Text

ff. 1a–328a · 655 folio sides

  1. 1a

    tshad ma rnam 'grel gyi 'grel ba las sum mngon gyi le'u gsum pa bzhugs so/ /

  2. 1b

    gal te bsgoms pa'i stobs las rnam pa gsal ba tshad ma yin na 'o na rnam par rtog pa'i shes pa tshad mar mi 'gyur te/ rnam pa gsal ba med pa'i phyir ro/ /gzhan du na tshad ma yin pas don la rnam pa mi gsal bar 'dod na/ 'o na rang gi ngo bo la yang 'dod par bya'o zhe na/ ma yin te gsal ba'i rnam pa de nyid ni rang gi ngo bo yin te/ don la ni de lta ma yin no/ /des na de rang gi ngo bo la rnam par mi rtog pa yin la/ don la rtog pa dang bcas pa yin pas don

  3. 2a

    la ni dran pa yin la/ rang gi ngo bo la ni dran pa ma yin par mngon sum nyid do/ /rang gi ngo bo la ni ma 'khrul pa yin la/ don la ni 'khrul pa yin no zhes bya ba 'di ga las zhe na/ rang gi ngo bo ni gzhan gyis rig par bya ba ma yin pa'i phyir ram/ tha dad phyir ram/ gzhan gyi ngo bo ni myong ba gzhan gyis rig pa yin te/ de'i phyir nges de rnam pa gzhan du rig pa'i phyir gnod la/ de'i phyir 'khrul pa yin no/ /rang gi ngo bo la ni dran pa mi srid de/ de ni de nyid kyi tshe skyes pa dang rig pa'i phyir

  4. 2b

    ro/ /gal te rang gi ngo bo yang sngar yod pa yin na/ da ltar med pa'i phyir/ da ltar dran par mi 'gyur ro/ /ci ste de nyid kyis da ltar dran na 'di ni khyim bya shi zin pas skad 'byin par 'gyur ro/ /de nyid kyi phyir/ rtog pa'ang rang rig la mi 'dod/ /don la rnam par rtog pa'i phyir/ lkog gyur rab tu ma grub pas/ rang gi ngo bor mi rtog phyir zhes bshad do/ /de nyid kyis de bzung ba na mngon du byed pa yod pa'i phyir ro/ /de nyid kyi phyir rang rig pa'i mngon sum du brjod do/ /'di ltar/ shes gang gang la sgra don 'dzin/ /de ni de la rtog pa yin/ /rang gi ngo bo 'ang sgra don min/ /de phyir de la kun mngon sum/ rnam par rtog pa dang bcas pa 'am/ gzhan gyi 'ang rung ste/ rang gi ngo bo ni sgra'i don ma yin zhing spyi ma yin la/ mngon par zhen pa'i yul ma yin no/ /de lta yin dang/ sgra sbyor ba med pa'i phyir ram/ spyi dang 'dre ba

  5. 3a

    med pa'i phyir rtog pa med pa yin la/ rtog pa ni sgra'i don 'dzin pa'i shes pa yin te/ de'i phyir mngon sum yin no/ /de'i phyir rnam pa gsal ba nyid ma yin nam zhe na/ de ni gsal ba nyid yin te/ ma yin no zhes ci ltar brjod/ /'di ltar/ de yi rang bzhin btang ba'i phyir/ /mi gsal zhes ni brjod pa yin/ /rang gi rang bzhin btang ngo zhes/ /bya bar ci ltar khong du chud/ /rang gi ngo bo ni dor bar nus pa ma yin te/ de dor na rig pa med par 'gyur ro/ /zhes bshad zin to/ /de lta na ni rang rig pa med cing gzhan rig pa med pa'i phyir thams cad med pa kho nar 'gyur ro/ /'on te don gyis go bas rig pa yin pa'i phyir rang rig pa ma yin no zhe na ma yin te/ don gyis go ba yang rang gi ngo bo nyid rig pa kho nas rtogs par bya ba yin no/ /ci ste de la yang don gyis go ba yod na de yang de ltar yin

  6. 3b

    pas thug pa med do/ /gal te don gyis go ba don myong ba grub pa yin na/ don myong ba la don go bas ci zhig bya/ /don grub pa na yin gyi don myong bar grub pa ni ma yin no zhe na/ don grub pa de gang yin/ gal te skye ba yin no zhe na/ don thams cad rig par thal lo/ /'on te don shes pa yin na/ de'i don 'di ltar 'gyur te/ don shes pa las don shes pa rig pa yin no zhes bya bar 'gyur bas tshig gi tshul legs so/ /'on te shes par gyur pa'i don las don rig pa yin na/ don gyi shes par gyur pa zhes bya ba ci yin/ shes pa la snang ba'o zhe na/ shes pa ma shes na shes pa la snang ba ji ltar shes/ snang bzhin pa'i don mngon sum nyid do zhe na/ mngon sum gyi grub na ni de kho na ltar yin la rag mod don gzhan rtogs pas ci bya/ mngon sum ni de nyid yin te/ da lta ma yin na mi 'thad do/ /de lta ma yin te/ gal te shes pa mngon sum yin na mngon sum nyid dang 'di nyid mi 'thad do zer/ gal te shes pa mngon sum ma yin na/ mig gi byed pa yod na 'di 'gyur la/ gzhan du ma yin pa'i phyir shes pas ci zhig bya/ rna ba la sogs pa'i 'jug pa mngon sum yin no zhe na/ rna ba la sogs pa'i 'jug pa gang yin/ shes pa'o zhe na/ shes pa lkog tu gyur pa de ci ltar shes/ rna

  7. 4a

    ba la sogs pa'i 'jug pa nyid las shes so zhe na/ rna ba la sogs pa 'jug pa'i mngon sum des shes na/ shes pa go ga lam yin/ de lta ma yin na rna ba la sogs pa'i 'jug pas ci zhig bya zhe na ci khyed kyi dgos pa la ltos nas dngos po rnams 'byung bar 'gyur ram/ dngos po rnams ni rgyu nyid las/ /'byung bar 'gyur te dgos pa min/ /gzhan du khyed kyi dgos pa ni/ /med par dngos po 'byung mi 'gyur/ /gal te rna ba mngon du phyogs par 'gyur med/ /shes pa la ci zhig 'ongs/ gal te shes pa ma skyes na don lkog tu gyur pa kho nar 'gyur ro zhe na/ gal te shes pa skyes kyang don la ci zhig 'byung/ de lta na yang lkog tu gyur pa nyid du 'gyur te/ shes pa skyes pa ni don gyi mngon sum du gyur pa nyid ma yin te/ de lkog tu gyur pa'i phyir lkog tu gyur par thal bar 'gyur ba'i phyir ro/ /mthong ba nyid do zhe na/ 'o na ni ci ltar mthong ba de ltar 'gyur ro/ /khyed kyi yang ci ltar zhe na/ don shes pa zhes bya ba ni shes pa de'i rnam pa nyid do/ /de yang rang rig pas rtogs par bya ba yin te/ gang gis thug pa med par 'gyur ba de'i rnam pa can gyi shes pa gzhan gyis rtogs par bya ba ni ma yin no/ /des na shes pa'i rang bzhin gyi sgrub par byed pa ni rang rig pa kho na yin par rigs so/ /gal te bsgoms pa'i stobs las byung ba gsal bar snang ba mngon sum yin na/ /'o na ni

  8. 4b

    rmi lam gyi shes pa yang mngon sum du 'gyur ro/ /mi slu ba yang de la yod pa yin te/ der yang 'gro ba dang thob pa yod pa yin no/ /'di ni med de/ 'khrul dang kun rdzob shes pa dang/ rjes dpag rjes su dpag las byung/ dran dang 'dod pa las byung ba'o/ /mngon sum ltar snang rab rig bcas/ mngon sum ltar snang ba ni rnam pa gnyis te/ rtog bcas rtog med do/ /yang rnam pa bzhi ste/ de bshad pa ni/ mngon sum ltar snang rnam pa bzhi/ /rtog pa'i shes pa rnam gsum dang/ /rten bslad ba las byung ba can/ /rtog pa med pa cig yin no/ /gnyis po de nyid rnam par rtog pa rnam pa gsum du phye ba las rnam pa bzhir 'gyur ro/ /mngon sum ni rtog pa dang bral ba yin te/ des na rtog pa rnam pa gsum yang mngon sum ltar snang ba'o/ /de la 'khrul pa'i shes pa ni smig rgyu la sogs pa la chur rtog pas 'jug pa'i phyir mngon sum ltar snang ba'o/ /kun rdzob du yod pa la don gzhan sgro 'dogs pa'i phyir dang/ de'i ngo bor rtog pa la 'jug pa'i phyir ro/ /rjes su dpag pa dang de'i 'bras bu la sogs pa'i shes pa ni sngar nyams su myong ba rtog pas 'jug pa'i phyir mngon sum ma yin no/ /'od zer g.yo ba'i smig rgyu'i tshogs snang ba ni mngon sum nyid yin la/ chu la sogs par rtog pa ni mngon sum ltar snang ba yin te/ chu mngon sum du byas pa'i rnam pa can yin pa'i phyir ro/ /kun rdzob du yod pa dag la yang gzugs la sogs pa tsam 'dzin pa kho na mngon sum yin la/ de'i 'du ba can gyi rgyur 'dod pa'i yan lag can ni mngon sum du byas pa ma yin te/ reg pa la sogs pa sngar mthong ba'i don gzhan sgro 'dogs pa'i phyir dang shes pa snga mas brtags pa'i rdzas kyang brtags pa'i phyir ro/ /yan lag can ni gzugs la sogs pa las tha dad par 'ga' yang mngon sum la snang ba med do/ /rjes su dpag pa'i shes pa ni rtags kyi shes pa dang/ de'i 'bras bu rtags can gyi

  9. 5a

    shes pa ni sngar myong ba med par ma yin no/ /rjes su dpag pa'i shes pa 'di yang kha cig du ni mngon sum yin la/ kha cig tu ni mngon sum ma yin te/ du ba glo bur ba las me rtogs bar ro/ /de na ni sngar myong ba rtog pa yod pa ma yin no/ /rtog pa med par ji ltar rtags las rtogs she na/ de kho na ltar mthong ba'i phyir ro/ /mthong ba ni gzhan du 'gyur bar mi 'thad do/ /ci'i phyir rtog pa'i dbye ba brtan/ /dper brjod pa du ma'i don du'o zhe na/ ma yin te/ mtshan nyid tha mi dad pa'i phyir ro/ /du ma tsam bstan pa na ha cang thal bar 'gyur ro zhe na/ de ni med de/ dgos pa gzhan yod pa'i phyir ro/ /'di ltar/ dbang skyes min pa grub don du/ gnyis bshad 'khrul pa mthong phyir ro/ /rjes dpag sogs grub brjod pa ni/ /snga ma gnyis nyid sgrub phyir ro/ /smig rgyu la tshur shes pa la pha rol dag 'di ni dbang po las skyes pa nyid do zhes 'khrul te/ 'di ltar dbang po dang don phrad pa las byung ba'i shes pa 'khrul pa med pa nges pa'i bdag nyid ni mngon sum mo zhes bya ba'i mtshan nyid 'di la 'khrul pa med pa smos pa byas pa ni smig rgyu la tshur shes pa bcod pa'i phyir ro/ /gal te 'di dbang po las skyes pa ma yin na ni tshig dang po kho nas bzlog pa'i phyir don 'di la 'khrul pa med pa smos pas ci zhig bya/ don med par skyes pa zla ba gnyis kyi shes pa bzlog pa'i phyir ro zhe na/ ma yin te/ de ni don phrad pa smos pa nyid kyis bzlog pa'i phyir ro/ /dbang po smos pas ni dbang po las ma skyes pa bzlog pa yin no/ /kun rdzob du yod pa'i yul can la gzhan dag dbang po las skyes par rlom pa la ni rtsod pa med pa kho na'o// 'o na rjes su dpag pa la sogs pa brjod pa ni don med do/ /des dbang po las skyes pa ma yin par sgrub pa ma yin te/ rjes su dpag pa la sogs pa dbang po las ma skyes pa ni grub yin pa'i phyir ro/ /'di la smras pa rjes dpag la sogs grub

  10. 5b

    zin kyang/ /sgrub byed yin phyir smos pa nyid/ /thams cad du ni grub pa nyid/ /dpe nyid du ni rab tu sbyor/ /ma grub pas ni ma grub pa sgrub pa ma yin no/ /gang gis snga ma gnyis bsgrub par 'gyur ba 'dir 'khrul pa rgyu ci zhig yin zhe na/ bshad pa/ brda rten pa dang don gzhan can/ /sgro 'dogs rnam par rtog pa dag /mngon sum nyer 'jug can nyid phyir/ /'ga' cho 'khrul ba'i rgyu yin no/ /brdal brten pa ni yan lag can te/ de rnam par gnas pa'i rgyu ni brda tsam yin pa'i phyir ro/ /don gzhan ni chu'o/ /sgro 'dogs pa ni bla lhag tu sgro 'dogs pa'o/ /rnam rtog ni dran pa'o/ /chu ni sngar mthong ba yin pa'i phyir dran par byas pa yin gyi/ de sgro 'dogs pa nyid ni ma yin te/ 'ba' zhig la mthong ba ni bden par snang ba'i phyir ro/ /yang na bzlog ste/ sgro 'dogs pa ni chu yin la rnam rtog ni yan lag can yin pa'am/ gnyi gar gnyi ga yin no/ /tha dad pa dang sgro 'dogs pa'i rnam rtog dag res 'ga' dbang po las skyes pa'i mngon sum dang nye bar 'jug pa yin pa'i phyir/ nye bar 'jug pa de nyid ni 'dir 'khrul pa'i rgyu yin no/ /de nyid dam des 'khrul pa'i rgyu byed pa'i phyir ro/ /de 'khrul pa'i rgyu yin pa na/ de'i dpe'i sgo nas rjes su dpag pa yin no/ /ci ltar lkog tu gyur don can/ /dran pa la sogs rtog pa 'di/ /brda la bltos pa'i ngang tshul can/ /mngon sum don la 'dzin mi byed// de ltar nyams myong dran med par/ /bum pa la sogs pa dag la/ /shes yod min pas de yang ni/ /mngon sum las ni yongs nyams 'gyur/ /rjes su dpag pa'i rtogs pa ni 'brel pa 'dzin pa la bltos pa yin la/ 'brel pa 'dzin pa nyid kyang brda yin no/ /des na 'brel pa las lkog du gyur pa don rtogs pa yin pa'i phyir mngon sum ma yin no/ /mngon sum byed pas ni der 'gyur ba yin no/ /de bzhin du bum pa la sogs dag la yang dbang po gang yang rung ba cig gis gzugs la sogs

  11. 6a

    pa rtogs pa gang yin pa de las lhag mar gyur pa'i ro la sogs pa dag sngon gyi rjes su 'brangs nas dran pa yin no/ /ro la sogs pa nyid dran pa yin gyi/ yan lag can ni ma yin no zhe na/ ma yin te/ ro la sogs pa las tha dad par der mtshon pa med pa'i phyir ro/ /dkar po gang yin pa de nyid rtsub mo yin no zhes bya ba la sogs pa gcig du rtogs pa'i yul ni yan lag can yin no/ /'di ltar re shig kha dog dang reg pa ni gcig nyid ma yin te/ des na gal te yan lag can med na gcig tu rtogs pa nyid du mi 'gyur ro zhe na/ gal te yan lag can yod pa de lta na yang kha dog dang reg pa la sogs pa bzhi mthun par ji ltar 'gyur/ de dag gcig pa nyid ni ma yin no/ /gzhi gcig pa'i phyir gcig nyid yin no zhe na/ 'di ni nye bar btags pa nyid du 'gyur na/ 'di la nye bar btags pa'i rtogs pa med do/ /nye bar btags pa rtogs pa yod kyang yan lag can mi 'grub ste/ de lta ma yin yang nye bar btags nas gzhi mthun pa srid pa'i phyir ro/ /yul gcig pa nyid yin phyir dang/ don gcig la ni sbyor ba dang/ de 'gyur na ni 'gyur ba'i phyir/ gcig tu tha snyad byed par 'dod/ /reg bya'i yul gang yin pa de nyid gzugs kyi yin par rtogs te/ des na gcig nyid du lhag par zhen pa yin no/ /nu la sogs pa 'dzin pa reg bya'i 'bras bu gang yin pa de nyid la gzugs kyi byed pa yang 'jug par rtogs shing reg pa mnyes par gyur pa na gzugs kyang sdud pa la sogs par 'gyur ba de'i phyir/ 'di gcig yin no zhes bya ba'i tha snyad du lhag par zhen to/ /gal te gzugs la sogs pa las de dag gzhi tha dad pa yin na de de las tha dad par rtogs par 'gyur ro/ /ma rtogs na ni dmigs pa'i mtshan nyid can med pa yin no/ /ci ste yan lag can med na phan tshun ci ste ma gyis zhe na/ yan lag can ni yod na

  12. 6b

    yang/ /de gsum ci ste gyes ma 'gyur/ /'phro 'du'i 'brel stobs las zhe na/ de yang bye bar 'gyur ba yin/ /'di nyid rang bzhin yin zhe na/ /'di nyid dang por brjod par bya/ /rang gi rgyu las gzugs sogs kyi/ /rang bzhin 'di yin 'thad par ldan// 'phrod par 'du ba rtag pa la/ /de ltar bsam pa ga la yod/ /gal te yan lag can gzhan yod pa de lta na yang gsum par 'gyur ba yin na gsum po yang phan tshun ci ste ma gyes/ ci ste mi gyes pa'i rgyu 'phrod pa 'du ba yin na/ de yang ci ste ma gyes/ de'i rang bzhin de nyid yin no zhes bya ba yang lan ma yin te/ de ni gzugs la sogs pa nyid kyi rang bzhin yin par 'gyur mod/ don gzhan brtags pas ci zhig bya/ gzugs la sogs pa'i rang bzhin de ni rang gi rgyu las yin pa'i phyir de ni rig pa dang ldan gyi 'phrod pa 'du ba'i rgyu med pa la rang bzhin de yod par ga la 'gyur/ gang gis de ltar 'phrod pa 'du ba rang bzhin de ni 'phrod pa 'du ba'i rten gyi rang gi rgyu las byung ba yin no zhe na/ de ltar brgyud pa 'dis ci zhig bya ste/ gang gis 'phrod pa 'du bas de dag mi gyes bar byed pa rang gi rgyu las de dag nyid de ltar 'gyur ba yin la/ de'i rgyud nyid mi gyes par byed pa'i rgyu yin pa'i phyir/ 'di'i mchog pa ci yod na gang gi don du brgyud pa 'dod/ de lta bu nyid du mthong ngo zhe na/ mthong ba gzhan du bya bar mi nus pa'i phyir gal te mthong na ni 'gyur ba yin zhe na/ mthong ba ni phan tshun 'brel pa'i gzugs la sogs pa nyid yin gyi de las lhag pa ni med pa'i phyir ro/ /'di ni de dag nyid kyi rang bzhin du brtag go /de'i phyir yan lag can du lhag par sgro btags pa ni mngon sum ma yin no/ /de'i phyir 'di'i rigs pa rgyas par brtan pa'i don du dpe dang don nye bar bkod pa yin no/ /rab rib bcas smos pa ci'i don du zhe na/ rab rib las byung ba yang rtog pa dang bcas pa yin no zhes kha cig zer bas de bzlog

  13. 7a

    pa'i phyir de smos so/ /de lta ma yin na de dran pa la sogs pa smos pas 'di yang zin pa'i phyir logs shig du bkom don med par 'gyur ro/ /gal te rtog pa med pa yin na/ rtog pa dang bral ba'i phyir mngon sum du 'gyur ro zhe na/ rtog pa dang bral lo cig ni mngon sum ma yin gyi/ 'on kyang ma 'khrul bar gyur pa'o/ /rtog pa dang bral ba ma 'khrul ba mngon sum yin gyi/ thams cad ni ma yin te/ 'di ltar/ dmigs kyis bsal ba'i yul brtags te// de dang bral ba la spyir btang pa 'jug go /dmigs kyis bsal ba gang yin zhe na/ 'dir ni bzhi pa dmigs bsal te/ /des ni nyer gnod las skyes brjod/ /de ltar rab rib 'ba' zhig ni/ /nyer gnod mtshon par byed pa yin/ /rtog pa gsum las bzhi pa rab rib las byung ba smos pa ni dmigs kyis bsal ba yin no/ /rtog pa dang bral ba zhes bya ba spyis mngon sum du 'gyur ba/ rab rib bcas zhes bya ba'i khyad par gyis mngon sum ltar snang bar brjod pa yin no/ /khyad par brjod pa ni spyi brjod pa'i gnod par byed pa yin no/ /'di la tshad ma gang yod ce na/ spyir rtogs pa ni khyad par rtogs pas gnod pa yin te/ 'di ltar/ mi mthun phyogs la sngar ma mthong/ /tsam gyis rtog pa dang bral las/ /gang tshe lhag ma dang ldan pa'i// rjes su dpag pa 'jug byed pa/ /ha cang thal bar 'gyur de la/ /gsal bar khyad par gnod byed yin/ /des na de las gzhan nyid la/ /snga ma de ni rig byed nyid/ /mi mthun pa'i phyogs la sngar ma mthong ba tsam gyis spyir mthong ba'i rjes su dpag pa ni mngon sum mam/ rjes su dpag pa gzhan gyis gnod par mi 'gyur ba ma yin no/ /des na spyi dang khyad par dag la gnod par bya ba dang/ gnod par byed pa'i dngos po yin pa ni mngon sum gyis grub pa yin la/ don de ston pa'i tshig dag gi gnod par

  14. 7b

    bya ba dang gnod par byed pa'i dngos po yang de nyid yin no/ /'o na slob dpon ci'i phyir spyir mthong ba'i rjes su dpag pa las mtshan nyid 'chad ce na/ ma yin te/ slob dpon gyis ni khyad par du mthong ba'i rjes su dpag pa nyid bzhed pa yin no/ /de'i don gang yin pa de ni tshig cig gis bstan par mi nus pa'i phyir/ dmigs kyis bsal ba dang bcas te brjod do/ /'o na spyi'i phyir rtog pa dang bral ba smos pa dang/ lhan cig du ma 'khrul ba smos pa ma byas glang po che'i khrus khas blangs pas ci bya zhe na/ ma yin te dmigs kyis bsal ba rab rib bcas pa smos pas ma 'khrul pa smos pa'i don thob bam/ gzhan du yang rung ste/ khyad par ci yod/ rtog pa dang bral ba smos pa'i de ma thag pa nyid kyis thob po zhe na/ ma yin te/ khyad par med pa'i phyir ro/ /don du mtshungs pa ma yin pa dag la de ma thag pa rgyu ma yin no/ /tshad ma'i yul gyi gnod bya gnod byed kyi ngo bo yang ci nas bstan par 'gyur bar bya ba'i phyir de ltar byas so/ /gnod par byed pa ni gdon mi za bar de ma thag du 'gyur ba ma yin no/ /ci'i phyir ma 'khrul pa nyid smos par mi byed ce na/ de ni bden te/ mngon sum ni mngon du byed pa yin la/ de yang ma 'khrul ba smos pas bstan par nus pa yin no/ /mngon du byed pa'i rnam pa ma yin pa ni ma 'khrul par mi 'gyur te/ rtog pa dang bcas pa na 'khrul pa yin pa'i phyir ro/ /pha rol dag ni rtog pa dang bcas kyang mngon du byed pa'i rnam pa ma 'khrul pa 'dod pas de'i dbang du byas nas 'di gnyis brjod do/ /de skad du yang gzhan gyi lugs la bltos nas mtshan nyid khyad par du byas so zhes bshad do/ /thams cad kyang rnam par rtog pa med pa kho na'o zhes bya ba yin no/ /yang na gnod bya dang ni gnod byed kyi/ /tshul kun rtogs pa po la bltos/ /gnod byed mthong ba med pas sngar/ /spyi nyid du ni rtogs pa yin/ /'dir khyad par tsam la bzhed pa yin no zhes slob dpon gyi dgongs pa mi shes pa/ gnod par

  15. 8a

    byed pa mthong ba las phyis khyad par de yang rtogs par 'gyur ro/ /skyes bus ma byas pa'i tshig la ni tshad ma'i rtsa ba nyid med pa'i phyir gnod bya gnod byed yod pa ma yin no/ /skyes bus byas pa la ni sngar gyi blo 'khrul pa tshad ma'i rtsa ba can gyi blo phyi mas shes par 'gyur ro/ /rig byed las ni blo 'khrul pa yang mi skye'o/ /de lta na ni tshad ma ma yin pa nyid de/ thams cad de lta bu yin par thal ba'i phyir ro/ /gnod pa med na tshad ma nyid do zhe na/ ma yin te/ brtags na don gzhan nyid do zhes phyis yang gnod par byed pa srid pa'i phyir ro/ /de lta bu ni tshad ma la yang 'gyur ro zhe na/ ma yin te/ tshad ma ni brtan pa'i phyir ro/ /de lta yin dang rig byed smra ba dag gis tshad ma dang 'gal ba'i lung spangs pa yin te/ de lta ma yin na don brjod pa bshad pa rgyu mtshan med par 'gyur ro/ /des na gnod bya gnod byed ni skyes bus byas pa'i tshig kho na la yin no/ /rab rib bcas zhes bya ba nyid gnod par byed pa yin gyi mig ser la sogs pa ni ma yin no zhe na/ bshad pa/ des ni nye bar gnod pa las skyes pa thams cad brjod pa yin no/ /rab rib ni nye bar gnod pa mtshon pa yin gyi/ nye bar gnod pa gzhan bzlog pa ni ma yin no/ /'di ltar/ rab rib don gyi stong nyid kyis/ /mngon du byed nyid ma yin phyir/ mngon sum ltar snang bar bsams te/ mngon sum nyid ni bsal ba byas don gyis stong pa de ni mig ser gyi stobs bdo bas mig gi stobs 'grib pa dag gi shes pa la yang cha tsam yang ma god pa yod do/ /des na rigs pa smra ba dag gis rab rib bcas zhes smos pa ni mtshon pa yin par khong du chud par bya'o// rab rib ni nye bar gnod pa ma lus pa mtshon par byed pa'o/ /gzhan dag na re/ 'di ni rtog pa dang bral ba smos pa'i bzlog pa'i dpe yin gyi/ dmigs kyis bsal ba ni ma yin no zhes zer ro/ /de la bshad pa ni/ de yang yid kyis zhes kha cig/ snga dang zla

  16. 8b

    gnyis la sogs blo'i/ /dbang po'ang rgyu yin zhes bya ba'i gzhung 'di na ngang? de dag 'gal zla ba gnyis la sogs pa'i shes pa 'di ni smig rgyu la chur shes pa ltar yid nyid yin no/ /'di ltar smig rgyu dag la dang por ni dbang po'i shes pa ma 'khrul pa nyid skye zhing/ phyis chu nyams su myong ba'i bag chags pa las rnam par rtog pa dang bcas pas tshur shes pa yin no/ /sad pa de yang smig rgyu mthong ba nyid las yin te/ 'dra ba la brten pa'i smig rgyu ni de lta bu'i chos can yin pa'i phyir ro/ /de bzhin du 'dir yang dang po ni zla ba'i yul can ma 'khrul pa'i shes pa yin la/ phyis ni zla ba gnyis kyi rnam pa can rtogs pa dang bcas pa yin no/ /de la kha cig na re/ g.yo ba med pa'i mig gnyis kyi dbus na gnas pa'i zla ba de nyid zur gnyis su rim gyis dmigs pa na dus phra pa'i phyir cig car bzhin du mtshon pa yin la/ zur gnyis su gnyis ni sgro btags pa yin no zhes zer ro/ /de dag ni/ dbang po rnam par rig pa'i rgyu/ /phra rab rdul dag yin mod kyi/ /der mi snang phyir de yul ni/ /rdul phran ma yin dbang po bzhin/ /de lta bu 'am rnam pa gzhan du gyur pa'i mig la sogs pa'i rdul phra rab de dag nyid zla ba gnyis dang/ sngon po la sogs par snang ba'i rgyu yin no zhes bya ba'i gzhung dang 'gal lo/ /zla ba gnyis su snang ba yid yin na/ dbang po rgyu yin par brjod mi nus so/ /ci ste yid yin yang brgyud pas dbang po rgyu yin par mi 'gal lo/ /dngos su dbang po rgyu yin na ni/ zla ba gnyis kyi shes pa yid yin par 'gal lo zhe na/ 'di la bshad pa/ gal te brgyud pas rgyu yin na/ r/dbang po'i shes pa'i spyod yul dag/ dpyad pa 'di la yid kyi ni/ /skabs su ji ltar 'gyur ba yin/ /dbang po'i shes pa'i yul gang yin zhes brgal zhing brtags pa na/ de'i rnam pa can nam gzhan du dngos su gang las dbang po'i shes pa skye'o zhes pha rol gyis brjod par bya'o/ /re shig de'i rnam pa can nyid kyis ni yul nyid

  17. 9a

    ma yin te/ mi srid pa'i phyir ro/ /rdul phra rab dag la ril po gcig gi rnam pa rags pa nyid med pa'i phyir ro/ /ci ste de'i rnam pa can ma yin yang rgyu gang yin pa de yul yin na/ de yang mi 'thad de/ rnam pa gzhan gyi shes pa'i rgyu yin na dbang po bzhin du yul ma yin pa nyid do/ /de la gal te slob dpon brgyud pas rgyu yin par dgongs na/ de'i tshe de lta buAm/ rnam pa gzhan du zhes bya ba la sogs pa'i tshig gis gzhan la dbang po yul nyid du thal bar 'gyur ba mi mdzad de/ rdul phra rab dag dngos su rgyu yin na yul yin par gzhan gyis brjod pa'i phyir ro/ /'o na ni thal ba nyid mi rigs so zhes brjod par bya'o/ 'di la yid kyi ni/ skabs su ji ltar 'gyur ba yin zhes brjod pas ci bya zhe na/ 'dir bsam pa ni/ /rdul phran phan tshun dben pa dag /dang po so sor snang ba yin/ /rnam par rtog pa'i shes pa las/ /ril po'i rnam par snang bar 'gyur/ /gzhan dag na de/ ril po gcig du snang ba ni rnam par rtog pa dang bcas pa'i shes pa yin la/ rdul phra rab de dag ni brgyud pas de'i yang rgyu yin pa'i phyir yul yin te/ dper na dran pa'i yul don yin pa bzhin no zhes zer ba la/ slob dpon gyis/ der mi snang phyir de yul ni/ /rdul phran ma yin dbang po bzhin zhes gsungs te/ dper na dbang po brgyud pas rgyu nyid yin yang yul ma yin pa de bzhin du/ rdul phra rab dag kyang yin no/ /gzhan du gyur pa'i dbang po ni/ /zla ba gnyis kyi shes pa'i brgyud pa'i rgyu yin no/ /'di la brjod pa/ /dbang po'i shes pa'i spyod yul dag /dpyad par 'di la yid kyi ni/ /skabs su ji ltar 'gyur ba yin zhes bya ba yin no/ /yid nyid yin na ni yul dpyad pa lags pa ma yin te/ yul med pa'i phyir ro/ /de ltar yang 'di la tshad ma cung zad kyang med pa'i phyir/ slob dpon gyi lan ni rigs par brjod pa yin gyi/ thal par 'gyur bas brtsad pa ni ma yin no/ /de nyid brjod pa na yid

  18. 9b

    kyi ni/ /skabs su ji ltar 'gyur ba yin zhes bya ba yin no/ /gzhan brjod pa ni/ gal te zla ba gnyis kyi shes pa la sogs pa yid la dbang po'i rgyur brjod na ni/ de tshe yid nyid kyi yul dpyod par 'gyur ro/ /des na skabs su ji ltar 'gyur ba yin zhes bya ba lan yin no zhe'o/ /de ni mi 'thad do zhes bstan zin to/ /dbang skyes? gang yin gal te gang/ /dbang po yod med rjes 'jug can/ /de mtshungs gal te ldan 'gyur na/ /de 'di nyid na ci phyir 'gog /re shig gal te zla ba gnyis la sogs pa'i shes pa 'di yid yin na ni/ dbang po yod pa dang med pa'i rjes su 'jug par mi 'gyur ro/ /gal te dbang po yod pa dang med pa'i rjes su 'jug kyang de yid yin na/ de lta na ka ba la sogs pa'i shes pa yang yid du thal lo/ /dang po ni rang gi rnam pa nyid shes la/ phyis don gyi rnam pa yid la snang ba yin no/ /ci ste 'di la tshad ma med do zhe na/ de lta na ni zla ba gnyis su snang ba yang yin pa'i phyir mtshungs so/ /ci ste gang zhig dbang po 'gyur ba de dbang po la brten pa yin na/ de'i tshe yid nyid dbang po la brten par thal lo/ /dbang po la brten pa yang 'gyur ba nyid do zhe na/ 'o na gnyi ga yang dbang po las byung bar thal lo/ /dngos su 'o zhe na/ ma yin te/ gzhan la 'gyur ba mthong ba med pa'i phyir ro/ /'di'i rjes su 'brangs nas de yang rnam par 'gyur bar shes par bya'o zhes na/ de yang yid nyid de/ rnam par 'gyur ba'i phyir 'di bzhin no zhes thug pa med par 'gyur ro/ /de'i phyir 'di nyid dbang po las skyes pa yin no/ /'di yang sprul sogs 'khrul pa bzhin/ /dbang po'i 'gyur ba yod na yang/ /ldog 'gyur dbang po'i bslad pa ni// log kyang ldog par mi 'gyur zhing/ /de bzhin gzhan gyi rgyu la ni/ /rjod pa dag gis 'ga' tshe 'jog /mthong ba dran pa bltos 'gyur zhing/ /yongs su gsal bar snang mi 'gyur/ /gal te zla ba gnyis la sogs pa'i blo yid yin na/ dbang po'i 'gyur ba

  19. 10a

    yod kyang log par 'gyur ro/ /sprul du 'khrul ba ni dbang po'i 'gyur ba yod kyang rnam par dpyad na ldog par 'gyur gyi zla ba gnyis la sogs pa'i 'khrul pa ni ma yin no/ /ci ste nag po la sogs mtshan nyid can sprul du 'khrul pa yang mi ldog pa nyid do/ /sprul du 'khrul pa ni mun pa dang bcas pa'i phyogs su yin na/ de la thag pa la sogs pa nag po la sogs pa'i rang bzhin can ni rab rib med kyang/ yod ba yin no/ /mig rab rib kyis bsgribs te gzhan du gyur kyang nag po la sogs pa'i rang bzhin ni yod pa yin te/ de'i mig rnam par 'gyur ba yod na yang ldog par ji ltar 'gyur/ /des na ldog pa ma grub pa sgrub byed du ji ltar 'gyur/ dbang po'i bslad pa ni/ log kyang ldog par mi 'gyur zhing/ gang rjod pa de yang mi rigs te/ yid kyi chur 'khrul pa yang dbang po'i bslad pa la sogs pa la ni ma mthong ste/ sad pa'i rkyen tshad pas gdungs pa med na med pa'i phyir ro/ /chur 'khrul pa ni gzhan gyi rgyud la 'jog par ma mthong ste/ tshad pas gdungs pa gzhan gyi tshig las de ltar 'gyur ba ni ma yin no/ /sprul du 'khrul pa yang mthong ba dran pa bltos par ni ma mthong ste nag po la sogs pa ni dang po nyid 'gyur ba'i phyir ro/ /yongs su gsal bar snang ba yang rmi lam la sogs pa na yid kyi 'khrul pa la yang yod pa nyid de/ des na yongs su gsal bar snang mi 'gyur zhes bya ba la sogs pa 'di thams cad mi 'thad do/ /de yod na yod pa dang/ da 'gyur na 'gyur ba'i brgyud pa'i 'bras bu la yang 'gyur ba nyid do zhe na/ 'di la bshad pa/ de la nag po la sogs par/ /snang ba gang de la sogs nyid/ /ldog med la sogs chos dag ni/ /de yi yin phyir lan bzang min/ /dbang po las byung ba'i nag por snang ba la sogs pa ni gdon mi za bar de log na mi ldog pa ma yin no/ /yongs su

  20. 10b

    gsal bar snang ba yang dbang pos bskyed pa nyid yin gyi yid ni ma yin no/ /nyi mas gdungs pa la sogs pa'i stobs las yid kyang 'gyur ro zhe na/ ma yin te/ yongs su gsal na de rtog pa med pa nyid yin pa'i phyir ro/ /dbang po las byung ba dang byed par med do/ /de lta yin dang rab rib bcas smos pa ni dmigs kyis bsal ba las nyams pa ma yin no/ /gzhan dag ni yid yin pa'i phyir rtog pa dang bcas par sems pa yin gyi/ yid tsam ni ma yin no/ /'di ltar rtog pa med pa cig yin no zhes bya ba 'di tsam zhig 'dir bsgrub par bya ba yin no/ /mngon sum ltar snang ba ni gnyis te/ rnam par rtog pa dang bcas pa dang/ rtog pa med pa'o/ /de yang 'khrul pa thams cad rtog pa dang bcas pa yin pa bsal ba de'i tshe 'gyur gyi/ gzhan du ma yin no/ /'o na ni gsal bar snang yang zla ba gnyis la sogs pa'i blo yid yin par 'gyur ro zhe na yid ma yin te/ bsgoms pa med par yang 'gyur ba'i phyir ro/ /yid ni bsgoms pa'i stobs kyis gsal ba la brten pa yin no/ /de med pa'i phyir dbang po las skyes pa nyid bzlog par mi nus so/ /rnam pa gsal ba'i rgyu ni rnam pa gnyis nyid de/ dbang po dang bsgoms pa'o/ /de la yang bar chod pa'i bsgoms pa yod pa nyid do zhe na/ 'o na ni phyi rol gyi don gyi brjod pa dang bral ba yin te/ spros pas chog go /'o na gang zhig dper 'gyur ba sprul du 'khrul pa'i yid dang/ chu la sogs par 'khrul ba'i yid gang yin zhe na/ phan 'dogs pa dang gnod pa byed par snang ba'o/ /phan 'dogs pa dang gnod par byed par snang ba ni dbang po'i 'gyur ba yod kyang ldog la/ dbang po'i bslad pa log kyang mi ldog go /de bzhin du gzhan dag la yang sbyar ro/ /de lta yin dang/ gnyid log pa

  21. 11a

    'am sad pa na/ /gsal bar snang ba can blo gang/ /de ni rtog med gnyi gar yang/ /de lta min na rtog pa yin/ /yid dam gzhan gnyi gar yang rtog pa med pa nyid de/ gsal ba nyid yin na rtog pa med pa yin no zhes bya ba 'di ni brtan zin to/ /de phyir de rtog med na yang/ /tshad ma nyid ni bkag pa ste/ /bslu ba'i phyir ro de'i don du 'ang/ /mngon sum ltar snang gnyis su bshad/ /slob dpon gyi rnam par rtog pa dang/ 'khrul pa dag gi mngon sum ltar snang ba rnam pa gnyis nyid bstan te/ rab rib las byung bas nye bar mtshon pa'i bslad pa dag go zhes bya bas rnam par rtog pa'i sde tshan las logs shig tu bstan pa'i phyir ro/ /de lta ma yin na logs shig tu ston pa'i dgos pa med pas na mi mkhas pa nyid brjod pa'i rgyur 'gyur ro/ /'o na 'khrul ba ni yid kyi 'khrul pa'i yul yin pa'i phyir ro zhes bshad pa de ci ltar zhe na/ de ni gzhan gyi 'dod pas bshad pa'i phyir ro/ /gang gi dbang po dang don phrad pa las byung ba ni mngon sum yin no zhes mtshan nyid yin pa de'i ltar na/ 'khrul ba ni yid kyi 'khrul ba'i yul yin no/ zhes bya bar rnam par gnas so/ /dbang po dang don phrad pa las byung ba nyid ni 'khrul pa nyid du mi srid de/ lhag mar gyur pas yid kyi lhag par rnam par rtog pa gang yin pa der 'khrul pa yin no/ /don med par dbang po tsam las skyes pa gang yin pa de yang 'khrul pa ma yin nam/ de ci ltar yid kyi 'khrul pa'i yul yin pa'i phyir ro zhes brjod ce na/ ma yin te de ni don smos pas gsal ba'i phyir ro/ /de ni yod kyang med pa dang 'dra ba nyid do/ /de skad du yang/ dbang po don las skyes pa la/ /brjod pa la sogs srid ma yin zhes brjod pa yin no/ /brjod pa la sogs pa dag ni yid nyid

  22. 11b

    yin par shes par bya'o/ /gal te brjod du med pa la sogs pa sel bar byed pa'i tshig ni ma yin no/ /'on te ci zhe na/ rang gi ngo bo brjod pa lhur byed pa yin no/ /dbang po dang don phrad pa las byung ba'i shes pa gang yin pa de 'di ltar 'gyur ba yin gyi gzhan du ni ma yin no zhes bya ba yin no zhe na/ ma yin te/ zhen pa'i bdag nyid ces bya ba bstan par bya ba ma yin par 'gyur ro/ /dbang po dang don phrad pa las byung ba nyid zhen pa'i bdag nyid ni ma yin te/ rjes su dpag pa yang zhen pa'i bdag nyid yin pa'i phyir ro/ /de'i phyir zhen pa'i bdag nyid gang yin pa de ni mngon sum yin gyi gzhan ni ma yin no zhes sel bar byed pa nyid du 'thad do/ /ci ste cung zad ni sel bar byed pa yin la cung zad ni ngo bo brjod pa yin no/ / des na dbang po dang don phrad pa las byung ba dang zhen pa'i bdag nyid gang yin pa de ni ma 'khrul pa dang brjod pa med par 'gyur pa yin no zhes bya'o zhe na/ de ni mi rigs te 'khrul pa med pa nyid ni brjod par rigs te/ de ltar na tshad ma nyid yin no// brjod du med pa'i yul can gyi ci bya/ de ltar tshad mar 'gyur ba ni ma yin te/ gzhan du yang tshad ma yin pa'i phyir ro/ /des na 'di ni gyi na'o/ /rang gi ngo bo brjod na yang ha cang thal bar 'gyur te/ bdag la sogs pa dang phrad pa yang brjod par thal ba'i phyir ro/ /ci ste mngon sum nyid la thun mong ma yin pa gang yin pa de nyid brjod pa yin gyi bdag la sogs pa thun mong ba ni ma yin no zhe na/ de ltar na ni 'o na sel bar byed pa'i khyad par yin gyi rang gi ngo bo brjod pa lhur byed pa ni ma yin no/ /'dis ni yod pa dang phrad ba la sogs pa yang gsal ba yin no/ /'di ltar 'di mtshan nyid yin par 'gyur ram/ rnam pa gzhan du ma sgrub pa'i phyir rang gi ngo bo brjod pa yin/ de la gal te yod pa dang phrad pa na zhes bya ba

  23. 12a

    mtshan nyid yin na ni yod pa'i don can mngon sum yin pa 'am/ dbang po las skyes pa gnod pa med pa mngon sum yin no zhes de skad brjod par bya ba yin no/ /ci ste chos la rgyu mtshan ma yin par bstan par bya ba'i phyir rang gi ngo bo rjes su brjod pa yin no zhe na/ de ltar na yang dbang po las skyes pa zhes bya ba de tsam zhig brjod par bya'o/ /don med par gzhan gyis mchod pa ci bya/ gzhan yang rjes su brjod pa tsam ni mi 'thad do/ /'di ltar rig byed smra ba'i spyod pa pas/ phyi rol don ni bsgrub pa la/ 'bad bya des na mtshan nyid kyis/ /gzhan rnams sel bar 'gyur ba yin/ /sangs rgyas pa la sogs pa dag ni rang gi gzhung gi rjes su 'brangs nas mngon sum gyi mtshan nyid gzhan du 'dod do/ /des na de rnam par gcad pa'i phyir nges par mtshan nyid gzhan du brjod par bya'o/ /bde bar gshegs pa rnams kyi mtshan nyid ni rnam par shes par smra ba dang/ stong pa nyid smra ba dang rjes su mthun pa yin pa'i phyir gdon mi za bar de bsal pa'i phyir mtshan nyid gzhan nyid byed na mdzes so/ /rdeg 'tshos pas ni rnga mo 'dzin par nus pa ma yin no/ /mtshan nyid byas na skyon ci yod/ tshad mas ma grub ste/ 'di ltar/ de la nges pa'i mtshan ni/ /tshad mas grub pa brjod pa yin/ /'dir ni phan tshun rgyu yin phyir/ /gcig kyang rab tu 'grub mi 'gyur/ /phan tshun brten pa'i phyir cig kyang mi 'grub pas na mtshan nyid byed pa ni ma yin no zhe na/ /gal te de lta na ni tshad mas rab tu ma grub pa rjes su brjod par yang mi rigs so/ /'jig rten gyi grags pas grub po zhe na/ gal te de lta na ni chos kyang 'jig rten gyi grags pa nyid du 'gyur pa'i phyir dpyod par mi bya'o/ /chos 'khrul pa mthong ba'i phyir don dam par mi 'grub pa nyid do zhe na/

  24. 12b

    gal te de lta na/ dpyod pa 'dis kyang chos 'khrul ba/ /dbyug pa yis ni bzlog gam ci/ /gzhan du de srid dus su lugs/ /gzhan la mis yang med par 'gyur/ /de'i phyir rjes su brjod pa yang tshad mas grub pa nyid bya ba yin la de bzhin du mtshan nyid kyang kha na ma tho ba med pa yin no/ /bde bar gshegs pas kyang mtshan nyid byed pa ni ma yin te/ rab tu grags pa'i don rjes su brjod pa'i phyir ro/ /ci ltar chos la rgyu mtshan ma yin pa nyid bstan pa'i phyir/ rjes su brjod pa de bzhin du rgyu mtshan nyid rab tu bstan pa'i phyir yin pas gnyi gar yang mtshungs so/ /'di yang ci lta ba de ltar sngar bstan zin to/ /don de las shes pa ni mngon sum mo zhes bya ba 'di ni mtshan nyid kho na'o/ /gnyug ma'i don med pa'i phyir de las zhe bya ba 'di ni don gang zhig mngon sum gyis mthong ba de nyid las zhes rtogs so/ /des na zla ba gnyis la sogs pa'i shes pa yang spangs pa yin no/ /de ni de nyid las byung ba ma yin te 'on kyang gzhan las yin no/ /'o na ci ltar slob dpon gyis/ gang zhig de snang de las min/ /lnga? po bsags la dmigs pa yin/ /mig la sogs pa'i shes pa rdul phra rab dag las skye ba na de'i rnam pa can ma yin no/ /rgyu yin pa'i phyir gzhan gyi rnam pa can gyi rnam par shes pa'i yang dmigs pa nyid yin na ni mig la sogs pa'i rdul phra rab kyang dmigs par thal bar 'gyur te/ da lta bu 'am gzhan du gyur pa de dag kyang zla ba gnyis dang sngon po la sogs par snang ba'i shes pa'i rgyu yin pa'i phyir ro zhes bshad ce na/ 'di ni don dam pa'i dbang du mdzad nas gsungs pa yin no/ /rtsod pa'i sgrub pa'i tshig ni 'jig rten gyi grags pa yin no/ /'jig rten na rdul phra rab la sogs pa mi rtog ste/ 'jig rten na rab tu

  25. 13a

    grags pa'i mngon sum ni 'di tsam zhig yin la rnam par dpyad pa na ni mi 'thad do/ /don de las zhes ma grub dang/ /ma nges nyid du gsal ba yin/ rdul phran dag la 'dod na 'di/ /ma nges pa ni nyid du 'gyur/ /rdul phra rab nyid skyed par byed pa yin pas de dag dmigs pa nyid yin na ni mig la sogs pas ma nges so/ /ci ste de las zhes bya ba snang ba la brjod na de'i tshe ma grub bo/ /dus mtshungs pa de ni skyed par byed pa ma yin pa'i phyir ro/ zla ba gnyis la sogs pas ma nges pa yang yin no/ /ci ste dus mtshungs kyang skyed par byed pa yin na/ /de yang mi rigs te tshogs pa ni dngos po ma yin pa'i phyir ro/ /'khrul pa'i shes pas ma nges pa yin no/ /ci ste sngar yod pa skyed par byed pa yin na de yang ma grub bo/ /shes pa las sngar dngos po ni/ /shes pa de yis 'dzin ma yin/ /gzhan gyis 'dzin na de la yang/ /brgal shing brtags pa 'di nyid do/ /rjes su dpag pas shes na ni/ /de yang mngon sum ma yin te/ /phan tshun rgyur ni gyur pa na/ /dang por 'byung bar gyur pa gang/ /mngon sum dang ni rjes dpag dag /gang yang dus mtshungs yod ma yin/ /de yi phyir na don dam du/ /mtshan nyid de ni ma grub po/ /'jig rten grags pa la ltos na ni 'gal ba med do/ /rna ba la sogs pa 'jug pa mngon sum mo zhes gang brjod pa de yang mi 'thad de/ /rna ba la sogs 'jug pa ni/ /'khrul pa la yang yod min nam/ /rna ba la sogs 'jug pa ni/ /shes pa med par mtshan pa min/ /'jug par 'dod pa'i mngon sum la sogs pa'i tshad ma tshol ba yin na/ rna ba la sogs pa'i 'jug pa ma shes pa ci ltar mtshan nyid yin/ ma rtogs pas ci ltar 'di 'jug par byed pa yin/ ci ste mngon

  26. 13b

    sum nyid kyis rna ba la sogs pa 'jug pa rtogs na 'o na ni mngon sum de'i mtshan nyid brjod par bya ste/ des na mngon sum ni mngon sum du byed pa yin la/ de yang rang nyid rtogs pa yin no zhes bya ba nyid lan yin no/ /de lta yin dar mngon du byed pa de nyid ma 'khrul pa'i mtshan nyid yin no/ /'khrul pa'i shes pa la yang rna ba la sogs pa'i 'jug pa yod pas ci ltar mtshan nyid du 'gyur/ /'on te don la 'jug pa yin pa'i phyir skyon med na/ don la 'jug pa ni don la mngon du phyogs pa yin la de 'khrul pa la yod pa nyid do/ /ci ste de ni ngo bo rig pa nyid yin na de lta na ni 'o na rang gi ngo bo rig pa zhes de nyid mtshan nyid yin no/ /de yang rtogs pa med pa zhes bya ba'i ming gzhan par? ldan pa mngon du byed pa kho na yin no/ /de'i phyir gzhan ni mtshan nyid ma yin pa nyid do/ /yang tshad ma 'di'i 'bras bu gang yin zhe na/ gzhal bya rtogs pa ste/ gzhal bya rtogs pa mi tshad ma la rag las so zhes bshad pa yin no/ /de ni shes pa nyid ma yin nam/ de yang 'bras bu yin pa'i phyir tshad ma gang yin zhe na/ kha cig na re dbang po dang don phrad pa dang/ lta ba dang khyad par gyi shes pa yin no zhe'o/ /de ni mi 'thad de/ gang las de 'gyur ba de nyid rtogs pa'i sgrub byed du rigs so/ /re zhig shes pa skye ba ni dbang po nyid las yin par mthong ba ma yin nam/ des na rtogs pa'i sgrub byed kyang de yin te/ gzhan brtags pas ni ci zhig bya/ /mthong ba spangs nas gzhan du ni/ rtog pa rigs par mi ldan te/ /de ltar yin na gzhal bya la/ /thug med bzlog pa med par 'gyur/ /de ni med de bya ba sgrub par byed ces te/ /las kun gyi ni sgrub byed dag /thams cad ma yin gang las 'bras/ /gang yin de ni

  27. 14a

    de sgrub byed/ /gal te gcig la nus pa mthong zhes te gcig po de gzhan dag du yang sgrub par byed par rtog na gang 'ga' zhig gis sgrub par byed pa blang bas rtog na gang 'ga' zhig sgrub par byed pas 'dod pa thams cad sgrub pa'i phyir 'gro ba thams cad tshogs chung ngus bde bar gnas par 'gyur ro/ /de ltar yang ma yin te de'i phyir bya ba gang gang las 'grub par mthong ba de nyid de la sgrub par byed pa yin gyi gzhan ni ma yin no/ /de la nyams myong tsam du ni/ /'dra ba'i bdag can shes pa ni/ /gang gis las ni so so la/ /rnam 'byed de bdag 'gyur ba yin/ /grangs can pa'i nyams su myong ba ni sngon po dang ser po la sogs pa thams cad la yod pa tsam du mtshungs te/ des na rnam par bzhag par 'dod pa'i don bzhin du thams cad rnam par 'jog pa 'am/ ma yin na ni rnam par ma bzhag pa bzhin du rnam par bzhag par 'os pa yang mi 'gyur te de la khyad par med pa'i phyir ro/ /'di ltar/ ci ltar de ni rtog byed dngos/ /de ltar de ni rtog byed min/ /gang tshe rtog byed de 'dod tshe/ /rtog byed min par cis mi 'dod/ /byed pa med pa'i gnas skabs las khyad par can bdag gir byed na 'di la byed do zhes rtogs par 'gyur ro/ /gal te khyod kyis ma rtogs su chug mod de lta na yang ci 'dir rang gi ngo bo las nyams par 'gyur ram/ gal te de'i bdag nyid du 'gyur ba yin yang mi shes na de'i tshe don dngos ma shes pa kho nar 'gyur te/ des na 'jal byed ma yin no/ /skyes bu'i bdag nyid 'jig rten 'di/ /spyad bya'i dngos po rtogs par byed/ /de yang bdag nyid mi shes pas/ /longs spyod legs par rnam par gnas/ /bde ba dang sngon po la sogs pa'i zhen pa'i rang bzhin gyi blos bdag de ltar rnam par 'jog go zhe na/ 'o na

  28. 14b

    de nyid longs spyod pa po yin pas rigs pa gzhan gyis ci bya/ /bde ba la sogs pa zhen pa'i rang bzhin ni bde ba la sogs pa'i rnam pa nyid yin pa'i? phyir rnam pa nyid tshad ma yin no/ /blos zhan pa'i don skyes bus sems pa yin no zhe na/ blo de gang yin zhing zhen pa gang yin la skyes bu yang gang zhig yod pa brjod par bya'o/ /blo ni byed pa zhen pa ni las skyes bu ni byed pa po yin no zhe na/ skyes bus don rtogs pa des na zhen pa'i byed pa po yin pa'i phyir blos ci bya/ zhen pa'i sgrub byed ni blo yin la skyes bu ni rtogs pa yin no zhe na/ rtogs pa dang zhen pa la khyad ma mthong ngo/ /de'i rnam pa mngon du byed pa ni rtogs pa yin la zhen pa yang de nyid yin no/ /de'i rnam pa nyid zhin? pa yin gyi mngon du byed pa ni ma yin no zhe na/ gal te de rnam blo yin na/ /mi ni ci ltar rtogs byed yin/ /de dngos mngon du byed phyir na/ /de ltar don nyid ces ma yin/ /gal te de'i rnam pa can gyi blo mngon du byed na don nyid de ltar 'gyur ba'i phyir don gyi rnam pa'i blo ni don med do/ /blos don gyi rnam pa rtogs pa des ni yul ring po ma yin par rtogs so zhe na/ bdag khyab pa yin pa'i phyir thams cad yul thag ring po can ma yin pa nyid do/ /yul thag ring po zhes bya bar mi rtogs shing de'i rnam pa can gyi blo las ma rtogs pa'i don zhes kyang mi rtogs par 'gyur ro/ /don med na de'i rnam pa can gyi blog las zhe na/ ma yin te don rnams kyi de'i rnam pa nyid ni blo kho na las 'dod pa yin na de ci ltar 'di phyin ci log du 'gyur/ /rang gi bzhin ltar ma 'phos pa ni rtogs par mi nus so zhe na/ ma yin te rang gi bzhin ni yul rung ba ma yin pa'i phyir me long la sogs par 'pho bar 'dod kyi/ gzhan ni de lta ma yin no/ /me long yang ma 'phos

  29. 15a

    par ci ltar rtogs/ de yang blo'i me long du 'phos pa'i phyir ro zhe na/ /'o na ni blo yang blo'i me long gzhan nam gzhan du 'phos par 'dod dgos so/ /blo ni rig pa ma yin pa nyid yin no zhe na/ bdag lkog du gyur cing blo yang lkog tu gyur pa'i phyir 'gro ba ldongs par 'gyur ro/ /bdag lkog du gyur pa ma yin na des don nyid rig la rag med 'dir blos ci bya/ byed pa med par ci ltar mthong zhe na/ mig la sogs pa byed pa yin no/ /nang gi byed pa dgos so zhe na/ nang gi nang gi byed pa yang dgos pa'i phyir thug pa med do/ /dgos pa med pa ni byed pa yang ma yin no/ /de dag gis skyes bu gsal bar byed do zhe na/ ma yin te byed pa med pa nyid ni mngon par gsal ba las 'dzin par byed pa ma yin pa'i phyir ro/ /de'i phyir bdag ni don gyi rnam pa can du 'gyur ba yin no/ /me long bzhin du der yang rnam pa rnam par 'gyur ba byed pa can ma yin no zhe na/ ma yin te me long la brten nas de'i rnam pa can gyi blo skye ba des na rnam par 'gyur ba yin no/ /de lta ma yin te gal te rnam par ma gyur na 'phos pa'i don ci yin/ me long du ni bzhin gyi rnam pa can 'khrul pa'i blo skye la/ 'dir yang yul gyi rnam pa'i blo 'khrul pa nyid de/ don dam par yul gyi rab tu dbye ba ni med de 'gro ba ni gtso bo dang skyes bu tsam gyi bdag nyid yin pa'i phyir ro zhe na/ 'o na 'gro ba gtso bo'i bdag nyid kyang 'khrul pa nyid du 'gyur ro/ /de bzhin du skyes bu'i bdag nyid kyang ngo/ /'di yang phyis rnam pa gzhan du bstan par bya ste/ grangs can gyi skabs kyis ni ma yin no/ /de'i phyir nyams su myong ba 'ba' zhig po 'di gang gis 'di ni sngon po 'di ni ser po zhes bya ba la sogs pa las dang las la rnam par 'byed pa de'i bdag nyid du 'gyur dgos so/ /gal te rna ba la sogs pa'i 'jug pa

  30. 15b

    mngon gyi tshad ma yin no zhes brjod pa ma yin nam/ de skad ni brjod na rigs pa ni ma yin no/ /'di ltar/ bdag nyid 'gyur min rgyud dag la/ /tha dad yod kyang tha dad kyi/ /las la tha dad med pa 'di/ /tha dad par nges byed ma yin/ /dbang po la sogs pa'i tha dad pa ni sngon po la sogs pa'i las thams cad la tha dad pa med pa'i skyes bu 'di tha dad par nges par byed pa ma yin no/ /de ni de'i byed pa po 'am shes par byed pa nyid kyis nges par byed pa yin/ byed pa po nyid kyis nges par byed pa ni mi 'thad de/ da rtag pa'i phyir dang rnam pa dang bcas par thal ba'i phyir ro/ /rnam pa med na skyon de nyid du 'gyur te/ rang gi bdag nyid kho na rig par thal ba'i phyir ro/ /'on te shes par byed pa yin pa'i phyir nges par byed pa yin don ma shes na ci ltar shes par byed pa yin shes par byed pa las nges par shes la nges pa shes na shes par byed pa yin pa'i phyir phan tshun brten pa'i skyon du 'gyur ro/ /snang ba bzhin du shes par byed pa yin no zhe na/ ma yin te de shes par bya ba la yang shes par byed pa gzhan dgos pa'i phyir thug pa med do/ /thams cad du snang ba shes par byed pa yang ma yin no/ /snang bas shes par byas na yang mig la sogs pas ci bya/ de dag nyid sgra la sogs pa'i snang bar 'gyur ba yin no zhe na/ de lta na yang rang gi ngo bo la rnam par gnas pa'i phyir rang rtogs pa'i rang bzhin 'di ci ltar rig pa po yin zhes bshad par bya'o/ /de phyir 'di bdag tha dad pa/ /gang las 'di 'di rtogs pa zhes/ /byed pa yi ni las nges de/ /de yi sgrub byed can du grub/ /rig pa 'di'i rang gi ngo bor gyur pa tha dad pa gang las 'di ni sngon po 'am ser po 'di'i rtogs pa yin no zhes nges pa'i rtogs pa de ni de'i sgrub par byed pa can du grub bo/ /'di'i nges pa ni de tsam las

  31. 16a

    gyur pa yin pa'i phyir ro/ /de skad du yang/ de yod na 'di yod pa'i phyir zhes bshad zin to/ /rig pa 'di'i don dang 'brel pa de yang 'dra ba las gzhan gyis ni ma yin te/ 'di ltar rnam 'gas? shes pa'i rang bzhin ni/ / tha dad par ni byed na yang/ /'di ni don dang 'brel byed pa/ /don gyi rang bzhin min gzhan gyur/ /de phyir gzhal bya rtogs pa yi/ /sgrub byed gzhal bya'i rang bzhin nyid/ /sgrub par byed pa gzhan yin na/ /de las dang 'brel mi grub po// de'i rnam pa can gyis rig pa 'di ni sngon po 'am ser po yin no zhes don rnam par 'jog par byed do/ /ji ltar shes pa rnam pa dang ldan pa de ltar yang 'og nas bstan par bya'o/ /sgrub par byed pa gzhan yin na ni rig pa las de dang 'brel par mi 'grub bo/ /gal te'i rnam pa spangs pa yin na ji ltar de'i rig pa zhes nges pa yin/ /mngon du byed pa nyid las nges par 'gyur ro zhe na/ mngon du byed pa zhes bya ba 'di ci zhig /don gyi ngo bo 'am/ 'on te shes pa yin nam/ ci ste gzhan 'ga' zhig yin/ /gal te mngon du byed pa yi/ /rang bzhin don la yod 'dod na/ /mngon du byed can shes pa yin/ /de ni ji ltar don gyir? 'gyur/ /'on te mngon du byed pa yi/ /rang bzhin shes pa nyid yin na/ /don de ji ltar mngon du byas/ /gzhan gyi ngo bo gzhan ma yin/ /gzhan la'ang skyon 'dir 'gyur ba ni/ /bzlog tu med pa kho na yin/ 'di ltar/ gal te mngon du byed pa don gyi ngo bo yin na/ sngon po la sogs pa ltar thun mong yin pa'i phyir don de thams cad kyis rig par 'gyur ro/ /mngon du byed pa don yin par 'thad pa yang ma yin te/ shes pa'i chos yin pa'i phyir ro/ /'on te shes

  32. 16b

    pa'i chos 'di don gyi yul can yin pa des na don rig par brjod do zhe na/ don gyi yul can zhes bya ba yul gyi don gyi yin/ don myong ba'i rang bzhin yin pa'i phyir ro zhe na/ don myong ba zhes bya ba ci zhig /shes pa'i don gyi rang bzhin yin pa'i phyir ro zhe na/ de nyid rig pa'i don gyi rnam pa nyid yin no/ /'on te don las skyes pa'i phyir don myong ba yin no zhe na/ de lta yin na mig las kyang skyes pa'i phyir mig myong ngo zhes bya bar 'gyur ro/ / don mthong gi mig ni ma yin no zhe na/ don mthong ba zhes bya ba'i don ci/ don mthong zheng bltas pa des na ma mthong ngo zhes brjod do/ /ci mthong zhe na/ rang gi ngo bos so/ /'o na ni ji ltar rang gi ngo bo myong ba'i rang bzhin gyis mthong ba de bzhin don don gyi rang bzhin gyis mthong ba'i phyir/ don gyis rang bzhin ni don gyis sgrub byed yin la myong ba'i rang bzhin ni myong ba'i sgrub byed yin pas de'i rnam pa nyid thams cad kyi sgrub byed yin par 'gyur ro/ /gzhan ni shes pa'i rang gi ngo bo tha dad par byed pa yin yang don dang 'brel par byed pa ma yin no/ /de yang de yi bdag nyid yin/ /des na 'bras bu don gzhan min/ /'bras bu don gzhan yin pa de smra ba rnams la thams cad thad par dka' ba'i phyir/ /shes pa'i bdag nyid du gyur pa'i don gyi rnam pa nyid tshad ma yin zhing/ de'i bdag nyid du gyur pa'i rig pa ni tshad ma'i 'bras bu yin no/ /don gyi rnams su nyams su myong ba mi gtogs par ni don rtogs pa yod pa ma yin no/ /bde ba la sogs pa'i rnam pa don rig pa ma yin te/ de'i khyad par las don khyad par du nyams su myong bar thal ba'i phyir ro/ /don bde ba'i rgyur nyams su myong ngo zhe na/ gal te don gyi rnam pa

  33. 17a

    med na bde ba nyid 'ba' zhig myong bar 'gyur ro/ /don la myong ngo zhe na/ sngon po la ser po ci'i phyir ma myong/ phan tshun mi mthun pa'i phyir ro zhes bya ba yang bde ba dang sngon po dag la yang mtshungs pas rang gi phyogs nyams pa yin no/ /btags zin pas btags pas chog go /de ni de'i rang gi ngo bo nyid yin gyi rig pa'i bya ba ni med do zhe na/ 'di la brjod pa/ de yi bdag nyid 'dzin pa de/ /don rtogs pa yi bdag nyid kyi/ / byed pas rang gi las la ni/ /byed dang bcas pa lta bur snang/ /bdag nyid byed po yin na yang/ /de yi dbang gis der gzhag phyir/ /don dam par ni gang la yang gang gi byed pa med do/ /don rnams kyi rang gi ngo bo nyid de lta de lta bur gyur ba dag la/ de kho na ma yin pa dag gis sgro btags pas byed par brjod kyi don dam par ni ma yin no/ /skyes bu'i rang gi don ni shes pa yin te/ bde ba'i shes pa bzhin no/ /dper na bde ba'i shes pa skyes pa ni rang gi don can yin gyi/ bde ba'i shes pas cung zad byas pa ni med pa de bzhin du gzugs la sogs pa'i shes pa yang rang gi ngo bo nyid rang gi don yin gyi des shes par byed pa ni ma yin no/ /de don las skyes pa'i phyir na de tsam gyi tha snyad rdzogs pas don la byed pas ci zhig bya/ 'o na don rig par 'bras bur mi 'gyur ro zhe na/ 'bras bu don gyi rnam pa rig pa yang don rig pa yin pa'i phyir 'gal ba ci yod/ 'o na ci ltar don rig go zhes tha dad pa'i tha snyad du 'gyur zhe na/ don gyi rnam pa 'dzin pa de nyid la rig par byed pa zhes tha snyad 'dogs so/ /'di ltar/ gang gi tshe mig gi rnam par shes pa ser po spangs nas sngon po la sogs la 'jug pa de'i tshe

