbyor ba chad par rig nas/ slar langs te/ oM badzra swa da twa ra dza dzha/ de nas bcom ldan 'das kyis/ lag na rdo rje la bka' stsal pa/ lag na rdo rje khyod nyid kyang/ 'di las 'da' bar ma byed cig/ khyed kyi 'khor thams cad kyang 'di las 'da' bar byed na/ thams cad rlag par 'gyur ro/ /de bzhin du lag na rdo rje khyod kyis/ lha dang gnod sbyin thams cad la yang bsgo zhig /de nas lag na rdo rjes gsol pa/ bcom ldan 'das 'di na srid gsum 'dul bar bgyid la/ mthu po che thams cad kyi nga rgyal gcod pa dag lags te/ ci ltar bcom ldan 'das shAkya thub pas/ mthu stobs dang ldan pa'i slad du/ bdag gi ming lag na rdo rje zhes btags nas/ 'dir rdo rje sems dpas/ bcom ldan 'das kyi byin gyis brlabs kyis/ sngags 'di smras pas/ bdag kyang khrag tu skyug cing 'gyel bar gyur na/ gzhan lta ci smos te/ 'di ni 'da' bar dka' ba'o/ /gnod sbyin rnams la yang bsgo'o/ /de nas bcom ldan 'das kyis ma 'ongs pa'i dus na/ gsang sngags 'di grub pa'i cho ga bshad de/ ma las nyi ma'i dkyil 'khor du dpal chen khrag 'thung spyan drang ngo/ /sku ni dud ka chen mo la/ /dbu skra kham nag ral pa can/ /dbu gsum po la phyag drug ste/ /dmar dang dung ka gnag pa'i yin/ /g.yas
- 97a
kyi gsum na thogs pa ni/ /sti ra'i dbyug pa chen po dang/ /dung chen dmar gyis bkang ba la/ /rdo rjes dkrug cing 'thung bar brtag/ g.yon gyi gsum na thogs pa ni/ sti ra'i rgyu ma thogs pa dang/ /khyung gi khra chen thogs pa dang/ stir 'phra mo'i gsus pa nas/ /glo snying nang khrol 'dren cing za/ /gtsug tu rnam par snang mdzad nyid oM/ /phrag pa g.yas pa ak+Shob+hya hUM/ /g.yon na ratna sa ma b+ha ba traM/ /rkang pa g.yas na a mo si ti a/ /g.yon na a mi de ba h+rI:/ pruM las rdo rje 'khor lo dang/ /rdo rje rnams ni rig sngags brtag/ ke ri dang ni tse'u ri dang/ pra mo ha dang pe ta li/ gzhan yang bya tri mu ka dang/ sid ha mu ka dang/ sri la mu ka la sogs mgyogs ma rnams/ /sti ral ni 'bru tshugs su/ /lta zhing rtod pa'i tshul las ni/ /ha ha de nas skad cig yud tsam la/ sngags nyid dang spod gtong bcas te/ 'gugs pa'i pho nyar brtag par bya/ /ras sam gro ba 'am rtswa rnams la/ /khro bo'i gzugs su bris pa 'am/ /yang na skud pa nag pos bcing/ /ha ha'i gad mo chen po dang/ /rdo rje bskul pa'i glu blangs te/ /pho nya rnams kyang mdag par bya/ /de nas rig sngags bzung nas kyang/ /rtsa'i gzugs la gnas pa dang/ /'khor lo la sogs mtshon cha yis/ /de dag phye mar rlag par bya/ /badzra tsag kra bruM/ phye ma de dag gtubs nas kyang/ /thod pa gzhu dang bcas pa yis hoM khung gru gsum sgo ca du/ /raM zhes bya ba'i me spar nas/ /drang srong 'khor rnams g.yab mos bod/ /de nas rig sngags bsreg par bya/ /de ltar lha dang bdag sbyar nas/ /rnam lnga'i chis dang ldan par bya/ /ma mo chen mo sha la spyon/ 'byung po'i sha ni zan pas zhim/ /'byung po'i khrag ni chang bas zhim/ /ma mo chen mo khrag la spyon/ /ma mo chen mo rkang la spyon/ /'byung po'i rkang ni mar bas zhim/ /'byung po'i rus pa zhim pa ste/ /'di dag gsol ste mnyes par mdzod/ /glu dang gar dang gang
- 97b
rgyangs kyis/ /so sor mchod de bsgrub par bya/ /zin pa'i sems can gang yang rung/ /de dag skud pa nag pos bcing/ /de yang dum bur gcad par bya/ /de nas mi de snga ma bzhin/ /tshe gnas bya phyir 'bru lnga yis/ /gnas lnga dag tu rnams bkod de/ /zin pa'i sems can srung bar bya/ /tsha zhing rtsub pa'i shin dang ni/ /sha dang chang dang yo byad rnams/ /gnag cing tsha ba rnams sbyar te/ /lha chen rnams la mchod par bya/ /de nas las rnams grub pa dang/ /ha ha la sogs gang mo dang/ /glu dang rdo rje dbyug pa yis/ /lha rnams dag la thim par bya/ /'di ni bdag nyid bsrung ba dang/ las rnams thams cad grub par byed/ /shar phyogs na 'phre men ma ke'u rim/ /kha dog sngon mo phyag gnyis te/ phyag g.yas pa na badna d+ha tsan dan dmar pos bkang ba thogs pa/ g.yon zhing chung gi dbyug pa thogs pa ste/ oM badzra ke ri dza dza hUM/ zhes stong rtsa brgyad bzlas te bcol na/ sangs rgyas kyang 'gugs nus na/ gzhan lta smos kyang ci dgos/ che ge mo zhig khu gcig ces bcol la/ gtor ma tsan dan dmar chen gyis arga la/ om ru lu ru lu hUM b+hyo/ zhes brjod cing/ arga lan gsum sbred do/ /lho phyogs nas tse'u ri kha dog ser mo/ /phyag na mda''gengs pa/ oM badzra tse'u ri ha dza dza/ zhes stong rtsa brgyad bzlas te bcol na/ phyag na rdo rje'i mthu yang 'phrog nas na/ gzhan lta smos kyang ci dgos/ nub phyogs na pra mo ha kha dog dmar mo/ phyag na chu srin gyi rgyal mtshan thogs pa/ oM badzra pra mo ha dza dza zhes brgya rtsa brgyad bzlas te bcom na/ phyag na rdo rje yang rang bzhin gyi mthu gzhan nas dbang du 'od na/ gzhan lta smos kyang ci dgos/ byang phyogs na pe ta li/ kha dogs ? phyag g.yon gzhir rung 'dzin ces bya ba/ phyag g.yas na rdo rje 'byar ba/ oM badzra pe ta li hUM dza dza/ zhes stong rtsa brgyad bzlas te bcol na/ 'jig rten dang 'jig rten las 'das pa'i dngos grub thams cad kyang 'grub na/ 'jig rten gyi bsgrub
- 98a
pa 'phran tshegs lta ci smos/ /shar lho mtshams nas pu ka si kha dog dmar ser/ phyag gnyis zhing chung gi ba su ta 'dren cing za ba/ oM badzra pu ka si hUM dza dza/ zhes bzlas te bcol na/ phyag na rdo rje yang 'chi zhing 'dren par nus na/ gzhan lta ci smos/ lho nub kyi mtshams na/ kas ma ri/ kha dog ljang gu/ phyag g.yon ban d+ha tsan dan dmar pos bkang ste/ rdo rjes dkrug cing 'thung ba/ oM badzra kas ma ri hUM dza dza/ zhes stong rtsa brgyad bzlas te bcol na/ phyag na rdo rje yang myos par 'gyur na/ gzhan lta smos kyang ci dgos/ nub byang mtshams na/ badzra sma shin kha dog ljang gu/ /zhing chung lag pa gnyis kyis bzung ste/ snying gnas zab/ oM badzra sma sha ni hUM dza dza/ zhes stong rtsa brgyad bzlas te bcol na/ za ma dang ma ning yang rgyud 'phel bar 'gyur na/ dbang po tshang zhing nyams pa med pa lta ci smos/ tshe dang dbang thang 'phel bar bya ba lta ci smos/ 'phra men ma 'di rnams 'phrin las mdzad par skul ba'i tshe/ arg+haM dang gtor ma dbul ba ni gong du smos pa bzhin du tshul bzhin du bgyi/ 'khros nas thams cad kyi phyag cha h+ri bul 'bar ba/ g.yon rde'u chung bsnams pa/ gdan me smug nag gi steng na bzhugs pa/ sku'i kha dog nag po la/ /khrag dang zhag dang thal ba'i thig les tshom bur byas shing/ ba su tas rked pa bcings pa/ gser gyi pags pa gos su gyon pa/ so tra a 'dzas lus brgyan te/ gcer bu'i tshogs smug nag 'bar ba/ g.yon rde'u chung bsnams pa/ gdan me smug nag 'jig rten gyi khams zad cing sreg par byas nas/ slar dpal chen po'i skur thim par byas so/ /de'i phyir rim par bshad par bya ste/ shar phyogs nas sid+d+ha mu ka/ kha dog ser mo zhing kha na thogs pa/ lag pa g.yas g.yon bsnol ba/ seng ge'i mgo can/ lho phyogs na bya gri mu ka/ kha dog dmar po/ lag pa gnyis bsnol te/ mdun na zhing gnas pa la lta ba/ stag gi mgo can/ nub
- 98b
phyogs na sri la mu ka/ kha dog nag po/ lag pa gnyis na zhing chung 'dzin cing lces ldag pa/ wa'i mgo can/ byang phyogs na shon mu ka/ kha dog mthing ga/ zhig lag pa gnyis kyis khong dral te/ lta ba khyi'i mgo can/ shar lho'i mtshams na/ kri ta mu ka/ kha dog dmar gnag/ zhing chung ngu'i ba su ta kha na thogs pa/ lag pa g.yas na ban d+ha/ g.yon na gri thogs pa/ bya rgod mgo can/ lho nub kyi mtshams na/ kang ka mu ka/ kha dog dmar ba lag pa g.yas pa la zhing 'gel zhing rkang pa nas bzung ba/ g.yon pas mgo 'dzin pa/ bya kang ka'i mgo can mchu ring ba/ thor to bkug pa ze ba dmar ba/ nub byang gi mtshams na/ kha kha mu ka kha dog nag mo/ mchus zhing thogs pa/ lag pa g.yas pa pad+ma ban d+ha 'dzin pa/ byang shar gyi mtshams su hu lu mu ka/ kha dog sna tshogs/ lag pa g.yas pa dung chen khrag gis bkang ba 'thung ba/ g.yon pa rdo rje lcags kyu 'dzin pa 'ug pa'i mgo can/ /nang rim 'ug pa'i 'khor gyis bskor ba/ de'i phyi rim bya rog gi 'khor gyis bskor ba de'i phyi rim bya kang ka'i 'khor gyis skor ba/ de'i phyi rim bya rgod kyi 'khor gyis bskor ba/ de dag thams cad kyang zhing mang po gsar rnying spungs pa'i steng na/ zhing la stong pa'i phyir 'thab pa'i tshul ston pa sha dag go /'di dag gi snying po ni 'di rnams so/ /hUM ha he phaT hUM/ /'di kun 'bru re re la yang lan bzhi bzhi brjod do/ /hUM gis gtso bo bskyed/ has nang gi lha mo bskyed/ nyes phyi'i lha mo rgyad bskyed/ phaT kyis thams cad khro bor skul/ hUM gis thams cad 'od zer 'bar bas/ phyogs bcur khyab par bgyi'o/ /lha mo 'od ldan chags kyi bdag/ /he ru ka la phyag 'tshal lo/ /slob dpon lha ni brnyas byed dang/ /rnal 'byor bar du gcod pa dang/ /dam tshig gnyan po 'dral ba dang/ /rdo rje sdun la 'khu ba rnams/ /khyod kyis rdul du brlag nas ni/ /gnod sems ma lus gtan nas phyung/ /dpal chen stan 'ga'
- 99a
na'i tshogs chen po la gshegs pa'i tshe/ sku gsung thugs kyi khro bo'i gzi brjid kyis/ gdug pa thams cad gtan nas 'byin cing/ longs spyod chen po'i tshogs chen po la/ 'ging zhing 'ging ba'i glu bangs te/ thams cad dgyes par mdzad pa yi/ dbyangs 'dis dgyes par mdzad do/ /rdo rje pad+ma'i phyag rgya dpal 'bar bcings nas phyar te mchod cing/ 'khor thams cad gcer bur byung nas/ skra ba shig cing rgyug ste sngags 'di gsung ngo/ /oM e a ra li ho h+ri h+ri h+ri/ de nas tshogs su ? nas/ 'khor thams cad la spyan bgrang nas/ gzigs shing 'dzum ba'i brdas ha ha sang sang sgra phyung ste/ 'khor thams cad kyis kyang/ mgrin gcig tu dbyangs 'di gtso bo la bstod do/ /e ma'o chos/ e ma'o chos kyi don 'byung ba/ /chos don dag pa bdag med pa/ /nam mkha' dang ni mnyam pa'i gnas/ /rdo rje rgyal la phyag 'tshal lo/ zhes brjod pas gtso bo mnyes nas/ /'khor thams cad la gzigs shing/ dam gsal ba'i dbyangs 'di gsungs so/ /kha ga lhya/ sha ta ba ka/ a la la ho/ ma ha pany+tsa a mri ta/ kha ram yo gi ni/ kha raM ta ki ni/ a la la ho/ b+ha ga bAn/ kha kha kha/ lha mo rnams rnga brdung zhing dbyangs zhe na/ rgyud gsum gyi glu tshig/ ta ke ma ta ke ma ta kem/ ge tem ge tem/ ta kem ta kem/ k+Shem k+Shem k+Shem/ /'phags pa thabs kyi zhags pa pad+ma 'phreng las/ rig sngags gcod pa'i le'u ste/ bcu gcig pa'o// //nga na rdo rje srin po rnams kyi dkyil 'khor bshad de/ sems dpa' chen po nyon cig ces gsungs pa ni/ rdo rje srin pa'i dkyil 'khor bshad pa'i phyir/ rdo rje sems dpa' la dbos so/ /hUM bskal pa me ltar 'bar ba yi/ /'od zer 'du 'phro'i klong dkyil nas/ /khro bo chen po rnams bzhugs pa/ /brkyang bskum tshul du gnas pa ste/ zhes gsungs te/ bdud
- 99b
dang bgeg la stsogs pa/ sba skong zhing brlag par gdul pa'i phyir/ 'jig rten gyi khams thams cad me dpung chen po 'bar zhing/ tug com gyi sgra nang du/ 'od zer sna tshogs 'phro zhing 'khyil pa'i dbus na/ khro bo'i 'og nas 'byung ba rnams/ zhabs brkyang bskum gyi tshul du khro gnyer sdang smig tu gzigs shing bzhugs pa'i don to/ /gzhan du na rtag chad kyi mdza' dang/ mtshan ma'i spyod yul dang/ lta ba'i gnas drug cu rtsa gnyis ni/ yang dag pa'i dbyings nyid la 'jug pa'i bar du gcod pas/ bgegs su 'gyur la/ spyir mi rtogs par gyur pas bdud de dag 'joms shing/ skrag pa'i shes rab kyi me la bya/ ye shes lnga'i 'od zer sna lnga las/ thogs pa med par 'jug pa dang/ dbyings nyid la 'khyil te gnyis su med pa'i ting nge 'dzin du thim nas/ mdza' las 'bras te sku mi dmigs pa dkyil lo/ /don gong ma ltar go ba ni sgra ste/ kun tu khyab pa'i phyir sgra chen po zhes bya'o/ /ye shes lnga tha dad par rig cing go ba ni sgra sna tshogs pa yin ces gcig la spros pa'i tan tra las 'byung ste/ brkyang ba ni shes rab ste/ dbyings la dmigs pa'i don to/ /bskum pa ni thabs te/ dbyings nyid la mi dmigs par chud pa'i don to/ /dbus kyi khrag 'thung chen po ni/ /dbu dgu phyag rgya bco brgyad de/ /gshog pa rdo rje gtams pas rdengs/ /zhabs kyang brgyad du rnam par bstan/ zhes gsungs te/ khro bo 'og nas 'byung ba'i dbus na he ru ka gtso bor bzhugs te/ dbu dang po dbus dkar/ g.yas dmar/ g.yon ljang gu/ /bar ma dbus ser/ g.yas sngo/ g.yon dmar skya/ tha ma dbus nag po/ g.yas dmar smug/ g.yon ljang nag go/ dbu skra ral pa? 'am nag gyen du 'khyil ba/ thod pa skam po'i 'phreng bas brgyan pa'o/ /sku mdog nag po zhes kyang 'byung ste/ /sku yang ni mdog dang sku cir yang 'gyur ces 'chad pa mang ngo/ /thod pa rlon pa'i 'phreng ba so ral khar thogs pa/ phyag bco brgyad pa/ g.yas g.yon dang
- 100a
bo gnyis ni/ rdo rje dang dung chen khrag gis bkang ba dkrug cing gsol ba/ /de'i 'og ma gnyis na/ stir zhing chen po rlon pa'i glo snying 'byin cing gsol ba/ de'i 'og ma gnyis na/ sti ra chen po'i nang zhags pa bsngogs te/ lam rgyud lnga'i sems can thams cad la 'debs te/ dbyings la sbyor zhing lta na byed/ de'i 'og ma gnyis na/ sti ra chung dun chad par bcangs te/ ril ming mdzad pa/ de'i 'og ma gnyis na/ nyi ma zla ba thugs kar 'dzin/ de'i 'og ma gnyis na cir yang 'gyur ba'i mtshan cha/ de'i 'og ma gnyis na/ 'phra men mgyogs ma zhes bya ba dang/ gsong ma zhes bya ba khyung dang 'ug pa lta bur sprul pa'i khra thogs nas/ dam las 'gal ba gtong zhes pa'o/ /de'i 'og ma gnyis na/ rlung dang me'i dkyil 'khor thogs pa ste/ 'jig rten thams cad mthor zhing sreg go /de'i 'og ma gnyis na/ chu'i dkyil 'khor dang ri thags te/ 'jig rten gyi khams gnon cing g.yeng bar mdzad do/ /de'i 'og ma gnyis na/ rin po che'i mdzod dang yi bzhin gyi za ma tog ste/ rnal 'byor ba rnams la cis kyang mi tshugs pa'i gra cha la sogs pa dang/ dngos grub rnam gsum yang thob par mdzad do/ /gzhan du na mthar gyis gnas pa'i snyoms par 'jug pa dgu/ chos nyid dang tha mi dad la/ rims su yang snang ba'o/ / stong pa bco brgyad du rig pa de nyid/ ye shes brgyad kyis phyi nang gi dngos po 'jig pa'i phyir/ phyag bco brgyad dang sbyar te/ de ni thabs yin no/ /spyan dgu ni chos nyid las gzhan du mi gzigs so/ /spyan bco brgyad ni/ stong pa bco brgyad la dmigs pas shes rab bo/ /de ltar thabs dang shes rab 'brel pas/ /spyan drang/ snyan dang/ shang dang/ ljags dang/ sku gsung thugs kyang stod pa bco brgyad du gzigs pas/ bco brgyad phrag ste/ khro bo brgya rtsa brgyad do/ /khro bos gzigs
- 100b
pa'i yul gzugs dang/ sgra dang/ dri dang/ ro dang/ reg bya dang/ stong pa bco brgyad phrag drug ste/ de ni dmigs pa'i yul yin pas khro bo brgya rtsa brgyad do/ /de lta bu sha stag ste/ chos thams cad khro bo dang khro mo yin par mkhas pas/ rigs te/ grangs med do des gcig las spros pa'i tan+t+ra las 'byung ngo/ /mkha' lding gi rgyal po'i tshul du rdo rje gshog pas gdengs pa'o/ /phyag mang po gdengs ba la yang bya zhes kyang bshad/ gshog pa ni rdo rje bstams pa ste/ 'jig rten gdengs pa tsam du gdengs pa'o/ gzhan du na chos kyi dbyings las/ ye shes 'phro ba dang thams cad du khyab pas phyin pa'i don te/ zhabs brgyad kyis g.yas g.yon gnyis ni/ ma hA ka la pho mo gnyis brdzis pa'o/ /de'i 'og ma gnyis ni/ tshogs kyi bdag po pho mo gnyis brdzis pa'o/ /de'i 'og ma gnyis ni/ byin ya ka pho mo gnyis brdzis pa'o/ /gzhan du na rnam par thar pa brgyad la zhon pa'i tha tshig ste/ bsam gtan bzhi dang/ snyoms par 'jug pa bzhi sgom zhing chos nyid ma rtogs pa ni/ 'jig rten lha'i bsam gtan no/ /chos nyid rtogs pa ni rnam par thar pa brgyad du 'gyur te/ de'i phyir 'jig rten gyi lha brgyad zhabs kyis brdzis pa ni 'jig rten gyi lha'i bsam gtan chos nyid du mkhyen to/ /chos rtags pas rnam par thar pa brgyad la zhon zhes bya ba'i don to/ /de'i dkyil 'khor khro bo ni/ /dbu gsum phyag drug gsheg pa can/ /zhabs drug rdo rje brag stengs na/ 'jig rten skyong bas 'dud tshul lo zhes gsungs te/ sh+rI he ru ka'i 'khor gyi khor bo re re la yang yan lag nyi shu rtsa bdun/ phyag rgya lnga bcu rtsa bzhi dang ldan par bstan no/ /shar phyogs su khro bo rnam par rgyal ba sku mdog dkar ba dbu dbus dkar ba/ g.yas sngo g.yon ljang ser/ phyag g.yas g.yon dang po gnyis na/ rdo rje dang dung chen dmar gyis bkang ba dkrug cing gsol ba/ de'i 'og ma gnyis na/ tri shul dang 'khor lo bsnams
- 101a
tha ma gnyis na/ sti ra'i dbyug pa dang pha bang bsnams pa'o/ /gshog pa ni gong du bshad pa dang mthun no/ /rdo rje brag gtams pa la brten te/ 'jig rten skyong ba brgya byin zhabs kyis brdzis te bzhugs so/ /gzhan dbu gsum ni/ rnam pa thar pa'i sgo gsum dang sbyar ro/ /phyag drug ni ye shes drug dang sbyar ro/ /zhabs drug ni ye shes drug /yul drug la mi dmigs pa'i tshul gyis mi 'gyur bar bstan te/ bstan pa'i phyir rdo rje brag ces smos so/ /'jig rten skyong ba ni/ dge ba bcu'i las kyis grub pa la/ de la bcings pa ni/ dge ba bcu las 'das pa'i phyir/ mnyam pa nyid la spyod pa'i don to/ /de bzhin du khro bo khro mo 'og nas 'byung ba'i phyag mtshan rnams kyang tshul de ltar sbyar ro/ /shar lho mtshams su be con sngon po/ sku mdog sngo skya/ dbu gsum la dbus sngo/ g.yas kar/ g.yon dmar/ phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na dbyug pa rin po che dang me rbal bsnams/ tha ma gnyis na sti ra'i dbyug pa dang khwa bsnams pa/ zhabs drug me lta brdzis pa'o/ /gzhan ni gong ma dang 'dra/ /sngo phyogs su gshin rje gshed po ste/ sku mdog sngon po/ dbu gsum la dbus sngon po/ g.yas sngo skya/ g.yon ljang gnag /phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar gnyis na dbyug pa mi mgo can dang dgra sta bsnams/ tha ma gnyis na sti ra'i dbyug pa dang bya rog bsnams/ zhabs drug gshin rje la brdzis te bzhugs/ lho nub mtshams su mi g.yo mgon po sku mdog ljang sngon/ dbu gsum pa dbus ljang sngon/ g.yas sngon po/ g.yon smug nag/ phyag g.yas g.yon dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na ral gri dang dar zhags bsnams/
- 101b
tha ma gnyis na sti ra'i dbyug pa dang 'ug pa bsnams/ zhabs drug bden bral brdzis pa'o/ /nub phyogs su ha ya grI ba sku mdog dmar po/ dbu gsum la dbus dmar g.yas dkar/ g.yon sngon po/ phyag dang po gnyis na/ rdo rje dung chen khrag gis bkang nas dkrug cing gsol ba/ bar ma gnyis na zhags pa dang spu gri bsnams pa/ tha ma gnyis na sti ra'i dbyug pa dang/ nam mkha' lding bsnams pa/ zhabs drug klu la brdzis pa'o/ /nub byang gi mtshams na gzhan gyis mi thub pa sku mdog dmar skya/ g.yas ser po/ g.yon ljang gu/ phyag dang po gnyis na rdo rje dung chen bkang pa dkrug cing gsol ba/ bar ma gnyis na ban d+ha dang rdul yab bsnams pa/ tha ma gnyis na sti ra'i dbyug pa dang skrag snams pa/ zhabs drug be ram la brdzis pa'o/ /byang phyogs su bdud rtsi 'khyil ba sku mdog ljang nag/ dbu gsum la dbus ljang/ g.yas ser po/ g.yon dung ka/ phyag drug g.yas g.yon dang po gnyis ma rdo rje dung chen khrag gis bkang ba bkrug cing gsol ba/ bar ma gnyis na dbyug to dang rgya gram bsnams pa/ tha ma gnyis na sti ra'i dbyug pa dang pu shud bsnams/ zhabs drug gnod sbyin brdzis pa'o/ /byang shar mtshams su khams gsum rnam par rgyal ba sku mdog ser po dbu gsum la dbus ser po/ g.yas dmar/ g.yon ljang gu/ phyag drug g.yas g.yon dang po gnyis na/ rdo rje dung chen khrag gis bkang pa dkrug cing gsol ba/ bar ma gnyis na gzhu dang mda' bsnams/ tha ma gnyis na sti ra'i dbyug pa dang srin bya bsnams/ zhabs drug dbang ldan brdzis pa'o/ /'og gi phyogs su stobs po che sku mdog dung ka/ dbu gsum la dbus dung ka g.yas nag po/ g.yon dmar po/ phyag drug g.yas g.yon dang po gnyis na/ rdo rje dung chen khrag gis bkang ba dkrug cing gsol ba/ bar ma gnyis tho ba dang zhags pa bsnams pa/ /tha ma gnyis gshol dang gtun shing bsnams/ zhabs
- 102a
drug phag brdzis pa'o/ /steng gi phyogs su hUM ka ra sku mdog sngo skya/ dbu gsum la dbus sngo skya/ g.yas ser po/ g.yon dmar po/ phyag drug g.yas g.yon dang po gnyis na rdo rje dung chen khrag gis bkang ba dkrug cing gsol ba/ bar ma gnyis na mda' gzhu bsnams/ tha ma gnyis na tho ba dang chu gri bsnams pa/ zhabs drug nyi zla gza' skar brdzis pa'o/ /de dag thams cad thod skam gyi dbu rgyan byas pa/ thod rlon gyi 'phreng pa sha stag go de'i pho nya bka' nyan ni/ /rdo rje 'phra men gtum bag can/ /'jigs pa'i gzugs can mang po ste/ /de dag cir yang 'grub par byed/ ces gsungs te/ 'phra men ma stag gi mgo can dang/ g.yag gi mgo can dang/ sha ba'i mgo can dang/ gzig gi mgo can dang/ byi la'i mgo can dang/ spyang ki'i mgo can dang/ dom gyi mgo can dang/ dred kyi mgo can dang/ phag gi mgo can rnams te/ de dag g.yas pa ni sti ra thogs nas za zhing rgyug g.yon pa ni cir yang 'gyur pa'i mtshon cha thogs nas/ khro bo'i bka' bzhin las byed pa'o/ /gzhan dun rdo rje 'phra men ma ste/ sems dang sems las byung ba'i chos lta bu ste/ ye shes dang ye shes kyi byin rlabs las byung ngo/ /'phags pa thabs kyi zhags pa padmo 'phreng las/ khro bo'i dkyil 'khor thams cad kyi le'u ste/ bcu gnyis pa'o// //da ni khro bo'i dkyil 'khor bshad de/ rdo rje srin ma chen mo ni/ /'jigs byed chen mor snang ba ste/ /phyag kyang srin po chen po ltar/ /mthun te zhabs kyang de dang 'dra/ zhes gsungs pa'o/ /khro mo rnams kyi sku dang phyag dang zhabs khro bo dang 'dra/ mi mthun pa phyag g.yas par dril bu thogs/ gzhan du na dril bu shes rab/ rdo rje thabs so/ /de zung du 'brel pa las/ dur mo rdo las ma byung nas/ brtsal bsreg pa'i tshul du/ pho nya pho
- 102b
dang pho nya mo byung nas/ ci yang brlag par byed ces bya'i don to/ /de la khro mo ni gtso mo ral gcig ma/ shar phyogs su rdo rje snyems ma/ de bzhin du rdo rjer sder mo/ rdo rje dur khrod bdag mo/ /rdo rje gtun khung ma dang/ rdo rje gtum mo dang/ rdo rje bsnyems ma dang/ rdo rje sgro 'byin ma dang/ rdo rje gsod ma dang/ rdo rje skul byed ma dang/ rdo rje rlung 'byin ma dang/ rdo rje brjod byed ma dang/ rdo rje 'jigs byed ma dang/ rdo rje bdud rtsi sbyor byed ma dang/ rdo rje 'phrog ma rnams so/ /nang gi pho nya bcu gnyis ni rdo rje rmongs byed ma dang/ rdo rje yid 'phrog ma dang/ rdo rje khrag 'jib ma dang/ rdo rje che 'joms ma dang/ rdo rje rmugs byed ma dang/ rdo rje srin mo snying za ma dang/ rdo rje sku la byed ma dang/ rdo rje 'bebs ma dpal bdag ma dang/ rdo rje rkang 'jib ma dang/ rdo rje gnas ma mgyogs byed ma dang/ rdo rje tshe sgrub ma dang/ tshe 'dzin ma rnams so/ /'di rnams kun kyang rin po che dang/ rdo rje rgyu las byung ba'i gshog pa gdengs pa/ dbu dang sku la sogs pa/ thod rlon sprul nag dang/ zhing chen dang/ chu srin gyi stod g.yogs dang/ smad g.yogs dang/ za byed kyi kha 'bar bas zhags pa kun gyi phyag na/ sbod gtong rdo rje nam mkha' lding dang/ khra dang 'ug pa dang/ /bya rgod dang/ byan lag dang/ kang ka'i lus la chu srin gyi mgo can/ gshog sbub dang sbu gseb thams cad nas/ lcags kyi rgyun btabs pa 'dra ba 'byung ba/ sder mor thams cad rdo rje lcags kyu/ mchu rdo rje rtse gcig pa'i bzod dang/ rdo rje si gri dang/ rdo rje kha gdengs dang/ rdo rje kar ma bud ka /rdo rje 'ching bar byed pa'i mchu dang/ 'jigs par byed pa'i gzugs can/ 'di lta bu phyag na bsnams so/ /gzhan du na rnam par grol ba yi/ skye mched bcu gnyis kyis yul gzhig ste/ chos kyi dbyings su gyur pa la bya zhes/ rtse cig bsdus pa las 'byung ngo/ /pho nya 'phra men ma rnams te/ bya rgod mgo can dang/ 'ug pa'i mgo can dang/ khwa'i mgo can dang/ pu shud kyi mgo can dang/
- 103a
khra'i mgo can dang/ pha bang gi mgo can dang/ sre mong gi mgo can dang/ bya'i mgo can dang/ smigs bu'i mgo can rnams so/ /gzhan du na chos kyi dbyings kyi byin rlabs las 'byung zhes 'chad/ de'i dkyil 'khor du/ rin chen me tog bor nas su/ /gang la bab pa'i lha de ni/ /nye bar 'grub pa the tshom med ces gsungs pa yin no/ /gong ma lta bu'i dkyil 'khor du/ rin po che'i me tog bor te/ gsang ba'i lha de bsgrub na/ 'grub bo zhes bya ba'i don to/ /gzhan du na/ chos kyi dbyings khro bo dang/ khro mo'i tshul du snang ba la gnyis su med pa'i ye shes kyi rig pa ni/ ye shes rig pa'i me tog bor ro zhes bya ste/ khro bo khro mo thams cad bdag tu tha mi dad pas/ bsgrub pa yin no/ / zhes rtse gcig bsdus pa las 'byung ngo/ /de nas slob ma'i dam tshig bstan te/ dge dang mi dge'i chos rnams la/ /lhag par bstan par mi bya ste/ mnyam nyid rig pa'i klong zhugs nas/ /ci la yang thogs pa med par spyod do/ zhes bsgo bo zhes gsungs te/ lhag par dge ba la gtsor spyod pa ni/ nyan thos pa yin/ mi dge ba la gtsor spyod pa ni/ sems can phal pa yin no/ /theg pa chen po'i chos thams cad kun rdzob tu khro bo khro mor mnyam la/ don dam par skye 'gag med par mnyam pas/ ci la yang thogs pa med par 'jug pa'i don to/ /de nas 'khor dang bcas pa spyan drang ba ni/ de yi pho nya bka' nyan ni/ rdo rje 'phra men gtum bag can/ /rdo rje dbyugs? pa blangs nas su/ g.yab mo lngas kyang g.yab par bya/ /de nas dkyil 'khor bzhugs par brtag /mchod pa chen po dbul bar bya zhes gsungs te/ de la bdag gis lus la bsdu na gtso bo sh+rI he ru ka lus la khyab par bsdu'o/ /hUM ka ra klad pa'i rgyas su bsdu'o/ /rnam par rgyal ba ni
- 103b
dpral bar bsdu'o/ /ha ya grI ba ni kha nas thod ka'i bar du bsdu'o/ /khams gsum rnam par rgyal ba ni lag pa g.yas pa la bsdu'o/ /be chon sngon po ni g.yon pa la bsdu'o/ /bdud rtsi 'khyil pa snying gar bsdu'o/ /ya man+ta ka ni lte bar bsdu'o/ /gzhan gyis mi thub pa rkang pa g.yas pa la bsdu'o/ /mi g.yo mgon bo ni rkang pa g.yon pa la bsdu'o/ /stobs po che gsang ba la bsdu'o/ /de ltar bsdus la/ dbus kyi gtso bo he ru ka 'am/ gang bsgom pa'i lhar bsgom mo/ /pho nya thams cad ba spu'i bu ga thams cad la bsdu'o/ /srin mo rnams kyang tshul de ltar bsdu'o/ /gzhan tu na osems dang sems las byung ba'i chos gnas gyur pa la bya ste/ ye shes kyi byin rlabs las byung ba ni/ chos kyi dbyings nyid de la/ dbyings kyi ye shes kyis mnyam pa nyid du sbyor zhing mi dmigs par snyoms par 'jug pa'i tshe/ sems dpa' gnas gyur pas ni/ reg pa dang yid la byed pa dang/ 'dun pa dang/ mos pa dang/ dran pa dang/ ting nge 'dzin dang/ 'byed pa dang/ dad pa dang/ gnyid gnas gyur pa'i bar du slong zhing skul bar byed pa ste/ chos kyi dbyings dang ye shes las byung nas/ slar dbyings su 'dzud pas sems dpa' gnas 'gyur ba ni/ 'phra men bskul ma zhes bya ste/ gzhan reg pa la stsogs pa snyoms par gyur pa'i gnas/ gzhan gyis bsad pa'i gong la 'brang ba'i phyir/ /bya rgod kyi mgo can zhes bya'o/ /ri bo rtsegs pa las ni mgyogs pa'i phyir/ bya rgod mgo can ces smos pa'i phyir ro/ /'dun par gyur pa ni dbyings dang ye shes mnyam pa nyid du 'dod pas/ 'phra men za byed ces bya'o/ /bya rog gi mgo can no/ /yid la byed pa gnas gyur pa/ dbyings ye shes mnyam pa nyid du shes pas/ 'phra men nam 'grangs ma zhes bya ba ste/ chos kyi dbyings ni nyal zhing ye shes kyi phyir mi 'brang bas/ mtshan mo langs la nyin mo nyal bas/ 'ug pa'i
- 104a
mgo can no/ /mos par gyur pa ni dbyings dang ye shes mnyam par gyur pa 'dzin pas/ 'phra men ma 'dzin ces bya ste/ khra'i mgo can no dran par gyur pa ni mnyam par gyur pa nyid ma brjed pas/ 'phra men ma bsgrin ma zhes bya ste/ pha wang gi mgo can no/ /'byed par gyur pa ni mnyam pa nyid kyi nang du rdul rtsam yang log par rtog pa mi gnas te/ dper na mar khol ba'i nang du chu mi gnas pa dang 'dra bar/ sel cing skems pa'i phyir/ 'phra men ma bsod ma zhes bya ste/ sre mong gi mgo can no/ /ting 'dzin gnas gyur pa ni/ mnyam pa nyid las gzhan du mi g.yo bas/ 'phra men ma sbad ma zhes bya ste/ khwa'i mgo can no/ /dang pa gyur pa ni mnyam pa nyid du 'gro bas/ 'phra men ma mgyogs ma zhes bya ste/ pu shud kyi mgo can no/ /gnyid gyur pa ni mnyam pa nyid gsal te/ mnyam pa dang mi mthun pa'i rnams myos par byed pas/ 'phra men ma myos byed ma zhes bya ste/ spyang ki'i mgo can no/ /de rnams kyi las kyi skabs kyi bye brag la ni/ 'phra men ma 'bros ma zhes bya ste/ bya'i mgo can no/ /ci'i phyir 'phra men ma bya zhe na/ dbyings dang ye shes kyi dbyings kyi byin gyis brlabs pa ste/ dbyings kyi byin gyi rlabs kyis ni de kun la byams/ ye shes kyi byin gyi rlabs kyis ni dngos po kun za ba'i phyir ro/ /de rnams kyi lus su grub pa dkyus nas smos pa nyid do/ /dbyings dang ye shes ni lus dang yan lag go /de las 'phro zhing 'byung ba ni/ ba spu'i bu ga gnas 'byung ste 'phra men no/ /gzhan yang 'phra men ma/ kha spu can dang/ ral gri'i spu can no/ /lcags kyi sbu can dang/ zangs kyi kha spu can dang/ zangs kyi pags pa can la sogs pa/ bye ba 'bum phrag dang brgya rtsa brgyad cig 'byung ba yang 'di rnams las 'phros so/ /zhes gcig las 'phros pa'i tan tra las 'byung/ se gol gtogs pa tsam gyis kyang/ /mgyogs mas phyogs bcu
- 104b
gar yang phyin/ /de la zhon nas 'gro byed pa/ /bya rog mgo can la sogs yin pa kun/ zhes gsungs te/ gang la bya ba'i skabs kyis mgyogs ma dang za ba mo la sogs pa zhon te 'gron 'grub pa'i don to/ /gzhan du na mgyogs ma nyid chos kyi dbyings kyis byin gyis brlabs las/ dbyings kyis kun la khyab pas/ 'gro ba med par phyin pa'o zhes/ dpal 'phreng dkar po las bshad de/ sbed byed mas ni sbas pa na/ mthu chen lha srin gang gis kyang/ /de la mthong bar mi nus na/ gzhan gyis mthong bar ga la nus// gzhan du na speng byed ma ni/ chos kyi dbyings mi dmigs pa'i byin rlabs yin pas/ dmigs su med de/ so so'i gnas su spyan drangs te/ dmar chen arga gsol nas kyang/ mchod yon gzhan yang dbul bar bya/ /rdo rje dbyangs kyis bstod byas te/ /de nas las rnams bsgrub par bya zhes gsungs te/ sha chen dang bzhi la sogs pa sman sna lnga dang sbyar te/ zhe sdang rdo rje 'khor bcas pas/ /'jig rten khams ni rab 'byams kun/ /khros pas yud las rlag mdzad de/ /rlag par ma gyur gang yang med/ ces bstod do/ /'phags pa thabs kyi zhags pa padmo 'phreng las/ las kyi le'u ste/ bcu bdun pa'o// //da ni drag po'i las rnams bshad par bya ste/ rdo rje 'phra men sbyor ba yi/ /yud tsam gyis ni 'dir bkug nas/ /stong pa'i tshul du rab bstabs nas/ /lha yang rung ste brlag par 'gyur/ zhes gsungs te/ 'phra men ma stag gi mgo can la sogs ba/ mgyogs ma rnams mngags te/ gang la bya ba yud tsam gyis/ snying la gzung nas/ khro bo dang khro mo'i zhal du bstabs ste/ bstong pa'i tshul du gsol bar bsgoms nas/ lam brgyud drug gi sems can gang yang rung ste/ mong la 'chi bar 'gyur ro/ /gzhan du na chos kyi dbyings dang/ stong pa nyid kyi ye shes lnga'i byin brlabs/ rnam par grol ba'i skye mched bcu gcig
- 105a
gis/ lam rgyud lnga'i sems can dngos por lta ba ni/ stong pa nyid dam tshig las 'gal bas/ de dag rang bzhin gyis za bar 'gyur zhes tan tra karma ma le las bshad to/ /'ug pa'i mgo can la sogs pa'i/ /'phra men rnams sbad de/ /mig dang rna ba sna dang lce/ /de bas mchog bsgoms nyams par 'gyur zhes gsungs te/ khyung dang khwa la sogs bya rged? mgo can la sogs pa khrag 'thung btang ste/ gang la bya ba'i dbang po 'byin par bsgoms na/ de'i dbang po nyams nas/ de'i mig long ba dang/ rna ba 'on ba dang/ sna zhom pa dang/ lce lkugs pa dang/ sems myos te glen par 'gyur/ /gzhan du na stong pa nyid kyi ye shes drug gi byin rlabs kyis/ ril por lta ba'i dngos po rnams yang dag pa nyid las 'gal ba'i phyir/ rang bzhin gyis mnyam par byed ces tan tra karma ma le las 'byung ngo/ 'phra men rnams ni sbad bya ste/ de'i bsgrub par ba gcad cing/ /gsang ste 'khrugs par bsgoms byas na/ /bsgrubs pa nyams shing 'byed par 'gyur/ zhes gsungs te/ 'phra men ma rnams kyis/ gang la bya ba'i las thams cad mi 'grub par gegs byed pa dang/ gsang sde thams cad 'byed pa'i dkrugs ma byed pa sgoms na/ don du gnyer pa mi 'grub cing gsang sde gcig gcig shar gnyer te 'bye par 'gyur ro/ gzhan du na stong pa nyid kyi ye shes kyi byin brlabs kyis/ dngos po la gtso bor bsgrubs pa byed pa dang/ tshig gi sgral gtsor byas te/ phyogs gcig tu byed pa ni/ stong pa nyid las 'gal ba'i phyir/ don du bsgrub pa ma 'grub cing/ gsang sde yang byed par 'gyur ro zhes kar ma ma le las 'byung ngo/ /'phags pa thabs kyi zhags pa padmo 'phreng las/ drag po'i las kyi le'u ste bco brgyad pa'o/ //da ni drag po'i hom gyi las bshad de/
- 105b
hom khung zur gsum gdengs pa la/ /rdo rje mda' gzhu ldan byas te/ thod pa dag gis rnam par brgyan/ spyan drang bsregs na lha yang 'chi/ zhes gsungs te/ thab khung zur gsum du byas la/ grwa mda' gzhu rnam par bkang nas/ khro bos 'phen par bsgom tha ma phur pa nag po gsum btab la/ lcags thag gam thag pa nag pos bskor te/ khro bo dang khro mo dang 'phra men ma rnams spyan drangs te/ tsher mi'i shing las mer spar nas/ /tsha ba'i mar dang lan tshwa dang/ dug dang mi khrag nga'i khrag /skye tshe ldong ros lcags phye las/ /khro bo khro mo 'phra men gyi/ /gsang sngags rnams ni bzlas nas su/ /gang la bya ba'i gzugs dag ni/ /ming rus bsregs na 'grub par 'gyur/ /'phra men mngags te bkug nas ni/ /thab khung bsregs na mong la 'chi/ /gsung dang bsregs pa'i sha rnams kyis/ lha rnams thams cad mchod bar bya/ /rdo rje'i glu ni blangs nas su/ /'byung po'i sha ni shin tu zhim/ /'byung po'i khrag ni shin tu zhim/ 'byung po'i rus pa zhim pa ste/ gsol te thams cad dgyes par mdzod/ /a lo la ho/ ha ha ha hUM/ zhes brjod par bya'o/ /gzhan du sku gsung thugs kyi ye shes kyi mas/ sku gsung thugs dang mi mthun pa'i phyogs thams cad bsreg pa dang/ ye shes kyi byin gyis brlabs kyis mda''phangs pa ltar/ 'phro bas phog phog ste/ sku gsung thugs dang mthun par gyur pa ni/ khro bo dang khro mo'i rang bzhin gyis mnyes pa yin zhing/ de ltar go ba ni glu dbyangs blangs shing ri bo brtsegs pa'i tan tra las 'byung ngo/ /thabs kyi zhags pa padmo 'phreng las/ drag po'i haM gyi le'u ste bcu dgu pa'o// //da ni drag po'i phur pa'i las bshad de/ lcags sam nag po'i shing rnams la/ /mgo bo rgya mdud rtse zur gsum/ /khro bo khro mo rnams bsgoms te/ /btab ste lha yang rlag par
- 106a
'gyur/ ces gsungs te/ lcags sam shing nag po kha dog can la phur pa/ rgya mdud rtse zur gsum du gzhogs te/ rgya mdud kyi steng du hUM ka ra dang/ ral pa gcig ma dngos su go rims bzhin du/ khro bo dang khro mo rnams bsgoms te/ gang la bya ba'i gzugs dang ming rus la btab na/ lha yang gzer thabs dang rims kyis btab ste 'chi bar 'gyur ro/ /ri rab dang gling bzhi'i ngos la sogs pa la bris te btab na/ phur pa gcig gis phyogs bcur btab par 'gyur ro/ /gzhan du na gnyis su med pa'i ye shes stong pa nyid kyis byin brlabs/ khro bo dang khro mo yin la/ des ma khyab pa med de/ sems kyi phur pa gcig btab pas/ phyogs bcur btab par 'gyur zhes gu hya ti la ka dang/ ki la ya bcu gnyis kyi tan+t+ra las byung ngo/ /thabs kyi zhags pa padmo 'phreng las/ drag po'i phur pa'i le'u ste/ nyi shu pa'o// //drag po'i gtor ma bshad do/ lcags dag dang ni rdo rje dag /khrag las sbrus te bsreg pa dang/ /mu dga' can dang sbyar ba dag /sbyar bas gtor na de rlag 'gyur/ zhes gsungs te/ lcags phye dang rdo rje dug rnams/ mi 'am khyi 'am ra'i khrag la sbrus te/ sran mud dga' 'am/ 'bru nag po tsan dan dang sbyar te/ gang la bya ba bkug ste byin na/ mthong bos khrag tu skyugs rul nas 'chi bar 'gyur ro/ /gzhan du na stong pa nyid kyi ye shes kyis kun la khyab pa'i phyir/ de nyid bsgoms pas rang bzhin shing rul par 'gyur ro/ zhes sgyu 'phrul dra pa las 'byung ngo/ /thabs kyi zhags pa padmo 'phreng las/ drag po'i gtor me'i le'u ste/ nyi shu gcig pa'o// //da ni drag po'i sbyor ba'i las bshad de/ khro bo khro mo'i dkyil 'khor gtun chen du/ /
- 106b
khro po'i tho bas brdungs pa yi/ /rdo rje'i gtun phrugs bsgoms byas nas/ /lha yang rung ste rlag par 'gyur/ zhes gsungs te/ khro mo rnams kyi dkyil 'khor du/ khro bo rnams kyis brdung bar bsgoms na/ gang yang rung te brdungs par 'gyur ro/ /gzhan du na khro mo lta bu chos kyi dbyings nyid ni/ 'jig rten thams cad khyab pa'i gtun no/ /khro bo lta bu'i dbyings nyid rig pa ni/ 'jig rten thams cad la brdung ba'i tho ba zhes/ thabs kyi 'phreng ba'i tan tra las byung ngo/ /gzhan gyis drag po'i sbyor ba zhig byas na yang/ las 'di rnams kyis byed pa nyid la slar ldog par 'gyur ro/ /drag po'i las byed pa'i tshe/ chos gos nag po rnam pa lnga dang ldan par bya'o/ /drag po'i las rnams bshad zin no/ /thabs kyi zhags pa padmo'i 'phreng las/ drag po'i las kyi le'u ste/ nyi shu gnyis pa'o// /da ni gnas btab pa'i cho ga bya ste/ drag po'i las kyis sgrol ba'i rnams/ /'khor pa lam lnga'i sgo bcad nas/ /rnam shes hUM gis bas? rdungs nas/ /'og min gnas mchog bla na med/ gtso bo lnga 'am gtso mo lnga/ /sems dpa' dang ni sems ma dang/ /khro bo dang ni khro mo rnams/ /sbyor ba'i lhums su phaT kyis 'phang/ zhes gsungs te/ drag pa'i las kyis bsgral ba'i rnams/ lam rgyud lnga/ sngags 'bru lngas sgo cad par bsgoms nas/ rnam par shes pa hUM gis bsdus nas/ bdag gi ltor brdungs nas/ 'og min gyi gnas na lha gong na smos pa'i rnal 'byor pa mdzad pa'i lhums su/ phaT kyis 'phangs te btang na/ nges bar 'grub ces tan tra du ma las 'byung ngo/ /tan tra snying rje rol pa las kyang 'byung ngo/ /gzhan du na chos kyi dbyings mnyam pa nyid la snyoms par zhugs pa'i tshe/ sems can dmyal bar lta ba'i rgyu ni zhe sdang la dngos po yod par lta ba ni yin te/ zhe sdang la rang bzhin med par shes shing/ zhe sdang
- 107a
gis sems mi skye bas na/ dmyal ba'i sgo gcad pa yin no/ /de bzhin du yang 'dod chags dang/ gti mug la rang bzhin med par shes shing/ de dag gi sems mi skye bas na/ yi dags byol song gi sgo yang bcad pa yin no/ / lha dang mir skye ba'i rgyu ni/ dge ba bcu dang bsam gtan bzhi dang/ snyoms par 'jug pa bzhi bsgrubs pa yin no/ /de dag rang bzhin med par rig pa ni/ sems mi skye ba ni lha dang mi sgo gcod pa yin no/ /bdag gi lto zhes bya ba ni chos kyi dbyings te/ bla na med pa'i phyir 'og min gnas zhes bya ste/ chos kyi dbyings nyid rig pa'i tshe/ lha dang lha mo'i tshul 'brel par rig pa ni/ de nyid byang chub kyi sems yin pas/ rang gi rnam par shes pa der 'byo bar sgoms na nges par 'grub bo/ dper na rgyal po ram Nas bsang pa thams cad lhar skye bar 'gyur bar smon lam btab pas/ de bzhin du sngar nas bsang ba lhar 'grub po zhes drang srong mngon par shes ba can gyis bshad pa ste/ 'di ltar chos kyi dbyings la snyoms par sbyor ba lta ci smos te/ snying rje rol pa'i tan tra las 'byung ngo/ /gnas bstab pa'i cho ga bshad zin to/ /thebs kyi zhags pa padmo 'phreng las/ gnas bstab pa'i le'u ste/ nyi shu gsum pa'o// //da ni dbang gi las bshad de/ zla gam dkyil 'khor rtsibs brgyad par// khro bo khro mor spyan drangs te/ /mchod pa'i glu la sogs pas mchod/ /de nas las rnams rtsam par bya/ zhes gsungs te/ dbang gi dkyil 'khor du/ lha rnams go rim bzhin du spyan drangs te/ de nas glu gar dang arga la sogs pa/ yo byad dmar pos mchod pa bya'o/ /chags pa'i rdo rje 'khor bcas pa/ /'jig rten khams ni rab 'byams kun/ /chags pas yud la dbang mdzad de/ /dbang du ma gyur gang yang med ces ston to/ /de nas chas gos rnam lnga yang ldan par bya'o/ /de yang gzhung las
- 107b
rdo rje 'phra men mngags nas su/ /bkug nas khro bo chen po yis/ chags pa'i tshul gyis de lus la/ /dpal dang gzi brjid bsdus nas 'grub/ ces gsungs te/ rdo rje 'phra men ma rnams mngags nas/ gang dbang du bya ba de bkug pa ste/ de'i lus dang ngag dang sems dang dpal dang/ gzi brjid bsdu zhing/ ci yang nyan par bsgoms na/ dbang du 'gyur te/ bu la byams pa 'am/ lus la grib ma 'khor ba dang 'dra par/ bdag la 'khor zhing rigs mi mthun pa zhig na yang/ lus ston cing ci bsgo ba bran bzhin byed/ ci sems pa yang smra na/ gzhan lta ci smos te 'grub pa'o/ /gzhan du na stong pa nyid kyi chos kyi dbyings kyis/ phyi nang gi dngos po thams cad la khyab pas tha mi dad pa chags pa yin/ de ltar chags pa'i rig pa'i ye shes kyis/ phyogs bcu'i snod bcud kyi 'jig rten thams cad/ bdag dang tha dad par rig pas/ rang bzhin gyis byams shing 'khor ba yin te/ bran bzhin byed pa yang bdag dang tha mi dad pas/ thams cad bdag yin pa'i phyir/ bdag nyid chen po zhes kyang de'i phyir bya/ rnam gcig tu thams cad bdag gis sprul pa yin zhes bya/ dbang chen sdus pa'i tan tra las 'byung ngo/ /'phra men ma rnams ni mngags so/ /de'i mig rna ba sna dang lce/ /lus dang sems bsgyur rnams bsgoms nas/ /kun la mdzes shing dga' bar 'gyur zhes gsungs te/ rdo rje 'phra mon ma rnams mngags te/ de'i mig dang rna ba dang sna dang lce dang lus dang sems/ bdag gis nyes pa byas na yang/ mdzes pa dang/ dbang pos bsgyur bsgoms na/ de bzhin du 'grub ces bya ba'i tha tshig go /gzhan du na stong pa nyid kyi ye shes kyis kun la khyab pas/ bdag dang tha mi dad par rig pa nyid kyis/ dbang po la khyab par 'gyur ba yin te/ de bar na bla bcol mkhan gyis mi rigs pa zhig byas na yang/ kun dga' bar gyur te rgod pa lta bu'o/ zhes ri po brtsegs pa las
- 108a
'byung ngo/ /thabs kyi zhags pa padmo 'phreng las/ dbang gi las bstan pa'i le'u ste/ nyi shu bzhi pa'o// //da ni dbang gi hom bshad par bya ste/ hom khung zla gam gdangs pa las/ /rdo rje zhags pas brgyan par bya/ /de nas lha rnams spyan drangs te/ /mi 'pham rnam rtog bsregs na 'grub/ ces gsungs te/ hom khung zla gam la/ rdo rje zhags pas brgyan te/ kha dog dmar po phur pa btab ste/ mthal thag pa dmar pos bskor te/ shing dri ma mnam pa la me spar nas/ zangs phye dang bu ram dang/ yungs kar dmar po dang/ gang la bya ba'i snying po rgya skyags kyis bris te/ bsreg cing rdo rje 'phra men mas bdag la mi phan zhing/ mi mdza' ba'i sems pa'i rtog pa bsregs par bsgoms na/ ci bsgo ba nyan cing phan par sems par 'gyur ro/ /gzhan du na rnam par rtog pa ni bdag tu lta ba las 'byung ste/ stong pa nyid kyi ye shes kyi mes/ bdag tu lta ba dang/ de las byung ba'i rnam par rtog pa thams cad bsregs nas/ mnyam pa nyid kyis bdag nyid chen po dang/ ro gcig pa ni 'jar ba zhes bya/ bdag tu lta ba'i dngos por zhen nas rnam par rtog pa ni 'khor ba'i rgyu chen po yin pas/ mi phan pa zhes bya ste/ bdag med pa'i ye shes rig nas 'khor ba dang bral bas sems zhes bya ste/ de ltar rig nas bdag dang gzhan du tha mi dad pas/ gzhan yang rang bzhin gyis 'jar zhing sems par 'gyur ro/ zhes glang po che las bshad do/ thabs kyi zhags pa pad+ma 'phreng las/ dbang gi hom gyi le'u ste/ nyi shu lnga pa'o// //da ni dbang gi phur pa'i las bshad de/ zangs sam kha dog dmar po yi/ /shing la rgya mdud rtse zla gam/ /mgo la rgya mdud rtse zla gam/ /mgo la khro bo khro mor bsgoms te/ btab na nges par 'grub po/ zhes gsungs te/
- 108b
zangs sam kha dog dmar po'i shing la/ phur pa mgo bo rgya mdud la rtse zla gam du bzhogs pa/ rgya mdung kyi steng dang ngos su khro bo khro mo rnams bsgoms te/ gang dbang du bya pa'i de'i gzugs sam/ ming rus bris pa la btab ste/ bka' bzhin du byin bar bsgoms na/ nges par dbang du 'gyur ro/ /ri rab gling bzhi la sogs pa bris te btab na/ /phur pa gcig btab na/ phyogs bcur btab par 'gyur te/ thams cad dbang du 'gyur ro zhes bya ba'i don to/ /gzhan du na chos kyi dbyings kyis/ phyogs bcu thams cad du khyab la/ de ltar rig pa'i ye shes ni phur pa yin te/ thams cad du btab par 'gyur zhing/ bdag dang tha mi dad par las thams cad rang bzhin gyis dbang du 'gyur ba yin no/ /zhes phur pa bcu gnyis kyi rgyud phyi ma las 'byung ngo/ /dbang gi phur pa bshad zin to/ /thabs kyi zhags pa padmo 'phreng las/ dbang gi phur pa bstan pa'i le'u ste/ nyi shu drug pa'o// //da ni dbang gi gtor ma bshad de/ zangs phye dang ni bu ram dang/ /dmar po'i 'bras chan la sogs pa/ /sbyar bas gtor ma gtang bar bya/ /mthong bas ngas par dbang du 'gyur/ zhes gsungs te/ zangs phye dang 'bras dmar po'i chan la sogs pa/ 'bru kha dog dmar po'i chan dang/ bu ram chu la sogs pa la sbyar te/ rdo rje 'phra men gyis/ gang dbang du bya ba bkug ste phyin nas mthong bas de dbang du 'gyur te/ zos pa lta ci smos/ ci bsgo ba yang nyan cing dbang du 'gyur ro/ /gzhan du na chos kyi dbyings mtshan nyid med pas thams cad du khyab ste/ bdag nyid chen po dang tha dad pas rang bzhin gyis dbang du 'gyur te/ de ltar rig pa'i ye shes ni/ gtor ma btang ba yin no zhes/ thabs kyi zhags pa'i rgyud phyi ma gnyis las 'byung ngo/ /thabs kyi zhags pa padmo 'phreng las/ dbang gi gtor ma'i le'u ste/ nyi shu bdun pa'o// //
- 109a
da ni sbyor ba'i las bshad de/ khro mo rnams kyi dkyil 'khor du/ /khro bo'i dkyil 'khor sgoms byas na/ /lha yang rung ste dbang du 'gyur/ /de ni bde ba chen po yin/ zhes gsungs te/ khro mo'i dkyil 'khor du/ khro bo'i dkyil 'khor sbyor ba'i las kyis/ lha man chad gang yang rung ste/ thams cad dga' zhing dbang du 'gyur bar bsgoms nas/ de bzhin du 'byor 'byor ro/ /gzhan du na chos kyi dbyings mtshan nyid med pas kun la khyab pa/ de ltar rig pa'i ye shes kyis ni/ gnyis su med par 'byor te/ de ltar 'byor cig pa nyid ma nor bar rig pa ni/ byang chub kyi sems zhes bya ste/ de ni bde ba chen po'i dbang ngo/ /kun tu khyab par rig pa ni/ rang bzhin gyis dbang du 'gyur ro zhes/ dbang chen bsdus pa'i tan+t+ra las 'byung ngo/ /thabs kyi zhags pa padmo'i 'phreng las/ dbang 'byor pa'i le'u ste/ nyi shu brgyad pa'o// //da ni rgyas pa'i las bshad de/ gru bzhi'i dkyil 'khor rtsibs brgyad par/ /lha rnams 'khor bcas spyan drangs te// mchod pa glu la sogs pas mchod/ /de nas las rnams brtsam par bya/ zhes gsungs te/ rgyas pa'i dkyil 'khor du lha 'khor dang bcas pa spyan drangs te/ yo byad ser por byas la/ nga rgyal rdo rje 'khor bcas pa/ /'jig rten khams 'di rab 'byams kun/ /dpal dang gzi brjid chen po rnams/ /yud tsam gyis ni rgyas mdzad de/ zhes bstod do/ /de nas chas gos rnam pa lnga dang ldan par bya'o/ /khro bo khro mo 'khor bcas yang/ /rdo rje 'phra men 'khor bcas pa/ /dpal dang gzi brjid 'phel sgoms na/ /bdag nyid chen por der 'gyur ro/ zhes gsungs te/ lha rnams kyis bdag gi dpal dang gzi brjid 'phel bar sgoms na/ nges par de bzhin du 'grub par 'gyur ro/ zhes bya ba'i don to/ /gzhan du na
- 109b
chos kyi dbyings nyid med pas/ phyi nang gi dngos po thams cad la khyab ste/ da ltar rig pa'i ye shes kyis/ snod dang bcud kyi 'jig rten thams cad dang/ bdag tu tha mi dad pas/ phyogs bcu thams cad nas/ bsod nams dang spyod pa thams cad la sogs pas/ bdag yin pa'ang/ bdag gi yin par bsgoms nas/ dper na nyi ma'i dkyil 'khor bar snang la shar ba ni/ nyi ma'i rang bzhin dro ba yin pas/ gzhan du dro ba yang nyi ma yin pa 'am/ yang na nyi ma'i 'od yin pas/ nyi ma yin pa dang 'dra bas thams cad bdag gam/ bdag gi yin par 'gyur te/ de'i phyir bdag nyid chen po yin ces dpal 'phreng dkar po las 'byung ngo/ /thabs kyi zhags pa padmo 'phreng las rgyas pa'i le'u ste/ nyi shu dgu pa'o// // da ni rgyas pa'i ho ma bshad do/ /hom khung gru bzhi gdengs pa la/ /rdo rje 'khor lo brgyan par bya/ /de nas lha rnams spyan drangs te/ /bsregs pas mched cing dpal 'phel sgom/ zhes gsungs te/ hom lum gru bzhi la rdo rje 'khor los brgyan par bris te/ phur pa kha dog ser po bzhi btab la/ mdza' thag pa ser pos bskor te/ de nas lha rnams spyan drangs te/ rin po che sna lnga dang/ 'bru sna lnga dang/ 'bras chan dang/ mar khu la sogs pas bsregs shing mchod na/ bdag gi dpal la sogs pa 'phel par sgoms na de bzhin du 'grub par 'gyur ro/ zhes bya ba'i don to/ /gzhan du na chos kyi dbyings la/ me long lta bu'i ye shes dmigs pa'i dus gcig na/ gtso bo lnga dang gtso mo lnga'i sku lta bur byung/ sems dpa' bcu drug dang sems ma bcu drug ni/ mtshan lta bur phyung la/ de'i dbu rgyan lnga lnga ni dpe byang du byung ste/ spyir ye shes kyi dngos po bsregs shing/ rang bzhin gyis brgyan par 'gyur la/ nyan thos las khyad par che ba'i phyir ro/ /dpal 'phel zhes bya thabs kyi zhags pa las
- 110a
'byung ngo/ /thabs kyi zhags pa padmo 'phreng las/ rgyas pa'i hom gyi le'u ste/ sum cu pa'o// //da ni rgyas pa'i phur pa'i las bshad de/ gser ram ser po'i shing rnams la/ /mgo bo rgya mdud rtse zur bzhi/ /lha rnams bsgoms te gdab par bya/ /'di ni rgyas pa'i las la shis/ zhes gsungs te/ gser ram ser po'i shing rnams la/ mgo bo rgya mdud zur bzhi par bzhogs te/ rgya mdud la lha rnams bkod de/ gdab na gang la bya ba de la btab na 'grub cing/ dpal dang gzi brjid rgyas par 'gyur ro/ /gzhan du na chos kyi dbyings la longs spyod rdzogs pa 'byung/ longs spyod rdzogs par 'byung ba nyid/ ting nge 'dzin phur pa yin pas/ rang bzhin gyi dpal dang gzi brjid rgyas pa yin no/ zhes tan tra du ma las 'byung ngo/ /thabs kyi zhags pa pad+ma 'phreng las/ rgyas pa'i phur pa'i le'u ste/ sum cu gcig pa'o// //da ni rgyas pa'i gtor ma bshad de/ gser phye 'bras chan ser po rnams/ /'o ma sbrang rtsi gtor ma ni/ /rgyas par 'gyur pa'i gtor ma ste/ /gtang na thams cad rgyas par 'gyur/ /zhes gsungs te/ gser phye dang 'bras ser po'i chan la sogs pa/ 'o ma dang sbrang rtsir sbyar te/ btang na dpal dang gzi brjid rgyas shing 'phel bar 'gyur ro/ /gzhan du na chos kyi dbyings mtshan nyid med pa thams cad la khyab ste/ bdag nyid chen po dang tha mi dad pa rang bzhin gyis thams cad rgyas par 'gyur te/ de ltar rig pa'i ye shes ni/ phyin cing gtong ba yin ces/ sgyu 'phrul dra ba las 'byung ngo/ /'phags pa thabs kyi zhags pa padmo'i 'phreng las/ rgyas pa'i gtor ma'i le'u ste/ sum cu gnyis pa'o// //da ni rgyas pa'i sbyor ba'i las bshad de/ lha mo rnams kyi dkyil 'khor du/ /lha'i dkyil 'khor rdzogs par bsgom/ /byang chub sems ni spro bsgoms na/ /de yis rgyas pa'i las 'grub bo/ /zhes
- 110b
gsungs te/ lha mo rnams dang lha sbyor ba chen po mdzad cing/ bde ba chen pos rol cing longs spyod rgyas par bsgoms nas/ de bzhin du 'grub bo/ /gzhan du na ting nge 'dzin gyi dkyil 'khor ni/ lha dang lha mo'i tshul du sbyor la/ de ltar rig pa ni/ byang chub kyi sems spros pas/ longs spyod chen po rgyas pa yin zhes/ ri bo brtsegs pa las 'byung ngo/ /rgyas pa'i las bshad zin to/ /'phags pa thabs kyi zhags pa padmo 'phreng las/ rgyas pa'i sbyor ba'i le'u ste/ sum cu gsum pa'o// //da ni zhi ba'i las bshad de/ zlum po'i dkyil 'khor rtsibs brgyad par/ /lha rnams 'khor bcas spyan drangs te/ /dkar po'i yon gyis mchod par bya/ /de nas las rnams brtsam par bya/ /zhes gsungs te/ dkyil 'khor zlum por byas te/ lha rnams spyan drangs te/ yo byad dkar po dang dbyangs la sogs pas/ mchod par byas nas/ zhi ba'i las brtsam zhes bya ba'i don to/ /gti mug rdo rje 'khor bcas pas/ /'jig rten khams ni rab 'byams kun/ /yud tsam nyid la zhi mdzad de/ /zhi bar grub la phyag 'tshal lo/ zhes bstod de/ chas gos rnam pa gsum dang ldan par byas de las bya'o/ /lha rnams 'khor bcas thams cad kyis/ 'khrug pa thams cad zhi mdzad par/ /bsgoms na thams cad yud tsam gyis/ /zhi bar gyur te the tshom med/ ces gsungs te/ lha dang lha mo 'khor bcas pa 'khrug pa la sogs te/ gnod sdig thams cad zhi bar bsgoms na/ de bzhin du 'gyur ro/ /gzhan du na chos kyi dbyings stong pa nyid kyi ye shes zhi ba'i ting nge 'dzin gyis/ thams cad du khyab pas thams cad du zhi bar 'gyur ro/ / gzhan las kyi 'phreng ba las 'byung ngo/ /'phags pa thabs kyi zhags pa padmo'i 'phreng ba las/ zhi ba'i las kyi le'u ste/ sum cu bzhi pa'o// //da ni zhi ba'i hom bshad de/ hom khung zlum po gdengs pa las/ /rdo rje pad+ma rgyas par
- 111a
bya'o/ /phur pa dkar po drug btab ste/ spyan drangs dngul phye la sogs mchod/ ces gsungs te/ hom khung zlum po gdengs pa las/ lha gong ma 'khor dang bcas pa spyan drangs te/ yo byad dkar pos bsreg cing mchod de/ 'khrug pa la sogs pa thams cad zhi bar bsgoms na/ gzhan du na chos nyid kyi ting nge 'dzin gyis/ rnam par rtogs la sogs pa/ 'khrug pa thams cad rang bzhin gyis zhi zhing/ lha rnams kyang mchod par 'gyur ro zhes/ tan tra glang po chur zhugs pa las 'byung ngo/ /'phags pa thabs kyi zhags pa padmo 'phreng las/ zhi ba'i hom gyi le'u ste/ sum cu lnga pa'o// //da ni zhi ba'i phur pa'i las bshad de/ mgo bo rgya mdud rtse zlum po/ /lha rnams bsgoms te btab par bya/ /'di ni zhi ba'i las la shis/ zhes gsungs te/ rdul lam shing mdog dkar po las/ phur pa rgya mdud zlum por gzhogs la/ rgya mdud la lha rnams bkod de/ zhi bar bsgoms te btab na/ lha gzhan zhi bar 'gyur ro/ /gzhan du na chos nyid ma nor bar rig pa nyid ting nge 'dzin gyi phur pa yin te/ thams cad rang bzhin gyis zhi bar 'gyur zhes rtse gcig bsdus pa las 'byung ngo/ 'phags pa thabs kyi zhags pa padmo'i 'phreng ba las/ zhi ba'i phur pa'i le'u ste/ sum cu drug pa'o// //da ni zhi ba'i gtor ma bshad de/ dngul lam 'bras chan dkar po rnams/ /'o mar sbyar ba'i gtor ma ni/ /zhi bar 'gyur ba'i gtor ma ste/ /mkhas pas zhi bar bsgoms zhing gtor/ ces gsungs te/ dngul dang 'bru dkar po'i chan la sogs pa/ 'o ma dang sbyar te/ gtor na lha man chad 'chi bar 'gyur ro/ /gzhan du chos thams cad kyi chos nyid kyi zhi ba yin pas/ de ltar rig pa'i ye shes kyis/ dngos po
- 111b
thams cad la khyab pas zhi bar 'gyur ro/ zhes sgyu 'phrul dra ba las bshad do/ /'phags pa thabs kyi zhags pa padmo 'phreng las/ zhi ba'i gtor ma'i le'u ste/ sum cu bdun pa'o// //da ni zhi ba'i sbyor ba'i las bshad de/ lha mo rnams kyi dkyil 'khor du/ /lha'i grub pa bsgom par bya/ /byin rlabs thams cad zhi sgoms nas/ /lha rnams kun kyang zhi bar 'gyur/ zhes gsungs te/ lha dang lha mo grub pa'i dkyil 'khor las/ thams cad zhi bar bsgoms na/ lha nyid kyang zhi pa yin na/ gzhan lta ci smos/ zhi bar 'gyur/ /gzhan du na chos kyi dbyings kyi ye shes lha mo'i rang bzhin lta bu yang/ yongs kyis zhi ba yin la/ de ltar rig pa'i ye shes lha'i rang bzhin lta bu yang rang bzhin gyis zhi ba yin te/ de'i byin brlabs kyis thams cad du khyab pa yang/ rang bzhin gyis zhi ba yin pas/ thams cad zhi bar 'gyur ro/ zhes rdo rje bkod pa'i tan+t+ra las 'byung ngo/ /'phags pa thabs kyi zhags pa padmo'i 'phreng las/ zhi ba sbyor ba'i le'u ste/ sum cu rtsa brgyad pa'o// //da ni las bsdu ba bshad de/ mtshan nyid med pa'i phyag rgya dang/ /de las dngos 'byung phyag rgya rnams/ /nges pa med par dpa' bos bshad/ /mkhas pas ci dga' sgyur na 'grub/ ces gsungs te/ gang du bshad pa thams cad mtshan nyid med pa'i phyag rgya ste/ chos kyi sku la dngos por snang ba dang/ mtshan mar bsgoms pa thams cad 'byung bas/ chos kyi skur 'dus te/ chos kyi sku ma nor bar rig na/ rnal 'byor pas sgoms pa dang/ phyag rgya dang mtshan ma thams cad ji ltar bde ba dang/ ci rigs su sbyar zhing/ las rnam bzhi brtsams na/ mi 'grub pa med do zhes/ bai ro tsa na nyid kyis bshad do/ /tan tra thabs kyi zhags pa dang/ dpal 'phreng dkar po dang/ sgyu 'phrul dra ba
- 112a
la sogs te/ tan tra du ma sde lnga las bshad do/ /'phags pa thabs kyi zhags pa padmo'i 'phreng ba las/ las btus pa'i le'u ste/ sum cu dgu pa'o// //da ni las drag po'i phan yon bshad de drag pos thams cad 'dul bar 'gyur/ /dbang gis 'byor pa mchog kyang 'grub/ /rgyas pas gzi brjid rnam par 'phel/ /zhi bas bde ba'i mchog kyang 'grub/ ces bshad do/ /drag po spyad pas ni 'di dang gzhan du lha dang bdud la sogs pa thams cad thul bar 'gyur ro/ /dbang gi las byas pas ni 'di dang gzhan du longs spyod mchog dang/ 'khor phun sum tshogs par 'gyur ro/ /rgyas pa'i las byas pas ni 'di dang gzhan du dpal dang gzi brjid 'phel bar 'gyur ro/ /zhi ba'i las spyad pas ni/ 'di dang gzhan du bde ba'i mchog thob par 'gyur ro/ /'di dag ni bsod nams kyi tshogs chen po yin te/ mtshan nyid med pa las mi gnas par rig pa ni/ ye shes kyi tshogs chen po yin pas/ phyag rgya chen po'i don rig par byas la/ las rnam bzhi rgyun du brtsam par bya'o/ zhes ma ha yo ga'i tan tra du ma las bshad do/ /gong nas 'byung ba'i lha cig la bsgrub na yang/ dngos grub grangs med pa de bsam gyis mi khyab pa'o/ zhes kyang du ma las bshad do/ /'phags pa thabs kyi zhags pa padmo 'phreng ba las/ las bsgrub pa phan yon gyi le'u ste/ bzhi bcu pa'o// //dkyil 'khor 'di'i mtshan nyid ni/ /dbang chen bsdus pa'i dkyil 'khor te/ /de la dkyil 'khor gzhi zlum po bya ba ni/ chos kyi dbyings spros pa med pa'i don to/ /'khor lo'i rtsibs zur can du bya zhing/ gzhi zlum po'i nang na gnas pa ni/ chos kyi dbyings spros pa med bzhin du byin gyis brlabs kyis/ lha dang lha mo dang /
- 112b
khro bo dang khro mo dang/ pho nya la sogs pa dang nyid kyis 'phro ba'i don to/ /rnam gcig tu na chos kyi dbyings rnam par rtog pa med bzhin du/ thams cad mkhyen pa'i ye shes ci yang mkhyen pa lhun gyis grub pa la bya ba'i don to/ /mdza' gru bzhir bya ba ni/ phyogs bcu'i snod dang bcud kyi 'jig rten thams cad la dbang sgyur bas/ bde ba chen po rgyas pa'i don to/ /dkyil nas lha mo kha phyir lta ba ni/ lha mo ni dbyings nyid nye ba'i byin rlabs te/ sems dpa' dbyings nyid dang nye ba'i mthong ba'i don to/ /sems dpa' lnga nang du lta ba ni/ chos nyid nye ba la lta ba'i don to/ /sems dpa' gzhan phyir lta ba ni/ chos nyid thams cad du/ sa rdo lta bur bems po ni ma yin gyi/ mkhyen pa'i ye shes dang ldan zhing/ sems dpa' nyid kyang dbyings las mi zhan pa'i tha tshig go /sems ma gzhan nang du lta ba ni/ mkhyen pa'i ye shes dang dngos po la sogs pa thams cad du rnam par rtog pa ma yin gyi/ dbyings nyid dang ldan zhing/ dbyings nyid mkhyen pa'i ye shes las mi zhan pa'i tha tshig go /rnam cig tu na sems dpa' phyir lta ba ni/ snod dang bcud kyi 'jig rten thams cad dbang du sgyur ba'i don to/ /sems ma nang du lta ba ni/ snod dang bcud kyi 'jig rten thams cad dbang du 'dus pa'i don to/ /sems dpa' dang sems ma phyi nang du gcig la gcig gcig gzigs pa ni/ mnyes par byed pa'i tha tshig go /khro bo dang khro mo ril phyir lta ba ni/ phyi'i dngos po dang rgol ba la sogs pa 'joms shing 'dul ba'i don to/ /de la dbyings ni dper na nyi ma'i dkyil 'khor lta bu'o/ /mkhyen pa'i ye shes ni nyi ma'i 'od snang zhing gsal ba lta bu'o/ /de'i byin brlabs ni dro zhing tsha ba lta bu'o/ /phyi'i dngos po la sogs pa 'joms shing 'dul ba ni/ rtsi shing skyes shing 'tshig pa lta bu'o/ /lha mo dang sems
- 113a
dpa' ni/ chos kyi dbyings nyid rig pa'i don dbyings la snang ba'o/ /lha dang sems dpa' ni/ dbyings la snang ba'i don mthong ba'o/ /dbyings nyid la snang ba dang mthong ba'i byin rlabs ni/ rang bzhin gyi dngos po dang/ rgol ba'i rang bzhin lhun gyis 'joms zhing/ dbyings su sbyor bar 'dul ba ni/ khro bo dang khro mo las rnam bzhi rang bzhin lhun gyis mdzad cing/ thugs rjes 'jig rten skyong ba'i don to/ /'jig rten skyong ba la sogs pa ni/ byin rlabs pho nya lta bu gnas pa yin/ rnam gcig tu 'jig rten gyi lha mthu bo che dang mthu mo che 'khor du 'dus pa'i rtags so/ /bkra shis brgyad ni thams cad la dbang sgyur zhing 'khor ba la longs spyod kyang/ nyon mongs pas 'ching bar mi 'gyur ba dang/ mya ngan las 'das pa la spyod kyang/ nyan thos zhi ba phyogs gcig par mi 'gyur te/ gang gis kyang zil gyis mi non pas bkra shis so/ /de la dpal gyi be'u ni/ mkhyen pa'i ye shes dang ldan bas bkra shis so/ /'khor lo ni/ thabs la dbang sgyur ba dang/ chos kyi 'khor lo bskor bar bkra shis so/ /rin po che ni/ zad mi shes pa'i gter dang ldan pas bkra shis so/ /pad+ma ni/ 'khor bsam zin pa'i bkra shis so/ /gdugs ni/ nyon mongs pas mi gdugs pas bkra shis so/ /bum pa ni/ ro mchog dang ldan pas bkra shis so/ /dung ni/ rgol ba thams cad skong bas sgra sgrogs pa'i bkra shis so/ /nya ni/ lam rgyud lnga'i sems can dang/ ngan song kun las sgrol pa'i thugs rjes thabs mkhas pa'i bkra shis so/ /gling bzhi ni rigs lnga'i byin brlabs yin pa 'am/ lam lnga'i sems can la/ de bzhin gshegs par rang bzhin yod par bstan pa 'am/ thugs rje de dag gi don mdzad pa'i tha tshig go /rnam pa gcig tu thams cad dbang du 'dus pa'i don to/ /de la gtso bo dang gtso mo 'khor lnga lnga dang bcas
- 113b
pa ni/ ci yang mi mdzad do/ /sems dpa' dang sems ma nyi shu ni/ kun la bu gcig bzhin no/ /de ltar byams pa'i shugs kyis/ khro bo dang khro mo 'khor dang bcas pa ni/ phyi nang thams cad kyi dngos po la/ rngon pas ri dags mthong ba bzhin du ni/ de ltar zhe sdang gi shugs kyis/ thams cad dbyings nyid la sbyor ro/ /'byor na 'khor ba'i chos la spyad kyang/ longs spyod chen po ste/ nyon mongs pas 'ching bar mi 'gyur bas/ de ltar grub pa ni 'dod chags so/ /chos kyi dbyings dang gis gsang bas phrag dog go /chos nyid spros pa med pas gti mug go /chos nyid de lta bus khams gsum las rgyal bas nga rgyal lo/ /de la gtso bo'i 'khor lnga'i byin brlabs ni/ thams cad khyab mod kyi/ nye ba ni dbus nas 'dun dang/ thod ka yan chad rgyab mjug ngo yan chad do/ /mi 'khrugs pa'i 'khor lnga'i byin rlabs ni/ phyag g.yas dang rtsibs logs g.yas so/ /rin chen 'byung gnas kyi 'khor lnga'i byin rlabs ni/ phyag g.yon dang rtsibs logs g.yon no/ /'od dpag med kyi 'khor lnga'i byin rlabs ni/ zhabs g.yon nas rked pa man chad do// don yod grub pa'i byin rlabs ni zhabs g.yas pa nas/ rked pa g.yas man chad do/ /khro bo dang khro mo thams cad ni/ rigs so so'i byin brlabs bzhin no/ /de ltar 'khor lnga po gcig la yang lngar lngar 'gyur te/ sra ba'i bya ba byed pa thams cad ni/ rdo rje'i rigs so/ /dro ba'i bya ba byed pa thams cad ni/ rin po che'i rigs so/ /gsher ba'i bya ba byed pa thams cad ni/ pad+ma'i rigs so/ /bskyod pa'i bya ba byed pa thams cad ni/ las kyi rigs so/ /de rnams mnyam pa las/ dngos su gzhag pa de bzhin gshegs pa'i rigs so/ /thams cad bdag nyid ma'i/ 'khor lnga'i byin rlabs ni/ dbus su 'gyur ba thams cad de/ sra? ba'i rang bzhin med pa ni/ yangs pa'i spyan/ 'khor lnga'i byin brlabs so/ /dro ba'i rang bzhin med pa ni/ ma ma ki /'khor lnga'i byin
- 114a
brlabs so/ /gsher ba'i rang bzhin med pa ni/ gos dkar mo 'khor lnga'i byin brlabs so/ /bskyod pa'i rang bzhin med pa ni/ sgrol ma'i 'khor lnga'i byin brlabs so/ /don du bya ba byed nus pa ni sems dpa' o/ /de bzhin du rang bzhin med pa ni/ sems ma'o/ /de ltar rig pa'i ni khro bo dang khro mo'o/ /de la bsdu zhing spro ba yang thams cad de ltar bya'o/ /phyi nang gi chos thams cad kyang de ltar brtag go /'phags pa thabs kyi zhags pa padmo 'phreng las/ dbang chen bsdus pa dkyil 'khor gyi le'u ste/ bzhi bcu rtsa gcig pa'o// //de skad ces dpal rnam par snang mdzad kyis bka' stsal pa/ rdo rje gzhon nu'i sde 'bum phrag du ma yi rang ste/ 'di skad ces bstod do/ /hUM bskal pa me ltar 'bar ba yi/ /'od zer 'du 'phro'i klong dkyil na/ /khro bo khro mo rnams bzhugs pa/ /sku ni cir yang ma nges 'gyur ba'i gzugs/ /hUM dbu skra kham nag ral pa can/ /gyen du 'khyil pas sring rtser 'bar/ /mi mnyam khro gnyer sdang dmigs ni/ /log par lta ba 'dul ba'i mtshan/ / hUM mche ba zang yag gtsigs pas ni/ /skye shi nang? nas gcod pa'i tshul/ /sku gsung thugs kyi byin brlabs ni/ /phyag cha sna tshogs cir yang snang/ /hUM thugs rje'i byin brlabs sprin ltar gtibs/ /byams pa'i 'od zer glog bzhin 'gyur/ /rngam pa'i sgra skad 'brug ltar sgrogs/ /sprul pa'i thog chen char bzhin 'bebs/ /hUM sngon gyi thugs dam chen po ni/ /klan ka chen po bdud la tshol/ rkyal ka chen po bgegs la mdzad/ /bdud dpung ma lus 'dul ba dang/ /bgegs rnams thams cad 'joms mdzad cing/ / dam tshig can la dngos grub stsol/ /hUM thugs rje chen po'i byin rlabs kyis/ /bdag la byin gyis brlabs mdzad cing/ /bdag gi lhag pa'i bsam pa rnams/ /grub par byin gyis brlab tu gsol/ /hUM 'khyil cing brgyan yang 'khyil pa la/ /sems kyi
- 114b
chos la sku mi mnga' / /sgra las 'das pa'i sbyor ba de/ /bsam dang bral ba'i ye shes lags/ hUM srid gsum 'jom pa'i lha la phyag 'tshal lo/ /mnyam nyid ngang gis khro la phyag 'tshal lo/ /khro bos longs spyod mdzad la phyag 'tshal lo/ /rdo rje 'du 'phro mdzad la phyag 'tshal lo zhes bstod do/ /nyid kyi thugs kar zhugs nas mi snang bar gyur to/ /mnyam las spros te 'byung ba'i las/ /skyes bu gang zhig rig pa nges/ /gang zhig ji skad brjod pa'i sgra/ /thams cad tan tra zhes pa ni/ /'og min bla med gnas mchog tu/ /mgon po bdag nyid chen po yis/ /rdo rje 'khor lo bskor ba na/ /ljags kyi dbang po bkram pas gsungs/ /de las brten te mgon po yis/ /sku gsung thugs kyi gsang ba rnams/ /rnal 'byor bsgrub pa rtogs bya'i phyir/ /ma nor tsam du bshad pa yin/ /dngos grub mchog brnyes ya mtshan chen po yis/ /'jig rten ma 'gyur pad+ma'i rgyal po las/ /de bzhin gshegs pa'i man ngag gsang chen rnams/ /klong nas bkrol mdzad de la phyag 'tshal lo/ /'phags pa thabs kyi zhags pa padmo'i 'phreng ba las/ rtog pa'i rgyal po don bsdus pa'i le'u ste/ bzhi bcu rtsa gnyis pa'o// //'phags pa thabs kyi zhags pa padmo'i 'phreng gi 'grel pa rdzogs so// //rgya gar skad du/ ma hA rA dza tan+t+ra sh+rI gu ya garb+ha nA ma ti ga /bod skad du/ rgyud kyi rgyal po chen po dpal gsang ba'i snying po'i 'grel pa zhes bya ba/ dpal rdo rje sems dpa' la phyag 'tshal lo/ /dus gsum kun gyi bdag nyid che/ /byed pa rdo rje dkyil 'khor gtso/ /dgos pa mdza' dag gter gyur pa/ /kun bzang yid la 'ang phyag 'tshal lo/ / ston pa gnyis la mchod byas nas/ /dngos gsum gsal byed gcig gi gter/ /rnam grangs gsum bzhis mtshon pa'i rgyud/ /thar lam mdo tsam dbye bar bya/ /de la spyir gsang sngags kyi rgyud mdza' dag rgyud gsum gyi dbye bas bshad de/
- 115a
thugs kyi thigs pa las/ rang bzhin bde bar gshegs gdul bya yi/ /snang ba gsum gyi ngo bo la/ /rgyud kyi dbye ba rnam par bzhag /gcig sa gsum gyi ngo bo yang/ /'khrul pa'i snang bas gsum du 'gyur/ /des na snang ba bzhi dag tu/ /lung rigs kun las gsal bar bshad/ ces 'byung bas/ rang rig pa thams cad rtsal ma 'gags pa ni rang bzhin gyi snang ba ste/ thams cad du 'bral cing thams cad tshang ba'i phyir/ rang bzhin gyi rgyud du gsungs la/ dngos par ston pa yang/ blo'i rim pa bye brag tu snang ba rnams ni/ gdul bya'i snang ba ste/ rjes su mthun cing thams cad 'gro ba'i phyir lam gyi rgyud do/ /des mthar thug pa ni bral ba dang thob pa med pa'i ngo bo nyid du lhun gyis grub pas thams cad rdzogs pa ni/ de bzhin gshegs pa'i snang ba ste/ rjes su snyegs pa'i phyir 'bras bu'i rgyud de/ de dag ngo bo gcig pa la /rim par snang ba ni kun tu brtags pa sna tshogs kyis bsgribs pa dang/ sangs pa dang phye ba gang yin pa ni/ 'khrul pa'i snang bar gsungs pa'i phyir/ zhor la gshang pa bzhir phye bar 'gyur ro/ /de la rang bzhin gyi snang ba ni gzhung nyid las/ kun gzhi rnam par shes pa nyid/ dngos po sna tshogs par snang ste zhes 'byung bas/ rang rig pa'i lugs kyis/ cir snang ba de bdag nyid rang rig pa nyid kyi phyir yon tan tshang zhing gnyis kyang skabs las 'brel pa rgyud de/ zhor la bshang ba'i nyes pa lnga yis bsgribs pas/ gnyis la rag lus par snang ngo/ /lnga gang yin snyam pa la/ rgyu rkyen byed po ngo bo dang/ /de'i nyes pa rgyal bas gsungs/ zhes 'byung ba ste/ gzhung las/ ma rig rtog pa'i gzung 'dzin gyis zhes pa dang/ rang gi rnam rtog las kyis sprul ces pa dang/ /ma bcos rgyun gyi skad cig ma/ /de yis ma byas gang yang med ces pa dang/ /sna
- 115b
tshogs lus dang longs spyod dang/ /gnas dang sdug bsngal la sogs pa/ /bdag dang bdag gir so sor 'dzin/ /de yang/ bdag dang bdag gi gzhan rnams ni/ /log par rtogs pa tsam nyid las/ /'phra zhing zab pa'ang yod ma yin/ ces 'byung ngo/ / nyes pa yang/ chos rnams ye nas dag 'gyur kyang/ /phyin ci log gi blo log nas/ /log rtog gnas dang longs spyod dang/ /ma rig 'khrul 'khor bsam mi khyab/ /sems can ma lus thams cad la/ ye shes lnga yis kun khyab kyang/ /rang gi rnam rtog bsgribs byas nas/ /ye shes lnga'i don ma mthong/ /zhes gsungs so/ /de'i phyir lam gyi rang gi ngo bo nyid mngon du byas pa la/ 'bras bur 'dogs kyang/ ngo bo nyid gcig ste/ /rang bzhin ni thams cad kyi gdags gzhir gyur pa'i phyir/ thams cad rang rig byang chub sems/ /de ni lung gi tshad mar bshad/ /tshad bzhi phab pa'i don yin te/ /dag pa rnam gsum tshul gnas shing/ /'bru ldar 'dus pa'i thabs chen de/ /'gro ba kun la rang bzhin gnas/ zhes gsungs so/ / gnyis pa ni gzhi dang lam gyi nyes pa gnyis zad pa gang yin pa ste/ nges snang ba'i phyir 'bras bu zhe'o/ /de yang rang bzhin gyis byin gyis brlabs kyis 'brel pa dang/ /bdag dang gzhan gyi dgos pa phun sum tshogs pa'i phyir rgyud do/ /de la gnyis su 'bres? te/ de la ngo bo ni mtshan nyid 'di 'brar brjod par dka' na yang/ rmongs pa rnams kyi don du/ nyi shu rtsa lngar bsdu ba mdzad do/ /de thob pa'i tshul ni lam gyi gtan tshigs dang rtsol bas nyes pa gnyis zad pa'i dus na rang snang ba la 'dogs pa'i phyir/ gzhung las/ ngo mtshar cho 'phrul rmad kyi chos/ /gzhan nas yod 'ong ma yin te/ /thabs la brten pa'i shes rab nyid/ /da lta bu'i ngang du byung zhes pa dang/ yang/ rgyu 'bras ye nas dbyer med lnga phyi ma yin pas/
- 116a
'bras bu lam du gyur nas dus gcig mnyam par sbyor/ ces pa la sogs pa gsungs so/ /gsum pa ni de dag shes pa dang/ grub par byed pa'i las btags te/ de yang blo'i bye brag gis tha dad par snang ba kho na'o// de la don drug ste/ ngo bo des tshig dgos ched dang/ /'byung tshul gnyer bshad thabs kyis dbye zhes pa'o/ /ngo bo la gsum ste/ phyag na rdo rjes dbang bskur ba la sogs pa bya ba'i rgyud/ de kho na nyid thub pa la sogs pa thub pa'i rgyud dang/ thabs kyi theg pa'i rgyud do/ /de la yang gsum ste/ dpal gsang ba 'dus pa la sogs pa thabs kyi rgyud dang/ dpal bde mchog la sogs pa shes rab kyi rgyud dang/ dpal 'bu ta 'byung ba la sogs pa ma ning gi rgyud do/ /de la dpal gsang ba'i snying po 'di ni thams cad kyi don dang rgyu 'bras tshang zhing 'brel pa'i phyir/ rgyud thams cad kyi spyi yin par gsungs so/ /des tshig ni/ rang bzhin 'bras bu rnam gnyis las/ /shes thob btags pa'i nges tshig gnyis/ /rgyu rkyen thabs 'brel rgos rdzogs phyir/ /rang gi nges tshig bzhi ru 'gyur zhes pa go sla'o/ /rgos ched ni/ rang bzhin gyi rgyud mi 'gyur ba'i yongs su grub pa ste/ lam gyi rgyud gsum gyis phyin ci ma log par bya ba dang/ 'bras bu rgyud mngon du snang bar byed pa'i phyir ro/ / 'byung tshul ni/ drug pa'i ston pa lhun gyis grub pa'i thabs dang/ smon lam gyis go phye nas/ le'u dang por rgyu snang bar mdzad/ /gnyis bar rkyen sbyar/ gsum par thun mong bcas bzhi'i ston pa drug snang bar mdzad de/ dus mtshungs par tha dad pa'i rgyud rnams 'byung ba'o/ /gnyer ni yongs su grub pa gnyis dang/ tha mal pa'i blo brod pa bskyed pa'i phyir 'bras bu'i chos rnams kyi mtshan nyid brjod pa'o// //rgyud kyi bshad pa'i thabs ni/ gdul bya dang dbang po rab
- 116b
'bring tha ma'i don du don gsum mo/ /de la rab kyi don du mtshan bshad pa yang 'dir gsum ste/ rgyud dang dkyil 'khor skyes bu'i mtshan thun mong du btags pa ni/ rdo rje sems dpa' i sgyu 'phrul dra ba'o/ /che ba las btags lung gi spyi'o/ /don gyi ngo bo las btags pa ni/ gsang ba'i snying po de kho na nyid nges pa'o/ zhes bya ba ste/ de la gsang ba la gsum te/ rang bzhin dang/ sbas pa dang/ gab pa'o/ /de la rang bzhin gyis gsang ba ni/ gzhung nyid las/ e ma'o ye nas gsang ba'i chos/ /sna tshogs snang la rang bzhin gsang/ /ngo bo nyid kyis rab tu gsang/ gzhan du min las shin tu gsang/ zhes 'byung ste/ ye nas gsang ba ni/ gnyis su med pa rang 'byung gi ye shes yon tan ril lhun gyis grub pa de/ rang chas su yod kyang ma shes pa kho na la bya'o// //rang bzhin gyis gsang ba ni/ de nyid rang snang ba'i dngos po ril mi zad pa rgyan gyi 'khor lor rang rgyud du gnas pa/ brtags pas bsgribs pa'o/ /ngo bo gsang ba ni/ rang bzhin gyi rgyud kyi ngo bo nyid/ /yul sems rgyu 'bras dang/ bden pa gnyis po las grol ba de / bar? snang ba'i phyir rang gi ngo bo nyid yul du ma dmigs pa kho na'o/ /shin tu gsang ba ni/ 'bras bu'i rgyud bsgrub par bya ba ste/ gud na med kyang/ nyon mongs pa dang shes bya dang/ lta ba'i sgrib pas/ gzhan du tshol yang/ rang rig pa las snang ba kho na'o// spas pa'i gsang ba ni/ spyod pa'i khyad par lta gsum dang/ stan 'gan dang bya ba med pa la sogs pa/ lta spyod 'brel pa dang/ 'jug par gsungs pa de dag /sngags kyi man ngag med pa dang/ sgra bzhin spyod pa rnams kyis spyad na/ shin tu nyes pa che bas/ brdar spas nas gtan dgos pa ste/ gzhung las kyang/ kha cig lta bas mnyam gnas kyang zhes pa la sogs pa dang mnyam pa'i don nyid ma rtogs par ces pa la sogs pa'i don gyis/ gsang phyir gdam ngag sna tshogs gsungs/ zhes pa
- 117a
'byung ba'o/ /gab pa'i gsang ba ni/ rgyud kyi don phun sum tshogs pa dang/ rang bzhin gyi don rnams 'khrul pa dang/ mchod? pa rnams la gab pa de dang de/ tshad ma gnyis kyi bdag pos 'byin pa'o/ /snying po zhes bya bas gsum ste/ de la theg pa thams cad 'byung ba'i snyed po ni/ byin gyis rlabs kyis bstan pa ste/ gdul bya las tha ma'i don du rgyud 'di bstan pa'i mdzad pas go phye nas/ thams cad kyang 'byung ba ste/ gzhung las 'dul ba mdo sde chos mngon dang/ zhes pa nas/ 'bebs pa mthar thug go /theg pa kun gyi 'bras bu'i snying po ni/ sgo kun nas bsgrub pa'i mdza' / rang bzhin gsang ba'i snying po 'di mngon du byed pa'i phyir/ gzhung las/ sa rnams khyad par bkod pa yang/ / gsang ba'i snying pos 'gro ba lam/ zhes pa la sogs pas ston pa ni chos thams cad kyi don gyi snying po yin pas/ gtan tshigs kyi sgo gang nas rmal kyang/ mthar gtugs pa'i de bzhin gshegs pa'i spyod yul ni/ rtog tshogs su btags pa ril/ sku dang ye shes bzhi bcu gnyis su sangs rgyas pas khor ba dkar dag pa ste/ gzhung las/ don bsdus gsung rab bzhi bcu gnyis/ /de las lhag pa'i don smra ba/ /de ni rnam dag lam min te/ /rang blos bsam pa 'khrul pa yin ces pa dang/ yang/ de bzhin gshegs pa thams cad la/ gsang ba 'di las gzhan mi mnga' / /zhes pa gsungs so/ /de kho na nyid ces bya ba la gsum ste/ rgyu 'bras gnyis su med pa la/ de nyid ngo bo skabs kyis gsum/ zhes pas/ rtogs tshogs ril dang rig pa las ni gzhan pa'i phyir/ snang stong gnyis dang bral ba'i ye shes kyi dkyil 'khor la/ blo ma bcos par gzhag pa ni/ ma bcos pa'i de kho na nyid do/ skabs kyis rgyu zhes btags so/ /de nyid ye shes kyi phyag rgya
- 117b
mang por snang bar mngon sum du byung ba ni/ ma nor ba'i de kho na nyid de/ spros pa la zhen pa rnams la 'bras bu zhes btags so/ /de dag kyang mngon par zhen pa dag gi skabs las gzhan ma yin pa ni/ gzhan ma yin pa'i de kho na nyid de/ dbye ba ma grub pas rgyu 'bras gnyis su med pa'i de kho na nyid do zhes bya'o/ /nges pa'o zhes bya ba ni/ gzhi dang lam dang ngo bo yis/ /nges pa rnam pa gsum du bshad/ ces pas/ rgyud kyi gzhi ni/ rang bzhin gsang ba'i snying po ste/ rang bzhin gyis nges pa'o/ /de 'dir nges par ston pa'i phyir/ gzhung las/ sgro dang skur bzhi pa'i gsang ba'i snying po de kho na/ nyid de nges pa'i dbyings nas byung zhes gsungs pa'o/ /'di'i lugs kyis 'bras bu nyid nges pa'i lam du byed pa'i phyir/ yang 'di ni gsang chen nges pa'i 'bras bu lam du gyur pa yin/ ces gsungs so/ /'di rang gi ngo bos de bzhin gshegs pa'i dgos pa mngon du ston pa'i phyir/ /rgyal ba'i dkyil 'khor ma lus la/ /'di las gsang ba'i nges don med ces gsungs pas/ don gnyis las skal ba'i las can la nges pa'i don du gsungs pa'o/ /spros pa la dga' ba dbang po 'bring gi don tu rgyud kyi don rnam par phye ba la don rnam pa lnga ste/ rgyud kyi rgyud dang rkyen dang/ yongs su shes par bya ba dang/ rgos 'brel dang/ yongs su gtad pa'o/ /de la rgyud 'byung ba'i rgyu gleng gzhi phun sum tshogs pa la rnam pa gnyis te/ thun mong dang/ thun mong ma yin pa'o/ /thun mong gi gleng gzhi la gnyis te/ khyad par dang/ bstan pa spyi'i gleng gzhi'o/ /khyad par gleng gzhi la drug go /de la ston pa la ngo bo dang/ rang bzhin dang/ bshad pa'i skyes bu'o/ /gnas la rang bzhin dang gzhal yas khang gdan dang rgyan du bcas pa'i mtshan nyid do/ /'khor la rang bzhin gnyis su med pa'i 'khor dang/ rig pa khyad par can gyi 'khor dang/ tshad dang/ mdog
- 118a
go /dus dang/ sdud pa dang/ bstan pa'o/ bstan pa spyi'i gleng gzhi la/ rgyud dang/ ngo bo'o/ /ngo bo la ston pa dang/ zhing khams dang/ mdzad pa dang/ gdul bya dang/ de dag gi bstan pa'o/ /rgyud 'byung ba'i rkyen gleng bslang ba la gnyis te/ thun mong ma yin pa'i gleng bslang ba/ 'khor la dbang gnyis kyi skabs phye ba dang/ thun mong du gleng bslang ba bstan pa mdza' dag bshad par zhus pa dang/ gnang ba'o/ /rgyud rang gi ngo bo yongs su shes par bya ba'i dngos po la bdun gyis dbye ste/ lta spyod dkyil 'khor dbang ngam dang/ /'phrin las bsgrub pa'i lam rim gyis/ /gsang sngags rgyud kyi dbye ba bya/ zhes pas ston te/ de la lta ba la gtan tshigs dang/ ngo bo'o/ /spyod pa la/ shes rab dang mthun pa'i spyod pa dang/ thabs dang mthun pa'i spyod pa dang/ phyogs gcig pa'i spyod pa dang tshogs kyi spyod pa'o/ /dkyil 'khor ni gzhung las/ 'dis ni rang bzhin dkyil 'khor dang/ /gzugs brnyan lhag pa'i gzugs brnyan dang/ ting 'dzin lhag pa'i dkyil 'khor lnga/ /byang chub sems dang tshogs mchod bstan ces pa'o/ /de la rang bzhin la/ rang bzhin nyid kyi dkyil 'khor dang/ rang bzhin lhun gyis grub pa'o/ /lhun gyis grub pa'i dkyil 'khor la zhi khro gnyis so/ /de re re la yang sku gsung thugs te drug go /lhag pa'i ting nge 'dzin gyi dkyil 'khor la yang drug rjes su mthun no/ /lhag pa gzugs brnyan gyi dkyil 'khor la/ sa gzhi snyam pa dang/ tshad dang/ thig dang/ bri ba dang/ tshon dang/ dbye ba dang/ rab gnas dang/ sbyin sreg dang/ der 'jug pa dang/ byas nas zhugs pa'i yon tan dang bcu'o/ /tshogs kyi dkyil 'khor la zhi khro gnyis so/ /dkyil 'khor kyi nges tshig ni rgyas pa nas gsal lo/ /dam tshig la rang bzhin dang/
- 118b
che ba dang/ grangs dang/ skyon dang/ yon tan no/ /dbang la ngo bo dang/ bskur ba'i rim pa dang/ bskur thabs dang/ skyon dang/ yon tan no/ /'phrin las la/ lhag pa hom gyi las dang/ lhag pa rdzas kyi las dang/ lu gu rgyud kyi pas? dang/ yon tan no/ bsgrub pa'i thabs lam gyi rim pa la gnyis te/ bskyed pa'i rim pa ting nge 'dzin lnga'i sgo nas rim par 'jug pa dang/ rdzogs pa'i rim pa chos thams cad dag pa gsum dang mnyam pa rnam pa lnga'i dang du sangs rgyas pa de rtogs pa'i bzhi'i lam gyis yid ches te/ de la mtshan nyid gsum dang dgos 'brel gyis lam mtshon nas/ bsnyen bsgrub bzhis don mthar phyung ste/ bdud bzhi yang gdul bas/ 'bras bu lhun gyis grub par 'jug go /dgos 'brel ni/ thun mong dang thun mong min pa'i tshul gyis gnyis te/ de yang/ brjod 'brel dgos dang yang dgos pa'i/ /rgyud kyi yan lag bzhi ru 'gyur/ /ces pas/ thun mong lam gyi rgyud ni brjod par byed pa'o/ /rgyud gnyis ni brjod bya'o/ /gleng gzhi tshogs nas gleng bslang ba ni thabs de las rgyud 'di snang ba ni nges par 'byung ba'o/ /lam gnyis ni rgyu/ mi zad pa rgyan gyi 'khor lo ni 'bras bu'o/ /rgyud kyi dngos po bdun ni dgos pa'o/ /mi zad pa rgyan gyi 'khor lo ni dgos pa'i yang dgos pa'o/ thun mong ma yin par na/ thig le chen po thabs dang bcas pa ni brjod par byed pa'o/ /thig le bcu drug gi bde ba ni brjod par bya'o/ /byed pa sdom pa rlung dang bcas pa ni thabs so/ /des rang bzhin gsang ba'i snying po myong ba ni thabs las byung ba'o/ /thig le bzhi bcu rtsa gnyis ni rgyu'o/ /ye shes bzhi bcu rtsa gnyis mngon du shar ba ni 'bras bu'o/ /sems lnga rgyun tu bskyed pa ni dgos pa'o/ /bcu drug tsha la rdzogs pa'i ye shes chen po ni dgos pa'i yang dgos pa'o//
- 119a
rgyud yongs su gtad pa ni gnyis te/ de la gdam pa ni rang bzhin gsang ba'i snying po la/ stsol ba ril bral bar gdams pa'o/ /gtad pa la gnyis te/ sdud pa po la zung la spros shig pa dang/ rnal 'byor ba la yon tan brjod de zung cig pa'o/ /sa gcod kyi drangs de dag dkyus kyi thad dkar ngo sprad nas bstan to/ /dbang po tha ma'i don du/ gsang sngags kyi spyi'i rgyud kyi bshad thabs bcu yis 'bru gnyir dbye'o/ /de la bcom ldan 'das dpal kun tu bzang po la phyag 'tshal lo/ /zhes bya ba ni/ sdud pa pos tshig gnyer ba de'i tshe rang gi ston pa la mchod pa'o/ /'di skad bshad pa'i dus na/ zhes bya ba ni/ thun mong ma yin pa'i gleng gzhi ste/ gzhung gzhan las khyad par gyur ba'i phyir/ sgyu 'phrul thal ba'i rgyu las/ 'di zhes nye bar mtshon pa ni/ /e sogs rnams bzhi dbyings can gnas/ /skad ces gsal byed las ming can/ /baM dbyibs thig ler bcas ston pa'o/ /ma dang me nu sdom byed yin/ /las can rnams shes de dag la/ /gsal bar go bar bshad par 'dod/ /pa sgra don dam nges pa'i rgyud/ /ya na theg chen 'di yin no/ /dus ni bsam gyis mi khyab dus/ /nam de ming zhes bya'o/ /zhes 'byung ngo/ /de la nye bar mtshon pa ni gnas te/ khyams dang/ sgo dang/ bya'i gdong dang/ za ma tog rnams/ drag rgyas zhi dbang du gnas pa ni/ sangs rgyas ril gyi bzhugs gnas su gnas so/ /gu ya badzra dbur rdzogs pa'i thig le dang bcas pa'i ni ma lus pa'i byed pa po'i phyir ston pa'o/ /ma ni ma da na sdom byed de sems lngas glang ba'i las kyis mnun? yid de/ rnam par shes pa'i rgyal po dang/ rdo rje mthong ba la sogs pas pa yin ci ma log par go ba ni brjod pa dang 'dra ba'i phyir/ 'khor la bshad do bar tha snyad du 'dogs so/ /go ba nyid gang snyam pa la/ ba bar ma ta na don dam pa byang chub kyi sems te/ sems
- 119b
lnga'i tha ma skad cig ma bcu drug pa'i byang chub sems mthas ma reg pa ni/ ma ha ya na na theg pa chen po ste/ rgyud 'di'o/ /de'i dus ni gcig tu brjod du med pas/ bsam gyis mi khyab pa'i dus zhes bya bar tha snyad 'dogs so/ /de ni gdul bya las tha ma? rnams kyi don gyi phyir/ thun mong ma yin pa'i gleng gzhi'o// //da ni thun mong gi gleng gzhi ston pa'i rang bzhin te/ rgyal ba drug pa'i yon tan mdza' yas pa yang mdor bdun du bsdu ste/ de bzhin gshegs pa zhes bya ba ni/ gnyis su med pa'i rig pa rang byung gi ye shes ni/ ma bcos par ril lhun gyis grub pa'i phyir/ de bzhin nyid do/ /der son pa ni ngo bo nyid du gyur pas/ gnyis dang bral ba'i phyir de bzhin nyid du gshegs pa yang/ sna tshogs zhen las grol bar zad ce'o// yang dag par rdzogs pa zhes bya ba ni/ gnyis su med pa'i byang chub kyi sems ni ril ngo bor gyur pas/ spangs pa mi dmigs pa'i phyir yang dag pa'o/ /de nyid kyi phyir thams cad 'bras bur rang snang bar yang bzhugs so/ /sangs rgyas zhes bya ba ni/ sa pa la sogs pa'i lta ba ngan pa thams cad dang bral ba'i ye shes mdza' dbus med par brdal bas ye shes bla ma'i sa mngon du byas pa'o/ /bcom ldan 'das zhes bya ba ni/ nyon mongs pa la sogs pa/ mi mthun pa nyid rang rig tu gsal bas/ de dag 'bras bur mnga' mdzad kyang/ ngo bo nyid 'di 'drar? mi rnyed pas spyod yul du byang med pa'i phyir ro/ /longs spyod chen po zhes bya ba ni/ thams cad kyi ro myang yang/ bdag nyid chen po'i phyir/ spyod yul dang bral bas gzhan las khyad par du gyur pas chen po'o/ /phyogs bcu dus bzhi'i de bzhin gshegs pa thams cad kyi sku dang gsung dang thugs rdo rje'i bdag nyid/ ces bya ba ni/ tha snyad gnyis kyis bsdus pa'i de bzhin gshegs pa ril gyis yon tan brjod pa las 'das
- 120a
pa yang/ mdo nyi shu rtsa lngar 'dus te/ de dag yang dag par rdzogs pa'i phyir/ rgyal ba drug pa'i khyad par las snang bas/ sangs rgyas kun gyi spyi gzugs can dang/ rigs thams cad kyi bdag po zhes tha snyad du 'degs so/ /ma lus mi lus lus pa med pa thams cad dang/ so so ma yin tha mi dad dbyer med pa'i rang bzhin te/ zhes bya ba ni/ dus gsum gyis bsdus pa'i sems can dang/ chos thams cad dang bsdu ba ni su zhig snyam pa la/ drug pa'i de bzhin gshegs pa ste/ de dag rig pa sgyu ma'i phyir dang/ sems nyid du ma skyes pa dang/ bden pa gnyis kyi tha snyad las 'das par gcig pa ste/ kun kyang de 'dra ba'i phyir/ /gnyis su med pa dang/ snying rje chen po'o/ zhes bya ba kho na'o/ / de'i gnas gang snyam pa la/ 'og min gyi gnas mdza' dang dbus med pa na/ zhes bya ba ni/ rang bzhin gtan te/ de yang/ gtsang ma'i rigs dag spangs pa yi/ /'og min chen po'i gnas mchog na/ /rigs bdag phyag rgya lhun grub sku// gcig dang du ma rnams spangs pa/ /sangs rgyas kun gyi spyi gzugs te/ /gdod nas theg mchog mdzod nyid phyir/ /sgrib pa mdza' spangs gdul bya la/ /skad cig gcig gis snang bar mdzad/ ces pas/ yul khyad par can de ni/ rang rig pa kho na'i phyir mdza' dbus dang bral ba'o/ /gzhi tshad med pa'i ye shes kyi 'khor lo gsal ba la/ zhes bya ba ni/ 'og gi 'khor lo chen po ni ye shes kyi phyir gdul bya'i snang bas tshad gzung du med de/ de yang ye shes lnga'i rtsal rang snang ba'i phyir phan tshun du gsal lo/ /gzhan gyi rgyu ci snyam pa la/ ye shes rin po che 'bar ba'i gzhal yas khang/ zhes bya ba ni/ gnas kyi rgyud yang rang rig pa nyid kha dog dang dbyibs su snang ba ni tha snyad du rin po che ste/ las
- 120b
kyang mi 'dod pa ma yin no/ /rgya phyogs bcur yongs su ma chad pa/ zhes bya ba ni/ rang bzhin te/ rgyu'i phyir ye shes nyid mdza' kun dang bral ba ni/ de bzhin gshegs pa'i snang bar 'gyur ro/ de'i phyir phyal bar 'gyur ro snyam pa la/ /yon tan dpag tu med pa rgyas pa'i phyir gru bzhir gyur pa zhes gsungs te/ ye shes kyi phyir 'bras bu chos ril lhun gyis grub pa de nye bar mtshon pa'o/ /lhag pa'i ye shes rin po che'i glo 'bur gyis mdzes pa/ zhes bya ba ni/ gang rtogs pa'i ye shes ni bye brag mngon du snang bas de nyid kyi rtsal glo bur bzhir snang ba ni kha dog gis rgyan lta bur mdzes pa'o/ rtse mo phyogs bcu dus bzhi'i sangs rgyas kyi dkyil 'khor ma lus pa thams cad so so ma yin ngo bo nyid gcig pa'i ye shes kun tu 'khyil pa/ zhes bya ba ni/ zlum par mtho ba nyid rang rig pa nyid zhing khams thams cad du snang bas/ thams cad rang rig tu gyur pa ni/ gang du yang mi gnas pa'i ye shes chen po ste/ snang ba gnyi ga las ma 'das pa'o/ /ye shes bsam gyis mi khyab pa'i ye shes rin po che'i dbyibs dang/ kha dog la sogs pa rnam pa tha dad pa'i bye brag dang/ khyad par du gyur pa zhes bya ba ni/ ye shes kyi las kyi skabs las bye brag bsam gyis mi khyab par snang ba nyid sna tshogs kyi dbyibs dang 'od zer dang sprul pa'i rnam pa lta bas mi ngoms par rdzogs par snang ngo/ /bags pa tshad dpag tu med pa/ zhes bya ba ni lam gzhan las 'di 'phar ba dang/ 'di nyid thug pa med pa'i phyir/ sgo la sogs pa'i rim pa dang/ bum pa sangs rgyas kyi spyi gtsug lta bur gnas pa'o/ /ye shes rin po che sna tshogs ces pa nas klubs pa'i mthar thug pa ni/ ye shes chen po snang stong gnyis su med thugs rje sprul pa rgyun dang ldan pa dang/ bden pa gnyis mi phyed pa dang/ thabs sna tshogs ma 'dres pa dang/ gang yang
- 121a
ma spangs pa longs spyod chen po'i phyir/ rgyan de dag gis mdzes pa yang 'khrigs pa dang 'dus pa byas te/ ye shes kyi phyir phyi nang med par gsal ba ni/ /gser gyi spu gur rin po che ze'u bcug pa lta bu'o/ /rnam par thar pa bzhi'i sgo nas 'jug pa'i sgo khyud can/ zhes bya ba ni/ ye shes chen po'i mdza' kun dang bral ba rang gi mtshan nyid med pa la 'bras bu ril tshang bas 'dod pa dang bral ba nyid cir yang snang ba'i phyir/ stong pa nyid la sogs pa'i sgo bzhi ma 'dres la/ yongs su rdzogs par rtogs pa ni/ a ti yo gar 'jug go /zhes tha snyad du 'dogs pas sgo bzhi kha dog gis gsal ba'o/ /rnam par thar pa brgyad kyi rta babs dang ldan pa/ zhes bya ba ni/ 'das ma thag pa nyid theg pa brgyad la sbyangs pa las snang ba'i phyir nye bar mtshon pa/ zhabs dang ma chags za ra tshags/ /sna 'phyong chun 'byad phreng ba dang/ /sna tshogs khyung mgo rim par 'khrigs she'o/ /phyi dang nang med pa kun tu yang nang du gyur pa na zhes bya ba ni/ rang rig pa ni/ bdag nyid chen po'i phyir gsal bar bya ba mi dmigs pas/ mdza' med pa la phyi nang yod par mi 'gyur ba ni/ de bzhin gshegs pa'i snang ba ste/ rang bzhin no zhes bya ba'o/ /mi 'jigs pa seng ge zhes pa nas/ gdan la zhes pa mthar gtug pa ni/ ye shes chen po mngon du byas pa'i rig pa ni 'bras bu'i chos bzhi dang/ bcu gnyis gnyis dang/ thams cad mkhyen pa nyid rdzogs pas/ yang dag par rdzogs pa'i sangs rgyas su bstan cing nges par byas pa yang theg pa brgyad kyis nges par 'byung ba'i phyir/ seng ge la sogs pa smon lam gyi byang chub sems dpa' gcig kyang brgyad brgyad do/ /rang bzhin gyis 'od gsal ba nyi zla'i dkyil 'khor dang/ zhes bya
- 121b
ba ni/ rang rig pa cing yang ma skyes pa nyid kun tu snang bas/ thabs dang shes rab gnyis su med pa'i phyir nyi zla brtsegs ma ste/ thig le chen po dang sa bon ni/ thams cad kyi byed pa po'i phyir bdag po dang rdo rje ste/ dbus na zla ba blar gnas so/ /gos pa med pad+ma rin po che'i gdan la/ zhes bya ba ni/ snang stong gnyis dang bral ba'i rig pa ni gang du yang ma nges pas cis kyang ma gos pa dang/ ci byas ci snang ba ril gzhan du mi g.yo bar byed pa'i dpe rin po che chu 'dang lta bu de nyid yon tan du snang/ ba'i phyir/ rin po che sna tshogs kyi phri rkang bteg pa'i/ gdung re re la mdzod bdun bdun te/ nges pad+ma sna tshogs bteg pa'o/ /de dag ni gdul bya'i snang pas gnyis su yang 'gyur te/ thal ba'i rgyud las/ bcud 'dus thig le chen po nyid/ /snang dang stong pa la sogs pa/ /brjod bya ma lus rdzogs par snang/ /rtog tshogs sangs rgyas bzhi bcu lnga/ /snang bas phye phyir gnyis su med/ /de gnas pad+ma rim gsum po/ /gnyis gsum brgyad kyi khyad par can/ /tha ma gnas dang yon tan gyis/ /mngon par mtho bas 'og min te/ /las dang bcud kyis mdza' bral ba/ /ye shes bzhi la dpag mi rig /dgos pa 'byung ldan rin po che/ /ye shes lnga yi 'khor los bskor/ /sangs rgyas ngo bo snod bcud kyis/ /spyi po shin tu 'khyil bar gnas/ ? ? sor gyis spags pa ni/ /sa ya bcu gsum bde bas brgyan/ /'dod yon khyad pa can gyis mdzes/ /gang yang bde byed phyi nang bral/ /bde ba chen po'i ro nyid la'ang/ /'bras bu'i chos kun ? ? ?/ /byang chub mchog tu zla? shar/ /de nyid bzhugs gnas yin par bshad/ ces 'byung ngo/ sgo la sogs pa ji lta bu snyam pa la/ rgyas pa'i rgyud las/ nub phyogs 'og mi gnas mchog tu/ /ma chags pad+ma'i
- 122a
gdan bting ba/ /dus gsum rgyal ba bzhugs pa'i gnas/ /rnam par thar pa'i sgo bzhi la/ /phyag rgya bzhi dang nges par ldan/ /dbang dang skal med gsang ba'i phyir/ /nang gtan phyi rim lcags dang ldan/ ces gsungs te/ bla ma 'chad par 'gyur ro/ /sku mdun dang rgyab med par/ thams cad du zhal thal le par gsal zhing/ zhes bya ba ni/ ston pa'i ngo bo dang skyes bu'i mtshan nyid thun mong du bstan te/ drug pa la sogs pa'i de bzhin gshegs pa ni/ ye shes kho na'i phyir/ gdul bya'i snang ba ltar ma yin/ thams cad du yang zhal lo/ /mtshan dang dpe byad du ldan pa zhes bya ba ni/ 'khor lo la sogs pa thun mong pa'i chos de nyid yon tan 'phrin las kyi bye brag sum cu gnyis dang/ ye shes kyi khyad par brgyad cur snang ba'i phyir/ gang yang ma spangs pa'o/ zhes bya ba kho na'o/ /bsam gyis mi khyab pa thams cad du/ sku gsung thugs sna tshogs kun tu snang ba zhes bya ba ni/ khyab pa dang rdzogs pa'i phyir/ mdza' yas pa'i gdul bya'i ngo la zhi khro la sogs pa'i sku gsung thugs kyi mdzad pa gang yang ma nges par snang ba'o/ /thabs dang shes rab kyi zhabs gnyis mnyam pa yi/ brtul shugs kyi skyil mo krung du bzhugs pa zhes bya ba ni/ bde ba chen po'i spyod pas gdul ba'i phyir/ rdo rje'i skyil mo la shes rab kyis 'khyud pa dang/ rtse mo sprad pa'i bde ba la rgyu 'bras ril mnyam par rdzogs pa'i phyir/ mi 'gyur bar bzhugs so/ /ye shes drug gi phyag ye shes rin po che'i phyag rgya 'bar ba can zhes bya ba ni/ de bzhin nyid de ye shes su rang snang ba ni/ yul shin tu rnam par dag pas ming gsum dang ldan te/ thun mong dang thun mong min pa bzhi dang lnga rdzogs pa'i rtsal nyid cir yang mi 'gag pas/ don mdzad pa'i phyir/ rdo rje la sogs
- 122b
pa'i 'od zer dang bcas par 'dzin pa'o/ sku gsung thugs bsam gyis mi khyab pa'i dbu gsum dang ldan pa zhes bya ba ni/ rnam par thar pa gsum chub pa'i rig pa ni/ sku gsung thugs su rang snang ba ste/ de gcig kyang gsum gsum la sogs pa'i bya'o/ ? grags dang bral ba yang gdul bya'i snang bas gsum kho na'o/ /de dag gdul bya'i skabs kyis gnyis su 'gyur te/ thal ba'i rgyud las/ bcud lnga ye shes kho na'i phyir/ /dangs snyigs med par kun tu gsal/ /sgra dbyangs gsung gi gnas bzhi yis/ /dbye bas gsum gsum ngos gnyis dang/ /bzhi bcu gnyis su 'gyur pa yin/ /sa ya bcu gsum la sogs par/ /skye 'gag gnas pa'i ngo bo yang/ /rten can ji bzhin rten de bzhin/ /nyi zla thabs dang shes rab kyis/ /ro gnyis mnyam par dus gsum bzhugs/ /dangs ma'i thig le chen po yi/ /bde pas dngos po 'ang ye shes snang/ /zhes 'byung ngo/ /'phro tshol ba ni gang zhe na/ zhes bya ba ni/ thun mong bstan pa'o// //bcom ldan 'das de bzhin gshegs pa zhes pa nas/ 'du? byed kyi rgyal po'i dar du ni/ skyes bu rang bzhin gnyis su med pa'i 'khor te/ mtshan thun mong ba gnyis ni sngar thal te/ kun gzhi la sogs pa dang rtog pa lnga smos pa ni rang bzhin yin pa dang/ thun mong ma yin pa'i phyir smos pa ste/ de dag ? dag par chud pa las/ rdo rje 'dzin pa la sogs par snang ba'i phyir ro/ /rang bzhin las khyad par mngon du byas pa dang/ zag pa med pa'i longs spyod yongs su rdzogs pa'i phyir na rgyal po zhes bya'o/ /de dag kun kyang mthing ga dang/ dkar po dang?/ ser po dang/ ? ? rgan dang/ ljang gu'i mdog tu 'tshar ba zhes bya ba ni/ rang bzhin las 'das pa'i phyir smos te/ ye shes kyi rtsal ma 'dres pa nyid cir yang snang bas blta pas mi ngoms pa'o/ /de dag gdul bya'i snang pas gnyis
- 123a
su 'gyur te/ thal ba'i rgyud las/ mtshan nyid kun bcom bde chen po/ /rang gi ngo bo ma grub pa/ /rang bzhin lhan cig skyes pa'i phyir/ /bcom ldan de bzhin gshegs zhes bya/ /gzugs sogs lhag pa'i thig le ni/ las dang yon tan sngon ldan phyir/ /rigs kyi bdag po nyid du brjod/ /bcud lnga khu ba'i thig le ni/ /rgyu dang gnas kyi kha dog ldan/ /ro dang las kyang rang bzhin te/ /rang gi mtshan nyid kun tu snang/ /sa 'byung ngo/ /btsun mo zhes pa nas sogs zhes pa'i bar du ni/ gang zhig spyad par bya ba ni btsun mo ste/ de dag yon tan gyi rtsal khyad par du gyur pas so/ /nam mkha' la sogs pa smos pa rjes su mthun te/ rgyur gyur pa ni skabs kyi dbyings so/ /bsdu ba ni tshogs dang mthun pa ste/ rgyud 'di thams cad du khas len pa'i phyir/ /bud med kyi dkyil na gsung brjod pa med par yang bzhugs so/ /chos kyi dbyings zhes pa nas/ zhugs pa'i bar ni/ dpes 'khor gyi tshad ston pa ste/ rang bzhin mngon du byas pa dang bdag nyid chen po'i phyir/ sel med pa ni tshang kho na'o zhes bya'o/ /de dag yang thal pa'i rgyud las/ /mkha' sogs nang gi 'byung las snang/ /ye shes 'byung lnga'i las dag gis/ /skyed phyir dbyibs su brjod pa ste/ /btsun mo'i dngos por de 'dod do/ /thig le snod kyi khyad par gyis/ /til gang lta bur mkha' gang ba/ /dkyil 'khor chogs chen brjod mi lang/ /zhes 'byung ngo/ /de nas byang chub chen po zhes pa nas/ myong bar bya ba zhes pa'i bar du ni/ 'di na ma rig pa khyad par gyis 'khor te/ gdul bya las mthar thug pa ni drug pa'i sangs rgyas kyi zhing du 'gyur te/ de dags gzhan las khyad par gyur pas chen po ste/ lta ba'i sgrib pa 'joms pa'i phyir/ las kyi rdo rje'o/ /mig la sogs pa smos pa rjes su mthun te/ sa'i snying
- 123b
po dang/ nam mkha' i snying po dang/ spyan ras gzigs dang/ phyag na rdo rje de dag /la se dang ma? le dang/ glu dang gar dang ldan par bzhugs so/ /byang chub chen po rdo rje mthong byed ces pa nas/ ma byon pa bya ba'i bar du gzhan ni bshad zin te/ dus ni dbang po dangs ma'i las kyi yul gnang ba'i go 'byed pa'i phyir te/ thabs dang shes rab tu smos so/ /de dag kyang byams pa dang/ sgrib sel dang/ kun tu bzang po dang/ 'jam dpal rnams/ spos me dang/ me tog mar me bsil byed mar ldan pa'o/ /yang thal ba'i rgyud las/ mig sogs rang gi thig le ni/ /las dang ngo bo 'bras bu'i phyir/ /sems dpa' chen po nyid du brjod/ /nyes zad byed phyir rdo rje ste/ /rang gi gnas kyis phye ba'o/ /gzugs sogs nang nyid phyir snang ste/ /rang gi rtsa bcud bcas pa las/ /bde ba bskyed pa'i btsun mo'o/ /dus ni rlung gis go phye ste/ /byams pa la sogs ye shes bzhi/ /de bde rim pas skye ba yang/ ting 'dzin dbang du nges par gsungs/ zhes 'byung ngo// //'joms pa chen po reg pa zhes pa nas/ bzhugs so zhes pa'i bar du ni/ sku gsung thugs kyi 'phrin las kho na'i phyir te/ /gnod sbyin la sogs pa las khyad par du gyur pa'o/ /lus kyi reg pa la sogs pa ni gsang ba'i khams te/ gzhan yang dor ba ma yin no/ /rtag ba la sogs pa ni/ dngos po rnams la phyin ci log par 'dzin pa'i phyir 'brel pa ste/ smos pa ni/ rjes su mthun pa dang/ de dag mi gnas par byed pa'i phyir ro/ /de dag kyang gshin rje gshed dang/ stobs po che dang/ rta'i rgyal po dang/ bdud rtsi 'khyil pa rnams su yum? dang 'khril bas rngam las zhal phyir bltas pa'o/ /gnyis su med par bzhugs so zhes bya ba ni/ rang bzhin dang thun mong min pa dang/ bdag nyid chen po dang/ gnas kyi phyir bzhag pa'o/ /thal ba'i rgyud las/ gsang yul
- 124a
dbang po rnams shes reg /lus kyi chos bzhi 'dus spyad pas/ /ma lus 'joms phyir khro bo ste/ /mtshan nyid las kyis phye ba yin/ /gsang gsum thabs kyi spyod pa nyid/ /rtag sogs mtshan mas las bskyed phyir/ / btsun mo zhes su bstan pa ste/ las kyi skabs kyi mi gnas pa'o/ zhes 'byung ngo// //de nas de bzhin gshegs pa btsun mo'i tshogs dang/ gnyis su med pa'i gsang ba'i dkyil 'khor de dag nyid kyi gsang ba 'di nyid ces bya ba ni/ 'di nas gleng gzhi sdud pa ston te/ thabs dang shes rab 'byor pa'i bde ba chen po la/ 'bras bu ril lhun gyis grub pa ni/ dka' ba'i phyir thun mong ma yin pas gsang ba'i dkyil 'khor te/ de bzhin gshegs pa de dag gi ngo bo ni snang ba gsum mi phyed pa'o/ /de nye bar mtshon pa ni 'og nas ston pa'o/ /sku gsung thugs yon tan 'phrin las rdo rje las phyung ngo/ /zhes bya ba ni/ lnga'i ngo bo rigs lnga ste/ de dag gcig dang du ma bral bas mi phyed pas rdo rje ston pa'i ngo bo yang yin la/ gdul bya'i snang bas 'chad pa'i skyes bu ni/ rigs lnga kho na'i phyir rdo rje ste/ de las mngon du snang ba las phyung ngo/ /e e ma e ma'o zhes bya ba ni/ ston pa dang/ gnas dang/ 'khor khyad par du gyur pa la dam pa ste/ rang rig pa nyid gsum gyi khyad par snang ba la dam pa gsum mo/ /de bzhin nyid kyi dbyings nyid/ ces bya ba ni/ gnas kyi rang bzhin ston te/ de yang sems nyid lhun gyis grub pa'i de bzhin nyid dang/ mnyam pa nyid kyi dbyings su ye nas gnas pa'o// dbang sgyur zhes bya ba ni/ ston pa'i ngo bo ste de yang don gong ma de yid byed pa por 'byung gi ye shes kyis rtogs par mnga' mdzad pa'o/ /ye shes kyi dkyil 'khor thugs rje'i dang/ zhes bya ba ni/ ston pa'i rang bzhin te/ de yang rtogs
- 124b
ba'i rig pa nyid ye shes lngar gsal ba'i bye brag rnams las 'bras bu'i chos ril du snang la dus gsum gyi chos kun tu rgya ma chad pas/ thugs rjes 'brel pa'o/ /rang snang ba nyid ces bya ba ni/ gnas kyi ngo bo ston te/ de rtogs pa'i rig pa la 'bras bu sku dang ye shes thams cad rdzogs pa nyid rtsal ma 'gags par rang snang ba ni gru bzhi glo 'bur dang dbyibs dang kha dog sna tshogs su snang pa'o/ /ting 'dzin zhes bya ba ni/ sgo bzhi ste/ de yang stong pa nyid la sogs pa'i ting nge 'dzin bzhi'i sgo nas 'jug pas/ sgo bzhir bsgom pa yang/ theg pa brgyad kyi sgo nas mtshon dgos pa'i phyir te/ de'i gzugs brnyan ni rta babs brgyad do/ /sgyu ma rnam dag gsal ba zhes bya ba ni/ gdan de rtogs pa'i rig pa sgyu ma nyid stobs la sogs pa 'bras bu'i chos su snang bas seng ge la sogs par bsgom pa'o/ /rnam dag ni thams cad rang rig pa'i phyir spyad kyang mi gos pas pad+mar gyur pa'o/ /gsal ba ni zhes bya ba ni/ ma skyes pa'i ye shes nyid thabs dang shes rab tu gsal pas nyi zlar bsgom pa'o// // der ci zhig bsgom snyam pa la sku gsung thugs yon tan 'phrin las zhes gsungs te/ skyes bu dang 'khor te/ phung po dang 'byung ba dkar dag pa rigs lnga yab yum du bsgom pa'o/ /sel med pa zhes bya ba ni/ 'khor gyi tshad de/ de yang phung po dang 'byung bas ril bsnas pas thams cad kyang sku dang ye shes ngo bor gyur pas khyab pa ni til gyi gang bu ltar spyod yul yongs su dag pa kho na'o/ /yon tan yid bzhin rin po che zhes bya ba ni/ sku mdog ste phyag rgya chen por gsal ba de dag ma 'dres par don mdzad pa'i phyir/ rin po che tshon she'ang du bcug pa ltar gsal bar bsgom pa'o/ /mi zad par ldan rgyan gyi 'khor lo zhes bya ba ni/ rig pa khyad par gyi 'khor te/ de yang de dag phye ba khams la sogs pa'i tha snyad ril sku dang ye shes kyi dkyil
- 125a
'khor du gyur pa ni/ /rgyas par phye ba/ grangs las 'das pas/ brjod kyis mi lang ba dang gnyis su med par bzhugs so/ zhes bya ba kho na'o// //rdo rje mchog gi gnas nyid do zhes bya ba ni/ gleng gzhi'i nges tshig ste/ de yang rdo rje theg pa'i rgyud kyi mchog gi gnas ni gsum po tshogs pa las 'byung yang/ sku gsung thugs kyi rdo rje'i 'bras bu ni/ tshig bzhi sa mtshon pa'i ting nge 'dzin las byung ba'i phyir ro/ /rdo rje gsang ba'i tshig tu'o/ zhes bya ba ni snang ba gsum mi phyed pa ni rdo rje ste/ nyams su len pa de dka' ba mtshon pa'o/ /gleng gzhi'i le'u zhes bya ba ni/ gleng ba ni brjod pa ste/ bya ba dang byed pa gnyis kyi rtsa ba ni ston pa la sogs pa tshogs pa kho na'o/ / le'u dang po mdor bkrol ba'o// //de nas bcom ldan 'das byed pa po rdo rje yid kun tu bzang po zhes bya ba ni/ de ma thag par skabs 'byed pa ste/ rgyu bstan nas rgyud kyi rkyen gnyis las/ thun mong ma yin pa'i gleng bslang ba gsang ba'i dbang ston pa'i phyir ro/ /yid kyi skabs kyis rtog pa dang ye shes kyi bdag nyid kyi bying? 'khor ba dang mya ngan las 'das pa gnyis ka'i byed pa po'o/ /de yang ltos pa'i kun brtags pa can rnams kyi yang rgyu rkyen las snang bar 'dod pa las khyad par du gyur bas rdo rje yid de/ gang 'dus ma byas pas skye 'jig dang bral ba'i phyir ro/ /de nyid ma stsal bar rang snang bas/ thams cad kyang ye shes kho na bas spang bya mi dmigs pa'i phyir kun tu bzang po'o/ /de nyid drug par snang pas don las mtshan brtags pa'o/ /thams cad ma lus pa'i rang bzhin gyis tshul rdo rjes zhes bya ba ni/ byed pa po'i phyir gang byas pa ril gyis rang bzhin rang rig pa'i ye shes su tshul gcig la/ der snang ba'i rgyal ba ril yang
- 125b
drug bar tshul gcig pas/ mi phyed pa ni sku gsung thugs rdo rje'i bdag po'o/ /btsun mo bya ba mo chos kun tu bzang mo la 'jug par gyur te/ zhes bya ba ni/ yongs su shes par bya ba nyid ni/ 'dus byas pa dang 'dus ma byas pa'i chos ril sems nyid kyi phyir spang bya mi dmigs nyid rang snang ba ni phyag rgya chen po'i gzungs te/ de la de skad ces bya'o/ /snyoms par 'jug pa ni/ gdul bya'i snang ba'o/ /zhugs pas phyogs bcu dus bzhi'i de bzhin gshegs pa ma lus pa thams cad gcig gi rang bzhin du dbyer med pas zhes bya ba ni/ 'byung ba ma nges pa'i de bzhin gshegs pa ni 'gro ba ril yang 'gyur bas thams cad kyang lhan cig skyes pa'i ye shes su gsal ba la/ gnyis pa mi snang ba'i phyir ro/ /de bzhin gshegs pa nyid la nyid ched du brjod pa 'di brjod do zhes gsungs te/ brjod pa dang 'dra'o zhes bya'o/ /e ma'o zhes bya ba ni/ dam pa ste 'dod chags kyi sgo nas spyod yul yongs su dag pa'i phyir ro/ /myong ba nyid la dam pa de gang yin snyam pa la/ rdo rje phung po yan lag ni/ zhes pa la sogs pa gsungs te/ lnga phung gi rgyu ni rang rig pa'i ye shes rdo rje'o/ /rkyen ni oM dang mUM 'brel ba'i rdo rje dril bu'i sa bon no/ /rgyu rkyen gnyis kyi phyir/ ngo bo nyid snang stong mi phyed pa'i rdo rje ste/ de dag rang gi yan lag brgyad cu dang bcas pa nyid/ rdzogs pa'i sangs rgyas lnga ru grags zhes bya ba ni/ spyir sangs rgyas dang yang dag par rdzogs pa'i sangs rgyas las/ sku gsum thob pa dang/ sku lngar lhun gyis grub pa'o/ /de ni lam 'dris 'bras bu mthar phyin pa'i ?? grags pa ni gsal ba'o/ /skye mched khams rnams mang po kun/ /byang chub sems dpa' i dkyil 'khor nyid/ ces bya ba ni/ skye mched dang khams ni/ mig la sogs pa bco lnga'o/ /rnam grangs kyi sgra ni dus bzhi dang/ phyin ci log
- 126a
bzhi dang/ reg pa dag pa'o/ /de dag rig pa rang snang bas rdo rje'i phyir sems dpa' dang sems ma bcu drug go /khro bo yang 'dul ba'i skabs kyis sems dpa' dang sems pa'o/ /sa chu spyan dang mA ma ki /me rlung gos dkar sgrol ma ste/ /nam mkha' dbyings kyi dbang phyug ma/ zhes bya ba ni/ nang gi dangs ma ye shes kyi 'byung ba nyid brtags pa'i dbang gis nam mkhas 'phangs pa snang ba de dag rang rig gi phyir snang stong gnyis su med pa'i ye shes so// de dag las kyis yum kho na'o/ /srid gsum ye nas sangs rgyas zhing/ zhes bya ba ni/ khams gsum gyis bsdus pa ril chags pa dang gnas pa dang 'jig par snang ba de dag kyang/ rang rig gi phyir/ sku gsum gyi ngo bo nyid du gyur pa'i phyir/ zhing khams yongs su dag pa'o/ /thams cad ma lus pa chos so cog /sangs rgyas nyid la gzhan ma yin/ zhes bya ba ni/ de dag gis mtshon nas ji snyed pa yang/ ming dang/ las dang/ dngos po dang/ mtshan nyid tha snyad bzhir bsdus pa'i ril/ rang rig gi phyir sku dang ye shes su dkar dag pas/ brtags pa'i tha snyad de dag /dngos po rnams kyi ngo bo nyid de la btsal na/ de bzhin gshegs pa'i spyan gyis kyang ma gzigs pas/ sangs rgyas nyid las gzhan ma yin btsal kyang rgyal bas mi brnyed do/ zhes gsungs so/ /thal ba'i rgyud las/ thabs lam bde ba'i gnyer dag gis/ /rtags pa rang gi rtog pa zlog /dngos po rnams kyi ngo bo las/ /bzlog bya bas kyang ma gzigs so/ zhes gsungs so/ /de bzhin gshegs pa thams cad mnyes par gyur to zhes bya ba ni/ rang bzhin gnyis su med pa'i 'khor rnams so/ /de nas zhes pa nas/ bzang po dang zhes pa'i bar du ni go sla'o/ /gnyis su med par gyur
- 126b
nas zhes bya ba ni/ thig le gnyis su med pa ste/ dgongs pa yang bsdu'o/ /yab yum gyi las dang myong ba dang/ tshig 'di dag yi ge snga phyi yod kyang dus mnyam par gsungs so/ /kye ma'o zhes pa ni bod pa dang dam pa ste/ bde ba gzhan la bstan pa'i phyir ro/ gcig ni rjes su mthun no/ /phyogs bcu stong khams ye nas dben/ zhes bya ba ni/ kun gzhi nyid tha snyad gnyis kyis bsdus pa'i don dang sems can du snang bas de dag nyid kun gzhi ma skyes pa'i ye shes kyi phyir chos kyi sku ste/ de la bcu gsum la sogs pa'i tha snyad thams cad gdod nas stong pa kho na'o/ /srid pa gsum ni dag pa'i zhing/ zhes pa bshad zin to/ /snyigs ma lnga nyid bde ldan gnas zhes bya ba ni/ dus dang sems can dang tshe dang las dang nyon mongs pa rnams tham pa'i phyir snyigs ma'o/ /de nyid brtags pa'i phyir glo bur ba yin pas/ rang bzhin nyid ni myong yang ma dmigs pas bde ba chen po'i rol pa kho na'o/ /phung po lnga ni mngon sangs rgyas zhes bshad zin to/ /thams cad mchog gi snying po bas/ zhes bya ba ni/ bshad pa'i dngos po bzhi bsdus pa ril yon tan du bstan pa ni 'bras bu'i mchog ste/ bsgrub bya'i snying po'o/ /gzhan du rgyal ba'i zhes pa nas/ mi bsnyes so zhes pa'i bar du ni go sla ste/ chos bzhi po'i rang bzhin las 'bras bu gung nas mi rnyed pa'i phyir ro/ /thams cad ye nas sangs rgyas par de bzhin gshegs pa nyid kyis mkhyen to/ zhes bya ba ni/ snyoms par zhugs pa'i 'bras bu de 'khor rnams la byin yang nyid la gsal pa nyid gzhan la mi snang ba'i phyir nges tshig tu 'gyur ro/ /de nas de bzhin gshegs pa gnyis su med pa'i bdag nyid chen pos/ zhes bya ba ni/ thams cad mkhyen pa'i dbang dang/ shin tu brtan pa'i dbang gis las thun mong du brten to/ /gnyis su med pa ni thig le ste/ dgongs pa yang mi 'dod pa ma
- 127a
yin no/ /sngon nas snyoms par zhugs pas mnga' mdzad pa'i phyir bdag po'o/ /ye nas sangs rgyas pa'i sems ye shes su bskyed pa 'di zhes bya ba ni/ de'i dngos po nyid yab yum gnyis kyis mkhyen pa gang yin pa de'o/ /de la 'khor gyi sems/ rang bzhin lhan cig skyes pa'i ye shes snang bar bya ba yang rim pa lnga yis bskyed par bya ba'i thabs kyi rim pa 'di zhes bya ba kho na'o zhes bya'o/ /de la sems lnga ni bka' tshad ma las/ g.yo dang smon pa la sogs pa lngas 'bras bu mthar phyin par gsungs pa de dag /skabs 'dir rgyas pa las/ 'jig dang ldang dang gnas dang smon pa yi/ /g.yo dang 'gro 'od 'jug dang bde gnas pa/ /gsang pa'i dbang po pad mas thob par 'gyur/ zhes 'byung bas/ thabs kyi rim pas sems lnga rdzogs par ston te/ e ma'o ngo mtshar rmad kyi tshes/ zhes bya ba ni/ dam pa ste spyir 'gro'o/ /gang la ngo mtshar chen/ 'dod chags kyi spyod pa nyid/ dka' tshad ma las rmad du byung ba'i byang chub sems lngar snang ba ni/ thabs kyi theg pa chen po'i chos so/ /rdzogs pa'i sangs rgyas kun gyi gsang/ zhes bya ba ni/ 'dod chags kyi byang chub ni/ drug pa'i sangs rgyas kyi rgyu dang ngo bo nyid kyi phyir phal gyi spyod yul ma yin pa'o/ /skye ba med las thams cad skyes zhes bya ba ni/ g.yo ldang gi byang chub sems te/ thig le rang gi gnas dang lam nas ldang ba'i tshe bde ba mnyam du g.yo ba'i phyir ro/ /rang bzhin gyi ye shes ni skye 'jig smon 'jug ril dang bral ba ste/ de ni gzhi dang bsgrub bya ste/ lnga'i spyir shes par bya'o/ /skyes pa nyid na skye ba med ces bya ba ni/ de'i ro yang rang bzhin las ma 'das pa'i phyir ro/ /e ma'o zhes pa la sogs pa gzhan ni bshad zin to/ /'gag pa med las thams cad 'gag /ces bya ba ni/ 'jig pa
- 127b
dang 'jug pa byang chub sems te/ sa bcu drug pa ni phyi ma phyi ma thig le 'jug pa'i tshe/ snga ma'i 'dod chags kyi ro 'gag pa'i phyir ro/ /'gag pa nyid na 'gag pa med ces bya ba ni/ ye shes kyi ro ni skad cig ma'i rgyun tu 'phel ba'i phyir/ mi 'gag pa kho na'o/ /gnas pa med pas thams cad gnas zhes bya ba ni/ gnas pa byang chub sems te/ thig le bcu drug gi ye shes la gnas pa med pa'i tshul gyis gnas pa'i phyir ro/ /gnas pa nyid na gnas pa med ces bya ba ni/ ye shes rang snang ba'i phyir/ yul dang bral bas gnas bca' ru med 'bras bu la lam du byed pa'i phyir ro/ /dmigs pa med las thams cad dmigs/ zhes bya ba ni/ smon pa byang chub sems te/ ye shes snga ma la gnas bzhin tu/ sa'i dbang gis phyi ma 'dod pa kho na'o/ / dmigs pa nyid na dmigs pa med ces bya ba ni/ skyes bu thal ba nyid kyang/ rang rig pa'i phyir rkyen tsam ste/ gzhan nas thob pa med pa'i phyir ro/ /'gro 'od med las 'gro dang 'od zhes bya ba ni/ 'jug pa byang chub sems te/ dang la thun mong gi lam du 'jug pa ni/ 'gro ba'o/ /theg pa chen po'i lugs kyis rgyu 'bras bzlog pa ni 'ong ba zhes bya ba kho na'o/ /'gro 'od nyid na 'gro 'od med/ ces bya ba ni/ lam 'dis 'bras bu mngon du byed de/ sngon gyi gnas rjes su dran pa'i mngon par shes pa'i phyir dang/ gang du yang phyin pa med pa kho na'o/ zhes bya'o/ /sems 'di dag sa gcig la yang tshang ba'i phyir/ dus gcig tu skye bar 'gyur ba'i phyir/ cig car 'jug pa'i lam zhes bya'o/ zhes brjod pas zhes bya ba ni/ thabs lnga po des zhes bya'o/ /de nas de bzhin gshegs pa thams cad dang/ btsun mo'i tshogs thams cad mnyes pas khyab par gyur to/ zhes bya ba ni/ sems bskyed pa'i thabs lnga'i sgo nas ma 'ongs pa'i de bzhin gshegs pa/ sems dpa'
- 128a
dang sems ma ril gyis phun sum tshogs pa lnga lhun gyis grub ste/ rang bzhin gsang ba'i snying po mngon du byas nas/ /sku dang ye shes bzhi bcu rtsa lngar mthar phyin nas rdo rje gsang ba'i gral du 'khod pa ni dgyes pa chen po'i phyir/ rgyas pa'i rgyud las/ dkyil 'khor bzhi bcu rtsa gnyis dang/ /phun sum tshogs pa'i lhun grub rnams/ /gsang dbang mchog gis 'byin par byed/ ces 'byung ngo// //de nas de bzhin gshegs pa btsun mo'i tshogs dang bcas pas/ ched du brjod pa 'di brjod do/ zhes bya ba ni/ 'di nas mar thun mong gi gleng bslang bstan pa mdza' dag zhus pa ston te/ 'bras bu mthar phyin pa'i de bzhin gshegs pas so/ /e ma'o ye nas gsang ba'i chos/ /sna tshogs snang la rang bzhin gsang/ /ngo bo nyid kyis rab tu gsang/ /gzhan du min las shin tu gsang/ zhes bya ba ni/ bshad zin te/ rang bzhin gsang ba'i snying po 'bras bu khyad par can 'di lta bu/ gsang ba bzhis chod pa'i phyir/ rdo rje 'dzin pa'i zhal dang dbang ma mthong ma thos pas mngon du mi nus pas lam stegs gzhan la blo sbyangs pa mdza' i phyir/ lam gyi rgyud dang thun mong pa'i chos rnams bshad du gsol zhes zhus pa'o/ zhes brjod pas de bzhin gshegs pa thams cad dang chos thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na/ zhes bya ba ni/ 'di nas mar gnang ba ston te/ de bzhin gshegs pa smos pa'i phyir chos ni 'bras bu ma gtogs pa ste/ rang bzhin dang/ mtshan nyid dang/ 'khrul pa dang lam dang tha snyad kyis bsdus pa'o/ /de dag ril sems nyid pas mdza' dang bral ba'i rig pa brdal khyab chen po'i ngo bo gcig pa ste/ yang
- 128b
dag pa'i chos kyi sku'i mtshan nyid yin pas/ rang gi ngo bo cir yang mi g.yo ba'i phyir ro/ /'gro ba'i rnam par rtog pa ma rig pa las/ 'gro ba lnga'i ris bsam gyis mi khyab par smin pa la zhes bya ba ni/ 'gro ba ni lnga ste/ de'i phyir las dang nyon mongs pa yang lnga'o/ /de dag gi rtsa ba ni ma rig pa gnyis kho na las byung bas de la de skad ces bya'o/ /de dag nang rigs ni mang ste/ khams gsum gyi lha yang nyi shu rtsa bdun la sogs pa'i phyir ro/ /thugs rje chen po sangs rgyas kyi zhing chen po skyes nas zhes bya ba ni/ spros pa dang bral ba'i rig ba thams cad du mnyam par khyab pa ni thugs rje chen po'o/ /de nyid gang dag gsang ba bzhis chod de/ nyam thag pa nas gzhan du tshol ba de dag la yang snang ngo/ /thams cad mkhyen pa'i ye shes ni byang chub sems dpa' las khyad par gyur pas chen po'o/ /de dag skyes pa ni gdul bya'i snang bar brjod do/ /e ma bder gshegs snying po las/ zhes bya ba ni/ gcig la gnyis la sogs par 'khrul pa ni ngo mtshar te/ de bzhin nyid la spros pa'i zug rngu med pas bde ba ste bshad zin to/ /snying po ni gnyis te/ kun gzhi gnyis so/ /de sbyor ba ni snang bar byed pa'i go 'byed pas so/ /gzhi ni 'bras bu thams cad lhun gyis grub pa'i phyir/ de bzhin gshegs pa'i chos thams cad kyi ngo bo nyid kyi phyir ro/ /de dag rang gi ngo bo nyid ma shes pa ni lhan cig skyes pa'i ma rig pa ste/ de bzhir gyur pa las she'o/ /rang gi rnam rtog las kyis sprul zhes bya ba ni/ rgyu des sbyor ba la bdag tu gzung ba'i ni rang gi rtog pa ste/ de las kun tu brtags pa'i nyon mongs pa skyes pas/ de la las sna tshogs sbyang pas glo bur du snang ba'i phyir sbrul pa'o/ /de nyid ji lta bu snyam pa la/ sna tshogs lus dang longs spyod dang/ /gnas dang sdug bsngal la/
- 129a
sogs pa/ zhes bya ba ni go sla ste/ sdu ba ni las dang nyon mongs pa'o/ /bdag dang bdag gir so sor 'dzin/ zhes bya ba ni bshad pa nyid la ste/ des yang 'khor te/ nyam thag go /de sus byas snyam pa la/ sus kyang ma bcings bcings med de/ bcing bar bya ba yod ma yin/ zhes bya ba ni/ byed pa po lta bu dang zhags pa dgra bo gsum ni dang gis med do/ /'o na gang gis nyes snyam pa la/ rnam rtog bdag tu 'dzin pa yis/ /nan gyis mkha' la mdud pa dor/ zhes gsungs te/ bshang pa'i rgyu rkyen gyis de dag tu snang ba ni/ dper thang phrom gyi 'bras bu zos pa'i mis/ nam mkha' la gzugs sna tshogs mthong nas mdud pa byas pa lta bu'i phyir ro/ /bcings med rnam par grol med pa'i/ zhes bya ba ni/ lung las/ bcing bya bcing byed bcings pa'o/ /bdag 'dzin sems can sdug bsngal rngos/ /thams cad sems kyi ngo bo'i phyir/ /bdag 'dzin zhes bya ming yang med/ /des na gnyis po 'ang med pa la/ /grol ba bo yang yod ma yin/ zhes 'byung ste/ de ni go sla'o/ /ye nas lhun rdzogs sangs rgyas chos zhes bya ba ni/ thams cad rang rig pa'i ye shes su brdal ba ni bdag la sogs pa/ rang bzhin gyis stong pa nyid sku dang ye shes su gsal bar sangs rgyas kyis chud pa dang/ ngo bo nyid kyi phyir ro/ /de nges par mtshon pa'i gsang ba'i snying po 'di nyid bshad par dgyes pa'i tshul drug mdzad pa dang/ 'di'i lam stegs kyi theg pa gzhan bstan pa'i phyir sprul pa drug la sogs pa spros pas/ bstan phyir spro pa sna tshogs mdzad/ zhes gsungs so/ /de bzhin gshegs pa nyid de bzhin gshegs pa nyid la ched du gleng ngo/ zhes bya ba ni/ dpang rdzogs pa'i ril drug pa nyid du gyur pa'i phyir ro/ /
- 129b
don dam pa dang kun rdzob kyi byang chub kyi sems ye shes su bskyed pa zhes bya ba ni/ rang gi ngo bos thams cad du yang mi phyed pa ni don dam pa ste/ skabs kyis rang bzhin dang/ ye shes dang/ 'bras bu don dam pa'o/ /de dag bsal bas tha dad kyang ngo bos gcig go /de nyid sems lnga'i rim pas phyin ci ma log pa las snang la/ gdul bya'i dbang gis tha dad du snang ba ni kun rdzob ste/ rgyu rkyen dang ltos pas snang ba ste/ ngo bo bshad zin to/ /le'u gnyis pa mdor bkrol ba'o// // de nas bstan pa spyi'i gleng gzhi bstan pa'i phyir/ de nas de bzhin gshegs pa thams cad las zhes bya ba la sogs pa gsungs te/ rgyu dum bur gyur kyang rim lam nor pa kho na'i phyir/ de nas zhes bya'o/ /drug pa'i ston pa ni sangs rgyas kun gyi spyi gzugs can gyi phyir ril du yang 'gal pa med do/ /thugs rje chen po'i byin brlabs zhes bya ba ni/ spros pa dang bral ba'i rang 'byung ye shes ni dngos po ril la khyab pa'i phyir/ thams cad rang 'byung gi ye shes su lhun gyis grub pa nyid gdul bya'i snang ba cing yang mi 'gag pas/ de la de skad ces bya'o/ /rig pa'i skyes bu thub pa drug ces bya ba ni/ gzhan dag las/ rang gi lus ngag yid rdo rje/ mi phyed pa'i ngo bo ste/ rig par bcas dang ldan par ni/ /rig pa'i skyes bu zhes su bshad ces pa go sla'o/ /de dag kyang sku stag dang spre'u la sogs pa ltar mi mdzad pa dang/ ca co spangs pa dang/ mnyam par bzhag pa mi mnga' ba'i phyir thub pa ste/ las kyang mi 'dod pa ma yin no/ / grangs ni gdul bya'i dong? nges pa kho na'o zhes bya'o/ /de dag gi gzhi gang las snyam pa la/ de bzhin gshegs pa'i sku gsung thugs rdo rje las 'thon to/ zhes bya ba ni/ lugs kyis thabs dang shes rab gnyis su med pa'i byang chub
- 130a
sems ni yongs su rdzogs pa'i rgyur gsungs so/ /de yang ma g.yos par bkod pa ni zla ba dang chu zla lta bu'i phyir/ 'thon ces tha snyad du 'dogs so/ /de dag gang du ci mdzad snyam pa la/ 'thon nas kyang las kyi dbang gis snrel zhi dang yan man gyi 'jig rten drug gi phyogs bcu mdza' yas mu med pa'i stong gsum gyi stong chen po re rer thub pa chen po bcom ldan 'das re res zhes bya ba ni/ las mi mthun pas snang ba'i gnas ljing so so drug tu gnang pa'i phyir/ 'jig rten drug kha na ste/ de yang drug po ni longs spyod rdzogs pa'i phyir zhing khams mu med la sprul pa'i zhing nges pa ni gdul bya'i snang bas thun mong mthun par bkod de/ ril yang bdag gi las ma chad do/ zhes bya ba kho na'o/ /'dul ba rnam pa bzhis/ 'gro ba lnga'i don mdzad de/ zhes bya ba ni/ grangs ni dkyus las gsal lo/ /'gro ba lnga ni bsdus pa ste drug kho na'o/ /de la skus 'dul ba bstan pa'i phyir/ bltams pa dang/ zhes pa la sogs pa mthar thug pa ni/ drangs pas dga' ldan nas babs par zer ba ni/ bden mod kyi byang chub sems dpa' dbang thob pas mthar phyin pa'i phyir 'gal ba med de le'u slad nas 'byung khungs smos pa'o/ /mthun par bstan pa'i phyir/ lhums su zhugs pa dang/ bshung ba spang pa'i phyir mchan khung nas bltams pa dang/ rol rtsed mdzad pa dang/ khab bzhas pa dang/ gzhan ni go sla'o/ /bsdu ba ni sbyangs te sku gdud brgyad du bgos pa'o/ /thugs kyis 'dul ba gang yin snyam pa la/ dus bzhi kun tu mkhyen pa dang zhes pa la sogs pa gsungs te/ sngon gyi gnas la sogs pa mkhyen pa'o/ /thams cad kyi sems kyi rgyud mkhyen pa dang zhes bya ba ni/ pha rol gyi sems kyi nyon mongs pa dang/ rtog pa ril bdag las mi gzhan pa'i phyir mkhyen pa'o/ /
- 130b
rdzu 'phrul gyi spyan dang snyan zhes bya ba ni/ lta'i mig dang rna ba ste go sla'o/ /rdzu 'phrul gyi cho ga ni/ rdzu 'phrul gyi bya ba shes pa ste/ mi mthun pa brgyad la sogs par ston pa'o/ /zag pa med pa kun tu bzang po'i spyod pa rdzogs pa/ zhes bya ba ni/ de dag 'jig rten pa la yod pa 'dzin pa'i phyir zag par 'gyur la/ 'dir thams cad kyang gsal la/ bdag nyid kyi phyir mi 'dzin pas ma spangs la ma bral ba'i phyir ro/ /bsam gyis mi khyab pas 'dul ba bstan pa'i phyir/ kun tu sku bsam gyis mi khyab pa dang/ kun tu thugs bsam gyis mi khyab pa dang/ kun tu zhal bsam gyis mi khyab pa dang/ kun tu gsung bsam gyis mi khyab pa dang ldan pa zhes bya ba ni/ dus dang gdul bya gang yang ma bkol bar/ de dag gang gi ngo la khro bo dang 'phra men la sogs pa sku gsung thugs kyi dngos po dang mdzad pa gang du yang ma nges te/ thams cad du snang bas/ gzhan dag las/ res 'ga' zhi la res drag /res 'ga' gdon chen bgegs mdzad de/ /de la sogs te mdza' yas mchog / ri dang skye bo thams cad do zhe'o/ /grangs med pa phyogs bcur snang bar gyur to/ zhes bya ba ni/ gdul bya'i snang ba dang lhun gyis grub pa'i rol pa mi 'gag pa kho na'i phyir/ de dag la yang/ sprul zer ba ni kha bkang ba'o/ /gsung gis 'dul ba bston pa'i phyir/ thams cad kyang 'di lta ste 'dul ba'i dbang gis zhes bya ba nas mar ni go sla'o/ /de dag gi dgos ched ni/ spros na du yod snyam pa la/ ma rig pa'i rnam par rtog pa nyon mongs pa stong phrag brgyad cu rtsa bzhi'i gnyen por chos stong phrag brgyad cu rtsa bzhi gsungs so/ /gsung ngo/ gsung bar 'gyur ro/ zhes gsungs te/ rtsa 'am? rig pa gnyis las gyur pa'i nyon mongs pa dang rtog pa de dag gi rtsa ba na dug gsum dang dar bzung ba las gzhan
- 131a
kha dog pa'i phyir bsdu bas gcig ste/ gzhi la nad ris su gcig kyang nyi khri chig stong ste/ de dag gang gis dag par byed pa ni gnyen po ste/ de yang spong ba dang/ sbyong pa dang/ dbang du byed pa'i phyir ro/ /de bas na chos ni phrag gsum du yang snang ngo/ /de ltar dus gsum gyi sangs rgyas kyis mthun par bstan pa kho na'o zhes bya'o/ /gnyen po ji lta bu snyam pa la/ de dag kyang gzung ba dang 'dzin pa'i phyi nang gi rten cing 'brel par 'byung ba zhes pa dang/ las dang las kyi 'bras bu chud mi za zhes bya ba ni/ dge ba bcus lha dang mir nges par 'byung bas mi dge ba bcu spong ba dang/ rdul las spyod yul nges par yod pas 'dzin pa 'gog pas/ gnyi ga yang spong ba'i nyan thos dang /phyi nang gi rten 'brel nges par yod pa'i phyir/ nyon mongs pa 'gog pas spong ba'i rang rgyal ba dang/ de dag ni gnyen po gcig go /'dzin pa 'khrul pa la 'dogs pa dang zhes bya ba ni/ sems 'khrul pa'i rtags pa la gung du yul med pa'i phyir phan tshun ma skyes par shes na/ nyon mongs pa chos nyid du rgyud sbyong ba dang/ las dang las kyi 'bras bus mi gos zhes bya ba ni/ nyon mongs pa rnams sems nyid snang ba'i phyir/ sems ltar snang ba'i dus na spang bya med pa dang/ zhen pa 'dag pa'i kri ya dang yo ga pa kho na'o/ gos par mi 'gyur/ gos su med pa ston pa'i mthar thug go zhes bya ba ni/ bdag nyid kyi phyir nyon mongs pa nyid ye shes su shes pa ni mi mthun pa dang gnyen po med de/ sbyad pa nyid yon tan du snang ba'i thabs kyi theg pa ni rgyu 'bras gnyis su snang ba dang bral ba kho na'o zhes bya'o/ /de dag byung ba ni gsang ba'i snying po'i lam yongs su sbyangs pa'i phyir dang/ byin gyis brlabs kyi phyir bstan to// //de yan chad du rgyud kyi
- 131b
rgyu rkyan tshad nas/ gsum pa'i dang po lta ba bstan pa'i phyir/ de nas de bzhin gshegs pa la sogs pa gsungs te/ go sla'o/ /ji snyed 'jig rten 'khrul pa'i chos zhes bya ba ni/ 'di nas mar la 'khrul ba'i snang ba rgyu rkyen ngo bo gsum ston te/ snod bcud mdza' yas pa'i ris su snang ba'i blo 'khrul pa kho na'i phyir ro/ /de'i rgyu ci snyam pa la/ ma rig rtog pa'i gzung 'dzin gyis zhes gsungs te/ sems nyid rang bzhin gyis 'od gsal ba yin na yang nges pa'i shes pa ma skyes pa ni/ lhan cig skyes pa'i/ ma rig pa'o/ /des nang ru blta ba las nyon mongs pa dang las dang yul sems gzhan du snang ba ni rkyen kho na'o/ phyi nang rten 'brel gnyis su 'khor/ /mi mthun bde sdug myong bar 'gyur/ zhes bya ba ni/ nges na sned bcud dngos su snang bas 'dir 'byung zhing snang ba ni 'bras bu kho na'o/ /rang bzhin nyid las nyams pa med ces bya ba ni/ shes na spang bya mi dmigs pa ni/ rang bzhin gyi snang ba ste/ chos de dag gi rang bzhin ni/ sems nyid kyi sku dang ye shes kho na las 'gyur ba med do/ zhes bya ba kho na'o/ de nges par mtshon par bya ba'i phyir/ yang dag sgyu ma'i tshul gnyis su zhes pa la sogs pa gsungs pa ste/ yang dag sgyu ma ni nges par bden pa gnyis so/ /tshul ni rjes su 'jug pa ste/ mdo snga pa ltar gnyis su phye na zhes bya'o/ /bdag dang bdag gi gzhan med de zhes bya ba ni/ ma rig pa'i de dang/ myong ba'i phung po dang yul sna tshogs su sna ba dag ma grub ste/ ji lta zhe na/ sems nyid chos gsum du snang pas gzhan du ma grub pa ni don dam pa'i tshul lo/ /de dag sems nyid kyi phyir ye shes rang snang bsam bkag pa ni kun rdzob kyi tshul lo/ /de gnyis la de dag ma grub ba kho na'o/ de ni lhag pa'i mnyam pa gnyis so/ /rnam dag dbyings nyid tshul gcig go zhes bya ba ni/ dbyer med par mnyam pa ste/ bshad pa
- 132a
ltar shes nas de la 'ang mi gnas pa ni/ mdza' gnyis dag pas dbyings gnyis las mnyam pa nyid kyi dbyings zhes bya ste/ snang stong gnyis su med pa'i bden pa gnyis tshul gcig pa kho na'o/ zhes bya'o/ 'o na 'khrul pa'i snang bar yang med do snyam pa la/ bdag dang bdag gi gzhan rnams ni/ log par rtog pa tsam nyid las/ phra zhing zab pa yod ma yin/ zhes gsungs te/ chos gsum pa sems nyid las mi gzhan bzhin du/ rang rgyud kyi ris su snang ba ni 'khrul pa'i snang ba'o/ /de tsam ni mi 'gal te de las gzhan pa'i rdzas rdul tsam dang/ rang rgyud kyi skad cig ma gzugs med pa ni ngang? gis med pa kho na'o/ log rtog nyid la nyid spyod de/ gzhan du g.yo ba ci yang med/ ces bya ba ni/ snang spyod 'di ni rtog pa rtas pa snga ma la phyi mas rgyud mthun par spyod kyi/ sems nyid chos gsum gyis ris su gyur pa med do/ zhes gsungs so/ des na log rtog tsam ni nges par yod do snyam pa la/ log rtog rgyu 'bras rgyun nyid kyang/ / gzhi rtsa med dbyings skad cig ma zhes bya ba ni/ rgyu gcig par rtog pa ste/ ma rig pa'i bdag dang/ zhes pa snang ba chos sna tshogs kyang/ skad cig ma'i phyir bshad pa gsum gyi rjes su mthun te/ ji ltar zhe na/ phyi mo nas rang gi ngo bo ma grub ste/ sems nyid kho na'i phyir snang stong mi phyed pa ni bshad pa'i dbyings so/ /de la log rtog gi skad cig gi rgyun ma grub par ril sems su gcig pa kho na'o/ rnam par dag pa dbyings nyid tshul nyid la dbang sgyur nyid spyod phyir/ zhes bya ba ni/ 'di nas mar yig 'bru'i tshul dang dag pa gsum ston te/ bshad ba ltar log rtog gi rgyun ltar dag ste/ rang gi ngo bos sems su 'od gsal bas ma skyes pa'i phyir/ a lta bu'o/ rgyun med par rang rig cir yang
- 132b
snang pa ni ma bcos pa'i skad cig ma ste/ ye nas kho na'i phyir snang zhing spyod kyang gnyis su bya ba med pa ni/ theg pa chen po'i gtan tshigs so/ ma skyes pa nyid ye shes su gsal bas rgyan lta bu'o/ /bdag dang gzhan dang rtog pa'i rgyun/ /rnam dag bla med theg pa'i mchog /ces bya ba ni/ bshad pa'i byin gyis brlabs kyis phung po dang 'byung ba dang bslang pa'i rnam par shes pa gsum so so ba dang gi dag ste/ gnyis su med par gsal ba ni/ rigs lnga yab yum dang/ ye shes lngar gdong nas lhun gyis grub pas rdo rje theg pa zhes kho na'o/ de ni yi ge rdzogs pa lta bu ste/ dag pa gsum du yang 'dogs so/ /theg pa bzhi/ yis nges 'byung la/ /theg pa gcig gis 'bras bur gnas/ zhes bya ba ni/ bshad pa gzhan ni gzhung ma nor na ngan song dang 'khor ba dang mdza' gnyis las 'byung la/ 'das ma thag par ston pa ni/ don mthar thug pa'i phyir 'bras bu kho na'o/ /yang dag rtags pas rab rtags na/ /rang bzhin med las cir yang grub/ ces bya ba ni/ don dam pa gsum mngon du byas pa'i blo can la spyod yul dang bral bar mi snang ba ci yang med pa'i phyir/ mthong ba med pa'i tshul gyis mthong ba zhes pa dang/ rnam rtog mi mnga' cir yang sa le mkhyen zhes pa kho na'o/ /sangs rgyas mya ngan yongs su 'da' zhes pa'i tshig bshad gcig gi don ni bshad pa ltar lhun gyis grub pa la/ ston pa 'byung 'jig dang/ bstan pa dar nub med de ngo bo nyid kyi ma? rtag pa kho na'o/ /mtshan ma bzhir snang ba ni/ dman pa rnams kyi phyir te/ gdul bya'i snang ba kho na'o// snang ba de'i ngo bo dang/ gzhi bstan pa'i phyir/ 'dul pa mdo sde chos mngon dang/ zhes pa la sogs pa ni go sla te/ rgyud 'di'i rgyu rkyen tshad pa'i byin gyi brlabs las/ sde snod gsum dang/ sngags phyi pa gsum dang/ sku gsung thugs kyi rgyud thams
- 133a
kyi ston pa drug dang/ bsam gyis mi khyab pas 'dul ba'i ston pa rnams 'thon nas/ dus mnyam du gsungs shing gtan la phab pa'i phyir ro/ /de ltar na de dag so sor nges so snyam pa la/ chos rnams ming du btags btsam/ /ston pas don dang mthun phyogs su/ /ming dang tshigs su btags nas bstan/ /ston ming tshig la dngos po med ces gsungs te/ chos thams cad rang gi ngo bos ston pa'i phyir/ snang ba gnyis kho na'i ngo bor brtags tsam mo de ltar na/ grub pa'i rdzas su theg pa so so'i lte spyod bsgrub pa la sogs pa ril yang gdul bya'i ngo bo tsam te/ rang gi ngo bo nyid dang/ grangs ni grub pa dang nges pa med do/ zhes bya ba kho na'o/ de dag kyang gdul bya'i snang bas gnyis su 'gyur te/ thal ba'i rgyud las thig le zung 'jug bde ba ni/ sems mdza' ldog pas go phye nas/ /dkyil 'khor drug gi yul rnams su/ /sprul pa'i thig le rab shar ba'i/ /snang ba'i mdzad pa bsam mi khyab/ /chags sogs nyon mongs las rtog ril/ /gdul phyir sprul pa zhes su bshad/ /sgra dbyangs gsung gi bstan pa rnams/ /des par grags pa kho na nyid/ /phung sogs rtog pa'i 'jig rten kun/ /log rtog sgyu ma snang tsam las/ /nyi zla bden gnyis las nyid kyis/ / ma skyes mnyam la gnas 'gyur zhing/ /phung sogs lha'i dkyil 'khor du/ /rang snang rang rig mngon gsum gsal/ /dus gsum du 'ang mi 'gyur phyir/ /theg 'di thabs dang rdo rjer bshad/ ces gsungs so/ /de nas de bzhin gshegs pa thams cad ces pa la sogs pa ni rjes su mthun no/ /a ho zhes bya ba ni/ bshad pa'i dngos po gnyis gtan tshigs gsum gyis ngo bor gcig par grub pas mnyes pa'i phyir ro/ /srid rtsa nyes dmigs bdag du rtogs las
- 133b
'phros/ /rgyu drug skye 'gag lus dang longs spyod dang/ /gnas dang sdug bsngal 'khrul 'khor la sogs pa/ /log rtog nyid las gzhan du ci yang med/ ces bya ba ni/ bshad pa'i ma rig pa'i bdag dang/ nyon mongs pa la sogs pa rang snang ba'i 'gro ba drug gi spyod yul ril rang rgyud du lta ba'i log rtog gi rgyun kho na'o/ /stong nyid bdag med ye mkhyen rang rig thugs/ /dmigs bya dmigs byed med par dran dbang sgyur/ /ngo mtshar sku gsung yon tan zhing khams las/ /gzhan na med de de nyid de ltar yin zhes bya ba ni/ /'das ma thag pa nyid gsang sngags kyi gtan tshigs gsum pas gzhal ba'i dus na/ log rtog gi rgyun las 'das te mnyam pa'i dbyings nyid ye shes su gsal ba ni/ ye shes nyid la nyid spyod pas shes bya dang shes byed dang gis med la/ rang snang gi ye shes ni yon tan thams cad lhan gyis grub pa las 'dul ba bzhi'i de bzhin gshegs pa ril zhing khams dang mdzad spyod du bcas par/ rang snang ba ni skabs kyi snang ba gnyis kho na'o zhes gsungs so/ thub pa drug gi sprul pa grangs med pa dang/ de bzhin gshegs pa thams cad kyi gsungs pa yang de dag tu 'dus par de bzhin gshegs pa nyid kyis mkhyed to zhes bya ba ni/ 'das ma thag pa nyid go sla ste/ de dag tu le'u ril 'dus pa go sla'o/ chos thams cad gtan la phab pa zhes bya ba ni/ theg pa dgu'i chos ril gsang ba'i snying po'i byin brlabs kyis gtan la thab la/ dngos po gnyis kyis bsdus pa ril snang ba gnyis las kyang 'das te/ gcig kho na de gtan tshigs gsum gyis phab po zhes bya ba kho na'o/ /zhes bya ba'o/ /le'u gsum pa mdor bshad pa'o// //de nas de bzhin gshegs pa thams cad dgongs pa gcig tu gyur nas/ zhes bya ba ni/
- 134a
drug pa'i de bzhin gshegs pa ni/ gcig dang du mar bral ba'i phyir/ thams cad du 'ang 'gal ba med de/ de nyid gsung lnga lhun gyis grub par snang ba las mi g.yo ba ni dgongs pa ste/ gyur pa ni gdul bya'i snang ba'o/ /de nyid bstan pa'i phyir/ mnyam pa chen po'i tshul rdo rje dbyings su chos thams cad ye nas sangs rgyas pa'i ting nge 'dzin las mi g.yo bar zhes bya ba ni/ snang stong gnyis su med pa ni/ bden pa gnyis kyi mnyam pa las ltos pa ste/ de'i ngo bo nyid ni/ dngos po gnyis kyi bsdus pa ril sems nyid du ma skyes pa ste sku dang ye shes su gsal bar snang ba nyid drug pa'i ngo bo ste/ bsgom bya sgom byed gnyis las 'das pas ting nge 'dzin zhes bya ba kho na'o/ chos thams cad ming tsam du gnas pa'i yi ge phreng ba'i 'khor lo zhes bya ba ni/ dngos po rnams ni ngo bo nyid med pa kho na'i phyir/ ming tsam la de ni yi ge kho na'o/ /yi ge'i rgyun nyid gsung gi dkyil 'khor te/ sku la sogs pa bzhi yang lhun gyis grub pa las rang snang ba'o/ /de dag ni 'di lta ste/ a ka kha ga g+ha nga zhes pa nas/ phyung ngo zhes bya ba ni/ de dag rang snang ba ste/ gnas dang rkyen ni mgur dang ljags kyi dkyil dang rtse mo dang/ zhal gyi sgros dang/ sta zur la sogs pa'o/ /de dag kyang gdul bya'i snang bas gnyis su 'gyur te/ thal ba'i rgyud las/ rang snang sku'i dkyil 'khor la/ /rang bzhin gsung gi dkyil 'khor nyid/ /g.yas dang g.yon gyi dbye ba yis/ /sde tshan brgyad dang byed pa dang/ /khyab 'jug gsum yang de bzhin te/ /rim par bkod par dang snang bas/ /'jig rten 'das dang ma 'das pa'i/ /ji snyed bsgyur ba'i sgra rnams 'byung/ /rgyal ba bzhi bcu rtsa lnga yi/ /ngo bo nyid du 'ang nges pas na/ /khu ba
- 134b
rtsa'i gzugs ngag gis/ /sku gsung thugs dang ye shes lngar/ /ma brtsal lhun gyis grub pa'o/ /zhes gsungs so/ /'jig rten drug gi phyogs bcu mdza' yas pa rnam pa drug tu g.yos/ rab tu g.yos/ kun tu g.yos nas/ chos thams cad ming gi mtshan nyid tsam du gyur to/ zhes bya ba ni/ yi ge'i mthus cho 'phrul rnam pa drug tu snang la/ bshad pa bzhin dngos po rol ming dang yi ge kho na'i phyir/ ngo bo nyid bstan du med par snang ngo/ /gzhan yang 'chad pa bzhin 'khor lor gsal bar gyur pa'i dus su lus kyi dngos po ril g.yo zhing des mtshon pa thams cad kyang ming gis bsdus pa tsam ste/ sgyu mar mngon du gyur pa kho na'o/ zhes bya ba kho na'o/ a rab tu brtan 'gyur a dkar las/ /shin tu phra ba'i a rnams spro/ /phyogs bcu gang bar gsal gyur nas/ /bsdus kyang 'phel 'grib med par bstan ces bya ba ni/ lam gyi dbang du gsungs te/ a ni a'o/ dkar ba ni byang chub sems kyi phyir ro/ /gnas ni skyed rim la nges par snying gar te/ ting nge 'dzin bstan nas spro la des khams gsum ril yang sems kyi ngo bo nyid du brlab par snang ba'o/ /rdzogs pa'i rim pa la ni lta ba nyid du ste/ ting nge 'dzin rjes su mthun pas lus kyi rtsa ma lus pa'i bde ba chen po bskyed de bsdu ba las 'das pa ni/ ye shes rdo rje'i ngo bo nyid dang/ nye bar len pa'i yang rgyu'o/ /de bzhin du ka la sogs pa kun la yang 'jug pa ni yongs su rdzogs pa'i rgyu'i phyir/ de las ming tshogs gsal 'bar kun/ /spro zhing bsdu ba 'dra de bzhin no/ /'di ni rdo rje dngos grub kyis/ /rten 'byung ye shes rgyu yin no/ /zhes gsungs so/ /a ni stong dang mi stong gi/ dbu mnga' dmigs su yod ma yin/ /thams cad ming tsam sangs rgyas kun/ /yi ge 'phreng ba nyid la gnas zhes bya ba la sogs pa ni
- 135a
rang bzhin gnas pa'i phyir dbyibs dang kha dog nyid bde ba chen po'i ye shes su gsal bas brjod du med pa'i phyir ro/ /mdza' gsum las 'das pas chos kyi sku kho na'o/ /des na de nyid rang snang ba'i yi ge kun dang/ des mtshon pa'i dngos po ril yang rjes su mthun par shes na/ sangs rgyas kyi chos sku gzhan na med pa'o zhes bya'o/ /longs spyod kyi sku bstan pa'i phyir/ a nyid sna tshogs par snang ba'i/ /ka la sogs pa bzhi bcu gnyis// sgra'i ming gis thams cad bsdus/ /mngon rdzogs rgyas por de nyid nges/ zhes gsungs te/ a'i bde ba ma 'gags pa yi ge bzhi bcu zhe gnyis su rang snang ba'i phyir rta rnga brgya shes kyi sgra'i ye shes skad gcig ma'i bde ba ji lta bar phung po la sogs pa ril de ltar mda' mdzad pas longs spyod rdzogs pa'i sku kho na'o/ /e ma'o ngo mtshar ya mtshan gyi/ /'phrul chen bzhi bcu rtsa lnga'i ming/ /tshig rnams ma lus 'dzin pa'i gnas/ /sna tshogs don chen smra zhing ston zhes bya ba ni/ sprul pa'i skur ston te/ mi dang las dang rang bzhin la dam pa gsum mo/ /yi ge'i ming rnams kyis/ /tshig thams cad sdud la/ tshig gis tha snyad ma lus pa brda' sprod pas/ ming gi las yin te/ gsung kho na'o/ /dngos med yi ge'o rang bzhin sems/ /bdag med mdza' bral mi dmigs kyang zhes bya ba ni/ sems nyid yi ger rang snang ba'i phyir bde ba chen po'i rig pa las/ gzhan med pas mdza' gsum las 'das pa'i phyir/ yul dang bral bas thugs kho na'o/ /dbyibs dang kha dog ming tshogs kyis/ /rol pa cir yang spral cing ston zhes bya ba ni/ rang bzhin de lta bu'i phyir/ yi ge de las phung po dang rigs la sogs pa thams cad du snang zhing kun tu gyur pas
- 135b
na sku'i las kho na'o/ /bshad pa de dag yongs su rdzogs pa'i phyir/ phyogs bcu dus bzhi rdzogs pa yi/ /ye shes sems pa'i sku gsung thugs/ /dkyil 'khor bzhi bcu rtsa lnga nyid/ /yi ge mgo nas k+Sha la rdzogs/ zhes gsungs so/ /sems kyi rang bzhin yi ge ste/ /yi ge dngos po yang ma yin/ zhes bya ba ni/ sems dang yid dang rnam shes dang/ 'jug pa'i rnam par shes pa bzhin a la sogs pa bzhir nges par gnas la/ de dag re re'i brtsal yang yi ge du mar rang snang bas yi ge'i ngo bo nyid med pa kho na'o/ de lta bas na sems kyi ngo bo rnams ni snang stod gnyis su med pa'i phyir/ dmigs pa dang bral bas rang rig pa kho na ste/ dkyil 'khor la sogs pa gang du yang mi 'gag par snang ba kho na'i phyir/ dmigs med nyid ni sna tshogs pa'i/ /sku gsung thugs kyi dkyil 'khor che zhes gsungs so/ /sku gsung thugs kyi ngo mtshar gyi/ /ya mchan 'phrul chen rab 'gugs pa/ /dbyings la dbyings kyis bris pa ste/ /yi ge zhes ni de phyir brjod/ ces bya ba ni las dang rgyu yis ming don las btags pa ste/ bshad pa'i yon tan ril rang rig pa'i mngon sum du ston pa'i yi ge nyid/ tshul ji ltar snang zhe na/ gang phung po sogs pa sems nyid kyi ngo bo nyid las mi gzhan pa ni gsum pa kho nar 'gyur la/ de dag nyid rang snang ba'i bde ba chen po ni/ bshad pa bzhin du snang du sna tshogs su gsal ba'i phyir gnyis pa ste/ de yang rang snang ba gzhan gyis byas par thal ba med do/ /mgo ni ma nor lam yin te/ /tsheg ni shes rab ming du smra/ /shad ni thabs chen tshigs su gcod/ ces bya ba ni rim pa bzlog ste lus dkar dag pa thabs kyi ngo bo sku ste/ de nyid yi ge rnams tshigs su gcod pa'i shad du snang ngo/ /tsheg ni bye brag phye nas ming ston pas dag dkar dag pa gsung ste/ shes rab po/ /yi ge sprul lta bus thams cad kyi mgo 'dren
- 136a
pa nyid thugs nyid pas thabs dang shes rab gnyis su med pa ste/ yang dag pa'i lam mo zhes bya'o/ /a ni skye med de bzhin nyid/ ces bya ba ni/ chos kyi khams ril sems nyid pas so sor ma skyes pa ni bla dags su de bzhin nyid ces bya ste/ de nyid nges par ar snang ste/ de'i phyir thams cad kyang lhun gyis grub pas kun tu bzang mo zhes bya ste/ gang du yang ma nges par thams cad du snang ba kho na'o/ /bra ni sgyu 'phrul rdo rje nyid/ ces bya ba la sogs pa ni lnga phung sgyu ma lta bu sems nyid yin pas ye shes su rang snang ba ni dmigs pa med par sna tshogs su snang ba'i phyir/ skabs kyis yi ge lnga ste/ de dag la rdo rje sems dpa' la sogs par tha? snyad du 'dogs so/ /tha ni dra bas mngon rdzogs nyid ces bya ba la sogs pa ni/ dangs ma ye shes kyi 'byung ba lnga ni nam mkha' la sogs pa kun tu snang zhing ril yang tha mi dad par bsdus pas thams cad sems nyid du rang snang ba ni yi ge lnga ste/ kun tu bzang mo la sogs pa kho na'o zhes bya'o/ /ka ni spyan gyi thugs kyi mchog /ces bya ba la sogs pa ni/ rnam shes bzhi po ni rig pa kho na'i phyir thugs te/ de'i phyir yi ge bzhi pa nyid sa'i snying po dang/ phyag na rdo rje dang/ nam mkha' snying po dang/ spyan ras gzigs dang bzhi'o zhe'o/ /nga ni thugs kyang 'jigs byed par/ zhes bya ba ni/ lus kyi 'bras bu shes pa'i ngo bo gsang ba'i rnam par shes pa'i las kyis de dag la yang mi gnas par byed pa'i phyir khro bo ste/ gshin rje gshed po zhes bya'o/ /tsa ni spyan gyi sku yi mchog/ ces bya ba la sogs pa ni yul bzhi la rnam shes brten pa'i phyir skur 'gal ba med de/ bshad pa bzhin pas sa le la sogs nga'o zhe'o/ /nya ni sku la'ang 'jigs pa'o zhes bya ba ni/ lus kyi yul gsang ba'i pad+ma'i
- 136b
las rjes su mthun te rang bzhin bshad pa bzhin bas/ nya dang stobs po che'o/ /ba ni spyan gyi gsung gi mchog ces bya ba la sogs pa ni/ dbang po rnams ni yul shes pa rnams phyi nang gi tshul gyis brda' sprod par byed pas gsung ste/ bshad pa bzhin pas/ byams pa la sogs pa kho na'o/ /ma ni gsung yang 'jigs byed pa'o/ zhes bya ba ni/ gsang ba'i dbang po ste/ rjes su mthun pa'i phyir ro/ /ya ni skye ba rnam par dag ces bya ba la sogs pa ni/ dus bzhi kho na ste/ 'das pas go 'byed pa dang/ da ltar gnas pa dang/ rgyu rkyen du dgos pa'i phyir mi rtag pa nyid dang/ ngo bo nyid 'drar bstan du med pa rnams ni ma ning gi yi ge bzhir snang ste du pe la sogs pa'o/ /Sha ni brtag med dag pa ste/ zhes bya ba la sogs pa ni/ gsang ba'i khams gsum 'dus nas/ oM ltar snang ba'i dus na rtag chad bdag mtshan dang gis stong pa nyid de/ de la yang ngo bo nyid kyis ma grub pa nyid yi ge bzhi ste/ sgo ma bzhi'o/ k+Sha ni ye shes thugs kyi thugs/ zhes bya ba ni/ rnam shes lnga'i yul ril kyang yid kho nas spyod pa'i phyir brtsegs pa ste/ yid rang 'byung ba'i ye shes rgyu rkyen la sogs pa'i cha shas ril zad pas/ k+Sha ya zhes bya ba ste/ thams cad kyang de bzhin par byed pa ste kun tu bzang po'o/ /i ni rdul snyed lha rnams su zhes bya ba la sogs pa ni/ thog ma med pa can gyi gnyis kyi bag chags drug po nang ris su grangs las 'das pa ril yang sems nyid kho na bas ye shes drug gi ngo bo nyid du gsal ba ni yi ge drug kho na ste/ thub pa drug go/ aM ni thams cad 'jig par byed/ aau ni thams cad zhig pa yin zhes bya ba ni/ gsang ba'i khams gsum 'dus pa nyid du bde ba skyes pa'i dus na/ khams bco brgyad dang/ phyin ci log bzhi la sogs pa ril mthu
- 137a
nyams par 'gyur la/ nges par gcad pa'i dus na bde ba nyid las kyang 'das te/ brjod pa dang bral ba nyid ye shes lnga ste/ bdud rtsi 'khyil pa'o zhes bya'o/ /de dag nyid kyi phyir/ yi ge 'khor lo tshogs chen 'dis/ /sku gsung thugs kyi phreng ba bsdus zhes gsungs so// //de nas zhes pa la sogs pa ni go sla'o/ /thabs dang shes rab dgyes sprin byang chub sems tshogs rgyu 'khor lo zhes bya ba ni/ nyi zla 'byor pa ni gnyis su med pa'i byang chub sems zhes bya'o/ /de nyid sprin lta bur 'khor lo bzhi la sogs pa kun tu khyab pa nyid yi ge'i tshogs su rang snang bas/ 'dus ma byas pa ni yongs su rdzogs pa'i rgyu kho na ste/ rang bzhin gyis snang pa'i phyir rang bzhin gsung gi dkyil 'khor nyid do/ /sgrub pa pos kyang rjes su mthun par rgyu ma nor pa rtsa ba'i sngags las/ ting nge 'dzin nam thabs kyis bkod pa ni rkyen kho na'o/ /des ci zhig 'od snyam pa la/ 'bras bu rgyal ba smin drug ngo mtshar ming tshogs bzhi bcu gnyis/ 'dus ma byas nyid 'dus byas rdo rje'i dkyil 'khor 'byin pa'i dam zhes bya ba ni/ sku gsung thugs kyi phyag rgya rmad du byung ba rang rig pa'i mngon sum pa ni/ sangs rgyas bzhi bcu gnyis so/ /de dag bsgrub pa'i dbang du 'dus byas nyid du brjod kyang/ ngo bo nyid ni dus gsum du mi phyed pas rdo rje'i dkyil 'khor nyid do/ /'da' bar mi mdzad dbang med rgyu rkyen tshogs pa'i mthu chen yin/ zhes bya ba ni mi 'da' ba' i phyir dam tshig ste/ yongs su rdzogs pa'i rgyu la/ las sam ting nges 'dzin gyis lhan cig byas pas smin par snang ba ni/ gdul bya'i snang ba ste/ rang snang ba nyid mthu chen po'o/ /de bzhin gshegs pa thams cad yi ge'i 'khor lor gyur to/ zhes bya ba ni/ rang
- 137b
bzhin gyi dkyil 'khor gnyis kyis bsdus pa'i ril/ yi ge bzhi bcu rtsa lngar 'dus shing/ de dag nyid de'i ngo bo bas de la de skad ces bya'o/ /yi ge phreng ba'i 'khor lo bkod pa zhes bya ba ni/ gsung gi dkyil 'khor gyi rim pa dang/ las dang/ yon tan dang/ mtshan nyid dang/ ngo bo tha dad par snang ba'i phyir ro /le'u bzhi pa mdor bshad pa'o// //de nas yi ge 'khor lo sprin bkod pa las sgyu 'phrul rnam par 'phro ba zhes bya ba ni/ ting nge 'dzin gyis yi ge bkod pa'i mthu las lha'i dkyil 'khor dang/ las dang dngos grub gsum la sogs par snang ba rnams ni 'phro ba zhes bya ba ste/ gdul bya'i snang ba kho nar ston to zhes bya'o/ /de nyid kyi phyir bskyed pa'i rim pa'i dbang du rgyud kyi rim pa spangs te/ man ngag gi rim pa la 'jug par bya'o/ /de la 'grub pa'i rgyu bstan pa'i phyir/ ston pa mchog brtson rtogs pa gsal/ /dam tshig sngags dang phyag rgya rnams/ ma nyams shes shing yo byad ldan/ /'grub 'gyur mi ldan don med brlag/ ces gsungs te/ ston pa'i rang bzhin can gyi bla ma yang dag pa/ sgo gsum nas mnyes par byas nas/ dbang rim par thob par bya ba dang/ brtson 'grus kyi sngon du bya ba'i sgo gsum gyi spyod lam yongs su sbyangs pa dang/ chad pa bzhin lta ba yongs su dag par bya ba dang/ bco lnga pa la sogs pa'i dam tshig yongs su dag par bya ba dang/ phyag rgya chen po dang sngags kyi yan lag rnams mnyams par ldan pa dang/ gnas khang longs spyod bzhi po dag chad bar ldan par bsgrubs kyang tshang ba'i gnas su 'gyur ba'i phyir de dag nges par rdzogs par bya'o zhes gsungs so/ /gnyis pa lta ba bstan pa'i phyir/ gang gis dmigs med mi shes pa/ /de yis chos kyi dbyings mi shes zhes gsungs te/ gang ni skal ba
- 138a
dman zhing bla ma'i man ngag gis ma zin pa dag go/ sems nyid ni ci yang ma yin pa'i phyir/ ming gi mtshon pa zhig yid la byed pa rnams ni dmigs pa can zhes bya'o/ /de dag ni 'o ma 'dod pa rwa la 'job lta bu'o/ /de phyir dngos dang dngos med pa/ /'jig pas dmigs med shes par gyis zhes bya ba ni/ gtan tshigs sngar thal te/ ye shes ni rgyu rkyen 'dus pa kho na'i phyir/ 'jig pa lam bltos te/ dngos po ril sems nyid du 'jig la/ de nyid ye shes su gsal bas stong pa nyid kyang 'jig ste/ sems kyi ye shes ni chad pa bzhin pa ngang gis dmigs su med pa'o zhes bya'o/ /de nyid ci'i phyir snyam pa la/ gzhi rtsa med pa'i sems nyid ni/ /pho mo ma yin ma ning min/ / mtshan med ma yin rigs rgyud min/ /kha dog ma yin dbyibs ma yin/ /gnas su ma yin gang yang min/ /de bzhin nyid dbyings ye shes te/ zhes bya ba ni/ sems nyid phyi mo'i rgyu rkyen dang bral ba'i phyir/ rang 'byung gi ye shes te/ /ngo bo nyid ma grub pas sems can gyi mtshan ma gsum dang/ sgo nga lta bu dang/ 'gro ba drug dang/ gzugs kyi mtshan ma gnyis dang rten par bya ba dang/ byed pa'i gnas la sogs pa gang gi ngo bo nyid du yang gdod nas ma grub pas de bzhin nyid ces bya'o// de nyid mu mdza' bral zhing thams cad kyi 'byung gnas pas mnyam pa'i dbyings te/ de nyid rang rig pa kho nar gsal bas mi de ye shes gnyis su yang 'dogs so/ /de'i phyir de nyid rang bzhin dang ting nge 'dzin dang lhag pa'i phyag rgya gsum du yang mi 'gag par snang ba'i phyir/ thabs kyi phyag rgya kun gyi rgyu zhes gsungs so/ /gsum pa de la bsgom dgos par bstan pa'i phyir/ /dngos rnams nyid na dngos med pa/ /rtog pa'i dbang sgyur ting
- 138b
'dzin yin/ zhes gsungs te/ bshad pa ltar dngos po ril sems nyid kho nar gsal la/ sems nyid bshad pa ltar ma grub pa kho na bas/ dngos po rnams gang du yang grub ma myong bar shes na/ de nyid las ma yengs pa'i btang snyoms ni shin tu gces par gsungs so/ /bzhi pa bsgom pa'i thabs bstan pa'i phyir/ gang gis glang chen myos 'dra'i sems/ /mnyam par bzhag pas brtul nas su/ zhes gsungs te/ gang bshad pa ltar shes pa nges she'o/ / 'khrul pa'i yul sna tshogs kyis g.yengs pa'i sems ni/ dper na glang po che rgun chang gis myos pa lta bu ste/ de dag 'dul ba ni zhi gnas lta bu ma yin te/ lta ba'i rjes su mi dmigs pa ni mnyam par bzhag pa zhes bya ste/ dbus las kyang 'das pa'i phyir ro/ /gzhi ji bzhin par ming gnyis su phebs pa ni thul ba ste/ de bzhin nyid kyi ting nge 'dzin zhes tha snyad du 'dogs so/ zhes bya ba'o/ /lnga pa de nyid thams cad du snang bar bstan pa'i phyir/ rtsa ba med pa'i sems nyid ni/ /chos rnams kun gyi rtsa ba yin/ /sems nyid yi ge'i rang bzhin te/ /yi ge'i yid bzhin rin chen sprin zhes gsungs te/ gcig ni bshad zin to/ /de lta bu las phyag rgya gsum po dang 'khrul pa'i chos ril yang snang bas thams cad kyi rtsa ba ste/ de dag de nyid du gnyis med par shes pa ni/ gnyis su med pa'i snying rje'o/ /thams cad las 'dir skabs kyis yi ge a ru snang ba las/ rin po che ltar dran pa tsam gyis yi ge phreng ba'ang byung la/ de dag nam mkha' khyab par 'phro ba dang bsdu ba'ang bya'o/ /drug pa de las dkyil 'khor bskyed pa bstan pa'i phyir/ thabs las thabs byung thabs bsam yis/ /tha dad med la tha dad pa'i/ /nang dang inang gi phyi rol gyi/ /dkyil 'khor bsam
- 139a
yas ye shes rol/ /'jigs med kun bzang phyag rgya mchog /ces gsungs te/ rang rig pa nyid yi ge ar snang ba ni rtsa ba'i thabs zhes bya'o/ /de las gzhal yas gdan dang bcas par snang ba ni gzhi'i thabs so/ /de dag tu lha'i dkyil 'khor bkod pa ni bsam gyis mi khyab pa'i thabs zhes bya'o/ /de dag kyang rang rig pa kho na yin pa bas/ sman pa'i blo la tha dad du snang ba'i lha rnams dang gnas de dag 'dus ma byas te/ bsam gyis mi khyab pa'i ye shes rang snang bas/ ye shes la ye shes rol pa ste brtags pa dang rgyu rkyen gzhan gyi dbang las 'das pa kho na'o/ /de ni spyod yul yongs su dag pas/ 'khor ba dang lam gyi g.yang sa gnyis dang bral bas ci bder mnos shig ces bya'o/ /bdun pa de nyid dkar dag pas blang dor bral bar bstan pa'i phyir/ de nyid ye shes rang snang ba'i/ /ming tshig gzugs sogs yid bzhin gyis/ /mun las snang 'byung ji bzhin du/ /'gyur bas gser 'gyur sman gyi tshul zhes gsungs te/ thabs gsum po nyid ci zhig las snang zhe na/ gdod ma nas sems kyi ye shes rang snang ba'i 'khor lo'i yi ge dang/ phung po la sogs pa khams gsum ril sems nyid kyi phyir cir yang snang bas/ de dag thabs gsum du ting nge 'dzin gyis dbang sgyur yang blangs pa dang dor pa med pa ni nges par dpe gsum gyis mtshon te go sla bas ma bshad do/ /brgyad pa de dag la 'dris par bsgom pa'i phyir/ sngags dang phyag rgyas rab brtan na/ /dngos grub ya mtshan chen por 'gyur zhes gsungs te/ de dag las 'phra mo dang snang ba rnam par 'byed pa'i ting nge 'dzin gyis phyag rgya chen por sngags gyi yan lag lnga dang ldan par gsal ba la yul gyis mi 'phrogs pa las dngos grub rnam gnyis nges par 'byung bas/ /brtan par gnas pa kho na'o zhes
- 139b
pa'o/ /dgu pa de'i thun mong gi dngos grub bstan pa'i phyir/ bdud rtsir 'gyur zhing 'byung ba dang zhes bya ba nas/ ting nge 'dzin 'di yis byed par 'gyur zhes pa'i bar du gsungs te/ dug las bdud rtsir bsgyur ba la sogs pa dngos po thams cad phan tshun mi mthun par bsgyur ba dang/ dngos po khyad par du gyur par byas pa la sogs pas sems can gyi bsam pa yongs su bskong ba ste/ thams cad kyang bdag las mi gzhan par shes nas stobs su gyur pa'i phyir ro/ /de dag ting nge 'dzin gnyis kyi skabs su shas kyis nus so zhes bya'o/ /bcu pa mchog gi dngos grub bstan pa'i phyir/ sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pas/ /phyogs bcu dus bzhi rdzogs pa yis/ dkyil 'khor thams cad 'grub par 'gyur zhes gsungs te/ gang phung po la sogs pa lha'i dkyil 'khor bzhi bcu gnyis su rang rig pa'i mngon sum du bsal bas khams gsum ril lha'i tshogs su gsal yang/ spyod yul dang bral bas yi ge 'khor lo tshogs chen gyis te/ 'bras bu lus pa med pa/ kho na'o zhes bya'o/ /bcu gcig pa de nyid rgyas par bstan pa'i phyir/ dus gsum rgyal bas thugs chud pa'i/ /dngos grub mchog gi snying po ni/ / zod pa'i dus med yid bzhin mchog /'phel 'grib med par 'byung ba ste/ dngos po med las dngos po'i sprin/ /sna tshogs rnam par 'byung zhing 'gyur zhes gsungs te/ bshad pa bzhin du dngos po thams cad sku dang ye shes su gsal ba ni/ rgyal ba ma lus pa'i ngo bo nyid dang/ lta ba dang/ dngos grub gsum ga yin pa'i phyir/ gzhan dag las/ byang chub sems kyi don rtogs pas/ sangs rgyas kun gyi nyid sha can/ /da ni sangs
- 140a
rgyas kun gyi dur/ dur khrod chen po nga nyid yin/ zhes 'byung ngo/ /de nyid ngo bo gcig tu ma grub par gdul bya la sna tshogs su snang zhing 'gyur yang 'phel ba dang 'grib pa med de/ ngo bo nyid kyi rtag pa zhes bya'o/ /de nas de bzhin gshegs pa thams cad gzigs mos mnyes par gyur to/ zhes bya ba ni/ ting nge 'dzin gyi mthu las sna tshogs su snang ba ril? bdag nyid kyi phyi rim bltas par gsal ba ni gzigs mo ste/ mi phyed pa ni gnyis su med pa'i mchod pa zhes bya'o/ /sgyu 'phrul bsgrub pa'i ting nge 'dzin zhes bya ba ni/ lha'i dkyil 'khor gyi ting nge 'dzin gnyis kyi mthu las dang dngos grub mang por 'grub pa ste le'u lnga pa bshad pa'o// //de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyi zhes bya ba ni/ de bzhin gshegs par ma zad de/ chos thams cad rang rig par gsal bas/ ma 'dres la yongs su rdzogs pa'i phyir gcig dang du ma bral ba kho na'o/ /gang de nyid mngon du byas pa ni bdag nyid chen po ste/ thams cad kyi ngo bo nyid de ltar mtshungs par bzhugs so/ zhes bya ba'o/ /'jig rten drug gi phyogs bcu thams cad la nyid kyi che ba'i dkyil 'khor 'byung bar bzhed nas zhes bya ba ni/ khams gsum gyi phyogs dbus thams cad du rig par rang snang bas ril yang ye shes lnga'i dkyil 'khor du gdal ba ni de bzhin gshegs pa nyid kyi ngo bo yang yin la de nyid gsal bar bstan pas dgos pa mngon du gzhag pa ni/ bzhad pa zhes tha snyad du 'dogs so/ /de nyid bstan pa'i phyir/ ye shes phyogs bzhi dbus brtags te/ dkyil 'khor bsam yas lhun gyis grub/ ces bya ba ni/ rang rig pa nyid phyogs dbus su bsdus pa thams cad du rang snang ba'i phyir/
- 140b
de dag de'i ngo bo nyid du gsal la mi rtog pa dang/ thams cad de'i ngo bor gcig pa dang/ ma 'dres pa dang/ yongs su rdzogs pas bya ba med pa dang/ mdza' thams cad las 'das pa'i ye shes lnga'i dkyil 'khor nyid de/ de'i ngo bo blos gzhal ba las 'das par gnas pa ni rdzogs pa chen po zhes bya ba ste/ rang bzhin gsang ba'i snying po'o/ /rdzogs chen rtogs pa'i rnal 'byor pas/ /kun 'byung dkyil 'khor chen po spyod/ ces bya ba ni/ gang gis de mngon du byas pa'i dus na/ snang spyod thams cad ye shes lnga las mi 'da' bas zhing dang spyod yul yongs su dag pa ste che ba'i ting nge 'dzin gyi dkyil 'khor phyung ba zhes bya'o/ /de'i rtsal mi 'gag pa dang/ mi lcogs pa rnams kyi phyir yang gsungs pa/ 'khor lo rtsibs bzhi mu khyud bcas/ zhes bya ba la sogs pa'i tshig gi sla ste/ le'u lnga pa'i ting nge 'dzin gsum gyi rjes su gzhi yi thabs 'di ltar mngon du bya ba ste/ de la lha bzhi bcu gnyis kyi cha byad can gyi sprul pa'i 'phro 'dus brgyan pa'o/ /der ci zhig go snyam pa la/ /seng ge glang chen rta dang khyung/ /nam mkha' lding gi khri chen la/ /nyi zla pad+ma rin po che zhes gsungs te/ rang 'byung gi ye shes la 'bras bu'i chos lnga rdzogs pa dang/ des thams cad kyang tshim par byed pa nyid sems can chen po lnga dang rin po che'i khri sna tshogs su mdzad pa brtan pas 'degs pa ni/ gzhan gyi gdan las spags pa las che ba'o/ /de dag la sogs par dgod pa ni/ thabs dang shes rab spyod pa'i gdan sum brtsegs te/ thams cad rang rig par gsal ba ni grang la spyad kyang mi gos pas 'bras bur 'gyur ba'i phyir ro/ /de dag la ci zhig bzhugs snyam pa las/ gdan la rdzogs dang sems dpa' i tshul zhes gsungs te/ gtso bo lnga ni rdzogs pa'i skyil mo'o/ /yum lnga ni btul
- 141a
zhugs kyi skyil mo'o/ /sems dpa' rnams ni mdzad pa yongs su ma rdzogs 'bab pa'i tshul lo/ /sems ma rnams bzhugs tshul gyis 'byung pa'o/ /'khor lo rgyal po rgyal mo dang/ /g.yas nas mthong thos snom pa dang/ /myong dang btsun mo'i tshogs su bcas/ zhes bya ba ni/ lte ba dang rtsibs la rigs lnga dang/ rtsibs mchan la thugs kyi sems dpa' bzhi ste/ rim pa ni yi ge'i dbang du gsungs pa ste/ gral ni lugs su mthun pa kho na'o/ /gru chad la ni mthong byed dang/ zhes pa la sogs pa ni go sla ste rim pa yang rjes su mthun no/ /bar khyams la ni thub drug dang/ /mdun dang rgyab tu byed pa dang/ /bya ba dag ni gnas par brtan zhes bya ba ni/ sdud pa'i don gyis 'dir brgyad kho na ste/ phyogs mtshams su mnyam par bzhugs pa'o/ /sgo khyud la ni 'joms pa bzhi/ /btsun mo tshogs dang ldan par gnas zhes bya ba ni/ rngam pa'i tshul gyis zhal phyir bltas pa'o/ /de dag gi phyag mtshan ni ci dang ci zhig snyam pa la/ rdo rje 'khor lo rin po che/ zhes bya ba la sogs pa gsungs te/ 'dzin pa'i rim pa ni/ sgyu 'phrul rdo rje las/ rdo rje 'khor lo ral gri 'bar/ /dril bu pad+ma rin po che/ /rdo rje 'dzin pa'i rim pa'o/ /gzhan gang gnas su rdo rje shes/ /dang po thugs dang g.yon 'khyud pa'o/ /rin chen myu gu ral gri 'bar/ /pad+ma dkar po rdo rje che/ /ud pas klu shing po ti ste/ /gzugs mdzes rin chen phreng ba dang/ /pi bang gar bsgyur spos me dang/ /puShpe me tog mar me dang/ byug pa gtso bo'i rim shes bya/ /nrir mgo rdo rje thod rgya gram/ /lcags kyu zhags pa spo ta ho/ /'od 'phro mnyam bzhag rdo rje thal/ /ye shes rtse lnga chos khams dril/ /thugs la bstan pa'i nyid du gsung/ thub
- 141b
chen nges par phyag gnyis shes/ /gseg par go mtshon pi bad rdebs/ /sgro na stobs pu ti chos 'chad tshul/ /me dpung bum pa shes par bya/ zhe'o/ /de dag gi sku mdog ci zhig snyam pa la mthing ga dkar po ser le brgan/ ljang gu la sogs sna tshogs pa'i/ /zhes gsungs te/ mtshams kyi sems dpa' dang khro bo la sogs pa'i phyir na nyi shu rtsa lngar yang gsal lo/ /mnyen cug 'khris ldem gzhon tshul can zhes bya ba ni/ sgeg pa'i tshul gyis thabs dang shes rab snyoms par zhugs kyang/ sku dang yan lag mnyen pa'i phyir/ drang zhing so sor ma 'dres par gsal lo/ /zhes bya ba'o/ /gsal 'tsher lhun stug gzi byin ldan zhes bya ba ni/ mtshan dang dpe byad yongs su rdzogs pas shin tu brjid pa'i phyir/ thams cad kyang zil gyis gnon pa'o/ /'od zer 'phro ba'i tshogs chen po zhes bya ba ni/ gsal la rno ba'i phyir te/ de yang dkar po dang dmar po dang ser po dang/ sngon po dang bcod kha dang/ shel dang/ dngul gyi mdog lta bu dang drug go /de dag nad ris su gcig kyang dbye ba ste/ de dag gi gnas btus pa ma yin gyi/ 'dir spu re re nas bye ba phrag drug drug phyogs bcur 'phro ba'i snang bas khyab par byed pa ni tshogs chen po zhes bya'o/ /'bar ba'i phreng bas 'khrigs pa ste zhes bya ba ni/ khro bo dang khro mo'i me dpung ste rdo rje rtse lnga par 'khyil pa'o// mdza' dbus med par khyab pa yi/ /dkyil 'khor bsam yas lhun gyis grub ces bya ba ni/ rang bzhin gyis rjes su lhag pa ting nge 'dzin gyi dkyil 'khor yang dbyings kyi mthas klas par de dag ngo bo nyid du gsal ba las/ gdul bya rang gi snang bas go phye nas sna tshogs su snang bas/ don bya bar bsgoms pa kho na'o/ zhes bya ba'o/ /rang bzhin sku'i dkyil 'khor gyi mtshan nyid dang/ 'phrin las dang/ de grub pa'i tshul bstan pa'i phyir/ phyogs bcu dus bzhi mngon rdzogs pa'i/ /sku'i phyag rgya che
- 142a
mchog ni/ /de bzhin nyid las ma g.yos kyang/ /yang dag thar pa'i gzugs sku dang/ /'gro ba ma lus 'dul ba'i phyir/ /mthun byas sku ni sna tshogs ston/ zhes pa yang dag par rdzogs pa'i zung 'jug sku ni sku lnga lhun gyis grub pas/ sku phyag rgya chen po las khyad par du gyur pa'i phyir mchog kho na'o/ /de dag gang zhe na ci gnang yang sems nyid kho na ba'i phyir snang stong gnyis su med pa ni chos sku nyid de/ rgyas pa las/ 'jig rten brtan g.yo la sogs pa// snang ba nyid na ngo bo med/ /de nyid chos sku chen po yin ces gsungs pas/ de ni de bzhin nyid kyi ye shes so/ /des ma rtsal ba ni ma g.yos pa'o/ /rtsol ba las grol bar ston pa ni yang dag pa'i thar pa ste/ longs spyod chen po'i sku dang/ 'gro ba drug dang/ mthun par bstan pa ni sprul pa ste bsam gyis mi khyab pas 'dul ba rnams su snang ngo/ zhes bya'o/ /ston nyid sgyu ma mig yor tshul/ zhes bya ba ni/ de dag kyang lhun gyis grub pa'i rgyu dang/ las kyi rkyen gyis snang ba kho na las/ rang rgyud du snang ba rnams ni 'khrul pa'o/ zhes bya ba'i tha tshig go /'o na ngo bo nyid ji lta bu zhe na/ tshul nyid dbyings las g.yos pa med ces gsungs te/ dpe'? de nyid kyi phyir sna tshogs su snang ba nyid na sems kyi dbyings nyid kho na bas bden pa gnyis su mi phyed pas rdo rje'i sku'o/ /'o na ngo bo nyid med pa nyid sna tshogs su snang bas rtsol bas byas so bar dogs pa la/ ma g.yos bzhin du sna tshogs pa/ /de tshe mi mthun sna tshogs la/ /so so 'dra bar snang ba ni/ /de bzhin nyid kyis ma bcos kyang/ /las 'phro dbang gis so sor snang/ zhes gsungs te/ thams cad ma brtsal bar lhun gyis grub pa ni/ mngon par byang chub pa'i sku ste/ de yang rim pa mthun par snang ba
- 142b
ni las kho na'o zhes bya'o/ /dper na me long chu zla bzhin zhes bya ba ni/ de dag ma g.yos par kun tu snang ba ni me long dang bzhin gyi tshul lo/ /'gro 'ong med par khyab pa ni chu zla'i dpes ston to zhes bya ba'o/ /de tshe mi mthun thams cad la/ /sdig spong gzugs su rnam par snang/ /dge tshul rnams la dgra bcom gzugs/ /rang rgyal rnams la bse' ru tshul/ zhes bya ba ni go sla'o/ /gzhan yang theg mchog rim pa bzhin/ zhes bya ba ni/ mos pas spyod pa la sprul pa'i sku nyid do/ / kri ya la sogs pa so so'i ston pa rnams kyang de bzhin nyid du snang ngo/ /'og min bla med gnas mchog tu/ /sku ni rnam par snang mdzad tshul/ /byang chub sems dpa' i 'khor rnams la/ /de bzhin gsung mchog mi smra ste/ /sku yis chos rnams 'jal par ston zhes bya ba ni/ /'og min chen po longs spyod kyi sku ni sprul pa'i de bzhin gshegs pa ltar tshig gi gsung gis mi ston te/ gzhan dag las/ de bzhin gshegs pa la la ni spyan phye bas chos ston to/ /la la ni btsums pas ston to/ /la la phyag brkyang bas ston to/ /la la ni bskum pas ston to/ /la la ni btsun mo dang bcas pas ston to/ /la la ni btsun mo med pas ston to zhes 'byung ba lta bu'o/ zhes bya'o/ /me long bstan pa'i tshul bzhin du/ /dngos kyi mdog ngan thams cad sel/ zhes bya ba ni go sla'o/ /'khor gyis de bzhin sku bltas na/ /byang chub sgrib pa gting dpag med/ /me long bzhin du sku la snang zhes bya ba ni/ de bzhin gshegs pa'i ye shes kyi sku ni gcig tu ma grub pas thams cad du snang ba'i phyir sgyu ma las 'das pa kho na'o/ /de dag de ltar ma grub pa ni ngos zin pa'o/ /de bzhin gshegs pa'i ye shes thabs kyi lus ni thig le chen po gnas na bzhugs pas thams cad kyang ye shes chen pos byin gyis rlob pa ste/ de dag gi lam mi
- 143a
mthun ba ni 'o ma 'dod pas rwa la bzhos pa ltar shes pa'i phyir ro/ /de nas sa bcu rim gyis 'byang zhes bya ba ni/ sa bcu pa rnams ni sangs rgyas kyis la nges par dbang kho nas 'gro ste/ lang ka'i mdo las/ blo gros chen po byin gyis brlabs gnyis kyis byin gyis brlabs pa'i byang chub sems dpa' dag /de bzhin gshegs pa'i zhabs 'thug cing dri ba yongs su 'dri'o/ /gnyis gang zhe na/ ting nge 'dzin gyi byin gyis brlabs dang sku dang zhal dang phyag gis dbang bskur ba'i byin gyis rlabs so/ /de la byang chub sems dpa' i sa dang po la sangs rgyas kyi ting nge 'dzin gyi byin gyis rlabs nas/ byang chub sems dpa' i ting nge 'dzin theg pa chen po rab tu snang ba zhes bya ba la 'jug ste/ zhugs ma thag tu phyogs bcu'i de bzhin gshegs pa rnams kyi zhal ston to/ zhe'o/ yang sa'i mi mthun pa'i phyogs rtogs par khong du chud de/ chos kyi sprin gyis thob po/ /de la de bzhin gshegs pa'i zhal dang phyag gis dbang bskur ro/ / zhes 'byung ngo/ /de ltar bcu pa dag dbang rim par khong du chud nas spang bya rnams kyang de bzhin du 'dag pa kho na'o/ /de'i rjes su kun tu 'od kyi sa nges par snang ba'i phyir/ bla med byang chub yang dag 'thob ces gsungs so/ /de nyid du mdo sde pa'i sku gsum bstan pa'i phyir/ /chos sku dpag med brjod du med/ /longs spyod zad med rin chen gter/ /sprul pa bye ba bsam mi khyab ces gsungs te go sla'o/ /de las kyang sngags kyis gnyis bstan pa'i phyir dang la/ thabs dang shes rab sa'i mchog /ces bya ba ni/ de'i tshe snying rje chen po mngon du byas pas thams cad du snang yang/ bdag nyid chen po'i phyir mi dmigs pa ces kyang dgos pa med pa'i sa ni ltos nas mchog kho na'o/ /de nyid du yi ge
- 143b
'khor lo'i sa bstan pa'i phyir/ mtshan dang dpe byad thams cad rdzogs/ /spyod yul kun tu man da la/ tshogs chen gnyis kyang rdzogs par rol zhes bya ba ni/ ye shes bzhi'i byin gyi rlabs kyi ye shes bcu drug dang yul bcu drug gi byin brlabs sems dpa' dang sems ma sum cu rtsa gnyis dang/ ye shes lnga'i byin brlabs rigs brgyad cu la sogs pa ltun gyis grub par rang snang ba dang/ spyod yul ril bdag las mi gzhan pa'i dkyil 'khor du snang ba dag ni/ tshogs gnyis lhun gyis grub pa kho na'o/ /de'i yon tan bgrad bar mi nus pa'i phyir/ de la sogs pas bsam gyis mi khyab/ ces gsungs so/ /de la sngags kyi lugs su sku lnga lhun gyis grub par bstan pa'i phyir/ skye shi med pa'i g.yung drung sku zhes bya ba ni/ chos kyi sku ni bshad pa bzhin pas skad cig ma'i skye 'jig dang bral ba kho na'o/ /nyon mongs kun gyis zhing du gnas/ zad med rin chen gter du 'gyur zhes bya ba ni/ longs spyod chen po'i sku ni gang yang ma spangs pa kho na las nyon mongs pa spyod pa'i sprul pa mi zad pa'i 'byung khungs yin pa'o/ /rdo rje rig pa 'dzin pa'i sku zhes bya ba ni/ gang du yang rig pa gsal bas snang stong gnyis su mi phyed ba ni rdo rje'o/ /'dzin pa ni 'chang ba ste/ rang gi rig pa de ltar ldan pa ni rdo rje'i sku kho na'o/ / thams cad dbyer med mnyam pa'i sku/ zhes bya ba ni/ phung po la sogs pa'i ril rig par mnyam pa ni thams cad kyang bdag nyid dang ye shes su gsal bas mngon par byang chub pa'i sku'o/ /thams cad mkhyen pa'i ye shes sku/ zhes bya ba ni/ sprul pa'i sku ni gdul bya thams cad kyi gdul ba'i dus dang gang ltar 'tsham pa mi 'da' ba dang/ ma 'dres pa kho nar snang ba'i phyir ro/ /de dag gi phyir na/ de tshe sku lnga kun kyang rdzogs/ zhes gsungs so/ /'jig rten drug gi phyogs bcu mdza' yas mu
- 144a
med pa thams cad du/ dkyil 'khor brjod kyis mi lang ba zhing gi rdul snyed du gsal bar gyur to/ zhes bya ba ni/ go sla ste che ba'i dkyil 'khor mngon du phyung ba'i phyir sku'i rol pa yongs su bstan pa'i phyir ro/ /dmigs bya dmigs byed mi dmigs dpag med bsam mi khyab/ /ye shes rang rig dkyil 'khor sna tshogs brjod mi lang zhes bya ba ni/ snod bcud ril sems kyi ye shes su gsal ba'i dus na/ dbyings dang ye shes gnyis kyi tha snyad las kyang 'das te/ spyod yul dang bral bar gsal ba ni/ rdzogs pa chen po'i ting nge 'dzin gyi dkyil 'khor zhes bya'o/ /de sku dang ye shes ril lhun gyis grub pa nyid rig pa'i rgyal pos rang dbang sgyur te/ ye shes kyi rol pa lhag pa'i ting nge 'dzin gyi dkyil 'khor sna tshogs su rang snang ba nyid bdag nyid chen po'i dkyil 'khor du gsal bas spyod yul yongs su dag pa'i phyir/ dkyil 'khor bsam yas lhun gyis grub ces gsungs so/ /mnyam pa dang mi mnyam kun khyab khyab med khyab pa'i dbyings/ zhes bya ba ni/ drug pa'i sku'i rol pa ni gdul bya dag pa dang ma dag pa'i ril la khyab par don mdzad tsam na de dag gi de bzhin nyid las ma gyur pa'i phyir/ snang stong gnyis su song ba med pa kho na'o/ /de dag ci'i phyir snyam pa la/ ye shes kun gsal dkyil 'khor rnams 'phro spros pa med ces gsungs te/ dngos po kun gyi rang bzhin gdod nas sku lnga'i dkyil 'khor du gsal ba las/ de bzhin nyid du gshegs pa dang yang dag par rdzogs pa nyid kyi phyir gnyis su med par lhun gyis grub ste/ bar snang ba ni 'phro zhes tha snyad du 'dogs so/ /de dag las ? rim pa ji lta bar snang yang/ rang rgyud bar 'byung ba med pa kho na'o zhes bya'o/ /dkyil 'khor spros pa zhes bya ba ni/ ting nge 'dzin gyi dkyil 'khor dang/ lhag pa ting nge 'dzin gyi dkyil 'khor dang/ rang bzhin sku'i dkyil
- 144b
'khor de dag gi ngo bo dang mtshan nyid dang/ 'phrin las yongs su bshad pa'o// //le'u drug pa'o// //da ni lhag pa ting nge 'dzin gsung gi dkyil 'khor gsal bar bstan pa'i phyir/ de nas de bzhin gshegs pa zhes bya ba la sogs pa gsungs so/ /b+h+ruM bi shwa bi shud+d+ha zhes bya ba ni/ 'dis gzhi'i thabs gzhal yas khang yongs su snang bar byed pa'o/ /de yang sgyu 'phrul thal ba'i rgyud las/ b+h+ruM dbyibs b+ha gar sna tshogs 'dus/ /las dang ngo bo dag pa yi/ /sangs rgyas rin chen za ma tog /byin rlabs skyob phyir sngags su brjod/ /ces bya'o/ /hUM badzra dri ga ces bya ba la sogs pa ni rigs lnga bskyed pa'i sngags so/ /de yang thal ba'i rgyud las/ tsit+ta khams lnga'i gshir la/ /rdo rje rgyal ba rin chen chos/ /shes rab rig ldan bcud kyi gzugs/ /nges par 'dzin pa gsang ba'i sngags so zhes/ /mUM da du shwa ri zhes pa la sogs pa ni yum lnga'i sngags so/ /de yang de nyid las/ de nyid dangs ma'i ye shes lnga/ /ma rig gnyis sogs bzhi po dang/ mi phyed phrag dog rdo rje sngags dbyings su skyob pa rga rab brjod /ce'o/ kri? hi ra tsa ya/ zhes bya ba la sogs pa ni thugs kyi sems dpa' bzhi'i sngags so/ /hUM la se sa ma ya stwaM zhes bya ba la sogs pa ni de dag gi yum bzhi'i sngags te/ yang las kyi bde bas sgeg pa ni/ /chags pa'i dam tshig dus yin no/ /slar yang lan gyis 'brel pa ni/ /gnyi ga dgyes pa'i mchog tu bshad/ /ha ta si'i bde sgra dag s/bdag gis chags pa thob pa'o/ /shin tu bskyod pa'i bde ba nyid/ /kun nas bskyed pa rlung zhes bya'o/ /me da ri ni sa ta? zhes bya ba la sogs pa ni/ gsung gi byang chub sems dpa' bzhi'i sngags so/ /dza du pa pra be sha zhes bya ba la sogs pa ni/ yang gnyis 'dren 'dzin pa zhes bya ste/ de nyid che ba las byung ba'o/ /me tog bsdus pa'i ngo bo nyid bdag po'i zhal
- 145a
du thim par bshad/ /shin tu bsdams pa'i rim las 'byung/ /gsal ba'i ye shes bde ba che/ /kun gsal brjod dang 'dra ba'i sgra/ /gnyis med thugs su shes par bya/ /zhe'o/ hUM ya mAn+ta krid phaT ces bya ba la sogs pa ni khro bo yab yum brgyad kyi sngags so/ /hUM hUM hUM badzra tsi ta a'oM/ a a a badzra pa tra sa mAn+ta a/ zhes bya ba ni/ byad pa po yab yum gyi sngags te/ yang rnam shes gsum 'das rdo rje ni/ /ye shes lnga rdzogs thugs nyid do/ /dbyings gsum rnam dag 'dus ma byas/ /kun tu 'ang de bzhin gnas byed pa'o/ zhe'o/ /oM mu ne kri swa ha zhes bya ba la sogs pa ni sprul pa rnams kyi sngags te/ yang/ sa bon zung gsum de bde ba/ /des skyes rang rig gyur pa yis/ /gnyis 'byung 'dul ba thub par gsungs/ she'o/ oM e hye hi b+ha ga bAn ma hA ka ru ni ka tri sha ho sa ma ya staM/ zhes bya ba ni/ rang bzhin gyi dkyil 'khor la dam tshig bskul te snyan gsan dbab pa'o/ /dza(rgyud 'grel): hUM baM ho(rgyud 'grel): zhes bya ba ni/ rim par spyan drangs te gur gyi steng du bzhugs pa kho na'o/ /oM badzra sa ma ya oM zhes bya ba la sogs pa ni/ phung po la sogs pa'i ngo bo nyid sku dang ye shes rtsa lngar shes pa'i dus na thams cad kyang gnyis su med par gsal ba ni/ de bzhin gshegs pa thams cad kyi rtsa bar gyur pa'i phyir/ dkyil 'khor thams cad du zhugs pa kho na'o/ /de nyid du gyur par nan tan gyis byin gyis brlabs par bskul ba'i phyir/ oM ye shes rgyal po sku gsung thugs/ /yon tan 'phrin las rmad po che/ /de nyid du ni mnyam sbyor bas/ /phyag rgya chen por bdag sbyor cig /ces gsungs so/ /oM badzra sa ma ya hUM/ oM badzra sa ma ya stwaM/ oM badzra sa ma ya ho/ zhes bya ba ni/ rang bzhin ye shes su gcig par byin gyis brlabs pa'i dus la bab pas de bdag la
- 145b
gsal bar mdzod cig ces bya ba kho na'o/ /dza(rgyud 'grel): hUM baM ho(rgyud 'grel): zhes bya ba ni/ rim pas bdag gis dkyil 'khor la zhugs pa'o// //zhes brjod pas gsung gi dkyil 'khor 'di dag gis 'jig rten drug gi phyogs bcu thams cad khyab par grags so/ zhes bya ba ni/ 'jig rten drug gi lus la sngags nyid gnas pa las lha'i dkyil 'khor dang/ las dang dngos grub ril du snang ba de nyid gsal bar byas pa'o/ /de nas bcom ldan 'das byed pa po rdo rje dang bya ba mo gnyis su med pa'i dkyil 'khor la thim par mdzad do zhes bya ba ni/ lhag pa ting nge 'dzin gyi dkyil 'khor gyis lha thams cad la/ rang bzhin lhun gyis grub pa'i thabs dang shes rab gnyis su med pa'i rgyu kho nas dbang bskur bar bya ba'i phyir ro/ /bdag nyid chen po'i ye shes dang byin bsdu ba zhes bya ba ni/ /ting nge 'dzin gyi dkyil 'khor gyi lha yan lag gi lha rnams ni/ ye shes lnga'i rgyun dang/ sku gsung thugs kyi byin phab pa las 'byung bas de dag nyid du nga rgyal byed pa'i phyir ro/ /oM ma ha shuA n+ya tA dz+nyAn badzra swa b+hA ba at+ma ko haM/ zhes bya ba la sogs pa ni/ thal ba las/ mi bskyod byed po yum dang bcas/ /rdo rje 'dzin pa'i phyag rgyar ldan/ /byams pas snying de bzhin no/ /gzhan dag rang gi phyag rgya ste/ gshin rje gshed la rtag par bshad/ /thub chen rdo rje 'dzin 'chang ba/ /zla dang bral ba dpa' bo che zhes 'byung ba kho na'o/ /oM sarba ta thA ga ta ma hA ka ya badzra swa b+hA ba at+ma konya haM zhes bya ba la sogs pa ni/ yang gnas gsum khyab 'jug yi ge las/ /'od zer 'phro ba'i tshogs chen pos/ /khams gsum byin brlabs gzi byin bsdus/ /rang bzhin rdo rje gsum 'chang ba/ /rgyu gnyis tshul gyis rang snang ba'o/ zhes 'byung ngo/ /oM sarba ta thA ga ta ma hA a nu ra ga swa b+hA ba adma ko haM/ oM sarba ta thA ga ta puA tsa badzra swa b+hA ba at+ma ko haM/ zhes
- 146a
bya ba ni/ yang lte ba rnam gnyis zla ba la/ sngon ljang yi ge swAhA nyid/ /rjes mthun 'od las yon tan las/ /yan lag rdzogs pa'i gzi byin ldan zhes 'byung ngo/ zhes brjod pas thim par gyur/ gsal bar gyur/ 'bar bar gyur to/ zhes bya ba ni/ ye shes rgyun tu 'bab pa gnyis su med pa dang/ rdo rje gsum mngon du snang ba dang/ yan lag gnyis kyi gzi byin dang ldan pa kho na'i phyir ro/ /de nas rang bzhin gsung gi dkyil 'khor gyi grangs dang las dang mtshan nyid bstan pa'i phyir/ e ma'o ngo mtshar rmad kyi chos/ /rdzogs pa'i sangs rgyas kun gyis gsung/ /sgra dang ming tshig kun las 'das/ /sna tshogs sgra rnams gsal bar 'byung zhes bya ba la sogs pa gsungs te/ drug pa'i don gyi gsung ni/ brjod bya'i ngo bo nyid gung nas 'dir grub pa med pa'i phyir/ yi ge'i sgra thams cad las 'das te/ brjod pa dang bral ba nyid bsam brjod ma lus pa'i gzhir gnas par gsungs pa'o/ /gsung gcig dkyil 'khor yan lag ni/ /bsam gyis mi khyab kun tu khyab/ /sgra dang ming tshig so sor grags/ /thams cad gsung gi phyag rgya'i mchog /ces bya ba ni/ tshig gi gsung ste/ de bzhin gshegs pa'i don gyi gsung nyid brjod bya thams cad du snang ba'i phyir/ de dag mtshon par byed pa'i phyir yan lag tshig gi gsung/ grangs las 'das par snang ba thams cad kyang don re mtshon pa las mi 'da' ba' i phyir/ de bzhin gshegs pa'i gsung nyid do/ zhes bya ba'i tha tshig go /de nas ming gsung gis mtshon pa'i rdo rje gsung gsal bar bstan pa'i phyir/ rgyud mchog sgyu 'phrul dra ba las/ /bde ldan gsung gi don 'byung ba/ /thams cad pad+ma'i dang gyur nas/ /grol thar lam dang 'khor ba'i sgra/ /ji ltar brjod kyang gsung mchog ste/ zhes bya ba la sogs pa gsungs te/ gsang ba'i snying po bde ba chen po'i gsung ni/ 'jig
- 146b
rten dang 'das pa'i sgra thams cad sems nyid kho na'i phyir/ so sor 'dzin pa med na/ ci snang ci srid brjod kyang gos pa med pas shin tu yangs pa'i phyir bde ba chen po'i gsung zhes bya ba'o/ /de nyid las ming gnyis kyi don bstan pa'i phyir/ /theg pa mthon dman thams cad dang/ /logs 'gro ma lus thams cad skad/ /byang chub rdo rje gsung du bsdus/ /bsdus nyid phyogs bcur rnam par grags/ /grags nyid ma chags gong du gsungs/ /gsungs pa nyid na brjod du med/ ces bya ba ni/ de bzhin gshegs pa'i bstan pa dang/ sems can gyi sgra ril/ sems nyid pas bdag nyid kyi gsung du gsal ba ni mngon par byang chub pa'i gsung zhes bya ba'o/ /de nyid du grags stong gnyis su med pas mdza' gnyis su mi phyed pa ni rdo rje gsung zhes bya ba'o/ /tshangs pa'i gsung bstan pa'i phyir/ brjod med de nyid sna tshogs sgra/ /kun la grags shing so sor mthal/ /dper na de bzhin sprid sangs bzhin/ /gsung gi sgra yis thams cad go /'di ni gsung mchog rgyal po yin/ /theg pa mthon dman thams cad kyang/ /de bzhin nyid las ma gsungs te/ /'dul ba'i thabs su so sor thos/ zhes bya ba la sogs pa gsungs te/ don gyi gsung las tshig gi gsung rnams 'dul bya la so sor snang ba ni/ ston pas de bzhin nyid 'ba' zhig gsungs na/ de nyid la sgra'i bye brag ril rdzogs pa'i phyir gdul bya'i bsam pa ji ltar so sor thos pa ni/ dper na bcom ldan shAkya thub pas sprid pa sangs pa lta bu ste/ mdo sde las kyang/ kau di n+ya/ ngas ni gzugs kyi de bzhin nyid 'ba' zhig gsungs na/ /la las ni gzugs stong zhes bya bar thos so/ / la las ni mi stong zhes bya bar thos so/ /la las ni bde zhes bya bar thos so/ /la las ni sdug bsngal zhes bya bar thos so/ zhes bya ba la sogs pa 'byung ba'i phyir ro/ /'o na sprul pa'i sku ltar sku gzhan yang gsung gcig gis nges par gsung ngo snyam pa
- 147a
la/ ji ltar gsung rab kun brjod kyang/ /de bzhin nyid kyis gsungs ba med/ /ces gsungs te/ longs spyod kyi ston pa'i chos rnams kyang tshig tu snang mod kyi/ de bzhin gshegs pas gsungs pa med pa kho na'o/ /'o na ci'i phyir snang snyam pa la ming gsum pa ni rig pa'i gsung mnga' bar bstan pa'i phyir/ /yi ge me dang rig pa'i gsung/ /ljags kyi rtse mor ma phyung yang/ /thugs rje gsung gi byin brlabs kyis/ /'gro don sna tshogs so sor gsal/ /gsal nyid gsung gi rdo rje mchog /ces gsungs te/ rig pa'i gsung ni rig pa kho na'i phyir/ yi ge dang bral ba nyid pas sgra brjod du med pa'i/ /thugs rig pa nyid spros pa dang bral ba de thams cad du khyab pas chos thams cad dang sgra ril bdag nyid du lhun gyis grub pa'i brlabs ni cir yang mi 'gag pas gdul bya'i bsam pa bzhin so sor brda' dus gcig tu sprod par byed pa ni/ drug pa'i gsung du 'gyur ro/ zhes bya ba'o/ /de bzhin gsung gi 'gro don rnams/ /de bzhin ngang las ma g.yos kyang/ /dper na brag ca'i sgra bzhin no/ zhes bya ba ni/ bshang ba nyid kyi phyir/ tshig so sor brjod pa med bzhin du brjod par snang ba ni/ dper na brag cha'i sgra ni rang gis bos pa ltar thos kyang brag gis smras pa med pa lta bu'o/ /dkyil 'khor bsdu ba dang gsang sngags kyi le'u zhes bya ba ni/ /gsung gi dkyil 'khor ji snyed pa yang gsung lnga kho nar bsdus pa lnga'i ngo bo dang las dang gzhal yas khang dang/ lha rnams kyi sngags kyi ngo bo dang las rnams bshad pa'i le'u bdun pa'o// //phyag rgya bstan pa'i phyir/ de nas zhes bya ba la sogs pa gsungs te/ yan lag thams cad dkyil 'khor du lhun gyis grub par byin gyis rlob pa zhes bya ba ni/ yan lag ni gnyis kho na ste/ las kyi yan lag mgo la sogs pa dang/ rtog pa'i yan
- 147b
lag phung po dang/ khams la sogs pa'o/ /de dag rigs lnga la sogs pa'i dkyil 'khor ye nas gnas pa ni rang bzhin gyi phyag rgya yin te/ rgyas pa'i rgyud las/ rang bzhin phyag rgya chen po ni/ /phyi nang snod bcud thams cad kun/ /rigs lnga bder gshegs yab yum gyi/ /phyag rgya chen po'i ngang du gnas zhes 'byung ngo/ /de dag de ltar gang gis shes pa ni lta ba'i phyag rgya'o/ /de ltar rigs nas ting nge 'dzin gyis brtan par byas pa las ma brtsal bar thams cad du snang ba ni lhun gyis grub ste/ de ltar bsgoms pa ni ting nge 'dzin gyi phyag rgya zhes bya'o/ /de las phyag rgya gsum thun mong du bstan pa'i phyir/ /sgyu 'phrul dra bas mngon rdzogs pas/ /thams cad byang chub mchog gi rgya zhes gsungs te/ rtog tshogs thams cad sgyu 'phrul dra ba'i dkyil 'khor du ye nas gsal bar rdzogs pa'i phyir/ ci snang ba ril dkyil 'khor gyi ngo bo nyid las 'da' ba med pa ni/ rang bzhin gyi phyag rgya'o/ /de nyid rtogs pas de ltar gyur pa ni lta ba'i phyag rgya'o/ /de dag mngon du gyur pas thams cad rigs drug la sogs par snang ba ni lhag pa'i phyag rgya'o/ /de dag ni phyag rgya'i mchog kho na'o/ /de dag gzhung gang gis ston snyam pa la/ gsang ba de nyid nges pa yi/ /snying po phyag rgya 'da' dka' o zhes gsungs so/ /lhag pa ting nge 'dzin gyi phyag rgya 'byung ba'i rgyu gnyis brtan pa'i phyir/ mi bskyod nyi ma'i dkyil yi ge /rin chen zla ba'i dkyil yi ge/ lnga gnyis zung du spros pa las/ /sbyar ba phyag rgya 'byung ba'i rgyu zhes gsungs te/ lag pa g.yas g.yon nyid rdo rje dang rin po che'i rigs kyi rang bzhin kho na'i gung mo dang mdzub mo dang mthe bong dang srin lag dang mthe chung rnams la g.yas par nyi ma g.yon par zla ba'i dkyil 'khor/ sran ma tsam bsnams la/ g.yas su hUM dang g.yon du mUM la sogs pa bkod pa ni so so'i phyag rgya 'byung ba'i rgyu kho na'o/ /de dag so sor thad kar sbyar ba ni dngos
- 148a
grub blang ba'i phyag rgya/ 'byung ba'i rgyu kho na'o/ /oM dang mUM gnyis rtse sbyar te/ 'bru brgyad bsnol nas rtse sprad pa/ /rgyal ba kun dang mnyam sbyor ba'i/ /bde ba chen po sbyin pa'i rgya/ zhes bya ba ni/ dngos grub blang ba'i phyag rgya ste/ rgyud nyid las g.yas kyi gud mo dang/ /g.yon gyi mdzub mo sprad de/ gzhan yang so sor sprad pa ni rigs lnga'i dngos grub blang ba'i phyag rgya'o/ /de dag kyang gdul bya'i snang bas gnyis su 'gyur te/ sgyu 'phrul thal ba'i rgyud las/ mi bskyod rdo rje rtse lnga pa/ /nyi zla'i thig le yi ge dngos/ /rin chen par bu'i nyi lnga pa/ zla ba'i thig le nyi zla nyid/ /thig le thabs shes lnga gnyis bsnams/ /phrad pa'i dus las rang snang ba'i/ /phyag rgya chen po'i dngos grub 'byung/ /dbyings dang ye shes bdag po nyid/ /oM dang mUM du rang bzhin gnas/ /rwa dang 'dab ma'i thig le rnams/ /rang gi gnas kyis snol mar 'gyur/ /rab tu 'ang 'dres par gyur pa las/ /rgyal ba'i ye shes bde chen po/ /myong phyir thob pa zhes su gsungs zhes 'byung ngo/ /'bru bzhi sbas nas thugs kar bkan/ /hUM bsgreng rtse mor rdo rje 'bar/ /zla brtul 'bru sbas dril bsil zhing/ /'khril ba'i tshul gyis chos la brtan zhes bya ba la sogs pas lhag pa ting nge 'dzin gyi phyag rgya bstan te/ g.yas pa gnod sbyin gyi khu tshur las gung mo bsgreng ba'i rgyab thugs kar gtad la rtse mo'i hUM nyid rdo rje rtse lnga par gyur pa ni/ bcing ba dang bsam pa gnyis ka'i dam tshig gi phyag rgya'o/ /g.yon pa'i zla ba'i yi ge rnams gshad pa'i khu tshur du byas pa dril bu dang bcas pa yum la 'khyud nas dkur bstan pa ni/ bcing ba dang bsam pa las kyi phyag rgya ste/ des thabs dang shes rab 'khril bar sbyor 'byed pa'i phyir ro/ /'bru bzhi sbas nas thugs kar bkan/ /mUM sgreng rtse mor dril bsil 'bar/ /nyi ma 'bru lnga las su 'khril/ /btud te 'dzum pa'i mdangs kyis blta zhes bya ba ni
- 148b
rjes su mthun te go sla'o/ /mUM nyid dril bu sgra dang bcas par gyur pa ni/ yum gyi dam tshig gi phyag rgya gnyis so/ /g.yas kyi sor mo bsnol ma yab la 'khyud pa ni las kyi phyag rgya gnyis so/ /rigs bzhi 'ang de bzhin du shes par bya'o/ /ud bal glu shing la sogs mtshan zhes bya ba la sogs pa ni/ sems dpa' dang sems ma dang sgo ba dang yab yum rnams kyi phyag rgya gnyis pa ste/ sor mo bzhi bzhi la nyi zla'i steng du yab yum so so'i yi ge bzhi bzhi bkod de bca' lugs dang ting nge 'dzin ni rjes su mthun pa kho na'i phyir na/ las la 'khril cing chos la bstan/ /dbu rnams 'byo zhing 'dud pa'i tshul/ /gong gi phyag rgya chen po bzhin/ /gnyis med dbyings kyi ngang? du 'khril zhes gsungs te/ kun kyang 'dzum pa dang bcas pas phan tshun ltas shing 'khyud pa kho na'o/ /de dag kyang gdul bya'i snang bas gnyis su 'gyur te/ thal ba'i rgyud las/ thig le bzhi bsdus gcig tu 'gyur/ /rlung gis bsdus pa bkan par brjod/ /zhal gyi lam dag gang rgyas pa/ /phyag rgya 'bar ba zhes pa'i sgra/ /zla ba nyi mas bsgribs pa yi/ /chu skyes rab tu rgyas pa ni/ /dril bu sgra dang ldan pa'o/ /phyed chung tshul gyis gar skyod pa/ /ltung ba med phyir brtan par bshad/ /zla ba'i thig le rjes mthun par/ /dril bu phyed kyis 'byor dgyes pa/ /mdza' gnyis gnon pa'i byang chub sems/ /phyag rgya chen por 'di brjod do/ /thub drug phyag rgya sna tshogs te/ mdor bsdus phyag rgya drug yin no/ zhes bya ba ni le'u drug par bshad zin to/ /de dag gzhan kun ltar phan tshun 'khyud par ma gsungs pa'i phyir ro/ /yum ni dmigs med ces gsungs so/ /'o na rgyud 'di'i gzhung du mi 'gyur ro snyam pa la chos kyi dbyings zhes gsungs te/ gang yang rang bzhin ma skyes pa nyid dbyings kho na ste/ yum nyid pas gang du yang bral ba med pa'i phyir/ snang ba mi 'gog thabs
- 149a
yin te/ rang bzhin med pas shes rab yin zhe'o/ /kun bzang mnyam gzhag ye shes 'phro/ /yum 'gyur mnyam rdzogs padmo'i dkyil/ /gzhan yang phyag rgya sna tshogs te/ /yang na de bzhin gshegs nyid dam/ yang na rdo rje thal mo nyid ces bya ba ni/ kun tu bzang po ni mnyam pa las sor mo kun tu 'od 'phros pa'o/ /yum gyi phyag rgya ma nges te/ mnyam pa las mtho bong rtse sprad de padmo ltar byas pa dang/ gnyis ni go sla'o/ /de las chos khams dril bu thugs kar brten zhes kyang zer te/ chos nyid cir yang snang ba'i phyir ma nges pa'o/ /lha ba'i phyag rgya bstan pa'i phyir/ /phyag rgya chen po'i tshogs mchog ni/ /thabs dang shes rab ldan 'byor na/ ma bskyod ma bsgul thams cad kun/ /phyag rgya chen po'i dang du gnas zhes gsungs te/ phung po la sogs pa ril lha yab yum gyi sku gsung thugs kyi phyag rgya yin pa ste/ snang la mi 'dzin par gsal ba'i dus na/ sgo gsum gyis ci byas pa dang/ ma byas pa kun sku gsung thugs las 'da' ba med par gnas pa ni phyag rgya'i mchog go /yan lag bzhi bcu rtsa gnyis ldan zhes bya ba la sogs pa ni/ yan lag gnyis pa byin gyis rlob pa ston te/ bdag tu lta ba'i yan lag rtog pa rnams zung cig la yang bzhi bcu gnyis yod pa'i phyir/ mi bskyod pa yab yum gyi rtog pa'i gnas su yab la yab rnams dang/ yum la yum rnams dang yab la thub pa rnams gsal bar bkod de bsgom pa ni ldan pa zhes bya ba ste de ni thabs kho na'o/ /de nyid yan lag spros bdag ste/ zhes bya ba ni/ yan lag bzhi bcu po de dag nyid kho na dang mtshungs pa'i ye shes sems dpa' re re'i snying la nges par gnas te shes rab bo/ /bdag ste zhes bya ba ni bshad pa'i lha rnams dang/ 'chad pa'i rdo rje gsum gyi lha rnams la rigs kyi bdag nyid la lngas dbang
- 149b
bskur bas bdag po'i rigs so sor mtshon pa kho na'o/ /de dag ni ye shes kyi dkyil 'khor stong kho na'o/ /bzhi bcu rtsa gnyis gsum 'phror 'gyur zhes bya ba ni/ bkod pa bzhi bcu rtsa gnyis la/ rdo rje gsum gsum 'phro ba'o/ /de ltar ldan pa'i gtso mchog gis zhes bya ba ni/ gtso bo yab yum la ye shes kyi dkyil 'khor stong/ thabs dang shes rab brgyad cu/ mi zad pa rgyan gyi 'khor lo'i lha brgya nyi shu de dag mngon du gsal ba ni rnal 'byor gyi mchog go /de las gzhan la yang bsgom pa'i phyir/ rgyal ba rgyal mchog de bzhin du zhes gsungs te/ rgyal ba rigs bzhi'o/ /kun tu bzang po ni rigs kyi bdag po'i phyir mchog ste/ yab yum bcu la'ang de bzhin bsgom mo/ zhes bya ba'o/ /bcu gnyis drug gi 'od 'phro 'bar/ /zhes bya ba ni/ yab yum bcu gnyis phrag gnyis kyi sems dpa' dang sgo ba rnams la'ang de ltar gsal la thub drug re re la yang de ltar gsal ba ni snang ba rnam par 'byed pa'i ting nge 'dzin zhes bya'o/ /de la sogs pa bsam mi khyab/ /phyogs bcu dus bzhi bsam yas su/ /'dul ba'i don rnams so sor ston zhes bya ba ni/ de dag las su rung nas dngos por ril dkyil 'khor ma gyur ba med pa des gdul bya ma lus pa'i re ba skod bar byed pa'o/ /'o na gzhi de'i phyir dkyil 'khor kho nas don byed do snyam pa la/ theg pa mthon dman thams cad dang/ /phyin ci log rnams bsam yas dang/ /zhi khro tshogs chen mdza' yas la/ /so sor mthun byas kun tu snang zhes gsungs te/ rtag chad la sogs pa so so'i ston pa rnams dang lha rnams dang bdud dang srin po la sogs pa gang la mos pa ltar snang bas gcig tu ma nges pa'i phyir/ sa gsum thams cad kun tu ni/ /sems dpa' chen po ston byed pa/ /res 'ga' byang chub res 'ga' lhums/ /res 'ga' zhi la res 'ga' drang /res 'ga'
- 150a
gdon chen bgegs mdzad de/ /de la sogs pa mdza' yas mchog /ri dang skye po thams cad do zhes 'byung ngo/ /de dag kyang stsol pas byed pa ma yin te/ lhun gyis grub pa nyid kun tu snang ba'i phyir/ dper na gar mkhan nyid 'dra ba/ /lus las ma gong sna tshogs ston zhes gsungs so/ /phyag rgya'i rnam grangs bstan pa'i phyir/ /mdor na phyag rgya thams cad kun/ /gcig ces 'di zhes brjod du med/ /gnyis dang gsum du rnam par 'phro/ /bskyod dang 'phro ba de bzhin nyid ces bya ba ni/ phyag rgya rim tshig gis mdor bsdu na/ lus kyi yan lag gi phyag rgya bskyod pa kun yang bya ba mo yi phyag rgya ltar gcig tu nges pa med/ zhabs gnyis dbu phyag gsum ste/ lnga la ting nge 'dzin gyi phyag rgya lnga bcur yang 'gyur ro/ /rtog pa'i yan lag spro ba'i phyag rgya la yang sku gsung thugs gsum dang thabs shes rab brgyad cu dang/ ye shes kyi phyag rgya stong la sogs par 'phro bas phyag rgya'i grangs ni ma nges pa kho na'o zhes bya'o/ /mdor na bsgul bskyod thams cad kun/ /phyag rgya chen po'i ngang du gnas/ /gnas nyid mi gnas pa 'ang min/ /de skad dag chog nyid kyis bshad zhes bya ba ni/ grangs de lta bus mtshon nas phyag rgya brjod kyis mi lang pa rnams kyang tshig gis mdor bsdus na/ rang bzhin gyi phyag rgya lta ba'i phyag rgya mngon du byas/ lhag pa ting nge 'dzin gyi phyag rgya gsal bar bsgom pa'i dus na/ ci snang ci byas pa thams cad bdag nyid chen po'i sku gsung thugs kho na las mi 'da' bar gnas la/ de tsam du yang blos 'dzin pa med na/ phyag rgya lhun gyis grub par byin gyis brlabs pa zhes bya ba kho na'o/ zhes gsungs so/ /de dag nyid kho na'i phyir/ yan lag thams cad dkyil 'khor du byin gyis brlabs nas phyag rgya spros pa zhes gsungs pa'o/ /le'u brgyad pa mdor bshad pa'o/ /de'i
- 150b
rjes su lhag pa gzugs brnyan gyi dkyil 'khor rgyas par bstan pa'i phyir/ de nas zhes bya ba la sogs pa gsungs so/ /dgyes pa chen po zhes bya ba ni/ thun mong gi dga' ba dang/ 'jig rten pa'i dga' ba dang/ dga' ba'i dga' ba dag ste/ de dag ni 'dod pa nye bar spyod pa dang/ bsam gtan bzhi dang/ mthong lam pa rnams kyi phyir smos pa ste/ de bzhin gshegs pa'i bsam gyis mi khyab pa'i dgyes pa ni ltos pa tsam ma yin gyi ngo bos kyang che ba ste/ mtshan don gyi skabs las brtags pa'o/ /rdo rje gsang ba'i dam tshig bkod pa zhes bya ba ni/ rang bzhin lhun gyis grub pa'i dkyil 'khor gyi sku gsung thugs kyis phyag rgya thams cad ye shes rdo rje'i ngo bor lhun gyis grub pa de phal gyis yul du ma gyur pas de mtshon cing sbyor ba las mi 'da' ba ni lhag pa gzugs brnyan gyi dkyil 'khor te/ de dag gi las kyi rim pa dang/ tshad dang/ ngo bo dang/ 'jug pa dang/ zhugs nas bsgrub pa dang/ 'bras bu'i bar rnams gsal bar ston pa ni rgyur nye bar gnas pa kho na'o/ /gzhan don nye bar ston pa'i le'u 'di yang rgyud kyi rim pa ring du spangs nas man ngag gi rim pa la 'jug par bya ba ste/ shin tu phra ba'i dam tshig mchog ces bya ba ni/ nye bar ston pa nyid kyang shin tu phra ba'i dkyil 'khor ro/ /'og nas shin tu phral sbyangs pa yis// bsam yas dag la de bzhin bya zhes pa'i phyir/ 'di ni zur gnyis pa kho na ste/ gzhan don nye bar byed pa'i bla mas ting nge 'dzin rnam pa gsum la blo sbyangs te rgyas pa las byung phra ba'i dkyil 'khor la goms nas zlas pa rdzogs par bya ba las mi 'da' ba kho na zhes bya ba'o/ /de nas gnas bzang po ru/ sa'i cho ga bya ba'i phyir/ yang na sa gzhi bar snyams la zhes gsungs so/ /sa btsal ba dang/ bslang ba dang/ rtag pa dang/ spyang ba dang/ bsrung ba rnams mngon par rtogs pa nas 'byung ba
- 151a
ltar sbyang bar bya'o/ /de nas dkyil 'khor rgyas 'bring gi tshad bstan pa'i phyir/ dkyil 'khor khru gang tshad du bya/ /yang ni lus gang tshad du ste/ /yang na lus ni gsum gyi tshad/ ces gsungs te/ sgyu 'phrul bsdus pa ni stang dbyal gnyis pa ste/ de la khru gang ngam bzhi par bya ste/ gnyis pa ni bzo'i sbyor ba'i phyir ro/ /'bring gi dkyil 'khor ni bzhi bcu rtsa gnyis te/ de la lus gsum pa khru bcu gnyis sam gzhan yang/ yang na khru ni bcu drug dang/ zhes bya ba dang/ gnyis so/ /nyi shu 'am nyi shu rtsa lngar bya zhes bya ba ni/ rgyas pa'i dkyil 'khor gyi tshad gnyis so/ /de dag las lhag pa ting nge 'dzin gyi gzugs brnyan bstan pa'i phyir/ yang na rgyang grags dpag tshad dam nam mkha' dbyings kyis bsam yas par/ /sangs rgyas dkyil 'khor sna tshogs bsgom zhes gsungs te/ /de la yang sgyu 'phrul rdo rje las/ slob dpon mthar nye'i lam gnas pas/ /rgyang grags dpag tshad la sogs par/ /rdo rje'i thig tshad dor tsam gyis/ /phyag rgya'i dkyil 'khor gsal ldan pa/ dkyil 'khor sna tshogs mchog tu gsungs zhes 'byung ba ni mchog gi yang ni mchog gi dkyil 'khor te/ slob bu las dag pa rnams kyi phyir ro/ /de dag gang byed kyang las dang bya bas sbyangs nas sa bsrung ba la sbyar ba'i phyir/ 'bru lnga spros lnga rin chen lnga/ /snying po lnga dang sman lnga dang/ /bdud rtsi lnga ni rab snyams la/ /rig pas thig ni gdab par bya/ zhes gsungs te/ phung po lnga dag pa sku lnga thob par bya ba'i phyir 'bru lnga dang/ dbang po lnga dag pa 'phrin las lnga thob par bya ba'i phyir spos lnga dang/ yul lnga dag pa yon tan lnga thob par bya ba'i phyir rin po che lnga dang/ rnam shes lnga dag pas ye shes lnga thob par bya ba'i phyir snying po dang/ 'dod yon lnga dag pa gsung lnga thob par bya ba'i phyir sman lnga dang/ khams lnga dag pa rigs lnga thob par bya ba'i
- 151b
phyir bdud rtsi lnga ste/ de dag cha snyams pa'i 'jim pa'i 'de gu glang ko tsam du byugs la/ der sa bsrung ba bya'o de nas rig pa ma yengs pas thig gdab par bya ste/ de'i phyir/ phur bu srad bu tshon phye dang/ /gos rgyan mdzes pa'i yi 'ong grogs/ /thig gdab chog phun sum tshogs/ /mkhas ldan chen pos bsgrims te bya zhes bya ba gsungs te/ rgyu pad+ma'i rgyus pa 'am ras las mtshan ldan bcu drug mas bka' ba' i skud pa kha dog gsum la dgu bsgril gyi dam tshig gi thig ste/ ring thung maN Da 'khor khyud tsam pa ste/ sku gsung thugs kyi bye brag tsam du byin gyis brlabs pa thogs te/ bcu drug ma rgyan gyi mdzes pa dang/ gnyis kyis drangs te/ rta babs brgyad kyis mdzes par gdab po/ /de nas ye shes kyi thig /kha dog sna lnga la re re yang lnga'o/ /ye shes nyi shu rtsa lngar byin gyis brlabs pa ste/ yab yum gnyis phyag rgyar gsal ba'i byang chub sems ye shes su drangs bas dam tshig gi thig thams cad sku gsung thugs gcig kyang ye shes lnga ldar gsal bas sku dang ye shes kyi gzhal yas su gsal ba kho na'o/ /de nas sa bzung ba'i cho ga byas nas/ skud pa dang rdul tshon ji ltar byin gyis brlab snyam pa la/ rigs kyi dkyil 'khor lnga rnams bsgom zhes gsungs te/ tshon sna re re yang yig 'bru lnga re re yang kha dog nad ris su lnga lnga ste/ nyi shu rtsa lnga 'phros 'dus pa las ye shes nyi shu rtsa lnga drangs shing bstims nas ye shes kyi rin po che nyi shu rtsa lnga kho nar gyur par bya'o/ /de ltar tshon nyi shu rtsa lnga'i dgos pa ci snyam pa la ma mthong rmongs la bstan phyir mtshon/ /kha dog nyi shu rtsa lnga 'am/ /lnga'i tshon gyis bri bar bya/ /'dul ba'i cho ga bzhin du bya/ /zhes gsungs te/ sems nyid ye shes nyi shu rtsa lngar 'dod nas gnas pa de mtshon par bya ba'i phyir te/ rgyas pa'i rgyud las/ sems can ma lus thams cad la/ /ye shes lnga yis kun khyab kyang/ /
- 152a
rang gi rnam rtog bsgrib byas nas/ /ye shes lnga'i don ma mthong/ /de ltar rmongs pa thams cad la/ /ye shes mtshan nyid bstan pa'i phyir/ /dkar dang dmar dang sems dang/ /ljang gu la sogs nag por bstan/ /zhes gsungs so/ /de lta bu'i bri ba yang rgyas 'bring pa gsum ni slob bu gang la dang ba bzhin bri ba'o zhes bya'o/ /de dag gi dbyibs ji ltar bri snyam pa la/ lte brtsibs dang ldan pa yi/ /rtsibs bzhi 'khor lo mu khyud bcas/ /gru chad bzhi dang gru bzhi yi/ /bar khyams sgo khyung ldan par bya/ /zhes gsungs pa go sla ste/ rgyas pa la ni/ gzhi tshad med pa'i 'khor lo'i steng du 'khor lo lnga ste/ 'khor lo drug pa'o/ /'bring po ni dkyus bzhin te gru chad la sogs pa ni gnyi ga la mthun no/ /bsdus pa la bar khams spangs pa ste/ rta babs brgyad la thams cad la yang bri bar bya'o/ /de dag du lha rnams ji ltar dgod snyam pa la/ sku gsung thugs ldan gzugs kyang dgong/ ces gsungs te/ khru gang la sogs pa la tsa ka li dgong pa ni sku'i dkyil 'khor/ snying po 'am ha thA bkod pa ni gsung gi dkyil 'khor ro/ /phyag rgya bkod pa ni thugs kyi dkyil 'khor ro/ /de dag gi rgyan ji ltar bri snyam pa la/ bcos bu ras ni sna tshogs dang/ /rgyan phreng btung ba'i bro bas skong/ zhes gsungs te/ kha dog sna tshogs bris pa'i ras kyi bla 'phan la sogs pa dang/ rin po che'i phreng ba sna tshogs dang/ chun 'phyang dang rol mo sna tshogs dang/ bza' btung sna tshogs kyis bskor ro zhes gsungs so/ /de dag gi rab gnas bstan pa'i phyir/ lus ngag sems dang chos thams cad// gang na 'ang mi gnas mi dmigs pa/ /mig yor tshul du sbyor ba yis/ /nam mkha' la ni nam mkha' bsgom zhes gsungs te gzugs brnyan gsum gyi phyag rgya dang/ gzhal yas khang gis mtshon pa'i chos thams cad/ sems nyid las dngos
- 152b
po gzhan med pa'i phyir/ cir snang yang mig yor lta bur rang gi ngo bo nyid med la sems nyid ji lta bu'i ngo bor yang dmigs su med pa nam mkha' lta bu'i phyir blo yang nam mkha' ltar mi dmigs par rang gsal bar 'dug go /de la shudz+nyA ta zhes bya ba'i sngags kyi nga rgyal bya'o/ /de las rol mo lta bu'i ting nge 'dzin gyis sna tshogs su bskyed par bstan pa'i phyir/ ting 'dzin rol mo mdza' yas mchog /yi ge 'am gdan nam snying po 'am/ /phyag rgya 'am sku gsung thugs ldan par/ /byin brlabs ya mtshan rmad po che/ / 'grub 'gyur sangs rgyas kun gyi dam zhes gsungs te/ dper na rol mo ni gzhi ma nges pa la las thabs kyis drangs nas sna tshogs su snang ba bzhin du/ bshad pa'i mi rtog pa'i ye shes las/ ye shes skad cig ma'i ting nge 'dzin gyi rang dbang sgyur nas 'byung ba'i dkyil 'khor dang bcas pa'i gzhal yas khang gdan dang bcas par snang la/ de dag tu sngar bkod pa'i hUM mUM la sogs pa'i snying po 'am ta tha la sogs pa'i gsung gi dkyil 'khor dang gdan la tsa ka li bkod pa ni sku'i dkyil 'khor dang phyag rgya thugs kyi dkyil 'khor gang yin yang/ de nyid sku gsung thugs gsum dang ldan pa'i lhar byin gyis brlabs nas/ lhun gyis grub pa'i dkyil 'khor yang drangs te/ bstims nas 'dod pa yongs su grub par gyur te/ rang bzhin gnyis dang ting nge 'dzin gsum tshogs pa'i phyir ro/ /'o na gzhan du tshol lam snyam pa la/ sa la sogs pa phyag rgyar byas/ rnam grol rim pa thob par 'gyur/ dag pa'i ye shes kyis spyangs pa/ smos ci dgos te de nyid yin zhes gsungs te/ 'byung ba dang de las gyur pa la/ sku gsung thugs kyi phyag rgya'i dbyibs byas pa tsam gyis kyang/ rgyu dang sems kyi ma rig pas sdug bsngal las rim par grol bar 'gyur na stong pa nyid dang/ rol mo lta bu'i ting nge 'dzin gnyis kyis lhar sbyangs te/ byin gyis brlabs kyang 'dus pa
- 153a
de ni de bzhin gshegs pa'i sku gsung thugs kyi dkyil 'khor kho na'o/ /de'i byin brlabs zhugs pa'i rab tu gnas pa bstan pa'i phyir/ phyogs dus dkyil 'khor bdag nyid che/ mi dmigs thugs kyi dkyil 'khor las/ dkyil 'khor thams cad spyan drang ngo/ /rang snang dbyer med dkyil 'khor la/ /'jug pa'i mtshan nyid mnyam sbyor bas/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar gyur pas dam tshig mchog ces gsungs te/ phyogs bcu dang dus bzhis bsdus pa'i sangs rgyas nyid kyi bdag nyid ni/ byang chub sems rang byung gi ye shes kho na yin la/ de'i ngo bo nyid ni cir yang mi dmigs pa'i stong pa nyid kyi ye shes la ye shes lnga lhun gyis grub pa'i dkyil 'khor ro/ /de nyid gcig kyang ye shes lnga lnga la sogs pa gsal ba las dkyil 'khor thams cad du rang snang ba de las spyan drangs nas bstim mo/ /de yang gung na med de/ sems rang snang ba'i phung po la sogs pa rnams/ rig pa rang snang ba'i sku dang ye shes su dbyer med pa de la/ phyag rgya bzhis bstim nas gnyis su med par gyur pa de la/ rkyen 'jug pa'i mtshan nyid kyis nyams su lon par bsgoms pas/ de la dkyil 'khor ril gyi yon tan rdzogs pa'i phyir/ ci 'dod pa yongs su 'grub par 'gyur ro/ zhes bya ba'o/ /de la phyi dang nang gi mchod pa bya dgos pa'i phyir ro/ /glu tshig bro gar rol mo yis/ /sprin phung tshogs kyis rab tu mchod/ /yum dang 'jom sems ma yis/ ji ltar 'dod pa'i las bzhin mchod/ ces gsungs te/ phyi'i mchod pa lnga dang bla 'phan rol mo rnams dang nang gi dam rdzas rnams dang/ bro gar bcu drug gi glu ye shes kyi mchod pa ste/ gsang ba'i yum dang sems ma brgyad dang/ sgo ma
- 153b
bzhi po dag kyang nam mkha' i khams bkang la dbul lo/ /de dag gi bsam pa dang bskul ba ni/ las gang 'dod pa'i skabs kyis byed pa'o zhes bya ba kho na'o/ /de dag las lhag pa ting nge 'dzin gyi mchod pa dang/ gsang ba'i mchod pa bstan pa'i phyir/ mchod pa'i phyag rgya chen po ni zhes bya ba la sogs pa gsungs te/ spyir gang gis mnyes pa ni mchod pa'i mchog ste/ 'dod pa lngas rig pa tshim par byed pa de dag ma spangs par sems nyid du shes pa khyad par du bya ste/ gnyis su med pa'i ngo bor phul ba ni mchod pa'i mchog gnas su stobs pa'o/ /de dag gi ngo bo ni/ 'jig rten thams cad sangs rgyas kyi zhing dag par byin gyis brlab pa dang/ ril sogs pa thams cad rin po che'i phung por brlab pa dang/ chu thams cad rin po che'i rdzing bu sna tshogs pa'i bar dang ldan par brlab pa dang/ so so'i gnas khang? thams cad rin po che'i khang pa sna tshogs su brlab pa dang/ rtsi shing thams cad rin po che'i dpag bsam gyi shing sna tshogs su byin gyis brlabs pa dang/ sgra skad thams cad stong tshig dang chos kyi sgra sna tshogs su grags pa dang/ gos thams cad lhab lhub? sna tshogs su byin gyis brlab pa dang/ rin po che thams cad phreng ba la sogs pa sna tshogs su brlab pa dang/ so so'i longs spyod thams cad bdud rtsi'i longs spyod sna tshogs su brlab pa dang/ 'gro ba rnams kyang lha dang lha mo rgyan gyis khyad par du mdzes shing mchod rdzas sna tshogs thogs pa dang/ de dag gi dkyil 'khor thams cad la stobs par bya'o/ /de dag dbul ba'i tshul ni/ skal ldan gsal ba'i khyad par gyis/ /rim gyis yang na cig car du/ /chos kyi dbyings dang mnyam sbyor zhing/ /mchod pa'i phyag rgya chen por bsgom zhes gsungs te/ rnal 'byor pa'i blo'i rim pa ltar/ tshig gi rim pa ltar ram/ skad gcig gis chos nyid la chos nyid thim pa'i tshul du 'dul lo zhes bya ba'o// //
- 154a
gsang ba'i mchod pa bstan pa'i phyir/ /gsal ldan ma 'am byin brlabs la/ /stong gsum yungs 'brur 'jug tshul du/ /dbyings nas dkyil 'khor spyan drangs mchod/ /mnyes nas grub pa'i dam tshig mchog ces gsungs te/ mchod pa'i yum dang shes rab dang ldan pas rang gis bsgoms pa'am/ gtso bos rlabs nas sna rtser yungs 'bru tsam gyis gzhal yas su lha tshang bar bkod de/ rang bzhin gyi dkyil 'khor spyan drangs bstim ste/ rol pa'i bde ba ji ltar myong ba ltar thams cad mnyes pa dang tshim par 'gyur ro/ /de dag gnyis su yang 'gyur te/ thal ba'i rgyud las/ shes rab thabs kyi rtsa gnas su/ /dra ba'i thig le yi ge nyid/ /sgyu 'phrul dkyil 'khor gnyis su brlab/ /b+ha ga 'dus pa'i yungs 'bru ru/ /khams gsum 'gro rnams bsdu bya ste/ /rtog tshogs dkyil 'khor mdun du bya/ /phyogs dus dkyil 'khor spyan drangs te/ rig pas so so'i gnas su bstim/ /bskyod pa'i ha si sgras bskul ba'i/ /bdag nyid chen po lnga'i rgyun/ /steng sgo nas 'byung bde ba'i bcud/ /so so'i bzhi bcu gnyis la thim/ /kun nas bde ba'i ye shes che/ /rgyal ba mnyes pa'i mchog tu gsungs/ /bco brgyad phrag gnyis bum pa dang/ /drug gnyis gzer gyis sbyangs nas ni/ /dbang sgyur byin brlabs bde thob pa/ /theg pa chen por dbugs phyung pa'o zhes 'byung ba'o/ /de lta bu'i rab gnas kyi dus su sbyin sreg bya ba bstan pa'i phyir/ /dbyibs dang kha dog mtshar ldan par/ /zhal du gyur pa'i me bos la/ /bza' ltung bro ba'i tshogs rnams kyis/ /las bzhi mchod par rab tu sbyin zhes gsungs te/ rgyas pa'i rgyud las/ 'phrin las bzhi la hom thab brgyad bstan pa las/ 'dir gnas skabs kyis rgyas pa'i thab gru bzhi 'am/ rin po che zur brgyad du byas te/ kha dog ser po bang rim dang sgrom dang rdo rje
- 154b
zhags pas bskor ba'o/ /de nyid kho na'i gzhal yas khang bsgoms te/ me lha ser po sgrom thogs par bskyed pa dang/ /drangs nas mchod de/ lto bar yang rgyas pa'i dkyil 'khor bskyed pa dang drangs nas bdud rtsi la sogs pas mchod de 'dod don gsol bar bya'o// //khro bo'i dkyil 'khor de bzhin te/ shin tu 'phral sbyangs pa yis/ /bsam yas dag pa de bzhin bya/ /rig pas dpag pa tsam du'o/ /zhes bya ba ni/ khro bo la sogs pa'i dkyil 'khor byed na yang las dang sbyin sreg rjes su mthun no zhes bya ba'o/ /dpag tshad la sogs pa mchog gi dkyil 'khor la yang de ltar bya'o/ /zhes bya ba'i tha tshig go/ //de ltar mchod pa rdzogs nas dkyil 'khor du 'jug pa bstan pa'i phyir/ kun byas dbang phyug rig pas 'jug/ de nas slob bu gzhug par bya zhes gsungs te/ bshad pa'i las rnams rdzogs nas slob dpon 'khrus gos dang ldan pas shar sgor gus par 'dug ste/ le'u bdun par bshad pa ltar zhugs pa ni/ rig pas zhugs pa kho na'o/ /de nas bu rnams khrus byas/ gdong g.yogs/ dri ba byas/ lus dbul/ byin gyis brlabs/ dam tshig dpog /nan chags bya/ dam tshig bsgrags/ me tog dor/ lha dpog /mig dbye/ dkyil 'khor ngo bstan par bya'o/ /de ltar zhugs pa'i phan yon dang/ yi dam lha mi spong bar gdams pa bstan pa'i phyir/ bde ba chen po'i dkyil 'khor la/ /stang dbyal gnyis sam yang na lnga/ /byas te dad ldan rab bzhugs na/ /'dod pa yid 'ong mnyam par 'gyur zhes bya ba ni/ rigs lnga thabs dang shes rab 'brel ba ni bde ba chen po kho na'o// de dag lhag pa gzugs brnyan gyi skabs su/ bsdus pa la ni stang dbyal gnyis so/ /rgyas pa dang 'bring la ni lnga pa ste/ de dag tu bshad pa bzhin zhugs pa'i yon tan ni/ sngon 'og min du zhugs pa dang/ mnyam par ston te/ gzhan dag las/ rdo rje
- 155a
sems dpa' la sogs pa'i/ /'khor lo mngon du mthong ba yi/ /bsod nams rtag pa gang yin pa/ /phyis byas pa'ang de bzhin no/ /zhes 'byung ngo/ /de ltar zhugs nas phog pa'i lha bsgrub dgos pa'i phyir/ skal pa mnyam pa'i ye shes te/ /gnyer na nye bar 'byung ba yi/ /ya mtshan chen po 'byung bar nges/ /dad med nyams na phung bar 'gyur zhes gsungs te/ bdag gi rang bzhin yang sku gsung thugs rdo rje lhun gyis grub pa la ni khyad par med pa kho na'o/ /yin mod kyi rtags pas sgribs pa de bsal ba'i thabs ni/ le'u lnga pa ltar ting nge 'dzin myur du 'grub pa'i phyir/ rtsa ba'i dam tshig gnyis su mnan nas gsungs pas bsgrub pa la nan tan che bar bya'o/ zhes gsungs pa'o/ /de nas dbang thob pa'i rgyu yon dbul ba bstan pa'i phyir/ de nas rigs kyi bu mchog des/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad dbul zhes gsungs te/ rang gi lha de bzhin gshegs pa'i rigs la rgyal srid dbul lo/ /rdo rje'i rigs la rang lus dbul lo/ /pad+ma'i rigs la bu dang chung ma dbul lo/ /rin po che'i rigs la de nyid do/ /las kyi rigs la rang gces pa dbul lo/ /bdag po'i rigs la bla ma thugs dang ci 'thad pa dbul lo/ /de'i yon tan ci zhig snyam pa la/ /dbang phyug longs spyod lngas mchod na/ /dkyil 'khor thams cad mchod pa yin/ nye ba'i dkyil 'khor smos ci dgos/ /nyes pa thams cad dag par 'gyur zhes gsungs pa go sla ste/ bla ma mnyes pas thun mong dang thun mong min pa'i sdig pa sbyang ba'i phyir/ yon la ser sna spang ngo zhes bya ba'o// //de nas dbang bskur ba'i rim pa bstan pa'i phyir/ dad rtson brtul zhugs rab rtogs nas/ /phan pa'i dbang sbyin nus pa'i dbang/ /rim pa bzhin du bskur bar bya/ snying
- 155b
rje chung ma zos par zung zhes gsungs te/ theg pa 'di la dad pa rnams la phan pa'i dbang bcu 'di dang phyi mar phan gdags pa'o/ /bdag don gyi rtson pa can la nyan bsgom gyi dbang gnyis po sbyin no/ /gzhan don rtson pa can la nus pa'i dbang gsum po bskur ro/ /brtul zhugs ni rab 'bring gsum ste/ spyod pa'i brtul zhugs dang/ rig pa'i brtul zhugs dang/ mnyam pa'i brtul zhugs so/ /de yi dbang yang gsum ste/ dam rdzas kun la spyod pa'i dbang dang/ rang rig thams cad mkhyen pa'i dbang dang/ shin tu bstan pa'i dbang dang gsum rim pas sbyin te/ skas kyi gdang ltar 'dzegs nas/ bar ma dor mi 'dor ro/ zhes bya ba'i tha tshig go /bdag po'i yon tan dang/ brtul zhugs dbang du dkyil 'khor gsungs pa/ shin tu 'phra ba'i dam tshig mchog/ phyag rgya chen po'i phyag mthil du/ /thugs kyi dkyil 'khor yi ge hUM/ /sor ni bzhi'i tshad du bya zhes gsungs te/ nyid kyi mnyam pa'i phyag rgya'i steng du 'phra ba'i dkyil 'khor dgod do/ /gzhan du na/ thal ba'i rgyud nas/ phyag rgya chen po nam mkha' i dbyings/ /sor bzhi'i tshad du rang bzhin gnas/ /bde ba'i ye shes thugs dkyil 'khor/ /kha dog dbyibs dang ldan par bya/ /thabs kyi rab gnas cho gar ldan/ /'jug pa pos kyang gsol ba gdab ces 'byung ngo/ /de'i phyag rgya dgod pa gang zhig snyam pa la/ sen zlum tsam gyi nyi zla la/ /tsa na'i 'bru tsam padmo'i gdan/ /yungs 'bru tsam gyi yi ge la/ /phyag rgya til 'bru tsam du bri zhes gsungs so/ /yi ge yungs 'bru tsam las sku nas 'bru tsam dgod pa dang/ yi ge til 'bru tsam la sku yungs 'bru tsam dgong pa'o/ /de la dkyil 'khor gzhan ltar zla med dam snyam pa la/ yang na thal mo rab snol nas/ /phyag rgya chen po'i phang du ni/ /dkyil 'khor mdzub gang tshad du bya/ /mkhas pas cho ga bzhin du bya zhes gsungs/
- 156a
ba'o/ /de ni thal ba'i rgyud las/ thal mo zhes bya rdeb pa'i sgra/ dbang po yul du rab sbyor bas/ /phyag rgya chen po nam mkha' i dbyings/ /brtul shugs chen pos pad du blang/ /rdo rje mdzub mo'i rtse dag tu/ /til 'bru nam mkha' i gzhal yas su/ /ri rab tsam gyi phyag rgya dgong/ /thabs kyi cho ga rab gnas dang/ /gsang ba'i sbyin sreg lugs su dbul zhes 'byung ste/ de dag gi las rim ni bla mas 'chad par 'gyur te/ dbang rdzogs par bkur ro// //de ltar dbang thob nas bskyed pa'i rim pa le'u lnga pa la sogs pa ltar ting nge 'dzin bzhi la gnas par bya ba'i phyir/ cho ga lnga ni rdzogs byas shing/ /yo byad lnga ni rdzogs par ldan/ /sngags kyi yan lag lnga rdzogs pas/ zhes gsungs te/ ting nge 'dzin dang po gnyis kyi dus su shes rab dang mthun pa'i spyod pa dang/ thabs dang mthun pa'i spyod pa gnyis dang yang ldan par byas nas/ de nas sku gsung thugs kyi cho ga gsum gyis sku bskyed de/ phra mo'i ting nge 'dzin gyi skabs su phyogs gcig pa'i spyod pas blo sbyangs pa ni rdzogs pa zhes bya'o/ /yid skyob pa dang byin gyis brlabs kyis phyir sngags te lha'o/ /de nyid kyi lus nyid kyi yan lag mgo bo la sogs pa la phyag rgya lnga bcu tham pa/ rgyas pa'i rgyud bzhin bkod pa dang/ rtog pa'i yan lag phung po la sogs pa dkyil 'khor bzhi bcu rtsa gnyis su snang ba rnam par 'byed pa dang/ de nyid kyi yan lag gcig la yang de dag tshad bar dgod pa dang/ de dag la yang rdo rje gsum bsgom pa dang/ dbang bskur ba'i yan lag dang lnga rdzogs te snang ba rnam par 'byed pa la dbang thob nas/ bza' btung dang sgra'i rol mo dang gro gar dang/ gos rgyan dang/ a li ma rnams dang/ 'khor
- 156b
gang gi gnas su tshud par byas te/ tshogs kyi spyod pas bsgrub po zhes bya ba kho na'o/ /des 'grub pa'i dus dang/ dngos grub bstan pa'i phyir/ ma nyams 'jug pa rab brtson pas/ zhag ni sum cu zhag drug gam/ bcu gnyis bcu bzhi bcu drug gis/ /dbang sgyur rigs kyi dam pa 'grub ces gsungs te/ gong ma las lta ba dang dam tshig ma nyams par brtson pa la gnas na/ zla ba drug nas bcu drug gi skabs kyis tshe la dbang ba thob par 'gyur te/ de ni? lus mi 'dor ba'i phyir rigs 'dzin gyi mchog grub pa'o// de nyid kho na 'am snyam pa la/ de tshe bcu drug tshun chad kyis/ /sku lnga lhun gyis rdzogs pa ni/ zhes gsungs te/ rgyas pa'i rgyud las/ tshe ni bcu dang drug pa yi/ /brgya brgya dag tu bsnur zhing gnas/ /lus ma bor bar sangs rgyas sa zhes 'byung bas/ blo dang brtson 'grus kyi shugs che chung gis lo brgya nas brgya phrag bcu drug gis bar du bsnur zhing tha ma yang des sku lnga mngon du grub pa'o/ /grub pa'i tshul ni ji lta bu yin zhe na/ ye shes thig le de nyid la/ ye shes thig le nyid snang ba/ /bsam gyis mi khyab mdza' yas mchog ces gsungs te/ bsgrub pa po'i rrang rig pa'i ngo la/ sangs rgyas kyi ye shes kyi yon tan brjod pa las 'das par snang ba yang/ gnyis su med pa'i tshul gyis snang ba nyid la nyid ces gsungs so/ /gzhan du na/ bde 'dus ye shes thig le las/ /mdza' yas ye shes rang snang ba/ /ma brtsal lhun grub rigs 'dzin mchog /ces pas lhun gyis grub pa'i rigs 'dzin zhes bya ba'o/ /phyogs bcu dus bzhi mngon rdzogs pa'i zhes bya ba la sogs pa ni/ chos kyi dbyings mdza' klas pa'i de bzhin gshegs pa thams cad kyi zhing khams gsum dang gzhal yas khang dang/ sku gsung thugs yon tan 'phrin las lnga la sogs pa ril gcig tu gsal bar snang nas/ de dag gi rig pa'i gsung gis bsngags
- 157a
pa dang/ chos ston pa dang/ dbang bskur pa thob ste/ bsam yas lhun gyis grub pa'i ting nge 'dzin mngon du byas pa ni/ rang 'byung gi ye shes dang/ rig pa'i ye shes dang/ lhun gyis grub pa'i ye shes gsum tshul gcig tu gyur bas mthun pa zhes bya ba kho na ste/ de'i phyir rang snang ba'i zhes gsungs so/ /rang snang ba'i tshul ji lta bu snyam pa la/ dpe ris bstan pa'i phyir/ dpag bsam shing dang yid bzhin gyi/ zhes bya ba la sogs pa gsungs te/ dpe ni go sla'o/ /ngo mtshar cho 'phrul rmad kyi chos/ /gzhan nas yod 'ongs ma yin te/ thabs la brten pa'i shes rab nyid/ /de lta bu'i ngang du 'byung zhes bya ba ni/ gzhi ci yang ma yin pa las/ nyi shu rtsa lnga sogs par mdza' yas par rang 'byung gi ye shes rang snang ba ni rmad du byung ba ste/ de dag bkug pa dang bgrod pa dang/ rgyu rkyen gyis ma byas par phung po la sogs pa sku gsung thugs kyi phyag rgya gsal ba de rang rig par rgyun tu bsgom pa las rgyu 'bras gnyis su med par rang 'byung ba'o/ /de ni rgyun las 'byung ba'i phyir/ rgyu rkyen las skyes so bar dogs pa la/ shes rab dbyings kyi de bzhin nyid/ /thabs kyi phyag rgyar 'gyur ba'i phyir/ /ye shes la ni ye shes ril zhes gsungs te thams cad bdag nyid kho na'o phyir/ /gang du 'di mi dmigs par rang gsal ba ni mnyam pa nyid kyi dbyings te theg pa chen po'i de bzhin nyid do/ /de nyid gdod nas thams cad lhun gyis grub pa nyid rang snang ste/ gyur pa ni gdul bya'i bla dags so/ /de bas na lhun gyis grub pa'i ye shes nyid bsam gyis mi khyab pa'i ye shes su rang snang ba de la rol zhes bya ba kho na'o/ /de dag mtshan mar gyur ro bar dogs pa la/ ye shes rol pa nyid kyang gsog ces gsungs te/ de'i