  34. 17b

    'dor ba dang len pa'i mtshan nyid nyid kyis byed pa dang ldan pa lta bur mngon pa dang/ gang gi tshe sngon po myong ba ni sngon po'i rang bzhin nyid yin na/ gzhan gyi ngo bo gzhan ma yin pa'i phyir ser po la mi 'pho ba des na/ de tha dad pa dang/ byed pa dang bcas par rigs pas rnam par bzhag pa yin zhing de yang don gyis rtogs pa nyid yin la/ don dam par ni de dang de ma yin pa'i rnam pa can gyi shes pa gzhan dang gzhan nyid de/ de la tha dad pa dang byed pa pa dag yod pa ma yin no/ /tha dad byed pa'i rtog pa ni/ /rjes 'gro ldog pa dag las de/ /thog med bag chags dang 'brel las/ /mngon sum sngon 'gro can ma yin/ /rigs mthun snga ma'i rnam par shes/ /nyams myong gis bskyed bag chags ni/ /ldog par rnam rtogs bon te/ /long ba brgyud pa kho nar zad/ /brda skabs kyi tshigs su bcad pa dag go /gal te de'i rnam pa can gyi shes pa des bskyed na don de nyid de la byed par 'gyur gyi don la ni shes pas ma yin na/ de ji ltar shes pas don 'dzin ces bya bar des zhe na/ 'di la lan ni/ /dper na 'bras bu rgyu rnams kyi/ /bdag nyid 'dra bar 'byung ba'i phyir/ /bya ba ldan nyid ma yin yang/ /'jig rten rgyu gzugs 'dzin zhes brjod/ /dper na pha dang 'dra ba'i bu/ /skyes pa 'dzin pa'i byed pa dang ldan pa ma yin yang 'jig rten na pa'i gzugs 'dzin to zhes brjod pa de bzhin du shes pa la yang tha snyad byed pa'i phyir 'gal ba ci yod/ de la ni de'i rnam pa mthong na de ltar ji ltar zhe na/ 'di la yang mya ngan la sogs par mthong ba nyid do/ /de'i rnam pa de ni de'i rnam pa can gyi shes pa nyid las yin gyi/ don las ni ma yin no zhes mi brtsad do/ /re zhig de'i rnam pa nyid las

  35. 18a

    de'i rnam pa yin par ni dmigs ba yin no/ /gal te mthong ba la rgyu bag chags kyi nus pa yod na ni nyams su myong ba las de'i rnam pa nyid yin no/ /'on te sngon ma mthong ma thos pa la 'jug na ni/ de'i tshe bag chags kyi nus pa med pa'i phyir/ rgyu gzhan las yin pa'i phyir/ de'i rgyu phyi rol gyi don yin no/ /'di ltar/ bag chags las byung gang yin pa/ /de ni gcig nyid la yod yin/ /don ni gnas par 'gyur na 'dir/ /thams cad thun mong bar skye 'gyur/ /de'i phyir don gyi rnam pa nyid sgrub par byed pa yin no/ /de'i phyir mthong dang dbang 'brel dang/ /khyad par gyis ni blo de dag /bya ba la ni chod pa'i phyir/ /tshad ma nyid du mi 'dod do/ /kha cig na re lta ba'i shes pa tshad ma yin la/ de las gzhan rig la sogs pa'i khyad par can gyi dngos po nges pa'i bdag nyid can ni 'bras bu yin no/ /de las kyang 'jug pa de las thob pa/ de las ni bde ba ste/ snga ma snga ma ni tshad ma yin la/ phyi ma phyi ma ni 'bras bu yin no zhes bya ba ni rim pa yin no zhes zer ro/ /don so sor nges par rnam par bzhag par ni rnam pa'i stobs nyid kyis yin gyi gzhan las ni ma yin no/ /gal te lta ba'i rnam par shes pa so sor nges pa'i rnam pa la mi brten na ci ltar 'di 'di'i lta ba yin zhes bya bar 'gyur/ /de bzhin du nges pa la sogs pa'i shes pa gzhan yang 'di lta bu kho nar de nyid kyi tha snyad thob pa yin no/ /rgyu snga ma snga ma ni phyi ma phyi ma nyid las rgyur 'gyur gyi/ so sor nges pa'i don rnam par 'jog pa ni ma yin no/ /de la ni de'i rnam pa nyid sgrub byed yin no/ /'di ltar/ bya ba la ni byed pa rnams/ /thams cad nye bar sbyor na yang/ /tha ma'i tha dad byed gang de/ /de yi sgrub byed

  36. 18b

    dam par 'dod/ /rgyu thams cad bya ba la nye bar sbyor yang de ji ltar nye bar sbyor yang de ji ltar khyad bar du 'phags bya ba sgrub par byed pa tsam ni ma yin te/ de yod kyang gang zhig bya ba la chod pa med pa de nyid sgrub par byed pa dam pa yin no/ /'di ltar dbang po la sogs pa dag yod kyang/ yul thag ring ba la sogs pas gal te so sor nges pa'i rnam pa ma thob na/ de'i tshe de'i rnam pa can gyi don yongs su gcod pa rnam par mi gnas so/ / de dang der mchod par 'gyur ba de bya ba yin pa'i phyir de nyid sgrub par byed pa yin no/ /yul thag ring ba ma yin pa nyid sgrub par byed pa yin no zhe na/ ma yin te/ yul thag ring ba ma yin yang dbang po nyams na nges pa rnam par gnas pa med pa'i phyir ro/ /'o na mnyams pa sgrub byed yin no zhe na/ de yang ma yin te/ 'di lta/ dbang po nyams pa med pa ni/ /myong ba'i de yi rnam pa yi/ /khyad par las ni yul yin no/ /de phyir de ni chod pa yin/ /rnam pa de nyid chod par 'gyur ba ma yin nam/ rnam pa des nges bar byas pa'i dbang po ma nyams pa ni don so sor nges par rnam par gnas pa'i rgyu yin no zhe na/ de ni legs pa ma yin te/ 'di ltar gal te rnam par nges pa ni/ /grub na de yis don gnas te/ /grub la rgyu min gzhan pa dag /ci zhig rgyas bar byed ba yin/ /rnam par nges pa ma grub par ni dbang po ma nyams pa sgrub par byed pa ma yin no/ /gal te de grub na de nyid kyis don rnam par gnas pa'i phyir dbang po ma nyams pa don med do/ /don grub pa la ni 'ga' yang sgrub par byed pa ma yin te/ grub zin pa la sgrub par byed pa mi srid pa'i phyir ro/ /des na grub par nye bar 'jog

  37. 19a

    ? par byed pa gang la bltos par bya ba yin/ de'i rnam pa yang nges pa rnam par gnas pa na nges par byed pa gzhan la bltos par bya ba yin no zhe na/ ma yin te/ mngon sum gyi tshad ma'i skabs yin pa'i phyir ro/ /gom pa yod na ni mngon sum tshad ma yin te/ nges pa med kyang de'i tshe de'i rnam pa tsam las 'jug pa yin no/ /gang gi tshe nges pa la bltos pa de'i tshe ni rjes su dpag pa'i tshad ma yin no/ /de yang rnam pa tsam kho na las 'jug pa'i phyir gzhan la mi ltos so/ /de'i phyir rnam pa las gzhan ni byed pa ma yin no/ /de bzhin du thun mong yin pa'i phyir te/ kun gyi mtshungs rgyu yin pa'i phyir/ /'di 'dra dbang po la yod min/ / de tha dad kyang tha dad med/ /'di yi 'di zhes de gang las/ /dbang po'i tha dad par byed pa ma yin te/ thun mong du sngon po dang ser po la sogs pa'i yul thams cad la rgyu yin pa'i phyir ro/ /gal te sngon po dang ser po dang/ de gnyi ga ma yin pa'i yul la dbang po gzhan dang gzhan 'byung ba ma yin nam de la mngon par phyogs pa ni der gzhan nyid yin te/ des na chos tha dad pas dbang po tha dad do/ /de'i phyir de tha dad pa nyid las tha dad par rtogs pa yin pa'i phyir/ de ji ltar na kun gyis mtshungs rgyu yin phyir ro zhes brjod ce na/ de ni ma yin te/ mngon du phyogs pa'i khyad par ni rnam pa tha dad pa med par rtogs par mi nus pa'i phyir ro/ /des na de tha dad pa yin yang rnam pa dang bral ba 'di'i sngon po dang ser po la sogs pa'i yul la phyogs zhes bya ba ga las yin/ sngon po la sogs pa khyad par ma gtogs par ni mngon du phyogs pa'i khyad par mi rtogs so/ /gal

  38. 19b

    te de yod na de ni mngon du phyogs pa brjod pas ci bya/ yang na de thams cad kyang tha dad pa med ces bya ba ni sngon po dang ser po la sogs pa rig pa tha dad kyang/ tha dad pa med pa'i dbang po la/ 'di'i byed pa ni 'di yin no zhes bya ba gang las yin/ mngon du phyogs pa'i khyad par las khyad par yod do zhe na ma yin te/ mngon du phyogs pa ni khyad par med pa ni khyad par du rtogs par mi nus pa'i phyir ro zhes brjod zin to/ /des na rnam pa'i khyad par nyid don du gnyes bar bya'o/ /de yod do zhe na gzhan gyis ci bya/ gal te don gyi rnam pa ni don nyid yin gyi shes pa ni ma yin te/ de ni don nyid du rtogs pa'i phyir ro/ /rnam pa de ni kha dog dang dbyibs kyi bdag nyid bems po'i ngo bo nyid du rtogs pa yin la/ shes pa ni de las bzlog pa rtogs pa'i rang bzhin du rtogs so zhe na/ ma yin te/ rnam pa ma rtogs par rtogs pa'i ngo bo nyid rtogs par mi nus pa'i phyir ro/ /sngon po la sogs pa dang/ bde ba la sogs par ma gtogs par shes pa'i rnam pa gzhan mtshon pa med pa'i phyir ro/ /'o na ni shes pa lkog tu gyur pa yin pa 'am/ yang na med pa nyid du 'gyur ro zhe na/ de ni mi bzang ste/ 'di ltar/ gal te shes te lkog gyur na/ /shes pa zhes bya de gang las/ /lkog tu gyur pa de yi ni/ /rang bzhin su yis shes par nus/ /gang las don ni lkog gyur min/ /de ni shes par 'dod ce na/ /don 'di lkog tu ma gyur nyid/ / shes yin 'dir na gzhan ci dgos/ /don gnas na ni 'di yod cing/ /mi gnas na ni med pa nyid/ /des na don yod ces bya ba/ /'di ni 'bad pa med par 'grub/ /'dis ni med par yang spangs pa yin no/ /nyams

  39. 20a

    su myong ba'i dus na lkog tu gyur pa las tha dad bar sngon po la sogs pa myong ba ni med do/ /des na de ni sngon po la sogs pa'i rnam pa yin no/ /de'i khyad par gyi rang bzhin du gyur pa'i sngon po ni gzhan nyid de/ me long gi bzhin gyi gzugs brnyan las bzhin nyid bzhin no/ /de'i phyir de ni rnam pa nyid yin gyi/ don rang nyid ni ma yin no/ /gal te me long gi gzugs brnyan dang/ gzugs gnyis ka yang rtogs pa ma yin nam/ 'dir ni rnam pa las ma gtogs pa'i don rtogs pa med do zhe na/ 'di ni 'og nas bstan par bya'o/ /'di ni re zhig gzhag go /rang nyid gsal ba boms po'i rang bzhin du bsgrub bar yang ci ltar nus/ /gal te gang las 'di 'gyur ba/ /don lkog tu ma gyur pa las gzhan 'ga' zhig yod do zhes sgrub pa de'i tshe bag chags yin par 'gyur ro/ /rnam par shes pa'i don gyi rnam pa 'di bag chags kyi stobs las byung ba yin gyi/ don ni bag chags kyi stobs las byung ba ma yin te/ de med par thal ba'i phyir ro/ /bag chags kyi stobs las byung ba ni don gyis stong bar 'gyur te/ rmi lam gyi rnam pa bzhin no zhe na/ gang gis sad tshe mthong ba yi/ /rnam pa don stong mi 'gyur ba/ /bag chags kyi ni khyad par dang/ /'ga' zhig de la yod pa yin/ /re zhig rmi lam la sogs par bag chags rnam pa'i skyed par byed pa nyid du ni dmigs pa yin no/ /des na sad pa na dmigs pa'i yul 'di yang de nyid las yin par rtogs te/ de'i rig can yin pa'i phyir ro/ /rnam pa de nyid de yin par ma grub ste/ de ni don nyid do zhes rtogs pa'i phyir ro zhe

  40. 20b

    na ma yin te/ 'khrul pa'i phyir ro/ /rmi lam gyi shes pa'i rnam pa yang ngo ma yin no zhes rtogs pa nyid do/ /brtags na gzhan du rtogs pa'i phyir ro zhe na/ 'dir yang brtag pa bya rog gis zos sa ni ma yin te/ bag chags kyi khyad par yang las sad pa'i gnas skabs kyi rnam pa nyid don dang ldan pa yin no zhes bya ba brtags ni mchog go /rmi lam la sogs pa'i shes pa yang rnam pa dang bcas pa ma yin te/ de la yang don yod pa'i phyir zhe na/ 'di ni 'og nas bstan par bya'o/ /'on te don gyis rnam pa ni lkog tu gyur pa'i ma yin te/ sngon po la sogs pa don gyi rnam pa ni don nyid yin no/ /de ni dngos po nye bas de ltar mngon pa yin te/ me long la gzugs brnyan bzhin no/ /me long la rnam pa mang pa yin yang bzhin nye bas rnam pa dang bcas par mtshon pa yin no/ /yang na sgron ma la sogs pa'i mthu las yin no/ /sgron ma'i 'od ni rnam pa med pa'i bum pa la sogs pa khyab bas bum pa la sogs pa'i rnam par mngon pa yin no zhe na/ de ni mi ? ste/ bzhin la sogs pa med par yang/ me long la sogs mthong ba yin/ /rnam pa las ni tha dad du/ /lkog tu ma gyur mthong ba med/ /lkog tu ma gyur ba nyid ni thams cad kyi tshe sngon po'i rnam pa'i bdag nyid du gyur par rtogs kyi gzhan du ni ma yin no/ /des na don nye bar ci zhig bya/ 'di ltar snang ngo/ /'di lta bur gyur pa zhig gi zhes bya ba 'di la tshad ma ci yod/ /byed la yang tshad ma ci yod ce na/ tha mi dad par dmigs pa nyid do/ /de ni 'khrul pa nyid do zhe na ma yin te/ gnod par byed pa med pa'i phyir ro/ /don 'thob pa'i phyir ro zhe na/ ma yin te/ thob pa ni de'i rnam pa'i mtshan nyid yin pa'i phyir ro/ /de'i rnam pa las ma gtogs pa'i thob la

  41. 21a

    ni med do zhes bstan par bya'o/ /gal te de de lta bur gyur pa'i rnam par ma gyur na/ don so so des pa'i rnam par bzhag pa 'ga' yang med par 'gyur ro/ /'dis ni lhag ma bshad pa yin/ /de dngos med na khyad par gyi/ /blo yang tha dad med 'gyur te/ /blo gzhan dag kyang de bzhin no/ /lhag ma ni lta ba dang/ don dang phrad pa la sogs pa'o/ /don dang phrad pa yang rnam pa las 'das te shes pa ni med do/ /des na de dag kyang bya ba la sgrub par byed pa dam pa ma yin te/ tshod pa'i phyir ro/ /khyad par gyi blo yang de'i rnam pa med na khyad par gyi blo nyi du mi 'grub bo/ /khyad par can gyi blo la sogs pa yang de bzhin te/ des na de dag kyang byed pa nyid ma yin no/ / gal ter? zhig khyad par gyi blo dus sngar yin na/ 'di ni khyad par yin no zhes ji ltar shes par bya/ khyad par can la brten pa med pa ni/ khyad par zhes bya bar 'gyur ba ma yin la/ de'i rang bzhin la brten par 'dzin pa med par khyad par nyid du 'dzin pa yang ma yin no/ /de'i rnam pa 'dzin pa na khyad par can yang bzung ba'i phyir ji ltar khyad par can gyi blo de las gzhan du gyur pa bsgrub bya yin par 'gyur/ /de nyid kyi tshe na bzung ba ni/ de 'dzin par byed pa'i blos bskyed pa'i 'dzin par byed pa'i bzung ba ma yin no/ /de'i dus su khyad par snang ngo zhe na/ sngar de 'dzin pa don med do/ /sngar yang khyad par can snang ngo zhes pa ni mi 'thad de/ sgrub par byed pa nyid med par thal ba'i phyir ro/ gzhan yang khyad par blo ni khyad par la yin la/ khyad par can la ni de'i blo yin pa'i phyir bya ba dang sgrub par byed pa dag yul tha dad par 'gyur ro/ /gyur mod ci skyon zhe na/ bya ba dang ni sgrub byed gnyis/ /yul tha dad

  42. 21b

    pa'ang mi 'dod do/ /don gcig yin na gnyis don med/ /rim bzhin 'byung ba 'ang med par 'gyur/ /pa la shis? sta? re la sogs pa'i byed pa zhugs na n+ya gro ta char pa sgrub pa ni ma yin no/ /don gcig yin na ni snga ma bzhin du thal lo /gnyis don med pa dang/ don de'i rgyu can gyi blo thams cad rim gyis 'byung ba 'gal bar yang yang 'gyur te/ gcig la rim pa mi rung ba'i phyir ro/ /bzlas pa'i bye brag gis rim par 'gyur ro zhe na/ ma yin te/ bzlas pa'i bye brag ni mngon sum gyis rtogs par mi nus pa'i phyir ro/ /gal te shes pa de nyid bskyar ba yin no zhes rtogs pa de ltar na bzlas par yid ches pas 'gyur ro/ /rim gyis byung yang tha mi dad pa'i rang bzhin 'dzin pa'i blo dag phan tshun bya ba dang sgrub par byed pa ma yin no/ /snga mas phyi ma bskyed pa'i bya ba nyid byed kyis rtogs pa ni ma yin te/ snga ma dang khyad par med pa'i phyir ro/ /bskyed pa'i bya ba yang de'i rang bzhin las gzhan ma yin no/ / zhes gzhan du bstan zin to/ /blo ni gcig car 'byung 'gyur na/ /bsgrub bya sgrub byed med par 'gyur/ /de rnams gzhag la brten nas ni/ ? cha? dag? bsgrub bya sgrub byed gzhag /zhes bya ba ni bar skabs kyi tshigs su bcad ba'o/ / phrad pa yang tshad ma ma yin te/ 'di ltar/ bdag nyid kun gyis 'brel na yang/ /chos 'ga' zhig gis rtogs 'gyur ba'i/ /des? pa de ni mi 'gyur te/ /'brel pa bye brag med phyir ro/ /gal te dbang po dang don phrad pa tshang ma yin la/ de'i 'bras bu don rtogs pa yin na/ phrad? pa de ni sbyor ba dang/ 'byor ba'i 'du ba dang/ 'byor pa'i 'dus pa'i 'dus dang/ 'du ba dang 'dus pa'i 'du ba dang/ 'byor pa dang khyad par gyi khyad par

  43. 22a

    can gyis dngos po'o/ /dbang po bum pa la sogs pa dang ni sbyor ba yin no/ /bum pa la 'dus pa'i yon tan bar ni 'byor ba'i 'du ba'o/ /dkar po nyid la sogs pa dang/ yon tan nyid dang ni 'byor pa'i 'dus pa'i 'du ba'o/ /rna ba nam mkha' i bdag nyid kyi sgra dang 'du ba'o/ /sgra nyid dang ni 'dus pa'i 'du ba'o/ /dbang po phyogs na bum pa med pa dang ni 'byor pa'i khyad par gyi khyad par can gyi dngos po yin no/ /de la gal te sbyor pas 'brel pa yin na/ /de 'dzin pa zhes bya ba ga las/ de ltar ma yin na du ba dang 'brel pa'i me la sogs pa yang rtogs par 'gyur ro/ /'on te 'du ba'i 'brel pa la sogs pa yin no/ /de lta na ni 'o na don gcig la 'du ba can gyi reg pa la sogs pa yang mig gis rtogs par 'gyur ro/ /'dis ni yul mtshungs pa nyid kyang bsal ba yin no/ /ji ltar don gcig la 'du ba can gyi dbyibs rtogs pa de bzhin du rig pa la sogs pa yang 'gyur ro/ /mig gis bzung ba ma yin pa'i phyir mi rtogs so zhe na/ don gcig la 'du ba can yin pa'i phyir ci ltar mig gis gzung ba'i ma yin zhes de nyid spyod pa ma yin nam/ de'i phyir bdag nyid thams cad kyis 'brel yang chos 'ga' zhig kho nas rtogs par nges pa mi 'thad do/ /gal te mig la sogs pa'i rdul phra rab phyi rol tu song ste/ don gyi yul du byin nas de? dang sbyor ba na don 'dzin pa'i rgyu yin na/ don lta yin na bdag nyid thams cad kyis 'brel pa'i phyir rang bzhin ma lus pa rtogs par 'gyur ba'i phyir 'phyogs pa dang/ gser po la sogs pa'i chos kyang gsal bar snang bar 'gyur ro/ /kha dog kyang ste dbyibs tsam ni ma yin no/ /de bzhin du rigs

  44. 22b

    la sogs pa ma lus pa mngon par gsal bar 'gyur ro/ /thag ring po la sogs par byed pa'i nus pa med do zhe na/ gal te nus pa med na thams cad kyi tshe? mi 'dzin pa nyid du 'gyur ro/ /gang gi de ltar gyur par rtogs par 'gyur ba'i tshogs pa ni de lta ba nyid do zhe na ma yin te/ dbyibs ni kha dog las tha mi dad pa nyid do/ /dbyibs ni kha dog las tha dad pa'i nges pa med do/ /kha dog kyang mun pa nges par bzung ba nyid do zhe na/ der yang kha dog nag po dmigs pa'i phyir ro/ /mun pa dngos po ma yin pa'i phyir kha dog mi dmigs so zhe na/ de yang mi 'thad de dmigs pa ni dngos po med pa nyid du mi rigs pa'i phyir ro/ /snang ba la yang mig btsums? pas rtogs pa'i phyir ro zhe na/ ma yin te/ de ni 'khrul pa yin pa'i phyir ro/ /gcig 'khrul pa'i phyir ro thams cad du 'khrul pa nyid ni ma yin te/ ha cang thal? ba'i phyir ro/ /des na 'di skad ces shes pa 'ga' zhig ni 'khrul pa yin la/ 'ga' zhig ni ma 'khrul pa yin no zhes bya ba nyid brjod par bya'o/ /des na snang ba nyid la bden pa'i dbyibs 'dzin pa yin gyi/ mun par ni ma yin la/ nye ba nyid du yin gyi rgyud ring por ni ma yin no/ /des na bdag nyid thams cad kyi 'dzin pa 'am mi 'dzin par rigs so/ /de tha dad med kyang gang las/ /tha dad de 'di'i tshad ma nyid/ /don tha dad pa med kyang shes pa tha dad pa ni rang la gnas pa sngon po la sogs pa'i rnam pa nyid las yin gyi phyi rol gyi rnam pa las ni ma yin no/ /de'i phyir rnam pa nyid chad ma yin no/ /'on te shes pa rnam pa med pa yin yang 'dus byas pa las don so sor nges par rnam par bzhag pa byed do zhe na/ 'di bshad par

  45. 23a

    'dus byas las min de yi dngos/ /med na de yang gzhag med phyir/ /don so sor nges par gnas pa sngon du 'gro ba can gyi 'dus byas pa ni/ /rang nyid so sor nges pas rnam par shes pa don so sor nges pa'i yul can du byed pa yin no/ /des ni don gang ji ltar myong ba de lta bur gyur pa dran par 'gyur ba yin na rnam pa med par ni don nges par myong ba ma yin no/ /des na gang gi phyir de las don nges par rnam par 'jog pa/ de las 'dus byas pa so sor nges par ji ltar 'gyur te/ phan tshun rten pa'i skyon du thal bar 'gyur ba'i phyir ro/ /nyams su myong ba so sor nges pa yin na/ 'dus byas pa so sor nges pa 'gyur la/ 'dus byas pa so? sor des? na yang nyams su myong ba nges pa'i phyir gcig kyang mi 'gyur ro/ /gal te rnam pa dang bcas pa'i shes pa tshang ma yin na de nyid 'bras bu yin pa'i phyir bya ba dang/ sgrub bya de dag gcig tu thal te/ rnam pa ni rtogs pa las tha dad pa med pa'i phyir ro zhe na/ 'dir yang bshad pa ni/ gal te bya byed gcig yin par/ 'gal lo zhes mi bden to/ /chos tha dad par khas len phyir/ /dngos su tha dad med par 'dod/ /bya ba byed pa'i rnam pa dag /thams cad de ltar rnam par gnas/ /tha dad 'dod pa'i dngos rnams la'ang/ /sgro 'dogs pas ni 'jug phyir ro/ /gal te don dam par bya ba dang/ sgrub byed dag gcig par mi 'thad do zhes brjod na/ de ni mi rigs te/ byed pa po'i bdag nyid na? kyi bya ba ni byed pa po'i bdag nyid du 'gal pa ma yin no/ /byed pa ni dngos po las tha dad pa ma yin no/ /'bar? ba dang 'bab pa dag ni sta re las tha dad pa ma yin te/ de nyid yul gzhan dang gzhan dag

  46. 23b

    dang 'brel bar skyes pa la de ltar tha snyad byed pa yin gyi/ de dag rang gi ngo bo las gzhan ni ma yin la/ rang gi ngo bo dang gcig par 'gal ba yang ma yin no/ /'on te tha snyad du bya ba dang byed pa po gcig par 'gal lo zhe na/ de ni 'dod pa nyid do/ chos tha dad par khas len pa'i phyir ro/ /rnam par rtog la gnas pa'i chos tha dad pa ni khas len pa nyid do/ /bya ba dang byed pa por rnam par bzhag pa thams cad ni de lta bu'i rnam pa can yin te/ brtags ba'i tha dad pa can yin no/ /'di ltar/ rjes 'gro ldog pa dag las ni/ /gcig dang du mar brtags pas ni/ /tha dad tha snyad rnam par gnas/ /re zhig ngo shes pa'i stobs kyis lhas byin ni gcig nyid du rnam par bzhag pa yin la de'i 'dug pa dang 'gro ba dag ni char rnam par gnas pa yin no/ /des na de la bya ba dag tha dad du rtog pa yin no/ /gang zhig de tha mi dad kyang tha dad pa de ni las ldog pa yin no/ /don dam par ni lhas byin nyid kyi gnas skabs kyi byed brag las tha mi dad pa can tha dad pa yin no/ /des na 'jig rten tha dad par 'dod pa'i dngos po rnams la yang gcig tu sgro btags nas 'jug pa'i phyir/ de'i don bya ba byed pa po tha dad par rnam par bzhag gi /don dam par ni ma yin no/ /de bzhin du rnam pa yang rtogs pa thams cad kyi khyab byed ma yin la/ rtogs pa ni rnam pa mdza' dag khyab par byed pa yin no/ /des na tshad ma dang 'bras bu dag tha dad par rnam par bzhag go /don dam par ni snang ba'i rnam pa nyid 'bras bu yin no/ /de'i phyir rnam pa tshad ma yin na/ don rig pa ni 'bras bu yin te/ 'bras bu tshad ma las tha mi dad pa nyid dang de las kyang tshad ma tha mi dad pa

  47. 24a

    yin no/ /de skad du yang/ byed dang bcas par rtogs pa'i phyir/ /'bras bu nyid ni tshad mar 'gyur/ /zhes bshad do/ /yang na 'dir rang rig pa 'bras bu yin te/ rang rig pa nyid gnyis su snang ba'i rnam par shes pa'i 'bras bu yin no/ /'jig rten don du gnyer ba'i 'bras bu don rig pa ma yin nam zhe na/ 'dir bshad pa/ gang tshe don rig yod min tshe/ /'jig rten don don gnyer mi 'thad/ /nam yang ma mthong don la ni/ /'jig rten don gnyer srid ma yin/ /thos pa yang brgyud nas mthong ba nyid la yin no/ /sngon po la sogs pa'i don rig pa nyid ma yin nam/ ji ltar don mi rig ce na/ 'di la brgal zhing rtag pa ni/ /don rig gang yin so sor rig /mngon sum gang yin 'di nyid do/ /de ni gang gis don rig yin/ /de 'dra las yin 'khrul par 'gyur/ /gal te so sor nges pa 'am so sor rig par 'gyur ba'i rig pa yin no/ /de'i tshe rnam pa dang bcas pa'i shes pa nyid don rig pa yin pa'i phyir tha snyad tsam kho na 'ba' zhig tu 'gyur gyi/ /don rig pa nyid ni mi 'grub po/ /'on te de'i rang bzhin nyid las don rig pa yin te/ /de lta bu med na de'i rang bzhin mi srid pa'i phyir ro zhe na/ ma yin te/ skra dang sbrang bu la sogs pas 'khrul pa'i phyir ro/ /'on te don rig pa de gang yin zhe na/ de nyid dpyad par bya ba yin/ gal te don rig pa med na de'i tshe nyams su myong ba 'di gang la yin te/ nyams su myong ba ni myong bar bya ba'i mthar thug pa yin pa'i phyir ro zhe na/ rab rib can la skra la sogs pa ma yong ba yod par ji ltar 'gyur/ gal te kha cig don la brten pa nyid du mthong ngo zhe na/

  48. 24b

    de nyid dpyad bar bya ba yin te/ mthong ba ni yin na don gyi zhes ni mthong ba med de/ don ni mthong ba med pa'i phyir ro/ /gal te skyes pa tsam gyi don rig pa yin na mig kyang des rig par 'gyur te/ de las skyes pa'i phyir ro/ ji ltar 'bras bu mthong ba'i las rjes su dpag pas don rjes su dpag par bya ba de bzhin du mig kyang yin pas de yang nges rig pa dang/ de nyid de'i rnam par brtag par 'gyur ro/ /phyi rol gyi yul gyi rnam pas phyi rol nyid du brtag pa yin no zhe na/ ci me long gi bzhin gyi rnam pas bzhin de'i yul du rtog gam/ des na bzhin ltar mdza' ? dag la gnas pa yin te/ bzhin ltar gzugs brnyan gyis snang ba yin no zhes brtag par bya'o/ / rdul phran de dag gang gis na/ rags par snang ba de 'drar byed/ /gal te rdul phra rab yul yin na de la rags par snang ba'i rnam par shes pa yin pa'i phyir 'dra ba med pas ji ltar rnam par shes pa'i yul yin te/ shing la sogs pa la gong bur 'dzin pa ltar 'khrul pa kho nar 'gyur ro/ /kha dog gi rtsam pas 'dra bar byed pa yin no zhe na ma yin te/ dbyibs ni kha dog las tha dad pa med pa'i phyir ro/ /dbyibs kha dog gi bdag nyid yin na ni rags pa nyid yin par 'gyur ro/ /ci ste rags pa nyid ni 'dzin pa'i chos yin la/ kha dog ni bzung ba'i chos yin te/ mang po bzung ba na rags pa zhes bya ba'i tha snyad du 'grub pa yin gyi rdul phra rab so so bdag la ni ma yin no/ /sngon po nyid la sogs pa ni der so sor yin te des de ni gzung ba'i chos yin no zhe na/ gal te de lta yin pa de lta na yang bar dang bcas pa dag la bar med par bzung

  49. 25a

    pa'i phyir 'khrul ba nyid do/ /ma yin te bar yul ma yin pa nyid kyis mi snang ba'i phyir ro zhe na/ gal te de ltar na nye bar brjod pa thams cad dang bral ba'i mtshan nyid ni dngos po med pas yin pas bar ni med pa kho nar 'gyur te/ de'i phyir dngos po bar med pa'i nyid du brtag par bya ba yin no/ /bar med pa mi 'thad pa'i phyir ro/ /dngos po cha shas dang bcas pa ni mi rigs te/ rnam par shes pa bzhin du dngos po cha med pa nyid du yin pas rdul phra rab tu grub po zhe na ma yin te/ 'brel pa med pa'i phyir ro/ /dam bcas pa mngon sum gyis bsal ba'i phyir yang de mi rigs so/ /mngon sum med par rjes su dpag pa yang mi 'byung ba'i phyir ro/ /rags pa ni phra mo tshogs pa'i rang bzhin nyid do zhe na/ 'di la sngar lan btab zin pa'i phyir yang mi brjod do/ /de'i phyir de ni don dngos min/ /yin yang 'khrul pa can yin pas/ /de myong ba yi ngo bo nyid/ /sgrub par byed pa nus ma yin/ /don gyis rang bzhin yang 'khrul pa yin pa de'i phyir de tsam gyis don rig go zhes bya bar mi 'grub po/ /'khrul pa nyid ni sgrub par byed pa ma yin te/ sgrub par byed pa'i don ni mi 'khrul pa yin pa'i phyir ro/ /'khrul ba yin yang sgrub byed yin na ni thams cad kyi sgrub par byed pa yin par 'gyur ro/ /sgrub par byed pa ni yod pa nyid 'jog par byed pa yin na/ 'khrul pa de ni res 'ga' med par yang 'gyur ba yin pa'i phyir yod pa nyid kyi phyogs 'phen pa ma yin no/ /de'i phyir yod pa nyid dang cig shos cig gi tshe gcig la 'gal lo/ /de'i phyir rnam par shes pa'i sngon po la sogs pa'i rang bzhin tsam

  50. 25b

    gyis don sgrub par byed pa ma yin pa'i phyir ma nges pa yin no/ /gzhan yang don gcig po'i myong ba rnams kyang 'dra ba yin na/ de dag phan tshun rig par byed pa'i dngos po ni ma yin no/ /rgyud gzhan gyi myong ba 'dra ba yin yang myong bar bya ba 'am myong bar byed pa ni ma yin no/ /de 'dra ba dang de las byung/ /gal te myong ba'i mtshan nyid yin/ /don mtshungs can gyi rnam par shes/ /mtshungs pa de ma thag myong 'gyur/ /gal te gang las skyes pa dang 'dra ba de des rig pa yin no zhe na/ 'o na ni de'i tshe yul mtshungs pa'i shes pa de ma thag pa yul yin par 'gyur ro/ /gang gi tshe snga ma la yang sngon po'i rnam pa can yin la de'i de ma thag pa las skyes pa/ phyi ma yang sngon po'i rnam pa can yin pa de'i tshe rgyu yin pa'i phyir dang/ 'dra bar byed pa yin pa'i phyir snga ma yul yin par 'gyur ro/ /'on te gang las sngon po la sogs pa'i rnam par skye ba de rnam pa de dang ldan pa'i yul yin no/ / yul mtshungs pa'i shes pa la yod pa'i rnam pa gang yin pa de ni de ma thag pa las byung ba ma yin te/ de ltar ma yin na sngon po'i rnam pa can gyi de ma thag pa las ser por shes par mi 'gyur ro/ /des na sngon po la sogs pa'i rnam pa de ma thag pas byas pa'i ma yin no zhes rtogs pas de yul nyid ma yin no/ /gzhan dag smra ba ni gang gi tshe sngon po'i rnam pa can gyi de ma thag pa las rnam par rtog pa dang bcas pa sngon po'i rnam pa can skye ba de'i snga ma yul yin par 'gyur te/ de ni rnam pa byed pa po yin pa'i phyir ro zhes so/ /de yang ma yin te/ /myong ba ni dran pa'i yul yin par 'dod pa nyid do/ /de lta bu nyid du yang shes pa yin te/ 'di ltar 'jig rten

  51. 26a

    thams cad dran pa las/ /rjes su 'brang bas don myong ba/ /rtogs 'gyur dngos su don dag ni/ /rtogs par 'gyur ba ma yin no/ /gang gi tshe dran pa brjed pa med pa de'i tshe dran pa thams cad don myong ba la 'jug par rtogs so/ /des na 'di ni myong ba'i yul can du 'dod pa nyid do/ /khas blangs pa nyid skyon du 'gyur ba ni ma yin no/ /gzhan yang dran pa 'di ni yul med pa yin pas 'di'i yul bsam pas ci zhig bya/ 'dir brjod pa/ sngar gyi sngon po nyams su myong ba las bsgom pa'i stobs kyis gsal bar snang ba skyed pa gang yin pa de'i yul snga ma yin par 'gyur ro/ /ji ltar de de ma thag pa yin zhe na/ de 'dra ba rigs mthun pa'i rnam par shes pa gzhan par du byung ba med pa'i phyir ro/ /ji ltar de skyed par byed pa yin zhe na/ 'di lta na btab zin te/ bar du chod kyang skyed par byed pa yin no zhes 'di ni bstan zin to/ /yang na rnam par rtog pa'i rnam pa nyid goms pa las gsal bar snang ba'i skyed par byed pa yin pas yul du 'gyur ro/ /des na rnam pa de las ni don gnas pa ma yin no/ /rigs gang gang las byung ba des/ zhes bya ba'i rigs pas don gyi rnam pa 'di ni bsgom pa'i stobs kyis rigs mthun pa las yin par gnas pas don du rtog pa de ni mi rigs so/ /des na de ma thag pa'i shes pa nyid yul yin par 'gyur ro/ /de lta na ni 'o na/ 'di mthong 'di thos zhes bya bar/ /gang la blo ni des pa de/ /de myong yin na gang gis de/ /de yi sgrub byed yin 'dod pa/ /snang dang mthong ba de dag gi /nye ba de ni dpyad bya yin/ /de dag 'brel ba la brten

  52. 26b

    nas/ /lta ba po yi des de yin/ /gal te don gnas pa ni des pa las yin no/ /nges par ni don las gzhan du mi 'gyur ro zhes zer ro/ /'di de ma thag pa'i rkyen las byung ngo zhes des pa ni med de/ /'on kyang nga'i myong ba 'di'i yul ni don yin gyi de ma thag pa'i rkyen ni ma yin no zhes so/ /don nyams su myong ba med par ni don no zhes nges par rigs pa ma yin te/ nges pa ni myong ba'i rjes su 'brang ba'i phyir ro/ /'di la brjod pa nyams su myong bas don rnam par gnas pas ni ma yin gyi/ de'i rjes su 'brang ba'i nges pa las yin no zhes bya ba 'di ni long ba gcig gis ni lam mi rtogs kyi/ des khrid pa'i gnyis pas yin no zhes bya ba de ltar 'gyur ba'i phyir shin tu ngo mtshar che'o?/ /'di ltar dngos su don las skyes pa yi/ /shes pas gang zhig mi mthong ba'i/ /don de de las gzhan pa yi/ /zhen pas yin zhes gzu lums yin/ /nges pa ni myong ba'i rjes su 'breng ba yin no/ /des 'di ni don nyams su myong ba yin gyi rang gi ngo bo tsam ni ma yin no zhes nges pa nyid las rtogs pa yin te/ de lta ma yin na des pa de lta bu nyid du mi 'gyur ro zhe na/ de ni de ltar ma yin te/ nyams su myong ba nyid gang gi zhes mi shes pa ma yin nam/ ji ltar nyams su myong ba'i rjes su 'brang ba nyid du 'grub /'o na nges pa ga las she na/ goms pa nyid las yin no zhes bstan zin to/ /goms pa de yang myong ba nyid las yin pa'i phyir ga las phyin ci log tu nges shes na/ 'di yang lan ma yin te/ gang gi phyir de lta yin na ni 'ga' yang phyin ci log tu nges par mi 'gyur ba zhig na mthong ba yang yin no/ /des na 'di ni mi 'thad do/ /gal te lta ba tsam ni rnam par 'byed par byed pa ma yin te/ des

  53. 27a

    na nges pa kho nas don dang don ma yin pa rnam par 'byed do zhe na/ gal te de lta na ni nges pa yang rnam par 'byed par mi 'gyur te/ zla ba gnyis su shes pa ni zla ba gcig tu nges par byed pa ma yin no/ /ci ste goms pa las nges pa ni byed brag tu sgrub par byed pa yin no zhe na/ ma yin te/ goms pa ni rgyu ma yin pa'i phyir ro/ /so sor nges par nyams su myong na nges pa de goms pa la 'gyur ba yin no/ /don zhes nges pa yang don bya ba byed pa 'dod pa yin na/ don byed pa de ni snang ba gzhan nyid do/ /snang ba las snang ba gzhan mi skye ba yang ma yin no/ /des na nges pa las don gnas pa ma yin no/ /ci ste nyams su myong ba de gang la yin zhes gang brjod pa de la yang brjod pa ni/ de yi myong de bdag nyid de/ /de gzhan 'ga' zhig gi ma yin/ /mngon sum so sor rig bya yang/ /de yi de ni bdag nyid yin/ /don rnams kyi rang bzhin ni rgyu med par mi skye ba'i phyir 'di ga las zhes rgyu 'dri ba ni rigs kyi/ 'di gang la yin zhes 'dri ba'i don de go gang zhig /'di ltar myong 'di gang la zhes brjod la/ gang tshe don la slar bzlog pa/ de tshe don 'di gang la zhes/ 'dri ba thug pa med par 'gyur/ /rnam pa 'di lta bu'i dri ba ni rtse mo yin no/ /ci'i phyir zhe na/ mthar thug pa ma mthong ba'i phyir ro/ /'di ltar don de gang las yin/ de gang la de lta bu nyid du mthong ba'i phyir/ yang brgal zhing brtag pa med do zhe na/ gal te de lta na ni don mthong ba med pa'i phyir/ myong ba yang rang gi ngo bo nyid la gnas pa yin te/ de lta bu nyid du mthong ba'i phyir/ gzhi brtags pas ci zhig bya/

  54. 27b

    'dis ni drug pa'i don la brgal zhing brtag pa yang spangs pa yin te/ de brjod pa ni/ de gzhan 'ga' zhig gi ma yin te/ zhes bya ba yin no/ /'o na ji ltar mngon sum du so sor rig par bya ba'i don dgag par nus 'di ltar de dang ldan pa mngon sum gyis sngon po mthong ba yin no zhe na/ ma yin te/ don mthong ba med pa'i phyir ro/ /zhes bshad zin to/ /mngon sum rig bya de yi ni/ /rnam pa nyid yin don gzhan min/ /rnam pa de la sngon po zhes/ / tha snyad 'dogs kyi gzhan ma yin/ /de'i phyir sngon po'i bdag nyid can gyi myong ba ni sngon po myong ba ste/ dper na mchi gu'i lus zhes bya ba bzhin no/ /drug pa'i don zhes bya ba tsam gyis ni tha dad pa ma yin no/ /'di ni rnam pa ji ltar yang 'gyur ba'i phyir ro/ /yang na gal te de la myong ba gzhan med na de mngon sum myong ba ji ltar 'gyur zhe na/ ma yin te rang gi ngo bor gyur pa'i myong ba nyid kyis gsal bar mngon sum du 'gyur te/ gzhan gyi rang bzhin gyi mngon sum du mi 'thad pa'i phyir ro/ /de'i ngo bo ni gzhan gyir mi 'gyur te/ de lta yin na gzhan nyid du mi 'gyur ro/ /yang na rnam par shes pa lkog tu gyur pas na gang zhig myong ba de ni don yin par 'gyur ro zhe na/ gal te de lta na de'i myong ba de bdag nyid yin par 'gyur te/ gzhan la rig par bya ba med pa'i phyir ro/ /gyur mod ci skyon zhe na/ de gzhan 'ga' zhig gi ma yin/ gal te don gyi bdag nyid yin na gzhan la yang de ltar 'gyur pa'i phyir thams cad de mthong bar 'gyur na/ gzhan la ni de lta ma yin no/ /gal te mngon sum gyi rigs par bya ba yin gyi/ /bdag nyid kyis ni ma yin no zhe na/ ma yin te/ de'i rang bzhin

  55. 28a

    nyid rtogs pas tha dad par rnam par bzhag nas de ltar tha snyad byed pa yin no/ /de'i phyir sngon po la sogs pa gzhan gyis rig par bya ba ni ma yin te/ bdag nyid kho na myong ba yin no/ /yang na gal te don myong ba med na phyi rol gyi yul phyogs dang/ 'brel bar spyod yul du 'gyur ba 'di ji ltar bya zhe na/ bdag nyid myong ba yin te/ sems nyid myong ba yin na/ ji ltar phyi rol gyi yul yin de yang gzhan gyis ma yin te/ de'i phyir 'di ji ltar phyi rol tu gyur pa yin/ yang na de bdag nyid yin te/ 'di thams cad ni bdag kho na yin no zhes khyed kyis kyang khas blangs pa'i phyir ro/ /de yang myong ba yin no/ /de yang gzhan gyis ni ma yin gyi 'on kyang bdag kho na'i yin te/ de las tha dad pa med pa'i phyir ro/ /de ni rjod pa yin no zhe na ma yin te/ mngon sum so sor rig par bya ba yin pa'i phyir ro/ /gang gi phyir de mngon sum du rig par bya ba nyid ni bdag nyid kho nas yin gyi gzhan du ni ma yin no/ /gal te bdag tu smra bar thal lo zhe na/ ma yin te/ rnam pa sna tshogs pa myong ba'i phyir ro/ /ma rig pa'i dbang gis bskyed pa'i phyir de ni myong ba kho na'o/ /bdag tu smra ba ni nye bar mkho ba ma yin te/ 'dod chags la sogs pa rab tu zhi ba dang/ rjes su mthun pa ni bdag med pa nyid yin pa'i phyir skyon med do/ /'di nyid 'og nas ston pa ni/ des na nyams myong bya gzhan med/ /de la 'ang myong ba gzhan yod min/ /der yang btsad pa mtshungs phyir te/ de ni rang nyid gsal ba yin/ /blos nyams su myong ba gang yin pa de ni gzhan ma yin te/ ji ltar myong bar bya ba med par de ltar brjod zin to/ /'o

  56. 28b

    na de myong bar byed pa gzhan myong ba'i blor 'gyur ro zhe na/ ma yin te/ der yang gzung ba dang 'dzin pa'i mtshan nyid med pa'i phyir ro/ /myong ba gzhan ni rang gi ngo bo nyid la gnas pa'i phyir/ ji ltar gzhan gyi myong ba yin/ mngon du byed pa la sogs pa ni spangs pa yin no/ /de myong bar rjes su zhugs na yang de dag gcig nyid du 'gyur la/ de lta yin dang rang nyid kho na gsal ba yin gyi de las gzhan ni med do zhes gnas so/ /'o na rnal 'byor pa rnams kyi gzhan gyi sems rtogs pa ji ltar zhe na/ 'di ni 'og nas 'chad par 'gyur ro/ /de'i phyir rang nyid rang gi ngo bo gsal bar byed pa'i phyir de ltar 'gyur ba yin no/ /de lta na 'o na rang gi ngo bo myong ba zhes bya bar 'gyur gyi/ ji ltar sngon po myong ba zhes rjod ce na/ 'dir bshad pa de yi dngos te sngo sogs kyi/ rang bzhin nyams su myong ba'ang de/ rang gi ngo bo myong gyur kyang/ sngo stsogs myong bar snang ba yin/ sngon po'i rang bzhin yin pa'i phyir sngon po'i myong ba yin gyi/ sngon po gzhan myong ba ni ma yin te/ 'ba' zhig myong ba med pa'i phyir ro/ /gang zhig gang las tha dad pa de ni de'i rang bzhin gyis tha snyad kyi yul du 'gyur ba yin no/ /'di ltar gal te 'ba' ? zhig ni/ /de lta bur ni nges par 'gyur/ /ldog pa rang gi ngo bo la'ang/ /mthong ba de phyir de lta min/ /ji ltar sngon po myong ba zhes brjod pa de kho na ltar 'di myong ba sngon po'i rang bzhin yin no zhes rigs so/ /tha dad par bsnyad pa tsam gyis ni tha dad pa ma yin te/ tha dad pa'i tha snyad ni rnam pa 'ga' zhig ltar bag chags kyi stobs las kyang dmigs pa yin no zhes sngar bstan zin to/ /ji ltar sngon po'i rang gi ngo bo gsal bar byed/

  57. 29a

    sgron ma la sogs pas gsal bar bya ba bum pa la sogs pa dag ni rang nyid gsal bar byed pa ma yin no/ /bdag nyid la ni byed par 'gal ba yang yin te/ ral gri'i so de nyid kyis gcod pa ni med do zhe na/ 'di la lan ji ltar de yi bdag nyid phyir/ gsal byed rab tu gsal ba na/ rang gi ngo bo gsal byed 'dod/ de ltar blo bdag rig can yin/ /bdag nyid la byed pa 'gal ba zhes tshad ma gang las nges/ dpe tsam gyis ni 'dod pa'i don mi 'grub ste/ bzlog pa la yang sgron ma dper yod pa'i phyir ro/ /gal te bum pa phyi rol gyi bdag nyid du gyur pa'i sgron mas gsal bar bya ba yin na/ sgron ma yang de lta bu gzhan gyis gsal bar bya ba yin no zhes brgal zhing brtag pa ni ma yin no/ /bum pa yang sgron mas gsal bar ni byas pa ma yin te/ 'on kyang de las de ltar skyes pas yin no/ /ci ste sgron ma yang mig la sogs pa gzhan gyis gsal ba yin no zhe na/ ma yin te/ mig la sogs pa ni bum pa la sogs pa thams cad la thun mong ma yin pa yin pa'i phyir ro/ /'di ltar mig yod kyang bum pa gsal bar byed pa sgron ma la bltos pa de bzhin du sgron ma yang 'gyur ro/ /'on te bum pa de ltar skye ba nyid de/ de'i gsal bar byed pa ni mig la sogs pa yin no zhe na/ de lta na ni 'o na/ ji ltar sgron mas phyi rol don/ /gsal bar byed pa yin min yang/ /gsal byed tha snyad yul yin ltar/ /mig la sogs pa 'ang 'dod par bya/ /dper na de las de lta bu'i ngo bor skyes pa yin yang/ /sgron ma la sogs pas bum pa gsal bar byas so zhes tha snyad du byed pa de bzhin du mig la

  58. 29b

    sogs pa las kyang de ltar skyes pas tha snyad du byed pa yin no/ /ci ste bum pa la sogs pa la ni gnyi ga gsal bar byed yin la/ sgron ma la sogs pa la ni gcig nyid do zhe na/ de lta na'o na/ ji ltar srid pa 'ga' zhig la/ gsal byed gcig yin gzhan dag la/ /gnyis na gzhan pa dag la ni/ /gcig kyang med na ci zhig chad/ /shin tu nus pa med pa la ni gnyis yin la gzhan la gci ga yin zhing/ gzhan dag la ni gcig kyang med do zhes bya ba 'di dngos po rnams kyi rang bzhin yin pa'i phyir 'di la chad pa ci yod ci ste rang gi bdag nyid la byed pa 'gal ba'i phyir ro zhes brjod na/ gang tshe de yi rang bzhin ni/ /de yin de tshe ci zhig 'gal/ /rang gi ngo bo 'gal na ni/ /'di kun thams cad nyams par 'gyur/ /rang gi ngo bo dang 'gal ba ni 'ga' yang med do/ /de lta yin na ni 'gal yang rang gi ngo bor mi 'gyur bas thams cad 'jig par 'gyur ro/ /chad pa ni khyad par can du skyed pa yin pas de nyid kyis de nyid skyed pa yin te/ don nyid don rang gi bdag nyid la byed pa 'gal ba'i phyir ro/ /rang gsal bar byed pa'i rang bzhin ni/ de'i rang gi ngo bo yin pas de nyid dang 'gal ba ma yin no/ /de dag las zhes brjod par bya ba yin na/ de lta bur gyur pa'i rang gi rgyu las yin no/ /gal te rgyu med pa de'i tshe mi 'thad par gyur gyi gzhan du ni ma yin no zhes bya bar rigs so/ /des na gzhan gyis 'di skad ces rang gsal bar byed pa nyid ni ma mthong ngo zhes brjod par bya ba yin la/ /de la ni thams cad du rang gi ngo bos gsal ba yin pa'i phyir ro zhes lan btab zin pa nyid do/ /yang brjod pa/ de yi rig bya don gzhan na/ tshor

  59. 30a

    bya tshor byed 'thad par dka' / /don gzhan du gyur pa'i blo rang nyid gsal ba 'am/ de lta ma yin par 'gyur/ gal te rang nyid gsal ba yin na rang gi ngo bos gsal ba yin no/ /des na de ma gsal bar des don gzhan gsal lo zhes bya ba'i tha snyad de ltar mi 'gyur ro/ /gal te gsal na ni de yang de lta bu nyid du de'i tshe gsal ba yin pa'i phyir ji ltar de gzhan gyi gsal ba yin/ de'i tshe ni gsal bya dang gsal byed dag khyad par yod pa ma yin no/ /gal te de'i byed pa las rims kyis rtogs pa'i khyad par yod pa yin te/ 'di ltar sgron ma la sogs nye ba na/ de yi khyad par rtogs pa yin/ de ltar skyes par cis mi 'dod/ /khyad par gsal ba zhes bya ba ni de rang gi ngo bo nyid kyis gsal ba yin no/ /des na rang gi ngo bo nyid de ltar gsal ba yin pa de'i phyir mthar yang rang nyid gsal ba kho na yin no/ /'on te rang nyid gsal ba zhes grags pa med do zhe na/ tha snyad de lta bur gyur pa ma yin no/ /des na 'di skad brjod pa yin no zhe na/ nyams su myong ba dang mthun pa'i tha snyad tshad mar bya ba yin gyi thams cad ni ma yin nam ci ste tha snyad thams cad tshad ma yin na/ de ltar gyur na phyi rol ba khong du chud par bya ba'i phyir 'ga' yang brjod par mi bya bar 'gyur ro/ /de'i phyir ji ltar rtogs pa de ltar khas blang ngo/ /gal te rig par byed pa zhes bya ba ni lkog tu gyur pa ma yin par 'thad kyi rig par bya ba ni de ltar thams cad kyi tshe 'gyur ba ma yin no zhes bya bar rigs so/ /rig par bya ba ni lkog tu gyur pa yang yod bar 'thad do/ /gal te rig pa kho na yin na ni shes pa dang shes bya khyad

  60. 30b

    par med par 'gyur ro zhe na/ de ni mi 'thad do/ /rig bya las ni ma gtogs pa/ /sngon po la sogs rtogs pa med/ /rigs bya min pa rtogs zhe na/ /de med par ni ji ltar 'gyur/ /rigs par bya ba ma yin pa nyid rtogs so zhes bya bar ni 'gal lo/ /de lta na yang don 'dir 'gyur te/ ma rtogs pa rtogs so zhes so/ /'on te mngon sum gyi ma rtogs pa rjes su dpag pas rtogs pa yin na de yang mi rung ste/ rtogs pa las tha dad pa'i don gzhan med do zhes bya ba'i phyogs yin gyi/ mngon sum gyis rtogs pa nyid yin no zhes bya ba ni ma yin no/ /rjes su dpag pas rtogs pa yang bzung ba'i rang bzhin mngon sum nyid du rtogs pa yin no/ /gal te de la gzhan gyis mthong ba 'am de lta ma yin pa de las gzhan pa'i don yang yod pa ma yin nam zhe na/ ma yin te/ rtogs pa med pa'i phyir ro/ ma rtogs pa yod do zhes bya ba 'di ga las yin/ rjes su dpag pa nyid kyis rtogs so zhe na/ 'o na rjes su dpag pa nyid du mi 'gyur te/ don mngon du byed pa'i phyir ro/ /mngon du byed pas ni ma yin no zhe na/ de yod la yang yin la de med pa yang yin no zhes bya ba 'di rigs sam ci/ /mngon du byed pa med par rtogs so zhes bya ba'i don ci yin/ rang gi ngo bo rtogs so zhe na ni/ de nyid mngon du myong ba yin la/ ma yin no zhe na ni ma rtogs pa nyid do zhes bya bar rigs so/ /rang gi ngo bos rtogs na ni/ /de nyid mngon du byas pa yin/ /rang gis ngo bos ma rtogs na/ /de ni rnam kun ma rtogs nyid/ /rang gi ngo bos rtogs kyang ngo/ /gal te mngon du byas min na/ /'o na myong las sngon po yi/ /rang bzhin ji ltar tha dad 'gyur/

  61. 31a

    rtogs pa'i dbye bas tha dad pa/ /sngo sogs rang bzhin gcig pa nyid/ /gzhan tha dad pas de las gzhan/ /tha dad ji ltar tshad can yin/ /de dang 'brel bas de nyid na/ /don gzhan yod par ga la 'gyur/ / de dang gcig tu gyur pa ni/ /da las gzhan bar ga las 'dod/ /rjes 'gro ldog pa dag las ni/ /tha dad rtogs pa ma yin te/ /rjes su 'gro dang ldog pa dag /mngon sum gyis ni rigs ma yin/ /rjes su dpag pas rtogs na min/ /rjes dpag mngon sum sngon 'gro can/ /de med rjes dpag med pas na/ /long ba brgyud par 'gyur ba yin/ /gal te khyab byed med par ni/ /khyab bya yod par ji ltar 'gyur/ /ma rtogs par ni ji ltar na/ /de yi khyab par byed par brjod/ /gal te de'i tshe rtogs na rtogs pa'i nang du chung pa nyid las ji ltar don yin/ 'on te ma rtogs na ji ltar khyab par byed pa nyid du rtogs/ /khyab par byed pa nyid du sngar rtogs pa'i phyir ro zhe na/ rjes su dpag pas ci bya/ /'di'i dus su ma rtogs pa de'i phyir rjes su dpag pa don med pa ma yin no zhe na/ 'o na sngar khyab par byed pa nyid du ji ltar rtogs/ /sngon dang da ltar shes pa ni/ /tha dad khyab byed ji ltar rtogs/ / de ni rtogs pa tsam zhe na/ /khyab pa de ni ji ltar brjod/ /gal te du ba'i rnam par ni/ /rtogs pa me med mi 'byung na/ /me yi rnam pa 'di yang ni/ /me med par ni 'dod ma yin/ /me'i 'bras bu du ba ji ltar rtogs pa tsam yin zhe na/ 'di ni ma yin te/ 'di ltar me yi 'bras bu nyid yin na/ /du ba sogs phyi rol ngo bo nyid/ /de ni me yi 'bras bur yang/ /phyir nyid du ba grub na 'gyur/ /de'i phyir phan tshun rten pa dngos por rnam par gnas pa can ma yin pa 'di ni nye bar dgod

  62. 31b

    par mi bya ba nyid do/ /'dis ni ngo shes pa yang khyad du bsad pa yin te/ ji skad du ngo shes pa'i stobs kyis rnam par shes pa'i tsam bzlog pa yin no zhes 'dzer te/ 'di ltar/ gal te myong ba'i nang gnas na/ /ngo shes pa yi don ci yin/ /gal te myong min don bdag na/ /rnam rig tsam du ji ltar 'gyur/ /bar na yod pa'i don ngo shes pas rtogs par 'gyur ba ni myong ba'i nang du 'dus pa ma yin te/ lkog tu gyur pa nyid du rtogs pa'i phyir ro zhes so/ / 'di ltar/ lkog tu gyur par rtogs pa ni/ /rtogs par 'dus pa dngos nyid ni/ /rtogs par ma chud/ /rtogs min zhes bya ba 'di yang bstan zin to/ /ma rtogs pa bar na yod pa med na/ ji lta ngo shes par 'gyur zhe na/ snga ma dang phyi ma rigs mthun pa nyid rtogs pa tsam kho na las yin par mthong bas/ de kho na ltar 'gyur mod/ /gzhan gyis ci zhig bya ste/ bregs pa'i phyir sobs pa'i sgra dang/ sen mo ngo shes pa bzhin no/ /'on te der ngo shes pa'i shes pa ni spyi la sogs pa'i yul can yin zhe na/ spyi nyid gcig yin no zhes ngo shes pa des na gsal ba gcig nyid du mi 'grub bo spyi yang bar na yod pa ma yin te/ tshad ma med pa'i phyir ro/ /ngo shes pa nyid tshad ma yin no zhe na ma yin te/ snga ma dang phyi ma'i rang bzhin tsam zhig ngo shes pa'i rgyu mtshan yin pa'i phyir de nyid do shes pa'i dmigs pa yin no/ /ngo shes pa'i de nyid ni bar gyi rang bzhin la dmigs pa ma yin te/ bar gyi rang bzhin rig pa med pa'i phyir ro/ /lkog tu gyur pa ma mthong ba ni dmigs pa ma yin la/ mthong ba na ni lkog tu gyur pa ma yin pa'i phyir de shes pa nyid yin no/ /gal te lkog tu gyur na ji ltar shes pa yin/ gnas skabs

  63. 32a

    gang na yod pa de'i tshe/ lkog tu ma gyur pa nyid do/ /da ltar 'das pas lkog tu gyur kyang shes pa nyid ni mi nyams so/ /gal te nyams na don gyi don nyid kyang nyams par 'gyur ro/ /gal te don kyang 'das na don nyid las nyams par 'gyur ba yin no zhe na/ 'o na bar na yod pa de don nyid ma yin te/ de ni 'das pa'i phyir ro/ /'das pa lkog tu gyur pa yin yang don nyid gtong ba ni ma yin te/ 'gal ba med pa'i phyir ro/ /myong ba med pa ni myong ba yin par ji ltar 'gyur zhe na/ 'o na don byed pa med pa yang don nyid du ji ltar 'gyur/ /myong ba med pa ni don bya ba byed nus pa ma yin no/ /de rjes su dpag pas rig pa ni spang zin to/ /gzhan gyis bar rig na de nyid shes pa yin no/ /gzhan gyis rig pa nyid ni ngo shes pa yang ma yin te/ des na de dang lhan cig gcig pa nyid med pas ngo shes pa rgyu nyid du mi 'grub bo/ /rjes su dpag pa'i rnam pa ni shes pa gcig gis bdag nyid du bag chags kyi stobs las skyes pa yin no/ /de'i phyir gsal bar snang ba'i rnam pa mdza' dag kyang bag chags kyi stobs nyid la yin no/ /gal te bag chags ngo bo gcig yin pa'i phyir rnam par shes pa rnams kyi rnam pa tha dad par ji ltar 'gyur/ /bag chags tha dad pa'i phyir tha dad do zhe na/ gal te sngon po dang ser po la sogs pa dbye ba mdza' yas pa'i rnam par shes pa de'i rnam pa can du skyed par byed pa'i bag chags yin na de'i tshe de dang phyi rol gyi don tha dad pa ci yod de bag chags zhes ming tsam du zad do zhe na/ de nas yin te/ rnam shes snga mas byas pa yi/ /nus pa bag chags yin par brjod/ /de ni lus med yin pa'i phyir/ /ji ltar don dang mtshungs pa yin/ /bag chags zhes bya ba ni rnam

  64. 32b

    par shes pa snga mas bskyed pa'i nus pa yin par bag chags kyi rang bzhin rig pa dag gis rtogs so/ /don ni lus can gyi rang bzhin rtag tu nye bar 'tshe ba byed pa yin no/ /gal te don rig pa nyid kyi gnas skabs na nye bar 'tshe ba'i rgyu yin gyi rtag tu ni ma yin no/ /des na bag chags kyi stobs las byung ba'i snang ba 'am/ don nye bar 'tshe ba'i rgyu yin yang rung ste/ 'di gnyis la khyad par ci yod ce na/ de ni ma yin te/ phyi rol khyad par yod min yang/ bsgoms pa yi ni khyad par gyi/ /gsal ba la sogs khyad 'gyur phyir/ /snang ba don gyi ngo bo min/ /bsgoms pa'i stobs las byung ba phyin ci log gi bag chags log cing 'dod pa'i bag chags 'byor bar gyur na/ mi 'dod pa ldog cing 'dod pa thob pa'i phyir 'di ni khyad che'o/ /des na tha dad par snang ba mdza' dag ni blo'i ngo bo bag chags kyis byas pa nyid do/ /gal te bag chags rnam par shes pa gcig gi bdag nyid du gyur pa yin pa'i phyir sad par byed pa yod na bag chags thams cad sad par 'gyur ba'i phyir mdza' yas par snang ba can gyi rnam par shes pa skye bar 'gyur bas 'tshol ba chen por 'gyur ro/ /phyi rol gyi don khas len na ni skyon med do/ nye ba'i don gang yin pa de nyid mthong ba yin no zhe na ma yin te/ nye ba ma yin pa yang mthong bar khas blangs pa'i phyir ro/ /'di ltar dran par brjed bar 'dod pa dang/ /'gas ni logs par rig pa ste/ /gzhan dag med snang gzhan dag ni/ /thams cad thams cad la yod 'dod/ /re zhig thams cad thams cad la yod pa de dag la ni skyon mtshungs pa nyid do/ /med pa snang ba la yang med pa thams cad snang bar thal lo/ /dran pa brjed pa gang

  65. 33a

    yin pa de la yang sngar du ma mthong bas ci'i phyir du ma mthong/ /rnam par shes par smra ba la yang de mtshungs pa'i phyir nye bar yod pa ma yin no/ /sngar zhugs pa'i rnam par shes pa dran nam/ don yang rung ste/ khyad par ci yod/ phyin ci log tu snang ba yang/ sngar mthong ba la 'jug gam gzhan du yang rung ste/ ci ste thams cad la ma yin zhes brgal zhing brtag pa mtshungs so/ /slar yang der bag chags de nyid nges par brjod dgos par mtshungs so/ /de ma thag pa'i shes pa'i bdag nyid du gyur pa nyid ni bag chags yin te/ snga ma'i bdag nyid snang ba ni/ gsal zhing 'dod pa bag chags yin/ skyed byed myong ba de lta'i bdag /yin phyir med par ga la 'gyur/ /sad byed yod par gyur na blo/ /sngon po dang ni ser po la/ /sogs pa'i snang ba dang 'brel ba/ /ji lta ji ltar skye bar mthong/ /rnam par shes pa snga ma mngon par 'dod pa dang gzhan du snang ba la/ g.yer ba la sogs pa'i shes pa snga ma gnas pa dang 'brel te las de'i mod dam dus gzhan du de ltar snang ba'i rnam par shes pa skye ste/ sad pa'i mthong bas rmi lam gyi snang ba bskyed pa bzhin no/ /chod pa las ji lta skye zhe na/ dran pa dang rmi lam gyi shes pa la sogs pa yang mtshungs so/ /'khrul pa ni ma 'khrul pa sngon du 'gro ba can yin no zhe na/ gal te rgyu med pa'i phyir rnam pa ci zhig ltar ma 'khrul pa zhes bya ba med pa nyid las ci 'khrul pa med par 'gyur ram/ yod mod ji ltar rtogs bya ste/ 'khrul pa ni ma 'khrul pa las bzlog pas rnam par gzhag par bya ba ma yin no zhe na/ gzhan la yang mtshungs te/ ma 'khrul pa yang 'khrul pa las bzlog pa yin pa'i phyir ro/ /