- 157b
ngo bo nyid ni cir yang bzung du med pa kho na'o/ /'o na des don brtan par mi nus so snyam pa la/ rgyal ba mngon 'byung skyob pa dang/ /byin brlabs ston pa'ang de bzhin de/ bya byed nus pa'i gzhi byin gyis/ /sgyu mo rdo rje btsan po mchog /ces gsum te/ /'gro ba drug la snang ba'i sprul pa'i sku dang/ de dag ston pa'i longs spyod sku dang/ sangs rgyas thams cad kyang bshad pa'i tshigs su gcad pa gnyis kyi tshul kho na bas/ sku gsung thugs kyi gzi byin dang/ sgyu ma'i rol pas cir yang don byed tsam na/ rang gi ngo bo nyid ni 'dus ma byas ba dang/ mi phyed pa'i phyir skye 'jig med pas/ rdo rje'i sku ste khyad par du 'phags pa kho na'o zhes bya ba'o// //mthar phyin pa de dag ngo bo nyid bstan pa'i phyir/ gcig dang du ma bral ba'i phyir/ /mdza' dang dbus med de bzhin nyid/ /sangs rgyas kyis kyang mi gzigs te/ /rang 'byung ye shes gnas med snang zhes gsungs te/ gcig gi ngo bo la yang thams cad bdag nyid chen por gyur pa'i phyir/ phan tshun ma yin pa'i tshul gyis gsal ba dang/ de nyid kyi tshul gyis thabs rnams ni ma 'dres par snang ba'i phyir/ rgyas pa'i rgyud las/ thabs chen ma 'dres rnam par thar pa'i dmigs med bder gshegs nyid dbyings thugs chud pas/ /dus bzhi rgyal ba kun dang mnyam par 'ub/ ces gsungs so/ de la yod pa dang med pa dang dbus dang/ dran rtog rtag chad skye 'gag 'gro 'ong la sogs pa thams cad las 'das pa'i phyir/ ngo bo nyid bstan du med pa thams cad lhun gyis grub par rang snang ba'i rang 'byung gi de bzhin nyid de mngon du byas pa'i phyir de bzhin du gshegs pa'o/ /yang dag par rdzogs pa'o/ /de ni gnas bya gnas byed gnyis med pas thams cad du rang snang ba'o zhes bya ba'o/ /'o na gnyis su bya ba
- 158a
med pas gdul bya mi gzigs so bar dogs ba la/ log par rtogs rtags rnam dag cing/ /ye shes dbyings lha mi gzhan phyir/ /thugs rje chen pos 'brel bas na/ /'gro drug dus na ma lus snang zhes gsungs te/ thams cad du thams cad kyang rang rig pa kho na'i phyir gnyis su med pa la/ gnyis su rtog pa ni log rtog ste/ de'i rgyun gyi de nyid du snang ba ni/ kun tu brtags pa ste glo bur ba'o/ /gang de las log pa ni dag pa ste/ de bzhin gshegs pa'o/ /dag pa'i phyir 'gro ba ril rang rig pa las mi gzhan par gsal bas/ thams cad zin pa dang khyab pa dang/ gnyis su mi rtog pa'i gtan tshigs gsum grub pas phyir zhes bya ste/ /de kho na theg pa mchog gi lugs kyi thugs rje'o/ /de'i phyir rtog pa med par gsal ba kho na'o/ /zhes bya'o/ /le'u dgu pa man ngag gi rim pa bshad pa'o// //dbang bskur ba ston te/ bshad pa'i rjes su nye bar 'jug pa'i phyir/ rgyal po sbyin pa zhes gsungs te/ che ba thams cad thob pa dang/ thams cad la dbang sgyur ba'i phyir/ rgyal po zhes bya ste/ don yang rjes su mthun pa'i phyir dbang phyug ces kyang bya'o/ /de nyid don gnyis kyi phyir nges pa'i tshig tu yang 'gyur ro/ de lta bu snod gsum po la thob par byed pa'i phyir/ sbyin pa zhes bya'o// //brtul zhugs can gyi dbang bstan pa'i phyir/ shes rab thabs kyis phyag rgya las/ /bde ba'i 'bru tshogs gsal ba'i rgyun/ /rdo rje lam nas padmor 'khyil/ /rtse nas bstim zhing dkyil 'khor sgyur zhes gsungs te/ de ni bdag gis mi nus kyang/ thal ba'i rgyud las/ mi bskyod yab yum rol pa yis/ /bde ba gsal zhing mi dmigs pa/ /shes rab thabs kyi phyag rgya'o//
- 158b
rdo rje ye shes hUM tshogs kyis/ /padmo'i ye shes bsdus 'khyil pa'i/ /yungs kar tshang tsam rdo rje sems/ /rtse nas rtse ru byin pa yi/ /rang bzhin chos khams dkyil 'khor gyi/ /sa bon zung gsum nyid dang bcas/ /gnas ngan len pa gsum sbyangs te/ /dmigs med sems kyi ye shes lnga/ /gsal bas sa bon tshig pa bzhin/ /mi skye thabs kyi dbugs phyung ba'o/ /de las gzhan yang bshad bya ba/ /rjes su 'jug pa'i phyag rgya nyid/ /zil ba'i thig le sngon lam bzhin/ bcu drug phyed phyed thig le gcig /phan tshun dgod pa'i stobs kyis bsti/ /bde ba gnyis pa'i ngo bo nyid/ /gsum pa'i ye shes dkyil 'khor du/ gsal bar shar bar gyur pa'i sgra/ /rang bzhin 'od gsal dkyil 'khor ro/ /de las gzhan yang bshad bya ba/ /rdo rje nyi ma thabs kyi rgya/ /phung sogs phyag rgya tshogs dang ldan/ /de zla bsil byed shes rab dngos/ /dus gcig ro mnyam thig le che/ /sum cu rtsa gnyis mtshan rdzogs shing/ /zla ba'i ye shes lnga bcu drug/ dpe byad la sogs dpag tu med/ /sems shes mngon par shes dang ldan/ /sems mdza' 'gro 'ong rdzu 'phrul shes/ /gnas nas log pa thim pa'i sgras/ /mdza' gnyis ma gos pad+ma'i spyan/ /sprul pa'i gnas nas bkye ba yis/ /bzhi bcu lnga sogs mdza' yas kun/ /rang bzhin nyid las rang gsal ba'i/ /bcu gsum yi ge 'khor lo brjod/ /ces 'byung ba kho na'o// //nyan byed 'khor lo'i gzhal yas su zhes bya ba la sogs pa ni bdag don gyi nus dbang ston te/ rna ba gnyis kyi rtsa'i nang na bcud 'dus pa'i thig le shin tu dang ba gnas pa las/ rtsa ni 'khor lo'i gzhal yas khang sgo dang bcas par bsgom/ thig le traM zung lngar gyur pa las cho ga rin po
- 159a
che'i dkyil 'khor yab yum bcu sgo ba yab yum dang bcas par gyur pa 'phro 'du las 'od du gyur pa slob bu rin chen 'byung ldan du byas pa la po ti gtang de/ traM gsang ba gsang chen gsang mchog gang zhes bya ba la sogs pa brjod de dbang bskur ro// //gsal ba'i 'khor lo'i gzhal yas su zhes bya ba la sogs pa ni rjes su mthun te/ snying la yi dam gyi lha gang yin pa'i rigs su bskyed pa ste phreng ba sbyin no/ / lag pa'i 'khor lo'i gzhal yas su zhes bya ba la sogs pa ni/ gzhan don nus pa 'phrin las kyi dbang ste/ sbyor ba ni rjes su mthun te/ lag pa'i rtsa gnyis la las gyi rigs bsgom mo/ /rdzas rdo rje gram sbyin no/ /smra byed 'khor lo'i gzhal yas su zhes bya ba ni 'chad pa'i dbang ste pad+ma'i rigs bsgom pa ste/ 'khor lo sbyin no/ /bskyod chen 'khor lo'i gzhal yas su zhes bya ba la sogs pa ni dbang phyug chen po'i dbang ste/ yan lag mgo bo'i dbang po lnga la oM zung lnga/ g.yas kyi sor mo lnga la hUM zung lnga/ de bzhin du g.yon pa la traM/ rkang pa g.yon gyi sor mo la h+rI/ g.yas la ha/ lus kyi phyogs mtshams su hUM zung bcu'o/ /de dag las tshom bu lnga dang/ khro mo khro mo rnams bskyed pa yongs su gyur pa las/ kun tu bzang por gyur pa la/ rdo rje dang dril bu gtad de/ tshig bshad brjod do// //dbang ma thob pa'i skyon bstan pa'i phyir/ /slob dpon mnyes par ma byas shing zhes bya ba la sogs pa gsungs te/ go sla'o// //dang po phan pa'i dbang bstan pa'i phyir/ dbu rgyan cod pan phreng ba dang/ /go cha rgyal mtshan phyag rgya dang/ gdugs dang bum pa
- 159b
bza' btung dang/ snying po lnga yis dbang bskur zhes gsungs te/ dngos su bskur ba ni go sla'o/ /de yang thal ba'i rgyud las/ khams bcud bde ba'i lam gnyis dang/ /dbu ma bcud mdud mtshan ldan pa/ /dra ba'i rtsa dang dbang po dang/ /phung sogs ye shes bde 'khor lo/ /hUM gis bde ba ye shes bcas/ tshogs brgyad rang bzhin ye shes lnga/ /sngags rdzas dgongs pa gang ba smad pa/ /kun nas ldan zhing skyob pa yis/ /sdug bsngal las grol rigs su des/ zhes 'byung ba'i phyir/ phan pa'i dbang po kho na'o// //dus 'di phyin chad rgyal ba'i sras/ zhes 'byung ba la sogs pa ni go sla ste/ dbang gi yon tan thun mong du lha dang mar skyes na yang bdag por 'gyur la/ /nus pa'i dbang po thob nas thar pa'i lam ston pa'i bdag por 'gyur ro/ //zab mo'i dbang thob pa ni/ rigs kyi bdag po rdo rje 'dzin pa nyid du des so/ /zhes bya ba'o/ /le'u bcu pa mdor bshad pa'o/ /de nas ting nge 'dzin bzhi pa la gnas pa'i don du/ tshogs kyi dkyil 'khor bstan pa'i phyir de nas zhes bya ba la sogs pa gsungs so/ /rgyal po sgyur ba zhes bya ba mi sgyu 'phrul dra ba zhes bya ba nyid le'u bzhi par yab yum kho na la bya ba'i phyir/ tshogs kyi dkyil 'khor gyi skabs 'dir yab yum bdun cu la sogs pa'i phyag rgya 'brel pa ni sgyu 'phrul dra ba'i yang rgyal po'o/ /de dag gi dus su longs spyod thams cad dang ldan pa yang rgyal po zhes bya'o/ /'dus pa de dag rtogs pa rnam pa bzhis thams cad kyang sku dang ye shes kho nar gsal ba'i phyi spyod yul longs su dag pa ni sgyur bzhes bya ba'o/ /de lta bu'i don ston pa'i dgongs pa ma don du snang ngo/ zhes bya ba'i tha tshig ste gdul bya'i snang ba'o// //rgyu gcig pa dang yig 'bru'i tshul zhes bya ba la sogs pa ni/ lta ba'i gtan tshigs
- 160a
ston te/ rgyu rang 'byung gi ye shes rang snang ba'i sku dang ye shes te/ de dag ni mya ngan las 'das pa'i ngo bo'o/ /rgyu ma rig pa dang log rtog gi rgyun las 'khor ba'i chos su snang ngo/ /de gnyis ni gsal bas tha dad kyang ngo bo gcig pa ste/ 'khor ba'i rgyu gnyis po nyid rgyal po phru gu ltar las nor yang rang gi ngo bo mi 'gyur par bstan pa'i phyir/ rgyas pa'i rgyud las/ gti mug ces ni brjod pa yang/ ma rig ming gi rnam grangs te/ gnyis med don gcig yin par bshad ces pa dang/ yang/ phyin ci log ni yang dag ste/ ma rig pa nyid ye shes gsal/ /nyon mongs sdug bsngal byang chub mchog ces 'byung bas/ log rtog tu rig pa rang snang ba'i phyir/ rang 'byung gi ye shes kho na bas de'i ngo bo bstan du med pa ni mnyam pa'i dbyings su gsal bas thams cad rgyu gcig pa kho na'o/ /yig 'bru ni oM ste/ rgyu nyid kyi phyir thams cad sems nyid las gang yang ma grub pa dang/ sems nyid ci yang ma skyes pa ni a ste gsung gi rang bzhin no/ /ngo bo nyid gcig tu ma grub pa ni/ rig pa cir yang snang ba ni a la na ro snang ba ste/ sku'i rang bzhin no/ /de dag tshig la snga phyir snang ba yang don gcig par rtogs pa'i rig pa nyid ye shes lngar gsal ba ni/ oM ste thugs kho na'o/ /yi ge gcig pa gsum gyis mtshon nas phung po la sogs pa thams cad sku gsung thugs su sangs rgyas par byin gyis brlabs pa'i phyir/ byin gyis brlabs dang/ zhes gsungs so/ / mngon sum par zhes bya ba ni/ mngon sum bzhi las/ 'dir blta bya lta byed gnyis med pas rang rig pa'i mngon sum mo/ /des thams cad bshad pa'i rjes su dag pa'i phyir/ rab tu rtogs pa rnam bzhi yis/ /thams cad mngon
- 160b
rdzogs rgyal po che zhes gsungs so/ /yan lag dbang po rnam pa kun/ /rnam smin oM du shes par bya/ zhes bya ba ni/ 'di nas mar spyod pa'i ting nge 'dzin bstan te/ 'di dag tu rang rig ba nyid snang bar shes pas/ rab 'bring tha mar mi snang gi bdag nyid du gsal ba ni ye shes lnga'i ngo bo bas/ oM zhes brngar bstan to/ /de las zhi khro'i tshogs kyi dkyil 'khor gnyis kyi skabs su snang ba rnam par 'byed pa'i ting nge 'dzin gtso bos rigs lngar bsgom yang mi 'gal ba'i phyir/ rdzogs pa'i dkyil 'khor nyid du bsgom/ yang na khro bo'i dkyil 'khor bsgom zhes gsungs so/ /gzugs sgra dri re rig rnams la/ rnam smin mUM du shes par bya/ zhes bya ba ni/ rgyu nyid kyis 'bras bu yang bdag las mi zhan pa'i phyir/ gang du yang snang ba med par gsal ba ni mnyam pa nyid kyi dbyings te mUM zhes bya ba'o/ /gzhan ni rjes su mthun no/ /tshogs kyi yo byad bzhi byin gyis brlabs pa'i phyir/ gos rgyan bza' btung glu tshig dang/ bro gar tshogs kyi sprin phung la/ hUM du shes pas rab spyad na/ /ngo mtshar 'byung ba'i dkyil 'khor mnyes/ zhes gsungs pa gzhan ni go sla ste/ bro gar ni rigs so so'i bro gar/ rgyas pa'i rgyud las/ le'u gcig gis bstan to/ /de dag rab tu mang bar spyod pa'i phyir/ tshogs dang sprin zhes bya'o/ /de kun rang rig tu shes nas spyad na/ sbyong bzhin ma chags pa chu la nya dang/ nam mkha' la bya lta bu'i tshul gyis mi gos par/ tshogs gnyis su 'byung ba ni ngo mtshar ro/ zhes bya ba ste/ bdag nyid chen po'i mchod pa kho na'o/ /yo byad lnga pa byin gyis brlab pa bstan pa'i phyir/ lha mo klu mo rigs ngan mo/ zhes bya ba la sogs pa gsungs te/ 'di dag ni nus pas dngos su dgug pa yang yin la/ lo grangs gsum dang mtshan rab 'di dang/
- 161a
zla ba dang/ nyi ma ldan pa dang mi ldan pa gsum dang/ sbyor ba'i thabs dag bde ba dang/ gzhan bde ba dang/ gnyi ga bde ba rnams kho na'o/ /dbye 'am yang na mi dbye bar zhes bya ba ni/ rang gi thabs dang sbyor ro/ zhes bya ba'o// bsnyen pa dang ni nye bsnyen pa/ bsgrub pa dang ni bsgrub chen pos/ zhes bya ba ni/ 'di dag lam gyi rim par sbyar ba ni/ bsnyen pa ni ting nge 'dzin gong ma gnyis kyi byang chub sems gnyis nyams su lon pa'o/ /nye ba'i bsnyen pa ni/ ting nge 'dzin 'og ma gnyis mngon du byas pa'o/ /bsgrub pa ni yo byad lngas tshogs bsgrub pa'o/ /bsgrub pa chen po'i dus su A li kA li nyams su lon pa ste/ de la bsnyen bsgrub bzhi kho na'o/ /A li phyag rgya rnyed nas chos gsum gyis brtan par byas pa ni bsnyen pa'o/ /yo byad bzhi dang 'dod pa'i chos kyi bde ba rgyas par byas pa ni/ nye ba'i bsnyen pa'o/ /snyoms par zhugs pa ni bsgrub pa'o/ /nyi zla rdo rje'i lces longs pa ni bsgrub pa chen po'o/ /de nyid gsal bar bstan pa'i phyir/ yum gyi pad+ma'i dkyil 'khor du/ zhes bya ba la sogs pa gsungs te/ le'u dgu par bshad zin to/ /bsgrub pa nyi zla'i snying po de/ /dkyil 'khor rdo rje lce 'is blang zhes pa ni/ bsgrub pa las byung ba'i phyir bsgrub pa'o/ /snying po ni nyi zla'i thig le gcig ste yon tan thams cad kyi snying po'o/ /de'i phyir ye shes lnga'i dkyil 'khor du gsal ba kho na'o/ /rdo rje nyid lce bas de la de skad ces bya'o/ /blad ni bcu par bshad zin te/ /tha mal pa rnams kyi dbang du lce la rdo rje bsgom pa ni rdo rje lce ste/ des blangs pa'i yon tan ni/ mkha' 'gro gsal 'bar tshe la sogs/ zhes bya ba'o/ /snga ma'i yon tan ni/ yid bzhin sprin gyi bdag por 'gyur/ zhes gsungs so/ /de dag gi thugs rje rmad
- 161b
byung ba'i spyod pa bstan pa'i phyir/ zhing 'gyur mchog dang mchog phran rnams/ nyi zla'i steng du mkhas pas bzhag ces bya ba la sogs pa gsungs te/ zhing gnyis las 'dir thugs rje'i zhing ste/ zhing bcu'o/ /de la brgyad ni mchog go /ngan song gsum pa ni 'phra ba'o/ /de dag e'i steng du nyi zla bsams te/ bdag nyid ta ki'i ting nge 'dzin ma yengs pas/ 'khor ba ril du bzlog par mnan pa ni mkhas pas bzhag kho na'o/ /gzhan du na nyi zla gnyis kyis rnam par shes pa dbang bskur ba'o/ /nga rgyal lag gi 'du byed bsgom/ /hUM du gyur pas rnam par dag /dbyings su thim nas phyag rgyar 'bar/ /sku 'gyur 'od zer 'phro bas brjid/ /gtsug tu rnam par rgyal ba bsgom zhes bya ba ni/ gang nyid lha'i ting nge 'dzin ma nyams pa'i sor mo yi ge lnga'i 'od zer gyis sa bon drug po sbyangs nas/ sems mi shigs pa'i thig le nyid hUM dkar por byas pa drangs te/ bdag gi shangs nas rim par brgyud nas/ mkha' la babs pa ste/ byang chub sems kyis bstims nas chog gsum gyis rdo rje sems dpa' i skur gyur to/ /de nyid nyon mongs pa lnga gnas su dag pa'i 'od zer sna lnga dang ldan pa'i spyi bor rigs kyi bdag po tshon gang bsgom pa ni 'khor ba las mngon par rgyal ba'i phyir te de la de skad ces bya'o/ /ngo mtshar ngan 'gro thar pa'i thabs zhes bya ba ni/ ngan par 'gro ba dang song ba ril la dang gis bsags pa med na/ thar pa'i thabs 'di las gzhan med pa'i phyir ro/ /'o na des mi sgrib pa ma snyam pa la shes rab kyis kyang mi gos par bstan pa'i phyir/ ye nas skye med de bzhin nyid/ /sgyu mar snang ba mig yor tshul/ /sbyor sgrol bya ba kun byas kyang/ /rdul cha tsam yang byas pa med/ ces gsungs te/ de dag nyid ril gyi rang bzhin snang ba ni/
- 162a
de bzhin nyid kho na'o/ /de las rang gi log rtog gi rgyu rkyen 'dus pa tsam snang ba sgyu ma lta bu'o/ /de la ngo bo nyid yod par mthong ba ni mtho yor la mi ru 'du shes pa lta bu ste/ 'di dag ltar shes nas bsang ba med pas 'du shes mi 'jug pa kho na'o/ /de dag la sogs pa'i lta ba'i gtan tshigs bstan pa'i phyir/ snod bcud rgyu rnams dag rtogs shing zhes bya ba la sogs pa gsungs te/ bshad pa bzhin du rgyu nyid nas dag pa'i phyir thams cad kyang rang rig pa kho nar gsal ba'i phyir/ sku dang ye shes sha stag pas/ /'byung ba lnga'i ngo bo rigs kyi yum lngar dag pa dang/ phung po lnga rigs lngar dag pa dang/ rnam par shes pa brgyad ye shes lngar dag pa la 'khor ba dang gis med pa'i phyir ro/ /mnyam gnyis lhag pa'i mnyam gnyis kyis/ zhes bya ba ni/ chos thams cad bden pa gnyis su mnyam pa ni/ mdo sde dag dang yang mthun la/ lhag pa'i mnyam la gnyis ni gsum pa'i skabs su bshad do/ /rgyud kyi rang gzhung ni dag pa'i skabs las shes par bya'o/ /dkyil 'khor kun tu bzang po'i zhing/ zhes bya ba ni/ dngos po rnams gtan tshigs gsum gyis gzhal bas 'khrul pa'i snang ba dag pa nyid kyis dngos po rnams kyi de kho na nyid ni/ sku dang ye shes kyi dkyil 'khor du ye nas dag par gnas pa ni/ ngo bo nyid kyi zhing khams zhes bya ba kho na'o/ /byed spyod tshogs chen gnyis rdzogs nas/ /yan lag ma nyams yo byang ldan/ /cho ga rdzogs par shes pa yis/ /rnal 'byor tshogs pa'i dkyil 'khor gyis/ nges par legs pa'i dgongs pa 'grub/ ces bya ba ni/ sgrub pa po ston te/ lha spyod ting 'dzin 'phrugs par
- 162b
bya'o/ /de yang dang po dbang rim par nos nas/ de nas gtan tshigs gsum gyis dngos po'i de kho na nyid ngo shes par byas la/ de nas ting nge 'dzin rnam pa bzhi rim pas sems sbyangs te/ snang ba rnam par 'byed pa la dbang thob pa'i pho mo bdun cu 'am/ bzhi bcu rtsa drug gam/ bco brgyad kyis/ 'khor khang sum rim du yo byad lnga sogs te tshogs bsgrubs na/ rigs 'dzin gsum dang mthar sku lnga 'grub bo/ zhes bya ba'o/ /tshogs kyi dkyil 'khor ngo bo stan pa'i phyir/ lnga zhing lnga dang sbyor ba'i/ tshom bu lnga'i lha skod la/ khro bo bcu dang khro mo bcu/ /'khor lo tshul du rnam par bsgom zhes gsungs te/ lha so so thog ma nas bsgom pa 'am/ sgyur te bsgom pa'i pho mo bcu dbus su rdo rje'i rigs yab yum bcu ru dgod do/ /de ltar phyogs bzhir rigs bzhi yi yab yum bzhi bcu'o/ /de'i phyi rim du khro bo yab yum nyi shu'o// //tshom bu gsum pa bstan pa'i phyir/ de bzhin rigs dang rdo rje rigs bya ba la sogs pa gsungs te/ khro bo yab yum bcu drug go/ //tshom bu gcig pa bstan pa'i phyir/ rigs kyi rigs te rigs kyi gtso/ thugs kyi thugs te thugs kyi gtso/ zhes bya ba la sogs pa gsungs te/ rigs lnga ni rdo rje'i rigs su 'dus pas/ rdo rje'i rigs ni dkyil 'khor gyi skabs kyis rigs kyi gtso bo kho na'o/ /gcig dang tha dad las grol bas rigs gyur yang/ ye shes mi 'gyur ba'i phyir/ thugs thams cad ye shes lngar 'dus la/ lnga yang stong pa nyid kho nar 'dus pas de ni thams cad kyi mchog go/ gzhan ni go sla'o/ khro bo khro mo brgyad do/ /khro bo khro mo tshogs chen po/ /pho nya phyag brnyan bka' nyan tshogs/ /ci bgyi la sogs tshogs rnams kyis/ /dngos grub las rnams rdzogs par byed/ ces bya ba ni/ khro bo khro mo tshogs kyi dkyil 'khor bslub na /
- 163a
khro bo yab yum bcu dbus su dgong/ de bzhin du rim pas gnas yul bsgom nyi shu dang/ ci bgyi zhes las grub pa'i dbang phyug ma nyi shu rtsa brgyad dang/ bsdu ba'i khro bo khro mo nyi shu ste/ pho mo bdun cu rtsa brgyad kyis bsgrubs na las dang dngos grub gnyi ga yang 'grub bo zhes bya ba'i tha tshig go/ //rnal 'byor sngags 'chang dngos grub ni/ zhes bya ba la sogs pa ni/ tshogs kyi lta spyod 'brel pa dang/ rdzogs pa'i rim pa'i lam gnyis su thun mong du bstan to/ /rnal 'byor ni rnam pa gsum ste rang bzhin dang/ lam dang/ lhun gyis grub pa'o/ /lam la spyi du gnyis te/ phyag rgya'i rnal 'byor dang/ ye shes kyi rnal 'byor ro/ /de la rgyud 'di ni bden gnyis mi phyed pa kho na'o/ /sngags la gnyis te/ yid skyob pa dang/ byin gyis brlabs chen po'i phyir ro/ /'chang ba la gnyis te/ rnal 'byor gyi mngon sum ni 'chang ba'o/ /rang rig pa'i mngon sum du shin tu 'chang ba'o/ /dngos grub kyang gnyis te/ thun mong dang mchog ste/ zhar las 'byung ba'i phyir smos pa'o/ /mnyam rdzogs lhun grub dang gnas shing/ zhes bya ba ni/ rgyas pa'i rgyud las/ thabs kyi theg pa'i lta ba ni/ /bla med theg pa las 'phags pa'i/ /don dam du ni nor bdun no/ /kun rdzob tu ni mnyam rdzogs so/ zhes 'byung bas/ rang rig pa nyid dngos po thams cad du rang snang bas dngos po gnyi ga rang rig pa'i sku dang ye shes su gsal bar mnyam pa la 'bras bu lus pa med pa ni rdzogs pa kho na'o/ /dang la gnyis te/ skye ba med pa'i ngang ni/ spros pa brgyad dang bral ba kho na'o/ /lhun gyis grub pa'i ngang ni/ dngos po thams cad sems nyid kho na'i phyir ci yang ma yin pa nyid la yon tan ril lhun gyis
- 163b
grub par gnas pa'o/ /de dag ni rang bzhin gyi rnal 'byor te/ de ltar shes pa na rgyu'i mtshan nyid de/ rgos pa dang bsnyen pa'o/ /gang gis de la gnas par byar med pa'i tshul gyis gnas pa ni/ sngags 'chang ba lam gyi rnal 'byor te/ rkyen 'jug pa'i mtshan nyid do/ /spyod pa ci la 'ang thogs med pa zhes bya ba ni/ de dag gi spyod pa ni gang yang ma bkag pa kho na ste/ lta ba glung du byed pa dang/ spyod pa mi gos pa'i phyir te/ gang yang bya ba dang byed pa dang/ byas par yid la byed pa dang / thogs pa dang bcas pa'o/ /de gsum du mi 'dzin pa ni thogs pa med pa ste/ byis pa bzhin du spyod do zhes bya ba kho na'o/ /de dag ci'i phyir snyam pa la thams cad ye nas dbyer med pa'o/ /zhes gsum te/ dngos po thams cad ni gdod nas snang stong gnyis su dbye ru med pa kho na'i phyir ro zhes bya ba'o/ /de ltar lta spyod gnyis dang ldan pa ni/ 'jug pa nyams su lon pas/ 'brel pa dang nye ba'i bsnyen pa ste/ gzungs kyi rgyal po dang 'du 'bral med par bsgrub pa'o/ /de nyid mngon du byas pa ni bsgrub pa chen po'i 'bras bu'i mtshan te/ dgos pa'i yang dgos pa'o/ zhes bya ba'o/ /rdo rje rigs su thams cad dkyil zhes bya ba la sogs pa ni/ tshogs kyi dkyil 'khor gyi bsgrub pa'i thabs las 'dis tshom bu gcig pa'i bsgrub thabs ston te/ rdo rje'i rigs su rigs bzhi po 'dus pa'i phyir/ dkyil zhes bya ba kho na'o/ /spyir bdag po'i rigs kyang bla dags su rdo rje ste/ rigs lnga char lhun gyis grub pas mi phyed pa'i phyir ro/ /de bas na le'u dang po la sogs pa la/ de bzhin gshegs pa thams cad kyi sku dang gsung thugs yon tan 'phrin las rdo rje las phyung ngo/ zhes 'byung ngo/ /'od zer 'phro ba rab tu bsgom/ chags med tshul gyis bstim par bya /
- 164a
zhes bya ba ni/ /tshom bu gcig gi lha yan lag gi lha rnams dang chas par bsgoms te/ yo byad lnga la spyod tsam na thogs pa med pas 'du shes dang bral bas byas pa'i ngo bo med pa ni thim pa zhes bya ba kho na'o/ /gnyis mang gyur nas phyag rgya che/ zhes bya ba ni/ yo byad bzhi po lta spyod gnyis su med pas sku phyag rgya chen po'i rigs 'dzin thob pa'o/ /yo byad lnga pa nyi zla gnyis su med pas ni thabs dang shes rab kyi phyag rgya chen po'i dngos grub ste lhun gyis grub pa'i rigs 'dzin thob bo/ /yang na sku gsung thugs nyid de zhes bya ba la sogs pa ni/ chos thams cad sku gsung thugs su 'dus pa'i phyir/ tshom bu gsum pa'i sgrub thabs ston te/ rjes su mthun no/ /rdo rje rigs su skye ba'i gnas/ zhes bya ba ni de bzhin gshegs pa'i dkyil 'khor thams cad sku gsung thugs kho nar 'dus la/ de dag mi phyed pa ni rdo rje zhes bla dags su brjod pa'o/ /sngags 'chang dngos grub yang dag ni/ zhes bya ba la sogs pa ni/ tshom bu lnga'i bsgrub thabs te/ rjes su mthun no/ /dngos grub mchog gi snying po 'grub ces bya ba ni/ sku lnga ni dngos grub kyi mchog ste/ de dag lhun gyis grub pa'i rigs 'dzin las 'byung ba'i phyir ro/ /rnal 'byor thabs dang shes rab kyis/ de bzhin gshegs dang yum du bsgom/ /sems dpa' sems ma nyid du bsgom zhes bya ba ni/ sgyu 'phrul bsdus pa'i dkyil 'khor te/ sgo ba yab yum brgyad de lha bco brgyad do/ /dbus kyi gtso bo ni rigs drug po gang rung ba de ma nges pa'o/ /'di ni tshogs kyi dkyil 'khor dang gzugs brnyan gyi dkyil 'khor kun la'ang sbyar bar bya'o/ /so so sngags dang phyag
- 164b
rgya dang/ /ting 'dzin yang dag so sor gsal zhes bya ba ni/ dkyil 'khor du snang yang ting nge 'dzin dang/ phyag rgya dang/ sngags rang re ma 'dres pa kho na'o/ zhes bya ba'o/ /gnas dang longs spyod ci bde dang/ ma nyams blo ni rab ldan pas zhes bya ba ni/ shin tu dben pa'i sa phyogs su/ 'khor khang sum rim dri zhim pa yangs pa rgyan gyis spras pa byas la/ der longs spyod lnga la 'jal nyog tu spyod pa ni ci bde zhes bya'o/ /de'i dus su dam tshig nyams pa dang/ lta sbyong dang/ ting nge 'dzin du 'brel pas bsgrub po zhes bya ba'i tha tshig go/ dang po dam nos bzhin du bya zhes bya ba ni/ tshom bu'i grangs dang/ a li'i spyod pa dang/ dam tshig ni/ dam ji ltar bcas pa las mi 'da' ba kho na'o/ zhes bya ba'o/ /dkyil 'khor 'dis mthar gtugs pa'i phyir/ la la dag dus su smra ba dag don med pa kho na'o/ /le lo sgying snyoms med pa yis/ the tshom med par bsgrub byas na zhes bya ba ni/ som nyis ni 'bras bu ma lus pa'i gags kho na'i phyir/ dkyil 'khor thams cad 'grub par 'gyur/ rdo rje gsang mchog dam pa thob/ ces bya ba ni/ tshogs kyi dkyil 'khor gsum du dkyil 'khor mdza' dag 'dus te/ mi phyed pa'i phyir gcig dang du ma dang bral bas grub pa kho na'o/ bsgrub pa'i zhag dang tshes grangs ni/ rgyud las smos pa bzhin du bshad ces bya ba ni/ 'grub pa'i dus zhag sum cu drug la sogs pa ni 'di nyid kyi dgu pa las gsungs la/ skar ma dang chos bzang po la 'jug pa ni rgyud gzhan las gsungs pa ltar bya'o/ zhes bya ba kho na'o/ /tshogs kyi dkyil 'khor zhes bya ba ni/ sgyu 'phrul rdo rje las/ skye bo 'dza' ba kun tshogs pa/ /rnal 'byor 'dus pa'i tshogs zhes bya/ /'byor pa'i longs spyod ldan pa ni/ /bde ba'i longs spyod tshogs su bshad/ /lha dang
- 165a
dam can kun kyang 'dus/ /'dus pa chen po'i tshogs su gsung/ /thams cad spyod la mi zin pas/ /tshogs gnyis rgyun du rdzogs byed pas/ /tshogs chen po ru nges par bshad/ ces gsungs te/ dkyil 'khor ni/ /rgyas pa'i rgyud nas/ rdo rje sems dpa' i dkyil nyid de/ /rigs bzhi lha dang lha mo 'khor/ /yang na 'das pa dkyil nyid de/ /'jig rten sna tshogs 'khor yin no/ zhes gsungs so/ /le'u bcu gcig pa mdor bshad pa'o// //de nas dkyil 'khor de dag nye bar bsgrub pa'i thabs bstan pa'i phyir/ de nas zhes bya ba la sogs pa gsungs so/ /rol mo'i sprin rnam par 'phros te/ rgyan bkod pa zhes bya ba ni/ rol mo ni gzhi ma nges par sna tshogs su snang ba thams cad kyang tshim par byed pa ste/ 'dir yo byad lnga la sogs pa thams cad du/ rig par rang snang bar shes nas de la sna tshogs su spyod la nyid ye shes kyi rol pa ste/ de dag 'khor ba dang mya ngan las 'das pa gnyis su med par grub pa'i thabs su mdzes pa dang/ gnyis su med pa'i rgyan kho na'o/ /sgyu 'phrul dra ba mngon rdzogs dkyil 'khor bstan pa'i ting nge 'dzin zhes bya ba ni/ nges par tshogs bsgrub pa rnams kyis/ rgyud 'di'i gzhung gis tshogs kyi dkyil 'khor rnam pa gsum po gang yang rung ba la blo sbyangs te/ snang ba rnam par 'byed pa'i ting nge 'dzin thob par nges bsgrub po zhes bya ba'o/ /yo byad lnga sbyang pa'i so so'i yon tan bstan pa'i phyir/ bro gar 'du 'phro'i phyag rgya yis/ /'dzul lam nam mkhar 'gro bar 'gyur zhes bya ba ni/ dang la rgyas pa'i rgyud kyi bzhugs gnas kyi le'u bzhin gnas khang dang/ sa phyogs rdo
- 165b
rje'i gzhi la rin po ches spras par brlabs/ de nas yan lag lnga la dkyil 'khor lnga bkod pa dang/ yan lag kun gsal bar byas nas lus rgyan gyis brgyan te/ bro stabs dang/ lag gi gar stabs sna tshogs dang/ glu tshig rgyas pa las 'byung ba la sogs pa sna tshogs blangs pa'i dus na/ dbu'i dkyil 'khor bskul bskyod pas/ sangs rgyas zhing khams ma lus g.yo zhes bya ba la sogs pa bzhin du sprul pa'i 'phro 'du dang bcas pa'i bro gar byas pa'i yon tan ni/ ri brags la 'dzul zhing rkang 'og gi phyag rgya rnams spyod pa dang/ mkha' la 'gro zhing lha dang/ gnod sbyin mo rnams spyod cing thams cad 'khol bar byed do/ /glu tshig sgra'i phyag rgya yis/ chos kyi dngos grub thob par 'gyur zhes bya ba ni/ thams cad kyang rang rig pa kho na bas sku gsung thugs las 'da' ba med pa'i phyir phyag rgya ste/ des rgyu'i ting nge 'dzin kho na'i phyir/ gdul bya so so la chos so sor ston par 'gyur ro/ /rgyan dang bgo ba'i phyag rgya yis/ /'bad pa'i rgyal po thub med 'grub/ ces bya ba ni/ chas gos lnga dang rin po che sna tshogs kyi longs spyod rdzogs pa'i cha lugs kho na dang/ khro bor bsgrub na rus pa'i rgyan lnga la sogs pa des/ lus shin tu sngags pa'i gzi byin gyis/ thams cad kyang zil gyis mnan nas seng ge lta bur gnas pa kho na'o/ /bza' dang btung ba'i phyag rgya yis/ /yid bzhin sku dang bdud rtsi 'grub ces bya ba ni/ dam rdzas lngas gzhi byas pa'i longs spyod sna tshogs 'dod pa'i lha mor brlabs pas mchod pa yis/ sku rin po che'i tshon shel du bcug pa lta bu dang/ bdud rtsi'i bcung zad pa med pas thams cad tshim par byed pa kho na'o/ /A li kA li'i phyag rgya yis/ /thams cad thams cad 'grub par 'gyur zhes bya ba ni/ brdar bstan pa thabs dang shes rab kho na ste/ snyoms par 'jug pa ni bshad zin to//
- 166a
des ni las dang dngos grub ci 'dod pa ril bsam pa yongs su skong ba kho na'o/ /shes 'jug mtshan nyid 'byor pa'i gzungs/ /'bras bu smin byed rgyu dang rkyen/ /nus mthu can du gang gyur pa/ /rigs 'dzin rgyal ba'i zhing du grags/ zhes bya ba ni/ mtshan nyid rnam pa gsum gyis lam gnyis ka'i rim pa thun mong du ston te/ rtogs pa rnam bzhis mnyam rdzogs kyi don nyams su len pa ni shes pa'i mtshan nyid de rgyu kho na'o/ /de nas lhun gyis grub pa'i ngang la gnas te ci la'ang thogs pa med par spyod pa ni/ lha spyod mgo sbyor bar 'jug pa'i mtshan nyid de/ rkyen zhes bla dags tsam ste de ni 'jigs pa las thar pa kho na ste/ de la rgyun goms pa'i mthu can du gyur pas lhun gyis grub pa'i rigs 'dzin 'byung ba la ma reg par gnas pa ni/ rang gi ngo bo yongs su smin pa dang/ de nyid 'bras bu nye bar len pa'i phyir/ 'bras bu'i mtshan nyid de/ de las phyag rgya'i rnal 'byor pa ni/ so so'i rigs 'dzin pa kho na'o/ /de la rnam par smin pa dang/ phyag rgya chen po'i rigs 'dzin gnyis so// //gzhan dag gi spyir ni gang ting nge 'dzin rig pa yul gyis mi 'phrogs pa nyid rig pa zin pa'i phyir/ rig pa 'dzin pa ste/ de dag yid la byed pa spangs pa ni theg pa chen po par brjod pa ste/ brtags pa dang spyi'i mtshan nyid dang/ gzhan gyi dbang las yongs su grol ba'i phyir ro/ /de nyid ltar na cig shos pa'i lam du zhugs pa ste/ tshe la dbang thob pa la sogs pa gsum po ni lus 'di nyid mi spong ba kho na'o/ /gzhan gyi lugs kyi phyag rgya chen po pa dag lam 'dir mi chud pa ni/ sgyu 'phrul rdo rje las/ byang chub phyag rgya cha lugs sku/ /mtshan dang dpe 'byad la sogs pa'i/ /cha lugs mngon du gyur na yang/ /zhi ba de nyid mthong ba min
- 166b
zhes gsungs so/ /gong ma de dag phyogs bcu'i dkyil 'khor ma lus pas dbang bskur zhing lung ston pa kho na'o/ /mi dang lha dang tshangs pa yi/ /skye ba rnam dag 'dzin mod kyang/ /khyad par sa la gnas 'gyur yin zhes bya ba ni/ 'dod pa dang gzugs spyod pa'i lha dang mi'i dbang po dngos su grub pa dang/ rang dbang du 'gro ba yang yod pa de dag tu snang yang sa dang po dang brgyad pa dang/ bcu pa dag dang/ skal ba mnyam pa'i phyir ro zhes bya ba'i tha tshig go/ pha rol phyin pa kun tu rdzogs/ /thabs dang shes rab thabs kyi mchog/ shes rab mchog gi mchog gyur pa/ zhes bya ba ni/ khyad par gyis sa'i phyir gsungs pa ste/ 'jug pa'i mtshan nyid du sbyor ba'i phyir/ thams cad kyang tshogs su gyur pas pha rol tu phyin pa ril la rgyun tu zhugs pa kho na'o/ /rgyu dang mnyam pa'i ngang la gnas pa ni mthong ba dang bsgom pa'i lam gnyis kyang yongs su rdzogs pa'o/ /gang du nus pa'i mthu dang ldan pa ni thams cad kyi dbang dang lung chen po thob pa'i phyir mthar phyin pa kho na'o/ /nus pa'i mthus go phye ba ni/ rig pa nyid khyab pa'i phyir kun tu 'od ces bya ba'o/ /thabs ni rang snang ba'i phyir gang yang ma 'gags pa ste/ ma lus pa la spyod kyang shes rab kyi dbang gis ma gos pa ni/ 'dam gyi nang nas ma gos pa lta bu'i phyir/ thabs mkhas po zhes bya ba kho na'o/ /gang mi dmigs pa'i shes rab ni/ shes rab gsum gyi mchog ste/ de nyid rang snang ba'i phyir/ thams cad kyang bdag nyid chen po'i sku dang ye shes su gsal bas yum gyi tha snyad dang bral bar ril mkhyen pa ni mchog kho na'o/ /yi ge 'khor lo zhes bya'o/ /de dag mngon du byas pa ni 'bras bu'i mtshan nyid de/ gzhi cig la skabs kyi mtshan nyid tha dad tsam gyi phyir mi thob pa kho na'o/ /de dag rdzogs pa'i phyir/ sa'i khyad par bcu dang gsum/ rgyu 'bras khyad par
- 167a
lhun gyis rdzogs zhes gsungs so/ /mkha' dkyil dang pa'i dbyings nyi zla/ /ye shes rgyal po stangs dbyal bsgoms/ /rgyal ba'i dkyil 'khor thams cad kun/ /ma lus par ni bsgoms par 'gyur/ zhes bya ba ni/ rdzogs pa'i lam dang/ nye ba'i lha bsgom pa rnams kyi dbang du gsungs pa ste/ thams cad kyi ngo bo gcig dang du ma bral ba'i phyir/ dus bzhi phyogs bcu gang nas kyang/ /rdzogs pa'i sangs rgyas rnyed mi 'gyur/ zhes bya ba ni/ lam gnyis kyi gzhi thun mong du bstan pa ste/ sangs rgyas zhes tha snyad pa rnams kyi lugs gzhan ltar bsnyad pa dag srid kyi/ yang dag par rdzogs pa'i sangs rgyas ni gdul bya'i dbang du btags su zin kyang/ ngo bo nyid bstan par dka' ba'i phyir gzhal du mi rnyed pa kho na'o/ /'o na de ni rgya chad do bar dogs pa la/ sems nyid rdzogs pa'i sangs rgyas te/ zhes bya ba ste/ rgyu nyid nas khams gsum sems nyid du shes pa ni gang yang ma spangs par sku dang ye shes su gyur pa nyid/ bdag nyid las ci'ang ma dmigs pa ni/ rnyed pa dang gnas pa gnyis ka ma bsal bar grub pa'i phyir/ /sgyu 'phrul rdo rje las rang bzhin gnas phyir gzhan nas 'ongs pa med/ zhen pa lo ? bdag zhal bdag gis mthong zhes bya ba'i phyir/ sangs rgyas gzhan du ma tshol gcig/ ces gsungs so/ /dkyil 'khor kun tu rab sbyor bas/ /dkyil 'khor thams cad 'grub par 'gyur/ zhes bya ba ni/ rgyas pa'i rgyud las/ phyogs bcu'i rgyal ba'i dkyil 'khor ma lus pa/ nges pa'i don bkrol bzhi bcu rtsa lngar 'dus/ zhes 'byung ba'i phyir yang yin la/ cig shos kyi lam pa dag gi yang phyir te/ mi nang gi rgyud las/ dkyil 'khor dkyil 'khor zhes bya ba/ /byang chub sems las ma yengs na/ /dkyil 'khor snying por lhun grub pas/ /thams cad dus gcig bsgom par
- 167b
'gyur/ zhes 'byung ba'i phyir ro/ /cho ga lhag gam ma tshang na/ skyon nyid dag ste nyes pa med/ ces bya ba ni/ la la dag rnal 'byor gsal ba rnams/ tshig gtsor mi byed pa'o zhes zer ro/ /lugs nyid ni bshad pa'i rjes su 'jug pa ste/ cho ga ni lnga'o/ lhag pa ni lhag pa ste/ thod rgal gyi ting nge 'dzin lta bu/ thams cad la yang mi dmigs pa'i tshul gyis slob pa'o/ /chad pa ni ma tshang ba ste/ sems med pa'i ting nge 'dzin ni/ rang gi ngo bo nyid kyang mi dmigs na/ gzhan lta ci smos pa ste/ gang yang skyon med pa kho na'i phyir 'ang zhes bya ba'o/ /gang zhig gang la gnod par 'gyur ba ni skyon pa ste/ bshad pa rnams kho na'o/ de dag gis ma gnod pa ni dag pa ste/ yon tan nyid duAng gyur pa'o/ zhes bya ba'i tha tshig go/ rol mo sprin gyis mnyes par gyur to/ /zhes bya ba ni/ rol mo bshad zin to/ /longs spyod lnga'i tshogs la sbyar pa de dag gis rgyu 'bras gnyis su med par longs spyod rdzogs pa chen po'i rgyan nyid las/ gsal bas/ gnyis su med pa'i mchod pa gnas su stobs pa kho nar bzhugs so zhes bya ba kho na'o/ /tshogs bsgrub pa'i le'u zhes bya ba ni/ tshogs ni bshad zin to/ /bsgrub pa ni lugs gzhan du gang dag gis gang zhig gnyer ba'i brtsol ba kho na ste/ 'dir ni rgyas pa'i rgyud las/ rgyu 'bras ye nas dbyer med snga phyi ma yin pas/ /'bras bu lam du gyur nas dus gcig mnyam par sbyor zhes gsungs pas/ 'jug pa nyams su len pa tsam la tha snyad du 'dogs pa'i phyir/ mtshan nyid gsum du btags pa'o/ /le'u bcu gnyis pa mdor bshad pa'o// // de nas de bzhin gshegs la phyogs bcu dus bzhi sku gsung thugs rdo rje'i dkyil 'khor thams cad gcig tu 'dus nas/ zhes bya ba ni/ phyogs bcu dus bzhis bsdus pa'i de bzhin gshegs pa thams cad kyi sku gsung thugs kyi dkyil 'khor
- 168a
ril ni sems nyid rang snang ba'i phyir/ rig pa kho nar gsal bar byed pas bla dags su rdo rje ste/ de nyid gcig tu 'dus pa zhes bya ba kho na'o/ /de dag le'u 'dir mngon du ston pa'i brda' ste/ de nyid bstan pa las thams cad kyi dgongs pa rdzogs par 'gyur ba'i phyir/ 'og nas/ rgyal ba'i dkyil 'khor ma lus la/ /'di las gsang ba'i nges don med/ ce'o// //de'i phyir tshogs par smra ba ni don med kyang/ bdag nyid chen po'i phyir/ sgra tsam ni 'gal ba med do/ /de nyid nye bar bstan pa'i phyir/ chos thams cad ye nas rdzogs pa chen por lhun gyis grub pa'i dam tshig shin tu gsang ba'i snying po sprin bkod pa zhes gsungs te/ dngos po gnyis kyis bsdus pa thams cad/ bka' nyid nas rang rig pa kho na'i phyir thams cad ma 'gags la/ gzhan du ma skyes par bdag nyid du gsal bas/ sku gsung thugs kho na las/ gzhan pa med pa ni rdzogs pa chen po'o/ /de la ltos pa'i kun brtags pa rnams kyis rgyu rkyen gyi rnam pa brjod kyang/ de nyid rang 'byung gi ye shes nyid pas/ rgyu rkyen med par rang snang ba las 'da' mi srid pa'i phyir/ lhun gyis grub pa'i dam tshig ces bya'o// //de ni rang bzhin gsang ba'i snying po nyid de/ phal gyi yul ma yin pa'i phyir ro/ /rgyas pa'i rgyud nas /de bzhin gshegs pa'i spyod yul te/ skye bu blo rtsal rab kyis rtogs she'o/ de la mtshon par byed pa'i sgo dang/ myong ba'i thabs dang/ mngon du byas pa'i yon tan mang po sprin tsam du phye nas ston pa'i dgongs pa nye bar snang ba ste gdul bya'i snang ba'o/ /de la mtshon pa'i sgo bstan pa'i phyir/ ma rtogs pa dang log par rtogs zhes bya ba ni/ ci yang ma rtogs pa ni 'jig rten phyal pa ste/ snang
- 168b
ba dang po las gol ba'i phyir zhen pa gol ba zhes bya'o/ /rtag chad gnyis ni log par rtogs pa ste/ phyogs las gol ba'o/ /dbugs 'byin pa'i theg pa bstan pa'i phyir/ phyogs rtogs yang dag nyid ma rtogs/ zhes gsungs te nyan thos rang rgyal ni phyogs tsam rtogs pa'o/ /rnam par rig pa ni phyogs gcig rtogs pa'o/ /dbu ma pa ni dngos po rnams kyi de kho na nyid don dam pa gsum gyi ngo bor gnas pa bden pa gnyis mi phyed pa de mngon du ma byas pa'i phyir/ yang dag nyid ma rtogs pa kho na'o// //'dul ba dgongs pa gsang ba dang/ rang bzhin gsang ba'i don rnams ni/ zhes bya ba ni/ yang dag par bstan mod kyi spyod pa sgo gsum 'dul ba kri ya dang/ spyod pa bas nang gi rnal 'byor gtsor byed yo ga dang/ phal la med pa'i lta sbyong la gnas pas gsang ba ste/ nang pa gnyis po dang/ dngos po thams cad kyi rang bzhin 'bras bur gnas kyang/ brtags pa la zhen pa'i rim pa sna tshogs kyi bsgrib pa tsam du ston pa'i a ti yo gra'o/ /de rnams kyi tha snyad kyi sgo bstan pa'i phyir/ yi ge sgra btags ming tshegs la/ /brten pa'i tshig gis rab mtshon te/ zhes gsungs te/ a'i nA da las snang ba'i phyir/ sgra'i yi ge sum cu bzhi'o/ /a nyid kyi sgra las btags pa dbyangs yig bcu gnyis so/ /gnyi ga las snang ba ni ma ning bzhi'o// //de dag las brten nas 'byung ba'i tshig tshogs rgya mtshos mtshon nas/ theg pa gzhan dag snang ba ni lam kho na'i phyir ro/ /khong nas gab sbas don 'byin pa/ /ston pa rdo rje thugs la gnas/ zhes bya ba ni/ rgyud 'di ni/ rang bzhin gsang ba'i snying po khong nas btags pas gab pa ni ston pas byin/ lam gyi rgyud 'di/ las sbas pa rnams/ rdo rje slob dpon gyis/ byin pas lung yod kyang/ mchog tu le'u 'di bla ma la thug cig pa kho
- 169a
na'o/ /dkyil 'khor ldan pa'i dkyil 'khor gyis zhes bya ba la sogs pa ni phyi rol tu bskyed pa'i rim pa'i dbang du bshad pa ni/ rang bzhin gyi dkyil 'khor ngo shes nas/ de'i blos stong pa nyid kyi ting nge 'dzin gyi skabs su ting nge 'dzin gyi dkyil 'khor bsgom pa de nas sgyu ma'i ting nge 'dzin gyi skabs su gzugs rnyan gyi dkyil 'khor ma bris par gsal bar byas/ de nas 'phra mo'i skabs su khams gsum ye shes sgyu ma nyid hUM tu bsdus te/ lhag pa'i ting nge 'dzin gyi dkyil 'khor bsgom pa'i dus na/ thugs kar ye shes sems dpa' dang/ dbang bskur byin gyis brlabs pa rab tu bstan nas/ snang ba rnam par 'byed pa'i skabs su/ phung po la sogs pa lhag pa'i ting nge 'dzin gyi dkyil 'khor du gsal ba'i yan lag rnams yongs su rdzogs pas/ spyod yul yongs su dag par bsgoms pa'o// //de nas tshogs bsgrub pa'i dus su longs spyod lnga la ma chags pa'i thabs kyis rol pas ci byas kyang/ bag chags su ma gyur pa ste/ tshogs gnyis kyi rgyun la gnas pas rgyu nyid las 'bras bum zhan pas rang snang bas sa bcu gsum pa ru phyin nas/ snang stong mi phyed pa zung 'jug gi sku thob pa'i dus na bdag zhal bdag gis mthong ste/ thams cad bdag nyid du dbang sgyur te/ dkyil 'khor ma lus pa dus gcig tu rang snang bas/ gdul bya gang yang mi 'dor ro/ zhes bstan to/ /sgra la mi dga' bas 'bru zhib tu ma bcom mo/ /de las nang du rdzogs pa'i bskyed pa'i rim pa bshad pa/ yid kun tu bzang po'i thig le'i man ngag bstan pa'i phyir/ dkyil 'khor ldan pa'i dkyil 'khor gyis zhes bya ba la sogs pa gsungs te/ nang gi dkyil 'khor rin po che'i sgrom na dangs ma
- 169b
chen po lnga rang snang ba ni yum lnga'i dkyil 'khor gyi ngo bo nyid de/ dag gi las mi mthun pa lnga yis thams cad bde ba chen por snang bar byed pas gnyis kho nar brjod kyang/ de nyid bdag po lta bu ma yin gyi/ rgyal ba'i sku ltar gnyi ga las ma 'das pa'i phyir ? pa po nyid du 'gal pa med do/ /dkyil 'khor la ni dkyil 'khor bsgom zhes bya ba ni/ de dag nyid gzhal yas khang gi phyir 'dun pa ste/ snying po nyid dang gcig dang du mar bral ba'i tshul gyi thabs dang shes rab gnyis su med pa nyid de/ ngo bo nyid kun da lta bu las 'od sna tshogs kyi phyin ci'ang ma nges par cir yang snang bas rtag tu med par gsal bas gsum par yang 'gyur te/ dngos po gsum du gyur pa med pa ni/ rang rig pa'i mngon sum yin par bsgom pa'i mchog go/ /de'i dgos pa ci zhig snyam pa la/ dkyil 'khor dkyil 'khor las byung ba/ /thugs kyi dkyil 'khor dkyil 'khor mchog ces gsungs te/ de dag ye shes drug gi dkyil 'khor du rang snang bar gnas pa ni mi 'gyur ba yongs su grub pa la/ bshad pa ltar phyin ci ma log par yongs su grub pas ma 'dres la yongs su rdzogs par gsal ba de bstan nas de'i 'od kyis rtsa bzhi'i sku gsung thugs kyi yi ge bskul/ de dag gi 'od kyis sa bon drug dang gnyid spangs nas rnam par shes pa bag chags dag pa/ ye shes kyi'o? kyis snying po la 'dus pas/ 'byung ba lnga rim par bsdus nas/ thig le nyid kyang ngo bo nyid ma dmigs te/ /mdza' thams cad dang bral ba'i ye shes lngar rang gsal ba ni gong na med pa'i phyir dkyil 'khor gyi mchog go /de dag lnga par bzhag mod kyi rang snang bas rkyen tsam ste/ rgyu 'bras thal ba med do// //dkyil 'khor gnyis pa kun tu bzang mo'i thig le'i man ngag bstan pa'i phyir/ gsang ba'i thig le dkyil 'khor dbyings zhes bya ba la sogs pa gsungs te /
- 170a
gsang ba'i lte ba ni/ dbyings phyug ma lnga'i thig le ye shes lnga'i dkyil 'khor du gsal ba de ni/ a'i phyir dang/ thams cad kyi rgyu'i phyir dbyings kho na'o/ /de'i phyir 'byung ba shes rab rigs kyi yum/ /chen po rigs kyi de bzhin te/ zhes bya ba la sogs pa gsungs te/ de'i dangs ma lnga'i 'phra rags las rigs lnga yab yum du rang snang ba'o/ /byang chub sems kyi rdo rje'i tshogs chen po'i rigs kyi de bzhin de zhes bya ba ni/ de'i yan lag gi yi ge rnams kyis mtshon pa'i dngos po rnams kyang rdo rje'i skye mched du gsal bar byed la/ de yis thams cad kyang phyag rgya'i dkyil 'khor du snang bar byed pas/ spyod yul yongs su dag pa'i phyir/ kun tu bzang po'i dkyil 'khor la zhes gsungs so/ bdag nyid chen po lhag pa yi/ /thugs kyi ye shes lngas lta zhing zhes bya ba ni/ dngos po thams cad kyang yid rang 'byung ye shes kho na'i phyir/ bdag nyid chen po zhes bya ba ste/ de yang dkyil 'khor dang por khyad par gyi cho gas khyad par du byas pa'i phyir/ lhag pa zhes bya ste/ de nyid ye shes ltar grub zin to/ /de la yi ge la dang sa dang gnyis kyis gsum pa dang/ gnyis pa lta bus 'dogs mod kyi/ gnas dang las kyis tha dad kyang ngo bo tha mi dad pas ye shes kyi lta ba ni/ mthong ba med pa'i tshul gyis mthong ba kho na'o/ /de ltar ma gyur pa ni theg pa chen po'i ting nge 'dzin las nyams pa'o/ /de nyid las bde ba thob pa'i dus na/ yid kyi rgyun yang bsdus te kun gzhi rang gi ngo bo nyid kyang ma dmigs nas mdza' thams cad dang bral bar rang gsal ba ni/ kun gzhi kun tu bzang mo'i ngo bo nyid rnyed pa kho na'o/ /dkyil 'khor gsum pa sbyor ba'i man ngag bstan pa'i phyir/ snying po thig le mnyam sbyor bas/ zhes bya ba la sogs pa ni/ gong ma
- 170b
las sgra tsam snang ba las kyang thig ler 'byung ngo/ /de dag gi gzer gyen du song bas longs spyod kyi thig le la phog pa ni sbyor ba dag pa'i man ngag go /bde ba'i ye shes rol mo yis/ /ye shes dgyes la mchod pa 'bul/ zhes pa ni/ de yongs su gyur pas ro drug gi bde ba ye shes drug tu gsal bas tshim par byed pa ni rol mo'i mchog ste/ de nyid mthong ba med pa'i tshul gyis myong ba mchod pa gnas su stobs pas thams cad kyang spyod la mi 'dzin par gyur to/ /'khor lo bzhi pa'i khyab brdal chen po'i man ngag bstan pa'i phyir/ zag pa med pa'i bsod nams kyis/ zhes bya ba la sogs pa gsungs te/ bshad pa nyid kyi ro drug la sogs pa thams cad kyis bag chags su mi 'gyur ba'i phyir ro/ /ye shes sgyu mar rang snang bas/ zhes bya ba ni/ de nyid skad cig ma'i phyir gnyis par yang 'gyur la/ sgyu mar yang 'dogs so/ /de'i phyir ye shes de nyid 'od zer drug tu 'bar nas gyen du 'gro'o/ /rol mo'i dkyil 'khor mdza' yas mchog ces bya ba ni/ de yis 'khor lo chen po'i thig le bzhu nas/ bzhi bcu rtsa lnga la sogs pa thams cad du thim pas/ phung po la sogs pa thams cad sku dang ye shes su snang bar byed do/ zhes bya ba'o/ /de ci'i phyir snyam pa la/ gsang ba'i thig le nyid kyi dbyings zhes gsungs te/ thig le de nyid bde ba chen po'i ngo bo nyid du gnas kyang rtogs par dka' ba las/ bde ba chen po'i rgyun gyi rgyur gyur pa'o/ /de nyid las dang po gnyi gas bde ba chen po'i phyir/ de ni sangs rgyas kun gyi dngos// zhes gsungs so// //de nyid kyi yon tan bstan pa'i phyir/ phyogs bcu dus bzhi mngon rdzogs pa'i/ /sku gsung yon tan 'phrin las thugs/ /ma lus bdag nyid zhal mthong ba'i zhes gsungs te/ bshad pa
- 171a
bzhin nyams su myong ba ni dkyil 'khor thams cad kyi zhal mthong ste/ de yang bdag zhal bdag gis mthong ba zhes bya'o/ /de dag la rdzogs pa'i rdzogs par thabs kyis bshad pa/ dkyil 'khor ldan pa'i dkyil 'khor gyis/ zhes bya ba la sogs pa gsungs pa ni/ rang bzhin nyid kyi dkyil 'khor dang/ nang dang byang chub sems kyi dkyil 'khor gyi don ngo bor go ba des/ /dkyil 'khor bzhi por ye shes bde ba'i ro bskyed la/ de nas thabs dang shes rab dkyil 'khor gnyis su byin gyis brlabs te rol pa las/ zla ba'i dkyil 'khor nor bur snang ba'i dus na/ ye shes lnga'i dkyil 'khor du snang ba ni rang bzhin gyi 'od gsal bas/ thabs nyid shes rab tu sbyor ba'o/ /de'i tshe nyi ma'i dkyil 'khor la thabs kyi bcud 'dus pa'i phyir/ ma lus pa'i rgyur gyur pas/ thabs mkhas pas zin na phung po la sogs pa thams cad kyang dkyil 'khor tu lhun gyis grub par byin gyis rlob par byed pa'i mthu dang lan pa / de ze 'bru'i rtser snang ba ni shes rab nyid thabs su sbyor ba'o/ /zla ba'i ro ma nyams shing dmigs pa mi 'gyur bas dus gcig tu bsres pas/ mdza' gnyis las grol ba'i ro thob nas rlung la sogs pa'i gar thabs chen pos sa bcu drug gi rim pa zlog nas/ rang bzhin nyid kyi dkyil 'khor la de bzhin nyid du gshegs pa'i tshe/ thams cad kyang snang ba gnyis su gnas pa'i phyogs gcig zad nas gcig la thabs kyis nges pa pos nges par byas pas snang la mi 'dzin pas/ byang ba dang chub pa dus gcig tu gyur te/ rang gi bde ba'i ye shes las sku dang ye shes bsam gyis mi khyab par snang yang nyi zla gnyis su med pa'i ro las ma 'das pa'i phyir/ /bden pa gnyis
- 171b
su mi phyed pa'i zung 'jug gi sku lnga lhun gyis grub pa rang rig pa mngon sum du byas pa ni/ mthong ba med pa'i tshul gyi bdag zhal du mthong ba zhes bya'o/ /de dag gi yon tan bstan pa'i phyir/ dbang bskur mchog nyid dam pa yin zhes gsung ste/ rnam par bshad pa'i rjes su las dang dngos grub thams cad la rang dbang du byed pa ni rig pa'i rgyal po rang dbang thob pa'o/ /dkyil 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyun du dkyil 'khor ma lus thogs zhes bya ba ni/ lhag pa'i ting nge 'dzin gyi dkyil 'khor dang/ byang chub sems kyi dkyil 'khor la blo brtan pas/ rang bzhin nyid kyi dkyil 'khor gyi dkyil 'khor nyid rang bzhin lhun gyis grub pa'i dkyil 'khor du rang snang bar gyur pas dkyil 'khor bdun gyis bsdus pa thams cad ma 'dres la yongs su rdzogs par snang ngo/ zhes bya ba ho na'o/ /'o na thams cad dkyil 'khor du snang bas thugs rje 'gag par 'dogs pa la/ rdzogs pa'i dkyil 'khor mnyam sbyor bas/ /thugs rje'i dkyil 'khor yongs kyis 'byung/ zhes gsungs so/ /bshad pa bzhin dkyil 'khor gnyis bdag tu mnyam par sbyor bas/ 'gro ba drug bdag las mi gzhan pa nyid thugs rje chen po yin pa'i phyir dus gnas thams cad ni ma 'dres pa yongs su rdzogs par gsal bas thams cad kyi mdzad pa gang yang mi 'gog pa kho na'o/ /de'i phyir/ phyogs dus dkyil 'khor 'dul ba'i mgon/ zhes gsungs te/ dus gsum gyis bsdus pa'i dkyil 'khor thams cad du rang snang bas gdul bya gang yang mi 'dor ro/ zhes bya'o/ /de dag gi rtog pa mi mnga' 'am snyam pa la/ sgyu ma'i dkyil 'khor sgrol ba yis/ bya byad med par dkyil 'khor spyod ces gsungs te/ dper na sgyu ma mkhan gyis byas pa nyid na/ /lo rgyus shes pas dngos
- 172a
por mi rtog ste/ 'du shes med do/ /de dag kyang thams cad sems nyid du sen pas de bzhin pa kho na'i phyir dngos po gsum du mi rtog par mdzad pa ril mi 'gog pa kho na'o/ /de dag byas pa ma yin par bstan pa'i phyir ye shes rdzogs pa'i dkyil 'khor la/ zhes bya ba la sogs pa gsungs te/ rang 'byung gi ye shes la 'bras bu ril rdzogs pa ni/ rdzogs pa chen po'i dkyil 'khor ro/ /de dag yod mod kyi then pa zlog par dka' i ba'i phyir/ thos bsams bsgoms la mnyam sbyor gyis/ rang 'byung skuAm lhun gyis grub ces gsungs te/ shes rab gsum gyis bshad pa'i man ngag gsum po la gnas pas zhen pa log pa'i dus na/ rang 'byung gi ye shes kyi dkyil 'khor rang rig pa mngon sum du bsal ba nyid la/ rang bzhin gyis grub pa'i dkyil 'khor du 'dogs pa'i 'od gsal ba'i phyir byas pa ma yin pa kho na'o/ /'di ni sangs rgyas thams cad kyi/ /'da' bar mi mdzad dam tshig mchog/ ces bya ba ni la/ ma 'di ma thob par lam gzhan gyis sangs mi rgya ba'i phyir dang/ thams cad kyi ngo bo nyid 'di las ma 'da' ba' i phyir ro/ /theg pa 'di'i yon tan bstan pa'i phyir/ gang zhig 'di la mos 'gyur ba/ /sangs rgyas dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur/ zhes bya ba la sogs pa gsungs te/ sdig pa'i grogs po ma bsten pas/ blo phyin ci ma log pa dag rgyud 'di la mos pa tsam gyis kyang sangs rgyas ma lus pas dus kun tu thugs kyi spas su dgongs pas bar ma dor mi 'dor ro/ zhes bya ba'o/ /skal pa zhing gi rdul rnyed du/ /shin tu sbyangs la rab gnas shing/ /dkyil 'khor ma lus bsnyen pa yi/ /'bras bu gsang chen 'di yin te/ zhes
- 172b
bya ba ni go sla ste/ dkyil 'khor thams cad la mchod cing bsgrubs pas rang bzhin gsang ba'i snying po nyams su myong bar gyur to/ zhes bya ba'o/ /de ji ltar zhe na/ 'jig rten drug gi phyogs bcu na/ /'das dang da ltar 'byung ba'i/ /rgyal ba'i dkyil 'khor ma lus pa/ /mnyes nas sku lnga lhun gyis rdzogs zhes bya ba ni go sla ste/ dus gnyis kyis bsdus pa'i sangs rgyas ril gyis/ dka' ba mang po spyad kyang mthar ma phyin pa de dag gsang ba'i snying po'i lam 'di rnyed nas bzod yang dag pa'i sangs rgyas su gyur kho na'i phyir/ 'byung dang ma 'ongs thams cad kyang/ /'di yis lhun gyis grub par 'gyur zhes gsungs te/ dus gnyis kyis bsdus pa'i rgyal ba rnams kyang 'di la brten dgos so/ /zhes bya ba'o/ /'di ni gsang chen dge ba yis/ /'bras bu la lam du gyur pa yin zhes bya ba ni/ rang bzhin gsang ba'i snying po nyid la/ mtshan nyid gsum du btags kyang/ ngo bo gcig pa kho na'o/ zhes bya ba'o/ /rgyal ba'i dkyil 'khor ma lus la/ /'di las gsang ba'i nges don med/ /btsal yang rgyal bas ma rnyes so zhes bya ba ni go sla ste/ dgongs pa yang 'di yin la lam dang rang bzhin gang yang 'di las mi 'da' ba' i phyir/ kun gyi phyag rgya chen po'i mchog /ces gsungs so/ 'di sus bzung snyam pa la/ thos bsam bsgoms la rab sbyangs pa'i/ shes rab mig ldan rnams kyis bzung/ zhes gsungs te/ dngos po thams cad kyi de kho na nyid shes pa ni shes rab kyi mig go /sbyin pa'i snod bstan pa'i phyir/ snod ldan dang tshul bzang la brtan/ /lus dang longs spyod gtong la sbyin zhes gsungs te/ shes rab dang snying rje dang nogs thub pa ni snod dang ldan pa'o/ /cis kyang mi 'khrugs pa ni dang bzang po'o/ /skye bo rnams kyi spyod pa las grol ba ni tshul shis pa'o/ /blo mi 'gyur ba ni brtan pa'o/
- 173a
gzhan du rnams kyang sbyin mi bya/ /zhes bya ba ni gong ma rnams las zlog pa ste/ de dag la ni snying 'byin pa'i nyen dang bsngos te gsang ngo/ zhe'o/ gal te gsangs ma thub pa'i nyes pa ni/ rmongs la 'phyar bas gal te byin/ /dus min par ni srog zad nas/ /bsregs dang sbrebs la yun ring gnas/ zhes gsungs te/ bskal pa chen po gsum du dmyal bar gnas pa'o/ /de las thon nas skal pa gnyis su yi dags su gnas so/ /de nas kyang sangs rgyas kyi sgra thos par dka' o zhes 'byung ngo/ /shin tu gsang ba'i man ngag snying po zhes bya ba ni/ snod dkon zhing gsang ma thub pa'i nyen che ba'i phyir/ shin tu gsang dgos la/ snod dang ldan pas snyeng na tshegs chung dus dgos pa mdza' dag 'grub pa'i phyir/ man ngag gi snying po'o/ /le'u bcu gsum pa'i rnam grangs bshad pa'o// //de nas glu rgyan gyi ye shes kyi mchod pa bstan pa'i phyir/ de nas de bzhin gshegs pa thams cad/ nyid kyi dkyil 'khor la dgyes pa'i glu 'di zhes bya ba ni/ thams cad kyi bdag nyid bzhi bcu rtsa gnyis yin la/ glu lnga bsdus pa dang bcas par thams cad 'dus pa'i phyir ro/ /thams cad kyi ngo bo nyid gru yis mtshon pa ltar bzhugs pa gsal bar snang ba nyid dgyes pa ste/ gdul bya'i snang ba yin gyi rkyen gyis bskul ba lta bu ma yin no/ /dang por thams cad kyi sku lnga la stong pa bstan pa'i phyir/ oM phyogs bcu dus bzhi rdzogs pa'i/ zhes bya ba la sogs pa gsungs te/ thams cad kyang gcig la lhun gyis rdzogs pa ni mngon par byang chub pa'i sku'o/ /ye shes dkyil 'khor thig le che/ zhes bya ba ni/ ye shes lnga ni rnam par mi rtog pa'i ye shes chen por gsal la/ de nyid khyab gdal chen por gnas pa ni chos
- 173b
kyi sku'o/ bsod nams dkyil 'khor zhes bya ba ni/ gang yang ma spangs pa'i zag pa med pa'i bsod nams rang snang ba ni longs spyod chen po'i chos sku kho na'o/ /sku'i tshogs zhes bya ba ni/ thams cad kyi ngo bo la thams cad kyi sku cir yang snang ba'i phyir sprul pa'i sku kho na'o/ /snang stong thig le kun tu rdzogs/ zhes bya ba ni/ snang stong gnyis su mi phyed pa'i phyir rdo rje'i sku kho na'o/ /oM dang ho zhes bya ba ni/ oM gyis yi ge lnga yis lnga mtshon par mgo 'dren pa dang/ de ltar bstod nas mnyes par gyur pa ni ho zhes bya ste/ kun la mthun par shes par bya'o/ /gsung lnga la bstod pa'i phyir/ oM rdo rje bsod nams zhes bya ba ni/ bsod nams kyi ngo bo sgra thams cad ma spangs par snang ba'i phyir tshig gi gsung ngo/ /thig le zhes bya ba ni/ spros pa med pa la brjod du med pa'i phyir don gyi gsung ngo/ /rdo rje ye shes dkyil 'khor ldan zhes bya ba ni/ ma brjod par ye shes kyi rigs pa sna tshogs kyis thams cad gsal bar brda' sprod pa'i phyir rig pa'i gsung ngo/ /rdo rje sgra chen mdza' yas pa'i zhes bya ba ni/ sgra gcig yan lag mang por grags pa'i phyir tshangs pa'i gsung ngo/ /rdo rje rgyal po thig le che ho zhes bya ba ni/ tshig med pa nyid brjod pa dang 'dra bar gsal ba ni/ gsung gi rab yin pa'i phyir yi ge med pa'i gsung ngo/ oM sku gsung thugs kyi rdzogs pa che/ /yon tan 'phrin las kun tu rdzogs zhes bya ba ni/ thugs lnga la bstod pa ste/ stong pa nyid dang/ so sor rtogs pa dang/ me long lta bu dang/ mnyam pa nyid dang/ bya ba grub pa zhes bya ba'i ye shes lnga po nyid la sku gsung thugs yon tan 'phrin las lnga rdzogs la/ de las ma brtsal bar sku la sogs par rang snang ba'i phyir/ ye nas lhun rdzogs kun tu bzang/ zhes gsungs so/ /'dus pa'i tshogs chen thig le che zhes
- 174a
bya ba ni/ de bas na lnga gnyis so de dag rgyu nas tha mi dad pa'i phyir gnas skabs kyi snang ba kho na'o/ oM mi dmigs sgyu 'phrul mnyam pa'i dbyings zhes bya ba la sogs pa ni/ yon tan lnga la bstod pa ste/ mi dmigs pa'i rig pa nyid sgyu 'phrul sna tshogs su rang snang bas snang stong gnyis su med pa mnyam pa nyid kyi dbyings la phyi nang dang rgya che chung gzhal du med pa'i gzhal yas khang ngo/ /mdza' yas kun tu zhes bya ba ni/ drug pa'i zhing la mdza' thug pa med pa'i phyir zhing khams so/ /sna tshogs 'phro zhes bya ba ni 'od zer ro/ /mdza' yas kun nas lhun gyis thim zhes bya ba ni/ mdza' yas pa'i 'dod yon ril myong ba med pa'i tshul gyis myong ba ni/ longs spyod kho na'o/ /sna tshogs sku gsung thugs chen po zhes bya ba ni/ stobs dang mi 'jigs pa nyid seng khri la sogs par snang ba'i phyir de dag sku gsung thugs las mi gzhan pa ste/ khri rnams so/ /oM phyogs bcu 'jig rten rdul snyed du/ rgya ba'i don rnams rdul phran bsam yas kyis zhes bya ba ni/ 'phrin las lnga la bstod pa ste/ zhing mdza' yas pa rnams ni dag pa dang/ ma dag pa dang/ bar ma gsum du 'dus so/ /'phrin las mdza' yas pa ni/ zhi rgyas dbang drag tu 'dus so/ / sprul pa mdza' yas pa ni/ zhi ba dang khro bo rnams kyi tshul zhes bya bar gsungs so/ /skad cig yud la lhun gyis grub ces bya ba ni/ de dag gis de dag du yud tsam gyis sod ba med par khyab nas/ de dag bya ba rdzogs pa'i skad cing gis ma brtsal bar zin pa'i phyir/ lhun gyis grub pa'i 'phrin las dang lnga'o/ /zhes bya ba kho na'o/ /oM thams cad ma lus sku gsung thugs/ zhes bya ba ni/ de dag gis mtshon nas dngos po gnyis kyis sdus pa ril yang/
- 174b
sku gsung thugs yon tan 'phrin las lngar gnas pa'o/ zhes bya'o/ /sku gsung thugs kyi bdag nyid che zhes bya ba ni/ gang chen po mtsho lnga yang de dag lnga'i de bo kho na'i phyir ro/ /sku gsung thugs kyis kun tu khyab ces bya ba ni/ gang chen po mtsho lnga yang de dag gi ngo bo nyid kho na'i phyir ro/ /sku gsung thugs kyis kun tu khyab ces bya ba ni/ de dag nyid kyang phan tshun tha mi dad pa'i phyir ro/ mnyes pa zhes bya ba ni bshad zin to// //le'u bcu bzhi pa khong khrol du bshad pa'o// //de nas khro bo'i dkyil 'khor bstan pa'i phyir/ de nas zhes bya ba la sogs pa gsungs so/ /spyir rgyud 'di las dkyil 'khor rnam pa bdun las/ lhag pa'i dkyil 'khor rnam pa gnyis dang/ tshogs kyi dkyil 'khor dang/ rang bzhin lhun gyis grub pa'i dkyil 'khor rnams la/ zhi khro gnyis gnyis su ston pa las/ de yan chad du zhi ba'i dkyil 'khor rnams la sogs pa dang/ khro bo'i tshogs dang/ lhag pa'i gzugs brnyan zur tsam bstan nas/ 'di nas mar khro bo'i dkyil 'khor las/ le'u 'dis khro bo rang bzhin gyi dkyil 'khor bstan te/ de bzhin gshegs pa thams cad kyi bdag po zhes bya ba ni/ de bzhin gshegs pa thams cad ni rigs lnga ru 'dus la/ lha'i bdag po ni rgyal ba drug pa'o/ /sangs rgyas thams cad kyi ngo bo nyid kyis zhes bya ba ni zhi khro'i sangs rgyas kyi dkyil 'khor thams cad gcig dang du mar bral ba'i tshul gyis lhun gyis grub pas/ drug pa thams cad kyi ngo bo nyid kho na ste/ sangs rgyas kun gyi spyi gzugs can zhes bya'o/ /de bas na khro bor bor yid snang ba'i phyir/ khro bo'i dkyil 'khor du mngon par 'du mdzad de/ khro bo la rnam pa gsum ste/ de la shes rab chen po'i khro bo ni/ sgyu 'phrul rdo rje las/ yang dag shes rab chen po ni/ mtshan ma 'joms phyir khro bo'i mchog /ce'o/ /ye shes chen po'i khro bo ni/ rgyas pa'i rgyud
- 175a
las/ rang rig ye shes rgyal po yis/ phyogs bcu'i khams rnams dbang bsdus nas/ kun kyang mi dmigs dbyings su thim/ /thams cad khro bo'i tshogs su 'gyur zhe'o/ /phyag rgya chen po'i khro bo ni/ 'og nas 'chad pa ste/ 'di dag gdul bya'i ngo bo la snang yang/ rtsol bar thal ba med do/ /ci'i phyir zhe na/ zhes bya ba ni/ gtan tshigs kyi dri ba dgos pa tshol ba ste/ gang snyam pa la/ bdag tu rmongs pa zhes bya ba la sogs pa gsungs te kun tu brtags pa las byung ba'i ma rig pa las las sna tshogs su snang ba'o/ /brtags pa la mngon par zhen pa bya ba ni/ kun brtags gnyis la zhen pa ste/ spyi'i mtshan nyid la rang gi mtshan du mthong ba'o/ /yang dag pa'i lam dang bral ba dag ni zhes bya ba/ lung man ngag gis ma zin pa'i bskyed rdzogs rnam pa gnyis kho na ste/ gang la de dag med pa'o/ /dag ces bya ba ni/ ngo bo ston pa ste/ sngon skal pa snga ma la byung ba'i dge slong nag po'o/ /de ci zhig snyam pa la/ gab pa'i gsang ba ma rtogs par zhes bya ba ni/ rang bzhin gsang ba'i snying po'o/ /spas pa'i gsang ba la mngon par 'chel nas zhes bya ba ni/ lam gyi rgyud las byung ba'i stan 'gan la sogs pa sgra ji bzhin par bzung nas rgyun du spyod pa'o/ rgyu dang 'bras bu la rmongs pa zhes bya ba ni/ mi dge ba'i rnam par smin pa mi shes pa'o/ /srid pa'i sa bon rtsub mo zhes bya ba ni/ las ngan pa dang nyon mongs pa dang kho na'i bag chags rnams so/ /mtshams med pa zhes bya ba ni sdug bsngal bar mi 'chad pa'o/ /rab tu tsha ba/ zhes bya ba la sogs pa ni go sla ste brgyad ces bya ba ni/ yang sos dang/ thig nag dang/ sdud 'joms dang/ ngu 'bod dang/ ngu 'bod chen po dang/ dmyal ba chen po dang/ rab tu tsha ba dang/ mnar med pa'o/ /shin tu grang ba brgyad ces
- 175b
bya ba ni/ chu bur can dang/ /chu bur rdol pa dang/ so tham tham dang/ a chu chu dang/ kyi hud zer ba dang/ ud pa la lhar gas pa dang/ pad+ma ltar gas pa dang/ gas pa chen po'o/ /'jig rten gyi khams brgyud cing zhes bya ba ni/ gnas 'jig na gzhan du 'pho ba'o/ /de nas rnam par smin pa de zad pa dang/ zhes bya ba ni/ bsad pa dang/ brdeg pa dang/ rang ka ma'i 'phrin las dang/ gdug pa dang/ dam tshig can la dan du sems pa dang/ che bas dregs pa la sogs pa ni rnam par smin pa'i 'bras bu'o/ /yi dags zhes bya ba la sogs pa ni go sla ste/ 'dod pa'i dngos po rnams yid du mi 'ong ba zhes bya ba ni/ ci 'ang dan skyugs su mthong ba ste/ phyi'i sgrib pa can zhes bya'o/ /gdug cing rtsub pa'i dngos po zhes bya ba ni/ ci zos pa khro chu dang/ lcags tsan du gyur pa ste/ me lce'i 'khor lo can zhes bya'o/ /yod med par 'gyur zhes bya ba yang phyi'i sgrib pa can te/ bza' bar mthong nas bgrod pas med pa'o/ /lus dang yan lag dang dbang po mi mtsham pa zhes bya ba ni/ lus ri bo tsam la kha khab mig tsam pa ste/ nang gi sgrib pa can zhes bya'o/ /de nas lus kyi sgrib pa rtsub po'i rnam par smin pa zhes bya ba ni/ nor zas la brkam pa dang/ 'thungs? pa dang/ brnab sems dang/ mchod pa'i longs spyod la rngam pa dang/ gsog 'jog byas pa la sogs pa'i rnam par smin pa'o/ /sngon gyi srid pas 'tshams sbyar nas zhes bya ba ni sngon khro bo dbu'dang phyag mang po dang/ 'phra men ma la sogs par yid la byas nas las rlang po byas pa'i rgyu mthun pa'i 'bras bu'o/ /yi dags kyi srin po chen po zhes bya ba la sogs pa ni bdud rang gi ngo bo ste go sla'o/ /nga ro dang dri dang zhes bya ba la sogs pa ni de'i las kyi sbyor ba thams cad la dgod pa'o/ /de sngon rten pa'i stobs zhes bya ba ni/ sngon theg pa chen por sems bskyed nas phyogs su spyong pa'o//
- 176a
thugs rjes 'dul bar gyur te zhes bya ba ni/ sngon spyod kyi dus bab pa'o/ /de nas de bzhin gshegs pa che ba'i rdo rje bkod pa'i sgyu 'phrul dra ba zhes bya ba la sogs pa/ bdud 'dul ba'i gleng gzhi rang gi ngo bo la don gsum ste/ cho 'phrul rmad du byung ba dang/ dkyil 'khor rmad du byung ba dang/ 'phrin las rmad du byung ba'o/ /de la cho 'phrul rmad du byung ba la don rnam pa drug las/ 'di ni ting nge 'dzin gyi cho 'phrul te/ rdo rje bkod pa zhi ba'i dkyil 'khor rnams kyis zhes bya ba'o/ / rdo rje bdag po zhes bya ba ni rigs kyi bdag po kun tu bzang po'o/ /khro bo'i rgyal po dkyil 'khor sprin chen po zhes bya ba ni/ khro ba'i dkyil 'khor thams cad kyi rtsa ba/ rigs lnga'i he ru ka'i yang rgyal po che mchog gi sku snang bar byed pa'i ting nge 'dzin de la de skad ces bya'o/ /de bzhin nyid kyi dbyings nas/ khro mo dbang phyug ma'i sku mngon du phyung ste zhes bya ba ni/ 'di nas mar dkyil 'khor bzhi las/ che mchog longs spyod chen po'i dkyil 'khor bstan te/ a ni skye med de bzhin nyid ces gsungs pa'i phyir/ de bzhin nyid ni kun tu bzang mo nyid kho na ste/ de nyid khro mor snang ba'o/ /gzhan ni go sla'o/ /gnyis su med pa 'khril ba'i dgyes pas thim nas zhes bya ba ni/ la la'i gzhung gis sku nyid yongs su gyur pa'i byang chub sems las khro bo spros nas phyis 'khor du snang bar yang 'chad de/ 'dir nyi zla gnyis su med pa ni thim pa zhes bya'o/ /de nyid dkyil 'khor thams cad kyi rgyu'i phyir/ byang chub sems kyi sprin las zhes gsungs so/ /hUM hUM hUM zhes bya ba la sogs pa ni kun brjod pa'i cho 'phrul lo/ /zhes brjod pas 'jig rten drug gi phyogs bcu zhes pa la sogs pa ni/ sprul pa rdzu 'phrul gyi cho 'phrul lo/ /'jig rten drug gi phyogs bcu thams cad ces bya ba la sogs pa ni/ byin
- 176b
gyis brlabs kyi cho 'phrul lo/ /'jig rten drug gi phyogs bcu stong khams thams cad ces bya ba la sogs pa ni/ chos kyis snang ba'i cho 'phrul lo/ /dbang che ba zhes bya ba ni ma ha de ba'o/ /gzi brjid che ba tshangs pa'o/ /mthu che ba khyab 'jug go /brgyal rab tu brgyal kun tu brgyal zhes bya ba la sogs pa ni/ khams 'khrugs nas lus 'gyel te/ sems myos par gyur pa'o/ /la la'i gzhung gi skabs 'dir khams gsum dur khrod kyi gzhal yas khang du brlab te dregs pa rnams gdan du mdzad pa ston pa'o/ /de nas bcom ldan 'das dgyas pa chen po zhes bya ba la sogs pa ni/ sbrul pa chen po'i dkyil 'khor ston to/ /dur khrod kyi bdag po dregs pa khyo shug ces bya ba ni/ ru dra pho mo'o/ /khro bo'i dkyil 'khor sprin phung zhes bya ba ni/ dang po byang chub sems ye shes lnga'i khyad par las 'phros pa ste slar yang rigs bzhin du 'dus pa'o/ /de nas dregs pa chen po la sogs pa gtum pa'i sems kyis zhes bya ba la sogs pa ni/ 'phrin las rmad du byung ba la gnyis sam/ 'phrin las kyi ngo bo ste/ 'bru ni go sla'o/ /dbu dgu phyag brgyad ces bya ba ni/ he ru ka dgu klong rngam pa'i zhal du gsol ba dang/ sgrol byed ging bco brgyad kyi phyag gis sgrol ba'i phyir ro/ /hUM hUM hUM ni sdud pa'o/ /ha ha ha ni rngam pa'i phyir ro/ /kha kha kha ni gsol pa'i phyir ro/ /snying chung ba ni sems brtsad gcad pa'i phyir ro/ /dbang po phyung ba ni sgo dgag pa'i phyir ro/ /nang grol drangs pa ni mngon par zhen pa dag par bya ba'i phyir ro/ /yan lag gcad pa ni las gcad pa'i phyir ro/ /khrag 'thungs pa ni 'dod chags zad pa'i phyir ro/ /rus pa 'chos pa ni zhe sdang dag pa'i phyir ro/ /de nas hUM hUM zhes pa la sogs pa ni/ ngo bo sdud pa'i cho 'phrul gnyis las/ sdud pa'i cho 'phrul
- 177a
ni/ phyogs bcu 'jig rten gyi khams nam mkha' dang bcas pa yungs 'bru gcig tsam du chud par bsdus so/ zhes bya ba ni/ dregs pa rnams kyi rnam par shes pa hUM du bsdus pa ste/ rgyu des chos thams cad sems su gcig par mthong ba'o/ /gzhan ni go sla'o/ /de nas bcom ldan 'das dgyes pa chen po zhes bya ba la sogs pa ni/ yongs su rdzogs pa'i dkyil 'khor bstan te/ 'dul ba'i thabs kyis yang rigs lnga'i 'jigs byed chen por snang bar byas nas zhes bya ba ni/ tshe mchog gi sku nyid ma mo rnams kyi ngo la rigs lngar snang ba ste/ gnyis kyi phyir yang zhes bya'o/ /de dag kun kyang dgyes pas rol pa zhes bya ba la sogs pa ni/ 'khor sdud pa'i cho 'phrul gyi bya ba'o/ /'bru ni go sla ba'o/ /de nas dgyes twe ha zhes brjod pas/ zhes bya ba la sogs pa ni/ ngo mtshar tshogs kyi dkyil 'khor bstan to/ /dkar mo zhes bya ba ni zhi ba'i las kyi phyir ro/ /rkun mo ni dbang gi phyir ro/ /rmongs mo ni zhi ba'i las kyi phyir ro/ /thal byed ni drag po'i las kyi phyir ro/ /sbos mo ni yon tan gyis rgyas pa'i phyir ro/ /gtum mo ni drag po'i phyir ro/ /dme sha can ni gang yang grub pa'i phyir ro/ /ma tshogs ma ni 'phel bar byed pa'i phyir ro// ngo mtshar dang zhes bya ba ni rngam zhing dam pa'i phyir ro/ /seng gdong ni thams cad zil gyis gnon pa'i phyir ro/ /stag gdong ni dpa' brtul gyis las drag pa'i phyir ro/ /wa ni thabs mkhas pas phung po'i bdud dag pa'i phyir ro/ / khyi gdong ni lha'i bu'i bdud 'joms pa'i phyir ro/ /gzhang gdong ni shes bya ba la thogs pa med pa'i phyir ro/ /dur bya ni 'khor ba dang du len pa'i phyir ro/ /lug gdong ni gdul bya phra ba yang mi 'dor ba'i phyir ro/ /rdo rje bsrings 'gro ma
- 177b
ni rta gdong ma ste 'khor ba mi gtong ba'o/ /gdong mo ni phag gi gdong pa ste 'phrin las gdong tshugs su byed pa'i phyir ro/ /'jig rten ma ni dred gdong ma ste thams cad bsreg par byed pa'i phyir ro/ /ro langs ma ni spyad gdong ma ste khams gsum slar 'tsho ma zhes bya'o/ /de nas bcom ldan 'das dgyes pa chen po zhes bya la sogs pa ni/ 'phrin las kyi 'bras bu la gnyis las dregs pa rnams gnas stobs pa'o/ /bdud rtsi 'byung ba zhes bya ba ni dri chen no/ /oM badzra ma hA a mri ta zhes bya ba ni/ rdo rje bdud rtsi chen po ste/ gcig kyang lnga lnga dang ldan pa'o/ /ma hA kro ta zhes bya ba ni/ khro bo chen po ste 'og nas 'byung ba'i sme brtsegs so/ aM aM aM zhes bya ba ni/ lan gsum byin nas dbang bskur ba kho na'o/ /sku 'bar ba chen po'i dkyil 'khor na bzhugs par mthong ngo/ zhes bya ba ni/ bsam yas lhun gyis grub pa'i ting nge 'dzin ltar mthong ba'o/ /so sor snang ba dus gcig tu btul bar gyur to/ zhes bya ba ni/ sprul ba rdul phran grangs med kyi/ skad cig yur la lhun gyis grub ces bya ba ste/ tha dad bar snang bas don grub pa'o/ /de nas de dag gi chung ma'i tshogs rnams dang zhes bya ba la sogs pa ni 'phrin las rmad du byung ba'i 'bras bu la gnyis las 'khor dam la btags te bstan pa yun du gnas par bya ba'o/ /le'u bco lnga pa dka' ba bshad pa'o// // de nas lhag pa'i ting nge 'dzin gsung gi dkyil 'khor bstan pa'i phyir/ de nas zhes bya ba gsungs te/ dam tshig gis grub par bya ba'i phyir/ zhes bya ba ni/ gsung gi dam tshig ni gsang sngags rnams so/ /ye shes rngam pa zhes bya ba ni shin tu rngam pa'i por? dang/ chas pas grags pa'o/ /oM sarba ta thA ga ta ma hA sh+rI he ru ka zhes bya ba ni nyid kyi snying po'o/ /ma hA tsaN Da ni gtum po chen po'o/ /sarba du staM na sdang ba thams cad do/ /ta ka ha na ni gtogs shig rgyob cig pa'o/ /da ha pa tsa ni chos shig
- 178a
choms shig pa'o/ /hUM hUM hUM phaT ces bya ba ni/ sdus la song cig pa ste/ de dag gi phyir rtsa ba las dang bcas pa'i sngags kho na'o/ /gzhan ni go sla'o/ /b+hyo rnams ni ma mo rnams kyi rtsa ba'i snying po ste/ bskyed pa dang bzlas pa ni mi nyid kyis grub pa'i phyir/ bshad pa nyid dpral skad du gsal ba'o/ /ru lu ru lu hUM b+hyo zhes bya ba ni/ snyan gsan gsol ba'i sngags so/ /e ha hi a na ya zhes bya ba ni bskul ba'o/ /dza(rgyud 'grel): hUM baM ho(rgyud 'grel): zhes bya ba ni rim par spyan drangs nas nam mkha' la bzhugs pa'o/ /raM zhes bya ba ni/ dngos su me dpung gnyis 'dre ba ste/ shes rab kyis 'byor ba'i phyir ro/ /oM badzra kro ta sa ma ya hUM zhes bya ba ni/ rig pa'i me tog dong ba ste/ ye shes su gcig par gsal ba'o/ / oM khro la khros pas zhi mdzad pa zhes bya ba la sogs pa ni/ bskul ba ste bskul ba'i sa la bzhes pa'i phyir ro/ /oM badzra kro ta sa ma ya stom/ oM badzra kro ta sa ma ye ho/ oM badzra kro ta sa ma ya phaT ces bya ba ni/ dam tshig bskul bas dgyes nas drag po'i yig 'bru mang pos snod dag par mdzad pa'o/ /de nas phyi'i mchod pa dbul ba'i phyir/ a li u li ta la ta pra ti zhes bya ba ni/ bza' ba dang btung ba dang/ 'bras bu rnams dang/ bca' ba sna tshogs spros la dbul lo/ /de dag gang la snyam pa la/ drang sta zhes bya ba ni/ mche ba can te he he ru ka rnams so/ /'gu'na ro'u ta zhes bya ba ni yon tan drag mo nyi shu'o/ kha ra ma yo gi ni zhes bya ba ni zhal 'bar ba'i rnal 'byor ma ste/ ma mo rnams so/ /kha ti zhes pa ni gsol cig ces pa'o/ /des mnyes pa'i phyir ho zhes bya'o/ /hUM ha te phaT ces bya ba ni dam tshig gi dkyil 'khor lo rim par thim pa'o/ /tshig rab tu tshig kun tu tshig go /zhes bya ba ni/ las kyi sngags rnams kyi mthu bstan
- 178b
pa'o/ /'bar rab tu 'bar kun tu 'bar zhes bya ba ni/ bskyed pa'i sngags rnams kyis thams cad kyud ltar gyur pa'o/ /thams cad du 'bar ba'i dkyil 'khor gyi tshogs kyi gang rab tu gang kun tu gang bar gyur to/ zhes bya ba ni/ bstim pa'i sngags kyis ye shes kyis dkyil 'khor dang dam tshig gi dkyil 'khor gnyis su med pa'i yon tan gyis kun tu rgyas par gyur to// //le'u bcu drug pa mdor bshad pa'o// // de nas lhag pa ting nge 'dzin sku dang thugs kyi dkyil 'khor bshad pa'i phyir/ de nas zhes bya ba la sogs pa gsungs so/ /'bar ba'i dkyil 'khor rtsibs bzhi pa zhes bya ba la sogs pa ni/ bzhugs gnas brtan pa ste/ 'di yang ting nge 'dzin gyi rim pa lnga pa dang rjes su mthun par sbyor ro/ /rgyu'i ting nge 'dzin hUM las dur khrod kyi 'byung ba lnga bskyed nas/ de'i steng du 'bru smug nag las dur khrod kyi gzhal yas khang 'di dag ltar bskyed pa ste go sla'o/ /'bar ba'i bar khyams gnyis kyis mdzes zhes bya ba ni/ bshad pa'i rgyud kyi sbyor ma'i sa dgos so zhe na/ 'phra men ma dang dbang phyug ma'i khyams su 'ang 'gal ba med pa'o/ /thod sprul sna tshogs nyi mas brjid ces pa ni/ thod pa sna tshogs kyi rtsig pa dang/ de dag nyid kyi brang la sbrul chen gyi zhags pa mgul du drangs pa'o/ /de dag gi bar nas nyi ma'i dkyil 'khor 'od zer gyis pas thams cad snang bar byed pa'o/ /'bar ba'i 'phro ba mang po 'khrug zhes bya ba ni/ phyi nang kun nas rdo rje'i me dpung 'bar ba las me'i khro bo mang po 'phro bar? byed pa'o/ /de'i gdan bstan pa'i phyir/ khyu mchog ma he gzig dang stag /gtum pa dom gyis spar bas ni/ zhes gsungs te/ gti mug dang/ nga rgyal dang/ 'dod chags dang/ phrag dog dang/ khong khro gnas su dag par khong du chud nas
- 179a
de dag gi sgo nas 'phrin las mdzad pa'i phyir 'di dag mnan pa'o/ /dbang phyug lha chen la sogs gzung zhes bya ba ni/ bsdu ba ni bco lnga par bshad de/ dregs pa rnams 'phrin las nan tur du bstan pa'i phyir spang par gzung ba'o/ /smug nag sngo nag ser nag dang/ /dmar nag ljang nag 'jigs pa'i sku/ zhes bya ba ni/ sku mdog rnams bstan pa ste/ las thams cad gzhi drag po kho nas mdzad pa'i phyir nag por smos so/ /dbu gsum phyag drug zhabs bzhir bgrang ces bya ba ni/ rnam par thar pa tri dang/ ye shes drug dang/ rdzu 'phrul gyi rkang pa bzhi dang ldan pa'i phyir ro/ /ko rlon gos ni sna tshogs gyon zhes bya ba ni/ thabs mkhas 'phrin las kyi gos dang/ khyab pa thugs rje'i gos/ phyi nang gsang bar bsdus pa'i gos kho na'o/ /zhing gi g.yang gzhi dang/ glang po dang/ stag gi pags pa kho na'o/ /rngam pa'i sgra chen 'jigs par sgrogs zhes bya ba ni/ gsher zhing myur bar bzhad pa'o/ /sbrul dang thod 'phreng nyi zlar chas zhes bya ba ni/ sbrul gyi chas brgyad dang/ thod pa tshar gsum dang/ dbu la nyi ma'i dkyil 'khor 'od zer bye ba 'gyed pa'o/ /stong gi 'jig rten 'khor yug bcas zhes bya ba la sogs pa ni/ lhag pa ting nge 'dzin thugs kyi dkyil 'khor ston te/ 'di dag rgyas pa las kyang gsungs na/ sgyu 'phrul rdo rje las/ rdo rje rdo rje dril bu dang/ 'jig rten 'khor yug bcas pa rdebs/ /de bzhin 'khor lo dgra sta dang/ /kha TwAM rab tu 'khrol ba'o/ /nor bu rin chen rgyu zhags dang/ /rdo rje dgra sta rab tu rdebs/ /chags mchog pad+ma? chen po dang/ dril bu lnga'i sgra sgrogs pa'o/ /las ni ral gri gshol chen dang/ 'jig rten rgyang mar 'phen pa ste/ bar ni rdo rje dung mar 'khrug /ster chen por rdebs pa'o
- 179b
zhes ba'o/ /btsun mo'i 'jigs pa'i tshogs dang 'khril/ /zhes bya ba la sogs pa ni go sla'o/ /'bar ba'i dkyil 'khor gyis kun tu gang bar gyur to zhes bya ba ni/ mtshon pa ste gdul bya'i snang ba'o/ /le'u bcu bdun pa mdor bshad pa'o// // de nas de dag gi mchod pa bstan pa'i phyir/ /de nas zhes bya ba la sogs pa gsungs so/ /mnyes pa'i mchod pa zhes bya ba ni/ rmad du byung ba'i mchod pa bzhi'o/ /de nas mchod sbyin dam pa ni zhes bya ba ni/ /de bzhin gshegs pa dang ma mo rnams kyi phyir/ nges tshig go zhe na/ dug gsum gyi mchod pa skyabs chen po thob pa'i phyir/ dam pa zhes bya ba kho na'o/ /de gang zhig snyam pa la/ thog mar bdag nyid rtogs goms bsgral/ zhes bya ba la sogs pa ste/ 'di ni sgrol ba po ste/ dang po rtogs pa rnam pa bzhis bshad pa bzhin du khong du chud nas ting nge 'dzin bstan pa'i stobs dang ldan pa ni/ bdag nyid sgrol ba'o/ /sgrol ba'i blta ba bstan pa'i phyir/ de nas gnyis med blo yis ni zhes gsungs te/ gang gis bshad pa bzhin du grub pa ni/ thams cad kyang bdag las mi gzhan par mthong bar gyur to/ /bsgral bya bstan pa'i phyir/ blo ngan 'jig rten snying res rje/ zhes bya ba gsungs te/ zhing bcu dag ni rgyu 'bras mi shes pa'i phyir blo ngan dag ste/ de dag gi las rnams kyis yun du 'khor ba'i phyir/ gtan du 'jig rten pa kho na ste/ snying rjes zin bar bya ba'i zhing ngo/ /bsgral ba'i thabs dang gnas brtan pa'i phyir/ gnyis su med par bsgral bar bya zhes gsungs te/ thabs ni dgu ba'i skabs su bshad zin to/ /gnas ni 'og min du 'phangs nas/ rdo rje 'dzin pa yab yum thabs shes rab gnyis su med pa'i byang chub sems kyi dbang bskur nas rigs nges par bya'o zhes bya'o/ /'ga' na'i mchod pa bstan pa'i phyir/ /
- 180a
'khril pa'i mchod chen mnyam sbyor bas/ /bdag nyid mnyes pas mnyes par bya'o/ zhes gsungs te/ thabs dang shes rab 'khril ba'i mchod pa ni/ don gsum bsgrub pa'i phyir mchod pa chen po'o/ /de nyid byang chub sems dus mnyam par sbyor ba kho na'o/ /de dag gi thabs ni dgu par bshad zin to/ /dam rdzas rmad du byung ba'i mchod pa bstan pa'i phyir/ mnyam pa'i grub rdzas chen po dag /zhes bya ba la sogs pa gsungs te/ mnyam pa'i rang bzhin dang/ las kyi phyir ro/ /de dag grub pa bzhi dang ldan te/ chos nyid rang bzhin gyis grub pa dang/ chos can rang gi ngo bos grub pa dang/ mthus grub pa dang/ byin gyis brlabs kyis grub pa dang bzhi'o// de'ang thal ba'i rgyud las/ dngos po ma lus sems nyid phyir/ /mtshan nyid bral ba chos kyi dbyings/ /rang bzhin bde ba'i ye shes lnga/ /byed pa med par snang ba'o/ /shes rab ting 'dzin thabs dag ni/ /nus mthu nges par 'byung bar 'gyur/ /'di lha'i lam la gang gnas pa/ /phyogs dus kun nas byin gyis rlob/ ces 'byung ba kho na'i phyir ro/ /mchod pa'i gnas bstan pa'i phyir/ bdag dang mnyam pa'i tshogs la dbul/ zhes gsungs te/ gang dang gang dag de dag tu mnyam pa ni/ 'khor gsum yongs su dag pa'i phyir/ /mchod pa gnas su stobs pa kho na'o/ /longs spyod rgyan gyi mchod pa bstan pa'i phyir/ /bza' dang bca' dang btung dang bgo'zhes bya ba la sogs pa gsungs te/ 'di dag tshogs kyi le'u ru bshad zin to/ /de dag gi yon tan bstan pa'i phyir/ /phyogs bcu dus bzhi gshegs pa yi/ /bder gshegs yon tan rmad po che/ /gzhan na yod pa ma yin te/ /lha srin la sogs smos
- 180b
ci dgos/ zhes gsungs pa go sla'o/ /gang yang bdag nyid chen por gyur pa'i mtshan bstan pa'i phyir/ rnal 'byor las su rung rnams kyis/ /phyag rgya chen por rdzogs gyur cing/ /gsal ba yid gnyis med pas na/ /dkyil 'khor chen por 'bar bar 'gyur/ zhes gsungs te/ dkyil 'khor chen po gsum ril bdag nyid chen po'i dkyil 'khor du gyur pa ni/ dkyil 'khor chen po shes bya ba ste/ des na thams cad rig pa'i rgyal po rang dbang du gyur pa kho na'o/ /le'u bco brgyad pa mdor bshad pa'o// // de'i rjes su dam tshig bstan pa'i phyir/ de nas bcom ldan 'das dgyes pa chen pos/ sngags 'chang rnams don yod par bya ba'i phyir/ zhes gsungs te/ sngags 'chang ba ni bshad zin to/ /theg pa chen po'i dam tshig ni/ lam dang 'bras bu gnyi gar 'gyur ba'i phyir/ dam tshig rnams kyi thun mong gi 'bras bu la brten nas/ rgyud kyi shes par bya ba'i dngos po rnams nye bar grub par bya ba'i phyir/ gzhi dam tshig gis gzung ba kho na'o/ /dam tshig chen po zhes bya ba ni/ theg pa chen po'i lugs 'di/ dam tshig thams cad las spags pa'i phyir ro/ /dam tshig gi che ba bstan pa'i phyir/ bla med theg par rab nges nas/ zhes bya ba la sogs pa gsungs te/ theg pa 'di lam dang 'bras bu gnyis kyi gong na gzhan med pa'i phyir/ bla na med pa'i theg pa'o/ /'di gzhung gis dam tshig bco lnga nyams su lon pa ni nges pa zhes bya'o/ /nyon mongs 'dod lnga kun spyad kyang/ byas la mi sogs tshogs 'gyur te/ zhes bya ba ni/ kun shes pa'i don gyis mi dge ba bcu dang/ mtshams med pa la sogs pa kho na ste/ de dag sbyor bzhin mi 'dzin pa'i phyir ro/ /der ma zad tshul khrims sdom pa phun sum tshogs zhes bya ba ni/ sdom pa dang tshul khrims rnams kyi rtsa ba bzhi ni/ 'chad par 'gyur ba'i phyir rdzogs pa yan lag thams cad ni rnam pa gsum
- 181a
du 'dus te/ de dag 'dir ni dam tshig 'di la gnas pa'i dus na las dang nyon mongs pa ril spyad kyang mi 'dzin pas ci 'ang byas pa med pa ni sdom pa'i tshul khrims so/ /gzhan don du 'gyur na srog la sogs pa gang yang mi 'dor ba ni don byed pa'i tshul khrims so/ /sgo tri phyag rgya chen po las mi nyams pa ni/ dge ba chos sdung ba'i tshul khrims zhes bya ba las kho na'i phyir ro/ /bla med mchog gi dam tshig du/ /'dul ba'i dbang gis tshul khrims dang/ /ji snyed sdom pa bsam las pa/ /ma lus kun 'dus rnam par dag /ces gsungs so/ /yod med dbus ma 'ang mi dmigs shing zhes bya ba la sogs pa 'di dag tshul khrims sdom pa'i rtsa ba bzhi 'dus shing dag par ston te/ dam tshig gi spyod par yang 'gyur de/ /bdag gzhan gnyi ga sems nyid du gsal ba ni yod med dbus dang gsum las 'das pa'i phyir/ don dam par ma nyams pa kho na'o/ /sgyu ma mig yor lta bu tshul zhes bya ba ni/ kun rdzob tu log rtog gi rgyu rkyen 'dus pa tsam nyid gnyis su snang ba tsam las rang rgyud bar brtags pa de dag tho yor las mi lta bur ma grub pas shes pa'i phyir/ srog dang skyes bu log rtog tsam/ zhes gsungs te/ de ltar rig pa la gcad bya gcod byed gnyis ka nas dag pa'i phyir/ ci bcad kyang 'du shes med pas gcod pa med pa ni/ srog gi sdom pa 'dus pa dag pa'i phyir/ srog med srog kyang gcad du med/ ces gsungs so/ /bden pa gnyi ga g.yer med pas zhes bya ba la sogs pa ni/ ma byin par len pa ston te/ bden pa gnyis las bdag gzhan mi phyed pa ste/ 'bru ni sngar grub pa'o/ /'phrul dga' i tshul te tha dad pa ni zhes bya ba ni 'phrul dga' i lha rnams ni longs spyod la rang sprul cing len pa'o/ /de bzhin du rang rig pa thams cad du rang snang bas snang yang gnyis su
- 181b
ma grub par rig pa la/ rdzas dang bdag po gnyi ga bdag las mi gzhan pa'i phyir ci blangs kyang bdag nyid las 'das pa med pas/ gzhan dang ma byin med pa'i phyir/ blangs med thams cad nyid kyi dbyings zhes gsungs so/ /sdom pa 'dus la dag pa'o/ /rdzun gyi sdom pa bstan pa'i phyir/ chos rnams sgyu ma lta bu dang zhes bya ba la sogs pa gsungs te/ phyi dang nang gi dngos po rnams log rtog gi rgyu rkyen 'dus pa tsam kho na'i phyir ngo bo med bzhin du/ brtags pa rang gi ngo bo nyid du snang ba ni ngo bo nyid kyi brdzun zhes bya'o/ /ming dang tshig tu brtag pa brdzun zhes bya ba ni gnas nyid snang ba de dag la mi snang sna tshogs su brtags nas ming tsam la bden par spyod pa ni rjes su spyod pa'i rdzun zhes bya'o/ /de dag las 'gal pa ni log pa'i rdzun zhes bya'o/ /de dag gsum ga yul gyi gzhi ma grub pa'i phyir/ rdzun nyid la ni brdzun spyod de/ rdzun zhes btags pa tsam yod ma yin/ gsungs te/ de ltar shes na smras kyang mi gos pa ni sdom pa 'dus la dag pa'o/ ma chags pa la chags pa dang/ zhes bya ba ni/ dngos po thams cad sems nyid rang snang bas yul sems gnyis med par gsal pa ni ma chags pa'i ye shes nyid kho na'o/ /de la gnyis su zhen pa ni log pa'i 'dod chags te/ de'i dus nyid na sems nyid du shes pa dang thabs kyis zin pa ni ngo bo? nyid ye shes su gsal bas gos pa med pa'i phyir/ chags pa nyid na chags pa med/ de ni chags mchog rgyal po yin zhes gsungs so/ /shin tu chags pa chen po yin zhes bya ba ni/ de bzhin gshegs pa'i ngo bo nyid de thams cad kyang ? med pa'i phyir sdom par 'dus la dag pa'o/ /bla med mi spang bla ma bkur zhes bya ba la sogs pa ni dam tshig gi rnam grangs la gnyis las/ 'di nas mar mdor bstan pa ston te/ bla na med pa'i byang chub sems te/ theg pa chen po'i
- 182a
gzhung gis yi dam gyi lha'i sku phyag rgya snang stong gnyis su med pa kho na ste/ ngo bo nyid dang lam gong na gzhan med pa'i phyir ro/ /bla ma ni rdo rje slob dpon te/ de la rnam pa lnga ste/ 'dren pa dang/ dam tshig 'bogs shing dbang bskur ba dang/ nyams chag skong ba dang/ shes rgyud 'grol ba dang/ man ngag dang lung 'bogs pa'o/ /bkur ba ni sgo gsum zol med pa dang/ mnyes par rtsal 'byung ba kho na'o/ /sngags ni gsum mo/ /phyag rgya ni bzhi'o rgyu ni brtson pa rab 'bring dang/ gom pa che chung gis dus kyi rgyun gsum dang/ skad cig ma'i rgyun du bar mi gcod pa'o/ /yang dag lam du zhugs la byams zhes bya ba ni/ bskyed rdzogs rnam pa gsum la zhugs pa ni rdo rje'i spun no/ /de la nye ba dang ring ba dang 'dres pa'o/ /de dag la sgo gsum gyis phan pa'i rtsal 'byin pa ni byams pa'o/ /gsang ba'i don phyir sma mi bya zhes bya ba ni gsang ba ni bcu ste/ spyir gsang bzhi/ bar gsang bzhi/ gsang bar 'os pa dang/ gnyer gtad ba'o/ /de dag bdag gi don dang/ gzhan gyi don dang/ chos kyi don dang/ grogs po'i don bzhi po kho nar gyur par bya ba'i phyir/ dam med pa dang/ dam nyams pa dang/ dam ma 'dres pa dang 'dres pa dag la yang/ skabs kyis gsang ba ste/ tshig dang spyod lam yan chod kyis sbu ba kho na'o/ /'di ni rtsa ba lnga rnams te zhes bya ba ni/ lnga po de dag ni lam dang 'bras bu'i yon tan ril gyi gzhir gyur pa'i phyir ro/ /bsgrub dang bsrung ba'i dam tshig mchog ces bya ba ni/ gnyis ni bsgrub pa'i dam tshig go /gsum ni bsrung ba'o/ /yan lag gi dam tshig bstan pa'i phyir/ gti mug chags dang zhe sdang dang/ nga rgyal phrag dog mi spang ngo zhes bya ba la sogs pa gsungs te/ spyi ru yang dag
- 182b
pa'i dug lnga dang/ log pa'i dug lnga gnyis su rgyas pa'i rgyud las gsungs te/ de la log pa'i dug lnga nyid rang dang spyi'i mtshan nyid/ gtan tshigs kyis rang rig pa nyid du nyams su lon na sku gsung thugs kho na las spang bya gang yang mi ? pa'i phyir ro/ /yang dag pa'i drug lnga la gnas pa ni/ theg pa chen po'i lta spyod dam tshig ril rdzogs par gyur pa'i phyir mi spang pa kho na'o/ /dkar rtsi dmar rtsi dri sha chen/ /dag pa'i snod bcud mi dor ro/ zhes bya ba ni/ dam rdzas lnga po nyid/ bshad pa'i grub pa bzhi po dag gi phyir dang du blang ba ste/ des rtsang sme'i rtog pa sbyangs pa dang/ thun mong gi yon tan gnyis kyi 'ang phyir te/ de dag rgyun tu sbyang bar bya ba'o/ /yan lag bcu'i dam tshig ste zhes bya ba ni/ rtsa ba la dag ma nyams pa las 'di dag 'byung zhing bsgrub pa'i grogs bzhir byed pa'i phyir ro/ /ye nas dag mnyam rtogs pas spyad/ ces bya ba ni/ dngos po thams cad dag pa gsum dang mnyam pa'i ngo bor gnas pa de dag rtogs pas spyad pa dang/ rtogs par 'dod pas spyad pa ste/ go rims bzhin du shes par bya ba'o/ /bsrung zhing bsgrub pa'i dam tshig lnga/ /rtsa ba yin te rigs med 'gyur zhes bya ba la sogs pa ni/ phye ba'i dam tshig gi nges tshig bstan pa ste/ rtsa ba lnga po nyams na mi dang lha'i rigs kyang med par 'gyur na theg pa chen po'i rigs lta smos kyang ci dgos te/ rmad med par 'gyur ba'i phyir ro/ /mi spang ba mi dor lnga gnyis ni/ yan lag dam tshig 'da' dka' o/ /zhes bya ba ni/ log pa'i dug lnga spod ba ni nyan thos lta bur gyur pa ste/ lam nor pas lta ba'i klung las nyams so/ /yang dag pa'i dug lnga spong ba ni/ don gnyis mi 'grub ste/ byin gyi rlabs med par 'gyur ro/ /dam rdzas lnga spong ba ni/ kri ya pa ltar gyur pas lta pa dang spyod pa ma 'brel te
- 183a
theg pa 'dir mi chud pa kho na'i phyir ro/ /mnyam la mnyam par sbyor ba yis mnyam pa'i dam tshig la gnas na/ mnyam rdzogs chen po thob 'gyur pas zhes bya ba ni/ rnam grangs las rtsa ba gnyis su phye ba ni rtsa ba chen po mnyam pa nyid kyi dam tshig ste/ dngos po sar gyi rang bzhin bden pa gsum du mnyam pa la/ shes rab dang/ ting nge 'dzin gyi sbyong ba'i dus na gang yang bdag nyid chen po las mi 'da' ba ni/ mnyam pa nyid kyi dam tshig kho na'i phyir/ rgyas pa'i rgyud las dam tshig dam tshig ces bya ba/ gud na yod pa ma yin te/ rang gi lta ba dam tshig yin zhes gsungs so/ /'di'i 'bras bu ni gang yang ma spangs par kun tu bzang po dbye ba med pa'i sa non par gyur ba kho na'o/ /'das na sangs rgyas ma yin no zhes bya ba ni/ de nyid nyams pa'i skyon bstan pa ste/ de bzhin gshegs pa yang 'di yi ngo bo nyid las mi 'da' bas bzhugs pa'i phyir/ gang zhig bdag nyid chen pos las gzhan pa dang mthong ba dang spyad ba ni/ sangs rgyas kyi ngo bo las nyams pa kho na'o/ /rtsa ba nyams pa'i phyal? ba dag /gsol nye bar mi brtson na zhes bya ba ni/ rtsa ba snga bo kun nyams pa ni phyal pa zhes bya'o/ /de dag kun kyang sku gsung thugs su 'dus so/ /slob dpon dang spun la nyams na sbyod ba la sogs pas gnas su gso'o/ /bla na med pa'i sngags dang/ phyag rgya nyams na bsgrub pa chen po lan gsum gyis bshags nas bzlas pa sogs kyis gso'o/ /gsang ba thugs kyi dam tshig nyams pa ni/ shes rab dang ting nge 'dzin gyis gso'o/ /de ltar myur du mi gso pa ni/ 'o ma rul pa dang 'dra bas/ dam can thams cad kyis bar chung du 'gyur bas/ lung pa gcig gi chu la yang mi btung ba'i phyir/ skad cig yud tsam smra ma byed/ nyams 'gyur nyes pa brjod mi lang/ zhes gsungs so/ /rtsa ba'i dam tshig nyams gyur na
- 183b
bsgrub pa thams cad log par 'gyur zhes bya ba la sogs pa ni/ nyams pa'i skyon rnams bstan pa ste/ rtsa pa lnga po nyams na/ las ci bsags pa ril la nus mthu med cing/ bar chod mang pas gang yang don med par 'gyur zhing phyi mar yid du mi 'ong ba'i sdug bsngal sna tshogs 'byung ngo/ /yan lag dam tshig nyams 'gyur na/ 'bras bu med cing ngan song ltung zhes bya ba ni/ yan lag gnyis nyams na/ nyan thos dang kri ya ba ltar 'gyur bas sngags kyi gzhung gis bstan pa'i thun mong dang mchog gi 'bras bu med la/ de dag gtan tshigs gsum dang dgos ched gsum gyis mi spyod par log par spyod pa rnams ngan song du ltung bar 'gyur ba kho na'o/ /dam tshig rnams ni rdo rje che/ sangs rgyas kun gyi bdag nyid yin zhes bya ba ni/ dam tshig gi rang bzhin bstan pa ste/ rtsa ba dang yan lag rnams kyi rang bzhin ni/ lta spyod gnyis mi phyed pa ste/ rang bzhin dang/ lam dang 'bras bu gsum yang mi phyed pa'i phyir rdo rje zhes bya ba ste/ de dag ni dus gsum gyi sangs rgyas kun gyi lam dang ngo bo nyid kho na'i phyir ro/ /rtsa ba'i dam tshig lnga la ni/ gcig la gnyis dang bcu phrag gsum/ /yan lag dam tshig lnga rnams la/ gcig la'ang bcu phrag gnyis su dbye zhes bya ba la sogs pa ni/ rnam grangs gnyis las rgyas par bstan pa ste/ spyir dam tshig rgyas 'bring rnam pa tri la re re la yang gsum gsum ste dgur phye ba las 'bring gi 'bring sum brgya drug cur phye ba ste/ tshogs mang du dogs pa dang/ 'phra rgyas 'byed pa las gsal bas 'dir ma bris so/ /rgyas pa yang zur tsam bstan pa'i phyir/ dam tshig 'di ni smad po che zhes bya ba la sogs pa gsungs te/ theg pa chen po'i dam tshig rnams ni/ 'khor lo sgyur ba'i rgyal po'i khrims dang 'dra ste/ gdul bya'i dbang gis rgya chad pa 'ang med pa'i phyir ro/ /de nyid nye bar bstan pa'i phyir/ /'jig rten drug gi phyogs bcu na/ /srid gsum
- 184a
'gro ba ji snyed pa'i/ /rtog 'dul dam tshig de snyed 'phro zhes gsungs te/ 'dul ba ni gnyen pos 'dul pa dang/ sbyangs pas 'dul ba dang/ bsgyur bas 'dul ba dang/ dag par 'dul ba dang/ ngo shes pas 'dul ba la sogs pa'o/ de dag gi phyir grangs ma nges pa kho na'o/ /gzhan yang rgyal mchog kun bzang gis/ zhes bya ba la sogs pa ni/ bsrungs pa'i yon tan bstan pa ste/ mnyam rdzogs kyi yon tan las gzhan par gyur pa ni/ yang zhes bya ba ste/ dam tshig bco lnga po mnyams pa ni/ gang du byung zhe na/ rigs kyi bdag po ni rgyal po'i mchog ste dngos kun tu bzang po'o/ /de'i ngo bo nyid ji ltar zhe na/ thams cad ma lus phyag rgya'i/ /bsgrub med dam pa ma lus 'byung zhes gsungs te/ dngos po gnyis kyis bsdus pa ril ni sku gsung thugs kyi phyag rgyar ye nas lhun gyis grub pas spang ba dang blang ba med pa ni 'bras bu dam pa ste/ kun tu bzang po'i yon tan ril lhun gyis grub po'o/ /de'i yon tan brjod pa las 'das pa'i phyir/ de la sogs pa bsam yas mchog ces gsungs so/ /rgyal ba'i rigs mchog 'dzin pa de/ zhes bya ba la sogs pa ni/ yon tan nye ba mdor bstan pa ste/ dam tshig 'di dag lta sbyong tshang bar sbyor ba ni/ sar chud pa'i rigs 'dzin no/ /rgyun tu gnas pa ni sa la gnas pa'o/ /stobs su gyur pa ni sar yongs su smin pa'i phyir ro/ /'jig rten gtso dang 'khor gyis bkur/ dam ba mchog dang dam pa yis/ /sras dang spun dgongs byin gyis rlob/ ces bya ba ni/ bsgrub pa po de la sde brgyad g.yog dang bcas pas/ dgongs pa bsgrub pa dang/ sangs rgyas dang byang chub sems dpa' ril gyis dgongs shing byin gyis rlob par 'gyur ba kho na'o/ /bder gshegs nyid kyi yul la zhugs zhes bya ba ni/ bco lnga po de
- 184b
nyid de bzhin gshegs pa'i ngo bo'i phyir ro/ /'jigs med kun tu bzang por sbyor/ zhes bya ba ni/ de phan chad ci spyad kyang lhung ba'i dogs pa med de spyod yul yongs su dag pa'i phyir ro/ /ji bzhin nyid dang 'dul ba'i thabs zhes bya ba ni chos thams cad kyi ji bzhin pa de nyid mngon du byed pa'i dam tshig chen po nyid dang 'dul ba'i thabs bco lnga po la sogs pa thams cad ma brtsal bar lhun gyis grub pa'i phyir/ ji snyed sdom pa bsam yas pa/ /ma lus rnam dag lhun gyis grub ces gsungs so/ /nyams na bskang bas rdzogs pa dang/ de la sogs pa bsam yas mchog ces bya ba ni/ spyir dam tshig rnams las ma log na nyams pa rnams bskangs pas kyang skongs so zhes bya'o/ /de nas de bzhin gshegs pa nyid de bzhin gshegs pa nyid la 'dul bar gyur to zhes bya ba ni/ dam tshig gi rang bzhin gyi phyir dang/ rgyal ba nyid kyang 'di dag las mi 'da' na gzhan lta ci smos zhes bya ba'i tha tshig go/ //le'u bcu dgu pa mdor bshad pa'o// // de nas 'phrin las bstan pa'i phyir/ lhun gyis grub pa'i dam tshig byin gyis rlob pa zhes bya ba la sogs pa gsungs te/ byang chub sems nyid la 'phrin las rnam bzhi rang bzhin gyis lhun gyis grub par gnas pa ste/ cho ga bzhi yis bskul pas mngon du snang bar byed pa ni byin gyis rlob pa zhes bya'o/ /e'i tshogs kyi dkyil 'khor mchog ces bya ba 'di dag kyang/ rim pa man ngag gis bsdebs te/ dang po bdud rtsi lnga 'am zas lnga la/ mtshan ma ming du bcas par bya zhes bya la sogs pa'i don gyis/ bsgrub bya dang 'das pa la sogs pa'i dam rdzas lnga 'am/ sha dang nya dang bu ram dang til dang sbrang la sogs pa rnams la ling ga bcas la/ shog bu 'am grog la ming rus bris la glan te/ thong pa'i nang du gzhug go /de nas sngags mkhan las/
- 185a
rnam bzhi rang gi phyogs su kha bltas la/ e'i tshogs kyi dkyil 'khor mchog ces bya ba la sogs pa'i phyir/ las so so'i dkyil 'khor gsal bar bskyed de lha rnams las la nges par btsud de/ /de nas bkug nas rdo rje phur pas gdab ces bya ba la sogs pa'i phyir/ pho nya rnams kyis bkug nas ling ga la bstims te/ phyag rgya bzhis bcings nas mngon du byas la bzhag go /de la rgyu dang dbyibs so so'i phur pa rnams rigs so so'i ki la yar byin gyis brlabs la gnas bdun la sogs pa la btab la gzir ro/ /de nas rdul du byas la tshogs la dbul zhes bya ba'i don gyis/ /bsam pa dang chas pas ral gris gtubs la/ 'bar ba gtum chen rngam pa la/ /khros pa'i yid kyis mchod sbyin bya zhes bya ba la sog pa'i don gyis/ rigs so so'i dkyil 'khor bsam yas pa mngon sum du dmigs nas rtod cing zos pas dbul lo/ /de dag brlag pa dang/ 'dus pa la sogs pa'i bsam pas phye nas phul na/ mi gnod cing 'dod pa bzhin du 'gyur ro/ /de dag ni lhag pa rdzas kyi sgo nas las bya ba'o/ /rdo rje lu gu rgyud kyi las bya ba ni/ bsgrub pa po yab yum rnams srin lag lu gu rgyud du sgrel pa'i dbus su ling ga bzhag la/ aM raM baM raM ma raM ya raM zhes bya ba'i sngags kyis so so'i gzhal yas khang me dpung dang bcas par bsam ste/ de'i nang du so so'i dkyil 'khor du bdag nyid byin gyis brlabs la/ de nas rgyas pa las 'byung ba ltar tshigs su bcad pas bskul te/ stang stabs kyis sprul pa rnams spros pas khams gsum sprugs nas bsrung ba dang bral te bkug nas ling ga la mngon du gnas pa la/ gnas gsum nas 'od zer byung ba la thim nas bsam pas
- 185b
dbang bskur nas ji ltar 'dod pa 'grub pa ste/ drag po ni sangs rgyas sku yang 'jig pa dang/ tshig par gyur na gzhan lta ci smos zhes gsungs so/ /dbang ni dbang gi rgyal po pad+ma gar dbang dang phyag na rdo rje yang dbang du 'dun gzhan lta bci smos zhes gsungs so/ /rgyas pas ni yon tan gyis nam mkha' yang khengs par 'gyur ro/ /zhes gsungs so/ /zhi bas ni khro bo'i las kyi sbyor pa yang zhi bar byed do zhes gsungs te/ 'bru ni go sla bas so sor ma bshad do/ /slas dang phyi mo bran mo'i tshogs zhes bya ba la sog pa ni/ de dag gis dus su 'khor rnams bskul la las la mngag pa ste/ go sla'o/ /khro bo bsgrub pa'i las kyi gtso bo 'di yin no zhes bya ba ni/ khro bo che gas kyi dkyil 'khor bsgrub pa'i dus su las bzhi bya ba'i mchog ni bro gar gyis bsgrub po zhes bya ba'o/ /khrag 'thung chen po la sogs pa'i zhes bya ba la sogs pa ni/ rdo rje lu gu rgyud kyi las la sogs pa'i dus su/ bdag cag lha ru byin gyis brlabs/ khams gsum ril yang de las mi gzhan par byas te/ rkang pa'i bro thabs dang/ lag pa'i g.yeng ba dang/ sum pa ne zhes bya ba'i glu dang ro dang chas par bya ba'i ni/ thams cad thams cad ci 'dod par/ /thams cad thams cad byed pa yin zhes bya ba ni/ las dngos grub ci 'dod pa grub par 'gyur ro/ /mdzod ldan chen mo zhes bya ba ni ke ru la sogs pa ste dbang dang ci 'dod pa rgyas par byed do/ /spos mo chen mo ni pu ka si la la sogs pa ste/ zhi ba dang mngon spyod kyi las byed pa'o/ /gzhan ni go sla'o/ /ljon pa dang ni lcug phran tshal/ zhes bya ba la sogs pa ni/ las rnam bzhi'i yum ste sgyu 'phrul rdo rje las/ dkar mo bor chung skang chen la/ bzhin lugs gtsug phud g.yas su 'khyil/ /yan lag 'phra 'jam skad
- 186a
gsal cing/ /rlung dkar lcibs zhi ba bya/ /zla dang yan lag mang ba dang/ /'phra zhing bshad pa zabs su ring/ /bzhin lus ser zhing gru bzhir gnas/ /rna 'phyang sha dang nu ma rgyas/ /'phol ba'i dus su 'di dag gzung/ /bzhin mdog par 'dra sogs ka la/ /smin dkyus ring la stod smad tshad/ /lus dang chu klung dri zhim zhing bde ba ldan zhing yal ga med/ /'di ni sdud pa'i mchog tu 'gyur/ /nag mo gru gsum rtsid mgo ma/ /khro gnyer byis pa'i lus ldan zhing/ /gtum zhing brlang tshig 'jom bag med/ /gtsang sme'i rtog bral gsod par bshad/ /dang ba dga' ba chags pa dang/ khros bas ka li rab tu bya zhes bya ba ni/ las rnams bzhi'i bsam pa ste/ chos thams cad dang yid du mi 'ong ba'i dngos po rnams/ rang bzhin gyis mi gnas pa dang/ sbyor ba dang dangs par 'gyur ba kho na dang/ yon tan gyi dngos po rnams rang bzhin gyis gnas dang mngon du 'phel ba'o/ /bsgrub bya sems nyid las mi zhan pa dang/ mngon sum du zhen pa'o/ /sems rab tu 'khrugs shing 'jig par mos pa'i sems kyis las la sbyar ba'o/ /de nas de bzhin gshegs pa nyid la de bzhin gshegs pa nyid kyis sbyong bar gyur to/ zhes bya ba ni/ tshe ba'i tshad du yang 'gyur la/ dus phyi ma gnyis kyi de bzhin gshegs pa rnams la/ snga ma gnyis kyi de bzhin gshegs pa'i 'phrin las kyi rgyud dag par sbyong bar 'gyur ro/ zhes bya ba kho na'o/ /le'u nyi shu khong khrol du bshad pa'o// // de na khro bo'i dkyil 'khor la stong pa bstan pa'i phyir/ tshogs kyi dkyil 'khor gyis shin tu rngam pa'i mdangs kyis glu 'di blangs so zhes gsungs te/ rab tu rngam pa'i khro bo'i rang bzhin gyi dkyil 'khor rnams zhal khro tshul ldan pa'i
- 186b
'dzam? pa dang/ bcas pa ni rngam pa'i mdangs zhes bya ba ste/ nga ro dang chas pas stong pa'o/ /dang po sku la stong pa bstan pa'i phyir/ hUM gtum chen dus mdza' i me ltar 'bar/ zhes bya ba la sogs pa gsungs te/ hUM gi glu nyid ye shes rgyan gyi phyir/ mgo drangs pa'o/ /rngam pa'i choms gtum pa dang/ 'bar ba'i sku btum pa dang/ 'phrin las drag shul mdzad pa'i phyag gtum pa'i phyir chen po ste/ de lta bu'i sku la bzod par dka' ba'i me dpung bskal pa'i me ltar 'khrug pa'o/ /'od zer nyi ma 'bum gyis gzi zhes bya ba ni/ mun pa sel ba'i 'od zer gsal ba dang/ thabs mkhas pa'i 'od zer mang ba dang/ thugs rje chen po'i 'od zer gyis khyab ste/ de dag nyi ma 'bum dus gcig tu shar ba'i 'od lta bus thams cad zil gyis gnon pa'o/ /khro gnyer glog stong 'gyur ba bzhin zhes bya ba ni/ dbang du sdud pa'i khro gnyer bsdus pa dang/ zil gyis gnon pa'i khro gnyer bsgreng ba dang/ thabs mkhas pa'i khro gnyer sna tshogs su g.yo ba de dag glog stong lta bur 'khyug pa'o/ /mche ba zang yag za byed che to zhes bya ba ni/ skye shi rtsang gcod pa'i mche ba dkar ba dang/ gdug pa za byed kyi mche ba rtsa dmar ba dang/ rngam pa'i mche ba rab tu rno ba'o/ /ho ni de dag gis mnyes pa'i don to/ /gsung lnga la bstod pa/ hUM rngam pa'i nga ror 'brug stong ldir zhes bya ba ni/ gsung rngam par sgrogs pa'i drag po'i dbyangs 'jigs par drag pa'o/ /tug chem ri rab 'bum rnyil skad/ ces bya ba ni/ lha gshegs pa'i tug chem dang/ 'phrin las mdzad pa'i tug chem dang/ sprul pa 'khrug pa'i gtum chen mo/ /a a ha la'i gang rgyangs che zhes bya ba ni/ rngam pa'i gad mo a a/ gtum pa'i gad mo ha la/ dgyes pa'i gad mo ha ho/ dbyug pa'i mthor rlung g.yeng ba che ho zhes bya ba ni/ 'khor sdud pa'i dbyugs pa/ gdug pa 'dul
- 187a
pa'i dbyugs pa dang/ byin 'bebs pa'i dbyugs pa ste/ de dag la mthor rlung chen po byung bas khams gsum yengs par byed do/ /thugs la bstod pa'i phyir/ hUM khro bo'i shes rab 'od po che zhes bya ba ni/ khro bo nyid shes rab kyi ngo bo ste/ lta ngan ril mi dmigs par byed pa'i phyir de cis kyang mi sgrib par gsal ba'o/ /ye shes dkyil 'khor kun tu gsal zhes bya ba ni/ ye shes lnga yis shes bya ma lus par mkhyen pa'i phyir ro/ /rdo rje lta bu ye shes kyis snang ba thams cad kyang nyid las mi zhan par spyod pa'i phyir/ 'bar ba'i ye shes kun tu 'joms zhes gsungs so/ /sna tshogs ye shes thig le che zhes bya ba ni/ ye shes chen po bco brgyad la sogs pa rtsis las 'das pa rnams tha dad du gsal ba kun kyang mi gnas pa'i ye shes chen por ro gcig par ston pa'o/ /hUM khro bo'i rgyal po sprin chen po/ khros pa'i dkyil 'khor char chen 'bebs zhes bya ba ni/ yon tan bstod pa ste/ dkyil 'khor 'di dag gi yon tan gyi tshogs mang po las/ khro bo'i dkyil 'khor so so'i sprul pa dang chas pa bsam yas par gdul bya tha dad la snang bar mdzad pa'o/ /de dag mi zad pa'i phyir/ dkyil 'khor yid bzhin 'byung ba'i gter zhes gsungs so/ / sna tshogs 'khros pa'i thig le che zhes bya ba ni/ yon tan sna tshogs dang bcas pa'i khro bo rnams ye shes chen po'i khro bor ro gcig pa'o/ /'phrin las bstod pa'i phyir/ hUM bdud kun gyi ni bdag po ste/ /bdud kyi bdud sde bdud rnams 'joms zhes bya ba ni/ bdud bzhi ma lus par ma sdangs par dbang du byed pa ni bdag nyid chen po ste/ de'i phyir ru tra sde dang bcas pa bsgral zhing gnas par nas phyi rol tu 'phad bar snang ba ni bcom pa zhes bya'o/ /'jigs pa'i
- 187b
tshogs kyang 'jigs byed pa/ /'jigs byed chen po thig le che ho zhes bya ba ni/ thams cad kyang sdigs par snang ba'i mdzad pa ril/ ye shes kyi mdzad pa nyid las ma g.yos par rang snang ba'i phyir ro/ /rdo rje brag chen sra ba po/ /rdo rje chu bo sdud chen po/ /rdo rje ste 'bar ba ste/ /rdo rje rlung ste mthong rlung che ho zhes bya ba ni/ de dag gi mjug bsdus nas stod pa ste/ khro bo rnams ni mi phyed pa dang 'joms pa'i phyir rdo rje kho na ste/ de dag gi phyir dpe bzhis lta bur snang ba'o/ /de las dur khrod kyi 'byung ba bzhi po yang ye shes rdo rje'i ngo bor stod pa yang zhar la bshad pa'o/ /le'u nyer gcig pa mdor bshad pa'o// //de nas rgyud gnyis yongs su gtad cing mi nus par gzung ba bstan pa'i phyir/ de nas bcom ldan 'das dgyes pa chen po de bzhin gshegs pa nyid la sngags kyi rgyal po brtan par gzung ba 'di ched du brjod do zhes bya ba la sogs pa gsungs te/ thams cad nyid las mi gzhan pa nyid dang/ yongs su rdzogs par chud pa'i phyir gang la yang 'gal ba med pa kho na'o/ /rgyud gnyis ni ngo bo dang yon tan bshad pa rnams kyi don gyis/ rgyal po kho na ste/ de dag gzhan du mi 'gyur bar bya ba dang/ gzung bas mi nus pa ni brtan pa zhes bya ba kho na ste/ yongs su gtad pa gnyis las gdam pa bstan pa'i phyir/ kye kye phyogs bcu dus bzhi rang bzhin 'di/ de bzhin gshegs pa'i ngo bo nyid ces gsungs te/ nyid las mi gzhan pa'i phyir gus pas pa ste/ da ltar dang ma 'ongs pa'i de bzhin gshegs pa rnams la'o/ /tha snyad gnyis kyis bsdus pa ril gyi rang bzhin nyid ni/ 'bu ta bzhi bcu rtsa lnga'i sku dang ye shes su gsal nas gnas pa ni rang bzhin gsang ba'i snying po'i ngo bo nyid de/ nges pa'i lung kho na'o/ /de ni rang
- 188a
bzhin gyis gnas pa ste mi 'gyur bar gdams pa'o/ /da ni lam gyi rgyud yongs su gtad pa bstan te/ de dag gi dgongs pa bstan pa'i phyir/ gzung 'dzin spros la 'chel ba yis/ rnam rtog zhags pas so sor bcings zhes bya ba ni/ yin mod kyi ma rig pa'i bdag las byung ba'i gzung 'dzin gyis kun brtags pa gnyis la thog ma med pa nas goms pa'i 'dzin pas bcings pa dag bdag nyid ngo mi shes pa dag zhen pa grol ba grol ba nyid kyis mnyam du thar par 'gyur ba'i phyir lam gyi rgyud rnams gsungs pa'o/ /'o na lam du ma ni dgos pa med dor bar dogs pa la/ sa rnams khyad par bkod pa yang/ /gsang ba'i snying por 'gro ba'i lam/ /ye shes ngo mtshar rab 'byams kyis/ /don du mi 'gyur yod ma gsungs/ zhes gsungs te/ rang bzhin gsang ba'i snying po ni shin tu zab pas phal gyi yul ma yin yang lam rig par sbyangs pa rnams kyis nyong du rung ba'i phyir/ lam mdza' yas pa yang 'di nyid kyi khyad par las snang bar byas pa kho na'o/ zhes bya ba'o/ /yongs su gtad pa rnam pa gnyis las/ sdud pa po la rgyud kyi mtshan nyid brjod nas gtad pa bstan pa'i phyir/ de bzhin gshegs pa thams cad la/ /gsang ba 'di las gzhan mi mnga' / /zhes bya ba la sogs pa gsungs te/ rgyal ba thams cad kyi ngo bo nyid dang dgongs pa phyin ci log par mngon du bstan pa dang/ rang bzhin gyi rgyud 'di yin pa'i phyir ro/ /sgro dang skur pa zhi ba'i gsang ba'i snying po de kho na nyid de nges pa'i dbyings nas phyung zhes bya ba ni/ de lta bu'i rang bzhin gsang ba'i snying po nyid ci 'dra ba sgro skur med pa phyin ci ma log par ston pa ni/ gsang ba'i snying po de kho na nyid nges pa zhes bya ba lam gyi rgyud 'di kho na ste/ shes bya'i
- 188b
ming shes byed la btags pa'i phyir ro/ /rang bzhin gyi rgyud ni cig shos ril gyi 'byung khungs su gyur pa las 'di nyid mngon su snang ba ni phyung ba zhas bya ba ste/ nges pa'i lung las phyung ba'i phyir mngon du phyung ba'i lung ngo/ /de lta bu'i phyir sdud pa pos zung zhig par gtang pa'o/ /bsgrub pa po la mi nub par gzung bar gtad pa bstan pa'i phyir/ de nas de bzhin gshegs pa thams cad kyi phyag rgya gsang chen snying po 'di zhes bya ba la sogs pa gsungs te/ rgyud 'di rigs thams cad kyi bdag po'i gsung du phyung ba ni gsung gi phyag rgya'o/ /'dis mchon pa dang 'di'i ngo bo nyid dang 'di las mi 'da' ba' i phyir ro/ /rtogs nas smra bar gang byed pa/ de nyid nga yin dbang yan rdzogs/ zhes bya ba ni/ bshad pa nyid kyi phyir rgyud 'di nyams su lon nas mi nub par sgrogs pa ni ston pa nyid dang khyad par med pa'i phyir/ dbang lnga yongs su rdzogs pas nus pa chen po dang ldan pa'o zhes bya ba'o/ /de dag gi phyir de ni nges par lung bstan te/ sras ni thugs las skyes pa yin/ zhes gsungs te/ rang rig pa phyin ci ma log par rtogs pa'i phyir ro/ lung bstan pa gang snyam pa la/ sa rab rig pa 'dzin la gnas zhes gsungs te/ sgyu 'phrul rdo rje las/ rang rig ye shes rgyud don phyir/ /rang snang rig pas mngon byas pa/ /rigs 'dzin mchog ste lhun grub pa'o/ /ting 'dzin nus pa'i mthu med kyang/ /sa sbyong sems pas bskyed du med/ /bder gshegs nyid dang spyod yul gcig /rig pa'i skyes bu'i lung thob po'o zhes gsungs so/ /de bzhin gshegs pa thams cad dbyer med par dgyes nas zhes bya ba ni/ dus gsum gyi rgyal ba ril yang bde ba chen por cig par snang ba ni bsam gyis mi khyab pa'i dgyes pa zhes bya'o/ /dus bzhi mnyam pa nyid kyi dbyings
- 189a
sku gsung thugs lhun stug po bkod pa'i rgyan tu bzhugs so zhes bya ba ni/ dus bzhis bsdus pa ril rang rig pa kho na las gzhan pa med cing de nyid ngo bo ma grub par thams cad du ma 'gags par dang snang ba ni snang stong gnyis su mi byed pas ma brtsal ba'i sku gsung thugs kho na'o/ /de dag gi ngo bo nyid ni brjod pa las 'das pas mdza' yas pa ye shes kyi phyag rgya ste/ sel med pa sha stag gis yongs su gang ba ni til gyi gang bu ltar chos kyi dbyings kyi mdza' klas par gdal ba ste de dag kyang/ shin tu mdzes pa dang/ ngo bo nyid brjod par dka' bas lta bas mi ngoms pa dang/ thams cad du cir yang snang ba'i phyir/ rang rig pa rgyan kho na ste/ phan tshun ring du spangs pa kho na'o/ thams cad kyang de lta bu'i ngo bor gnas pa med pa'i tshul gyis gnas pa ni bzhugs pa ste/ 'di dag gi ngo bo nyid dang/ dgongs pa ni bzhengs pa dang/ bzhugs pa nam du yang mi dmigs pas/ rtag pa rnam pa gsum las ngo bo nyid rtag pa'o zhes lung du ma las gsungs so// //'phags pa rtag pa'i rgyal po zhes bya ba ni/ shes bya dang/ thabs dang/ dus dang/ 'bras bu la sogs pa lugs gzhan las khyad par du 'phags pa'o/ /ngo bo nyid dang/ 'khrul pa dang/ log pa dang/ rnam pa dang/ yang dag pa'i rtog pa la sogs pa las 'di dag ni/ yang dag pa la nges par byed pa'i phyir yang dag pa'i rtog pa'o/ /de'i phyir rgyal po zhes bya ba'o/ /gzhan ni go sla'o/ /'khor lo bskor ba de dag gi 'bras bu'i mchog ces bya ba ni/ bstan pa rnams ni bskor ba dang/ 'khor ba dag gcod pa'i phyir 'khor lo ste mang po spros pa de dag gi 'bras bu ni 'dir 'du ba ste 'bras bu rnams las kyang 'bras bur bgrod pa'i phyir mchog go mnyes pa dang
- 189b
yongs su gzung ba zhes bya ba ni mdzad pa yongs su rdzogs/ thams cad kyang dbyer med par dgyes pa'i phyir ro// //le'u nyi shu gnyis pa man ngag gi rim pas bshad pa'o// //bsod nams tshogs ldan sems nyid rang snang rang 'byung lhun rdzogs nyid snang yang/ snang skyen rgos ldan nor bus mtshon byed sgro bral lung gis mngon 'byin dang/ /snod gzhan sbas bzhag rang sgrib rtul yog ngan rtog rigs ngan ming las pa/ mtshon shel spang khab rna brgyud nyams bkrol rang ltas don gsal kun rtogs shog /'phags pa dpal gsang ba'i snying po zhes bya ba'i 'grel pa rin po che spang khab ces bya ba rdzogs so// //thugs dam 'di/ dbus pa gtan chung bas lus sems btud de bris pa'o// // #/ (/gsang ba snying po'i 'grel ba rin po che spar bka' sgeg pa rdo rjes mdzad pa/ slob dpon nyi ma'i 'od seng ges mdzad pa bzhugs//) // de bzhin gshegs pa thams cad kyi bdag po sangs rgyas thams cad kyi ngo bo nyid/ bcom ldan 'das dpal kun tu bzang po la phyag 'tshal lo/ /de bzhin gshegs pa yang dag par rdzogs pa'i sangs rgyas bcom ldan 'das longs spyod chen po phyogs bcu dus bzhis bsdus pa'i de bzhin gshegs pa thams cad kyi sku dang gsung dang thugs rdo rje'i bdag nyid ma lus mi lus lus pa med pa thams cad dang/ dpal kun tu bzang po'i sku gsung thugs rdo rje so so ma yin tha mi dad dbyar med de/ /gcig gi rang bzhin du gnas shing nyes pa'i dri ma thams cad dang bral ba'i sangs rgyas bcom ldan 'das des/ dang po nyon mongs pa'i sgrib pa la sogs pa thams cad ni spangs/ pha rol tu phyin pa la sogs te/ rnam par
- 190a
ngag pa'i phyogs kyi bsod nams kyi tshogs dang/ stong pa chen po bco brgyad la sogs te/ ye shes kyi tshogs la sogs pa'i 'bras bu sa bcu rim gyis bgrod nas/ sa bcu chos kyi sprin la rdo rje lta bu'i ye shes/ ye shes thams cad kyi mchog tu gyur pa des/ nyon mongs pa'i lhag ma ma lus par byas te/ sa bcu gcig chos kyi sku mngon sum du gyur nas gnas pa la/ chos kyi skus gzhan gyi don ni 'grub par dgongs nas/ gzugs kyi sku rnam gnyis kyis lha dang mi'i don mdzad pa'i tshul yang/ dang po 'og min gyi gnas su rnam par snang mdzad longs spyod rdzogs pa'i skus/ lha'i gnas su lha thams cad la theg pa chen po'i chos bstan pa'i sgo nas don mdzad do/ / de nas mi'i 'jig rten 'dul bar dgongs nas/ sprul pa'i sku de bzhin gshegs pa dang po dga' ldan gyi gnas nas/ 'phags pa'i lam yan lag brgyad kyi phyir/ yum lha mo sgyu 'phrul gyi lhums su gshegs pa dang pha rol tu phyin pa bcu dang sa bcu mthar phyin par bstan pa'i phyir/ blo gros chen po zla ba bcur yum gyi lhums su gnas pa dang/ dge ba'i myu gu bskyed cing byang chub kyi ljon shing rdzogs par bya ba'i phyir/ yum gyi lhums nas bltams pa dang/ byang chub kyi yan lag bdun dang ldan par bstan pa'i phyir/ phyogs bzhir gom pa bdun bdun las pad ma bdun bdun du gyur pa dang/ skyes bu rnam shed ga cag pa'i phyir/ gzhon nu rol pa mdzad pa dang/ gzhan gyi gcas ka gcag pa'i phyir khab bzhes nas sras lham pa dang/ 'khor ba'i chos las thag bsring zhing de la mi gnas par bstan te/ rab tu byung bar gzas na sangs rgyas mi bzhugs/ rab tu byung ba'i tshul 'dzin pa'i drang srong rnams
- 190b
ni/ rgyal po'i chad pas 'jigs pas mi nyan la/ gnyis su nal la ni mngon par shes pa lnga dang ldan pas/ sangs rgyas yin par cha yod pas sangs rgyas kyi byin mi gzod do/ /gsum du na gzhan de dag dag gcag pa'i phyir yin gyi/ sangs rgyas thams cad ni rab tu byung ba kho na'o/ /de nas rgyal bu nyid kyis dbang mi bza' ba'i phyir/ phyag g.yon pa ud pa la der byin gyis brlabs/ /g.yas pa ni a tsar 'dra mkhan du byin gyis brlabs nas rab tu byung ngo/ /de nas chu bo ne rany+dzA na'i 'gram na? dka' thub mdzad pa la rigs bzhi'i sangs rgyas kyis bskul nas zhus pas/ btags pa'i lus ni der bzhag nas/ ye shes kyi lus kyi ni 'og min du gshegs te/ don thams cad grub pa'i byang chub sems dpa' bya ba rdzogs pa'i skad cig mar gnas pas/ rang gi lus las 'od kyi rdzu 'phrul gyis nam mkha' i dbyings thams cad khyab par byas nas/ de bzhin gshegs pa thams cad yang gcig tu 'dus nas/ phyogs bzhi'i sangs rgyas kyis mngon par byang chub pa lngas byin gyis brlabs pas mngon par rdzogs par sangs rgyas so/ /gal te de ltar ma yin du zin na/ slob dpon med pa'i ye shes ni mi 'thad pa nyid kyi phyir te/ mtshan yang rdo rje dbyings chen por gsol lo/ /de nas yang shugs bzhin du ye shes kyi dbang gis babs nas/ ri rab ri'i rtse mo rdo rje dang nor bu la sogs pa'i khang par byon nas/ de kho na nyid 'dus pa'i sde la sogs pa yo ga'i theg pa chen po rnams bka' stsal to/ /de nas phyag na rdo rjes zhus pa/ bcom ldan mi yul gshegs nas kyang/ dgongs phyir sems can kun gyi don/ /rdo rje 'khor lo mchog skor zhing/ /mgon po rab tu bskor bar mdzod/ /de bzhin du spyan ras gzigs dbang phyug gis kyang gsol ba btab pa/
- 191a
pad+ma'i 'khor lo bskor du gsol/ /rdo rje rin chen gyis kyang nor bu'i 'khor lo'i bar ro/ /rdo rje las kyis ni rgya gram 'khor lo bskor bar gsol ba btab po/ /de ltar zhus pas dpal rdo rje sems dpa' lho'i 'dzam bu gling rgyal po in tra bo ti'i khang bzangs rab tu dang ba'i nang du byon no/ /de'i tshe rgyal po chen po'i rmi lam na dpal rdo rje sems dpa' rang gi khang bzangs su byon pa rmis nas/ de nyid du sad par gyur pa las bltas na/ dpal rdo rje sems dpa' 'od kyi dkyil 'khor dang bcas par gda' nas/ zhabs kyi pad+ma la phyag 'tshal te/ mchod cing bstod de bkur ro/ /de nas dpal rdo rje sems dpa' gsang ba'i dbang dang/ gsang ba'i rgyud sde thams cad bshad pas/ sa gnyis pa ye shes dri ma med pa'i ye shes mngon du gyur to/ /de la zhu ba gsol ba'i zhus pa'i 'khor lo chen po rnams kyang ston pa gang gis byed pa'i rgyud thams cad do/ /yang na rgyud re re la yang 'dod chags zhe sdang gti mug nga rgyal phrag dog 'dul ba'i shas su gnas so/ /de la dpal gsang ba'i snying po 'di la yang/ phung po khams dang skye mched la sogs pa'i rang bzhin ston pa'i phyir gti mug 'dul ba/ thabs dang shes rab kyis rang bzhin ston pas 'dod chags 'dul ba/ drag po ru tra la sogs pa 'dul bas zhe sdang 'dul ba/ de bzhin du de nyid nga rgyal dang phrag dog la rnam par dag par byed par yang mngon no/ /de nas bcom ldan 'das kyis nga mya ngan las 'das nas lo nyi shu rtsa brgyad lon nas/ gsang ba'i rgyud sde/ thams cad phyung la/ khungs ni lha yul du babs par ston/ /bka' nyid dang mi 'gal ba'i phyir ni/ dpal phyag na rdo rjes byin gyis brlabs kyis mthu bstan to bar ston cig pa'o/ /
- 191b
'di ltar mi yul du bka' stsal ba legs na/ 'og min smos pa ci'i phyir zhe na/ de ni khungs gsangs kyis dogs pa dang/ rnam cig du/ gang gi tshe 'og min du gsang sngags rdo rje'i theg pa 'chad par gyur pa de'i tshe de'i dus na mi'i yul du yang gsang sngags rdo rje'i theg pa 'chad par 'gyur bar ta tha a ba lo ki ka ra las gsungs yang rgyud gsang sngags thams cad ni/ /'og min gtsor smos pa yin la/ /'dir yang rang bzhin gyi 'og min dang/ rig pa'i 'og min gtsor smos pa yin no/ /de ltar sngon 'byung lo rgyus kyang bcom ldan 'das nyid kyis kyang dam pa'i chos las gsungs pa/ nga ni mya ngan 'das 'og tu/ /lo ni brgya dang bcu gnyis na/ /bstan pa'i snying po dam ba zhig /lha gnas gsum du grags pa ste/ /phyag na rdo rjes mthu ston cing/ /mthun pa'i ye shes rang snang ba'o/ /zhes gsungs so/ /de ltar slad kyis btags pa'i lus la/ ye shes kyi sku zhugs nas mdzad pa rdzogs nas/ sangs rgyas mya ngan las 'das nas/ lo nyi shu rtsa brgyad kyi dus su phyin pa dang/ ku ku ra tsa zhes bya ba'i dge slong grub pa po zhig byung ste/ nyin mo ni khyi rnams la chos ston mtshan mo ni gyi rnams lha mor byin gyis brlabs nas/ thabs dang shes rab kyi longs spyod mdzad pa des/ dpal 'phreng dam pa dang/ dpal gsang ba 'dus pa dang/ dpal gsang ba snying po la sogs pa gnang ba ltar phrad kyang go ni mgo /de nas yang dang yang du ting nge 'dzin la bzhag cing/ nyin par ni yang dang yang ltas/ mtshan mo ni ras dri ma med pa'i nang du dril nas/ rin po che'i sgrom du bcug ste/ dpal rdo rje sems dpa' nyid bsgoms pa las/ lhas byin gyis brlabs pa'i rmi lam na/
- 192a
rang gi gnas khang du dpal rdo rje sems dpa' yang bzhugs/ dam pa'i chos de dag kyang mngon sum du gyur pa snyam byed nas/ sad pa dang bltas na dpal rdo rje sems dpa' mi gda' yis kyang/ dam pa'i chos de dag ni mngon du gyur te/ dpal dpal 'phreng dam pa'i 'grel pa mdzad de/ de nas dam pa'i chos 'di dag bstan cing bshad par bya na/ snod dang las 'phros ldan pa su yod ces ting nge 'dzin gyis brtags na/ 'phags pa yongs su gnang ba'i rgyal po in tra b+ho ti la gzigs so/ /la la na re in tra b+ho ti ni de'i dus su 'das te/ de'i sras shAkya pu ti la bstan zhes u rgyan gyi yi ge las byung ngo/ zhes so/ shAkya pu tis sras mo 'gu na de byi la bstan te/ de dag kyang 'khor stong stong 'phur zhes so/ / de yang ston pa mya ngan las 'das kyi 'og tu/ rgyud thams cad kyi dbu la/ phun sum tshogs pa lnga dang/ gzhug tu mngon par bstod pa yang thegs shig ces gsungs pas na/ de'i 'og tu phun sum tshogs pa lnga smos te/ ci'i phyir zhe na de ni shes rab can dang gzhan dang gzhan dag na re/ khyod kyi rgyud 'di'i ston pa ni su/ sdud pa ni su/ gnas pa ni gang/ 'khor ram che gzhi ni su yod ces pa'i rtag pa'i blo sngon du btang ba de bsal ba'i phyir/ phun sum tshogs pa lnga brjod par bya ste/ ston pa phun sum tshogs pa ni/ theg pa chung ngu'i ni bcom ldan 'das shAkya thub pa la/ mdo sde'i theg pa dang pha rol tu phyin pa'i theg pa yang bcom ldan 'das shAkya thub pas gsungs pa'o/ /kri ya ni shAkya thub pas gsungs pa yod/ de'i byin gyis brlabs kyis phyag na rdo rjes gsungs pa yang yod/ yo ga ni rnam par snang mdzad rdo rje dbyings chen pos gsungs pa yod/ shAkya thub pas gsungs pa yang yod do/ /ma hA yo ga'i rgyud gang dang
- 192b
gang ston pa de dang de nyid kyi 'dul thabs kyis rdo rje sems dpa' dang/ byang chub kyi sems rdo rje lta bu dang/ rnam par snang mdzad chen po dang/ bud med sgyu 'phrul la sogs pa/ ston pa don gcig na yang/ rgyud re re la gdul bya'i dbang gis/ mtshan dang sku mdog gi rim pa so sor ston pa'o/ /de las rgyud 'di'i ston pa phun sum tshogs pa ni/ de bzhin gshegs pa thams cad kyi sku dang gsung dang thugs rje'i ngo bo/ chos kyi sku'i rang bzhin phyogs bcu'i de bzhin gshegs pa rdul phra rab snyed las bzhengs su gsol ba'i bdag nyid/ bcom ldan 'das dpal kun tu bzang po la shes par bya'o/ /gnas phun sum tshogs pa ni/ theg pa chung ngu'i bar na ser dang/ mdo sde'i theg pa chen po rnams kyi bya rgod phung po'i ri la sogs pa dang/ kri ya'i dur khrod bsil ba'i tshal la sogs pa dang/ yo ga'i ri rab ri'i rtse mo la sogs pa dang/ rdo rje dbyings kyi khang bzangs la sogs pa dang/ ma hA yo ga'i 'og min rnam gnyis so/ /de la 'di'i rang bzhin gyis mthu dang dbus med pa dang/ rig pa'i 'og min la shes par bya'o/ /rgyud phun sum tshogs pa ni rgyud gang dang gang 'dra bar/ 'di skad ces pa nas/ mjug rdzogs pa'i bar la shes par bya'o/ /'dir yang 'di skad ces pa mjug rdzogs pa'i bar la'o/ /sdud pa phun sum tshogs pa ni/ theg pa chung ngu'i dga' bo dang nye bar 'khor la shes par bya'o/ /mdo sde theg pa chen po ni byams pa la shes par bya'o/ /gsang ba nang gi phyag na rdo rje la lhur shes par bya'o/ /'di'i dus su don du bdag dang tha mi dad na yang kun rdzob tu myu gu dang/ grib ma'i tshul du rdo rje gsang ba la shes par bya'o/ /'khor phun sum tshogs pa ni/ theg pa chung ngu'i tshe dang ldan pa rnams dang/ theg pa chen po'i ni byang chub sems dpa' byams pa la sogs pa 'khor rnam bzhi la bya/ yo ga'i ni ye shes kyi byin brlabs las skyes pa'i sems dpa' chen po rnams dang/ gsang
- 193a
ba nang gi dam tshig rdo rje la sogs pa dang/ lha mo bde mchog la sogs pa la bya/ 'di'i dus su don du bdag dang tha mi dad na yang/ kun rdzob tu lus dang yan lag ltar rnam par snang mdzad gzugs kyi rgyal po nas/ mtshan ma'i rnam pa gsum dag pa'i bar du'o/ /de ltar phun sum tshogs pa lnga dang ldan nas/ 'phags pa'i bka' yang dag pa'i chos yin par yid ches par 'gyur ro/ /de la yang dag pa'i dad pa dang ldan pa rnams ni dgos 'brel lnga brjod mi dgos te/ gzhung la 'jug par 'gyur te/ yang dag pa'i dang ba dang mi ldan pa rnams ni/ 'di'i don ci lta bu yin dgos ched ci yod ces rtog pa'i blo sngon du 'gro ba rnams kyi rtog pa bsal ba'i phyir/ dgos 'brel rnams brjod par bya ste/ de la rgyud 'di'i brjod pa ni ci/ brjod par bya ba ni ci/ 'brel pa dang/ dgos pa dang/ dgos pa'i yang dgos pa'o/ /dgos 'brel 'di rnams med na/ shes rab dang ldan zhing chos kyi rjes su 'breng ba rnams dad par mi 'gyur bas/ de rnams brjod par bya'o/ /de la rgyud 'di'i brjod pa ni/ gsang ba'i snying po'o/ /de yang nam mkha' i dbyings bzhin du rtag par bzhugs pa'i dpal kun tu bzang po nyid de/ de ni brjod par bya ba'o/ /de ni rtogs par byed pa'i yi ge sgras brtags pa'i ming gi tshogs la brten pa'i tshig gis rab tu mtshon te/ ston pa rdo rje sems dpa' i thugs la gnas ba'i don gab cing sbas pa thams cad 'byin cing gsal bar mdzad pa'i tshig thams cad brjod par byed pa nyid do/ /de la yang tshig dang don te/ tshig gi sgo nas ni nyan thos la sogs pa dang thun mong du ma gyur pa'i tshig sbas pa dang/ yi ge sbas pa la sogs pa la gsang ba zhes bya bar bsnyad pa yin la/ don gyi sgo nas ni rang bzhin gyi dkyil 'khor dang/ gsang ba byang chub sems kyi dkyil 'khor gyi sgo nas 'grel ba yin te/ de yang rang bzhin gyi dkyil 'khor na g.yo ba dang mi g.yo ba'i bdag
- 193b
nyid dpal kun tu bzang po nyid de/ 'khor ba'i chos 'khrul pa thams cad ma lus par mya ngan las 'das pa'i dkyil 'khor nyid du yongs su dag par gnas pa ste/ de ltar le'u bcu gsum pa las/ rang bzhin gsang ba'i don rnams ni/ zhes gsungs pa'i don/ dkyil 'khor ldan pa'i dkyil 'khor gyis/ dkyil 'khor la ni dkyil 'khor bsgom zhes pa dang/ rang bzhin dang byang chub sems gnyi ka'i don bstan pa/ 'byung ba shes rab rigs kyi yum/ /chen po rigs kyi de bzhin te/ /dbang po yul dus rig pa rnams/ /byang chub sems dpa' i dkyil 'khor mchog /kun bzang chen po'i dkyil 'khor la/ /bdag nyid chen po lhag pa yi/ /thugs kyi ye shes lngas blta zhing/ zhes gsungs te/ ji snyed pa'i chos thams cad nyid kyi dkyil 'khor du dgongs pa'o/ /rang bzhin gyi dkyil 'khor gyi sgo nas snying por brjod pa ni/ gar pa zhes pa'i sgra ni 'dus pa'i snying po yin la/ sar zhes bya ba'i sgra ni 'phro zhing 'byung ba'i gnas su bstan/ /de ltar yang gsungs pa/ 'dul ba mdo sde chos mngon dang/ dam tshig bsgrub dang grub pa dang/ sku dang gsung dang thugs kyi rgyud/ /phyogs bcu kun tu rab grags pa/ /gsang ba'i snying po las 'phros te/ rang bzhin gsang ba'i snying po 'di/ /sde snod kun dang rgyud kun gyi/ /'byung gnas gtan la nges par 'bebs/ zhes gsungs te/ thams cad kyi 'byung gnas su bstan to/ /gsang ba byang chub sems kyi phyag rgya chen po bzhi dang ldan pa'i sgo nas/ gsang ba dang snying por brjod pa ni/ gsang ba ni yum kun tu bzang mo'i ba ga e gru gsum chos kyi 'byung gnas yum gyi pad+ma la bya'o// snying po ni pad+ma de'i snying po nas byang chub sems zla ba'i dkyil 'khor chu zla lta bu'i ngo bo zla ba ltar dag cing dkar bar gnas so/ /de dag gi don yang gsungs pa/ dkyil 'khor gyi dkyil 'khor las byung ba/ thugs kyi dkyil 'khor dkyil 'khor
- 194a
mchog/ gsang ba'i dkyil 'khor thig le'i dbyings zhes gsungs pa dang/ don dam pa lta bu'i ngo bo zla ba ltar dag cing dkar ba'i tshul du/ 'byung ba shes rab rigs kyi yum zhes bya ba la sogs pa gong du smos pa dag ste/ rdzogs pa'i dkyil 'khor las thugs rje'i dkyil 'khor yongs kyis 'byung bar bstan pa yin te/ sgyu ma sprul pa'i dkyil 'khor las ma rtogs shing/ log par rtogs pas ma rig pa'i 'dam du bying zhes bya'o/ /de kho na nyid kyi don yang rgyu dang 'bras bu'i khyad par gyis/ rang bzhin dang gsang ba dang byang chub sems kyi dkyil 'khor gyi sgo nas 'grel pa ste/ de la rang bzhin gyi dkyil 'khor gyi rgyu'i de kho na nyid do/ /skye ba med pa'i dbyings chos nyid byang chub kyi sems so/ /'bras bu'i de kho na nyid ni dpal kun tu bzang po nyid de/ ngo bo nyid dang chos dang/ longs spyod rdzogs pa dang/ sprul pa dang/ rang bzhin gyis 'od gsal ba'i sku'i dkyil 'khor la gnas shing/ phyogs dus kyi dkyil 'khor thams cad lhun gyis grub pa ste/ ye shes rin po che'i dbu rgyan gyi khyad par gyis kyang brgyan pa ste/ de ltar yang gsungs pa/ dkyil 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyun du dkyil 'khor ma lus thogs zhes bya ba la sogs pa gsungs pa'o/ /gsang ba byang chub sems kyi rgyu'i de kho na nyid ni/ gsang ba byang chub sems kyi yi ge phreng ba dang bcas pa la bya ste/ ci'i phyir na/ thabs dang shes rab dgyes sprin byang chub sems tshogs rgyu 'khor lo zhes gsungs pa'i phyir ro/ /'bras bu'i de kho na nyid nis byang chub sems zla ba'i dkyil 'khor gyi rgyu'i yi ge 'bru las grub pas/ /'bras bu'i de kho na nyid rgyal ba bzhi bcu rtsa gnyis la shes par bya ste/ de ltar yang gsungs pa/ 'bras bu rgyal ba smin grub ngo mtshar ming tshogs bzhi bcu gnyis zhes gsungs pa'o/ /de ltar 'dus
- 194b
ma byas nyid 'dus byas rdo rje dbyings kyi dkyil 'khor 'byin pa'i dam/ 'da' bar mi mdzad dbang med rgyu rkyen tshogs pa'i mthu chen yin ho zhes gsungs so/ /de ltar rgyu dang 'bras bu'i khyad par la sogs pa/ theg pa chen po'i yang chen po rdzogs pa chen po'i lung pas/ bcom ldan 'das kyis gsungs pa'i nang na yang/ nges pa'i don gtan la phab pa'i sta/ ces pa'i tha tshig pas nges pa'o zhes gsungs pas/ des ni rgyu dang 'bras bu dang theg pa chen po nyid nges pa'i don du brjod pa yin no/ /'di'i don rtogs par byed pa ni rdzong par byed pa'o/ /thabs dang thabs las byung ba'i mtshan nyid du gnas pa ni 'brel pa'o/ /ma rig pa'i sems can gab pa'i gsang ba ma rtogs par/ sbas pa'i gsang ba la mngon par mchal te/ srid pa'i sa bon rtsub mos 'phangs nas sdug bsngal sna tshogs nyams su myong ba'i sems can chen po dang/ des nyen pa'i sems can rnams dbugs 'byin par mdzad pa ni dgos pa'o/ /mi gnas pa'i mya ngan las 'das pa'i ye shes dpal kun tu bzang po'i go 'phang thob par byed pa ni/ dogs pa'i yang dgos pa'o// //da mi le'u nyi shu rtsa gnyis pa'i don bla ma'i man ngag gis bshad par bya ste/ de la yang rgyud gzhan gyi lugs kyis ni/ zhu ba pos zhus nas ston pas bka' stsal rgyu yin pa las/ 'dir zhu ba po ma smos pa ci'i? phyir ? rgyud 'di'i don rang bzhin rdzogs pa chen po'i gnas skabs las gang yang dbyer med par ston pa'i phyir zhu ba po dang ston pas so sor ma phye ste/ 'di skad bshad pa'i dus zhes smos so/ /de gsang ba'i rgyud mdza' dag dkrugs pa ni mu stegs pa la phan pa'i? phyir te/ ? ? ? pa'i don du/ sangs rgyas? btsun mo rab tu gsal zhes bya ste de/ snod ma yin par bas so/ /gnyis su na dad pa'i rjes su mi 'brang zhing shes rab kyi rjes su 'brang ba rnams slob dpon dang slob bu'i 'brel pa yod par bya ba'i phyir yang
- 195a
dkrugs nas gsungs so/ /de la dang po gsang sngags kyi lugs kyis/ dam tshig dang sdom pa sngon du 'gro ba yin pas/ le'u bcu dgu pa las dam tshig gi sdom pa rnam par dag pa rtsa ba dang yan lag tu bcas pa gsungs so/ /de nas ma rig pa'i sems can phyin ci log la gnas pa la/ gnyis su med pa'i thugs rje chen po skyes nas/ phyogs dus dkyil 'khor bdag nyid che zhes pa'i don gyis yud tsam gyis ting nge 'dzin gyis bdag nyid dpal kun tu bzang po gnas par byas la/ 'og gi phyogs su ye shes kyi sa gzhi bskyed nas/ le'u bdun pa sngags kyi le'u las b+h+ruM zhes pa 'am/ le'u drug pa dkyil 'khor spros pa las ye shes kyi phyogs bzhi zhes pa'i don gyis/ gzhal yas khang bskyed la/ seng ge glang chen la sogs pa'i gdan gting la/ nyi zla'i dbus su mnyam pa'i dkyil 'khor skyil mo krung gi gnas nas/ le'u gnyis pa byang chub sems ye shes su bskyed pa'i don gyis stong pa chen po'i ye shes cho ga dang po bsgoms la/ de'i ngang las le'u bzhi pa las gsungs pa'i rab tu brtan pa'i a'i ngo bor rang gi sems bsgoms nas/ de'i 'phro 'du rdzogs pa dang nyi zla'i dkyil las/ A li dang kA li bkong nas mtshan dang dpe byad dang/ lha dang lha mo'i sa bon nyi zla brtseg ma ni cho ga gnyis pa ste me long lta bu'i ye shes so/ /de dag 'dus nas 'od kyi gong bur gyur pa ni mnyam pa nyid kyi ye shes so/ /'od kyi gong bu las hUM du gyur pa nas hUM gi rgyu mthun pa'i 'bras bu rdo rje rtse lnga par byin gyis brlabs pa'o/ /cho ga bzhi pa ste so sor rtogs pa'i ye shes so/ /de las rnam par thar pa'i dgu gsum dang ldan pa ni dpal kun tu bzang po'i skur bskyed pa ni cho ga lnga pa ste bya ba nan tan gyi ye shes so/ /de ltar yang gsal ldan ma zhes pas yum bskyed la/ de ltar yab yum
- 195b
bskyed pa de/ le'u gnyis pa las/ rdo rje phung po zhes bya ba la sogs pa'i don gyis/ bdag yab yum gyi phung po dang khams dang skye mched lha ru rnam par dag par gsungs so/ /le'u bcu gsum pa las gsungs pa'i dkyil 'khor ldan pa'i zhes bya pa la sogs pa'i don gyis/ thabs dang shes rab gnyis su med pa'i byang chub sems zla gsang thig ler gyur pa dang/ le'u bcu gcig pa tshogs kyi dkyil 'khor las gsungs pa'i/ bsnyen bsgrub rnam bzhi la sogs pa'i don gyis lhag pa'i byang chub sems las 'phags pa mchod pa dang/ sku gsung thugs kyi dngos grub thob par bya ba'i phyir rang nyid longs spyod pa dang/ gsang ba'i dkyil 'khor du 'gro ba bsgral zhing dbang bskur ba dang/ de zla ba'i dkyil 'khor de nyid las/ le'u bzhi pa'i zla ba'i dkyil 'khor las gsungs pa'i/ /thabs dang shes rab dgyes/ sprin zhes bya ba la sogs pa'i don gyis/ zla ba'i dkyil 'khor la a yig dang ka yig bkod de/ de 'phro 'du mthar thug pa gsang ba dang/ sprin dang sprin bye ba ltar so so'i sku phyag rgya gsal bar bskyed nas/ le'u bdun pa las 'byung ba'i badzra drig ces bya ba la sogs pa'i sngags kyis phyir phyung la/ phyi'i dkyil 'khor du dgod par bya'o/ /oM e ha hya bi ga bAn zhes bya ba la sogs pas snyan gsan bya zhing gsol ba btab pa dang/ ye shes rgyal po'i dbyings kyis bskul nas gsang ba'i dkyil 'khor dang dbyer med par gyur nas/ shu na me ta zhes bya ba la sogs pas dbang bskur bar bya'o/ /phyi'i dkyil 'khor la blo yangs su dgod pa dang/ ting nge 'dzin gyi stsal sbyang ba'i phyir/ dgu pa gsang ba dam tshig gi le'u las phra mo'i ting nge 'dzin gsungs so/ /yang blo nyams chung ba bying gis dgos pa'i ting nge 'dzin gyi rtsal sbyang zhing bsod nams kyi tshogs bsags pa'i phyir/ dgu pa gsang ba dam tshig gi le'u las
- 196a
mchod pa'i phyag rgya gsungs pa dang/ le'u bcu bzhi pa las gsungs pa'i glus bstod pa gsungs so/ /de tsam bdag gi don phun sum tshogs pa'i mtshan nyid du gnas so/ /de lta bu'i dkyil 'khor dang rdul tshon gyi dkyil 'khor gsungs pa la/ yon tan dang tshad du ldan pa'i slob ma 'jug par bya ba ni/ slob ma'i tshad ni rgyud las/ dad dang brtson zhes bya ba la sogs pas brtag par bya'o/ /dam tshig sbyin pa yang dam tshig dang sdom pa'i don le'u bcu dgu pa las rtogs par bya'o/ /mtshan ma ngan pa thams cad zhi bar bya ba dang/ bsod nams kyi tshogs bsag pa'i phyir/ le'u dgu pa las sbyin sreg gi cho ga las shes par bya'o/ /de nas le'u bcu dgu pa las rgyal po sbyin pa'i don gyis dbang sbyin par bya'o/ /slob ma'i las ni le'u bcu gcig pa tshogs kyi dkyil 'khor gyi le'u las shes par bya'o/ /'phrin las kyi yon tan gyi don la sogs pa ni/ le'u bcu gnyis pa tshogs bsgrub pa'i le'u las gsungs pa'i ste/ de la sogs pa ni gzhan gyi don phun sum tshogs pa'i mtshan nyid do/ /khro bo'i dkyil 'khor ni phal dkyus ma bzhin du gnas te/ don 'ga' tsam gyi sgom khog gi rim pa las shes par bya'o/ /da ni sdud pa pos bcom ldan 'das kyi mthun par rgyud kyi gleng gzhi mdzad par bla ma'i man ngag gis bshad par bya ste/ de yang 'di skad bshad pa'i dus na zhes bya ba la sogs pa la/ 'di skad ces pas rgyud phun sum tshogs pa bstan to/ /'di'i ci'i phyir rgyur phun sum tshogs pa bstan zhe na/ 'di ? ? smras des mgo gzhu gi don rdzogs par bstan pa'i phyir/ rgyud phun sum tshogs pa bstan to/ /de yang dag par sdud par byed pa rdo rje gsang bas rgyud kyi don mdza' dag rang gi sems la bkod nas
- 196b
bskyed pa dang phri pa spangs pa'i phyir te/ de ltar yang gsungs pa/ sgro dang skur pa zhi ba'i phyir/ /rang bzhin gsang ba'i snying po zhes smos pa'i phyir/ bdag gis zhes pa ci'i phyir ma smos she na/ rgyud gzhan la smos pa'i 'phags pa 'jam pa'i dbyangs dang byams pa la sogs pa'i theg pa chen po'i sdud pa por grags pa de dag gis bsdus pa las/ 'di ni bdag gis thos zhes zer na/ 'dir bdag kyang ma smos thos pa yang ma smos pa ni/ 'phags pa 'jam pa'i dbyangs dang/ byams pa la sogs pa las rdo rje gsang ba khyad par du gyur pa ma yin na yang/ bcom ldan 'das kyis gsungs pa'i gdul bya'i gnas skabs kyi rim pa yin pas/ 'on tang na bdag gis thos so zhes ma yin ma smos na yang 'gal ba med do/ ci'i phyir na bdag gis so sor phye na ni/ ston pa'i bka' yang dag pa dang 'gal te ci ste na/ de nyid gzhan gnyis ni 'gal ba'i phyir te/ gnyis su med pa'i ye shes ni gnyis kyi rnam par 'byung bar mi 'gyur te/ de skad du rang bzhin las ni yod pa dang/ med par rig pa ma yin te/ /phan tshun du ni 'gal bas na/ /yod med gnyis su ga la rung/ /gal te rang bzhin gyis yod na/ /de ni med par nyid mi 'gyur/ /rang bzhin gzhan du 'gyur bar ni/ /nams kyang thar bar mi 'gyur ro/ zhes gsungs pa'i phyir ro/ /de la 'di'i don gsang ba'i snying po ste/ rang bzhin rdzogs pa chen po'i dkyil 'khor du/ ci snyed pa'i chos thams cad ye nas sangs rgyas par bstan to/ /der brgal ba/ ci snyed pa'i rang bzhin rdzogs pa chen po'i dkyil 'khor du ye nas sangs rgyas par bstan pa yin na/ nam mkha' i skar ma ci snyed cig yod pa las khyad par du gcig cig kho na la smra ba ltar/ 'di zhes bya ba 'gal lo/ /de ltar yin gyis kyang zla ba mdzub mos mtshon pas mdzub mo'i rtse mo la/
- 197a
zla ba yod pa ma yin na yang/ de'i phyogs su mtshon pa'o/ /de ltar 'dir yang zhes pa'i tha snyad phra mos 'khor ba'i chos ci snyed pa thams cad/ rang bzhin rdzogs pa chen po'i dkyil 'khor gyi ngo bo nyid du mtshan nyid gcig cing dbyer med par bstan pa yang/ tha snyad 'phra mos phyogs kun mtshon pa 'dra'o/ glang po che'i rgyus la mkhas pa'i mi la glang po che'i sna gcig pu tsam bstan na/ 'di glang po che yin no zhes smras na sna de glang po che yin nam/ 'on te sna ma yin pa gzhan cig glang po che yin/ lan btab pa/ sna yang glang po che ma yin la/ sna ma yin pa yang glang po che ma yin/ de bzhin du rgyud 'di'i tshig gi tha snyad 'phra mo yang rang bzhin rdzogs pa chen po'i dkyil 'khor ma yin/ de ma yin ba gzhan yang ma yin no/ /skad tshig du bshad ces pa/ /dpal kun tu bzang po'i tshig dang don yongs su dag par bshad pa'i dus na zhes bya/ brgal ba/ skad tshig ni sgra'i tha snyad yin pas 'gal te/ rang bzhin rdzogs pa chen po'i don ni/ don dam par brjod du med pa'i chos nyid byang chub sems kyi rang bzhin du la/ kun rdzob tu brjod pa las 'das pa'i dkyil 'khor de bzhin gshegs pa thams cad dang/ 'khor ba'i chos su bstan pa thams cad ye nas sangs rgyas pa'i ngo bo nyid du gcig pa'i mtshan nyid yin pas/ 'khor ba dang mya ngan las 'das pa thams cad dbyer med pa las/ skad sgra'i tha snyad du bstan pa lags so/ /yang gnyis su na rang bzhin rdzogs pa chen po'i dbang du bshad bya ba yang mi rung la/ 'di skad bya ba yang 'gal lo// ci'i phyir zhe na/ 'di skad ces smos pa dang/ gzhan las 'ongs pa'i tshig tu snang la/ bshad ces byas dang/ bshad pa'i skyes bu yod pa dang/ nyan pa'i slob bu yang yod pas 'gal lo/ /de ltar yin gyis kyang tha snyad de tsam la brten
- 197b
du mi rung zhes bya/ yang gsum ni/ de bzhin gsung mchog mi smra ste/ sku yis chos rnams mjal bar ston/ zhes pas kyang/ skad sgra'i tha snyad dang 'gal lo/ /ci'i phyir zhe na/ de bzhin nyid kyi/ dbyings kyi dkyil 'khor la/ skad sgra'i tha snyad kyis bshad bya ba 'gal lo/ /de ltar yin gyis kyang/ de bzhin nyid brjod du med pa las/ yi ge med dang rig pa'i gsung/ ljags kyi rtse mor ma byung yang/ /thugs rje gsung gi byin brlabs kyis/ /brag ca'i sgra bzhin du bcom ldan 'das kyi dbang gis de ltar snang ba'i phyir ro/ /rgya che ba'i tshig yongs su dag pa ni tshig sgra'i tha snyad las 'das kyang/ gsung gi rdo rje brjod pa mang pa'i sgo nas/ /brag ca'i sgra bzhin du bcom ldan 'das kyis bshad pa'i phyir ro/ /rgya che ba'i don yongs su dag pa ni/ 'khor ba mya ngan las 'das pa gnyis su med par ston pa ste/ don dam pa'i don dam par ni/ skye ba med par ston pa dang/ don dam pa'i kun rdzob tu ni chos thams cad rang bzhin rdzogs pa chen po'i dkyil 'khor du/ ye shes sangs rgyas pa'i ngo bo nyid du bshad pa ni don yongs su dag par bshad pa'o/ /zab mo'i don gyi sgo nas ni e baM zhes bya ste/ de la e ni e gru gsum chos kyi 'byung gnas kun tu bzang mo'i b+ha ga ste/ yum gyi pad+ma/ paM ni rdo rje dpal kun tu bzang po'i rang bzhin te/ de ltar dpal kun tu bzang po dang yum kun tu bzang mo gnyis thabs dang shes rab tu ldan pa'i dus der bshad ces bya'o/ /de la bshad ces pa ni rgyud gsang ba'i snying po 'di'i don dang/ rang bzhin ci ltar bshad ce na/ ye shes lnga dang rigs lnga ni cho ga chen po lnga'i rang bzhin du bshad ces bya'o/ /de yang thos zhes bya ba ni/ ston pa dang 'khor so so na yod pa ma yin la/ bshad ces pas 'khor dang ston pa gnyis su med par bshad pa yin la/ de ltar na 'khor dang ston pa gnyis su med par ma zad de/ 'khong ba dang mya ngan las
- 198a
'das pa'i chos thams cad dpal kun tu bzang po'i rang bzhin du dbyer med par khyad par du bstan pa'i phyir te/ de ni rgyud gang dang gang thun mong ma yin pa'i phyir ro/ /dus zhes bya ba kun rdzob kyi dbang du theg pa chung du ba na re/ dus bzhi kho na la ni 'di ltar bzhugs pa ma yin te/ ston pa thugs rje che ba'i rang bzhin las/ dus dang rgyud dang gnas kyang/ gzhan dang gzhan la yod pas gcig tu mi 'chad do/ /ma hA yo ga'i dbang du na/ sa ma ya zhes smos pa'i sgras/ thabs dang shes rab tu ldan pa'i dus der bshad ces bya'o/ /shin tu rdzogs pa chen po'i dbang du ni/ dus na zhes pa/ bcom ldan 'das ni ci dang ci ltar mdzad kyang/ dus bzhi mnyam pa nyid kyi dbyings las ma g.yos par shes par bya'o/ /dpal de nyid 'dus pa'i rgyud las/ rnam snang mdzad chen gyi ye shes bstan pa 'am/ dpal ye shes sems dpa' i mtshan gyi khyad par lta bu'i/ de yang 'di skad bshad pa'i dus na zhes pa smos nas/ sdud pa pos kyang 'di skad bdag gis thos pa'i zhes smos na ni/ ston pa'i bka' yang dag pa'i don dang 'gal la/ ston pas kyang gsang ba'i snying po de kho na nyid gsang ba'i dbyings nas phyung/ de ni nges par lung bstan te/ sras ni thugs las bskyed pa'i/ sa rab rig pa 'dzin la gnas zhes gsungs pas so/ /gtad ces gsungs pa ni/ ston pa po rang nyid kyi tshigs su na par gyur pa'i phyir smos so/ /de yang gnas so zhes pa tsam gyi tshig ma gsungs na ni/ sdud pa po med na chos mi 'byung ba'i skyon du 'gyur ba dang/ shes rab can gyi mi rnams yid mi ches pa'i skyon du 'gyur te/ dper na mi gcig gis lung stong cig du gtam rang la rang byas pa dang 'dra'o/ /zhes rgol ba po 'byung ba'i rtog pa bsal ba'i phyir/ ston pa dang sdud pa gnyis tshig
- 198b
dag pa'i mtshams sbyor/ gcig ces pa ci'i phyir ma smos she na/ de yang gong gi rgol ba dang 'dra ste/ dgos pa med pa'i phyir ro/ /da ni ston pa phun sum tshogs pa'i tshig la sogs pa/ phun sum tshogs pa lnga'i tshig don ci lta ba de brjod par bya ste/ de yang ci lta ba'i ston pa phun sum tshogs pa yin zhe na/ rdo rje theg pa thams cad mthar phyin cing rdzogs pa'i phyir na ni/ de bzhin gshegs pa zhes bya'o/ /theg pa chung ngu pa'i theg pa mthar phyin cing rdzogs pa'i phyir ni/ yang dag par rdzogs pa'i sangs rgyas zhes bya'o/ /mdo sde'i theg pa mthar phyin cing rdzogs pa'i phyir ni/ bcom ldan 'das zhes bya'o/ /de lta bu'i sangs rgyas bcom ldan 'das de theg pa chung ngu'i sangs rgyas ltar 'dod pa'i longs spyod mi mthun pa'i phyogs su bltas nas gnas pa yin nam zhe na ma yin te/ longs spyod ces so/ /longs spyod ni kri yog gi theg pa yang 'dod pa'i longs spyod spyod do zhes rgal ba po bsal ba'i phyir/ chen po zhes smos te/ thabs dang shes rab kyi dga' de la bzhugs so/ zhes bya ba'i tha tshig go /de lta bu'i bcom ldan 'das ji lta bu'i rang bzhin yin zhe na/ phyogs bcu dus bzhi'i de bzhin gshegs pa thams cad kyi sku dang gsung dang thugs rdo rje'i bdag nyid/ ma lus mi lus lus pa med pa thams cad dang/ so so ma yin tha mi dang dbyer med pa'i rang bzhin te zhes bya ba smos te/ chos kyi sku'i rang bzhin du gnas so/ /zhes bya ba'i tha tshig go /gnas phun sum tshogs pa gang zhe na zhes pa dang/ 'og min gyi gnas mdza' dang dbus med pa na zhes bya ba smos so/ /de la rgol te/ theg pa chung ngu ba na re/ 'og min la mdza' dang dbus yod do/ /'og gi rlung gi dkyil 'khor dang mdza' dbus mnyam ste/ steng gi 'og min yang stong gsum gyi stong chen po'i khyab par gnas la/ 'og gi rlung gi dkyil 'khor gyis kyang/ stong gsum gyi stong chen po 'jig
- 199a
rten gyi khams las/ yar bsten pa'i tshad mnyam zhes gsungs pa dang/ de'i phyir theg pa chung ngu pa shes rab chung ba'i phyir ram/ don du bcom ldan 'das kyis 'og min yang rgya chung par bstan to/ /gal te rgya chung bar ma bstan du zin na ni skrag gam sgyid lug gis dogs nas/ steng gi tshad kyang chung ba/ sprul pa'i sku yang bye ba phrag brgyar bstan to/ /theg pa chen po'i gnas skabs na shes rab mchog dang ldan pa'i 'bras bu rigs kyi byang chub sems dpa' rnams la ni/ de bzhin gshegs pas 'og min mdza' dang dbus med par bstan la/ 'jig rten gyi khams yang rdul snyed du bstan/ sprul pa yang rdul phran bsam yas so/ /de'i phyir mdza' dad dbus med ces bya'o/ /gnas de lta bu na gnas su zin kyang/ gzhal yas khang ni ci lta bu/ 'og min mang ngam mi mang/ zhes pa'i rtog pa bsal ba'i phyir/ gzhi tshad med ces bya ba la sogs pas bstan to/ /gnas dang gdan de la bzhugs pa'i lha dang/ de'i 'khor phun sum tshogs pa ni gang/ rgyud rigs gang gi lha yin/ gang dang gang ni bzhugs snyam pa'i rtog pa bsal ba'i phyir/ rnam par shes pa'i rgyal po zhes bya ba la sogs pa ste/ zag pa dang bcas pa'i phung po la sogs pa gnas su dag pa ni de bzhin gshegs pa rigs lngar gyur to/ /de yang rigs lnga yang 'khor las ston par 'gro ba dang/ ston pa las 'khor du 'gro ba yang rtogs par bya'o/ /sku mdog gi rigs pa ni ji lta bu zhe na/ mthing ga la sogs pa ste/ kha dog mtshon gyis ma phye na rigs ro mi shes pa'i phyir ro/ /'khor gyi dkyil 'khor ci lta bu dang mnyam pa'i phyir/ snang ba'i dbyings nas rtag cad kyi bar du ste/ 'jig rten gyi chos phyin ci log tu rtogs pa'i mya ngan las 'das pa'i
- 199b
chos kyi dkyil 'khor du/ ye nas sangs rgyas pa'i ngo bo nyid du gnas so/ zhes bya ba'i tha tshig go /da ni ston pa phun sum tshogs pa'i tshig don brjod par bya ste/ de bzhin gshegs pa yang dag par rdzogs pa'i sangs rgyas bcom ldan 'das zhes la sogs pas ni/ ston pa po dpal kun tu bzang po'i khyad par gyi yon tan bstan pa yin te/ dbyer med pa'i rang bzhin te zhes bya ba'i bar du ci snyed pa'o/ /de nas bcom ldan 'das kyi yon tan gyi rnam grangs bzhi ni/ pha rol tu phyin pa'i theg pa chen po dang/ yo ga dang/ ma hA yo ga dang/ a ti yo ga bzhi'i khyad par bstan par bya ba kho na yin gyi/ /bcom ldan 'das dpal kun tu bzang po la ni/ de bzhin gshegs pa zhes kyang bya'o/ /ci'i phyir zhe na/ gnyis su med pa'i ye shes la dbang thob pa'i phyir ro/ /yang dag par rdzogs pa zhes kyang bya'o/ /ci'i phyir zhe na/ bag chags kyi mtshams sbyor ba thams cad spangs pa'i phyir ro/ /sangs rgyas zhes kyang bya'o/ /ci'i phyir zhe na/ tshogs chen po gnyis rdzogs pa'i phyir ro/ /bcom ldan 'das zhes kyang bya'o/ /ci'i phyir zhe na/ kun tu sbyor ba'i nyon mongs pa spangs pa'i phyir ro/ /'di ni theg pa chen po mdo sde dang sbyor ba'i lugs so/ /gnyi ga rgyud las ni/ ye shes phun sum tshogs pa mnga' ba'i phyir yang de bzhin gshegs pa zhes bya ste/ ji ltar na/ 'du shes tsam yang spangs pa'i phyir/ /rang gi ngo bo bstan du med/ /ye shes rang rig tsam la ni/ /de la de bzhin gshegs zhes bya/ zhes rnam par snang mdzad mngon par byang chub pa'i tan tra las gsungs so/ /ma hA ya ga'i don gyi sgo nas ni/ ci ltar 'ongs pa bzhin du 'gro ba'i phyir yang de bzhin gshegs pa zhes bya ste/ dper na zangs dang 'khar ba la sogs pa rdzas cig gi rang bzhin las/ chol zangs
- 200a
su byas pa'i dus na ni btsogs par 'dzin cing dri ma dang mchil snabs la sogs pa 'dor bar byed la/ de la snod la sogs pa byas pa'i dus na ni/ gtsang bar 'dzin la zas skom la sogs pa g.yo bar byed de sku gzugs la sogs pa byas pa'i dus na ni/ phyag 'tshal zhing mchod gnas su byed do/ de dang 'dra bar 'khor ba'i rgyu 'dod chags la sogs pa nyon mongs pa dang bcas pa'i dus na ni/ smad cing spang bar bya ba yang yin la/ de nyid thabs dang shes rab tu rnam par dag pa'i tshul du sbyangs pa'i dus na ni/ dpal rdo rje sems dpa' i sku gsung thugs rdo rje'i dngos grub la sogs pa grub par byed pa 'di dag dga' ba'i longs spyod kyi gnas kyang yin la/ de ltar thabs dang shes rab zung du 'brel pa'i ting nge 'dzin gyi longs spyod goms pa'i dbang gis 'bras bu dpal rdo rje sems pa nyid grub par byed do/ /de bzhin du 'dod chags la sogs pa 'di dag kyang/ dang po'i tshul ltar spyad na ngan song gi rgyu yang yin/ de nyid thabs dang shes rab kyi rang bzhin du rnam par dag par bsgoms na/ dpal kun tu bzang po'i thams cad mkhyen pa'i ye shes bskyed pa'i rgyu yang 'di yin pas/ de'i phyir de bzhin gshegs pa zhes bya'o/ /dgra bcom pa ci'i phyir ma spos she na/ de ni dgos pa med pa'i phyir te/ dper na theg pa chen po sangs rgyas kyi zhing na/ nyan thos ming yang med pa'i phyir/ theg pa chen po shin tu rdzogs pa chen po'i dus de dag dgos pa med pa'i phyir ro/ /yang dag par rdzogs pa'i zhes pa yang dag pa'i sras yang dag pa ma rdzogs pa yang yod de/ de ni theg pa chung ngu pa las dgra bcom pa dang/ rang sangs rgyas 'bras bu mchog thob pa dag /rang gi gnas skabs na bya ba byas par rtsa
- 200b
ba de dag las/ theg pa chen po che ba rnam pa bdun gyis dpags shing khyad par du gyur pa'i phyir/ yang dag par rdzogs pa'i sangs rgyas zhes bya ste/ tshogs chen po gnyis rdzogs shing nyon mongs pa nyid dbang du byas nas/ lhun gyis grub pa ste mngon par rdzogs par sangs rgyas pa la ni/ yang dag par rdzogs pa'i sangs rgyas zhes bya'o/ /bcom ldan 'das zhes bya ba smos pa ni nyon mongs la sogs pa'i bdud sde bzhi bcom pa'i phyir te/ bag la gzhom pa'i sgra yod pa'i phyir ro/ /yang na ye shes phun sum tshogs pa'i phyir yang/ bcom ldan 'das kyis sgrar gsungs pa'i don ni/ rtog pa thams cad kyi dri ma dang bral ba'i bdag nyid stong pa chen po'i ye shes su rtog pas/ bcom ldan 'das la grags pa'i dbang phyug ces bya'o/ /bdag dang gzhen gyi don gnyis 'byung ba'i phyir na/ me long lta bu'i ye shes zhes bya ste/ ye shes thams cad kyang gsal zhing 'byung par byed pas gzugs bzang zhes bya'o/ /bcom ldan 'das kyi ye shes de'i mtshan nyid du/ ye shes thams cad kyang gcig pas mnyam pa nyid kyi ye shes te/ snying rje la sogs pa'i yon tan rin po che thams cad 'byung ba'i phyir na/ 'gro ba thams cad las rjes su rtsa ba ni grags pa thams cad 'byung ba'i gtso bor gyur pas/ dpal ldan grags pa zhes bya'o/ /so sor kun tu rtog pa'i ye shes ni bsam gtan gyi pha rol tu phyin pa'i rang bzhin pas/ dngos po thams cad kyi don rtogs par byed pa'i phyir so sor rtog pa'i ye shes zhes bya'o/ /brtson 'grus kyi pha rol tu phyin pa rnam par dag pa las byung ba/ bya ba nan tan gyi ye shes ni brtson 'grus mchog ces bya'o/ /de ltar sangs rgyas yin la bcom ldan 'das ma yin pa yang yod pa'i phyir/ sangs rgyas
- 201a
bcom ldan 'das zhes bya'o/ /bsod nams kyi chos kyi bdag nyid bstan pa'i phyir/ longs spyod ces smos te/ longs spyod ni 'dod pa'i yon tan lnga dang de la sogs te/ de yang 'dod pa'i yon tan gyi dbang du byas pa'o/ /de nyid rnam par dag pa'i ngang tshul dang ldan par bstan pa'i phyir/ chen po zhes bya ba ste/ thabs dang shes rab kyi longs spyod la shes par bya'o/ /de lta bu'i sangs rgyas bcom ldan 'das de/ ci'i lta bu'i rang bzhin ldan pa yin zhe na/ phyogs bcu dus bzhi'i de bzhin gshegs pa thams cad kyi sku stong pa nyid kyi rdo rje dang/ gsung mtshan ma med pa'i rdo rje dang/ thugs smon pa med pa'i rdo rje/ de ltar phyogs bcu dus bzhi'i de bzhin gshegs pa thams cad kyi sku rdo rje dang/ gsung rdo rje dang/ thugs rdo rje dang/ sems can thams cad kyi lus ngag yid gsum 'das pa'i dus su sngar ma lus/ da ltar gyi dus su mi lus/ ma 'ongs pa dang/ phyis 'byung ba thams cad du lus pa med pa thams cad dpal kun tu bzang po'i sku gsung thugs rdo rje sku stong pa nyid du so so ma yin/ gsung mtshan ma med par tha mi dad/ thugs smon pa med par dbyer mi phyed de/ dpal kun tu bzang po'i rang bzhin du gcig cing dbyer med de zhes bya ste/ des ston pa phun sum tshogs pa bstan no/ /yang a ti yo ga'i gzhung gis ni/ brjod kyis mi lang ba'i chos thams cad so so rang rig pa'i ye shes stong pa nyid du sbyor ba'i phyir na ni/ de bzhin gshegs pa zhes bya'o/ /rnam par dag pa dang ma dag pa'i chos thams cad nam mkha' lta bu'i chos nyid sbyor bar mdzad pas na/ yang dag par rdzogs pa zhes bya'o/ /chos thams cad don dam par ni stong pa nyid du dgongs la/ kun rdzob tu chos nyid sgyu ma lta bu'i tshul du dgongs pa dang/ gang ri rab stong gsum du bcas pa'i thal ba'i rdul phra rab rgya
- 201b
mtsho chen por 'dres pa yang so sor 'byed mkhyen pas ni/ sangs rgyas zhes bya'o/ /sgyu ma'i sprul pa sna tshogs ston par mdzad na yang/ don dam pa byang chub sems skye ba med pa'i dbyings chen po la dus bzhi rtag par bzhugs pas na/ bcom ldan 'das zhes bya'o/ /'khor ba dang mya ngan las 'das pa'i chos thams cad nyid kyi/ dkyil 'khor du dbyer med par longs spyod par mdzad pas ni/ longs spyod chen po zhes bya'o/ /bdag nyid rang bzhin rdzogs pa chen po'i dkyil 'khor du ye nas lhun gyis grub ste/ gnas pa'i phyir na/ phyogs bcu dus bzhi de bzhin gshegs pa thams cad kyi sku dang gsung dang thugs rdo rje'i bdag nyid ma lus mi lus lus pa med pa thams cad dang/ dpal kun tu bzang po'i sku gsung thugs rdo rje so so ma yin tha mi dad dang dbyer med pa'i rang bzhin te/ zhes bya ba smos pa yin te/ dpal kun tu bzang po chos thams cad dang ye shes thams cad kyi rang bzhin du ye shes gnas pa'i phyir ro/ /des ni ston pa phun sum tshogs pa'i tshig gi don/ ji snyed pa bstan pa yin no// //de lta bu'i sangs rgyas bcom ldan 'das de bzhugs pa'i gnas gang nas bzhugs zhes bya ba'i phyir ni/ 'og min gyi gnas mdza' dang dbus med pa na bzhugs zhes bya ba smos te/ yul chos kyi dbyings ci snyed pa la gtsor smos pa yin no/ /de 'og min gyi gnas zhes bya ba smos pa la gsum ste/ rang bzhin gyis 'og min dang/ gnas kyi 'og min dang/ rig pa'i 'og min dang gsum du dgongs pa yin no/ /de la rang bzhin gyi 'og min ni/ de bzhin nyid chos kyi dbyings gcig dang du mar bral ba'i bdag nyid gnyis su med pa'i dbyings te/ yul 'di lta bu zhig
- 202a
bstan du med pa ste/ yul chos kyi dbyings mdza' klas pa la bya ste/ de ltar bzhugs pa'i dkyil 'khor ni snod dang bcud du bcas pa'i rnam par snang ba'i rnam pa thams cad la/ gang phung po dang khams dang skye mched thams cad lha du rnam par dag pa ste/ de ltar yang le'u gnyis pa yab yum gyis gleng bslangs pa la shes par bya'o/ /gnas kyi 'og min ni gtsang ma rigs lnga'i yang thog dang/ dbang phyug chen po'i gnas la shes par bya'o/ /de ltar yang gsungs pa/ gtsang ma rnam dag spangs nas ni/ /'og min gnas ni nyams dga' bar/ /yang dag sangs rgyas der sangs rgyas sprul pa po longs spyod rdzogs pa'i sku/ sangs rgyas zhes te/ gtsang ma rigs lnga'i yang thog na dbang phyug chen po'i gnas la shes par bya'o/ /der bzhugs pa'i dkyil 'khor ni/ chos kyi rgyal srid thams cad longs spyod rdzogs pa'i sku 'bras bu rigs kyi byang chub sems dpa' rnams kyis bsgor te gnas pa/ thub pa'i sprul sku rgyun mi 'chad pa'i rten du bzhugs pa de la shes par bya'o/ /rig pa'i 'og min ni yum gyi b+ha ga lha thams cad kyi 'byung gnas/ mngal gyi skye gnas pa thams cad kyi skyes te/ yum gyi pad+ma la shes par bya'o/ /der bzhugs pa'i dkyil 'khor ni ting nge 'dzin gyi dkyil 'khor yi ge thams cad sangs rgyas pa'i 'bras bu lhag pa'i byang chub sems su rig pa'i/ gsang ba'i dkyil 'khor la shes par bya ste/ de ltar le'u bzhi pa yi ge 'phreng ba bkod pa las rtogs par bya'o/ /de ltar gnas tha dad pas ni lha yang khyad par so so na yod pa'i shes par bya'o/ /de yang chos kyi sku'i rang bzhin gyis kun la khyab pa'i phyir ni/ mdza' med pa zhes bya'o/ sangs rgyas dang sems can gnyis ye nas
- 202b
sangs rgyas pa'i ngo bo nyid du mnyam pa'i rang bzhin dang ldan pa ni dbus med ces bya'o/ /de lta bu'i gnas na bzhugs su zin kyang/ gzhal yas khang ni ji lta bu/ 'og min mnga' 'am mi mnga' snyam pa'i rtog pa bsal ba'i don du/ gzhi tshad med pa'i ye shes kyi 'khor lo gsal ba la sogs smos pas/ theg pa mchog gi khyad par bstan pa yin te/ kun tu yang nang du gyur pa na zhes bya ba'i bar du ci snyed pa'o/ de la gzhi zhes bya ba yang gnyis te/ rang bzhin gyi dkyil 'khor gyi gzhi dang/ ting nge 'dzin gyi dkyil 'khor gyi gzhi'o/ /de la rang bzhin gyi dkyil 'khor gyi gzhi ni/ nam mkha' dang chos kyi dbyings so/ /ting nge 'dzin gyi dkyil 'khor gyi gzhi la yang gnyis te/ nang dang gsang ba'o/ de la nang gi ting nge 'dzin ni rnal 'byor pas ting nge 'dzin gyis bskyed pa'o/ /de byi ma ha dza la'i tan tra dang/ sa ma yo ga la sogs te ma hA yo ga'i gzhung ngo/ /ye shes nyid dang zhes pa ni shin tu rnam par dag pa'i chos kyi dbyings kyi ye shes las 'byung ba me long lta bu'i ye shes la sogs pa bzhi la yang de re re la yang bzhir bzhir 'gyur te/ de bzhin du ye shes bsam gyis mi khyab pa'i rgyu las byung ba'i gzhal yas khang yin pas na/ lhag pa'i ye shes rin po che'i glo 'bur zhes bya ste/ des ni theg pa chen po a ti yo ga'i phyogs gzung ba yin no/ /mdzes bya'i phyir zhes pa/ spyi'i gtsug lag khang gi gzhung gis kyang/ glo 'bur ni mdzes pa yin la/ de dang mthun par yang glo 'bur du gyur pa yin te/ de ltar mdzes par gyur pa la yang ye shes kyi rgyud las byung ba yin pas glo 'bur de la mdzes zhes bya'o/ de dag gis ni gru bzhi pa'i gzhal yas khang dang po bstan pa yin no/ /da ni gzhal yas khang gnyis pa rdo rje kun tu bzang mo'i ngang nyid
- 203a
bstan pa yin pa'i phyir/ yang gsungs pa/ rtse mo zhes pa nas kun tu 'khyil zhes par brel lo/ de la dang pos ni b+ha ga bstan pa yin la/ gnyis pas ni yum la nyid du ma hA ye ga'i phyogs su bstan pa yin no// zhes mkhas pa la la dag glong ngo/ de la rtse mo zhes ba ni rdo rje kun tu bzang mo nam mkha' dbyings kyi dbang phyug ma'i dbu'i gtsug tor la bya ste/ de yang chos kyi sku'i ngo bo nyid kho na yin pas/ phyogs bcu'i sangs rgyas kyi dkyil 'khor ma lus pa thams cad dang so so ma yin ngo bo nyid gcig ba'i ye shes kun tu 'khyil ba zhes smos pa yin te/ stong ba chen po'i ye shes la ni/ ye shes kun tu 'khyil pa zhes bya'o/ /ci'i phyir zhe na/ sems can gyi shes pa'i rgyud ma byung ba'i phyir/ de yang mchod rten gyi bum pa dang yum gyi dbu'i gtsug tor la smos pa yin te/ de yang yum smos pa ni maha lo gI phyogs bzung ba yin no/ /mchod rten smos pa ni a ti yo ga'i phyogs bzung ba yin no/ /der yang ma zad de ye shes bsam gyis mi khyab pa'i rgyu las byung ba'i dbyibs dang kha dog rin po cher gnas la/ bsogs kyi spyi mang po cig bsdus sam yod par gsungs pa la/ mdo'i dbyibs dang kha dog gnyis su bzung ba yin no/ /de yang rnam pa ni mang po la tha dad pa ni ma 'thun pa/ bye brag ni so sor ma 'dres pa/ khyad par du gyur pa ni dkar po'i sa nas khyad par du gyur pa/ de bzhin du dkar ljang gis na khyad par du gyur pa ste/ de bzhin du nyi shu rtsa lnga'i bar du gzung bar bya'o/ /yang la la'i gzhung gis gong du smos pa'i yum de 'dra na/ rang bzhin med pa zhig yin nam zhe na/ ma yin te/ ye shes bsam gyis mi khyab pa zhes smos pa yin no/ /ye shes rin po che zhes pa'i tshig gis /
- 203b
'khor lo sgyur ba'i rgyal po'i dbu rgyan dang dpung rgyan dang/ phyag dang zhabs kyi gdu su dag gi dbus na yang de bzhin gshegs pa dkon mchog 'byung gnas kho na bzhugs pa yin pas/ ye shes rin po che zhes bya ba smos pa yin te/ mnyam pa nyid kyi ye shes kyi rgyu las byung zhing dbyibs dang kha dog rin po cher gnas pa'i phyir ro/ /spags pa zhes pa ni khyad par du gyur pa dang/ zab pa dang rgya che ba'i rang bzhin te/ de ltar yang gsungs pa/ khyad par phyir spags zhes dang/ phyi dang nang dang/ khams gsum mo zhes gsungs pa yin te/ lha'i gzhal yas khang dang/ nyi ma dang/ zla ba dang/ 'khor lo sgyur ba'i bdag po las kyang khyad par du gyur pa dang/ nang zab pa'i khams gsum ni/ ma hA yo ga'i gzhung ste/ yum de nyid kyang 'dod pa'i khams kyi yul drug dang/ gzugs kyi khams kyi dbang po drug dang/ gzugs med pa'i rnam par shes pa drug ste/ de ltar khams bco brgyad po dag/ sems dpa' dang sems ma'i ngang nyid du gnas pa'o/ phyi'i khams gsum ni/ 'dod pa'i khams nyi shu dang/ gzugs kyi khams bcu bdun dang/ gzugs med pa'i khams bzhi la sogs pa bsam gyis mi khyab pa thams cad kyang/ yul chos kyi dbyings kyi ngang nyid du 'dus pas/ rtog bya'i yul can thams cad las spags te/ de'i rtags su nang gi gzhal yas khang yang sum brtsegs su gnas la/ phyi rol gyi mchod rten la yang khri 'phang du bcas pa'o/ de ltar de yang chos kyi dbyings kyi rang bzhin du gnas pa'i phyir spags pa/ me long lta bu'i ye shes kyi rang bzhin yin ba'i phyir/ bdag dang gzhan gyi don rgya dang/ yon tan dpag tu med pa'o/ /mnyam pa nyid kyi rang bzhin du gnas pa'i phyir spags? pa ye shes kyi rgyu las byung
- 204a
ba'i phyir/ phreng ba dang zhes te/ brgya rtsa brgyad kyis rgyud nas 'phreng ba dang/ so sor rtog pa'i ye shes kyi rgyu las byung ba'i phyir/ chun 'phyang ste/ bkug nas 'dud pa'i chun 'phyang dang/ bya ba nan tan gyi rgyu las byas pa'i phyir shar bu ste/ rkyang ba'i sna la rin po che'i rtse la gser gyi dril bu g.yer ga stong pa nyid kyi sgra 'byin pa dang/ yang gzugs la sogs pa 'di dag mahA yo ga'i dbang du dgral ba ni/ bsgom khog gi rim pa las shes so/ shes pas gzhal ba'i yul ma yin pas na/ tshang dpag tu med pa zhes bya ba ste/ nges kyang rang bzhin gyi 'og min bzung bar bya ba kho na yin no/ /ma hA yo ga'i dbang du na ni/ lha mo'i gzugs su bzhugs kyang/ tshad dpag tu med pa yin no/ /ci'i phyir zhe na/ nam mkha' dbyings kyi ngang nyid pas so/ /ye shes lnga'i rgyan gyi brgyan pa'i khyad par kho nar smos pa'i phyir/ ye shes rin po che'o/ /de yang rigs lnga kho na'i rang bzhin pas/ sna tshogs kyi 'phreng ba ste/ dkar po dang ser po dang/ dmar po dang ljang gu dang sngon po ste/ rim pa bzhin du/ de bzhin gshegs pa dang/ rin po che dang/ pad+ma dang las dang thugs kyi rdo rje'i rigs rnams so/ /der yang ma zad de/ theg pa mchog gi khang par/ de nyid kyi yon tan gyi rnam pa gzhan yang bstan pa'i phyir/ gzugs sna tshogs dang zhes bya ba la sogs pa ste/ de yang gzhal yas khang gi phye ba'i spyod bstan pa'i phyir/ mi bsgrib par gsal ba'i rgyan bsam gyis mi khyab pas klubs pa zhes pa dang 'brel to/ /de la gzugs sna tshogs la sogs pa 'di dag kyang/ a ti yo ga'i dbang du snang la rang bzhin med pa yin la/ ma hA yo ga'i dbang du lha mo'i rang bzhin du lta ba dang bdag nyid dang lha gnyis med pa'o/ /de bzhin du sgra sna tshogs dang zhes pa yang/
- 204b
dngos po med pa chos kyi sgra dang/ lha mo'i rang bzhin/ dri yang rang bzhin med pa chos kyi dri dang/ lha mo'i rang bzhin/ ro yang dngos po med pa chos kyi ro dang/ lha mo'i rang bzhin/ reg bya yang dngos po med pa chos nyid kyi reg bya dang/ lha mo'i rang bzhin/ de dag kyang don dam pa dang/ kun rdzob kyi dbang du/ a ti yo ga dang/ ma hA yo ga'i dbang du 'du bar bya ba yin no/ /'khor ba dang mya ngan las 'das pa'i chos thams cad dpal kun tu bzang po'i rang bzhin du 'dus shing gnyen pa dang byed pa po'i phyogs su bsrungs pa dang/ bral ba'i phyir/ phyogs bcur 'khrigs par rang byung ba ste zhes bya ste/ de ltar yang zhes bya ba'i don ni/ gnyen po byed pa po spangs par nges pa nyid du yang gsungs la/ 'brel ba lhag ma dang/ bcas pa nyid du mngon no/ /bla re dang 'phan dang rgyal mtshan dang gdugs dang/ khyung? po dang/ zar tsags dang/ gos la sogs pa'i rgyan gyis khyad par thams cad dang yang ldan pa'i phyir/ mi sgrib par gsal ba'am/ rgyan bsam gyis mi khyab par klubs pa zhes bya ste/ ye shes kyi rgyu las byung zhing dri ma'i phyogs su gsungs pa thams cad dang bral ba'i phyir mi sgrib pa bya'o/ /de ltar mi sgrib par yang ma zad de/ rgyan de dag yon tan du gsungs pa thams cad dang ldan pa'i phyir/ gsal ba ste 'od dang yang ldan no/ zhes pa'o/ /rnam pa'i bye brag tu brjod pa med pa thams cad kyis kyang yongs su brgyan pa ste/ rgyan bsam gyis mi khyab pa'o/ de ltar gos la sogs pas 'tshams mi phyed pa dang ldan pa'i phyir klu bas pa ste/ de yang tshad med pa'i bsod nams kyi bdag nyid dang ldan pa'i phyir ro/ / rnam pa'i khyad par gyi yon tan gzhan dang yang ldan par brtan pa'i phyir/ rnam par thar pa'i sgo nas 'jug pa'i sgo khyung dang/ zhes bya ba la sogs pa theg pa chen po mchog gi khang pa der bgrod pa med par 'jug pa'i phyir/ sgo dang sgo /
- 205a
khyud la sogs pa smos pa yin te/ kun tu nang du gyur pa na zhes pa dang 'brel to/ /de la rnam par thar pa bzhi zhes pa ni/ stong ba nyid dang mtshan ma med pa dang smon pa med pa dang/ rang bzhin gyis 'od gsal ba dang bzhi'o// de ltar rnam par thar pa'i sgo de bzhi smos pa yang/ theg pa chen po nyid du brjod par bya ba yin pas rnam par thar pa/ bzhis zhes smos pa yin no/ 'i zhes pa'i sgra ni nges par bstan pa ste/ theg pa chen po'i rnam par thar pa de bzhi yin gyi/ gzhan theg pa chung ngu sems tsam pa'i dran pa nye par gzhag pa la sogs pa ni ma yin no/ zhes pa'o/ rnam par thar pa brgyad kyi rta babs dang ldan zhes pa ni/ che ba'i gnas rta babs kyang smos te/ de yang de byi ma he dza la'i tan tra las kyang/ theg pa phyi pa'i theg pa chen po'i babs zhon gyi rta babs brgyad ces smos te/ theg pa phyi pa'i theg pa chen po ni/ shes rab kyi pha rol tu phyin pa yin pa yin la/ de dag kyang rdzogs pa chen po'i dkyil 'khor 'dir 'jug dgos pa yin pas/ de dag gis yar yar 'ongs pa'i tshe zhon pa yin la/ phyir phyir 'gro ba'i tshe babs pa yin te/ don du na sgo bzhi la g.yas g.yon gnyis na/ gnyis gnyis brgyad de/ de yang nang gzugs med pa la sogs pa brgyad yin no/ /de la rnam par thar pa zhes bya ba'i sgra ni/ 'khor ba las thar zhing mya ngan las 'das pa la bzhugs pa yin no/ /de yang 'khor ba spangs pa yin te/ sarba 'bu ta las kyang mi brtan pa dang 'dud du mi 'gyur zhes gsungs te/ phyin ci log gi dbang gis 'khor bar mi 'gyur zhes bya'o/ de ltar rgyud phyi ma las kyang/ stong smon mtshan med 'od gsal 'jug /de phyir ye shes sgo bzhir bshad/ /der 'gro lam rtags brgyad dang ldan/ /rta babs brgyad du gyur pa yin zhes 'byung ngo/ /ma hA yo ga'i ni
- 205b
gzhung gzhan no/ sdom la/ /yum chos kyi dbyings ni nam mkha' kun tu bzang mo snod 'byung ba chen po bzhi ni lhag pa'i ye shes glo 'bur yum bzhi/ bcud 'gro ba rigs drug ni/ byang chub kyi sems lha sum cu rtsa drug du ye nas sangs rgyas pa'i phyir ni/ phyi dang nang med par kun tu yang nang du gyur pa na zhes bya ste/ shel dang shel gyi nang du bzhugs pa'i gzugs bzhin du'o/ na zhes pa'i tshig ni lhag ma dang bcas pa ste/ de lta bu'i yon tan dang khyad par du 'phags pa'i gnas de na/ zhes pa'i don to/ ci'i phyir zhe na/ mi 'jigs seng ge'i khri dang zhes bya ba la sogs te/ 'bras bu'i rigs kyi byang chub sems dpa' / smon lam dang dgongs pa'i dbang gis de bzhin gshegs pa'i gdan du byas pa dgos pa med pa pad+ma'i rin po che'i gdan la zhes pa'i bar du ji snyed pa'o/ /de ltar rnam par snang mdzad mngon par byang chub pa'i tan tra las kyang/ byang chub sems dpa' i lus kyi seng ge'i gdan khri la bzhugs te zhes gsungs pa'i phyir ro/ /de la mi 'jigs pa seng ge'i khri dang/ stobs kyi glang po che'i khri dang rdzu 'phrul rta'i khri dang/ dbang gi rma bya'i khri dang/ thogs pa med pa nam mkha' lding gi khri dang/ zhes bya ba la sogs pa ste/ 'o na byang chub sems dpa' dngos na nyes pa ci yod ce na/ de ni mu stegs pa'i phyir dgos pa med ce'o/ /de bzhin gshegs pa'i mi 'jigs pa bzhi dang/ stobs bcu dang/ rdzu 'phrul gyi rkang pa bzhi dang/ dbang bcu dang/ shes bya gang chen kyi mtsho lnga'i pha rol tu phyin pa ste/ rgyas par bya yis kyang/ 'di rin tshig mangs kyis dogs pas ma bris so/ /gzhan gyis ma byas pas rang bzhin gyis 'od gsal zhing snang bar byed pa'i phyir/ rang bzhin gyis 'od gsal bar byed pa ste/ nyi mas ni thams cad sreg cing smin par byed/ zla ba ni bsil ba yin pas dge ba'i lo tog skyed par byed pa yin pas/
- 206a
de yang phyi dang nang du shes par bya'o/ zhi ba'i dkyil 'khor gyi tshul dang ldan pas mdor na ma rig pa'i mun pa sel ba'i ngang can no/ /gos pa med pa pad+ma zhes pa/ pad+ma 'dam nas skyes kyang nyes pas mi gos pa dang 'dra zhes bya/ pad+ma rin po che zhes pa ni/ byi shwa ste sna tshogs kyi pad+ma la shes par bya'o/ /de lta bu'i khyad par du 'phags pa'i gdan de la su bzhugs zhe na/ sku lnga bzhugs so/ zhes bya'o/ de la sku lnga po 'di dag gang zhe na/ ngo bo nyid kyi sku dang/ chos kyi sku dang/ longs spyod kyi sku dang/ sprul pa'i sku dang/ rang bzhin gyis 'od gsal ba'i sku'o/ /de la dpal kun tu bzang po ni chos kyi sku yin pas/ de'i khyad par ram ngo bo nyid ni ji lta bu zhe na/ de bzhin gshegs pa yang dag par rdzogs pa'i sangs rgyas bcom ldan 'das longs spyod chen po zhes bya ba la sogs pa'i gtan tshigs kyi don ni/ ngo bo nyid kyi sku'o/ /longs spyod rdzogs pa'i sku ni gang dang ldan zhe na/ sku mdun dang rgyab med pa thams cad du zhal tha le bar gsal zhing mtshan dang dpe byad du ldan pa/ zhes bya ba la sogs? pas bstan/ sprul pa'i sku ni longs spyod rdzogs pa'i sku de las byung ba ste/ bsam gyis mi khyab pa thams cad du sku gsung thugs sna tshogs ba kun tu snang ba zhes bya ba la sogs pa'o/ /rang bzhin gyis 'od gsal ba'i sku ni/ rnam par shes pa'i rgyal po la sogs pa ste/ 'dir ni sku lnga rigs lnga la sogs pa'i dkyil 'khor ro/ /'di la ci'i phyir rang bzhin gyis 'od gsal ba'i sku zhe na/ sems can thams cad la ye nas sangs rgyas pa'i rang bzhin yod par bstan pa ste/ de yang don dam pa'i dbang du ni sems can thams cad ye nas sangs rgyas pa'i rgyu rdo rje lta bu ye nas lha'i dkyil 'khor du sangs rgyas par bstan pa ste/ de sangs rgyas par bstan pa yin la/ kun rdzob phyin
- 206b
ci log gi phung po dang khams dang skye mched thams cad ye nas lha'i dkyil 'khor du sangs rgyas par bstan pa ste/ de ltar le'u dang po dang gnyis pa las kyang de ltar bstan la/ rgyud 'di'i don yang 'di ltar ro/ /de ltar mya ngan las 'das pa'i mdo las kyang/ sems can thams cad la ye nas sangs rgyas pa'i rang bzhin rdo rje ltar mi shigs pa'i mthu bo che yod do/ zhes rgyas par gsungs so/ /de la rang bzhin gyis 'od gsal ba sku lnga'i khyad par gang zhe na/ thabs dang shes rab kyi zhabs gnyis mnyam pa'i brtul zhugs kyi skyil mo krung du bzhugs pa zhes bya ba la sogs pa ste/ dbu gsum dang ldan pa zhes bya ba'i bar du 'brel to/ /de la theg pa chen po a ti yo ga bas ni/ nyan thos la sogs pa bzung ba'i yul spong ba la sogs pa de nyid skyon du lta ste/ snang ba mi 'gog pa'i la sogs? pa'i dngos por gyur pa thams cad ni/ yab thabs kyi phyag rgyar gyur pa ste/ rags pa de nyid rang bzhin med par shes pa ni shes rab yum gyi ngo bor bzhed pa yin no/ ma hA yo ga bas ni dbyung ba chen po la sogs pa'i chos thams cad kyi sra ba dang gsher ba la sogs pa'i chos thams cad kyi rang bzhin mtshan nyid 'dzin pa thams cad thabs yab kyi ngo bo yin la/ de dag dngos po med par shes pa ni shes rab yum du 'dod do/ /de ni spyi'i'o/ /khyad par du kun rdzob kyi nyon mongs pa rnam par dag par bya ba'i phyir ni/ yab yum thabs shes rab rol pa'o/ de ltar yang gsungs pa/ snang ba mi 'gog thabs yin/ rang bzhin med rtogs shes rab nyid/ /gang zhig dngos med shes rab ste/ rang gi mtshan nyid thabs yin no/ zhes gsungs pa'o/ /de ltar thabs dang shes rab de'i skyil mo krung ni/ gang dang gang la bya ba yin zhe na/ pad+ma'i skyil mo krung dang/ rdo rje dang/ bkra shis dang/ sems
- 207a
dpa' i skyil mo krung la sogs pa la mi bya ste/ thabs dang shes rab rol pa'i skyil mo krung ste/ phyag dang zhal sbyor ba sgrog gi don no/ /de ltar skyil mo krung ni spyod lam rnam bzhir bzhugs so/ /mnyam zhes pa ni zhal nas zhal dang/ thugs nas thugs dang mtshan nas mtshan du mnyam pas so/ /yang bcom ldan 'das de nyid kyi yan lag gi khyad par bstan pa'i phyir/ ye shes drug gi phyag ye shes chen po'i phyag rgya 'bar ba dang ldan pa bzhes te/ stong pa chen po'i ye shes la sogs pa/ ye shes chen po drug gi phyag gi rtags mtshan ma'i ngo bo ye shes chen po'i phyag rgya rdo rje la sogs pa drug dang ldan te/ de yang khams drug gsum bco brgyad po dag pa dang/ 'gro ba drug po dang zhe sdang la sogs pa nyon mongs pa lnga dang/ dngos po dang mtshan ma la sogs pa rnam par thar pa mi mthun pa lnga la dmigs pa'i ngo bo nyid kho na'o/ /sku phyag rgya chen spo'i khyad par smos pa'i phyir ni/ sku gsung thugs bsam gyis mi khyab pa'i dbu gsum dang ldan pa yin no/ zhes bya ba ni 'phro ba dang bcas pa ste/ de nyid gang zhe na/ bcom ldan 'das de bzhin gshegs pa rnam par shes pa'i rgyal po dang/ zhes pa la sogs pa ji snyed pa'o/ de la rang bzhin gyis 'od gsal ba'i sku dang/ rigs lnga de kho na nyid kyang gang zhe na/ zhe sdang rnam par dag pa'i rang bzhin rnam par shes pa'i phung po yongs su dag pa'i thugs rdo rje chos dbyings kyi ye shes kyi rang bzhin/ mi bskyod pa'i dkyil 'khor chos kyi sku'i ngo bo gtsor smos pa'i phyir/ bcom ldan 'das de bzhin gshegs pa rnam par shes pa'i rgyal po dang zhes bya ba la sogs pa ste/ de bzhin du gti mug la sogs pa nyon mongs pa bzhi dang/ gzugs la sogs pa phung po bzhi dang/ me long lta bu las
- 207b
ye shes bzhi dang rnam par snang mdzad la sogs te rigs bzhi dang/ skye shi med pa'i sku la sogs te/ sku bzhi rnams ji ltar rims bzhin du'o/ /de la bcom ldan 'das kyang yin la/ de bzhin gshegs pa mnga' bas/ bcom ldan 'das de bzhin gshegs pa zhes bya'o/ /de dang de dag gi tshig gi don a ti yo ga'i dbang du bshad pa gong du thal lo/ /ma hA yo ga'i rnal 'byor gyi dbang du bcom ldan 'das kyi sgrar brjod pa ni/ rdo rje cho ga chen po rnam pa lngas/ rig pa'i skyes bu rang 'byung bar 'gyur zhing/ phung po dang khams dang/ skye mched lha'i rang bzhin du rnam par dag par bzhugs pas ni phung po'i bdud bcom/ thabs dang shes rnam par dag pa'i ngo bo nyid du dus bzhir mnyam pa nyid du bzhugs pas ni nyon mongs pa'i bdud bcom chos nyid byang chub sems skye ba med pa'i dbyings la dus bzhir 'byung 'jug med par bzhugs pa yin pas ni/ 'chi bdag gi bdud bcom phrag dog yongs su dag pas lha'i bu'i bdud bcom/ zhes bya ste/ de ltar yab yum thabs dang shes rab rnam par dag pa'i rang bzhin gyis/ thun mong dang thun mong ma yin pa'i mtshan dang/ dpe byad du ldan pa'i sgo nas/ thabs dang shes rab gsang ba byang chub sems kyi dkyil 'khor du ldan par zhes bya'o/ /yang dag par rdzogs pa chen pa'i rnal 'byor pa la na re/ skye ba med pa'i dbyings kyi ngang la dus bzhi rtag tu bzhugs pas ni/ skye ba'i rtog pa bcom pa yin la/ kun rdzob tu rdzogs pa chen po'i dkyil du ldan par bzhugs pa dang/ don dam par byang chub kyi sems chos kyi sku'i ngo bo nyid du ldan par bzhugs pa'o/ /de nyid kyang gang zhe na/ rnam par shes pa'i rgyal po dang zhes pa dang/ 'du byed kyi rgyal po dang zhes bya ba la sogs pa ste/ nye bar len pa'i phung po lnga ni yongs su dag pa rgyal ba rigs lngar bzhugs pa'o/ /
- 208a
de ni spyi'i'o/ khyad par du 'grel pa/ rnam par shes pa'i rgyal po ni kun gzhi rnam par shes pa rnam par dag pa dpal rdo rje sems dpa' nyid do/ de yang yongs su ma dag pa'i dus na ni 'khor ba'i chos thams cad kyi rtsa ba yin la/ yongs su dag pa'i dus na ni mya ngan 'das pa thams cad kyi rtsa'o/ /gzugs kyi rgyal po dang bya ba ni/ spyi'i dbang du ni rnam par snang mdzad du bzhed la/ khyad par du 'grel pa'i dus su ni/ rgyu'i gzugs bzhi rnam par dag pa ni/ yongs su dag pa'i lha mo bzhi dang/ 'bras bu'i gzugs bcu gcig ste/ de yang sems dpa' dang sems ma'i ngang nyid du lta'o zhes gsungs pa la/ lus dang reg bya ni khro bo'i ngang nyid du 'grel pa yin no/ /chos mngon pa'i mdo las rnam par rig byed dang rnam par rig byed ma yin pa'i gzugs su gsungs pa da/ ci ltar rnam par bzhag pa yin zhe na/ zhes brgal ba dang/ de ni theg pa chud du bas ni rnam par rig byed du bzhed pa ste/ theg pa chen po rab tu bsdus pa dang/ theg pa chen po gzhan dag ni/ las kyi bag chags sog par byed pa zhes gsungs te/ theg pa chung ngu pas ni rgyu dang byed pa'i rang bzhin tsam du shes la/ theg pa chen pos ni phyi ma'i las kyi bag chags su dgongs pa yin no/ 'o na de la ci'i phyir gzugs she na/ de las byung ba dang phyi ma de'i rgyud byed pa'i mtshan nyid can yin no/ /der brgal ba/ phyi rol tu gyur pa theg pa thams cad kyang phung po'i go rims dang por gzugs kyi phung po gtsor smos pa yin no/ /'dir rnam par shes pa dang por smos pa rung ngam zhe na /de ni phyi rol pa dag bzung pa'i don regs pa la gtsor 'dod pa yin la/ 'dir 'dzin pa'i gzhi rtsa ba'i rnam par shes pa gtsor 'dod pa yin pas 'gal ba ma yin pa dang/ theg pa chen po sangs rgyas kyi bkar bzhed
- 208b
pa yin no/ /tshor ba'i rgyal po dang zhes pa tshor ba'i rang bzhin ni bde ba dang sdug bsngal dang/ gnyis ka ma yin pa'o/ tshor ba 'byung ba'i gnas ni dbang po drug go /de la khams 'og ma gnyis na ni/ rnam par shes pa lnga'i khongs su bsdu ba yod la/ gong ma ni yid kyi khongs su bsdu ba yod do/ /de yang kun nas nyon mongs pa dang/ rnam par byang ba la brten pa'i mtshan nyid dge ba dang mi dge ba'i 'bras bu can te/ de dag rnam par dag pa ni yongs su dag pa mnyam pa nyid kyi ye shes te/ rin chen 'byung ldan no/ /khyad par du ni rnam par shes pa drug dang/ mtshungs par ldan te/ de yang sems dpa' dang sems ma dang khro bo dang khro mo'i dang nyid du blta'o/ /'du shes kyi rgyal po dang zhes pa/ mtshan ma dang mtshan ma med pa dang/ rgya che ba dang/ rgya chung ba dag ste/ mdo'i dmigs pa la mtshan mar 'dzin pa'o/ /brgal ba dang/ de ltar tshor ba dang 'du shes gnyis khams gsum du yang khyab par 'dra zhing sems las 'byung bar 'dra ba yin na/ ci'i phyir phung po re rer bya ste/ de ni khyad par med pa yin no/ zhe na/ de nyid khyad par yod de tshor ba ni 'dod pa la zhen pa yin pas/ khyim pa rnams rtsod do zhes 'byung ste/ de skad du chos mngon pa'i mdo las/ rtsod pa'i rtsa bar gyur pa dang/ 'khor ba'i rgyu dang rim rgyu phyir/ zhes gsungs te/ dpal gsang ba 'dus pa las kyang/ tshor ba 'dod pas myos bstan pa/ nga rgyal gyi ni ngo bo zhes gsungs pas/ tshor ba ni 'dod pa'i 'dod chags kyis myos pa yin no/ /'du shes ni lta ba la lhag par zhen pa yin pas/ rab tu byung ba rab tu ma byung rnams rtsod do/ / mu stegs dang sangs rgyas pa rnams rtsod do/ /yang theg pa so so pa rnams kyang 'du shes la rtsod do/ /de rnams rnam par dag pa ni yongs su dag pa'i so sor rtogs pa'i ye shes te/ snang ba mdza' yas kyi ye shes so/ /'du byed kyi rgyal po dang
- 209a
zhes pa/ de yang sems las byung ba'i rnams mdzod kyi bstan chos las/ lnga kun tu 'gro ba la sogs pa ste/ lnga bcu rtsa gcig ste/ de rnam par dag pa ni yongs su dag pa bya ba bsgrubs pa'i ye shes yin te/ don yod grub pa la/ khyad par du ni/ sems dpa' dang sems ma dang/ khro bo dang khro mo'o/ de skad du chos mngon pa mdzod las gsungs pa/ dbang don de dag kho na las/ skye mchad dang ni khams bcur 'dod/ tsher ba myong ba 'du shes ni/ /mtshan mar 'dzin pa'i bdag nyid do/ /'du byed phung po bzhi las gzhan/ zhes bya ba la sogs pa gsungs pa yin no/ de yang thabs dang shes rab kyi spyod yul dus bzhir bzhugs pa'i phyir/ btsun mo dam pa snang ba'i dbyings dang zhes bya ba la sogs pa ste/ nam mkha' kun gyi go 'byed pa dang/ phan ba dang gnod par mi byed pa dang/ rtag pa'i phyir te/ gang nam mkhas gom phye na/ 'dod pa thams cad mi 'byung bas snang ba'i dbyings so/ /'byung ba chen po bzhi ltar phan pa dang gnod pa nye bar mi bsgrub pa dang/ skye ba dang 'jig pa med pas rtag pa yin pa'o/ /de rnam par dag pa'i yongs su dag pa ni rdo rje dbyings kyi dbang phyug ma ste/ de yang phyi dang nang gi nam mkha' i rang bzhin no/ /de la phyi'i nam mkha' ni snang ba dang grib ma dang bcas pa'o/ /nang gi nam mkha' ni 'khor ba'i nang na 'byung ba dag 'phel 'grib med pa dang/ /spu'i bu ga dang dbang po'i bu ga dag go/ de skad du chos mngon pa'i mdo las gsungs pa/ bu ga nam mkha' i khams zhes bya/ snang dang mun pa dag yin no/ zhes bya'o/ sra ba'i dbyings dang zhes bya/ gser gyis gzhi'i la sogs pa snod kyi 'jig rten dang/ nang gi lus la yod pa gang yin pa de sa'i khams so/ /de rnam par dag pa yongs su dag pa'i sangs rgyas spyan gyi ngang nyid du lta'o/ /mnyen pa'i dbyings dang zhes pa/
- 209b
chu'i dkyil 'khor la sogs pa dang/ nang gi lus gsher ba dang gnyen pa'i bdag nyid do/ /de rnam par dag pa ni yongs su dag pa'i mA ma kI dang nying du lta'o/ /dro ba'i dbyings dang zhes pa ni/ phyir me'i khams dang/ nang du lus kyi khams kyi tsha ba dang dro ba'i bdag nyid yin no/ /de rnam par dag pa ni lha mo gos dkar mo'i ngang nyid du lta'o/ /bskyod pa'i dbyings dang bya ba/ phyi snod kyi 'jig rten rlung gi khams la sogs pa dang/ nang gi rlung khams yang ba dang g.yo ba dang/ ud na dang/ byan zhes bya ba'i rlung gis lus kyi dbang po la rgyas par byed do/ /dbyings zhes bya ba'i sgra ni mi zad pa la bya'o/ /sogs kyi sgra ni mang ba la bya ste mdza' yas pa la gzung ngo/ /de lta bu'i btsun mo'i tshogs dang ldan par bzhugs so/ su bzhugs she na/ gong du gsungs pa'i de bzhin gshegs pa de dag bzhugs so zhes bya'o/ /thabs ci ltar bzhugs she na/ gnyis su med par bzhugs so zhes bya ste/ de yang rang bzhin chos kyi dbyings mdza' yas par bzhugs pa dang/ phyi lus kyi dkyil 'khor mdza' yas par khyab par bzhugs pa dang/ gsang ba byang chub sems mdza' yas par khyab par gnyis su med par bzhugs pa ste/ dpe til gyi gang bu bzhin du chos kyi dbyings khyab par bzhugs so zhes bya ste/ til gyi gang bu til 'brus khyab pa la/ til 'bru mar gyis khyab pa 'am yang til gyi nang na gnas pa'i gzugs bzhin du so so'i gzugs kyang ma 'dres la/ mtshams kyang mi phyed par gnas pa de bzhin du/ nam mkha' i khams chos kyi dbyings thams cad de bzhin gshegs pa'i dkyil 'khor gyis khyab nas bzhugs so zhes bya/ de la chos kyi dbyings kun tu mdza' yas pa zhes smos pa ni/ yul lam snod smos pa yin no/ /khyab pa zhes pa ni bcud rang bzhin rdzogs pa chen po'i dkyil 'khor smos pa yin no/ dpe'
- 210a
ji lta zhes na til gyi gang bu'o/ /ci de bzhin gshegs pa yab yum nyi tshe bzhugs sam/ 'on te 'khor yang yod ce na/ 'khor dang ldan par bzhugs par bstan pa'i phyir/ de nas byang chub sems dpa' sems dpa' chen po rdo rje mthong ba dang/ bya ba la sogs pa'o/ /de la byang chub ces bya ba ni/ theg pa chen po phyi pa dag gis zad la mi skye ba'i ye shes la byang chub ces bya ba'i sgrar bzhed la/ gsang ba ma ha yo ga ni/ thabs dang shes rab kyi sgo nas byang chub ces bya ba'i sgrar bzhed pa'o/ /shin tu rdzogs pa chen po'i gnas skabs su ni/ nam mkha' lta bu'i byang chub mngon du gyur pa la byang chub ces bya bar gsungs so/ /chen po zhes pa ni/ phyi pas ni chen po rnam pa bdun gyi bdag nyid chen por bzhed la/ ma ha yo gas ni thabs dang shes rab kyi bde ba chen por bzhed la/ 'dir ni don dam pa dang kun rdzob skye ba med pa'i dbyings dang/ rdzogs pa chen po'i dkyil 'khor rgyu 'bras dbyer med pa la chen por bzhed do/ /stong pa chen po'i ngo bo la yang rdo rje zhes bya bar rdzogs pa chen po'i dbang du bzhed pa yin pa las/ gleng gzhi bsdus pa'i gnas skabs las/ sku dang gsung dang thugs yon tan las rdo rje las byung ngo zhes smos pas/ de bzhin gshegs pa thams cad kyi sku gsung thugs yon tan 'phrin las dbyer med pa'i ye shes chen po lnga la rdo rje zhes bya'o/ /de skad du dpal gsang ba 'dus pa'i le'u bco brgyad pa las kyang gsungs pa/ rgyu lnga dag gi 'bras bu ni/ rdo rje zhes su bstan pa yin zhes gsungs te/ de ni kun rdzob rdzogs pa chen po'i dkyil 'khor dang/ mahA yo ga'i dbang ngo/ /bsgal ba/ rgyu ye shes lnga la rdo rje zhes pa rung na/ 'bras bu'i byang chub sems dpa' la rdo rje zhes bya ba mi 'gal lam/ smras pa de ni 'gal ba ma yin te/ 'di dag kyang ye shes chen po lnga la 'byung ba yin no/ /der ni de bzhin gshegs pa dang/ byang chub sems dpa' khyad med pa yin no zhe na/ de ni de bzhin gshegs pa ni ye shes dbang du gyur pa dang mngon du byas pa yin la/ byang chub sems pa ni de la sbyor ba yin no/ /gnyis
- 210b
su na sgo 'dir ni kun rdzob tu de ltar snang na yang/ don dam par khyad med pa yin te/ sku dang yan lag tsam du las so/ de la mthong ba ni rnam par shes pa ste/ gang la gnas/ dbang po gzugs la gnas/ gang la dbang byed yul gzugs la dbang byed de/ mthong ba ni rnam par shes pas mthong la mthong byed ni rnam par shes la dbang pos rten byed pas mthong byed do/ /de byi ma ha dza la'i tan tra las kyang/ rnam pa shes pa dang sngar sa'i snying po sbyar la/ phyis dbang po smos te/ de nyid mthong par byed pa'i dbang po dang zhes gsungs pa'i phyir ro/ /de la mthong ba zhes bya ba ni/ mig gi rnam par shes pa ste/ gang mig la bsten nas gzugs so sor rnam par rig pa ste/ da yang gnas bzhi dang ldan pa ste/ mig ni lhan cig 'byung ba'i gnas so /yid ni de theg pa'i gnas so/ / sa bon thams cad pa kun gzhi rnam par shes pa/ sa bon gyi gnas so/ dmigs pa'i gnas gzugs bstan du yod pa thogs pa dang bcas pa ste/ kha dog dang dbyibs so/ /de ltar rnam par dag pa ni/ yongs su dag pa'i byang chub chen po rdo rje thos pa dang zhes pa/ rna ba'i rnam par shes pa ste/ gang rna ba la brten nas sgra so sor rnam par rig pa ste/ gnas bzhi'o/ lhan cig 'byung ba'i gnas rna ba dang/ yid ni de ma thag pa'i gnas so/ /sa bon thams cad pa kun gzhi rnam par shes pa ni sa bon gyi gnas so// dmigs pa'i gnas sgra mang po dag bstan du med cing thogs pa dang bcas pa'o/ /de ltar rnam par dag pa ni yongs su dag pa'i byang chub chen po rdo rje thos pa ste/ phyag na rdo rje la shes par bya'o/ /yang la lan re/ mthong ba nam mkha' i snying po la shes par bya ste/ gzhan gyi dus su ni rna ba'i dbang po sdud pa pos thos byar rung na/ 'dir ni chos nyid nam mkha' lta bus bshad pas nam mkha' i snying po la bya/ gnyis su med pa'i ting nge 'dzin gyi dkyil 'khor las/ g.yas nas mthong
- 211a
thos snom pa dang/ zhes gsungs pas/ nam mkha' i snying po la bya'o zhes smra'o/ yang gsum du na dbang gi dkyil 'khor gyi dus su yang/ rna ba'i 'khor lo la traM las rin po che'i dkyil 'khor du bsgom zhing nyan pa'i dbang bskur bar gsungs so zhe na/ de ltar bkag pa ni ma yin mod kyi/ ting nge 'dzin gyi dkyil 'khor tsam na ni/ spyan ras gzigs kyi dbang po gsung gi rigs kyang/ las kyi rigs su 'gyur bas go rims rang gi phyogs su nges so/ yang na ye shes kyi 'khor lo g.yas dang g.yon du/ mthong dang thos dang snom pa dang zhes pa/ sna'i rnam par shes pa ste/ sna la brten nas dri so sor rnam par rig pa ste/ de yang gnas gzhi po/ sna ni lhan cig 'byung ba'i gnas so/ /yid ni de ma thag pa'i gnas so/ /sa bon thams cad kun gzhi rnam par shes pa ni sa bon gyi gnas so/ /dmigs pa'i gnas ni dri'i rnam pa du ma bstan du med cing thogs pa dang bcas pa ste/ de ltar de rnam par dag pa ni/ yongs su dag pa'i byang chub chen po rdo rje snom pa ste/ nam mkha' i snying po'o/ /ci'i phyir zhe na/ sna rin po che yin pa'i phyir ro/ /myong ba dang zhes pa/ lce'i rnam par shes pa ste/ lce la brten nas ro so sor rnam par rig pa'o/ /de yang gnas bzhi ste/ lce ni lhan cig 'byung ba'i gnas so/ /yid ni de ma thag pa'i gnas so/ /sa bon thams cad pa kun gzhi rnam par shes pa ni sa bon gyi gnas so/ /dmigs pa'i gnas ni ro rnam pa du ma bstan du med cing thogs pa dang bcas pa ste/ de ltar de rnam par dag pa ni/ yongs su dag pa'i byang chub chen po rdo rje myong ba ste/ 'jig rten dbang phyug la shes par bya'o/ /de nyid las thabs dang shes rab kyi ngo bor bzhugs pa'i phyir/ btsun mo mthong bar bya ba ste zhes bya
- 211b
ba la sogs pa ste/ de la mig gi yul gzugs yin pas mthong bar bya ba dang/ rna ba'i yul sgra yin pas thos par bya ba dang/ sna'i yul dri yin pas snam par bya ba dang/ lce'i yul ro yin pas myong bar bya ba dang/ yul dang dbang po sprod lugs de ltar yin yang/ rgyud 'dir ni rigs kho na gtsor bya ste/ mnyan par bya ba sgra'i lha mo rna ba'i yul yin yang/ rigs kyi dus su gsung gi rigs pas/ 'jig rten dbang phyug gi yum du shes par bya/ snom pa sna'i yul dri yin pas/ rigs kyi dus su rin chen phreng ba ma la shes par bya/ myong ba lce'i yul ro yin yang/ rigs kyi dus su phyag na rdo rje'i yum rdo rje gar la shes par bya/ de ltar rigs su 'dod pa'i dus yod de/ dpal gsang ba 'dus pa las kyang/ sgra'i lha mo phyag na rdo rje'i yum yin yang rigs sdud pa'i dus su gsung gi rigs te/ yum du 'dod pa'i gnas skabs dang/ rigs su 'dod pa'i gnas skabs so so na yod do/ de la 'dir ni tshig spas dang don spas kho na'o/ /dbang po'i de kho na nyid smos pa'i phyir/ byang chub chen po rdo rje mthong byed dang zhes bya ba la sogs pa ste/ mig gi rnam par shes pas yul gzugs mthong ba'i tshe/ rten mig gi dbang pos byed pa na/ mthong ba byed ces bya'o/ /de yang gang zhe na/ 'byung ba chen po bzhi dag rgyur byas pa'i mig gi rnam par shes pa'i rten byang gzugs dang ba ste/ bstan du med pa thogs pa dang bcas pa'o/ /de ltar de rnam par dag pa ni/ yongs su dag pa'i byang chub chen po bzhi rdo rje mthong byed de/ byams pa la shes so/ /byang chub chen po rdo rje thos byed bya ba/ rna ba'i dbang po ste/ 'byung ba chen po bzhi dag rgyur byas pa ste/ rna ba'i rnam par shes pa'i rten po/ gzugs dang ba bstan du med pa thogs pa dang bcas pa ste/ de ltar de rnam par dag pa ni yongs su dag pa'i rdo rje thos byed de/ sgrib pa rnam
- 212a
sel la shes so/ /byang chub chen po rdo rje snom byed dang/ zhes pa/ sna'i dbang po ste/ 'byung ba chen po bzhi dag rgyur byas pa'i sna'i rnam par shes pa'i rten po gzugs dang ba ste/ bstan du med pa thogs pa dang bcas pa ste/ de ltar de rnam par dag pa ni/ yongs su dag pa'i byang chub chen po rdo rje snom byed kun tu bzang po la shes so/ /byang chub chen po rdo rje myong byed dang zhes pa lce'i dbang po ste/ 'byung ba chen po bzhi dag rgyur byas pa'i lce'i rnam par shes pa'i rten po gzugs dang ba ste/ bstan du med pa thogs pa dang bcas pa ste/ de ltar de rnam par dag pa ni/ yongs su dag pa'i byang chub chen po rdo rje myong byed de/ 'jam dbyangs la shes par bya'o/ /de nyid kyang yid kyi yul chos kyi dbyings kyi lha mo dang dus bzhi mnyam pa nyid du thabs dang shes rab kyi ngo bor bzhugs pa'i phyir 'das pa dang/ da ltar dang/ ma byung ba dang/ ma byon pa dang zhes gsungs te/ rdo rje bdug pa dang/ me tog dang/ mar me dang/ dri chab dang/ bzhi'i dang nyid du/ bar gyi skal pa bzhi dang/ dpyid dang dbyar dang ston dang/ dgun dang/ yid kyi yul gyi slad ma'i dus bzhi la sogs pa dbyer med par bsgom zhing mnyam pa nyid kyi dang du lta bar bya ba kho na yin no/ /'dir smras pa/ 'og nas ya ni skye ba rnam par dag ces 'byung na/ 'dir 'das pa dang por sbyor ba ci'i phyir zhes brgal ba dang/ lan du 'jig chags stong gnas bzhi las/ da ltar gnas pa'i dus 'di nyid la bltos na/ sngon tu chags pa skye ba'i dus de ni/ da ltar gyi dus kyi sngon du byung bas 'das pa zhes bya'o/ /ci'i phyir zhe na/ dang po skye ba med na/ da ltar gyi dus kyi sngon du 'das pa'i rgyu yang med pas de skad ces bya'o/ /de la dus su ni rnam par shes pas yul gzugs mthong ste/ dang po yul gzugs dkar
- 212b
po mthong/ dkar po gang yin ud pa la 'am/ pad+ma dkar po zhes bya bar mthong la/ de yang shun pa dang 'dab ma dang so sor zhig par 'gyur la/ de nyid dngos po med pa ni stong pa'i dus so/ /yang na shom la khab brgyab pa'i dus su rnam pa lta bu yang lha mo bzhi'i ngang nyid du blta'o/ /de ltar yang bud med sgyu 'phrul las kyang/ /dus bzhi ni lha mo bzhi rnams so zhes gsungs pa'i phyir ro/ /yang ril por 'du shes pa'i gnyen po can du rang bzhin gyi dkyil 'khor bstan pa'i phyir yang gsungs pa/ 'joms pa chen po reg pa dang/ zhes bya ba la sogs pa 'di dag lus kyi dkyil 'khor dang/ rdzogs pa chen po'i dkyil 'khor rnams gsum gyi sgo srung ba dang/ bdud bzhi'i dul bar byed pa'o/ de lus kyi rnam par shes pa'i gnas bzhi dang ldan pa ste/ sa bon thams cad pa kun gzhi'i rnam par shes pa sa bon gyi gnas reg pa ste/ de ltar de rnam par dag pa ni yongs su dag pa'i khro bo gshin rje gshed do/ /ci'i phyir zhe na/ gshin rje gshed ni zhe sdang gi dbang gi byung ste/ de'i phyir 'chi bdag gi bdud do/ /'joms pa chen po rdo rje reg bya dang zhes pa/ lus kyi yul reg bya rnam par dag pa ni/ khro bo shes rab mthar byed la shes bya'o/ /ci'i phyir na phung po'i bdud ni nga rgyal gyi dbang gis byung ngo/ /'joms pa chen po reg byed dang zhes bya ba/ 'byung ba chen po bzhi po dag rgyur byas pa'i lus kyi rnam par shes pa'i rten byed pa'i gzugs dang ba ste/ bstan du med cing thogs pa dang bcas pa'o/ /de ltar de rnam par dag pa ni/ yongs su dag pa'i khro bo rta mgrin la shes par bya'o/ ci'i phyir zhe na/ nyon mongs pa'i bdud ni/ chags pa'i dbang gis 'byung ba'i phyir ro/ /'joms pa chen po reg
- 213a
shes dang zhes bya ba ste/ de ma thag pa'i gnas yid kyi dbang po la bya ste/ de ltar de rnam par dag pa ni/ /yongs su dag pa'i khro bo bdud rtsi 'khyil pa la shes par bya'o/ /ci'i phyir zhe na/ lha'i bu'i bdud ni phrag dog gi dbang gis byung ba ste/ de ltar nyon mongs pa lnga dang/ bdud rnam bzhi 'joms par byed pas na chen po ste/ de'i don dang rtags su tshangs pa la sogs pa yang bdag tu byas shing/ de dag gi nyon mongs pa yang 'joms par byed pa'i ngang tshul dang ldan pa kho na nyid yin no/ /de ltar yang zhe sdang 'joms byed la sogs pa bzhi zhes de byi ma ha dza la'i tan tra las kyang gsungs pa kho na yin no/ /de ltar na khro bo chen po 'di dag kyang yan lag dang nying lag tu blos rnam par brtag par bya'o/ /nyon mongs pa can gyi yid kyi dbang gis/ phyin ci log gi lta ba drug cu rtsa gnyis byung yang/ mdo'i rtag chad gnyis su 'dus la/ phyi ma yan lag drug cu tham pa yang/ bdag dang mtshan ma gnyis su 'dus pas/ de'i grogs bdag tu lta ba dang mtshan mar lta ba gnyis te bzhi'o/ de ltar nyon mongs pa can gyi yid 'khor rnam bzhi po de rnam par dag pa ni/ yongs su dag pa'i lha mo bzhi ste/ de yang gang zhe na/ rtag par lta ba dang zhes bya ba la sogs pa ste/ de ltar rtag par blta ba dang/ zhes bya ba ni/ tshe rabs thams cad du bdag mi 'gyur bar yod par lta ba ste/ dper na phung po ni sprul pags pa rjes pa bzhin du bor na yang/ tshe rabs thams cad du bdag ste mi 'gyur bar 'dod pa'o/ /de lta bu'i lta ba de de bzhin ltar rtag pa ma yin te/ chos thams cad sgyu ma'i dpe brgyad tsam du gnas pa'i phyir rtag par ma yin pa zhes bya'o/ /de ltar de ltar rnam par dag pa ni lha mo kyo ba
- 213b
ma'o/ /chad par lta ba dang/ /zhes bya ba tshe snga phyi dang las dge sdig 'bras bu dang bcas pa mi shes pa ste/ da ltar gyi tshe 'di 'ba' zhig tu zad de/ 'byung ba bzhi 'dus pa las sems glo bur du rang 'ongs par zad pas shi phan chad thal ba bzhin du med par lta ba ste/ de lta bu de de ltar chad pa ma yin te/ chos thams cad ni rgyu dang 'bras bu la bltos pas rten cing 'brel par 'byung ba yan lag bcu gnyis su ma bu gsum du 'brel pa las thams cad 'byung par lta ba yin pas de de ltar rnam par dag pa na yongs su dag pa'i rdo rje zhags pa ma'o/ /bdag du lta ba gang zhe na/ 'di na kha cig bdag yod par lta ste/ phung po'i nang na bdag ces bya ba cig yod par lta ste/ de yang che ste shel sgong tsam/ chung ste yungs 'bru tsam/ /gsal ba dri ma med pa de nyid bdag yin te/ bdag gi lus ngag gi las g.yo ba med par byed pa yang de yin no/ zhes bya bar 'dod pa ste/ de de lta bu'i lta ba ste/ de ltar bdag tu ma yin te chos thams cad kyi rtsa ba ni rang gi sems yin na/ yong sems ni nam mkha' dri ma med pa ltar rang bzhin gyis 'od gsal ba yin pas bdag tu lta ba ma yin te/ de de ltar rnam par dag pa ni yongs su dag pa'i rdo rje lcags sgrog mar shes par bya'o/ /mtshan mar ma yin pa zhes bya ba ni/ spyi khyab kyi lta ba ste/ 'di ni kha cig ni pho'i mtshan mar nges so/ /kha cig mo'i mtshan mar/ de bzhin du pha dang ma dang bu dang sring mo dang dgra dang mdza' bshes dang/ dkar po dang sngon po la sogs pa so so'i mtshan ma rnam pa sna tshogs bar 'dzin pa'i sgra tha snyad kyi rnam grangs de thams cad chos stong pa nyid kyi rang nyid du rnam par dag pa ni/ yongs su dag pa'i rdo rje dril bu ma'i ngang nyid do/ /bsogs kyis ni mdza' yas pa'i chos dang
- 214a
chos nyid thams cad kyang de bzhin du rnam par dag pa dang/ yongs su dag pa'i lha'i rang bzhin du shes bya ba'i tha tshig dang 'brel to/ /de lta bu'i dam tshig brjod kyis mi lang pa zhes pa rang bzhin gyi dus ni mdza' yas mu med pa'i stong pa chen po 'jig rten gyi khams rdul phra rab snyed na/ byang chub kyi sems dang ldan pa'i sems can ci snyed yod pa thams cad kyang de re re yang lha sum cu rtsa drug gi rang bzhin du gnas zhes bya'o/ /de'i phyir na brjod pa ni grangs yin la/ brjod kyis mi lang ba ni grangs las 'das pa'i don du bstan pa yin no/ /de lta ba'i de dag kyang tshul ji ltar bzhugs na/ gnyis su med par bzhugs so zhes bya ste/ de dag gi don yang gong du bkral zin/ bzhugs zhes bya ba ni/ rnam par gnas pa ste sems tsam gyi rnal 'byor ltar spyan drangs nas bzhugs pa ni ma yin te/ ye nas rang bzhin lhun gyis grub pa'i dkyil 'khor na gnyis su med pa'i rang bzhin du bzhugs pa'o/ /de ltar yang gsung ba/ de la sogs pa mdza' yas mchog /chos dbyings mnyam dang mi mnyam pa/ /nam mkha' dbyings kyi mdza' klas par/ /rdo rje sems dpa' de bzhin gshegs zhes te/ thams cad rdo rje sems dpa' i rang bzhin du blta ba'o/ de lta yang gong du gsungs pa ltar/ rig pa'i 'og min ni yum gyi b+ha ga lha thams cad kyi 'byung gnas la/ shes par bya ste/ de ltar yang gsung ba/ bud med yul ni bde chen la/ /rdo rje pad+ma mnyam bzhag ste/ chos 'byung gsang ba'i b+ha ga la/ /lha rnams thams cad bzhugs pa'o/ zhes gsungs te/ de bzhugs pa'i dkyil 'khor ni/ ting nge 'dzin lhag pa'i byang chub sems kyi dkyil 'khor yi ge bzhi bcu rtsa gnyis la/ sangs rgyas pa'i 'bras bu lha bzhi bcu rtsa gnyis la shes par bya'o/ /de ltar yang
- 214b
thabs dang shes rab byang chub sems tshogs rgyu 'khor lo zhes bya ba la sogs pa yin no/ /de yang chos kyi dbyings kyi rang bzhin bas ni mdza' dang dbus med ces bya'o/ /gzhi zhes pa ni yum gyi b+ha ga ste/ phyi'i nam mkhas snod dang bcud du bcas pa'i gzhi byed de/ mkha' de la rten ces bya ba gsungs la/ yum gyi b+ha ga la yang gzhi zhes bya ba smos so/ /de la ci rten zhe na/ tshad med pa'i ye shes kyi 'khor lo rten te/ de la tshad med pa la yang la la na re che chung tshad med de 'phra rgyas kyi tshad kyi yungs kar tsam dang/ tshad dpag tu med par gyur pa'o zhes bya na/ spyir rgya che ba kho na gzung bar bya ba yin no/ /de yang gzung 'dzin gyi dri ma med cing 'dod chags kyi nyon mongs pa'i skyon dang bral ba'i phyir/ ye shes kyi 'khor lo gsal ba ste/ shel gyi nang na gnas pa'i gzugs bzhin du ye shes kyi 'khor lo ni/ gser bzhin du sbyangs pa'i mdog ltar gnas zhes so/ /yang de nyid gang gi nang na gnas she na/ ye shes rin po che'i gzhal yas khang na gnas so zhes bya ste/ nang gi dus su hUM dkar po las yum kun tu bzang mor gyur nas/ de 'od du zhu ba las mchod rten du gyur pa yin la/ gsang ba'i dus su ni yum kun tu bzang mo la shes par bya ste/ de yang phung po lnga rigs lnga ye shes lnga'i rang bzhin can yin pas ye shes rin po che zhes bya'o/ /mdza' yas pa'i rigs 'phro ba'i dang tshul can yin pas na/ 'bar ba zhes bya'o/ /chos kyi dbyings kyi ngo bo yin pas gzhal yas khang zhes bya'o/ /nam mkha' i dbyings kyi rang bzhin yin pas/ rgya phyogs bcur yongs su ma chad pa zhes bya ste/ khyab pa dang ma khyab pa med ces bya ba'i phyir ro/ /da ni yum de la gzhal yas khang gnyis pa'i rang bzhin du ston pas/ yon tan dpag tu med par rgyas pa'i phyir gru bzhir gyur zhes bya'o/ /de yang gru bzhi ni mnyam
- 215a
pa yin pa dang/ khyab pa yin pa dang/ rgyas pa yin pa dang 'dra par/ chos kyi sku nam mkha' nyid dang ldan pas ni/ khyab pa dang zab pa dang/ rgya che ba gnyis kyis rgyas pa'i phyir ni rgyas pa'i ste/ de la zab pas rgyas pa ni/ bdud rtsi lnga dang thabs dang shes rab rol pa'i gzugs la sogs pa'i yon tan lnga dang/ rab tu gsang ba'i mchod pa bzhi la sogs pa ste/ de ltar dpal gsang ba 'dus pa'i le'u bco brgyad pa las gsungs pa/ rang bzhin lus kyi bdag nyid la dri ma lnga po 'bab par 'gyur/ ye shes lngas ni byin brlabs par/ /bdud rtsi lnga zhes bya bar bshad ces gsungs pa'o/ /rgya che bas rgyas pa ni/ gzhung 'di nyid las/ gzugs la sogs pa'i 'dod pa'i yon tan lnga rang byung ngo/ zhes pa'o/ / sangs rgyas dang sems can gnyis skye ba med pa'i dbyings su mnyam pas na mnyam pa'o/ /yab yum de'i ye shes kyi khyad par gzhan las smos pa'i phyir/ lhag pa'i ye shes rin po che'i glo 'bur gyis mdzes pa zhes pa ste/ dpal gsang ba 'dus pa las kyang/ bcom ldan 'das dpal rdo rje sems dpa' rnam par shes pa'i phung po skye ba med pa'i dbyings su dgongs shing/ chos thams cad chos nyid byang chub kyi sems kyi ngang du dbyer med pa la dgongs nas/ ye shes kyi sku chos gzugs kyi 'od dkar la dmar zhing/ kha dog lnga dang ldan par shes pa'i tshe/ mA ma kI la sogs pa'i yum bzhis kun rdzob kyi brda' nye bar bzung nas/ shin tu chags pa'i dbyings su bskul nas/ ye shes kyi lus chos kyi chos nyid dang ldan pa las bzhengs nas/ yang 'dod khams na gnas pa'i sems la dgongs nas/ yum bzhi'i b+ha ga thabs dang shes rab rol pa'i tshul gyis dkyil 'khor gyi lha thams cad 'byin pa'i ngang tshul
- 215b
la gnas par bzhugs so/ /de'i rtags glo bur du bshad pa de/ glo bur yang rtags yin la/ yum yang gnas yin pa'i phyir ro/ /yang de dang 'dra bar rang bzhin med pa'am/ ci 'dra ba zhig ce na/ ye shes bsam gyis mi khyab pa ste zhes pa ste/ yum bsam gyis mi khyab pa la dbang sgyur ba'i ye shes dang ldan pa'i phyir ro/ /chos nyid rang bzhin gyis dag pa yin pa'i phyir/ rgyan gyi khyad par thams cad kyang/ shel gyi drung na gnas pa'i gzugs bzhin du/ mi sgrib par gsal pa yin no/ /da ni thar pa mchog gi khang pa der 'jug par bya ba'i yan lag bstan pa'i phyir/ rnam par thar pa bzhi'i sgo nas 'jug pa'i sgo khyud can zhes smos te/ b+ha ga'i gzhal yas khang der 'jug na/ rnam par thar pa'i sgo nas 'jug dgos te/ de yang 'dir ni yum gyi gsang ba'i yan lag bzhi la bya ste/ de yang 'dod chags la stsogs pa nyon mongs pa/ rgyu dang 'bras bur bcas pa rnam par dag par mdzes par dgongs pa'i phyir rnam par thar pa zhes bya'o/ /de ltar rnam par thar pa bzhi'i sgo khyung dang ldan gyis kyang/ rnam par thar pa brgyad du ldan pa'i dus na byang chub chen po'i 'bras bu mi 'byang bas/ che ba'i yon tan rta babs brgyad du smos te/ yab kyi yan lag bzhi yang bstan te brgyad du gyur pa yin no/ /de la rta zhes pa'i don ni/ 'dir gsang ba'i rdo ling ga rta zhes bya/ de yang rig pa'i skyes bu gnas su phyin par byed pa'i ngang tshul dang ldan pa nyid kho na la'o/ /de nyid bgrod par bya pa'i gnas su byon par byed pa'i ngang tshul can yin pa'i phyir ni/ babs zhes bya bar 'os so/ /sa bon rgyu ba'i dus na ni/ dpal rdo rje sems dpa' byang chub sems chu zla lta bu'i ngo bo zla ba lta bu'i ngo bo nyid zla ba ltar dag cing dkar po'i tshul du babs nas bzhugs so zhes bya'o/ /de dag gi don ni 'khor ba can gyi rgyu dang/ spyod yul dang 'bras bur bstan pa yin te/ dpal kun tu bzang
- 216a
po ni gzhan du ma yin te bdag nyid do/ /chos bya ba mo kun tu bzang mo ni/ gzhan du ma yin te yum mo/ /dpal rdo rje sems dpa' ni gzhan du ma yin te/ sa bon byang chub sems so/ 'byung ba chen po dang/ dbang po dang/ rnam par shes pa dang/ yul dang dus ni gzhan du ma yin te/ sangs rgyas spyan la sogs pa'o/ /sems dpa' dang sems ma ste/ de yang le'u bcu gsum pas rtogs par bya'o/ /de ltar yum ye shes kyi lha mo ni chos bya ba mo kun tu bzang mo/ rgyu 'byung ba chen po bzhi ni lhag pa'i ye shes kyi glo 'bur/ sa bon byang chub sems ni dpal rdo rje sems dpa' / phung po dang khams dang skye mched ni lha sum cu rtsa drug gi rang bzhin du ye nas sangs rgyas te gnas pas na/ phyi dang nang med kun tu yang nang du gyur pa na zhes bya'o/ /thub pa drug ni dkyil 'khor gyi lha yin yang/ khams dang skye mched yongs su dag pa'i lha ma yin no/ 'o na gsang ba'i dkyil 'khor la bkod pa mi 'ga' lam zhe na/ mi 'gal te theg pa chung ngu ni dgongs pa'i dbang gis/ chen po'i nang du mi 'gro ba'o/ /yang sa bon byang chub kyi sems chu zla lta bu'i ngo bo dpal rdo rje sems dpa' de nyid rgyu dang gnas gyi ngo bor smos pa'i phyir/ mi 'jigs pa seng ge'i khri dang zhes bya ba la sogs pa ste/ de yang yul can kho na la shes par bya'o/ /'dod pa'i 'dod chags la sogs pa rnam par dag pa'i phyir gos pa med pa pad+ma'o/ /sprul pa'i dkyil 'khor sna tshogs kyi phreng ba rgyun mi chad bas na/ pad+ma rin po che sna tshogs kyi pad+ma'o/ /rang bzhin rdzogs pa chen po dkyil 'khor gyi rgyu dang gdan gyi ngo bo bas na/ rang bzhin gyis 'od gsal ba'i nyi zla'i dkyil 'khor te/ de yang 'dir yab yum thabs
- 216b
dang shes rab kyi nyi zla rtseg ma la shes par bya'o/ /de yang 'dir ni skabs kyi don bsdus pa rnam pa gnyis te/ bdun gyis mdor bsdus pa dang/ de nyid yang gsum gyis mdor bsdus par shes par bya ste/ de la dang po bdun gyis mdor bsdus pa ni/ dpal kun tu bzang po'i rang bzhin te/ khyad par bstan pa dang yum kun tu bzang mo'i rang bzhin dang khyad par bstan pa dang/ /de thabs dang shes rab rol pa'i yan lag bstan pa dang/ sa bon byang chub sems 'byung bar bstan pa dang/ b+ha ga'i rang bzhin bstan pa dang/ gsang ba'i b+ha gar byang chub sems byung bar bstan pa las gdan bstan pa dang/ gdan de dag la bzhugs pa'i dkyil 'khor bstan pa'o/ /de la de bzhin gshegs pa yang dag par rdzogs pa'i sangs rgyas zhes pa nas/ de dbyer med pa'i rang bzhin te zhes pa'i bar gyis ni/ dpal kun tu bzang po'i rang bzhin dang khyad par bstan to/ /'og min gyi gnas zhes pa la sogs pa ste/ kun tu bzang mo'i rang bzhin dang khyad par bstan to/ /rnam par thar pa bzhi dang brgya pa la sogs pas ni/ thabs dang shes rab rol pa'i yan lag bstan pa ste/ rta babs zhes gsungs pa las 'dir bcus nas bstan te/ rta ni 'gu ha gsang ba'i rdo rje la bya ste/ des ni sa bon byang chub sems 'byung bar bstan pa'o/ /phyi dang nang med par kun tu yang nang du gyur pa na zhes bya ba'i bar gyis ni/ b+ha ga'i rang bzhin bstan pa'o/ /mi 'jigs pa seng ge'i khri dang/ zhes bya la sogs par ni/ gsang ba'i b+ha gar/ byang chub sems byung ba las gdan bstan pa'o/ /rnam par shes pa'i rgyal po nas rtag chad kyi bar gyis ni/ gdan de dag la bzhugs pa'i dkyil 'khor bstan pa'o/ de nyid yang yig 'bru'i dbang las gsum gyis mdor bsdu bar bya ba'i phyir/ yang
- 217a
gsungs pa/ mgo ni mnor lam yin te/ shar ni thabs chen tshigs su gcod/ /tig ni shes rab ming du smra/ zhes gsungs te/ rgyud kyi dbu la phun sum tshogs pa'i gleng gzhi med na ni/ bka' yang dag pa'i chos su mi 'gyur la/ gsung rab kun gyi dbur bri dgos pas bcom ldan 'das kyis bstan pa'i phyir mgo ni ma nor lam yin te/ zhes bya ba'i tshig gsum gsungs pa yin no/ /de la mgo ni yi ge a 'dra la/ yi ge a'i sgra ni dbu ma la yang dmigs su med pa yum shes rab kyi pha rol tu byin pa'o de ltar mgo dang ldan gyis kyang shar med na tshig gi mtshams mi byed pas/ ji ltar na ka ri ka phyed bar mi 'gyur bar shad dgos pa'i phyir/ shad ni thabs kyi pha rol tu phyin pa'i bdag po nyid dpal kun tu bzang po'o/ /de ltar ka ri ka rab tu gsal bar byed pa de snyed kyang/ tig gi yig 'bru rab tu dbye ba ma byas na/ ka ri ka ra mi 'gyur pas tig dgos pa'i phyir/ tig ni shes rab ming du smra zhes bya ba gsungs te/ tig ni lhag pa'i byang chub sems zla ba'i dkyil 'khor yi ge phreng ba'i lha bzhi bcu rtsa gnyis kyi ngo bor shes par bya'o/ /ci'i phyir zhe na/ tsheg drag zla ba gang ba'o zhes gsungs bas/ de tsam gyis kyang shes rab mchog dang ldan pa'i mi rnams kyis/ ma hA yo ga'i gzhung dang don go zhing rtogs par 'gyur ro/ /de ltar dpal gsang ba'i snying po la/ ma hA yo ga'i dbang du bshad par 'dod pa'i rnal 'byor pas gong du bsdus pa'i don sum cu tham pa las/ sa bon byang chub sems las gsang ba'i b+ha gar gdan la bzhugs pa'i dkyil 'khor rang bzhin gyis 'od gsal ba'i sku lnga'i don bstan par bzhed de/ de yang bcom ldan 'das rnam par shes pa'i rgyal po dang zhes bya ba la sogs pa ste/ phyin ci log tu 'khrul pa'i chos ji
- 217b
snyed pa thams cad ni rnam par dag pa'i dkyil 'khor du ye nas sangs rgyas te gnas pa'i ngo bo nyid rnam par shes pa ste/ pha ma gnyis la chags te 'dod chags drag po'i skabs su babs ba na/ 'jug gi byang chub sems ska ba 'byung bar 'gyur ro// de'i rjes gnyis ka las byang chub kyi sems thigs pa gnyis gdon mi za bar 'byung bar 'gyur te/ de gnyis 'dres nas 'o ma bskol ba'i spris ma drangs pa bzhin du dpris ma lta bu chags shing 'dus bar 'gyur te/ de sa bon thams cad rnam par smin pas bsdus pa'i byang chub sems dpal rdo rje sems dpa' ye shes kyi sa bon la kun gzhi rnam par shes pa gdon mi za bar 'jug par 'gyur ro/ /de nas byang chub sems de gnyis 'dres pa las/ dbris ma lta bu de dang lhan cig tu ste/ de'i dus su phyin ci log tu dmigs pa/ bar ma do'i srid pa de 'gags par gyur la/ de 'gags dang dus gcig tu rnam par shes pa'i sa bon thams cad pa de'i mthus de las bzhan pa'i dbang po 'byung ba chen po che 'phra ba dang 'dres pa dang/ mthun pa'i khu ba khrag 'dus pa lus kyi dbang po dang bcas pa gzhan 'byung bar 'gyur te/ de'i dus skabs su rnam par shes pa gnas gyur pa ni nyid mtshams sbyor ba zhes bya ste/ de ni mer mer po'i dus yin no/ /de ltar mer mer pa'i gzugs de nyid sems kyi dbang gis rul ba dang zags par me ster la/ rkyen gzhan gyis bcom na ni/ sa bon thams cad pa de yang gzhan du 'phro bar 'gyur la/ mer mer po'i phyogs gang du rnam par shes pa zhugs pa de nyid kyi phyogs su yin te/ des phung pos bsdus par bzhed do/ /de'i phyir na kun gyi rtsa ba rnam shes te zhes gsungs te/ de ltar de rnam par dag pa ni/ yongs su dag pa'i chos kyi dbyings kyi ye shes/ bcom ldan 'das de bzhin gshegs pa rnam
- 218a
par shes pa'i rgyal po ste/ rgyu sa bon gyi dus na ni dpal rdo rje sems dpa' / 'bras du phyag rgya chen po'i dus na ni/ mi bskyod pa las shes par bya'o/ /de ltar mer mer bo dang nur nud po gnyis rdo rje cho ga dang po'o/ / ltar ltar 'khrang 'gyur gnyis rdo rje cho ga gnyis po'i rka lag dang skra dang ba spu'i dus su ni rdo rje cho ga gsum pa'o/ /dbang po dang mtshan 'dod pa ni rdo rje cho ga bzhi pa'o/ /slar rdzogs nas sngags 'byung ba ni rdo rje cho ga lnga pa'o/ /de ltar rnam par dag pa ni yongs su dag pa'i me long lta bu'i ye shes so/ /bcom ldan 'das de bzhin gshegs pa gzugs kyi rgyal po rnam par snang mdzad du bzhed pa yin no/ /ma la gnas pa de la rang bzhin gyis bde ba yang ma yin/ sdug bsngal ba yang ma yin pa'i tshor ba skye bar 'gyur te/ de ni rnam par smin pas bsdus pa yin la/ de las gzhan pa'i bde sdug ni tshor ba thams cad ni/ rnam par smin pa las gdod 'byung ba'am yul gyi rkyen gyis 'byung ba yin no/ /de bzhin du de ltar de'i dus su tshor ba rnam gsum 'byung ba rnam par dag pa ni/ yongs su dag pa'i mnyam pa nyid kyi ye shes te/ bcom ldan 'das tshor ba'i rgyal po rin chen 'byung ldan no/ /'du shes ni pha rol tu phyin pa na yul dang dbang po 'gag na yang mi'i rkyen gyis nyon mongs pa 'byung ba dang/ yang rnam par smin pa las gzhan pa'i sdug bsngal gyi 'du shes dag 'byung ba la sogs pa rnam par dag pa ni yongs su dag pa'i so sor rtog pa'i ye shes te/ bcom ldan 'das de bzhin gshegs pa 'du shes kyi rgyal po tshe dpag tu med pa la shes par bya'o/ /'du byed ni dus brgyad po kho nas skye ba 'phel ba'i 'du byed pa ste/ de ltar rnam par dag pa ni yongs su dag pa'i bya ba bsgrub
- 218b
pa'i ye shes te/ bcom ldan 'das de bzhin gshegs pa 'du byed kyi rgyal po don thams cad yongs su grub pa'o/ /btsun mo dam pa snang ba'i dbyings dang zhes bya ba gsungs pa/ ci'i phyir snang ba zhe na/ byang chub sems dngos po thams cad gsal ba dang/ snang bar byed pa'i go 'byed pa'i phyir te/ nam mkha' i khams chos kyi 'byung gnas yum gyi b+ha ga dang ba spu'i bu ga la sogs pa'o/ /sra ba'i dbyings dang zhes bya ba ni/ byang chub kyi sems de nyid rgyur byas nas/ lus kyi rgyud byas pa'i gzugs che zhing rgya chen por gyur pa'o/ /mnyen pa'i dbyibs ni/ byang chub sems de nyid sdud par byed pa'o/ /dro ba me'i khams ni byang chub kyi sems de nyid smin par byed de/ 'dzag par mi 'gyur ba'i tshul gyis bstan par byed do/ /skyod pa rlung gi khams ni byang chub kyi sems nyid las yan lag rnams rnam par 'byed cing lus bskyod par byed pa'o/ /de dag kyang rim bzhin du nam mkha' i dbyings kyi dbang phyug ma dang/ spyan ma dang/ mA ma kI dang/ na bza' dkar mo dang / dam tshig sgrol ma rnams su sbyor ro/ /de ltar sa bon byang chub sems las/ nang lus kyi dkyil 'khor dang/ gsang ba byang chub sems kyi dkyil 'khor mngon par grub par 'gyur te/ bdag dang sems can thams cad lha'i dkyil 'khor du mngon par grub par lta zhing/ dkyil 'khor las dkyil 'khor 'byung zhing/ ci ltar gzhan dag gis ni 'khor lo mthong ba ste/ rnal 'byor pas ni dkyil 'khor las dkyil 'khor 'byung bar lta bar bya'o/ /da ni dbang po drug dang yul drug 'byung ba las/ yid kyi dbang po ni gzhan du brjod la/ phyi ma lnga dus gcig tu brjod par bya'o/ /de yang phyin ci log du dmigs pa'i bar ma do'i srid pa de 'gags pa dang/ de dang dus gcig tu rnam par shes pa