  66. 33b

    gal te ma 'khrul ba ni sgrub pa'i tshul nyid kyis yin te/ 'khrul pa las bzlog pa ni ma yin no/ /'khrul pa ni gnod par byed pa yod na yin no/ /des 'khrul pa ni ma 'khrul pa las bzlog pa kho nas yin no zhe na/ de yang mi rung ste/ sgrub pa'i tshul du mthong ba gang/ /de nyid de ltar rtogs pa yin/ /phyi la sgrub pa yod min pa/ /de phyir de la 'khrul par nges/ /'on te gang la rgyu yod pa de 'khrul pa yin no zhes ni ma smra ste/ 'khrul pa gang yin pa de'i ni rgyu med par mi 'gyur ro zhes brjod do zhe na/ de lta na ni 'o na khyad par dang bcas pa rgyu yin par 'gyur ro/ /'khrul pa'i rgyu ni yod pa las/ /'khrul 'gyur de lta min par min/ /'khrul pa'i rang bzhin shes na yang/ /de rgyu rnam par nges pa yin/ /rgyu khyad par bcas pa yin na/ /dang po 'khrul pa shes par bya ba yin no/ /yang de yang 'khrul pa'i rgyu las yin pa'i phyir gnas pa med do/ /de'i phyir rgyu yod dam med kyang rung ste/ rang bzhin gang gis de 'khrul pa yin pa'i rang bzhin de shes pa nyid kyis rnam par bzhag pa yin no/ /rang gi ngo bos dngos por 'gyur pa yin gyi/ /rgyu'i rang bzhin gyis ni ma yin no/ /rang gi ngo bo de ga las yin zhe na/ 'dis ci zhig bya/ /'khrul pa'i rang gi ngo bo rtogs pa de yang 'khrul pa ma yin par ga las yin zhe na/ gal te 'di rtogs pa de ltar de yang yin na yin mod ci zhig skyon/ /snga ma 'khrul par 'gyur ro zhe na/ de yang ma yin te/ dngul du rtogs par 'gyur ba ni/ /nya phyis rtogs na ldog pa yin/ /gal te ldog rgyu gzhan yod na/ /nya phyis rtogs pa'ang ldog pa nyid/ /des na dngul du 'dzin pa yi/ /shes de ji ltar slar yang ni/ /bden 'gyur gnyi ga rtogs kyang ni/ /med ces mthong ba med dam ci/ /gal te la

  67. 34a

    la dag tu yang/ /de yi shes pa bden gyur na/ /de la brtan par yod 'gyur phyir/ /gzhan la bzlog par 'gyur ba yin/ /gnod byed rtogs pa yod na ni/ /gzhan la log par 'gyur ba yin/ /gal te de las bzlog pa ni/ /bden byed gnod byed shes med na/ /de tshe bzlog pa med pa yi/ /ngo bo gang gis rtogs par byed/ /'di la smras ba/ gal te bzlog rig de ste de lta min/ /dngos po med pa nges par ji ltar 'gyur/ /'on te nges pa mi dmigs pas byas na/ /nges par byed rgyu gzhan gyis ci zhig bya/ /gal te bzlog par dmigs pa'i phyir/ /de ma grub par brjod na ni/ /phyi rol rig pa med pa'i phyir/ /chod pa las kyang mthong ste/ /mthong ba mi 'dod do zhes bya ba ni ma yin no/ /gal te de skyed par byed pa ni ma yin te/ 'on kyang smon pa la sogs pas de nyid snang ba yin no zhe na ma yin te/ 'das pa la snang ba med pa'i phyir ro/ /'das pa yang snang bar mthong ngo zhe na/ med pa snang ngo zhes bya ba pa'i don ci yin/ de'i rnam par rtog pa zhes bya ba 'di nyid yin no/ /de'i phyir nyams su myong ba las de la dran pa skyed par byed la de ni de nyid kyi nus pa'i khyad par 'jog pa yin la nus pa'i khyad par de ni bag chags zhes tha snyad du byed pa yin no/ /rgyu dang 'bras bu'i dngos po 'di ni 'di kho na ltar dmigs pa nyid do/ /de'i phyir bag chags yod pa nyid dang/ rnam shes snga ma'i bye brag la tshad ma med pa ma yin te/ thog ma med pa'i bag chags kyi dngos po ni don thog ma med pa'i rgyun can bzhin du grub pa'i phyir ro/ /ji ltar phyi rol rgyu 'bras rgyun/ /skye bo thog ma med pa ltar/ /de bzhin rnam par shes pa'i rgyun/ /thog ma med par cis mi 'dod/ /bag chags kyi dbye ba la rgyu ci yod ce na/ de

  68. 34b

    ni ma yin te/ de yi rgyu mtshan yod pa'i phyir/ bag chags dbye ba yod pa nyid/ /rgyu mtshan shes pa'i bye brag ste/ /de yi dbye ba 'ang de las yin/ /sngar zhugs pa'i shes pa'i bye brag nyid bag chags sad pa'i rgyu yin la/ shes pa'i dbye ba yang bag chags kyi khyad par de nyid las yin pa'i phyir skyon ci yod/ /de lta na phan tshun brten pa'i skyon du 'gyur ro zhe na/ de ni ma yin te/ 'di ltar gang gi phan tshun brten pa yi/ /nyes pa 'dir ni thal 'gyur ba/ /des bskyed bag chags de nyid ni/ /shes te nyid kyi rgyu ma yin/ /'on kyang rnam par shes pa'i bye brag gzhan gyi rgyu bag chags gzhan yin la/ sngar gyi bag chags kyi dbye bas bskyed pa'i rnam par shes pa gzhan ni bag chags gzhan gyi rgyu yin no/ /des na phan tshun brten pa'i skyon med do/ /de lta ma yin na/ don mthong ba la yang 'di mtshungs so/ /'di ltar don gyi bye brag rgyu yin na/ /de yi dbye ba 'ang ji ltar yin/ /shes pa'i dbye bas dbye zhe na/ /phan tshun brten par 'gyur ba yin/ /don gyi dbye ba yang rgyu mtshan med pa kho nar shes pa tha dad pa'i rgyu ma yin te/ de mi 'thad pa'i phyir ro/ /shes pa'i dbye ba las yin na phan tshun brten pa'i skyon yod do/ /don nyid kyi dbye ba'i rgyu mtshan yin no/ /zhes bya ba'i shin tu gsal bar ma 'brel pa nyid do/ /'on te don gyi dbye ba gzhan gyi rgyu mtshan ni don gyi dbye ba gzhan yin la/ /de'i yang gzhan yin la 'di ni bag chags la yang mtshungs so/ /gal te don gyi bye brag ni snang ba yin pas rnam par shes pa tha dad par byed do zhes bya ba 'di rigs kyi/ /bag chags go ji ltar yin na ci zhig lan tu 'gyur/ gal te don bzhin du bag chags kyang snang ba yin na/ de ni don nyid bas ming tsam zhig tha dad par zad do/ /de la bag chags 'dzin

  69. 35a

    pa la byed pa yod pa ni 'dzin pa tha dad pa nyid skyed par 'gyur gyi gzung ba ni ma yin no/ /de lta bu'i gzung ba myong ba las byung ba'i bag chags ni dran pa tsam skyed par mthong ba yin no zhe na/ 'di la lan/ 'dir ni rnam shes snga ma nyid/ /bag chags yin zhes sngar brjod zin/ /de'i rnam can shes skyed de/ /ji ltar tha dad byed ma yin/ /dper na lcags sgrog gis bcings pas/ /'khyor po yi ni 'gros byed pa/ /bdag nyid med kyang de lta bu'i/ /tshul du 'gro ba'i rgyu yin bzhin/ /'dod 'jigs mya ngan la sogs la/ /don de dag ni yod min yang/ /bag chags dbye bas gzung ba yi/ /rnam pa yang ni tha dad mthong/ /ci ste der yang yul dang dus gzhan gyi bdag nyid can phyi rol nyid dmigs pa yin te/ rnam par shes pa thams cad dmigs pa dang bcas pa yin pa'i phyir ro/ /gal te de'i tshe der thob pa med pas de'i tshe de nyid de nyid du med mod/ /gzhan gyi tshe gzhan med do zhes bya ba 'di la go tshad ma ci yod/ 'di ltar bum pa gang na gang tshe ma dmigs pa de'i tshe/ de na med kyi thams cad du ni ma yin no zhe na/ 'dir smras pa/ 'dir dmigs yul la sogs pa yis/ /gzhan nyid yin par ji ltar 'gyur/ /sngo sogs nyid du mthong ba la/ /rnam gzhan yod la yod dam ci/ /gal te yul gzhan pa dag kyang/ /yul gzhan par ni dmigs yin na/ /sngon po yi ni rnam pa yang/ /de ltar yin phyir 'di mtshungs so/ rnam pa gzhan la tshad ma med pa'i phyir gzhan du ma yin no/ /zhes lan 'debs na/ yul gzhan pa gzhan du ma yin no zhes lan mtshungs so/ /rnam pa la ni gnod par byed pa med la/ yul la gnod pa yod pa des na yul

  70. 35b

    dang 'brel pa de nyid med kyi rnam pa ni ma yin no zhe na/ 'o na de la dmigs pa med pa des na shes pa thams cad dmigs pa dang bcas pa ma grub bo/ /gal te de la yang dmigs pa dang bcas pa nyid do/ 'di ltar/ yul dang brten pa ma gtogs par/ /'brel pa 'ga' yang mthong ba med/ /de gnyis dmigs na shes pa ni/ /dmigs pa med par ji ltar 'gyur/ /der ni yul dang de la brten pa nyid snang la de gnyis kyang bden pa'i phyir dmigs pa med pa'i rang bzhin du ji ltar 'gyur/ /'brel pa ni de dag las gzhan ma yin no/ /des na rnam par shes pa thams cad dmigs pa dang bcas pa nyid do zhe na/ gal te 'brel pa la yang dmigs bcas na/ de lta nyid ni cis ma thob/ /thob pa med kyang dmigs bcas zhes/ /bya ba 'di ni cal col yin/ /gal te thob pa med pa de lta yang dmigs pa dang bcas pa yin na 'o na log par snang ba yang med pa'i phyir khas blang dang 'gal lo/ /gzhan yang ji ltar log par snang ba de bzhin du thams cad 'gyur ba'i phyir gzhan du brtags pas ci bya zhes/ bya ba 'di ni bstan zin pa'i phyir yang mi brjod do/ /gnod par byed pa'i shes pa med pa'i phyir de lta ma yin no zhe na/ gnod par byed pa'i shes pa med kyang log par snang ba yin pa'i phyir gnod pa byed pa bden pa nyid ma yin no/ /gang du dus gzhan du gyur pa der ni bag chags nyid kyi byed pa rtogs kyi don gyis ni ma yin no/ /de'i rnam pa ni nyams su myong ba snga ma nyid las yin gyi yod pa ma yin pa'i don gyi rnam pa snang ba ni ma yin no/ /ci ste shes pa skad cig ma byed pa'i dngos po yin/ de la ma skyed pa ni bsgo bar bya ba ma yin la 'das pa'i don ni sgo bar byed pa ma yin no/ /phan tshun 'brel pa med pa lhan

  71. 36a

    cig pa dag kyang bsgo bar bya ba dang/ sgo bar byed pa'i dngos po ma yin no zhe na/ de ni ma yin te/ bsgo bar bya ba dang/ sgo bar byed pa'i dngos po ni rgyu 'bras kyi khyad par nyid yin no zhes bstan zin to/ /de ni skad cig ma dag kho na la yod kyi rtag pa la ni ma yin pa'i phyir skad cig ma yin pa'i phyir zhes bya ba'i gtan tshigs 'di ni bzlog pa sgrub par byed pa yin no/ /des na dran la 'dzin dbye yod/ /gzung ba'i rnam pa spangs gzhan min/ /de ni don ni yod min pas/ /de la mdun du nye ba nyid/ /rjes 'gro med par 'jig na yang/ /skad cig ma yi sems dag la/ /bag chags bsgo bya sgo byed kyi/ /don 'thad rtag pa la ma yin/ /khyad par can gyi skad cig ni/ /skad cig snga ma las skye nyid/ /des na de las gzhan du/ /'bras bu gzhan dag rab tu skye/ /bsgo bya sgo byed dngos po 'di/ /rgyu dang 'bras bu lan gzhan min/ /'jig pa snga mas phyi ma ni/ /bskyed par byed tshe bsgos 'gyur gyi/ /bstan pa'i dngos la brtan dngos kyis/ /bag chags sgo bar byed pa med/ /rtag pa 'gyur ba med pa'i phyir/ /rgyu dang 'bras bu ga la yod/ /bstan par gnas pa snga ma la/ /bag chags dang 'brel 'thad ma yin/ /snga bzhin de la bag chags ni/ /mi 'gyur khyad par med phyir ro/ /snga ma dang 'dra tha dad phyir/ /'jig pa la ni bag chags yod/ /skad cig yin yang sems la ni/ /de dang rjes mthun yod pa yid/ /rnam shes snga mas de bskyed phyir/ /phyi ma ji ltar skye ma yin/ /skyes pa'i skad cig de nyid ni/ /'bras bu gzhan dag skyed par byed/ /des na skyes nas zhig na yang/ /skad cig gnas phyir 'bras bu rtsom/ /rjes 'gro med pa zhig gyur kyang/ /rjes su mthun la ci zhig gnod/ /phyi ma'i blo la de tshe ba'i/ /chos 'ga' yod pa min zhe na/ /ma yin mtshungs par 'dzin pa yi/ /shes las rang bzhin gcig pa nyid/ /gal te ba

  72. 36b

    lang blo yi ni/ /bag chags rjes mthun de yi tshe/ /mi mthun phyir na glang po yi/ /blo 'dir bag chags ma yin 'gyur/ /gzhan gyis bar du chod na yang/ /bag chags snga mas brtan pa'i phyir/ /brtan pa sgrub byed shes pa ni/ /bar du chad kyang 'bras bu byed/ glang po'i shes pas snga ma yi/ /bag chags las ni rnam shes 'jug /bar du mi mthun shes pa ni/ /bag chags gzhan las rab tu skye/ /shes pa gcig ni zhig pa yis/ /bag chags thams cad 'jig pa min/ /me tog zhig par gyur na yang/ /dmar po skye ba ga las yin/ /sa bon myug sogs chu ba sogs/ /de dang mi mthun las ji ltar/ /de las skyes pa de dag kyang/ /rim gyis 'bras bu'i byed po nyid/ /'di ni ma he la sogs kyi/ /blo la ci phyir yod ma yin/ /de phyir 'di dag thams cad las/ /rnam pa kun ldan sre ba yi/ /shes pa skad cig cig nyid kyis/ /'jig par 'gyur ba 'thad ma yin/ /de rten zhig par gyur na yang/ /gzhan dag nus pa'i rten du 'gyur/ /nus pa tha dad ma yin phyir/ /skad cig nyid ni nyams mi 'gyur/ /bag chags ldan rnams bag chags kyi/ /rgyun ni rnam par shes pa yi/ /rgyun bzhin 'dod pa ma yin te/ /bag chags nus pa'i rang bzhin yin/ /bag chags las de'i shes skye zhing/ /de dag kyang ni bag chags yin/ /de dag phan tshun mnyam par ni/ /mtshungs pa nyid ni byed ma yin/ ma nus pa'i bdag nyid can gyi rgyu/ /gang yin mi mthun pa yang yod/ /de phyir mi mthun rgyu las ni/ /mi mthun 'bras bu gzhan 'byung 'gyur/ /de phyir ldog par brtags pa 'di/ /kun rdzob yod yin dngos por ni/ /ma yin de yi 'bras bu ni/ / gzhan pa ci phyir srid ma yin/ /gang dag shes byed brtan pa dang/ /shes pa goms 'dod pa de yi/ /bag chags 'dzin par byed min zhing/ /bag chags su yang de 'dod min/ /me tog ma du lung ga stsogs/ /rgya skyegs sogs kyis bsgyur gang

  73. 37a

    yin/ /de yi rang bzhin de 'bras la/ /'pho ba'i phyir na bag chags nyid/ /rigs pas 'thad pa'i bag chags gang yin 'di rab tu brtags te phyi rol don bzlog pa/ /de lta na yang phyi rol mngon zhen pa'i/ /gdom gyis 'gro ba 'di dag thams cad zin/ /de phyir rnam pa'i rnam dbye ba/ /mdza' dag bag chags stobs las yin/ /phyi rol don med de yi phyir/ /blo ni dmigs pa med pa nyid/ /de phyir shes pa thams cad ni/ /dmigs pa med pa yin te/ shes pa yin pa'i phyir rmi lam gyi shes pa bzhin no zhes bya ba ni yongs su dag pa'i tshad ma yin no 'di ltar dmigs pa med pa nyid ni 'di kho na te/ bdag gi rnam pa rig pa gang yin pa'o/ /gal te shes pa thams cad phyogs su byed na dpe med pa'i phyir ji ltar rjes su dpog ce na/ ma yin te/ don ma shes pa'i phyir ro/ /tshad mas phyogs ni sgrub pa na/ /dpe ni rang nyid grub pa'i phyir/ /thams cad ces bya ba la sogs pa'i/ /tshad? 'bras 'di ni rigs par ldan/ /rtsod pa'i bzhir gyur pa sad pa'i shes pa nyid phyogs su byas pa yin no/ /rmi lam gyi shes pa ni bsgoms pa'i rjes su 'gro ba dang/ /ldog pa'i rjes su byed pa'i phyir dmigs pa med pa nyid du grub pas na dper byed do/ /ji ltar khyab pa grub ce na/ /rigs gang gang las grub pa zhes bya ba'i rigs pas so/ /de lta ma yin na rgyu dang 'bras bu'i dngos po mdza' dag med par 'gyur te/ tshad ma med pa'i phyir ro/ /rgyu dang 'bras bu'i de nyid ni rjes su 'gro ba dang ldog pa'i rjes su byed pa nyid yin par de rig pa dag 'dzer to/ /gus par bsgom pa dang 'brel pa/ /sang tshe mthong ba rmi lam du/ /mthong 'gyur des na shes gzhan yang/ /de lta nyid ces rtogs pa yin/ /gal te rmi lam gyi shes pa ni shes pa nyid yin pa'i phyir dmigs pa med pa ni ma yin gyi/ 'on kyang gnod pa byed pa yod pa'i

  74. 37b

    phyir ro/ /'di ltar/ de tshe de 'am gzhan gyi tshe/ /gzhan gyis rmi lam mthong ba'i ni/ /sad pa'i lta bas mthong med pa/ /de phyir de ni mi dmigs nyid/ /gnod byed shes pas de yi yul/ /dmigs pas bzlog par byas pas na/ /shes te dmigs pa med par ni/ /byed do zhes 'dir rnam par nges/ /rmi lam gyi shes pa bzhin du sad pa'i shes pa la ni de ltar gnod par byed pa med pa'i phyir/ de ji ltar dpe yin zhe na/ de ni ma yin te/ gnod byed shes pas de yi yul/ /dpog par nus par ji ltar 'gyur/ /lcags kyu sogs bzhin shes pa la// 'dren pa'i byed pa yod ma yin/ /'o na ji ltar zhe na/ shes rab byed pa'i bya ba nyid do/ /'di la de lta bu'i yul gyi don med do zhes gzhan gyis shes par bya ba yin no/ /dngos po med pa go bar byed pa yang mi dmigs pa kho na yin te/ gcig ni dgag pa'i gtan tshigs so zhes bshad pa'i phyir ro/ /'gal ba yang mi dmigs pa nyid kyis sgrub pa'i phyir ro/ /des na gnod par byed pas ni de gzhal byas stong pa nyid du rtogs par bya ba yin no/ /de med pa yang gzhan yod pa nyid yin pa'i phyir gnod pa'i byed pa ni de las gzhan dmigs pa nyid do/ /de ni sad pa'i shes pa la thams cad yod pa yin no/ /gal te sad pa'i shes pa la/ de ni de ltar ma yin no zhes bya ba de ltar mi 'gyur ba ma yin nam de ltar gnod ce na/ 'di ni de lta yin no/ /'di ni de lta ma yin na zhes bya ba rig pa dang cig shos kyis 'bras bu ma yin nam/ des na ji ltar 'bras bus rnam par 'jog gi rig pas ma yin/ 'bras bus rnam par gnas pa'i ni kun rdzob tu yod pa nyid yin te/ tshad ma med pa'i phyir ro/ /rig pa med par 'bras bur ji ltar 'gyur zhe na/ rang rig pas rig pa'i phyir ro/ /des na 'bras bu bzhin du don rig pa yang rang rig pa tsam nyid do/ /des na don rig pa yang de nyid la yin no zhes rnam par gnas so/ /'di ltar don rig byed pa shes na ni/ /de yi de ma thag gyur?

  75. 38a

    ba'i/ /'bras bu de ni de lta bur/ /go byed gzhan du de ma yin/ /de'i phyir de'i gnod par byed pa ni 'di nyid de/ rang bzhin gzhan 'dzin pa gang yin pa'o/ /de yang shes pa gzhan la bltos nas shes pa thams cad yin no/ /gal te sad pa'i shes pa'i don/ /mi slu ba can ma yin nam/ /de ji ltar na gzhan gyis de mi 'dzin ce na/ rmi lam du rtogs pa yang de las gzhan pa'i rmi lam gyi shes pas 'dzin pa'i phyir mi slu ba nyid yin pas de ji ltar gnod pa yin/ sad pa'i shes pas gnod pa'i phyir ro zhe na/ sad pa'i shes pa la yang des gnod pa'i phyir de ni mtshungs so/ /yid gnyid kyis nyams pa la de yod pa'i phyir gnod par byed pa ma yin te/ dper na mig nyams pas skra shad la sogs par mthong ba de las bzlog pa la gnod par byed pa ma yin pa bzhin no zhe na/ de ni ma yin te/ gnyid kyis nyams par byed pa'i sems gang gis de ltar rtogs pa yin/ re zhig de yi gnas skabs su/ /de ni de ltar rtogs ma yin/ /gnyid log pa 'am langs pa na rtogs pa yin no zhe na/ 'di thams cad rmi lam na yang yod pa ma yin nam/ 'di ltar rmi lam na yang bdag nyid ni/ /gnyid kyis log pa'i slar sed ces/ /khyed kyis rnam dbyer brjod pa yi/ /rtogs pa 'di ni gang gis byas/ /sad pa la sogs pa'i tha snyad ni rmi lam du yang mthong ste nges na sad pa la sogs pa'i tha snyad de yang mtshan nyid ma yin par mthong bas yid ches par byed pa ji ltar 'gyur/ /ci ste yid ches pas rig pa'i phyir de ltar yin no zhe na/ rmi lam du yang de ltar 'gyur ba'i phyir 'di ni mtshungs so/ /ci ste rmi lam du yang 'di ni rmi lam mo zhes res 'ga' yid ches pa yod pa de'i phyir de lta ma yin no zhe na/ ci 'di bden pa yin no zhes bya bar rtogs pa med dam/ des na bden pa nyid du

  76. 38b

    'gyur ro/ /de nyid kyi phyir rmi lam ni rnams par mi gnas pa yin no zhe na/ 'di yang rnam par mi gnas pa nyid de/ phyug po la sogs pa rnam par mi gnas pa'i phyir ro/ /der rnam par mi gnas pa'i ni rgyu dang bcas pa yin la rmi lam gyi ni rgyu med pa yin te/ 'di ltar/ rmi lam du mthong ba ni mod la 'jig pa yin no zhe na/ 'di ni bag chags brtan pa yin gyi/ de ltar don sgrub par nus pa ni ma yin no/ /'di ltar/ der yang yid 'ong sogs mthong ba/ mang la 'jig par 'gyur ba yin/ rmi lam du yang nyin la ni// rgyun mi 'chad par de mthong nyid/ /gal te rmi lam dang rmi lam ma yin pa'i shes pa gnyis tha dad par sgrub par byed pa'i tshad ma'am/ tshad ma ma yin zhes rnam par rtog pa gnyis so/ /gal te tshad ma yin na de'i tshe de dmigs pa dang bcas pa yin pa'i phyir de nyid kyis ma nges so/ /ci ste tshad ma ma yin no/ /de'i tshe phyogs dang dpe ma grub pa'i phyir ji ltar rjes su dpag pa 'jug cing dmigs pa med pa nyid ji ltar 'grub ce na de ni ma yin te/ de tshad ma nyid yin pas skyon med do/ /tshad ma thams cad dmigs pa dang bcas pa ni ma yin te/ rjes su dpag pa la dmigs pa med pa'i phyir ro/ /dmigs pa med kyang tha snyad kyi mi bslu ba la bltos nas 'dir tshad ma yin pa'i phyir ro/ /gal te rmi lam dang gzhan pa'i shes pa de gnyis tha dad par grub pa de lta na yang de sgrub par byed pa'i shes pa dmigs pa dang bcas pa'i phyir thams cad dmigs pa dang bcas pa nyid du thal ba ma yin no/ /de nyid tha dad sgrub byed ni/ /'jig rten pa yi rtogs pa nyid/ /bsgrub bya dpe yi dpyad pa 'di/ /snang ba la ni rten phyir ro/ /re zhig 'di ni rmi lam gyi shes pa yin la 'di ni sod pa'i shes pa yin no zhes bya ba 'di ni 'jig rten na rtogs pa yin no/ /de'i phyir de la brten nas bsgrub par bya ba dang sgrub par byed pa'i tha snyad yin no/ /de nas phyis gal

  77. 39a

    te rnam par dpyod na 'di la rnam par dbye ba'i rgyu cung zad kyang rtogs pa med pa'i phyir tha mi dad par sgrub par byed do/ /de lta yin na gzhan la nyes pa ci yod/ gal te nyes pa yod na/ de lta yin na rig byed tshad mar sgrub pa la yang nyes par 'gyur ro/ /'di ltar rig byed ni chos can yin no/ /de ji ltar 'jig rten pa'i tshig las tha dad ces rgal zhing brtags na ji skad brjod par bya/ /gal te tshad ma med na 'jig rten pa'i tshig dang 'dra ba'i phyir ji ltar de 'jig rten pa'i tshig las tha dad pa'i chos can yin/ 'on te tha dad pa nyid tshad mas grub par brjod na/ de lta na sgrub par byed pa dgod pa la 'bras bu ci zhig yod/ de'i phyir rtsod pa 'di ji ltar spang bar bya/ gal te dbyangs dang yi ge'i go rims khyad par gzhan nyid las rig byed kyi tshogs tha dad par grub po zhe na/ ma yin te/ gzhan dag kyang de bzhin du phan tshun tha dad par grub pa'i phyir ro/ /'on te rgyu 'di yod pa yin na/ ci 'di rig byed yin nam/ 'on te ma yin zhes dpyad pa na/ gal te tshad ma yod na ni rig byed nyid do/ /de ste de lta ma yin na/ 'dis dgos pa med pa'i phyir spang bar bya ba yin no zhe na/ de lta na ni 'o na 'di/ ro yang de ltar shes pa ni/ re zhig mtshungs par mthong ba yin/ /rmi lam grub pa/ 'di las ci/ /gzhan nam min zhes rtog pa na/ /dam par ji ltar 'gyur yin pa/ /de ltar blta bo zhes bya yang/ /gal te phyis rnam par dpyad na rmi lam gyi shes pa 'am gzhan dag don dam par phan tshun tha dad pa 'am tha mi dad par 'gyur ba de ltar bzung bar bya'o/ /de la gal te brtags na tha dad pa la tshad ma 'ga' yang med pa'i phyir tha mi dad par rtogs so/ /des na 'di la 'gal ba ci yod/ sngar gyi tha dad par 'dzin pa tshad mar ma 'gyur ro zhe na/ ma gyur mod skyon ci yod/ phyogs

  78. 39b

    la sogs pa'i rnam par dbye ba med par 'gyur ro zhe na/ ma gyur mod da lta ded la chad pa ci yod/ tha dad pa med pa'i sgrub byed tshad ma ma yin pa gang yin pa 'di nyid do zhe na/ de lta na 'o na/ chos can thun mong ba nyid du/ rtogs pa gang yin tshad ma yin/ /de ltar yin dang de lta bu'i/ /sgo can phyi rol gzhan yang min/ /rig byed kyi mtshan nyid tshad ma dang tshad ma ma yin pa thun mong tu chos can rtogs par byed pa tshad ma ma yin du 'gyur te/ phyis tshad ma ma yin par sgrubs pas bzlog pa'i phyir ro/ /des na chos can sgrub byed tshad ma ma yin pa'i phyir de'i sgo nas tshad mar sgrub pa tshad ma ma yin pas rig byed tshad mar mi 'grub po/ /des na bsgrub bya dang sgrub byed kyi tha snyad mdza' dag zhig par 'gyur ro/ /'on te chos can thun mong du 'dzin kyang de 'dzin pa tshad ma ma yin par mi 'gyur te/ de nyid la tshad ma lhag pa sgrub pa'i phyir ro/ /gal te de'i gzhal bya gzhan gyis bas wa ba yin na tshad mar mi 'gyur ro zhe na/ de yang ma yin te/ 'di ltar gang tshe chos can de nyid kyis/ /rang bzhin tshad ma nyid yin na/ de la de dang bral ba ni/ /'dzin kyang ji ltar tshad ma yin/ /reg byed kyi tshig ni tshad ma'i rang bzhin yin la de de las bzlog par 'dzin pa ni de las bzlog pa'i gzhal bya gzhan gyis bsal ba na ji ltar tshad ma yin te/ ma yin pa nyid do// rang gi ngo bos ni lhag pa 'ga' yang med do/ /ma bzung bas na de la lhag par tha snyad byed do zhe na/ ma bzung ba ji ltar tshad ma yin/ rang bzhin 'ga' zhig 'dzin pa'i phyir ro zhe na ma yin te/ tha dad pa med pa'i phyir ro/ /chos tha dad par khas len pa'i phyir de lta ma yin no zhe na/ ma yin te/ thug pa med par thal ba'i phyir ro/ /gang tshe chos ni tha dad na/ /de dang sbyor ba gzhan du 'gyur/ /de dang sbyor ba'ang des yin phyir/ /chos kyis bslad pa mdza' med 'gyur/ /gal te de dang ldan

  79. 40a

    pa nyid/ /de gnyis nyid kyi rang bzhin na/ /tshad ma nyid kyang de lta bur/ /'gyur phyir ded la ci zhig gnod/ /sgro 'dogs kyis ni ngo bo las/ /tha dad par ni bzung ba yang/ /dpyad pas tha dad me rtogs pa/ /ci yi phyir na tshad ma yin// khyed tha mi dad par rtogs pas tha dad du chos can byed pa la sogs pa'i rnam par dbye bas sgrub par byed pa ji ltar 'jug ce na/ /de ni ma yin te/ 'di ni gzhan gyis brtags pa la ltos te/ rjes su brjod pa tsam du zad do/ /sngon goms pas sdang nyid kyang sgrub byed sbyor ba'i phyir/ kha na ma tho ba cung zad kyang med do/ /nga la yang 'di ltar gyur to zhes gzhan rtogs par byed do/ /gal te rmi sogs gnod byed kyi/ /blo bzhin shes kun shes nyid phyir/ /dmigs dang bcas par gzhan dag kyang/ /ci ste sgrub mi byed ce na/ /ji ltar shes pa thams cad dmigs pa med do/ shes pa nyid yin pa'i phyir/ rmi lam gyi shes pa bzhin no/ /zhes bya ba de bzhin du shes pa thams cad ni dmigs pa dang bcas te shes pa nyid yin pa'i phyir rmi lam la gnod par byed pa'i shes pa bzhin no zhe na/ 'dir smras pa/ shes pa nyid du khyad med pas/ /rmi lam shes pas pha rol gyi/ /shes gzhan pa med pa'i phyir/ /ji ltar lan gyi sgrub byed yin/ /ji ltar rmi lam gyi shes pa dang khyad med pa'i phyir gnod par byed pa'i tshad mas nges pa dmigs pa med pa nyid dang/ 'brel pa'i phyir dmigs pa med pa nyid sgrub pa de bzhin du/ /gal te dmigs pa dang bcas pa nyid kyang yin no/ de'i phyir 'gal ba mi 'khrul pa can yin pa'i phyir gcig kyang mi 'grub pas de nyid dmigs pa med pa nyid yin no/ /dmigs pa dang bcas pa nyid sgrub pa la ni 'brel pa yod pa ma yin no/ /gnyi ga yang mi dmigs pa las dmigs pa med pa nyid yin no/ /'di ltar/ ji ltar rmi stsogs shes pa

  80. 40b

    la/ /rang gi ngo bo rig tsam las/ /gzhan pa rig pa gang yin/ /sad pa'i shes pa 'ang de bzhin mthong/ /sad pa snang ba rig pa yang/ /gzhan gyis rig pa ma yin te/ shes pa gzhan nyid de ltar rig pa'i phyir ro zhes 'di ni brjod zin to/ /de la yang dmigs pa yod pa nyid do zhe na/ ci'i phyir don byed pa ma yin/ gal te don byed pa med du chug kyang rtogs pa ni yod pa nyid do/ /gcig med pas gzhan med par 'gyur ba ni ma yin no/ /du ba med pas me med pa ni ma yin te/ thams cad kyi tshe yod pa'i phyir ro/ /king? shu ka'i phung po bzhin du ma yin pa nyid do zhe na de lta na'o na de'i don byed pa ma yin gyi/ king shu ka'i phung po bzhin du rang gi ngo bos ni yod do zhe na/ king shu ka'i phung po rang gi ngo bos don byed pa can ni yod par 'gyur gyi rmi lam du dmigs pa ni ma yin te/ rmi lam du zos pa ni rgyas par byed pa med do/ /'on te rnam pa de lta bu de ni gzugs nyid yin te/ nges? na ma yin no zhe na ma yin te/ ngo bo dang rig pa'i phyir de ni rnam par shes pa nyid do zhes rigs so/ /don gyis rang bzhin yin na ci 'gal zhe na/ bag chags kyi stobs las byung ba nyid dang/ rang gis rtogs pa nyid do/ /don nyid de ltar 'gyur ro zhe na/ 'di ni med tsam du zad do/ /khyed gyis yang ji ltar ma yin zhe na/ ma yin te/ nang gi byed pa la rig las par rtogs pa'i phyir ro/ /nges na de ni shes pa nyid do/ /de ltar yang blo tsam du sgrub pa 'chad par 'gyur ro/ /de lta yin dang/ de yi rig bya don gzhan la/ /rig bya rig byed 'thad par dka' / /rang bzhin de ni don gzhan du mi 'gyur ro/ /des na ma zhugs na rig pa ma yin no/ /zhugs na yang don gzhan pa yin no/ /gal te de blo'i bde bzhin nyid yin na de'i tshe/ sngon po la sogs pa rang gi rigs par 'gyur pas ji ltar gzhan gyi yang rig ces na ma yin te/ 'di ni 'khrul pa yin te/ rab rib can gyis zla ba gnyis mthong ba bzhin no/ /der yang don nyid yin no/ /

  81. 41a

    'di ltar/ ji ltar ma 'khrul shes pa ni/ /thung mong don gyi rig byed 'dod/ /de bzhin du ni 'khrul pa yang/ /don nyid rig par byed pa yin/ /dper na thun mong du rtogs pas ma 'khrul par 'dod pas rtogs pa don yin pa de bzhin du gzhan yang yin no zhe na/ de ni mi rigs te/ thun mong ba yi don nyid ni/ /mngon sum gyis na mthong ba med/ /mngon sum med phyir de la ni/ /rjes su dpag pas rig pa min/ /re zhig mngon sum gyis ni thun mong du gzhan gyis rig pa mi rtogs te/ de lta ma yin na rtags med pa nyid du gzhan gyi rtogs pa thams cad rig par thal lo/ /'on te pha rol dag gis kyang/ /rtogs pa de ni de 'dra nyid/ /de phyir de yi de nyid ni/ /thun mong ba nyid yin zhe na/ ji ltar bas 'di rtogs pa de bzhin du rung ba'i yul na 'dug pa gzhan gyis kyang rtogs so zhes 'jig rten na grags pa yin no zhe na/ ma yin te/ rab rib can gyis mthong ba'i skra shad dang/ rmi lam du mthong dag la yang/ /de ltar rtogs pa yod pa ma yin pa'i phyir ro/ /der yang yod pa nyid do/ /rmi lam gyi gnas skabs na yang rang bzhin de nyid do/ /des na de dang mtshungs pa'i phyir de yang phyi rol kho na'o zhe na ma yin te goms pa'i stobs kyis bdag nyid de 'dra bar snang ba yin gyi de na gzhan med do zhes 'jig rten gyi grags pa yin no/ /de bzhin du sad pa'i gnas skabs kyang yin pas mtshungs so/ /don dam par ni gnyi gar yang rang gi ngo bor snang ba tsam du zad pas dmigs pa dang bcas pa nyid med do/ /gal te rmi lam na ni thams cad 'tshol ba dang 'ba' pa med par 'grub pa ma yin nam/ /de ji ltar shes pa mtshungs pa nyid yin zhe na/ de ni ma yin te/ sngon po la sogs snang ba las/ /'chol ba gzhan gang yin par rtogs/ /de yang goms pa'i stobs las byung/ /des ni ji ltar 'di gnas 'gyur/ /sngon po dang ser

  82. 41b

    po la sogs par snang ba 'ba' zhig ste/ de 'chol pa dang 'bad pa med par 'gyur ba gzhan ga la yod/ shing la sogs pa'i gnas su mod la mtshe'u la sogs par 'gyur pa'i phyir 'bad pa med par 'gyur pa yin no zhe na/ 'dod pa med par 'gyur pa zhes bya ba gang yin par bzung/ 'bras bur gyur pa'i shes pas ni 'bras bu nyid la rgyur gyur pas ni rgyu nyid yin pas/ 'di 'di las 'gyur ro zhes ga la 'gyur zhing/ 'di med par 'di 'byung ngo zhes bya ba de ltar nges par yang ga la 'gyur/ 'di la mngon sum med cing rjes su dpag pa yang med do/ /'di 'chol lo zhes bya bar yang 'gas rig pa ma yin no/ /goms pa'i bye brag gis na rmi lam du 'ang/ /'chol pa med pa la sogs pa snang ba dang/ de bzhin sad pa'i gnas skabs dag tu yang/ /'chi ltas sogs kyis 'chol bar mthong ba nyid do/ /de ni 'chi ltas kyi nyes pa nyid kyis yin no zhe na/ ma yin te 'chi ltas dang 'chi ltas ma yin pa dag khyad par med pa'i phyir ro/ /de la yang rnam par 'byed pa gzhan dgos la/ de la yang gzhan yin pa'i phyir gang las tha dad par 'gyur pa de lta bu ni yod pa ma yin no/ /rang nyid kho nas tha dad par 'gyur ro zhe na/ ma yin te/ 'di ni rang gi rang bzhin tsam gyi mthar thug pa yin pa'i phyir ro/ /rang gi ngo bI mthar thug pa ni gzhan rig pa ma yin no/ /dang gi ngo bo tsam rig par ni 'chol pa dang ma 'chol pa mtshungs so/ /gal te ring du rjes su 'brel ba dang/ 'khrul pa dang bral ba ni ma 'chol ba yin no zhe na ma yin te/ mngon sum gyis ring du rjes su 'brel pa mi mdzad pa'i phyir ro/ /des na gzhan rnam par rtog pa lhag mar gyur pa nyid yin na des kyang don rtogs pa ma yin pas de las kyang rnam par mi gnas so/ /de yang rang gi ngo bo la mngon sum yin pa'i phyir ro/ /dngos po nyams su myong bas bskyed pa'i rnam par rtog pa ni mi bslu ba dang ldan pa yin

  83. 42a

    no zhe na ma yin to/ 'brel pa ma bzung ba'i phyir ro/ /gang gi tshe dngos po myong ba de'i tshe/ rnam par rtog pa med la/ gang gi tshe de yod pa'i tshe nyams su myong ba med pa'i phyir 'dir 'brel pa 'dzin pa ga la zhig /rnam par rtogs pas so zhe na/ de yang tshad ma yin no/ /de yang 'brel pa la bltos pa'i phyir rnam par rtog pa gzhan dgos pas thug pa med do/ /de lta na 'o na bag chags dang yang 'brel pa ji ltar 'dzin ce na/ don dam par de dang yang ma yin pa'i phyir 'di yang phyogs nyid do zhes brtan zin to/ /phyi rol don smra dag gis ni/ /phyi dang rgyu 'bras zhes bya ba'i/ /bag chags khas blangs rnam shes su/ /smra ba rnams kyis ma yin no/ /bag chags kyis bskyed pa med kyang 'di rnam par shes pa tsam yin pa'i phyir skyon med do/ / gal te sad pa'i shes pa bag chags las byung bar rtogs pa med do zhe na/ rmi lam gyi gnas skabs su yang rmi lam du snang ba ma yin pa'i phyir 'di mtshungs so/ /langs pa la 'gyur ro/ /sad pa'i gnas skabs la ni de lta ma yin no zhe na/ 'di yang gyi na ste/ 'di ltar/ 'di ni bshad zin rmi lam duAng/ /sad bar rtogs par 'gyur ba yin/ /des na sad pa'i gnas skabs ni/ rmi lam las gzhan mtshan nyid min/ /bdag sad do snyam pa ni rmi lam na yang yod pa nyid do/ /des na ji ltar sad par snang bas rnam par bzhag /sad pa gzhan gyis de yang rmi lam du byed kyi 'di ni gang gis kyang ma yin pa'i phyir 'di nyid don rnam par bzhag go zhe na/ gal te de lta ma yin du chug pa de lta na yang de dang mtshungs pa'i phyir yid ches pa'i gnas ma yin no/ rjes su dpag pa'i dus na yod pa'i du ba me sngon du 'gro ba can du grub pa'i phyir rjes su dpog par byed pa nyid ni ma yin gyi/ 'on kyang de'i mtshan nyid yin pa nyid kyis so/ /de bzhin du sad pa'i gnas skabs

  84. 42b

    'di yang de'i mtshan nyid yin pa'i phyir de'i rang bzhin nyid de/ /gal te sad ba'i gnas skabs der sgom pa'i byed pa ma mthong ba yin nam/ /ji ltar na rmi lam dang mtshungs zhe na/ de la brjod pa/ bsgom pa chod par gyur na yang/ rab tu snang ba nyid yin to/ /dper na rgas pa'i gnas skabs su byis pas mthong ba dmigs pa bzhin/ /skye ba gzhan sogs mthong ba yang/ 'chi ba'i gnyid kyis log gyur ba/ /skye gzhan skyes pa'i rmi lam du/ /de ltar ci phyir rtogs mi byed/ /ji ltar mtshan mo gnyid log pa de bzhin du 'chi ba'i gnyid kyis log pa la yang yin no/ /gnyid log sad las nyin la 'dir/ /sna tshogs mthong ba de ltar 'di cis min/ /snang ba ma mthong gyur pa gang yin te/ don mthong ba yi rgyu yin pas na mtshungs/ /ji ltar sngar gyi nyin mo mthong ba mtshan mo rmi lam mthong ba'i rgyu yin pa de bzhin du/ nyi ma snga ma la mthong ba phyis kyi mtshan mo dang/ chod pa'i nyin mo rmi lam mthong ba'i rgyu yin pas 'di ni rmi lam brgyud pa chen po yin no/ /sngon med pa yang mthong ngo zhe na/ rmi lam du mngon par 'dod pa la yang de lta yin pa'i phyir thams cad mtshungs so/ /ji ltar 'gro 'ong rmi lam du sogs? pa gzhan dang gzhan byed ltar/ /sad pa'i gnyid la'ang 'gro ba dang/ /'ong ba ci yin phyir mi 'dod/ /tha snyad med pa'i phyir ro zhe na/ mkhas pa rnams rjes su dpag pa 'di nyid kyis tha snyad byed pa'i phyir ci ste mchog /ji ltar rgyu dang 'bras bu'i tha snyad de/ sa su dpag pa las yin pa de bzhin du 'di yang yin pas mtshungs so/ /skad cig ma nyid la yang tha snyad med pas de med par 'gyur ram ci/ de yang med pa nyid do zhe na/ 'di ni bstan par bya'o/ /gal te gnyid kyis nyams pa'i phyir rmi lam du mthong ba'i don ni bden pa ma yin par 'thad do zhe na/ de gsol ba nyid ma yin nam/ ji ltar gnyid log pa yin/ dang po gnyid

  85. 43a

    log pa ni nye bar sbyor pa ma yin no/ /de nyid snang ba de'i rgyu yin no zhe na ma yin te/ bsgoms pa'i khyad par las snang ba'i khyad par yin par mthong ba'i phyir ro/ /dang po gnyid log par mtshungs kyang 'ga' zhig gis rnam pa 'ga' zhig ltar rmi lam mthong bar 'gyur ro/ /de med na med pa'i phyir zhe na/ rgyu mtshan tsam yin la rag mod/ /de lta na yang de snang ba'i khyad par gyi rgyu ni ma yin no/ /'di yang gnyid log pa'i de ma thag pa nyid du snang ba des na rmi lam dang mtshungs pa nyid do/ /sad na yin no zhe na/ ma yin te/ snang ba las ma gtogs pa sad pa med pa'i phyir ro/ /sad do zhes rtogs pa las sad pa yid no zhe na/ ma yin te/ rmi lam du yang de ltar rtogs so zhes bshad zin to/ /de'i phyir rmi lam dang gzhan dag pa gyang par med do/ /des na khyad par mthong ba las dmigs pa dang bcas pa dang dmigs pa med pa tha dad par smra ba gang yin pa de de'i khyad par ma grub pas sun phyung ba yin no/ /da ni sad pa'i shes pa dang khyad par med pa'i phyir phyin ci log tu grub bas dmigs pa dang bcas pa nyid du mi 'gyur ram zhe na/ ma yin te/ log par snang ba med par thal bar 'gyur te/ sad pa'i shes pa nyid bzhin no/ /de lta na yang khas blangs pa la gnod do/ /gzhan yang shes nyid la sogs gtan tshigs kyis/ gnod byed mngon sum shes pa ni/ gzhan du bya bar mi nus te/ rjes dpag mngon sum gnod byed min/ /bzlog pa dmigs pa'i rang bzhin mngon sum gyi ngo bo mi dmigs pa'i mtshan nyid kyi kyang gnod par shes pa ni/ shes pa nyid la sogs pa'i rjes su dpag pas gnod par nus pa ma yin no/ /gal te du ba las mi rjes su dpag pa na phyis bzlog pa la mngon sum zhugs na cig rjes su dpag pa tshad ma yin nam zhe na/ gal te mngon sum zhugs

  86. 43b

    kyang zla ba gnyis kyi yul du rjes su dpag pas gnod na/ ci ste mngon sum yin nam zhes rig pa mtshungs so zhe na/ ma yin te/ der yang mngon sum nyid gnod par byed pa yin te/ sngar gcig tu mthong ba'i phyir ro/ /de lta ma yin na rjes su dpag pa nyid du yang mi 'gyur ro/ /mngon sum ni rjes su dpag pa sngon du 'gro ba can ma yin no/ /gal te yin na ni rjes su dpag pa nyid der yang gnod par byed pa yin pa'i phyir rjes su dpag pas gnod na mngon sum tshad ma ma yin par 'gyur la/ de lta na yang phan tshun gnod pa 'gar yang mi 'gyur ro/ /des na rjes su dpag pa'i rtsa ba ni mngon sum yin gyi/ mngon sum gyi rtsa ba ni rjes su dpag pa ma yin no/ /mngon sum yang rjes su dpag pa'i rtsa ba can du rnam par gnas pa ma yin nam/ 'di ltar/ goms pa med par dang po ni/ /mngon sum 'jug par byed min te/ /'brel pa rjes su dpag pa yis/ /bzung na de las 'jug phyir ro/ /rjes su dpag pas don byed pa dang/ 'brel pa bzung na mngon sum 'jug par byed pa yin te/ des na rjes su dpag pa las mngon sum tshad ma yin la snyam na/ mngon sum las kyang rjes su dpag pa yin pa'i phyir phan tshun gnod par byed par mtshungs so/ /gal te de ltar phan tshun rten pa'i nyes pa nyid du 'gyur bas/ gcig kyang tshad mar mi 'gyur ro zhe na/ 'di ni bshad zin to/ /rang la rang gi ngo bo rtogs/ /tha snyad la ni tshad ma nyid tha dad pa'i 'jug pa'i yul don gyi bdag nyid la yin no zhes so/ /de yang thog ma med pa'i tha snyad long ba brgyud pa las so/ /de yang mi bslu ba las tshad ma yin la/ mi bslu ba yang 'byung bar 'gyur ba'i myong ba nyid yin no/ /des na don gyi yul can tshad ma yin par ji ltar 'gyur/ /rjes su dpag pa yang rang gi ngo bo'i yul la mngon sum med pa nyid du 'gyur ro zhe na/ ma yin te/ de la ni de mngon

  87. 44a

    sum nyid yin pa'i phyir ro/ /des na rjes su dpag pas tha dad pa'i don la mngon sum 'gog par byed do/ /de ni rjes su dpag pa'i yul yin pa'i phyir te/ de lkog tu gyur pa yin pa'i phyir ro/ /ji ltar lkog tu gyur pa la mngon sum gyi tshad ma yin zhe na/ 'jug par byed pa nyid kyis yin gyi 'dzin par byed pa ni ma yin no/ /'dzin par byed pa yin na ni 'jug par byed pa nyid ma yin par 'gyur ro/ /'di ltar/ gal te sngar gyi mngon sum la/ /de nyid snang ba yin na ni/ /de ni rang gi ngo bo yis/ / thob phyir 'jug la don ci yod/ /don byed don gnyer 'jug byed na/ /'o na de ni mi gsal nyid/ /gal te gsal ba yin na ni/ /phyir yang 'jug pa med par 'gyur/ /gal te don byed gsal na yang/ /thob pa'i don du 'jug ce na/ /thob pa snang ba med pa'i phyir/ mi snang ba la 'jug pa nyid/ /gal te de la rjes su dpag pas gnod na ni shin tu gsal bar kho bo cag gi 'dod pa grub bo/ /'di ltar/ tha dad pa'i don la rjes su dpag pas mngon sum 'jug pa yin la/ de yang lkog tu gyur pa'i phyir rjes su dpag pa'i yul yin pa'i phyir de nyid la mngon sum la rjes su dpag pas gsal ba yin no/ /de yang rjes su dpag pas gnod na rjes su dpag pa nyid rjes su dpag pas bkag par 'gyur ro/ /de ni long ba brgyud pa las byung ba'i rjes su dpag pa yin pas de la rjes su dpag pa'am mngon sum gyis gnod na tshangs ci yang med do/ /mngon sum dang des bslang pa'i rjes su dpag pa dag la ni mngon sum mam rjes su dpag pas gnod pa ma yin no zhes bya ba 'di ni rig pa yin no/ /gal te mngon sum yang zla ba gnyis kyi yul can/ de'i dus phyis 'byung ba zla ba gcig tu snang ba gzhan gyis gnod pa ma yin nam/ de mngon sum ma yin pa'i phyir ro/ /ci'i phyir gnod pa'i phyir ro/ /phan tshun spangs pas rnam par gnas pa dag ji

  88. 44b

    ltar gnod bya gnod byed kyis ngo bo yin/ /de lta bu nyid do zhe na/ gnyi ga yang gnod par bya ba 'am gnod par byed par 'gyur ram/ ma yin te/ thob par byed pa'i phyir gcig ni gnod par byed pa nyid yin no/ /'di ltar/ mngon par 'dod pa thob par byed pa nyid ni gcig la yod kyi gzhan la ni med do zhe na/ de lta na 'o na brgyud pas rjes su dpag pa la gnod par 'gyur ro/ /des na shes pa thams cad ni dmigs pa med pa nyid de/ rmi lam gyi shes pa bzhin no zhes bya ba'i don ci yin zhe na/ rang gi ngo bo la dmigs pa yin la/ de la yang mngon sum yin zhing/ des bslang ba'i rjes su dpag pa ni mi dmigs pa'i rang bzhin yin pas de ni rjes su dpag pa 'am gzhan gyis bsal bar mi nus so/ /dmigs pa tha dad pa sgrub pa ni mun pa brgyud pa yin pa'i phyir mngon sum ma yin zhing/ des bslang ba'i rjes su dpag pa yang ma yin pas de la gnod par byed pa'i mngon sum 'am rjes su dpag pa nyid do zhes bya ba 'di ni gcig tu nges pa'o/ /de'i phyir thams cad dmigs pa dang bcas te sad pa'i shes pa bzhin no/ /zhes bya ba'i lan gyi tshad ma ma yin te/ rtsa ba med pa'i phyir ro/ /rmi lam la sogs pa dmigs pa dang bcas pa sel ba gnod par byed pa'i blo ni dmigs pa yin no/ /de lta yin na dpe des thams cad dmigs pa dang bcas par ji ltar 'grub/ gal te dmigs pa med pa nyid shes pa gzhan du gyur pa de blo 'dis sgrub pa ma yin nam/ de ni tha dad pa yin te/ des na shes pa gzhan yang shes pa nyid kyi phyir bsgrub bya tha dad pa'i yul can nyid yin pas ji ltar lan gyi tshad ma yin zhe na/ gal te mngon sum du 'gro ba can yin pa'i phyir 'di dmigs pa tha dad pa can yin du chug kyang/ gang gis de yang de ltar 'dod pa de las bzlog pa'i blo bzlog pas gsal ba la ? ci zhig 'ongs/ 'di tha dad pa sgrub par byed pa ni ma yin te/ tha snyad tsam ?? pa'i phyir ro/ /tha dad pa gzhan

  89. 45a

    las cig shos la dmigs par mi 'khrul pa sgrub par byed la/ mi 'khrul pa de yang de nyams su myong ba zhen pa'i de'i dus pa nyid do/ /des na da ltar de 'dir snang bar byed pa ni ma yin no/ /'di ni rang gi rnam pa'i mthar thug pa yin pa'i phyir de'i bdag nyid kyi dmigs pa nyid rtogs par byed pa yin no/ /de'i phyir 'di dmigs pa dang bcas pas gzhan yang dmigs pa dang bcas par sgrub pa ma yin no/ /gal te de'i rang bzhin yul du mi 'byed na/ ji ltar 'dis de sgrub ce na de la mi bslu ba'i phyir ro zhes bshad zin to/ /mi slu ba las yul du byas par rtogs pa yin no/ /de nyid kyi phyir bshad pa/ rig bya rig byed rnam pa med/ /sgra sogs shes pa'i tha dad bzhin/ /gang tshe gzung 'dzin rnam phye ba'i/ /mtshan nyid rnam par bslad la can/ /ji ltar 'khrul pas mthong gyur pa/ /de ltar 'di rnams gzhag byas ba/ /de tshe gzung dang 'dzin pa yi/ /mtshan nyid la ni bcad bya min/ /skra shad la sogs pa thob par bya ba rig bya'i dngos po med pa kho nar rig par byed pa'i rnam pa yin no/ /skra bshad la sogs pa thob par bya ba de la ni blo 'dzin par byed pa ma yin te/ de med pa'i phyir ro/ /thob par bya ba'i rig go zhes bya ba ni de 'khrul pas rtogs pa yin no/ /des na rtogs pa gang yin pa 'jug go /de la da ltar 'jug pa rnams kyi thob pa med pa gang yin pa de la ni dmigs pa med pa nyid du gsal ba kho na'o/ /des ni gzhan dmigs pa med pa nyid du sgrub pa byed do/ /mi mthun pa rtogs pa med pas rang bzhin mtshungs par rtogs pa'i phyir ro/ /dmigs pa dang bcas pa nyid ni gang yang rtogs pa med pa de'i phyir ji ltar de dang mtshungs pa'i phyir thams cad dmigs pa dang bcas par 'grub/ thob par bya ba'i rang bzhin du snang ba de ltar rtogs pa ni ma yin te/ 'jug pa nyid kyi phyir ro/ /de lta ma yin na de snang ba'i phyir 'jug par mi 'gyur ro zhes bshad zin to/ /snang ba la yang yang snang bar bya ba'i phyir 'jug

  90. 45b

    go zhe na/ 'o na yang/ snang ba nyid mi snang ba yin te/ de yang snang ba yin na ni 'jug par mi 'gyur ba'i phyir thug pa med do/ /yang snang ba yang ci'i don du yin/ bde ba'i don tam 'dzin pa'i don du'o zhe na/ 'o na 'jug pa ni de'i don du yin la de'i yang mi snang ba kho na'o// de'i phyir mi snang ba nyid thams cad du yul yin pa'i phyir myong ba mdza' dag dmigs pa med pa yin pas ji ltar de las bzlog par 'grub/ /'o na ji ltar yul du ma byas pa la 'jug ce na/ de ni ma yin te/ yul du byas pa nyid la yang/ ji ltar 'jug ces brjod pa yin/ rgyu dang 'bras bu'i dngos po 'di/ /de lta nyid du rnam par gnas/ /rang rig pa yi rtog pa las/ /rang gi rgyu yi mthu las sam/ /rgyu med par rtogs pas gzhan 'byung ba yin te/ ji ltar mthong ba de ltar khas len to/ /de nyid kyi phyir chos thams cad ni byed pa med pa yin no zhes gsungs so/ /yang na sngar thob par bya ba tha dad pa rtogs pa med pa'i phyir phyis tha dad pa yin pa'i tshad ma med pa'i phyir ji ltar tha dad par rtogs/ /'dis ni don byed pa dang lhan cig rgyu dang 'bras bu'i dngos po yin pa yang gsal to/ /snga ma dang phyi ma dag tha dad par rtogs pa med pa'i phyir dang/ dus mnyam pa dang bskyed par bya ba ma yin pa'i phyir rang gi ngo bo nyid don byed pa yin la/ de ni rmi lam la yang yod pas mtshungs so/ /des na blo ni rig bya rig byed kyi rnam pa med pa nyid do/ /de'i phyir gzung ba dang/ 'dzin pa rnam par phye ba'i mtshan nyid ni bslang ba kho na yin te/ des na rang gi ngo bo tsam rig pa las rnam par rtag pa gzhan skye ba nges sngar gyi rjes su 'brangs nas de lta de ltar rnam par bzhag pa 'ba' zhig tu zad gyi don dam par ni de la de lta bu nyid yod ba ma yin no/ /'di ltar skra shad kyi shes pa yod na snga ma rjes su dran pas 'di lta bu'i snang ba'i de ma thag tu thob par gyur to zhes bya ba yin no/ /des na gzung

  91. 46a

    ba dang 'dzin pa'i rnam par snang bar skye ba ni rnam par rtog pa yin no/ /de yang rang gi rang bzhin la gzung ba dag 'dzin pa'i rang bzhin dang bral ba nyid te/ gzhan gyi de ltar 'jog pa yin no/ /de yang rang gis rnam par gnas pa ni ma yin no/ /de las phyi rol don nyid ni/ /nyams su myong bar grub pa min/ /nyams su myong las phyi rol gyi/ /dngos yod de nyid grub pa med/ /gal te sngon po myong ba de/ /ji ltar phyi rol yin par brjod/ /gal te sngon po myong min na/ /de ni ji ltar phyi zhes bya/ /gzhan gyis myong ba min na des/ /ji ltar de ni phyi zhes brjod/ /gzhan gyis myong na de dang des/ /'di ni thug pa med par 'gyur/ /'di ni gzhan gyis myong yin par/ /bdag gis ga las nges pa yin/ /de 'bras mthong phyir de min te/ /'bras bu rab tu ma grub phyir/ /rgyu 'bras dngos po ma grub ces/ /bya ba 'di ni brjod zin to/ /rjes su dpag pa spyi yi ni/ /yul can nyid du brjod pa'i phyir/ /gzhan gyis mthong ba de nyid ni/ /'di zhes rab tu 'grub mi 'gyur/ /ji ltar spu ldang la sogs pa'i/ /'bras mthong las na de gcig nyid/ /de bzhin bde sogs gcig nyid du/ /de nyid las ni 'grub par 'gyur/ /de yi bde ba gzhan yin na/ /gzung ba de las gzhan du 'gyur/ /gal te yul ni tha dad las/ /bde sogs gzhan du 'dod ce na/ /de nyid du na gcig nyid la/ /yul tha dad pa ji ltar 'grub/ gzhan dag bde ba de nyid las/ /spu ldang sogs par cis ma yin/ /spu ldang la sogs gzhan yin phyir/ /gal te bde ba tha dad na/ /gzhan la bzung bar bya ba yang/ /gzhan du ci'i phyir 'dzin mi byed/ /gal te spu ldang la sogs kyang/ /nged kyi myong bar 'dus zhes na/ /snang rten gsal ba bde la sogs/ /de las ji ltar tha dad yin/ /gal te kho bo'i bde ba ni/ /med kyang spu ldang sogs de na/ /kho bo'i gzung ba med kyang de/ /spu ldang sogs pa cis ma yin/ /gal te der yang dus kyi ni/ /dbye bas tha dad

  92. 46b

    'dod na ni/ /ngo bo nyid kyis dbyer med la/ /dus kyi dbye bas ci phyir yod/ /der yang tha dad med pa'ang yin/ /de ni lkog gyur nyid mi 'gyur/ /gcig po de ni ji ltar na/ /rig pa spangs nas gnas par 'gyur/ /gal te de gcig yin da lta yang rjes su 'jug pas de ji ltar lkog tu gyur pa yin/ phan tshun rig pa dang spangs te gnas pa ji ltar gcig yin zhes 'di ni bsam par bya ba nyid do/ /gal te thun mong ba nyid du snang na khyod kyis mthong ngam mi mthong zhes 'dri ba ji ltar 'gyur/ tshad ma gzhan gyis yid ches par bya ba'i phyir ro zhe na/ gal te mngon sum la yid mi ches na tshig gis kyang yid ches par mi 'gyur ro/ /de yang rang gi snang ba nyid ston pa yin no/ /des kyang khyod la snang ba ni nga la yang snang ngo zhes de ltar mthong ba shes par bya ba yin pa de'i phyir phan tshun brten pa'i skyon du 'gyur ro/ /mngon sum gyis ma rtogs pa'i gang yin pa yang ji ltar tshig las yid tshim par bya ba mngon sum gyi don la nye bar ston pa ni chen po ma yin no/ /gzhan yang/ mngon sum mtshan ma nyid yin na/ tshig ni tshad ma yin par 'gyur/ /tshig tshad yin na'ang mngon sum ni/ /tshad ma yin phyir 'di bzang ngo/ /rab rib can gnyis phan tshun du/ /lhan cig par ni gyur pa dag /so sor nus pa med na ni/ /gang phyir 'dus kyang de nyid yin/ /de'i phyir mig la sogs pa'i byed pa dang 'brel pa ni rang rig pa yin pa'i phyir sngon po la sogs pa shes pa nyid yin pas gzugs la sogs pa'i blo ni rig bya rig byed kyi rnam pa med pa nyid do/ /blos de ltar rig pa'i phyir rnam par gzhag pa 'di ni de kho na ltar byas pa yin no zhes bya ba ni don dam pa'o/ /des na rang rig pa nyid 'bras bu yin no/ /don to zhes nges pa yang de nyid la yin gyi don myong ba zhes bya ba ni yod pa ma yin no/ /des na gzung ba'i rang gi ngo bo nyid 'dzin par byed pa la dpe 'ga' yang med do zhes bshad do/ /de la bzlog pa med par mi dmigs pas sgrub pa la dpe med par

  93. 47a

    ji ltar 'gyur te/ ri bong gi rwa la sogs pa ma dmigs pa dpe yin no/ /yang na dpes ci bya ste mngon sum gyi grub pa yin no/ /de'i phyir rang gi cha bzung ba yin pa gsal bar bzlog nus par 'gyur ba de'i tshe khyad par dang bral ba'i dag pa nyid phyi rol gyi bzung ba bzlog pa'i phyogs yin par 'gyur na phyogs de ni mngon sum gyis gnod pa yin te/ gang gi phyir mngon sum la sogs pa'i shes pa'i tshogs kyi dmigs pa ni phyi rol nyid lus pa yin te/ rang gi cha bzung ba yin pa bkag pa'i phyir ro zhes gzhan gyis brjod pa gang yin pa de ni ma 'brel pa yin te/ phyi'i yul mngon sum pa med par bstan pa'i phyir ro/ /gnod par byed pa dang bral ba na shin tu rnam par nges pa'i phyir sad pa'i shes pa 'di dag ni stobs dang ldan pa yin no zhe na/ ma yin te/ 'di dag shin tu rnam nges te/ /nyid ni rang gi cha la gtogs kyi/ /phyi'i don mi snang ba la ni nges pa de ma yin no/ /snang ba dang dran pa las ma gtogs par nges pa zhes bya ba ni med do/ /re zhig don snang ba ni med do/ /snang ba med na yang dran pa yang yod pa ma yin no/ /de las gzhan pa'i nges pa yang med pa'i phyir phyi rol gyi don nges pa zhes bya ba 'di ni tshig tsam du zad pas don med do/ /skyon can shes pas bzung ba yi/ /don ni dgag par rung yin na/ /bzung med 'dzin par 'dzin pa dag /'gog la mi 'thad ci zhig yod/ /bzung ba tsam la gnod na ni/ /rang phyogs grub pa med 'gyur mod/ /bzung ba de ni yod nyid du/ /khyed cag ji ltar rjod par byed/ /khyad par khyad par can dag ni/ /tha dad par ni ma bzung phyir/ /gnyi ga 'am gang yang rung ba nyid/ /ma grub par ni rjod pa yin/ /sngar ni tha dad 'dzin pa las/ / phyi nas nges par dpyad pa na/ /don dam tha dad med 'gyur ba/ /de yi phyir yang ci zhig 'gal/ /ldog pa yongs su brtags pa yi/ /khyad par khyad par can nyid ni/ /sangs rgyas gzhung la 'bras byed par/ /rna lam du ni ma gyur tam/ /'chad po nyan pa'i khyad par

  94. 47b

    dag/ khyad pa can gyi shes gang yin/ /de ni dmigs pa med pa na/ /rang tshig gnod pa 'ga' yang med/ /khyad par dang ni khyad par can/ /rab tu dbye ba yod yin pa/ /des na dam bca' ba yi don/ /brtags na mi mdzes ci zhig yod/ /gzhan yang/ dmigs pa med pa zhes bya ba'i/ /dngos po cung zad rtogs pa med/ /des 'di tha dad la sogs par/ /'dri ba 'thad pa ma yin no/ /gal te dngos med ji ltar khyod/ /nged cag rtogs par 'dod pa 'am/ /rang gi blo yis rtogs par byed/ /ci ste brtags nas bsgrub bya na/ /med la rtogs pa ci 'dra zhig /rtog na dngos por thal bar 'gyur/ /dngos med ji ltar 'dod ce na/ /de yang dngos por brjod par bya/ /'di ni bshad zin to/ /khyad par dang khyad par can gyi dngos po ni ldog pa'i dngos po ni ldog pa'i dbye ba brtags pa'i rang bzhin gyis yin no/ /dmigs pa med pa nyid phyi rol gyi dmigs par brtags pa las tha dad par so so ba lta bur de lta bu'i rang gi ngo bo shes par bya ba'i phyir rnam par bzhag pa yin gyi/ don dam ni tha dad pa rtogs pa yod pa ma yin te/ tha dad pa med par rtogs pa dngos po yin pa'i phyir ro// dngos po med pa la rtog par ji ltar 'gyur zhe na/ de nyid kyi phyir te/ de lta ma yin na/ dngos po rtog pa ci 'dra zhig /de ltar dngos po thal min te/ /med la rtog pa 'jug 'gyur te/ /de ni dngos la yod ma yin/ /ci ste shes pa zhes bya 'di/ /las sam dngos la sogs par brjod/ /dngos sogs su ni 'gal 'gyur zhing/ /las yin na ni grub pa bsgrub/ /shes pa zhes bya ba 'di las su rjod na ni rtogs par bya bas na shes pa zhes chos can gyi rang bzhin gyi don las su bshad par 'gyur ba 'am yang na rtogs pas na shes pa zhe 'am/ rtogs par byed pas na shes pa zhe 'am/ 'dis rtogs par bya bas na shes pa zhes dngos po dang byed pa po dang/ byed pa'i rang bzhin du 'gyur grang na/ 'di thams cad mi 'thad do/ /gal te rtogs pas na shes

  95. 48a

    pa yin na ni de rtogs par bya ba med par mi 'gyur ro/ /de bzhin du byed pa po la sogs pa yang ngo/ /des na shes pa zhes bya ba ni phyi rol gyi don la bltos pa yin la dmigs pa med pa zhes bya ba ni de med pa yin pa'i phyir phan tshun 'gal lo zhe na/ de ni ma yin te/ gal te rtogs pas na shes pa yin na rang gi bdag nyid la gnas pas gzhan med par mi 'gyur ro/ /zhes bya ba 'di ga las te/ de las gzhan mthong ba med pa'i phyir ro/ /de la rtogs par bya ba yang rang gi ngo bo nyid yin te/ gzhan gyis ci bya/ de ltar yang brtan pa nyid de rtogs par byed do/ /bdag nyid 'dis rtogs par bya ba yin no zhes bya ba 'di la 'gal ba rtogs pa ci yod/ las yin no zhe na las zhes bya ba rtogs pa med do/ /sngon po la sogs pa ni rang gi ngo bos snang ba yin gyi de la las zhes bya ba gzhan ni yod pa ma yin no/ /gal te 'di byed pa po gzhan gyi rang gi byed pa dang 'brel par dmigs na de nyid gzhan gyi dmigs pa yin no/ /gal te de bzlog na ji ltar grub pa la sgrub pa yin/ 'di'i 'brel pa nyid rab tu ma grub pa de'i phyir las nyid kyis de dmigs pa yin par ji ltar 'gyur/ /de rang gi ngo bos dmigs par bya ba yin no zhe na/ da ni 'di grub pa la sgrub pa yin no/ /gal te ngas sngon por rtogs so zhes dmigs par bya ba nyid du rtogs pa ma yin nam zhe na/ de ni ma yin te/ nga'o snyam pa'i shes gang yin/ /de ni lus dbang bdag nyid rig /dar 'dzin pas ni dkar bde dang/ /gzhi mthun par ni rig phyir ro/ /dbang po la sogs pa dag las gzhan nga'o snyam pa'i shes pa'i dmigs pa bdag ni ma dmigs so/ /gang gis 'di dag skul byed pa'i/ /lus de bdag yin de bzhin du/ /rig med 'di dag rang bzhin ni/ /skye las bskul gzhan gang la'ang med/ /gang te gang las skye bar ni/ /mthong ba de nyid skul byed na/ /de

  96. 48b

    dag phan tshun rkyen yin pas/ /gcig la gcig ni skul byed yin/ /de las gzhan pa'i tshogs pa ni/ /tshogs pa las ni skye ba la/ /rgyu dang 'bras bu'i dngos por ni/ /tha snyad rab tu 'jug pa yin/ /blo yi ngo bo ma rtogs par/ /skul byed gzhan ni rtogs pa med/ /snga ma snga mar de lta bu/ /goms pa 'ang la lar skul byed yin/ /bde dbang blo yi rnam pa las/ /sngo sogs rnam pa dang ldan pa'i/ /gal te blo gzhan skye 'gyur na/ /las dang byed po de gang las/ /dus mnyam par ni rig pa las/ /phan tshun byed pa 'ang yod ma yin/ /des na las la sogs pa yi/ /ngo bo dngos por 'thad ma yin/ /gzugs la sogs pa rtogs pa ni/ /dmigs pa med par 'dod pa nyid/ /rnam shes bdag nyid min pas na/ /'di la dmigs pa 'ga' yang med/ /ces gang brjod pa de ni yi nas ma yin te/ /'di ltar gzugs la sogs pa rtogs pa ni/ /dmigs pa med par 'dod ma yin/ /rtogs med rang bzhin las ldog pas/ /'di ni rang gi cha la dmigs/ /tha dad pa'i dmigs pas dmigs pa med pa nyid ni rnam par shes pa'i bdag nyid kyis yin par shin tu gsal lo zhes bstan zin to/ /gal te byed po byed pa dag /yin na phyogs kyi sgra dag kyang/ /de dag dmigs pa med pas na/ /phyogs med par ni thal bar 'gyur/ /zhes gang brjod pa de yang shin tu legs pas brjod pa yin no// 'di ltar shes pa dang dmigs pa med pa'i sgra de dag gis kyang rtogs par bya ba yin te/ des na de dag kyang rtogs pa nyid ma yin no/ /de dmigs pa med pa yin na phyogs 'ga' yang med pas sgra bla lhag tsam 'ba' zhig tu zad do zhes zer ro/ /don dmigs ma yin de la ni/ /ldog pa sgra yi spyod yul yin/ /de la mi slu tsam gyis ni/ /phyogs nyid yin pa'ang 'gal ba med/ /sgra'i spyod yul nyid ni phyogs ma yin te/ de ni sgrub par byed pa'i yul yin pa'i phyir ro/ /sgrub par byed pa mngon sum gyi mtshan nyid kyi mi dmigs pa

  97. 49a

    des rang gi rnam pa dmigs par sgrub pa de phyogs yin pas na phyogs med par ji ltar 'gyur/ rtogs pa zhes bya ba ni 'dir shes pa nyid skabs kyi stobs kyi go bas de ji ltar sgra'i sgo nas sun 'byin de'i? skabs su 'gyur/ ji snyad bshad pas yul du byas pa de sgra'i rtogs par bya ba ni ma yin te/ /'on kyang skabs kyis 'on pa nyid de/ de lta ma yin na/ sgra las don rtogs par mi 'gyur ro/ /spyi'i sgra yang skabs kyi khyad par la 'jug pa dmigs te/ dper na ?? 'on cig ces bya ba zas kyi skabs su tshe nyid rtogs par byed pa bzhin no/ /phyi rol rtog bya med par ni/ /byed po la sogs mi srid cing/ /rtogs pa de rgyu can yin na/ /de ni rang gi tshig gis gnod/ /gal te cung zad rtogs par byed pa ma yin pa 'am/ des rtogs par bya ba ma yin na/ 'di ci ltar de? ? 'gyur/ rtogs pa'i yul med na yang yul ci zhig rtogs zhes gang smras pa nga yang dbugs gcig gis song ba yin te/ 'di ltar/ rtogs bya tha dad med par ni/ /byed po la sogs srid pa dang/ /rtogs pa de rgyu can min na/ /rang gi tshig gis ji ltar gnod/ /las dang byed pa po la sogs/ /brtags yin dam pa'i don du med/ /bdag la bdag gis bdag nyid ni/ /'tshog par byed ces brjod pa bzhin/ /rtogs pa'i sgra'i don phyi rol gyi rgyu mtshan can ma yin pas rang gi tshig gis gnod pa med do/ /'on te rtogs pa ni grags pa'i rang bzhin du 'gyur la/ de lta na yang bdag cag gi dngos po gzhan gyis 'dzin par byed pa'i dngos po rtogs pa yin par grub ste/ grags pa'i rang bzhin gyis kyang rtogs pa'i sgra rtogs pa la ma bltos par dngos po tha dad pa nyid rtogs pa yin par grub bo/ /des ni 'jig rten gyi grags pa nyid kyis phyi'i dngos po yul yin par grub pa nyid do/ /'jig rten gyi grags pa ni gzhan du bya bar nus pa ma yin no zhe na/ de ma yin te/ 'jig rten thar? pa tsam gyis ni/ /dngos po rnam par gnas

  98. 49b

    ma yin/ /rnam par dpyod pa'i 'jig rten ni/ /dngos po grub pa'i rgyu mtshan nyid/ /don sgrub pa la rig pa las/ /ma gtogs 'jig rten yang gang zhig /rig pa 'jig rten yin na ni/ /de dmigs med par byas pa yin/ /gal te rig pa med par ni/ /'jig rten de nyid rnam 'byed na/ /bems po'i bdag nyid rdo la sogs/ /'di kun rnam par 'byed par 'gyur/ /gang yang/ de khas blangs nas phyogs nyid na/ khas blangs pa la gnod par 'gyur/ /khyad can khyed la ma grub cing/ /de lta yin pa nged cag la/ /dngos po gzhan rtogs par byed pa khyad pa can gyi rtogs pa de 'dra ba ni khyed lam grub cing gzhan du gyur pa ni nged cag la ma grub po/ /de bzhin du bdag gi chos dang rang rgyud du/ /rtog pa ni yang de ltar 'gyur/ /rtogs pa tsam ni cung zad kyang/ /yod min rtogs pa med phyir ro/ /'di ltar/ gal te tha dad pa sgrub par byed pa nyid khas blangs nas rtogs pa phyogs su byed na ni de lta bu'i chos can khyed la ma grub po/ /de ltar ni sangs rgyas pas khas ma blangs so/ /'on te bzlog pa tha dad pa med pa sgrub pa nyid du khas len na/ de lta yin na phyir rgol bdag cag la ma grub bo/ /tha dad ba med pa sgrub pa'i rtogs pa ni bdag cag gis khas blangs pa ma yin no/ /de bzhin du bdag gis chos nyid ni sangs rgyas pa dag la ma grub la/ rang rgyud pa ni dpyod pa pa dag la ma grub po/ /gang zhig chos can nyid du 'gyur ba'i rtogs pa tsam yang yod pa ma yin te/ phyogs gnyis las ma gtogs pa brtags par mi nus pa'i phyir ro zhes smras pa/ de ni rnam pa ci zhig ltar yod do zhes bde blag tu brjod do/ /gang gi phyir 'di ni brjod zin ste/ gdon mi za bar rtsod pa yi/ /gzhi ni ma grub pa nyid yin/ /gal te da ni grub 'gyur na/ /sgrub par byed pas ci zhig sgrub/ /khyad de ma grub pa'i sgo nas khyad par can ma grub par brjod pa'i phyir/ tha dad pa med pa'i sgrub pa'i mtshan nyid kyi chos can rtags

  99. 50a

    pa'i khyad par du ma grub po zhes bya ba gang yin pa de nyid ni rtsod pa'i gzhir gyur pa bsgrub par bya ba yin pas/ khyad par des ni sgrub par byed pa'i dus su chos can ma grub par 'dod pa nyid do/ /gal te de nyid grub na de ni grub zin pa nye bar 'jog pa'i sgrub par byed pas ci bya/ gal te khyad par ma grub pas phyogs skyon can du 'gyur te/ dper na grangs can la sgra 'jig pa zhes bya ba lta bu'o zhe na/ ma yin te/ 'di ltar/ grangs can la yang phyogs skyon du/ /'gyur ba nyid ni bzlog pa yin/ /dpe la don ni grub na phyogs/ /khyad par ma grub nyid ma yin/ /'on te dpe la 'jig pa ni/ /ma grub gtan tshigs skyon 'gyur te/ /gtan tshigs ma nges pa nyid dam/ /yang 'gal bar 'gyur ba yin/ /gal te 'jig pa phyogs la ma grub pa'i phyir skyon yin no/ /de ni ma yin te/ de nyid kyi phyir bsgrub bya yin no/ /des na khyad par grub pa nyid phyogs kyi skyon yin na/ ji ltar 'di skyon yin te/ ci rang gi ngo bo nyid ni skyon du 'gyur ba ma yin no/ /'on te dpe la ma grub na/ de'i tshe dpe'i skyon nam gtan tshigs kyi skyon yin pa'i phyir phyogs kyi skyon ma yin no/ /bdag gi chos ma grub na/ chos can mi rtogs pa yang ma yin te nam mkha' i yon tan ma grub na chos can sgra ma grub par 'gyur ba ni ma yin no/ /de ni nyan pas bzung ba tsam nyid kyis chos can yin te/ de lta ma yin na chos can 'ga' yang med par 'gyur ro/ /phyir rgol bas nye bar gzhag pa'i chos 'di thams cad du ma grub pa'i phyir ro/ /de'i phyir 'di yang skyon ma yin pas 'di ni gyi na'o/ /de nyid kyi phyir pha rol pos brjod pa gzhan yang mi 'thad de/ sgra don tsam gyi ngo bo yis/ /ji ltar gzhan dag rtogs byed pa/ /de lta 'ang khyed la mi 'gyur te/ /brjod bya'i dbye bas mi 'dod phyir/ /zhes te/ rjod byed dang brjod bya gzhan dag las tha dad par khas ma blangs pa'i phyir ro/ /

  100. 50b

    rgol ba gang zhig spyi khas ma blangs pas sgra'i don gyi rang bzhin tsam du yang brtag par mi nus pa des ni phas kyi rgol ba chos can la sogs pa'i rtog pa med pas phyir bzlog par nus pa ma yin no zhes bya ba de ni ma yin te/ rtogs pa zhes khyad par med pa'i sgra'i don tsam/ rnam par shes pa'i zhes bya ba'i don gang yin pa/ snang ba zhes bya ba'i rnam grangs gang la yod pa de grub pa'i phyir na de ni ma yin no/ /rtogs pa nyid ces bya ba gang yin pa rnam pa gcig tu 'dzin pa'i yul gang yin pa de ni zla ba gnyis la sogs pa rtogs pa dang gzhan dag la grub pa nyid yin la/ de'i de kho na nyid gang yin zhes dpyad par bya ba yin pas de bsgrub bya'i nang du gzhag pa gzhan mdza' dag ma grub pa yin pa'i phyir mi rigs pa ci yod/ de la ma grub pa nyid ni phyis bkod nas bzlog par bya'o/ /re zhig gzhan dag brjod pa ni/ /gal te 'di la thams cad du/ /dmigs med nyid du sgrub byed na/ /khyad par ma grub par 'gyur te/ /dpe yang yod pa ma yin no/ /rtogs pa thams cad dmigs pa med par sgrub na 'di la dpe gang yod/ /'on te ma sad pa'i shes pa yin na/ de ltar na yang dpe ma grub pa nyid de/ rmi lam gyi rtogs pa yang rnam pa 'ga' zhig dmigs pa dang bcas pa yin pa'i phyir te/ dus de 'am dus gzhan gyi gnas skabs dmigs pa yin pa'i phyir ro/ /ci ste dus de'i dmigs pa gzhan med pa nyid yin na ni de'i tshe rnam pa 'ga' zhig gis dmigs pa med par brjod pas grub pa la sgrub pa yin te/ gzugs kyi shes pa? ro la sogs pas stong pa'i phyir ro/ /de'i dus sam gzhan gyi dus la sogs pa yang rung ste/ gang zhig gang gi tshe ji ltar dmigs pa de ltar de dmigs pa dang bcas par khas blangs par bya'o/ /de lta yin yang dmigs pa med pa nyid yin na ni ro'i shes pa yang gzugs kyi

  101. 51a

    dmigs pa med pa yin no zhes bya bar 'gyur na/ de ni 'dod pa nyid yin pas grub pa la sgrub pa yin no/ /'on te blo la gang zhig gi /rnam yod de dmigs zlog byed na/ /rang gi rnam pa khas blang phyir/ /de med pa ni 'gal ba ni?/ rnam par shes pa'i 'dzin pa'i tshe la don gyi rnam pa nyid ni yod pa ma yin no/ /'on ci zhe na/ shes pa'i rnam pa nyid do zhes khyed kyis khas blangs pa yin pas de la de ni shes pa'i bzung ba med par thal bar 'gyur na 'dod pa la yang ma yin no/ /de la gzung ba'i bdag nyid dmigs par 'gyur ba yin no/ /ci ste phyi rol gyi dmigs pa med pa yin na/ de ni ma yin te/ phyi rol dmigs pa med pa la'ang/ /gal te phyi zhes 'dzin med na/ /ka la sogs pa blo de med/ /de ltar na ni grub pa grub/ /gang la blos phyi rol gyi bum pa snyam pa der yang bum pa nyid dmigs pa ni ma yin te/ 'on kyang phyi rol yul nyid yin no/ /de dang gzhi mthun pa'i phyir ni bum pa de ltar rtogs pa yin no/ /'on te ka ba la sogs pa'i/ /ngo bos dmigs pa med brjod na/ /nyams su myong ba mthong ba'i phyir/ /de dang 'gal bar thal bar 'gyur/ /zla gnyis sogs la mtshungs shes na/ /dbang po phrad pa med phyir der/ /dmigs pa med pa bdag cag brjod/ /don rig med pa'i phyir ma yin/ /mig la sogs pa'i dbang po dang ma phrad pa blos bzung ba'i phyir/ zla ba gnyis la sogs pa'i blo dmigs pa med par rjod kyi/ /de dmigs pa med pa nyid ni ma yin no/ /'di ni sngon zla ba gcig tu rtogs so zhes dbang po de dang gnyis ldan pa med pa'i phyir dmigs pa med pa yin gyi/ thams cad du don med pa nyid ni ma yin no/ /zla ba gcig mthong ba de las bzlog pa dmigs pa med pa yin no zhes dmigs pa med par rtogs pa'i rgyu yin no/ /'di nyid ston pa ni/ dbang po don dang 'brel ba dang/ ma 'brel pas na thams cad du/ /bdag

  102. 51b

    cag myong ba yod pa la/ /med pa 'dzin par 'jog pa yin/ /khyed la dbang po la sogs pa med phyir 'dzin dang bral bas na/ /dmigs pa nyid ni rgyu med 'gyur/ /dgag pa nyid ni 'thad ma yin/ /rtogs pa dmigs pa med do zhes so/ /'di ni mi bden pa'i rtog pa'i dri mas spags pa'i sems/ /rgyal dang bcas par pha rol ston pa yin pa'i phyir shin tu cher rmongs pa yin no/ /'di ltar/ dmigs med sgra yi brjod bya ba/ /rang gi chal dmigs pa nyid/ /gal te tshad mas grub gyur na/ /sun 'byin ji ltar sun 'byin yin/ /sgra 'di ni gzhan gyis brtags pa bzung ba la dmigs pa bkag nas rang gi chal dmigs pa nyid la sbyor ba yin no zhes skabs la sogs pa la rtogs te/ de lta ma yin na sgra las don rtogs par mi 'gyur ba'i phyir ro/ /de la sgra las don 'di 'jig rten na rtogs pa'i phyir ji ltar 'di brtag par mi nus/ gal te de la yang rjod par byed pa dang brjod par bya ba gzhan las tha dad pa med pa'i phyir ji ltar sgra'i don tsam chos can du 'gyur zhes brjod zin ma yin nam zhe na/ brjod pa ni bden na rigs pa ma yin pa'i phyir des ci bya gang las tha dad par mi 'gyur ba 'di da ltar kho na gnyis med pa'i 'gyur ba ni ma yin no/ /'on kyang rtogs pa ni rtogs pa gzhan dag dang phan tshun yang tha dad pa nyid do/ /de la bum pa'i sgra las ni rtogs pa gzhan yin la snam bu'i sgra las kyang gzhan yin/ no zhes bya ba la sogs pa'o/ /sgras ni sngar bzung ba'i don nyid dran pa'i yul du 'gyur bar byed do/ /de la shes pa gang dag sngon po la sogs pa dmigs pa yin par khyed kyi rtogs pa'i spyod yul du gyur pa de dag dmigs pa med pa yin no zhes gzhan rtogs par byed pa la mi rigs pa ci yod/ gal te 'ga' zhig gis du ba me las byung ba ma yin par rtogs pa de la khyod kyi du ba me las byung ba ma yin par rtogs pa de ni de lta ma yin no zhes de skad brjod par bya ba ma yin nam ci/ /smra ba po las skyon

  103. 52a

    ci zhig byung/ 'on te me las byung bar sngon mthong bas na de ni rtogs par bya nus kyi 'di la go ji ltar zhe na/ 'dir yang rab rib can gyi shes pa dmigs pa med par grub pa nyid de/ phyi rol med pa'i phyir ro/ /de la yang nam mkha' dmigs pa yin no zhe na/ 'o na ji ltar skra shad dmigs pa la nam mkha' dmigs pa yin pa de bzhin du nam mkha' dmigs pa la yang gzhan nyid yin par 'gyur te/ snang bzhin pa dmigs pa ma yin pa'i phyir ro/ /nam mkha' i rtogs pa la snang bzhin pa nyid dmigs pa yin no zhe na/ 'dir skra'i shes pa la yang 'gyur ro/ /thams cad la phyin ci log tu snang ba dang/ dran pa brjed pa dang/ 'jig rten las 'das pa la sogs par brtag pa 'am/ 'ga' la yang ma yin no zhes bya ba 'di ni nges pa yin no/ /ci ste dmigs pa dang bcas pa zla ba gcig gi shes pa dmigs pa dang bcas pa ldan pas zla ba gnyis kyi shes pa dmigs pa med do zhes bya bar rigs kyi/ zla ba gcig gi shes pa la ji ltar zhe na/ de yang de'i rang bzhin can yin pa'i phyir ro zhes brjod zin to/ /gnod par byas pa'i phyir ro zhe na/ de la yang gnod par byas so zhes brtag zin to/ /mi snang ba yang dmigs pa ma yin no zhes bshad par bya'o/ /sngon po la sogs par shes pa nyid yin par yang ston par 'gyur ro/ /ji ltar skra shad la sogs pa'i shes pa nam mkha' la sogs pas dmigs pa dang bcas pa de bzhin du sngon po'i rang bzhin shes pa yang mer? po dang dmar po la sogs pas dmigs pa dang bcas pa yin par 'gyur ba'i phyir/ /ji ltar gzugs kyi shes pa ro la sogs pas dmigs pa med pa med pa grub pa la sgrub pa yin/ ci ste 'od zer gyis gdungs pa'i dgon gdung med par cu'i shes pa mi 'gyur ro zhe na/ ro la sogs pa med par gzugs kyi shes pa 'byung dam ci/ bden pa'i chu la 'od zer gyi gdungs pa'i dgon gdung med kyang chu'i shes pa 'byung ba yin no/ /de la khyad par yod do zhe na/ phan

  104. 52b

    tshun khyad par can yin pa'i phyir gnyi ga dmigs pa med pa 'am de la ma yin par 'gyur ro/ /gnyi ga dmigs pa dang bcas pa yin mod ce na/ gal te snang bzhin pas yin na ni dgon gdung 'od zer gyis gdung ba zhes bya ba la sogs pa brjod par mi bya'o/ /rgyu nyid kyis mi snang ba dmigs pa yin no zhe na/ bag chags yin par 'gyur ba'i phyir nged kyi 'dod pa grub po/ /'o na snang ba nyid yin par 'gyur te/ gzhan gyis ci bya zhe na/ mngon sum dang rjes su dpag pa gnyis khyad par thal bar 'gyur ba'i phyir ro/ /snang ba la ni thams cad mngon sum nyid do/ /'jig rten grags pa rten 'khrul pa dang/ /ma 'khrul rnam dbye med par 'gyur/ /thams cad rang gi ngo bo la/ /ma 'khrul gzhan la bzlog pa yin/ /mthong las dmigs dang bcas shes na/ /thob pa med ces sgrub pa yin/ /smig rgyu la ni chur 'khrul pas/ /thob par gyur la'ang der 'gyur ro/ /kun tshe min na thams cad la/ /kun tshe min par mthong ba nyid/ /ma zhig na ni 'gyur nyid na/ /de ni ji ltar 'jig mi 'gyur/ /ngo shes pa ni gsal ba yin/ /des na thams cad 'tshal ba yin/ /de'i phyir mngon sum dang rjes su dpag pa dag las rtogs pa thams cad dmigs pa med pa nyid do lhag ma ni bshad zin to/ /de ltar gzhan gyi kun brtags pa'i khyad par rjes su brjod nas/ gal te 'gog par byed na/ /'di la mi 'thad pa ci yod/ 'dis ni ji skad du/ phyi rol dngos po med pa'i phyir/ /de yis dmigs pa med 'dod pa/ /ji ltar sgrub byed yi tshe/ /phyogs 'di shes par 'gyur ma yin/ /zhes gang brjod pa de yang bsal ba yin no/ /'di ltar dper na gzhan rtogs nus med pas khyad par rab tu ma grub na/ phyogs mi 'grub po de bzhin du/ /khyad par khyad par yang 'gyur ro/ /tshig don grub pa med par ni/ /ngag don rtogs med de ni de/ /sngon 'gro can phyir phyogs kyang ni/ /ngag gi don du rnam gzhag bya/ /ldan pa'i don sgrub par bya ba yin no zhes bzhag par bya'o zhe'o/ /de ni ma yin te/ gang

  105. 53a

    gi phyir don dam par phyi rol gyis dmigs pa ma grub kyi gzhan gyis khas blang ba tsam 'ba' zhig tu zad pa de nyid kyi phyir dgag par bya ba yin te/ 'khrul pa bzlog pa'i phyir sgrub par byed pa 'jug pa yin no/ /zhes phyis ston par 'gyur ro/ / tshad mas rab tu grub pa yin na ji ltar med par sgrub par 'gyur/ tshad mas gnod pa'i sgo nas so zhe na/ ma yin te/ tshad ma la tshad mas gnod na yid brtan du med pas tshad ma tshad bar thal ba'i phyir ro/ /'gal ba 'khrul ba med pa can zhes bya ba ni yod pa ma yin no/ /zhes bstan par bya'o/ /gal te mthong bas yul dang dus la sogs pa gzhan du 'gog go zhe na/ ma yin te/ 'khrul pa med pa'i phyir ro/ /yul la sogs pa gzhan du mthong ba ni gzhan du brtag pa ma yin te/ 'khrul ba med pas der de med par sgrub pa'i don med do/ /'on te bstan bcos 'ga' zhig gam tshad ma ltar snang ba gzhan las gzhan du yang rtog pa yin te/ 'khrul pa ma mthong ba ni ma yin no zhe na/ de lta na ni 'o na tshad mas mthong na 'khrul gang yin/ de ni yul sogs 'ga' zhig tu/ /tshad mas bzlog par bya ba yin no/ /'khrul pa nyid ni ji ltar bzod/ /ras 'ga' 'khrul la gang yin pa de bzlog par bya ba yin na/ gtan 'khrul pa de bzlog par bya ba ma yin nam ci/ de bzlog na skyes bu'i bya ba chen por 'gyur ro// gal te de ni gzhan du gnod pa'i tshad ma nye bar brtan pa'i bzlog par bya ba yin na/ rtag tu 'khrul pa nyid gang yin pa de go ji ltar bzlog par bya/ /gnod par byed pa med pa'i phyir de 'khrul par yang ji ltar rjod ce na/ de yang ma yin te/ gang gi phyir gnod par byed pa zhes bya ba ni med pa nyid do/ /'di ltar gnod par byed pa de gcod pa 'am/ 'on te gzung ba 'jig byed dam/ /gzung ba med par shes byed yin/ /phyogs sum las gzhan ga la yod/ /gal te gnod par byed pa gnod par bya ba'i shes

  106. 53b

    ba 'am/ /de'i dmigs pa med par byed pa de yi tshe/ /de skyes pa 'am ma skyes la/ /ma skyes pa de ji ltar na/ /de yi dngos po med par skyed/ /ma skyes ri bong rwa la ni/ /'gas kyang 'jig par byed pa med/ /de bzhin skyes pa'i dngos po yang/ /med pa byed pa yod ma yin/ /rgyu las de yod gnod byed las/ /de med ces bya byung rgyal ches/ /gal te de ma skyes na dngos po med pa yin pas gang gis de med par byed de/ rang bzhin gyis dmar ba'i king shu ka 'di yang kha bsgyur dgos pa ni ma yin no/ /'on te rgyu las skyes na/ /de lta yin na ji ltar skyes pa de ltar yod pas ji ltar de la 'jig pa 'jug /de ltar gyur na de nyid ni zhig pa yang yin la de nyid yod pa yang yin no zhes bya ba ni 'chal pa chen po yin no/ /'on te ji ltar ma skyes pa de ltar 'jig na/ de lta yin na/ gzhan gyi ngo bos skyes pa dag /gal te gzhan gyis 'jig na ni/ /sngon sogs ser po la sogs pa/ /gzhan gyi ngo bos 'jig par 'gyur ro/ /de ni de'i rang bzhin ma yin pa'i phyir/ de nyid ni rang bzhin gyis dmar ba yin no/ /de'i dngos pos kyang de phyis 'jig gam/ 'on te thams cad kyi tshe gal te phyi nas 'jig na ni/ sngar de'i rang bzhin can du 'gyur/ /de yi ngo bor skyes pa ni/ /ji ltar phyi nas 'jig pa yin/ /de yi ngo bo de tshe nyid/ /skyes pa phyi nas 'jig par 'gyur/ /phyi nas ngo bo de med na/ /rang bzhin gyis dmar king shu ka /'di ni sngar nyid 'jig ce na// de rgyu nyid las de ltar 'gyur/ /de la 'jig pos bya ba gzhan/ /ci yod ces ni nges par rtogs/ /'di ni dmigs pa 'jig pa la yang mtshungs so/ /'di ltar/ 'di yi ji ltar skyes pa yi/ /rang bzhin des ni de mi 'jig /ji ltar skyes pa ma yin pa'i/ /rang bzhin des kyang 'jig ma yin/ /mi nus phyir dang mi dgos phyir/ /tshad mas grub pa med pa'i phyir/ /sems dang ldan pa don 'di ni/ /rtogs tsam du yang ji ltar 'gyur/ /'on te gnod par byed pa dmigs pa med par shes par byed pa yin na de yang mi

  107. 54a

    rung ste/ gang tshe dngos de mthong gyur pa/ /de tshe med par rtogs ma yin/ /gang tshe dngos po mthong min pa/ /de tshe ma mthong de'i gnod byed/ de tshe dngos po ma grub na/ /med pa khyad par bcas mi 'gyur/ /khyad par rab tu ma grub na// khyed la med rtog sa ji ltar min/ 'on te gzhan du grub pa yi/ /khyad par rjes su rjod byed na/ /de dngos rang bzhin yin phyir der/ /med pa yi ni khyad par min/ /de nyid gzhan med do zhes/ /gal te de ltar sgrub byed na/ /de lta nyid du rtogs ba de'i/ / 'gal ba la ni don ci yod/ /de ltar min na rtogs yin pa/ /de lta na yang 'gag med 'gyur/ /'dir ni sngar bshad zin pa'i phyir/ /yang nas yang du mi brjod do/ /gang tshe dngos po mthong med pa/ /de tshe 'gag par 'gyur ma yin/ /gal te der ni dran pa yis/ /bzung nas de ni 'gog ce na/ /dran pas rang bzhin bzung na ni/ /ji ltar 'bur yang 'gag pa med/ /dran pas rang bzhin min bzung na/ /dngos po med pa'i khyad par min/ /'on te dran dang rnam rtogs la/ /gang zhig snang bar gyur pa de/ /de tsam nyid du yod pa de/ /phyi yi ngo bo yod min na/ /de lta na ni 'di 'o na/ /'jig rten rtogs dang gzhan dag la/ /phyi rol zhes bya snang ba gang/ /de ni de tsam? nyid yod kyi/ /de nyid du ni rtogs pa med/ /rtogs pa tsam nyid dmigs pa de/ /phyi rol tu ni rtogs pa min// rmi lam la sogs rtogs pa la/ /'di ni khyad par bzung ba med/ /bag chags stobs kyis sprul pa'i phyir/ /'di ni rtogs pa tsam nyid las/ /khyad par yongs su bcad min pa/ /de phyir dmigs pa med par 'dod/ /'o na ji ltar gnod bya dang gnod byed kyi ngo bo grags zhe na/ rtogs bzhin bar ni 'byung 'gyur dang/ gcig pa nyid du sgro btags nas/ /de la gnod byed shes pa ni/ /de yi bar du byung gyur na/ /gnod par byed pas rnam par bzhag /gal te gnod byed 'di med na/ /rnam par chad

  108. 54b

    pa med pa 'di/ /de bzhin kho nar 'gyur ba yin/ /de phyir chad rgyu gnod byed 'dod/ /'di ltar gang gi tshe dus gzhan gnas par brtags pa'i dngos po'i de'i dus kyi bar nyid du gzhan gyi rang bzhin nges par brtags pa lhur len pa'i shes pa byung ba de'i tshe sngar gyi rtogs pa'i yul des rnam par bcad pa ni gnod par zhen pa'i yul yin no/ /des na de gnod par byed par rnam par bzhag go /'di ltar gal te 'di ma byung na de'i tshe dus gzhan du rnam par shes pa snga ma'i yul rnam par ma chad par 'gyur ba yin no/ /de'i phyir rjes su 'gro ba dang ldog pa dag las gnod par byed pas rnam par bcad do zhes rtogs so/ /gzhig bya 'jig byed dang dmigs pa'i dngos po yang de bzhin no/ /'di ltar/ lkog gyur bum pa la sogs la/ rnam nges 'byung 'gyur dngos po la/ /de yi rnam can shes skyes na/ /de tshe dmigs pa nyid du 'jog /shes pa shes ltar rab gsal ba/ /de bzhin gang gang nyer? gnas pa/ /de de'i rnam pa la brten nas/ /de lta de ltar rab gsal ba/ /re shig lkog tu gyur pa yod do zhes lung 'ga' zhig gam rjes su dpag pa las nges pa yin no/ /rab tu gsal ba'i rnam par shes par gal te 'di med par ma gyur na ni/ ci 'dir yod dam/ 'on te med tsam? don de? yongs su 'khyam? pa 'ba' zhig tu 'gyur ro/ /don gyi bdag nyid mthong ba yin na 'khyam pa 'gram du phyin pa ltar brtan par 'gyur ro/ /des na dmigs pa yin no zhes rnam par gnas so/ /'di ltar/ sems ni yongs su 'phyo? ba yis/ /sems pa'i byed pa dang ldan sems/ /'di ni de tshe mthong ngo zhes/ /sngon mthong na ni brtan par 'gyur/ /mthong ba dang thos pa brjed de rnam par rtog pa dag ci dar mthong ba 'am/ gtam gyi spros pa thos pa ci zhig ces tshel ba la phyogs pa na gang gi tshe ji ltar thos pa la sogs pa mngon du byed pa de'i tshe brtan pa nyid du mngon du gyur ba de la 'khyam pa yongs su gtong ba'i rgyu mtshan gyi dmigs pa med pa nyid du

  109. 55a

    rnam par 'jog? par byed do zhes bya ba ni 'jig rten gyi tha snyad yin no/ /gal te dngos 'di'i de nyid ni/ /de ltar ci ste min zhe na/ /ma yin mngon sum rjes dpag gis/ /ma rtogs pas na dngos nyid min/ /re shig mngon sum gyis ni lkog tu gyur pa yod par rtogs pa ma yin no/ /de med pa'i phyir rjes su dpag pas kyang ma yin no/ /ci'i phyir zhe na/ lkog tu gyur pa'i dngos po yod par grub pa yin na mngon sum de la dmigs par grub la/ mngon sum dmigs pa dang bcas pa yin na yang dngos po'i 'brel pa grub cing de las ni de dang 'bral ba'i rtags kyi dngos po las skyes pa'i rjes su dpag pas dngos po go bar byed pa yin no/ /de'i phyir rjes su dpag pas rab tu grub pa'i dngos po yul yin pa'i phyir mngon sum dmigs pa dang bcas pa yin la/ de las rjes su dpag pa'i dngos po dang 'brel pa yin zhing de las dngos por rtogs pa'i phyir 'khor lo lta bu gnas pa med par rnam par gnas par 'gyur ba'i phyir dngos por rtogs pa srid pa ma yin no/ /de ltar dngos po rtogs byed pa/ /med par khas blangs 'ba' zhig yin/ /tshad ma'i rang bzhin shes pa las/ /sngar rig yod pa yin pa'i phyir/ /rtogs pa de yi rjes 'brangs te/ /khyad par khyad par can nyid yin/ /de yi rang bzhin ma brtags par/ /de'am khyad kyis sngar rtogs pa/ /de ni phyi nas rnam brtags na/ /ji lta bur na de rig ces/ /gal te de ltar rnam dpyod na/ /de nyid du na de ltar de/ /med na med nyid gang gis na/ /brgal zhing brtag 'gyur 'dir skyon ci/ /gal te snga phyi shes pa yi/ /gnod bya gnod byed ngo bo ni/ /rang nyid rtogs na gang gis na/ /brgal zhing brtag 'gyur skyon ci yod/ /'ga' zhig bdag nyid kho na la brgal zhing rtog pa rig gam ci/ /de yi 'khrul nyid ga las zhes/ /bdag las brgal brtag rten ma yin/ /'khrul nyid nges? pa

  110. 55b

    yin na der/ /rgyu btsal bas ni ci zhig bya/ /gang tshe gzhan yang de lta bur/ /shin tu gsal bar rtog byed pa/ /de tshe de yang nga 'di ltar/ /'khrul pa ga las shes mi smra/ /gang gi tshe 'khrul pa srid pa na rang nyid rnam par rtog pa dang ldan pas 'di ni dngul? ma yin zhes de slang log pa de'i tshe/ gang gi nga'i phyogs skyon med par 'gyur ba/ ji ltar na dngul? ma rtogs par de'i khyad par can dngos po med pa rtogs par 'gyur ba'i khyad par rab tu ma grub na yang de'i khyad par can lkog tu gyur pa ji ltar shes pa yin/ shes pa bdag nyid la rgol zhing rtog par byed pa 'ga' yang yod dam ci/ gzhan la sgrub pa na yang de bzhin no/ /gal te der ni bden pa'i dngul mthong bas 'khrul pa srid na/ 'dir na 'ga' yang mthong ba med pa'i phyir gang las 'khrul par 'gyur zhe na/ 'di ni 'og nas bstan par bya'o/ /gzhan yang gal te don dam par 'khrul pa rnam pa ci zhig ltar rtogs na de 'khrul pa'i rgyu tshol ba'i ngal bas ci zhig bya/ /gal te rgyu med na 'khrul pa nyid du mi 'gyur ro zhe na/ de ni med de/ rgyu yod pas na 'khrul pa min/ /don dam pa la'ang rgyu? yod nyid/ /gal te rgyur bcas phyir 'khrul na/ /khyod kyi 'dod pa'ang nyams par 'gyur/ /rgyu yod do zhes bya ba de tsam gyis ni 'khrul pa ma yin te/ de lta ma yin na khyed cag gi thams cad 'khrul par 'gyur ro/ /ma 'khrul pa 'di ga las zhes ma 'khrul pa la yang 'dral zhing brtag par bya ba nyid yin no/ /de ltar rtogs pa'i phyir ro zhe na/ 'di ni 'khrul pa la rang rig tsam du 'grub pa yin/ /de'i phyir mi dmigs pa nyid gnod par byed pa'i tshad ma yin gyi gzhan ni ma yin no zhes rigs so/ /de ni 'di la yang yod pa'i phyir ji lta rnam par shes pa dmigs pa dang bcas par 'gyur/ /de'i phyir blo ni rig par bya ba med pa'i rigs pa'i bdag nyid yin no/ /ldan pa'i don bsgrub bya yin no/ /zhes brjod pa gang yin pa de yang shin tu

  111. 56a

    ma 'thad de 'dir ni ldan pa'i don med nyid/ /don dam par ni bsgrub bya yin/ /de lta min na de yi tshe/ /dmigs med bsgrub byar 'gyur ba yin/ /rnam par shes pa dmigs pa med pa yin no/ /zhes gang gis dmigs pa med pa nyid bsgrub par bya ba bzhugs pa de la ji ltar de nyid bsgrub par bya ba yin no zhes nye bar dgong? par bya ba yin/ 'dod pa yul du byas pa'i phyogs de ji ltar gzhan du byed/ /gang zhig gang gis bsgrub par 'dod pa de nyid phyogs yin no/ /ci ste de lta bu de sgrub par mi nus pa yin na/ de lta yin na 'di gtan tshigs kyis skyon nyid du 'gyur gyi phyogs kyi ni ma yin no/ /dngos po med pa dang ldan par sgrub pa yang ldan pa'i don nyid do/ /don dam par ldan pa'i don bsgrub par bya ba nyid 'di/ tshad ma yod pa ma yin te chos dang chos can gyi rten brtags pa yin pa'i phyir ro/ /rang bzhin du gyur pa'i chos nyid ldog pa'i sgo nas tha dad par rnam par gzhag nas don dang ldan pa rtog pa yin no/ /de la gal te tha snyad 'di kun rdzob du yin pa de lta na yang de tsam gyi chad? pa ni med do/ /glang po che'i lta stangs? kyis re zhig tha snyad 'di 'jug pa yin la/ phyis nges par brtags na ni 'di yang 'jig pa kho na'o/ /kun rdzob ces bya ba 'di ci zhig /gal te dngos po yin na de nyid brjod par bya ba yin te/ de la ming gzhan gyis ci bya/ /'on te ci yod? med pa yin no de'i tshe kun rdzob ces bya ba'i ming gzhan gyis ci bya zhe na/ bden par mchog tu goms de la/ don dam du ni de nyid med/ /rnam par dpyad na ston pas na/ de ni kun brdzob ces brjod do/ /de kho na la sgrib pa'i phyir kun rdzob bo/ /re shig snang ba'i rang bzhin med de zhes bya bar ni mi rigs so/ /rnam par dpyad na ni med pa'i phyir dngos po med par nges pa yin no/ /des na don dam pa la bltos nas kun rdzob ces brjod do/ /kun rdzob tu yod do zhes bya ba

  112. 56b

    ni 'khrul pa la bltos nas yod do zhes bya ba yin no/ /'khrul pa la gnod par byed pa ma skyes pas bden pa nyid du mngon par rlom pa'i phyir 'di kun rdzob kyi bden pa zhes brjod do/ /des na 'di yang brjod par bya ba? po na ste/ med na ji ltar 'di 'khrul yin/ /yod do zhe na ji ltar 'khrul/ /gal te de nyid mi snang 'khrul/ /kun rdzob de nyid min ces min/ /de nyid min bden mi rung na/ /bden pa snang bar cis mi 'gyur/ /des na bden ltar snang ba yang/ /kun rdzob bden pa zhes bya ba slu ba'i tshig tu mi ltar 'gyur/ /kha chu 'thung zhes brjod pa bzhin/ /gang zhig bden pa min pa yang/ /bden ltar snang ba mi 'byor ba/ /de yi bden pa snang ba nyid/ /rjod pas 'drid pa ci zhig yod/ /de phyir gzhan bsam ma shes par/ /bdag bstod brjod par 'dod pa yis/ / smra ba 'ba' zhig de las ni/ /'drid pa gzhan ni yod ma yin/ /des na re zhig 'di bzhag ste/ /'di nyid la pha rol pos brjod pa gzhan brjod do/ /gal te dngos po tha dad pa/ /ma yin par ni 'gog na yang/ /'gro ba gzhal bya nyid du ni/ /tha dad med pas grub pa sgrub/ /gzhal bya nyid kyis 'gro ba thams cad rig pa las tha dad pa med pa nyid do/ /gal te shin tu tha dad pas/ /dngos sogs rnam pa tha dad pas/ blo dmigs med par 'dod ma nyid/ /'dzin las tha dad med ces na/ /nus pa'i dbye pa 'gal bar 'gyur/ /gal te dmigs pa med pa'i blo yang skye bar sgrub na/ phyi rol gzung ba dang bral ba/ /mthong phyir de ni nged? kyang 'dod/ khyod ni rnam pa ji ltar yang/ /yang dag nyid du 'di mi 'dod/ /'di ni smig rgyu'i blos? bzhin du/ /rang gi cha la gnas pa nyid/ /sgrub pa ba byed pa las skyes blos/ /nag pa la sogs shes pa las/ /chos gyur dmigs pa med pa nyid/ /gal te 'dzin pa min na ni/ /des na yul tha dad bas na/ 'gal zla bzlog pa med pa yi/ /rang bzhin yin phyir dmigs dang bcas

  113. 57a

    'gyur ba gang gis bzlog par byed/ /gal te rtogs byed sgra yang ni/ /rtogs pa yis ni bzung gyur cing/ /rig pa yis ni dmigs pa nyid/ /'gog na grub pa sgrub pa yin/ /gal te blo skyed nus pa ni/ /'gog na bsgrub bya 'grub mi 'gyur/ /khyod gyis sgrub byed sbyor ba ni/ /rtogs par byed pa med par min/ /rjod pa 'brel pa med par min/ /de yang tha dad med mi 'gyur/ /de yang der rten tha dad pa/ /rtogs par byed blo med par min/ /cha shas bcas pa'i dag dang ni/ /phyogs dang gtan tshigs dper bcas dang/ /rgol dang phyi rgol rtogs pa'o/ /rnams kyis so sor ma bzung bar/ /sgrub par byed pa sbyor mi 'gyur/ /gal te de ldan 'dod na ni/ /de tshe khyed kyi dam bca' ba/ /khas blangs snga mas gnod par 'gyur/ /zhes bya ba 'di thams cad ni gyi na'o// shes las gzhan pa med pa ni/ /dmigs pa med pa yin par rjod/ /de chos? yod kyang blo de las/ /sngo sogs tha dad med mi 'gyur/ /gal te de'i chos shes bya nyid la sogs pas chos de dang ldan pa nyid du tha mi dad pa de lta na yang shes pa nyid med pa'i phyir de ni tha dad pa nyid do/ /mi nyid dang ldan na yang rigs ngan? bram ze las tha mi dad par 'gyur ba ni ma yin no/ /des na rnam par shes pa yang bdag las tha dad pa'i dmigs pa shes pa nyid dang bral bas dmigs pa med do zhes skabs las rtogs so/ /gzhal bya nyid kyang gal te gzhal bya las tha mi dad na de'i phyir shes pa las de tha mi dad pas grub pa la sgrub par ga la 'gyur/ /rig dang de las gzhal ba dag/ gzhal bya nyid phyir dbyer med na/ /myong las gzhan de med? nyid de/ /de ni rnams shes nyid yin no/ /shin tu tha dad la bltos te/ /dmigs pa med par sgrub byed na /ci phyir grub pa sgrub 'gyur te/ /rtogs med shin tu tha dad yin/ /gal te rnam pa 'ga' zhig gis tha dad na yang gtan tha dad pa nyid de/ tha dad pa dang tha mi dad

  114. 57b

    par ni blta bar mi nus pa'i phyir ro/ /des na tha dad pa ni shin tu tha dad pa kho nar ro/ /des dmigs pa med na rang gi cha la dmigs pa 'ba' zhig tu zad pa des na ji ltar grub pa nyid yin/ shes pa'i rnam pa nyid kyis gzung ba tha dad pa med na nang gi bye brag tu 'gyur mod/ /de lta na yang de dmigs pa tha dad pa med pa nyid do/ /gnyis ga rtogs pa'i ngo bor ni/ /gyur na ji ltar dmigs bcas yin/ /bde ba dang ni sdug bsngal dag/ gnyi ga rtog las med med do/ /rtogs las mi gzhan gzung 'dzin gyi// dbye dang dkar snga la sogs kyi/ /dbye bar yang ni ji ltar 'gyur te/ /des na med nyid min zhe na/ /dper na rtogs pa'i bdag nyid kyang/ /bde sdug sogs dbye 'di yod bzhin/ /dkar dang bde sogs dbye ba yang/ /gzung dang cig shos bdag rig min// dper na bde ba dang sdug bsngal dag rtogs pa las tha dad pa med kyang de kho na nyid tha dad pa de bzhin du dkar po dang bde ba'i dbye ba yang yin na ci 'gal/ gzung ba dang 'dzin pa'i rnam pa ni snang ba med pa nyid do/ /dkar po dang bde ba la sogs pa ma gtogs par 'dzin pa la sogs pa nyid snang ba ni mtshon pa med do/ /de'i phyir 'dzin pa la sogs pa'i tha snyad ni ma rungs pa'i bdag nyid rang? 'dod kyis bslus pa dag gis nye bar bkod pa yin no/ /gal te dmigs pa med pa yi/ /blo yang skye bar rab? bsgrub na/ /phyogs 'di sngar gyi phyogs? las ni/ /tha dad par ni ji ltar bstan/ /blo kun dmigs pa med pa dang/ /de bzhin thams cad skye ba ni/ /'di gnyis sgrub byed khyad med de/ /chos ni ji ltar bsgrub bya min/ /sgrub byed las skyes blo yis ni/ /bsgrub byab de ni chos 'gyur nyid/ /bla ni dmigs dang bcas pa nyid/ /dmigs pa med pas gcod par 'gyur/ /gang gi tshe blo skye ba thams cad dmigs pa med do zhes bsgrub par bya ba de'i tshe chos su gyur pa don gyi dmigs pa med pa nyid bsgrub par bya bar 'gyur ro/

  115. 58a

    de ltar yin na 'khrul pa'i dbang gis khas blangs pas dmigs pa dang bcas pa nyid sel ba kho na yin pas ji ltar sgrub par byed bkod pa don med pa yin/ rtogs pa'i sgra rtogs par byed pa'i sgra la ni skabs kyis mi 'jug pa nyid do zhes bstan zin to/ /de'i phyir sgra rigs pa'i bdag nyid ma yin pa'i phyir/ ji ltar grub pa la sgrub par 'gyur/ /gang gis sgrub par byed pa don med par 'gyur ba/ /blo skyed pa'i nus pa ni 'gog par 'dod pa ma yin no/ /blo nyid skye ba med do zhes bya ba 'di ni dmigs pa med par rjod pa'i don ma yin no/ /gal te dmigs pa med pa'i blo skyes kyang ci bya/ /'on te dmigs pa dang bcas pa yin na de'i tshe de nyid kyis ma nges pa nyid do zhe na/ de yang ma yin te/ gzhan sel bsgrub bya yin pa'i phyir/ sgrub par byed pas pha rol gyi/ /'khrul pa bzlog par byed pas na/ /ji ltar sgrub byed don med yin/ /blo mdza' dag dmigs pa med do zhes bya ba'i don 'di ni tshad ma 'ga' zhig gis rtogs par bya ba yin te/ de lta ma yin na sgrub par byed pa 'gog par ji ltar 'gyur/ /des na sgrub par byed pas na dmigs pa med pa'i blo yang dmigs pa med pa'i nyid du bsgrub par bya ba yin no/ /de dmigs pa med pa nyid ma yin na ji ltar dmigs pa med pa nyid du 'grub/ /rjes su dpag pa ni mi slu bas tshad ma yin gyi/ dmigs pa dang bcas pa nyid kyis ni ma yin no/ /dmigs pa dang bcas pa nyid med do zhes bya ba ji ltar mi bslu ba yin zhe na/ dmigs pa mi dmigs pa'i phyir ro/ /med pa'i blo ji ltar mi bslu ba yin/ /gal te snang ba mi dmigs pa ste/ /phyis nas don des dmigs pa yin no zhe na/ de lta na ni dmigs pa med pa'i blo yang de kho na nyid nges pa'i rgyu mtshan yin no/ /des na sgrub par byed pa sbyar ba ni gzhan sel ba rtogs par byed pa yin gyi/ rtogs pa med pa ni ma yin na/ sgra'i don

  116. 58b

    gzhan sel pa yang don rnams kyis 'brel pa yod pa nyid do/ /brtags pa'i tha dad pa dang cha shas dang bcas pa'i phyogs tha dad par 'dzin pa'i yul yang kun rdzob tu yod pa nyid do/ /rgol ba dang phyir rgol tha dad par 'dzin pa yang dang po nyid 'jig par 'gyur ram ci/ de yang rmi lam bzhin du phyi nas dmigs pa med par 'gyur ro/ /de'i tshe 'bras bu grub zin na de ma grub pa la sogs pa'i rtsod pas ci zhig bya/ /gzhan yang 'di sngar bkod zin pa'i phyir brtsad pa 'dis ci zhig bya/ nyes ldan de nyid mi shes nyon mong gis/ 'thad dral bud med dmangs rigs mtshar skyed pa/ brjod pa de nyid rtogs pa'i mdun du ni/ /phyir yang rab tu 'jig par mi 'gyur min/ /de'i phyir phyogs pa sogs pa'i spros pa tha dad pa dag glang po'i lta stangs kyis khas blangs kyang phyis don dam pa la 'jug pa na de med par sgrub pa la skyon med de/ /ngas rang gi snang ba nyid 'ba' zhig rtogs so snyam pa'i rtogs pa la gzhan gyi rtogs pas gnod pa ma yin nam zhe na/ rtogs par byed pa rnams la yang rang gi cha tsam las gzhan med do snyam pa'i rtogs pa dmigs pa med par brjod pa'i tshig las rtogs pa yod pa yin no/ /de'i phyir khyed kyi tha dad par 'dzin pa med par rtogs pa po rnams sgrub par byed pa la mi 'jug go zhes bya ba'i rtogs pa 'di tshad ma gang las yin/ 'on te rtogs pa tha dad pa dang ldan pa ma yin gang yin pa de dag ni rtogs pa po ma yin no zhe na/ de ni ma yin te/ de nyid rtogs byed gang yin pa/ de 'dir rtogs byed ma yin rnams/ /de nyid rtogs byed ma yin rnams/ /rtogs pa po yi skabs med do/ /'on te phyogs gcig tu lhung bas/ /rtogs byed nyid ni med ce na/ /phyogs su lhungs ba nyid las ni/ /gang las grol bar 'gyur ba yin/ /phan tshun 'gal ba gnyis po dag /rtogs par bya ba 'thad ma yin/ /gcig la re rer rtogs pa'i phyir/ /phyogs su lhung bar 'gyur ba yin/ /des na phan tshun 'gal

  117. 59a

    ba'i phyir/ /rtogs byed gnyis ni rtsod pas na/ /rtogs byed gzhan dag yin par ni/ /'gyur phyir thug pa med pa yin/ /rgol dag rtogs byed yin zhe na/ /phan tshun rten par 'gyur ba yin/ /gang gi phyir ni de gnyis kyang/ /nges par rang phyogs phyogs su lhung/ /de phyir tshad ma'i 'ongs pa yi/ /de nyid nges par khas blang bya/ /de dang 'gal ba sngar gyis ni/ /khas blang gang yin de sel to/ /gang gi tshe rtogs par byed pa rnams phyogs dang rgol ba dang/ phyir rgol ba dag blo tha dad pa yin pa de lta na yang gal te tshad ma'i stobs kyis 'ongs pa rgol ba'i tshig las phyin ci log bsal ba de la de dag gis 'gal ba ma yin no/ /rang gi blos nges par rtogs par byed pa de dag gi de yongs su dag par 'gyur bas der gtan tshigs khas ma blangs pa ji ltar yin/ des na rnam pa ci zhig ltar sngar gyi khas blangs pas 'di la gnod pa yin gyi/ tshang ma'i stobs las 'ongs pa 'dis ni snga ma la ma yin pa'i phyir/ /ji ltar 'di ma 'brel pa yin no zhes gsang ste brjod do/ /gang la bden par rlom yod pa/ /de ni dmigs pa med par 'dod/ /de phyir de bden mi 'dod pa'i/ /phyogs la gnod pa ci zhig yod/ /'on te yang 'di snyam du/ /chos dang chos min rtogs pa dang/ /slob ma bdag nyid don dam du/ /grub par med bar chos la sogs/ /nye bar ston pa 'thad ma yin/ /de sgrub phyir na sangs rgyas rnams/ /tha dad bzhed yin gsal bar des/ /mdo sde dbang kyang khas blangs phyir/ /lung dang 'gal bar 'gyur ba yin/ /'jig rten gyi ni grags pas kyang/ /phyogs la gnod par 'gyur ba yin/ /gal te ma lus sgrub byed blo/ /log par 'dod na de'i phyir/ /ji ltar 'dod kun med pa 'am/ /ma tshad la sogs brjod pa yin/ de dag dmigs dang bcas pa ni/ /de dag nyid kyis ma nges 'gyur/ /de las gzhan du khas len na/ /de las gzhan pa'i rtogs pa brdzun/ /phyogs

  118. 59b

    sogs nang du ma 'dus phyir/ /de ni phyogs la sogs pa min/ /de ni log par grub na yang/ /snga ma thams cad 'grub mi 'gyur/ /de tshe bsgrub bya sgrub byed kyi/ /shes pa tha dad med par 'gyur/ /ji srid ji srid dam 'cha' ba/ /de ltar de las gzhan brjod pa/ / de srid de srid phyi ma rnams/ /log phyir snga ma gnod par 'gyur/ /rjes su dpag pas gnod pa na/ /'gal ba mi 'khrul can du 'ang 'gyur/ /de ltar phyogs ni thams cad la/ /bzlog pa'i sgrub byed brjod par bya/ /phyi rol don yod snyam pa yi/ /blo 'di yang dag pa nyid yin/ /gnod dang bral ba'i blo yin phyir/ /dper na rmi sogs gnod blo bzhin/ /de yang log ces smra zhe na/ /rmi sogs dag la gnod med pas/ /nga ni khyed kyi sgrub byed la/ /chos mthun can dpe med par 'gyur/ /rnam shes yod dang tha dad dang/ /de bzhin skad cig nyid sogs blo/ /gal te bden par khas len na/ /de nyid kyis ni ma nges 'gyur/ /de dag log par rtogs na yang/ /phyogs la gnod par thal ba yin/ /de lta yin dang bcings pa dang/ /grol sogs rnam gzhag rung ba yin/ /de phyir thar pa'i 'bad pa yang/ / 'bras bu med par thal bor 'gyur/ /de ni ma yin te/ 'di ltar/ gal te da lta la bsams te/ /'khor ba'i rtogs pa la gnas na/ /chos dang chos min sogs dpyod 'di/ /de ltar mi 'byor pa ma yin/ /'dod sogs de nyid ma yin yang/ /byis pa'i rtsed mo bzhin du 'dod/ /nges na 'dod pa grub don du/ /chos ston med par 'gyur ma yin/ /'dod pa sgrub pa nyid ni chos yin la/ /de las gzhan ni chos ma yin pa'o zhes bya ba'i dbye ba 'di ni 'khor bar nges par rtogs pa yin te/ de ni tha dad pa'i bag chags dang ma bral ba'i phyir ro/ /gang gi tshe grol ba de'i tshe ni de la 'gas kyang dogs pa med do/ /phyis rtsed kyi yul la 'dod pa grub pa'i don dam par rig pa dag mi 'jug pa ni ma yin no/ /'di ltar 'gro kun gang la gang gis ni/ /de nyid blo yod pa la 'jug /chags phyir sdug pa'i

  119. 60a

    blo yis ni/ /gzugs ngan ma la mi 'jug gam/ /de phyir de nyid min pa la'ang/ /mi rnams de nyid blo yis 'jug /glang chen lta ba byas nas ni/ /de dang de ston min nam ci/ /'dis der nan tan mdzad pa ni/ /'gal ba med par bstan pa yin// de mi bsam pas gsungs pa yi/ /mdo sde dag gis ci zhig gnod/ /de nyid rig med grags pa yis/ /gnod pa grub pa sgrub pa yis/ /thams cad dmigs pa med pa ni/ /de la nye bar ston pa yin/ /de la sgrub par byed pa'i blo/ /zad par dmigs ba med pa min/ /gang tshe de nyid rtogs gyur na/ /thams cad med kyang skyon yod min/ /de tshe dngos po thams cad ni/ /dmigs med bdag nyid yin par 'dod/ /gal te de'i sgrub byed ni/ /dmigs med de las mi 'grub na/ /bslu ba med pa nyid de yis/ /bsgrub yin dmigs pa yod ma yin/ /de ni chos mthu can dpe'i phyir/ /de yis ma nges ga la 'gyur/ /de las gzhan pa khas len pa/ /yin na de ltar rtogs par 'gyur/ /de las gzhan pa'i rtogs pa yang/ /log pa yin par mi 'dod min/ /des na log pa sngon 'gro can/ /skyon gyis mi 'dod ji ltar sgrub/ /de las gzhan pa khas len na/ /thug pa med pa yod ma yin/ /gang la bden par mngon rlom pa/ /de ni dmigs pa med par 'dod/ /bslu ba med pa gzhan la yang/ /dmigs pa med ni nges par rtogs/ /de lta yin dang bzlog pa yi/ /sgrub byed brtan par ji ltar 'gyur/ /gnod dang bral ba'i blo nyid ni/ /ma grub po zhes bsgrub zin to/ /rmi sogs gnod blo bden pa ni/ /mi dmigs pa ni bsgrubs pa yin/ /des skyed rjes su dpag pa ni/ /gnod byed yin phyir dmigs bcas su/ /bsgrub pa gtan tshigs gnod pa dang/ /bral ba'i blo ni ma grub po/ /skad cig nyid sogs blo yis ni/ /ma nges bar ni bcad pa gang/ /de ni mi rigs gang gi phyir/ /phyi bral shes pa skad cig yin/ /rnam

  120. 60b

    shes ngo bo skad cig nyid grub pas/ /skad cig blo de dmigs dang bcas pa yin/ /des na dmigs bcas phyi rol can grub pa/ /min zhen de ltar gzhan gyi phyogs yin no/ /phyi rol gyi dmigs pa'i rkyen med de/ /rmi lam gyi blo bzhin no zhes khyad par dang bcas pa phyogs su byed do/ /skad cig nyid la sogs pa'i blos ma des so zhe na/ ma yin te/ rnal 'byor spyod pa'i lta ba la skad cig ma nyid rnam par shes pa'i bdag nyid du bsgrub par bya ba yin te/ des na rnam par shes pa'i bdag nyid kyi dmigs pa dang bcas pa'i dpes de lta bus dmigs pa dang bcas pa nyid du 'gyur ro/ /ci ste re zhig dmigs pa tha dad par grub po zhe na/ skad cig nyid kyi blo ni tha dad pa'i dmigs pa can ma yin te/ 'di ltar/ skad cig nyid sogs mngon sum mam/ /rjes su dpag pas rig pa yin/ /rjes su dpag de las gzhan pa yis/ /dmigs dang bcas par gnas ma yin/ /bslu ba med pa tsam las te/ /shes pa dmigs dang bcas ma yin/ /rjes su dpag pa'i mi slu ba gang yin pa de ni shes pa rkyen gzhan gyis bar chod pa yin no/ /des na de lta bur gyur pa'i shes pa gzhan skyed par byed pas rjes su dpag pa tshad ma yin gyi/ rang gi rnam pa 'dzin pas ni ma yin no/ /shes pa gzhan yang mngon sum nyid do/ /dngos su byas nas dngos po 'dzin par rlom pa yin/ /dngos su byas pa shes pa'i rang bzhin skad cig ma nyid de yang rang rig pa nyid kyis ma yin te/ de'i bdag tu gyur ba de ni rig pa bzung bar mi nus so/ /ci ste bzlog pa'i tshad ma yod pas rang rig pa'i phyogs 'di nyid mi 'grub po zhe na/ de yi rang bzhin rig pa na/ /gang tshe gzhan rig yod min pa/ /de tshe rang gi ngo bo nyid/ /myong ba gang gis bzlog par rung/ /rig pa med pas rig ce na/ /thams cad kyis ni ces mi rig /de ltar mthong ba med ce na/ /rnam pa gzhan du 'ang mthong ngam ci/ /don mgon

  121. 61a

    de ltar bzlog pa'i phyir/ /ji ltar mthong de ltar 'dod bya/ /myong nyid bdag ni lta bo na/ /de yi mthong byed ga las 'dod/ /gal te rang rig byed pas na/ /de ltar sdo? sogs la khyad med/ /bdag gi rdzas nyid gzhan nyid ni/ /gal te de rig pas 'jal na// sngon po sogs kyis sngon po nyid/ /rig pa rig las cis ma yin/ /ji ltar bdag gi rdzas kyi ngo bo nyid gzhan rig pas rig pa de bzhin du sngon po la sogs pa la yang ci ste khas mi len/ /sngon po yang rang rtogs pa'i rang bzhin nyid ni gzhan yin la/ rdzas kyi rang bzhin yang gzhan yin par 'gyur ro/ /bdag bzhin du sngon po la sogs pa yang rang rtogs pa'i rang bzhin yin no/ /'on te gnyi ga'i rang bzhin sangs rgyas pa la ma grub po zhe na/ ma grub pa de ni spyod pa/ pa la yang mtshungs so/ /ming tsam gyis ni gcig gnyi ga'i rang bzhin du bya bar mi nus so/ /gcig ni gcig gi rang bzhin nyid/ /yin zhes yid ni 'jug pa yin/ /pu? ma'i rang bzhin gcig ce na/ thams cad gcig tu thal bar 'gyur/ /rig bya rig byed gcig ce na/ /sngon sogs las ni cis mi 'dod/ /rig bya rig byed gcig yin na/ /de tshe sngon po bdag yin 'gyur/ /yul tha dad pas min zhe na/ /rang bzhin tha dad pas ci min/ /tha dad rang bzhin tha dad las/ /yin par 'jig rten kun la grags/ /ji ltar rang bzhin tha dad la/ /yul tha dad pas tha dad 'gyur/ /de ltar yul sogs tha dad pa/ /khyab byed pa dang byed par 'gyur/ /de'i phyir rang rig pa med par rig pa mdza' dag dmigs pa med pa nyid do/ /bcings grol la sogs dbye ba 'ang/ /dam pa'i don du yod ma yin/ /kun la mnyam par mthong ba la/ / tha dad pa ni med pa nyid/ /don dam gan pa 'jig rten gang du yang/ /thar ba la sogs 'bad pa byed pa med/ /gal te der don med sems rig par ldan/ /ri bong rwa? la 'ang sgrub pa ci yang med/ /ji ltar 'bad pa de don dam par med pa de bzhin du bcings pa

  122. 61b

    dang/ /grol ba pa sogs pa'i dbye bar yin pas 'di mtshungs so/ /gzhan yang rnam par rtog pa skye bas na/ phyi rol yod sogs rdzun blo yin/ /phyi sogs rnam par 'byed pa yi/ /sgrub byed rtog pa med pa min/ /rnam par rtog pa med pa min/ /rnam par rtog par byed pa nyid phyi dang nang thun mong ba dang/ bag chags kyi rgyu can zhes bya ba la sogs par rnam par 'jog par byed kyi/ mngon du byed pa'i rang bzhin rtog pa med pas ni rang gi ngo bo nyid rtogs kyis/ gzhan gyi ngo bo ni ma yin no zhes 'di ltar bstan zin to/ /des ni 'di bsam pa yin te/ rnam par rtogs pa skye ba na/ /shes pa yod nyid la sogs blo/ /gal te rdzun 'dod lta byed 'dir/ /tshad ma gzhan gyis rtogs ma yin/ /tshad ma med phyir shes pa 'di/ yod nyid la sogs nges rnyed dka' / /rnam par rtog pa med pa ni phyi rol gyi tshul nyid do zhes grag go / rtogs pa ni don gyi go bas rtogs par bya ba yin na/ don gyis go ba de ni rnam par rtog pa'i rang bzhin yin la/ rnam par rtog pa yang sangs rgyas pa la tshad ma ma yin pa'i phyir shes pa yod pa nyid la sogs pa'i tshad ma med pas 'jig par 'gyur ro zhe na/ de ni ma yin te/ gal te gzhan med rnam par rtog /tshad ma yin par rigs pa yin/ /gang tshe rnam par rtog pa dang/ /gzhan yang tshad ma nyid min la/ /de tshe thams cad zhig gyur kyang/ /gzhan gyis lan ba ci zhig yod/ /de lta tha snyad med ce na/ /kun rdzob tu ni su yis bzlog /rnam par rtog nyid kun yin nam/ /gal te tha snyad kyi rgyu mtshan yin na/ /de'i phyir de nyid don dam par 'gyur te/ /tha snyad la mi bslu ba'i phyir ro zhe na/ /de yang mi 'thad de/ bag chags dang ni 'brel gyur pa/ /mi mngon pa yi rang bzhin can/ /snang ba byung bar gyur pa na/ da slu ba med pa can ltar snang/ /gal te mig ser can gnyis dag /gser du mngon par rlom pa yis/ /phan tshun du ni mi bslu ba/ /de la don dam gang zhig yin/ /'di yang bshad par bya'o/ /nged kyi shes pa thams cad ni/ /rnam par rtog phyir