- 219a
sa bon thams cad pa de zhugs pas/ dbang me 'byung ba chen po cha 'phra ba dang 'dres pa de dang mthun pa'i byang chub kyi sems gnyis 'dus pas/ lus kyi dbang po dang bcas pa dag 'byung bar 'gyur te/ de'i gnas skabs su rnam par shes pa gnas gyur pa ni/ nying mtshams sbyor ba zhes bya'o/ /dbang po de'i rten 'byung ba chen po rnams kyang/ mig la sogs pa 'byung ba chen po dag dang/ lus kyi dbang po yang lhan cig 'byung bar 'gyur ro// de nas dbang po 'byung ba chen po dag rgyur byas nas/ mig gi dbang po la sogs te/ rim gyis 'grub par 'gyur ro/ /dbang po rten gyi 'byung ba chen po dag kyang rgyur byas nas/ rim gyis dbang po'i rten rnams kyang 'grub par 'gyur ro/ / de ltar dbang po rnams dang/ de'i don rnams 'byung ba las/ lus thams cad grub cing rdzogs par 'gyur ro/ /de ltar grub dang/ de'i dus su sgyur ba'i dbang gis 'gram chu slong ba ltar/ dbang po drug la rten pa'i rnam par shes pa drug kyang yid kyi dbang po'i dbang gis 'jug ste/ dper na snod dang bcud dang 'jig rten lta bu'o/ /de ltar de da dag kyang byang chub kyi sems las/ sems dpa' sems ma'i tshogs dang/ khro bo dang khro mo'i dkyil 'khor du rang 'byung bar bstan pa yin te/ gang sems can rnams kyis ni 'khor bar mthong la/ 'phags pa rnams kyis ni rdzogs pa chen po'i dkyil 'khor du gzigs na/ 'gro ba 'dul ba'i dkyil 'khor gyis rtogs shing log par rtogs pas ma rig pa'i 'dam du byang zhes bya'o/ /de ltar yang gsungs pa/ dper na khyung dang seng ge'i bus klu dang/ gleng po che 'dul ba'i mthu stobs rang gi rgyud la yod na yang/ mngal dang sgo ngas bsgribs pa dang 'dra par/ tshig de dag gis ni chos thams cad byang
- 219b
chub kyi sems rdzogs pa chen po'i dkyil 'khor du rang byung bar bstan pa yin no/ /dpal gsang ba'i snying po las yongs su dag pa'i lha dang bzhugs pa'i dkyil 'khor spyi'i gzhung dang spyi dang khyad par so sor phye ste bkral ba dang/ gsang sngags ma hA yo ga'i gzhung du bkral lo/ /da ni rgyud kyi gzhung a ti yo gar bkral ba ni/ rgyud phyi ma'i gzhung las bkral phar bya ste/ de yang gang zhe na/ bcom ldan 'das de bzhin gshegs pa rnam par shes pa'i rgyal po dang/ zhes bya ba la sogs pa ste/ snod dang bcud du bcas pa'i chos dang chos nyid dang/ phung po dang khams dang skye mched srid pa dang/ khams dang snyigs ma dang dus dang lta ba dang/ g.yo ba dang mi g.yo ba dang spyod yul dang spyod yul las 'das pa dang/ shes pa dang/ shes bya'i ngo bo la sogs pa thams cad yongs su dag pa'i dkyil 'khor du/ ye nas sangs rgyas pa'i rang bzhin byang chub kyi sems skye ba med pa'i dbyings su 'dus par bstan pa ste/ rtag par ma yin pa dang zhes pa'i bar du 'brel te// de yang gang zhe na dbyibs dang kha dog dang bral te gang gi ngo bo yang ma yin na yang/ thog ma med pa'i dus kyi dbyings kyi rgyu 'khor ba dang mya ngan las 'das pa'i 'byung gnas su gyur cing/ dge ba dang sdig pa'i las kyi bag chags kyi sa bon 'dzin pa'i kun gzhi byang chub kyi sems rdo rje mi bskyod pa la ni rnam par shes pa'i rgyal po zhes gnas skabs 'dir bya'o/ /ci'i phyir zhe na/ rkyen 'khor ba'i dra mi yongs su dag pa can yin no/ /don dam par rang bzhin med pa'i chos kyi dbyibs las kun rdzob 'gro ba'i don du phyi nang gzung 'dzin du 'khrul pa dkyil 'khor gyi ngo bor gnang yang/ snang ba dang chos kyi dbyings nyid gnyis su med pa'i rang bzhin med pa'i gzugs kyi rgyal po ste/ longs spyod rdzogs pa'i sku'o
- 220a
tshor ba gsum gyi rang bzhin ni/ stod pa nyid kyi rang gzhan ni bde sdug dbyer med de/ de ni thams cad dbyer med pa mnyam pa nyid kyi sku/ tshor ba'i rgyal po rin chen 'byung ldan no/ /yul dang dbang po dang rnam par shes pa gsungs dus nas shes pa yang/ yul dang dbang po ni rdul phra rab kyi rang bzhin la/ rdul phran gcig kyang phyogs bcu dang bral bas gzung ba'i yul stong ngo/ /rnam par shes pa rang bzhin gyis 'od gsal ma stong ste/ de ltar dngos po med pa ni mngon par byang chub pa'i sku 'du shes kyi rgyal po ste/ snang ba mdza' yas so/ /sems las byung ba'i chos rnams dang/ sems dang ldan pa'i chos ma yin pa rnams te/ 'du byed lnga bcu rtsa gcig po dag kyang/ rtsa ba tshogs brgyad la/ de ni kun gzhi la/ kun gzhi sa bon thams cad pa de yang sgyu ma'i dpe brgyad du mtshungs pas dngos po med la/ dngos po med pa de ni thams cad mkhyen pa'i ye shes kyi sku ste/ 'du byed kyi rgyal po don yod grub bo/ /kha dog lnga shes par bya ba'i dam tshig kyang gang zhe na/ sems can gyi shes pa'i tshogs brgyad la ye shes lnga khyab kyang/ 'khrul pa'i dra bas bsgribs pas ma mthong ste/ de lta bu mthong zhing gti mug gi mun pas rmongs pa can la ye shes kyi snang ba rang bzhin gyi dkyil 'khor bstan par bya ba'i phyir/ mtshon zhes gsungs so/ /de bzhin nyid chos kyi dbyings cis kyang mi 'gyur ba'i dpe mthing ga'o/ /sems can la chos nyid byang chub sems ye nas sangs rgyas pa'i rgyu yod par bstan pa'i phyir dkar po'o/ /bdag dang sems can thams cad de bzhin gshegs pa'i dkyil 'khor gyi che ba'i yon tan thams cad kyis rgyas pa'i phyir ser po'o/ /ma ha yo ga'i dbang du sems can dang chos nyid byang chub sems la chags pa nyid a ti yo ga'i dbang du de tsam la
- 220b
yang chags pa med par bstan pa'i phyir/ leb rgan no/ /tshom sna tshogs 'dus na ljang gu dang 'dra bar/ mtshan ma thams cad mtshan ma med pa'i dbyings su 'dus par bstan cing/ mtshan ma med pa'i spyod yul lhun gyis grub par bstan pa'i phyir/ ljang gu'o/ /nam mkhas ni kun la khyab pa dang 'dra bar/ de bzhin nyid chos kyi dbyings kyis kun la khyab pa dang/ /nam mkhas kun gyi go 'byed pa dang 'dra bar/ kun gzhi sa bon gyi sems kyis/ ye shes kyi snod bcud skye ba kun gyi go 'byed pa'i phyir brgal ba/ bcud kyi 'jig rten lta bu kun gzhis byas so zhes byar rung na/ snod kun gzhis byas so/ /zhes pa 'gal lo/ /de ni 'jig rten thams cad las las skyes pa dang/ kun gzhi las kyi bag chags kyi gnas yin pas brgal bas yin no/ /de ltar nam mkha' kun gyis go 'byed pa'i phyir/ snang ba'i dbyings so/ /ci ltar sa la sems kyis zin pa kun brten pa ltar/ theg pa chen po skye ba med pa'i dbyings su ye shes 'di la yang/ /theg pa thams cad 'dus shing rten pa'i phyir/ sra pa'i dbyings so/ /gzung ba dang 'dzin pa'i rtog pa dang/ sgrib pa gnyis kyi dri me dang bral zhing skye ba med pa'i dbyings byang chub sems kyi chu klung chen po dang/ pha rol tu phyin pa dang/ sa chen po bcu gsum gyi snying rje chen pos rlan pa'i mtsho chen po la zhugs pas mnyen pa'i dbyings so/ /stong pa chen po'i ye shes rdo rje lta bu'i mis/ dngos po dang dngos po med pa dang/ sems kyi lta bu'i bag chags kyi 'phra rgyas kyi ngo bo bsregs shing/ byang chub chen po'i 'bras bu smin par mdzad pas ? ? sha'i dbyings so/ /bdag tu 'dzin pa'i ? pa'i ? gyi dri ma mthong bar mdzad cing shin tu rnam par dag pa'i byang chub sems kyis/ /sems can dag byang chub chen po'i dbyings su bskyod par mtshams la/ bskyod pa'i dbyings so
- 221a
don dam par na chos nyid byang chub sems ni kha dog dang dbyibs ma yin pas/ mig gis mthong bar yang byar med pas/ mig gi dbang po dang rnam par shes pa ste/ yul gzugs dang mthong bar byar med bzhin du/ kun rdzob rdzogs pa chen po'i dkyil 'khor du/ byang chub chen po rdo rje mthong byed dang/ btsun mo mthong bar bya bar yang snang ngo/ /don dam par chos nyid byang chub sems ni/ gang las thos/ gang thos/ gang gis thos te/ tshig dang ye shes las 'das te/ rna ba'i dbang po dang rnam par shes pa dang/ yul sgra las kyang 'das kyang/ kun rdzob rdzogs pa chen po'i dkyil 'khor du/ byang chub chen po rdo rje thos pa dang/ thos byed dang/ yul mnyan par bya ba'i sems dpa' dang sems ma lta bur snang ngo/ /don dam par chos nyid byang chub kyi sems dri dang sna'i yul ma yin pas/ sna'i dbang po dang rnam par shes pa dang/ yul dri las 'das kyang/ kun rdzob rdzogs pa chen po'i dkyil 'khor du/ byang chub chen po rdo rje bsnom pa dang/ snom byed dang/ btsun mo snam par bya ba mo lta bur yang snang ngo/ /don dam par chos nyid byang chub kyi sems ni tshig dang/ sgra ma yin pas/ lce'i dbang po dang rnam par shes pa brjod par bya ba'i mdza' dang yang bral bzhin du kun rdzob rdzogs pa chen po'i dkyil 'khor du byang chub chen po rdo rje myong ba dang/ myong byed dang/ btsun mo myong bar bya bar yang snang ngo/ /don dam par chos nyid byang chub sems ni/ spros pa'i mtshan ma thams cad dang bral ba nam mkha' lta bu'i rang bzhin las/ dus bzhi'i ngo bor yang snang yang/ kun rdzob rdzogs pa chen po'i dkyil 'khor du/ lha mo bzhi'i rang bzhin lta bur yang snang ngo/ /don dam par chos thams cad stong pa bco brgyad kyi ngo bo lta bu
- 221b
la/ sa bon thams cad kun gzhi'i rnam par shes pa sa bon gyi gnas lbu ba rdos pa lta bu lhan cig 'byung ba'i reg pa dang/ chu'i chu bur lta bu'i rten gyi gnas reg bya dang/ sgyu ma 'phrul pa'i lta bu dmigs pa'i gnas reg byed dang/ smig rgyu lta bu'i de ma thag pa'i gnas reg shes dag kyang sems dpa' chen po dang khro bo ltar yang snang ngo/ /don dam par chos nyid byang chub sems nam mkha' lta bu'i rang bzhin las/ 'khrul pa'i log rtog gi mu bzhir rtog pa de dag /mdza' rnam bzhi las bzlog pa'i kun rdzob rdzogs pa chen po'i dkyil 'khor du khro mo chen mo/ byang chub sems kyi pha rol tu phyin ma dang/ ye shes kyi pha rol tu phyin ma dang/ shes rab kyi pha rol tu phyin ma'i ngang lta bur yang snang ngo/ /'di nas song ste le'u drug pa yan chad du/ gong du gsungs pa'i tshig don thams cad/ tshig bzhi pa re res gsungs pa las 'dir yang gong gi don rnams tshig bzhi pa 'dir yang 'dus par bya ba'i phyir yang gsungs pa/ de nas de bzhin gshegs pa btsun mo'i tshogs dang/ yab yum thabs dang shes rab gnyis su med pa'i gsang ba'i dkyil 'khor gong gi de dag nyid kyi gsang ba 'og nas 'byung ba'i don 'di dag nyid dpal kun tu bzang po nyid kyi sku gsung thugs yon tan 'phrin las bsdus pa'i sgo nas phyung ngo/ /de la sku'i rigs la sogs pa 'bras bu rigs lnga nyid/ rgyu ye shes lnga las byung ba'i phyir te/ rgyu 'bras dbyer med pa'i rang bzhin gyi dkyil 'khor rdo rje de nyid dpal kun tu bzang po nyid yin pas/ de'i phyir dpal kun tu bzang po'i sku gsung thugs yon tan 'phrin las rdo rje las 'og nas gsungs pa'i don 'di byung ngo/ zhes bya'o/ de la e ma'o/ zhes pa'i sgras ni/ rmad du byung ba ste/ hi yas ma dar di zhes pa'i sgras/ ci'i phyir zhes pa'i don te/ gong du gsungs pa'i don la dam pa'o/ e e e zhes
- 222a
ba gsum ni sku gsung thugs kyi dkyil 'khor gyi sgo nas/ gnas dang ston pa dang 'khor dang gsum la ngo mtshar skyes pa'o/ /bsdus pa'i don gyis phyung ba de nyid kyang gang zhe na/ de bzhin nyid kyi dbyings nyid dbang sgyur ye shes dkyil 'khor thugs rje'i dang/ /rang snang ba nyid ting 'dzin sgyu ma gzugs brnyan rnam dag gsal ba ni/ sku gsung thugs yon tan 'phrin las sel med pa'i yid bzhin rin po che/ /mi zad par ldan rgyan gyi dkyil 'khor rdo rje mchog gi gnas nyid do/ zhes gsungs te/ de la de bzhin nyid kyi dbyings nyid kyang/ de bas de skad ces gsungs so/ /de bzhin nyid ces bya ba ni/ chos rnams kyi chos nyid do/ /ci'i phyir zhe na/ mi 'gyur ba nyid kyi phyir ro/ de'i dbyings nyid ces bya ba ni/ shin tu rnam par dag pa'i chos kyi dbyings te/ yul chos kyi dbyings mdza' dang dbus med pa la bya'o/ /ci'i phyir zhe na/ de bzhin nyid ces gsungs so/ /mi zad pa nyid kyi phyir zhe na/ de yang gang zhe na/ gnas kyi dkyil 'khor smos pa/ 'og min gyi gnas mdza' dang dbus med pa zhes bya ba nas/ gos pa med pa pad ma rin po che'i gdan la zhes pa'i bar la shes par bya ste/ de lta bu'i rang bzhin lhun gyis grub pa'i gnas kyi dkyil 'khor na bzhugs so zhes bya ba'o/ /su bzhugs she na/ ye shes lhun gyis grub pa'i lha'i dkyil 'khor bzhugs pa'i phyir/ dbang sgyur zhes bya ba la sogs pa ste/ de la dbang sgyur ba ni gang zhe na/ ye shes thams cad 'dus pa'i sku dpal kun tu bzang po nyid do/ /spyod yul gyi chos thams cad gnyis su med pa'i dkyil 'khor du dbang bsgyur ba'o/ /de yang de bzhin gshegs pa yang dag par rdzogs pa'i sangs rgyas zhes pa nas/ dbyer med
- 222b
pa'i rang bzhin te zhes pa'i tshig dang don te/ 'khor ba dang mya ngan las 'das pa'i chos thams cad la dbang sgyur ba'i ston pa dpal kun tu bzang po la shes par bya'o/ /de'i ye shes dkyil 'khor ni phung po dang khams dang skye mched la sogs pa'i chos thams cad ye nas sangs rgyas pa'i dkyil 'khor du gnas pa ste/ rnam par shes pa'i rgyal po nas rtag chad kyi bar la smos pa ste/ de yang dpal kun tu bzang po'i ye shes chen po lnga las byung zhing rang bzhin rdzogs pa chen po'i dkyil 'khor du gnas pa'i phyir/ e ma'o rdo rje phung po'i yan lag ni zhes bya ba la sogs pa smos pa yin no/ /de lta bu'i dkyil 'khor lags su zin gyis kyang ma rig pa'i sems can rtog pa'i gzung 'dzin mun pa dang 'dra bas g.yogs pa dag la 'brel pas mi 'gyur ro snyam pa'i phyir ro/ /ye shes dkyil 'khor thugs rje'i ngang/ rang snang ba nyid ting 'dzin sgyu ma zhes gsungs te/ sgra'i gtsug lag dang mthun par gang snang ye shes dkyil 'khor zhes bya'o/ /gang las snang thugs rje'i ngang las zhes bya'o/ /dang ba'i chu la gzugs brnyan bzhin du ste/ 'di nyid las kyang log par rtag brtags rnam dag cing/ ye shes dbyings las mi gzhan dang/ thugs rje chen po 'brel pa na/ 'gro drug dus lam lus snang zhes pa ste/ de bzhin gshegs pa'i thugs rje dang/ sems can gyi las 'brel zhes pa'o/ de ltar gang snang zhe na/ byed pa po 'am gnyen po'i phyogs su gsungs pa med par sun phyung ba ste/ de yang 'di nyid las phyogs bcu dus bzhi mngon rdzogs pa zhes pa nas/ mthun pa'i ye shes rang snang ba'o/ /ye shes thig le de nyid la/ ye shes thig le nyid snang ba zhes bya ba la sogs pa'o/ /gang la snang na ting nge 'dzin zhes pa ste/ rnal 'byor pa'i sems las su
- 223a
rung ba'i ting nge 'dzin gyi dkyil 'khor la snang ngo/ /de ltar rang bzhin lhun gyis grub pa'i gnas kyi dkyil 'khor na ye shes lhun gyis grub pa'i lha'i dkyil 'khor bzhugs pa ste/ rnal 'byor pa'i dkyil 'khor la snang ba ste/ dpe 'am tshul ji ltar snang zhe na/ theg pa chen po'i dpe bcu snang ste/ de ltar yang ci mngon zhe na/ shes rab kyi pha rol tu phyin pa stong phrag nyi shu lnga pa dang/ stong phrag brgya pa gnyis las kyang/ sgyu ma sna la smos nas bgab? du gzugs brnyan 'byung ste/ de'i bar na brgyad de bcu'o/ /'dir gzugs brnyan sna la byung nas/ bgab du sgyu ma 'byung ba ni/ ka ri kyi rim ba'o/ /yang na tshig sbas kyi dbang ngo/ /de yang 'khor ba'i chos thams cad rang bzhin med par rtogs pa'i rgyus/ mya ngan las 'das pa'i chos thams cad 'di ltar snang zhing rtogs par 'gyur ro/ /de la dngos po med kyang dngos por snang ba'i dpe' gang zhe na/ sgyu ma dang zhes te/ sgyu ma ji ltar sman dang sngags la sogs pa rkyen tshogs pa'i dbang gis rdzus pa yin yang dngos por rnam par 'byung ba de ltar/ nang gi dbang po de las byung ba'i lha thams cad ni sgyu ma dang mtshungs te/ rang bzhin med kyang rdzas su yod pa'i rnam par snang ba'i phyir ro/ /rang bzhin med kyang gdags su rung ba'i dpe gang zhe na/ smig rgyu dang zhes te/ rnam par shes pa'i khams dang de las byung ba'i lha thams cad ni/ smig rgyu dang mtshungs te/ de dag mig rgyu bzhin du rang bzhin med pa'i rnam par snang ba'i phyir ro/ /bkod pa med pa'i snang ba'i dpe gang zhe na/ chu zla dang zhes te/ sangs rgyas kyi zhing khams yongs su dag pas bstus pa rnams/ rnal 'byor pa la snang ba ni chu'i zla ba dang mtshungs te/ sgrib pa'i dri ma rnams dang bral ba'i sems kyi chu la/ 'phags pa'i thugs rje
- 223b
chen po dang 'brel ba'i dbang gis ye shes kyi byin brlabs zla ba'i gzugs brnyan bzhin du/ gzugs la sogs pa rnam par snang yang/ don dam pa rang bzhin med la/ kun rdzob tu de ltar snang ba'i phyir ro/ /kun rdzob kyi don dam pa thob pa'i dpe gang zhe na/ rmi lam dang zhes te/ dper na rmi lam na 'gro ba bzang mo dag la spyod cing da ltar rol kyang mi chags pa'o/ byin brlabs 'byung ba'i dpe gang zhe na/ sgra brnyan dang zhes te/ 'khor gyi byang chub sems dpa' dang las 'phro 'thun pa'i rnal 'byor pa la bstan ba'i chos kyi gsungs rnam par dag pa rdo rje chen po mdza' yas pa thos pa ste/ gsung gi rdo rje'i sgo nas rgya cher gsungs pa las/ don 'gyur ba sgra brnyan dang/ mtshungs te/ brag ca bzhin du bcom ldan 'das kyi dbang gis thos pa'i phyir ro/ / 'khrul pa nyid rnam par dag pa'i dpe gang zhe na/ mig yor? dang zhes te/ skyes bu chen po'i mtshan la sogs te/ brgyan pa'i sangs rgyas kyi gzugs kyis bskur bsdus pa rnams ni/ mig yor dang mtshungs te/ yongs su dag pa'i chos kyi dbang gis de ltar snang ba'i phyir ro/ /yongs su dag pa dpe gang zhe na/ nam mkha' dang zhes te/ de ltar chos thams cad mngon du gyur pa'i tshe chos kyi dbyings nam mkha' dang 'dra ba'i ye shes thob par gyur pas/ yum kun tu bzang mo'i rang bzhin nam mkha' dang 'dra ste/ kun gyi gro 'byed pas nam mkha' bzhin du gnas pa'i phyir ro/ /grub pa gnas kyi dpe gang zhe na/ dri za'i grong khyer dang/ zhes te/ 'khor ba'i chos thams cad ni dri za'i grong khyer dang mtshungs te/ brtags na rang bzhin med pa'o/ /de ltar rtogs pa 'bras bu 'khor ba'i rgyun dang/ rol mo'i tshogs kyang dri za'i grong khyer lta bu'i ste/ chags pa'i dngos po spang ba'i phyir yang shin tu chags pa chen po'i dbang gis rol cing/ dngos po med
- 224a
pa'i rang bzhin du longs spyod par mkhyen pa'o/ /thugs rje chen po 'byung ba'i dpe gang zhe na/ sprul pa dang/ zhes te/ de ltar 'phags pa'i thugs rjes nyid sprul te/ don byed nus pa'i dbang gis rnal 'byor pa dag dngos kyi las kyis 'bras bu rnams yongs su smin cing/ rdzogs pa'i phyir ro/ /rgyu 'bras mthun pa'i dpe gang zhe na/ gzugs brnyan dang/ zhes te/ sngon gyi las kyi 'bras bus bsdus nas rnal 'byor pa dang ye shes mthun pa'i dpe ni/ gzugs brnyan dang chos thams cad mtshungs par chos thams cad ni rgyu 'bras mi slu ba'i dbang gis/ las ji lta ba bzhin du skye ba'i phyir ro/ /don de nyid kyi phyir na/ rnam dag zhes te/ rang bzhin gyi dkyil 'khor rnam par dag pa'i dpe'i sgyu ma rnam par dag pa ltar gsal zhes te/ gsal ba ni gzung ba dang/ 'dzin pa'i nyon mongs pa'i dri ma dang bral ba'o/ /de nyid gang yin pa bstan pa'i phyir/ sku gsung thugs yon tan 'phrin las zhes bya ste/ de yang rigs lnga ye shes lnga'i ngo bo kho na la shes par bya ste/ de nyid gzung ba dang/ 'dzin pa'i nyon mongs pa'i skyon thams cad dang bral zhing shin tu rnam par dag pa'i ye shes kyi ngo bo kho na'i rang bzhin bas sel med pa zhes bya ste/ sems kyi chos nyid dang rang bzhin rdzogs pa chen po'i ngo bo nyid du gnas kyis kyang/ ma rig pa'i rtog pa'i gzung 'dzin gyi sel dang ldan par byas pa can yod pas/ de bzhin gshegs pa yon tan 'byung ba'i chos can yin pas/ yon tan rin po che gnyis smos pa yin te/ de yang 'bras bu stobs mi 'jigs pa dang/ thabs dang shes rab kyi ngo bo nyid kho na bas/ yon tan zhes bya ba smos pa yin no/ /chos kyi sku dang byang chub sems kyi ngo bo nyid pas kyang/ rin po che smos pa yin no/ /'jig
- 224b
rten pa'i rgyu dang 'bras bu'i khyad par gyi yon tan gyi khyad par thams cad dang/ rigs lnga yab yum gyi che ba'i yon tan gyi sgo dang/ kha dog ye shes kyi ngo bor gnas pa'i phyir/ yid bzhin gyi nor bu zhes bya ba yang gsungs pa yin no/ /zad par bya ba'i rgyan 'jig rten pa'i 'khor los sgyur ba la yang rin po che sna bdun rang gi 'dus byas pa'i bsod nams las/ byung ba can yang yod pa'i phyir/ mi zad par ldan brgyan gyi/ 'khor lo zhes bya bar gsungs so/ /de yang sems dpa' dang/ sems ma khro bo dang/ khro mo la sogs pa/ zag pa med pa'i dge pa las grub pa'i phyir/ rgyan gyi 'khor lo can kho na yin no/ /gsang sngags rdo rje'i theg pa gzhan thams cad kyang/ 'di rgyud dang/ ston pa dang/ 'khor mchog tu gyur pa nyid kho na bas rdo rje mchog ces bya bar gsungs so/ /de yang gzhan mu gsum 'gog par bya ba kho na yin no/ /de ltar rang gi rig pa'i ye shes la rang snang bar gyur pas na/ ye shes kyi spyod yul du gyur pa'i chos thams cad kyang/ don dam bar ni skye ba med pa'i chos kyi dbyings kyi ye shes su dbyer med pa yin la/ kun rdzob du rgyal ba'i dkyil 'khor yongs su dag par longs spyod pa'i mi zang pa/ rgyal ba'i dkyil 'khor du ldan pa'i ngo bo yin pas na/ mi bzang par ldan rgyun gyi 'khor lo zhes bya'o/ /rgyu dang 'bras bu mthar phyin p+ppa'i ye shes kyi ngo bo las/ rdo rje mchog ces bya ste/ rang bzhin rdzogs pa chen po'i dkyil 'khor gzung ba kho na yin no/ /rang bzhin gyi 'og min kho na gtsor gzung bar bya ba yin pas kyang/ de'i phyir rje'i? mchog gi gnas nyid do/ zhes bya ste/ gtsang ma rigs lnga la sogs pa'i gcig? tu tshang? gzung ba ma yin no/ /don dam pa'i dbang nye bar gzung ste/ 'khor bar ston pa gnyis so sor dbyer med pa/ nyid
- 225a
yin du zin gyis kyang/ zab mo'i rgyud las ye shes kyi sdud pa po yang yod par nges pa'i phyir/ rdo rje gsang ba'i tshig tu'o/ zhes bya ba gsungs pa'i phyir te/ de yang 'di dus sngon du sangs rgyas par gyur pa bzhin du/ kun tu bzang po dbang bskur ba 'di nyid du yang byas pas/ gsang ba'i mtshan rdo rje gsang ba zhes bya ste/ phyi rol du gsang ba'i bdag po phyag na rdo rje zhes grags pa yin no/ /'dir smras pa/ ston pas ni ston pa dang sdud pa po so sor ma phye na/ 'dir khyod kyis sdud pa rdo rje sems dpa' gsang ba yod pas sdud so zhes bya bar 'gal lo/ /de de ltar yin gyis kyang/ ston pas bka' stsal ba nyid sdud pa po bdag gis bshad pa yin no/ /gnyis su na ni sdud pa po med na 'di ci ltar byung/ gtam lkugs pa dang 'dra bas phyis mi 'gyur ba'i skyon du 'gyur bas/ sdud pa po ma smos na yang don gyis yod pag mngon no/ /yang sdud pa po med na gzhan dag na re/ khyod kyi sdud pa po med na rgyud 'di ji ltar 'byung/ gnas gang che gzhi su yod/ sus su la gtad de/ de nas gang gis spel zhes rgol ba po 'byung ba'i phyir sdud pa po smos so/ /de yang thos pa dang bshad do/ /bsdus so zhes pa'i sgro skur spangs pa'i phyir tshig tu'o zhes te/ mdza' gnyis kyi skyon spangs pa'i tshig dag pa'o/ zhes sdud pa pos gsungs so/ /gleng gzhi'i phun sum tshogs pa lnga tshad ba la shes par bya'o/ /le'u zhes pa ta la'i sgras grangs na/ pa pa ra marta ste/ don dam pa/ rta pa ra ma bu ste/ byang chub kyi sems / la lab te thos pa ste/ don dam pa dang byang chub kyi sems 'dzin cing mi gtong ba'i phyir le'u'o/ /dpal gsang ba'i snying po de kho na nyid nges pa la slob dpon nyi ma'i seng ge'i 'od kyis mdzad pa'i 'grel pa/ theg pa gsum lung
- 225b
bzhugs pa'i le'u dang po rnam par bshad pa ji snyed pa rdzogs so// //*/ /de ltar bcom ldan 'das kyi lung dang mthun par/ sdud pa pos kyang gnyis su dbyer med pa'i dkyil 'khor chen po'i rang bzhin le'u dang po gsungs pa bkral nas/ da ni ji ltar theg pa chen po a ti yo ga'i gzhung gis sems can thams cad la rang bzhin gyi dkyil 'khor yod par bstan pa'i phyir/ mahA yo ga'i gzhung gis bsgom khog las 'byung ba'i rim pas bdag ltar bskyed la/ phung po dang khams dang skye mched byin gyis brlabs par bya ba dang/ dkyil 'khor gyi lha thams cad la yang bya'o/ /zhes bstan pa'i phyir/ de nas zhes bya ba la sogs pas le'u gnyis pa byang chub sems kyi le'u gsungs so/ /de la de nas zhes pa ni bkral zin pa'i tshig ste/ bar chad med par bstan pa'i phyir ro/ /yang sgra'i gtsug lag las/ tshogs rnam pa gnyis dang zab pa dang rgya che ba dang/ thabs dang shes rab kyi rang bzhin du yang 'dren pa yin te/ bcom ldan 'das zhes bya ba/ skal ba dang ldan pa dang mnga' thang rdzogs pa'i phyir te/ nyon mongs pa lnga dang 'dod pa'i yon tan lnga la spyod kyang/ tshogs chen po gnyis su med 'gyur ba'i phyir ni/ skal ldan kun tu bzang po zhes bya'o/ /de bzhin gshegs pa'i dkyil 'khor thams cad dang/ chos thams cad nyid kyi dkyil 'khor du dbyer med par longs spyod par mdzad pas mnga' thang rdzogs pa'i phyir yang bcom ldan 'das zhes bya'o/ /de nyid gang yin pa smos pa'i phyir cid ces bya ba smos te/ de yang gzhung gzhan dag las/ rnam par shes pa'i tshogs brgyad du gsungs pa las kun gzhi rnam par shes pa ni rnam par shes pa'i rgyal por bstan
- 226a
sgo lnga'i rnam pa shes pa ni sems dpa' dang khro bor bzhag /theg pa phyi ba las nyon mongs pa can dang/ yid kyi rnam par shes pa gnyis su phye ba de/ theg pa chen po 'dir ni nyon mongs pa nyid ye nas rnam par dag pa'i rang bzhin du ston pa yin pas/ yid gnyis la lha so so gnyis su ma phye ste/ yid byed pa bo kho na nyid du zad do/ /gal te nyon mongs pa can gyi yid de kun tu bzang po ma yin na ni/ kun tu bzang po zhes bya ba gong gi don dang yang 'gal na/ de med du zin na ni de'i 'khor rtag chad bdag dang mtshan ma bzhi yang med bar 'gyur bas/ de yod pa yang rnam pa lnga po kho na'i bdag nyid du bstan te/ ngo bo nyid dang/ dmigs pa dang/ gnas dang/ grogs dang/ las so/ ngo bo nyid gang zhe na/ sems dang yid dang/ rnam par shes pa gang yin pa'o/ /sems gang yin sa bon thams cad dang ldan pa dang/ gnas kyi dngos por gyur pa dang/ gnas kyi dngos por gnas kyi dngos po dang/ len par byed pa dang/ rnam par smin pas bsdus pa kun gzhi'i rnam par shes pa gang yin pa'o/ /yid gang zhe na/ rnam par shes pa'i tshogs drug po dag 'gags ma thag pa gang yin pa dang/ nyon mongs pa can gyi yid ma rig pa dang/ bdag tu lta ba dang/ nga'o snyam pa'i nga rgyal dang/ bdag la sred pa'i mtshan nyid kyi nyon mongs pa rnam pa bzhi dang/ rtag tu lta ba gang yin pa'o rnam par shes pa gang zhe na/ dmigs pa rnam par rig par byed pas/ nye bar gnas pa gang yin pa'o/ /gnas gang zhe na/ yid de ma thag pa'i gnas so/ sa bon thams cad pa kun gzhi rnam par shes pa ni sa bon gyi gnas so/ /phyi ma ni 'og nas 'grel to/ /dmigs pa gang zhe na/ chos thams cad ni yid kyi yul las dmigs pa ste/ khyad bar du yang rnam par shes pa gzhan dang ma 'dres pa'i yid 'ba' zhig gi
- 226b
yul ni/ tshor ba'i phung po dang/ 'du shes dang/ 'du byed dang/ 'dus ma byas dang/ bstan du med cing thogs pa med pa'i gzugs dang/ nang gi skye mched drug dang/ sa bon thams cad pa'o/ /dmigs pa de yang ci lta rnam par rtog ce na/ mtshan ma dang mtshan ma yin pa dang/ yul nye bar gnas pa la rang 'jug pa dang/ chos thams cad yongs su tshol zhes sbyong ba'i rnam par rtog pa dang/ nyon mongs pa dang nyon mongs pa can ma yin pa dang/ yongs su btsal zhing dpyad de bzhag pa las so sor rnam par rtog pa dang bdun no/ /grogs ni 'du byed lnga bcu rtsa gcig go /las ni bdag dang gzhan gyi yul gyi dmigs pa rnam par rigs par byed pa dang/ rang dang spyi'i mtshan nyid rnam par rig par byed pa dang/ /dus gsum dang skad cig ma'i rgyun dang/ dge ba dang mi dge ba'i chos rnams dang/ rnam par shes pa'i chos sa gzhan gyi sdug pa dang sdug bsngal? 'bras bu yongs su 'dzin pa dang/ ra ro ba dang/ smyo ba dang/ brgyal ba dang/ brgyal sangs pa la sogs pa'o/ /de nyid kyi ngo bo nyid dang las smos pa'i phyir ro/ byed pa po zhes bya ste/ ci'i phyir zhe na/ 'jig rten sna tshogs las las skyes pa ni/ las de'i byad mkhan du yin na/ de 'du byed sems pas byas so/ /de sus byas na 'du byed sems pa ni yid kyi yin te/ de'i phyir ni 'du byed la ni byed pa po zhes bya'o/ /de ltar gsungs pa/ las las 'jig rten sna tshogs skyes/ /las ni sems pa de yis byas/ /sems pa yid kyi las yin no/ zhes bya'o/ de ltar na mu stegs kyi byed pa po/ nyid du thal te 'ong ngo zhes smra pa'i phyir/ rdo rje kun tu bzang po zhes bya ste/ rnam par mi rtog pa ye shes kyi ngo bo dpal rdo rje kun tu bzang po kho na yin no/ zhes bya'o/ /de yang dngos po dang mtshan ma la sogs pa rnam par thar pa'i mi mthun pa'i phyogs lnga bsal ba'i snying
- 227a
po nyid la sogs te/ rnam par thar pa'i sgo lnga dang/ rgyu mthun pa'i chos kyi dbyings la sogs pa rgyu ye shes chen po lnga la sogs pa'i 'bras bu rigs lnga la ni rdo rje zhes bya'o/ /de nyid kyi 'phrin las kyi ngo bo smos pa'i phyir na ni/ kun tu bzang po zhes bya ba smos te/ mi chags mi sdang mi rmongs mi rgyal mi dog gis kyang/ yu dang thugs rje'i dbang gis/ 'dod chags zhe sdang gti mug nga rgyal phrag dog gi spyod pa/ sku gsung thugs yon tan 'phrin las kyi sgo nas bstan? cing sems can rnams byang chub chen po'i 'bras bu la bkod pa'o/ /dus gsum gyi ngo bos kyang kun tu bzang po ste/ sems can rnams kyi sems dang po kun tu bzang po'o/ /rab tu dug lnga'i dri mas g.yos pa rnams la dug lnga'i spyod pa dang/ chos bstan pa'i sgo nas rnam par dag la/ de nyid phyis 'gyur ba'i sdug bsngal du mi 'gyur la/ byang chub chen po'i 'bras bur gyur pa'o/ /bcom ldan 'das ni dang po'i sems kyang kun tu bzang po ma skyes pa'i byang chub sems yin no/ /da lta'i dus su yang sgrib pa'i dri ma thams cad dang bral ba'i rnam par mi rtog pa'i ye shes chen po'o/ /phyis 'byung ba dang ma 'ongs pa'i dus su yang/ 'jig pa med pa'i kun tu bzang po yin no/ /po zhes bya ba ni/ byed mkhan du mngon te/ ci'i phyir zhe na/ thams cad a lus pa'i rang bzhin gyi tshul rdo rje zhes bya ste/ de bzhin gshegs pa thams cad dang/ sems can thams cad 'dod chags chen po'i rang bzhin gyi ting nge 'dzin gcig tu dbyer med par gyur to/ /rdo rje des ci'i phyir zhe na/ btsun mo bya ba mi chos kun tu bzang mo zhes bya'o/ /de ci'i phyir zhe na/ rol pas cir 'gyur zhe na/ phyogs bcu dus bzhi de bzhin gshegs pa thams cad gcig gi rang bzhin nyid du dbyer
- 227b
med pas/ de bzhin gshegs pa nyid de bzhin gshegs pa nyid la ched du brjod pa 'di brjod do zhes bya ste/ rnam par mi rtog pa'i ye shes stong pa chen po'i ngo bo ni/ dpal kun tu bzang po/ ye shes de'i yul chos de bzhin nyid ni chos bya ba mo kun tu bzang mo'o/ de ltar chos de bzhin nyid kyis bdag gi don mdzad/ de bzhin nyid kyi ye shes kyis ni gzhan gyi don mdzad de/ chos kyi dbyings dang chos kyi dbyings kyi ye shes zhes bya/ gzhan du na dpal kun tu bzang pos btsun mo bya ba mo chos kun tu bzang mo'i b+ha ga la /gsang ba'i rdo rje thabs dang shes rab gnyis su med pa'i don gyis rol pas/ phyogs bcu dus bzhi'i de bzhin gshegs pa thams cad dang/ 'gro ba ma lus pa thams cad yum gyi b+ha ga la zhugs nas/ byang chub kyi sems zla ba'i dkyil 'khor du 'od kyi gong bu gcig gi rang bzhin du dbyer med par gyur pas/ de'i che de bzhin gshegs pa nyid de bzhin gshegs pa nyid kyi dkyil 'khor chen po rnam gsum la ched du gleng ba 'di ched du brjod do zhes bya'o/ /bsdus pa'i don ni 'di ltar gsungs pa yin no/ /dpal gsang ba'i snying po rtsa ba dang yan lag dang/ bza' ba dang bsrung ba'i dam tshig dang sdom pa la gnas pa'i rnal 'byor pas/ dang por bla na med pa'i byang chub tu sems bskyed par bya ste/ bdag gis dpal kun tu bzang po'i go 'phang thob par byas la/ sems can thams cad kyang dpal kun tu bzang po'i go 'phang la gnas par bya'o/ zhes sogs bskyed par bya'o/ /de na phyi snod kyi 'jig rten gzhig par bya ste/ rdul phran gyi bar gyi phyogs? cha drug gis gzhigs na/ dngos por mi 'grub pas phyi snod kyi 'jig rten thams cad kyang 'byung pa chen po rnal? phra rab tu so sor brtags la/ rdul phra rab kyi phyogs cha drug gis gshegs na/ dngos
- 228a
por mi 'grub/ phyi snod kyi 'jig rten gzhigs nas/ nang bcud kyi 'jig rten 'gro ba rigs drug gis bsdus pa'i sems can thams cad kyang/ 'byung ba chen po bzhi'i dngos po rdul phra rab la rten 'brel sgyu ma tsam du so sor brtag go /de ltar gzung ba'i yul gzhigs nas nang 'dzin pa'i sems kyang dbyibs dang kha dog pho dang mo'i rnam pa gang du yang ma grub pa dang/ dus gsum gyi chas bzhigs pas kyang ma grub par shes par bya'o/ /de ltar gzung 'dzin gyi dri ma'i skyon rnam par dag pa'i stong pa chen po'i ye shes kyi rgyu mthun pa'i 'bras bu ni/ dper na glo bur gyi sprin dengs na/ gsal ba'i 'od rang bzhin gyis 'byung ba'i tshul dul/ chos kyi sku'i phyag rgya dpal kun tu bzang por bdag nyid skad cig mas gnas par bya'o/ /de ltar gsal nas 'og gi phyogs su thams cad ston par nus par rlung gi dkyil 'khor mdza' dang rngams su dpag tu med pa yum sgrol ma'i rang bzhin du bsam mo/ /de'i steng du yum mA ma kI'i ngo bo bdud rtsi rgya mtsho chen por byin gyis brlab bo/ /de'i steng du sangs rgyas spyan gyi ngo bo gser gyis gzhi tshad dpag tu med pa gcig tu sgom mo/ /gser gyi sa gzhi'i steng du gzhi tshad med pa bsgom mo/ /de yang sku gsung thugs gsum dang ldan pa'i phyir/ lte ba dang rtsibs dang mu khyud gsum dang ldan pa yin te/ chos kyi dbyings ni spros pa'i mdza' rnam pa brgyad dang bral ba'i phyir te/ lte ba zlum pa dang me long lta bu'i ye shes la sogs pa bzhes phyin ci log gi mu bzhi 'joms pa'i phyir rtse mo rno ba/ theg pa chen po'i gzhung nyid dang ldan pa'i phyir/ mu khyud dang bcas par bsgom mo/ /'khor lo'i lte ba la brum? dkar po las ye shes las grub pa'i
- 228b
ye shes rin po che'i mchod rten kha dog lnga dang ldan pa/ chos kyi dbyings kyi phyag rgya yun kun tu bzang mo'i rang bzhin/ 'phags pa'i gzhal yas khang mchod rten gyi dbyibs su gnas pa/ rdo rje theg pa'i nang du theg pa thams cad 'dus pa'i phyir/ khri 'phang du bcas sangs rgyas kyis bcu mthar phyin pa'i srog shing dang 'khor lor bcas pa/ chos kyi sku kun la khyab cing nyon mongs pa'i gdung ba sel ba'i rgyur gyur pa'i phyir/ gdugs snying rje chen po'i char kheb du bcas pa'o/ de ltar yang gsungs pa/ mchod rten sangs rgyas thams cad kyi pho brang gnas zhes bshad pa yin/ zhes gsungs pa'o/ de'i nang du yang b+h+ruM ser po ye shes kyi sa bon las skyes pa'i gzhal yas khang gru bzhi sgo bzhi ste/ sangs rgyas kyi che ba'i yon tan thams cad kyis rgyas pa'i phyir/ gru bzhir gyur pa/ mdza' dang dbus med pa'i phyir rgya phyogs bcur yongs su ma chad pa/ ye shes re re la yang bzhi bzhir gyur pa'i phyir/ lhag pa'i ye shes gyi glo 'bur gyi mdzes pa/ gzhal yas khang rdo rje dang nor bu rin po che dang ral gri dang twa ra nas kyang brgyan pa/ phyogs dus kyi sangs rgyas kyi dkyil 'khor ma lus pa thams cad dang/ ye shes so so ma yin pa'i phyir/ mchod rten gyi bum pa zlum por 'khyil pa/ thams cad kun ye shes kyi rgyu las byung ba'i phyir/ ye shes rin po che'i rgyan thams cad/ 'phan dang rgyal mtshan dang/ bla re dang/ sprang yab dang/ rnga ma dang/ dril bu rlung gis skyod pa dang/ gdugs dang do shal dang/ dra ba dang dra ba phyed pa dang/ nyi ma dang/ zla ba dang tshun 'phyang dang/ twa ra nas brgyan pa'o/ /gzhal yas khang gi longs spyod kyi khyad par/ spyan gyi longs spyod gzugs sna tshogs te/ me tog ma dang/ phreng
- 229a
bam la sogs pa dang/ rigs gcig pa las mtshan dang dbyibs so sor sprul pa dang/ kha dog nyi shu rtsa lnga'i tshon gyis bris pa'i bye brag gi rjas? 'dzin pa'i lha dang/ lha mo mang po/ la las ni lding ba thur du 'bebs pa dang/ gyen du 'phyo ba dang/ g.yas nas bskor ba'i rim pas 'khrigs pa dang/ shar nas nub tu 'gro ba dang/ nub nas shar du 'gro ba dang/ phyogs nas phyogs su 'gro ba dang/ mtshams nas mtshams su 'gro ba dang/ rang rang dga' ba'i rtsed mo byed pa dang/ sbyor ba dang steg pa dang/ dge ba'i rol pas me tog gi zhod bu thang la shor ba dang/ rang nyid thang la sgres pa la sogs pa dang/ gar gyi tshul ston pa dang/ 'dud pa dang 'gyed pa lta bu mang po rang byung bas 'khrigs par bsam mo/ /'og nas 'byung ba rnams kyang de kho na bzhin no/ /sgra'i bye brag ste/ rnga dang rdza rnga dang/ mu ra dza dang/ dar dang/ gling bu dang/ pi bang dang/ rgyud mangs dang/ cad te'u dang/ dung dang ? dung dang bro brdung ba dang/ bud pa dang brdabs pa dang/ rang bzhin gyi sgra de lta bu 'dzin pa'i lha dang lha mo mang po dang/ dri'i bye brag kyang rang bzhin gyi dri dang/ 'gyur ba ste/ tsan dan dang/ a ru ra dang du ru ka dang/ gla rtsi dang/ bsgas pa dang/ rang bzhin dang/ 'gyur ba'i dri rin po che sna tshogs kyi snod bkang ba 'dzin pa'i lha dang lha mo mang po dang/ ro'i bye brag kyang kha ba dang rka ba dang/ tsha ba dang rtsub pa dang/ skyur ba dang/ mdar ba dang/ lan tshwa ba dang/ de la sogs te/ ro brgya ? ? ba'i lha dang lha mo mang po dang/ gos la sogs pa'i rgyan thams cad kyang/ rang bzhin gyis 'od gsal ba'i phyir mi sgrib cing/ de dag rang gi 'od kyis kyang gcig bsal bar byed do/ /stong pa nyid dang mtshan ma
- 229b
med pa dang/ smon pa med pa dang/ rang bzhin gyis 'od gsal ba'i sgo dang pha rol tu phyin pa rnam par thar pa'i rta babs dang/ ka ba brgyad zlum pa'o/ /de nas dbus su haM las sna tshogs rdo rje rgya gram/ sangs rgyas kyi zhing drug khebs pa'i tshad du khyab pa/ rdo rje bum pa'i steng du sim las seng ge /shar gyi rwa steng du hUM las glang po che/ /lho'i rwa steng du a las rta/ nub kyi rwa steng du maM las khyung/ byang gi rwa steng du gaM las nam mkha' lding/ de dag gi steng du b+h+ruM las 'khor lo rtsibs bzhi par gyur te/ sems can de dag gis 'degs pa'o/ /la la na de 'khor lo'i steng du seng ge la sogs pa 'byung la/ rdo rje rgya dam ni gser gyi sa gzhi dang gzhi tshad med pa'i 'khor lo'i bar na gnas so zhes 'byung ngo/ /de nas dbus kyi lte ba nas byang sgo'i bar du sna tshogs kyi pad+ma ste/ rdzogs pa chen po'i rang bzhin nyid kyi phyir ro/ /yang la la na de sgo bzhir ni/ tshangs pa la sogs pa la bzhi dgod de/ de ltar yang/ de byi ma ha dza la'i tan tra las kyang/ rin chen rtse'u dung bcas pa dang/ tshabs pa brgya byin gnyis gnyis kyis/ /'degs pa'i khri la rnam par bzhugs zhes 'byung ste/ shar gyi sgor gshin rje dang brgya byin dang/ lhor tshangs pa dang/ khyab 'jug dang/ nub tu gtsug na rin chen dang dung skyong byang du pa'i na ya ka dang ma hA de gzugs kyi tan tra yin pas/ dbus dang lho nub sgo bzhir ni snga ma dang gi steng du nyi ma'o/ /phyi ma rnams su ni zla ba kho nar shes par bya'o/ /de nas dbus kyi gdan la gnas te/ chos thams cad rnam par thar pa'i sgo lnga kho nar bsgom pa ni/ so sor rtog pa'i shes rab kyis brtags te/ /chos thams cad bskye ba med pa yin pa las/ sems can gyi dbang gis rdul phra rab kyi phyi mo las/ phyi nang snod bcud kyi rnam pa tha dad pa skyes nas/ yang rdul phran de nyid zung? drug tu ma grub pas stong pa
- 230a
nyid kyi rnam par thar pa/ chos kyi dbyings kyi ye shes su bsgom pa dang/ dbang po 'gags nas yang sa bon thams cad de brtag pa ther zug pa yin bzhin du/ rang bzhin gyi sgo nas 'gag pa med pas/ mtshan ma med pa'i rnam par thar pa ste/ me long lta bu'i ye shes su bsgom pa dang/ dbang po sgyu ma lta bu la rnam par shes pa gnas na yang/ rnam par shes pa yul tha dad pa la 'gro zhing gnas pa med la/ smon pa ni dmigs pa'i yul yin na/ yul dang dbang po gnyis ka rang bzhin gyis ma grub pas/ smon pa med pa'i rnam par thar pa'i sgo/ yul dang dbang po gnyis dbyer med par stong par mnyam pas/ /mnyam pa nyid kyi ye shes su bsgom pa dang/ rnam par shes pa'i rang bzhin med pas yul 'khrul pa la rtags kyang/ yul gzugs sgra dri ro reg bya ni ngo bo nyid kyi stong pa yin pas/ rang bzhin gyis 'od gsal ba'i rnam par thar pa'i sgo ste/ so sor rtog pa'i ye shes su sgom pa dang/ 'dus byas pa'i dbang gis rnam par shes pa yul tha dad pa la 'gro zhing 'ong na/ yul gzhan gyis bar bcad tsam na slar 'ong ba ci yin na/ dang po 'gro ba ni sus mthong/ de nas 'ong ba na sus mthong ba ste/ mo gsham gyi bu dang ri bong gi rwa? ltar phan tshun yod par mi 'thad pas/ de nyid 'gro ba dang 'od ba med pa'i phyir/ mngon par 'dus ma byas pa'i ste/ bya ba grub pa'i ye shes su bsgom pa yin no/ /de ltar stong pa chen po'i ngad nyid du med pa yang ma yin/ yod pa yang ma yin/ de gnyis kyi dbus su yang dmigs su med pa ni/ stong pa chen po'i ye shes cho ga dang po'o/ /de kho na nyid kyi ngang las rnam par shes pa'i tshogs brgyad kyi rang bzhin du gnas pa'i rang gi sems kyi ngo bo a dkar po gsal zhing 'od 'bar ba dang
- 230b
ldan pa zhig du bsgom mo/ /a de las shin tu phra ba'i/ a A/ i a'i/ u a'u/ e i/ o aau/ ri rI li lI/ aM a:/ de rnams stong gsum gyi rdul snyed du spros pas/ phyogs bcu'i sems can gyi don byas nas/ slar a bzhi po la 'dus pa las/ a a rnams kyis mdza' 'khor ba yar 'greng ba/ g.ya' g.yo'i phreng ba dang ka bar ldan pa/ 'od zer kyi phreng ba dang ldan par bsgom mo/ /yang a de las ka yig rnams spros nas phyogs bcu'i 'jig rten drug tu khyab pa las de na gnas pa'i sems can gyi don byas nas/ slar a la 'dus pa las/ a a aM zhes brjod pas me mar las me mar byung ba'i tshul du/ nyi ma'i dkyil 'khor du gyur te/ de'i dbus na k+Sha mdog dkar ba yang 'greng ba/ mdza' ma ka yig rnams kyis bskor te/ de ltar thabs dang shes rab rgya che ba'i bdag nyid/ bsod nams dang ye shes kyi tshogs kyi ngo bo nyid zla ba rtseg ma yin pa de ni me long lta bu'i ye shes te cho ga gnyis pa'o/ /de nas 'od du zhu nas 'od kyi gong bu gang yin par gyur pa ni mnyam pa nyid kyi ye shes te cho ga gsum pa'o/ /'od kyi gong bu de las hUM du gyur/ hUM dkar po las rgyu dang 'bras bu ye shes lnga dang rigs lnga'i bdag nyid dang po'i rdo rje rtse lnga pa bum pa'i nang du hUM gis byin gyis brlabs pa ni/ so sor kun tu rtogs pa'i ye shes te cho ga bzhi pa'o/ /rdo rje de las 'phro zhing 'du ba'i tshul gyis sangs rgyas rdul phra rab grangs med pa mang po bzhugs te/ /ma hA badzra dang ra haM zhes brjod pas/ dpal kun tu bzang po'i sku phyag chen por gyur pa ni/ bya ba nan tan gyi ye shes te cho ga lnga pa'o/ /de yang sku gsung thugs dang ldan pa'i phyir rnam par thar pa'i dbu gsum pa/ drag po dang zhi ba dang chags pa dang gsum gyi rang bzhin zhal mdog mi mthun pa/ ye shes drug gi phyag gis ye shes
- 231a
rin po che 'bar ba'i phyag rgya 'dzin pa/ thabs dang shes rab kyi zhabs pad+ma gnyis mnyam pa'i brtul zhugs kyi skyil mo krung du gnas pa/ ral pa 'dus pa'i dbu rgyan can/ /byis pa'i rgyan gyis brgyan pa/ ? ba'i zhal gyis mdangs kyis 'gro ba sems can gyi rgyud rgyas par byed pa'o/ /sku mdog dkar po'o/ /de ltar bdag rig pa'i skyes bu cho ga lngas rdzogs par byas nas/ yum shes rab kyi pha rol tu phyin ma'i ngo bo nam mkha' i dbyings kyi dbang phyug ma yang myu gu dang grib ma'i tshul du yul dang rang bzhin gyis skye ba'o/ /de ni gsal ldan ma zhes bya ste/ byin brlabs la zhes pa'i don gyis na/ rgyud las ljon la sogs pa gang rigs kyi bye brag gis bzung ba de'i snying ga'i dkyil du nyi ma'i dkyil 'khor gyi steng du/ khro bo'i sa bon hUM nag po las bskyed pa'i khro bo'i rdo rje nag po'i dkyil du hUM gis byin gyis brlabs pa/ zhig pa'i me dpung chen po dang 'dra ba de'i 'od zer gyis reg nas dri ma dang btsas? pa'i phyin ci log gnyi bar len pa'i phung po rtog pa dang bcas pa bsregs nas/ rnam par shes pa mar me bzhin du snang ba de la/ bdag gi ye shes kyi 'od zer gyis phyogs bcu'i ye shes kyi rig ma'i tshogs bkug ste zhugs pas/ yum gyi mkha' i dbyings phyug ma'i bskur bskyed do/ /de nas bdag yab yum gyi yid dang nyon mongs pa can gyi yid ni dpal kun tu bzang po'i rang bzhin du byin gyis brlabs/ yul 'dus byas dang 'dus ma byas kyis bsngas pa ni/ yum kun tu bzang mo'i rang bzhin du byin gyis brlab/ nye bar len pa'i phung po lnga ni mi bskyod pa la sogs pa lngar byin gyis brlab/ phyi nang gi 'byung ba chen po lnga ni yum lngar byin gyis brlab/ dbang po dang rnam par
- 231b
shes pa ni byang chub sems dpa' i tshogs su byin gyis brlab dang/ yul du lha mor byin gyis brlab/ yul dang dbang po rnam par shes pa dang/ de ma thag pa dang/ /gnas rnam pa bzhi khro bor byin gyis brlab/ phyin ci log bzhi khro mor byin gyis brlab/ spyir lus la lha dgod pa'i thabs ni rang bzhin dang mtshan nyid gnyis las/ rang bzhin kho nar shes par bya'o/ /bdag yab yum gyi gsang ba'i rdo rje hUM ni sa bon las bskyed pa'i rdo rje rtse lnga par byin gyis brlab/ yum gyi gsang ba'i gnas ni a las bskyed pa'i pad+ma dang/ yang dag pa'i 'dod chags kyi dbang du byas te/ dmar po kha zlum pa'o/ /ci'i phyir na/ rtogs pa thams cad 'dus pa las kyang/ padmo smyung mo bud med brgya zhes pa dang/ 'dir yang phyis gdod pad+ma'i 'dab ma phral ba'i phyir ro/ /pad+ma de yang de bzhin gshegs pa thams cad kyi che ba'i yon tan thams cad kyis rgyas pa'i lte ba ser ba/ sprul pa mdza' yas pas 'gro ba sna tshogs pa'i don mdzad pa'i phyir/ ge sar dang bcas pa rnam par thar pa brgyad kyi rang bzhin 'dab ma brgyad du gyur pa'o/ /de nas dza du pra be sha zhes brjod pas/ yum gyi 'dod pa'i dga' ba'i dri rnam par dag pa gang yin pa de yang bstar nas/ rdo rjes pad+ma zlum pa'i phral ba'i dga' ba gang yin pa de yar/ lus kyi dkyil 'khor gyi lha dang/ phyogs dus kyi dkyil 'khor sangs rgyas thams cad la dbul bar bya'o/ /de nas yang hUM pus pa a be sha zhes pas zhags pa'i phyag rgya bcings la/ ? kyi byang chub sems yab yum gyi gsang gnas su me tog babs par byas la/ a nu ra ga'i sngags brjod la/ de lta bu'i gsang ba'i mchod pa gang yin pa de yang/ phyi nang gi sangs rgyas thams cad la mchod par bya'o/ thaM? taM pa su ka ni zhes pas/ lcags sgrog
- 232a
gi phyag rgyas dbang du byas te/ lhag pa'i byang chub sems mar me lta bur gyur pa de/ gsang gnas su 'od 'bar ba dga' ba gang yin pa de yang/ phyi nang gi sangs rgyas thams cad la mchod par bya'o/ / ho b+han te tsi ta zhes pas/ dril bu'i phyag rgya bskyed cing bskul bas/ byang chub sems las yum gyi gnas su b+h+ruM gyi sa bon las grub pa'i ye shes kyi gzhal yas khang gru bzhi par gyur to/ 'dir mchod rten lta bu'i gzhal yas khang gi ngo bor ni/ yum kun tu bzang mo nyid du gnas pa'i phyir ro/ /de ltar yang gsungs pa/ kun bzang mnyam gzhag ma chos kyi dbyings zhes gsungs pas/ mchod rten yang chos dbyings kyi ngo bo nyid du gnas pa'i phyir ro/ /de ltar rol pa'i sgra dang byang chub kyi sems yum gyi mkha' la 'bebs pa de las 'od zer gyi sprin gyi phreng ba yum gyi ba spu'i bu ga nas 'phros pas/ 'od zer gyi rtse las skyes pa'i lcags kyus/ /phyogs bcu'i sangs rgyas kyi zhing na gnas pa thams cad spyan drangs nas/ mdun gyi bar snang la chu'i skal pa'i rlan ltar 'khrigs nas/ lhag pa'i byang chub sems kyis mchod de/ pu tsa badzra gyi sngags brjod la 'od zer sna lnga'i phreng ba bar mtshams med par sprin bzhin du 'khrigs pa'i rtse las skyes pa'i lha mo rnams kyis kyang mchod do/ /de'i dus su rnal 'byor pa rang gi lce ni hUM dkar po las rdo rje rtse lnga par bsams la bum pa la snang ba mdza' yas kyi dkyil 'khor bsgoms la blangs pas/ oM dkar por byin gyis brlabs te zos pas/ /nang gi dkyil 'khor de dag thams cad mnyes pa'i hoM gyi cho ga de dag bya'o/ /de ltar yang 'od zer gyi lcags kyus 'gro ba
- 232b
rigs drug gi sems can thams cad gnas su bkug nas/ lha thams cad kyi rang bzhin byang chub sems rgu rgyun gyi dbang bskur bas/ nye bar len pa'i phung po dri ma dang bcas pa rnam par dag ste/ rnam par shes pa mar me lta bu de hUM las skur phyag rgya rdo rje'i rigs su nges par byas la/ gong gi shes rab ye shes kyi dbang bskur bar dbus su mi bskyod pas dbu rgyan la/ gsang ba'i gnas nas slar byung ste/ yaM las rlung gi dkyil 'khor gzhu lta bu'i thog tu bzhag nas/ phaT kyi sgras 'og min nam mngon dga' i 'jig rten gyi khams su gnas par bya'o/ /yang byang chub kyi sems de nyid las gsang ba'i dkyil 'khor 'khor lo'i lte ba'i steng du/ zla ba'i dkyil 'khor cha yongs su rdzogs pa gang zhing rgyas pa tha ma 'od kyi skud pas yongs su bskor ba zhig bsgoms la/ de'i dbus su sgra yig dang po yar blangs la bkod la/ de'i tha ma nas tshur g.yas nas bskor ba'i rim pa las / mchan gyi khyad par dbyangs yig bcu drug nyis 'gyur la/ ka ba bcu drug dang/ dpe byad kyi sa bon ming gi yi ge sum cu rtsa bzhi rnams phreng ba'i tshul du rim pa gnyis yongs su bskor bar bsgom mo/ /de dag las 'od zer gyi phreng bar mtshams med pa 'phros pas/ 'jig rten drug gi sangs rgyas kyi zhing drug tu khyab nas/ slar yang yum gyi spyi bo nas ba spu'i bu ga nas yum gyi gsang ba'i gnas su thim pa las/ ta'i sde pa las rigs lnga yang yum bcu dang/ ka dang tsa'i sde ba las sems dpa' dang sems ma brgyad dang/ pa dang yang wa ra la bzhi las sems dpa' dang sems ma brgyad dang/ a dang k+Sha las kun tu bzang po yab yum dang/ nga dang sha dang nya dang Sha dang
- 233a
ma dang sa dang o dang ha rnams las khro bo yab yum brgyad dang/ a'i sde pa drug las thub pa drug ste/ lha bzhi bcu rtsa gnyis su gyur to/ /de ltar yi ge'i dus na phreng bar gcig na yang/ sku'i dus na sprin du bye ba'i dus na ni/ tshul du rang rang gi gnas su 'khril pa'i tshul du bzhugs so/ /de la zhal dang mtshan dang/ 'dir dbus kyi gtso bo rnams ma yin pa phyi ma ni zhal gcig phyag gnyis pa kho na'o/ /de 'ang la lan re gu ha sa man dza tan tra las ni/ lha thams cad zhal gsum phyag drug tu gnas so zhes pa dang/ de yang gu ha sa man dza las ni/ sku gsung thugs kho na gtsor byas pa yin la/ /'dir ni ye shes lnga rigs lnga kho na gtsor smos pa yin no/ /'o na sku gsung thugs la ye shes lnga dang rigs lnga med dam/ rigs lnga la ni sku gsung thugs dang mi ldan nam zhe na/ de ltar yin gyis kyang/ gdul bya'i gnas skabs las shas che chung tsam du bas so/ /sku mdog dang phyag mtshan ni dkyus na gsal lo/ /de ltar yun ring du bsgoms nas/ de nas gsang ba'i gnas nas hUM badzra drig ces pa la sogs pa'i sngags kyis spyan drangs nas/ skad cig ma'i rim pa dang 'dra bas phyir phyung ste/ / rtogs pa thams cad 'dus pa'i tan tra las gsungs pa ltar rigs lnga yab yum bcu phyogs bcu na gnas pa'i sems can gyi nyon mongs pa zhe sdang la sogs pa gnas bsgyur te/ zag pa med pa'i ye shes kyi phung por byin gyis brlab/ yum bzhis sdang ba dang bsod nams chung ba dang/ bdag nyid kyi dbang du mi 'du ba dang/ khengs pa dag zhi ba la sogs pa bzhir byas nas/ sems ma la sogs pa rnams kyis lha'i mig la sogs pa mngon par
- 233b
shes pa lnga dang ldan par byas/ khro bo dang khro mo rnams kyis zhe sdang la sogs pa'i dbang gis bskyed pa'i phung po la sogs pa'i bdud bzhi dang/ phyin ci log gi mu bzhi la gnas pa'i sems can gnas bsgyur nas/ yang dag pa mnyam pa chen po'i don rten 'brel dbu ma la gnas par byas nas/ kun tu bzang po yab yum gyis sems kun gzhi'i dbang gis nyon mongs pa can gyis yid yul la rang thad du spyod pa de gnas gyur nas/ yid kyi rnam par shes pa chos kyi dbyings kyi ye shes su gnas bsgyur ro/ /thub pa drug gis mdzad pa bcu gnyis kyi tshul gyis 'dul ba rnam bzhis 'gro ba lnga'i don mdzad do/ /de nas ngang gi gdan sngon du bkod pa la bzhugs so/ /'di nas mang don gsum pa sngags kyi yan lag rnams dang/ sbyor ba las rdul tshon gyi dkyil 'khor du slob ma rnams gzhug par bya ba dang/ ye shes kyi dkyil 'khor ting nge 'dzin gyi dkyil 'khor la bstim pa dang/ 'di'i dus su gsang ba'i gnas spyan drangs pa'i dbus kyi gtso'o/ mi bskyod pas rgyu dang 'bras bu dang/ slob dpon dang slob ma'i 'brel bar rtogs par bya ba'i don du/ rang gi gtso bo la thim par 'dod pas/ /e ha hi b+ha ga bAn zhes brjod nas/ sbyor ba'i brda' dza(rgyud 'grel): hUM baM ho(rgyud 'grel): sa bskul nas/ thabs dang shes rab sbyor ba'i byang chub sems yum gyi mkha' la babs pa dang/ dam tshig rdo rje'i sngags /a badzra sa ma ya oM zhes pa dang bcas pa'i sngags brjod de/ lhag pa'i byang chub sems rig pa'i me tog gtor bar bsam la/ /ye shes rgyal po'i dbyings kyis bskul nas/ thabs dang shes rab sbyor ba/ 'dod chags chen po'i mes 'od du bzhu ste/ mdun gyi bar snang la 'od kyi gong bur gnas pa las/ gtso bo yab yum gyis kyang rdo rje dam tshig gi sngags
- 234a
gsum gyi yi ge 'bru gsum gyi sku gsung thugs su byin gyis brlabs nas/ dza(rgyud 'grel): hUM baM ho(rgyud 'grel): bzhis mdun gyi bar snang la 'od kyi gong bur spyan drangs te/ bcom ldan 'das byed pa po rdo rje dang bya ba mo rdo rje thabs dang shes rab gnyis su med pa'i gsang ba'i gnas su thim pa dang/ yab yum gnyis su rdo rje sems dpa' yab yum du gnas gyur te/ 'jig rten drug gi phyogs bcur yang/ skad cig ma'i dus gsum du sngags phyung ba'i sgras so/ / de nas bcom ldan 'das dgyes pa chen pos/ don dam par bdag dang tha mi dad na yang/ kun rdzob du bdag nyid chen po'i ye shes su byin sdud pa 'di bya ste/ yang thabs dang shes rab rol pa'i sgra dang/ byang chub sems kyi 'od zer gyi lcags kyus/ phyogs bcu dus bzhi sangs rgyas thabs dang shes rab kyi byang chub sems chen pos bcas pa thams cad spyan drangs te/ mdun gyi bar snang la chu'i skal ba'i sprin ltar 'khrigs te gnas pa las/ lhag pa'i byang chub sems kyi 'od zer gyi phreng ba'i rtse las skyes pa'i lha mo'i tshogs kyis mchod nas/ lha'i dkyil 'khor thams cad kyis bdag dang 'khor du bcas pa thams cad la/ bum pa'i dbang dang por brtsams nas/ shes rab ye shes kyi dbang gi bar du bskur bar mngon par rtogs te/ de'i 'bras bu ni/ bdag gi dbu la shes rab ye shes kyi dbang ngam/ rigs lngar gnas so/ /phyi ma rnams la yang dbang gi 'bras bu ni rigs lnga ste/ dbu rgyan yi ge lnga dang ldan zhes gsungs pa'i phyir te/ shU n+ya tA la sogs pa'i sngags kyang brjod par bya'o/ /la la na re dang por bdag nyid bskyed pa'i dus su/ bdag nyid la dbang thams cad rdzogs par byas te/ de nas yang dkyil
- 234b
'khor chen po rdzogs pa dang/ yang bdag gis lha thams cad la dbang bskur bar bya ba yin no/ zhes sngags kyi rgyud la mkhas pa'i slob dpon dag 'chad do/ /de ltar lha thams cad bkug ste bcug la bcings te dbang du byas nas/ zangs ma la sogs pa'i khams kyi rol pa nye bar gcig tu sbyor ba ltar lhun gyis grub pa'i dkyil 'khor thams cad ting nge 'dzin gyi dkyil 'khor la thim pas/ lha thams cad kyi sku'i phyag rgyar 'bar gyur te/ gsung gi phyag rgya 'bar bar 'gyur/ thugs kyi phyag rgya thim par gyur to/ /de ltar de yang don du bsnyen bsgrub rnam bzhi dang/ cho ga lnga dang/ yo byad lnga thal bas/ da ni sngags kyi yan lag lnga brtsam par bya ste/ bdag gi thugs kar ni nyi ma'i dkyil 'khor gser gyis ni 'bring po tsam gyi steng du/ bdag dang tha mi dad pa'i ye shes sems dpa' mtshon gang ba de'i thugs kar sran ma tsam gyi nyi ma'i steng/ rdo rje nas tsam gyi bum pa'i nang du hUM gis brgyan par bsam mo/ /de'i tha ma nas tshur hUM badzra grI ba hUM swAhA zhes pa bsgom mo/ /de bzhin du phyi ma bzhi la zla ba/ rin po che pad+ma rdo rje rgya gram gyi dbus na yang/ rang rang dang mthun pa'i ye shes sems dpa' / de'i thugs kar yang 'khor lo rin po che pad+ma dmar po ral gri dag/ gdan zla ba la byas pa'o/ de dag gi dkyil 'khor rang gi chos kyi yi ges tha ma bskor ba la/ swA hA'i gnyar rang nyid kyi yi ge bstabs pa'o/ /che chung gi tshad gong du bshad pa dang mthun no/ /yum rnams kyi thugs kar zla ba'i steng na/ rang rang gi ye shes sems dpa' thugs kar/ zla ba'i steng na rang rang gi chos kyi yi ge muM laM maM bya tya kyi tha ma nas tshur rang rang gi spyan drangs pa'i sngags kyis bskor ba'o/ /sems dpa' rnams ni yab ltar ro/ /sems ma rnams ni yum ltar ro/ /
- 235a
de nas sngags kyi yan lag brtsam pa ni/ ting nge 'dzin spyir btang ba ni dbugs dgag pa dang/ gtong ba dang/ gzung ba dang/ so sor spyod pa dang/ rjes su dran pa dang/ ting nge 'dzin zhes gsungs so// de la dang po yid kyi rgyan nang du phyogs pa'i dgos pa'i phyir/ dbugs dgag pa gang zhe na/ thams cad nam mkha' dang 'dra ba'i tshul gyis/ sangs rgyas 'dra ba'i rang bzhin du bdag bsams la/ ye shes sems dpa' i thugs ka'i rdo rje'i bum pa'i hUM 'od du zhu nas/ 'od kyi gong bur gyur nas rin po che sna lnga'i kha dog dang/ bdag gi sems dang dbugs gcig du dbyer med par brtags te/ rang gi dbang po nang du phyogs par byas pa ni/ dbugs dgag pa'o/ /des cir 'gyur zhe na/ mtshan ma lnga po 'byung bar 'gyur zhes gsungs so/ de nas gtong ba gang zhe na/ dbugs de las yang 'od zer 'byung ba'i tshul gyis dbugs dang 'od zer gyi phreng ba gcig tu bsres te/ ye shes sems dpa' i khog pa'i nang nas/ ba spu'i bu ga nas rims bzhin du 'phro bar bya ba ni gtong ba'o/ /gzung bar bya ba gang zhe na/ slar 'dus pa de dag yang rang gi gnas kyi thig le la dbyer med par 'gyur te/ yun ring du bsgom pa ni gzung ba'o/ rjes su dran pa gang zhe na/ de dag gsal bar brtags nas spros pa'i tshe/ ba spu'i bu ga thams cad dang rdo rje lam nas nam mkha' i khams gang bar spros pa'i tshe/ lha dang rigs dang shes rab kyi pha rol tu phyin pa'i bar du rjes su dran bya'o/ /de nas so sor spyod pa gang zhe na/ nang gi dbang po lha'i bdag nyid kyis/ phyi'i yul gzugs la sogs pa la spyod cing gnas na yang/ de nyid lha'i rang bzhin du bsgoms te/
- 235b
dbang ba dang yul thabs dang shes rab tha mi dad pa'i tshul gyis/ lha'i rang bzhin du so sor dbyer med pa ni/ dbang po dang yul dang thabs dang shes rab so sor spyod pa'o/ /de ltar sngags kyi yan lag lnga brtsams pa'i/ yon tan ni cir 'gyur zhe na/ lha'i bdag nyid dang dbyer med pa'i sngags kyis kyang byin gyis brlabs la/ mngon par shes pa lnga thob pa dang/ byang chub sems dpa' sa'i snying la sogs pas kyang gzigs par gyur pa dang gzugs dang ldan pa dang/ stobs dang ldan pa dang/ dpal rdo rje sems dpa' i sku gsung thugs kyang/ rnal 'byor pa lus ngag yid gsum la 'jug pa dang/ rjes su dran pa bsgoms pas ni/ 'od kyi dkyil 'khor rang las 'byung ngo/ /'o na 'od kyi dkyil 'khor lta bu 'byung ba dang/ srin po la yang yod do zhes pa dang/ 'jig rten las 'das zhes te/ mtshan dang dpe byad kyi gzhi'o/ /de la ye shes sems dpa' i thugs ka nas/ hUM badzra drig swAhA zhes brjod pa'i tshe/ lha byi ma kun yang rang rang gi sngags zlos ? ? go /ha cang sgra cher ma yin chung ba min/ /smra bzhin ma yin gzhan du g.yeng ba min zhes 'byung ste/ rtse gcig pas 'phro 'du bya ba'i rim pa yang/ ye shes sems dpa' i thugs ka nas/ de nyid kyi ba spu'i bu ga nas/ rim bzhin du gzhal yas khang nas/ phyogs bcu'i nam mkha' i khams bkang nas/ lhun gyis grub pa'i ye shes kyi dkyil 'khor nas/ yang de bzhin du slar 'du ba dang/ phar 'phro ba dang/ rims bzhin du byas te/ de ltar yang gsungs pa/ gdugs 'byung smra ba 'phro bya ste/ /dbugs spu sngags kyang bsdu bar bya/ /ba spu rnams kyi bu ga nas/ /mkhas pas chos kyi sprin rnams spro zhes gsungs so/ /de nas ting nge 'dzin rtsal sbyang ba'i phyir/ shin tu phra ba'i dam
- 236a
tshig gis blo rgya che chung ngu sbyang par yang bya'o/ /ye shes kyi rdzas kyi dkyil 'khor de dag /las bzhi'i hoM yang bya ste/ me lha dngos la nyi shu rtsa gcig /phyi ma la 'byor thang gis mchod de/ bsam yas dag la yang de bzhin no/ zhes gsungs te/ rig pas dpag pa tsam du'o/ /de nas mchod pa'i phyag rgyas mchod la/ bstod pa byas nas yi ge brgya pa brjod/ dkyil 'khor thams cad rang nyid la rigs kyi bye brag gis bsdu'o/ / de nas mtshan gyi khyab par gzhan gyis kyang kun gyi rang bzhin du byas nas bstod de ci bde bar langs so/ de'i dus su rdo rje dbyings kyi dbang phyug ma'i sngags dang phyag rgya la gnas te/ snying rje chen po'i sems kyis bcag par bya'o/ /stong nyid bdag med rang mkhyen rang rig thugs/ /dmigs bya dmigs byed med par dran dbang bskur/ /ngo mtshar sku gsung yon tan zhing khams las/ gzhan na med de de nyid de ltar yin/ zhes de rtogs par bya'o/ dpal gsang ba'i snying por sgyu 'phrul dra ba las/ sgrub thabs kyi rim par phye ba'i bshad pa rdzogs so?// //gong du a ti yo ga'i gzhung gis sems can thams cad la rang bzhin gyi dkyil 'khor yod par bstan pa dang/ ma hA yo ga'i gzhung gis bsgom khog las 'byung ba'i rim pas bdag bskyed nas/ phung po lnga dang khams dang skye mched byin gyis brlab par bya ba dang dkyil 'khor gyi lha thams cad la yang bya'o/ zhes bstan pas bya ba gang yin pa de gnyis spros pa'i phyir/ e ma'o rdo rje phung po zhes bya ba la sogs te/ ha yis ma ngar ti'i sgra las drangs nas/ ngo mtshar nas zhes par ngam ba ste/ ci'i phyir zhe na/ don dam pa byang chub kyi sems skye ba med pa'i dbyings chen po las/ kun rdzob
- 236b
rdzogs pa chen po'i dkyil 'khor du chos thams cad ye nas sangs rgyas pa'i gnas pa ni ngo mtshar che'o zhes pa'o/ /de yang gang zhe na/ rdo rje phung po zhes bya ba la sogs pa ste/ ji ltar snod dang bcud du bcas pa dang/ 'dus byas dang 'dus ma byas su bcas pa dang/ dag pa dang ma dag par bcas pa thams cad ni/ dpal kun bzang po'i sku dang yan lag tu ye nas sangs rgyas par gnas pa ste/ sangs rgyas nyid las gzhan pa'i chos/ /sangs rgyas nyid kyis mi brnyes so/ zhes bya ba'i bar du ji snyed pa'o/ /de la rdo rje phung po zhes bya ba ni/ 'bras bu'i ming rgyu la brtags pa yin la/ spyir ni rgyu ye shes dang/ phung po lnga dang/ nyon mongs pa lnga dang/ rigs lnga dbyer med pa'i rdo rje zhes bya ba la de 'dir ni ma hA yo ga'i gzhung gis rnam par shes pa'i phung po la bya/ de'i yan lag ni rnam par shes pa'i phung po la sogs pa bya'o/ /yang na gnyis su na/ rdo rje'i phung po'i yan lag ni/ rdzogs pa'i sangs rgyas lnga ru grags zhes bya ba las/ 'di'i yan lag ni/ skye mched khams rnams mang po kun/ /byang chub sems dpa' i dkyil 'khor ro/ zhes bya bar yang bkag pa ma yin no/ zhes te/ de ltar na 'khor ba can gyi phung po lnga rdzogs pa'i sangs rgyas lnga ru theg pa chen po ma hA yo ga'i gzhung gis kyang grags zhes bya'o/ /de bzhin du spyi'i mdo sde dag las/ skye mched dang khams su bstan pa dag kyang/ sems dpa' dang sems ma'i dang nyid do zhes bya'o/ /de bzhin du sa la sogs pa lnga dang/ gong du rnam par bya ba dag yum lnga'i zhes bya bar nges so/ /de lta bu'i dkyil 'khor gyi ngang nyid las ni/ srid pa gsum gyi chos thams cad kyang/ ye nas sangs rgyas shing 'khor ba dang mya ngan las 'das pa dang/ 'dus byas dang 'dus ma byas
- 237a
dang 'jig rten dang 'jig rten las 'das pa dang/ don dam pa dang/ kun rdzob dang/ snod dang bcud dang/ dag pa dang ma dag pa dang/ tha snyad dang tha snyad las 'das pa dang/ sangs rgyas dang sems can gyi bar du thams cad kyi sgra ji snyed pa thams cad kyang/ sangs rgyas nyid las gzhan ma yin te/ smras pa'i don de lta bus na/ sangs rgyas nyid las gzhan pa'i chos gzhan lta ci smos te/ sangs rgyas nyid kyis kyang mi brnyes so zhes bya ste/ de na dam par ni chos kyi sku'i ngang nyid du dbyer med la/ kun rdzob tu ni nyid kyi sku dang yan lag tu gnas pa'i phyir ro/ /de la ni skye mched skye mched bcu gnyis su gnas pa yin no/ /khams rnams kyang bco brgyad du des na/ mang po zhes bya ba'i tshig 'di ci dgos she na/ cis kyi sgra ni de ni lus thams cad las ni khams bco brgyad du bstan pa yin la/ rgyud thams cad kyi rgyal po 'di ni kun gyi 'byung gnas su bstan pa'i phyir/ khams nyi shu rtsa gcig tu bstan to zhes rgyud phyi ma las 'byung ste/ bdag gi gsang ba'i rdo rje ni dkyil 'khor thams cad kyi rang bzhin du bstan pa'i phyir ro/ de'i yul pad ma ni shes rab kyi ngo bo'o/ /de gnyis kyi thugs ni lhag pa byang chub kyi sems las skye ba rdo rje sems dpa' zhes bya'o/ /de'i phyir yang gsungs pa/ thams cad byang chub sems dpa' rdo rje'i dbang/ dbang po'i yul ni shes rab padmo'i dbyings/ dbang po'i gzugs ni rdo rje sems/ ci'i phyir yang de ltar ngas she na/ yang gsungs pa/ dbang po rdo rje gsang ba'i rgyal/ /yul ni pad+ma bde mchog dbyings/ /sems ni byang chub 'byung ba'i gter/ zhes gsungs pa'i phyir ro/ /srid gsum zhes pa spyi gzhung gis ni 'dod pa'i srid pa dang/ gzugs kyi srid pa dang/ gzugs med pa'i
- 237b
srid pa'o/ /gsum yang ye nas sangs rgyas shing zhes bya'o/ de la shing gi sgra ni 'das pa la snyeg pa ste/ phyis gnyen pa'i byed pa'i phyogs su gsungs pas/ sangs rgyas par gyur pa ma yin te/ thog ma med pa'i dus nas ye nas skye ba med pa'i ngo bo dang/ rdzogs pa chen po'i dkyil 'khor du ye nas sangs par gnas pa yin no zhes bya'o/ /gsang ba mahA yo ga bas ni/ 'dod pa'i srid pa yum ste/ ci'i phyir zhe na/ 'dod cing chags par bya ba'i yul te/ gzugs kyi srid pa ni yab ste/ ci'i phyir na/ skye ba'i rgyu mtshan nyid ci na yin pa'i phyir ro/ /gzugs med pa'i srid pa ni byang chub kyi dbyings kyi bde ba chen po nas 'byung ba'i phyir ro/ /de dag kyang thabs dang shes rab byang chub kyi dkyil 'khor du/ ye nas sangs rgyas pa'i rang bzhin du gnas shing zhes bya'o/ /yang pho'i srid pa dang/ mo'i srid pa dang skye ba'i srid pa ste/ de yang thabs dang shes rab lhag pa'i byang chub sems kyi dkyil 'khor skye ba'i rang bzhin can no/ /de lta bas na thabs kyi sgra bsdu ba'i chos so cog gi rang bzhin ni/ sangs rgyas nyid las gzhan ma yin te/ don dam pa dang kun rdzob kyi dkyil 'khor gnyis las gzhan pa'i chos gzhan lta yang ci smos te/ sangs rgyas nyid kyis kyang ma brnyes so zhes bya ba'i tha tshig go /de ltar yab kyi don dam pa'i kun rdzob rdzogs pa chen po'i dkyil 'khor ltar gleng bslang ba ltar/ yum mnyes te/ kye ma'o zhes bya ba la sogs te/ ci phung po dang khams dang skye mched dang/ snod dang bcud du bcas pa thams cad sangs rgyas so zhes bya ba grags pa ni/ tshig gi tha snyad du thal te/ phyogs bcu'i stong khams mdza' yas mu med pa thams cad ni/ yul chos kyi dbyings kyi rang bzhin yin pas ye nas dben zhes bya ste/
- 238a
gzung 'dzin gyi rtog pa'i 'gro 'ong dang bral ba'i chos nyid can yin no/ zhes bya'o/ gong du bstan pa'i srid pa gsum ye nas sangs rgyas pa da ha cang yang ches te/ srid pa gsum nyid dag pa'i zhing yin te/ ma dag pa'i sems can du mthong ba ni 'khrul ba ste/ thams cad lha sum cu rtsa drug gi rang bzhin du ye nas sangs rgyas te gnas pa dang/ dag pa'i zhing zhes bya'o/ /der yang ma zad de/ snyigs ma lngar grags pa ste yang 'phags pa tshe dpag tu med pa'i bde ldan gyi gnas dang yang tha mi dad pa yin no zhes bya ba'o/ /de la snyigs ma yang gang zhe na/ dug lnga la sogs pa'i nyon mongs pa dgra po ni/ nyon mongs pa'i snyigs ma'o/ /log par lta ba la sogs pa'i lta ba'i ri bo drug cu rtsa gnyis ni/ lta ba'i snyigs ma'o/ bsod nams kyi phung po la sogs pa dang bral ba'i sems can ni sems can gyi snyigs ma'o/ lus kyi sdug bsngal gyi zhing du gyur pa'i bskal pa ni/ bskal pa'i snyigs ma'o/ tshe thung ba'i phung po la sogs pa rnams ni tshe'i snyigs ma ste/ de dag kyang rang gi sems kyi chos nyid byang chub kyi sems la dbang du gyur pa'i dus na/ bde ba can gyi gnas dang tha mi dad do zhes bya'o/ /yang ldem po'i dgongs pas ni/ nyon mongs pa lnga la sogs pa la rol cing dbang du byed do/ /nyon mongs pa lnga sangs rgyas par byas na/ nyon mongs pa lnga la drin la lan gyis glan pa'i phyir/ sbrul gyis sku la brgyan pa dang/ thabs dang shes rab rnam par dag pa'i rang bzhin du rol pa dang/ glang chen gyi ko ba dang/ stag gi pags pa dang/ lha chen po gdan du bzhag pa dang/ thod pa'i phreng bas sku la brgyan pa la sogs te/ de dag gi nyon mongs pa'i
- 238b
snyigs ma la spyod pa yin no/ /byang chub kyi sems skye 'jig dang bral te/ rtag par lta ba dang/ skye ba med pa'i dbyings chen po la bzhugs pas chad par lta ba dang/ mdza' yas pa'i sems thams cad chos nyid kyi rigs gcig tu dgongs pas bdag tu lta ba dang/ chos thams cad rang bzhin rdzogs pa chen po'i dkyil 'khor du ye nas sangs rgyas par lta ba dang/ mtshan mar lta ba ste/ de'i phyir na mu stegs kyi rtag par lta ba la sogs pa lta ba ni ma yin no zhes bya'o/ /de ni lta ba'i snyigs ma la spyod pa yin no/ /phyi'i yul thams cad ni bsod nams kyi phung po yin la/ phyi'i yul stong pa nyid kyi chos nyid du sbyor bas/ sems can gyi snyigs ma la sbyor ba yin no/ /lus kyi phung po 'byung ba chen po bzhi rdul phra rab du bshad cing/ phyi stong pa nyid kyi chos nyid du sbyor bar mdzad pa ni/ bskal pa'i snyigs ma la gnas pa'o/ /tshe thung ba'i phung po ni tshe'i snyigs ma yin la/ 'khor ba'i srog ni nyon mongs pa nyid kyi yid rtag tu gzung ba dang/ 'dzin pa'i rtog pa can de bcom pa ni/ rtag tu tshe thung ba'i phung po la gnas pa yin pas/ snyigs ma lnga po de lta bu de/ de ltar bde ldan gyi gnas su dgod ces so/ /da ni theg pa chen po a ti yo ga'i gzhung gis/ /chos thams cad rang gi spyod yul du stong pa chen po'i ngang nyid dang rgyu mthun pa'i ye shes chen po lngar bsgom pa dang/ mahA yo ga'i gzhung gis dang por rnal 'byor bas don dam pa dang kun rdzob dbyer med par ye nas sangs rgyas pa'i byang chub kyi sems ye shes chen po lngar bskyed do zhes bya ba'i don bstan pa'i phyir ro/ /skye ba med las zhes bya ba la sogs pa ste/ snod dang bcud dang rnam par shes pa brgyad ni/ don dam pa dang kun rdzob byang chub kyi sems dbyer
- 239a
med pa'i ye shes chen po lngar bsgom pa ste/ 'gro ba dang 'ong ba med pa ji snyed pa'i bar du'o/ /de la skye ba med ces bya ba ni stong pa'i chos nyid shes par bya'o/ /las zhes bya ba ni lhag ma bcas pa'i 'brel pa'i tshig ste/ ci'i phyir zhe na/ thams cad skyes zhes bya ste/ de la thams cad skyes zhes bya ba ni/ skye ba yod pa'i chos nyid nye bar gzung ba yin no/ /de lta na ni rtag pa zhig yin nam zhe na/ skyes pa nyid na skye ba med ces bya ste/ so sor rtog pa'i shes rab zhugs pas/ yod pa'i chos phyi dang nang la sogs pa stong pa yin no/ /de ltar phyi dang nang gi rang bzhin gyis 'od gsal ba'i sems kyi ye shes de nyid yab kyis gleng bslang ba'i kun rdzob dang/ yum gyis gleng bslang ba'i don dam pa'i bden pa gnyis su dbyer med pa'i byang chub sems chos kyi dbyings su bskyed pa yin no/ /yang spyi gtsug lag gi gzhung gis kyang/ 'jig pa dang/ chags pa dang/ stong pa dang/ gnas pa dag yod do zhes gsungs pas kyang/ phyi nang gi 'jig rten mi rtag pa mi bstan pa nyid du shes par bya ba kho na yin no/ 'gag pa med pa zhes pa ni/ kun gzhi byang chub kyi sems rang bzhin gyis 'od gsal ba'i gzung pa yin no/ las zhes pa yang lhag ma dang bcas pa'i 'brel pa ste/ ci'i phyir zhe na/ thams cad 'gag pa ni 'chi ba'i sred pa ste/ dbang po drug yul dang rnam par shes pa dang/ bral ba la bya'o/ /ci de lta na ni gtan du mi 'byung ba'i chos can yin nam zhe na/ 'gag pa nyid na 'gag pa med ces te/ dbang po 'gag na yang kun gzhi byang chub kyi
- 239b
sems ni mi 'gag ste/ /de ltar theg pa chen po'i gzhung dag las kyang 'di skad du/ la lar res 'ga' gzugs dang sems kyi rnam pa rgyun chad pa ltar snang yang/ kun gzhi sa bon thams cad pa ni/ rang bzhin gyi sgo nas mi dmigs pa ste/ de yang mu stegs kyi rtag pa ther zug pa lta bu ma yin no zhes pa'o/ /de ltar kun gzhi rnam par shes pa 'gags pa dang/ 'gag pa med pa gnyis med par rtog pa ni/ stong pa nyid kyi chos nyid don dam pa dang kun rdzob bden pa gnyis dbyer med pa'i byang chub kyi sems me long lta bu'i ye shes su bskyed pa yin no/ /gnas pa med pa zhes pa dang/ dbang po sgyu ma lta bu nang stong pa nyid kyi chos nyid la zhes bya'o/ /thams cad gnas zhes pa ni rnam par shes pa smig rgyu lta bu'i gnas so zhes bya'o/ / yang de ltar na ni rtag pa mi 'gyur ba'i chos can zhig yin nam zhes na/ gnas pa nyid na gnas pa med ces pa ste/ de ltar rnam par shes pa dbang po drug la gnas pa nyid na/ rnam par shes pa yul rang thad du ngad pa la 'phro zhing 'gro bar gnas pa yin te/ /de ltar nyon mongs pa can gyi yid gnas pa dang/ gnas pa gnyis med par rtogs na ni/ nang stong pa nyid kyi chos nyid don dam pa dang/ kun rdzob bden pa gnyis dbyer med pa'i byang chub sems mnyam pa nyid kyi ye shes su bskyed pa yin no/ /dmigs pa med ces pa ni phyi gzung ba'i yul stong pa nyid du 'grel ba yin no/ /thams cad dmigs zhes pa/ yid kyi rnam par shes pa yul thams cad la dmigs zhes bya'o/ /de ltar na ni yul rtag pa ther zug mi 'gyur ba'i rang bzhin yin nam zhe na/ dmigs pa nyid na dmigs pa med ces pa ste/ rnam par shes pa yul tha dad pa la dmigs na yang/ yul gyi stong pa nyid kyi rang bzhin du ma grub pas dmigs pa'i
- 240a
yul med do/ /de ltar yid kyi rnam par shes pa dmigs pa dang/ dmigs pa med pa gnyis med par rtogs pa/ phyi stong pa nyid kyi chos nyid don dam pa dang kun rdzob kyi bden gnyis dbyer med pa'i byang chub kyi sems so sor rtog pa'i ye shes su bskyed pa yin no/ /sgo lnga'i rnam par shes pa 'gro ba dang 'ong ba med pa las/ kun gzhi ni gnas pa 'am khyim lta bu byas/ yid kyi rnam par shes pas ni bzhin pa lta bu byas/ nyon mongs pa'i yid kyis ni bdag po lta bu byas/ rdzas kyi rang bzhin lta bu gnas pa'i sgo lnga'i rnam par shes pa yul la tha dad pa la 'gro zhing 'ong ba'o/ /'gro 'ong nyid na zhes pa ste/ de ltar 'gro ba dang 'ong ba nyid na/ 'ong ba dang 'gro ba med de/ dang po rnam par shes pa yul gyi rnam pa mthong ba ni/ 'gro ba yin la/ de nas yul sgra la sogs pa gzhan na dmigs tsam na ni/ dus dang po 'gag pa la 'ong zhes bya na/ dang po rnam par shes pa 'gro ba ni sus mthong/ de nas slar 'ong ba ni sus mthong ste/ /'gro 'ong med de/ rnam par shes pa yul tha dad pa la 'phro zhing 'gro ba na/ rnam par shes pa dbang po las thad kar song na ni/ slod na rnam par shes pa dbang po la med pa'i rigs/ 'on te rnam par shes pa ma 'phros na ni/ yul tha dad pa la yang gcod par mi rigs so zhes/ de ni mar me dang/ me long dang/ rgya dang me shel dang/ sa bon dang/ skyu ru ra dang/ brag ca bzhin te/ 'od gsal ba'i mtshan nyid can no/ / de ltar sgo lnga'i rnam par shes pa 'gro ba dang 'ong ba med par rtogs pa'i don dam pa dang kun rdzob byang chub kyi sems dbyer med pa'i bya ba nan tan gyi ye shes su bskyed pa yin no/ /da ni rgyud 'di'i mtshan nyid ci zhe na/ dpal
- 240b
gsang ba'i snying po zhes bya bar gsungs pa de yang/ gyi na 'am sgra brnyan lta bu bstan pa ma yin nam/ zhes dpyod pa'i blo mngon du gtong ba de dag las/ nges pa'i lung 'di bstan par bya ba'i phyir/ e ma'o ye nas gsang ba'i chos zhes bya ba la sogs pa ste/ sems can thams cad la de bzhin gshegs pa'i snying po don dam pa'i byang chub kyi sems sang chung rgyas pa'i ye nas rang la yod pas/ de ltar ma rtogs te rang gi phyin ci log gi rtog pa'i las kyi sprul zhes gsungs/ de yang ci ltar sprul zhe na/ sna tshogs snang la zhes bya ba ste/ rtog pa'i dbang gis 'gro ba rigs bsam gyis mi khyab na/ lus dang longs spyod gnas dang bde sdug mi 'thun pa sna tshogs pa zhig tu snang zhing sprul na yang/ de dag gi rang bzhin ni/ rang bzhin rdzogs pa chen po'i dkyil 'khor du ye nas sangs rgyas te/ gnas pa de gzhan dang gzhan gyis rtog par dka' ba'i phyir gsang zhes bya'o/ /de ltar le'u bcu gnyis pa shin tu gsang ba'i snying po sprin bkod pa'i le'u las/ rang bzhin gsang ba'i don rnams ni zhes pa'i don 'grel pa/ dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom zhes bya ba gsungs te/ snod dang bcud du bcas pa thams cad ni/ ye nas rdzogs pa chen po'i dkyil 'khor du gnas na/ 'gro ba phyin ci log gi rtog pas bsgribs pas ma mthong ngo zhes bya'o/ ngo bo nyid kyi bar du gsang zhes bya ba ni/ sangs rgyas dang sems can dbyer med pa'i don la bya'o/ /de ni bshad par bya ba 'di nyid las 'grel te/ mya ngan las 'das pa'i dkyil 'khor/ de bzhin gshegs pa thams cad dang/ 'khor ba'i chos thams cad so so ma yin tha mi dad do/ /ye nas sangs rgyas pa'i ngo bo nyid du gcig
- 241a
pa'i mtshan nyid yin pas/ sangs rgyas dang sems can ye nas sangs rgyas pa'i ngo bo nyid du dbyer med na/ 'gro ba rnam par rtog pa las rtsa ba ma rig pa las 'gro ba lnga'i rigs bsam gyis mi khyab par smin cing 'khyams? zhes bya ste/ yang dag pa'i kun rdzob kyi sgo nas gtsor 'dzin pa rnams la ni/ gzhan du med la zhes bya ste/ nyan thos la sogs pa la skye 'gag med pa'i don bstan ni/ sgrag cing skur pa 'debs la/ rang bzhin rdzogs ba chen po'i don bstan ni/ /rang gi 'dod gzhung phung po sun 'byin pa dang yang 'gal lo/ /gzhan phyi ma dag ni snod du ma gyur te/ gsang bar bya ba'i yul yin no/ /de ltar yang gsungs pa/ rmongs pa 'phyar bas gal te phyin/ /dus min par ni srog zad nas/ /srog dang sbregs la yun rings gnas zhes bya ba la sogs pa ste/ sbyir snod du ma gyur pa la gsang zhes bya'o/ shin tu gsang zhes bya ba ni e bam gyi don thabs dang shes rab kyi bdag nyid rnam par dag pa'i bdag nyid/ nyon mongs pa'i ngo bo sangs rgyas par bstan pa ste/ de ltar le'u gsum pa las gsang ba'i thig le nyid kyi dbyings zhes bya ba la sogs pa'o/ /de ltar sangs rgyas dang sems can gnyis rgyu dang rang bzhin gcig gam 'on te tha dad?/ tha dad pa zhig na bsgrub par bya ba'i brtson pa chud za bar 'gyur na snyam pa'i dogs pa gsal ba'i phyir/ de bzhin gshegs pa thams cad dang 'khor ba'i chos thams cad so sor ma yin tha mi dad de/ /de? nas sangs rgyas pa'i ngo bo nyid yin pas/ sangs rgyas dang sems can dbyer med na/ 'gro ba rang gi rnam par rtog pa lcab ma rig pas rgyu byas pa las byung ba'i 'gro ba
- 241b
ris bsam gyis mi khyab par smin cing snang la/ /de bzhin gshegs ba'i thugs rje chen po'i rgyu las byung ba'i sangs rgyas kyi ye shes chen po 'gro ba'i don du bskyed de/ gzhan gyis ma zhus par nyid kyis 'gro ba'i ched du brjod pa ni 'gro ba'i ched du brjod do/ de yang zhus nas gsungs pa la ni/ slar bka' stsal ba zhes bya'o/ gzhan gyis ma zhus bar nyid kyis gsungs pa la ni/ ched du brjod pa zhes bya'o/ /don de nyid kyang gang zhe na/ e ma'o bder gshegs snying po las zhes bya ba gsungs te/ sems can thams cad ni de bzhin gshegs pa'i snying po can yin no zhes so/ de la de bzhin gshegs pa'i snying po ni gang la bya na/ de ni don dam pa'i byang chub sems la bya ste/ rang gi sems kyi chos nyid la bya'o/ /de ltar sems can sangs rgyas yin dang na/ sangs rgyas ni bdag kho na yin no/ /'o na sems can sangs rgyas su ma gyur pa ci'i phyir zhe na/ de ni rkyen gnyis te/ ma bsgrubs pa dang 'khrul pa gnyis so/ /dper na 'o ma'i rang bzhin mar yin yang/ /ma bsrubs na mar med do/ /de bzhin du sems can gyi rang bzhin sangs rgyas yin yang ma bsgrubs na sangs mi rgya'o/ /'khrul pa ni sems can dang sangs rgyas gnyis ye nas sangs rgyas pa'i ngo bo nyid du yang gcig /mtshan nyid du yang gcig cing dbyer med pa yin pa las/ sems can ni ma rig pa rnam par rtog pas 'gro ba ris lnga bsam gyis mi khyab par smin cing 'khyams zhes bya'o/ /de bzhin gshegs pa la ni shes rab kyi ral gris ma rig pa'i sgo ba'i sbugs brdos nas/ ye shes kyi snang ba chen po dang ldan ba'i chos nyid can yin no/ /de ltar sems can thams cad de bzhin gshegs pa'i snying po can yin pa las/ sems
- 242a
can ni rang gi rnam par rtog pa'i las kyis sprul zhes bya ste/ sprul pa'i sgras ni ji ltar sgyu ma mkhan gyis/ rdzas kyi rnam pa gyi na tsam las/ sems kyi rnam pa tha dad par sprul na yang /byis pa blun pos ni de ltar nyid du mthong ngo/ /sgyu ma mkhan dang de'i rgyus las mkhas pa dag gis ni/ de nyid brdzun pa'i rnam par shes so/ /de bzhin du ma rig pa'i sgyu ma mkhan dang/ sred len gyis rdzas kyi phung por grub na yang/ /'phags pa spyan lnga dang ldan pa dag gis ni brdzun par shes la/ byis pas ni dngos su mthong ngo/ /de'i phyir na sems can ni sprul pa lta bu'o/ /de yang ci ltar sprul na/ sna tshogs su zhes bya ste/ rigs drug tu 'dus pa de dag kyang/ nang gi rigs tha dad pa mi 'dra ba dag kyang mang ste/ dam pa'i chos dag las/ bcom ldan 'das kyis rigs kyi bu dag pas rnam par mthong ste/ mi'i lus la 'gro ba ta dad pa'i mgo can mthong ba yang bsam gyis mi khyab na/ byol song la sogs pa gzhan dag lta ci smos zhes gsungs pa'o/ /longs spyod ni lha dang mi dang sems can gzhan yang sbyin pa'i rgyu mthun pa dag kyang gzung ngo/ /spyir 'dod pa'i yon tan la gzung bar bya ba kho na yin no/ /gnas ni gsum ste/ sa bla? sa stengs sa 'og go /sdug bsngal ni gsum ste/ phal dang 'dra bar ngan song gsum la gzung bar bya ba kho na yin te/ sogs kyi sgras ni yan lag gi sdug bsngal mang po dag kyang bsdu bar bya ba kho na yin no/ /'o na de lta bu'i srid pa'i rtsa bar gsungs pa'i nyes pa'i skyon mang po gsungs pa ste/ rgyu gang dang gang las byung ba yod ce na/ bdag dang bdag gis so sor 'dzin pa
- 242b
las byung ste/ nyon mongs pa can gyi yid kyis dbang byas pa'i?/ yang de ltar na ni/ 'di lta bu 'dir dbang med par byed pa po yod do zhe na/ de ni sus kyang mi chung zhes bya ste/ gnyen po'i phyogs su gsungs pa yang med la? bcings pa yang med de zhes bya ste/ sngar thal ba'i dus su yang bcings pa med la/ /da ltar dang phyis 'byung ba'i dus su yang/ bcing bar bya ba yod pa ma yin no zhes bya'o/ /'o na ji ltar zhe na/ rnam rtog bdag tu 'dzin pa yis/ /nan gyis mkha' la 'dud pa 'dod zhes gsungs so/ /de lta bu'i don gyi phyir/ de bzhin gshegs pa thugs rje chen po dang ldan pa rnam par rtog pa'i mdud? pa dam po can 'grol bar bya ba'i phyir/ bcings pa med pa dang/ bcings pa can dang/ rnam par grol ba yang med pa'i don dam par ni chos nyid skye ba med pa la/ don dam pa'i kun rdzob tu/ ye nas rang bzhin lhun gyis grub pa'i rdzogs pa chen po'i dkyil 'khor gyi chos/ thugs rje chen po sangs rgyas bcom ldan 'das gdul bya'i 'gro ba snod du rung ba rnams pa/ bstan cing dgrol bar bya ba'i phyir gdul bya'i nyon mongs pa'i 'du 'phro dang sbyar nas/ de bzhin gshegs pa thugs rje brtse ba chen po dang ldan pas kyang/ dam pa'i chos spro ba sna tshogs pa zhig gdul bya'i nyon mongs pa gzhom pa'i don du mdzad ces bya'o/ /dpal gsang ba'i snying po de kho na nyid nges pa las/ yum gyi gleng bslang? ba'i don dam pa dang/ yab kyi gleng bslang ba'i kun rdzob byang chub kyi sems rnam pa gnyis ye shes chen po lngar bskyed pa'i le'u ste/ gnyis pa'o// //de ltar le'u gnyis pa las gsang sngags rdo rje'i theg pa a ti yo ga'i chos rdzogs pa chen po'i rang bzhin gyi dkyil 'khor du gtan la phab nas/ yang le'u
- 243a
gsum pas mdo sde'i theg pa chen po thams cad shes pa chos brgyad sku gsum du 'dus par gtan la phab pa yang/ ji ltar dpal gsang ba'i snying po las/ /nyid las 'byung ba'i sku sngar gsungs pa'i chos thams cad kyi dbyings dang/ tha mi dad pa'i chos thams cad kyi sku gsung thugs rdo rje'i rang bzhin po thams cad dang so so ma yin tha mi dad dbyer med pa'i rang bzhin ni/ chos thams cad dang/ de bzhin gshegs pa thams cad kyi ngo bo nyid yin pas/ de'i phyir de bzhin gshegs pa thams cad kyi ye shes kyi sku la ni/ ngo bo nyid kyi sku zhes bya ba la rtogs par byed pa'i ye shes dang/ rtogs par bya ba'i chos nyid kyi dbyings su med par gyur pa la ni chos kyi sku zhes bya'o/ /de las byung ba'i rnam par smin pa'i skur gyur pa'i mthar phyin pa'i rigs kyi dbang phyug chen po 'og min lta'i gnas su rdzogs longs spyod pa'i sku'i thugs rje chen po las byung ba'i/ rig pa'i skyes bu thub pa drug gis/ yongs su ma dag pa'i sems can rnams bskyab pa'i phyir mdza' yas mu med pa'i stong gsum gyi stong re re la thub pa chen po re res don mdzad cing/ kun rdzob kyi chos nyid la nye bar gnas pa'i mdzad pa dag yongs su ston par mdzad pa de ston pa'i phyir/ de nas zhes bya ba la sogs pa'i le'u gsum pa rig pa'i skyes bu mchog gis mdo sde'i theg pa chen po'i chos thams cad shes pa'i chogs brgyad sku gsum la sogs pa'i gtan la phab las gsungs so/ /de la de nas zhes bya ba ni bshad zin to/ /de bzhin gshegs pa thams cad la zhes bya ba ni chos dang longs spyod rdzogs pa'i sku'o/ /las zhes bya ba ni lhag ma dang bcas pa dang
- 243b
bral ba'i tshig ste/ ci'i phyir na thugs rje chen po'i byin gyis brlabs las 'byung ba'i rig pa'i skyes bu thub pa drug 'thon te zhes bya'o/ /de yang ci'i phyir drug ce na/ 'gro ba rigs drug gi phyir ro zhes bya'o/ /phyi nang gi gnas gang nas thon zhes/ de bzhin gshegs pa'i sku gsung dang thugs rdo rje las thon to zhes bya'o/ /phyi'i gnas ni dbu'i gtsug tor la sogs pa'o/ /'phags pa shes rab kyi pha rol tu phyin pa 'bum la sogs pa las gsungs pa yin la/ nang gi gnas ni gsang ba'i b+ha ga la/ 'dir de bzhin gshegs pa'i sku dang gsung dang thugs rdo rje las zhes bya ba smos pas ye shes kyi gnas smos pa yin no/ /de ltar 'thon nas kyang cir 'gyur zhe na/ sems can gyi las kyi dbang gis snel gzhi dang/ ya man gyi 'jig rten drug gi phyogs bcu mdza' yas mu med pa'i stong gsum gyi chen po re re/ rigs dang bsod nams dang/ cho 'phrul dang/ mngon sum pa'i 'dul ba rnam bzhis 'gro ba rnam pa lnga'i don mdzad do zhes bya ba'o/ /don mdzad ba'i tshul ji lta bu zhe na/ bltams pa dang rab tu byung ba dang/ dka' thub mdzad pa dang/ sangs rgyas ba dang/ bdud btul ba dang/ chos kyi 'khor lo bskor ba dang/ cho 'phrul chen po bstan pa dang/ mya ngan las 'das pa rdzogs par don mdzad do zhes bya'o/ /de yang ci lta bu'i khyad par can dang ldan pa yin zhe na/ ston pa'i thub pa zhes bya ba la sogs pa ste/ ston pa'i thub pa zhes bya bas ni/ mu stegs pa'i thub pa dgar? bar bya ba yin no/ /'das pa'i dus dang da ltar dang/ 'byung ba dang/ ma 'ongs pa'i dus bzhi po dag gi snod dang ba cung du bcas pa dang/ gang zag dang/ lta ba dang/ zas dang/ nyon mongs pa dang/ tshe dang spyod pa la sogs
- 244a
pa mkhyen pa'i phyir ni/ dus bzhi kun tu mkhyen pa dang zhes bya'o/ sems can thams cad kyi sems kyi rgyud la 'dod chags la sogs pa'i zhe sdang dang/ nga rgyal dang phrag dog la sogs pa'i nyon mongs pa'i phra rgyas kyi rims me long gi gzugs brnyan bzhin du ye shes kyi spyan gyis gzigs pa'i phyir na ni/ thams cad kyi sems kyi rgyud kun mkhyen pa dang zhes bya'o/ /nyon mongs pa de dag 'dul ba'i gnyen po'i phyogs su gsungs pa'i dgos pa'i dgongs pa de dag /sems can gyi rgyud kyi nyon mongs pa dang/ sna tshogs kyi brag bzhin du theg pa'i khyad par dang sbyar nas don mdzad pa'i phyir na/ rdzu 'phrul gyi cho gas kun tu don sbyong pa dang zhes bya'o/ /rdzu 'phrul zhes bya ba'i tshig gi don ni ye shes kyi cho 'phrul gzung bar bya ba yin no/ /de yang rdzu 'phrul gyi spyan gyis dus bzhi mdza' yas pa kun tu gzigs pa dang/ rdzu 'phrul snyan dus bzhi mdza' yas pa kun tu bzang po gnas pa ste de ltar de dag gi ni/ thams cad mkhyen pa'i ye shes kyi mngon par shes pa lnga gzung ba yin no/ /yang thun mong ma yin pa'i mngon par shes pa drug gang zhe na/ zag pa med pa'i mngon par shes pa drug ces smos te/ de la zag pa med ces bya ba ni/ 'jig rten gyi lha dang klu dang gnod sbyin la sogs pa las khyad par du gyur pa yin no/ /mngon par shes pa drug po de nyid kyis/ rnam par rtsen kyang mi brtan pa dang/ bdud kyi spyod par mi 'gyur ba'i phyir/ kun tu bzang po'i spyod pa rdzogs pa zhes gsungs te/ 'phrin las kyi rtsa bar smos pa yin no/ /snod dang bcu dang khams dang 'gro ba dang/
- 244b
skye gnas la sogs pa thams cad gzhan gyis rgyud cing byin gyis brlabs pa las ma byung ba ste/ skyur ra'i 'bras bu bzhin mngon sum pa'i tshad mas gzigs pa'i phyir/ mngon par shes pa zhes bya ba gsungs pa yin no/ /zag pa med cing 'jig rten las 'das pa dang/ dmigs bya yul chos kyi dbyings chad med pa nyid la dgongs pa'i phyir/ /chen po zhes bya ba smos te/ ye shes dang shes bya tshad med pa gnyis kyi phyir na'o/ /drangs ni mthun par nges pa'i phyir/ / drug dang zhes bya ste/ lha'i mig la sogs pa'o/ /yang mang nyung gi tshad ji tsam zhe na/ don mdzad pa'i gnas kyi zhing bsam gyis mi khyab cing mdza' yas pa dang/ don mdzad mkhan gyi sprul sku bsam gyis mi khyab pa'i phyir/ kun tu zhes bya ba la sogs pa ste/ de la kun tu zhes bya ba la sogs pas gdul bya'i zhing kun tu thams cad kyi lus dang mthun par snang ba'i sku bsam gyis mi khyab pa dang/ de dag kyang 'jig rten pa'i sgyu ma sbrul pa lta bur byin gyis brlabs pa'i sems med pa ma yin pa'i phyir thugs dang gsung yang bsam gyis mi khyab ste/ gdul bya'i sems kyi rgyud tha dad pa ming po mkhyen pa'i sgo nas/ dam pa'i chos ston pa tha dad pa mang po gsung zhing ston pa'o/ /me long lta bu'i ye shes nyid kyi phyir thams cad du zhal du tha le bar gsal ba dang/ tha dad pa mang po'i zhal dang yang ldan pa'i phyir/ kun tu zhal bsam gyis mi khyab pa dang/ de lta bu'i khyad par dang ldan pa'i thugs rje chen po'i sprul pa des ci mdzad ce na/ gdul bya'i zhing bsam gyis mi khyab pa ste/ /yid kyi yul las 'das pa ste/ grangs med pa de dag ni yul las 'das pa ste/ phyogs bcu ste/ grags pa mdza' khyab pa ste/ sku'i cho 'phrul la 'od kyi gzi brjid dang ldan pa
- 245a
gdul bar bya ba shes pa can dag la mngon sum pa'i chad mas snang bar gyur to zhes bya'o/ /de ltar snang ba des ci mdzad ce na/ sems can gyi don mdzad do/ /don mdzad pa'i chos kyi tshul ji lta bu zhe na/ thams cad kyang 'di lta ste/ gdul bya'i dbang gis zhes bya ba la sogs pa ste/ thams cad don dang dgongs pa la 'thun pa'i phyir thams cad kyang 'di lta ste/ zhes bya'o/ theg pa'i sgo dang lta ba tha dad pa mang po mi mthun pa la gzhan dag the tshom za ba'i phyir/ gdul bya'i dbang gis zhes bya'o/ /de ltar tha dad pa mang po nyid gang dang gang gi don du gsungs pa yin pa'i phyir yang theg pa ste/ lha dang mi'i theg pa dang/ nyan thos kyi theg pa dang/ rang bu d+ha'i theg pa dang/ byang chub sems dpa' i theg pa dang/ bla na med pa'i theg pa dang zhes bya'o// 'dis 'degs par byed pa'i theg pa ste/ byang chub sems dpa' sa bcu'i gong nas gong du'o/ /'dis bgrod par byed pa'i phyir yang theg pa ste/ sangs rgyas kyi sa kun tu 'od dang pad+ma lta bu'i spyan dang/ yi ge 'khor lo tshogs chen gyis sar ro/ /de la 'gro ba rigs drug so so'i gnas su don mdzad pa'i tshul yang/ lha'i dus su ni khams gsum gyi lha rang gi gtso bo ste/ shes rab kyi pha rol tu phyin pa las kyang/ brgya byin gyi 'dul ba rnams la brgya byin gyi cha byad de bzhin du tshangs pa dang khyab 'jug gis 'dul ba rnams la sogs pa la byang chub sems dpa' i rdzu 'phrul gyis mthu chen pos gzhal med khang 'bar bar byas nas/ grogs po dag 'du byed thams cad ni mi rtag mi brtan pa ste/ yid brtan du mi rung ba'i tshad ma yin pas/ 'di la skyo ba'i ye shes nye bar bzhag par bya ba kho na yin no/ /zhes lam la 'jug pa dang 'dod khams kyi lha la dge ba bcu ston pa dang/ mi la yang dge bcu ston pa dang/ gzugs khams la tshad med pa bzhi/ 'phags
- 245b
pa nyan thos la bden pa bzhi/ rang sangs rgyas la rten 'brel/ byang chub sems dpa' las dang pha rol tu phyin pa bcu bden pa gnyis kyi tshul du ston par mdzad pa dang/ bla na med pa'i sangs rgyas la mnyam pa chen po'o/ /ma'i ni so so ci la dga' de lta bar byed de/ de ltar yang de byi ma ha dza la'i tan tra las kyang/ yang dag pa'i lam bstan na/ de la sngar skul ma 'degs pa'i rang thad kyi lam la spyod pa'i sdug bsngal ba rnams la/ mi g.yo'i ting nge 'dzin gyis 'dul bar mdzad do/ /drag shul gyi btsan thabs kyis lha ma yin rnams la ni/ thag bzangs ris kyi gzugs lta bus 'dul bar mdzad do/ /gling bzhi'i dge sdig mi shes pa la 'khor lo bsgyur bas 'dul bar mdzad do/ /gzhan la snying rje chen pos ma gyur pa phyogs gcig pa'i rang rgyal ba rnams la yid bzhin gyi nor bu'i ting nge 'dzin gyis 'dul bar mdzad do/ /de ltar cho 'phrul gsum gyis 'dul ba'i dbang gis mdzad pa bcu gnyis kyi tshul ltar 'dul bar mdzad do/ /byol song la rang gi gzugs kyis kyang 'dul te/ kun tu sku sna tshogs zhes pa'i don dang 'brel lo/ /yang byang chub sems dpa' byol song gi gnas ris de dag la/ rang gi sha byin pas de dag gi sha zos pas de'i dbang gis yang dag pa'i shes rab skyes nas lam la 'jug pa dang/ des kyang mi 'dul ba gnyen po dang shed po byed pa'i tshul gyis kyang 'dul bar byed do/ /yi dags ni shAkya thub pas 'dul ba yang yod/ rang rang gi cha lugs kyis 'dul ba yang yod do/ /de bzhin gshegs pa'i 'od zer gyis bza' ba'i dbang thob par byas nas sbyin pa rnams bzhis 'dul ba dang/ byang chub sems dpa' sha zos nas don byas pa yang yod de/ dmyal ba ni shAkya thub pas 'dul ba yang yod de/ de
- 246a
bzhin gshegs pa'i cho 'phrul chen po gsum gyi tsha grang gi sdug bsngal rab tu sel bar byed do/ /dmyal ba'i me rab tu 'bar ba zhi bar byas nas/ byams pa chen po'i ting nge 'dzin la rab tu 'dzud pa dang/ des kyang mi 'dul ba rnams la gnyen po dang gshed po dang zangs kha la sogs pa'i tshul gyis kyang 'dul bar mdzad do/ /de ltar mdzad nas byang chub kyi tshul rdo rje'i theg pa thams cad kyi mchog dang/ shes rab kyi pha rol tu phyin pa la sogs pa'i theg pa dgu'i khyad par 'tsham pa la dgod par mdzad do/ /de la 'dul ba'i thabs ni nyid dang/ mthun pa dang/ mi mthun pa dang/ gnyi ga ma yin pa dang/ kun rdzob dang/ rjes su bstan pa dang/ rdzu 'phrul gyi cho 'phrul lo/ /yang ci'i phyir thugs brtse ba chen po dang ldan pa can gyis gsung bar mdzad pa yin zhe na/ rtsa ba ma rig pa kun tu gti mug pa'i rgyu las byung pa'i gzung ba dang 'dzin pa'i rnam par rtog las byung ba'i/ theg pa chung ngu'i gzhung gis kyang/ /nyon mongs pa stong phrag brgyad cu'i gnyen por chos stong phrag brgyad cu rtsa bzhi dus gsum du gsungs so/ /gsung ngo/ gsung bar 'gyur ro zhes bya'o/ /de ltar thub pa drug gis 'gro ba'i don du gsungs pa'i chos de dag thams cad kyang/ mdo gar 'dus she na/ /phyi gzung ba'i yul dang nang 'dzin pa'i sems bsgyur ba'i phyir dang/ rten cing 'brel bar 'byung ba nang 'dzin pa'i sems kyis/ phyi gzung ba'i yul la 'khrul par 'dogs pa'i rten cing 'brel par 'byung ba 'phags pa rang rgyal ba'i gzhung dang// las dge sdig gi 'bras bu chud mi za bar brtan pa'i las dang las kyi 'bras bu chud mi za bar byang chub sems dpa' i theg pa dang/ nyon mongs pa lnga dang/ 'dod pa lnga la spyad kyang/ las dang las kyi 'bras bu dus gsum du ma gos /
- 246b
gos par mi 'gyur/ gos su med par ston pa'i bla na med pa'i theg pa'i mthar thug pa'o/ /gnyis su na nyon mongs pa lnga dang 'dod pa'i longs spyod lnga la spyad kyang gsang sngags rdo rje'i theg pa ma ha yo ga'i gzhung gis ni/ mi gos zhes gsungs te/ de ltar yang gzhung 'di las/ nyon mongs 'dod lnga kun spyad kyang/ /bla med theg par rab nges na/ byas la mi sogs tshogs 'gyur te/ /tshul khrims sdom pa phun sum tshogs/ /zhes gsungs pa yin no/ a nu yo ga'i gzhung gis ni/ bsgom par bya ba sgom par byed pa gnyis/ ral gri'i sos rang la rang mi gcod pa'i phyir gos par mi 'gyur ba dang/ shin tu rdzogs pa chen po'i gzhung gis bsgom par bya ba dang/ sgom par byed pa gnyis ni nam mkha' i ngo bo bzhin te/ gos su med pa'i ston pa'i mthar thug go zhes bya'o/ /de ltar de bzhin gshegs pas don mdzad pa'i sa ston pa'i tshul theg pa lngar bka' stsal pa de dag kyang rgyas pa'i sgo nas bstan pa'i phyir/ ji snyed 'jig rten 'khrul pa'i chos zhes bya ba la sogs pa gsungs te/ rnam dag bla med theg pa'i mchog ces bya ba la sogs pa'o/ /de la 'jig rten 'khrul pa'i chos ji snyed pa thams cad kyang dang po rgyu gang nas byung na ma rig pa las byung ngo zhes bya'o/ /ma rig pa de'i ngo bo ji lta bu zhe na/ rtog pa'i 'thung 'dzin gyis zhes bya ste/ gzung ba dang 'dzin pa rnam par rtog pa'o zhes bya'o/ las ci zhe na/ phyi nang rten 'brel ba gnyis su 'khor zhes bya'o/ /'bras bu ci zhe na/ bde sdug mi mthun myong bar 'gyur zhes so/ /des 'di ston pa yin te/ 'jig rten 'khrul pa'i chos ci snyed pa thams cad kyang/ rgyu ma rig pas byas pa'i gzung 'dzin gyi rtog pa dam po yin/ phyi nang rten cing 'brel par 'byung ba'i yan lag bcu gnyis gnyis su 'khor zhing bde ba dang sdug bsngal ba'i rnam pa mi mthun pa
- 247a
mang po zhig kyang 'byung bar 'gyur ro zhes bya'o/ /de ltar myong na yang don dam par skye 'jig med pa'i sems kyi chos nyid byang chub sems dang/ don dam pa'i kun rdzob rdzogs pa chen po'i rang bzhin gyi dkyil 'khor nyid las ni nyams pa rdul phra rab tsam yang med na/ sems can nyid ma rig pa'i mun pa 'thug pos non zhes bya'o/ /de ltar ma rig pa'i rtog pa'i gzung 'dzin gyis/ phyi nang rten 'brel gnyis su 'khor zhing bde sdug mi mthun pa myong bar 'gyur na/ /de yang gzung 'dzin gang dang gang zhe na/ bdag ste/ bdag gi ba dang/ zhes bya ba ni/ bdag gi ste bdag ni gnyen dang longs spyod dang/ gzhan te pha rol por spyod pa'i rtogs par dam po kun tu mnar sems pa las byung ba'i zhe 'am/ yang theg pa chen po las shes pa'i tshogs brgyad rnam par dag pa'i phung po gsum du 'dogs pa ste/ bdag dang zhes bya ba ni kun gzhi la gnas pa yin no/ bdag gi zhes bya bas ni gnas bstan te/ kun gzhi rnam par shes pa ste/ gzhan zhes bya ba ni yul gzhan dang 'brel pa ste/ 'jug pa'i rnam par shes pa'o/ /med de zhes bya bas ni/ de ltar ma rig pas rgyu byas pa'i 'jig rten gyi 'khrul pa'i chos ci snyed pa thams cad kyang rnam par shes pa gsum du 'dus la/ shes pa de gsum yang/ yang dag pa'i sgyu ma'i tshul gnyis su/ rnam par dag na chos kyi dbyings nyid tshul gcig go zhes bya'o/ /gzhan dag na re rnam par shes pa'i tshogs gsum du bsdu ba lta rung na/ yid gyi rnam par shes pa dang nyon mongs pa can gyi yid gnyis don tha dad pa la dmigs te/ yid kyi rnam par shes pa ni de ma thag pa'i rkyen byed pas/ rnam par shes pa'i drug po 'gags ma thag pa'i yin ces bya/ rnam par shes pa skye ba'i
- 247b
gnas yin la/ nyon mongs pa can gyi yid ni nyan thos ba'i gzhi'o 'jig tshogs la lta ba dang/ nga'o snyam pa'i nga rgyal dang/ bdag la chags pa dang/ ma rig pa dang rtag tu mtshungs par ldan pa de/ de ni rnam par shes pa'i kun nas nyon mongs pa la gnas yin no/ /de ltar rnam par shes pa dang po yid kyi rnam par shes pas ni skyed la/ gnyis pas ni nyon mongs ba can du byas pa ste/ nges pa'i tshul du yul la rnam par rig pa'i rnam par shes pa'o/ /de lta bas na de ma thag pa dang/ ngar 'dzin pa'i phyir yid kyi rnam par gnyis so/ /yang dag ces pa ni tshig gi don dang sgra nyid kyang/ nyon mongs pa can gyi yid nyid yin la/ nyon mongs pa can gyi yid yod par ci ltar nges zhes nyon mongs pa can gyi yid de med du zin na/ ma rig pa ma 'dres pa med pa'i skyon du yang 'gyur la/ der ma zad de/ rnam par shes pa lnga po dang 'dra ba med pa'i skyon du yang 'gyur te/ rnam bar shes pa lnga'i tshogs dag gi lhan cig 'byung ba'i gnas ni mig la sogs pa yin la/ yid kyi rnam par shes pa yang nyon mongs par can gyi yid kho na'o/ /de yang ma zad de nyon mongs can de med na/ de nyid nges pa'i tshig med pa'i skyon du yang 'gyur ro/ /bzhi pa 'du shes med pa dang 'gog pa'i snyoms par 'jug pa gnyis kyi bye brag med pa'i skyon du yang 'gyur ro/ /ji ltar zhe na 'di ltar 'du shes med pa'i snyoms par 'jug pa ni/ nyon mongs pa can gyi yid dang ldan pa yin la/ 'gog pa'i snyoms par 'jug pa ni nyon mongs pa can gyi yid la sogs pa 'gags te/ 'di ltar 'di gnyis nyon mongs pa can gyi yid kyis rab tu ma phye na bye brag med pa'i skyon du 'gyur te/ gal te 'du shes med pa'i snyoms par 'jug pa la/ nyon mongs pa can gyi yid kyi ngar 'dzin pa dang/ nga'o snyam pa'i nga rgyal med na 'du shes med
- 248a
par skye ba/ dus rtag tu nyon mongs pa can du ma yin pa'i 'phags pa dang 'dra bar thal bar yang 'gyur ro/ /yang nyon mongs pa can gyi yid ni/ dge ba dang mi dge ba dang lung du ma bstan pa'i sems rnams la yang yod do/ ji ltar zhe na/ ngar 'dzin pa'i sems de dag thams cad yang 'byung ba'i phyir yang/ nyon mongs can gyi yid de yod par mngon no/ /de'i phyir lhan cig 'byung ba dang mtshungs par ldan pa'i 'byung gnas so/ /de'i phyir gsungs pa/ ma 'dres pa'i ma rig pa dang/ lnga po dag kyang 'dra ba dang/ /snyoms par 'jug pa'i bye brag dang/ nges tshig med pa'i skyon 'gyur dang/ /'du shes med par skye ba'i rgyu/ /ngar 'dzin med pa'i skyon du 'gyur/ ngar 'dzin pa dang ldan pa ni/ rnam pa kun tu mi 'thad do/ /nyon mongs can gyi yid med na/ /gnyis med gsum po 'gal bar 'gyur/ /de med na ni ngar 'dzin pa/ /kun na yod par mi 'gyur ro/ /yang dag don la 'jug pa yi/ /sems kyi gnas su rtags gyur na/ /dus gsum kun tu 'byung ba de/ /ma 'dres pa yi ma rig 'dod/ /de bas yid ni nyon mongs pa can yin pa'i phyir/ bsgribs la lung du ma bstan pa ste/ sgribs pa'i nyon mongs pa bzhi dang rtag tu ldan pa'o/ /de'i phyir na nyon mongs ba can gyi yid med du mi rung zhe na/ de ltar yin gyis kyang 'di gnyis rnam par shes pa'i phung po gsum 'dod pa'i dus su 'di gnyis gcig tu bsdus pa yang yod de/ yid byed pa po kun tu bzang po zhes pa'i skras/ srid pa'i rtsa ba nyes dmigs ni bdag du rtog pa las 'phros pa yin la/ de stong pa nyid du bdag med par gyur pa ni/ /da la kun tu bzang po yin pas/ nyon mongs pa can gyi yid dang/ yid kyi rnam par shes pa gnyis rnam par
- 248b
dpal kun tu bzang po yin la/ mtshan nyid sku gsum gyi dus su ni longs spyod rdzogs pa'i sku'o/ /de la yang dag pa'i don rnam par dag pa ni chos kyi de bzhin nyid dag /ye shes kyi de bzhin nyid dbyer med pa'i chos kyi sku ste/ de bzhin nyid kyi dbyings dang/ rnam par mi rtog pa'i ye shes zhes bya'o/ /de ltar mdo thams cad kyi dbang po las gsungs pa gang yin pa 'dir lta bya'o/ /tshig mangs su dogs pas ma bris so/ /yang dag pa'i kun rdzob sgyu ma'i tshul du rnam par dag pa ni/ lam gyi rnam par shes pa gsum sbyangs pas/ sku gsum mngon du gyur pa yin te/ sbyor ba'i lam la gzhan zhes bya ba'i yul gyi dngos po la 'jug pa'i rnam par shes pa sbyangs pas sprul pa'i sku rnam par dag par 'gyur ro/ mthong ba'i lam la bdag ces bya ba kun gzhi la gnas pa'i yid sbyangs pas/ longs spyod rdzogs pa'i skur rnam par dag par 'gyur ro/ /bsgom pa'i lam la kun gzhi rnam par shes pa rnam par dag pa chos kyi sku thob ste/ de ltar yang dag pa'i don dam pa dang/ yang dag pa'i kun rdzob sgyu ma'i tshul gnyis su rnam par shes pa gsum rnam par dag pa ni/ sku gsum yang chos kyi dbyings nyid du tshul gcig go zhes bya'o/ /de la shin tu rdzogs pa chen po'i gzhung gis/ bdag ste kun gzhi la gnas pa'i yid rnam par dag pa ni/ bdag tu rtog pa'i srid pa'i rtsa ba yin pas/ yid byed pa po kun tu bzang po'o/ /bdag gi ste kun gzhi rnam par dag pa ni/ rnam par shes pa'i rgyal po dpal rdo rje sems dpa' o/ gzhan te sgo de'i rnam par shes pa rnam par dag pa ni sems dpa' dang khro bo'o/ /de dag kyang shin tu rnam par dag pa'i chos kyi dbyings kyi ye shes nyid du tshul gcig go/ zhes bya'o/ /yang sku lnga
- 249a
yang tshul gcig ste/ ngo bo nyid kyi sku ni sangs rgyas thams cad dang de bzhin nyid du tshul gcig go /chos kyi sku ni sangs rgyas thams cad dang skur tshul gcig go /longs spyod rdzogs pa'i sku ni sangs rgyas thams cad dang/ dgongs par tshul gcig go /sprul pa'i sku ni sangs rgyas thams cad dang spyod par tshul gcig go /rang bzhin gyis 'od gsal ba'i sku ni sangs rgyas thams cad dang/ sems can rang bzhin rdzogs pa chen po'i dkyil 'khor du dbyer med par tshul gcig go /de ltar na bdag dang bdag gi gzhan rnams ni/ phyin ci log gi rnam par rtog pa tsam nyid las ma rtogs pa gzhan logs shig na 'phags pa'i spyan rnam lngas kyang mi gzigs par phra ba dang/ ye shes kyi spyod yul du ma gyur pa'i gting zab pa yod pa ma yin/ zhes bya ba'i tha tshig go /phyi gzung pa'i yul log par rtog pa nyid las nang 'dzin pa'i sems kyis log par rtog pa nyid spyod kyis kyang/ gzhan lags shig tu sems 'khrul pas blo phyin ci log tu g.yo ba yang ci yod pa ma yin no/ zhes bya'o ci'i phyir zhe na/ yul gyi rnam pa thams cad ni/ /sems 'khrul pas nan gyis btags pa yin te/ sems 'khrul pas yul 'khrul pa med pa la yod par nan gyis btags pa yin gyi/ yul logs shig tu grub pa dang/ sems ma 'khrul bar rang dbang du yod pa ni nams kyang ma myong ngo/ /'o na log par rtogs pa de nyid la rgyu dang 'bras bu dang/ ? 'bras bu 'brel bar byed pa ni yod dam zhes pa/ log rtog rgyu 'bras rgyun nyid kyang zhes bya ba gsungs te/ de la phyin ci log gi rtog pa'i rgyun ni/ nyon mongs pa can gyi yid bdag du rtog pa can yin te/
- 249b
ci'i phyir zhe na/ srid rtsa nyes dmigs bdag tu rtog pas 'phros zhes gsungs pa'i phyir ro/ /'bras bu ni khams gsum 'gro ba rigs drug gi nyon mongs pa'i phung po ji snyed pa la bya ste/ ci'i phyir zhe na/ rgyud drug skye 'gag lus dang longs spyod dang/ /gnas dang sdug bsngal 'khrul 'khor la sogs pa/ log rtog nyid las gzhan du ci yang med ces gsungs pa'i phyir ro/ /rgyun ni sems dang sems las byung ba'i las kyi bag chags rgyu'i dus na mi mngon la 'bras bu'i dus na gsal po'i mtshan nyid can la bya'o/ /yang log rtog de nyid kyi rgyu dang 'bras bu dang/ rgyun de nyid kyi yang rgyu dang rtsa ba gang dang gang las byung ba yin zhe na/ gzhi rtsa med dbyings skad cig ma zhes bya ba gsungs te/ kun gzhi rnam par shes pa'i don bzhi po bzhi med pa dang rtsa ba med pa dang/ thog ma med pa'i dus kyi dbyings yin pa dang/ kun gzhi rgyun gyi skad cig ma yin pa dang/ de la nyi zla gnas pa'i gzhi med pa ltar/ kun gzhi la rten dbang po med pa dang/ shing ljon pa'i rtsa ba gzhan la mi brtan pa dang/ kun gzhi rtsa ba gzhan la mi brten tshogs drug gzhan la mi brten pa dang/ thog ma med pa'i dus kyi dbyings kyi rgyu yin pa dang/ bag chags kun gyi skad cig ma dang ldan pa'i phyir ro/ gzhan dag na re kun gzhi la gzhi dang rtsa ba med pa yin pas ni/ thog ma med pa'i dus kyi dbyings bya ba'i tshig dang yang 'gal yang thog ma med pa'i dus nas chos thams cad kyi gnas yin na ni/ skad cig ma zhes bya ba'i tha tshig gi don dang yang 'gal lo/ /de ltar yin gyis kyang/ gzhi dang rtsa ba med pa ni zhes bya ba ni de ltar gyi dus kyi dbang du byas pa yin la/ dbyings zhes bya ba'i tshig gi don ni/ thog ma med pa'i dus la ltos pa'i dbang du byas pa yin no/ /skad cig ma zhes
- 250a
bya ba'i tshig gi don ni/ kun gzhi rnam par shes pa'i skad cig ma la/ /sems kyi bag chags rgyun gyi skad cig ma las bsags par byed pa'i dbang du byas pa yin no/ /de ltar kun gzhi rnam par shes pa gzhi dang rtsa ba med pa thog ma med pa'i dus kyi dbyings/ bag chags rgyun gyi skad cig mar tshad med pa dang ldan pa yin pas/ de ni mthu dang ldan zhing stobs su rtogs pas/ 'phags pa'i lam gyi ye shes kyis bsgyur bar dka' o/ zhes pa'i dogs pa bsu ba rnam par dag pa'i dbyings nyid tshul zhes bya ba gsungs te/ nges pa zhes bya ba'i sgra kun gzhi ni dang po dus nas byang chub sems chos nyid rnam par dag pa can yin pa las/ bar dug lnga'i dri ma'i skad cig ma'i rgyun gyis g.yogs pa yin no zhe'o/ /'o na thog ma med pa'i dus kyi dbyings zhes bya ba yang/ 'khor ba thog ma med pa yin pas kun gzhi dang po'i dus nas byang chub sems kyi chos nyid can yin zhes bya ba yang 'gal lo/ / gnyis su na dus dang po byang chub sems kyi chos nyid can yin no/ /'o na byang chub kyi sems kyi chos nyid ni/ bla na med pa'i sangs rgyas kyi ye shes yin pas/ sems can dang po nyid nas sangs rgyas par gyur pas rigs so zhes bya'o/ /gsum du na 'khor ba dang mya ngan las 'das la gnyis su thal ba yang 'gal lo/ /byang chub sems kyi chos nyid bla na med pa'i sangs rgyas su 'gyur ba'i rigs so zhes bya ba yang rigs pa ma yin te/ sems can dang po nyid nas byang chub sems dang ldan no/ zhes smras kyi/ byang chub sems dang ldan pas sangs rgyas su gyur zin to zhes smras pa ma yin te/ dpe 'o ma bzhin no/ /thog ma med pa'i dus 'khor ba nye tshe ba kho na'i thog ma yin
- 250b
zhes bya/ de yang ming ste/ de ni dang po'i dus kyi kun gzhi byang chub sems ni/ chu dang 'o ma bzhin te/ phyis 'gyur ba'i dus dang ldan pas dpe dang pa bzhin no/ /'khor ba dang mya ngan las 'das pa gnyis su thal bas/ yang kun gzhi dang po'i dus nas byang chub sems kyi chos nyid can yin pa ma rung ngo/ zhes bya ba yang 'gal te/ dpe tshig gu bzhin no/ /ci'i phyir yang de ltar yin zhe na/ nyid la dbang sgyur nyid spyod phyir zhes bya ba la sogs pa gsungs te/ phyi rol pas kyang chos thams cad ni/ sems 'khrul pas nan gyis btags pas yin pas sems snang bar 'dod pa yin la/ 'dir yang phyi gzung ba'i yul rnam par dag pa stong pa nyid kyi chos nyid sgyu ma la/ nang 'dzin pa'i sems rnam par dag pa rang rig pa'i ye shes sgyu ma nyid kyis dmigs bya dang dmigs byed med par/ ngo mtshar sku gsung thugs yon tan 'phrin las kyi dkyil 'khor du dbang sgyur zhing/ chos thams cad ye shes rnam par dag pa'i zhing khams su longs spyod pa'i phyir/ bdag dang gzhan dang/ rtog pa'i dbang yang dag pa'i rnam par dag pa'i 'gyur bas/ gzhung 'di ni bla na med pa'i theg pa'i mchog tu nges pa'i yin no zhes bya'o/ /'di ltar gsungs par 'gyur ba yin no/ bcom ldan 'das kyis gsungs pa'i theg pa'i rim pa snod kyi khyad par brtsan par byas pa yang/ la lar ni phyi rol don gyi khyad par la gsungs te/ dgongs pa'o/ la la ni nang dang don gnyis ka la dgongs te/ gsungs ? ? ? kun gzhi spang bar bya ba ma gsungs so/ /? ? ni de la dgongs su ste gsungs su zin kyang/ /yongs su rdzogs pa chen po'i dkyil 'khor du ye nas lhun gyis grub pa'i chos nyid can ma gsungs la/ 'dir ni
- 251a
phyi dang nang kun gzhi bag chags dang bcas pa thams cad don dam pa chos nyid stong pa nyid kyi ngo bor bstan la/ don dam pa kun rdzob tu rdzogs pa chen po'i dkyil 'khor du ye nas sangs rgyas pa 'dra ba gnas pa bstan pa yin te/ de'i phyir yang/ stong nyid bdag med ye mkhyen sku gsung thugs/ dmigs bya dmigs byed med par dran dbang sgyur/ /ngo mtshar sku gsung zhing khams las/ gzhan na med de de nyid de ltar yin zhes pa'i phyir/ nyid la dbang sgyur nyid spyod phyir/ /bdag dang gzhan dang rtag pa'i rgyun/ /rnam dag bla med theg pa'i mchog ces gsungs pa yin no/ /de ltar bdag dang gzhan dang rtog pa'i rgyun gsum rnam par dag pas bla na med pa'i theg pa'i mchog tu des pa yin no/ /'o na bcom ldan 'das kyis theg pa rnam pa lnga bka' stsal pa'i rig pa'i khyad par de dag gi rgyu lnga tha dad na/ ci 'bras bu yang tha dad pa zhig gam/ 'on te gcig ce na smras pa/ theg pa bzhi ni nges 'byung la/ /theg pa gcig gi 'bras bur gnas zhes bya ba gsungs te/ gong du gsungs pa'i lha dang mi'i theg pa la sogs pa'i bzhis ni/ 'khor ba'i rgya mtsho las nges par 'byung ba la/ de dag so so'i 'bras bu ni thob kyis kyang/ bla na med pa'i byang chub chen po thob pa ma yin no zhes bya'o/ gzhan dag na re byang chub sems dpa' i theg pas 'khor ba'i rgya mtsho'i nang nas nges par 'byung zhes byar rung na/ lha dang mi'i theg pas 'khor ba'i rgya mtsho nas nges par 'byung zhes bya ba ci la dgongs te gsungs/ smras pa/ lha dang mi'i theg pas 'khor ba'i rgya mtsho las nges par 'byung zhes bya ba ni/ ci la dgongs te gsungs/ smras pa/ lha dang mi'i theg pas 'khor
- 251b
ba'i rgya mtsho las nges par 'byung zhes bya ba yang/ /de nyid kyis 'khor ba las 'byung ba gsungs pa kho na ni ma yin yang/ dper rgyal po'i btsun mo bu sbrum zhes bya ba yang/ btsas pa'i dus su bu 'am bu mo 'am gang 'byung des pa med kyang/ dang po sbrum pa'i dus su bu sbrum mo zhes bya ba dang 'dra bar mi dang lha'i theg pas 'khor ba'i rgya mtsho las nges par 'byung ba kho na yang ma yin yang/ /bla na med pa'i byang chub chen po'i gzhi'i phyogs gcig yin pa dang/ ngan song gsum gyi sdug bsngal yang 'khor ba'i phyogs gcig yin pas/ de la nges pa'i 'byung ba la dgongs pa yin no/ /'phags pa rang rgyal ba yang 'og ma gnyis las rang gi ye shes zab ba la brten pa dang/ bsod nams kyi tshogs bsag par bya ba yang/ rang gi ye shes mngon du gyur nas/ /de yang 'bad par bya ba la nye bar dgongs pa can yin no/ zhes bya'o/ /yang smras pa/ de ltar mi dang lha'i theg pa dang/ nyan thos dang rang rgyal ba'i zhing la/ byang chub sems dpa' i theg pa 'bras bu'i ngo bor mi gnas pa ci'i phyir/ de yang bla na med pa'i theg pa zhes pas/ rdo rje'i theg pa gtsor smos pa dang ?/ khyang zhugs pa dang/ sa gsum gyi khyad par du gyur pa'i phyir te/ mahA yo ga'i rgyud chen po las byang chub sems dpa' byams pas bsdus pa'i phyir ro/ theg pa gcig gi 'bras bur gnas zhes gsungs pa la/ gi zhes bya ba'i sgra na theg pa bzhi rgyu la/ gcig 'bras bur gnas par ma yin par ston par ston pa ste/ theg pa bzhi so so'i 'bras bu ji lta bu bzhin
- 252a
gnas pa phyi rol du gyur pa dag la grags pa yin la/ gi zhes bya ba'i sgra de dag kyang/ rdzogs pa chen po'i 'bras bu'i nang du 'dus shing de las 'byung ba yang 'di nyid las gsungs te/ dpe chu ji snyed pa rgya mtsho chen po las 'byung zhing/ /slar yang rgya mtshor 'dus pa dang 'dra'o/ /de la theg pa chen po 'di nyid kyi rgyu ni/ nyon mongs pa lnga dang 'dod pa lnga yin te/ de yang 'dod pa'i khams kyi nyon mongs pa can dang/ 'bras bu'i rigs don nyid du'o/ /de ltar theg pa'i khyad par dang/ chos thams cad kyi ngo bo nyid ni/ yang dag par rtogs pas rab tu bstan na/ don dam par ni rang bzhin med pa kun rdzob tu cir yang 'grub ces bya'o/ /de la yang dag par rtogs pa rnam pa gsum ste/ de bzhin gshegs pa dang byang chub sems dpa' dang/ rnal 'byor pa chos kyi spyan dang ldan pa'o/ /des rtogs pa zhes bya'i don ni/ phyi rol las ni mnyam par bzhag pa'i ting nge 'dzin las bzhengs nas/ dag pa 'jig rten pa'i ye shes kyis 'gro ba'i don du yang dag par rtogs pa'o/ /'dir ni chos kyi dbyings zhi ba chen po'i ngang las bzhengs nas/ so sor kun rtog pa'i ye shes kyis 'gro ba dang/ chos thams cad kyi rang bzhin dang/ mtshan nyid la rnam par spyod pa'o/ /des de ltar rnam par spyod cing brtags na ji ltar snang zhe na/ don dam par chos thams cad chos nyid byang chub sems/ rang bzhin med pa las kun rdzob tu 'jig rten pa'i dngos po thams cad cir yang snang ba la/ de dag rnam par dag ste don dam pa'i kun rdzob rdzogs pa chen po'i dkyil 'khor mi gnas pa'i mya ngan las 'das pa dang/ gsang sngags kyi thun mong gi dngos grub la sogs
- 252b
pa cir yang 'grub ces bya'o/ /rnal 'byor pas ni de gnyis kyi rjes su 'brangs nas/ lung dang rigs pas phyin ci log pa'i shes rab kyi rnam par dpyad cing/ don de nyid mngon par rtogs pas/ ting nge 'dzin dbang thob pas gong nas gong du lhag mthong rnam par 'brel te/ /yang de ltar chos thams cad kun rdzob tu mi mthun pa'i sdug bsngal myong ba dang/ theg pa mi mthun pa'i dbang gis/ de bzhin gshegs pa 'gro ba'i don du mdzad pa rdzogs nas mya ngan las 'das nas / de'i dbang gis dam pa'i chos kyang nub par 'gyur ro/ /bya ba yod na ci'i phyir/ rang bzhin nyid las nyams par med ces gsungs te/ de ltar chos thams cad don dam par rang bzhin med pa las/ kun rdzob tu de bzhin gshegs pa dang po yum gyi lhums nas bltam zhing/ bar du mdzad pa rdzogs te/ tha mar mya ngan las 'das so/ zhes gsungs pa de yang/ ma rig pa'i skye bo 'dul ba'i phyir de ltar bstan gyi/ don dam pa'i bden pa'i dbang du na/ sangs rgyas mya ngan las mi 'da' lan de ltar mya ngan las mi 'da' ba dang/ de'i zhal nas gsungs pa'i chos kyang nub par mi 'gyur ro/ /'on kyang kun rdzob tu ma rig pa'i sems can 'dul bar bya ba'i phyir/ sangs rgyas bcom ldan 'das kyang/ dang po yum gyi lhums nas bltam nas/ bar du mdzad pa rdzogs te/ tha ma mya ngan las 'da' bar ston par mdzad so zhes gsungs so/ de la sangs rgyas mya ngan yongs mi 'da' zhes bya bar gsungs pa ni/ don dam pa'i bden pa la dgongs pa'i dus su/ sku nyid kyi dbang gis sangs rgyas mya ngan yongs mi 'da' zhes bya ba gsungs la/ de ltar sangs rgyas mya ngan las mi 'da' ba dang/ dam pa'i chos byang chub par mi 'gyur te zhes bya'o/ /'o na
- 253a
de bzhin gshegs pa mya ngan las 'das nas sku gdung bgo ba la sogs pa yod do zhe na/ de nyid kyi lan ma rig smin mdzad 'dul ba'i phyir zhes bya ba gsungs te/ dang po rtsa ba'i nyon mongs pa ma rig pa las byung ba'i phyir dang/ da ltar ma rig pa'i mun pa 'thug po kun tu gti mug pa las gnas pa'i sems can 'dul ba'i phyir/ de bzhin gshegs pa brtse ba chen po dang ldan pas kyang/ 'gro ba ma rig pa'i don tu dang po yum gyi lhums nas 'byung zhing bltams pa dang/ /bar du mdzad ba rdzogs nas 'jig rten pa dang mthun pa'i spyod lam rnam bzhis gnas pa dang/ tha ma rdo rje lta bu'i sku gdung gis kyang 'gro ba yongs su bskyab pa'i phyir/ tha mar mya ngan las 'das par yang ston zhes bya'o/ /de yang ci'i phyir zhes na/ sems can gyi phyir te/ de bzhin gshegs pa rtag tu btugs nas/ sems can rnams kyis dkon pa dang phrang bar dka' ba'i 'du shes nye bar mi 'jog pas/ de'i phyir mya ngan las 'da' bar ston pa ste/ de dag kyang mdo sde thams cad kyi dbang po las 'byung ba gang yin pa de/ 'dir lta bar bya yis kyang 'dir mangs kyis dogs pas ma bris so/ /yang 'di'i mtshan dang yon tan gyi sgo nas 'dri ba na re/ rgyud 'di'i mtshan gsang ba'i snying po las 'phros te /de yang gyi na'am sgra brnyan tsam du bstan pa ma yin nam zhe na/ de ltar ma yin te/ dpal gsang ba'i snying po chos thams cad kyis byung gnas su bstan pa'i phyir bar gsungs pa/ 'dul ba mdo sde chos mngon dang/ /dam tshig grub dan bsgrub pa dang/ sku dang gsung dang thugs kyi rgyud/ /phyogs bcu kun tu rab grags pa/ /gsang ba'i snying po las 'phros te /zhes bya ba gsungs te/ dpal gsang ba'i
- 253b
snying po ye shes thams cad gzugs brnyan gyi 'byung gnas su bstan pa'o/ /de la spyod pa'i mtshan nyid bdun gyi ngo bo la ni/ /'dul ba zhes bya'o/ /mdo sde la sogs pa la mdo sde zhes bya'o/ /'dri pa po don gsal bar yang nas yang du ston pa dang/ zag pa med pa'i shes rab rgyu dang 'bras bur bcas pa la ni mngon pa zhes bya'o/ khrus dang gtsang sbra dang bzlas brjod dang srung ba la sogs pa gtser byed pa'i sngags kyi rgyud la ni dam tshig ces bar gsungs te/ kri ya'o ye shes dang ye shes kyi yul thams cad la 'bad pa bya ba'i brtson 'grus dang ldan bar bsgrub bar byed pas/ bsgrub pa dang zhes bya'o/ /ye shes kyi byin brlabs kyis bdag nyid grub pa'i dbang dang ldan pa'i grub ces bya ste/ de ltar na kri ya dang u pa ya dang yo ga dang gsum ste/ rim bzhin du tha ma dang 'bring dang rab to/ bcom ldan 'das dpal rdo rje sems dpa' ye shes dang ye shes kyi yul thams cad rnam par dag pa'i rang bzhin du sangs rgyas par bstan pa/ gsang ?? gi rgyud la dad pa mang po zhig gsungs pa thams cad kyang/ rdo rje lta bu rnam par dag pa gsum du 'dus pa'i phyir/ sku dang gsung dang thugs kyi rgyud ces bya ba gsungs te/ de yang rtog pa can gyi lus ngag yid gsum rnam par dag pa'i rang bzhin gyi phyir ro/ /de lta bu'i theg pa rim pa dgu mdza' yas mu med pa'i 'jig rten gyi khams su grags pa thams cad kyang/ gsang ba'i snying po las 'phros pa yin no/ zhes bya ste/ nam mkha' i dbyings bzhin du rang bzhin du gnas pa'i phyir ro/ /gzhan dag na re thag ma thag pa lngar bka' stsal ba las kyang theg pa rim pa dgur bka' stsal pa'i phyir smras so/ gang du ni sprul pa'i sku'i dbang gis theg pa lngar bka' stsal pa yin la/ 'dir ni dpal gsang ba'i snying po chos kyi sku'i rang bzhin chos thams
- 254a
cad kyi 'byung gnas su bstan pa las/ theg pa rim pa dgur bka' stsal pa las/ 'on ? 'dir kun gyi 'byung gnas su bstan pa'i phyir/ rang bzhin gsang ba'i snying po 'di/ /sde snod kun dang rgyud kun gyi/ /'byung gnas gtan la nges par 'bebs/ zhes gsungs te/ ma dros pa'i mtsho chen por chu bo thams cad 'byung ba dang gnas pa'i gzhi byed pa dang 'dra bar/ theg pa chen po 'di yang sde snod kun dang rgyud kun gyi 'byung ba dang gnas pa'i gzhi byed pa dang/ rdo rje lta bu'i ye shes kyi bag chags thams cad gtan la 'bebs pa dang 'dra bar/ theg pa chen po a ti yo gas theg pa thams cad gtan la 'bebs pa'o/ /de ltar theg pa rim pa rgyas bsdus pa'i chos thams cad so so'i rim pa'am/ nang mi mthun pa'i tha dad pa'i ngo bor gnas pa ni/ ci'i phyir/ bcom ldan 'das kyis chos nyid mnyan pa nyid du 'gyur snyam pa'i dgongs pa gsungs par/ chos rnams ming du btags pa tsam/ /ston pas don du btang dang mthun phyogs su/ /ming dang tshig tu btags nas bstan/ /ston ming tshig la dngos po med ces bya ste/ ston pa sangs rgyas bcom ldan 'das kyi zhal nas gsungs pa ma yin pa/ gzhan mu stegs pa lta bu'i tshig la dngos po med ces gsungs te/ don dam par chos thams cad chos nyid byang chub kyi sems mnyam pa nyid du gnas kyis kyang kun rdzob tu chos thams cad sgyu ma lta bu'i tshig gi tha snyad du btags pa ste /dper na lha byin ma yin pa 'dra yis kyang/ ming de la lha byin du rnam par rtog go /de bzhin du dngos po med pa'i ming dang tshig la brten nas/ ston pa thugs brtse ba dang ldan bas kyang/ gdul bar bya ba'i nyon mongs pa'i rigs dang mthun par/ gnyen po
- 254b
'phags pa'i lam gyis ye shes kun gyi bde ba la brten nas/ ming dang tshig du btags nas 'gro ba gzhan gyi don du bstan gyi/ don dam pa'i bden pa'i dbang du na thugs brtse ba chen po dang ldan pa'i ston pa sangs rgyas bcom ldan 'das nyid dang/ de'i zhal nas gsungs pa'i dam pa'i chos de dag nyid kyang dngos po yod pa ma yin no zhes bya'o/ /ci'i phyir zhe na/ ston pa dang bstan bya gnyis ka yang sgyu ma mig rgyu mig yor dang brag ca lta bu'i ngo bo'o/ /de ltar rgyas pa'i sgo nas bstan cing bshad par mdzad pa de dag nyid kyang/ thugs brtse ba chen po dang ldan pa sangs rgyas bcom ldan 'das kyis/ de nyid yang bltas pa'i sgo nas bstan pa'i phyir/ de nas zhes bya ba la sog pa gsungs ba ste/ de nas gnyis su med pa'i bdag nyid chen po dpal kun tu bzang pos gong du gsungs pa'i/ sprul pa'i sku chos kyi dkyil 'khor de dag nyid kyang/ gsang ba'i don 'og nas 'byung ba 'di nyid du bsdus pa'i sgo nas/ de bzhin gshegs pa nyid kyi sku dang gsung dang thugs yon tan 'phrin las rdo rje las phyung ngo zhes bya ba'o/ /de nyid kyi don la dgyes shing ngo mtshar du gyur pa'i phyir/ a ho zhes bya ste/ sgra'i gtsug lag las ni chos kyi dbyings dang zad la mi skye ba thob pa dang/ shes rab zab mo'i ye shes dang/ thabs rgya chen po'i bdag nyid do/ /de yang 'khor ba'i chos su 'khrul pa ci snyed gsungs pa thams cad shlo ka gcig por 'dus shing gtan la 'bebs pa'i phyir/ srid rtsa'i nyes dmigs zhes bya ba la sogs pa ste/ srid pa gsum du 'khor zhing 'khyam? pa'i rgyur nyes dmigs dang gang dang gang las byung ba yin zhe na/ nyon mongs can gyi yid bdag tu rtog pa dang/ 'dzin pa'i bdag nyid can gyi chos nyid byang chub kyi sems ji bzhin pa la phyin ci log tu bzung ba dang/ 'dzin pa'i rtog
- 255a
pa dam po'i mdud pa la 'phros zhes bya'o/ /nges 'bras bu ci nye bar bsgrub ce na/ khams gsum du 'gro rgyu drug tu kun gzhi bag chags dang ldan pa'i sa bon las ming dang gzugs kyi myu gu skye zhing/ dus dang dus ma yin pa'i 'chi ba'i srid pa 'gag pa dang/ 'gro drug tha dad pa mang po nang mi mthun pa'i lus dang/ las dge ba'i dbang gis 'bras bu dang ldan pas lha dang mi dang/ /gnod sbyin la sogs pa'i longs spyod dang/ las lci yang gi gnas sa bla sa stengs sa 'og dang yang na khams gsum mo/ /rgyu mi dge ba'i dbang gis 'bras bu ngan song gsum gyi sdug bsngal dang/ sems 'khrug pa'i dbang gis chos phyi nang gi rten cing 'brel par 'byung ba'i 'khor dang/ las mdza' yas pa'i dbang gis sogs kyi yan lag gi dbang gis/ sdug bsngal mang po bsam gyis mi khyab pa de dag thams cad kyang/ rang rang nyid kyi log par rtog pa'i nyid kyis de ltar byas pa nyid yin gyi/ dbang phyug la sogs pa byed pa pos/ log pa'i rtog pa nyid las rgyu dang 'bras bu gzhan du bsgyur ba ni ci yang med do zhes bya'o/ /de ltar na ni nyon mongs pa can gyi yid bdag tu rtog pa can de mthu dang stobs su ldan pas 'khor ba mi 'gyur ba'i chos nyid can du mi 'gyur ngam zhe na/ de ltar ma yin te 'khor ba sgyu ma lta bu'i ngo bo phyi gzung ba'i yul rtog pa nyid kyi rang bzhin la/ nang 'dzin pa'i sems bdag med pa'i ngo bo nyid du de bzhin gshegs pa ni dang po nyid nas thams cad mkhyen pa'i ye shes kyis mkhyen la/ rnal 'byor pas ? phyi gzung ba'i yul la ni stong pa nyid/ nang 'dzin pa'i sems ni rnam par dag pa'i ye shes kyis/ de bzhin gshegs pa'i thugs ye shes dang/ dbyer med par mkhyen par gyur pa'i tshe/ phyi
- 255b
gzung ba'i yul dang nang 'dzin pa'i sems dang/ 'khor ba dang mya ngan las 'das pa'i chos thams cad stong pa nyid kyi chos sgyu ma nyid la dbang bskur ba'i dus na/ 'khor ba'i chos de nyid mya ngan las 'das pa rmad du byung ba'i/ de bzhin gshegs pa'i dkyil 'khor dang/ de bzhin gshegs pa de dag gis rnam par dag pa ma rtogs pa/ 'khor ba'i chos shes bya ba yul logs shig na 'khor ba'i chos su snang ba'i na/ mya ngan las 'das pa'i dkyil 'khor du zhes bya'o/ /des ni gong du gsungs pa'i mya ngan las 'das pa'i chos thams cad kyi de don dam nar chos nyid byang chub sems kyi rang bzhin du dbyer med pa las/ kun rdzob rdzogs pa chen po'i dkyil 'khor du gtan la phab pa'o/ des ni 'di ltar ston pa yin no/ / rtsa ba ma rig pa las byung ba'i 'khrul pa'i chos mdza' yas pa thams cad kyang/ gzung 'dzin gyi rtog pa bdag dang gzhan dang/ rtog pa'i rgyun gsum du 'dus la/ de dag kyang don dam pa'i chos nyid byang chub kyi sems su 'dus la/ kun rdzob tu de gsum rnam par dag pa ni/ sku gsum du 'gyur bas rnal 'byor pas bdag gi gzung 'dzin gyi rtog pa dam po mdud pa dgrol zhing/ phyi gzung ba'i yul dmigs par bya ba ni stong pa nyid nang 'dzin pa'i log par rtog par dmigs par byed pa pa ni bdag med par dran pa/ ye shes kyi tshogs stong pa nyid byang chub kyi sems bde ba nyid las/ gzhan med na yang yang dag pa'i kun rdzob rdzogs pa chen po'i dkyil 'khor du/ dran pa'i ye shes ni dar la kun tu bzang po/ chos nyid stong pa nyid ni yum kun tu bzang mo/ phung po khams dang skye mched dang snod dang bcud dang/ rgyud kyis bsdus pa thams cad ni/ do mtsham sku gsung thugs
- 256a
yon tan 'phrin las kyi dkyil 'khor nyid du blta bar bya'o/ zhes bya'o/ de ltar 'jig rten drug gi phyogs bcu mdza' yas par/ thub pa drug gi sprul pa grangs med par 'phro ba dang/ sprul pa'i de bzhin gshegs pa de dag thams cad kyis gsung ba'i dam pa'i chos de dag thams cad kyang/ dpal gsang ba'i snying po'i le'u gsum par 'dus te le'u gsum pa'i don yang tshigs su bcad pa bzhi po de dag du 'dus pa de bzhin gshegs pa thams cad kyis mkhyen to zhes bya'o/ /gzhan dag na re chos nyid mnyam pa chen po'i ngang nyid las/ nyid ces bya ba'i tshig gi don ni/ mnyam pa chen po'i don dang 'gal lo/ de ltar yin gyis kyang/ de nyid ces bya ba de nyid bdag nyid chen po thabs chen po thams cad nas thams cad du dbyer med pa la dgongs pa yin no/ dpal gsang ba'i snying po de kho na nyid nges pa la/ 'khor ba dang mya ngan las 'das pa'i chos thams cad dom dam par ni chos nyid byang chub sems su 'dus la/ don dam pa'i kun rdzob tu rang bzhin rdzogs pa chen po'i dkyil 'khor du gtan la phab pa'i le'u/ slob dpon nyi ma'i seng ge 'od kyis mdzad pa'i 'grel pa las/ sbrul pa'i de bzhin gshegs pas gsungs pa'i le'u rnam par bshad pa'i don ji snyed pa rdzogs so// // */ (/gsang ba snying po'i rgya che 'grel gyi smad te'u bzhi pa man chad dang/ rmi lam ston pa gsum/ grol lam ston pa skyes rdzogs kyi skor bcu gsum bzhugs//) //de ltar dpal gsang ba'i snying po las/ le'u dang po'i don ni rang bzhin rdzogs pa chen po'i dkyil 'khor yang dag par sdud par mdzad pa'i sdud pa pos gsungs pa la /le'u gnyis pas
- 256b
ni gsang sngags rdo rje'i theg pa a ti yo ga'i chos rang bzhin rdzogs pa chen po'i dkyil 'khor du gtan la phab nas/ le'u gsum pas sbrul pa'i de bzhin gshegs pas gsungs pa'i mdo'i theg pa chen po thams cad rnam par shes pa'i tshogs brgyad sku gsum du gtan la phab pa'o/ /yang thugs brtse ba chen po dang ldan pa'i sangs rgyas bcom ldan 'das/ gsang sngags/ rdo rje'i theg pa ma hA yo ga'i chos thams cad bstan cing bshad par bzhed de/ yongs su rdzogs pa chen po'i ting nge 'dzin gyis ye shes thams cad 'dus pa'i skur yud tsam gyis ting nge 'dzin gyis/ dpal kun tu bzang po mngon du byas nas/ gnas dang gdan skyed la/ le'u gnyis pa byang chub sems kyi le'u las/ byang chub sems bsgom par bya ba'i phyir cho ga dang po las/ gnyis pa rang gi sems kyi ngo bo skye ba med pa a'i 'phro 'dus thabs dang shes rab nyi zla brtsegs ma ye shes kyi ngo bo bsgoms nas/ de la yig 'bru gtan la dbab pa'i don bstan par bya ba dang/ gsang ba'i b+ha gar lhag pa'i byang chub sems nyi zla'i dkyil 'khor la/ rdo rje cho ga gnyis pa'i don bstan bas/ chos thams cad ming gi tha snyad tsam du gnas la/ mang gi tha snyad yig 'bru yang ye nas sangs rgyas pa'i dkyil 'khor du bstan pa'i phyir/ /de nas zhes bya ba la sogs pa'i le'u bzhi pa phreng ba bkod pa'i le'u gsung ste/ de nas zhes pa ni bshad zin to/ /de bzhin gshegs pa thams cad ces bya ba ni/ rigs chen po lnga ni spyir dpal kun tu bzang po nyid do/ / dgongs pa gcig tu gyur nas zhes pa/ yul chos nyid byang chub sems chos kyi dbyings kyi ye shes su shes pa'o/ mnyam pa chen po'i tshul zhes pa/ don dam par skye ba med par mnyam pa'i tshul de bzhin nyid la sogs pa bcu gcig ste
- 257a
de yang gang zhe na/ de bzhin nyid dang/ stong pa nyid dang/ chos kyi dbyings dang/ mtshan nyid med pa dang/ dmigs su med pa dang/ gzung du med pa dang/ smon pa med pa dang/ ye nas mya ngan las 'das pa yin pa dang/ nam mkha' nyid la yang mtshan nyid med pa'o/ /de ltar chos thams cad don dam par nam mkha' lta bu'i ngo bo nyid du yin yang/ don dam pa'i kun rdzob tu mnyam pa chen po'i tshul de dang mthun pa'i rang bzhin rdzogs pa chen po'i dkyil 'khor/ rdo rje dbyings su chos thams cad ye nas sangs rgyas pa'i ting nge 'dzin las mi g.yo bar/ bzhugs bzhin du yang/ kun rdzob tu chos thams cad yi ge 'dus pa'i ngo bo ming gi tha snyad tsam du gnas pa'i/ yi ge phreng ba'i 'khor lo zhes bya ba'i 'di sku dang gsung dang thugs rdo rje las byung ngo/ zhes bya'o/ /de yang don dam par ni chos nyid byang chub kyi sems kyi rgyu 'am tshul de bzhin nyid la sogs pa bcur sangs rgyas la/ don dam pa'i kun rdzob tu rang bzhin rdzogs pa chen po'i dkyil 'khor du ye nas sangs rgyas te/ sems tsam pa'i rnal 'byor pa ltar sems pa'i dkyil 'khor spyan drangs nas bzhugs su gsol ba lta bu ma yin gyi/ don dam par ye nas sangs rgyas pa'i ting nge 'dzin las mi g.yo bar bzhugs zhes bya'o/ /de yi ge phreng ba'i 'khor lo zhes bya ba ni/ a yig dang ka yig de dag kyang phreng ba'i tshul du 'khor lo lta bur zlum po bkod pa dang/ 'khor lo la bkod pa'i phyir ro/ /de yang gang zhe na/ rab tu brtan 'gyur zhes bya ba la sogs te/ skye ba med pa'i ngo bo ye shes thams cad 'byung ba'i rgyu/ de bzhin gshegs pa dang byang chub sems dpa' thams cad kyi skye gnas/ sngags 'chang dang ting nge 'dzin thams cad kyi skyabs dang rten dang
- 257b
gling/ stong pa chen po dang rgyu mthun pa'i sgra yig dang po a de la ni/ rab tu brtan 'gyur zhes bya'o/ /ci'i phyir zhe na/ 'phel 'grib dang skye 'jig med pa'i phyir ro/ /de nyid nyon mongs pa'i rdul dang bral zhing dri ma glo bur pas ma gos pa'i phyir/ a dkar zhes bya ste ci'i phyir zhe na/ byang chub sems kyi rang bzhin nyid kho na bas so/ /las zhes bya ba'i tshig gi don ni/ lhag ma dang bcas pa ste/ de las ci zhe na/ spro zhes bya ba'i tshig ste/ gang las spro/ rab tu brtan pa'i a dkar po las spro/ gang rnams spro zhe na/ shin tu phra ba'i dus na/ a rnams spro/ gar spro zhe na/ phyogs bcu'i 'jig rten gyi khams su spro/ mang nyung gi tshad tsi tsam zhe na/ phyogs bcu'i 'jig rten gyi khams gang bar spro/ spros pas cir 'gyur zhe na/ phyogs bcu'i 'jig rten gyi khams gang bar 'gyur zhing/ gsal bar gyur nas zhes bya'o/ /de ltar spros kyang/ 'phel ba med la/ bsdus kyang 'grib pa med do/ /ci'i phyir zhe na/ skye 'jig med pa'i phyir/ 'phel 'grib med do zhes bya'o/ /rnams kyi sgra de yang gang zhe na/ a A i a'i u a'u e i o aau aM a(rgyud 'grel): ye shes kyi sku la thun mong dang thun mong ma yin pa'i mtshan dang dpe byad yongs su rdzogs par bya ba'i phyir/ ma ning gi yi ge /ri rI li lI rnams kyang bkod de/ 'di dag ni rnam par smin pa'i zla ba la/ g.yas nas bskor ba'i rim pa bcu drug dang/ g.yon nas bskor ba'i rim pa bcu drug dang/ ka pa bcu drug dang ldan par bsgom mo/ /yang zla ba'i dbus kyi gzhi mo a de nyid las/ ming tha snyad du 'dogs pa'i yi ge tshogs ka la sogs pa sum cu rtsa bzhi po rnams spro zhing bsdu bar bya ba yang sgra yig gi rim pa ji lta ba bzhin byas pas/ 'jig rten drug gi phyogs bcur khyab nas/ de na gnas pa'i sems can
- 258a
gyi don byas nas/ slar 'dus pa las nyi ma'i dkyil 'khor gyi thog na k+Sha mdog dkar po mgo yar 'greng ba'i tha ma ka yig gis bskor ba ste/ de la gsal ba zhes bya ba ni/ kha dog yin te sangs rgyas pa'i ngo bo las/ lha rnams kyang kha dog de bzhin no/ /'bar ba ni 'od zer te/ 'phro ba dang 'dul ba'i ngang tshul can no/ /a yig dang ka yig de dag ni thun mong dang thun mong ma yin pa'i mtshan dang dpe byad du ldan zhing lha dang lha mo sems dpa' dang sems ma'i rang bzhin te/ ci'i phyir zhe na/ de ltar yang 'di'i rgyud phyi ma las kyang/ a yis bo de rab tu bsdus zhes bya ba gsungs pa'i phyir ro/ /'di ni zhes bya ba'i don to/ /rang gi sems kyi ngo bo ye shes kyi yig 'bru'i yon tan bstan pa dang/ rdo rje cho ga phyi ma'i don bstan pa yin te/ dang po ye shes kyi yig 'bru'i 'phro 'du 'di lta bu 'di ni/ de bzhin gshegs pa thams cad kyi sku dang gsung dang thugs yon tan 'phrin las/ rdo rje dngos grub la thams cad 'byung ba'i rgyu yin no/ zhes bya ste/ gzhan gyi rgyud las ma byung zhing rang gi rgyud las byung ba'i phyir/ dngos kyis grub pa'o/ /rdo rje lta bu'i dngos grub grub pas/ rdo rje dngos grub ste/ 'gyur ba med pa'i ye shes kyi 'phro 'dus/ sgrib pa'i dri ma'i bag chags thams cad sreg cing thal bar byed pa'i phyir ro/ /de ni 'od kyi gong bu las hUM ngo/ /hUM las dang po'i rdo rje'o/ /skye 'jig dang 'phel 'grib med pa'i 'bras bu thams cad 'byin pa'i phyir ni/ brten 'byung ngo/ /gong du gsungs pa'i de lta bu'i ni/ ye shes thams cad kyi 'byung gnas kyi rgyu yin pa'i phyir/ ye shes rgyu yin no zhes bya ste/ 'jig pa med pa'i dpal kun tu bzang po skyed pa'i rgyu'i ye shes yin no
- 258b
zhes bya ste/ des ni dpal kun tu bzang po'i sku phyag rgya chen por 'gyur bar shes par bya'o/ /de dag gi don ni 'di lta ste/ dang po mnyam pa chen po rdo rje dbyings kyi rang bzhin stong pa chen por bsgom pa dang/ de kho na nyid las ma 'phros par rang gi sems kyi ngo bo mi skye zhing mi 'jig pa'i rang bzhin rab tu brtan pa'i a yig dang/ de 'phro 'du mthar thug pa las/ 'jig rten drug gi phyogs bcu thams cad g.yos nas/ de? gnas pa'i sems can gyi don byas pa dang/ slar 'dus pa las zla ba'i dkyil 'khor gang zhing rgyas pa/ a yig gnyis 'gyur la ka ba bcu drug dang ldan pa dang/ yang a yig de las/ ming gi yi ge rnams 'phros pas/ de'i 'phro 'du las/ nyi ma'i dkyil 'khor tha ma ka yig gis bskor ba ste/ de ltar thabs dang shes rab dang rgya che ba'i bsod nams dang ye shes kyi tshogs kyi rang bzhin nyi zla brtsegs ma dang/ de ltar 'od du zhu ba las 'od kyi gong bu dang/ hUM dang hUM las/ shin tu dkar la dmar ba'i dang po rdo rje dang/ rdo rje las sku gsung thugs yon tan 'phrin las kyi dngos grub gyi 'phro 'dus brtan par byas shing/ ma ha badzra da ro haM zhes brjod pas/ dpal kun tu bzang po'i sku phyag rgya chen por gyur te/ yum yang myu gu dang grib ma'i tshul du bskyed de/ de ltar cho ga lnga nye ba'i bsnyen pa dang ldan par shes par bya'o/ /de yang yab yum thabs dang shes rab rol pa'i gsang ba'i zla ba la/ byang chub kyi sems kyi yig 'bru bzhi bcu rtsa gnyis su gyur te/ yig 'bru de dag kyang gang zhe na/ a nas k+Sha'i bar dang/ i nas o'i bar du shes par bya'o/ /de yang 'di dag phyung ngo zhes bya ba ni/ gsang ba'i b+ha ga la gnas pa'o/ /de yang yid dang chos kyi gsang gnas
- 259a
nas byung ba'i phyir/ a dang k+Sha gnyis dbu dang zhabs na bzhugs pa yin no/ /de ltar ye shes kyi yig 'bru 'phro ba dang 'du ba'i cho 'phrul phyogs bzhi dang mdza' dbus phyi nang gi 'jig rten g.yos pa'i ye shes kyi byin rlabs kyis/ chos thams cad ming gi mtshan nyid tsam du gyur to zhes bya'o/ /de ltar yig 'bru gtan la dbab pa dang/ de dag byin rlabs su bcas pa gsungs nas/ de ni ye shes kyi yig 'bru de dag che ba'i yon tan du bcas par gsung pa/ a ni stong dang mi stong pa'i zhes bya ba la sogs pa ste/ de la yi ge a'i spas? ni stong pa kho na'o zhes smras te/ dpal de nyid 'dus pa'i rgyud las kyang/ a zhes bya bas chos rnams kyi/ skye ba med pa'i dgongs pa'o zhes gsungs te/ stong pa chen po'i sgra yin zhe na/ de ltar stong pa kho na yang ma yin te/ thams cad 'byung ba'i rgyur gyur pa yang yin te/ skye ba med pa las skye ba'i cho 'phrul sna tshogs pa 'byung ba'i phyir ro/ /'o na de ltar mi stong pa zhig yin nam zhe na/ mi stong pa yang ma yin te/ gdong nas ma skyes pa'i yum shes rab kyi pha rol tu phyin pa'i ngo bo'o/ /de ltar na stong pa dang mi stong pa de gnyis kyi dbu ma tsam du she 'am zhe na/ de ltar ma yin te/ dbu ma yang dmigs su yod pa ma yin zhes bya'o/ /dbu ma zhes bya ba'i don de nyid kyang/ gang zhe na/ spros pa nye bar zhi ba'i mdza' brgyad/ 'di nyid kyi rgyud phyi ma las kyang gsungs pa'i/ de bzhin nyid la sogs pa'i byang chub sems kyi rgyu bcu tham pa yin te/ de dag kyang gang zhe na/ de bzhin nyid dang zhes bya ba la sogs pa gsungs te/ de bzhin nyid dang zhes bya ba ni/ ye nas gnas pa ma bcos pa'i chos nyid la de bzhin nyid ces bya ste/ de bzhin nyid ces bya ba'i tha snyad de tsam
- 259b
gyis/ reg par mi 'gyur ba'i phyir de la yang mi gnas pa'o/ /stong pa nyid dang zhes bya ba dang/ mu stegs kyis brtags pa'i gang zag dang/ nyan thos kyis brtags pa'i chos thams cad kyis stong pa nyid do zhes bya na/ de tsam la yang mi gnas te/ yang dag pa'i mdza' dang zhes bya/ bde ba'i mu stegs yang dag pa'i chos nyid gzhan du 'gyur ba med pa la bya ste/ de skad du brjod pa des kyang don gyi thog tu mi phebs pas de yang mi gnas pa'o/ /chos kyi dbyings dang zhes bya ba/ chos rnams kyi chos nyid yang dag pa ci lta ba bzhin du rtogs pa las/ sangs rgyas kyi che ba'i yon tan thams cad 'byung ba'i rgyur gyur pas dbyings zhes bya mong gyi/ des kyang thog tu mi phebs pa'i phyir ro/ /de la yang mi gnas pa'o/ /mtshan nyid med pa dang zhes bya ba/ don dam par rang gi mtshan nyid bsam gyis mi khyab par brjod pa thams cad dang/ spyi'i mtshan nyid dbyer mi phyed par bstan pa thams cad kyang/ sgro dang skur ba'i rang bzhin yin pas/ rang dang spyi'i mtshan nyid gnyi ga med pas/ mtshan nyid med pa zhes tha snyad du bya mod kyi/ de la yang mi gnas pa'o/ /dmigs su med pa dang zhes bya ba/ dmigs par bya ba'i yul dang/ dmigs par byed pa'i sems gnyi ga ye nas ma skyes pa de/ rang bzhin gyis 'od gsal ba yin pa la/ dmigs su med ces brjod pa yang 'gal te/ de tsam la yang mi gnas pa'o/ /gzung du med pa dang zhes pa/ gzung par bya ba'i yul nyid thog ma nas 'dzin par 'khrul ba las/ logs shig na yul? med la/ gzung du med do zhes bya ba'i tha snyad kyang sgros btags pa yin te/ de la 'ang mi gnas pa'o/ /smon pa med pa dang zhes bya ba/ smon par bya ba'i yul mya ngan las 'das pa dang dbyings zhes
- 260a
bya ba/ de yang sngon nas rang bzhin med pa yin pas/ de la smon pa med pa'i sems kyang rang bzhin med de/ 'phral la smon pa spang du med pa'i phyir de la yang mi gnas pa'i phyir ro/ /ye nas mya ngan las 'das pa yin pa dang zhes pa/ chos thams cad rang bzhin gyis mya ngan las 'das pa yin pa la/ da bzod mya ngan las 'das pa yin zhes bya ba de yang sgro btags pa'i ngo bo yin pas/ de la yang mi gnas pa'o/ /chos thams cad ni nam mkha' lta bu'i mtshan nyid dang zhes bya ba dang/ de ltar gong du smos pa'i dbu ma'i don dgu po de dag thams cad/ spyi'i mtshan nyid kyang dbu ma'i don bcu po nam mkha' lta bu'i don 'dir 'dus te/ nam mkha' ni mtshan nyid med pa'i mtshan nyid can yin pa'i phyir/ nam mkha' i mtshan nyid kyis kyang don dam pa'i thog tu mi phebs te/ sgro btags pa yin pa'i phyir de la'ang mi gnas pa'o/ /nam mkha' yang mtshan nyid med pa'o zhes bya ba 'dis/ dbu ma bcu po nyid kyang dmigs su med par ston te/ gong du smos pa'i dbu ma'i don dgu po rnams ni/ nam mkha' i mtshan nyid du 'dus la/ nam mkha' i mtshan nyid ni yi ge a'i nang du 'dus la/ a'i don ni stong zhes bya 'am mi stong zhes bya ba'i mdza' gang du yang dmigs su med pa lta ci smos kyi/ de gnyi ga'i dbu ma bya ba ngang tshul can du yang/ dmigs su yod pa ma yin no/ /de lta bu'i 'khor ba'i chos/ ming tsam du smra ba'i 'dod pa thams cad dang/ rnam par dag pa mya ngan las 'das pa'i phyogs bcu dus bzhi'i sangs rgyas kun yang yi ge sgra yig dang ka'i yi ge phreng ba nyid la gnas zhes bya'o/ /ci'i phyir/ a mi stong pa yin zhe na/ a nyid sna tshogs par snang ba'i/ ka la sogs pa bzhi bcu gnyis/ /sgra'i ming gis thams cad bsdus/ /mngon rdzogs rgyal
- 260b
por de nyid nges zhes gsungs te/ de la a nyid sna tshogs par snang ba'i a la sogs pa bcu gnyis dang/ ma ning bzhi dang/ ka la sogs pa de dag kyang dbyibs tha dad de/ a ni gzhal yas khang gi sgo 'dra ba dang/ A ni seng ge'i kha 'dra ba dang/ i ni glang po che'i sna 'dra ba dang/ a'i ni dbang phyug dbu 'dra ba dang/ u ni rnga mo'i mgo 'dra ba dang/ a'u ni sha ba'i kha 'dra ba dang/ ri ni bong bu'i mgo 'dra ba dang/ rI ni seng ge'i mgo 'dra ba dang/ li ni glang po che'i thod kha 'dra ba dang/ lI ni dbang phyug kha 'dra ba dang/ e ni dbang phyug kha 'dra ba dang/ i ni rma bya'i kha 'dra ba dang/ o ni byi la'i kha 'dra ba dang/ aau ni khyi'i kha 'dra ba dang/ aM ni rlung dang sprin dang 'dra ba dang/ a(rgyud 'grel): ni stag gi kha 'dra'o zhes bya ba la sogs pa gsungs te/ /de ltar a'i khyad par sna tshogs par snang ba'i sgra'i yi ge dang/ ming gi yi ge ka la sogs pa bzhi bcu gnyis kyis ni/ 'khor ba dang mya ngan las 'das pa'i chos thams cad kyi tha snyad du bstan ba kun la yang bsdus shing gsal bar byed pa ste/ mtshan yang dag par brjod pa las kyang/ a ni yig 'bru kun gyi mchog /don chen yi ge dam pa yin zhes gsungs te/ de la yig 'bru bzhi bcu rtsa gnyis don dam pa'i kun rdzob tu lha sum cu rtsa drug gi sa bon nam rgyur nges pa'i phyir/ mngon rdzogs rgyal por de nyid des zhes bya ste/ de ltar de yan chad kyis ni/ nyi zla brtsegs ma la a yig dang ka yig tu bcas pa bkod pa 'od du zhu ba las/ 'od kyi gong bu ? des las dang po dngos rdo rje dang/ de las phyogs bcu dus bzhi thams cad kyi tshul thams cad spyan drangs nas bcug pas dpal kun tu bzang po yab yum du bsgoms la/ yang yum gyi gsang gnas su rdo rje cho ga bzhis/
- 261a
thabs dang shes rab dgyes pa'i sprin lhag pa'i byang chub kyi sems nyi zla'i dkyil 'khor la/ a yig dang ka yig bzhi bcu rtsa gnyis bsgoms la/ de'i 'phro 'du las gsal bar gyur pa dang/ sprin dang sprin du bye ba ltar lha bzhi bcu rtsa gnyis su bsgom par bstan pa yin no/ /de lta bu che ba'i dkyil 'khor de nyid kyang shin tu dam pa'i phyir/ e ma'o ngo mtshar ya mtshan gyi zhes gsungs te/ e ma gang yin pa ni ngo mtshar ro/ /ngo mtshar gang yin pa ni ya mtshan gyi'o zhes bya'o/ /de lta bu des ci'i phyir zhe na/ 'phrul chen zhes bya ba gsungs te/ stong pa'i yi ge a mi stong pa'i cho 'phrul lha bzhi bcu rtsa gnyis la sogs te/ sgyu 'phrul bsgrub pa'i cho 'phrul sna tshogs dang/ thun mong dang thun mong ma yin pa'i dngos grub dang/ 'khor ba'i chos thams cad kyi/ /tshig rnams ma lus pa ni 'dzin pa'i gnas/ /mya ngan las 'das pa'i don chen po sna tshogs pa ni smra zhing ston par byed pa yang/ ngo mtshar ya mtshan rmad du byung ba'i cho 'phrul chen po khyod yin no zhes bya'o/ /brgal ba sgra'i tha snyad kyi yi ge las sna tshogs pa'i don 'byung ba la/ /bya ba 'gal lo/ /lan du de 'gal ba ma yin te/ dngos po med pa ni yi ge la/ /yi ge'i rang bzhin ni sems so/ /ci lta zhe na/ stong phrag nyi shu pa las kyang/ /rab 'byor gal te 'dod pa'i khams de bzhin du gyur te/ ma nor ba dang/ gzhan ma yin pa dang/ phyin ci ma log pa dang/ de kho na dang/ yang dag pa dang/ bden pa dang/ ci lta ba bzhin dang/ rtag pa dang/ brtan pa dang/ ther zug dang/ mi 'gyur ba'i chos can yin la/ dngos po med pa ma yin na ni/ theg pa chen po 'dis/ lha dang mi dang lha ma
- 261b
yin du bcas pa'i 'jig rten zil gyis mnan nas/ nges par 'byung bar mi 'gyur ba zhig na/ rang 'byor gang gi phyir 'dod pa'i khams ni rtogs pa/ bsgrub pa'i tshig gis bstan pa ste/ de thams cad mi rtag mi brtan zhing ther zug ma yin la 'gyur ba'i chos can te/ dngos po med cing dngos po ma yin pas/ de'i phyir theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan nas/ nges par 'byung bar 'gyur ro zhes gsungs pa de bzhin du/ dngos po med pa ni sems ma yin la/ sems kyi rang bzhin yi ge ma yin na ni/ sngon gyi sangs rgyas rnams kyang mngon par rdzogs par sangs rgyas par mi 'gyur la/ phyis dad da lta'i dus kyi sangs rgyas kyang mngon par rdzogs par sangs rgyas par mi 'gyur ba zhig na/ gang gi phyir dngos po med pa ni sems yin la/ sems kyi rang bzhin ni yi ge yin pas/ de'i phyir phyogs bcu dang dus bzhir gshegs pa'i ye shes sems dpa' i dkyil 'khor thams cad kyang/ stong pa nyid dang rgyu mthun kpas/ gdong ma nas ma skyes pa'i sems kyi rang bzhin yi ge las mngon par rdzogs par sangs rgyas zhes bya'o/ /de ltar yang sems kyi rang bzhin ni dngos po bdag tu yod pa ma yin pas 'dzin pa'i/ bdag dang ldan pa ma yin zhing rtag chad kyi mdza' gnyis dang bral te/ don dam par dbu ma tsam du dmigs su yod pa ma yin gyis kyang/ kun rdzob kyi bden pa la gnas pa'i sgo nas/ dbyibs te/ sgra yig dang ka yig gi dbyibs mi mthun pa mang po a la sogs pa'i gong du gsungs pa dang/ gzhan yang ka ni rus sbal 'dra ba dang/ kha ni bong bu bsgus pa 'dra ba dang/ ga gsang 'dra ba dang/ g+ha ni bum
- 262a
pa 'dra ba dang/ da ni kang ka'i kha 'dra ba dang/ tsa ni tsa sha'i kha 'dra ba dang/ cha ni gdugs kyi dbyibs 'dra ba dang/ dza ni dra ba 'dra ba dang/ dzha ni dra ba chen po 'dra ba dang/ nya ni sems can ba ta'i kha 'dra ba dang/ ta ni 'dzam bu ti pa 'dra ba dang/ tha ni ri dags tha gu thu ra'i kha 'dra ba dang/ da ni mkha' 'gro'i kha 'dra ba dang/ d+ha ni dang pa'i kha 'dra ba dang/ na ni sems can to la'i kha 'dra ba dang/ Ta ni za ba 'dra ba dang/ Tha ni pha bang gi mgo 'dra ba dang/ Da ni gnod sbyin gyi mche ba 'dra ba dang/ Dhu ni gzhu brdungs pa 'dra ba dang/ Na ni ma he'i kha 'am mgo 'dra ba dang/ pa ni ri rab kyi dbyibs 'dra ba dang/ pha ni khrung khrung gi kha 'dra ba dang ba ni 'dam bya'i kha 'dra ba dang/ b+ha ni sems can khal can 'dra ba dang/ ma ni spe'u 'dra ba dang/ ya ni sems can o yo'i kha dang mgo 'dra ba dang/ wa ni ri dags ri de kha'i kha 'dra ba dang/ ra ni bya la ku tsi'i kha 'dra ba dang la ni bya rog sha la then pa 'dra ba dang/ /sha ni ri bong 'dra ba dang/ Sha ni sems can sha ta 'dra ba dang/ sa ni spyang ki 'dra ba dang/ ha ni sems can ha ra 'dra ba dang/ k+Sha ni sems can srin mo'i kha 'dra ba dang/ de lta bas na dbyibs so// //kha dog ni sangs rgyas pa'i rang bzhin pas/ yi ges mtshon pa'i sangs rgyas dang/ byang chub sems dpa' i kha dog nyid du gnas pa'o/ /ming tshogs ni a yig dang ka yig de dag so so mi mthun pa sna tshogs pa la shes par bya'o/ /las zhes bya ba ni lhag ma dang bcas pa'i 'brel pa'i tshig ste/ ci'i phyir zhe na/ de ltar a yig dang ka yig dbyibs dang kha dog ming gi tha snyad kyi tshogs mang po de las 'jig rten dang 'jig rten las 'das pa'i rol pa sna tshogs pa nyid las cir yang sbrul zhing gzhan la sna tshogs par bstan no zhes bya'o/ /ci'i phyir rol pa sna tshogs
- 262b
par sbrul zhing ston par byed pa yin zhe na/ phyogs bcu dus bzhir gshegs pa'i/ /ye shes sems dpa' i sku gsung thugs/ /dkyil 'khor bzhi bcu rtsa gnyis nyid/ /yi ge mgo nas k+Sha la rdzogs zhes gsungs te/ phyogs bcu dang dus bzhir gshegs pa'i sangs rgyas thams cad kyi yang thugs ye shes sems dpa' de'i sku dang gsung dang thugs rdo rje'i ngo bo ni/ dkyil 'khor bzhi bcu rtsa gnyis yin la/ dkyil 'khor bzhi bcu rtsa gnyis po de nyid kyang/ yi ge mgo nas shang nas tshig nas shad kyi bar du rdzogs shing dbyer med par gyur pa yin no zhes bya'o/ /de ltar phyogs bcu dang dus bzhir gshegs pa'i ye shes sems dpa' i dkyil 'khor thams cad kyi rang bzhin dkyil 'khor bzhi bcu gnyis ni yi ge mgo nas k+Sha'i bar du rdzogs shing dbyer mi phyed pa yin la/ de dag kyang dbyer mi phyed par ma zad de/ bdag gi sems kyi rang bzhin gyis 'od gsal ba skye ba med pa'i ngo bo can gang yin pa de yang/ yi ge bzhi bcu rtsa lnga yin te/ yi ge de la yang dngos po yod pa ma yin zhes bya'o/ /de ltar don dam par sems dang yi ge'i rang bzhin dmigs su med pa yin yang/ de yang dag pa'i kun rdzob kyi sgo nas/ dmigs su med pa'i sems kyi khyad par las byung ba'i/ a yig dang ka yig gi dbyibs dang/ sgra dang kha dog dang ming sna tshogs pa de ni sku gsung thugs kyi 'khor lo chen po yang yin la/ sku gsung thugs kyi dngos grub ya mtshan du gyur zhing ngo mtshar 'phrul chen thams cad/ phyogs bcu dus bzhi nas rab tu gyur pa byed cing rnal 'byor ba la sogs pa la stsol bar mdzad pa yang/ ya mtshan gyi 'phrul chen khyod yin no zhes bya'o de'i nges pa'i tshig tu brjod par bya ba ni/ dbyings la dbyings kyis bris pa ste/ yi ge zhes ni de phyir brjod ces bya ba gsungs te/
- 263a
dbyings kun gzhi la dbyings yid kyis rnam par shes pas bris pa ste/ yi ge zhes ni de phyir brjod ces bya'o/ /kun gzhi rnam par shes pa las dang bag chags kyi gzhi rnam par dag par byed pa'i ni yid kyi rnam par shes pa ste/ 'phags pa'i lam gyi ye shes dang ldan pas/ me long lta bu'i ye shes dang/ so so kun tu rtog pa'i ye shes dang/ mnyam pa nyid dang bya ba grub pa'i ye shes kyang de gnyis las 'byung par rig par bya zhing nyon mongs pa can dang sgo lnga'i yongs su dag pa'i bdag nyid do/ /shin tu rnam par dag pa'i chos kyi dbyings kyi ye shes ni/ rdzas kyi ngo bo las gyur pa ma yin te/ ye shes de dag gi yul du gyur par shes par bya'o/ /de lta bas na sems can gyi dus su ni kun gzhi dang yid la/ 'phags pa'i dus na ni/ me long lta bu dang/ so sor rtog pa'i ye shes su rig la/ dbyings la dbyings kyis bris pa ste/ zhes gsungs pas/ 'di yang rnam par shes pa'i ?? po gsum las/ bdag dang rtog pa'i rgyun gnyis gtsor byas pa yin no/ /de ltar phyogs bcu dus bzhir ye shes sems pa'i tshogs 'khor thams cad kyi rang bzhin dkyil 'khor bzhi bcu rtsa lnga'i ngo bo/ yig 'bru bzhi bcu rtsa lnga po de nyid ji ltar lha dang yig 'brur dbyer med pa yin zhe na/ de'i phyir yang gsungs pa/ mgo ni ma nor lam yin te/ zhes bya ba la sogs pa gsungs te/ rgyud kyi mgo la phun sum tshogs pa lnga med na ni/ bka' yang dag pa nyid du mi 'gyur la/ gsung rab kyi mgo la mgo med na/ tshig dag pa'i yid ma ches par 'gyur ba'i phyir/ ston pas kyang dang por mgo smos pa yin no/ /de la mu stegs pa ni lam nor pa yin la/ sangs rgyas
- 263b
kyi ston pa ni lam ma nor pa yin pas/ dang po mgo'i yi ge a dang 'dra la/ a'i sgras ni skye 'jig dang/ rtag chad dang gzung 'dzin dang bral ba'i bdag nyid shes rab kyi pha rol tu phyin pa'i ngo bo dbu ma yang dmigs su med pa ste/ phyi ma ni le'u dang po la gsum gyis mdor bsdus pa'i gnas skabs su bsgral zin to/ /dpal kun tu bzang po yab yum gyi lhag pa'i byang chub kyi sems rgyu'i yi ge a las skyes pa'i 'bras bu chos bya ba mo kun tu bzang mo de la ni/ skye med de bzhin nyid ces bya'o/ /ci'i phyir zhen skye 'jig med pa'i de bzhin nyid chos kyi dbyings dang ro gcig pa'i shes rab kyi pha rol tu phyin pa'i rang bzhin no/ /thams cad mkhyen pa'i ye shes kyi bdag nyid/ dang po rdo rje las byung ba zhe sdang rnam par dag pa'i rang bzhin rnam par shes pa'i phung po yongs su dag pa'i thugs kyi rdo rje/ chos kyi dbyings kyi ye shes kyi rang bzhin/ dpal kun tu bzang mo yab yum gyi lhag pa'i byang chub kyi sems kyi rgyu yig 'bru ta las skyes pa'i 'bras bu bcom ldan 'das mi bskyod pa la ni/ sgyu 'phrul rdo rje nyid ces bya ste/ ci'i phyir na/ rdo rje phung po shes pa ni nyid rnam par shes pa'i phung po la gsungs pa'i phyir ro/ /gnyis su na/ ye shes kyi gsang ba'i rdo rje las byung ba las/ sgyu 'phrul rdo rje nyid ces bya'o/ /phyi ma yang de bzhin du rgyas par sbyar bar bya'o/ /dpal kun tu bzang po yab yum gyi lhag pa'i byang chub kyi sems rgyu'i yig 'bru tha las bskyed pa'i 'bras bu/ bcom ldan 'das rnam par snang mdzad la ni/ snang ba'i sgyu 'phrul nyid ces bya ste/ ci'i phyir na/ phung po dang ye shes dang kha dog la gdags pa'i phyir te/ yang na sa bon zla ba lta bu snang zhing gsal ba'i go 'byed pa'i phyir ro/ /b+ha ga bAn kun tu bzang po
- 264a
yab yum lhag pa'i byang chub kyi sems yig 'brur las bskyed pa'i 'bras bu/ mnyam pa nyid kyi ye shes kyi ngo bo rin chen 'byung ldan la ni/ sgyu 'phrul yid bzhin nyid ces bya'o/ /ci'i phyir na/ sbyin pa rnam bzhis 'gro ba'i don mthar phyin cing yid bzhin du byed pa'i phyir ro/ /yang na lhag pa'i byang chub kyi sems yid bzhin gyi nor bu rin po che'i rang bzhin gyis/ de bzhin gshegs pa thams cad kyang rjes su chags par byed pa'i ngo bo 'phags pa thams cad la mchod pa dang 'gro ba'i don yid bzhin du byed pa'i phyir ro/ /kun tu bzang po yab yum lhag pa'i byang chub sems kyi rgyu yig 'bru d+ha las skyes pa'i 'bras bu/ b+ha ga bAn snang ba mdza' yas la ni/ sgyu 'phrul rnam dag nyid ces bya'o/ /ci'i phyir zhe na/ pad+ma'i rigs yin pas pad+ma 'dam nas skyes kyang 'dam gyi nyes pas mi gos pa dang 'dra bar/ b+ha ga bAn 'khor ba na gnas kyang de'i nyes pas mi gos pa'i phyir ro/ /yang na thabs dang shes rab 'dod chags chen po rnam par dag pa'i phyir ro/ /yab yum gyi lhag pa'i byang chub kyi sems rgyu yig 'brun las skyes pa'i 'bras bu/ don yod par grub pa la ni/ kun tu sgyu 'phrul nyid ces bya'o/ /ci'i phyir zhe na/ bya ba grub pa'i ye shes kyi thabs sna tshogs dang sbyar nas/ 'phrin las sna tshogs pas 'gro ba sna tshogs pa'i don dus dang gnas skabs kun tu mthar phyin pa'i phyir ro/ /gnyis su na thabs dang shes rab kyi lhag pa'i byang chub kyi sems kyi mchod pa sna tshogs pas/ de bzhin gshegs pa'i zhing khams kun tu rgyas par byed do/ zhes dpal gsang ba 'dus pa las gsungs so/ /yab yum gyi lhag pa'i byang chub kyi sems rgyu yig
- 264b
'bru/ ta las skyes pa'i 'bras bu rdo rje dbyings kyi dbang phyug ma ye shes thams cad kyi 'byung gnas su gyur pa/ nam mkha' i khams kyi ngo bo shes rab kyi pha rol tu phyin pa la ni/ mngon rdzogs nyid ces bya'o/ de ci'i phyir zhe na/ nam mkha' i khams ni rgyu rkyen gang gis kyang ma bskyed pa'i phyir/ ye nas mngon par rdzogs par gnas pa'o/ /sh+rI kun tu bzang po yab yum gyi lhag pa'i byang chub kyi sems rgyu yig 'bru tha las skyes pa'i 'bras bu sangs rgyas spyan la ni/ brtan ma nyid ces bya'o/ /ci'i phyir zhe na/ sa'i khams rnam par dag pa nyid kyi rang bzhin pas so/ /yang na ye shes kyi sa bon brtan par byed pas sa'i khams kho na'o/ /yab yum gyi lhag pa'i byang chub kyi sems rgyu yig 'brur las skyes pa'i mA ma kI la ni/ lha me nyid ces bya'o/ /ci'i phyir zhe na/ chu ni sdud cing mi 'phro bar byed pa'i phyir lha me zhes bya'o/ /yang na ye shes kyi sa bon rnam gnyis sdud pa'i phyir ro/ /dpal kun tu bzang po yab yum gyi lhag pa'i byang chub kyi sems rgyu yig 'bru d+ha las skyes pa'i 'bras bu na bza' dkar mo la ni/ 'khril pa nyid ces bya'o/ ci'i phyir zhe na/ 'dod chags chen po'i me yis 'khril pa'i phyir na 'khril pa'o/ /yab yum gyi lhag pa'i byang chub kyi sems rgyu yig 'brun las skyes pa'i 'bras bu lha mo dam tshig sgrol ma la ni/ kun tu 'gyur zhes bya'o/ /ci'i phyir zhe na rlung gi khams dang 'phrin las kyi bdag nyid do/ yang na thabs dang shes rab bskyod pa'i bdag nyid do/ /yab yum gyi lhag pa byang chub kyi sems rgyu yig 'bru ka kha ga g+ha rnams las skyes pa'i 'bras bu/ byang chub chen po rdo rje mthong ba dang/ thos pa dang/ myong ba dang/ snom pa rnams la ni/ spyan dang snyan dang shangs dang ljags
- 265a
rnams kyi mchog ces bya'o/ /ci'i phyir zhe na/ rnam par shes pa gzugs med par rnam par dag pa'i ngo bo'o/ /yab yum lhag pa'i byang chub kyi sems rgyu yig 'bru nga las skyes pa'i 'bras bu khro bo gshin rje gshed kyis ni rnal 'byor pa la sogs pa'i 'chi bdag tu gyur pas thugs 'jig par byed pa'i bgegs de dag nyid 'jig par byed pa'i phyir ro/ /yang na 'jig pa'i rtog pa bzhi rnam par shes pa'i sems nyid stong pa nyid kyi chos nyid du 'jig par byed pa'o// lhag pa'i byang chub kyi sems rgyu yig 'bru tsa tsha dza dzha las skyes pa'i 'bras bu lha mo rdo rje sgeg mo dang/ phreng ba ma dang glu dang/ gar la sogs pa rnams la ni/ spyan dang stan dang shangs dang ljags rnams kyi sku'i mchog ces bya'o/ ci'i phyir zhe na/ phyi'i yul gyi rnam pa'i longs spyod rdzogs pa'i sku'i rang bzhin no/ /lhag pa byang chub kyi sems yig 'bru nya las skyes pa'i 'bras bu khro bo shes rab mthar byed la ni/ sku yang 'jigs byed ces bya'o/ /ci'i phyir zhe na rnal 'byor pa la sogs pa phung po'i bdud du gyur pa'i/ sku 'jig par byed pa'i bgegs de nyid 'jig par byed pa'o/ /yang phyi gzung ba'i yul lus kyi dbang po stong pa nyid du sbyor ba'o/ /byang chub kyi sems rgyu yig 'bru ba pha ba b+ha las skyes pa'i 'bras bu byang chub chen po rdo rje mtheng byed dang/ myong byed dang/ snom byed rnams la ni/ spyan dang snyan dang shangs dang ljags rnams kyis gsung gi mchog ces bya ste/ ngag gi dbang po'i gzugs can las byung ba'i phyir ro/ /ci'i phyir zhe na/ gzugs las sgra byung gi /gzugs med pa la ni mi 'byung ngo/ /yang na sku gsung thugs dbyer med pa'i dbang du byas pa'o/ /lhag pa'i byang chub kyi sems rgyu yig 'bru ma las skyes pa'i 'bras bu khro bo rta mgrin la ni gsung yang 'jig byed
- 265b
ba'o zhes bya'o/ /ci'i phyir zhe na/ rnal 'byor pa la sogs pa'i nyon mongs pa'i bdud du gyur pa'i gsung 'jig par byed pa'i bgegs de nyid 'jig par byed pa'o/ /yang na gzung 'dzin gnyis kyi cha las skyes pa'i dag stong pa nyid kyi chos nyid du sbyor ba'o/ /byang chub kyi sems rgya yig 'bru ya wa ral bzhi las skyes pa'i 'bras bu/ rdo rje bdug pa dang me tog dang mar me dang dri chab rnams la ni/ skye ba dang 'jig pa dang/ gnas pa dang stong par rnam par dag ces bya'o/ /ci'i phyir zhe na/ 'jig rten la grags pa'i chags pa dang/ gnas pa dang/ 'jig pa dang/ stong pa ste/ bar gyi skal pa bzhi dang/ dpyid dang dbyar dang ston dang dgun te/ nam zla'i mdza' bzhi dang/ 'das pa dang da ltar dang/ 'byung ba dang ma 'ongs pa ste/ skad cig ma'i dus kyi mdza' ring thung bzhi la sogs pa de dag thams cad dus bzhi mnyam pa nyid kyi ngad nyid du dbyer med pa'i lha mo bzhir shes par bya ba kho na yin no/ gzhan dag na re dbur ni 'dras ba dang sbyar la/ 'dir ni bar gyi skal pa dang/ nam zla dang dus la sogs pa'i gdong skye ba dang sbyar ba ci'i phyir/ 'on te sdud pa po ston pa'i don dang 'gal bar mi 'gyur ram/ de ltar mi 'gyur te/ da ltar gnas pa'i dus bzhi nyid la bltos na/ sngon du 'das pa nyid dang por skye zhes bya'o/ /mche ba na re skye ba zhes pa'i sgris skyes pa zhes mngon te/ ci'i phyir zhe na/ da ltar gnas pa'i dus 'di'i gting la ni/ 'jig pa 'byung ste/ 'jig pa'i dus la ni skye ba zhes mi 'thad de/ sngon du thal ba skyes pa zhes bya ba kho nar rig par bya'o/ /de yang ya ni skye ba'i dus so/ /wa ni da ltar gyi dus te gnas pa'o/ /ra ni gdod 'byung ba ste gnas pa'i gting la/ 'jig pa 'byung ba'o zhes pa'o/ /
- 266a
la ni da ltar gyi dus 'di nyid du ma byon pa ste/ de ltar dus bzhi'i chas kyang sngon ma las bltos nas sbyor la/ skad cig ma yang de nyid do/ /dpal kun tu bzang po yab yum gyi lhag pa'i byang chub kyi sems rgyu yig 'bru sha dang ma dang sa dang ha rnams las skyes pa'i 'bras bu rdo rje kyo ba ma dang/ zhags pa ma dang/ lcags sgrog dang dril bu ma rnams la ni/ rtag pa rtag pa med par dag pa dang/ chad pa'i mdza' chad pa med par dag pa dang/ bdag dang bral bas bdag med par dag pa dang/ mtshan ma dang bral bas mtshan ma med par dag pa zhes bya'o/ /lhag pa'i byang chub sems kyi rgyu yig 'bru k+Sha gsang sngags kyi gnas las skyes pa'i 'bras bu dpal kun tu bzang po de la ni/ ye shes thams cad kyi yang ye shes su gyur pa'i/ thugs kyi rang bzhin dpal kun tu bzang po de nyid kyi yang thugs rdo rje bas/ k+Sha ni ye shes thugs kyi thugs zhes bya'o/ /dpal kun tu bzang po yab yum gyi rgyu yig 'bru/ i a'i u u e i rnams las skyes pa'i 'bras bu/ lha dang lha ma yin dang mi dang byol song dang/ yi dags dang dmyal ba rnams kyis/ mdza' yas pa mu med pa 'jig rten gyi gnas na 'gro ba rigs drug po yang de snyed yod pa'i phyir/ thugs chen po yang de snyed sprul lo zhes bya'o/ /dpal kun tu bzang po yab yum gyi lhag pa'i byang chub kyi sems rgyu yig 'bru o las skyes pa'i 'bras bu khro bo bdud rtsi 'khyil ba des ni/ 'phrin las thams cad dang sbyar nas/ dus dang gnas skabs thams cad du bgegs thams cad 'jig par byed pa ste/ rnam par shes pa'i sems nyid kyi phyir nye'o/ /yang gzung 'dzin dang dngos po dang mtshan ma thams cad
- 266b
'jig par byed pa'i phyir te/ rnam par shes pa ye shes su rnam par dag pa'i phyir ro/ /de la sgra dang yi ge bcu drug las /a A zhes bya ba dang po gnyis ni/ zla ba'i dkyil 'khor bskyed pa dang/ de'i dbus su bkod pa gnyis su gyur to/ /phyi ma bu gu'i sde pa gnyis dang/ zhabs skyed kyi sde pa gnyis dang/ 'greng bu'i sde pa gnyis te drug ni/ thub pa chen po drug gi sa bon du gyur to/ /a ni khro bo bdud rtsi 'khyil pa'i rgyur gyur to/ /phyi ma oM dang a dang/ a bzhi po las a zhes bya ba'i zhabs bskyed gnyis/ oM gyi lag pa la btags pa dang/ ring por 'dren pa dang/ aM zhes bya ba'i a'i glang la zla tshes kyi phyi sgan du gzhag pas/ a zhes bya ba'i tsheg drag zla ba gang ba las/ thig ler byas te/ de gsum gcig tu bsdus te/ oM kyi rna ru oM so so nas bzhag na/ ye shes kyi yig 'bru oM du gyur pa des ni/ thams cad zhig pa yin zhes bya ste/ 'khor ba'i chos thams cad dang/ mya ngan las 'das pa'i dkyil 'khor thams cad ye shes chen po lngar 'dus la/ de ltar a gcig tu byas pas na/ me long lta bu dang/ mnyam pa nyid dang so so'i ye shes dang/ /bzhi pa 'gro ba mi spong ba'i snying rje chen po dang byang chub kyi mtshan nyid can ni/ chos kyi dbyings kyi ye shes su 'dus la/ shin tu rnam par dag pa'i chos kyi dbyings kyi ye shes kyang stong pa chen po'i ye shes su 'dus pas thams cad zhig pa yin zhes bya'o/ /de lta bu'i yi ge phreng ba'i 'khor lo'i/ tshogs chen po 'dis ni/ phyogs bcu dang dus bzhis bsdus pa thams cad kyi/ sku gsung thugs kyi/ dkyil 'khor gyi 'phreng ba'i 'khor lo'i tshogs chen po 'dis/ bsdus pa yin no zhes bya'o/ /don de dag kyang thabs dang shes rab kyi gnyis su med pa'i ngo bo nyid kyis
- 267a
mnyes pa'i phyir a ho zhes bya'o/ /de bzhin gshegs pa'i btsun mo'i tshogs dang bcas pa'i yab yum thabs dang shes rab gnyis su med pa'i gong du gsungs pa'i byang chub kyi sems kyi dkyil 'khor de dag nyid kyi gsang ba 'og nas 'byung ba'i tshigs su bcad pa'i 'di dag tu 'dus par de bzhin gshegs pa thams cad kyis/ sku gsung thugs 'phrin las la sogs pa ste/ ye shes chen po bzhi'i rang bzhin gnyis su med pa zhes bya'o/ /de yang gang zhe na/ thabs dang shes rab dgyes sprin sems tshogs rgyu 'khor lo zhes bya ba la sogs pa ste/ de la thabs ni thugs rje chen po'i rang bzhin dpal kun tu bzang po'i ngo bo/ ye shes thams cad kyi gzugs brnyan te/ shes rab ni spyi dang rang gi mtshan nyid 'byed pa yum shes rab kyi pha rol tu phyin ma/ rgyal ba bzhi bcu rtsa gnyis kyi yum/ de ltar de gnyis thabs dang shes rab rol pas/ dgyes pa'i byang chub kyi sems kyi/ tshogs rgyu yig 'bru'i 'khor lor gyur pa de las/ 'bras bu rgyal ba bzhi bcu rtsa gnyis/ smin cing grub par byed pa de yang ngo mtshar gyi tshig dang yi ge'i ming tshogs bzhi bcu rtsa gnyis khyod yin no zhes bya'o/ de ltar don dam par 'dus ma byas chos kyi dbyings de nyid yin yang/ don dam pa'i kun rdzob tu/ 'dus byas rdo rje'i dbyings kyi dkyil 'khor gyi lha thams cad byang chub sems kyi yig 'bru las/ dkyil 'khor gyi lha thams cad/ 'byin pa las 'da' bar mi mdzad pas/ dam tshig ces bya'o/ /ci'i phyir zhe na/ dbang med ces bya ste/ dper na 'jig rten na yang phyi rten cing 'brel par 'byung pa'i sa gzhi bzang po las/ rkyen chu lud dang rgyu sa bon skyon med pa btab na
- 267b
ni/ 'bras bu rim gyis 'byung ba las mi 'dab dang 'dra bar/ nang rten cing 'brel par 'byung ba yang/ yab yum thabs dang shes rab gnyis su med pa'i byang chub sems/ rgyu yi ge phreng ba'i 'khor lo las 'bras bu rgyal ba bzhi bcu rtsa gnyis bskyed cing/ 'byin pa las 'da' bar mi mdzad do/ /ci'i phyir zhe na/ chos rten cing 'brel par 'byung ba'i nus pa'i mthu chen po yin no zhes bya'o/ /de dag gi don ni 'di lta ste/ ye shes thams cad kyi sku dpal kun tu bzang por gnas pa dang/ chos kyi dbyings kyi gzugs brnyan yum shes rab kyi pha rol tu phyin ma gnyis kyi/ thabs dang shes rab ldan pa'i lhag pa'i byang chub kyi sems/ yum gyi gsang gnas su sprin ltar 'khrigs pa'i nyi zla'i dkyil 'khor las / ye shes kyi yig 'bru bkod la/ de'i 'phro 'du mthar phyin pa las/ rgyal ba bzhi bcu rtsa gnyis su gyur pa 'og nas 'byung ba'i sngags kyi sgo las 'byung ba ltar phyung la phyi'i dkyil 'khor du bkod pa'i rim pa ci snyed pa'o/ /dpal gsang ba'i snying po de kho na nyid nges pa las byang chub kyi sems yi ge phreng ba'i 'khor lo/ yum gyi gnas su bkod pa'i le'u ste bzhi ba rdzogs so// //slob dpon nyi ma'i seng ge'i 'od kyis mdzad pa'i le'u bzhi pa'i rnam par bshad pa'o// //de ltar rnam par smin pa'i zla ba dang/ gsang ba'i zla ba yi ge phreng ba bkod pa las/ de'i yon tan gyi thun mong gi dngos grub nyi shu dang/ mchog gi dngos grub dang rdo rje cho ga lnga la sogs pa'i don bstan par bya ba'i phyir/ de nas zhes bya ba la sogs pas/ lnga pa sgyu 'phrul bsgrub pa zhes bya ba'i ting nge 'dzin gsungs so/ de la de nas zhes bya ba la sogs pa'i don ni bshad
- 268a
zin to/ /de la yi ge phreng ba'i 'khor lo sprin bkod pa zhes gsungs pa las/ yi ge zhes bya ba gsungs pa ni/ sgra yig dang ming gi yi ge'o/ /'khor lo zhes bya ba ni 'khor lo'i tshul du bkod pa dang/ 'khor lo bkod pa'i phyir ro/ /lhag pa'i byang chub sems dkar dmar gnyis las 'dus pa'i phyir sbyin no/ /sprin de nyid gsang ba'i zla ba dang/ thugs ka'i zla ba la bkod pa ste/ de la bkod pa'i sa ni gsum ste/ rnam par smin pa'i zla ba dang/ gsang ba'i zla ba dang/ thugs ka'i zla ba'o/ /'dir ni thugs ka'i zla ba dang/ gsang ba'i zla ba la bkod par bya'o/ /de ltar bkod pas de las ci zhe na/ thun mong dang mchog gi dngos grub 'og nas 'byung ba rnams/ rnal 'byor pa la sogs pa'i 'don pa'i don du sgyu 'phrul rnam par 'phro ba 'di gzhan gyis ma zhus pa nyid kyi zhal nas ched du brjod do zhes bya'o/ /de ltar ched du brjod pa de nyid kyang gang zhe na/ rtsa ba med pa'i sems nyid ni zhes bya ba la sogs pa ste/ rtsa ba med pa'i sems nyid la nyid kyang de bas na de skad ces bya'o/ /de la theg pa chen po pas ni kun gzhi la rtsa ba med pa zhes bya ste/ ci'i phyir zhe na/ sems dang sems las byung ba thams cad kyi rtsa bar ni kun gzhi gnas la/ kun gzhi dngos ni gzhan gang la yang mi rten pa'o/ /de la 'o na sems zhes ci'i phyir zhe na/ de lhag pa gzhan du tha mi dad pa'i phyir ro/ /ci'i phyir zhe na/ sa bon thams cad de las yid dang rnam par shes pa 'byung ste/ de nyid kyi phyir na kun gzhi'o/ /yang gsungs pa ci'i phyir kun gzhi zhes bya zhe na/ chos kyi bag chags kyi sa bon sna tshogs rnams kyis/ kun tu bsags pa'i phyir/ /chos rnams kun gyi rtsa ba zhes bya'o/ ci'i phyir zhe na/ theg pa chen po
- 268b
'di gtsor smos so/ /lan du byang chub sems dpa' rnams ni shes bya la thogs pa yin no/ /de'i phyir 'bras bu'i rigs kyi byang chub sems dpa' la ni/ shes rab kyi pha rol tu phyin pa bcu dang/ shin tu phra ba'i zab pa'i kun gzhi bstan pa ste/ de nyid snod du gyur zhing chud mi za bar re ba'i phyir ro/ /gzhan du ni zhag bdun pa'i byis pa la/ gzugs sna tshogs bstan pa dang/ glang po'i khal ri bong la bskur pa lta bu'o/ /'o na ci'i phyir kun gzhi dang sems tha mi dad do zhe na/ sems kyi rang bzhin dang mtshan nyid bshad na ni/ kun gzhi nyid du la/ kun gzhi'i rang bzhin dang mtshan nyid bshad na ni sems dang sems su gyur pas 'on kyang de tha mi dad pas kun gzhi'i rnam par shes pa zhes bya'o/ /der rgol te 'o na tshogs drug la yang rnam par shes pa zhes zer te/ de dang tha dad pa yin nam zhe na/ ma yin te de dag gi rnam par shes pa de yang kun gzhi sems dang gcig ste kun gzhi las langs pa'i phyir ro/ /yang ci'i phyir zhe na/ chos rnams kun gyi rtsa ba ste rtsa ba la brten pa'i shing ljon pa bzhin no zhes bya'o/ /de'i phyir gang byang chub sems dpa' rnams kyi yul shes bya ba'i gnas la tshig gi rnam grangs ni mang ste/ len pa'i rnam par shes pa zhes kyang dgongs pa rnam par 'grel ba las gsungs pa/ sems nyid dang kun gzhi'i rnam par shes pa nyid dang/ rtsa ba'i rnam par shes pa nyid du yang theg pa chen po las bstan pa/ yang nyan thos la yang ste/ skyes bu de la dga' ba'i shes rab can la ste / 'khor ba ci srid pa'i phung po nyid du'o/ /rang byang chub kyi theg pa gang de la dga' ba la yang bstan te/ srid pa'i yan lag tu bstan pa ni kun gzhi'i rnam par shes pa'o/ /nyan thos la ni ji ltar bstan zhe na gsungs pa/ thog ma med
- 269a
pa'i dus kyi dbyings/ chos rnams kun gyi gnas yin te/ de yod pas na 'gro kun dang/ mya ngan 'das pa thob par 'gyur zhe'o/ de la yang la la 'di snyam du/ sems dang yid dang rnam par shes pa gsum ni gcig ste/ sgra tha snyad do snyam na/ de ltar ma yin te/ yid dang rnam par shes pa gnyis don tha dad pa la dmigs pa'i phyir ro/ /de'i phyir sems kyang don tha dad par 'gyur ro/ /de yang lung las mdo bsdus rnam pa gsum du 'gyur ro zhes pa ni/ rang gi mtshan nyid dang/ rgyu dang 'bras bu'o/ /de la rang gi mtshan nyid ni/ kun nas nyon mongs pa'i chos can thams cad kyi bag chags la brten nas/ sa bon yongs su 'dzin pa dang ldan pas/ /de dag bskyed pa'i rgyu'i mtshan nyid do/ /de la rgyu nyid kyi mtshan nyid ni/ de ltar kun gzhi rnam par shes pa sa bon thams cad pa de kun nas nyon mongs pa'i chos de dag gi rgyu nyid du dus thams cad du nye bar gnas pa yin no/ /'bras bur gzhag pa ni gang kun gzhi rnam par shes pa'i kun nas nyon mongs pa'i chos de thog ma med pa'i dus kyi bag chags la brten nas byung ba'o/ /de la 'o na bag chags ni tha dad pa ma yin la/ sna tshogs pa yang ma yin na/ chos? tha dad pa sna tshogs pa dag gi rgyur ji ltar rung na zhe na/ dper na ras sna tshogs par mi snang ba la/ tshig gu rtsi sna tshogs pa'i tshon gyi snod du bcug pa de'i tshe/ sar la tshon sna tshogs pa bye brag tha dad pa'i rnam pa sna tshogs pa du ma ston pa de bzhin du/ kun gzhi'i bag chags sna tshogs kyis bsgos pa yang/ bag chags kyi dus na sna tshogs ma yin na yang/ 'bras bu mngon par grub pa'i tshe/ chos sna tshogs tshad med pa dag ston te/
- 269b
de'i phyir na/ chos rnams kyi rtsa ba yin zhes bya'o/ /'o na de ltar rtsa ba med pa'i sems chos thams cad kyi rtsa ba yin na/ sems nyid ji lta ba yin zhe na/ sems ni byang chub chen po'i ngo bo gdong nas ma skyes kyang/ skye ba'i cho 'phrul can thams cad 'byung ba'i bdag nyid can yin te/ de ltar rgyud phyi ma las gsungs pa/ sems nyid de ni ji lta bu/ byang chub de ni sems yin no/ /sems dang byang chub dbyer med pas/ /thams cad ma lus chos so cig /sems dang byang chub nyid du 'dus zhes gsungs te/ sems skye ba med pa'i ngo bo ni byang chub chen po'i rang bzhin yin la/ sems dang byang chub las kyi rang bzhin du ni/ 'khor ba dang mya ngan las 'das pa'i chos thams cad 'dus shing dbyer med par bstan pa yin no/ /de lta bas na/ sems nyid rang bzhin rnam par dag pa gang yin pa de ni/ yi ge yin la/ yi ge'i rang bzhin rnam par dag pa gang yin pa de ni/ yid bzhin gyi nor bu rin po che'i sprin lta bu yin no/ zhes bya ste tshig de dag gis ni/ sems dang chos dang yi ge rnams rang bzhin gyis rnam par dag pa las/ thun mong dang mchog gi dngos grub thams cad 'byung bar ston pa yin no/ /yang ci'i phyir de ltar yin zhe na/ sgyu 'phrul yi ge bzhi bcu rtsa gnyis kyang/ dra ba'i dkyil 'khor gyi lha bzhi bcu rtsa gnyis kyi ngo bor ye nas mngon par rdzogs par sangs rgyas te/ de ltar yang gnas skabs kyi dbang ngo/ /de'i phyir na/ phyogs bcu dus bzhir gshegs pa'i de bzhin gshegs pa yang dag par rdzogs pa'i/ dkyil 'khor thams cad kyang sems dang yi ge byang chub tu dbyer med pa las grub par gyur na/ thun mong gi dngos grub la sogs pa lta ci smos zhes bya'o/ /ci'i phyir bla na med pa'i
- 270a
byang chub 'dod pa'i rnal 'byor pas/ thun mong gi dngos grub bsgrub par bya na/ byang chub chen po'i don dang 'gal par mi 'gyur ram/ 'on te bla na med pa'i byang chub thob pa nyid kyis thun mong gi dngos grub thob par mi 'byed dam/ bla na med pa'i byang chub thob pa nyid kyis thun mong gi dngos grub thob par byed mod kyang/ byang chub thob pa'i skabs su/ rnal 'byor pa bdag dang gzhan gyi don phun sum tshogs pa rdzogs par bya ba'i phyir/ byang chub chen po'i don dang yang 'gal bar mi 'gyur ro/ /de ltar bdag dang gzhan gyi don phun sum tshogs pa de yang gang zhe na/ bdud rtsir 'byung zhing 'gyur ba dang zhes bya ba la sogs pa ste/ de la bdud rtsir 'gyur ba ni dug ste/ gang dug gi dngos po dang sman rnam lnga dag par ban d+ha'i nang du rtsal nas mdun du gzhag ste/ 'og nas 'byung ba'i rim pas bdag rdo rje cho ga lngas bskyed nas/ yum nye ba'i bsnyen pa dang ldan par byas te/ bdag yab yum gyi lhag pa'i byang chub sems las/ yum gyi gsang gnas su nyi zla'i dkyil 'khor la yi ge'i phreng la nyis brtseg par bsgoms la/ de la 'dod chags chen po'i dga' bas g.yos pas/ de'i 'od zer sprin ltar 'khrigs pa ste/ yum gyi ba spu'i bu ga nas 'phros pas/ 'jig rten drug gi phyogs bcur khyab nas/ de la gnas pa'i sangs rgyas thams cad kyi dz+nya na'i 'od zer lhag pa'i byang chub sems kyi ngo bor bsdud nas/ slar 'dus pa des dug gi dngos po de nyid bsregs nas/ a'i dngos por snang zhing 'od 'bar bar bya'o/ /de bzhin du yang 'phros shing 'dus pa nas bstims nas zla ba'i dkyil 'khor
- 270b
nyid du'o/ /de bzhin du yang 'phros shing 'dus pa las/ a yig dang ka yig gnyis su'o/ /de las 'od 'phros pas lo ka drug gi phyogs bcur gnas pa'i/ sangs rgyas rdo rje rin chen pad ma las kyi rigs su bzhugs pa thams cad kyi thabs dang shes rab bskul nas/ de'i ye shes kyi ngo bo lhag pa'i byang chub kyi sems kyis thim pas/ a yig dang ka yig kyang 'od du zhu nas/ dkar la shin tu gdang ba'i ye shes kyi bdud rtsir bsgoms nas/ dug ni 'byung zhing bdud rtsir 'gyur ro/ /yang na yi ge las dkyil 'khor du gyur nas/ de thabs dang shes rab rol pa'i lhag pa'i byang chub sems 'phro zhing 'du ba las/ dkyil 'khor thams cad kyang 'dod chags chen po'i mos zhu nas/ dkar la dangs pa'i bdud rtsir gyur pa'o/ /de ltar yang rgyud phyi ma las kyang gsungs pa/ bdud rtsi mchog gi mnyam pa chen po'i dbyings so/ /bdud rtsi'i don ni skye ba med pa'i chos nyid do/ /bdud rtsi'i gnas ni byang chub kyi sems rnam pa gnyis so/ /bdud rtsi'i las ni gzung ba dang 'dzin pa'i rnam par rtog pa sbyod pa'o/ /gzhan yang rkyen las byung ba'i dug /rtsa ba'i dug dang sbyar ba'i dug klu dug spong gtong dug la sogs thugs rje chen po'i byin rlabs kyis/ / dug rnams thams cad dbyung ba'i phyir/ /dkyil 'khor thams cad bsgom pa'i phyir zhes gsungs te/ yang rdzas las bsgrubs pa'i de dag ni mtshan ma las gyur pa yin te/ yab yum thabs dang shes rab rol pa'i lhag pa'i byang chub sems nyi zla'i dkyil 'khor las/ gsang ba'i yig 'bru bkod de/ de las ci yang gzhan du 'gyur ba la 'grub ces bya'o/ /de ltar yang ye shes kyi bdud rtsir gyur pa des/ gang gsol bar bya ba'i bsgrub
- 271a
bya la blud na/ dug dang nang dang gdon la sogs pa'i lus kyi dbang po la gnas pa ni de las byung zhing/ sems can gyi nad bzhi brgya rtsa bzhi'i nad la sogs pa yang sel bar byed do zhes bya'o/ /de ltar yang rgyud phyi ma las kyang/ bdud rtsi rnam pa lnga'i yon tan gsungs pa/ bzhi brgya rtsa bzhi'i nad sel zhing/ dug gsum sdug bsngal med pa dang/ bskal par tshe tshad gnas pa dang/ mi gnas dngos grub thob 'gyur zhing/ tshogs gnyis rdzogs par yang dag gsungs zhes pa'i phyir ro/ /yang thabs dang shes rab byang chub kyi sems nyi zla yig 'bru dang bcas pa de la/ 'od zer gyi phreng ba rab tu g.yos pas 'phags pa la mchod cing sems can gyi ngan song gi rgyud sbyangs par bsgoms na/ de nyid kyi rgyu mthun pa'i 'bras bus/ tshe 'di kho na ci ltar 'dod pa bzhin du 'dod pa'i longs spyod kyi 'bras bu bsams pa med par 'du zhing de ltar de dag dang ldan pas na/ nyon mongs pa mi skye bas gzhan la yang phan 'dogs pas/ longs spyod 'byung bar 'gyur zhing ngan song sbyong ngo/ /yang na ngan 'gror ltung ba dag las/ gsang ba'i sgyu 'phrul bsgoms te/ ye shes kyi 'od zer gyis sbyang bar bya'o/ /rgyud phyi ma las ni bdud rtsi lnga po de nyid ye shes kyi 'od zer las sbyangs nas/ rnal 'byor pas 'thungs na ngan song gsum gyi sgrib pa sbyangs so/ /de yang ci'i phyir zhe na/ gzung ba dang 'dzin pa'i rnam par rtog pa'i nad thams cad 'byang bar 'gyur ro zhes gsungs te/ de ltar yang gsungs pa/ 'od 'phro 'bar zhing phyogs bcur 'phro/ /slar 'dus 'od 'phro bdud rtsi 'bar/ shin tu gsal zhing rtse gcig bsgom/ yi ge
- 271b
'bru tshogs sngags bzlas shing/ /'thungs na ngan song sgrib pa byang zhes gsungs pa'i phyir ro/ /thun mong gi dngos grub gzhan yang 'gyur ba'i phyir ro/ /yang ci yang gzhan du 'gyur ba 'grub ces bya ba gsungs te/ ye shes kyi bdud rtsi de nyid gong du gsungs pa lta bu'i rim pas byin gyis brlabs nas/ /'phags pa dang mkha' 'gro dang mi mthun pa'i phyogs la gtor bar byas nas/ /ci yang gzhan du 'gyur bar 'grub ces bya ste/ lo ka dang lo ka las 'das pa'i dngos grub 'grub par 'gyur ro/ /de ltar yang rgyud phyi ma las gsungs pa/ rtag tu rten dang dngos grub ni/ /nad rnams thams cad byang ba dang/ /lha la mchod pas gnyis med 'gyur/ /drag po gtum po lha ner 'gyur/ /sangs rgyas go 'phang thob 'gyur na/ /lha srin la sogs smos ci dgos zhes gsungs pa'i phyir ro/ /yang sgyu 'phrul de kho na nyid las gyen po la yang ba steb pa'i chu gtsang ma kham por gang bcus pa dang/ bdud rtsi rnam pa lnga sbyar ma mdun du bzhag nas/ gong du gsungs pa'i sgyu 'phrul gyi yi ge phreng ba gnyis kyang ma 'phos bzhin du/ sgyu 'phrul gyi 'phro 'du'i phreng ba phyung la/ chu dang bdud rtsi rnam pa lnga kham phor mtshan dang ldan pa'i nang na gnas par bsgom la/ ye shes kyi yig 'bru lnga'i rang bzhin ji lta ba bzhin du bsgoms shing 'phro 'du byas pas/ yi ge yang rdo rje rgya gram mang po rdul phra rab lta bu'i rdul dang dbyer med par gyur par/ nam de nyid sra ba dang/ de las skyes bu'i tshul gyis nam mkha' la bsgoms te/ nam mkha' nyid du ma gyur bar du bsgoms la/ de nyid kyi bar du 'chag par bya ste/ bdag nyid dpal kun tu bzang po'i rkang pa'i gnas thams cad du na/ don yod grub par nga rgyal bskyed la/ rkang pa gnyis kyi 'og tu
- 272a
rlung gi dkyil 'khor bsgoms la/ de'i steng du 'chag par bya ste/ rgya mtsho chen po'i pha rol tu 'gro bar bya'o/ /de nas nam mkha' yang rdo rje sra bar 'gyur ro/ /yang bdud rtsi rnam pa lnga kham por kha sbyar ba'i nang du blugs la/ bdud rtsi rnam pa lnga'i dkyil 'khor gru bzhi pa'i dkyil 'khor gyi thog tu bzhag ste/ de'i nang du yang nyi zla'i dkyil 'khor bsgoms te/ gsang pa'i zla ba'i sgyu 'phrul phyir 'byung ba dang/ dbyer med par bya ste/ dbang chen gser gyis gzhil ma gyi sa bon las skyes pa las 'od phyung ste/ yaM gyi sa bon las bskyed pa'i rlung gi dkyil 'khor bskyed pas/ raM las bskyed pa'i me'i dkyil 'khor gru gsum 'bar bas/ kham por sbyar ba lnga'i nang gi bdud rtsi rnam pa lnga dang/ sgyu 'phrul gyi yi ge rnam par bsregs pas/ de nyid las dang po du ba/ gnyis pa las me lce gsum pa las me'i phung po nyid du bsgoms nas/ ye shes kyi me 'bar nas 'jig rten pa'i me yang tshig pa'o/ /rin chen 'byung ldan dang mA ma kI gnyis kyi ting nge 'dzin gyi sgyu 'phrul gyis ni/ ye shes kyi chung gyur nas 'bab pa'o/ /don yod pa dang sgrol ma gnyis kyi ting nge 'dzin gyi sgyu 'phrul gyis ni/ 'jig rten gyi khams gtor to/ /mi bskyod pa dang nam mkha' i dbyings kyi dbang phyug ma gnyis kyi ting nge 'dzin gyis ni/ thams cad stongs shing ltung ba'o/ /gzhan yang ting nge 'dzin gyi cho 'phrul bzhi ste/ sgyu 'phrul de nyid kyis/ dgug pa ni lha dang klu dang/ lha ma yin dang gnod sbyin gyi bu mo la sogs pa'o/ /yang na bsgrub par bya ba la yang dgos pa'o/ /de ltar yang dgug nus pa'i de nyid slar
- 272b
gtang yang nus pa'o/ /dgrol ba ni rigs sngags kyi sku la sogs pa'o/ /yang sgyu 'phrul las lcags kyu'i ting nge 'dzin gyis/ dgug pa'o/ zhags pa'o/ zhags pa dang lcags sgrog gi ting nge 'dzin gyis ni/ bcing ba'o/ /dril bu'i ting nge 'dzin gyis ni dgrol ba'o/ /gsol ba ni nad la sogs pa'o/ /gang srid pa bar ma tshun chad du gnas pa de la/ gong gi rim pa dang/ de nyid kyi che ba la sogs pas bskyed pa'o/ /gsod pa ni bstan pa la gnod pa ste/ sgyu 'phrul las bsgrub bya bkug ste/ de'i gzugs la bab ste/ phyir dbyung ba'i don gyis phur ba btab la/ drag po'i hoM khung du bsreg pa'o/ /phaM pa ni pha rol gyi sde 'jig par byed pa ste/ sgyu 'phrul las 'od zer dmar po'i sne las snang ba mdza' yas kyis dbus kyi gtso bo byas pa'i lha'i cha lugs thams cad dmar por gnas pa las/ pha rol gyi sde la thim nas/ de'i lus ngag sems dang dbyer med nas/ 'od zer slar 'dus nas pha rol gyi sde thams cad bdag gi dbang du bya'o/ /yang na 'od zer las mi bskyod pa sku mdog gnag pa/ dbus kyi gtso bo byas pa'i dkyil 'khor gyi lha la thim nas/ de'i sems dang dbyer med par gyur pa dang/ 'od zer slar bsdus nas pha rol gyi dran pa med par byas nas/ shags dang g.yul la sogs pas kyang pha rol 'pham nas/ snying rje chen pos bstan pa grub pa'i rnal 'byor pa rgyal bar bya'o/ /de lta bu de yang ting nge 'dzin 'di yis byed par 'gyur ro zhes bya'o/ ting nge 'dzin gyi rgyu de nyid kyang gang las byung ba yin zhe na/ de nyid ye shes rang snang ba'i dang las/ sgra yig dang ka yig las/ ming dang tshig gi ngo bo dang/ yi ge'i gzugs la sogs pa'i yig 'bru bzhi bcu rtsa gnyis lha bzhi bcu rtsa gnyis
- 273a
kyi rang bzhin nges ni/ thams cad nas thams cad du 'grub bar 'gyur bas/ yid bzhin gyis zhes bya'o/ /dpe ci ltar zhe na/ mun la snang byung zhes te/ mun pa la snang ba dang sgron ma byung na/ mun pa rang gi chos nyid kyis gdang bar byed pa dang/ gser 'gyur gyi rtsis zangs srang stong dus gcig tu gser du byed pa de bzhin du/ ston pa rdo rje slob dpon/ mchod pa la brtson pa dang/ rnal 'byor pa nyid kyi/ rtogs pa gsal ba dang/ le'u dgu pa las gsungs pa'i/ dam tshig dang sdom pa dang ldan pa dang/ rgyud la mos pa'i/ sngags dang phyag rgya rnams ma nyams shing/ rgyud thams cad kyi don shes shing phyi nang gi/ yo byad thams cad dang ldan na/ 'grub par 'gyur gyi de dag dang/ mi ldan pa ni ci byas pa thams cad la don med cing/ bdag gi lus sems kyi rgyud nyid brlag par 'gyur ro zhes bya'o/ /de ltar thun mong gi dngos grub thams cad kyi rgyu ting nge 'dzin yin par ma zad kyi/ mchog gi dngos grub mi gnas pa mya ngan las 'das pa'i rgyu yang/ ting nge 'dzin yin par tshig brgyad kyis bstan pa'i phyir/ dus gsum rgyal bas thugs chud pa'i zhes bya ba la sogs pa gsungs te/ dus gsum gyi rgyal ba thams cad kyis thugs su chud pa'i dngos grub mchog gi snying po/ mi gnas pa mya ngan las 'das pa de ni zad pa'i dus med ces bya'o/ /dpe ci ltar zhe na/ yid bzhin gyi mdzod do/ /ci'i phyir zhe na/ 'phel 'grib med ces bya ba gsungs te/ rab tu brtan pa'i a dang 'dra zhes bya'o/ /de ltar sems kyi chos nyid byang chub kyi sems de ni/ don dam par dngos po med pa'i nam mkha' i dbyings bzhin du bzhugs
- 273b
pa yin du zin kyang/ don dam pa'i kun rdzob tu ji ltar bsams pa bzhin du/ thun mong dang thun mong ma yin pa'i dngos po sprin rnam pa sna tshogs par ting nge 'dzin nyid las 'byung zhing 'gro ba'i don du 'gyur ro/ zhes bya ba gsungs pa yin no/ /de ltar thun mong gi dngos po rnams kun rdzob kyi bden pa la snang ba'i bdag nyid de dag kyang/ don dam par rang bzhin med pa yin la/ de ltar yang dngos po de dag dngos po med par rtogs shing dbang sgyur ba'i de nyid ting nge 'dzin yin zhes bya'o/ /ting nge 'dzin de nyid kyang gang dang gang zhe na/ de nyid kyi don tshig nyi shus sgyu 'phrul gyi ting nge 'dzin gyi gzhi bstan pa'i phyir/ gang gis dmigs med mi shes pa de zhes bya ba la sogs pa ste/ dngos grub ya mtshan chen por 'gyur zhes bya ba'i bar du ji snyed pa'o/ /de la gang gis zhes bya ba la sogs pa gsungs te/ de la gang gis zhes bya ba ni gang yang rung ste phyi'o/ /des stong pa chen po'i rang bzhin/ dmigs su med pa'i don mi shes na ni/ rnal 'byor pa de yis chos kyi dbyings kyang mi shes zhes bya ste/ de shes par bya dgos pa de'i phyir/ phyi nang snod bcud du snang ba'i dngos po thams cad dngos po med par rdul phra rab kyi rang bzhin du 'jig pas de'i phyir/ de dag dmigs su med par shes par gyis shig /de ltar phyi gzung ba'i yul gzhigs nas/ da ni nang 'dzin pa'i sems gzhig par bya ste/ de'i phyir yang gsungs pa gzhi rtsa med pa'i sems zhes bya ba la sogs pa ste/ ci'i phyir 'dir kun gzhi'i rnam par shes par gtsor smos na/ de ni theg pa chen po nyid kyi phyir na ste/ kun gzhi rnam par shes pa de nyid ni/ pho dang mo dang ma ning
- 274a
dang mtshan ma med pa dang/ rigs rgyud pa yang ma yin/ 'o na kha dog lnga dang/ dbyibs brgyad du yin nam zhen ma yin no/ /'o na tshogs drug pa'i gnas tsam yin nam zhe na ma yin no/ /'o na gang yin zhe na/ de gang yang min no/ /de bzhin nyid chos kyi dbyings kyi/ ye shes te zhes bya'o/ /de bzhin nyid chos kyi dbyings ye shes de ni/ yang thabs kyi phyag rgya kun gzhi rgyu ste/ dang po 'byung ba nyid kyi phyir na'o/ /des ni chos kyi sku'i sa bon du gsungs pa ste/ cho ga dang po ste/ thabs las zhes bya ba ni/ chos kyi sku'i sa bon stong pa chen po las zla ba a yig dang ldan pa de las/ thabs dang po'i rdo rje 'byung ste/ des ni longs spyod rdzogs pa'i sku nyid du'o/ /thabs bsam yas zhes bya ba ni/ bya ba bsgrub pa'i ngo bo dpal kun tu bzang po dus dang gnas skabs kun tu sprul pa'i sku rgyun mi 'chad pa'i bdag nyid du/ 'byung zhes bya'o/ /phung po lnga dang 'byung ba lnga dang/ don dam par tha dad pa ma yin na yang/ kun rdzob tu/ tha dad pa'i zhes bya'o/ /de ltar yang gsungs pa/ 'byung ba chen po de dag la lhag pa'i ting nge 'dzin bskyed par bya'o/ /rags pa thabs kyi phyag rgya ste/ de bzhin gshegs pa lngar bsgom zhing/ 'byung ba so so'i mtshan nyid pa/ yum lnga dag tu bsgom par bya/ de rigs ye shes lnga nyid do zhes gsungs pas/ 'on tad de rnam par dag pa yab yum lnga lngar yang don dam par tha dad pa min yang/ kun rdzob tu tha dad pa'o/ /nang gi dbang po gzugs can te/ de rnam par dag pa byams pa la sogs pa bzhi'o/ /de'i yang/ nang ni rnam par shes pa gzugs med pa ste/ yongs
- 274b
su dag pa'i sa'i snying po la sogs pa bzhi'o/ /phyi rol ni de dag gi phyi'i yul te lha mo brgyad do/ /de'i don gyis ni khro bo dang khro mo la sogs pa yang dpal kun tu bzang po de'i sku la rdzogs shing tshang zhes bya'o de ltar snod bcud dang dbang yul thams cad rnam par dag pa la ni/ dkyil 'khor bsam yas ye shes rol zhes bya'o/ /de dag gi don ni 'di lta ste/ rnal 'byor pa gang gi rang gi stan la 'dug gnas/ phung po lnga rang rang gi gtan tshigs kyis stong pa dang/ phyi snod kyi 'jig rten dang nang bcud kyi 'jig rten gnyis rdul phra rab tu gshigs pa dang/ de nas de ltar phyi gzung ba'i yul gtan la phab nas/ nang 'dzin pa'i sems gten la dbab par byas nas/ chos kyi dbyings stong pa chen po'i ye shes su bsgom mo/ /de nyid las ma 'phos pa'i tshul gyis rab tu brtan pa'i a las nyi zla'i dkyil 'khor mtshan dang dpe byad kyi yig 'brus brgyan par bsgom par bya'o/ /de ni me long lta bu'i ye shes te cho ga gnyis pa'o/ yang de 'od du zhu ba las 'od kyi gong bur gyur pa ni/ mnyam pa nyid kyi ye shes te cho ga gsum pa'o/ /de'i 'phro 'du las hUM gi rgyu mthun pa'i 'bras bu dang po'i rdo rje ste/ cho ga bzhi pa'o/ /dang po'i rdo rje de las sku gsung thugs kyi 'phro 'du mthar thug pa dang/ ye shes kyi sku 'jig pa med pa'i mtshan nyid dpal kun tu bzang po ste/ bya ba nan tan gyi ye shes te cho ga lnga pa'o/ /de lta bu de las dbang po dang rnam par shes pa sems dang 'byung ba rigs yab yum du rnam par dag pa dang/ dus dang gnas gzhi dang phyin ci log gi mu bzhi khro bo khro mor rnam par dag pa ste/ phyi dang nang gi dngos po thams cad dkyil 'khor la dkyil 'khor rol pa ste/ de lta bu'i khyad par dang khyad par can gyi dpal kun tu bzang po de la ni/ 'jig pa med pa'i dpal kun tu bzang po'i phyag rgya
- 275a
thams cad kyi mchog yin no/ /da ni gong ma de lta bu'i khyad par dang yon tan brjod par bya ste/ gang gi ce na/ tshig dang po'o/ /glang chen myos pa 'dra ba'i sems/ /mnyam par bzhag pas btul nas su/ zhes pa'i tshig gnyis pa'o/ /sngags dang zhes pa ni tshig gsum pa'o/ /phyag rgya zhes pa ni rnam pa gnyis te/ tshig bzhi pa'o/ /dngos grub ni gnyis te/ de lta bu'i thun mong dang mchog gi dngos grub de lta bu des ni/ de bzhin gshegs pa rigs lnga la sogs pa thams cad gzigs mos mnyes so/ /dpal gsang ba'i snying po de kho na nyid nges pa las/ ting nge 'dzin gyi khyad par las sgyu 'phrul bsgrub pa'i le'u ste/ le'u lnga pa'i bshad pa rdzogs so// // skye ba med pa'i rnal 'byor gyi dbang phyug chen po mngon du byas la/ yang ma hA yo ga'i 'dod gzhung gzung nas/ bskyed pa'i gnas dang bzhugs pa'i khyad par bstan pa'i phyir/ de nas zhes bya ba la sogs pas drug pa dkyil 'khor spros pa'i le'u gsungs so/ /de la de bzhin gshegs pa thams cad kyi rang bzhin/ dpal kun tu bzang po nyid do/ /de'i khyad par gzhan yang ci lta bu dang ldan zhe na/ gcig dang du ma med pa'i bdag nyid bya ba gsungs te/ gzugs la sogs pa'i rnam pa thams cad la/ so sor rtog pa'i shes rab kyis brtags na/ gcig gi rnam pa zhig gam zhe na/ rma bya'i ri mo ltar du mar snang ngo/ /'o na te de nyid du ma'i rnam par nges sam zhe na/ du ma'i rnam par yang mi snang ste/ nam mkha' i ri mo lta bu'o/ 'o na nam mkha' i ri mo ltar na ni/ tha snyad kyi rang bzhin tsam du zhe 'am/ de ltar yang mi rung ste/ gcig dang du ma med pa'i bdag nyid
- 275b
stong pa chen po'i ngo bo dpal kun tu bzang po nyid de/ /de ltar yin na ni thams cad ces bya ba'i tshig gi don ni/ sangs rgyas thams cad la bya na/ 'di ltar dpal kun tu bzang po nyid do/ zhes bya ba dang 'gal bar mi 'gyur ram/ mi 'gyur? te/ dpe sgyu ma mkhan gyis sprul pa'i sgyu mkhan nyid kho na'o/ /de'i ye shes kyi rang bzhin gyi gzugs brnyan gyi dkyil 'khor bstan pa'i phyir/ ched du brjod pa 'di brjod do zhes bya'o/ /de la dkyil 'khor zhes bya ba'i sgra ni/ don gsum ste// rnal 'byor gyi dbang phyug na ni/ rang gi rig pa'i ye shes mdza' dang dbus med pa ni dkyil/ de las ye shes bzhi 'phro ba ni 'khor/ ye shes kyi dkyil 'khor dang/ gsang ba'i dkyil 'khor gyi dus su ni/ rdo rje sems dpa' ni dkyil rigs kyi dkyil 'khor ni 'khor ro/ /rang bzhin rdzogs pa chen po'i dbang du na ni/ 'jig rten las 'das pa ni dkyil/ 'jig rten pa ni 'khor ro/ /de ltar yang gsungs pa/ rang rig mdza' dbus med pas dkyil/ /ye shes bzhi 'phro 'khor gyis bskor/ /yang na ye shes sems dpa' i dkyil 'khor nyid de/ rigs bzhi la sogs 'khor gyis bskor/ /'jig rten 'das pa dkyil nyid de/ /'jig rten sna tshogs 'khor gyis bskor zhes gsungs pa'o/ /de yang ci lta bu'i gzhal yas khang zhe na/ ye shes phyogs bzhi dbus dang lngar rnam par brtags te zhes bya ba la/ mdza' dang dbus med pa'i dkyil lo/ /de ltar yin gyis kyang 'gro ba'i don gyi phyir phyogs bzhir bstan te/ ma rig pa'i mun pas ldongs pa'i sems can la/ ye shes kyi sgron mas ma rig pa'i mun pa sel ba'i phyir shar ro/ /rig pa shar bas ma rig pa nub pas nub bo/ /gnyis su med pa'i ye shes kyis nyon mongs pa'i sdug
- 276a
bsngal byang bas byang ngo/ /de lta bu'i yon tan dang ldan pas lho phyogs yon tan rin po che zhes bya'o/ /de yang rang bzhin rdzogs pa chen po'i dkyil 'khor nyid kho na la gzung pa'i phyir/ /dkyil 'khor bsam yas lhun gyis grub ces bya ba gsungs te/ yul chos kyi dbyings ci snyed pa la bya'o/ /'di la gnas pa'i rnal 'byor pa'i khyad par ji lta bu zhe na/ rdzogs chen rtogs pa'i rnal 'byor pa zhes bya ba la sogs pa gsungs pas/ rang bzhin rdzogs pa chen po'i don rtogs par gyur pa'i rnal 'byor pas/ kun 'byung dkyil 'khor chen por spyod ces bya ba la sogs pa ci snyed pa'o/ /phyi ma ni go sla'o/ /rdo rje ni stong pa nyid kyi rang bzhin cis kyang mi byed pa las byung ba ste/ ye shes lnga dang rigs lnga'i bdag nyid rang bzhin 'gyur ba med pas las ni ye shes kyi rang bzhin pas 'bigs shing gzhan dag 'joms pa'o/ /'khor lo ni sku gsung thugs dang ldan pas/ rtsibs lte ba mu khyud do/ /rin po che ni sbyin pa rnam bzhi dang tshad med pa bzhi dang 'gro ba'i don yid bzhin du byed pa'o/ /pad+ma ni nyon mongs pa lnga dang/ 'dod pa'i yon tan lnga'i skyon gyis ma gos pa'o/ /ral gri ni bya ba bsgrub pa'i ye shes kyis bdag dang gzhan gyi don gyi phyir shes rab bo/ /dril bu ni sgra brnyan lta bu'i mtshan nyid kyis bdag gzhan gyi rgyud grol bar byed pa'o/ /ud pa la ni snying rje chen po'i las kyis 'khor ba ji srid par gnas pa'o/ /klu shing ni byams pa'i las kyi 'bras bu'o/ /myu gu ni bdag dang gzhan sems bskyed pa'i sgron ma byed pa'o/ /ral gri ni shes rab kyi bdag nyid do/ /pad+ma
- 276b
dkar po ni chos kyi rigs kyi don mtshon pa ste/ gzhan dag la gdams pa lta bu'i chos kyi 'khor lo ni bden pa bzhi'i ngo bo rtsibs bcu gnyis pa ste/ 'gro ba rigs drug gi sems can gyi sgrib pa sel ba'i phyir ro/ /rin po che snyem na rgyu 'bras rdzogs pa nyid du ston pa'o/ /gzugs mdzes par byed pa ni me long ste/ gu ha sa ma tsi ta'i rgyud las kyang/ gzugs ni lag gnyis me long 'dzin zhes te/ me long lta bu'i ye shes nyid kyi phyir ro/ phyi ma yang gzungs dang ting nge 'dzin gyi phreng ba dang/ mdo sde'i sgra yis kun khyab cing/ don byed pas pi bang dang/ bsdu ba'i dngos po bzhi yi rang bzhin ni gang dang/ bde ba chen po skyed par byed pa'i byang chub kyi yan lag gi me tog dang/ sems can gyi don byed par grags pa'i bdug spos dang/ dam pa'i chos gnyis su med pa'i don la dga' ba'i byug pa dang/ brgya byin dang gshin rje dang 'chi bdag gi bdud 'joms pa'i thed dbyug gi rtse la rdo rje gdengs pa dang/ tshangs pa dang khyab 'jug dang phung po'i bdud 'joms pa'i rdo rje dang/ nor rgyas dung skyong dang nyon mongs pa'i bdud 'joms pa'i thod sprul dang/ dbang phyug chen po dang byin ya ka dang lha'i bu'i bdud 'joms par byed pa'i las kyi rang bzhin rdo rje rgya gri dang/ de ltar yang gsungs pa/ nir 'go gdengs dang rdo rjes gnon zhes pa'i sgras drangs nas/ rdul tshon gyi dus su ni phyag mtshan gyis gnon la/ mngon par rtogs pa'i dus su ni lha kun dngos kyis gnon te/ de ltar yang de phyi ma hA dza la'i tan tra las kyang gsungs/ rin chen rtse 'u dung bcas pa dang/ /tshangs pa brgya byin gnyis gnyis kyis/ brteg pa'i khri la rnam par bzhugs zhes so/ /gzhan yang de bzhin gshegs pa thams cad spyan
- 277a
'dren pa'i lcags kyu dang/ byams pa chen po'i rang bzhin byams pa'i zhags pa dang/ gnyis su med pa'i don la dga' ba'i lcags sgrog dang/ btang snyoms chen po mi dmigs pa'i shes rab kyi pha rol tu phyin pa'i dril bu'o/ /mthing ga zhes bya ba la sogs pa mi bskyod pa'i sku'i dam tshig /ci'i phyir dam tshig ce na/ dpal gsang ba 'dus pa las gsungs pa/ rgyal ba zhe sdang don chen byed/ /in+d+ra nI la'i kha dog 'dra zhes gsungs so/ /rnam par snang mdzad kyi sku'i dam tshig ci'i phyir dkar po zhe na/ de yang ye shes kyi dbang du byas te/ skal bas mun dza'i tan tra'i rgyud phyi ma las gsungs pa/ gang du me long ye shes ni/ /shal dang 'dra bar rab gsungs te/ /ye shes nyid kyi dbang gis so zhes so/ /snang ba mdza' yas kyi sku'i dam tshig ci'i phyir dmar po zhe na/ 'dod chags kyi rigs kyi phyir ro/ /rin chen 'byung ldan gyi dam tshig ci'i phyir ser po zhe na/ de ni nor gyis rgyas pa'i phyir ser po'o/ /ljang gu ni las nyid kyi phyir ro/ /mnyen lcug 'khril ldem ni yum gyi sku'i cha lugs so/ /gsal 'tsher lhun sdug ni 'od dang 'od zer dang sku'i rgyas tshul lo/ /sku lnga po 'di dag ni me long lta bu'i ye shes kyi sgo nas/ rtag pa chen po'i g.yung drung gi sku rnam par snang mdzad do/ /so so'i ye shes kyi sgo nas/ mngon par byang chub pa'i sku snang ba mdza' yas so/ /rdo rje rig pa 'dzin pa'i sku chos kyi dbyings kyi ye shes mi bskyod pa'o/ /mnyam pa nyid kyi ye shes kyi phyag rgya'i thams cad dbyer med pa'i mnyam pa nyid kyi sku rin chen 'byung ldan dang/ bya ba nan tan gyi ye shes kyi phyag rgya thams cad mkhyen pa'i ye shes kyi sku don yod grub pa 'am rta mchog go /ci'i phyir rta
- 277b
mchog na las nyid kyi phyir ro/ /de ltar gong gi don de dag thams cad kyang 'dir bsdus nas bka' stsal pa'o/ /de lta bu'i gnyis su med pa'i gsang ba'i dkyil 'khor de dag bsdu ba'i don gyi sgo nas phyung ba'i phyir/ a ho dmigs bya dmigs med mi dmigs dpag med bsams mi khyab ces bya ba la sogs pa gsungs te/ de la dmigs bya ni phyi gzung ba'i yul ma skyes ma 'gags pa chos kyi dbyings dang/ dmigs byed nang 'dzin pa'i sems rnam par mi rtog pa'i ye shes dbyer med pas/ gzung ba'i yul dang 'dzin pa'i sems stong pa nyid kyi chos nyid du mi dmigs shing/ dbyings dang ye shes gnyis su med pa de la mi dmigs zhes bya ste/ de lta bu'i chos nyid byang chub kyi sems de ni/ mu dang mdza' dpag tu med cing/ che ba'i yon tan bsam gyis mi khyab ces bya'o/ /de ltar tshig dang pos don dam pa'i bden pa'i phyogs bzung bas 'dzin pa rnam par dag pa'i ngo bo chos nyid kyi don gsungs nas/ de yang dag pa'i kun rdzob kyi sgo nas yang bstan par bzhed pa'i phyir/ tshig gnyis pa/ ye shes rang rig dkyil 'khor sna tshogs brjod mi lang zhes bya ba gsungs te/ /de ltar don dam par chos kyi dbyings dang/ de'i ye shes stong nyid bdag med na yang/ yang dag pa'i kun rdzob rdzogs pa chen po'i dkyil 'khor sna tshogs par yang brjod kyis mi lang zhes bya'o/ gzhan dag na re rang bzhin rdzogs pa chen po'i dkyil 'khor ni/ gcig tu nges pa yin na no/ ci'i phyir sna tshogs zhes bya/ de ni 'gro ba tha dad cing sna tshogs pa las btags pa yin no/ /de yang sems can brjod kyis mi lang ba'i phyir/ rang bzhin rdzogs pa chen po'i dkyil 'khor yang brjod kyis
- 278a
mi lang zhes bya'o/ /yang mnyam pa dang mi mnyam pa dang/ kun tu khyab pa dang khyab pa med pa zhes bya ba'i mdza' rnam pa bzhi'i sgo nas/ chos nyid byang chub sems kyi don bstan pa'i phyir tshig gsungs ba mnyam dang mi mnyam kun khyab khyab med khyab pa'i dbyings zhes bya ba gsungs te/ don dam pa'i chos nyid byang chub kyi sems/ de ni rnam par dag pa 'phags pa'i dkyil 'khor dang mnyam zhes bya ba dang/ ma dag pa'i 'khor ba'i sems can dang/ mi mnyam zhes bya ba yang med do/ /nam mkha' dbyings kyi mdza' klas pa'i 'jig rten gyi khams kyi 'phags pa'i dkyil 'khor kun tu ni khyab la/ 'khor ba'i sems can la ni ma khyab ces bya ba med de/ don dam par chos nyid byang chub sems kyi dad du dbyer med pa yin no/ zhes gsungs pa'i phyir khyab pa'i dbyings zhes bya'o/ /de ltar don dam par chos nyid byang chub sems kyi dad du dbyer med kyis kyang/ don dam pa'i kun rdzob tu/ phyi nang snod bcud kyi chos thams cad ye nas rang bzhin gyis 'od gsal ba'i dkyil 'khor kyi dang nyid du rnam par gnas pas rnam par 'phro zhes te/ 'phro zhes pa'i tshig ni rnam par gnas so zhes bya la/ de nyid kyang sems tsam pa ltar spros nas khyab par byas pa lta bu ni ma yin te/ rang bzhin 'od gsal ba'i dkyil 'khor rnam par gnas pa de nyid/ don dam par spros pa med pa'i chos kyi dbyings nyid dang tha mi dad par bzhugs pas spros pa med ces bya'o/ /dpal gsang ba'i snying po de kho na nyid nges pa las/ rang bzhin gyi dkyil 'khor la ma spros par/ gzugs brnyan gyi dkyil 'khor
- 278b
gsang ba'i b+ha ga nas spros pa'i le'u ste/ drug pa'i bshad pa rdzogs so// //yang byang chub sems kyis bskyed pa'i dkyil 'khor/ /cho ga gsum gyis bskyed pa'i lha rnams/ /chog bzhi pa sngags kyis phyung nas/ /gsang ba'i gnas nas gdon par bya'o/ zhes pa'i don bstan pa'i phyir/ de nas zhes bya ba la sogs pas/ bdun pa sngags kyi le'u gsungs so/ /b+h+ruM zhes bya ba ni ye shes kyi gzhal yas khang gnyis pa'i sa bon/ b+h+ruM bi shwa bi shud+d+he zhes bya ba ni/ ye shes kyi gzhal yas khang byin gyis brlab pa'o/ /hUM badzra drig ces bya ba la sogs pa ni/ gsang ba'i dkyil 'khor nas/ ye shes kyi lha phyi'i dkyil 'khor du spyan drangs pa'o/ /e hya hi zhes bya ba la sogs pa de dag ni/ ye shes sems dpa' de dag spyan drang ba dang/ gsang ba'i gtso bo bdag nyid la thim par bya ba dang/ slob ma dkyil 'khor du gzhug par bya ba dang/ gsum du rtogs par bya'o zhes gsungs pas de yang dngos ye shes sems dpa' spyan drang ba'i phyir/ e ha hyi b+ha ga bAn zhes bya ba la sogs pa gsungs pa yin te/ de dag gi don yang gang zhe na/ dang por bsod nams kyi tshogs bsag cing sgrib pa'i bag chags kyi? dri? ma bsal ba'i phyir/ ye shes kyi dkyil 'khor la phyag 'tshal ba dang/ yon tan gyi mtshan nas bod cing bskul ba dang/ phyag rgya chen po bzhis bkug cing bcug la 'ching zhing dbang du bya ba dang/ ye shes sems dpa' i dkyil 'khor la lhag pa'i byang chub sems rig pa'i me tog ye shes kyi kha dog lnga dang ldan pa gtor ba dang/ gsol ba gdab pa dang/ rdo rje dam tshig gi sngags gsum gyis gsol ba btab pa dang/ thabs dang
- 279a
shes rab kyi bde ba chen po la bzhugs pa'i sa la bskul ba'o/ de ltar gsungs pa de dag kyang gang zhe na/ gsang ba chen po 'od zer gyi lha mo'i tshogs mang po sprin bzhin du 'phros pas/ de dag gi phyag 'tshal ba'i tshogs/ dang por ye shes chen po lnga'i sgo nas mchod par bya'o/ de bzhin du gsang ba'i 'od zer gyi lha mo'i tshogs kyis yon tan gyi mtshan nas brjod cing dam tshig gi sngags kyis bskul bar bya'o/ de ltar bskul ba las yang gsang ba'i lha mo rdo rje kyob ma'i tshogs kyis/ de bzhin gshegs pa de dag bkug nas bskul zhing spyan drangs te/ mdun gyi nam mkha' la chu'i skal pa'i sprin bzhin du tshogs par bsam mo/ /yang de bzhin du zhags pa'i tshogs kyis ni dkyil 'khor la dkyil 'khor bcug pa'o/ /lcags sgrog gi tshogs kyis ni dkyil 'khor la bcing ba'o/ /dril bu'i tshogs kyis ni dkyil 'khor la dkyil 'khor dbyer med par dgyes pa'o/ /de ltar dgyes pa dbyer med pa'i dgyes pa de la/ gsang ba'i rig pa'i me tog gtong ba'o/ /la la na re dbyer med par gyur nas me tog gtor bar bya ba mi 'thad de/ spyan drang bar bya ba'i dus su rig pa'i me tog gtor bar bya ba kho na yin no/ zhes smras pa/ de yang de ltar mi 'thad de/ de lta na ni kri ya'i theg pa dang khyad med de/ 'di ni gnyis su dbyer med pa'i dkyil 'khor yin pas/ gnyis su dbyer med par 'gyur ro/ /rig pa'i me tog gtor bar bya ba 'gal ba ma yin te/ ci'i phyir rig pa dang gnyis su med pa las byung ba'i me tog yin pas rig pa'i me tog ces bya'o/ den? de'i phyir yang rig pa'i me tog dbyer med
- 279b
par gyur pa'i bdag nyid gtor bas so/ /phyogs bcu dang dus bzhis bsdus pa'i rgyal ba sras dang bcas pa thams cad kyang mnyes par 'gyur ro zhes so/ /gsol ba gdab pa'i sngags kyis ji lta bu zhe na/ oM zhes phyag 'tshal ba'i cho ga sngon du byas nas/ ye shes kyi rgyal por gyur pa sku gsung thugs yon tan 'phrin las thams cad kyi mchog dang phul phyung ba yin pas/ de lta bu khyod kyi sku gsung thugs su bdag sbyor cig ces bya'o/ /de ltar byas par gyur pas dbyer med par gyur par ni nges mod kyi/ re zhig de bzhin gshegs pa chos kyi sku zhi ba chen po'i dang la bzhugs pa dang/ dpal gsang ba 'dus pa las thabs dang shes rab bde ba chen po rol pas/ dgos pa 'gro ba'i don la g.yel ba de dag la bskul bar gsungs pa'i phyir/ rdo rje dam tshig gi sngags kyis kyang bskul bar bstan pa yin no/ /de ltar byas pa'i rig pa des khugs par 'gyur ba'i phyir/ bcom ldan 'das byed pa rdo rje dang/ bya ba mo rdo rje gnyis su med pa'i dkyil 'khor la thim par mdzad do zhes bya ste/ de dag gi ye shes sems dpa' i dkyil 'khor spyan drang ba'i rim pa'i dbang du byas pa'o/ /gsang ba'i dkyil 'khor gyi dbus kyi gtso bo bdag dang rgyu dang 'bras bu dbyer med par bya ba ni/ /gsol ba gdab pa'i lha dbus kyi gtso bo rdo rje sems dpa' zhes bya ba 'bras bu'i ngo bor bzhugs pa de gnyis kyis gsol ba 'debs so/ /phyi ma ni bsgom khog gi rim pa las shes par sbyar ro/ /slob mas kyang dbang nod pa'i dus su/ phyag bya ba dang bskul ba dang/ slob dpon spyan drang ba dang/ me tog gtor zhing yon 'bul ba dang/ dam tshig dbab cing sbyin pa'o/ /
- 280a
de ltar na ye shes kyi dkyil 'khor dang gsang ba'i dkyil 'khor dang phyir yang gsungs pa/ de nas bcom ldan 'das byed pa rdo rje dang bya ba mo rdo rje gnyis su med pa'i gsang ba'i dkyil 'khor la thim par mdzad do zhes bya'o/ /gang thim na ye shes kyi dkyil 'khor thim mo zhes bya'o/ /gsang ba'i dkyil 'khor gyi dus su ni/ yid dang chos kyi dkyil 'khor gnyis su med pa'i dkyil 'khor la thim mo zhes bya'o/ gang thim na rgyu sa bon byang chub kyi sems las skyes shing/ 'bras bu rdo rje 'dzin pa'i ngo bor gnas pas ni/ byang chub kyi sems rdo rje zhes bya la/ yab kyi gsang ba'i rdo rje'i thugs byang chub kyi sems kyi ngo bor gyur pas ni/ gsang ba'i rdo rje sems dpa' zhes kyang bya ba de/ bdag gi yid dang chos yab yum gnyis su med pa'i thabs dang shes rab gsang ba'i dkyil 'khor dang thugs ye shes sems dpa' i dkyil 'khor la thim par mdzad do zhes bya'o/ tshig nges ni ye shes sems dpa' i dkyil 'khor dang/ gsang ba'i byang chub sems las dkyil 'khor gyi dbang du byas pa yin no/ /da ni ye shes kyi dkyil 'khor de nyid la phyogs bcu dang dus bzhis bsdus pa ye shes kyi dkyil 'khor byin bsdu zhing/ ye shes chen po lngas bskul zhing/ /de bzhin gshegs pa thams cad kyi sku dang gsung dang thugs yon tan 'phrin las kyis byin gyis brlab par yang bya'o/ zhes bstan pa'i phyir/ de nas phyogs bcu dang/ dus bzhis bsdus pa'i de bzhin gshegs pa'i bdag nyid ye shes dang byin bsdu ba zhes bya ba 'di/ sku gsung thugs rdo rje sgyu 'phrul dra ba las phyung ngo/ /zhes bya ba la sogs pa gsungs te/ de la phyogs bcu dang dus bzhi'i
- 280b
de bzhin gshegs pa thams cad kyi bdag nyid chen po de ni dpal kun tu bzang po nyid do/ /bdag nyid chen po'i ye shes dang byin bsdu ba zhes bya ba ni/ bdag nyid dpal kun tu bzang po nyid kyi ye shes dang byin no/ /gzhan dag na re thams cad bdag nyid chen po'i ngang nyid yin na/ de'i ye shes chen po lnga dang byin brlabs lnga bsdu cing dgos she na/ don dam par de ltar yin yang/ kun rdzob tu phyi rabs kyi rnal 'byor pa'i don du de ltar yin zhes bya'o/ /chos kyi dbyings kyi ye shes la sogs pa'i ye shes lnga dang sku gsung thugs yon tan 'phrin las la sogs pa'i rnam par dag pa'i rdo rje lnga la/ ad ma ko haM zhes bya ba ni/ nga dang bdag tu 'dzin pa yin la/ nga dang bdag tu 'dzin pa'i nyon mongs pa can gyi yid ni yin la/ de ltar de bzhin gshegs pa'i ye shes chen po lnga dang/ sku gsung thugs yon tan 'phrin las ni nga dang bdag gi rnam par gyur na/ de bzhin gshegs pa la mnga' ba'i ye shes chen po lnga dang/ de'i rnam par smin pa'i sku gsung thugs yon tan 'phrin las nga dang bdag gi rnam par gyur pa ni ma yin te/ de bzhin gshegs pa'i che ba'i bdag nyid dang/ bdag nyid dbyer med par gyur pas/ bdag ni de bzhin gshegs pa'i ye shes chen po lnga dang/ rnam par dag pa'i sku gsung thugs yon tan 'phrin las lnga'i ngo bor gyur te/ dper na gser rtsis bsgyur na 'am/ chu'i khams 'o ma'i ngo bor gyur pa bzhin no zhes bya'o/ /dpal gsang ba'i snying po de kho na nyid nges pa las/ ye shes kyi dkyil 'khor bsdu ba dang sngags phyung ba'i le'u ste/ bdun pa rdzogs so// //bdag dang dkyil 'khor gyi lha thams cad kyi rdo rje phung po la sogs
- 281a
pa'i yan lag thams cad ni/ rdzogs pa'i sangs rgyas kyi dkyil 'khor gyi rang bzhin du bstan pa yin no/ /nying lag gi khyad par yang rdzogs pa'i dkyil 'khor gyi phyag rgya'i ngo bor bstan pa'i phyir/ dkyil 'khor gyi lha thams cad la yang/ phyag rgya chen po bzhis rgyas btab par bya ba'i phyir/ de nas zhes bya ba la sogs pa bzhis brgyad pa phyag rgya spros pa'i le'u gsungs so/ /de la sgyu 'phrul ni yab yum kun tu bzang po de'i phung po lnga rigs lnga'i bdag nyid do/ /dra ba ni 'byung ba chen po lnga rnam par dag pa yum lnga ste/ yab ji lta ba de ltar yum yang de ltar ro/ /phung po lnga dang 'byung ba lnga rnam par dag pa yab lnga dang yum lngas ni/ bdag mngon par rdzogs par sangs rgyas pa zhes bya'o/ /thams cad ni yul dang dbang po rnam par shes pa dang/ phyin ci log la sogs pa thams cad 'bras bu'i rigs kyi byang chub mchog thams cad kyis rgyas btab ces bya'o/ /des ni phyag rgya chen po dang chos kyi phyag rgya'o/ gsang ba yum gyi pad+ma dang de kho na nyid nges pa'i yab kyi phyag rgya gnyis las/ yum gyi pad+mar byang chub kyi sems zla ba'i dkyil 'khor phyung ste/ mi 'byung mi srid pa yin pas 'da' bar dka' o/ /de gnyis kyis ni dam tshig gi phyag rgya dang las kyi phyag rgya gnyis so/ /yum ni dmigs med ces pa nas yum kun tu bzang mo ni/ chos kyi dbyings spros pa dang bral ba shes rab kyi pha rol tu phyin ma chos dbyings te/ /chos kyi phyag rgya'o/ /yab kun tu bzang po ni mnyam pa chen po'i ting nge 'dzin la gnas pa yab thabs kyi phyag rgya chen po'o/ /ye shes 'phro zhes pa ni/ byang chub sems kyi ye
- 281b
shes te 'phro 'du las kyi phyag rgya nyid do/ /de gnas gang du 'phro zhe na/ yum kun tu bzang mo'i mnyam rdzogs/ pad+ma'i dkyil 'khor du 'phro ste pad+ma de dang ldan pa ni dam tshig gi phyag rgya'o/ /de ltar yan lag la lha bzhi bcu rtsa gnyis dang ldan no/ /bzhi bcu rtsa gnyis 'du 'phro 'gyur zhes pa ni/ rin po che dang las gnyis gcig tu bsdus pa dang/ phye na sku gsung thugs kyi lha ste/ brgya nyi shu rtsa drug par 'phro'o/ /yang na de ltar bsdu na gang du bsdu zhe na/ de ltar ldan pa'i gtso mchog gis/ thabs dang shes rab tu ldan pa'i rgyal ba yab lnga dang/ gtso mchog yum lnga'o/ /bcu gnyis drug gi zhes pa ni/ sang skri ta'i skad du na de nyi shu rtsa drug ste/ sems dpa' sems ma brgyad gnyis bcu drug /khro bo khro mo brgyad/ yid dang tshes bar khyams la gnas pa gnyis te/ nyi shu rtsa drug la bcu gnyis drug ces bya'o/ /'od 'phro 'bar zhes bya ba ni/ thub pa drug go /'o na de lta bas na zhe na ma bas te/ de la sogs pa mdza' yas mchog ces pa/ brgya nyi shu rtsa drug de las kyang/ sku gsung thugs las sprul pa bsam gyis mi khyab pa mdza' yas mchog ces bya'o/ /'o na de ltar mang po de nyid ci dgos she na/ phyogs bcu dus bzhi'i 'jig rten mdza' yas par/ 'dul ba'i don rnams so sor ston pa ci'i phyir zhe na/ theg pa mtho dman dgu dang phyin ci log ste mu stegs kyi lta ba 'dul ba dang/ de la sogs pa ma dad pa'i dbang gis phyin ci log bsam yas pa dang/ zhi khro'i tshogs bsam yas pa la/ mthun byas kun tu snang zhes bya'o/ /dpal gsang ba'i snying po de kho na nyid nges pa las/ nying lag gi khyad par spros pa'i le'u ste/ brgyad pa'o// //
- 282a
sems nan tan tu bya ba'i phyir/ 'phra rgyas kyi ting nge 'dzin bsgom pa dang/ mchod pa'i khyad par gyis 'phags pa la mchod cing bsod nams kyi tshogs bsag par bya ba dang/ rnam bzhi hoM la sogs pas mchod pa dang/ ting nge 'dzin gyi khyad par dang/ /ye shes kyi yum gyis byin gyis brlabs pa'i rol pa las/ lhun gyis grub pa'i dkyil 'khor spyan drangs nas/ slob ma'i don du rdul tshon gyi dkyil 'khor bya ba dang/ de dag gi yon tan la sogs pa bstan pa'i phyir/ de nas zhes bya ba la sogs pas /dgu pa rdo rje bkod pa dam tshig gi le'u gsungs so/ /de la de nas zhes pa'i don ni bkral zil to/ /dgyes pa chen po zhes bya ba ni/ thabs dang shes rab kyi bde ba chen po la bzhugs so zhes bya ba'i tha tshig go /rdo rje ni lha thams cad kyi gsang bar bya ba dam tshig pas/ rdo rje gsang ba'i dam tshig go /'phra rgyas kyi dkyil 'khor du bkod pas bkod pa'i/ bde ba'i ro nyams su bstar ba'i ting nge 'dzin yin pas de la snyoms par zhugs pa'o/ /de ltar snyoms par zhugs pas ched du brjod par bya ba rdo rje gsang ba'i dam tshig gang zhe na/ shin tu phra pa'i dam tshig mchog ces bya ba la sogs pa gsungs te/ 'di ni rdo rje phra mo'i ting nge 'dzin yin pas/ shin tu phra ba'i dam tshig gi dkyil 'khor gyi mchog bsgom mo zhes bya'o/ /gnas gang du bsgom zhe na phyag rgya chen po'i phyag mthil du/ dkyil 'khor gang bsgom pa'i zhe na/ thugs kyi zhes bya'o/ /tshad ci tsam zhe na/ sor bzhi zhes pa'o/ /phyag mthil du bsgom pa ci'i phyir/ thugs kyi dkyil 'khor
- 282b
zhe na/ rgyud 'di ni thugs kyi rgyud yin te/ thugs kyi rdo rjes dbus kyi gtso bo byed pa'i phyir/ thugs kyi dkyil 'khor dam pa zhes bya'o/ /phyi ma ni go sla'o/ da ni 'phra rgyas kyi ting nge 'dzin thams cad la ting nge 'dzin gyi mchod pa brtsam par bya ste de yang mchod pa phyag rgya thams cad kyi nang na/ sems kyi mchod pa ni bla na med pa yin pas/ mchod pa'i phyag rgya chen po zhes bya'o/ /de la rgol te/ phyag rgya ni 'ching ba yin na/ 'dir sems kyi khyad par las byung ba la/ phyag rgya zhes ci'i phyir zhe na/ sku phyag rgya chen por bsgoms pa'i khyad par las byung ba'i las su rung ba'i rnal 'byor pa de'i ting nge 'dzin las mchod pa de la yang mchod pa zhes bya ste/ des sems kyi ngo bo gang la yang ma grub ste/ dngos por ma grub par yod pa'i phyir ro/ /chen po zhes bya ba ni/ phyag rgya shes pa thams cad kyi nang na ni/ mchod pa'i phyag rgya dpags la/ mchod pa'i phyag rgya thams cad kyi nang na ni/ ting nge 'dzin gyi mchod pa sems kyi khyad par las byung ba 'dis mchog pas chen po zhes bya'o/ /ci'i phyir zhe na/ de nyid kyang mi dmigs pa'i phyir ro/ /sems kyi zhes bya ba ni sems kyi khyad par las byung ba sems yid bzhin gyi nor bu rin po che lta ba? de las sprul pa ste/ gseng ba'i gnas la sogs pa nas ma yin te/ thugs ka nyid nas so/ /de ltar sems kyi yid bzhin gyi nor bu bas/ de las mang por sprul pa yid bzhin gyi nor bu rin po che ltar gtibs la/ de nas de la 'og nas 'byung ba rnams sprul te dbul lo/ /de yang dang por phyogs bcu'i 'jig rten gyi khams sangs rgyas kyi gzhi'i zhing gis bai DUrya'i sa gzhi las/ mnyen 'jam reg na bde ba'i sa
- 283a
gzhi las sbrul pa de nas spro'o/ /sna tshogs rin po che'i gzhi/ mdzes bar spras shing bris pa dang zhes pa ni/ sna tshogs zhes pa'i sgras ni/ rin po che baiDUryar yang ma zad de/ bzhi kha las sprul te lam gyi sa bon las sprul ba bai DUrya'i sa gzhi la ke ke ru dkar pos bris shing/ as ma gar bas spras pa dang/ de bzhin du re re la'ang nyi shu rtsa lnga'i rin po ches spras shing bris pa dag lam gyi sa bon las sprul zhing dbul lo/ /kun 'byung rin chen phung po 'bar zhes ba/ dgos pa dang bsam pa thams cad 'byung zhing 'od 'bar ba des kyang/ de bzhin gshegs pa thams cad la mchod pa'i bya ba byed pa'i phyir sgron mar yang 'bar ba ste/ de lta bu de dag kyang yi ge ram gyi sa bon las sbrul zhing dbul lo/ /dbyibs legs rdzing bu mchog bsil zhes pas/ brgyad stong pa'i chos 'phags kyi le'u las 'byung ba ltar rdzing bu dbyibs rnam pa brgyad po yang so so nas legs shing/ ro bro ba rnams kyi yang mchog dang ldan zhing/ /bsil ba yid dang 'thad pa ste/ a'i sa bon las kyang bskyed pa'o/ /tshad dang rgya yongs su rdzogs pa'i gzhal yas khang rin po che las byas pa sum rtseg tu gnas pa yang/ bruM rin po che'i sa bon las sprul zhing dbul lo/ /le'u dang po las byung ba lta bu'i rgyan dang dpag bsam ljon pa'i tshal zhes bya ba la sogs pa ni traM gyi sa bon las so/ /glu dbyangs tshigs su bcad pa'i sgra la sogs pa ni/ oM gyi sa bon las so/ /bla re rgyal mtshan na bza' gdugs/ /de shal dpung rgyan se mo do zhes bya ba la sogs pa ni/ swa'i sa bon las so/ /na bza' dang btung ba zhes bya ba la sogs pa ni oM gyi sa bon las so/ /skal ldan la
- 283b
sogs pa ni blo rab 'bring tha ma gsum gyi rnal 'byor pas so/ /da ni thugs kyi dkyil 'khor de phyogs bcu dus gsum gyi sangs rgyas dang/ nye ba'i dkyil 'khor thams cad ni gsang pa'i gnas su mchod la/ srid gsum gyi 'gro ba thams cad ni gsang ba'i gnas su dbang bskur ba dang/ dga' bar bya ba'i phyir skal ldan ma zhes bya ba ni/ yum shes rab kyi pha rol tu phyin pa'i ngo bo kun tu bzang mo la shes par bya'o/ /byin brlabs la zhes bya ba ni/ mi'i bud med la bya ste /de yang zhi rgyas dbang dang mngon spyod la/ bram ze rgyal rigs rje'u rigs dmangs la sogs pa'i rigs kyi bye brag gis bsgom khog las 'byung ba bzhin byin gyis brlab par bya'o/ /de ji ltar bya ba zhe na/ stong gsum gyi stong chen po snod dang bcud du bcas pa thams cad gzhal yas khang yungs 'bru tsam du bzhugs pa'i tshul du chos kyi dbyings rnam par dag pa nas/ rang bzhin gyi dkyil 'khor spyan drang ba dang/ yum gyi gsang ba'i gnas su bcug ste/ byang chub sems kyis mchod do/ /des cir 'gyur zhe na de bzhin gshegs pa de dag mnyes nas/ bdag la sku gsung thugs kyi dngos grub stsol zhing/ dam tshig can gyi mchog tu byin gyis rlob par mdzad do/ /de dag bdag nyid chen por dpal kun tu bzang por/ de bzhin gshegs pa thams cad la thabs dang shes rab kyi lhag pa'i byang chub kyi sems kyis mchod pas/ phyogs bcu dus gsum gyi dkyil 'khor ma lus pa thams cad kyang mnyes pas/ /srid gsum 'gro ba thams cad la'ang/ /byang chub sems kyi chu rgyun gyis dbang bskur bas/ dga' ba chen pos khyab par 'gyur zhes bya'o/ /gtar kha mkhan gyis brgal
- 284a
te/ 'dir dngos po med pa'i sems kyi khyad par gyis/ phyogs bcu dus gsum gyi dkyil 'khor dang/ dngos por yod pa'i srid gsum gyi 'gro ba thams cad rang bzhin med pa'i yum gyi gnas su bzhugs shing mchod ba dang/ 'gro don gnyis byar rung dam zhe na/ rung ste phung po lnga dang khams dang skye mched las bsdus pa thams cad ni/ gzung 'dzin gyi ngo bo sems 'khrul pa las ma gtogs pa med pa ste/ rdul phra rab kyi 'jig pa yin la/ de ltar phyin ci log tu mthong ba nyid/ nang gi sems 'dzin pa yul la 'khrul pa yin la/ sems nyid so sor 'byed pa'i shes rab kyis na/ rang bzhin gyis 'od gsal ba tsam las ma gtogs pa/ gzhan 'phags pa'i spyan sngar yang mi gzigs so/ /'on kyang yul dang yul can thams cad 'khrul pa las ma gtogs pa gzhan med pas 'dir sems kyi khyad par du snang ba kho nar de ltar yang gsungs pa/ gang na yang mi gnas mi dmigs pa mig yor tshul tu sbyor ba yis/ nam mkha' la yang nam mkha' bsgom zhes gsungs te/ rnal 'byor pa'i lus ngag sems sku gsung thugs kyi rdo rje dang/ 'khor ba dang mya ngan las 'das pa'i chos thams cad/ yul gang na yang mi gnas/ phyogs gang du yang mi dmigs/ gzugs la sogs pa dngos po mtshan mar snang ba thams cad/ 'khrul pa mig yor? tshul du snang ba la/ rang bzhin med pas sbyor bas/ chos nyid nam mkha' 'dra ba la sems nyid nam mkha' 'dra ba'i don dam pa dang/ kun rdzob tu dbyer med par bsgom zhes bya'o/ /da ni de dag gi yon tan bstan te/
- 284b
sgyu 'phrul dra ba thabs dang shes rab gnyis su med par bsgom pa'i ting nge 'dzin brtan por phyi nang gsang ba'i gnas su bsgom pa yin/ phyogs bcu dus gsum gyi dkyil 'khor thams cad dang/ khams gsum gyi 'gro ba rnams mngon sum pa'i tshad mas mngon sum du 'gyur zhes bya'o/ /nye ba'i dkyil 'khor zhes pa ni bdag gi phung po khams dang skye mched lha yin la/ 'on kyang nye ba zhes smos so/ ring pa yang yod de de ni don dam par tha mi dad na yang kun rdzob tu phyogs bcu dus gsum gyi'o/ /dang brtson zhes bya ba la sogs bas ni/ snod gsum gyi skyon spangs pa yis/ yon tan rnam pa gsum dang ldan pa'o/ /phan pa'i dbang ni dbang mang po/ nus pa'i dbang ni rgyal po la sogs pa'o/ /rim pa bzhin du ni rdul tshon gyi las de nyid du'o/ /snying rjes chud ma zos par gzung zhes pa ni skyon gsum spangs shing yon tan gsum dang ldan pa'i slob bu la ni/ yon med kyang snying rje'i dbang dang dam tshig gis shugs phyung la chud ma zos par gzung zhing dbang gis byin gyis brlab par bya'o zhes so/ /yid dang grogs ni gsang sngags kyi lugs kyis shes rab ma la shes par bya'o/ /thig gdab chog phun sum tshogs zhes pa'i sgras ni/ yi ge'i snying po'i gdan nam/ phyag rgya sku gsung thugs dang ldan pas/ dang po gdan thog tu gang yang rung 'bru gcig pa 'am/ snying po bzlas pa'i sngags sam/ phyag rgya ste/ phyag rgya bris la/ /de nas de gang yang rung ba'i bris pa de nyid la/ sku gsung thugs kyang ldan par bsgoms nas/ ting nge 'dzin rol mo mdza' yas te/ gong du gsungs pa'i mchod pa'i phyag rgyas kyang mchod nas/
- 285a
bde bar gshegs pa'i byin brlabs ya mtshan rmad po che/ mi gnas pa mya ngan las 'das pa'i dngos grub ni/ rnal 'byor pa'i rgyud la smin cing 'grub par gyur pa las mi 'da' bas/ sangs rgyas thams cad kyi yang dam tshig yin pas kyang rtsol lo/ /de'i phyir khyad par du gyur pa'i dpe' bstan pa la sogs pa zhes te/ sa dang rin po che las kyang/ de bzhin gshegs pa'i sku la sogs pa'i phyag rgya ting nge 'dzin med pa'i mis byas pas kyang/ bsod nams kyi khyad par gyis rnam par grol ba'i rim pa thob par 'gyur na/ gong du gsungs pa'i gsang ba'i dkyil 'khor de lta bu bris na/ slob dpon gar bde ba'i gnas su 'dug la cho ga rnam pa lnga la sogs pas/ bsgrub thabs kyi rim pas bdag dbus kyi gtso bo mngon du byas la/ dkyil 'khor de nyid yin par nga rgyal bskyed nas/ phyogs bcu dus gsum gyi dkyil 'khor spyan drangs shing bstims nas/ rang nyid la rang nyid mchod par longs spyad nas/ de lta bu'i dag pa'i ye shes kyis sbyangs na 'grub par 'gyur ba ni smos kyang ci dgos te/ thabs kyang de ltar yin zhes bya'o/ /da ni de lta bu'i 'phra rgyas kyi dkyil 'khor lhun gyis grub pa'i dkyil 'khor thams cad spyan drangs shing bstim pa'i phyir/ phyogs bcu'i dkyil 'khor bdag nyid ces gsungs pa de la/ phyogs dus dkyil 'khor bdag nyid che zhes pa ni/ dpal kun tu bzang po ste/ ci'i phyir na/ chos kyi sku'i rang bzhin te/ mngon par byang chub pa'i bskyed pa'i rgyur gyur pas so/ /mi dmigs pa ni yum shes rab kyi pha rol tu phyin pa ste/ de thabs
- 285b
dang shes rab gnyis su med pa'i thugs byang chub sems zla ba'i dkyil 'khor las/ 'od zer gyi phreng ba bar mtshams med par 'phros pas/ 'jig rten drug gi phyogs bcu'i dkyil 'khor thams cad la khyab pas/ de'i 'od zer gyi lcags kyus/ dkyil 'khor gong du smos pa thams cad spyan drangs nas/ bdag gi rang snang phyogs dus kyi dkyil 'khor dang dbyer med pa'i bdag gi lus ngag sems kyi dkyil 'khor la/ ye shes kyi dkyil 'khor/ bcug pa'i mtshan nyid ni ji lta bu zhe na/ de 'od du zhu nas thim ste gnyis su med cing mnyam par sbyor bas bsnyen pa zhes bya ste/ bsnyen pa'i dkyil 'khor rab tu rdzogs zhes bya ste/ nye bar gyur ba'i dam tshig mchog ces pa ni/ dam tshig ces pa'i sgras yum la shes par bya'o/ /ci'i phyir yum bskyed pa ni nye ba'i bsnyen pa yin par shes/ dpag bsam shing la sogs pa'i de bzhin te/ de bzhin gshegs pa'i byin brlabs ngo mtshar cho 'phrul rmad kyi chos/ gzhan na yod nas 'dir 'ongs pa ma yin te zhes pa/ thams cad dpal bzang po la brten nas/ shes rab yum shes rab kyi pha rol tu phyin pa'i rang bzhin nyid de/ de lta bu'i ngang du byung zhes bya'o/ /de la thabs ni thugs rje chen po'i mtshan nyid de/ yab kyi sku phyag rgya/ shes rab kyi spyi ni rang gi mtshan nyid 'byed pas/ yum shes rab kyi pha rol tu phyin ma de thabs dang shes rab gnyis su med pa'i brten pa las/ ngo mtshar cho 'phrul rmad kyi chos thams cad kyang yul dang dus gzhan nas 'dir 'ongs pa ma yin te/ thabs thugs rje chen po la bstan par bya ba'i shes rab
- 286a
nyid/ de lta bu'i ngang du byung zhes bya'o/ /de ltar yang rgyud phyi ma las/ thabs dang shes rab sbyor/ pa'i zhes bya ba'i don gsungs pa/ 'di ltar snang ba thams cad kun/ thams cad thabs kyi mtshan nyid de/ thabs la thabs ni rnam par sbyor/ sbyor dang sbyor ba gnyi ga med/ /sna tshogs snang ba thams cad kyang/ snang ba nyid na rang bzhin de nyid shes rab yin par bshad/ mdor na thabs nyid mi dmigs pa'o zhes gsungs pa yin te/ thabs kyi ngo bor snang ba gang yin pa thams cad shes rab stong pa nyid kyi rang bzhin sbyor ba'o/ /phyogs dang po'i ma hA yo ga'i phyogs bzung ba'o/ /gnyis pas ni a ti yo ga'i phyogs bzung ba'o/ da ni yum shes rab kyi don bstan pa'i phyir gsungs pa/ shes rab dbyings kyi de bzhin nyid/ thabs kyi phyag rgyar gyur pa'i phyir zhes bya ba gsungs te/ shes rab ni yum shes rab kyi pha rol tu phyin ma/ chos kyi dbyings kyi lha mo ste yum mo/ /yum de'i phung po lnga'i de bzhin nyid/ yab thabs kyi phyag rgyar gyur pa'i phyir/ yad shes rab kyi lha mo la ni thabs kyi phyag rgyar rol zhes bya'o/ /de ltar yang rgyud phyi ma las shes rab nyid thabs kyi sbyor ba zhes gsungs ba/ de bzhin nyid kyi dbyings nyid las/ /rol ba sna tshogs cir yang 'byung/ /'byung ba nyid na rang bzhin med/ /med pa nyid na sna tshogs 'byung/ /de nyid shes rab dbyings nas 'byung/ zhes gsungs te/ shes rab dbyings kyi de bzhin nyid skye ba med pa'i dbyings las dpal kun tu bzang po la sogs pa ste/ rang bzhin rdzogs pa chen po'i dkyil 'khor thams cad 'byung ngo zhes pa ste/ de la dang pos ni mahA
- 286b
yo gI gzhung bzung ba'o/ /gnyis pas ni a ti yo ga'i gzhung gzung ba'o/ /de ltar thabs dang shes rab gnyis su med pa'i don bstan la/ ye shes la ni ye shes rol zhes bya ba gsungs te/ yum ye shes kyi lha mo ljon pa la sogs pa la ni/ yab thabs kyi phyag rgya dpal kun tu bzang po bdag nyid rol zhes bya'o/ /de ltar yang thabs dang shes rab gnyis su med pa byang chub sems kyi don gsungs pa/ thabs dang shes rab don dang ldan par 'gyur ba/ gnyis med byang chub sems 'phros te/ kun gyi 'byung gnas byed pa'o/ /de yis ma byas gang yang med/ shin tu brtag dga' sus mi rig /bdag gis kyang ni bdag mi mthong/ /gzhan gyis mthong bar gal 'gyur/ zhes gsungs te/ thabs dang shes rab dbyer med pa ni/ chos nyid byang chub kyi sems skye 'jig dang bral ba'i ngo bo ste/ de ltar phyogs gnyis su shes par bya ba kho na'o/ /'o na don dam par de ltar rol pa'i ngo bo can yin nam zhe na/ ma yin te don dam pa'i bden pa'i dbang du na/ ye shes rol pa nyid kyang gsog ces bya'o/ /don de bzhin byang chub sems dpa' pa dang/ rgyal pa sangs rgyas bcom ldan 'das kyi byin brlabs thams cad kyang ston pa/ ye shes la ye shes rol pa nyid kyang gsog ces bya'o/ /de ltar kun rdzob tu ni sgyu ma tsam du snang la/ don dam par rdo rje brtsan po mchog ces bya'o/ /ci'i phyir rdo rje brtsan po zhe na/ stong pa nyid kyi ye shes kyi dngos po dang mtshan ma dang/ lta ba'i ri bo thams cad 'joms pa'i phyir/ rdo rje brtsan po mchog ces bya'o/ /dpal gsang ba'i snying po'i rnal 'byor pas/ mi gnas pa'i mya ngan las 'das pa'i go 'phang bsgrub par bya ba la/
- 287a
las kyi bag chags kyis bar du mi chod cing/ bag chags ngan pa thams cad/ 'bras kyi sa bon rkyen dang ma phrad nas/ smin pa'i skabs med de/ tha mar rul par 'gyur ba ltar/ rdo rje tshe'i dngos grub bsgrubs la/ dpal kun tu bzang po'i dngos grub thob par bya'o zhes bstan par bya ba'i phyir/ ye shes kyi cho ga chen po lngas lha'i sku phyag rgya chen por bdag bskyed cing/ zab pa dang rgya che pa'i yo byad lnga dang ldan par byas shing/ sngags kyi yan lag lnga rdzogs par bsgoms nas/ rdo rje tshe'i dngos grub thob par bya ba'i phyir/ cho ga lnga ni rdzogs byas shing/ /yo byad lnga ni rdzogs par ldan/ /sngags kyi yan lag lnga rdzogs pas/ /ma nyams 'jug la rab brtson la/ /zhag ni sum cu phrag drug gam/ /bcu gnyis bcu bzhi bcu drug gis/ /dbang sgyur rigs kyi dam pa 'grub ces bya ba la sogs pa gsungs te/ ye shes kyi cho ga lngas ni bdag lha'i sku phyag rgya chen por bskyed la/ rdo rje cho ga bzhis ni gsang ba'i dkyil 'khor bskyed cing gdon par bya'o zhes 'byung ngo/ /de la ye shes kyi cho ga lnga ni bshad zin no/ /rdo rje cho ga bzhis gsang? ba'i dkyil 'khor bskyed cing gdon par bya ba yang gang zhe na/ dang po stong pa byang chub sems dkar dmar zla ba'i dkyil 'khor du bsgom pa dang/ gnyis pa byang chub sems kyi yig 'bru las gsang ba'i yig 'brur gyur pa dang/ gsum pa lha bzhi bcu rtsa gnyis dang/ lnga bcu rtsa brgyad du gyur pa dang/ bzhi pa gsang ba'i dkyil 'khor nas sngags kyis spyan drangs pa'o/ /de ltar yang dpal gsang ba 'dus pa las kyang gsungs pa/ dang po stong pa'i byang chub sems/ /
- 287b
gnyis pa la ni sa bon 'byung/ /gsum pa la ni gzugs rdzogs te/ /bzhi pa la ni sngags byung ba'o zhes gsungs so/ /rig pa'i skye bu des spyad par bya ba'i yo byad lnga/ yum shes rab kyi pha rol tu phyin ma de la ci ldan zhe na/ de ltar yang zab pa dang rgya che ba gnyis te/ zab pa'i yo byad du gsungs pa ste/ gsang pa'i bdud rtsi lnga la bya ste/ de ltar dpal gsang ba 'dus pa las gsungs pa/ rang bzhin lus kyi bdag nyid la/ /dri ma lnga po 'bab par 'gyur// ye shes lngas ni byin brlabs pa/ /bdud rtsi lnga zhes bya ba yin zhes gsungs so// //rgya che ba'i yo byad du bya ba ni/ yum shes rab kyi pha rol tu phyin pa la/ tshul khrims dang bzod pa dang brtson 'grus dang bsam gtan gyi pha rol tu phyin pa bzhis/ thabs dang shes rab rol pa'i dus su/ bdug spos la sogs pa bzhir shes par bya'o/ /lhag pa'i byang chub sems bsgrub pa'i dus su ni/ dza du pra be sha zhes bya ste/ sbyin pa'i pha rol tu phyin pa ni lhag pa'i byang chub sems las/ sangs rgyas sprin tshogs ma lus la/ yab yum dgyes mnyam mchog gi sbyin pas thun mong ma yin pas bstim mo zhes bya ba gsungs pa yin no/ /sbyin pa'i pha rol tu phyin pa de dag kyang yo byad yin te/ stong phrag nyi shu rtsa lnga pa las/ sbyin pa'i pha rol tu phyin pa ni yo byad do/ /zhes bya ba la sogs pa gsungs so/ /sngags kyi yan lag lnga ni/ bsgrub thabs kyi rim pa las shes par bya'o/ /de lta bu'i don rnams ma nyams par 'jug cing rab tu brtson pa'i rnal 'byor bas ni/ dbang sgyur rigs kyi dam pa 'grub ces bya ba dang 'brel to/ /de yang dus ci tsam zhig ce na/ zhag ni sum cu phrag
- 288a
drug gam/ /bcu gnyis bcu bzhi bcu drug gis/ /dbang sgyur rigs kyi dam pa 'grub ces bya ba gsungs so/ /de ltar blo rab 'bring rnam pa gsum gyis so/ /des 'bras bu mngon du byed pa yin zhe na/ dbang sgyur rigs kyi dam pa 'grub ces bya ba gsungs so/ /tshe la dbang sgyur ba ltar yang rgyud phyi ma las gsungs pa/ shes rab rnam gsum dag la goms byas nas/ /ting 'dzin mnyam pa'i don rtogs te/ /rtag tu yangs pa chen po bsgom/ /rgyu 'bras dus gcig rdzogs pa yi/ /rang rig nyid la dbang thob ste/ /tshe ni bcu dang drug pa yi/ /brgya brgya dag tu bsgyur zhing gnas/ /lus ma bor bar sangs rgyas sa zhes bya ba gsungs so/ /'di bsgrub pa'i don ci'i phyir/ da lta'i dus kyi yul gyi dngos po 'di dag la chags pa ma yin nam zhe na/ ma yin te/ da lta'i dus 'di nas sku lnga lhun gyis grub pa'i bar du/ las 'phro dang ldan pa'i rnal 'byor pas/ bag chags ngan pa thams cad smin pa'i skabs mi phyed par byed pa ni/ sog ma'i phung po ltar rul bar byas shing tshe 'di nyid kho nas/ rdo rje chen po'i rigs 'dzin du 'dod par 'gyur te/ de'i phyir rdo rje tshe bsgrub pa yin no/ /de yang lo brgya lon pa dang slar yang lo drug pa dang bcu pa la sogs pa'i na tshod du bsgyur te/ skra 'khyil cing gnag pa ni bung ba lta bu dang/ skra dkar dang gnyer ma med pa dang/ zos mdog bde ba dang/ pad+ma lta bu'i mig dang ldan pa la sogs pa dang/ de ltar yun ring por yang nas yang gnas shing bsgrubs pas/ dang por phyogs bcu dus gsum gyi sangs rgyas thams cad lha'i mig
- 288b
la sogs pas mthong zhing/ sgyu 'phrul gyi rdzu 'phrul bsgrubs te/ sangs rgyas de dag gi drung du rdzu 'phrul gyis 'gro zhing/ de nas slar yang 'ong zhing/ skal pa chen po'i bar du gnas pa la bya'o/ /des cir 'gyur zhe na/ tshe la dbang sgyur ba'i rigs 'dzin gyi dam pa 'grub ces bya'o/ /'grub ces bya ba'i don gyis ni ye shes mngon du 'gyur zhes bya'o/ /de ltar gyur nas tshe lo brgya phrag bcu drug tshad kyis ni/ skye shi med pa'i g.yung drung gi sku la sogs pa'i sku lnga lhun gyis rdzogs pa ni rnal 'byor pa'i kun gzhi rnam par dag pa me long lta bu'i/ ye shes thig le de nyid la 'phags pa'i/ ye shes kyi thig le de nyid snang ba ni/ che ba'i yon tan bsam gyis mi khyab cing/ byin gyis brlabs pa mdza' yas pa'i mchog tu gyur pa dang ldan pa yin no zhes bya'o/ /de ltar 'phags pa'i ye shes kyi thig le snang zhing mthong ngo zhes bya bar gsungs pa de yang/ gang dang gang yin tshul ji lta bu zhig mthong zhes rtog cing sems pa'i bdag nyid can de'i don du/ sgo dang po don dam pa'i kun rdzob kyi sgo nas mthong ba ni/ phyogs bcu dus bzhi mngon rdzogs pa'i/ /zhing khams bsam yas rnam dag dang/ /rgya dang bral ba'i gzhal yas khang/ zhes bya ba la sogs pa ste/ mthun pa'i ye shes rang snang ngo zhes bya ba'i bar du gsungs par 'gyur te/ de ni don dam pa'i kun rdzob kyi sgo nas/ spyan rnam par dag pa gsum gyis mthong ba ste/ phyogs bcu dang dus bzhir mngon par rdzogs par sangs rgyas pa'i sangs rgyas bcom ldan 'das dang/ sangs rgyas bcom ldan 'das de dag gi /zhing khams snod dang bcud du bcas pa rnam par dag pa'i yon
- 289a
tan ngag gi sgo nas brjod du med pa lta ha cang ches te/ yid kyi sgo nas kyang bsam yas pa dang ldan pa dang/ rgyal ba de bzhugs pa'i gnas phun sum tshogs pa'i yon tan bsam ya pa'i/ rgya dang bral pa de'i yon tan phun sum tshogs pa/ 'khor lo'i rgyan dang/ rol mo'i tshogs la sogs pa kun yang spyan rnams pa gsum gyi sgo nas mthong ngo/ /de ltar phyogs bcu dang dus bzhis bsdus pa'i/ dkyil 'khor ma lus pa bsam yas pa kun yang spyan gsum gyi sgo nas mthong zhing/ de bzhin gshegs pa de dag gi drung du rdzu 'phrul gyis song nas kyang/ de bzhin gshegs pa de dag la lus ngag yid gsum dang ba'i sgo nas/ mchod pa la sogs pa'i khyad par gyis kyang nye ba dang/ de nyid du mnyes shing bsnyen bkur gyi las bgyid pa dang/ rgyal ba dag gis kyang snod dang zhing du gyur pa'i rnal 'byor pas/ de las gsung gi rdo rje brjod pa dang bral ba'i sgo nas/ brag bca' i sgra bzhin du/ rgya chen po'i gsung las rnam par dag pa'i don 'byung ba yang/ sgrib pa gnyis spang shing tshogs gnyis rdzogs te/ gzung 'dzin gnyis spangs pa'i mthun pa'i ye shes rang snang ba'o/ zhes bya ste/ mu stegs kyi sde dpon lta bu ma yin no zhes bya'o/ /de ltar yang ci mngon zhe na/ stong phrag nyi shu lnga pa las kyang/ phyogs bcu'i sangs rgyas kyi zhing yang mthong la/ der phyin nas de bzhin gshegs pa de dag gi drung du nye bar 'gro zhing/ mchod pa'i rnam pas mchod pa dang/ lus ngag sems kyis mnyes par byed pa de'i zhal du chos shing/ slar yang 'dzam bu gling 'di nyid du 'od do zhes gsungs so/ /don dam pa'i kun rdzob rdzogs pa chen po'i tshul du mthong ba ni/
- 289b
bdag dang sems can thams cad lha sum cu rtsa drug gi rang bzhin du mthong ba dang/ de yang 'di nyid kyi rgyud phyi ma las kyang/ bdag zhal bdag gis mthong ba'o zhes gsungs pa'o/ /don dam pa'i yang don dam pa'i sgo nas mthong/ ba ni/ ye shes kyi spyan rnam par dag pa'i sgo nas/ de bzhin nyid chos kyi dbyings mthong ba la bya ste/ de'i phyir yang gsungs pa/ gcig dang du mar bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang byung ye shes gnas med snang/ zhes bya ba gsungs te/ de bzhin nyid kyi dbyings de ni dngos por ma grub pas/ gcig ces byar rung la/ rdzas kyi tha snyad dang bral bas du ma zhes mi bya'i/ ci'i phyir zhe na/ gal te/ gcig ces bya ba'i ngo bo can yod na ni/ du mi zhes bya ba'i rdzas kyang yod de/ gcig ces bya ba'i ngo bor btags pa med pas/ du ma zhes bya ba'i rdzas su grub pa med de/ gcig dang du mar bral te/ dper na gdud dang ka pa dang/ 'dzam gling gcig gis sku ba dang/ gom pa gcig gis khyab mi srid pa lta bu'o/ /'o na mdza' dang dbus kyi chos can zhig gam zhe na/ mdza' dbus med ces bya ba gsungs so/ /gal te/ mdza' i ngo bo zhig yod na ni/ 'bus su rjes su dpag pa'i chos can zhig kyang yod na/ mdza' rtag chad kyi chos dang bral bas/ dbung du rjes su dpag pa'i chos can yang med de/ dpe nam mkha' bzhin no/ /'o na de la tha snyad kyi skad ji skad brjod na/ de bzhin nyid chos kyi dbyings zhes bya ste/ den? la dor ba'i tshig tu na/ sangs rgyas kyis kyang mi gzigs zhes bya'o/ /gnyis su spyan rnam pa gsum gyi spyod yul ma yin zhes bya'o/ /'o na gang la snang zhe na/ rang byung sangs
- 290a
rgyas rnams kyi ye shes yul dang dbang po rnams kyi tshig las 'das shing/ yul dang dbang po gang la yang mi gnas par ye shes spyad de la snang ngo zhes bya'o/ /de ltar sangs rgyas kyi ye shes dang yul dang dbang po las 'das pa tsam la snang ba'i/ de bzhin chos kyi dbyings de ci'i phyir rnal 'byor pa la snang/ de ni sa dgu man chad kyi spyod yul du gyur pa ma yin na zhes pa dang/ de'i lan gyi rgyu dang por/ log par brtags pa'i gzung 'dzin rnam par dag pa'i ye shes nyid shes par bya ba'i yul de bzhin nyid chos kyi dbyings las mi gzhan pa'i phyir/ rgyu gnyis pa 'phags pa thugs rje chen pos smin par bya ba'i zhing dang 'brel pa'i phyir/ bdag la sogs pa 'gro ba rigs drug gi sems can gyi dus bzhi dang/ gnas khams gsum la sogs pa ma lus pa dag /de bzhin gshegs pa'i ye shes thig le la snang ngo zhes bya'o/ /de ltar yang rgyud phyi ma las gsungs pa/ de bzhin nyid kyi dbyings ldan las/ sgyu dang dra bar 'brel 'gyur na/ sku mchog rdo rje'i 'od snang ba/ /mthun pa'i ye shes rang snang ba'o/ /rgyu drug 'khor ba'i lus snang ba/ /rnam rtog mthun pa'i las snang ba'o zhes gsungs pa'o/ /bde ba chen po'i dkyil 'khor ni/ stangs dbyal gnyis/ blo tha ma'i don dang 'bring la lnga/ de lta bu'i dkyil 'khor byas te dad ldan rab tu zhugs pa na/ 'dod pa mya ngan las 'das pa'i dngos grub ni/ lha mang na che la nyung na ma yin te mnyam par 'gyur zhes bya'o/ /ci'i phyir las 'phro dang bskal par ldan pa'i ye shes de ni/ rnal 'byor pas gnyer na nye bar yang ya mtshan po'i sku gsung thugs kyi dngos grub chen po
- 290b
'byung zhes bya'o/ /de ltar yang 'jug tu rung yang/ dad pa med pa'i mi nyams pa can ni/ der zhugs na bdag nyid phung bar 'gyur ro zhes so/ /dpal gsang ba'i snying po de kho na nyid nge pa las/ thugs kyi rdo rje rigs la sogs pa lha kun 'phra rgyas gnyis kyi dkyil 'khor gsang ba dam tshig gi le'u ste dgu pa rdzogs so// //de ltar slob ma'i don du rdul tshon bri ba'i dgos ched ni/ dbang bskur ba yin pa'i phyir/ de nas zhes bya ba la sogs pas/ bcu pa rgyal po sbyin pa'i le'u gsungs so/ /de nas dpal kun tu bzang po dgyes pa chen po'i lhun la bzhugs pas/ chos kyi rgyal po stong pa chen po'i ting nge 'dzin bskyed pa las/ skye ba'i cho 'phrul gzhan la phan pa chen po sbyin pa zhes bya ba ni/ ting nge 'dzin la snyom par zhugs so zhes bya'o/ /de'i phyir yang gsungs pas/ shes rab thabs kyi phyag rgya las/ /bde ba'i chos 'phrul sna tshogs gsal ba'i rgyun/ /rdo rje lam nas pad mor 'khyil/ /rtse nas bstim zhing dkyil 'khor bsgyur zhes bya ba la sogs pa gsung ste/ shes rab ni yum shes rab kyi pha rol tu phyin ma'o/ /thabs ni snying rje chen po'i mtshan nyid yab kun tu bzang po'i gnas gyur pa'i dus su ni/ sa bon gyi ngo bo las ni byang chub kyi sems rdo rje 'am/ yab kyi rdo rje thugs byang chub sems dpas rdo rje sems dpa' / 'bras bu phyag rgya'i dus su ni/ bdud bzhis bskyod par mi nus pa'i phyir mi bskyong pa'o/ /de ltar yab yum lha sum cu rtsa drug gi ngo bor gnas pa'i thabs dang shes rab kyi phyag rgya/ gnyis su med pa'i lhag pa'i byang chub kyi sems bde ba chen po/ yig 'bru'i tshogs kyi ye shes kyi chu rgyun yab kyi
- 291a
rdo rje'i lam nas yum gyi pad+ma'i dkyil du 'khyil pa de/ bdud rtsi'i phyag rgyas blangs nas/ slob ma'i lce'i dkyil nas bstim zhing/ sku gsung thugs yon tan 'phrin las la sogs pa'i sngags brjod la/ bstim nas/ nye bar len pa'i phung po lnga ye shes kyi dkyil 'khor rnams su gnas/ bsgyur zhes bya'o/ /de la dbang yang gsang ba byang chub sems dang/ nang ye shes kyi dkyil 'khor dang/ phyi'i rdzas kyi dbang ngo/ /phyi rdzas kyi dbang la ye shes rin po che'i dbu rgyan dang/ shes bya rgya mtsho la thogs pa med pa'i cod pan dang/ byang chub kyi yan lag gi me tog gi phreng ba dang/ che ba'i yon tan rin po che'i phreng ba 'am/ yang 'jigs byed chen po'i thod pa'i phreng ba ste/ des ni gzung 'dzin la gnas pa'i sems can sdang shing rgyal par byed pa ste/ don du na mtheng ba'i phreng ba'i dbu rgyan des rdo rje 'dzin pa bdag bskyod do zhes bya'o/ /des ci'i phyir zhe na/ gzung 'dzin rnam par dag pa las bdag /skye'o zhes bya'o/ cho ga ni yang na 'jig rten 'jigs byed chen po'i rtsa mar dang/ glang po che'i ko ba dang/ stag gi pags pa dang/ /seng ge'i pags rlon la sogs pa'o/ /rgyal mtshan ni chu srin dang/ seng ge rin po che la sog pa'o/ yang na kha twad kha la sogs pa'i rgyal mtshan chen po'o/ /rdo rje 'khor lo rin po che/ /pad+ma ral gri dril bu'o/ /yan na yum chen mo lnga'i gdugs ni/ ras sam dar gyi gdugs so/ /yang na 'jigs byed chen po'i g.yang gzhi/ nam mkha' la phyag gis brgyangs pa'o/ /bum pa ni rin po che'i 'o/ /yang na ban d+ha bdud rtsi lngas bkang ba'o/ /bza' ba ni bza' ba'i longs
- 291b
spyod la sogs pa ste/ khur ba la sogs pa'o/ /yang na sha rnam pa lnga'o/ /gtung ba ni chang la sogs pa'o/ /yang na bdud rtsi rnam pa lnga dang/ khyad par du khrag chen no/ /snying po lnga'i gser la sogs pa'o/ yang na mig dang rna ba sna lce snying mkhal ma dang mtshan ma'o/ /phyi gsang ba byang chub sems kyi dbang dang/ nang ye shes kyi dkyil 'khor gyi dbang ni/ rdul tshon gyi dkyil 'khor bshad par bya'o/ /dpal gsang ba'i snying po de kho na nyid nges pa las slob ma'i khyad par gyis phyi nang gi gsang ba'i dbang sbyin pa'i le'u ste/ bcu pa rdzogs so// //de bzhin gshegs pas bka' gsang ba'i theg pa rim pa dgu la/ theg pa chen po'i dbang du tha ma lnga yang bar bzhed nas mchog bzhi bsgrub pa bya ba'i khyad par bstan pa ste/ gsang ba'i byang chub sems las/ 'phags pa la mchod pa dang/ rang nyid rdo rje tshe la sogs pa'i don du longs spyod pa dang/ 'gro ba yongs su dag par bya ba dang/ rnal 'byor pa'i khyad par gyis tshogs kyi dkyil 'khor la sogs bya ba'i phyir/ de nas zhes bya ba la sogs pas bcu gcig pa tshogs kyi dkyil 'khor gyi le'u gsungs so/ / de nas zhes bya ba la sog pa'i don ni bkral zin to/ /don dam pa'i byang chub kyi sems skye ba med pa'i bdag nyid dang/ kun rdzob thabs dang shes rab kyi ngo bo/ 'go ba'i don du dgyes pas dgyes pa chen po'o/ sgyu 'phrul dra ba'i sgo nas rgyal po dra ba'i ngo bor bsgyur bas/ rgyal po bsgyur ba'o/ /de la gong du rgyal po sbyin pa zhes bya la/ 'di rgyal po bsgyur ba zhes bya ba ci'i phyir zhe na/ gong gi gzhan gyi rgyud las
- 292a
'byung ba yin pas/ rgyal po sbyin pa zhes bya la/ 'dir ni bdag nyid kyang rgyud las rnam par dag pa'i ngo bo bsgyur ba'o/ /de yang gsang sngags kyi gzhung gnyis kyis ni/ phung po khams dang skye mched thams cad lha'i dkyil 'khor du bsgyur bas de skad ces bya'o/ /de la theg pa chen po la so so'i 'dod stangs ni/ mngon par rtogs pa'i rim pa yang bzhir 'gyur te/ de bzhi gang zhe na/ rgyu gcig par rtogs pa dang/ yig 'bru'i tshul gyis rtogs pa dang/ byin gyis brlabs kyis rtogs pa dang/ mngon sum pas rtogs pa'o/ /de la mdo sde'i theg pa chen po dang/ shes rab ko pha rol tu phyin pa'i theb pa chen pos ni/ rgyu gcig par rtogs pa/ sngon gyi bud+d+ha thams cad kyang sangs rgyas pa'i rgyu bsod nams dang ye shes kyi tshogs bsags nas/ mngon par rdzogs par sangs rgyas la/ da ltar dang phyis byung ba thams cad kyang bsod nams dang ye shes kyi tshogs bsags nas mngon par rdzogs par sangs rgyas la/ da ltar gyi dus na sangs rgyas bsgrub pa'i rgyu bsod nams dang ye shes kyi rgyu gsog cing/ ma 'ongs pa'i dus na/ mngon par rdzogs par sangs rgyas pa thams cad kyang rgyu bsod nams dang ye shes kyi tshogs gcig pas rgyu gcig par rtogs pa'o/ /de yang ci lta zhe na rang bzhin gyi rgyu gcig na/ skye ba'i rgyu dang gsal ba'i rgyu sangs rgyas dang/ sems can so sor sprul pa ste/ de yang bcom ldan 'das kyis byang chub sems dpa' seng ge'i sgra la bka' stsal pa/ rigs kyi bu rgyu rnam pa gnyis yod de/ de yang skye ba'i rgyu dang gsal ba'i rgyu'o/ /de la chos skye bar byed pa ni skye ba'i rgyu'o/ kun nas nyon
- 292b
mongs pa'o/ /sgron mas rdzas ci yang gsal bar byed pa dang 'dra bar/ pha ma ni gsal ba'i rgyu'o/ /skye ba'i rgyu'i phyir bshad na/ rten 'brel gyi rgyu'i sgo nas sa bon skyed pa'i rgyu'o/ /sa dang chu la sogs pa de ni gsal ba'i rgyu'o/ /de dang dra bar sems kyis bla na med pa'i byang chub chen po thob par byed pa'i rgyu pha rol tu phyin pa drug dang dgus/ bla na med pa'i byang chub chen po thob par byed do/ /gsal ba'i rgyu ni sangs rgyas kyi rang bzhin gyis bla na med pa'i byang chub thob pa'o/ /gnyis su na skye ba'i rgyu ni sangs rgyas kyi rang bzhin sems can la yod pa'i phyir na/ sems can thams cad bla na med pa'i byang chub kyi snying po can yin te/ e ma'o bde gshegs snying po las/ rang gi rnam rtog ces gsungs pa'i phyir ro/ /gsal ba'i rgyu ni pha rol tu phyin pa drug dang bcu la sog pa bcu po de dag ste/ gong nas gong du gsal zhing smin par byed pa'i phyir ro/ /yang skye ba'i rgyu med par yang gsal ba'i rgyu sangs mi rgya ste/ dpe sa bon med pa'i sa gzhi dang/ chu lung dang 'dra'o/ /gsal ba'i rgyu med par skye ba'i rgyus kyang sangs mi rgya ste/ sa bon yod kyang zhing sa dang chu lud med pa dang 'dra'o/ /dpe des gong du gsungs pa dag la yang nye bar mtshon par dag la yang/ 'o na de lta bu'i sangs rgyas kyi rang bzhin te/ de ji lta bu zhig gang dang gang gi spyod yul zhe na/ sangs rgyas dang byang chub sems dpa' dag gi spyod yul te/ sangs rgyas kyi rang bzhin de yang mthong ba dang mi mthong ba'o/ /de la mthong ba ni byang chub sems dpa' sa bcu pa dang/ sangs rgyas bcom ldan 'das te/ de gnyis kyi shes rab dang ye shes kyi spyan gyis gzigs so/ /mi mthong ba ni sems can thams cad do/ /mthong ba la gnyis te/ mthong ba mngon sum pas mthong ba dang/ thos pas mthong ba'o/ /de la sangs rgyas bcom ldan 'das dang
- 293a
byang chub sems dpa' sa bcu pas ni/ mngon sum pa'i ye shes kyi spyan gyis gzigs la/ thos pas mthong ba ni/ rnal 'byor spyod pa can dang byang chub sems dpa' sa dgu pa rnams te/ des sangs rgyas kyi rang bzhin dad de bzhin gshegs pa'i chos kyi sku yod par thos pa'o/ /sangs rgyas kyi rang bzhin de yang phyi rol nam yin/ nang na ma yin te/ dpe til mar ji lta ba'o/ /seng ge'i sgras gsol pa/ 'o ma'i nang na zho mchis pa dang 'dra ba'i sems can la/ sangs rgyas kyi rang bzhin rdo rje lta bu mthu bo che mchis te/ sangs rgyas kyi rang bzhin ni mar gyi snying po dang yongs su dag pa dang mtshungs so zhes bka' stsal na/ ci'i slad du sangs rgyas bcom ldan 'das kyis/ sangs rgyas kyi rang bzhin ni phyi rol nam yin nang nam yin zhes bka' stsal pa/ rigs kyi bu 'o ma'i nang na zho yod ces gsungs pa/ 'o ma la zho 'byung ba'i phyir zho yod do zhes bya'o/ /de dang 'dra bar sems can gyi rang bzhin 'o ma dang 'dra ba las/ shes rab rnam gsum gyis ru ma dang drod kyis zho dang 'dra bar gyur pa las/ pha rol tu phyin pa drug gis bsrung ba spyad byas pa dang 'dra bas/ mar gyi snying po lta bu'i bla na med pa'i byang chub thob par 'gyur ro zhes bya'o/ /rigs kyi bu rgyu la yang gnyis te/ bden pa'i rgyu dang rkyen gyi rgyu'o/ /bden pa'i rgyu ni dpe 'o ma las zhor 'gyur zhing de mar gyi snying por gyur pa'o/ /rkyen gyi rgyu ni/ ru ma drod kyis 'o ma las zho 'byung ba'i phyir/ zho'i rang bzhin yod ces bya'o/ /de ltar sems can gyi rgyud la sangs rgyas kyi rang bzhin yang bden pa'i rgyu rkyen gyis rgyu rnam pa gnyis te/ de la bden pa'i rgyu sems can rnams so/ /ci'i phyir zhe na/ sems can la sangs rgyas kyi rang bzhin yod par bden pa'o/ /rkyen gyi rgyu ni pha rol tu phyin pa drug go /
- 293b
ci'i phyir zhe na/ byang chub sems dpa' sa bcu gong nas gong du'o/ /'o na sems can bla na med pa'i byang chub tu sangs mi rgya ba ci'i phyir na/ de ni sangs rgyas sems can gnyis/ rang bzhin gyi rgyu dang bden pa'i rgyu gcig na yang rkyen gyi rgyu gnyis so/ /skye ba'i rgyu dang gsal ba'i rgyu so sor bye ste/ de yang sangs rgyas kyi dus na ni/ shes rab rnam gsum dang pha rol tu phyin pa bcu'o/ /yang lung la la las ni sa bcu rgyur rgyur nas/ pha rol tu phyin pa bcu 'bras bur gyur pa'o/ /sems can gyi dus na ni kun nas nyon mongs pa pha ma'o/ /de ltar yang kun nas nyon mongs pa'i dpe ni/ kun tu rgyu sen rings kyis zhus pa dang/ brgyad stong ba zhus pa'i mdo las kyang/ kye bcom ldan 'das zhes bod pa'i tshig dang por byas nas/ bcom ldan 'das khyod kyi dbu'i gtsug tor dang ldan pa ni/ khyod sngon las ci zhig spyad pas 'di ltar gyur pa yin zhes pa nas/ mtshan dang dpe byad re re nas/ dris pa dang/ bcom ldan 'das kyis slar lan btab pa/ kun tu rgyus bsams pa/ 'on kyang bdag gis kyang sangs rgyas su 'grub tu rung snyam nas/ rgyun tu zhugs pa'i rgyu la zhugs nas/ dgra bcom pa'i 'bras bu tshe 'di nyid kyis thob nas/ rgyab na 'bras kyi phol mig cig yod pa yang bsos nas/ bcom ldan 'das kyis kyang khyod lung bstan pa ni/ sring mo gang gA'i lha mo mngon par sangs rgyas pa'i dus su/ khyod kyang de la bstan pa lung thob par 'gyur ro zhes so/ /de ltar pha rol tu phyin pa bcu spyad pa'i sgo nas kyang/ mngon par rdzogs par sangs rgyas par 'gyur ro zhes so/ /de la rgol te/ nyan thos ni lung bstan pa med do zhe na de yang yod de/ nyan thos spro pa bskyed pa'i phyir ni/ puN+Da rI ka las kyang/ nyan thos lung bstan pa yod la/ nyid kyi 'khor mdzes par bya ba'i phyir ni/ byang chub sems dpa' nyan thos
- 294a
su tshul ston pa yang yod do zhes bya'o/ /yig 'bru'i tshul gyis rtogs pa ni gang zhe na/ rdo rje theg pa chen po sems tsam gyi rnal 'byor du spyod pa'i tshul gyis ni/ yi ge 'bru'i tshul gyis rtogs pa ste/ de yang bdag gi phung po la sogs pa thams cad sku gsung thugs kyi ngo bo/ /ye shes lnga'i ngo bo rang bzhin yi ge oM du rtogs pa dang/ oM de yis mtshon pa ste rdzogs pa'i dkyil 'khor du bsgom pa dang/ yang na khro bo'i dkyil 'khor du bsgom pa'o/ /phyi'i yul gzugs dang sgra dang dri dang ro dang reg la sogs pa thams cad ni/ yum gyis mtshon nas yum chos kyi dbyings su sbyor ba dang/ yang na yum gyi dkyil 'khor dang/ dbyings su sbyor ba dang/ yang na yum gyi dkyil 'khor dang gnas skabs kyi dbang gis na/ khro bo'i dkyil 'khor du bsgom par bya'o/ /gos dang rgyan dang bza' ba dang btung ba dang/ glu tshig dang bro gar tshogs kyi sprin dpung la sogs pa/ longs spyod kyi rnam pa thams cad ni bde? hUM gi rang bzhin te/ rang gi sems snang ba'i khyad par tsam du bsgom pa'o// de ltar spyod pa des kyang/ mngon par rdzogs par sangs rgyas par 'gyur zhes bya'o/ /dpal twad ta sang kra ha dang/ rdo rje snying po rgyan gyi rgyud la sogs pa'i tshul gyis ni byin gyis brlabs kyis rtogs pa ste/ de yang ci ltar zhe na/ dper na ras dkar po kha dog so sor byin gyis brlab pa'i mthu ni/ tshon so sor nas yod pa ltar/ sems can sangs rgyas su byin gyis rlob pa'i mthu sangs rgyas la mnga' ste/ de yang ji ltar zhe na/ byang chub sems dpa' kun tu bzang po byang chub kyi snying po na bzhugs pa gang na ba der/ rigs bzhi'i sangs rgyas gshegs te/ byang chub sems dpa' de la ched du longs spyod rdzogs pa'i sku bstan nas/ 'di skad ces gsol to/ /rigs kyi bu gang gi phyir khyod kyis de bzhin gshegs pa thams cad kyi de kho na nyid mngon par ma rtogs
- 294b
par/ /dka' ba spyad pa thams cad la spro ba bskyed cing bla na med pa'i byang chub ji ltar thob par bya snyam ste/ de nas don thams cad grub pa de bzhin gshegs pa thams cad kyis bskul bas/ mi g.yo ba'i ting nge 'dzin las bzhengs nas/ de bzhin gshegs pa thams cad la phyag 'tshal nas 'di skad ces gsol to/ /bcom ldan 'das de bzhin gshegs pa thams cad kyi de kho na nyid ji lta bu lags/ ci ltar bsgrub par bgyi/ slar gsung gcig tu 'di skad ces bka' stsal te/ /rigs kyi bu rang gi sems la rtogs shig /mnyam par zhog la rang bzhin lhun gyis grub pa'i sngags 'di zlos shig /oM rtsi ta pra ti be tang ka ro me/ de nas don thams cad grub pas 'di skad ces gsol to/ /bcom ldan 'das de bzhin gshegs pa thams cad bdag gi snying ga na zla ba'i dkyil 'khor du gda' bdag gis rtogs so// slar yang bka' stsal pa/ rigs kyi bu de ltar nged kyis byin gyis brlabs shing khyod bdag gis mngon par rtogs pa'i sems ni rang bzhin gyis 'od gsal ba yin pas/ de ni ci ltar sbyangs pa de ltar te/ dper na ras dkar po tshen gyis bsgyur ba bzhin no/ /de ni rang gi sems rig pa las mngon par byang chub pa'o/ /de nas yang de bzhin gshegs pa thams cad kyis/ sems kyi shes pa de rgyas par bya ba'i phyi/ oM bo d+hi tsit+ta ud pa ta ya mi/ zhes pa yang gsol pa/ zla ba'i dkyil 'khor lta bur mthong ba gang yin pa de ni/ zla'i dkyil 'khor nyid du mthong ngo/ de bzhin gshegs pa thams cad kyis bka' stsal pa/ kun tu bzang po khyod kyis legs so legs so zhes so/ /de ni byang chub sems bskyed pa las mngon par byang chub pa'o/ /yang rigs kyi bu rang gi snying gar zla ba la rdo rje dbyings kyi dkyil 'khor soms shig ces lung phog nas/ sti sta badzra zhes byin gyis brlabs pas/ bcom ldan 'das de bzhin gshegs pa thams cad zla ba'i dkyil 'khor gyi steng na rdo rje'i bdag nyid mthong ngo/ /de ni chos kyi skur gnas pa las
- 295a
mngon par byang chub pa'o/ /sangs rgyas pa'o/ /de nam mkha' i dbyings thams cad du khyad par 'jug pa'i de bzhin gshegs pa thams cad kyi sku dang gsung dang thugs ji snyed pa thams cad de bzhin gshegs pa thams cad kyi byin gyis brlabs kyis/ sems pa'i rdo rje der zhugs so/ /de ni brtan par byas pa las mngon par byang chub pa'o/ /de bzhin gshegs pa thams cad kyis de la rdo rje dbyings zhes bya ba'i ming gis dbang bskur ro/ /de nas byang chub sems dpa' rdo rje dbyings kyis/ bcom ldan 'das de bzhin gshegs pa thams cad kyi sku ni bdag gis legs par mthong ngo/ /slar bka' stsal pa/ sems dpa' chen po de lta bas na/ sems dpa' i rdo rje ste rnam pa'i mchog thams cad dang ldan pa'i sangs rgyas kyi skur soms la/ rang bzhin gyis grub pa'i sngags 'di brtson du zlos shig /oM ya thA sarba ta thA ga ta a haM/ sangs rgyas kyi skur gyur pa las mngon par rdzogs par byang chub pa'o/ /de nas byang chub sems dpa' chen po kun tu bzang po mngon par rdzogs par sangs rgyas nas/ de bzhin gshegs pa thams cad la phyag 'tshal te/ 'di skad ces gsol to/ /bcom ldan 'das de bzhin gshegs pa thams cad kyis/ bdag byin gyis rlob pa la mngon par rdzogs par byang chub pa 'di brtan par mdzod cig /de nas de bzhin gshegs pa thams cad de'i gnas bzhir bzhugs te gnas so/ /de ltar kun gzhi ma rig pa ? me long lta bu'i ye shes su byin gyis rlob pa'i mthu de bzhin gshegs pa mi bskyod pa ste/ de ltar yang gsungs pa/ bsod nams ye shes tshogs chen po/ /rdzogs pa zla ba lta bur bshad ces gsungs so/ /nyon mongs pa can gyi yid mnyam pa nyid kyi ye shes su byin gyis rlob pa'i mthu bcom ldan 'das rin chen 'byung ldan/ yid kyi rnam par shes pa so sor rtog pa'i ye shes su byin gyis rlob pa'i mthu/ bcom ldan 'das tshe dpag tu med
- 295b
ba/ sgo lnga'i rnam par shes pa bya ba grub pa'i ye shes su byin gyis rlob pa'i mthu/ gdon mi za bar grub pa ste/ de lta bu'i tshegs chung ngus rnam pa thams cad kyi mchog dang ldan pa'i ye shes skur byin gyis rlob pa 'di la yang 'jug par bya'o/ /de ltar byin gyis brlabs par rtogs pa des kyang mngon par rdzogs par sangs rgyas par 'gyur ro/ /mngon gsum pas rtogs pa ni/ rdzogs pa chen po'i rnal 'byor pa rnams kyis ni/ mngon sum pa'i tshul gyis mngon par rdzogs par sangs rgyas pa ste/ rgyud 'di kho na'i dbang du gsungs pa ste/ yab yum gyis don dam pa dang kun rdzob byang chub kyi sems lta bu dang/ rgyud gzhan dag gi gnas skabs yi ge las thugs mtshan lta bur gyur pa'i sa bon yin na/ rgyud 'di'i yi ge ye nas sangs rgyas pa'i rang bzhin du bstan pa la sogs pa ji snyed pa ste/ de ltar spyad pa des kyang mngon par rdzogs par sangs rgyas par 'gyur ro/ /de la rab tu rtogs pa'i gzhi dang 'on kyang de'i zla rab ma yin pa yang yod de/ de ni kri ya dang nyan thos dang rang sangs rgyas la shes par bya'o/ /de rab ni mchog tu'o/ /'di la yang khyad par yod de/ dang po gnyis ni rgyur gnas la/ tha ma gnyis ni 'bras bur gnas pa ste/ de'i phyir blo dang po'i rnal 'byor pa rnams la slob dpon gyis 'bras bu gnyis bstan na/ gnyi ga mnyam par 'gyur zhes 'di dngos las so/ /de yang gsang ba'i rgyud thams cad las yo ga rnam bzhi tshad par 'byung yang/ shas che chung tsam las btags so/ /thams cad ces pa ni/ rab tu rtogs pa rnam pa bzhi las so/ mngon rdzogs rgyal po zhes pa ni/ 'khor ba dang mya ngan las 'das pa'i chos la dbang sgyur te/ chos kyi sku nyid du'o/ /rgol te/ gang spyad kyang 'dran rgyud rnam pa mang po dang theg pa'i khyad par mang po ci dgos/ gcig tu 'thad mod ce na/ de yang sems can gyi mos pa dang/ las 'phro dang bsod nams kyi dbang gis so sor gyur to/ /'o na rab 'di bzhi 'dra 'am zhe na/ de yang
- 296a
'bras bu'i dus su 'dra yang/ rgyu lam bsgrub thag nye ring ngo/ /sangs rgyas zin nas ni mnyam pa bzhi'i dbang gis 'dra'o/ /gal te sangs rgyas zin nas kyang mi 'dra na ni/ rnam pa thams cad mkhyen pa'i ye shes su mi 'gyur/ rnam par mi rtog pa'i ye shes kyang rnam par rtog pa'i ye shes su mi 'gyur/ chos kyi dbyings kyang chos kyi dbyings su mi 'gyur ba zhig na/ de ni thams cad nas thams cad du mi srid pas/ rnam pa thams cad mkhyen pa'i ye shes kyang bag chags su mi 'gyur la/ rnam par mi rtog pa'i ye shes kyang gnyis kyi rnam par mi 'gyur bas/ 'bras bu'i dus su 'dra zhes bya'o/ /de la rgyu gcig pa ni mdo sde'i theg pa dang/ pha rol tu phyin pa'i tshul nyid de/ de yang 'dir mi gnas byin brlabs nyid kyi rang bzhin gyi 'dod gzhung ngo/ /dpal twad ta sang kra ha la sogs pa logs shig na gzhung tshugs pa nyid du na/ 'dir mi gnas pa mahA yo ga'i gzhung yin/ yig 'bru'i gzhung dang/ mngon gsum pa gnyis las/ mngon gsum pa ni rgyud 'di'i spyi don du shes par bya ba kho na'o/ /yig 'bru'i tshul yang kun tu yang gnas su zin yang/ khyad par du yang ye shes kyi yig 'bru oM dang/ chos kyi dbyings kyi sa bon mum dang/ byang chub sems kyi rang bzhin hUM dang gsum du 'dus par 'di nyid du yang zhar la bcom ldan 'das kyis gsungs pa/ yan lag dbang po rnam shes kun/ /rnam shes oM du shes par bya/ /rdzogs pa'i dkyil 'khor nyid du bsgom/ /yang na khro bo'i dkyil 'khor bsgom/ /zhes bya ba gsungs so/ /yan lag ni lus kyi yan lag tu gsungs pa ni ma yin te/ rdo rje phung po'i yan lag go/ dbang po ni mig la sogs pa drug go /rnam shes ni de'i rnam par shes pa drug dang/ kun gzhi byang chub gyi sems so/ /kun gyi sgras lhag ma thams cad la yang smos par bya'o/ /de ltar de dag thams cad kyi gzhan gyi rnam par mi lta'o/ /ye shes kyi sa bon yig 'bru oM du shes par bya'o/ /zhes gsungs te/ yi ge oM ye shes lnga'i rang bzhin du phung po dang khams dang skye mched dbyer med par
- 296b
bsgom mo zhes bya ba la/ sku gsung thugs dang sbyor ba'i dus su ni/ bdag dang sems can thams cad kyi don du/ lus ngag yid gsum dbyer med par sku gsung thugs kyi rang bzhin du sbyor ba'o/ /oM de nyid kyang rang bzhin rdzogs pa chen po'i dkyil 'khor 'byung ba'i rgyur gyur pas na/ rdzogs pa'i dkyil 'khor nyid du bsgom zhes bya ste/ ye shes lnga'i khyad par las rdzogs pa chen po'i dkyil 'khor 'byung zhing 'dus pa'o/ /yang gnas skabs kyi khyad par gzhan du yang 'byung ba'i phyir/ yang na khro bo'i dkyil 'khor bsgom zhes gsungs te/ zhi bas mi 'dul ba'i sems can rnam par sbyang ba'i phyir/ ye shes kyi khro bo'i dkyil 'khor nyid du yang bsgom par bya'o zhes gsungs pa'o/ /gzung ba'i yul rnam par dag par bya ba'i phyir yang gsungs pa/ gzugs sgra dri ro reg la sogs/ /rnam smin mum du shes par bya/ /yuM gyi dkyil 'khor nyid du bsgom/ /yang na khro mo'i dkyil 'khor bsgom/ zhes gsungs te/ gzugs la sogs pa'i phyi'i yul gyi rnam pa 'di dag ni/ chos mngon pa'i mdo las gsungs pa lta bu de dag thams cad la/ dpal gsang ba 'dus pa las gsungs pa ltar/ rab 'bring tha ma gsum du shes par byas nas/ de dag kyang gzhan gyi rnam par mi lta ba'i/ yi ge mum gyis chos kyi dbyings kyi ye shes shes rab kyi pha rol tu phyin ma'i rang bzhin nam/ yang na yang dag pa'i kun rdzob kyi bden pa la gnas te/ yum lnga la sogs pa'i dkyil 'khor du bsgom par bya'o/ /gnas skabs kyi khyad par gzhan du yang smos pa'i phyir/ yang na khro mo rdo rje dbyings kyi dbang phyug ma la sogs pa'i dkyil 'khor du yang bsgom mo zhes bya'o/ /phyi'i longs spyod kyi rnam pa thams cad rnam par dag pa ni lha'i dkyil 'khor dang dbyer med pa'i phyir yang/ gos rgyan bza' btung glu tshig dang/ khro gar tshogs kyi sprin dpung la/ /hUM du shes pas rab spyad na/ /ngo mtshar 'byung ba'i dkyil 'khor mnyes zhes bya ba gsungs te/ phyi'i longs spyod gyi rnam pa 'di dag kyang/ de bzhin gshegs pa thams cad kyi thugs kyi rdo rje'i ngo bo'o/ byang chub sems kyi rang bzhin ye shes kyi yig 'bru hUM du shes par bya'o de spro
- 297a
zhing bsdu ba dang/ longs spyod lnga'i mchod par bya'o/ /de ltar byas pas cir 'gyur zhe na/ che ba'i yon tan gyi ngo bor 'gyur ba ngo mtshar du 'byung/ dpal kun tu bzang po'i dkyil 'khor du mnyes par 'gyur ro/ /de yang gos ni phyi nang gi gos dang rgyan la sogs pa ste lha dang lha mo'i rang bzhin du shes par byas shing/ brgyan par 'gyur na/ /'bar ba'i rgyal po chen po'i dngos grub thob par 'gyur te/ de ltar yang gsungs pa/ rgyan dang bgo ba'i phyag rgya yis/ /'bar ba'i rgyal po thub med 'grub/ ces gsungs so/ /yang na phyi nang gi bza' ba dang btung ba'i rnam pa la gong du smras pa ltar byang chub sems kyi rang bzhin ye shes kyi yig 'bru hUM gi rang bzhin du shes par byas nas/ de'i 'phro 'dus 'dod pa'i yon tan lnga'i lha mor longs spyad par byas la/ che ba'i yon tan ngo mtshar rmad du byung ba yang dpa' kun tu bzang po'i dkyil 'khor mnyes zhes bya'o/ /de ltar yang gsungs pa/ bza' dang btung ba'i phyag rgya yis/ /yid bzhin sku dang bdud rtsir 'grub ces gsungs so/ /ngag gi rig byed rnam par dag pa'i phyir yang gsungs pa/ rgyud las byung ba'i glu dang don dang ldan pa'i tshig gi rnam pa thams cad kyang/ byang chub sems kyi rang bzhin ye shes kyi yig 'bru hUM de bzhin gshegs pa thams cad kyi thugs rdo rje'i ngo bo ste/ de ni ye shes lnga'i ngo bo yin pas/ mkha' 'gro ma'i tan tra las gsungs pas/ de ltar shes par bya ste/ 'phags pa'i dkyil 'khor thams cad la gsungs pa'i glu dang don dang ldan pa'i tshig gis bstod nas/ ngo mtshar 'byung ba'i dkyil 'khor mnyes zhes bya'o/ /lus kyi rig byed rnam par dag pa'i phyir yang gsungs pa/ bro gang zhes kyang bya ste/ rkang pas bro bdud? ba dang/ lag pas gar bya ba thams cad kyang/ de bzhin gshegs pa thams cad kyi thugs kyi ngo bo'o/ /byang chub sems kyi rang bzhin ye shes kyi mig 'bru hUM du shes par byas la/ 'phags pa'i dkyil 'khor thams cad lang bul zhing bdag nyid kyi 'khor gyi longs spyod na yang de bzhin no/ /tshogs kyi sprin dpung
- 297b
la zhes bya ba'i don ni der yang ma zad de/ phyi gzung ba'i yul gyi rnam pa thams cad la/ de bzhin gshegs pa thams cad kyi thugs kyi rdo rje'i ngo bo byang chub sems kyi rang bzhin ye shes kyi yig 'bru hUM du shes par byas la/ phyi nang gsang ba'i dkyil 'khor thams cad la phul na/ ngo mtshar 'byung ba'i dkyil 'khor mnyes zhes bya'o/ /bro gar la sogs pa'i de dag gi don yang rgyud phyi ma las rgya cher gsungs te/ 'dir ni mangs kyi dogs pas so/ /da ni thams cad sbyor ba zhes bya'o/ /A li kA li'i don bshad par bya ste/ de yang ci'i phyir de bzhin gshegs pas 'dod chags chen po'i gtsug lag 'di bshad ce na/ de ni spyi dang khyad par rnam pa gnyis kyi sgo nas bshad par mdzad pa yin no/ /spyi'i sgo nas ni 'dod khams kyi sems can 'dod pa'i 'dod chags kyis kun nas dkris pa dang/ dbang phyug chen po dang/ lha mo um gnyis 'dod pa'i 'dod chags kyis myos pa de dag 'dul ba'i don du/ de bzhin gshegs pas kyang 'dod chags chen po'i tshul zhes bya ba'i ting nge 'dzin la snyoms par zhugs nas kyang/ 'dod khams kyi sems can 'dul bar bya zhing smin par mdzad pa yin no/ /de la sbyor ba yang gang zhe na/ lha mo klu mo rigs ngan no/ /dbye 'am yang na mi dbye bar/ /bsnyen pa dang ni nye snyen pa/ /bsgrub pa dang ni bsgrub chen po/ /yum gyi pad+ma'i dkyil 'khor du/ /bde ba thugs kyi dkyil 'khor spro zhes bya ba la sogs pa gsungs te/ ye shes kyi yum rnam pa bzhi la/ lha mo zhes bya ba la sogs pa mdor gsungs pas/ de la lha mo zhes bya ba ni bcu gnyis so/ /klu mo zhes bya ba ni bcu drug gam nyi shu'o/ /rigs ngan ma ni nyi shu rtsa lnga yan chad do/ /dpal gsang ba 'dus pa las kyang/ de la byol song zhes bya'o/ /yang na rgyal rigs dang bram ze'i rig dang/ dmangs rigs bzhi las shes par bya'o/ /rgyal rigs la? ni lha mo zhes bya'o/ /ci'i phyir na bsod nams kyi rgyun gyi bdag nyid can no/ /bram ze dang rje'u rigs gnyis la ni klu mo zhes bya'o/ /ci'i phyir rtog pa'i bdag nyid can no/ /de'i lo ni brgyad dang bcu gnyis la shes par bya'o/ /rigs ngan
- 298a
mo ni dmangs rigs la shes par bya'o/ /de dag kyang de ltar rigs so so dang yum chen mo bzhi'i rang bzhin du dbye 'am/ yang na shes rab kyi pha rol tu phyin pa ma bzhi'i rang bzhin du mi dbye bar/ thabs dang shes rab kyi rang bzhin du longs spyad par bya'o// zhes bya'o/ /de dag gis don yang rgyud phyi ma las thams cad sbyor ba zhes bya ba'i don/ gsungs pa/ phung po khams dang skye mched rnams/ /rdzogs pa'i dkyil 'khor nyid du sbyor/ /shes rab rigs kyi dbyings ma la/ /dkyil 'khor ma lus kun bkod de/ /bdag nyid rigs kyi lhar bsgoms nas/ /rdo rje dril bu gnyis med las/ /byang chub pad+mar shin tu spro/ /'gro ba mang po bde ba thob dang/ /slar yang dbyer med gnyis su thim/ /thim 'gyur dbyings nas phyag rgya 'bar/ /zhes bya ba la sogs pa gsungs so/ /de nyid kyi don yang dag pa'i 'dod chags chen po'i sgo nas/ bsod nams dang ye shes kyi tshogs su 'gyur zhing/ nyon mongs pa'i skyon dang bral te/ dper na rma bya dang pad+ma ltar gnas pa'i skyon gyis mi gos blta bar bya ba'i phyir yang gsungs pa/ bsnyen pa dang ni nye bsnyen pa zhes bya ba la sogs pa gsungs te/ bsnyen pa zhes bya ba ni rdo rje chog chen po lngas bdag nyid lha'i sku phyag rgya chen por bsgoms pa'o/ /nye ba'i bsnyen pa ni dam tshig gi yum bskyed cing/ ye shes kyi yum du byin gyis brlab pa'o/ /bsgrub pa ni yab yum thabs dang shes rab rol pa'i lhag pa'i byang chub kyi sems nyi zla mkha' la shar ba'o/ /bsgrub pa chen po ni gsang ba'i byang chub kyi sems las byin gyis brlabs rnam pa bzhi dang ldan pa ste/ de yang ci ltar zhe na/ yum gyi pad+ma'i dkyil 'khor du/ bde ba thugs kyi dkyil 'khor spro zhes bya ba gsungs te/ yum shes rab kyi pha rol tu phyin ma'i gsang ba'i dkyil 'khor du/ thabs dang shes rab 'dod chags chen po'o/ /bde ba byang chub sems kyi dkyil 'khor spro zhes bya ste/ des ci byed ce na bsod nams kyi tshigs bsags par bya ba'i phyir dang/ bka' drin chen po'i zhing khyad par can yin pa'i phyir/ dang por byang chub dus gsum gyi
- 298b
sangs rgyas mchod pa ste/ de yang thabs dang shes rab rol pa'i ye shes kyi rdo rje dril bu'i sgras spyan drangs la/ sangs rgyas chu'i skal pa'i sprin ltar tshogs shing ma lus pa de la/ bdag yab yum rol pa'i dgyes par mnyes pa'i mchog gi sbyin pa 'am/ mchod pas bstims te/ de la mchog gi rab nyid kyi phyir ro/ /gnyis pa rnal 'byor pa rang nyid rdo rje tshe'i dngos grub thob par bya ba'i phyir/ lha thams cad kyi rang bzhin ye shes kyi chu'i ngo bo/ /zla gsang thig le las nad gi hoM bya bar gsungs pa ni/ bsgrub pa nyi zla'i snying po de/ /dkyil 'khor rdo rje lce yis blang zhes bya bar gsungs te/ byang chub kyi sems zla gsang thig le ni/ bsnyen bsgrub rnam pa bzhi las grub pa yin no/ /zhes gong du gsungs pa de/ 'dir ngos bzung ba'i phyir/ de yang yab yum thabs dang shes rab gnyis su med pa'i lhag pa'i byang chub kyi sems nyi zla'i dkyil 'khor de/ hUM las skyed pa'i rdo rje rtse lnga pa'i bum pa la snang ba mdza' yas kyi dkyil 'khor bsgoms pas blangs nas/ oM dkar por byin gyis brlabs te zos bas/ nang gi dkyil 'khor de dag mnyes pa'i chog bya'o/ /des cir 'gyur zhe na/ mkha' 'gro gsal 'bar tshe la sogs/ /yid bzhin sprin gyi bdag por 'gyur zhes bya ba gsungs te/ nam mkha' la 'gro ba dang/ mdog gsal ba dang/ 'od zer 'bar ba dang/ yid bzhin gyi nor bu rin po che ltar dgos pa thams cad bsams pa tsam gyis 'byung ba dang/ sprin ltar nyon mongs pa'i gdung ba sel ba'i rgyu chos kyi sku'i sa bon lta bur 'gyur ro zhes so// //da ni gsum pa dbang phyug chen po dang/ u ma gnyis kyi bu ru twa chen pos gab pa'i gsang ba ma rtogs pas sngon gyi dus su sbas pa'i gsang ba la mngon par zhen pa'i 'bras bu grol ba'i bdag nyid can de'i bstan pa la zhugs pa'i skye bo dag? gdul ba'i don du/ de bzhin gshegs pas kyang sgrol ba rnam pa ldang? gsungs pa'i ting nge 'dzin gyi sbyor sgrol dang/ sbyor sgrol bdag la rdzogs pa'i don gyis gsang ba'i gnas su 'gro ba bsgral zhing dbang skur ba'i don de bstan par bya ba'i phyir yang gsungs pa/ zhing 'gyur mchog dang mchog
- 299a
phran rnams/ nyi zla'i dkyil du mkhas pas gzhag ces bya ba la sogs pa gsungs te/ ci'i phyir ci bzhag ce na/ de bzhin gshegs pa'i thugs rjes 'dul ba'i zhing khams dang/ snod du gyur pa'o/ /de la mchog ni lha dang mi'o/ /mchog phran ni ngan song gsum ste/ de'i bsod nams kyi khyad par de ltar gdags pa yin no/ /nyi zla'i dkyil 'khor ni bum gyi b+ha ga'i nyi zla rtsegs ma'o/ /der mkha' 'gro zhes bya ste/ mkhas pas 'od zer gyi lcags kyus bkug la gzhag ces bya'o/ /de ltar yang gsungs pa/ rgyud phyi ma las kyang thugs rje chen po'i byin rlabs kyis/ lam lnga'i sems can kun bkug nas/ thams cad ma lus bsgral bar bya zhes gsungs te/ sbyor sgrol bdag la sogs pa de la rdzogs par bstan pa ni/ yang na sbyor sgrol bdag la rdzogs/ shes rab dbyings dang bdag tu sbyor// thabs chen sprul pa bsam mi khyab/ /dbyings dang dbyings su rnam par bsgom/ /rol pa'i 'phrin las bsam mi khyab/ /thugs rje'i sprul pa bsam mi khyab/ /byang chub sems sprul phyogs bcur 'phro/ /ngan song gnas kyang stongs par byed/ /de phyir sbyor sgrol? bdag la rdzogs zhes gsungs so/ /de la nga rgyal zhes pa ni sku phyag rgya gsal ba'i ting nge 'dzin ma nyams pa de nyid de/ chu'i zla ba ci lta bu bzhin du shes pa'i ngo bo nyid do/ /lag gi 'du byed ces pa ni/ gong du gsungs pa'i yab yum de gnyis kyang rang thad du gnas pa ma yin te/ lag pa'i 'du byed dza du ba be sha dang/ hUM gi phyag rgyas bcings pa dang/ baM gyi phyag rgyas zhal sbyar pa dang/ dril bu'i phyag rgyas bskyod pa dang bskul ba la sogs pas/ 'dod pa'i mes zhu nas hUM du gyur pa la sogs pa ste/ de'i don yang 'dir gsungs par 'gyur ba ste/ bdag nyid kyang yab kyi sku phyag rgyas 'gyur ba bsnyen pa dang/ yum nye ba'i bsnyen pa dang/ ljon pa la sogs pa'i gang rigs kyi bye brag gis bzung ba'i dam tshig gi gzungs ma dang/ lha mo dang klu mo la sogs pa bsgom pa'i rim pas byin gyis brlabs
- 299b
pas nyid mdun du nye bar gnas pa la smon pa byang chub kyi sems kyis/ de nyid rdo rje sgeg mo'i gzugs de bzhin gshegs pa thams cad kyang rjes su chags par byed pa'i lha dang lha mo yin dang/ rnal 'byor pa thams cad kyi yang yid kyi dbang po'i smon pa'i yul du gyur pa'i byang chub sems kyi ngo bo rdo rje sgeg mo'i gzugs su sems g.yos nas/ dam tshig gi brdas sa ma ya stwa ma zhes brjod par bya'o/ /dam tshig gi gzungs ma des kyang bdag nyid kyi ye shes kyi lha mor bsgoms nas/ sgrub pa'i gtso bo ye shes kyi gtso bor dmigs te/ ljang ba byang chub sems lus dang dag sems bskyed do/ /de'i lan du sa ma ya ho zhes brjod de/ thabs dang shes rab kyi gzungs kyi phreng bas? 'brel pa'i dus 'thab po zhes bya'o/ /yang ye shes kyi gtso bos 'jug pa byang chub kyi sems bskyed nas/ h+ri gir hi ra ho haM zhes brjod de/ de ni chos kyi dbyings rnam par dag pa dang/ sems can gyi gtong ba'i chags pa dam pos so sor rtse gcig tu gnas pa ste/ mdor na chos nyid dang thabs dang shes rab kyi bde ba chen po la chags pa'o/ /yum des kyang gnas pa byang chub kyi sems bskyed nas/ lan du a nir tir ga ya mi zhes brjod pas/ chos nyid dang thabs dang shes rab kyi dam tshig gi bde ba chen po la gnas nas/ gzhan gyi don phun sum tshogs pa la smos shing/ mi gtong ba'i chags pa dam po la gnas pa ste/ de dag ni 'dod pa bskyed pa rnam par dag pa'i cho ga'o/ /de lta bu'i yum de'i kyo ba'i phyag rgyas mdun du bkug nas tshul khrims kyi dri phun sum tshogs pa'i ngo bo rdo rje bdug pa mo'i dga' spro bskyed nas/ hUM las bskyed pa'i gsang ba'i rdo rjes pad+ma'i dbang po phye ste rol par bya'o/ /de nyid zhags pa'i phyag rgyas dam por 'dzin pa 'gro ba mi spong ba'i snying rje chen po bcings nas/ lhag pa'i byang chub kyi sems rig pa'i me tog tu bcas par bya'o/ de nyid la mu tra zhal sbyar ba'i lcags sgrog gi phyag rgyas bsdams nas/ 'gro ba mi gtong ba'i dga' ba chen pos dbang sgyur te/ lhag pa'i byang chub sems kyi 'od zer 'phro zhing rab tu gsal bar bsgom mo/ /de nyid dril bu'i phyag rgyas sgra
- 300a
dang ldan par bskyod de/ bde ba chen po'i sgra chen pos/ 'jig rten drug gi phyogs bcu'i rgyal ba yab yum sras dang bcas pa rnams rol ba'i sgras spyan drangs te/ mdun gyi bar snang la chu'i skal pa'i sprin ltar 'khrigs pa la/ byang chub sems kyi lha mo'i tshogs sprin ltar 'khrigs pas mchod par bya ste/ pu tsa badzra zhes pa'i sngags kyang brjod par bya ste/ de ltar yang gsungs pa/ 'jug dang smon pa'i byang chub sems/ /g.yo dang bskyod dang ldang ba gnas/ /dgug dang 'dzin pa de bzhin te/ /bcings na 'khril ba'i don 'grub phyir/ /bsdams nas mi gtong dbang du 'gyur/ /bde ba'i sgra brnyan phyogs bcur sgrogs/ zhes bya ba la sogs pa gsungs so/ /de ltar yab yum thabs dang shes rab kyi byang chub sems yum gyi mkha' la thebs pa de las/ phyogs bcu dus gsum gyi dkyil 'khor ma lus pa la mchod pa dang/ yang rang nyid mya ngan las 'das pa'i 'bras bu 'dod pa'i phyir/ longs spyad pa dang/ gsang ba'i gnas su 'gro ba rigs drug gi sems can kun bkug nas/ thabs dang shes rab nyi zla rtseg ma'i steng du gzhag nas/ lha'i sku phyag rgya'i bdag nyid du bskyed nas/ de ltar 'gro ba rigs drug gi sems can de gzhug par bya ba'i phyir/ dza(rgyud 'grel): hUM baM ho(rgyud 'grel): bzhi'i phyag rgya bzhis bskyod cing bskul bas/ 'gro drug po de 'dod chags chen po'i mes zhu nas 'od kyi gong bu las hUM du gyur nas/ yang ye shes lnga'i rang bzhin ye shes kyi rdo rje nyid du nges par byas la/ de las sku phyag rgyar gyur nas/ spyi bo'i gtsug tu bcom ldan 'das mi bskyod pa bsgoms nas/ phaT kyi sgras 'og min nam mngon dga' i 'jig rten gyi khams su gnas par bya'o/ /de yang rgyud phyi ma las gsungs pa/ phyogs dus dkyil 'khor mnyes pa dang/ 'gro ba mang pos bde thob nas/ gnyis med dbyings kyi dad du thim/ thim 'gyur dbyings nas phyag rgyar 'bar/ /'di ni bsgral ba chen po yin/ /bsgral ba de nyid sbyor ba ste/ sbyor ba de
- 300b
nyid ma lus bsgral zhes bya ba gsungs te/ de la thim 'gyur dbyings nas ji lta bu'i phyag rgyar 'bar ba yin zhe na/ de'i phyir yang gsungs pa/ thim 'gyur dbyings nas phyag rgyar gsal/ bde gshegs thabs dang ye shes rdzogs/ /phyag rgya drug kyang yang dag rdzogs/ /bsod nams ye shes tshogs gnyis rdzogs/ /thams cad dbyings su sbyor bas na/ /ngan 'gror mi lhung yang dag 'grub/ /'di ni bsgral ba chen po yin zhes gsungs te/ 'gro ba rigs drug po de nyid 'dod chags chen po'i mes 'od du zhu nas/ hUM las rdo rje dang/ rdo rje la sogs phyag rgya zhal gsum phyag drug pa/ thabs dang shes rab tu ldan pa bsgoms nas/ mi bskyod pa'i sbyor bas dbang bskur te/ phaT gyi sgras 'og min nas mngon dga' 'am/ bde ba can la sogs pa ci snyed pa'o/ /de la sbyor sgrol bya ba kun byas kyang/ /rdul cha tsam yang byas pa med ces bya ba gsungs te/ kun zhes bya ba'i sgras ni sbyor sgrol rnam pa drug gzung bar bya ste/ de yang gang zhe na/ rang bzhin gyi sbyor sgrol dang/ ting nge 'dzin gyi sbyor sgrol dang/ dbang po yul dang dus kyi sbyor sgrol dang/ thabs chen po'i sbyor sgrol dang/ mngon du ? pa'i sbyor sgrol dang/ sbyor sgrol bdag la rdzogs pa dang drug go /de la sbyor sgrol bdag la rdzogs pa ni bshad zin no/ /rang bzhin gyi sbyor sgrol yang gnyis te/ rang bzhin don dam pa'i chos nyid byang chub sems kyi dkyil 'khor gyi dbang gis bsgral ba ni/ phyi nang snod bcud kyi chos thams cad chos kyi dbyings skye ba dmed pa'i dang du bsgral bar bya ste/ de ni rgyur 'di la spyir sbyar te/ de ltar yang gsungs pa/ phyi nang snod bcud ci snyed na/ /gnas pa'i sems can thams cad kun/ /bdag nyid chen por rtogs pa yin/ chos nyid dbyings su bsgral bar bya'o/ /zhes gsungs so/ /rang bzhin rdzogs pa chen po'i dang du sbyor zhing bsgral ba yang/ rgyud kyi spyi don dang le'u gnyis pa las shes par bya'o/ /ting nge 'dzin gyi sbyor sgrol ni/ 'das ma thag pa'i de bzhin nyid shes pa dang/ mahA yo ga'i dbang
- 301a
du sbyar te/ de ltar yang gsungs pa/ thugs rje chen po'i byin brlabs kyis/ /lam lnga'i sems can kun bkug nas/ /thams cad ma lus bsgral bar bya/ /ri rab chen po gling bzhi la/ /gnas pa'i sems can ma lus kun/ /thugs rje chen pos byin brlabs nas/ ye shes me chen bsgoms byas te/ /thams cad ma lus bsreg byas nas/ /de bzhin gshegs par byin gyis brlab/ /rgyal ba'i sras su dbang bskur ro zhes gsungs so/ /dbang po dang yul dang dus kyi sbyor sgrol ni/ phung po dang khams dang skye mched rang bzhin gyis rdzogs pa chen po'i ngang du sbyar ba dang/ dbang po yul dang dus de dag kyang thabs dang shes rab kyi ngang du sbyar ba dang/ don dam par rang bzhin med pa ste/ de ltar yang gsungs pa/ phung po lnga po gzhig pa dang/ /gzhigs nas 'byung ba'i bag la zha/ /ma gzhigs na yang 'byung ba yin/ /sems nyid stong par bsad byas nas/ /gnas pa nyid na dngos po med ces gsungs so/ /thabs chen po'i sbyor sgrol ni/ /gzung ba dang 'dzin pa rtog pa'i mtshan ma la gnas pa'i sems can thams cad kun phyin ci log ni lta ba'i ri bo las bsgral te/ yang dag pa'i lta ba gnyis su med pa'i don gyi theg pa chen po gsang sngags kyi theg pa la sogs pa la bkod nas/ sngags dang phyag rgya dang ting nge 'dzin gyis dbang sgyur te/ bla na med pa'i byang chub kyi zhing la bkod par bya'o/ /de ltar yang gsungs pa/ thugs rje chen pos bsgral ba ni/ /gzung 'dzin rtog pa'i blo can dag /phyin ci log las bsgral byas te/ /ting nge 'dzin sngags dang phyag rgya dang/ /dam tshig mchog gis dbang bsgyur te/ /byang chub zhing la dgos par bya/ /de dag cam? la bsgral zhes gdags zhes gsungs so/ /mngon du phyung ba'i sbyor sgrol ni/ /zhi bas mi 'dul ba'i sems can ru tral? sogs pa dag nyid las gsungs pa 'am/ rgyud thams cad sangs rgyas pa'i rgyud phyi ma las gsungs pa ltar/ nyon mongs pa can gyi yid dang/ bdag tu
- 301b
'dzin pa'i ngo bo can gyi de dag bsgral nas gsol te/ snyigs ma dang thal bar gyur pa yang/ slar 'tsho bar mdzad pa dang/ de ltar yang gsungs pa/ shin tu khro bo chen po yis/ thabs kyis lha chen bsgral ba ltar/ /chos nyid rtogs pa'i ting 'dzin gyis/ /gnyis su med par thabs kyis bsgral zhes gsungs pa'o/ /de ltar bsgral bar byas pa'i dngos po de dag thams cad kun kyang sbyor ba dang ldan pa'i gtso bo yin te/ de ltar yang gsungs pa/ bsgral ba nyid na sbyor ba ste/ nyon mongs sdug bsngal rtsad bcad nas/ /byang chub gnas su bsgral bas na/ gnyis med dbyings su sbyor ba yin zhes gsungs te/ de dag kun kyang kun rdzob tu ni/ sgyu ma dang mig yer? lta bu'i tshul dang mthun la/ don dam par ni rang bzhin med pa chos nyid stong pa nyid kyi ngo bo bas so/ rdul cha tsam yang byas pa med ces bya'o/ /gzhan dag na re ye shes kyi dkyil 'khor sems kyi ngo bor dngos po can gyi rdzas bsgral zhing/ byang chub chen po'i ngo bo ci ltar gzhag par bya zhe na/ zhes rtog pa'i lan du/ snod bcud rgyud rnams dag rtogs shing zhes bya ba la sogs pa gsungs te/ don dam par ye shes kyi sgo nas/ snod dang bcud rgyu dag par rtogs shing/ yang dag pa'i kun rdzob gsang ba byang chub sems kyi dkyil 'khor gyi sgo nas/ ye shes dang ye shes kyi yul thabs dang shes rab kyi ngang du dbyer med pa las/ gsang ba byang chub sems kyi dkyil 'khor las byung ba thams cad dpal kun tu bzang po'i rang bzhin rdzogs pa chen po'i dkyil 'khor du ye nas sangs rgyas par lta bar rtogs shing zhes bya'o/ /spyod pa'i sgo nas brtsams par bya ba'i ngo bo thams cad 'khrul par gyur pa las su ma gyur pa ste/ byed spyod thams cad bsod nams dang ye shes kyi tshogs chen po rnam pa gnyis su 'gyur ba dang/ ting nge 'dzin gyi sgo nas sngags kyi yan lag lnga mnyams shing spyad par bya ba'i yo byad dang ldan na/ rdo rje cho ga lngas bdag lha'i sku phyag rgya chen por rtogs par shes pa'i rnal 'byor pa tshogs pa'i dkyil
- 302a
'khor des/ nges par legs pa'i dgos pa 'grub ces bya'o/ /de la de dag rtogs shing zhes pa ni/ shing gi sgras ni gzhan yang dag pa ma yin pa yang yod de/ de yang byis pa so so'i skye bos ni/ snod ma dag bar mthong ste/ 'byung bzhi'i snod kyi 'jig rten dngos po mthong la/ rmi lam na gnas khang dang lha khang mthong zhing/ rmis pa yang sems 'khrul pas/ phyin ci log gi lus kyis ma yin no/ /bcud 'gro ba yongs su mthong ba dang/ rmi lam mthong ba yang de bzhin du 'dod de/ mthong bam dag pa'o/ /rgyud ces pa ni sems can gyi rgyud ma dag pa ste/ phyin ci log gi lta ba sna tshogs pas yang dag pa'i don mthong du re ba ni/ rgyud ma dag pa ste/ dpe yi dags kyi rgyud dang 'dra'o zhes bya'o/ /dper na yi dags kyis zas dang chu la sogs pa la/ mi gtsang ba dang rnag khrag tu mthong ste/ sems kyi rgyud 'khrul pa'i dbang gis de ltar mthong gi/ rgyud dag na ni chu la sogs pa dngos su mthong ba yin la/ de ltar mthong bas rgyud ma dag pa'o/ /de ltar bzlog ste theg pa chen po la yang dag pa mnyam pa nyid kyi rnal 'byor pas/ snod bcud rgyud la sogs pa dag par rtogs te/ phyi snod kyis 'jig rten rdul phra rab kyi rang bzhin la sogs pas stong ste/ de dag rnam par dag par rtogs pa ni yum lnga'i rang bzhin no/ /'gro ba ris drug gi dngos su snang ba ni phung po dang khams dang skye mched rdul phra rab la sogs pa'i rang bzhin du stong ste/ rnam par dag pa'i rigs lnga ye shes lnga'i ngo bor rtogs pa'i 'bras bu ni/ rang bzhin rdzogs pa chen po'i dkyil 'khor bas rgyud dag pa'o/ /rgyud dag ste yul dang dbang pos bskyed pa'i sems kyi khyad par mang po ni rtse ba kun gzhi'i rnam par shes pa'i sems du 'dul la/ kun gzhi ni byang chub sems kyi rang bzhin pas/ rgyud dag go zhes bya'o/ /de la des pa zhes pa ni brtan por zhes pa'i tha tshig ste/ phyis 'gyur pa'i chos can sdug bsngal du mi 'gyur
- 302b
te/ byang chub chen po nyid du'o zhes bya ba'i tha tshig go /legs pa'i dgongs pa zhes bya ba ni/ byang chub chen po la sems mdun du gtang ba'o/ /dbang phyug chen po la sngon gsol pa ni/ dgos pa 'grub tu zin kyang/ nges par legs pa'i dgos pa ma yin no/ /'di ni de lta bu ma yin no zhes bya'o/ /chos nyid byang chub sems kyi dkyil 'khor mnyam pa nyid kyi dbyings la dus bzhi mnyam pa nyid du bzhugs pa'i phyir/ mnyam pa nyid ces bya ste/ de dag bdag gi rim pa'i ye shes skyes pa'i ngo bo dbyer med pa'i phyir ro/ /dbyings dang ye shes de'i phyag rgya las yab yum thabs dang shes rab rol pa'i lhag pa'i byang chub kyi sems nyi zla'i dkyil 'khor mnyam pa nyid kyis rten cing 'brel par 'byung ba'i 'khrul 'khor ltar rang bzhin rdzogs pa chen po'i dkyil 'khor du ye nas gnas pa'i lta ba'i sgo nas rtogs shing spyod pa'i sgo nas thabs dang shes rab kyi bde ba la sogs pa dang/ rtsa ba dang yan lag gi dam tshig dang/ sdom pa rnam pa bzhi la sogs pa ji lta bu'i ngo bor spyad kyang 'khor pa'i sa bon du gnas te/ ting nge 'dzin gyi sgo nas rdo rje cho ga lnga dang ldan pa'i yum ye shes kyi lnga mo'i rang bzhin/ ljon pa la sogs pa byin gyis brlabs nas/ dam tshig gi brda' sa ma ya stwam/ sa ma ya ho/ ra ho ya haM/ ra ga ya mi/ zhes brjod cing/ ye shes kyi 'dod chags bskyed nas/ dza du pra be sha zhes pa dang/ hUM pus pa a be sha zhes pa dang/ baM de pa su ki ni zhes pa dang/ ho ga na de tsita zhes pa'i brda' dang/ sbyor ba'i yan lag gis thabs dang shes rab rol te/ gsang ba'i gnas su b+h+ruM gyi sa bon las bskyed pa'i 'khor lo'i dbus su rang gi sems kyi ngo bo lhag pa'i byang chub sems nyi zla rnam gnyis 'od du zhu nas/ 'od kyi gong bu gcig rang bzhin la bdag gi yid gtad de/ dbugs dgag par bya'o/ /de nyid gsal bar gyur pa las/ de 'phro zhing 'du ba'i tshul las/ hUM mthing nag 'od zer rab tu 'bar ba dang ldan par bsgom mo/ /de la yang yid kyi dbang po gtad de gsal
- 303a
dang gyur ba dang/ 'phro ba dang 'dus pa'i tshul gyis kun tu bzang po'i sku mtshon gang ba'i tshad du bzhugs pa thabs dang shes rab tu ldan pa zhal gsum pa/ phyag drug pa'i nyi ma'i dkyil 'khor gyi gdan la mnyam pa'i skyil mo krung du bzhugs pa'o/ /de'i phung po dang khams dang skye mched byin gyis brlabs te/ k+Sha las bskyed pa'i gsang ba'i rdo rje/ a las bskyed pa'i chos kyi 'byung gnas kyi nang du gshegs te/ lhag pa'i byang chub kyi sems dkar dmar las gnyis pa yig 'bru'o ngo bo las/ gsum pa bzhi bcu rtsa gnyis las kyi gzugs rdzogs te/ gsal zhing 'bar bar bsgom /de ltar rgyud phyi ma las gsungs te/ bdag nyid chos nyid mnyam sbyor bas/ sangs rgyas bdag nyid byin gyis brlab /k+Sha las e yis mtshon bzhin du/ sgyu 'phrul dra ba'i dkyil 'khor bsgom/ lugs su blugs pa bzhin du ni/ de nyid lam mchog bsgrub pa'o zhes gsungs so/ /de bzhin du yang shar phyogs pa'i rnal 'byor pas/ cho ga ltas bdag nyid dpal rnam par snang mdzad kyi sku phyag rgyar bskyed de/ lcug bran la sogs pa la gong du gsungs pa ltar byin gyis brlab pa la sogs pa byas nas/ oM las bskyed pa'i gsang ba'i ling ga'i rtse la 'khor lo bstan te/ a las bskyed pa'i yi ge gru gsum chos kyi 'byung gnas kyi nang du gshegs te/ rang gi sems kyi ngo bo lhag pa'i byang chub sems las nyi zla gnyis 'od du zhu nas/ 'od kyi gong bu la bdag nyid kyi yid gtad de/ dbugs dgag par bya'o/ /de nyid gsal bar gyur pa dang/ 'phro zhing 'du ba las oM dkar po'o/ /de las ni rnam par snang mdzad kyi sku phyag rgya thabs dang shes rab tu ldan pa zhal gsum pa/ phyag drug pa/ mnyam pa'i brtul zhugs kyi skyil mo krung du bzhugs pa'o/ /de'i phung po dang khams dang skye mched byin gyis brlabs nas/ oM las bskyed pa'i gsang
- 303b
ba'i dkyil 'khor ling ga'i rtse la oM gyis brgyan nas/ e gru gsum chos kyi 'byung gnas kyi nang du gshegs te/ rdo rje cho ga gsum gyis dkyil 'khor tshang bar bskyed nas/ 'phro ba dang 'du ba dang gsal bar bsgom mo/ /de ltar yang gsungs pa/ de nyid gsal bar mnyam sbyor ba'i/ /sangs rgyas kun bdag byin gyis brlab/ oM laM e yis mtshon bzhin du/ sgyu 'phrul dra ba'i dkyil 'khor bsgom/ /lugs su blugs pa bzhin du ni/ de bzhin nyid dbyings lam mchog bsgrub pa'o zhes gsungs te/ de nyid ces bya ba ni rnam par snang mdzad kyi rnal 'byor pa nyid do/ /gsang ba'i dkyil 'khor bskyed cing byin gyis brlab pa'i phyir/ sangs rgyas kun tu bdag byin gyis brlab pa'o/ /ling ga nang nas byung ba'i phyir oM laM mo/ /chos kyi 'byung gnas kyi nang nas ye shes kyi kha dog dang tha mi dad par zhugs pas/ e yis mtshon te/ dpe dang don gnyis dus gcig tu smos pa'o/ /gang bsgom zhe na/ sgyu 'phrul dra ba'i dkyil 'khor ro/ /de bzhin du lho phyogs pa'i rnal 'byor pas/ cho ga lngas bcom ldan 'das rin chen 'byung ldan gyi sku phyag rgya bskyed nas/ ljon pa la sogs pa kun byin gyis brlab pa byas la/ swa las bskyed pa'i gsang ba'i ling gi'i rtse la swa yis brgyan te/ 'byor pa'i yan lag brgyad de/ 'byor pa'i yan lag brgyad gyis chos kyi 'byung gnas kyi nang du gshegs te/ rang gi sems kyi ngo bo lhag pa'i byang chub kyi sems nyi zla 'od du zhu nas/ 'od kyi gong bu la yid gtad de/ dbugs dgag par bya'o/ /de nas de nyid las swa? ser po las/ rin chen 'byung ldan gyi sku mdog ser po zhal gsum phyag drug pa thabs dang shes rab tu ldan pa'o/ /yang de'i phung po dang/ khams dang skye mched byin gyis brlabs nas/ swa las bskyed pa'i gsang ba'i ling ga'i rtse mor spas brgyan nas/ chos kyi 'byung gnas kyi nang du gshegs te/ cho ga
- 304a
gsum gyis dkyil 'khor tshang bar bskyed nas/ 'phro ba dang 'du bar bsgom mo/ /de ltar yang gsungs pa/ de nyid mnyam nyid gnyis sbyor bas/ /sangs rgyas kun bdag byin gyis brlabs/ /swa laM e yis mtshon bzhin du/ /sgyu 'phrul dra ba'i dkyil 'khor bsgom/ /lugs su blugs pa bzhin du ni/ /de nyid khyad par lam mchog go zhes gsungs so/ /yang de kho na bzhin nub phyogs pa'i rnal 'byor pas /cho ga lngas bdag nyid snang ba mdza' yas kyi skur bskyed pa/ lcug phran nam ljon shing la sogs pa la byin gyis brlabs la/ oM las bskyed pa'i gsang ba'i ling ga'i rtse la rin po ches brgyan te/ chos kyi 'byung gnas kyi nang du gshegs te/ rang gi sems kyi ngo bo lhag pa'i byang chub kyi sems nyi zla rnam gnyis 'od du zhu ba'i 'od kyi gong bu la bdag gi yid gtad de/ dbugs dgag par bya'o/ /de nas de nyid las aM dmar po de las gsang bar snang ba mdza' yas kyi sku bskyed la/ zhal gsum phyag drug dang thabs dang shes rab tu ldan pa'o/ /yang de'i phung po khams dang skye mched la sogs pa byin gyis brlabs nas/ oM las bskyed pa'i gsang ba'i dkyil 'khor ling ga'i rtse mo las pad+ma smug pos brgyan nas/ chos kyi 'byung gnas su bsdam ste/ cho ga gsum gyi dkyil 'khor tshang bar bskyed nas/ 'phro ba dang 'du bar bsgom mo/ /yang gsungs pa/ chos rtogs pa'i mnyam sbyor bas/ /sangs rgyas kun gyi byin gyis brlabs/ /oM laM e yis mtshon bzhin du/ /sgyu 'phrul dra ba'i dkyil 'khor bsgom/ /lugs su blugs pa'i bzhin du ni/ /de nyid khyad par la mchog gi zhes gsungs so/ /yang de bzhin du byang phyogs pa'i rnal 'byor pas/ cho ga lngas bdag nyid don yod pa'i skur bskyed nas/ me rag la sogs pa byin gyis brlabs nas/ haM las bskyed
- 304b
pa'i gsang ba'i rdo rje rgya gram gyis brgyan nas/ chos kyi 'byung gnas kyi nang du gshegs te/ rang gi sems kyi ngo bo lhag pa'i byang chub kyi sems/ nyi zla 'od du zhu nas/ 'od kyi gong bu la yid gtad de/ dbugs dgag par bya'o/ /de nas de nyid haM? las don yod par bskyed nas/ phung po dang khams dang skye mched byin gyis brlabs nas/ haM las bskyed pa'i gsang ba'i ling ga'i rtse mo la/ rdo rje rgya gram gyis brgyan chos kyi 'byung gnas kyi nang du gshegs te/ rang gi sems kyi ngo bo lhag pa'i byang chub kyi sems nyi zla 'od du zhu nas 'od kyi gong bu la yid gtad de/ dbugs dgag par bya'o/ /de nas de nyid las ha las don yod pa bskyed nas/ phung po dang khams dang skye mched byin gyis brlabs te/ de las bskyed pa'i gsang ba'i ling ga'i rtse mo rdo rje rgya gram gyis brgyan nas/ chos kyi 'byung gnas kyi nang du gshegs te/ cho ga gsum gyis dkyil 'khor tshang bar bskyed nas/ 'phro ba dang 'du bar bsgom mo/ /de ltar yang gsungs pa/ chos dbyings ye shes mnyam sbyor bas/ /sangs rgyas kun tu bdag byin brlab/ haM laM e yis mtshon bzhin du/ /sgyu 'phrul rba? ba'i dkyil 'khor bsgom/ /lugs su blugs pa bzhin du ni/ /de ni 'phrin las ye shes so zhes gsungs so/ /de la dbus kyi gtso bo ni/ /dkyil 'khor gang yin pa'i gtso bo'o/ /phyi mtshom bu gsum ni rin po che dang/ las gnyis thugs kyi rigs su bsdu'o/ /de la tshogs kyi dkyil 'khor gyi le'u 'di ni/ don gnyis te rnal 'byor pas/ ting nge 'dzin gyis de ltar bsgoms pa dang/ mang nyung gi tshang? gyis tshom bu che chung gsum du bsgoms la/ de yang ? te las ni/ rang gi lha'i ? brgyan rang gi mgo ? ? nas/ de kho na nyid du spyod par bya ba ste/ 'di yang bsod nams kyi rgyu mthun pa ste mi 'gal lo/ /dpal gsang ba'i snying po de kho na nyid nges pa las/ rnal 'byor pas bsod nams kyi
- 305a
tshogs kyi dkyil 'khor gyi le'u ste/ bcu gcig pa rdzogs so// //de lta bu'i tshogs kyi dkyil 'khor de nyid dngos grub bsgrub par 'gyur ba'i phyir/ de nas zhes bya ba la sogs pas/ bcu gnyis pa tshogs bsgrub pa'i le'u gsungs so/ /de la de nas zhes bya ba'i don ni bkral zin to/ /dgyes pa chen po dpal rdo rje sems dpa' thabs dang shes rab kyi ldan pa'i rol mo la sogs pa lus ngag yid gsum sku gsung thugs rdo rje bde ba chen po longs spyod kyi sprin las rnam par 'phros te/ phyis 'byung ba'i 'gro ba'i don du lus dang lus kyi nying lag dang/ 'dod pa'i yon tan lnga la sogs pa'i rgyan bkod pa'i ting nge 'dzin la snyoms par zhugs nas ched du brjod pa 'di brjod do bya ba 'og nas 'byung ba 'di ched du brjod do zhes bya'o/ de nyid kyang gang zhe na/ sgyu 'phrul da bas mngon rdzogs pa'i/ /dkyil 'khor brtan pa'i ting nge 'dzin zhes bya ba la sogs pa gsungs te/ sgyu 'phrul yab lnga dang/ dra ba yum lnga dang/ sems dpa' dang/ sems ma la sogs pa'i phung po dang khams dang skye mched la sogs pa mngon par rdzogs par sangs rgyas shing/ dkyil 'khor rnam pa bzhi brtan pa'i 'gyur ba'i ting nge 'dzin dang/ ldan pa'i rnal 'byor pas/ 'og nas 'byung ba'i lus ngag yid gsum gyi las ci byas pa thams cad mi gnas pa mya ngan las 'das pa'i rgyur 'gyur ro zhes bya'o/ /de yang le'u bcu gcig pa las sgyu 'phrul dra bas mngon par rdzogs par sangs rgyas shing/ maN Dal chen po bzhi brtan pa'i ting nge 'dzin dang ldan pa'i rnal 'byor pas/ /yab yum du ldan pa yis/ nying lag thams cad kyang gtso gzungs nyi shu rtsa lnga phrag gnyis su bsgoms nas/ sa gzhi chos kyi dbyings kyi dkyil 'khor du rkad bas bro brdung ba dang/ lag pas gar bya ba'i lus kyi phyag rgya bskyod pa'i 'phro 'du yis ni cir 'gyur
- 305b
zhe na/ /'dzul lam nam mkhar gnas par 'gyur zhes bya ste/ sems las su rung ba'i rnal 'byor pas phung po gdos pa can ri brag la thogs pa med par 'dzul ba dang/ bya ltar nam mkha' la 'gro bar 'gyur ro zhes bya'o/ /yang le'u bcu gcig pa las rdo rje'i glu blang ba dang don dang ldan pa'i tshig brjod pa la sogs pas cir 'gyur zhe na/ chos kyi dngos grub thob par 'gyur zhes bya ba gsungs te/ chos thams cad la dbang sgyur ba'i gsung snang ba mdza' yas kyi dngos grub thob par 'gyur ro zhes bya'o/ /yang le'u bcu gcig pa las phyi nang gi rgyan dang bgo ba thams cad 'phags pa thams cad la dbul ba dang/ bdag lhar byin gyis brlabs nas/ bgos pas cir 'gyur zhe na/ 'bar ba'i rgyal po thub med 'grub ces bya ba gsungs te/ thun mong dang/ thun mong ma yin pa'i mtshan dang dpe byad dri ma med pa'i ye shes kyi 'od zer 'bar ba'i sku'i rdo rje rnam par snang mdzad kyi dngos grub thob ces bya'o/ /yang nyi dang drag po la sogs pa'i 'bar ba can thams cad kyi yang rgyal po'o/ /gzhan gyis thub pa med pa'i sku dpal khrag 'thung 'grub ces yang le'u bcu gcig pa las/ phyi nang gsang ba'i bza' ba dang/ btung ba'i bye brag thams cad hUM du shes pa 'am/ de nyid lha dang lha mo'i phyag rgyar shes par byas nas 'phags pa la dbul ba dang/ bdag nyid longs spyad pas cir 'gyur zhen yid bzhin sku dang bdud rtsir 'grub ces bya ba gsungs te/ yid bzhin gyi nor bu rin po che lta bu'i sku dang ye shes kyi bdud rtsir sa ya nar 'grub ces bya'o/ /yang le'u bcu gcig pa las/ A li kA li thabs dang shes rab kyi sgra ste/ ci'i phyir zhe na/ mkha' 'gro ma'i tan tra las kyang/ A li zhes bya bung ba ste/ /kA li de bzhin gshegs pa'o/ /zhes bya ba gsungs te/ thabs dang shes rab rnam par dag pa'i ngo bo nyid/ thams cad dang thams cad 'grub par 'gyur zhes bya ba gsungs te/ thams cad kyi thams cad 'khor
- 306a
ba dang mya ngan las 'das pa'i chos thams cad la dbang sgyur ba'i ye shes dang/ mi gnas pa'i mya ngan las 'das pa'i go 'phang thob par 'gyur ro zhes bya'o/ /da ni de ltar spyod pa'i rnal 'byor pa de'i khyad par ni ci lta bu zhes bya/ mtshan ni ji skad gdags/ 'bras bu ji ltar 'gyur zhe na/ shes 'jug mtshan nyid 'byor pa'i gzungs/ /'bras bu smin byed rgyu dang rkyen/ /nus mthu can du gang 'gyur ba/ /rigs 'dzin rgyal ba'i zhing du grags zhes gsungs te de la shes pa ni 'bras bu/ /'jug pa ni rgyu'o/ /ci'i phyir zhe na/ 'phags pa'i nyan thos kyis kyang/ /dang po 'khor ba 'bras bu sdug bsngal bden ba'i sgo nas rtogs la/ mya ngan las 'das pa dang po 'bras bu 'gog pa'i sgo nas rtogs la 'phags pa rang rgyal bas kyang/ dang po rten cing 'brel par 'byung ba'i phyi nang gi 'bras bu'i sgo nas rtogs nas/ de'i phyir bcom ldan 'das kyis kyang/ shes rab kyi pha rol tu phyin pa las/ dang po 'bras bu rnam pa thams cad mkhyen ba nyid du bstan la/ de thob par byed pa'i rgyu ni thams cad mkhyen pa nyid dang/ de'i rigs thams cad shes pa nyan thos kyi lam gyis bzod pa bstan to/ /'jig rten na yang dang por 'bras bus lus la longs spyod kyi rgyur shes nas/ bzod sa lu'i rmo rko la 'jug go / rgyu dang 'bras bu gnyis kyang gcig gzungs su gcig 'gyur te/ phyi'i rgyu drug po 'byung ba chen po lnga dus dang drug go /nang gi rgyu drug go /sa bon dang/ myu gu dang/ sdong po dang/ lo 'dab dang/ me tog dang/ 'bras bu dang/ drug bskyed pa de yang rgyu dang rgyan gyi ngo bo'o/ /dpe de dang 'dra bar/ 'bras bu dpal kun tu bzang po'i go 'phong thob par yang/ mi gnas pa'i mya ngan las 'das pa'i mchog gi dngos grub shes nas/ bzod gsang sngags rdo rje theg pa'i sgong zhugs nas/
- 306b
rnal 'byor pas dpal gsang ba'i snying po la sogs pa/ gsang ba'i rgyud thams cad las gsungs pa'i/ rtsa ba dang/ yan lag dang/ bza' ba dang/ bsrung ba'i dam tshig dang/ sdom pa la/ lus ngag yid gsum gyi sgo nas/ skyon dang zol med pa'i dad pa dang/ dam tshig tu ldan zhing phyir mi ldog pa'i mos pa mchog tu ldan pa'i rnal 'byor pas/ rdo rje cho ga lngas rtag tu lha'i sku phyag rgya chen por bskyed cing/ phyi nang gsang ba'i mchod pa'i yo byad lnga la sogs pa/ rdzogs par byas nas/ sngags kyi yan lag ldan rtog pa can gyi sems kyi rgyud btul zhing/ chos nyid byang chub kyi sems kyi dkyil 'khor dang/ rang bzhin rdzogs pa chen po'i dkyil 'khor dang/ gsang ba byang chub sems kyi dkyil 'khor dang/ gsum la/ ting nge 'dzin gyi dkyil 'khor gyis dus bzhir 'gyur ba med par bsgom par bya'o/ /mngon du mi yengs par bya'o/ /de dag gi 'bras bu shes nas/ /rgyu la 'jug pa'i mtshan nyid can no/ /ji ltar 'jig rten dang 'jig rten las 'das pa'i dpe ngag rgyu dang 'bras bu'i gzugs su gnas pa dang 'dra bar/ 'bras bu dpal kun tu bzang po'i go 'phang dang/ rgyu dam tshig dang/ sdom pa la gnas pa'i rnal 'byor pa des/ cho ga dang/ yo byad dang/ sngags kyi yan lag la gnas te/ gsang bzhi dkyil 'khor chen po bzhi la sogs pa mngon du byas pas/ rgyu'i dus na 'bras bu mngon du byas pa'i gzugs su gnas pa yin no zhes bya'o/ /'o na 'bras bu de nyid la ci rgyu dang/ rkyen med pa kho na cig ma yin nam zhe na ma yin te/ rgyu dang rkyen yang yod zhes bstan pa'i phyir/ 'bras bu smin byed rgyu dang/ rkyen zhes bya ba gsungs te/ 'bras bu dpal kun tu bzang po thob par byed pa'i rgyu ni/ /phyi'i pha rol tu phyin pa bcu dang/ nang gi pha rol tu phyin pa bcu dang/ gsang ba'i pha rol tu phyin pa bcu dang/ sa bcu dang/ gsum yang smin cing grub par byad pa yin no/ /yang phyi'i gzhung las ni/ dmigs
- 307a
par bya ba'i chos kyi dbyings bcu la sgrib pa'i nyon mongs pa can ma yin pa'i ma rig pa shes bya'i sgrib pas bcu mi mthun pa'i phyogs rnams kyi gnyen por/ ye shes kyi ngo bos bcur bsdeb ste/ de ltar rgyu 'am gnyen po sa bcus/ mi mthun pa'i phyogs bcu spangs pas/ 'bras bu pha rol tu phyin pa bcu thob par byed pa ste/ de ltar yang gsungs pa/ chos kyi dbyings la ma rig pa/ /nyon mongs can min bsgrib pa bcu/ /sa bcu mi mthun phyogs rnams kyi/ /gnyen po de ni sa bon zhes gsungs so/ /yang la lan re nyon mongs pa can ma yin pas/ shes bya'i sgrib pas/ dang po la kun tu 'gro ba'i don du ma rtogs pa la sogs pa bcu/ /gnyen po sa bcu rgyur byas nas/ rkyen pha rol tu phyin pa bcu dang ldan pas/ bcom pas/ 'bras bu chos kyi dbyings mngon du gyur pa'i tshe/ ye shes bcu dang/ chos kyi dbyings bcu/ dbyings dang/ ye shes gnyis su med pa ni chos kyi sku zhes bya'o/ /gzhan dag na re chos kyi dbyings ni nam mkha' lta bu'i ngo bo bas/ chos kyi dbyings rnam grangs su byas pa 'gal te/ de ltar mngon par rtogs pa'i rgyan las kyang/ chos kyi dbyings la dbyer med phyir/ /rigs ni tha dad du ma yin zhes bya ba gsungs so/ /zhe na/ de ltar yin gyis kyang gnyen pos bcu'i ngo bor byas pas mi 'gal te/ dper na/ nam mkha' dang sprin bzhin che chung gi ngo bor mthong zhes bya'o/ /de la sngags kyi rigs 'dzin 'dis ji ltar spyod pa yin zhe na/ shes 'jug mtshan nyid 'byor pa'i gzungs/ 'bras bu smin byed rgyu drang rkyen/ zhes gsungs te gong du smras pa/ ltar shes pa dang/ 'jug pa'i mtshan nyid de dag 'byor cing mi 'bral ba'i ni/ sa lu sa la rmos nas bcu bran byas nas 'bras bu smin pa las mi 'da' ba' i ni/ rgyu rkyen gcig gis byed pa'i gzungs gcig sa byed pa dang 'dra zhes bya'o/ /yang
- 307b
gnyis su ni 'bras bu dpal kun tu bzang po'i go 'phang shes nas/ de'i rgyu dam tshig dang/ cho ga dang/ byad dang/ sngags dang/ ting nge 'dzin gyi dkyil 'khor la sogs pa dang ldan pa/ de dag rgyu 'bras 'brel bar byed pa ni/ ye shes kyi lha mo'i ngo bo chos kyi dbyings kyi gzungs ma yin zhes bya'o/ /ci'i phyir zhe na/ /sngags kyi rigs 'dzin ni grogs dang/ yo byad dang/ dngos grub thams cad ni/ de la rag las pa'i phyir ro/ /de la yang dang por dam tshig dang/ ldan pa'i rnal 'byor pas/ cho ga dang/ yo byad du ldan pa'i dus su/ gsang ba'i b+ha gar lhag pa'i byang chub kyi sems las/ /'phags pa mchod pa dang/ 'gro ba dbang bskur ba ni sbyin pa'i pha rol tu phyin pa/ de ltar gsungs pa/ bsnyen pa dang ni nye bsnyen po/ /bsgrub pa dang ni bsgrub chen po/ /yum gyi pad+ma'i dkyil 'khor du/ /bde ba thugs kyi dkyil 'khor spro/ /sangs rgyas sprin tshogs ma lus la/ /dgyes mnyam mchog gi sbyin pas bstim/ /zhes bya ba la sogs pa'o rgyas par gong du gsungs pa yin no/ /sku gsung thugs phyag rgya'i dkyil 'khor gyi ngo bo/ rtsa ba'i dkyil 'khor lnga dang/ yan lag gi dam tshig nyi shu la sogs pa las mi 'da' ba ni tshul khrims so/ /gsal ba'i dkyil 'khor gyi lta ba dang/ spyod pa la mi skrag mi dngang zhing dbang du gyur pa ni bzod pa'o/ /dus bzhi mnyam pa nyid du gsar ba'i dkyil 'khor chen po rnam pa bzhi'i ngo bo las mi 'da' ba ni brtson 'grus so/ /sngags kyi yan lag lnga la gnas pa'i bsam gtan/ chos thams cad dbu ma yang dmigs su med pa'i don bcu'i ngo bo las mi 'da' ba ni shes rab nyon mongs pa lnga dang/ 'dod pa'i yon tan lnga la spyad kyang/ de'i nyes pas mi ges pa'i thabs/ ru tra chen po la sogs pa'i nyon mongs pa'i snyigs ma lnga zil gyis gnon pa ni stobs snyigs ma lnga'i snod dang/ bcud du bcas
- 308a
ba bde ba can la sogs par/ dbyer med par mdzad pa ni smon lam/ ye shes chen po lnga yang stong pa chen po'i ye shes su dbyer med pa ni ye shes so/ /de dag gi 'bras bu ni sa dang po nas/ sa bcu pa'i bar du shes par bya'o de ci'i phyir na 'bras bu dpal kun tu bzang po'i go 'phang/ ye shes kyi sa bcu'i ngo bor shes shing/ rgyu pha rol tu phyin pa bcu la 'jug cing/ de gzugs ye shes kyi lha mo khyod yin zhes bya'o/ /de lta bu'i nus pa'i mthu can du gyur pa'i/ rnal 'byor pa nga'i mtshan nyid ji skad ces gdags zhe na/ rigs 'dzin zhes/ phyogs bcu'i rgyal ba sangs rgyas bcom ldan 'das kyi zhing khams thams cad du grags zhes bya'o/ /dngos su na byang chub sems dpa' zhes bya ba'i tha tshig go /ci'i phyir zhe na/ sngags kyi sgo nas/ de bzhin gshegs pa thams cad kyi rigs 'dzin zhing/ gdung 'tshob pa'i phyir ro/ /de yang gang zhes pa ni/ rigs su chad pa med pa de/ gong ma lta bu la gnas na/ gang yang rung ba'o/ /de yang rigs 'dzin gyi khyad par ni bzhi ste/ gong du gsungs pa ltar/ rtsa ba dang yan lag gi dam tshig la sogs pa'i yon tan dang ldan pa'i dkyil 'khor chen po bzhi la mngon du byed pa la mtshan ma thob pa'i rnal 'byor pa ni/ mos pa spyod pa'i rigs 'dzin/ /phyi nang gsang ba'i pha rol tu phyin pa bcu la spyod pa ni/ sar chud pa'i rigs 'dzin te/ dpal twad twa sang tra ha las gsungs pa ltar/ /rigs so so'i rigs 'dzin tshe la dbang thob par byas nas/ skal pa chung ngu nyis stong du gnas pa dang/ rdo rje chen po'i rigs 'dzin gyis skal pa stong du gnas nas/ phyogs bcu'i sangs rgyas kyi zhing khams kun tu 'gro zhing slar 'ong ba dang/ sgyu 'phrul la sogs pa'i cho 'phrul ston pa'o/ /sa la gnas pa'i rigs 'dzin ni/ sangs rgyas kyi zhing khams bye ba
- 308b
stong zhing sprul pa bye ba 'gyed pa dang/ zag pa med pa'i kun tu bzang po'i spyod pa rdzogs par byed pa'o/ /de dag ni byang chub sems dpa' sems dpa' chen po nyid ces bya yis kyang/ nang gsang sngags kyi sgo nas 'grub pas ni rig 'dzin zhes bya'o/ /lhun gyis grub pa'i rigs 'dzin ni de bzhin gshegs pa dpal kun tu bzang po nyid do/ /yang de lta bu'i mos pa spyod pa dang/ sar chung pa dang/ sa la gnas pa de dag gi skye ba ni ji lta bu len zhe na/ mi dang lha dang tshangs pa yi/ /skye ba rnam dag 'dzin mod kyi /zhes bya ba gsungs te/ mi'i skye ba rnam par dag pa rgyal rigs dang/ bram ze dang khyim bdag gi skye ba rnam par dag ba 'dzin cing/ gsang sngags rdo rje theg pa'i sgo nas/ dpal kun tu bzang po'i go 'phang thob par byed pas/ byang chub sems dpa' i sa rnams dus gcig du mnyam pa nyid du sbyor bar mdzad de/ de ni rgyal po in tra bo d+hi 'khor dang bcas pa dang/ ku ku dza a tsarya nyid lta bu'i 'khor lo bsgyur ba'i rgyal po skye ba rnam par dag pa bzung nas/ gsang sngags rdo rje'i theg pa'i sgo nas/ byang chub sems dpa' i sa rnams dus gcig du mnyam pa nyid du sbyor bar mdzad cing/ dpal kun tu bzang po'i go 'phang thob par byed do/ /de bzhin du brgya byin la sogs pa ste/ 'dod pa'i khams dang/ tshangs pa la sogs te gzugs khams kyi lha thams cad kyi skye ba rnam par dag pa yang 'dzin cing/ gsang sngags rdo rje theg pa'i sgo nas byang chub sems dpa' i sa rnams dus gcig la mnyam pa nyid du sbyor bar mdzad cing/ dpal kun tu bzang po'i go 'phang thob par byed do/ /'o na de lta na ni/ byang chub sems dpa' i nyid kyi lus su ma gyur pas khams gsum las mi 'da' / mi rgal mi 'phags pa'i chos nyid can du mi 'gyur ram zhe na/ lan du/ skye ba rnam dag 'dzin mod kyi/ khyad par sa la gnas 'gyur yin/ zhes bya ba gsungs te/ de lta bu'i lha dang
- 309a
mi'i skye ba rnam par dag pa ni 'dzin cing lus la brten mod kyi/ gnas kyi khyad par ste/ byang chub sems dpa' i sa bcu yang dus gcig tu mnyam par sbyor ba'i khyad par can gyis de rigs 'dzin gnas par 'gyur ba yin zhes bya'o/ /yang brgal ba/ byang chub sems dpa' i sa bcu dus gcig tu rdzogs pa de ni de ltar mi 'gyur zhes bya ba'i lan du/ pha rol phyin pa kun tu rdzogs zhes bya ba gsungs te/ 'khor gsum yongs su dag pa zhes bya ba'i sbyin pa'i pha rol tu phyin pa dang/ gdung ba med pa'i tshul khrims kyi pha rol tu phyin pa rnams dang/ yongs su 'khrug pa med pa'i bzod pa'i pha rol tu phyin pa rnams dang/ le lo'i g.yeng ba dang bral ba brtson 'grus kyi pha rol tu phyin pa rnams dang/ ro myong ba med pa'i bsam gtan gyi pha rol tu phyin pa rnams dang/ 'chal ba'i shes rab dang bral ba'i shes rab kyi pha rol tu phyin pa rnams dang/ nyes ba bsal ba'i thabs dang/ las dang nyon mongs pa bzlog pa'i stobs dang/ rang dang gzhan gyi don gyi smon lam dang/ rnam par mi rtog pa la sogs pa'i ye shes rnam gsum du sbyor zhing/ pha rol tu phyin pa de dag kun kyang/ mnyam pa nyid dus gcig rdzogs par byed pa'o/ /der yang ma zad de/ gsang ba'i dkyil 'khor du phyin pa gzhi'i dus su byang chub sems kyi sbyin pa'i char chen po dang/ yab yum thabs dang shes rab kyi pha rol tu phyin pa de ldan par gnas pa dang/ 'khor ba'i rgyu dang 'bras bu rnam par grol ba'i rgyu 'bras dus gcig du mnyam par sbyor ba'i thabs mkhas pa dang/ nyon mongs pa zil gyis gnon pa'i stobs dang/ byang chub kyi snying po la gnas pa'i smon lam dang/ 'khor ba dang mya ngan las 'das pa dbyer med pa'i dpal kun tu bzang po'i ye shes la sogs pa de dag/ da lta nyid nas rgyu dang 'bras bu dbyer med par
- 309b
mnyam par sbyor ba yin te/ 'bras bu sa dang po nas sa bcu pa'i bar du/ rgyu dang 'bras bu kun dus gcig tu lhun gyis grub cing rdzogs pa yin no/ /ci'i phyir na/ stong pa chen po'i ye shes kyis/ 'khor ba dang mya ngan las 'das pa dang/ rgyu dang 'bras bur bcas pa'i chos thams cad stong pa nyid kyi chos nyid du sbyor ba'i phyir te/ de'i phyir yang gsungs pa/ pha rol phyin bcu rdzogs pa ste/ /sa bcu rims gyis bkod pa la/ /mnyam nyid rig pa'i rdo rje yis/ /sa rnams mnyam pa nyid du sbyor zhes bya ba gsungs pa'i phyir ro/ der yang ma zad de/ sangs rgyas kyi sa kun tu 'od dang/ pad+ma spyan dang/ yi ge 'khor lo tshogs chen gyis rnam kyang/ rnal 'byor pa de'i rig pa'i ye shes la tshang zhing rdzogs pa'i phyir yang gsungs pa/ thabs dang shes rab thabs kyi mchog /shes rab mchog gi mchog gyur pa/ /sa'i khyad par bcu dang gsum/ /rgyu 'bras khyad par lhun gyis rdzogs zhes bya ba gsungs te/ thabs dang shes rab kyis ni kun tu 'od kyi sa yin te/ sa bcu mthar phyin nas bcu gcig kun tu 'od kyi chos sku thob nas thabs dang shes rab rnam par dag pa'i dbyings dang ye shes yin la/ dbyings dang ye shes ni gnyis su med pa chos kyi sku yin pa'i phyir te/ de lta bu'i bdag gi don phun sum tshogs pa'i de'i rgyu dang 'bras bu'i ngo bo yang/ rnal 'byor pa de'i rig pa'i ye shes la lhun gyis grub cing rdzogs so zhes bya'o/ /ci'i phyir kun tu 'od ce na/ dper na 'dzam bu gling du nyi ma shar na/ yul khams bsgyur nas shar ba ma yin te/ 'dzam bu gling du lhan cig tu lhag gis shar ba dang 'dra bar/ sa bcu gcig kun tu 'od du chos kyi sku mtshan ma med par lhag gis mthong ba de yang/ shes pa dang shes bya thams cad nam mkha' i dbyings bzhin du dus gcig tu lhag gis mthong ba yin pa'i phyir kun tu 'od ces bya'o/ /thabs kyi mchog ces
- 310a
bya ba ni/ ma chags pad+ma spyan gyis ste/ sa bcu gcig tu chos kyi sku mtshan ma me dang thob nas/ slar ye shes kyi thugs rje chen pos 'gro ba'i rgyud gzigs shing/ pad+ma dang chos mthun pa'i tshul du gnas pa la bya ste/ de dag kyang rnal 'byor pa de'i rig pa'i ye shes la/ rgyu dang 'bras bu dbyer med par dus gcig tu lhun gyis grub cing rdzogs so zhes bya'o/ /shes rab mchog gi yang mchog tu gyur pa ni/ /yi ge 'khor lo tshogs chen gyis ste/ sa bcu gnyis pa'i yi shes kyi thugs rje chen po'i rgyud las byung ba'o/ 'gro ba 'dul ba'i dkyil 'khor gyi ngo bo rnam par dag pa'i ye shes kyi dkyil 'khor las/ mngon par rdzogs par sangs rgyas pa'i rgyal bzhi khro'i dkyil 'khor nyid de/ yi ges mtshan pa'i phyir ro/ /de las bcu gsum pa'i rgyu dang 'bras bu de dag kyang/ rnal 'byor pa de'i rig pa'i ye shes las dbyer med cing lhun gyis grub par rdzogs so zhes bya'o/ /de lta bas na byang chub sems dpa' i sa bcu dang/ de bzhin gshegs pa'i sa gsum gyi rgyu dang 'bras bu'i khyad par mang po thams cad kun kyang/ rnal 'byor pa de'i rig pa'i ye shes kyi dkyil 'khor la rgyu dang 'bras bu dbyer med par lhun gyis grub cing rdzogs zhes bya'o/ /ci'i phyir zhe na/ khyad par sa la gnas 'gyur yin zhes bya ste/ sa bcu dang gsum la sogs pa thams cad 'dus pa'i snying po ye shes thams cad kyi ngo bo bdag nyid de la rnal 'byor pa de gnas pa'i phyir/ /gzhan dag na re byang chub sems dpa' i sa bcu dang sangs rgyas kyis gsum la sogs pa'i rgyu dang 'bras bu'i khyad par kun 'dus shing 'di nyid du lhun gyis rdzogs par bya ba btub bam zhe na/ lan du/ mkha' dkyil dang ba'i dbyings nyid la/ /ye shes rgyal po stangs dbyal sgom/ /rgyal ba'i dkyil 'khor thams cad kun/ /ma lus par ni bsgoms par 'gyur zhes bya ba gsungs te/ mkha' dbyings chos kyi 'byung gnas shin
- 310b
tu dkar la 'tsher ba zur gsum pa'i nang du/ nyi zla'i gdan la bdag dpal kun tu bzang po yab yum thabs shes rab ldan par bsgoms na/ phyogs bcu dang pus bzhi'i rgyal ba'i dkyil 'khor ma lus par thams cad bsgoms pa yin zhes bya'o/ /ci'i phyir zhe na/ rdo rje sems dpa' dus gsum gyi sangs rgyas thams cad kyi rang bzhin yin pa'i phyir ro/ /dpe don de dang 'dra bar rnal 'byor pa shes rab mchog dang ldan pas kyang/ sa'i khyad par de dag rgyu'i dus su 'bras bu lhun gyis grub cing rdzogs par byang chub ste/ thams cad sems kyi khyad par yin dang/ sems gnyis su med pa'i byang chub chen po'i ngo bor sangs rgyas te/ khyad par gyis thams cad la gnas pa yin no zhes bya'o/ /dpe ci 'dra zhe na/ skye bu'i rtsal dang ldan pa'i ral gris lo 'dab la sogs pa'i rdzas mang po dus gcig tu gcod pa dang 'dra'o/ /de bas nas thams cad sems kyi khyad par bas/ dus bzhi phyogs bcu gang nas kyang/ rdzogs pa'i sangs rgyas de dag btsal ba ni/ rnyed par mi 'gyur te/ bdag gi sems nyid rdzogs pa'i sangs rgyas kyi ngo bo bas/ sangs rgyas gzhan du mtshol cig ces bya'o/ /ci'i phyir zhe na/ dkyil 'khor kun tu rab sbyor bas/ dkyil 'khor thams cad 'grub par 'gyur/ zhes bya ba gsungs te/ bdag gis sems byang chub chen po'i ngo bo chos nyid byang chub sems la sogs pa'i/ dkyil 'khor kun rab tu sbyor bar gyur na/ phyogs bcu dang dus bzhi'i rgyal ba'i/ dkyil 'khor thams cad kyang/ 'grub bar 'gyur na zhes bya'o/ /de ltar sems nyid chos nyid byang chub sems kyi dkyil 'khor kun tu rab tu 'byor na/ kri yog gi cho ga lhag cing ma tshang na nyes par 'gyur gyi 'dir ni chog lhag cing ma ched na nyes pa med ces bya'o/ /dpal gsang ba'i snying po de kho na nyid nges pa las/ tshogs kyi dkyil 'khor gyis dpal kun tu bzang po'i go 'phang mi gnas pa mya ngan las 'das pa bsgrub pa'i le'u ste/ bcu gnyis pa'o// //
- 311a
rdo rje sems dpa' sgyu 'phrul dra ba 'di'i mtshan ni ci zhe na/ dpal gsang ba'i snying po zhes bya'o/ /zhes bya ba gsungs pa de yang/ gyi na tsam mam sgra brnyan lta bu ma yin nam/ ji lta bu zhig la bya zhe na/ de'i don bsten par bya ba'i phyir / de bzhin gshegs pa phyogs bcu dus bzhi'i sku gsung thugs rdo rje dkyil 'khor thams cad gcig tu 'dus nas zhes bya ba la sogs pas/ bcu gsum pa man ngag shin tu gsang ba'i snying po gsungs te/ phyogs bcu dang dus bzhis bsdus pa'i de bzhin gshegs pa thams cad kyi sku gsung thugs rdo rje dkyil 'khor thams cad/ dpa' kun tu bzang po'i sku gsung thugs rdo rje la gcig tu 'du bar mdzad pa ste/ de ni nyi ma 'am/ zer bzhin du 'am/ mtsho chen po ma dros pa la chu klung thams cad 'bab cing 'du ba'i chu lo zhes bya'o/ /yon tan gyi mtshan gyi sgo nas ni/ dgyes pa chen po zhes bya ste/ sdug bsngal gyi zug rngu'i skyon dang bral zhing/ chos nyid byang chub sems kyi dpal 'dus pa'i mi g.yo ba'i ting nge 'dzin gyis bzhugs pa'i phyir ro/ /ngos zhes bya ba'i tshig gi sgo nas ni lhag ma dang bcas pa ste ci zhe na/ chos thams cad ye nas rdzogs pa chen po lhun gyis grub pa'i dam tshig shin tu gsang ba'i snying po sprin bkod pa'i ting nge 'dzin la snyoms par zhugs nas ched du brjod pa 'di brjod par zhes bya ba gsungs te/ de la chos thams cad ces pa ni/ 'khor ba dang mya ngan las 'das pa dbyer med pa'i chos ji snyed pa'o/ /de ci ltar dbyer med ce na/ ye nas rdzogs pa chen po lhun gyis grub pa zhes te/ chos nyid byang chub sems kyi dkyil 'khor dang/ rang bzhin rdzogs pa chen po'i dkyil 'khor dang/ ye shes lhun gyis grub pa'i dkyil 'khor gsum du dbyer med par gnas so zhes bya ba'i don to/ /de yang ci ltar dbyer med ce na/ chos nyid byang chub sems kyi
- 311b
dkyil 'khor las ni/ rang bzhin rdzogs pa chen po'i dkyil 'khor 'byung la/ rang bzhin rdzogs pa chen po'i dkyil 'khor ni ye shes lhun gyis grub pa'i dkyil 'khor dang dbyer med par gnas te/ sems tsam pa'i rnal 'byor pa ltar/ lhun gyis grub pa'i dkyil 'khor spyan drangs nas bzod byer med par gnas pa lta bu ni ma yin no zhes bya'o/ /de lta bu'i lhun gyis grub pa'i dkyil 'khor de dag gi dam tshig yin pas/ dam tshig ces bya'o/ /chos nyid byang chub sems kyi dkyil 'khor dang/ rang bzhin rdzogs pa chen po'i sgo nas rtogs par dka' zhing/ gsang ba byang chub sems kyi dkyil 'khor gyi sgo nas rtog ge ba'i spyod yul du gyur pa ma yin pas/ shin tu gsang ba zhes bya'o/ /'byung ba'i rgyur gyur pa dang/ ye shes kyi bdag nyid du gyur pas snying po zhes bya'o/ /de la chos nyid byang chub sems kyi sgo nas/ gsang ba dang snying por brjod pa ni/ rgyud 'di'i spyi don du shes par bya ste/ gsang ba ni chos nyid dang chos can ye nas mnyam pa nyid chos kyi dbyings de ni rgyal ba thams cad bskyed pa'i mkha' i dbyings yin no/ /zhes bya'o gsang ba de'i snying po ni ye nas mnyam pa nyid gsang ba'i mkha' dbyings de las mi zhan pa'i ye shes la/ snying po zhes bya ste/ de ltar rgyud phyi ma las kyang gsungs te/ ye nas mnyam nyid gsang ba'i dkyil 'khor dbyings/ dbyings las mi gzhan ye shes thig le'i dang/ zhes bya ba gsungs so/ /de yang yab yum thabs dang shes rab gnyis su med pa las byung ngo/ /zhes gsungs na/ 'di'i thabs dang shes rab kyi don ji ltar blta bar bya ba yin zhe na/ de ni ye shes yab kyi ngo bo dang/ dbyings yum gyi bdag nyid kyis 'gro ba'i don gyi bya ba byed na yang/ de nyid gzugs brnyan dang sgyu ma'i tshul du bya ba byed do zhes bya'o/ /mahA yo ga'i lhag pa'i byang chub sems kyi nyi zla las yig 'bru 'byung ba ji ltar blta bar bya ba yin zhe na/ de ni lhun gyis grub pa'i
- 312a
dkyil 'khor thams cad yig 'bru'i ngo bo zhes bya'o/ /rang bzhin gyis dus su dbang po dang yul dang thabs dang shes rab tu gnas la/ mahA yo ga'i gsang ba'i dus su/ yab yum thabs dang shes rab kyi tshul du bzhugs na/ chos nyid byang chub sems kyi dkyil 'khor gyi dus su ji ltar blta bar bya ba yin zhe na/ thabs gang yin pa shes rab la/ shes rab gang yin pa yang thabs kyi ngo bo ste/ de gnyis dbyer med par mnyam par gnas pa la bya ste/ de ltar yang gsungs pa/ dbyings dang ye shes sgyu ma gzugs brnyan tshul/ /bya byed nyid ni bya byed med pa'i dang/ /'phrul chen bzhi bcu rtsa lnga ye shes don/ /dkyil 'khor bsam yas thams cad lhun grub cing/ /thabs dang shes rab gnyis med mnyam par gnas zhes gsungs so/ /de na dag ni shin tu gsang ba'i snying po yum gyi mkha' dang/ snying po thig le sprin bkod pa'o/ /rang bzhin rdzogs pa chen po'i dkyil 'khor gsang ba'i dkyil 'khor gyi sgo nas/ gsang ba yum gyi mkha' dang snying po byang chub sems gnyis su brjod pa'i/ chos thams cad nam mkha' i dbyings bzhin du 'dus par bstan pa ste/ de ltar yang gsungs pa/ thams cad nam mkha' i mtshan nyid de/ /sna tshogs 'jig rten khams g.yo dang/ /rgyal ba mngon byung thams cad kun/ /nam mkha' i dbyings su ma gyur pa/ /dus bzhi phyogs bcu gang na'ang mid/ ces gsungs so/ /gsang ba de'i snying por brjod pa ni/ kun gzhi byang chub sems skye 'gag med pa'i ngo bo la shes par bya ste/ de ltar yang gsungs pa/ ma bcos rgyun gyi chad cig ?/ /yon tan ma tshig gi gnas yin te/ /de yis ma byas gang yang med/ sems kyi rang bzhin de la ni/ /dus gsum rgyal ba dgrar langs kyang/ /de la gsang cing gzung du med/ /skye 'gag gnas 'jig
- 312b
'gro 'ong lnga/ /ye shes chen po lnga nyid de/ /de ni don dam byang chub sems zhes gsungs so/ /mahA yo ga'i yab yum thabs dang shes rab gnyis su gnas pa ste/ rang bzhin rdzogs pa chen po'i gnas skabs 'dir/ ji ltar blta bar bya ba yin zhe na/ rags bar snang ba thams cad yab lha'i dkyil 'khor la de nyid rang bzhin med par shes pa ni/ /shes rab yum gyi bdag nyid shes par bya ba yin te/ de ltar yang gsungs pa le'u dang po la brjod zin to/ /de dag ni shin tu gsang ba'i snying po/ rang bzhin rdzogs pa chen po'i dkyil 'khor gyi sgo nas/ gsang ba yum gyi mkha' dang snying po byang chub kyi sems thig le'i/ sprin bkod pa'i/ /gsang ba byang chub sems kyi dkyil 'khor gyi sgo nas/ gsang ba yum gyi mkha' dang/ snying po byang chub sems kyi don bstan pa ni/ gsang ba ni yum gyi mkha' chos kyi 'byung gnas yum gyi pad+ma/ de'i snying po ni pad+ma de'i snying po'o/ /sa bon byang chub kyi sems nyi zla'i dkyil 'khor te/ de ltar yang gsungs pa/ yang dag don gyi gsang mchog ni/ /bde ba thugs kyi dkyil 'khor la/ /nges pa'i don chen bzhi bcu gnyis/ /yid bzhin rin chen gsal 'bar thim/ zhes gsungs so/ /lhag pa'i byang chub sems kyi dkyil 'khor de ni/ sems tsam gyi dbang nye bar bzung ste/ lhun gyis grub pa'i dkyil 'khor la bstim ?/ dbyer med par bya'o zhes gsungs pa'i phyir na/ thams cad ma lus thig le'i dbyings sku lnga 'od zer mang po kun/ thams cad yum gyur dbyings su thim zhes gsungs te/ gsang ba byang chub sems kyi don de nyid yang bstan pa/ byang chub sems kyi ? pa na/ ? ? khyab cing mi gnas pa/ /kha dog ma yin dbyings min te/ /dbyings kyi bde ba chos kyi sku zhes gsungs so/ /de dag gi thabs dang shes rab kyi don ni/ /yab yum thabs dang shes rab rol pa'i ngo bo ste/ de dag gi don ni 'og nas
- 313a
'grel to/ /de dag ni shin tu gsang ba'i snying po lhag pa'i byang chub sems kyi dkyil 'khor gyi sgo nas/ gsang ba yum gyi mkha' dang/ snying po thig le'i sprin bkod pa'o/ /de ltar gsang ba'i snying po'i dkyil 'khor de gsum yang/ dbyings skye ba med pa'i ngang las/ dbyings kyi ngo bo thabs yab kyi ngo bor byung la/ thabs kyi phyag rgya las myu gu dang grib ma'i tshul du yum gyi phyag rgyar gsal zhing/ de dbyings dang ye shes gnyis su med pa las/ byang chub sems dpa' dang sems ma'i dkyil 'khor 'byung ba yin no zhes bya ste/ de ltar yang dkyil 'khor gsum gyi don bsdus te gsungs pa/ dbyings las dbyings byung thabs kyi phyag rgyar gsal/ thabs las dbyings byung yum gyi phyag rgyar 'byung/ /dbyings dang dbyings kyi ye shes sbyor bas ni/ byang chub sems tshogs dkyil 'khor brjod mi lang zhes gsungs so/ /de ltar de lta bu'i ting nge 'dzin la snyoms par zhugs so/ /zhes bya ba gsungs pa yang/ chos thams cad rnam pa thams cad du thugs su chud pa'i/ de bzhin gshegs pa ji bzhin pa chos la mda' brnyes shing dbang bsgyur ba ltar/ gdong ting nge 'dzin la snyoms par 'jug pa'i 'phrin las lta mi mdzad na lnga phyi rabs kyi rnal 'byor la snyom las can gyi don du/ thugs brtse ba chen po dang ldan pa'i de bzhin gshegs pa yang/ de ltar ting nge 'dzin la snyoms par 'jug par mdzad do zhes bya'o/ /snyoms par zhugs pa'i ched du brjod pa'i mdzad pa'i de nyid kyang gang zhe na/ de dag gi phyir yang gsungs pa/ ma rtogs pa dang log par rtogs/ /phyogs rtogs yang dag nyid ma rtogs/ /'dul dgongs pa dang gsang ba dang/ /rang bzhin gsang ba'i don rnams ni/ /yi ge sgras btags ming tshogs las/ /brten pa'i tshig gis rab mtshon te/
- 313b
khong nas gab sbas don 'byin pa/ /ston pa rdo rje'i thugs la gnas/ /zhes bya ba gsungs te/ thabs gang yang ma bral ba'i 'jig rten pa dang/ sgro skur gyi mdza' la gnas pa'i mu stegs pa la sogs pa'i lta ba thams cad yang/ ston pa po dpal rdo rje sems dpa' i thugs la gnas shing/ /dpal rdo rje sems dpa' i byin rlabs las 'byung zhing/ yi ge sgras btags ming gi tshogs la brten pa'i/ /ngag gi rig byed tshig gi sgo nas mtshon te/ /'jig rten na grags pa yin no zhes bya'o/ /de la ma rtogs pa zhes bya ba ni/ mdza' gang dang yang ma bral ba'i 'jig rten pa'o/ /log par rtogs pa zhes bya ba ni/ phyin ci log gi lta ba mdza' yas pa can yin no/ /nyan thos kyis ni gang zag la bdag med pas/ phyogs tsam rtogs zhes bya'o/ /byang chub sems dpa' i sde snod pas ni/ yang dag pa'i sngags kyi de kho na nyid ma rtogs pa ste/ dpal gsang ba 'dus pa las kyang/ byang chub sems dpa' byams pas sdus pa lta bu'o/ /kri yas ni khrus dang gtsang sgra dang/ gza' dang rgyu skar dang byed pa bzang po la gnas te/ lus ngag gsum rnam par dag par byed pa'o/ /yo gas ni yum ye shes kyi yum tsam du dgongs pa'o/ /dam tshig gi phyag rgya yum du dgongs pa ste/ ci'i phyir zhe na/ de kho na nyid 'dus pa las kyang gsungs pa/ mu stegs rnams la phan don du/ /ri de'i? phyag rgya tshul du ni/ /sangs rgyas btsun mo rab sgra bar/ /shes na 'grub par 'gyur ro zhes/ /bcom ldan de bzhin gshegs kyi gsungs/ dam tshig gi phyag rgya ma yin pa/ sku phyag rgya ma byung ba'i phyir ro/ /gsang ba ni mahA yo ga'i rgyud chen po dang/ ?? yo ga'i rgyud chen po rnams te/ de dag kyang yi ge sgras btags mir tshogs las/ /brten pa'i tshig gis rab mtshon te/ /'on rang bzhin gyis gsang ba'i don de dngos gang la shes par bya ba yin zhe na/ de'i phyir yang gsungs pa/ dkyil 'khor
- 314a
ldan pa'i dkyil 'khor gyis/ /dkyil 'khor la ni dkyil 'khor bsgom/ zhes bya ba gsungs te/ chos nyid byang chub sems kyi/ dkyil 'khor dang ldan pa'i yab rang bzhin rdzogs pa'i chen po'i dkyil 'khor gyis/ yum rang bzhin rdzogs pa chen po'i dkyil 'khor du gnas pa de la ni/ rang bzhin gyi dkyil 'khor dang/ chos nyid byang chub sems kyi dkyil 'khor ye nas gnas te/ ting nge 'dzin gyi sgo nas kyang/ bsgom par bya'o/ zhes pa'o/ /de ltar rgyud phyi ma las kyang gsungs pa/ e ma'o rdo rje phung po'i yan lag ni/ /rdzogs pa'i sangs rgyas lnga ru grags/ /skye mched khams rnams bco brgyad po/ /byang chub sems dpa' sems ma nyid ces bya ba gsungs pa'i phyir ro/ /gsang ba byang chub sems phyag rgya chen po bzhi dang ldan pa'i sgo nas kyang/ gsang ba dang snying por brjod pa ni/ gsang ba ni yum kun tu bzang mo'i b+ha ga e gru gsum chos kyi 'byung gnas yum gyi pad+ma la bya'o/ /snying po ni pad+ma de'i snying po na zla ba'i dkyil 'khor chu zla'i ngo bo zla ba ltar dkar zhing dag pa'i tshul du gnas pa ste/ de ltar yang gsungs pa/ dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang ba dkyil 'khor thig le dbyings/ zhes gsungs te/ gsang ba byang chub sems kyi dkyil 'khor nyi zla dkar dmar rang bzhin rdzogs pa chen po'i dkyil 'khor la 'byung ba ni/ thugs kyi dkyil 'khor ces bya'o/ /ci'i phyir zhe na/ yab yum gyi thugs las byung zhing/ thugs gsang ba'i gnas su byung bas/ thugs kyi dkyil 'khor zhes bya'o/ /gzugs brnyan gyi dkyil 'khor la sogs pa thams cad kyi yang/ mchog yin pas dkyil 'khor mchog ces bya'o/ /ci'i phyir zhe na/ rang bzhin rdzogs pa chen po'i dkyil 'khor bskyed
- 314b
pa'i rgyur gyur ba'i phyir te/ dper na phyi'i rten 'brel la sa bon dang myu gu bzhin no/ /ci'i phyir zhe na/ gsang ba'i dkyil 'khor thig le dbyings zhes bya ba gsungs te/ gsang ba yum gyi mkha' na byang chub kyi sems dkar dmar nyi zla'i dkyil 'khor ni/ dkyil 'khor thams cad 'byung ba'i rgyu dang/ rtsa ba 'am snying po yin pa'i phyir/ dbyings zhes bya'o/ /ji ltar dbyings zhes bya ba zhe na/ de'i phyir yang gsungs pa/ 'byung ba shes rab rigs kyi yum/ chen po rigs kyi de bzhin te/ byang chub sems ni rdo rje'i tshogs/ / dbang po yul dus rigs pa'i rnams/ /zhes bya ba gsungs te/ 'byung ba chen po lnga ni yum lnga/ /phung po lnga ni yab lnga/ dbang po drug ste/ mig dang/ rna ba sna lce lus dang/ yid kyi dbang po ste drug las/ yid kyi dbang po ni nyon mongs pa can gyi yid de/ rnam par dag pa ni khro mo'o/ /yul gzugs sgra dri ro reg chos te/ chos kyi rdo rje bya ba mo'i bar du'o/ /dus ni bzhi ste lha mo bzhi'o/ /reg pa ni rnam par shes pa ste/ bdud rtsi 'khyil pa dang/ yid kyi rdo rje kun tu bzang po'i bar du ste/ de dag kyang byang chub kyi sems rdo rje'i tshogs sems dpa' sems ma las khro bo dang khro mo'i tshogs zhes bya'o/ /kun gzhi rnam par shes pa rig pa'i dang nyid de/ de ni ye shes sems nyid do/ /zhes sngags kyi rgyud la mkhas pa'i slob dpon dag gleng ngo/ /de lta bu'i dpal kun tu bzang po rang bzhin rdzogs pa'i chen po'i dkyil 'khor la/ bdag nyid dpal kun tu bzang po'i thugs me long lta bu'i ye shes la sogs pa/ lngas blta zhing zhes bya'o/ /bsod nams kyi tshogs kyi bdag nyid byang chub sems kyi mchod pa chen po'i phyir yang/ snying po thig le mnyam sbyor bas/ /bde ba'i ye shes rol mo yis/ /ye shes dgyes la mchod pa 'bul/ zhes bya ba gsungs te/ snying po byang chub kyi sems nyi zla'i dkyil 'khor gyi thig le/ thabs dang shes rab mnyam sbyor bas/ bde ba'i ye shes
- 315a
rol pa de las byung ba'i de nyid 'khor ba'i rgyur mi 'gyur zhing/ zad pa med pa'i bsod nams kyi tshogs su 'gyur ba'i phyir/ bdag yab yum gyi lus kyi dkyil 'khor dang/ phyogs bcu dus gsum gyi rgyal ba 'dod chags kyi dga' ba dgyes pa de dag la mchod pa 'bul lo zhes bya'o/ /de ltar na don dam pa'i ye shes su snang la/ kun rdzob tu ni snang ba'i phyir/ ye shes sgyu mar snang ba'i zhes te/ ye shes nyid sgyu mar snang ba'i phyir ro/ /'gro ba mdza' yas pa'i phyir/ rang bzhin rdzogs pa chen po'i dkyil 'khor ni/ thabs dang shes rab kyi rol mo mdza' yas pa las byung ba'i/ gsang ba'i thig le de ni/ dkyil 'khor thams cad skyed cing 'byin pa'i rgyur gyur pa'i phyir ni/ dbyings rgyu'i don du yang snang la/ thams cad kun gyi rang bzhin pa'i phyir ni/ gsang ba'i thig le/ de nas sangs rgyas kun gyi dngos po yang yin no/ /de nyid kyi yon tan gzhan yang gsungs pa/ phyogs bcu dus bzhi rdzogs pa yi/ /sku gsung yon tan 'phrin las thugs/ /ma lus bdag nyid zhal mthong la/ /dbang sgyur mchog nyid dam pa yin zhes bya ba/ phyogs bcu'i 'jig rten gyi khams dang dus bzhi snga phyir gshegs shing/ yang dag par gzhan gyi don du/ mngon par rdzogs par sangs rgyas pa'i bcom ldan 'das rigs chen po lnga'i dkyil 'khor la sogs pa thams cad bdag gi /zhal mthong la dbang bskur ba yang/ bcom ldan 'das dpal kun tu bzang po'i dkyil 'khor mchog nyid gsang ba'i dkyil 'khor dam pa khyod yin no zhes bya'o/ /de ltar gsang ba dang snying po'i don bkral nas/ da ni de kho na nyid kyi don 'grel pa'o/ /dkyil 'khor la gnas dkyil 'khor nyid/ rdzogs pa'i dkyil 'khor lhun gyis grub/ /rgyan du dkyil 'khor ma lus thogs/ /zhes gsungs te/ ngo bo nyid kyi sku'i rang bzhin chos nyid byang chub sems kyi dkyil 'khor la/ chos kyi sku dpal kun tu bzang po gnas so/
- 315b
zhes bya'o/ /de nyid rang bzhin gyis 'od gsal ba'i ngo bos ni/ rdzogs pa'i dkyil 'khor lhun gyis grub pa'i ngo bor gnas so zhes bya'o/ /sems tsam gyi rnal 'byor ba ltar ye shes sems dpa' spyan drangs nas bzhugs su gsol ba ma yin te/ ye zhes phung po dang khams dang skye mched dang rang bzhin rdzogs pa chen po'i dkyil 'khor lhun gyis grub pa'i ngo bor gnas so zhes bya'o/ /ye shes rin po che dbu rgyan gyis kyang brgyan pa'i phyir ni/ rgyan du dkyil 'khor ma lus thogs zhes bya ba gsungs te/ de bi mahA dza la'i tan+t+ras kyang/ drug pa'i cha lugs kyis cod pan lnga dang ldan te zhes bya ba gsungs so/ /de ltar rang bzhin rdzogs pa chen po'i dkyil 'khor las/ gsang ba byang chub sems kyi dkyil 'khor 'byung ba'i phyir/ rdzogs pa'i dkyil 'khor mnyam sbyor bas/ thugs rje'i dkyil 'khor yongs kyis 'byung/ zhes bya ste/ yab yum thabs dang shes rab tu ldan pa/ rang bzhin rdzogs pa chen po'i dkyil 'khor phyag rgyar sbyor ba'i byin rlabs las/ sngon gyi smon lam dang thugs rje chen po'i dbang gis/ nyid kyi zhing smin par mdzad pa'i phyir/ thugs rje chen po las lhag pa'i byang chub sems kyi dkyil 'khor/ rten 'brel sgyu ma'i tshul du/ yongs kyis 'byung ba yin no/ /zhes bya'o/ /des 'phrin las ci nye bar bsgrub pa zhig snyam pa'i phyir yang/ phyogs dus dkyil 'khor 'dus pa'i mgon/ /sgyu ma'i dkyil 'khor sgrol ba yis zhes bya ba gsungs te/ phyogs bcu dang/ dus bzhi'i rang bzhin rdzogs pa chen po'i dkyil 'khor thams cad ni/ 'dul ba rnam bzhis 'dus pa'i zhing/ /mgon dang skyabs dang dpung gnyen mdzad la/ shin tu 'dul bar dka' ba'i drag po chen po la sogs pa/ sgyu ma'i dkyil 'khor can thams cad ni/ sgrol bar mdzad ces bya'o/ /yang gnyis su 'gro ba/ sgyu ma lta bu rnams thugs rje chen pos/ sgrol bar mdzad ces bya'o/ /de dag de ltar sgrol bar mdzad na yang/
- 316a
thugs brtse ba chen po dang ldan pa'i/ de bzhin gshegs pa ni/ sgyu ma'i cho 'phrul la mnga' brnyes pa yin zhing/ lus ngag gi bya byed dang bral bas/ 'gro ba 'dul ba'i 'phrin las mdzad pa'i phyir/ bya byed med par dkyil 'khor spyod ces bya ba gsungs te/ yid bzhin gyi nor bu rin po che ltar/ rtog pa med bzhin du dgos 'dod re ba yid bzhin du bskong ba dang/ sgyu ma mkhan po ltar sprul pa la rang bzhin med par dkyil 'khor la dkyil 'khor spyod pa yin no/ /zhes bya'o/ /da ni shin tu gsang ba'i dkyil 'khor la rnal 'byor pa gang dag gis shes rab rnam gsum gyi sgo nas/ dang du blang ba'i yon tan ci lta bu zhig snyam pa'i phyir yang/ ye shes rdzogs pa'i dkyil 'khor la/ thos bsam bsgoms pa'i rnal 'byor pas/ /rang byung kun dam lhun gyis grub/ /ces bya ba gsungs te/ snod kyi 'jig rten lta bu dran pa'i sems pa dang mi ldan pa ma yin zhing/ /ye shes rang rig par dkyil 'khor yin pa'i phyir/ ye shes zhes bya ba/ de ltar yang ye shes rang rig pa'i dkyil 'khor sna tshogs brjod mi lang zhes gsungs pa'i phyir ro/ /de lta bu'i ye shes nyid rdzogs pa'i dkyil 'khor bas/ ye shes rdzogs pa'i dkyil 'khor te/ rang bzhin rdzogs pa chen po'i dkyil 'khor ro/ /la zhes bya ba ni byed pa po'i tshig ste/ gang la zhe na/ ye shes rdzogs pa'i dkyil 'khor la zhes bya'o/ /ci zhes na/ thos bsams bsgoms kyi rnal 'byor pas/ zhes bya ba gsungs te/ shes rab rnam gsum gyis snod gsum gyi skyon bsal te/ yon tan rnam pa gsum dang ldan pa'i rnal 'byor bas/ dang du blang ba'i 'bras bu ci nye bar bsgrub pa yin zhe na/ rang byung kun ngam lhun gyis grub ces bya ba gsungs te/ dbang phyug la sogs te/ gzhan gyi rgyud kyi byed pa po dang bral ba'i phyir ni/ rang byung zhes bya'o/ /'jig rten dang
- 316b
'jig rten las 'das pa'i grags pa thams cad 'dul ba'i gtso bor gyur pas ni/ kun ngam zhes bya'o/ /me long g.ya' dag pa ltar bdag zhal bdag gis lhun gyis grub pa'i dkyil 'khor mthong ba'i phyir ni/ lhun gyis grub ces bya'o/ /de skad gsungs pa de dag kyang ci'i phyir/ ldem po'i dbang tsam du ma yin nam snyam pa'i dogs pa gsu bar/ 'di ni sangs rgyas thams cad kyi/ /'da' bar mi mdzad dam tshig mchog /ces bya ba gsungs te/ de ltar gong du shes rab rnam gsum gyis ye shes rdzogs pa'i dkyil 'khor dang du blang ba'i yon tan 'di'i 'bras bu ni/ rang gi rgyad las 'byung zhing/ 'jig rten dang 'jig rten du bcas pa thams cad/ dam zhing ngo mtshar che ba'i lhun gyis grub pa'i dkyil 'khor mngon du gyur pa la/ 'da' bar mi mdzad pa nyid ni dam tshig ces bya'o/ /de'i yon tan gzhan yang 'grub pa'i phyir yang/ gang zhig 'di la mos 'gyur na/ sangs rgyas dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur zhes bya ba gsungs te/ rnal 'byor pa gang zhig gis rang bzhin gyi gsang ba'i don 'di la shin tu mos par gyur na/ phyogs bcu dang dus bzhi kun nas/ rgyal ba'i dkyil 'khor thams cad kyis nye ba'i sras su dgongs par 'gyur ro/ /zhes bya'o/ /ci'i phyir na/ rang bzhin gsang ba'i snying po'i don mos bar gyur na/ phyogs dus kyi dkyil 'khor ma lus pa thams cad kyang/ bsnyen cing rtag tu bsgrubs pa yin pas/ de'i phyir/ de dag gi sras kyi nang na yang/ nye ba'i sras su dgongs pa ma yin no/ /zhes bya'o/ /de'i yon tan bzhi pa gzhan yang/ mdo'i sde dang kri yog las khyad par du byas pa/ bskal pa zhing gi rdul snyed du/ /shin tu sbyangs la rab gnas shing/ /dkyil 'khor ma lus bsnyen pa yi/ /'bras bu gsang chen 'di yin te/ zhes bya ba gsungs te/ mdo sde'i theg pa la sogs pa'i
- 317a
tshul gyis/ bskal ba zhing gi rdul snyed du/ lus ngag yid kyi byang chub sems shin tu sbyangs pa la rab tu gnas pa'i/ /'bras bu la/ gsang chen mchog gi rgyud kyi don 'di yin no/ /kri ya dang yo ga'i rgyud kyis/ dkyil 'khor ma lus par bsnyen cing bsgrubs pa'i 'bras bu yang/ gsang chen mchog gi rgyud kyi don 'di yin no zhes bya'o/ /yon tan lnga pa gzhan yang smos pa'i phyir na/ de zhes pa'i lhag ma ni/ ci'i phyir lhag mar mngon te/ 'jig rten drug gi phyogs bcu na/ 'das pa dang da ltar bzhugs pa'i/ rgyal ba'i dkyil 'khor ma lus pa rnams kyang 'di bsnyen nas lhun gyis grub la/ 'byung ba dang ma 'ongs pa kun kyang 'di'i don gyis lhun gyis grub par 'gyur ro zhes bya'o/ /yang yon tan grub pa 'di yang gsang chen nges pa'i 'bras bu lam du gyur pa ni/ zhes bya ba gsungs te/ bkri ba'i don ma yin pa'i phyir ni/ nges pa'i don la/ rgyu'i sgo nas ma yin pa'i phyir ni/ /'bras bu'i don to/ /yon tan bdun pa mthar thug pa'i/ lam du bstan pa'i phyir ni/ rgyal ba'i dkyil 'khor ma lus la/ /'di las gsang ba'i nges don med/ /btsal kyang rgyal bas mi brnyes so/ /zhes bya ba gsungs so/ /de ltar rgyal ba'i dkyil 'khor ma lus pa 'di las/ gsang ba'i nges pa'i don med pa ci'i phyir zhe na/ kun gyi phyag rgya chen po'i mchog ces bya ba gsungs te/ chos kyi nam mkha' i dbyings bzhin du brtag par bzhugs pa'i ngo bo can nyid kho na'o/ /de ltar ye shes rdzogs pa'i dkyil 'khor la/ ngad du blang pa'i yon tan gsungs nas/ dpal gsang ba'i snying po'i snod kyi phyir gdams pa bstan pa ste/ dpal gsang ba'i snying po 'di bstan par bya ba'i snod ni ji lta bu/ gang dang gang gi tshul can la bstan par bya/ snod du ma gyur pa la bstan pa'i skyon ni ji lta bu snyam pa'i don du/ thos bsam bsgoms la rab sbyangs pa'i/ shes rab mig
- 317b
ldan rnams kyis bzung/ snod ldan tshul bzang dag la bstan/ /lus dang longs spyod gtong la sbyin/ zhes bya ba gsungs te/ shes rab rnam gsum gyis blo sbyangs pa'i shes rab kyi mig dang ldan pa rnams kyis ni zung zhig /ye shes rdzogs pa chen po'i dkyil 'khor don dam pa'i yul can la/ mi skrag mi dngangs pa'i snod dang ldan pa dang/ ngan pa'i ngang tshul can du ma gyur pa'i ngang tshul bzang po can rnams la ni bstan par bya/ gtad par bya/ lus dang longs spyod gtong ba'i dad pa can rnams la sbyin par bya zhes bya'o/ /snod du ma gyur pa la byin pa'i skyon ni/ /rmongs pa 'phyar bas gal te byin/ /dus med par ni srog zad nas/ /sreg dang sbrengs la yun rings gnas/ zhes bya ba gsungs te/ rtsa ba nyon mongs pa ma rig pas rmongs shing/ nye ba'i nyon mongs pas g.yeng zhing 'phyar ba la sogs pa'i dbang gi snod du ma gyur pa'i slob bu la/ ye shes rdzogs pa'i dkyil 'khor gyi don 'di byin na/ dus ma yin par 'jig pa chen po brgyad la sogs par srog zad par byas nas/ tsha grang gi sdug bsngal la sogs pas? 'bras kyi chu pa de bzhin du bsregs pa dang/ pad+ma'i 'dab ma ltar gas shing sprebs pa'i shes rab/ shes rab kyi pha rol tu phyin pa spong ba'i las byas pa'i gang zag dang 'dra bar yun ring por gnas par 'gyur ro zhes gsungs so/ /dpal gsang ba'i snying po de kho na nyid nges pa las/ man ngag mdza' dag gi don thams cad ni rgyud 'di la 'dus shing 'dir mthar thug la/ rgyud 'di'i don yang le'u 'di las gsungs pa/ de ltar kho na nyid nges pas/ shin tu gsang chen mchog gi rgyud kyi yang/ don gyi man ngag snying po'i le'u ste/ bcu gsum pa'o// //phyis 'byung ba'i rnal 'byor pa gang gis ye shes kyi dkyil 'khor la bstod na/ de yang byang chub chen po'i 'bras bu thob par 'gyur ro bar dgongs pa'i phyir ro/ /de nas de
- 318a
bzhin gshegs pa thams cad kyis zhes bya ba la sogs pas/ bcu bzhi pa glu ye shes kyi dkyil 'khor gyis mnyes pa'i le'u gsungs so/ /ci'i phyir zhe na/ ye shes kyi dkyil 'khor la skal pa dang ldan pa'i rnal 'byor ba gang gis bstod na/ sgrib pa byad la tshogs skye bar 'gyur ba la dgongs te/ nyid kyis kyang nyid kyi dkyil 'khor la dbyer med pa'i sgo nas bstod pa yin no/ /de yang tshig dang pos ni me long lta bu'i ye shes kyi sgo nas/ rtag pa chen po g.yung drung gi sku rnam par snang mdzad kyi dkyil 'khor gyi sku rdo rje'i sgo nas bstod pa yin no/ /gnyis pa ni so so kun tu rtog pa'i sgo nas/ /mngon par byang chub pa'i sku snang ba mdza' yas kyi dkyil 'khor la/ gsung gi rdo rje'i sgo nas bstod pa'o/ /gsum pa ni chos kyi dbyings kyi sgo nas/ chos kyi sku mi bskyod pa'i dkyil 'khor la/ thugs kyi rdo rje'i sgo nas bstod pa'o/ /bzhi pas ni mnyam pa nyid kyi ye shes kyi sgo nas/ thams cad dbyer med pa'i sku mnyam pa'i sku rin chen 'byung ldan gyi dkyil 'khor la/ yon tan gyi sgo nas bstod pa'o/ /lnga pas ni bya ba nan tan gyi ye shes kyi sgo nas/ thams cad mkhyen pa'i ye shes kyi sku/ don yod grub pa'i dkyil 'khor la/ /'phrin las kyi sgo nas bstod pa'o/ /drug pas ni 'dul ba 'am bsdus pa'i sgo nas/ 'khor ba dang mya ngan las 'das pa'i chos thams cad/ sku gsung thugs rdo rje dbyer med cing sangs rgyas par bstod pa'o/ /de la yang re re zhing yang mtshan bzhi bzhi'i sgo nas bstod pa'o/ /spyir ni mtshan nyi shu rtsa bzhi yang/ /yon tan dang? bar ? las la so so lam phye ste/ sku gsung thugs su 'dus so/ /ci'i phyir zhe na/ thams cad ma lus sku gsung thugs zhes gsungs pa'i phyir ro/ /oM zhes pa thams cad ni/ ye shes lnga'i sgo nas phyag 'tshal
- 318b
pa dang por mtshon pa'o/ /de la yang yon tan gyi sgo nas bstod pa'i phyir ni/ phyogs bcu dus bzhi rdzogs pa'i zhes bya ba gsungs te/ phyogs dus thams cad ye nas sangs rgyas pa'i rang bzhin 'khor ba dang mya ngan las 'das pa'i chos thams cad la/ dbang sgyur ba'i dpal kun tu bzang po'i sku'i dkyil 'khor du gyur pa de nyid gang zhe na/ ye shes kyi sgo nas/ ye shes dkyil 'khor thig le che zhes bya ba gsungs te/ rnam par shes pa'i rgyal po nas rtag chad kyi bar du ste/ de ni dpal kun tu bzang po'i thugs ye shes kyi khyad par las byung ba ste/ gang du ye shes kyi dkyil 'khor dang 'brel to/ rigs kyi sgo nas ni/ bsod nams dkyil 'khor sku'i tshogs/ zhes bya ba gsungs te/ thun mong dang thun mong ma yin pa'i mtshan dang dpe byad de ni/ 'jig rten dang 'jig rten las 'das pa'i bsod nams kyi khyad par las grub ste/ shes rab kyi pha rol tu phyin pa las/ longs spyod rdzogs pa'i sku rnam par snang mdzad kyi khyad par gsungs pa kho na'o/ /mtshan gyi sgo nas snang stong thig le kun tu rdzogs so/ /zhes bya ba gsungs te/ longs spyod rdzogs pa'i sku de la ni/ byang chub sems dpa' rnams kyi shes bya'i sgrib pa snang bar/ sngon gyi smon lam gyi dbang gis byed cing/ sku de kho na nyid kyi sgo nas dam pa'i chos kyang ston par byed cing/ rgyud 'di nyid las kyang gsungs pa'o/ /de yang rdo rje snying po rgyan gyi rgyud las ni/ longs spyod rdzogs pa'i skus kyang gnas skabs la lar gsungs gis kyang chos 'chad de/ sku gnyis kyis chos bstan pa'i sgo nas/ spyi shas che chung tsam du bas so zhes gsungs na/ de yang drag ca'i sgra bzhin grag pa lags so/ /bcom ldan 'das mo bskyod pa de nyid kyi yang/ rigs kyi sgo nas rigs chen po lnga 'dus pa yin pas sku gsung thugs kyi rdzogs chen po yon tan 'phrin las kun tu rdzogs zhes bya ste/ sku'i rdo rje rnam
- 319a
par snang mdzad kyi dkyil 'khor dang/ gsung gi rdo rje snang ba mdza' yas kyi dkyil 'khor dang/ thugs kyi rdo rje mi bskyod rdo rje rdzogs pa zhes so/ /ye shes kyi sgo nas ni/ ye nas lhun rdzogs zhes bya ba gsungs te/ de lta bu'i khyad par gyi dkyil 'khor de yang/ gdod rnal 'byor pas/ rang 'dod du bstod pa ma yin te/ 'khor ba'i chos mya ngan las 'das pa'i dkyil 'khor du/ ye nas rang bzhin gyis rdzogs par gnas zhes bya'o/ /mtshan gyi sgo nas ni/ kun tu bzang zhes bya ba gsungs te/ dug lnga rnam par dag pa'i ngo bo/ yang na dus kyi ngo bos kyang kun tu bzang po'o/ /yon tan gyi sgo nas ni/ 'dus pa'i tshogs chen zhes bya ba gsungs te/ de ltar 'khor ba dang mya ngan las 'das pa'i chos thams cad dang/ sku gsung thugs yon tan 'phrin las kyi dkyil 'khor thams cad/ dpal kun tu bzang po de la yongs su rdzogs par gnas par/ /de skad ces bya'o/ /thig le zhes bya ba gsungs pa yang/ /'di ni ye shes las shes par bya'o/ /yon tan dang 'phrin las gnyis ni thugs kyi rigs su ste/ de dang de lta bu'i phyir rgyud 'di ni ye shes shes lngar bstan zhing sku gsung thugs su bsdus par shes par bya'o/ /yon tan gyi dkyil 'khor las/ mnyam pa nyid kyi ye shes la ni/ mi dmigs sgyu 'phrul mnyam pa'i dbyings zhes bya ba gsungs te/ mdza' gnyis dang bral ba'i dbus ma la yang mi dmigs shing/ bdag dang gzhan dbyer med pa'i mnyam pa nyid kyi ye shes la ni/ mnyam pa'i dbyings zhes bya'o/ /gzhan gyi don gyi phyir ni/ mdza' yas pa'i sems can 'jig rten gyi phyogs bcu kun tu ye shes dang gsang ba'i gnas su/ rigs drug la sogs pa'i 'od zer sprin gyi bye brag sna tshogs pa 'phro ba'o bdag gi don gyi phyir ni/ mdza' yas kun nas lhun gyis thim zhes bya ste/ 'phros pa'i 'od zer slar thim pa'i dus su/
- 319b
phyogs bcu'i sangs rgyas kyi zhing khams thams cad nas 'dus shing byon pa'i sangs rgyas kyi sprin de dag /bdag gi ba spu'i bu gar zhugs te/ sku gsung thugs rdo rje la thim mo/ /gzhan gyi don gyi 'bras bu lhun gyis grub pa'i phyir yang/ sna tshogs sku gsung thugs chen po ho zhes bya ba gsungs te/ de ltar 'phro zhing 'du ba'i dus su/ yor 'gro ba'i byang chub sems kyi chos nyid can sna tshogs pa'i lus ngag yid gsum la/ sku gsung thugs kyi rdo rje rnams kyis zhugs nas sku gsung thugs kyi dngos grub bde ba bla na med pa'i go 'phang thob par byas pa'o/ /la la na re 'di? sprul pa'i sku la bya'o zhes zer te/ sprul ba'i sku'i don ni 'og nas 'byung bas/ de bzhin gshegs pa'i yon tan rin po che'i 'phro 'du la bya'o/ /las kyi dkyil 'khor bya ba bsgrub pa'i ye shes kyi 'phrin las/ sprul pa'i skus gzhan gyi don phun sum tshogs pa'i phyir yang/ phyogs bcu'i 'jig rten rdul snyed du/ zhes bya ba la sogs pa gsungs te/ don mdzad pa'i zhing gzhan gyi ngo bo la phan 'dogs par byed pa'o/ /theg pa chung ngu pa rnams las khyad par du 'phags pa? bstan pa'i phyir/ rgyal pa'i don rnams rdul phran snyed ces bya ba ste/ rgyal ba sangs rgyas bcom ldan 'das kyi don ni yul te/ 'dod chags la sogs pa nyon mongs pa rdul snyed la/ rnam par dag pa'i chos kyi sgo mong? snyed ces bya'o/ /don byed mkhan gyi khyad par yang/ sprul pa rdul phran bsam yas kyis so/ /dus kyi ngo bo las kyang/ skad cig yud la lhun gyis grub ces bya ste/ theg pa chung ngu ltar tshe lo stong? lta bu ma yin te/ skad cig ma gcig gis lhun gyis grub pa'o/ /thams cad bsdus pa'i sgo nas kyang/ thams cad ma lus sku gsung thugs zhes gsungs te/ 'khor ba dang mya ngan las 'das pa'i chos thams cad kyang/ sku gsung thugs kyi rang bzhin du ye nas gnas so zhes bya'o/ /de lta bu'i dkyil 'khor de la don byed mkhan gyi khyad par yang/
- 320a
sku gsung thugs kyi bdag nyid che zhes te/ dpal kun tu bzang po nyid do/ /ci'i phyir zhe na/ de la dbang bsgyur ba'i phyir ro/ /dpal kun tu bzang po'i/ /sku gsung thugs kyi sprul pa'i 'phro 'du de yang mdza' yas pa'i phyir/ kun tu khyab ces bya ste/ 'jig rten drug gi phyogs bcur ro/ /de ltar khyab pa des kyang ci mdzad pa yin zhe na/ sku gsung thugs kyi thig le che ho/ /zhes bya ba gsungs te/ de dag sa la 'god par mdzad cing dbyer med par mdzad pa yang ngo mtshar che'o zhes bya'o/ /dpal gsang ba'i snying po de kho na nyid nges pa las/ rdo rje glu yis mnyes pa'i le'u ste/ bcu bzhi pa rdzogs so// //gzung ba dang 'dzin pa'i rnam par rtog pa can gyi skye bo dag gis/ gab pa'i gsang ba ma rtogs par sbas pa'i gsang ba la mngon par 'chel bas/ rgyu dang 'bras bu la rmongs te/ srid pa'i sa bon rtsub mos 'phangs nas/ ngan song gsum gyi kha rgyud cing gnas pa de dag /yang sngon gyi sbas pa'i gsang ba la mngon par 'chel bas/ mtshams sbyar ba'i mthus/ mi dang lha'i rigs thams cad dbang du sdud pa ste/ sbas pa'i gsang ba'i mngon par 'chel ba'i stobs/ thams cad mkhyen pas gzigs nas/ thugs rje chen pos 'dul bar bya ba'i phyir/ de nas de bzhin gshegs pa thams cad kyi bdag po zhes bya ba la sogs pas/ ye shes kyi cho 'phrul chen po'i yan lag bcu gnyis kyis khro bo'i rang bzhin gyi dkyil 'khor shin tu 'phros pa'i le'u 'di gsungs te/ de nas bya ba'i don bkral zin to/ /de yang ji lta bu'i sangs rgyas bcom ldan 'das yin zhe na/ bcom ldan 'das dpal kun tu bzang po de la/ de bzhin gshegs pa thams cad kyi bdag po/ /sangs rgyas thams cad kyi ngo bo nyid/ ces bya ba gsungs te/ rdo rje'i theg pa'i sgo nas sangs rgyas pa'i de bzhin gshegs pa thams cad
- 320b
kyi bdag po'o/ /ci'i phyir zhe na/ sangs rgyas kun gyi spyi gzugs yin pa'i phyir ro/ /mdo'i sde la sogs pa'i sgo nas sangs rgyas pa ni/ sangs rgyas thams cad kyi ngo bo nyid ma yin pa ci'i phyir zhe na/ ye shes kyi sku nyid kyi phyir ro/ /de ni bcom ldan 'das kyis khyad par byas pa'o/ /khyad par can ni gang zhe na/ chos kyi sku'i gzugs brnyan du gyur pa/ bcom ldan 'das dpal kun tu bzang po nyid do/ /de nas khro bo'i dkyil 'khor du mngon par 'du mdzad de/ /de yang ci'i phyir mdzad pa yin zhe na/ bdag tu rmongs pa'i rtog pa dang zhes bya ba la sogs pa gsungs te/ bdag tu rmongs pa ni ma rig pa ste/ rgyu dang 'bras bu dang de bzhin nyid dang/ las dang las kyi 'bras bu la rmongs pa'o/ /de bzhin nyid ni yang dag pa'i don to/ /rgyu dang 'bras bu ni rten 'brel/ las dang las kyi 'bras bu ni dge sdig gi sa bon/ rgyu ma rig pas 'bras bu ci nye bar bsgrubs she na/ nang gi rnam par shes pas 'dzin pa'i rtog pas yul gyi rnam pa la bzung ba'i brtags pa la mngon par zhen pas/ shes rab kyis spyad par bya ba'i/ yang dag pa'i lam dbu ma mang dmigs su med pa'i don dang bral ba dag ces gsungs pa yin no/ /des ci nye bar bsgrubs she na/ log pa'i don gyis gab pa'i gsang ba dang sbas pa'i man ngag ma rtogs par/ tshig gsang ba dang yi ge sbas pa'i gsang ba la mngon par 'chel te/ ma rig pas rgyu dang 'bras bu la rmongs pas/ srid pa'i sa bon rtsub mos 'phangs nas/ 'khor ba'i phung po len pas/ mtshams med pa'i rab tu tsha ba'i dmyal ba la sogs par skyes so/ /dmyal ba de dag kun kyang las kyi dbang gis gnod par 'gyur ba 'khor bar ldan te/ de ltar yang gsungs pa/ yang sos dang ni thig nag dang/ /bsdus 'joms dang ni ngu 'bod gnyis/ /tsha ba dang ni rab tu che/ /gzhan yang dmyal ba chen po'o zhes gsungs so/ /de la yang sos kyi gnod pa gang zhe na/
- 321a
ral gri sha lang chu gri dang/ /sen mo mdung thung tho ba dang/ /'khor lo rdo rje mtshon rtse gcig /gzhu dang thag mdung la sogs so/ /yang sos ni gnod ba bcu'o/ /ste'u dang sta ra sogs le dang/ /lcags kyi khyud 'bar thig nag go /sa bzhi dang ni tho ba sgom/ /'khrul 'khor dang ni 'joms dang ri/ /de nas ri sul nags tshal rnams/ /de bzhin du 'bod che chung ngo/ /dong dang lcags dang sdig pa dang/ /tsha ba dang ni snod pa gsum/ /gsal shing snod dang slang tshan dang/ /rdza bum bzhin du rab tu tsha/ mi zad pa yi 'jigs pa dang/ /de nas lce ni phur brgyangs btab/ /shin rtas khrid dang 'khrab dang ri/ /gnod pa lnga chen mnar med pa'o/ /de lta bu'i shin tu nyam thags de'i las kyi sgrib pa rtsub mo de'i rnam par smin pa de khang kyis bsrab pa dang/ de nyid du tshe 'phos par gyur pa las/ yang sngon gyi sbas pa'i gsang ba la mngon par 'tshal ba'i dbang dang/ mi dge ba sna tshogs spyad pa'i dbang gis/ sngon gyi srid pa'i sa bon gyis mtshams sbyar nas/ lha mo u ma'i lhums su dbang phyug chen po'i sa bon las las kyi ru dra chen por gyur te/ zla ba bcur gnas so/ /de nas u ma'i b+ha ga nas 'thon pa las/ ji lta bu'i gzugs dang ngo bor gnas pa ni/ gzhung nyid las rgyas par gsungs so/ /de lta bu de nyid gdul bar bya ba'i gnyen po ci lta bu zhe na/ de'i rten pa'i stobs thams cad mkhyen pas gzigs nas/ zhes bya ba gsungs te/ dkon mchog brtsegs pa las kyang/ rgyal po zas gtsang ma dang bskyes pa'i stobs/ /tshe dang ldan pa 'char ka la yod pa dang 'dra bar/ zhi bas mi 'dul ba'i grags pa chen po gdul bar bya ba'i stobs dpal khrag 'thub la yod de/ de ci'i phyir zhe na/ gab pa'i gsang ba ma rtogs shing/ sbas pa'i gsang ba la mngon par 'chel ba'i rgyu de'i phyir dang/ zhi bas mi 'dul ba drag po'i las kyis tshar gcad pa'i
- 321b
phyir ro/ /shin tu rdzogs pa chen po'i lha'i dkyil 'khor thams cad pas/ che ba'i rdo rje bkod pa ste/ phung po dang khams dang skye mched thams cad rang bzhin rdzogs pa rnam par dag pa lha'i dkyil 'khor du bkod pa'i phyir ro/ /de ltar de dag kyang thabs dang shes rab tu ldan pa'i lha kho na nyid pas/ sgyu 'phrul dra ba'o/ /yang na 'dul ba'i dbang gis/ dpal khrag 'thung gi dkyil 'khor de nyid sgyu ma sprul pa'i bdag nyid du gnas pas/ che ba'i sgyu 'phrul rdo rje bkod pa'i sgyu 'phrul dra ba'o/ /des ci stong gsum 'di kho na nyid tsam zhig 'dul lam gzhan yang 'dul bar mdzad ce na/ 'jig rten drug gi srid pa gsum gyi bdag po ru dra chen po la sogs pa/ 'dul ba'i nga rgyal chen po'i gzi brjid bstan pa'i phyir/ zhes bya ba la sogs pa gsungs pa yin no/ /phyir zhes bya ba yang lhag ma dang bcas pa dang/ ci'i phyir zhe na/ de bzhin gshegs pa thams cad kyi sku dang gsung dang thugs rdo rje'i bdag po/ /bcom ldan 'das dpal kun tu bzang po thabs dang shes rab kyi dgyes pa chen po dang ldan pa des/ shin tu drag po chen po 'dul ba'i phyir/ /khro po'i rgyal po'i dkyil 'khor sprin chen po rnam par 'phros pa'i rgyu 'phrul dra ba'i rgyal po zhes bya ba'i ting nge 'dzin la snyoms par zhugs so zhes bya'o/ /dra ba thams cad kyi yang rgyal po bas dra ba'i rgyal po'o/ /khro bo'i dkyil 'khor du mngon par 'du mdzad pa la bya'o/ /de la bcom ldan 'das zhes bya'o/ /bcom ldan 'das dpal khrag 'thung ste/ de'i bcom pa dang ldan pa'i don ji lta bu zhe na/ de ni bshad par gyur pa 'di nyid kyi don/ cho 'phrul chen po'i yan lag bcu gnyis kyis 'dud sde bzhi btul ba 'am/ legs pa'i yon tan drug par ldan pa ste/ de yang gang zhe na/ dang por don dam pa'i byang chub sems kyi ngo bor la kun tu bzang po'i rgyu'i rang bzhin du gnas pa dang/ de las khro bo'i rgyal po'i sprin 'phros pa'i ting nge 'dzin la snyoms par bzhugs
- 322a
pa dang/ de bzhin nyid chos kyi dbyings yum bskyed pa dang/ de'i byang chub sems kyi sprin las khro bo'i dkyil 'khor rdul snyed thon pa las de'i byin rlabs kyis/ dbang phyug chen po la sogs pa kun brgyal ba dang/ de yang 'dul bar mdzad nas/ dbu gsum phyag drug zhabs bzhir gyur te/ dur khrod chen por dgyes te bzhugs pa dang/ de nas yang grags pa chen po la sogs pa brgyal sangs pa dang/ gtum po'i sems kyis gdug pa'i cho 'phrul byung nas/ brlang po'i gdug tshig smras ba dag bsgral ba'i phyir/ yang rigs lnga'i khrag 'thung cig tu 'dul ba dang/ de yang 'du bar mdzad nas dbu gsum zhabs bzhir gyur te/ dur khrod chen por dgyes te bzhugs pa dang/ mdzad nas dbu dgu phyag bco brgyad du gnas/ drag po chen po la sogs pas bsgral ba dang/ de nas 'jig rten gyi khams nam mkha' dang bcas pa'i yungs 'bru gcig tsam du chung bar mdzad nas/ 'byung po'i rgyal mo rnams dbang du mdzad pa dang/ de nas yang 'dul ba'i dbang gis/ rigs lnga'i 'jigs byed du snang bar mdzad pa dang/ de nas yang dpal khrag 'thung chen po de dag kun dgyes pas rol pa'i dkyil 'khor gyi sprin 'byung ba'i ting nge 'dzin la snyoms par zhugs so/ /oM A(rgyud 'grel): hUM badzra pra be sha a la la ho/ zhes brjod pas/ 'byung po'i rgyal mo rnams shin tu chags pa'i yid g.yos nas/ pad+ma'i dkyil 'khor sdud cing rgyas par gyur nas/ dper na rngo khab long la lcags 'du ba'i tshul du so so'i sku la 'khril bas/ byang chub sems kyi sprin las 'phra men ma lnga brgya drug cu tham pa thon pa dang/ nga bsgral bzhir chen rnam par dag par bya ba'i phyir/ dbang phyug chen po la sogs pa rnams/ snam nas byung ba dang/ mi gtsang ba'i 'dam du chud par mthong ba dang/ de rnams
- 322b
dga' bar bya ba'i phyir/ u tsusma kro da snam nas phyung ba dang/ 'dam kun 'thungs pa dang/ de ltar bsgral bar byas pa de dag gis ye shes kyi dkyil 'khor he ru ka dbu brgya la sogs par mthon pa dag /de lta bu la yid ches pa'i dang ba drag pos byang chub tu sems bskyed nas/ rang dang 'khor du bcas pa 'bangs su phul nas/ de dag byang chub sems la bkod pa'o/ /dug lnga rnam par dag par bya ba'i phyir/ mi chags mi sdang mi glen gyis kyang/ 'dod chags zhe sdang gti mug nga rgyal phrag dog la spyod kyang/ de'i nyes pas mi gos shing/ de nyid yongs su dag pa'i chos nyid byang chub sems kyi ngang las lhun gyis grub par mdzad pas lha'i bu'i bdud bcom pa dang/ byang chub kyi sems skye ba med pa'i dbyings las ci mdzad ci rol yang skye ba med pa'i ngang la bzhugs pas 'chi bdag gi bdud bcom pa dang/ 'khor ba dang mya ngan las 'das pa'i chos thams cad nyid kyis dkyil 'khor du dbyer med par mdzad pas dbang phyug dang/ 'khor bar gyur kyang yid du 'ong ba'i gzugs su bzhugs bas/ gzugs bzang ba dang/ zab pa'i dpal 'jig rten dang 'jig rten las 'das pa'i lha mo'i dkyil 'khor la longs spyod pa dang/ rgya che ba'i de bzhin nyid chos kyi dbyings dang ldan pas dpal dang ldan pa dang/ 'jig rten dang 'jig rten las 'das pa'i grags pa thams cad 'dus pa'i gtso bor gyur pas/ grags pa dang/ stong pa chen po'i ngo bo ye shes chen po dug dang ldan pas ye shes dang/ skye ba med pa'i dbyings la bzhugs shing mi g.yo yang/ dus bzhi mnyam pa nyid du 'gro ba mi 'dor ba'i brtson 'grus te/ /de ltar na cho 'phrul chen po'i yan lag bcu gnyis kyis ni/ bdud sde bzhi btul zhing legs pa'i yon tan drug dang ldan pa'i ngo bo/ /de lta bu'i bcom ldan 'das des/ khro bo'i dkyil 'khor gyi sprin chen po rnam par
- 323a
'phro ba'i sgyu 'phrul drwa ba'i ting 'dzin la snyoms par zhugs pas thabs dang shes rab tu ldan pa'i byang chub sems las khro bo'i dkyil 'khor du 'thon to/ /zhes bya ba dang 'brel to/ /khro ba can thams cad kyi rgyal po bas khro bo'i rgyal po'o/ /gdul bar bya ba'i zhing/ 'jig rten drug gi phyogs bcu thams cad gang ba'i dkyil 'khor gyi sprin chen po rnam par 'phro ba'i sgyu 'phrul dra ba zhes bya ba'i ting nge 'dzin la snyoms par zhugs pa de ci mdzad ce na/ ye shes kyi sku dpal khrag 'thung mngon par 'du mdzad do/ /zhes bya'o/ /de ltar mngon par 'du mdzad pas na/ ye shes kyi yum tshe skyo dbyings kyi phyag rgya khro mo rdo rje dbyings kyi dbang phyug ma yang/ de bzhin nyid chos kyi dbyings nas phyung ngo zhes bya'o/ /de yang khro mo'i tshul ji lta bu zhe na/ hi hi dgyes pa'i gzi mdangs dang ldan pas/ gsang ba'i pad+ma dmar po kha phye zhing rgyas par mdzad do/ /de ltar yab yum thabs dang shes rab gnyis su med par 'khril pa'i dgyes pa'i bde bas thim nas/ khro bo'i dkyil 'khor du thon to zhes bya ba dang 'brel to/ /de yang rgyu gang lags zhe na/ byang chub sems kyi sprin pas so/ /rkyen gang gis zhe na/ sngags kyi yig 'bru brjod pas so/ /gnas gang nas 'thon zhe na/ yum gyi b+ha ga ba spu'i bu ga nas so/ /yul gang du 'phro zhing 'khyil par 'gyur zhe na /'jig rten drug gi phyogs bcu thams cad du/ ltas chen po bco lnga bstan to zhes bya'o/ /des 'bras bu ci nye bar bsgrubs she na/ 'jig rten drug gi phyogs bcu mdza' yas pa'i stong khams thams cad na gnas pa'i dbang phyug chen po la sogs pa thams cad ni nga rgyal bar gyur to zhes bya'o/ /de nas bcom ldan 'das dgyes pa chen pos dpal kun tu bzang po he ru ka de nyid drag po 'jigs byed chen po 'dul ba'i phyir/ sprul pa'i ye shes kyi rdo rje 'jigs
- 323b
byed chen po shin tu dam pa'i tshad dang ldan pa'i/ lha dang mi dang lha ma yin du bcas pa la sogs pa bcud kyi 'gro ba thams cad kyang/ skyi bud byed pa'i ye shes kyi me dpung 'jig pa'i dus ltar 'bar bar byed pa'i dpal khrag 'thung chen po'i cha lugs kyis/ ru tra chen po dbang du bya ba'i phyir/ thams cad kun tu sprul pa'i khro bo chen po de dag dang mthun par/ sku mdog dmar nag /sdug nag cir yang 'gyur ba/ dbu dang phyag dang zhabs stong khams kyi rdul snyed kyi mtshan ma sna tshogs 'dzin pa de/ dbu gsum phyag drug zhabs bzhir gyur nas dur khrod chen por gyur nas dgyes so/ /khrag gi rgya mtsho'i dbus na/ keng rus chen por sprul pa'i ri rab kyi steng na/ 'bar ba chen po'i klong 'khor lo'i dkyil na/ dbang phyug chen po dang dur khrod kyi bdag po grags pa chen po khyo shug gi gdan la brkyang bskum du bzhugs so/ / des ni 'di ston pa yin te/ dpal gsang ba'i snying po'i rtsa ba dang yan lag dang/ bza' ba dang btung ba'i dam tshig dang sdom pa la gnas pa'i rnal 'byor pas/ dang por byang chub mchog tu sems bskyed par bya ste/ bdag gis dpal kun tu bzang po he ru ka 'gro ba dbugs 'byin pa'i mthu'dang ldan pa de'i go 'phang thob par byas la/ sems can thams cad kyang dpal kun tu bzang po'i go 'phang la bzung bar bya'o/ /zhes byang chub mchog du sems bskyed par bya'o/ /de nas bdag nyid dpal kun tu bzang po las/ yud tsam gyi ting nge 'dzin gyis de bzhin gshegs pa thams cad kyi sku gsung thugs rdo rje'i bdag po/ /bcom ldan 'das dpal kun tu bzang po he ru ka dbu dgu phyag bco brgyad/ zhabs rnam pa brgyad du gnas pa/ /'bar ba chen po'i tshul ? dang ldan pa/ bskal pa'i me dpung du 'bar bar bsgom par bya'o/ /ci'i phyir 'di rdzogs pa'i rim pas bskyed par bya ba yin zhe na/ rang bzhin gyi dkyil 'khor ni bskyed pa'i ting nge 'dzin bsgom par mi bya'o/ /zhes gsungs
- 324a
pa'i phyir ro/ /yang slob dpon chen po dgyes pa'i rdo rjes mdzad pa'i phyogs las ni /de yang dang po yud tsam gyi ting nge 'dzin gyis /de bzhin gshegs pa thams cad kyi bdag po/ sangs rgyas thams cad kyi ngo bo nyid dpal kun tu bzang po dran par byas la/ sna'i dbugs rings dro ba las/ yid mi 'gyur bar brtan par bzung nas/ de nyid las rang gi sems kyi ngo bo yi ge hUM 'jig pa'i dus kyi me dang 'dra ba nyi ma'i dkyil 'khor gyi steng na 'dug par brtags la/ de nyid khro bo rdo rje rtse dgu par snang ba yang/ rwa 'degs pa 'tshams thung ba/ ye shes kyi 'od zer bskal pa'i me dpung du gyur par rtag go /de la yang sku gsung thugs kyi 'phro 'du mthar thug pa dang/ ye shes thams cad 'dus pa'i sku dpal khrar 'thung rang gi mtshan nyid gnas par brtag go /yang gsum du na/ de ltar rang bzhin gyi dkyil 'khor la rdzogs pa'i ting nge 'dzin las ma gtogs par/ bskyed pa'i ting 'dzin mi 'thad pa nyid du zin gyis kyang/ phyi rabs kyi snyoms las can dag ting nge 'dzin med par bsgom pa'i las su bya ba la 'jug pa 'gag pa dang/ 'dir yang ting nge 'dzin zhes smos pa yang/ rang bzhin gyi dkyil 'khor la spyir smos pa yin te/ khro bo'i rgyal po'i dkyil 'khor gyi sprin chen po rnam par 'phro ba'i sgyu 'phrul dra ba'i rgyal po'i ting nge 'dzin zhes spyir smos pa yin te/ rdo rje chog pas lha'i sku phyag rgyar bskyed pa ni ma smos su zin kyang/ 'on kyang phyir rabs kyi rnal 'byor pa'i don du/ ting nge 'dzin la snyoms par zhugs pa zhes bya ba de tsam la brten nas/ rdo rje chog lngas lha'i sku phyag rgyar bskyed par bya ba de yang gang zhe na/ dang po gong du gsungs pa ltar skye 'gag dang/ gnas dmigs dang/ 'gro 'od la sogs pa lngas rnam par thar pa mi mthun pa'i phyogs
- 324b
lnga bsal nas/ stong pa nyid la sogs pa'i rnam par thar pa'i sgo lngas/ rdo rje cho ga dang po bsgom par bya'o/ /de nas rang gi sems kyi ngo bo rab tu brtan pa'i a dkar po 'phro zhing 'du ba las/ zla ba'i dkyil 'khor mdza' yas pa a yig gis bskor bar bsgom par bya'o/ /yang zla ba'i dkyil 'khor gyi steng du dbus kyi a 'phros shing 'dus pa las/ ka yig gi tshogs kyis rab tu brgyan ba'i nyi ma'i dkyil 'khor du bsgom par bya ste/ de ltar thabs dang shes rab bsod nams dang ye shes kyi tshogs kyi bdag nyid nyi zla brtsegs ma ni/ rdo rje cho ga gnyis pa'o/ /de dag 'od du zhu ste/ 'od kyi gong bu ye shes kyi kha dog lnga dang ldan pa bsgom pa ni/ mnyam pa nyid kyi ye shes kyi ngo bo cho ga gsum pa'o/ /de ltar ye shes kyi 'od kyi gong bu de 'od du zhu nas/ yi ge hUM mthing nag 'bar ba bskal pa'i me dpung du 'bar bar bsgoms nas hUM gi 'phro 'du las khro bo'i rdo rje nag po rtse dgu pa /khro bo'i zhal bcu drug pa dang ldan pa la hUM gis brgyan par bsgom pa ni/ so so kun tu rtog pa'i ye shes kyi cho ga bzhi pa'o/ /de ltar rdo rje'i bum pa'i hUM las/ sku gsung thugs yon tan 'phrin las lnga'i 'od zer 'phro zhing 'du ba las/ ye shes kyi 'od zer rdo rje de nyid rab tu gzi byin dang ldan bar gyur to/ /de las yang 'phros shing 'dus pa las/ oM mahA sh+rI he ru ka ru lu ru lu hUM zhes bas bdag dpal khrag 'thung dbu dgu ba tshul dang ldan pa/ phyag bco brgyad la/ g.yas dang po rdo rje rtse dgu pa/ gnyis pa na rdo rje rtse lnga pa/ gsum pa na 'khor lo/ bzhi pa na 'khor yug /lnga pa na rin po che 'bar ba/ drug pa na ral gri/ bdun pa na sti ra'i dbyug pa/ brgyad pa na dbang phyug chen po'i ling ga/ dgu ba na dbang phyug chen po'i snying/ g.yon dang po na dung chen po bdud rtsi rnam pa lnga dang snying chen pos bkang ba/ gnyis pa na dril bu/ gsum
- 325a
pa na pad+ma/ bzhi ba ni dgra sta /lnga pa na ral gri/ drug pa gshol/ bdun pa na kha TwAM ga /brgyad pa na u ma'i b+ha ga/ dgu pa na rgyu ma'i phreng ba'i zhags pa/ 'bar pa chen po'i zhal dgu la/ dbus kyi zhal mthing nag tu gnas pa/ badzra he ru ka'i zhal/ g.yas smug nag du gnas pa bud d+ha he ru ka'i zhal/ tha ma ser nag du gnas pa ratna he ru ka'i zhal/ g.yon gyi dang po dmar nag tu gnas pa pad+ma he ru ka'i zhal/ tha ma ljang nag tu gnas pa karma he ru ka'i zhal/ de'i steng na zhal dmar por gnas pa ni/ de bzhin gshegs pa thams cad kyi gsung gi rdo rje'i zhal/ g.yas dkar po de bzhin gshegs pa thams cad kyi byang chub sems kyi rang bzhin rgyu'i ngo bo rdo rje sems dpa' i zhal/ g.yon pa de bzhin gshegs pa thams cad kyi 'bras bu'i ngo bo mi bskyod pa'i zhal/ de'i steng gi zhal ni de bzhin gshegs pa thams cad kyi spyi gzugs dpal kun tu bzang po'i zhal te/ de dag kyang rim bzhin du/ dbus nas sgeg pa'o/ /g.yas pa gnyis pa'o dang 'jigs su rung ba/ g.yon gnyis rgod pa dang gshe' ba dang/ dbus 'jigs par byed pa dang/ g.yas dkar ba snying rje/ g.yon sngo ba rngam pa/ dbus dkar zhing dmar bzhi ba'i zhal lo/ /zhabs brkyang kyis phyis 'byung ba'i don gyi u ma dang/ dbang phyug chen po dang/ 'jigs byed chen po ru tra dang/ 'jigs byed chen po gnyis te bzhi/ yab kyi zhal dang rked ba/ yum gyi zhal dang nu ma rnams gnon no/ /de nas 'og gi phyogs su thams cad rten par nus pa'i rlung gi dkyil 'khor gyi steng na/ khrag gi rgya mtsho'i dkyil nas/ keng rus kyi ri rab de'i steng du yang haM gi ye shes las grub pa'i rdo rje rgya gram gyi dbus nas/ ye shes las grub pa'i gser gyi 'khor lo rtsibs bzhi pa/ sangs rgyas kyi zhing thams cad dang tha mi dad pa'i lte ba la/ 'od dkar po las mchod rten gyi gzhal yas khang/ de'i nang du b+h+ruM gyi byin rlabs las/
- 325b
ye shes 'bar ba'i gzhal yas khang/ rgya phyogs bcur yongs su ma chad pa/ phyi dang nang med par kun tu yang nang du gyur pa ni/ 'bar ba'i 'phreng ba 'khor lo rtsibs bzhi pa/ gru tshad bzhis brgyan pa/ gru bzhi sgo khyud bzhi dang ldan pa/ 'bar ba'i bar khyams gnyis la / bar rdo rje'i sgo dang sgo gang gis phye ba/ rdo rje'i dra ba nyid kyi phyir/ mdza' yas pa dang 'jog po la sogs pa rnams kyis/ rang rang gi phyogs phyogs kyi dra ba dang/ dra phyed du byas pa la/ thod rlon shin tu gdug pa'i mche bas bzung ba/ nyi ma dang zla ba'i brgyan pa ste/ de'i phyir yang gsungs pa/ sbrul dang thod blon nyi zlar bcas zhes bya'o/ /gzhan yang 'bar ba'i 'phreng ba mang po 'phro zhing 'khrug par snang la/ longs spyod kyi rnam pa mang bo 'khrug pa'o/ /de ltar dbus su 'khor lo rtsibs bzhi par gyur te/ dkyil 'khor brgyad du phye ba'o/ / de nas bdag nyid dbus kyi gdan la gnas te/ che ba'i rdo rje bkod ba sgyu 'phrul dra ba zhes bya ba'i ting nge 'dzin la snyoms par zhugs te/ de bzhin nyid chos kyi dbyings las/ myu gu dang grib ma'i tshul du/ khro mo dbang phyug ma mngon par phyung ste/ hi hi dgyes pa'i gzi mdangs kyis/ 'dod chags chen po'i tshul du gnas te/ rin chen pad ma rgyas par mdzad nas/ yab kyi gsang ba'i dkyil 'khor rdo rje dang/ yum gyi pad+ma gnyis su med par 'khril ba las/ byang chub kyi sems kyi sprin yum gyi gsang ba'i b+ha gar/ byang chub sems rgya mtsho'i rba rlabs bzhin du 'khrug pa las/ hUM hUM hUM bi shwa badzra kro d+ha dzwa la man da la ha la ha la hUM phaT/ ces brjod pas 'jig rten drug gi phyogs bcu khyab par khro bo'i tshogs rdul snyed thon nas/ rab tu g.yos pas/ de na gnas pa'i dbang che bar grags pa'i grags pa chen po dang/ gzi brjid chen po thams cad brgyal nas dran pa med par byas te/ grags pa chen po dang dbang phyug chen po dang bcas pa slar byon nas/ bcom ldan 'das phyag dang zhabs bsam gyis mi khyab pa de nyid las/ thugs kyi rigs
- 326a
zhe sdang rnam bar dag pa chos kyi dbyings kyi ngo bor gnas pa rnams ni/ badzra he ru kar gyur te/ dbus kyi gdan la bzhugs so/ /phyi ma yang rang rang gi 'dul ba'i gdan la byon te/ sku'i rigs gti mug rnam par dag pa me long lta bu'i ye shes su gnas pa rnams ni/ yang gcig tu gyur te/ shar du rang bzhin gyis bting ba'i dri za'i gdan la gnas so/ /phyi ma yang de bzhin du sbyar ro/ /btsun mo khrag 'thung chen mo rnams kyang/ so so'i sku la 'khril te bzhugs so/ /de nas drag po chen po la sogs pa gtum pa'i sems kyis gdug pa'i cho 'phrul chen po sna tshogs pa bstan nas/ mgrin gcig tu gdug pa'i nga ro gtum pa'i brlang tshig smras pa/ thong thod ci snying rje'i bdag po ci de ltar byed dam zhes zer zhing/ shin tu gdung sems kyis khros nas ngam mo/ /de nas bcom ldan 'das dgyes pa chen po dbu dgu phyag bco brgyad zhabs rnam pa brgyad du gnas nas rngam pa'i skad kyis hUM hUM hUM byo e ar li dza zhes brjod pas/ /phyogs bcu'i 'jig rten gyi khams nam mkha' dang bcas par bsdus nas/ yungs 'bru gcig tsam du bsdus so/ /de nas 'byung po thams cad kyi rje mo yang rje mo/ /mi'i srin mo dmar ser la sogs pa nyi shu rtsa brgyad bran dang 'khor du bcas pa 'khor zhing gi rdul snyed kyang bsdus so/ /de nas bcom ldan 'das dgyes pa chen po dpal khrag bzung chen pos yang 'dul ba'i thabs kyis rigs lnga'i 'jigs byed chen por snang bar mdzad nas/ dgyes bas rol pa'i dkyil 'khor gyi sprin 'byung ba zhes bya ba'i ting nge 'dzin la snyoms par zhugs nas/ oM A hUM badzra pra be sha a la la ho zhes brjod pas/ 'byung po'i rgyal mo rnams shin tu chags pa'i yid g.yos te/ pad+ma'i dkyil 'khor sdud cing rgyas par gyur nas/ dper na rdo bab len la lcags 'du ba'i tshul du/ gtso bo la brgyad 'khril rigs bzhi
- 326b
lnga lnga 'khril lo/ /de nas bcom ldan 'das dgyes pa chen pos/ khro bo'i dkyil 'khor de dag gis hUM zhes brjod pas/ pad+ma'i dkyil 'khor gyi tshogs bsdus nas shin tu gcum par gyur to/ /de nas dgyes te ha brjod pas/ byang chub sems kyi sprin las/ dkar me'i tshogs nyi shu rtsa brgyad dang/ rkun mo'i tshogs nyi shu rtsa brgyad dang/ rmengs mo'i tshogs nyi shu rtsa brgyad dang/ thal byed ma'i tshogs nyi shu rtsa brgyad dang/ rbos mo'i tshogs nyi shu rtsa brgyad dang/ de bzhin du gtum mo dang/ sme sha can dang/ ma tshogs ma rnams/ rang rang gi lag cha dang/ ngo mtshar du chas nas/ dbang phyug ma rnams kyi b+ha ga nas thon to/ /thon nas kyang/ phyogs bcu'i 'jig rten gyi khams su sangs rgyas kyi zhing yongs su sbyang ba dang/ ru tra chen po'i 'khor gyi dkar mo la sogs pa gnyen por shur btul nas/ slar byon pa dang/ dkar mo'i tshogs nyi shu rtsa brgyad kyang/ ke'u rim gcig tu gyur nas/ 'bar pa chen po'i 'khor lo'i shar lho'i mtshams su 'khod do/ /phyi ma rnams kyang de bzhin du/ 'jigs pa'i gzugs dang/ rang gi lag ca dang chas nas 'khod do/ /de nas shin tu dgyes nas byang chub sems kyi sprin las nye zhes brjod pas/ seng gdong la sogs pa nyi shu rtsa brgyad dang/ de bzhin du stag dang/ wa dang khyi dang/ gzhad dang/ kang ka dang/ dur bya dang/ bya rog dang/ 'ug gdong chen mo'i tshogs rnams kyang/ rang rang gi lag cha dang ngo mtshar du chas te/ nyi shu rtsa brgyad dbang phyug ma rnams kyi gsang ba'i b+ha ga nas thon par gyur te/ /thon nas kyang ru tra chen po'i 'khor gyi seng mgo can rnams 'dul ba dang /phyogs bcu'i 'jig rten gyi zhing sbyang bar byas nas/ smal? byon pas/ seng gdong chen mo'i tshigs nyi shu rtsa brgyad kyang/ si? dang mu nya'i tshogs gcig tu 'dus nas/ 'bar ba chen po'i phyi rol gyi 'khor lo'i shar mtshams kyi snam bu nas 'khod do/ /phyi ma rnams kyang
- 327a
de bzhin du 'dul bar mdzad nas 'khor bar rngam pa'i mdangs kyis 'khod do/ /de nas shin tu dgyes nas phaT ces brjod pas/ byang chub kyi sems las/ rdo rje sring 'gro ma'i tshogs nyi shu rtsa brgyad dang/ de bzhin du/ gdong mo dang/ 'jig rten ma dang/ ro langs ma'i tshogs nyi shu rtsa brgyad/ rang rang gi lag ca dang ngo mtshar du chas nas/ dbang phyug ma'i gsang ba'i b+ha ga nas mthon no/ /mthon nas kyang/ phyogs bcu'i sangs rgyas kyi zhing sbyang ba byas nas/ slar byon pas yang so sor 'dul bar mdzad de/ 'bar ba chen po'i dkyil 'khor gyi sgo bzhir/ shin tu rngam pa'i gzugs kyi mdangs kyis 'khod do/ /de nas phaT zhes brjod pas/ ma mo rnams rang gi gnas su bkye'o/ /de nas dpal khrag 'thung chen pos bdud rtsi 'byung ba zhes bya ba'i ting nge 'dzin la snyoms par zhugs so/ /sku gsung thugs rdo rje las 'di phyung ngo/ /oM badzra mahA a mri ta mahA kro d+ha oM i aM zhes brjod pas/ dbang phyug chen po la sogs pa thams cad bcom ldan 'das khro bo'i de dag gi snam nas thon to/ /mi gtsang ba'i 'dam gyi rgya mtsho chen por chud las/ snam nas utshusma kro da phyung nas/ 'dam kun 'thungs nas slar dran pa rnyed nas khro bo'i dkyil 'khor gyi tshogs de dag /dbu dgu brgya/ phyag stong brgyad brgya zhabs brgya brgyad/ sku 'bar ba chen po'i dkyil 'khor na bzhugs par mthong ngo/ / de nas de dag shin tu 'bar zhing bred nas/ zhum pa'i dngos 'bangs su mchi ba'i mna' bor te/ g.yo rgyu med pa'i sems kyi rang rang dkyil 'khor gyi gdan du gzhag go /de nas yang thams cad kyis mgrin gcig tu mchis brang dang bu dang/ bu mo rnams kyang ? zhes brjod nas/ thams cad yud tsam gyis 'ongs nas/ rang ? su mchi bar gnas bor te/ lag tu rdo rje byin nas/ ming gis dbang bskur te/ dkyil 'khor phyir mi du bkod do/ /de ltar gsal ba de nyid las/ thabs dang shes rab kyi rol pa'i brda' dang
- 327b
'dod chags chen po'i mes dbus kyi gtso bo yab yum 'od du zhu ba las/ lha thams cad kyang zhu nas dbus kyi 'od kyi gong bu la thim nas/ 'od kyi gong bu gcig gi rang bzhin du dbyer med par brtags la/ de las yang phyogs bcu'i sangs rgyas kyis bslang ba'i tshul du g.yos pas/ hUM du gyur/ hUM las ye shes lnga dang rgyu mthun pa'i 'bras bu /stong pa nyid kyi ngo bo drag po'i blo gos kyi rang bzhin/ rdo rje rtse lnga par gyur te/ de las yang sku gsung thugs kyi byin gyi rlabs mthun par byas te/ ye shes de las langs pa'i tshul gyis/ oM mahA kro da sa ma yo ga swAhA hUM/ zhes bas/ dpal rdo rje khrag 'thung gi sku mngon par dran par byas nas /phung po dang khams dang skye mched lha ru rnam par dag par byas la/ ye shes lnga yis dbang bskur/ sku gsung thugs su byin gyis brlabs te/ gsang? gnas byin gyis brlabs te/ oM hUM badzra pra be sha a la la ho zhes brjod pas/ shin tu chags pa'i yid g.yos te/ pad+ma'i dkyil 'khor sdud cing rgyas par byas te/ zla ba'i dkyil 'khor la hUM sgril ma bcu /ha brgyad/ he brgyad/ phaT bzhi/ b+hyo nyi shu rtsa brgyad las 'phros pas/ 'jig rten drug gi phyogs bcu na gnas pa'i sangs rgyas thams cad spyan drangs te/ yum gyis spyi po nas brtsams te/ ba spu'i bu ga nas gsang ba'i gnas su yig 'bru rnams la thim pas/ gsum pa sku rdzogs pa so so'i sku phyag rgya nyid du gsal bar gyur to/ /de la sku mdog dang phyag mtshan gyi rim pa ni/ de phyi ma ha dza la'i tan tra la bltos bsam bris so/ /de ltar gsal ba de dag spyan drangs pa'i sngags kyis phyir phyung ste/ 'jig rten drug gi phyogs bcur 'phros bas/ de dag thams cad 'bar ba'i dkyil 'khor gyis/ rab tu tshig cing 'bar ba ste gang nas/ de dag na gnas pa'i sems can de dag gis bsreg pa'i bskal pa nyams su myong bar byas nas/ rdzu 'phrul gyi tshar phrul la sogs pas btul te/ zhe sdang la sogs pa'i nyon mongs par thams cad
- 328a
skad cig ma'i rim pas rigs kyi bye brag gis /rtog pa thams cad 'dus pa las kyang gsungs pa ltar/ dbugs byung slar 'dus pa ltar/ rang rang gi gdan la bzhugs so/ /nga 'di nas mar ni don khra gnyis gcig tu rtogs par bya ba ste/ zhi ba'i dkyil 'khor ltar dbus kyi gtso bo la thim pa dang/ phyogs dus kyi sangs rgyas thams cad spyan drangs shing bstims pas gnyis gcig tu rig par bya'o/ /ru lu ru lu hUM gis ni srog gi snying po dang por byas nas /chos kyi sku zhi ba chen po'i ngang las bzhengs su gsol ba'o/ /oM he ha hi sa a na yas ni/ phyag 'tshal pa dang por byas nas/ snyan gsan dbab par bya'o/ /dza(rgyud 'grel): hUM baM ho(rgyud 'grel): sa ni phyag rgya bzhis rol cing spyan drangs pa'o/ /raM gyis ni 'dod chags kyi mes zhu ba dang/ ye shes kyi me nyid kyi phyir ro/ /badzra kro d+ha sa ma ya hUM zhes pas ni rigs pa'i me tog gtor ba byang chub sems kyi mchod pa'o/ /oM badzra zhes pa gsum gyis dbyer med par byas la/ a la sogs pa'i mchod pas mchod do/ /gang la zhe na/ mahA daM skra zhes pa khyad par can dang/ khyad par can khyed kyis bzhes shig pa'o/ /de nas yang lhag pa'i byang chub sems kyi 'od zer gyi lcags kyus/ phyogs dus kyi sangs rgyas thams cad spyan drangs shing mchod pas dkyil 'khor gyi lha kun la dbang bskur bar gsol ba las/ dbu brgyan rigs lnga dang sku gsung thugs dang ye shes lngas/ dbang bskur zhing byin gyis brlab bo/ /de dag gi thugs kar ye shes kyi he ru ka'i thugs ka'i zla ba la/ oM ru lu ru lu hUM zhes pa bsgom mo/ /yum rnams la yang rang rang gi thugs kar ye shes sems ma'o/ /yang na kun gzhi'i rnam par shes pa ni pho dang mo'i mtshan mar nges pa ma yin pas/ ye shes sems dpa' 'o/ /de'i thugs ka'i zla ba la sngags gong ma'o/ /de ltar dbang phyug ma'i bar du bsams la/ dbang phyug ma
- 328b
la ni byos kyang bsnam par bya'o/ /de ltar bdag nyid sngags bzlos pa'i dus su /lha thams cad so so rang rang zlos pa dang/ bdag nyid 'phro 'du byed tsam na lha thams cad kyang 'phro 'du byed par bsam mo/ /sngags kyi yan lag lnga yang brtsam par bya'o/ /de nas 'phra mo'i ting nge 'dzin brtsam par bya ba dang/ de las las bzhi'i hoM bya ba la sogs pa ni ci rigs par bya ste/ phal zhi ba la bltos pas 'dir ma bshad do/ /de nas nam skyo 'am dub na/ gtum chen zhes pa'i dbyangs kyis bstod par bya'o/ / de nas bsdus pa dang rang bzhin med par shes par bya'o/ /khro bo'i bsgrub thabs kyi rim par phye ba rdzogs so// //rigs lnga'i khro bo'i dkyil 'khor de dag kun kyang /dbu dgu brgya la/ spyan yang dgu brgya phrag gsum ste/ de mig gi rnam par shes pa gnas bzhi la /sems dpa' dgu brgya phrag bzhi ste/ de ni bzung ba dang 'dzin pa'i rnam par rtog pa'i chos thams cad chos kyi dbyings skye bar med pa'i ngang du rol ma gcig gi bar du/ dngos po dang mtshan ma la khro bo'o/ /snyan dgu brgya phrag gnyis las/ rnam par shes pa gnas bzhi bzhi ste/ de yang sems dpa' dang sems ma dang khro bo dang khro mo ste/ de yang thos pa dang gzung ba dang 'dzin pa'i rnam par rtog pa'i mtshan la khro bo'o/ /shangs kyang de bzhin du ste/ de yang ? ba'i dbang gi dngos po dang mtshan ma'i chags sdang la khro bo'o/ /ljags dgu brgya la yang ro myong ba'i dngos pos gzung ba dang 'dzin pa'i chags sdang gti mug gi dngos po la khro bo dang khro mo ste/ de la dgu brgya nyid rnam par shes pa gnas bzhi'o/ /phyag stong brgyad brgya las/ nying lag gi rigs chen po lnga lnga ste/ stong brgyad brgya'o phyag lnga lnga bo stong brgyad brgya'o/ /de nas de'i yul chos kyi dbyings la yang de snyed do/ /zhabs brgyad brgya la yang nying lag
- 329a
gi rigs chen po lnga lnga ste brgyad brgya phrag lnga'o/ /de yang yul ye shes chen po yang de snyed do/ /ci'i phyir chos kyi dbyings zhi ba chen po mnyam pa nyid kyi ngang las/ 'di lta bu'i sgyu 'phrul mdzad ce na/ sems can la byams sdang med de/ sems can la mnyam pa nyid du dgongs pa yin pas/ khro bos 'dul ba'i sems can thams cad la/ khro bos mnyam pa nyid du 'dul lo zhes bya ba'i don to/ /de yang glog dang skar mda' ltar skad cig ma lta bu ma yin te/ sems can ma dul gyi bar du khro bo yang mi 'dul te/ nam sems can dul na khro bo yang dul lo/ /sems can thams cad dul nas zhi ste/ chos nyid mnyam pa nyid kyi ngang du gyur tsam na/ khro bo yang chos nyid byang chub kyi sems mnyam pa nyid kyi dang du gyur to/ /'o na sems can thams cad nam chos nyid du 'gyur zhe na/ sems can thams cad kyi 'dod chags dang zhe sdang la sogs rdo rje ltar srabs na/ de ma zad kyi bar du 'am khro bo yang sred med kyi rdo rje dang 'dra bas/ sems can gdul ba'i phyir/ snying rje chen pos khro bo yang 'jig rten na gnas so// ci'i phyir de steng du snying rje chen po'i khro bo'i 'jig rten na gnas she na/ 'khor ba shin tu yun ring por 'jig rten na gnas pa ni/ byang chub sems dpa' rnams yi dam mthar byung ba yin pas na/ bdag bla na med pa yang dag par rdzogs pa'i byang chub tu mngon par rdzogs par sangs rgyas nas/ phyi ma'i mdza' mur thug pa med pa'i bar du sems can gyi don mdzad pa ni/ sangs rgyas dang byang chub sems dpa' rnams/ yi dam mthar phyung ba yin no ba'i phyir ro/ /dpal gsang ba'i snying po de kho na nyid nges pa la/ khro bo rang bzhin gyi sprin chen pos ru tra chen po la sogs pa gdul ba'i phyir/ gsang ba'i b+ha ga nas byang chub sems las spros pa'i le'u ste/ bco lnga pa rdzogs so// //yang dpal gsang ba'i snying po las gsungs
- 329b
pa'i/ /rtsa ba dang yan lag la gnas pa'i rnal 'byor pas rang bzhin rnam par dag pa'i dkyil 'khor bsgrub par bya ba'i phyir/ snying rje chen po la byang chub sems kyi ngang las bzhengs nas/ che ba'i rdo rje bkod pa'i sgyu 'phrul dra ba bskyed de/ thabs dang shes rab rol pa'i gsang gnas su rdo rje cho ga gsum gyis bskyed pa'i lha dag /rdo rje cho ga bzhi pas sngags phyung bas/ gsang ba'i dkyil 'khor gyi nang nas gdon par bya ba'o/ /de nas bcom ldan 'das dgyes pa chen po zhes bya ba la sogs pas/ bcu drug pa gsungs yig 'bru'i sngags phyung bas/ gsang ba'i b+ha ga nas dkyil 'khor spros pa'i le'u gsungs so/ /de la de nas zhes bya ba'i don yang bshad zin to/ /de ltar rang bzhin rnam par dag pa'i dkyil 'khor de dag /dam tshig sems dpa' i dkyil 'khor gyis grub par bya ba'i phyir/ gsang sngags kyi le'u gsungs so/ /de la yang zhi ba'i dkyil 'khor gyi dus su ni/ mi bskyod pa dang por byung zhing gtsor smos la/ khro bo'i dus su ni gzugs kyi phung por bud b+ha he ru ka /kho na dang por byung zhing gtsor smos pa ci'i phyir zhe na/ de ni rgyud dkrugs pa'i tshig sbas dang yig sbas kyi dbang ngo/ /de ci'i phyir zhe na/ dbang phyug ma gtso bo la 'khril pa'i gnas skabs nyid na mngon par 'gyur te/ 'dir ni rdo rje khrag 'thung nyid la ci nas kyang ? gyis nas kyang don gyis shes par bya'o/ /ci'i phyir zhe na/ de yang bcom ldan 'das kyis chos bstan pa'i rim pa ni/ rang gi rigs dang kun nas nyon mongs pa'i rim pas dbang du ste/ ci'i phyir zhe na/ zhe sdang gi dbang gis rmad du byung ba'i sems can 'dul ba dang/ des nyen pa'i sems can dbugs 'byin pa ste/ bcom ldan 'das kyis zhe sdang lta bu'i sdig pa med/ bzod pa lta bu'i dka' thub med/ ces gsungs pa'i phyir/ 'on dang 'dir yang rnam par shes pa'i phung
- 330a
po'i rang bzhin zhe sdang rnam par dag pa'i ngo bo/ /mi bskyod pa rdo rje khrag 'thung du mngon par 'du mdzad de la shes par bya'o/ /ru lu ru lu zhes pa'i yig 'bru drug po ni/ bdag nyid chen po'i khams drug gsum bco brgyad las dang po'i ru lu gnyis kyis ni rnam par shes pa drug ste/ mig la sogs pa nas tha ma yid kyi rnam par shes pa'i bar du/ sa'i snying po nas kun tu bzang po'i bar du'o/ /yang ru lu zhes pas ni/ dbang po drug ste/ mig gi dbang po nas yid kyi dbang po'i bar du ste/ byams pa nas khro bo bzhi'i bar du'o/ /yang ru lu zhes pas ni yul drug drug ste/ mig yul nas yid kyi yul gyi bar du/ chos bya ba mo nas dus bzhi'i lha mo'i bar du'o/ /kun gzhi'i rnam par shes par drug gnas bzhi dang ldan pa'i dus su ldan mod kyi/ 'dir gtsor ye shes sems dpa' la smos pa yin no/ /yid ni/ kun gzhi la dmigs pa yin pas/ ye shes sems dpa' yid kyi yul du gyur te/ ye shes sems dpa' i 'phro 'du las/ yid kyis gtad cing dbang sgyur ba nyid kho na'o/ /bzlas pa'i 'phreng ba'i glo 'bur gyis brgyan pa ni/ oM ye shes lnga'i ngo bo phung po lnga'i bdag nyid du gyur pa yin te/ rigs lnga'i yab yum bcu'i bzlas pa'o/ /de ltar ru lu drag po de dpal khrag 'thung gi khams bco brgyad dang sku gsung thugs rdo rje rigs bdag nyid/ rnam par shes pa drug ni thugs kyi rang bzhin/ dbang po drug ni sku'i rang bzhin/ yul drug ni gsung gi rang bzhin te/ sku gsung thugs rdo rje'i rang bzhin no/ /hUM zhes pa ni ye shes chen po lnga'i ngo bo/ /rang gi sems kyi chos nyid byang chub sems kyi rang bzhin rnam par thar pa'i sgo lnga ste/ rigs lnga khrag 'thung chen po yab yum bcu'o/ /ru lu ni rnam par shes pa'i lha rnams kyi srog gi snying po'o/ /yang ru
- 330b
lu ni dbang po rnams kyi srog gi snying po'o/ /yang ru lu ni yul rnams kyi srog gi snying po'o/ /de ltar na rnam par shes pa ni bzhi'o/ /dbang po ni yid kyi dbang po bzhi ste brgyad do/ /yul yang dbang po'i yul dang/ yid kyi yul te brgyad do/ /hUM ni chos nyid byang chub sems kyi rang bzhin no/ /ting nge 'dzin gyi dkyil 'khor gyi sgo nas ni/ rang gi thugs ka'i zla ba'i dkyil 'khor la/ ye shes kyi he ru ka mtshon gang ba'i thugs ka'i/ nyi ma'i dkyil 'khor sran ma tsam gyi dbus su/ rdo rje dang 'khor lo dang pad+ma dang/ rin po che dang/ rdo rje rgya gram bkod la/ de dag gi dbus kyi zla ba la sngags kyi yig 'bru bkod nas/ sngags kyi yan lag lnga pa rtsam par bya'o/ /yum rnams la lnga rang rang gi thugs kar ye shes sems ma/ da'i thugs kar zla ba la sngags kyi yig 'bru bkod nas/ sngags kyi bzlas pa brtsam par bya'o/ /dbang phyug ma rnams la yang rang rang gi ye shes sems ma'i thugs ka'i zla ba la/ sngags kyi phreng ba byos bsnan la dgod par bya'o/ /yang na kun gzhi byang chub sems ni pho dang mo'i mtshan mar nges par ma yin te/ thugs kar ye shes sems dpa' kho na'o/ /bzlas pa la sogs pa 'di dag gi don ni/ gsang ba'i gtso bos dbus kyi gtso bo la gsol ba gdab pa la/ slob ma dkyil 'khor du gzhug pa dang/ ye shes kyi dkyil 'khor spyan drang ba dang/ gsum du rtogs par bya ba la/ dang po ye shes kyi dkyil 'khor spyan drang bar bya ba'i phyir/ ru lu ru lu ru lu zhes bya ba la sogs pa gsungs pa las/ de yang dang po bdag pa yum gyi gsang pa'i gnas byin gyis brlabs nas / thabs dang shes rab rol pa'i sgra dang/ byang chub sems kyi 'od zer gyi tshogs kyis/ bcom ldan 'das chos kyi sku zhi ba chen po'i ngang la bzhugs pa de dag zhi ba chen po'i ngang las bzhengs su gsol bar bya'o/ /de nas yang ye shes kyi lha
- 331a
mo'i tshogs kyis/ oM zhes pa'i don gyis phyag btsal nas/ e dya hyi a na ya zhes pas snyan gsan dbab par bya'o/ /de nas yang thabs dang shes rab rol pa'i lhag pa'i byang chub sems kyi 'od zer gyi kyo bas thugs ka la sogs pa nas bskul zhing spyan drang bar bya'o/ /de ltar spyan drangs te mdun gyi bar snang la chu'i skal pa'i sprin ltar 'khrigs pa de dag /yang bdag gi sku gsung thugs rdo rje la bzhugs par bya ba'i phyir/ yang byang chub sems kyi rdo rje zhags pa'i tshogs kyis spyan drangs te/ bdag gi dkyil 'khor la bzhugs par bya'o/ /de bzhin du rdo rje lcags sgrog ma'i tshogs kyis ni/ bcing bar bya'o/ /de ltar bcings te mdza' thug pa med pa'i bar mi 'gyur ba ste/ ston pa'i bka' dang/ rang gi dam tshig gis bzhugs pa la dga' ba chen po'i btang snyoms kyis bskyed pa'i phyir/ lhag pa'i byang chub sems kyi rdo rje dril bu'i tshogs 'phro zhing 'dus te/ bstims pa las/ lha thams cad dbang du byas te/ ye shes kyi 'od dpung dang/ gsang ba'i 'dod chags chen po dbyer med par byas nas/ dkyil 'khor la dkyil 'khor dbyer med par byas te/ oM khro la zhes dbyangs kyis bskul bar bya'o/ /khro la zhes pa ni/ khro bo'i rang bzhin can te/ drag po chen po la sogs pa la bya'o/ /khros pa zhes pa ni/ snying rje chen po'i bdag nyid thabs dang shes rab kyi ngo bo dpal khrag 'thung gis so/ /zhi mdzad pa zhes pa/ snying rje chen po'i dpal khrag 'thung khros pas/ drag po chen po la sogs pa zhi bar mdzad pa zhes bya'o/ /de lta bu'i thugs rje chen po'i sgo nas khros pa'i dpal chen po'i 'khor tshogs dang bcas pa khyed kyi sku gsung thugs rdo rje'i byin gyis brlabs dus 'di nyid du bdag la stsol ces bya'o/ /baM dang ho dang phaT
- 331b
gsum ni gal te spyan drangs nas ma byon na/ rdo rje dam tshig gi sngags gsum gyis bskul zhing dbyer med par bya'o/ /gsang ba'i dkyil 'khor dang slob ma dkyil 'khor du 'jug pa yang/ rig pa'i me tog gtor ba la sogs pa'o/ /da ni rang bzhin gyi dkyil 'khor dang/ ting nge 'dzin gyi dkyil 'khor dbyer med pa'i lha thams cad la/ lhag pa'i byang chub sems kyi dkyil 'khor la sogs te sprul pa'i mchod pa dang/ bdud rtsi lnga la sogs pa btung ba'i khyad par dang/ sha lnga la sogs pa'i bza' ba khyad par dang/ rmad du byung ba'i gtor ma la sogs te/ mchod pa'i khyad par thams cad 'phags pa'i dkyil 'khor thams cad la dbul ba'i phyir te/ a li sha la sogs te bza' ba'i khyad par thams cad dang/ u li chang dang bdud rtsi lnga la sogs te btung ba'i bye brag thams cad dang/ ta li ta pa li khur ba la sogs te gzhan yang bza' ba'i bye brag thams cad dang/ hUM gi 'phro 'dus bsog pa dang/ a'i ngo bos stong pa'i ngo bor sbyang ba dang/ oM gyi 'phro 'dus ye shes lnga'i 'od zer 'bar ba'i rtse las rigs lnga'i thabs dang shes rab kyi 'phro 'du'i byang chub kyi sems rin po che swa'i sa bon las yid bzhin gyi nor bu ltar 'od 'bar ba las/ ha'i ye shes las dus bzhi'i mchod pa dbul zhes bya'o/ /gang la 'bul zhe na/ dam ste mche ba can gyi tshogs 'gun re'u tri yon tan dag pa'i tshogs dang ldan pa/ kha ram yo gi ni khyed kyi zhal du bzhes shig /kha hi rol cig /gang dang gang gis bzhes shing rol zhe na/ hUM ha he phaT las bskyed pa'i dkyil 'khor khyed kyis so/ /des ni 'di gsungs par 'gyur te/ de ltar ting nge 'dzin gyi khyad par las sbrul pa'i bza' zhing btung ba la sogs pa thams cad/ mche ba can gyi tshogs yon tan drag po khyed kyis/ rgya mtsho'i chen po bzhin du dus gcig tu gsol ba des bzhes
- 332a
pa de ltar bzhes shig pa'o/ /de ltar dpal rta mchog gis 'dul ba'i 'dus su byung ba/ de nyid yang dpal kun tu bzang po nyid do zhes bya'o/ /yang gnyis su na/ 'gu na re'u tri/ slob dpon drag po chen po'i dkyil 'khor du ldan pa khyed kyis bzhes shig pa'o/ /gsung gi dkyil 'khor brjod pas/ 'bar rab tu 'bar ba ci'i phyir na/ sngags kyis dkyil 'khor chen po rnam pa gnyis nas spyan drangs pa'i lha kun gyi ye shes kyi 'od zer gyi khyad par gyis so/ /dpal gsang ba'i snying po de kho na nyid nges pa las/ khro bo'i dkyil 'khor chen po gsung gi dkyil 'khor brjod pas/ gsang ba'i b+ha ga nas byang chub sems kyi dkyil 'khor spros pa'i le'u ste/ bcu drug pa'o// //dang por rnal 'byor pas kun tu bzang po he ru kar mngon du byas la/ gnas dang gdan bskyed pa'i phyir dang/ gsang ba'i dkyil 'khor gyi sku mdog dang phyag mtshan la sogs pa bstan par bya ba'i phyir/ de nas zhes bya ba la sogs pas/ bcu bdun pa dkyil 'khor bstan pa'i le'u gsungs so/ /de nas bcom ldan 'das dgyes pa chen po zhes bya ba la sogs pa ni go sla'o/ /phyi min bsgrub thabs las shes par bya'o/ /khyu mchog ma ha de ba'i bzhon pa glang ste dbus su ma he ni gshin rje'i bzhon pa ste lhor/ gzig ni dri za'i bzhon pa ste shar/ stag ni srin po'i bzhon pa ste nub/ dom ni gnod sbyin gyi bzhon pa ste byad do/ /bzhon pa de dag steng du phyung ba ni/ nga rgyal gcag pa dang/ gus pa'i tshul gyis 'khor dang bcas pa phul te/ byang chub mchog tu sems bskyed pa'o/ /de ltar byang chub mchog tu sems bskyed pas na/ lung bstan pa thob par yang theg pa chen po'i tshul gyis nges par de dag lung bstan pa ni dpal de nyid 'dus pa'i rgyud las shes par bya'o/ /bcom ldan 'das dpal khrag
- 332b
'thung chen po de dag kyang/ ji lta bu'i zhal dang phyag gi ngo bo nyid du gnas she na/ de nyid kyi phyir yang gsungs pa/ dbu gsum phyag drug zhabs bzhir bgrang/ ces bya ba gsungs te/ de yang sku gsung thugs bsam gyis mi khyab pa'i dbu gsum pa/ ye shes drug gi phyag gi ye shes rin po che'i phyag mtshan stong gi 'jig rten khor yug la sogs pa 'dzin pa'o/ /dug lnga dbang du mdzad pa 'dod chags zhe sdang gti mug nga rgyal phrag dog gi chas chen po lnga bstan pa'i phyir yang gsungs pa/ ko rlon gos ni sna tshogs gos na/ rngam pa'i sgra chen 'jigs par sgrogs zhes bya ba gsungs te/ 'jigs byed chen po'i chogs dbang du bya ba'i phyir/ 'jigs byed chen po'i tsa mar dang/ glang po che dang/ stag dang seng ge dang/ zhing chen po'i pags pa dang/ g.yang gzhi bsnams pa ste/ de dag kyang rims bzhin du/ zhe sdang dang gti mug la sogs pa lnga rnam par dag cing dbang du bya ba ste/ gzhan du na ni gti mug rnam par dag pa'i ngo bo'o/ /'dod pa'i khams kyi sems can gyi nga rgyal bcag cings ba bkong pa'i phyir/ stong gsum gang ba'i/ rngam pa'i sgra chen por 'brug ltar 'jigs par sgrogs pa ste/ de yang nga rgyal rnam par dag pa'i ngo bo'o/ /lto 'phye chen po'i tshogs dbang du bya ba'i phyir/ gnas brgyad la sogs par yang sbrul gyis sku la brgyan pa ste/ de yang zhe sdang rnam par dag pa kho na'o/ /ye shes lnga'i thod pa'i 'phreng bas kyang dbu brgyan pa ste/ de yang sngon gyi dus kyi dam tshig la gnas so zhes par yang bstan pa ste/ ci ltar slob dpon gyis tha tshig stsal ba'i 'phreng ba de/ spyi bos bkur zhing lus kyi brgyan dang 'dra bar bcang bar bya'o/ /zhes pa ste/ de yang phrag dog rnam par dag pa'i ngo bo'o/ /ci'i phyir zhe na/ gzung 'dzin la gnas pa'i sems can zil gyis mnan sngags shing
- 333a
brgyal par bya ba'i phyir/ gzung 'dzin gyi rtog pa'i gzhom pa'i phyir ro/ /de ltar yang gsungs pa/ thod pa'i 'phreng ba'i dbu brgyan 'dis/ /rdo rje sems dpa' bdag sngon bskyed/ ces bya ba gsungs te/ dpal rdo rje sems dpa' ni gzung 'dzin dag pa'i ngo bo las skyes pa'i phyir ro/ /ri rab 'dod pa'i khams kyi sems can zil gyis mnan pa'i phyir/ nyi ma'i dang zla ba dang yid kyis kyang snyan gyi gong rgyan du byas pa yin te/ de yang 'dod chags rnam par dag par bya ba'i ngo bo ste/ de yang spyi dang khyad par gyi chas lnga'o/ /tshangs pa chen po'i nga rgyal gcag par bya ba'i phyir/ stong gi 'jig rten khor yug snod dang bcud du bcas pa phyag na bsnams pa ste/ de yang 'dul bar bya ba'i zhing khams rnam par dag bar bya ba'i phyir ro/ /ye shes chen po lnga dang ldan pa'i phung po chen po dmar gyis bkang ba dkrug cing gsol ba ste/ de yang gnyen po ye shes kyis/ yul nyon mongs pa'i snyigs ma lnga la rol pa'o/ /mnyam pa nyid dang/ so sor kun tu rtog pa'i ye shes gnyis kyis/ 'dul bar bya ba'i nyon mongs pa'i 'gro ba'i rgyud la lta ba'i rim pa gzigs pa'i phyir/ ral gri dgra sta'o/ /bya ba bsgrub pa'i ye shes kyis 'dul bar bya ba'i smin cing grub par bya ba'i phyir/ bshol lo/ / phyi ma yang gnas dang/ gnas pa dang/ dbang po dang rnam par shes pa la sogs pa'i lha mo ni dgrol lo/ /dpal gsang ba'i snying po de kho na nyid nges pa las/ gzugs brnyan las kyi dkyil 'khor bstan pa'i le'u ste bcu bdun pa'o// // skye ba med pa'i rnal 'byor pas thabs dang shes rab kyi bde bas/ rang bzhin lhun gyis grub pa'i dkyil 'khor la sogs pa mchod cing/ /'khor ba'i rgyus bla na med pa'i byang chub kyi tshogs la sogs par 'gyur ba'i phyir/ de nas dgyes pa
- 333b
chen po mnyes pa'i mchod pa 'dis ched du brjod do/ /zhes bya ba la sogs pa gsungs so/ /mnyes pa ni thabs dang shes rab kyi don gyis te/ byang chub sems la sogs pa'i mchod pa ni 'di ni/ rgyu dang 'bras bu'i sgo nas chen po'o/ /de la zhes bya ba las ni/ mnyes pa'i mchod pa chen po bya'o bar gsungs pas/ de la zhes pa'i tha tshig ste/ de yang mchod sbyin dam pa ni/ zhes pa dang 'phrel to/ /mchod pa ni 'phags pa la ste/ gsang ba'i mchod pa rgyu dang 'bras bur bcas pa'o/ /sbyin? pa ni sems can la bya ste/ thabs dang shes rab kyi bde bas/ bgrod pa'i phyir mi ldog pa'i dbang thob par byed pa'i phyir ro/ /dam pa ni dam pa ma yin pa las khyad par du gyur pa'i phyir te/ rgyu dang 'bras bu dang ye shes kyi ngo bo'i phyir ro/ /de lta bu'i mchod sbyin dam pa'i cho ga bsgrub par bya ba yang/ /dang po 'am thog mar bdag nyid rtogs bsgoms bsgral zhes gsungs te/ shes rab kyi pha rol tu phyin pa'i rang bzhin stong pa bdag med pa'i ngo bo dang/ dpal gsang pa'i snying po'i rnal 'byor pas/ chos nyid byang chub sems kyi dkyil 'khor la gnas te/ rtogs pa bzhi las kyang/ yig 'bru'i tshul dang/ mngon par rtogs pa dang/ rdo rje cho ga lngas rang bzhin rdzogs pa chen po'i ngang du thabs dang shes rab gnyis su med par bsgom zhing bdag gis nyon mongs pa'i sems can sems rgyud 'khor ba'i rgya mtsho las bsgral bar bya'o/ /zhes so/ /de nas gnyis med blo yis ni/ blo ngan 'jig rten snying rje/ gnyis su med par bsgral bar bya'o/ /zhes bya ba gsungs te/ 'khor ba dang mya ngan las 'das pa'i don dam pa dang/ kun rdzob dbyer med pa'i blo dang ldan pa'i bdag nyid/ gang thabs dang shes rab gnyis su med pa'i blo dang ldan pa'i bdag nyid/ blo ngan pa'i dpal las skyes pa'i 'jig rten gsum po dag snying re rje zhes bya ste/ de dag kyang thabs dang
- 334a
shes rab gnyis su med pa'i gsang ba'i b+ha gar byang chub sems kyi 'od zer gyis bsgral bar bya'o/ /de ltar yang thugs rje chen po'i byin rlabs kyis/ lam lnga'i sems can kun bkug ste/ thams cad lus bsgral bar bya'o zhes bya ba la sogs pa/ sbyor sgrol bdag la rdzogs pa'i don sngon du rgyas par bshad pa yin te/ thabs dang shes rab gnyis su med pa'i byang chub sems kyi 'od zer gyi lcags kyus 'gro ba rigs drug gsang gnas su bkug ste/ yang 'od zer lcags kyus/ phyogs dus kyi sangs rgyas spyan drangs te/ mchod nas yul gyi ba spu'i bu gar thim pas/ ye shes kyi thog gis rdul du glags pa'i sems te/ yang byang chub kyi chu rgyun gyis bslangs nas/ sku phyag rgya nyid du bsgyur la/ 'og min la sogs par gnas sbar ba ci snyed pa'o/ /thabs dang shes rab rnam par dag pa'i ngo bo de nyid bsod nams kyi tshogs phun sum tshogs pa nyid du yang bsgyur bar bstan par bya ba'i phyir/ 'khril pa'i mchod chen mnyam sbyor bas/ bdag nyid mnyam pas mnyes par bya'o/ zhes bya ba gsungs te/ thab dang shes rab kyi bde ba byang chub sems bde ba'i ro dang ldan pa des/ bdag nyid chen po'i dkyil 'khor rnam bzhi mnyes par bya'o/ /zhes gsungs pa'o/ /de nyid kyi phyir yang gsungs par mnyam pa'i bsgrub rdzas chen po dag /bdag dang mnyam pa'i tshogs la dbul/ zhes bya ba gsungs te/ thams cad rang bzhin rdzogs pa chen po'i ngang nyid du dbyer med pas/ bsngo zhing dbul du yang med bzhin du/ thabs dang shes rab rnam par dag par bya ba'i sgo nas/ bsod nams kyi tshogs yongs su rdzogs par bya ba'i phyir dang/ 'dod chags rnam par dag par bya ba'i phyir/ bdag dang mnyam pa'i dkyil 'khor gyi tshogs la zhes bya'o/ /dka' thub la sogs pa nyes pa'i nyon mongs pas ma gzir ba'i phyir yang gsungs pa/ bza' dang bca' dang btung dang bgo /longs
- 334b
spyod lngar ldan thams cad ni/ dkyil 'khor la ni dkyil 'khor thim zhes bya ba gsungs te/ sha rnam pa lnga la sogs te/ phyi nang gi bza' ba rnams dang/ rus pa chen po rnams dang/ dpal gyi 'bras la sogs te/ kha zas gtsang ba'i rnam par dang/ bdud rtsi'i khrag chen po dang/ chang dang/ tshwa la sogs te/ btung ba dang/ ras chen po la sogs te/ phyi nang gi gos dang/ gzhan yang 'dod pa'i longs spyod lnga dang ldan pa thams cad kyi/ dbang po lha'i dkyil 'khor la ni/ 'dod pa'i yon tan lnga lha mo'i dkyil 'khor du thim mo zhes bya'o/ /phyi ma'i ni go sla'o/ /dpal gsang ba'i snying po de kho na nyid nges pa las/ phyi nang gsang ba'i mchod sbyin dam pa bstan pa'i le'u ste/ bco brgyad pa'o// //rdo rje'i theg pa'i rnal 'byor pa'i gzhi rtsa ba dang/ yan lag gi dam tshig dang/ sdom pa la gnas dgos pa'i phyir/ de nas bcom ldan 'das dgyes pa chen pos don yod par bya ba'i phyir dam tshig chen po 'di ched du brjod do/ /zhes bya ba gsungs so/ /don yod par bya ba'i phyir zhes bya ba ni/ spyir yang theg pa so so'i rtsa ba dang yan lag gi sdom pa dang tshul khrims so sor ma nyams na/ lta ba dang spyod pa la sogs pa ci dang ci spyad pa thams cad byas pa la don yod pa yin la/ rdo rje'i theg pa yang theg pa so so'i dam tshig dang sdom pa ma nyams na/ ci dang ci byas pa la don yod par 'gyur ro/ /gal te dam tshig dang sdom pa nyams na ni/ ci dang byas pa thams cad yang byas pa la don med par 'gyur te/ de'i phyir yang 'di las/ rtsa ba nyams pa'i phyal bdag ces bya ba la sogs pa ci snyed pa'o/ /de lta bas na 'bad pa la don yod par bya ba'i phyir/ dam tshig dang sdom pa dang tshul khrims rnam par dag par bya ba gsungs so/ /ci'i phyir na/ dam tshig chen po zhes bya ba la sogs pa gsungs te/ rgyud phyi ma'i las kyang/ bsrungs na ni sdig pa'i dri ma thams cad 'tshig la/ ma bsrungs
- 335a
na dmyal ba'i gnas su 'tshig ste/ zhes 'byung ngo/ /ma bsrungs pa'i skyon ni/ rdo rje sems dpa' i bka' bcag pa'i/ dam tshig sdom pa'i rtsa ba kun/ de bzhin du ni ma bsrungs na/ yak+Sha khro bo me sbar gyis/ /snying las drangs te khrag 'thung nas/ /ngan song gsum du skye bar 'gyur/ /de'i sdug bsngal bzod grags med/ /dam tshig 'di ni rdo rje che zhes gsungs pa'i phyir ro/ /yang gnyis su na/ dam pa rnams kyis 'tshogs pas dam tshig ste/ bsrungs pa'i yon tan gyis nges tshig ni/ mi gtong phyir na dam zhes bya/ gzungs su gyur pas tshig ces brjod ces bya ste/ 'khor ba dang ngan song du mi gtong zhing/ byang chub chen po'i gzungs su gyur pa'i phyir ro/ /de la dang po dam tshig gi sgo nas /rdo rje'i theg pa'i khyad par gsungs pa/ bla med theg pa rab nges na/ /nyon mongs 'dod pa kun spyod kyang/ byas la mi sogs tshogs 'gyur te/ tshul khrims sdom pa phun sum tshogs zhes bya ba gsungs te/ bla na med pa'i rdo rje'i theg pa rdzogs pa chen po'i rnal 'byor du nges na/ nyon mongs lnga dang 'dod pa'i yon tan lnga la sogs pa thams cad kun la spyad kyang/ rma bya ltar byas la mi bsogs te/ theg pa 'og ma la sogs pa'i tshul khrims dang sdom pa'i rgyu dang/ 'bras bur bcas pa thams cad phun sum tshogs par 'gyur ro/ /zhes bya ba gsungs so/ /de ltar nyon mongs pa la sogs pa spyad pas theg pa 'og ma'i tshul khrims dang sdom pa la sogs pa mi nyams pa'i pha rol tu yang/ de nyid kyi rgyu dang 'bras bu yang rdzogs shing mthar phyin pa ci'i phyir zhe na/ lan rgyud kyis btab ste/ bla med mchog gi dam tshig tu/ 'dul ba'i dbang gis tshul khrims dang/ ji snyed sdom pa bsam yas pa/ ma lus kun 'dus rnam par dag ces bya ba gsungs te/ bla na med pa'i dam tshig tu/ mu stegs la sogs pa 'dul
- 335b
pa'i dbang du 'am/ lus ngag 'dul ba'i dbang du/ byang chub sems dpa' i tshul khrims dang/ theg pa so so'i sdom pa bsam yas pa kun yang/ 'dus shing rnam par dag pa yin no zhes bya'o/ /ci'i phyir zhe na/ bla med mchog gi theg pa'i dam tshig chen po rnam par dag pas/ de dag thams cad kyang rnam par dag pa yin no zhes bya'o/ /de la dam tshig dang sdom pa so sor phye ste gsungs pa/ yang ci'i phyir/ bcom ldan 'das kyis rtsa ba bzhi po'i sdom pa 'di dag gsungs she na/ de ni 'dzam bu'i gleng 'dir rgyal po mang pos mnga' bskur ba tshun chad du/ dang por ma byin pa len pas 'go brtsams nas/ mi dge ba bcu tshang zhing rdzogs par 'byung ngo/ /de lta bu'i skal pa'i snyings ma 'dir sangs rgyas shAkya thub pa 'byung ste/ 'dul bar dka' ba'i sems can dag 'dul bar mdzad cing/ de dag byang chub chen po'i gnas su 'jog par mdzad do/ /rtsa ba'i bzhi'i sdom pa'i dang po ma byin par len pa 'byung yang/ rang gi rigs srog gcod pa byung pa nas/ bcom ldan 'das kyis gsungs pa de yang/ so so'i skye bo bsam pa dang sbyor ba dang dngos gzhi dang/ 'jug pa dang bcas pas srog gcod pa de dag kyang/ bstan chos dang mdo'i sde dag las/ 'dod chags dang zhe sdang dang gti mug gsum gyis srog gcod par byed do/ /zhes gsungs so/ 'phags pa nyan thos la sogs pas ni/ de ltar srog gcod pa dang/ de'i rnam par smin pa las shin tu skrag cing sdangs nas srog gcod pa spongs par byed do/ /mahA yo ga'i gsang ba las ni srog gcod par 'dod de/ de yang yul gang zhe na/ gsungs pa/ sangs rgyas bstan pa bsrung ba'i phyir/ sems can srog kyang gcod par bya/ zhes dpal gsang ba 'dus pa las gsungs pa ltar/ bsgrub bya la phur bus gdab pa dang/ gdug pa'i las mang por bya bar gsungs so/ /shin tu rnal 'byor mnyam pa'am
- 336a
ngang 'di las ni/ /don dam par gcad par bya ba'i srog kyang med la/ gcod par byed pa'i skyes bu yang med de/ srog med srog gcad gcad du med ces bya'o/ /de ltar 'phags pa dkon mchog brtsegs pa las kyang gsungs pa/ yang dag par so sor rtog pa'i ye shes ni de bzhin gshegs pa la chos kyi skur yang mi lta na/ gzugs kyi skur lta ci smos/ chos la 'dod chags dang bral bar yang mi rtog na/ bshad pa'i chos su lta ci smos/ dge 'dun la 'dus ma byas su yang mi rtog na/ mang po'i tshogs su lta ga la 'dod de gcad par bya ba'i srog kyang med la/ gcod par byed pa'i skyes bur lta ga la 'dod de/ srog dang skyes bu gnyi ga la yang/ phyin ci log /log par rtog pa tsam zhes bya'o/ 'o na de ltar log par rtog pa kho na tsam yin pas/ bcad kyang gal med pa zhig yin nam zhe na/ ma yin te/ gcad du med ces pa'i sgras/ ye nas ma gcod cig ces te/ de ltar gcad par mi bya ba'i phyir/ de byi ma ha dza la'i twan+ta las kyang/ dge ba 'dod cing sdig pa rnams byed pa dang zhes rgya cher gsungs pa yin no/ /'o na srog dang ldan pa'i 'gro ba rigs drug po mngon sum par ngo bor snang ba dang 'gal lo/ /zhes pa'i lan du/ yod med sgyu mar mi dmigs shing/ sgyu ma mig yor lta bu'i tshul/ zhes bya ba gsungs te/ don dam par ni yod par yang ma yin/ med par yang ma yin te/ de gnyis kyi dbu ma tsam du yang mi dmigs te/ nam mkha' i dbyings bzhin du/ tha snyad kyi spros pa thams cad bril? bas/ shes rab kyi pha rol tu phyin pa'i tshul du snang ba yin la/ yang dag pa'i kun rdzob tu sgyu ma ltar dngos por snang yang dngos po med la/ mig yor ltar sprul pa nyid dngos po lta bur snang ngo/ /lta bu'i tshul zhes pa ni/ ci ltar
- 336b
sgyu ma dang mig yor dngos por ma grub cing 'khrul par snang ba ltar/ dngos po can gyi chos thams cad kyang sgyu ma dang mig yor lta bu'i chul du dngos po dang 'khrul par snod do zhes bya'o/ /de lta bas/ /tha snyad du btags pa'i srog med pa'i phyir/ srog med ces bya'o/ /de ltar srog med pas srog gcod pa med tha snyad du btags pa'i nam mkha' i med pas/ nam mkha' gzung du med pas de ltar dngos po gcig med pas ma grub par/ /dbu ma bzhan du dngos po thams cad mi 'grub ste/ gcod par byed pa'i skyes bu yang med pas na/ gzhan gyi tshol ba dang bral bas/ gcad du med zhes bya'o/ /de dag gi don ni 'di ltar gsungs te/ chos thams cad don dam par dbu ma yang dmigs su med pa/ shes rab kyi pha rol tu phyin pa dang tshul mthun pa lang kun rdzob tu ni dbu ma stong pa nyid bdun cu pa las sgyu ma'i dpe brgyad gsungs pa lta bu'o/ /zhes gsungs pa yin no/ /da ni ma byin par len pa rnam par dag pa bstan te/ de yang so so'i skye bo'i ma byin par len pa dang/ nyan thos kyis de la skrag pa dang/ ma hA yo ga'i gsang bas ni ma byin par len pa yang dag pa'i kun rdzob kyi sgo nas yod par 'dod do/ /de yang dpal gsang ba 'dus pa las/ gti mug gi rigs kyi rnal 'byor pas/ phyug po ser sna can dang/ bdag dang dam rdzas gsum gti mug gi rigs su bdag dang gzhan dbyer med par bsgoms nas blangs la/ lha las dbul ba dang mi las 'phongs pa rnams la sbyin pa dang/ 'phags pa la mchod do zhes gsungs so/ /shin tu rnal 'byor chen po'i tshul 'di las ni/ gzhan zhes bya ba'i pha rol por btags pa ste/ nor gyi bdag po dang/ ma byin pa'i nor dang/ de ma byin par blang bas blangs pa'i nor khyer mkhan gsum med pa'i phyir zhes bya ba gsungs te/ ci ltar med ces bya zhe na/ bden pa gnyis ka dbyer med pas/ zhes bya ba gsungs
- 337a
te/ don dam pa'i bden pa las ni/ bdag dang gzhan chos nyid byang chub sems stong pa chen po'i ngo bo nyid gzung ba dang 'dzin pa'i rtog pa'i dri ma thams cad dang bral ba'i chos kyi dbyings dngos po dang mtshan ma thams cad spangs te/ nam mkha' i dbyings bzhin du dbyer med pa yin pas/ kun rdzob kyi bden pa la dgongs pa'i dus na ni/ chos thams cad snang la rang bzhin med pa chu'i zla ba dang me long gi gzugs brnyan bzhin du/ bdag dang chos thams cad rang bzhin rdzogs pa chen po'i dkyil 'khor du dbyer med pa yin no zhes bya ste/ de ltar bden pa gnyis bstan pa'i mdo las kyang gsungs pa/ kun rdzob tu ni chu zla ltar/ /rgyu 'bras chud mi za bar snang/ /don dam par ni 'di lta ste/ /gzhan las shes min zhi ba dang/ /spros pa rnams kyis spros pa dang/ rnam rtog med don tha dad min/ /'di ni don dam mtshan nyid de/ /kun rdzob dang yang dbyer med do/ /zhes gsungs pas/ de nyid kyi phyir gzhan las blangs pa med pas/ chos thams cad chos nyid stong pa nyid kyi dbyings na gnas pa yin te/ ma hA yo ga ltar gzhan nas blangs pa zhes bya ba'i tshig de dag tsam yang chos nyid stong pa nyid kyi don dang 'gal te/ thams cad nyid kyi dbyings zhes bya ba ste/ de nyid sar gzhag pa'i phyir ro/ / yang de nyid kyi dpe bstan pa/ 'phrul dga' i tshul te tha dad min/ zhes bya ba gsungs te/ 'phrul dga' i lha'i longs spyod bdag nyid las sprul zhing longs spyod pa dang 'dra bar/ bdag dang sems can thams cad bden pa rnam par gnyi gar dbyer med pa'i phyir ro/ /de ni rdzun du smra ba de dag rnam par dag par bstan to/ /de yang so so'i skye bos dngos su byed pa de las/ /'phags pa nyan thos kyis de'i rnam par smin pa la skra gnas/ spang bar byed la/ ma hA yo ga bas ni rdzun du smra ba yang byed
- 337b
byed de/ kun rdzob kyi bden pa la gnas nas /b+ha'i sngags kyi rnam pa dang/ 'phrin las kyi sngags dang/ 'phreng ba'i sngags la sogs pas/ 'phags pa'i thugs dam skul bar byed la/ shin tu rnal 'byor chen po bas/ don dam par chos rnams sgyu ma lta bu dang/ zhes bya ba ste/ lta bu dang zhes pa'i sgras ni/ brag cha dang mig yor dang/ sbrul pa dang/ dri za'i grong khyer la sogs pa lta bu yin pa las/ kun rdzob tu mahA yo ga man chad kyi 'dod gzhung gis/ ming dang tshig dang tha snyad du btags pa de dag nyid rdzun no/ /de'i phyir chos thams cad la yang dag pa'i bden pa dang bral ba'i brdzun nyid la ni/ khyed brdzun dang 'dra ba'i so so'i 'dod gzhung/ brdzun dang 'dra ba la spyod kyi don dam par brdzun zhes khyed kyis btags la/ tha snyad du de kho na nyid kyang don dam par dngos po yod dam yin te/ /de ji ltar slob dpon klu thub kyis dbu ma las sgyu ma'i dpe brgyad gsungs pa lta bu'o/ so so skye bos ni gong gi tshul gyis tshangs par spyod par byed la/ 'phags pa nyan thos kyis ni/ mi tshangs par spyod pa dang de'i rnam par smin pa la skrag nas spong bar byed la/ mahA yo ga'i gsang ba pas ni/ 'dod chags kyi sems can 'dul bar bya ba'i phyir ma chag pa'i yul stong pa nyid la ye shes kyi lha mor byin gyis brlabs nas/ chags par byed la/ shin tu rnal 'byor chen po'i tshul gyis ni/ de ltar chags pa nyid dang por skyes pas stong/ bar du gnas pas stong/ tha mar 'jig par stong ste/ dus gsum yis rang bzhin med pa yin te/ de'i chos nyid kyang sbyang rkang ste/ bu mo dga' rtan bya 'dra la/ dang por skyes pa ste bar du chags pa dang/ tha mar 'jig pa'i ngo bo yang dpyad dka' ste/ nam mkha' lta bu'i ngo bo bas ri mo lta bu'o/ /de ltar dus gsum gyis stong pa'i rang bzhin de ni/ rtags pa med pa'o/ /de ltar thabs dang shes rab kyi rang bzhin stong pa nyid kyi chos nyid du shes pa/ de ni tshangs mchog rgyal po ste/ ci'i phyir
- 338a
zhe na/ chags pa nyid chags pa med pa'i ngo bo stong pa nyid la chags pa'i phyir shin tu chags pa chen po yin zhes bya'o/ /de ltar snga ma pa rnam par dag par bya ba'i phyir ngo bo gsungs nas/ da nirtsa ba dang yan lag gi dam tshig gis dang por rtsa ba'i dam tshig lnga gsungs pa/ gang zhe na/ bla med mi spang bla ma bkur/ /sngags dang phyag rgya rgyun mi gcod/ /yang dag lam du zhugs la byams/ /gsang ba'i don phyir smra mi bya/ /'di ni rtsa ba lnga rnams te/ bsgrub dang bsrung ba'i dam tshig mchog ces gsungs te/ de la bla na med pa mi spang ba ni 'phags pa'i dkyil 'khor te/ de ltar yang gsungs pa gsan ba'i snying po'i don gyi ni/ /yi dam mi spang rtogs bsgom zhing/ /rtag tu dkyil 'khor bzhi la gnas/ /lha spangs tshangs spyod don med 'gyur/ zhes bya ba la sogs pa rgyas par gsungs te/ de ni go sla'o/ /bla ma bkur ba ni rdo rje slob dpon yin te/ ci'i phyir zhe na/ de ltar yang gsungs pa/ rdo rje slob dpon smad mi bya/ /byang chub ston pa'i dran pa po/ /long pa'i dmigs bu lam 'dren dang/ /nyon mongs sdug bsngal mtsho skems yin/ zhes gsungs so/ /slob dpon smad pa'i nyes dmigs bstan pa'i phyir yang gsungs pa/ gang zhig slob dpon rmod byed pa/ /dper na mun khang sgron bsad bzhin/ /mthong ba'i don mi rtogs pa bzhin/ /sdug bsngal nyam thag yun ring su/ /bskal pa mang po myong bar 'gyur/ /de bas gus pa rtag tu bya zhes gsungs so/ /'jig rten pa'i phyir yang gsungs pa/ lus la dbang ba'i rgyal po bas/ /shin tu gces shing gtso bor blang bar bya'o/ /drin chags bskyed pa'i ? bas/ /shin tu lhag par rim gro bya'o zhes gsungs so/ /gsungs pa/ sngags dang phyag rgya rgyun mi bcad pa ni sngags dang yig 'bru bzlas pa dang snying po la sogs pa'o/ /phyag rgya ni phyag rgya chen po bzhi la gnas pa'o/ /rgyun ni
- 338b
bar mtshams med pa'i rnam pa la shes par bya ste/ dper na 'dzam bu'i gling gi sems can 'khor ba'i rgyu mtshan nam/ chu bo thams cad mtsho chen po ma dros nas byung nas slar yang ma dros pa snyag pa dang 'dra bar/ theg pa chen po'i rnal 'byor pa yang/ mi gnas pa'i mya ngan las 'das pa'i snying po la sogs pa bzlas brjod rgyun mi chad par bya ste/ de ltar yang gsungs ba/ sngags dang phyag rgya rgyun mi gcad/ /sngags zhes rab tu bsgrags pa ni/ /don dam kun rdzob dbyer med pa'i/ /mnyam pa'i dkyil 'khor chen po ru/ /sku gsung thugs kyi yi ge oM/ de la sogs te bzhi bcu gnyis/ rtag tu bzlas shing spro bar bya/ zhes gsungs so/ /phyag rgya ni phyag rgya chen por bzhi'i mtshan nyid dang/ phyogs dus sangs rgyas thams cad kyi/ /sku gsung thugs dang ye shes lnga/ /bdag dang dbyer med ye shes che/ /zhes bya ba la sogs pa gsungs so/ /rgyun zhes bya ba ni/ bar mtshams med pa'i rnam bar la bya ste/ de ltar sngags dang phyag rgya rgyun bcad pa'i skyon yang/ gal te bar gcad brtson med na/ /dper na sa bon tshig pa las/ /'bras bu 'dod pa dang 'dra'o/ /bsgrub pa'i 'bras bu med 'gyur na/ /mi khom gnas su gnas par 'gyur/ /zhes gsungs so/ /bzhi pa yang dag pa'i lam du zhugs pa la byams pa ni/ theg pa chen po'i chos sbyor ni/ 'di dag gzhan du sangs rgyas kyi zhing du thabs cig pa ste/ de ltar yang gsungs pa/ /rdo rje mchod dang lcam dral ni/ /bla med byang chub bgrod pa'i spun/ /chos nyid cig pa'i smon lam mthus/ /byang chub rigs 'dzin sar nges pas/ /de las ldog cing 'khu ba ni/ /rab srog tshe rabs lnga brgya'i bar/ /rang gis gcod cing phung bar 'gyur/ /zhes bya ba la sogs pa gsungs pa yin no/ /lnga ba gsang ba'i man ngag gzhan la mi sgrogs pa ni/ lta ba dang spyod pa la rgya che ba'i bdag nyid ni/ ci'i phyir zhes pa dang phyi'i thar pa gyur pa nyan thos dang/ so so'i skye bo la'o/ /de ltar dpal de nyid 'dus pa las kyang/ lta ba ngan
- 339a
cing chags bral la/ /gsang ba 'di ni ma rigs so/ /zhes gsungs so/ /yang phyir zhes pa ci'i phyir/ yang sems par bya ba ste/ pha dang ma dang srog gi ngor yang snod ma gyur pa la bshad par mi bya'o/ /de ltar yang gsungs pa/ ma rtogs pa'i phyogs rnams dang/ /skye bo kun la rab tu gsang/ /gsang phyir gdams ngag sna tshogs gsungs/ zhes bya ba la sogs pa rgyud phyi ma las rgyas par gsungs so/ /de lta bu 'di dag ni srog dang 'dra ba'i phyir/ rtsa ba'i dam tshig lnga yin te/ lus ngag yid kyi gsum gyis srog dang 'dra bar bsrung zhing/ bla na med pa'i byang chub chen po bsgrub pa yin no zhes bya'o/ /de ltar rtsa ba'i dam tshig bsrungs na/ yan lag gi dam tshig mi spang pa lnga dang/ dang du blang ba lnga ste bcu'o nyon mongs pa lnga dang/ bdud rtsi lnga gsungs pa/ gti mug 'dod chags zhe sdang dang/ nga gyal phrag dog mi spang ngo/ /dkar rtsi dmar rtsi dri sha chen/ /dag pas snod chu mi dor ro/ /zhes bya ba gsungs te/ de ltar yan lag bcu'i dam tshig 'di dag rnal 'byor pa ye nas sems chos nyid du rang dbang sgyur bas/ dag pa rnam pa gsum dang/ mnyam pa lnga dang/ rtogs pa bzhi'i ngo bo dang ldan pa des/ spyod de zhes bya'o/ /de yang mahA yo ga'i rnal 'byor pa ltar/ byin gyis brlab par mi bya ba ci'i phyir zhe na/ gdod nas rnam par dag pa'i chos nyid can yin pas/ bdud rtsi zhes bya ste/ gdong nas dag pa'i ngo bo nyid kyis/ bzung ba dang 'dzin pa'i rnam par rtog pa'i nang thams cad sel ba'i phyir/ bdud rtsi zhes bya'o/ /de yang thams cad rang bzhin rdzogs pa chen po'i gnas skas su lhun gyis grub pa'i ngo bo nyid du dbyer med pas na/ bsngo zhing mchod du med bzhin du yang/ rnal 'byor pas bsod nams kyi tshogs bsags cing sgrib pa sbyang ba'i phyir/ byin gyis brlab cing dbul bar bya'o/ /
- 339b
de la yang dag pa rnam pa bzhi ni/ bdud rtsi rnam pa lnga'i gnyen bor gsungs la/ mnyam pa bzhi dang rtogs pa bzhi ni/ yan lag bcu'i dbang gdu spyir gsungs pa yin no/ /dag pa bzhi gang zhe na/ rgyu nyid rang gi sems yin pas/ 'byung ba chen po rgyu las dag pa dang/ 'bras bu yongs su dag pa ni rus pa byang chub kyi sems yin pas dag pa dang/ sha ni pad+ma rak+ta yin la/ dri chen dag pa'i snon gyi chu ni/ /so so'i lus la gnas pas dag go /gal te de dag kyang ma dag na/ rang gi la yang chags par mi bya ste/ de lta bas na de dag kyang don dam par dmigs su med pas kun rdzob tu ni 'khrul pas sgyu ma'i rang bzhin tsam du gnas ma? dag go /mnyam pa rnam pa lnga lha'i ngo bor gnas te/ don dam par skye ba med par mnyam pa dang/ kun rdzob sgyu mar mnyam pa dang/ don dam pa dang kun rdzob dbyer med pas mnyam pa dang/ chen po lnga de bzhin gshegs pa lngar mnyam pa dang/ rnam par shes pa brgyad ye shes lngar mnyam pa'o/ /rtogs pa rnam pa bzhi ste/ de yang yig 'bru dang rnam par shes pa gnyis kho na'o/ /de lta bu'i rtsa ba dang yan lag gi dam tshig de yang su'i spyod yul yin zhe na/ ye nas dag pa dang mnyam par rtogs pa'i lta bu dang ldan pas spyad ces bya'o/ /dam tshig las 'das pa'i skyon bstan pa yang/ bsrung zhing bsgrub pa'i dam tshig lnga rtsa ba yin te rigs med 'gyur/ /zhes bya ba gsungs te/ bsrung ba'i dam tshig gsum dang/ bsgrub pa'i dam tshig gnyis te rtsa ba lnga po nyams na ni shing ljon pa rtsa ba nas bcad pa bzhin du/ slan chad byang chub kyi rigs med par 'gyur ro/ / zhes bya'o/ /yan lag dam tshig las kyang 'da' bar dka' ste/ 'og nas de las skyes gsungs so/ /de ltar rtsa ba dang yan lag gi dam tshig dang sdom pa dag mahA yo ga la/ khyad par du bya pa stan te/ ci'i phyir mahA yo ga las khyad par du
- 340a
byas she na/ de dag ni mahA yo ga las kyang 'byung ba de dag las su byas pa yin te/ don dam pa'i kun rdzob rang bzhin rdzogs pa chen po'i dam tshig go/ da ni don dam pa'i don dam pa chos nyid byang chub sems kyi dkyil 'khor gyi dam tshig de gang gyin pa de bstan pa'i phyir/ mnyam la mnyam par sbyor ba yis/ /mnyam pa'i dam tshig la gnas na/ /mnyam rdzogs rgyal po thos par 'gyur/ 'das na sangs rgyas ma yin no zhes bya ba gsungs te/ mnyam pa chen po'i chos nyid byang chub sems kyi dkyil 'khor gyi ngang la/ de dag dbyer med pa'i rdzogs pa chen po'i rnal 'byor pas/ skye ba med pa'i ngang stong pa chen po'i dbyings su sbyor ba'i chos nyid byang chub sems kyi mnyam pa chen po'i dam tshig la gnas na/ mnyam pa chen po'i don mthar phyin cing rdzogs pa'i dpal kun bzang po'i go 'phang thob par 'gyur te/ mnyam pa chen po'i don des ma 'das na/ da lta nyid nas che ba'i yon tan dbang du gyur cing/ lhun gyis grub pa'i sangs rgyas bcom ldan 'das dang dbyer med pa yin la/ mnyam pa chen po'i dam tshig de las 'das na/ sangs rgyas dang dbyer med pa ma yin no zhes bya ste phyi ma ni go sla'o/ /rtsa ba dang yan lag gi dam tshig las 'das pa'i skyon chen po ni de dang 'dra'o zhes bya'o/ /ci'i phyir zhe na/ dam tshig rnams ni rdo rje che/ sangs rgyas kun gyi bdag nyid yin/ zhes bya ba gsungs te/ gong du gsungs pa'i dam tshig 'di rnams ni/ phyogs dus kyi sangs rgyas thams cad kyi bdag nyid du gyur pa'i ston pa rdo rje 'dzin chen po'i ngo bo nyid yin no/ /zhes bya'o/ /yang gnyis su na ni/ dam tshig rnams ni rdo rje 'dzin pa chen po dpal rdo rje sems dpa' la sogs te/ phyogs dus kyi sangs rgyas thams cad kyi yang dag nyid yin no zhes bya na/ de lta na ni rdo rje
- 340b
'dzin pa nyid kyi rnam par yang thal bar 'gyur ro/ /'gro ba'i don du dam tshig rnam par dbye ba'i ngo bor bya ste/ yang gsungs pa/ rtsa ba'i dam tshig lnga la ni/ gcig la gnyis dang bcu phrag gsum/ yan lag dam tshig lnga gnyis la'ang/ gcig la'ang bcu phrag gnyis su dbye'o/ /zhes bya ba gsungs te/ rtsa ba'i dam tshig lnga ni/ sangs rgyas la dbye na rigs lnga/ de bzhin gshegs pa'i rigs la sku gsung thugs kyi dam tshig gsum/ gsung la gsum/ thugs la gsum/ 'phrin las dang yon tan la gsum gsum ste bco lnga dam tshig gi yum lnga ste nyi shu tham pa ste/ de ni gcig la dang gnyis dang zhes bya ste/ sang skri ta'i skad kyis na nyi shu'o/ /slob dpon kha cig /sngags la gnyis su dbye'o/ /phyag rgya la bzhi/ theg pa chen po'i mched la bzhi/ gsang ba'i man ngag gzhan la mi spel ba la gnyis te/ de ltar spyir bsdoms na ni/ bcu phrag gsum zhes bya ste sum cu'o/ /de la rnam par snang mdzad kyi sku'i dam tshig ni gang zhe na/ kun nas nyon mongs pa dang rnam par byang ba'i chos thams cad skye ba med pa'i mtshan nyid du bstan pa ste/ sku'i ngo bor bstan pa rtag pa chen par gnas pa'o/ /sku'i gsung gi dam tshig ni/ yab yum gyi rigs sngags dang gsang sngags so/ /thugs kyi dam tshig ni/ rigs sngags dang gsang sngags las yab yum thabs dang shes rab gnyis su med pa'i byang chub kyi sems kyis/ gti mug la gnas pa'i sems can rnams par sbyangs nas/ me long lta bu'i ye shes gnyis su med par byed pa ni/ sku'i thugs kyis dam tshig go /snang ba mdza' yas kyi sku'i dam tshig ni/ 'dod chags la gnas pa'i sems can thams cad 'dul ba'i shin tu chags tshul dmar por bstan pa'o/ /gsung gi dam tshig ni yang yum gyi rig sngags dang gsang sngags so/ /thugs kyi dam tshig ni de'i
- 341a
rigs sngags dang/ gsang sngags las yab yum thabs dang shes rab gnyis su med pa'i lhag pa'i byang chub kyi sems kyis/ 'dod chags la gnas pa'i sems can rnams sbyang nas/ so sor kun tu rtog pa'i ye shes su gnyis su med par byas pa'o/ /mi bskyod pa thugs kyi sku'i dam tshig ni/ zhe sdang la gnas pa'i sems can 'dul pa'i don du zhe sdang gi sku mthing nag tu bstan pa'o/ /thugs kyi gsung gi dam tshig ni/ yab yum gyi rig sngags dang gsang sngags so/ /thugs kyi dam tshig ni/ de'i rigs sngags dang gsang sngags las/ yab yum thabs dang shes rab gnyis su med pa'i lhag pa'i byang chub kyi sems kyis/ zhe sdang la gnas pa'i sems can gyi zhe sdang rnam par sbyangs nas/ chos kyi dbyings kyi ye shes su gnyis su med par byas pa'o/ /rin chen 'byung ldan yon tan gyi sku'i dam tshig ni/ che ba'i yon tan thams cad rgyas pa'i rtags su/ yon tan gyi sku mdog nor gyis rgyas pa'i ser por bstan pa'o/ /yon tan gyi gsung gi dam tshig ni yab yum gyi rig sngags dang gsang sngags so/ /yon tan gyi thugs kyi dam tshig ni/ der ma zad rig sngags dang/ gsang sngags las/ yab yum thabs dang shes rab gnyis su med pa'i byang chub kyi sems kyis phyin ci log gi nga rgyal rnam par sbyangs nas/ mnyam pa nyid kyi ye shes su gnyis su med par byas so/ /don yod pa'i grub par sku'i dam tshig ni/ 'gro ba sna tshogs pa'i don thabs sna tshogs pas mdzad pas na/ sku mdog kun tu sna tshogs su bstan la/ 'phrin las kyi gsung gi dam tshig ni/ yab yum gyi rig sngags dang gsang sngags so/ /don yod pa'i thugs kyi dam tshig ni/ /yab yum gyi rig sngags dang gsang sngags las/ yab yum thabs dang shes rab gnyis su
- 341b
med pa'i lhag pa'i byang chub sems kyis/ phyin ci log gi phrag dog la gnas pa'i sems can rnam par sbyangs nas/ yang dag pa'i phrag dog dang ldan par byas te/ bya ba nan tan gyi ye shes su gnyis su med par byas so/ /de ltar bco lnga la yum lngas bsnan te/ nyi shu tham pa ni bla med mi spong ba'o/ /yan lag dam tshig lnga gnyis la'ang/ /gcig la'ang bcu phrag gnyis su dbye zhes bya ba ni/ de la'ang lnga lnga po gnyis kyi gcig ni nyon mongs pa lnga ste/ de la'ang kun nas nyon mongs pa'i rang dang spyi'i mtshan nyid gnyis te/ bzhi lnga nyi shu tham pa la ni bcu phrag gnyis shes bya'o/ /de la rgol te kun nas nyon mongs pa'i rang dang spyi'i mtshan nyid smos pa ci'i phyir na/ de ni gol sa shes pa'i phyir te/ dper na dug gi rigs shes na dug gis mi tshugs pa bzhin du snang ngo/ /ha la ha la'i dug rnams kyang/ /bsgrubs na ra sa ya na'i sman zhes gsungs pa'i phyir ro/ /de la yan lag gi dam tshig dang po nang 'dzin pa'i sems yongs su dag par bya ba'i phyir/ yang gsungs pa/ gti mug ces su brjod pa yang/ /ma rig tshig gi rnam grangs te/ /gnyis med don gcig yin par bshad/ /ces bya ba gsungs te/ gnyis su med pa'i ye shes de bzhin gshegs pa'i chos dbyings kyi ngo bo la shes par bya'o/ /de la kun nas nyon mongs pa'i gti mug gi mtshan nyid gang zhe na/ gti mug rang gi mtshan nyid ni/ /chos dang bdag rtog dngos po rnams/ /ngo bo med pa la sogs brtags/ /rtog pa sgyu ma klong gyur te/ /log rtog spros pa'i rgyun yin la zhes bya ba gsungs te/ chos dang gang zag la bdag med par rtogs pa'i ? pa'i sgyu ma'i klong du gyur pa yin no/ /zhes bya'o/ /yang ldem po'i dbang du mahA yo ga'i phyogs bzung bas ni/ phung po la sogs pa'i chos tsam du dge sdig gi ngo bor yod pa dang/ bdag tu