  123. 62a

    phyin ci log /nye dang bskal dang sems can la/ /sogs pa'ang rnyed par dka' ba med/ /'di ni bcom ldan nye ba dang/ /de las chos 'di bstan pa dang/ /de dag las ni bzlog pa dang/ /'di yod pa dang 'di med pa/ /zhes bya rnyed dka' de dag ni/ sgrub byed rnam par rtog pa yi/ /bdag nyid mi bden phyir zhes zer/ /'di ni bag chags stobs kyi nges pa'i phyir/ /dam pa'i don du med kyang yod pa nyid sangs rgyas lta ba gcig nyid la/ /phyogs su ltung ba rigs pa yin/ /blo rnams rdzun pa nyid la ni/ /gnod par byed pa'ang dmigs pa med/ /de ltar bag chags las 'gyur phyir/ /de nyid gnod byed rgyu yin no/ /gegs byed pa dag med par ni/ /'khrul par ji ltar shes she na/ /'di ni gong du bstan zin te/ /yang nas yang du mi brjod do/ /gal te bag chags kyi stobs nyid las gzhan gyi dbang du gyur pa'i srog chags kyi bden pa dang mi bden par snang pa 'byung ba yin la/ /de dag kyang gnod par mi nus pa yin na/ /da ni rtsod pa dang phas kyi rgol ba rtogs pas ci zhig bya/ gal te de las bag chags sad pa mngon du gyur na rang nyid kho na rtogs par 'gyur ro/ /ci ste ma yin na tshig brgyas kyang ma yin no zhe na/ de ni mi bden te/ ji ltar nga yi bag chags de/ /'di yis sad 'gyur de bzhin du/ /'di la yang zhes rnam shes te/ /gzhan la tshig 'jug byed po yin/ /des na ji skad du/ /gal te blo ni mi bden na/ /gnod pa ci phyir dmigs ma yin/ /gnod pa med kyang de yin na/ /khyed kyi rnams gzhag rung mi 'gyur/ /gnyen po sad pa'i shes pa ni/ /dmigs pas rmi lam la sogs blo/ /der las rdzun par 'gyur pa yin/ /khyed la dbye ba 'ang gang gis byas/ /de yi chos dang mi mthun phyir/ /ci ltar gnod byed shes pa la/ /rmi sogs gnyen po nyid du ni/ /'jig rten kun la rab grags bzhin/ /gang zhig mthong bas ka sogs kyi/ /shes pa phyin ci logs 'gyur pa/ /sad pa'i shes

  124. 62b

    pa gnyen po ni/ /gzhan yod mdzes pa ma yin no/ /rtogs pa 'am rmongs pa thams cad bag chags sad pa las 'gyur ba de la yang gzhan rtogs pa'i phyir tshig la 'jug par bya ba nyid do/ /'di ltar rnam pa 'di nyid kyis bag chags de nyid nga lag? srad par gyur pa gzhan la yang de kho na ltar 'gyur ro zhes nges par rtogs nas so sor nges pa'i bag chags sad par bya ba'i phyir/ de lta bur gyur pa'i bag chags sad pa don du gnyer bas nges par bzung ste/ tshig 'jug pa de'i phyir don med pa ma yin no/ / des na gal te blo rdzun pa nyid na ci'i phyir gnod pa ma dmigs zhe na/ de lta bu'i bag chags sad pa med pa'i phyir ro/ /'o na rdzun pa nyid du ji ltar shes she na/ /bag chags dang 'brol pa nyid las so/ /rdzun pa ni rnam pa gnyis te/ mi bden pa'i don dang bslu ba'o/ /phyin ci log gi bag chags sad pa las ni bslu ba yin la/ phyin ci ma log pa'i bag chags sad pa las ni mi bslu ba yin no/ /gal te mi bslu ba yin na ji ltar don med ce na mi bslu ba'i rnam pa yang bag chags dang 'brel pa yin pa'i phyir ro/ /mi bslu bar snang ba yang don gyis rjes su 'gro ba dang ldog pa'i rjes su byed pa ni ma yin no/ /med pa'i don kyang 'di tsam du zad do/ /des na rmi lam la sogs pa'i rtogs pa dang mtshungs pa'i phyir mi bden pa'i don nyid do/ /gang gis de med pas sad pa'i shes pa bden par 'gyur pa/ rmi lam la sogs pa'i shes pa dag gnod par byed pa'i shes pa las don med pa ni ma yin no/ /gal te bag chags dang 'brel na/ /'di ni mi bslu gzhan min cis/ /rnam dbye 'dir ni ji ltar 'gyur/ /gcig la 'gal ba yod ma yin/ /de ni ma yin te/ bag chags dang ni 'brel yin yang/ /ji ltar sngo sogs dbye ba dang/ /myur du 'jig sogs dang ldan pa/ /de bzhin mi bslu sogs cis min/ /rnam 'gas mtshungs pa gang yin te/ /rnam pa kun gyi mtshungs sam

  125. 63a

    ci/ /mi nyid du ni mtshungs na yang/ /bram ze dang gzhan ji ltar yin/ /ji ltar don dang 'brel na yang/ /shes kun mi bslu can min pa/ /de bzhin 'di ni bzlog pa la'ang/ /ci phyir ji ltar srid ma yin/ /don rig phyir na bag chags dang/ /'brel pa rnam kun yod ma yin/ /gang phyir thams cad don la ni/ /'jug pa nyid du mthong ba yin/ /de ni mi bden te/ don gyis bdag de ji lta bur/ /mthong bzhin gal te yod na ni/ /gtan tshe don kun 'thob 'gyur te/ /ji ltar gnod byed shes par 'gyur/ /'jig rten pa min gnyi gar bdag ldan phyir/ /dran pa nyams phyir phyin ci log 'jug phyir/ /gnod pa dang bcas de lta'i don yod min/ /des na mi bslu ba dang ldan ma yin/ /don de ni 'jig rten pa ma yin te/ mi bslu ba'i shes pa la sogs pa'i spyod yul ma yin pa'i phyir ro/ /yang na de yod pa yang yin la med pa yang yin te/ des na snang ba yang yin la gnod pa yang yin no/ /yang na don de yul gzhan na gnas pa mngon sum du snang ba dran pa yin gyi/ de na gnas pa nyid ni ma yin no/ /des ni de ma thob pa yin no/ /de bzhin du phyin ci log tu snang ba la yang sbyar bar bya'o zhe na/ 'di ni tshad ma 'jug pa med pa yin te/ sngon sprul mthong ba med par ni/ /thag la sprul blo 'gar yod min/ /sngon gyi mngon pa'i rjes 'brangs phyir/ /ji ltar bag chags rgyu ma yin/ /sngon mthong ba med par ni thag pa la sprul gyi blor mi 'gyur ro/ /rig pa 'di ni sngon mthong ba las yin te/ 'di la don ni med do zhes 'jig rten thams cad kyis nges pa yin no/ /de lta ma yin na ni rgyu dang 'bras bu'i dngos po mdza' dag chad pa nyid du 'gyur te/ snang ba tsam ni rang rig pa tsam 'ba' zhig rgyu dang 'bras bu yin no zhes bstan zin to/ /de'i phyir rgyu dang 'bras bu'i dngos po ni nges pa nyid ma yin no/ /'di la phyin ci log la sogs par snang ba dang ldan par rtogs pa ni med do/ /'on

  126. 63b

    te 'di yang phyin ci log la sogs par snang ba nyid kyis don med pa yin no snyam na/ gal te phyin ci logs sogs rigs/ /sngon rig rgyu las byung min na/ /des na rtogs pa gzhan dag kyang/ /de lta nyid ces rtogs par 'gyur/ /gzhan la don thob yod des na/ /'jig rten pa min sogs min na/ /kun don thob yod min zhes la/ /snga ma nyid du bsgrubs zin to/ /gal te don ces nges pa'i phyir/ /de lta min na de mi 'thad/ /'jig rten min las phyi rol gyi/ /don ces des pa gang de yang/ /don min zhes byar des pa ni/ / mi 'jug phyir don cis ma yin/ /'di ni don med nges yin pa/ /des na ma nges nyid ma yin/ /bag chags gzhi can zhes pa ni/ /don snang ba yi gnod byed yin/ /des na gnyen? po mi srid pa'i/ /sad pa'i blo ni yod ma yin/ /shes pa'i sngon mthong ba las te de yang de la gzhan las yin/ /rig pa thams cad thogs med kyi/ /bag chags dang 'brel las skyes yin/ /de nyid phyir na dmigs med du/ /smra ba 'di ni rnam par mdzes/ /des na 'di yang bsal ba yin te/ /sad pa'i ka sogs blo rnams kyi gnyen po gnod par byed pa'i blo/ /rnal 'byor pa la skye 'gyur pa/ /des na rmi sogs dang mtshungs nyid/ /de yi gnas skabs thob rnams kyi/ /srog dang ldan pa thams cad la'ang/ /gnod pa 'di ni skye 'gyur ba/ /des na gnyen po bcas par grub/ /tshad mas yongs su dag pa'i don la goms pa'i stobs kyis gdon mi za bar rnal 'byor pa rnams kyi mngon sum gyi tshad mar gyur pa bzlog pa la gnod par byed pa skye ba yin no/ /des na re zhig skye ba 'di la ni/ /'ga' la yang ni dmigs ma yin/ /de yi gnas skabs rtogs rnams la/ / ji ltar 'gyur ba ci cha yod/ /ces bya ba bsal ba yin no/ /bsgom pa'i mthu ni rig pa nyid do/ /des na gdon mi za ba'i shes pa der 'gyur ro zhes ci'i phyir mi rig /des na ji skad du/ nged kyi rnal 'byor pa rnams la/ /khyed kyis bshad pa'i gnyen po ni/ /

  127. 64a

    khyed bshad phyin ci log snang ba'i/ /gnod pa'i blo ni 'byung bar 'gyur/ /brjod pa de ni shin tu ma 'brel pa nyid do/ /'di ltar tshad ma'i dbang gis ma 'ongs pa/ /bsgoms pa'i stobs las byung ba can/ /rnal 'byor pa gang de dag gi /de 'dra'i rnal 'byor can blo la/ /mya ngan la sogs bslad pa'i blo/ /dper cis med ces sgrub zin to/ /khyed kyi la ni dpe 'ga' yang/ /yod pa nyid ni ma yin te/ /des na ka ba la sogs blo/ /gnyen po dang ni bcas par 'gyur/ /blo yin phyir na gnod bya yang/ /smig rgyu la sogs blo bzhin no/ /smig rgyu la sogs blo rnams kyis/ /mnyen po dang bcas 'dod pa nyid/ /gzung ba gzhan nyid yin pas kyang/ /de yi bdag tu gnod ce na/ /'di ni lhag tshad smras pa ste/ /de ltar gnod byed gnas ma yin/ /ji ltar rnam pa 'ga' zhig ltar/ /rtsa ba gcod par byed pa ni/ /gnod byed yin par brjod 'dod de/ /des 'di blun po'i spyod pa yin/ /gnyen po tsam ni rdzong par 'dod pa ma yin te/ /'on kyang gnod par byed pa'i gnyen po nyid do/ /des na gnyen po tsam sgrub pa ni ma 'brel pa yin no/ /gnod byed kyis kyang ma nges dang/ /de las gzhan pa'ang snga ma bzhin/ /sad sogs shes pa gzhan nyid du/ /sgrub byed shes pa brdzun pa nyid/ /'dir yang lan ni nged cag gis/ /snga ma nyid du bstan zin to/ /sad sogs shes pa thams cad ni/ /rang gi cha tsam dmigs pa yin/ /ji ltar tha snyad rab grub pa/ /de ni brjod par 'gyur ba yin/ /de dag rmi lam pa sogs bzhin/ /log blo gnyen po dang bcas 'gyur/ /snga ma nyid du lan brjod de/ /yang nas yang du mi brjod do/ /'di ltar blo kun log pa nyid yin yang/ /bsgoms pa yi ni khyad rim las/ /bag chags che chung yod pa'i phyir/ /gnod bya gnod byed dngos 'di yin/ /ji ltar phyi dang rjes 'brel phyir/ /log pa nyid ni ma yin yang/ /khyed kyi gnod bya gnod byed kyi/ /dngos 'di yin ltar bye brag med/ /de la phyin

  128. 64b

    ci log sogs pa'i snang ba'i phyir de yin pa de bzhin du 'dir yang bag chags brtan pa dang/ mi brtan pa dag las gnod bya gnod byed kyi dngos po yin pas skyon med do/ /gal te sangs rgyas bcom ldan 'das kyi thugs rnal 'byor pa nyid dang/ /'dod chags la sogs pa zad pa dang/ mtshan ma mkhyen pa nyid dang ldan pa yin no/ /khyad par de yang gnod par byas pa'i phyir 'gal ba ma yin nam/ 'di ltar/ chags sogs zad dang rnal 'byor pa/ de bzhin mtshan ma mkhyen la sogs/ /khyad par ji snyed 'dod pa dag /thams cad bzlog phyir 'gal ba nyid/ /ka ba la sogs pa'i shes pa la gnod par byed pa sangs rgyas la sogs pa'i mkhyen pa la 'dod chags la sogs pa zad pa dang/ mtshan ma la sogs pa'i khyad par ji snyed pa de dag gnod par byas pa'i phyir gtan tshigs 'gal bar yang 'gyur ro/ /'di ltar/ gang gi tshe rmi lam la sogs pa ltar gnyen po dang bcas pa'i log pa'i blo yin pas ka ba la sogs pa'i shes pa gnod par byas pa de'i tshe de bzhin gshegs pa'i ye shes kyang gnyen po dang bcas pa'i phyir log par thal te/ rmi lam la gnod par byed pa ka ba la sogs pa'i shes pa bzhin no zhe na/ 'dir smras pa/ gal te khyad par 'gal bas gnod na 'dir/ /skyon med gtan tshigs med par mi 'gyur ram/ /gtan tshigs thams cad nus pa ldog 'gyur te/ kun dang mi 'gal ba ni yod ma yin/ /dper na rmi lam gyi blo ka ba la sogs pa'i blos gnyen po dang bcas pa'i phyir log par sgrub pa de bzhin du blo nyid kyi phyir rnal 'byor pa'i ma yin pa'i shes pa gnyen po dang bcas pa yang yin te/ rmi lam gyi blo nyid bzhin no// de ltar na/ ji ltar du bas me sgrub pa de bzhin du 'di na da lta me med pa yang sgrub pa'i phyir bsgrub bya sgrub pa'i gtan tshigs nyid 'ga' med par 'gyur ro/ /gzhan yang blo nyid kyi phyir gnyen po dang bcas pa tsam zhig sgrub kyi/ khyad par gyi gnyen po dang

  129. 65a

    bcas pa nyid ni ma yin no/ /da ltar na/ ji ltar byas pa sgra mi rtag pa nyid du skyab par byed pa de bzhin du nam mkha' i yon tan nyid las bzlog pa yang sgrub par byed pa'i phyir 'gyur ro/ /bstan bcos khas blangs pa'i phyir nam mkha' i yon tan nyid kyang bsgrub bya yin par ni mi 'gyur te/ 'dod pa bsgrub par bya ba yin no zhes 'chad par bya ba yin no zhes 'chad par 'gyur ro/ de'i phyir khyad par 'gal bas gtan tshigs sun phyung bar mi 'gyur ro/ /gal te da lta'i gnod byed blo bzhin du/ /skye bo mang pos ma gnod phyir/ /rjes su dpag pas gnod pa 'am/ /yang na bzlog pa'i sgrub byed rjod/ /ka ba la sogs pa'i blo ni bden pa yin te/ /skye bo mang po'i gnod pa'i blo med pa'i phyir da ltar ba'i gnod pa'i blo bzhin no/ /rtsod pa'i gzhir gyur pa ka ba la sogs pa'i blo ni gnod par bya ba ma yin te/ skye bo mang po'i blo gnod par byed pa de'i yul can nyid du ma skyes pa'i phyir/ rmi lam la sogs pa la gnod par byed pa'i blo bzhin no zhe na/ de ni mi mthun pa yin te/ 'di ltar/ gal te 'brel pa med par ni/ /ma mthong ba tsam 'dod pa yi/ /bsgrub bya sgrub par byed na ni/ /lan 'di rigs par ldan pa nyid/ /don dam par ni rmi lam la gnod par bya ba ma yin pa ma yin te/ mngon sum nyid gnod par byed pa mthong ba'i phyir ro/ /kun rdzob tu ni ka ba la sogs pa'i blo gnod par bya ba ma yin yang nged la chad pa ci yang med do/ /'o na rmi lam la sogs bzhin/ /mi bden blo yis ji ltar gnod/ /che chung khyad par yod phyir zhes/ /dang po nyid du bstan zin to/ /gzhan yang sad pa'i blo ni bden pa'i phyir/ /rmi lam mthong pa'i gnod byed min/ /de yi gzhan bya dmigs med phyir/ /mi bden yang de med dam ci/ /gnod par byed pa zhes bya ba rang gi dmigs pa bden pa nyid kyis ni gnod par byed par ma yin gyi/ 'on kyang de dmigs pa'i phyir ro zhes 'di ni

  130. 65b

    bshad zin to/ /mi dmigs pa'i rang bzhin de yang phyin log dmigs pa'i rang bzhin nyid do/ /de ni rang gi cha rig pa la yang nyams pa med pa nyid do/ /'di ltar/ ngo bo 'am gzhal bya gzhan yang rung/ /de kun thams cad de las bzlog /de nas rang gi char gnas kyang/ sad blos gzhan la gnod par 'gyur/ /gal te 'di yang 'khrul ba yin na de'i tshe ci la brten nas rmi lam la sogs pa'i blo 'di gnod par bya ba yin zhe na/ de yang mi bden te/ sgrub byed don ni grub pa na/ /rmi stsogs blo dang mtshungs par 'gyur/ /de 'tshe ded la gnod bya dang/ /gnod byed dngos pos ci zhig dgos/ /gal te gzhan brjod par byas te/ /sngar gyi sgrub byed skyon yang 'dir/ /da ltar dran bya bsgrub bya dang/ /tha dad med pas brjod min phyir/ /gtan tshigs gnyi ga la ma grub/ /rtogs par byed pa'i phyir blo 'am/ /'dis rtogs par bya ba'i phyir blo zhes rnam par rtog pa'o/ /de la yang nyes pa snga ma bzhin te/ bsgrub par bya ba dang tha mi dad pas dam pa'i don gyi phyogs gcig yin pas brjod par bya ba ma yin pa'i phyir gtan tshigs rtogs pa nyid ni gnyi ga la ma grub po/ /gal te rtogs pa'i khyad par ni chos can yin la spyi sgrub byed yin pa'i phyir dam bcas pa'i don gyi phyogs gcig ma yin no zhe na/ de la brjod pa/ tha dad tha mi dad pa yi/ /rtogs pa'i spyi ni khyed cag la/ /yod min shin tu tha dad kyang/ /'dra ba dang ni ldog pa yang/ /nged kyi phyogs la 'ga' yod min/ /des 'di go byed nyid mi 'gyur/ /de ni gnyi ga la grub pa'i/ /gtan tshigs spyi ni yod ma yin/ /'di ni mi rigs te/ 'di ltar/ tha dad tha dad med pa yi/ /rtogs pa'i spyi nyid mi 'dod min/ / ldog par mtshungs nyid dngos por ni/ /rjes 'gro med ces bshad par 'gyur/ /de'i phyir gcig tu 'dzin pa dang ldan pa'i phyir/ rtogs pa rtogs zhes bya ba'i don ni gtan tshigs nyid de/ brgyud pas dngos po dang 'brel pa'i phyir ro/ /rtogs pa

  131. 66a

    zhes bya ba'i don ni ci zhe na/ nyams su myong ba'i ste/ bdag gi rang bzhin myong ba tsam mo/ /des na phyogs dang de 'dra la gnas pa'i/ /khyad par dag ni gtan tshigs min/ /rjes su 'gro ba nyams phyir ram/ /de yi chos su ma grub phyir/ /zhes bya ba 'di ma grub po/ /de bzhin du/ don med par ni de yi blo/ /gtan tshigs nyid du 'gyur ma yin/ /gzhi yang ma grub par brjod de/ /khyad par can ni ma grub phyir/ /de bzhin gtan tshigs ma grub dang/ /dpe ni bsgrub byas stong pa nyid/ /khyad par rab tu ma grub pa/ /don gyi rnam rtog nyid kyis rtogs/ /'di thams cad ni sngar spangs zin to/ /des na 'di ni ma yin te/ des na rtogs pa thams cad ni dmigs pa thams cad ni dmigs pa med pa yin te/ rtogs pa yin pa'i phyir rmi lam gyi rtogs pa bzhin no zhes bya ba 'di kha na ma thob med pa yin no// rtogs pa thams cad dmigs pa med pa des na/ des na gzhan rig med pa'i phyir/ /rang rig 'bras bu yin par 'dod/ /rang rig pa nyid 'bras bu yin no/ /rnam par shes pa rang nyid skye ba ni/ /rang rig gsal bar byed pa yin gyi don ni ma yin te/ /don rtogs par byed pa la de nus pa med pa'i phyir dang/ don rtogs pa mthong ba med pa'i phyir ro/ /'dir brjod pa/ gal te phyi rol myong gyur na/ /nyes pa ci yang med/ /phyi rol don de myong gyur pa/ /'di nyid kyis ni cir brjod 'gyur/ /rnam par dpyad pa zhig mos 'dis ci bya ste/ phyi rol gyi nyams su myong ba nyid do/ /'bad pa 'di la 'bras bu ci zhig yod/ /'jig rten gyi tha snyad ji lta ba de lta yin la dag mod/ /dmigs pa med pa nyid du rtogs na ni gzhan du tha snyad byed pa ma yin no/ /tha snyad las gzhan pa'i 'bras bu yang yod pa ma yin no zhe na/ de yang ma yin pa nyid de/ gal te tha snyad bsgrub bya na/ /tha snyad ji lta de ltar de/ /rig byed skyes bus ma byas la/ /khyed kyi 'bad pa 'bras ci yod/ /gang zhig gang med par med pa gzhan gyi mchod sbyin la sogs pa'i tha snyad ni skyes bus byas pa

  132. 66b

    las gzhan gyis ldog pa ma yin no/ /ci ste de nyid la rnam par dpyad par byas pas don dam par 'gyur ro zhe na/ de lta yin na gzhan du yang dpyad par bya'o/ /'on te skyes bus byas pa nyid la tshad ma nyid yod par mi 'gyur ro zhe na/ 'di ni gzhan la yang mtshungs te/ /skyes bus ma byas pa nyid la yang tshad ma med pa'i phyir ro/ /gzhan yang gang tshe phyi rol 'dzin med pa/ /de tshe chags sogs spongs par 'gyur/ /goms pa'i dbang gis 'jug pas na/ de mod na ni bzlog phyir ro/ /de kho na dpyad na 'dod chags la sogs pa zad par 'gyur la/ /de yang skyes bu'i don gyi mchog yin no zhes bstan zin to/ /des na de kho na nyid nges par brtag par bya'o/ /phyi rol gyi don ni nyams su myong ba med de/ 'di ltar phyi rol don nyams su myong bya ba'i don ci yin/ ci nyams su myong ba la zhugs pa'i phyir nyams su myong ba zhes tha snyad byed dam/ 'on te ma zhugs pa nyid du yin/ /des na 'di skad brjod de/ gal te blo ni de rnam can/ /rnam pa rjes zhugs can de yod/ /de ni phyi 'am gzhan las zhes/ /'di ni dpyad par rigs pa yin/ /de'i rnam pa can gyi blo zhes bya ba'i don ci yin/ sngon po la sogs pa'i rnam pa can no/ /de'i rnam pa can zhes bya ba ga las yin zhes 'di nyid da ltar dpyad par bya ba ma yin nam/ /des na blo de'i rnam pa can yin no zhes shes par bya ba'i phyir yang de nyid blta bar bya bar 'gyur ro/ /mthong ba de la yang de'i rnam pa nyid yin pa'i phyir thug pa med do/ /'on te rnam pa med pas mthong na/ de'i tshe de nyid mthong pa yin pas rnam pa brtags pas ci zhig bya/ 'on te de'i rnam pa zhes bya ba ni de la nges par rtogs pa'i rnam pa 'am/ mthong ba'i rnam pa yin no zhe na/ de'i tshe nges par rtog pa dang mthong ba zhes bya ba'i don ci yin zhes bya ba 'di nyid brtsad par bya'o/ /ci ste gnyi ga yang mthong ngo zhe na/ de lta na gnyi ga rang gi ngo bos mthong ba yin te/ des na phan tshun 'dzin par byed pa 'am/ /'ga' yang ma yin pa'i phyir gnyi ga yang rang rig pa nyid do zhes bstan zin to/ /ci ste phyi

  133. 67a

    rol med na 'di nyid med par 'gyur ro zhe na/ de lta na 'o na blo med par lkog tu ma gyur pa nyid mi 'gyur ro zhes bya bar 'gyur ro/ /'on te lkog tu ma gyur pa nyid ni mthong ba nyid do/ /de lta yin na gzhan brtag par bya ba ma yin no zhe na/ de'i rnam pa can gyi blo yang mthong ba nyid pas gzhan brtags pas ci bya/ 'di ltar/ mthong ba'i khyad par dad bral pa/ /mi 'dzin de 'dzin na 'dzin phyir/ /sngon por snang ba mthong ba yin/ /phyi rol yan gar don yod? min/ /mthong ba gang yin pa de nyid khas blang par bya'o/ /'di ltar snang ba'i nang du chud pa'i sngon po nyid snang gis gzhan ni ma yin no/ /des nas snang ba las tha dad par ni tshad ma med do/ /des na khas blang bar mi bya'o/ /'on te de'i snang ba'i nang du chud pa mi snang de/ snang ba ni nang yin pa'i phyir dang/ sngon po la sogs pa ni phyi rol du snang ba'i phyir ro zhe na/ tha dad pa yin na/ de snang bar mi 'gyur te/ de ni rang gi ngo bos lkog tu ma gyur pas snang ba'i phyir ro/ /'di ltar/ gal te tha dad yin na ni/ /sngon po lkog gyur min mi 'gyur/ /ngo bos lkog gyur min pa las/ /de las lkog gyur min gzhan med/ /dper na 'dzin pa'i rnam pa dag gi rang bzhin gyis lkog tu ma gyur pa yin gyi/ 'dzin par byed pa gzhan yod pa las ni ma yin pa de bzhin du/ de dang dus mtshungs pa can sngon po la sogs pa yang yin no/ /yang ji ltar 'dzin par byed pa'i rnam pa mi la sogs pa las yin pa de bzhin du/ de dang dus mtshungs pa gzung ba'i rnam pa yang yin te/ rgyu dang 'bras bu'i dngos po ni de yod pa dang med pa'i rjes su byed pa'i mtshan nyid yin pa'i phyir ro/ /don gyi sngon dang phyis yod pa ni tshad mas nges pa ma yin te/ snga ma dang phyi ma la mngon sum mi 'jug pa'i phyir ro/ /'on te sngon nam phyis 'di med do zhes bya ba yang ji ltar rtogs zhe na/ blo dang bde ba la sogs pa 'dzin pa'i rnam pa yang ci'i phyir sngon yod par mi rtag /'on te bdag

  134. 67b

    rtag pa'i phyin de bzhin nyid do zhe na/ 'o na lkog tu ma gyur pa yang snga nyid yod do zhes ci ste mi brtag /'gal ba'i phyir ro/ /ma rtogs pa ni lkog tu ma gyur par mi 'thad do/ /tha dad pa'i don ni rtogs pa med kyang 'thad do ce na/ tha dad do zhes gang gis rtogs/ /de nyid phyir brgya la 'gyur ro zhes the tshom za bar rtsod pa yin no/ /lkog tu ma gyur pa nyid kyang ci'i phyir de lta ma yin zhe na/ lkog tu ma gyur par thal ba'i phyir ro/ ma yin te/ gzhan gyi lkog tu ma gyur pa yin pa'i phyir ro/ /nga'i lkog tu gyur pa yin zhes rtog par mi 'gyur te/ dkar po la sogs pa bzhin no/ /gal te dkar po nyid bum pa la sogs pa gcig gi ma yin yang rdzas gzhan gyi yin pa nyid do/ /des na lkog tu gyur pa ma yin pa nyid las tha dad pa'i sngon po la sogs pa ni med do/ /gal te gang gi tshe don gyi dkar po nyid bral ba de'i tshe gzhan la 'gro'am cig des na lkog tu ma gyur pa nyid kyang bral nas gzhan du 'gro ba ni ma yin no zhe na/ de lta na ni 'o na/ de dang tha mi dad pa'i phyir don yang de med pas med par 'gyur ro/ /tha mi tha dad pa'i nyid du ma nges so zhe na/ 'o na ni me yang me'i rang bzhin med kyang med par mi 'grub po/ /de las tha dad pa'i me med pa'i phyir ro zhe na ma yin te/ tha mi dad par ma grub pa'i phyir ro/ /de las tha dad par ma mthong ba'i phyir ro zhes bya ba ni thams cad du mtshungs so/ /de'i phyir lkog tu ma gyur pa las tha dad pa ni med pa nyid do/ /rjes su dpag pa yang lkog tu ma gyur pa las tha dad pa sgrub par byed pa ma yin no/ /ji ltar sgrub par byed pa ma yin na/ gang gi tshe lkog tu gyur pa'i gnas skabs kyang sgrub par byed pa de'i phyir/ phyis rtogs par 'gyur pa'i sngon po ni yod pa nyid do zhe na ma yin te/ de la sngon gyi rang bzhin rjes su 'brangs nas rtogs pa'i phyir ro/ /'di ni nyams su myong ba'i rjes su 'brang ba can gyi dran pa nyid yin la/ nyams su myong ba de yang lkog tu gyur pa ma yin pa'i rang bzhin nyid do/ /

  135. 68a

    lkog tu gyur pa'i rang bzhin las sngon po la sogs pa logs shig tu ni dran pa'i yul du 'gyur ba ma yin na/ /'di na yin par ji ltar rtogs she na/ ma yin te/ 'dir yang de lta bu'i rang bzhin nyid sgro 'dogs pa yin no/ /gal te sngar gyi lkog tu ma gyur pa'i rang bzhin nyid spangs na ni de dang tha mi dad pa'i phyir sngon po'i rang bzhin nyid kyang btang bar 'gyur ro/ /rnam par phye nas ni dran pa ma yin no/ /rjes su dpag pa dran pa yin la lhag par rtogs pa med par 'gyur ro zhe na ma yin te/ lhag par rtogs pa'i rgyu med pa'i phyir ro ji ltar de lhag par rtogs pa yin zhe na/ ma yin te/ med pa'i phyir ro/ /ji ltar tshad ma yin zhe na/ dang po nyid du khyab pa grub pa'i phyir ro/ /dper na du ba me las 'byung bar mthong ba de'i tshe/ yul gzhan dang gzhan me dang 'brel pa 'di ltar rtogs te/ gang dang gang na me 'di yod pa de dang der du ba skyed par byed de/ yul gcig po ni yul gzhan dang 'brel pa ma yin no/ /des na gal te gzhan na yang me yod na der yang skyed par byed pa nyid do/ /des na du ba'i yul du me rtogs pa nyid do/ /du ba'ang me 'byung ba de yang de'i rang bzhin nyid du sgro 'dogs pa yin gyi/ gzhan ni ma yin te/ mi nus pa'i phyir ro/ /des na lhag pa'i du ba mthong ba las lhag pa'i me rtogs so/ /'o na gal te snga ma bar 'gyur ba'i yul gyi me la sgro 'dogs pa med pa kho nar du bar mthong ba'i mod kho na la rtogs pa de ji ltar zhe na/ de yang spyir 'brel ba med par mi rtogs pa'i phyir ro/ /'di ltar/ gal te mod la rtogs pa de lta na yang gang gi tshe 'di na du ba yod mod/ /me yod ba ci ste zhes rgol zhing rtog pa na/ de lta bu nyid du sngon mthong ba'i phyir ro/ /zhes brjod dgos so/ /mthong ba der yang don dam par ni ma yin gyi/ 'o na yang mthong ba dang lhag par brtags pa dag gcig tu zhen pa'i phyir ro/ /mthong ba

  136. 68b

    las tha dad par ni brtags par mi nus so/ /gal te mthong ba las tha dad par rtogs na mthong ba don du gnyer ba 'jug par mi 'gyur ro/ /mthong ba don du gnyer bar ston par mi 'gyur ro/ /mthong ba nyid du rtogs pa med pa ni mthong ba don du gnyer bar mi 'gyur ro// long pa gang yin pa'i de rtogs so she na/ gal te de mthong ba dang 'brel par ma bzung na/ ji ltar yod pa tsam rtogs pa po 'jug par byed pa yin/ de bas na snang ba nyid du rtogs pas de don du gnyer ba yin gyi gzhan du ni ma yin no/ /sngon po la sogs pa la ma rtogs pa ni de don du gnyed par ma mthong ngo/ /des na rjes su dpag pa 'am gzhan yang rung ste/ rnam par rtog pa can gyis sngon po la sogs pa mthong ba las tha dad par rtogs pa ni ma yin no/ /'o na ji ltar rjes su dpag pa lkog tu gyur pa'i yul can yin zhe na/ lkog tu gyur pa ma yin pa snga ma sgro 'dogs pa'i phyir ro/ /ji ltar des de na me yod par rtogs she na/ de lta bu nyid yin pa'i phyir te/ smig rgyu la sngon mthong ba'i chur sgro 'dogs pa bzhin no/ /gang la sgro 'dogs pa de lkog tu gyur pa yin no zhe na/ ma yin no te/ de rang gi ngo bos ma rtogs pa'i phyir ro/ /de'i rang bzhin ni de nyid yin no zhe na/ de lkog tu ma gyur pa nyid yin pa'i phyir/ ji ltar lkog tu gyur pa nyid yin/ /gzhan gyis rtogs pa'i phyir rang gi ngo bo rtogs pa nyid lkog tu gyur pa yin no zhe na/ de nyid lkog tu ma gyur pa yin par lan ma yin no/ /gzhan gyis rtogs pa zhes bya ba yang 'brel pa'i stobs kyis sgro btags pa yin to/ /des na phyi rol lkog tu gyur pa rtogs par 'thad kyang gzhan gyis rtogs pa zhes bya ba ni log pa nyid do/ /de phyis rang nyid mthong ba las gcig tu sgro btags pa'i phyir 'di ni lkog tu gyur par gyur to zhes phyi rol lkog tu gyur pa rtogs par rigs kyang/ /gzhan gyi rtog pa la ni sngar lkog tu gyur pa de ni gzhan gyis rtogs pa 'di yin no zhes bya ba la 'di yang med do//

  137. 69a

    des na lkog tu gyur pa zhes bya ba ni med do/ /de'i phyir don gzhan yod mthong pa'i khyad par dang bral ba mi 'dzin pa nyid du ji ltar 'gyur/ /gal te myong ba las ma gtogs pa'i don med na sngon po dang ser po la sogs pa snang ba tha dad pa ga las yin zhe na/ mig la sogs pa nyid las te/ skra la sogs pa snang ba bzhin no/ /gal te las? la sogs pa snang ba nyams pa 'bad? gis ma yin nam zhe na/ nyams so zhes bya ba ga las skra la sogs par snang ba las so zhe na/ sngon po la sogs par snang ba las zhes mtshungs so/ /skra la sogs pa ltar yul tha dad kyang rang bzhin gcig tu 'gyur gyi/ sngon po la sogs sna tshogs pa nyid du mi 'gyur ba ma yin nam/ ji ltar mig bsgyur na 'gyur ba de bzhin du sngon po la sogs pa 'gyur ram ci/ gal te mig rnam par shes pa'i rgyur 'dod na phyi rol yin pa des na sngon po la sogs pa ci ste ma yin/ ji ltar ? ?? 'dzin pa la mig rgyu ba yin pa de bzhin du sngon po la sogs pa nang gi khyad par 'dzin pa la de las gzhan yin no// des na myong ba des pa'i phyir phyi'i don grub bo de na/ 'dir brjod pa 'dir 'ga' zhig ni 'ga' zhig gis/ /bag chags rab tu ??/ /de phyir blo ni rnam nges kyi/ /phyi rol don ltos ma yin no/ /'di ni bshad zin te/ mngon sum las ni ?? don mi 'grub ste/ 'bras bu ldog pa las brtag pa yin no/ /'bras bu ldog pa las kyang mig nyid brtag par bla'i/ don gzhan rtogs pas ni mthong ba'i mig ga sogs pa nyid kyis de khyad par can du gyur pa yin no zhes rtogs pa bla'o/ /de yang gzhan gyi der brjod pa yin te/ de ma thag ba'i? rkyen nyid khyad par du rtogs pa bla'o/ /lus kyang rgyu yin no zhe na/ /ma yin te/ lus su snang ba las ma gtogs pa'i de med pa'i phyir ro/ /der snang ba yod na yin no zhe na/ de lta na yang rnam par shes pa nyid

  138. 69b

    las rnam par shes pa yin no/ /lus su snang ba dang rtsig pa la sogs par snang ba dus mtshungs pa'i phyir rgyu nyid ma yin no/ /'di ltar/ sad byed des pa yin pa'i phyir/ /sad byed de ni yod min yod/ /ji ltar chags sogs rtogs pa la/ /dus sogs nges pa gsal ba ltar/ /de bzhin du sngon po la sogs pa snang ba nges pa dang ldan pa yin no/ /'dod chags la sogs pa yul rang dus dang gnas ?? pas nges par 'gyur byin? sad par byed pa'i rkyen gyi dbang gi yin gyi/ de dag dmigs pa nges pa la mi 'khrul pa las ni ma yin no/ / ka n+ya kud+dza? la sogs pa sems pa snang ba rnams la sad par byed pa yod na gzhan du yang 'gyur ro/ /phyi rol nyid ni sad par byed pa ma yin te/ rang gi nus pa las sems pa khas? snang bas kyang sems pa gzhan gyi bag chags sad par byed pa'i phyir dper na mngon du gtod pa la 'gyur ba bzhin no/ /mngon du gtod pa ni bar? yang phyogs su lhung ba ma yin no/ /mngon du phyogs ?mtshungs kyang rang bzhin 'ga' zhig gsal bar snang ba'i phyir goms pa la sogs pa las kyang 'gyur ro/ /rmi lam la sogs pa'i shes pa la ? so sor nges pa'i rgyu ci zhig yod/ skye ba gzhan du mthong ba'i phyi rol? nyid/ /de'i tshe nges pa'i rgyu yin no zhe na/ ma yin te/ thams cad mthong ba'i phyi rol de'i tshe med pa nyid/ /de'i tshe nges pa'i rgyu gang yin gal te yul sogs nges pa'i phyi rol snang ba nges byed yin/ de'i yul can phyi rol gyi nges par ?? pa re ga las/ gal te der dam de'i tshe nyid phyi rol na med na yul dang dus te? nges par snang ba ga la yin/ 'on te de'i dus la sogs pa can med kyang de ltar nges pa ni sngar gyi don mthong ba las yin no zhe na/ don gyi ci? bya ste/ sngon gyi snang ba nyid las nges pa srid pa'i phyir ro/ /'di ltar snang ba don gyi stong par ni/ /mi 'gyur phyir mngon brtags yin/ /sngon gyi don nyid las des na/ /snang ba yis ni ci zhig byas/ /da ni don med par mi snang bar mi rigs so/ /snang ba ni sngar 'gags pa'i phyir de snang ba?

  139. 70a

    ma yin no/ /de ltar med pa snang ba'i phyir phyi rol gyi don du brtag pa ni ma yin no/ /gal te don med kyang sngon gyi yul dang dus su mthong ba 'di la snang ba yin na/ sngon gyi dus la sogs pa'i snang ba nyid snang ba rag mod/ /don brtag pas ci zhig bya ste/ phyi'i don smra ba rnams kyis kyang snang ba khas blang pa'i phyir ro/ /ci ste der phyi'i don nyid snang ba yin la/ 'dir ni mi ldan pa'i phyir mi snang ngo zhe na/ der ldan no zhes bya ba ga las/ mi bslu ba yang mi bslu ba gzhan las mi 'thad pa ci yod/ des na mi bslu ba gzhan yin pa'i phyir mi bslu bar snang ba brgyud pa nyid rigs so/ /gal te gang zhig skyes nas 'jig pa de ni log pa'i shes pa yin te/ dper na nga ni rdul med do zhes bya ba'i lta bu'o/ /ka ba la sogs pa 'di ni shin tu nges pa yin pas ji ltar phyin ci log yin zhe na/ de ni ma yin te/ bag chags brtan pa nyid kyis na/ mod la 'jig par 'gyur min te/ dper na bag chags las byung ba 'dod chags la sogs rtog pa bzhin/ /'dod chags la sogs pa'i rnam par rtog pa ni bag chags kyi stobs la brten pa dang/ de bzhin du phyi'i don dang bral ba yin mod kyi de lta na yang 'di rnam par brtags su zin kyang/ de ma thag nyid du mi ldog go /de bzhin du bag chags brtan pas na rmi lam du bshad pa'i rgyun ji ltar yang mi ldog go /'di ltar brtan pa de nyid yang langs yang gnyid kyis log yang langs yang gnyid log cing 'chad pa byed do/ /de'i phyir phyi'i don la ltos pas nges pa ni ma yin no/ /'di ltar rmi lam cung zad gang mthong ba/ /sad par rjes su 'jug pa med/ /de yi gnas skabs de 'dra ste/ /byis pa'i gcig rang bzhin no/ /byis pa'i gci ba'i gnas skabs rmi lam du mthong ba yi ni sad pa'i gnas skabs su yang rjes su 'jug gi /gzhon nu la sogs pa'i gnas su ni ma yin no/ /don byed pa la mi 'khrul pa

  140. 70b

    yang sngar bstan zin pa'i phyir yang mi spro'o/ /de phyir gcig la tshul gnyis yod/ /gang phyir de ltar myong ba dang/ /dran pas 'di ni rnam pa gnyis/ /myong ba nyid ni 'bras bu yin/ /tshul gnyis zhes bya ba ni rtogs pa'i rnam pa dang sngon po'i rnam pa'o/ /tha dad par rig pa med pa'i phyir ni gcig yin la/ ldog pa nye bar brtags pas ni tshul gnyis yin no/ /de ga las zhe na/ gang gi phyir de ltar nyams su myong ba dang dran pas so/ /des na rnam pa gnyis las gzhan rag pa med pa'i phyir don rig pa med pa'i phyir don reg pa ni 'bras bu ma yin te/ rnam pa gnyis myong ba 'bras bu yin no zhes mjug bsdu ba'o/ /don rig par rtogs pa ma yin nam/ ji ltar rang rig pa yin zhe na/ 'di la bshad pa/ gang tshe rnam rig rgyu yi yul/ /gzhan 'dod pa 'am mi 'dod pa'ang/ /de yi dngos por ma grub pa/ /de ni de ltar myong ba yin/ /de'i tshe de'i dngos pos grub pa'i rgyu med pa'i phyir nyams su myong ba nyid rig pa yin te/ sngon po'i bdag nyid yin pa'i phyir ro/ /gang gi phyir de ltar sngon po la sogs pa nyid du myong ba yin te de'i phyir de ni don dam par rang rig? pa nyid yin gyi don nyid du nyams su myong ba yang don rig pa ni ma yin te/ rmi lam du rig pa bzhin no/ /yang na don rig pa nyid 'bras bu yin te/ 'di ltar/ gang tshe shes bya 'don du ni/ /gnas phyir shes pa yul bcas yin/ /de tshe bdag nyid nyams myong gang/ /de nyid don du rnam par nges/ /yang gang gi tshe don gzhan rtogs par byed pa med par shes pa'i cha nyid la des don du nges par byed pa'i de'i tshe shes pa rnam pa'i bdag nyid nyams su myong ba'i gang yin pa de nyid la bag chags las nges pa'i phyir don ces pa yin no/ /de'i tshe nges pa'i stobs kyis don rig pa 'bras bu yin no zhes rnam par gzhag go /de'i tshe ni rnam par shes par smra ba la yang don rig pa 'bras bu yin no/ /de'i tshe bzung ba'i rnam pa ni gzhal bya 'dzin pa'i rnam pa ni tshad ma de rig

  141. 71a

    pa ni 'bras bu yin no/ /yang na de nyid don ces rtogs pa la/ de yang rig pa'i yin pa'i phyir rig pa nyid 'bras bu yin no/ /gzhan yang phyi'i don khas blangs kyang rang rig pa nyid 'bras bu yin no/ /'di ltar gal te 'di bdag 'dod rnams dang/ rnam pa gzhan du myong gyur na/ 'dod pa 'am/ mi 'dod pa des kyang/ don rig par ni 'gyur ba yin/ /rig pa gzhan nyid yin la don gzhan yin no zhes ni mi nus so/ /de las na rig pa'i rjes su 'brang ba nyid kyis/ don rnam par brdeg pas de dang grub pa dang bde ba tha dad pa'i phyir phyi rol rig pa ni rang rig pa nyid do/ /des na nye bar btags nas phyi rol rig par brjod do/ /gang gi phyir gal te shes pa 'di bdag nyid 'dod pa rnam pa yin pa dang/ don yang rnam par gzhan du myong bar 'gyur na/ 'dod pa'am mi 'dod pa ste/ 'dod pa mi 'dod pa'i rnam pa yin na/ de'i tshe des dngos kyi 'jug par 'gyur ba yin no/ /de lta ma yin na ni nye bar btags pa nyid do/ /des na phyi'i don la yang rang rig pa nyid 'bras bu yin no zhes ston to/ /gal te don yod pa la ni don rig pa nyid 'thar pa ma yin nam/ de yod pa'i phyir rten med pas rang rig par rigs so zhe na/ de yang mi 'thad de/ phyi rol don ni yod na yang/ /ji ltar nyams su myong nyid de/ /nges pa'i bdag nyid dang ngo bos/ /ma yin du ma'i bdag skyon phyir/ /rnam par shes pa'i smra ba la yang rang rig pa nyid rnam pa nyid rnam pa gzhan med pa'i phyir/ rang rig pa khas len pa ni ma yin gyi/ /'on kyang de nyid du rig pa'i phyir ro/ /rten med pas khas len na ni phyi'i don nyid ci ste khas mi len/ 'di ltar/ gal te phyi rol don med pas/ /gang rig gal te rten med las/ /rang gi ngo bo nyid ril na/ /phyi nyid rig par cis mi 'dod/ /rten med pa ni mtshungs so/ /des na rang gi ngo bos rig pa nyid du mthong ba'i phyir zhes brjod par bya'o/ /rten

  142. 71b

    gzhan med pa'i phyir ni ma yin no/ /de la gal te phyi'i don la yang ma yin pa nyid mthong bas de nyid yin mod/ /don rig pa ni mi rigs pa'i phyir btang ba ci bya ba yin no/ /rim pa rnams rang gi ngo bos tha dad pa'i phyir skyes bu so so la rnam pa du mar rig pa 'thad kyi/ don ni rang gi ngo bos rnam pa du mar rig pa ma yin te/ /bdag nyid du mar thal ba'i phyir ro/ /rtogs pa byed pas rnam pa du mar rig kyang don ni gcig nyid do zhes phyi rol gyi lta ba 'dod pa yin no/ /de na gcig la rang bzhin du mar rig pa mi bzang ngo/ /don du ma'i rang bzhin nyid do zhes na ma yin te/ khas blangs na yang gnyis po dag /tha dad par ni myong mi 'gyur/ /don gcig nyid la nyams su myong ngo zhes mi 'gyur te/ rang gi rnam pa yongs su rdzogs pa'i phyir ro/ /gal te rnam pa gzhan yang de nyid du/ /rjes zhum par snang na de'i tshe gcig tu rtogs par 'gyur ro/ /yang na gnyis po dag tha dad par myong bar mi 'gyur ro zhes bya ba dngos po'i don dang/ yang na gcig gi mthar thug pas tha dad par myong bar mi 'gyur ro/ thams cad la rnam pa du mar thal ba'i phyir ro/ /ma mthong bsgribs phyir 'gyur zhe na/ mngon gyi dbang gis rtogs mi 'gyur/ /gal te mi mthor las bsgribs pa'i phyir gnyis mthong ba ma yin no zhe na/ 'o na ma mthong bas gcig tu rtogs pa la bsgribs pa'i phyir gcig tu rtogs pa la tshad ma ga la yod/ ma mthong ba ni rab rib lta bur 'gyur ro/ /zla ba ni gnyis nyid de gcig ni mthong ba yin la/ gnyis pa ni ma mthong bas bsgribs pa'i phyir ma mthong ba yin no zhes bya ba'i rnam par rtog pa ? 'gyur ro/ /de bas na ma mthong ba'i rab rib dang 'dra ba'i phyir don gyi gyi dbang gis rtags pa ma yin no/ /ma mthong ba nyid kyis phyi'i don gyis stong pa'i rnam par shes pa bskyed do zhes ci ste khas mi len/ /'on te ma mthong ba tsam gyis mi nus na/ ? pa'i yul na gnas pa'i don rtogs pa'i sgrib par ji ltar nus pa brjod dgos

  143. 72a

    so/ /du ma'i bdag nyid dngos de ? gcig gi bdag nyid mthong byed pa/ /ma mthong de de ji ltar na/ /don mthong byed par 'gyur ba yin/ /zhes bya ba ni bsdu ba'o/ /gzhan yang/ 'dod pa'i mi 'dod don rig ni/ /goms pa'i dbang gis 'byung bar mthong/ /'di la ma mthong ba yi ni/ /bsgrub bya nyid du ji ltar rtogs/ /de nyid ma mthong yin zhe na/ /mthong bar 'dod pa grub pa 'dod pa nyid/ /thams cad bag chags stobs pas ni/ /'byung ba yin par grub phyir ro/ /gal te don ni 'dod pa'am/ /mi 'dod par snang ba ma yin te/ /don gyi rnam pa nyid yin no/ /de ltar gyur pa ni rtogs pa nyid do zhe na/ 'di la brjod pa/ gal te 'dod dang mi 'dod par/ /snang ba? rtog yin don blo min/ /de la'ang 'chi ltas la sogs par/ /mtshams sbyor med sems mthong ba yin/ /'chi ltas gyis zin pa rnams la don blo yang rnam pa gzhan du mthong ba yin no/ /de'i phyir de ni ma yin no/ /de'i phyir phyi rol bzhal bya la'ang/ /rang nyid nyams myong 'bras yin rig /gang phyir ji ltar 'di dang bzhin/ /de ltar don ni rnam nges des/ /de'i phyir phyi'i don la yang rang rig ba nyid 'bras bu yin gyi don rig pa ni ma yin te/ /de rig pa la rjes su ma zhugs pa'i phyir ro/ /'bras bu 'di la yang tshad ma ni don gyi rnam pa nyid yin te/ ji skad du slob dpon gyis gang gi tshe phyi rol nyid gzhal bya yin pa de'i tshe ni yul du snang ba nyid 'di'i tshad ma yin no zhes gsungs so/ /'di ltar shes pa dang rig par bya ba yin yang rang gi ngo bo la ma ltos par don du snang ba nyid 'di'i tshad ma yin no/ /gang gi phyir don te ni des gzhal bar bya ba yin no/ /ji ltar don gyi rnam pa sgyu? bu la sogs par snang ba la gnas pa de'i rang bzhin du yul de rtogs par byed do/ /tshad ma'i rnam pa tha dang pha ji snyed pa gzhal bya la nye bar 'dogs pa yin no/ /gal te tha dad pa med pa'i phyir 'dzin pa'i rnam pa yang ci'i phyir tshad ma yin zhe na/ 'dir smras pa/ de tshe don snang 'di nyid ni/ tshad

  144. 72b

    yin yod du zin kyang ni/ /don gzhan min phyir phyi rol la/ /'dzin bdag bltos par bya ba min/ /ci'i phyir don de dang rjes su mthun par 'jog pa ni ma yin te/ don gzhan ma yin pa'i phyir ro/ /rnam pa med par rang rig pa ni don gzhan du rnam par 'jog pa ma yin te/ kun la mtshungs pa'i phyir ro/ /gang phyir ji ltar don bdag ste/ /shes la gnas pa de lta bur/ /'di ni de ltar gnas so zhes/ /des 'byed/ rnam pa'i dbang gis don la de ltar sngon po la sogs pa rang gi rnam par gnas pa yin no zhes rtogs so/ /des na don du rtog pa'i rgyu ni rnam pa nyid yin no/ /des na de nyid tshad ma yin no/ /de lta na ni 'o na don rig pa nyid 'bras bu yin pas nga rang gi rig pas ci bya zhe na/ de ni ma yin te/ 'di ltar don du rtog pa de ni bdag rig pa dang rjes su mthun pa nyid do/ /de nyid bshad pa ni/ bdag nyid rig pa yin/ de'i phyir de nyid don rig 'dod/ /'di ltar don bdag snang ma yin/ /gang gi phyir mi snang ba ni mngon sum gyis gzhal bya ma yin no/ /ji ltar lkog tu gyur pa'i don la sum 'jug pa mngon sum gyi 'bras bu rnam par bzhag pa'i skabs yin no/ /de'i phyir rang gi ngo bo mngon sum yin pa'i phyir dang/ gzhan rig pa med pa'i phyir rang rig pa 'bras bu yin no/ /de yi sgrub byed blo la ni/ /gnas don de yi bya ba de/ /gang phyir ji ltar don de ni/ /gnas pa de ltar ri rab gsal/ /don 'jog de yi bdag nyid phyir/ /rang rig yin yang don rig 'dod/ /de'i sgrub par byed pa ni blo la gnas pa'i don nyid yin no/ /de'i ? ni de yin te/ des de byed pa yin no/ /des ni de'i 'bras bu yin te/ de bar rang bzhin du gsal ba'i phyir ro/ /de lta na 'o na rnam pa tshad ma ni phyi'i don la yin la/ 'bras bu rang rig pa ni rang gi ngo bo la 'jug pa'i phyir yul tha dad do zhe na/ de ni ma yin te/ 'di ltar/ don 'jog de'i bdag nyid phyir/ /rang rig yin yang don rig 'dod/ /'di don dam par ni ? rig pa nyid yin la/ tha snyad du ni don rig pa yin no/ /des ni tha snyad la bltos te/ don nyid la 'bras bu

  145. 73a

    yin la tshad ma yang don nyid la yin pa'i phyir yul tha dad par ga las 'gyur/ don dam pa la bltos na yang gnyi ga yang rang gi ngo bo la yang yin te/ de lta na yang ga la yin/ de nyid bshad pa ni/ de'i phyir yul tha dad pa'ang min/ 'o na phyi rol gyi don gzhal bar bya ba la ci'i phyir rang rig pa 'bras bur bshad ce na/ bshad pa/ rang gi ngo bo dpyod pa na/ rang gi 'bras bu yin par bshad/ /don rig de'i bdag nyid phyir ro/ /don dam pa la bltos nas 'di'i don rig pa yin yang rang rig pa nyid do/ /rig pa'i rang gi ngo bo ma dpyad pa na de don rig pa yin yang nges par dpyad pa na rang rig pa nyid yin no/ /gal te don rang gi ngo bos mi snang gi shes pa nyid rang gi rang bzhin du snang ba yin na/ ji ltar don gzhal bya yin na don de dang 'dra ba'i phyir ro zhe na de 'dra'o zhes ji ltar shes/ rnam par rig pa rnam pa du ma can yin no zhes kyang bshad pa yin no zhe na/ 'dir brjod pa/ de dang 'dra ba 'am gzhan 'dra'ang rung/ /shes pa de ltar snang ba yi/ /rgyu yi don yang snang ba na/ /don ni gzhal bya nyid du 'dod/ /gal te yang chu med pa nyid du chur snang ba'i rnam par shes pa skye ba de lta na yang smig rgyu la brten nas skye ba yin pa de'i phyir ci zhig ltar don ni rgyu la brten nas skye bas don la dmigs par brjod do/ /gal te rgyu nyid las dmigs pa yin na/ bag chags kyi rgyu can nyid du 'thad pa ma yin nam/ /de ni rgyu ma yin pa ma yin te/ /bag chags ni rnam pa de skyed pa la nus pa mthong ba'i nges pa yin no/ /de ltar yang khyed kyis sgrub pa yin no/ /gal te de lta bu'i don med par rnam pa de mi 'byung ba yin na/ don rig par 'thad pa yin no/ /de lta ma yin na/ ji ltar rnam pa 'ga' zhig ltar/ /don dngos med pa snang can te/ /ji ltar don 'dzin ce na bden/ /de 'dra dam kyang mi shes so/ /gang gi tshe don nye bar gnas pa med pa'i yang de'i rnam pa yin pa de'i tshe na re zhig de don 'dzin pa ma yin no/ /yul gzhan du mthong ba

  146. 73b

    'dzin pa yin no zhe na/ gal te de'i tshe yul gzhan yang med na ji ltar snang/ gang na yod pa der snang ngo zhe na/ gal te gang na yang med na thabs ci yod/ gdon mi za bar 'ga' zhig na yod par ni snang ba nyid las shes te/ don med na snang ba mthong ba'i phyir 'brel pa las de ltar rtogs so zhe na/ de lta na 'o na ma mthong ba de ji ltar snang/ de yang skye ba gzhan la sogs par mthong ngo zhe na/ ma yin te/ nges pa med pa'i phyir ro/ /ma mthong ba'i yang snang bar 'gyur ro zhe na/ de lta na 'o na/ yul la sogs pa gzhan du ni/ /ma mthong bar don du ni/ /snang na thams cad de yi tshe/ /thams cad thams cad rig par thal/ /ma mthong yang yul la sogs pa ?? gnas pa snang na thams cad thams cad rig par thal lo/ /gnas skabs kyi khyad par med par snang ba ma yin te/ rab rib la sogs las snang ba yin no zhe na/ ma yin te/ rab rib thams cad la thun mong ma yin pa'i phyir thams cad snang bar thal lo/ /gzhan yang/ rab rib mthong bar nyams par byed pa de nyid mthong ba'i rgyu yin la/ /mthong ba'i rgyu yin pas thams cad mthong bar thal lo/ /gang snang ba de nyid kyis mthong ba bskyed do zhe na/ 'o na ma mthong ba nyid snang bas med pa de nyid kyi mthong bar bskyed par 'gyur ro/ /don med pa'i mthong ba ni snang ba med do zhe na/ rung ba'i yul gyi gnas skabs med par yang snang ba med do/ /de nyid kyis ma nges so zhe na/ gnyi ga la yang mtshungs so/ /de nyid don yin no zhe na/ ma yin te/ don nyid med pa'i phyir ro/ /de lta bur gyur pa nyid don yin no zhe na/ thams cad de ltar 'gyur ro/ /'jig rten pa ma yin pa'i nyid na thams cad 'jig rten pa ma yin pa nyid do/ /mthong ba las ma gtogs pa'i khyad par gzhan ni med do zhes bstan zin to/ /thob pa'o zhe na/ gzhan gyi mthong ba la sogs pa yang bshad zin to/ ji ltar dang pa'i shes pa de/ /thob pa la ni bltos pa bzhin/ /de thob pa yang thob pa la/ /bltos phyir thug pa med par 'gyur//

  147. 74a

    gal te 'ga' zhig rang nyid las/ /thob pa'i ngo bor 'dod na ni/ /dang po'ang de lta'i dngos yin phyir/ /thams cad mtshungs pa nyid du 'gyur/ /'on te thob pa sngon gyi ni/ /thob pa'i ngo bos bden na ni/ /phan tshun brten phyir cig bden pa/ /min pas gnyi ga der 'gyur ro/ /'on te rgyu ni dag pa'i phyir/ /shes te bden pa yin zhe na/ /de yi shes pa'ang bden pa nyid/ /de rgyu dag pa las yin te/ /de ltar gcig la gcig rten phyir/ /thug pa med par thal bar 'gyur/ /smig rgyu'i chu la bag chags las/ /des na de kun de ltar zhes/ /rtog pa la ni 'khrul pa med/ /thog mar 'brel pa'i bag chags dang/ 'brel pas sngo? sogs la sogs pa/ /'jug pa gang yin de la ni/ /de la nyes pa mthong ba med/ /gal te shes pa'i bdag nyid rang rig pa yin na/ /bag chags dang 'brel par yang ji ltar 'gyur/ /gal te 'brel pa rang bzhin las/ /tha dad yin pa gang gis 'dzin?/ /gal te de ni rang bzhin nyid/ /yin na ming tsam byas par 'gyur/ /gal te 'brel pa dang yul ring gi ngo bo las tha dad pa'i bdag nyid yin na/ /de'i tshe tha dad par gyur par bzung bas rang rig pa ma yin no/ /tha dad par gyur pa ma yin no zhe na ni/ /'o na ni 'brel pa can gnyis nyid du zad kyis 'brel pa ni med pa'i phyir 'brel pa 'don pa mi srid do zhe na/ de yang ma yin te/ gang gi phyir/ 'di ni bag chags dang 'brel par/ /bde blag tu ni rtogs pa yin/ /ngan pa rnam shes snga ma dang/ /'brel pa nyid du rtogs par byed/ /dran pa'i nye bar skye ba nyid ni bdag nyid nyams su myong ba dang 'brel par rtogs par byed do/ /de'i zhen pa'i dbang gis de skad brjod do/ /'o na dran pa med pa la ji ltar bag chags dang 'brel par rtogs/ 'di ltar/ myong ba yod na bdag gis de/ /mthong zhes de ltar dran par 'gyur/ /dran pa med par bdag nyid ni/ /shes pa 'ga'

  148. 74b

    yang yod ma yin/ /dran pa nyid 'di mthong ngo zhes nges par rtog gi de lta ma yin na mthong nges bar brtag par mi nus pa'i phyir ro/ /dran pa med pa'i rig pa ni mthong pa'i rjes su 'brang bar rtogs pa med de/ des na de bag chags dang 'brel par ji ltar rtogs she na/ de la yang mthong ngo zhes rtogs pa'i phyir ro/ /de ni dran pa dang lhan cig gcig tu byas nas rtogs pa'i phyir de de lta ma yin na/ tha snyad mi rung ba'i phyir ro/ /dran par bya ba dang blta bar bya ba dag gcig tu rtogs pa yin te/ des na thams cad bag chags dang 'brel pa nyid do/ /'on te mthong ba dang dran pa gcig tu rtogs pa ni 'khrul pa yin no zhe na/ ma yin te/ gnod par byed pa med pa'i phyir ro/ /sngon mthong ba de nyid 'dir dran no zhes bya ba yin no/ 'di la ni gnod par byed pa med do/ /de bas dran pa lhan cig gcig yin no/ /'on te sngon gyi rang bzhin ni dran pa'i rnam pas 'dzin pa ma yin na/ de lta yin na snga ma dang phyi ma gnyis tha dad par ji ltar rtogs/ des na tha dad pa med pa nyid do/ /de ltar gyur na dge ba'i bdag nyid du shin tu gsal lo/ /gzhan yang/ phyi'i dngos po la rgyu 'bras kyi dngos po nges par bya mi nus pa'i phyir ro/ / 'di ltar/ phyi rol sngon mthong med pa'i phyir/ /ji ltar rnams shes 'bras bu yin/ /rnam shes bltar rung yin pa'i phyir ro/ /rnam shes 'bras bu yin par rig /de bzhin du/ yul dang dus sogs gnas skabs las/ /de 'bras gzhan du skye ba'i phyir/ /rgyu dang 'bras bu'i nges pa ni/ /'thad par 'gyur ba ma yin no/ /rig pa'i phyogs la ni/ /rig pa sngon gyi rig pa nyid las skye'o/ /gal te du ba me med par 'byung ba de lta na yang du ba'i bag chags las 'byung ba'i phyir rgyu med pa can ma yin no/ /chung? snang ba yang ste/ sbrang bu'i tshogs dang/ smig rgyu la du ba dang chu bzhin no/ /phyi rol nyid bag chags las 'gyur ro zhe na/ phyi rol 'di ni 'dod pa yin te/ bag chags kyi stobs las 'byung ba'i phyir ming? tsam byas par 'gyur ro/ /de yang 'jig rten nyid gyis yin pas

  149. 75a

    khyed kyis skyes bu byed pa ci yod/ /gal te bag chags kyi 'bras bu nyid du snang ba med pa yin nam/ ji ltar bag chags kyi 'bras bu yin zhe na/ ci du ba glo bur ba las me tog pa la me'i 'bras bu snang ba yod dam/ brtags pa las 'gyur ro zhe na/ bag chags kyis 'bras bu nyid la yang mtshungs so/ /skye ba gzhan la sogs pa'i bag chags sad pa yang srid pa'i phyir te/ rgan po la byis pa'i rtsed mo rmi ba srid pa bzhin no/ /de'i phyir/ skye ba gzhan la sogs par ni/ /mthong ba snang ba yin zhes brjod/ /bag chags stobs las byung ba nyid/ /snang ngo zhes ni rnam par nges/ /des na snga ma snga ma yi/ /rnam par shes pa snang ba yin/ /rnam shes las ni phyi rol pa/ /kun tu phyi rol nyid du bstan/ /rmi lam mthong rnams gcig la ni/ /sna tshogs su ni snang ba 'di/ /thogs med bag chags dang 'brel bas/ /dbang du byas pa'i sems yin no/ /'bras bu yin phyir 'bras bu kun/ /bag chags dang ni 'brel pa yin/ /rdza mkhan la sogs 'bras bu yang/ /rmi lam mthong ba'i 'bras bu bzhin/ /gtso bo dbang phyug las dang ni/ /gzhan yang btags pa gang yin pa/ /de ni bag chags 'brel pa la/ /rmongs pa'i sems kyis g.yo ba yin/ /de ni gtso bo rnams kyi gtso/ /de bzhin dbang phyug rnams kyi ni/ /dbang phyug 'gro kun byed po de/ /lha'i mchog ni bag chags yin/ /de lta min na 'gro ba yi/ /byed po rtogs pa dang ldan pa/ /ci rung ba ni gnas pa dang/ /sgyo chen 'jug pa ji ltar byed/ /rang dbang du gnas nus pa dang/ yongs su shes pa thod thod du/ /gal te 'jug par byed na go /gang la gang gis bslab par bya/ /'di ni rang don skye ba la/ /lung 'gogs byed pa nyid yin na/ /byed po ngang tshul mi sdug pa/ /de la rig pa smra bas su/ /ci rung ba ni bsgrub byas te/ /gal te legs pa sgrub byed na/ /mi gtsang 'khru bar byed pa bas/ /ma reg par ni bsrings pa mchog /gzhan du byed par mi nus na/ /'di