- 342a
'dzin pa'i sems kyang de nyid rnam par dag pa'i ngo bo ye shes sems dpa' dang/ phyi'i yul gyi dngos po med de/ de nyid rnam par dag pa lha dang lha mo'i dkyil 'khor yod pa de dag /rtog pa'i sgyu ma'i klong du gyur pa'i log rtog spros pa'i rgyun rnam par dag pa yin la/ phyogs de gnyis ka yang rnam par byad ba'i gti mug spyi'i mtshan nyid du rnam par dag pas/ chos thams cad chos kyi dbyings su ro gcig pa ste/ mi skye ba'i chos la bzod pa thob pa'i chos nyid kyi mig can yin zhes bya'o/ /kun nas nyon mongs pa'i gti mug gi spyi'i mtshan nyid brjod pa ni/ mi rtag sdug bsngal stong bdag med/ ces bya ba gsungs te/ 'dus byas kyi phung po mi rtag pa dang/ sdug bsngal ba dang/ stong pa dang/ bdag med ba yin no/ /yang ldem po'i dbang du na/ mahA yo ga'i phyogs bzung ba yin no/ /sems kyi rtag pa skad cig ma'i rgyun gyi rim pa'i gnyen por/ /ye shes mi rtog pa'i skad cig ma'i rim pa gnas pa/ rdo rje cho ga dang/ sngags dang yo byad la sogs pa'o/ /lus ngag yid gsum 'du byed kyi phung po dang ldan pa'i gnyen por/ /ye shes kyi 'du byed kyis/ sdug bsngal can sku gsung thugs kyi rdo rje dang yig 'bru'i 'phro 'du la sogs te/ dpal 'dus pa'i rgyud las kyang rigs kyi bu sdug bsngal gsum la ma sgom zhig /ces bya ba gsungs te/ chos nyid byang chub sems kyi don dang 'gal lo/ /zhes bya ba'i phyir ro/ /stong pa dang bdag med pa gnyis ni spyi'i dbang du ste/ de yang phyi gzung ba'i yul stong pa nyid/ /nang 'dzin pa'i sems ni bdag med pa ste/ chos kyi dbyings dang chos kyi ye shes zhes bya'o/ /rnam par byad ba'i gti mug gi rang gi mtshan nyid chos kyi sku'i phyag rgyar shes par bya ba gang zhe na/ ma rig pa ni spang du med/
- 342b
rig pa yang dag bsgrub tu med/ ci'i phyir zhe na/ thams cad dbyings su ro gcig thim zhes gsungs te/ rig pa'i ye shes kyi phyogs gsungs pa dang/ ma rig pa gti mug gi phyogs su gsungs pa nyid/ gnyi ga yang chos nyid stong pa sgyu ma'i dngos por rtogs pa ni/ sgyu mar rtogs shing mi dmigs pas/ de nyid sna tshogs par skyes kyang/ skyes pa nyid gcig /dbyings nyid mi dmigs de bzhin nyid/ ces bya ba gsungs te/ sgyu ma'i dngos por rtogs pa'i nang 'dzin pa'i sems nyid/ don dam par mi dmigs pas phyi gzung ba'i yul du rtog pa lta ga la yod de med do/ /de ltar phyi nang gi rtog pa de dag nyid mi dmigs te/ chos kyi dbyings su ro gcig pa nyid yin na yang/ kun rdzob tu sgyu ma sna tshogs par skyes so/ /zhe na/ yang de ltar skyes pa de nyid skye ba med pa'i dbyings su mi dmigs par gcig pas/ chos kyi sku'i phyag rgyar shes par bya ba yin no zhes bya'o/ /rnam par byad pa'i gti mug gi mtshan nyid/ thugs kyi phyag rgyar shes par bya ba gang zhe na/ mi dmigs sgyu ma'i dngos po la/ rtog pa'i yul gyi dngos nyid kyang/ chos nyid mi dmigs ye nas dag /sgyu ma mi dmigs dbyer med phyir/ yod med gnyis ka dbyer med pas/ ting nge 'dzin gyis dbang sgyur nas/ /thugs kyi phyag rgya chen po yin/ zhes gsungs te/ yul dang 'dzin pa gnyis ka chos nyid skye ba med pa'i ngang du dbyer med par ting nge 'dzin gyis dbang bsgyur ba ni/ thugs kyi phyag rgya chen po yin no zhes bya'o/ /de ltar kun nas nyon mongs pa dang rnam par byad pa gnyis la'ang spyi dang rang gi mtshan nyid/ so sor yan lag bzhi bzher phye ba ni/ shes par bya ba'i dam tshig yin pas/ bdag gi don phun sum tshogs pa yin te/ de'i sgo nas chos nyid dang chos can mi dmigs bzhin du/ kun rdzob sgyu ma'i rnam par thar pa sna tshogs pa zhig 'dul bya'i
- 343a
don du spro ba mdzad pa ni/ gzhan gyi don phun sum tshogs pa yin la/ de ltar 'og ma kun la yang sbyar te/ de ltar yang gsungs pa/ chos nyid dmigs su med pa ste/ mi dmigs bzhin du sgyu mar spro/ gdul bya'i bya ba bsam mi khyab/ gsung gi phyag rgya chen po'o/ zhes bya ba gsungs te/ rnam par byad pa'i gti mug gi mtshan nyid gsung gi phyag rgyar shes par bya ba ste/ de ltar gti mug spang du med/ /rnam par snang mdzad rgya chen yin/ zhes bya ba gsungs te/ mi mthun pa med na gnyen po ye shes kyang mi skye ba'i phyir ro/ /kun nas nyon mongs pa'i zhe sdang gi mtshan nyid ni/ kun nas sems kyi rtog pa ste/ sgyu ma'i dngos po thams cad la/ 'jig par mos pa'i rang bzhin can/ zhes bya ba gsungs te/ ldem po'i dbang du'o/ /ma hA yo ga'i dbang du ni/ stong pa chen po'i ye shes zhe sdang gi dngos po dang mtshan ma dang/ lta ba'i ri bo thams cad stong pa chen po'i ngang nyid du 'jig par mdzad pa'o/ /kun nas nyon mongs pa'i zhe sdang gi spyi'i mtshan nyid brjod par bya ba nyid kho na'o/ /rnam par byad ba'i zhe sdang gi spyi'i mtshan nyid ni/ yang dag nyid kyis rab brtags na/ rnam par byad pa'i mtshan nyid de/ gnyis med zhe sdang spang du med/ ces gsungs pa'o/ /rnam par byad ba'i zhe sdang gi rang gi mtshan nyid ni/ /chos kyi sku'i phyag rgyar shes par bya ba'i phyir/ yang gsungs pa/ zhe sdang snying rje spang bsgrub med/ /chos kyi dbyings su rog gcig phyir/ sgyu ma rang bzhin mar sems pa/ /dngos po thams cad kyi 'jig rtogs na/ /sgyu mar snang ba thams cad kyang/ chos kyi dbyings las mi gzhan te/ mi dmigs pa nyid sgyu mar skyes/ zhes pa'o/ /de ltar chos thams cad ni kun rdzob du sgyu mar snang ba la/ /de ltar snang ba
- 343b
yang chos kyi dbyings su ro gcig cing chos kyi ste/ byang chub sems dpa' i theg po chen po pha rol tu phyin pa'i gzhi yang/ tshad med pa bzhi yin te/ de yang dpal kun tu bzang po rgyu'i gnas skabs kyi gzhi'i yin no/ /'byung ba'i phyir dang zhes pa ni/ yo ga dang ma hA yo ga pas ni/ 'jig rten dang mthun par dbang chen gyi dkyil 'khor bskyed par byed pa ste/ de yang 'dir yongs su rdzogs pa'i phyir ro/ /rgya che ba'i phyir zhes pa ni mdza' yas pa la bya ste/ theg pa chen po a ta yo ga gsungs par/ thams cad kyang 'dir yongs su rdzogs pa'i phyir ro/ /de ltar che chung gi tshad dpag tu med pa yin na/ ci ltar gnas pa zhig snyam pa'i rtog pa gsal ba'i phyir/ ye shes kyi 'khor lo gsal ba zhes smos so/ /'khor ba'i 'khor lo bcu gnyis rnam par dag pa'i rang bzhin/ theg pa chen po'i 'khor lo bskor ba'i bdag nyid/ /ye shes kyi 'khor lo zhes bya ste/ rdzas kyis 'khor lo lta bu ma yin te/ de yang theg pa chen po 'khor lo bskor ba'i ngang tshul can yin no/ /la zhes pa ni lhag ma dang bcas ba'i 'brel ba'i tshig ste/ ci'i phyir zhe na/ ye shes rin po che 'bar ba'i gzhal yas khang zhes te/ rgyun ye shes las 'byung ba'i dbyibs dang kha dog rin po cher gnas pa ste/ la zhes bya ba'i tshig gis ni/ gzhal yas khang bstan pa yin te/ de yang yul chos kyi dbyings yul can ye shes nyid la de ltar snang ba yin no/ /yang la zhes bya ba ni rtogs pa'i tshig tu yang zur gyis ston pa yin no/ /de yang tshad ji tsam pa smos pa'i phyir ni/ rgya phyogs bcur yongs su ma chad pa zhes te/ yul chos kyi dbyings dbus dang mdza' med cing/ 'jig rten dang 'jig rten las 'das pa'i chos thams cad dus gsum du dmigs shing chos kyi dbyings su ro gcig pas so/ /ci'i phyir zhe na/ sangs rgyas kyi zhing dag pa ni khams
- 344a
gsum kho na yin la/ khams gsum nyid rang gi ngo bor ma grub pas/ yul chos kyi dbyings nges pa yin no/ /de nyid kyi che ba'i yon tan gzhan yang smos pa'i phyir/ yon tan dpag tu med par rgyas pa'i phyir gru bzhir gyur pa zhes bya ba gsungs te/ de la theg pa chen po la ni gru bzhi pa'i don gsum yod pa las/ pa zhes pa'i sgras ni gnyis ka 'gren te/ de yang gang zhe na/ mnyam pa yin pa dang khyab pa yin pa dang/ rgyas pa yin pa'o/ /de'i phyir yang gsungs pa/ mnyam pa'i phyir dang khyab pa'i phyir/ rgyas pa'i phyir yang gru bzhir 'gyur zhes bya ste/ de yang 'dir ni de bzhin gshegs pa'i che ba'i yon tan thams cad kyis rgyas pa yin zhes gsungs pas/ de bzhin gshegs pa'i che ba'i yon tan du ni gsum ga yang 'dus par shes par bya'o// der yang ma zad de/ lhag pa'i ye shes rin po che'i glo 'bur gyis mdzes pa yang yin/ de la mdzes ni rgyan yin la/ de'i don yang gsum ste/ yum dang ye shes nyid dang ni/ /mdzas bya'i phyir ni blo 'bur ro/ /zhes bya ste/ de la yum dang zhes pa ni/ nam mkha' dbyings kyi dbang phyug ma'i dang du thams cad 'dus kyis/ dbyings las mi gzhan pa yin na/ 'o na bdag dang srog dang gang zag dang/ gso ba la sogs pa yod cing/ /de dag la zhe sdang gis gnod par 'gyur ba yod do/ /zhes brgal ba dang lan du chos rnams kun gyi rang bzhin ni/ bdag tu gso ba'i rang bzhin med/ /snang ba bdag med chos kyi dbyings/ /mnar sems sgyu ma chos nyid ro gcig ste/ /thams cad mi dmigs de bzhin nyid yin pas/ /kun dang dbyer med chos sku'i phyag rgya yin/ zhes gsungs pa'i phyir ro/ /rnam par byad ba'i zhe sdang gi rang gi mtshan nyid/ thugs kyi phyag rgyar shes par bya ba ni/ rtog pa'i yul dang mnar sems gnyi ga don dam pa dang kun rdzob tu ro gcig par shes par bya ba ni/ mi
- 344b
dmigs sgyu ma kun nas/ mnar sems pa'i/ rtogs pa'i yul la kun nas mnar sems te/ /chos nyid sgyu mar mi dmigs dbyer med phyir/ /don dam kun rdzob ro gcig ste/ /ting nge 'dzin gyis dbang sgyur na/ /thugs kyi phyag rgya chen po yin zhes gsungs so/ /rnam par byad ba'i zhe sdang gi rang gi mtshan nyid gsung gi phyag rgyar shes par bya ba ni/ gzhan gyi don phun sum tshogs pa ste/ gsungs pa/ mi dmigs kun nas mnar sems pa/ /gdul bya ba ni bsam mi khyab/ /gsung gi phyag rgya chen po yin zhes gsungs so/ /kun nas nyon mongs pa'i nga rgyal gyi rang gi mtshan nyid bstan pa ni/ khong nas 'gying zhing sems khengs pa/ /pha rol zil gyis gnon par byed/ ces bya ba gsungs te/ nga'o snyam pa'i nga rgyal gyi dbang du byas pa'o/ /ldem po'i dbang du na/ mahA yo ga'i phyogs su ni kun nas nyon mongs pa'i dbang du byas pa'o/ /kun nas nyon mongs pa'i nga rgyal gyi spyi'i mtshan nyid kyang/ mu bzhi ste gong du bshad zin to/ /rnam par byad ba'i nga rgyal gyi rang gi mtshan nyid chos kyi sku'i phyag rgyar shes par bya ba ni/ nga rgyal zhi ba'i rang bzhin du sbyar ba ste/ nga rgyal spangs nas zhi bsgrub med/ /chos kyi dbyings su ro gcig pas/ zhes gsungs pa'o/ /de ltar nga rgyal dang zhi ba dbyer med pa yin na/ nga'o snyam pa'i nga rgyal la sogs pas bdag dang gzhan gyi nga rgyal bskyed par byed na/ zhes brgal ba dang/ kun rdzob sgyu ma khong bgyid nyid/ /de bzhin nyid las mi gzhan te/ /chos nyid mi dmigs sgyu ma'i 'gying bar skyes/ /'gying ba'i yul gzhan zil gyis gnon pa ste/ /chos kyi dbyings las mi gzhan pas/ sgyu ma yig 'bru dbyer med phyir/ gsang ba ni yum gyi b+ha ga ste/ de dag kyang ye shes kyi yul can no/ /gzhal yas khang de bzhin du'o/ de'i nang na ci gnas pa zhig mnyam pa'i phyir/ tshad med pa'i ye shes kyi dkyil 'khor gsal bar dri ma
- 345a
med par gnas zhes bya ste/ sdom tshig tu ni che chung gi tshad med pa ye shes kyi 'khor lo'i gzhi byas pa zhes bya'o/ /man ngag gis ni/ tshad med pa zhes bya ba la yang gsungs te/ de la yang theg pa chen po rnam bzhi'i spyod yul te/ gang zhe na/ de ltar yang gsungs pa/ byams pa la sogs 'byung ba'i phyir/ /rgya cher phyir ni tshad med do zhes gsungs kyang/ de las nye bar mtshon te/ 'byung ba bzhi'i dang nyid yum bzhi ste/ de ni dpal gsang ba 'dus pa las/ don dam kun rdzob ro gcig ste/ /ting nge 'dzin gyis dbang sgyur na/ /thugs kyi phyag rgya chen po yin/ /zhes gsungs te/ de dag ni bdag gi don phun sum tshogs pa'o/ /gzhan gyi don gyi phyir/ gsung gi phyag rgyar shes par bya ba ni/ gdul bya'i phyir dam pa'i chos 'chad cing yongs su smin par mdzad pa ni/ gsungs pa/ mi dmigs rgyu ma'i 'gyid ba ni/ /nga rgyal gdul bya bsam mi khyab/ /gsung gi phyag rgyar shes pa'o/ /rnam par byad ba'i nga rgyal gyi spyi'i mtshan nyid ni/ zhi ba dang ni nga rgyal dag /med par chos dbyings ro gcig ste zhes gsungs pa'o/ /nga rgyal spyi'i mtshan nyid ni/ rnam par byad ba'i mtshan nyid de/ /zhi ba sgrub cing nga rgyal spang du med ces gsungs pa'o/ /kun nas nyon mongs pa'i 'dod chags kyi rang gi mtshan nyid ni/ sred pas kun la zhen pa'o zhes gsungs pa'o/ kun nas nyon mongs pa'i 'dod chags kyi spyi'i mtshan nyid ni bshad zin to/ /ldem po'i dbang du na yum ye shes kyi lha mo la sred pa dang/ chos kyi dbyings mdza' yas pa/ 'khor ba dang mya ngan las 'das pa'i ngo bo kun la zhen pa'o/ /mu bzhi ni bshad zin to/ /rnam par byad ba'i 'dod chags kyi rang gi mtshan nyid chos kyi sku'i phyag rgya shes par bya ba ni/ dbyer med pa'i ngo bo la bya ste/ chags spangs ma chags bsgrub tu med/ /chos kyi dbyings su ro gcig phyir/ kun rdzob sgyu ma'i rang bzhin du/ 'dod cing
- 345b
chags pa sgyu mar sred ces pa'o/ /de ltar chags pa dang ma chags pa dbyer med de/ chos kyi dbyings su ro gcig pa yin na/ 'o na kun rdzob sgyu ma'i rang bzhin du/ 'dod cing chags pa sgyu mar srid zer pas/ de gnyis ma sbyor te/ chags phan chad dngos po la chags pa dang/ sgyu ma la chags pa 'dra ste/ sems can sgyu ma lta bu yin pas/ rtog par 'dra'o zhes brgal ba'i lan du/ kun rdzob sgyu mar chags pa yang/ /mi dmigs pa las mi gzhan phyir/ /mi dmigs pa nyid sgyu mar skyes/ /chos rnams dag las mi gzhan phyir/ /spyod pa sgyu mar ro gcig pas/ /chos nyid chos can dmigs su med/ /rgyal ba kun dang dbyer med pa'i/ /chos sku'i phyag rgya chen po yin zhes gsungs so/ /rnam par byad ba'i 'dod chags kyi rang gi mtshan nyid thugs kyi phyag rgyar shes par bya ba ni/ /yum sgyu ma lta bu can la rtog pa bden pa gnyis kyi dang du dbyer med par shes pa ste/ mi dmigs sgyu mar 'dod cing chags rtogs pa/ /yul dang 'dod chags nyid kyang chos nyid mi dmigs te/ /sgyu ma'i mi dmigs dbyer med phyir/ /bden pa gnyi gar ro gcig pas/ /ting nge 'dzin gyis dbang bsgyur na/ /thugs kyi phyag rgya chen po yin zhes gsungs pa yin no/ /de ni bdag gi don phun sum tshogs pa'o/ /rnam par byad ba'i 'dod chags kyi rang gi mtshan nyid gsung gi phyag rgyar shes par bya ba ni/ gdul bya'i phyir/ gzhan gyi don du chos spros par mdzad pa ste/ mi dmigs sgyu ma'i 'dod chags spros pa ni/ gdul bya'i bya ba bsam mi khyab/ gsung gi phyag rgya chen po yin zhes gsungs pa'i phyir ro/ /rnam par byad ba'i 'dod chags kyi spyi'i mtshan nyid ni/ chags pa dang ma chags pa dbyer med pa ste/ 'dod chags mtshan nyid rtogs pa nyid rnam par byad ba yin pa'i phyir/ chags dang ma chags gnyis med pas/ 'dod chags mtshan nyid spang du med ces gsungs pa'i phyir ro/ /kun nas
- 346a
nyon mongs pa'i phrag dog gi rang gi mtshan nyid ni/ gzhan gyi phun sum tshogs pa la sems dog pa ste/ phrag dog kun gyis mtshan nyid ni/ /gzhan gyi phun sum tshogs pa la sems dog sgyu ma'i rtog pa yis/ gzhan la thabs kyi sbyor ba can zhes gsungs pa'i phyir ro/ /kun nas nyon mongs pa'i phrag dog gi spyi'i mtshan nyid kyang bshad zin to/ /ldem po 'am mahA yo ga'i dbang du na/ gzhan gyi phun sum tshogs pa bdag gis thabs kyi pha rol tu phyin par sbyor bar mdzad pa ste/ don gyis na gzhan gyi don phun sum tshogs par 'gyur bas/ yang dag pa kho nas zhes pa'o/ /rnam par byad ba'i phrag dog gi rang gi mtshan nyid chos kyi sku'i phyag rgyar shes par bya ba ni/ dog pa dang yangs pa nyid chos nyid du dbyer med par dgongs pa ste/ dog pa spangs shings? yangs pa bsgrub tu med pas chos nyid du ro gcig go /de ltar dog pa dang yangs pa dbyer med de/ chos nyid du ro gcig pa yin no/ /'o na phyi rol la sogs pa dag kyang phrag dog spang par bya'o zhes zer la/ las rgyu 'bras kyis dbang gis kyang/ 'bras bu lha ma yin gyi 'jig rten yod par gsungs pa/ ci'i phyir zhes pa dang/ lan du kun rdzob sgyu ma'i mtshan nyid du/ gzhan gyi phun sum tshogs pa la/ phrag dog pa'i sgyu ma nyid/ mi dmigs pa las mi gzhan te/ mi dmigs pa nyid sgyu mar skyes/ phun sum tshogs par sbyor ba'i/ thabs kyi sgyu ma chos nyid de/ rgyal ba kun dang dbyer med pas/ chos sku'i phyag rgya chen po yin no/ zhes gsungs pa'i phyir ro/ /rnam par byad ba'i phrag dog gi rang gi mtshan nyid thugs kyi phyag rgyar shes par bya ba ni/ mi dmigs pa dang phrag dog ni bden pa gnyis kyi dang du dbyer med pa ste/ gzhan gyi phun sum tshogs pa la/ phrag dog rnam par 'dzin pa dang/
- 346b
rtog dang phrag dog mi dmigs te/ sgyu ma mi dmigs dbyer med pa'i/ bden pa gnyi gar ro gcig pas/ ting nge 'dzin gyis dbang sgyur na/ thugs kyi phyag rgya chen po yin/ zhes gsungs pa'i phyir ro/ /de dag ni bdag gi don phun sum tshogs pa'o/ /rnam par byad ba'i phrag dog gi rang gi mtshan nyid ni/ dog pa dang yangs pa dbyer med pa ste/ rnam par byad ba'i mtshan nyid ni/ dog spangs yangs pa bsgrub tu med ces gsungs pa'i phyir ro/ de ltar na de dag ni/ nang 'dzin pa'i sems yongs su dag par bya ba'i ngo bo/ /bdud rtsi lnga la nyi shur mi bgrad ste/ bdud rtsi lnga dang sha lnga'o/ yang na bdud rtsi lnga la yang rgyu nyid rang gi sems yin pa las/ 'bras bu bdud rtsi lnga dang grogs sha lnga dag /rang bzhin rigs lnga ye shes lngar/ ye nas dag mnyam rtogs pas spyad ces bya'o/ /yang slob dpon la la'i gzhung gis ni/ sbyang bar bya ba'i yi ge lnga dang/ rtogs par byed pa'i gnyen po ye shes lnga ste nyi shu'o/ /zhes kyang 'chad pa'o/ /de dag kyang gzung ba'i gnyen po nyid kho na'o// dam tshig chen po las ma 'das pa'i yon tan yang/ gzhan yang rgyal mchog kun bzang gi /thams cad ma lus phyag rgya yi/ /bsgrub med dam pa ma lus 'grub/ ces bya ba la sogs pa gsungs te/ dpal kun tu bzang po'i go 'phang 'khor ba dang mya ngan las 'das pa dbyer med pa chos kyi sku'i phyag rgyar ye nas sangs rgyas pas na/ stsol ba dang bral bas na bsgrub du med pa'i mi gnas pa'i mya ngan las 'das pa'i dam tshig rnams kyi yang dam par gsungs te/ de 'grub po zhes bya'o/ /phyi ma yang 'jig rten dang 'jig rten las 'das pa'i yon tan brgyad smos pa yin te/ de dag kyang 'grub par 'gyur ro zhes bya'o/ /ci'i phyir na dus da lta nyid nas/ 'jigs med dpal kun tu bzang po'i
- 347a
go 'phang du rnal 'byor pa de sbyor ba yin no zhes bya'o/ /gzhan yang dpal gsang ba'i snying po'i dam tshig gi yon tan/ ji bzhin nyid dang 'dul ba'i thabs ji snyed sdom pa bsam yas pa/ ma lus rnam dag lhun gyis grub zhes gsungs te/ thugs brtse ba chen po dang ldan pas/ mos pa tha dad pa'i dbang du dgongs pa dang/ ldem po'i dbang dang/ theg pa chen po ji snyed ba'i sdom pa mdza' yas pa kun yang/ dpal gsang ba'i snying po 'dir ma lus par 'dus shing/ mahA yo ga'i dbang du rnam par dag la/ a ti yo ga'i dbang du/ lhun gyis grub pa yin no/ /zhes bya'o/ /dpal gsang ba'i snying po de kho na nyid nges pa las/ slob dpon nyi ma'i seng ge 'od kyis mdzad pa'i dam tshig chen po'i le'u ste/ bcu dgu pa rdzogs so// //de bzhin gshegs pa mdza' yas pa'i 'phrin las thams cad yongs su grub par bya ba'i phyir/ de nas bcom ldan 'das dgyes pa chen po zhes bya ba la sogs pa nyi shu pa las rnam bzhi byin gyis brlab pa'i le'u gsungs so/ /da ni las rnam bzhi lhun gyis grub par bstan pa yin te/ 'og nas 'byung ba'i/ sdong gcig ma'i gnas su mtshan ma thob pa'i rnal 'byor pas/ bdud rtsi rnam pa lnga la sogs pa dkyil 'khor gru gsum pa'i phyed cha la nang gi tshad du byas la/ rdo rje dang ban de'i mtshan mas brgyan la/ dbus su rdo rje rtse dgu pa bri bar bya'o/ /phyi rim gyi snam bu la g.yas nas bskor ba'i rim pas khro bo bcu'o/ /de'i yang phyi rol la pho nya rdo rje tho ba la sogs pa bcu drug dgod do/ /de'i yang phyi rim la pho nya mo rdo rje 'bar ba la sogs pa bcu drug dgod do/ /bdud rtsi lnga dang sha lnga dang grog mkhar dang rkang rjes kyi sa dang/ skra dang phub ma las gzugs byas la/ dkyil 'khor
- 347b
gyi thog tu bzhag la rnal 'byor du zhugs par bya'o/ /nam mtshan ma khra mo thob ba 'am sems gsal bar gyur pa dang/ lcags dang seng ldang las byas ba'i phur ba la/ khro bo bdud rtsi 'khyil pa 'am stobs po cher bsgoms la/ de yang nas yang du bsal bar gyur pa dang/ phyogs bcu'i dkyil 'khor thams cad spyan drangs shing phur bu la bstim pa ste/ gzi byin bskyed/ nam mngon du gyur ba dang/ pho nya la sogs pa'i chos thams cad gsal bar brtags la bsgom pa/ bstan pa la gnod pa'i mi 'di dag bgegs 'di khyod kyis khug la gzugs brnyan 'di la bstims shig ces bsgo la/ khro bo chen po sum pa ni'i pho nya la sogs pa rnams btang la yang nas yang du dgug ste/ de'i bsrungs ma la sogs pa dang bral bar bsams la/ nam gsal bar khugs pa 'am/ gzugs brnyan mgul pa na phur pas btab la tshogs kyi dkyil 'khor la dbul lo/ /yang na lu gu rgyud du lag pa sprel la/ rnal 'byor pa rang nyid lhar mngon par brtags la bskyod pas 'bar ba'i dkyil 'khor sprin bzhin du spros pas/ phyogs bcur g.yos nas gal te tshig pa de dag bkug nas/ gzugs brnyan de la bstims pa la/ /phur pas yang nas yang du btab la/ rdul gyi dum bur byas la tsha ba'i mar dang tsher ma can gyi dug shing lnga til nag po dang sbyar la/ brgya rtsa brgyad du 'bar ba gtum chen rngam pa'i tshogs me'i nang du spyan drangs pa la dbul lo/ /brgal te/ sems can thams cad rang bzhin gyi dkyil 'khor du ye nas sangs rgyas pa'i rang bzhin can yin na 'o na 'di ltar gdug pa'i las kyis gnod par byed pa 'gal te/ de ltar dpal gsang ba 'dus pa las kyang/ sangs rgyas thams cad gsod ba yis/ /ji ltar sdigs kyang mi gos te/ gal te gos na ji ltar 'bras/ zhes gsungs so/ /de ltar yin gyis kyang/ ye nas sangs rgyas pa'i dkyil 'khor ma mthong
- 348a
pa'i rtog pa'i dra bas non pa'i rtog pa de bsgral ba yin pas/ 'gal ba ma yin no/ /phyi ma gsum la yang las ni de nyid du bas te/ bye brag ni dkyil 'khor dang/ lha'i sku mdog dang so so'i phur ba khro bo'i lhag ma gsum dang/ ji ltar 'dod pa'i ting nge 'dzin gyis bye brag tsam du bas so/ /phyi ma ni go sla'o/ /dpal gsang ba'i snying po de kho na nyid nges pa las/ lhun gyis grub pa'i 'phrin las rnam bzhi byin gyis brlab pa zhes bya ba'i le'u ste/ nyi shu pa rdzogs so// // bstod gnas dang bstod bya dang bstod mkhan dbyer med kyis kyang/ phyis 'byung ba'i rnal 'byor pa'i don du bsod nams dang/ ye shes kyi tshogs bsags pa'i phyir/ de nas bcom ldan 'das dgyes pa chen po tshogs kyi dkyil 'khor gyis shin tu rngam pa'i gdangs kyis klu 'di blangs so/ /zhes bya ba la sogs pas/ nyi shu gcig pa glu ye shes kyi le'u gsungs so/ /de la de nas bcom ldan 'das dgyes pa chen po rdo rje khrag 'thung gi 'khor bud d+ha he ru ka la sogs pas shin tu rngam pa'i gdangs kyis dpal rdo rje khrag 'thung la bstod pa'i phyir/ gtso bo la bstod pa'i glu blangs so/ /de yang ye shes lnga'i sgo nas bstod pa la/ dang po 'dis ni bud d+ha he ru ka'i sgo nas de bzhin gshegs pa'i rigs su mthong nas bstod pa'o/ /hUM zhes pa ni khro bo'i glu yin pas de yang ye shes lnga dang ldan par mkha' 'gro ma'i tan+ta las gsungs so/ /gtum chen zhes pa ni gtum po drag po las khyad par gyur pa'o/ /dus mdza' i zhes pa ni 'jig pa'i dus kyi bsam gtan dang po man chad me lce gcig tu gyur pa'o/ /zhes bya'o/ /me ni byin za'o/ /lhag ma ni go sla'o/ /gnyis pa ni gsung gi dkyil 'khor duAng mthong nas bstod pa'o/ /tshig gi don ni go sla'o/ /gsum pa ni thugs kyi dkyil 'khor du mthong nas bstod pa/
- 348b
thugs ye shes kyi dkyil 'khor la sogs pa nas/ khro bo'i dkyil 'khor shes rab chen po las byung ba ni 'od chen po yin te/ ci'i phyir zhe na/ 'bar ba'i dkyil 'khor kun tu gsal zhes te/ de ni phyogs bcu'i dkyil 'khor la'ang gsal zhes bya ba'i tha tshig go /de nyid kyi phyir 'bar ba'i ye shes zhes te/ don bya ba'i gdug pa can dang/ des nyen pa'i sems can gyi phyir 'joms zhes bya'o/ /de ltar 'joms par byed pa'i don byed mkhan yang gcig pu gnyis su ma yin te/ sna tshogs zhes te/ rgyud 'di nyid las gsungs pa kho na'o/ /yang khams gsum rnam par rgyal ba'i rgyud las/ rdo rje khro bo yang sna tshogs zhes 'byung ngo/ /ci'i phyir gdul bya sna tshogs pa'i phyir ro/ /bzhi pas ni yon tan gyi dkyil 'khor du 'ang mthong nas bstod pa'o// kyi khro bo'i rgyal po chen po khyod ni/ snying rjes brlan pa'i phyir ro/ /ye shes kyi tshogs byang chub kyi sprin las/ bsod nams kyi tshogs kyi yon tan rin po che'i rang bzhin gyi khro bo'i dkyil 'khor chen po gsang ba'i b+ha ga la sogs pa nas/ char chen 'bebs pa'i phyir/ ci ltar 'tshal ba'i khro bo'i dkyil 'khor yid bzhin 'byung ba'i gter yang yin no/ /de nyid kyi phyir sna tshogs khros pa'i thig le che ho/ /zhes bya'o/ /lnga pa ni 'phrin las kyi dkyil 'khor duAng mthong nas bstod pa'o/ /bdud kun zhes pa ni/ gang phyogs bcu'i 'jig rten gyi khams na/ bdud du grags pa thams cad ci snyed pa de dag thams cad kyi rje bo'i phyir/ bdag chen no/ /de nyid kyi phyir/ bdud kyi bdud ces te/ gang drag po chen po de'i yang bdud du gyur pa'o/ /bdud rnams zhes? pas ni/ bdud sde bzhi'o/ /de yang dbang du byed pa'i phyir 'joms pa'o/ /'jigs pa'i tshogs zhes pa ni/ 'jigs byed chen po'i skyi bung byed pa'o/ /de dag rlag par byed pa'i phyir 'jigs par byed pa'o/ /de'i phyir mtshan yang 'jigs byed
- 349a
chen po zhes bya'o/ /phyi ma ni yum bzhis yab kyi sku la mnga' ba'i 'byung ba chen po bzhi ni/ bdag cag dang tha mi dad do zhes ched du blangs so zhes pa/ ston pa dang 'khor tha dad pa ma yin na yang/ ston pa'i yon tan las ha las pa'i phyir/ de tsam zhig ha chang yang ngo mtshar che zhes nas blangs pa'o/ /de'i phyir 'khor gyis gtso bo la bstod pa'i le'u ste/ nyi shu rtsa gcig pa'o// //ston pa dang rgyud dang sdud pa dbyer med kyis kyang/ phyis 'byung ba'i le'u la gzhan dag yid ches pa'i dad pa la gzhag pa'i phyir/ de nas bcom ldan 'das dgyes pa chen pos zhes bya ba la sogs pas nyi shu gnyis brgyud yongs su gtang ba'i le'u gsungs so/ /de nas zhes pa ni skabs de 'khor gyis ston pa la mchod pa brjod pa'i rjes la'o/ /nyid la nying ni tha dad pas ma yin no/ /gsang sngags ni tan+t+ra te/ yid mnyam pa nyid du byed pa ste/ de ngan song las bskyob pa'o/ /rgyal po ni rgyal por gyur pa na'o/ /brtan par bzung ba ni de gtong pa'i tshig spangs pa'o/ /kye kye zhes pa ni gzhogs kyis spran pa ste/ nyon cig ces spangs pa'o/ /phyogs bcu dus bzhi'i rang bzhin ni rgyud dang dpal kun tu bzang po tha mi dad pas so/ /ci'i phyir zhe na/ de bzhin gshegs pa'i ngo bo nyid ces pa'o/ /'o na de ltar yin na/ 'gro ba de bzhin gshegs par ma gyur pa ci zhes pa yod na/ gzung 'dzin zhes pa la sogs pa'o/ /'o na theg pa so so'i 'dod gzhung mang po ci'i phyir na/ de ltar yin du zin kyang/ sa rnams mang po so so'i bkor pa yang/ gsang ba'i snying po dpal kun tu bzang po'i mya ngan 'das par bkrod? pa'i lam du gyur pa'o/ /de'i phyir dpal kun tu bzang pos theg pa so sor bstan kyang/ don du mi 'gyur ba ni yong ma gsungs so/ /zhes bya'o/ /da ni dpal gsang ba'i snying po'i rnal 'byor ba la bstod pa gsungs pa/ de bzhin gshegs pa thams cad
- 349b
kyi chos kyi sku'i phyag rgya gsang chen gsang mchog gi snying po 'di/ /rnal 'byor pa gang gis shes rab rnam gsum la brten nas/ don mngon du ma nor bar rtogs te/ gzhan la/ smra bar gang byed pa/ de ni dpal kun tu bzang po'i ngo bo yin te/ de la slob dpon gyis mchog gi dbang ma bskur yang ngal te/ 'di ni rang bzhin gyis dbang yang rdzogs zhes bya'o/ /nga ni rgyud kyi che ba bstan pa ci'i phyir de ltar yin na/ phyogs bcu'i sangs rgyas thams cad la/ gsang ba 'di las gzhan mi mnga' 'o/ /zhes smos te/ nga ni yongs su bstan pa ste/ de yang phyi rabs kyi rnal 'byor pa the tshom gcog pa'i phyir/ yod med kyi mdza' spangs pa'i sgro dang skur bzhi pa'i rang bzhin gsang ba'i snying po 'di/ dpal kun tu bzang po'i de kho na nyid spros pa dang bral ba'i nges pa'i dbyings nas byung nas 'khor ba bstan pa 'di su las phyis 'byung bar lung bstan zhe na/ thugs dang 'dra ba'i sras sa bcu mthar phyin pa ye shes kyi bdag nyid la gnas pa las/ phyis 'byung ba de ltar shes par gyis shig pa'o/ /de yang gtang ces pa ci'i phyir zhe na/ rang bzhin gyi tshig sun pa'i skyon du gyur pas so/ /zhes smos pa ni/ gong du thal ba'i tshig don ci snyed pa'o/ /brjed pas ni ston pas so/ /de bzhin gshegs pa thams cad ces pas ni/ de bzhin gshegs pa thams cad la bya na/ 'di 'khor yan chad kun la bya'o/ /ci'i phyir de khyad par dbyer med pa'i 'khor rnams dgyes nas/ dus bzhi mnyam pa nyid kyi dbyings/ /dpal kun tu bzang po'i/ /sku gsung thugs kyi rgyan/ rdo rje'i lhun chos kyi dbyings/ stug po bkod pa'i rgyan nyid du/ 'khor thams cad kyang bzhugs so/ / 'o na de lta bu'i dam pa'i chos 'di phyis su las 'byung bar lung bstan na/ de ni rab rig 'dzin la gnas zhes gsungs pas/ /gsang ba rdo rje'i lhun phyag na rdo rje'i rgyud la yod par bstan pa yin no/ /'o na slad kyis nges ci mdzad ce na/ de'i slad kyis rgyud thams cad
- 350a
phyag na rdo rje grub pa'i gnas gsang ri'i nang du gshegs te/ rgyud thams cad bsdus so/ /zhes 'byung pas na/ dpal phyag na rdo rjes gnas der bsdus shing gtan la phab par rig par bya'o/ /de nas yang rgyal po chen po'i khang bzangs rab tu dang ba'i nang du/ gsang ba'i rgyud thams cad char bzhin du phab pa snga ma bzhin no/ /'phags pa rtog pa'i rgyal po/ /sgyu 'phrul dra ba le'u stong phrag brgya pa las/ mtshan nyid dang rgyud thams cad kyi lung gi spyi/ de bzhin gshegs pa thams cad kyi gsang ba/ gsang ba'i snying po de kho na nyid nges pa las/ thams cad ma lus par 'phros te/ 'khor lo bskor ba de dag gi 'bras bu'i mchog /yongs su gtang pa'i le'u ste/ nyi shu rtsa gnyis pa'o rdzogs so// // thibs po'i mun nag gis non shin tu gsal bar dka' ba dang/ /nyi zer 'od tsam dag las snang gyur pa/ bla ma'i drin gyis bdag la snang ba yin/ /bla ma rdo rje sems dpa' 'dra la phyag 'tshal lo/ /snyigs ma lngar ldan lnga brgya'i mthar nye la/ / shAkya'i bstan pas 'gro ba dbugs byung ste/ /don mchog bdud rtsi'i ro ni rnyed 'gyur bas/ /bla ma'i drin gyis bdag la'ang gnas pa yin/ /de la brten nas rnam bshad 'di bgyis pa/ /nor bar gyur pa mchis na bzod par gsol/ /skye bo dam pa'i smyon du ma bgyis te/ /bdag gi sangs rgyas chos la mos pa yi/ /blo ngan rnams kyi don du 'di bgyis te/ /'di la bsod nams gang dam mchis pa ni/ /'gro ba rgya mtshos byang chub mchog thob shog /dpal gsang ba'i snying po de kho na nyid nges pa dang/ slob dpon nyi ma'i seng ge'i 'od kyis mdzad pa'i rgya cher bshad pa'i 'grel pa/ rgya gar gyi mkhan po pra swa ta la/ sgyur byed kyi lo tsa ba pad ma ru chos? gsang ba'i dbang mnos nas bsgyur te/ dge bar shog
- 350b
ma rig mun sel ye shes nyi ma'i sgron/ /mu stegs klang 'gems smra mchog seng ge nges/ /shes rab mchog gi rtsal ni 'od zer 'bar/ /dgos don phyogs bcur 'phro la dad pas bstod/ ces bya ba ni lo tsha bas bstod pa'o// // */ (/sgyu 'phrul dra ba rdo rje las kyi rim pa bzhugs/) /rgya gar skad du/ ma ya dza karma badzra kra ma nA ma/ bod skad du/ sgyu 'phrul dra ba rdo rje las kyi rim pa zhes bya ba/ bdud bzhi la sogs rig pa sdeng gis dag /sku lnga la sogs yon tan lhun grub kyang rang gi ngo bo 'di 'dra bstan du med/ /rang bzhin mngon byas ma lus re ba skong/ /sku gsum ma byas mi phye mdza' rnams dag /rang rig kun gsal bdag phyir rnam rtog bral/ /dus gsum mi 'gyur rgya mtsho che las sgrol/ /bcom ldan rdo rje sems la 'dud phyag 'tshal/ /rang bzhin kun rdzogs khong gsal rkyen bcas rtogs gsum rbas/ /log gsum gnyis snang phan tshun rgyu 'bras nyams pa med/ /kun mkhyen rang bzhin gsal byed gsum las lta ba sogs mang po/ /gang la'ang gang yang rgyas dang 'brel men ra chod lung rigs 'brel/ /dgos phyir rgyud rigs ston pa rdo rje'i thugs la gnas lung bstan/ /gnyis gzhol gnyis rmongs don phyir gsal byed rdo rje las rim dbye/ /rnal 'byor theg mchog sangs rgyas chos kun lam dang 'bras bu thugs chud don/ /rin chen rgya mtsho'i rdo rje sems dpa' i sgyu 'phrul du ba'i rgyud chen po/ /shes bya'i dngos po ma lus las/ /gzhi rtsa'i dkyil 'khor dbang gi don/ /dngos po gsal byed mdor bsdus ming/ /rang bzhin ye shes rdo rje ni mdza' bral mi phyed rdo rje dang/ /rkyen dang bral phyir 'jigs med pa/ /shes thob rtags ming ngo bo phyir/ /rdo rje las rim gnyis su bsdus/ /'di dag 'brel ba'i mtshan nyid ni/ /dkyil 'khor phyi rol 'jug sgo skyen/ /nang rgyu rten bcas ngo bo'i
- 351a
phyir/ /'brel pa rgyu 'bras thabs su bshad/ /lus kyi dngos nyid dang po nyid/ /dkyil 'khor don ni gnyis yin te/ /rnam grangs ming nges tshig tu bshad/ /rang bzhin la sogs dngos po bdun/ /rnam pa'i yan lag bcas ba dang/ /skabs ming sgyu 'phrul thugs rje bsogs/ /gzhung rgyas tshig gis 'jigs phyir dang/ /lung las gsal bas 'dir bris byas/ /skabs kyis lhag gnyis byang sems gsum/ /ting 'dzin lhag pa'i dkyil 'khor ni/ /bdag nyid las kun byed dkyil 'khor/ /rab gnas kun la 'jug pa ste/ /mtshan nyid yan lag rim pa rnams/ /gzhan las rgyas par shes par bya/ /dkyil 'khor gnyis su rnam dbye ba/ /sa gzhi mnyam dang chang thig dang/ /tshon dang bri ba'i rnam pa dang/ rab gnas sbyin sreg 'jug pa dang/ /yon tan rnam bcu rgyas shes bya/ /gzhi dang rang mtshan blang dbang dang/ /sbyang sbyin bsrung dang bzung ba ni/ /dang po'i nying lag nyid du bshad/ /zur brgyad la sogs rtse mang dang/ /chu bo bzhin du ma po zhing/ /mnyam zhing 'og ba'i chu ltar dang/ /nyi ma shin tu gnas pa ni/ /nam mkha' i mtshan nyid shes par bya/ /mtho dang 'dud pa nub byang yin/ /shar lho bshol zhing 'jam pa la/ /tho sgro trog tho chu sna tshogs/ /dkyil 'khor dbang sgra mtshams rtags bya/ / lhun sdug ri bo nags tshal ldan/ /rab tu mnyam zhing snum bag ldan/ /chu bo dbang gi phyogs yin te/ /chung zad tsam gyis rlung nyung zhing/ /me tog shing tshal bya skad rtag /lo rgyus shis pa'ang mchog tu gsungs/ /bdag nyid rtags shing nyams dga' dang/ /bsam gtan sgra las ring gyur pa/ /khang khyim la sogs de bzhin te/ /nan tan nus mthu ldan phyir yin/ /mtshan nyid sbyang pa phyogs gsum ste/ /thang ka so le lta bu dang/ /rma dang po ba'i mtshan nyid dang//
- 351b
tsha rko zug sngo rus sbal dang/ /ram pa thal pa shing sol dang/ /gyo mog rus pa gsong la sogs/ /ne kro ta dang pa la sha/ u duM ba ra a shadtha/ /an+dzu la sogs pa'i tshul/ /'dod pa ma yin sbyang sbo bya/ /bkra shis gtsang ma me tog shing/ /gnag dang kha dog ldan pa dang/ /rtsibs ma sgyus ma rab nyung zhing/ /lhag par gyur pa mchog tu bshad/ /shin tuAng brtags pa'i sa dbus su/ /dkyil 'khor lci ba'i dris byugs las/ /mnyam zhing glang ko tsam byas la/ /ga bur tsandan ldan byas la/ /sngags mkhan zhi ba'i chas ldan la/ /phyag rgyas legs 'khyud bde bar 'dug /bdag nyid mi 'chi'i ting 'dzin gyis/ /mchod ting 'dzin ye shes brlab/ /lhag pa'i dkyil 'khor gsal byas la/ /lugs su mchongs sogs legs par sbyar/ / sa gzhi lam las gser mdog can/ /bum pa rin chen gang ba dang/ /phyag rgya ston pa mchod sbyin yin/ /lha mo spyan gyis rang bzhin te/ /sku gsung thugs kyis bstan par bya/ /rang snying snang mdzad phyag rgyas bdag /tshigs bshad ting 'dzin ldan pa yis/ /bos te phyag rgyas gnyis med bya/ /mchod pa bdud rtsi glu gar gyis/ /rgyas mchod 'dod don gsol ba gdab/ /gtor ma bza' btung me tog ldan/ /de bzhin rin chen ldan pa'i chang/ /'dod yon bdud rtsi byin brlabs la/ /zhing skyong rnams la rgyas par sbyin/ /nam mkhar bzhugs te sa dbang rnams/ /tshim byas bgo ba drag byas la/ /sangs rgyas byin brlabs rab bsdus te/ /mi zad shin tu 'jigs pa yi/ /zhe sdang rdo rje spyan 'bar ba/ /rkang mthil thugs la mthing nag hUM/ /gsang sngags rdo rje gom par bcas/ /khro bo yungs kar phyogs bcur spro/ /'og dang phyogs mtshams rgya gram gur/ /'bar ba'i me yis phyogs mtshams bskor/ /rang gi gnas su brjid pag gis/ /
- 352a
'dug ste rin chen blang bar bya/ /phyag rgya tri shul gnyis gnas te/ /ji ltar ches brjod rdo rje yis/ /dpung bzhi bdud kyi sde btul nas/ /rgyal srid chos kyi spung rtsugs pa/ /de bzhin du ni bdag gis kyang/ /nges bar bya phyir dkyil 'khor bri/ /sa'i dngos grub stsal du gsol/ /oM ratna mas tshang tsang si ti ku ru sa ma ya stwaM/ /bsam gtan ldan par lan gsum bya/ /oM suM b+ha ni suM b+ha ni hUM/ grih+na grih+na hUM/ grih+nA ba ya hUM/ A na ya ho/ /b+ha ga bAn/ badzra rA dzSha ye hUM hUM phaT/ /lha mo rang bzhin gnyis med phyir/ /'dzum pa'i mdangs kyis 'od khyab pas/ /thams cad rin chen ngo bo ste/ /ye shes lnga'i rang bzhin du/ /brtan byas dngos grub mchog tu 'gyur/ /dngos grub dbang du bya ba'i phyir/ zangs sogs phur bu zla gam la/ /hUM las byung ba'i dbang mchog khro/ /rA ga'i mdog 'dra zla gam rtse/ /pad+ma'i ? pas phur 'dril zhing/ /sdang mig phyag bzhi nges bsams te/ /sku gsung byin brlab dbus su sbyar/ /'od kyis thams cad bsdus byas la/ /bdag gir gyur pa'i sa dag ni/ /las thams cad la shes bar 'gyur/ /dbang dus gzhi grub pa'i mchog /sbyang ba las me sngags phyag rgya/ /ting nge 'dzin gyis dag par 'gyur/ /lto 'phye'i dus tshod gzhan shes bya/ /ma nor phyogs nas las rnams rtsam/ /rgya spangs khru gang bzhi'i dbus/ /bshad pa'i mtshan nyid bzhin duAng rtag /chus bkang gom pa brgya bor bya/ /bzang dang bkra shis rin chen sa/ /'bru sna bcas gzhug 'thas bar brdung/ /tshad dang mnyam pa'i rgyas byas la/ /'jim pa ba spus mnyam par bya/ /nas sran gro 'bras til dkar po/ /rang bzhin sku lnga thob phyir dang/ /dag pa phung po lnga ru shes/ /gur gum ga bur tsandan gnyis/ /dran 'di dag gi dri 'di dag /'phrin las yul gyi rang bzhin te/ /thob phyir nges par tshad
- 352b
par sbyar/ /byu ru mu tig gser dngul dang/ /rin po che ni 'byung ba'i dngos/ /zhi sogs yon tan thob phyir sbyar/ /lan tshwa sbrang rtsi bu ram mar/ /a 'bras la sogs 'bru sna lnga/ /rnam shes ye shes rang bzhin te/ nges pa nyid du bzung bar bya/ /ha sa de ba bri ha ti/ /sbed tang kan d+ha ki ra dang/ /a 'bras rtsi ta sman gyi mchog /dbang po dag dang bsung gi tshogs/ /nyi zla chu dang sar bcas nas/ /rnam pa lnga'i mam sa ni/ /khams kyi rang bzhin rigs lnga ste/ /sum cus rab mnyam skam par bya/ /kun nas mtshan ma ngan 'gyur na/ /gzhan du sgrod dam zhi ba'i/ /me yis rab tu dag par 'gyur/ /'bring gyur lag g.yas mthil sor la/ /nyi ma 'bru lnga hUM lnga thim/ /rtse lnga rdo rje hUM bcas bsam/ /sngags kyis lan gsum sa la skul/ /'od kyis ma lus sbyang bar bya/ /oM badzra ha na ha na kro ta hUM phaT/ /thams cad dag par 'gyur ba'i phyir/ /phyag rgya sngags kyis sbyang zhes bya/ /thams cad rang sems rnam pa'i phyir/ /mtshan nyid med pa'i phyag rgya ni/ /nam mkha' lta bur rang bzhin gnas 'khrul snang sa dang sa 'dzin/ /'khrul chos chos can la gnas phyir/ /dag par ltas na mtshan nyid med/ /rjes su skul bar byed pa'i sngags/ /oM mahA shU n+ya tA dz+nyA na badzra swa b+hA ba at+ma ko haM/ /rang rig stong pa'i ye shes la/ /gzung dang 'dzin pa gnyis med phyir/ /spyod yul yongs su dag par bya/ /rang rig skad cig hUM bsams te/ /ye shes snying po hUM nyid las/ /rtse lnga rdo rje hUM bcas pa/ /hUM gyur nam mkha' e gzugs can/ /thams cad kun gyi gzhir gnas pa'o/ /dran bskyod rlung ni yaM sngon po/ /sa bon chu ste baM kar bshad/ /ma lus gzhi ste gser mdog la/ /skad cig sgra med dmar ser ram/ /ma nges kun gzhi sna tshogs bruM/ /rgyas dang 'bring po la sogs pa'i/ /sna tshogs gdan ldan rin chen khang/ /ji ltar
- 353a
gyur pa bzhin du bsgom/ /gdan sogs gzhung gi gnas de ru/ /dbang phyug rgyas pa'i cha lugs la/ /rdo rje 'gros kyis phyogs stas 'dug /thabs shes phyogs lta sbyor ba las/ /'khor rnams rgyas bar sbyar bar bya/ /bzhi bcu lnga sogs dus gsum pa/ /yid kyis nam mkha' gang bar dmigs/ /rnam pa gsum gyi mchod pa dbul/ /rigs dang mthun sgom phyag rgya bzhi/ /spyan la sogs pas sbyor stims te/ /mchod dang thal mo mnyam sbyar nas/ /dkyil 'khor byin brlabs skul bar bya/ /bsod nams ye shes tshogs rdzogs pa/ /rang gi mdza' dbus med pa'i dkyil/ /ye shes bzhi spro 'khor lo'i tshul/ /dkyil 'khor snying po bshad du gsol/ /phyogs bcu ma lus dus gsum gyi/ /rgyal ba sras/ bcas dgongs su gsol/ /che ge mo sogs don gyi phyir/ /dkyil 'khor chen po bdag bgyid bas/ /bdag cag rjes su bzung ba'i phyir/ /sa 'di shis par byin gyis rlobs/ /bde bar gshegs pas mdzad du gsol/ /rdor dril 'dzum pa'i mdangs kyis bskul/ /sku gsung thugs byin brlabs hUM bsdus/ /zhe sdang rdo rje'i tshul bzung la/ /'bar ba'i spyan sogs bshad bzhin bya/ /rdo rje 'dzin pa nyi ma dang/ /chos dang rta mchog snang mdzad dang/ /bdag nyid chen po'i ngang nyid yin/ /thams cad bka' las ding ma 'da' / /gsang sngags nyid 'dzin las sngon bzhin/ /rang gi gnas su brtan byas la/ /nam mkha' khyab pa'i rtsibs brgyad la/ /nyi stengs gsum las lha rnams gnan/ /hUM bcu thugs las nges byung dgod/ oM dang badzrA kI la yA/ /rang sngags las dang bcas pa ni/ /rnam rgyal la sogs rim bar sbyar/ /mtshon cha nga'i rim pa'ang/ /nges par gzhung bzhin bya ba yin/ /gang yang bar chad skabs med pa/ /srung ba'i mchog tu de gsungs so/ /
- 353b
de nas phyogs legs brtags te/ /dam tshig ye shes thig gnyis dor/ /chang ching 'khrul pa med pa na/ /byang chub mchog tu nyi zla shar/ /de nyid bzhugs yin gsungs pas/ /rdo rje 'am gzhan gyi thig le ni/ /dkyil 'khor cha las 'gyur med bya/ /rang sngags nyi zla hUM bcas la/ /bsam gtan ldan par bya ba yin/ /mi bskyod ting 'dzin sbyor ba'i mkha' / /sku gsung dkyil 'khor las byung ba'i/ /lha rnams phyi rol khyab par bya/ /drang bstim yan lag ldan pa la/ / rnam gsum mchod pa rgyas par bya/ /sgra dang ldan pas nges bstod de/ /mgon po kun mkhyen bdag nyid can/ /gcig dang du ma yongs bral phyir/ /ma lus bdag nyid dgongs su gsol/ /khyed la mos shing mchod po dang/ /khams gsum yongs su bzung bya zhing/ /rang bzhin mnyam par sbyar ba'i phyir/ /che ge mo dag dkyil 'khor gyi/ /las rnams yongs su rdzogs par bgyid/ /thugs nyes nye bar dgongs mdzad de/ /dkyil 'khor byin gyis brlabs nas ni/ /sa gzhi yongs su bzung bar mdzod/ /oM badzra sa ma ya satwa stwaM/ nges brjod rol ba'i gzi brjid kyis/ /thams cad dkyil 'khor rang bzhin du/ /gsal byas yongs su bzung bar bya'o/ /thams cad rang sems mnyam sbyor bas/ /sa gzhi can yang de bzhin bsgrub/ /'di ltar gang gi gsal 'gyur ba/ /sa gzhi rab tu mnyam zhes bya'o/ /tshad ni rkyen gyis ma nges te/ /mchog dang mchog dang mchog gis bzhi/ /slob dpon mthar nye'i lam gnas pas/ /bzhi bcu rtsa gnyis gsum 'phra zhing/ /sangs rgyas stong gi dkyil 'khor sogs/ /rdo rje'i thig chad dor tsam gyis/ /rgyang grags la sogs mtshan ma yi/ /dkyil 'khor phyag rgyar gsal ldan pa/ /ting 'dzin lhag pa'i gzugs brnyan yin/ /dag pa'i las
- 354a
kyang de bzhin te/ /'dod pa'i las su 'ang mthun par sbyin/ /khru tshad nyi shu rtsa lnga la/ /rigs kyi dkyil 'khor lnga rnams dang/ /bar khyams bcas dang khro bo dang/ /mos dang sbyor bas rnam par phye'o/ /drug dang brgyar gnyis ldan pa la/ /bzhi bcu rtsa gnyis rnam par brgyan/ /mdza' ma'i gong du shes par bya/ /brgyad dang bzhi la nges par ni/ /stangs sbyal gnyis kyi dkyil 'khor te/ /phyag rgya dgu gnyis mtshan mas gdab/ /gang 'dod de ni phyir bar bya/ /shin tu phra ba gzhan dkyil 'khor/ /gtso bo thugs te rigs ldan pa/ /rnam pa'ang rim pa'i skabs su bshad/ /pad+ma'i rgyu la kha dog sgyur/ /bcu drug phyag rgyas legs brtags pa/ /rnal ma cig dang lnga lnga ldan/ /ye shes rang bzhin shes par bya/ /kha dog sum ldan rnal ma dgu /ras bal las brtags sku gsung thugs/ /gtsang ma'i snod du legs bkod de/ /nyi ma zla ba'i gdan dag la/ /thugs las ye shes 'bru grangs bzhin/ /phyogs bcu dus bzhi mdun grangs te/ /mchod sbyar gsol ba gdab par bya/ /sbyor ba'i ye shes grangs mnyam dang/ /rdo rje gsum byin nges par bstim/ /dngos po rang bzhin mnyam byas nas/ /cung zad mchod pa rtag par bya/ /phyogs mtshams legs par phye nas ni/ /so so'i tshad bzhin rgyas par dgye/ /mchog gi thig bran bzhi bcu bzhi/ /legs par kha dog phye yang rung/ /rta babs brgyad po cha mnyam zhing/ /'khor lo la sogs nyis 'gyur yin/ /rdo rje lag chu har bcas pa/ /rta babs phyed dang gsum du dbye/ /mtshan nyid rgyan gyis brgyan pa yi/ /grogs gsal ldan nam byin rlabs la/ /gnyis med ye shes thig gdab bya/ /ye shes dam tshig la mnyam bstim/ /kha dog dbyings dang ldan pa 'am/ /pho brang nyams dgar sgom par bya/ /oM sarba sho ta ni hUM phaT/ /sku gsung thugs dang thig thams cad/ /
- 354b
'khrul pa dag pas gdab par bya/ /'da' ba med pa'i dam tshig yin/ /oM badzra su tra sa ma ya ma tri ka tra ma hUM phaT/ ye shes rdo rjes mdor bsdus lnga/ /dam tshig rjes su rim gsal dbye/ /ye shes skud pa'i sngags mtshan nyid/ /skud pa chad pas slob dpon 'chi/ / phyogs 'khrul pas ni gnyis ka nyams/ /rgyun chad lam la gnod par 'gyur/ /de phyir mkhas ldan sgrims te bya/ /kun tu rgyas par gyur pa dang/ /ting 'dzin ldan pas ye shes la/ /ye shes thim par des mchod de/ /dam tshig phyag rgya mu yis gshegs de nas gang yang nyes pa med/ /rab gnas ldan pa'i thig 'gongs na/ /bde gshegs sku la btab dang mtshungs/ /sangs rgyas chos las ring 'gyur phyir/ /h+ri'i sgra'i phyag rgyas 'dzul bar bya/ /rin chen lnga las byas pa'i tshon/ /in tra nI la zla 'od bzang/ /spu sha ra ga bya ru bzang/ /ma ra ga ta las byas dge /de bzhin 'byor pa gzhan dag bsdu/ /mtshams sems khro bo la sogs phyir/ /kha dog nyi shu rtsa lngar ldan/ /snod rims ma 'dres dag byas la/ /hUM sogs yig 'bru cig kyang lnga/ /kha dog rje su 'thun byas te/ /yongs gyur nyi shu tsa lnga'i lha/ /thabs dang shes rab ldan par sgom/ /phyogs bcu dus bzhi sku gsung thugs/ /yon tan 'phrin las ye shes lnga/ /stims pas yongs gyur dngos po lnga/ /sku gsung yon tan 'phrin las thugs/ /ye shes rgyu las grub pa yi/ /dkyil 'khor rdzas su brtag par bya/ /chos rnams bdag sems rtogs byas nas/ /byang chub sems nyid dag pa'i phyir/ /shin tu dkar ba'i mdog tu bstan/ de rtogs bya phyir dag pa'i mdog /chos rnams sems su sngon chags pa/ /pad+ma rA ga zhes brjod de/ /chags dang chags par bya ba med/ /chags med phyir na dmar po'o/ /yon tan gter ldan zad mi shes/ /thams cad 'byung ba'i gnas yin te/ /dbyings nyid mi zad gter gyur
- 355a
bas/ /kha dog gser gyi mdog tu bstan/ /'khrul snang phyin ci log rnams la/ /thugs rje chen po'i byin rlabs kyis/ /dbyings sdud las rnams rdzogs mdzad pas/ /kun tu las kun ljang gu'i mdog /de bzhin nyid kyis dbyings nyid la/ /cis kyang mi tshugs bcos su med/ /kha dog nag po'i dngos dang bzhin/ /de nyid mtshon phyir mthing gar bstan/ /ma mthong rmongs la ye shes sogs/ /bstan phyir tshon lnga dgye bar bya/ /sman pa rnams la lnga'i phyir/ / rigs kyi ye shes lngar shes bya/ /oM a sarba pa tsa ratna sa ma ya hUM hUM/ /'bru bcu zung ldan sor mo lngas/ /spu zhing snun pa ltar byas la/ /rdul tshon spyad ba'i sngags phyag rgyas/ /bag med gyur pa'i mnyes pa yang/ /bshad pa'i rjes su shes par bya/ /de dag bri ba'i cho ga ni/ /chos can dbang phyug thig bteg la/ /dad par dbang ldan phyogs nas bskor/ /de nas zhal dang thob pa rnams/ /'bru ldan rdo rje thal khu tshur/ /phyag rgya ting 'dzin ldan par bri/ /lte ba rtsibs dang ldan bzhi la/ /rtsibs bzhi 'khor lo mu khyud bcas/ /kha dog so sor sgram par bya/ /gru chad bzhi dang gru bzhi'i/ /bar khyams sgo khyud ldan par bya/ /'khor lo gcig gis yongs rdzogs pa/ /dkyil 'khor gnyis la rtag par bya/ /rdo rje 'phreng ba'i rim pa gnyis/ /kun la nges par sbyar bar bya/ /ye shes rin chen rim brtsegs tshul/ /thams cad sems phyir chad pa med/ /rdo rje nor bus mdzes pa yi/ /ka ba phyag rgya'i gdung bzhir sbyar/ /gzugs la sogs pa'i mchod pa lnga/ /bar snar khams su khrigs par bya/ /zhabs dang pad+ma'i rin chen snod/ /gnam 'phyong las byung za ra tshags/ /chu 'phyang shar bu bya khyud dag /rim bzhin kha dog mdzes par bya/ /rin chen ldan pa'i
- 355b
dpag bsam shing/ /rtsa ba la sogs rnam phye ba/ /phyi rol yongs su khyab par bya/ /'khor gyi gtso bos yongs bskur ba'i/ /mchog gsum la sogs rnam mang ba'i/ /brgyan dang mchod par ldan pa bri/ /rnga yab lhab lhub 'phreng ba yis/ /nges par phyogs bcur 'khrigs par bya/ /rdo rje me rib lag chu ha/ /thams cad kun tu khyeb par sbyar/ /dbang phyug chas ldan bsam gtan bya/ /dkyil 'khor rnam pa gsum dag tu/ /gzhung nyid kyis ni gsal bar gsungs/ /yan lag brgyan rdzogs gzugs sku nyid/ /nyi zla pad+ma rim bzhugs pa/ /dkyil 'khor sku'i mtshan nyid yin/ /phyag rgya gsal bkod thugs dkyil 'khor/ /tha sogs yang na hUM muM ni/ /mchod dang bri sogs phye ba ste/ /dkyil 'khor gsum du shes par bya/ /rigs kyi dbye ba gzhung gzhan 'gyur/ /rang sngags tidtha badzra ldan/ /gang yang rdzogs par ting 'dzin bya/ /mchog la sogs pa khro bo'i tshogs/ /rdzogs dang rgyad dang phye nyid ni/ /tha ma'i dus su hUM nyid ni/ /dza la sogs pa chung ngu'i yum/ /gang yang kha dog mtshan mar ldan/ mkhas pas rab tu sgrim par bya/ /rab gnas yugs ni gsum yin te/ /bum pa rin chen las byas pa/ /lto dang mgrin par ldan pa ni/ /zha grum la sogs skyon spangs pa/ /kha dog ldan pa'i ras kyis kri/ /sna tshogs ljang gu rdo rje ldan/ /bdud rtsi la ? bcud ldan pa/ /mi 'chi thabs sbyor rang gnas kyis/ /ye shes rdo rje'i chu dag ni/ /thams cad las la 'jug par bya/ /gzhan yang yab yum 'brel pa'i rgya/ /nges par gdan dang ldan par bya/ /bdag nyid las kyi lhar zhugs pa/ /so so gang yin bskyed ? sbyar/ /yan lag rdzogs nas mchod sbyar la/ /rab sngags zhal sgor zlas pa bya/ /nges par khro tshogs byin ldan pa'i/ /yongs gyur byang sems ye shes rtsi/ /dbang bskur ba'i mchog tu gsungs/ /lha dbang la sogs sprul pa rnams/ /rang
- 356a
bzhin 'ja' tshon lta bu'i sku/ /nges par 'od du gyur pa yin/ /thams cad las ni bdags phyogs te/ /gzhan ni rang gi phyogs su'o/ /dbus kyang phyogs kyi dang por bshad/ /gnyis pa slob bur shes par bya/ /dgos pa'i yo byad rab bsogs la/ /las kyi dkyil 'khor las rim sbyar/ /khrus byas dri dang ldan pa'i bu/ /nges par gnas su thal sbyar nas/ /sbra de sems lnga bskyed par bya/ /de la lan du sbyin bya ba/ /e ma'o bde gshegs snying po las/ /rang gi rnam rtog las kyi sprul/ /sna tshogs lus dang longs spyod dang/ /gnas dang sdug bsngal la sogs ba/ /bdag dang bdag gir so sor 'dzin/ sus kyang ma bcings bcings med de/ /bcings par bya ba yod ma yin/ /bcings med rnam par grol med de/ /ye nas lhun rdzogs sangs rgyas chos/ /khyod la rab tu bstan par bya'o/ /dkyil 'khor don dang yon tan rnams/ /gsal byas rab tu spro ba bskyed/ /rdo rje nges drangs hUM 'od zer/ /rdo rje sems dpa' rab gnas bya/ /de bzhin yan lag ldan pa la/ /rdo rje'i go chas khyab par sbyar/ /so shing ku sha srung skud chu/ /byin la las sbyar mtshan ma rtag /gang bzhig ngan par gyur pa la/ /rdo rje gnod sbyin sbyor byas te/ /mche ba'i phyag rgyas bsrung bar bya/ /oM badzra yak+Sha kro ta sa ma ya daM taM hUM phaT/ /bar chod kun las grol bar 'gyur/ /thams cad thams cad de bzhin pas/ /drag po me yis zlog par bya/ /las rjes shis par brjod par bya/ /dkyil 'khor la sogs gang byas pa/ /rab gnas ye shes mi ldan rnams/ /sog dang bri ba'i nus pa med// de bzhin mkhas zhes rab sgrims te/ /bcos bu'i ras ni sna tshogs dang/ /brgyan 'phreng la sogs bro bas bskor/ /bum chu cung zad dbus bsdus la/ /rgyas pa'i sbyin sreg shar du sbyar/ /mchod pa'i rgyan rnams rgyas par dgram/ /
- 356b
ba'i rnam lnga lags byugs pa/ /tsandan dkar dmar du duM bar/ /n+ya gro d+ha dang bar ba ti'i/ /shing shun phye mas phyi bar bya/ /de dag la sogs bum chu rnams/ /dngos men gzugs brnyan las shes bya/ /rang gi dkyil 'khor legs mchod la/ /stong nyid ye shes gsang sngags kyis/ /sku gsung thugs sogs chos thams cad/ /gang yang mi gnas mi dmigs par/ /mig yor tshul du sbyor ba yis/ /nam mkha' ni nam mkha' sgom/ /e sogs 'bras bu hUM nyid las/ /dkyil 'khor gdan dang ldan par bya/ /rnam pa'i dkyil 'khor rjes dag tu/ /yab yum las byung dngos po gsum/ /rjes su 'thun par gnyis skyed la/ /yi ge 'am gdan sngags phyag rgyal/ /sku gsung thugs ldan byin gyis brlab/ /ye shes gsal stims gzi brjid bskyed/ /rang gi bum pa 'am cig shos kyis/ /dbang bskur dbu rgyan ldan par bya/ /smon lam ye shes lnga 'bras bu/ /bu dang sems can thams cad yin/ /rin chen las byas dbu rgyan sogs/ /mdzes pa'i rgyan lnga dbul bar bya/ /rin chen 'phreng ba dbu rgyan dang/ /gdub bu do shal sku rags dag /'byor ba'i dad pas bdag 'bul na/ /gnyis med rgyan du bzhes su gsol/ /rjes mthun smon lam longs spyod sku/ /cod pan thabs dang shes rab kyis/ /gnyis kyi mdza' la mi gnas pa'i/ ting 'dzin smon lam ldan bar bya/ thur ma snyan gzhar rmad tsher dang/ /chan pa gser byas chems shing dngos/ /dang po skyon bsal spu bregs la/ /shAkya'i dbang po las la sbyar/ /mngon shes gnyis dang shangs dag ni/ /sems kyis rnam grangs de bzhin te/ /rtsi yis chos kyi ro myong zhing/ /ma 'dres ston pa'i mchog 'gyur ro/ /shin tu mnyam gzhag thob pa dang/ /dus gsum zug rdu dag 'gyur sra/ /shin tu mdzes par gyur pa las/ /seng sogs gdan rnams dbul ba dang/ /nan tan gus pas phyag bya'o/ /sa
- 357a
pa la sogs ma lus pa'i/ /phyag gnas smon pa sngon bzhin bya/ /dug sogs rin chen snod ldan pa'i/ /chu gtsang la sogs sku khrus gsol/ /thugs rje lhun rdzogs sangs rgyas gzugs sku la/ /sri zhu gus phyir ras kyis sku phyis pas/ /las dang nyon mongs bag chags kun bsal nas/ /spyod lam rnam par dag pa'i sgo thob shog /yon tan lhun rdzogs sangs rgyas sku gzugs la/ /rin chen mdzes pa'i me tog dor byas pas/ /log lta'i nyon mongs tha ba kun bral te// lta bas mi ngoms mdzes pa'i sku thob shog /mchog tu rnam par dag pa'i sku mnga' ba'i/ /sangs rgyas sku la gdugs mchog 'di phul bas/ /dam tshig sdom pa'i nyes skyon kun bral nas/ /ye shes thugs rjes ma lus skyob par shog / rang rig thams cad mkhyen pa'i ye shes la/ /mun pa snang byed mar me 'di bltams pas/ /ma rig 'thibs pa'i mun pa kun bsal nas/ /sangs rgyas la sogs spyan lnga thob par shog /snyigs ma lnga nyid 'bras bu yongs rdzogs pa'i rgyal ba'i sku la dri chab 'di phul bas/ /gdung ba zug rngu mya ngan kun bral nas/ /'od zer mdza' yas 'gyed pa'i sku thob shog /dug lnga ma spangs sku lngar rnam dag pa'i/ /bde chen sku la dam rdzas 'di phul bas/ /kun tu bzang po'i spyod lam yongs rdzogs pa'i/ /kun nas yongs su smin pa'i sku thob shog /chos rnams longs spyod yongs su rdzogs pa yi/ /rgyal ba'i sku la gtor ma 'di phul bas/ /rdzas su spyod pa'i gdung ba kun bral nas/ /gsang ba'i longs spyod yongs su rdzogs par shog /ye shes spyod yul yongs su dag pa yi/ /rgyal ba'i sku la mchod pa 'di phul bas/ /khams gsum dug gsum rtsad nas dag 'gyur te/ /sku gsum lhun grub zhing khams dag par shog /thabs dang
- 357b
shes rab 'du 'bral med pa yi/ /bde chen sku la 'ga' na 'di phul bas/ /spyod yul byang chub sems su rnam dag nas/ /mdza' yas snyoms par 'jug pa thob par shog /mdza' yas ldan dang bral ba med pa'o/ /gnyis med sku la 'dod yon lnga phul pas/ / mdza' la zhen pa'i gdung ba kun bral nas/ /bde ba chen po'i thabs rnams rdzogs par shog /gzi brjid khyad par 'phags pa'i dkyil 'khor la/ /bla re la sogs lhab lhub phul byas pas/ /log par lta ba rnams dang yongs bral nas/ /'bar ba'i rgyal po thub med 'grub par shog /byams mgon sku la snyoms pa'i dkyil 'khor la/ /rin chen ldan pa'i na bza' 'di phul bas/ /thabs rgyags pa'i spyod lam kun bral te/ /gzi brjid khyad par 'phags pa'i sku thob shog /gling bzhi'i dkyil 'khor rin chen ldan/ /dpag bsam shing dang rdzing bu mdzes/ /sa gzhi khang par byin brlabs pa/ /lha dang lha mo me long ldan/ /lhag pa'i ting 'dzin mchod par bya/ /'phags pa'i nor bdun zhing dag pa'i/ /smon lam rjes su gdab par bya/ /bu dang chung ma yul khams dang/ /bran dang bzhon pa de bzhin te/ /sems dang rdzas kyi 'khor gsum po/ /yongs su dag par bya ba ni/ /tshogs kyi mchog tu 'di 'gyur ro/ /'dod yon lnga sogs mchod pa dag /mkhas pas gnas su stobs par bya/ /glu dbyangs tshigs su bcad pa dang/ /gar thabs rol mo nges par sbyar/ /bden pa'i mthu yis bskul byas la/ /'dod pa yongs su ma rdzogs par/ /nam yang bstan par bya ba min/ /oM sarba ta thA ga ta kA ya bastsit+ta shtha badzra/ sa la sogs la phyag rgyar byas// rnam grol rim pa thob gyur na/ /dag pa'i ye shes kyis sbyangs nas/ /smos ci dgos te de nyid yin/ /mnyam pa'i sgrub rdzas chen po dag /ye shes bdud rtsi byin rlabs nas/ /bdag dang mnyam pa'i tshogs la dbul/ /zhing gyur mchog dang
- 358a
mchog bran rnams/ /'dab bzhi la gnas sa bon drug /nyi zla'i steng du mkhas pas bzhag /ye shes lnga 'am gsum gyis sbyar/ /khro bor gsal ba'i nga rgyal gyis/ /'bru lnga lag gi 'od 'phros pas/ /mi shigs thig le hUM dkar po/ /rdo rje'i lam byung mkha' dbyings bzhag /dbang skur sbyor ba'i cho ga yin/ /dpe byad mtshan rdzogs sku nyid la/ /gtsug tu rnam par rgyal ba bzhugs/ /zla rlung sbyor bas 'og min du/ /rgyal ba'i sras su dbang bskur nas/ / dus gsum mchod pa chen por sbyar/ /de ltar rgyal ba kun byas kyang/ /bsgral ba'i dngos po gang yang med/ /phung po lnga po bshig pa la/ /gzugs ni 'byung ba'i bag la zha/ /ma zhig na yang 'byung ba yin/ /rnam shes med pas bsad byas kyang/ /gnas pa nyid na dngos med pas/ /sems kyi rang bzhin de la ni/ /dus gsum sangs rgyas dgrar langs kyang/ /sus kyang zin cing sed pa med/ /'o na thugs rjes gang bsgral na/ /phyin ci log las zlog byas nas/ / ting 'dzin sngags dang phyag rgya dang/ /shin tu goms pas dbang bskur te/ /byang chub zhing la dgod par bya/ /de rtsam la ni sgral zhes gdags/ /lha mo klu mo rigs ngan mo/ /dbye ba 'am yang na mi dbye bar/ /rang rig shes rab byin rlabs la/ /bde gshegs dkyil 'khor kun bkod de/ /bdag nyid rig pa'i lhar bsgoms la/ /gnyis su med par ldan par bya/ /yum gyi pad+ma'i dkyil 'khor du/ /bde ba thugs kyi dkyil 'khor sgro/ /sangs rgyas sprin tshogs ma lus la/ /dbye ba mnyam mchog gi sbyin pas bstim/ /phyogs dus dkyil 'khor mnyes pa dang/ /'gro ba ma lus bde thob nas/ /slar yang gnyis med dbyings su bstim/ /chags med tshul gyis rol par bya/ /de ni tshangs mchog rgyal po yin/ /
- 358b
sbyin sreg rnam pa bzhir gsungs te/ /sa dang rab gnas rnam gnyis dang/ /bde ba sbyin pa'i dus nyid du/ /dbyibs dang kha dog mtshan ldan pa'i/ /lhag pa'i dkyil 'khor rnam bzhi ru/ /zhal du gyur pa'i me bos la/ /las bzhi mchod pa rab tu sbyin/ /mchog tshogs rnam bzhi ltar grangs bzhin/ /skabs bzhin rgyas par mchod par bya/ /de nas lhag pa'i dkyil 'khor du/ /'jug pa'i cho ga bshad par bya/ /dbang phyug 'jug dang bzod par gsol/ /khrus dag dri dang lus dbul dang/ /bgegs skrad lhar slab dam tshig sbyin/ de nyid dpog dang chu nam bya/ /bsgrag dang rin chen dor ba dang/ /lha dbab pa dang nan tan dang/ /mig dbye dkyil 'khor legs bstan dang/ /tshogs mchog yon tan rnam bco brgyad/ /'di yis yon tan rdzogs par 'gyur/ / rgyas pa'i mchod pa legs sbyar nas/ /dbang gos ldan pas dbang phyug yin/ /gzhan dag gzhan gyis mdzes par bya/ /shar sgor 'dug ste dkyil 'khor gyi/ /lha rnams mngon byas rin chen ldan/ /'bru lnga rdo rje dam tshig gis/ /sngags kyi sku gsung thugs yon tan/ /'phrin las ye shes gnyis med sbyar/ /oM ye shes rgyal po sku gsung thugs/ /yon tan 'phrin las smad po che/ /de nyid du ni mnyam sbyor bas/ /phyag rgya chen por bdag sbyor cig /oM badzra sa ma ya hUM/ oM badzra sa ma ya ho/ /skul ba'i dam tshig rjes dran pa'i/ /'od zer gzi brjid ldan par bya/ /rang bzhin gnyis med gyur pa'o/ /rdo rje ye shes thob byed pa'i/ /de bzhin gshegs pa thams cad kyi/ /pho brang snying po'i dkyil 'khor 'dir/ /bdag gis slob ma gzhug par bya/ /bzod pa mdzad de dgongs su gsol/ /'dzum bcas snang ba thob par bya/ /shin tu bzang po 'dra bo rnams/ /dri'i chu yis dgag par bya/ /snyim ba me tog ldan par bya/ /ras sogs dmar po'i gdong yogs la/ /bu khyod ci la dga' zhes dri/ /skal bzang
- 359a
dag gis lan slan pa/ /'khor lo'i drung du dkri bar bya/ /thal sbyar gus dang bcas pa yis/ /phyogs bcu'i sras dang bcas pa la/ /dbang phyug sangs rgyas dag ltar bdag /ma 'ongs rang bzhin sems can la/ /dgos pa gsum phyir lus dbus bya/ /mchog gi yon sbyin snod du 'gyur/ /tshe srung sbyor ba'i khro tshogs kyis/ /bar chod nges bskrad mtshams gcad la/ /sgrib sbyang rnam shes cho ga yis/ /hUM las sems dpa' 'am gzhan yang rung/ /mtshan ma rdzogs pa'i bsam gtan bya/ /dam tshig chen po bdud rtsi lnga/ /rang bzhin 'bru gsum sku gsung thugs/ /gzi brjid ldan pa'i byin rlabs la/ /dam tshig sdom pa mchog ces bya/ /snying gar rdo rje bstan byas la/ /sangs rgyas kun gyi gsang ba 'di/ /dam nyams ma 'dres med pa la/ /nam yang smra bar ma byed cig /theg pa chen po ston byed pa/ /rang la snyas dang smad mi rung/ /sku gsung thugs la rtag gnas shing/ /ma lus sems can don gyis shig /tsandan dkar dmar sbyar byas la/ /rdo rje 'dzin pa'i rab gnas bya/ 'di ni khyod kyi dmyal ba'i chu/ /dam tshig 'das na sreg par byed/ /rdo rje khro bo chen por 'gyur/ /rdo rje chu 'di btung bar gyis/ /oM badzra yak+Sha hUM/ de lta bas na bu khyod kyis/ /dam tshig 'di dag srung bar gyis/ /de bzhin pas na dngos grub pas/ /rdo rje bdud rtsi chu 'thung zhig /oM badzra ud ga da ya hUM/ lan gsum byin nas rab bsgrags pa/ /thabs dang shes rab sems nyid kyis/ /rtag tu dogs pa med kyis la/ /'dod pa lnga'i yon tan spyod/ /gzhan yang stong khams thams cad na/ /shes rab dbyings dang 'dod yon gzhan/ /rab 'bring tha ma thams cad spyod/ /gzhan yang dam tshig nyams pa dang/ /skye bo gang zhig dam la gnod/ /brtul zhugs can gyis 'dir drongs la/ /snying la khrag chen btung bar gyis/ /sems nyid theg par rab nges
- 359b
na/ nyon mongs 'dod lnga kun spyod kyang/ /pad+ma la ni 'dam bzhin te/ /byas la mi gos sdom pa rdzogs/ /dkyil 'khor yid la mngon sbyar la/ /'dod pa 'am yang na gzhan yang rung/ /dor de 'brel ba'i legs bstan bya/ /rang gi dam tshig hUM dang bcas/ /dam tshig phyag rgyas lan gsum bstan/ /lcags kyu ho yis dgug byas la/ /nyas legs 'phrin las gsal byas la/ /phyag rgya bstims la bstan par bya/ /'od zer thur mas dbye byas la/ /badzra tsaShu bra be sha phaT/ /'khor lo mngon pa'i nga rgyal bya/ /gser sogs mtshon byed nges blangs la/ /chos rnams thams cad gnyis min pa'i/ /dbyings su thims pa'i 'od zer gsal/ /cig dang spros pa thams cad med/ /dkyil 'khor spros med zlum po'i tshul/ /rang rig ye shes mya ngan 'das/ /ye shes sgyu dang 'bras bur ldan/ /dkyil 'khor 'khor lo yongs kyis bskor/ /thugs rje'i byin rlabs spros pa yin/ /ye shes bzhi'i dkyil 'khor spro/ /sku gsung thugs dang ye shes lnga/ /byin rlabs ya mtshan bsam mi khyab/ /rang snang ba'i thabs las byung/ /bsod nams ye shes tshogs rdzogs phyir/ /mdza' dbus med par rgyas par gnas/ / stong smon mtshan med 'od gsal 'jug /de phyir ye shes sgo bzhir shar/ /sa rnams khyad par bkod pa'i phyir/ /der 'gro lam stegs brgyad dang ldan/ /rang bzhin ye shes 'od gsal phyir/ /nyi zla brtsegs pa'i gdan 'bar zhing/ /ye nas rnam par dag pa'i phyir/ /ma chags pad+ma 'bar ba'i gdan/ /zad med ye shes gter 'gyur bas/ /yid bzhin rin chen 'bar ba'i gdan/ /'bras bu'i chos rnams yongs rdzogs phyir/ /seng ge la sogs bstan pa yin/ /ye nas mnyam nyid mi 'da' i phyir/ /rta la'i ljon shing rang bzhin gnas/ /thams cad la ni dbang sgyur phyir/ /'jig rten lha chen rnams kyis bskor/ /thams cad rang bzhin dag pa'i phyir/ /sgyu 'phrul bzhi bcu rtsa gnyis kyis/ /thams cad lha nyid rtag tu sbyor/ /thams cad ma lus dkyil 'khor mchog /mtshan
- 360a
nyid legs par shes par bya/ /rang gi lha'i 'bras bu'i/ /gzhi phyir mchog tuAng nan tan bya/ /bskal pa mnyam pa'i ye shes te/ /gter na nye bar 'byung ba'i/ /ya mtshan chen po 'byung bar nges/ /dad med nyams na phung bar 'gyur lha spangs dge spyad don med pas/ /gang zhig phyag rgya 'di spangs na/ /nyon mongs ngan song gnas su skye/ /byang chub 'bras bu thob mi 'gyur/ /bla med 'gro ba'i rgyun chad nas/ /rigs chad nyid du gnas par 'gyur/ /bdag nyid lha dang mnyam sbyor bas/ /yon tan chung yang 'grub par 'gyur/ /gcig dang du ma yongs bral ba'i/ /dkyil 'khor thams cad 'grub par gsungs/ /de nas rigs kyi bu mchog des/ /rgyal srid dang ni rang gi lus/ /bu dang chung ma nor gyi dbyig /rab tu gces dang yid 'thad dbul/ / dbang phyug longs spyod lngas mchod na/ /dkyil 'khor thams cad mchod pa yin/ /nye ba'i dkyil 'khor smos ci dgos/ /nyes pa thams cad dag par 'gyur/ /dbang dang dngos grub 'dod pa yis/ /'di ltar shin tu nan tan bya'o/ /sgyu 'phrul dra bas legs zhugs pas/ /phyogs bcu dus bzhir gshegs pa'i/ /dkyil 'khor kun tu zhugs pa yin/ /rdo rje sems dpa' la sogs pa'i/ /'khor lo sngon du bzhugs pa'i/ /bsod nams bstan pa gang yin pa/ /phyis byas de bzhin lung bstan phyir/ /sgyu 'phrul bde chen dkyil 'khor bzhi/ /gtang dbyal gnyis sam yang na lnga/ /byas te dad ldan rab zhugs na/ /'dod pa yid 'ong mchog la sogs/ /sngon byas pa dang mnyam par 'gyur/ /gang zhig 'di la mos gyur pa/ /sangs rgyas dkyil 'khor thams cad kyis/ /phyogs dus kun nas thams cad du/ /nye ba'i sras su dgongs par 'gyur/ /rdo rje 'dzin par rigs nges shing/ /gdon rnams zlog cing ngan song sbyong/ /longs spyod 'du ba rnam pa gnyis/ /ye shes spyan gyi
- 360b
gzhi ru nges/ /de la sogs pa mdza' yas mchog/ byang sems dkyil 'khor zab mo'i dbang/ /phan tshun rgyu dang 'bras bu ni/ /phyi nang gsang ba nyid du gsungs/ /lte snying dbu mgrin yan lag bcas/ /rnam shes gcig gi rten gzhi ste/ /ye shes rnam pa bzhi bcu gnyis/ /gzhi dang rgyu phyir phyi rol don/ /dbang po yul dus gsang ba'i gnas/ /byang chub sems kyi dkyil 'khor nyid/ /ma lus 'dus pa'i thig le che/ /khams la sogs pa'i pad ldan pa'i/ /kun rdzob nang gi don du bshad/ /tha dad min las tha dad pa'i// rang nyams bde ba'i ye shes ni/ /cig ces 'di zhes brjod du med/ /gnyis med dbyings kyi ngang du med/ /gsum tshogs sna tshogs 'byung zhing 'phro/ /byin rlabs sna tshogs mdza' yas mchog /don bsdus dkyil 'khor bzhi bcu gnyis/ /ye shes phyag rgya gsal 'gyur ba/ /bcu gsum la sogs mthar phyin pas/ /'bras bu nyid duAng 'di shes bya/ /bden gnyis byang chub dbyer med pas/ /dngos po ming gis rdzogs par 'gyur/ /de dag nges pa'i ming bstan pa/ /snying po thams cad dus gsum gyis gang yang yan lag 'khor du 'gyur/ /rgyu 'bras rnam par spang bar bya/ /rang rig mdza' dbus med pa'i dkyil/ /ye shes bzhi 'phro 'khor lo'i tshul/ /'das pa dag tu dkyil yin te/ /'jig rten sna tshogs 'khor du gsungs/ /ting 'dzin rang bzhin don shes bya/ /rdo rje sems dpa' dkyil nyid de/ /rigs bzhi lha dang lha mo dang/ /khro bo khro mo 'khor yin te/ /lhag pa gnyis sogs don du gsungs/ /bco brgyad khams gsum snying po nyid/ /de dag 'khor de bde ba'i khams/ /ye shes de bzhin lta de bzhin/ /byang sems rnam gnyis mthar thug phyir/ /nges tshig las dang ngo bo yin/ /dngos por gnyis pa mchog yin te/ /rgyu rkyen ngo bo 'bras bu dang/ /las rim skyon yon brgyad shes bya/ /ngo bo snod kyi mtshan nyid kyis/ /dbye ba rnam pa lnga ru 'gyur/
- 361a
bdag gzhan nus pa gnyis kyi las/ /nying lag lnga phrag gnyis dang cig /de dag phyi rol don shes bya/ /bde sogs spyod pa gsang bar 'gyur/ /rang gnas rang rig ye shes gsal/ /bcu dag bum pa'i rnam pa yin/ /dbang po mchog ni rgyal mtshan 'gyur/ /ma lus sems phyir longs spyod do/ /khyab pa'i mkha' 'gro srung bar byed/ /thabs dang shes rab bde ba'i lam/ /yan lag yan lag bcas g.yon bcings/ /kun tu 'phyo ba cod pan mchog /dbu 'am 'dud pa bcud ldan 'phreng/ /rdo rje phung sogs bzhi bcu gnyis/ /nyi shu rtsa lnga 'byung ba'i dngos/ /'phra rags thabs dang shes rab mtshan/ /rnam pa sum cu de bzhin te/ /phyogs mtshams srung bar byed pa'o/ /phung po 'byung bcas dkyil 'khor cig /rang bzhin lhun gyis grub de nyid/ /sngon byas rgyu 'bras dbyer med la/ /yang dag rdzogs pa'i bde chen po/ /rdo rje sku phyir bstan pa yin/ /sgyu gnyis rang bzhin mtshungs pa ni/ /ngo bo bzhin du grangs 'jug ste/ /sgyu'i 'khor lo gdugs su gsal/ /reg sogs las kyi yum du 'gyur/ /phyag rgya grangs kyi rab 'bring rnams/ /rang bzhin rgyu las rkyen slong dang/ /ting 'dzin byed pas dbang skur 'gyur/ /kun la rgyas 'debs phyag rgya yis/ /rnam shes rang bzhin ye shes lnga/ /khams lnga bde byed rang bzhin ni/ /sku gsung 'phrin las yon tan thugs/ /spyod yul yongs 'gyur rgyu 'bras kyi/ /snying po mchog tu de gsungs so/ /phung sogs rtsa dang khams rnams kun/ /rang bzhin 'khrul pa'i tha snyad du/ /sna tshogs snang la gnas pa med/ / rang bzhin ye nas zlum pa ni/ /las dang ngo bo dbang du 'gyur/ /'chad sogs las kyi mtshan nyid lnga/ /yan lag dbang po'i dkyil 'khor lngas/ /las thams cad la dbang sgyur zhing/ /rlung la sogs pa'i dkyil 'khor lnga/ /snying sogs
- 361b
gnas pa las dkyil 'khor/ /sgra dbyangs gsung gi gsal byed dang/ /mi shigs thig le rang gi lha/ /sangs rgyas kun gyi bdag nyid yin/ /'di dag las su spyod byed kyang/ /rang bzhin ma skyes sems kyi phyir/ /bsgo dang bsgo bar bya ba med/ /chags med tshul du rang bzhin gnas/ /gsum pa'i rang bzhin bshad bya ba/ /ma bcos rgyun gyi skad cig mas/ /de yis ma byas gang yang med/ /'das dang ma 'das thams cad kun/ /rigs pa nyid du thams cad 'dus/ /sems dang chos su dbyer med par/ /mdza' bzhi yongs bral bde chen po/ /so sor zhen pas de nyid snang/ /dngos po ming gis 'thad pa nyid/ /snang byed rgyu yang de bzhin nyid/ /rang bzhin bde ba gnas pa'i lam/ /brgyud pas bde ba myong bar byed/ /rang bzhin gnas pa'i don du bstan/ /byin rlabs thabs kyis spang ba'i phyir/ /thams cad spyad cing blang bar bya/ /ma lus sems phyir gnyis med pas/ /gzung dang 'dzin pa rnam bral te/ /mdza' rnams ci la'ang mi gnas pas/ /rang rig 'od gsal thams cad mkhyen/ /rang rig snang ba ma skyed phyir/ /sku dang ye shes bsam mi khyab/ /rang nyid lhun gyis grub pa ni/ /rgyu 'bras snga phyi ma yin pas/ /rgyu'i dus nyid 'bras bu'i mchog /de bzhin nyid du shes pa yang/ /sna tshogs zhen las grol bar zad/ /yang dag nyid la ye rdzogs phyir/ /dngos po ming gnyis 'thad par 'gyur/ /de phyir dus gsum 'gyur med pas/ /bsten pa zhes su gsungs pa yin/ /'bras bu rgyu la mi gnas na/ /phyogs gcig rgyu dang rkyan dag gis/ /kun nas slong bar rigs ma yin/ /'ching bu nor bur dbang bskur yang/ /de la rin chen mngon rtags? med/ /chos dbang sems la yod pa ru/ /kun bzangs rdo rje sems dpas gsungs/ /dbang mchog rang la med 'gyur na/ /bskur bas thob par mi 'gyur ro/ /dang po la sogs sems rims lnga/ /gong nas gong du rgyun
- 362a
ldan pa/ /phyogs gcig rgyu ru spyir bshad de/ /rkyen dang thun mong 'brel zhes bya/ /rkyen bzhi snod kyi mtshan nyid gnyis/ /chags gnyid rang phyogs chad dang ni/ /yi dags gti mug rtsod pa dang/ /nyes pa du ma'i rgyud shes bya/ /dregs skur phrag dog le lo yis/ /nyams sgrib dngos grub mi 'byung dang/ /'bras bu kun kyang yal bar 'gyur/ /zhe sdang snying rje las ring ba/ /theg pa chen po rigs ma yin/ /khe drags longs spyod kyis phyogs pa/ /bsam bya ring ? spong bar 'gyur/ /sgra'i nga rgyal nyams pa'i gzhi/ /don ni nges pa ldan par gsungs/ /nan tan dam tshig mi byed pa/ /thar pa'i lam las ring bar 'gyur/ /de dag thun mong spang ba'i rigs/ /rang bzhin gnyis kyis skal med dang/ /bus ?? gnyis ma ning sogs/ /thar lam gnyis las ring bar 'gyur/ /rtse ba nan tan ldan pa dang/ /skyon zlog yon tan nyid du 'gyur/ /ci la'ang yid rings ldog pa med/ /skye gnas sems la rkyen thub pa/ /rmad par gyur pa'ang blang bar bya/ /dad pa'i tshul ? snang ba ni/ /phyogs gcig rkyen du nges par bshad/ /ting 'dzin sngags dang phyag rgya dag /dkyil 'khor rdzas dus la sogs pa/ /nus mthu mang po snang bar 'gyur/ /shes rab ting 'dzin nogs dang ldan/ /log spangs yang dag dug dang ldan/ /man ngag brtul zhugs snying rjer ldan/ /las dang man ngag rgyun ma chad/ /rgyud goms las sbyor ma mthong dang/ /dngos lnga rdzogs phyir nyams ldan pas/ /de nyid de la snang bar 'gyur/ /rim pa skabs kyi tshul dag gis/ /ltos nas rgyu 'bras go 'byed pa// de ma thag pa'i mtshan nyid do/ /ting 'dzin la sogs rim bshad pa/ /mchog sogs phyag rgya gang yin las/ /rang gi rab gnas cung zad mchod/ /rang bzhin gsal bar byed pa dang/ /snang byed la sogs dbang skur byed/ /rtog tshogs sems phyir ma
- 362b
skyes pa/ /thabs dang shes rab rang bzhin lam/ /ting 'dzin phyag rgyas dbang bskur nas/ /las rnams byed par dbang bskur ba'o/ /rnam shes nam mkha' i ngo bo nyid/ /sems phyir mtshan ma ma skyes pa/ /mi bskyod yab yum rang bzhin las/ /ting 'dzin thugs su dbang bskur nas/ /dngos grub las rnams mngon byed shog /hUM badzra g+h+rig /muM dwa du shwar sto/ /a bi shin tsa hUM/ mig gzugs sems phyir ma skyes pa/ /sa snying yab yum rang bzhin las/ /ting 'dzin sems dpas dbang sgyur nas/ /spyod yul yongs su dag byed shog /kshi hi rA dzA ya/ hUM la se sa ma ya stom/ /a bi shin tsa hUM/ reg shes rtag pa ma skyes sems/ /gshin rje yab yum rang bzhin las/ /ting 'dzin 'joms pas dbang sgyur nas/ /gdul bya ma lus thar byed shog /ya mAn+ta krid hUM/ badzra da ra ma hA kro ti shwo ri dzwa la ni hUM phaT/ yid chos rang rig ma skyes pa'i/ /kun bzang yab yum rang bzhin la/ /ting 'dzin phyag rgyas dbang sgyur nas/ /ma lus kun gyi byed por shog /gsang sngags ldan par byin byas la/ /gnas stim rang gi phyag rgya gsal/ /shin tu rdzogs par dbang bskur bya/ /mgo lce snying lte g.yas zur la/ /zla ba oM sogs 'dru lnga dgod/ /sku gsung yon tan las byin bsdu/ /sku sogs phyag rgyar gsal bar bya/ /oM bde gshegs sku'i ngo bo las/ /mi shigs rdo rje rgyal po'i gtso/ /sngags dang phyag rgya ldan pa yis/ /rdo rje'i sku'i ngo bor shog /oM sarba ta thA ga ta mahA kA ya badzra swa b+hu ba ad ma ko haM/ oM bde gshegs gsung gi ngo bo las/ /mi shigs rdo rje chos kyi dbyings/ /sngags dang phyag rgya ldan pa yis/ /rdo rje gsung gi ngo bor shog /oM sarba ta thA ga ta mahA bag badzra swa b+hA wa adma ko haM/ /hUM bde gshegs thugs kyi ngo bo las/ /mi shigs rdo rje thugs kyi thugs/ /sngags dang phyag rgya ldan pa yis/ /rdo rje'i thugs kyi gtso bor shog /oM na ma
- 363a
sarba ta thA ga ta ma hA tsit+ta badzra swa b+ha ba adma ko haM/ swa mi 'gyur ba'i zhing khams las/ /ma skyes pa'i 'bras bu shar/ /ma bsags pa'i 'bras bu 'byung/ /cir yang 'gyur ba'i ye shes kyis/ /rang dbang thabs kyi sgyur bar shog /oM sarba ta thA ga ta mahA pu tsa badzra swa b+hA ba adma ko haM/ ha thabs dang shes rab gnyis med pa'i/ /'dod chags chen po'i ting 'dzin las/ /las sngon kun tu grub snang bas/ /ma lus mnyam par sbyor bar shog /na ma sarba ta thA ga ta mi hA a nu ra gadz+nyAn? badzra swa b+hA ba adma ko haM/ rin chen rab gnas las byung ba'i/ /rin chen mdzes bas dbu brgyan cing/ /rigs lnga 'dus pa'i bum chu sbyin/ /thabs shes 'brel pa rigs lnga'i dngos/ /bdud rtsi'i rgyun las de bzhin skyes/ /oM chos nyid mnyam pa chen po las/ / ye shes gsal bas rnam par dag /chos kyi dbyings kyi ye shes kyis/ /skye med chos la dbang thob shog /oM mahA shAn+ti? tA dz+nyAn badzra swa b+hA sa adma ko haM/ /oM dag cing gsal ba'i rang bzhin te/ /skyon med sems nyid rin po che/ /me long lta bu'i ye shes kyis srid pa gsum la dbang sgyur shog /oM mahA a ta ti sha na badzra swa b+hA ba adma ko haM/ swa khams gsum re skong rgyal po ste/ /yon tan rin chen gter gyi mchog /mnyam pa nyid kyi ye shes kyis/ /'gro ba'i re skor rgyal por shog /oM mahA sa ma na ha dz+nyA na badzra swa b+hA ba adma ko haM/ nyes pa'i skyon bral dri ma med/ /skye 'gag med pa'i dngos grub ste/ /so sor rtog pa'i ye shes kyis/ /srid gsum nyes dmigs sel bar shog /oM mahA pra ta pra be sha ya dz+nyA na badzra swa b+hA ba adma ko haM/ ha dbyings kyi dkyil 'khor mthar phyin cing/ /grub pa las kyi bye brag las/ /bya ba nan tan ye shes kyis/ /skye 'gro dbyings su sgrol bar shog /oM mahA kri ta a nu ta na badzra swa b+hA ba adma ko haM/ rin chen ra ba gnas 'phreng ba bcing/ /traM gzungs dang ting
- 363b
'dzin rgyu 'bras chos/ /byang chub phyogs rnams shes rab brgyan/ /mi 'jigs stobs dang dpe byad mtshan/ /'bras bu rdzogs par dbang bskur ro/ /oM ratna ma le a bi shin tsa traM/ /ha khyung gi gshog pa rab sdebs pas/ /klu rnams zil gyis gnon pa ltar/ / srid gsum yon tan rdzogs mdzes cod pan mchog /tshe mchog bdud bzhi zil mnan dbang thob shog /oM sarba ta thA ga ta mahA gu hya badzra ma le badzra a bi shin tsa hUM/ rab gnas chos 'byung ye shes dngos/ /kha dog gnyis ldan dbang bskur bya/ /las mchog rab gnas rdo rje'i go /g.yog pa'i tshul gyis sbyin par bya/ /mi shigs ye shes rdo rje ni/ /sangs rgyas kun gyi ya lad de/ /khyab pa'i tshul gyis dra ba yin/ /dbang mchog dam pa sbyin par bya/ /oM badzra raksha a bi shin tsa hUM/ /rdo rje rab gnas las byung ba'i/ /rgyal mtshan rin chen tog ldan pa/ /de'i lag par sbyin par bya/ /hUM sku gsung thugs kyi bdag nyid che/ /log pa'i lta ba zil mnon mtshan/ /thams cad tshar gcod rin chen rgya/ /yon tan mngon byung dbang bskur ro/ /oM badzra ke du a be shin tsa hUM/ mi bskyod rab gnas rin chen gdugs/ /snying po ldan par slar gnas bya/ /hUM gnyis med ye shes rtog bral ba/ /rmongs sogs sems phyir rang bzhin stong/ /log 'byung rgyu 'bras ma gsungs pa/ /thugs rje skyob par dbang bskur ro// oM ratna ts+tshe traM a bi shin tsa hUM/ /sangs rgyas rab gnas lha mo'i tshogs/ /rol pa'i tshul du gus stabs bya/ /oM bza' dang bca' dang btung dang bgo /rang sems rnam dag brgyan pa'i phyir/ /gnyis med rol pa'i dbang bskur bas/ /bdud rtsi yid bzhin sku grub shog /oM badzra to ru a bi shin tsa hUM/ /sbyor ba las byung leb rgan bruM/ /gang yin rnams su 'khor lo'i khang/ /nyi zla'i gdan du sems byung b+h+ruM/ /lnga gnyis zung las 'khril sbyor skul/ /ye shes spyan drangs cung zad mchod
- 364a
yongs gyur de'i phyag rgya gsal/ /nyan byed 'khor lo'i gzhal yas su/ /gsal ba'i thig le ngo bo nyid/ /traM gi phyag rgya'i tshogs mchog las/ /rin chen dkyil 'khor gsal spro bstim/ /traM gsang ba'i gsang chen gsang mchog gdan? gsang ba kun la snyan par bya/ /gsang ba'i don nyid brtag pa la/ /gzhan du smra bar bya ba min/ /gsal ba 'khor lo'i gzhal yas su/ /gsal ba'i thig le'i ngo bo nyid/ /rigs gang yi ge'i tshogs mchog las/ /rigs kyi dkyil 'khor gsal spro bstim/ oM dus gsum rgyal ba'i sras chen po/ /sku gsung thugs kyi rdo rje zung/ /rgyal ba thams cad mnyes mchod la/ /rgyal ba kun dang mnyam par sbyor/ /lag pa 'khor lo'i gzhal yas su/ /gsal ba'i thig le'i ngo bo nyid/ /hUM gi phyag rgya'i tshogs mchog las/ /las kyi dkyil 'khor gsal spro bstim/ /oM khyed ni rdo rje las yin gyis/ /las rnams ma lus kun byon zhig /pho nya'i 'du 'phro nang po kun/ /khyod kyi dgos pa byed pa yin/ /smra byed 'khor lo'i gzhal yas su/ /gsal ba'i thig le'i ngo bo nyid/ /h+ri'i phyag rgya'i tshogs mchog las/ /chos kyi 'khor lo gsal spro bstim/ /oM chos kyi rgyal po bla med kyis/ /dad ldan skyes bu ngoms par byos/ /rab 'bring tha ma'i blo can la/ /mthun par gsang sgrags gzhan du min/ /bskyod chen 'khor lo'i gzhal yas su/ /gsal ba'i thig le'i ngo bo nyid/ /oM hUM swa oM ha rnams las/ /dkyil 'khor lnga dang khro 'phreng sgom/ /rigs lnga'i dkyil 'khor gsal spro bstim/ /thim 'gyur dbyings nas byed por 'bar/ /oM phyogs bcu dus bzhi thams cad kyi sku gsung thugs kyi rdo rje che/ /dkyil 'khor kun gyi byed pa po/ /dkyil 'khor kun gyi sbyin pa spyod/ /glegs bam 'phreng ba rgya gram ljang/ /'khor lo rdo rje dril bu sbyin/ /cung zad rab gnas gsal ma byas/ /dkyil 'khor bsgrub thabs gsal
- 364b
bar dbye/ /shin tu 'phra ba'i dam tshig mchog /sor bzhi 'am yang na mdzub gang la/ /rigs kyi dkyil 'khor legs par brtag /bcu drug phyag rgya phyi rim gsal/ /spyod lam kun gyi rgyud 'thun pa/ /bcud dang nyes par ldan pa la/ /zas srung gos rje dam tshig sbyin/ /las dang 'gag sogs legs par bslab/ /byin rlabs mchod pa chen po bya/ /gnyis med ye shes ror ldan pas/ /khrus sogs ldan pa'i bu rnams la/ /mdzem pa'i nyes dmigs sngar shes bya/ /ting 'dzin ldan pas thogs med sbyin/ /bde dang mtshan mo brtag par bya/ /bar nas phyag mthil phrad dkyil 'khor/ /phyi rol nang gi tshul du bshad/ /rig pas me tog dor bar bya/ /dogs med bde bar ldan pa gang/ /sdug bsngal las grel zhes dbugs 'byung/ /thun mong rigs mthun rtog med kyang/ /ud+pa la dkar nag phyed dkyugs ldan/ /phyogs dang bla 'og 'bring du bshad/ /dri mchog spos dang chu rlung bdag /lto ba 'phra zhing rgyas pa yin/ /zla ba mang bas nyung bar 'gyur/ /yan lag pad 'da' i phyag mtshan can/ /shin tu mnyes shing gzi brjid ldan/ /khong yongs dal ba gus dang ldan/ /skabs phyed snyan smra dang che ba/ /sngon nas shin tuAng brtag par bya/ /las sbyor bshad pa bzhin shes nas/ /rin chen la sogs 'dod yon gyis/ /mnyes pa'i me tog dor bar bya/ /sems kyi dkyil 'khor legs bstan la// rab gnas las kyis rgyas par bya/ /rdo rje sems dpa' yab yum du/ /bdag gam yang na gzhan gyis brlabs/ /rlung khams dang po shes pa yis/ /dus dang rab gnas 'bras bu ni/ /gnyi ga la yang shes par bya/ /bde ba myong ba de bzhin te/ /mnyam par sbyor zhes dus nyid yin/ /gnas kyi ye shes bcu drug po/ /tshogs sbyor ba sogs dang po nas/ /mthar phyin sangs rgyas sa nyid de/ /gnas bzhin de bzhin dbye ba las/ /gnyis pa'i gnyis par rab dga' sogs/ /pha
- 365a
rol phyin dang sa mtshan nyid/ /mtshungs phyir rdzogs par bshad pa yin/ /de dag thabs kyi mtshan nyid ni/ /bla ma'i zhal las shes par bya/ /dbang po ma lus bcud 'dus pa/ /phyag rgya'i sems sogs thams cad kyi/ /rang bzhin gnyis med ma skyes pa/ /dang po byed phyir mi thob ste/ /de nyid gang la bstan gyur pa'i/ /rgyal mtshan mchog ni dbang por gsungs/ /sngon bshad shes bya'i mchog gyur pa/ /gang dang ldan de shes bya'i yul/ /rten can rang bzhin bdag nyid phyir/ /'dres pas de nyid gsal 'gyur ba/ /rnam shes thugs ni rdo rje sems/ /thams cad 'byung ba'i gter nyid dang/ /thams cad 'gro ba'i gnas nyid de/ /de yis ma bskyed gang yang med/ /'khor der mya ngan 'das pa'i rgyu/ /de las thams cad skye zhing 'byung/ /kun gyi phyag rgya'i rgyu yin te/ bde ba'i byang chub bsgrub pa'i rdzas/ /de la thabs kyi lus zhes bya/ /ye shes rang bzhin lus bstan pa/ /thams cad bdag phyir gnyis med cing/ /shes bya shes byed ma skyes phyir/ /thams cad mdza' stong rang rig nyid/ /stong pa'i stong pa'ang chen por gsungs/ /gang nas ma 'ongs gar mi 'gro /'gro dang 'ong bar bya ba min/ /shin tu rtag dka' mi dmigs la/ /mdza' dang dbus su rtag tu med/ /gzung 'dzin bral ba'i rang rig nyid/ / dmigs med tshul du de snang ngo/ /dbyings dang dbyings kyi ye shes kyang/ /rang rig kho nas tsam du zad/ /'das dang ma 'das bdag yin pas/ /kun la smon cing chags su med/ /sems dang byang chub dbyer med pas/ /sems can ma lus thams cad dang/ /dus gsum chos rnams thams cad gsal/ /rnam par rtog pa mi mnga' ste/ /de yis mi mkhyen ci yang med/ /'od gsal thams cad mkhyen dbang du/ /kun bzang rdo rje sems dpa' gsungs/ /gang zhig cung zad ma lon pas/ /
- 365b
rjes su mthun pa'i yul nyid la/ /khyad par cung zad nyi ldan ma/ /yul gyi dkyil 'khor gsal bar bya/ /gang gis de dag nyams lon pa/ /lha mdzes rin chen mchog tu gsungs/ /rdo rje nyi ma thabs kyi rgya/ /de zla bsil byed shes rab dngos/ /gnyis med bde ba mdza' bral la/ /gdags pa yod phyir zung 'jug sku/ /ri dags nor 'dzin spyi gzugs ni/ /ji ltar ltas pa der snang ste/ /rang gi ngo bo bstan du med/ /yod la rtsal na sgro brtags 'gyur/ /med la rtsal na skur btab ste/ /yod med gnyis las rtsal byas na/ /de ni lung du ma bstan 'gyur/ /rkyen bral rang dbang ye shes ni/ /thams cad lhun grub rang dbang 'gyur/ /gar yang ma chags pad+ma bzhin/ /phung sogs ye shes phyag rgya dag /bsam gyis mi khyab bsam bral bas/ / rang rig nyid du rang gsal bas/ /gcig dang du ma yongs kyis bral/ /gdul bya'i bsam pa rdzogs byed kyang/ /gdul bya bdag phyir dmigs su med/ /de nyid shes rab thabs su rdzogs/ /tshogs gnyis nges rdzogs mchog ni/ /gdong nas dus gsum 'gyur med de/ /gang zhig rkyen gyis ma bskyed phyir/ /bstan 'gyur dbang gis mchog tu gsungs/ /dgos pa rang bzhin don min te/ /rgyu rkyen sgribs g.yog dbang du gsungs/ /shes rab thabs kyi ye shes tshogs/ /thig le bsam yas ye shes che/ /bdud rtsi bsil dro 'jam pa'i dbyangs/ /rtsa gnas pad+ma'i dkyil 'khor du/ /gong thabs rigs pa rlung mthu yis/ /bde ba thugs kyi dkyil 'khor spro/ /'od gsal 'pho bas kun la khyab/ /bde ba nyams pas kun tu thim/ /bzhi bcu gnyis sogs phyag rgya che/ /gzugs mdzes skyod pas phyogs bcur g.yo/ /snying po'i thig le mnyam sbyor bas/ /bde ba'i ye shes rol mo yis/ /ye shes dgye la mchod pa 'bul/ /thag pa med pa'i bsod nams
- 366a
kyis/ /ye shes sgyu ma rang snang ba/ /rol mo'i dkyil 'khor mdza' yas mchog/ gsang ba'i thig le nyid kyi dbyings/ /de ni sangs rgyas kun gyi dngos/ /phyogs bcu dus bzhi sngon rdzogs pa'i/ /sku gsung yon tan 'phrin las thugs/ ma lus bdag nyid zhal mthong ba/ /dbang bskur mchog nyid dam pa yis/ /dkyil 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyan du dkyil 'khor ma lus thogs/ /rdzogs pa'i dkyil 'khor mnyam sbyor bas/ / thugs rje dkyil 'khor yongs kyis 'byung/ /zhi dang spyod yul de bzhin te/ /ngo mtshar cho 'phrul rmad kyi chos/ /gzhan nas yod 'ongs ma yin te/ /thabs la bstan pa'i shes rab nyid/ /de lta bu'i dang du byung/ /shes rab dbyings kyi de bzhin nyid/ thabs kyi phyag rgyar gyur pa'i phyir/ ye shes la ni ye shes rol/ /ye shes rol pa nyid kyang gsog /rgyal ba sngon byung skyob pa dang/ /byin rlabs ston pa de bzhin te/ /bya byed nus mthu'i gzi byin gyis/ /sgyu ma rdo rje btsan po mchog /ther zug rgyun las rab grol ba/ /ngo bo nyid rtag rdo rje'i sku/ /dmigs pa kun las rab grol te/ /rdo rje de bzhin nyid du son/ /de nas yang dag rdzogs pa'i/ /yon tan ma lus bdag tu gsal/ /sa sogs lta ngan las grol ba'i/ /rang sems ye shes mdza' dbus med/ /yon tan bsam yas dngos grub kyang/ /rang gi ngo bo bstan par dka' / /'du 'bral med gzungs bde ba che/ /rjes su 'das dang ma 'das rol/ /phyogs bcu sku gsung yon tan ni/ /du ma cig bral tshul snang la/ /dus gsum chos kun bdag cig phyir/ /mngon mkhyen thad ka'i dmigs yul grol/ /de la sogs pa mdza' yas mchog /thabs chen thabs la byung ba'i sku/ /de ni byang chub rdo rje'i mchog /snod bcud rim pa'i mtshan nyid ni/ /
- 366b
sems skyed las kyis dang rnams la/ /gnyis kyi nang du ban gdags bya/ /bdag gzhan don byed brtson 'grus ldan/ /gnyis dang gsum du phye ba yis/ /las kun dngos grub thogs pa med/ /brtul zhugs rnam pa gnyis ldan pas/ /gzhan gyi longs spyod thams cad bya/ /'bras bu rgyun la ming brtags pas/ /rigs dang mnyam pa'i brtul zhugs kyi/ /las thabs nyams dang ldan pa la/ /'od gsal ye shes thams cad mkhyen/ /bdag nyid kyis kyang gtang bar bya/ /de bzhin de nyid nyams thob pas// sems mdza' 'gro 'od la gnas te/ /sa rnams slar la zlog pa ni/ /'khor ba nyid dang spang du med/ /dbyer med kun bzangs sa la 'god/ /dngos grub zhing gyur dbang phyug ni/ /sangs rgyas kun gyi bdag nyid de/ /'bad pas mnyes par mi byed pa/ / bskal par sbrebs dang mun nag sogs/ /bde bas rab tu brel 'gyur zhing/ /thabs dang shes rab la sogs lam/ /shin tu ring bar 'gyur ba yin/ /nus mthu byin rlabs bde gshegs lung/ /nor bu rgya mtsho mkha' lta bu/ /sa bcu sems dpa' chen pos kyang/ /nus mthu gzu lums ma yin phyir/ /gus pas rim par blang ba rnams/ /gang zhig dbang rnams ma thob pas/ /nyan pa la sogs rtsom pa rnams/ /'bras bu med cing klag par 'gyur/ /thabs dang shes rab bde ldan pa'i/ / 'bras bu rgya las gzhan med phyir/ /bdag dang gzhan gyi bde spong ba/ /bskal ba bye ba mdza' klas par/ /rdzogs pa'i sangs rgyas rnyed mi 'gyur/ /sems nyid sangs rgyas ngo bo'i phyir/ /lam yang gzhan na yod ma yin/ /rmongs pas gzhan na rnyed mi 'gyur/ /thabs dang mi mthun sman pa'i don/ /zhi spyod bde bas bde 'tshal ba/ /bde ba 'dod pas rgyab kyis phyogs/ /shin tu lam ring sngon spyod pa/ /'di la mi shong phra dog mchog /gang yang phan pas dbang bskur ba'i/ /dus 'di
- 367a
phyin chad rgyal ba'i sras/ /ngan song thams cad med pa dang/ /mtho ris thar pa'i bdag por 'gyur/ /las thams cad la thogs med pa'i/ /dngos grub kun la dbang byed pa'o/ /dbang phyug chen po nyid du nges/ /lha mig la sogs mngon byas nas/ /lus dang longs spyod bcas pa yi/ /rigs 'dzin sa la rab gnas nas/ /'jigs med kun tu bzang por sbyor/ /yum dang sgeg mo la sogs pa/ /de nyid byin gyis rlob bar 'gyur/ /thams cad mkhyen pa rang rigs gis/ / sangs rgyas nyid dang spyod yul cing/ /de la sogs pa bsam mi khyab/ /yon tan rdzogs shing rdzogs mi 'gyur/ /kye ma'o ye nas gsang ba'i chos/ /thams cad kun la rang bzhin gnas/ /ngang gis bdag snyam ma rtogs pas/ /kun la yong? rang bzhin gsang/ /gzhan du min la shin tu gsang/ /don nyid kyis ni gsang ba'i sku/ /mnyam pa'i rdo rje can gyi gsungs/ /de phyir gsang ba'i don mchog 'di/ /lta ba dman la bstan byas na/ /dus min par ni srog zad nas/ /mgo 'gas snying yang tshig par 'gyur/ /khab len kyis ni lcags sdud ltar/ /mi 'dod bzhin du dbang med par/ /ngan song bskal par myong bar 'gyur/ /de bas rdo rje gsang mchog 'di/ /thams cad mkhyen pa'i thugs rje yis/ /chos la skyon yod ma yin te/ /sems can don du shin tu gsang/ /theg pa dman dang phyin ci log /de la gsang bstan gyur na/ /rang bzhin gsang don mi shes par/ /'phral gyi spyod yul de dag la/ /shin tu nges pa don bzung nas/ /gsang don de nyid log par khrid/ /ma rtogs de nyid dmyal bar 'gro /de bas rab tu gsang bar bya/ /gsang ba spel bar byed pa yang/ /smra byed lce la zhing rmo zhing/ /sdug bsngal chen po myong bar 'gyur/ /de phyir rdo rje lce yod kyang/ /theg pa dman dang
- 367b
ma 'dres dang/ /skye bo phal la smra mi bya/ /gang yang sbyor ba mi shes sems blangs chags sogs rang bzhin rmongs dbang dang blangs pa/ /rgyal zer nges par dbang 'gags bzod dka' skyed sogs bcu'i cig 'khrul 'khor nges ltung ba/ /de nyid rigs ldan cung zad dang blangs bde zlog thabs sbyor cig gis grol thar zhing/ /tshe sogs mang thob rgyu 'bras kun rdzogs thabs rgyal 'di dka' 'gro mang byang chub shog /sgyu 'phrul dra ba rdo rje las kyi rim pa zhes bya ba/ dngos po gnyis pa rdzogs so// // bcom ldan 'das/ dpal kun tu bzang po la phyag 'tshal lo/ /dad brtson ldan pa'i slob ma yis/ /ri mo'i dkyil 'khor chen po ru/ /nus dang phan pa'i dbang thob nas/ /brtul zhugs ldan pa'i bu mchog la/ /ye shes rang gnas rdzogs bya'i phyir/ /sor bzhi 'am mdzub gang tshad ldan la/ /nyi shu rtsa lnga rab bsnyams te/ /gdan dang phyag rgya yi ge sogs/ /rgyud bzhin mkhas pas byin gyis brlabs/ /blo ldan sngon nas shes bya ba/ /bcu drug nyi shu lnga gnyis tshad/ /yon tan bcu gsum rab ldan zhing/ mnyen drang skra ring sems ma'i tshul/ /gsang ba'i gter du ming gis bzung/ /'o ma'i spos chus mgo lus bkru/ /tsan dan gur gum a ka ru zer lo/ /gon pan 'dzaM ti shing tsha yis/ /dri zhim dang ldan chab kyis slubs/ /gsal ldan ma 'am byin brlabs pa'i/ /kha snying pad+ma la sogs la/ /gsang yum lnga dang khro mo'i bzhi'i/ /dbyibs dang kha dog gsal bar bya/ /rang gi mchod pa legs sbyar la/ /yum dang 'dzom ma sems ma yis/ /ji ltar 'dod pa'i las bzhin mchod/ /zad med gter la longs spyod phyir/ /rin chen snyim pa bkang nas ni/ /rdo rje sems gtso khyed la 'dud/ /thar lam chen po de 'dod de/ /mgon po dpa' o skyabs song zhing/ /theg chen khang par zhugs pa dang/ /mkhyen rab gsang ba bdag la gsol/ /bu 'dir
- 368a
shog cig ci bde bar/ /las spyod rim par 'gro ba dang/ /sku gsung thugs kyi rdo rje zung/ /rdzogs pa'i ye shes bde chen la/ /dmigs pa med par gnas phyir du/ /ser sna spangs pa'i dang yid kyis/ /gtong zhing rang sems brtan par zung/ /ye shes rang gnas rdzogs dbang sbyin/ /'dod pa'i dngos pos rol pa'i/ /phyag rgya bzhi ldan 'gyur ba dang/ /rgyal po'i phyag rgya lnga ldan pas/ /stong gsum yungs 'brur 'jug tshul gyis/ /dbyings nas dkyil 'khor spyan drang mchod/ /shes rab thabs kyi phyag rgya las/ /bde ba'i 'bru tshogs gsal ba'i rgyun/ /rdo rje lam nas padmor skyil/ /'khyud dang bzlog pa'i bde ba yis/ /sangs rgyas sprin tshogs ma lus la/ /dkyes mnyam mchog gi sbyin bas bstim sgo 'byed bde bas gyen du bskyil/ /de nas dbang phyug chen po des/ /mi 'gyur sgron ma sgul bskyod cing/ /sems kyi thig le sgro phye ste/ /tshangs pa chen po dbyangs bzhes nas/ /go 'byer rdo rje ljags brkyang nas/ /grub pa'i nyi zla snying po ste/ /dkyil rdo rje lce yis blang/ /rtse nas bstims shing dkyil 'khor bsgyur/ /tshangs pa sgo ba 'di gsungs so/ /nga ni rgyal ba kun gyi bla/ /thig le byang chub sems chen po/ /nga ni khrag 'thung kun gyi rje/ /ye shes rol ba'i 'byung gnas gter ba ni spyi dpal bla na med/ /skyon bral thabs kyi rgyal po yin/ /sems kyi dkyil nas drangs pa'i chu/ /khyod kyi lce la phab pa 'di/ /snying gi dkyil du bzung bar byos/ /rigs kyi bu mchog 'di phan chad/ /rdo rje sems pa'i thugs mchog zung/ /sangs rgyas kun gyi gtso bo yin/ /byang chub sems dang mnyam pa'i phyir/ /sems dpa' kun gyi mchod gnas yin/ /rigs kyi bu mchog ding phan chad/ /phyi dang nang dang gsang ba yi/ /bstan pa'i phyi nang zab mo kun/ /
- 368b
sems kyi dkyil du bsdus nas kyang/ /rdo rje lce'i sgo phye ste/ /bdud rtsi sman mchog dam pa 'di/ /dad ldan skyes bu ngoms par byos/ /gdul ba'i phyag rgya 'di yang spyod/ /phyi nang snod bcud rnam par dag /rnam dag chen po nyid kyi lam/ /byed spyod thams cad tshogs gnyis rdzogs/ /'gro don bde chen padmo sbyin/ /sems kyi chu ni 'thung bar bya'o/ /rnal 'byor chen pos dam du bzung/ /yungs kar tshad tsam rdo rje sems/ /gnas ngan len pa gsum sbyangs te/ /hUM nyid ring po mtshams sbyar nas/ /thams cad bde ba chen po'i dbyings/ /dge sdig las kyis ma bcos shing/ /bsgom zhing bsgrubs pas mi 'byang pa'i/ /rnam dag sems kyi rin chen gter/ /rdo rje snying po ye shes kyis/ /khro rgyal kun gyi gtser gyur cig /sh+rI ma hA su kha badzra bo d+he hUM ho oM/ /rdo rje snying gar legs bzung la/ /bden pa'i tshig ni 'di skad bsgo/ /oM mi 'gyur ba'i ye shes nas/ /ma brtsal phyin pas bde ba'i mchog /ma bltas gsal ba ye shes spyan/ /gong na med pas kun gyi rje/ /ye shes rang gnas brdal ba la/ /mi 'gyur g.yung drung sa bon shog /oM mahA gu ya/ /b+h+ruM dz+nyA na maN+Da la/ /dz+nyA na g+hu ya sid d+hi/ sarba adma ko haM/ ye shes rang gnas su 'dod pas/ /thig le mtshan ma legs snyed nas/ /khrus dang mdzes par dbul bar bya/ /ye shes rang gnas rgyal pos byin brlabs te/ /rdo rje zla ba'i 'od zer gyis/ /rdo rje dbyings phyug rab byas te/ /rin chen snod du mdzes pa'i dkyil/ /rang gi sems nyid yungs kar bsam/ /phab pas thig le dbang bskur te/ /g.yas g.yon gung mo rin chen chos kyi sku/ /shes rab thabs kyis rdzogs par 'gyur/ /'di dang skye ba thams cad du/ /dngos grub bde 'di ma spong zhig /rgyal bas sangs rgyas thams cad kyi/ /rdzogs pa'i sangs rgyas khyod las byung/ /spangs na rdo rje dbyings phyug bstsal/ /bkug dang sdom pa
- 369a
ma shes na/ /rdo rje bskal pa mdza' klas par/ /chos sku thob par mi 'gyur ro/ /gsang ba'i don mchog 'di dag ni/ /lta ba dman la bstan byas na/ /dus min par ni srog zang nas/ /mgo 'gas snying yang tshig par 'gyur/ /khab len gyis ni lcags sdud ltar/ /mi 'dod bzhin du dbang med par/ /bskal par ngan song myong bar 'gyur/ /de bas shin tu gsang bar bya/ /de skad gsang ba'i las gnyer gtad/ /de nas rigs kyi bu mchog des/ /ye shes rang gnas rdzogs bya'i phyir/ /dgug dang dkug pa'i thabs 'di bstan/ /bde chen bzang po'i mtshan ldan pas/ /rang bzhin ldan pa'i chos sku ste/ /bcu drug thabs dang shes rab gnyis/ /longs spyod rdzogs sku gcig cha yis/ /gnas pa med par rol zhes bshad/ /chos nyid thabs dang shes rab las/ /rtsa ba ni 'ong ba ni sa bon drug /mdor sdus snying po chos kyi sku/ /de'i phyir chos kyi 'khor lo'o/ /dur khrod brgyad po kun bsdus ba'o/ /bcu drug gcig dang bzhi dgyes pa/ /khams gsum khyab pas sprul sku'o/ /me dang rdo rje dbyings phyug gnyis/ /mnyam du gnas pas drag par bshad/ /rlung ngan bkug pa'i gzhung dbyings te/ /sa bon yang gis spro byed pa/ /las ni mthur du sel ba ste/ /bud med rgyud la gtu mor bshad/ /zla brgyas pa'i thig le gnyis/ /chos la thig ler bskul ba bzhin/ /de sogs mang po bkug pa kun/ /rdzogs pa'i skyed par bla mas gsungs/ /rang bzhin thig le mtshan rdzogs pa/ /yi ge med par byin brlabs pa/ /dbyings phyug med par byin brlabs pa/ /snang ba thob par 'gyur bas na// thabs dang shes rab gang yin ? sku/ /bkug dang rlung phye phyi nang can/ /gsang snod gsang sgo sdom pa'i sbyor ba yis/ /mi rtog dngos po thob par bshad/ /dang po'i sa la reg par nus/ /de phyir rdzogs pa'i yi ge med/ /chos sku thob par the tshom
- 369b
med/ /yangs pa'i sangs rgyas yon tan kun/ /'bad pa med par shugs kyis 'byung/ /gsang dbang pad mar ldan 'gyur nang/ /chags pa med pa'i tshul gyis su/ /pha rol phyin bcu rgyu 'bras rdzogs/ /sa bcu rim gyis bgrong byed rdzogs/ /kun tu 'od gsal pad+ma spyan yang rdzogs/ /thabs dang shes rab sa yang rdzogs/ /yang dag rdzogs chen thabs dang ldan/ /shes rab bla med yang dag rdzogs/ /bsod nams ye shes tshogs chen rdzogs/ /'di ltar snang ba'i rnal 'byor pas/ /g.yeng ba med par zhugs byas te// brtson 'grus yu ba gcad pa des/ /gdon mi za bar 'grub ces gsungs/ /dbang bskur gnas pa gang thob pa/ /dus 'di phan chad rgyal ba'i sras/ /tshe ring bde ba phun sum tshogs/ /ngan song thams cad mid pa dang/ /mtho ris thar pa'i bdag por 'gyur/ /'jigs med kun tu bzang por sbyor/ /rdo rje sems dpa' i sgyu 'phrul dra ba'i dbang gis gal po'o/ /rdzogs so// // */ /rgya gar skad du/ a b+hi shiny+tsa arthan ya hi sa du nA ma/ bod skad du/ dbang gi don nges par 'byed pa/ /gsang ba'i ye shes chen po la/ /sgyu ma'i rig ba'i thabs ldan pas/ /mos rnyed mngon du gyur pa'i sa/ /gnyis med gsal 'byams dang bas 'dud/ /sgyu 'phrul dra ba rdo rje sems/ /rgyud rgyal rgya mtsho dbang gi don/ /thams cad rgyud du ma bstan pa/ /bdag gis gsal bar brjod par bya/ /rang bzhin thob bya dbus gter gyad nor bzhin te/ /gzhan ming bdag la gnas 'gyur kyang/ /rang gi rang bzhin mi? mthong yul med shes bral brtag par gsal mthong nus med phyir/ /nam mkha' i ri bong can dang bya dang mdzub mo lta bur bskul bral tshig gis ni/ /phan nus gsang rig brtan don rang gnas lam blos rim bgrod man ngag lung gis mtshan/ /rgyal sras mchog bzhin ldan 'gyur brgyad bdun dbang skur rang gis non dbang sgyur ltar/ /snod ldan chos bzhi ldan
- 370a
'gyur mdo lnga bco brgyad dbang bskur lam bgrod sa non thabs/ /grangs mdo rnam pa'i lus bzhag gnas lugs lam thabs 'bras mthar phyin yul rnam bkod de/ /bra sran 'bras bzhin med na mi 'byung phyir na thog mdza' bar dus gzhan min shes/ /thog ma'i mtshan nyid bshad bya ba/ /snod kyi thob bya pan tsa ste/ /til mar bzhin du ye gnas pa'i/ /ngo bo lnga pa'i dang po nyid/ /rgyu'i dus na rdzogs pa ni/ /bum pa nang gi rtsa bcud de/ /bde ba'i 'khor lo gdung ba sel/ /gsang dbang rtsa sdong rgyal mtshan go /dngos po sems phyir longs spyod do/ /la la ra sa g.yas g.yon gnyis/ /bden lam spros ldan g.yas g.yon bsdus?/ /lus kun khyab pa cod pan te/ /dbu ma char yang mdud ldan 'phreng// dpung sogs rtogs pa rtsa ba 'bring/ /'byung chung rtsa lnga gtso bor rags/ /'phra ba'i mtshan nyid yul de bzhin/ /rnam smin lus kyi phyogs cha bcu/ /phyogs mtshams bsrung byed khro bo ste/ /phra rags tshul gyi stangs dbyal lo/ /yid chog chags bsogs rnam drug po/ /bya byed sprul sku'i phyag rgya ste/ /rgyas par brgyad cu rtsa gnyis so/ /gzugs nyid rgyu 'bras bcud ldan la/ /stangs 'byal bcu'i ngo bo ste/ /gsang chos lus kyi mtshan ma rnams/ /las kyi sgo bsrungs brgyad gyur ba/ /sdud pa'i phyag rgya shes par bya/ /rnam shes ye shes lnga ldan pa/ /dbu brgyan rigs lnga lhun gyis grub/ /rnam lnga khams bcud snying po lnga/ /phan dbang rang bzhin gnas pa'i don/ /lam dus mtshungs pa'i 'di zhes bshad gnyis pa'i ngo bo nyid nus gnas la/ /nyan sogs las kyi dkyil 'khor lnga/ /rna dbang rnam shes dkyil 'khor nyan/ /yan lag lnga la rab 'byam ste/ /sgra sogs las la dbang sgyur zhing/ /rang bzhin gnas pa'i don du bstan/ /myong dbang
- 370b
'chad pa'i mtshan nyid de/ /sgra dbyangs yi ge sgyur phyir ro/ /sgrom mdo rlung sogs las bzhi'i dbyibs/ /snying gi thig le bsgom lha ste/ /snod bcud kun gyi bdag po dang/ /bsam pa'i las la sbyor phyir ro/ /las su 'di dag byed spyod kyang/ /rang bzhin ma grub sems med phyir/ /bsgom dang bsgom par bya med phyir/ /chags med tshul du rang bzhin gnas/ /rang bzhin gnas don gsum pa ni/ /tha snyad gnyis sdud byang chub sems/ /ma'i tha snyad kun rdzob don/ /yul ming ma mthong gsang ba'i ming/ /snang byed thabs kyang de bzhin te/ /rang bzhin bde ba gnas pa'i lam/ /khu ba rgyud pas bde myong ba/ /rang bzhin gnas lugs gsang ba'i dbang/ /thabs dang byin brlabs 'brel ba'i phyir/ /brtul zhugs ldan pas spyad cing blang/ /bzhi pa'i gnas lugs 'di bzhin te/ /tha snyad rig phyir mdza' bral bas/ /'dzin dang bzung ba med pa'i phyir/ /rang rig gsal bas khyab gnas pa'o/ /lnga pa bde chen brtan pa nyid/ /rang rig rkyen med rang gsal ba/ /sku dang ye shes ngo bo nyid/ /rang nyid lhun gyis grub pa ni/ /rgyu 'bras rim pa'i dus bral ba/ /rgyu'i dus nyid 'bras rdzogs pa'o/ /thob bya rgyu la mi gnas na/ /phyogs dus rgyu dang rkyen dag gis/ /kun nas slong thob rigs med de/ /bu? sran 'bras su dbang bskur yang/ /de la 'bras bu snang ba med/ /dbang mchog rang la gnas par ni/ /dus gsum rgyal ba'i lung las gsungs/ /dbang rnams rang la med 'gyur na/ /bskur bas thob par mi 'gyur te/ /gdod nas ldan phyir mtshungs pa ste/ /gzhi'i phyir thog mar bkod pa yin// lus gzhan bar ma'i mtshan nyid ni/ /ngo bo dbang lnga thun mong du/ /lus ni bcu dang drug gis rdzogs/ /snod dang dkyil 'khor skur ba'i dus/ /rang gi ngo bo des tshig dang/ /bskur rdzas thabs dang rgyu dang rkyen/ /gnas dang sgrib spong thob pa'i tshad
- 371a
chos dang dgos ched skyen yon gyis/ /mdor bsdus lus kyi mtshan nyid bzhag /phan ba rgyas pa'i don bstan pa/ /phan dbang bcu la mos dang na/ /de nyid sbyin pa'i snod du bstan/ /rgyas 'bring dkyil 'khor ri mo ru/ /las kyi gzhung rdzogs phan dbang bskur/ /dang po sems bskyed 'jug dus su/ /rdzas kyi dbang bcu rdzogs par sbyin/ /ngo bo'i mtshan nyid bstan pa ni/ /mtshon bya dbang dang mtshon byed de/ /mtshon bya bdag la rdzogs pa ste/ /mtshon byed rab gnas ldan pa'i rdzas/ /thob bya gang yin ngo bo ste/ /rgyu rkyen 'dzoms pas bskur ba yis/ /bdag la nus bskyes rno la ngar brtags bzhin/ /bdag la phan phyir ming du brjod/ /rdzas ni rnam bcu'i ngo bo nyid/ /las kyi rim pa rgyas pa yis/ /bskur ba'i thabs kun gsungs pa yin/ /mtshungs ldan lhan cig rgyu yin te/ /mtshungs pa rang bzhin gnas pa nyid/ /lhan cig byed pa rdzas bcu dngos/ /phyag rgya rang gi mtshan nyid dang/ /gdugs la mi bskyod rab gnas te/ /bum pa rang gi byang chub sems/ /dbu brgyan rang bzhin snying po 'bras/ /'phreng ba cod pan rin chen pad/ /go cha rgyal mtshan rdo rje sems/ /bza' btung snang mdzad rab gnas ldan/ /dngos su las sbyor lhan cig rgyu/ /rkyen ni rgyu dang bdag po dang/ /de ma thag pa dmigs pa bzhi/ /slob ma'i yon tan bcu drug nyid/ /chags gnyis rang phyogs chang dang chung/ /dregs bskur phrag dog le lo med/ /snying rje ldan zhing kheng sems med/ /longs spyod mi chags nan tan ldan/ /yid ring ldog med rkyen thub cing/ /dang ba'i sems ldan thob pa'i rgyu/ /dkyil 'khor bskur rdzas dus nyid dang/ /ting 'dzin sngags dang phyag rgya yis/ /nus mthu mang po snang ba nyid/ /bdag po'i rkyen du brjod pa yin/ /dngos bcu skad kyi tshul dag gis/ /
- 371b
snga phyi ltos nas go 'byed ba/ /rgyu 'bras tshul de de ma thag /lta ba ting 'dzin nongs ldan zhing/ /log pa'i lta 'bras byin brlabs can/ /las dang man ngag rgyu ldan pa/ /dngos rdzas rdzogs pa'i slob dpon ni/ /rim pa nod pa'i yul du gsungs/ /gnas ni spyi? dang khyad par te/ /gnas ni phyi dang nang gnyis te/ /phyi rol ri dang yul phyi dang/ /sgrub khang sa nas lo rgyus can/ /blang bya de bzlog nas/ /de bzhin nang la stems gnyis/ /spyi dbang lus la bskur ba ste/ /brgyad par snying po dbu brgyan bum/ / gdugs dang cod pan 'phreng ba gos/ /go cha lus te rgyal mtshan lag /bza' btung ngag gi lam la'o/ /phyag rgya spyi po 'am snying ga ste/ /gzhag pa'i gnas dang bstim pa'i gnas/ /de bzhin khong adu chud pa gces/ /sgrib pa spong lugs spyi khyad par/ /las dang rnam smin phyogs cha re/ /skye gnas brgyad spong spyi'i ste/ /khyad par bkur gnas spyi dang sbyar/ /dpang thob ces pa'i tha snyad ni/ /spyad rgyu mngon sum thob pa yang/ /go mi 'gog cing rig la snang/ /tha mar sangs rgyas thob byed cing nus pa gang skyes thob pa'i tshad/ /chos dang chos ni nyan bshad/ /phyi rol drang don mnyan bshad rung/ /dkyil 'khor la sogs mtshan nyid bshad/ /brod dang g.yang sa shes phyir ro/ /dgos ched spyi dang khyad par ro/ /nus sgo 'byed dang sa bgrod phyir/ /skabs kyis rnam pa gnyis su 'gyur/ /khyad par rang gi don du'o/ /skyon ma mgo 'gas chos mi thos/ /yon tan tshe ring bde ba thob/ /'di dang phyi mar thob pa'o/ /nus pa'i snod ni bdag dang gzhan/ /gnyis ka'i don byed brtson ldan pa/ /khyad par snod ces bstan pa ste/ /bcu drug mtshan ldan spyi'i snod/ /phan bzhin ri mo'i dkyil 'khor dang/ /yan lag lnga sogs dkyil 'khor te/ /slob ma'i dus su nus dbang bskur/ /phan pa thob pa'i dus nyid du/ /ngo bo
- 372a
mnyam bya bsgom bya sogs/ /dbang po yan lag gnas gsal ba'o/ /bdag gzhan don la nus gsal ba/ /rdzas ni glegs pam rgya gram dang/ /'khor lo phreng ba rdo rje dril/ /'byung ldan don yod snang mdza' yas/ /yi dam rigs lnga'i rab gnas ldan/ /thabs ni dbang sogs gnas lnga ru/ /so so'i rigs kyi dkyil 'khor bskyed/ /rgyu ni rnam grangs bshad bzhin te/ /bdag gnas mtshungs rgyu la sogs pa/ /lhan cig rgyu ru bshad pa yin/ /nus la dad ldan rgyu'i rkyen/ /bdag po yan lag tshogs pa'i mthu/ /de ma thag pa nus rim lnga/ /bltos nas 'bras go 'byed pa'o/ /dmigs pa mtshan ldan man ngag can/ /byin rlabs ldan pa pha nyid do/ /gnas ni rna ba snying lag dang/ /lce dang yan lag rnam lnga'o/ /mgrin pa phan dang nus ming ste/ /khyad par phan dang nyon mongs dang/ /tha mar rtog pa 'jil bar byed/ /thob pa'i tshad ni nus pa lnga/ /bdag dang gzhan dang gnyis ka'i don/ /spyod sgo ma 'gags thob pa'i tshad/ /chos ni nges grol nges bshad rnams/ /snang byed man chad nyan du rung/ /dag pa gsang ba'i sgo 'byed dang/ /bsgom dang dbugs phyung rjes su sbyar/ /don gnyis mthar phyin bya phyir ro/ /skyon ni dbang med las brtson dang/ /de nyid glags ba'i rgyu ru 'gyur/ / yon tan don mthar phyin byed pa'i/ /thams cad la ni thogs med pa'o/ /gsang ba'i dbang zhes brjod pa'i snod/ /spyod pa'i brtul shugs ldan pa yis/ /dam rdzas rnams la mdzem med pa'o/ /dkyil 'khor sor bzhi mdzub gang ste/ /phyi rol nang gi tshul du dbye'o/ /dus ni nus thob rdzogs slob ba'o/ /mtshan nyid bar mar 'jug pa yi/ /ngo bo rnam pa gnyis su 'gyur/ /khu? ba ye shes ro ldan pas/ /mi rtog myong ba'i dus ldan pa'o/ /thob bya rang gi ngo bo yi/ /thabs dang shes rab
- 372b
gnyis med drug /bla ma'i nyi zla ro ldan pa/ /ma thob rab tu snang med gsang/ /de nyid byin pas snang med pa/ /bde dang mtshan ma skyes pa ni/ /dbang zhes tha snyad brjod pa yin/ /rdzas ni dngos dang nus pa ste/ /dngos ni nyi zla byang chub sems/ /bskur thabs chen mchog gsal ba la/ /nus pa skyed phyir thob pa shun/ /las kyi rim pa thabs brjod de/ /sor bzhi pa nas che mchog bar/ /mtshungs rgyu sngar bshad gnas lugs de/ /lhan cig byed rgyu ro ldan sems/ /rkyen ni brtul zhugs dang sems rgyu/ /yan lag tshang zhi'i nus pa dag /sbyor mnyam ldan pa'i slob ma'i yul/ /skad cig las rim go 'byed pa/ /de ma thag pa'i mtshan nyid do/ /gnas ni gzhan dang stim gnyis so/ /sems kyi dkyil nas drangs pa'i chu/ /khyod kyi lce la phab pa ni/ / snying gi dkyil du gzung bar byos/ /gdams pa lce nyid gnas bskul nas/ /yungs kar tshad tsam sems 'od kyis/ /rang rgyud sa bon bsreg sbyangs phyir/ /rnam smin sgrib pa phyogs gnyis dang/ /khyad par dag gi skyon spyangs pa'o/ /thob tshad khu bas bsku? ba'i dus 'od gsal phyogs bde mtshan mthong ba'o/ /bde dang mtshan ma bu'i rtags/ /dpe don mtshon bya byed par shes/ /chos ni rdzogs rim ma lus dang/ /gdams ngag dpog pa man chod nyan/ /'dzin pa'i nyes dmigs gnas brgyad bshad/ /yon tan sdu bsngal las grol bstan/ /'chad par gyur pa de bzhin no/ /gsum pa dbang gi rgyu phyir dang/ /tsha'i dngos grub thob phyir ro/ /skyon ni chos rnams mi thos dang/ /rim pa gong du bgrod pa 'gag /khyad par bzhi pa'i dbang sgo 'gags/ /tshe ring 'gyur pa'i nus med pa'o/ /yon tan rgyal ba'i sras 'gyur nas/ /sgeg mo yum sogs byin rlob 'gyur/ /zab mo rnams kyi thun mong ste/ /khyad par man ngag snod du 'gyur/ /bzhi pa'i dbang gi snod bstan pa/ /rig pa'i brtul zhugs ldan pa'o/ /sems kyi
- 373a
dkyil 'khor legs bstan la/ /rab gnas sngar bzhin rgyas par bya/ /dkyil 'khor nang gi rtsa gnas dang/ /pad+ma'i dkyil 'khor bstan par bya/ /thun mong 'jug par gsang bar gcig /bzhi las ting 'dzin gsal ba dang/ /rdzogs rims ting 'dzin las rlung dgag /stong du gyur pa'i dus nyid du/ /thig le mtshan ldan lag tu gtad/ /ngo bo shes rab ye shes ni/ /mtshon bya mtshon byed rnam pa gnyis/ /dpe dang don gyi bde ba yang/ /rgyu 'bras 'byung zlog skabs su shes/ /brag gdung gnyis phrad 'od gsal bde/ /bzlas bas lhan cig dag bral du/ /skyes pa'i gcig rig gsal ba yis/ /gsal ba mi rtog nyams rnyed pa'o/ /rig pa spros bral shes rab nyid/ /ma 'gags mi rtog gsal ba nyid/ /thabs kyi gsal bya dbang du brjod/ /rdzas kyi skabs kyi phyag rgya'o/ /zla ba ldan pa gtad pa'o/ /thabs ni bden pa'i tshig bzhin te/ /zab mo'i theg par grol byed pa'i/ /mi slu thabs kyi man ngag sbyin/ /don nyid mngon byed bden tshig go /rgyu ni bshad bzhin rnam pa gnyis/ /rang rig gsal rig mtshungs pa'i rgyu/ /bden tshig sbyin pa lhan cig byed/ /bcu drug phyag rgya zla ldan pa'o/ /las dang dgag sogs slab goms pas/ /zla ba'i thig le gnyis bstan pa'o/ /rig pa'i shugs dang ldan sems bus/ /thob bya thob phyir rgyu'i rkyen/ /byed pa'i sdom pa la sogs dang/ /cha dang bsod nams ting 'dzin byin/ /phyag rgya'i yon tan 'joms pa'i mthus/ /bde ba skyed phyir bdag po'i rkyen/ /shes rab ye shes nyams len pa'o/ /bu la snang ba'i byin brlabs can/ /de lta'i yin dmigs pa'i rkyen/ /shes rab ye shes 'pho ba'i chas/ /rgyu 'bras go 'byed ma thag /bden tshig sbyin zhing bde snang ba'i/ /gnas ni rig pa'i pho brang ngo
- 373b
thams cad rngos pa'i dngos bral bas/ /rang rig gsal phyir shes bya'i phyogs/ /nyon mongs sgrib pa dka' nas sbyangs/ /sa bcu sems la gnas par sbyong/ /shes rab ye shes thob pa ni/ /brag gdung lta bur phyed myong 'phrad/ /de la brten nas rigs gsal ba/ /gsal la rtog med nyams myong la/ /rgyu 'bras byung tshul rten can no/ /de nyid thabs lon rten med de/ /gzhi phyir phyag rgya 'bras mi nyam/ /rjes su 'jug par bshad pa yin/ /bzlog skabs nyi zla nang 'dres dus/ /lhan cig dga' bral gnas su zin/ /de'i bde ba rtog med gsal/ /rten dang rten 'jug bshad bzhin no/ /gsang ba bshad khyad par thabs kyi mchog /'od gsal bde dang thabs rnams mnyam/ /bstan pa'i dbang la sbyang phyir dang/ /sangs rgyas mthar thug bya phyir nod shes shes pa shes ma rnyed na/ /rdo rje bskal pa mdza' glags par/ /'od gsal bde ba med par ni/ /nam mkha' i chu skyes bzhin de skyon/ /skyon bzlog yon tan nyid du 'gyur/ /grangs kyi lnga pa'i ngo bo bstan/ /mthar thug bde ba chen po'i dbang/ /snod ni mnyam pa'i brtul zhugs ldan/ /dkyil 'khor lnga bzhi thun mong ste/ /dus ni phyi dang nang gi ste/ /phyi rol sa bcu mthar phyin dang/ /shes rab ye shes thob pa'o/ /nang gi sa rlung rgyu ba'i dus/ /ngo bo bden gnyis dbyer med pa'o/ /ye shes chen po thob bya de'o/ /des tshig rnam grangs lnga par brjod/ /don dang ngo bo bstan bde chen/ /gnyis med bde ba mdza' bral ba/ /grub dang bde ba gcig par bde/ /ngo bo 'gyur med brtan par brjod/ /de nyid rten dang brten can dang/ /mtshon bya mtshon byed dpe dang don/ /dngos dang lngas? 'jug rim dang zlog /de ltar grangs don shes bya'o/ /rten can pa ni nyo me dag /zla bar 'dres pa kha sgyur zlog /sa lu yu sbu bas chu 'dren bzhin/ /goms pas ri mos drangs pa'i rgyus/ /chu mar bzhin 'dres bden ba de
- 374a
ni/ /rgyu las skyed phyir rten can te/ /ngo bo mtshon phyir dpe ru brjod/ /phyag rgya bral yang nyams med pa'i/ /gnyis med ye shes gsal ba ni/ /rten las 'byung ba'i rten med de/ /rjes 'jug rnal 'byor brda' zhes brjod/ /sa bon gnyis 'dres skyes pa ni/ /rgyu 'bras rim pa'i dbang du brjod/ /thig le bsgyur bas mthar phyin dus/ /skyes ba brjod pa'i dbang du brjod/ /rdzas ni phyag rgya nyi ldan pa'o/ /bskur thabs bzlog pa'i man ngag dang/ /bde ba rin chen tshim sbyin pa'o/ /bden gnyis dbyer med bdag gi sems/ /ye nas gnas pa mtshungs zhes bshad/ /nyi zla ldan dus sbyin pa'i las/ /rim pa lhan cig byed pa'o/ /mnyam pa'i brtul zhugs rab ldan zhing/ /brtan pa'i dpal ldan dad pa'i bu/ /rgyu'i rkyen du brjod pa yin/ /bzlog pa'i ral rims man ngag tshogs/ /bde ba'i gzhi phyir bdag por brjod/ /brtan dbang nyams dang tshor ldan pas/ /bu la snang bus pha nyid yul/ /rim gyis bzlog pa bcu gsum po/ /thig le 'phos pas go 'byed pa/ /rgyu 'bras tshul de de ma thag/ gnas ni khyad par thun mong ngo/ /sa bcu mthar phyin byang chub sems/ /rigs la gnas pa'i shes rig 'phra/ /'phra ba'i 'phra dang shes sgrib gnon/ /mun dang snang bzhin ma gsal dag /tshad ni skabs kyis gnyis 'gyur te/ / skad cig ma dang rgyun dbang du/ /zung 'jug bde ba gsal ba ste/ /dpe don cha gnyis dbye ba shes/ /chos ni 'bras bu pad+ma spyad/ /mthar thug ma lus mnyam du rung/ /thig le nyi zla dbyer med pa'i/ /bdag gzhan bde ba spong ba ni/ /bsal ba'i rnam grangs ji snyed pa'i/ /mthar phyin mthing skyon zhes bya/ /yon tan ma lus lhun grub pa'i/ /mgo lus kha lce bye bas kyang/ /dus tshigs mi mthun mang brjod kyang/ /zad byed phyir rdzogs mi 'gyur ro/ /tha ma'i don gyi mtshan nyid ni/ /lam
- 374b
gyis bsgrubs pas 'bras bu ste/ /lam du rgyu dang 'bras bu ste/ /bdag yul gnyis kar shes par bya/ /phyag rgya ma la cig rtsar te/ /pha la rim pa'i dbang du brjod/ /rim pa'i las 'bras skad cig ma/ /bcu drug dag bzhi mchog la bzhi/ /gang bral rtsa lnga tshogs sbyor lam/ /gnyis pa'i gnyis sogs tha ma rab/ /sa bcu 'og gsal bcu gcig ste/ /pha rol phyin dang sa mtshan nyid/ /mtshungs phyir dpe don bde bar sbyor/ /'pho ba yod phyir lam gyi 'bras/ /bzlog pa'i skabs su yang de bzhin shes/ /skabs kyi 'bras bu 'ang 'di bzhin te/ /phan pa'i dbang bskur dus 'di nas/ /rgyal ba'i sras 'gyur lha'i ming/ /'khor lo sgyur sogs longs spyod ldan/ /dam pa'i gsang sngags spyod bskal ldan/ /brgyud nas kun bzang nyid du 'gyur/ /de yang spyod dang khyad par ro// nus pas lha mi nor 'grub ste/ /bdag gzhan las rnams mthar phyung bas/ /bsod nams tshogs rnams mngon rdzogs te/ /bgrod nas sku gsum tha mar 'grub/ /gsang ba dbang thob 'bras bu nyid/ /'od gsal phyogs kyi bde ldan pas/ /khams gsum kun da'i zhing khams mthong/ /de phyir bde dang mtshan ma brtag /bzhi pa'i dbang gis 'bras bu ni/ /sa rims kun tu 'od thob nyid/ /rten pa'i rgyu ni brag gdung ste/ /sangs rgyas dang po de 'bras bu/ /yang na nyi zla 'dres bzlog bde/ /skad cig rgyun gyis dpe don thob// lnga pa'i 'bras bu mdza' thugs/ /nyi ma zla ba 'phrad pa'i rgyud/ /gsum pa'i bde ba'i ye shes ni/ /myong la mi 'dzin pad+ma spyan/ /rtsar gnas lhar gsal 'khor lo yis/ /lhar gsal mi 'dzin shes rab thabs/ /'gro don lhun 'char thabs kyi sa/ /rang 'byung chen po ye shes sa/ /lam 'dres mi phyed kun bzang sa/ /dngos po nyid du mtshon pa'i dpe/ /skad cig rgyun dus bshad bzhin no/ /skabs su 'phros pa dbang gi don/ /de dag tha ma'i spyod yul te/ /brnyan ma'i dkyil 'khor las kyi yum/ /dngos su
- 375a
rten pas dman don te/ /'bras bu 'ang mtshon pa'i bde ba skye/ /dus kyang skad cig dbang tsam ste/ /slob ma bshad pa'i snod ldan pa/ /bla ma rim pa'i drod thob pas/ /kun na byin brlabs skye bar 'dod/ /blo 'bring ting 'dzin dkyil 'khor du/ /slob dpon ting 'dzin gral non pas/ /drod thob slob ma dbang bskur ba/ /drod thob sa la sbyar phyir sbyin/ /rig pa'i lha mo dag dang sbyor/ /'bras bu dngos su rigs 'dzin thob/ /blo rab rigs 'dzin sa thob pa/ /bla ma bde bar gshegs nyid de/ /rang bzhin dkyil 'khor chen po ru/ /rigs 'dzin sangs rgyas nyid sbyar phyir/ /ye shes phyag rgya mos dang sbyar/ /'bras bu yang dag rdzogs sangs rgyas/ /rin chen rgya mtsho rdo rje sems/ /sgyu 'phrul pa'i rgyu nyid las/ /byed pa yab yum sbyor pa yis/ /dbang bskur chos bshad 'khor rnams kyis/ /rgyud rtogs sngon byung shes par bya/ /dkyil 'khor tha mar phyin pa'o// //sgyu 'phrul rgya mtsho'i dngos lnga nyon mongs pa/ /rig pa'i kyi gnas bsrungs te bsdus pa'i/ /man ngag thabs mchog 'di thob don rtogs nas/ /lam gnyis rnal 'byor ma lus mthar phyin no/ /de ltar thabs lam don phye nas/ /kun gyi theg chen don mthong ste/ /dug gi nad sel bde rnyed ltar/ /nyon mongs nyid kyis grol bar shog /dbang gi don rab tu 'byed pa rdzogs so// //slob dpon chen po sangs rgyas gsang bas mdzad pa'o// // */ /rgya gar skad du/ tsi ta bi du nA ma/ bod skad du/ thugs kyi thigs pa zhes bya ba/ dpal rdo rje sems dpa' la phyag 'tshal lo/ /ma byas lhun rdzogs khyab gsal 'jigs med kun ma spangs/ /mi phyed gcig snang ma lus rang rig nyid du sgrol/ /swa ti ka bzhin dngos lngas mngon par rdzogs pa'i sku/ /zhar
- 375b
byung lnga gnyis bco lnga'i bdag nyid che la 'dud/ /gsum gnyis go lo mchod byas nas/ /bcu bar lnga gnyis gcig gsal bas/ /'dir min lnga'i rig pa nyid/ /'bras bcas pa tra shas bshad bya/ /bcu pa'i bcu drug nyams rnyed pas/ /sku bzhi'i dkyil 'khor khams thig le/ /ji bzhin shes pa de nyid las/ /chos lo gyen du rim pa bzhin/ /spros bcas med dang ldan bsgoms pas/ /khyad par thabs kyis rims bskul nas/ /rim par skye ba'i ye shes ro/ /lha mig dag pas shes par bya/ / yi ge lnga dang gsum gnas su/ /mi dmigs ye shes rtags yul can/ /skar zla'i dkyil 'khor las byung ba/ /gnyis med thabs kyis rten shes na/ /gnyis med sems kyi snang ba'o/ /brtags bral shes rab 'od gsal pa'i/ /phyi nang kun gsal rang rig dngos/ /thams cad mkhyen pa'i ye shes che/ /me long lta bu'i rgya tshogs snang/ /thun mong sdig las grol bar 'gyur/ /de nyid stobs 'gyur rnal 'byor che/ /dkyil 'khor gsal ba'i thig le nyid/ /phan tshun rgyu 'bras tshul shes pas/ /chos khams g.yas g.yon tshul rigs lnga/ /rnam shes bdag po rten 'dus rnams/ /g.yas g.yon rims bzlog brgyad gnyis shes/ /dpung gsang lte khro de bzhin te/ /bya byed hUM phaT gsal bar bya/ /rang mtshungs lha nyid drangs mchod bzlas bcu gsum drug gi dkyil 'khor gnyis/ /shes rab thabs la rnam par brtag /thabs lam rol mo'i mes bzhu pa'i/ /dkyil 'khor las byung gsang thig le/ /bya byed gnas su lhag pa'i ro/ /gsal bas kun kyang ye shes blta'o/ /'od zer snying po nyi ma dang/ /ye shes thig le mnyam sbyor bas/ /shes rab snying rje gnyis med pa'o/ /bde ba chen por lhun gyis grub/ /gur gum bzung bslabs goms las kyis/ /bde chen yig gsum gnas bzhugs
- 376a
na/ /gsang sngags ngo bor rang gsal ba/ /dgyes pa chen por stobs par bshad/ /yungs kar ltung med bde ba yis/ /ye shes skad cig rim skye pa/ /rang bzhin rang snang chos kyi sku/ /sprul pa sna tshogs ro ldan pa/ /bdag gsal 'dzin bral pad+ma can/ /gsang thig rang gnas rang rig pa/ /me la shing bsnan ji bzhin du/ /'khor lo kun gyi gzhir gyur las/ /dkyil 'khor ma lus dngos yin phyir/ /lam gnas kun tu spros thim pas/ /bzhi bcu rtsa gnyis nyi shu lnga/ /ma lus snang bas/ zhi khro 'dres mas thabs shes sogs/ /gdul bya bsam bzhin dbang bsgyur ba/ /rang bzhin dkyil 'khor mdza' yas rdzogs phyir ro/ /sangs rgyas snying po kha sbyor las/ /dkyil 'khor lnga sogs bsal med snang/ / rgyu tshul 'thun pas don byas kyang/ /bya byed gang yang dmigs mi 'gyur/ /rang bzhin mnyam rdzogs thig le pa/ /shes rab gsum mthar lam rim gyis/ /dus gsum kun mnyam lhun gyis grub/ /gcig dang du ma'i mdza' bral bas/ / thams cad tshul nyid 'di 'dra shes/ /lam 'dir gnas la sras bcas ril/ /thugs rjes ring nas byin rlob mdzad/ /bskal mang bsal bas 'di thob ste/ /rgyal ba ma lus mdzad dgongs phyir/ /gang yang 'da' 'gyur rigs ma yin/ /de nas thams cad phyag rgya 'dis/ /blo ldan chags bral dang du mkhyen/ /'dod tshol bsam mang thabs shom dang/ /dam nyams g.yo rgyus tshod len zhing/ /bka' gcig la spel bka' rkus pas/ /srog chad dmyal ba'i sdug bsngal thob/ /rdo rje sems dpa' nyid kyang sdad/ /lhar bcas rnal 'byor smos ci dgos/ /de bas rab tu snod brtag bya/ /sgyu 'phrul thugs kyi thigs pa rdzogs so// // */ /rgya gar skad du/ g+hu yA b+hi du u pa de sha/ bod skad du/
- 376b
gsang ba'i thigs pa'i man ngag/ dpal kun tu bzang po la phyag 'tshal lo/ /gang la yod pa rnam pa brgyad du shes/ /gang la ci 'dra de nyid bsres pa yin/ /rnam bzhi bye brag drug las brgyad dkyil na/ /don dam snying po de la phyag 'tshal lo/ /gang la snyoms 'jug de la yod pa la/ /de la yod de de la blta bar bya/ /gang las byung ba de las byung ba yin/ /de las de byung de nyid kho na'o/ /gsang ba'i shes rab thig le dbyings/ /bcu drug gnyis kyi dkyil na bzhugs/ /shes rab thabs kyi snyoms 'jug la/ / kun tu rgyas btab dkyil 'khor yin/ /bdag nyid chen po lnga blta zhing/ /thur du 'phro zhing gyen du 'bar/ /bde ba chen po'i mchod pa yis/ /gong gi snying po bskul bar byed/ /de 'od thig le mnyam sbyor bas/ /lnga gnyis drug gi dkyil na 'o/ /bde ba chen po'i ro yis ni/ /dgyes pa chen por rtogs par bya/ /shes bya 'byung zad bsod nams kyi/ /de nyid sgyu mar rang snang ba/ /gzigs mo'i bde ba mdza' yas kyis/ /bde ba chen po'i 'ben la phog /bcu gsum gnyis kyi dkyil 'khor lo/ /de'i thig le mnyam pa'i dbyings/ /kun gyi dngos yin kun gyi gtso/ /bcu dang bzhi ni mngon rdzogs pa/ /gsum dang gnyis su yang dag gnas/ /kun gyis dngos por bdag gyur pa/ /de la dbang skyur dam pa yin/ /nying lag nas pa gnas nyid la/ /de la gnyis rdzogs lhun gyis grub/ /thams cad de'i rgyan du che/ /gnyis rdzogs thig le mnyam sbyor bas/ /snying rje chen po yongs kyis 'char/ /bcu bzhi'i sems can 'dul ba la/ /sgyu ma'i sems can sgrol ba yi/ /rnal 'byor chen po 'od ldan spyod/ /'di la rtag tu gang 'dug pa/ /sangs rgyas sras dang 'khor bcas kyis/ /thugs rje nyi ma shugs las 'byung/ /de la bde byed bde ba sbyin/ /bskal pa rdul snyed grangs med du/ /thos bsam sgoms pa rab mdza' las/ /'byung
- 377a
pa bde ba chen po yin/ /slob dpon rten byed kye 'di lta/ /gang la gang med gang la'ang/ /de la de med de la'ang/ /dmyal bar bsreg dang sdug bsngal che/ /de bas gzhan du bstan mi bya/ /gsang ba'i man ngag thig le 'di// thig le chen po 'di snang bas/ /sems can kun gyi rang bzhin la/ /bde ba chen po snang bar shog /gsang ba'i thigs pa'i man ngag /slob dpon bi ma la mi tras mdzad pa rdzogs so// // */ /rgya gar skad du/ ma hA yo ga pradz+nyA pra be sha tsak+Shu u pa de sha nA ma/ /bod skad du/ rnal 'byor chen po shes rab spyan 'byed kyi man ngag ces bya ba/ /dpal rdo rje sems dpa' la phyag 'tshal lo/ /dkyil 'khor gtso bo skyes bu'i mchog /dam pa lha phyir phyag 'tshal nas/ /rnal 'byor chen po'i rgyud don mchog /rang bzhin rkyen gyis mngon bya'i phyir/ /rgyud gsum snang ba rnal 'byor gsum/ /bya byed tshul gnyis bdag nyid dang/ /tshig don dang ni de nyid can/ /rgyu 'bras thabs tshul 'brel phyir gsum/ shes thob byed pa bar tshul la/ /ngo bo rkyen bshad thabs dang dbye/ /rim par mi brjod 'dir brjod pa/ /dang po bar mas mthar byed pa'i/ /lam gnyis thun mong rgyu dang mchog /mchog la phyir dang nang la'ang/ /thabs dang shes rab lam gnyis kyis/ /nges byed sngon la stong 'og thabs/ /cig shes gtsor byed spyi blugs rim/ /bzhi bral lngas dbul las bzlog pa'i/ /rnal 'byor che la mos rnams kyi/ /shi sha'i don phyir mdo tsam brjod/ /phun sum tshogs pa lhun grub rnams/ /gsang dbang mchog gis 'byin byed pa'o/ /sngon byas thabs mchog chags mchog don/ /sangs rgyas zhabs kyis gsungs par shes/ /thos bsams sgoms pa'i mnyam sbyor gyis/ /rang 'byung kun nam lhun
- 377b
grub phyir/ /bsum gyis grol byed lam bshad pa/ /mtshan nyid gsum la gcig bzhi gsum/ /gtso mchog mtshan nyid dang po bshad/ /lam kun gzungs su bya phyir ro/ /de la brtag bya thabs ngo bos/ /nges tshig rtags kyang dang/ /khyad pas gol sa yon tan skyon/ /spyan mchog lus su rnam par bsgrags/ /'ching grol byed pa lhun rdzogs kyang/ /dbang spyan mchog dang bral ba yis/ /srid rgyu 'bras bu ming tsam snang/ /dang po chu bo bzhi rgal ltar/ /snang ba gcig la gnyis tshul snang// ngan shos bdag gzhan stong phur snang/ /de de rim par grub ma grub grub/ /mdza' i don rnams cir 'gyur brtag /mthong byed thabs kyang rgyud pa dang/ /rtags kyis mtshon cing gtan la 'bebs/ /dman la rgya gsum goms pa yis/ /brtan nas brtags spyad klung zhugs mthong/ /bsgom pa lam du bstan par bya/ /rim par skye la the tshom med/ /shes bya dam pa rtags mtshon pa'ang/ /rang bzhin rtags dang 'bras bu'i rtags/ dang po rang gi rigs pa yis/ /cho 'phrul snang ba'i 'byung ba dang/ /phyogs dang kha dog la sogs kyis/ /mtshon nas ji bzhin nyid rtogs byed/ /sems can ma lus thams cad la/ /ye shes lnga yis kun khyab kyang/ /rang gi rnam rtog bsgribs byas te/ /ye shes lnga'i don ma mthong/ /ma mthong rmongs pa thams cad la/ /ye shes mtshan nyid bstan pa'i phyir/ /dkar dang dmar dang ser ba dang/ /ljang gu la sogs nag por bstan/ /'di yis lhun grub rtogs par cos/ /cig shos mthar phyin ye shes kyi/ /dkyil 'khor rten dang brten can ltar/ /snang ba'i gnas brgyad gdan sogs dang/ /rten cing rgya bzhi rgyan sogs mtshungs/ /gtan tshig rgyas par lus bzhag na/ /tshad ma bka' gzhung gtan tshigs dang/ /sgra mthun don spags gtan tshigs
- 378a
kyis/ /gzhal bya bdag nyid tshe sogs blta/ /tshad ma bka' la dag mnyam grangs/ /rtogs pa bzhi dang bden gsum dag /skabs kyis bya thabs mthar 'gyur yang/ /byed la gtsor brjod dag pa yis/ /snang ba mi spong 'bras bu byed// mnyam pas mnyam byed bdag nyid che/ /rtogs pa rnam bzhi'i gtan tshigs kyis/ /mi zad rgyun gyi 'khor lor byed/ /bden pa gnyis med zung du 'jug /ldems dgongs man ngag gtan tshigs kyis/ /skabs kyis don nyid mthong bar byed/ /dngos po lo rgyus gtan tshigs kyis/ /bdag nyid chen po smos ci dgos/ /rang bzhin gtan tshigs lhun grub 'jug /'on tang tha dad don la med/ /sgra mthun don spags rang dang spyi/ /mtshan nyid gzhal mdza' bral ba'o/ /chos kun rang dang spyir btags pas// ma skyes thams cad mkhyen pa'i don/ /rnam pa kun ldan stong par snang/ /de phyir sku gsung thugs su snang/ /dngos kun gcig dang du mar bral/ /mdza' gsum dang ni bzhi bral lugs/ /khyad par can gyis de nyid mthong/ /de yang ma spangs bral bar brjod/ /rnam par dbye dang mtshon pa'i dpe/ /de bzhin nyid du the tshom med/ /shes rab spyan gyis ngo bo nyid/ /gnyis kyi ngo bo skabs 'jug kyang/ /rgyu 'bras phyir na cig shos la/ /yul med rang rig mngon sum pa'o/ /bye brag 'dod gzhung gtan tshigs kyis/ /zhor brjod bcu gsum rnam grangs tsam/ /mthong byed nges tshig mthong lha gnyis/ /sgros bral skur med don chen po/ /sa lu phub khrod snang med bzhin/ /yul med rang gsal nyams rnyed la/ /mthong zhes tha snyad brjod par ?? de phyir blta dang blta med pas/ /chos kun rang rig nyid snang ba/ /me long lta bu'i tshul bzhin du/ /mi rtog gsal bas nges tshig 'grub/ /de ltar skyes mchog su ldan pa/ /dam la rub cing snying rjer ldan/ /pha la drin skye man ngag 'tsho'o/ /mi skyo
- 378b
don brtson chags bral 'byung/ /spyod zhib nyam nga g.yang sa med/ /de yod dmigs dang ldan pa'i rtags/ /rnal 'byor che la phyir rgyu dang/ /mu stegs zhor 'byung rig byed dang/ /ngo bo rgyur smra phyogs lung rten/ /bdun sde mnyam 'jog la sogs kyis/ /reg min do las gzhi nas spags/ /lta spyod mi mthun smos ci dgos/ /bskal par sbyangs pas don mthong pa phyin chad mi ldog sa la gnas/ /spyod sogs las kun pha rol phyin/ /gzungs kyi dam par rgyal bas gsungs/ /shes rab spyan dang ma ldan na/ /dkar phyogs lha mi stegs tsam las/ /spyad kyang mi thob 'chi bar 'gyur/ /nag po'i las spyod smos ci dgos/ /tshig tsam lta la rten byed cing/ /dam med sbyod cing sgo dgu yi/ /nyod pa byed de thar bar dka' / /stegs dbang tsam gyis rnyed dka' bas/ /sgra 'dul bdud bzlog brtson par 'bod/ /de med nam yang thar mi srid/ /spyod dang skyon bcos mi bzod cing/ /lci dang gdung med 'dod thob nas mi khur spongs byed rigs ma nges/ /ltung byed de dang ma phrad cig /de bzlog snod ldan dpal du shog /des kyang de bzhin 'tsho bar shog /rab rig sel byed thur 'dra 'di/ /dman phyir brtson byas gzhung 'gal skyon/ /rgyal ba rigs 'dzin mchog gsum la/ /bzod gsol gnyis med dang du bshags/ /dal ba'i dge rtsas 'gro ba rnams/ /mi ldog spyan ldan sangs rgyas shog / rdo rje sems dpa' sgyu 'phrul dra ba'i shes pa'i mtshan nyid bshad pa// //shes rab spyan 'byed ces bya ba/ bi ma las mdzad pa rdzogs so// //lta ba dang theg pa la sogs pa'i khyad par bsdus pa'i bsgyus? byar/ /bcom ldan 'das 'jam dpal gzhon nu dang/ /rdo rje chos la phyag 'tshal lo/ /'jig rten gyi khams na/ sems can phyin ci log gi lta ba grangs med pa'i mdo rnam pa bzhir 'dus te/ /phyal ba dang/ rgyang phan dang/ mur thug
- 379a
pa dang/ mu stegs pa'o/ /de la phyal ba ni chos thams cad la rgyu dang 'bras bu yod med du ma gtogs te/ kun tu rmongs pa'o/ /rgyang phan pa tshe snga phyi yod med du ma gtogs shing/ /tshe gcig la btsan phyug dang/ mthu stobs bsgrub pa ste/ 'jig rten gyi gsang tshig la brten pa'o/ /mur thug pa ni chos thams cad ni rgyu dang 'bras bu med pa ste/ tshe gcig la skyes pa'i chos thams cad kyang glo bur du skyes la/ mdza' chad par lta'o/ /mu stegs pa ni/ chos thams cad la kun tu btags pa'i bdag rtag pa zhig yod par lta ba ste/ de yang rgyu med pa la 'bras bu yod par blta ba dang/ rgyu 'bras log par lta ba dang/ rgyu yod pa la 'bras bu med par lta ba'o/ /'di dag ni ma rig pa'i lta ba'o/ /'jig rten las 'das pa'i lam la yang rnam pa gnyis te/ mtshan nyid kyi theg pa dang/ rdo rje'i theg pa'o/ /mtshan nyid kyi theg pa la yang rnam pa gsum ste/ nyan thos kyi theg pa dang/ rang sangs rgyas kyi theg pa dang/ byang chub sems dpa' i theg pa'o/ de la nyan thos kyi theg pa la zhugs pa'i lta ba rnams ni/ /chos thams cad la mu stegs la sogs pa yis sgro dang bkur bar btang ba'i ye med par blta ba dang/ rtag pa la sogs pa yod par lta ba ni/ thag pa la sbrul du mthong ba med/ phung po dang/ skye mched dang/ khams la sogs pa 'byung ba chen po bzhi'i/ rdul phra rab dang/ rnam par shes pa ni don dam par yod par lta ba dang/ 'phags pa'i bden pa bzhi sgoms pa'i rims kyis/ /'bras bu rnam pa bzhi grub pa yin no/ /rang sangs rgyas kyi theg pa la zhugs pa rnams kyi lta ba ni/ chos thams cad la mu stegs la sogs pas/ sgro dang bkur bar kun tu rtags pa'i bdag rtag pa la sogs pa med par lta ba ni nyan thos dang mthun/ de la khyad par du gzugs kyi phung po chos kyi khams kyi phyogs gcig la bdag med par rtogs shing/ rang sangs rgyas kyi 'bras bu thob pa'i dus na yang
- 379b
nyan thos ltar dge ba'i bshes gnyen la mi ltos par/ sngon goms pa'i shugs kyis rten cing 'brel bar 'byung ba bcu gnyis kyi sgo nas/ chos nyid zab mo rtogs nas/ rang sangs rgyas kyi 'bras bu 'grub pa yin no/ /byang chub sems dpa' i theg pa la/ zhugs pa rnams kyi lta ba ni/ kun nas nyon mongs pa dang rnam par byad ba'i chos thams cad don dam par ni rang bzhin med pa yin la/ kun rdzob tu ni sgyu ma tsam du mtshan nyid ma 'dres par yod/ pha rol tu phyin pa bcu spyad pa'i 'bras bu sa bcu'i mas kyis bgrod pa'i mdza' / bla na med pa'i byang chub tu 'grub par 'dod pa yin no// //rdo rje theg pa la yang gsum ste/ bya ba rgyud kyi theg pa dang/ gnyis ka rgyud kyi theg pa dang/ rnal 'byor rgyud kyi theg pa'o/ /de la bya ba rgyud kyi theg pa la zhugs pa rnams kyi lta ba ni/ don dam par skye 'gag med pa las/ /kun rdzob tu lha'i gzugs kyi skur bsgom zhing sku'i gzugs brnyan dang/ thugs mtshan dang/ bzlas brjod dang/ gtsang sbra dang/ dus tshigs dang/ gza' dang rgyu skar la sogs pa/ gtsor yo byad dang rgyu rkyen 'tshogs pa'i mthus 'grub pa'o/ /gnyis ka rgyud kyi theg pa la zhugs pa rnams kyi lta ba ni/ don dam par skye 'gag med pa las/ kun rdzob tu lha'i sku nyid rnam pa bzhi dang ldan par bsgoms pa'i ting nge dzin dang/ yo byad dang rgyu rkyen la sogs pa gnyis ka la yang brten nas ?? pa'o/ /rnal 'byor rgyud kyi theg pa la zhugs pa rnams kyi lta ba ni/ rnam pa gnyis te/ rnal 'byor phyi ba thub pa rgyud kyi theg pa dang/ rnal 'byor nad pa thabs kyi rgyud kyi theg pa'o/ /de la rnal 'byor phyi la thub pa rgyud kyi theg pa la zhugs pa rnams kyi lta ba ni/ phyi'i yo byad la gtso bor mi 'dzin par/ /don dam par skye 'gag med pa'i lha dang lha mo dang/ de dang 'dra ba'i rgyud yongs su dag pa'i ting nge 'dzin gyis/ 'phags pa'i gzugs kyi sku phyag rgya bzhi dang ldan par bsgom pa'i rnal 'byor pa'i gtsor
- 380a
byas pas 'grub po/ /rnal 'byor nad pa thabs kyi rgyud kyi theg pa la zhugs pa rnams kyi lta ba ni/ rnam pa gsum ste/ bskyed pa'i tshul dang/ rdzogs pa'i tshul dang/ rdzogs pa chen po'i tshul lo/ /de la bskyed pa'i tshul ni/ /ting nge 'dzin rnam pa gsum rims bzhin du bskyed cing/ dkyil 'khor rim bzhin bkod nas/ bsgoms pas 'grub bo/ /rdzogs pa'i tshul ni/ don dam par skye 'gag med pa'i lha dang lha mo'i rnam par mi rtog /dbu ma chos kyi dbyings las kyang ma g.yos la/ kun rdzob tu gzugs kyi sku yang gsal bar bsgom zhing/ mnyam la ma 'dres par bsgoms pas 'grub po/ /rdzogs pa chen po'i tshul ni/ 'jig rten dang 'jig rten las 'das pa'i chos thams cad dbyer med par sku gsung thugs kyi dkyil 'khor gyi rang bzhin ye nas yin par rtogs nas bsgom pa ste/ /de yang rgyud las rdo rje phung po'i yan lag ni/ /rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa' i dkyil 'khor nyid/ /sa chu spyad dang mA ma kI /me rlung gos dkar sgrol ma ste/ /nam mkha' dbyings kyi dbang phyug ma/ /srid gsum ye nas rnam par dag /ces 'byung ste/ 'khor ba dang mya ngan las 'das pa'i chos thams cad ye nas ma skyes la/ bya byed nus pa'i sgyu ma bde bar gshegs pa yab yum bcu la sogs pa'i rang bzhin ye nas yin pa'i phyir/ chos thams cad rang bzhin gyis mya ngan las 'das pa ste/ chen po lnga ni yum lnga'i rang bzhin yin/ /phung po lnga ni rigs lnga'i sangs rgyas la/ rnam par shes pa bzhi ni byang chub sems dpa' bzhi'i rang bzhin/ yul bzhi ni mdzes pa lha mo bzhi'i rang bzhin/ dbang po bzhi ni byang chub sems dpa' bzhi'i rang bzhin/ /dus bzhi ni mchod pa'i lha mo bzhi'i rang bzhin/ lus kyi dbang po
- 380b
dang/ rnam par shes pa dang/ yul dang/ de las 'byung ba'i byang chub sems dpa' ni khro bo bzhi'i rang bzhin/ yid kyi rnam par shes pa ni byang chub kyi sems kyi rdo rje kun tu bzang po'i rang bzhin/ yul chos 'dus byas dang/ 'dus ma byas ni kun tu bzang mo'i rang bzhin te/ de dag kyang ye nas mngon par rdzogs par sangs rgyas pa'i rang bzhin yin gyi/ de lam gyis bsgrub pa ni ma yin no/ /de ltar phyogs bcu dang dus gsum dang/ khams gsum la sogs pa/ 'dus byas dang 'dus ma byas kyi chos thams cad rang gi sems las gud na med na/ ji skad du/ rang gi sems so sor rtogs pa ni/ sangs rgyas byang chub de nyid do/ /'jig rten gsum po de nyid de/ /'byung ba che rnams de nyid do/ /zhes 'byung ngo/ /ji skad du/ chos thams cad ni sems la gnas so/ /sems ni nam mkha' la gnas so/ /nam mkha' ni ci yang mi gnas so/ /zhes 'byung ba dang/ chos thams cad ni ngo bo nyid kyis stong pa'o/ /chos thams cad ni gzod ma nas rnam par dag pa'o/ /chos thams cad ni yongs kyis 'od gsal ba'o/ /chos thams cad ni rang bzhin gyis mya ngan las 'das pa'o/ /chos thams cad ni ye nas mngon par rdzogs par sangs rgyas pa'o zhes gsungs so// //'di rdzogs pa chen po'i tshul lo/ /rdzogs pa chen po'i tshul ni/ rtogs pa rnams bzhi lam gyis yid ches pa ste/ de la rdzogs pa chen po ni bsod nams dang ye shes kyi tshogs rdzogs pas/ 'bras bu chos lhun gyis grub pa'i don no/ /tshul ni don la 'jug pa'o/ /rtogs pa rnam bzhi ni/ rgyu gcig par rtogs pa dang/ yig 'bru'i tshul gyis rtogs pa dang/ byin gyis brlabs par rtogs pa dang/ mngon sum par rtogs pa'o/ /de la rgyu gcig par rtogs pa ni/ /chos thams cad don dam par ma skyes pas/ so so ma
- 381a
yin pa dang/ kun rdzob sgyu ma'i mtshan nyid kyis so so ma yin pa dang/ ma skyes pa nyid chu bzla ltar sgyu ma sna tshogs su snang zhing bya ba byed nus pa dang/ sgyu ma nyid ngo bo med do/ /ma skyes pas kun rdzob dang/ /don dam par dbyer med pas rgyu gcig par rtogs pa'o/ /yig 'bru'i tshul gyis rtogs ba ni/ /chos thams cad ma skyes pa ni a ste gsung gi rang bzhin la/ ma skyes pa nyid sgyu mar snang zhing bya ba byed nus pa ni oM ste sku'i rang bzhin/ de ltar rtogs pa'i rig pa ye shes sgyu ma mdza' dang dbus med pa ni hUM ste thugs kyi rang bzhin du rtogs pa'o/ /byin gyis brlabs par rtogs pa ni/ dper na ras dkar po la dmar pos byin gyis brlab pa'i mthu rtsod la yod pa bzhin du/ chos thams cad sangs rgyas bar byin gyis brlob pa'i mthu yang rgyu gcig pa dang yig 'bru'i tshul gyis mthus byin gyis brlabs par rtogs pa'o/ /mngon sum par rtogs pa ni/ chos thams cad ye nas sangs rgyas par gnas pa de yang lung dang man ngag dang 'gal ba yang ma yin la/ lung dang man ngag gi tshig tsam la rten pa yang ma yin la/ rang gi rig bas blo'i gting du yid ches par mngon sum du rtogs pa'o/ /lam gyi yid ches pa ni/ rtogs pa rnam bzhi'i don rig pa de nyid rnal 'byor pa'i lam yin te/ de yang rgyu bsgrub pas 'bras bu 'byung ba'i dus la ltos pa lta bu ni ma yin gyi/ rang gi rig pas mngon sum du rtogs shing yid ches pa'o/ /de la mtshan nyid gsum gyis don mthar phyin par 'gyur te/ rtogs pa rnam bzhi'i tshul rig pa ni/ shes pa'i mtshan nyid do/ /yang nas yang du goms par byed pa ni/ 'jug pa'i mtshan nyid do/ /goms pa'i mthus mngon du gyur pa ni/ 'bras bu'i mtshan nyid do/ /mtshan nyid gsum gyi 'brel ba dang/ dgos pa dang/
- 381b
dgos pa'i yang dgos pa'o/ /de la 'brel ba ni kun nas nyon mongs pa'o/ /rnam par byang ba'i chos su brtags pa thams cad ye nas sku gsung thugs kyi bdag nyid/ rang bzhin gyis sangs rgyas pa'i dbyings dang/ byin gyis brlabs yin pa'i don rtogs pa ni shes pa'i mtshan nyid do/ /de bla na med par sangs rgyas su 'grub pa'i rgyu yin pa'i phyir dgos pa'o/ /dgos pa ni kun nas nyon mongs pa/ /rnam par byang ba dang chos dang/ sman lnga dang bdud rtsi lnga la sogs par btags pa thams cad/ ye nas sangs rgyas pa'i mnyam pa chen po la blang dor med par spyod pa ni 'jug pa'i mtshan nyid do/ /de ni bla na med pa'i sangs rgyas su grub pa'i rgyu yin pa'i phyir dgos pa'o/ /dgos pa'i yang dgos pa ni/ /kun nas nyon mongs pa dang/ rnam par byang ba'i chos dang/ sman lnga dang/ bdud rtsi lnga la sogs pa'i khyad par du brtags pa thams cad/ ye nas sangs rgyas pa'i mnyam pa chen po'i ngang du/ blang dor med par srid pa'i 'khor ba nyid ye nas bla na med pa'i sangs rgyas pa'i rang bzhin/ mya ngan las 'das pa'i mtshan nyid lhun gyis grub pa yin pas/ 'bras bu'i mtshan nyid de/ sku gsung thugs mi zad pa rgyan gyi 'khor lo mngon du gyur pa ni/ dgos pa'i dgos pa'o/ /de la bsnyen pa dang/ nye ba'i bsnyen ba dang/ bsgrub pa dang bsgrub pa chen pos/ /don lhun gyis grub bar gyur pas/ rnal 'byor la brtson par bya'o/ /de la bsnyen pa ni/ byang chub kyi sems shes pa ste/ de yang chos thams cad ye nas sangs rgyas pa'i rang bzhin du da lam gyis bsgrub cing gnyen pos bcos su med par rtogs pa'o/ /nye ba'i bsnyen pa ni bdag nyid ltar shes pa ste/ de yang chos thams cad ye nas sangs rgyas pa'i rang bzhin yin pas/ bdag nyid kyang ye nas lha'i rang bzhin yin par shes kyi/ da bsgrub ba ni ma yin par rtogs pa'o/ /bsgrub pa 'di
- 382a
ni yum bskyed pa ste/ de yang yum chen mo nam mkha' i dbyings las/ nam mkha' nyid yum chen mo/ /sa chu me rlung bzhir snang/ bya ba med pa'i yum ye nas yin par rtogs pa'o/ /bsgrub pa ni thabs dang shes rab 'brel pa ste/ de yang yum chen mo lnga'i shes rab dang/ /yum kyi nam mkha' stong pa nyid las/ phung po lnga'i sangs rgyas thabs kyis yab/ /smon pa med pa ye nas zung du 'gyur ba'i 'brel pa las/ byang chub kyi sems sprul pa tsam bral du gyur pa'i rang bzhin/ ye nas sangs rgyas pa'i don sgyu ma la sgyu ma rol cing bde mchog sgyu ma'i rgyun la/ bde ba'i dus nyid na/ mtshan ma med pa'i don mi dmigs nam mkha' dang snyoms pa ni/ klong du gyur nas lhun gyis grub pa ste/ bdud rnam bzhi yang brtul bas mthar phyin pa'i don 'grub pa'o/ /chos thams cad gzod ma nas rnam par dag pa'i yid bzhin gyi gzhal yas khang/ rgya yongs su ma chad 'khor lo/ ye nas bla na med pa'i dkyil 'khor du 'jug pa yang/ thabs kyi theg pa'i gsung du thos pa ni mig phye ba'o/ /don rtogs pa ni dkyil 'khor mthong ba'o/ /rtogs nas goms par byed pa ni/ dkyil 'khor du zhugs pa'o/ /zhugs nas mngon du gyur pa ni/ dngos grub chen po thob pa'o/ /de ltar tshul 'di ni rdzogs pa chen po'i mthar phyin pa'i don/ yi ge 'khor lo tshogs chen gyi sa la lhun gyis 'jug pa ste/ skyes bu blo rtsal rab kyis/ ye nas sangs rgyas pa'i don la ye nas sangs rgyas par rig pas gom pa drag dal du 'gro ba yin gyi/ phal gyis bya ba ni ma yin no/ /phal gyis thog te ji ltar bsams kyang/ bden zhing bzang zhing yid ches par mi 'gyur ro/ /yid ma ches pa dang/ phal gyi blo la dka' zhing bden pa dang/ bzang par ma shes pa'i nyams dang sbyar nas/ kun kyang de dang 'dra
- 382b
snyam ste/ yo rdzun zhes skyes bu rab la yang bskur pa 'debs shing sun 'byin pa'i blo skye bar 'gyur bas/ rab tu gsang ba'i phyir/ gsang ba'i thigs pa zhes bka' stsal to/ /de bas na chos thams cad ye nas sangs rgyas pa'i don rtogs pa'i blo ma skyes kyi bar du/ theg pa 'og ma 'gro ba'i don byas nas/ gdul bya mi za bas/ slob dpon gyis 'khor ba'i skyon dang/ mya ngan las 'das pa'i yon tan dang/ theg pa thams cad la mkhas par byed pa yin gyi/ phyogs 'ga' tsam shes pas slob dpon gyis gzung du mi rung bar yang rgya cher 'byung ngo/ /lta ba'i khyad par dka' thub pa dang/ brtul zhugs kyang bye brag du 'gyur te/ dka' thub med pa ni 'jig rten phyal ba dang/ mur thug go /dka' thub yod pa ni rnam pa bzhi ste/ rgyang phan pa dang/ mu stegs pa ste/ 'jig rten pa'i dka' thub dang/ nyan thos kyi dka' thub dang/ byang chub sems dpa' i dka' thub dang/ bla na med pa'i dka' thub bo/ /de la phyal ba ni rgyu 'bras la rmongs pa'i phyir dka' thub med do/ /mur thug pa ni chad par lta ba'i phyir/ dka' thub med do/ /rgyang phan pa ni tshe 'di'i khyad par dag bsgrub pa'i phyir/ gtsang sbra la sogs pa'i dka' thub can no/ /mu stegs pa ni/ bdag tu brtag pa cig yod pa de dag par bya ba'i phyir/ lus sun 'byin cing/ me lnga rten pa la sogs pa'i dka' thub dang/ brtul zhugs log par spyod pa'o/ /nyan thos kyi dka' thub ni/ 'dul ba las sdig pa ci yang mi bya ste/ /dge ba phun sum tshogs par spyad/ /rang gi sems ni yongs su gdul/ /'di ni sangs rgyas bstan pa yin/ /ces 'byung ste/ dge ba dang mi dge ba'i chos thams cad /kun rdzob dang don dam pa gnyis ka so sor yod par lta bas dge ba ni spyod/ /mi dge ba ni spong ba'i dka' thub dang/ brtul zhugs spyod pa'o/ /byang chub sems dpa' i dka'
- 383a
thub ni/ /byang chub sems dpa' byang chub sems dpa' i sdom pa la/ skyen du 'tsham par tshar mi gcod/ /rdzu 'phrul la sogs sdig mi byed/ /snying rje ldan zhing byams phyir dang/ /sems dge ba la nyes pa med ces 'byung ste/ snying rje chen pos zin na dge ba dang mi dge ba'i chos gang spyad kyang/ sdom pa nyams par mi 'gyur bas/ /byang chub sems dpa' i dka' thub ni/ /snying rje gzhi bzung nas spyod pa'o/ /bla na med pa'i dka' thub ni/ /dam tshig chen po'i mdo las kyang dang sangs rgyas theg pa rab nges na/ /nyon mongs 'dod lnga kun spyad kyang/ /pad+ma la ni 'dam bzhin te/ /de la tshul khrims phun sum tshogs zhes 'byung ste/ chos thams cad ye nas mnyam pa nyid kyi phyir/ /snying rjes ni rten du med la/ zhe sdang ni spang du med/ de ltar ma rtogs pa la/ thugs rje mi 'byung pa yang ma yin te/ ji ltar lta bas ye nas/ ye nas rnam par rtog pa bzhin/ dka' thub dang brtul shugs kyang de ltar rnam par spyod pa'o/ /lta ba 'phreng ba'i gsang rab 'di/ /dmu long rang phye mig med ltar/ /shes rab thabs kyi rtsal 'chad ba'i/ /skyes mchog yod na phrad par shog /man ngag gi rgyal po lta ba'i 'phreng ba rdzogs so// //bcom ldan 'das dpal kun tu bzang po dang/ rdo rje sems dpa' la phyag 'tshal lo/ /gnyis bsdus ma lus sems nyid la/ /lta ba'i bya byed gnyis med cing/ /rang gi ngo bo 'ang ma grub pas/ /lta ba med pa'i lta ba ni/ lta ba'i dam pa kho nar 'dod/ /rmongs pa'i lta ba dngos dmigs pa/ ldongs pas nam mkha' bsnyags pa rnams/ mtshan nyid mdor bsdus bshad par bya/ /rgyu rkyen las kyis ma byas pa'i/ /gser go las byas rdzas rnams kun/ /ming dbyibs dngos las tha dad kyang/ /ngo bo
- 383b
gser du gcig pa ltar/ /rang byung rang snang byang chub sems/ /spros bral rang rgyud min pa'i yul/ /med sgyu brtags chags bsgrubs 'grub snang/ /rig phyir phyi nang dngos kun tu/ /rang snang mtshan nyid so sor yang/ /sems phyir rtog sde 'od gsal ba'i/ /sems nyid 'ba' zhig kho na pas/ /cir yang snang la gzung du med/ /sna tshogs gnyis par mi phyed pa/ /bdag bzung 'jug rdo rje'i sku/ /cir snang ma spangs dngos mi dmigs/ /sbrul rdzogs chos sku ma 'dres gsal/ /de sogs lhun grub byang chub sku/ /ma nor ma bcos kun 'byung ba/ /de la de bzhin dbyings zhes bya'o/ /cis kyang ma bsgribs ye shes mchog /thams cad ma 'dres ye shes gsal/ /dngos po thams cad de nyid de/ /rgyud dkyil rdzogs chen sangs rgyas sogs/ /rang bzhin ngo bor de brjod de/ /'khor ba dkar dag rin chen gling/ /mya ngan 'das zla brjod med pa/ /tha snyad ci yang min pa ste/ /ming grangs gdul bya'i ched du zad/ /de ltar rang rig rang snang bas/ /gang la cir snang dus nyid na/ da lta bya lta byed gnyis med pa/ /mthong ba med pa'i mthong yin yang/ /nges pa'i rkyen gyis ma nges dang/ /spyi'i snang gnyis rtags gsum du/ /rang blo'i rgyun las grub pa'o/ /bshad pa bzhin du rang snang la/ /ma rig bdag lta brtags pa yis/ /zhar blos gus na 'dug pa dang/ /rdzas bems snang ba'i brtags pa gsum/ /goms pas nyams su skye ba nyid/ /log rtog rgyun la rtag gnas pas/ /nyon mongs las kyis cir snang ba'i/ /dngos kun log rtog tsam nyid las/ / 'phra dang zab pa yod min pas/ /'khrul pa'i snang ba zhes su gsungs/ /rang bzhin shes spangs zlog pa'i phyir/ /chos nyid bya byed rigs pa gnyis/ /rang bzhin las kyis tha dad do/ /snod bcud rims sbyar theg bsam yas/ /dgongs
- 384a
gsung brlabs 'byung du ma las/ rang bzhin cha 'thun gol ba gnyis/ /bye brag du ma'ang gnyis 'dus te/ /rim lta byed bo rtag pa gnyis/ /bdag dang dngos po rkyen las 'byung/ /'jig mdza' spong pa'i chang lta'o/ /mos ba chung ngu? ba dag ni/ /sems ni gzhir snang skad cig mi'o/ /rgyun la lta ba gnyis ma grub/ /so so'i ngo bo phra rab ni/ /bdag dang 'jig rten gzhir 'dod pa/ /chos tsam 'phags pa'i spyod yul la/ /yor bor rnam par shes pa yis/ /mu rdzas lta bur lkog gyur pas/ /spang phyir rjes su 'gog byed pa'i/ /gzhan dag 'dzin pa cha mdun yang/ /'phra mo phyogs chas ma grub phyir/ /dngos po'i ngo bo mdza' stong yang/ /stong pa'i rgyun gyis stong ba'ang/ /so so 'chi yis 'ching bar 'gyur/ /phyogs rtogs pa yi gzhung dag kyang/ /don ni rgyud bcas chos tsam min rnam rig skad cig ngo bo nyid/ /dngos nyid snang phyir sems tsam ste/ /rmi lam khang sogs ji lta bar/ /dngos po thams cad skad cig ma'o/ /gang yang de snang dus nyid la/ /snga phyi kun bsgribs da lta nyid/ /cig phyir cha shas rnam pas stong/ /nyi shar chu shel bai DUr sogs/ /brtag par dka' ba'i ye shes nyid/ /de lta'i rgyun du rang gnas pa'o/ /rjes su 'jug par byed pa ni/ /mi rtog ting 'dzin zhes bya'o/ /mi gnas theg chen gzhung gsum mdo/ /gzhan gyi dam pa'i don de nyid/ /phyogs gcig la gnas yang dag min/ /rkyen snang se gol cha'i phyir/ /gnyis bral smra ba'ang rigs pas 'gal/ /gang yang rang grub ma yin te/ /lag sor tshogs kyis dngos min bzhin/ /brgyad phyed gzhan dbang snang ba yang/ /mthun snang la sogs rigs pa bzhis/ / nges par yod par kun bsgrib 'dod/ /'dus snang don byed rgyu tsam la/ /chos dang ldan pa zhes brjod kyang/ /ngo bo mthong ba ming tsam phyir/ /rang gi mtshan nyid brjod bya min/ /gzhan snang rgyu dang grangs bral dang/ /bdag gzhan gnyis sgyus mi skye phyir//
- 384b
gang yang rang gi ngo bo stong/ /dus gsum du yang ma grub pa/ /rang bzhin ngo bos stong pa nyid/ /ma byas mi 'gyur ma reg cing/ /ngo bos brjod med rigs bzhis nges/ /shes bya bden gnyis ngo bo nyid/ /mun snang bzhin du 'thad min la/ /lo ma mtshon bzhin gzhan las min/ / gang yang gnyis las 'da' med pa/ /mdza' las 'das phyir dbu mar 'dod/ /theg pa mchog la bye brag ste/ /dmigs pa 'phra mo bya ba nyid/ /rang sems mdza' bzhi yongs bral la/ /rang rig ye shes gzhan las min/ /rkyen snang glang pa'i ye shes kyis/ /mthong pa'i dngos po mthong 'jam rtsub/ /drug phyed rigs kyi dkyil 'khor du/ /mthong ba rnam par dag ces bya'o/ /dag pas ltas na kun kyang gtsang/ /rtogs pas bsams na ci yang 'grub/ /dngos kun rang rig mtshan nyid de/ /de bzhin gshegs pa'i ye shes kyis/ /lugs bskur bzhin du snang bar 'dod/ /ye shes byin brlabs snang ba nyid/ /sdeng ma chung par rims lta zhing/ /snang stong rim gyis brtan par byed/ /cho ga las dang rdzas bsogs pa/ /rnal 'byor gnyis dbang smra gzhung ni/ /thams cad sems kyi brlabs snang phyir/ /de nyid mdza' stong rig gsal bas/ /rgyu rkyen ma byas mdza' bral ba'i/ /rang bzhin chos kyi sku nyid do/ /kun gzhi sems btun tshul bzhin du/ /chos sku snang ba'i byin rlabs rol/ /rdor sogs rigs lnga'i dkyil 'khor du/ /sangs ma rgyas pa med pa ni/ /rang bzhin stug po bkod pa'o/ /rkyen lam rnal 'byor rnam gnyis kyis/ /mngon byas lhun grub rnal 'byor ni/ /byin brlabs ya mtshan bsam yas kyang/ /rnal 'byor gsal ba mnyam par 'dod/ /rnal 'byor gsum po rims snang ba/ /gcig rang du mar smra ba ni/ /rang rig nyi ma'i snying po nyid/ /dngos gnyis las sogs byed pa'i phyir/ /cho 'phrul gnyis las mi zhan pas/ /dbang sgyur thabs kyis rgyal bar 'dod/ /cho 'phrul yul sems tshul nyid kyang/ /thabs dang shes rab mtshan nyid de/ /phung sogs yab yum dkyil
- 385a
'khor ni/ /rgyud min rang bzhin snang ba nyid/ /gnyis med byang sems ngo bo las/ /'khor ba'i mtshan nyid rang gis med/ /sman gyi rgyal po ma ki tas/ /gang la reg pa sman du 'gyur/ /dbang sgyur man ngag la gnas pas/ /dug sogs byang chub lam du 'gyur/ /thabs kyis dbang sgyur ma chags pa'i/ /thogs med shes rab spyan snang bas/ /rnam gsum ting 'dzin rims bsgoms yang/ /dbang sgyur sems kyis cho 'phrul las/ /rgyu 'bras rim pa med par 'dod/ /rjes yo? thob 'jug rnal 'byor gzhung/ /ma skyes rang rig ye shes ni/ /rtsal rdzogs rol pa rang snang bas/ /grangs mdog ma nges sku gsung thugs/ /rang snang phyag rgya bsam mi khyab/ /kun bzangs ril phyir blang dor med/ /gang yang sems la gzhan min bas/ /rang bzhin cir yang ma skyes phyir/ /rtogs pa'i smra bsam yul bral ba/ /kun gzhi bzang mo'i mnga' klong las/ /cir yang snang ba yum gyi dbyings/ /rang snang rol ba bsam yas kyang/ /b+ha ga'i klong las g.yos med de/ /'du 'bral med pa'i bde chen po/ /sangs ma rgyas pa cig med pa'o/ /mang nyung grangs kyi lha rnams kyang/ /chu la nya ldang tshul snang bzhin/ /'od kyis ting 'dzin shugs kyis 'gro /gang zhig 'di las gnas gyur na/ /dam tshig spyod sogs gtsor ma gsungs/ /rang bzhin nyid mthun rang bzhin rdzogs de phyir lta sogs khyad par 'phags/ /rnal 'byor ming gsum gzhung nyid/ /dngos po de nyid ji lta ba/ /de bzhin ma log mngon byed pa/ /spyi min rang gi mtshan nyid du/ /rang rig mngon sum gsal dus na/ /rang snang mdza' bral rgyun las grol// ye shes nam mkha' dbus mdza' med/ /de bzhin nyid gshegs yang dag rdzogs/ /tha snyad gnyis kyi chos rnams ril/ /mnyam rdzogs bdag nyid chen po'i brgyan/ /las yon lhun grub byed dang bral/ /dngos de nyid kyang mdor bstan na/ /chos sems
- 385b
ye nas gnyis su med/ /thams cad ma 'dres yongs rdzogs pa/ /cir snang ci yang ma yin te/ /btsam bzhi byas dngos ltar 'dod pa'i/ /dngos po rnam drug la sogs pa/ /gang yang min phyir nges tshig ldan/ /yul bral gnyis med rang mi dmigs/ /kun bzang nyid kyis bstan dka' la/ byed bo chos can skad cig dang/ /sgyu snang rtogs pa'i rigs snang dang/ /brlabs dang cho 'phrul rtsal snang ba/ /'di la gdod nas yod ma yin/ /rig pa bzhi snang brlabs sogs pa/ /bltas pa tsam ste bye brag med/ /rgyu nyid rdo rje rkyen de bzhin/ /des na skye med 'gags sogs stong/ /bdag las gzhan pa mi snang zhing/ /bdag kyang 'di 'dra mi dmigs pas/ /snang med stong pa chen por gsungs/ /gnyis bsdus brjod snang thams cad kun/ /mi 'gog sems la gzhal med pas 'dogs snang brtags par rung ma yin/ /rnam pa kun ldan stong chen po/ /sangs rgyas pas kyang sngar sangs rgyas/ /snang gsum grags pa'i chos rnams kun/ /'di las brtags nas brtags snang phyir/ /thams cad kun snang gzhi rtsar bshad/ /gang la'ang gdod nas yod min pas/ /brtags rnams kyi bus khyi tshul gsungs/ /dus gsum chos kun gcig khyad med/ /sngon med phyis med gdod nas byung/ /thams cad sems gsal de bzhin nyid/ /ma byas rgyun min phyogs med gsal/ /ye shes ming bzhi'i rang bzhin nyid/ /mdza' bral bsam pa'i yul 'das pas/ /thig le chen po gcig tu nyid/ /ther zug rgyun las ye nas grol/ /don dam nor bdun gzhan 'dod pa'ang/ /gdul bya'i ngo bo 'dod pa min/ /gang yang dam par mi lta na/ ci bsams skyon med bya lam dang/ /rgyu shes slu ba med pa bzhin/ /'di la gol sa yod ma yin/ /mnyam rdzogs bdag nyid chen po'i phyir/ /bden pa gnyis kyi snyad las 'das/ /bzhi gnyis spros bral chos kyi dbyings/ /rang bzhin gyis stong de bzhin nyid/ /gdong
- 386a
nas skye ba med pa'i dang/ /rigs bzhis nges pa don dam dngos/ /bla med mi gnas nges par 'dod/ /de nyid rang rig kho na'i phyir/ /stong nyid ye shes ngo bo las/ /byin brlabs snang ba gzhir gyur pas/ /yid bzhin nor ltar rim snang ba/ /rjes thob la sogs theg pa'i gzhung/ /bden gnyis mnyam pa nyid kyi dbyings/ /dngos kun ma bcos sems gsal ba/ /ma nor ma bcos de bzhin nyid/ /'bras bu lhun gyis grub pa'i dang shes bya khyad 'gyur don dam gsum/ /de sogs bltos brtags brjod bram ba'o/ /ming bzhi sogs mtshon shes bya nyid/ /ye nas yin zhes ye shes kyang/ /gnas 'gyur lam dang 'bras skabs su/ /rgyu yis gnyis dang bzhir 'dod pa/ /yul phyir rgyu 'thun skabs cig ma'o/ /rnal sogs stong nyid ye shes dang/ /don shes skabs kyi ye shes bzhis/ /don drangs kyis kyang khyad par 'gyur/ /kun ye rang rig shes gsal ba/ /cis kyang ma bsgribs nges pa'i tshig /rang byung rang rig dbyings mi gnas/ /skabs ming bzhi phyir gcig med la/ /chos kun ma 'dres bdag gsal phyir/ /ye shes rnam grangs bsam mi khyab/ /yang dag rdzogs sangs rgyas kyi'ang/ /ye shes yul med cang mi shes/ /ma lus bdag gsal rtog med pa/ /ye shes ming gnyis dngos gcig pa'o// //gang gis don 'di mthong gyur na/ /de bzhin nyid gshegs kho na'i phyir/ /ji bzhin pa'i dngos de bzhin/ /rtogs gnyis grol ba'i ye shes sku/ /ngo bo nyid rtag brjod las 'das/ /brtags sogs thad ka'i chos kun yang/ /sems phyir yod min ma dmigs pas/ /blang dor byed dang don gyis bral/ /'du shes rang bzhin ye shes kyang/ /'du shes thams cad 'byung mi 'gyur/ /rang 'byung ye shes mngon byes pa'i/ /nyi ma bye ba 'od brdal yang/ /dus dang rnam pa thams cad du/ /sangs rgyas par bya byed med pa'i/ /chos
- 386b
ni rdul tsam yod min pas/ /sangs rgyas med pa'i tshe rabs gsungs/ /bskal pa'i grangs dang tshe rabs su/ /dman pa'i blang dor ci byas dang/ /'bring gis dmigs pas grol thob dang/ /don 'di nyams su myong na/ /brtags pa nyid las ma gtogs par/ /spangs thob ngo bo gdong nas med/ /dngos drug dmigs rang gzhan don gyi/ /'du shes rgyun dang bya las grol/ /bdag gi mu mdza' yas sangs rgyas/ /ji bzhin der gyur kun bdag rdzogs/ /de bzhin gshegs pa yang dag rdzogs/ /de sogs tha snyad tsam du zad/ /dman 'bras sku dang ye shes mchog/ dngos nyid shin tu rnam dag dang/ /gnyen med don bzhin rnam par shes/ /ming gsum ldan 'di mchog gi gzhung/ /tshogs brgyad la sogs chos kun dang/ /dngos cig bsal bas tha dad pa/ /dngos med ye shes sna tshogs can/ /dngos nyid chos kun ldan bral min/ /don 'di rnal 'byor mngon sum mo// //mchog gis rang rig mngon sum du/ /rang grol gsal thob gnyis las 'das/ /ngo bo bsam rdzogs ril dang bral/ /sangs rgyas kyis kyang bstan dka' ba/ /dman don gzhung gis gal rdzogs/ /de'i rjes 'jug tshang dag kyang/ /dngos de nyid la rnam med kyang/ /rang bzhin las kyi rtsal rim pas/ /bcos phyogs sbyangs rgyud thabs rtsal gyis/ /mi bzlog rim pa sngon bya'i phyir/ /gtan tshigs bzhis sogs rims bkod pas/ /dngos de nyid shes kun smra yang/ /btsal bral bya med don ma rig/ rjes sogs ltos ltas kho nar snang/ /rtse mchog gzhung gi tshad gsum nyid/ /bzhi sogs so so'i tshad ma yis/ /dngos de nyid sogs gang de nyid/ /gnas min tshad dang de ru mdza' / /spangs pa'i rang rig gang yin pa/ /khyu mchog mdo ris lta bus tshad/ /de phyir lam kun mkhas spyod yul/ /nam mkha' rmad sogs rjes mthun par/ /myong ba'i nyams bsdur mi 'gal rigs/ /tshig spangs yid ches tshad
- 387a
mar? gsungs/ /ma lus sems phyir snang mi 'dzin/ /ci yang min phyir cir mi gnas/ /thams cad bdag phyir thob spangs med/ /bdag gzhan don bral cang mi 'gog /lha bsgom 'bras bcas gtan tshigs mod/ /rgyas par mdo bzhi me long dang/ /nges bdun nges zin gtan tshigs drug /tshul kyis nges pa bcu gnyis sogs/ /gzhung mdo tshad mar lta bar bya'o/ /gzhung ngan grib ma lta ba'i long thug bzhen/ /mi lus ma 'dres gzhung nub rmongs don du/ /la shan me long 'di ltas bsod nams gang 'gro kun dngos po'i de nyid mdon byed shog /las shan lta ba'i sgron ma zhes bya ba/ bzhad pa rdo rjes mdzad pa rdzogs so// //pad+ma'i spyan la phyag 'tshal nas/ /lta ba'i rim pa bshad par bya/ /'jig rten pa dang 'jig rten 'das/ /gser gyi rdzas ltar cig la snang/ rnam grangs rnam pa lnga gsum gnyis/ /shes nas bzhag dang bslang bar bya/ /thams cad byang chub snying po'i klong/ /pad+ma 'khyil ba'i rang bzhin la/ /rang gi rtog rnyog ri bos mnan/ /rang rgyud rkyen gyis log snang ba/ skye bo ba dang mu stegs pa/ /drug dang rtag chad snang bar 'gyur/ /dmus long tshul du skye be bas/ /mtho yor mi ltar brtags snang ba/ /dmyal ba'i rang sems me sogs snang/ /yi dags sdig sems mi gtsang snang/ /byol song ma 'grogs gyen thur snang mi la mthong yul 'di nyid snang/ /de bzhin lha min go mtshon snang/ /lha la dge sems rin chen snang/ /cir yang snang phyir mthong mi bden/ /skye po rtog pas phrogs pa yi/ /snang 'phrul phyi nang lta bur snang/ /brtags pas brda'i tha snyad shar/ rkyen gyis lag? tshul mu stegs pa/ /khrid byed drug gi ston pas bslus/ mdor bsdus mu stegs chad pa la/ glo bur tsam snang mdza' med de/ /rtag pa byas snang dngos por 'dod/ /de yang rgyu med rgyur smra ba/ /rang bzhin rgyur 'dod dbang phyug rgyu/ /ngo bo nyid la rgyu
- 387b
smra dang/ /rdul phran rgyu ru 'dod pa dang/ /byed po rgyu ru 'dod pa log /gzhan yang mu steg zhar byung ba/ /phyi rol pa dang yang dag par/ /gsang sngags pa dang gsang chen pa/ /gnyis gsum lnga rnams rgyu'i tshul/ /gsum gnyis 'bras bu'i tshul snang ba/ /bdag tu 'dzin pa'i gzhi la lta/ /'jig rten 'das pa'i lta pa'ang/ /cig shos lta pa las 'phags pa/ /nyon thos rang rgyal mdo sde dang/ /kri ya u pa ya dge dang/ /de bzhin yo ga'i theg pa dang/ /ma hA yo ga'i theg pa dang/ /a nu yo ga'i theg pa dang/ /a ti yo ga'i theg pa'o/ /chos tsam lta ba'i nyan thos pa/ /mdo sde pa dang bye brag pa/ /phyi rol rdul la rtsod byed cing/ /shes pa skad cig snang bar 'thun/ /de bzhin rang rgyal theg pa pa/ /phyi rol bcu gnyis sgyu ma tsam/ /rdul yang phyogs chas ma grub 'phags/ /shes pa skad cig rjes 'thun 'dod/ /mtshan nyid theg pa'i 'di rnam pa gsum/ /rnam rig pa dang rnal 'byor pa/ /de bzhin mdo sde dbu ma'o/ /rnam rig phyi rol tho yod mi/ /sag mo rta ltar med bzhin du/ /rang rig rnam shes 'khrul snang 'dod/ /don dam ye shes skad cig 'dod/ /rnal 'byor dbu ma'i kun rdzob mthun/ /don dam stong pa ma skyes 'dod/ /mdo sde kun rdzob sgyu ma tsam/ /yul rnams logs nas snang bar lta/ /dam par mdza' gnyis bral pa yi/ /dbu ma chen por 'dod pa'o/ /kri a don dam chos nyid lta/ /kun rdzob rang rig yon tan lta/ /rigs gsum dkyil 'khor snang bar lha/ /skyo pa'i 'khrul pa med par 'dod/ /gnyis ka rgyud kyi 'dod pa ni/ /lta spyod gong 'og rjes su 'thun/ /yo gas don dam rnam dag pa'o/ /chos kyi dbyings kyi ye shes su/ /rtogs pa'i byin brlabs lha snang ba/ /skye bos de ltar mthong bar 'khrul/ /ma hA yo gas don dam du/ /rang rig gnyis med de bzhin nyid/ /rtogs pa'i cho 'phrul drug sogs pa'i/ /lhar snang dang la
- 388a
'khor ba med/ a nu yo gas don dam du/ /bde chen rtogs pa'i rig pa'i rtsal/ /kun rdzob lha'i dkyil 'khor snang/ /de phyir skye bos rtags pas 'khrul/ /a ti ye ga bden gnyis bral/ /thams cad rang rig rang byung ba'i/ /ye shes mdza' gsum bral ba la/ /brtags pa gnyis po gdod nas med/ /de phyir gser la gser mthong ltar/ /ji bzhin ma nor bden mthong yin/ /mnyam nyid rang bzhin ma nges pas/ /ji ltar brtags pa de snang phyir/ /dngos por brtags pa yod min de/ /yod na kun la mthun snang rigs/ /de phyir rang sems so sor snang/ /brtags pa cig yul cig med pas/ /'khrul pa snang bar the tshom med/ /des na gzhan dbang gdod nas med/ /rtog sems 'gro ba so so sems/ /gcig na dge sdig rnam smin te/ /ma spyad kun gyis myong bar rigs/ /de min yang dag don mi rung/ /rnam smin thun mong ma gyur phyir/ /cig min de nyid ma skyes pas/ /tha dad du yang mi rung ste/ /gcig dang tha dad las grol ba'o/ /dngos po sna tshogs brtags pa'i/ /ming las grub pa'i gtan tshigs med/ /de phyir mtshan nyid ci yang med/ /ma grub pa las yod rtogs pa/ /sgyu ma'i skyes bu shes gyur gyi/ /rgyal ba nyid kyis mi mkhyen no/ /snang ba spyod yul ma grub phyir/ /dmigs pa'i shes pa yod mi rung/ /spyod yul ma skyes ye shes phyir/ /bsgom bya'i chos nyid bung na med/ /sems kyi ye shes mdza' bral phyir/ /bsgom pa po yang ga la yod/ /de ltar bsgom mkhan dngos med na/ /mi gnas mi rtog 'jug pa su/ /nam mkha' lta bu rang gsal ba'o/ /rang sems yo gi de lta'o/ /ci yang yid la mi byed na/ yang dag don la phebs pa'i rigs/ /lus ngag ma skyes gzhi med phyir/ /skyil krung smra tsad kha na med/ /de bzhin sems kyang dngos bral bas/ /rtog spangs sgom pa'i khar mi 'ong/ /de ltar rtogs pa'i sgom pa po//
- 388b
yal bar 'dug pa nam yang med/ /ci phyir bdag nyid de phyir te/ /rang rig dbyings lam g.yos pa med/ /rtog pa'i mtshan ma bzang ngan dang/ /ci skyes dgag par mi bya zhing/ /de don dran pas bral ba'ang yin/ /rang byung rang bzhin ngas smre'o/ /dper na kun? mo tshor ma thag/ ma skrad bros bzhin sdeng gis zhi/ /lta ba'i shugs las 'byung ba'i phyir/ /ched du tshor ba rten mi dgos/ /de mi blo'i skad cig tu/ rnam rtog rang gi de nyid lta/ /byis pa'i shes pa ldang mi nus/ /rmugs pas don nyid mi gsal ba'o/ /bying rmugs rab tu bying rmugs dang/ /shin tu bying dbang du mi btang/ /de bzhin rgod pa'ang rnam pa gsum/ /le lo snyoms las sman la sbyor/ /dogs pas gol ba lhung ba gnyis/ re ba rtags dang 'bras bu'o/ /'khrul pa 'jug tu mi btub dang/ /lus kyi bya byed spyod la dga' dag ci co smra la dga' / /yang dag don la ring ba'i phyir/ /bya byed grong yul gtam mi glan/ /sbyin dang cho ga'i las mi bya/ /dge ba las kyang g.yeng 'gyur na/ /sdig las mi bya smos ci dgos/ nyams dang g.yo dang goms pa dang/ /brtan pa'i nyams dang sbyar bar bya/ /don du 'di nyams bstan du med/ /de rtogs yang dag nyams dang ldan/ /de tshe phyi nang gsang ba'i drod/ /phyi nang rtags kyang rim par 'byung/ /skyes kyang dga' brod sems ma skyed/ /med kyang de la mi dga' med/ /de dag g.yo dang thob brtan na// rim 'byung gsangs na dngos grub myur/ /klungs gsum ldan pa'i skyes mchog la/ /seng ge lta bu 'jigs tshogs bral/ /zas dang nor gnyen ma chags shing/ snying rje chen po ma bral na/ /chos nyid dang yang 'phrad pa'i rtags/ /ci spyod don las ma nyams na/ goms pas las su rung ba'i rtags/ /'di ldan dbang po byed btsums med/ /snang ba gang yang mi skyo zhing/ /yid la bya ba med phyir ro/ /lus kyis rim par bzod thob dang/ /tshes brgyad spong len med pa dang/ /gang la yang nyon mongs mi skye na
- 389a
'di yang sa la bgrod pa'i brtags/ /yid la byed med dgag snang med/ /'du shes ma bzung rang gsal la/ /gang yang nyams su mi len cing/ /sems kyis mngon par ma phyogs shing/ /dmigs med tshul du rang snang ba/ /tha snyad tsam du sgom zhes brjod/ /yang dag don gyi sdeng med par/ /tshig tsam lta la khungs phyung zhing/ /bya med chos la blo gtad nas/ /rtsid chos phaT ral spyod byed pa/ /rgyal ba'i bkas kyang mi skyob ste/ /dmyal ba'i 'bras bu the tshom med/ /rtogs pa'i mtshon rtogs brgyad ldan na skyes bu de ni rgyal ba'i sras/ /sdeng med lta ba mthong 'dod pas/ /rang gis nga rgyal snyems byed pa/ /ri bos srog chags gnang pa ltar/ /nan yang thar pa'i khar mi 'byung/ /gsang sngags pa'i sgor zhugs nas/ /yang dag don la mi 'dud par/ /mi chos zang zing las byed cing/ /rang dbang yod bzhin dbang med ces/ /smra zhing gsang don yal 'jog pa/ /phyi ma gar 'gro rtol med par/ /gal med le lo las byed pa/ /e ma rang 'joms dpa' bo de/ /rgya mtsho 'jings kyi pha 'od ltar/ /thugs rje zhags pa'i spyad thag yan/ /rang gis rang slus snying re rje/ /le lo can la thar lam med/ /lta ba'i rim pa yi man ngag /dka' ba dpal brtsegs kyis mdzad pa/ snang ba bcu bdun rdzogs so// //dpal kun tu bzang po'i sems kyi rang bzhin gang yin pa de la phyag 'tshal lo/ /rgyu 'bras lus kyi rjes 'brang rig pa yis/ /gang zag blo dman rnams kyi don phyir du/ /rin chen g.yu ltar dgongs mdzes kun khyab don/ /theg dgu'i lta rim skas kyi gdang lta bu/ /kun bzang dgongs don rdo rje sems la stan/ /nag rdzun bdag blo mun par shar/ /'jam dpal bshes gnyen kun dga' la sogs pa/ /phyi rabs rdo rje 'chang gral 'byung ba'i mi/ /sa gser lta bur mi 'gyur brtan pa'i blo/ /dad ldan rgyal ba'i thugs dang 'dra rnams
- 389b
khyer/ /skal ldan dbang phyug rgyal ba'i gdung 'tshob pa dad can rnams kyi btsas su bzhag pa yin/ /shin tu rnal 'byor mchog gi mchog /'phags pa las kyang 'phags pa'i don/ /gser gling rin chen lta bu'i mchog /'di la sgrib byed chu 'brang dang chu srin nya ming lta bu'i dgra/ 'jig rten 'das pa'i rgyur zhugs pa'i/ /theg pa che chung rim pa dang/ /yo ga bzhi sogs gol sgrib rnams/ /so so'i khyad par rtogs chud nas/ /mi gnas mi spong theg pa'i mchog /lhun po bzhin 'phags rtse rgyal nyid/ /che ba rtog phyir khyad par dbye/ /sprul pa'i gsung rab rgyu yi don/ /'dul dbang blo bzhin grags pa dag /bsdu ba che chung gnyis bcos so/ /chung sdus nyan thos nga rgyal te/ /nyan thos 'dod pas gnyis su 'gyur/ /mdo sde pa dang bye brag pa'o/ /rang gi shes rab lta ba'i dngos/ /spyir na yang dag lta ba nyid/ /mi rtog sdug bsngal stod bdag med/ /mi rtag la sogs dngos su 'dzin/ /kun rdzob bye brag 'dod gzhung nyid/ /snod kyi rdzas rnams dngos po 'di/ /rdul phran sil bu phan tshun bas/ /ma 'dres ne sing lta bu ste/ /mthu yi stobs kyis 'dus par 'dod/ don dam shas pa skad cig ma/ /re rer yod par 'dod pa'o/ /mdo sde kun rdzogs phra rab rnams/ /'dus pa'i rnam pa gcig tu 'dod/ /don dam shes pa cig par 'dod/ /spyod pa rang don 'ba' zhig pa'i/ /de la dbu mas skyon brjod pas/ /yul sems dngos su 'dzin bcas bas/ /dngos ltar 'jog pa'i nyan thos khyor/ /'khor ba 'di las mi 'das pas/ /'bras bu skyon du 'gyur ba nyid/ /bka' i bden pa rnam bzhi las/ /dngos por 'dzin pas bka' don 'gal/? /'jig rten dngos su 'dzin rgyu 'di las mya ngan 'das pa thob 'dod pa/ /las dang 'bras bu 'gal ba'i phyir/ /khyod kyi 'dod pa bden pa min/ /rang rgyal nyan thos don dam 'dra/ /kun rdzob snang ba'i khyad par ni/ /gzugs kyis bsdus pa'i chos rnams kun/ /rten 'brel rgyu rkyen dbang sgyur
- 390a
nas/ /rmi lam tshul de logs na med/ /des ni kun rdzob khyad par 'phags/ /spyod pa lus kyi rdzu 'phrul gyis/ /gzhan don shes 'ga' la'ang spyod pa'o/ /dbu ma'i theg pa bstan pa ni/ /yul rnams rmi lam ma grub na/ / de dang 'dra ba'i shes pa'ang rdzun/ /de min rdzun gyi yul nyid la/ /don dam bden pa'i shes pa nyid/ /skye zhing dmigs par rigs pa min/ /des na rgyu 'bras 'khrul 'khor te/ /rgyu 'bras mi mthun 'gal ba yod/ /rdzun rgyus yang dag 'bras mi thob/ /de phyir phan tshun spangs te 'gal/ /bsdu ba theg pa chen po la/ /theg pa phyi nang rnam pa gnyis/ /phyi pa rnam par rig pa pa/ /kun kyang rang rig yul med 'dong/ /de yang rnam bcas rnam med gnyis/ /rnam bcas dbyig gnyen thog / med gzhung/ /yul ltar snang ba 'di dag kun/ /rab rib sku mthong rmi gzugs 'dra/ /shes pa 'khrul pa'i gzugs brnyan phyir/ /de yang de'i ngo bor 'dod/ /rnam med shan ta rak+Shi ta/ /rjes 'brang zhes pa'i 'dod pa ste/ /rang rig gnyis med shel ltar dag /de nyid dam par yod par smra/ /chos skyong 'khor bcas 'dod pa ni/ /gzugs brnyan gzugs la sogs pa'i yul/ /gang ltar snang yang sgo lnga yi/ /mi rtog shes pa rnam pa lnga/ /rjes 'jug ngo bo 'brel par 'dod/ /brtag pa'i 'khor ba'i chos rnams ni/ /yod de shes pa ngan rgyu bsog /de ltar bsgrub pa byed pa po/ /de la nang pas skyon brjod pa/ /rang sems gnyis med shel lta bu/ /dag par lta bas dngos bcas skyon/ /yul rnams 'khrul snang rdzun rgyu dang/ / shes pa rang rig don dam nyid/ /ngo bo gcig par 'dod pa ni/ /phan tshun spangs te 'gal bar 'gyur/ /de min yul brdzun shes pa'ang rdzun/ /mdo da dbu mar brjod pa ni/ /yul rdzun phyir na shes pa rdzun/ /ngo bo gcig phyir de ltar 'gyur
- 390b
rang rig gnyis med don dam min/ /skad cig rgyun tu yod phyir ro/ /gal te kun rdzob tsam duAng/ /yul sems gnyis su med 'gyur na/ /tha snyad chad par 'gyur ba ste/ gzugs sgra yin min la sogs pa/ /nam du shes par mi 'gyur ro/ /nad pa rnal 'byor dbu ma ni/ /kun rdzob rdzun pa tsam du yang/ /yul sems gnyis med yul snang sems/ /kun rdzob rnam rig ji lta bu'o/ /don dam ma skyes stong par lta/ /de la mdo sdes rgal ba'i tshig /kun rdzob rdzun pas mi 'gal la/ /don dam shes pa yod 'dod na/ /yul rnams rdzun bzhin shes pa'ang rdzun/ /rang sems gnyis med don dam na/ /'bras bu la'ang dgos med 'gyur/ /yul la snang du rung mi 'gyur/ /lam gyi stegs su 'ang mi 'gyur dang/ /'bras bu grub par mi 'gyur ro/ /brtag bya rang rig don dam de/ /gal te rgyu las ma byung ba'i/ /rang rig gnyis med dag pa 'am/ /rgyu la brten nam rang byung ba'i/ /go bur bar ram rang byung ba'i/ de dag de bzhin rig pa med/ /mdo sde dbu mas kun rdzob tu/ /yul sems rdzun pa sgyu ma tsam/ /snang ba'i yul sems so sor 'dod/ dam pa'i don du gnyis su med/ /dbu ma phyi mo pa rnams ni/ /don dam gtso bo mi dmigs lta/ /kun rdzob mdo sde rnal 'byor gnyis/ /gang la rung ste spong mi phyed/ /de kun byang chub spyod pa'i mchog/ rgya cher gzhan don rdzogs bar byed/ /gzhan la dmigs pa'i mtshan mo'i tshul/ /sbar ba lta bu'i bdag don 'byung/ /de la sngags kyi kri ya bas/ /brtsad pa khyed kyi bden pa gnyis/ /so sor lta ba bden med de/ rgyal ba'i ye shes gnyis med la/ /re mos snang pa'i rgyus mi 'grub/ /de phyir rgyu 'bras 'khrul te 'gal/ /gal te kun rdzob sgyu ma cing?/ /don dam bden dang tha dad na/ /don dam bden par cig mi rung/ /cig la snga phyi snang mi rigs/ /shes pa gnyis kyi yul 'gyur bas/ /snga phyi re mos 'gyur snang phyir/ /lhan cig mi snang skyon du 'gyur/ /
- 391a
gal te ngo bo cig min na/ /phan tshun spangs te 'gal 'gyur zhing/ /bsod nams dang ni 'brel med de/ /des na sangs rgyas sku mi 'grub/ /thams cad don dam 'ba' zhig na/ /tha snyad tshad par 'gyur ba ste/ /sgyu ma tsam du 'ang snang mi rigs/ /'bras bu nyid la'ang tshogs mi 'byung/ /lam gyi chos suAng mi rung ste/ /bdag gzhan don kyang 'gag par 'gyur/ /gal te bden gnyis dbyer med na/ /rang gi tshig rtsal mi 'gal snang/ /kun rdzob bden par cig ce na/ /don dam mtshan mar snang mi rung/ /de min don dam dang bsgoms nas/ /rjes la sgyu ma snang zhe na/ /don dam mtshan ma'i sa bon tsam/ /rigs pa ma yin gzhan yin na/ /kun rdzob rang bzhin can 'dod na/ /sgyu ma tsam duAng mi rung 'gyur/ /de bas dmigs pa'i shes pa'ang// cig la phyed byed bden rdzun 'gyur/ /khyed kyang bya byed med 'dod ces/ /bsod nams ci nus spyod byed 'khrul/ /des na da dung shed ma bye/ /byis pa gtso mchog khyed rnams kyis/ /gsang ba nga la reg mi nus/ /de phyir khro bo ye shes sku/ /don dam rang nyid snang par 'dod/ /snang ba'i don dam dbyer med pa/ /mdza' yas ma bsgoms chos nyid dag /grub ba bya phyir rjes 'thun spyod/ /de la rgyu 'bras 'khrul mi 'byung/ /longs spyod rdzogs pa'i bka' lung rgyud/ /yo ga phyi pa rim pa gsum/ /bya byed rgyud dang rnam pa gsum/ /gdul bya'i shes rab dbang pos phye/ /de dag lta spyod khyad par 'gyur/ /bya byed kri ya'i don dam du/ /kun kyang dag pa'i chos nyid la/ /mdza' i dri ma ye nas med/ /kun rdzob rang bzhin rigs gsum sku/ /kun kyang dag phyir dug gsum gsum/ /lha'i dkyil 'khor yin par 'dod/ /ma grub tshul nas 'jig rten chos/ /mthun par bya phyir rje khol lta/ /dam tshig cho gas rdzogs byas nas/ /bshags dang mchod sted drug ldan pa'i/ /bzlas pas sdig sgribs dag pa'i
- 391b
sems/ /chu dang lta bur grub shar ba/ /lha mchog rgyu phyir lhas rtsal smra/ /khrus dang spyod pa'i gtsang sbra slang/ /'di la yo gas rtsad pa'i don/ /kun rdzob lha dang rje khol na/ /chos nyid ngang la bzang ngan 'gyur/ /rang bzhin dag par cig mi 'gyur/ /kun rdzob don dam tha dad na/ /lha yang ye shes sku min te/ /bsgoms pas 'bras bu snang mi rigs/ /don dam dag rtogs kun rdzob tu/ /khrus dang gtsang sbra ci zhig sbyang/ /gal te bden pa re mos na/ /gsang ba'i don duAng mi rung la/ /rgyu 'bras mi mthun 'gal ba 'byung/ /ma grub cha yis khrus byed ces/ /lta spyod ya cha bdud kyi las/ /gnyis ka rgyud kyi 'dod pa ni/ /spyod pa bya ba'i rjes 'thun par/ /lta bas rnal 'byor rjes 'jug phyir/ /rigs dang lta bas khyad par 'gyur/ /'di la yang yo gas bcad pa'i tshig /spyod pa gol bas lta ba gol/ /lta spyod ya cha bdud du 'gyur/ /de min rigs la nges med pas/ /grub pa'i 'bras bu thob mi 'gyur/ /rnal 'byor phyi ma'i 'dod pa ni/ /rang rig dngos stong mtshan ma gnyis/ /dbyer med dbyings dang ye shes sa/ /byin rlabs rdo rje dbyings kyis/ /shar lta grogs po'i tshul du mchod/ /ma grub tshul gnas 'jig rten dag /grogs la brten nas nor 'tshol mtshungs/ /spyod pa ting 'dzin gtsor byed pa'o/ /'di la nad pas skyon brjod pa/ / gnyis med rnam dag ye shes la/ /rgyud nas bskur snang bden zhe na/ /rgyu'i ye shes skad cig 'gyur/ /de men 'byung 'jug cha yis na/ /bden pa res 'jog skyon 'gyur bas/ /ye shes sku ru mi rung ste/ /lhan cig mi gnas 'gal bar 'gyur/ /grogs po'i tshul tu lta byed bas/ /tha dad bdag tu tha dad de/ /'brel ba med pas mi 'grub dang/ /des na don nyid la yang skyon/ /gnyis pa yod 'gyur cig ce na/ /rang la grogs su ltar mi rigs/ /des na bdag nyid chen
- 392a
po'i don/ /rang gi shes pa mthong ba min/ /ting 'dzin rtsor spyod dngos po mdza' / /ji snyed bral ba'i theg chen med/ /de min rgyal ba nyid du 'gyur/ /dam rdzas 'dod yon sman? pa rnams/ /chu yi mtshon bzhin sbyong mi nus/ /de phyir gnyis med don la skyon/ yang na shes pa gnyis 'gyur bas/ /cig la rgyud gnyis ldang mi srid/ /des na khyod kyi lta spyod rdzun/ /lhun grub bka' lung spyod rdzogs gsum/ /thog mar bstan pa'ang rnal 'byor che/ /lus kyi dngos po gnyis sdus rnams/ /rang rig nyid phyir snang ba kun/ /ye nas ye shes sku gsal ba/ /dkyil 'khor gnyis drug la sogs shing/ /snang ba nyid nas rang bzhin med/ /des na mdza' i skyon dang bral/ /snang stong bral ba'i de bzhin nyid/ /ngang las rig pa'i lhar bskyed pas/ /tha mal rtog tshogs ma spangs dag /gser 'gyur mun snang ji bzhin pa'o/ /cir snang rang gi rig pa'i phyir/ /lta dang lta ba yongs kyis med/ /ting 'dzin ye shes bskur shar bas/ /sus kyang ma byas byed med de/ /ngo bo gzhan nas 'ongs pa'ang med/ /des na bdag nyid chen por lta/ /spyod pa bzang ngan gtsang sme sogs/ /gang la chags sdang blang dor med/ /bde myong mi 'gog mi 'dzin phyir/ /tshogs gnyis rgyun tu tshogs par byed/ /de la'ang rjes su rnal 'byor pa/ /skyon brjod khyod kyi lta ba'i don/ /mnyam nyid snang stong dbyer med dag /yin na rig pas bskyed mi dgos/ /ye shes sku yang 'dus byas 'gyur/ /gal te bdag gis bskyed bas na/ /snga bar bdag nyid ma grub bam/ /de min thug pa med par 'gyur/ /yang na bdag nyid dkyil 'khor nyid/ tha dad ye nas 'brel med pas/ /skyed du 'ang mi btub 'grub mi 'gyur/ /spyod pa blang dor med ce na/ /de nyid gtsor spyod blang dor nyid/ /rnal 'byor mchog gi brjod pa ni/ /mnyam nyid bdag nyid chen po ni/ /rang la rang gis sgom ci dgos/ /bdag
- 392b
gis bdag la 'ang dmigs rung na/ /mdzub mo rang la reg par rigs/ /tha dad rang gi tshig gis 'gal/ /gal te mi sgom bya med na/ /rnam gsum rim pas smos ci dgos/ /thams cad bdag la ma'i skus/ /gzer la gzer bzhin 'byung mi rigs yul med don la gtsor len pa/ /de nyid dmigs lta rtsa ba'i don/ /khyod kyang gal te lhun grub na/ /spyod dang phrin las dang len 'khrul/ /bya ba med pas spyod do zhes/ /de nyid ched spyod thabs rten 'khrul/ /snang stong ye nas dag 'dod na/ /bsgrib pa gnas 'gyur dri ma'i tshul/ /blang dor med pa'i spyod byed na/ /de nyid dang len snyoms sam ci/ /kun kyang rang rig sems yin na/ /dbugs phyin dkyil 'khor skyed ci dgos/ /las bzhin 'gro don rtsal ba yis/ /lhun grub mdzad pa ga la mthong// gu 'jo'i spyod dang ma bral phyir/ /rtsol ba'i chu por byid pa yi/ /rjes 'jug rnal 'byor 'dod pa yi/ /snang srid bzang mo'i mkha' klong la/ /ma skyes dkyil 'khor kun bzang shar/ /shar ba nyid na shar ba med/ /yab yum sras bcas bde chen po lhun rdzogs sa la skad cig gis/ /snying po dran brjod skur shar ba'o/ /'di la rim pa'i rtsol ba med/ /rgya mtshor nyi zla shar ba 'dra/ /don gnyis ma rtsal rdzogs par byed/ /spyod pa blang dor med par spyod/ /de ltar ma nus nyams mi lta/ /de lta mgong mas skyon brjod pa/ /thams cad bde ba chen po la/ /ma 'dres yongs su rdzogs 'dod na/ /mtshan ma'i skye skyed snyoms snyam ci/ /khye'u bzhi rtog 'byung mi 'gal lam/ mtshan mas 'gro don rdzogs 'dod nor/ /yab yum 'byed dang kha dog grangs rtsol ba bde chen don de 'gal/ /de phyir bye brag mthong ba med/ /gal te ma grub pas byed na/ /rgyu 'bras 'khrul te 'gal bar 'gyur/ /don gnyis ma brtsal rdzogs she na/ /skad cig dkyil 'khor bskyed ci bya/ /rang gi bcings pa'i smongs
- 393a
pa khyod/ /bya byed don la btang snyoms byed/ /de nyid rtsol ba ma yin nam/ /spyod yul bral la dmigs par byed/ /de nyid yul dang yul can mod/ /bsam med ngang? la gsal bar 'dod/ /de nyid bsam spyod gtogs pa'i gzhi/ /bsgrub med ngang la don du gnyer/ /de nyid re dogs rtsa ba yin/ /de lta'i spyod yul bems po yin/ /klong chen ngang la thigs mi 'gyur/ /de dag skabs kyis rang rang gi /lha la zhen pas ldongs pa yin/ /ltung ba'i phyir na gol sa che/ /des na gol bsgrib thun mong ste/ lta ba dmigs kyis dbul ba dag /ye shes nyid la bdag tu 'dzin/ /rang la rang nyid yul du byed/ /don la don nyid rjes su 'breng/ /ye shes nyid la gsal bar 'dod/ /bdag la bdag nyid spyod mdza' 'tshol/ /zin pa'i don la bsgrub par byed/ / bya bral nyid kyi bya ba med/ /bsgrod med lam la bsgrod par byed/ /mi dmigs pa la dmigs par byed/ /kye ma'o thugs rje'i gnas su rung/ /deng sang dus kyi gang zag rnams/ /ma rig ling tog ma sol bas/ /lta ba'i la shan ma phyed cing/ /lta ba'i mche ba ma mthong bas rgyud lung man ngag goms pa yis/ /rmangs dang rje dang rgyal 'dra la/ /kun rdzob mi mnyam don dam mnyam/ /de skad smra ba'i dmus long dag /khrel 'bru ma thub sa gzhi che/ /ma mthong tshul dang mtshungs pa'o/ /mig lta brtan pa'i 'di dag gi /bza' bral ngang las gnas mi 'gyur/ /de nas bskal ldan skyes mchog pu/ /ma bgrod sa la gnas bya'i phyir/ /rdzogs chen nga'i don la ltos/ /yod med stong pa'i mdza' la thung/ /kun gyi sku mchog ye shes zhal/ / 'dongs pas rmongs 'khrul dug gsum gyi/ /snying khrag 'thung zhing kun gzhi nyid/ /gtan nas phung byed nga la thung/ /zang ba'i dus na bskal pa'i me 'bar ba/ /mi zad 'jigs gzugs mnga' ba nga la 'dud/ /bskal pa'i chu chen rab tu 'khrugs
- 393b
ba 'bum/ /'jigs byed des kyang ljags kyi mdza' ma snubs/ /khrag mtsho mdza' med bskams la phyag 'tshal 'dud/ /thor rlung drag pos 'jig rten kun g.yeng ba/ /des kyang de'i ba spu'i cha tsam bskyod mi nus/ /zil gnon sku tshad mnga' ba nga la thung/ / g.yo dang mi g.yo thams cad kun gsol ba'i/ /'jigs byed nga lta bu la ji skad bya/ sangs rgyas thams cad gsol bas nga ma zhos/ /byang chub sems dpa' gsol bas kha byugs tsam/ /nga rung 'gro kun gsol byed sgribs shing skems pas nga la thud 'on kyang ma sgrod rdzogs pa nyid du 'gyur/ /lhag pa'i rnal 'byor lugs nyid kyis/ /bslab pa med pa'i bslab pa nyid/ /bslabs rnams 'jigs byed bslab pa'i mchog/ dngos po spyod cig mdza' mi tshol/ /don la mngon du 'dod pa med/ /gza'? dang la gza' mi byed/ /bya med don la de nyid kyang/ /che du len cing rtsol ba med/ /rang sems ci la'ang 'brang pa dang/ /'dod pa'i sems dang ye nas bral/ /de nyid las ni 'gyur ba med/ /thig le chen po rgyal ba'i thugs/ /brtags na med la bsams na snang/ /dngos med cha lugs kun la ston/ /rang bzhin cig tu ma nges pas/ /rdzas kyi rnam pa cig tuAng/ /log mthong drug dang yang dag dgu/ /cir yang snang ba'i ngo bo nyid/ /rang bzhin med pa'i rang bzhin can/ /'di 'dra rgyal bar brjod du med// gal te brjod kyang thabs mi 'gyur/ /sna tshogs snang ba nga'i sku/ /ji skad grags pa nga'i gsung/ /dran rtog rig shes nga'i thugs/ /sna tshogs snang la ngo bo med/ /che ba lnga yis ye nas 'phags/ /thig le drug dang rang bzhin ldan/ /khams gsum bde sdug nga la rdzogs/ /de la bde sdug ngang gis bral/ /dus gsum rgyal bar nga nyid shar/ /de la byung shar gdod nas med/ /gza' ltas med pa'i rta mchog la/ /de nyid du yang lta ba med/ /gal te gdod nas dmigs lta mod/ /thams cad mkhyen pa
- 394a
sgom pa'i mchog /ngo bo nyid ni dmigs su med/ /snang ba med pa'i chos nyid ni/ /ma rtsal gzhag na bsgoms pa yin/ /de la bzhag par bya ba 'ang med/ /bya byed don la yid mi rtog/ de ltar gang shes ting 'dzin mchog /dmigs pa'i skyon byung 'gog mi byed/ /don la gsal bas 'bad mi dgos/ /drod rtags snang la re ba med/ /thams cad bdag nyid chen po'i phyir/ /snod bcud 'jig rten bde sdug bsngal/ /nyi zla 'od gsil byed 'dod pa'i/ /ji srid cir snang spyod pa kun/ / bdag nyid chen po'i mdzad spyod pas/ /de nyid gsal par spyod pa ste/ /de la spyod dang mi spyod med/ /'gro don rgyun du ma byas rdzogs/ /yang dag sa la ma song phyin/ /tshogs gnyis ma bsags lhun gyis rdzogs/ /ma bsgral stong gsum gnas su stobs/ /ma phul mchod pa kun la thim/ /ma blangs dngos grub rang la shar/ /ma bsrungs dam tshig nyams pa med/ /mnor thams cad rang dbang sgyur/ /ma ltas lta ba kun tu gsal/ /ma bsgoms ting 'dzin yengs pa med/ /ma bcos rnam rtog sgyu 'phrul bral/ / ma bsgrubs 'bras bu bdag nyid che/ /ma spyangs dus gsum 'du 'bral med/ /ma sbyangs bsgrib pa ye nas med/ /ma bzung thugs rjes kun na bsnubs/ /des na byas zin bya ba med/ /bya ba gang yang 'gog pa med/ /de lta sus rtogs byas pa'i mchog / bya med brtson 'grus bar chad med/ /skyes mchog gar zhig 'di ltar ltos/ /thams cad snang ba nga'i sems/ /theg pa mtho sman ji snyed pa/ /nyi 'od lta bur nga la snang/ /bskal bar dge spyad rtsol byas kyang/ /nga dang ma phrad sangs mi rgya/ /des na sdeng chen don la ltos/ /mthod? pa nyid na chos kyi sku/ /go ba'i yul na bde ba che/ /de la 'jig rten rang bzhin med/ /de nyid rnam dag 'jig rten yin/ /bdag nyid chen po don ni nges par ston/ /ji bzhin byang chub snying po la/ /bsgrub bya lhun rdzogs bla
- 394b
med pas/ /nga zhes mang du snyad par zad/ /don du nga la 'di 'dra zhes/ /dngos gzhir bstan par nus pa med/ /brtan g.yo dngos por 'dzin byed cing/ /rtag chad gnyis kar slong zhen pas/ /snying po'i don la gol bar gsungs/ /shin tu rnal 'byor chen po nyid/ /dngos por zhen dang gdong nas bral/ /'jig rten phal bar lhung sa med/ /rtag chad gnyis la mi gnas pas/ /mu stegs lta la gnas pa med/ /stong nyid don ngam ma skyes pa'i/ /phyogs la bya bral mi lta bas/ /mthong med lta bas nga mi mthong/ /mtshan mar 'dzin pa'i sku mi bsgom/ /gnyis med don la gtsor mi 'dzin/ /skur bskyed 'gro don mi rtsom pas/ /yo ga phyi nang sar mi lhung/ /bya med ngang la bya ba'ang rdzogs/ /rtsol ba'i dus na gdug pa'ang med/ /de nyid don la bdag 'dzin na/ /de ltar lta ba 'di rtog pa'o/ /snying rje med pa'i gang zag rnams/ /deng sang dus na'ang 'byung ba dag /kun bzang tshig tsam smra byed cing/ /sdeng med don dang mi ldan par/ /de ltar lta ba'i 'dir rtog pa'o/ /rgyu 'bras don la yid 'byung zhing/ /tshig tsam lta la rten pa dag /sdeng med spyod rtsing 'chol ba'i rgyus/ bskrul bar bskal pa ci spyad kyang/ /snying po'i don dang 'phrad mi 'gyur/ /des na zab mo'i spyod pa mnos/ /ci spyad kun bzang spyod par 'gyur/ /sdeng chen don du gar ldan pa/ /rnam par dkar spyar spang mi bya/ /bsam gtan ro mchog rlung gnas kyang/ /'gro ba'i bla ma spyi bos bkur/ /stong gsum sangs rgyas sa shes kyang/ /snying rje'i don dang bral mi bya/ /skye shi med pa'i sdeng ldan yang/ /sems can sbom 'phra'i srog mi gcod/ /'du 'bral med pa'i don snyems kyang/ /'jig rten 'phyo g.yem las mi bya/ /rang bzhin ma nges don shar yang/ /don du mi 'gyur brdzun mi bya/ /bdag nyid thig le'i ngang gnas kyang/ /pha rol rdzas la bskam mi bya/ /khro gtum ngang thung 'khrul pa'i bdud/ /snang ba'i yul nas bya ba med/ /de nyid ngang la de med phyir/ /
- 395a
rjes 'jug de yang de bzhin no /de bzhin mi spyod de dag gang/ /rag sha yag sha'i rgyud 'dzin bas/ /theg chen rigs su gang chud pa/ /rnal 'byor chen po'i ming ci yod/ /sangs rgyas khas ches spyang thag yan/ /bya byed rnal 'byor mchog spyod bas/ /spang med shes nas dkar phyogs kyang/ /ched du bya ba med ce na/ sdig las mi bya smos ci dgos/ /lhun grub spyod dang bya bral spyod/ /thugs rje chen po'i mdzad spyod dang/ /nam yang bral bar ma byed cig /de ltar rtogs dran spyod pa'o/ /gol sgrib ltung gnas g.yang sa yang/ /spang du med thig le'i dbyings/ /lhung dang ma lhung tha snyad bral/ /chos nyid don la ma bcos na/ /me dang dud ltar ltung sgrib 'byung/ /gang du 'du shes ma skyes pas/ /grol dang ma grol ming ci yod/ /kun du rgyu la 'jigs pa 'byung/ /phyin pa med na 'jigs dang bral/ /des na gang la dogs mi bya/ /re ba'i sems tsam spyod de bzhin te/ /de dogs med pa'i don ched bstan/ /gang dag dmigs pa dngos 'dres pa'i/ /ling thog bsal phyir thugs 'dra 'dis/ /rab rib nad bral rdzogs chen sku/ mngon mthong kun gyis mchog thob shog /pho dreg phyi la ngang 'thung 'khrug /bcos dka' gdung bral gdong 'das can/ /dad med chags bcings slu brid mkhan/ /sems med yal 'jog rnal 'jog byed/ /lci ba'i sems bral rang gar spyod/ /byil ma nor chung mtshang rdzogs po/ /lce mkhan thabs 'bru zol pa la/ /snying sgor byung yang bstan mi bya/ /g.yu'i thang ma kras dgu rdzogs so// // bi ma las lan yul du gnya' la gtad do/ /ithi/ rgya gar skad du/ ma ya dza lin tra a dar sha sA d+ha na/ bod skad du/ sgyu 'phrul dra ba me long lta bu'i bsgrub thabs/ dpal kun du bzang po la phyag 'tshal lo/ /dpal ldan gnyis med sgrib pa
- 395b
spangs pa yi /ye shes rang rig gsal ba'i mkha' dkyil nas/ /dkyil 'khor spro dang 'gro don sprul pa yi/ /ma lus thugs su chung la phyag 'tshal lo/ /sgyu 'phrul dra ba'i gzhung lugs las/ /'gro ba'i rnam par rtog pa'i phyir/ /ye shes skyed ba'i sgrub thabs 'di/ /rgyud bsdus bdag gis rtsam byar bya /ma rtogs pa dang log par rtogs/ /phyogs rtogs yang dag nyid ma rtogs /'dul ba dgongs pa gsang ba dang/ /rang bzhin bsang ba'i don rnams ni/ /yi ge sgra brtags ming tshogs la/ /brten ba'i tshig gis rab mtshon nas/ /khong nas gab spas don 'byin pa /ston pa rdo rje'i thugs la gnas/ /thos bsam bsgom la rab sbyangs pa'i/ /shes rab mig ldan rnams kyis zung/ /snod ldan rang tshul bzang la bstan/ /lus dang longs spyod stong la sbyin/ /slob dpon mnyes bar byas pa dang/ /sgyu 'phrul ba'i dkyil 'khor du/ /dam tshig rnams ni rdzogs pa yis/ /'dod dang g.yeng ba kun spangs te/ /dka' thub spyod bas ma gsungs par/ /ting 'dzin mthun pa'i sa phyogs su/ /rab bde'i sten la 'dug nas ni/ /byams dang snying rje dga' ba dang/ /btang snyoms mang po rab bsgoms nas/ /sems can rnams kyi don gyi phyir/ /sku gsung thugs ni bsgrub bya zhes/ /bdag nyid bsam pa bstan byas te/ /rang nyid sa bon 'od zer las/ /sprul pa mchod pa'i cho gas spros nas/ /mdun du dkyil 'khor tshogs rnams dang/ /bla ma phyi sogs rnams kyis mchod/ /de nas sdig pa bshags pa dang/ /skyabs 'gro la sogs byas nas ?? ?? pa'i phyir/ /sna tshogs rdo rje hUM las skyes/ /rdo rjes bzhir bsam par bya/ /rnam rtog 'du shes kun spangs nas/ /bgegs kyi sbyar ba yang mi 'gyur/ /de bas rnam rtog bgegs yin par/ /
- 396a
yang dag rigs pa nyid kyis gsungs/ /e ma ngo mtshar rmad kyi chos/ /rdzogs pa'i sangs rgyas kun gyis gsang/ /skye ba med las thams cad skyes/ /skyes pa nyid na skye ba med/ /oM mahA shU n+ya ta dz+nyA na badzra swa b+hA ba ad ma ko haM/ de ltar stong nyid rab gsal nas/ /snying rje yum gyis slangs nas ni/ /sa bon shin tu gsal bar 'gyur/ /rab tu brtan 'gyur a kar las/ /shin tu phra ba'i a rnams spro/ /phyogs bcu gang bar gsal 'gyur pa/ /bsdus kyang 'phel 'grib med par bstan/ /de las ming tshogs gsal 'bar kun/ /spro zhing bsdu ba de bzhin no/ /'di ni rdo rje dngos grub kyi/ /brtan 'byung ye shes rgyu yin no/ /de nas mdza' dang dbus med pa'i/ /'og min chos 'byung bsam par bya/ /de nas yaM las byung ba yi/ /rlung gi dkyil 'khor bsam par bya/ /de steng yi ge ram las ni/ /me'i dkyil 'khor bskyed par bya/ /de yi steng du 'aM bsams te/ /de las chu'i dkyil 'khor ro/ /chu'i dkyil 'khor steng du ni/ /khaM las ye shes/ sa gzhir brtag /b+h+ruM bi shwa bi shud d+ha/ /b+h+ruM las ye shes gzhal yas khang/ /ye shes rin po che rang bzhin/ /rgya rnams yongs su ma chad pa/ /bsod nams ye shes tshogs rgyas pas/ /kun tu gru bzhir gnas par 'gyur/ lhag pa'i ye shes glo 'bur mdzes/ /thams cad ngo bo gcig pa'i phyir/ /rtse mo kun tu 'dus pa yin/ /ye shes sna tshogs las grub pa'i/ /rin chen la sogs bye brag gi /bsam mi khyab pas spras par 'gyur/ /rnam par thar pa'i sgo khyud la/ /rnam thar brgyad kyi rta babs ldan/ /kun nas skor ba'i kha khyer la/ /rol mo sna tshogs sprin dpung bzhin/ /phyi dang nang med kun tu nang/ /'khor lo rtsibs bzhi mu khyud bcas/ /gru chad bzhis brgyan par 'khyams
- 396b
dang/ /dkyil 'khor bzhi bcu gnyis kyis brgyan/ /dbus su mi 'jigs seng ge'i khri/ /brgya byin gyi phyogs glang po'i gdan/ /rdzu 'phrul rta ni gshin rje'i phyogs/ /dbang gi rma bya chu lha ste/ /thogs med mkha' lding gnod sbyin phyogs/ /rang bzhin 'od gsal nyi zla dang/ /chags med pad+ma so sor mdzes/ /gzhan yang nyi zla pad+ma dang/ /gdan ni sum brtsegs dag tu gnas/ /seng ge'i gdan gyi dbus su ni/ /dam pa'i yi ge sa bon bsam/ /de nas padmo rdo rje brtag /so so'i snying pos mtshan par bya/ /de la/ sangs rgyas sku ni spro/ /phyogs bcu'i 'jigs rten khams rnams su/ /sems can don ni mdzad nas su/ /phyag mtshan yongs su gyur pa las/ /kun bzangs yum dang ldan pa ni/ /zla ba'i 'od ltar dkar zhing sdang/ /zhal gcig phyag gnyis brgyan gyis mdzes/ /sangs rgyas lnga yi dbu rgyan can/ /'od zer sna tshogs 'phros pa las/ /sprul pas sems sna don rnams mdzad/ /kun tu bzang mo 'jo sgeg tshul/ /in+d+ra nI la'i kha dog 'dra/ /rgyan dang dbu rgyan yab dang mthun/ /phyag g.yas rdo rje thugs kar bstan/ /g.yon pa dril 'dzin yum la 'khril/ /dbu ni 'jo zhing 'dud pa'i tshul/ /de nas yongs su skyong nas ni/ /gnyis med chags pa sbyor ba'i sgras/ /de bzhin gshegs pas kun bsdus nas/ /yab la de bzhin gshegs rnams thim/ / rdo rje lam nas byung nas ni/ /yum gyi pad+ma'i mkha' dkyil du/ /byang chub sems kyi 'phro 'du las/ /ye shes dkyil 'khor rdzogs pa yi/ /de nas rjes su chags pa yis/ /sems can ma lus bsdus nas su/ /dkyil 'khor phyi rol 'khod nas ni de dag 'jug par gsol ba 'debs/ /gsol ba brjod pa'i tshig gsan nas/ /thams cad dkyil 'khor 'jug par 'gyur/ /bdud rtsi 'od kyis reg ma thag /thams cad rang nyid sangs rgyas shes/ /de ltar rgyal pa'i byin brlabs kyis/ /rang lus
- 397a
sangs rgyas shes nas ni/ /ngo mtshar tshig kyang brjod par byed/ /e ma rdo rje phung po yan lag ni/ rdzogs pa'i sangs rgyas lnga ru grags/ /skye mched khams rnams mang po kun/ /byang chub sems dpa' i dkyil 'khor nyid sa chu spyan dang mA ma ki/ me rlung gos ni sgrol ma ste/ /nam mkha' dbyings kyi dbang phyug ma/ /srid gsum ye nas sangs rgyas zhing/ /thams cad ma lus chos so cog /sangs rgyas nyid las gzhan ma yin/ /sangs rgyas nyid la gzhan pa'i chos/ / sangs rgyas nyid kyis mi mnyes so/ /de ltar ngo mtshar tshig brjod nas/ /de nas yid bstan bya ba'i phyir/ /gnyis med kun tu bzang po yis/ /ched du brjod pa 'di dag brjod/ /e ma phyogs bcu stong khams ye nas dpen/ /srid pa gsum nyid dag pa'i zhing/ /snyigs ma lnga nyid bde ldan gnas/ /phung po lnga nyid mngon sangs rgyas/ /thams cad mchog gi snying po bas/ /gzhan du rgyal bas chos mi btsal/ /nyid la'ang gzhan zhes bya ba'i chos/ /btsal? kyang rgyal bas mi mnyes so/ /de nas rgyal ba sangs rgyas rnams/ /so so'i zhing du 'khod par byas/ /yongs sbyangs gsung gi yig 'bru ni/ /yab kyi thugs kar thim gyur nas/ /yum gyi pad ma'i chags blan gyis/ /yab yum gnyis med dkyil 'khor thim/ /de ltar rgyal ba snyoms zhugs nas/ /bde ba'i 'bru tshogs mngon dran te/ /rgyu cig pa dang yig 'bru'i tshul/ /byin gyis brlabs dang mngon sum pa/ /rab tu gtogs pa rnam bzhi yis/ /thams cad mngon rdzogs rgyal por nges/ /de ltar rtogs pa rnam bzhi yis/ /rgyal ba'i sku ni mngon bskyed pa/ /in+d+ra nI la'i kha rog 'dra/ /sku gsung thugs kyi dbu gsum ldan/ /ye shes drug gi phyag nyid la/ /rdo rje pad+ma ral gri ni/ /g.yas kyi phyag na
- 397b
bsnams par mdzad/ /dril bu 'khor lo rin chen 'bar/ /g.yon gyi ye shes phyag na bsnams/ /g.yas pa'i rdo rje'i thugs kar bstan/ /g.yon pa dril bus yum la khyud/ /thabs dang shes rab zhabs gnyis ni/ /mnyam pa'i brtul zhugs skyil krung bzhugs/ /mdun dang rgyab med kun tu zhal/ /mtshan dang dpe byad kun gyis sbras/ /'od zer 'phro ba'i tshogs chen las/ /thub pa'i dkyil 'khor sna tshogs 'phro/ /rgyal ba'i rigs lngas dbu rgyan bcings/ /sna tshogs rgyan rnams kun gyis brgyan/ /btsun mo snang ba'i dbyings phyug ma/ /gzhon tshul 'khril ldem shin tu chags/ /cha lugs la sogs yab dang mthun/ /g.yon pa dril bu thugs kar bstan/ /g.yas pa nyi ma las la 'khril/ /phung po dbang po rnams shes kun/ / rnam smin oM du shes par bya/ /rdzogs pa'i sangs rgyas nyid du bsgom/ /spyi bor yi ge oM bkod de/ /lce la a ni rab tu gnas/ /snying ga ste ba chu sor na/ /hUM dang swA hA rim bzhin dgod/ /mig dang rna ba sna dang lcer/ /k+Shi traM traM? dzaM rim bzhin bas me thIM? hUM ? dang bzhi/ /mig sogs phyi rol rim bzhin bsam/ /de ltar yi ge rnams la ni/ /rgyal pa'i sku'i dkyil 'khor rdzogs/ /ye shes sems dpa' i thugs ka nas/ /'od zer rnam pa mang po 'phros/ /phyogs bcu'i sku gsung thugs bsdus nas/ /bdag gi mdun du bzhugs pa la/ /tshig bshad pa'i yis gsol ba gdab/ /oM ye shes rgyal po'i sku gsung thugs/ /yon can 'phrin las smad po che/ /de nyid du ni mnyam sbyor pa'i/ /phyag rgya chen por bdag sbyor cig go?/ bdag gi sku gsung thugs su la ni/ /rgyal ba'i dkyil 'khor zhugs par gyur/ /oM sarba ta thA ga ta ma hA kA ya badzra swa b+hA ba ang mi ko haM/ oM sarba ta thA ga ta mahA bA ga badzra swa b+hA phra?/ ang? ma ko haM/ /oM sarba ta thA ga ta mahA
- 398a
tsit+ta badzra swa b+hA ba adma ko haM/ /de ltar sku gsung thugs gsum du/ /nga rgyal dbang du skyes nas ni/ /yum gyi sku'i dkyil 'khor dgod/ /gzugs sgra dri ro reg la sogs/ /rnam smin muM du shes par bya buM kyi dkyil 'khor nyid du bsgom sbyi bo mgrin pa gnyis su ni/ /laM dang maM ni rim bzhin bsam/ /snying ga lte ba chu sor ni/ /muM dang pyaM dang taM rnams dgod/ /mig dang rna ba sna lce la/ /hUM traM h+raM a rim pa bzhin/ /mig rna sna lce'i phyi rol tu/ /dza(rgyud 'grel): hUM baM ho(rgyud 'grel): rim bzhin sgom/ /sku gsung byin brlabs yab ji bzhin/ /de nas yum ni byin brlabs bya/ /oM A(rgyud 'grel): hUM swAhA lnga/ /gnas lnga dag tu bsgom par bya/ /de ltar yab yum sku rdzogs nas/ /dkyil 'khor chen bo rnam sprul phyir/ /gnyis med chags pa'i sbyor don du/ / rdo rje pad+ma byin gyis brlab/ /hUM las rdo rje rab tu shes/ /oM las 'byung ba'i nor bu bsam/ /a las pad+ma skyed par bya/ /oM na ma sarba ta thA ga ta a nu rA ga badzra swa b+hA ba adma kohaM/ bsnyen pa dang ni nye bsnyen pa/ /bsgrub pa dang ni bsgrub chen po/ /yum gyi pad+ma'i dkyil 'khor du/ /bde ba thugs kyi dkyil 'khor spro/ /byang chub sems kyi byin brlabs las/ /tha sogs yi ge sprul par 'gyur/ /sa bon mtshan mas sku rnams rdzogs/ /sum cu drug gi dkyil 'khor du/ de nas 'gro ba rmongs pa la/ /bstan phyir dkyil 'khor gdon par mdzad/ /badzra d+h+ring?/ /muM d+ha du shwa ri/ /mi bskyod yab yum ston nas ni/ /bdag nyid la ni thim par 'gyur/ /oM dzi na dzi ka /swa rad na d+hika /oM a ro lig /ha prad nya d+haM ga? la b+he sha ra ti/ mi mo ha ra ti/ spaM ra ga ra taM/ taM badzra ra ti/ k+Shi hi ra tsa ya/ traM a ka ra pa ya/ h+ri pad+ma da ma/ dzi ku ru pa na h+ri/ hUM la se sa ma ya twaM/ traM ma le sa ma ya ho/ /h+raM gi ra ti ra ho hi/ a nir ti ra ga ya mi/ /me dar ni swAhA
- 398b
thliM? swa raM pa ya swAhA/ hUM swa ra tsa ya swAhA/ muM sh+ri aM ra ga ya swAhA/ dza du ba pra be sha ya/ hUM pus pa a be sha ya/ baM di ba su ki ni/ ho gande tsi ta he/ /hUM ya mAn+ta krid phaT/ hUM big+hA nAn+ta krid phaT/ hUM padmAn+ta krid phaT/ hUM pradz+nyan+ta krid phaT/ oM badzra d+ha ra mahA kro ti shwa ri dzwa la ni hUM phaT/ oM ratna d+ha ra mahA kro ti shwa ri dzwa la ni/ hUM phaT/ oM pad+ma da ra ma hA kro ti shwa ri dzwa la ni hUM phaT/ oM karma d+ha ra mahA kro ti shwa ri dzwa la ni hUM phaT/ hUM hUM hUM badzra tsi ta oM/ /a a a badzra pa tra sa ya a/ so so'i sngags kyis ston nas ni/ /brgya byin la sogs phyogs su gnas/ /mthing ga dkar po ser leb rgan/ /lhang gu'i mdog tu tshor ba yi/ /gtso bo gdan la rdzogs pa'i tshul/ /'khor rnams sems dpa' i tshul du bzhugs/ /so so'i sku mdog yab dang 'thun/ /'khor lo rgyal po rgyal mo dang/ /g.yas nas mthong thos snom pa dang/ myong dang btsun mo'i tshogs su bcas/ /gru chad la ni mthong byed dang/ /thos byed myong byed snom byed rnams/ /btsun mo yi ni tshogs dang bcas/ /mdun dang rgyab tu byed pa dang/ /bya ba dag ni gnas par bstan/ /sgom khyung bzhi la 'joms pa ni/ /btsun mo'i tshogs dang ldan par gnas/ /yab yum bzhugs tshul phyag mtshan ni/ /'bru bzhi sbas nas thugs kar bkan/ /hUM sgreng rtse mor rdo rje 'bar/ / zla gdul 'bru sbas dril bsil zhing/ /'khril pa'i tshul gyis chos la bstan/ /'bru bzhi sbas nas thugs kar bkan/ /muM sgreng rtse mo dril bsil 'bar/ /nyi ma 'bru lnga las su 'khril/ /btung de 'dzum pa'i mdangs kyis lta/ /'bru bzhi spas nas thugs kar? bkan/ /oM sgreng rtse mor 'khor lo 'bar/ /zla btul 'bru sbas dril bsil zhing/ /'khril pa'i tshul gyis chos la bstan/ /'bru bzhi sbas nas thubs kar bkan/ /lam bsgreng rtse mo'i dril bsil 'bar/ /nyi ma 'bru lnga las su 'khril/ /btud de
- 399a
'dzum pa'i mdangs kyis blta/ /'bru bzhi sbas nas thugs kar bkan/ /sa rtse 'bar ba rin po che/ /zla btul 'bru sbas dril? bsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /maM sgring rtse mo dril bsil 'bar/ /nyi ma 'bru lnga las su 'khril/ /btud? de 'dzum pa'i mdangs kyis lta/ /'bru bzhi sbas nas thugs kar bkan/ /oM sgreng rtse mo padmo 'bar/ /zla btul 'bru sbas dril bsil zhing/ /'khril pa'i tshul gis chos la bstan/ /'bru bzhi sbas nas thugs kar bkan/ /sbaM sgreng rtse mo dri ? ? 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /'bru bzhi sbas nas thug skar bkan/ /haM sgred rtse mo ral gri 'bar/ /bzla btul 'bru sbas dril bsil zhing/ /'khril pa'i tshul gyis chos la bstan/ /'bru bzhi sgras nas thug skar bkan/ /ti sgreng rtse mo dril bsil 'bar/ /nyi ma 'bru lnga las su 'khril/ /btud de 'dzum pa'i mdangs kyis blta/ /ud+pal klu shing la sogs mtshan/ /mdzes tshul mnyes pa'i yo byad 'dzin/ /las la 'khril zhing chos la bstan/ /dbu rnams 'byo zhing 'dud pa'i tshul/ /gong gi phyag rgya chen po bzhin/ /gnyis med dbyings kyi dang du 'khril/ /bya byed khro bo'i phyag rgya ni/ /rgyud las gsungs pa bzhin du brtag/ mnyen lcug 'khril ldem gzhon tshul can/ /gsal 'tsher lhun sdug gzi brjid ldan/ /'od zer 'phro ba'i tshogs chen po/ /'bar ba'i 'phreng ba 'khrigs pa ste/ /mdza' dbus med par khyab pa yi/ /'od zer 'phro ba'i tshogs chen po/ /dkyil 'khor bsam yas lhun grub gnas/ /dkyil 'khor yongs su rdzogs pa la/ /rgyal ba yongs su mnyes par 'gyur/ /mnyes nas sems can don bya zhes/ /dkyil 'khor dam pa bstan gyur kyang/ /sems can ma rig gis bsgribs pas/ /dkyil 'khor mthong ba'i skal med 'gyur/ /rgyal mchog thugs rje skyes nas ni/ /de nas gnyis med sbyor bar 'gyur/ /
- 399b
de nas byang chub sems 'phros bas/ /i sogs yi ge mngon par byung/ /sa bon las ni phyag mtshan 'bar/ /de las thub ba'i sku rdzogs te/ so so'i snying po brjod pas 'dzin/ /mkha' dbyings sku gsung thugs gnas nas/ /'jig rten drug gi phyogs bcur spros/ /oM mu ni kri swAhA/ /oM mu ni hUM druM swAhA/ /oM mu ne sruM swAhA/ oM mu ne braM swAhA/ oM mu ne k+ShaM swAhA/ /oM mu ne ye swAhA/ /'jig rten drug gi phyogs bcur ni/ /'dul pa bzhi yis 'gro don mdzad/ /ltam dang rab tu byung sogs dang/ /mngon par sangs rgyas bdud 'dul dag /'khor lo bskor dang cho 'phrul ston/ /mya ngan 'das sogs thub pa yis/ /sbyod pa rjes mthun ston par mdzad/ /mngon shes drug po'i cho 'phrul gyis/ /thams cad mkhyen pa nyid du ston/ /sku dang gsung dang thugs rnams kyis/ /bye brag sna tshogs ston par mdzad/ /'gro ba yongs su 'dul ba bzhin/ /byin brlabs 'dul ba ston par mdzad/ /so so'i bsam pa'i bye brag gis/ /lha dang mi'i theg sogs pas/ /theg pa lnga rnams so sor ston/ /rjes su bstan nas 'gro btul te/ /'gro la sangs rgyas sar bzhag nas/ / slar byon bar 'khyams thub drug bkod/ /de ltar dkyil 'khor rnams spros la/ /khyab par kun tu bltas nas ni/ /sgya ma bzhin du dmigs nas kyang/ /so so'i yab yum bye brag la/ /lus kyi dkyil 'khor rdzogs par dgod/ /sku gsung thugs ni byin gyis brlabs/ /gtso bo yab yum bzhin du bya/ /ye shes yongs su rdzogs pa'i phyir/ /rigs lnga'i dbu brgyan kun la bsam/ /thub drug lus kyi dkyil 'khor dang/ /byin brlabs dbu brgyan ma gsungs so/ /thugs kyi sa bon 'od zer gyis/ /phyogs bcu'i dkyil 'khor sbyan drang ste/ /phyogs dus dkyil 'khor bdag nyid che/ /mi dmigs thugs kyi dkyil 'khor la/ /dkyil 'khor thams cad spyan drang ngo/ /oM a ha hi b+ha ga bA na/ /mahA ka ru ni kra tri sha ho/ /sa ma ya hi/ dza(rgyud 'grel): hUM baM ho(rgyud 'grel): rang gi mdun du
- 400a
mngon par bsam/ /zhabs bkru la sogs byas ni/ /oM dang muM gnyis rtse sprad de/ /'bru brgyan rnol te rtse ba sbyar ba/ /rgyal ba kun dang mnyam sbyor ba'i/ /bde ba chen po sbyin pa'i rgya/ /de nas tshig 'dis gsol ba gdab/ /oM ye shes rgyal po sku gsung thugs/ /yon tan 'phrin las smad po che/ /de nyid du ni bdag sbyor bas/ /phyag rgya chen por bdag sbyor cig /oM badzra sa ma ya hUM/ oM badzra sa ma ya hoM/ /oM badzra sa ma ya ho(rgyud 'grel): dza(rgyud 'grel): hUM baM ho(rgyud 'grel): rang snang dbyer med dkyil 'khor la/ /'jug pa'i mtshan nyid mnyams 'byor bas/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar gyur pa'i dam tshig mchog /de ltar ye shes dkyil 'khor dang/ /dam tshig dkyil 'khor mnyam sbyar bya/ /dkyil 'khor kun la mnyam ltas nas/ /sgyu ma mig yor lta bur bsam/ /de nas lha rnams mchod pa'i phyir/ /chos kyi dbyings dang mnyams spyor zhing/ /mchod pa'i phyag rgya chen por bsgom/ /bdag gi snying po'i sa bon las/ /'od zer mang po'i zer 'phros te/ /phyogs bcu'i sangs rgyas thams cad kyi/ /mchod pa'i tshogs rnams kun bsdus te/ /bdag nyid kyi ni thugs kar thim/ /rdo rje'i lam nas byung nas ni/ /byang chub sems nyid mkha' dbyings nas/ /byang chub sems kyi 'od zer pas mchod pa'i lha mo'i tshogs spros te/ /rgyal mchog dkyil 'khor mchod par byed/ /de nas lha mo'i tshogs rnams kyis/ /de bzhin gshegs pa'i dkyil 'khor la/ /dgyes pa'i glu 'di blangs par bsam/ /oM phyogs bcu dus bzhi rdzogs pa yi/ /ye shes dkyil 'khor thig li che/ /bsod nams dkyil 'khor sku yi tshogs/ /sna bstod? thig le kun tu rdzogs ho/ /oM rdo rje bsod nams thig le che/ /rdo rje ye shes dkyil 'khor ldan/ /rdo rje sgra chen mdza' yas pa/ /rdo rje
- 400b
rgyal po thig le che ho/ /oM sku gsung thugs kyi rdzogs pa che/ /yon tan 'phrin las kun tu rdzogs/ /ye nas lhun rdzogs kun tu bzang/ /'dus pa'i tshogs chen thig le che/ /oM mi dmigs rgyu 'phral mnyam pa'i dbyings/ /mdza' yas can? nas sna tshogs 'phrod /mdza' yas kun nas lhun gyis thim/ /sna tshogs sku gsung thugs chen po/ /ho/ /oM phyogs bcu'i 'jig rten rdul snyed du/ /rgyal ba'i don rnams rdul phran snyed/ /sprul pa rdul phran bsam yas kyis/ /skad cig yud tsam lhun gyis 'grub ho/ /oM thams cad ma lus thams cad sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le chen ho/ /de ltar rgyal ba'i dkyil 'khor ni/ /skyed pa yongs su rdzogs byas te/ slar yang bdag gi thugs kar bsdu/ /de nas gsang ba'i dkyil 'khor bsgom/ /bde ba chen po'i dkyil 'khor ni/ /gtang sbyar gnyis sam yang na lnga/ /byas te dad pa ldan bzhugs nas/ /'dod pa yid 'ong mnyam par 'gyur/ /cho ga lnga ni ? ? byas shing/ /yo byad lnga ni rdzogs par ldan/ /sngags kyi yan lag lnga rdzogs pas/ /ma nyams 'jug la rab brtson na/ /zhag ni sum cu phrag drug gam/ /bcu gnyis bcu bzhi bcu drug gis/ /dbang sgyur rigs kyi dam pa 'grub/ /da? tsha? bcu drug tshun chad kyis/ /sku lnga lhun gyis rdzogs pa ni/ /ye shes thig le de nyid la/ /ye shes thig le nyid snang bas/ /bsam gyis mi khyab mdza' yas mchog /phyogs bcu dus bzhi rdzogs pa yi/ /zhing khams rnam dag gzhal yas dang? ? rgya dang bral ba'i gzhal yas khang/ /'khor lo'i gdan dang rol mo'i tshogs/ /dkyil 'khor ma lus bsam yas kun/ /mthong nas nye bar bsnyen pa dang/ /rgya chan gsung las don 'byung ba/ /mthun pa'i ye shes rang snang pa'o/ /gcig
- 401a
dang du ma bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang byung ye shes gnas med snang/ /log par rtogs rtags rnam dag cing/ /ye shes dbyings las mi zhan phyir/ /thugs rje chen pos 'brel bas na/ /'gro drug dus gnas ma lus snang/ /de ltar rgyal mchog dpal ldan pa'i/ /dkyil 'khor gsang ba sgrub ba'i phyir/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang ba'i thig le dkyil 'khor dbyings/ /'byung ba shes rab rigs kyi yum/ /chen po rigs kyi de bzhin te/ /byang chub sems ni rdo rje'i cho gas/ /dbang po yul du rig pa rnams/ /kun tu bzang po'i dkyil 'khor la/ /bdag nyid chen po lhag pa yi/ /thugs kyi ye shes lngas ltar shing/ /snying po'i thig le mnyam sbyor bas/ /bde ba'i ye shes rol mo yi/ /ye shes dgyes la mchod par 'bul/ /zag pa med pa'i bsod nams kyis/ /ye shes sgyu ma rang snang ba/ /rol mo'i dkyil 'khor mdza' yas mchog /gsang ba'i thig le nyid kyi dbyings/ /de ni sangs rgyas kun gyi dngos/ /phyogs bcu dus bzhi mngon rdzogs pa'i/ /sku gsung yon tan 'phrin las thugs/ /ma lus bdag nyid zhal mthong ba/ /dbang bsgyur mchog nyid dam pa yin/ /dkyil 'khor la gnas dkyil 'khor nyid/ /rdzogs pa'i dkyil 'khor lhun gyis grub/ /rgyan du dkyil 'khor ma lus thogs/ /rdzogs pa'i dkyil 'khor mnyam sbyor bas/ /thugs rje'i dkyil 'khor yongs kyis 'byung/ /phyogs dus dkyil 'khor 'dul ba'i mgon/ /sgyu ma'i dkyil 'khor sgrol ba'i phyir/ /bya byed med pa'i dkyil 'khor
- 401b
sbyod/ /ye shes rdzogs pa'i dkyil 'khor la/ /thos bsam sgom pa'i mnyam sbyor gyis/ /rang byung sku lnga lhun gyis grub/ /'di ni sangs rgyas thams cad kyi/ /'da' bar mi mdzad dam tshig mchog /gang zhig 'di las mos gyur pa/ /sangs rgyas dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur/ /gsang ba'i ye shes bsgom pa'i gnas/ /mkha' dkyil dang ba'i dbyings nyi zla/ /ye shes rgyal po yab yum bsgom/ /gang zhig glang chen myos 'dra'i sems/ /mnyam par bzhag pas btul nas su/ /sngags dang phyag rgya rab bstan pa/ /dngos grub ya mtshan chen por 'gyur/ /ting nge 'dzin las langs nas su/ /spyod lam rnam pa gnas nas kyang/ /snang ba'i dngos po so sor snang/ /lha'i dkyil 'khor nyid du lta/ /yang dag sgyu ma la sogs tshul/ /zas la sogs pa bza' ba ni/ /rgyal ba'i byin brlabs mngon bsdus nas/ /bdud rtsi lngar ni byin brlabs te/ /lce'i dbang po rab sbyangs nas/ /ye shes dkyil 'khor thugs kar ni/ /rgyal ba'i tshogs rnams tshim par bya/ /dam tshig nyams pa tshul bzhin bshags/ /yang na rgyal ba'i dkyil 'khor gyi/ /byin brlabs kyis ni rnam par sbyangs/ /sems can thams cad mthong ba na/ /snying rje byams pa'i sems bskyod de/ /sangs rgyas nyid du bya'o zhes/ /smon pa'i sems ni khyad par can/ /blo can gyis ni rtag tu bya/ /de ltar dus bzhi'i nyin mtshan du/ /rnal 'byor tshul la gnas pa yin/ /bdag gis mi shes rmongs pa gsal don tu/ /sgyu 'phrul gsang don sgrub thabs 'di byas te/ /bdag blo chung bas nor dang 'khrul mchis pa/ /'phags dang mkhas pa rnams la bzod par gsol/ /'di las bdag gis dge ba gang thob pa/ /'gro ba blo zhan rnams kyis chos
- 402a
kun ni/ /stong nyid sgyu ma lta bur rab rtogs nas/ /ye shes gnyis med sku gsum thob bar shog/ //sgyu 'phrul dra ba me long lta bu'i sgrub thabs/ /slob dpon chen po dza na dza yas mdzad ba'o/ rdzogs so// //*/ /rgya gar skad du/ satwa badzra ma ya dzwa kra ma pra ba nA ma/ bod skad du/ rdo rje sems dpa' sgyu 'phrul dra ba'i 'od kyi rim pa zhes bya ba/ /dpal rdo rje sems dpa' la phyag 'tshal sgyu 'phrul dra ba'i rgyud dag gis/ /mthar phyin lha'i rnal 'byor gyis/ /bsgom thabs rim pa mdo tsam zhig /legs par btus te bstan par bya'o/ /ma rtogs pa dang log par rtogs/ /phyogs rtogs yang dag nyid ma rtogs/ /'dul ba dgongs pa gsang ba dang/ /rang bzhin gsang ba'i don rnams ni/ /yi ge sgras brtags mi tshogs la/ /brten pa'i tshig gis rab mtshon la/ /khong nas gab sbas don 'byin pa/ /ston ba rdo rje thugs gnas phyir/ /mnyes pa'i thabs kyis zin par bya/ /thos bsam bsgom la rab sbyangs pa'i/ /shes rab mig ldan rnams kyis bzung/ /snod ldan ngang? tshul bzang la bstan/ /lus dang longs spyod gtod la sbyin/ /gang la gsang chen 'di yod par/ /me mar mur gyi dong dpogs shing/ /sdu gri'i so dag gtams pa la/ /'dzogs pa bu dag 'gro bar gyis/ /khod na gnas pa'i yang khod du/ /lcags kyi sgrom bu kha bsdam mo/ /slob dpon ngas par mnyes byas shing/ /sgyu 'phrul ri mo'i dkyil 'khor du/ /dbang rnams thob par byas pa dang/ /ston pa mchod brtson rtogs pa gsal/ /dam tshig sngags dang phyag rgya rnams/ /ma nyams shes shing yo byad ldan/ /sngags dang cho ga yan lag kun/ /tshad zhing lam la goms 'dod pas/ /khe grags 'dod g.yeng
- 402b