  150. 75b

    la nus pa ji ltar 'dod/ /bag chags stobs las de yang ni/ /re las de ltar 'jug pa yin/ /de ltar gtso bo dbang phyug dang/ /byed po smra ba'i chu klung ni/ /myur 'bab 'jug rnams tshad med pa/ /bag chags rgya mtshor zhugs zad 'gyur/ /rmongs pa legs pa'i thabs rnams kyi/ /bag chags nyid ni bsten pa mchog /de nyid las ni 'dod pa kun/ /rab tu 'grub par 'gyur ba yin/ /de bas na ji ltar don 'dzin ces de la dri bar mi bya ste/ de'i bsam pa mthar thug pa bstan pa'i don ni 'di yin no/ /des ni khyed la 'dra? ba rnam pa thams cad du sgrub par mi nus so/ /shin tu nyes par byas pa la/ /sgrub par nus pa su zhig yod/ /sa bon shin tu rul pa la/ /chun pa yis ni ci zhig bya/ /gal te gzung ba dang/ /'dzin pa'i rnam pa nyid med pa yin na/ de lta bu'i tha snyad du ji ltar 'gyur zhe na/ 'di yang khyed kyis kun tu rmongs pa tsam du zad do/ /gzung ba la sogs pa'i tha snyad kyang rig pa ni ma yin no/ /myong ba'i rang bzhin du chud pa'i phyir ro/ /tha snyad ni de'i bdag can nyid do zhes bya ba'i don to/ /'di ltar blo bdag rnam par dbyer med kyang/ /mthong ba phyin ci log rnams kyis/ /gzung dang 'dzin pa myong ba dag? /tha dad ldan bzhin rtogs par 'gyur/ /dper na dbang po sngags sogs kyis/ /bslad pa rnams la 'jim? du ma sogs/ /de yi gzugs dang bral ba yang/ /rnam pa gzhan du snang ba bzhin/ /blo bdag rnam par dbyer med kyang/ /zhes bya ba 'di ni rang rig pa'i mngon sum gyis grub pa nyid do/ /de ltar yang bstan zin to/ /mthong ba phyin ci log pa rnams kyis kyang gzung ba la sogs pa'i rang bzhin gzung ba ni ma yin gyi/ 'on kyang rtogs pa nyid do/ /nga med kyang gzhan gyis mthong ba yin no zhes log par sgro btags nas de ltar tha snyad byed de/ 'di da ltar mthong ba ni da yin te/ phyi rol ni gzhan gyis mthong bar 'gyur ba nyid do zhes so/ /'di ltar ni dpyod par mi byed de/ gzhan gyis mthong ba gang yin pa de dag gis ji ltar mthong

  151. 76a

    bar 'gyur/ gzhan gyis kyang 'di ltar shes pa ni ma yin te/ de'i de yang bdag gi myong ba bzhin du thun mong ma yin pa nyid do zhes bya bar ro/ /'on te de yang bdag gis mthong ngo zhes rjes su dpag pa nyid las shes pa yin no zhe na/ de lta yin na phan tshun rten pa'i nyes par 'gyur ro/ /'bras bu mthong ba las 'gyur ba'i phyir ro zhe na ma yin te/ gcig nyid du mi rtogs par thal ba'i phyir ro/ /du ba las me shes pa na tshang bar? na yod pa nyid ni shes pa ma yin no/ /du ba gzhan yin pa'i phyir ro zhe na/ spu ldang ba la sogs pa'i 'bras bu yang gzhan yin pa'i phyir gzung pa'i rnam pa gzhan dang gzhan yin no/ /gzhan yang spu ldang ba la sogs pa ni myong ba las yin gyi/ don las ni ma yin no/ /mthong ba gnyis kyang mthong bas 'dres par gyur pa ni mi rtogs te/ de lta ma yin na/ rjes su dpag pa la ltos par mi 'gyur ro/ /mngon sum la ni rjes su dpag pa 'jug pa med do/ /gal te ngo bo nyid mngon sum yin gyi/ gzhan gyi mthong ba nyid ni de la mngon sum ma yin te/ des na rjes su dpog pa yin no zhe na/ gzhan gyis mthong ba nyid de la yod do zhes bya ba 'di la yang tshad ma med pa nyid ma yin nam/ de nyid kyi phyir the tshom za'o zhe na/ de lta na ni 'o na sngon po'i rang bzhin du mthong ba la yang ser po'i rang bzhin nyid du the tshom ba ba'i yul du ci ste mi 'gyur/ byis dmigs par 'gyur ba'i me la me'i rang bzhin nyid yod do zhes bya ba las phyis dmigs pa nyid las so/ /'dir ni gzhan gyi mthong ba nyid la byis kyang dmigs pa 'jug pa ma yin no/ /gal te gzhan gyis mthong ba nyid du ma rtogs na tha snyad nyid med par 'gyur ba ma yin nam/ ma yin te/ 'dra ba tsam gyis tha snyad rab tu 'grub pa'i phyir ro/ /gcig nyid med par tha snyad mi 'gyur ro zhes bya ba 'di ga las yin/ gal te lkog tu gyur pa la rjes su dpag pa 'jug na ni gcig? nyid la yang

  152. 76b

    'jug go /ma yin no zhe na ni/ 'dra ba la yang ji ltar zhe na/ 'di ni bden te 'dra bar yang ga las rjes su dpog/ 'di ni mthong ba dang rnam par brtag par bya ba'i don gcig tu byas pa tsam gyis tha snyad tsam 'ba' zhig tu zad do/ /don dam par ni rjes su dpag pa rang gi ngo bo tsam la dmigs pa yin no/ /ji ltar yul lkog tu gyur pa nyid yin zhe na/ ma yin te/ shes yul lkog tu gyur par ji ltar rig/ gal te der snang 'dir ni lkog gyur ci/ /ci ste snang ba spangs pas lkog don na/ /des rtogs zhes 'di dag tshul rkyang pa nyid/ /de las mi bslu ba'i phyir na de/ /gal te rtogs zhes 'dod na ni/ /thob pa yod pa'i phyir de der/ /thob pa'i dus su yod par brjod/ /sngar go de ni dngos yod par/ /tshad mar gang gis rtogs pa 'gyur/ /de tshe rtogs pa de nyid ni/ /dngos yod min par 'gyur ba yin/ /rjes dpag med na 'byung ba yi/ /dngos po yod par ji ltar rtogs/ /thams cad du ni 'byung pa yi/ /rang bzhin rtogs zhes nges pa yin/ /gal te da ltar 'byung 'gyur ba/ /gnyi ga 'ang rtogs pa yin zhe na/ /rang bzhin gcig nyid du rtogs pa/ /ji ltar byung dang 'byung 'gyur yin/ /des na rjes su dpag pa las/ /don dam du ni rtogs pa med/ /lkog gyur bum pa med ce na/ /ji ltar phyi nas rtogs par 'gyur/ /gal te de tshe nyid skyes na/ /rgyu med par ni ji ltar 'gyur/ /de lta nyid du mthong ba'i phyir/ /'di la dri ba ci zhig yod/ /mthong phyir de ni sngar yod pa'i/ /dngos por ci yi phyir mi brtag /de ltar mthong ba min des na/ /de ltar brtag par bya ba min/ /ci ste gzhan gyis mthong ba ni/ /rjes dpog med na de bzhin te/ /yod ces gzhan gyis ji ltar shes zhes bya ba'ang lan du rung ma yin/ gang gi phyir/ gzhan yang gzhan gyi shes so zhes/ /de ltar rtogs par 'gyur ba min/ /de yang rjes su dpag pa yin/ /shes na phan tshun brten par 'gyur/ /gzhan dang thun mong bar shes na/ /de'i ni yod ces brjod pa yin/ /de yang nyid na 'brel pa'i

  153. 77a

    phyir/ /rjes su dpag pa tshad ma nyid/ /des na yod cing mngon sum gyis/ /shes na de la rjes dpog 'gyur/ /rjes su dpag pas yod pa nyid/ /shes na'ang mngon sum gyis de 'dzin/ /de ltar phan tshun brten pa'i phyir/ /gcig kyang srid par mi 'gyur ro/ /gzhan duAng phan tshun brten pa na/ /'ga' yang yod par ma mthong ngo/ /de'i phyir thog ma med pa can gyi de lta bu'i rjes su dpag pa brgyud pa 'jug pa'i rjes su dpag pa la brten nas phyi'i don rtogs pa na 'jug pa dang 'dzin pa dang myong ba'i rnam par rtog pa 'jug pa'i phyir gzung ba la sogs par rtog pa yin gyi/ /don dam pa de ni rnam pa de dbye ba med pa'i myong ba nyid do zhes gnas so/ /khyed kyi rtogs pa 'di ga las shes na/ sngags dang rgyud la sogs pa nye bar bsgrubs pa'i mig can rnams la/ 'jim du ma la sogs pa de'i rang bzhin dang bral ba rnams kyang sprul la sogs pa'i rang bzhin du snang ba'i phyir ro/ /de dag ni ji srid du de dag ma rtogs kyi bar du gzhan gyis ma mthong ba yang mthong ba nyid du tha snyad byed do/ /gal te rang gi rang bzhin gang yin pa de de kho na bzhin mngon sum du rig na ni bstan pa la bltos par ma 'gyur ro/ /mngon sum yang bstan pa la bltos nas de ltar 'gyur ro zhe na ma yin te/ rjes su dpag pa'i nus pa mthong ba'i phyir ro/ /mngon sum nyid nus pa yin no zhe na/ ma yin te/ rjes su dpag pa tshad mar thal bas ma yin pa'i phyir ro/ /de mngon sum nyid la rab? mod ce na/ 'o na ni mngon sum yin yang de nyid bag chags kyi stobs las byung ba yin pa'i phyir don dam pa nyid ma yin no/ /gzhan yang bzlog pa la yang rjes su dpag pa yod pa nyid pas de ji ltar gnyi ga rjes su dpag pa yin/ phyogs gnyi gar 'gyur mod ce na/ ma yin te/ skyes bu so sor dngos por rnam par gnas

  154. 77b

    par thal ba'i phyir ro/ /'gyur mod? ci skyon zhe na/ de nyid rang rig pa yin par 'gyur te/ phan tshun ma 'dres pas na thun mong ma yin pa'i phyir ro/ /de'i phyir gzhan gyis de ltar ma rtogs pa de lta na yang thun mong ba nyid du rtogs pa yin no/ /'on te gzhan gyis ma rtogs so zhes bya ba 'di nyid ga las/ rjes su dpag pas so zhe na/ 'o na ni bzlog pa la yang rjes su dpag pa 'jug par 'gyur ro/ /bzlog pa la yang rjes su dpag pa med do zhe na/ ji ltar gcig nyid dang 'brel pa ma rtogs pa'i phyir ro/ /'dra ba rjes su dpog pas kyang don byas pa nyid do/ /'dir ni ma mthong ba dang rjes su mthun pa'i bya ba mthong bas na/ nges par ma mthong bas rjes su dpog par byed pa nyid do/ /'di yang pha rol po nyid kyis khas blangs pa yin te/ de dag ma bslang mig can gyis/ /de ltar mthong ba med phyir ro// dper na thag ring mya ngan na/ /chung nguAng chen por snang ba bzhin/ /de bzhin du 'di ni chen po nyid do zhes rtogs pas de don du gnyer ba nyid kyis nye bar 'gro ba thun mong ba nyid do zhes bya bas/ gal te don de gzhan gyis kyang mthong ngo zhes bya ba yin na de lta na gzhan gyis khas blangs pa yin no/ /de'i phyir gzhan du rjes su dpag pas mthong ba de dang bar bya ba nyid yin te/ de ltar rjes su dpog pa ni skye ba mdza' dag la grags pa yin no/ /de kho na mthong ba rnams ni gzhan gyis khas blangs pas so/ /yang na gang zhig ji ltar rtogs pa de 'dra ba nyid las gzhan rtogs pa la skabs ci zhig yod/ /rjes su dpog pa yang rang gi rnam pa tsam gyis mthar thug pa yin pas na mngon sum nyid do/ /gal te 'dir mthong ngam mthong yang bla ste phyi rol yang yod pa nyid do zhes tha snyad pa rnams kyis rtogs pa ma yin nam zhe na/ de yang rang gi bdag nyid la zhugs pa yin te/ ji srid mngon sum du mngon par 'dod pa'i bar du rang gi bdag nyid la zhugs pa yin pa'i phyir/ /phyi rol tu gyur pa'i dngos po gzhan ni rtogs pa med do zhes bya bar des so

  155. 78a

    gzhan yang thun mong du rtogs pa yang goms pa'i stobs nyid las yin te/ dper na rmi lam bzhin no/ /'o na ji ltar gzhal bya dang tshad ma dang 'bras bu rnam par gnas pa yin zhe na/ 'dir brjod pa/ gzung ba 'dzin pa rig pa dag /yod ba yin yang gzhal bya dang/ /'jal byed 'bras bu gnas pa 'di/ /ji ltar rjes su snang bzhin byas/ /rtogs pa'i dngos po de nyid de la yod pa yin no zhes rtogs pas na gzung ba dang rang gi rang bzhin gzhan la mi ltos pa'i phyir 'dzin pa ste/ rang nyid de ltar gyur pa'i phyir ro/ /rtogs pa'i rang bzhin ni rig pa yin no zhes nyams su myong ba las skyes pa'i rnam par rtogs pas tha snyad du rnam par 'jog pa yin no/ /rjes su snang ba ni mthod pa dang mthun pa'i rnam par rtog pa'o/ /yod pa min yang zhes bya ba ni/ gzung ba 'dzin pa dang/ rig pa rnams yod pa nyid dang ldan pa'i yul la yod pa ma yin pa'o/ /yang gzung ba la sogs pa thun mong ba la sogs pa'i 'dzin pa la yod pa ma yin pa'o/ /lhag ma ni gzhan dag gis bshad pa nyid do/ /de'i phyir don dam par myong ba 'ba' zhig yin gyi/ gsum ni ma yin no/ /gal te mdza' dag bdag gi rnam par 'gyur ba nyid yin pa'i phyir ci ste yod pa ma yin/ gal te de nyid las ma nyams na yang rnam par 'gyur ba de dag tha dad pa yin no zhe na/ de dag bshad par ni/ de lta min na sna tshogs kyi/ /ngo bor snang can dngos gcig la/ /rnam pa ji ltar bden 'gyur te/ /gcig pa nyid de nyams phyir ro/ /gal te gcig yin na ji ltar sna tshogs su snang/ gal te sna tshogs su snang na ni gcig pa nyid nyams par 'gyur ro/ / 'di ltar/ gzhan la gzhan nyid nyams phyir dang/ /rang bzhin mthod med phyir gcig min/ /blos dngos tha dad med mthong phyir/ /tha dad med par nges par 'gyur/ /gzhan gyi de nyid kyang 'di kho na yin te/ /tha dad par snang ba gang yin pa'o/ /gzhan

  156. 78b

    du ni gzhan la yang de nyid med par 'gyur ro/ /mi 'dod pa nyid do zhe na/ de lta na ni 'o na rang bzhin tha dad par snang ba ni ji ltar tha mi dad par khas len/ gal te khyed tha dad pa mi 'dod du zad mod/ /de mi snang yang khas blangs par ji ltar 'gyur/ rang bzhin tha mi dad pa mthong na ni khas len pa legs pa nyid do/ /gal te tha dad pa de dag thams cad rang gsal ba'i rang bzhin yin na thams cad bden pa nyid do/ /'on te mi gsal ba'i rang bzhin yin na/ ji ltar mi gsal ba gsal ba dang tha mi dad pa yin/ bdag bzhin du gsal ba nyid yin na ni bden pa nyid du 'gyur te/ bdag nyid bzhin no/ /gsal ba'i rang bzhin nyid ni bdag gi rang bzhin yin pas nges na mdza' dag nyid du 'gyur ro/ /de'i phyir yongs su gyur pa nyams so/ /'on te mang po nyid 'khrul pa yin no zhe na/ de lta yin na cung zad kyang ma yin par gyur pas mdza' dag stong pa nyid du 'gyur ro/ /'khrul pa zhes bya ba yang bdag las tha dad pa yod pa ma yin no/ /'khrul pa zhes ming du btags pas kyang ci dgos/ /'khrul pa med na ni 'di mdza' dag med par 'gyur ba'i phyir tha dad pa ni de nyid ma yin no/ / des na de kho na ma yin pa snang ba'i rgyu mtshan 'khrul par rnam par gzhag pa yin no/ /'di ni 'khrul pa nyid min na/ /bzlog bya nyid du 'grub ma yin/ /bzlog bya nyid du shes pas kyang/ /'khrul pa nyid ces rtogs pa yin/ /'khrul pa nges pa la brten nas/ /bzlog pa la ni 'jug par 'gyur/ /de las bzlog phyir 'khor lor ni/ /'gyur ba 'di ni gang gis 'jil/ /de'i phyir/ gang gis dngos po rnam dpyad na/ /de nyid du na de dngos med/ /gang gi phyir na de dag la/ /gcig dang du ma'i rang bzhin med/ /gcig ni yod pa ma yin te/ /du ma nyid du snang ba'i phyir ro/ /myong ba ma yin pa ni snang ba ma yin pa'i phyir de ni myong ba'i bdag nyid du 'gyur ba yin no/ /rang rig pa nyid la yang du ma mi rtogs pa'i phyir ro/ /'on te rtogs pa de'i nang du chud ba'i phyir na/ de'i nang du chud pa nyid mi

  157. 79a

    rtogs pa yin no/ zhe na/ de yang brjod par nus pa ma yin no/ /yang na sna tshogs kyi rnam pa gcig gam du ma ni med pa nyid do/ /'o na tha dad par ji ltar snang zhe na/ tha dad pa ni snang ba ma yin no zhes bstan zin cing ston par yang 'gyur ro/ /yang na tha dad pa'i rang bzhin nam/ de lta ma yin pa mdza' dag ni goms pa'i stobs nyid las snang ba yin pa'i phyir na mi bden pa nyid do/ /sgom par byed pas phyin ci log tu bsgoms pas bzlog par nus pa'i phyir na/ bzlog par nus pa nyid yin par nges pas na mi bden pa yin no/ /gal te/ chos mthun pa nyid mthong ba las/ /de bdag min la de bdag tu/ /zhen pas 'jig rten pa dag gi 'khrul skyed de la de med de/ /'gro ba 'di la de bdag nyid/ /gcig kyang mthong ba med phyir ro/ /'di la brjod pa/ chos mthun pa mthong ba nyid las 'khrul pa ma yin te/ nang gi bslad pa las byung gang/ /de ni nyes pa las byung bas/ /rang bzhin gyis ni phyin log tu/ /snang ba can 'di 'ang yod pa yin/ /chos mthun mthong sogs can nyid la/ /bltos med rab rib la sogs bzhin/ rab rib kyis mig bsgribs pa rnams la sbrang bu dang sha brang la sogs pa mthong ba gzhan gyi stobs las skye ba ni ma yin te/ 'on kyang nang gi rab rib kyi rgyu nyid las yin no/ /gal te rab rib la sogs pa las skye ba yang dngos po'i stobs nyid las yin gyi/ goms pa'i stobs las ni ma yin no zhe na/ /nang gi rgyu tsam zhig brjod par 'dod pa yin no/ /thams cad la khyab pa'i nang gi rgyu ni bag chags nyid yin te/ rmi lam la sogs pa'i rtogs pa bzhin no/ /bag chags de ni rnam pa ci zhig ltar sad pa na rang dang rjes su mthun pa'i rtogs pa skye ba'i rgyu yin no/ /de la chos mthun pa mthong ba'i ni mthong ba snga ma snga ma nyid yin no/ /gang gis 'di 'khrul par 'gyur ba dang po ci zhig mthong/ /mthong na de ji ltar mthong zhes brjod par bya/ des na de dang mtshungs pa'i phyir thams cad ma 'khrul pa nyid

  158. 79b

    do/ /'on te de lta ma yin par mthong na ji ltar 'khrul pa thams cad chos mthun pas mthong ba las yin zhes bya ba ma yin te/ 'di ni 'khrul pa brgyud pa nyid de/ 'di la dang po ni yod pa ma yin no zhes bstan pa yin no/ /de'i phyir 'khor ba 'di ni thog ma med pa'i yang dag pa ma yin pa'i bag chags kyis btags pa yin no/ /ji ltar rang gi bdag nyid la tshad ma la sogs pa rnam par gzhag ce na/ de la blo ni yongs gcod pa/ /'dzin pa'i rnam par 'dod pa de/ /de yi bdag nyid phyir bdag rig /de phyir de de'i sgrub byed yin/ /de nyid bsgrub bya de nyid sgrub byed de nyid grub pa yin no/ /de la 'dod chags sogs rig bzhin/ /rang bdag yul can tshad ma la/ /gzhal bya 'jal byed 'bras gnas pa/ /'di ni kun la sbyar bar bya/ /bde ba la sogs pa gongs pa'i stobs las skyes pa ni rang rig pa'i rang bzhin no zhes bstan zin to// bde ba la sogs pa myong ba ni mngon sum tshad ma yin la/ de la tshad ma dang gzhal bya rang rtogs pa ni tha dad pa med pa nyid du rnam par gnas so/ /de kho na nyid 'di ni rnam pa bzhir yongs su rdzogs pa yin te/ 'jal bar byed pa po dang/ gzhal bya dang/ tshad ma dang/ rtogs pa'o/ /zhes gang rjod pa de ni bden pa ma yin te/ gcig nyid du thams cad yongs su rdzogs pa'i phyir ro/ /gal te bde ba la sogs pa tha dad pa ma yin du chug mod/ ser po la sogs pa ni tha dad pa kho na'o zhe na/ ma yin te/ gzhal bya dang tshad ma dang/ 'bras bu gnas pa 'di nyid thams cad la sbyar bar bya ba yin no/ /bde ba la sogs pa myong ba ji lta ba de bzhin du/ sngon po la sogs pa myong ba yang yin no/ /sngon po'i rnam pa zhe 'am bde ba'i rnam pa zhes bya bar 'gyur mod/ /'di la khyad par ci yod gnyi ga yang rang gi ngo bos rig pa'i phyir ro/ /des na sngon po dang/ bde ba dang/ lus kyi rig pa mdza' dag ni rang gi ngo bos yin gyi/ gzhan gyi ngo bos ni ma yin no/ /gal te thams cad rang gi ngo bos yin na ni/ rang rig pa kho na'o/ /gal te sngon po la sogs pa rig pa la bde ba

  159. 80a

    la sogs pa ltar 'dzin pa'i rnam pa bdag nyid du gyur pa ma yin nam/ de ji ltar dpe yin zhe na/ bde ba la sogs pa la ji ltar/ rang nyid gsal ba'i bdag nyid yin pa'i phyir bdag bzhin no zhe na/ gsal ba'i bdag nyid ces bya ba 'di ci zhig lkog tu ma gyur pa'i rang bzhin nyid do/ /gal te de lta na/ de la'ang nyams myong bdag nyid phyir/ /de dag rang bdag myong bar 'gyur/ /de lta rung nyid de tshad bdag /gzhal bya rang rig 'bras bu yin/ /sngon po la sogs pa de dag kyang lkog tu ma gyur pa'i rang bzhin yin pa'i phyir nyams su myong ba'i bdag nyid yin no/ /des na bde ba la sogs pa bzhin du rang rig par rung ba yin no/ /sngon po la sogs pa de dag kyang gzhan gyi rang bzhin gyis ni lkog tu ma gyur pa ma yin no/ /gal te mig la sogs pa'i dbang gis sngon po la sogs pa lkog tu ma gyur pa nyid ma yin nam zhe na/ ma yin te/ rang gi ngo bo kho nas lkog tu ma gyur pa yin pa'i phyir ro/ /gang gi phyir mig 'jug pa de'i phyir sngon po lkog tu ma gyur pa ni ma yin te/ mig 'jug kyang res 'ga' lkog tu ma gyur par mi 'gyur zhing/ ma zhugs kyang lkog tu ma gyur pa nyid srid pa'i phyir ro/ /'di ltar/ chags sogs gyur na mi 'jug kyang/ /rang gi rang bzhin mi snang phyir/ /gzugs la sogs pa rnam pa ni/ /gzhan nyid du ni snang ba yin/ /gal te mig la sogs pa las byung ba mngon du phyogs par byed kyang yul rang gi ngo bos mi snang na 'di ji ltar lkog tu ma gyur pa yin te/ rang gi ngo bos snang ba nyid lkog tu ma gyur pa yin no/ /'on te mig gi nyes pa 'di ni goms pa'i dbang gis yin no zhe na/ gal te mig sogs las byung ba/ /goms las gzhan du rtogs na ni/ /sngon po la sogs snang ba kun/ /goms pa yi ni stobs las yin/ /bag chags kyi myong ba rnam grangs can goms pa nyid mig la sogs pa las byung

  160. 80b

    ba'i rgyu yin na/ de'i tshe sngon po la sogs par snang ba mdza' dag bag chags kyi stobs las byung ba nyid do/ /gal te rnam pa gzhan du snang ba'i rgyu bag chags yin gyi/ rang gi ngo bor snang ba ni bag chags med par 'byung ba'i phyir mig la sogs pa dang 'brel pa yin no zhe na/ ma yin te/ phan tshun bltos nas thams cad rnam pa gzhan nyid yin pa'i phyir ro/ /des na du ma snang ba na gang rang gi rang bzhin yin pa mi shes so/ /snang ba tshad ma yin te/ gal te de 'khrul na yid brtan pa ga las yin/ des na snang ba dag ni mdza' dag kyang/ /bag chags dngos pos sprul pa yin/ /rang bzhin du ni mngon 'dod las/ /gzhan snang ba'i rang bzhin bzhin/ /gnod bya gnod byed kyi dngos po ni sngar bstan zin to/ /de'i phyir phyi rol gyi don la yang rang rig pa nyid 'bras bu min la de'i rnam pa ni tshad ma yin no/ / gal te shes pa rnam pa dang bcas pa zhes bya ba ni 'thad pa ma yin te/ 'di ltar/ gal te me long ltar gsal ba/ nye bar bzhag pas bsgyur phyir na/ /de tshe mig sogs snang 'gyur na/ /de ltar yang ni mthong ba med/ /me long la ni ji srid pa/ /nye bar de kun snang 'gyur ba/ /de phyir gzugs sogs thams cad ni/ /snang ba nyid du thal par 'gyur/ /'on te mig ni me long bzhin snang ba yi ni rgyu yin na/ /me long sogs bzhin der shar ba/ /chen po min par mthong bar 'gyur/ /des na rang bzhin ci 'dra dang/ /tshad ci yin pa shes mi 'gyur/ /ling tog la sogs mig nad kyi/ /mdog kyang gzhan du snang ba nyid 'on te mig 'bras nas thon te/ /gzugs sogs la ni zhugs pa yis/ /che sogs rang gi rang bzhin la/ /'dzin par byed pa skye 'gyur na/ /gal te mar me snang ba dang 'brel las ngo bo khyad par can/ /skyes pas rang bzhin rig 'gyur na/ /mar me snang ba dang 'brel bzhin/ /'gyur min de na gzhan gyi ni/ /byed yod pas na thug med 'gyur/ /'on te rang bzhin rig de'i tshe/ /de dag ji ltar 'od zer yin/ /des na shes pa? don

  161. 81a

    gnas pas/ /de yi rnam par 'jug pa yin/ /de las skyes tsam las shes na/ /kun gyis rnam par thal bar 'gyur/ /gal te gang las de skyes pa/ /de nyid rnam pa can 'gyur na/ /mig rnam yang 'gyur de la snang ba// gang phyir rig pa skyes phyir ro/ /'di la bshad pa yul rnams las ni byung ba yi/ /rnam par shes pa thams cad dag /de las gzhan rgyu yin na yang/ /rnam 'gas yul gyi rnam par 'gyur/ /gang las skye ba de nyid kyi rnam par 'gyur ba ni ma yin te/ 'di ltar dper na zas dang dus la sogs/ /bu skye ba yi rgyu yin yang/ /de ni pha ma gcig gi gzugs/ /'dzin 'gyur gzhan 'ga' i ma yin bzhin/ /de las byung ba'i bu ni pha ma gnyi ga dang yang mtshungs pa'i rnam pa ni 'dzin pa ma yin gyi/ /'on kyang 'ga' zhig nyid kyi'o/ /de'i phyir don nyid las don gyi rnam pa yin no/ /'di ltar/ thag ring yul rnams shing las ni/ /rnam shes de yi rnam par ni/ /skyes 'gyur dbang po'i rnam par ni/ /min rzhes bya kun tshe mthong/ /de las gzhan dang yul dag ni/ /de rgyu nyid du mtshungs na yang/ /de chas yul ni yin 'dod de/ /de med par ni der mi 'gyur/ /rgyu nyid kyis ni yul ma yin gyi/ /'on kyang rnam par shes pa de'i rnam par 'gyur ba'i rgyu nyid kyis so/ /rgyu nyid kyi yul yin na ni mig la sogs pa yang yul nyid du 'gyur ro/ /de'i rnam pa nyid kyis yin na smig rgyu la sogs pa la chur shes pa'i yul du yul gzhan na gnas pa'i chur yang 'gyur ro/ /des na gnyi ga la brten to/ /de med na ni yul du mi 'gyur ro/ /rnam pa med par ni rtogs pa'i rang bzhin gyi rnam par shes pa myong ba nyid dam/ de lta ma yin yang bla ste/ de'i rnam pa'i yul rnam par 'jog par nus pa ma yin te/ rtogs pa dang gzhan pa'i gnas skabs dag mi rung ba'i phyir ro zhes bstan zin to/ /gal te de rtogs

  162. 81b

    na gzhan gyis ci bya ste/ don med pa'i phyir ro/ /'on te ma rtogs na de'i tshe yang mi nus pa'i phyir ro/ /ma rtogs pa ni rtogs pa'i yul ma yin no/ /gal te rtogs so zhe na ni/ de nyid de'i rang bzhin nyid rtogs pa yin no/ /bya ba gzhan dang ldan pa yang ma yin no zhes lan brgyad bstan te/ /gal te rnam pa grub na rnam pa tshad ma yin la rang rig pa ni 'bras bu yin no zhes 'grub ba ma yin nas/ de nyid ji ltar 'grub ce na/ 'di la bshad zin to/ /gzhan yang yul shes de'i shes pa yin/ /bye brag las ni tshul gnyis nyid/ /gzugs la sogs pa'i yul gyi shes pa gang yin pa de ni don dang rang snang ba yin la/ yul shes pa'i shes pa gang yin pa de ni don dang 'dra ba'i shes pa snang ba dang/ rang snang ba yin no/ /de lta ma yin te/ gal te yul gyi shes pa don gyi rnam pa 'ba' shig gam/ rang gi rnam pa 'ba' shig yin na yul shes pa'i shes pa yang de dang khyad par med par 'gyur ro/ /yul gyi shes pa gang yin pa de ni don dang rang snang ba'i yin la zhes bya ba ni bsgrub par bya'o/ /de'i 'og ma dag ni gtan tshigs so/ /de lta ma yin te zhes bya ba la sogs pa ni gnod par byed pa'i tshad ma yin no/ /bdag la shes pa ci 'dra ba zhig byung bar gyur zhes gang gi tshe yongs su rtogs par byed pa de'i tshe don snang ba nyid dran pas tha snyad byed pa yin gyi gzhan du ni ma yin no/ /gang zhig mos pas yul du byas pas de ni de lta bu nyid yin te/ dper na ba lang zhes mos pas yul du byas pa'i khra bo la sogs pa bzhin no/ /'di ltar/ 'di ni de lta bu snang na/ /don ni ji 'dra mi shes zhes/ /de ni don nyid yongs dor te/ /shes pa rnam par nges pa nyid/ /gal te 'ga' zhig 'di don yin no zhes khyed kyis ji ltar shes zhes 'dri bde'i tshe don du snang ba 'di 'dra bar gyur na/ don ni de na yod dam med dam/ /de 'dra ba yin nam/ 'on te gzhan du gyur pa yin zhes mi shes zhes lan ldon par byed de/ des na don yongs su spangs pas shes pa nyid snang ba yin no/ /don dang gcig pa nyid

  163. 82a

    yin na ni/ de nyid la nges pa dang de nyid ma nges par ji ltar 'gyur te/ nges pa dang ma nges pa dag 'gal ba'i phyir ro/ /'on te rags pa'i snang ba tsam nges pa yin la/ nang gi khyad par ni ma yin no/ /des na 'di la 'dra bar snang ngo zhes bya ba ni/ 'di tsam zhig snang gi gzhan ni ma yin no zhes don nyid nges pa dang ma nges pa yin te/ cha gnyis dang ldan pa'i phyir ro zhe na/ 'di ni phyis bshad par bya'o/ /gzhan yang/ don dang ldan pa'i sems pa ni/ /don rnams med pa sogs na yang/ /'das pa'i don ni 'dzin pa la/ /tshul gnyis rang rig grub pa nyid/ /gang dag shes pa ni snang ba ma yin te/ /rang rig pa med pa'i phyir ro/ /dran pa yang ma yin te/ thams cad du don nyid dran pa'i phyir ro/ /de la ji ltar don shes pa'i don gyis go bas na shes pa yongs su brtags pa de bzhin du dran pa mi 'thad pas kyang yin no/ /shes ni myong ba ma yin la/ de don gyi rnam pa yang ma yin no/ /des na shes pa tshul gnyis yin no zhes bya bar dam 'cha' ba ni mngon sum gyis gnod pa yin no/ /gtan tshigs the tshom la brjod phyir/ /bsal ba gtan tshigs rten ma yin/ /gtan tshigs 'jug pa'ang dpe la ni/ /'brel pa bzung ba las yin no/ /de yang yod pa ma yin te/ /thams cad la don gyi rnam pa rtsod pa gzhir gyur pa'i phyir ro zhe na/ gang la don yod pa de la 'di ni shes pa'i rnam pa ma yin no zhes dogs par 'gyur yang skra shad la sogs pa dang/ ser po la sogs pa snang ba don dang ldan pa ma yin pa'i sems la ni rnam pa gnyis dang myong ba nyid grub pa kho na'o/ /de la rnam par shes pa ni lkog tu gyur pa yin no zhes bya ba 'di nyid mngon sum gyis gnod pa yin no/ /des na dpe mthong bas na 'brel pa 'dzin to/ /des na de lta bur snang ngo zhes de'i sgo nas byung ba'i nges pa ji ltar don gyi yin par 'gyur/ /thams cad du rnam par shes pa nyid de ltar nges pa yin pa'i phyir rnam pa dang bcas pa nyid grub bo/ /yul shes pa la snang ba tsam du nges

  164. 82b

    pa'i rang bzhin de nyid de'i shes pa'i rang bzhin no/ /'on te brgya la der yang don nyid yod pa yin te/ gal te gsal ba med kyang rigs nyid yin par 'gyur ro zhe na/ 'di la brjod pa/ sngo sogs tha dad can snang phyir/ /de ldan min rigs don ma yin/ /rigs de'ang mi rtag mi 'gyur zhing/ /rtag na'ang ji ltar skyed byed yin/ /rigs ni sngon po la sogs pa'i rang bzhin ma yin te/ kha dog la sogs pa'i rnams pas stong pa'i phyir ro/ /rgyu nyid kyi phyir dang mi rtag pa nyid kyi phyir yang rigs ma yin no/ /'on te rtag pa yin na skyed par byed par mi 'gyur te/ rtag pa ni skyed par byed pa nyid ma yin pa'i phyir ro zhes bstan zin to/ /ming sogs sngar ni bkag zin to/ /tshul 'di don ldan ma yin te/ /'dod pa tsam dang rjes 'brel phyir/ /don gyi nus pa grub ma yin/ /'di thams cad ni sngar bstan zin pas yang mi spro'o/ / rnam pa 'di 'dra'i shes pa ni/ /dran yin de yang myong las 'byung/ /de yang don rnams stong na de/ de na ji ltar de lta na 'gyur/ /nyams su myong ba las skye ba'i dran pa don med par 'gyur ba ji ltar sngon po la sogs pa'i rnam pa dang lhan cig par 'gyur/ /de'i rnam pa can gyi dran pa ni don nyid las 'byung ngo zhe na/ da la bshad pa/ de tshe med phyir don las min/ /de ltar myong pa'ang der 'gyur ro/ /gal te don las dngos su dran pa 'byung na de'i tshe/ don de nyid kyi tshe yod par 'gyur na/ de'i tshe yod pa yang ma yin no/ /'on te don chod pa las kyang de'i rnam pa can gyi dran pa 'byung na nyams su myong yang de lta bu nyid du 'gyur ro/ /de ltar ji ltar 'gyur ba yang bstan 'dzin? pa nyid la/ 'dir yang stong pa yin no/ /rnam pa de ni don gyis min/ /gsal ba'i rnam pas dben phyir ro/ /don de ni gsal ba'i rnam par nyams su myong bas gzung pa yin no/ /gal te de yang don gyi rnam pa yin na ni de de lta bu nyid du 'gyur ro/ /'on te dran pas rtogs pa yin pa'i phyir da ltar snang ngo zhe na/ de lta na 'o na nyams su myong bas rtogs pa'i phyir gsal ba yin pas rnam pa de don gyi yin pa

  165. 83a

    nam yang mi 'gyur ro/ /rnam pa de ni tha dad na/ /gzhan gyis de bzhin rtogs par 'gyur/ /gal te 'di don yin na gzhan gyis kyang shes par 'gyur ro/ /'on te de ni bdag la 'brel pa nyid las gzhan la ni snang ngo zhe na/ bdag la 'brel pa zhes bya ba'i don ce yin/ ci bdag gi 'bras bu 'am 'on te de'i bdag nyid/ gal te 'bras bu yin na de'i tshe gzhan la snang ba nyid do/ /'bras bu nyid kyis ni thun mong ba nyid dang 'bral ba ma yin no/ /'on te de'i bdag nyid yin na/ de lta yin na ni myong ba'i bdag nyid kho na'o/ /bdag la rtag tu 'bral yin na/ brjod kyang rtogs par mi 'gyur ro/ /de'i bdag nyid yin na ni rtag tu bdag la 'brel pa yin gyi gzhan du ni ma yin no/ /de lta yin dang brjod kyang rtogs par mi 'gyur ro/ /'on te rtogs na ni de'i tshe de lta ma yin par yang rtogs par 'gyur ro/ /'di ltar phyi rol gyi gzugs la sogs pa ni gzhan gyis brjod kyang rtogs la ma brjod kyang rtogs pa yin no/ /'on te brjod pas rtogs pa gang yin pa de ni gzhan nyid do zhe na/ de lta na 'o na/ re re dag dang 'brel la ni/ mtshams sbyor ba/ rjes su sbyor bar byed pa ni mi rung ngo/ /mtshams sbyor ba ci 'dra ba zhig ce na/ bshad pa/ don gcig mngon zhen bdag nyid can/ 'di ni gcig go zhes rtogs par mi 'gyur te/ de so so nyid yin pa'i phyir ro/ /gang dag gi mtshams sbyor ba zhe na/ 'chad po nyan po sems dag gi /sems de gnyis ni don tha dad par 'gyur ba 'dzin pa la 'jug pa'i phyir ro/ /gal te 'dra las de gcig par/ /tha snyad yin na der snang min/ /tha dad bdag nyid ji ltar bzung/ /de tshe blo don med can 'gyur/ /'dra bas gcig tu tha snyad byed pa gang yin pa de ni mthong ba dag nyid la yin gyi gzhan du ni ma yin no/ /gzhan gyis mthong ba ni nam yang mthong bar/ /de ji ltar gcig tha snyad byed/ /'dir phan tshun dben pa'i don snang ba nyid yin no/ /'on te 'dra ba dngos

  166. 83b

    por 'gyur ba yin pa des na/ de'i rjes su 'brangs pa nyid kyis 'di ni gcig go zhes bya ba rtogs so zhe na/ de lta na 'o na ma brjod par yang rang gis rtogs pa'i rjes su 'brangs te/ gzhan la gnas pa yang rtogs par 'gyur ro/ /gal te bdag gis kyang 'di ltar rtogs so zhes mi brjod par yang ngo/ /gang gi tshe mi bden brjod pa de'i tshe don med par ji ltar rtogs/ /de lta bu nyid du mthong ba'i phyir ro zhe na/ 'on ni de'i tshe blo don med pa can du 'gyur ro/ /ji ltar gzhan la snang ba med par gzhan la snang bar nges pa'i blor 'gyur ba de bzhin du don snang ba med par don gyi rnam par 'gyur ba'i phyir shes pa rnam pa dang ldan par grub bo/ /gal te yongs su brtags pas sam/ gnod par byed pa'i tshad ma'i stobs kyis dran pa la sogs pa'i shes pa 'ga' zhig rnam pa dang bcas pa yin yang thams cad yin no zhes bya bar ji ltar 'gyur zhe na/ bshad pa/ nyams myong rnam shes de yang ni/ /cha gnyis la ni brten gyur ba/ /rnam pa gcig gis khyad par can/ /de shes pa yi dmigs par 'gyur/ /dran pa'i rang bzhin ma yin pa sngon po la sogs pa'i yul can gyi nyams su myong ba'i rnam par shes pa ni/ /de'i yul can gyi shes pa gnyis pa dran pa'i rang bzhin gyis dmigs par 'gyur te/ rjes su 'brang bar byed cing nges par 'dzin par byed do/ /ji lta bu gyur pa zhig gis zhe na/ cha gnyis pa brten par 'gyur bas de sngon por snang ba'i shes ba byung bar gyur to zhes bya ba'o/ /de lta bur gyur pa de gzhan de dag gis don gyis go ba'i sgo nas nges pa ni ma yin gyi/ 'on kyang de lta bur gyur pa 'ga' zhig rjes su 'brang ba yin no/ /don gyis go ba ni 'jig rten pa 'ga' la yang skye ba nyid kyang ma yin no/ /'jig rten na gang gis na don mthong ba nges nang la blo gzhan yod do/ /zhes 'di ltar rtogs pa ni med do/ /don gyi go ba de ni blo'i/ /rang bzhin rtogs par byed min te/ /de yi rang bzhin ma rtogs par/ /rtogs par byed par nus ma yin/ /gzugs la sogs par

  167. 84a

    snang ba las ma gtogs pa'i blo'i rnam pa gzhan ni 'ga' yang don gyis go 'am/ gzhan gyis nges par nus pa ma yin no/ /rtogs pa'i rang bzhin du nges so zhes na/ /rtogs pa'i rang bzhin de nyid mi shes pa ma yin nam/ rkyen tha dad bas ni khams kyi don tha dad par 'gyur ba ma yin no/ /rkyen gyi don yang tha dad pa ma yin te/ k+te na dang g+ha nya'i don tha dad pa khas mi len pa'i phyir ro/ /don tha dad pa ci ltar des de 'chad pa la 'jug /de'i phyir sngon po la sogs pa ma gtogs pa rtogs pa dang blo zhes bya ba rtogs pa med do/ /sngon po la sogs pa de nyid rang bzhin du gyur pa'i chos kyi bye brag gis de skad brjod pa yin te/ sngon po'i blo 'am sngon pa'i yul can gyi blo zhe'o/ /des na sngon po'i yul can gyi blong la byung ngo zhes rtogs pa yang de'i rnam pa nyid rjes su rtog pa yin no/ /'di ltar/ sngon po las ni tha dad du/ /sngon pa'i yul can shes pa ni/ /phyi ma'i shes pa'i mthong med de/ /tha dad rtog pa'i blos sprul yin/ /gal te sngon po la sogs pa'i rang bzhin nyid blo zhes tha dad par bsnyad pa yin na/ 'o na ni sngon po la sogs pa nyid 'ba' shig tu zad do/ /blo zhes bya ba ni med par 'gyur te/ dper na snam bu las tha dad pa'i dkar po nyid la sogs pa bzhin no/ /des na blo nyid don dam pa ma yin no zhes bya bar 'gyur ro/ /'dod pa ni phyi rol gyi don dam pa ma yin no zhes bya ba yin no zhe na/ de ni de ltar mi rung ste/ 'di ltar/ la lar 'ga' zhig la brten nas/ /'ga' zhig nyid ni 'gog par byed/ /tshad mas grub 'gyur gang yin pa/ /de la brten nas gzhan 'gog 'gyur/ /gal te don tshad mas grub na de'i tshe de las ma gtogs pa'i blo gzhan med do zhes blo yongs su dor bar bya'o/ /de ste blo tshad mas grub pa yin na/ /de'i tshe ni dor bar bya ba ma yin no/ /de la re zhig don ni blos rnam par 'jog pa'i phyir na/ /don dang ldan pas ni blo dor bar mi nus so/ /blo dang ldan pas ni don gyi thabs kyis blo bsgrub par bya ba ma

  168. 84b

    yin te/ rang rig pas grub pa'i phyir ro/ /des na don med kyang khas blang bar nus pa nyid do/ /de'i phyir blo khas blangs nas de las gzhan pa'i don yongs su dor ba nyid do/ /'on te don yang rang rig pas bsgrub pa yin na/ /de lta na de myong ba nyid yin gyi don tha dad pa ni ma yin no/ /don ni ma mthong yang yod pa yin pa'i phyir ma dmigs pas de don dor bar bya ba yin gyi/ /blo ni de lta ma yin pas dor bar bya ba ma yin no/ /gzhan yang dkar po las ni tha dad pa'i/ /rdzas ni med par rab mdzod pa'i/ /de bzhin blo las ma ga tshogs? pa'i/ /don med par ni rab tu brjod/ /'di ltar/ skad cig nyid sogs ji ltar yang/ /sngo sogs las ni gzhan yod min/ /de lta na yang skad cig nyid/ /dngos med par ni gsal ma yin/ /de'i phyir sngon po la sogs pa'i rnam pa nyid blo yin te/ blo gzhan gyis de ltar nges pa'i phyir ro/ /des na cha gnyis ka spangs nas ni blo dmigs pa mod pa nyid pas na/ de ji ltar rnam pa gnyis ma yin/ /yang na blo ni rnam pa gcig gis khyad par can du shes pa gnyis pas dmigs par 'gyur te/ rnam pa gcig gis dmigs so zhes bya ba'i tha tshig go /ji lta bur gyur pa'i rnam pa gcig gang gis she na/ de smras pa ni cha gnyis la ni brten gyur pa ste cha gnyi ga khyab pas so/ /de nyid kyi phyir cha gnyis su rtogs pa yin no/ /don dam par ni rnam pa gnyis po de dang/ rnam pa gcig po de rjes su zhugs pa'i phyir na nges khyab pa yin no/ /rnam pa gnyis po de dag kyang rtogs pa'i bdag nyid dang sngon po'i rnam pa'o/ /bshad pa/ snga ma ni rnam pa gcig gis khyad par can rnam pa gcig gis lhag pa zhes bya bar shes par bya'o/ /gal te rnam pa gnyis su rnam par gzhag pa de lta na yang rnam pa gnyis nyid ji ltar yin zhe na/ 'di la brjod pa ni/ gzhan du de rnams can min na/ /ji ltar shes la gnas par 'gyur/ /gal te bdag nyid de'i rnam par rang rig pas ma myong na ni de'i tshe shes pa

  169. 85a

    la de'i rnam pa can du dran pas gnas par byed/ /gnas par byed pa ni de'i rnam pa nyid du shes par byed pa'o/ /der gnas par byed do zhes bya ba ga las zhe na/ de bzhin nyid du rtogs pa'i phyir ro/ /'di ltar phyi ma phyi ma yi/ /shes pa rnam gcig lhag pa nyid/ /gdon mi za bar 'di ltar rtogs par bya ste/ /'di ltar phyi ma phyi ma dag rnam pa re res lhag pa lhag par 'gyur ba yin gyi gzhan du ni ma yin no/ /'di ltar/ snga mas ni sngon po 'dzin no/ /de'i phyi mas ni sngon po shes pa'o/ /de'i phyi mas ni sngon po shes pa shes pa yin la/ de'i phyi mas kyang de la lhag pa'o zhes nges pa yin te/ des na 'dis gzhan du ni 'gyur ba ma yin no/ /'di nyid dpes ston par byed pa ni/ /don gyi ngo bos rnam gnyis dang/ /bdag gi rnam pa 'ga' zhig tu/ /gnyis pa de ni gsum pa yi/ /shes pa yis ni rtogs par 'gyur/ /shes pa gnyis pa ni rnam par shes pa snga ma'i rnam pa gnyis dang/ /rang gi rnam pa gsum pas rtogs par 'gyur la/ bzhi pas ni gsum po de nyid rnam pa gcig gis lhag pa ste/ ji srid brtsi ba 'am/ dran par nus kyi bar du'o/ /'on te gnyis pas shes pa 'ba' zhig shes pa yin no/ /de la shes pa ni don la byed pa yin pa'i phyir de dang 'brel pa yin no/ /des na de dran par med na mi 'byung ba yin pa'i phyir don de yang dran pa yin te/ des na gzhan du shes pa dran par mi nus pas na de ltar dran pa yin no/ /des na de la byed pa nyid kyis na 'khrul pas de'i rnam pa'o zhes bsdoms pas de'i rnam par rtogs pa yin no/ /'di la bshad pa/ don 'bras nyid kyis shes dran na/ /don bral phyir na 'khrul pa yis/ /gal te sran snang ba dang/ /yid byed la yang de 'gyur ro/ /'khrul pa zhes bya bar 'brel to/ /gal te shes pa don gyis 'bras bu nyid dam/ yang na don la bya ba byed pa gang yin pa ste/ de'i phyir shes pa dran pa na gdon mi za bar don dran par 'gyur ro/ /des na des blo

  170. 85b

    rmongs pa'i rgyud can dag de ltar rtogs par 'gyur pa yin no zhe na/ de lta na ni 'o na snang ba dang yid la byed pa dag la yang de ltar rtogs par 'gyur ro/ /ji ltar rnam par shes pa la yul gyi 'bras bu yin pa de bzhin du snang ba dang yid la byed pa'i 'bras bu yang yin no/ / des na gnyis la yang bsdoms nas rtogs par 'gyur te/ 'bras bu nyid du ni khyad par 'ga' yang med do/ /'on te yul la byed pa yin pa'i phyir de sdom pa yin gyi yid la byed pa ni ma yin te/ de la byed pa ma yin pa'i phyir ro zhe na/ 'o na de'i tshe snang ba la yang byed par mtshungs pa yin te/ snang ba med par ni gzugs la byed pa ma yin pa'i phyir ro/ /des na de ni mi rung ngo/ /des na ji ltar snang ba snang ngo zhes bya bar mi 'gyur bar de bzhin du gzugs snang ngo zhes bya bar mi 'gyur ro/ /'on te snang ba ni yul gyi khongs su 'du ba'i phyir gzugs snang bar nges pa nyid kyis rtogs pa yin no zhe na/ ma yin te/ snang ba ni gsal byed yin pa nyid kyis na yul ma yin pa'i phyir ji ltar de la byed pa yin/ 'on te snang gsal byed yin yang gzugs la nges pa'i phyir gzugs nyid du gyur pa des na yul yin no zhe na/ de lta yin na gsal bar byed pa'i shes pa yang gzugs la 'jug pa'i phyir gzugs nyid yin pas snang ba rnam pa dang bcas pa bzhin du rnam par shes pa yang rnam pa dang bcas par 'gyur ro/ /ji ltar gzugs med par snang ba gzung bar mi nus pa de bzhin du rnam par shes pa yang yin no/ /gzugs la sogs pa'i gsal bya med par ni 'gas kyang rnam par shes pa'i zhes bya ba yod par rtogs pa ma yin no/ /de'i phyir gzugs la sogs pa'i rnam pa nyid rnam par shes pa yin no/ /'bras bu nyid kyis de ltar rtogs na yang/ de bzhin 'bras bu thams cad kyang/ /rgyu dang lhan cig 'dzin par 'gyur/ /de'i phyir rdza mkhan la sogs pa/ /med par bum pa dran mi 'gyur/ /rang gi rgyus dben par dran

  171. 86a

    par mi 'gyur ro/ /'on te gang gis shes pa dran ba na don dran par 'gyur ba 'am/ shes pa 'dzin pa na don 'dzin par 'gyur ba shes pa don gyis byas pa'i khyad par 'ba' zhig yod pa yin pas na shes pa 'ga' zhig dran pa 'am 'dzin pa ma yin no/ /bum pa la sogs pa dang/ rdza mkhan la sogs pa ni 'ba' zhig par yang 'dzin pa yin no zhe na de yang rang gi phyogs la gnod par 'gyur ro/ /'di ltar/ khyad par gang las shes pa ni/ /don dang 'dre ba brten pa ste/ /'dra ba las gzhan cir 'gyur te/ /mtshe ma sogs la mthong phyir ro/ /gal te rnam par shes pa de don gyi rnam pa can nyid ma yin pa de'i tshe rnam par shes pa don 'dzin pa dang/ lhan cig tu 'dzin pa dang/ dran pa zhes bya ba'i nges pa 'di ci zhig yod/ /don de nang du chud pa yin na ni nges par de 'dzin pa nyid kyis 'dzin pa yin pa'i phyir nges par 'gyur ro/ /de'i phyir don dang 'dra ba'i rnam par shes pa nyid don 'dzin pa med par mi 'dzin pa dang/ de dran pa med par mi dran pa yin no/ /mtshe ma dag las gcig bzung na/ de las gzhan snang ba dang/ de nyid 'di'o zhes dran par mthong ba yin la/ sngon po'i shing gi rnam pa nyid kyis shing bzung bde mngon par rlom pa yin no/ /gal te rnam par shes pa dang po gnyi ga'i rang bzhin ma yin te/ 'dzin pa'i rnam pa 'ba' zhig tu zad na de gnyis pa yang de bzhin du 'gyur ro/ /de'i tshe/ dang po rang bzhin gnyis min na/ /gnyis pa rang bzhin gcig la ni/ /rnam gnas nges par 'dzin pa yi/ /sems kyis 'byed par 'gyur ma yin/ /nges par 'dzin pa'i sems kyis te/ /gnyis pa nges par 'dzin pa'i sems kyis gnyis pa dang po las tha dad par rnam par 'jog par mi 'gyur ro/ /gang gi phyir de yang de'i tshe nyams su myong ba dang po'i rang bzhin du 'gyur ba na/ rang bzhin cig

  172. 86b

    nyid la rnam par gnas par 'gyur te/ 'dzin pa'i rnam pa 'ba' zhig go zhes bya ba'i don te des na gang las tha dad par nges/ des na rnam par shes pa ni yul gyi rnam pa nyid do/ /de nyid kyi phyir na/ de phyir sngo sogs ngo bor/ /mdun na gnas par byung pa'i blo/ /don bsre ba dang 'brel pa can/ /blo gnyis pas ni dmigs par 'gyur/ /don gyi rnam pa can yin pa de'i phyir blo snga ma blo gnyis pas mdun du dmigs par 'gyur ro/ /don bsre ba dang 'brel pas na don bsre ba dang 'brel pa can te/ 'brel pas na 'brel pa 'am/ 'di don bsre bas 'brel par gyur pa'i phyir 'brel pa'o/ /blo de blo gnyis pas dmigs so zhes bya ba'i tha tshig go /gal te de'i rnam par gyur na ni 'ba' zhig kyang dmigs par 'gyur ro/ /gal te 'ba' zhig kyang dmigs pa ma yin nam/ 'di ltar/ de'i tshe bdag gis ci zhig mthong ba mi shes so zhes 'dzin par byed pa nyid dran no zhe na/ de yang ma yin te/ gzung la the tshom za phyir der/ /'dzin pa la yang the tshom za/ 'dzin pa der ni spyir nges na/ tshul 'di bzung ba la yang mtshungs/ /'dzin pa spyir dran na tshul 'di ni gzung ba la yang mtshungs so/ /'di ltar/ bdag gis ci zhig mthong ngo zhes mthong ba spyi'i rnam par dran pa yin no/ /gal te bzung ba'i bya ba dang bral ba 'dzin par byed pa'i rang gi ngo bo nyid dran pa yin na ni de'i tshe de'i rang bzhin ni de nyid yin pas na gzung ba nye bar mi gnas na gzhan nyid du gyur pa yin no/ /des na de 'dzin par byed pa ma yin pa'i rang bzhin gzhan gyis phyis dran pa de lta bu nyid 'dzin par byed pa ji ltar yin/ ci ste de kho na ltar dran na gzung ba dang ldan pa nyid rang bzhin yin pas de'i tshe ji ltar 'ba' zhig dran/ de'i phyir de snang ba nyid 'di ni rang bzhin yin pas rnam par dbye bas mi nus pa'i phyir gzugs la sogs pa'i bdag nyid gcig nyid do/ /gal te rnam par shes pa rang bzhin gnyis pa ma yin na de'i tshe dang po nyid sngon po'i rnam par

  173. 87a

    'gyur gyi phyi ma phyi ma ni ma yin no/ /de skad du yang slob dpon gyi shes pa phyi ma phyi ma la yang snga ma snga ma'i yul snang bar yang mi 'gyur te/ de ni de'i yul ma yin pa'i phyir ro zhes gsungs so/ /gang gi phyir/ gzhan du dang po gcig pu nyid// don las byung phyir 'brel 'gyur gyi/ /snga ma'i don dang 'brel mthong med/ /shes pa phyi ma phyi ma min/ /phyi ma phyi ma'i bdag nyid kyi shes pa ni/ /shes pa snga ma yul gyi yul can nyid ma yin no/ /yul ma yin pa yang ji ltar dmigs par 'gyur/ /gal te dang po'i don gyi rnam par gyur pa nyid yin pas de'i tshe ni de las gyur pa gnyis pa yang de'i don gyi rnam pa myong ba'i rnam pa nyid yin no/ /'di ltar/ de'i tshe rnam can shes pa las/ /shes pa'i shes pa skyes pa na/ /de yi rnam par ldan gyur te/ /thag ring shing las 'byung ji bzhin/ /'on te shes pa 'ba' zhig dran par mi nus pas don dang lhan cig pa nyid dran pa yin te/ de la byed pa'i mtshan nyid de gnas pa nyid de'i rang bzhin yin pa'i phyir ro/ /des na don dang bcas pa dran pa yin no/ /bum pa la sogs pa 'ba' zhig pa yang rang bzhin nyid yin te/ rdza mkhan la sogs pa dang lhan cig pa nyid ni ma yin no/ /yul ni rnam par shes pa dang lhan cig nyid du dmigs pa yin te/ des na de lta bur gyur pa nyid du dran pa yin gyi/ bum pa la sogs pa ni ma yin no zhe na/ de yang rung ba ma yin no zhe na/ de yang rung ba ma yin te/ 'di ltar/ gnyis dag lhan cig gdung na ni/ /lhan cig ces byar rigs 'gyur na/ sngon po'i rnam pa las gzhan pa'i/ /shes pa nges par rtogs pa med/ /bde ba la sogs ngo bor na/ /'di nyid khyed la 'grub ma yin/ /bde ba la sogs pa'i rang bzhin rnam par shes pa yin no zhes bya bar ni khyed la grub pa ma yin te/ bde ba la sogs pa dag ni yul yin pa'i phyir ro/ /ji ltar bde ba la sogs pa las tha dad par rnam par shes pa gzhan med pa de bzhin du/ sngon po la sogs pa las tha dad par yang ngo/ /

  174. 87b

    sngon po la sogs pa ni phyi rol gyi yul na gnas pa'i gzhal bya nyid do zhe na ma yin te/ bde ba la sogs pa phyi rol ma yin yang gzhal bya nyid du khas blangs pa'i phyir ro/ /gnyi ga myong ba las phyi dang nang zhes bya bar ni don dam par mi 'thad do/ /bde ba la sogs pa ni sngon po la sogs pa'i 'dzin par byed pa ma yin te/ de med kyang de bzhin nyid du snang ba'i phyir ro/ /gang zhig gang med par yang 'gyur ba de ni des byas pa ma yin no/ /sngon po la sogs pa ni bde ba la sogs pa med kyang 'dzin par 'gyur ba yin no/ /des na sngon po la sogs pa 'dzin pa ni rang gi ngo bo'i khyad par gyis byas pa nyid de/ de med par yod pa'i phyir ro zhes bstan zin to/ /de'i phyir sngon po la sogs pa lkog tu ma gyur pa med par ni sngon po la sogs pa 'dzin par byed pa ma gtogs pa'i phyir na/ nyams su myong ba dang sngon po la sogs pa'i rnam pas rnam pa gnyis pa nyid du grub pa yin no/ /gzhan yang 'dzin pa'i rnam pa gzhan du gyur pa de lta na yang/ nges par blo dang lhan cig tu/ /cig car du ni myong gyur phyir/ yul ni de las gzhan nyid du/ /rnam gang gis na grub par 'gyur/ / sngon po la sogs pa'i yul ni blo dang lhan cig dus gcig nyid du myong ba yin te/ blo dang lhan cig yin gyi so sor ni ma yin no/ /des na rig pa las blo gzhan yin no zhes bya bar ji ltar 'gyur/ de lta bur gyur pa nyid myong ba yin no zhes bya bar 'gyur te/ rnam par dbye bar mi nus pa'i phyir ro zhes bstan zin to/ /tha dad par snang ba yin no zhe na/ rnam shes 'khrul pa las zla ba gnyis/ /med par tha dad mthong ba bzhin/ /dper na zla ba gnyis mthong bas zla ba gcig nyid las tha dad par mthong ba de bzhin du rnam par shes pa'i bdag nyid la yang gal te yul gcig la yang tha dad par mthong bar rigs te/ rnam par shes pa'i rnam pa tha dad pa'i phyir ro/ /de? bdag nyid la go ji ltar/ /de nyid ni gzhas du 'gyur ba ma yin no/ /ji ltar rang gi ngo bo de nyid kyis gzhan

  175. 88a

    gyi ngo bo rtogs te/ de ma rtogs par thal ba'i phyir ro zhe na/ de ni ma yin te/ 'di ltar/ gal te rang gi ngo bo ni/ gzhan du rtogs par nus min na/ /de lta na ni gzhan gyi ni/ /ngo bo shin tu nus ma yin/ gal te rang gi rang gi ngo bo gzhan du rtogs par mi nus na/ gzhan gyi ngo bo ni rang gi ngo bo nyid du yang rtogs par mi nus pa'i phyir/ rang gi ngo bo bzhin du gzhan gyi ngo bo yang mi nus pa nyid do zhes bya bar 'gyur ro/ /des na don 'di yin te/ shes pa rang rig yin na rang gi ngo bor tha dad par rtogs par nus pa ma yin no/ gal te rnam par shes pa gcig nyid rnam pa sna tshogs pa yin par 'gyur na ni/ rang rig pas rtogs par nus pa yin te/ gzhan du mi 'thad pa'i phyir ro/ /des na zla ba gnyis su mthong ba yang gal te gcig nyid ma yin na/ de rtogs par nus pa ma yin te/ rang dang gzhan dag gis rtogs par mi nus pa'i phyir ro zhes bshad zin to/ /de'i phyir de'i dus phyis byung ba'i rnam par rtog pa'i rjes su 'gro ba dang ldog pa dag las zla ba gnyis tha dad par btags pa yin gyi/ mngon sum gyis rtogs pa ni ma yin no/ /don 'di nyid ni/ rnam shes 'khrul pas zla ba gnyis/ /med par tha dad mthong ba bzhin/ /zhes bya bas bstan pa yin no/ /zla ba gnyis su mngon par 'dod pa nyid gnyis med pa yin te/ rnam par shes pa gcig gi khongs su 'dus pa'i phyir ro/ /de lta na 'o na lhan cig mthong ba'i sngon po dang ser po dag kyang sna tshogs kyi rnam pa gcig tu khas blang bar bya bar 'gyur ro zhe na/ de ni de bzhin te/ myong ba'i rang bzhin rnam pa sna tshogs pa can ni der yang gcig yin pa'i phyir ro/ gal te tha dad par 'dod na ni/ de'i tshe 'di ltar khas blang bar bya ste/ sngo ser tha dad dag la ni/ /myong ba nges pa yod ma yin/ /tha dad pa'i rgyu ni 'di kho na te/ 'di lta ste/ grub pa dang bde ba tha dad pa nyid do/ /zla ba gnyis snang ba la ni gyur? pa dang/ bde

  176. 88b

    ba tha dad pa nyid med pa'i phyir na gcig kho na'o/ /gal te 'gal ba'i chos gnas pa'i phyir ji ltar gcig yin/ tha dad pa ni 'di nyid na 'gal ba'i chos gnas pa zhes bya ba gang yin pa'o/ /'di la 'gal ba yang phan tshun spangs? te gnas pa'i mtshan nyid yin no zhe na/ de ni ma yin te/ rnam pa de lta'i 'gal ba ni/ rtag pa dang ni cig shos nyid/ /rtogs pas rjes su zhugs pas na/ /gnyis la 'gal ba yod? ma yin/ /de dag ni rtogs pa rjes su zhugs pa nyid kyis 'gal ba ma yin no/ /de'i rang bzhin ni 'di kho na ste/ rnam pa dbye ba med pa zhes bya ba gang yin pa'o/ /de nyid de dang 'gal ba ni ma yin no/ /des na gcig po de nyid rnam pa gnyis so zhes rtogs pas rjes su 'gro ba dang/ ldog pa dang rjod pa yin no/ /rjes su 'gro ldog gis dngos po de nyid don dam par yod pa ma yin zhes ston pa ni/ myong ba med par don 'ga' 'am/ don med pa yi myong ba yang/ /myong bar 'gyur ba ma mthong ba/ /des na de dag tha dad min /rjes su 'gro ldog med pa'i phyir sngon po dang myong ba gcig nyid yin te/ phan tshun ldog pa ma mthong ba'i phyir ro/ /'di ltar/ don med pa'i myong ba dang/ /myong ba med pa'i don mthong med/ /des na rtag tu mi 'bral phyir/ /don myong de ni gcig pa nyid/ /tha dad par ni nyer sbyod phyir/ /tha dad rig pa tha dad 'dod/ /gal te de med de yi phyir/ /tha dad mi dad dbyer ci yod/ / des na 'dir pha rol pos tha dad pa zhes bya ba'i ming tsam zhig gdags par bya ba yin pas gzhan la chad pa cung zad kyang med do/ /gal te la la blang bya dang dong bya'i rnam par dbye ba med na 'di 'dra ba'i tha dad pas ci bya/ 'o na ji ltar sngon po 'on cig ces bya bas ser? po khyer te 'ong bar mi byed ce na/ de'i tshe ser po de mi snang ba nyid de des na khyer te 'ong ba ma yin no/ /'brel ba med pa'i sngon po gang yin pa de ni ma brjod pa kho na'o/ /mi 'bral ba nyid ni shes pa las gnas pa yin pas de ni gzhan du khyer te 'ong

  177. 89a

    bar nus pa ma yin no/ /tha dad pa'i tha snyad ni rjes su 'gro ba'i dang sdod pa dag pas yin pa na de kho na nyid las gyur pa ma yin no zhes bstan zin to/ /de'i phyir shes dus sad pa yi/ /don ni shes las gzhan min pa/ /bzlog par rab tu dka' ba nyid/ /grub pa dang bde ba tha mi dad pa'i phyir don shes pa dang gcig nyid ni bzlog par dka' ba yin no/ /bzlog par mi nus pa'i phyir na shes pa rnam pa dang bcas pa zhes bya bar grub po/ /de ltar na ni shes pa 'ba' zhig snang ba yin gyi don ma yin no/ /de mthong na yang sngon po la sogs pa'i rnam pa gnyis myong ba yin la/ /de yang shes pa'i dus su snang bas yang don mthong ba ma yin pa'i phyir ro/ /rnam pa gzhan 'jog par 'gyur pas thug pa med par 'gyur pa'i phyir na 'chol par 'gyur ro zhe na/ 'di la lan du tha dad rgyu ni rjes dpag 'gyur/ /sngon po'i rnam pa mthong ba dang ldan pa dag 'di la rgyu gang yod par 'gyur ro/ /zhes do dang mthun po'i rjes su dpag pa yin gyi dngos su 'di rtogs pa'i yul du gyur pa ni ma yin te/ sngar brjod pa'i skyon yod pa'i phyir ro/ /gtan mthong ba med pa ni ji ltar rjes su dpog ce na/ de la ga shad pba/ rgyu gzhan dag ni yod na gang /dbang po'i blo rnams med pa'i phyir/ /phyir mthong ba'i rjes dpag ni/ /ldog pa tsam las 'jug pa yin/ /'di ltar mig dang sna ba dang yid la byed pa la sogs pa yod kyang ka bas stong par 'dod pa'i phyogs su ka par snang ba'i mig gi rnam par shes pa mi 'gyur ro/ gzhan du ni mod nyid la 'byung bar 'gyur ro/ /des na 'dir gang zhig ma tshang bas gzhan dug dang mi 'byung ba'i dngos po 'ga' zhig yod par 'gyur ba yin no zhes bya bar shes pa yin no/ /phyi rol gyi gzhal bya de lta bur gyur pa'i don de ni mthong ba'i khyad par dang brel ba'i don nyid du shes pa yin no/ /'o na de ji ltar mngon sum gyi yul/

  178. 89b

    yin zhe na/ de'i rnam pa mngon sum gyi yul yin pa'i phyir ro/ /rten gzhan mi slu ba'i phyir nye bar brtags nas yul du gyur pa yin no/ /de lta na 'o na ni phyi'i don nyid dang gzhal bya yin gyi rig pa tsam ni ma yin no zhe na/ 'dir gnas pa'i phyogs ni ma yin no zhes ston pa ni/ gal te mtshungs pa de ma thag /rkyen las nges par ma smra na'o/ /ci rnam pa'i khyad par bskyed par byed pa'i don gzhan brtags par bya ba yin nam/ 'on te mtshungs pa de ma thag pa'i rgyan nyid kyi khyad par 'ga' zhig yin/ de la gtan mthong ba med pa'i don rtogs pa ni legs pa ma yin te/ rten gzhan med par de ltar rtogs pa yin no/ /gang gi tshe sngon du snang ba sngon gyis mthong ba'i mthu nyid las rnam pa 'di skyes pa de'i tshe ni gzhan rtog pa don med do/ /rtog pa yang mthong pa'i rjes su 'brangs nas/ 'gyur ba yin gyi gzhan du ni ma yin te ma mthong ba ni brtag par nus pa ma yin no/ /rtog pa ni mthong ba'i rjes su 'brang par snang bas gzhan du brtag par mi nus so/ /gal te phyi'i don yang bskyed pa byed pa nyid du mthong ba ma yin na/ dper na gong bu'i rnam pa shing gi rnam pa nyid shing med par mi 'byung ba bzhin no zhe na/ ma yin te/ de yang shing skyed par byed pa yin no zhes su mthong/ /de nyid kyis ni ma yin te/ de ni shes pa'i rnam pa yin pa'i phyir ro/ /mi gzhan gyis mthong zhe na/ 'di la dpyad zin to/ /de nyid kyis na phyis mthong ngo zhe na/ gal te des phyis mthong du chug kyang/ sngar yod do zhes bya ba las phyis mthong ba nyid las so zhe na/ /gal te phyis dmigs su chug kyang/ /phyis nyid 'gyur mod/ dmigs pa de snga ma la med pa ni ma yin no/ /dmigs pa de'ang shes pa'i rnam pa yin gyi/ /don gyi rnam pa ni ma yin no/ /des na de yang don yod do zhes bya ba spyir? dmigs par nges pa yid la de yang phyis yin pa'i phyir mthar thug pa med pas na mi rtogs pa nyid do/ /de'i phyir don mthong ba med pa'i phyir dang/

  179. 90a

    bag chags dang 'brel pa nyid kyang sngar nyid bsgrub pa'i phyir dpyad pa zhib mos bzod pas mtshungs pa de ma thag pa'i rkyen gyis nus pa nyid nges par rgyur brtag par bya ba yin no/ /gal te 'ga' zhig rtogs pa ma yin na de la rgyu tha dad pa rjes su dpag pa las phyi rol gzhal bya yin no/ /gal te phyi rol don med na ji ltar rgyu dang 'bras bu'i dngos po dang shes bya shes byed kyi dngos por 'gyur/ 'di ltar/ phyi rol mngon rgyu dang ni/ /'bras nyid shes pa yin par 'gyur/ /de dag la yang nges med phyir/ /'bras bu med cing rgyu yang med/ /'di ltar sngon por snang las ser por snang/ /de las sngon po snang ldan pa/ /de ltar phan tshun rgyu yin pas?/ /ji ltar rgyu 'bras dag tu 'gyur/ /gang gi tshe sngon por snang ba'i rnam par shes pa'i de ma thag pa nyid du ser por snang pa'i shes pa 'byung ba de'i tshe ser por snang ba las ma gtogs pa'i ser po bas ser por snang ba nyid de'i rgyu yin par 'gyur gyi/ ser po ni ma yin no/ /de la yang ser por yod pa ma yin te/ ser por snang ba de las kyang sngon por snang ba yin pa'i phyir phan tshun rgyu nyid du 'gyur bas rig pa dang 'gal bar 'gyur ro/ /ji lta ba rgyu dang 'bras bu dag phan tshun rgyu yin/ phyi'i don yod na ni sngon po nyid der rgyu yin la/ ser por snang ba ni mtshungs pa de ma thag pa'i rkyen nyid do/ /mtshungs pa de ma thag pa'i rkyen yang lhan? cig byed pa'i don tha dad pas tha dad pa na gang gis nges pa med par 'gyur ba gcig nyid du 'gyur ba ma yin no/ /yang na rtogs pa'i rang bzhin la ni mtshungs pa de ma thag? pa'i rkyen byed pa yin la/ rnam pa la ni sngon po la sogs pa nyid yin pas de la nges pa'i phyir skyon med? de?/ /gal te rtogs pa'i rang bzhin las gzhan las rtogs pa'i rang bzhin nyid dang/ sngon po las gzhan las kyang de'i rnam pa yin no/ /nges pa med par 'gyur ba yin no/ /gal te dang? dkar? po las kyang ser po'i rnam pa nyid dmigs la/ chung ngu las kyang chen

  180. 90b

    pa'i rnam nyid dmigs pa ma yin nam/ des na 'di la yang nges pa med pa kho na'o zhe na/ de ni med de/ 'di ltar rgyu'i 'khrul bar 'gyur ba'i phyir/ /der ni 'tshol pa 'dir 'gyur ro/ /'khrul ba med pa'i snang ba la/ /nges par rtogs pa gzhan yod min/ /'khrul pa la 'tshol par mthong ba gang yin pa de ni tshad ma can nyid ma yin pa'i phyir na des 'khrul par 'gyur ba ma yin no/ /de bzhin du sa bon las myu gu skye bar 'dod kyi bzlog pa ni ma yin no/ /rnam par shes pa smra ba la ni sa bon la sogs pa snang ba las ma gtogs pa'i sa bon la sogs pa med do/ /des na sa bon du snang ba las myu gur snang ba de las kyang sa bon du snang ba yin pa'i phyir na nges pa med do/ /de ltar na yang tha snyad chad par 'gyur ro/ /shes bya shes byed kyi dngos po yang ring du spangs pa nyid do/ /du ba las me yod do zhes bya ba bsgrub par bya ba yin no/ /rjes su dpag par bya ba la lkog tu gyur pa yin na phyi rol gyi me ni yod pa ma yin no/ /snang ba yang shes pa'i bdag nyid yin pa'i phyir na lkog tu gyur pa nyid do/ /gzhan gyi snang ba yang bsgrub par bya ba ma yin te/ de la 'khrul pa'i phyir ro/ /'byung bar 'gyur ba'i rang gi snang ba nyid bsgrub par bya ba yin no zhe na/ ma yin te/ des pa med pa'i phyir ro/ /de'i phyir phyi rol gyi don nyid bsgrub par bya ba yin no zhe na/ 'di la bshad pa/ sa bon las ni myug bskyed dang// du ba las me grub pa zhes/ /de 'dra phyi rol don brten can/ /byed po shes byed gnas pa gang/ /de yang gal te de ngo bor/ /snang ba de ltar nges 'brel ba'i/ /blo la bsnyen pas rtogs byed na/ /'gal bdag ni ci zhig yod/ /'dir snang pa nyid dogs po? yin gyi/ /don ni ma yin te/ mi snang ba ni yod kyang med pa dang khyad par med pa'i phyir ro/ /'di lung? dmigs pa nyid yod par brjod pa yin no/ /phyir? don ni med na yang/ /snang ba la ni des yod min/ /snang ba med na phyi rol ni/ /gti mug pha rol nyid?