kun spangs te/ /dka' thub gdung bas mnyes par/ /gnas dang longs spyod ci bde dang/ /ma nyams blo ldan tshogs par bsgrub/ /ri bo dben pa'i gnas mchog ni/ /me tog shing dang bkra shis bya/ /snyan pa'i sgra ldan bar chad med/ /chu bo nung nas shar 'bab cing/ /bar snang mtshams sam dgra ni nyung/ /rnal 'byor sbyod la dogs med pa/ /yo byad btsal sla mchog yin te/ /yon tan bzlog pa spang bar bya/ /bsam spyod mthun pa'i sa phyogs der/ /sa'i bya ba rgyas byas la/ /stong byed mgon rnam tshim byas te/ /ji ltar 'dod pa bgo bar bya/ /bu mchog gzhug pa'i las rtsom pas/ /nyi shu 'am nyi shu rtsa lnga yi/ /tshad ldan stegs bu bcu gsum byug /thig g.yeg? grogs mor ldan byas la/ /thig gdab cho ga phun sum tshogs/ /mkhas ldan chen pos bsgrims te bya/ /phur bu srad bu tshon phyer ldan/ /rab tu gnas byas byin ldan pas/ /'og gi rtsibs bzhi pho brang lnga/ /cha chen cha bran gsal ldan bya/ /bco brgyad gnyis kyi pho brang du/ /dkar dmar thig le gdan byas pas rigs kyi dkyil 'khor ched bar bsgom/ /gshegs gsol byin ldan rin chen mtshon/ /nyi shu rtsa lnga'i mtshon ldan pas/ /lte ba'i cha byang tshul bzhin bri/ /bcos gur? sa ni sna tshogs dang/ /rgyan phreng btung ba'i bro ldan pas/ /dag par sbyangs ba'i dkyil 'khor la/ /bdag gzhan don phyir 'byor ba 'bul/ /dbang phyug thog mar rigs pas 'jug /dkyil 'khor gsol gdab gnang zhugs bar/ /bu mchog ser sna spangs pa nyid/ /gzhug skar langs bzhin rdzogs bar bya/ / yang na dpag tshad rgyang grags te/ /ting 'dzin gzugs brnyan dkyil 'khor du'o/ /rnal 'byor 'dris goms 'dod pa yis/ /tshad med thugs rjes 'gro sgral zhes/ /dam bcas bstan te 'phar? bstan nas/ /khams bsangs lus kyi lugs
- 403a
bzhin 'dug /rang gi snying gi sa bon zad/ /'phos pas bde gshegs mdun grangs 'bul/ /bla ma kun gyi yab phyir bsam/ /phyi bsogs nang gi lha mos mchod/ /phyag 'tshal mchod bstod bshags ba dang/ /yi rang skyabs gsol sems bskyed bsngo/ /mos pa'i dkyil 'khor mchod zin nas/ /sems phyir bdag la bsdus par bsam/ /bar chad bgegs rnams bsal ba'i phyir/ /stong chen gsal ba'i rig pa nyid/ /skad cig sa bon rang gi lhar// gsal bas hUM skul 'phro 'du las/ /zhe sdang rdo rje gsal ba yi/ /thugs kyi sa bon 'od zer las/ /mtshon cha rim spros bar chad bskrad/ /slar 'dus rim bzhin steng 'og gur/ /dzwa la raM gyi me dpung 'bar/ /ji tsam lcogs par mtshams bcad bya/ /ma rdzas chu bdag sa bon gyi/ /'phro 'du bzlas te bsal bar sbyang/ /nyams chag bar chad bsal ba'i phyir/ /sgrub bo rdzas bsags bgegs la gtor/ /mi mthun phyogs la gtor byas na/ /drag po gtum po'ang lhan ner 'gyur// dam bcas snyan po shar phyir ro/ /oM badzra kro d+ha a mri ta kuN+Da li ha na ha na hUM phaT/ /bi shud d+ha a mri ta hUM phaT/ dar ma oM mri ta hUM phaT/ thams cad dag gyur bdud rtsir gyur/ /srid pa phyi nang 'byung tshul gyis/ /snod bcud dkyil 'khor bskyed byas te/ /tshe ? yul bral bar ma'i lus/ /? snang ming gzugs 'brel pa'i bzhin/ /ting 'dzin gsum yang rim bzhin sgom/ /dngos rnams nyid na dngos med pas/ /rtog pa'i smra bsam yul las 'das/ /de bzhin nyid dbyings ye shes te/ /de phyir dngos po dngos med pa'o/ /oM ma ha shu n+ya ta dz+nyA na badzra swa b+ha ba adma ko haM/ /de las snying rje chags pas bskul/ /lus dang ngag sems chos thams cad/ /gang na 'ang ni mi dmigs pa/ mig yor tshul du sbyor ba yi/ /nam mkha' la ni nam mkha' bsgom//
- 403b
rtsa ba med pa'i sems nyid ni/ /chos rnams kun gyi rtsa ba yin/ sems nyid yi ge'i rang bzhin te/ /yi ge yid bzhin rin chen sbrin/ /yi ge mchog ni bsgom par bya/ /a/ rab tu brtan 'gyur a dkar las/ /shin tu phra ba'i a rnams spro/ /phyogs bcu gang bar gsal 'gyur nas/ /bsdus kyang 'phel 'grib med par bstan/ /de las ming tshogs gsal bar 'gyur/ /spro zhing bsdu ba de bzhin no/ /'di ni rdo rje dngos grub kyi/ /brtan 'byung ye shes rgyu yin no/ /ma dmigs stong chen gzugs brnyan a/ /yid kyis nam mkhar gsal ba las/ /snying sgog lte ba 'gro mdo rlung/ /las bzhi lus bzhin e mthir las/ /'gro 'dus chos kyi 'byung gnas bsam/ /de steng yaM las gzhu dbyibs rlung/ /ngud ka boM dkar chu dkyil bzlum/ /loM ser ri rab ser rgyas dbyibs/ /de steng ram las ye shes me/ /dkyil 'khor sna tshogs bru du 'phro/ /yongs 'gyur ye shes gzhal yas khang/ /ye shes rin chen rgyu las byung/ /tshad med rtsibs bzhi 'khor lo la/ /rtsibs bzhi mu khyud pan tsar ldan/ /gru chad blo 'bur bar 'khyams bcas/ /sgo gyur bzhir ldan lta babs brgyad/ /sti gnas lam gyi bgrod phyir ro/ /'bras bu yon tan brgyad rdzogs phyir/ /rta rkang chu skyes rin chen sgrom/ /snam 'phyo bzhi las drar tshags/ /rin chen sgril 'chang shar bu khyud/ /rims bzhin dbyibs mdog mdzes par ldan/ /tha snyad sems phyir bum pa gcig /rma bya'i mdongs ldan cir yang snang/ /mthon dman tshad med bya 'dab ldan/ /thugs rje kun snyoms khyab phyir ro/ /sang thog mtho dman rim ldan pa'i/ /tha ma'i 'dab mas kun g.yogs par/ /ye shes rtsig ste se gol gtams/ /mi 'jigs kha nas mu tig tar/ /pa khu mdzes pa'i bde dar ldan/ /dra ba dra phyed 'gul 'khor bar/ /gzugs sogs lha mos 'khrigs pa ste/ /sna tshogs mchod byed rol mo yis/ /bar snang khams su sprin dpung bzhin/ /sgo bzhi
- 404a
g.yas g.yon ljon shing dang/ /dpag bsam shing zung rtsong rtsong 'phel/ /dril bu g.yer ga theg sgrogs pa/ /bkra shis bya snyan sgra sgrogs ldan/ /yid bzhin rin chen brgyan bskor bas/ /rin chen phung po bzhi gnyis ldan// thams cad la ni dbang sgyur phyir/ /lha chen phyogs skyong brgyad kyis bskor/ /'khor lo rtsibs chen mu khyud ldan/ /rtsibs ldan pho brang lnga pa nyid/ /bar khyams sgo khyud ldan pa la/ /dkyil 'khor bcu phrag brgyad gnyis ldan/ /pho brang dbus kyi lte ba la/ / mi 'jigs seng ge brgyad dang ldan/ /shar phyogs lte bar stobs glang che/ /lho ru rdzu 'phrul rta brgyad steng/ /nub kyi pho brang rma bya dbang/ /byang du 'phrin las shad shad brgyad/ /khri rkang bar mdzes par ldan pa/ /nyi ma zla ba lnga brtsegs ldan/ /nyi zla chu skyes sum brtsegs sems/ /nyi rkyang khro dang pad kyang thub/ /bya byed kun bzang yab dang yum/ /nyi zla pad ma rin chen rgyas/ /gdan la mnyam pa'i skyil krung bzhugs/ /bdun phrag sum cu rtsa brgyad rlung/ /las kyi rim bzhin rnam smin lus/ /rdzogs bzhin dam pa'i sa bon las/ /'phro 'du gsum gyi sku rdzogs bskyed/ /rgyu'i a las hUM oM traM/ a haM maM sogs yi ge bcu/ /pho brang lnga la rim bzhin bsam/ /rtsibs bzhi yi ge aM traM h+ri/ /dza dang dza(rgyud 'grel): hUM baM ho(rgyud 'grel): dang/ /traM de du ha sogs pa 'am/ /yang na so so zung bcas pa'o/ /a k+Sha hUM drug bar 'khyams la/ /dza(rgyud 'grel): hUM baM ho(rgyud 'grel): sgo bzhi ste/ /hUM chen nyi shu phyi rol tu/ /bskal pa'i me la rims bzhin bsam/ /sa bon yi ge phyi ru thim/ /de dag 'du 'phro yongs 'dus pas/ /so so'i phyogs mtshams 'bar bar 'gyur/ /yongs gyur 'phra mo kun phro 'dus/ /phyag rgya chen po rdzogs par bskyed/ /tha snyad bdag phyir bdag las skyed/ /bde gshegs rigs las shar ba'i phyir/ /rgyal ba bdag gi sras gyur te/ /sgyu'i 'khor lo bskyed pa'o/ /
- 404b
'bras bu'i 'khor lo bsam pa ni/ /gtso bo thugs las shar ba dag /'jig rten mes bo sras kyi mchog /bdag gis bzung ste gsol ba gdab/ /ho sems nyid theg par rab nges pa'i/ /dkyil 'khor brgyad cu rtsa gnyis rdzogs/ /sangs rgyas rdo rje sems dpa' yi/ / tshom du'i dkyil 'khor bsam yas pa'i/ /sku gsung thugs su bdag sbyor cing/ /bskul bas gnas gsum gzer 'phros te/ /mngon sum sbyangs pas lugs ka bzhin/ /gyur pa 'phros pa'i yi ge gsum/ /yi ge hUM du gyur pa la/ /zla rlung sbyor bas gtegs nas ni/ /bskor te rtse ba'i thugs kar thim/ /rdo rje lam byung yum gyi mkhar/ /rgyu'i chos sku sems su gnas/ /lha rnams so sor sgra phyung rol/ /kun kyang 'od dpung sna tshogs mdog /skad cig dran pas aksha ste/ /yongs gyur rdo rje dril 'bar bsam/ /'phro 'dus 'gro don 'phags mchod nas/ /slar 'dus 'phra mo'i sku 'phro 'dus/ /phyag rgya chen po'i sku gnyis rdzogs/ /byed pa rdo rje yab yum gnyis/ /in tra nI la'i kha dog 'dra/ /rang rtags rdo rje dril bu 'dzin/ /'khril ba chen po'i tshul du bsam/ nus mthu ldan phyir byin rlabs dpang/ /thugs ka'i 'od zer khyab skul bas/ /phyogs dus bde gshegs rigs lngar gshegs/ /ye shes lnga rdzogs dbu brgyan dbang/ /de nyid rkyen gyi sngags kyi bskul/ /gnas gsum 'bru gsum 'phro 'du las/ /sku gsung thugs ldan lhar bskyed de/ /gsum pa'i sngags kyi nga rgyal bya/ /mtshon gang dkar dmar thig dkar shar/ /dbus kyi dkyil 'khor gdon pa'i phyir/ /rdo rje skye mched gsang gnas brlab/ /kun bzangs spyi po ljags sdeng snying/ /lte ba nang gi gsang ba la/ /oM hUM swa aM hA rims bzhin/ /gnas der yaM la muM laM maM/ /paM taM bsam pa yab yum bcu/ /rna sna lce'i phyi nang la/ /k+Shi tri h+ri a/ /me thli h+ri rmuM sogs brgyad/ /yum gyi gnas der hUM traM h+ri/ /ya
- 405a
sogs dza(rgyud 'grel): hUM baM ho(rgyud 'grel): bzhes/ /sems ma brgyad po rims bzhin bsam/ /g.yas g.yon yan lag mkha' gsang la/ /hUM bzhi khro bo bzhi ru bsam/ /yuM la dza(rgyud 'grel): hUM baM ho(rgyud 'grel): las/ /sgom bzhi bsam bco brgyad las// yab yum gnyis la rdzogs par bya/ /de nas gsang gnas byin brlabs pa/ /hUM las rdo rje rtse lnga phaT/ /de las pad+ma 'dab rgyad aM/ /rjes su chags pas tshul bzhin skul/ /phyag rgya bzhis rol dgyes sprin 'phro/ /mkha' la thig gdab gzhal yas gdan/ /bsams te sku rdzogs gnas pa nyid/ /gtso 'khor rims bzhin dza yis gdon/ /phyi rol gnas su khyab par sbyar/ /b+h+ruM bi shud d+he dz+nyA na tsakra/ du ti tsa kra na na/ /su rgya tsakra ratna pad+ma ma da la/ /hUM badzra drig muM da d+hA? shwa hUM/ oM satwa badzra hUM/ /oM tishtha badzra A/ oM ratna badzra hUM/ oM badzra dzwa la hUM/ oM d+harma badzra h+ri/ oM sad gra badzra hUM/ oM karma badzra ha/ oM tsa da tsa la badzra hUM/ oM dze na dzi ga/ oM laM sha ra ti/ oM badzra sad twa/ oM badzra la se oM/ oM badzra tsa oM/ oM badzra du be oM/ oM badzra ra ga oM/ oM badzra aM gu sha oM/ oM badzra su oM/ /oM badzra de sha ra ti oM /swa ratna drig /maM mo ha ra ti/ oM oM badzra ratna h+raM/ oM badzra ma le tri/ oM badzra surya tri/ oM badzra ke du tri/ oM badzra pa sha/ oM badzra ha sa triM/ traM/ oM ratna ra ti tra/ o a ro lig /baM rag ra ti/ oM badzra da ram tri/ oM badzra gir ti h+ri/ oM badzra tig sna h+ri/ oM badzra a lo ge h+ri/ oM badzra tsitra hi/ oM badzra spho ta h+ri/ oM badzra pa sha h+ri/ oM badzra a lo h+ri/ ha pra da nya drig /taM badzrar ti/ oM badzra kar ma ha/ oM badzra ni ra ti ta/ oM badzra raksha ha/ oM badzra gan te ha/ oM badzra yaksha ha/ oM badzra gan to ha/ oM badzra san to ha/ oM badzra a be sha ha/ oM badzra a gu sha dza dza/ oM badzra ba sha hUM/ oM badzra po ta baM/ oM badzra ban da ho/ /
- 405b
oM hUM hUM hUM/ badzra tsi ta oM/ a a a badzra batra sa ma ya/ oM/ oM nu ne krid swAhA/ oM mu ne praM swAhA/ oM mu ne braM swAhA/ oM mu ne srum swAhA/ oM mu ne ksha swAhA/ oM mu ne ya swAhA/ oM badzra kro ta hUM ka ra/ hUM phaT/ kro ti shwa rakshi ya te hUM/ oM badzra kro ta bi hUM phaT/ kro ti shwa ri la se ge hUM/ oM badzra kro ta ni la daN+Da hUM phaT/ kro ti sho ri pra ti dza hUM/ oM badzra kro ta ya mAn+ta ka hUM phaT/ kro ti sho ra ti na ba ti hUM/ oM badzra kro ta Arya a tsa la hUM phaT/ kro ti shwa ri mu ha la hUM/ oM badzra kro ta ha ya grI pa hUM phaT/ kro ti sho ri tsan d+ha he ya hUM/ oM badzra kro ta a ba ra tsi ta hUM phaT/ kro ti sho ri sha ya pya ti hUM/ oM badzra kro ta a mri ta kuN+Da li hUM phaT/ kro ti shwa ri ba ya ba ti hUM/ oM badzra kro ta tre log kya bi dzra ya hUM phaT/ kro ti sho ri ma ra na hUM/ oM badzra kro ta mahA ba la hUM phaT/ kro ti sho ri tsan ta mu ne hUM/ /de ltar dkyil 'khor gsal ston pas/ /so so'i gnas su rgyas par 'god/ /gdan la rdzogs dang sems dpa' i tshul/ /'joms dang thub pas brgyad skum bzhengs// 'khor lo'i dbus la rgyal po yum/ /mdun rgyab g.yas g.yon phyogs bzhi ru/ /sems dpa' sems ma rigs bzhin gnas/ /bar khyams la ni thub pa drug /rgyud drug sbyong ba'i phyag rgyar gnas/ /shar lho lha dang lho phyogs mi/ / lho nub byang chub yi dags byol/ /byang dang byang shar lha min dmyal/ /mdun rgyab bya byed yab yum gtso/ /sgo khyud bsrung ba khro bo bzhi/ /bskal pa'i me la khro zung bcu/ /phyogs mtshams srung ba'i tshul du gnas/ /de kun byin dbang? nus ldan pas/ /'gro don bya phyir tshul bzhin bsam mo/ /oM mahA shu n+ya tA d+he? na badzra swa b+hA ba adma ko haM/ oM ma ha a ta ri sha dz+nyA na badzra swA b+hA ba adma ko haM/ oM mahA sa man+ta dz+nya na badzra swA b+hA ba adma ko haM/ oM ma hA dwa ta
- 406a
bra be sha dz+nya na badzra swa b+hA ba adma ko haM/ mahA kri ta a nu ta na dz+nyA badzra swa b+hA ba adma ko haM/ oM sarba ta thA ga ta ma hA kA ya badzra swA b+hA ba adma ko haM/ oM sarba ta thA ga ta mahA bA ga badzra swa b+hA ba adma ko haM/ oM sarba ta thA ga ta mahA tsi ta badzra swa b+hA ba adma ko haM/ dkyil 'khor dbang bskur thim par 'gyur/ /byin brlabs rab tu gsal bar 'gyur/ /rin chen smug po gnas cig tu/ /mtshon gang sems dpa' 'od ldan pa/ /thugs kyi sa bon brlabs pas bskor/ /kun gyi bdag nyid dkyil du bsam/ /thub drug sprul pa rang byung phyir/ /byin brlabs dbu brgyan ma gsungs so/ /mthing kha dkar po ser le brgan/ /ljang gu kha dog gsal 'tsher 'bar/ /sems dpa' rnams ni rigs kyi tshul/ /gser dang dkar mthing ser nag dang/ /dmar nag dung ka thub pa'i sku/ /sngo ser dmar ljang sgo bsrungs sku/ /khros pas bsrung phyir rtsa gnag pa'o/ /mthing ga hUM chen rnam rgyal dkar/ /dbyug pa sngo la gshed mthing gnag /mi g.yo ljang sngo rta mgrin dmar/ /'dod rgyal dud ka bdud rtsi ljang/ /khams gsum dkar ljang stobs chen dung/ /kho bo rnams ni khro dang mthur/ /kun kyang dur khrod chas ldan par/ /me dpung 'phros 'dus ldan pa'o/ /sku'i mtshan nyid dgu ldan ti// mnyen lcug 'khril lnga ma gzhon tshul can/ /gsal 'tsher lhun sdug gzi brjid ldan pa'o/ /rdo rje 'khor lo rin po che/ /pad+ma ral gri dril bu 'bar/ /gso gzungs 'phel ba'i phyag rgya ni/ /sor rtser 'chang ba thugs kar bstan// ? ? can pad+ma dri/ /rdo rje lcags kyu mda' gzhu brgya/ /rin chen myu gu nyi ma dang/ /rgyal mtshan sor 'phreng 'dzin pa dang/ /pad+ma kha 'byed ral gri dang/ /'khor lo 'dzin dang lce 'dzin pa/ /ral gri rdo rje 'phreng ba dang/ /mche ba
- 406b
khu tshur bcangs pa'o/ /me long pog phor lcags kyu 'phred/ /rin chen me tog zhags gsil yab/ /pi pad mar me lcags sgrog gdongs/ /gar 'dzin spos dril rma bya bum/ /gseg gshang par bu pi bang dang/ /go cha mdung thung po ti brtsegs rin chen sgrom bu me dang chu/ /kun bzang mnyam bzhag ye shes 'phro/ /yum 'gyur mnyam rdzogs pad mo dkyil/ /yang na rdo rje dril bu nyid/ /lcags kyu zhags pa po ta ho/ /'khor lo nri mgo rdo rje stir/ /zhugs gling dang ni drang srong nyid// zhing dbyug gshin rje kaM bzung ba/ /ral gri ba de bral stir dbyug gshog/ /ba dan lce spyang brgyad ber ma thogs/ /rin chen mgo bo gsum gyi dbyug /rdo rje rtse gsum nri 'go dang/ /thod bshol gtun shing g.yas g.yon thogs/ / yang na phyag drug sngon par rol/ /khro mo'i g.yas ni gtso la 'khyud/ /g.yon pa rag ta ston pa'o/ /phyogs dus dkyil 'khor bdag nyid che/ /mi dmigs thugs kyi dkyil 'khor las/ /dkyil 'khor thams cad spyan drang ngo/ /rang snang dbyer med dkyil 'khor la/ /'jug pa'i mtshan nyid mnyam sbyor bas/ /phyogs dus kun nas gshegs pa'i/ /bsnyen pa'i dkyil 'khor rab tu rdzogs/ /nye bar gyur pa'i dam tshig mchog /ha hi ba ga bAn/ /mahA ka ru nika tri sha h+rI?/ /sa ma ya sto/ dza(rgyud 'grel): hUM paM ho(rgyud 'grel): /oM a hUM swA hA/ /ba ba ba ba ba dzra dzra dzra dzra dzra sa sa sa sa sa ma ma ma ma ma/ ya ya ya ya ya/ oM aM hUM swAhA/ oM ye shes rgyal po sku gsung thugs/ /yon tan 'phrin las rmeng po che/ /de nyid du ni mnyam ? ?/ /phyag rgya chen po bdag sbyor cig /oM badzra sa ma ya stwoM/ oM badzra sa ma ya hUM/ oM badzra sa ma ya ho/ /sgo bzhir byin bstim brtan byas la/ /gnyis med phyag 'tshal tshogs phyir mchod/ /mi bskyod nyi ma'i dkyil yi ge/ rin chen
- 407a
zla ba'i dkyil yi ge /lnga gnyis zung du spros pa las/ /sbyar ba'i phyag rgya 'byung ba'i rgyu/ /bskyed chen 'khor lo'i gzhal yas su// /tshom bu dkyil 'khor gsal bsgoms na/ /bsgul bskyod thams cad phyag rgya yin/ /'bru bzhi sbas nas thugs kar skan/ /hUM sgreng rtse mor rdo rje 'bar/ /zla btul 'bru sbas dril bsil zhing/ /'khril pa'i tshul gyis chos la bstan/ /'bru bzhi sbas nas thugs kar skan/ /muM sgreng rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis lta/ /rigs bzhi kun kyang gtso bo bzhin/ /g.yas g.yon mdzub mo oM laM la/ /'khor lo dril bu 'bar bar bsam/ /the 'od gnyis la sba maM ste/ /rin chen dril bu rab 'bar ba/ /srin lag g.yas g.yon oM pa ste/ /pad+ma dril bu rtse la 'bar/ /the chung ha tiM ral gyi dril/ /'bru sbas bkan dang bstan 'khril pa'o/ /yang na rtsa skyed sngags kyis so/ /g.yas g.yon sor rtser hUM traM trI/ /a sogs zung bzhi nyi zla ste/ /rims pa sams gung mo rtse sprad pa/ /sems dpa' rdo rje yab yum mo/ /mdzub mo rtse sprad rin chen no/ /srin lag rtse sprad chos rdo rje/ /the chung rtse sprad las rdo rje/ / the bo mdzub mo rdo rje 'dzin/ /the bo gung mo rgyal ba 'dzin/ /srin lag the bong chags pa che/ /the chung the bong legs pa mchog /g.yas rol hUM dza ho dang swa/ /mdzub mo gnyis sbyar rin chen mchog /gung mo gnyis sbyar rin chen don/ /srin lag gnyis sbyar rgyal mtshan te/ /rdo rje gzhad pa the chung sprad/ /taM dang he du sta rims bzhin/ /mdzub mo steng 'og rdo rje chos/ /gung mo steng 'og 'jam dpal mchog /srin lag steng 'og 'khor
- 407b
lo mchog/ /the chung steng 'og rdo rje smra/ /h+ri baM traM dang hi bzhi bsam/ /mdzub mo rgya gram rdo rje las/ /gung mo rgya gam rdo rje bsrung/ /srin lag rgya gram gnod sbyin mchog /the chung rgya gram khu tshur ro/ /haM hUM a baM sor rtser bsam/ /dza dang ho la sogs pa'o// gar du sgyur bas rdo rje 'chang/ /phyag rgya brda tshig chen po 'dis/ /sangs rgyas dkyil 'khor byed par snang/ /rang bzhin dkyil 'khor phun sum tshogs/ /glu gnyis phyag rgyar ldan pa yis/ /sa ler gsal ba'i dkyil 'khor 'bebs/ /phyag rgya spros pa chen po ni/ /gzung dang 'dzin pa rnam gnyis po/ /dag par gsal bas phyag rgya yin/ /yi ge so sor gsal ba yis/ /gar du bsgyur bas mya ngan 'das/ /gseg par pi bang go cha dang/ /po ti sgrom dang me chu rgya/ /ji ltar gnas bzhin bca' ba ste/ /lcags kyu zhags pa dril bu sgrog /yi ge gsal bas bzung ba'i tshul/ /khro bcu g.yas g.yon nyid hUM gis/ /gar du sgyur zhing rim bzhin gsal/ /dpal dang zhal gsil gsol mchod bya/ /mnyam pa'i bsgrub rdzas chen po dag /bdag dang mnyam pa'i tshig la 'bul/ /lha yang rtag tu mchod byas na/ /bdag dang gnyis su med par 'gyur/ /bza' dang bca' dang btung dang bgo /longs spyod lnga ldan thams cad ni/ /dkyil 'khor la ni dkyil 'khor thim/ /shes par rab spyad na/ /ngo mtshar 'byung ba'i dkyil 'khor mnyes/ /ri rab chen po'i gling bzhi la/ /gnas pa'i sems can ma lus kun/ /bdag nyid chen po rtogs pa yis/ /dbyibs su yang ni sba bar bya'o/ / 'khril ba'i mchod chen mnyam sbyor bas/ /bdag nyid mnyes pas mnyes par bya'o/ /srid gsum sems can thams cad la/ /dga' ba chen po khyab par 'gyur/ /oM sarba ta thA ga ta a nu ra ga swa b+hA ba adma ko haM/ /thig le 'dres pas phyi
- 408a
nang gi /lha mo spros te bdag nyid mchod/ /oM sarba ta thA ga ta mahA pu tsa badzra swa b+hA ba adma ko haM/ /mchod pa'i phyag rgya tshan po ni/ /sems kyi yid bzhin sprin tshogs kyis/ /snod dang bcud kyis dngos po kun/ /ji ltar 'dod pa'i sems phyir dbul/ /'bras bu don gyi dgyes bya'i phyir/ /glu'i mchod pa tshul bzhin mchod/ /'phags bstod sems can grol bya'i phyir/ /dung dang zangs dang mud rtsa ra/ /pi bang gling pu ke ko ta/ /pheg rdob rdza lnga pi bang dang/ /dgu po rgyud mangs sgra sgrogs sbyar/ /rgyal po 'khor bcas dgongs gsol te/ /tshogs phyir mchod pa rgya mtsho 'bul/ /rnal 'byor dbang phyug nyams chags bshags/ /las la don phyir 'phrin las bcol/ /grub pa'i 'dod don gsol ba gdab/ /phyi dang nang gi phra mo yis/ /rnal 'byor bsgrub phyir bzlas par bya/ /phyi rol yan lag brgyad ldan pa'i/ /dam tshig ye shes yig gsal bas/ /rnam gsum 'khrul tshul gyis bzlas/ /oM hUM badzra satwa hUM/ badzra pra ban hUM/ muM badzra gang na/ hUM/ oM badzra tsa tra ma da la oM/ oM badzra ga na da pa sha laM/ swa rad na pra pa ni swaM/ /maM badzra gan d+ha pa sha mi/ /aM pad+ma pra pa na aM/ /paM badzra gan d+ha pra pa na paM/ /haM khang rtig sna pra ba na haM/ /taM badzra ga na da pra pa na pa sha taM/ yang? na bskyed dang zlas thun mong/ /nang du yab yum zhal sprod/ /dgra bcom med pa'i zlas pa yis/ /dbus kyi rtsa nyid 'phro 'du'i lam/ /zhal nas zhal dang mkha' nas mkhar/ /skor bas drug log bde myong du/ /bsnyen pa grangs dus mtshan ma yis/ /thabs kyi mchog tu de gsungs so/ /rims par goms dang nyams ldan pas/ /rdzu skye'i tshul du skad cig gis/ /yongs su rdzogs par skyed byas te/ /de goms grangs med slob byed pas/ /bdag gzhan yas kun
- 408b
byed pa'i phyir/ /skabs kyis dang por brjod pa yin/ /de goms rigs 'dzin tshe la sbyor/ /bcu gnyis bcu bzhi bcu drug gis/ /dbang sgyur rigs kyi dam pa 'grub/ /lus dang phung por bcas pa yin/ /tshe la dbang ba'i rigs 'dzin 'grub/ /rig pa 'dzin pa'i tshe nyid kyis/ bla med kun tu bzang gyur pa/ /lhag ma bcas dang lhag med pa'i/ /mya ngan 'das pa'i tshal nyid kyis/ /'di dang bar mar sbyor ba ste/ /dpir na khyud dang seng ge bzhin/ /rnam smin rgya mdud grol ma thag /bar ma ye shes sgyu ma'i sku/ / mngon mtho rig pa'i sa la gnas/ /de tshe bcu drug tshun chad kyi/ /sku lnga lhun gyis rdzogs pa ni/ /ye shes thig le de nyid la/ /ye shes thig le nyid snang ba'i/ /bsam gyis mi khyab mdza' yas mchog /mngon 'gyur chu dang nyi zla bzhin/ /de nas longs spyod bde ldan pas/ /tshogs gnyis rdzogs phyir yo byad lngas/ /sna tshogs mchod pa rgyas mchod pa/ /rnal 'byor dbang phyug longs spyod de/ /sems phyir hUM gis longs spyod pa 'am/ /ye shes rol ba'i tshul 'chad pa/ /tha mal 'dzin grol de la sbyor/ /de phyir 'byor pa nan tan bskyed/ /bdag nyid mkha' 'gro 'dul byed pa/ /dbang phyug rgyal ba rigs lnga yi/ /bsam dang ldan pas lhag ma nyid/ /gzhung bzhin btsal te tshim byas la/ /rjes su mthun pa'i las stsol te/ /rang rang gnas su las dgye'o/ /rtag chad mdza' las grol bya'i phyir/ /dkyil 'khor rims bzhin snying la bsdu/ /mi dmigs dang las gtso bor bskyed/ /bskyed pa'i rdzogs par bstan pa'o/ /bar chod rgyun las grol ba'i phyir/ /rgya gram go dang khro lus byung/ /de nyid 'gro don nus ldan phyir/ /dbang bskur dbu rgyan cod pan ldan/ /bdag nyid spyod lam 'gro 'dug nyal/ /longs spyod bus bzhir mnyam langs tshe/ /rig phyir thams cad dkyil 'khor ltar/ /gsal byas
- 409a
tha snyad zhen las 'das/ /phyag rgya chen po nyid du 'gyur/ /de phyir le lo gnyid sbyangs 'bad/ /de ltar ting 'dzin skyod ldang na/ /rdzogs pa'i bsam pa sbyor bya ste/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang ba'i thig le nyid kyi dbyings/ /'byung ba shes rab rigs kyi yum/ /chen po rigs kyi de bzhin te/ /byang chub sems ni rdo rje'i tshogs/ / dbang po'i yul dus rig pa'i rnams/ /kun tu bzang po'i dkyil 'khor la/ /bdag nyid chen po lhag pa'i/ /thugs kyi ye shes lnga lta zhing/ /snying po'i thig le mnyam sbyor bas/ /bde ba'i ye shes rol mo yis/ /ye shes dgyes la mchod pa dbul/ /zag pa med pa'i bsod nams kyis/ /ye shes sgyu ma rang snang ba/ /rol mo dkyil 'khor mdza' yas mchog /de la sogs pa'i gdams ngag ni/ /bla ma'i zhal las shes par bya'o/ /de goms 'khor lo'i rims bsdus te/ /ma ha'i sgra la dmigs te 'dug / de'i ngang las nang bar dus/ /skad cig lha kun rdzogs bsams te/ /bstod mchod la sogs rgyas par bya/ /rdzogs pa nyid du sbyor ba yis/ /na ta'i sgra yang mi dmigs sbyar/ /stobs 'gyur thams cad ye shes sras/ /skad cig rig la gsal mthong pa/ /rdzogs pa'i rdzogs par bshad pa yin/ /bdag nyid nam zhig 'pho ba'i tshe/ /ye shes sku nyid gsal bstan la/ /'pho ba'i sems stobs drag po yis/ /bar ma ye shes gzugs skur sbyor/ /de ltar goms pas snga ma bzhin/ /tshe dang phyag rgya lhun grub rigs/ /nges thob rdzogs pa'i sar sbyor ba/ /ye shes lha mo rol spyod dang/ /gsang ba'i rdzogs sku byin brlabs kyis/ /skad cig lhun grub sa la 'gro/ /log par rtogs brtags rnam dag cing/ /ye shes dbyings las mi
- 409b
zhan phyir/ /thugs rje chen po 'brel pas na/ /'gro drug dus gnas snang ba yang/ /mtho dman kun gyi gzugs snang yang/ /bla med byang chub skur snang ba/ /me long lta bu'i tshul bzhin du/ /sna tshogs kha dog dbyibs su snang/ /lhun grub sku las ma g.yos bzhin/ /so so ji ltar 'dul ba bzhin/ /rtog pa rnams la 'khor ba'i lus/ /thar pa'i cha ston rgyal po dang/ /tshangs dang lha chen tha dad snang/ /thar pa rnams la dag ba'i sku/ /nyan thos rnams la dgra bcom lus/ /rang rgyal rnams la bse ru'i tshul/ /mos spyod mdo sder shAkya'i tshul/ /byang chub sems la rdzogs longs spyod/ /lhun grub rnams la rdo rje dbyings/ /zhi khro 'dul ba'i tshogs chen la/ /so sor mthun byas kun tu snang/ /dper na me long chu zla bzhin/ /'gro 'ong med la kun tu gsal/ /so sor mthun byas kun tu snang/ /dper na me long chu zla bzhin/ /'gro 'ong med las kun du gsal/ /gsal nyid sgyu mas mig yor tshul/ /tshul nyid dbyings las g.yos pa med/ /thar pa skul zhing ngan song sbyor/ /zhi ba phyogs cig shes bya sbyor/ / sa bcu mnyam par sbyor byed cing/ /tshogs gnyis yang dag rdzogs byed pa'i/ /rgyal ba'i rgyal ba nyid kyi sku/ /kun tu rin chen lta bu'o/ /sgyu 'phrul dra ba'i rgyud kyi rgya mtsho las/ /gsang bas 'o ma'i tshul bzhin 'od kyis skas/ /rim pa'i bsgrub thabs gsal byed yi ge 'di/ /shes chung phyogs shar bdag gis legs par btus/ /'di la nongs 'gal ra chod gyur pa dag /mi dmigs sems kyi dag pa'i klong du gshags/ /de lta'i dge rtsa lam gnas rnal 'byor kun/ /bskyed rims mthar phyin yang dag zhen grol nas/ /kun gyi thar lam mngon gyur don rdzogs te/ /mdza' yas 'gro don tshul bzhin byed par shog// //sgyu 'phrul dra pa'i skyed pa'i rim pa ting nge 'dzin/ /dkyil 'khor lnga'i dbang du sbyar ba 'od
- 410a
kyi rim pa zhes bya ba'i man ngag /slob dpon sangs rgyas gsang bas mdzad pa'i man ngag /'od kyi rim pa rdzogs so// //rdo rje sems la phyag 'tshal nas/ /rdo rje chos kyi phyag rgya che/ /'jug dang dmigs pa las 'das pa'i/ /bsam gtan bsdus pa 'di bshad do/ /sgyu 'phrul dra bas dbang bskur ba'i/ /rgyud dang bden pa'i dbang thob pa'i/ /sngags pa blo ldan dben dga' bas/ /sngon du bya ba kun byas te/ /bar chad rnam gsum med pa'i gnas/ /rnyed nas cig pur gnas par bya/ /rang gi gzugs brnyan mdun bzhag la/ /slob dpon rgyal po rdo rje chos/ /zla ba dza yis spyan drangs thim/ /bdug sogs mchod de thal sbyar la/ /rdo rje slob dpon sangs rgyas dpal/ /dus gsum bzhugs la phyag 'tshal bstod/ /mngon sbyar yid kyis rnam sprul pa'i/ /dag pa'i mchod pa bzhes su gsol/ /dngos grub chu bo gcod pa'i bgegs/ /nyes byas ma lus bshags par bgyi/ /phyogs bcu'i 'khor gsum dag pa'i? chos/ /ma chags spyod la rjes yi rang/ /dag pa mdza' bzhi dri ma med/ /rdzogs pa'i byang chub sems bskyed do/ /mchog gsum rten pa'i zhing gyur la/ /gnyis med yid kyis skyabs su gsol/ /tshe rabs bsgrangs pa'i las rnams kun/ /bsdus te byang chub mchog tu bsngo/ /sgrub rdzas pad+ma'i 'brus sbyangs la/ /zla 'bru'i steng du h+ri zin par/ /h+ri yis nam mkha' i bdud rtsi dbab/ /sngags zlas bdud rtsi dkyil bar bya/ /oM badzra tsi ta sa ma hUM h+ri tha/ /dngos rnams nyid na dngos med par/ /rtog pa'i smra bsam yul las 'das/ /de bzhin nyid dbyings ye shes te/ /de phyir dngos po dngos med pa'o/ /de bzhin nyid du gsal brtan nas/ /skyes pa'i phyag rgya rig pa nyid/ /a
- 410b
ma sbyar te bstan pa dang/ /'od 'phros don byas byin brlabs te/ /gang ba'i nyi zla pad mor bcas/ /bstan pas gzhal yas rang gi sems/ /sngon po hUM nyid rig pa'i dngos/ /dbyings la dbyings kyis bris bas te/ /gzugs dang bral bas kha dog med/ /'od kyi phyogs kun sems su byas/ /slar 'dur lta bar bcas par grol/ /rnam lngas rdzogs pa'i phyag rgya yin/ /brtan nas khams gsum skus bkang ste/ /dril bu thabs dang shes rab sku/ /zhal gsum phyag drug yang na gnyis/ /shu dz+nya ta sogs brgyad pa'i sngags/ /rdzogs pa'i tshul du rdzogs dbang bskur/ /zla stengs sgo gsum gsal ba'i 'bru/ /bsdu ba'i sbyor bas rlung bsdus te/ /dngos po sgo gsum phyag rgya gsum/ /dkar dmar thing ga dkyil yi ge /phyogs bcu khyab pa'i hUM 'od zer/ /skras bskul thams cad rdo rje bzhengs/ /rtse mo lcags kyus spyan drangs la/ /e ha hi zhes dgug ste bstim/ /hUM dza spo ta ho yis gzhug /mchod de rdo rje'i zlas pa bya/ /khams gsum dbang phyug mun gnas la/ /spro ba gsum gyis gsal gdab bskul/ /rdo rje gsum dngos 'dus pas stim/ /rdo rje chos kyi gzi 'drar 'gyur/ /zla drug de bzhin lo zla bzhi/ /rig pa'i brtul zhugs la gnas te/ /brtson 'grus yu ba bcad pa bzhin/ /rdo rje nyid 'gyur the tshom med/ /dbang po rnam gnyis byin brlabs 'khyud/ /rdo rje khu bas mkha' bkang ste/ /thig le ba spu'i bu ga nas/ /'dod pa drug dang tshim pa bzhi/ /spros nas ma lus bdag nyid mnyes/ /pu tsa badzra sngags kyis thob/ /de bzhin mnyam pa'i bsgrub rdzas dag /ye shes bdud rtsis thim par dbul/ /dngos po 'bru gsum blangs nas su/ /rdo rje lce gzhag dngos grub 'gyur/ /oM phyogs bcu dus bzhi rdzogs
- 411a
pa yi/ /ye shes dkyil 'khor thig le che/ /bsod nams dkyil 'khor sku yi tshogs/ /snang stong thig le kun rdzogs ho/ /oM rdo rje bsod nams thig le che/ /rdo rje ye shes dkyil 'khor ldan/ /rdo rje sgra chen mdza' yas pa/ /rdo rje rgyal po thig le che ho/ /oM sku gsung thugs kyi rdzogs pa che/ /yon tan 'phrin las kun tu rdzogs/ /ye shes lhun rdzogs kun tu bzang/ /'dus pa'i tshogs chen thig le che ho/ /oM mi dmigs sgyu 'phrul mnyam pa'i dbyings/ /mdza' yas kun nas sna tshogs 'phro/ /mdza' yas kun nas lhun gyis thim/ /sna tshogs sku gsung thugs chen po/ /ho/ /oM phyogs bcu'i 'jig rten sdul snyad du/ /rgyal ba'i don rnams gdul phran snyed/ / sprul pa rdul bral bsam yas kyis/ /skad cig nyid la lhun gyis grub/ /ho/ /oM thams cad ma lus sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le che/ /ho/ /hUM badzra d+h+ri ka /muM da du shwa ri stwaM/ /spyod lam rnam pa gsum du yang/ /'bad de yengs pa med sems shing/ spyod yul mtshan nyid thams cad la/ /thig le 'am yang na lha mo drug /nyid du sbyor bas mthong thos med/ /dmig rgyu la sogs mtshan ma lnga/ /bstan pas nyes pa'i rtsa ba med/ /'dri mchog dkyil 'khor bri la sogs/ /skabs 'dir gags yin slang mi bya/ /de ltar goms rtogs rigs mchog des/ /ji ltar dmigs pa bzhin du 'grub/ /rigs 'dzin sa la gdon mi za/ /rgyud las rmos ba'i yon tan rnams/ /tshe 'dis mngon du gyur pa yis/ /bsod nams ye shes tshogs rdzogs te/ /yi ge 'khor lo tshogs chen mnyes/ /'di ltar bsgrubs shing sgom byas na/ /'bras bu mngon
- 411b
du ma byung yang/ /tshe rabs skye ba thams cad du/ /las ngan kun tu skye mi 'gyur/ /theg pa sman par yong mi skye/ /bde gshegs 'byung dang skol mi 'gyur/ /sdug bsngal thams cad yong mi 'byung/ /lha mi mtshan rdzogs yongs su 'grub/ /mthar ni skye med rdo rje'i sar/ /'grub 'gyur the tshom med ces bshad/ /sgyu 'phrul phyag rgya bsam gtan rdzogs so// //rgyal ba kun tu bzang po'i sgyu 'phrul las/ /ngang pas 'o ma blangs pa'i dpe bzhin du/ /rab 'bring kun gyis nyams su slang ba'i tshes/ /gab sbas mngon du byung ba'i man ngag 'di/ /'phangs med ser sna spangs las ma rtogs pa/ /dam med chags pa'i 'khor dang ma prad cig /slob dpon bi ma las mdzad pa rdzogs so// // de bzhin gshegs pa kun gyi bdag /ye shes rgya mtsho rab zab thugs/ /dkyil 'khor yid bzhin 'byung ba'i gter/ /nor bu rin chen yon tan mdzod/ /rdo rje'i yid la phyag 'tshal lo/ /e ma'o bde gshegs snying po las/ /rang gi rnam rtog las kyis sprul/ /sna tshogs lus dang longs spyod dang/ /gnas dang sdug bsngal la sogs pa/ /bdag dang bdag gir so sor 'dzin/ /sus kyang ma bcings bcings med de/ /bcing par bya ba yod ma yin/ /rnam rtog bdag tu 'dzin pa yis/ /nan gyis mkha' la mdud pa 'dor/ /nyon mongs 'khor ba'i rgya dral nas/ /byang chub mchog la dgod pa dang/ /ma 'ongs sangs rgyas blo ldan don/ /bla med ye shes bskyed pa'i phyir/ /rgyud kyi don bsdus snying po 'di/ /ma nor btus te bstan par bya/ /ri bo 'dus pa'i rtse rnams dang/ /dben pa chen po'i sa phyogs dang/ /tsan dan nags tshal me tog tshal/ /yid 'ong bkra shis sems dga' ba'i/ /bdag dbang bar chad med pa'i gnas/ /der ni ting 'dzin
- 412a
bsgom par bya/ /bdag dang mdza' yas sems can rnams/ ye nas sangs rgyas yin mod kyi/ /rtog pa'i dbang gis 'khor ba las/ /byang chub mchog tu sems bskyed do/ /e ma'o ngo mtshar rmad kyi chos// rdzogs pa'i sangs rgyas kun gyi gsang/ /skye ba med las thams cad skyes/ /skyes pa nyid na skye ba med/ /e ma'o ngo mtshar rmad kyi chos/ /rdzogs pa'i sangs rgyas kun gyis gsang/ /'gag pa med las thams cad 'gag /'gag tsam nyid na 'gag pa med/ /e ma'o ngo mtshar smad kyi chos/ /rdzogs pa'i sangs rgyas kun gyis gsang/ /gnas pa med las thams cad gnas/ /gnas pa nyid na gnas pa med/ /e ma'o ngo mtshar rmad kyi chos /rdzogs pa'i sangs rgyas kun gyis gsang/ /dmigs pa med las thams cad dmigs/ /dmigs pa nyid na dmigs pa med/ /e ma'o ngo mtshar rmad kyi chos/ /rdzogs pa'i sangs rgyas kun gyis gsang/ /'gro 'ong med las 'gro dang 'ong/ /'gro 'ong nyid na 'gro 'ong med/ / bsgrub pa'i gtsor ni ting 'dzin pas/ /ting 'dzin 'di 'is byed par 'gyur/ /mun la snang 'byung ji bzhin du/ /'gyur bas gser 'gyur sman gyi tshul/ /rtog pa'i dbang 'gyur ting 'dzin yin/ /de ltar ting 'dzin rims bzhin bsgom/ /dngos rnams nyid na dngos med pas/ /rtog pa'i smra bsam yul las 'das/ /de bzhin nyid dbyings ye shes te/ /de phyir dngos po dngos med do/ /de bzhin nyid de spros med kyang/ /rang bzhin kun tu snang ba'i dbyings/ /sems can rnams la snying rje'i phyir/ /nam mkha' la ni nam mkha' sgom/ /dngos po med las dngos po sprin/ /sna tshogs rnam par 'byung zhing 'gyur/ /bzhi rtsa med pa'i sems nyid ni/ /chos rnams kun gyis rtsa ba yin/ /sems nyid yi ge rang bzhin de/ /yi
- 412b
ge yid bzhin rin chen sprin/ /yi ge'i mchog ni sgom par bya/ /a rab tu brtan 'gyur a dkar las/ /shin tu phra ba'i a rnams 'phro/ /phyogs bcu gang bar gsal 'gyur nas/ /byang chub sems su byin brlabs te/ /bsdus kyang 'phel 'grib med par bstan/ /de las ming tshogs gsal 'bar kun/ /spro zhing bsdu ba'ang de bzhin no/ /'di ni rdo rje dngos grub kyi/ /brtan 'byung ye shes rgyu yin no/ /de las rgyal ba'i bzhugs gnas bsten/ /dbang chen dkyil 'khor rim bzhin bsgom/ e yaM baM su laM raM bruM bi shud+d+he/ /ye shes phyogs bzhi dbus brtags te/ /dkyil 'khor bsam yas lhun gyis grub/ /lhag pa'i ye shes glo 'bur can/ /rdzogs chen rtogs pa'i rnal 'byor pas/ /kun 'byung dkyil 'khor chen por spyod/ /'khor lo rtsibs bzhi mu khyud bcas/ /gru chad bzhis brgyan par khyams dang/ /kun tu gru bzhi sgo khyud ldan/ /rol mo sna tshogs sprin phung bzhin/ /dkyil 'khor bzhi bcu rtsa gnyis brgyan/ /seng ge glang chen rta dang khyung/ /nam mkha' lding gi khri chen la/ /nyi zla pad+ma rin po che/ /a ka kha ga g+ha nga/ tsa tsha dz+nya dzha nya/ ta tha da d+ha na/ Ta Tha Da Dha Na/ pa pha ba b+ha ma/ ya dra ra la sha Sha sa ha k+Sha/ i a'i u a'u e i/ o aau/ /A nyid sna tshogs bar snang ba'i/ /ka la sogs pa bzhi bcu gnyis/ /sgra'i ming gis thams cad bsdus/ /mngon rdzogs rgyal por de nyid des/ /de las spro dang bsdus pa yis/ /so so'i phyag mtshan gsal bar 'gyur/ /de las phyogs bcur rab spos pas/ /rgyal ba rnams kyi thugs dam bskul/ /de dag slar ni 'dus pa dang/ /hUM badzri dreg /oM dzi na dzig /swa ratna drig /oM a ro lig /ha pra dzA d+hig /suM d+ha du Sha ni/ laM d+he sha ra ti/ maM mo ha ra ti/ laM ra ga ra ti/ nyaM badzra ra ti/ k+Shi hi ra tsa ya/ traM a ga ra ba ya/ h+ri ha
- 413a
pad+ma ba d+ha ma/ dzi ku ru pa na h+ri/ hUM la se sa ma ya stwaM/ /traM ma le sa ma ya ho/ /h+ri gir ti ra ho ya haM/ a na ri ti ra ga ya mi/ me d+ha ra ni swAhA/ thI ni swa roM pa ya swAhA/ /hUM swa ra tsa ya swAhA/ /muM sh+ri oM ra ga ya swAhA/ dza du pa pra be sha /hUM pus ba a be sha /baM di pa su ki ni ho gan de tsi ta ho/ /hUM ya mAn+ta krid phaT/ hUM prad dz+nyaM ta krid phaT/ hUM pad+man+ta krid phaT/ hUM big+h nan ta krid phaT/ mahA badzra d+ha ra mahA kro ti shwa ri dzwa la ni hUM phaT/ oM ma hA ratna da ra ma ha ko ti shwa ri dzwa la ni hUM phaT/ oM mahA padmo dar ma ha kro ti shwa ri dzwa ba? ni hUM phaT/ oM mahA kar ma da ra mahA kro ti shwa ri dza ma ni hUM phaT/ hUM hUM hUM badzra tsi ta oM/ /a a a badzra ba tra sa ma ya oM/ oM mu ne krid swAhA/ oM mu ne hUM truM swAhA/ /oM mu ne sruM swAhA/ /oM mu ne braM swAhA oM mu ne k+ShaM swAhA/ oM mu ne ye swAhA/ /gdan la rdzogs dang sems dpa' i tshul/ /'khor lo rgyal po rgyal mo dang/ /g.yas na mthong thos snom pa dang/ /myong dang btsun mo'i tshogs su bcas/ /gru chad la ni mthong byed dang/ /thos byed myong byed snom byed rnams/ /btsun mo'i tshogs dang bcas par gnas/ /bar khyams la ni thub pa drug /mdun dang rgyab tu byed pa dang/ /bya pa dag ni gnas par bstan/ /sgo byung bzhi la 'joms pa ni/ /btsun mo'i tshogs dang ldan par gnas/ /rdo rje 'khor lo rin po che/ /pad+ma ral gri dril bu 'bar/ /ud pal klu shing la sogs mtshan/ /rin chen myu gu ral gyi 'bar/ /pad+ma dkar po rdo rje 'bar/ /chos kyi 'khor lo rin chen snye/ /gzugs mdzes rin chen 'phreng ba dang/ /pi bang gar mkhan mchog nyid de/ /me tog 'phreng ba spos mchog dang/ /mar me byug pa la sogs pa'i/ /las la 'khril zhing chos la bstan/ /dbu rnams 'byo zhing 'dud pa'i dus/ /gong gi phyag rgya chen po bzhin/ /gnyis med dbyings kyi nang du 'khril/
- 413b
sgo bzhi khra bo phyag rgya ni/ /mi mgo gdengs dang rdo rje gnon/ /thong sbrul chen pos gnon pa dang/ /rdo rje rgya gram las kyis gnon/ /lcags kyu zhags pa po ta ho/ /sgo bzhir gnas pa de dag kyang/ /'dud tshul 'khril ba gong ma bzhin/ /thub drug phyag rgya sna tshogs te/ /mdor bsdus phyag rgya drug tu bstan/ /sreg par dang ni pi bang dang/ /go cha po ti rin chen sgrom/ /me dang chu ru rab tu bstan/ /yum ni dmigs med chos kyi dbyings/ /kun bzang mnyam gzhag ye shes 'phro/ /yum 'gyur mnyam rdzogs padmo'i dkyil/ /gzhan yang phyag rgya sna tshogs te/ /yang na de bzhin gshegs nyid dam/ /yang na rdo rje thal mo nyid/ /mthing ga dkar po ser leb brgan/ /ljang gu la sogs sna tshogs pa'i/ /mnyen lcug 'khril ldem gzhon tshul can/ /gsal 'tsher lhun stug gzi byin che/ /'od zer 'phro ba'i tshogs chen po/ /'bar ba'i 'phreng bas 'khyil ba ste/ /mdza' dbus med par khyab pa ste/ /dkyil 'khor bsam yas lhun gyis grub/ /phyag rgya'i dkyil 'khor gsal ba dang/ /dbang bskur byin brlabs tshul bzhin bya/ /oM mahA shu n+ya tA dz+nyA na badzra swa b+hA ba ad ma ko haM/ oM mahA a ta ri sha dz+nyA na badzra swa b+hA ba ad ma ko haM/ oM mahA sa mAn+ta dz+nyA na badzra swa b+hA ba ad ma ko haM/ oM mahA prad ta pra be sha dz+nyA na badzra swa b+hA ba adma ko haM/ oM mahA kri ta a nu rtan dz+nya na badzra swa b+hA ba adma ko haM/ oM sarba ta thA ga ta ma hA ka ya badzra swa b+hA ba adma ko haM/ oM sarba ta thA ga ta ma bAg badzra swa b+hA ba adma ko haM/ oM sarba ta thA ga ta mahA tsi ta badzra swa b+hA ba adma ko haM/ /oM sarba ta thA ga ta mahA a nu ra ga badzra swa b+hA ba adma ko haM/ oM sarba ta thA ga ta ma hA bu tse badzre swa b+hA ba adma ko haM/ /sangs rgyas lnga yi cod pan can/ /rin chen dbu rgyan 'phreng ba dang/ /dpung rgyan se mo do la sogs/ /mdzes pa'i rgyan ni
- 414a
sna tshogs kyis/ /dbang mchog des ni dbang bskur ro/ /de ltar rtog pa'i rnal 'byor pas/ /dus bzhi phyogs bcu gang nas kyang/ /rdzogs pa'i sangs rgyas rnyed mi 'gyur/ /sems nyid rtogs pas sangs rgyas te/ /sangs rgyas gzhan du ma 'tshol cig /dkyil 'khor kun tu rab sbyor bas/ /dkyil 'khor thams cad 'grub par 'gyur/ /'di ni gsang chen nges pa yi/ /'bras bu lam du gyur pa yi/ /rgyal ba'i dkyil 'khor ma lus la/ /'di las gsang ba'i nges don med/ /btsal kyang rgyal bas mi rnyed do/ /kun ni phyag rgya chen po'i mchog /ma 'gags rnam pa cir yang ston/ /'dul ba mdo sde chos mngon dang/ /dam tshig bsgrub dang? bsgrub pa dang/ /sku dang gsung dang thugs kyi rgyud/ /phyogs bcu kun tu rab grags pa/ /gsang ba'i snying bo las 'phros te/ /rang bzhin gsang ba'i snying po 'di/ /sde snod kun dang rgyud kun gyi/ /'byung gnas bstan la nges par 'bebs/ /phyogs bcu'i dkyil 'khor spyan drang phyir/ /gsal ldan ma'am byin rlabs la/ /stong gsung yungs 'brur gzhug tshul du/ /dbyangs nas dkyil 'khor spyan drang mchod/ /e hye hi b+ha ga bAn mahA ku Ni ka dri sha /sa ma ya stwaM/ dza hUM baM ho zhes brjod pas/ /thams cad ma lus 'dus pa dang/ /sku gsung mnyes par bya ba'i phyir/ /bstod dang mchod pa tshul bzhin bya/ /oM phyogs bcu dus bzhi rdzogs pa'i/ /ye shes dkyil 'khor thig le che/ /bsod nams dkyil 'khor sku'i tshogs/ /snang stong thig le kun tu rdzogs ho/ /oM rdo rje bsod nams thig le che/ /rdo rje ye shes dkyil 'khor ldan/ /rdo rje sgra chen mdza' yas pa/ /rdo rje rgyal po thig le che ho/ /oM sku gsung thugs kyi rdzogs pa che/ /yon tan 'phrin las kun tu rdzogs/ /ye nas lhun rdzogs kun tu bzang/ /'dus pa'i tshogs chen thig le che ho/ /oM mi
- 414b
dmigs sgyu 'phrul mnyam pa'i dbyings/ /mdza' yas kun nas snang cho gas spro/ /mdza' yas kun nas lhun gyis thim/ /sna tshogs sku gsung thugs chen ho/ /oM phyogs bcu 'jig rten rdul snyed du/ /rgyal ba'i don rnams rdul phran snyed/ /sprul pa rdul phran bsam yas kyis/ / skad cig nyid la lhun gyis grub ho/ /oM thams cad ma lus sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le che ho/ /mchod pa'i phyag rgya chen po 'di/ /sems kyi yid bzhin sprin tshogs kyis/ / phyogs bcu thams cad sangs rgyas zhing/ /mnyen 'jam reg na bde ba dang/ /sna tshogs rin po che'i gzhi/ /mdzes bar bris shing spras pa dang/ /kun 'byung rin chen phung por 'bar/ /dbyings legs rdzing bu bro mchog bsil/ /rin chen khang pa sna tshogs dang rgyan dang dpag bsam ljon pa'i tshal/ /glu dbyangs tshigs su bcad pa'i sgra/ /bla re rgyal mtshan na bza' gdugs/ /do shal dpung rgyan se mo do/ /bza' dang btud pa'i mchog rnams dang/ /rang la mdzes par brgyan pa yi/ /lha dang lha mo rdul snyed kyi/ / bro gar la sogs bsam yis kyis/ /phyogs bcu nam mkha' i khams bkang nas/ /dkyil 'khor kun la rgyas par 'bul/ /skal ldan gsal ba'i khyad par gyis/ /rims kyis yang na cig car du/ /chos kyi dbyings dang mnyam sbyar zhing/ /mchod pa'i phyag rgya chen por sgom/ /sgyu 'phrul dra ba mngon rdzogs pa'i/ /dbang po yul du gang 'gyur ba/ /thabs dang shes rab ldan 'gyur zhing/ /mnyam pa'i dang nyid rtogs gsal na/ /thams cad byang chub mchog gi rgyu/ /bskyed chen 'khor lo'i gzhal yas su/ / thabs dang shes rab thams cad kun/ /gsal zhing 'od zer 'phro bsgoms na/ /bsgul skyod thams cad phyag rgya yin/ /'di ni spyi rgya chen po ste/ /bla med chen pos 'di skad gsungs/ /gsang bya de nyid nges pa yi/ /snying po phyag rgya 'da' ka ba'i/ /
- 415a
mi skyod nyi ma'i dkyil yi ge /rin chen zla ba'i dkyil yi ge /lnga gnyis zung du sbyar ba las/ /sbyor ba'i phyag rgya 'byung ba'i rgyu/ /oM dang muM gnyis rtse sbyar te/ /'bru brgyad bsnol te rtse sprad pa/ /rgyal ba'i kun dang mnyam sbyor ba'i/ /bde pa chen po sbyin pa'i rgya/ /'bru bzhi sbas nas thugs kar bkan/ /zla btul 'bru sbas dril gsil zhing/ /'khril ba'i tshul gyis chos la bstan/ /'bru bzhi spas nas thugs khar bkan/ /muM gyi rtse mor dril bsil 'bar/ /nyi ma 'bru lnga las mu 'khril/ /btud de 'dzum pa'i mdangs kyis lta/ /'bru bzhi sbas nas thugs kar bkan/ /oM bsgreng rtse mor 'khor lo 'bar/ /zla btul 'bru sbas dril bsil zhing/ /'khril ba'i tshul gyis chos la bstan/ /'bru bzhi sbas pas thugs kar bkan/ /lam gyi rtse mor dril bsil zhing/ /nyi ma 'bru lnga las su 'khril/ /btud de 'dzum pa'i mdangs kyi lta/ /'bru bzhi sbas nas thugs kar bkan/ /swa rtser 'bar ba rin po che/ /zla btul 'bru sbas dril bsil zhing/ /'khril ba'i tshul gyis chos la bstan/ / 'bru bzhi sbas nas thugs kar bkan/ /moM gyi rtse mor dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis lha/ /'bru bzhi sbas nas thugs kar bkan/ /aM ni rtse mor pad+ma 'bar/ /zla btul 'bru sbas dril bsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /paM bsgreng rtse mor dril bsil zhing/ /nyi ma 'bru lnga las su 'khril/ /btud de 'dzum pa'i mdangs kyis lta/ /'bru bzhi sbas nas thugs kar bkan/ / haM bsgreng rtse mor ral gri 'bar/ /zla btul 'bru sbas dril bsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /taM bsgreng rtse mor dril bsil 'bar/ /nyi ma 'bru lnga las su 'khril/ /btud de 'dzum
- 415b
pa'i mdangs kyis lta/ /de ni rgyal pa thams cad kun/ /dgyes pa chen po bskyed pa'i phyir/ /phyag rgya'i mchod pa chen po yis/ /de la mchod sbyin dam pa ni/ /thog mar bdag nyid rtogs bsgoms sgral/ /de nas gnyis med blo yis ni/ /blo ngan sems can snying re rje/ /gnyis su med par bsgral bar bya/ /zhing 'gyur mchog dang mchog phan rnams/ /nyi zla'i dkyil du mkhas bas bzhag /nga rgyal lag gi 'du byed bsgom/ /hUM du gyur par rnam par dag /dbyings su thim nas phyag rgyar gsal/ /skur gyur 'od zer 'phro bar brjod/ /gtsug tu rnam par rgyal ba bsgom/ /ngo mtshar ngan 'gror thar pa'i lam/ /shes rab mchog de byin rlabs nas/ /thabs dang shes rab gnyis med pa/ /padmo la ni rdo rje zhugs/ /'khril pa'i mchod chen mnyam sbyor pa/ / bdag nyid mnyes pa kun la mchod/ /ye nas skye med de bzhin nyid/ /sgyu mar snang ba'i mig yor tshul/ /sbyor sgrol bya ba kun byas kyang/ /rdul bya tsam yang byas pa med/ /mnyam pa'i sgrub rdzas chen po bdag /bdag dang mnyam pa'i tshogs la 'bul/ /bza' dang bca' dang btung dang bsgo/ /longs spyod lnga ldan thams cad ni/ /dkyil 'khor la ni dkyil 'khor thim/ /sgyu 'phrul dra bas mngon rdzogs pa'i/ /dkyil 'khor bstan pa'i ting nge 'dzin/ /bro gar phyag rgya'i 'phro 'du yis/ / 'dzul lam nam mkhar 'gro bar 'gyur/ /glu tshig sgra'i phyag rgya yis/ /chos kyi dngos grub thob par 'gyur/ /rgyan dang bgo ba'i phyag rgya yis/ /'bar ba'i rgyal po thub med 'grub/ /bza' dang btung ba'i phyag rgya yis/ /yid sbyin sku dang bdud rtsir 'gyur/ /A li kA li'i phyag rgya yis/ /thams cad thams cad 'grub par 'gyur/ /shes 'jug mtshan nyid 'byor pa yis/ /'bras bu smin byed rgyu dang rkyen/ /nus mthu can du gang gyur pa/ /rigs 'dzin rgyal ba'i
- 416a
zhing du grags/ /phyogs bcu de bzhin gshegs pa yi/ /bde gshegs yon tan rmad bo tshe/ /gzhan na yod pa ma yin na/ /lha srin la sogs smos ci dgos/ /rnal 'byor las su rung rnams kyis/ /phyag rgya chen po rdzogs 'gyur zhing/ /gsal ba'i yid gnyis med pas na/ /dkyil 'khor chen po rab 'bar 'gyur/ /rang snang dbyer med dkyil 'khor la/ /'jug pa'i mtshan nyid mnyam sbyor ba/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar 'gyur ba'i dam tshig mchog /cho ga lnga ni rdzogs byas nas/ /yo byad lnga ni rdzogs par ldan/ /sngags kyi yan lag lnga rdzogs pas/ /ma nyams 'jug la rab brtson na/ /zhag ni sum cu phrag drug gnas bcu gnyis bcu bzhi bcu drug gis/ /dbang sgyur rigs kyi dam par 'grub/ /de tshe bcu drug tshun chad kyi/ /sku lnga lhun gyis rdzogs pa ste/ /ye shes thig le de nyid las ye shes thig le nyid snang ba/ /bsam gyis mi khyab mdza' yas mchog /phyogs bcu dus bzhi rdzogs pa'i zhing/ /zhing khams rnam dag bsam yas dang/ /rgya dang bral ba'i gzhal yas khang/ /'khor lo'i brgyan du rol mo'i tshogs/ /dkyil 'khor ma lus bsam yas kun/ /mthong nas nye bar mnyes pa dang/ /rgya chen gsung las don 'byung ba/ /mthun pa'i ye shes rang snang ba'o/ /gcig dang du mar bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang byung ye shes snang med snang/ /dbang mchog dam pa ma thob par/ /bsgrub kyang cung zad 'grub mi 'gyur/ /oM phyogs bcu dus bzhi thams cad kyi/ /sku gsung thugs kyi rdo rje che/ /dkyil 'khor kun gyi byed pa po/ /dkyil 'khor kun gyi
- 416b
spyad pa spyod/ /slob dpon mnyes par ma byas shing/ /dbang rnams thob par ma byas par/ /nyan pa las bsogs rtsom pa rnams/ /'bras bu med cing brlag par 'gyur/ /dbu rgyan cod pan 'phreng ba dang/ /go cha rgyal mtshan phyag rgya dang/ /gdugs dang buM ba bza' btung dang/ /snying bo lnga yis dbang bskur na/ /dus 'di phyin cad rgyal ba'i sras/ /ngan song thams cad med pa dang/ /tshe ring bde ba phun sum tshogs/ /mtho ris thar pa'i bdag por 'gyur/ /sangs rgyas kun gyis 'grub pa'i gzhi/ /rdo rje dam tshig chen po ste/ /bla med mi spang bla ma bkur/ /sngags dang phyag rgya rgyun mi gcad/ /yang dag lam du zhugs la byams/ /gsang ba'i don phyir smra mi bya/ /de ni rtsa ba lnga rnams te/ /bsgrub dang srung ba'i dam tshig mchog / gti mug chags dang zhe sdang che/ /nga rgyal phra dog mi spong ngo/ /dkar rtsi dmar rtsi dri sha chen/ /dag pa'i snod chu mi 'dor ro/ /yan lag bcu'i dam tshig ste/ /ye nas dag nyams rtogs pas spyad/ /gsung zhing bsgrub pa'i dam tshig lnga/ / rtsa ba yin te rigs med 'gyur/ /mi spang mi 'dor lnga nyid ni/ /yan lag dam tshig 'da' ka ba'o/ /mnyam la mnyam par sbyor ba yi/ /mnyam pa'i dam tshig la gnas na/ /mnyam rdzogs chen po thob 'gyur bas/ /'das na sangs rgyas ma yin no/ /rtsa ba nyams pa phyal ba dag /gso la nye bar mi brtson na/ /skad cig yud tsam smra ma byed/ /nyams 'gyur nyes pa brjod mi lang/ /rtsa ba'i dam tshig nyams pas na/ /bsgrub pa thams cad log par 'gyur/ /yid du mi 'ong sna tshogs pa'i/ /'bras bu mi 'dod bzhin du 'du/ /yan lag dam tshig nyams gyur na/ /'bras bu med cing ngan song lhung/ /dam tshig 'di ni rdo rje che/ /sangs rgyas kun gyi bdag nyid yin/ /dkyil 'khor ldan pa'i dkyil 'khor gyis/
- 417a
dkyil 'khor la ni dkyil 'khor bsgom/ /dkyil 'khor dkyil 'khor las byung ba/ /thugs kyi dkyil 'khor dkyil 'khor mchog /gsang ba'i thig le dkyil 'khor dbyings/ /'byung ba shes rab rigs kyi yum/ / chen po rigs kyi de bzhin te/ /byang chub sems ni rdo rje'i tshogs/ /dbang po yul dus rigs pa'i rnams/ /kun tu bzang po'i dkyil 'khor la/ /bdag nyid chen po lhag pa yis/ /thugs kyi ye shes lnga lta zhing/ /snying po thig le mnyam sbyor bas/ /bde ba'i ye shes rol mo yis/ /ye shes dgyes pa mchod par 'bul/ /zag pa med pa'i bsod nams kyis/ /ye shes sgyu mar rang snang ba/ /rol mo'i dkyil 'khor mdza' yas mchog /gsang ba'i dkyil 'khor nyid kyi dbyings/ /de ni sangs rgyas kun gyi dngos/ /yang dag don gyi snying po 'di/ /bskal pa zhing gi rdul snyed du/ /shin tu sbyangs rab gnas shing/ /dkyil 'khor ma lus brnyes pa'i sa/ /'bras bu gsang chen 'di yin te// shes rab mig ldan rnams kyis zung/ /snod ldan dang tshul bzang la bstan/ /lus dang longs spyod stong la sbyin/ /gzhan du nams kyang sbyin mi bya/ /rmongs la byar bar gal te byin/ /dus med par ni srog zad nas/ /bsregs dang sbebs la yun ring gnas/ /rang snang dbyer med dkyil 'khor du/ /thugs kyi dkyil 'khor nyid la bsdu/ /hUM hUM zhes ni rab brjod pas/ /chos kyi dbyings su thim par 'gyur/ /de nas snying po dran tsam gyis/ /phyag rgya chen por gsal 'gyur nas/ / go sgo mtshams bcad lus bsrungs te/ /de nas rnal 'byor chen po ste/ /'gro sdod 'dug nyal bzhi por ni/ /srog gi phyir yang mi gtang zhing/ /spyod lam kun tu ma nyams par/ /bdag nyid chen por rtag par bsgom/ /rgyud kyi don las
- 417b
btus pa yi/ /rin chen dra ba mngon rdzogs pa'i/ /ma 'ongs rnal 'byor thams cad dang/ /mdza' yas sems can don gyi phyir/ /bstan pas bsgrib pa kun byang nas/ /bla med byang chub thob par shog /na mo rin chen mngon rdzogs zhes bya ba mthar phyin pa'o/ /rdzogs so// //de bzhin gshegs pa kun gyi bdag /ye shes rgya mtsho rab zab thugs/ /dkyil 'khor yid bzhin 'byung ba'i gter/ /rdo rje yid la phyag 'tshal lo/ /e ma'o bde gshegs snying po las/ /rang gi rnam rtog las kyis sbrul/ /rang 'byung ye shes bskyed pa'i phyir/ /rgyud kyi don bsdus snying po brtsam/ /thos bsam bsgom la rab sbyangs pa'i/ /shes rab mig ldan rnams kyis bzung/ /snod ldan dang tshul brtan la bzang/ /lus dang longs spyod gtong la sbyin/ /slob dpon mnyes par ma byas shing/ /dbang rnams thob par ma byas par/ /nyan pa la sogs rtsom pa rnams/ /'bras bu med cing brlag par 'gyur/ /mnyam la snyam par sbyor ba yis/ /mnyam pa'i dam tshig la gnas na/ /mnyam rdzogs chen po thob 'gyur te/ /'das na sangs rgyas ma yin no/ /dus bzhi phyogs bcu gang nas kyang/ /rdzogs pa'i sangs rgyas rnyed mi 'gyur/ /sems nyid rtogs pa sangs rgyas pas/ /sangs rgyas gzhan du ma 'tshol cig /gang gis glang chen myos 'dri sems/ /mnyam par bzhag pas brtul nas su/ /sngags dang phyag rgyar rab brtan nas/ /dngos grub la mtshan chen por 'gyur/ /dgon pa dben pa'i sa phyogs su/ /tsan dan nags dang me tog tshal/ /yid 'ong bkra shis sems dga' ba'i/ /rang dbang bar chad med pa'i gnas/ /bdag dang mdza' yas sems can rnams/ /ye nas sangs rgyas yin mod kyang/ /rtog pa'i dbang gis 'khor bas na/ /byang chub mchog tu sems
- 418a
bskyed do/ /e ma'o ngo mtshar rmad kyi chos/ /rdzogs pa'i sangs rgyas kun gyi gsang/ /skye ba med las thams cad skyes/ /skyes tsam nyid na skye ba med/ /'gag pa med las thams cad 'gags/ /'gag tsam nyid na 'gag pa med/ /gnas pa med las thams cad gnas/ /gnas pa nyid na gnas pa med/ /dmigs pa med la thams cad dmigs/ /dmigs pa nyid la dmigs pa med/ /'gro 'ong med las 'gro dang 'od/ /'gro 'ong nyid na 'gro 'ong med bsgrub pa'i gtso ni ting 'dzin pas/ /ting 'dzin 'di yid byed par 'gyur/ /gser 'gyur sman dang mun sel bzhin/ /rtog pa'i dbang 'gyur ting 'dzin yin/ /de phyir ting 'dzin rim bzhin sgom/ /dngos po rnam gnyis dngos med pas/ / rtog pa smra bsam yul las 'das/ /de bzhin nyid kyi ye shes te/ /de phyir dngos po dngos med pa'o/ /de bzhin nyid ni spros med kyang/ /rang bzhin kun tu snang gi dbyings/ /sems can kun la snying brtse'i phyir/ /nam mkha' la ni nam mkha' sgom/ /gzhi rtsa med pa'i sems nyid ni/ /chos rnams kun gyi rtsa ba yin/ /sems nyid yi ge rang bzhin pas/ /yi ge yid bzhin rin chen sprin/ /yi ge'i mchog ni bsgom par bya/ /a/ rab tu brtan 'gyur a dkar las/ /shin tu phra ba'i a rnams 'phro/ /phyogs bcu gang bar gsal gyur nas/ /bsdus kyang 'phel 'grib med par bstan/ /de las ming tshogs gsal bar snang/ /spro zhing sdu ba de bzhin no/ /'di ni rdo rje dngos grub kyi/ / brtan 'byung ye shes rgyu yin no/ /e yaM khaM suM laM raM 'bru bi sha bi shu de/ /ye shes phyogs dbus blos brtags te/ /dkyil 'khor bsam byas lhun grub ni/ /rdzogs shing rtogs pa'i rnal 'byor pa/ /kun 'byung dkyil
- 418b
'khor chen por spyod/ /'khor lo rtsibs bzhi mu khyud bcas/ /lhag pa'i ye shes glo 'bur can/ /gru chad bzhis brgyan par 'khyams dang/ /kun tu gru bzhi sgo khyud ldan/ /rol mo sna tshogs sprin phung bzhin/ /dkyil 'khor bzhi bcu gnyis kyis mdzes/ /seng+ge glang chen rta dang khyung/ /nam mkha' lding gi khri chen las/ /nyi zla pad+ma rin po che/ /a ni skye med de bzhin nyid/ /ksha ni thugs kyi ye shes shar/ /de las cho 'phrul gsum gyis bskyed/ /kun bzang mnyam gzhag ye shes 'phro/ /yum 'gyur mnyam rdzogs padmo'i dkyil/ /phyag rgya chen po'i sku gnyis rdzogs/ /bdag nyid sangs rgyas thams cad kyi/ /sku gsung thugs kyi rdo rje'i bdag /phyogs dus dkyil 'khor bdag nyid che/ /kun bzang ye nas yin pa'i phyir/ /thabs dang shes rab dgyes sprin las/ byang chub sems chogs rgyu 'khor lo/ /'bras bu rgyal ba smin 'grub byed/ /ngo mtshar ming tshogs bzhi bcu gnyis/ /ad ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya wa ra la/ sha Sha sa ha/ k+Sha/ i a'i/ u a'u/ e i/ o aau/ a nyid sna tshogs par snang pa'i/ /ka la sogs pa bzhi bcu gnyis/ /sgra'i ming gis thams cad sdus/ /mngon rdzogs rgyal por de nyid nges/ /de las rkyen gyi sngags kyis bskul/ /sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pa/ /'dus ma byas nyid 'dus byas kyi/ /rdo rje dkyil 'khor 'byin pa dang/ /dbang med rgyu rkyen 'tshogs pa'i mthu/ /de nas bcom ldan dgyes chen rigs/ /lhun gyis grub par bya ba'i phyir/ /rang snang dbyer med dkyil 'khor la/ /'jug pa'i mtshan nyid mnyam sbyor ba/ /rang gi dang tshul der bzung nas/ /bskul tshig 'di yang rab tu brjod/ /oM ye shes rgyal po sku gsung thugs/ /yon tan 'phrin las smad po che/ /de nyid du ni bdag sbyor
- 419a
bas/ /phyag rgya chen por bdag sbyor cig /thabs dang shes rab gnyis med pa'i/ /ye shes zer gyis lus rtog sbyangs/ /gser zhun lta bu'i sems dag las/ /gsum gyis byin rlabs 'od kyi 'bru/ /thugs kar thim nas sku yi dbyig /rdo rje'i ? byung yum gyi mkha' / /chos sku byang chub sems su gnas/ /lha rnams so so'i snying po'i sgra/ /bzhi bcu rtsa gnyis sgra byung bas/ /byang chub sems su cig par thim/ /de nas snying po dran tsam gyis/ /aksha gsung gi phyag rgya gnyis/ /cho ga gsum gyi sbyor ba yis/ /phyag rgya chen po'i sku gnyis rdzogs/ /'bru gsum 'bru lnga byin rlabs dbang/ /rdo rje padmor byin rlabs te/ /hUM las rdo rje rtse lnga oM/ /pa las pad+ma 'dab brgyad aM/ /rdo rje chags pa tshul bzhin bskul/ /oM sarba ta thA ga ta a nu ra ga badzra swa b+hA ba adma ma ko haM/ oM sarba ta thA ga ta mahA su kha badzra swa b+ha ba ad ma ko haM/ yum gyi pad+ma'i dkyil 'khor du/ /bde ba thugs kyi dkyil 'khor spro/ /gzhal las thig gtab snying po dgod/ /de las spro dang bsdu ba yis/ /thugs kyi phyag rgya bzhi bcu gnyis/ /de las 'phra mo'i spros bsdus pas/ /so so'i sngags kyis bskyed cing gdon/ /hUM badzra drig /muM da ru shwa ri/ oM dzi na dzi ga /laM d+he sha ra ti/ /sra rang na drig /maM mo ha ra ti/ a a ro yig /paM ra ga ra ti/ ha prad nya drig /taM badzra ta ti/ k+Shi hi ra tsa ya/ hUM la se sa ya stoM/ traM a gar ba ya/ traM ma le sa ma ya stoM/ h+ri ha hUM pad+ma b+hA d+ha ma/ /h+ri girta ri ho haM/ dzhaM ku ru pa na tri/ a nir tir ga ya mi/ me dar ya swAhA/ dza du pa pra be sha ?? swa ram ya swAhA/ hUM pus pa a be sha ya/ hUM swu ra rtsa sa ma ya/ /paM di pa su ki ni/ muM tra aM ra ga ya swAhA/ ho gan d+he ci ta ho/ /hUM ya man ta krid phaT/ oM badzra dar mahA kro ti shwa ri dzwa la ni hUM phaT/ hUM prad nya ta krid phaT/ oM rad na dar ma hA kro ta shwa ri dzwa la ni hUM phaT/ hUM pad+ma mAn ta krid phaT/
- 419b
oM pad+ma dar ma ha kro ti shwa ri dzwa la ni hUM phaT/ hUM big nan ta krid phaT/ oM kar ma dar mahA kro ti shwa ri dzwa la ni hUM phaT/ hUM hUM hUM badzra tsi ta oM/ a a a badzra badtra sa ma ya oM/ oM mu ne traM swAhA/ oM mu ne hUM gruM swAhA/ /oM mu ne sruM swAhA/ oM mu ne braM swAhA/ /oM mu ne ksha swAhA/ oM mu ne ye swAhA/ gdan la rdzogs dang sems dpa' i tshul/ /'khor lo rgyas po rgyal mo dang/ /g.yas nas mthong thos snom pa dang/ /myong dang btsun mo'i tshogs su bcas/ /gru chang la ni mthong byed dang/ /thos byed snom byed myong byed rnams/ /btsun mo'i tshogs dang ldan par gnas/ /bar khyams la ni thub drug dang/ /mdun dang rgyab tu byed pa dang/ /bya ba dag na gnas par bstan/ /sgo khyung bzhi la 'joms pa ni/ /btsun mo'i tshogs dang ldan par gnas/ /rdo rje 'khor lo rin po che/ /pad+ma ral gri dril bu 'bar/ /ud pal klu shing la sogs mtshan/ /rin chen myu gu ral gri 'bar/ /pad+ma dkar po rdo rje 'bar/ /chos kyi 'khor lo rin chen ste/ /gzugs mdzes rin chen 'phreng ba dang// bi bang gar mkhan mchog nyid de/ /me tog 'phreng dang bdug spos mchog /mar me byug pa la sogs pa'i/ /las la 'khril zhing chos la bstan/ /dbu rnams 'byo zhing 'dud pa'i tshul/ /gong gi phyag rgya chen po bzhin/ /gnyis med dbyings kyi dang du 'khril/ /sgo bzhi khro bo'i phyag rgya ni/ /nri mgo gdengs dang rdo rje gnon/ /thong sbrul chen pos gnon pa dang/ /rdo rje rgya gram las kyis gnon/ /lcags skyu zhags pa po ta ho/ /sgo bzhi gnas pa de dag kyang/ /'dud tshul 'khril ba gong ma bzhin/ /thub drug phyag rgya sna tshogs te/ /mdor bsdus phyag rgya drug tu bstan/ /sreg par dang ni pi bang dang/ /go cha po ti rin chen sgrom/ /me dang chur ni rab tu bstan/ /yum ni dmigs med chos kyi dbyings/ /kun bzang mnyam bzhag ye
- 420a
shes 'phro/ /yum 'gyur mnyam rdzogs padmo'i dkyil/ gzhan yang phyag rgya sna tshogs te/ /yang na de bzhin gshegs nyid dam/ /yang na rdo rje thal mo nyid/ /mthing ga dkar po ser leb rgan/ /ljang gu la sogs sna tshogs pa/ /gnyen lcug 'khril ldem gzhon tshul can/ gsal mdzes lhun tug gzi byin che/ /'od zer 'phro ba'i tshogs chen po/ /'bar ba'i 'phreng ba 'khrigs pa ste/ /mdza' dbus med par khyab pa yi/ /dkyil 'khor bsam yas lhun gyis grub/ /oM ma hA shu n+ya tA dz+nyA na badzra b+hA ba ad ma ko haM/ oM mahA b+har sha dz+nyA na badzra swa b+hA ba ad ma ko haM/ oM mahA pra ta pra be sha dz+nyan badzra swa b+ha ba ad ma ko haM/ oM ma hA sa man+ta dz+nyan badzra swa b+ha ba ad ma ko haM/ oM mahA kri ta a nu ta na dz+nya na badzra swa b+ha ba ad ma ko haM/ oM sarba ta thA ga ta mahA kA a badzra swa b+ha ba ad ma ko haM/ oM sarba ta thA ga ta mahA bAg badzra swa b+ha ba ad ma ko haM/ oM sarba ta thA ga ta mahA ci ta badzra swa b+ha ba ad ma ko haM/ sku gsung thugs dang ye shes lnga/ /dbang dang byin brlabs kun bsdus thim/ /dkyil 'khor shin tu gsal bar 'gyur/ sal sogs pa'i phyag rgya byas/ /rnam grol rim pa thob par 'gyur/ /dag pa'i ye shes kyis sbyangs na/ /smos ci dgos te de nyid yin/ /phyag rgya'i dkyil 'khor gsal skyed la/ /dbang skur byin brlabs rdzogs byas la/ /stong gsum yungs 'brur 'jug tshul du/ /dbyings nas dkyil 'khor spyan drangs mchod/ /phyogs dus dkyil 'khor bdag nyid che/ /mi dmigs thugs kyi dkyil 'khor las/ / dkyil 'khor thams cad spyan drang ngo/ /rang snang dbyer med dkyil 'khor la/ /'jug pa'i mtshan nyid mnyam sbyor ba/ /phyogs dus kun nas gshegs pa yi/ /bsnyen pa'i dkyil 'khor rab tu rdzogs/ /nye bar gyur pa'i dam tshig mchog /
- 420b
oM e hya hi b+ha ga bAn ma hA ka ru ni ka tri sh+ra ho/ /sa ma ya stoM/ dza(rgyud 'grel): hUM baM ho/ oM badzra sa ma ya oM/ aM badzra sa ma ya aM/ hUM badzra sa ma ya hUM/ swa badzra sa ma ya swa/ ha badzra sa ma ya ha/ oM badzra sa ma ya hUM/ oM badzra sa ma ya stoM/ oM badzra sa ma ya ho/ /dza(rgyud 'grel): hUM bo ho? ?stoM gdongs? dngos grub? gsol/ gnyis med thim bzhugs brnyes par bya/ /sgyu 'phrul dra bas mngon rdzogs pa'i/ /dbang po yul du gang gyur pa/ /mnyam pa'i dang nyid rtogs gas ya na/ /thams cad byang chub mchog gi rgya/ /skyong chen 'khor lo'i gzhal yas su/ /thabs dang shes rab thams cad kun/ / gsal zhing 'od zer 'phro bsgom na/ /sgul bskyod thams cad phyag rgya yin/ /gsang ba'i de nyid nges pa las/ /snying po'i phyag rgya 'da' dka' o/ /mi bskyod nyi ma'i dkyil yi ge /rin chen zla ba'i dkyil yi ge /lnga gnyis zung du spros pa las/ / sbyar ba'i phyag rgya 'byung ba'i rgyu/ /oM dang muM gnyis rtse sbyor te/ /'bru brgyad bsnol te rtse sprad na/ /rgyal ba kun dang mnyam sbyor ba'i/ /bde ba chen po 'byin pa'i rgya/ /'bru bzhi sbas nas thugs kar bkan/ /hUM bsgreng rtse mo rdo rje 'bar/ /zla gtul 'bru sbas dril bsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /muM bsgreng rtse mo dril gsil 'bar/ /nyi ma 'bru lnga las su 'khril/ /btung de 'dzum pa'i mdangs kyis lta/ /'bru bzhi spas nas thugs kar bkan/ /aM bsgreng rtse mo 'khor lo 'bar/ /zla btul 'bru sbas dril gsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /laM bsgreng rtse mo dril gsil zhing/ /nyi ma 'bru lnga las su 'khril/ /btung de 'dzum pa'i mdangs kyis lta/ /'bru bzhi sbas nas thugs kar bkan/ /swa bsgreng rtsa mo rin chen 'bar/ /zla btul 'bru sbas dril gsil zhing/ /'khril ba'i tshul gyis chos la bstan/ /'bru bzhi sbas
- 421a
nas thugs kar bkan/ /maM bsgreng rtse mo dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis lta/ /'bru bzhi sbas nas thugs kar bkan/ /aM sgreng rtse mo padmo 'bar/ /zla btul 'bru sbas dril gsil zhing/ /'khril pa'i tshul gyis chos la bstan/ /'bru bzhi sbas nas thugs kar bkan/ /phyaM bsgrang rtse mo dril gsil 'bar/ /nyi ma 'bru lnga las su 'khril/ /btud de 'dzum pa'i mdangs kyis lta/ /'bru bzhi sbas nas thugs kar bkan/ /ha bsgreng rtse mo ral gri 'bar/ /zla btul 'bru sbas dril bsil zhing/ /'khril ba'i tshul gyis chos la bstan/ /'bru bzhi sbas nas thugs kar bkan/ /taM bsgreng rtse mo padmo dril bsil zhing/ /nyi ma 'bru lnga las su 'khril/ /btud de 'dzum pa'i mdangs kyis lta/ /mchod pa'i phyag rgya chen po ni/ sems kyi yid bzhin sprin tshogs kyis/ /phyogs bcu thams cad sangs rgyas zhing/ /mnyen 'jam reg na bde ba dang/ /sna tshogs rin po che'i gzhi/ /mdzes par bres shing spras pa dang/ /kun 'byung rin chen phung por 'bar/ /dbyings legs rdzing bu ro mchog bsil/ /rin chen khang pa sna tshogs dang/ /rgyan dang dpag bsam ljon pa'i tshal/ /glu dbyangs tshigs su bcad pa'i sgra/ /bla re rgyal mtshan na bza' gdugs/ /dor gal? dpung rgyan se mo do/ /mdzes pa'i brgyan rnams sna tshogs dang/ /bza' dang btung ba'i tshogs rnams kyis/ /rang la mdzes par brgyan pa yis/ /lha dang lha mo rdul snyed kyis/ /bro gar la sogs bsam yas kyis/ /phyogs bcu nam mkha' i khams bkang nas/ /dkyil 'khor kun la rgyas par 'bul/ /skal ldan gsal ba'i khyad par gyis/ /rim gyis yang na cig car du/ /chos
- 421b
kyi dbyings dang mnyam sbyor zhing/ /mchod pa'i phyag rgya chen por bsgom/ /thob mar bdag nyid rtogs sgoms sgral/ /de nas gnyis med blo yis ni/ /blo ngan sems can snying re rje/ /gnyis su med par bsgral bar bya/ /gsal ldan ma 'am byin brlabs la/ /thabs dang shes rab gnyis med pa'i/ /'khril ba'i mchod chen mnyam sbyor zhing/ /bdag nyid mnyes par mnyes par bya/ /mnyam pa'i sgrub rdzas chen po dag /bdag dang mnyam pa'i tshogs la dbul/ /bza' dang bca' dang btung ba sgo/ /longs spyod lnga ldan thams cad kyis/ /dkyil 'khor la ni dkyil 'khor thim/ /oM phyogs bcu dus bzhi rdzogs pa yi/ /ye shes dkyil 'khor thig le che/ /bsod nams dkyil 'khor sku'i tshogs/ /snang stong thig le kun rdzogs ho/ /oM rdo rje bsod nams thig le che/ /rdo rje ye shes dkyil 'khor ldan/ /rdo rje sgra chen mdza' yas pa/ /rdo rje rgyal po thig le che ho/ /oM sku gsung thugs kyi rdzogs pa che/ /yon tan 'phrin las sku ru rdzogs/ /ye nas lhun rdzogs kun tu bzang/ /'dus pa'i tshogs chen thig le che ho/ /oM mi dmigs sgyu 'phrul mnyam pa'i dbyings/ /mdza' yas ye nas lhun gyis 'phro/ /mdza' yas kun nas lhun gyis thim/ /sna tshogs sku gsung thugs chen po ho/ /oM phyogs bcu 'jig rten rdul snyed du/ /rgyal ba'i don rnams rdul phran snyed/ /sprul pa rdul phran bsam yas kyis/ /skad cig yud la lhun gyis grub bo/ /oM thams cad ma lus sku gsung thugs/ /sku gsung thugs kyi bdag nyid che/ /sku gsung thugs kyis kun tu khyab/ /sku gsung thugs kyi thig le che ho/ /sgyu 'phrul dra ba mngon rdzogs pa'i/ /dkyil 'khor bstan pa'i ting nge 'dzin/ /bro gar 'du 'phro phyag rgya yis/ /'dzul lam nam mkhar 'gro bar 'gyur/ /glu tshig sgra'i phyag rgya yis
- 422a
chos kyi dngos grub thob par 'gyur/ /brgyan dang bgo ba'i phyag rgya yis/ /'bar ba'i rgyal po thub med 'grub/ /bza' dang btung pa'i phyag rgya yis/ /yid bzhin sku dang bdud rtsi 'grub/ /A li kA li'i phyag rgya yis/ thams cad thams cad 'grub par 'gyur/ /de'i zlas pa 'phrul che ni/ /rnam gsum tshul gyis ma 'khrul bar/ sngags zlas 'phro 'du rgyun mi bcad/ /'dris gsal bstan pa mchog gis bya/ /shes 'jug mtshan nyid 'byor pa'i gzungs/ /'bras bu smin byed rgyu dang rkyen/ /nus mthu can du gang gyur pa/ /rigs 'dzin rgyal ba'i zhing du grags/ /bsnyen pa rdzogs nas dkyil 'khor kun/ /hUM zhes brjod cing thugs kar bsdu/ /skye med mnyam rdzogs dbyings su bstim/ /stong pa'i go chas lus bsrung ste/ /spyod lam kun tu btsal med par/ /dkyil 'khor ldan pa'i dkyil 'khor gyis/ /dkyil 'khor la ni dkyil 'khor bsgom/ /dkyil 'khor dkyil 'khor las byung ba'i/ /thugs kyi dkyil 'khor dkyil 'khor mchog /'gro dang 'dug dang nyal ba dang/ /mnyams pa'i dbyings na gnas/ /de yis byang chub snying po len/ /cho ga sngags dang yo byad rnams/ /rnal 'byor tshogs pa'i yo byad kyis/ /zhag ni sum cu phrag drug gam/ /bcu gnyis bcu bzhi bcu drug gis/ /dbang sgyur rigs kyi dam pa 'grub/ /de tshe bcu drug tshun tshad kyis/ /sku lnga lhun gyis rdzogs pa ni/ /ye shes thig le de nyid la/ /ye shes thig le nyid snang bas/ / bsam gyis mi khyab mdza' yas mchog /phyogs bcu dus bzhi rdzogs pa yi/ /zhing khams rnam dag gzhal yas dang/ /rgya dang bral ba'i gzhal yas khang/ /'khor lo'i rgyan dang rol mo'i tshogs/ /dkyil 'khor
- 422b
ma lus thams cad kun/ /mthong nas nye bar bsnyen pa dang/ /rgya chen gsung las don 'byung ba/ /mthun pa'i ye shes rang snang ba'o/ /gcig dang du ma bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang 'byung ye shes gnas med gnas/ /phyogs bcu dus bzhi mngon rdzogs pa'i/ /bde gshegs ye shes rmad po che/ /gzhan nas yod 'ong ma yin te/ /lha srin la sogs smos ci dgos/ /rgyud kyi don las sgrub pa'i thabs/ /rin chen dra ba 'di bsdus pas/ /bcom ldan kun bzang sku gsung thugs/ /sems can kun gyis 'thob bar shog /dra ba chung ngu rdzogs so// // thams cad ngo bo mnyam nyid sku/ /bde chen gar dbang sku gsung thugs/ /mi zad rgyan gyis 'khor lo'i/ /he ru ka la phyag 'tshal te/ /sgyu 'phrul dra ba'i rgyud dag las/ /lha'i rnal 'byor rim pa zhig /sems can ye shes bskyed pa'i phyir/ /legs par bsdus te bstan par bya'o/ /slob dpon mnyes par ma byas shing/ /dbang rnams thob par ma byas par/ /nyan pa la sogs rtsom pa rnams/ /'bras bu med cing brlag par 'gyur/ /yi ge sgra btags ming tshogs la/ /brten pa'i tshig gis rab mtshon te/ /khong nas gab sbas don 'byin pa/ /ston pa rdo rje'i thugs la gnas/ /'di ni gsang chen nges pa yis/ /'bras bu lam du gyur pa yin/ /rgyal ba'i dkyil 'khor ma lus la/ /de las gsang pa'i nges don med/ /kun gyi phyag rgya chen po'i tshogs/ /thos bsam sgom la rab sbyangs pa'i/ /shes rab mig ldan rnams kyis bzung/ /snod ldan ngang tshul can la
- 423a
bstan/ /lus dang longs spyod gtong la sbyin/ /gzhan du rnams kyang sbyin mi bya/ /rmongs la 'phyang bas gal te byin/ /dus min par ni srog zad nas/ /bsregs dang sbrebs par yun rings gnas/ /gang gis glang chen smyo 'dra'i sems/ /mnyam par gzhag pas gtul nas su/ /sngags dang phyag rgya rab bstan na/ /dngos grub mtshan chen por 'gyur/ /dur khrod chen por rab dben pa'i/ /ri bos bskor ba'i lcug ma dang/ / me tog 'phreng bas brgyad pa 'am/ /bde ba'i gnas su 'dug nas ni/ /'dzin pa'i dbang gis sdug bsngal zhing/ /gdug pa srid gsum gdul ba yi/ /nga rgyal chen po bstan pa'i phyir/ /sgyu 'phrul dra ba'i ting 'dzin bsgom/ /e ma'o ngo mtshar rmad kyi chos/ /rdzogs pa'i sangs rgyas kun gyis gang/ /skye ba med las thams cad skyes/ /skyes pa nyid na skye ba med/ /stong pa nyid du rab bsal ba'i/ /snying rje'i yum ni bsgom par bya/ / nges pa las ni rdo rje che/ /de las dpal chen ha ru ka /'bar ba chen po gar dgu yis/ /'jigs pa yi ni dus ltar drug /baM hUM bi shwa ri shud de/ /dur khrod chen po rab 'jigs pa'i/ /khrag gi rgya mtsho 'khrugs pa'i dkyil/ /keng rus chen po ri rab kyi/ /steng gi 'bar ba'i klong dkyil na/ /ye shes 'bar ba'i gzhal yas khang/ /phyogs bcu rgya yongs ma chad pa'i/ /phyi dang nang med kun tu snang/ /'bar ba'i 'khor lo rtsibs bzhi la/ /gru chad bzhis ni rnam par brgyan/ /gru bzhi sgo khyud bzhi dang ldan/ /'bar ba'i bar 'khyams gnyis kyis mdzes/ /thod sprul sna tshogs nyi mas brjid/ /'bar ba'i 'phro ba mang
- 423b
bo 'khrug khyu mchog ma he gzig dang stag /gtum pa dom gyi sbar bas ni/ /dbang phyug la sogs lha chen bzung/ /bdag nyid sangs rgyas thams cad kyi/ /sku gsung thugs kyi rdo rje'i bdag /khro rgyal ye nas yin pa'i phyir de bzhin nyid kyi dbyings nas ni/ /khro mo dbang phyug mngon phyung ste/ /hi hi dgyes pa'i gzi mdangs kyis/ /rin chen pad+ma rgyas mdzad nas/ /gnyis med 'khril ba'i dgyes pas bstim/ /byang chub sems sprin 'phros pa las/ /hUM hUM hUM /bi shwa badzra kro d+ha /dzwa la man d+ha/ phaT phaT phaT /ha la ha la hUM/ 'jig rten drug gi phyogs bcu dag /mdza' yas khyab par khro bo yi/ /dkyil 'khor stong gsum 'jig rten tsam/ /phyogs bcu'i rdul snyed 'thon par 'gyur/ /de nas bcom ldan 'das dgyes chen po/ /dbu dang phyag zhabs stong khams kyi/ /rdul snyed mtshon cha 'jigs pa de/ /dbu gsum phyag drug zhabs bzhir gyur/ / 'bar chen klong gi 'khor lo dkyil/ /dbang phyug che dang dur khrod kyi/ /bdag po dregs pa khyo shug gi /gdan la brkyang bskum tshul du bzhugs/ /khro bo dkyil 'khor sprin phung yang/ /dpal ni khrag 'thung chen po dang/ /rin po che dang pad+ma dang/ /lus su gyur te phyogs bzhir bzhugs/ /de kun 'jigs byed chen po yi/ /cha lugs rngam pa'i nga ro yis/ /'bar ba'i klong na dbu gsum pa/ / phyag drug zhabs bzhi dri ma dang/ /gnod sbyin srin po gshin rje la sogs pa'i/ /khyo shug bsnol ba'i gdan la bzhugs/ /btsun mo khrag 'thung chen mo rnams/ /so so'i sku la 'khril te 'khod/ /de
- 424a
nas dgyes te ha brjod pas/ /byang chub sems kyi sbyin dag las/ /dkar mo'i tshogs dang rkun mo dang/ /rmongs mo dang ni thal byed ma/ /spos mo dang ni gtum mo dang/ /dme sha can dang ma tshogs ma'i/ /tshogs rnams rang gi lag cha dang/ /ngo mtshar chas nas rngam mthon te/ /'bar chen 'khor lo'i shar mtshams nas/ /'khor bar 'jigs pa'i gzugs kyis 'khod/ /de nas dgyes te he brjod pas/ /seng gdong ma'i tshogs dang ni/ /stag dang wa dang khyi dang bzhad kaM ka ru ra bya 'ug gdong che/ /tshogs rnams rang gi lag cha dang/ /ngo mtshar dag tu chas nas 'thon/ /'bar ba chen po'i 'khor lo yi/ /phyi rol shar gyi phyogs dag nas/ /'khor bar rngam pa'i mdangs kyis 'khod/ /de nas dgyes te phaT brjod pas/ /rdo rje sring 'gro ma tshogs dang/ /gdong mo 'jig rten ro langs ma'i/ /tshogs rnams rang gi lag cha dang/ /ngo mtshar chas nas 'jigs mthon te/ /dkyil 'khor sgo bzhir rngam gzugs nas/ /dgyes pa'i sprin las phyogs bcu nas/ /phaT ces grags pas thams cad khros/ /de nas dpal chen kho bo'i rigs/ /lhun gyis grub par bya ba'i phyir/ /rang gi ngang tshul de bzung la/ /skul tshig 'di yang rab tu brjod/ /oM sngon gyi thugs dam chen po ni/ 'jig rten ma lus thams cad kun/ /rgyal ba'i zhing du sbyor bas ni/ /phyag rgya chen por bdag sbyor cig /thabs dang shes rab gnyis med pa'i/ /ye shes gzer gyis lung rtog sbyangs/ /gser zhun lta bu'i sems dag la/ /gsum gyi byin brlabs 'od kyi 'bru/ /thugs kar thim nas sku'i dbyig /rdo rje lam 'byung yum gyi mkha' / /chos sku byang chub sems kyi gnas/ /lha rnams so so'i snying po'i sgra/ /hUM ha ho phaT ces byung nas/ /byang chub sems su gcig par thim/ /de nas
- 324b
snying po dran tsam gyis/ /gsung gi phyag rgya gnyis rdzogs nas/ /'od zer 'phro 'du'i sbyor ba yis/ /thugs kyi phyag rgya rab tu 'bar/ /de las 'phra mo'i sku spro bsdu/ /phyag rgya chen po'i sku gnyis rdzogs/ /oM mahA shu n+ya tA dz+nyA na badzra swa b+hA ba ad ma ko haM / oM mahA a da ri sha dz+nyA na badzra b+ha ba ad ma ko haM /oM mahA pra ta pre be sha dz+nyA na badzra swa b+hA ba ad ma ko haM/ oM ma hA sa mAn+ta dz+nyA na badzra swa b+hA ba ad ma ko haM/ oM mahA kri ta a nu ta na dz+nyA na swa b+hA ba ad ma ko haM /oM sarbaM ta thA ga ta ma hA ka ya swa b+hA wa ad ma ko haM/ oM sarba ta thA ga ta ma hA bAg badzra swa b+hA ba adma ko haM/ oM sarbba ta thA ga ta ma ha tsi ta badzra swa b+hA ba ad ma ko haM/ oM sarba ta thA ga ta ma hA a nu ra ga badzra swa b+hA ba ad ma ko haM/ oM sarba ta thA ga ta ma hA pU tsa badzra swa b+hA ba ad ma ko haM/ rdo rje pad+mar byin rlabs pa /hUM las rdo rje rtse lnga ba/ /ba las padmor gyur pa'i dbus/ /ma las nyi ma'i dkyil 'khor bsam/ /sha ta pa la sogs pa yis/ /bskul ba dag kyang tshul bzhin bya/ /bsnyen pa dang ni nye bsnyen po/ /bsgrub pa dang ni bsgrub chen po/ /yum gyi pad+ma'i dkyil 'khor du/ /bde ba thugs kyi dkyil 'khor spro/ /sangs rgyas sbrin tshogs ma lus la/ /dgyes mnyam mchog gi sbyin pas bstim/ /de las dkyil 'khor gsal bar dgod/ /oM oM sarba ta thA ga ta/ ma hA sh+ri he ru ka ma tsam d+ha sarba duSh+Tan ta ka ha na da ha pa tsa hUM hUM hUM phaT/ /oM badzra ma hA sh+rI he ru ka ma hA tsan d+ha sarba duSh+Tan/ ta ka ha na da ha pa tsa hUM hUM hUM phaT/ /oM ratna mahA sh+rI he ru ka /ma hA tsan d+ha sarba duSh+Tan ta ka na d+ha ha pa tsa hUM hUM hUM phaT/ / oM pad+ma mahA sh+rI he ru ka/ mahA tsan d+ha sarba du stan/ /ta ka ha na da ha pa tsa hUM hUM hUM phaT/ /oM karma ma hA sh+rI he ru ka mahA tsan d+ha sarba dustan ta ka ha na da ha pa tsa hUM hUM hUM phaT/ oM sarba ta thA ga ta ma hA kro ti shwa ri sarba dustan hUM phaT/ oM badzra d+ha ra
- 425a
ma hA kro d+hi shwa ri dzwa la ni hUM phaT/ oM ma hA su rya ratna ma hA kro ti shwa ri bi da ma hUM phaT/ oM h+ri shwa ta sa ma ya/ mahA kro ti shwa ri ka'i hUM phaT/ oM sarba a mo ga ma hA kro d+hi shwa ri bi shwa hUM phaT/ oM badzra ke'u ri ha/ badzra tsi'u ri ha /badzra pra mo ha/ badzra pe ta li ha/ /badzra bu ka si ha/ badzra ka sa ma h+ri ha/ badzra tsan d+ha li ha/ oM badzra sing ha mu ka he/ badzra bya gri mu ga te/ badzra si la mu ka he/ badzra sho na mu ka te/ badzra kri ta mu ka he/ badzra kang ka mu ka he/ badzra khwa kha mu kha he/ badzra u lu ka mu ka he/ oM badzra arya te dza te da dza/ badzra a mu ka hUM/ badzra lo ga baM/ badzra pasmi pa la ya ti ho// //b+hyo b+hyo b+hyo b+hyo b+hyo b+hyo b+hyo/ b+hyo b+hyo b+hyo b+hyo b+hyo b+hyo b+hyo/ b+hyo b+hyo b+hyo b+hyo b+hyo b+hyo b+hyo/ b+hyo b+hyo b+hyo b+hyo b+hyo b+hyo b+hyo/ /sa la sogs la phyag rgya byas/ /rnam grol rim pa thob par 'gyur/ /dag pa'i ye shes kyis sbyangs na/ /smos ci dgos te de nyid yin/ /phyogs dus dkyil 'khor bdag nyid che/ /mi dmigs thugs kyi dkyil 'khor las/ /dkyil 'khor thams cad spyan drang ngo/ /rang snang dbyer med dkyil 'khor la/ /'jug pa'i mtshan nyid mnyam sbyor pas/ /phyogs dus kun nas gshegs pa yi/ /bsnyan pa'i dkyil 'khor rab tu rdzogs/ /nye bar gyur pa'i dam tshig mchog /oM ru lu ru lu hUM b+hyo hUM/ e hye hi a na ya badzra/ dza(rgyud 'grel): hUM baM ho(rgyud 'grel): hoM raM/ oM badzra kro ta sa ma ya hUM/ oM khro la khros pas zhi mdzad pa/ /thugs rje khro dpal rngam pa'i tshogs 'bar ba'i byin rlabs rmad po che/ /de nyid du ni bdag la gsol/ /oM badzra kro ta sa ma ya stoM/ /oM badzra kro ta sa ma ya phaT/ oM badzra kro ta sa ma ya ho/ /a li u li ta la ta pa te/ traM stoM kho go na/ rau ti kha raM yo gi ni kha hi hUM ha
- 425b
hi phaT/ smug nag sngo nag ser nag dang/ /dmar nag ljang nag 'jigs pa'i sku/ /dbu gsum phyag drug zhabs bzhir bgrad/ /ko rlon gos ni sna tshogs gon/ /rngam pa'i sgra chen 'jigs par bsgrogs/ /sprul dang thod rlon nyi zlar bcas/ /stong gi 'jig rten 'khor yug bcas/ /rdo rje dung chen gang ba dang/ /ral gri dgra sta gshol la sogs/ /rang gi lag cha sna tshogs dang/ /btsun mo 'jigs pa'i tshogs dang 'khril/ /gnas dang yul gyi phyag rgya dang/ /sgo bzhi'i phyag rgya rab mdzes shing/ / slas dang byi mo bran mo'i tshogs/ /bcu gnyis dang ni brgyad kyis mdzes/ /rang gi stan dang lag cha dang/ ci bgyi zhes te chas te gnas/ /de ltar dkyil 'khor gsal bkod nas/ /mdza' dbus med par khyab pa yi/ /'jig rten drug gi phyogs bcun/ /'bar ba'i dkyil 'khor gsal bar snang/ /hUM gtum chen dus mdza' i me ltar 'bar/ /'od zer nyi ma 'bum gyi gzi/ /khro gnyer glog stong 'gyu ba bzhin/ /mche ba zang yag za byed che ho/ /hUM rnam pa'i nga ro 'brug stong ldir/ /tug? chen ri rab 'bum snying skad/ /a a ha la'i gad rgyangs che/ /dbyugs pa'i thur rlung g.yeng ba che ho/ /hUM/ khros pa'i shes rab 'od po che/ /ye shes dkyil 'khor kun tu gsal/ /'bar ba'i ye shes kun tu 'joms sna tshogs ye shes thig le ho/ /hUM khros pa'i rgyal po sprin chen po/ /khros pa'i rgyal po char chen 'babs/ /dkyil 'khor yid bzhin 'byung ba'i gter/ /sna tshogs khros pa'i thig le che ho/ /hUM bdud kun gyi ni bdud chen po/ /bdud kyi bdud de bdud rnams 'joms/ /'jigs pa'i tshogs kyang 'jigs par byed/ /'jigs byed chen po thig le che ho/ /hUM rdo rje brag chen sra ba'o/ /rdo rje chu bo bdud chen po/ /rdo rje me ste kun 'bar che/ /rdo rje rlung chen thor rlung che ho/ /
- 426a
yan lag ma nyams yo byad ldan/ /cho ga rdzogs par shes pa yi/ /rnal 'byor tshogs pa'i dkyil 'khor gyi/ /nges par legs pa'i dgos pa 'grub/ /khro bo khro mo'i tshogs chen po/ /pho nya phyag nyan bka' nyan tshogs/ /ci bgyi las sogs tshogs rnams kyis/ /dngos grub las rnams rdzogs par byed/ /de nas dkyil 'khor thams cad kun/ /rang gi snying gar bsdu ba ni/ /hUM hUM zhes ni rab brjod nas/ /'dus pa de nyid ci bder spyod/ /de ltar dkyil 'khor bsdus nas kyang/ rnal 'byor bdag nyid chen po yis/ /spyod lam kun tu ma nyams shing/ /lha nyid du ni rtag tu bsgom/ /phung po lnga nyid khro rgyal gtso/ /chen po lnga nyid dbang phyug yum/ /skye mched khams rnams ma lus kun/ /thugs rje rngam pa'i dkyil 'khor tshogs/ /rgyu gcig pa dang yig 'bru'i tshul/ /byin gyis brlabs dang mngon sum par/ /rab tu rtogs pa rnams bzhi yis/ /thams cad mngon rdzogs rgyal po che ho/ /phyogs bcu dus bzhi rdzogs pa yin sku gsung yon tan 'phrin las thugs/ /ma lus bdag nyid zhal mthong ba/ /dbang sgyur mchog nyid dam pa yin/ /bsgrub pa'i thabs 'di bsdus pa yis/ /bsod nams bdag gis gang thob pa/ /dpal chen kun bzang sku gsung thugs/ sems can kun gyis thob par shog /de kho na nyid snang ba dam pa brgyan rdzogs so// //dpal gyi dpal gsum nyid ldan rdo rje lta bu'i ye shes 'dus ma byas/ /ma btsal lnga rdzogs skyon bral mi shigs dbyangs nyid ye shes 'du 'bral med/ /lnga yis grub nyid gnyis med dang gsal/ /mi g.yo mi sems sems chen po/ /'phrin las bzhi bcom dpa' bo rang nyid lha'i lha la gnyis med mos/ /gsang ba'i bdag po mngon gshegs nas/ /lha klu
- 426b
gnod sbyin srin po dang/ /mi las skal ldan 'dus pa la/ /dbang pos ji ltar lung bstan dus/ /rgyal bu rigs can ltas shar ba/ /'brel ba snang la mngon brtags pas/ /thugs kyi sgrub pa mngon rtogs te/ /de nyid sgo nas de nyid grub/ /bstan pa'i dngos grub de nas thob/ /don dam bcud kyis de nas rgyas/ /'dod pa'i bsams pa de ru 'grub/ /smon pa'i lha dang de ru 'jal/ /de nas rdo rje gdan stengs kyi/ /'dzam gling shar gyi phyogs mtshams su/ /pho brang dam pa rin chen nang/ /bkra shis dam pa'i khang pa ru/ /ku ku ra tsa in+t+ra bo ti dang/ /sing da u pa ra tsa dang/ /sras mo 'go ma sa la sogs/ /sgyu 'phrul dra ba'i dbang thob nas/ /tshogs kyi dkyil 'khor mngon bsgrubs te/ /rdo rje 'chad sar mngon du gshegs/ /de phyir sangs rgyas mtshan thob pas/ dam pa'i rigs can dra ma dang/ /de rjes ma 'ongs skal ldan phyir/ /stong phrag brgya'i rgyud dag las/ /gshegs shul lam mchog 'dir bsdus te/ /snyigs ma'i rgyud drag dus kyi tshe/ /dus kyi 'dul phyir bstan par bya'o/ /spyan bzangs 'gro mthu med pa yi/ /dmigs bu bral ba'i nyams stor bas/ /bgrod cing phyin par mi nus bzhin/ /rtsid po rmu dgod rang nyams kyis/ /gsang ba'i snying por mi 'gyur te/ /bud shing me tog 'bras bzhin 'gyur/ /de bas bla ma lung bzhin bskur/ /brtag spyo zha gcod bzod bya ste/ /mthong ba'i gdung ba khur mi lta/ /de kun yum gyi don du bzod/ /dka' bas bsten na rdo rje rgyal/ /nyams snang mthong zer thob 'gyur te/ /de tshe rgyud chen gzhung gi yon/ /phul na thugs kyi nying khu ster/ /de yis bzhon pa bzang 'gro bzhin/ /gsang ba'i rdzu 'phrul stobs zhon pas/ /mthong 'jug mthar phyin bzhi bgrod nas/ /ye shes snying po'i gnas su phyin/ /de bas rdo rje gnyer ldan pas/ /rgyang drung sems spra mkha' 'gro yi/ /gsang sngags ltas ston spyo ba
- 427a
yis/ /ci nas brtags te bzang ldan na/ /mi ldog brtan byas rtas pa yi/ /shi sha gang yin lag tu gtad/ /ngan ba'i ltas mthong mngon shes pas/ /'dod pa 'phro mo'i rgyur byed dang/ /khe dang grags pa che ba'i rgyu/ / byed cing bcung chen 'dzag dang 'go /ma chags ma rungs byed pa dang/ /zang zing mdza' gtong dbus 'ching dang/ /g.yon can ngo dga' lhag sprang skur/ /lkog na rang dgar byed pa dang/ /dag la rigs nges bsam mi nges/ /bud med 'dod bas byal ba dang/ /mun ldog phrad par 'dod spyod snyeg /pho mo gtad trar ma sngags la/ /skal bar dri bzhin 'khor 'gyur yang/ /thugs kyi bde ba spro mi bya/ /'tsham par skur bstan gcan 'phran bzhin/ /de men pe sbrel g.yang 'gyur bzhin/ /'dod khes 'bogs shing bcas 'phyar bas/ /ma gtogs spros na dur khrod gling/ /brgyad kyi mkha' 'gro bzhin 'dus nas/ /sha za srog la 'bebs shing lhung/ /de ltar brtags pa'i skal ldan phyir/ /rang bzhin ye shes rang gnas dang/ /der mthong der 'jug rnal 'byor bzhi/ /bar chad med bsgrub rnam par smin/ /sbas sgyur phyag rgya lhun grub lam/ /mngon byas rim pa brjod par bya/ /de la dang po nyid spros pas/ /de nyid de yis shes bya ba/ /phyogs bcu dus bzhi'i rang bzhin 'di/ /de bzhin gshegs pa'i ngo bo nyid/ /'khor ba sems phyir bdag med pas/ /de phyir de bzhin gshegs bsam yas/ /'khor ba'i rang bzhin mi dmigs phyir/ /mya ngan 'das ba yod ma yin/ /de ltar rigs dang rgyud med par/ /byang chub mchog gi ngo bo la/ /so so'i rang bzhin nges shes na/ /yang dag lam gyis bcos su med/ /yang dag gshegs dang log rtog gnyis/ /ngo bo nyid kyis gnas gyur na
- 427b
de la bcos shing bsgyur du med/ /'ching bu rin chen bzhin mi rigs/ /de bas de lta 'di bzhin pas/ /ma rig log rtogs zhags pa'i rgyus/ /las dang nyon mongs rgyu rkyen gyis/ /bcu gnyis 'khor lo gnas su skyar/ /rten dang 'dod pa tha dad pa'i/ / bde sdug gdung pas nyam thag bral/ rtsom med bzhi dus kun du nyams/ /rang bzhin nyid las nyams pa med/ /de lta'ang rgyal po phru gur 'khyams/ /de bzhin rigs la 'gyur med pas/ /shul don rang las gzhan med phyir/ /'phrul dga' i tshul gzhan nya dang zer du min/ /de'ang rnams gsum gnas tshul gzhag /'bru lnga gnas pa'i thabs chen po/ /'gro ba kun la rang gnas te/ /dkyil 'khor bzhi dang srog shing gsum/ /gnas na ka la sgra dbyangs ldan/ /e raM ma ya mkha' ldan dang/ /snying po rlung sgrom gnas na yod/ /de yis tan+t+ra 'byin par byed/ /de don de na chos nyid dang/ /ye shes yon tan las nyid dngos/ /rnal 'byor lam rim rang bzhin ldan/ /snod kyi 'od dbyibs 'phrin las bzhi// thig le bsnyen bsgrub rang bzhin ldan/ /bzhi brgyad kshi ra ma dal/ /ra ya g.yas g.yon sbyin sreg ldan/ /gnas bzhi 'byung ba las bzhi ste/ /gsang ba'i mkha' la rang bzhin ldan/ /gnas rten rtsa dang thig le la/ /bcu dbang lnga gsum dbang rnams ldan/ /gsang ba nang gi 'dod yon dang/ /dam rdzas lnga ldan mchod pa ste/ /de dag rang gnas mi 'du ba/ /rang bzhin gsang ba'i sa ma ya/ /rang bzhin phyi nang gsang ba yi/ /'du byed sprod pa dang gi gnas/ /chags pas 'khams? 'grub? cig shes kyi/ /rang bzhin ye shes 'grub byed pa'o/ /rdo rje phung po yan lag kun/ /rdzogs pa'i sangs rgyas sngar grags sogs/ /dngos kun chags dang ngang tshul gyis/ /las dang ngo bo 'bras bur gnas/ /chu zla sgyu
- 428a
ma sprul pa bzhin/ /phung po khams dang skye mched rnams/ /bzhi rdzogs phyag rgya ma 'dres gsal/ /cir yang 'gyur zhing cir yang 'grub/ /bar ma lam dang 'bras bu rnams/ /gang yang rigs rgyud rtag med pas sems phyir kun kyang de de dang gzugs gnyis mtshan gsum yod dang med/ /gnas ris sde cha yod min sogs/ /gnyis yul bral bzhin de ldan pa'i/ /don mchog lnga 'bras ye shes dbyings/ /bdun dang gsum phyir don dam la/ /dpag bsam shing dang rin chen ltar/ /de kun ngo bo nyid rgyur gnas/ /'jig rten brtan g.yo la sogs pa/ /snang ba nyid na ngo bo med/ /de nyid chos sku chen po yin/ /rang bzhin ngang gis de ltar gnas/ /de las gzhan ba'i thob bya med/ /kun kyang smin zin bgrod pa med/ /de nyid lam gyi'ang ngo bo ste/ /'jug gnas 'byin bas che ba yin/ /phyogs bcu ma lus thams cad la/ /rang 'byung chen pos kun tu khyab/ /rang 'byung de nyid dngos med par/ /kun gyi phyag rgya'i rgyu yin phyir/ /de lta bu'i dang du nges/ /de bzhin nyid dbyings ye shes te/ /thabs kyi phyag rgya kun gyi rgyu/ /ming grangs med pa'i rgyu nyid dang/ /yongs su rdzogs pa zhes kyang brjod/ /gsum pa dngos por zhen pa'i/ /mya ngan 'das dang 'khor ba'i chos/ /ye nas rigs rgyud rtag min pas/ /so so'i gzugs sgra dri ro reg /chos kyi bye brag tha snyad kun/ /'ja' snang mkha' ltar ma 'dres shig /'dus ma byas pas 'dus byas snang/ /'dus byas snang ba rdo rje nyid/ /rgyal 'gros mi mdzad pa bcos pas/ /rang bzhin rang gis dbyer med pa'ang/ /de min zhen pas sgrol phyir las/ /tha snyad gnyis par bsam brjod 'das/ /yul dang shes par snang ba yang/ /rang 'byung ye shes rang snang zad/ /rgyu 'bras
- 428b
snang yang gnyis pa med/ /phyi nang gsal ba'ang nang nyid dang/ /de ltar ye shes rang snang ba/ /lam dang 'bras bu kun dngos pas/ /'brel pa bdag phyir thabs chen pos/ /mngon byed rang las 'byung bar zad/ /ye shes rang la gnas pa'i le'u ste dang po'o/ /lhun grub dang la phyag btsal nas/ /dang por lam mchog bshad par bya/ /gang dag rang gnas mthong 'dod dgos/ /dus snod rgyu rkyen thabs grangs dngos spyod yon drod rtags tshad dang skyon/ /yan lag spros pa'i rtsa bar gzhag /bsam gyis mi khyab ma mthong bar// bsam med dkyil 'khor 'jug byed pa/ /blun po mun sprul blo can de/ /long ba'i grong khyer chen por 'gro /de bas ma rig gi ling thog dmig /ldongs pa rdo rje thur ma mkhan/ /mnyes thob sngon byas gzhung thos pas/ /spyan phyed dkyil 'khor mthong bya dgos/ /de yang rang bzhin sbyangs pa yis/ /snod du gyur pa'i nye ring phyir/ /rims dang cig car bzhi cha yis/ /phye bas rnal 'byor chen por 'jug /bskal pa zhing gi rdul snyed du/ /shin tu sbyangs la rab gnas pa'i/ /shes rab mi ldan 'dir 'jug phyir/ /ring ba'ang rims dang cig car pa'o/ /snga ma 'ang tan+t+ra gzhung nyid las/ /sa rnams khyad par bskor ba yang/ /gsang ba'i snying por 'gro ba'i lam/ /theg pa bzhi'i nges 'byung la/ /theg pa gcig gi 'bras bur gnas/ /lam stegs sngon? du rdzogs par sbyor/ /de phyir ma nges rigs mchog nas/ /mun pa'i shes pa pa ste gnyer/ /rang bzhin sgyu yis smyung bar gnas/ /phal pa'i sems brgyad mthar gnas tshe/ /snying po rang bzhin mtshungs pa dang/ /gshes gnyen mgon la phung? gnyis thos/ /yon tan mthong dang skyon mthong dang/ /kyis zer da yis skyon rmongs phrod dang ba/ /gnyis pa'i sgyu ru gsungs pa yin/ /de bdag gsang tshogs dmigs pa ste/ /skad cig 'phel ba de ma thag /drug las rtswa me bzhin g.yos
- 429a
ste/ /bzhi'i theg pa dang bor zhog /bden zer de nas rims bzhin bgrod bya ste/ /rgyu nas rkyen gyis 'phar ba de dang zer/ /rnal 'byor rgyud la gnas pa la/ /'di ston mgon la lung thos pas/ /de ji bzhin du gnyis dang bzhis/ /mchog gi g.yo ba'i sems 'byung 'gyur/ /bzhi des khong du chud smos pas/ /lhag par gzugs brnyan 'jug par byed/ /mchog gi dam tshig de ru byin/ /rigs nges gyur la phan pa bcu/ /nus pa gnyis kyi byin brlabs bzhag /rang gi spyan mchog byed pa brtson/ /rgyu'i dkyil 'khor mthong bya'i phyir/ /thos bsam dam pa len par byed/ /kha cig dus mdza' i cig car ba/ /bskal pa rdul snyed sngon song nas/ /thun mong de rnyed sbyangs pa'i mdza' / /sgyu 'phrul dra ba'i don zhugs ba'ang/ /sngon byas 'di che nges 'byung ba/ /rims kyis sbyangs la cig car drod/ /la la dbang po rno ba dag /theg pa chen po gnyis 'jug ste/ /ma sbyangs sgrub pa gsum phyir gyi/ /mtho brtan myur rno rgya che yang/ zab mo sgyu'i gang zag de/ /nyid kyang rkyen dang de rim pas/ /phye bas rgyu 'bras chen po rnams/ /ma nges 'jug dang 'di nyid do/ /de de 'ang rang sems brtan pa'i dngos/ /bshes gnyen rnams dang ngo bos 'bral/ /de ltar bya byed snod bcud du/ /chen po'i lung dang 'brel ba dang/ /mgon dang bya byed thugs rjes 'brel/ /de phyir mchog lung rdo rje rnams/ /dang 'byal byed phyir rgyu rkyen drug /ldan bas ma nges 'jug pa ni/ /dbang po ji bzhin mos rkyen gyis/ /rgyu 'am bya ba 'am gnyis ka'o/ /rnal 'byor theg par sbyor bar byed/ /de nas de bzhin 'dir 'jug pa'ang/ /sngon bzhin g.yo smon 'jug sems sbyor/ /gnas pas mthar phyin byed pas ni/ /
- 429b
ltos pa ring ba'i dus nyid do/ /ma nges sa nas 'brel rgyu rkyen/ /ldan pas rnal 'byor mchog sbyor ba/ /mun pa'i zer tshul rtswa me bzhin/ /g.yo smon 'jug pa sngon bzhin te/ /bdud ldan pa'ang tan+t+ra yin/ /gzhung gi dang tshul rang bzhin sogs/ /snod yon ldan pa bslab pa la/ /gnas pa'i dkyil 'khor chen po ru/ /'jug pa bzhi'i yan lag mchog /dang po ched du gnyer bar byed/ /gang de thos pas tshol ba'i tshe/ /rgyu gnyis rkyen gyis bzod thob pas/ /rang bzhin rang gis bzod thob pa/ /res smon sems kyis nyan brtson sbyor/ /gang dag mnyan bsam shes rab tshe/ /nyan cing thos 'dzin bsam pa dang/ /bsam pa'i tshe na stag spyod pa/ /gnyis po 'di dag shes pa'i rgyu/ /mkhan po lung dang man ngag bcas/ /lhan cig byed pa'i rkyen du 'dod/ /rang bzhin bdud dang mtshungs ldan pa/ /cig shes rgyu ru nges pa yin/ /de ltar ldan pas spyan tshol tshe/ /gtan tshigs rnams kyis smal byas te/ /nor pa'i shes rab dmigs gsal nas/ /ma nor dmigs nas blang bar bya/ /gzhi dang gtan tshigs grub pa'i don/ /rnam gsum lnga pa'i bzhi ru gzhag /yang dag rdzogs sangs rgyas ston pa/ /sku lnga 'dul ba'i 'khor rnams la/ /gsung lngas bstan pa de kho na/ /gtan pa phebs shing gzhan byed pa'o/ /de nyid dngos lnga tshul dang tshig /brjod pa lngas mtshon byung ba bzhi/ /de la gtan tshigs dngos lnga yis/ /brda' sprong rjes su 'jug pa bstan pa'ang/ /bsregs bcad brdar ba'i gser bzhin du/ /dngos lngas legs par btags te dbab/ /de yang yongs su brtags bzhi'i/ /dbang po yul dang snang ba kun/ /yul rnams yod pa ma yin te/ /kun gzhi rnam par shes pa nyid/ /dngos po sna tshogs par snang bas/ /'khor dang 'das dngos zhe sdang brtag /'jig rten 'di na ci yod pa'i/ /ming dang mtshan mar 'dzin pa yi/ /log rtog
- 430a
so so rang spyi'i mtshan/ /ji ltar gnas par spyad par bya/ /dngos gnyes zhen dngos dus gsum chos/ /skad cig gcig la kun rdzogs phyir/ /de dngos mthong ba yang dag par/ /rigs bzhi kun kyang de ltar shes// kun brtags shes pa bar mar 'gyur/ /spyi'i yul lus med grib ma bzhin/ /med pas mi btub rang nyid la/ /mi btub mdzub mo bzhin dogs pa/ /gnyen po med pa dag min zhing/ /bar ma'i yul phyir nges tshig 'grub/ /de ltar lnga yis de de la/ /de de'i rang bzhin rtag bya ba'ang/ /rtog dang ldan pa'i mi rnams la/ /dngos po sna tshogs sems gsang sngags/ /des lung yin phyir chos tshur ston/ /brjod dang 'dra bar brda sprod pas/ /ngo bo nyid kyis bshad pa'i phyir/ / ma 'ongs don du gtan tshigs nges/ /yod ni sa gnas mi ldan pa/ /rang bzhin shugs kyis skye med don/ /ma btsal ngang gis snang byed pa/ /brjod med de nyid brjod dang 'dra/ /gang dag gzugs dang rnal 'byor gyis/ /mthong thos la sogs rang bzhin brda'/ /dpa' o brda' dang dgongs pa dang/ /rang gi ting 'dzin gyis brda' sprod/ /dper na sa 'og gser rlangs dang/ /me long nyi ma'i rang bzhin du/ /kun kyang rig phyir rang bzhin drod/ /rang bzhin ngang gis brjod 'drar snang/ /kun kyang brag ca'i sgra bzhin phyir/ /grag stong dbyer med rdo rje gsung/ /sgra thos nyid kyis de nyid du/ /so sor ma brtags 'jal bar byed/ /so so'i skad du brda' sprod ltar/ /tshig sbyangs med pa'i dag lta bu/ / mos spyod grol bzhin brjod pa yis/ /brda sprod yongs su grol bar byed/ /dang po rgyud la tha dad phyir/ /gang mos grol ba yod mod kyang/ /thos bsam sgom pa'i mnyam sbyor zhing/ /rang 'byung kun ngam sgrub byed phyir/ /mi dmigs ngang las dmigs
- 430b
pa'i/ /cho 'phrul tshig gis mtshon par bya/ /gsung lnga thos pa lnga tshul yang/ /rjes su tshig gis mtshon par bya/ /ngo bo snang tshig rang snang tshig /ldem dgongs tshig dang bkri drang rgyud/ /'dod rkyen tshig dang rdo rje tshig /rang rig mngon gsal tshig gis mtshon/ /thams cad gsang sngags ngo bo'i phyir/ /mdza' dbus med pa de bzhin nyid/ /dbyer med ngang du gnas pa la/ /ye shes rtogs pa'i don bya'i phyir/ /phyogs dang dbus su gnas par bya/ /kun la de bzhin sbyor bar gyis/ /yi ge tshig dang sgras spangs pa'i/ /brjod med dang du gnas pa ni/ /gsung nyid rang bzhin med pa yi/ /chos rnams thams cad ye nas dag /thams cad thugs su gyur pas na/ /sgra dang tshig la gnas pa min/ /'das dang ma 'das thams cad kun/ /yang dag shes pas rab brtags nas/ rang bzhin med par cir yang snang/ /snang ba nyid na dbyings yin te/ /de ltar rtogs pa'i ye shes ni/ /kun la dbang sgyur rang dbang can/ /thams cad tshig gi sgra ltar gnas/ /'di ni ye shes gsung mchog yin/ /chos rnams bsam gyis mi khyab ste/ /mdza' dang dbus med kun tu khyab/ /khyab dang khyab med rdo rje sku/ /sgra skad sna tshogs sgrags pa yang/ /dngos po med las dngos po'i sgra/ /ji ltar pi bang lag thogs na/ /sgra ni sna tshogs 'byung 'gyur yang/ /dngos po med de bzhin nyid/ /byang chub sems dpa' i 'khor rnams la/ /de bzhin gsung mchog mi smra ste/ /sku yis chos rnams 'jal bar ston/ /me long bzhin du sku la snang/ /chos rnams ma lus thams cad kun/ /ming dang tshig tu brtags nas ston/ /ji snyed mang po'i don brjod kyang/ /rdo rje'i gsung la spros pa med/ /spros med de nyid sna tshogs pa'i/ /kun la brda 'jal? ye shes gsung/ /sgra dang ming tshig kun las 'das/ /thams cad pad ma chags med pa'o/ /dbang po rnam gnyis bsrungs pa yis/ /mkha' la nyi zla dus
- 431a
gcig 'char/ /mi 'jigs tshul du zil mnan mthong/ /de phyir gtan tshigs las las brjod/ /de lta mod kyang bsdu na gnyis/ /bzhi rjes mi dpyod cig rjes dpyod/ /rnam gnyis tshul gyis mthong bar byed/ /dbang po gnyis dang mthun sbyar ba'o/ /de la snga mas go bya ba'ang/ /sems can ma lus thams cad kun/ /ye nas byang chub snying por gnas/ /de phyir dpyad pa'i bya byed med/ /tshig dang yi ger mi mtshon te/ /sangs rgyas kyis kyang rnyed par dka' rgyal ba'i sras po cang mi gsung/ /ma gsungs pa nyid rgya cher bshad/ /bshad dang nyan pa gnyis ka med/ /dpyod pa zhugs na rtog pa'i gzhi/ /rtog pa zhugs na dmigs pa'i rten/ /dmigs pa zhugs na 'dzin pa'i gzungs/ /'dzin pas zin phyir grol mi 'gyur/ /de bas gser lta gser bzhin du/ /bdag phyir bya byed ma dmigs pas/ /rtog dpyod dmigs 'dzin mi tshal ba/ /de brjod nyid kyis de nyid mthong/ /sus kyang ma bcings bcings med de/ /bcing bar bya ba yod ma yin/ /bcings med rnam par grol med pas/ /grol bar mi 'dod bcings dang bral/ /so sor gang la rtog med pas/ /so sor snang ba kun rtogs phyir/ /so sor rtog pa'i mchog yin te/ /brtags pa med pa'i bla dags yin/ /kha cig phyin mas grol byed pa/ /brjod pa'i dngos po spyod yul la/ /so sor rtog pa gtan tshigs rkyen/ /don dang mthun dang mi mthun pa/ /phyi ma mi mthun mtshon byed ltar/ /chos kun mdza' las 'das pa las/ /mdza' rnams gang yang dor med pas/ /'di ltar 'di'o zhes bstan med/ /rang gi ngo bo bstan par dka' / /'on kyang yin min 'dzin grol phyir/ /mdor na ji ltar brtags bsams bzhin/ /'gyur bas kun gyi ngo bor snang/ /de mtshon ci yang yin pa'i phyir/ /sems chos ci yang ma yin no/ /de phyir ma yin kun yin pas/ /ci yang yin no lhun
- 431b
gyis grub/ /mdza' kun phyogs su mchad phyir/ /mdza' dang bral phyir ma bral ba'o/ /gang yang ma spangs mi ldan pas/ /ma bral phyir na bral zhes bya/ /ngo bos phebs pas rgyas par 'gyur/ /cig shos mthun par ston ba'ang/ /bye brag bsdus pa kun khyab gsum/ /de ltar rnam par bsam yas pa/ /cha tsam brjod pa 'di lta mod/ /chos rnams yongs kyis dag pa yi/ /rnam bzhi'i tshul gyis don rtogs mngon/ /snod bcud rgyud rnams dag rtogs shing/ /mnyam nyid lhag pa'i mnyam nyid kyis/ /dkyil 'khor kun tu bzang po'i zhing/ /rgyu gcig pa dang yig 'bru'i tshul/ /byin gyis brlabs dang mngon sum pa/ /rab tu rtogs pa rnam bzhi yis/ /thams cad mngon rdzogs rgyal po che/ /nyid las dbang sgyur nyid spyod phyir/ /bdag dang gzhan dang rtog pa'i rgyun// rnam dag bla med theg pa'i mchog /'das dang ma 'das thams cad kun/ /yang dag shes pas rab rtags nas/ /rang bzhin med las cir yang snang/ /snang ba nyid na dbyings nyid yin/ /gshegs sku sgyu mar snang ba dang/ /log rtog sgyu mar snang ba gnyis/ /bzhi rtsa med de rang bzhin stong/ /rigs dang rgyud du rtag tu med/ /rigs dang kha dog dbyibs med las/ /phyi nang snod bcud thams cad snang/ /snang ba nyid na chos kyi sku/ /cir yang 'gyur zhing thams cad grub/ /nyon mongs rang dang spyi bstan pa/ /mtshan nyid ma nor don rtogs na/ /rnam par byang ba'i lam du 'gyur/ /de phyir rang spyi'i gtan tshigs zhes/ /mdza' dang dbus med du mar bral/ /gang yang ma yin de bzhin nyid/ /dbyer med pa'i tshul rtogs phyir/ /mdza' dang brul ba'ang de bzhin no/ /'byung ba chen po lnga rnams la/ /rang bzhin med par gzhig bya'i phyir/ /gcig la yang lnga lngar dbye bya zhing/ /mUM gyi dbyings su thim par bya/ /muM nyid smra bsam yul las 'das/ /nam mkha' bzung du med pa ltar/ /snang srid thams
- 432a
cad de dang 'dra/ /rten sa gnyen khrus rten med rlung/ /gsal sreg me ltar shes par bya/ /de bzhin phung po dbang yul lnga/ /nyon mongs kha dog la sogs pa/ /don dang ngo bo cig ma 'dres/ /de phyir de yi mtshon rtogs byed// gtan tshigs gtan tshigs brjod pa rnams/ /bsgrub bya gang yin shes don la/ /nges tshig ngo bo mtshan nyid sogs/ /gang nas 'bebs kyang rgyas par bya'o/ /thams cad 'jigs byed dam tshig dang/ /shes pa'i dam tshig ldan par bya/ /thams cad ma lus don 'byung ba/ /tshig gis mtshon pas gud na med/ /sgra nyid don gyis dngos po med/ /don gnyis sgra las gud na med/ /ming tshig sgra la mi rten par/ /blo'i ting du go bar byos/ /gsum bzhi lus don brjod bya ba/ /sngags mchog bla na med pa yi/ /mtshan ma kun tu ma brtag par/ /mnyam pa'i dang du thams cad shes/ /kun kyang mnyam pa nyid yin pas/ /'jig rten 'das dang 'jig rten pa'i/ /so so'i lta ba brjod mi bya/ /dag cing blang bar bya ba med/ /spyir ni log rtog bsam yas pa/ /ye nas yod pa ma yin te/ /so so'i 'dzin rtog bag chags kyis/ /bzung 'dzin dra bas bsgribs 'gyur te/ /ci yang med las cir yang snang/ /byang chub snying po'i gzhi las gol/ /bden min ma grol bcings pa dang/ /dus dgras 'joms bskus mi rtag dang/ /'phags lam bral dgos brtson rar chud/ /sdug bsngal mi 'jil rgyu phyir 'khrul/ /de bas mnyam nyid ma rtogs pas/ /dug lnga 'jogs spyod rgyud lngar 'khor/ /dge bcu dag la gtsor len cing/ dge dang mi dge mi nyams bas/ /lha dang mi'i skye gnas te/ /mnyam nyid ma rtogs 'dod khams 'khor/ /mnyan pa'i don nyid ma rtogs shing/ /tshad med bzhi dang bsam gtan bzhi/ /rim pas so sor bdag 'dzin cing/ /gzugs rnams
- 432b
kun la bdag du rtogs/ /'di ni tshangs gnas rim par skye/ /mnyam dang gzugs med ma rtogs nas/ /ming bzhi med par ma shes na/ /skye mched bzhi la gnas 'gyur ba/ /srid pa'i rtse mo'i sa ru skye/ /rtag chad gnyi gar blo zhin pa/ /don gyi snying po nyid las gol bar gsungs/ /sa dgu dag pa'i ye shes ni/ /sa dgu ma spangs dang du bcom/ /gnyis med me rtogs thams cad la/ /bden bzhi'i dngos po yod lta zhing/ /spong dang mi spong byed 'gyur na/ /'di ni nyan thos sa pa yin/ /las dang nyon mongs thams cad la/ /mnyam pa'i don du ma shes shing/ /rten 'brel rgyu 'bras yod zin na/ /'di ni rang sangs rgyas kyis/ /mnyam pa'i don nyid mi shes shing/ /kun rdzob don dam gnyis 'byed la/ /chos dang gang zag bdag med na/ /'di ni byang chub sa pa yin/ /bla med theg pa'i nang nas ni/ /don dam du ni dbyer med 'ang/ /kun rdzob tu ni thams cad la/ /dag dang ma dag gnyis kar 'dzin/ /thabs kyi theg pa chen po ni/ /rnam par byang dang sdug bsngal dag /kun rdzob tu yang dbyer med/ lta ba mthon sman de tsam mo/ /thabs kyi lta spyod chen po ni/ /bla med theg pa las 'phags pa/ /don dam du ni skor 'dun no/ /kun rdzob tu ni mnyam rdzogs so/ yang dag skyes mchog dam pa yis/ /don dam kun rdzob dbyer med pa/ /yang dag nyid du rab tu rtogs/ /mnyam pa nyid las ma g.yos bzhin/ /thabs kyi phyag rgya chen por ston/ /thabs dang shes rab rnam par dag /thams cad dag cas bya ba'ang/ /dngos po gsal dag ma yin te/ /snang spyod nyid na rnam par dag /de phyir kun rdzob brdzun mi lta/ gnyis med mnyam pa ma shes pas/ /don dam dag pa chos nyid tsam/ /ye shes bzhi yon kun rdzob ltar/ /re bsgom bya ba las kyi sa/ /lhun grub mnyam pa ma mthong bas/ /chos sku rnam dag ye shes dkyi/ /byin brlabs rdo rje dbyings sprul
- 433a
pas/ /blang dor byed pa rnal 'byor sa/ /de ltar mngon rtags dmigs phye na/ /ma nor don gyis grub mdza' ni/ /theg pa mthon dman thams cad dang/ /'jig rten lta ba thams cad kun/ /ye shes chen por rab rtags nas rang bzhin med las cir yang 'grub/ /rang bzhin nyid la mnyam pa med/ /mnyam pa'i don nyid ji lta bu/ /mnyam nyid rang bzhin gang yang min/ /kun yin ngo bo 'di 'drar med/ /mnyam dang rtogs pa gang yang med/ /byang chub sems zhes brjod pa ni/ /gang nas ma 'ongs gar mi 'gre /rtog med rang rig kho na tsam/ /sangs rgyas sems can sems la gnas/ /byang chub sems rnams thams cad ni/ /shin tu brtag dka' gting zab pas/ /ma dmigs mi dmigs dmigs? su med// sems nyid de nyid ji lta bu/ /byang chub de ni sems yin no/ /sems dang byang chub dbyer med pas/ /sems can ma lus thams cad dang/ /dus gsum chos rnams thams cad yin/ /yod las btsal ni sgros brtags te/ /spro btags brgya? du ltung bar 'gyur/ /med las btsal na bkur btab ste/ /bskur ba bcu'i gnas su ltung/ /yod med gnyis las btsal byas nas/ /de snyed lung du ma bstan 'gyur/ /de phyir nam mkha' yod med ces/ /blun po gang zhig rtog par med// mkhas pas nam mkha' i rang bzhin la/ /med par mi 'dzin yod ma ni 'dzin/ /sems nyid yod med kun ngo bo/ /sgra tsam brjod rung don nyid kyi/ /ngo bo 'di zhes bstan dka' la/ /yod dang med ces ci byar yod/ /sems nyid ye nas sangs rgyas la/ /de min lta ba zlog pa'i phyir/ /gnyis med mnyam dang sangs rgyas dang/ /bdag nyid lhun grub chos dbyings dag /byang chub chos nyid stong bsam 'das/ /de bzhin nyid dang skye 'gag med/ /mdza' bral 'das dang grol
- 433b
sogs su/ /bla dags tsam du brjod pa yin/ /de nas tshig dngos tshig lam chad/ /sems nyid kun rang bzhin la/ /de dag sgra brjod skad ci dgos/ /brten rtag dka' bar rgyal bas gsungs/ /ma chags pad+ma 'dra ba'i/ /ye shes can gyi spyod yul te/ /kun dang thun mong de ma yin/ /de bzhin gshegs pa'i spyod yul te/ /skyes bu blo rtsal rab kyis rtogs/ /de phyir blo can rnams kyis btson/ /shes pa'i mtshan nyid dngos mi grangs/ /ngo bo rim pas phye ba yin/ /snga ma kha cig mngon sum la/ /drug gam brgyad gnyis gnas gyur phyir/ /shes rab dbang drug tshul nas brjod/ /nges par ma nor mthong ba yang/ /ye shes lnga ru gsal ba'i phyir/ /brgyad kyi ngo bo de nyid de/ /lnga dmigs byed pa med pa'i phyir/ /de bas yul med par gsal ba'o/ /dbyings dang rig pa gnyis med par/ /de bzhin nyid du rdo rje rigs/ /gzung 'dzin bral ba'i rang rig nyid/ /dmigs med tshul du der snang ngo/ /yangs shing rgya che lhun grub ni/ /phyi nang snod bcud ye nas dag/ dag rtogs nyid kyang dbyings nyid yin/ /'di ni rdo rje mnyam nyid yin/ /shes dang spyod yul gnyis med pas/ /thams cad ma lus cig pa'i dang/ /ma 'dres yongs rdzogs gsal stong gzugs/ /lta dang lta bar bya med par/ /phyogs bcu'i zhing khams thams cad mthong/ /gang duAng ma mthong spyan gyi mchog/ khyab gsal rang bzhin go ba'i sgra/ /thos pa med pa thos pa'i phul/ /dang bas tshim byed chos kyi dri/ /snom byed med par tshor ba'i shangs/ /don bcud nyams su myong ba'i ro/ /myong ba'i bya byed med nyid myong/ /yang dag don pa reg pa nyid/ /reg pa kun dngos reg la dang/ /chos khams sna tshogs kun mkhyen pa/ /rang rig rgyal po rang snang ba'o/ /de bas bdag 'dzin rang gsal la/ /bdag bcas bdag dang bral ba'i yid/ /don dang
- 434a
sems can rtog med gsal/ /rang 'byung ye shes thams cad mkhyen/ /yang ni rim pa don grags brjod/ /don dam kun rdzob gnyis med mthong/ /dngos byas rim par rtogs goms rim/ /rnam bzhi lam dang sgo bzhi dang/ /bsnyan bsgrubs lam grangs nyams g.yo thob/ /goms bstan mdza' ru phyin par 'phar/ /mnyam pa'i dang las mi skrag pas/ /mngon byas nges pa'i shes rab dang/ /rnam pa kun ldan stong chen mthong/ /rang rig snying rje ye shes gzigs phyag rgya cig sku 'bras bu lta/ /thams cad gsal ba'i lta ba dang/ /bar chad med pa'i tshogs chen mthong/ /dbang sgyur mnyam nyid mi g.yo ba/ /ye shes kun mkhyen lta bu dgu/ thos bsam so sor rtogs sgoms dang/ /rnal 'byor rim pa'i rgyud las skyes/ /de bas shes rab gsum la 'bod/ /rgyud don gzungs kyis zin pa ni/ /dam tshig dam tshig ces bya ba/ /rang gi lta ba dam tshig yin/ /sdom pa rnam pa bcu gsum dang/ /spyi'i dam tshig mdza' yas pa/ /thig le chen po dang du gsal/ /ji ltar spyad kyang sdom mi 'da' / /spyod pa rnam pa gnyis po yang/ /thig le chen po'i dang du nges/ /ci la yang mi gnas kun la spyod/ /spyod pa byed dang spyod med mthong/ /bya byed med pa'i tshul gyis su/ / kun la thogs pa med par spyad/ /bzhi'i las dang cig po'ang/ /thig le chen po'i du gsal/ /mchod pa'i rgyan dang log spyod kun/ /reg pa byang chub sems chen po/ /cho 'phrul chen po'i dang du 'dus/ /phul ba med pa thams cad mnyes/ /gzhal yas khang dang dkyil 'khor dang/ /khre tshogs 'du 'phro mang po yang/ /sems kyi cho 'phrul chen po yin/ /de ba rnam 'dun ring ba'i dang/ /chos rnams ma lus thams cad kun/ /rang bzhin
- 434b
dang gis dag nyid phyir/ /dbang lnga ma brtsal lhun gyis rdzogs/ /bco brgyad rang rig cho 'phrul snang/ /e ma'o ma sgrubs sgrub chen po/ /grub chen po ye shes che/ /don du gnyer ba'i rnam grangs kun/ /rang rig byang chub sems chen po/ /ting 'dzin lta ba'i bye brag kun/ /rang rig snang phyir chu bur dang/ /nam mkha' lta bu'i rang bzhin pas/ /rang rig ye shes nyid las min/ /sngags dang phyag rgya sems nyid phyir/ /brag ca chu zla 'dra shes na/ /'chid brjod las nyid mya ngan 'das/ /de bas bya byed mnyam nyid rtogs/ /lta ba lta ba gtsor brjod mod/ /don du shes rab kun mnyam nyid/ /ded dpon rin chen ji bzhin du/ /'dod mdza' bye brag 'dir shes dgos/ /shes rab rtogs pa gnyer chub che/ /bdag dang gzhan phyir bya ba rnams/ /shes pa'i gzhi las kun kyang spyod/ /thos bsams bcu spyod chen du gnyer/ /'di yang rgyal pos sa khams dang/ /stobs can rtsal gyi drag zhan dang/ /mkha' yul che chung ji lta bar/ /gzhi cig stobs kyi khyad par 'gyur/ /ye nas dbyings su cig pa na/ / de la na dang bdag ma rtog /rang bzhin rnam par dag pa la/ /btsad dang rtse ba'i blo ma byed/ /thams cad bde gshegs snying po bas/ /rkyen gyi rdul gyis gang la 'go /shes rab mchog gis de ltar rtogs/ /ma lus kun 'dus dbyings shes byos/ /de bas shes par bya ba rnams/ /dam tshig sdom pa'i ngo bor byed/ /bdag dang gzhan phyir gtsor byed cing/ /dang po'i sdom pas kun kyang slob/ /shes rab chen po'i sbyin sreg gis/ /srid gsum sreg pa'i me yin te/ /yid kyis ye shes ma ru 'bar/ /raM tu kun kyang chos nyid dang bu spral/ /gdod mthar lam gnyer spros pa gcod/ /grub pa bsgrod dang 'jug pa'ang/ /bdag gzhan chos phyir dam bcas pas/ /bdag nyid la'ang gzhan don rdzogs/ /de bas byis par mi mtshungs te//
- 435a
kun lam skabs las shes par bya'o/ /gang zhig 'di 'drar mthong rtogs pa/ /dngos grub mchog gi snying po ste/ /chu srin phyag rgya de bzhin du/ /dang po don rtogs mdza' mi gtong/ /spyod yul kun tu tshad dpag med/ / kun nas nyon mongs spyod pa'ang grol/ /thun mong lam gnyis de bzhin bas/ /rnam smin gnyis med tshogs gnyis rdzogs/ /gang gis de ltar rtogs gyur pa/ /sgro skur mdza' gsum las grol te/ /'jug pa'i don rnams 'byin par byed/ /de bas bdag gzhan chos don rdzogs/ /rgya che zab yangs shes rab myur/ /zab pa'i don rtogs mi ldog pa de/ /nga dang bdag med spangs pa bde/ /brtsen pas rtogs pa lhur byed na/ /dbang thob bde ba dag mthong zhing/ /rtsa ba'i drod las yan lag kun/ /shugs kyis 'byung bar the tshom med/ /de las mtshan ma byung ba ni/ /stobs kyis rtogs pa'i rlung ldan la/ /'pho 'gyur mthong la 'jigs med cing/ /'khrul pa'i khams la skyo ba med/ /grub pa'i gnas la mi smon te/ /'dod pa'i longs spyod mnyam par sbyor/ /sdug bsngal nyon mongs bzod chen te/ /las rnams gang lta khur mi lta/ /tan ta'i khungs dang 'gal med spyod/ /tha mal sbyed pas lhag par 'gyur/ /spyod pa rgyun gyi tshogs gnyis rdzogs/ /mdo ldos tha dad brjod mi lang rgya mtsho dang pa'i gzugs brnyan ltar/ /sgra rten yid la byed min par/ /rang rig mngon sum dmigs bral bas/ /rang gsal gsum bral mi bskul bas/ /nges par rded? du gang byas pas/ /thos bsam rten pa'i lta mthar phyin/ /'on kyang sa dang sa'i rim ?/ /dbang po dang? pa'i spyod yul la/ /nye ring drung bzhin stobs 'phel bas/ /rgyu rkyen gong 'og 'bras bur 'brel/ /gsal ba'i bye brag rim par 'gro /de chas skabs ming brjod dngos cig /gong gi don ltar ma rtogs
- 435b
pa'i/ /blo ngan mnyam par khungs phyung nas/ /ma gtogs le lo snyoms las byas/ /don ma grub par ngan song 'gro/ sems kyis mnyam pa ma rtogs na/ /tshig gi mnyam pas sangs mi rgya/ /de bas don tshig ldan par byos/ /'on tang the tshom med par 'grub/ /spyan bzangs lam zhugs ji bzhin phyir/ /lam kun zag cing 'chid pa'i rgyu/ /don du mi 'gyur phyir na klag /de bas don las 'grus par gyis/ /de ltar don mthong gang dang gang zhig gis/ /gzhan du mi bsam de la 'dris par byas/ /skyed bu dam pa mchog 'dod pas/ /de la rtags 'grub gsal bar gyis/ /lam she lam du 'jug bzhin phyir/ /'jug pa rnams dang rgyu 'bras tshul/ /rang gnas mthong ba'i le'u ste/ gnyis pa'o// //bdag nyid dang chen rtog pas mos/ /rdo rje goms byed bshad pas na/ /snga ma snga ma gang dang gang/ /phyi ma phyi ma'i thabs dang rgyu/ /de bzhin phyi ma phyi ma gang/ /snga ma snga ma las 'byung 'bras/ /de ltar rgyu 'bras thabs 'bral pa/ /srid pa'i 'khor lo tshul bzhin du/ /dbang po brtson 'grus bzang ngan gyis/ /rnam par 'byed pa'i lus bstan pa/ /srid pa rdzogs pa'i smin chul gyis/ /lhag par rnged? ldan skyes bu yis/ /bsgom pa rnam bzhi zung ldan par/ /gdon ma nyid nas goms par byed/ /thig le chen po'i rang bzhin la/ /bsgom pa rnam gsum dus cig rdzogs/ /de ni de bzhin nyid kyi dbyings/ /de ni kun tu snang gi dang/ /de ni rgyu'i rim par ldan/ /tshogs brgyad ye shes lngar rtogs pa/ /ting nge 'dzin gyis dbang sgyur nas/ /ye shes lnga ru gsal ba nyid// thugs kyi phyag rgya chen po'o/ /mnyam la mnyam par sbyor ba yi/ /mnyam pa'i dam tshig la gnas na/ /mnyan rdzogs chen po thob 'gyur bas/ /'das na sangs rgyas ma yin no/ /yang na dam tshig 'di lta bu/ /ji ltar spyad kyang sdom mi 'da' / /
- 436a
byed spyod tshogs chen gnyis su 'gyur/ /'gro dang 'dug dang nyal ba dang/ /ma nyams de'i dbyings na gnas/ /shes rab mchog gi rtag tu sbyang/ /dbyings nyid la ni mi spyod phyir/ /dbyings nyid mchog gi gnas la spyod/ de nyid mi gnas mya ngan 'das/ /rtogs pa'i ye shes yid bzhin gter/ /thams cad la'ang me long bzhin/ /ltas kyang gzugs brnyan mi snang ngo/ /shes rgyud ci yin gang gis ngo shes shing/ /bya byed 'phags kyis 'dug byed pa/ / gang zhig slong la spyod pa byang chub thob/ /rnam par dag pa'i g.yung drung sangs rgyas la/ /thams cad ye nas mnyam par rnam dag cing/ /mi rtogs le gnas la rtog par mdzad/ /bsnyan du med pas sna tshogs 'byung ba yin/ /bdag med bdag chen thams cad 'byung ba'i gter/ /ma bkag pa las rgyu zhing 'byung med pa'i/ /rnam rtog nyid na ye shes rang bzhin te/ /rnam gsum snang ba rang bzhin stong nyid pas/ /rnam rtog mi skye ye shes brjod du med/ /thams cad sems kyi ngang ste sems zhes gdags su med/ /ma bcos lhun gnas ye shes byang chub cing/ /thob rgyu med pas ye nas bde gshegs yin/ /nam mkhar bzung bas sprin gyis khebs par 'gyur/ /nam mkha' med par gang gis shes pa ni/ / sbyin dag 'byung zhing khebs pas mi srid bzhin/ /bsgoms pa'i sems kyang de ltar lta bar bya/ /ma bcos lhun mnyam ji bzhin dang bzhag dang/ /rgyu 'bras lhun gyis grub pa'i dkyil 'khor 'byung/ /de bzhin nyid la gnas byas na nyon mongs sdug bsngal mi 'gyur ste/ /rtag tu bde gnas byang chub nyid/ /mtshan dang dpe byad kun dang ldan/ /srid pa'i rims par smin tshul gyis/ /'jug pa'i yan lag lnga ru bzhag /gang dag dngos kun rang rig phyir/ /shi
- 436b
ba don dam bden pa ste/ /skye ba bar ma kun rdzob yin/ /skye ba'i rim gsum gnyis med do/ /dang po lam la rten byed pas/ /de bzhin nyid du goms par bya/ /sngon dgos thabs dang ngo bo dang/ /mi mthun bcos nyams spyod dam tshig /drod rtags mtshan yon 'da' ka ma/ /rang gi 'bras bu rdzogs par 'gyur/ /skyes bu seng ge bzhin rgyu bas/ /sngon du ri mo rim par rdzogs/ /ston pa mchod brtson rtogs pa gsal/ /dam tshig ting 'dzin shes rab dang/ /byang chub sems dang snying rje lnga/ /lhag pa'i yo byad lnga rdzogs bya/ /de nas me'i sems ldan pas/ /gnas drug thar par dgod dam bca' / /tshangs pa'i gnas bzhi sngon song bas/ /yid 'ong skyon med sa rtsal bslang/ /ran byas byi dor ldan byas bsrung/ /pi par stan dang ldan par bya/ /bar chad gsal zhing lam rdzogs phyir/ /tshogs dang sbyin sreg dbung tshogs 'bad/ /phyi nang 'brel chags thams cad kun/ /gzhan phyir dus rgyun sems kyis dor/ /khams dang ting 'dzin rkyen bsdus la/ /bar chad bsrung ba mngon rdzogs nas/ /longs spyod rig ma'ang ldan par bya/ /'tshe ba bzlog pa'ang nyer rdzogs nas/ /thun mong spyi'i mngon rdzogs nas/ /mchod rten nye ba'i gzugs brnyan bzhugs yan lag brgyad pa'i tshul bzung la/ /yongs 'gyur thim byas rjes la 'jug /dag pa rnam gsum ma nor zhing/ /rang rig rgyal po goms pa yis/ /byang chub mchog 'di rnyed par 'gyur/ /de phyir mthong rjes de bzhin nyid/ / snying rje 'byung ba'i bzhi ru gzhag /go rims 'byung ba'ang de bzhin nges/ /gang zag skal ldan cung sman pas/ /gzhan sel phyir dang don gnyer phyir/ /'jug pa'ang snga ma gnyis don du/ /ma rig 'khrul pa'i 'dam dbyings su
- 437a
ye shes sgron ma'i mnga' 'das nas/ /gti mug mun pa rnams gsal te/ /rang bzhin 'od gsal bde ba'i mchog /mdor na sgrib tshogs mun snang tshul/ /chos dbyings mkha' dkyil yangs pa la/ / shes rab myur du don 'gro ba'ang/ /'gro med 'od med mi gnas pa/ /byang chub sems mchog a rab bde/ /mun snang bdud rtsi tshul bzhin du/ /rtog pa'i dbang sgyur ting 'dzin yin/ /don du gnyer ba gang dag kun/ /ting 'dzin 'di yis byed par 'gyur/ /gal te rnal 'byor 'di min na/ /rgya mtsho gting gi pha bong ltar/ /bskal par lam la btsal byas kyang/ /don med snying po skams pa yin/ /de phyir lhag ma cha bsnyams pa'i/ /bde ldan brod pas chos bdun tshul/ /ldan byas rje btsun snang tshul bzhin/ /'dzin rtsol med pa'i sems kyis 'dug /de'ang gdams ngag shes rab kyis/ /stobs kyis bzhag pas goms par byed/ /sngon brjod bu des dben pa'i sar/ /rin chen lhab lhub longs spyod kyis/ /mnyes byas slob buAng 'phang du bzhag /bgegs skras dbu bas chu bur gtim/ /dngos grub myur du 'grub 'dod na/ /shin tu mi dmigs dbyings sgoms pas/ /phyi ma'ang spyi lugs mthong rjes gzhag /bdag dang bdag gi gzhan rnams ni/ /shin tu mi dmigs dbyings su sgom/ /rang rig nyid la gnas pa'i/ /sus kyang ma byas rang 'byung ste/ /thams cad de bzhin nyid du sbyor/ /gnyis med dbyings kyi ngang du sbyor/ /rang 'byung ye shes dkyil 'khor gyis/ /ma lus de bzhin nyid du sdud/ /sdud dang mi sdud gnyis ka med/ /yang dag kho na nyid du'o/ /bsgom bya sgom byed ma skyes na/ /chos nyid sgom par bya ba'ang med/ /don
- 437b
dam sgom par byar med pas/ /gang la'ang mi 'jug zhugs pa'i mchog /bsam bya bsam par mi bya ste/ /mi bsam par yang mi bsam na/ /gang la rnam par mi sems pa/ /de ni rang rig mnyam yin no/ /byang chub sems kyi de bzhin nyid/ /shin tu mi dmigs brtag dka' ba/ /yangs la rgya che gting zab pas/ /shes rab zab pas rtogs 'gyur te/ /gang nas ma 'ongs gar mi 'gro/ 'gro dang 'ong bar bya ba min/ /shin tu rtag dka' mi dmigs pas/ /mdza' dang dbus kyang rtag tu med/ /gzung 'dzin bral ba'i rang rig nyid/ /dmigs med tshul du der snang ngo/ /dbyings dang dbyings kyi ye shes kyang/ /rang rig kho na tsam du zad/ /gang zhig dmigs nas 'jug pa ni/ /de srid 'jig rten rgyang 'phan pa/ /'jug med sangs rgyas yin par ni/ /dbang po nyid dang kun gyis gsungs/ /nges par bsam zhing dmigs yod na/ /phra rab 'then thag 'jud lta bus/ /de bzhin nyid 'di mi mthong ste/ /then thag 'jug sa mkha' bzhin no/ /rnal 'byor mnyam pa de bzhin nyid/ /ngo bo bzhin du drangs 'jug cing/ /nges tshig rnam pa 'byung ba yin/ /de bas kun la 'byor par gyis/ /chen po sman pas mdza' gsal ba'i/ /ma skyes de bzhin nyid stong pa/ / sdong stod stong pa'i tha snyad bral/ /spros pa brgyad bral 'dod ma yin/ /gang gis rang sems mdza' dri ma/ /med pa de bzhin dag pa nyid/ /rnal 'byor mtshan med de bzhin nyid/ /gnyis med lhun mnyam de bzhin nyid/ /grangs bzhi'i rim pa tha ma nyid/ /byin brlabs yon tan ngo bos brlab/ /bla ma'ang skabs mi mnyam nyid dang/ /lhun grub mdza' bral tha snyad med/ /stong chen ma skyes chos dbyings sogs/ /yon tan cha re brjod par zad/ /re re'ang skabs
- 438a
kyi ngo bo dang/ /ming don nges tshig brjod pa dang/ /gtan tshigs yan lag du ldan pa/ /rnam gsum 'phrugs par 'byung ba yin/ /lhag pa'i don mchog gang yin pa/ /dngos rnams nyid na dngos med pas rtog pa'i smra bsam yul las 'das/ /de bzhin nyid dbyings ye shes te/ /de nyid rang gsal mi g.yo ba/ /zhi gnas lhag mthong zung du 'brel/ /thabs dang shes rab dbyings nyid de/ /dbyings la dbyings ni rnam par sbyor/ / shes rab dbyings nyid sbyor ba yis/ /byang chub rdo rje thig le yin/ /de yang so sor rtog sgom dang/ /mi dmigs shin tu mi dmigs dang/ /rjes su mi dmigs rim pa yis/ /mi gnas mi rtog rlob sems med/ / rang bzhin ngang gis bdag med pas/ /bya byed gnyis ka mi dmigs phyir/ /mkha' ltar 'du byed kun bral ba/ /bsam med 'dug la sgom zhes brjod/ /'du shes gang duAng ma zhugs na/ /'dod chags med par 'du 'bral med/ /de ltar de ltar mnyam 'jog tshe/ /gnas dang spyod lam sgrib pa rnams/ /nor par zin na mi phrog par/ /bya phyir mdo tsam brjod par bya/ /dmigs pa rjed dang bying rgod drug /rtsol dang mi rtsol byed pa dang/ /dogs pa log pa bcu gcig dang/ /thun mong bdun de bco brgyad do/ /de bzhin g.yeng ba rnam drug ste/ /ngo bos g.yeng ba rnam shes lnga/ /phyi rol yul lngar 'pho bas g.yeng/ /bying rgod ro myong nang yin te/ /gzhan phyir dge spyod mtshan ma'o/ /snyoms 'jug gzhan nam theg pa gzhan/ /de'i lugs la sems 'phro yin/ /nga'o snyam pas snyoms 'jug pa/ /gnas ngan len par the tshom med/ /dran 'byung
- 438b
rjes su 'brang ba dang/ /'gog dang ther zug phyal pa dang/ /ched du gsum 'chos yod la byed/ /myong dang 'du shes gnas dmigs dang/ /sdud dang mngon byed re ba dang/ /sgrib pa lnga bcu rtsa yan lag /'jig rten dang po bsam gtan bzhi/ /snyoms 'jug bzhir gol sa dgu ste/ /ther zug chad pa'i phyin ci log /bya ba mang la 'byung skyen zhing/ /ngang thung 'khrug dang du bshad thos/ /'khor zhing kha dog mthong ba dang/ /khams las gyur pa'i cha yang shes/ / de yis 'gro nyal 'dug sdod dang/ /longs spyod tshe na'ang rnal 'byor bral/ /'u tshe dur kun nya slar gnyid/ /skam chags tshong sems spre spyod rkyen/ /de ltar shes pa'i rnal 'byor pas/ /spong ba'i 'du byed brgyad ston pa'am/ /so sor cung zad blta bya 'am/ yang na rang 'byung rang zhir bya/ /ji ltar byis pa shes ma phye/ /bya byed mang por g.yeng bar gnas/ /bya byed mang pos bdag med pas/ /ting nge 'dzin gyis dbang sgyur nas/ /mtshan ma mnyam pa'i dbyings su gnas/ /dgag dang bsgrub pa gang la yin/ /cung zad khams kyi cha nyams pa/ /mi gsal mthong dang mi 'jug rtsogs/ /zin nas spyod lam dga' rten dang/ /mthun pa'i cho gas gso bar bya/ /spyod lam rnal du ma sbyor bas/ / so mthas chod na dor bya zhing/ /dran pa'i thag pas bsdam bya ste/ /rnam pa kun tu mi nyams bya'o/ /de ltar nod rtson yun ring bar/ /gnas pa'i gdon mthar 'phel ba 'am/ /g.yo thob goms bstan mthar phyin pa/ /mu lngas yongs su rdzogs par 'gyur/ /gang zag gzar bo'i chu gnas tshe/ /kun rtags goms pa'i rdza mkhan gyis/ /mi sdod 'gro bas skyo bar byed/ /de tshe mgo la me 'bar bzhin/ /cung zad yod la de dag nyung/ /de tshe dal bus 'byung 'jug srid/ /
- 439a
de goms ched du byed sogs dang/ /btang snyoms dang po blang par bya/ /ngo bo lta bur mi sgul par/ /thun kyang nus na sun mi bya/ /ro myong dor bas de mthar phyin/ /shugs snang mthong la dga' brod med/ /gnyis pa bar 'ga' 'chor thob la/ /khams dang tshor ba rgyu rtags dor/ /shin tu yun rings brtson pa yis/ /gong nas gong du 'phel bar 'gyur/ /bdag dang gzhan phyir bya ba kun/ /slob g.yo nas bzung rlnga'i bar/ /rnam par rtog med tshul gyis ni/ /thams cad kun la chags med rol/ /spyod dgu dor ba'i cig cha yang/ /mi dmigs mthun pas spyod ces bya/ /'gro 'ong med las dgro dang 'ong/ /'gro 'ong nyid na 'gro 'ong med/ /gnas pa med las thams cad gnas// gnas pa nyid na gnas pa med/ /longs spyod med las thams cad spyod/ /spyod pa nyid na spyod pa med/ /nyams pa med spyod chags mi bya/ /mi 'gog mi zin tshogs gnyis ldan/ /bdag phyir kun la mi dmigs pa/ /rnal 'byor myur thob the tshom med/ /'gro nyal 'dug sdod longs spyod tshe/ /de ltar spyod pas chos nyid du/ /byin brlabs sgrol ba cig shos te/ /gang yang gzhan phyir sems la rdzogs/ /gzhung las grags pa'i spyod pa rnams/ skye bo kun gyis spyad gsungs pas/ /mos slob ci rmos rkyen mthong na/ /de dag shes goms bzhi las spyod/ /shes 'jug kun kyang gzhan don du/ /las bzhi spyod cing bsgrub dbang che/ /lam kun skad cig chas sgoms nas/ spyod pa'i 'khor lo mos sgom zhing/ /rang bzhin phab rdzogs mched mnyen nas/ /nus pa'i byin ldan rdzogs par byed/ /de tshe sdom pa thams cad kun/ /mos slob mi stong srung mod kyang/ /khyad par ting 'dzin dam tshig ldan/ /
- 439b
dam tshig dam tshig ces bya ba/ /logs na yod pa ma yin te/ /rang gi rta ba dam tshig yin/ /mi gtong phyir na dam zhes bya/ /sngar ldan de'ang 'dir goms byed/ /de bas rang sems rtogs byas te/ /le lo g.yeng ba yongs spangs la/ / nga dang bdag med mnyam par bsrung/ /de bzhin nyid las 'da' mi byed/ /de bzhin nyid ldan dam pa de/ /de las 'das na tshig par 'gyur/ /snga ma snga mar rdzogs byas pa/ /gong ma gong ma rgyud ldan pas/ /yongs su 'phar gyi sngon spyod min/ /'phar bas spyod kun mngon du sgyu/ /de bas so so'i lta bzhi las/ /spyod sogs nam mkha' i yul 'dra'o/ /zhing khams dbang po sa khams bzhin/ /stobs ni stobs ldan rtsal bsgyid 'dra'o/ /de lcar bya byed med srings na/ /lus ngag sems la drod 'byung ste/ /bzod pa 'phra mo thob pa dang/ /'gyu pa'i dbugs la dbang thob dang/ /don la snal du 'phebs pa ni/ /nges par drod gsum thob pa'o/ /gzhan du rdul phran phyi rol dang/ /zla tshes la sogs mtshan ma mthong/ /rig pa rlungs su 'bab pa dang/ /'dod pa'i yul la mi 'gro zhing/ /'phro 'gyur dag la ming ba/ /phyi nang chags yul zhen pa chung/ /snga bas spags pa nyams su 'byung/ /gzhan yul thugs sems phrogs pa dang/ /chos brgyad mnyam rtsogs phal cher 'byung/ /de yang dbye thob stan rims kyis/ /kun tu 'khor bar 'byung ba yin/ /gul ljong smin pa'i rigs de la/ /pha mas khyim thab ltas bstan nas// phrod? pas bsu zhing zang zing dag /don du gnyer la brtson bar byed/ /de bzhin rnal 'byor sde tshol ba/ /drod rtags mthong ba'i brong tshul gyi/ /shin tu lam la brtson byed 'gyur/ /de phyir 'di dag rjes su bstan/ /phyi ma bar
- 440a
lam gyi stobs cha las/ /rtags sngon rdzu 'phrul snang bar 'gyur/ /de ba snga ma phyi nang ste/ /phyi rol zad par skye mchog sngos/ /mthong dang padmo 'od sogs mthong/ /nang du bzod thob bye brag dang/ /chu lnga rgyun las bags kyis bcad/ /mi grogs myo krag dgar brod med/ /shugs snang brgyad po mthong ba 'byung/ /bco brgyad bdud yul cha yang 'byung/ /mngon par shes pa rnam pa drug /las kyi zag pa yod med pa/ /sngon la dmigs pa'i mngon shes dang/ / yongs su rdzogs pa'i mngon shes dang/ /bar chad med ba'i mngon shes so/ /dmigs pa 'gag dang 'phel ba dang/ /nyi shu lnga sogs yul khams mthong/ /gling grangs mthong thos rim bas phye/ /phyi ma stong gsum brgya yul dang/ /stong gsum stong sogs yul 'gyur sogs/ /stong gsum stong phrag bcu rdul snyed/ /grangs med brgya stong phrag bcu'i rdul/ /de snyed yul 'gyur rgyal ba dang/ /mnyam pas phye bas lam rdzogs yin/ /de bas rgyu'i sems dpa' dang/ /skal mnyam phyir na brjod pa'i tshul/ /shes pa'i khyad par dgongs pa yi/ /bzhi yis phye bas rgyu 'bres nges/ /'di tshe rdzu 'phrul rjes brtan dang/ /chos snang kun brjod cig car la/ /rdzogs kyi 'di tshe 'byung ba'i rgyu/ /nyams thar bzhi char 'byung srid do/ /rnal 'byor rnams la rmi lam yang/ /gcer bur 'byung zhing dri ma dag /byang chub chen po'i mchod rten mthong/ /dam pa mthong dang dam pa yis/ /sras dang spun dgongs byin brlob phyir/ /rmi lam mtshan mar bla ma mgon/ /snang bas dbang bskur byin rlob sogs/ /lam du 'jug pa lnga byed cing/ /bar chad legs nyes rtson lung ston/ /de'ang bdud dang cha dbye ste/ /byin rlob lung ston ltar snang ba/ /'byung bas nyes byed bdud 'byung phyir/ /
- 440b
bdud dang cha btags kun tu ces/ /bar chad gsal phyir de dag kun/ /bla ma nyid las gzhan du min/ /de bzhin nyid du mthong goms na/ /dge dang mi dge gnyis su med/ /rnam rtog mtshan ma yongs mi 'dzin/ /rang bzhin ye nas 'od gsal ba'i/ /dge sdig med par shin tu bde/ /bde dang mi bde gnyis su med/ /ye shes chags med rnam par dag /thams cad dbyer med ye shes yin/ /sems nyid dad bas a rab bde/ /longs spyod lnga ldan thams cad la/ /gtsang dang rme ba'i blo ma 'dzin// thams cad chos nyid ro gcig pas/ /gnyis su med par shin tu bde/ /shes rab che chung ting 'dzin gyis/ /thams cad ma nor gzhung lugs bzhin/ /'khor ba ma spangs sdug bsngal med/ /gnyis med tshim pas a rab bde/ /thams cad ma lus cig pa'i ngang/ /lta dang lta ba gnyis ka med/ /ye shes sgron ma sbreng ba ni/ /phyogs bcu zhing khams thams cad mthong/ /'di dag pha rol gnyis med phyir/ /'gro dang 'ong bar bya ba min/ /yan lag stobs chen ma mchongs par// phyogs bcu'i stong khams thams cad gnan/ /'di tshe spyod yul 'gyur mthong na/ /g.yeng gsal stong nyid dang la 'dug /dran pas las kyi rgyun bcad de/ /'dod khams lha mi theg chen sbyor/ /yang na gsang ba'i gser sgrom du/ /mtshon gang 'od dang zla ba'i hUM/ /ring po brtsegs pa mig thob nas/ /rlung gi 'phro 'dus 'od brdal 'dug /snang stong dbyer med rnal 'byor mthu/ /mngon byas lhag pa'i chos skur sbyor/ /'bras bu nyid la lam phyir te/ /phyogs mthun brjod kyi ris ma yin/ /stong pa chen po'i rnal 'byor bstan pa'i le'u ste/ gsum pa'o// //chos kyi sku la phyag 'tshal te/ /snying rje chen po'i rnal 'byor bshad/ /rjes su mthun pa lus nyid kyis/ /yan lag
- 441a
sge nas shes par gyis/ /sngon du stong goms rnal 'byor pas/ /khams gsum thugs rjes bzung ba'i phyir/ /yan lag brgyad sngon bzhin byas nas/ /ye shes sgyu ma'i snying rje sgoms/ /bdag nyid dri ma gsal ba dang/ /stong pa'i mdud pa gshig pa dang/ /gdul bya sa la dgod pa dang/ /phyag rgya cig pa'i sgyur bya zhing/ /rnal 'byor 'di nyid gnyer ba dang/ /bden pa gnyis su mi stong phyir/ /rnal 'byor 'di la gnas byas te/ /'jug ba'i thun mtshams dus kyis bya'o/ /gang gis khams gsum 'das pa'i chos/ /thugs rje chen po'i ye shes su/ /mthong thos myong reg tshor ba'ang/ /so sor brtag rgyu 'am rjes la thob/ /de yis ma lus chos so cog /snying po yod pa ma yin te/ /sgyu ma mig g.yor sprul pa dang/ /mig rgyu 'ja' tshon chu zla bzhin/ /bdag dang 'gro ba ngo bo gcig /gsal dang rtags pas tha dad phyir/ /cig dang tha dad gnyis med pas/ / bya med bya ba 'gog med par/ /mthong ba ma shor tsam du bya/ /rjes sam rtog spyod sngon 'gro bya/ /de bas gnyis goms sgyu goms pas/ /dran pa'i spyi blugs ye shes gsal/ /sngon du btang ba gang yang med/ /nam mkha' nam mkha' ji bzhin du/ /lus ngag sems dang chos thams cad/ /gang na'ang mi gnas mi dmigs pa/ /dmig g.yor tshul du sbyor ba yis/ /nam mkha' la ni nam mkha' sgom/ /thams cad thabs kyi mtshan nyid de/ / thabs la thabs ni rnam par sbyor/ /thabs chen thabs las byung ba'i/ /des ni byang chub rdo rje'i mchog /thams cad du ni ye shes gsal/ /ye shes de ni ma yin pa/ /chos 'ga' tsam yang yod min pas/ /gdung 'dra ma
- 441b
sgral dus cig bsgral/ /bsod chen snying rje'i rang bzhin te/ /mi 'dod phan 'dogs byams chen po/ /mi 'gyod dga' mchog bral med snyoms/ /tshangs pa'i rgyu bzhi dus gcig rdzogs/ /mngon par gdung ba de la med/ /de phyir rgyu rkyen 'bras bu dang/ /dus dang rang bzhin 'khrul pa dang/ /tshul gyis nyams dang ngo bo dang/ /btson ra lta bu brgyad la dmigs/ /de yis cig shes bzhi 'byung bas/ /pha rol phyin dang mtshungs ma yin/ /de dag ngo bo nyid stan pa'ang/ / rnam grangs bzhin du 'jug pa ste/ /don dam rnal 'byor ngo bo yis/ /phye bas zung 'gyur nges tshig 'byung/ /de la log rtog sgyu ma ni/ /chos dang bdag dang dngos po rnams/ /ngo bo yod la sogs rtags pas/ /rtog pa sgyu ma'i rlung 'gyur ba/ /skye dang mi bden slu bas 'grub/ /rten cing 'brel pa'ang shing rta bzhin/ /'jig rten rnam rtog gzugs brnyan phyir/ /sgyu ma lta bur rkyen las skyes/ /'phral snang bya ba kun kyang byed/ /rtog can rnams la mthun par snang/ /gzugs brnyan 'dra phyir brtags pas dben/ /de phyir thams cad rdzun pa tsam/ /ming las dngos med 'dod pa min/ /yang dag nyid du grags so cog /gnyis snang nyid na gang min pas/ /sems phyir ci yang rgyu med shar/ /snang la ngo bo nges med cing/ /ji ltar bltas par snang ba ltar/ /snang bzhin ther zug chad dang bral/ /rgyal ba'i sku 'ang ma skyed par/ /rig pa'i ye shes sgyu mar shes/ /khams gsum pa'ang de bzhin pa/ /thabs chen sgyu ma kun ngo bo/ /ye shes la ni ye shes rol/ /ye shes rol pa nyid kyang gsob/ /rgyal ba mngon 'byung skyob pa dang/ /byin brlabs ston pa 'ang de bzhin te/ /rgyu rkyen rags pa med
- 442a
pa'i phyir/ /sgyu ma rdo rje brtsan po mchog /'dus ma byas nyid 'dus byas snang/ /'dus byas sna tshogs rdo rje nyid/ /yin phyir ngo bos tha dad min/ /dman pa rnal du goms byed tsam/ /'gro la skad cig gnyis mi 'chang/ /rgyud cig ma 'gags ma skyes pas/ /gzung 'dzin bral ba'i rang rig nyid/ /ye shes sgyu mar mi g.yogs la/ /chu dang zla ba ji bzhin du/ /mtshungs par gsal bar ngo bor brjod/ /sems las ma rtogs chos med phyir/ /ye shes sgyu ma gzhan na med/ /sgyu ma nyid kyi chags bral ba/ /tha snyad tsam du sgom zhes bya/ /mi mthun sgrib pa'i dmigs gzung ba/ /rgyu dang ngo bo nyes pa ni/ /ma goms pa dang 'grus byed pas/ /me dang du pa'i tshul bzhin du/ /bdag du 'dzin pa rnam gnyis kyis/ /ting 'dzin bsgrib pa 'byung bar byed/ /sngon du ji bzhin nyid bstan mod/ /mtshams sbyor snying rje g.yung min pas/ /brjod kun 'bring dang nyung bar 'byung/ /skye spangs goms pas tha mal dkan/ /'on kyang 'di nyid 'phro sdu dang/ /ma nges sa phyogs mkhar bcas mthong/ /zad par mthong na ma nges mdog /me chu rlung sa'i cha 'khrul pas/ /mi gsal mdog mthong khams 'khrul ltar/ /sa g.yos mthong ba'ang cha dbye'o/ /sprin dang ling thog mun pa bzhin/ /gang de gzhung las grags pa'i skyon/ /phra rags cha yis sgyu ma'i don/ /mi gsal shin tu bul bar byed/ / sngon bzhin rtog pa'i nad bcos pa/ /shes bzhin so mdza' chod par bya/ /de ltar gyur na kun mo'i tshul/ /ma gsal rang bzhin dad bar 'gyur/ /rnam rtog mtshan ma ci skyes kyang/ /ye shes sgyu ma rang snang
- 442b
phyir/ /chags sdang re dogs mi 'byung ste/ /ye shes sgyu ma gzhan du min/ /de ltar ma ldan gang dag gis/ /tshor nas lo rgyud bcad pas zhi/ /yang na rtog pa'i gnas yul blta/ /de mthong mun pa rnam dag spangs/ /'dod min kha dog mthong ba ni/ /'byung ba bzhi'i gnyen pos gzhol/ /sngon bzhin sngar 'brangs phyis sngon byed/ /de ltar rang bzhin rkyen gyis skyes/ /tshor na thog ma'i nyes bsams te/ /skyo ba skyed la dor dran bcing/ /brong pas 'jug cing gzengs bstod bya/ /de lta de ltar brtson 'gyur pa'i/ /skabs su ye shes rnal 'byor nyid/ /'phel ba 'ang g.yo thob goms pa dang/ /bstan mthar 'gro ba ngo bo la/ /med kyang rab rim dag chas brjod/ /'bo dgyes thim pas ru drag chu/ /cung zad thun gyi sum char yod/ /bzhi cha lnga char de med thob/ /thun kyang nus shing gsal ldan na/ /chu klung dal 'bab tshul bzhin no/ /sgo rten rdzas ltar rtog rlung gis/ /mi bsgul bzhi la gnas pa'o/ /dbang po mngon sum gang byas pa/ /bskyed du bya med phyir mdza' 'o/ /snying rje chen po'i rnal 'byor pas/ /srid gsum sgyu ma 'dra bar ni/ /rdzogs pa'i byang chub mkhas pas shes/ /'gro ba'i ched du go bsgos te/ /'gro ba de ltar snga nas shes/ / log par rtogs brtags rnam dag cing/ /ye shes dbyings las mi gzhan cing/ /thugs rje chen pos 'brel pas na/ /'gro drug dus gnas ma lus snang/ /rjes su 'jug pa'ang de bzhin shes/ /de bzhin nyid dbyings sna tshogs mang po thabs su snang/ /thabs nyid rgyu ma mig yor chu zla gzugs brnyan bzhin/ /de nyid rang rig ye shes chags med sna tshogs snang/ /thabs dang shes rab ldan pa mchog gi gnas gyur pas/ /ji ltar dpyad kyang zad med gnyis grub
- 443a
sgrib mi 'gyur/ /shes rab thabs chen mchog la ye nas rol pa yin/ /byang chub sems su rgyu gcig pas/ /rtsa ba'i snying rje chen po 'byung/ /sangs rgyas sems can cig rtogs na/ /snying rje chen po skye zhes bya/ /brdal chen blo ni kun tu snang/ /thabs chen kun mdzad 'od gsal byams/ /thams cad dgyes mdzad dbyings ma gdungs/ /sems can ma lus thams cad la/ /snying rje thag pa ma chad par/ /nyon mongs lam las sgrol byed cing/ /byams pa dag gis mnyes par gyis/ /de bzhin 'khor ba'i btson ra la/ /snying rje chags pa cher bskyangs nas/ /nyon mongs 'dam nas 'dren par byed/ /snying rje chen po skyo ba med/ /de bzhin skye bo phal pa rnams la/ /las kyi sgrib pas ma gos shing/ /thams cad mngon par sangs rgyas bar/ /dga' ba dag la 'gyod ma byed/ /sems can nga dang bdag med la/ /thugs rje gnyis rtogs mi 'byed de/ /bu gcig 'dra bar blo gzhag bya/ /thams cad dri ma med par bya/ /sngon rdzogs rkyen bral sngon bzhin te/ /rnal 'byor nyid la gzhan don rdzogs/ /dmigs pa bdun gnyis gdul bya dang/ /ngo bo las dang phan yon gyis/ /phyogs btang med de thun mong gi/ chen po dag las slar 'gyur yin/ /bdag phyir spyod yul thams cad kun/ /ye shes sgyu ma rang snang phyir/ /phyi nang sgrib med gsal ba'i ngang/ /ye shes blo bstan shin tu bde/ /longs spyod lnga ldan thams cad la/ /gtsang dang rme ba'i blo ma 'dzin/ /thams cad ye shes ro gcig pas/ /gnyis su med pas shin tu bde/ /de bas spyad dang mi spang len/ /'dod yon la
- 443b
sogs ye shes rol/ /thub chen ston pa'i spyod yul ni/ /ji ltar dmigs pa bzhin du 'grub/ /chos rnams thams cad dmigs su med/ /ye shes sgyu ma cir yang 'grub/ /zag med zag pas rtog pa na/ /dag par ma gyur gang yang med/ /ye shes ma bcos kun tu gsal/ /rang bzhin rnam par dag pa'o/ /de phyir spyod lam thams cad kun/ /sgyu ma ye shes 'da' mi bya/ /rtsa ba yan lag thams cad kun/ /snga ma bzhin te nus pa 'phel/ /de ltar sgyu ma thob goms pas/ /'khor ba'i chos la tshad med pa'i/ /byang chub sems kyis 'phrogs par 'gyur/ /ma 'khrul 'khrul la ya mtshan skye/ /don med 'dug la de bzhin te/ /rnam gsum lnga las 'phel bar snang/ nyams rims 'phel ba'i mdza' rtags ni/ /shing bal lta bur yang ba dang/ /lus kyi bzod pa 'phra thob ring/ /khams bde mi bde snyoms pa dang/ /phal cher yod cing chos brgyad snyoms/ /de bas mang dang 'bring la snyam kun kyang lnga las grangs 'phel zhing/ /ngo bo gsal la yun ring po'o/ /lhan cig drug 'dug phyi rol gyi/ /mngon shes 'phel dang cung zad bstan/ /gzhan pa'ang shes pa cung zad 'byung/ /de bas rnal 'byor bstan par bya/ / 'di tshe spyod yul thams cad kun/ /rmi lam duAng sgyu mar mthong/ /snying rje gang yang mthong ba dang/ /byin rlob dbang bskur mang mthong dang/ /bdud kyi spyod yul mtshan mar mthong/ /de sogs snang yang chags mi bya/ /snying rje chen po goms byas nas/ /rnal 'byor don chen rtogs pa yis/ /dus mdza' med par de ltar sgom/ /yon tan nam mkha' i mdza' dang mnyam/ /spyod yul sangs rgyas nyid dang cig /rgyu spyod bsod nams tshogs chen ldan/ /
- 444a
de ming ma chags ye shes che/ /rnal 'byor phyi ma btsal ba med/ /nyi 'od sa bon dkyus dgra bzhin/ /'pho ba med bzhin 'gyur snang tshe/ /sgyu ma bstan byas las rgyun spyod/ /'phel bas lam dang skol mi 'gyur/ /phyi ma'ang lan grangs gzhan dag la/ /mi ldog dbang sgyur rigs su nges/ /lam 'dir cha skyen rdzogs bsgrub na/ /mtshan dang dpe byad kun ldan pa'i/ /dbang phyug chen po'i gnas nyid du/ /mngon du 'byung bar the tshom med/ /mi rtogs le lo snyoms las byas/ /don ma grub par ngan song 'gro/ /snying rje chen po'i rnal 'byor bstan pa'i le'u ste bzhi pa'o// //gnyis med ngang la phyag 'tshal nas/ /phyag rgya cig pa'i rnal 'byor bshad/ /gang dag rdo rje gsum sgom pa'ang/ /snga par 'das pa'i lus kyis shes/ /spyi'i sa las sngon rdzogs pa yis/ /'di nyid sgyu mthar mngon bya zhing/ /lugs sogs mtshan ma'i phyag rgya gzhan de la yan lag brgyad sngon bzhin/ /'bras bu yongs su rdzogs bya zhing/ /spras pa'i rgyu yis thob bya dang/ /rgyu stong rtog zhen dbang du bya/ /rtog pa'i phung sogs gnas bsgyur zhing/ /gzhan dag smin par bya ba'i phyir/ /phyag rgya'i rnal 'byor shin tu gces/ /de la 'jug thabs rnam gnyis te/ /sems sbyang ba dang lhar bskyed pa'o/ /snga ma gdams ngag shes rab kyis/ /'jug pa'i gzhi'o 'di nyid de/ /a/ rab tu brtan 'gyur a dkar las/ / shin tu 'phra ba'i a rnams spro/ /phyogs bcu gang bar gsal 'gyur nas/ /bsdus kyang 'phel 'grib med par bstan/ /de la 'am yang na thugs yig ste/ /de bzhin yang nas yang goms nas/ /phyi nang snod bcud hUM du bsdu/
- 444b
yan lag rnam shes ye shes phyir/ /yi ge hUM la shin tu bsdu/ /nri'i dmig gis bltar yod par/ /'dris nas bdag gzhan don phyir spro/ /mchod don rdzogs nas slar bsdus te/ /hUM nyid mi dmigs dbyings su gsal/ /goms par bya ba shin tu gces/ /phyi ma tshangs pa srin po'i tshul/ /rdzogs par bya ba zung du 'gyur/ /tshangs pa'i cha lugs rdzogs bya ba'ang/ /gang bsgrub yi ge so so ste/ /spyir ni gang bsgoms kun tu 'dra/ /rdo rje sems dpa' nyid du 'dus?/ 'di ltar de nyid goms bya ba/ /sngon du mi dmigs dang nyid las/ /a dkar gsung gi phyag rgyar 'bar/ /shin tu 'tsher bar gsal sgoms la/ /thams cad ar ni gyur par sgom/ /de bzhin nyid du 'dris gyur nas/ /a las ma'i dkyil 'khor spro/ /a ma gsal bar 'byor gyur nas/ /h+ri gsal pad+ma chags mang sgom/ /rin chen 'bar ba'i gzhal yas bsgom/ /nyi zla gdan dang gzhal yas khang/ /thams cad bsdus shing gsal bar bsgom/ / de dkyil yi ge hUM gnas par/ /mthing kha 'tsher la gsal ba yi/ /'od zer 'phro ba rnam par bsgom/ /'od 'phros dbyings su bslar bsdus nas/ /shin tu rdo rje 'phra bar sgom/ /rdo rje 'od 'phros gsal 'bar nas/ /dbyings su yang ni bstim par bya/ /de nyid sems dpa' i skur gyur pas/ /shin tu 'phra zhing 'dus par bsgom/ /de bzhin gnyis med gsal gyur nas/ /sku gcig rdo rje dril 'bar bsgom/ /de bzhin nyid du gyur pa dang/ /dbu gsum phyag drug nyid du sgom/ /rdo rje 'khor lo ral gri 'bar/ /rin chen pad+ma dril bu 'bar/ /'phra ba'i gzhal yas gdan dang ldan/ /gnas gcig ye shes sems dpa' sgom/ /spyi mgrin tsi ta gnas gsum du/ /byin brlabs
- 445a
rdo rje gsum sgom bya/ /dbu'i gnas lngar yi ge lnga/ /ye shes lnga dbang rdzogs pas rgyan/ /blo'i shes rab che chung gis/ /yang na phyag rgya chen po ste/ /chu las nya ldang ji bzhin du/ /bdag nyid phyag rgya chen po ste/ / zhal gsum phyag drug dag tu sgom/ /gzhal yas gdan sogs snga ma bzhin/ /yan lag lha dgu 'ang de bzhin no/ /de la shin tu goms par bya/ /rag sha cha lugs 'dzin pa'ang/ /rims dang gcig car mngon bzhin te/ /rdo rje cho ga kha dog dang/ /gzhal yas la sogs bsgyur te bsgom/ /thugs kyi rigs gzhan mos pa'ang/ /'bru bzhi sbyangs te gdan gnas cig /rdo rje rnam gsum rigs su bsgyur/ /sku dang yan lag de bzhin no/ /rim pa thob pa 'am cig car ba/ / brgyad mthar phyin phab ltar bskyed la/ /mchod pa'i byin rlabs skur bsgoms te/ /yan lag lhan rdzogs mchod stod bya/ /yan lag ma nyams sngags 'das pa'ang/ /bskyon bcu spangs te rnam gsum gyi/ /bzlas pa grags bzhin rdzogs par bya/ /spro bsdus bdag dang gzhan don rdzogs/ /phyi nang gsang ba gang mos su/ /bzlas brjod tshad du phyin par bya/ /dub na ye shes thig le blta/ /nyal bas nang par de nyid las/ /hUM sogs bsgyur te skur rdzogs pas/ / sngon bzhin brtson pas 'dris par bya/ /gzhal yas lha'i dkyil 'khor yang/ /sems kyi cho 'phrul rang snang phyir/ /lha la dmigs med rig pa nyid/ /bzhi rdzogs sku de rang snang ba'o/ /rgyal ba rgyal ba rnams kyi sku/ /kun tu rin chen lta bu ste/ /rdzogs par rtog med re ba skong/ /zad 'phel 'gro 'ong nye ring med/ /phyag rgya yod med grol ma grol/ /bdag phyir phyogs med blang dor med/ /bying rgod snyoms tsam mnyam gzhag pa'o/ /mi mthun 'di tshe dmigs bzung pa/ /
- 445b
yi ge nas gzung rdzogs pa'i bar/ /thun mong kun tu 'byung rags 'phra/ /tha ma 'di la so mdza' gcad/ /khyad par rab rib mag mog drib/ /gang tshod dmigs pa tshad dang tshul/ /grangs dang cha lugs mdog dbyibs dang/ /kha dog 'ba' zhig rim par nub/ /de ltar gyur pa tshor bya ste/ /'du byed rlung gis bskyod mi bya/ /de ltar zin pa de dag kun/ /khyad par gsum la'ang sgyu steng 'dug /rjes las thob pa ma sun 'dug /drug pa ri ltar sngos cher bya/ /bdun pa dbyibs dang sre bar bya/ / brgyad la spyi men bye brag gnas/ /bya min las kun dor byas te/ /spyod lam skyon rnams gtang bar bya/ /gnyis la khugs mod rgya cig la/ /goms pas 'phel ba gong ma bzhin/ /smig rgyu du ba srin me khyer/ /mar me nyi ma'i tshul dang sbyar btang snyoms rims dang brtson pa dag /skabs kyis blang dor nyams las shes/ /'bru bzhis rtag tu mtshams bcad de/ /bdag nyid chen po'i tshogs mchod bya/ /nang gi sbyin sreg blang bar bya/ /gzugs sogs thig le 'am lha mo drug / dbang po yul dang sbyor pa bya/ /zhi khro gang yin skabs kyis bsgyur/ /bdag nyid chen po'i mchod pa yis/ /sangs rgyas dkyil 'khor ma lus mnyes/ /srid gsum sems can thams cad la/ /dga' ba chen pos khyab par 'gyur/ /'gro nyal 'dug sdod longs spyod kyang/ /nyon mongs sdug bsngal che? na'ang/ /theg chen phyag rgya mi btang ste/ /sngon bzhin sbyor bas myur du 'grub/ /rgyu 'bras mtshams sbyar bar skabs kun/ /chos spyod dgu'i spros pa dor/ /rgyud la ldan yang blang bya min/ /mtshan ma'i g.yeng ba yin phyir ro/ /rdo rje gsum sgo phyag mi bya/ /phyag rgya'i rnal 'byor spyod pa la/ /don ldan ma nyams dag byas nas/ /brtson 'grus cher bskyed myur bar 'grub/ /lha la lha rol bsod nams
- 446a
te/ /spyod lam chags gnyis med pa'o/ /gzhan phyir 'phro 'du rim par rdzogs/ /rkyen dang phrad pa'ang mi 'dor te/ /dus min gzhan phyir spros pa'ang len/ /gang 'tsham bar don rdzogs byed/ /bdag phyir thun mong mchog bsgrub rnams/ /'di bstan rnal 'byor the tshom med/ /'di tshe sa gzhi kun ldan no/ /gsung gi gzhi las lhun bya zhing/ /phyag rgya chen po'i rnal 'byor du/ /spyod yul kun tu bsdam par bya/ /phyi nang gsang ba shin tu 'phel/ /thob dang bstan pa'i char 'gyur te/ /longs spyod zhen pa med pa dang/ /dbang po yul du goms pa dang/ /rgyu ba chad dang thun mtshams thal/ /drod kyi bye brag kun dang ldan/ /rtags chen goms mthar mtshan ma lnga/ /dngos su mthong dang rdo rje gsum/ /skye mched mthong ba mtshan ma ste/ /grub pa dang po rtags zhes bya/ /dmigs pa rgya chen mngon shes kyang/ /grangs dang yul gyis bla na med/ /nyi shu rtsa lnga'i mngon shes kyang/ /g.yo thob 'byung bar the tshom med/ /lus ngag sems mthu'i rtag rnams kyang/ /cho 'phrul bzhi tshul g.yo thob byed/ /gzhan yang sngon pas gsal bstan pa/ /rnal 'byor lhag pa'i stobs kyis thob/ /spyod lam nyid du nyes legs kun /gsal bar 'byung zhes shin tu bstan/ /bsam gtan 'bad pa bzang ba yin/ /bsgrub pa bos ni rtag tu mthong/ /sangs rgyas mthu dang mtshungs par mthong/ /sangs rgyas longs spyod rdzogs pa'i sku/ /bdag med par ni myur du mthong/ /sems dpa' chen po khams gsum pas/ /mchod par byed pa des mthong ngo/ /ye shes chen po 'od dri'i gzugs/ /sangs rgyas byang chub sems pa yis/ /'dod pa'i yon tan lnga rnams kyis/ /rtag
- 446b
tu mchod pa byas pa mthong/ /rdo rje sems dpa' i gzugs chen dang/ /grangs chen rdo rje mchog dag tu/ /rmi lam dag tu rab gzugs mthong/ /grags chen rdo rje gsang ba dang/ /byang chub sems dpa' 'khor lo can/ /sangs rgyas chen po phyag 'tshal ba'i/ /rmi lam 'di dag mthong 'gyur na/ /lus ngag sems kyi mthu las skyes/ /brgyad rnams thams cad yongs rdzogs pa'i/ /lha yi bu mo yid 'ong dang/ /khye'u dang bu mo dag mthong nas/ /de ni dngos grub thob par 'gyur/ /phyogs bcu'i sangs rgyas thams cad rnams/ /zhing na gnas pa nges par mthong/ /thugs ni dgyes par gyur nas kyang/ /chos mthong yid du 'ong la sogs/ /chos kyi 'khor lo sgyur ba'i sku/ /sems can kun gyis yongs bskor ba/ /bsam gtan rdo rje la gnas pa'i/ /dam tshig sbyor ba mthong bar 'gyur/ /sna tshogs kun bdag skyed mod tshal/ /lha'i bu la sogs pas brgyan/ /sangs rgyas kun gyis byin brlab pa/ /bsam gtan dam tshig can gyis mthong/ /sangs rgyas byang chub sems dpa' yis/ /de ni mngon par dbang bskur mthong/ /rigs 'dzin rgyal po chen po yis/ /bskor ba byas pa de mthong ngo/ /rdo rje las byung sna tshogs pa'i/ /rmi lam dri med de mthong na/ /sku gsung thugs kyi rdo rje las/ /skye ba bla na med pa 'grub/ /gdol pa khyi'i sbyor ba sogs/ /rdo rje 'dzin pas mthong nas ni/ /blo ldan rdo rje sems dpa' yi/ /sems kyi gnas ni grub par gsungs/ / yi ge phyag rgya rnams gnyis kyis/ /skye mched mthong ba de bzhi no/ /lha'i sku ni gsal bsgom na/ /bsod nams chen po thob par 'gyur/ /de nyid chu zla'i shes rab ni/ /ye shes tshogs ni rdzogs par gyur/ /bdag nyid
- 447a
lha dang mnyam sbyor bas/ /yon tan chung yang 'grub par 'gyur/ /ye nas mnyam nyid sbyor bas su/ /lha nyid du ni rtag tu bsgom/ /bde gshegs kun dang mnyam sbyor bas/ /dkyil 'khor kun dang mnyam par 'gyur dkyil 'khor kun dang mnyam pa'i phyir/ /sku gsung ye shes lnga rdzogs 'grub/ /yi dam lha yi mtshan nyid ni/ /de bzhin gshegs pa thams cad kyi/ /sku gsung rdo rje bdag po'i phyir/ /lha spangs dge sbyong don med 'gyur/ /dam tshig bsrung dang sngags zlas dang/ /phyag rgya rgyun mi bcad pa gzhi'i/ /brtson 'grus che zhing brtan par bzung/ /rnal 'byor brtson 'grus chung 'gyur na/ /mi 'grub nyen yang med par gsungs/ /ji ltar ral gri'i so la nan tan du/ /legs par ma bzung lag pa tshod par 'gyur/ /de bzhin nan tan med pa'i gsang sngags la/ /phung ba 'am yang na 'bras bu med par 'gyur/ /de bas bar chad brtson med na/ /dper na sa bon tshig pa las/ /'bras bu 'dod pa dang 'dra ste/ /bsgrubs pa'i 'bras bu med par dang/ /mi khom 'khor bar brgyud par 'gyur/ /gang zhig zhal mthong mos pa yis/ /bsnyen bskur mched pa'i bsod nams kyis/ /mi dge mtshams med bco lnga sogs/ /las ngan sbyangs te rigs la sbyor/ /gang gis mi rtag mthong na'ang/ /phyag rgya ma nyams gsal bzung ste/ /las kyi mi 'khor gang 'dod du/ /a yi stobs kyis bskul bar bya/ /rnam smin rigs la the tshom med/ /'on te 'am ni rim pa yis/ /de nyid bar phyir lan grangs gzhan/ /che 'am? phyi ma 'am gzhan thob des/ /rnal 'byor las su rung rnams kyis/ /phyag rgya chen po rdzogs 'gyur zhing/ /gsal ba'i yid gnyis med pa na/ /dkyil 'khor
- 447b
chen po 'grub par 'gyur/ /de ltar bsgom zhing 'grub byas na/ /'bras bu mngon du ma byung yang/ /tshe rabs skye ba thams cad du/ /lha mi mtshan rdzogs sdug bsngal sel/ /bde gshegs 'byung dang mi skol zhing/ /theg pa sman la 'jug mi 'gyur/ /byang chub gzungs la zhugs pa yin/ /de bas lam 'di 'bral mi bya'o/ /phyag rgya bcing ba'i ting nge 'dzin gyi le'u ste lnga pa'o// //rang gi lha la phyag 'tshal te/ /spros pa'i rnal 'byor bshad par bya/ /spros pa bzhi po de lta bur/ /gzhan pa 'grol phyir rgyas par bshad/ /rnal 'byor rnam gsum mngon rdzogs nas/ /sa la sogs pa phyag rgyar byas/ /ri mo rgyu 'am 'bur lugs sam/ /'jim pa las byas dkyil 'khor ni/ /lhag pa gzugs brnyan khung bu dngos/ /ye shes byin ldan rten par bya/ /ma hA ba liM a mri ta/ /dmar chen phyi nang mchod pa bkram/ /rol mo mchod sogs cha rkyen rnams/ /ji ltar 'os pa bzhin du bya/ /phyogs bcing brgyad kyi rim rdzogs nas/ /las kyi lnga'i rnal 'byor gyis/ /mchod rdzas byin gyis brlabs par bya/ /bdud rtsi chus bsang bgegs bskrad 'dug /bsod nams yongs su rdzogs bya zhing/ / spyod yul byin gyis brlab pa dang/ /'khor los mthar dbyung ba dang/ /tshogs la dus kyi bsgrub phyir sgom/ /dgug gtang bcing sgrol? gso dang gsad/ /'pham rgyal ting 'dzin 'dis byed phyir/ /gang dag gdul bya ji snyed pa/ / spros pa'i las kyis gdon phyir ro/ /ci gnas spros pa'ang rnam gnyis te/ /rjes su mthun par zhi dang khro/ /de re re ngang? tshul gnyis kyis/ /blo dang ldan par mtshan ston yin/ /snga ma
- 448a
rim dang cig car ba/ /che bas phyi ma bzhin 'jug pa/ /nyi zla gza' skar dus gcig tu/ /chu dkyil dang bar gsal ba bzhin/ /sku gsal skad cig 'od du 'bar/ /snying po brjod pas 'khor lo shar/ /de sngon bstan pa bzhir 'jug pa/ /mthong dang snga ma'i rnal 'byor stobs/ /thob pas shes bya bslab tshul dang/ /du ma gcig gis gsal byed pa'ang/ /ma bsgyur rnal ma'i dkyil 'khor la/ /'khor lo tshom bu grangs zhal phyag /dang po bco brgyad bzhi bcu gnyis/ /rgyal ba'i dkyil 'khor rim par bslab/ /gnyis pa'ang bdag cag yab yum gnyis/ /gnas pa'i 'khor lo gsal bya ste/ /gdan ldan dbus na bdag po gnas/ /de la sems dpa' khro bos bskor/ /bstan nas mdun rgyab sku gsung thugs/ /'khor lo rdzogs pa 'bru gsum brda'/ /mi'i dbang du tshom bu gsum/ /shin tu goms par bya ba yin/ /bstan na g.yas dang g.yon nyid du/ /yon tan 'phrin las dkyil 'khor gzhag /rnal 'byor dbang du tshom bu lnga/ /shin tu 'dris nas dus tshogs sbyar/ /gsum pa rtsa ba sku nyid du/ /bstan nas sku gsum gtso bor gsal/ / gsum tshor med na yon tan gsal/ /lnga rdzogs yab yum zung bstan nas/ /lnga po'i don spros bzhi bcu gnyis/ /ma bcos ngang gis gnas pa las/ /ye shes lhag pa'i dkyil 'khor bsgom/ /yan lag bzhi bcu rtsa gnyis ldan/ /de nyid yan lag spros bdag ste/ /bzhi bcu rtsa gnyis gsum 'phror 'gyur/ /stangs dbyal gnyis kyi phyag rgya dang/ /sangs rgyas stong gi dkyil 'khor yang/ /ri rab til 'bru'i tshul
- 448b
bzhin du/ /dpe byad mtshan gyis rnam spras pa'o/ /de ltar gtso mchog ldan byas nas/ /bya byed rigs bzhi'ang stong sgom bya/ /bcu gnyis drug gis 'od 'phro 'bar/ /nyi khri bzhi stong dus cig gsal/ /phyogs bcu ma lus gzhal yas khang/ /nyi zla gza' skar rgyan dang gdan/ /bde gshegs dkyil 'khor ma lus sgom/ /bsam yas lhun grub nyid la slob/ /bzhi pa cig zhal gsum phyag drug /bstan na gsum la'ang de bzhin te/ /lnga pa rjes su mthun goms nas/ /spros pa'i zhal phyag rdzogs gsal ba'o/ /bsgyur ba'i 'khor lo'ang de bzhin te/ /dang po lnga bcu brgyad goms nas/ /drug cu rtsa brgyad de bzhin te/ /dbus kyi he ru bzhi po la/ /sku gsung khro bo mdun rgyab gsal/ /de bstan 'khor dang bcas par bsgom/ /sku gsung thugs la bstan byas nas/ /g.yas g.yon pa 'phrin las khro bo/ /yab yum gsal nas 'khor lo lha/ /rdzogs par sgoms pa'i rims bzhin du/ /gang byas ma sun gyen du 'bar/ /rjes su mthun pas 'jigs byed kyang/ /gcig dang gnyis dang gsum bzhi lnga/ /yab yum mthar phyin 'khor lo'i chas/ /lnga bcu'i tshom bu gnas yul dang/ /sgom las? hUM chen brgya rtsa brgyad/ /yan lag bkod pa lnga bcu brgyad/ /tshes lnga'i grangs ni nyis brgya dang/ /dgu bcu'i lha rnams yan lag ldan/ /zhal gcig phyag gnyis gsum drug dang/ /dgu dang bco brgyad kun ldan dang/ / nyi shu rtsa gcig bzhi bcu gnyis/ /dgu brgya stong brgyad brgya zhabs dang/ /grangs med bar du slob byed pa/ /rims thabs brjod kyi spyod yul ni/ /nyi shu gcig dang dgu brgya dang/ /grangs med mthar lam rim par ldan/ /
- 449a
de ltar ldan pa'i ting 'dzin gyis/ /zhugs slob mthar phyin bar skabs su/ /rang bzhin yul nas dbab bya ste/ /bzhugs shing sngan sogs ldan byas te/ /rdzas dang ting 'dzin rim bzhin mchod/ /bstod smad ldan nas bsnyen pa bya/ /bar skabs lhag ma'i gnas skabs nas/ /dam bsgrags bcol zhing las la dgye/ /'khor lo bsdu srung spyod lam kun/ khro zhi man ngag gzhung bzhin bya/ /phung sogs dkyil 'khor lhar snang ba/ /rgya mtsho'i gzugs brnyan ji bzhin du/ /kun rdos rang rig lhar gsal ba/ /gcig dang du ma yongs kyis med/ /gsal la yul ni mi g.yo ba/ /rnal 'byor ngo bor rgyal bas gsungs/ /rang bzhin spros pas rnal 'byor spros/ /de yang gdug 'dul khro zhis spros/ /'khor lo spros dang phyag rgya spros/ /tshom bu spros dang zhal phyag spros/ /kun nas spros phyir 'bras buAng spros/ /spros pas nyams gsal rnal 'byor sgra'o/ /'di tshe le lo rnam gnyis dang/ /mtshan mdza' lnga dngos mthong 'dzin dang/ / rnal 'byor bdud kyi yul mthong ba/ /sprul pa grangs med dgye ba mthong/ /dam par mdun mthong dam par smra/ /rgyal bas gsungs kun gsal mthong dang/ /dus gsum gsal shes mthong ba dang/ /rgyud drug lam gnas kun mthong nas/ /de la snying rje'i shugs 'byung dang/ /kun kyang gsal bar mthong ba dang/ /ci la'ang thogs med 'gro ba dang/ /mkha' las gzhi 'dra 'dug dang/ /rgyal bas phyag brkyang lung ston dang/ /kun gyi skad du chos smra dang snod bcud sti gnas mthong ba dang/ /stong gsum mnyam par bkod pa dang/ /de nyid rang bzhin gsal snang dang/ /las su rung bas thogs med dang/ /dam pa'i don la sgom pa dang/ /'jig rten gtso bos mchod 'byung rnams/ /
- 449b
rang bzhin rtogs na dam pa'i rtags/ /mi shes dga' brod byad pa bdud/ /khe dang grags pas phrogs pa dang/ /sngags pa thob bas mtshan ma g.yengs/ /re dang dogs pa cung zad yod/ /nga'am nga zhes che bas rgyal/ /tha mal ba'ang nyung la phra/ /rgyu ba'i gzung 'dzin bye brag shes/ /shes 'jug 'byor pas 'go thob cing/ /zung du 'brel pas bskyed mthar phyin/ /'bras bu lam shes bstan pa yis/ /bya ba med pa'i brtson 'grus blang/ /mtshan ma rang rig cho 'phrul pa/ /sems phyir mthong la re dogs med/ /dper na nam mkha' rang bzhin la/ /nyi zla gza' skar glog 'gyu dang/ /'ja' tshon sprin mnga' 'khrul 'gyur yang/ /nam mkha' i dbyings la 'gyur nyams med/ /chos kyi dbyings ni bsam yas par/ /sku gsung rmad 'byung ngo mtshar dang/ /mtshan ma sna tshogs snang 'gyur yang/ /de bzhin nyid la nyams 'gyur med/ /rnal 'byor stobs yon rdzogs 'gyur yang/ /bdag gnyis med shes nga rgyal med/ /spyod yul mtshan ma gang mthong yang/ /ye shes rang snang nyid du sbyar/ /snang byed spros pa'ang 'phel ba'i rims/ /bslab pa'i rim pa ji bzhin te/ /sngon brtan mod kyang 'di slob pa/ /ma goms dbang ni rnam lnga'o/ /gsum lnga lha gsal cung zad g.yo/ /bar chad 'byung ba'ang dang po'o/ /de gsal thun gyi bzhi cha gsum gsal ba mi g.yo gnyis pa ste/ /thun kyang drub? pa gsum pa'o/ /de nyid rkyen dbang mi 'gro ba/ /bzhi pa'o phyar bar gnas pa yin/ /shin tu mi 'phrogs lnga pa ste/ /grangs la sbyar na mthar thal 'gyur/ /de bas nyams tshod zin pa zhes/ /rnal 'byor chen po'i lta spyod ni/ /ji ltar spyad kyang rang bzhin med/ /mkha' la bya chen lding
- 450a
ba bzhin/ /chu la rkyal chen 'phyo ba bzhin/ /mkha' la rlung chen 'phyo ba bzhin/ /rnal 'byor lta? ba de lngar lta/ /rnal 'byor chen po'i spyod pa ni/ /thams cad kun la dbyer med spyod/ /bde ba'i ro mchog myong 'gyur te/ /de las su zhig chags par byed/ /spyod bzhin ma chags ye shes yin/ /bde ba mchog nyid bsod nams tshogs/ /de lta bu'i dang la spyod/ /'di ni spyod pa rlabs chen yin/ /lta spyod ya char ma gyur par/ /sngags 'chang rnams kyi rtag tu dpyad/ /lnga bzhi'i spang bya rmad spyod kun/ /bdag dang gzhan phyir 'jol nyog ste/ /gang yang byas la ma mthong zhing/ /tshogs 'gyur 'dam skyes bzhin spyod thabs/ /yan lag dbang po rnam shes kun/ /rnam smin oM du shes par bya/ /rdzogs pa'i dkyil 'khor nyid du sgom/ /yang na khros pa'i dkyil 'khor bsgom/ /gzugs sgra dri ro reg la sogs/ /rnam smin muM du shes par bya/ /yum gyi dkyil 'khor nyid du sgom/ /yang na khro mo'i de phyir sgom/ /spyod yul lha dang lha mor rol/ /'dod yon lnga po thams cad dang/ /sna tshogs snang ba thams cad kun/ /de bzhin gshegs pa'i dkyil 'khor dang/ /gzugs mdzes lha dang lha mor brtag /thams cad kun tu bzang po yi/ /'dod pa'i yon tan lnga rnams la/ /thogs pa med par sbyang bya ste/ / bsod nams tshogs chen yin par brtag /de bzhin gshegs pa lngar yang brtag /gzhan yang stong khams thams cad na/ /shes rab dbyings dang 'dod yon rnams/ /rab 'bring tha ma thams cad dpyad/ /dang du blang dang mi blang ba/ /rnal 'byor pa yis rtag tu dpyad/ /chags pa med par gyur pa dang/ /dngos grub pa mtshan chen po ni/ /dam tshig mdo bshad nang nas 'byung/ /spyod yul mthong thos thams cad kun/ /'gro dang 'dug dang nyal
- 450b
ba na/ /dkyil 'khor gnyis kyi rnal 'byor pas/ /ma nyams pa'i dbyings na gnas/ /shes rab mchog gis brtag tu dpyad/ /yang na dam tshig 'di lta bu/ /ji ltar spyad kyang sdom mi 'da' / /thams cad ma lus sangs rgyas la/ /bsgrub cing srung bar bya ba med/ /dge dang mi dge gnyis kha med/ /de la bsrung du rdul tsam med/ /gzhan phyir dregs pa'i bsrungs bya kun/ /gang ltar 'tsham par gda' mi byed/ /rdo rje sems dpa' i bka' bshad pa'i/ /sdom pa'i rtsa ba thams cad kun/ /de bzhin nyid du ma srungs na/ /yag sha khro bo me dpal gyis/ /snying las drangs te khrag 'thungs nas/ /ngan song gsum du skye bar 'gyur/ /de'i sdug bsngal bzod glags med/ /de'i phyir lam bzhir ldog zag yod/ /shing bal lta bur shin tu yang/ /dbugs kyi rgyu ba yun rings bral/ /rnal 'byor mkha' la gza' skar bzhin/ /gsal la mi g.yo spyod yul med/ /zhor las byung bas rdzogs pa'i phyir/ /'di zhes grangs kyi cha las 'das/ /las su rung ba'i rtags rnams kyang/ /sngon byung stobs su 'phel ba dang/ /khams snyoms rang lus bde bas rgyas/ /'du ba bzhi bral bzod thob tshe/ /mngon shes drug dang rtsa lnga rdzogs/ /rab 'bring cha yis yul khams gling/ /tshun chad gsal zhing 'dul bar byed/ /tshigs drug dag pa'i stobs las gyur/ /rdzu 'phrul nyi shu cha g.yo thob/ /thams cad skad mthun chos ston rjes/ /sa g.yos chos snang byed pa dang/ /yi ge sgrar byed kun brjod pa'o/ /'di dag mthong dang bco brgyad dang/ /shugs snang brgyad mthong re dogs gzhag /rmi lam gcig dang chos mthun par/ /'byung pa gsal dang stan pas dbye/ /'byung ba lnga nyid rigs kyi yum/ /bzang po ltas su lung bstan kun/ /
- 451a
lam 'di rdzogs par 'byung ba yin/ /bsgrub pa'i rigs 'dzin lam 'di nyid/ /mthar phyin rigs kyi rgyu yin phyir/ /mtshan ma 'byung ba'i sa yin te/ /bar chad med tshogs skabs suAng 'di'o/ /phung po lnga nyid de bzhin gshegs/ /dbang po rnam shes byang chub sems/ /yul dus byang chub chen mo yin/ /bdag rtogs rnam bzhi khro bo yin/ /rtag chad mu bzhi khro mo'o/ /de sems rang rig nyid ces bya/ /de bzhin mnyam rdzogs lhun grub pa'i/ /de bzhin gshegs dang ye shes lnga/ /rang 'byung chen po'i dkyil 'khor sgom/ /rtog gnyis bral ba'i thabs mkhas kyis/ /lha gsal dngos po med sgoms nas/ /mthong thos la sogs med pa'i tshul/ /rang rig ye shes gsal sgoms na/ /rang bzhin med las cir yang 'grub/ /rkyen gyis 'gyur ba'i dus byung na/ /spros pa gang yin gzung ba yis/ /las ngan lam zhes rgyun bcad nas/ /bar ma 'am phyi mar gnyis sbyor 'dzin/ /gang zhig nus gzhan skabs med pa'o/ /'phen pa'i 'brel pas sa bon gyis/ /tshe rabs kun tu bde thob nas/ /gsum dang mi skol spyod pas thob/ /snyoms las med par brtson byas na/ /lam du rigs 'dzin thob pa yang/ /chos nyid dam tshig smon mthu dang/ /yan lag rdzogs par rigs 'dzin 'gyur/ /spros pa'i rnal 'byor rgyun chags pa'i/ /bsod nams ye shes longs sbyor gyi/ /mun snang dug 'gyur ji bzhin du/ /yi ge 'khor lo tshogs mchog bsnyes/ /spros pa'i rnal 'byor la slob pa'i le'u ste/ drug pa'o// //dkyil 'khor gnyis
- 451b
la phyag 'tshal nas/ /bar chad med par sbyor ba yi/ /bsgrub pa dus kyi tshogs bshad bya/ /bar chad med pa'i lam bsgrub pa'ang/ /bsnyen pa dang ni nye bsnyen dang/ /bsgrub pa dang ni bsgrub chen pos/ /rdzogs par skabs 'dir shes par bya/ /'di yang lam bsgrub sbyor ba yi/ /cha'i dang po bsnyen pa 'di/ /byang chub sems rtogs 'grus pa dang/ /bsnyen pa'i dam pa yin pa'i phyir/ /sems chas snying rje man chad do/ /phyag rgya gsal ba nye bsnyen pa// de phyir gcig dang spros pa'o/ /bsgrub pa nyid ni bar chad med/ /dus kyi tshogs mdza' bsgrub chen len/ /mthar lam gang thob grub pa po/ /gsum pa mchod pa'i skabs su shes/ /gnyis pa gtso bo 'dir bstan pa/ /bzhi dang gzhung gis rdzogs par 'gyur/ /phun sum tshogs pa lnga bzhi la/ /bsnyen bsgrub bzhi yis gzhung bsrangs pa'o/ /gang dag mos pa ji bzhin du/ /zhi dang khro bos bsgrub par bya/ /de la snga ma gnas dang dus/ /yo byad ston 'khor bsgrub pa po/ /bsgrub thabs phun sum tshogs pa yis/ /bzhi dang sbyor bas gzhung rdzogs bya/ /de la spros pa mthar phyin pas/ /cho ga lnga ni rdzogs byas shing/ /yo byad lnga ni rdzogs par ldan/ /sngags kyi yan lag lnga rdzogs pa'i/ /rnal 'byor tshogs pa'i dkyil 'khor gyis/ /nges par legs pa'i dgongs pa 'grub/ /ston pa mdzod ldan chu bo rdzogs/ /gnyer ldan rgyud dang las la mkhas/ /man ngag drod 'chang brgyad 'chang ba/ /rnal 'byor mthar ldan shin tu bsten/ /ston pa mchod brtson rtogs pa gsal/ /dam tshig sngags dang phyag rgya rnams/ /ma nyams shes shing yo byad ldan/ /'khor gyis 'grub 'gyur mi ldan brlag /sde dpung chen pos mi tshugs shing
- 452a
tha dad? bar snang shis pa dang/ /lo rgyus rnam gnyis ldan pa dang/ /yid 'ong sa brtsal rgyas par bya/ /rnyed nas tshom bu'i grangs bzhin du/ /che chung rkyen du 'tsham par bya/ /'khor khang phyi nang ldan pa'i// rin chen byug pas bsrungs pa dang/ /rin chen spros pa'i gzhal yas khang/ /yid 'ong bya ba shin tu gces/ /tshes grangs yar gyi brgyad la rtsam/ /shin tu skar ma rgyal rnams la/ /byang chub spyod pa tshar spyod bya/ / gsang chen dngos grub myur ba'i phyir/ /gza' skar shis pas blang bar bya/ /zhag ni sum cu phrag drug gam/ /bcu gnyis bcu bzhi bcu drug gis/ /dbang sgyur rigs kyi mchog bsgrub phyir/ /rnal 'byor brtson chas rims bzhin bsgrub/ /gos brgyan bza' btung gsang ba dang/ /bsgrub pa'i yo byad lnga rnams dang/ /dkyil 'khor yo byang mchod pa'i rdzas/ /dngos grub rten dang bar chad bzlog /yo byad dag par bsdu byas te/ / tshe gsum bcad la byin gyis brlab/ /sgrub thabs yan lag bzhi sbyar ba/ /gnas dang longs spyod ci bde dang/ /ma nyams blo ni rab ldan pas/ /dang pa'i dam mnos bzhin du bya/ /dam bcas ldan pas 'dus te bsgrub/ /yang na dpag tshad rgyang grags tshad/ /so sor 'tsham pa'i gzugs brnyan bri/ /brgyan dang mchod sogs 'khor ba dang/ /phyi rol mchod pa la sogs te/ /phyin chad bsrung sgo rims bzhin bya/ / bsnyen pa'i don du sngon bya ba/ /rdzogs pa'i las rnams zin par bya/ /'dus pas phyogs bcing rdzas brlabs nas/ /spyi 'am yang na re re zhing/ /tshom bu'i dkyil 'khor rims bzhin sgom/ /rnal 'byor thabs
- 452b
dang shes rab kyis/ /de bzhin gshegs pa'i yum du bsgom/ /sems dpa' sems ma nyid du bsgom/ /so so'i rigs dang phyag rgya dang/ /ting 'dzin yang dag so sor gsal/ /rigs kyi rigs te rigs kyi gtso/ /thugs kyi thugs te thugs kyi mchog /khro bo'i tshogs dang ldan pa yi/ /tshom bu gcig pa'i lha rnams bsgom/ /de bzhin rigs dang rdo rje'i rigs/ /pad+ma'i rigs te sku gsung thugs/ /khro bo'i tshogs dang ldan rig pa'i/ /tshom bu gsum pa'i lha rnams bsgom/ /lnga dang lnga'i sbyor ba yis/ /tshom bu lnga'i lha bkod la/ /khro bo bcu dang khro mo bcu/ /'khor lo'i tshul du rnam par bsgom/ /byin brlabs dbang dang ldan byas nas/ /rang bzhin gnas nas dbab byas te/ /bzhugs dang bstan byas rim bar mchod/ /rdzogs nas bstod de bsnyen pa bya/ /zin nas bsdu ste rnal 'byor tshogs/ /tshul bzhin mchod pa'i 'phrin las bya/ /nang nub mkha' 'gro lhag ma sbyin/ / bar chad zlog cing bsnyen pa bya/ /zla phyed phyed zhag nye bsnyen pa/ /lha gsal 'phro 'dus snod du rung/ /bco lnga mar phyed bsgrub pa ste/ /'phro 'du bsnol nas bsgrub par bya/ /zhag grangs tshangs nas rtags byung na/ / dngos grub bzlas bslang bsgrub chen po/ /de bzhin rgyud kyi zhag grangs bzhin/ /bar chad med par bsgrub par bya/ /spyod lam yo byad lnga spyod cing/ /dngos su mchod pa rnam gnyis po/ /gtso ru dgos pa gang yin pa/ / phyi ma'i gdug pa 'dul bar shes/ /snga ma rgyas par bshad par bya/ /gos brgyan bza' btung glu gar rnams/ /hUM du shes pas rab spyad na/ /ngo mtshar dkyil 'khor mnyes pa'i phyir/ /gsang sogs yo byad
- 453a
lnga po rnams/ /rig phyir ma skyes ye shes gsal/ /chos nyid ye shes rol par sgom/ /cig shos tshe yang di bzhin no/ /phyogs bcu mdza' yas dus bzhi'i/ /thams cad dbyer med ma 'da' la// nyi zla shar ba'i gzhal yas nang/ /pad+ma chags med gdan bting nas/ /rin chen zad med pho brang sa/ /che chung tshad dpag med pa'i/ /byang chub bde ldan dkyil 'khor la/ /bde ldan byang chub rab bkod nas/ /ma lus thams cad dbyings bsdus nas/ /lus bskyod yan lag bsgul gsigs nas/ /dpa' po lnga'i dkyil 'khor kun/ /phyag rgya chen po yin par bshad/ /lhag pa'i ting 'dzin 'ba' zhig ga/ /bro sogs tshe na sgom pa 'ang/ /'bruM dang tsakra'i dkyil 'khor du/ /pad+ma chags med gdan bting nas/ /thabs dang shes rab chags med tshul/ /yan lag lnga po thams cad kun/ /rang bzhin yongs kyis dag pa dang/ /ting 'dzin de bzhin gshegs pa lnga'o/ /yin sa ma bcos yongs rdzogs kyis/ /lhag pa'i ting 'dzin dkyil 'khor gis/ /dbu la de bzhin gshegs pa'i 'khor/ /yan lag bzhi la rigs bzhi'i 'khor/ / kha dog dbyibs dang phyag rgya dang/ /thabs dang shes rab gsal bsgoms te/ /phyogs bcur spros shing ngan song sbyong/ /gnas su bsdu zhing dkyil 'khor bstim/ /'das dang ma 'das thams cad kun/ /bde gshegs zhing du rnam par sbyor/ /yan lag chen po lnga bskyod na/ /rigs lnga'i dkyil 'khor ma lus g.yo/ /'gro lnga byang chub lam du mdzad/ /snyigs ma lnga yang rnam par dag /bzang mdzes legs par go/ bgos na
- 453b
'od zer sna tshogs 'phro bar 'gyur/ /de nas mthar thug med pa'i bar/ /ye shes lnga yis brgyan par 'gyur/ /brgyan mchog mdzes par lus brgyan nas/ /ting 'dzin 'od 'bar gsal bsgoms te/ /phyogs bcu gang bar dkyil 'khor sbros/ /bdag nyid chen po'i dkyil 'khor la/ /mi dmigs dbyings nas dkyil 'khor mchod/ /'dod lnga thabs shes rab gnas/ /bde mchog ro yang myong bar byed/ /bag chags tshogs chen gnyis dang/ ldan/ /bro thabs gar gyi phyag rgya dang/ /glu dbyangs tshig gi sgra bsgrags na/ /phyogs bcu skye gnas ma lus kun/ /lhun grub rdo rje'i sku mthong zhing/ /chos kyi dung chen sga yang thos/ /sgrib gnyis byang nas byang chub 'grub/ /bden mthong snyan grags tshogs chen 'grub/ /mchags ye shes che dang ldan/ /thabs dang shes rab thams cad kun/ /dbus nas shar phyogs kha bstan te/ /seng+ge stobs chen mchod par bya/ /dbang po lnga la yi ge lnga/ /gsal pa'i 'phro 'du mngon shes rdzogs/ /'dod pa lnga la chags med rol/ /bdag dang gzhan don rdzogs par byed/ /tshom bu gsal ba'i yab yum rnams/ /phan tshun 'od 'phro stim bya ste/ /dkyil 'khor 'bar ba gsal gyur nas/ /bdag dang phyogs bcu'i gnyis med sgom/ /phyogs phyogs rim bzhin kha ltas te/ /thugs sku gsung yon las kyi glu/ /bro tshig brjod dang ye shes rgyan/ /bra glu rigs lnga spyi glu bo/ /rnam lnga stan nas glu ldan bya/ /sreg ldan bra glus don gnyis rdzogs/ /bza' dang bca' dang btung myur rnams/ /thabs dang shes rab nyid gnas shing/ /bdag nyid chen po mchod pa yis/ /sangs rgyas dkyil 'khor ma lus mnyes/ /srid
- 454a
gsum sems can thams cad la/ /bde ba chen pos khyab par 'gyur/ /bdud rtsir 'gyur zhing 'byung ba dang/ /bzhi brgya rtsa bzhi'i nang sel cing/ /longs spyod 'byung zhing ngan song sbyong/ /cir yang gzhan du 'gyur bar 'grub/ /de ltar bzhi dang ldan pa yis/ /thabs dang shes rab ldan gyur na/ /byin brlabs cha rnams rdzogs par bya/ /bsnyen bsgrub gsang ba bzhi rim pa/ /thams cad gnyis med dbyings su sbyor/ /gnyis med dbyings nas byang chub 'bar/ /'od 'phro 'bar bas phyogs bcur gsal/ /bde bas thabs chen thabs kyi mchog /shes rab bde mchog brtan ldan rdzogs/ /rdo rje dril bu yang dag ldan/ /phyag rgya bzhi dang lha mo brgyad/ /rdzogs rol nyi zla dus cig ldan/ /gnyis med zung du 'brel 'gyur na/ /bde gshegs dkyil 'khor ma lus 'byung/ /thig le rdo rje'i gzugs su chags/ /mchod chen mkha' 'gro gsal bar 'gyur/ /sgyu 'phrul dkyil 'khor bzhi bcu gnyis/ /dra ba'i dkyil 'khor mngon rdzogs pas/ /phyogs bcu dus bzhi mngon rdzogs pa'i/ /dkyil 'khor thams cad 'grub par 'gyur/ /sgyu 'phrul dra ba brtan pa yis/ / / /phyogs bcu dus bzhi gshegs pa yi/ /sangs rgyas dkyil 'khor ma lus dang/ /khams gsum 'gro rnams mngon du 'gyur/ /sgyu 'phrul dra ba mngon rdzogs pa'i/ /dkyil 'khor brtan pa'i ting nge 'dzin/ / gyo? gar 'du 'phro'i phyag rgya yis/ /'tshul? lam nam mkha' 'gro bar 'gyur/ /glu tshig sgra'i phyag rgya yis/ /chos kyi dngos grub thob par 'gyur/ /brgyan dang 'go ba'i phyag rgya yis/ /'bar ba'i rgyal po thub med 'grub/ /
- 454b
bza' dang btung ba'i phyag rgya yis/ /yid bzhin sku dang bdud rtsi 'grub/ /A li kA li'i phyag rgya yis/ /thams cad thams cad 'grub par 'gyur/ /gdug pa'i tshogs rnams bsgrub bya ba/ /gnas dang zla dang rdzas rnams ni/ /tshogs kyi mchog tu dmigs par gzhag /nags tshal chen bo dben pa'i sar/ /gzhung dang mthun pa rnyed nas ni/ /gnod sprad sa gnan byin gyis brlab/ /sa gzhi mnyam pa rgyas par bya/ /sgyu 'phrul dra ba rdzogs sangs rgyas/ /dkyil 'khor lnga bcu brgyad bstan pa'i/ /cho ga yan lag rdzogs pa yi/ /rnal 'byor 'dus pas nges par 'grub/ /ston pa rdo rje rgyal dbang can/ /rgyal tshab rgyal por mtshungs pa dang/ /dkar ma 'dangs chen 'phred bar ldan/ /lngon cug sdong reg mtshan rdzogs dang/ /rnal 'byor ming srid /brtse gdung ldan/ /tshom bu lnga 'am zung gis 'grub/ /dkar rtsi dmar rtsi dri sha chen/ /rdo rje dung chen dmar gyis ba gang/ /dung dang srog shing gsar rnying dang/ /gzugs dang lugs chen dung mchog dang/ /rgyan chas bcu drug tshang ba dang/ /bsgrub po 'tsho ba'i yo byad dang/ /bsgrub pa rdzas kyi yo byad dag /zhing 'gyur mchog dang mchog phran dang/ /skyen bzlog yungs kar lce pog nag /gu gul sman dang bcas pa dang/ /rdo rje go mtshon bcas pa dang/ /ji snyed pa'i rdzas rnams kun/ /'jigs byed chen po'i ting nge 'dzin dang/ /nyams pa med pa'i sems kyis spyad/ /bsdus te tshogs su bya ba'i phyir/ /ci 'dod snang ba bdag gis dgod/ /zhag ni sum cu phrag drug gam/ /drug cu dgu bcu rtsa drug tu/ / 'jigs byed chen po'i dkyil 'khor sgom/ /sgyu 'phrul dra ba'i dkyil 'khor la/ /rdeng dang bcas pa'i bsam pa yis/ /re ba med par rab tu bsgrub/ /glu dang gar dang phyag rgya dang/ /byang chub sems kyis mchod pa dang/ /brda' la
- 455a
sogs pa'i yon tan dang/ /bza' dang bca' dang btung dang bgo /longs spyod lnga ldan thams cad kyis/ /mdor na tshogs rnams mngon du bsgrub/ /sbyi'i bsnyen bsgrub sngon bzhin shes/ /bsgrub pa'i thabs kyi bsnyen bsgrub bzhi/ /dang po'i tshen gnas chen der/ /rgyang grags dpag tshad la sogs dang/ /lus ngag lus ni gsum gyi tshang/ /rang gi rig pas ci nus par/ /phyag rgya gzugs brnyan snying po rnams/ /lnga yi tshon gyis bri bar bya/ /yo byad sngon bzhin byin brlabs nas/ /'phags rgyal mchod cing phyi rol pa/ /bcu bzhi mnyes dang gnyis po yang/ /sbyin pas tshim byas bgo bar bya/ /'jigs byed dbang du bdag zhugs nas/ /khro bo khro mo'i 'khor du bya/ /gdan du gzir zhing phur bus gdag/ rang bzhin phal ba mchod bstod/ /bar chad ting 'dzin mchog gis bzlog /thun mong bsrung ba'i 'khor lor bya/ /de nas gnyis pa rgyun rnams dang/ /bsgrub rdzas mchod pa dam rdzogs nas/ /phyi nang gsang bas bsrung byas te/ /srin po rgyal po tshul bzhin mtshan?/ rtags ldan rdzas la byin brlabs bya/ /de nas rdzas rnams byin gyis brlab/ /de nas 'khor lo gcig pa 'am/ /gsum dang lnga ru sgom bya ba/ /'khor lo bar 'khyams sgo na dang/ /'jigs byed 'khor? lo rigs kyi gtso/ /btsun mo'i tshogs dang ldan par bya/ /zhi dang drag po dbang dang rgyas/ /'jigs pa'i tshogs chen de dbus su/ /bdag nyid drag por bcos tshul du/ /sku gsung thugs kyi dkyil 'khor sgom/ /de bzhin rdo rje pad+ma dang/ /rin chen ral gri tshom bu sgom/ /cig la'o rdo rje gsum mos pa/ /sku gsung thugs kyi 'jigs byed do/ /'jigs byed lnga rdzogs dkyil 'khor ni/ /'dus pa'i tshom bu lnga'i rigs/ /nyi shu rtsa lnga sku gsung thugs/ /
- 455b
yon tan 'phrin las rdzogs par bsgom/ /rgyan dang cha lugs la sogs pa/ /'jigs pa'i tshogs ni ji bzhin par/ /spyi 'am yang na re re ru/ /tsham dam chen po'i cha lugs bsgom/ /lhag pa'i dkyil 'khor dgu bu ldan/ /byin dbang thob pa'i bdag dkyil la/ rang bzhin phab bkug gzhug cing brtan/ /dgyes na rim bzhin mchod par bya// //oM A(rgyud 'grel): hUM su ra to/ /mahA ban tsa sh+ri hi ru ka/ man tra dzwa la ma hA man da la/ kA ya bAg tsi ta/ oM oM oM/ hUM hUM hUM/ swaM swaM swaM/ AM AM AM/ haM haM haM/ badzra ma hA kA pa la kha ra ga dan ta dan dzwa la sid+d+hi/ mahA sh+rI he ru ka a me du a sid dod b+ha be/ /sang ha ra na hUM hUM hUM mahA yo ga ang d+ha mahA sa ma ya/ ru lu ru lu/ a la la la ho/ oM A(rgyud 'grel): hUM su ra to ka ma la/ mahA su ka ma phye/ ma nu sa ma na/ dza li d+ha na/ a ba spho ka kha'i/ a la la la ho/ mchod stong rdzogs nas bsnyen pa ni/ /ye shes mdun du lhag pa la/ /bzlas pa gsal ba gsum gyis bya/ /oM badzraM mahA sh+rI hi ru ka /badzra kro ti shwa ri sarba dus stan hUM phaT/ ru lu ru lu mahA sa ma ya hUM/ ru lu ru lu hUM b+hyo hUM// //de sogs bzlas bsnyen 'phro 'du yis/ /bdun par bskul dang snod byed pa/ /snyen pa'i dkyil 'khor rdzogs pa'o/ /de bsnyen dra bzhin bsgrub pa yang/ /'phro 'du bskul dang dngos grub sdud/ /skyon bcu spangs te bsgrub pa ni/ /bsgrub pa'i dus su shes bar bya/ /gcig la rdzas btar tshur 'du ba/ /bsgrub pa chen por shes bar bya/ /shel dang byu ru pur ba dang/ / mthing gi bur ba mang po dag /rim bzhin bur ba me tog dang/ /mtsho la ser chen 'bab bzhin no/ /'od dang dri dang sgra gzugs dang/ /'khor dang 'bar dang khol 'byung na/ /bar chad cha rnams brtag bya ste/ /bar chod bskrad
- 456a
de bdag bsrungs la/ /zhag grangs tshang zhing rtags byung na/ /dkyil 'khor 'thun pa nyid du sbyar/ /gnas su stim zhing bstan par bya/ /de nas sngon bzhin rnam gsum thob/ /gsang mchog rgyas par bshad bya ba zhing 'gyur mchog dang mchog phran rnams/ /nyi zla'i steng du mkhas pas gzhag/ nga rgyal lag gi 'du byed sgom/ /hUM du gyur pas rnam par dag /dbyings su thim nas phyag rgyar 'bar/ /skur gyur 'od zer 'phro bas brjid/ /gtsug tu rnam par rgyal ba bsgom/ /de bzhin gshegs par byin brlabs nas/ /rgyal ba'i sras su dbang yang bskur/ /shin tu khro bo chen po yis/ /thabs kyi lha chen bsgral ba ltar/ /chos nyid rtogs pa'i ting 'dzin gyis/ /gnyis med par thal gyis bsgral/ /thugs rje chen po'i byin brlabs kyis/ /lam lnga'i sems can kun bkug nas/ /thams cad ma lus bsgral bar bya/ /phyi nang snod bcud ji snyed pa/ / gnas pa'i sems can ma lus kun/ /bdag nyid chen po rtogs pa gis/ /dbyings su yang ni bsgral bar bya/ /ri rab chen po'i gling bzhi la/ /gnas pa'i sems can ma lus kun/ /thugs rje chen po'i byin brlabs kyis/ /ye shes me chen sgom bya ste/ /thams cad ma lus bsreg par bya/ /dbyings su yang ni bstim par bya/ /srid gsum sreg pa'i me yin te/ /yid kyi ye shes me ru 'bar/ /raM/ ngo mtshar ngan 'gro thar pa'i thabs/ /ye nas skye med de bzhin nyid/ /sgyu mar snang ba mig yor tshul/ /sbyor sgrol bya ba kun byas kyang/ /rdul cha tsam yang byas pa med/ /de ltar bsgral ba kun byas kyang/ /bsgral ba'i dngos po gang yang med/
- 456b
phung po lnga po gshig par bya/ /bshig nas 'byung ba'i bag la zha/ /ma zhig na yang 'byung ba yin/ /rnam shes med pas bsang byas nas/ /rmi lam srog bcad tshul bzhin du/ /gnas pa nyid na dngos po med/ /sems kyi rang bzhin de la ni/ /dus gsum sangs rgyas dgrar las kyang/ /sus kyang zin cing song pa med/ /'o na thugs rjes gang bsgral na/ /rnam rtog mtshan ma thams cad kun/ /phyin ci log las bzlog bya ste/ /ting 'dzin sngags dang phyag rgya dang/ /shin tu goms pas dbang bskur te/ /byang chub zhing la dgod par bya/ /de tsam las ni bsgral zhes gdags/ /bsgral ba nyid na sbyor ba yod/ /nyon mongs sdug bsngal rtsad bcad nas/ /byang chub gnas su bsgral bas na/ / gnyis med dbyings su sbyor ba yin/ /lha mo klu mo rigs ngan mo/ /dbye 'am yang na mi dbye bar/ /bsnyen pa dang ni nye bsnyen po/ /bsgrub pa dang ni bsgrub chen pos/ /shes rab dbyings ma khrus byas la/ /bder gshegs dkyil 'khor kun bkod/ /bdag nyid rig pa'i lhar sgoms nas/ /gnyis su med par ldan par bya/ /rdo rje dril bu ldan gyur nas/ /yum gyi pad+ma'i dkyil 'khor du/ /byang chub pad+ma'i bde thugs spros/ /sems lnga rim par zin pa yis sangs rgyas dkyil 'khor ma lus la/ /dgyes mnyam mchog gi sbyin pas bstim /phyogs dus dkyil 'khor gsum mnyes dang/ /'gro ba mang po de thob nas/ /slar yang gnyis med dbyings su thim/ /thim 'gyur dbyings nas phyag rgyar 'bar/ /bde gshegs thabs bar shes rab rdzogs/ /phyag rgya drug kyang yang dag rdzogs/ /bsod nams tshogs chen gnyis kyang rdzogs/ /bsgrub pa nyi zla'i snying po de/ /dkyil 'khor rdo rje lce yis blang/ /
- 457a
mkha' 'gro gsal 'bar tshe la sogs/ /yid bzhin sprin gyi bdag por 'gyur/ /'gro drug dus gnas de dag snang/ /mchod pa chen po mnyam sbyor zhing/ /thams cad dbyings su sbyor bas na/ /ngan 'gror mi ltung yang dag 'grub/ /'di ni bsgral ba chen po yin/ /bsgral ba nyid na sbyor ba yin/ /sbyor ba nyid na ma lus bsgral/ /ye nas lha dang lha mo yi/ /dkyil 'khor yang dag sbyor ba dang/ /dbang po yul dus sbyor ba'o/ /phung po lnga nyid de bzhin gshegs/ /'byung ba lnga nyid yum du sbyor/ /dus bzhi lha mo nyid du sbyor/ /rtag chad mu bzhi khro mo bzhi/ /thams cad ma lus 'byung ba kun/ /mnyam pa'i dbyings nyid rig par sbyor/ /thabs kyis srin mo rol pa ltar/ /sbyor ba nyid na chags pa med/ /ma chags pa la chags pa dang/ /chags pa nyid na zin chags med/ /'di ni tshangs mchog rgyal po ste/ /shin tu chags pa chen po yin/ /ma rtags pa yi spyad gyur na/ /yi dwags srin po'i gnas su skye/ /mchod pa 'am spyod lam thams cad du/ /chas brgyad brgyan rnams bgo byas te/ /bza' btung rjes su mthun par dpyad/ /bro gar glu tshig ldan par bya/ /dbang po yul dus rig pa rnams/ /thabs dang shes rab ldan 'gyur zhing/ /mnyam pa'i dang nyid rtogs gsal na/ /thams cad bde ba chen po'i rgya/ /bskyod chen 'khor lo'i gzhal yas su/ /khro bo khro mo thams cad kun/ /gsal zhing 'od zer 'phro bsgoms na/ /bsgul bskyod thams cad phyag rgya yin/ /thabs dang shes rab ldan pa'i zhabs/ /rtag tu rdo rje 'bar bar 'gyur/ /thabs chen re re bskyod pa na/ /pad+ma chags med re re 'byung/ /rdo rje pad+ma de sbyor na/ /sems can thams cad bla na med/ /byang chub zhing du
- 457b
skye bar 'gyur/ /rang bzhin dkyil 'khor lha rnams dang/ /khro bo'i dkyil 'khor sgom bya ste/ /dbu'i dkyil 'khor bsgul bskyod na/ /sangs rgyas dkyil 'khor thams cad g.yo/ /lag gi 'du byed bskyod byas na/ /rigs 'dzin zhing khams thams cad g.yo/ /rkang pa'i stabs chen mnan mchongs na/ /sdug bsngal mi bzad thams cad dang/ /bdud dang log 'dren thams cad mnan/ /yan lag thams cad bsgul bsigs na/ /ba sbu bu ga re re nas/ /khro bo rdul snyed grangs med spro/ / de'i sprul pa grangs med kyis/ /phyogs bcu khams rnams rdul snyed du/ /khro bo'i don rnams rdul phran snyed/ /thugs rjes 'dul zhing dbyings su bstim/ /bro gar glu tshig stangs stabs dang/ /ting 'dzin yo byad thams cad kun/ /zhi ba tshogs kyi dkyil 'khor las/ /bro gar rtse 'jo la sogs bsgyur/ /'khor gyi 'phra men tshim bya ste/ /dbang du bsdu dang sgom pa rnams/ /rgyas byas skye las bsdud te dpyad/ /de ltar bsgrubs pas the tshom med/ /thabs dang shes rab thams cad kyis/ /de lta bu'i longs spyod ni/ /sangs rgyas dkyil 'khor ma lus mnyes/ /srid gsum 'gro ba thams cad la/ /dga' ba chen pos khyab par 'gyur/ /rtags chen sngon bzhin 'phel ba rten/ /gling grangs mthong ba drug kyang 'byung/ /sgra brnyan rmi lam dag tu yang/ /bde ba'i 'jig rten gnas rnams dang/ /skye ba gang dag 'dzin pa dang/ /rigs 'dzin lung sten brtag par bya/ /zhag grangs bcu drug tshun chad kyis/ /lus ma spangs par rigs 'dzin sa/ /yun rings chos kyi bde spyad nas/ /bla med rdo rje sems dpa' i sar/ /dpe byad mtshon gyis rnam par brgyan/ /mngon shes drug ldan thams cad mkhyen/ /tshogs chen gnyis kyang rdzogs par rol/ /sangs rgyas zhing la
- 458a
dbang sgyur te/ /spyod yul kun tu ma 'da' la/ /ji ltar dmigs pa bzhin du 'grub/ /de bas las dus rag lus sems/ /dor byas brtson 'grus chen pos sbyor/ /mthong ba'i chos la mya ngan 'da' o/ /rnal 'byor las su rung rnams kyis/ /'di lta bu'i las byas na/ /'bras bu mngon du ma byung na/ /lus ngag yid la dbang thob nas/ /sangs rgyas 'byung dang skal mnyam 'gyur/ /las dang 'brel ba'i byin brlabs kyis/ /theg pa dman par yong mi skye/ /bsod nams ye shes dpung tshogs kyis/ /las kyi mun pa sbyangs pa'i phyir/ /ngan song gsum du yong mi ltung/ /gnas ngan longs spyod mi bde ba'i/ /ngan song brgyad du 'gro mi 'gyur/ /gzugs mchog dam pa ldan pa'i phyir/ /rdo rje theg mchog rjed mi 'gyur// tshe ring bde ba phun sum tshogs/ /lha ma'i gnas mchog sa skabs der/ /lus byad bzang zhing yan lag rdzogs/ /dbang po tshang zhing lhag chad med/ /skad gdangs snyan cing 'gro don byed/ /bdag gi longs spyod thams cad kun/ /gzhan la gnang ba med par 'grub/ /tshan po che'i mthu stobs ldan/ /'gro ba'i don dang yang dag ldan/ /gzhan la gnod pa yong mi byed/ /snying rje che zhing shes rab ldan/ /mthu stobs che zhing thabs ldan pas/ /bdag dang gzhan don rdzogs par byed/ / mthar phyin skye shi med pa'i sa/ /sangs rgyas yon tan rin po che/ /bkod pa'i gzhal yas thams cad la/ /'dod lha drug pa ji lta bar/ /dbang sgyur dpyod pa'i dngos grub thob/ /de phyir dbang bsgyur phyi ma'i dus/ /nyid du sbyor bas smos ci dgos/ /de ltar brtson 'grus ldan pas ni/ /mthong dang phyi mar ma gyur na'ang/ /lan grangs gzhan duAng bdun nyid las/ /mi 'da' rigs kyi dam par 'gyur/ /cho ga sngags dang yo byad dag /bco lnga rdzogs nas ma nyams
- 458b
ldan/ /nges par tshogs te tshogs dpyad na/ /'bras bu sngon du ma byung yang/ /rgyal po bran mo ngan bshos kyang/ /'byung nur chags pa'i rigs 'dzin te/ /mthong na dmangs kyi slar 'gyur zhing/ /kun la dbang sgyur stobs ldan pas/ /lha rnams re ba'i mthu skye bas/ /bsrung rbed mchod pa byed pa ltar/ /rnal 'byor stobs ldan 'gyur ba na/ /rdo rje dam can mang po kun/ /de'i dbang gis khur bar byed/ /spyod yul dor nas phyag rgyar rdzogs/ /la la de ltar de nges na/ /de ltar ma gyur bsod nams sa/ /tshe rabs skye ba thams cad du/ /las ngan lnga bcu brgyad spyod pa'i/ /sa gnas kun tu skye mi 'gyur/ /nges 'byung bzhi 'ang spyod mi 'gyur/ /rdo rje rigs mchog 'dzin 'gyur te/ /rnam smin thob nas sngon bzhin te/ 'di la the tshom ldan min pas/ /skal ldan kun gyis rtags 'grub bya'o/ /bar chad med pa'i lam/ tshogs bsgrub pa'i le'u ste/ bdun pa'o// //dngos grub lhag pa'i mchog nyid la/ /bsnyen bsgrub bzhi yis mos byas nas/ /bde chen sa la dgod pa'i phyir/ /mthar phyin 'bras bu'i mtshan nyid bshad/ /dus tshogs bar chad med sa nas/ /lhag ma med dang yod pa yi/ /mya ngan 'da' bas mthar sbyor ba/ /thun mong lta bur zung du 'gyur// de la thog ma bshad pa ni/ /gcig dang du ma'i rnal 'byor ma/ /brtan nyid sa 'am de thob nas/ /zla drug bcu drug bsnyen bsgrub tshe/ /rdo rje'i lus su ma gyur par/ /stobs chud rkyen smon zhan pa'i phyir/ /rnam rtog 'byung ba'i lhag lus gzhag /rdo rje 'chang sar rig pas 'gro/ /lha'i rnal 'byor gsal rdzogs smin/ /lus kyi dra bas bsgrib gyur pa'i/ /ka la ping ka mi 'jigs bzhin/ /bral nas snang byed de rnams smin/ /yid kyis lha'i gzugs bzung zhing/ /
- 459a
lus kyi rgya mdud draln 'gyur nas/ /phyag rgya'i sku nyid gsal 'gyur nas/ /rnam par smin ces de la bya/ /rgya dmig yrgyas ji lta bar/ /phyag rgya thob la ma rag po'o/ /gzugs rdzogs stobs chen de kho na'o/ /de yang dgongs sa khyad par gnyis/ /dgongs spyod rgya mtsho snga phyi dang/ /rgyud mthun stobs chas ming grags pa/ /lhag med 'byung med las lus med/ /mya ngan 'das pa 'am min ces brjod/ /dkyil 'khor rol pa'i tshul spyod pas/ /tshogs gnyis rdzogs pas bdag gi don/ /smin pas 'phrin las rdzogs byed pas/ /mi dor dgod pa gzhag kyi'o/ /de de'ang 'di dang phyi ma dang/ /lan grangs gzhan du rab 'bring gis/ /thob kyi skal bar ma 'gyang ste/ /dgongs spyod rtson pa gtso phyir ro/ /gang de bral ma thag par du/ /brgya bzhi rdzogs par bdag 'gyur ba/ /rdo rje lnga sogs rig pas 'dzin/ /phyag rgya chen po'i rigs 'bras bu/ /de phyir rgya che'i bar chad med/ /lam mchog dbye sa cig yin no/ /bar chad med pa 'am smin pa'i/ /mngon par shes pa'ang de ming can/ /mi 'gyur nges par 'gyur pa 'ang yin/ /dpag tshad gling khams yul la sbyor/ /phyi ma dus kyi tshogs bsgrubs pas/ /dgongs spyod brtson pa stobs rdzogs dang/ /yo byad thabs kyi stobs las skyes/ /gzhan pa'i yo byad rtags pa na/ /dngos grub rol pa'i mthu las byung/ /thabs rgyus che bas so so'ang/ /lam las skyes pas mchog yin te/ /de yang rgyu dus ngo bo grangs/ /dgongs spyod mngon shes sbyor ba'i tshul/ /gzhi gnyis lus kyis rdzogs par bshad/ /thabs dang grang ba sgyur bya ba/ /shes rab rnam gsum goms byas nas/ /ting 'dzin mnyam pa'i don rtogs te/
- 459b
kun tu yangs pa chen por sgom/ /shes 'jug lnga rtogs goms pas ni/ /zla zhag rgyud bzhin bsgrub byed pas/ /rdo rje'i lus su the tshom med/ /ming bzhi lus nyid de lta'o/ /zhag ni sum cu phrag drug gam/ /bcu gnyis bcu bzhi bcu drug gas?/ /rab 'bring ji bzhin mi slu par/ /dbang sgyur rigs kyi dam pa 'grub/ /rgyu 'bras dus gcig rdzogs pa'i/ /rang rig nyid la dbang thob ste/ /tshon bcu dang drug pa'i/ /brgya brgya dag tu snur zhing gnas/ /lus ma bor bar sangs rgyas pa'o/ /don mthong 'jug pa mthar phyin pa/ /tshogs spyod bsgrub pa'i dngos grub kyis/ /lus khams skye gnas zag pa zad/ /rdo rje'i lus 'gyur tshe'i rigs/ /mthong ba'i chos la mya ngan 'das/ /lus ma bor bar sangs rgyas sa/ / 'jigs pa kun bral cho 'phrul tshogs/ /lha mi'i rgyal po skye ba 'dzin/ /lha dang mi dang tshangs pa'i/ /skye ba rnam dag 'dzin mod kyang/ /khyad par sa la gnas 'gyur yin/ /cha byad de nyid kyis chos ston/ /gang dag mi 'jigs rtsi 'chad ltar/ /dbang sgyur 'jigs pa lnga sogs bral/ /drug bzhi'i yan lag kun rdzogs shing/ /rang dbang sgyur ba'i skye ba yis/ /stong gsum 'jig rten rgyar 'dul byed/ /sgyu'i dang por bskal mnyam pa'o/ /bdag phyir don du gnyer ba ni// brgya phrag bcu drug tshe yis rdzogs/ /gzhan du rang dbang thob pa'i phyir/ /bskal pa grangs med gnas 'gyur yang/ /sku ni shin tu gzhon pa'i tshul/ /'dul ba'i dus kyi 'pho 'dug byed/ /ngo bo sman dang thabs rigs 'dzin/ / rnal 'byor sgrol ma'i rigs 'dzin dang/ /lam mchog rdzogs pa'i rim pa'ang bzhi/ /bcu dbang dang por 'dra mod kyang/ /de nyid mthu zag mi zag /rgyu dang ngo bo rnam pa gnyis/ /de bas dgongs spyod smos ci dgos/ /gzhan las
- 460a
grub pas de rigs min/ /mchog la 'ang yon tan mtshan chas brjod/ /lus dang phung bor bcas pa yi/ /gnas par dbang ba'i rigs 'grub phyir/ /lhag rton 'byung las lus bcas 'das/ /zag kun zad pa'i rigs chen 'di/ /ji ltar spyad kyang ldog ma byed/ /rang dbang thob pas dbugs su phyung phyir/ /skabs 'dir bden pa bar mthong nas/ /mkhas rtegs goms spyod rig pa 'dzin/ /lha la sogs pa'i rdo rje 'dzin/ /ming rtog gzungs las ming thob pa/ /yon tan grangs kyis bsam mi khyab/ /bsngos sa zhing khams lung ston pa/ /rdo rje rdo rjer bos dbang bskur/ /mthong goms mthu ldan rig pa nyid/ /snang ba rig pa 'dzin pa'i gnas/ /rigs snang gnas la nges pa med/ /skye ba cha byad don gyis 'gyur/ /chos rnams bdag phyir dmigs med phyir/ /chos kun mi mthong chos nyid kyang/ /mi mthong sangs rgyas thugs mi mthong/ /snod bcud mi mthong gang mthong ba/ /des ni yang dag bden pa mthong/ /de bas thos myong reg sogs lam/ /shes 'jug bar chad med las skyes/ /de phyir mngon gsum rtogs mchog ni/ /rang dbang thob nas mngon bzhin te/ /zag gsum zag pa 'di la med/ sngan chad lam gyi 'du byed med/ /de'i re dogs chags bral bas/ /rim pa 'am rim pa med tshul gyis/ /stong khri la sogs grang mang lha'i/ /'khor lo gsal rdzogs rnal 'byor gnas/ /dkyil 'khor gnyis kyis don grub mdzad/ /de ming dbang sgyur rnal 'byor de/ /brgya phrag cha rdzogs dus bar du/ /goms byas gnyis thob mdza' skad cig /cha'i rdo rje dpa' bos sbyor/ /rigs mthun mchog rgya sprul pa las/ /gsang thos
- 460b
bsam rig sgom sbyor bas/ /dkyus sar phyin pa cad shes bzhin/ /kun tu 'gro ba bdag po'i don/ /rdzu 'phrul chos snang rjes ston brjod/ /drug shes de ming ldan pa yis/ /dbang sgyur rtsa ba rdo rje'i sku/ /bya byed rdzogs par 'gyur ba yin/ /bzhi'i thog mas don spyod pas/ /nus mthu can gyur dbang can des/ /mkha' la 'phyo dang rigs 'dzin gnas/ /chu rgyun bzlog dang rlung mi 'gul/ /ri brag la sogs thogs med 'dzul/? /tshul mi 'dzing? mes mi tshig / dug dang mtshon gyis 'jigs mi 'gyur/ /mi snang ba dang mang por sprul/ /gzhan yang ji ltar 'dod pa bzhin/ /lha srin rnams la dbang sgyur dang/ /tshe dang dus la bsing btung dang/ /stong gsum nyung 'brur shong ba dang/ /nyung 'brus stong gsum gang ba dang/ /ba spu gang bsduAng de bzhin no/ /sreg pa'i bskal pa bzhil ba dang/ /nyi ma'i dkyil 'khor 'bum dgye dang/ /skams sar chu 'byung bye ma gser/ /sol ba ljon shing dbyung ba dang/ /nam mkha' rdo rje sra? 'byung zhing/ /'bar na me'ang tshig pa dang/ /chur 'gyur 'bab pa'ang de bzhin no/ /'jig rten gtor lung bya ba'ang 'grub/ /dgug dang gtang dang bcing dang dgrol/ /gso dang bsad dang 'pha ma dang rgyal/ /ji ltar dmigs pa bzhin du 'grub/ /sbrul dang gcan gzan gdug pa rnams/ /khyi bzhin phyi bzhin 'brang bar 'gyur/ /bdud dang gdug pa sna tshogs rnams/ /tshugs bar mi 'gyur bran bzhin 'gyur/ /lus ma dor bar rigs 'dzin sar/ /thugs rjes sprul pa'i byin brlabs kyis/ /so so'i skad dang mthun pa yis/ /so sor thar pa'i lam yang ston/ /ngan song stongs shing bskul ba dang/ /lam stegs dgod cing de dag nyid/ /theg chen lam la dgod par mdzad/ /thar pa bskul zhing zhi ba
- 461a
slong/ /sa bcu shes bya sbyong byed cing/ /bde gshegs 'khor la'ang chos ston mdzad/ /stong gsum brgya bcu'i 'jig rten rnams/ /g.yo dang rab g.yo shin tu g.yo/ /mdzad pa snang bas de gnas rnams nang g.yos sa'i rim sbyor byed/ /gsang ba sngags kyi sgra bsgrags pas/ /kun kyang rmad 'byung sngags kyi sgrar/ /grags pas bdud 'dul ngan song sbyong/ /'gro ba ma lus don yang byed/ /las rnams thams cad kun byas nas/ / skye shi med pa'i g.yung drung thob/ /mtshan dang dpe byad kun gyis brgyan/ /mthar phyin bya ba med pa 'grub/ /rgyud las gsungs pa'i lnga bzhi'o/ /spyod pa bcu gnyis 'phrin las rnams/ /dbang sgyur nyid du thogs med par/ / sngon bzhin yul khyon 'dul bar byed/ /skye mched rang 'byung ye shes phyir/ /de nyid gcig dang du ma'i mdza' / /gnyis su med par mngon rtogs goms/ /mthong bas dri ma drug sbyangs phyir/ /de nyid gzugs sgra dri ro reg shes pa'i bye brag rtsa lngar bshad/ /gcig gis yul lnga gcod byed pas/ /tshang dang ma tshang 'jigs dogs med/ /gzhan du lta'i rna ba dang/ /spyan gyis mngon par shes pa dang/ /sngon gnas rjes su dran pa dang/ / pha rol rnams kyi sems shes dang/ /'chi 'pho skye ba mkhyen pa dang/ /rdzu 'phrul shes pa 'am zag zad shes/ /de rnyed tshul can yul shes pas/ /gang dang gang rnams 'dul bar mdzad/ /de ming mi ldog zag med dang/ / dbang sgyur rigs kyi mtshan las brjod/ /bdag gam gzhan phyir dbang can des/ /sku tshe'i tshad dam ji snyed par/ /bzhugs mdza' rang gi grub sbyor ba/ /sngon bzhin rims dang cig car ba'o/ /de 'ang snga ma mthong ba'i lam nyid du/
- 461b
rang gi shes rab gsum goms pas/ /rang lus rgyal ba'i phyag rgya che/ /gang sgoms mngon du gyur pa'i lha/ /phyag rgya chen po'i rigs 'dzin der/ /yongs 'gyur lhun grub thob nas gshegs/ /phyi ma rigs mchog de nyid nas/ /sngon bzhin goms? ba gsum byas pas/ /rgya dor cig car mthar 'gro ba/ /chos nyid dam tshig smon mthuAng yin /de nyid bar ma bshad bya ba'ang/ /sngon gyi lus kyis rdzogs par bya/ /gcig dang du ma'i rnal 'byor bas/ /'byung lus sems phyir rang bzhin lha/ /mthong goms bsags pa'i mthar bsgrub pas/ /kun 'gro'i bsgrib dag ngo bo'i rgyu/ /rnam smin tshal gyis 'grub pa med/ /snga phyi rgyu 'bras 'dod ba min/ /dus rims 'dod min cig 'dod phyir/ /cig pas de nyid lam byas pas/ lhag ma bcas pas bsnur bsgrubs mdza' / /de nyid gyur pa nges pa med/ /rang sems phyag rgya chen po ste/ /goms pa mngon gyur lha'i sku/ /bsgoms pas gang yin mngon 'gyur sku/ /thun mong mchog gi mtshan dper ldan/ / longs spyod gnyis la phyag rgya'i rigs/ /rdo rje 'khor lo rin chen dang/ /padmo ral gri rigs 'dzin 'gyur/ /rang lus sdong nas phyag rgya che/ /bsgoms bas sngon du gyur pa'i lha/ /mtshan dpe bzhi dang mngon drug rdzogs/ / phyag rgya chen po'i rigs su grags/ /ye shes sku'i cha lugs can/ /'byung ba rdo rje'i lus las grol/ /de phyir sku tshe tshad med de/ /bsnur zhing mngon du bya dang bral/ /de nyid rigs gsum rigs bzhi dang/ /lnga dang mchog lnga'i rigs 'dzin pas/ /rnam pa bzhi ru mngon bzhin 'gyur/ /mtshan gyi ming grangs gnyis dang gsum/ /mnyam pa nyid las mi g.yo zhing/ /dbang sgyur 'du byed dang bral bas/ /zag pa med pa'i sgom pa'i lam/ /
- 462a
mi g.yo rnal 'byor nyid duAng brjod/ /rgyal bas lung bstan sngon 'byung ba/ /brtag pa'i bye brag 'di la'ang med/ /ye shes sku'i rnal 'byor pa/ /sangs rgyas gnyis pa'i spyan dgongs kyang/ /rgyu mthun yod kyang mi g.yo thob/ / shin tu bstan pa'i rlung gnas pa/ /grangs can 'khor la mngon du snang/ /'on kyang rnal 'byor rtsol bcan/ /mnyam gzhag ngang las ma g.yos bzhin/ /stong gi 'jig rten brgya stong phrag /bcu'i rdul snyed 'jig rten dang/ /zhing grangs med pas brgya stong phrag /bcu'i rdul snyed zhing khams su/ /sngon dang smad 'tshong la sogs pa/ /sprul pa'i lus kyis 'dul bar byed/ /bzhi dang drug sogs de bzhin no/ /drug dang lnga'i yan lag bcus/ /shes pa'ang 'dra mong bzhi sogs kun/ /de rnyed yul gyi khyad par dang/ /sngon rdzogs mthu dang gdul byas spags/ /rang gi mi g.yo mthong goms dang/ /don du gnyer rims la sogs pa'i/ /lam kun rdzogs pa'i stobs byin gyis/ /rnal 'byor bral nas lhun gyis grub/ /lhan cig gnas pa'i dri ma dag /brtsal ba med par lhun grub mthong/ /de de mngon du byas pa yi/ /lhun gyis grub pa'i rig pas 'dzin/ /rang rgyud dag pa'i sangs rgyas de/ /sngon bzhin bzhi brgyad dgod par bya/ /snga ma'i rigs la mthu rdzogs pas/ /bshad pa bzhin du dri ma dag /sangs rgyas gnyis pa shes rab gsum/ /lhun gyis grub pa'i rigs su 'byung/ /gnas der sngon bzhin gsum rdzogs pa/ /longs spyod gsang ba'i lung thob cing/ /rang gi dgongs spyod nus pa can/ /mthar 'byung ba'i dus la bab/ /de ltar dag pa'i shes pa nyid/ /sku lnga lhun grub rdo rje 'dzin/ /lhun mnyam ngang la mi g.yo zhing/ /mi rtog nyid du bzhugs
- 462b
pa'ang/ /bag la nyal ba 'joms byed cing/ /skad cig rag las rigs 'dzin mdza' o/ /cha byad rgyal ba nyid du ste/ /lnga po lhun gyis grub phyir na/ /de 'dra de nyid rgyal tshab ston/ /de mi stong pas mi 'grub yin/ /nyid la skye shi mi mnga' phyir/ /rdo rje skuAng gdul bya la/ /sprul pa rnams ni 'da' tshul ston/ /don grub la sogs ji lta ba'o/ /bya ba lhun grub rnal 'byor gyi/ /rigs 'dzin chen po na rigs 'dzin/ /tha ma'i ming grangs mthar phyin lam/ /rang rgyud dag pa'i sangs rgyas dang/ /de nyid dang ni mthar sbyor lam/ /yang dag rdzogs pa'i rgyal tshab bo/ /snga ma gsum dang dang po bzhi'i/ /cha lugs rang gi rgyal chab sdud/ /bsam yas lhun gyis grub rdzogs pa'i/ /thams cad mkhyen pa'i spyan mchog 'chang/ /yi ge 'khor lo'ang mngon gzigs pa/ /mi g.yo ba la mi rtog pas/ /da rung mngon par mi rgya ste/ /dus mdza' i skad cig nyid kyis gshegs/ /des na dgongs spyod rgya mtsho kun/ /ye shes rtsal sogs bya med pa'ang/ /mthar phyin bya bral la sogs pa'i/ / ming grangs cha las brjod par zad/ /nyid phyir rdo rje 'dzin sogs la/ /skad cig dus kyis brlab pa rdzogs/ /tha ma'i bag la nyal ba dang/ /bcom ldan 'das par gyur pa yin/ /de tshe de sgrib cha yod kyang/ /lhun grub rigs 'dzin par bzhugs nas/ /zhing khams thug pa med pa dag /gdul phyir sprul sku mdzad pa'ang/ /srid gsum 'gro ba bsam yas su/ /thugs rjes ston pa bsam mi khyab/ /don dang mthun pa 'ba' zhig ston/ /mi mthun zhags pas 'khor gcod/ /la lar lhums zhugs bltam pa dang/ /la lar rab byung dka' thub mdzad/ /la lar khab dang rgyal srid dang/ /chos ston mya ngan 'das sogs ston/ /res 'ga' zhi la res 'ga' drag /g.yem la g.yem ston sdang la sdang
- 463a
dregs la dregs dang mun la mun/ /rlung la'ang de bzhin mthun mi mthun/ /rgya mtsho lta bu thabs dpyod dang/ /'phrin las de bzhin pa yis dkrol/ /gsang ba'i tan+t+ra ston pa dang/ /de bzhin bsdu ba mdzad pa dang/ / dman lus bsod nams ldan gnas su/ /sna tshogs lus can rigs la bskor/ /mngon shes drug ldan mtshan bzangs spags/ /kun mkhyen ye shes mnga' ba'i phyir/ /yul dang tshad med? rgyal ba nyid/ /ji ltar me long lta bu'i tshul/ /mi mthun mtshan ma gzhom pa'i phyir/ /rdo rje lta bu'i ting nge 'dzin gyis/ /bdag rtog mtshan ma kun bcom nas/ /rdo rje dbyings su thim par byed/ /bdag med rang rig ye shes kyis/ /dngos dang dngos med bag chags srogs/ /rang dang spyi'i chos rnams kun/ /sems kyi phrag dog thams cad kun/ /dngos po med par rtogs byas pas/ /dpa' bar 'gro ba'i rnal 'byor dang/ /rdo rje rtse mo'i mchog thob pas/ /yid tshod min dang bdud sde rnams tshar bcad dpa' bos der rjes la/ /rgyan gyi dkyil 'khor ma 'di la/ /bsam yas lhun rdzogs kun mkhyen mdzod/ /mnyam gzhag ye shes dbang skur zhing/ /don du gnyer pa'i smon lam mthus/ /nyi shu rtsa lnga gzhan las min/ /sku dang gsung thugs yon tan dang/ /'phrin las rmad 'byung kun grags pa/ /gzhan nas yod 'ongs ma yin te/ /rang 'byung ye shes gnas med yin/ /de bas ngo mtshar cho 'phrul chos/ /gzhan nas yod thob ma yin phyir/ /thabs la brten pas shes rab nyid/ /de lta bu'i ngang du byung/ /mun snang 'gyur rtsi ma ki ta/ /ji bzhin ma spangs de nyid 'gyur/ /'khor ba ma spangs rnam par dag /mya ngan mi 'da' ye nas gnas
- 463b
'gro dang gnas par bya ba min/ /rtog pa thams cad ye shes tshogs/ /mnyam dang mi mnyam mi mnyam mnyam/ /bya dang mi bya bya med byas/ /grub dang ma grub thams cad grub/ /de phyir rigs 'dzin tha snyad bral/ /mthar phyin pa'i lam bstan pa'i le'u ste brgyad pa'o// //rang bzhin nyid du mngon rdzogs pa'i/ /rdo rje 'dzin pa nyid la mos/ /srid pa rims dang rdzogs tshul gyis/ /mngon byas don yod bshad par bya/ /mtshan nyid tha ma'i tha ma ni/ /ngo bo tshul dang khyad par gyis/ /lus gsum don du snang ba rnams/ /ji lta ba bzhin shes par bya/ /lus gsum snga ma brjod bar bya/ /sku dang gsung dang thugs nyid dang/ /yon tan 'phrin las rmad 'byung la/ /lnga pa'ang lnga nyid ngo bor gnas/ /e ma'o yang dag rdzogs sangs rgyas/ /rgyal ba'i rgyal ba lha'i lha/ /'phags pa'i 'phags pa kun tu bzang/ /de bzhin gshegs las de bzhin gshegs/ /rin chen nor bu bzhin du bzhugs/ /chos drug nor bus mtshon pa na/ /gcig dang du ma kun bral ldan/ /de de rigs dngos rigs bral ba/ /nyi shu lngar ldan kun ngo bo/ /mos bzhin de rigs mthun snang la/ /yang dag nyid du 'di zhes med/ /lnga nyid lnga lngar ldan par snang/ /rigs bdag yang dag sangs rgyas pa/ /tha ma'i tha ma zhen bral ba/ /ye shes 'gro 'ong med kun khyab/ /gnyis med pa'i de bzhin nyid/ /ngang nyid 'gro 'ong med par shes/ /de bzhin bde chen ngang nyid du/ /zung du kun bral gnyis phyir gshegs/ /sangs rgyas sems can sems la son/ /dbang phyug chen po'i skur bzhugs pas/ /gsang ba'i dbang po 'du bral med/ /dngos po gnyis la bde longs spyod/ /de nyid cha re brjod pa ni/ /'jig rten 'das dang ma 'das kun/ /dus gsum chos kun cig pa yi/ /
- 464a
rgyal ba nyid phyir sna tshogs chos/ /snang la rang bzhin med pa'i phyir/ /de nyid d+harma ka yar gnas/ /thams cad rang rig mngon sum snang/ /zhen mdza' kun bral kun chub pa'i/ /rang 'byung ye shes tshon po nyid/ kun gzhi 'dul snang phyir sku mchog /'dod khams mdza' nas rdzogs kyi bar/ /sdug bsngal kun dang 'dod bsams snyoms/ /'gog zhi stang snyoms bde chen sogs/ /yul med kun rol longs spyod che/ /rta bdun ri bong can nyid kyi// gzhal yas khang las ma g.yos bzhin/ /kun tu tha dad snang ba ltar/ /'gro 'ong med 'dul kun sbrul mchog /ji ltar mkha' la 'jig med ltar/ /mi rtog kun dngos rtag chen po/ /rdo rje sku mchog skye 'jig med/ /lnga pa nyid du bsgrags/ /so sor 'dul ba ye shes 'khor/ /rgya mtsho'i tshogs dang shes bya'i/ /sgrib pa mdza' sdong? sems dpa' che/ /rgyal po lnga sogs rgyud sbyangs dang/ /mos spyod dang po 'am dbang sgyur rigs/ /rdo rje tshogs mthong phyir ming 'grub/ /de la de'i dgongs bshad pa/ /brjod dang brjod 'drar phyir nges pa/ /yi ge med par 'byal ba bzhi/ /yi ge drug cu drug gsum brgyas/ /'byal ba lnga nyid tshul go ba/ /so so nyid dang gsang bdag gis/ /snyan cha lngar ldan phyir thos pa/ / gsang ba'i rgyud bshad thos zhes gsungs/ /rang bzhin 'brel dang dbang dang bas/ /dang ba'i chu la nyi zla bzhin/ /ma skyes don gyis gsung mchog gis/ /smra brjod med par snang bar mdzad/ /rig pa'i ye shes ming lnga pas/ de bzhin 'brel ba'i byin brlabs kyis/ /rang bzhin gsang ba'i rgyud rnams kun/ /nyi ma lta bur gsal bar snang/ /me long lta bur chos brgyad kyis/ /mtshan pa'i dbang phyug sku mthong bas/ /byang chub sems dang sems
- 464b
dpa' che/ /rgyud la rdo rje'i don snang byed/ /grol thar lam dang 'khor ba'i sgra/ /drug gi rtsa ba yan lag tshul/ /tshangs pa'i ngag ltar las can la/ /snang ba sha'i rna bas thos/ /ji ltar go dang 'dul snang ba'i/ /gsung rnams ngos la sgras rkyen pa'i/ / sgra ltar grag stong dbyer med pa'i/ /mthong thos byed pa'ang de nyid mthu'o/ /dngos po gnyis chos yan lag bcas/ /sems can phyir na stong chen po'i/ /ye shes zung du bral ba'i/ /bde ba chen po mchog gi thugs/ /nam mkha' lta bur sems gsal stong/ /chos spyir rang mtshan dbyer med kun/ /yul med me long ltar gsal ba/ /mngon sum kun gyi mchog yin te/ /rnam par mi rtog mchog gi thugs/ /chen po lta bur thams cad la/ /mi 'byed blang dor med mnyam zhing/ /mnyam pa chen po mchog gi thugs/ /thugs rje chen pos 'brel pa dang/ /nyid kyi dbyings las mi zhan phyir/ /bya byed med pa rnam bzhi yis/ /'gro ba kun sgrol thugs chen yin/ /chos pa chos can kun bral bas/ /rang spyi dbyer med dus gcig tu/ /mkha' la 'ja' ltar gsal ba ni/ /mi phyed? rdo rje thugs mchog go /phyogs bcu ma lus mi lus pa/ /rang rgyud med par rig snang ba/ /sems kyi yid bzhin sprin tshogs kyis/ /phyogs bcu ma lus sangs rgyas zhing/ /lhun sogs rig pa rang snang ba'i/ /gzhal yas khang du gzung dang 'dzin/ /bral ba'i rang rig rten pa dang/ /rten can med pa kun gyi gnas/ /ma spangs lhun gyis rdzogs pa'i phyir/ /sna tshogs dkyil 'khor chen po'i rgyan/ / sna tshogs 'od zer phyogs bcur gsal/ /stobs sogs 'bras bu kun rdzogs phyir/ /gdan lnga'i bye brag rang snang ba'o/ /'dul ba'i bye brag tha dad pa/ /zhi dang khro dang mi mos nyams/ /gzhi phyir rnam bzhi rol pa rnams/ /
- 465a
gang la mtshams par 'dul bar mdzad/ /rnam bzhi'i bye brag tha dad pa/ /re re'ang lnga lnga'i tshul gyis snang/ /de rigs bzhi'i cha 'dzin pa/ /las kyi rigs la lhun gyis grub/ /rnam pa bzhi yis 'du la mdzad pas/ / phyogs kyis 'dul ba'i rigs ma yin/ /de ltar sbyangs mdza' skyes bu pa/ /rigs la cha re 'dzin byed kyang/ /cig shos sangs rgyas kun ngo bo/ /nyid du snga phyi drang ba tsam/ /sangs rgyas sangs rgyas zhes brjod pa'i/ /tshul ni ? bsam brjod las 'das/ /de nod phyogs tsam brjod bya ba/ /drang don snga phyir sangs rgyas pa/ /don dam cig bu ma yin phyir/ /chu la chu ltar cig pa med/ /cig shos bden pa ma yin pas/ /so so tha dang cha rigs med/ /bden pa gnyis med dbang sgyur ba/ /bdag dang gzhan gyi gnyis med de/ /so sor med phyir der son pa/ /mdza' rnams kun dral kun ldan par/ /rang gnas zhen bral mngon bral ba/ /ming brjod 'di 'drar gnas smra dka' / /ngo bo gcig la rgyud 'dres min/ /shing gi me dpung ltar brjod pa/ /drang ba tsam ste de nyid min/ /chu la chu ltar 'dod pa'ang de'o/ /bden pa'i tshul gyis skyon brjod pa/ /dag pa'i ye shes gnas yin par/ /tan tra nyid las grags pa dang/ /bder gshegs mi gnas mnyam pa'i/ /ngang du byon gsung brjod pa'ang/ /mnyam pa gsum pa yin pa'i phyir/ /nges par rgyud 'dres ma 'dres pa'i/ /tha snyad bral ba'i tshul du gnas/ /thun mong min pa'i rgyal ming drang/ /bde gshegs de bzhin gshegs pa dang/ /bcom ldan 'das dang sangs rgyas dang/ /dgyes chen mchod sogs mdza' yas kyang/ /lus gsum grangs ming khyad par tsam/ /mdo ru brjod pa chub
- 465b
bar gyis/ /lnga dang lnga lngar lhun grub pa'i/ /rgyal ba gsung rdzogs so so'i/ /grub mdza' sa'i sangs rgyas las/ /grangs rdzogs ngo bo byin brlabs las/ /snang dang don byed che chung gis/ /pags pa'i ngo bo nyid kyis gsal/ /de tshul sa gzhi rgyal ba dag /rgyud cig 'dres dang grol smra ba/ /'dir drang tsam yin bshad pa bzhin/ /rgyud kyi khyad par bsam las 'das/ /ming grangs theg chen dman pa las/ /thun mong tshogs kyis bder gshegs shing/ /de bzhin nyid du gshegs pa'ang/ /dus kyi dbang phyir snga ma bzhin/ /gshegs pa nyid dam gsang ba'ang/ /bya ba'i lugs kyis shes rab dang/ /cho ga'i rnal 'byor grangs rdzogs pas/ /'bras bu lam byas bder gshegs pa/ / rdo rje 'dzin sar de bzhin gshegs/ /yang na bya rgod 'dab logs su/ /dgon phug bye ma 'dab sna ru/ /sa ri dbang skur ji bzhin nam/ /bar NA se'i bsil khang du/ /dam pa'i rigs can dbang bskur nas/ /rdo rje 'dzin thob ji bzhin no/ /thub pa'i dbang po de ji bzhin/ /gshegs pa rgyu dang bya ba dang/ /gnyis ka rgyud las grangs bzhin no/ /rnal 'byor gzhung gis don grub nyid/ /na ra dza ra 'gram logs su/ /dka' thub dka' ba spyod pa'i tshe/ /phyogs bcu sprul pa'i longs spyod skus/ /byang chug lnga stabs dbang bskur bas/ /'og min nyid du don grub ste/ /sprul pa'i dka' thub khog pa nas/ /ye shes snang mdzad tshul du gshegs/ /ri rab rtse mor 'khor lor bskor/ /de la ? pa'i gzugs sku yin/ /thabs dang shes rab lam nyid kyis/ /'gro 'ong med par bdar gshegs te/ /de bzhin lhun grub dang son pa/ /tshul dang ngo bos khyad par che/ /don grub dka' thub lus can la/ /phyogs bcu
- 466a
rgyal ba sprin bzhin du/ /'dus pa gsang ba'i longs spyod kyis/ /srod dang tho rangs dus nyid du/ /nyi zla gsang ba'i dbang sbyin dbang/ /rol ba'i ka ra bstan pa yis/ /ye shes stan rdzogs dbang thob pas/ /de bzhin de bzhin gshegs pa'o/ /de phyir thun mong rnam gsum las/ /byang ba bzhi dang chung pa bzhi/ /bde bar de bzhin gshegs par brgyad/ /grangs dang ngo bo rtsal gyis 'phags/ /de nas rgyal ba bcom ldan 'das/ /thun mong mchog lugs snga ma bzhin/ /so so lam thabs shes rab kyis/ /rdo rje lta bu bzhi bskyed pas/ /bdud bzhi nges bcom mya ngan bzhi/ /'das shing mdza' bzhi'ang 'das pa dang/ /mi mthun gzhung gis sangs rgyas pa/ /lta dpyod cing 'dzin lam rim bzhin/ /grub pa'i mdza' las khyad par ba/ /lta ba'i sgrib pas phye ba yin/ /de nas dgyes pa'i longs spyod kyang/ /mdo dang bya ba rnal 'byor gnyis/ /rgyud las ji ltar grags pa bzhin/ /gong gi dgyes chen yid tshod min/ /de phyir dgyes pa rim yod pas/ /sa'i sangs rgyas rims yod phyir/ /ming grangs yon tan cha min te/ /ngo bo nyid kyis rnam par 'phags// //lam gyi rtsol bas ngal ba rnams bred pa bskyed phyir kun tu 'od/ /rdo rje 'dzin pa drug po bkod par bstan/ /mthar thugs gsum cha las brjod// //de phyir skan che lta bu ste/ /thabs mkhas 'di yis gzhan pa yi/ /thabs la brten nas? mos ? cing/ /bsgyur bas 'dir grub rang thabs kyis/ /rangs thob las ngo bo nyid/ /gcig par smra ba mun sprul pa'o// //mthar byin pa'i 'bras bu bstan pa'i le'u ste dgu pa'o// //
- 466b
'gro ba lam log lam stor ba/ /lnga dang ldan rnams bkri ba'i phyir/ /mi gnyis lam mchog 'di bgyid pa'i/ /ngal pa'i dge rtsa kun grol shog /byang chub zhor byed khe grags gnyer/ /bcud chen 'dzag cing gzhogs ngom can/ /gtsug rgyal sgeg mo 'jag skyel dang/ /nags bya lta bur rkog g.yem sogs/ /tshal bsrung dam la mi gnas dang/ /gsang ba'i gzhung la sran mi tshugs/ /gzhung mangs bsgrub la yid ches dka' / /bla ma spyi bos mi len cing/ /zhes pas bskur zhing yongs la bskur/ /snod med rnams dang ma phrad cig/ / //mang yul khri babs su/ /dz+nyA na ku ma ras bsgyur ba/ lam rnam par bkod pa/ /sangs rgyas gsang ba'i man ngag rdzogs so// // */ (/sgyu 'phrul man ngag rnam bkod la sogs sgyu 'phrul gyi skor las tshogs dang bcas pa rnams dang/ mdo'i don bsdus dang skabs 'grel/ rgyan dam pa rim par phye ba ste bcu dbu bzhugs su//) //dpal rdo rje mi bskyod pa la phyag 'tshal lo/ /rang gi lha la phyag 'tshal nas/ /sgyu 'phrul dra ba'i rgyud dag las/ /dad can skal ldan don phyir du/ /man ngag rim pa brjod par bya/ /shar phyogs in+d+ra'i lung pa na/ /rgyal bu rdo rje brtsegs pa ru/ /rigs can in+d+ra po ti ngas/ / gsang ba'i bdag pos mngon bsten pa'i/ /sgyu 'phrul dra ba'i bsgrub pa yang/ /tshom bu lnga bcu stong dang bcas/ /phyag na rdo rje mngon bsgrubs te/ /spong len brtul zhugs spyod pa'i dbang/ /dge bar bskul nas sdig pa med/ / de nas sa la sreg par byas/ /de bzhin pany+tsa a ba sha/ /rim par thob pa'i skal ldan bu/ /gdungs brtag rigs nges spyod kyang bstan/ /lhag sems ldan zhing bka' nyan pa/ /bla ma srog tu 'dzin byed dang/ /man ngag
- 467a
snying du 'chang byed pa'i/ /rnal 'byor pho mo spyod pa yis/ /gdungs ba ma spangs rnams ma sbyin/ /log pa u lu spra sha kas/ /'jug cing bcad pa'i nyams med ltar/ /'dod pas smon pa'i rnal 'byor pa/ / brjod bral tshig gi rtog min yang/ /'phrul gyi me long bstan pa ltar/ /rtogs byed tshig gi me long gis/ /mtshon rgyud spyan la snang byed pa'i/ /pa tre sha yi rim pa bstan/ /rgya mtsho chu las ngang pa bzhin/ /bka' yi bdud rtsi 'dud bsdus 'da' / /shi shi'i rgyud kyi mos rims gzhan/ /'tsham par bstan na chud mi gson/ /rim grogs grol 'dod brda' zhen la/ /de nyid 'grogs pa'i pa tre sha/ /bden pa'i tshig gis byin gyis brlab/ /des brlan rig pa chu skyes yod/ /de la dran rgyud man ngag sbyin/ /des rtogs pa yi sgrol ma yis/ /g.yangs la sgrol ma'i man ngag sbyin/ /rnam rtog chu rlung gis 'khyags la/ /thig le drod dbab pa tre sha /chags pa me yis gdungs pa la/ /khams gsum rol pa'i min ngag bstan/ /mtshan mas mtshan ma grol 'dod la/ /phyag rgya bsgom pa'i man ngag sbyin/ /de dag rnams smin re ba la/ /rgyu 'bras med par thob chul bstan/ /nges sngon mos 'bral thun mong gi /theg pas spos cher ma nges la/ /gsang ba'i yon tan khyad par can/ /ngo mtshar tshig gis 'du shes sgyur/ /rim pa brgyad tshul bzlog bstan pa/ /'jug pa'i rim pa mos pa 'dun/ /cig shos mthar bzhag gtsor smos kyang/ /de sngon bzhag ste brjod kyis rdung/ /thun mong smra yis spros 'tshal bas/ /mchog la bdag med gang zag la/ /khyad par spyad pas bsgyur ba'i tshig /de yang rgyud las 'di skad du/
- 467b
kha cig lta ba mnyam gnas kyang/ /spyod pa dag dang yang mi 'thun/ /kha cig spyod pa rdzogs byed kyang/ /nyams pa'i lta bas yong mi shes/ /kha cig lta spyod gnyis ka med/ /bla med theg pa'i nang nas ni/ /don dam du ni dbyer med/ /kun rdzob tsam du thams cad la/ /dag dang ma dag gnyi gar 'dzin/ /mnyam pa'i don nyid mi shes shing/ /kun rdzob don dam gnyis med la/ /chos dang gang zag bdag med na/ /'di ni byang chub sa pa yin/ /de sogs phyi nang rgyu 'phras dang// 'jig rten thub par 'khrul par brjod/ /gsang chen nges par rgyud nyid las/ /yang dag skyes mchog dam pa yis/ /kun rdzob don dam dbyer med par/ /yang dag nyid du rab tu rtogs/ /thabs kyi lta spyod chen por ni/ /bla med theg pa las 'phags pa/ /don dam du ni nor bdun no/ /kun rdzob du ni nyams rdzogs so/ /thabs kyi theg pa chen po ni/ /rnam par byang dang sdug bsngal dag /kun rdzob duAng dbyer med de/ /lta ba mtho sman de tsam mo/ /zhes sogs tshig gi brjod skyed la/ /nges par ldem dgongs brgyad kyis gzhug /mtshan mas grol ba brgya byin pa/ /dkyil 'khor chen por zhugs pa'i tshe/ /gang la bab pa'i lha de 'am/ /yang na lha kun cig pa'i phyir/ /gang mos lha de yi dam bya/ /de'ang blo yis gnyis 'gyur ste/ /rims su skad cig spros bcad pa/ /de nas yi ge brgya pa dang/ /phyag rgya chen po'i rim par bsam/ /dbang skur la sogs lhag pa'i lha/ /dgur ldan spyan drang bstim brtan mchod/ /zin nas bcu spangs zlas pa bya/ /gsal ba gsum ldan drod rnyed 'gyur/ /yan lag sngon du bdun rdzogs nas/ /mchod pa byin gyis brlab par bya/ /rtag tu rgyun gyi ting 'dzin spyad/ /longs spyod ho dang bral mi bya/ /cig car pa na rang gi gzugs//
- 468a
rab gnas ldan pa bdun bzhag la/ /spros spyad khugs pa sngon byas la/ /gsal bar byed dang bye brag bstan/ /de ci 'dra ba bdun du bsam/ /shin tu goms nas rnam smin gzugs/ /bsgyur la de bstan nges par bya/ /de tshe bying rmugs skyon drug spang/ /rgod pa'i skyon gsum dor byas te/ /'gyur ba'i skyon bdun byung ba na/ /spyi la gnas mchog med 'gyur na/ /bye brag gang snang 'phrod la bzung/ /de na rtog pa'i gzer chen po/ /'gyur na ri ltar gdos chen bya/ /mi snang gzugs brnyan bslan par bya/ /mtshan snang rgyu ba de ru bya/ /shin tu gsal la mi g.yo bar/ /bsgyur thob ma lcogs med pa na/ /lha yi brtags dang lo rgyus kyis/ /zung du 'drel pa ched du bya/ /gdod ma'i mtshan ma sngar brtags te/ /nyams rims zin pas brtson 'grus sbyar/ /de yang rgyud lam 'di skad du/ /gsang ba'i snying po don nyid kyis/ /yi dam mi spang rtag bsgom zhing/ /yi dam lha yi mtshan nyid ni/ /de bzhin gshegs pa thams cad kyi/ /lha spangs dge spyad don med 'gyur/ /bdag nyid lha dang mnyam sbyor na/ /yon tan chung yang 'grub par 'gyur/ /ye nas mnyam nyid sbyor bas su/ /lha nyid du ni rtag du bsgom/ /bde gshegs kun dang mnyam sbyor bas/ /dkyil 'khor kun dang mnyam pa'i phyir/ /sku gsung ye shes lnga rdzogs 'grub/ /yi dam lha ni rtag sgom nas/ /rgyu 'bras lhun gyis grub pa yi/ /bdag gis kun la dbang bskur ste/ /rigs 'dzin gnas su ? bar 'gyur/ /phyag rgya chen po rtag tu bzhag /sngags ni rtag tu brjod par bya/ /sngags dang phyag rgya rgyun mi bcad/ /rnal 'byor bsgrub pa'i lam yang yin/ /mi gtong sdom zhing 'dren pa yin/ /don mchog rdzogs
- 468b
pa'i gnas yin no/ /rtag tu mnyam bzhag phyag rgya yin/ /dus gsum ting 'dzin 'byin sngags yin/ /yang dag don ched klu 'dod pas/ /dus mtshungs med par phyag rgya sngags/ /yid brtan drag tu bzlas bsgom bya/ /yon tan nam mkha' i mdza' dang mnyam/ /rdo rje sems dpa' sgrub 'dod pas/ /rtag tu mnyam bzhag don rtogs pa'i/ /sku ni 'ja' tshon tshul 'dra ba'i/ /snang la rang bzhin med par sgom/ /'khor rnams chu zla'i tshul shes par/ /gsang la rtog pa med par bsgom/ /lha yi sku ni gsal bsgoms ni/ /bsod nams tshogs chen thob par 'gyur/ /de bzhin gzugs brnyan tshul shes na/ /ye shes tshogs chen thob par 'gyur/ /yi dam lha ste spang byas na/ /ngan song ni nga de rtag tu myong bdag rten dbyer med phyag rgya che/ /gsal la brtson pa'i yon tan ldan/ /yid bzhin ma chags dbang bskur ste/ /goms shing brtan par bya ba yin/ /de bas bar chad rtson med de/ /dper nas ban tshig pa las/ /'bras bu 'dod pa dang 'dra ste/ /bsgrub pa'i 'bras bu med par 'gyur/ /mi khom 'khor bar gnas par 'gyur/ /dam tshig bsrung dang sngags bzlas dang/ /phyag rgya rgyun mi bcad pa bzhi/ /brtson 'grus che zhing brtan par bzung/ /rnal 'byor brtson 'grus chung gyur na/ /mi bsgrub nyan yang che bar gsungs/ /ji ltar ral gri'i so la nan tan du/ /skyes bu myur du ma bzung na/ /lag pa nges par chod par 'gyur/ /de bzhin nan tan med pa'i gsang sngags pa/ /'chi 'am yang na 'bras bu med par 'gyur/ /rnal 'byor dam pa rnams kyis ni/ /sngags kyi yan lag ma nyams gsal/ /don dam ma nyams dag byas shing/ /brtson 'grus cher bskyed myur bar 'grub/ /'di ltar bsgrubs shing bsgoms byas
- 469a
na/ /'bras bu tshe la ma sbyar kyang/ /dper na mngal dang sgo nga bzhin/ /rnam rtog lus ni bor ma thag /thams cad kun la dbang bsgyur zhing/ /rigs mchog dam pa thob par 'gyur/ /rdo rje sems dpa' dang mnyam pa'i/ / dngos grub mchog rnams yongs su rdzogs so// //chu rlung can la drod dbab pa/ /gnas pa'i 'khor lo drug gnas pa/ /sprul pa'i gnas su sor tshad la/ /rtsa gnyis ri bong can tshes 'dra/ /gnyis kyi bar du byang chub sems yungs kar tshad tsam rnal 'byor bya/ /yang na shing thig le gnyis/ /bskyang ba bsam bya sngon smos bas/ /dam pa'i lte ba sor bzhi tshad/ /thig le ldan dang mi ldan pa/ /rung ba rgyud pa mnad 'dra ba'i/ /ba? thag nyi zer rgyang 'dra bsgom/ /rjes su bstan pa de nyid du/ / sor phyed yul la kun rdzob sems/ /yungs 'bru'i tshad tsam 'od dang ni/ /kha dog la yang mi gnas par/ /sgom pa'i ye shes myur bas ste/ /sum cu phrag drug gis ni 'thob/ /dar ma tsakra'i pho brang du/ /mkha' 'gro yod med mdor bskul bzhi/ / nga la mkha' 'gro med pa ni/ /cita? rta bdun ba dang ni/ /ri bong lcam sbyar ga 'u na/ /byang sems yungs kar 'bring tshad tsam/ /de la 'phro 'du gang yin pa/ /ri bong can la tshangs pa yi/ /chung ngu snang ngo thig le la/ /na ta sgra yong da gnyis las/ /kha dog sna tshogs 'od ldan pa'i/ /sgron ma phyir 'byung tshe na gnas/ /de la brdubs pas 'dus pa'i tsha/ /bug chung 'phro bas gsal gdab bo/ /de bzhin yang nas yang bsgoms na/ /ye shes nam mkha' i gzugs su skye/ / de las bzlog pa gang yin pa/ /'khor lo 'dab brgyad lta dbus na/ /ye shes snang ba'i thig le bzhugs/ /phyogs bzhir rang bzhin mkha' 'gro bzhi/ /rigs dang mthun pa'i kha dog la/ /de las bzhi ste lam nas spro/ /ye shes
- 469b
snying po phog pas gsal/ /mdor sgom ye shes snying rtsa la/ /gnyis med byang sems bde chen po/ /rta bdun pa yi snying po ltar/ /'od dang kha dog ci yang snang/ /gang du ma des bsgom pa ni/ /khams gsum dga' ba'i snang bas 'gegs/ /de dag gang 'phrod phyir bstan mod/ /shin tu ye shes myur ba ni/ /bde chen longs spyod cho 'phrul rnams/ /gsal byas rig pas bskyod byas te/ /sprul thig bzhi las ma nyams pa/ /de tshad thig les chos la bskul/ /thim pas bde bskyed de bzhin du/ /longs spyod bde chen thug par bya/ /rim pas bde bskyed bde chen bdes/ /bde chen 'khor lo bzhu byas te/ /rim thim zhu ba bskyod byas te/ /don dam ye shes de ru mthong/ /de dag kun la'ang bying rgod kyi/ /rkyen sogs spangs pa sngon bzhin du/ /rang nyams g.yo thob bstan pa yi/ /tshad bzung rtsol dang mi rtsol bya/ /'jig rten ting 'dzin ro brgyad sogs/ /zhi 'gog la sogs ro brtags te/ /ma nor lhag pa'i shes rab kyis/ /spang dor blang ba'i bye brag shes/ /'di dag rtsom pa'i rnal 'byor la/ /rgyal ba sras bcas byin rlobs mdzad/ /thabs chen 'di dag gang thob kyang/ /rnal 'byor brtson 'grus mi ldan na/ /bul ba ra'i 'bras bu bzhin/ /nam yang don yod ma yin no/ / rtog rlung g.yo ba rlung bzung ba/ /zhi ba bul ba drag po sogs/ /sgron ma bzung ba'i thabs rnams kyis/ /dmigs pas rig pa'i phur pa gdab/ /de dag thabs dang mtshan nyid dang/ /zin nas phra ba bslab pa dang/ /dgag dang lus bzung spro ba rnams/ /mnyes byas bla ma'i zhal du zhus/ /mes tshig me yis gdungs pa yin/ /'tsho zhing chags pas chags bral yang/ /mngon du bya ba de brjod pa'i/ /rnal 'byor thabs dang ldan pa yis/ /yon tan kun ldan
- 470a
?? dag /mun dang lkog? dang skye bo gnyis/ /rdzas dang sdug pas sems spros kyang/ /gar? dbab phrad par skye bo byed/ /dam tshig rnam smin sems 'jog cing/ /gtso la gdung ba'i phyag rgya rtsal/ /gtan du rigs pa snying 'dra na/ / 'di dag bstan la sbyar ba'i gnas/ /bud med yon tan kun yod kyang/ /gnyis kyis sems phrogs bskor dben du/ /'dod pa phyal bar spyod pa la/ /dam pa'i man ngag mi bstan te/ /'tsham par lha yi sku bstan no/ /gzungs su gyur pa de phyin chad/ /rnal 'byor pas kyang rgya mi dbral/ /mi yis sngon bzhin sems phrogs nas/ /'dod pa phyal spyod nyams byed pa/ /tshe 'di mi bde myong 'gyur nas/ /phyi mar dmyal bar ya re cha/ /de'i sdug bsngal bzod reg chad/ / rdo rje rgyal po ma yin pa/ /rnal 'byor pas ni de bzhin no/ /de bas mi mo gdam pa ces/ /yid 'ong gnyen gnas dbang bskur te/ /bslab pa'i rim pa bstan par bya/ /khrus byas gos rjes dam tshig sbyin/ /chos bshad 'du shes sgyur bar bya/ /gzhung bzhin bdag cag byin gyis brlab/ /nyed sdeb sprod dang tsu mi bya/ /rtse 'khyud sbyin pa sogs rnams kyis/ /yab yum snol mar cha skyed la/ /dgrol dang rgyas pa chog bya/ /ye shes dbab pa mngon rdzogs nges// cho ga? de yis las byas pas/ /mgo sprug smin langs mig mdog dmar/ /'dar dang smra mi shes sogs 'byung/ /de nas phyag rgya bzhi sogs pa/ /rgyud las gsungs pa 'di skad du/ /dgug dang 'dzin dang de bzhin te/ /bsdus dang 'khril bas don bsgrub phyir/ /bsdam dang mi stong dbang bsgyur te/ /bden pa sgra brnyan phyogs bcur sgrogs/ /shin tu sgeg pa'i gzi byin 'bar/ /yid bzhin rin chen 'phreng ba 'bar/ /dbyangs snyan yid 'phrog
- 470b
gzi ldan 'bar/ /gzugs mdzes skyod pas phyogs bcur g.yo/ /kun tu tshim byed bro gsungs thim/ /lta mdzes rin chen phung po 'phro/ /'od gsal 'phro bas kun tu 'bar/ /bdud rtsi gsil dro 'jam pa'i dbyings/ /'jug dang ldang dang gnas pa dang/ /smon pa byang chub sems yin no/ /gsang dbang pad+mar ldan 'gyur na/ /chags pa med pa'i tshul gyis su/ /pha rol phyin bcu rgyu 'bram rdzogs/ /sa bcu rim gyis bgrod med rdzogs/ /kun tu 'od gsal pad+ma can yang rdzogs/ / yi ge 'phreng ba 'khor lo bsam mi khyab/ /yang dag rdzogs chen thabs dang ldan/ /shes rab bla med yang dag rdzogs/ /bsod nams ye shes tshogs chen rdzogs par rol/ /rig dang mnyam pa'i shugs ldan pas/ /bdag dang phyag rgya rigs 'bar phyir/ /rang snang shes nyams rol bya ste/ /sa rim re res bkug rlung bzung/ /gtsug tor zla shas 'od 'dres pa/ /ma lhung shes rab ye shes myong/ /cig shos shugs ldan de goms pas/ /bcu gnyis tshad phyin phyag rgya la/ / rak+ta byang chub dus cig 'bar/ /gnyis med zung du 'brel ba las/ /dkyil 'khor bzhi bcu rtsa gnyis 'byung/ /sems 'dres brdubs bas sa rim thob/ /ma he mo yi 'o ma dang/ /'ga' 'ga' i nyi shing bcud kyis so/ /de thabs rdzogs par mnyes byas la/ /bla ma'i zhal las shes par bya'o/ /rdzogs so// //rnam rtog grub mdza' ma sgyur ba'i/ /blo la brda' grol man ngag bstan/ /bden tshig brjod pas blo byin brlab/ /rdo rje sems dpa' i zhal bstan pa/ /dub thabs ngo bo khyad par yang/ /yon tan skyon gyis rdzogs par bya/ /ma nges sa 'am thun mong nas/ /sems cher skyes pa 'dir zhugs pa'i/ /mnyan gsan thun mong byin brlab pa/ /dbang lnga rdzogs pa'i shi sha la/ /
- 471a
lhag pa'i lta ba ces 'dzin yod/ /las kyi mdza' la 'jug 'dod tshe/ /brda''grol byin gyis brlab bar bya/ /dgrol thabs rnam grangs gzhal bya dang/ /grub mdza' i dngos po lus bzhag go /rnam par dbye ba rnam gnyis te/ /rgyud dang bstan la dbab pa'o/ /rgyud pa nye ring rnam gnyis te/ /gang zag so sor rtog pa'i sa/ /mthong mi ldan la sngon song pa'i/ /gsang ba'i zhi gnas bstan byas pas/ /shugs dang dpyad pa gnyi ga mthong/ /de min rgyu tsam sog med pa/ /rgyud las 'di skad gsungs pa ste/ /chos nyid rten cing 'brel bris na/ /chos nyid don rnams gsal 'gyur te/ rang dang spyi yi don rtogs nas/ /skye rga na 'chi med rtogs 'gyur/ /ci phyir zhe na 'jig rten dang/ /sngags dang bdag rnams sems nyid phyir/ /ngo bo cig 'brel mthu ldan zhing/ /cig dang du ma rtogs par 'gyur/ dngos po bstan la dbab bya ba/ /rim pas zlog ste gzhal bya ba/ /'jig rten 'di na ci yod pa'i/ /ming dang tha snyad 'dzin pa dag /so so'i mtshan nyid 'jig byas na/ /rang bzhin med de yang dag nyid/ /rang 'byung chen po'i ye shes kyis/ /thams cad sangs rgyas zhing du sbyor/ /ma bcos ma byas ngang gis gsal/ /ye nas 'od gsal sangs rgyas zhing/ /zhes pa rgyud las gsungs pa'i phyir/ /brtags pa'i spyod pa gnyis las gzhal/ / rnam par byang dang nyon mongs gnyis/ /so sor yod pa ma yin te/ /nyon mongs gnyen pos bcos su med/ /thams cad dbyings su ro cig pas/ /cis kyang mi tshugs gong na med/ /brgyad las gzhal bya rnams gnyis
- 471b
dang/ /sgrub thabs gtan tshigs bcas gsungs pas/ /'khor dang mya ngan 'das la brtag /'das pa spyod yul ma gyur phyir/ /brtag pa'i yul du ji ltar rig /sems la mya ngan 'das zhes pa/ /de nyid 'das par rung ma yin/ /gal te 'das pa'i snang ba la/ /gzhan nyid dang pos lkog tu 'gyur/ /de pa'i na 'khor dngos po yang/ /snang dang rtags pa gang la gzhal/ /snang ba rang gi mtshan nyid ni/ /brjod pa min te rigs snang phyir/ /gzhal byar rigs min skye bo yi/ /yul min grub pa'i mdza' ltar snang/ /rtags pa nang la spyad do zhes/ /rten spyad bzhi ru rigs pa min/ /'on te rang la nang du yang/ /ltas te dpyad zhe de nyid ni/ /log rtog spros pa'i skad cig ma/ /snga ma 'das dang phyi ma byung/ /de la rten par rtag mi rigs/ /de ltar skad cig mi brtan pa/ /so sor rtog par gnas 'gyur na/ /zhen 'gag rang la bstan mi rigs/ /nges par bzhag pa'i gzhal bya ni/ /'khor dang mya ngan 'das pa yi/ /rang gi mtshan nyid mi 'dod de/ / de ltar nang du zhen pa yis/ /phyi rol med la yod ltar nang/ /zhen dang lta ba gnyis la brten/ /de de shes pa skad cig ma/ /de ltar da ltar thad rang bcad/ /lta ba'i tshe na gnas gyur pa/ /gzhal bya med par dogs pa'ang/ / zhen pa shes kyi spyi yul yin/ /skad cig gnas 'gyur shes nyid do/ /de bas yul sems ma 'dres phyir/ /zhen snang 'jam la skyo ba med/ /'on te yid 'gyur zhen pa'ang/ /skad cig mnyam pas 'gag pa med/ /de tshe rtags gzhi yod mi rung/ /dogs na zhen pa'i yul rnams ni/ /gtan du dag pa ma yin phyir/ /so sor spyod kyang zhen yul mthong/ /rang dang spyi mtshan ma lus la/ /shes rab dbang po yul phyi smol/ /mdor na kun brtags dus
- 472a
bzhis dang/ /'das dang sdug bsngal kun ming la/ /don du zhen pa ltar snang la/ /rten te smal bas mdza' rnyed 'gyur/ /de ltar rang snang spyi la'ang/ /gnyis gnyis snang ste rgyud nyid las/ /spyi yi mtshan nyid brjod pa ni/ /yang dag nyid kyis rab brtags na/ /rnam par byang pa'i mtshan nyid de/ /de skad spyi tshan gnyis su brjod/ /rang gi mtshan nyid brjod pa ni/ /chos dang bdag dang dngos po rnams/ /ngo bo mo? la sogs brtags pas/ /rtog pa sgyu ma'i rlung 'gyur te/ /log rtog spros pa rgyun nyid la/ /ma rig de sogs nyon mongs lnga/ /rang mtshan kun ni rtags nyid bstan/ /so so'i rtsal rnams 'dzin gyur pas/ /thabs chen du ni rnam par 'phro/ /de skad rang rig rang snang phyir/ /rang gi mtshan nyid de bzhin nyid/ /de ltar rang spyi bzang dang ngan/ /gzhal bya grub mdza' lung bstan no/ /de rjes bstan la dbab bya ba/ /de nyid mtshon pa'i tha snyad pas/ /de nyid bstan la dbab pa dang/ /dngos po grags pa'i tha snyad la/ /brten te brtan la dbab pa'o/ /kha dog ma yin dbyibs ma yin/ /gnas su ma yin gang yang min/ /de la ji bzhin nyid dbab pa/ /gzhi bzhin brjod pa'i tshig rnams kyis/ /dkar po dkar por mtshon pa bzhin/ /bsam brjod 'das pas de nyid mtshon/ /de yang ji ltar rgyud las gsungs/ /gzhi rtsa med pa'i sems nyid ni/ /pho mo ma yin ma ning min/ /mtshan nyid ma yin rigs brgyud min/ /kha dog ma yin dbyibs ma yin// gnas su ma yin gang yang min/ /de bzhin nyid dbyings ye shes te/ /thabs kyi phyag rgya kun gyi rgyu/ /thabs las thabs byung thabs bsam yas/ /thams cad ma lus rnam par dag /nyid kyi dbyings las mi zhan phyir/ /bde
- 472b
dang mi bde gang yang med/ /thams cad dbyings su ro gcig ste/ /de bzhin nyid kyi ngang brtson par/ /yang dag nyid kyis de skad bshad/ /bshad dang nyan pa gnyis ka med/ /de bzhin nyid du yang dag 'du/ /kun gyi 'byung gnas byed pa'o/ /de yis ma byas gang yang med/ /kha dog dbyibs rigs gang yang min/ /shin tu brtag dka' sus mi rig /byang chub sems kyi theg pa ni/ /kun la khyab cing mi gnas pa/ /kha dog gnas dang dbyibs ma yin/ /yon tan mchog gi snying po ni/ /tog gi spyod yul de ma yin/ /byang chub sems zhes brjod pa ni/ /gang nas ma 'ongs gar mi 'gro /rtog med rang gi kho na tsam/ /mnyam pa'i don nyid ji lta bu/ /mnyam nyid rang bzhin gang yang min/ /dngos rnams nyid na dngos med pa'i/ /rtog pa'i smra bsam yul las 'das/ /de bzhin nyid dbyings ye shes te/ /de phyir dngos po dngos med do/ /sus kyang ma bcings bcings med de/ /bcings par bya ba yod ma yin/ /bcings med rnam par grol med pa'i/ /ye nas lhun grub sangs rgyas chos/ /rgyud las de ltar gsungs pa yis/ /bcings pa bdag nyid mi dmigs phyir/ /so sor rtog pa grol mi 'dod/ /gzhal med 'ching grol med bstan pas/ /ma nor go ba gzhal ba'i mchog /bden pa'i tha snyad de yang yin/ /chos nyid spros bral brjod bsam med/ /sangs rgyas byang chub bla dags rnams/ /mi bslu phyir na bden brtags tsam/ /ngo bos de ltar rtogs gnyid mdza' / /bshad pa'i dngos la dmal bya ba/ /tha snyad bslu la brten nas ni/ /blo rgyu tshig rkyen ldan pas brtag /de yang brtan tshigs rnam bzhis dbab/ /de de'ang thun mong min dang yin/ /dpe dang stag gi lus bzhag go /dang po smos pa gzhal
- 473a
bya ba/ /rtogs dag mnyam dben bdag gnyis rgyus/ /rang 'byung ye shes gtan la dbab/ /rtog ge yul min phyir na nges// //rtogs pas gzhal ba ci phyir na/ /rgyu cig pa dang yig 'bru'i tshul/ /byin gyis brlabs dang mngon sum pa/ /rab tu rtogs pa rnam bzhi yis/ /thams cad mngon rdzogs rgyal po che/ /rgyud las 'byung phyir de rmal rigs/ /dang po sangs rgyas sems can rnams/ /phyi nang snod bcud so so yi/ /rgyu las grub pa de yi phyir/ /mi cig rtog ngan sgrol bya'i phyir/ /rgyud las mngon du gsungs pa dang/ /gzhan yan gsungs pa 'di lta ste/ /phyogs bzhi mtshams bzhi steng 'og bcur/ /rang 'byung chen pos kun tu khyab/ /rang 'byung che nyid dngos med par/ /kun gyi phyag rgya'i rgyu yin no/ /ma bcos rgyun gyi skad cig ma/ /de yis ma byas gang yang med/ /gzhi rtsa med de rang bzhin stong/ /rigs dang rgyud du rtag tu med/ /rigs dang kha dog dbyibs med las/ /phyi nang snod bcud thams cad snang/ /'phro ba'i gzhi rtsa de bzhin nyid/ /de bas rnam rig 'byung ba ni/ /zhes pa la sogs des lung gi /gtan tshigs smos pas yid ches bya/ /de bas 'khor 'das snod bcud rnams/ /zhi 'gyur gzhi las g.yos med ltar/ /kun dngos rig pa dang snang phyir/ /ngo bo nyid kyi rgyu ru cig /bdag spyod yul dus snang ngo cog /rang gi kun gzhi'i de bzhin nyid/ /ji ltar ltas pa snang ba'i phyir/ /sems nyid 'od gsal cig pa la/ /don dam bden par rim pas bzhag /yig 'bru'i tshul ni a o a'oM/ /'bru gsum sgra dbyebs kyis mtshan nas/ /sku gsung thugs kyi 'bras bu rtog /de yang 'di skad gsungs pa ste/ /dngos kun ji ltar brtags
- 473b
bsam bzhin/ /'gyur bas sems snang kun ngo bo/ /sems nyid rig sogs gang min phyir/ /'di 'dra ma skyes skad cig med/ /ma skyes yi ge don gyi gsungs/ /brjod dang 'drar snang phyir nges pa'o/ /don dam nyid na thams cad du/ /'phro ba ma 'gags ye shes te/ /snang stong thams cad shes rab don/ /dbyer med o te chos kyi sku/ /de nyid ye shes lnga rdzogs te/ /stong pa'i ye shes dngos po med/ /me long ye shes rtog pa med/ /mnyam nyid ye shes bzang ngan med/ / so sor rtog pa ma 'dres gsal/ /bya ba nan tan mthar phyin pa'o/ /de phyir a'oM gyi don dbyibs mtshon/ /lhag pa'i don dam kun rdzob gnyis/ /rtogs pa'i lta ba'i byin rlabs kyis/ /bar na se'i ras mtshon ltar/ /rtog pa'i spyod yul zung 'jug par/ /byin rlob phyir na sgra 'jug ste/ /rgyud las 'byung ba 'di skad du/ /dkar po tshon gyis mdog bsgyur te/ /dug kyang sman du 'gyur ba dang/ /de bzhin dug gsum byang chub ste/ /'gro ba byang chub lam du sbyor/ / de ltar tshul gsum brjod pa yis/ /mthong ba gang yin shes rab spyan/ /de yang mngon sum gzhan spangs te/ /sgra tshig rten bral zhen tsam yin/ /yul min rang rig dben dbyer med/ /blo gting go bas mngon sum phul/ /ming tshig sgra la mi brten par/ /blo yi gting du go bar byos/ /rtogs par byed dang byas pa'i phyir/ /ming des tshul ni sgrar 'jug pa'o/ /'o na bden gsum rim pa yis/ /mthar phyin bar du rtogs rigs phyir/ /gtan tshigs 'jog pa'i rigs pas 'gal/ /lta ba'i ngo bo'i rim par dogs/ /bsten pas gzhi mthong yod mod kyi/ /gsum gyis gsum mthong mthar byed phyir/ /byed la brjod pas the tsom med/ /rigs pa dam pa nyid du nges/ /des na don gyi gtan tshigs
- 474a
kyang/ /ngo bo cig la thabs kyis phye/ /dper na me dang tsha bzhin nam/ /chu dang rlan phyir ji bzhin no/ /lta ba'i rnam grangs brjod pa kun/ /rang bzhin ngo bo'i chos tshul gyis/ /mtshon cha cha re so sor bstan/ /ci brjod ming grangs ngo bos cig /dag pa gsum dang bzhis gzhal ba'ang/ /snod bcud rgyud rnams dag rtogs shing/ /dag mnyam rnam gsum don rtogs bsgoms byas shing/ /zhes gsungs phyir na 'di smos te/ /ngag gsum bden gsum bden bzhi dag /mnyam pa bzhi lnga'i skabs 'chad de/ /tshul gyis bdag mnyam so sor brtag /nyid la dbang sgyur nyid spyod phyir/ /bdag dang gzhan dang rtog pa'i rgyun/ /rnam dag bla med theg pa'i mchog /dag pas snang ba spong zhe na/ / thams cad dag ces bya ba dang/ /dngos po gsal dag ma yin te/ /snang spyod nyid ni rnam par dag /chos rnam yong gi dag pa yi/ /rnam bzhi tshul gyis don rtogs mngon/ /rgyu rnams rab tu dag pa dang/ /'bras bu yongs su dag 'gyur te/ /don dam dmigs med rang bzhin dang/ /kun rdzob sgyu mar ye nas dag /rgyu yi mtshan nyid dag pa ni/ /phyi rol chen po lnga rnams te/ /sems nyid gzung 'dzin gnyis snang ba/ /bzung ba'i yul nyid 'byung ba che/ /rgyu nyid rang gi sems yin pas/ /'byung ba chen po rgyu las dag /'bras bu yongs su dag pa ni/ /sems can kun gyi rus pa ste/ /rdo rje byang chub sems yin la/ /sha ni pad+ma rak+ta yin/ /dri chen dri chu gur gum chu/ /so so'i lus la gnas pa dag don dam dmigs med dag pa nyid/ /phyi nang chos rnams thams cad kyang/ /gang gi ngo bo 'ang ma yin te/ /skye 'gag med par ye nas dag /kun rdzob ye nas dag pa ni/ /sgyu ma'i rang bzhin thams cad snang/ /chu zla'i tshul du mi
- 474b
dmigs gnas/ /mi dmigs pa nyid sna tshogs snang/ /de bzhin gshegs dang ye nas mnyam/ /bla na med pa'i dkyil 'khor dang/ /ngan song gnas rnams ma lus kun/ /rgyud nyid rang bzhin gnyis ka dang/ /rang bzhin ye nas de bzhin no/ / 'bras bu rnam par dag pas na/ /'jig rten brtan g.yo la sogs pa/ /snang ba nyid na ngo bo med/ /de nyid chos sku chen po yin/ /gsum dang bzhi brjod dgos ched ni/ /rmongs pa gsum bzhi dag ma dag /'dzin pa'i lta na bzlog pa'i phyir/ / rnam grangs brjod kyis ngo bo cig /cis kyang ma go ma spangs pa'i/ /so sor snang zhing mthun pa'i gzugs/ /bdag dang bdag med tu rtogs pa/ /de lta bu yi ngang du snang/ /rnam par rtog pa mi mnga' ste/ /de yi mi mkhyen ci yang med/ /rnal 'byor lta ba de lta bu/ /tshig gis snga phyi yod mod kyang/ /don gyis cig par rdzogs par bsgom/ /mtho dman kun gyi gzugs snang dang/ /bla med byang chub skur snang ba/ /me long lta bu'i tshul bzhin du/ /sna tshogs kha dog dbyibs su snang/ /shes rab chen po rnam dag pa/ /spyod yul thams cad dag par 'gyur/ /shes dang spyod yul gnyis su med/ /de bzhin nyid du ro cig go /mnyam pa gsum bzhi lnga bshad pa/ / gnyis kyis chod bar sbyar ba ste/ /bdag gzhan che chung ltar dgrol phyir/ /mnyam nyid lhag pa'i mnyam nyid kyis/ /dkyil 'khor kun tu bzang po zhing/ /mnyam pa rnam bzhi don rtogs mchog gi gnas/ /zhes gsungs phyir na bzhi yis rmal/ /de yang thun mong gnyis gnyis las/ /lhag pa'i mnyam nyid spangs par 'grub/ /thun mong rgyu yis kun rdzob du/ /rkyen bzhi 'dus snang sgyu ma tsam/ /kun brtags spros pa chad pa'i phyir/ /rnam
- 475a
grangs don dam zhes kyang bya/ /skabs kyis yongs su 'grub par smra/ /de la rgyu rkyen cha phyed na/ /'dus snang dngos po ma skyes pa/ /don dam mnyam par 'dod ba de/ /rten cing 'brel pas bsgrubs pa'i mdza' o/ /yang dag sgyu ma'i tshul gnyis su/ /bdag dang bdag gi gzhan med de/ /de nyid ngo bo dbyings nyid las/ /rnam dag dbyings cig tshul nyid do/ /bdag dang bdag gi gzhan rnams ni/ /log par rtogs pa tsam nyid las// phra zhing zab pa'ang yi dam yin/ /log rtog nyid la nyid spyod de/ /gzhan du g.yo ba ci yang med/ /de bzhin bya ba dang ni yo ga ba/ /don dam rang rig gang yin pa/ /spros bral rang bzhin dag pa dang/ /rnam dag dbyings kyi ye shes lnga/ /don dam 'dod pa kun rdzob du/ /rigs gsum rigs ltar 'dod pa dag /bdag nyid chen por ma rtogs phyir/ /thun mong mnyam par nga smra'o/ /lhag pa'i kun rdzob tsam du yang/ /rang rig snang phyir 'bras bu lta/ /snang dang don nus ngang gi dben/ /de phyir lhag pa'i kun rdzob go /de nyid rang sems dbyings ye shes/ /'bras bu sngar rdzogs brjod bsam 'das/ /de phyir lhag pa'i don dam rgyu/ /ye shes rgyu mar snang ba dang/ /log rtog sgyu mar snang ba gnyis/ /sgyu ma yin phyir rang bzhin mnyam/ /mnyam pa nyid la mi gnas pa'i/ /bsod nams ye shes tshogs rdzogs te/ /ye shes gnyis kyi dkyil 'khor la/ /theg mchog rdo rje ma lus rdzogs/ /dpe byad mtshan rdzogs dpag tu med/ /thams cad mnyam pa'i dkyil 'khor la/ /rang 'byung ye shes 'pho ba yis/ /dbyings dang rig pa gnyis min pa'i/ /de bzhin nyid du rdo rje rig /
- 475b
'on te kun kyang gnyis med na/ /mnyam zhes brjod pa ji lta bu/ /mi mnyam bltos pa rgyu ma yin/ /yang dag tha dad de yang rdzun/ /de yang kun brtags mi mnyam las/ /bltos nas de ldog mtshon phyir brtags/ /don tu ye nas mnyam nyid la/ /mnyam par zhes pas 'dod brjod bral/ /mnyam pa rnam lnga'i dam tshig ni/ /don dam skye 'gag med mnyam pa/ /chos rnams ma lus thams cad kun/ /de bzhin nyid dang stong pa mdza' / /yang dag nyid dang chos kyi dbyings/ /mtshan nyid med dang dmigs su med/ /gzung du med cing smon pa med/ /ye nas mya ngan 'das pa yin/ /thams cad nam mkha' i mtshan nyid de/ /nam mkha' la yang mtshan nyid med/ /kun rdzob sgyu mar mnyam pa ni/ /'dus byas dngos po sna tshogs ni/ /sgyu ma'i tshul du thams cad snang/ /'phral snang bya ba kun kyang byed/ /rtog pa kun gyi mtshan mar snang/ /'di dag thams cad gzugs brnyan te/ /bya byed snang zhing dngos po med/ /chu zla'i tshul du thams cad snang/ /thams cad snang la rang bzhin med/ /don dam kun rdzob dbyer med ni/ /chos rnams ma lus thams cad kun/ /gzhi rtsa med las thams cad 'byung/ /med dang yod pa gnyis ka min/ /don dam kun rdzob dbyer med de/ /'dus ma byas nyid 'dus byas snang/ /snang ba nyid na dngos po med/ /dngos med de ni sna tshogs pa/ /de nyid sgyu ma mig yor tshul/ /'byung ba chen po lnga rnams ni/ / de bzhin gshegs pa lngar mnyam pa/ /sa chu me rlung nam mkha' las/ /ya mtshan sna tshogs 'byung 'gyur ba/ /gzhi rtsa yod pa ma yin te/ /rang bzhin ngang gis de ltar 'byung/ /so so'i rigs tshogs snang ba ni/ /thabs
- 476a
chen dag tu brtags ba mnyam/ /mtshan nyid so sor gnas pa ni/ /shes rab dbyings kyi ngang du mnyam/ /tshogs brgyad ye shes lngar mnyam pa/ /rnam rtog kun gzhi ma yin pa/ /rang bzhin med pa don gyi gzhi/ /'di ni chos kyi dbyings zhes bya/ /de bzhin nyid kyi ye shes so/ /rnam par byang dang nyon mongs kyi/ /gzhi rten rnam rtog kun gyi gzhi/ /bag chags mun pa rang dangs pas/ /thams cad me long lta bu'i tshul/ /chos rnams ma lus thams cad kun/ /nga dang bdag tu mi 'dzin cing/ /kun kyang dbyer med ngang yin bas/ /thams cad mnyam nyid ye shes yin/ /thams cad kun la lung rtog cing/ /rtog dang brtag par bya ba med/ /dus gsum du yang mi dmigs pa/ /so sor rtog pa'i ye shes yin/ /log rtog dbang po'i spyod yul spangs/ /dbang po yul rnams dngos med bar/ /thams cad dbyer med de bzhin nyid/ /bya ba grub pa'i ye shes yin/ / mnyam pa rnam lnga de dag rtag /chos rnams ma lus thams cad la/ /ye nas rang bzhin med pa dang/ /thabs chen lhun gyis grub par brtag /'di ni yang dag rtogs pa yin/ /gdod nas ma skyes rnam dag byang chub sems/ / rang bzhin dbyer med gdod mdza' mi 'byed cing/ /ye nas mnyam pas rgyal ba rgya mtsho yin/ /'gro 'ong med pas dus gsum cig par rdzogs/ /dbye bsal med phyir bzang ngan blang dor med/ /rnam rtog nyid na ye shes rang 'byung ste/ /rnam rtog mi skye ye shes brjod du med/ /ma spangs mtshan ma kun bral yod med pas/ /dran byed mi spong 'khor rgyun mi 'byed de/ /mi snyags mi 'byed mngon sum sangs rgyas la/ /blo yi rig pas spyod cing nan tan
- 476b
dang/ /mtshon cing bsten pas byang chub thob mngon te/ /shes rgyud ci yin gang yin ngo shes shing/ /bya byed las 'phags kyi rta 'dug byed pa/ /gang zhig blo la spyod pa byang chub 'thob/ /chen po yum lngar dag pa dang/ /phung po sems phyir rigs lngar dag /tshogs brgyad ye shes lngar mnyam pa/ /snod bcud rgyu yi kun brtags pa/ /bden pa kun rdzob don dam dang/ /gnyis su med dang rnam gsum yang/ /de gsum nyid du mnyam bas gsal/ /skabs kyis kun brtags yul rnams ni/ /ming tsam ngo bo'i rgyud med pa'i/ /rigs ba cir snang don byed dang/ /rtog mal mthun snang ma nges dang/ /phyag rgya'i dbyibs mdog gsal bas 'grub/ /skor bdun rdzogs dang bsam brjod 'das/ /ngo bo rgyus 'grub shes bya yi/ /mchog gyur shes rab dam pa yi/ /yul yin rtog ge'i ma yin dang/ /mi bslu nges pas sgra 'jug ste/ /thun mong stong brjod bral tsam min/ /lnga dgur rang rig rang snang phyir/ / tshul gyis phye ba'i ngo bo nyid/ /smra brjod bral te bsam yul min/ /phyogs bral ngo bo dbyer med pa/ /shes can yang rab yul yin phyir/ /de ni bden pa chen por bshad/ /bden pa gnyis ka dbyer med pas/ /'phrul dga' i tshul te tha dad min/ /de bzhin bzhi yang lhag pa'i gnyis/ /rjes mthun thun mong bden pa yang/ /skye bo'i yul 'das rigs pa yis/ /grub pa thun mong grags bar zad/ /bdag nyid chen po'i rkyen tshig gis/ /ji ltar gzhal bya 'dir brjod pa/ /log rtog rgyu 'bras bdag gzhan ltar/ /rnam pa 'di kun rang rang gi /rang bzhin med pa'i rnam shes nyid/ /rang 'byung ye shes gnas med snang/ /mdor na tshogs brgyad rtog snang ba'i/ /shes yul cig kyang
- 477a
ji lta bar/ /bsam pa bstan tshe de snang phyir/ /kun dngos gzhan bral bdag nyid che ho/ /thams cad rigs phyir bdag brjod kyi/ /snang bkag rnam pa cig ma yin/ /gang zag chos dang brtag pa'i bdag /rang rgyu spyod yul bral las bdag/ //rgyu 'bras yul lta bzlog phyir las/ /bdag nyid chen po 'di 'dra med/ /'jig rten 'das dang 'jig rten pa'i/ /chos rnams sna tshogs snang ba yang// bdag las gzhan pa ma yin pas/ /kun la smod cing chags su med/ /sems dang sems nyid ji lta bur/ /byang chub de ni sems yin no/ /sems dang byang chub dbyer med pas/ /sems can ma lus thams cad dang/ / dus gsum chos rnams thams cad yin/ /thams cad ma lus chos so cog sems dang byang chub nyid du 'u ba/ /dbyings dang dbyings dang ye shes kyang/ /rang rig kho na tsam du zad/ /dgu dang stong phrag brgya bcu bzhi/ / byang chub sems las gzhan du min/ /gzhal yas khang dang dkyil 'khor dang/ /khro tshogs 'du 'phro mang po yang/ /sems kyi cho 'phrul chen po yin/ /sems nyid rdzogs pa'i sangs rgyas pas/ /sangs rgyas gzhan ba? ma 'tshol cig /kun brtags lo rgyus brjod byas pas/ /ji bzhin nyid don rmal bya ba/ /dper na 'jig rten mi rnams dang/ /pha mes lo rgyus bshad byas na/ /rigs rgyud cig gis cig shes ltar/ /chos kun gzhi? ?? byas na/ /gser las tha dad dbyibs snang ltar/ /rang rig cir yang snang phyir gzhi/ /de nyid rtogs med rang snang las/ /rgyud med gzhi rtsa ga la rnyed/ /de nas lo rgyus rtags byas pas/ /gzhan bral
- 477b
rigs snang bzang ngan med/ /rtags pa'i dri bral ma 'dres bsal/ /don gsal so sos mtshon tshig phye/ /dngos tshig tshul sgras tha dad kyang/ /don du smra bsam bral ba cig /chos rnams ma lus thams cad kun/ /gzhi rtsa med las thams cad 'byung/ /gshegs sku sgyu mar snang ba dang/ /log rtog sgyu mar snang ba gnyis/ /gzhi rtsa med de rang bzhin stong/ /rigs dang rgyud du rtag tu med/ /rigs dang kha dog dbyibs med las/ /phyi nang snod bcud thams cad snang/ /snang ba nyid na chos kyi sku/ /cir yang 'gyur zhing thams cad 'grub// //gtan tshigs gnyis pa'i lus bzhag pa/ /rang bzhin rang spyi mdza' bral dang/ /rnam par dbye ba'i gtan tshigs kyis/ / rang 'byung ye shes snyan par smra?/ /de dngos dang rang bzhin la'ang/ /rang bzhin dngos dang rnam dbye ba'o/ /dngos ni spyi bshad chos so cog /rgyu rkyen byed pos byas min par/ /rang bzhin nyid kyi snang tshul gyis/ /phye ba'ang dang gis mdza' bral dang/ /rang bzhin yong gis mnyam pa dang/ /rang bzhin thams cad mkhyen sogs gsal/ /chos kun rang bzhin mi dmigs phyir/ /'khor ba yongs su dag par 'gyur/ /rang bzhin yong gis dag pa'i phyir/ /mnyam pa'i dbyings su yang dag rtogs/ /'khor ba'i rang bzhin mi dmigs phyir/ /mya ngan 'das pa yod ma yin/ /de bzhin nyid dang dbyer med phyir/ /rtag tu rang bzhin 'od gsal nas/ /'jig rten 'das dang 'jig rten pa'i/ /chos rnams ma lus thams cad kun/ /bdag dang bdag gi gzhan na med/ /rang bzhin dang gis bdag med pa'o/ /'di ltar snang ba thams cad kun/ /bdag la gud na cig kyang med/ /bdag nyid shin tu mi dmigs
- 478a
bas/ /nyon mongs nyid kyang byang chub shing/ /chos rnams thams cad bdag yin pas/ /gang du 'gro zhing gang du skye/ /'jig dang skye ba'i dngos po med/ /dngos med de la su zhig sad/ /rang bzhin rnam par dbye ba ni/ /de ltar gtan tshigs kun la'ang/ /khyad sbyor gzhan yang dngos po kun// //rang rgyud med de ming tsam dang/ /dngos po ma nges cir yang snang/ /rnam bzhi'o dang po rgyud las kyang// yang dag nyid dang log rtog nyid/ /ngo bo nyid kyis gnas 'gyur na/ /de las bcos shing sgyur du med/ /ye nas ngo bo yod yin na/ /nyon mongs spangs shing byang bsgrub med/ /zhes gsungs dngos po rnam nyid la/ /rigs rgyud yod na der red pas/ /skyon gnyis 'byung ngo rtag par gol/ /de phyir snod bcud 'gro ba'i rigs/ /snang ba tsam ste stan dred min/ /de phyir ming tsam rgyud med de/ /chos rnams ming du brtags pa tsam/ /'gro drug dus gnas ma lus snang/ /ming tshogs khyad par snang ba yi/ /zab chen spyod yul log par rtog brtags ming rtsam pa/ /thams cad ming tsam sangs rgyas kun/ /yi ge'i 'phreng ba nyid la gnas/ /bdag dang bdag gi gzhan rnams ni/ /log par rtog pa tsam nyid las/ /phra zhing zab pa yod ma yin/ /log rtog nyid la nyid spyod de/ /gzhan du g.yo ba cig kyang med/ /log rtog rgyu 'bras rgyun nyid kyang/ /gzhi rtsa med dbyings skad cig ma/ /rnam par dag pa dbyings nyid tshul/ /ma rig pa yi 'khrul rtog gis/ /nga dang bdag tu med pa la/ /so so'i mtshan ma dngos pos bzung/ /'dzin pa'i dngos po yod na de/ /chos rnams thams cad ming
- 478b
tshig tsam/ /so so'i rang bzhin nges zhes na/ /yang dag lam gyis bcos su med/ /thams cad 'byung ba'i gnas yin te/ /snang ba nyid na 'ja' tshon bzhin/ /rang bzhin med par kun tu snang/ /de nyid chos sku yin par bshad/ /de dag me yi tsha ba ltar/ /rang bzhin nyid kyis de bzhin te/ /chos kun rang spyi bstan pa'ang/ /skabs kyis rtags pa der red med/ /kha cig rang gi mtshan nyid du/ zhen pa snang ba lta bu la/ /sa sra chu gsher la sogs dang/ /nyon mongs rang ga'i mtshan nyid dang/ /snying rje skyob la gdung ba dang/ /byams pa mi byed phan 'dod spogs/ /mya ngan 'das lam 'bras bu yi/ /rang gi mtshan nyid so sor 'dod/ /zhen pa de nyid mi rtag sngal/ /stong bdag med pa'i spyi ru 'dod/ /la lar rang rig thabs chen du/ /ma 'gags snang ba rang mtshan te/ /dngos su rnam par byang ba yi/ /mtshan nyid yin pa ci ru 'dod/ /nyon mongs rang dang spyi bstan pa/ /mtshan nyid ma nor don rtogs na/ /rnam par byang ba'i lam du 'gyur/ /sku gsung thugs kyi dngos grub kyang/ /gang na med de de nyid yin/ /nang gi chen po lnga nyid kyang/ /rang dang spyi yi don rtog na/ /mtshan nyid med par rnam par dag /rang gi mtshan nyid brjod pa ni/ /chos dang gang zag bdag dngos rnams/ /ngo bo yod la sogs rtags pas/ /rtog pa sgyu ma'i rlung 'gyur te/ /phyi yi mtshan nyid brjod pa ni/ /mi rtag sdug bsngal stong bdag med/ /ma rig pa ni spang du med/ /ma rig yang dag bsgrub du med/ /thams cad dbyings ni gcig tu thim/ / so so'i rtsal rnams 'dzin gyur pas/ /thabs chen du ni rnam par 'phro/ /mtshan rnams rang bzhin mi gnas pas/ /shes rab dbyings su rnam par spyod/ /sgyu ma'i dngos po rtog pa ni/ /rtog pa de nyid mi dmigs phyir/ /mi dmigs de
- 479a
nyid sna tshogs snang/ /skyes pa nyid na chos nyid cig /zhe sdang spyi yi mtshan nyid ni/ /yang dag nyid kyis rab brtags na/ /rnam par byang ba'i mtshan nyid/ /gnyis med zhe sdang spang du med/ /'dod chags mtshan nyid rtogs pa ni/ /rnam par byang ba yin pa'i phyir/ /chags pa ma chags gnyis med pas/ /'dod chags mtshan nyid spang du med/ /phrag dog mtshan nyid rtog pa ni/ /rnam par byang ba'i mtshan nyid de/ /dog pa spangs med yangs bsgrub med/ /de bzhin mdza' bral gtan tshigs kyang/ /bltos nas mi rtag kun mdza' i phyir/ /yod med dbus dang rtag chad dang/ /cig dang du ma la sogs pa/ /mdza' gsum dang ni bzhir grags pa/ /thug pa thug mthar ci smos kyi/ /bral dang 'das dang med brjod sogs/ /bltos rtags phyogs zhen yod phyir mdza' o/ /de dag 'khrul phyir 'di skad du/ /yod las rtsal na sgros brtags 'gyur/ /med las brtsal na bkur btab ste/ /yod med gnyis las btsal byas na/ /de ni lung du ma bstan 'gyur/ /'di ltar snang ba thams cad la/ /mngon sum tshad mar rtags mthong yang/ /snang ba nyid na dngos po med/ /de bzhin yang dag nyid du rtogs/ /gang zhig stong pa'i ngang yod ces/ /med pa'i rang bzhin rtog pa ste/ /ri bong rwa dang mo sham bu/ /tshig tsam gdags su rung mod kyi/ /thams cad ming tsam stong nyid med/ /thams cad ma lus stong zhes te/ /dran med sdos pa ma yin pas/ /rtog med rang bzhin 'od gsal bas/ /'di ltar snang ba thams cad kun/ /gdos pa can gyi chos min te/ / shes rab 'ba' zhig kho na'o/ /thams cad ma lus de bzhin te/ /de ni gang yang dmigs med la/ /skye dang 'gag dang gnas pa dang/ /'od dang 'gro ba'i dngos po med/ /de bzhin rang gi rig pa yang/ /mdza' dang dbus med du ma
- 479b
yin/ /gang du mi 'gro kun tu khyab/ /kun la de bzhin mi gnas pa'o/ /gdos pa can gyi chos min pas/ /ji ltar dmigs pa bzhin du 'grub/ /rig pa dbang du gyur pa na/ /stong par bya 'am mi stong bya/ /thams cad dbyer med ngang yin pas/ /kha dog dbyibs dang rin po che/ /thams cad khyab dang yungs 'bru'i tshul/ /bsam yas mdza' dbus med pa'o/ /yod med dbu mar mi dmigs shis/ /sgyu ma mig yor lta bu'i tshul/ /cig dang du mar bral ba yi/ /mdza' dang dbus med de bzhin nyid/ /sangs rgyas kyis kyang mi gzigs te/ /rang 'byung ye shes gnas med snang/ /phyogs 'dzin lta dang dgrol phyir dang/ /mdza' bral 'dod pa 'dir gzhug phyir/ /mdza' dang bral zhes bya mod kyi/ /mthu kun rang rig rang snang phyir/ /'di la bral dang ma bral dang/ grol dang ma grol phyogs zhen med/ /ye nas mdza' gnyis ma bcings phyir/ /grol bar tha snyad 'dogs pa'ang med/ /rnam par dbye ba 'ang phung po dang/ /'byung ba la sogs dngos kun la/ /de dngos snang re'ang bye brag gi /brtsegs pas ril bor zhen grol nas/ /cig kyang dngos kun der re med/ /rang rig lhun grub bdag nyid dbyings/ /phung po lnga po gzhig par bya/ /bshig nas 'byung ba'i bag la zha/ /ma bshig na'ang 'byung ba yin/ /sa chu me rlung nam mkha' kun/ /rang bzhin med par bsheg pa'i phyir/ /gcig pa lnga lngar dbye bya zhing/ /mum gyi dbyings su thim bya zhing/ /dbang po yul dus snang ba kun/ /yul rnams yod pa ma yin zhing/ /kun gzhi'i rnam par shes pa nyid/ /dngos po sna tshogs par snang? ste/ /snang ba'i dngos po rnams gzhigs na/ /so so mtshan nyid dngos med pas/ /gzhigs nas nam mkha' dang du zha/ /nam mkha' i de nyid lngas gzhigs na/ /mtshan nyid med pa'i dbyings su thim/ /'di la mos pa gzhug
- 480a
phyir dang/ /gsang chen don dam mthong bya'i phyir/ /brjod kyi dngos kun dbyer med la/ /rnam par dbye las gzhan nas min/ /de ltar de dag gang rung gis/ /chos kun gtan la phab gyur na/ /rang 'byung ye shes gnas med snang/ /rgyu rkyen ma byas ye nas gsal/ /chos nyid phyogs bral bsam brjod rnams/ /bral phyir mtshon par mi nus kyang/ /mtshan mas mtshon te bkri ba'i phyir/ /sbyin dang me long tshul lta bur/ /dngos kun gsang sngags nyid snar bas/ /mtshon par ma gyur med pa'i phyir/ /dngos kun mtshan nyid ji lta bar/ /rang 'byung theg chen shes rab kyis/ /nam mkha' gzung du med pa ltar/ /snang srid thams cad de dang 'dra/ /chos rnams thams cad sems yin te/ /sems ni nam mkha' i rang bzhin no/ /ji ltar sa gzhi chen po la/ /sems kyis zin dang ma zin pa'i/ /skye 'khrung ma lus thams cad kun/ /thams cad kun gyi gnas brten te/ /de bzhin bla med theg pa la/ / sangs rgyas byang chub kun kyang gnas/ /theg pa mtho sman thams cad 'byung/ /thams cad theg chen dbyings su 'dus/ /me yis thams cad kun bsreg lta/ /rtog tshogs ye shes dang du bsreg /chu yis sdud cing 'khru ba ltar/ /kun la de ltar rig par gyis/ /chos rnams ye nas rlung dang 'dra/ /de la bzung du med pa ltar/ /kun la de ltar 'byor bar gyis/ /ma btsongs nas ni de ltar gnas/ /thams cad 'byung ba'i gnas yin te/ /snang ba nyid? na 'ja' tshon 'dzin/ /rang bzhin med par kun tu snang/ /de nyid chos sku'i yin par bshad/ /sgra rnams ji snyed brjod pa yang/ /dngos po med las dngos po'i sgra/ /brjod dang sgra yi dngos po min/ /chos rnams sgra ltar
- 480b
shes par byos/ /bsnam bya dri yi dngos po yang/ /yod pa ma yin kun tu bzung/ /chos rnams thams cad dri dang 'dra/ /dngos med sna tshogs 'byung zhing 'phro/ /the tshom med pa'i shes rab kyis/ /chos kun de ltar shes par gyis/ /yul dang dbang shes dngos med par/ /'tshogs pa ro yi dngos grub ltar/ /chos rnams ma lus thams cad kun/ /gzhi rtsa med las thams cad 'byung/ /phung gzhi shes pas dbang 'gyur na/ /reg bya sna tshogs myong ba ltar/ /chos kun rig pa dbang 'gyur na/ /sna tshogs snang la dngos po med/ /yang na thabs dang theg pa'i phyir/ /dngos po dngos po bcos pas rtogs/ /nyon mongs dug lngas dug lnga sgrol/ /dug rgyu rkyen gyi ngo bo dag /rang 'byung ye shes rang snang phyir/ /de ltar sus dran nyid kyis grol/ /nga la 'dod chags 'dod yon lnga/ /mthong thos dngos dang rkyen bzhi kun/ /rig phyir rang snang mthong thos bral/ /mngon par chags pa'i gnyis 'dzin med/ /gzugs snang ye shes rang rig gzugs/ /sgra brjod rang snang rig pa sgra/ /dri zhim chos kyi yin na de/ /ro bro de bzhin nyid kyi ro/ /reg bya rang 'gyur ye shes rag /log rtog yul lnga ming tsam du/ /snang las rang rgyud med pa'i phyir/ / rang rig rang snang spyod yul med/ /kun la de ltar 'byor par gyis/ /yon tan thams cad tshogs gnyis 'gyur/ /de ltar rtogs pa'i rnal 'byor pas/ /'di la mi bya cig kyang med/ /gzhan dag ting 'dzin bsgyur ba dang// spyod thabs 'dul dang ched byed dang/ /yang dag dug lngar byed sogs pa'ang/ /drang ba'i don de thar pa'i lam/ /sbyod dang spyad par bya med par/ /rang snang grol thar thabs chen mchog /de bzhin gzugs dang tshor ba dang/ /
- 481a
mtshan 'dzin 'du byed rnam shes lnga'i/ /mtshan nyid rang rig nyid snang phyir/ /snang stong dbyer med tshor stong bral/ /mtshan nyid yod med bya byed med/ /dran stong dbyer med rang snang phyir/ /phung po bzhi po ye shes su/ /gcig pas rnam shes rang 'byung che/ /brtags kyang dbye ba bsam mi khyab/ /sman la mtshan pas grol bar byed/ /kun gyis yang dag rtogs bya'i phyir/ /de bzhin chos sku'i gzugs brnyan bstan/ / chos rnams ma lus thams cad la/ /ye shes lnga yi kun khyab kyang/ /rang rig rnam rtog sgrib bya ste/ /ye shes lnga yi don dam mthong/ /ma mthong rmongs pa thams cad la/ /ye shes lnga nyid bstan pa'i phyir/ /dkar dang dmar dang ser ba dang/ /ljang gu la sogs nag po bstan/ /byang chub sems nyid dag pa'i phyir/ /shin tu mdog ni dkar ba bstan/ /de rtogs bya phyir dkar ba'i mdog /chags dang chags par bya ba med/ /chags med rtogs phyir dmar pa'o/ /zad 'phel med pa rtogs bya'i phyir/ /mdog ni gser gyi mdog tu bstan/ /'phrin las kun rdzogs bya ba'i phyir/ /ljang khu'i mdog tu bstan pa yin/ /bsgyur du med pa rtogs bya'i phyir// kha dog nag por bstan pa yin/ /de bzhin kun la shes par byas/ /mdza' dbus med de de bzhin nyid/ /dbyer med dang du gnas pa la/ /ye shes rtogs pa don bya'i phyir/ /phyogs dang dbus su gnas par bya/ / nyon mongs gsal bar ye shes gsal/ /de phyir shar gyis mtshon pa yin/ /nyon mongs ma rig rgyu bral nub/ /rang byung ye shes bdag nyid dang/ /sdug bsngal gdod nas dag pa yi/ /don rtogs bya phyir de byang
- 481b
brjod/ /de ltar rang rig shar nub byang/ /yon tan rdzogs pa mtshon phyir lho/ /de ltar chos rnams ma lus kun/ /de bzhin nyid kyi dbyings su 'dus/ /phyogs rnams ma lus thams cad kun/ /de bzhin nyid de zlum ba'i tshul/ / phyogs rnams kun la de ltar lta/ /de bzhin rten dang brten can gyi/ /bye brag nang brtags phyir bstan pa/ /mtshon phyir rtags te de sgo nas/ /rang rig rang snang mjal bar gyis/ /gru thabs skabs su brjod zin te/ /lhag pa'i mnyam nyid ye shes don/ /mi grangs cir yang bstan mod kyang/ /don du smra bsam yul las 'das/ /thabs de rtogs pa'i ngo bo nyid/ /phyin ci ma log shes rab spyan/ /ming grangs shes rab snyan shangs ljags/ /sku yis de nyid thob myong tshor/ /dan reg mthong sogs ma nges pa/ /kun yod yid nges byas pa'ang/ /yul med mngon sum mchog tu gsal/ /ming grangs dag dang mnyam bden nyid/ /tshul gyis brjod kyis tha dad min/ /de dag dbya ba'ang chos can gyi/ /grangs dang blo yi phyir bshad kyi/ /de la grangs su nges bzung med/ /da bas ngo bo cig par bden/ /skabs su gong 'ang ngo bo'i don/ /brjod de 'di ltar brjod pa'ang yul/ /med kyang mthong ba'i bye brag gis/ /brjod kyis don 'di 'jal bar gyis/ /kun rdzob sgyu mar zhal mthong ba'i/ /thams cad mig yor sgyu ma'i tshul/ /snang srid ma lus thams cad kun/ /chu zla'i tshul du 'drar shes shing/ /yul dang rtog pa gnyis med par/ /gang gis de ltar rig pa de/ /de nyid rdo rje'i zhal mthong yin/ /rang bzhin dkyil 'khor yang dag ni/ /chos dbyings bdag dang dbyer med par/ /mnyam par sbyor zhing dag pa'o/ /thams cad byang chub lhun grub cing/ /
- 482a
de ltar gang gis rtog 'gyur la/ /de ni ye shes mig can yin/ /de yis yang dag snying po mthong/ /gzugs brnyan dkyil 'khor yang dag ni/ /chen po rags pa thabs su rtogs/ /so so'i mtshan nyid shes rab rtogs/ /gnyis med 'brel pa thabs chen yin/ /kun kyang shes rab dang du gnas/ /snang dang gnas pa thams cad kun/ /de bzhin nyid las ma g.yos phyir/ /yod dang med pa gnyis su med/ /gnas dang mi gnas dbye ru med/ /mnyam pa'i dbyings su thams cad 'dus/ /'dus med gnas su 'bebs pa yi/ /thams cad de lta bu yi dang/ /de rtogs rdo rje zhal mthong yin/ /rgyur byas phung po lnga rnams la/ /gzhi rtsa de bzhin nyid du cig /sgyu mar snang ba gzugs brnyan tshul/ /snang ba nyid nas dngos po med/ /dngos med de nyid snang tshogs ston/ /rtogs tshogs lha yi dkyil 'khor du/ /de sems rig pa nyid ces bya/ /thams cad dbyings 'gyur kun tu bzang/ /de rtogs rdo rje zhal mthong yin/ /kun kyang yi ge'i ming tshogs bzhin/ /gang yang dngos po yod ma yin/ /dngos med nyid de sna tshogs snang/ /snang ba nyid na gang yang min/ /bya byed sna tshogs kun kyang byed/ /dngos po med de yang dag nyid/ /de ni cis kyang mi tshugs pa'i/ /sa rdo dran med ma yin te/ /de nyid rten du 'od gsal yin/ /rdo rje sems dpa' de ltar gnas/ /rdo rje rigs dang dbyer med phyir/ /de nyid rdo rje zhal mthong yin/ /thams cad ma lus pa yi dang/ /blta dang lta bar bya med pa'i/ /ye shes sgron ma sbreng bar ni/ /phyogs bcu'i zhing khams thams cad mthong/ /thams cad lhun gyis grub pa dang/ /sgyu ma mig
- 482b
yor tshul shes pa/ /gnyis ka rang rig nyid du 'dus/ /de nyid yang dag yin par bshad/ /sgra dang tshig tu brjod pa ni/ /yang dag don gyi snying po min/ /ming tshig sgra la mi brten par/ /blo yi gting du go bar byos/ /thams cad ma lus chos so cog /sems las chos ni gzhan na med/ /sems dang chos su dbyer med pas/ /byang chub lam ni ri rab? min/ /byang chub sems zhes brjod pa ni/ /gang nas ma 'ongs gar mi 'gro /rtog med rang rig kho na tsam/ /sangs rgyas sems can sems la gnas/ /yangs shing rgya che lhun grub ni/ /phyi nang snod bcud ye nas dag /dag rtogs nyid kyang dbyings nyid yin/ /'di ni rdo rje mnyam nyid do/ /yul med slob par gzhi cig la/ /dang po bzod gsol nges pa gsum/ /mi dmigs ye shes lta ba dang/ /phyag rgya mi spro bar chad med/ /lhun grub slob pa'i mdza' lta gsum/ /rnal 'byor rim pas phye ba yin/ /khyad par rgyu yi theg pa dang/ /sngon du brjod do gzhan gsungs pa/ /theg pa bzhi'i nges 'byung la/ /theg pa cig gi 'bras bur gnas/ /sa rnams khyad par bkod pa las/ /gsang ba'i snying por 'gro ba'i lam/ /theg pa dang po bcu drug mgon/ /gnyis pa bzhi yi lta spyod srung/ /gsum pa bcu gnyis nges par bstan/ /bzhi pa theg pa'i mdor bsdus nas/ /bla med theg pa'i dbyings su rtsud/ /ma rtogs pa dang log par rtogs/ /phyogs rtogs yang dag nyid ma rtogs/ /'dul ba dgongs pa gsang ba rnams/ /rang bzhin gsang ba ma mthong phyir/ /log pa'i tshogs te lam stegs tsam/ /gnas thabs ji bzhin mthong ba med/ /ngan song 'gro drug sna tshogs rgyu ba yang/ /'khrul pa'i blo log rtog pa nyid snang ste/ /de bzhin nyid dbyings 'gyur ba med/ /
- 483a
bdag dang bdag gi gzhan rnams ni/ /log par rtogs pa tsam nyid las/ /phra zhing zab pa yod ma yin/ /dman dang khyad par yod par zad/ /bdag nyid ma mthong shes rgyud ma 'byongs pa/ /gzhan du 'tshol zhing rmongs pa'i sems can gyis/ /bstan kyang ma thos mtshon kyang ma mthong na/ /bdag dang gzhan du 'tsho bas sangs mi rgya/ /de dang ma bral ston pa mi mthong zhes/ /bgrong par 'dod pas phyin par mi nus te/ /rgyu 'bras gnyis med shes rab bsgribs phyir ro/ /'di la sna tshogs zhen pa dang/ /rtag chad bdag gi lta ba med/ /chos tsam rdzas med skad cig med/ /rgyu 'bras med de phyogs stong grol/ /dam par snang ba bral ba min/ / dmigs pa'i lha ru 'dod pa min/ /lhun grub rnam mkhyen rtogs pa yi/ /yon tan rgyud las 'di skad du/ /dngos grub mchog gi snying po ni/ /dang po don rtog mdza' mi stong/ /chu srin phyag rgya ji bzhin du/ /spyod yul kun tu tshad dpag med/ /rnal 'byor don dam ldan pa yis/ /nyon mongs 'chid pa'i chos spyad kyang/ /rnam par grol bar 'gyur pa yin/ /thabs dang shes rab rtogs pa yin/ /dug gsum sdug bsngal gnod mi 'gyur/ /thabs dang shes rab ldan gyur pas/ /phyin ci log nyid byang chub lam/ /don rtogs don bzhi rdzogs par 'gyur/ /thabs dang shes rab ma rtogs pas/ /ma grol khams gsum 'khor ba yi/ / thabs la mkhas pas ma zin na/ /lam gyi dge spyad sdig spyad kyang/ /mtho ris lha dang mi ru skye/ /skye shi med pa'i sa mi 'thob/ /chos rnams dag par mi shes te/ /thabs dang shes rab ma rtogs pas/ /nyon mongs bcad
- 483b
dang spangs kyang bcings/ /mnyam pa'i gsang don ma rtogs nas/ /dbu ma rang rgyal nyan thos dang/ /lha mi 'dod dang khams gnyis lta/ /sems can dug lnga spyod pa dag /rang rang lta spyod mo tshod tsam/ /smin thob thar dang lhung bas 'khrul de rtogs dben pa byin brlabs te/ /zab mo brjod pas don snang byed/ /slob ma lhun grub byin brlabs pa/ /chos rnams thams cad skye med pas/ /shin tu brtan pa'i dbang thob 'gyur/ /rang rig ye shes 'od gsal bas/ / thams cad mkhyen pa'i dbang yang thob/ /chos rnams thams cad dbyer med pas/ /kun la spyod phyir gsang dbang thob/ /spyod cing chags pa med pa'i tshul/ /kun kyang rang bzhin zlums pa'i phyir/ /phan tshun bco lnga'i dbang thob ste/ /thams cad bdag nyid chen po'i chus/ /yul lha dri dbyangs khrus kyi mchog /rang sems ye shes lnga sogs brgyan/ /rang rig thabs dang shes rab kyis/ /kun tu khyab pa cod pan mchog /bdag nyid 'bras bu lnga snying por/ /ye shes rgyal ba kun gyi bcud/ /rtog rgyan ye shes 'phreng bar bshad/ /stong chen bla med go cha'i mchog /kun gzhir 'gyur med rtog chen po/ /sdug bsngal gdung ba dang gis sangs/ /snang grags rnam rtog sku gsung thugs/ /sems phyir de nyid rgyas btab pa'o/ /rang 'byung zhal du kun brdubs phyir/ /ma lus longs spyod dbang phyug che/ /rang rig ma 'dres rdzogs gsal bshad/ /de nyid dang gsal mi g.yo bsgom/ /brjod 'drar thams cad rig gsal thos/ /'gro 'ong med par las rdzogs dbang/ /kun gyi bdag 'gyur sems nyid ni/ /dbang phyug rgyal po'i dbang rdzogs so/ /de sogs lam kun rang rdzogs phyir/ /'jug dang
- 484a
bya ba don gnyis med/ /rgyu 'bras ye nas dbyer med phyir/ /re dang dogs pa ga la yod/ /de brtan 'jam pa g.yo thob brtan/ /blo slabs 'byung bar the tshom med/ /des brlan rig pa'i me tog can/ /des dran rgyud gnyis sbyin te/ /spyod lam bzhir sgom man ngag dang/ /'da' ka'i dran pa sbyin pa'o/ /de ltar ldan pas grub bya'i phyir/ /spyod lam dran dang ngo bo dang/ /bcos nyams spyod dang lam 'grub pa'o/ /'gro nyal 'dug sdod longs spyod kyang// skad cig dran bskul rang snang du/ /yul med rang gsal mi g.yo ba/ /theg chen sgom las ma nyams pa'o/ /re dogs bral ba'i sems kyis bzung/ /'du 'bral med pa'i sems la brtan/ /gzung 'dzin bral ba'i rang rig nyid/ /dmigs med tshul du rab snang ngo/ /rnam rtog nyid ni ye shes phyir/ /gnyen pos gang yang byed med pa/ /ched du rten pa 'khrul pa'i lam/ /cir yang ma myong yul dras ba/ /yang dag don nyams myong ba ste/ /de bzhin zhen bal rim pa tsam/ /g.yo thob brtan par snang ba yin/ /thams cad mnyam nyid rgyas btab phyir/ /de che mnyam nyid 'da' mi bya/ /mnyam rdzogs ting 'dzin goms gyur na/ /rig pa 'dzin pa'i sa thob 'gyur/ /de yang rgyud las rim par gsungs/ /shes rgyud ci yin gang gis ngo shes shing bya byed las 'phags gyin 'dar 'dug byed pa/ /gang zhig blo la spyod pa byang chub 'thob/ /rnam par dag pa'i g.yung drung sangs rgyas la/ /thams cad ye nas rnam dag cing/ /mi rtogs thig ler gnas la rtogs pa mdzad/ /snyad? du med pas sna tshogs 'byung ba yin/ /nam mkhar bzung bas sprin gyis khabs par 'gyur/ /nam mkha' med par gang gis shes pa ni/ /sprin bzhin 'byung zhing khebs par mi spyod do/ /bdag med
- 484b
bdag chen thams cad 'byung ba'i gnas/ /ma bkag pa las 'ba' zhig 'byung med pa'i/ /thams cad sems kyi dang rten sems zhes bdag tu med/ /ma bcos lhun gnas ye nas byang chub cing/ /thob rgyu med pas ye nas bde gshegs yin/ / e ma'o ma bsgrubs sgrub chen po/ /blang dor med pa'i sa chen po/ /grub pa chen po ye shes che/ /mi g.yo 'du 'bral med pa'i gzungs/ /rtog pa'i ye shes yid bzhin gter/ /thams cad la'ang me long bzhin/ /ltas kyang gzugs brnyan mi snang ba'o/ /bya byed med pa'i brtson 'grus kyis/ /de nas byang chub snying po len/ /byang chub sems su rgyu cig pas/ /rtsa ba snying rje chen po 'byung/ /mnyam la mnyam par sbyor ba'i gzungs/ /mnyam pa'i dam tshig la gnas na/ /mnyam rdzogs chen po thob 'gyur bas/ /'das na sangs rgyas ma yin no/ /de bas rang sems rtogs byas te/ /le lo g.yeng ba yongs spangs nas/ /nga dang bdag med mnyam par bsrung/ /thams cad ma lus sangs rgyas la/ /bsgrubs shing bsrung bar bya ba med/ /de bzhin nyid la gnas bcas na/ /nyon mongs sdug bsngal mi 'byung ste/ /rtag tu bde gnas byang chub nyid/ /mtshan dang dpe byad kun dang ldan/ /shes rab rnam gsum goms byas nas/ /ting 'dzin mnyam pa'i don rtogs te/ /kun tu yangs pa chen po bsgom/ /rgyu 'bras bus cig rdzogs pa yi/ /rang rig nyid la dbang thob ste/ /tshe ni bcu drug drug pa yi/ /brgya brgya dag tu bsnur zhing gnas/ /lus ma bong? bar sangs rgyas sa/ /sngags 'chang sal por rtogs byas nas/ /bdag nyid chos nyid skye 'gag med/ /ngang las ma g.yos par gnas na/ /phyag rgya chen po thams cad kyang/ /rdzogs pa phyogs
- 485a
bcu dus gsum gyi/ /de bzhin gshegs pa'i sku gsung thugs/ /thams cad dbyer med ye mnyam la/ /ma 'dres rgya yongs ma chad pa'i/ /gzhal yas khang dang nyi zla yi/ /dkyil 'khor bsam yas lhun grub ni/ /sku gsung thugs ni bsam mi khyab/ /de bas yang dag skye mchog gi /spyod lam rnam pa thams cad du/ /rnam par rtog med tshul gyis ni/ /thams cad kun la chags med rol/ /mthong thos yul sogs gang snang yang/ /rang byung rang snang rang rig las/ /gzhan ba'i dran pa mi bya ste/ /spyod yul bral bas nyams mi bya'o/ /'pho zhing 'gyur bas mthong ba dang/ /bdag nyid dran bskul dang nyid las/ /mi g.yo dran pas rgyun tu zung/ /rang gnas mthong par 'gyur pa yin/ /skal ldan gzhan zhig 'pho ba na/ /bde ba'i tshig bshad byin gyis brlabs/ /dran pa ma nyams par du bya/ /las zang rang snang gnas 'thob 'gyur// yang na zla 'di thugs yig rnams/ /rim bsdus 'od zlum gsang lam nas/ /phyir byung brdal pas snang srid kun/ /rang sems chos nyid dang du gsal rdzogs so// //de ltar man ngag gang 'phrod las/ /'jug tshe sngon du lus bsrungs nas/ /rnam rtog 'byung ba'i lus ltas par/ /rdo rje drag pos srung byed cing/ /rab 'bring thun mtshams shes pa yis/ /legs par bsgom pa'i rnal 'byor pa// rgyu 'bras re ba ma chad la/ /rgyu 'bras med par bstan pa bshad/ /'thob tshul rgyud kyi 'dre tshul dang/ /thams cad mkhyen tshul don mdzad tshul/ /legs bshad dang po thob pa'i tshul/ /lta spyod gdeng can rnal
- 485b
'byor bas/ /bsgoms pas zhen mdza' rim gsal sangs/ /mdza' dbus med pa'i ye shes gsal/ /bde ba chen po'i dang du byon/ /de bzhin nyid du bgrod med gshegs/ /bdud bzhi ma bsam bcos pas rgyal/ /lhun grub yon tan rdzogs lnga yang/ /rang gi ngo bo mdza' yul 'das/ /tshul gyis rnam par phye ba yin/ /lhun grub thams cad mkhyen pa yi/ /don mchog rang rig mthong goms pa/ /rgyu las 'bras bur gyur min gyi/ /'bras bu rang nyid shar bar zad/ /rgyal po phrug gu spyod log pa/ /na shed bye sa thams cad kyi/ /bdag gyur lta bur khams gsum pa/ /ye yin mthong goms rtags bral ba/ /longs spyod bral bas kun bdag nyid/ /ye yin mngon du byas par zad/ /kun rtags gnyis zad brjod pa'ang/ /dper na rmi lam bde sdug can/ /gnyen po mi dgos snying sangs pas/ /de bral nga yi bde ba thob/ /de bzhin bde dang sdug bsngal bas/ /nyams thag spang min/ /shes goms ma rig rang bral na/ /gdod nas lhun grub rnam mkhyen pa/ /grub zin dang gis mngon dga' ste/ /'bras bu rang shar kyer 'dod pa/ /rtog pa'i gyong bral rim pas brtags/ /men las yin par grub par med/ /thog mdza' bar du 'bras nyid phyir/ /'bras bu'i theg par brjod pa yin/ /kun btags zad nas nges byas la/ /thob ces rtags kyis gzhan nas min/ /e ma'o snying por lam bcas pas/ / 'jigs byed dbyings nyid kun bzangs phyag rgya'i mchog /rang bzhin sku gsung thugs chen po/ /byang chub lhun grub brdal ba yi/ /snying po nyid ni snying por bcas kun gnas/ /de nyid rdzogs pa'i dad las dngos grub kun
- 486a
shar kun tu gnas/ /dpag bsam shing dang yid bzhin gyi/ /rin po che dang 'byung ba kun/ /de dag rdzas yod ma yin te/ /rang sems bsod nams brtan pa yin/ /ngo mtshar cho 'phrul smad kyi chos / gzhan nas yod 'ongs ma yin te/ /thabs la brten pa'i shes rab nyid/ /de lta bu yi ngang du byung/ /de tshe bcu drug tshun chad kyis/ /sku lnga lhun gyis rdzogs pa ni/ /ye shes thig le de nyid la/ /ye shes thig le nyid snang ba/ / bsam gyis mi khyab mdza' yas mchog /mdor na rang rig kun gzhi nyid/ /byang chub snying po rang bzhin gyi/ /ye shes sku dngos kun bral ba/ /rgyal ba'i dngos gzhi thams cad du/ /mthong bzhin nges par ma byas la/ /gtor brtags nges la gnyid brtags zad/ /de thob rgyud tshul ji lta ba/ /so so'i rnal 'byor tha dad pas/ /bsgrub pas de bzhin gshegs pa'i tshe/ /rgyud dag lhun grub rgyal ba rnams/ /rgyud cig 'dres na'ang 'di skad 'byung/ /phyogs bcu dus bzhi rdzogs pa yi/ /zhing khams rnam dag bsam yas dang/ /rgyu dang bral ba'i gzhal yas khang/ /'khor lo'i rgyan dang rol mo'i tshogs/ /dkyil 'khor ma lus bsam yas kun/ /mthong nas nye bar mnyes pa dang/ /rgya chen gsung las don byung ba/ /mthun pa'i ye shes rang snang ba'o/ /rgyud drug 'khor ba'i lus snang ba/ /rnam rtog mthun pa'i las snang ngo/ /sku mchog rdo rje 'od snang ba/ /mthun pa'i ye shes rang snang ngo/ /de phyir sangs rgyas thams cad kyang/ /ye shes rgyud ni ma 'dres te/ /gcig na nges lung 'di dag 'gal/ /cig la mthun snang sgra mi 'jug /gal te snga phyi cig 'gro na/ /stong pa'i mur thim rigs pas 'gal/ /snang ba stong
- 486b
pa'i skyon duAng 'gyur/ /mdza' la thug pa the tsom med/ /so so'i grub mdza' i khyad par yang/ /mi 'byung snyam pa'i skyon du 'byung/ /so sor bsgrubs phyir cig mi rung/ /gal te rgyal ba rang rgyud 'gyur/ /rang bzhin nyid kyis cig go zhe/ /sems can rgyud kyang de 'drar 'gyur/ /'on te de ltar mi cig na'ang/ /rang rig rang 'byung mngon byas la/ /snga phyir sangs rgyas bla dags btags/ /rang 'byung rang la shar bar zad/ /rang 'byung rigs pa rgyud med par/ / so sor ma 'dres gang gis rung/ /'on te rang 'byung cha gnyis 'gyur/ /de phyir cig pa'o rigs pas 'gal/ /don mdzad re mos 'byung bar 'gyur/ /spyan drangs byon dang ma byon 'byung/ /sangs rgyas sangs rgyas zhes brjod pa/ /dngos po rnams kyi de nyid ni/ /de la gnyis pa yod par 'gyur/ /de phyir gzhi yi don dang 'gal/ /mi cig gtan tshig rgyas pa med/ /lung las 'byung ba 'di skad du/ /mkha' la 'ja' tshon sprin yang mang/ /nam mkha' i dbyings su thams cad bsdus/ /thams cad mkhyen nyid bsam yas kyang/ /chos kyi dbyings su thams cad bsdus/ /rdo rje mnyam nyid thugs su chud pa'i sa/ /mnyam rdzogs chen po'i lhun la rol pa mdzad/ /bde gshegs dbyings nyid de bzhin nyid gnas pa/ /dus bzhi rgyal ba kun dang mnyam par 'ub/ /rang bzhin dbyer med gdod mdza' mi 'byed cing/ /ye nas mnyam pas rgyal ba rgya mtsho yin/ /nam mkha' gang ba'i rgyal ba dang/ /nyag gcig snang ba'i rgyal ba gnyis/ /sku dang gsung thugs cig las med/ /'dul ba'i po gang khyad par la/ /mi mthun so sor snang ba zad/ /de sogs mthun gsungs bka' dang 'gal/ /sangs rgyas du ma'i mthar 'gyur ro/ /de de'ang nges pa
- 487a
'di ltar zhog /drang don nges don dbang du na/ /rigs lnga ye shes khye'u lngas/ /don grub snang byed bu las ni/ /shAkya thub 'gyur mya ngan 'das/ /me tog bkod par ma grags snang/ /thun mong sangs rgyas rgyud rer snang/ /ye shes skad cig go phye nas/ /don mdzad mthun 'dod ltar snang ba/ /drang ba'i don de nges pa yin/ /nges par rgyal ba thams cad kun/ /ngo bo cig de tha dad min/ /ngo bo nyid ni ci 'dra na/ /brjod bsam 'das kyang phyogs mtshon na/ /thabs chen ma 'dres cig stong 'das/ /shes rab dbyings cig du ma dang/ /yod bral 'di zhes bstan dka' ba'o/ /der cig bshad pa'i mdza' mi 'gyur/ /rgyal ba sangs rgyas thams cad kyi// shes dang ye shes rig dang rgyud/ /dbyibs dang kha dog mchen gnas dang/ /rang bzhin nges par der med phyir/ /dngos po rnams kyi de kho na/ /sems kyi chos nyid rang 'byung gi /ye shes cha gnyis yod ma yin/ /cig po kun ldan kun bral ba'o/ /de nas ye shes rgyud 'gro med/ /de phyir sprul pa'ang 'gro 'ong bral/ /des na cig dang du ma'i mdza' / /dbus bral ma spangs ngo bor cig /de la la las cig par ni/ /cig bden du ma'i tshul gyis ni/ /mi cig the tsom za ba 'byung/ /de lta'i rgyud du 'dzin byed pa/ /'tsho nying brlabs ltar thams cad kun/ /gdod nas rang 'byung ye shes cig /ye shes 'di ni 'di 'drang? dka' / /mdza' mdzod ma lus der snang phyir du ma nyid du cig pa'o/ /du ma rgya chad yod 'gyur na/ /rang 'byung kun snang bden mi 'gyur/ /bde gshegs mi gnas mnyam nyid dang du byon/ /thabs chen ma 'dres rnam par thar pa yi/ /dmigs med bde bar
- 487b
gshegs pa nyid/ /ye shes dbyings su thugs chung pa/ /thabs dang shes rab dbyings nyid dam pa'i mchog /rtog med ma 'dres yongs rdzogs pa/ /rigs su bstan dang thim pa med/ /dus bzhi phyogs kun bdag cig phyir/ /kun mkhyen thad ka'i dmigs yul grol/ /de phyir skad cig skye 'jigs med/ /'gro dang 'ong ba'ang de la med/ /log par rtogs rtags rnam dag cing/ /ye shes dbyings las mi gzhan phyir/ /thugs rje chen pos 'brel pas na/ / 'gro drug gnas rnams ma lus snang/ /dkyil 'khor gnas la dkyil 'khor nyid/ /rdzogs pa'i dkyil 'khor lhun gyis grub/ /brgyan du dkyil 'khor ma lus thogs/ /rdzogs pa'i dkyil 'khor mnyam sbyor las/ / thugs rje'i dkyil 'khor yongs rdzogs 'byung/ /phyogs dus dkyil 'khor 'dul ba'i mgon/ /sgyu ma'i dkyil 'khor sgrol ba yis/ /bya byed med par dkyil 'khor spyod/ /rnam par med pa'i tshul gyis ni/ /thams cad kun la chags med rol/ /gdul bya'i don ched bsam mi khyab/ /rgyal ba'i rgyal ba rnams kyi sku/ /sna tshogs cir yang snang mod kyang/ /kun tu rin chen lta bu ste/ /zad 'phel 'gro 'od 'dug par mdzad/ / dper na me long chu zla dang/ /gar mkhan lus dang brag ca dang/ /nyi 'od lta bur don mdzad pa/ /lhun grub dbyings las ma g.yos kyang/ /sku gsung thugs sprul cir snang ba/ /de la skad cig rgyun du ma bral ba/ / dmigs bya dmigs byed mi dmigs dpag med bsam mi khyab/ /ye shes rang rig dkyil 'khor sna tshogs brjod mi lang/ /mnyam dang mi mnyam kun khyab khyab med khyab pa'i dbyings/ /ye nas kun gsal dkyil 'khor
- 488a
rnam 'phro spros pa med/ /ye nas kun khyab dkyil 'khor bsam yas zhing gi rdul snyed du/ /ye nas rnam 'phros snying po kun gnas pa/ /de ltar ston pa'i bla ma yang/ /shes rab mchog brtan ting nge 'dzin/ / thob cing dam pa'i mdzod dang ldan/ /khungs su rgyud pa'i dbang phyug pa/ /dman pa'i 'du byed spangs shing dben/ /dang dal thugs rje chen gnyen srung/ /dam pa de dang phrad nas ni/ /gzhan gyi yul la mi 'jug par/ /rigs dang skyon la mi rtog par/ /snying du bzung zhing snying du bya/ /slob ma ma nor rigs can nam/ /rigs rgyud dag pa'i rnal 'byor pa/ /bla ma rigs 'dzin srog tu 'dzin/ /man ngag rin chen gter du 'chang/ /ting 'dzin shes rab rtsal du rdzogs/ /lhag pa'i ye shes nyi mar 'char/ /dad dang brtson 'grus rgyu 'bras rdzogs/ /rtsol bas lus ngag stong brlag kyang/ /mi skyo bla ma mi spong ba/ /bde ba thob pa'i yan lag yin/ /bla ma rdo rje srog 'gyur te/ /sgo gsum zol rgyu g.yo med pas/ /mi phyed rgyun tu bsten na 'grub/ /bla ma'i don gyis nyon mongs shing/ /sdug bsngal gyur pa pha rol la/ /mi sems 'di yis 'dod 'tshol bas/ /dngos dang thabs kyis 'bral byed cing/ /zhe gzhog dngos su bskur pa dang/ /de yi sdug bsngal bzod rlag chad/ /rdo rje bla ma sems can can/ /rgyal sras yid kyi blo can des/ /sgo gsum dregs dang ngan spyod pa/ /bgas kyi tshor na bla ma des/ /gter mdzod rig pa'i sgo sdom ste/ /man ngag mi thob rgyu yin pas/ /rgyu glang rkyen med mi 'grub ltar/ /man ngag med na 'grub mi 'gyur/ /des na bla ma srog yin pas/ /lus ngag sems kyis dus gsum
- 488b
du/ /rang srog bral ba'i las mi byed/ /grags rnyed 'dod pa'i sems log gis/ /nyams rab 'gyur ba'i las mi bya/ /de ltar byed pa'i slob bu gang/ /drag pos spang ngam yang na ni/ /tshig gis brid cing bgyangs la gtang/ / thugs kyi bde ba sro sro'o/ /bla med dkyil 'khor ston pa po/ /yon tan zad med sbyin pa yin/ /byang chub lam chen 'dren mdzad pa/ /chags med zhing du 'god pa yin/ /nyon mongs sdug bsngal rtsad gcod cing/ /'khor ba'i lam rnams stong par byed/ /ma rig mun sel sgron me yin/ /long ba rnams kyis dmigs su med/ /de la rtag tu mchod byas na/ /sangs rgyas byang chub thag mi ring/ /rdo rje slob dpon smad mi bya/ /byang chub ston pa'i 'dren pa po/ /long ba'i dmig bu 'dren dang 'dra/ /nyon mongs sdug bsngal mtsho skems yin/ /slob dpon de la smod pa ni/ /dper na mun khung sgron bsad na/ /mthong ba'i don mi rtogs pa bzhin/ /sdug bsngal nyams thag yun rings su/ /bskal pa mang por myong bar 'gyur/ /de bas gus pa rtag tu gyis/ /lus la dbang pa'i rgyal po bas/ /shin tu gtso bor blang bar bya/ /mi 'khrug blo zab rkyen thub cing/ /sems can ngang tshul kun bor nas/ /gang gis yid kyang mi 'khrugs cing/ /bud med 'gug pas gtso la 'bul/ /gzungs thub gsang la mkhas pa yi/ /nges pa can la shin tu gtad/ /thogs pa med par 'dod pa spyod/ /bud med yon tan kun yod kyang/ /'dod chags kun dang mthun spyod pa/ /nams kyang 'khor ba'i gting rdo ste/ /man ngag bstan pa'i gnas min pa/ /'di dag nams kyang sbyin mi bya/ /dad pa che zhing chos la gus/ /chags par ngan
- 489a
par bka' nyan zhing/ /gnas la dga' zhing lung nyan pa/ /rigs nges btung ba'i lag tu btang/ /dam tshig mi ldan spyod pa rtsing/ /spro thung 'dod chags rab tu che/ /gnyid med chang dad brtson 'grus chung/ /slob la mi gus nan tan med/ /slob dpon mi dran gdung sems chung/ /mun dang lkog dang skye bo la/ /gar dben 'phrad par 'dod spyod cing/ /'dod chags bsgal lam de dag la/ /tshig rnams gsang ba smra byed pa/ /'jig rten 'dod pa dga' rnams phyir/ /gal te smos pas byin na ni/ / rims dang nad kyis srog bcad de/ /sreg dang sbems par yun rings gnas/ /gsang ba'i don mchog 'di dag ni/ /lta ba dman la bshad byas na/ /dus min par ni srog zad nas/ /mgo 'gas snying yang 'tshig par 'gyur/ /khab len gyis ni lcags sdud ltar/ /mi 'dod bzhin du dbang med par/ /ngan song bskal bar ltung yang 'gyur/ /de bas rdo rje gsang mchog 'di/ /thams cad mkhyen pa'i thugs rje yis/ /chos la skyon yon ma yin te/ /sems can don phyir shin tu gsang/ /theg pa dman dang phyin ci log /de la gsang ba bstan 'gyur na/ /rang bzhin gsang ba'i don mi shes/ /'phral gyi spyod yul de dag la/ /shin tu nges pa'i don bzung nas/ /ma rtogs de nyid dmyal bar 'gro /dper na gtsub shing me gtsubs na/ /gtsub shing nyid kyang 'tshig par snang/ /gzhan yang 'tshig par 'gyur ba bzhin/ /chos don zab mo me dang 'dra/ /skal chung shes rab sman pa dang/ /blo ngan rgyu 'bras rmongs ba rnams/ /gsang thos ma rtogs sdug bsngal myong/ /dam can rdo rje mkha' 'gro tshogs/ /mos pa bzhin du 'dug gyur nas/ /sha khrag zos te sdug bsngal 'gyur/ /de bas rab tu gsang bar bya/ /thos bsam sgom la rab
- 489b
spyangs pa'i/ /shes rab mig ldan rnams kyis ni/ /snod ldan ngang tshul bzang la bstan/ /lus dang longs spyod gtong la sbyin/ /shes rab rgya che blo yangs pa'i/ /blo brtan snying rje dang ldan dang/ /rang bzhin ngang tshul bzang la bstan/ / gzhan du sbyin par bya ba min/ /'di lta'i man ngag sbyin byed pa'i/ /bla ma rdo rje srog gyur te/ /gsung rab rgya mtsho ma bshad kyang/ /nam zhar snying du nan tan bya'o/ /'di thob de yi rgya nyams na/ /nam zhar thar pa'i khar ma byung gang zhig 'di la mos gyur pa/ /rgyal ba'i dkyil 'khor thams cad kyis/ /phyogs dus kun nas thams cad du/ /dkyil 'khor ma lus bsnyen pa yi/ /nye ba'i sras su dgongs par 'gyur/ /rgyal ba'i rigs mchog 'dzin pa de/ /'jig rten gtso dang 'khor gyis bskor/ /dam pa mchog dang dam pa yis/ /sras dang spun dgongs byin gyis rlob/ /bde gshegs nyid kyis yul bzhugs pa/ /'jigs med kun tu bzang por sbyor/ /rgyud lung man ngag don bsdus pa'i/ / rgyal ba sngon 'byung ston byed pa/ /dus mdza' i skad cig de nyid la/ /rang 'byung ye shes sngon du ston/ /bstan pas rgyal ba'i gral du 'jog /ye shes 'phrul gyi lde mig gis/ /rdo rje'i tha tshig sgo phye nas/ /yid bzhin rin chen gter phyung ba/ /skal ldan mchog gi sbyad du gsol/ /khong na gnas pa'i yang khongs su/ /lcags kyi sgrom bu kha bsdam mo/ /gnas ni brag dang chu la bzhag /srog bral kha bzhin bsdam par bya'o/ /man ngag gi bcud rgyal ba'i shul/ /rigs 'dzin rnams kyi yum/ rnal 'byor pa'i lam/ man ngag rnam par bkod pa rdzogs so// //rgya gar skad du/ tsit+ta bindu pa tre sha nA ma/ bod skad du/ /thugs kyi thigs pa zhes
- 490a
bya'o/ /bcom ldan dpal rdor sems dpa' gtso/ /kun mkhyen rgyal ba kun gyi thugs/ /'khor lo snying po ston mdzad la/ /gnyis med yid kyis phyag 'tshal lo/ /sgyu 'phrul dra ba rdo rje sems/ / gsang ba'i snying po'i rgyud dag las/ /rin chen bcud thugs skal ldan phyir/ /legs par bsdus ste bstan par bya/ /rgya mtsho las ni chu thigs bzhin/ /ye shes rgya mtsho thugs kyi thugs/ /mi 'jigs phung po ji bzhin du/ / ye shes thugs kyi bcud gsum pa/ /rang bzhin bde gshegs gdul bya'i phyir/ /snang ba gsum gyi ngo bo la/ /rgyud kyi dbye ba rnam par bzhag /gcig la gsum gyi ngo bo yang/ /'khrul ba'i snang ba gsum du 'gyur/ / des na snang ba bzhi dag tu/ /lung rigs kun las gsal par bshad/ /yan lag rdo rje rnam bzhi pa/ /thog mar bstan pa byang chub sems/ /'gro ba mang po'i sems rgyud rnams/ /log rtog ngo bo rgyu rkyen gyis/ /tha dad dus na gser bzhin du/ /rang 'byung ye shes tha dad med/ /de yang 'ching grol gnyis ka bdag /me long dang pa'i g.ya' bzhin du/ /phan tshun spangs pa med pa la/ /byis pa bzhi dang rten zhes smras/ /mkhas lhun grub smra bsam las 'das/ /'di skad gsang ba'i rgyud nyid las/ /bde gshegs sgyu mar snang ba gnyis/ /rigs dang rgyud du brtag tu med/ /gzhi rtsa med de rang bzhin stong/ /rigs dang kha dog dbyings med pas/ phyi nang snod bcud thams cad snang/ /yang ni sgyu 'phrul dra ba las/ /bcings med rnam par grol med pa'i/ /ye nas lhun rdzogs sangs rgyas chos/ /bstan phyir spro ba sna tshogs mdzad/ /gsungs pas rang bzhin rgyud nyid ni//
- 490b
ma rig ye shes tha dad med/ /nam mkha' dang pa'ang sprin gyi gnas/ /dang ris can gyis bgo ba ltar/ /rtog sems mi mthun sems nyid du/ /gcig pas rang sems thug med las/ /dper na Arya dzam+b+ha la/ /ne'u le'i rkyal pa rin chen char/ /rgyal po yang dag don gyi gnas/ /bram ze dam pa rtse ra pa/ /dbul bo tan ta'i grong khyer dang/ /rigs ngan sha ta ra yi gnas/ /gdol pa'i grong du rin po che/ /sna tshogs rin chen phal pa lnga/ /bye tshub grang ba lhad? ras trul/ /sha khrag rus pa rin chen sil/ /gcig la so sor snang ba bzhin/ /spyod yul tha dad snang ba'ang/ /rang sems rkyen gyis snang ba tsam/ /ngo bo rigs rgyud phyogs med pas/ /de la de bsgyur snang btul lo/ /spyir ni log rtog bsam yas pa/ /ye nas yod pa ma yin te/ /so sor 'dzin rtog bag chags kyis/ /rang gis bsgribs shing rtag tu 'khor/ /'di skad gsungs pa'ang thog med nas/ /sems las logs su ma gyur cing/ / rgyu rkyen las ni glo bur ba'i/ /spyod yul snang dus thog mdza' med/ /sems rgyud gnyis kun lhun grub pa/ /nor bu rin chen lta bu la/ /'gal ba 'dus zhes theg sman brjod/ /phan tshun spangs par gang 'dod pa/ /dred mos rtsi sbrang byabs pa bzhin/ /gsang ba'i don mchog ga la yod/ /kun nas nyon mongs rnam par byang/ /ye nas ngo bo yod min na/ /nyon mongs spangs shing sbyad du med/ /so so rang bzhin nges she na/ /yang dag lam gyis bcos su med/ /de gsungs phyir ba ltung? gnas pa/ /shes blo gzhi zhes gnyis su smra/ /bsam pa chos nyid de bzhin ste/ /de la yod -pa de la med/ /phyogs su rtog pa bden zhe na/ /de dang de la 'brel med pas/ /
- 491a
nam yang sngon bzhin bden pa min/ /mi rtog pa yi sems rgyud ldan/ /thams cad dag ces bya ba'ang/ /dngos po gsal dag ma yin te/ /snang spyod nyid la rnam par dag /gsungs pas log rtog spang du med/ /sprin dang 'ja' tshon snang ba'i tshe/ /rang bzhin stong par ngang gis gnas/ /yang dag rgyu yi theg ba bas/ /kun tu rtog pa don dam pa/ /yod na nges tshig med dogs pas/ /dang zhing gsal dag gang 'dod pas/ / bsam pa dag la de yod ces/ /so sor ston pa rtog pa'i blo/ /dag pa mnyam nyid gnyis med dag /ldog pas phye ba ji bzhin sgrar/ /gang zhen bsgrub pa'i phyogs 'dod pa/ /gang ga dar rtsa'i mi bzhin du/ /spyod yul bral la 'dod bas gdungs/ /ye shes dang la gnyis rtogs lus/ /lhun grub ngang la ye dam za?/ /gang shes mi gtsang spos dri dang/ /tsher ma'i nang nas spos dri dang/ /thams cad rang rig byang chub sems/ /de ni lung gi tshad mar bshad/ yed las btsal na sgro btags te/ /med las btsal nas bskur btab 'gyur/ /yod med gnyis las btsal byas na/ /de'i ni lung du ma bstan 'gyur/ /de gsungs phyir na rigs yod min/ /yod med dgag bsgrub blun po'i blo/ /de bas sems kyi de kho na/ /kun tu brtags dang gzhan gyi dbang/ /yongs su grub pa'i bye brag tu/ /bya ba de dang de med de/ /de ni smra bsam med mi 'jog /rang 'byung kun la rgyas btab pa/ /rang bzhin kun dang dbyer med pa/ /med pa bzhi ltar gnas pa med/ /bden pa rnam gnyis dbyer med phyir/ /dgag bsgrub med pa'i smra bsam grol/ /thams cad ye shes pa yi phyir/ /mi mthun 'dus par brtag tu med/ /'dod
- 491b
bzhin shing ltar gnas pa la/ /ji bzhin sgra ru rtog pa 'khrul/ /bden pa gnyis su med pa'ang/ /mkha' dang 'ja' sprin snang ba bzhin/ /snang stong kun tu rang gsal ba/ /rang bzhin ngag gis snang ba'o/ /bdag dang bdag du ma brtags pa'i/ /so sor snang bzhin mthun pa'i gzugs/ /de lta bu yi ngang du snang/ /des gsungs lung gi bgrod dang bla/ /phyin ci log gnyis yang dag ste/ /ma rig pa nyid ye shes gsal/ /nyon mongs sdug bsngal byang chub mchog /de gsum don gyis de 'phos med/ /mar me'i dus na mun ldan pa/ /blun po mun snang re mos mthong/ /mkhas pa ngo bos ri mi lta/ /'khor ba chos nyid de bzhin no/ /spangs pa med par kun bral ba/ /puN+Da ri ka lta bu'i don/ /lam dang 'bras bu'i chos tshang ba/ /'brel pa gsum gyi tan+t+ra'o// //thugs kyi thigs pa las/ /rang bzhin gyi rgyud snang ba'i le'u ste/ dang po'o// //'khrul bzhi tshul dang rang bzhin gyis/ /sdom des nges par shes par bya/ /drug gi 'gro ba thams cad kyi/ /sems nyid nor bu rin po che/ /ji ltar bsams par snang ba la/ / 'khrul bzhi yod dam sgro skur med/ /sgro 'dogs dbang skur gang zag rnams/ /sems nyid dmigs su med pa la/ /dngos po dran rgyud bzhir smra ba/ /de yid rigs rgyud rtag par ltung/ /bskur pa ba ni lhun grub la/ /de dang bsam pa so sor rtogs/ /de la de ni mi srid bzhin/ /bzhi la ye nas med ces smra/ /zhen blo ngo la yod do zhes/ /bskur ba gang yin chad lta ba/ /de dang de nyid chad lta ba/ /de dang de gnyis tha dad cing/ /mi srid kun
- 492a
'byung thog ma 'byung/ /la las ldog pa gnyis med las/ /snang smra 'ang lhan cig med pa dang/ /brten pa mi btub gzhir mi btub/ /rgyu rkyen spong pas rigs pa med/ /don gnyis yod med rigs me las/ /de yi rgyu rkyen rang bzhin pas/ /sman gyi phan snod ji bzhin du/ /thams cad ma lus rgyu cig las/ /mi mthun khyad par so sor snang/ /de gsum phyir na rkyen gyis che/ /lung las kyang ni 'di skad du/ /rgyu drug 'khor ba'i lus snang ba/ /rnam rtog mthun pa'i las snang ngo/ /sku mchog rdo rje 'od snang ba/ /mthun pa'i ye shes rang snang ngo/ /de bas sems kyi de bzhin nyid/ /mthong ba dag dang ma dag gis/ /dbye bas spyod yul so sor snang/ /de la ma spang mi dmigs phyir/ /mtshon pa yod med 'dogs pa'ang med/ /dgag pa med pas glang med phyir/ /mdza' yi gzhung du bsgrub mi dgos/ /ma rig mtshungs par ldan pa'i phyir/ /dus gsum rgyun tu don mthong med/ /mig gis mig bzhin de lta bas/ /gnyis snang snga phyi long brtags nor/ /sdom ni dus dang rgyu rkyen dang/ /tshul dang ngo bo rang bzhin nyes/ /tran+t+ra nyid las gsungs pa ni/ /thog ma med nas sems yan dang/ /phyin ci log la 'jol nyog spyad/ /gal te ma byung byung 'gyur na/ /'jig rten thog ma 'byung bar 'gyur/ /ngo bo nyid dang mtshungs pa dang/ /lhan cig byed pa nyer len 'phel/ /rang 'byung rigs rgyud med pa nyid/ /de yas snang phyir tan+t+ra las/ /sngar gsungs don gyi dang po'i rgyu/ /ngo bo nyid kyang gzhan du med/ /sngon gyi me long rnam gnyis ltar/ /gdod nas ldan pa gnyis med pa'o/ /kun tu rtog pa rnam gnyis po/ /goms pas mnyam
- 492b
du 'byung dang gsum/ /de yi rkyen gyis ltas snang bas/ /'od ma lta bur phyi mar snang/ /khams gsum 'di na gnas pa kun/ /dkar nag bcu yi dang po ste/ /tshangs pa'i gnas bzhi bsam gtan bzhis/ /bcu bdun gnas ris spyod yul snang/ /snyoms par 'jug pa'i mthu ldan na/ /rtse mo bzhi yi spyod yul snang/ /rgyud lnga lam du dug lnga ste/ /tan+t+ra'i sa ma ya las 'byung/ /phyi nang 'khor los gnas bskod ba'ang/ /khams gsum cha yis nges pa med/ /'phrul? rtog bsten pa'i spyod yul ni/ /so so'i phyi nang snod bcud dang/ /lus dang longs spyod tshe dang las/ /bde sdug par ma tha dad pa'o/ /sgyu mas bslus pa'i mi bzhin du/ /nor pa'i spyod yul rang bzhin snang/ /srid rtsa nyes pa bdag las phyir/ /sdug bsngal myong zhing lam dang bral/ /de lta bu yi rgyud gnyis las/ /nam mkha' i dbyings ni bsam yas par/ /nyi zla gza' skar glog 'gyu dang/ /'ja' tshon sprin mangs sna tshogs 'khrugs gyur kyang/ /nam mkha' i dbyings la 'gyur zhing nyams pa med/ /mi dmigs chos kyi dbyings ni bsam yas par/ /sku gsung yon tan 'phrin las rmad byung dang/ /'jig rten gtso mchog sna tshogs rnam mang yang/ /chos kyi dbyings la nyams shing 'gyur ba med/ /de dang bral ba'i spyan bzangs rnams/ /de dang de ni de nyid dang/ /gzhan du brjod du med zhes smra/ /gnyis su med pas kun tu 'brel/ /thugs kyi thegs pa las/ /'khrul pa'i le'u ste/ gnyis pa'o// // rang bzhin las phye ba ni/ chos nyid bya byed rigs pa gnyis/ /mos snod bcud sbyar bsam yas pa'ang/ /gdul bya'i snad? ba zhes su brjod/ /de dang de rkyen de de yis/ /ji bzhin de bzhin mngon byed pa/ /rim pa bzhi dang
- 493a
lnga pa yis/ /rgyus stegs nyid du sbyor ba'i phyir/ /'di skad rgyud las gsungs pa ni/ /theg pa bzhi yi nges 'byung la/ /theg pa gcig gi 'bras bur gnas/ /gcig la gnyis la gnyis la drug /phyin ci log la mos bsogs la/ /rang bzhin grub mthar 'jug pa gnyis/ /tha ma log dang ma log pa/ /ma rtogs pa dang log par rtogs/ /phyogs rtogs yang dag nyid ma rtogs/ /'dul ba dgongs pa gsang ba dang/ /sku dang gsung dang thugs kyi rgyud/ /zhes gsungs thugs rje'i sar gyur pa/ /so so'i snang rkyen bsam yas na/ /mchog rkyen rgyud ni rnam gsum ste/ /gsang ba'i snying po rigs gnyis lta/ /sgyu 'phrul dra ba rdo rjes sems/ /spyi gcod mngon bzhin bstan pa gsum/ /rkyen 'di yi ge las bskal snod/ /shes rab 'brel bzhi yod pa'i phyir/ /dbang po phye ba thugs thigs gsungs/ /dang por mtshon pa'i ming gsum ldan/ /nges pa lung ni rgyu 'dra'i phyir// // dngos po gnyis pa'i legs snang ba/ /bden pas 'brel pa gnyis su med/ /de nyid gnyis med 'jigs bral ba/ /gsal brtan las kyis lha yi ming// //de gnyis bstan pa'i dngos gzhi pas/ /spyi lung nges pa gnyis pa'i mtshan/ /brtags pa bstan pa'i don bcud de/ /bzhi yis kun la ni snar bas/ /kho na nyid gsum ldan bden pa'i/ /ming gis mtsho las lhag pa'i don/ /tshig rgyas kyis kyang mtshon mi nus/ /de bas gzhon nu'i rtogs pa bzhin/ /yi ge bsdus par don rgyas par/ /brda''phrad tha snyad bsdu ma yin/ /gsum pa'i ming la mos pa'i blos/ /so sor 'dod pa shes rab thabs/ /nyi mas mdzes pas rin chen ltar/ /ming gi sgron
- 493b
rnams shes rab thabs/ /'bring la snang ba mched pa'i phyir/ /rgyas pa bye brag thigs par shar/ /rang bzhin las kyi snod gyur la/ /'grod thabs gnyis su yan lag rkyen/ /thog ma bar dang tha ma'i yul/ lnga dang gnyis dang gnyis bstan no/ / dang po'i yul la rgyu rkyen dang/ /bzhi bcu gtad pas rdzogs pa yin/ /thabs dang shes rab rgyu yang ni/ /snga ma'i stan pa gnas 'khor sdud/ /dus gsum drug nas rin chen sgron/ /gsang ba'i lag min gnas kyis phye/ /yi ge bzhi yis shes par 'gyur/ /gsang ba tshad ma gnyis dang 'brel/ /blo gros rgyu la thun mong mchog /bla ma rang sems ye shes che/ /gzhi dang las kyi gnas ston la/ /ye shes mang po shes pa'i bdag /bstan pa'i bcud thugs bsdus dngos po/ /bkra gsal lung la dus bzhi mnyam/ /de de yod de de rtog 'gyur/ /thun mong pa la mtshan nyid gzugs/ /ston pa rang 'byung rdo rje 'dzin/ /rgyal tshab rgyud ni skyes bu gnyis/ /rang bzhin dus gsum chos las med/ /longs spyod chen po kun tu zhal/ /mos pa mtshan grangs rdul snyed la/ /mnyam bzhag longs spyod chos ston pa/ /ming gzhi ldan pa'i skyil krung gnas/ /de yi rten pa rang bzhin bzhi/ /chos dbyings 'og min gsang ba na/ /lhan cig 'dus pa'i rin chen khang/ /ma spangs lhun gyis rdzogs pa'i phyir/ /dbyings tshad rtse mo sgo 'bur dang/ /'bur 'phang rtse mo rgyan gdan ni/ /bdag nyid dang ni bdag po dang/ /longs 'gul sgo dang phyi yi brgyan/ /snang ba dri za gnas bzhi bas/ /khyod khang spyod yul ba yi phyir/ /kun tu phyi rol de la med/ /chos kyi 'khor lo shes rab thabs/ /mchags res bkang 'bras bu'i gdan/ /ye shes du ma cig bral bas/ /sna tshogs snang la rang bzhin med/ /
- 494a
de nas de la de gus pa/ /rgyal tshab rgyud dang rgyal sras sems/ /'jigs byed thugs rjes sprul pa dang/ /dad pa 'brel pa brgyad sogs 'dod/ /de ni ston tshul 'bab pa dang/ /gyad thabs 'greng par bzhugs pa'o/ /tshad las 'das pa'i grangs 'dus pa/ /chos dbyings mu mdza' med par khyab/ /nor bu rin chen sku mnga' ba'i/ /gsang bdag de yi bdag po'i phyir/ /tan+t+ra thugs bsdus mos bzhin du/ /ku ma ra dang spyod tshor snang/ /de ni de yi thugs skyes phyir/ /de yi don ni des bsdus rigs/ /sku yis phye ba'i 'khor rnams la /so so bstan pa'i dus snang yang/ /lhan cig pa la dus cig snang/ /gang gis mthong rtogs tshogs tshe na'ang/ /dus bzhi mnyam las ma g.yos kyang/ /de'ang rang bzhin mnyam pa'i dus/ /rtag pa rgyun tu thugs rjes 'dzom/ /mthar phyin dag pa'i dus la 'byung/ /de tshe rang bzhin nges lung snang/ / gsung lnga tshul gyis cig las snang/ /mtshon byed bstan par de brjod de/ /de dag mtshon pas rang mtshan sgra'o/ /'gro ba gang gang gzugs snang yul/ /rigs mthun dga' byed mi mthun pa/ /sgyur med 'jigs gzugs snang pa ltar/ /rgyal ba'i gling bzhi'ang de bzhin no/ /de rjes rkyen gyi gleng bslang ba/ /ston pas snang dang 'khor gyis zhus/ /skabs las gleng bslang ston dang 'khor/ /gnad 'dri rkyen du gong gyur pas/ /de des gsungs la ma rag pa/ /nges pa'i tshig 'bru ngo bo ? de/ /skabs kyis dris pan smos ci dgos/ /dris lan brdo bas nges par grub/ /thabs sbyor shes rab gang tshe'ang/ /rkyen byed 'byung la ma reg pa/ /
- 494b
'khor dang gzhan gyi don phyi ru/ /rgyu tshogs thugs rjes 'da' bar 'gyur/ /brjod bya rang bzhin gsang ba'i rgyud// //de ji bzhin du rjod byed dag /ston pa rgyud don lam dang tshig /'brel pa rim dang 'tshol 'khrugs pa/ /rgyu 'bras thabs dang thabs byung yin/ /gleng gzhi rjes su nges par 'gro /tan+t+ra le'u'i grangs bsdus pa/ /me long bcu yis mtshon sbyar ba/ /bcu yi 'dren par shes kyis bsdus/ /bye brag bdag dang gzhan shes 'gyur/ /seng ge mchongs pa'i chos cig ltar/ /rnam grangs tshig lam chos cig tu/ /bya tri mchongs pa de bzhin pa/ /tan+t+ra'i tshig don tums su gcod/ /ka la bing ka chos bzhi pos/ /rnal 'byor can gyis 'phang gcod do/ /rus sbal 'gros kyi chos gnyis pas/ /'bru stong mi bzhag gzer bus gdab/ /dus kyi 'bru char chos gsum pos/ /bka' yi tshad gsum skabs sbyar snang/ /glag gi gzan gyi chos gnyis ltar na don gyis dmigs bzung gags gsal lo/ /sna phrug 'dzag pa'i chos gnyis ltar/ /ldem dgongs bsang ba brgyad kyis sbyor/ /dang po 'gros chos rnam gnyis ltar/ /gzhan don dbu zhabs le'u mtshams 'brel/ / me long chos ltar mtshon pa'i dpe/ /kun la des mtshon thog du dbab/ /ji 'jigs phrug gu rtsal sbyor ltar/ /'bru tshig don gyi go rim bsdebs/ /tshig don mos par bshad pa'i phyir/ /rnam par phye bas ma 'dres gsal/ /thabs dang don la rang bzhin la/ /tshig gi mtshon byas de snang byed// //ston pa gang gis gang zhig la/ /gtad pa gang ste gtad pa'i phyir/ /rgyal sras sdud mdzad ma 'ongs
- 495a
sogs/ /mi nub stan rtses phyir gtad pa/ /shes byed yul de bsgom bya med/ /de yi phyir na'ang shas dgongs mod/ /skabs su byung bas 'dir ma yin/ /bar du mos pas lam gzhol sdom/ /thun mong mchog ste tha ma gnyis/ dngos spyod rjes su gzhol ba dang/ /pha rol phyin par shes rab gzhol/ /de de'ang cig rim sbyor ba/ /rjes su mthun par lung bzhin ston/ /snga yi sngon spyod rjes 'brang ba/ /lam snod skal bas phye ba la/ /mtshams bdag gis ni grol byed pa/ /gzhi dang rang bzhin stobs las 'byung/ /de las khams kyi spyod pa yis/ /phye bas dang po lhur gnas pa/ /rims dang rdzogs par smin tshul du/ /rim dang cig car snang ba ni/ /gzhir tsa gra a mi tsa/ / rang gnas grol ba gyen 'gro ba/ /de la brten pa'i rim pa yi/ /bye brag bskyed pa'i cha yin no/ /phyi ma dbang po gsang ba gnyis/ /nor bu skyes bur ldan gyur pa/ /bcu drug bzhi rdzogs phyag rgya bzhis/ /kha sbyor g.yo ba'i rten gnyis las/ /rten dang mthun pa'i bden mthong ba/ /mchod pa gsum dang bden mthong du/ /shes rab gsum gyis mi 'byang ba/ /rang dag sngon du rdzogs phyir thob/ /shes rab pha rol phyin sbyor ba'ang/ /gtso dang yan lag rnam bcu'o/ /kun gyis don du gnyer byed pa'ang/ /mchog tu bya ba sngo bzhin gnyis/ /cig ni blo mchog skal ldan rnams/ /nges par khong du chud gnas pa/ /gnyis su med par byang chub sems/ /sems bsgom rnam gsum dus gcig rdzogs/ /de las ldog pa brtel 'brel bzhin/ /lnga yi rim bstan don du gnyer/ /sngon du yan lag dang po sdom/ /dgos ched thabs dang ngo bo dang/ /skyon dang yon tan rim pas ni/ /
- 495b
dbang po mchog ni rdzogs par bshad/ /gzhan gyis lta mig gsal ba dang/ /mchog gis spyan rab mngon bya'i phyir/ /lta ngan go cha sdol byed pas/ /the tshom med pa'i mde thung ces/ /gling bzhi phal la re re bdun/ /lhun po gnas lta'i rim pa bzhin/ /rigs min rang bzhin bltos lta bas/ /phyogs bsgrung mi mthun 'gags pa dag/ /cha yod dug la mi reg bzhin/ /gang gis shes na mi gnas pa/ /bsam gyis mi khyab ma shes na/ /bsam med rnal 'byor gnyis don med/ /gang gis de ltar chub byas pa/ /stong rtog rnal 'byor rdzogs byang chub/ /gang gis thog mar rten pa'i thabs/ /ting 'dzin bye brag las spyod dang/ /yan lag mang po'ang rnam grangs kyi/ / gtan tshigs thun mong yin med pa/ /rgyud las grags pa rkyen byas te/ /ri rgyal lta bur mthong ba ce/ /rgyu rkyen gang gis nges bskyed pa'ang/ /the tshom yid gnyis som gnyis pa/ /med la brjod kyis des thogs med/ / dgag bsgrub med pa'i rgyu las byung// //dbang po drug gi char snang yang/ /spyan la mchog tu brjod pa ni/ /shes rab yul du dbyer med pas/ /mngon sum rtogs pa rtogs pa'i mchog /rang rig ye shes tshogs gcig po/ /shes rab spyan gyis dam pa bas/ /de la phyi nang med pa'i phyir/ /chos nyid rang gi mtshan nyid mthong/ /de lta'ang log rtog mi zad bas/ /'khor sgyur rgyal po'i stobs bzhin du/ / rang mtshan ar? yang de lta bas/ /'khor lo sgyur rig khyad par 'gyur/ /gsang ba'i rgyud la khyad par du/ /lta dang lta bya med pa'i phyir/ /ye shes sgron ma sbreng bar ni/ /phyogs bcu'i zhing khams thams cad mngon/ /
- 496a
de bas spyi la gang zhig zhen/ /gsang sngags yid yul gang gis snyed/ /rdo rje yid kyi sgra sgrol bas/ /'dus ma byas la dmigs pa dag /nges par 'di'o mnyam lta ba'i/ /rjes la rnal 'byor mi rtog ces/ /phyogs mthun rnal 'byor skyed 'dod pa/ /nges 'jog rtog pa'i gzung 'dzin can/ /kun tu rgyu dang gzhon nu ltar/ /go mchog thob pa'i khyad par ni/ /rigs brgyad mthong ba rtsa ba las/ /lta ba'i khyad par gsungs pa'ang yin/ /rnam grangs dam pa'i sgras gol ba/ /de yi sgra la ji bzhin rtog /de mi mthun pa ldog byed pa/ /dbul po lta ba kho na'o/ /bzhi ba 'di skad lung las 'byung/ /thabs la mkhas pa ma zin na/ / lam gyi dge spyad stegs bcas kyang/ /mtho ris lha dang mi ru skyes/ /skye shi med pa'i las mi thob/ /lnga pa'ang 'di skad bstan zhe na/ /dngos grub mchog gi snying po ni/ /dang po don rtogs mdza' mi stong/ /chu srin phyag rgya ji bzhin du/ /spyod yul kun tu dpag tshad med/ /de rjes gtso mchog goms byed pa/ /'byung rlung 'dus bral tshul bzhin pa'ang/ /rang la yan lag rdzogs pa yis/ /gang du 'du shes med gsal ba'ang/ /gang dag bcu dang ldan pa ni/ /snga ma las kyang gnas bsgyur ro/ /'pho ba med par bzhis snang bzhin// //de yi yan lag de bzhin bas/ /rgyu las thob par rang gnas pas/ /snang ba kun tu khyab par ni/ /phyi nang med par mthun rdzogs bya/ /de yi stobs las skyes ba ni/ /rten 'brel bzhi pa nas 'byung ba'ang/ /cig shos skye ba'ang ji bzhin pa/ /gnyis la gang mos gnyis tshul gyis/
- 496b
bzhi pa dgu dang ldan tshul gyis/ /rang gi cha rkyen tshang ba yis/ /de la zhen pa grol 'gyur zhing/ /bzhi lnga ldan na ldan tshul gyis/ /gang mi mthun pa'i rgyud 'phel bzhin/ /de yi gzhi las tshangs ya ma/ /gzugs can spyod par gnas pa ste/ /rgya mtsho gza' dang skar ma 'am/ /'brel bzhi rdo rje tshogs sam/ /bslab pa rang gi rkyen tshang bas/ /lung bcu ldan na des spro 'am/ /yang na de nas longs spyod sbyar/ /lnga pa rnal 'byor 'ba' zhig gis/ /'das tshul gnyis thob sa 'ang yod/ /de dang mi tshangs longs spyod lnga/ /rang gis bzhi bzhi thabs bzhi dang/ /ldan pas grangs tshangs rtags thung na/ /dkyil 'khor mthun 'byor thabs gnyis pos/ /yan lag tshad na zag pa med/ /de min lan grangs gzhan nyid do/ /rgya mtshor rin chen bzhi yi 'od/ /phog pas ji bzhin mthong 'gyur ba/ /'di ni thar lam mi sbyar nas/ /sangs rgyas sa la gdon mi za/ /yan lag gnyis pa 'dir shes ste/ /de dag las su rung byed pa/ /dgos ched rnam grangs dus dang ni/ /skyon dang yon tan sdom gyis rdzogs// //bdag dang gzhan gyi don gyi phyir/ /'bri sogs mi dgos goms par ces/ /gsang rgyud nyi las gsungs pa yi/ /glang po dam mdzes shas spyad dang/ /'dod yon nyon mongs nyi shu lnga/ /nag pos 'dul ba ji snyed pa/ /thun mong ming ste de ga dkar/ /khyad par lam dang mthun pa'o/ /zhen pa'i lam la de nyid de/ /ji lar dug la dug nan bzhin/ /bdag dang gzhan dang gnyis ka la/ /che dang mkhas pa'i thabs kyis spyod/ /cig shos pa de dmangs rdo dang/ /bram ze rgyal po lnga rim bzhin/ /
- 497a
shes rab bslab bya mang po kun/ /brtson pa dor bya yod ma yin/ /de la de goms mtshon pa ltar/ /'jug pa gsum la yid tshangs thabs/ /cha mthun gdams ngag byid rgod dang/ /'bru sogs rims dang ldog la brten/ /gtsang ma rigs kyi mthun bzhin du/ /mthong goms bzhis mthus spyod yul spyod/ /lnga pa sri zhu rgyal chos ni/ /dang po bzhin du longs spyod lnga/ /shin tu spros spyod blang bar bya/ / lnga par lnga pa gtso bo yin/ /de nas bzhi ni zag bral nas/ /lcags zangs gser dngul go rim bzhin/ /bdag gzhan yul gyi khyad par 'gyur/ /snga ma rgyud ldan rtsol ba med/ /rang rang bslab pa gang yin pa/ /skabs su gces pa khyab par yin/ /lam dang sa yi rims sbyar nas/ /spyod par grags la mchod pa la/ /snga ma go mthar phyis 'jug che/ /des na rang rig spyod yul blang/ /khyad par dor ba mthar phyin med/ /glang po rang gar spyad pa ni/ /don du mi 'gyur gzhi dbang bas/ /so so'i rnam smin tshad las 'das/ /de la de yi de yod phyir/ /de des gnyis po mi ltung thob/ /so so'i ltung thob grags pa bzhin/ /bsag bya gnyis 'gyur bri bar 'gyur/ /bya ba'i sdom ni dgos ched dang/ /ngo bo rnam grangs nges tshig dang/ /bya thabs skabs dang khyad par dang/ /skyon yon dgu yis rdzogs pa yin/ /bdag dang gzhan dang gnyi ga dang/ /dam chos phyir na rnam lnga'o/ /shing la chu bzhin dang blang ba/ /rab 'bring tha ma nus tshad sbyar/ /gdul bya phyi nang zung bzhi bo/ /gdul bya'i mthu tshad rnam bzhi dang/ /cig gis
- 497b
kun 'dul mthu la sogs/ /lnga po gang yin ngo bo'o/ /zung du phyi nang bzhi phyir dang/ /'phel bya gnyis po 'phel phyir dang/ /dgug dbang bzhi bo sdud dbang bzhi/ /gdul bya rnam gnyis 'joms phyir dang/ /snga ma sngon du bstan zin phyir/ /nges tshig nges par 'grub pa yin/ /don gyi dmigs su gzung ba'i phyir/ /rang bzhin lam dang thugs rjes phye/ /bar ma thabs dang shes rab la/ /snga ma gnyis dang phyi ma la/ /shes rab ting 'dzin rnam gnyis dang/ /longs spyod lhag pa gzugs brnyan gnyis/ /de la phyi nang gsang bar bshad/ /ngo bo rjes su zhi ba gnyis/ /phyi la nad bgegs dgra zhi pa'o/ /nang la nyon mongs rtog zhi pa'o/ /rgyas par gnyis po gso dang 'brel/ /na shi lo thog rtsi zhu sogs/ /tshe dang rigs rgyud longs spyod dang/ /bsod nams bzhi po nang 'bras bu/ /dbang ni dgug dang sdud pa gnyis/ /phyi rol da ra'i rnam pa dgug /mi mthun rnam gnyis dbang po sgyur/ /rang sems 'bras lnga bsdu bar bya/ /mngon spyod bskrad dang mnan pa dang/ /smyo 'bog byang dang skam pa dang/ /rmongs dang gtan bor rgyud gzhan la'o/ /rang gi phyi nang dgra bgegs 'joms/ / thabs? ni thabs la gsang ba nang/ /khams bzhi khams gsum bas sbyar ba/ /shes rab phyi dang nang gnyis te/ /phyi rol tshad med gnyis las bzhi/ /lhag pa gzugs brnyan rnam gnyis dang/ /mchod rten sgo dang sbyin sreg ste/ /phyi ma la gnas bsgrub po dang/ /thab brgyad 'bru ba khung bcas dang/ /phyogs dang kha dog dus gnyis dang/ /phur pa lha dang sems dang yum/ /bsgrub po ling ga me mchod dang/ /dkyil 'khor yo byad tshang
- 498a
bar sbyar/ /bya thabs gtso bo sbyin sreg la/ /skabs su dgos pa'i ling ga gdab/ /bro stabs bcas pa'i cha rkyen no/ /de dag rtsa ba'i mchod mnyes so/ /gtan me mchod sbyin sreg ma rims/ /smon lam lhag ma'i las dag go /skabs ni dbang dang bsgrub pa dang/ /mchod bshags tshe dang dus bab tshe'o/ /khyad bar zag bcas bar chad med/ /mthar phyin lam gyis phye ba 'am/ /shes rab dbang po rnam gsum gyis/ / nus mthu byin rlabs yul ngo bo'o/ /thabs dang bzhi dang khyad bar ba/ /skas ka'i gdang bu'i ji lta ba'o/ /mi skongs mi 'phyang mi rdzogs dang/ /don gnyis mi 'grub de yi skyon/ /de las ldog pa'i tshul ldan pa/ / yon tan nyid du shes par bya/ /sa bzhi sdom ni ngo bo grangs/ /dgos ched dus dang che ba dang/ /yon tan rkang thabs skyon dag gi /nges par dmigs su shes par bya/ /gsang sgor zhugs pa thabs dngos kyis/ /sgo gsum rang gi srung bya las/ /rgyal po bka' rtags ji lta bar/ /mi 'dral sdom pa de ngo bo/ /thun mong gzhung gzhan 'gro don du/ /khyad par tsa ba yan lag de/ /mdo rgyas rab 'bring tha ma'i grangs/ /tan+t+rar gsungs pa bstan par bya/ /theg chen sa la khyad par ba/ /skabs kyi lam mchog mi mthun srung/ /skyon yon cha yis ched che ba/ /de dang de yi nges tshig 'grub/ /rang spyi'i gdul bya'i sbyang bsags pa'o/ / bsrung bya'i rim par yod pa'i phyir/ /sa lam gang thob de yi tshe/ /de la de dgos de bsrung pa/ /nyams su blang ba'i dus la bab/ /skabs dang 'byor na phan yon gnyis/ /bsrung bya mchog la bskur ba'i phyir// /
- 498b
smon ? med srung thub na/ /tshul khrims sdom pa thams cad rdzogs/ /bya byed med par nyams pa'ang med/ /ma nor gnas pa'i phan yon ni/ /rnam grangs rjes 'jug spyi rgyud grangs/ /gzungs dang thob pas dbye ba'ang/ / bdag dang gzhan dgos grangs rdzogs pa'o/ /de de zhig ral 'byung ba yi/ /dmigs shes gtso bo'i rtsa ba lnga/ /le lo med pas mos stsogs sbyor/ /de la nges par rdzogs gzung thob/ /phyal pa le lo log pa dang/ zlas zhar nyon mongs dbang song dang/ /bdud kyis bslus dang rang bzhin ngan/ /brgyad rgyus dka' thub ral pa dang/ /dus 'di phyi mar grag zhan gyis/ /spyi dang sgo skyon gnod la gnod/ /bkod pa rgyu las bdun gsungs pa/ / sdom ni ngo bo khyad par grangs/ /dgos pa thabs dang dus nges tshig /yon tan skyon gyis gzhi ru bzhag /gnas skabs bdun du snying po len/ /bkod pa gang rdzogs de ngo bo/ /dang po rang bzhin nyid mthar phyin// // gdul byas zhi dang khro bo de/ /mos pa sku gsung thugs yon tan/ /'phrin las gtso bo phye bas lnga/ /rtsa ba de'ang skabs kyis grags/ /mchod pa dbang dang 'phrin las bsgrub/ /bzhi yang gtso bos grangs rjes mthun/ / kun las 'jug pa bcu bzhi dang/ /sum cu rtsa lngar gyur pa yin/ /de yi rjes su drug sbyor ba'o/ /bzhi po'i dus su bdag gzhan phyir// //drang dang rten dang 'brel pa dang/ /bsgom dang bsgrub rdzogs mchod bsgrub phyir/ /shin tu nan tan blang bar bya/ /sa yi sbyangs thabs go rim dang/ /de yi cho ga thabs dag ni/ /rang bzhin la sogs bdun dag la/ /gang la yod pa kun yod do/ /thabs dang shes rab las kyi bya/
- 499a
dkyil 'khor mngon du 'grub par 'gyur/ /bdun gyi gtso snying gang gang la/ /de yi 'khor ldan nges pa'i tshig /lung las grags pas the tshom med/ /tha dad cig gis bcings dang bral/ /'phel 'grib phan yon thob 'grub bzhi/ /bye brag so so'i grangs bzhin no/ /de las bzlog pa'i skyon cha ni/ /grangs kyi rjes su nges par 'gro /mnyes par byed pa'i sdom tshig ni/ /dgos ched ngo bo grangs skabs dang/ /skyon dang yon tan la sogs pas/ /ji lta ba bzhin shes par bya// //bdag gzhan don rtogs mnyes skong ba/ /'di dang phyi mar thob pa dang/ /yon tan bka' las gsungs pa bzhin/ /che skyon mi 'byung bya phyir ro/ /bya byed bya ba byed 'dus pa/ /dgyes tshim 'gyur ba'i sdom pa nyid/ /'jig rten spyod yul mos bya'i phyir/ /phyag dang phyag rgya glu gar tshig /phyi nang gsang rdzas dgos spyod pa/ /srog dang ldan pas bden gsum tshul/ /mchod pa gsum las spros pa dag /dkyil 'khor gsum gyi gnas dag las/ /dbul phyir dgos ched rjes bzung bas/ /las spyod bsgrub dbang mchod tshe na/ /dus kyis rjes zhugs yon tan dag /spyi dang khyad par dus kyis na/ /'di dang phyi mar gang thob ba/ /bdag gzhan don gyis gnyis su 'gyur/ /de las bzlog dang mi bskong g.yel/ /nyams chad mthu byin bral bar 'gyur/ /thob par bya ba'i sdom tshig ni/ /dgos ched rgyu rkyen ngo bo grangs/ /thabs dang thob tshad dus snod dang/ /yon tan skyon dang dkyil 'khor sbyar/ /don 'gyur bzhi las khyad par du/ /bdag gzhan don nus tshogs las bsgrub/ /byang dang chub par 'gyur bas myur/ /de la de yod phyir nod bya/ /lung
- 499b
dang man ngag las 'byung ba/ /rgyu gnyis rkyen bzhi yan lag snyan/ /drug la gnas pa'i thob bya de/ /ngo bo nyid ces rnam par bshad/ /rtsa ba rnal ma lnga bco brgyad/ /sgyur ba lnga la sum cu drug /dkyil 'khor las kyi rjes zhugs pa/ /snod rim sbyor ba'i las rdzogs bya/ /sno la til mar ngar rim bzhin/ /nus mthu gzhan la nges par bzhag /lam gyi shes rab sngon 'gro ba/ /thabs la de nyid rim par bslab/ /gnyi ga'i sa yi dkyil 'khor gsum/ /dang po drod rnyed mi ldog pa'i/ /rim pas las rig ye shes kyi/ /rim pas rol pa rgyud nyid las/ /dad brtson gsum dang btul zhugs gsum/ /gang la yod pa de yi snod/ /'di dang phyi ma'i phan yon grangs/ /rgyud las gsungs pa de bzhin te/ / de bzlog rang yan chos nyid dang/ /gsang ba ma nyams ltung 'jigs pa/ /so ma gtang ba'i rdzas spyad ltar/ /'gyur ba gsang pa'i rgyud kun ltos/ /don du gnyer bya thob bya yis// //phye ba gnyis sogs sdom pa'i tshig /dgos ched ngo bo grangs thabs dang/ /dus dang skyon yon grangs thabs dang/ /thun mong mchog gi dngos grub rnams/ /bdag gzhan thob nas don bzhi phyir/ /gang gis gang thob 'dod pa de/ /yan lag bcu ldan gnyer rdo ba'o/ /mngon shes tsho dang rdzu 'phrul las/ /sku gsung thugs kyi thun mong dag /bsgrub thabs mi mthun grags pa dag /zag med 'bras bu mchog lnga po// //bsgrub pa'i gnas su grags pa dag /sngags dang phyag rgya bstan pa dang/ /phun sum tshogs pa bzhi ldan nas/ /brtags shing byin gyis brlabs pa der/ /tshogs skyes bsnyen bsgrub drangs dus mtshan/ /so sor phye bas rgyud gsungs bzhin/ /
- 500a
rnal 'byor stobs goms 'byor pa dang/ /sngags dang phyag rgya stan ba dang/ /mi lcogs med ba gang yod pa/ /cha rkyen tshang pa dbang bsgyur mngon/ /yal bas mi 'byung mi thob bcu/ /bye brag rgya las gong du chud/ /de las bzlog pa de phyi mar/ /lnga lnga thob pas mngon nyid rdzogs/ /sngags dang phyag rgya'i dam tshig ni/ /dgos ched ngo bo grangs thabs dang/ /nges tshig gang du dgos pa dag /yon tan skyon dang spyod yul bshad/ /sbyang zhing nye bar bshad pa dang/ /thob ba lnga po rdzogs bya'i phyir/ /gnyi ga'i ched du shin tu ces/ /yi ge 'dus ba grub pa bzhis/ /mthu can red pa gang yin pa/ /bzhi rdzogs nyid las mi 'da' ba/ /gang la snang ba de ngo bo/ /drag sngags gzungs zhes bya ba dang/ /rtsa bskyed las bsnyen las rim dang/ /mchod ba sngags dang brgya bzhi la/ /chen po'i rang bzhin ting 'dzin dang/ /mtshon pa mtshan ma'i phyag rgya dang/ /yum dang 'dzin bsam bca' ba'i dam/ /bsam dang bca' dang rang bzhin dang/ /'phro 'du las kyi phyag rgya dang/ /bde bar rang bzhin bzlas bsam dag /las gyi phye ba grangs mang po/ /skyon bcu le lo dor ba dang/ /skyon brgyad pa'i brtson bas sbyar/ /mthu byin ldan zhing don mi 'da' / /de phyir ming gi sgra 'jug pa'o/ /dkyil 'khor dgos pa'i dug lnga dang/ /bsnyen bsgrub rnam bzhi tshe na'o/ /sngags dang phyag rgya rab bstan na/ /dngos grub ya mtshan cher 'gyur bas/ /yid la bsams pa thams cad 'grub/ ral gri so la bzung nyes ltar/ /nan tan med pa gsang sngags pa/ /bung zhing 'bras rnams med par 'gyur/ /gsang ba gsum la mos rims dang/ /gang la spyod pa de yul lo/ /mdza' mar rig pa'i drod tshad pa/ /nye
- 500b
bar sbyor ba pa de ni/ /gang gis bsgrub dang ting 'dzin sbyor/ /zag lam sbyor ba tshogs gnyis grangs/ /thabs dang shes rab ting 'dzin grangs tshad gnyis las grags pa dang/ /legs sbyangs thob nas zag pa med/ /thigs pa tha ma snga ma'i rgyas/ / thog ma'i sdom tshig mthar phyin pa/ /bde gshegs rgyal ba nyid yin no/ /de phyir bcu yis 'bru sbyar ste/ /rus sbal bsnur shugs blang bar bya/ /de yul byas snyed don la 'dud/ /thugs kyi thigs pa las/ /gdul bya dag pa'i snang ba'i le'u ste/ gsum pa'o// //rdo rje yan lag bzhi po sdom/ /mtshan nyid tha ma lung bstan pa/ /rigs pa 'dzin dang rdzogs sangs rgyas/ /snga ma thob tshul rnam grangs dang/ /nges tshig gnas su rnam par bshad/ /lhag ma yod med 'da' tshul gyis/ /'di dang bar mar rnam par sbyor/ /rnam par smin pa bya btsan tshul/ /dbang bsgyur phung po 'jig pa med/ /phyag rgya chen por bdag lus snang/ /nyi shu rtsa lngar rang snang ba/ / de la de yi rtsol ba can/ /me chu rlung gi rigs gnas bzhin/ /gangs rigs zin pa mi gtong ba/ /dang po byung dang bya ba byed pa dang/ /tha mar rgyud 'dzin gsum gyis 'grub/ /de yi bzhugs gnas des med de/ /sems nyid gnas snang gang yang rung/ /bya ba bya ba'i grub pa dang/ /'thob tshul ngo bo 'bras bu grangs/ /spyod yul gzigs dang thugs rje sprul/ /mdzad ba ye shes bzhugs tshul sdom/ /bdag gi dbang du 'di skad du/ /dpag bsam shing dang rin po che/ /de dag rdzas yod ma yin te/ /rang sems bsod nams btan pa yin/ /ngo mtshar cho 'phrul smad kyi chos/ /gzhan nas yod 'ongs ma yin te/ /thabs rtsal bstan pa'i shes rab nyid/ /de lta bu'i ngang du
- 501a
'byung/ /gzhan gyi don du 'di skad du/ /bya ba ma lus kun byas nas/ /mthar ni skye med rdo rje'i sku/ /gsungs pa'i srid pa tha ma la/ /rdo rje 'dzin sku'i rdor gsum las/ /sprul pa drug gi dbang po yis/ /mdzad pa rdzogs nas sangs rgyas tshul/ /gsang ba'i skabs la'ang shes par bya/ /gnyis med sems su mngon byas la/ /bden gnyis dbyer med rdo rje'i sku/ /chu yi zla ba lta bu la/ /rang bzhin kun dang tha mi dad/ /sku gsung thugs yon 'phrin las las/ /brgyan gyi 'khor lo rang bzhin gnas/ /thams cad mkhyen yul 'di skad du/ /log par rtog brtags rnam dag cing/ /ye shes dbyings las mi zhan phyir/ /thugs rje chen pos 'brel pas na/ /'gro drug dus gnas ma lus snang/ /yang na rnam rtog mi mnga' ste/ /sna tshogs kha dog dbyibs su snang/ /bde gshegs rang bzhin thams cad phyir/ /surya rtsa tra'i? gzugs brnyan bzhin/ /snang yang 'gro 'ong ga la yod/ /de yod na ni gzugs brnyan can/ /sgyu ma'i dkyil 'khor bsgral ba yis/ /bya byed med pa'i dkyil 'khor sbyong/ /dus gsum rig pa'i rdzogs sangs pa'i/ /log rtog tha dad dag pa yang/ /ye nas mdza' yas grol ba'i phyir/ /gcig dang mi cig brjod bsam 'das/ /gzung 'dzin bral ba'i ye shes ni/ /bde bar gshegs pa kun gyi gnas/ /rgyud las gsungs dang 'gro blo yi/ /rgya mtsho'i chu dang rlabs bzhin no// //mkha' la 'ja' bzhin rgyud don bkra gsal 'dis/ /mi shes nga rgyal snyol zhing nyon mongs dgra rgyal ba/ /dpa' bor
- 501b
mtshon ni rnam lcags shag ti 'dra/ /rgyud kyi don bcud 'khor lo ngang ltar ngang blangs pas/ /mi shes dra bar chud rnams gsang ba'i snying por shog /thugs kyi thigs pa las/ /bde gshegs kyi snang ba'i le'u ste bzhi pa'o// // rgyu 'phrul spyi gcod rdzogs so// //sangs rgyas gsang bas mdzad pa'o// //bi ma la mi tras mdzad pa'o/ /dgeg pa rdo rjes mdzad pa'o/ /rma rin chen mchog gis bsgyur ba'o// // rdo rje sems dpal phyag btsal nas/ /rang gi las dang bla ma yi/ /man ngag thob dang rtogs pa'i/ /nus pa'i shes stabs ci yod pa/ /nang gi ling rtog shes rab mig/ /mdongs pa'i 'gro rnams sgrol bya'i phyir/ /sgyu 'phrul khog gzhung dbye brtsam/ /sgyu 'phrul dra ba'i rgyud dag gi /tshig don dgongs shugs bstan pa yang/ /yi ge gab pas mi mngon pa/ /bzhi po dngos po lus nyid dang/ /don du gnyer ba'i lam nyid dang/ /mngon 'gyur 'bras bu lus bzhag pa'o// //bstan chos thog ma'i mtshan nyid ni/ /'bru lngar 'dus pa'i thabs chen po/ /'gro ba kun la gnas pa'i phyir/ /rang bzhin rgyud kyi ngo bo las/ /'gro ba rnams kyang rgyud nyid de/ /gzhi phyir rgyu ru bstan pa yin/ /de yang ngo bo nges tshig dang/ /rnam par dbye ba gsum du 'gyur/ /thams cad rang rig byang chub sems/ /gsung lnga la sogs lhun grub pa/ /mdza' rnams kun las yongs grol de/ /ngo bo bzung du med pa ni/ /nam mkha' i chu skyes ji bzhin de/ /lung gi chad mar gyur pa ni/ /rgyu bzhi zhes su bstan pa'o// //thams cad rdzogs pa'i nges lung ni/ /rgyur gsum
- 502a
tshad dang nges 'brel pas/ /rang bzhin rgyud kyi ming du grags/ /mtshon byed rgyud kyang de bzhin no// //rigs dang rigs su nges pa'i sa/ /dbye ba rnam pa gnyis su gsungs/ /sems can skad cig shes pa nyid/ /bde gshegs 'bras bu snying po'i rgyud/ /ye nas yin phyir rigs rgyud de/ /chos nyid rang bzhin dkyil 'khor ni/ /'gro rnams kun la khyab phyir ro/ /g.yo ldang smon 'jug gnas mthar phyin/ / des skyes phyir mi ldog pa'i phyir/ /rigs su nges zhes grags pa yang/ /ngo bo'i tshul nas rang bzhin rgyud// //de yi ngang las rgyu rkyen bdun/ /'dzom pas 'khor bar snang ba yang/ /byed po nyes pa'i tshul dang yang/ /ngo bo snod bcud 'khor ba'i dus/ /ye nas chos kun sangs rgyas ste// //rgyu bzhi rang 'byung ye shes pas// //rgyu'i ngo bo gdod nas dag /ma rig pa nyid ye shes phyir/ / 'khor sgyu ma bcos rang bzhin mnyam/ /'phral du chags sdang ye shes lngar/ /ye nas ma bcos gsal ba ste/ /nyon mongs drang phyir sku gsung thugs/ /yin phyir rkyen yang sangs rgyas so/ /rgyu rkyen 'bras bu'i rang bzhin pas/ / ma byas 'bras bu sangs rgyas te/ /rdo rje bud sogs sangs rgyas pa'o/ /nyi ma'i snying pos mun pa bzhin/ /rang bzhin ngang la 'khor ba med/ /lus bzhag par ma lam rkyen de// //lam gyi ngo bo snang lugs dang/ /dgos? pa des tshig che ba dang/ /gzhung gi rnam drug bstan pa'o/ /mngon byed rkyen ye rnam pa gsum/ /ngo bo sems lnga skyes pa ste/ /mngon sum snang tshul dang ba'i chur/ /nyi zla 'char bzhin skad
- 502b
cig gis/ /byin rlabs rig pa snang ba dang/ /skal med rgyud nas thub pas ston/ /ye nas lhun grub sangs rgyas chos/ /gdul bya gnyis la rgyud pa dang/ /mngon sum sgo nas bstan pa'i phyir/ /byin gyis brlabs dang tshig gis bstan/ /rgyud gsum tshad dang tshig 'brel pas/ /mtshon byed yi ge'i rgyud ces bya/ /thun mong ma yin des rgyud phyir/ /gzhan las gsang ba'i che ba brgyad/ /rgya mtshor chu klung kun 'bab bzhin/ /theg pa kun 'dus yang rtser bstan/ /gsang ba'i snying po nges pa 'di/ /gsang ba kun gyi bdag nyid phyir/ /rgyud rnams kun gyi rgyal po'o/ /sde snod kun dang rgyud kun gyi/ /'byung gnas bstan la nges 'bebs phyir/ /bstan pa 'byung gnas lung gis 'grel/ /rgyal ba'i dkyil 'khor ma lus la/ /'di las gsang ba'i nges don med/ /dgongs pa'i zhe pugs gnag pa'o// //sa rnams khyad par bkod pa yang/ /gsang ba'i snying por 'gro bas na/ /'bras bu rnams kyi thug sa'o/ /bde gshegs dkyil 'khor ma lus pa /brnyes nas sku lnga rdzogs pas na/ /lnga par 'das pa gshegs pa'i tshul/ /'byung dang ma 'ongs thams cad kun/ 'di yis lhun gyis grub byed phyir/ /ma 'ongs rnal 'byor rnams kyi lam/ /de phyir 'bras bu nges 'byung 'di/ /thams cad rgyud las shin tu 'phags/ /gzhung gi dbye ba rnam pa gsum/ /rab la mtshan dang 'bring la dbye// //tha ma 'bru gnyer dgrol ba'o/ /rab mtshan tha snyad gsum du grags/ /rgyu 'phrul snying po lung spyi yi/ /lag gi rtsa bzhin dbul zhabs rtogs/ /bskal ba can gyi ched phyir ro/ /grangs
- 503a
ka 'bring gi don bstan pa/ /gleng gzhi bsleng ngang rgyud don dang/ /dgos 'brel bstan pa dpe rnams dang/ /skabs kyi dgos pa rdzogs par 'gyur// //gleng gzhi byed pa'i ngo bo dang// dgos pa byed pa'i don nyid ni/ /thun mong gleng gzhi rnam gnyis dang/ /thun mong men pa gsum du shes/ /grags pa thun mong ngo bo ni/ /thub drug ston pa stong gsum pa/ /khyad par shAkya thub pa nyid/ /rgyal srid btsun mo 'khor spangs nas/ /rab tu byung sogs mdzad pa yi/ /rgyu yi 'khor lo bstan pa sgrogs/ /'gro drug 'khor dang rnam bzhi sogs/ /shin tu bkod pa'i dus su gsungs/ /khyad par thun mong 'di nyid du/ /ston gnas dus 'khor sdud bstan sogs/ /mtshan nyid gnyis kyis dgrol 'gyur yang/ /'dul yang so sor snang 'dra'o/ /thun mong ma yin ston pa nyid/ /yab yum chags skul rol pa dang/ /gsang ba phun sum tshogs drug gis/ yig bzhi'i sgo nas byin rlabs kyi/ /dbang skur ma brjod rgyud bshad pa/ /kun yum med pas gsal ba dang/ /ngo bo yang ni 'di lta ste/ /ston pa gnas dang sdud pa 'khor/ /dus dang ston pa rnam drug ste/ /ston pa'i rang bzhin brgyad dang ldan/ /bdag nyid byed pa kun tu bzang/ /'chad pa'i skyes bu rigs lnga ste/ /mtshungs pa bzhi dang ldan pa'i phyir/ /lngas kyang bstan pa gsung mi 'gal/ /gnas kyi rang bzhin de bzhin nyid/ / ngo bor ni chen gzhal yas khang/ /ye shes rgyu dang gru bzhi dbyibs/ /rtse mo tshad med mtshan nyid sems/ /phyi dang nang med rgya ma chad/ /yon tan rdzogs rgyan rnam thar sgo/ /sna tshogs yon tan rgyan du go /rgyu
- 503b
'bras brgyad nyid rta babs skad// //gsang bdag phyag na rdo rje yis/ /thun mong ma yin nges pa'i rgyud/ /dris lan mi mngon don gyis bsdus/ /byin brlabs mi yul grags pa yis/ /'khor gyi tshad dang mang dang khyab/ /brjod med nam mkha' i mdza' klas gang/ /ngo bo mi zhan rigs lnga dang/ /rig pa ye shes byang chub sems/ /dad pa nyan pa'i lha chen rnams/ /'gro ba 'dul ba sprul sogs so/ /dus kyi ngo bo mnyam nyid do/ /skal pa can la kon pa dus/ /mtshon bya rang bzhin bzhi'i rgyud/ /sgro skur bral bar bstan pa ni/ /mtshon byed sgyu 'phrul dra ba ste/ /mdzub mo'i ri bong can bzhin no/ /dgos pa gleng gzhi rnam pa gnyis lhan cig 'khor la go phye ba/ /thun mongs ma yin khyad par gyis/ /thun mongs rnam gnyis bcas pa yin/ /'gro ba chags can spong med la/ /longs spyod rdzogs sku btsun mo dang/ /gnyis med rol sogs bstan pa dang/ /mthun bas mthun pa dgrol phyir ro// skye bo chags can spong 'dul la/ /byin rlabs shar ba'i thub pa nyid/ /mi yi skyes ba bzhes snang nas/ /bcu gnyis la sogs rdzogs mdzad de/ /rnam dag mchod rten rdo rje'i gdan/ /rang 'byung mngon par rdzogs tshul snang// //de bzhin gling bslad rnam pa gnyis/ /thun mong ma yin rnam pa gnyis/ /yab yum chags sku rol pa dang/ /dgyes ltar 'khor la dbang skur dang/ /rgyud don 'byung phyir bslad zhes bya/ /de yang skye bo chags can don/ /thun mong gleng bslad ston 'khor dang/ /thams cad snang nas dbang thob 'khor/ /nyid kyis rtogs nas 'gro don du/ /bka' stsal don gyis zhus dang lan/ /snang
- 504a
par don gyi tshig tu 'byung/ /sku gsung thugs kyi spro ba mdzad/ /de ni skye bo phal ba'i don/ /ngo bo don blang tshig phyung ba'o/ /rgyud don lam dang yan lag ste/ /de yi gdul bya bsam pa gnyis/ / dbang gi lam yang gnyis su brjod// //thun mong ma yin rnam lgnyis te/ /thun mong lam stegs nyid tsam du/ /pha rol phyin bcu rgyu 'bras sbyong/ /ma yin pa yang bsam dbang gis/ /grol lam thabs su bstan pa yin/ /grol lam mthong dang sgom gnyis te/ /dag mnyam gsum bzhi bzhi dang lnga/ /bden pa gsum dang rtogs pa bzhi/ /ldan pas rang rig mngon sum du/ /nges par chod pas mthong ba'i lam/ /mtshan nyid dang por bshad pa yin/ /bsgom pa skye dang de bzhin nyid/ /skyed dbang srid pa'i chos lugs su/ /ye nas gnas mthun de zlog phyir/ /dang po ma skyes snying rje dang/ /phra rags mang por snang ba ste/ /dngos grub myur du grub 'dod pas/ /shin tu mi dmigs dbyings su bsgom/ /ting 'dzin de ni goms pa dang/ /thams cad sgyu ma mig yor dang/ /sprul pa'i tshul du shes par bya/ /ji bzhin yang dang yang goms nas/ /phyi nang snod bcud hUM du bsdu/ /gang bsgrub yi ge so so ste/ /phyir ni gang sgom kun tu 'dra/ /rdo rje sems dpa' nyid du bsdu/ /yang na zhal gcig phyag gnyis sam/ /zhal gsum phyag drug rtag tu bsgom/ /de yang phra dang ring ba dang/ /goms par re mos 'dris par bya/ /de bzhin goms nas rigs lngar bsgom/ /bzhi bcu gnyis dang stong tshogs slob/ /de goms tshe yi rigs 'dzin du/ /sbyar nas
- 504b
mngon bar sangs rgyas tshul/ /de yang lnga goms gsal phyir dang/ /ral gyis rim pa nges par bzhag /de kho nyid de cig car ba/ /bsgom pa'i rim pa bslab bya bral/ /ma bcos ji bzhin mnyam gzhag na/ /lhun gyis grub pa'i dkyil 'khor 'byung/ /mi gnas gnas la gnas par bsgom// //thabs las rgyud dang rim par ni/ /man ngag ting 'dzin stobs 'gyur zhing/ /rlung 'gag las la goms par bya/ /shin tu bde ba 'byung ba'i rgyu/ /gsang dbang pad+mar ldan 'gyur na/ /chags pa med pa'i tshul gyis su/ /bcu dang gsum gyi rgyu 'bras rnams/ /rdzogs phyir rims dang zlog shes na/ /byin brlabs shugs kyi rang snang 'thob/ /dbang po yul sa ldan gyur nas/ /gsang ba mchog gi 'phrul chen po/ /dkyil 'khor rdul snyed grangs med dang/ /phun sum tshogs pa'i lhun grub rnams/ /gsang dbang mchog gis 'byin par byed/ /thabs kyi lam la 'bad par bya/ / 'jug dang thob phyir lam rjod de/ /skye bo nyid sgrol phyir bzhag ste/ /las su rung nas lam mthar phyin/ /lam gyi yan lag rkyen bshad pa/ /rjes mthun spyod pa lta ba dbang/ /bsgrub dang mchod pa 'phrin las ngang/ / dkyil 'khor la sogs brgyad kyi rdzogs/ /skabs kyi gtso dang grogs pos bsdu/ /de yang bdag gzhan don du'o/ /rjes su mthun pa'i spyod pa yang/ /skabs kyis ting 'dzin stobs chen bshad/ /bya ba byed la bye med la/ /dang po dpyod par bshad pa yin/ /snying rjes chud ma zos par 'dzin/ /thabs kyi pha rol phyin spyod pa/ /gnyis pa lam dang mthun pa yin/ /chos spyod bcu yi cig cha la/ /gnas pa gsum pa brjod pa
- 505a
yin/ /gnas dang longs spyod ci bde la/ /ma nyams blo dang ldan pa la/ /ting 'dzin langs te spyod pa ni/ /grangs kyi bzhi pa spros bcas pa'o/ /kun kyang dus ni nam langs tshe/ /sgo gsum phyir na nges tshig 'grub/ /bshad pa'i gtan tshig ldan pa yis/ /lta dang lta bar bya med pa lhun grub shes rab sgron ma nyid/ /rang bzhin gsal ba spyan gyi mchog /ngo bo yang de ltar nyid du shes/ /yul med gsal phyir lta zhes spyad/ /rim par bgrod phyir dbang bshad pa/ / ngo bo nus phan gsal dbang shes shin tu bstan pa'i ngo bo lnga'o/ /dgos pa'i skabs kyis skabs phyed dang/ /bshad pa bzhin du shes par gyis/ /ngo bo bzhin du grangs 'jug pa/ /dbang lnga rdzogs bus bco brgyad rgyas/ /dus ni rnam pa gsum du ste/ /phyi nang dkyil 'khor rnam gsum du/ /rim par bskur ba dang po ru/ /ri mo bzhengs gsol phan nus bskur/ /skyed pa'i rim pa slob pa'i dus/ /rdzogs rim gdam ngag sbyor dus su/ /gsang dbang bskur ba song bzhi pa'o/ /dkyil 'khor bstan pa shes bstan phyir/ /ngo bo'i dus kyang lngar 'gyur ste/ /rno la ngar btags nus pa bzhin/ /nus pa skyes dang thob pa'i tshar/ //rgyu rkyen rgyu dang bdag po dang/ /yul dang de ma thog pa dang/ /ngo bo kun la skabs su sbyar/ /dad dang brtson 'grus gsum ldan dang/ /brtul zhugs sum ldan slob ma la/ /rgyu cig la 'am tha dad la/ /gang ldan chung ma zos pa sbyin/ /bskur bas rkyen gnas las nyon mongs/ /shes sgrib cha phra rnam dag pa/ /yon tan snang phyir ming du brjod/ /slob dpon mnyes par ma byas shing/ /dbang rnams thob par ma byas na/ /las rtsom 'bras med ltung bas rtsom/ /gang yang phan
- 505b
bsang dbang skur pa'i/ /dus 'di phyin chad rgyal ba'i sras/ /phyir mi ldog phyir yon tan no/ /lha mi yon tan yan chad nas/ /rdo rje 'dzin sogs skyabs kyi thob/ /bsgrub pa 'jig rten pa dang 'das/ /'jig rten pa yang 'di lta ste/ /ro langs tshe pra bsgrub pa dang/ /lha chen po dang rgyal po bzhi/ /gdug pa klu 'dul rgyal blon bzhin/ /chung ma dbang du bya ba gnyis/ /ro langs rkang mgyogs dam tshig bsgrub/ /mi snang gzugs bsgrub lha klu mo/ /rgyal blon dmag dpon zhing blon bsgrub tshe 'di'i ched phyir 'jig rten pa'o/ /yi ge sgyu 'phrul tshogs bsgrub pa'o/ /rdo rje sems dang sman bsgrub dang/ /rigs lnga bsgrub dang yul lnga sems/ /byin dbang bsgrub pa rnam gnyis sogs/ /phyag rgya rdzas dang thabs spyod la/ /rten pa'i bsgrub pa gsum du bsdu/ /don du gnyer phyir bsgrub mtshan nges/ /tshogs gnyis rdzogs phyir mchod pa ni/ /ting 'dzin sbyor sgrol dam rdzas dang/ /'dod yon blo dang sems kyi sprin/ /rol mo la sogs dbang bskur dbul/ /gnas su stabs phyir mchod pa ste/ /thun mong khyad par yon tan ldan/ /bdag gzhan don grub 'phrin las ni/ /mchod rten phyag rgya'i sgo dang ni/ /hoM bro klu dang rdzas kyis bya/ /na so gzhon dang rigs 'phel dang/ /skye rgyu med dang zla bral dang/ / las bzhi dus su sbyar bar shis/ /las kyi nus pa mthu cher ldan phyir/ /sngon nas btsal par rab tu gces/ /zhi la dang la rgyas la dga' / /dbang la chags dang drag khro sems/ /'di yang las kyi stobs cher 'gyur/ /rgyal ba cing bsgoms kun la sgrub/ /byed kyang skabs kyis lha yang bzhi/ /bsgrub gzhi'i gzung phyir dam tshig ni/ /ngo bo mdo rgyas gsum du shes/ /mnyam pa'i dam tshig gsum du mdor bstan pa/ /'bring du rtsa ba bco lnga ste//
- 506a
rgyas par sum rgya drug cu'o/ /yang na rtsa ba'i rtsa ba dang/ /rtsa ba'i yan lag yan lag rtsa/ /yan lag yan lag bzhi rub bsdu/ /byed pa'i ngo bo ji bzhin no/ /dgos pa spyi dang khyad par gnyis/ /rtog pa 'dul dang las don grub/ /'dul dang sdom dang dam tshig sogs/ /'dus par gsungs pa che ba'i mchog /dab yang skabs kyi rnam pa mang/ /sa bzhi so mtshams mkhar sogs pa'o/ /nyams skyon spyi dang khyad par gyi/ /gnyis 'gyur rgyud nas gsal bar ston/ /gso thabs rtsa ba yan lag gi /skabs dang sbyar te gzhung bzhin bsab/ /yon tan mdor bsdus spyi ru bstan/ /khyad par rang rang skabs su shes/ /rang bzhin ye nas sangs rgyas pa'o/ /des tshig skyon yon skabs kyis 'gyur/ /dkyil 'khor skabs kyis bdun gsungs te/ /thog mar rang bzhin dkyil 'khor ni/ /rang bzhin nyid dang lhun grub ni/ /'bras bu skabs kyi gsum du 'gyur/ /chos nyid rang bzhin sgos bral te/ /rang bzhin nyid kyi dkyil 'khor ro/ /dkyil 'khor bzhi bcu rtsa lnga nyid/ /khams dang skye mched la gnas pa'i/ /lhun gyis grub par rgyas pas gsungs/ /'bras bu mthar phyin 'og min na/ / bzhugs pa dkyil dang 'khor gyi tshul/ /de yang zhi khro rnam gnyis te/ /nges par sku gsung thugs su 'gyur/ /ngo bo du ma shes bral ba'i/ /nges tshig skabs kyis gnyis su 'gyur/ /mos blos len pa'i ting nge 'dzin/ /dkyil 'khor lhag pas gnyis su gsungs/ /rang bzhin de nyid 'dris pa'i phyir/ /de bzhin ting 'dzin dkyil 'khor gyis/ /phyi nang snod bcud ma lus kun/ /nyid kyi dbyings la thim bya ba/ /
- 506b
chos sku phyag rgya sgom pa nyid/ /rang rig mdza' dbus med pa'i dkyil/ /ye shes bzhi 'phro 'khor gyi tshul/ /'bras bu mthar phyin bsgrub pa'i phyir/ /lhag pa'i ting 'dzin rnam pa gnyis/ /gdul bya'i don phyir zhi khro dang// las dang bsod nams bsgrub pa lnga/ /de yang sku gsung thugs gsum ste/ /zhi ba sku dang gsung dang thugs/ /sku yi cha lugs bzhugs tshul dang/ /sku mdog brgyan sogs shes par bya/ /thugs kyang phyag rgya btsa' ba dang/ / 'dzin ngang bsam pa las sogs pa'o/ /gsung gi rtsa ba bskyed pa dang/ /bzlas pa spyan drang me tog dor/ /bstim dang dngos grub gsol ba'i sngags/ /byin rlabs dbang skur la sogs sngags/ /de dag ngo bo shes bar bya/ /khro bo lhag pa'i ting 'dzin gyis/ /sku gsung thugs bshad de bzhin sbyar/ /lhag pa gsum yang grangs ldan sbyar/ /ting 'dzin rten phyir gzugs brnyan ni/ /gnyis su bye brag shes par bya/ /gzugs brnyan dkyil 'khor yang dag ni/ /chen po rags pa thabs su gtogs/ /mtshan 'dzin yul gyi dkyil 'khor ste/ /ye shes snang phyir gzugs brnyan no/ /lhag pa'i gzugs brnyan rnam pa lnga/ /dbang ni phyi nang bsod nams tshogs/ /bsgrub dang 'phrin las dkyil 'khor ro/ /dbang la mdzub gang sor bzhi'o/ /zhi rgyas 'bring rnam gsum ste/ /khru bzhi brgyad dang bcu gnyis dang/ /bcu drug tha ma 'bring gi tshad/ / nyi shu 'am nyi shu rtsa lnga yi/ /rgyas pa'i tshul du gsungs pa ste/ /logs re tshad du gsungs pa'o/ /bsod nams rten ni mchod rten tshogs/ /tshogs la dpag tshad rgyang grags so/ /bsgrub pa tshe spra la sogs pa'o//
- 507a
skabs kyis dkyil 'khor gsum pa'o/ /de dag sa chog stegs rtsig dang/ /'go ma g.yeng dang thig sta bon/ /bri dang rgyan dang rab gnas dang/ /las kyi gzhung lugs bstan pa'o/ /khro bo skabs kyi de bzhin shes/ /'phrin las rnam bzhi dal brgyad dang/ /gzugs brnyan skabs su bshad pa yin/ /zab phyir byang sems dkyil 'khor ni/ /rten dang brten can tha snyad gnyis/ /dbye ba phyi nang mthar thug 'gyur/ /ye shes lnga yi ngo ldan pas/ /dkyil 'khor zhes su brjod pa ste/ /ngo bo gsang pa'i khams gsum mo/ /tshogs ni 'byor ba rnam gsum dang/ /tshom bu cig gsum lnga pa'o/ /de re'ang skabs kyis gsum gsum ste/ /dga' ldan lha dang dgyes ldan mi/ /'byor ldan yo byad lnga bsags pa'o/ /mthun dang tshad phyir tshogs su brjod/ /rnam grangs gnas dang longs spyod lha/ /ting 'dzin spyod yul 'bras bu lha/ / bdag gzhan don tshig la sogs kyis/ /tshogs kyi dkyil 'khor yan lag shes/ /mtshan nyid bar ma gnas dus su/ /bsgrub pa'i stobs kyi rkyen du gsungs/ /rgol ba po dag tshar bcad phyir/ /brjod dang 'brel pa dgos yang dgos/ /brjod pa brjod bya rjod byed dang/ /rang bzhin rgyud dang ston pa 'am/ /mtshon bya mtshon byed rgyus gnyis so/ /'brel pa yang ni 'di lta ste/ /dkyil 'khor gzungs mar 'brel ba dang/ /gzungs ma dbang dang 'brel pa ni/ /gsang dbang mchog ni non tu bshad/ /dbang thob bsgrub la nges bzhugs pa/ /dngos grub rnam gnyis thob pa'i mi/ /gdul bya zhing dang 'brel par
- 507b
gsungs/ /yang na rgyud gsum 'brel pa ste/ /mtshon bya mtshon byed rgyu 'bras tshul/ /shes dang yul du 'bras bu'o/ /dgos pa'i lam rkyen rnam pa brgyad/ /don du gnyer phyir dgos pa'o/ /dgos pa'i dgos pa 'bras bu nyid/ /dgos pa bsgrub phyir yang dgos so/ /rgyud la ldan phyi rgol ba bzlog /mi nub bstan rgyas yun ring phyir/ /gtad pa'i ngo bo rnam pa gsum/ /sdud pa po dang bud med sogs/ /rnal 'byor mig can la sogs pa'i/ /rtogs dang bsrung dang gdam pa yi/ /tha snyad tsam du gtad ces bya/ /skabs kyi dpe yang rnam pa mang/ /rtsod pa che 'phra mi 'thad pa/ /sbyod mi 'tshogs pa gleng gzhi'i tshul/ /bden ba rdzun 'dran pa'i gleng bslang tshul/ /so sor rkang thabs rgyud bshad dpe/ /de gzhung bcos pa lam gyi tshul/ /tha tshig mi 'da' gtad pa bzhin/ /'dra phyir mtshon pa dpe ru grags/ /shes rab tha ma'i don bstan pa/ / bshad tshul snod dang sbyar ba ste/ /bshad tshul pha dang spyi dbang gnyis/ /pha yis 'bru gnas lan btab pa/ /khog dbub sa gcang bzhi por gsungs/ /spyi ni bzung bzhi gcig gi ste/ /thun mong khyad par slob pa'i sa/ /yon tan so so'i mtshan nyid ni/ /de yi bsam pa mthun phyogs su/ /rmad 'byung tshul gyis de bzhin no/ /tha ma don gyi lung bstan pa/ /ngo bo dbye ba rnam pa gnyis/ /lam du rgyu 'bras mthar thug 'bras/ /che la dbang dang phyag rgya che/ /lhun grub rigs 'dzin la sogs pa'o/ /lam dang 'bras bu thun mong brjod/ /mthar thug bskyed du bya ba med/ /'bras bu'i ngo bo sku gsung thugs/ /yon tan
- 508a
'phrin la sogs pa'o/ /de yang skabs kyis lnga lnga ste/ /mtshan nyid cig dang du ma med/ /log par rtog dang sems cig pas/ /thugs rjes gzigs dang byin rlabs 'byung/ /de yang zhi khro la sogs sku/ /tha dad snang la snang ba med/ /bsgrub pa mthar phyin 'bras bu brjod/ /lam dang 'bras bu bcas pa yang/ /'phral du byas pas 'byung min ste/ /sems can dus na lhun rdzogs ste/ /rgyas par bdag gis ma bkod de/ /yig mangs 'jigs dang brjod 'das phyir/ /rnam par phye nas ma bstan no/ /rigs pas skabs su sbyar byas shing/ /tha snyad ji snyed gsum du bsdu'o/ /'gro mang lhan cig ling rtog gis/ mdongs pa'i rgyud don ma shes 'dres/ /bdag gi yi ge 'di bskyod pas/ /sems can dmus long mig phye shog /'di rtog 'gro ba gzhan don du/ /bstan pa rgya cher dpel ba yin/ /kun kyang yang dag mig ldan la/ log lta ma lus tshar gcod shog /sgyu 'phrul man ngag gsal ba'i sgron me zhes bya ba rdzogs so// //blo rno? zab dang myur ldan zhing/ /rgya che ba dang blo yangs dang/ /ral gri rgya mtsho'i ri bo dang/ /nam mkha' mkha' gong rdul phran 'dra/ /dad ring tshul shis rang bzhin bzang/ /dad pa snying rje ldan pa ni/ /chu bo dge slong rengs pa 'dra/ /nyi ma 'byor rtsi pham bzhin/ /mtshan nyid lnga gnyis cig ldan pas/ /de la log dang ma phrad cig/ athi// //bcom ldan 'das rdo rje thugs la phyag 'tshal lo/ /sgyu 'phrul dra ba'i rgyud mchog las/ /bskal mchog dbang mchog lnga ldan pa'i/ /dam pa'i yul lnga mthong
- 508b
gon sa mthar/ /byed phyir mtshan nyid gsum brjod bya'o/ /shes 'jug mtshan nyid 'byor pa'i gzungs/ /'bras bu smin byed rgyu dang rkyen/ /nus mthu can 'gyur bde gshegs rigs/ /yan lag 'byung ba'i bzhi ru bkod/ /bsgrub pa'i rnal 'byor rgyud bshad pa/ /dbang po yul du snang ba kun/ /yul rnams yod pa ma yin ste/ /kun gzhi rnam par shes pa nyid/ /dngos po sna tshogs par snang ba'o/ /dang po pa yi rtag bzhi ru/ / de bzod 'tshol dang 'phel rims dang/ /nges pa gsum dang thog ma'i tshe/ /so so rtogs rgyu gzhung thos pa'i/ /dbang mchog tshig yul byas la brten/ /phyed pas rgyu byas bsams thog tshe/ /gzhung las grags pa'i gtan tshigs lnga/ /sngon 'byung rjes sogs las nyid dang/ /mi mthun mthun pa'i gtan tshigs ces/ /des na rang spyi mtshan yul la/ /bshes gnyen bdag po rims 'di zag /dad pas 'dod dang bag chags rgyu/ / shes rab spyan mchog rang rig nyid/ /gdod nas shes rab lnga yis mtshungs/ /gces smos la sogs lhan cig byed/ /de dag sgo nas 'tshol byed pa/ /kun tu rgyu zhing 'dod smon byed/ /de yis gzung 'dzin spyod yul mdza' / /yod med lung du ma bstan las/ /tshol na skyon gsum 'du mi snyed/ /de dag mi 'dor bral la tshol/ /'on kyang gnyis rdzogs gnyis med don/ /kun yin gang kyang min pa'i phyir/ /phyogs bral phyogs bdag bsam brjod 'das/ /thams cad mkhyen don bco lnga bcod/ /sems chos ye nas dbyer med phyir/ /brgyad drug shes pa shes rab mchog /nges pa nyid du rgyal bas gsungs/ /de tshe g.yo smon 'jug pa'i
- 509a
dang/ /ngo bos 'brel phyir gzhi nyid nas/ /'dir 'jug nges pa'i don du rung/ /la la thun mong lam rnams nas/ /rkyen rgyus 'dir zhugs slob par ngas/ /kha cig sems brgyad nas rgyud de/ / skal pa zhing gi rdul snyed nas/ /thun mong mchog lam sbyangs pas 'phrang/ /thun mongs mthar byas pa'i tshe/ /yang dag sku gsung thugs bco lngas/ /byin brlabs 'tshal bar mos snang bas/ /'khor los la 'gyur ba'ang nges/ /tha ma'i tshen gsung lnga yis/ /dngos ston sngon 'byung lam shes bya/ /rjes su 'jug pa'i shes 'tshol tshe/ /mos pa tha dad dbang gis na/ /bde gshegs sku gsung lnga tshul gyis/ /so sor 'tsham par bstan la dbab/ /bskal pa gsum na sbyangs pa yis/ /zab mo gsang thos bzod thob des/ /chos sku gsung gi tshul bzhin du/ /brjod med don gyis bstan la dbab/ /longs spyod rdzogs sku'i gsung lta bu/ / dgongs dang brda' yis gtan la dbab/ /sprul pa'i tshig gis gsung lta bu/ /brjod pa tshig gis rnal bar bya/ /mngon par byang chub gsung de bzhin/ /rig pa brlabs kyis gtan la dbab/ /rdo rje sku yi gsung lta bur// gnyis med mdza' bral don gyis dbab/ /la la ngo bo nyid gsung ltar/ /snang srid mthong thos nyid kyis 'bebs/ /gsang ba sku yi gsung lta bu/ /dpyod pa thabs kyis 'phebs bar 'gyur/ /la la sngon 'byung bstan pa bzhon/ /ji bzhin don dam nges pa'i tshig /rang rkyen mtshan ma'i gtan tshigs dang/ /ldem dgongs sbyor ba'i gtan tshigs dang/ /bkri dang rgyud pa'i gtan tshigs kyis/ /so so'i blo la nges byed cing/ /brtag yul yongs su
- 509b
bshig byed cing/ /de dag las kyi gtan tshigs 'gyur/ /des na gtan tshigs dbang brtsan bar/ /gtan tshigs ma gyur gang yang med/ /de las re zhig tshig dbang du/ /dngos po brtan la phebs mi phebs/ /dbab med ston pa'ang de yin te/ /mthong snyed byed phyir dgos yod la/ /so sor rtog pa'i yul du 'gyur/ /'tshol tshe dgos phyir de ltar nges/ /de la cig shos thun mong mchog /thun mong grags pa rnam bzhi sogs/ /thun mong min pa rnam pa gnyis/ / tshig don mthun par 'bebs pa dang/ /gtan tshigs don tshig mi mthun pas/ /gtan la 'bebs par byed pa'o/ /dang po tha snyad gtan la 'debs/ /de bzhin nyid 'bebs dag mnyam rtogs/ /bden bdag gnyis med la sogs pa'o/ / gnyis pa ci yang ma yin la/ /ci yang yin dang grub ma grub/ /de sogs don 'dod ci yang min/ /phyir yin phyir grub phyir ma grub/ /phyir brjod bstan tshigs la sogs pas/ /mi 'dra bltos rgyu ngo bo'i phyir/ /de dag gtan tshigs 'gyur bar nges/ /de yang skabs 'dir de la brten/ /de des yul dang shes pa dang/ /'das 'khor snang ba shig bya ba/ /med na mi 'byung tshul nyid dang/ /de ma grub pas de ldog dang/ /snang ba rang snang thabs chen de/ /snang bzhin ma grub shes rab nyid/ /bar ma sems rtogs rnam par thar/ /lnga bzhi gnyis sogs snga phyi 'phel/ /lam grangs 'phel ba'ang 'dir shes te/ /skabs skabs nyid du the tshom med/ /de mthar bzhi mthar rdeng ldan pas/ / dbyings dang rig pa gnyis med par/ /de bzhin nyid su rdo rjes rig /gzung 'dzin bral ba'i rang rig nyid/ /dmigs med tshul du der snang ngo/ /byang chub sems snang thams cad ni/ /shin tu brtag dka' gting zab pas/ /
- 510a
ma dmigs mi dmigs dmigs su med/ /sems nyid de ni ji lta bur/ /byang chub de ni sems yin no/ /sems dang byang chub dbyer med pas/ /sems can ma lus thams cad dang/ /dus gsum chos rnams thams cad dang/ /thams cad ma lus chos so cog /sems dang byang chub nyid du 'ub/ /yangs shing rgya che lhun grub ni/ /phyi nang snod bcud ye nas dag /dag rtogs nyid kyang dbyings nyid yin/ /'di na rdo rje mnyam yin no/ /byang chub sems zhes brjod pa ni/ /gang nas ma 'ongs gar mi 'gro /rtog med rang rig kho na tsam/ /sangs rgyas sems can sems la gnas/ /mnyam pa'i don nyid ji lta bu/ /mnyam nyid rang bzhin gang yang min/ mnyam dang rtog pa gnyis ka med/ /thams cad lhun gyis grub pa dang/ /sgyu ma mig yor tshul shes pa/ /gnyis ka rang rig nyid du 'dus/ /chos rnams ma lus thams cad kun/ /rang bzhin ye nas dag pa yis/ /sus kyang ma/ byas dngags gsal/ /ma chags pad+ma 'dra ba yi/ /ye shes can gyi spyod yul ni/ /kun dang thun mong de ma yin/ /de bzhin gshegs pa'i spyod yul de/ /skyes bu blo rtsal rab kyis rtogs/ /thams cad ma lus cig pa'i dang/ /lta dang lta bar byar med pa'i/ /ye shes sgron mar spreng ba ni/ /phyogs bcu'i zhing khams thams cad mthong/ /thams cad ma lus don 'byung ba/ /tshig gis mtshon las gud na med/ /sgra nyid don gyi dngos po med/ /don nyid sgra las gud na med/ /sgra dang tshig tu brjod pa ni/ /yang dag don gyi snying po 'byin/ /ming tshig sgra la ma brten par/ /blo yi gting du go bar byos/ /dngos grub mchog gi snying po ni/ /dang po
- 510b
don rtogs mdza' mi gtong/ /chu srin phyag rgya ji bzhin phyir/ /skye bar grangs kyang lhung mi 'gyur/ /tshong dpon lam mdza' i bsam pa bzhin/ /bsgrub pa'i rigs 'di rigs 'dzin bzhi/ /shes rab dang po smos pa gsum/ /bar du rgyu 'tshams 'bras bu gnyis/ /bar tshad med sbyor shes rab rims/ /mdza' gsum kun 'gro mi g.yo dang/ /mthar phyin shes rab rims shes dgos/ /bdag nyid mi mthong shes rgyud la 'byongs pa/ /gzhan du 'tshongs shing rmongs pa'i sems can gyis/ /bstan kyang ma thos mtshon kyang ma mthong bas/ /bdag dang gzhan du 'tshol bas sangs mi rgya/ /ma g.yo bkod pa bsrung bar rel/ /mdzad pa gnas stobs rim don gnyer/ /'tshang zlos ting 'dzin dkyil 'khor dang/ /dam tshig 'phrin las spyod pa dang/ /mchod pa dbang dang bsgrub pa dang/ /phyag rgya sngags kyis lta ba rnams/ /shes tshor bya'i tshig tsam min/ /de bas lam 'di bye brag mthong/ /thig le chen po'i rang bzhin la/ /bsgom pa rnam gsum dus gcig rdzogs/ /de nyid ma bcos mi g.yo'i phyir/ /de ni de bzhin nyid kyi dbyings/ /de nyid kun gsal ye shes phyir/ /de ni kun tu snang gi dang/ /'bras bu'i chos rnams kun dngos phyir/ /de ni rgyu yi rim par ldan/ /rang rig byang chub dkyil 'khor dang/ /thams cad kun la 'khyol bar gnas/ /gzung 'dzin bral ba'i ye shes ni/ /de bzhin gshegs pa kun gyi gnas/ /gzhal yas khang dang dkyil 'khor dang/ /khro tshogs 'du 'phro mang po dang/ /sems kyi cho 'phrul chen po yin/ /dam tshig dam tshig zhes bya ba/ /gud na yod pa ma yin te/ /rang gi lta ba dam tshig yin/ /sbom pa rnam pa bcu
- 511a
gsum dang/ /spyi'i dam tshig mdza' yas pas/ /thig le chen po'i ngang du gsal/ /bya ba med pa'i tshul gyis su/ /kun la thogs pa med par sbyad/ /bzhi yi las dang cig po 'ang/ /thig le tshan po'i dang du gsal/ /dngos por zhen bcom bdag dbang bsdus/ /bdun rgyas zung ngu gnyis zhi mthong/ /spyod pa rnam pa gnyis po yang/ /thig le chen po'i ngang nges phyir/ /cig la mi gnas kun la sbyod/ /spyod par byed dang spyad par med/ /mchod pa'i brgyan dang longs spyod kun/ /bya byed gnyis rnams las de yang/ /rig pa byang chub sems chen po/ /cho 'phrul chen po'i dang du 'dus/ /bdag nyid chen po'i ye shes las/ /dbang lnga ma btsal dus cig rdzogs/ /thob bya thob byed thob byas pa/ /rig phyir gzhan nas thob pa med/ /bsgrub med spangs med chos nyid du/ /'gro med 'ong med de bzhin nyid/ /thams cad gnyis su med pa la/ /bsgrub dang bsgrub pa ga la yod/ /dper na sgyu ma'i cho 'phrul ltar/ /don du gnyer ba 'ang chud par byas/ /brag ca'i sgra dang chu zla bzhin/ /sgra gzugs mdza' dang bral bar rtogs/ /phyag rgya chen po'i mtshan nyid ni/ /phyogs bcu dus bzhir gshegs pa yi/ /sku gsung thugs dang ye shes lnga/ /bdag dang dbyer med phyag rgya che/ /phyag rgya bzhi bcu gnyis po la/ /thig le nyid las gzhan pa med/ /sngags zhes rab tu brjod pa'ang/ /don dam kun rdzob dbyer med pa'i/ /mnyam pa'i dkyil 'khor chen po ru/ /sku gsung thugs kyi yi ge oM/ /de sogs yi ge bzhi bcu gnyis/ /rtag tu mnyam gzhag phyag rgya ni/ /dus gsum ting 'dzin phyir sngags yin/ /rnam par dbye
- 511b
ba de dag kun/ /thos bsam rten pa las byung dang/ /chags pa g.yas g.yon lam las skyes/ /rgyud pa'i rnal 'byor las skyes pa/ /sa'i cha yis phye na ni/ /nus pa thob dang ma thob kyis/ /mthong lam gnyis su gyur pa yin/ / zag yod zlog pa'ang gnyis yod de/ /mthu yis ngan 'gro ldog mi ldog /sngon gyi shes 'jug brgyad la yod/ /mthar zhes 'jug la ga la yod/ /skabs gnyis mthar phyin rnam pa gnyis/ /yod phyir cig la gsum gsum ldan/ /des na spyi dang bye brag shes/ /gong gi don ltar ma rtogs pa'i/ /blo ngan mnyam par khungs phyung nas/ /ma rtogs le lo snyoms las byas/ /don ma grub par ngan song 'gro/ /sems kyi mnyam pa ma gtogs na/ /tshig gi mnyam pa sangs mi rgya/ /de bas don tshig ldan par byos/ /'on tang the tshom med par 'grub/ /bsgrub pa'i rkyen 'jug rnal 'byor spyod/ /rnal 'byor rkyen yang rnam lnga ste/ /skor bdun dngos nyid rang rig pa/ /don dam kun gyi rgyu yin phyir/ /lhag pa'i rgyu de dang por bsgom/ /bsam bya bsam par mi bya ste/ /mi bsam par yang mi bsam mo/ /'du shes kun bral ting 'dzin mchog /de bas rang sems rtogs byas te/ /le lo g.yeng ba yongs spangs te/ /nga dang bdag med par mnyam bsrung/ /mnyam pa'i dam tshig 'bral mi bya/ /yid shes de bzhin nyid mi dmigs/ /ci smos 'tshogs brgyad spyod yul rnams/ /mi rtog gyur pas dus gcig gsal/ /de phyir thams cad mkhyen sgom yin/ /de ltar rgyu la rten pa yis/ /gnyis phyir 'tshams sbyor ting 'dzin bsgom/ /de yang gnyis te phyag rgya dngos/ /phyag rgya shes nas dus min phyir/ /mi sgom cig
- 512a
shos rang rig la/ /sdug bsngal nyon mongs dang gis med/ /kun tu rang gsal ye shes la/ /gnyis med don gyi gdung ba'i mchog /yongs sgrol las kyi skyabs kyis phul/ /de mthong de la zhen bar bya/ /de ltar mthong goms su yod pa/ /gnyis las gsum gyi skyo pa'ang 'byung/ /de la bstan par don bsgrub phyir/ /'bras bu'i ting 'dzin rims bzhin bsgom/ /sems nyid yi ge phyag rgya dang/ /sku yi ngo bo rang snang phyir/ /'bras bu rgya cig spros bsgoms pa'ang/ / sngon rjes cig la goms byas pas/ /rnal 'byor rig pa dbyibs med 'bru/ /kha dog med pa'i kha dog lnga/ /gang rung nyid dam gtsor hUM bsgom/ /de la kha dog med sngo dbyibs/ /med pa'i thug yig rang rig shar/ /brtan nas brgya gnyis rim brtan dang/ /yongs 'gyur rgya che zhal gcig pa/ /phyag gnyis yan lag tshang byas pas/ /rang bzhin phab mchod bzlas par bya/ /de gom drug la'ang de bzhin no/ /yang na mos pas khros pa bsgom/ /de yang de'i tshul bzhin bya/ /spyod yul drug nyid phyag rgya ldan/ /bstan nas spros pa'i rnal 'byor la/ /zhi khro gang la sngon byas pa'i/ /zhal phyag grangs dang phyag rgya'i grangs/ /gsum dang lnga dang dgu rtsa cig /dgu brgya la sogs zhal phyag dang/ /rigs gsum lnga dang bzhi bcu gnyis/ /rigs sam tshom bu'i grangs bzhin bslab/ /goms nas chu la nya ldang tshul/ /skad cig brjod pas 'od du 'bar/ /stong gi dkyil 'khor man chad du/ /rang rig gsal shar mthar phyin pa'o/ /stong khri ci smos tshem bu 'ang/ /shin tu bstan nas gnas khang dang/ /yo byad lnga sogs ldan byas te/ /bsgrub pa dus kyis tshogs la sbyar/ /zla drug bcu gnyis bcu bzhi drug /khams dang brtson
- 512b
'grus shes rab dang/ /ting nge 'dzin 'bring mthar phye bas/ /dus der rnam smin lus de nyid/ /rdo rje lus gyur tshe la sbyor/ /mi ldog sa la nges par phyin/ /shes rab ting 'dzin min pa yi/ /sman sngags la sogs tshe las 'phags/ / ldog bcas bzhi dang sbyor lam du/ /rdo rje'i lus su ma grub par/ /rkyen gyi las kyis lus 'jig na/ /spyod yul gyur tshe rang rang gi /rnal 'byor gsal byas stobs chen pos/ /las ngan rgyun bcad 'brel pa yis/ /bde gshegs sngags dang bskol mi 'gyur/ /gnyen bshes dam mthong lam la sbyor/ /mdor na shes 'jug drug la 'ang/ /skabs kyis rgyu rkyen 'bras gsum ldan/ /de de de'ang dgos ched gnyis/ /'jug tshul gnyis kyis sbyar bar byed/ /spyod pa rgyun gyi tshogs bsags phyir/ /bdag dang gzhan don sgrub bya ba/ /zag zlog mthong lam bslob byed pa'i/ /spyod byed bcu mthar 'byin byed pa'o/ /rnal 'byor dang po bdag phyi ru/ /bya byed mi dmigs tshul spyod pa/ /gnyis pa mtshan med bzhi la rol/ /gsum pa rnal 'byor phyogs la 'bad/ /bzhi pa rnal 'byor spros la spyod/ /lnga pa dus kyi 'tshogs la rol/ /gzhan phyir so so'i rnal 'byor gyis/ /don byed ci smos dang po bcu/ /gzhan la ston cing bkri bar byed/ /spyod lnga mos slob cing 'dzin dngos/ /gnyis kar g.yeng mor grol bar spyod/ /dbang sgyur thabs kyi spyod 'dra yang/ /rnal 'byor mthu yis khyad par 'gyur/ /de bzhin las bzhi tshad med bzhi/ /'tsham par dus la spyod pa'ang/ /shes rab ting 'dzin stobs kyis phye/ /bdag gam gzhan phyir spyod lam bu/ /rnal 'byor rim bzhin sgo gsum sdam/ /longs spyod rnam drug rnal 'byor rim/ /mthun spyod rang grol gzhan mos gzhug /longs spyod
- 513a
bde ba'i bsod nams nyid/ /zin chags bral ba'i ye shes mod/ /de de'ang sa yi zag dang sbyor/ /lam bzhis zag med slob par 'gyur/ /snyan gsan mthong ba'i bsod nams dang/ /dbang dang rnal 'byor bsgrub pa dang/ /mchod pa'i 'phrin las dkyil 'khor dang/ /spyod sogs kun la'ang tshogs gnyis te/ /spyod dang ma chags cha yis dbye/ /rgyun tshogs gdod mdza' ldan par spyod/ /bdag phyir rnal 'byor grogs spyod pa// spyod lam kun tu nyams mi bya/ /de nyid gzhan phyir sems spyod pa/ /don du bya ba rnam gnyis rdzogs/ /de de de yi nus pa can/ /rnam smin tshe yi lus phye nas/ /lhag ma yod med lung bstan pa/ /mthar lam dngos la sbyar bar byed/ /phyag rgya cig bstan 'phos pa'ang/ /khyud dang seng ge ji bzhin no/ /spros tshogs skabs na smos ci dgos/ /yid kyis lha yi gzugs bstan cing/ /phyag rgya sku nyid gsal 'gyur ba/ /lhag ma bzhag pa'i bar ma la/ /de men phyag rgya chen por smin/ /las kyi lus snubs rnal 'byor smin/ /ma rag cha la ming btags pa/ /smin pa'i ye shes lus su 'grub/ /rgya mig rgyas lta bu'i tshe/ /dgongs spyod 'gyur sa gsum 'drar spyod/ /sngon bzhin chogs kyi dbang sgyur rigs/ /'dzin sbyor de nyid kyis bsgrubs pa/ /gzhan gyi bskal par gnas mod kyang/ /bdag phyir bcu drug tshun chad rdzogs/ /de tshe bsam yas lhun 'grub la// bsgoms mdza' stobs kyi 'jigs dang bral/ /shes 'jug rgyu rkyen stobs kyis skyes/ /mthong nas gnyis med sku rdzogs pa/ /mthar phyin lhag ma'i lus smin te/ /ye shes sku lus nyid du 'grub/ /gzhan phyir smon
- 513b
dang sprul pa'i lus/ /thob nas tshogs chen sa la sbyor/ kha cig dbang bsgyur rigs nyid nas/ /bcu drug rgyun gyis sku lnga rdzogs/ /kha cig phyag rgya chen po nas/ /bla med kun tu bzang por 'gyur/ /rin chen bzhi yi rgya mtsho la/ / zho mar me yi snang byed ltar/ /kha cig rnam gsum bgrod pa'i mthar/ /lhun grub rigs las rdzogs sangs rgyas/ /shes rab dang lnga rnal 'byor bdag /gzhi cig slob pa'i bsam yas pa/ /rnal 'byor bogs las skabs mi 'byor/ / mi ldog mi g.yo mthar byin pa/ /kun 'gro 'jigs bral yong rdzogs dang/ /rtsa la rdzogs mdza' ma'i sbyor zhes bya/ /bdag gzhan phyir na'ang spyod pa lnga/ /tshad med la sogs spyod pa rnams/ /mi gos mod kyang sgrib pa gsum/ /gong 'og cha yis dag pa'i phyir/ /de nyid lam la khyad par 'gyur/ /yul dang shes pa mtho dman yod/ /de bzhin mngon shes spyod pa yis/ /cho 'phrul bzhi rnams 'drar thob mod/ /rnam gsum yul dang zhing khams dang/ / byin rlabs la sogs khyad par 'gyur/ /bdag phyir yongs su ma chags dang/ /shin tu mi g.yo'i rnal 'byor spyod/ /shes rab rtsal gyis spyod pa yin/ /sa rnams yongs su 'phar bar byed/ /de yang dang po dang po dang/ /skal mnyam gnyis pa'i rigs mchog ste/ /brgyad pa'i sems par skal pa mnyam/ /gsum pa bcu dang skal mnyam/ /dgongs spyad rgya mtsho khyad par 'phags/ /lta ba'i sgrib pas bye phyir ro/ /mthong bas ched du cho 'phrul ston/ /rnal 'byor mi g.yo bzhin sprul dang/ /brtsal ba med par cho 'phrul mdzad/ /de de de yis bye ba yin/ /de mdza' lhun gyis grub pa de/ /drug pa'i rgyal tsha ba skyes bu mdzad/ /gsang ba'i 'khor lo yang dag skor/ /kun la mthun pa'i
- 514a
gzugs ston cing/ /mdzad pa bcu gnyis chos kyang ston/ /so so thar pa'i lam yang ston/ /las rnams thams cad kun byas nas/ /skye shi med pa'i g.yung drung thob/ /des na mthu can rnam gsum po/ / sprul pa longs spyod drug pa la/ /rim par zhal mthong nyan mod kyang/ /cig gi ston par cig gyur pas/ /rim pa bzhin du slar gyur par/ /khyad par che ba de ltar yang/ /skabs nas rdzogs sangs rgyas pa'ang/ /rgyu dang dgongs dbang dgongs phye bas/ /khyad par med pa de 'dra yang/ /de phyir mnyam par lta ma yin/ /de ltar rnam gsum gang zhig nas/ /thams cad mkhyen pa mngon byas pa'i/ /rang bzhin lhun grub dkyil 'khor du/ / ye shes lha mo rol dbang gis/ /seng ge lta bu'i gsung go bas/ /dngos po rang 'byung ye shes myong/ /rdo rje 'dzin pa spyi gzugs can/ /sku gsung thugs mnga' gsung rdzogs de/ /byin brlab byin dang bstan pa'i phyir// lnga gsung kun gyi bstan bzang/ /de phyir mun pa rnam gnyis so/ /rnal 'byor ye shes stobs dang ni/ /rim pa thob pa'i stobs bcom pas/ /gsang ba'i ye shes phyogs bral rgyas/ /sku gsung thugs dang yon tan las/ ngo mtshar 'bras bu gzhan min te/ /thabs la bstan pa'i shes rab nyid/ /de lta bu'i dang ru 'byung/ /spyod yul bral bas ma chags phyir/ /chu skyes spyan gyis sa yang thob/ /phung sogs rang bzhin dkyil 'khor der/ / mngon byas tshogs chen sa zhes brjod/ /de nyid rang 'byung 'od gsal ba/ /sngon byas ye shes bla ma'o/ /kun gzhi ma bcos sngon byas phyir/ /de bzhin nyid du gshegs pa'ang/ /drug 'gro brgyad rgyud tha dad kyang/ /
- 514b
rigs rgyud med phyir shin tu cig /lhun grub mdza' bral gcig pu ma 'dres yongs rdzogs pas/ /thams cad mkhyen nyid bsam yas kyang/ /rang rig de bzhin nyid du 'dus/ /de nyid thabs chen ma 'dres phyir/ /cig dang du mar bral bar cig /rang sems lhun grub mdza' bral te/ /gdod nas cha shas gnyis med pas/ /ma 'dres yongs rdzogs snying po de/ /mngon byas 'dra phyir kun yang cig /dus bzhi sems phyir kun 'bral ba'i/ /gzung 'dzin bral ba'i ye shes ni/ /de bzhin gshegs pa kun kyi gnas/ /de phyir gnas der kun kyang cig /sems nyid gdod nas chos sku tshe/ /de bzhin nyid kyi de nyid ni/ /dpag med sangs rgyas pho brang phyir/ /de na kun bkod der cig gnas/ /'gro ba'i dus na rgyud drug nyid/ /rigs rgyud mtshan dang gzugs ris med/ /de yang de phyir rgyal ba'i rgyud/ /gnas 'gyur cha gzung ga la yod/ /'on te thams cad cig zhe na/ /gnas 'gyur rdzun zhing stong mthar 'gyur/ /dgos pa skye ba kun gzhi sems/ /gdod nas rang 'byung lhun rdzogs kyang/ /mtshan nyid mdza' bral bkod med pa'i/ /'khor ba mya ngan 'das kun dngos/ /smra bsam bral ba 'di 'drar med/ /ye shes lnga yang rang 'byung gi /cha lnga brtags kyi gzhan pa med/ /da phyir cig mthar lhung ba med/ /rgyal ba de nyid rin chen ltar/ /kun gyi spyi gzugs yin pa'i phyir/ /rgyal tsha ba lnga la ris yod kyi/ /yang dag rdzogs sangs rgyas la med/ /rgyal ba kun dang dus gsum chos/ /bdag phyir kun phyi spyi gzugs can/ /cha gnyis yod par gang gis rung/ /yang na bdag nyid che na po rdzun/ /nyi zer nyi ma 'am shing me bzhin/ /ngo bo cig la ye shes rgyud/ /so so yin na sprul pa'ang//
- 515a
gdul bya cig la mthu gnas pa/ /sems dpa' che dang khyad med 'gyur/ /spyan drangs byon dang ma byon 'byung/ /gzhi don lung rigs kun dang 'gal/ /skugs rjes 'brel pas rigs chad 'gyur/ /de phyir shing me dpung lta bur/ /ye shes ston pas bkri grang phyir/ /rung gi yan lag nges par men/ /de bas sangs rgyas yang sangs rgyas/ /log pas rtogs rtags rnam dag cing/ /ye shes dbyings las mi zhan phyir/ / thugs rje chen po 'brel pa yis/ /'gro drug dus gnas ma lus gnang/ /mtho dman kun gyi gzugs gnang dang/ /bla med byang chub sku snang ba/ /me long lta bu'i tshul bzhin du/ /sna tshogs kha dog dbyibs su snang/ / chos rnams ma lus thams cad kun/ /byang chub snying po'i dang nyid du/ /mkha' la 'ja' snang ma 'dres cig /de phyir yul med thams cad mkhyen/ /dpag bsam shing dang rin chen ltar/ /rtog pa med par re ba skong/ /nyi zla chu dang gzugs brnyan ltar/ /'gro 'ong med par kun la snang/ /sku gsung thugs kyi bye brag rnams/ /ji ltar 'tsham par grol bar byed/ /thugs rjes 'gro ba'i sems la son/ /dus gsum kun la snyoms par zhugs 'gro ba lam log lam gtor zhing/ /dbang po lnga bral bcong snying gis/ /zin phyir lam mchog sman chen 'di/ /bsdus pa mdza' yas rgyal bar shog /sgyu 'phrul dra ba'i lam bshad pa/ /slob dpon bi ma la mi tras mdzad pa rdzogs so// // */ /dpal rdo rje sems dpa' la phyag 'tshal lo/ /ma skyes lhun grub dmigs med rang rig sna tshogs par snang ba/ /yig sogs dbang sgyur phra mo'i rigs
- 515b
snang thabs bsam lhun grub ni/ /lam bzhis bsgrub bya mngon sum rang rig 'brel pa'i tshul gyis sus mdzad pa/ /mnyam shes mos sbyor mngon byed skyed tshul rim gnyis rang snang tshul phyag 'tshal/ /bsgrub bya gzhan rgyus mi skyed de/ /rang bzhin thabs 'brel mngon byed pa'i/ /thabs chen gsang ba'i rim 'di dag /thams cad rgyud du ma bstan pa/ /bstan pa'i snying po gsal mdzod pa'ang/ /lus rnams rim pa yan lag bcas/ /rgyas btab gzu lums ston mdzad de/ / rdo rje'i las gnyis gtad pa dag /gtan tshigs gnyis rjes rigs 'brangs nas/ /rnam gsum dang ba'i las dag gis/ /bla ma snyen byed don phyir 'bye/ /rim 'di gnyer gnyis kyis dbye na/ /lus kyi rnam pa gsum gnyis ste/ /rang bzhin ting 'dzin lngar shes bya/ /rang bzhin rkyen gyis mngon byas pa/ /rgyu la 'bras bu'i ming btags kyang/ /gsal zhing gsal bas gsum du 'gyur/ /'di dag mtshan nyid bsdu ba ni/ /shes 'jug mtshan nyid 'byor pa'i gzungs 'bras bu smin byed rgyu dang rkyen/ /nus mthu can du gang gyur pa/ /rigs 'dzin rgyal ba'i zhing du grags/ /bar ma goms pa'i lus nyid ni/ /srid pa 'byung ba'i rims tshul gyis/ /rang bzhin yan lag bzhi ru 'gyur/ /de dag 'brel pa'i mtshan nyid ni/ /phung sogs rang rig dkyil 'khor gyi/ /dkyil 'khor nyid kyi dbyings yin par/ /tshad ma gsum gyi dngos po yis/ /shes nas bsgrub pa'i gzhi ru bzhag /dag pa rnam gsum ma nor zhing/ /rang rig rgyal po goms pa yis/ /byang chub mchog 'di rnyed pa'i phyir/ /mtshan nyid gnyis pa'i dang por bzhag /bden gnyis rgyu 'bras tshul dag gis/ /don dam skye 'gag med pa ste/ /kun rdzob sgyu ma ci yang 'gyur/ /mnyam
- 516a
nyid gsang ba dkyil 'khor dbyings/ /dbyings nyid ye shes thig le'i dang/ /de nyid gzugs brnyan sgyu ma'i tshul/ /snang byed nyid nas ma grub pas/ /ye shes dkyil 'khor bzhi bcu lnga/ /bden pa gnyis su mi 'gyur phyir/ /ye shes sgyu ma rjes su bstan/ /ye shes sgyu ma'i lus nyid ni/ /rang bzhin cig tu ma nges pas/ /cir yang med la cir yang snang/ /rdzu 'phrul mngon par shes tshul gyis/ /cig dang du ma ma nges pas// phyi nang snod bcud hUM du gyur/ /phra mo'i lus su sems dpas gsungs/ /phung sogs rang bzhin dkyil 'khor tshogs/ /'di la rim pa yod min te/ /shes bya bsdud pa'i tshul dag gis/ /du ma dngos po cig gis snang/ / skal pa sman pa'i don phyi ru/ /nges phyir rjes su bzhag pa yin/ /yan lag mtshan nyid 'dir gsungs pa/ /dum gcig bral shes rab kyis/ /zin pa thabs kyis mi 'ching zhing/ /nges par tshogs su 'gyur ba'i phyir/ /yo byad lnga sogs ldan par bshad/ /'di dag dgos pa'i don yin no/ /de yi yang sgos bstan par bya/ /ting 'dzin spyod pa 'brel goms dang/ /yo byad cig gis thabs chen po/ /ting 'dzin yongs su dgrol ba'i phyir/ /drug sogs mang po'i ri myong yang/ /ma lus bdag las gzhan med phyir/ /mi dmigs mkha' dang snyoms pa yis/ /dgyes pa chen por longs spyod pa/ /dbang po yul du sbyor zhes bya/ /'khor ba spangs med sangs rgyas zhing/ /rgyan gyi dkyil 'khor lhun gyis 'grub/ /bdud bzhi bcom pa'i dpa' bo ni/ /de las snang phyir der bzhag go /'di dag phal gyi yul min phyir/ /gzhan dag rgyud dang 'di nyid du/ /ma gsungs
- 516b
shin tu gab pa yin/ /yun dang rtsod par skal med phyir/ /ngang gis blo dman sgra goms nyung/ /ser sna rang phyogs khengs sems kyis/ /dul bcas gus pa'i bsnyen bkur med/ /rdo rje spun la de bzhin te/ /lam kun blo dang mi 'tsham phyir/ /chung dus mya ngan 'da' bar sems/ /gang yang phyogs cha chub pa dang/ /ston pa gnyis la rgyab phyogs pa/ /gsang ba snying po'i snod min phyir/ /kham par seng ge'i zho mi blug /rmongs dang 'phyar bas gal te byin// dus min par ni srog zad nas/ /sregs dang sbrebs par yun rings gnas/ /mgo 'gas snying yang 'tshig par 'gyur/ /khab len gyis ni lcags sdud ltar/ /mi 'dod bzhin du dbang med par/ /bskal par ngan song myong bar 'gyur/ de bas shin tu gsang bar bya/ /bran mdza' bzhin du gsum gnas shing/ /chags gnyis bral pa'i bsnyen bkur can/ /shes rab rgya chen blo yangs pa/ /snying rjes sems can mi bslu zhing/ /blo brtan ngang tshul bzang la sbyin/ / gser byis blug pa'i seng ge'i zhos/ /zho ngan thams cad 'thor bar nus/ /de bas lam 'di snod brtag bya/ /dang po yan lag bcas pa'i lus/ /rgyu rkyen byed pa ngo bo dang/ /rang bzhin mdza' drug gis rdzogs 'gyur/ /yang dag gshegs dang log pa gnyis/ /ngo bo nyid kyis gnas gyur na/ /de la bcos shin sgyur du med/ /ye nas rang bzhin dbyer med phyir/ /nyon mongs spangs zhing spyad sgrub med/ /so so'i rang bzhin nges zhe na/ /yang dag lam gyis bcos su med/ /de bas yang dag blo chen gyis/ /thams cad dngos po med par bshad/ /'khor ba sems phyir bdag med pas/ /de phyir de bzhin gshegs bsam yas/ /thabs dang shes rab ldan gyur na/ /phyin ci log
- 517a
nyid byang chub lam/ /'khor ba'i rang bzhin mi dmigs phyir/ /mya ngan 'das pa'ang yod ma yin/ /de shes bya phyir sgyu sogs dbye/ /ma rig lhan cig mtshungs pa'i rgyu/ /gti mug ming gi rnam grangs te/ /rang rig nyid la nyams med phyir/ /gnyis med don cig yin par bshad/ /chos dang bdag tu dngos po rnams/ /ngo bo yod sogs brtags pa yi/ /rtog pa sgyu ma'i rlung 'gyur bas/ /phyi nang rten 'brel gnyis 'khor phyir/ /srid pa'i nyes dmigs bdag las byung/ /rnam rtog rang gi sems yin phyir/ /chos rnams ma lus thams cad la/ /byang chub snying po yod par lta/ /rang bzhin ye nas 'od gsal ba'i/ /byang chub snying por thams cad thim/ /de phyir rang bzhin ma skyes pas/ /thams cad ming tsam stong nyid med/ /thams cad ma lus stong zhes te/ /sa rdo dran med ma yin pa/ /rtog med rang rig 'od gsal ba/ /'di ltar snang ba thams cad kun/ /brdos pa can gyi chos min te/ /shes ba 'ba' zhig kho na'o/ /de phyir brtan g.yo ma lus kun/ /sgyu ma'i rang bzhin bya byed kyang/ /snang ba nyid na ngo bo med/ /de nyid chos skur rang gnas pas/ /kun bzang rdo rje sems dpas gsungs/ /nyon mongs las kyis lhan cig byed/ /nyon mongs rang dang spyi bstan pa/ /mtshan nyid ma nor don rtogs na/ /rnam par byad pa'i lam du 'gyur/ /sku gsung thugs kyi dngos grub kyang/ /gang na'ang med de de nyid yin/ /sgyu ma rtsal 'dzin thabs su 'phros/ /mtshan rnams mi dmigs shes rab sbyor/ /gnyis med ye shes byang chub sems/ /nyon mongs spyi yi mtshan nyid ni/ /mi rtag sdug bsngal stong bdag med/ /rang mtshan chags sogs snang ba ni/ /rnam rtog
- 517b
nyid na sems nyid de/ /rang bzhin rang rig 'di gsal phyir/ /nyon mongs ye shes spang bsgrub med/ /rtog zhen po la sgyu snang ba'ang/ /sems nyid rang bzhin ma skyes pas/ /de nyid yi ge sgras mtshon ste/ /snang stong gnyis med chos sku'i rgya/ / las rtog mi mthun tha dad phyir/ /rang mtshan sgyu ma lngar snang ba/ /rang bzhin dbyings las ma g.yos kyang/ /gdul bya so so'i don byed pa/ /cha gnyis ldan pa'i yig tshul gyis/ /gsung gi phyag rgya chen po yin/ /de ltar sgyu nas don lnga dag /rang rig sgyu ma lngas gsal ba/ /sems phyir cig dang du ma med/ /bden pa gnyis kar dbyer med phyir/ /de bzhin ting 'dzin dbang bsgyur na/ /ye shes lnga ru gsal ba nyid/ /yi ge rdzogs pa'i tshul nyid kyis/ / thugs kyi phyag rgya chen po yin/ /de ltar don lnga dag pa nyid/ /mya ngan 'das pa'i rang bzhin la/ /thabs dang shes rab ma rtogs bas/ /ma grol khams gsum 'khor ba yin/ /de ltar nges par cis mngon na/ / sngags kyis yongs su zin pa'i dug /kun la gnod pa byed mi nus/ /thabs dang shes rab rtog ba yis/ /dug gsum sdug bsngal gnod mi 'gyur/ /thabs dang shes rab ldan pa la/ /nyon mongs thams cad byang chub rgyu/ /lus ngag yid gsum rang bzhin ni/ /snang gtong gnyis med sku gsung rgya/ /chos kun rang bzhin dag pa'i phyir/ /las rnams yongs su dag par 'gyur/ /gsang sngags bla na med pa ni/ /thabs kyis ji ltar zin bzhin 'grub/ /bsam gyis mi khyab nges pa med/ /thabs la mkhas pas ma zin na/ /lam gyi dge spyad rdegs bcas kyang/ /mtho ris lha dang mi ru skye/ /skye shi med pa'i sa mi thob/ /thabs mkhas snying rjes zin
- 518a
pa ni/ /mtshams med sems can ma lus kun/ /byang chub snying rjes bsad na yang/ /bsod nams dpag tu med pa thob/ /nyon mongs phyin ci log gi las/ /thabs la mkhas pas zin gyur yang/ grol lam thar bar mi 'gyur na/ /byang chub sems dpa' rnams kun gyis/ /'dul ba'i dbang gis bya byed pa/ /sngon dang smad 'tshong ston pa'ang lhung/ /byang chub sems dpa' spyod tshul bzang/ /phal la med par mi rung yang/ /sngags mchog shin tu zab pa yi/ /skye bo kun gyis bya bar nges/ /des na rang bzhin dag pa yin/ /de dag mngon par bsgrub pa ni/ /ma bcos rgyun gyi skad cig ma/ /de yis ma byas gang yang med/ / dbang po yul du snang ba kun/ /yul rnams yod pa ma yin te/ /kun gzhi'i rnam par shes pa nyid/ /dngos po sna tshogs par snang ba'o/ /nang dang nang gi phyi rol gyi/ /rnam rtog sna tshogs snang ba yang/ /dngos po med dbyings skad cig ma/ /de nyid rnam par dag pa'i lam/ /yang dag gshegs dang log rtog dang/ /gzhan yang sprul pa mang po'i tshogs/ /phyogs bcu ma lus thams cad kyi/ /de la bsad cing bzung du med/ /kha dog gnas dang dbyibs rigs min/ /de nyid ye shes rang snang phyir/ /sna tshogs snang ba de bzhin lta/ /rang rig nyid las mi zhan phyir/ /snang stong gnyis med byang chub sems/ /skyes bu dam pa mchog 'dod pas/ /de la rtag 'grus gsal bar gyis/ /de yi 'bras bu mthar phyin ni/ /rgyu 'bras med pa'i dus cig ste/ /thams cad ming tsam mtshan nyid de/ /yi ge 'bru gsum rdzogs par 'gyur/ /mi
- 518b
zad brgyan gyi 'khor los bsdus/ /tshogs chen gnyis kyang rdzogs par rol/ /skye 'jig med pa'i dbyings la bzhugs/ /de dag ngo bo nyid bstan pa/ /sna tshogs lus dang longs spyod dang/ /gnas dang sdug bsngal la sogs pa/ /mi mthun bde sdug myong bar 'gyur/ /bdag dang bdag gi gzhan rnams ni/ /log par rtogs pa tsam nyid las/ /phra zhing zab pa yod ma yin/ /log rtog nyid la'ang nyid spyod de/ /gzhan du g.yo ba ci yang med/ / log rtog rang bzhin rang rig phyir/ /thams cad ma lus chos so cog /sems nyid las ni gzhan na med/ /sems dang byang chub dbyer med pas/ /byang chub lam de ring ba men/ /cig phyir rang rig rkyen 'brel pas/ / rnam par dag pa dbyings nyid tshul/ /nyid la dbang sgyur nyid spyod phyir/ /bdag dang gzhan dang rtog pa'i rgyun/ /rnam dag snod bcud rgyud mi dmigs/ /lnga dpung yan lag thams cad ni/ /'bru lngar 'dus pa'i byang chub sku/ / 'bru lnga ma skyes shes rab yum/ /skye mched khams rnams rdo rje'i tshogs/ /rnam shes ye shes dkyil 'khor du/ /dag phyir 'bras bu theg pa'i mchog /nges 'byung kun gyi bsgrub byar gsungs/ /dmigs bya dmigs byed med tshul gyis/ /shin tu gsal ba'i mngon sum pa/ /ngo bo nyid ni dmigs su med/ /de ltar 'khor ba ngo bos dag /de ltar de dag mdza' rtags na/ /'khor ba'i rang bzhin ma skyes phyir/ /'khor ba yongs su shes pa na/ /mya ngan 'das zhes de la bya/ /'jig rten 'di ni ci yod pa'i/ /ming dang tha snyad 'dzin pa dag /so so'i mtshan nyid bshig byas na/ /rang bzhin med de yang dag nyid/ /rang 'byung chen po'i ye shes kyis/ /thams
- 519a
cad sangs rgyas zhing du sbyor/ /ma bcos ma byas ngang gis gsal/ /ye nas 'od gsal sangs rgyas zhing/ /phung sogs ma skyes ye shes gsal/ /snang stong gnyis med byang chub sems/ / sku dang ye shes bsam mi khyab/ /gang gis de ltar mngon sum pa/ /mdza' rnams lta las yongs grol ste/ /spyod yul yongs su dag 'gyur ba/ /mtshan nyid dang por shes par bya/ /dpal gsang ba'i snying po de kho na nyid nges pa bsdus pa las/ /rang bzhin gyis gnas pa'i don rjes su shes pa'i mtshan nyid de/ /rim pa dang po'o// //de nas nyams su blang ba'i don/ /mtshan nyid bar ma bshad par bya/ /de nyid gzhi yi dpes mtshon ste/ /rgyu 'bras tshul gyis 'byung ba yi/ /srid pa skye ba'i rim pa ni/ /khams dang las kyi rkyen ngag gis/ /sum mdo snying lkog lte ba yi/ /'byung bzhi'i las rlung rim 'dus pas// don rnams snang ba 'bral 'gyur zhing/ /dangs ma'i snying por zhugs pa na/ /gnyis med 'dzin pa nyams pa yin/ /thams cad 'dzin bral snang ba'i mthus/ /bar ma sgyu ma'i sku thob ste/ /sdos dang bral bas sa sogs min/ /phyis 'byung cha byad yongs bzung bas/ /rdzu 'phrul thogs med las las byung/ /dbang po yan lag yongs rdzogs pas/ /dngos po kun la thogs med cing/ /'dod ldan snod bcud gsal bar snang/ / 'od kyis dpag tshad bye ba gsal/ /zhag bdun nyid du gnas par gsungs/ /de nyid rnam shes skad cig ma/ /nyon mongs las rlung 'phangs pa nyid/ /sa bon gnyis dang lhan cig pas/ /ming don gnyis su 'gyur ba
- 519b
yin/ /stong phrag bdun cu gnyis gnyis bcud/ /ma lus 'dus pa'i nus mthu can/ /gsum 'dres tha dad tshul cig pa/ /rang gi las kyis rab bskul ba'i/ /rlung gi 'jug pas 'phel byed des/ /rtun shing lta bur gyur pa dang/ / de la yang ni de bzhin pas/ /yan lag chos rnams rdzogs par byed/ /rlung gis bskul nas sngon gyur pa/ /gang yin de 'drar bdag 'dzin sems/ /nges par snying la gnas pa yin/ /rim gro las kyis lus smin cing/ / brda yis ngag kyang grol bar 'gyur/ /de nyid kyis ni rnam shes gsal/ /dngos po kun kyang shes pa nyid/ /yul zla zas nor dbang byed pas/ /chags gnyis la sogs 'jug par byed/ /rkyen ldan phung po rgyas pa des/ / rigs la sogs pa rgyas pa des/ /thams cad las la thogs med cing/ /gzhan gyi don yang byed par nus/ /kun tu kun nas rtags pa yi/ /'khor ba lhun grub nyid du snang/ /rang bzhin dag pa'i sangs rgyas kyang/ / thabs dang lhan cig mi gnas pas/ /gzung 'dzin 'ching ba bcings par 'gyur/ /de nyid tshul gyi 'jug sogs pa/ /rim pa yongs su rdzogs pa'i phyir/ /lam gyi tshul yang de bzhin shes/ /rim par rjes 'jug don nyid ni/ /sngon du bya ba'i las byas nas/ /shin tu dben pa'i sa phyogs su/ /rang bzhin mnyam pa'i rjes mthun par/ /de bzhin nyid dang mnyam sbyor zhing/ /dam pa'i don gyis bsgom par bya/ /byang chub tshogs su gzung par gnas/ /mchog du bde ba'i zhi gnas pas/ /mnyam rdzogs chen po mthun sgom zhing/ /byang chub sems su brtan par bzung/ /bya ba med pas bya med bya/ /mi gnas pa la gnas par bsgom/ /gtan tshigs rgyas par lus
- 520a
bzhag na/ /dgos ched thabs dang mi mthun dang/ /bcos nyams rjes su spyod pa yis/ /rim 'di yongs su shes par bya/ /'jig rten 'das dang 'jig rten pa'i/ /chos rnams ma lus rang bzhi ni/ /ma skyes sems las cir yang snang/ /de phyir bden gnyis rgyu 'bras tshul/ /gser las byas pa'i rdzas rnams kun/ /mi las mtshan ma so sor yang/ /thams cad gser gyi ngo bor cig /sems nyid rig dang ma rig las/ /'das dang ma 'das cir yang snang/ /thams cad rang rig ngo bo'i phyir/ /rang bzhin nyid kyis dag pas na/ /sgyu ma stong sogs rnam grangs dang/ /bden gnyis dbyer med ye shes dang/ / dkyil 'khor la sogs don rnams kun/ /de nyid rjes su brjod pa yin/ /rang bzhin gtan tshigs sngon song ba/ /gsum sogs gtan tshigs tshig rjes su/ de rjes nyams blang dgos ched ni/ /dkyil 'khor bsam yas lhun grub pa/ /mi dmigs dbyings nas don 'byin byed/ /ma bcos ji bzhin nga bzha' dang/ /lhun gyis grub pa'i dkyil 'khor 'byung/ /mi dmigs thugs kyi dkyil 'khor las/ /ting nge 'dzin gyi dbang bsgyur nas/ /ye shes sprul pa sna tshogs 'grub/ /spyod yul thams cad maN+Da la/ /longs rdzogs sku dang sangs rgyas zhing/ /ji ltar 'dod pa smon na 'grub/ /yangs shing rgya che lhun grub ni/ /phyi nang snod bcud ye nas dag /dag rtogs nyid kyang dbyings nyid yin/ /'di ni rdo rje mnyam yin no/ /lhun grub ji ltar 'dod snang ba/ /gnyis sogs mtshan mas bsgribs pa'i phyir/ /ji ltar byis pa shed ma phye/ /
- 520b
bya byed mang pos g.yeng bar gnas/ /bya byed mang po bdag med par/ /ting nge 'dzin gyis dbang sgyur nas/ /mtshan ma mnyam pa'i dbyings su gnas/ /de dag dang po'i lus zhes bya/ /dngos grub myur du grub 'dod na/ /shin tu phra zhing zab par bsgom/ /bdag dang bdag gi gzhan rnams ni/ /shin tu mi dmigs dbyings su bsgom/ /rang bzhin mthong las don med phyir/ /de nyid rjes su mngon byas pas/ /thabs kyi dam par de bshad de/ /yang dag gnyis med byang chub sems/ /snang stong gnyis sogs gang min zhing/ /phyogs dang gnas pa yod min pas/ /rjes su 'jug phyir mi bsam zhing/ /gang la 'ang gnas pa bya ba min/ /gang zhig dmigs nas gsal ba ni/ / bsgom par bya ba bsgom pa min/ /yod med la sogs mdza' dbus chos/ /gang yang dang du ma blangs zhing/ /sems kyis mngon par ma phyogs pa/ /tha snyad tsam du mnyam bzhag go /bsam bya dmigs su med pas na/ / bzung 'dzin bral ba'i rang bzhin nyid/ /dmigs med tshul du bar? snang ba/ /bsgom pa'i mchog tu 'di gsungs so/ /yid la byed dang bying rgod dang/ /myong gzugs 'god dang 'gags 'bras dang/ /chags bral re dogs bdag nyid dang/ /'chos dang gnas dmigs sdud pa dang/ /mngon byed ther zug phyal ba dag /bdag dbang 'du shes mtshan nyid de/ /'du shes stong pa ting 'dzin mchog /stong pa'i 'du shes ma rab sems/ /de phyir rgyu ba cing zhib sogs/ /g.yos 'khrul dbang gis cir snang yang/ /rang bzhin sems nyid yin par shes/ /mtshan nyid gang du 'ang mi dmigs na/ /las su bya ba med pa'i phyir/ /tha snyad kun las grol 'gyur te/ /
- 521a
mi rtog ye shes gzhan du min/ /gang zhig bsam zhig dmigs yod na/ /nges par de nyid g.yeng sa yin/ /ci yang yid la mi byed pas/ /gol sar lhung ba ci zhig ltung/ /rang bzhin gnas dmigs med gsungs la/ /zhen blos gnas dang dmigs byed pa/ /gzung 'dzin zhes ni de la brjod/ /mi dmigs bsam pa gang spong ba/ /de nyid rdzas mthun ting 'dzin yin/ /ring du byas pa'i rang nyams dag / drag dal chu dang mtsho gting gi /sems kyis brtan pa'i nyams bzung la/ /gzugs sgra reg dang rlung la sogs/ /snang yang dmigs par mi 'gyur na/ /gang yang zhen par ma gyur yin/ /lus sgra shin tu g.yeng 'gyur yang/ /cig shos 'jug med tshul gyis bstan/ /rang rig shin tu gsal ba yang/ /ngo bo dmigs su med par gsungs/ /de rjes mthun pa'i spyod pa yang/ /las dang sbyor pa thams cad la/ /rang bzhin bdag phyir mi dmigs shing/ /byas mthong zos pa ci yang med/ /gang yang bya med tshul gyis bya/ /shin tu 'ang zhi bar 'gyur ba'i rigs/ /dpal gsang ba'i snying po de kho na nyid nges pa las bsdus pa/ /de bzhin nyid kyi ting nge 'dzin gyi rim pa ste gnyis pa'o// //de nas gsang ba bshad bya ba/ /ting 'dzin de ni goms pa dang/ /thams cad rang sems rnam pa'i phyir/ /thams cad sgyu ma mig yor dang? sprul pa'i tshul du shes par bya/ /de nyid shin tu goms par bsgom/ /de nyid rgyas pa'i lung bstan pa/ /rang bzhin ngo bo sgyur? pa lus/ /'jig rten sna tshogs snang ba yang/ /rang rig rnam rtog gzugs brnyan phyir/
- 521b
sgyu ma'i tshul du thams cad snang/ /'phral snang bya ba kun byed kyang/ /rtog pa kun gyi tshad mar snang/ /'di dag thams cad gzugs brnyan te/ /byas byed snang zhing dngos po med/ /chu zla'i tshul du thams cad gnas/ / thams cad snang la rang bzhin med/ /rjes su dran par byed pas kyang/ /thams cad sems kyi rnam pa ni/ /don gyi rtsa ba mchog yin te/ /thams cad dogs med ma chags pa'i/ /rang rig ye shes de bzhin nyid/ / phung sogs sna tshogs thabs snang ba/ /ye shes sgyu mar rang snang phyir/ /snang stong gnyis su ma yin pas/ /thabs dang shes rab ldan par gnas/ /goms blos ci sprod mi gos te/ /bsag bya gnyis su nges par 'gyur/ rang bzhin ye nas de bzhin no/ /sngon goms rang rig snang ba'i chos/ /sngos pa can gyi chos min pas/ /rig pa rang dbang sgyur ba yis/ /khams sogs ji ltar bltas bzhin snang/ /rgyu 'bras dbyer med snga phyi med/ nga nyid lam phyir mnyam par sbyor/ /thams cad 'byung ba'i gnas yin te/ /kun kyang skabs las shes par bya/ /de nyid 'du bar 'gyur ba ni/ /gnyis snang bral ba mnyam pa'i dbyings/ /rang dbang 'gyur ba'i thabs nyid kyis/ /dkyil 'khor thams cad zad med 'phro/ /thams cad rang rig sgyu ma nyid/ /dmigs med tshul gyis snang ba yin/ /yan lag gsum pa bshad par bya/ /srid gsum sgyu ma 'dra bar ni/ /thugs rje'i spyan gyis gzigs par 'gyur/ /rjes mthun thugs rjes gsal mdzad kyang/ /rang rig nyid las mi zhen phyir/ /mngon par gdung bas non mi 'gyur/ /rtsa ba byang chub sems nyid rtogs/ /thabs kyis pha rol phyin par sbyod/ /
- 522a
dmigs med snying rje chung mi gsan/ /ma chags thabs mkhas spyod pa yis/ /don dang mthun pa 'ba' zhig byed/ /mi mthun zhags pas 'khor pa spyod/ /sa pa'i dpyod par de gsungs so// //dpal gsang ba'i snying po de kho na nyid nges pa las bsdus pa/ sgyu ma lta bu'i ting nge 'dzin gyi rim pa ste/ gsum pa'o// //thabs dang shes rab gnyis med pa'i/ / rdzogs sangs rgyas la phyag btsal nas/ /phra mo'i ting 'dzin bshad par bya/ /thams cad rang rig sgyu ma'i phyir/ /phyi nang snod bcud hUM du bsdu/ /gang bsgrub yi ge so so ste/ /spyir ni gang bsgoms kun tu 'dra/ /rdo rje sems dpa' nyid du 'dus/ /yan lag lnga dang rnam shes nyid/ /yi ge hUM du shin tu bsdus/ /nri yi mig gis ltar yod pa/ /rab tu 'dris nas spro bar bya/ /phyogs bcu gang nas bslar bsdus bstim/ /hUM nyid mi dmigs dbyings su bstim/ /rnam shes lhums su zhugs par bshad/ /hUM nyid a 'am ma dang gnyis/ /shin tu gsal zhing 'tsher ba la/ /thams cad yi ger gyur byas te/ /bsdus nyi zla gang sgril bsgom/ /sa bon gnyis kyi bdag nyid pas/ /rang bzhin hUM gi bdag nyid de/ /'dres phyir ming gnyis thob pa yin/ /phyag mtshan h+ri las padmor snang/ /thams cad rang rig snang ba'i phyir/ /byin brlabs 'od zer gzhal yas khang/ /dang snyigs tshul gyis nyi zla gnyis/ / skabs 'dir mi 'byed tshul phyir rmos/ /shes rab cig las byung ba hUM/ /mthing ga 'tsher la gsal ba yi/ /'od zer phyogs bcu'i hUM bsdus pa/ /rlung gi mtshan mar shes par bya/ /mchig? gu lta bu rdo rje'i gzugs/ /
- 522b
rjes su mthun pa'i 'phro 'dur ldan/ /de nyid sems dpa' yab yum sku/ /shin tu phra zhing 'dus par bsgom/ /mtshan dang dpe byad thams cad ldan/ /zhal gcig phyag gnyis yang na drug /rdo rje 'khor lo ral gri 'bar/ /rin chen pad+ma dril bu 'bar/ /phra ba'i gzhal yas nyi zla ldan/ /nges par snying la gnas par bya/ /der ni ye shes snying po ste/ /de ltar gnas cig gnas gsum dang/ /gnas lnga dag tu sgom par bya/ /sku gsung thugs kyi phyag rgya dang/ / ye shes lngas rgyas gdab par bya/ /de nyid shin tu gnas pa dang/ /de bzhin phyag rgya chen po ste/ /gzhal yas phyag mtshan gdan la sogs/ /phra ba'i tshul de snga ma bzhin/ /mtshan gang ye shes rdo rje'i sku/ /rtag tu snying la gnas par bya/ /sen zlum nyi zla gang ba la/ /yungs 'bru 'bar ba'i hUM gnas pa'o/ /rang bzhin sems dpa' spyan drangs la/ /ye shes dam tshig la mnyam bstim/ /bdag nyid chen po mchod par bya/ /rtag tu nang gi sbyin sreg gtang/ /rang sngags 'phreng ba'i 'khor lo yis/ /shin tu gsal zhing bde la gnas/ /'gro nyal 'dug sdod spyod lam kun/ /theg chen sgom las nyams pa med/ /chos spyod rnam dgu rab spangs nas/ /phyogs cig spyod la gang gnas pa/ /rtse cig ting 'dzin nyid du bshad/ /mchod sogs rang gi don du min/ /yan lag ma nyams sngags bzlas shing/ /'dod pa kun la longs spyod bya/ /lus dang ngag sems brtan 'gyur na/ /byang chub rab 'byams thob par 'gyur/ /don ldan ma nyams dag byas shing/ /brtson 'grus cher bskyed myur bar 'grub/ /sngags sgom ma nyams phyag rgya gsal/ /cho ga yo byad gtsor ma gsungs/ /lha yi sku rnams gsal sgoms pas/ /bsod
- 523a
nams tshogs chen rdzogs par 'gyur/ /de nyid chu zla'i tshul snang bas/ /ye shes tshogs chen rdzogs par 'gyur/ /gang gis mthong mos mchod pa yis/ /thun mong sdig las grol bar 'gyur/ /'di ltar bsgoms shing bsgrubs byas na/ /'bras bu mngon du ma gyur yang/ /tshe rabs skye ba thams cad du/ /lha mi mtshan rdzogs sdug bsngal sel/ /bde gshegs 'byung dang skol mi 'gyur/ /thog ma sman par 'jug mi 'gyur/ rdo rje'i rigs su nges pa yin/ /dpal gsang ba'i snying po de kho na nyid nges pa las bsdus pa/ phra mo'i ting nge 'dzin gyi rim pa ste bzhi pa'o// //de nas spros pa'i rnal 'byor bshad/ /de nyid nus mthu ldan pa ni/ / lta spyod 'brel par bstan pa'i phyir/ /de nyid sku gsung thugs kyi bdag /de nyid thabs dang shes rab ldan/ /longs spyod sprul mchog rdzogs pa'i phyir/ /byang chub mchog tu nyi zla shar/ /de nyid bzhugs gnas yin par gsungs/ /gzugs sogs rang bzhin spros bcas pa/ /'od zer 'phro ba'i 'bru gsum ste/ /yang na 'od zer phyag rgya lnga'o/ /lnga po'i don spros bzhi bcu gnyis/ /gzhan yang dkyil 'khor bsam yas mchog /khro 'dul sna tshogs de bzhin te/ /ma bcos ngang gsig gnas pa la/ /ye shes lhag pa'i dkyil 'khor bsgom/ /yan lag bzhi bcu rtsa gnyis ldan/ /de nyid yan lag spros bdag ste/ /cig la'ang bzhi bcu gnyis su 'phro/ /de ltar gtso mchog ldan byas nas/ /rigs bzhi rgyal mchog de bzhin ste/ /bcu gnyis gnyis kyang der shes nas/ /drug gi phyag rgya 'od 'phro 'bar/ /blo yi shes rab che chung gis/ /rim pa bzhin
- 523b
du bsgom par bya/ /phyogs bcu ma lus gzhal yas khang/ /nyi zla bza' skar rgyan dang gang na/ /bde gshegs dkyil 'khor ma lus bsgom/ /nyi zla gza' skar dus cig tu/ /rgya mtsho dangs par 'char ba ltar/ /de ltar rtogs goms rigs mchog des/ /ji ltar dmigs pa bzhin du 'grub/ /mkha' la 'phyo dang rigs 'dzin gnas/ /chu rgyun bzlog dang rlung mi 'gul/ /ri brag la sogs thogs med 'dzul/ /dug mtshon 'byung bas tshugs mi 'gyur/ /'byung ba lnga la dbang sgyur zhing/ /lha srin rnams la dbang byed 'gyur/ /nad sel longs spyod ngan song sbyong/ /dgug gtang bcings sgrol gso bsad dang/ /yungs 'brur stong gsum dgang bsdu dang/ /bdud dang gcan zan la sogs pas/ /tshugs par mi 'gyur bran bzhin 'gyur/ /lus ma spangs par rigs 'dzin sa/ /bsod nams ye shes longs spyod kyis/ /yi ge 'khor lo tshogs chen mnyes/ /thugs rjes sprul sku byin rlabs kyis/ /so sor thar pa'i lam yang ston/ /zhi ba phyogs cig shes bya sbyod/ /sa bcu mnyam par sbyong byed cing/ /bde gshegs 'khor las yang dag byed/ /las rnams ma lus kun byas nas/ / skye shi med pa'i g.yung drung thob/ /mtshan dang dpe byad kun gyis brgyan/ /mthar phyin bya ba med par 'grub/ /de ltar cho ga rdzogs byas shing/ /sngags kyi yan lag lnga rdzogs pa'i/ /rnal 'byor 'tshogs pa'i dkyil 'khor gyi/ /nges par legs pa'i dgos pa 'grub/ /gsang ba la sogs yo byad lnga/ /dgon pa'i gnas su bsdu byas te/ /rin chen spras pa'i gzhal yas khang/ /'khor khang phyi nang ldan par bya/ /bde ba chen po skyed pa'i
- 524a
phyir/ /yo byad rol mo bde ldan dgod/ /yan lag dbang po rnam shes dang/ /gzugs sgra dri ro reg la sogs/ /dkyil 'khor bshad bzhin gsal bar bya/ /gos sogs yo byad bzhi po las/ / sems phyir ma skyes ye shes brtag /chags med tshul gyis rol byas na/ /ngo mtshar 'byung ba'i dkyil 'khor mnyes/ /rgyan dang bgo bas lus brgyan nas/ /yan lag dkyil 'khor gsal rdzogs pas/ /bro gar glu tshig la sogs pa/ /thams cad gzhung bzhin rdzogs par bya/ /bza' dang btung ba'i tshogs rnams kun/ /chags med tshul gyis bstim par bya/ /bdag mchod kun mnyes thams cad 'grangs/ /kun la phan pa'i sman yin te/ /rnal 'byor bdag nyid chen po yis/ /thams cad bza' zhing brgyan par bya'o/ /lha mo klu mo rigs ngan mo/ /dbye 'am yang na mi dbye bar/ /bde ba'i gnas su spyad par bya/ /bsnyen pa dang ni nye bsnyen pa/ /bsgrub pa dang ni bsgrub chen pos/ /rtsa gnas pad+ma'i dkyil 'khor du/ /bde ba thugs kyi dkyil 'khor gnas/ /bdag nyid chen po mchod pa yis/ /sangs rgyas sprin tshogs ma lus mnyes/ /srid gsum 'gro ba thams cad la/ /dga' ba chen pos khyab par 'gyur/ /rang bzhin gnas pa'i dkyil 'khor yang/ /skad cig gis ni gsal bar byed/ /lam dang sa gsum yongs rdzogs phyir/ /thabs chen theg pa theg pa'i mchog /mchog dang mchog phran la sogs pa/ /chags med thugs rjes dor mi bya/ /sgyu 'phrul dra ba mngon rdzogs pa'i/ /dkyil 'khor bstan pa'i ting nge 'dzin/ /
- 524b
bro gar 'du 'phro'i phyag rgya yis/ /'dzul lam nam mkhar 'gro bar 'gyur/ /glu tshig sgra yi phyag rgya yis/ /chos kyi dngos grub thob par 'gyur/ /rgyan dang 'go ba'i phyag rgya yis/ /'bar ba'i rgyal po thub med 'grub/ / bza' dang btung ba'i phyag rgya yis/ /yid bzhin sku dang bdud rtsis grub/ /a li ka li'i phyag rgya yis/ /thams cad thams cad 'grub par 'gyur/ /rdo rje pad+mar ldan pa yis/ /rak+ta byang chub dus cig 'bar/ / gnyis med zung du 'bral 'gyur na/ /bde gshegs dkyil 'khor ma lus 'byung/ /'gro ba'i don rnams lhun gyis 'grub/ /rnal 'byor chen po'i spyod pa ni/ /thams cad kun la dbyer med spyod/ /bde ba'i ro mchog myong 'gyur te/ /de phyir de la chags pa med/ /spyod bzhin ma chags ye shes yin/ /bde ba'i mchog nyid bsod nams tshogs/ /de bas lam 'di tshogs su bshad/ /lta spyod ya char ma gyur bas/ /sngags 'chang rnams kyis rtag tu spyad/ /bla med theg pa'i nang nas ni/ /don dam du ni dbyer med la/ /kun rdzob du ni thams cad la/ /dag dang ma dag gnyis kar 'dzin/ /thabs kyi theg pa chen po ni/ /rnam par byad dang sdug bsngal dag /kun rdzob du yang dbyar med na/ /lta ba mtho dman de tsam mo/ /thabs kyi theg pa chen po ni/ /bla med theg pa las 'phags pas/ /don dam du ni skor bdun la/ /kun rdzob du ni mnyam rdzogs so/ / de phyir bden gnyis dbye ba med/ /thams cad dag ces bya ba yang/ /dngos po gsal dag ma yin te/ /snang spyod nyid na rnam par dag /gdod nas de bzhin goms byed pa/ /lam gzhan rdzogs pa'i rnal 'byor yin/ /tshom
- 525a
bu'i grangs ni ma nges ste/ /dang por dam nos bzhin du bya/ /le lo bgyid snyoms med pa yis/ /the tshom med par bsgrub byas na/ /bdag nyid chen po lhun grub pa/ /zhag ni sum cu phrag drug gam/ / bcu gnyis bcu bzhi bcu drug gis/ /dbang bsgyur rigs kyis dam pa thob/ /de tshe bcu dang drug pa yi/ /brgya brgya dag tu snur zhing gnas/ /lus ma bor bar sangs rgyas sa/ /mthong ba'i chos la mya ngan 'das/ /sku lnga lhun gyis rdzogs par 'gyur// //dpal gsang ba'i snying po de kho na nyid nges pa las bsdus pa/ snang ba rnam par 'byed pa'i ting nge 'dzin gyi rim pas ste/ lnga pa'o// // de nas mthar gnas bshad par bya/ /ye shes rdzogs pa'i dkyil 'khor la /rim pa lnga yis mnyam sbyor bas/ /rang 'byung sku ngam lhun gyis grub/ /ngo mtshar cho 'phrul rmad kyi chos/ /gzhan nas yod 'ongs ma yin te/ /thabs la brten pa'i shes rab nyid/ /de lta bu'i ngang du 'byung/ /rang rig nyid la gnas pa ni/ /sus kyang ma byas rang 'byung ste/ /rang 'byung chen po'i ye shes kyis/ /ma lus de bzhin nyid du sbyor// sbyor dang sbyor ba gnyis ka med/ /gnyis med dbyings kyi ngang du thim/ /nyid la mtshan nyid yod ma yin/ /shes rab dbyings kyi de bzhin nyid/ /thabs kyi phyag rgya rang snang ba/ /tha snyad ma lus ye shes dngos/ /ye shes ???/ /ma bdag tshul gyis rang snang ba/ /so sor don bzhin ro myong yang/ /rang rig nyid las gzhan med phyir/ /bde ba chen po'i ye shes la/ /bzung ba'i mtshan ma yod ma yin/ /mi rtog tshul gyis
- 525b
longs spyod pa/ /ma chags pad+ma dag gi sku/ /'das dang ma 'das dngos po kun/ /rang rig ye shes byang chub sems/ /snang stong gnyis su ma yin pas/ /ye shes dkyil 'khor lhun gyis grub/ /rang rig bsam yas phyir yang snang/ /gdul bya'i dbang gis brjod mi yang/ /byang sems lhun grub rang snang bas/ /'phro 'du'i tshul du bdar bstan no/ /spros bral thugs kyi chos thams cad/ /snyoms par khyab pas rje nyid de/ /'bras bu lhun grub byin ldan pas/ /mtsho yi rlabs tshul kun tu snang/ /bsam byas lhun gyis grub pa'i phyir/ /zhing khams rnams dang 'gro kun la/ /rdo rje 'dzin nas rtsi shing tshogs/ /so sor mthun pa'i sku snang yang/ /stong nyid dngos dang bya byed med/ /chu zla'i tshul du kun snang yang/ /byin rlabs khyab cing 'gro 'ong med/ /rdo rje 'dzin pa'i lus nyid ni/ /sangs rgyas kun gyi spyi gzugs ste/ /snang stong gnyis su ma yin zhing/ /grangs dang che chung mdza' dbus kyang/ /'di la sus kyang dmigs mi nus/ /nam mkha' lta bur mdza' bral ba/ /'od zer phyag rgya gdan rdzogs pa/ /ldan dang bral bas gnyis ka min/ /zhi khro la sogs sku gnyis tshogs/ /lhun gyis grub pas cir yang snang/ /rim pa 'am rim pa med tshul ni/ /gdul bya'i bsam pas phye ba yin/ /dus gsum du yang mi 'gyur phyir/ /rtag chen rdo rje'i sku zhes gsungs/ /bden pa gnyis kyi mdza' las 'das/ / dngos kun bdag phyir ming tshig tsam/ /thams cad tshig gi sgra ltar gnas/ /de nyid ma skyes sems yin phyir/ /rang bzhin brjod med don yin kyang/ /sgra rnams sems su lhun rdzogs phyir/ /gsung cig tshig tu ma brjod kyang//
- 526a
thar dang mthar thams cad la/ /ji ltar 'dod bzhin gsal bar snang/ /de phyir brjod nyid brjod pa med/ /gdul bya ma lus thams cad kun/ /de bzhin nyid las mi zhan phyir/ /gang zhig de nyid gyur pa yis/ /dus gsum sdug bsngal ma 'dres pas/ /log rtog rgyun tsam snang ba yang/ /rang snang tshul gyis rtog med par/ /sgyu ma'i tshul du gsal bar gsungs/ /de bas 'das dang ma 'das chos/ /rang rig byang sems ngo bo'i phyir/ /snga phyi cung zad yong min pas/ /mtshan nyid ma 'dres yongs rdzogs par/ /rdzogs sangs rgyas kyi sngon nas mkhyen/ /so sor snang ba thams cad kyang/ /rang rig rgyal por yang dag 'du/ /rang rig de nyid thams cad yin/ /spyod yul rang rig ye shes phyir/ /rang snang ye shes ngo bos stong/ /mdza' rnams bral ba'i rang rig la/ /ma skyes don snang me long bzhin/ /thams cad bdag tu gyur pa'i phyir/ /tha snyad gnyis ka dang gis stong/ /mtshan nyid bsam yas snang ba yang/ /sems phyir so sor dmigs pa med/ /rang bzhin rnam dag ye shes ya/ /bya byed dmigs par yong mi 'gyur/ /gzung 'dzin bral ba'i ye shes ni/ /rtsa ba lnga zhes brjod mod kyang/ /brjod pa'i mtshan nyid yong med de/ /mtshan nyid med par so sor snang/ /de nyid thams cad mkhyen pa nyid/ /mtshan nyid gnyis med dmigs mi 'gyur/ /gnas pa med par kun tu khyab/ / phyogs bcu snang grags bsam yas pa/ /rang rig nyid las mi zhan phyir/ /yon tan rin chen bkod pa dang/ /ye shes brgyan gyis sprang ba yi/ /zhing gi yon tan bsam mi khyab/ /phyogs bcu dus bzhi zhing
- 526b
sbyor bas/ /dog yangs tshad kyang dpag tu med/ /sangs rgyas spyi gtsug lta bu'i mtshan/ /ye shes rgyu las grub pa'i phyir/ /'di zhes cig ces brjod du med/ /zag med bsod nams lhun grub pas/ /ji ltar bltas pa de ltar snang/ gdos pa can gyi chos min zhing/ /thams cad rang rig dbang bsgyur pas/ /stong bar bya 'am mi stong bya/ /thams cad dbyer med dang nyid pas/ /rtog pa med las cir yang snang/ /gzhan gyis sprog du med pa yi/ /bo de'i skor ni rin po che/ /thams cad mkhyen pa'i ye shes kyis/ /bya byed med par rnam bzhi mdzad/ /sgyu ma'i tshul du rol mdzad kyang/ /bya ba byed dang dmigs su med/ /'das dang ma 'das bsam yas pa/ /ma lus sems phyir dmigs su med/ /gzung 'dzin bral ba'i ye shes ni/ /de bzhin gshegs pa kun gyi gnas/ /gnas dang ngo bo dbyer med de/ /de nyid rig pa rang snang ba/ /sna tshogs mtshan nyid rnam par rol/ /thams cad mkhyen nyid bsam yas kyang/ /rang rig nyid du yang dag 'dus/ /de nyid thabs chen ma 'dres snang/ /spyod yul 'phrog med spyod mi lang/ /gnyis med thugs rje'i dbang gis na/ /'gro drug dus gnas snyoms par zhugs/ /rang rig nyid las mi zhan phyir/ /dus bzhi mnyam pa nyid du gsungs/ /nges sogs mtshan nyid yon tan grags/ /stong gsum cig dang thams cad kyi/ /mgo lus kha lce cig rdzogs pas/ /bskal pa mdza' klas par brjod kyang/ /de dag mthar thug yong mi 'gyur/ /mtshan nyid rmongs la mdor bsdus pa/ /bsgrub bya ma lus mngon gyur pas/ /bsam bya bslab pa kun las grol/ /thams cad ma spangs bdag nyid phyir/ /gang yang 'du
- 527a
shes thams cad spangs/ /gnyis med thugs rje chen po yis/ /mdzad pa gang yang 'gog pa med/ /sku gsung phyag rgya cir snang yang/ /rang bzhin rdzogs phyir 'gro 'ong med/ /yum sogs bde ba kun ldan yang/ /rang gi ngo bo mi dmigs pas/ /mdza' rnams kun las grol ba yin/ /khams gsum bdag nyid chen po'i phyir/ /sems can kun gyis sems la son/ /sems sogs zhen mthas ma reg pas/ /cig pu rab tu che ba'i lha/ /de bzhin nyid dang dbyer med phyir/ /'di la spyod yul yod ma yin// //dpal gsang ba'i snying po de kho na nyid nges pa las bsdus pa/ /bsam yas lhun gyis grub pa'i ting nge 'dzin gyi rim pa ste drug pa'o// // yongs rdzogs rgya che mtshan nyid rtogs dka' rlabs ldan rang rgyud rgya mtsho yi/ /mtshan nyid rjes mthun gnyis bral yig gsum gnyis gab sbas te ra chod don/ /snying rjes goms shugs mthong nyams 'brel pa dgos don dang por phreng ba gsal byas pas/ /rjes 'jug la sogs gnyis bcings ma lus de nyid shes grol goms thar shog /rim pa drug pa/ slob dpon sgeg pa rdo rjes mdzad pa rdzogs so// //dpal rdo rje sems dpa' la phyag 'tshal lo/ / gzhi lam 'bras bur bcas pa'i chos/ /dris lam dam bca' mthar dbyung ba/ /lung dang man ngag rigs sgo nas/ /rtogs par bya phyir rnam bshad bya/ /dang po rnam pa gnyis bstan te/ /ngo bo'i gzhi dang brtags pa'i gzhi/ / gzhi yi ngo bo mtshan nyid dang/ /nges tshig dpe yi rnam pa dang/ /snang tshul gnyer gyis rtogs par bya/ /ngo bo thams cad sems nyid de/ /gser gyi dpe bzhin gnyis su med/ /mtshan nyid mdza' rnams kun bral bas/ /ci
- 527b
yang bzung du med pa'o/ /tha snyad gnyis kyi chos rnams kun/ /ma lus 'byung phyir gzhi zhes bya/ /nam mkha' rgya mtsho rin chen sogs/ /nye ba'i dpe yis mtshon pa'o/ /rgyu rkyen bral ba'i skad cig ma/ /rang snang nyid du byung ba'o/ /lung dang man ngag gnyer dag gis/ /blo gting yid ches gyur par bya/ /brtags gzhi gnyis su bstan pa'i chos/ /'khor dang mya ngan 'das par gsungs/ /'khor ba'i rgyu rkyen ngo bo dang/ /dpe dang mtshan nyid byed po dang/ /'khor tshul nyes pa'i dus rnams su/ /nges par bstan phyir mgon pos bshad/ /'khor ba'i 'byung rgyu rnam pa bzhi/ /rgyud mtshungs lhan cig nyer len pa/ /bder gshegs snying po ma rig dang/ /rnam smin bag chags nyon mongs pa'o/ / rkyen gnyis bstan pa'i las gsum du/ /kun brtags ma rig nyon mongs lnga/ /ngo bo snod bcud 'jig rten gyi/ /snang dang zhen pa'i chos rnams so/ /zo cha tswa sogs me dpe bzhin/ /kun tu 'khor zhing mched pa'o/ / 'jig dang chags dang stongs dang gnas/ /rkye rga na 'chi bzhi ldan pas/ /mtshan nyid ther zug ma yin pa'o/ /rgyun dang bcas pa'i skad cig ma/ /las kyi byed par brjod pa'o/ /rten 'brel bcu gnyis tshul dag tu/ / phyi nang gnyis kar 'khor ba'o/ /'phags lam bral nas sdug bsngal myong/ /nyes pa rnam pa gnyis su gsungs/ /thog ma tha ma med dus nas/ /yang dag don ma rtogs pas nyams/ /mya ngan 'das pa'i mtshan nyid dang// nges tshig rnam grangs gang la snang/ /mtshon pa ma grub tshul don bstan/ /ngo bo med bzhin kun snang bas/ /cig dang du ma las grol te/ /mtshan brjod mdza' rnams kun bral ba'o/ /skye 'jig chos rnams bral ba'o/ /
- 528a
skye 'jig chos rnams bral 'gyur bas/ /mya ngan 'das par de brjod do/ /rnam grangs gnyis su brjod pa ste/ /theg pa mtho dman bye brag gis/ /phyogs gcig pa dang mi gnas pa'i/ /mya ngan 'das par de bstan pa'o/ /mya ngan 'das pa'i ngo bo nyid/ /de bzhin gshegs pa snang ba dang/ /de yi sprul ba rgya chen nyid/ /gdul bya 'khrul la snang ba'o/ /chu bo rgal ba'i gru bzhin du/ /'khor ba'i chu ngo rnam par rgal/ /brtson ra thar pa ji bzhin du/ /'ching ba'i mdud pa las grol ba'o/ /gzhi po sems nyid ma grub pas/ /sprul snang chos kun ma nges te/ /cir yang brjod du med pa'o/ /dbu ma rnam pa gnyis yin te/ /grol lam thabs su rnam par bstan/ /dbu ma'i dang po ngo bo dang/ /rkyen dang rnam grangs mtshon dpe dang/ /bslab tshul rim pa bstan pa dang/ /gong 'og dgos pa mthar phyin spyod/ /ngo bo shes rab rnam gsum gyis/ /sems bzhi skyes par bstan pa yin/ /tshig dang yi ge rkyen nyid las/ /brten dang rtog par byed pa yin/ /mtshan mar bsgom pa'i rim pa yang/ /de bzhin nyid du bsgom pa yi/ /bye brag rnam pa gnyis su gsungs/ /khron pa sgron ma'i dpe bzhin du/ /grol lam sgo nas rtogs sgom bya/ /thun mong lam lngar bslab pa dang/ /khyad la so so'i lam bzhin bslang/ /sngon du goms par gang byas pa/ / gong ma gsal bar 'gyad phyir ro/ /thun mong khyad par gnas skabs lam/ /ting 'dzin drod tshad nyams ldan na/ /lam mthar phyin pa zhes su bshad/ /ting 'dzin khyad par gyur pa'i phyir/ /rjes mthun spyod pa'i
- 528b
gzhung bzhin spyad/ /dbu ma gnyis pa bstan pa ni/ /rnam grangs gdam ngag thabs nyid de/ /rtogs tshul rgyu rkyen ldan pa yis/ /shugs kyi snang tshul gser 'gyur bzhin/ /gdam ngag steng dang 'og gi sgo/ /thig le rkyang par bcas pa nyid/ /thabs rnams sngon du goms byas pa/ /de bzhin nyid du 'gyur byed pa/ /ting 'dzin khyad par dbang gi rgyu/ /thabs kyi rgyu rkyen ngo bo dang/ /nges tshig bskur pa'i rim pa dang/ /mtshon dpe dgos pa bstan pa'o/ / khyad par rgyu rkyen lngar bshad de/ /bla ma'i dgongs dang blung gi dus/ /sbyor ba'i thabs dang bsod nams las/ /phyag rgya yon tan ldan gyur pas/ /dngos po lhan cig skyes pas myong/ /de phyir thabs su bstan pa yin/ / ngo bo nus phan gsang ba'i chos/ /shes rab ye shes bde chen po/ /'ching ba'i las rnams spyad pa yis/ /'gro bar 'gyur phyir ro ming du brjod/ /dad dang brtson 'grus gsum dang ldan/ /brtul shugs gsum la spyod pas go rim tshul du 'tsham par sbyin/ /rgyal po'i phru gu dug 'gyur bzhin/ /dbang thabs rnam gnyis nyams len bya/ /rim pa dbang gis bsgrong phyir dang/ /thun mong lam gyi khyad par gyis/ /sgo 'byed thob phyir bstan pa yin tha ma'i don la ngo bo dang/ /mtshan nyid yon tan bstan pa dang/ /mdzad spyod thugs rje'i snang tshul dang/ /gdul bya gzigs tshul don rnams kyis/ /'bras bu don bzhin rtogs par bya/ /dang po sku gsung thugs rnams dang/ /yon tan 'phrin las lngar bsdus pa'o/ /mtshan nyid bzhi dang ldan pa'i phyir/ /ma lus cig min tha dad min/ /'bras bu yon tan lhun grub pas/ /yid bzhin nor ltar snang ba'o/ /'phrin las rnam bzhi
- 529a
mdzad spyod kyis/ /bya ba med par don rnams rdzogs/ /thugs rje chen po'i gdul bya la/ /rtag rgyun rang bzhin shugs gsol dang/ /yul dang phrad pas 'byung bar snang/ /nyid las mi zhan don rnams kyis/ /me lor tshul du gzigs par 'gyur/ /bzhi lam 'bras shes bya ba rnams/ /bla ma mkhas nyams ldan pa la/ /dri ba drug gi tshul nyid las/ /rnam gsum tshul gyis zhu bar bya/ / bla ma mkhas ldan de nyid kyis/ /bu rnams mi shes mdud dgrol phyir/ /rnam gsum lan gdab gzhung nyid la/ /'go gcig rnam dbye'i dri tshul gyis/ /lan gdab yid ches gyur par bya/ /gal te gzhung las brtsod 'gyur na/ /dam bcas sgrub ste don nyid ni/ /dpe don gtan tshigs gsum ldan pas/ /shes bya de nyid mthar phyin bya/ /rdo rje sems dpa' i dgongs brgyud pa/ /sgyu 'phrul dra ba'i don nyid las/ /rim gsum don nyid bsdus pa yis/ /ma lus mngon par sangs rgyas shog /de lta'i dge rtsa ci mchis pa/ /bdag gi rgyud la yongs smin te/ /bla med byang chub thob 'gyur nas/ /mdza' yas sems can 'dren par shog /bdag blo mun par 'phags pa yi/ /dgongs pa nyi ma shar ba yi/ /nyams dang lung la brten pa yi/ /brtsams nongs 'phags la bzod par gsol/ /sgyu 'phrul dra ba'i man ngag rim pa gsum pa rdzogs so// //bcom ldan 'das byang chub kyi sems rdo rje kun tu bzang po la phyag 'tshal lo/ /dad pa'i lha la phyag 'tshal nas/ /thams cad mkhyen nyid mngon dad pa'i/ /rnal 'byor chen
- 529b
po rnams don phyir/ /sems bskyed cho ga bshad par bya/ /brtsom pa'i dang po med pas na/ /dpag tu med pa'i sgo spyod kyang/ /sa bon rgya mtsho 'di med pas/ /mthar phyin 'bras bu mi snang ste/ /de nyid sdug bsngal sa bon 'gyur/ /de bas gzhi 'di goms par byos// //de la sangs rgyas dang byang chub sems dpa' thams cad kyi yon tan/ /'byung khungs kyi rtsa bar nges pa ni sems yin te/ /gzhung las/ de bzhin gshegs pa rnams kyi yang dag par rdzogs pa'i byang chub kyi rgyu ni byang chub kyi sems so/ /rtsa ba ni snying rje chen po las byung ba'o/ /thabs kyi mthar phyin pa'o ces 'byung ba dang/ /rigs kyi bu byang chub kyi sems ni sangs rgyas kyi chos byang chub sems kyi sa bon lta bu'o/ /zhes pa dang/ /chos rnams kun gyi yo byad ni/ /snying rje byang chub sems yin te/ /yo byad de dang ma ldan na/ /don rnams grub par mi 'gyur ro/ /tshad med snying rje bskyed pa dang/ /byang chub sems la dga' ba ni/ /sngon du 'gro ba'i mchog yin te/ /bsgrub pa pos ni nan tan bya/ /rtsa ba byang chub sems nyid rtogs/ /thabs kyi pha rol phyin par spyod/ /snying rjes chud ma zos par zung/ /gdon mi za bar 'grub ces gsungs/ /zhes pa la sogs pa rgyas par gsungs so// //de dag gi khyad par ni/ /dper na sa chen po ni sems can thams cad kyi 'tsho ba ste/ 'gyur ba med cing lan du 'phan 'dogs pa la re ba med do/ /de bzhin du sems dang po skyed pa yang/ /snying po byang chub la thug gi bar du/ sems can thams cad kyi 'tsho ba ste /'gyur ba med cing lan du phan 'dogs pa la re ba med pa'o/ /dper na/ rdo rje rin po che chag kyang gser gyi rgyan khyad par can thams cad zil
- 530a
gyis gnon pa ste/ rdo rje rin po che'i ming yang mi dor la/ /dbul ba thams cad kyang bzlog ge /de bzhin du thams cad mkhyen pa nyid du skyed pa'i sems rin po che bsgrub pa dang ma ldan yang/ nyan thos dang rang sangs rgyas thams cad zil gyis gnon te/ byang chub sems dpa' i ming yang mi 'dor la/ /'khor ba'i 'bul ba las kyang bzlog go /dper na seng ge'i phru gu'i dri ma nam pa'i rdzi phyogs na gnas pa'i gcan zan thams cad kyang 'bros par 'gyur ro/ /de bzhin du sems bskyed pa'i byang chub sems dpa' gang du phyin pa'i sa phyogs na gnas pa'i log par spyod pa'i sems can thams cad skrag par 'gyur ro/ /gnas 'dir bskyed pa rtsam gyis 'jig rten gsum po bla mar bcas pa'o/ /mchod nas nyan thos bdud kyi sde rnams zil gyis gnon zhes gsungs so/ /thabs chen byang chub sems dpa' i gsang ba'i spyod pa'ang 'di nyid de/ 'di med rgyal ba rnam par snang mdzad theg pa gsum ston mi srid do/ /skad cig tsam yang dad pa'i shugs skyed de yang myur du 'jam dpal gzhon nur 'gyur/ /dkyil 'khor gsang bar zhugs shing theg chen dam tshig mchog kyang srung ba yin/ /tshul khrims sdom pa kun kyang bsrungs shing sbyin gnas dam par rab tu bsngags/ /gang dag 'dir ni mngon spyod la/ /dga' ba'i yid kyis phyogs byed pa/ /de ni dngos dang 'dra ba ste/ /'bras bu la yang mtho dman med/ /byang chub sems kyi bsod nams gang/ /de la gal te gzugs yod na/ /nam mkha' i khams ni kun gang ste/ /de ni de las lhag par 'gyur/ /ces pa la sogs pa rgyas par
- 530b
gsungs so// //de la sems bskyed mdor bstan ste/ /dngos po gnyis dang rim pa bzhi/ /gzhi dang dbang po yo byad dang/ /chog rims sems bskyed sdom pa'i dngos/ /sgo gsum las kyis spyod pa dang/ /shes bzhin bshags pa rnam/ bcu gcig las kyi gtso bor gang len pa/ /de ni ldog par ma gsungs te/ /cung zad tsam gyi las rnam kyang/ /rgya mtsho bzhin du mi skam zhing/ /'bras bu bdag gzhan gnyis la snang/ /de bas nan tan snying pos gyis/ //kun rdzob sems ni snying rje'i mchog /sdug bsngal bcu gcig yul byas te/ /gdung bas bskyab pa'i sems bcas pas/ /mgon skyob bdag por yid la byed/ /bdag bde rje dang don 'dor ba/ /de ni ldog pa ma gsungs so/ /'khor los dpung gi tshogs 'dren bzhin/ /de ni sangs rgyas chos rnams 'dren/ /sa dang rgya mtsho nor bu bzhin/ /yon tan don dang snang ba rnams/ /snying rje chen po nyid las 'byung/ /me long chu bzhin bsgrib byas pa/ /dngos grub gags su bral gsungs so/ /bu dang zhe 'gras spyod pa yis/ /byang chub sems dpa' i ming med na/ /sangs rgyas mkhas ches rnal 'byor gyi// //don dam nges par rab bshad pa/ /ma g.yos kun gzhi'i ngang du bshad/ /rang bzhin snang ba'i gser tshul ltar/ /gnyis su med par rgyal bas bshad/ /dri dang ga pur nus pa bzhin/ /mtshan ma med par sems mi dmigs/ /sems nyid gang yin chos nyid de/ /chos nyid kyang ni de bzhin no/ /chos sems gnyis med ldan gyur pas/ /bla med byang chub chen por bshad/ /nam mkha'
- 531a
gar khyab chos kyis khyab/ /chos nyid gar khab sems yin pas/ /phyi nang gnyis med sems su gsal/ /chos dang rgyun dran mngon 'gyur bar/ /yid la byed pa'i sems dag gis/ /don 'di yongs su rdzogs par brjod// //g.yo zhing smon par byed pa ni/ /rang bzhin mtshungs par ldan pa dang/ /zhar 'byung lhan cig byed pa dang/ /yon tan mthong thos rjes 'jug dang/ /byin rlabs shugs kyis 'brel pa bzhi/ /rkyen gyi rnam pa 'dus pa yin/ /skad cig cung zad sa bon las/ /btsa' me bzhin du skye bar gsungs/ /lhag par 'phel ba'i gang zag gis/ /snying rje skye dang ltar ldan pas/ / don gnyis rgyu ru 'di shes nas/ /goms par mang du byas pa yis/ /zla ba yar gyi ngo bzhin du/ /je che je mang mngon 'phel bar/ /dam bcas 'jug par bya ba yin/ /lhag pa'i bsam pa mngon byas te/ /'gyur ba med par gnas par bya'o/ /dngos gzhi gnyis la rab brtan pa/ /'jug pa'i skyes bur de bshad do/ /phyis 'byung sdom pa'i dngos po la/ /rgyun dang dum bur gang gnas pa/ /gnas pa'i sems su rab tu brtan/ /de nyams gsum du shes par bya/ /gnas pa mang po'i mthu rdzogs pas/ /mngon byas rkyen gyis mi 'phrogs shing/ /bsgrub bya rkyen gyis mthar phyin pa/ /klong yangs nam mkha' i dkyil 'khor la/ /sprin med nyi ma 'bum gyis brdal/ /mi skye mi 'gag ngo bo las/ /ji ltar bltas dgu'i der snang bas/ /don gnyis lhun grub rtog bral ba/ /mthar rdzogs sems su rgyal bas gsungs/ /bsngo gzhi sgrib bral nyid du bstan/ /yul nyid lnga
- 531b
yi dbang po ni/ /rim pa gsum gyi mtshan nyid can/ /snying rje chen po brlan ldan pas/ /khe grags 'dod pa'i sems gsum spangs/ /shes bya bar ma kun mkhyen pas/ /ma 'dres don gyi tha snyad rnams/ /nad dang sman gyi rim bzhin byed/ /ston pa'i mchog tu 'di gsungs pas/ /dang po'i rim la gnas pa'i mis/ /brtson 'grus dga' ba'i las rnams gyis/ /'du shes ston par bzhag ste blang/ /cung zad 'gal ba'i sems med par/ /rtag par gdung bas rmongs byed pa/ /de 'dra bral bas ma gsungs so// //dpang 'gyur rdo rje dam can rnams/ /byin rlabs gnyan pa'i sems dag gis/ /las kyi stongs su 'gyur ba'i phyir/ /zhing khams byed pa'i rdul 'das pa'i/ /sangs rgyas 'khor bcas bzhugs par bya/ /de dag rtag tu mngon bsam ste/ /shes bzhin rang gi sdom pa bsngo/ /smon lam dbang gis gzigs par 'gyur/ /maN+Dal bdud rtsi'i dris byugs pa/ /tsan dan bdud rtsi'i chus sbyangs pa/ /dri zhim chas kyis rab brgyan ste/ /rin chen 'byor bas lag thogs bya/ /sna tshogs yol ba'i phyi rol 'dug /kha sbyar ban d+ha'i bum chu sbyin/ /dril bus rdo rje'i ming brtags bya/ /sangs rgyas 'khor bcas gzugs brnyan dgram/ /sna tshogs mchod pa rgyas pa dag /'khor gsum dag pa'i sems kyis dbul/ /khar gsil rol mo rgyas par sbyin/ /'byung po kun gyi gtor ma dang/ /'gro drug sbyin pa chen po'i ngang/ /dug gsum spangs pa'i sems kyis gtang/ /sems skyed mtshon pa'i rdo rje yang/ /rtag tu bcang bar bya ba yin/ /dang po 'das dang 'jug 'dod dang/ /g.yo bar mkhan pos gsol btab pas/ /mkhan pos gsol ba btab nas ni/ /
- 532a
dad pa'i sems la gnas su gzhug /dgos pa'i yo byad rang 'byor nas/ /dge ba'i bar chad bzlog pa'i phyir/ /rdo rje mi shigs gur cing bya/ /bum chu gsum po byin brlab phyir/ /bdud rtsi 'khyil pa'i dran pa yis/ / bgegs bskrad pa yi rang bzhin du/ /'bru lngas ye shes chu rgyun dgug /ma lus 'dus pa'i khro bzhin tshogs/ /bskyed dang spyan drangs mchod tshogs sbyar/ /sngags bzlos gsol btab bu byin brlab/ /khrus byas dri zhim rgyan ldan bu/ /yol phyir phyag byas thal sbyar te/ /dpal rdo rje 'dzin pa'i bdag /'khor ba 'don pa'i ded dpon che/ /sdug bsngal chu bo rgyun bzlog dang/ /don gnyis bdag gis mngon byas pa'i/ /thabs kyi las mdza' gang lags pa/ /rim pa yang dag bstan pa'i phyir/ /thugs rje nye bar skyed mdzad de/ /de ring gnang ba mdzad par rigs/ /ma lus phyogs bcu na bzhugs pa'i/ /sngon gyi dbang po ji snyed pa'i/ /rgyas par spyan drangs mchod par bya/ / sangs rgyas lta ba'i mos byas pas/ /lag bzung nang du gnas par bya/ /thal sbyar zhing la lus dbul bya/ /bi shud+d+he dang sbyor sngags kyis/ /tsan dan bdud rtsi chu sbyar te/ /dad pa'i lhar skyes byin gyis brlab/ /rin chen bsnyen pas gsol btab pas/ /rgyal ba sras dang bcas rnams kyis/ /thugs rje nye bar bskyed mdzad de/ /dam tshig dam cas rim pa bzhin/ /bdag la byin gyis brlabs par rigs/ /rab tu gtor ste 'brel pa brtag/ rdo rje'i ming yang sbyin par bya/ /ding khyod sangs rgyas dkyil 'khor gyis/ /rim par rab zhugs nges pa yin/ /dam tshig 'dod pa'i sems skyed cing/ /gzhan don rab dga' i sems ldan pas/ /bshags pa'i
- 532b
mchog gis rab shogs ste/ /dag pa'i sems kyis brlab par gyis/ /'dab brgyad pad+ma'i dkyil 'khor la/ /brtan nas sprad cing mos byed de/ /mdza' rnams bral ba'i byang chub sems/ /mi rtog mi gnas nam mkha' nyid/ /chos rnams de 'drar mos pa dang/ /mthong sgom lam la gnas pa dang/ /mthar phyin thams cad mnyam sbyor bas/ /dam bcas yid kyis bstan par bya/ /rgyun yang de bzhin bstan par gsungs/ /de yi yon tan dpe rnams kyi/ / nges par mtshon pa bzhi ru bshad/ /brtan pa'i byang chub sems bskyed do/ /ma rig bzhi dang bcas pa'i sems/ /skad cig rgyun gyi las nyon mongs/ /mthun par snang ba'i bltos pa'i chos/ /rmi lam bzhin du nyams thag rnams/ dran pa'i snying rje gdung sems kyis/ /khud pa'i zhing du mngon byas pa/ /sdug bsngal rgya mtsho bzlog pa'i phyir/ /cho 'phrul las dang sku don rnams/ /rgyal bas grangs mdza' i mi rtogs so/ /mngon 'dod bya ba'i mos pa dag brtan par bskyed cing rgyun gnas pa/ /sems kyis sngon bzhin gnas par bya/ /thal sbyar gus pa'i lus gnas ste/ /dang por gsol pa'i tshig bshad bzhi/ /sngon du btang nas gtam par bya/ /dkyil 'khor mchod pa sbyin sreg bsogs/ /gzhan don grangs ma ji snyed pa/ /tshe 'di gnas tsam mthar thug par/ /nam yang rgyun chad ma gyur cig /thun mong thabs kyis spyod drug dang/ /mi mthun 'dul ba'i spyod pa rnams/ /de bzhin bstan par bsgrub pa yis/ /'gro ba mi 'dul med par shog /dam bcas rim pa'i sdom pa rnams/ /tshigs bshad bzhin du sems kyis bsgrub/ /don gnyis 'gyur ba'i lus spyod dag /lus kyi le lo spangs pas byas/ /
- 533a
don med spyod pa sems kyis gnan/ /snying po bshad dang phan pa'i gtam/ /ma gtogs pa'i rgyun bcad de/ /le lo spangs pas gsum bsgrub bya/ /ca co nam yang ma yin pa/ /sangs rgyas chos su de bshad do/ /bsam gtan shes rab rab ma dang/ /snying rje sdom pa bsnges? pa'i sems/ /g.yeng dang bying rmugs rnam spangs pas/ /bsam bya brtag par gang dran pa/ /sangs rgyas chos bzhir 'di bshad do/ /sgo gsum chung bar mos grub pas/ /rtag du rang nyams smod byed pa/ /dam tshig sdom pa'i gzhir shes bya/ /sangs rgyas sku gsung thugs thob 'gyur/ /rgyas par yon tan brjod mi lang// //khud pa'i zhing du gyur rnams la/ /sdug bsngal yin yang mthar phan spyad/ /stod cing mtho sems rab spangs pas/ /'khrul pa ji snyed brjod mi lang/ /'di 'dra ba yang snod ma smra/ /rgan po bla ma'i 'du shes byed/ /phrag dog can la sems ngan med/ /dpag tshad du ma'i mthar gnas bya/ /man ngag zang zing lan spangs sbyin/ /'gron gnyer rgos med dbang du bya/ /don yod sdig pa dang du blang/ /ma bsngos 'tsho ba rtag tu spang/ /grags dang 'gran nor dge ba dor/ /nyams la snying rje gtang snyoms spang/ /don 'gyur phyir na bdag dge spang/ /de ni ldog par ma gsungs so/ /'dzin spangs pa'i sbyin pa bzhi/ /'chang pas sbyin pa bzlog par bya/ /lus 'dod dum bu'i sems dag gis/ /sprul sku thob phyir sbyin par bya/ /nyam sod log lta sun dbyung phyir/ /skal pa'i sbyin pas bzlog par bya//
- 533b
bsam gtan ro mchog rlung gnas kyang/ /theg dman spyod pa dor ba med/ /'dod pa'i sems kyis grong mi gnyer/ /bzlog pa'i sems kyis grong rgyu ba/ /chos kyi skyes kyis 'gro bar bya'o// //nad dang sdug bsngal can g.yos byed/ /tshul khrims bsam spyod lhur mi 'dzin/ /mnyes dang bral na dag par gsungs/ /brtsod pa'i rtsa ba sems dran dang/ /rnam smin dran par bzlog par bya/ /khong khro nyes chen bral 'gyur ba/ /'di ldan byang chub sems dpa' med/ /chos spyod bcu la dam bcas nas/ /thun mong zhen pa bzlog par bya/ /sdug bsngal bsam pa nam mi 'dor/ /snod ma bltas la sems mi brtan/ /de la don 'gyur spang mi bya/ /phan byed rnams la lan mi glan/ /mya ngan ci yang bsang bar bya/ /sgro skur spangs te yon tan brjod/ /ngan byed mthong ba med smon dang/ /sngos ngan mthong ba de bzhin ste/ /smon lam bdag gi zhing du btab/ /bzang por spyod dang dngos po bzang/ /mchod rdzas mthong ba ji snyed pa/ /bdag zhing kun gyis spyod par smon/ /gdug pa sangs rgyas zhing gnas dang/ /'gro ba sprul pas don byed dang/ /byin pa bsam gtan bden pa rnams der/ /bsam gyis chos kyi bsam pa dang/ /'greng ba sems can don bstan dang/ /dpa' bo bdud bzhi g.yul 'joms dang/ /thams cad spyod bzhin mgos dang/ /srog gcod khro bo'i phrin las dang/ /'dod chags mnyam par sbyor ba dang/ /rku byed dngos grub len pa dang/ /ri bo rtog pas mi phrogs dang/ /chu rgyun chos spyod rgyun ldan dang/ /'bras bu sku dang ye shes dang/ /me tog rnam grol phung po dang/ /yul khams
- 534a
rnam dag 'jig rten dang/ /kha zas ting 'dzin ro mchog dang/ /skom dang snying rje chu 'thung ba sogs/ /khams gsum gnas pa'i sems can la/ /smon lam yid kyis zin par bya/ /gzhan phyir bdag kyang de bzhin smon/ /rtsa ba'i spyod pa gsum pa sogs pa/ /sems skyed sdom pa blangs nas mthong/ /nyams med bsam pa'i dran pa dang/ /shes bzhin lta bas brtag dngos te/ /gang zhig sngon goms dbang nyams pa/ / 'gyod dang bcas pas sor gzhug bya/ /yi ge la sogs bzo mdza' rnams/ /rtsol bas rgyun tu 'jug byed pa/ /goms te sla bar ma gyur pa'i/ /dngos sde gang yang yod ma yin/ /spyod lam rnam gsum dran bya ba/ /byang chub sems dpa' i ming thob ste/ /de ni ldog par mi 'gyur ro/ /dper na phyug po nor sdod pa/ /med par gyur pa sor 'jug bzhin/ /spyod pa mnyam pa'i rnal 'byor pas/ /zhig pa bzhin du mi gnas te/ /gzhi'am 'on te gzhan dag gam/ /dbang por gyur pa'i rten dag la/ /sngon du maN+Dal mchod sbyar nas/ /me tog phyag 'tshal lus gus pas/ /'gyod sems dngos po gang gis bshags/ /de bzhin slar yang blang bar bya/ /bdag dang dngos po 'bras bu rnams ming migs sems kyi bshags bya bar/ /de ni nyes par ma gsungs so/ /'di ni shin tu gsang ba'i chos/ /bdag gzhan gnyis ka'i don 'gyur phyir/ /sdom pa rnam grangs 'phel mi bya/ /'dod pa sbyin pa'ang de bzhin no/ /thun mong rab tu zhen pa bzlog pa dang/ /bslab pa mthar chub de las grol ba'i phyir/ /las mdza' sems bskyed cho ga mdor bshad pas/ /'gro ba mdza' dag byang chub sems ldan shog /
- 534b
sems skyed pa'i cho ga mdor bshad pa rdzogs so// //rdo rje 'dzin la phyag 'tshal lo/ /de ltar ston pa mchod byas nas/ /lam gyi rnal 'byor rnams don phyir/ /rgyud gsum nges par gsal byed cing/ / dam tshig chen po mdor bshad pa/ /lam gyi rgyud la zhugs pa rnams/ /bslab pa gsum la gnas byas nas/ /don gnyis mngon du byed pa yang/ /nang ris la la mun snang phyir/ /gcig gis 'thad pa ma yin la/ /la la cha mthun spyad pa'i rigs/ /gdul bya skabs kyis rim spyod pa/ /sangs rgyas mdzad pa 'di gsungs so// //gnyer 'di lung gis lus bzhag nas/ /ngo bo rnam grangs bsrung thabs dang/ /nyams rgyu snga rtags skyon yon gnyis/ /bskang thabs dpe dang mdo bcur bcad/ /ngo bo rtsa ba bzhi dang ni/ /thun min thun mong yan lag gnyis/ /rtsa ba chen po mdor 'brel lo/ /dam tshig rnam pa'i grangs dag ni/ /sems can drangs dang log rtog grangs/ /sangs rgyas nyid kyis mi ma ? phyir/ /rtog 'dul gnyen po dam tshig grangs/ /rgyal ba nyid kyis rdzogs pa las/ /'on kyang rmongs la mdor gzung ba/ /byang sems rnam gnyis slob dpon drug /mchod bzhi sngags gsum phyag rgya bzhi'i/ /gsang bcu rtsa bar shes par bya/ /spyad pa lnga dang mi spang lnga/ /dang du blang dang bsgrub de bzhin/ /shes bya lnga rnams thun min bshad/ /yan lag skabs su shes par bya/ /thun mong dam tshig mdor bshad pa/ /mdor bsdus bdag gzhan don gnyis so/ /rnam grangs skabs su shes par bya/ /bsrung ba'i thabs ni 'di lta ste/ /rang lus rgyal ba'i phyag rgya che/ /sems can khams kyang
- 535a