  181. 91a

    du 'gyur/ /snang ba ni phyi rol med kyang 'gyur ro/ /des bstan zin to/ /snang ba med na ni phyi rol med pa nyi dang 'gyur te/ /ma dmigs pa'i phyir ro/ /des na sa bon du snang ba las myu gur snang ba yin pas rgyu dang 'bras bu yin pa la 'gal ba ci yod/ 'o na myu gu 'ba' zhig snang bar mi 'gyur te/ 'ba' zhig snang nas 'on du snang ba med pa yod pas rgyu med pa nyid du 'gyur ro/ /phyi'i don yod par sgrub? rnams kyi ltar na ni rgyu med pa nyid ma yin te/ mi snang bar sa bon yod pa'i phyir ro/ /'di ltar phyi rol mi snang ba yin yang/ phyi rol pa nyid las nyams pa med/ /gang tshe ?? ba med 'gyur na/ /rnam shes nyid ni yod ma yin/ /'on te de na gzhan gyi snang ba yod pa des na rgyu med pa nyid ma yin no zhe na/ ma yin te/ nges pa med pa'i phyir ro/ /gzhan gyi snang ba las ni rang gi snang ba skye ba yang ma yin no zhe na/ de yang mtshungs pa ma yin te/ /'di ltar/ gal te don de su la yang/ /snang ba med par 'gyur ba na/ /gang gis myu gu de rgyu can/ /'gyur ba de yod tshad ma gang/ /nus pa nye bar brjod pas brjod pa thams cad bral ba ni nye bar brjod pa med pa'i mtshan nyid yin no/ /phyis mthong ba'i phyir ro zhe na/ lan btab? zin to/ /'bras bu las yod do zhes g.yo? zhe na/ rgyu dang 'bras bu'i dngos por ni/ /grub na de yi yod par rtogs/ /de dngos nyid du rtogs na yang/ /rgyu dang 'bras bu'i dngos por 'gyur/ /des na phan tshun rten pa'i nyes pas mi grub pa kho na'o/ /gal te gcig nyid du sgro btags pa 'di yang mthong ba nyid yin no zhe na/ 'o na rnam par shes pa la yang sgro btags pas sus? bzlog /rnam par shes pa med pa'i phyir ji ltar sgro 'dod ?? zhe na/ 'di ni phyi rol la yang mtshungs so/ /phyi rol la yang sgro btags pa nyid las yod do zhes tha snyad byed pa yin no/ /de lta yin yang snang ba yang kun rdzob tu yod pa nyid do/ /rjes su dpag pa'i dus su ni phyi rol sgro btags pa las gzhan pa'i yod pa nyid ni med do//

  182. 91b

    sgro 'dogs pa de ni gal te 'di lta bu 'ba' zhig 'dir 'gyur na/ mthong ba la yang 'gyur ro/ /gal te 'di lta bu 'ba' zhig 'dir 'gyur ni snang bar gyur ro zhes so/ /snang ba de gzhan yin no zhe na/ don yang gzhan yin pas na 'di na mtshungs so/ /der yang don dam par ni gcig nyid rtogs pa ma yin no/ /rnam par shes pa smra ba la yang rab rib can gnyis kyis zla ba gnyis mthong ba bzhin du gzhan la yang tha snyad byed do/ /des na rnam par shes pa smra ba la yang gal te de'i ngo bor des par snang pa dang 'brel pa'i cha la/ brten nas rgyu dang 'bras bu'i dngos po bzhin 'gal ba ci yod/ /phyi rol kyis don du smra ba la ni 'gal ba yod do zhes bstan zin to/ /tshad ma med pa'i phyir ro/ /gzhan yang/ gal te phyi rol rtogs 'gyur na/ /phyi nas nyid ni rtogs par 'gyur/ /sngar? rtogs na ni thams cad kyi/ rnam pa thams cad rtogs pa ni/ /gal te phyi rol gyi me la sogs pa rtog pa nyid yin pa de'i rnam pa gcig nyid du sngar nyid rtogs zin? pas na rjes su dpag pa las ci'i don du 'jug /'on te rjes su dpag pas rang gi ngo bo ma gtogs pa nyid na de lta yin na ji ltar 'di yod par rtogs/ gzhan gyis ngo bos rtogs na ni rnam par shes pa'i rang bzhin la yang mtshungs pa nyid do/ /'on te rtogs pa snang ba dang rnam par brtag par bya ba gcig tu byas nas 'jug pa dag der sgro 'dogs par byed do zhe na/ sgra btags pa des ci zhig bya ste/ de lta ma yin te/ de med na phyis kyis don rnam par chad pa skyes par 'gyur ro zhe na/ de min pa'ang rnam par chad pa ji ltar 'gyur/ /gal te rnam par 'chad? par rtogs pas dngos po yin na bag chags bar du 'gyur ba ma yin mod/ de lta na yang mi 'chad pa nyid do/ /goms pa 'di'i rang bzhin nyid med pa'i phyir ro zhe na/ de ltar len las na don la yang de'i rang bzhin nyid med do/ /mthong ba ni ma mthong ba dang mtshungs par rtogs nus pa ma yin no/ /'on kyang

  183. 92a

    sgro btags pa tsam 'ba' zhig tu zad la/ de ni rnam par shes pa smra ba la yang mtshungs pa nyid do/ /gal te rigs mi mthun pa'i rnam par shes pa'i rgyu dag nyid bag chags bar du zhugs pa dag ji ltar des de rnam par ma chad par 'gyur zhe na/ dper na rgya skyegs kyis bskus ba/ /bar du rigs mi mthun skyel/ /'jig rten rgya skyogs 'bras bu yin/ /rnam chad med par de 'dod bzhin/ /bar du rigs mi mthun pa yi/ /rnam shes tshogs ni 'byung 'gyur ba/ /de yi bag chags rjes 'brel ba// nyid las rnam chad med par 'gyur/ /dper na rgya skyegs kyi khu bas byug pa/ /mar du 'byung ba'i sa bon dang myu gu dang/ 'dab ma dang/ sdong bu la sogs pa dag la 'bras bu las rjes su dpag pa'i nus pa'i khyed par 'jog pas na/ 'jig rten dag rnam par ma chad par bskyed do zhes bskyed pa de bzhin du/ sngar gyi me snang ba'i yang phyis ma snang ba'i bar du 'byung ba rigs mi mthun pa'i snang ba dag la der gnas pa bzhin du rang gi nus pa 'dzin par byed pas na/ 'bras bu rnam par ma chad pa kho nar skyed par byed do/ /zhes brjod pa 'am nges pa yin no/ /des na sngar gyi snang ba de nyid mer? snang ba bskyed par byed pa yin gyi du bar snang ba ni ma yin no/ /de la ji ltar phyi'i don smra ba dag gi ltar phyis kyi mer snang ba las sngar me byung bar gyur to zhes rtogs par byed pa de bzhin du/ rnam par shes pa smra pa'i lta na yang bag chags yod par 'gyur ro zhes rtogs pas 'di gnyis la khyad par med do/ /du bar snang ba las kyang du ba'i bag chags rtogs pa yin no/ /bag chags rgyu yin pa nyid du sgrub zin to/ /phyi rol gyi rgyu'i dngos po nyid du 'thad pa ma yin te/ 'di ni bstan zin to/ /du ba mes skyed 'gyur ma yin/ /de phyir 'bras las rgyu rtogs min/ /de rgyu dag ni yin na yang/ /gang las nges par rtogs par 'gyur/ /gal te du ba'i bag chags nyid du ba yin la de nyid rgyud 'bras bu'i dngos po yin gyi/

  184. 92b

    me las du ba ma yin te/ de'i tshe med pa'i phyir dang/ rang gi bag chags dang 'brel pa'i phyir/ gal te mer snang ba yang de'i bag chags sad pa de dang rjes su mthun pa nyid kyis du bar snang ba'i rgyu yin pas rgyu nyid yin na/ de ltar yin na du ba yang me'i rgyu yin na/ /rgyu nyid yin na yang nges par rtogs par ga las yod de/ 'khrul pa'i phyir ro zhe na/ 'di la bshad pa/ de la'ang du bar snang ba'i blos/ /bag chags gsal bar sang pa can/ /mer snang pa yi blo nyid ni/ /rtogs 'gyur me nyid ma yin no// 'di ltar du bar snang ba'i blo ni bag chags dang 'brel pa ma yin te/ de las ni bag chags de rjes su dpog go /bag chags de yang sad pa la mngon du phyogs pa yin pa'i phyir na/ mer snang ba bskyed pas na mer snang ba thob pas tshad ma yin no/ dper na phyi'i don smra ba rnams kyi ltar na/ me rjes su dpag pa las mer snang ba 'am me gzhan yin pas des na/ tshogs pa gcig la rag las pas me mthong ba de bzhin du du ba dang 'byung bar 'gyur ba'i me snang ba gnyis bag chags dang 'brel pa yin te/ gal te lkog tu gyur pa dang ma gyur pa'i me gcig nyid yin no zhe na/ ma yin te tshad ma med pa'i phyir ro/ /bag chags kyi dbang gis gcig nyid yin pa'i phyir na bag chags rang nyid don dam par gcig yin gyi/ dngos po ni ma yin na zhes nyid yang bstan zin to/ /phyi'i don la yang me nyid rjes su dpog pa ni ma yin gyi/ 'on kyang 'byung ba'i snang ba nyid yin te/ srog chags rnams de don du gnyer ba'i phyir ro/ /me mi snang ba'i mes ni su la yang dgos pa med do/ /snang ba don du gnyer ba ni 'byung bar 'gyur ba'i snang ba rjes su dpag par bya ba 'gyur mod/ /me rjes su dpog pas ci bya/ ji ltar 'byung bar 'gyur ba rjes su dpog ce na/ de lta bu nyid du mthong ba'i phyir ro/ /mthong phyir de lta nyid

  185. 93a

    do zhes/ /'di la mi rigs mthong ba med/ /phyi rol na la ni mi bslu dang/ /mthong ba 'ang sding pa ma yin no/ /'byung ba'i snang ba nyid kyis rjes su dpog? pa la thams cad mi 'thad pa med do/ /phyi rol gyi rmi lam na yang srid pa ma yin no/ /'di ltar/ de bzhin 'byung 'gyur myong ba ni/ /rjes su dpag pas shin tu nges/ /da ltar 'byung don rig na ni/ /yod pa min zhes bstan zin to/ /de lta ma yin na 'ga' yang 'byung ba'i don la bltos pas 'jug par mi 'gyur ro/ /'on te da ltar dang 'byung bar 'gyur ba dag la gcig tu zhes pas 'jug go zhe na/ de lta yin na 'di 'byung bar 'gyur pa'i don rig pa nyid yin gyi da ltar pa rig pa ni ma yin no/ /rig pa ni thob pas rjes su dpog pa bzhin no/ /des na da ltar ba'i rang bzhin mi 'thob pa'i phyir dang/ 'byung ba ni bzlog pa yin pa'i phyir tshad ma ni 'byung ba'i yul can nyid do/ /de ltar ba'i rnam pa ni yod kyang bden pa ma yin no/ /mngon sum yang 'byung bar 'gyur ba nyid la tshad ma yin no/ /de ltar yang bstan zin to/ /des na ji skad du/ don 'di ni 'gyur bar 'gyur ba yin te shes ba'i dus na yod pa ma yin no zhes smras pa de bsal ba yin te/ 'byung bar 'gyur ba med par mi 'gyur ba'i phyir na/ phrad pa las skyes pa'i mngon sum de tshad ma yin no/ /des na yod pa dmigs pa yin pa'i phyir rgyu mtshan ma yin no zhes bya ba de yang spangs pa yin no/ /des na mngon sum dang rjes su dpag pa dag 'byung par 'gyur ba'i yul can yin pa'i phyir na de'i rjes su 'gro ba dang ldog pa'i rjes su byed pa'i dngos po la tshad ma yin no/ /don dam par ni thams cad rig ngo bo'i yul can nyid la tha snyad du ni 'byung ba'i don gyi yul can yin no/ /'byung ba'i don de yang thob pa'i yul yin pa de'i phyir na don bya ba byed pa nyid yin no/ /gal te tha snyad khas len par byed na don gyi yul can nyid yin par 'gyur la/

  186. 93b

    don de yang nyid min pas 'byung ba'i yul tsam? nyid du bsgrub pas ci bya zhe na/ 'di la bshad pa/ ma rtogs? cung zad rtogs sogs kyi/ /dbye bas tha snyad de rnams gsum/ /de la brtan nas 'di dag ni/ /thams cad 'thad pa nyid du rtogs/ /ma rtogs pa rnams kyis tha snyad ni mngon sum dang sta ba'i don gyi yul can yin no/ /cung zad rtogs pa rnams kyis ni 'byung bar 'gyur ba'i yul can/ shin tu rtogs pa rnams kyis ni snang ba tsam gyi yul can nyid do/ /de na gal te ma rtogs? pa'i shes pa la bltos te don gyi yul can yin la/ don yang da lta ba'i yin na grub pa grub la sgrub par de ni de lta bu kho nar kho bo cag 'dod do/ /es na du bar snang ba'i shes pas ni me'i bag chags nyid rtogs par byed la/ bag chags de yang 'byung pa'i snang ba dag gcig tu rtogs pas de'i ngo bor snang ba la 'jug par byed pa yin pa na 'byung bar 'gyur pa'i snang ba de nyid rtogs par bya ba yin te/ phyi'i don 'dod pa las 'byung bar 'gyur ba'i me bzhin no/ /des na don dam par snang bar 'gyur ba'i yul yin no/ /gal te phyis kyi 'khrul pa snang bar 'gyur ba yin nam/ der don du gnyer bar mi 'gyur ba yin nam/ /'jig rten don nyid don du ni/ /gnyer gyi snang ba don gnyer min/ /'jig rten la 'ga' rmi lam gyi/ /bde ba don gnyer mthong ba med/ /de ni ma yin te 'di ltar// gal te bag chags brtan brten nas/ /snang ba mtshams sbyor lan na der/ /rmi lam bden min yin yang der/ /khyed la chad pa ci zhig yod/ /gang la bag chags kyi khyad par nyid las 'chug pa med pa de ni rmi lam gyi bden pa nyid ma yin no/ / rnam par shes pa smra ba rnams la yang bag chags kyi khyad par la rmi lam dang cig shos kyi rnam par shes pa'i dbye ba ni yod pa nyid do/ /dper na rmi lam nyid na rmi lam dang cig shos kyis khyad par yod pa bzhin no/ /yang na rmi lam gyi khyad par

  187. 94a

    nyid yin la rag mod/ /de la yang mi mkhas pa rnams 'jug par 'gyur bas 'di khyed la chad pa ci zhig yod/ /don dam pa la mkhas pa mi gtsug gi rin po che'i rgyan dam par 'gyur ba thar par 'dod pa rnams ni bde ba thams cad byis pa'i rtsed mo dang 'dra bar mngon par 'dod pa ma yin pas/ 'jug pa med par thal ba grub pa la sgrub pa nyid do/ /'di ltar/ thar 'dod bzod pa dang ldan dag /'khor ba'i bde ba don gnyer min/ /des na de dag chos la ni/ /'jug pa de bzlog grub phyir yin/ / 'khor ba'i bde ba'i don du chos sgrub mdza' dag byis pa'i rtsed mo dang 'dra bar mthong ba'i rtog pa dang ldan pa thar pa 'phen pa rnams ni 'khor ba'i tha snyad 'dred pa'i chos la bzlog pa 'jug pa yin no/ /des na tha snyad pa'i tshad ma'i yul ni snang ba nyid do/ /gal te me la sogs par snang ba ni bag chags dang 'brel pa nyid yin la/ de'ang rigs mthun pa'i bag chags dang 'brel pa yin na/ 'o na ni du bar snang ba de'i bag chags nyid rtogs par 'gyur gyi/ ji ltar me'i bag chags rtogs par/ 'di ltar/ gang gi ngo bor snang ba yis/ /rab tu sbyar ba'i bag chags ni/ /de'i ngo bor snang ba yi/ /rgyu yin snang ba gzhan gyi min/ /me'i bag chags kyis ni du bar snang ba skyed par byed pa ma yin te/ de'i du ba'i bag chags nyid kyis skyed par bya ba yin pa'i phyir ro/ /de las gzhan gyis bskyed par bya bas ni skye dang phyed pa ma yin pa gzhan go bar byed pa ma yin no zhe na/ 'di la brjod ba/ sems rgyud de rung bag chags kyi/ /snying po can ni du bas ni/ /snang ba'i blo dag gsal byed pa/ /des na me las du ba yin/ /'khor ba'i spros pa mdza' dag ni sems nyid las byung ba yin no/ /des na mir snang bar rung ba'i bag chags kyis rtogs pa can gyi sems kyi rgyud las mer snang ba yin/ rgyud de yang du ba'i bag chags sad par byed pa'i sems gzhan

  188. 94b

    gyis nye bar bsgrub pa las du bar snang bar skyed par byed pa yin no/ /de bas na me'i bag chags lhan cig byed pa tsam gyi du ba'i bag chags du bar snang ba'i nye bar len pa'i rgyu yin la 'byung bar 'gyur ba'i mer snang ba'i nye bar len pa'i bag chags kyang sad par byed pa yin pa'i phyir na/ du bar snang ba 'am/ du ba'i bag chags kyi lhan cig byed pa can yin no/ /des me dang me'i 'bras bu du ba dag tshogs pa cig la rag las pa'i phyir go bya go byed kyi dngos po yin pas na 'thad pa yin no/ /gal te tshogs pa gcig la rag las pa nyid kyis go bar byed ma yin na/ de go bya go byed kyi dngos po gang dus mtshungs pa yin gyi/ ma 'ongs pa ni rtogs pa ma yin te/ 'khrul pa'o zhe na/ 'di ni rung ba ma yin te/ 'di ltar/ thams cad du ni ma 'ongs pa/ go bya nyid ces bsgrub pa yin/ du ba las kyang thob bya yi me/ /skad cig go der go min nam ci/ /tshad ma'i yul ni ma 'ongs pa nyid do/ /gal te du ba las me'i de nyid kyi tshe yod do zhes rtogs kyi/ phyi nas byung bar 'gyur ba ni ma yin no/ de'i tshe 'ga' yang tshad mar mi 'gyur ro/ /de'i dus su 'byung ba'i me nyid la dgos pa med do/ /gal te 'byung bar 'gyur ba la the tshom za ba ni ji ltar tshad ma nyid yin/ ngos thob pa ston pa'i phyir tshad ma yin te/ tshad mas gnya' po'i tshul gyis dus gzhan gyi don bstan par bya ba ni ma yin no zhe na/ bstan pa ngas kyang don bya ba mi byed pa'i phyir na/ de don med ba kho na ma yin nam/ 'byung bar 'gyur bas don bya ba 'byung ba'i phyir na/ 'di yang nyer bar btags nas don bya ba byed pa yin te/ rgyu la 'bras bu btags pa'i phyir ro zhe na/ gal te de lta na? rnam par shes pa smra ba rnams kyi ltar na yang de'i dus su go bar bya ba bag chags yod pa nyid do/ /don bya ba byed pa nyid med pa'i phyir des ci bya zhe na/ 'di ni don la yang mtshungs so/ /'byung bar 'gyur ba'i don gyi sgo nas don bya ba byed

  189. 95a

    pa'i phyir de yang don bya ba byed pa yin no zhe na/ 'di'i bag chags la yang mtshungs so/ /don la yang de'i dus su bag chags tsam go bar bya ba yin no/ /gzhan gyi go ba yin no zhe na/ bag chags kyang gzhan gyi go ba nyid do/ /bag chags kyang tha snyad las gzhan gyi mi rtogs pa ma yin no/ /des na byi'i don dang rnam pa rig pa tsam du smra ba dag gi rjes su dpag pa 'dra ba nyid do/ /des na rnam par rig pa tsam nyid rigs so/ /'o na ji ltar slob dpon gyis phyi'i don la yang rnam par shes pa rang bzhin gnyis par bshad de/ rnam par shes pa smra ba nyid du rigs pa yin no zhe na/ 'di la bshad pa/ mkhas pa rnams la rtsod 'di yod/ /phyi rol la ni brten nas su/ /tshul gnyis rjod yin de yang ni/ /lhan cig myong ba nges pas grub/ /gzhan la bltas te phyi'i don khas blangs nas tshul gnyis bshad pa yin gyi/ mkhas pa rnams la ni rnam par shes pa smra ba nyid do/ /tha dad pa dag gi myong ba ngos pa mi rung ngo zhes bstan zin to/ /gal te rnam par shes pa rnam pa med pa nyid yin na de'i tshe/ rnam pa gzhan nyid pas de la res 'ga' 'dzin pa'i rnam pa tha dad pa nyid du 'dzin par 'gyur ro/ /'dzin pa nyid de ser po la sogs par med par 'dzin pa'i rnam pa nyid yin la/ sngon po de nyid bde ba'i rnam pa yin zhing/ de nyid sdug bsngal gyi rnam pas 'dzin pa yin no zhe na/ ser sogs la yang 'dzin pa yi/ /rnam de nyid dang sngon gang mthong/ /de nyid yin par shes 'di ci/ /mngon sum 'on te rjes dpag yin/ /re zhig mngon sum ni ma yin te/ /sngon dang phyi ma'i dngos po la mngon sum gyi 'jug pa'i phyir ro/ /de med na rjes su dpag pa la yang ma yin pas sna snga ma dang phyi ma ni tshad ma'i yul ma yin no/ /'o na mngon sum rjes su 'gre ldog 'dzin par nus pa ma yin pa'i phyir/ me la sogs pa gzhan du yang rjes su dpog pa ji

  190. 95b

    ltar 'gyur zhe na ma yin te/ rjes su dpag pa ni spyi'i yul can yin pa'i phyir gcig tu 'dzin pa'i yul gcig tu bsams nas rjes su dpog pa yin no/ /dper na tshang bar dang gzhan na gnas pa dag gcig nyid du sgro btags nas me'i de nyid 'di'o/ /zhes gsal ba gzhan dang lhan cig bsgrub par bya ba yin gyi/ don dam par ni gcig pa nyid ma yin pa de bzhin du/ 'dir yang 'dzin pa'i rnam pa de nyid la sngon po nyid da rung du de las tha dad par yod pa nyid/ /zhes rgyu tha dad pa med pa khas blangs nas gzung ba dang 'dzin pa dag gam/ rtogs pa rang bzhin dang sngon po'i rnam pa dag tha dad par bsgrubs pa yin no/ /des na dngos po la tha dad pa yod pa ma yin gyi/ 'on kyang spyir gyi rgyud btags pa la yod pa yin no/ /der don dam par yod pa ni rang gi mtshan nyid la bltos te/ lhan cig dmigs pa nges pa nyid yin na des na don dam par tha dad pa med pa kho na'o/ /gang gi tshe shes pa rnam par med pa yin pa de'i tshe ni dus thams cad du dag pa de nyid yin par 'gyur gyis gsal ba dang mi gsal ba dang rtogs pa'i rang bzhin ni ma yin par 'gyur na rnam pa gzhan yang mthong ba yin no/ /'di ltar/ dbang po'i khyad par gyis gsal dang/ mi gsal 'dren ma la sogs pa/ snang ba tha dad 'dzin pa yi/ /shes pa don gcig la dmigs so/ /ji ltar don gcig nyid la snang ba sna tshogs par 'gyur/ 'di ltar/ de don las de las der snang min na/ /don gyi rang bzhin gcig pa'i phyir/ /de yi don can nyid kun ni/ /rang bzhin gcig pa nyid du 'gyur/ /gal te rnam pa shes pa rnam pa med pa nyid yin na/ de'i tshe gzung ba'i don nyid snang bar 'gyur ro/ /de yang rnam pa gcig nyid yin te/ des na snang ba tha dad par mi 'gyur ro/ /don gyi rnam pa du ma ma yin no zhes bstan zin to/ /gal te don gyi rnam pa nyid yin

  191. 96a

    yang rnam pa du ma nyid du ji ltar 'gyur/ shes pa'i rnam pa de yang rnam pa gcig nyid du 'gyur bar bya ba yin te/ des na rnam pa du ma'i nyes pa de ni so na 'dug pa nyid do zhe na/ nyes pa med de 'di ltar/ don la brten nas 'byung gyur zhing/ /de'i ngo bo rjes byed pa/ /de ni gzhan 'ga' zhig las kyang/ /cha 'ga' yis ni tha dad 'gyur/ /de'i rnam pa nyid du skye bar 'gyur ba ni don la gzhan las kyang de'i rnam par 'gyur ba yin te/ dper na zla ba rnam pa gcig nyid la rab rib la sogs pa'i stobs kyi rnam par 'gyur ba bzhin no/ / 'di ltar pha la brten nas su/ /pha de yi ni gzugs yin yang/ /'ga' zhig las ni cha 'ga' yis/ /tha dad par ni dmigs pa yin/ /pha las 'dra bas skye ba'i bu ni gzhan ma'i rnam pa mi 'dzin pa ni ma yin no/ /dbang po'i khyad par gyi tha dad pa nyid ston pa ni/ /mar me la sogs dkyil 'khor ni/ /rma bya'i mdongs kyi rnam pa can/ /sngo dang dmar dang mdangs gsal ba/ /mig mi gsal bas mthong bar 'gyur/ /rab rib kyis mig gang gi nus pa nyams par byed pa rnams kyis mar me la/ sngon po la sogs pa'i rnam pa'i dbye ba tha dad ba can zlum pa mdangs gsal bar mthong bar 'gyur ro/ /'on te de lta bur gyur pa nyid mar ma'i rang bzhin bden pa nyid du 'gyur ba yin na de'i tshe/ de yi phyi rol dngos yin na/ /dbang po gsal ba cis nus med/ /mig gsal bas kyang mthong bar 'gyur ro/ /yang de yang mi gsal ba nyid yin te/ dbang po nyams pa ni ma yin te/ 'di ltar/ yang dag mthong na de mthong ba/ /dbang po nyams pa 'ang ji ltar yin/ /mi bden pa mthong ba'i phyir mthong ba nyams pa brjod pa yin no/ /bden pa mthong bzhin du yang nyams par rtogs na ni/ ka ba la sogs pa'i mthong ba mdza' dag kyang mi nyams par rtogs par 'gyur ro/ /'di ltar re zhig mthong ba'i nus pa nyams pa rang gi ngo bos ni mngon sum du rtogs par nus pa ma yin te/ des na rjes su dpag pas rtogs par bya ba nyid do/ /nus pa ni ji ltar 'bras bu mthong ba las yod

  192. 96b

    par rtog par bya ba de bzhin du 'bras bus nyams pa las nyams par rtogs par bya ba yin no/ /de'i 'bras bu yang mthong ba yin la/ de'ang bden pa 'am mi bden pa'i/ bden par mthong yang rtogs pa yin na ni mnyams pa zhes bya ba med par 'gyur ro/ /'on te yod pa nyid yin yang gzhan gyis bltar med pa mthong bas na/ dbang po nyams pa yin no zhe na/ de lta yin na/ rab rib kyis sbyangs gsal ba'i mig /dbang po las 'das mthong de la/ /gzhan gyis mthong ba'i don de yang/ /ji lta bur na gsal ma yin/ /gang zhig gzhan gyi mi mthong ba yang mthong ba de ji ltar gzhan gyi mthong ba gsal bar mi mthong/ de ltar ni mthong ba med do/ /gang zhig gzhan gyi bltar med pa phra mo mthong ba de ni gzhan gyi bltar yod pa yongs su gsal bar mthong ba nyid du mthong ba yin no/ /de ltar yang ma yin te/ des na yang dag pa mthong ba nyid du mi rigs so// gal te yang dag pa yin pa dang/ mthong bar yang 'gyur ba yin no zhes bya ba 'gal ba ma yin nam/ gal te mthong ba yang dag min/ /ji ltar yang dag yang dag nyid/ /mthong ba las ni ma gtogs pa/ /yang dag rgyu mtshan gzhan yid min/ /mthong ba yang dag pa ma yin pa zhes bya bar rnam par 'jog na yang dag pa zhes bya bar med pa nyid do zhes bya bar 'gyur te/ khyad par med pa'i phyir ro/ /mthong ba mi 'thad pa zhes bya ba ni yod pa ma yin no zhe na/ de ni legs pa ma yin te/ gang gis gang gi ngo bor mthong/ /de ni da ltar nyid rtogs bya/ / gzhan du mthong ba gzhan du ni/ /ji lta bur na khas len byed/ /dbang po rnam par 'gyur ba rab rib la sogs pa'i rjes su 'gro ba dang ldog pa'i rjes su byed pa nyid du dmigs pa ni de las gzhan pa'i rgyus skye ba bskyed pa can dang myong ba'i rang bzhin dang rjes su 'brel pas ma yin no zhes bya bar rigs pa ma yin no/ /rab rib la sogs pa'i rnam par 'gyur ba dag gi rjes su byed pa nyid bsgrub par bya ba yin no/ /de lta ma yang phyi rol nyid du khas len na ni tshig tsam du zad do/ /'di ltar snang dbang yid ma byed pa las/ /gzhan ni gcig

  193. 97a

    gis nus rtogs pa/ /des na gzhan ni rgyu ma yin/ /snang ba la sogs pa las gzhan ni mar me nyid kyi nus pa dmigs kyi dkyil 'khor gyi ni ma yin no/ /des na rgyu gzhan med pa'i phyir yul ma yin te/ rgyu ma yin pa ni yul ma yin no zhes bstan zin to/ /snang ba'i phyir yul yin no zhes bya ba mi 'thad de/ snang ba ni 'khrul pa la yang yod pa'i phyir ro/ /rang gi ngo bos ji ltar 'khrul pa yin zhe na/ rang gi ngo bos snang ba ni rang rig pa yin gyi yul ni ma yin no/ /gzhan du snang bas na rang bzhin ma yin no zhe na/ rang gi ngo bos snang ba ji ltar gzhan du snang ba zhes bya bar rung/ gang du snang ba de yang gzhan du snang ba yin na/ thug pa med pa snang ba yin na ni/ de bzhin du gzhan yang rang gi ngo bo nyid snang ba yin pa'i phyir na rang rig pa nyid do/ /gal te phan tshun du snang ba yin na sngon po la sogs pa yang phan tshun du snang ba yin pa'i phyir myong ba nyid du 'gyur te sngon po la sogs pa myong ba la gnas par gyur pa rnams kyang myong ba'i ngo bo kho na yin pa'i phyir ro/ /rjes su 'gro ba dang ldog pa dag las nus pa nges pa'i rang bzhin gyi rgyu yul yin no/ /rma bya'i mdongs ni rjes su 'gro ba dang ldog pa dag las nus pa nges pa ma yin te/ des na 'di ni yul ma yin no/ /myong ba las gzhan pa'i rang bzhin las gzhan pa'i rnam pa 'jog pa med pa'i phyir ro/ /ka pa la sogs pa sad pas dmigs pa dag ni shes pa gzhan gyis mthong bzhin phyir tha dad par rnam par bzhag pa yin no/ /de'i 'bras bu sa gzhi tshig pa yang mthong ba'i phyir ro/ /'dir yang rab rib kyis bslad pa rnams kyis mtshungs par mthong ba'i phyir ro zhe na/ ma yin te/ de dag la yang mtshungs pa'i phyir ro/ /'khrul pas dmigs pa'i me la ni sa gzhi tshig pa'i 'bras bu ma dmigs so/ /des na gnyi ga yang 'khrul pa yin no/ /'on te me de ni sreg par byed pa ma yin pa nyid do zhe na/ ma yin te de ltar rtogs pa med pa'i phyir ro/ /de lta bu ma yin pa la de lta bur rtogs pa ni 'khrul pa nyid do/ /'jig rten gyi tha snyad la

  194. 97b

    ltos nas 'khrul pa yin no zhe na/ don nyid kyang 'jig rten gyi tha snyad la bltos pa kho na'o/ /rang gi ngo bor snang ba'i phyir thams cad de lta bu nyid yin pas tha dad par rigs pa ma yin no/ /des na don bya ba med pa can don yin gyi gzhan ni ma yin no zhe na rigs so/ /thams cad don nyid ci ste ma yin zhe na/ thams cad myong ba'o zhes ci ste mi 'dod/ /myong ba'i yin na yang/ thams cad rang rig pa nyid yin pas ji ltar don nyid yin myong ba ni lkog tu gyur pa nyid yin no zhe na ma yin te/ tshad ma med pa'i phyir ro/ /rang rigs pa ji ltar zhe na/ mthong ba'i phyir ro/ / gzhan gyis kyang myong ba mthong ngo zhe na/ 'di la tshad ma ci yod/ khyed la yang ci yod ce na/ gzhan rig pa ma yin pa nyid do/ /gal te gsal bar byed pa med na ji ltar gsal ba ma yin pa bum pa bzhin du gsal byed yin zhe na/ ma yin te/ gsal ba ma yin par grub pa med pa'i phyir te/ mar me bzhin no/ /bum pa ji ltar zhe na/ mun khung na gnas pa'i phyir ro/ /de la rang bzhin yod do zhes bya ba ga las zhe na/ tshogs pa gcig la rag las pa'i reg pa la sogs pa mthong ba'i phyir dang/ mtshan mo rgyu ba la sogs pa gzhan gyis mthong ba'i phyir ro/ / don dam par ni de ltar ma yin no zhes pa 'di ni bdag cag gi 'dod pa nyid yin no/ /de'i phyir rab rib can gyis mthong ba'i rnam pa ni mar me bzhin du rang rig pa nyid do/ /gzhan yang gal te mdongs de nus pa yod pa yin na snam bu khra bo bzhin du mar me med par yang phyogs cig mthong bar thal lo/ /'di ltar/ gal te de nyid blo rgyu yin/ ji ltar mar me la ltos 'gyur/ /khyon dang ldan pa'i rang bzhin ni de'i phyogs cig med kyang phyogs cig po gzhan du 'dzin pa yin no/ /de lta bu nyid rgyu yin no zhe na/ ma yin te sngon po la sogs pa rang bzhin gzhan la ltos pa nyid 'dzin pa yin pa yin no/ /de lta na gnyi ga rgyud nyid du brtag par bya'o zhe na/ mar me tsam gyis yod pa'i phyir/ /gnyi ga dag kyang rgyu ma yin/ /yul de bkang kyang mar me tsam las yod pa yin pa'i phyir mthong ba de ni gnyi ga'i rgyu can ma yin no/ /

  195. 98a

    'on te rnam pa gzhan dang gzhan skye ba'i phyir de dgag pa nyid du mi nus so zhe na/ 'on te de nyid kyi tshe skye ba yin pas gsal ba ma yin pa'i rang bzhin ma yin no/ /de la mig gi byed pa 'jug pa des na rig pa ma yin no zhes bya ba ni 'brel pa ma yin te/ dus mtshungs pa nyid kyis de la mig gi byed pa med pa'i phyir ro/ /rjes su 'gro ba dang ldog pa dag de'i rang bzhin la byed pa 'jug pa yin na ni/ 'od bzhin du de nyid kyi tshe mar mes bskyed pa yin no zhes bya bar 'gyur ro/ /ji ltar mar me rang gi rgyud las 'od dang bcas pa yin pa de bzhin du mig kyang mdun na yongs su gsal ba'i rang bzhin dang ldan pa yin pas na skyon med do/ /mar me las 'od tha dad pa yin no zhe na/ tha dad la rag mod/ /'on kyang mar me nyid bzhin du 'ong mar mes gsal bar byas pa ma yin no/ /zhes bya bar 'gyur ro/ / de'i phyir mig dang gzugs las ma gtogs pa rnam par shes pa gzhan ni tshad ma med pas yod pa ma yin gyi/ 'on kyang rang gi ngo bo myong bas byin gyis brlabs pa'i rang bzhin gnyis po de nyid myong ba yin no/ /de lta bu'i myong ba'i rgyu gzhan ni brtag par bya ba yin pa'i phyir/ /blo tshul gnyis par grub po/ /gal te mdun na gnas pa'i rnam pa can don nyid yin la/ de nyid rnam par shes pa'i bzung ba yin na de'i tshe don rang gi ngo bos bzung ba'i phyir na/ nye ring la sogs khyad par gyis/ /gsal dang mi gsal mi rung ngo/ /gal te snang khyad las der 'gyur/ /de ni chod dang mchod dag /mthong dang mi mthong mtshungs par 'gyur/ mthong ba'i yul gyi mtshams las ma 'das pa gnas pa'i don ni rang gi rgyu brgyud pa las gzhan gyi rang bzhin dang bral bar skye ba rang bzhin nges pa dang 'brel pa yin pa'i phyir rang gi ngo bo nyid snang ba yin pas gang gis gsal ba dang gzhan pa'i rang bzhin dang 'brel pa yul nye ba dang ring ba la sogs pa nyid yin yang 'di tha dad par snang bar ji ltar 'gyur/ /'di ni mthong ba yang yin te/ des na rnam pa dang ldan

  196. 98b

    pa'i phyi rol nyid bzung bas rang gi snang ba ni ma yin no/ /des pa dang ldan pa'i rang bzhin ma tshar ba med par bzung ba ni tha dad par snang ba ma yin te/ de'i rang bzhin tha dad par thal pa'i phyir ro/ /mdun na gnas pa'i rang bzhin du snang ba ni don nyid yin te/ don gyi mtshan nyid ni de yin pa'i phyir ro/ /des na de tha dad pa na don nyid tha dad ma tshang ba med pa yin no/ /don tha dad pa yin yang gsal ba la sogs pa brjod pa ma yin te/ don gzhan snang bas gzhan mi gsal ba zhes bya ba ni ma yin no/ /de'i rang bzhin de nyid yin la/ de yang gsal ba nyid do/ /de'i rang bzhin nyid na/ ji ltar rang bzhin gzhan de ltar/ /de yi ngo bor rtogs na de/ /rang bzhin tha dad ji ltar yin/ /tha dad med par rtogs na ni/ /rtogs pa tha dad med par 'gyur/ /gzung ba'i rang bzhin tha dad min/ /tha dad par yang ji ltar 'dod/ /'o na nye ba dang ring pa la sogs pa'i dbye ba de nyid dam/ snang ba dang mthong ba'i bye brag las gsal ba dang mi gsal ba tha dad pa yin no zhes bya ba ni 'brel pa ma yin te/ rang gi ngo bor snang ba dag cig shos kyi rnam par rtog pa las mi 'da' ba' i phyir ro/ / snang ba tha dad kyang gal te rang gi ngo bos snang ba yin na ji ltar mi gsal/ mi snang ngo zhe na/ de lta na yang ji lta ji ltar mi gsal te/ des na 'di ni phyi na'o/ /snang ba tha dad na der de gzhan gzung bar zad mod don mi gsal ba la sogs pa'i rang bzhin du go ba ltar 'gyur/ 'on te yul thag ring bas bar du chod pa'i phyir ro/ /mthong ba bzhan yin no zhe na/ gal te yul thag ring na de'i tshe bcad pa'i phyir mi mthong ba nyid do/ /'on te ma bcad na de'i phyir yongs su gsal ba kho nar mthong bar 'gyur bas na gang las tha dad pa nyid yin/ gal te snang ba mi gsal bas/ /de la thun mong 'ga' zhig ni/ /ma mthong de phyir tha dad na/ /yul thag ring ba nyid kyis ni phra mo nyid sgrib par byed kyi rags pa'i snang bas ni ma yin no/ /phra mo ni yul thag ring pos bskal na mi mthong ba nyid do zhe na/

  197. 99a

    yan lag can gcig nyid khyab par gnas pa ma yin nam/ des na thams cad mthong ba ji ltar mi gsal bar mthong/ /'on te gcig ma yin na de'i tshe thams cad phra mo nyid yin pas rtogs pa nyid du mi 'gyur ba 'am/ 'gyur na yang rdul phra rab kyi rang bzhin yongs su gsal bar snang bar 'gyur ro/ /de nyid ston pa ni/ phyi rol don gcig mthong ba dang/ /mi mthong tha dad gsal ba yin/ /phra rdul du ma tha dad mthong/ /mi mthong tha dad ga las yin/ /gal te yan lag can gcig yin yang phra mo dang ldan pa'i phyir de dang bral bar mthong ba na/ mi gsal ba'i rnam pa nyid yin la/ gzhan du ni gzhan du 'gyur ro zhe na/ de ni ma yin te/ 'di ltar/ sngon po ser po med par ni/ /gzung dang de mi gsal zhe 'am ci/ /gzhan la gzung yang de yi ni/ /rang bzhin gsal bar 'dzin pa nyid gal te du ma nyid yin na/ /de ma bzung na de las gzhan mi 'dzin pa'i phyir/ mi gsal ba ni ma yin no zhe na/ de yang 'thad pa ma yin te/ de la yang mtshungs pa'i phyir ro/ /gzhan gzung bas mi gsal ba gang yin pa de ci don gyi rang bzhin yin nam/ 'on te myong ba yin/ gal te don gyi yin na des gzhan ma bzung yang de nyid yin pas ji lta ji ltar mi gsal/ 'on te las de skye ba yin na 'o na ni de'i tshe de don ma yin pas ji ltar don 'dzin pa yin/ de lta na yang de lta bur gyur pa de ni dngos po nyid kyis rang bzhin yin no zhe na/ dngos po rang bzhin yin na gzhan gyis kyang de bzhin nyid du mthong bar 'gyur ro/ /gzhan gyi ma mthong na ni thun mong ma yin pa'i phyir rtogs pa nyid yin no zhes bstan zin to/ /'di ltar skye bo dag bdag gi rtogs pa nyid mi gsal par skyes so zhes rtogs pa yin no/ /'on te nye bar btags pa las de ltar rtogs pa yin no/ /mi gsal ba'i don mthong ba la rtogs pa yang de lta bu tha snyad byed pa yin te/ dper na dbyug pa dang 'brel pa las skyes bu la dbyug par tha snyad byed pa bzhin no/ /

  198. 99b

    zhe na/ de yang mi rung ste/ /'di ltar de ldan mthong ba dang 'brel pas/ /nga yi mig ni mi gsal zhes/ /de yi 'bras bu mthong ba las/ /tha snyad de 'dra de 'gyur na/ /'bras bu 'ang mthong yin don gzhan ni/ /de yi 'bras bur gnas ma yin/ /gal te de bzhin 'brel las ni/ / sngon po la yang brjod 'gyur ro/ /nga yi mthong 'di cig pa zhes/ /khyed ni nam yang 'dod ma yin/ /de phyir 'jig rten thams cad kyis/ /rtogs phyir mthong ba mi gsal nyid/ /rgyu med par ni nges pa kun/ /'khrul pa nyid du rjod pa min/ /tha snyad ma gol bar bsgrub pa'i nyes pa ni gzhan du 'gyur ba ma yin no/ /des na don dang nyid snang ba blo tha dad par rigs pa ma yin no/ /gal te snang ba gsal mi gsal/ /khyad par gyi blo tha dad na/ /gzhan tha dad pas tha dad med/ /gang las tha dad par snang 'gyur/ /gzhan dag brjod pa ni/ /phyi rol gyi snang ba gsal ba dang mi gsal ba tha dad pa nyid las don gcig la yang blo tha dad pa yin gyi/ blo'i rang bzhin tha dad ni ma yin te/ des na rnam pa 'di sems kyi ma yin no zhes so/ /de ni tha mi dad de/ 'di ltar/ gal te snang ba dang ldan pa'i/ /don ni snang ba nyid ma yin/ /gzhan du lhan cig snang bas ni/ /mi gsal bas ni snang mi 'gyur/ /phan tshun ldog pa'i snang ba dang/ /gzugs snang ni de dag nyid de ltar snang ba'i phyir gzugs gsal bar snang ba ma yin no/ /gzhan rang gi ngo bo snang ba ni de las gzhan de ltar 'gyur ba ma yin no/ /'gyur ba kho na ste/ le brgan gyis bsgyur ba'i ras kyis bar du chod pa'i dngos po snang ba bzhin no zhe na/ ma yin te der yang mtshungs pa'i phyir ro/ /rang gi ngo bos snang na ni dmar po nyid snang ba ma yin no/ /de nyid de'i rang bzhin yin pas de ltar snang bar khas len na/ de yang snang ba mi gsal bas rang bzhin de ru 'gyur ba'i phyir thams cad la de ltar snang ba'i phyir/ gang las blo tha dad/ de'i phyir snang bar tha dad kyang tha dad par snang ba ma yin no/ /gzhan yang/ snang ba de yang cis mi gsal/ /bsgribs phyir de 'dir cis ma yin/ /srab phyir snang ba de lta nyid//

  199. 100a

    gzhan du srab min yod pa nyid/ /gal te yul thag ring por snang ba rdul gyi bsgribs pas mi gsal ba yin na/ de'i tshe yul shin tu nye bar yang mi gsal ba nyid de/ der yang rdul gyis bsgribs pa yod pa'i phyir ro/ /nam mkha' khyab par 'thul ba ni 'di la yang med pa yin no/ /gal te yod kyang srab pa'i phyir/ /rdul gyis bsgribs pa ma yin no/ /yul thag rgyang ring por ni de'i bar thag ring bas na/ rdul mang ba nyid do zhe na/ 'di g+ho d+ha dang ri bong gi tshul yin te/ der ni snang ba yang mang ba nyid de la nye bar ni ji ltar rdul srab pa de bzhin du snang ba yang yin/ /'di skad smras pas ci bya/ /shin tu nye la snang ba ni/ /cher gsal de yang gsal bar 'gyur/ /gal te rdul srab pa nyid kyi snang ba gsal bar snang ba yin na de'i tshe shin tu nye bar rdul srab pa'i phyir/ shin tu gsal bar 'gyur ro/ /de la dbang po'i nus pa med pa'i phyir ro zhe na/ gtan mi mthong bar 'gyur ro zhes bshad zin to/ /gal te der yang mthong med la/ brten nas gzugs gzhan 'byung 'gyur na/ /de dag rnams ni phan tshun du/ /sgrib 'gyur de'i phyir snang ba ni sgrib byed// ma mthong ba'i ming can/ /sems med pa'i dngos po la brten nas gzugs gzhan nyid der skye ba yin te/ des snang ba de bsgribs shing bcad pa de'i phyir las gzhan mi mthong ngo zhe na/ de lta yin na thams cad kyis de la gcig nyid mthong bar 'gyur gyi gzhan ni ma yin te/ snang ba bsgribs pa'i phyir ro/ /nye bar ni sgrib pa de med do/ /de rgyab tu gnas pa'i phyir ro zhe na ma yin te yul gcig tu mthong ba'i phyir ro/ /yul thag ring po na gnas pas yul nye ba na gnas pa'i rgyab tu mi gsal bar 'dod pa'i rang bzhin de dmigs pa ni ma yin no/ /de ni 'khrul pa yin no zhe na/ don gyi de kho na nyid mthong ba la 'khrul la ga na srid/ yul la 'khrul pa yod pa nyid de/ nyi ma shing gi rtse mo dang 'byang bar mthong ba bzhin no zhe na/ gal te de na med pa yi/ /dngos

  200. 100b

    de'ang yul der mthong na ni/ /dus der nges par der mthong dang/ /'brel pa ci ste 'gyur ma yin/ /gal te de'i dus su ni/ /med pa mthong na thams cad ni/ /don rnams thams cad mthong zhes par/ /'gyur na de'ang mthong ba min/ /gal te ma mthong dang 'brel pas/ /'di dag thams cad gzhung 'dzugs na/ /gzhan yang de phyir ma mthong las/ /mthong ba thams cad skye bar 'gyur/ /gang gi tshe khyed gzhan gyi lta ba sun phyung ba'i phyir khyed cung zad cig brjod pa de'i tshe gzhan yang khyed la skyon snang gi /gzhung bsgrub pa 'di ma yin pa 'di thams cad ni de lta bur gyur pa'i ma mthong ba'i mthus yin pas 'di ni khyed kyi nyes pa yin no zhes brjod par nus pa nyid do/ /ji ltar yod pa'i mthong ba'i mthong ba bzlog pa de bzhin du med pa nye bar ston pa yang yin no/ /des na khyed med pa nyid kyi skyon las spobs shing yod pa yin yang gzhung mi tshugs pa yin no/ /de bzhin du rtogs pa'i tshigs kyang yin pas 'ga' yang yang dag pa ma yin par 'gyur ro/ /dngos gang ji ltar mthong 'gyur ba/ /de ni de lta nyid rtogs bya/ /mi gsal sgrib pa de yi ni/ /rgyab tu me zhes rtogs par bya/ /sgrib pa de 'ga' i yang rgyab tu ma yin pas na/ /mdun na gsal ba'i sgrib pas bcad pa'i phyir thams cad kyi mi gsal ba'i rang bzhin gyis sgrib pa gcig pu mthong bar 'gyur ro/ /de ma sgrib pa yin na ni yul thag ring po na gnas pas kyang cig par gsal ba dang mi gsal ba'i mtshan nyid gang yang cig par mthong bar 'gyur ro zhes bshad pa zin pa ni/ de la gcig tu snang bar 'gyur/ /de na bsgribs na gcig par ni/ /gsal dang mi gsal rang bzhin dag /mthong 'gyur ci ste yang cig snang ba yin te/ /gzhan gyi mthong ba ni ma mthong bas bsgribs pa'i phyir ro zhes brjod do zhe na/ 'di la bshad pa/ gal te de las mthong med kyis gcig bsgribs/ /ma mthong ba zhes bya ba ni tshig gi lhag ma'o/ /de ni mi 'thad de/

  201. 101a

    ci'i phyir na/ gang gis don dang don min byed/ /de la ma mthong ba ci byed/ /ma mthong zhes bya ba 'di chos dang chos ma yin pa'i mtshan nyid yin pas/ blo bur du don dang don ma yin pa'i nye bar gyur pas rtogs par bya ba yin gyi/ mngon sum gyis ma yin no/ /des na thag ring po nas ma mthong ba dang mi gsal bar mthong ba la don dang don ma yin par med pa yang tshig ji ltar ma mthong bas byas pa nyid yin/ 'di yang byed do zhe na/ 'di la legs par brjod pa yang ma mthong ba'i dbang gis ma rtogs pa'i phyir sun 'byin pa dang gzhung 'dzugs pa 'di thams cad de kho na nyid du mi 'gyur ro zhes lan bstan zin to/ /de phyir don sten skye 'gyur ba'i/ /myong ba ji lta'i rgyu bzhin du/ /rnam pa tha dad 'dzin byed de/ /lhag ma blo nang lugs ma yin/ /gzhan yang/ shes pa sgra dang mar me rnams/ /mngon sum dag ni cig shos kyis/ /skyed byed nyid kyis snga ma yi/ /skad cig rnams ni zhig pa'i phyir/ gang gi shes las mi gsal 'gyur/ /med pa ni rang gi ngo bos mthong ba ma yin no/ /rgyu yin pa nyid kyis shes pa las sngar 'gyur ba nyid la/ /snga ma nyid yin na yang skad cig ma nyid kyis shes pa'i dus na med pa nyid do/ /'on te gang gis tshe yod pa de'i tshe 'dzin pa yin te/ rgyu'i dngos po nyid ma yin pas dus mnyam nyid du rgyu yin pas so zhe na/ de ni ma yin te/ shes pa la phan 'dogs pa ma yin pa/ phan 'dogs byed pa ma yin gzhan/ /gang yin pa de gsal na don kun med par 'gyur/ dus mnyam pa ni rgyu ma yin te/ de ltar rtogs pa med pa'i phyir ro/ /'brel pa med par 'dzin na ni/ /thams cad 'dzin pa nyid du 'gyur ro/ /gal te rgyu las nges na thams cad 'dzin par mi 'gyur te/ gzung ba dang 'dzin pa dag rgyu las nges pa yin pa'i phyir ro/ /gang gis sor nges pa nyid 'dzin par byed pa'i 'dzin pa 'di 'dra ba 'am/ gang gis de nyid kyis gzung bar 'gyur ba'i

  202. 101b

    gzung pa 'am yang na gnyi ga yang mig las nges par 'gyur ba yin no/ zhes pha rol po dag brjod do/ /de ni mi rung te?/ 'di ltar/ shes la rtogs pa 'di yang med/ /so sor nges par 'dzin na rtogs pa 'dis 'grub pa ma yin no/ /des na rang gi ngo bos nyid 'thul pas na de rang gi rgyu la rag las pa yin pa'i phyir/ phan tshun gzung ba dang 'dzin pa'i dngos po ni ma yin te/ dus mtshungs par skyes pa'i phyir ro/ /gang la rag las nas gzung ba dang 'dzin par 'gyur ba gzung ba dang 'dzin pa ni de nyid kyi yin no zhes rigs so/ /myong bar 'gyur ba'i rang bzhin las gzung ba dang 'dzin pa nyid gzhan ni med do/ /'o na ji ltar bdag ni 'dzin par byed pa'o/ /'di ni nga'i gzung ba'o zhes rtogs she na/ ma yin te des gzhan pa'i 'bral ba mi snang ba'i phyir ro/ /'di ni thog ma med pa'i bag chags la rag las pa can gyi rtog pa tsam 'ba' zhig tu zad do/ /de skad du yang/ byed dang bcas pa lta bur snang zhes bshad pa yin no/ /des na rang gi ngo bo rang gi rgyu las nges pa'i phyir ni gzung ba dang 'dzin pa'i dngos po ma yin no/ /'on te rgyu dang 'bras bu rang gi rgyu las nges pa yin na/ de'i tshe yang gal te de dag las so sor nges pa'i bdag nyid kyi 'bras bu bskyed pas gzung ba dang 'dzin pa'i dngos po ji ltar 'gyur te/ lhan cig byed pa'i dngos po tsam nyid du 'gyur ro/ /de tsam gyis ni gzung ba dang 'dzin pa'i dngos po ma yin no/ /yang na/ shes pa rtogs pa 'di yang med/ ces bya ba ni gang gi tshe shes pa gzhan nam/ mngon sum gyi gzung ba ma yin na de'i tshe ci shes pa gnyis su mnyam pa yin nam/ gzung ba dang 'dzin pa ni rgyu las byung ba yin na/ gnyis dus mnyam par mi 'dod do/ /dus mnyam pa nyid ma yin na yang de las gzhan dang gzhan yang dus mnyam par 'gyur zhing/ /de las gzhan dang yang 'gyur bas shes pa rnams mdza' yas pa kho nar 'gyur na don yang de'i tshe 'dzin par 'gyur na 'dod pa yang ma

  203. 102a

    yin no/ /dang po gzung ba ma yin na ni phyis kyang 'gyur ba ma yin te/ de'i rang bzhin ma rtogs par thal ba'i phyir ro/ /sngar yang gzung ba'i rang bzhin nyid do zhe na/ sngar yang gzung bar thal lo/ /yin mod ci skyon zhe na/ ma yin te/ sngar yang 'dzin par byed pa yod par thal ba'i phyir ro/ /gal te mig la sogs pa'i tshogs pa nyid kyi dbang gis bskyed pa yin nam/ gzung ba'i rnam pa de shes pa nyid du 'gyur gyi don nyid ni ma yin te/ de lta bu yang don yin na ni 'dzin pa'i rnam pa la yang 'gyur ro/ /'on te de don ni sngar yod pa'i phyir dang 'dzin pa'i rnam pa ni gzhan du 'gyur ba yin pa'i phyir de lta ma yin no zhe na/ sngar yod pa ni 'dzin par mi 'gyur ro zhes bshad zin to/ /rtogs pa yin na thams cad rtogs par thal lo zhes bshad zin to/ /'on ji ltar don du rtog ce na/ gzhan gyi lta ba la bltos so zhes bshad zin to/ /de nyid kyi phyir bshad pa/ des byas shes pa de med kyang/ /don du snang ba nyid kyi phyir/ /de gsal ba zhes brjod pa yin no/ /don med kyang de'i rnam par snang ba'i phyir na snang ngo zhes bya ba'i tha snyad du 'gyur ro/ /rang? ngam? gzhan gyis mthong ba ni rjes dpag pa las rtogs pa'i phyir don yod do zhes rnam par gnas na/ de las de'i rnam pa can gyi shes pa skye bas na gzung ba zhes rigs kyi/ /de med par skye ba'i shes pa ni 'khrul pa nyid do zhes bya bar gnas so/ /don dam par ni rjes su dpag pa yod pa ma yin no/ /rjes dpag 'jug pa thams cad ni/ /mngon sum du 'gro ba can/ gal te mngon sum rjes dpag la rtogs nas phan tshun rjes su 'gro ba yin/ ji srid rjes su dpag pa tshad ma ma yin pa de srid du phyi'i don la mngon sum tshad mar mi 'jug go /mngon sum tshad ma ma yin par yang rjes su dpag? 'jug pa ma yin te/ de mngon sum du 'gro ba can yin pa'i phyir ro/ /de lta ma yin na ni long ba brgyud pa nyid du