der shes shing/ /snang stong gnyis med ye shes sku/ /byas mthong zos pa thams cad la/ /sems phyir gang yang byas snang med/ /dran dang shes bzhin mngon bstad la/ /dus gsum rgyun du ma dran na/ /theg chen bsngags par ci zhig tshud/ /lta spyod dam tshig 'brel pa yi/ /spyi dang 'dren dang dam tshig dbang/ /nyams chag skong dang shes rgyud 'grol/ /man ngag lung gi slob dpon rnams/ /lus la dbang ba'i rgyal po dang/ /khu bo ma dang pha dang mig /snying bas lhag pa'i tshul ltas te/ /sgo gsum zol rgyu med pa ni/ /yi dam lha ltar rgyun du bsam/ /bsrung rim 'chad bzhin shes par bya/ /mdza' yas sems can rang rig phyir/ /gang yang bdag las gzhan min dang/ /bde gshegs snying po yun ring phyir/ /ma 'ongs sangs rgyas rang bzhin yin/ /spyi yi mchod de pha tshan bzhi/ /sangs rgyas chos bzhugs ring ba dang/ /lta spyod mthun pas nye bar bshad/ /pha cig dam tshig nang 'dres pa/ /zhad tshan pha spun spun pas kyang/ /lhag par bltas te bsrung ba ni/ /lus kyi zas nor mnyes bya ba/ /sbur ma lta bur 'phangs pa med/ /gtan bting khur sogs las bya ba/ /bran bzhin nges par dang du blang/ /bla ma'i rigs 'khor de bzhin du/ /nor zas blangs ba rnam smin phyir/ /til phub tsam yang mi 'bag cing/ /mal gos chags sogs 'god mi bya/ /mchod rten bshig dang 'dra bar gsungs/ /brdeg bsang sku 'phrog spyod pa ni/ /dngos su bya ba ci smos kyi/ /rtsed mo las su bya ba min/ /bdag gis skyon
- 535b
sbas yon tan bsgrags/ /tshul brjod pa ni nyams par 'gyur/ /bskyon bskur la sogs mtshan nyid dag /bre mo gtam du zur mi bya'o/ /yid kyis g.yo rgyu phrag dog dang/ /mngan sems dbya sems nor la brkam/ /se gol yun duAng bya ba min/ /shin tu gdung zhing brtse bar bya/ /spyod lam cis kyang mnyes byed cing/ /bka' yi zur yang mi bcag pa/ /de ni sdig par ma gsungs so/ /tsa ba skyed dang las sngags kyis/ /dam tshig las dang chos dang ni/ /sku nyid phyag rgya chen po bzhi/ /rang gi sgo gsum yi dam gyi/ /sku gsung thugs su mngon sbyar la/ /rtag tu bzlas pa byed pa ni/ /byang chub gzung la zhugs pa ni/ /rab kyis chu bo'i rgyun bzhin nas/ /nyin gsum mtshan gsum nyin cig du/ /ma spangs pa yi dag gis bzlas/ /'bring gi zla gcig dus drug du/ /dus bzhi'i bar du mi bcad cing/ /tham bya ba'i rnal 'byor pas/ /zla re 'am mar ba'i dus dag du/ /brtson pas 'bad de mi phyed pa/ /byang chub sa bon brlag pa yin/ /tshogs dang gtor ma de bzhin te/ /tha ma lo zla mi zla'o/ /lta zab spyod pa glang po dang/ /lha mi gzungs dang grub brtags rnams/ /spyi gsang rnam pa bzhir bshad do/ /bsgrub pa gnas dus grogs dang rdzas/ /rab tu gsang la bsgrub par bya/ /gsang bar 'os la mdor sdu na/ /phung dang gtor ma tshogs dag dang/ /ban d+ha phur ba mar me snod/ /rdzas dang lag cha dkyil 'khor rnams/ /skye bos mthong bar yod mi bya/ /dril bu rde chung la sogs sgra/ /skye bos thos par yong mi brdung/ /grogs po spyod dang mtshang rnams dang/ /sems can kun kyang ngan spyod dang/ /kun la gnod pa'i spyod pa rnams/ /
- 536a
shin tu gsang na byang chub rgyu/ /gnyer gtad pa ni gdam ngag ste/ /sngar bshad slob dpon rnams kyis so/ /gsang sngags skyon yod ma yin ste/ /sems can don phyir rab tu gsang/ /gsang thub dngos grub mi yal bas/ /shin tu gsang na byang chub rgyu/ /gsang phyir gdam ngag sna tshogs gsungs/ /dam nyams dam las log pa dang/ /dam med dkyil 'khor ma mthong zhing/ /'dres dang ma 'dres thams cad la/ / sems kyis brtan par mi bsam zhing/ /las kyis thams cad sbas la spyad/ /ngag gi rdo rje rtse yod kyang/ /brjod pa dag tu bya ba men/ /de dag rtsa ba bzhir bshad do/ /thun min yan lag bshad bya ba/ /sbyor sgrol ma yin len pa dang/ /rdzun smra ngag brlang dpyad pa lnga/ /rang bzhin gyi ni sbyor sgrol dang/ /dbang po yul gyi sbyor sgrol dang/ /ting nge 'dzin gyi sbyor sgrol dang/ /mngon du phyung ba'i sbyor sgrol lnga'o/ gnyis ni shes bya thun min bshad/ /ting 'dzin bslab pa thun mong gsungs/ /mngon phyung dam tshig chen po la/ /byed pa'i tshig lngar shes par bya/ /lta spyod ting 'dzin 'brel goms pas/ /dkon mchog slob dpon sku dgra gnyis/ /dam nyams log dang 'khus pa dang/ /'dus par 'ongs dang yongs la gnod/ /dam dgra ngan pa'i ngang tshul can/ /ngan song gsum dang bcu bo ni/ /rnal 'byor kun gyis dang du blang/ /grangs kyis rtsa ba bcu bzhi'o/ /ting 'dzin sngags dang phyag rgya rnams/ /shin tu goms bas dbang bskur ro/ /byang chub zhing du dgod par bya/ /ting 'dzin sngags rgyas bag chags sbyangs/ /rnam shes lhar skyed 'og min 'phang/ /ye shes tshogs byang rdzogs par 'gyur/ /
- 536b
phung po byin brlabs mchod par bsgo/ /bsod nams mchog du 'dis 'gyur ro// //de ltar bsgral ba'i dgos ched kyang/ /byang chub sems 'phel sems can bde/ /lha mnyes bdag gis dam bskongs shing/ / las ngan bar chad sdug yun thung/ /rang gis bsags med ngan song las/ /bde lam 'di las gzhan med do/ /thabs kyi spyod pas 'ching 'gyur na/ /byang chub sems dang 'dul dbang gis/ /sngon dang smad 'tshong ston yang ltung/ / khe dang spyod pas de min phyir/ /thabs chen lam la gnas pa yi/ /skye bo kun gyis bya bar 'byung/ /'ga' na'i dam tshig chen po ni/ /log chags yid 'ongs spangs pa yi/ /don gnyis mngon du byed pa yi/ /bad can dung can ri mo can/ /ban glang can dang lcug phran can/ /sdong cig mi reg phyal pa brgyad/ /mnyen drang ske ring stod smad phyed/ /yan lag 'phra 'jam tshigs dmig zlum/ /dpral ba'i dbyes che smin khyugs ring/ /dmig phra dkyil nas utpa la mdog /chu zheng gnyis ka 'bring du bshad/ /lus dang chu klung ga bur dri/ /gsang thub shes rab spyod pa dal/ /dang ldan 'grogs shing dad che ba/ /gsang ba'i gnas su spyad par bya/ /dbang bskur dam tshig chos gsum bshad/ /lus la rigs lnga'i rdul tshon dgye/ /thabs la mkhas pas skabs kyis sbyar/ /dam tshig rnam grangs bcu gnyis kyi/ /dngos grub yon tan bsam mi khyab/ /slob bu smin cing las rnams 'grub/ / skye gnas ngan 'gro ris drug des/ /thabs kyi theg pa 'di bshad do/ /mtshan nyid chad dang rnam grangs dang/ /ltos ba'i kun rtags rnam pa gsum/ /dngos po de nyid la rdzun shes/ /thams cad rang gi snang phyir gdon// //
- 537a
shes nas kun smra skyes bu'i yul/ /dkon mchog gsum dang slob dpon mched/ /sems can gnod par 'ongs pa la/ /rdzun du smra ba'i dam tshig bya/ /gang la gsang bar bya ba rnams/ /gsang bcu las 'di rdzun bcu smri/ /bsrung ba bcu bdun nyams su blangs/ /zhing bcur gyur pa'i nor bcu dang/ /mtshan ldan gzungs dang bkra shis rdzas/ /sbas chos phal 'chang byin can rdzas/ /bsrung ba yod dam med pa'i nor/ /phyug po ser snas bcings pa'i nor/ /ming gis blangs la tshogs su bsngo/ /dam tshig bcu bdun spyad par bya/ /zhing bcur gyur pa'i sems can la/ /bslang tshig bcu yi zhe bcad cing/ /drag shul spyod ba sngags dag dang/ /gzungs la blang por sbyor ba'i tshig /slob bu snod bcos zhe gcod dang/ /'byung po zhe gcod rngam pa'i sgra/ /snod ldan bu la rngam chos bshad/ /ngag gi dam tshig bco lnga bsrung/ /mi spang dam tshig bshad par bya/ /yang dag dug lnga log dug lnga/ /bshad pa'i thabs mkhas 'dod chags dang/ /'dod spyod sems kyi rgyan shes nas/ /shin tu zhen pa lam du gsungs/ /zhing bcu rlag byed zhe sdang mchog /lta ngan 'joms pa de bzhin te/ / thabs la mkhas pa'i spyod pa yin/ /mngon par mtho ba'i lta ba dang/ /ting 'dzin nges par sran tshugs pa/ /shin tu rgyas pa'i mchog tu gsungs/ /lta bas phyogs ris mi phyed dang/ /spyod pa blang dor mi byed pa/ / theg pa chen po'i gti mug go /lha spyod sman la phrag dog cing/ /dam 'dres la sogs spong byed pa/ /phrag dog dam tshig bsrung ba'o/ /log dug sems can kun ldan pa/ /dug lnga rang rig rang snang phyir/ /dran pa thams
- 537b
cad shes pa la/ /shes pa thams cad rtsol ba yin/ /rtsol ba sems phyir thabs mkhas pa/ /thabs mkhas rang rig ye shes te/ /nyi ma'i dkyil na mun med ltar/ /ye shes rang snang ma rtogs pa/ /nyon mongs 'khor ba dang gis med/ /de shes rang rig ye shes la/ /spang bar bya ba dmigs mi 'gyur/ /dam tshig bco lnga la gnas pa'i/ /rnal 'byor chen po don gnyis rdzogs/ /kun gyis blang ba'i dam tshig lnga/ /dri chen dri chu mi sa dang/ / chil ma lhag pa'i sems rnams la/ /grub pa bzhi yis rgyan pa'i phyir/ /nad lnga bsal phyir blang ba dang/ /gtsang dam rtog sbyang phyir blang dang/ /thun mong dgos pa lnga phyir dang/ /rigs lnga 'grub pa'i yon tan ni/ / sdug bsngal 'grub pa'i yon tan ni/ /bcud lnga btung dbang lam gyi mchog /thabs kyi lus la brten shes na/ /yon tan brjod las 'das pas gsungs/ /phye ba'i dam tshig sum cu nyid/ /skabs kyis dang du blang bar bya/ /bsgrub par bya ba lnga rnams la/ /rigs dang ye shes yab yum lnga/ /gcig la lnga lngar shes par bya/ /sku gsung thugs dang yon tan las/ /gcig kyang lnga lngar phye bas na/ /bzhi bcu lnga yi bye brag rnams/ /mtshan nyid shes nas bsgrub par bya'o/ /shes pa lnga la bye brag dang/ /phung po lnga dang 'byung ba lnga/ /dbang po yul dang yan lag sor/ /nyon mongs dam rdzas sha dang ni/ /phyogs dang kha dog 'gro ba dang/ /snyigs pa bag chags lnga lnga pa/ /bdun cu la sogs 'khor ba'i chos/ /ye shes sku rigs yab yum sogs/ /rang bzhin dang gis kar dag pa/ /blo la nyams su lon pa ni/ /spyod yul yongs
- 538a
dag rnal 'byor ba'o// //thun mong dam tshig mdor bsdus na/ /bdag gzhan don tu shes par bya/ /rkyen 'gyed lus mdzes 'dus lta dang/ /chang dang dregs spyod kheng sems dang/ /rdo rje gsum phog phyag byed dang/ /che dag dge smod sdig bstod dang/ /le lo ser sna snying gnyer dang/ /khro gtum shes bzhin sngon mi btong/ /bka' gcog sdig pa'i grogs bsten dang/ /bag med spyod dang dam bca' 'dor/ /chog mi shes dang ngom la dga' / /spang bya nyi shu gcig bzlog pa/ /bdag don mchog tu gyur pa ste/ /kun gyis bdag nyid khur bar 'gyur// //pha rol phyin drug chos spyod bcu/ /rnam bzhi las kyi spyod pa dang/ /mthun 'jug thabs kyi spyod pa ni/ /theg pa rgu dang mu stegs rgu/ /'gro ba drug gi spyod pa rnams/ /'dzin dang nyam nga med par spyod/ /don 'gyur ci yang nyams su blang/ /bzhi bcu bzhi la sogs pa yis/ /gdul bya ma lus dor mi bya/ /bsrung bya de dag grangs brtab la/ /dran dang shes bzhin gyis sdod pa/ /rnal 'byor dbang phyug chen por gsungs// nyams par gyur pa'i rgyu dag ni/ /mi chos blun po'i las byed dang/ /bdag bstod gzhan smod zur 'dzin mkhas/ /khe drags nyid kyis 'du ste brnab/ /rdzas la chags sems rang phyogs che/ /chad dang rang mthong lta spyod pa snyams/ /tshes la phyogs ris doms rkyen dang/ /gsang chung le lo gtsang ngam? che/ /sgo bskur grogs kyi nyams len dang/ /'khor ba'i rigs rgyud spel 'dod cing/ /gcig pur mi
- 538b
gnas 'du la dga' / /nyi shu nyams pa'i rgyur 'gyur ro/ /snga rtags sngon du 'byung ba ni/ /nyam nga ba yi nad rnams dang/ /dgra bgegs gnyin la bden mi 'jug /'khor dang longs spyod yid 'ong bral/ /ya kha ma nyes kha yogs 'byung/ /brtsams pa'i las la 'bras med cing/ /yid du mi 'ong sna tshogs 'byung/ /gal te nyams la rtags med par/ /legs par snang na mi rung ste/ /bde ba zang byas gtan du sdug /gal te ma nyams rta ? byung na/ /sngon gyi rnam smin zad 'gyur phyir/ /skang so'i las la brtson byas na/ /ngan song sdug bsngal myong mi 'gyur// //nyams par gyur pa'i skyon rnams ni/ /byang sems dam tshig spangs par 'gyur/ skal bar dge ba ci bsags kyang/ /bzhi rten med par 'gyur ba yin/ /'khor ba'i khams su zag par 'gyur/ /sku yi dam tshig nyams 'gyur na/ /ya nga'i nad sogs sdug bsngal che/ /dus min tshe zad bar chad mang/ / skal bar rdo rje dmyal bar ltung/ /bde bas rab tu 'brel par 'gyur/ /gsung gi dam tshig nyams 'gyur na/ /bgegs rnams thogs med 'ong ba dang/ /rkyen dang ye 'dog mang ba dang/ /chos la byin rlabs med 'gyur zhing/ /skal pa gnyis su dmyal bar ltung/ /bsgrub pa'i thabs las 'gyangs par 'gyur/ /thugs kyi dam tshig nyams gyur na/ /smyo 'bog dbang po nyams dang chas/ /myos shing lkugs ba'i gnas su 'gyur/ / gang yang bsgrubs pa rtags med cing/ /lce la zhing rmod la sogs pa'i/ /dmyal bar skal pa gsum du gnas/ /rtsa ba kun nyams phyal ba dag /gsol nye bar mi brtson na/ /rdo rje dmyal bar de ltung ste/ /dmyal ba
- 539a
phal pa thams cad kyi/ /sdug bsngal gcig tu bsdoms pas ni/ /de yis 'bum gyi char mi phod/ /sangs rgyas stong gi 'od zer dang/ /byang chub sems dpa' i 'phrin las kun/ /rgyun tu mdzad kyang phan mi 'gyur/ / bskal pa ther 'bum la sogs su/ /de ni mthon par mi 'gyur te/ /'jig rten 'jig na gzhan du 'pho/ /se gol gcig gis phyin bar byed/ /de bas shin tu nan tan gyis/ /yan lag dam tshig nyams 'gyur na/ / longs spyod mang du 'phel med dang/ /theg pa che la 'phyas 'dogs shing/ /thun mong mchog gi dngos grub rnams/ /shin tu ring bar gyur pa dang/ /gdul bya'i don rnams yal bar 'gyur/ /lta spyod ya char gyur pa yis// theg pa phyi nang 'dres pa nyid/ /bka' yi byin nyams grub par dka' / /bsrung ba'i lha rnams g.yel ba dang/ /zab mo'i chos las ring 'gyur zhing/ /skal par ngan song sdug bsngal myong/ /rnal 'byor sngo skams nyid du 'gyur/ /rnal 'byor skyes bu chen po des/ /dam tshig ma nyams gzhung thub na/ /lus la nad nyung mtshan ldan zhing/ /'khor dang longs spyod 'phel ba dang/ /thun mong nyes byas dag 'gyur dang/ /srid pa gsum la dbang sgyur zhing/ /theg chen zab mo don thob 'gyur/ /gsung gis lha mnyes don thob 'gyur/ /mthu dang byin rlabs bsam mi khyab/ /las rnams dus su 'byung bar 'gyur/ /bsam pa thams cad yongs su 'grub/ /thugs kyis skyo dub med pa dang/ /man ngag snod 'grub dngos grub nye/ /dgongs zab don la mkhas pa dang/ /lha rnams kun gyis dbang skur 'gyur/ /yan lag dam tshig ma nyams na/ /rnal
- 539b
'byor skyes bu chen po yis/ /skyon bzlog pa nyid yon tan ste/ /bdud bzhi 'joms shing ngan song sbyong/ /theg chen lta spyod gzhung srod pas/ /lha rnams 'go zhing bsam pa 'grub/ /don gnyis yongs su rdzogs par 'gyur/ / theg chen dam tshig la gnas shing/ /'og ma'i 'dul sdom dam tshig gsum/ /bsrungs pa med par thub pas na/ /dge slong byang chub sems dpa' dang/ /de ni rnal 'byor chen po yin/ /nyams na bskang ba'i thabs rnams ni/ / byang chub sems kyi dam nyams na/ /mkhas la blangs te gnas par bya'o/ /sku yi dam tshig nyams 'gyur na/ /gang la nyams pa der song la/ /nor zas 'byor pa mnyes phul nas/ /gang nyes tshig du bshags byas la/ / phyin chad sdom pa legs par bca' / /gal te grongs chad gyur pas na/ /de yi slob dpon bzhugs pa la/ /de tshe gong ma bzhin du bshags/ /med na mnyam pa brgya la bshags/ /de yang rnyed par ma gyur na/ /de dang mnyam pa gsum bkug la/ /sbyin sreg me thab rab brtsigs la/ /dkyil 'khor lha la mchod rjes su/ /spyan drang gsang mtshan la sogs mchod/ /gong du smos pa'i yon rnams ni/ /dbang po gsum la dbul bar bya'o/ /gal te gus pas mi len na/ /gnyis ka rdo rje dmyal bar ltung/ /de bas myur du tshangs par bya/ /gsung gi dam tshig nyams 'gyur ma/ /sgo gsum sku gsung thugs nyid du/ /nges par shes na skongs par 'gyur/ /bslab pa bldab kyis bsab pa dang/ /bsgrub pa chen po gsum gyis bskang/ /thugs kyi dam tshig nyams 'gyur na/ /'gro drug sems su gsal rtogs na/ /bdag nyid bdag la gsang ba mod/ /
- 540a
mi rtog ting 'dzin klong zhugs te/ /ma yengs blo la 'dris par bya/ /yan lag dam tshig nyams gyur na/ /gang 'das de nyid sor bcug la/ /brgya rtsa brgyad kyis tshogs kyis bskad/ / de ltar nyams su blangs na 'grub/ /snga rtags sdug bsngal 'byung mi 'gyur// //dam tshig chen po'i dpe bstan pa/ /sa gzhi lta bu'i rang bzhin pas/ /las dang 'bras bu'i chos rnams kun/ /dam tshig med par 'byung ba srid/ /so mtshams dag gi rang bzhin pas/ /bsrung ba thub dang ma thub las/ /nyes legs stobs chen 'byed pa'o/ /rin chen lta bu'i rang bzhin bas/ /dngos grub dgos 'dod thams cad 'byung/ /nam mkha' lta bu'i rang bzhin bas/ /'di yod thams cad shor bar 'gyur/ /rno rbal mtshon gyi rang bzhin pas/ /'khor pa'i dra ba ma lus gcod/ /pha ma lta bu'i rang bzhin pas/ /dus gsum sangs rgyas ma lus bskyed/ /rgya mtsho lta bu'i rang bzhin pas/ /brlabs chen dus su 'byung bar byed/ /me dpung lta bu'i rang bzhin pas/ /gang mchongs thams cad 'tshig par byed/ /de bzhin rtsi sman rang bzhin pas/ /'khor ba'i gcong rnying ma lus 'byin/ /rgyal po lta bu'i rang bzhin pas/ /phyogs 'ga' bsten pas rim gyis 'tsho/ /rgya mtshor nor len tshong dpon bzhin/ /thog ma nas mthar 'di phyin pas/ / 'di la shin tu nan tan byos// //dam tshig dam tshig zhes bya ba/ /gud na yod pa ma yin te/ /rang gi sems nyid dam tshig yin/ /ji snyed snang ba'i chos rnams su/ /rang rig rkyen 'bras
- 540b
nyid snang bas/ /cir snang cir srid rang rig nyid/ /'gre log spyi gtsug gar 'gro yang/ /snying po'i don las 'da' mi srid/ /rang bzhin dam tshig chen por bshad/ /rang bzhin lhun grub dam tshig la/ /rig pas phyin ci ma log na/ /sngon snang rtags pa'i chos med pas/ /lta ba'i dam tshig chen por bshad/ /de don blo la 'dris pa yis/ /spyod lam kun tu ma nyams par/ /ting 'dzin rgyun gyi dam tshig ste/ /sangs rgyas nyid dang spyod yul cig /'di la bsrung ba ci yang med/ /nyams pa rdul tsam 'byung mi srid/ /nam mkha' spyod la 'dzin med pas/ /lhag pa'i dam tshig rnam bzhir ldan/ /srung bya ma lus 'dir 'dus phyir/ /dam tshig kun gyi mdo zhes bya// //sgyu 'phrul rnam bkod gtor tshogs rgya mtsho'i rgyud chen las/ /lam 'bras snying po me long bcu gcig gis mtshon pa/ 'khor lo ngag mchu'i tshul gyis bsgegs pa'i blos bsdus pa'i/ /dge ? kun kyang dam gnas 'gro/ kun byang chub myur thob shog /dam tshig gsal bkra zhes bya ba/ slob dpon chen po sgeg pa rdo rjes mdzad pa'o/ /rdzogs so// //bcom ldan 'das thugs rdo rje la phyag 'tshal lo/ /rang gi lha la phyag btsal nas/ /lam bzhi dag yod bya ba'i phyir/ /las snod skal bas gnas gyur pa/ /dam tshig phra rgyas gsungs pa de/ /thun mong mchog gi srung bya rnams/ / rnal 'byor cha la gnas pa yi/ /bdag dang gzhan dang chos kyi phyir/ /gzhung tshul srung ba 'di mi bya/ /snga ma srung bar bya ba ni/ /mdza' yas gsungs pa mdo tsam du/ /nges 'byung bzhi yis gzhi rnams dang/ /
- 541a
dka' thub 'dzin med sems kyis bsrung/ /gzhi phyir gzhan yang lus ngag gi /brgyan po 'gyed rnams dor ba dang/ /mtshon thogs 'phong rtsed mchod rgyug dang/ /ma rabs thor bu'i spyod kun dor/ /ngag gi bzhi dang grol dag rnams/ /nam yang smra bar bya ba min/ /nyon mongs drug dang bying rgod bsogs/ /skyon sems bye brag bsam mi khyab/ /gang dag don med de len pa/ /kha na ma tho 'phel ba dang/ /skye bo'i gnas su mi 'gyur bas/ /'khor ba'i mdza' mar spyad thag yan/ /byang chub tshed phyir gang yang spyad/ /de dag las ldog spyod pa gsum/ /sems kyis zin par gang spyod pa/ /sangs rgyas sku gsung thob par 'gyur/ /phyi ma rtsa ba yan lag pas/ /lnga bcu'i brgya dang drug cu dang/ /nyis brgya'i srung bya ma lus pa/ /bka' lung gnyis kyi rjes su snyegs/ /pan tsi nying lag zhes bya ba'ang/ / dang po nyid nas thabs spyod dang/ /shes rab nyid kyis nyis 'gyur yin/ /de des srung bya bcu gsum ste/ /byang chub sems ni bla med lha/ /zhi khro'i lha dgu nyid dang bcu/ /bcu gnyis bsam las mi 'da' zhing/ / thun mong mchog gis tshad med pa/ /bden gnyis byang chub rnam pa bcu/ /bla med gsal bas nyams mi bya/ /lha spangs dge spyad don med 'gyur/ /bdag nyid lha dang mnyam sbyor na/ /yon tan chung yang 'grub par 'gyur/ /de phyir dus gsum 'da' mi bya/ /bla ma bskur ba 'ang sgo gsum gyis/ /lus kyi srung ba'ang bdeg sogs las/ /thing klad rtsa mduAng bya ba min/ /'dod yon lnga yi mchod pa dang/ /
- 541b
gsang ba'i snod du dug mi spyod/ /'gro ba grang po'i phyogs spang dang/ /gdan sa gdan sogs mi brlam dang/ /'greng 'dug ngan spyod la sogs spang/ /rgyan 'dogs ze ldir de bzhin ste/ /ma rabs spyod pa kun spangs la/ /spyod lam zon chag ste gnas bya/ /rdzun dang phra ma dag rtsub dang/ /'khyal pa nam yang mi bya ste/ /be phogs ma yin brda skad dor/ /lkog du tshul brjod nyams par 'gyur/ /yon tan brjod cing snyan par smra/ /ca co la sogs ma yin pa/ /sangs rgyas rdo rje gsung thob 'gyur/ /dam pa ston pa'i bla ma la/ /chags sdang gti mug nga rgyal dang/ /phra dog dug lnga'i sems mi bya/ /ngan du mi sems lci bar sems/ /pha ma yi dam 'dra bar bsam/ / rtag tu gdung ba rgyun mi bcad/ /byang chub gzungs la zhugs pa yin/ /sngags dang phyag rgya rgyun mi bcad/ /zhi khro'i phyag rgya bdun gnyis cig /phyogs bcing rten dang khang pa'i sngags/ /rtsa skyed las rnams bzhi yi sngags/ /dbang bskur byin bsdu gsang sngags dang/ /spyan drang stim brtan phyag 'tshal mchod/ /dus gsum rgyun du gzhi yin phyir/ /nam yang rgyun bcad spang mi bya/ /yang dag lam du zhugs pa'i grogs/ /snum 'am? yin slang mi bya/ /zla zar ma yin gzungs mi spyad/ /lta spyod mtho ba'i gong mi bcad/ /dbang dang dam tshig de bzhin ste/ /kun tu yangs bag zon phrig can/ /skur stim mchod byed dga' bar spyod/ /rdzun sogs rnam bzhi spang ba dang/ /bya ba mi smra tshul mi brjod/ /snyan smra zhes pa gsod por smra/ /bden tshig sri zhu'i sgra byed pa'o/ /sems kyi sngon bzhin dug lnga dor/ /mngan spyad sems mi spang ba dang/ /mig 'drar lta zhing gdung
- 542a
bar bya/ /gnod sems spang dang rnam bcu'o/ /gsang ba'i phyir ni mi smra ba/ /spyi dang bar gsang bzhi bzhi dang/ /'os dang gnyer gtad rnam pa dbu/ /sems kyis brtan par mi bsam zhing/ /ngag gis brjod par yod mi bya/ /lus brdas brtan man sum cu'o/ /yan lag dam tshig lnga gnyis la/ /cig la bcu phrag gnyis su dbye/ /dbang du blang ba'i dam bsgrub rdzas/ /bsgrub rdzas lnga yang rtsa ba brgyad/ /brgyad cha re zhing dang snyigs lnga/ /re re'ang rnam pa bcu ru 'gyur/ /zhing bcu'i bdud rtsi'i de bzhin pas/ /rnam par dbye ba nyi shu'o/ /bdag gzhan rang bzhin zhi dang gnyis/ /rdzas bcu thabs spyod shes rab spyod/ /bcu bcus nyi shur 'gyur ba'ang rigs/ /mi spang lnga la bcu gnyis te/ /zhing bcu thabs kyi mdzad pas 'joms/ /shes rab rang bzhin med par grol/ /thabs dang shes rab zhe sdang gis/ /bdag gzhan don rnams rdzogs par byed/ /yan lag bcu yis dam tshig la/ /thabs kyi mdzad pa mi 'byed cing/ /shes rab gnyis med mi 'byed pa'i/ /gti mug bcu gnyis 'da' mi bya/ /de ltar thabs dang shes rab bcu/ /gnyis ni sdeng du gyur pa yi/ /lhag pa'i nga rgyal mi 'da' ba/ /da rgyal chen po'i dam tshig go /zhing bcu thugs rjes mi stong ba/ /rigs lnga'i yum la thabs kyis rol/ /ting 'dzin thabs? dbang rang bzhin sbyar/ /shes rab don dang 'du 'bral med/ /ma rtogs gnyis dang log rtogs gnyis/ / nyan thos rab rgyal byang chub sems/ /gsang sngags phyi yi theg pa gsum/ /gsang sgor mdzad pas mi chud cing/ /shes rab ngan bas mi chud pa/ /phra dog chen po'i dam tshig go /de ltar sum brgya drug cu rnams/ /
- 542b
bdag gi rdo rje mchog gsum pos/ /log par mi stong sdom pa'i dngos/ /sa gzhi lta bur srung ba yin/ /rgyas 'dring stong rtsa brgyad dang ni/ /sa la 'bum sde bdag gzhan phyir/ /srung ba'i rgyud dag las grags pa/ /gsum gyi srung ba sngon bzhin no/ /dam tshig 'di ni rdo rje che/ /sku gsung thugs kyi rdo rje'i bdag /'grub 'gyur 'dir bde rtag pa yi/ /dbang phyug chen po nyid du 'gyur/ /byin rlabs gsum gyis mdzad pa dang/ /nye 'du las byed rtag du srung/ /yid 'ong gter 'dod bsam 'grub cing/ /phun sum tshogs yon rgyud las 'byung/ /myong ya dam tshig rdo rje chu/ /bzhag cing go bas bskrags byas na/ /rgyud lnga tha tshigs bral 'gyur na/ /rab sha yag shar gyur nas kyang/ /bsad nas dmyal ba tshan por rgyud/ /de yi sdug bsngal bzod glags chad/ /sa ma ya'i nyan+t+ra las/ /nyes gsum thos pa 'ang nyam nga na/ /'di phyis mthong myong smos ci dgos/ /de bas rgyun du mdo bshags bsngo/ /gang dag sa gzhi med pa dag /tshul 'chos phyir na yon tan brjod/ /nyes smra rdo rje'i dam ldan min/ /lhag par bdag ldan smos phyir ro/ /rnal 'byor lam mthar phyin bya zhing/ /bdag gzhan don phyir phra rgyas bsdus/ /ngal ba'i dge rtsa gang yod pas/ /mdza' yas rdo rje gsum thob shog /dam tshig phra rgyas bstan pa rdzogs so// //dpal rdo rje sems dpa' la phyag 'tshal lo/ /gtan tshigs gnyis rjes rims 'brengs nas/ /rang nyams goms pa'i rigs pa yis/ /rnam pa mtshan nyid 'bras bcas pa'i/ /sbyin sreg rim pa bshad par bya/ /las 'di lung gis bsgrubs byas na/ /sbyin sreg rnam pa nges tshig dang/ /yon tan rnam pa gsum du gsungs/ /dang
- 543a
po phyi nang gsang ba la/ /rang bzhin thugs rje chen po dang/ /lhag pa gzugs brnyan gsum du bshad/ /ting 'dzin lhag pa'i longs spyod nang/ /khams bzhi'i khams ni gsang bar bshad/ /rang rig ye shes rgyal po yis/ /phyogs bcu ma lus rgyas btab pas/ /mi dmigs mi dmigs dmigs su med/ /thams cad rang rig khro bor gsal/ /dmigs med nyid la dbang sgyur ba/ /ji ltar snang ba de ltar snang/ / thabs dang shes rab ldan pa la/ /mtshan ma'i spros pa ngang gis med/ /nam mkha' i mkha' dkyil dang ba yi/ /yid bzhin tshogs rnams kun byung ba/ /sna tshogs 'byung zhing 'od 'phro 'bar/ /thugs rje'i byin rlabs rmad po che/ /'gro ba sna tshogs don byed pa/ /'di ni byang chub mchog du gsungs/ /cig shos las kyi gtsor gyur pa/ /rgyas par phyi nang shes par bya/ /dbu ma dang po gnyis yin te/ /ye shes rang rig rtags kyi hoM/ / rang dang spyi ru bstan pa dang/ /sems kyi phrag dog thams cad kun/ /bdag med rang rig ye shes kyis/ /dngos po gnyis med rtogs byas pas/ /dngos dang dngos med bag chags sregs/ /de ming ye shes me zhes bya/ / srid gsum sreg pa me yin te/ /yid kyi ye shes me ru 'bar/ /sman bcud len gyis dug sbyong ltar/ /phyi dang nang gi dri ma dag /bdag med gnyis kyis bdag por byed/ /gsal zhing bzhag par bya ba med/ /rang snang ting 'dzin ye shes ram/ /ri rab gling sogs khams gsum sbyangs/ /rab rib dag pa'i rang rig gis/ /sku gsum rang bzhin mthong dbang sgyur/ /goms pas bzhi 'joms ngan song sbyong/ /ting 'dzin las kyi
- 543b
mchog tu bshad/ /shes rab dang ba'i dkyil 'khor du/ /spyod yul rdzas rnams bsdus nas ni/ /lhan ne lhang de 'od du zhu/ /zhi 'gyur dbyings nas phyag rgya 'bar/ /rigs tshogs lha yi dkyil 'khor du/ /gsal 'gyur kun kyang de bzhin pa/ /spyod yul dag pas nang du gsungs/ /rang lus 'byung ba'i dkyil 'khor la/ /lus dang rtsa dang dur khrod kyi/ /gzhal yas khang la sogs par bsgom/ /myong byed kun gzhi'i zhal bsam ste/ /rdzogs dang bkod pa'i lha rnams bsgom/ ting 'dzin gsal bar yid kyis sbyar/ /ye shes dkyil 'khor zhugs par bya/ /bsgrub bya 'od kyis nges sbyar ba'i/ /longs spyod yi ge lngas sbyangs pa'i/ /nri sbar rtse lnga'i sgang blugs kyis/ /las bzhi'i mchod pa rab tu sbyin/ / bsam gtan bzhi bcas las nyid kyi/ /'bras ldan spyod yul dag 'gyur zhing/ /yid bzhin sku dang longs spyod 'grub/ /mchod sbyin rgya che rnam gnyis kyis/ /tshogs gnyis rgyun du rdzogs par byed/ /sum mdo'i snying rkog lte 'byung bzhi/ /kha dog las bzhi'i dkyil 'khor la/ /ye shes snying po ma lus zhal/ /thabs las ye shes me 'bar bas/ /las kyi mes bskul bde ba dang/ /nges bar zhal du chud pa na/ /ma lus mnyes pa'i dgyel ba yis/ /phyogs bcu kun tu khyab par 'gyur/ /mtshan ma rnam rtog kun spyod zhing/ /rtogs dka' i ye shes mngon du 'gyur/ /khams gsum bco brgyad bdag nyid de/ /ma lus rtsa bar 'di shes bya/ /gsal ldan ma 'am byin rlabs la/ /las bzhi'i dbyibs ldan hoM khung du/ /las kyi bde ba'i lha bskyed cing/ /stong gsum nyungs 'brur 'jug tshul du/ /dbyings nas dkyil 'khor spyan drangs te/ !/nyung 'bru me lha'i zhal nyid du//
- 544a
rdo rje sgang blugs bcas pa yis/ /dkar nag dmar gyi me mchod pas/ /rang bzhin rnam pa gnyis kyi lha/ /bsnyes dang 'gro mang bde thob 'gyur/ /dus bzhi'i sbyin sreg mchod sbyar bas/ /thun mong mchog gi yon tan rnams/ /dka' ba med par len par gsungs/ /'jig rten mang tshogs rnams spangs pa'i/ /ji bzhin don ston ming des tshig /de phyir sbyin gnyis stong dang thob/ /rdzas rgyun shes rab ting 'dzin dang/ byin rlabs stong dang rnam pa lnga/ /'dzin med blo ni don gyi ming/ /byin rlabs yon tan rnam pa gsum/ /gzugs brnyan me long tshul bzhin du/ /snang ba thob pas sbyin par bshad/ /rdzas dang spyod dang bdag gzhan gyi/ /spyod yul rgyu rkyen dang bcas pa'i// dag byed ming nges tshig ces bya/ /lhag par gzugs brnyan khas blangs pa'i/ /gnas rdzas thab kyi rnam pa dang/ /gzung dang tso sems bsgrub bya dang/ /phur pa lha dus las rim dang/ /lhag ma bcu gcig shes par bya/ /ri bo 'dus pa'i rtse rnams dang/ /chu gling 'jam pa'i sa phyogs su/ /dang bar byed pa'i las rnams rtsam/ /nags tshal ljon pa me tog tshal/ /lhun sdug ri bo rgyas par bshad/ /sum mdo chu bo 'dus pa dang/ /bzhi mdo'i khang stong sdud ces bya/ /dur khrod dang pa'i sa phyogs su/ /lhag ma btsams na nges par 'grub/ /rang bzhin nus mthu ldan pa'i phyir/ /shin tu gces par bstan pa yin/ /gnyis pa rnam pa lngar bshad de/ /me yi rdzas gnyis sreg shing ni/ /rtse mo zhi byed yan lag brgyas/ /sdong po dbang rtsa mngon spyod pa'o/ /kha dog las kyis sbyar bar bya/ /shug pa tsadan dkar po dang/ /u dumwa ra 'o ma'i shing/ /zhi rgyas yam shing shes par bya/ /dmar la dri zhim shing rnams dang/ /dug shing tsher ma can dag la/ /tshil byugs dbang drag me sbar ro/
- 544b
bsgrub bya'i dam rdzas gos bsogs dang/ /longs spyod de bzhin shes par bya/ /dug dang tsha bas gsum dang/ /sha chen ra dang ba lang sha/ /mchog du gsod par byed pa yin/ /skyur ba dbang ste ling ka'i rdzas/ /'o ma 'bras chan rdul phye dang/ /me tog dkar po gtor ma zhi/ /ldong ros dro chan zho dang phrum/ /me tog gser phye rgyas pa la'o/ /zabs phye bu ram 'bras dmar dang/ /ram bu pad+ma'i rak+tar sbyar/ /thams cad gdud pa'i gtor ma yin/ / dug rnams lcags phye rdo rje phye dang/ /ra kyi khrag dang sha chen dang/ /dur sol mud ka'i chan rnams ni/ /gsod par byed pa'i gtor ma yin/ /mar dkar til dkar nas dkar chan/ /mngar gsum tsan dan dkar po'i shing/ /thams cad ye shes bdud rtsis te/ /tha mas ye shes me skyed do/ /zho dang mar rnying bu ram 'bras/ /rgun 'brum sha chen star ka dang/ /dri zhim ser zhing rgyas pa la'o/ /dan ti shing la shad tse dang/ /dmar po'i shing tsha dag gis ni/ / thams cad 'gugs pa'i mchog du gsungs/ /dug dang tshil chen skye tshe mar/ /sran chan khrag sna sna tshogs dang/ /tsher ma ba lang sha chen gsod/ /'bras bu'i don phyir 'tshogs par bya/ /sa gzhi legs par spyad byas te/ dkyil 'khor zlum po rim pa gsum/ /khru gang spangs dang zheng du yin/ /zabs dang gyen du phyed du bshad/ /'khor lo oM kyi snying po can/ /rdo rje 'khor lo me 'od rim/ /mda' bzhi zhags pa dkar pos bre?/ /gzhan yang rtsibs bzhi'i 'khor lo la/ /rigs bzhi'i phyag rgya rims shes bya/ /oM dang gser mgo spel ma yis/ /mu khyud skor ba phyi ru bshad/ /thams cad zhi byed dkyil 'khor yin/ /ye shes phyogs bzhi dbus 'od 'bar/ /khru
- 545a
gang tshad ba sogs rjes su mthun/ /rdo rje rin chen zhags pas bskor/ /dbus su pad+ma swa zer tri snying ldan/ /gzhan yang rin chen gnyis dbyibs su/ /rim pa la sogs rjes su sbyar/ / zhags pa ser pos skor bar bya/ /thams cad 'phel byed dkyil 'khor yin/ /ye shes phyogs bzhi dbus 'od 'bar/ /hoM khung zla kham sdengs pa la/ /rdo rje bad mo 'od 'bar dang/ /lcags sgrog gtams pas mdzes par bya/ /dbus su pad+ma h+ri snying ldan/ /gzhan yang 'dab brgyad de bzhin du/ /tha ma srom shing mdzes pas skor/ /zhags pa dmar po sdud pa yin/ /dkyil 'khor gru gsum rtsegs pa la/ /dur khrod sol bas khyab bar bya/ /rtse gsum rdo rje sdengs pa dang/ /thod pa lcags skyu bsdams pas bskor/ /hUM bcas rdo rje'i rnam pa yin/ /dbang phyug zhags pa nag po bri/ /gzhan yang sdang sbyan bsgrang ba yi/ /khro zhal zhing tu 'jigs pa bri/ /me dpung 'bar bas rab mdzes pa'i/ /'di ni gsod pa'i mchog tu gsungs/ /bong chung lus mdzes zla ba'i mdog /g.yas 'khyil lus la de bzhin shes/ /skad gsal sngags zlos yid mi skyo/ /khro pa spangs pa zhi la sbyar/ /ba lang ser mo gru bzhi la/ /rna ba 'gram glang ring sha rgyas/ /yan lag zla mang las la mkhas/ /dal zhing blo gros ldan pa ni/ /'phel ba'i dus su shes par bya/ /dmar po zla gam mdzes pa'i zhal/ /yan lag rgyun nas rnam par spangs/ /thabs mkhas brtson 'grus ldan pa ni/ /thams cad sdud par byed pa yin/ /nag mo gru gsum rtsid mgo ma/ /
- 545b
khro gnyer can la gel bag can/ /gtum zhing brlang tshig 'dzem bag med/ /sngags bzlos brtul shugs ldan pa ni/ /tha ma'i dus su 'di shes bya/ /rang rig sangs rgyas kun gyi dngos/ /thams cad rang dbang sgyur bdag phyir/ /bsgrub pa'i gtso bor 'di gsungs so/ ma lus sems ni mdza' bral phyir/ /rang bzhin rnam dag mngon byas pas/ /sems gter rtog sogs dkyil 'khor phyir/ /byin rlabs bsdus 'phel sngon du bsgom/ / thams cad bdag phyir tha mi dang/ /shin tu zhen pa nyid kyis 'grub/ /chags pa chen po nyid du bshad/ /rang bzhin cig phyir rdzogs med 'jig /log rtog khros pa'i sems kyis bskul/ /yang dag zhe sdang chen por gsungs/ / bdag gzhan gnod pa'i sems dang ni/ /sbyor ba ngan pa'i rig sngags las/ /khams rkyen las gyur sngos med ba/ /nyon mongs bag chags sdug bsngal rnams/ /thabs phyir cig kyang dor mi bya/ /yon tan 'phel med nyung ba'i phyir/ /tshe dang logs spyod sgo gsum gyi/ /yon tan mngon par mi ldan pa'i/ /'jig rten pa dang 'das pa yi/ /yon tan bsdus te bstim pa dang/ /sems ni rin chen gter gyi phyir/ /byin rlabs 'brel ba snang bar 'gyur/ /mos 'dud med pa las rkyen can/ /las gsum bdag gzhan don gyi phyir/ /gsum pa las la sbyar bya zhing/ /lha yang de bzhin gshegs par bya/ /zhing bcur gyur pa'i sems can rnams/ /dam pa'i chos 'jig ma rungs pa/ /dpa' bos dgos pa yod pa'i phyir/ /kun la phan pas de bya'o/ /dngul la ma dkar po'i shing rnams la/ /mgo bo rgya mdud rtse zlum po/ /steng 'og logs
- 546a
la khro bcu bsgom/ /'phro 'dus bder gshegs phur ba la/ /sngags dang phyag rgyas byin brlabs pas/ /mdza' skor yan lag gnyis la sbyar/ /gser ram ser po'i shing rnams la/ / mgo bo rgya mdud rtse gru bzhi/ /lha rnams de bzhin rin chen khro/ /zur bzhir gnas pas lus gnas bzhir/ /btab pas yon tan 'du bar 'gyur/ /zangs sam dmar po'i shing rnams la/ /mgo bo rgya mdud rtse zur gsum de bzhin chags pa'i phur par shes/ /zla gam mdza' lnga dbang po sbyar/ /de dag bsgyur te 'dus par bya/ /lcags sam nag po'i shing rnams la/ /mgo bo rgya mdud rtse zur gsum/ /de bzhin rdo rje phur brlabs pas/ / zur gsum lus ngag sems la sbyar/ /'grub 'gyur 'di la the tshom med/ /las byed nyi shu gcig duAng gsungs/ /sbyin dang sreg pa'i gnas gnyis te/ /sangs rgyas rigs kyi sprul pa'i phyir/ /las thams cad la thogs med 'jug /sku mdog cha lugs las bzhin shes/ /bag+hu d+he sgrom zhags tri shul 'dzin/ /rigs kyi phyag rgya gdab par bya/ /oM tri h+ri hUM sa bon snying/ /agni de ba zhal bzhi'i sngags/ /'od 'phro 'bar bas 'khor bar bsgom/ /zhal bzhi sbyin pa'i lhar bshad do/ /gzugs brnyan lta bu'i gzhal yas ni/ /'od 'phro ba'i las khyab par sbyar/ /rgyal po'i lus mdzes 'khor lo 'chad/ /rgyan rnams zhi la dkar ba dang/ /'od zer 'bar lhan lha ne ner sgom/ /khro bo'i dkyil 'khor ma lus pa/ /kun kyang gti mug rdo rje'i tshul/ /'khor lo 'od zer ldan pa yi/ /khams gsum thams cad khyab par bya/ /sa bon oM
- 546b
dang rang sngags ldan/ /gzhan yang de bzhin shes bar byas/ /rin chen dga' spro ser skya ni/ /'od zer 'bar ba rin chen can/ /sngags sogs gzhan ni snga ma'i tshul/ /sprul pa rjes su mthun pa ste/ /dza hUM baM ho 'don par bya/ / 'dod chags rdo rje lcags sgrog dang/ /mdog ni dmar rmug 'od po cha/ /sngags ni yi ge raM dang h+ri/ /phyogs bcur khyab pa'i h+ri la bsdu/ /gzhan la'ang de bzhin shes par bya/ /zhe sdang rdo rje gtum por 'bar/ /dur kha nag po'i mdog 'dra la/ /'bar bas sngon dmar me rtag 'khrug /nyi zla thod sprul gdug pas rgyan/ /seng ge glang chen stag rngam dang/ /rbod stong rngam pa'i phyag rgyar ldan/ /sgra skad drag po khams gsum 'khrug / sgrub byed phyag rgya goms pa yis/ /gang la dmigs pa 'grub par 'gyur/ /dbyar dgun ston dpyid las rim dang/ /snga dro gung dgongs nam byed dus/ /las rim brtsams shing shis par gsungs/ /rdzas dang yo byad ldan byas la/ /sa gzhi sbyang ste gzugs brnyan sbyar/ /stong gyur mgon pa las bcol zhing/ /kun kyang tshim bya bgo ba bya/ /shin gnyis mchod rdzas legs bkod de/ /kha dog me dar legs pas dgab/ / ling ka'i gnas ni gzugs brnyan tshul/ /ming dus ldan pa phur bus bskor/ /rdo rje gur gyis phyogs bcing bya/ /nyi ma zla ba gnyis gnyis kyis/ /gzhong pa snod kyi rdzas rnams la/ /las kyi hUM las 'bru lnga dgos/ /'phro 'dus bdud rtsi'i kha dog ldan/ /mang zhing sna tshogs ro dang ldan/ /dkyil 'khor las kyi gzhung srang la/ /sna tshogs mchod yon rgyas par dbul/ /tshogs kyi dkyil 'khor legs par rtag /mchod
- 547a
ba chen pos sbyar bar bya/ /sa bon rang gi 'bru 'od zer/ /ye shes dkyil 'khor bskul ba dang/ /khams gsum byin brlabs bsdus byas te/ /bsgrub bya nye bar sbyar bar bya/ /srog dang ldan pa'i bzlas pa ni/ /zhal gyi rang sngags khri 'bum du/ /rnam gsum tshul gyis dag bar bya/ /shin tu stong 'gyur rgyas par bya/ /khams gsum pa'i dkyil 'khor ni/ /rngam zhing 'od zer 'bar bar sgom/ /bdag nyid ting 'dzin phyag rgya che/ /mtshan ma gzungs dang rang sngags gdon/ /rol ba'i pho nya bka' nyan tshogs/ /phyag rgya bzhi ldan sgra skad drag /khams gsum dkrugs te bral byas nas/ /bsgrub bya sngon du sbyar bar bya/ /lan gsum lan bdun mngon byed pa/ /hUM dang dza dang sbo la sogs/ /'dren pa'i mchog du de gsungs/ /brtan nas rang gi gtor ma sbyin/ /ting 'dzin so sor legs bar sbyar/ /rnam shes lus bcud yig bsdus la/ /gsum bsdu lhag ma spros byas la/ / bsnyen pa'i tshul du gsal bar bya/ /rang phur gsal byas sa bon che/ /nri sogs der bsdus gnas bstim la/ /'dod bzhin ting 'dzin bzhi yis bya/ /yungs kar bcas bskul lod zer dpa' / /ji ltar dmigs pa 'grub par bsam/ /mtshan ma ming du bsdus pa la/ /mkha' las 'od 'phros bag chags sbyangs/ /rang rgyud sa bon ar gyur pas/ /ma skyes dbyings nas gsal ba'i hUM/ /mtshon gang 'od kyi sems dpa' che/ / ji ltar mngon gyi de bzhin du/ /smon lam byang chub lam du zhugs/ /lhag pa'i skabs las shes par bya/ /phyed ni ral gri zer bu 'am mtshon cha lngas/ /gdul bya byas te thod pa dag /rjes su mthun pa'i
- 547b
gzhal yas su/ /byin la so sor gdan ldan sgom/ /me dpung 'bar ba'i tshogs chen du/ /me lha amne rdzas bkug la/ /phyag rgya bzhi yis des sbyar la/ /raM zhes bya bas me sbar la/ /gzar bu rigs kyi mtshan bcas pas/ /'dod yon bdud rtsi rgyas par 'bul/ /de dbus 'khor lo gsal btab ste/ /gnyis pa'i lha rnams spyan drangs bstim/ /mar dang shing bu chan la sogs/ /dmar gyi arga rgyun tu dbul/ /cig min thams cad bdud rtsir gsol/ /yang na lan gsum rgya rtsa brgyad/ /stong dang 'bum du dbul bar bya/ /dug gsum mchod pa'ang de bzhin no/ /dbang med zhal du thim par 'gyur/ ming dang las bzhi'i sngags kyis dbul/ /'grub 'gyur the tshom med ces bshad/ /gzugs brnyan lu gu rgyud skor la/ /e sogs tshogs kyi dkyil 'khor du/ /rjes su mthun pa'i lha sgoms la/ /slas dang phyi mi'i tshogs kyis bskor/ /khams gsum ma lus gang bar bya/ /srog dang ldan pa'i bro stabs gar/ /phyogs bcu ma lus kun brtul nas/ /bsgrub bya dbus su legs brtags te/ /sa bon 'od zer las bzhin du/ /bstims nas bsam bzhin 'grub par 'gyur/ /rjes su mthun pa'i smon lam gdab/ /zhe sdang rdo rje 'khor bcas pas/ / 'jig rten khams ni rab 'byams kun/ /thal ba bzhin du bklag nas kyang/ /drag po las 'di 'grub par mdzod/ /'dod chags rdo rje 'khor bcas pas/ /'jig rten khams ni ma lus kun/ /skad cig yud kyis dbang mdzad de/ / dbang du ma gyur med par mdzod/ /nga rgyal rdo rje 'khor bcas pas/ /gzi brjid ldan pa 'khor bcas kun/ /dpa' dang gzi brjid chen po rnams/ /yud tsam gyis ni rgyas par mdzod/ /gti mug rdo rje 'khor dang bcas/ /'jig
- 548a
rten khams rnams ma lus kun/ /yud tsam gyis ni zhi mdzad de/ /thams cad zhing gyur dbyings su rol/ /hUM gsum bcas te bskul ba las/ /ma lus 'grub pa'i mchog du gsungs/ /rim pas bzlog ste brtsam par bya/ /khrag 'thung chen po la sogs pa'i/ /bro gar glu tshig chen po yis/ /las dang dngos grub ci 'dod par/ /thams cad ma lus byed pa yin/ /mdzod ldan chen mo la sogs pa'i/ /bro gar glu tshig chen pos ni/ /'du bar 'dod na 'du bar byed/ /'phel bar 'dod na 'phel bar byed/ /rbos mo chen mo la sogs pa'i/ /bro gar glu tshig chen pos ni/ /lha ner 'dod na lta ner byed/ /rmugs par 'dod na rmugs par byed/ /seng gdong chen mo la sogs pa'i/ /bro gar glu tshig chen po yis/ /thams cad kun la bza' bar byed/ /gdul cha tsam yang med par byed/ /gzhan gdod chen mo la sogs pa'i/ /dro gar glu tshig chen mos ni/ /thams cad kun la 'byin par byed/ /de dag rab tu nyams par byed/ slas dang byi mo'i bro gar gyis/ /rbad cing gtang bar bya bas te/ /kun la thams cad byed pa yin/ /bya byed yan lag rdzogs pa yis/ /thams cad sdud dang mnyam pa dang/ /de da sbyor bzhi 'gyur zhing/ /sku gsung rdo rje'ang 'jig 'gyur na/ /khams gsum de dag smos ci dgos/ /bdag nyid 'dul ba'i dbang phyug du/ /las bzhi mnyam bzhag khro bo yis/ /'khor gyi khro rnams de bzhin gshegs/ /phra men tshogs rnams bskul bsdus la/ /las bzhi'i dkyil 'khor nyid dag du/ /lhag ma kha chu 'dod pa sbyin/ /sngon tshe dpal chen he ru ka /shin tu gdug cing gtum bag can/ /khams gsum
- 548b
ma lus 'dul mdzad pa/ /dbang dang byin rlabs rmad po che/ /lha chen la sogs dbang bsdus nas/ /'khor rnams dbang phyugs las su byas/ /so so'i las la bskos pa de/ /ji ltar khas blangs dam bcas bzhin/ /ma thogs myur du mngon par phyung/ /dam bcas bzhin du ma byas na/ /ji ltar rang gis mnas bor ba'i/ /dam bcas de las 'das gyur na/ /mgo 'gas snying yang tshal pa ru/ /yaka sha khro bos gtub par 'gyur/ /de bas rnal 'byor sngags 'chang gi /ji ltar bcol ba bzhin du byos/ /gal de las de ma byas na/ /rang gis khas blangs mnas bor bzhin/ /mgo lus tshig nas dmyal bar 'gro /rnal 'byor dam la gnas gyur pa'i/ /las rnams yongs su bya ba dang/ /'khor rnams su cig bzhin du skyongs/ /phra men ma yang dngos grub thob/ /bcol ba'i las rnams myur du gyis/ /dkyil 'khor snying la bsdu byas te/ /lhag mas mchod de gshegs su gsol/ /gsang phyir legs par nan tan bya/ /sgyu 'phrul sbyin sreg gi rim pa mdor bsdus pa/ /slob dpon bi ma la mi tras mdzad po rdzogs so// //bcom ldan 'das thugs rje'i 'dren pa byed pa po la phyag 'tshal lo/ / sgyu 'phrul chen po'i rgyud dag las/ /rtog pa'i dra ba sreg pa dang/ /brdos byas thugs rjes sbyad ba'i phyir/ /ro sreg las kyi phreng ba tsam/ /rtog pa'i dra ba bsal nas ni/ /sku lnga lhun gyis 'grub par shog /dang po de nyid lus bzhag pa/ /bgegs bskrad pa dang bcas pa dang/ /gdags dang sbyang dang dbang bskur dang/ /thab khung sreg khang slob dpon dang/ /las gzhung sbyin sreg bsdu bas te/ /lnga gnyis cig gis don rdzogs 'gyur/ /
- 549a
mdor bsdus spyi yi don du 'dod/ /de dag rgyas par bshad pa ni/ /ci nus pa yis rnam par dbye/ /e roM khams gsum ma lus kun/ /za byed 'bar ba'i dkyil 'khor gyis/ /khog srungs lhan cig skyes rdzogs la/ /bdeg dang bsnun dang gzhom pa dang/ /'phros te rten la gnyis med bya/ /srung ba'i 'khor lo'i cho ga yis/ /dam tshig sems dpa' srungs te bzhag /de ltar grangs dang zhag dus su/ /yang dang yang du gnan te bya/ /khrus dang rgyan dang byugs pas te/ /phyi dang nang gi lnga gnyis la/ /brgya pa gnyis dang dag pa ni/ /chu la lan grangs mang bzlas te/ /mchod rten de la bkru bar bya/ /mi 'chi bcu phyed spos mar dang/ /dri yis de la yang dag byug /zhun chen khu bar btsos pa yi/ /ras kyis steng nas yang dag bkri/ /spos mar thor lcog de la dkon/ /mgul do rgyan yang gdags par bya/ /phung po lnga yi gnas dag du/ /rgyal ba rigs lnga'i phyag rgya dgod/ /rtsa ru yum lnga'i phyag rgya dgod/ /rnam shes dbang po yul rnams su/ /sems dpa' sems ma 'dzom pa dang/ /'jom ma rim par dgod do zhes/ /mnyam pa'i rgyud las gsungs pa yin/ /rgyu drug 'khor ba'i gnas rnams su/ /thub drug sa bon dgod pa yin/ /kun bzangs yab yum de bzhin te/ /sdong bu re la lha rnams kyi/ /ma nor rtsa ba'i snying po dag /ras chen rgyu las byas te gdags/ /mya ngan 'das par gsungs pa yin/ /ro yi phyi rol shun pa la/ /'gro drug sa bon bkod nas ni/ /'od zer 'phro 'du'i sbyor ba yis/ /rim gyis sbyang ba'i las su bya/ /dbu
- 549b
rgyan cod pan 'phreng ba dang/ /rdo rje dri bu la sogs pa/ /dbang mchog byin la stegs la bzhag /de nas me thab tsam bya ba/ /khru bzhi do yi tshad byas la/ /mthur du brus te dkyil 'khor du/ /za byed dkyil 'khor phyag rgya dgod/ / rdo rje me ris mtshan pa ni/ /thabs khung yin par gsal bar gsungs/ /phyi rol ka ba bzhi btsugs pa/ /'og ma sgrengs pas sum brtsegs bya/ /bar ba shing gi rdzas dbus su/ /pad ma 'dab ma brgyad pa la/ / khro bo brgyad kyi snying por ldan/ /dbus su me yi sa bon dgod/ /bzhin phyogs shar du bstan te dgod/ /rol gzungs thag btags nas ni/ /blo kar bzhi nas drangs byas la/ /bla ma bzhi'i phyag du gtad/ /sum rtseg yang thog chen po der/ /ras sam grog shing shun la/ /thugs rje dkyil 'khor bzhi bcu gnyis/ /lding bur byas te gdags par bya/ /de nas rdo rje rgyal po yis/ /rang bzhin me yi 'phro 'du bya/ /rdo rje kar ma las mkhan gyis/ /srung dang skrad pa nas rtsams te/ /las kyi 'phreng ba rdzogs par bya/ /rdo rje rgyal po bla ma yis/ /mtshams med lnga dang nye ba lnga/ /lci ba bzhi dag la sogs pa/ /ro yi nyes pa sgrang zhing bshags/ /rdo rje skabs sbyor bla ma nges/ /skabs skabs dag tu mchod pa dbul/ /bkra shis gnas kyis smon lam btab/ /skabs sam kun gyi 'jug du gdab/ /rdo rje grangs kyi ltang 'dzin pas/ /grangs bzung dkar byang bla mar dbul/ /sdig pa'i gnag byang bshags shing sreg /bzlas brjod 'phro 'dus rtog tshogs rnams/ /sbyangs te rang rang lha ru brlab/ /tshogs dang yo byad mchod pa kun/ /rim pas mdun du snang byas
- 550a
la/ /de las roM skyed roM las me/ /skyed de rang bzhin spyan drangs bstim/ /i li u li sta pa tis/ /tshogs kyi mchod pa skabs su sbyar/ /mchod dang stod pa rim pa bzhin/ /me yi lto bar gzhal yas khang/ /lha dang bcas pa rim par skyed/ /gong gi dkyil 'khor gsal btab la/ /gnyis su med par bstim byas la/ /mchod pa'i rim pa gong ma bzhin/ /stod pa la sogs de dang mtshungs/ /me yi ltas dang bzang dang nga na/ /rim pa bzhin du brtag par bya/ /de nas rdo rje bsdu ba yis/ /rim pa bzhin du sdus byas la/ /dam pa yin na sku gdung rtag /lhag ma bsdus la mchod rten nam/ /sku 'am gtsug lag zhal zhal lam/ /thang ka'i ri mo bya ba 'am/ /sa dang bsres la ri lu bya/ /sbyin sreg bya bas mkhas pas bshad/ /de nas bsdu dang phyag pa dang/ /gshegs su gsol ba rim bzhin bya/ /tshon rtsi bsdus te rol mo yis/ /rgya mtsho chen por skyal te gtang/ /'khor ba'i sems can 'og rtog 'khrul bas shin tu nyon mongs bcas pa des/ /dral cing sreg dang brdos bcas sbyang phyir dri med ye shes gnyen gdung ba dag gis kyang/ /sgyu 'phrul rtogs dka' rngam pa rgya mtsho'i mdza' yas rgyud chen las bsdus pa'i/ /ngal ba'i dge rtsas 'gro drug rgya mtsho'i sems can bsngos bcas 'di kun zag med shog /sgyu 'phrul dra bar ro sreg las kyi phreng ba rdzogs so// //slob dpon bi ma la mi tras mdzad pa'o/ /bcom ldan 'das ye shes rang gnas kyi rgyal po la phyag 'tshal lo/ /rdo rje 'dzin la phyag btsal nas/ /rnal 'byor rang
- 550b
gnas mngon 'dod pas/ /dngos dang bar ma rnam sbyang phyir/ /dpe chung rang gnas bshad par bya/ /rgyud dang rang bzhin rgyud nyid dang/ /rang bzhin nang gi dkyil 'khor dang/ /'pho tshul bar ma'i mtshan nyid dang/ /las bsnyen gsang ba'i dkyil 'khor gsum/ /de dag ting 'dzin las rim dang/ /rang gnas sbyang ba'i rim pa dang/ /bdag nyid 'da' ka'i man ngag dang/ /mthar gnas tshul gyi tha snyad bcu/ /rang gnas rmongs pa'i don phyir dbye/ /dang por gnas gnyis de la yang gnyis/ /bde gshegs snying po ma rig la/ /ma rig bdag lta mtshungs pa'i rgyu/ /kun rtags ma rig nyon mongs las/ /lhan cig skye rgyu rgyu yi rgyu/ /gnyis la rkyen gyi rnam par 'dod/ /mtshams sbyor rnam bzhi zhan bcas pa/ /rlung gi rkyen gyis 'ongs mtshungs rgyu/ /rten sems len pa khrag dang bcas/ /pho mo 'dod skol sems kyis 'jug /len rten 'byung ba des ldan pas/ /thal ba 'bru mar sha rus ltar/ /mi 'gyur nges par 'gyur ba yin/ /sum cu rtsa brgyad phrag bdun rlung/ /lhan cig byed rgyu rkyen du 'dod/ /las rlung dang po zho chags tshul/ /kun sdud ma yi rtsibs las 'byung/ /cung zad sra bar 'gyur ba yin/ /mdzod ces bya bas zlum par byed/ /rab 'byed khrags shing mi cha gu ltar/ /yang dag sdud pa yan lag gi /rtsa ba lnga po 'byung bar 'gyur/ /zas kyi 'phro lnga de bzhin 'byung/ /'khyim byed de bzhin lnga rdzogs byed/ /zlog rgyur byed pa nyid cig rdzogs// rnam par 'byed pa bu gu dod/ sra byed kun nas sgo mnyam pas/ /sra zhing rgyal ba lta bur 'gyur/ /rdo rje bug sbyong kha sna nas/ /gnag khrag chu 'byung dbang po zlog /yon po'i sgos ni nang khrol 'byung/ /zhor 'byung spu rgyus
- 551a
zhes pa'i las/ /rus pa'i tshig dang nang rnams ldan/ /skres skom byed pas de sems skyes/ /mas zos lte bar 'dzin cing phan/ /rgyus pa'i sgos ni rgyus pa g.yog /pad+ma nyi shu rtsa 'byung ste/ / phyogs bzhir lnga lnga cig la'ang brgya/ /nying lag phyogs cig nyi khril/ /mdun rgyabs ga stobs zhes bya/ /g.yas g.yon mthur ldan rten pa'o/ /de dag nying lag cig na'ang bdun/ /ngag gi bar te ba spu 'phel/ /kha dog dkar dmar ser por ldan/ /bdud rtsi dbang pos snying mig 'byed/ /dbugs rgyu dbang po rnams kyang rdzogs/ /'bri stong dbang po dang bar byed/ /snyan mgur dbang po'i lam mthur ldan/ /las byed dbang po gsum rdzogs byed/ /shin tu sra bas rus pa bstan/ /yang dag bskyed pas sha rnams bskyed/ /kun tu rgyal bas khrag rnams 'byung/ /yang dag 'dzin ni pags pa g.yogs/ /sprin 'dzin de nyid mdog ldan byed/ /grong khyer 'dzin pas khrag dangs byed/ /skye ba mngon grub spu rnams dang/ /rgyus pa sen mo 'brel par byed/ /phan yon chen pos las bzhin du/ /sgra don phyi'i yul grub ste/ / dmigs pa med pa'i rjes thob la/ /dpe yi tshul gyis bar mi ya/ /lus dang phyi ma'i spyod yul snang/ /de phyir 'pho ba'i tha snyad du/ /brtags pas yod par shes par bya/ /bar ma'i byang chub sems dpa' ni/ /rnam rtog 'byung ba'i lus spangs nas/ /dangs ma las byung yid kyi lus/ /phyis 'byung dbang po yan lag rdzogs/ /las kyi rdzu 'phrul shugs dang ldan/ /sgyu ma lta ba'i lus ngag gis/ /
- 551b
thogs pa med pa kun la 'jug /dpag tshad bye ba brgya stong yang/ /'od kyi rnam pas 'gengs par byed/ /'dod khams snod bcud ma lus pa/ /lha mig dag pas mthong bar 'gyur/ /'gro ba'i lam dag nges par shes/ / re dang dogs pa cung zad nyung/ /tshe ni zhag bdun 'gyur du gsungs/ /'chi ka'i man ngag rab shes pas/ /'di tshe nges par 'byung bar 'gyur/ /ma skyes rang bzhin ye shes la/ /e roM khoM su e dkyil 'khor/ /me dpung 'bar ba'i klong yangs su/ /rang rig ye shes rang snang ba/ /skye 'gro 'byung ba nags tshal kun/ ma lus khrag 'thung rdo rje'i rigs/ /mthing nag 'jigs pa'i mtshon cha can/ /lcer bu rngams mtshungs til gang sbyar/ /khros pas rngam langs khams gsum 'khrug /bsgrub bya'i dmigs su len par byed/ /dur khrod ras kyi dkyil 'khor la/ /khrag 'thung drug cu rtsa drug rnams/ /rim pa gsum du rtsegs pa ni/ /byin rlabs dbang gis mdzes pa yin/ /rngam tshul gzi byin ldan par bsgom/ /ye shes spyan drangs mchod gsum sbyar/ /zlas pa srog dang ldan par bya/ /thugs rje'i dkyil 'khor bzhi bcu gnyis/ /rang bzhin yid kyis dmigs byas te/ /gcig dang gnyis su med tshul gyis/ /sangs rgyas kun gyi ngo bor sgom/ /bsdu ba'i sbyor bas kun bsdus te/ /byin brlabs rtag par gsal bar bya/ /bsgrub bya khrus byas dri dang ldan/ /nges par shar sgo nyid du bzung/ /dkyil 'khor dang po gsal byas te/ /sprul pas mtshams bcad bum pa bzung/ /bshad pa bzhin du bsgrub bya dgug /nges par gzugs la phab ste bcing/ /dkyil
- 552a
'khor gnyis pa 'dir shes te/ /'gro ba'i 'od zer thugs dam bskul/ /'dus pas bsgrub bya gnas sbyangs nas/ /rtog tshogs dkyil 'khor nyid du bslab/ /slob bu sbyangs pa'i rim par gsungs/ /bsnyen pa'i dkyil 'khor sgo phye nas/ /phyag byas bskor te gsol ba gdab/ /sgrib sbyang rang gi lhar bskyed la/ /'khor lo'i phyag rgyas bsrung bar bya/ /ta krid la sogs nges sbyor ba'i/ /sngags dang nyungs kar sprul ba yis/ /nges grangs gtso bo'i mkha' la bzhag /de dag 'od zer mang po yis/ /nyon mongs mun pa dag byas nas/ /gsang ba'i dkyil 'khor mthong bar bya/ /rigs drug sbyong ba'i 'od zer gyis/ /sa bon rnam pa drug sbyangs te/ /ye shes chen po'i ros gang bas ma lus 'joms pas rgyas btab pa'o/ /'bru bzhi nges par bstan pa'i tshe/ /sgra dbyangs gsung gi bstan pa rnams/ /nges par ston phyir bzhi ru 'dod/ /thams cad rang rig byang chub sems/ /de ni lung gi tshad mar bshad/ / ched bzhis phab pa'i don bzhi ste/ /dag pa rnam gsum tshul gnas shing/ /'bru lnga 'dus pa'i thabs chen po/ /'gro ba kun la rang bzhin gnas/ /rang bzhin sngon du byed rgyu ni/ /ngo bo dang ni rkyen nyid de/ /'jug ldang la sogs byang sems lnga/ /nges par skye ba ngo bo yin/ /thabs dang shes rab ma ning rgyud/ /rtan pa'i yig lam rkyen du gsungs/ /khong nas gab sbas don 'byin pa/ /ston pa rdo rje'i thugs la gnas/ /rang bzhin gsang ba'i dkyil 'khor ni/ /dkyil 'khor snying po gser sgrom la/ /chos nyid ye shes yon tan dang/ /rang rgyud bzhi la yan lag brgyad/ /'od bzhi la gnas rnam shes bzhi/ /sgo lnga rtag min
- 552b
zhor la bshad/ /sa bon zung gsum nyid dang bzhi/ /'od dang snod bcud tshul du gnas/ /chos nyid lha min dud 'gro zlum/ /kun gzhi'i oM gyi snying por ldan/ /ye shes lha ni gru bzhi yid/ /snying po hUM ni bde gshegs thugs/ /yon tan dmyal ba yi dags aM/ /zla gam gsung gi rang bzhin yin/ /dmar nag sdong la og zhol dbyibs/ /de ni blo rmugs snod yin te/ /shes pa gsum la snyoms bar 'gogs/ /drag po nyid duAng bshad pa yin/ / de dbus snying po ye shes rgyu/ /dar skud mtshal khu gser gyi rlangs/ /nyi ma'i me long ngad dag ni/ /'byung ba bzhi yi dangs ma yin/ /bde ba'i dangs ma nam mkha' i khams/ /'byung lnga shes rab rigs kyi yum/ /chen po rigs kyi de bzhin gshegs/ /thabs dang shes rab las nyid kyi/ /dkyil 'khor kun kyang gsal bar byed/ /nam mkha' i khams kyi dkyil 'khor 'dis/ /thams cad nam mkhar byed pa'i phyir/ /thugs kyi dkyil 'khor dkyil 'khor mchog /lus can kun la yod par bshad/ /sgrub pa'i gzhi ru 'di shes bya/ /'khrul dbang mi gnas tha snyad du/ /rnam shes 'phos par gsungs pa ni/ /nyi 'od sa bon skur sgra bzhin/ /rgyu las 'bras bu gzhan min gyi/ /'di nas 'phro bar 'gyur ba'i chos/ /gdul bya tsam yang med par gsungs/ /sa chu me rlung bzhi yi rlung/ /sum mdo snying gi lte ba la/ /rigs rnams kun gyi rten yin te/ /las rgyu zad dang rten dag gi /sngon dbang yan lag nyams pa na/ /tshogs drug sar thim gsal mi 'gyur/ /sa dag tshur zhugs lus nyams med/ /de nyid mar zhugs bu ga skam/ /me rlung 'gro bas drod nyams 'gyur/ /
- 553a
rlung gi snying po thig le'i rten/ /rdub cing tha ma 'don par 'gyur/ /thig le me long dbugs bzhin du/ /mdzes dang che chung gsal bar byed/ /rtog pas 'du shes brgyad skye'o/ /me tog 'phreng bas kha dog bsgyur/ /bags bgos spu dang sen mo 'phel/ /bdun phrag lnga bo yang byed kyis/ /mtshan ma thams cad 'phel bar byed/ /g.yo byed byung ba'i sems skye'o/ /dang bas phyin ci ma log pa'o/ /'du shes lnga po 'byung bar 'gyur/ /de dag rang bzhin gsang ba'i las/ /chags bsogs rang bzhin bzhi bcu gnyis/ /shin tu gsal bar byed par 'gyur/ /thogs med rkyen gyis mgo lus bsgyur/ /rang bzhin sems dpa' lhums nas 'byung/ /rang bzhin ye shes rdo rje yis/ /rdo rje phung bo zhes gsungs so/ /rang bzhin gnas rgyud rnam pa gnyis/ /sems ni rang rig ye shes te/ /ma bcos lhun gyi skad cig ma/ /de yis ma byas gang yang med/ /ma rig mun 'khor klad pa ni/ /ji snyed 'jig rten 'khrul pa'i chos/ /phyi nang rten 'brel gnyis su 'khor/ /mi mthun bde sdug myong 'gyur ba'i/ /dbang po yul du snang ba kun/ / rang rgyud yod ba ma yin te/ /kun gzhi'i rnam par shes pa nyid/ /dngos po sna tshogs bar snang bas/ /gnyis snang chos kun rnam rtog bshad/ /rnam rtog nyid na ye shes te/ /ma skyes ye shes brjod du med/ /thams cad ma lus chos so cog /sems nyid las ni gzhan med phyir/ /'di ltar rnam pa thams cad kun/ /sdos pa can gyi chos med do/ /rtog med rang rig 'od gsal ba'i/ /shes
- 553b
pa 'ba' zhig kho na'i phyir/ /'jig rten brtan g.yo la sogs ba/ /snang ba nyid na ngo bo med/ /de nyid chos sku chen por gsungs/ /rnam dag rang bzhin rgyud nyid la/ /sgom dang sgom bar bya pa yi/ /mtshan ma'i nyes skyon ngang gis med/ /gnas dang 'byung ba ma lus kun/ /rang rig ye shes gzugs su skye/ /sku dang ye shes bsam mi khyab/ /rdo rje phung po yan lag ni/ /rdzogs pa'i sangs rgyas lnga ru grags/ /sa chu spyan ngang ma ma ki /me rlung gos dkar sgrol mas te/ /nam mkha' i dbyings kyi dbang phyug ma/ /skye mched khams rnams mang po kun/ /sems dpa' sems ma'i dkyil 'khor yin/ /gsang yul dbang po rnam shes reg / ma lus 'joms phyir khro bor gsungs/ /rtog bcas mtshan ma las skyed phyir/ /yul te las kyis mi gnas bshad/ /yid chos bzang po bzang mo'i mkha' / /so drug las byung bde ba'i dus/ /chags sogs yang dag nyon mongs drug /ye shes drug gi sa bon drug /'dul phyir sprul pa nyid du gsungs/ /sku dang gsung thugs yon tan las/ /nyi shu rtsa lnga rang bzhin gnas/ /ye shes chos nyid yon tan ni/ /ting 'dzin gsum gyi ngo bo yin/ /de steng dangs ma'i thig le ni/ /bsnyen bsgrub bzhi ru shes par bya/ /de dbyings las bzhi'i dkyil 'khor te/ /bzhi brgyad rtsa ni 'khor lor gsungs/ /gsang ba'i skabs las shes par bya/ /bdes gang bzhi bcu rtsa gnyis rtsa/ /sa bon rgyus te yi ge gsung/ /bde thugs rdo rje sku gsung ldan/ /bzhi bcu rtsa gnyis gsum 'phror 'gyur/ /cig kyang khams kyi bde bar ldan/ /zung gsum
- 554a
'od kyi gong bur gsungs/ /rnam thar sku gsung yig gsum gyis/ /kha dog rang rgyud bzhin du bsgyur/ /'od kyis sngon bzhin byin rlabs bstim/ /rnam shes thugs te yi ge gsung/ /'od ni sku yi rang bzhin la/ /dpa' sgeg byams pa gar byed rgyal/ /gsal ma chos nyid bdag mo la/ /sku gsung sgyu 'phrul ldan pa yi/ /thabs dang shes rab 'byor par bskyed/ /rnam thar dbu dang ye shes phyag / khams gsum sku gsung thugs rgyas btab/ /sa bcu gnyis la nges par phyin/ /byang chub sems dpa' i dbang skur te/ /rdo rje thugs las bur byung nas/ /che mchog rgyun gyi dbang skur nas/ /'gu ya yak+Sha rak+Sha gsum/ /thabs dang shes rab ldan gyur te/ /bdag gi 'od 'phros nam mkha' yi/ /bde gshegs rgyun gyis byin brlabs pas/ /che mchog dbang mchog dpal mchog gsum/ /thabs dang shes rab 'khyil par sgom/ /dbang mchog rol pa'i sems 'od nyid/ /che mchog mkha' la bsdu bar bya/ /de nyid dpal mchog la zhugs te/ /dpal mchog rang gi gsang lam nas/ /dangs ma'i ye shes snying po thim/ /gzhi yi sku gsung thugs nyid kyang/ /de bzhin 'dus pa nyid du bya/ /rtsa ba brgyad kyi snying po yis/ /dus bzhi'i bde ba mchog du bsdus/ / rten gyi rtsa nas thig le zhugs/ /mi shigs ye shes thig le ni/ /sku gsung thugs kyi rdo rje'i bdag /gcig dang du ma rnam spangs pa/ /sna tshogs snang ba mtshon du med/ /rang dbang sgyur ba'i hUM rings las/ /
- 554b
rdo rje sems dpa' mtshon gang ba/ /dbu la ye shes sems dpa' bzhugs/ /dkyil 'khor mang po'i 'phro 'du can/ /gtsug byung thugs rje'i dbang thob nas/ /thabs dang shes rab ldan gyur pas/ /stong phrag gcig gi rtsa bcud rnams/ /sangs rgyas stong gi dkyil 'khor du/ /sngon byung rigs kyi bdag por 'gyur/ /nam mkha' i khams kyang de bzhin no/ /oM h+ri ma ha su ka badzra hUM ho/ /hUM ma sgrod yid kyis byon pa'i gnas mchog dam pa la/ /yid bzhin rin chen 'bar ba'i gzhal yas khang/ /dus gsum 'gyur ba med pa'i gdan steng na/ /rtag pa chen po mchog gi sku bzhugs pa/ /mnyam rdzogs dpe la 'das pa'i rgyan mnga' zhing/ /yid bzhin rin chen gter la bde spyod pa/ /bde ba chen po bdag la bstan spyod pa/ /rtag pa chen po longs spyod rdzogs pa'i sku/ /rdzogs chen 'gyur med g.yung drung bdal ba'i ngang/ /bde chen dbyings kyi yum dang mnyam sbyor bas/ /ting 'dzin bdud rtsi'i thugs ni 'gro ba yongs kyi bcud/ /rnam dag ye shes spyan gyis mun nag bsal/ /ye shes sgron ma'i thugs kyis bag chags sregs/ /rdo rje spu gri'i tshams kyis dug gsum bcad/ /rngam chen hUM nyid ring bos khro chen bskul/ /thugs dam mu la dza las dmyal khams sreg /ye shes rol bas rgyud drug gnas nas sgrol/ /srid gsum thig les zhal gyi rgyas spras spro ba skyed/ /ye shes byang chub sems dpa' sangs rgyas yongs kyi dpal/ /dpal chen bla med khro rgyal gsum gyi rje/ /kun tu bzang po rdo rje sems dpa' la sogs te/ /dus gsum sangs rgyas kun gyi lha phung yin/ /ma lus 'dod pa'i dpal
- 555a
du gyur par mdzod/ /spyod yul 'gyur bar mthong bas na/ /gsang ba'i gnas su nyon mongs yid/ /zla ba'i dkyil 'khor gsal ba la/ /kun gzhi ye shes snying po yi/ /'od kyis khams gsum sbyangs bsdus te/ /mtshon gang 'od du gsal ba la/ /dkar po hUM gnas rnam shes so/ /de dag sku gsung thugs bdag ste/ /shin tuAng 'dris pa nyid du bya/ /rlung brtsegs bcud g.yo'i mtshan mthong na/ /ring po hUM gnyis nas sa nas/ /du ba'i tshul grangs 'od du bsdu/ /de bzhin zla ba yang shes par/ /'od zlum gsang ba'i lam zhugs te/ /phyir 'byung phyogs bcu khyab bdal bas/ /khams dag phyir mdza' dbus dang ni/ /phyi nang yul sems bral ba'i don/ /dran pas las kyi rgyun bcad de/ /rang gnas mthong bar gyur pa yin/ /gsang ba zhabs kyi rnam pa ni/ /gnyis kyang rnam shes gnyis 'dus te/ /lce rtse rkan la sbyar byas nas/ / hUM rings bslang ste he ru gyur/ /sna tshogs mchog ldan rgyan rdzogs pa/ /hUM brjod nas lam byung ste/ /'og min la sogs 'gro bar bya/ /'dod pa nges par 'grub par 'gyur/ /theg mchog gsang mdza' mngon byas nas/ /gzhi bzhin ma lus bdag nyid phyir/ /rgya bral cig dang du ma spangs/ /'das dang ma 'das dus gsum gyi/ /ro myong dag phyir rnam rtog bral/ /ye shes dbyings las mi zhan phyir/ /thugs rje chen pos ma lus mkhyen/ / sku dang gsung thugs yon tan las/ /khyab dang bde dang rtag dbang bskur/ /rkyen gyis skye 'jig med pa yi/ /rtag chen rdo rje'i sku zhes bya/ /rang bzhin gnas rgyud ye shes phyag /rgya khyon bsam yas mngon sum du/ /
- 555b
yul 'dra rang bzhin dang gnas pa/ /'khrul dang rnam par rgyud log pa'i/ /rtog gsum las rkyen rab rib zhen snang ba/ /thabs mkhas spyan mnga' rgyud bzhin sgro skur bral/ /rgyud gsum thur ma gsal phyir gab gsungs pa/ /spyad yig goms rnams snang rgyud nyams su shar/ /gsal byas 'das dang da ltar rang rig mig thob shog /sgyu 'phrul dpe chud rang gnas kyi rim pa'o/ /sgeg pa rdo rjes mdzad pa rdzogs so// //dpal rdo rje sems dpa' la phyag 'tshal lo/ /gsang ba chen po'i rgyud dag las/ /sku gdung spel mchod rim pa zhig /bdag gzhan snang dang mi snang phyir/ /legs par bsdus te bstan par bya'o/ /pha dang ma yi sems ldan mis/ / mdza' yas bu yi sems bzhag ste/ /tshogs chen zung la lam bya'i phyir/ /mi rtog nyid du rtog med 'dug /de las skad cig las kyi lha/ /gsal bya dgu 'am bcu gcig ldan/ /'phro 'dus dbang byin thob pa dang/ / grangs te sngags kyi nga rgyal bskyed/ /sa man dza da e ha his/ /se gol kyo ta dza yis dgug /dza hUM baM hos stiM byas te/ /'bru brgyad sngags kyis bstan par bya/ /de ltar gsal ba'i rnal 'byor pas/ /thugs ka'i hUM gi 'od 'phros pas/ /skor por sbyangs la gnas gdan sngags/ /brjod pas gzhal yas gdan gsum ldan/ /'byung lnga'i rgyu nyid byin brlab pa/ /spyi dang khyad par lnga pa nyid/ /khong stong rgyan ldan rnam dag sngags/ / nga rgyal ldan brjod stong chen rgyu/ /lhun grub ci bsam snang byin brlab/ /phyi ma lnga yis dbyings phyug ma/ /khong stong brgyan ldan oM bi ra/ /dzra dang badzra swAhA yis/ /rdo rje ye shes srog ldan bya/ /de bzhin spyan la
- 556a
'degs pa'i rgyas/ /oM dang badzra dir dza/ /a dang a ra swAhA yis/ /snga ma ji bzhin byin brlab bo/ /ma ma ki la rdo rje gdams/ /the chung sgreng ste oM rmri rin/ /da ra badzra swAhA yis/ /ting 'dzin srog dang ldan par bya/ / gos dkar khong stong sbyor spros pas/ /oM dang badzra ag ne a/ /ga sha swAhA'i gsang sngags kyis/ /gong ma bzhin du byin gyis brlab/ /sgrol ma thal mo brlab bya zhing/ /oM dang badzra a ni li/ /spra tsal mo hUM rgya/ /da ra swAhAs byin brlab bo/ / shes rab grangs 'dzin thabs kyis bdag hUM badzra gri ga/ /muM dwa du shwa ri stom gyi sngags brjod cing/ /'byung lnga ye shes rdo rje la/ /skor phor reg pas gzhal yas gdan/ /nang ngo phyi rol sku gdung dbyibs/ /mi bskyod yab yum 'khril zhugs pa'i/ /'od kyis don mdzad lha chen skor/ /de nyid 'byung lnga gang yin mkha' / /gang brlabs rang gi lha mos na'ang/ /so so'i gsang sngags brjod byas te/ /srog ldan rnal 'byor snga ma bzhin/ /'phrin las rnams las grub 'dod pas/ /rgyu lnga bzhi las rtsam pa na/ /zhi la snang mdzad gsang sngags ldan/ /shan ting ku ru swA hAs mdzes/ /chos sku thig le dkar 'od kyis/ /gzas dgu gdan byas 'od thim zhing/ /rgyas la 'byung ldan yab yum sngags/ /pus ting ku ru swAhA yis/ /sku gsung ser rgyas 'od zer 'phros/ /bkug gdan 'od thim bdag rgyas byas/ /dbang la rta mgrin mdza' yas sngags/ /che ge ba shaM ku ru yis/ /zla gam 'od 'bar 'phros bkug pas/ /gdan byas 'od thim dbang po bsgyur/ /drag po badzra he ru'i sngags/ / che ge gsod pa'i sngags brjod pas/ /chos sku gru gsum 'od nag gis/ /bkug ste gdan bstim bsgral bar bya'o/ /don yod grub pa'i rnal 'byor pas/ /chos sku lhun grub lta gnas bya/ /chos rnams rang bzhin rtogs 'dod pas/ /mdza'
- 556b
yas rnal 'byor rten 'brel sngags/ /'od kyi bsgrib sbyangs rtogs skal ldan/ /nang du gdan gtso bzhugs la'o/ /'jig rten 'jig rten 'das pa yis/ /lha de nye bar bsgrub ba ni/ /lha'i snying po bris ? bcug brjod/ /lha de nye bar 'grub par 'gyur/ /'jig rten lha de dbang med bkug /mchod sogs rdzogs pa'i las bya'o/ /gang zhig 'phos pa'i las byed na/ /gang goms lha'i rnal 'byor gyis/ /btab ste ma tha gnyis mdza' ru/ /sarba tir ya ga te/ hUM phaT/ zhes brjod pas byol song gi rgyud sbyang ba'o/ / pa tsa gnyis dang/ /sarba spre ta ka te he duM hUM phaT/ kyis yi dags rgyud sbyangs so/ /da ha gnyis sarba na ra ga te he duM hUM phaT brjod 'od 'phros pas/ /sngon bzhin bkug la 'od kyis sbyang/ /yang na mi bskyod rnal 'byor ldan/ /rgyun bcad sngags kyis sbyang pa'o/ /de nas sku gdung byin brlab ste/ /rdo rje gdams la tho bor rtsegs/ /oM ye d+harmA he tu pra b+ha bA he tun+ti ShA naM ta thA ga to hya ba dang/ te ShA na tsa yo ni ro d+ha e bam bA dI mahA sh+ra ma Na ye swAhA/ /zhes brjod do/ /chos kyi skur byin gyis brlab bo// rgyu 'bras kyi chos sngags dang phyag rgyas byin gyis brlab pa ni/ /phyag rgya de nyid las/ oM badzra ku sha mi ta u pa da/ soM myag a ri te/ i tra ba la ag tya/ ma ga pa ri pu ra rnam phyi ti ku ru swAhA/ zhes rgyu'i chos rdzogs par byin gyis brlab bo/ /'bras bu'i chos rdzogs par byin gyis brlab pa ni/ /mnyam pa'i phyag rgya 'od 'phro ba ltar byas la/ /oM badzra dz+nya na ban tsa ka yA gu na gar khang/ /pu mi ta/ shi ti na ku ru swAhA/ dz+nya na pags man ta/ oM mo kis man ta/ a mo ka ya swAhA/ zhes sku dang ye shes su gsal pa las/ /'bras bu'i chos thams cad rdzogs par bsam mo/ /de la rang bzhin gnas pa yang/ /spyan las byas pa brgya rtsa brgyad/ /stong khri 'bum sogs 'bad byas la/ /rab gnas sbyin sreg rgyas par
- 557a
sbyar/ /yi dam nar ma'i sbyor ba la/ /rang bzhin mchod rten lhar bcas pas/ /snyan dbab spyan drang bstim brtan pas/ /sngon bzhin byas la phyag gis mchod/ /a ti pra ti pu ho yis/ /spyi spral phyag dang lan rdzogs bya'o/ /kun bzangs mchod pa nam mkha' i mdzod/ /sngags dang phyag rgyas mchod par bya'o/ /gzed zhal rgyan ldan a ha ras/ /phyag dang zhal bsil gsol bar bya/ /lha mo bzhi'i sngags phyag rgyas/ /spyan shangs sku la thim par bya/ /oM 'jig rten brtan g.yo thams cad la/ /rang bzhin dkyil 'khor gnas mod kyang/ /bzung 'dzin rnam rtog zhags pa yis/ /rang gis bsgribs shing bdag tu bcings/ /kun gyis yang dag rtogs bya'i phyir/ /de bzhin chos sku'i gzugs brnyan bstan/ /yang dag thams cad rdzogs pa'i don/ /sna tshogs 'phrin las rnam par rol/ /don gyi snying po mchog gnas dang/ /byang chub chos rnams rab tu rdzogs/ /'jig rten gtso mchog rab tu bskor/ /a ho/ /ho chos sku'i / yon tan lhun gyis grub pa yi/ /thal sbyar bo de ka ya bag /tsi ta ti sta badzra stan/ /bdag gzhan gnyis ka'i don gyi phyir/ /'khor lo dang mchu'i tshul bzhin du/ /bka' yi bcud bsdus bsod nams kyis/ /mdza' yas mngon par sangs rgyas shog /sku gdung las kyi 'phreng ba rdzogs so// //bcom ldan 'das dpal kun tu bzang po rdo rje sems dpa' la phyag 'tshal lo/ /don dang bral ba'i 'jig rten na/ /snang srid bde ba'i longs sbyong la/ /chags pa sbyang bas 'khyams pa rnams/ /'di ltar spyad na grol zhes gsungs/ /lta ba byin brlabs bskyed pa dang/ /spyan dang mchod dang rol pa dang/ /lhag ma'i las dang bsngo ba brgyad/ /rgyun du mi stong rnal 'byor yin//
- 557b
dbang po yul dus rnam shes kun/ /shes rab thabs sbyor ye sangs rgyas/ /'byung ba yum gyi mkha' klong las/ /sprul pa rang 'byung longs spyod lha/ /byang chub sems kyi klong bdal bas/ /gnyis med cig pa'i longs spyod yin/ /lta ba ? 'di la gang gnas pa/ /sangs ma rgyas pa gcig kyang med/ /dang por longs spyod kun ldan nas/ /bdag nyid lung gi khrag 'thungs las/ /yig 'bru gsum 'phros thim tsam gyis/ /sbyang ba sngags kyis kha bskang pa'o/ /bdag nyid khrag 'thung gsal ba las/ /lto ba bruM las gzhal yas su/ /rim pa lnga yi dkyil 'khor lha/ /mi bskyod rdzogs pa'i tshul gyis bsgom/ /sa ma dza yi phyag rgya yis/ /'bar des 'phags pa 'khor dang bcas/ /nam mkha' i khams kun gang bar dmigs de nyid thig le'i tshul du bsgom/ /rim pa bzhin du gros te sbyang/ /sngags kyis lha mo rim pa bzhin/ /shes rab thabs tshul mnyes pas mchod/ /bla med dngos grub stsol bar bsam/ /a'oM na ma sarba ta thA ga ta a ba lo ke te a mri he hUM a'oM ba lin ta kha ra ma kha raM Da ki ni/ kha roM yo gi ni/ dang hAM a la la ho/ /zhes rgyas par mchod do/ /de nas bdag nyid mnyam bzhag pas/ /rnam gsum tshul gyis rol par bya/ /bdag nyid rang gi lha mnyes pas/ /mchod sbyin yin te dngos grub bo/ /bdag nyid mnyam bzhag ta gi rgyal/ /ma tshogs dbang phyug dam la bsdu/ /sngags 'dis mchod la 'phrin las bcol/ /rang gi gnas su las la dgye/ /a'oM ta ki ni a gat+ta ya/ a gat+ta ya/ a be sha ya/ a be sha ya/ pra be sha ya pra be sha ya/ /b+hand+ha ya b+hand+ha ya/ to sha ya/ to sha ya/ mo ha na/ mo ha na/ sarba DA ki ni nan/ h+ri da ya hUM dza/ dza hUM baM ho/ ta ki ni dza/ ces pa dang/ a'oM badzra ta ki ni/ pra ti dza man b+ha lin ha/ hUM phaT kha'i/
- 558a
a'oM traM h+ri ha/ /ces thim par mchod do/ /pham la sogs 'gro drug la/ /tshad med gtor ma 'di bsngos pas/ /longs spyod ldan zhing tshogs bsags nas/ /thams cad myur du sangs rgyas shog /a'oM sarba spra ti nan a mri te hUM/ zhes byams pa dang snying rjes dmigs la/ /ci 'dod pa 'byung bar bsam zhing gtor ro/ /'phrin las bcol ba ni/ sdang ba'i dgra thul/ gnod pa'i bgegs chom/ /zhing bcu gdul du lhogs/ /rnal 'byor pa'i bsam pa yid bzhin du 'grub par mdzad du gsol/ /ya hi g+ha dza/ a'oM ba lin te te dzo ba li ni ba la ba de gu he sa ma ye swAhA/ /rnal 'byor longs spyod gol ba'i phyi rabs la/ /ma spangs rol pas 'bras bu lhun grub pa/ /yid dam za tshogs gtor ma 'di btang bas/ /kun gyis rdo rje 'chang gi gral thob shog /za tshogs gtor ma'i lung rdzogs so// //bcom ldan 'das dpal sgrol byed thugs rje'i rgyal po shin tu rnam par grol ba nyid la phyag 'tshal lo/ mnyam nyid chos sku gsang ba'i sku/ /longs spyod rdzogs sku sprul pa'i sku/ /sku lnga'i bdag nyid bcom ldan 'das/ /kun bzang dang la phyag 'tshal te/ /rgyal ba'i dgongs pa kun 'dus las/ /mdo don chos kyi rnam grol sgo/ /de shes de 'jug pa de bsgrub phyir/ /mi 'gal tsam du bsdus te bshad/ /kun bzang thugs rjes 'gro don du/ /theg pa gsum snang 'dul mdzad pa'i/ /don dam nges pa'i theg mchog las/ /gsang sgo mo tshon pa'i mdo rgyud don/ /rnam pa gsum du shes bya ste/ /bya ba'i gzhi dang byed pa'i rkyen/ /bya bral 'bras bu'i mthar phyin dag /ji snyed chos kyi rtsa bar bshad/ /phyi nang bye brag ji snyed pa'i/ /chos rnams thams cad byang chub sems/ /ji bzhin dang du ye gnas pa/
- 558b
shes par bya ba'i rgyu don yin/ /rtsol bcas spyod pas 'dres 'jug pa'i/ /theg pa de ni bya byed rkyen/ /gzhan du 'bras bu re rtsol med/ /bsgrub bya nyid la lam gnas pas/ /thabs chen theg 'di bya bral ba'o/ /de yang phyi nang nyid la'ang/ gzhi dang thabs dang 'bras bu yi/ /tshul gsum bye brag chos su bshad/ /gzhi ni snga ma'i don nyid de/ /thabs ni lam yin rnam pa gsum/ /gol sgrib ngo bo yan lag ste/ /gol sa ltung ba'i sgo dgu dang/ /nyon mongs shes bya'i sgrib sogs dang/ /thun mong rtog pa brgya bcu gcig /dgu bcu la sogs skyon rnams dang/ /shes pa'i bye brag drug la sogs/ /mi mthun gol sgrib phyogs su bshad/ /ngo bo thabs dang shes rab ste/ /rol pa'i ka ra la sogs pa'i/ /man ngag thabs kyi bder 'jug dang/ /thos bsam sgom pa'i tshul 'gro ba'o/ /der ni 'jug pa rnam gsum ste/ /rtog dpyod don dang yi ge yi/ /rjes 'jug dang po sngon 'gro nyid/ /blo yi stobs kyis rnam pa gnyis/ /lus las snang ba'i chos rnams la/ rigs pa'i gtan tshigs mdza' dag dang/ /man ngag nges pa'i chad ma yis/ /so sor rtog dang rtsol med par/ /rims dang cig car gtan la 'bebs/ /de nas 'jug pa'i tshul sgo ni/ /don la rims dang cig car pa'o/ /don ni chos nyid snying po la/ /rjes su 'jug pa sems yin te/ /de yang skabs kyi khyad par gyis/ /lam lnga'i skabs dang bcur 'gyur bas/ /rim par bsgrong pa'i lam du bshad/ /blo zhan rim gyis 'jug pa 'ang/ /yul dang shes pa'i tshul lta bur/ /ji bzhin pa la blo bzhag pas/ /rigs pa'i khyad par skabs su 'phags/ /gsal dang bstan dang yun rings dang/ /shin tu ring dang tshad las 'das/ /mi mthun phyogs dang phrad pa'i tshe/ /de dbang gyur dang cung zad du/ /mi 'gyur
- 559a
thang cig gnas pa dang/ /gsal bar bstan pa'i ring goms dang/ /rang dbang gyur nas ches bstan dang/ /spyod lam kun tu rlung gnas yin/ /de dag zag bcas bsam gtan te/ /gnyis med yul bral de mthong min/ /mnyam nyid gsang ba'i bde don la/ /dad dang mos dang der rtsol dang/ /des de g.yo dang cher g.yos dang/ /mthong dang 'dra bar 'gyur yin te/ /skar phran 'bring dang chen po dang/ gcig pa gnyis pa'i zla ba 'dra/ /rang gi mtshan nyid mngon sum du/ /gsal bar mthong bas dbugs phyin te/ /zag pa zad nas 'jig rten 'das/ /gsum pa'i ri bong spyan 'dra yin/ /mthong ba'i don la mnyam gnas pas/ /brtan par 'gyur te lung chen thob/ /'bras bu cher 'byung bzhi pa 'dra/ /rang dang spyi yi tha snyad bral/ /dmigs med kun gsal ye shes nyid/ /g.yo dang thob dang brtan rdzogs pa'i/ /rim pas mthar phyin gsum du snang/ /lnga brgyad cu drug tshul du gsal/ /de dag sa dang rnal 'byor skabs/ /sems lam bcu dang lnga zhes bya/ /gang dag blo chen mngon rtogs pas/ /mnyam nyid yul bral rang gsal bar/ /mi g.yo cig car gang 'jug pa/ /sa dang lam gyi grangs rtsol med/ /yi ge mtshan ma'i rnal 'byor dag /blo yi khyad par che phra ba'i/ /thams cad gsal rdzogs cig car dang/ /lnga dang bcu la sogs par snang/ /lam lnga rnal 'byor rigs 'dzin gyi/ /sa dang gnas skabs ye shes dang/ /sgrib dang gol sa rtog pa dang/ /spyod dang ting 'dzin dam tshig dang/ / dus dang dngos grub mthar phyin dang/ /lta ba'i khyad par gnas 'gyur sogs/ /bye brag lam lnga'i chos su snang/ /rnal 'byor sa bcu'i lam rnams la'ang/ /khyad par de dag rnam bcud bsal/ /lha yi phyag rgya cig pa dang/ /gnyis
- 559b
'brel yan lag rdzogs pa dang/ /'khor lo gcig dang rnam spros dang/ /shin tu rnam spros dkyil 'khor dang/ /gling gcig gang dang stong gsum dang/ /grangs med shin tu grangs med dang/ /chos dbyings mdza' yas rab gsal rdzogs/ /de dag rnam pa'i khyad par yang/ /rtog dang mtshan ma'i rnal 'byor dang/ /chu zla lta bur gzung med dang/ /gzung 'dzin gnyis bral de nyid dang/ /cis 'dra mi gnas mnyam nyid dang/ /rang gi mtshan nyid gsal nges dang/ /zag pa med dang lhun grub pa'i/ rab 'bring tha ma'i rim pa yis/ /thob dang shin tu thob pa dang/ /brtan rdzogs nyid de rnam bcu'o/ /tshad kyang khru bzhi brgyad cu drug /sum cu gnyis dang drug cu bzhi/ /de bzhin 'gyur sogs chos dbyings rnams/ /lhar gsal 'phro 'du dbugs yul dang/ /dri sgra gzugs sogs rim bzhin 'phags/ /de dag blo yi rtsal yin te/ /shes rab la sogs kun de bzhin/ /khyad par gyur cing rnam par 'phel/ /don dang yi ge gang de'ang/ /so so'i gnas skabs lam bdag nyid/ /bgrod dang de chos ldan pa dang/ /rgyud mi gtong dang rten byed dang/ /dus de skabs dang 'bras bu dang/ /gags dang 'dra ba'i lhung gnas dang/ /rtsol zhing bgrod pa'i lam sems dang/ /spyod lam dang ni blo gnas dang/ /ma 'da' bsrung dang dus nyid dang/ /yon tan mthu dang bya bral dang/ /shes rab stobs dang khyad par las/ /tha snyad bye brag rnams su gsungs/ /gzhan yang sems bskyed sngags la sogs/ /lam gyi chos sgo tha snyad kun/ /lnga dang bcu sogs grags pa yin/ /dang po gnyis la gnas pa ni/ /gsang chen 'bras bu lam gyi rten/ /de bzhin rim par bgrod gnas na/ /ltung yang gzugs kyis zin pa dang/ /lus ngan mi srid bde 'gro yis/ /yang dag gnas dang 'dod rigs sogs/ /bde 'gro'i gnas ngan mi srid dang/ /
- 560a
khams gsum 'jig tshogs zag bral dang/ /mi ldog mi gnas phyir 'ong? ngal mi shes skyon bral mdza' rdzogs nas/ /sa bar mi ldog sangs rgyas sar/ /thog med mngon gyur lhun gyis grub/ /de phyir lam gyi mchog tu brjod/ /de rkyen yan lag rnam pa gnyis/ /sgrub byed rkyen dang shes byed pa'i/ /lam gyi yan lag sum cu gnyis/ /mdo dang bzhi dang bslab pa'i mdza' / /mdo ni bcu gnyis 'jug sgo dang/ /dam tshig lta ba ting 'dzin dang// dmigs pa zlas pa 'phrin las dang/ /spyod pa dang ni thob bya'i dbang/ /rigs 'dzin sa dang sangs rgyas sa/ /nges byed yan lag tu bshad/ /gzhi ni rnam bcu bsgrub pa dang/ /gsang sngags ming dang spyod pa dang/ /dngos grub gnas dang bzlas pa'i sgra/ /phyag rgya ting 'dzin lta ba dang/ /cho 'phrul dag ste de dag ston/ /dpe bcus mtshon nas rab tu shes/ /bslab pa'i mdza' ni rnam bcu ste/ /dam tshig bzhi dang rgyud dgrol dang/ /sgo mo bsdur dang phul dbyung dang/ /thag bcad pa dang nyams blang dang/ /la dor spyod dang dbang rim dang/ /man ngag don dang mdor bsdus rnams/ /rnal 'byor bslab pa'i mdza' bcur bcad/ /gzhi 'dzin pa ni dam tshig ste/ /sgo gsum sdom par gnas pa'i don/ /rtsa ba yan lag la sogs pa'i/ /bsrung dang bsgrub pa de nyid do/ /rgyud 'grol ba ni thos bsam ste/ /mkhas ldan dam pa'i bla ma la/ /dad dang sri zhu gus pa yis/ /don gang nyan 'dzin rtogs byed 'grol/ /sgo bsdur ba ni theg pa rnams/ /shes par byed dang rtsol ba ste/ /gol sgrib phyogs su gang gsung dag /bcad phyir de dag rig shes byed/ /phul du dbyung ba 'di don nyid/ /mkhas shing rab tu shes pa'o/ /thag bcad pa ni lta ba ste/ /ji bzhin ma nor shes rab nyid/ /re dogs
- 560b
med par sngon 'gro don/ /nyams blangs pa ni ting 'dzin te/ /phyag rgya bzhis sogs spros pa dang/ /spros med la sogs bsam gtan yin/ /la dor ba ni spyod pa ste/ /dkyil 'khor bzhi dang las bzhi dang/ /bsgrub pa la sogs bye brag dang/ /thun mong thabs kyi mdza' spyod nyid/ /dbang ni rim par bgrong byed pa'i/ /lnga dang lnga sogs nus mthu bskyed/ /man ngag don bsgrub thabs kyi mchog /gser 'gyur bdud rtsi lta bu'i tshul/ /mdor bsdu ba ni sems kyi don/ /ji bzhin par rtogs kun 'dus pa'o/ /shes byed yan lag rnam pa gnyis/ /mtshon byed tshig don yi ge'i sgra/ /rgyud don yan lag rnam drug dang/ /de 'grel gtan la 'bebs byed pa'i/ /lde mig zhes su grags pa de/ /rgyud ni byin rlabs 'byung ba dang/ /lung bstan rgyud pa rnam gnyis phyir/ /de 'grel pa yang rnam pa gnyis/ /byin rlabs sku bzhi bstan pa dag /bshad thabs lde mig rnam gnyis te/ /dpyod pa'i 'dren sgo rnam 'grel gsum/ /'byed pa drug dang 'grol pa bzhi/ /nges par 'byin pa rnam gsum mo/ /sgo gnyis spyi dang khyad par ste/ /spyi'ang rnam gsum yan lag mdo/ /rtsa ba dag gis 'grel bar byed/ /khyad par gsang sgo'i rnam 'grel yang/ /yan lag mdo dang rtsa ba yis/ /'byed 'grel nges par 'byin par byed/ / 'byed pa rgyu dang rtsa ba dang/ /'brel dang tshig dang nges par sbyor/ /rgyu ni gleng gzhi drug yin te/ /don gang gang tshe gang nyid kyis/ /gang du gang la bshad brjod pa'o/ /rtsa ba gleng bslang rkyen nyid dang/ /ji ltar bslang nas zhus bshad tshul/ /'grel pa gang brjod gang gis brjod/ /gang phyir gang gi stobs kyis bshad/ /'drin pa brjod pa'i rgyu 'di dang/ /ji ltar bshad pa'i tshul bcu ste/ /rang bzhin lta ba'i nges don dang/ /spyi don bsdud dang rnam par
- 561a
dbye/ /tshig don 'grel dang 'brel shugs sbyor/ /rang lugs nyid dang brgal lan dang/ /ldem dgongs brda' dang dpes mtshon dang/ /man ngag gab sbas 'byin bsdebs rnams/ /dpe bcu lta bur bshad pa'o/ /nges pa gtan tshigs rnam bcu gnyis/ /snod sgo bzhi la bstan pa bzhi/ /'tsham bar so sor nges byed dang/ /lung dang don dang rigs pa dang/ /mtshon dpe gtan tshigs mdza' dag gis/ /snang dang mi 'gal rgyas 'thad sbyar/ /de dag re re 'ang dgos pa dang/ /ngo bo dam tshig dmigs bzung bcas/ /rnam bcu gnyis kyis nges 'byed shes/ /sbyor ba byang chub yan lag ste/ /rtogs pa bzhi dang mtshan nyid bzhi/ /dgos 'brel bzhi dang yan lag bzhi/ /der 'jug bzhi dang mtshon dpe bzhi/ /bsnyen bsgrub yan lag bzhi dag dang/ /mtshan nyid tshul dang sbyor ba ni/ /rnam pa sum tu rtsa gnyis rnams/ /gzhi nyid 'brel dang zeg bcas dang/ /mthong dang bsgom dang mthor phyin dang/ /sangs rgyas sa dang rnam drug du/ /bsdus te de yi yan lag yin/ /cho 'phrul bzhi dang mngon shis lnga/ /thabs dang thabs sbyar lnga lnga dang/ /rang bzhin lnga dang 'phrin las bzhi/ /gzhan don spyod pa'i yan lag ste/ /bla med sbyor ba'i chos 'grel yin/ /mdo bzhi thos mthong mngon sum dang/ /bya ba med dang rnam bzhir 'grel/ /rtsa ba nges pa'i man ngag gsum/ /mi mthun phyogs rnams bcad pa dang/ /don mthun 'gro ba'i dpe mtshon dang/ /nges pa'i don la gnas pa yi/ /don gsum tshul gyis rnam 'grel 'byin/ /lung bstan brgyud pa'i bstan pa yang/ /de bzhin tshul du 'grel ba ste/ /rgyud don rnam gsum khungs dang rgyu/ /ngo bo nyid de dang po ni/ /thun mong bcas gzhi spyi rgyud do/ /gdam ngag lung bstan rtsa
- 561b
ba'i rgyud/ /gleng bzhi spyi yi rgyud ces bya/ /'khor 'dus smres dang bskul zhes pa/ /bstan pa 'byung pa'i rgyu rkyen ste/ /ngo bo 'tshogs pa drug nyid do/ /gleng bslang la sogs drug rnams dang/ /mdo bzhi rtsa ba gsum la sogs/ /tshul bzhin rjes su sbyar bar bya/ /de dag 'bras bu'i lam du bshad/ /'bras bu nyid ni rdzogs sangs rgyas/ /sku gsung thugs dang yon tan lnga/ /nyi shu lngar bsdus mdza' yas rnams/ /lhun rdzogs rnam kun mkhyen pa'o/ /gsang mchog gsang bdag bka' lung mdo rgyud do/ /gsang bsdus gsal bshad mdo tsam phyogs brjod pa/ /ma nor mi 'gal tsam du nyams kyis bstan/ /de yi dge ba gang mchis yongs la bsngo/ /gsang ba'i mdo don bsdus pa/ slob dpon d+harma po des mdzad pa rdzogs so// // */ (/skabs 'grel bye brag tu bshad pa bzhugs//) //mi 'khrug pa la phyag 'tshal lo/ /rgyud las 'byung ba'i skabs bshad bya/ /de yang rgyud nyid las/ /sa dang gnas skabs ye shes dang/ /sgrib dang gol sa rtog pa dang/ /spyod dang ting 'dzin dam tshig dang/ /dus dang dngos grub mthar phyin dang/ /lta ba'i khyad par gnas 'gyur rnams/ /thams cad gcig las med na yang/ /grangs sam dbye ba'i bye brag rnams/ /snod kyi rtsal dang sbyar nas ni/ /chos rnams kun gzhir gcig pa la/ /kun gzhi'i gnas 'gyur rnam pa lnga/ /bye brag lam lnga'i chos su snang/ /zhes gsungs pas/ /lngar brjod pas 'di ni snod kyi/ /rim pas bcur yang 'gyur bar dgongs so/ /de la lngar drangs pa ni bcu'i yang rtsa bar 'gyur ba'i phyir/ blo rims su sbyor ba'i rab kyi ched du bstan te/ gang zhe na/ sa dang zhes pa/ 'gyur ba ma nges pa'i sa ni rkyen la rag lus pa dang/ rigs thams cad pa yin te/ /'jug ldog ltung dang bcas pa yis/ /kun tu 'khor zhing ma nges pa'o/ /zhes bka' las
- 562a
snang ngo/ /gnyis pa gal chen sbyor ba'i sa ni/ /ched du brtson 'grus lam 'bad na/ /legs nyes 'byung ba'i nyes dbang du 'gro bas/ /slab pa bcu la 'jug cing sbyor ba la brten pa'i phyir ro/ /de yang 'di skad du/ dge dang mi dge'i las rnams kun/ /gcod sbyong sbyor ba'i tshul nyid kyis/ /legs nyes stobs chen 'gyed pa'o zhes snang ngo/ /gsum pa mi ldog gnas pa 'am/ /rten pas khyad par 'gro ba'i sa ni/ /mthong lam thob pas 'jigs pa lnga dang bral ba'i phyir te/ mthong ba la brten nas/ /bogs su 'gro ba'i rten gnas nyid yin pa'i phyir ro/ /'di skad du/ bdun nyid rdzogs pas 'gro ba ste/ zhes pa dang/ ngal so ba las thams cad mthong/ /mi ldog pa la goms byar med/ /zhes snang ngo/ /bzhi pa dmigs pa 'bras bu skye ba'i sa ni/ bsgom pa'i lam ste/ 'dir gsang sngags kyi gzhung gis/ /spyod yul mi dmigs mod kyi/ dmigs par tha snyad 'dogs te/ mthong ba'i don la blo shin tu mi dmigs pa yis/ 'bras bu 'byin pa'i gzhi'i phyir te/ 'di skad du/ khyad par rtsal 'phang kun rdzogs shing/ /ting nge 'dzin gyis sbyor ba'o/ /zhes snang ngo/ /lnga pa rtsal chen rdzogs pa'i sa ni/ /rgyal tshab skyes bur gyur pa'i phyir dang/ /mthar phyin pa'i lam pa yin pa'i phyir/ nus pa'i rtsal rdzogs pas/ sangs rgyas la sbyor bar byed pa'i gnas yin pa'i phyir ro/ /'di skad du/ /phyag rgya chen po sgyu ma yin/ /'khor lo sgyur ba'i rgyal tshan yin/ /mthong ba'i gnas na bcu drug sa/ zhes snang bas/ cho 'phrul 'gyed nus shing phyag rgya chen po'i rigs 'dzin yang yin pa'i phyir ro/ /gnas skabs zhes pa/ rtsa ba'i rgyud kyi dbang du/ gnas dang skabs cig du ston ste/ bzhed tshig tu/ yon tan mthong thos rkyen phrad dang/ /byin brlabs 'brel cing mtshungs
- 562b
ldan pas/ /g.yo sems 'byung zhing 'dun skye ba'i/ /dus kyi thang la bab phyir skabs zhes bya'o/ /bslab pa 'jug pa'i skabs gnyis pa'ang/ 'di skad du/ g.yo smon rgyu yis bslab bcu la/ /der mi sdod par ldang sems kyis/ /bcu la 'jug pa'i gzhi dang dus/ /thang du bab phyir ming thob pa'o/ /zhes bya'o/ gsum pa ro myong ba'i skabs ni/ 'di skad du/ sems gsum rgyu yis bslab rdzogs nas/ /'jug pa'i sems rgyus bden mthong ba/ /ji bzhin nyid kyi ro myong ba'i/ /gnas dus nges pas skabs su brjod zhes bya'o/ /bzhi pa yul la 'jug pa'i gnas skabs ni/ 'di skad du/ mthong ba'i shes yul nges pa la/ /dgra dbang mi 'gyur lhag sems kyis/ /rang rig gnyis med mi g.yo bar/ /byed la 'jug pa'i skabs su smra zhes bya'o/ /lnga pa rtog chen la phebs pa'i gnas skabs ni/ /'jug pa'i rnal 'byor sngon sum rgyus/ /rang rig mngon sum rig sems skyes/ /yang dag don mthong thil phebs phyir/ /de la 'di skad brjod pa yin zhes bya'o/ bshad rgyud kyi dbang du/ gnas dang skabs so so ste/ de la gnas zhes pa/ 'dod pa grub pa mthar phyin pa'i gnas ni/ ji skad du/ rkyen gyi rnal 'byor bya byed dang/ /phyi pa'i rtags lam rdzogs pa dang/ /'di nyid sngar spyad thams cad kyi/ /'dod pa'i gsang lam rnyed pa ni/ /las mthar phyin pas 'dir phrad cing/ /de la brten phyir gnas su brjod zhes bya'o/ /gnyis pa bzod pa grub 'phags pa'i gnas ni/ /ji skad du/ /yang dag don la mi skad bzod/ / de phyir rigs nges gzungs sngags yod/ /de phyir 'phags pa zhes bya ste/ /skye bo sa las 'das pa'i gnas/ zhes bya'o/ /gsum pa bden pa grub pa yang dag pa'i gnas ni/ /ji skad du/ sgro bskur med pa'i gnyis med don//
- 563a
mthong ba mthar phyin mi bslu zhing/ /phyin ci ma log la brten phyir/ /dang po'i dbugs chen phyin pa'i gnas/ zhes bya'o/ /bzhi pa las su rung ba'i sbyor ba'i gnas ni/ ji skad du/ mthong nas goms pa mi g.yo ba'i/ /gnyis med gsal la mi g.yo ba'i/ /ting 'dzin goms pas 'bras bur sbyor/ /mthar lam thob la ma rag pa'o/ /zhes bya'o/ /lnga pa lhun gyis grub pa mnyam pa'i gnas ni/ /ji skad du/ mthong goms stobs su gyur pa yis/ /'bras bu thob pa'i skabs yin zhing/ /shing 'bras tshogs kyi dpe lta bus/ /yon tan rdzogs pas blang dor med/ zhes bya'o/ /skabs zhes pa lnga ste/ sems can gyi skabs ni/ ras bal sa bon lta bu'i gzhi/ /g.yo bas sgra yi rnal 'byor gyi/ /bsgom bya yid la byed pa'i gzhi/ /da dung ma nges dran tsam mo/ /zhes bya'o/ /gnyis pa 'phags pa'i skabs ni/ ji skad du/ dad pas mos pas lam 'gro zhing/ /slob pa pa 'di bzod thob phyir/ /'du shes rigs des khyad par 'phags/ /yang dag rgyud du nges phyir ro/ / gsum pas thob pa'i skabs ni/ 'di skad du/ mi slob chos mig rdul bral zhing/ /dbugs chen phyin nas mi ldog pa'i/ /ting 'dzin thob pa'i dus nges phyir/ /de la mtshan du de skad brjod/ zhes bya'o/ /bzhi pa rigs 'dzin byang chub thob pa'i skabs ni/ /byang chub sems dpa' sems chen por/ /bdag phyir bzlog med gzhan don du/ /phyir 'ong rang dbang skyo spyod phyir/ /rgyal ba'i sras po gdung 'tsho ba skabs zhes bya'o/ /lnga pa 'bras bu thob pa'i skabs ni/ / ji skad du/ byang chub chen por rdzogs sems skyes/ /rgyal tshab skyes bur rtsal rdzogs pa/ /lam du gyur pa'i 'bras bu'i phyir/ /'bras bu'i skabs zhes mtshan nges pa'o/ /zhes bya'o/ /ye shes dang zhes bya ba ni/ /mnyam
- 563b
par bzhag pa re re la/ ye shes re re 'char ba'o zhes snang bas/ /skabs lngar sems lnga bsgom shar gyi ye shes lnga ste/ ji skad du/ yang dag bden pa gnyis med don/ /yid byed g.yo yi ye shes dang/ /bzod thob 'jug slob ye shes dang/ /ma nor mthong dga' i ye shes dang/ /de nyid mi 'gyur gnas ye shes/ /de mthar rdzogs sems ye shes so/ /zhes bya'o/ /bsgrib dang zhes pa 'di skad du/ /so so thun mong ma yin pa'i/ /sgrib las zhes rtsi byed cing zhes snang bas/ lnga ste/ 'di skad du/ sa 'am rnal 'byor rnam lnga po/ /rang rang mthong la zhen pa yis/ /gong ma gong ma ma mthong phyir/ /lam gyi dbye bas sgrib pa'ar lnga'o/ /zhes bya'o/ /gol sa zhes pa/ 'di skad du/ thun mong rgyu yi lam lngar gol/ /khyad par sgrib la bltos tshul gyis/ /lam lnga gong dmigs 'og lta can/ /ltung nor phyir na sgra 'jug pa'o/ /zhes bya'o/ /rtog pa dang zhes pa ni/ /ched du byas pa'i rtog pa ste/ 'di skad du/ sa lnga dang po tshig la rtog /gnyis pa yi ge gsum pa ming/ bzhi brda tha snyad lnga par rtogs/ /bag chags lnga yod sbyong ba'i phyir/ /bltos na phyag rgya 'phro 'du dang/ /shes yul rnams la gnas phyir rtog /zhes bya'o/ /spyod dang zhes pa ni/ bzhi phyir spyod pa'ang skabs kyis bdag dang gzhan don du/ sngon 'byung dang rjes 'jug tshul du 'gyur ro/ /de las dang por ni/ rtsol ba dang tshogs kyi sa lam yin pa'i phyir/ /rtsol tshogs gnyis la'ang shin tu 'bad/ /byin brlabs dbang sgyur thabs tshul gyis/ /gzhan don mdza' 'ga' stsol bas spyod/ /gnyis pa bdag phyir legs nyes la/ /gcod sbyong stobs phyir shin duAng/ /brtson spyod dben las phyogs gcig spyod/ /slob sbyong bdag gzhan don kyang byed/ /gsum par mi dmigs shar ba yis/ /'dod pa'i dngos po dbyings sbyor phyir/ /
- 564a
bdag phyir mi dmigs gzhan phyed du/ /'khor lo sgyur bas gsang sngags ston/ /bzhi bar bdag phyir rnal 'byor spyod/ /gzhan la phyir 'ong sa yin phyir/ /rang dbang can du skye zhes nas/ /ji ltar 'dod ltar thabs mchog sbyor/ /lnga bar ting 'dzin rtsal rdzogs phyir/ /dbang sgyur thabs kyi spyod pa yis/ /cho 'phrul bzhi sogs sna tshogs ston/ /gdul bya smin cing 'khor lo'ang skor/ zhes bya'o/ /dam tshig zhes bya ba/ skabs kyi ched du byed pa las / brtags kyi rtsa ba yan lag rnams/ /kun srung bye brag dang por ni/ /bdud lnga dgra bzhi bzlog pa dang/ /spyod pa rgyun nam bzhi la gnas/ /'dun cing yi rang mnyams byed/ /gnyis pa bslab pa bcu byed las/ /mi 'da' bzod las mi nyams byed/ /gsum par lta ba'i dam tshig byed/ /mthong ba mi gnas brtson par byed/ /'di skad du nam mkha' lta bu'i rnal 'byor pas/ /nam mkha' lta bu'i dam tshig srung/ /zhes gsungs so/ /bzhi pa la ting nge 'dzin gyi so nyid las/ mi nyams ma yengs mi 'da' ba' o/ /'di skad du/ brjed pa med pa'i ting nge 'dzin gyis/ /bsrung ba med pa'i ngang du bsdam/ zhes gsungs te/ gzhan du ni/ phyir 'ong bar dam bcas pa gang yin pa'o/ /lnga par med dang byal pa cig pu dang/ /lhun gyis grub ba rnam bzhi pa'o/ /ting 'dzin dang zhes pa'ang lnga ste/ rnam par mi rtog lha sgom pa 'ang/ /gang rung dang por yid la byed/ /gnyis pa 'phro 'du gcig pa dang/ /gsum pa yongs su mi ldog cing/ /bzhi par de bzhin nyid bsgom dang/ /lnga par kun tu snang bsgom/ /de phyir rnal 'byor rnal 'byor yin/ /zhes bya'o/ /dus dang zhes pa'ang lnga ste/ gsang sngags yid la byed tsam yod/ /de phyir dran pa thob par smra/ /gsang ba'i bslab bcu thob pa'i dus/ /gnyis
- 564b
med rtogs pa thob pa'i dus/ /de nyid bsgoms pa goms pa'i dus/ /de mngon gyur pas mthar phyin dus/ zhes bya'o/ dngos grub zhes pa/ dang po 'dod pa grub pa dang/ /gnyis pa bzod pa grub pa dang/ /gsum pa bden grub bzhi pa las/ /rung ba grub pa'o/ lnga pa ni/ /lhun gyis grub pa'i rigs thob pa'o/ /'on te dang po gnyis pa ni/ /dmigs pa grub pa'o/ /gsum pa ni/ don dam bcud kyi rnam shes rgyas/ /bzhi pa 'khor ba'i dbyings su 'grub/ /lnga pa thams cad 'grub par gsungs/ /mthar phyin dang zhes pa/ dge ba'i las mdza' gsang sngags la/ /'dir phrad dang po gnyis pa ni/ /bslab mdza' bcu la slob phyir ro/ /gsum pa mthong mthar gsang sngags mthong/ /de rgyus bzhi par gsang sngags don/ /mthong bgoms bya de nyid mthar/ /phyin pa'o lnga par mthar lam 'bras/ /rdzogs phyir 'bras bu kun gyi mthar/ /rtsal chen rdzogs pa thob pa'o/ /lta ba'i khyad par zhes pa lnga ste/ dang po 'dun pa'i rnal 'byor pa ni/ /g.yo smon gyis gsang sngags la nyan dbang nos nas/ slob du zad kyang/ tshig gi tshogs pa sgra'i rnal 'byor yin pa'i phyir/ /blo sman pas gsang sngags kyi don tshig tu smra zhing/ /mthong pa med de/ yid la byed pa'i lta ba'o/ /'on kyang phyogs las da dung bzod pa'ang ma thob bo/ de yang 'di skad du/ brtsal ba las kyi rnal 'byor pas/ /'dun pa sems dpa' i rnal 'byor la/ /sogs pa'i rnal 'byor rnam drug po/ /shes rab rtsal gyi 'phang dams pas/ /ting 'dzin rtsal yang chung pa ste/ /don la mthong bar mi 'gyur bas/ zhes gsungs so/ /rigs chen 'byed pa'i lta ba ni/ /bcu yis sa gsum 'dus pa ste/ /'dir byed nas/ slob pa bcu'i tsha bzod pa thob ste/ bden pa rnam gnyis dbyer med pa bstan pa la/ /mi skrag cing slar sprod pas
- 565a
rang rig mtshan nyid du thos bsam gyi sgo nas shes te/ 'di skad du/ don la mi skrag ngo mtshar skye/ /dpyod sems 'jug pa'i sems dpa' de/ /ngan song mi ldog dgon par 'jug /zhes gsungs so/ /dbugs chen 'byin pa'i lta ba ni/ /sa lnga par bsgoms pas chos nyid ji lta bar mthong ste/ mi ldog pa'i lta ba'o/ /de yang nga la so ba yas thams cad mthong/ /zhes gsungs so/ /lung chen thob pa'i rnal 'byor gyi lta ba ni/ mi g.yo ba'i lta ba ste/ de ltar mthong ba'o/ /rtsal chen rdzogs pa'i lta ba ni/ rang 'byung ye shes su bsgoms pas mngon du 'gyur ba ste/ 'di skad du/ rang 'byung rang rig mngon sum snang dus na/ /rang 'byung ye shes de nyid mthong zhes pa/ /zhes gsungs so/ /la la dag ni 'di skad du/ /lta ba lnga ni shes pa lnga/ /gsang sngags 'dod pa 'dam shes dang/ /rnam par shes pa bslab bcu dang/ /bzod thob rang gi mtshan nyid shes/ /thams cad ma skyes ye shes dang/ /de las yongs su mi ? shes// shes pa chen po kun tu snang/ /mthong pa dam pa'i lta ba yin zhes smra'o/ /gnas 'gyur rnams zhes pa/ /skabs lnga kun zhi lnga bag chags lnga dang bcas pa gnas 'gyur ba ste/ /dran pa thob pa'i dus sems can gyi skabs su skye bo'i zhes pa ma rig pa las sems g.yo ba 'byung bas/ lam gyi gzhir gyur pas rkyen gyis bsgyur ba las kyi bag chags gnas te/ /sbyong zhing 'dod pa shes par 'gyur ba'i phyir dang po'o/ /spyod pa thob pa'i dus 'phags pa'i skabs su bskal pa bcu yang dag pa'i don la stor ba'i phyir/ sbyor ba bdun pa'i kun gzhir 'gyur ste/ mngon du rgyu ba gnas te sbyor ro/ /rtags pa thob pa'i dus sa thob pa'i skabs su / 'og gi 'bad bas bden pa mthong ba'i phyir/ /snang
- 565b
ba don gyi kun gzhir gnas 'gyur te/ /de'i tshe kun du rgyu'i bag chags gnas te sbyong ba'o/ /rigs 'dzin byang chub sems dpa' i skabs goms pa thob pa'i dus su/ mthong ba la goms pas sems mi g.yo ba'i phyir/ /'gyur med gnas pa'i kun ? gnas 'gyur ste/ bag chags lhan cig skyes pa'i gnas de sbyong ba'o/ /mthar phyin pa'i dus byang chub chen po'i 'bras bu thob pa'i skabs su/ /sngar goms pas mngon du gyur pa'i phyir/ btsal med gnas pa'i kun gzhir gnas 'gyur te/ bag la nyal gnas pa sbyong ba'o/ /zhes 'chad na /kho bo ni dang po rigs ma nges ba dang/ chos nyid ma shes pa'i phyir der 'gyur zhes mi 'dogs pa'i phyir/ /dang po nas gnyis par 'gyur ba nas/ lnga ba nas sangs rgyas nyid du 'gyur pa dang lnga ste/ /lam lngar rang rig ting 'dzin brtan pas/ ye shes skyes pas sgrib pa re sbyangs pa skad cig ma phyi ma la lam lngar skabs lnga'i phyir/ kun gzhi'i gnas 'gyur rnam pa lngas/ bye brag lam lnga'i chos su bshad/ zhes gsungs so/ /bag chags lnga ni sgrig pa lngar yang gsungs te/ de dag ni rgyu 'bras kyi phyir khyad par yod de/ 'di skad du/ de dag re zhing rgyu 'bras gnyis/ /snga ma snga ma gang dang gang/ /phyi ma phyi ma smin pa'i rgyu/ /de bzhin kun tu 'khor bar 'byung/ zhes gsungs te/ 'chad pa'i bcu po? ? 'bras su 'gyur bar dgongs so/ /yang ma bcur bshad pa bya ba ni/ sa dang zhes pa /'gyur dbang ma nges pa'i sa dang/ rten pa gzhi'i sa dang/ gal chen spyod ba'i sa dang/ bslab pa rgyun gyi sa dang/ bsod nams gter gyi sa dang/ rten pas khyad par du 'gro ba'i sa dang/ dmigs pas 'bras bu skye ba'i sa dang/ gnas pa mi 'gyur ba'i sa dang/ 'dul ba chos nyid kyi sa dang/ rdzogs pa spyir chib kyi sa'o/ /de yang bcur bstan pa ni/ gsang sngags rim 'jug gi 'bring gi
- 566a
yul lo/ /gzhi bcur de las spros pa ni/ tha ma'i dngang du gsungs pa'o/ /de la sa lnga ni lnga'i skabs su bshad de/ /sngar lnga'i skabs su ma bshad pa rnams cung zhig du dgrol ba ni gang zhe na/ dang po gnyis ba rten pa gzhi'i sa ni/ 'di skad du/ dang po gsang ba'i bslab pa la/ /rtsol bar sbyong ba la brten nas/ /dang po'i las kyi rnal 'byor te/ /sa rnams kun gyi gzhi rten no/ /zhes gsungs so/ /gal chen bshad zin to/ /de'i cha bslab pa rgyun gyi sa ni 'dir bslab pa bcu la zhugs nas mi gtong bar rgyun du 'bad pas bogs su byed ba'i gnas yin pa'i phyir ro/ /'di skad du/ bslab pa'i mdza' bcu mthar phyin cing/ /ji ltar zla ba yar gsal bzhin/ /bslab pa'i ye shes 'phel 'gyur te/ zhes gsungs te/ bsod nams gter gyi sa ni/ 'di skad du/ bslab pa bcu mthar phyin pa yi/ /bsod nams yon tan zad mi shes/ /slob pas mthar phyin bsgom pa'i sa/ /mthong lam thob la ma rag pa'o/ /zhes gsungs so/ /drug pa dang bdun pa dang brgyad pa gsum bshad zin to/ /dgu pa lnga pa las 'phros pa bdal ba chos nyid ni/ rang gi kun gzhi'i chos nyid dbyings dang ye shes gnyis su med pa nges bgos pa med par kun khyab par rtogs pa'i gnas yin pa'i phyir ro/ /de yang yul don ye shes de sbyar bas/ shes par byas pa thams cad rdzogs/ zhes gsungs so/ /bcu pa rdzogs pa spyir chib pa ni/ 'di skad du/ bcu pa'i tha ma dang po las/ /mthar rdzogs kun gyi rtog yin te/ /klong yangs nam mkha' i snying po la/ /sprin med nyi ma 'bum gyis bdal/ /cir snang ci'ang ma yin pa'i/ /mi skye mi 'gag ngo bo las/ /ji ltar bltas dgu der snang bas/ /theg mchog spyi rgya rlabs kyis bcad/ zhes gsungs
- 566b
so/ /gnas skabs zhes pa de gnyis kun 'dus ltar/ /gnas skabs bcur yang sbyar te/ /bdun ba skye pa'i gnas skabs dang/ zhes pa la sogs pas mngon no/ /dgongs 'dus ltar so sor bshad na/ dang po bshad zin to/ /gnyis pa'i gnas ni/ rten pa grub pa lam gyi gnas te/ lam rnams kyi gzhir gyur ba'i phyir ro/ /gsum pa bshad zin to/ /bzhi pa ni bzod pa grub pa slob pa'i gnas te/ zab mo'i don la bzod pa thob pas/ ye shes 'phel bar bya ba'i phyir/ bslab pa bcu la slong pa'i sa yin pa'i phyir ro/ /lnga pa bslab pa grub pa rtser chib pa'i gnas de bslab pa bcu khong du chud cing rtser chib pa'i sa yin pa'i phyir ro/ /drug pa bdun pa brgyad pa bshad zin to/ /rdeng du gyur pa chos nyid kyi gnas dgu par/ bsgoms pas phebs pa stobs su gyur pa de 'dir chos nyid rdeng du gyur pa'i phyir ro/ /bcu pa 'bras bu grub pa rdzogs pa'i gnas ni/ mthar phyin pa'i phyir ro/ /skabs zhes pa/ dang po bshad/ gnyis pa rtsol ba sbyor pa'i skabs te/ smon pas slob pa la rtsol ba'i phyir ro/ /gsum pa bshad/ bzhi pa 'du shes 'gyur ba'i skabs ni/ rigs byed pas sbyor ba'i sems kyis 'du shes yang dag pa'i ye shes su 'gyur te/ ye shes 'phel bar byed pa'i phyir ro/ /lnga pa sbyor chen la 'jug pa'i skabs ni/ bslab bcus chib pas thos bsam gyis mthong ba'i don bsgom pa la 'jug pa'i phyir ro/ /drug pa bdun pa brgyad pa bshad zin to/ /dgu pa rdeng du gyur pa'i skabs te/ rtags chen thob pa'i phyir ro/ /bcu pa las su rung pa'i skabs te/ rdzogs sems skyes pas bskyed du bya ba'i lam med pa'i phyir ro/ /ye shes dang zhes pa sngar brjod pa'i gtan tshigs kyis/ /skabs bcur sems bcu skyes pas sems dang chos 'phrad pa'i ye shes
- 567a
grol thar pa thar re'o/ /de la dang po brjod zin/ smon pas khong du chud 'dod pa'i/ /bden gnyis mgo mthong yid la byed/ /smod pa'i ye shes gong ma'i rgyu/ /de rgyus der mi brtan par ldang/ /bden gnyis rang gi mtshan nyid du/ /shes pa gcod sbyong sbyor ba yi/ /bslab pa'i ye shes ye shes gsum/ /bzhi pa de rgyus sbyor sems kyis/ /lhag pa'i bden gnyis dbyer med don/ /thos la mi skrag sbyod cing 'phel/ /bzod thob ye shes phyi ma'i rgyu/ lnga pa de rgyus ye shes skyes/ /bden pa dbyer med thos bsams kyis/ /go ba'i don la 'jug sems pas/ /mthong la sbyor ba'i ye shes so/ /drug dang bdun pa brjod zin te/ /brgyad par 'di skad du/ mtshan ma'i chos rnams thams cad kun/ /mnyam pa chen po'i ngang du gsal/ zhes gsungs te/ rig pa'i sems kyis mnyam nyid mthong ba'i ye shes so/ /dgu par gnas pa'i sems kyis dbyings dang ye shes dbyer med pa'i don shar ba ste/ 'di skad du/ srid pa'i sems can thams cad dang/ /thar pa'i chos kyi rnam grangs kun/ /so sor thams cad snang ba ste/ /kun kyang mnyam pa'i ngang du gsal/ zhes gsungs so/ /bcu pa rdzogs pa'i sems kyis rang 'byung ye shes rdzogs par shar ba ste/ 'di skad du/ sa chu me rlung snod bcud rnams/ /kun kyang rang bzhin chos nyid don? chos nyid don las gzhan med pa/ /rang 'byung ye shes gsal ba'o/ /zhes gsungs so/ /sgrib dang zhes pa bcu ste/ sa 'og ma bcus gong ma'i lta ba rnams yul du ma gyur par brjod zin te/ yang las kyi bag chags phra rags ni/ gnyis pa dang po dag la bsgrib/ /mngon du rgyu ba rab 'bring gsum/ /tshum pa bzhi dang lnga la sgrib/ /kun tu rgyu ba drug pa ste/ /lhan cig skyes pa bdun la gnas/ /bag la
- 567b
nyal ba phra rags 'bring/ /brgyad dang dgu dang bcu la gnas/ /zhes gsungs so/ /gol sa zhes pa/ 'di skad du/ rgyu yi tshogs dang drod rtse mo/ /bzod dang 'jig rten chos mchog dang/ /mthong sgom mthar lam rnams su gol/ /yang na 'og ma 'og ma nyid/ /zhes gsungs so/ /rtog pa dang zhes pa bcu ste/ 'di skad du/ bag chags lnga yi phra rags bcu/ /sa bcur ldan pas chos nyid la/ /ched du byed dang phyag rgya yang/ /khyon dang 'phro 'du'i rtog sogs bcu/ zhes gsungs so/ /spyod dang zhes pa bcu ste/ dang po bshad zin to/ /gnyis pa ni 'di skad du/ bslab pa spyod dang nges pa la/ /dag dang ma dag gis spyod pa'o/ /zhes 'byung bas/ phra men gyi spyod pa'o/ /gsum pa bshad zin to/ /bzhi pa ni ngal song mi ldog bdon? par 'jug /bar chad dag kyang de las 'byung/ zhes gsungs pas/ phyogs cig pa bsgom pa'i sbyong pa'o/ /lnga pa ni/ spyod pa rgyun gyi rnal 'byor yin/ /zhes 'byung bas/ rgyun gyi spyod pa'o/ /drug pa ni/ bdag don shes rab dang mthun pa'o/ /gzhan don du 'di skad du/ sgyu mas spyod pa'i skyes bu de/ /'khor lo sgyur ba'i cha byad du/ /rin chen bdun dang dpung tshogs kyis/ /dbang sgyur thabs kyi theg pa ston/ /zhes gsungs so/ /bdun pa ni ting nge 'dzin gyi sbyor ba'o// ?? bdag don gzhan don du 'di skad du/ de bas skyes bu dam pa de/ /'bras bu nyid la lam shes pas/ /lam gyi yan lag bde rdzogs te/ /gzhan dag smin par bya ba'i phyir/ /ji ltar 'dod par thabs mchog sbyor/ zhes gsungs so/ /?? sbyor ba'i spyod pa ste/ ting nge 'dzin mang po la bsgoms pa'i phyir ro/ /gzhan don du/ 'di skad du/ de bas rgyal ched skyes bu de/ /chos kyi rgyal po gang de yi/ /gdung 'tshob dga' ldan theg chen ston/ mi gnas
- 568a
bcu dus cho 'phrul snang/ zhes gsungs so/ /dgu pa ni/ sgyu ma 'ang sgyu ma yin spyod pa'o/ /zhes gsungs pas/ ye shes sgyu ma'i spyod pa'o/ /bcu pa ni lhun gyis grub pa'i spyod pa'o/ /yang kun 'dus las/ sa brgyad 'di skad du/ sbyor dang sgrol bar byed pa dang/ /ma byin len dang ngag sprul byed/ /rnal 'byor dam tshig spyod pa'i mchog /spyad par bya ba'i las yin no/ /zhes gsungs so/ /dgu pa ni/ thams cad mnyam pa'i ngang la gnas/ /ting nge 'dzin gyi cho 'phrul las/ /dngos su spyod pa thams cad bya/ /de ni dam tshig chen po yin zhes gsungs so/ /bcu pa ni/ spyod dang spyod pa bya med pas/ /srid dang mu stegs 'jig rten pa'i/ /spyod par snang ba thams cad kun/ /lhun gyis grub pa'i mdzad spyod do/ zhes gsungs so/ /dam tshig zhes pa bzhed tshig las/ /rang rang spyod las mi 'da' ba' i/ /dam bca' bcu ni dam tshig go zhes gsungs/ de'i phyir dang po bshad zin to/ /gnyis pa rtsol ba las mi 'da' / /bzhi pa slab pa las mi 'da' / /lnga pa 'jug sgom las mi 'da' / /dgu pa chos nyid dam tshig gsum/ /brgyad pa dngos po bzhi la spyod pa la mi 'da' / bcu pa bzhi las mi 'da' 'o/ /brgyad pa 'di skad du/ 'dod pas chags pas 'joms pa dang/ /gti mug nga rgyal phrag dog rnams/ /rnal 'byor chen po'i dam tshig ste/ /don dang ldan pa'i skyes bu spyod/ /dgu pa ni/ dam tshig dam pa gang zhe na/ /rtogs pa dam pas dam tshig ste/ /rtogs par byed pa gang yin pa/ /de ni dam tshig chen po'o/ /bcu pa ni med pa phyal ba cig pu dang/ /lhun gyis rdzogs pa'i dam tshig che/ /'di zhes ris su chad med pa/ /'di ni bsrung ba'i dam tshig go /zhes gsungs so/ /ting nge 'dzin zhes pa'ang bcu ste/ /dang po yid la byed thob nas/ /gnyis pa de goms
- 568b
brtan pa'o/ /gsum pa 'dro 'du gcig pa thob/ /bzhi ba de goms lnga par brtan/ /drug par mi ldog bdun de nyid/ /brgyad par kun snang thob nas ni/ /dgu pa goms nas bcu par ni/ /de brtan las su rung ba'o/ /zhes gsungs so/ /slob dpon bde bar gsal mdzad kyis ni/ 'di skad du/ dang po yid la byed pa ste/ /rten pas yon tan 'byung gzhi'i phyir/ /rin chen myu gu'i ting 'dzin thob/ /gsum pa nyes pa gtsod sbyor phyir /dug 'joms sman gyi ting nge 'dzin/ /bzhi ba bar chad 'byung ba'i phyir/ /rtse gcig 'phro ba'i ting nge 'dzin/ /lnga pa bsod nams gter gyi phyir/ /tshogs chen rdzogs pa'i ting nge 'dzin/ /drug pa chos mig rdul bral phyir/ /mngon par rtogs pa'i ting nge 'dzin/ /bsgoms pas yon tan 'byung ba yi/ /mi bzad mdzod ni bdun pa'o/ /brgyad pa cho 'phrul 'byung ba'i phyi/ /'byung chen sprul pa'i ting nge 'dzin/ /dgu pa chos nyid bdal ba'i phyir/ /rnam dag dbyings kyi ting nge 'dzin/ /bcu par ma lus lhun rdzogs phyir/ /thams cad rdzogs pa'i ting 'dzin dang/ /snang gsal ye mtsho'i ting nge 'dzin /zhes gsungs pa'o/ /dus dang zhes pa/ lnga ni bshad pa dang yang mthun no/ /bzhed tshig las/ /dang po rjes su yi rang phyir/ /'dun pa skye ba'i 'dus nyes bya/ /gnyis pa slob pa la ? phyir/ /rtsol ba sbyor ba'i dus nyid do/ /gsum pa gal chen sbyong ba'i phyir/ /bslab pa 'jug pa'i dus su brjod/ /bzhi pa rigs chen 'byed pa'i phyir/ /bslab gnas 'du shes 'gyur ba'i dus/ /lnga pa mthong don sbyor ba'i phyir/ /spyod chen 'jug pa'i dus chen yin/ /drug pa thams cad mthong ba'i phyir/ /dang po dbugs chen phyin pa'i dus/ /bdun po de don goms bya'i phyir/ /yul la 'jug pa'i dus su brjod/ /brgyad pa des don phebs pa'i phyir/ /rtogs chen nyid la phebs pa'i dus/ /dgu pa de
- 569a
stobs gyur pa'i phyir/ gdeng du gyur pa'i dus zhes bya/ /bcu ba shin tu mthar phyin phyir/ /las rung tha ma'i dbugs phyin dus/ zhes gsungs so/ /dngos grub zhes pa 'ang bcu ste/ /sa bcu 'og ma 'og ma yis/ /gong ma gong ma thob pa nyid/ /skabs kyi rgyu 'bras yod pa'i phyir/ /gnas skabs zhugs pa'i dngos grub po/ /'di ltar yang 'chad de/ dang pos 'dod pa'i dngos grub dang/ /gnyis pas sbyor ba'i dngos grub dang/ /gsum pas spyod spyod dngos grub dang/ / bzhi pas drod rtags dngos grub dang/ /lnga par bslab rdzogs dngos grub dang/ /drug par rtogs pa 'grub pa dang/ /bdun pa mi g.yo thob pa dang/ /brgyad par cho 'phrul 'grub pa dang/ /dgu par ye shes rgyu ma 'grub/ /bcu par rang 'byung ye shes nyid/ /zhes gsungs so/ /mthar phyin dang zhes pa/ 'dun pa'i nang nas 'dir 'dun dang/ /'bras bu bdun phyir mthar phyin pa'o/ /de bzhin rtsol ba thams cad kyi/ /mchog 'di stsol ba mthar phyin pa'o/ /nges don grub la brtson pa'i phyir/ /brtson pa'i mthar phyin gsum par thob/ /bzod pa'i nang nas mchog 'gyur phyir/ /gsang don bzod pa mthar phyin mchog /bslab pa lhag pa bcu nyid phyir/ /bslab pa mthar phyin lnga pa nyid/ /gnyis med bden rtogs mchog yin phyir/ /drug pas mthong ba mthar phyin no/ /rang rig don goms mchog yin phyir/ /bdun par ting 'dzin goms mthar phyin/ /de nyid stobs kyis rang rig pa/ /rig pa'i nang na mthar phyin pa'o/ /dbyings dang ye shes gnyis med pa/ /rig pa rdeng gyur gnas mthar phyin/ /thams cad rang 'byung klod brdal phyir/ /gong na med pa'i 'bras mthar phyir/ /zhes gsungs so/ /lta ba'i khyad par zhes pa/ dang po tshig tshogs sgra'i rnal 'byor yin pa'i phyir/
- 569b
tshig tsam lta ba'o/ /gnyis pa lhag pa'i bden pa gnyis/ /yid la byed pa'i lta ba'o/ /gsum pas bden gnyis rang mtshan du/ /mgo mthod gnyis med bzod pa thob/ /bzhi pa gnyis su med pa la/ /mi skrag spel byed g.yo dang thob/ /lnga par bslab bcu spyir chib pas/ /gnyis med thag chod de la 'jug /drug pa de rgyus ji bzhin mthong/ /de yang 'di skad du/ rgyud nyid las/ chos kun mi mthong chos nyid kyang/ /mi mthong sems can sems mi mthong/ /sangs rgyas mi mthong gang mthong ba/ /des ni yang dag bden pa mthong/ /zhes gsungs so/ /bdun pa de nyid goms pa yis/ /mi g.yo lta ba shes rab can/ /brgyad pa rang rig 'bras bu sku gsung thugs kyi bdag nyid du goms pa'i rgyus mthong ste/ 'di skad du/ sangs rgyas sems can thams cad dang/ /dngos por brtags pa thams cad kun/ /don gyi ngang du gcig pa ste/ /de nyid sku gsung thugs kyi bdag /zhes gsungs so/ /dgu par dbyings dang ye shes yab yum dbyer med pa'i bde ba chen po rdeng du gyur te/ /'di skad du/ snod du gyur pa yum gyi dbyings/ /bcud rnams rgyal ba yab kyi mkha' / /'byung 'jug rig pas longs spyod ste/ /'di ni rdo rje'i dam tshig yin zhes gsungs so/ /bcu pa'i lta ba bza' gtad dang bral ba ste 'di skad du/ ma sbyangs bzhin du lhun grub pas/ /dbyer med ba ni chos kyi dbyings/ /dbyings las gzhan du lta yul med/ /'di ni lta ba'i dam tshig go /zhes gsungs so/ /gnas 'gyur rnams zhes pa/ lnga'i bzlas bcur 'gyur te/ bzhed tshig las/ sa bcur sems bcur skyes pa yis/ /ting 'dzin stobs bstan ye shes ro/ /shar pa'i skad cig snga ma yis/ /rang rang sgrib bcom phyi ma la/ /gong nas gong du sangs rgyas pa/ /gnas
- 570a
'gyur bcu la lam rtegs bcu/ zhes gsungs so/ /'on te kun gzhi'i gnas 'gyur pa ni/ /skye bo nas 'dun pa'i rnal 'byor du/ gnas 'gyur na'ang/ de bzhin gshegs par rtsal chen rdzogs pa'i skad cig ma la bag la nyal/ /rdo rje lta bu'i ye shes kyis bcom nas/ phyi ma la sku lnga mngon du bya ste/ brtan du bar gnas 'gyur ba dang drug du 'gro bas/ /kun gzhi'i gnas 'gyur rnam pa lngas/ /bye brag lam lnga'i chos su snang/ zhes pa dang 'gal/ 'on te 'dun pa'i rnal 'byor du gnas ma 'gyur ro zhe na'ang/ 'dun pa'i rnal 'byor pa la/ yid la byed pa'i ting nge 'dzin gyis lha'i sku rang gi chag tshang tsam du phyogs pa dang/ g.yo ba'i sems skyes pa/ glegs bam bcu gnyis kyi dbang thob pas/ /bdag nyid nam mkha' la 'gro ba'i ltas mthong bas/ de dag skye bo la med la/ sa 'di pa la yod pa'i phyir/ gnas ma 'gyur na rigs pa dang 'gal lo/ /zhes the tshom skye ba la/ de 'di ltar bcad par bya ste/ de ltar snang mod kyi/ 'dun pa pa ni skye bo las 'phags mod kyang/ der gnas 'gyur zhes mi bya ste/ skye bo'i tshe rgyu rkyen med pa ma yin yang/ nges pa'i shes pas sbyangs pas/ 'dun pa thob pa ma yin pa'i phyir/ der gnas 'gyur na/ gnas 'gyur 'bras bur 'gyur ba'i dang drug du 'gyur bas/ gong du lngas zhes pa'i lung dang yang 'gal/ rigs pas lam lngar gnas 'gyur nas rtsal chen rdzogs par brjod na/ /de ni lhun gyis grub pa'i rigs 'dzin yin gyi/ /rgyal ba sangs rgyas nyid ma yin pa'i phyir/ rgyal bar 'gyur dgos pas/ rigs pa dang 'gal lo/ /de'i phyir 'dun pa pa de/ chos nyid la da dung bzod pa tsam yang ma thob ste/ ma mthong ba'i phyir/ skye bo las 'phags kyang gnas 'gyur zhes mi bya'o/ /des na
- 570b
'dun par mos pa'i lha bstan par bsgoms pas/ mthu brtan tsam na/ 'du shes klungs su zhugs pas las bag chags bsra bas bkag sbyangs nas/ sbyor ba 'dun pa'i kun gzhi thob ba gnas 'gyur ba dang po'o/ /de bzhin du sa 'og nas gong du 'gyur bzhin/ rtsal chen nas bder gshegs su 'gyur ba dang lnga'o/ /de'i phyir 'dun pa nas yar sangs rgyas su kun gzhi lnga gnas lan lngar 'gyur ba'i phyir lam lngar snang ste/ der 'gyur ba byas pa'o/ /des na gong gi lung nyid dang mi 'gal la/ /mthar sangs rgyas chen po nyid du gnas 'gyur bas/ /rigs pa dang yang mi 'gal lo/ /dka' 'grel rgyud kyi skabs tshig dka' ba bkrol/ /lung dang rigs pas mdun bsu rgyab sbyar nas/ /dka' bas bsdus pa'i dge rtsa ci mchis pa/ /mdza' yas rgyud la smin cing grol thob shog /slob dpon stir ma stis sbyar ba'i/ skabs 'grel bye brag rnam par bshad pa zhes bya ba rdzogs so// //dpal rdo rje mi bskyod pa la phyag 'tshal lo/ /dang po las can rnal 'byor las/ /sogs pa'i rnal 'byor bcu po rnams/ yi ge rtog spyod don la 'jug /de 'dir nges pa rnam gnyis kyis/ /don 'jug byang chub ljon pa'i shing/ /bskyed phyir legs par bstan par bya'o/ /de la blo gros zhen can phyir/ /shes rab thabs kyis nges gsungs pa'i/ /thog mar blo gros ldan pa yis/ /so sor rtog pa mngon 'gro bas/ /mdza' bcu slob cing de nyid la/ /ngo bo nges tshig dgos pa dang/ /gal po re'ang chos rtags dang/ /ldan pas de 'dir thag gcad dgos/ /de yis don du 'gyur gzhi'i phyir/ /gnas dang cha rkyen ldan byas nas/ /sngon 'gro las rnams rdzogs byas te/ /ljon shing bskyed pa'i las la 'bad/ /rnal 'byor lnga'ang khyad par las/ /rnal 'byor chen po'i skabs bcu sems/ /snga ma phyi ma rgyu 'bras tshul/ /gyur pa bcu drug rgyun gyis rdzogs/ /'dun pa
- 571a
skye ba'i skabs dag la/ /mun pa'i sprin las skar phran gzer/ /snang ba lta bur gsal ba yis/ /don mchog thos dang rtog dpyod pas/ /lhag pa'i gsang ba'i bden gnyis tshul/ /rang min spyi yi mtshan nyid du/ /skra la brten nas g.yos la bsgom/ bdag don 'jug pa dang po'i tshe/ /bying rgod la sogs gnyen bos spong/ /nyams gsum mdza' la 'jug pa'i drug /nang du du bas gzer 'phro mthong/ /nyer mtshon rtags tshul gnyi kar sbyar/ /stsol ba spyod ba'i skabs dag la// mdza' bcu nyid la 'jug par stsol/ /g.yo yi rgyu yis chos rnams kun/ /bden gnyis rang gi mtshan nyid du/ /rtogs par smon pas khyad par phyir/ /ma nges sems las lhag par bsgom/ /de tshe rang mtshan nyams rims mdza' / /skar ma phal pa rab rib mthong/ /dang po las kyi rnal 'byor 'di/ /yang dag tshol la brtson bya dgos/ /sems skyen g.yeng spong bskrun byas nas/ /ngan song las rnams gcod par 'gyur/ /bslab pa 'jug pa'i skabs dag la/ /mdza' bcur zhugs te gcod sbyong zhing/ /de tshe lhag pa'i bden gnyis kyang/ /smon rgyu bcu rkyen ldan pa yis/ /gnyis med rtogs pa g.yo zhing ldang/ /dbyer med rang gi mtshan nyid du/ /ldang pa'i sems bsgoms 'phel stobs kyis/ /me gzer skar chen lta buAng mthong/ /'du shes 'gyur ba'i skabs dag la/ /bcu mthar gnas pas 'du shes kyang/ /don la bzod pa thob par 'gyur/ /gnyis med don la sbyor sems skye/ /yul dang dbang po rnams shes chos/ /'khor dang mya ngan 'das pa'i chos/ /rang rig snang phyir snang kun sems/ /yul med sems kyang dbyings mdog mtshan/ /yod med bral bas rigs rgyud min/ /de phyir ma skyes snad stong mdza' / /dbyer med bsgom pa'i nyams mdza' la/ /dgal med 'khor lo
- 571b
zla tshes snang/ /sbyor chen 'jug ba'i skabs dag la/ /ngan song mi ldog sngon thob cing/ /mdza' bcu rtser chib gnyis med don/ /rtogs mthar phyin la ma rag pa/ /bstan pas de don 'jug sems skye/ /nyams gsum mdza' la sgron me 'am/ /zla tshes gnyis pa'i rtags mthong 'gyur/ /dbugs phyin mthong la ma rag kyang/ /le los yul la ma brtson na/ /mthong lam mi thob lha mi yi/ /gnas bzlog zag bas cung zad 'khor/ /bsgrub pa'i rigs 'dzin gang de la'ang/ /bdag gi don 'jug sum cu gnyis/ /rang rang shes 'jug 'byor pa sngon/ /tshol thos bzhi bzhir skabs la'ang sbyar/ /'o na mod kyang sems lnga yi/ /rim pa ji bzhin khyad par 'gyur/ /ro myong ba'i skabs dag la/ /dga' ba lhag pa'i sems 'byung ste/ /ci phyir sngon du bcu mthar bas/ /mnyan bsam bsgoms las chos nyid do/ /ma myong ma mthong sus shes myong/ /chos kun mi mthong chos nyid kyang/ /mi mthong sems can sems mi mthong/ /sangs rgyas mi mthong gang mthong ba/ /des ni yang dag bden pa mthong/ /'jigs pa lnga bral bde ba'i sems/ /bsgom pa bum pa mar me'i tshul/ /de nyid mthong dang tshes gsum mthong/ /de nyid mthong ba'i khyad par gyis/ /spyod lam dngos gzhir gang spyad kyang/ /'ching bar mi 'gyur grol 'gyur thabs/ /thams cad der sbyangs lam gnas mchog /yul la 'jug ba'i skabs dag la/ /mi 'gyur lhag pa'i sems 'byung ba/ /ji ltar ji bzhin nyid mthong nas/ /shes rab dngos yul de nyid la/ /rnal 'byor yang dag 'jog pa'i tshe/ /gnyis med rang gi mi g.yo bar/ /mthong lam 'du byed dang bral ba/ /phra mo'i bying rgod dbang 'gyur bral/ /shin tu mi g.yo'i sems ldan pas/ /bzhi pa'i ri bong can mthong 'phel/ /lam byas pa yi snga ltas dag /rang 'byung chen po'i rtags mchog nye/ /gdul bya'i 'dod pa ji lta bar/
- 572a
phyir 'ong sngon dang smad 'chong ston/ /rtog chen dag gi skabs dag la/ /rig par lhag pa'i sems 'byung ste/ /rnal 'byor yang dag 'jog pa'i rgyus/ /dngos gnyis sems kyi cho 'phrul phyir/ /bdag nyid chen po gsal bar rig /rnal 'byor yul 'dam rig pa yi/ /mngon sum skabs kyis byas pa'i phyir/ /lam rim rdeng chud rtags chen po/ /rang 'byung ye shes nye bar bstan/ /gdung 'tshogs dga' ldan theg chen ston/ /rdeng du gyur pa'i skabs dag la/ /gnas pa lhag pa'i sems 'byung ba'ang/ /chos rnams ma lus thams cad kun/ /rang rig dbyings kyi rtsal snang phyir/ /yul don ye shes de sbyar bas/ /shes par bya ba thams cad rdzogs/ /bde chen stobs ldan the tshom med// spyod yul chos nyid bdal gnas pa/ /rang 'byung ye shes rtogs thob pas/ /don gsal brtan pa'i sgron me 'dra/ /de mthong brgyad pa'i skar 'dzin mdza' o/ /rtags chen ye shes grub phyir thob/ /las su rung ba'i skabs dag la/ /rdzogs pa lhag pa'i sems 'byung ste/ /ci phyir mdza' bcus bcu yi/ /spyir chib chos kun rang rig nyid/ /rang 'byung rang snang rgyu rkyen bral/ /de nyid ma 'dres yongs su rdzogs/ /ye shes dbyings zhes bya ba'i don/ /tha snyad tsam du rtogs chud nas/ /thams cad rdzogs pa spyir chib pas/ /tha ma'i dbugs chen 'di tshe 'byung/ /mnyam bzhag ma bzhag snyad las 'das/ /rang rig mngon sum chen po che/ /sa bcu rnal 'byor phra mo rnams/ /rang sems cig la g.yo thob brtan/ /rim pas gsal dang mi gsal pa'i/ /stobs kyis khyad par 'gyur ba yin/ /rdzogs sems de rjes gsum rim gyis/ /klong yangs chub la mngon sangs rgyas/ /ji snyed nyid kyi sku gsung thugs/ /mngon byas
- 572b
ngo bo nyid sku thob/ /'dus byas sku sogs lngar snang sgrol/ /'dus ma byas pa'i sangs rgyas so/ /phyed snang gnas dang chags can phyir/ /g.yem la g.yem ston chags la chags/ /ji ltar dug gis dug nad ltar/ /thabs kyi chags pas nges bya'i phyir/ / chags chus gsang sems shing skyed pa'ang/ /bsnyen sgrub bzhi sogs bdag don ldan/ /mtshan ldan bkra shis gsang pa'i yum/ /dga' pas btsal la chags pas brten/ /'dod yon lnga yis mchod byas te/ /gnyis su med par nan tan bya/ /bcas dka' bral ba'i bkra shis gnas/ /btsal la sngon du byas rnams la/ /bsnyen pa dag gi dus su ni/ /gang zag mi yi zas la brten/ /nye ba'i bsnyen pa'i tshe na ni/ /bcud kyi mchog gis 'cho byas te/ /dam phog chos bshad bslabs bkrul? sogs legs byas bcu gnyis gsum 'tshos bya/ /phan tshun snol mas 'bad byas te/ /de nas dbang po bsrub pa yis/ /mtshon byas shing bcu bskyed brtag bya/ /de de'i rim pa 'di lta ste/ /bde ba'i mtshan rdzogs rig ma la/ /mthong bas 'du? g.yo ba ste/ /lus kun la gnas thig le nyid/ /rdul bya phal po g.yo bar byed/ /sems rtsol 'dod pa rtse gcig gis/ /smon nas cho 'phrul 'jug? byed pa/ /'bring po rtsa yi thig le ni/ /rdul 'dus sro ma'i mtshan nyid 'byung/ /tha mal ba ru de brjod de phrad pa'i reg pas cha phra ba'i/ /rdul phran ldan par gyur ba'i mthus/ /dngul chu lta bu'i nyungs kar ni/ /bltos pas chen por nges par 'gyur/ /de nyid bde ba'i lam slebs bas/ /stsol bral bde bar blo sbyar ba/ /thig le ngo bo zla cig tshul/ /gang zhig rtags 'dzin stsol bcas skabs/ /gzung 'dzin cho 'phrul sems bcu pa/ /thig le dngos dang ye shes kyang/ /cung zad kyis 'phags kun la blta/ /cung zad phyed 'das bde ba myong/ /spros pa nyer zhi dga' ba'i mchog /chas sgos pas na
- 573a
gsum nyid de/ /gzugs dang ye shes de bzhin shes/ /bde ba chos kyi mi dmigs yul/ /gar mthong ngo bo 'gyur med de/ /rim pa je zhi je zhi ba/ /mtshan nyid gnyis 'phags de bzhin no/ /stong nyid mi g.yo rnam rtog ste/ /rang rig ngo bo rang gsal ba/ /rdul phran lnga pa mya ngan 'das/ /rtse mo dbus su gang gnas sems/ /goms pa rdeng dang bcas pa ni/ /ye shes tshogs kyi bcu drug phyed/ /phyed rdzogs tshogs 'phel de phan chad/ /mi dmigs chos la blo sbyangs yin/ /je zhi je phra mi dmigs pa/ /mtshan ma shes bya bsrabs pa ste/ /mnyam pas stong par gyur pas na/ /thams cad chos skur rdzogs pa'o/ /gang zhig 'dren pa'i cho ga ni/ /las su bya ba kun grub phyir// stsal bya stsol byed gnyis rdzogs pa/ /bcu drug tshogs kyis rdzogs pas na/ /mdzes pa'i nyi ma bcu drug gis/ /zla dkyil 'od kyi phyag rgya la/ /mdzes pas spras pa'i bde ba de/ /bcu drug tshogs kyi bsod nams skrun/ /dus de nyid du nyi zla 'char/ /mdza' rdzogs sems su rgyal pas gsungs/ /de ltar nyams dang 'phrong ldan nas/ /bsgrub pa dag gi dus su ni/ /khams las gyur pa'i bcud kyis 'tsho/ /rdo rje rtse gcig lta bur 'gyur/ /bsgrub pa chen por zag pa zad/ /kham gyi zas dang bral 'gyur yang/ /dbang po gzi mdangs gsal 'gyur zhing/ /nam mkha' 'gro bar the tshom med/ /cho 'phrul bzhi sogs ston par nus/ /mthar rdzogs rgyal sa the tshom med/ /byang chub sems kyi chu med na/ /rgyal ba rnams kyang skams par 'gyur/ /byang chub sems kyi chu bo 'dis/ /sngon zhen mdza' dang sngo skams brlan/ /nor bu rin chen gang bsrel ba/ /dbul ba'i 'jigs pa med pa ltar/ /
- 573b
gsang ba'i don gsang gang bsrel ba/ /ltung gnas 'khor ba'i 'jigs pa med/ /seng ge phru gu'i dris ni gar khyab par/ /gang dag mi bzod thams cad 'bros par 'gyur/ /snying po'i don la rig pa'i mthu med kyang/ /sems skyed tsam gyis dbu ma zil gyis gnon/ /log pa'i dgra rnams zil gnon skrag 'gyur zhing/ /rang rang gnas su zug dus gzir bar 'gyur/ /dkar po mthar thug bsod nams kun/ /sen mo thog gis rdul tsam du/ /rdo rje snying por gcig bskyed pa/ /sa'i dkyil 'khor chen po tsam/ /gsang nyid snying po'i byin rlabs ni/ /gang du rnam par mi rtog bzhin/ /'dod pa 'byung ba'i bya ba byed/ /de la byed pa ci 'ang med/ /kun 'byung byang chub shing gis kun khyab kyang/ /dra ba bzhir chud lnga la ljon shing med/ /de 'dir gsang chen sbyor ba'i ldem dgongs kyis/ /drangs bcug nges bya'i gdul byar kun gyur kyang/ /gsang ba'i ljon shing yal ka lo 'dab dang/ /me tog 'bras bu rgyas byed 'di bsdus pa'i/ /ngal ba'i dge rtsas dra ba bzhi bor nas/ /byang chub chen po'i chus brlan sangs rgyas shog /byang chub sems kyi ljon shing/ sti ra ma tis mdzad pa rdzogs so// //rgyan dam pa sna tshogs rim par phye ba bkod pa'o/ /bcom ldan 'das dpal rnam par snang mdzad la phyag 'tshal lo/ /bzhi bcom drug ldan mdza' gnyis 'das/ /bdag gzhan gnyis ka'i dpal mnga' zhing/ /rnam pa rnam med snang mdzad pa/ /sku gsum che la phyag 'tshal lo/ /'jig rten pa la 'jig rten 'das pa dgos/ /dkyil 'khor dam tshig bsgrub las yo gar 'brel/ sku bzhi lha lnga yang dgos byang chub sems/ /bka' dang don bsdebs stir ma tis bshad/ /spyir ni ston pa'i rnal 'byor nas/ /ma 'ongs pa dag
- 574a
bsgrub thabs la/ /sde snod gsum gsungs snying po lnga'i/ /gsang sngags rdo rje'i rgyud mchog las/ /bsgrub par bya ba'i mkhos dag ni/ /bar 'dir ma lus mdo 'don pa/ /rlung bcad dang po sa gzhi gzung/ /gnyis pa sta gon gnas par bya/ /nub gsum pa la gzhug pa'o/ /las rnams thams cad bdag sgoms la/ /sa stegs zla gam tshon sngon bsku/ /thig le bdun bris rlung rgyal dud/ /sha zhon pa ngan dgug sogs byas/ /kham por lam ngang d+h+ri yis bcad/ /spogs pa bal mig dong gzhug cing/ /phur bu btab phyung 'o mas bkru/ /zhag bdun bdun nas bya bar bshad/ /mtsher sa'i dpyad las 'byung ba bzhin/ /brtag dang bslang dang gzung phur rin/ /bskrad dang bsrung zhing sbyang dang bdun/ /de bdun ldan na las rnams 'grub/ /phyi nang brtag pas rung mi rung/ /bslang ba mngon mi mngon nye'o/ /de dus dbang bcol spran par bya/ /gzung ba rnam rgyal khro bo phur/ /bstan pa skyong ba'i bdag po lnga/ /rin chen la sogs nyi shu lnga/ /gus bcas rin du sbyin par bya/ /de nas phyag rgya rdo rje grag /bdud rtsi 'khyil pas bskras par shis/ /hUM swa oM ha gsum ni/ phyogs bzhir mtshan bsgyur rtse gsum 'gros/ /ma dad ta las nyi zla'i dkyil/ /shin tu khros bcas mgo bstod de/ /hUM hUM hUM gi nga rgyal bya/ /lha dang lha min la sogs pa/ /'di na ma gnas mgo 'gas dengs/ /hUM rdo rje rigs gtso pho nya ma'i tshogs/ /rig pa mang po brten pa'i lha mo nges/ /bzlas pa tsam gyis bgegs rnams cu? ba dang na sngam pa 'thon cing phyogs bcur 'bros par 'gyur/ /ral gri spu gri nags tshal gtams pa yis/ /lcags bsregs sa gzhi rdo rje de shes pas/ /phyogs 'di nas ni myur du 'bros par 'gyur/ /bcom ldan mgon po 'jig rten phan phyir
- 574b
gshegs ngas ni gnas mchog 'di dag kun bsrungs pas/ /gnod byed bgegs kun 'di na ma gnas shig /hUM hUM hUM/ na mas man+ta/ badzra nan/ sarba ta thA ga ta/ a nu ga she/ banda si na ma hA sa ma ya /ni dzA te sma ra ni/ a pra ti ha te/ ka ta ka ta/ tsa ra tsa ra/ banda banda/ da shi ti da sha na/ sarba ta thA ga ta/ a nud gnya' de/ pra ba dar ma la ma ta/ b+hyi dza ya/ ba ga ba ti/ ku ru bi ku la/ le lu bu re swAhA/ /de yis bdud srin rod rod po/ /rigs lnga'i 'phra men g.yog bcas kun/ /ci bgyi zhes su brjod pa dang/ /khyed kyis bgegs bskrad tshar gcod dang/ /las kyi bdag pos grogs bya'o/ /dus gsum sangs rgyas thams cad kyi/ /mngag gzhu pho nya'i las mdzad pa/ /khro chen bdud rtsi 'khyil pa yis/ /bgegs kyi sbyor ba rgyun chod cig /na mo badzra ratna tra ya ya/ na ma tsanDa badzra ban ye/ ma ha yak+Sha se na pa ta ya/ na mo badzra kro ta ya/ mahA dang shtod ka ha/ be ra ba ya/ a si mu sa la/ nga ra ya/ pa ra shu pa sha ha shTa ya/ tadya thA/ oM a mri tha kuN+Da 'i/ kha kha kha/ kha hi kha hi kha hi/ tishtha tishtha tishtha/ band+ha band+ha band+ha/ ha na ha na ha na/ g+h+ri na g+h+ri na g+h+ri na/ gardza gardza gardza/ spo ta ya spo ta ya spo ta ye/ bi spo ta ya bi spo ta ya bi spo ta ya/ sarba bignan/ mahA ga na pa ti/ dzi bi tan+t+ra ka ra swAhA// //zhes de bzhin du swa dang aM dang has bsgyur te/ rang na pad+ma kar mas mtshams bcad do/ /bsrung ba'i las dag bya ba yang/ /ji bzhin stegs bu brtsigs nas su/ /lugs ma'i phyag rgya 'am bdag gnas te/ /rgyan ldan de yis bdag gzhan bsrung/ /bsrung chen mo dang phyag rgya lnga/ /brtan rgyal brjid legs bde bar gnas/ /badzra bzhi yis bsrung bar bya/ /sa rnams gzhan gyis ma gtses dang/ /'bab chu rgya mtshor ma gyur la/ /nyi zla'i mig ngang yig 'bru'i tshogs/ /sbyang zhing spol ba'i las bya'o/ /kun rdzob don dam gnyis su brtag /gleng gzhi'i rgyu dang bsnyen pa dang/ /nges pa'i
- 575a
tshig dang byang chub sems/ /sta gon gnas dang phan yon rnams/ /mdor bsdus yan lag bdun bshad rigs/ /ci don gang ? gang zhus bshad/ /chos rnams don bsgrub bstod gleng gzhi'o/ /ngo mtshar don zhus bshad thos langs/ /dran pa dang skyes gleng gzhi rgyu/ /mtshan ma dus dang grangs la brtson/ /thob la ma reg bsnyen pa'o/ /rang bzhin ting 'dzin gzugs brnyan gsum/ /sngags dang de'i don ma 'dal te/ /dga' ba chen po de nges tshig / byang chub mchog gi sems ldan bskyed/ /sbyangs pa kun rdzob don dam mo/ /lha dang mi dang yo byad gsum/ /ting 'dzin nan tan lta gon bya/ /lha rnams sta gon je gnas te/ /gnyis pa mi rnams sta gon no/ /tha ma yo byad sta gon bya/ /rim pa de yis las rnams 'grub/ /dkyil 'khor dag la las kyi bskal yod gang/ /de bzhin gshegs dang 'khor gyi lha rnams dag /bsgrub pa'i don phyir lhag par sngar mchod la/ /dri zhim maN+Dal gsol btab sta shog gnas/ /rtse gcig dul ba'i sems ldan slob ma rnams/ /chos gtam rim pas shin tu dbugs phyung ste/ /ku sha tshom shing phyag rgya'i mchog rnams dang/ /dag pa'i chus reg gtsang byas sta gon gnas/ /ston pa rdo rje gdan dag la/ /rnam gshegs zhes ni brgya byin zhus/ /ku sha phul dang dbang ldan gyis/ tshod 'dzin gzhug ces de bzhin no/ /phyag na rdo rjes ston pa la/ /balbi phul dang u du dang/ /a shwad twa yis tshig dbang sprul/ /phyag rgya rgya gram sku gsum las/ /yang na go cha'i phyag rgya dang/ /ldan pas pho g.yas mo g.yon dpung/ /de yis bdud las rgyal bar 'gyur/ /bdag po sngags g.yog dam bca' ste/ /dus gsum sangs rgyas ku sha brlab/ /oM
- 575b
badzra tsakra tra ki sh+na d+hi/ oM aM hUM a bi shin tsa a/ 'khor lo ral gri pad mar gyur/ /bzhad dang bsrung bas choms shing bslab/ /oM badzra ha sa pa sha traM h+ring/ /tshig dbang lha mos bkra shis rgyal/ /khro bo bcu yis bsrung skud brlab/ /oM badzra a mri ta kun da li ban d+ha rak+Sha haM/ /rdo rje 'bar ba'i go char ldan/ /'jig rten 'di 'am 'di nas gzhan/ /yod med ming nas bos nas bris/ /'phan dang nor bu gdugs ldan bya/ /cho ga ma rdzogs bar du ni/ /khams gsum bdag po rnams rgyal la// gtad pa'i las rnams byas 'gyur na/ /de ni bder gshegs 'dra bar 'gyur/ /de ltar gtang ba ma byas na/ /slob dpon de yi las rnams ni/ /myur du grub par mi 'gyur zhes/ /thub pa'i gtso bo nyid kyis gsungs/ /bcom ldan khams gsum rnam rgyal gyi/ /mtshan nyid bdag gis bsgrubs pas na/ /thugs rje bskul lo mthu mnga' ba'i/ /rgyal bas 'di la byin gyis rlobs/ /a'oM badzra kro ta/ tre loka pi dza ya sa ma ya ti shTa badzra hUM/ /g.yas g.yon mdun rgyab byang chub sems/ /spyan ras gzigs dang nam mkha' i mdzod/ /sbyong ba glang po bzhi rnams so/ /rnam rgyal las rnams ma byas na/ /sdig can de dag mi thar zhes/ /bde gshegs rgyal ba nyid kyis gsungs/ /sangs rgyas kun gyi gdan du brlab/ /a'oM badzra du rba moM ga la ti shtha tsakra h+ri/ / lha grangs bzhin du d? nas dgod/ /ku sha'i steng nyal rmi ltas gdab/ /gzhad gsung tshig dbang lha mos brlab/ /a'oM badzra ha sa pa sha troM h+ri/ moM ga la tishtha hUM/ /ngag gi nyes bzhi dag par byed/ /bsrung ba chen po chen mos brlab/ /a'oM badzra banda rak+Sha haM/ badzro ga pa tsa man dung/ /lus kyi nyes gsum dag par byed/ /mchod pa yo byad bzhugs gnas rgyan/ /bla re 'phan gdugs rgyal ba ngan/ /lnga lnga tshon dang tshon skud bcas/ /mda' dang ral gri phur bu bum/ /ci bgyi
- 576a
khyad par che rtags so/ /dar dang do shal dril bu rnga/ /nor bu me long spyan nyi zla/ /yon chab bdug spos me tog dri/ /me bshes 'o sprang mar bu ram/ /bza' btung bca' pa sbyar legs sogs/ /gtor ma nas kyi thug pa dang/ /til dang yungs kar yos 'bras dang/ /'bras chen nas gro ma du ba/ /ga bur gtsang 'bob yam bud shing/ /shag te'u shug te'u dgang blugs gzar/ /phur bu gtun shing zhi ba'i rdzas/ /'o ma'i thug pa zho 'bras chan// nas dar mchan til sbyar gsum dang/ /nag pus pa'i bil ba'i 'bras/ /'bru rnams rnam lnga bu sbrang ser/ /sgron shing shag te'u sgron te'u dgang/ /blugs gzar yam shing bud shing rdzas/ /ba dang ra lug zho dag gis/ / bsrubs ma thag gi mar sar dang/ /zangs phye tsha rnams yungs kar dang/ /ske tshe til dang zhim thig la/ /la phug yungs nag rdog chung dang skyur ba'i shing tog thams cad dang/ /sprang ma'i gtor ma skyur ba dang/ /dmar po'i shing ngam tsan dan dmar/ /shag the'u tsan the'u yam bud shing/ /dbang gi phye ma ril bu la sogs/ /btsag dang rgya skyags gis byugs te/ /dbang gi mchod mar dgang blugs rdzas/ /sha dang rus pa khrag dang skra/ /yungs kar yungs nag ske tshe dug /dur khrod thal ba rdo phye lcags/ /ko ba btubs pa'i dum bu dang/ /mgal dum seng ldeng tsher nag la/ /yam shing bud shing a ri sta/ /shag te'u tsher te'u rtsubs par bya/ /drag shul spyod pa'i dgang blugs rdzas/ /rnam gsum phur bu gtun shing ni/ /so so'i shing la bya ba'o/ /zlum po gru bzhi zla gam dang/ /gru gsum por ni bya bar bshad/ /zhi rtse rgyas par dbang gis spoms/ /drag po drungs pa dag gi'o/ /zhi rgyas dbang grags
- 576b
bzhi yi stan/ /pad+ma ku sha khri dang gsum/ /drag po sa gzhi nyid la shis/ /rgyal thabs las rnams kun gyi mchog /rnam rgyal la sogs khro bo rnams/ /sbyin sreg kun gyi dang por bshad/ /rten yang phyogs phyogs khro bo la'o/ /sbyin sreg bum rgyan ldan bzhi yum/ /dpal rtse rtse gsum mda' gzhu sogs/ /kha dog chas gos g.yab dar dang/ /zhal khab la sogs byang phyogs sogs/ /gzhan yang las bzhi hom shing sogs/ /sogs pa nyid du bya ba yin/ /rgya bzang gsar las nyis 'gyur ro/ /kha dog lnga las 'brel ba yi/ /bde gshegs gtso bo sku tshad do/ /gdugs chen gser gyi yu bar ldan/ /dkyil 'khor yog ba sor bran can/ dkar nag dmar ser le brgan dud/ /khra bo ljang ser rgyan pa'o/ khru brgyad spangs la khru bzhi lce/ /yu ? drang po ring po la/ /btags pa brgyad ni rgyal mtshan tshul/ /kha dog so sor gcig 'dra'o/ /kha dog sna tshogs nas 'bras tshul/ /gcus gcag rtsibs su 'brel pa'o/ /dkar po dmar po de bzhin ser/ /sngon po dang ni nag dang ldan/ /tshon sna lnga po de la ni/ /bde gshegs dkyil 'khor gang yin bsgom/ /thig skud dkyil 'khor gang yin pa/ /yum grangs bzhin du bsgril bar bya/ /rta babs brgyad dang dri zhim shing/ /chu srin khas bzung zlums gzugs/ /khru phyed bzhi mgo rgya mdud can/ /dkyil 'khor rnams kyi zur bzhi la/ /chags pa'i mtshan ma chags pa ni/ /rdo rje mda' bzhi khru do gzugs/ /thugs rje chags pas 'gro ba 'bren/ /mi shes rgya mo 'dral ba ni/ /mdza' gnyis gcod dang mi gnas phyir/ /khud? rur? bzhi legs par bre/ /seng ldeng tsher ma can la sogs/ /sor ni brgyad pa cod pan can/ /khro bo lngas bsngags par chod sel/ /bum pa nag por ri med/ /nyi shu rtsa lnga'i cho gar ldan/ /dkyil 'khor
- 577a
dag gi mdza' ma yang/ /sngon po dmar po gang yod pa/ /mu tig me tog la sogs pa/ /bsdogs pa'i dbus na rin chen can/ /tsong tsong dag la sbyangs par bya/ /rta babs par ni tsong tsong las/ /gser dngul zangs khar sbyangs pa'i sgra/ /dkon mchog gsum gyi mtshan yod brjod/ /gtsang ma'i spu dang a shwad shun/ /dar dkar dag dang gsum la ni/ /rnga yab dar shing gser dngul sogs/ /tsong tsong dag la sbyang bar bya/ /rin cen yid 'ong phreng ba'i tshogs/ /tsong tsong dag la sbyad bar bya/ /dus gsum sangs rgyas thams cad kyi/ /'gro ba ma lus rang bzhin mtshon/ /gzugs brnyan chu zla'i mig rgyu zhes/ /rtogs par bya phyir sbyangs par bya/ /dus gsum sangs rgyas thams cad kyis/ /thugs kyi ye shes mtshon pa'i phyir/ /mkhas pas rin cen la sogs pas/ /sa gzhi snying po can du bya/ /'phan phran nyid la bskal bzangs dang/ /bkra shis tsa ka lis brgyan pa/ /nyi zla pad+mas mtshon pa yang/ /tsong tsong dag la sbyangs pa'o/ /yon chab bdug spos dri chab bre/ /me tog mar me khal dag dang/ /lha ba shos khur ba lha grangs so/ /'o ma sbrang rtsi bu ram mar/ /bre re btud ba bca' ba'i tshogs/ /gtor ma'i rgyu cha sna tshogs dang/ /'byung po'i kha zas sogs par bya/ /gzhan yang zhi ba'i mchod rdzas ni/ /til dang yungs kar 'bras yos 'bras/ /nas dang gro dang ga bur rnams/ /phul gang yin no sran thug dang/ /'bras chan ma du bre gang shis/ /gzhan yang rgyas dbang drag po yi/ thug pa thams cad bre ra'o/ /gzhan ma kun yang phul ra'o/ /lha bshos khur ba lde gu rnams/ /lha grangs bzhin du sogs par bya/ /pad+ma lhor gding ku sha'i nub/ /khri ni shar gyi gru gsum phyag /las bzhi gdan ni dgod par bya/ /rnam par
- 577b
rgyal lam khro phyogs hoM/ /spyan sogs yum bzhi lhag chad 'bum/ /dbang po zhi ba zla ba 'dra/ /dbang po rgyas pa pad+ma 'dra/ /dbang po dbang ni nyi ma 'dra/ /dbang po drag po bud pa 'dra/ /dbyig pa bgrang 'phreng spyi blugs bzung/ /dang po ting 'dzin gyis bskul nas/ /bum pa zla ba pad+ma dang/ /dud pa'i mdangs ldan bsil byed yum/ /bdud rtsi 'o ma bu ram zho/ /bkang ba'i bum ba so so dang/ /rin chen phan byang gdugs ldan te/ /rnam snang mdzad dang gsum dag gi /zhabs kyi drung du bzung ba dang/ /khams gsum sems can thams cad kyi/ /las dang sdug bsngal zhi bar byed/ /a'oM g+ha ga na ga ga ne/ lo tsa na/ dza le dzu le tsun de/ ga ta nga gu ta nga shan ting ku ru swAhA/ /dpal rtse rnon po rtse gsum pos/ /dug gsum 'dzams pa'i las rnams mdzod/ /lus ngag yid gsum sbyang ba dang/ /btab pas gshed chags rlag par byed/ /ho ma zlum lham zla gam e/ /rdo rje pad+ma mda' gzhu dang/ /gtsang thod rgyan gyis mdzes rgyan gdengs/ /zhi rgyas dbang drag lha rnams mchod/ /ya ma baM e'i dkyil 'khor dang phying bu dang ni dar gtsang 'bob/ /du yod ba la zung re'o/ /yam shing dkar ser dmar nag la/ /khung gi khyad par rang sor gcal/ /brgyad dang bcu drug nyi shu bzhi/ /bung shing khru gang do gsum chu/ /sbom phra sngags mkhan mdzub mo tsam/ /zhi ba yi ni lha grangs bzhin/ /yam shing mdzub gang bcag khru gang/ /brkyang khru gang du shes par bya/ /bud shing khru gang do bzhi'o/ /rgyas pa yis ni lha grangs bzhin/ /dbang gi yam bud zhi ba'i tshad/ /drag po'i yam bud rgyas pa'i tshad/ /zhi ba'i bris bsku rgyas sbrang rtsi/ /dbang tsag tsan dan bsres pas bsku/ /drag po khrag spos bsres pas bsku/ /zho can ser skyur rtsub shing la/ /sor bzhi ya rtse ral gri bzhin/ /rting zlum zur bzhi zor 'dra dang/ /zur gsum dzu thur tshad du bya/ /lo ma sor bzhi so so shing
- 578a
sor gnyis rtsa ba bshus lha grangs/ /thabs kyi bye brag che chung las/ /zho can ser skyur rtsub shing la/ /yu ba spoms su mthe bo tsam/ /srid du khru do gang phyed gang/ /sor bzhi sgyu kha ran sor cig /zab? sor/ gnyis la so so'i dbyibs/ /de dbus gtso mo phyag mtshan bri/ /kha ran phyogs bzhir phyag rgya bzhag /bar bar rdo rje pad+ma gzhu/ /thod pas mtshan ma dgang gzar bya/ /srid khru gang la sgyu sor gnyis/ /zabs ser gcig de'i dbus su ni/ /gtso bo phyag rgyas mtshan blugs gzar/ /blugs gzar steng sbub mdun du bzhag /zho can ser skyur rtsub shing la/ /mgo mdud ngag la gtso yum dgod/ /rtsibs la 'khor gyi yig 'bru dgod/ /rked mdung sgo ba khru khyud gang/ /rtse mo ya ma baM e phaT/ /gtso bo phyag mtshan spyir bris te/ /rtsibs la chos kyi yig 'bru 'bar/ /khru gang tshang bya srid du'o/ /sbom phra mtho gang sor bzhi bya/ /sgyur sor bco brgyad zabs su ni/ /sor ni brgyad pa de dbus su/ /ri rab rgya mtsho bri bar bya/ /ngos la ri bdun mtsho yang dgod/ /so so gtun gyi kha ran la/ /rdo rje pad+ma mda' gzhu me 'od 'bar/ /thod rtsad me 'od 'bar gling mtsho/ /ji bzhin dkyil 'khor dag la'ang brgyad las? bzhi sngags ba'i chas gos ni/ /thugs kyi ze'u lding stod g.yogs dang/ /brjid ba'i chos gos smad dkris dang/ /gar gyi gsang gos so so mdog /g.yab mos spyan 'dren phyag 'tshal ni/ /so so kha dog dar dag la/ /ba dan bzhi yang 'bar 'drar bya/ /dkar po ser po dmar nag la/ /ho ma'i bgab ma 'khor ba'o/ /dri zhim ser skyur rtsub shing gi /sa phyogs de dag nye ba ru/ /shing gi lha ste mdog dkar la/ /rin chen sna tshogs dri zhim bcas/ /phul la snying rje byams bsgoms la/ /rten 'brel brjod de
- 578b
rin phul la/ /me yi phyogs nas bcang bar bya/ /srid du ho ma grur mnyam la/ /sbom phra khru gang yod pa'i shing/ /gzhi gnyis gsum gnyis mchog du ces/ /gzhan yang ro bsreg shing dag la/ /sbom phra khru do yod pa yi/ /shar nub gnyis su re re yang/ /srid du mchod rnam yang na ni/ /dngos grub gsol sgo gzhan shing gnyis/ /shing rgyu phra sbom mdo dang gsum/ /theg pa'i khyad par bstan pa ni/ /kri yog ma ha yo ga gsum/ /gang gi sgo zhugs de lhas spyang/ /goms pa'i dbang du shes pa'i mchog/ rim pa gsum du shes par bya/ /de steng khang pa lus mgo tshang/ /phrag gnon gzhi yang bzhir dmigs la/ /tshogs nas shing gi bdag po la/ /mchod pa gtor ma sna tshogs ni/ /stegs bu khru gang pad+ma bris/ /de dbus shing lha 'bag bris bzhan? las kyi skal ldan gang ngag gis/ /dkyil 'khor chen por 'jug pa ni/ /yo byad thams cad tshang ba mchog /che chung mang nyung rgyu las tshad/ /ci yong yid 'ong mdzes par dgram/ /de dag byin gyis brlabs pa ni/ /khro bo khams gsum rnam rgyal dang// bdud rtsi 'khyil pas byin gyis brlab/ /oM badzra kro d+ha tri lo ka /pi dza ya/ a'oM aM hUM a a a/ bla re gtsug tor rnam rgyal brlab/ /a'oM truM a'oM aM hUM/ /ba dan 'phan gtso des byin brlab/ /a'oM tso bo'i sa bon oM oM hUM/ /gdugs ni gtsug tor gdugs dkar brlab/ /a'oM sroM a'oM oM hUM/ rgyal mtshan ke du des byin brlab/ /a'oM ratna ke du a'oM oM hUM/ lda ldi so so las rigs brlab/ /a'oM sarba karma tri lo ka bi dza ya oM oM hUM/ /tshon lnga bde gshegs lnga yis brlab/ /de yang dkyil 'khor gang yin nyid/ ser po oM aM oM hUM/ bsgyur te smon lam btab par bya/ /dkar po a'oM hUM oM aM hUM/ /nag po oM swa a'oM oM hUM/ dmar po oM oM oM aM hUM/ ljang gu o nya oM aM hUM/ srad bu gang yin gtso bos brlab/ /oM oM oM oM hUM/ /rta bas phyag rgya
- 579a
bzhi byin brlab/ dza hUM baM ho/ a'oM a'oM hUM/ mda' bzhi rdo rje chags bas brlab/ /a'oM badzra ra ga a'oM aM hUM/ /ral gri rdo rje rnon pos brlab/ /a'oM pad+ma tig sna oM aM hUM/ phur pa khro bo lngas byin brlab/ /a'oM a pa ra tsi ta/ ya man+ta ka/ ha ya gri ba/ a mri ta kuN+Da li/ ma ha ba la/ a'oM a hUM/ bum pa gang yin yum gyis brlab/ /a'oM da du shwi ra oM aM hUM/ bgab 'khor bsrung ba chen mos brlab/ /huM huM huM a pra ti ha ta/ a'oM aM hUM swAhA/ /do shal gtsug tor rgyal bas brlab/ /oM truM oM oM hUM/ dril bu ku lan da ris brlab/ /a'oM ku lan da ri prad nyoM pa ba pa sho yo gA gA shu ny+ya a'oM aM hUM/ /rnga yab rgyal po bzhis byin brlab/ a'oM tishtha tishtha/ be bu ru ta ka /be ru ba shA/ be sha ra ma ne/ a'oM aM hUM/ nor bu kun gyi yon tan brlab/ a'oM sarba ratna ku oM aM hUM/ me long rdo rje sems dpas brlab/ /oM badzra swa ta a da ri sha a'oM aM hUM/ /spyan snying sangs rgyas kun gyis brlab/ /a'oM b+hu d+ha sarba ku li tsi ta dz+nya na a'oM aM hUM/ nyi zla thabs dang shes rab brlab/ /a'oM sU rya tsan+d+ra du na prad nya oM aM hUM/ btung ba mA ma kyis byin brlab/ /a'oM ratna badzra a'oM aM hUM/ bdug pa me tog dri chu me/ /a'oM badzra d+hu be puShpe gand+he a lo ke a'oM oM hUM/ lha bshos khur ba bca' ba'i tshogs// ku lan da ris byin gyis brlab/ /a'oM badzra ku lan da ri a'oM oM hUM/ phung po lnga nyid rnam grol lngar bsgyur zhing/ /a'oM kan da shu dz+nya na a'oM aM hUM/ /'o ma la sogs mngar gsum ni/ /mA ma kis ni byin gyis brlab/ /a'oM mA ma ki oM aM hUM/ gtor ma thug pa drags ldan brlab/ /a'oM swa sti badzra a'oM oM hUM/ /'bru rnams mA ma kis byin brlab/ /a'oM mA ma ki a'oM oM hUM/ 'bras yos ma du gos dkar mos brlab/ /a'oM pad+ma badzra a'oM aM hUM/ ga bur sman rnams las thams cad pa/ /a'oM
- 579b
badzra a mri ta kuN+Da li a'oM aM hUM/ gtsang 'bob sangs rgyas spyan gyis brlab/ a'oM lam te shwa ra ti da du a'oM aM hUM/ /yam shing bud shing thams cad ni/ /me lhas byin gyis brlab par bya/ /a'oM agne ye a'oM aM hUM/ shar/ te'u shug te'u tshan te'u sogs// sangs rgyas spyan gyis byin gyis brlab/ /a'oM muM badzra a'oM aM hUM/ zangs phye ske tshe la la phud/ kro ti shwa ri sangs rgyas spyan gyis brlab/ kro ti shwa ri swa ta badzri/ a'oM oM hUM/ tsher te'u la sogs mA ma kis/ /a'oM A ma ki a'oM aM hUM/ dgang gzar gang yin yum gyis brlab/ /blugs gzar gang yin yab kyis brlab/ /phur bu gang yin gtso 'khor khro/ /gtun shing gang yin gtso bo 'khor/ /mda' gzhu ma me tse'u ris brlab/ /badzra tse'u ri a'oM oM hUM/ gzhan rnams thams cad bdud rtsi 'khyil bas brlab g.yab dar rlung lhas byin gyis brlab/ /a'oM badzra ba ya bya a'oM oM hUM/ /zhal khab mA ma kis byin brlab/ /bsregs shing brum gyis brlab par bya/ /a'oM bruM e baM ma ya sbyar/ /a'oM oM hUM/ chas gos 'bru lngas byin brlab bzhag /ku sha gting ba'i gdan stengs su sngags g.yog shar ltas nyal du gzhug /lha rnams kyis ni legs dgu ston/ /byin gyis brlab pa ma byas na/ /las rnams 'grub par mi 'gyur ro/ /de bas nan tan bskyed de bya/ /yang na rnam par rgyal ba 'am/ /bdud rtsi 'khyil ba nyid kyis brlab kyang rung/ /dkyil 'khor ci yang bzhengs pa la/ /'phrin las bzhi bzhi hom ldan bya/ /yang na ting 'dzin bye brag las/ /las bzhi cho ga rdzogs pa mchog /cho ga ma tshang las mi 'grub/ /de phyir sta gon rdzogs par bya/ /u dum+ba ra'i me tog bzhin/ /ston pa 'o na shin tu yang/ /de bas na ni 'jig rten du/ /'byung ba yang ni shin tu dkon/ /dam pa'i chos kyang ston pa dka' / /dam chos ston pa srid par dka' / /gsang sngags chos ni ston dka' o/ /gsang sngags chos ni ston dka' yang/ /dkyil 'khor du ni
- 580a
'jug dka' o/ /bskal par ni sngags sbyang pa yi/ /las dbang gis ding mthong bas/ /rgyal po ni ma yin yang/ /rgyal po ni chen por 'gyur/ /bde bar gshegs pa thams cad kyis/ /yon tan ni mchog kyang thob/ /tshe ring ni longs spyod kyang/ /phun sum ni tshogs par 'gyur/ /las rnams ni thams cad kyang/ /btang snyoms ni yan lag go /dkyil 'khor bri ba'i lus ngag dang/ /cho 'phrul bzhi yi che ba dang/ /gang zhig dkyil 'khor nang gzhug pa/ /gsum po de ni gzhan don gsungs/ /dang po las gsungs rim pa ni/ /tshes grangs chos glog bzhi dag dang/ /srad bu tshang ldan bgegs bsal bsrung/ /thugs dam bskul g.yog dbang bskur sbyar/ /rang bzhin sa thig slar bsdu dang/ /tshon dgye phyag rgya rgyan rnams dgong/ /gsum lnga bdun dang bcu gcig dang/ /bcu gsum bco lnga yar gyis shis/ /zhi dang rgyas ba mchog tu bshad/ /bcu bdun nyi shu gnyis brgyad de/ /dbang dang drag po dkyil 'khor mchog /dus dang mtshan ma kri ya'o/ /nyi ma dge zhing rgyu skar bzang/ /mtshan ma'i sems rtog mi dmigs pa/ /de ni chos dbyings gnas pa yin/ /de ltar dus dang mthun pa dang/ /phyogs bzhi'i dge bsnyen gtsang spra can/ /sha dang chang bcad bud med spangs/ /tshul du shis pas rgyun mi bcad/ /shar du sdud pa tshigs su bcad/ /lhor ni bzang po spyod pa'o/ /nub du snang brgyad gsang pa'i mdo/ /byang du gser 'od dam pa gdon/ /gus par mchod cing bden par klag /tshon sna lnga skud bu mos bka' / de nyid kyis ni brgyar bzlas te/ /rgyu bzangs tshad la phebs pa dang/ /bzang po'i ltas dang sbyar nas ni/ /mkhas pas dkyil 'khor thig gdab po/ /lag na rdo rjes bgegs bskrad bya/ /srung ba chen mos bdag gzhan bsrung/ /phyogs bcu'i
- 580b
gtso la sogs pa yi/ /thugs dam bskul nas srad bu thim/ /de lnga'i rigs bzhi thugs las phyung/ /gtso bo gang yin thugs zhugs phyung/ /de nas gtso bo gang yin gyis/ /sangs rgyas zhing rnams sbyang ba dang/ /myur du sems can don bsgrub dang/ las kyi bdag po gang byed pa'i/ /las rnams ma lus khyod kyis byos/ /las kyi rdo rje don yod grub/ /kha dog sna tshogs 'byung ba las/ /oM aM hUM/ swAhA karma zhes ni de la dbang bskur ro/ /bdag nyid shar lho mtshams 'greng ste/ /sngags g.yog byang shar mtshams su ni/ /dpung btsugs thal sbyar 'dug pa yis/ /dkyil 'khor gang bzhengs las rnams ni/ /gang bzhengs gtso bo bka' bzhin du/ /las kyi byed par bdag gyur pas/ /thams cad ma lus bdag gis bgyi/ /de nas thub dbang bskur byas nas/ /de nas sbyang bar bya ba ni/ /bdag po gang yin ting 'dzin las/ /yam gyis phrag dog gtor rlung gis/ /de las rdo rje rtse 'bar ba/ /'od 'phros dngos po'i mtshan ma bsreg /bdag nyid yi ge khaM gyur gtso/ /mnga' bdag de'i byin brlabs chu/ /rgyun gyi khams dag de nyid mer/ /de yi byin brlabs yon tan bcu/ /de mthus las byed las rnams 'grub/ /mkhas pas thig gdab tsa ta'i mig/ lha mos gshegs bskul skur la thim/ /hUM las rdo rje rtse lngar gyur/ /lte pa'i thad kar thal bkan la/ /g.yas pa bkan bzhag mtheb ngos sbyar/ /de nas sbub log nam mkhar gdab/ /lan cig gnyis gsum btab pa'i mthus/ /dad bzhin byon dang ting 'dzin gsal/ /ngan song gsum bde zhus bshad stong/ /mchog gsum lha tshogs mchod phyag 'tshal/ /a'oM bruM shu n+ya ta gnya' na badzra swa b+ha ba at+ma ko haM/ zhes pas rang bzhin thig gdab par bya/ /bdag nyid shar lho'i mtshams song ste/ /las bdag byang shar mtshams 'dug ste/ /de nas dkyil 'khor
- 581a
thig gdab pa/ /dam tshig bskul dang las bya'o/ /oM badzra sa ma ya su tra ma ti kra ma hUM/ /tshad ldan sngags g.yog med phur mchog /sems can don byas bdag nyid kyis/ /slar yang thugs kar bsdu bar bya// a'oM badzra sang ha ra na hUM hUM hUM/ /sku dang gsung dang thugs dang ni/ /yon tan 'phrin las rigs lnga yi/ /gtso bo gang yin de nyid la/ /gsang gsum zhes su bsgrags pa'ang mchog /mtshon ni dri dang pan tsa dang/ /rin chen phung po gsum du bstan/ /yon tan sku 'dra las thugs bzhin/ /dbus kyi pho brang bskor ba yin/ /'khor lo rdo rjer ba ni/ /phye ma dkar po nyis rim bri/ /las kyi lha las ma gtogs pa'i/ /phal pa dang ni bsrung bkra shis/ /phye ma dkar po zhig kyang bri/ /sgo yi tshon sna pan tsa'o/ /gnyis pa tri la sgo khang rtsig /brkyang bris phyag rgya dgod pa yang/ /gtso bo'i gzugs la 'khor phyag rgya/ /phal la sogs pa'i yig 'bru'o/ /tha mal pa dag thig le'o/ /tshon la sogs pa'i las rnams kun/ /dbang ldan phyogs nas bya bar shis/ /dbang ldan 'dren pa'i lha dbang phyogs/ /tshon ni nang nas dgye bar bya/ /de nas phyag rgya nor bu bum/ /dgod pa nyid du bya ba yin/ /gzungs thag slob dpon gzung bar shis/ /de 'og tshon rnams rim gyis btang/ /de nas phyag rgya 'am yig 'bru bzhag /tha mar bsgo yi tshon bkye nas/ /de'i 'og sgo ba'i phyag rgya dang/ /glang seng rnams kyang dgod par bya/ /maN+Dal thams cad byi dor ni/ /dang po pa lci de 'og tu/ /rnam lngas bskus nas de 'og du/ /dri chu'i chus ni byug par bya/ /tshon 'gyed dus su thugs dam bskul/ /sems can khams ni zhi byed pa'i/ /de ni chos dbyings ro yin pas/ /sangs rgyas rnams kyis sngon gsungs te/ /da bas bdag gis bka' bzhin du/ /tshon 'gyed pa yi las
- 581b
bgyid na/ /rgyal bas kun byin dbang bskur cig /phyag rgya dgod phyir thugs dam bskul/ /sku gsung thugs rtags mtshan ma 'di/ /'gro la phan phyir dgod do zhes/ /sangs rgyas rnams kyis sngon gsungs te/ /rgyal ba kun byin dbang bskur cig /rgyan rnams dang po nor bu ste/ /de la sogs pa dgod par bya/ /byin gyis brlabs pa'i rin po ches/ /dkyil 'khor 'di la byin gyis rlobs/ /sngags rnams gong ma de las ni/ /ti sh+ya badzra bsnan par pas/ /rin chen sna tshogs rgyu las byas/ /kha dog dbyibs su ldan pa yi/ /shes rab yum gyi bum pa 'dis/ /dkyil 'khor 'di la byin gyis rlobs/ /rten gyis 'bras bu mtshon 'brel rtags/ /ye shes lnga yi rang bzhin pas/ /thugs rjes gzungs thag chen po 'dis/ /dkyil 'khor 'di la byin gyis rlobs/ /'phrin las yon tan lhun grub pa'i bla re kun bzang dang nyid rtags/ /'bras bu rtags kyi phyag rgya yis/ /dkyil 'khor 'di la byin gyis rlobs/ /dus gsum sangs rgyas ma lus ba'i/ /sku yi phyag rgya mtshon mdzad cing/ /mtshan dang dpe byad phan chen gyis/ /dkyil 'khor 'di la byin gyis rlobs nyon mongs gdung ba sel mdzad cing/ /gdugs mdzes gser gyi yu bar ldan/ /skyabs chen byams pa chen po yis/ /dkyil 'khor 'di la byin gyis rlobs/ /nyon mongs bdud las rgyal mdzad pa'i/ /rgyal ba rgyal ba'i rgyal mtshan te/ /rtags kyi rgyal mtshan chen po yis/ /dkyil 'khor 'di la byin gyis rlobs/ /'phrin las cho 'phrul bzhi bzhi yis/ /las rnams rgya mtsho rdzogs mdzad pa'i/ /snyan pa'i ba dan gsung bsgoms pas/ /dkyil 'khor 'di la byin gyis rlobs/ /rgyu dang 'bras bur 'brel ba'i rtags/ /kha dog sna lnga 'bar ba yi/ /lhab lhub lda ldi chen po yis/ /dkyil 'khor 'di la byin gyis rlobs/ /thugs rje gzungs thag ye shes bzhi/ /sangs rgyas bzhi yi 'phrin las thugs/ /thugs rje'i srad bu 'brel gzungs
- 582a
kyis/ /dkyil 'khor 'di la byin gyis rlobs/ /tshad med bzhi dang bsdu pa bzhis/ /'gro ba'i don rnams rdzogs mdzad pa'i/ /dri zhim rta babs phyag rgya yis/ /dkyil 'khor 'di la byin gyis rlobs/ /'gro rmongs 'khyams pa'i mun sel mdzad/ /gti mug go dbral shes rab mangs/ /gting 'bugs byang chub lam 'god pas/ /dkyil 'khor 'di la byin gyis rlobs/ /'khor ba'i dra ba chags pa'i rgyun/ /mdza' gnyis gcod mdzad byams pa'i mgon/ /shes rab rtags kyi ral gri 'dis/ /dkyil 'khor 'di la byin gyis rlobs/ /khro gtum rngam pa'i tshul 'chang bas/ /log par lta ba'i zhe sdang 'dul/ /ye shes 'bar ba'i ki la yas/ /dkyil 'khor 'di la byin gyis rlobs/ /mtshan ma'i yul rnams sel mdzad cing/ bsrung dang mtshams kyi las mdzad pa/ /bgab 'khor srung ba chen po 'dis/ /dkyil 'khor 'di la byin gyis rlobs/ /dus gsum sangs rgyas ma lus pa'i/ /dpe byad rtags kyi do shal chun/ /yid 'ong me tog 'bar ba yis/ /dkyil 'khor 'di la byin gyis rlobs/ /shes rab pha rol phyin pa'i rtags/ /rin chen mchog gsum mtshan brjod pa'i/ /gsung dbyangs drug cu ldan gril 'dis/ /dkyil 'khor 'di la byin gyis rlobs/ /mtshan ma'i bag chags kun sel ba'i/ /dus gsum sangs rgyas thams cad la/ /rgyal chen bzhis phul mchod mchog gis/ /dkyil 'khor 'di la byin gyis rlobs/ /chos rnams gzugs brnyan 'dra ba yi/ /rang bzhin dag pas rtog pa med/ /ma rmongs ston pa'i me long 'dis/ /dkyil 'khor 'di la byin gyis rlobs/ /zhi ba'i mdza' la mi gnas shing/ /'jig rten kun dang mthun 'jug rtags/ /thabs dang shes rab nyi zla 'dis/ /dkyil 'khor 'di la byin gyis rlobs/ /gzhan yang mchod pa'i rgyan 'os dang/ /lha bshos
- 582b
phyogs kyi gtor ma yis/ /rgyu drug 'gro tshim byed mthu yi/ /dkyil 'khor 'di la byin gyis brlobs/ /gnyis pa bdag zhugs cho 'phrul gyi/ /che ba'i don thabs bstan pas 'dzin/ /ting nge 'dzin dang byin gyis rlabs/ /dbang bskur mchod pa'i cho 'phrul lo/ /bdag nyid dang por rnam 'dug dang/ /ting 'dzin zhugs pa rnam gnyis so/ /bdag shar sgor 'dug 'dzin pa la/ /dam bca' dbang thob snying rje yis/ /thabs dang shes rab don byed par/ /'phags pa kun mkhyen spyan drangs la// a'oM aM hUM swAhA lnga yis/ /byin gyis brlab la swa dbang bskur/ /phyag rgya go ca hoM gyis bgo/ du sh+ya ho dang san ti tishta dang/ /ya tha badzra swa ta shtha ta aM gaM/ dgongs bas bsgrubs pa bzhugs dang bskyed/ /de nas khro bos bgegs mtshams bcad/ zhugs pas de bzhin nyid kun snang/ /rgyu las byung ba rim lnga bskyed/ /de steng gzhal yas khang rgyan ldan/ /nang du gtan dag bskyed pa'i steng/ /'khor lo yid 'ong gru chad dang/ /sgo dang sgo khang bya dang bcas/ /sems can pad+ma nyi zla'i gdan/ ci rigs par ni mdzes par bya/ /de steng sems nyid dag pa yi/ /rgyu las chos nyid mngon byang chub/ /de gzugs zla ba yig 'bru dang/ /phyag mtshan dang ni sku rdzogs pa'o/ /'bras bu lnga dang bskyed pa lnga/ /ston pa'i cho 'phrul lnga rgyu lnga/ /chos nyid rgyu las rnam snang mngon byang chub/ /gzugs brnyan zla ba mi bskyod mngon byang chub/ /yig 'bru rin chen 'byung ldan mngon byang chub/ /phyag mtshan snang ba mdza' yas mngon byang chub/ /gzugs sku don yod grub pa mngon byang chub// snang stong sra brtan sreg byed dang/ /'gyes 'dzin shugs bskyod zad par lnga/ /nam mkha' sa me chu rlung gi /de yi byin rlabs thams cad mngon byang chub/ /rgyu las bag chags gnas 'gyur chos dbyings bskyed/ /zla ba kun bzhi gnas 'gyur
- 583a
me long bskyed/ /yig 'bru nyon mongs gnas gyur mnyam sems bskyed/ /phyag mtshan yid gyur so sor rtogs sems bskyed/ /sku ni sgo lnga bya ba nan tan bskyed/ /rtag chad 'dzin gzung bdag gzhan grub/ /chos nyid rgyu las rnam snang mngon bstan pa/ /bsam gtan tshul de sangs rgyas rjes dran sku/ /a'oM tsi ta pra ti be tang ka ro ya mi/ /e ma'o/ /don dam rang bzhin spros med sems kyi dbyings/ /rgyal ba rgya mtsho'i thugs dang ye nas mnyam/ /mngon par byang chub nam mkha' i mtshan nyid de/ /chos kyi dbyings nyid mi gnas ji bzhin ngang/ /gzugs brnyan zla ba mi bskyod mngon ston pas/ /ye shes tshul de dge 'dun rjes dran sku/ /a'oM bo te tsi ta tsin+t+ra utpa ta ya mi/ /a ma'o/ /bsod nams ye shes tshogs chen yongs rdzogs pa/ /zla ba nya ba bzhin du snang ba ste/ /kun tu bzang po ye nas dag pa'i don/ /mngon par byang chub rang bzhin 'od kyang gsal/ /yig 'bru rin chen 'byung ldan mngon bstan pa/ /sbyin pa'i tshul de gtong ba rjes dran sku/ /a'oM hUM dA ha aM ha ti shtha/ /e ma'o/ /ma rig sel cing yang dag rig bskyed pa/ /gsung gi rang bzhin che ba'i byin rlabs te/ /gsang ba bsgrub pa'i mchog du bsngags pas na/ /don gyi snying po spros med byang chub dbyings/ /phyag mtshan so so mthal yas mngon bstan pa/ /tshul khrims tshul te gnyis rtogs chos dran sku/ /tsakra badzra d+harma ratna pad+ma karma swa b+ha ba at+ma ko haM/ e ma'o/ /dus gsum sangs rgyas thams cad kyi/ /thugs nyid ye shes lnga yi rtags su snang/ mi g.yo mi ldog mchog gi rang bzhin pas/ /ji bzhin mnyam pas byang chub chen po'i dang/ /skur gyur gzugs las don yod skur ston pa/ /brtson 'grus tshul te lha rjes dran pa'i sku/ /a'oM hUM swa oM ha ya tha swa te shtha ta a haM/
- 583b
e ma'o/ /de bzhin gshegs pa thams cad kyi/ /ma skyes ye shes mnyam pa nyid/ /thabs la mkhas pas thugs rje yis/ /de nyid phyag rgya chen por snang/ /sngags ni sangs rgyas kun gyi gsungs/ /tshigs bcad don grub rtogs tshad phul/ /de bzhin gshegs pa thams cad kyi/ /dgyes pa'i phyag ni spyi bor bzhag /byin gyis brlabs phyir/ a'oM aM hUM/ dbang bskur swa 'bar rin po che/ /yongs su grub dang gzhan dbang dang/ /kun brtags pa ni thams cad la'o/ /yongs su grub pa zhes pa ni// rnam snang mdzad chen de nyid do/ /gzhan dbang rjes su bstan pa ni/ /sangs rgyas mang pos sngags gsungs rtogs/ /kun brtags zhes su bstan pa ni/ /'og min gnas dang ri rab zom/ /rdo rje gdan sogs ston pa'o/ /'khor rnams thams cad sgo mdun bskyed/ /'bras bu lnga ni yongs su grub/ /bskyed pa gzhan dbang yin par bshad/ /ston pa'i cho 'phrul kun brtags pa'o/ /snyan gsan gsol spyan 'dren las gzhug /dam tshig phyag 'tshal mchod stod chos/ /byang chub sdom go byin rlabs dang// mtshams bcad dam tshig dbog rigs bya/ /phyogs bcu'i 'jig rten rab 'byams na/ /rgyal ba gang bzhugs 'khor dang bcas/ /mgon po dam can ji snyed pa/ /thams cad kun nas dgongs su gsol/ /gnyis med rnam dag dbyings mchog// mnyam nyid gnas pas de bzhin gshegs/ /bskul ba'i sa la gzhengs nas kyang/ /sems can don la rab brtson pa'i/ /rgyal ba sangs rgyas bcom ldan 'das/ /byang chub sems dpa' lcam dral dang/ /khro bo khro mo la sogs kun/ /rgyud lnga'i sems can sbyang ba dang/ /khyad par bdag dang yon bdag dang/ /dkyil 'khor 'di la byin brlabs don/ /rang bzhin rdzogs chen bzhugs gnas nas/ /ting 'dzin gzugs brnyan gzhal yas 'dir/ /thugs rjes byon dgongs spyan 'dren byon/
- 584a
e ha hyi b+hud+d+ha da du shA rI bod di swa ta swa ta'i sarba ma ma dzA/ chos dbyings nam mkha' i dkyil yangs na/ /rgyal pa'i bzhugs gnas khyad par can/ /rab 'byams mchod pa'i sprin klubs shing/ /nyi zla pad sogs gdan steng nas/ /mi mdzed 'dzam gling 'jig rten 'dir/ /bkra shis dpal tshogs gzhal yas khang/ /bla med mchod pa rgyan bshams nas/ /'gro ba'i don phyir spyan 'dren na/ /dus gsum gshegs pa'i 'jig rten sgron/ /thugs rje dang can smon lam gyis/ /sems can don phyir chos sku las/ /gzugs skur longs spyod rdzogs skur snang/ /thugs rjes sbrul skur gshegs pa bzhin/ /dkyil 'khor ma nyams dam pa 'dir/ /byin gyis brlabs kyis gshegs su gsol/ /dkyil 'khor gang lags lha tshogs kun/ /tshoms tshoms mtshams bsdebs spyan drang la/ /stobs bcu'i rtsal 'chad mi yi seng ger sbyon/ /gti mug mun sel 'jig rten sgron ma sbyon/ /nyon mongs nad sel sman pa'i rgyal po sbyon/ /bdud ros 'pham mdzad thar pa'i lam rton sbyon/ /dbang mdzad rgyal po 'dir sbyon mchod pa bzhes/ /dkyil 'khor lha tshogs ma lus gnas 'dir sbyon/ /e ma sangs rgyas thams cad kyi/ /yang dag spyan 'dren brtan pa'i bdag/ gang phyir bdag gis spyan drangs pas/ /dkyil 'khor 'di la brtan par 'gyur/ /e ma sangs rgyas thams cad kyi/ /rin chen zhags pa dam po'i bdag/ rdul phran bzhugs pa thams cad kyang/ /slar yang bdag gis dran par bgyi/ /e ma sangs rgyas thams cad kyi/ /pad+ma lcags sgrog dam po'i bdag /bcings pa kun las grol ba rnams/ /sems can don du bcing par 'dod/ /e ma sangs rgyas thams cad kyi/ /rgya gram dril bu dbab
- 584b
brtan bdag /kun gyi chos bdag gyur pa yang/ /bran du yang ni gyur cing bzhugs/ /dza hUM ba ho/ /e hye hi ba ga ban ma ha k+Sha ru ni ka tri sha ho/ sa ma a dza hUM/ oM la sogs pa'i lha rnams sngags/ /rting la a gad dzas brgyan cing/ /so so sku gsung thugs kyi lha/ /ma lus pa rnams spyan drang ngo/ /mdor na 'jig rten khams rnams su/ /sems can rnams kyi don gyi phyir/ /ji ltar 'dul ba sna tshogs kyis/ /rdo rje rin chen padmo dang/ /rgya gram 'khor los bskor du gsol/ /mgon po thugs rje cher ldan pa/ /thams cad kun mkhyen rgyud rig pa/ /'dul ba'i thabs ni sna tshogs kyis/ /'gro ba'i don rnams mdzad du gsol/ /gtor ma las rnams kun gyi mchog /las kyi sna la brtan pa ni/ /shar du bstan pa srung ba la// lhor ni srid pa mnyam pa yin/ /nub du klu gdug bzlog pa'o/ /byang nas las la gzhug pa'o/ /de dag so so srung mtshams bcad/ /e ha hi bos la las la gzhug/ byin gyis brlabs byas mchod stod cing smon lam btab cing slar nyid? gtang/ /lag ba'i phyag rgya bcas nas ni/ /snying po mjug la gdags pa ni/ /badzra sa twa sa ma ya karma gdags shing dbyangs dang sbyar pa'o/ /thugs brtser ldan pa'i dgongs pa can/ /ji ltar 'phrin las bcol ba bzhin/ /'khor ba yul der? sa de srid du/ don rnams mdzad cing brtan por bzhugs/ /leg pa'i phyag rgya bcas nas ni/ /snying? po mjug la gang yin/ /hUM baM ho/ sa ma ya stoM/ sa ma ya ho/ sa ma ya sa twa ti shtha badzra a gad dza/ na ma sarba ta thA ga ta band+ha nad ka ro ya mi/ oM sarba ta thA ga ta pu tsa pa shtha/ na ya at+ma naM nirya ta ya mi/ oM sarba ta thA ga ta badzra satwa a ti tishtha swa moM/ oM sarba ta thA ga ta pu tsa i rba? she ka ya/ at+ma noM nirya ta ya mi/ oM sarba ta thA ga ta badzra ratna a bi shin tsa mo/ /oM sarba ta thA ga ta pu tsa pra
- 585a
brtan ya/ /at+ma noM nirya ta ya mi/ oM sarba ta thA ga ta badzra darma pra barta ya mi/ /oM sarba ta tha ga ta bu tsa karma naM/ /at+ma noM nirya ta ya mi/ oM sarba ta thA ga ta badzra karma ku ru maM/ /de nas mchod pa'i rim pa ni/ /dang por sbyin sreg las bzhi ste/ /de nas lhag pa'i mchod skyabs gsol/ /de nas thun mong mchod rnam lnga/ /de nas stod pa'i mchod pa'o/ /de nas mchod sprin bya bar bshad/ /de kun dag yid gdung dbyangs mchod/ mchod pa'i dang po 'di yin no/ /de 'og rdzas kyi mchod pa la/ /sbyin sreg mchog sbyin rnams kyi mchog /bsdebs sbyar mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog zla ba rgyu skar rnams kyi mchog /nyi ma snang byed rnams kyi gtso/ /bsgrub pa'i mchog mi gsang sngags te/ /las kyi mchog ni rnam bzhi'o/ /gnas kyi mchog ni dkyil 'khor bzhi/ /steng dang 'og dang thad kar yang/ /'gro ba'i 'gro ba ji snyed pa/ /lha dang bcas pa'i 'jig rten na/ /smra pa'i mchog ni rdzogs sangs rgyas bstan pa'i mchog ni rdzogs chen po/ /rdo rje'i rgyud du bsngags pa yin/ /bzlas pa bdun dang bar skabs dang/ /de bzhin bzlas pa'i 'og tu yang/ /bsngags pas sbyin sreg bya ba ni/ /thams cad du yang bsngags pa yin/ /sbyin sreg byas nas bzlas bya ba/ /dang por shin tu 'dod pa yin/ /bzlas dang sbyin sreg 'brel pa 'di/ /de ni bar du 'dod pa yin/ /bzlas pa'i 'jug gi byin sreg gang/ /de ni shin tu gtso bar bshad/ /dang pos bu lon rtog pa bsal/ /bar du lha rnams tshim bya'i phyir/ /tha mas lhag chad bskang ba'i don/ /bgyi tshogs kyi dkyil 'khor mchog /gsal ba'i gzi brjid 'tsher ba la/ /dang byams yid kyis mchod sbyin bya/ /las rnams brtsam par byas nas ni/ /gtum chen rngam yang lhan
- 585b
nor 'gyur/ /lha rnams dkar po byams dang ldan/ /zlum po dkyil 'khor rtsibs brgyad par/ /lha rnams 'khor bcas brgyan par bzhugs/ /ho ma mchog zlum gdengs pa la/ /rdo rje pad+mas rab brgyan te/ /phur pa dkar po drug gdab par/ /yid la shin tu gsal byas te/ /byin za dge ba'i dam spar bstan/ /yam shing dkar po rnams kyi me/ /ra spang rdo rje khro bo yis/ /dang byams bzhag ste snyoms zhugs la/ /til bsregs bzhin du sdig sreg shig /oM che ge mo sarba pA pa da ha ha na hUM phaT// dzwa la raM/ shar lho kha khyer de nyid la/ /dam tshig nyid kyi raM spros te/ /zhal gcig phyag bzhi zla dkar bzhin/ /zhi ba lus dang lta ba'i thabs/ /skyed chen dkar po'i gdan bzhugs bsam/ /ye shes agne thugs dam bskul/ /oM na mo badzra ba na sya/ oM na mo gnya' na sya twa a g+he ye de ba dzra ya raM/ /lan gsum brjod pas zhal phyogs shing/ /spyan gzigs thugs dgongs de nyid la/ /dam tshig pa yis lcags kyu bcas/ /gnyis min dbyings las bskul ba yi/ /ye shes drang srong chen po nyid/ /sngon gyi smon lam thugs rje yis/ /byin gyis rlob phyir gshegs su gsol/ /dzA hUM baM ho/ /e ha hi/ oM badzra ha ri baM ga ba dzi ba lo ki te ya sha de hi/ /de ba pa ta ya swAhA/ /na mo badzra pa na sye/ /oM gnya' na agne/ ki li ki li/ dind+he ? po tra/ i ha i ha/ A gad dzA hUM ta sha na ya swAhA/ ye shes me lha byon nas ni/ /dam tshig bskyed dang gcig gyur nas/ /mdun du bzhugs pa de nyid la/ /gnyis min drang srong igna la/ /bdug spos chung bcas gtsar ba ni/ /stong gsum kun tu ri mchog 'byung 'gyur ba'i/ /spos lnga sna sbyar tshu gtsang rgyal ba'i khrus/ /ye shes sprin phung mkha' las char 'bebs pa/ /mi gtsang dri ma'i tshogs kun dag gyur cig/ swa b+hA ba sarba d+harma shud+d+ho haM/ dag pa nyid du byas nas kyang/ /mchod
- 586a
pa lnga yis mchod de bzhag/ gnyis min drang srong agne la/ /bdug spos me tog me dri bshos/ /yon bdag don du 'bul la gsan/ /thugs rjes dgongs nas bzhes su gsol/ /oM dz+nya na sa twa sa ma ya/ sa twa sa ma ne ye d+hu pe puShpe/ a lo ke/ nan gan de pa ha ra sarba d+harma bu tsa ban tsa swAhA/ de na mchod snod shing rta la/ /bzhugs pa nyid du bya ba'am/ /kha khyer bzhag la las mchod bstod/ /de nas me yi dngos nyid pa'i/ /rang bzhin rnam rgyal khro bo phyogs// de la sogs pa gong nyid du/ /spyan drangs mdun du gsal bsgoms la/ /ting 'dzin gsal ba'i me nyid sbyang/ /rnam par rgyal ba bos nas ni/ /gzugs brnyan shar g.yas 'am 'phral ba'i/ /rnam rgyal de yi lus gnyis gcig/ de nyid na ni bzhugs bsam pa/ /dad pa dang ni dam tshig gis/ /tshugs gshegs khams gsum rnam rgyal gtso/ /'bar ba'i nang du bzhugs nas ni/ /sreg blugs zhal zas bzhes me sbyongs/ /dza hUM baM ho/ /e hye hi/ oM tre lokya b+hi dza ya sa ma ti mu tra hUM phaT a gad dza/ de ltar spyan drangs de nyid kyis/ /gdan mchog dam pa bstan pa ni/ /me tog lag du thogs nas ni/ /mya ngan mi 'da' thugs rje'i dang/ /nyon mongs mi spong gos pa med/ /ma chags rang bzhin dag pas na/ /pad+ma'i gdan la bzhugs su gsol/ /pad+ma sa ma ya haM/ /de ltar gdan la bzhugs pa yang/ /yang dag nyid ni dag mod kyi/ /dri ma'i mtshan ma med mod kyang/ /'jig rten sri zhu'i tshul gyis su/ /phyag dang zhabs ni bsil mdzod cig/ a ha ra bi shud+d+ha swa b+hA wa de nas mchod pa dbul ba ni/ /khro bo khams gsum rnam rgyal gyis/ /che ge mo zhig sdig gshegs nas/ /dkyil 'khor chen por dbang bskur te/ /yang dag nyid du bsgrub pa la/ /bar chad byed pa'i log rtog ni/ gnod sbyin skar mda' gdong la
- 586b
sogs/ /chad pa bcad cing bka' phab ste/ /bka' 'am sngags kyi tshig tsam gyis/ /zhi ba la sogs rnam bzhi ni/ /bran bzhin du ni byed par 'gyur/ /de phyir dang por khro bo mchod/ /de phyir rnam par rgyal sogs la/ /mar khu shag te'u shu gu 'di/ /yon bdag don du 'bul lags na/ /thugs rjes dgongs nas bzhes su gsol/ /snying ga'i thang ka nas 'bul bar bya/ /oM tre lokya b+hi dza ya kro d+ha ya ti bya ti bya na bu tsa na ye swAhA/ /lag g.yas ma theb srin nyi ma a/ /thabs dang shes rab ldan pa yis/ /blangs te sku gsung thugs mnyes phyir/ /mchod pa'i gnas dang mchod rdzas dang/ /mchod mkhan nyid las byang chub sems/ /dkar po shel dag byung ba yis/ /gang la dmigs pa der bstim pas/ /las dang nyon mongs bag chags zhi/ khro rgyal khams gsum rnam rgyal la/ /mngar gsum 'o thug nas kyi thug 'bras kyi lag pa na 'bras yos dang/ /'bru sna lnga la sogs pa 'bul/ /bdug spos me tog me dri bshog/ oM tre lokya b+hi dza ya kro d+ha ya/ du pe puspa/ a lo ke gan de/ a ha ra/ sarba d+harma da ra su tsa ba na tsa swAhA/ ti bya ti bya ye swAhA/ de nas stod de mchod pa ni/ /rdo rje dril bu dbyangs ldan la/ /sku la 'ging 'gyur bcas par bya/ /zhi rgyas gnyis la rdor dril nad/ /dbang drag rdor dril phyir bskor bsil/ /ye shes bskal pa'i me ltar 'bar ba'i 'od/ /ma rig 'dod pa'i bdud khams thams cad sreg sprin gnyis 'thabs bzhin khro gnyer brjid pa'i zhal/ zhe sdang gshin rje'i 'jig rten thams cad 'joms/ /dpa' bo chen po dpa' mtshan stag lpags can/ /log 'dren srin po'i bgegs kyi mdza' gnon pa'i/ /khro bo'i rgyal po dug gsum 'joms mdzad pa/ /khams gsum sems can ngan 'gro las sgrol ba/ /mdog sngon rdo rje pad+ma zhags pa bsnams/ /khams gsum rnam rgyal tshe la phyag 'tshal bstod/ /khro bo khams
- 587a
gsum rnam rgyal sogs/ /me nyid sbyang ba'i las mdzod bzhugs/ /tishtha badzra/ khro bo khams gsum rnam rgyal gyis/ /bdud rtsi lnga 'am zas lnga la/ /mtshan ma'i ming du bcas par bya/ /bkug nas rdo rje phur bus gdab/ dum bur byas la tshogs la bstab/ /oM tre lokya b+hi dza ya/ ki li a mri ta ba na tsa pU tsa swAhA/ /bde gshegs khro chen rnam par rgyal/ /thugs rje che dang bdag 'brel pas/ /gzhal yas nyid du bzhugs nas kyang/ /ma nyid sbyang ba'i las bcol pa'o/ /de nas lag g.yas kha phar bstan/ /g.yon pa tshur bstan mkhrig ma snol/ /mtheg gnyis mthil bzhag sor brgyad bskyod/ /oM ki li ki li badzra pi ma li re'u tri pra tri ti/ mahA kro b+ha badzra a na dza ha gri na ta hUM phaT/ sbyangs pa'i las ni lha tshogs kyis/ /mdun du bya bar yang dag bshad/ /de nas dkon mchog gsum po ste/ /sbyang dang spyan 'dren gdan dag dang/ /mchod pa la sogs rnam rgyal bzhin/ /mgon po thugs rje chor ldan pa/ /thams cad mkhyen pa'i ston pa po/ /bsod nams yon tan rgya mtsho bzhi/ /de bzhin gshegs la phyag 'tshal lo/ /dag pas 'dod chags bral ba'i rgyu/ /dge bas ngan song las sgrol zhing/ /gcig du don dam mchog gyur pa/ /zhi gyur chos la phyag 'tshal lo/ /grol nas grol ba'i lam yang ston/ /bslab pa dag la rab du gus/ /zhing gi dam pa yon tan bzhi/ /dge 'dun la yang phyag 'tshal lo/ /bla med dkon mchog gsum po yi/ /zhi ba la sogs grub par gsol/ /bde bar gshegs so dkon mchog gsum khyed kyis byams pa'i las kun mdzad/ /dang ba'i yid kyis bskyed pa yi/ /gzhal yas nyid du gshegs su gsol/ /oM badzra be ga a gra ma ya hi ga tsa/ /me lha gnyis min spyan drang ba'i/ /mdun du ki lis me nyid sbyang/ /de nas g.yas
- 587b
pa mthe bo yis/ /mthe'u chung drung gtsugs g.yas nas ni/ /dad pa dang ni dam tshig gis/ /tshur gshegs zhes ni bos nas ni/ /dza hUM baM ho/ /e hye hi mahA b+hu ha de ba rik+Shi/ tad dzwa ma ni tri twa/ u ti mahA roM/ /a smi sa ni/ rtri to b+ha ba/ agne ye/ a gad dza/ ha bya ka bya/ ma hA na ya swAhA/ de nas bzhugs par bya ba ni/ /lha yi drang srong kun dang ni/ /sreg sbyin bstabs par zhal ches pa/ /thugs rje dam tshig brtan pas ni/ /pad+ma'i gdan la bzhugs su gsol/ /agne ya sa ma ya stwaM/ /tishtha sa b+ha ba/ big ti b+ha/ dzi ba le hi ta ag sha di pa ya shud+d+ha swAhA/ /phyag zhal bsil ba byas nas ni/ /gnyis min drang srong me lha la/ /shag te'u la sogs bdun gsum 'bul/ /oM roM roM agne ye ha bya ka bya ti bya na ya pU tsa na swAhA/ /du pe puspe a lo ke gan de pu tsa pan tsa swAhA/ /de nas rdo rje dril bur bcas/ /'ging gyur bas la bstod pa ni/ /tshangs pa 'jig rten mgon gyi sras/ /me lha'i rgyal po drang srong mchog/ 'byung po yongs la bskyabs pa'i phyir/ /thugs rje'i dbang gis skur skur sprul ba/ /rig pa grub pa'i drang srong mchog/ nyon mongs sogs pa'i shes rab 'od/ /bskal pa'i me bzhin gzi brjid 'bar/ /mngon shes rdzu 'phrul thabs ldan pa/ /thabs kyis sprul pa'i theg pa bcibs/ /bgrang phreng 'dzin cing rig sngags gsung/ /bdud rtsi bcud ldan gundi bsnams/ /chos kyi bdud rtsi yongs la bsil/ /nyes pa'i skyon bral tshangs par spyod/ /'jig rten gnas kyang mya ngan 'das/ /zhi ba brnyes kyang thugs rje che/ /de bas bstod de phyag kyang 'tshal/ /agne chen po'i thugs dam bzhin/ /me nyid ye shes mer byin rlobs/ /las kyi lta rnams mchod pa yis/ /sreg rdzas stobs pa'i las mdzod bzhugs/ /shing rtag cig la bzhugs gsol la/ /phyogs mtshams lha la bskor zhing mchod/ /bagne yi geng ka ra pU tsa ti shtha/ /las kyi lha rnams
- 588a
mchod pa yi/ /me spyad spyan drang gdan dbul bsil/ /las brtan phyag 'tshal mchod bstod dgu/ /snang ston mchod rten chos nyid mkha' / /chos dbyings ye shes rnam dag sku/ /byang chub mchog gi phyag rgya mdzad/ phyag 'tshal rnam par snang mdzad la'o/ /sra brtan rdo rje gzugs brnyan sa/ /me long ye shes thugs kyi sku/ /sa gnon chen po phyag rgya mdzad/ /phyag 'tshal sems dpa' mi bskyod la'o/ /sreg byed rin chen yig 'bru me/ /mnyam nyid ye shes yon tan sku/ /mchod sbyin chen po phyag rgya mdzad/ /phyag 'tshal 'byung ldan dpal khyod la'o/ /dgyes 'dzin pad+ma phyag mtshan chu/ /kun rtog ye shes gsung gi sku/ /chos sgrogs chen po phyag rgya mdzad/ /phyag 'tshal snang ba mdza' yas la'o/ /shugs bskyod rgya gram sku ste rlung/ /nan tan ye shes 'phrin las sku/ /skyabs sbyin chen po phyag rgya mdzad/ /phyag 'tshal don yod grub pa la'o/ /bgyi tshogs kyi dkyil 'khor du/ /lu gu rgyud du sbrel bsdebs bskyod/ /bcings 'gyur bskyod pas phyogs bcur g.yo/ /thams cad g.yo ba med par 'gyur/ /shan ting ku ru swAhA/ /dngul 'am dkar po'i shing rnams la/ /mgo bo rgyu 'dud rtse zlum po/ /ngos su lha rnams 'khor bcas bsgom/ /btab na gdug rtsu bzhi bar 'gyur/ /ki li ki li shan ting ku ru swAhA/ /ma mo rnams kyi dkyil 'khor du/ /lha yi grub pa bsgom byas te/ /byams bcas zhi ba'i tho ba yis/ /brdungs pas gdug rtsub zhi par 'gyur// sham pa ta shan ting ku ru swAhA/ /dngul phye 'bras mchan dkar po la/ /'o mas sbyar ba'i gtor ma yis/ /thams cad ma lus bsgom byas nas/ /gtor ma gdug rtsub zhi bar 'gyur/ /spar na shan ting ku ru swAhA/ /las rnams bya ba'i don
- 588b
bstan pa/ /bdag nyid byams pa chen po can/ /dkyil 'khor hoM khung mchod rdzas 'tshogs/ /dkar po nyid du bsgom dang bya/ /lha rnams thams cad dkar po ste/ /sku yi gzi 'bar yon tan brjid/ /thams cad kun kyang 'tsher zhing zhing/ /byams par bcas pa'i lag pa nas/ /gtong ba thams cad byang chub sems/ /rgyun la 'chad par kun khyab bsgom/ /drang bas zhi gyur phur bus rgyas/ /brdung pas dbang mdzad gtor bas drag/ de ni spyi yi las su gsungs/ /phyogs bcu'i gdug pa ma lus kun/ /gdug pa'i sems ni rab bor te/ /lha ni dkar po'i 'od du 'gyur/ /bde ldan byang chub 'od 'phro 'bar/ /'jig rten gsum dang 'das gtum dang/ /'bru lnga byams dang ldan par byas na ni/ /gsol ba gdab par bya ba ni/ /lha dang lha min gnod sbyin dri za grul/ /lto 'phye dang ni nam mkha' lding dang 'dab/ /lus srul srin po gdon gyi rigs rnams dang/ /sa 'am mkha' la gnas pa'i rdzu 'phrul can/ /bu smad g.yog dang 'khor du bcas pa rnams/ /de rnams sdug bsngal zhi bar bya ba'i phyir/ /dad byams yid kyis lha rnams mchod byas te/ /lha yi byin brlabs sprul pa'i 'phro 'du yis/ /las dang nyon mongs sdug bsngal zhi gyur cig /na ma sa man ta bu ta nan/ oM a/ mahA shan ting ka tang shan ting/ ka ra bra sha ma d+ha ra na ri dza ta/ a b+ha ba/ d+har ma sa ta/ pra ba ta shan ting shi baM ku ru swAhA/ de ba shAn ting ku ru swAhA/ na ga shAM ting ku ru swAhA/ raksha shan ting ku ru swAhA/ yag sha shan ting ku ru swAhA/ kri ha shan ting ku ru swAhA/ gung hing gung hing shan ting ku ru swAhA ra tang ra tang pra tang pra tang shan ting ku ru swAhA/ na bi ra lan shan ting ku ru swAhA/ bi ha sa nan tan ting ku ru swAhA/ si pa ra na shan ting ku ru swAhA/ na mo be shan ting ku ru swAhA/ /sa nri su tri pra du shan ting ku ru swAhA/ kram ka ri kram ka ri shan ting ku ru swAhA
- 589a
mi tsi mi tsi/ ra ra sraM sraM/ gaM gaM guM guM/ a'oM a'oM/ iM iM/ a ra lan shan ting ku ru swA hA/ /sh+ri dur na mi tra shan ting ku ru swAhA/ de nas las sbyar rnam rgyal thabs/ /phyag mtshan nam mkhar phyar nas ni/ /gti mug rdo rje 'khor bcas pas/ /'jig rtan khams ni ram 'byam kun/ /skad cig yud la zhi mdzad de/ /zhi bar gyur pas dbyings su rol/ /bde bar gshegs so bcom ldan 'das/ /dang ba'i yid kyis bskyed pa yi/ /gzhal yas nyid du re zhig gshegs/ /slar yang 'gro ba'i don la dgongs/ /de bzhin lha tshogs mang po kun/ /go rim de bzhin las bya'o/ /ma yi tshogs kyi dkyil 'khor mchog /gsal ba'i gzi brjid 'tsher ba la/ /snying rje dga' bas mchod byas nas/ /las rnams brtsam par byas nas ni/ /tshe dang longs spyod dpal 'phel 'gyur/ /pu sting ku ru swAhA/ ya yi tshogs kyi dkyil 'khor mchog /gsal ba'i gzi brjid 'tsher ba la/ /dga' chags yid kyis mchod sbyin bya/ /las rnams brtsam par byas nas ni/ /thams cad ma lus dbang du 'gyur/ /e yi tshogs kyi dkyil 'khor mchog /gsal ba'i gzi brjid 'tsher ba la/ /btang snyoms khros pas mchod sbyin bya/ /las rnams brtsam par byas nas ni/ /thams cad ma lus rlag par 'gyur// gzhan yang rgyud las 'byung ba'i las/ /sdig pa bsreg dang tshe 'phel hoM/ /bsrung dang ro sreg bsgrub pa kun/ /cha shas com du bstan pa ni/ /hUM gi tshogs kyi dkyil 'khor mchog /ye shes tshogs kyi dkyil 'khor mchog/ haM gi tshogs kyi dkyil 'khor mchog/ ram gyi tshogs kyi dkyil 'khor mchog/ dkyil 'khor hoM ma tshad bstan pa/ /gsang gsum dkyil 'khor tha ma 'bring/ /rab ni bcu gnyis dgu dang bdun/ /khru gang thams cad sgo gang bya/ /yan lag thams cad
- 589b
tshad bstan pa/ /de khru gang nas brtsams nas ni/ /ji srid dpag tshad thug gi bar/ /'dul ba'i dbang gi khyad par gyis/ /yang na tshad ni nges pa med/ /hoM khung tha ma 'bring dang rab/ /khru gang khru ngo khru gsum ni/ /'byor pa'i dbang bya pad zla gam/ /gru gsum dang ni 'khor lo'i rtsi bas/ /brgyad pa'i steng du zla ba'i 'od/ /dkar po dgod de dbus rdo rje/ /rtse lnga shar lho rin chen lho/ /nub tu pad+ma byang rgya gram/ /de steng kha 'khor sor bzhi rdo rje ra/ /sems dpa' sems pad+ma khong yon/ /'jig rten pa ni ci rigs mdzes par bya/ /nub phyogs 'dug ste zhi las bya/ /bram ze'i khyim du yang dag bshad/ /lho phyogs rgyas pa nub dbang bya/ /byang du drag po hoM du bshad/ /dkyil 'khor drung ngam yang na ni/ /grong khyer phyi rol rje'u rigs dang/ /rgyal rigs smad 'tshod smig ma khyim/ /sngags pa nub dang lho shar lho/ /'dug la mchod pa'i don dag ni/ /gang gi gtso dang thabs dang ni/ /shes rab tshul du ldan pa'i don/ /ho ma khung gi bye brag kyang/ /de ci rigs par bya bar bshad/ /de la sogs te gtso yum ni// khung gi mthil du lhag par dgong/ /me 'od ngos la rdo rje kha/ /'khor rnams phyi rol yang dag dgod/ /ro sreg maN+Dal khru bcu gnyis/ /khru bzhi pa na khru do zabs/ /brkos pa'i dbus su 'khor lo ni/ /rtsibs brgyad pa la'ang byang chub kyi// mchod rten kun rig phyag rgya sogs/ /rigs bzhi dang ni yum bzhi yi/ /de mdza' rdo rje rtse lngas bskor/ /kha la me 'od pri bar bya/ /de mdza' pad+ma 'dab ma la/ /sems dpa' skal bzang la sogs rnams/ /bri bya gru la lha mo bri/ /'jig rten pa yi lha rnams kyang/ /phyi rim phyogs phyogs dag du bri/ /gzhung dang 'gal byas nyes sdig bshad/ /sdig pa chen po bskur btab yin/ /ston pa'i bstan pa dge ba'i las/ /pha ma mkhan po slon dpon dang/ /mchod dang lcam dral rnam lnga yis/ /dge ba
- 590a
mi dge dge mi dge/ rgyas pa'i las la bskur ba yin/ /sdig can de ni mi thar zhes/ /rnam par 'byed pa'i thub pas gsungs/ /dkyil 'khor 'jug 'dzud byed pa'i phyir/ /ri mo 'am ni de bzhin bzhan/ /ci bgyi tshad med bzhi bsgoms te/ /sha dang chang dang sgog btsong dang/ /rku dang bud med spyad byas na/ /de ni yan lag bskur btab yin/ /de la bshags pa byar yod thabs/ /ci bzhin dam la gnas byas sam/ /theg chen sde la mchod byed na/ /sdig can de ni myur du 'grol/ /pha ma bsad dang phrogs bcom dang/ /chos kyi mkhan po bsad pa dang/ /dam tshig lung dang shes rab rgyud/ /man ngag dbang gi slob dpon gsum/ /snying nas smad cing bsad pa dang/ /theg chen sde la gnas pa yi/ /mched dang lcam dral dbyen byas shing/ /dam las log cing 'khus ba ni/ /de ni mtshams me lnga zhes bya/ /de kun dkyil 'khor 'di 'dra bar/ /las bzhi sdig sreg byas bcug na/ /sdig can de yang myur du 'grel/ /sngags dang phyag rgya yig 'bru rnams lhag dang chad bar byas pa ni/ /de dang nye ba'i sdig pa yin/ /ci phyir dbyings dang rnam thar gyi/ /sgo rnams gzhan du gyur pas na/ /bskal par brjod kyang dngos grub ni/ /thob par mi 'gyur dpa' bos gsungs/ /shes bya'i sdig pa thams cad ni/ mi shes sdig las bcu 'gyur che/ /shes bya'i sdig bshags thams cad la/ /'bum lnga dag gis 'byang ngo zhes/ /tsha tsha bskor ba phyag dang ni/ /srog 'don mdo sde lnga dag la/ /'bum 'bum dag du gsungs pa yin/ /de nas sdom la gnas pa yi/ /mchoms med lnga la sogs pa yi/ /sdig can de dag rnams dang ni/ /skad cig yud tsam smra mi bya/ /shes nas dam tshig gang nyams pa/ /de yi sdig pa brjod mi lang/ /gsol nyi bar mi brtson na/ /de dag dang yang smra mi bya/
- 590b
skad cig yud tsam smras pas kyang/ /don gyi dngos po gang yin yang/ /dmag la sogs don gcig pa bzhin/ /de yi bshags pa rgyud lngas so/ /pus 'gros thal dbung tsher lcag dang/ /'greng phyar srog sdom dag gis so/ /lhag dang chad pa'i kha skong ni/ /dkyil 'khor bdag po mnyes pa dang/ /tshe rabs slob dpon pha ma dang/ /slob ma'i sdig zhi dbang bskur dang/ /mdza' yas sems can don byas bsam/ /de yi sdig pa nges 'byad do/ /hom bzhi yi gtso bo gang/ /bsreg rdzas bdun gsum nyi shu gcig /mnyes par bya phyir dbul bar bya/ /de nas tshe rabs slob dpon don/ /dkon mchog gsum la dus gsum gsum/ /dbul ba nyid du bya bar bshad/ /tshe rabs pha ma'i don gyi phyir/ /rigs kyi gtso bo rnams la'o// de nas slob ma rim gyis ni/ /bgegs bsal phyir ni spros chus bkru/ /de nas g.yon phyogs tsog pur bzhag /lag g.yas slob dpon lag g.yon gyi/ /byams par bcas pas bzung nas ni/ /gtso bo dag gi sngags bdun bzlas/ /de nas sdig pa zad bya'i phyir/ /rigs yum lnga la bdun bdun no/ /de yis dbang bskur bsrung bar 'gyur/ /mdza' yas sems can kun don du/ /lha rnams kun la dbul bar bya/ /de dag bkra shis bya ba'i phyir/ /yum bzhi gzungs kyi bya ba ni// sangs rgyas spyan ni tshim byed ma/ /dbang po zhi ba zla ba 'dra/ /bstod tshig gis bskul sngags brjod bya/ /de nas bshags pa gus par bya/ /de nas sngags pas phyogs phyogs nas/ /oM badzra satwa sa ma ya/ ma nu pa la ya/ badzra satwa/ te no pa tiSh? Dri Dho me b+ha ba/ su to Sh+yo me b+ha ba/ a nu rak+to me b+ha ba/ su to Sh+yo me b+ha ba sarba sid+d+himma/ pra yats+tsha/ sarba d+harma su tsa me tsit+taM/ sh+ri yaM(rgyud 'grel): ku ru hUM/ ha ha ha ha ho(rgyud 'grel): b+ha ga ban/ sarba ta thA ga ta/ badzra mA me/ muny+tsa/ badzra b+ha ba/ mahA sa ma ya/
- 591a
satwa a:/ rigs lngar dbye zhing brjod nas ni/ /skar ma rab rib mar me dang/ /sgyu ma zil ba chu bur dang/ /rmi lam glog dang sprin lta bur/ /'dus byas chos kun de ltar lta/ /de ltar bsdu ba byas nas bzhag /de nas dkyil 'khor chen po la bltas te/ lhag pa'i mchod pa dbul/ /e ma bdag nyid slob bcas pa'i/ /dri zhim ngo bo thams cad kun/ /sngon 'das dpyid kyi du per ni/ /byin rlabs mchod 'bul bzhes su gsol/ /de bi du pe pu tsa ho// e ma bdag nyid slob bcas pa'i/ /dbyibs legs mdzes pa thams cad kun/ /da ltar dbyar gyi pus per ni/ /byin brlabs mchod 'bul bzhes su gsol/ /de byi puspe pu tsa ho/ /e ma bdag nyid slob bcas pa'i/ /gsal dro ngo bo thams cad kun/ /byon ma rag ston a lo ke/ byin brlabs mchod 'bul bzhes su gsol/ /de bi a lo ke pu tsa ho/ /e ma bdag nyid slob bcas pa'i/ /brlan bcas dri zhim thams cad kun/ /ma byon dgun gyi gan der ni/ /byin brlabs mchod 'bul bzhes su gsol/ /de byi gan de bu tsa ho/ /de ltar mchod nas skyabs gsol ba/ /dkyil 'khor sangs rgyas rten nyid de/ /rnam dag sku las ting 'dzin dag pa'i sku/ /sprul sku phyag rgya mtshon pa'i lha tshogs kyi/ grags pas 'jig rten gsum bkang lham me ba/ /mgon po mchog nyid la ni skyabs su mchi/ /smra bsam brjod med gsung gi sprul ba'i tshogs/ /mtshan nyid so so'i ye shes kun ston pa/ /dus gsum rgyal ba thams cad bskyed pa'i yum/ /dam chos mdo sde bzhi la skyabs su mchi/ /rab tu lam stor 'khor bar mig zum pa'i/ /'gro ba bskyabs med rnams kyi pha ma mdzad/ /'phrin las bzhi yis rtse gcig don mdzad gtso/ /theg chen dge 'dun tshogs
- 591b
la skyabs su mchi/ /de nas dkyil 'khor lha tshogs la/ /gus dang bcas pas phyag byas mchod/ /gtsang zhing gtsang mar bshams pa'i rdzas/ /khrus chab bdug spos ma dri bshos/ /dkyil 'khor lha tshogs rnams la 'bul/ /thugs rjes dgongs nas bzhes su gsol/ /na mas sa man+ta bud d+ha nan/ /ga gan sa ma ye swAhA/ oM bi sho bi shud d+he swAhA/ /na mas sa man+ta bud d+ha nan/ d+harma twat+tA nA nu ga te swAhA/ /na mass man+ta bud d+ha nan/ mahA man+ta butka te swAhA/ /na mass man+ta bud d+ha nan/ /da rtsi pa ra na/ /a ga ga sa ga ga ge ne 'u da ra ya swAhA/ /na mass man+ta bud d+ha nan/ b+hi shud d+ha gan+todb+ha ba ya swAhA/ na mass man+ta bud d+ha nan/ a ra ra/ sa ra ra/ ka ra ra/ ba laM ti/ ma ni swAhA/ snang stong mchod rten chos nyid mkha' / /chos dbyings ye shes rnam dag sku/ /byang chub mchog gi phyag rgya mdzad/ /phyag 'tshal rnam par mdzad la'o/ /de lta bu'i yon tan bcas pa la/ /rdo rje sems dpa' byams pa'i mchod/ /spos kyi sprin lding bdug pa 'phro/ /gtsug tor rgyal ba'i gdugs kyis khebs/ /byams pa thabs dang shes rab kyi/ /badzra d+hu pa'i mchod pas rol/ /rin chen 'byung ldan snying rje'i mchod/ /utpal mthing ga me tog 'thor/ /rin chen zla gam dbyings su sbyor/ /snying rje thabs dang shes rab kyi/ /ratna puShpe'i mchod pas rol/ /snang ba mdza' yas dga' ba'i mchod/ /dpal gyi sgron ma phyag na bsnams/ /chos kyi rgyal mtshan rab 'bar 'dzugs/ /dga' ba'i thabs dang shes rab kyis/ /pad+ma A lo'i mchod pas rol/ /don yod grub pa'i btang snyoms mchod/ /tsan dan bdud rtsi'i char 'bebs ma/ /dkyil 'khor gsang ba'i thig ler 'bebs/ /spos spor thabs dang shes rab kyis/ /karma gand+he'i mchod pas rol/ /de ltar rigs la nye ba'i gzungs/ /mchod ba phul ba'i lan dag du/ /rnam par snang mdzad chen po yis/ /rdo rje sems dpa' rtogs pa'i yul/ /dung mdog sgeg mo rdo rje
- 592a
'dzin/ /sems dpa' dkar ba ye shes 'bebs/ /me long lta bu'i ye shes la/ /badzra la se'i mchod pas rol/ /rin chen 'byung ldan mnyam pa'i yul/ /yid bzhin rin chen gtsug 'bar ma/ /'jam dpal rnon po'i dngos grub 'dzin/ /mnyam pa nyid kyi ye shes la/ /ratna ma le'i mchod pas rol/ /snang ba mdza' yas mkhyen pa'i yul/ /pad+ma dbyangs mkhan rma bya'i mgrin/ /spyan ras gzigs kyi shes rab bskyed/ /so sor rtog pa'i ye shes la/ /pad+ma girti'i mchod pas rol/ /don yod grub pa las kyi yul/ /gar mkhan 'gying ma gzi dang ldan/ /las kyi 'khor lo rnam par sgyur/ /bya ba nan tan ye shes la/ /karma nirti'i mchod pas rol/ /de ltar gzungs kyi mchod byas nas/ /rigs bzhi tshad med bsdu ba bzhi/ /mchod phyir dpal gyis gsungs pa'o/ /sbyin pa phun sum tshogs pa'i rtags/ byams pa chen po'i ngo bo nyid/ /dpa' bar 'gro ba rnam dag la/ /badzra a gu sha'i mchod pas rol/ /don mthun phun sum tshogs pa'i rtags/ /snying rje chen po'i ngo bo nyid/ /rin chen phyag rgyas shes pa la/ /ratna pa sha'i mchod bas rol/ /don spyad phun sum tshogs pa'i rtags/ /dga' ba chen po'i ngo bo nyid/ /ye shes rab sgrol mas mdzad pa la/ /pad+ma spo ta'i mchod pas rol/ /snyan pa phun sum tshogs pa'i brtags/ /btang snyoms chen po'i ngo bo nyid/ /chos sten chen pos kun rig la/ /karma gand+he'i mchod pas rol/ /de ltar tshad med mchod byas nas/ /rigs rnams byin gyis rlobs pas mchod/ /zhe sdang ma skyes rdo rje dam tshig ma/ /ye shes me long pha rol phyin pa'i dang/ /gnyis med rgyas 'debs drin ldan phyag rgya ma/ /satwa badzra dbyings phyug mchod pas rol/ /nga
- 592b
rgyal bdag med rin chen dam tshig ma/ /ye shes mnyam nyid pha rol phyin pa'i dang/ /mi 'gyur rmongs byed drin ldan phyag rgya ma/ /ratna badzra dbyings phyug mchod pas rol/ /'dod chags mi dmigs chos kyi dam tshig ma/ /ye shes kun rtogs pha rol phyin pa'i ngang/ mi rtog za byed dri ldan phyag rgya ma/ /pad+ma badzra dbyings phyug mchod pas rol/ /nga rgyal ma grub brgya gram dam tshig ma/ /ye shes nan tan pha rol phyin pa'i dang/ /mi skye tshe 'phel dri ldan phyag rgya ma/ /karma badzra dbyings phyug mchod pas rol/ /de ltar byin brlabs mchod byas nas/ /rgyan gyi mchod par gsungs pa ni/ /bde gshegs rgyal ba 'khor bcas ni/ /mchod gnas dam pa dpal gyi zhing/ /yid du 'ong ba'i mchod sprin dang/ /rol mo sil snyan 'phan gdugs dang/ /bla re rgyal mtshan lhab lhub dang/ /me tog 'phrad dang bdug spos sogs/ /mchod sprin sna tshogs phyogs bcur sbrul/ /mchod sprin rig sngags bden pa dang/ /nam mkha' i mdzod sngags ting 'dzin thugs/ /sangs rgyas zhing khams rab 'byams su/ /mchad sprin sna tshogs klubs gyur cig /na mo ratna tra ya ya/ na mo b+ha ga ba te/ /badzra sA ra bra marda ne/ ta thA ga tA ya/ arta te samyaksaM bud d+ha ya/ tadya thA/ oM badzre badzre mahA badzre/ mahA te dza badzre/ mahA bidya badzre/ mahA bo d+hi tsit+ta badzre/ mahA po d+hi maN+Do/ pra saM kra ma Na badzre/ sarba karma a wa ra Na/ bi sho d+ha na badzre swA hA/ na massarba ta thA ga te b+hyo/ bi shwa mu khe b+hya:/ sarbba thA khaM ud+ga te/ spha ra Na i maM ga ga na khaM swAhA/ de nas yum lnga las brtan mchod/ /shes rab dbyings phyug rigs yum lnga/ /phyag rgya'i tshogs la byin rlob cing/ /thams cad 'byung ba'i gzhir gyur bas/ /'gro ba'i don rnams mdzad du gsol/ /shes rab dbyings ma rigs kyi yum lnga ste/ /chos dbyings ye shes mkha' sogs gsal ba la/ /gsang chen bde ba'i longs spyod
- 593a
rdzogs pa'i dang/ /thabs ltar rol zhing brtan por bzhugs su gsol/ /yum rnams bdag la mchod thabs ni/ /bsgrub mchod bcu drug gzhung bzhin bya/ /bcom ldan rnam snang mdzad chen gyi/ /chos dbyings ye shes chen po'i yul/ /yum chen b+hud+d+ha lo tsa na/ thams cad zad par khas dbang bskur/ /bde gshegs kun gyi yum chen mo/ /phyag 'tshal kun tu bzang mo la'o/ /bcom ldan rdo rje sems dpa' yi/ /me long ye shes chen po'i yul/ /yum chen badzra lo tsa na// thams cad zad par sas dbang bskur/ /rdo rje rigs gtso mang po'i yum/ /phyag 'tshal sangs rgyas spyan khyod la'o/ /bcom ldan rin chen 'byung ldan gyis/ /mnyam nyid ye shes chen po'i yul/ /yum chen ratna lo tsa na/ /thams cad zad par mes dbang bskur/ /rin chen rigs gtso mang po'i yum/ /phyag 'tshal na bza' dkar mo la'o/ /bcom ldan snang ba mdza' yas kyi/ /kun rtogs ye shes chen po'i yul/ /yum chen pad+ma lo tsa na/ /thams cad zad par chus dbang bskur/ /padmo'i rigs gtso mang po'i yum/ /phyag 'tshal mA ma kI nyid la'o/ /bcom ldan don yod grub pa yi/ /nan tan ye shes chen po'i yul/ /yum chen karma lo tsa na/ /thams cad zad par rlung dbang bskur/ /las kyi rigs gtso mang po'i yum/ /phyag 'tshal dam tshig sgrol ma'o/ /de nas sems dpa' bcu drug kyang/ /ci rigs pa 'am yang na ni/ /mtshan brgya rtsa brgyad pa yis mchod/ /de nas la se la sogs brgyad/ /phyi nang gnyis kyi lha mo dam tshig ma/ /phyag rgya bzhi yi ye shes gsal ba la/ /rol pa chen pos mchod pas gtso bo yi/ /dgongs pa skongs la 'gro ba'i don rnams mdzod/ /ye shes dus bzhi gzugs nye gzungs/ /sprul sku 'khor bar mi ldog cing/ /mya ngan 'das la mi chags pa'i/ /don rnams mdzad
- 593b
cing brtan por bzhugs/ /rdo rje sgeg mo byang chub sems kyi dang/ /mchod sbyin smon byed gzi brjid 'bar zhing sdud/ /mdog dkar gser gyi khu tshur skur rten te/ /phyag 'tshal rdo rje smon byed sgeg mo la'o/ /rin chen dpal phreng gzungs dang ting nge 'dzin// yid bzhin mchog 'byung gzi brjid 'bar zhing skor/ /sdo bsangs rin chen phreng bas re 'dod skongs/ /phyag 'tshal bdud rtsi char 'bebs phreng ba la'o/ /pad+ma dbyangs mkhan gsung rab rgya mtshor sgrogs/ /snyan pas yid 'phrog gzi brjid 'bar ldan skongs/ /mdog dmar gser gyi pi bang phyag na bsnams/ /phyag 'tshal thabs kyis yid 'phrog gi ra ti la'o/ /las kyi gar mkhan 'phrin las rgya mtsho sgrol/ /gzugs mdzes skyod pas rol mo phyogs bcur mdzad/ /mdog ljang sna tshogs skur ston gzi brjid 'bar/ /phyag 'tshal yid 'ong mdzes bskyod ni rti la'o/ /spos kyi sprin lding bdug pa 'phro/ /kun tu tshim byed dri bsung thim/ /mthon skya gser gyi bog phor bsnams/ /phyag 'tshal rnam dag bdug pa la'o/ /bltas mdzes rin chen phung po 'phro/ /byang chub yan lag me tog rgyan/ /mthong tid me tog gzhong bu bsnams/ /phyag 'tshal skyon med me tog la'o/ /'od gsal 'phros pas kun tu khyab/ /gti mug thibs po sel mdzad pa/ /dmar skya chos kyi mar me bsnams/ /phyag 'tshal sgron 'bar mar me la'o// tsan dan bdud rtsi char 'bebs ma/ /bdud rtsi bsil dro 'jam pa'i dbyangs/ /ljang sngon dung por phyag na bsnams/ /phyag 'tshal reg bya dri chu la'o/ /rdzu 'phrul che ba'i bskal bzangs dang/ /phyogs skyong bcu dang bkra shis brgyad/ /rdo rje lcags kyu 'gugs byed dang/ /rin chen zhags pa gsol ka dang/ /pad+ma lcags sgrog pho nya'i las/ /rgya gram dril bu shes rab mchog /dpe med rgyas sras rang rgyal dang/ /dgra bcom rgyal chen lha chen dang/ /lha klu gnod sbyin dri za dang/ /lha ma yin dang
- 594a
nam mkha' lding/ /mi 'am ci dang lto 'phye che/ /sa bdag gza' skar rigs 'dzin dang/ /srin po log 'dren sha za dang/ /rgyu drug ngag gi mthu can sogs/ /thams cad ci rigs pa yis mchod/ /dkyil 'khor bdag po de nyid kyis// dkyil 'khor lha yi ting 'dzin zhugs/ /lce thog a las zla dkyil te/ /oM bsgoms rdo rje ye shes bsam/ /rdo rje lcags kyu bsgoms nas ni/ /chos kyi phyag rgya can gyis ni/ /slob ma de la bshad par bya/ /oM d+harma/ hUM d+harma/ traM d+harma/ h+ri d+harma/ a d+harma/ sa ma ya stwoM/ d+harma/ ya na ya swA d+harma/ a ho su ka d+harma/ sa du sa du/ su pa haM/ swA d+harma/ ru bo he te d+harma/ a rta pra ba ti d+harma/ ha ha hUM ha d+harma/ sarba ka ri d+harma/ du ka tshe da d+harma/ bu da b+ho di d+harma/ pra ti sha ba ta d+harma/ su ba shid traM d+harma/ ni pa ya stoM d+harma/ shud tru baksha d+harma/ sarba sid d+ha d+harma/ ma ha ra ti d+harma/ ru pa sho be d+harma/ shu rod tra be'u d+harma/ sarba bu rtse d+harma/ pra ha ta ni d+harma/ pra te d+harma/ tsa gri d+harma/ su gan dang gi d+harma/ a ya hi dza dza d+harma/ a ya hi hUM hUM d+harma/ ho sbo ta boM boM d+harma/ gan d+ha a a d+harma/ de ltar lha tshogs sku gsung thugs/ /dkyil 'khor gang yin thams cad kyi/ so sor snying po tha mar ni/ d+harmas btags la brjod pas ni/ /lha rnams thugs dgongs dngos grub stsol/ /kun rdzob dang ni don dam gyi/ /byang chub sems ni bskyed par bya/ /sdom pa yi ni dam tshig dang/ dge ba'i chos rnams sdud pa dang/ /sems can don byar bcas pa yi/ /rnam pa gsum dang ldan par bshad/ /rdo rje go cha'i phyag rgyar bcas/ /oM badzra ka ba tsa raksha a ti ti sta haM/ de nas sku gsung thugs kyis brlab/ /ka ya oM/ bag aM/ tsi ta hUM/ /'khor lo phyag rgya ting 'dzin sngags/ /bar du gcod pa gsal bar bya/ /oM dz+nya na tsakra phaT/ /da yis bshad phog thams cad ni/ /dam pas
- 594b
gsungs pa'i tshig yin pas/ /khyod kyang de las ma 'da' zhig /oM badzra sa ma ad+h+ri tha a/ /byang chub rigs can nyid du ni/ /sngags ni brjod pas gyur pa'o/ /oM b+ho d+hi tsi ta a saM me/ /tri sa ma me/ ma ha sa ma ya swAhA/ /hUM hUM hUM/ gsum pa dkyil 'khor mjug gzhug pa/ /slob dpon zhugs dang slob ma gzhug /gshegs dang lhag chad kha bskang dang/ /mthun par slar gshegs gsol ba dang/ /las bzhi mchod nas bdag nyid kyis/ /dkyil 'khor sems kyis nam mkha' la/ /bteg nas byang chub sems kyis ni/ /zhugs pa nyid du thub pas gsungs/ /bdug spos lag du thogs nas su/ /blo gros ldan pas lha rnams la/ /gus pas gsol ba legs par gdab/ /de 'og sgo bzhi dbye bar bshad/ /zhugs lha gnyis su med bsgoms la/ /'gro ba drang ba'i las bya'o// bcom ldan nam mkha' i sangs rgyas kun/ /thugs rje chen po mthu ldan lags/ /bdag nyid rab tu bsgral ba'i phyir/ /rang bzhin ting 'dzin gzugs brnyan ltas/ /bdag la dbang mchog 'dir stsol cig /dkyil 'khor la ni 'khor lor bshad// de nyid dam tshig yin par bshad/ /sangs rgyas bka' yi dkyil 'khor du/ /bdag nyid dang pas 'jug lags na/ /dkyil 'khor bcas pa'i lha rnams kyis/ /bdag la byin gyis brlab du gsol/ /bde bar gshegs so bcom ldan 'das/ /bsod nams can du bdag nyid 'gyur/ /sngon gyi las kyis 'brel ba lags/ /thugs rjes sras su dgongs par mdzod/ /at+ma ko haM/ maN+Da la sarba a be sha swa b+hA ba/ /rdo rje mdzub sogs legs par ni/ /sbyar la bkan te bsdebs nas su/ /khros nas rab tu dbye ba ni/ /sgo dkyil yi mtshan nyid do/ /gnas rab sgo bzhi zhe sdang dang/ /nga rgyal 'dod chags phrag dog bzhis/ /sngon med dus nas bcad lags na/ /tshad med bsdu brgyad rigs bzhi yis/ /thugs rje thabs la sprul pa yi/ /lcags kyu zhags pa lcags sgrog
- 595a
dang/ /dril bu phyag rgya'i mchog nyid kyis/ /ding nyid thar sgo dbye ru gsol/ /oM badzra ratna pad+ma karma/ kro da ga dod sa ma ya tsa twa ra/ pra be sha shi gran mA ra ya/ /hUM phaT/ /de nas bdag rdo rje rin chen dang/ /pad+ma rgya gram shugs kyis ni/ /rab tu gal te zhugs nas ni/ /gnyis su med par sangs rgyas 'gyur/ /snying rjes slob ma la sogs la/ /lha mo sprul sras bsgom byas drang/ /de nas sngags g.yog dag gis ni/ /slob ma'i las rnams brtson bya ba/ /phyag 'tshal gsol 'jug khrus bkra shis/ dam bca' me tog gtor mig dbye/ /slob dpon lan stsal lhas dbang bskur/ /dam tshig dbog dang dbang bskur dang/ /smon lam lha ngo bstan yon dbul/ /dge ba'i rtsa ba bsngo ba'o// de nas shar sgo dag du ni/ /bdug spos lag du thog nas ni/ /shar phyogs mngon dga' i pho brang 'di/ /bcom ldan rdo rje sems la sogs/ /skal ldan rgyal sras dag pa zhig /ngag yid dang bas gus phyag 'tshal/ /lho phyogs dpal ldan pho brang 'di'i/ /bcom ldan rin chen 'byung ldan sogs/ /skal ldan rgyal sras dag pa zhig /nub phyogs bde ldan pho brang 'di'i/ /bcom ldan snang ba mdza' yas sogs/ /skal ldan rgyal sras dag pa zhig /byang phyogs rnam dag pho brang 'di'i/ /bcom ldan don yod grub pa sogs/ /skal ldan rgyal sras dag pa zhig /bcom ldan snying po'i pho brang 'di'i/ /bcom ldan rnam par snang mdzad sogs/ /skal ldan rgyal sras dag pa zhig /ngag yid dang bas gus phyag 'tshal/ /bdag nyid dam tshig rdo rje ste/ /rdo rje sems dpa' yin pa'i phyir/ /rdo rje bla na med pa 'di/ /de ring bdag la dbab du gsol/ /bdag ni dam tshig rin chen ste/ /bdag ni dam tshig padmo ste/ /bdag ni dam tshig rgya gram ste/ /bdag
- 595b
ni dam tshig 'khor lo ste/ /rnam par snang mdzad yin par grags/ /'khor lo bla na med pa 'di/ /de ring bdag la dbab du gsol/ /shar phyogs mngon dga' i pho brang 'dir/ /bla med byang chub sems bskyed de/ /dngos grub dam ba sgrub pa'i phyir/ /bdag gis dad pas 'jug par bgyi/ /lho phyogs dpal ldan pho brang 'dir/ /nub phyogs bde ldan pho brang 'dir/ /byang phyogs rnam dag pho brang 'dir/ /bcom ldan snying po'i pho brang 'dir/ /bdag gis slob ma gzhug par bgyi/ /phyogs su lta ba dgrol ba'i phyir/ /mdza' las 'das la gnas par bgyi/ /rdo rje sems dpa' me long yul/ /kun bzang phyag rgya'i bum pa ste/ /gnyis min byang chub sems rtags chus/ /zhe sdang rnam smin dag gyur cig /rin chen 'byung ldan mnyam shes yul/ /na bza' i phyag rgya bum pa ste/ /gnyis med byang chub sems rtags chus/ /nga rgyal rnam smin dag gyur cig /snang ba mdza' yas kun rtog yul/ /ma ma'i phyag rgya bum pa ste/ /gnyis min byang chub sems rtags chus/ /'dod chags rnam smin dag gyur cig /don grub nan tan yo shes yul/ /sgrol ma'i phyag rgya bum pa ste/ /gnyis min byang chub sems rtags chus/ /phrag dog rnam smin dag gyur cig /rnam snang chos dbyings ye shes yul/ /spyan gyi phyag rgya bum pa ste/ /gnyis min byang chub sems rtags chus/ /gti mug rnam smin dag gyur cig /mi 'khrugs rgyal po'i srid dang gti mug rnam sbyong ba/ /mgon po yon tan mdza' dag rdzogs pa'i bkra shis dang/ /dge mnyam bsam sems ldan pa'i bkra shis gang yin pa/ /bkra shis des ni deng 'dir zhi byed legs gyur shog /sangs rgyas kun gyi yon tan rgyan gyis brgyan byas shing/ /yang dag 'byor pa'i sbyin pas sbyin mdzad mi bslu ba/ /rin tshan 'byung zhes bya ba'i bkra shis gang yin pa/ /bsam gtan dam pa ting 'dzin pha rol
- 596a
phyin gnas shing/ /ye shes pad+ma'i steng bzhugs dpag med tshe ldan zhing/ /tshe grangs med par byin gyis brlabs pa'i bkra shis gang yin pa/ /sems can don phyir las la thugs ni sbyor mdzad cing/ /'gro ba thams cad bcings pa bcings las grol gyur pa/ /thub mchog don yod thub pa'i bkra shis gang yin pa/ /rnam par snang mdzad ye shes dam pa mcho chen ldan/ /zla ba nya 'dra sku mda' srid pa'i mthar 'byin ba/ /dgongs pa mdza' dag rdzogs pa'i bkra shis gang yin pa/ /bkra shis des ni deng 'dir zhi byed legs gyur shog /yan ma gA lan shu ba sha man to sa ya dzin ta ka sha sye ag sho bya ra tsa/ /bi shi na ta sye/ sarba ku na/ ma ga la sya/ na Na maM gA la da/ b+ha b+ha du shan te/ ka sa pra dz+nyA na ta ban/ du tyaM/ yan man dga' lan ma ni ku lan/ hi na bu ha ra/ /pa pa du sha sha tsi na se ta/ no te ne/ /ba la na/ pi pi pu ti na/ ta na mang 'ga' lan/ b+ha b+ha du shan te/ ka ra na ba da na tya/ yan mang 'ga' lan/ a ga ni/ a yur byed de sa sye/ ma ne pu ra ta la ya sa sye/ 'ga' rna badzra/ pa ri ga te/ sa sye/ ta thA ga te/ ya mi/ tan mang 'ga' lan/ b+ha b+ha du shan te/ kar na dya phaT/ tyaM/ yan man 'ga' lan/ ma ma mu ne/ ba ra sha sye/ ka a mo ka sid ti/ swA twa ta ra/ kar ma na ne/ bu da sha ba na/ sha ta la sye/ yo tsi ta man sa sa sye/ mun sa sye/ b+han d+ha b+han d+ha b+han d+ha me bya/ tan man 'ga' lan/ b+ha b+ha du shan te/ kar rna ta tyaM/ yan mang 'ga' lan/ sa ga la pu rarna/ ma to ra ta sa sye/ be ro tsa na sye/ ba rta? nyarni/ ma ha ra rna ba se/ sa bu ra rarna/ tsatra bu she/ hi ban da ka se/ tan mang 'ga' lan/ /b+ha b+ha du shan he ka rna ta bad tyaM/ /de la de bzhin gshegs gtso dang/ /chos rnams kun la dbang bskur ro/ /rdo rje rigs gtso chen po dang/ /khams
- 596b
gsum bdag por dbang bskur ro/ /rin chen rigs gtso chen po dang/ /lha mis mchod par dbang bskur ro/ /pad+ma'i rigs gtso chen po dang/ /chos kyi rgyal po chen por dbang bskur ro/ /las kyi rigs gtso chen po dang/ /las bzhis gzhan don spyod dbang bskur/ bkra shis brjod pa'i byin rlabs kyis/ /'jig rten dag tu mi rnams kun/ /grags pa rnams sprel bgegs kyang med/ /sems nyid bder 'gro nges byed la/ /mthar yang nges pa kho nar ni/ /zhi ba'i 'bras bu thob par 'gyur/ /de nas dam bca' bya ba ni// dpa' po chen po rgyud dag las/ /sdom pa chen po legs par blang bar bya/ /je la sdom pa'i yon tan ni/ /dang pos sdom pas rgyud gnyis sbyang/ /tha ma'i sdom pas lha min sbyong/ /rdo rje rin chen pad+ma yi/ /sdom pa yis ni ngan 'gro spyod/ /de bas sdom pa mnod pa mchog /de 'og dam bca' yang dag bya/ /sangs rgyas rnal 'byor sdom pa la/ /tshul khrims kyi ni bslab pa dang/ /dge ba'i chos ni sdud pa dang/ /sems can don byed brtan par gzung/ /de ni spyi yi tshul khrims so/ /rdo rje rigs mchog chen po la/ /rdo rje dril dang phyag rgya dang/ /yang dag nyid du gzung bar bya/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong pa la/ /nyin re bzhin nam dus drug tu/ /sbyin pa rnam bzhi rab tu sbyin/ / byang chub chen po las byung ba/ /pad+ma rigs mchog dag pa la/ /phyi nang gsang ba'i theg pa gsum/ /dam pa'i chos kyang gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi// mchod pa'i las kyang ci nus bya/ /sangs rgyas chos dang dge 'dun dang/ /bla na med pa'i dkon mchog gsum/ /ding nas brtsams te gzung bar bgyi/ /nam du yang ni mi spong ngo/ /sems can kun gyi don gyi phyir/ /bdag gi sdom pa ma lus gzung//
- 597a
de nas shar sgo gnas pa de/ /na bza' stod smad dar dmar dkri/ rdo rje 'dzin ma'i phyag rgya 'char/ /btsug la lag du rin chen dang/ /me tog phreng ba la sogs thogs/ /gdong g.yogs dar dkar gyis g.yogs nas/ /a sa me tri sa me/ ma ha sa ma ya hUM/ oM badzra i ta tishtha hUM/ oM badzra sa ma ya hUM/ sngon gyi tshe rabs grangs med nas/ /dge ba'i las kyis bsnyen pa'i lha/ /lhag pa'i lha ni gang yin pa/ /da lta nyid du bab par shog /sangs rgyas dngos grub thob bya'i phyir// bdag la thugs brtser dgongs nas kyang/ /'gro la phan pa'i gtso chen gyis/ /sman par dgongs nas bzhes su gsol/ /oM badzra pra ti gri ha na hUM/ oM badzra pra ti tsa sa ma ya sa stwoM/ /bo de tsi ta pu tsa ho/ /me tog rin chen la sogs pa/ /gar las bab pa rigs kyi lha/ /gtso bo'i rigs de bsgrubs nas ni/ dngos grub myur de the tshom med/ /de nas lcags kyu'i phyag rgya yis/ /rin chen lhar bcas blangs nas ni/ /slob ma'i spyir bzhag thim gyur nas/ /mi gnyis gcig pa'i lhar bsams nas/ oM badzra sa ma ya/ rhi tha ya me/ oM A hUM/ a b+hi shin tsa a/ /da ni dad pa rab tu bskyed/ /dkyil 'khor bzang po 'di la ltos/ /khyod ni theg chen 'di nyid la/ /gsang ba chen po'i snod du 'gyur/ /rnyed pa mnyam med de yi rnyed/ /thob pa mnyam med de ring thob/ /dam tshig gong 'og ma 'da' zhig/ bla med byang chub chen po thob/ /oM badzra ha song ga ta ya hUM/ oM badzra pra be sha ya hUM phaT/ /slob dpon lan gnyis dbyangs sbyar te/ rdo rje phyag rgya bcas la/ nga yi dam tshig rdo rje ste/ /rdo rje sems dpa' yin par grags/ /rdo rje ye shes bla med 'od/ /de ring khyod la sbyin par bya/ /oM badzra sa ma ya a b+hi shin tsa a a/ nga ni dam tshig rin chen te/ /nga ni dam tshig pad+ma ste/ /nga ni dam tshig rgya gram ste/ /nga ni dam tshig 'khor lo ste//
- 597b
snying po 'khor lo ye shes bla med 'di/ /de ring khyod la sbyin par bya/ /oM ratna pad+ma karma tsakra/ a b+hi shin tsa a a/ sa ma yarh+ri tha/ 'di ni khyod kyi dmyal ba'i chu/ /dam las 'das na sreg par byed/ /dam tshig srungs na dngos grub ni/ /rdo rje bdud rtsi chu yis 'grub/ /ji snye dam tshig 'das na ni/ /de ma thag tu bkas nas gshegs/ /rdo rje 'dzin rgyal khros nas kyang/ /bdun rgyud rigs ni rlag par mdzad/ /de bas rtag du bu khyod kyis/ /rgyal bas gsungs pa'i dam tshig dang/ /sgom pa dang ni bla ma'i bka' / /shin tu mos pas bsrung bar bya/ /khyod kyis srog chags gsad mi bya/ /ma byin par yang blang mi bya/ /brdzun dang 'dod la spyod pa rnams/ /dngos grub 'dod pas bya ba men/ /chang ni btung bar mi bya zhing/ /sha la sogs pa bza' mi bya/ /sems can gnod bar sbyor ba ni/ /nam yang bya ba ma yin te/ dkon mchog gsum ni yong mi spang/ /dus kun tu ni byang chub sems/ /snying po sngags dang phyag rgya dang/ /lha dang bla ma de bzhin no/ sdig la sogs pa gang yin dang/ /bla ma'i bka' las 'da' mi bya/ /lha la phul ba'i snying po dang/ /de yi grib mar 'gom mi bya/ /phyag rgya'i gzugs la'ang de bzhin no/ /sngags dang lha la smad mi bya/ /gdon gyi la sogs bya ba man/ /mu stegs can la'ang smad mi bya/ /mdor na yid gnyis dogs mi bya/ /bdag gi de nyid sngags dang ni/ /thams cad 'dra bas de bzhin no/ /de nas dbang mchog bskur ba ni/ /ba gci slob ma'i phyogs dag tu/ /khru gang pa'i dkyil 'khor la/ pad+ma 'dab ma brgyad pa bri/ tshon ni dmar pos legs bris la/ /bkra shis brgyad kyi phyag rgya bgod/ /dbu rgyan cod pan me tog phreng/ phyag rgya bzhi dang rin chen bdun/ /gser byas thur ma 'khor me long/ dung dang bkra shis ras thog bzhag /bdug spos ram sar gdugs sham can/ /rnga yab bsil yab zho phor gang/ bum pa bzhi sogs
- 598a
mi res gzung/ /mchod pa la sogs bkra shis brjod/ /oM bri ta bri ta sarba a ra na ni hUM phaT/ /oM tra tha tra tha sarba a ba ra na ni hUM phaT/ /oM bi tra bi tra ba sarba a pa twad twa na ni hUM phaT/ sku gsung thugs su byin gyis brlab/ de nas thur ma me long dung/ /'khor lo rtsa ba'i yig 'brus bskur/ /phreng ba bum pa nyan pa dang/ /gsang sngags phyag rgya cod pan dang/ /'khor sgyur mi dbang dbu rgyan dang/ /las dang bcu'i gzungs rje'o/ /bcu gsum sa ni non dbang bskur/ /'khor lo rin chen bstabs pas ni/ /sa bcu kun la dbang ba dang/ /theg pa mdza' dag ston pa yi/ /chos kyi rgyal po chen por shog glang po rin chen bstabs pas ni/ /theg ba kun gyi don rtogs nas/ /stobs bcu kun la dbang thob nas/ /byang chub 'bras bu thob par shog /rta mchog rin chen bstabs pas ni/ /rdzu 'phrul rkang bzhi'i dbang thob nas/ /nyon mongs rgya mtsho brgal ba yi/ /thar pa'i 'bras bu thob par shog /nor bu rin chen bstabs bas ni/ /'jig rten dag tu de bzhin gshegs/ /dpe byad mtshan gyis brgyan pa yi/ gser gyi sku mdog thob par shog /dmag mi rin chen bstabs pas ni/ /mi 'jigs bzhi yi dbang thob nas/ /phas kyi rgol ba tshar gcod ba'i/ /go cha chen po bgos par shog /blon po rin chen bstabs pas ni/ /sum cu rtsa gsum dbang phyug rje/ /rdzu 'phrul che ba'i brgya byin gyi/ lha yi rgyal po thob par shog/ btsun mo rin chen bstabs pas ni/ shes rab yum gyi dbang thob cing/ /skye 'gag med pa'i don rtogs nas/ bla med 'bras bu thob par shog /de bzhin gshegs pas byin brlabs pa'i/ /nyon mongs sel ba'i grub rdzas dpa' bo 'di/ /bar chad bgegs kyi tshogs rnams rnam 'jig cing/ /dngos grub mchog thob ding 'dir bkra shis shog /ji ltar lha yi dbang po brgya byin gyis/ /byin gyis brlabs pa'i rtswa mchog pu da na/ /du rba'i gdan la rdzogs nas bdud btul ltar/ /ding 'dir bkra shis phun sum tshogs par shog/ ji ltar sngon gyi drang srong a ga stis/ /byin gyis brlabs pa'i phyugs
- 598b
kyi dngos grub 'di/ /khyim bdag dbang phyug che la byin pa yi/ /skye dgu'i sos gyur bcud ldan bkra shis shog /rdo rje dang ni rin chen chu skyes dang/ /de bzhin las kyi sems dpa' dbang sgyur ba'i/ /li kris 'jig rten gsum po dbang bsdus shing/ /dngos grub mchog thob ding 'dir bkra shis shog /ji ltar bcom ldan 'das kyi chos kyi dung/ /na ra ya na ra dung sgra bsgrags pa ltar/ /bu khyod dam pa'i chos sgra rab sgrogs shing/ /'gro ba 'dren mdzad ding 'dir bkra shis shog /chos rnams thams cad gzugs brnyan lta bu ste/ /smig rgyu lta bur yang dag rtog pa'i mthus ma rig mun sel ye shes thob gyur nas/ dngos grub mchog thob ding 'dir bkra shis shog/ /ji ltar glang po chen po a ga stis/ /'gi'u wang srog gi dbang por gyur pa ltar/ /de bzhin bu khyod chos srog 'dzin gyur nas/ /dngos grub mchog thob ding 'dir bkra shis shog/ ji ltar rgyu dang sa bon chu dus las/ /'bras bu cher smin shing tog bilba ltar/ /de bzhin bsod nams rgyu tshogs chung dus las/ /'bras bu bla med byang chub thob par shog /gtsug tor spyan ljags go chas bskur/ /lag gnyis bcings te gung gshibs bsgred/ /mdzub gnyis bkug sbyar gtsug tor ro/ /na ma sa man tha bud d+ha nan/ hUM hUM hUM/ lag gnyis bcings te gung srin lag/ brkyang ste mthe bo nar bcug mig/ na ma sa man ta bud d+ha nan/ /ga ga na ba ra la ksha na/ ga ru na ma ya/ ta thA ga ta tsak+Shu swAhA/ /lag gnyis thal mo khong stong sbyar/ /mdzub gnyis dkris la srin lag gtug /mthe bong gnyis gshibs ljags su bshad/ /na ma sa man ta bud d+ha nan/ ta thA ga ta dzi nywa sarba d+harma pra ti ti sh+rwa/ /lag pa gnyis ni khong stong sbyar/ /mdzub gnyis ngos nas dkris pa ni/ /go cha'i phyag rgya zhes su bshad/ /na ma sa man ta bud d+ha nan// pra tsan d+ha badzra la ya bi ra hUM/ /de nas slob ma'i thog dag du/ /gdugs mdzes gser gyi yu ba can/ /theg chen chos kyi ngo bo ste/ nyon mongs gdung ba sel byed pa'i/ /dbang mchog dam pa'i dbang bskur ro/ /sum cu rtsa lngas legs dbang bskur/ /de nas dag pa bsgo
- 599a
bzhi nas/ /sgra yi rjes su legs sbyar zhing/ /blo dang ldan pas smon lam gdab/ /shar phyogs bsgol purba bsdu/ /sngon dang thog ma purba bsdu/ /de mthun rdo rje sems la sogs/ sgrib gnyis byang bas tshogs gnyis rdzogs/ /de bzhin slob ma tshogs rdzogs nas/ /me long ye shes thob bar shog /lho sgo da shi na bsdu'o/ /sbyin gnas la yang da shi bsdu'o/ /nub sgo bas tsa mis bsdu'o/ /phyi ma'i ma 'ongs pas cis bsdu/ /byang sgo u da ra mi bsdu/ /thugs rje gzungs la u da bsdu/ /gong gi rigs dang ye shes 'dra/ /sngon gyi smon lam don bstan pa/ /dri ma med pa'i dpe bzhin no/ /dkyil 'khor rang bzhin lha dag kyang/ /ci rigs par ni bstan par bya/ /tan+ta rgya mtsho dbyings kyi gting rum nas/ /don mchog cha shas btus pa'i nying khu ste/ /sbyor ba'i lam rgyud phyogs 'ga' 'grel pa yis/ /mchog thob rnam snang mdzad kyi zhal mthong shog /rgya gar gyi mkhan po sti ra ma tis/ yo ga'i gzhung rgyud phyi nang las/ /nges don mdo bsdus te mdzad pa/ rgyan dam pa'i le'u// //bam po gcig du byas pa rdzogs so// //cog ro klu'i rgyal mtshan gyis/ /skad phyi mo dang thug pa'o/ // sarba mang+ga laM