  204. 102b

    'gyur ro/ /de'i phyir don dam par ni rang rig pa'i rang bzhin nyid myong ba yin gyi don ni ma yin no/ /khas blangs nas de ltar bshad pa yin te/ thams cad de kho na nyid rnam par bzhag pa ni ma yin no/ /des na don sngar yod pas rnam pa gang skyed par byed pa de gzung ba yin no/ /lhan cig byed pa'i don gzhan ni/ /phan 'dogs min phyir rnam mi byed/ /lhan cig skyes pa'i don gyi bdag nyid de ni bshes pa'i gzung ba ma yin te/ rang gi rgyu las de ltar skyes pa des phan 'dogs pa med pa'i phyir na/ de'i rnam pa can gyis shes pa mi bskyed pa'i phyir ro/ des na shes la rang gi ngo bo yis/ /rnam 'byed mi gsal ji ltar 'gyur/ /don gyi bdag nyid lkog tu gyur pa ni/ de'i rnam pa can gyi shes pa skyed par byed pa nyid du gnas pa dang/ rang gi ngo bos rig pa ma yin pa yin pa'i phyir de'i rnam pa can gyi shes pa rig pa nyid kyis rig pa yin te/ des na gsal ba nyid yin no/ /rang gi rgyu'i nus pa las gsal ba nyid yin na ni/ de la dus mtshungs par byung ba gzhan gyis ci yang byas pa med pa'i phyir te de ltar rig ni da'i dbang tsam gyis 'gyur ba yin no// shes pa la sogs pa'i dus su med pa rnam pa rang gi ngo bos rig pa ma yin pa dang/ /des na zhugs kyi de la shes pa de'i rnam pa can du yang rtogs par 'gyur mod rdo rje dang rdo la sogs pa brtan pa'i don gang yin pa de kho rang gi ngo bos ji ltar 'thad ce na/ de yang gyi na ste/ 'di ltar/ brtan gang rdo rje rdo sogs kyi/ /don yang gzhan la ltos med phyir/ /'gro ba kun gyi shes pa ni/ /gcig par rang nyid skye bar 'gyur/ /dus kyi cha'i khyon khyab pa ni rtag pa dang brtan pa zhes brjod pa yin no/ /gal te de'i rang bzhin de nyid yin na de'i tshe de'i rnam pa mdza' dag rang gis bdag gir byed pa'i myong bas de mthar thug pa dang bcas 'dzin pa'i phyir na/ shes pa gcig dus nyid du yongs su rdzogs pa'i phyir rtag pa nyid du mi 'gyur ro/ /de nyid kyi tshe yongs su rdzogs pa ni rtog? pa

  205. 103a

    zhes bya bar 'gyur ba ma yin no/ /dus kyis cha mdza' dag mthong ba ni dus ring bar mi 'gyur la/ dpyid la sogs pa'i dus gcig par nyid du yang 'gyur ro/ /shes pa cig nyid la yang nyes pa 'di yod do/ /rim gyis 'byung ba'i dus kyi cha rnams cig car ji ltar 'dzin ce na/ mi 'dzin na 'o na/ 'di dus khyab pa ma yin pa'i phyir na ji ltar rtag nyid yin/ de'i phyir gal te 'di gcig yin na/ de lta bu nyid du gcig par 'dzin par 'gyur ro/ /'on te rgyu gzhan la bltos nas rig pa gzhan dang gzhan skye bas na rims kyis 'gyur ro zhe na/ de yang mi rigs te/ bltos pa med pa'i phyir ro/ /rang gi rgyu las skyes pa'i rang bzhin gcig po ni de'i ngo bor 'gyur ba gzhan las bltos pa yin no/ /'on te phyis nyid yul du 'gyur ba gang yin pa gzhan gyis mthong bar 'gyur ba nyid ni phyis 'byung ba yin no zhe na/ 'on te de'i tshe mi rtag pa nyid do zhes bshad pa ni/ lhan cig byed pas phan 'dogs phyir/ /'di'i de dag rim 'byung na/ /skad cig so sor gzhan yin brjod/ /'dir yang skyon te sngar bzhin no// gal te mig la sogs pa'i lhan cig byed pa'i rim gyis rnam par shes pa de dag rim gyis 'byung ba yin no zhe na/ de lta yin na shes pa rnams rims kyi 'byung na/ des blta bar bya ba nyid kyang rim gyis 'byung ste/ shes pa med par ni dngos po blta bar bya ba nyid ma yin no/ /blta bar bya ba nyid shes pa dang dus mnyam pa nyid yin na yang snga ma dang phyi ma'i rang bzhin ma yin te/ shes pa de lta bu ma yin pa'i phyir ro/ /des na shes pa bzhin du skad cig so so tha dad pas na rang gi rgyun snga ma las 'byung ba'i rgyu la rag las pa 'am gzhan du 'gyur ba yin no/ /des na 'dir yang skyon snga ma bzhin du 'gyur ro/ /'on te mig la sogs pa'i rgyus nye bar bsgrub pa rnam par ma chad pa gcig nyid yin no/ /des na de rnam par ma chad pa chad par

  206. 103b

    'gyur ba'i gzung ba nyid gcig nyid de de'i phyir na rdo rje dang rdo ba la sogs pa ni rtag pa yin no zhe na/ de ni med de/ rnam chad med par rdo rje dang/ /rdo sogs la ni chad skye min/ /rnam pa kun tu ma yin zhes/ /rnam chad med 'di gang gis rtogs/ /gang gi tshe rnam par chad pa med pa de'i tshe yang mthar thug pa'i mtshams tshun chad rtogs par thal lo zhes bshad zin to/ /des na rdo rje dang rdo ba la sogs pa la yang mtshungs pa nyid do/ /de'i phyir yod pa ma yin pa'i sgra la sogs pa rnams rtogs pa dang 'brel pa'i phyir na/ rnam par shes pa yul gyi rnam pa can yin no zhes bya ba grub po/ /slob dpon gyis kyang/ dus phyis dran pa las kyang ste/ /de ni shes pa med pa min/ /zhes bsgrubs pa yin no/ /de bshad pa ni dran pa las kyang tshul gnyis grub/ ci ste rig par bya ba dang rig par byed pa'i rang bzhin gyis tshul gnyis nyid yin gyi/ yul gyi rnam pa nyid kyis ni ma yin no zhes bya ba gzhung gi don yin no snyam na de ni mi rigs te/ yul shes de yi shes pa yi/ /bye brag las ni tshul gnyis nyid/ /ces bya ba'i skabs yin na/ de yang yul gyi/ rnam pa bsgrub pa'i skabs yin no/ /rnam par shes pa tshul gnyis pa zhes ji ltar shes she na skabs las so/ /de yang rnam par shes pa gnyis su snang ba yin te/ rang snang ba dang yul snang ba'o/ /de la yul snang ba nyid la 'dod pa chen po yod pa yin te gang gi phyir/ /de bdag nyid kyis myong ba la/ rtsod pa 'ga' yang yod ma yin/ /de don rang bzhin nyid ma grub/ /de la yang dag dran la grub/ /myong ba la yang rtsod pa yod pa ma yin nam zhe na/ de ni ma yin te/ ming tsam la bsams nas 'di skad bshad pa yin no/ /rang rig pa ni bsgrub par bya ba 'di rigs pa yin no/ /de ltar yang rang gis myong bar bya ba nyid dam zhes phyis bsgrub par 'gyur ro/ /des na rang rig pa ma gtogs pa'i myong ba tsam nyid la rtsod pa med do zhes bya ba

  207. 104a

    'di yin no/ /de'i don gyi rnam pa la mi rtsod pa yod pa yin te/ de ni ma grub pa'i phyir ro/ /de'i rnam pa de yang yang dag pa dran zhes bya ba rnam par phye nas dran pa las grub pa yin no/ /rnam pa med pa la yang rnam par phye nas dran pa 'thad pa nyid ma yin nam/ de ji ltar na ma nges pa las don grub ce na/ de ni med de/ 'di ltar/ 'di ni phan tshun khyad par du/ /dran pa brjod par 'dod pa yin/ /gsal ba tha dad med pa 'di/ /med par gtan tshigs nyid du brjod/ /'di ltar/ rang spyod yul gyis phye med cing/ /tha dad par myong med de la/ /'di ni 'di lta 'di ltar ni/ /min zhes tha dad 'di med 'gyur/ /nyams su myong ba tsam gyis ni/ /tha dad 'ga' zhig rnam pa byed min/ /tha dad gsal ba med pa la/ rnam 'byed blo med 'tshe sogs bzhin/ /gal te myong ba de sngon po la sogs pa'i rnam pa so sor nges pa yongs su gsal ba las nyes par bsgyur ba'i dbang gis rnam par phye ba mi skye na/ de'i tshe rnam par phye nas dran par mi 'gyur ro/ /'on te tshogs pa'i khyad par las gdon mi za bar bye brag 'ga' zhig tu 'gyur ba yin pas na/ de nyid las tha dad par dran pa yin no zhe na/ de ni mi rung ste/ gang gi phyir nyams su myong ba tsam las ni/ /tshogs pa'i khyad par las byung bar/ /rjes su dpag par bya'i bdag nyi dran pa'i rgyu mtshan du 'gyur ba ma yin te/ tha dad pa gsal ba med pa'i phyir ro/ /mi gsal ba'i tha dad pa nyid las kyang mche ba la sogs pa dag la rnam par 'byed pa dang ldan pa'i dran pa 'gyur ba ma yin no/ /'on te de la 'khrul pa med pa'i phyir yul la yang nyams su myong ngo zhes de dran pa yin no/ /des na rang? nyid tha dad pa med kyang de tha dad pa med pa nyid las tha dad par dran pa'i yul du 'gyur ro/ /mtshe ma dag la yang gang gi tshe mi 'dra ba'i dbyig pa la sogs pa dang len pa de'i tshe khyad par du nye bar mtshon par 'gyur ba nyid do/ /dper na yul gyi dbang gis myong ba brtag pa de bzhin du

  208. 104b

    dran par 'gyur ba las kyang yin no/ /des na rnam par shes pa dran no zhes tha snyad do byed do zhe na/ de ni mi legs te/ yul gyi rnam pa nyid med par ji ltar yul ni dran par 'gyur/ /rnam pa de ni 'das pa yis/ /don gyis min par rtogs ma yin/ /de ni da lta ba yin na de'i dran par ji ltar brjod/ /gal te rnam pa de dran pa yin no/ /zhe na/ nyams su myong ba yang ci ste ma yin/ rnam pa dang bcas pa'i myong ba las de'i rnam pa can gyi dran pa skye ba zhes bya ba ni 'thad pa yin no/ /'di ltar/ gal te don las dran 'byung na/ /khyad par med phyir kun la'ang 'gyur/ /dngos rnams rgyang ring stsogs nyid na'ang/ /dran par skye ba mthong ba yin/ /'on te myong las brten nas ni/ /nged kyi de nyid rgyu 'gyur mod/ /don med par yang nyams myong la/ /dran pa skye bas srid phyir ro/ /gal te rnam par shes pa rnam pa dang bcas pa ma yin na ci ltar de'i rnam pa dran du dran/ 'di ltar rnam par shes pa la dran pa'i rtogs pas dmigs pa rnam pa las ma gtogs par ni shin tu mngon par brtson pas kyang dmigs pa ma yin no/ /gang zhig mos pas ji ltar yul du byas pa de ni de ltar bu nyid du zhes shes par bya ba yin no/ /de'i phyir dran pa las gnyi ga'i rang bzhin du grub pa dang/ rang rig pa yang rigs pa yin no/ /de ltar slob dpon gyi rang rig par bya ba nyid kyang zhes so/ /yang bshad pa/ tshul gnyis bsgrub par byed pas kyang/ / rang rig phal cher grub pa yin/ /rang gi ngo bor gyur snang ba/ /de tshe myong bar rtogs phyir ro/ /gal te tshul gnyis sgrub par byed pas rang rig pa rab tu grub pa ma yin nam/ phal cher ji ltar brjod ce na/ de ni ma yin te/ tshul gnyis sgrub par byed pas gtsor ni tshul gnyis nyid grub pa yin la/ zhar la rang rig pa yang yin no/ /gang gi phyir rang gi ngo bor gyur pa'i snang ba de'i tshe rtogs pa yin no/ /rang rig pa las gzhan gyis ni rtogs pa ma yin no/ /gal te rang rig pa zhes bya ba bdag nyid 'dzin par byed pa ma yin no

  209. 105a

    nam/ des na de nyid gzung ba dang 'dzin pa yang yin no/ /gang gis de las grub par 'gyur ba de ltar bdag nyid las 'gyur ba ni dpe 'ga' yang yod pa ma yin no/ /mar me la sogs pa bzhin du gsal bar bya ba dang gsal byar byed pa'i dngos po yin no zhe na/ ma yin te/ mar me la sogs pa ni gsal bar byed pa nyid yod pa ma yin te/ gsal bar byed pa gzhan la ltos pa med pa'i phyir ro/ /ji ltar gsal bar bya ba dang gsal bar byed pa nyid kyi sgo nas dper 'gyur/ /gang tshe de dag gzung yin pa/ /de tshe dbang po 'dzin byed 'gyur/ /blo dbang gnyis ni rab bdag nyid/ /rig par nges pa ma yin te/ de'i phyir rang rig pa zhes bya ba med pa nyid do/ /gal te bdag 'dzin par byed pa'i rang bzhin dang gzung bar bya ba nyid du yang khyed kyis 'dod pa ma yin nam zhe na/ ma yin te/ 'di ltar/ der yang chos kyi dbye ba las/ /gzung dang 'dzin pa'i tshul nyid do/ /rdzas kyi tshul gyis bzung ba ste/ /de las gzhan par 'dzin pa med/ /rdzas gzhan thun mong ma yin pa bdag nyid tshul las ni 'dzin par byed pa yin la/ thun mong pa rdzas nyid kyis gzung ba'i phyir rig pa yin/ khyed la ni 'di thams cad ci yang mi rung ngo/ /gzhan la kho rab tu grags pa tsam gyis ni dpe ma yin te/ rang gis rtogs pa'i thabs ma yin pa'i phyir ro zhe na/ de ni 'di lta ma yin te/ gzung dang 'dzin pa'i dngos po ni/ /don dam du na yod ma yin/ /gzhan gyis rtogs min rang bzhin ni/ /de lta de min las ldog phyir/ /gang la gsal bar byed pa gzhan rtogs med pa de nyid la bdag nyid gsal byed do zhes brjod pa yin no/ /gzhan gyis gsal ba las ldog pa'i phyir ro/ /ji ltar gzugs la sogs pa snang ba la gsal byar byed pa gzhan med pa de ltar yang bstan zin to/ /de nyid kyi phyir sgron ma dpe nyid do/ /mig gi byed pa nyid kyang mun khung du don mi rtogs la sgron ma nye ba las

  210. 105b

    de rtogs pa'i phyir de gsal bar bya ba yin no/ /mar me la sogs pa de lta ma yin no/ /de la dbang po 'dzin par byed pa yang ma yin te/ rang gi ngo bos gsal ba'i phyir ro/ /bde ba la sogs pa de dag la yang rig par byed pa gzhan skye ba ma yin no/ / bdag gi bde ba la sogs pa bzung ba yin na ni/ phyi rol yin par 'gyur ro/ /'phrod pa 'du bas bsdus pa las yin na ni/ de nyid rang rig par 'gyur ro/ /'phrod pa 'du ba la tshad ma med do/ /'di yang bstan zin to/ /gal te gzung bar bya bar mngon par 'dod pa'i gzugs la sogs pa rnams rang rig par khas len na/ gzugs la sogs pa'o snyam du rtogs par 'gyur te bdag bzhin no/ /de bzhin du bde ba dag ces bya bar 'gyur ro zhe na de ni ma yin te/ 'di ltar/ nga ni dkar sham sngo bsangs zhes/ / de ltar rtogs mthong med dam ci/ /de lta na yang lus ldan pa'i/ /gzugs sogs gzung ba yin pa nyid/ /lus la du ba'i gzugs la sogs pa dag ni nga'o snyam pa'i rtogs pas 'dzin pa nyid do/ /de la khyed kyi 'dod pas rang rig pa yang ma yin no/ / gal te nga gzugs so snyam pa ma mthong ba des na gzung bar bya ba nyid yin gyi/ rang rig par bya ba ni ma yin no zhe na/ de yang ma yin te/ de yod na yang ma mthong ba/ /de'i rang bzhin rgyu mtshan min/ /sngo bsangs la sogs gzugs nyid las/ /ma rtogs pa ni gnas pa med/ /gal te gzungs ba la nga'o snyam pa'i rtogs pa 'dir mi 'gyur na/ gzugs dkar sham la sogs pa la mi 'gyur ro/ /gzugs la ni nga'o snyam du mi 'gyur ro/ /des na nga'o snyam pa'i rtogs pa ni gzung ba nyid kyi rgyu mtshan ma yin la/ gzung ba nyid dang 'gal ba yang ma yin no/ /'on te bdag 'brel pa'i bdag nye bar btags nas bdag dkar sham mo zhes rtogs pa yin te nga'i gzugs zhes tha dad par mthong ba'i phyir ro zhe na/ 'o na tha dad pa med pa'i

  211. 106a

    phyir na da'i dkar sham zhes bya bar mi 'gyur la/ nga'i gzugs so zhes bya bar 'gyur ba 'di la rgyu mtshan ci zhig yod/ des na rtogs pa 'di ni rgyu mtshan med pa nyid do/ /de'i phyir nga'o snyam pa'i rtogs pas ni gzugs la sogs rang rig pa ma yin par mi 'grub bo/ /da dkar sham mo snyam pa na nye bar btags pa las 'jug pa ma yin te/ dngos gzhan med pa'i phyir ro/ /da'i bde ba zhes bya ba la nga'i snyam rtogs pa'i yul gyi dmigs pa tha dad pa'i rang bzhin ni 'ga' yang dmigs pa'i spyod yul du 'gyur ba med do/ /dper na mchi gu'i lus zhes bya ba bzhin no/ /'di ltar/ mchi gu'i sgra'i brjod bya ni/ /rdo bab nyid ni yin par mthong/ /lus kyi sgra yi brjod bya yang/ /de nyid kho na rtogs pa yin/ /de bzhin nga yi zhes bya'i sgra'i/ /brjod par bya ba lus su rtogs/ /gzugs la sogs pa'i sgra la yang/ /gzhan yang rtogs pa yod ma yin/ /te por btags kyang nga'o snyam pa'i dmigs pa ni lus la brten pa'i gzugs la sogs pa las gzhan nye bar mtshon pa med do/ /des na nga'i bde ba'o snyam pa'i lus dang 'brel pa nyid dam/ thog ma med pa'i bag chags kyi kun tu rtog pa'i khyad par las rtogs pa yin no/ /'o na ji ltar rang rig pa yin pa'i phyir lus kyi gzugs la sogs pa la nga'o snyam pa'i rtogs par 'gyur ba de bzhin du rtsig pa la sogs pa yang rtsig pa'o snyam par 'gyur ro/ /ji ltar lus la bltos nas rtsig pa mdun na 'dug pa de bzhin du lus kyang rtsig pa la bltos nas yin par 'gyur na/ 'gyur ba yang ma yin te/ des na rtsig pa la sogs pa'i rang rig pa nyid ma yin no zhe na 'di la brjod pa/ ji ltar rang rig min nyid kyang/ /rtsig sogs dar 'dzin byed min pa/ /de bzhin rang rig nyid yin yang/ /rtsig sogs rang 'dzin byed min pa//

  212. 106b

    ji ltar bag chags dang 'brel las/ /rtsig pa la sogs lus min pa/ /de bzhin byed nges de nyid las/ /dar 'dzin pa dang bral ba yin/ /dper na rtsig pa dang lus gnyis bag chags nges pa'i mthu phan tshun tha dad pa de bzhin du dar 'dzin pa'i yul dang cig shos kyi yang ma yin no/ /de'i phyir 'dzin par byed pa gzhan gyi byed pa'i yul du mi 'thad pa nyid kyis rang rig pa nyid de/ 'di la ni dpe yod pa ma yin no/ /gang zhig byin gyis rlob pa bo/ /gzhan med par rtogs pa de ni rang dbang nyid du rtogs pa yin la/ rtsig pa la sogs pa rig pa dag la yang byin gyis rlob pa po 'ga' yang med pa yin te/ des na rang rgyud du rig pa ma yin pas rang rig pa'i ngo bor grub bo/ /mig ni 'dzin par byed pa ma yin te gzugs la sogs pa'i rang bzhin du gzung ba yin pa'i phyir ro/ /gsal bar byed pa ni rgyu las khyad par 'ga' yang med do zhes bstan zin cing ston par 'gyur ro/ /des na tha dad pa la bltos nas gsal bar byed pa'i ngo bo ni rgyu'i dngos po nyid do/ /gsal bar bya ba ni rang rig pa las so zhes bya ba rigs so// de lta bu nyid kyang mthong ba'i phyir de lta bu nyid dran pa'i phyir ro zhes bya ba 'di ni rigs pa yin no/ /gzhan yang 'brel mi rtag phyir rtsig pa la/ /dar 'dzin pa ni 'byung mi 'gyur/ /rtag tu rjes su 'brel pa yis/ /de ni lus la 'brel pa yin/ /de'i phyir rtag tu rjes su 'brel pa dar 'dzin pa'i rgyun yin pa'i phyir na rtsig pa la sogs pa la 'dzin par 'gyur ba ma yin no zhes bya ba ni rnam par dbye ba yin no/ /dar 'dzin pa'i phyir ni rang rig pa ma yin te/ gzhan la bltos pa med par rig pa de ltar gnas pa ma yin pa'i phyir ro/ /'on te de ni 'dzin par byed pa'i rnam par rig pa yin no zhe na/ de yang ma yin te/ 'di ltar/ mig rtsogs las ni ma gtogs pa/ /de yi rnam par rig byed phyir/ /de kun gzung ba'i rang bzhin duAng//

  213. 107a

    phyi rol smra ba rnams kyis 'dod/ /de las ma gtogs par ni bde ba la sogs pa dmigs pa ma yin no/ /des na thams cad bltos pa med par rigs pa'i phyir rang rig pa nyid do/ /lus dang cig shos su myong ba'i gzugs la sogs pa dag pas ni tha dad par 'dzin par byed par 'gyur ba gang yin pa gzhan dmigs pa med do/ /bde ba la sogs pa yang lus la sog pa las ma gtogs pa med do/ /de dag ni rtogs kyang 'dzin par byed pa ma yin te/ rang gi ngo bo tsam gyis mthar thug pa'i phyir ro/ /bde ba la sogs pa tha dad na gzung bar bya ba nyid tha dad par yang 'gyur ro/ /'gyur ba nyid de 'dod pa la sogs pa tha dad pas mi sdug pa la sogs par snang ba'i phyir ro zhe na/ ma yin te/ mi sdug pa la sogs pa'i bye brag tu snang na don gyi rang bzhin ma yin pa'i phyir ro/ /phan tshun 'gal ba'i rang bzhin gcig tu rigs pa ma yin no/ /'dzin par byed pa la bltos pas mi 'gal lo zhes kyang brjod par bya ba ma yin te/ bltos pa mi rung ba'i phyir ro// 'dzin par byed pa gzhan la bltos nas ni de bzhin du 'gyur ba ma yin te/ 'dzin par byed pa rgyu yin par thal ba'i phyir ro/ /mi sdug pa la sogs pa'i rang bzhin yod pa nyid de las gsal bar byed pa yin no zhe na/ gal te de yod pa nyid gsal bar byed pa yin na/ 'o na ji ltar phyis brtags pas gnod par 'gyur/ /des na 'di ni gyi na'o/ /'on te nye bar bkod pa 'di thams cad ni gzung ba nyid do/ /'dzin pa byed pa'i blo gzhan de nyid kyi tshe don gyi go bas rtogs par bya ba yin na/ de la bltos nas rang rig pa ma yin no/ /des na dran pa dus phyis 'di lta bu nyid du rtogs pa yin zhe na/ de yang mi 'thad de/ 'jig rten rig pa don go bas/ /gzung las rang bzhin tha dad du/ /shes min de yi rnam pa ni/ /gsal bar

  214. 107b

    ngo bo ma rtogs phyir/ /gzugs dang bde ba la sogs pa las tha dad pa rnam pa dang ldan pa'i blo ni don gyi go bas tha snyad dang ldan pa'i 'jig rten gyis rtogs pa med do/ /ngal blo yod do snyam nas ni gzung ba'i rnam pa las tha dad par so sor nges pa'i rang bzhin rtogs pa med pa'i rnam par rtogs pa'i spros pa nyid yin pas 'jig rten kun tu 'khrul pa 'ba' zhig tu zad do/ /ci ste yul la sogs pa nges par rnam par gnas pa'i don gyi bdag nyid lus can dang kho na so so rang bzhin nges par rtogs kyi/ blo ni de lta bu'i rang bzhin ma yin te/ de'i rang bzhin ni gzhal bya gsal bar byed pa 'ba' zhig yin pas des na gzugs la sogs pa rang so sor nges pa 'phrigs pa ma yin no zhe na/ de yang mi rung ste/ rang bzhin ma rtogs pa rnams kyang/ gal te 'dzin pa nyid yin na/ ri bong sogs kyi rwa dag kyang/ /'dzin par byed pa ci ste min/ /gal te de dag de ltar ni/ /rtog med blo la rtog pa med/ /nga yi blo yod do snyam pa yang gzugs la sogs pa las gzhan pa'i bdag nyid rig pa ma yin te gsal bar byed pa'i nang du chud pa gzugs la sogs pa'i khyad par nyid rang bzhin du gyur pa'i chos kyi khyad par la brten nas de ltar bstan pa yin no/ /gzugs la sogs pa'i lkog tu gyur pa dang/ ma grub pa thun mong ma yin pa la gsal bzhin pa'i gzugs nyid ni gzugs kyi khyad par yin pa nyid kyis na/ rigs mthun pa'i gzugs las kyang ldog pa yin no/ /des ni ldog pa'i khyad par gyi chos tha dad pas des na gzugs la sogs pa'i blo zhes brjod pa gang zhen pas 'jug pa yin no/ /de'i phyir mthong ba'i dus dang dran pa'i dus na blo gzhan med pa'i phyir gzugs la sogs pa'i rnam pa nyid kyis ni/ rang rig pa grub ces bya ba ni grub pa'i mdza' yin no/ /des na/ gzung 'dzin dag ni gcig yin na/ de gcig rtogs par med pa ni/ /gzhan yang rtogs pa 'am gzhan yang rtogs par

  215. 108a

    'gyur na/ gzhan ma rtogs na gzhan yang mi rtogs so zhes bya bar 'gyur ro/ /zhes bya ba 'di yang gsal ba yin no/ /gzugs la sogs pa'i rang bzhin dang/ gsal bar byed pa'i rang bzhin yang rtogs pa nyid de/ 'di la the tshom ci zhig yod/ gang yang 'jig par byed pa nyid dran pa nyid yin te/ bdag ci zhig mthong bar gyur to zhes dran pa'i phyir te zhes smras pa de la khyad par ni 'dzin par byed pa la the tshom za ba yin la spyi la ni gzung ba 'ang the tshom mi za ba yin no/ /nga'i zhes bya ni 'jig rten lus dang 'brel pa ston pa yin la/ lus de yang gsal nyid yin gyi gsal bar byed pa gzhan ni med pa'i phyir ro 'di yang bshad zin pa nyid do/ /'on te gzhan gyi bsam pa/ gzugs la sogs pa rtogs blo gzhan yang/ yod pa ma yin te/ de bden pa/ de lta na yang rang rig min/ /de ni gzhan gyi 'dzin phyir ro/ /zhes bya ba yin na/ de ni mi rung ste/ de dngos can min blo yis ni/ /shes 'ga' ji ltar myong ba yin/ /des rang ngo bo myong med phyir/ /nyams su myong lus ldog par 'gyur/ /gal te de'i dus phyis 'byung ba don go ba la sogs pa'i rang bzhin de'i rnam pa can ma yin pa'i blo gzhan gyis shes par 'dod na/ de'i tshe rig pa 'gags pa yin te/ de ni skad cig ma yin te/ blo gzhan gyi dus su ni sdod pa ma yin no zhes khas brangs pa'i phyir ro// des na myong ba phyi ma'i dus su myong ba snga ma 'gags pas ji ltar myong ba yin/ rang gi ngo bo yang rig pa ma yin pa'i phyir dang/ gzung bar bya ba'i rang bzhin yang med pas myong ba ma lus pa 'jig par 'gyur ro/ /rang gi ngo bo med pa ni myong bar nus pa ni ma yin te/ myong ba ni thams cad du rang gi ngo bo myong ba yin pa'i phyir ro/ /sngon gyi myong ba nye bar gnas pa ma yin pa ni/ /rang gi ngo bo ni med pa yin pa'i phyir myong ba snga ma myong ba phyi mas myong ba ma yin no/ /rang gi rang bzhin yang myong bar

  216. 108b

    mi 'dod do/ /mthong ba yang ma yin te/ de ni lus kyis rnam pa dang bral ba'i phyir ro/ /lus kyi rnam pa yin yang rang rig par khas mi len pa'i phyir/ /thug pa med par thal bar 'gyur ro zhes bstan cing ston par 'gyur ro/ /gzhan yang/ blo gzhan gyis nyams su myong ba yin no zhes bya ba 'di yang mi rung ste/ 'di ltar/ don du snang ba dang ldan zhes/ /de ni phyi rol mngon phyogs snang/ /blo la 'dzin pa byed pa'i blo/ /rtag tu bdag la nang mngon phyogs/ /gzhan gzhan gyis 'dzin pa ni/ phyi rol ma yin par rtogs par nus pa ma yin no// blo las rtag tu nang nyid du snang ba yin no/ /'on te bdag nyid kyi bro nang gi ngo bor snang zhe na/ dran pas 'dzin pas na yang blo/ /nang nyid du ni gsal bar 'gyur/ /gang gi tshe bdag gi ba'i blo dran pas dmigs pa de'i tshe yang phyi rol tu snang bar mi 'gyur ro/ /'on te de ni dus tha dad pas de ltar snang ngo zhe na/ 'dir rang gi ngo bo tha dad pa'i phyir de ltar yin no zhes ci ste mi 'dod/ tha dad pa'i rnam pa mi snang ba ni 'dzin bar byed pa las gzhan yin no/ /zhes nges par nus pa ma yin no/ /des na nang nyid du nyams su myong ba'i blo ni rang rig pa'i rang bzhin nyid do zhes rigs so/ /yul mtshungs pa nyid kyis ji ltar myong ba yin no zhe na/ ma yin te/ yul mtshungs kyang rang gi ngo bo tha dad pa nyid du 'dzin pa yin no/ /'dres pas rnam par dbyer med pa ni bsal ba nyid do/ /de'i phyir gyi blo gzhan gyi blo 'dzin pa de'i ltar na de phyi rol nyid du snang bar 'gyur ro zhes rigs so/ /gzhan yang/ yul gang gis ni snang ba gang/ /des de myong min zhes pa'ang 'thob/ /yul gang gang gi snang ba gang zhig shes pa la gnas pa'i don de yul du snang ba'i shes pas rig pa yin par mi 'gyur te/ rang gi ngo bor 'gyur ba'i ngor du snang ba myong ba med pa'i phyir ro/ /rang rig pas yul gyi snang ba nyams su myong na ni/ don gyis na don de yang mi 'gyur ro/ /don myong ba ni 'di nyid yin no/ /shing la sogs pa

  217. 109a

    me long gi rnam pas 'dzin pa bzhin no/ /rang rig pa ma yin na ni/ thams cad cir yang mi rung bar 'gyur ro/ /gal te de dang 'dra ba las/ /myong gzhan ci yod cis 'dod na/ /gal te blo ni de'i ngo bor/ /skyes na de nyid don myong yin// de yi rang bzhin rig med na/ /don rig par ni 'gyur ma yin/ /rang rig pa gzhan med mod/ /de med bas na de med par 'gyur ba ni ma yin no/ /rang rig pa med pas sngon po sngon po ma yin par 'gyur ba ni ma yin pa de bzhin du blo blo ma yin par mi 'gyur ro// gzhan rig pas blo yin gyi/ /rang rig pas ni ma yin no/ /don gyi rang bzhin nyid myong ba'i mtshan nyid yin gyi/ /rang rig pa ni ma yin te/ bdag kyang blo nyid yin pa'i phyir ro/ /des na bdag la gnas pa de'i rnam pa ni rang rig pa ma yin yang blo nyid do zhe na/ gal te de ltar na rang rig pa med kyang sngar gyi don gyi rnam pa tsam las sam/ gzhan gyis yin par 'gyur na de'i tshe/ 'dra ba thams cad phan tshun de?/ /myong ba nyid ni thob par 'gyur/ /rang rig pa ma yin na de'i tshe rnam pa tsam zhig lus pa yin no/ /de'i tshe yang blo dang khyad par med pa nyid do/ /de'i rnam pa tsam gyis blo nyid yin na ni der yang 'gyur ro/ /des na don gzhan dang 'dra ba'i don yang blo nyid de/ /blo'i mtshan nyid dang ldan pa'i phyir ro/ /don gyi phyir na ma yin no zhe na/ don zhes bya ba ni ci yin/ blo ma yin pa'o zhe na/ blo ma yin pa nyid don yin par 'gyur bas na gcig kyang rab tu mi 'grub bo/ /des na blo ni rang rig pa tsam nyid du zad do zhes bya bar rigs so/ /'on te 'dra ba'i 'bral ba'am gzhan gyis bdag la gnas pa nyid do zhe na/ de yang mi rung ste/ bdag la gnas pa'i blo nyid na 'ang/ /'bad rtsol la sogs phan tshun du/ /'du ba'i phyir na blor 'gyur ro/ /bdag la gnas pa'ang ji ltar rig /'bad rtsol la sogs phan tshun dran pa dag

  218. 109b

    kyang myong bar thal bar 'gyur ro/ /bdag la gnas par gang gis des/ blo gzhan gyis so/ /blo nyid nges pa ma yin nam/ de ji ltar blo gzhan gyis zhes brjod/ /blo gnyis ga bdag la gnas pa yin na ji ltar phan tshun du 'dzin te/ yul gcig pa nyid kyis tha dad pa med pa'i phyir ro/ /de ltar tha dad par rtogs na ni de'i tshe bdag kyang tha dad par rtogs par 'gyur bas na 'di phan tshun rnam par 'byed pa nyid du 'gyur ro/ /bdag ma rtogs par ni der gnas pa nyid du rtogs pa ma yin te/ ma rtogs pa'i bdag ji ltar blo'i rten du blos 'dzin/ gzugs la sogs pa blos rtogs/ rtogs kyang bdag la gnas pa'i blo'i yul du 'gyur ba ma yin no/ /de dag ni bdag la gnas pa ma yin pa'i phyir ro zhe na/ bdag khyab par ma yin nam/ ji ltar de la mi gnas pa nyid yin/ der 'du ba ma yin pa'i phyir ro zhe na/ ji ltar 'du ba ma yin/ der rtogs pa med pa'i phyir ro/ /'o na blo yang bdag la rtogs pa med pa kho na ste/ de las tha dad par bdag rtogs pa med pa'i phyir ro/ /gal te re zhig bya ba'i rang bzhin gyi rtogs pa 'di ni yod pa ma yin pa/ de la gdon mi za bar byed pa po yod par 'gyur te/ byed pa po med pa'i bya ba ni mi srid do zhe na/ mig la sogs pa gang las 'di skyes bu de nyid byed pa ma yin nam/ de dag ni byed pa yin pa'i phyir ro zhe na/ byed pa po gzhan brtags pas ci bya/ de dag nyid byed pa po yin mod/ de dag ni byed pa po gzhan med na byed par mi 'gyur ba ma yin no/ /yang na lus nyid byed pa po yin pas gzhan gyi ci bya/ 'o na blo lus kyi nang du tshud pas nang du phyogs par snang bar rtogs pa yin no/ /de nyid kyi phyir gzhan gyi blo gzhan du rtogs so zhe na/ 'o na lus kyis phyogs su 'gyur ba 'ga' zhig kyang blo nyid du 'gyur ro/ /des na rang rig pa ma yin na/ gzugs la sogs pa dag mtshungs pa nyid do/ /des na 'dra ba thams cad phan tshun rigs par 'gyur ro/ /de'i

  219. 110a

    phyir rang rig pa nyid kyis rang bzhin gzhan las ldog pa yin no/ /gal te blo 'dra de myong na/ 'dra ba thams cad don rig pa ni ma yin gyi/ 'on kyang blor gyur pa'i 'dra ba'o/ /blo la brten pa'i 'dra ba don rig pa yin gyi/ rig pa tsam 'am/ 'dra ba tsam ni ma yin no/ /rig pa tsam yin na ni/ rig pa tsam kho na 'gyur gyi/ don rig par ni mi 'gyur ro/ /'dra ba tsam yin na ni don rnams kyang phan tshun rig par thal ba'i phyir ro zhe na/ de ltar yang mi rung ste/ 'di ltar/ de ni 'dra las myong ma yin/ / gal te 'dra ba myong ba'i mtshan nyid yin na de'i tshe 'dra ba'i don yang myong bar 'gyur ro zhes bya ba 'di la blang 'gyur ba zhes lan btab pa yin na de la ni phan tshun rigs pa yin na de dag kyang blor thal bar 'gyur ba brjod pa nyid do/ /myong bar thal lo zhes brjod pa gang yin pa de dag blo nyid do zhes brjod pa 'di la nyid lan du ji ltar 'gyur/ /gang gi phyir blo dang myong ba zhes bya ba 'di gnyis brjod par bya ba tha dad nyid ni ma yin no /des na khyad par gzhan nyid brjod par bya ba yin la de yang 'dra ba las gzhan yin no/ / gal te 'dra ba'i don rnams phan tshun 'dzin par byed pa ma yin par mthong la blo ni 'dzin par byed pa'i rang bzhin yin no zhe na/ /gal te de lta na 'dzin par byed pa'i rang bzhin gyi 'dra ba blo yin par 'gyur ro/ /'dra ba tsam gyis 'dzin par byed pa'i rang bzhin yin na yang gzugs la sogs pa rnams kyang 'dzin par byed pa yin pa'i phyir blo nyid du thal bar 'gyur ro/ /'dzin par byed pa ma yin pa'i phyir ro zhe na/ gal te 'dzin par byed pa nyid rnam par gnas pa yod na/ 'ga' zhig ni 'dzin par byed pa yin la/ /gzhan ni bzlog par rnam par bzhag par bya ba yin na de nyid ni gnas pa med do/ /'on te gzugs la sogs pa las gzhan 'dzin par byed pa yin na/ gzugs la sogs pa dang 'dra ba rang rig pa ma yin pa'i rang bzhin ma yin nam/ gzugs la sogs

  220. 110b

    pa las gzhan yin/ /der rtogs pa la ni tshad ma yang yod pa ma yin no/ /don gyi gzung ba nyid de lta ma yin na med par 'gyur ro zhe na/ ji ltar mthong ba de ltar yin du zad mod/ gzhan gyi ci bya de'i phyir rang rig pa nyid khyad par yin no/ /de lta yin dang/ khyad par gang las gzugs la sogs pa'i don las ldog pa de nyid blo yin pas 'dra ba las ni blo ma yin no/ /rang rig pa'i mtshan nyid kyi blo nyid 'gyur ba'i 'dra ba gang yin pa de rigs pa yin pas rig pa'i mtshan nyid blo yin gyi/ 'dra ba'i mtshan nyid ni ma yin no/ 'on 'dra ba'i don du 'dod ce na/ des byas pa'i myong ba nges pa'i rgyu tshad ma yin pa'i phyir de 'dod pa yin no/ /des na blo yis na 'dra ba zhes bya bar 'gyur bas na rang rig pa'i mtshan nyid blo'i khyad par nyid yin gyi/ /'dra ba ni de las gzhan ni ma yin no/ 'o na blo nyid kyang 'dra ba'i khyad par yin gyi/ de las gzhan pa ni ma yin no zhes bya bar 'gyur ro zhe na/ 'di ni bden mod kyi de lta na yang phyi rol gyi don du smra ba la/ 'dra ba rang rig pa tsam dang rjes su 'brel pa yin gyi/ rang rig pa ni 'dra ba tsam las 'gyur ba ma yin no/ /gzhan yang/ de yi myong ba de rang nyid/ /de ni 'dra ba'i rgyu mtshan min/ /'dra ba ni rang rig rgyu mtshan yin no/ /gal te rtogs pa gzhan med par rang gi ngo bo mngon du byed na/ de la 'dra bas ci bya/ gal te 'di gzhan gyis 'dra ba yin na/ de'i tshe de ltar rigs pa yin gyi/ gzhan gyi tshe ni ma yin no zhes/ de ltar ni de brtag par mi bya ste/ chus khyer ba la rags gzugs pas ci bya/ zhes bya ba'i tshul du 'gyur ro/ /de ni 'dra bas ci bya zhes brjod par yang mi bya ste/ 'di ltar/ bya ba las kyi rnam gzhag ni/ /'di ni 'jig rten na rgyur 'gyur/ /tha dad pa'i yul rang rig pa'i rang bzhin nyid ni 'dis rnam par 'jog pa yin te/ 'dra ba las gzhan gyis ni ma yin no zhes so/ /sngon po la sogs pa'i las

  221. 111a

    dang ser po la sogs par rig go zhes bya ba dang/ las so sor nges pa don du 'dod pa yin no/ /re zhig phyi rol gyi don du smra ba'i ltar na/ phyi rol sngon po la sogs pas rang rig pa ni ma yin no/ /des na 'dra ba'i dngos po rnams par bzhag par bya ba yin no/ /de lta ma yin na 'jig rten na sngon po la sogs pa phyi'i don rnam par bzhag pa med par 'gyur te/ 'di ltar/ rang gi ngo bo'i rang bzhin de'i/ /myong ba sgro 'dogs 'khrul pa las/ /sogs pa myong bar grags yin gyi/ / gzhan gyi/ bdag nyid myong las min/ /rig pa'i rang gi ngo bor 'gyur ba'i rang bzhin sngon po la sogs pa gang yin pa de'i myong ba thog ma med pa'i bag chags kyi rgyun 'jug pa can gyi 'khrul pas phyi rol sngon po la sogs pa la sgro 'dogs pas sngon po la sogs pa nyams su myong ba yin gyi/ de las gzhan pa'i sngon po la sogs pa'i bdag nyid ni 'ga' yang myong ba'i spyod yul du 'gyur ba ma yin no/ /rig pa nyams su myong ba nyid nye bar btags nas myong ba yin no/ /'di ltar/ gzhan rigs na yang don bzhin du/ gal te de yi ngo bo rtogs/ /'di ni bdag gis shes zhes pa'i/ /tha snyad rab tu 'jug pa yin/ /de'i tshe mtshan nyid gzhan rig pa na/ 'di ni bdag cag gis rig pa nyid do zhes 'jig rten tha snyad byed do// de nyid kyi phyir 'jig rten na smos so/ /don dam par ni rang rig pa 'ba' zhig tu zad do/ /blo yi dngos sogs dngos min na/ /de ni ji ltar de myong yin/ /gal te rig pa nyid bdag nyid sngon po'i rnam par gsal ba yin na/ tshad ma gang la brten nas phyi'i don rig par 'gyur/ /de la mngon sum ni yod pa ma yin te/ de ni rang rig pa tsam gyis mthar thug pa'i phyir ro/ /de las gzhan pa'i sngon po snang ba yang med do/ /sngon po rnam pa gnyis rig pa med pa'i phyir ro/ /'on te don de nyid

  222. 111b

    kyi bdag nyid yin na/ de myong ba gzhan gyis rang bzhin gyis rig pa 'am rig pa ma yin par 'gyur/ gal te ma rig pa de ji ltar de'i myong ba yin rang gi ngo bos shes pa ma yin pa/ 'di'i rigs pa zhes 'brel pa ci zhig yod/ rig gi zhe na/ de ltar yang dus mtshungs pa 'am gzhan du rigs kyang rung ste/ ji ltar gzhan gyis rig par byed pa yin 'di gnyis kyis rang ri rang bzhin de nyid rig pa'i ji ltar rig bya rig byed kyi dngos po yin sngon po la sogs pa lkog tu gyur pa yin na ni de'i rang bzhin rig pa lam der brtag pa'i phyir 'dis 'di'i shes so zhes bya ba'i tha snyad du 'gyur ba yin no/ /dngos su rig na ni gnyis phan tshun 'brel par rig ma rig la zhes bya ba'i tshad ma 'ga' yang yod pa ma yin no/ /de'i phyir rang rig par 'gyur ba yin pa'i rig par 'byung ba gzhan gyis shes pa zhes bya ba 'di nyid blang ba yin no/ /rang rig pa tsam ni rig pa'i bdag nyid ma yin gyi/ 'on kyang 'dra bar 'gyur ba zhes bya ba rig pa ma yin nam zhe na/ ma yin te 'dra ba tsam las rig pa mi 'grub pa'i phyir ro/ / rang rig par 'gyur ba'o zhe na/ gal te de lta na rang rig pa'i bdag nyid kho nar 'gyur mod 'dra bas ci bya/ gal te 'dra ba ma yin na rang rig par mi 'gyur ram/ ci 'gyur ba nyid do zhe na/ gal te 'dra ba med kyang 'gyur ba yin na 'dra ba des ci bya/ /'gyur ba kho na'o de yang yod pa ma yin pa'i phyir na 'dra ba las rig pa yin no zhes brjod do zhe na/ de ni yod pa ma yin te/ 'di ltar/ gang tshe myong ba'i bdag nyid ni/ /'dra ba'i rgyu mtshan ma yin na/ /'di rang nyid du grub pas na/ / don gyis ci zhig nye bar sgrub/ gang gi rig pa'i bdag nyid du gyur pa de ni de'i rang gi ngo bo yin la/ de'i rang bzhin yang rang nyid grub pa des na 'dra ba las rig pa yin zhes bya ba'i 'brel pa ci zhig yod gal te rang bzhin de mang na ?? rig

  223. 112a

    pa'i bdag nyid du skyes par gyur kyang ldog par 'gyur ram ci/ de'i phyir rang bzhin de rang nyid las grub pas na/ gzhan gyis ci zhig bya/ des don rig par 'gyur ro zhe na/ de yang rig pa ma yin te/ gal te bdag nyid kyi rang bzhin gzhan dang 'dra bar rig pa de de lta na yang rig mod des don rig par ji ltar 'gyur te/ des na ji ltar don dang 'brel par 'gyur ba yin/ don gyi rig pa zhes rab tu brjod pa yin te/ gang gis rig par 'gyur ba don ni rang rig pa rjes su zhugs pa ma yin pa des na don rig pa zhes bya ba ni med do/ /gal te gzhan yang 'dra ba'i rgyu mtshan gyis rig pa yin na de'i tshe don ma yin pa chen por 'gyur ro/ /'di ltar/ bdag nyid kun gyi 'dra na ni/ /shes pa shes pa nyid mi 'gyur/ cha 'ga' zhig gis mtshungs na ni// thams cad thams cad kyis myong 'gyur/ /bdag nyid thams cad kyi 'dra ba yin na ni bye brag mdza' dag dang bral bar 'gyur ro/ /de'i tshe na 'di don gyis khyad par gzhan bzhin du don nyid yin pas/ ji ltar de shes pa yin/ shes pa nyid kyis khyad par du 'gyur ba yin na ni bdag nyid thams cad kyis mtshungs par mi 'gyur ro/ /cha 'ga' zhig gi 'dra ba yang yin na de'i tshe thams cad kyis thams cad rig par 'gyur te/ thams cad kyang cha 'ga' zhig gis mtshungs pa dang bral ba ma yin pa'i phyir ro/ rtogs pa'i rnams pa ma rtogs pa rnam pa gzhan thams cad kyis mtshungs pa nyid kyis na rig pa nyid do zhe na/ sngon po mdza' dag rig par thal lo/ /gang las skyes pa de nyid rig pa yin no zhe na/ gal te de las skyes su chug pa de lta na yang rig pa zhes bya ba 'di ga las yin/ de'i rang bzhin rig pa las rig pa yin gyis de las skyes pa ni ma yin no/ /mtshe ma dag phan tshun bskyed bya skye byed kyi dngos po ma yin pa de lta na yang cig rig na gzhan yang rig par tha snyad byed pa yin no/ /gal te gang las skyes pa dang 'dra ba de rig

  224. 112b

    pa yin na de'i tshe/ ji ltar sngo sogs ngo bo'i phyir/ sngon sogs nyams su myong bar 'dod/ /de bzhin nyams myong ngo bo'i phyir/ /de yang nyams su myong bar 'gyur/ /rtogs pa'i rang bzhin gyis ni rig pa dang mtshungs pa nyid yin la/ sngon po la sogs pa'i rang bzhin gyis kyang sngon po la sogs pa dang yin no/ /des na sngon po la sogs pa rig pa bzhin du nyams su myong ba rig par yang 'gyur ro/ /'on te sngon po la sogs pa la yang nye bar 'jog pa byed pa yin pa'i phyir sngon po la sogs pa myong ba yin no/ /nyams su myong ba yang nye bar 'jog pa can du 'gyur ro zhes kyang brtag par bya'o zhe na/ de yang ma yin te/ 'di skad skra shad la sogs pa snang la/ nye bar gzhag pa rtogs pa min/ nye bar gzhag pa tha dad pa rtogs pa'ang rigs pa yin no/ /rab rib can gyis nye bar dmigs pa'i skra shad du snang ba la ni skra shad nye bar bzhag par rtogs pa la nus pa ma yin no/ /de la yang sngar mthong ba'i skra las yin no zhes thams cad du rnam pa 'di nyid brtag par bya ba yin no/ /ji ltar sngon po'i rnam pa mthong ba las de'i rigs can gyi sngon po rtogs pa de bzhin du nye bar gzhag pa yang med par 'gyur ro/ /'gal ba mi 'khrul pa yang ma yin te/ don rtogs pa la 'brel pa bzung ba med pa'i phyir ro/ /don ni rjes su dpag par bya ba yin pa'i phyir ro/ /mthong ba snga ma ni skyed par byed pa nyid du mthong ba'i phyir ro// don ni 'gar yang mthong ba ma yin te/ thams cad du rtsed pa yod pa'i phyir ro/ /mtshungs pa de ma thag pa rnam pa gzhan yin la/ nye bar 'jog par byed pa gang yin zhe na/ ma yin te/ rgya skyegs kyi khu ba la sogs pa tshod ba yang nye bar bzhag pa mthong ba'i phyir ro/ /zhes 'di ni lan cig ma yin par bstan zin to/ /'on te yang/ nyams myong nyams su myong ngo zhes/ don bzhin du ni des min pa/ /de phyir nyes pa med ce na/ /de ni de la 'ang rtag tu med/ /gal te 'jig rten ji ltar don myong ngo zhes pa lta bur nyams

  225. 113a

    su myong ba nyams su myong ngo snyam du nges pa yin pa de'i phyir mthong ba'i rgyu nges par yin par mthong bas na/ 'di don myong ba yin gyi/ myong ba myong ba ni ma yin no zhes rtogs so/ /gal te nyams su myong ba yang myong ba yin na ni de ltar nges par 'gyur ba nyid do zhe na/ 'di la brjod pa/ rgyu zhes bya ba tsam gyi ni/ /kun tshe 'bras bu skyed pa min/ /rgyu ni lhan cig byed pa la/ /brten nas byed por 'gyur ba yin/ /de nyid ston pa ni don la'ang de ni rtag tu med/ /don la'ang rtag tu nges pa ma yin te/ /pa lar 'khrul pa mthong ba'i phyir ro/ /yang na rtag tu don la nges pa kho na'o/ /nyams su myong ba'i bdag nyid du 'gyur ba'i rnam pa nyid nges pa yin pa'i phyir ro/ /nye bar brtags pas de ltar 'gyur ro zhe na/ ma yin te/ nye bar 'dogs par rtogs par mi rung ba'i phyir ro/ /gang du 'ang gtso bor 'jug pa'i/ don dag 'gas kyang mthong ba med/ /de med pas na nyer 'dogs pa'i/ /rtogs pa skye ba ga la 'gyur/ /des na 'di don to snyam pa'i des pa ni thog ma med pa'i bag chags kyi stobs la brten pa can yin gyi/ myong ba tsam las skyes pa ni ma yin no/ /rmi lam du yang don mthong ba ni yod pa ma yin na/ de ltar na yang/ don to snyam pa'i nges par ni 'gyur ba nyid do/ /de'i phyir don myong ba yang nges pa med pa dang/ de med pa dang/ de med kyang yod pa yin pa'i phyir des pa ni nges pa nyid ma yin pas ji ltar de las de kho na rnam par gnas/ yod pa nyid kyis rgyu yod na/ /myong la med pa'ang ci'i phyir/ /nyams su myong ba myong ba'i rgyu thams cad yod pa yin te/ de lta na yang nges pa med do/ /zhes bya ba ni ji ltar ci zhig ltar lhan cig byed pa ma chad bas na/ mi 'gyur ro zhe na/ 'o na ni nges pa las myong ba gnas pa ma yin te/ nyams su myong ba la yang med pa'i phyir ro/ /des na 'di ni gyi na'o/ /de'i rnam pa nyid kyis nyams su myong ba rnam par 'jog na ni/ nyams su myong ba nyams su myong

  226. 113b

    ba dgag pa med do/ /rgyu gzhan gyi med pa'i rgyu mtshan gyis nges pas ni myong ba med par nges par 'jig par mi nus so/ /rgyu gzhan med do zhes bya bar rtogs kyi myong ba med par ni ma yin no/ /gzhan yang dkar sogs mthong ba na/ dkar sogs min par gsal bar smra/ / rang bzhin rig pa gsal ba ni/ /skyes pa'i snang ba 'di gang yin/ /de ni dkar sogs mngon gsal las/ /gzhan dngos 'on te bdag ltar yin/ /don yod pa tsam ni don yod pa mthong ba ma yin te/ don mthong ba la ni gdon mi za bar don yod pa tsam las bla lhag par 'gyur ba yin no/ /gal te bla lhag par gyur pa de snang ba las phyi rol tu 'gyur ba yin na ni/ de yang don gyi rang bzhin nyid yin pas ji ltar don mthong ba yin/ de'i phyir de ni snang bar 'gyur ba yin no/ /dkar po la sogs pa mthong ba na/ de yis yongs su gsal ba'i rig pa'i snang ba gang yin pa/ de yang dkar po la sogs pa mngon par gsal ba las gzhan yin nam/ 'on te gzhan ma yin no zhes rtog pa gnyis so/ /khyed kyis 'dod pa'i dkar po la sogs pa mngon par gsal ba gang yin pa/ gzhan dngos yin na gsal ba ni/ /gsal min ji ltar dkar gsal 'gyur/ /myong ba gsal ba ma yin pas ni/ /'ga' yang mngon par gsal bar mi 'gyur ro/ /de mngon par gsal ba'i rang bzhin rig pas byas pa gang yin pa de nyid mngon par gsal ba yin no/ / gzhan lkog tu gyur pa ni mig la sogs pa dang 'dra bar 'gyur gyis gsal bar 'gyur ba ni ma yin no/ /de ni mig la sogs pa las tha dad pas tshad mas rtogs pa yang ma yin te/ mig la sogs tsam nyid las mngon par 'dod pa 'grub pa'i phyir ro/ / mngon sum ma yin pa de nyid mngon par gsal bar smra ba gzhan ni ma yin no zhe na/ gal te mngon sum yin pa'i gsal ba bskyed pa de lta na yang de nyid de skyes par thad mod don gsal bar ji ltar 'gyur/ gzhan skyes pa ni gzhan la ci yang mi 'gyur ro/ /

  227. 114a

    de don la yin no zhe na/ don la zhes bya ba'i 'brel ba ci yod/ don mthong ba'i phyir ro zhe na/ don mthong ba ma rtogs pa ma yin nam/ ji ltar mthong ngo zhes bya bar 'gyur don las nyid do zhe na/ las zhes bya ba 'di ci zhig /gal te don tsam las lhag par 'gyur ba yin te rtogs par 'gyur te/ de la yang rtogs pa gzhan yod par 'gyur ro/ /des na las nyid yin pas de yang gzhan gyis rtogs par 'gyur la/ des na yang las yin pa'i phyir thug pa med pa las mi grol lo/ /de'i phyir/ shes pa gzhan yin de gsal min/ /'gro ba ma lus gsal ma yin/ /sgon ma las bzhin du don la mdangs gsal ba'i rang bzhin bskyed pa tsam ni ma yin gyi/ 'on kyang shes pa'i rang bzhin gsal ba yin no// gal te de mngon sum ma yin na ni/ de ji ltar don gsal pa yin/ /rang gi ngo bos gsal lo zhe na/ thams cad gsal bar thal lo/ /rang gi khyad par las so zhe na/ shes pa don med do/ /de lta bu nyid gsal ba yin no zhe na/ 'di gang gis rtogs/ gsal ba gzhan gyis so zhe na/ ma yin te 'di ltar/ gsal pa gsal gzhan gyis gsal na'ang/ /thug pa med pa thal 'gyur gyi/ /gang gis gsal ba gzhan de'ang mi rtogs pa'i phyir na/ gsal ba snga mas rang gi ngo bo nyid gsal pa yin no/ /rtogs pa med pa'i phyir yang gzhan gyis gsal ba gsal ba gzhan gyi rjes su 'brang pas thug pa med do/ /de'i phyir gyi ngo bo nyid rtogs na mngon par gsal ba rtogs par rig pa nyid do/ /de lta ma yin na ni/ 'di mngon par gsal lo zhes rtogs par mi 'gyur ro/ /'di ltar/ mngon par 'brel par shes med par/ /ji ltar de yi khyad par 'gyur/ /don mthong ngo zhes bya ba ni mthong ba khyad par nyid du rtogs pa yin no/ /khyad par

  228. 114b

    ma bzung bar yang khyad par du byas pa'i khyad par can 'dzin pa yin no/ /ba lang ngo zhes khyad par du bzung ba nyid las ba lang nyid ci zhig mthong ba yod ce na/ ma yin te/ ba lang nyid ni ba lang ma yin pa nyid las ldog pa'i rang bzhin yin pa'i phyir ro/ /rtogs pa ni ma rtogs pa las bzlog pa'i rang bzhin du khyed 'dod pa yin te/ de lta yin na don rang rig ba nyid du thal bar 'gyur ro/ /khyed ni rtogs pa tha dad par yang 'dod pa yin no/ /de yang ma rtogs na ji ltar rtogs pa po zhes bya ba'i tha snyad kyi rgyu mtshan yin/ 'o na ji ltar khyed la yang rtogs pa tha dad par ma rtogs pa rtogs pa zhes bya ba'i tha snyad du 'gyur khyed kyi ltar na yang/ rtogs pa de dang de las tha dad pa'i don yang rtogs so zhes ni khas ma blangs so zhe na/ ji ltar de nye bar btags pa las yin pa de ltar ni/ /bstan zin pas skyon med do/ /de'i phyir gnyi ga ma mthong pa'i phyir na khyad par rtogs pa ma yin no/ /'di ni/ gang phyir gnyis la gcig rtogs tshe/ /gnyis pa mthong ba yod ma yin/ /don rtogs pa'i dus su na mthong ba rtogs pa med la/ rtogs pa'i dus su ni don mi rtogs pa'i phyir/ ji ltar khyad par can du mi rtogs/ /des na 'di ji ltar zhes bya ba 'di ni rigs pa nyid do/ /gnyis dag 'brel bas mthong ba na/ /mthong zhes bya bar nges par 'gyur/ /mthong ba zhes nges pa yang 'brel pa nges pa nyid do/ /des na khyed kyis 'dod pas 'di lta bu nyams su myong ba nyid las 'gyur pa yin pas khyed la tshul ni med do/ /nged kyi ltar na ni stobs dang ldan pa'i bag chags kyi rlung gi shugs kyis bskyod pa'i bdag nyid can don gyi ljon shing gi rtogs pa'i grib ma gzhan du babs cing nges pa'i lo ma skye'i gzhan du lhags pa yin pa'i phyir nges pa tsam nyid las de kho na rnam par gnas pa ma yin no/ /des na don rtogs pa yang med la/ 'di don ma yin no

  229. 115a

    zhes bya ba'i nges pa skyes pa yang ma yin no/ /de bas na khyed kyi 'dod pa ni zab mo ma yin no zhes rigs so/ /ci ste/ /gang gis mthong ba 'dra ba ni/ sems gzhan gyis ni mthong 'gyur ba/ /de la mthong zhes brjod ce na/ /'di 'dra las ni rang rig grub/ /'di snyam du 'dra ba'i bdag nyid rig pa'i phyir ni don mthong ngo zhes nges pa ma yin gyi/ 'o na 'di'i de lta bur gyur pa nyid rig pa gzhan gyis rigs pa las te/ dper na dbyug pa dang ldan pa'i skyes bu dbyug pa can zhes de las gzhan? gyi de lta bur gyur pa myong bas yongs su bzung pa na nges pa yin no/ /rang rig pas ni khyad par dang khyad par can du gyur pa'i don 'dzin par gang du yang mi dmigs so/ /snyam du bsam pa'o/ /khyed kyi 'dir rang rig gi phyogs nyid la gnod de/ 'di ltar/ khyad par dang ni khyad par can/ /gnyi ga dam pa'i don du min/ /gang tshe 'ga' zhig 'ga' zhig gi/ khyad par can sogs nyid du 'dod/ /khyad par dang khyad par can gyi dngos po dag don dam par ni ma yin te/ res 'ga' khyad par can yang khyad par nyid du rtogs pa'i phyir ro/ /des na de lta bur gyur pa rtogs pa de ni blo lon yin la/ de yang rang rig pa'i rang bzhin yin pas rang rig pa grub po/ /'di ltar/ 'di 'dra bas na rang rig grub don de lta bur gyur pa ni med pa nyid do/ /gal te blo yang rang rig pa ma yin na ni khyad par dang khyad par can ma yin pa'i don nyid rtogs pa yin no zhes bya bar 'gyur ro/ /ci ste rang gi dngos min na/ /ji ltar gzhan gyi ngo bor rig /gang gis bdag nyid rang bzhin mi rig pa de'i ltar na/ 'o na ni gzhan gyis rang bzhin rig par 'gyur ro/ /de yang khyad par dang khyad par can gyi dngos po ma yin pa'i phyir ro/ /ji ltar de'i khyad par can du rtogs/ /'on te de'i rang bzhin mthong ba skyes pa yin gyi/ rang gi ngo bo rig pa ni ma yin no/ /phyis gzhan gyis de'i rang bzhin mthong bar 'gyur

  230. 115b

    na/ mthong bar snang ba yin no zhe na/ 'o na dang po khyad par mthong ba med par gzung ba phyis gzhan gyis de'i khyad par nyid du ji ltar rtogs/ 'on te phyis rtogs pa des na nyes pa med do zhe na/ de yang yang dag pa nyid du mi rung ste/ 'di ltar/ de yi ngo bor rig pa de/ / sems gzhan gyis ni phyis nas de/ /rang bzhin nyid du rig go khyad par can gyi ma yin/ mthong ba'i yul ni rang rtogs pa'i dus su khyad par can ma yin pa nyid du rig pa yin no/ /de'i dus phyis kyang de'i rang bzhin rig pa yin na/ /rang bzhin de nyid du 'gyur te/ des de rang gi khyad par can du rig pa ni ma yin no/ /de ltar min na sngon rig pa/ /gzhan tshe gzhan du gal te rig /'di ni bde ba gang yin zhes/ /bya ba 'di ni rtogs ma yin/ ci ste yang gal te/ sdor? khyad par ma mthong ba de lta na yang phyis mthong ba las 'gal ba ci yod snyam na de yang mi rung ste/ 'di ltar/ gal te khyad par khyad par can/ /de dag ni ma 'dres par mthong bas/ /de'i tshe na khyad par dang khyad par can du rtogs mi 'gyur/ rtag tu 'ba' zhig pa dang 'ba' zhig par nyid du 'gyur ba dag ni mthong ba tsam gyis khyad par dang khyad par can nyid du rtogs par nus pa ma yin no/ /gzhan yang/ 'dra ba las ni myong zhes pa'ang/ /sngar nyid rnam par bsal pa yin/ /'di ni 'dra ba'o zhes gzhan gyi rig pa med par 'dra ba tsam skyes pas na de rig pa ma yin no/ /mthong ba bdag nyid 'drar 'dzin na/ /don ni sngar mthong yod min pas/ /ji ltar de ni mthong ba dang/ /'dra ba yin par des nges 'gyur/ /'dra ba nyid kyang mi 'dod pa/ /gang yin de la gnyis mthong med/ /de tshe don dang shes pa 'am/ /de dag smos su ga la yod/ /'ba' zhig mthong ba la ni 'dra ba rtags pa ma yin te/ /'di dang 'di 'dra ba yin no/ /zhes rtogs pa'i phyir ro/ /don dang mthong ba dang 'das pa dang ma 'ongs pa dag la ni/ lhan cig rtogs pa med

  231. 116a

    pa'i phyir na/ de ltar rtags pa ma yin no/ /de sgro 'dogs na ni rnam par shes pa nyid yin gyi don rtogs pa ni ma yin no/ /phyis kyi de la yang rang rig pa med na ni thug pa'i nyes pa bshad zin to/ /gang zhig 'dra ba yang mi 'dod pa de la ni don rtogs pa yang yod pa ma yin te/ der sgro 'dogs pa yod pa srid pa ma yin pa'i phyir ro/ /mthong ba phyi ma don dang mi 'dra ba'i rang bzhin du rtogs pa na/ de'i rang bzhin med pa nyid kyis na de yang sgro 'dogs pa ma yin te/ de'i rang bzhin khas mi len pa'i phyir ro/ /rang ngo bos rtogs pa na yang don gzhan nyid du zad do/ /de'i phyir gang zhig don yin zhing/ gang zhig ni rnam par shes pa yin yang ci zhig gang gis shes te/ /des na brjod pa ldog pas kha dog 'dug bar bya'o/ /mthong ba ma yin nam/ ka pa la sogs pa ni don nyid du dmigs pa yin te/ /mthong ba mi 'thad do zhes bya ba ni ma yin no zhe na/ 'di la lan btab zin te/ gal te mthong na rang gi ngo bos mthong ba yin no zhes so/ /des na dkar po la sogs pa mthong ba na de'i rnam pa gang yin pa de gal te rang bzhin gzhan yin na de'i tshe/ dkar po la sogs pa gsal mi 'gyur ro/ /ci ste dang? dngos 'on ded?/ /rang nyid rab tu gsal bar 'gyur/ /gal te mthong ba gsal bar shes pa'i rang bzhin nyid yin na ni/ de'i tshe rang nyid gsal pa yin te/ gsal ba gzhan med pa'i phyir ro/ /'on te ngad? gi ngo bos gsal ba ma yin na de'i tshe/ de yi rang bzhin mi gsal na/ /don mi gsal bar 'gyur te/ gang gi phyir snang pa'i rang bzhin mi gsal na/ /don gsal ba zhes bya ba ma yin no/ /gzhan la brjod pa'i don 'di yin te/ gzung ba gsal ba'i rnam par snang ba gang yin pa 'di na/ nang du zhugs pa'i blo de lkog tu gyur pa yin na/ snang ba yang lkog tu 'gyur ro/ /des na snang ba

  232. 116b

    yongs su gsal ba'i rang bzhin ni mi gsal ba nyid du 'gyur ro/ /de lta yin dang rjes su dpag pa'i shes pa bzhin du don lkog tu gyur pa'i rang bzhin nyid du 'gyur ro/ /rjes su dpag pa la yang gsal bar snang ba lkog tu gyur pa yin no/ /gal te rjes su dpag pa'i shes pa de yang mi gsal ba'i rnam pa snang ba ma yin na ni der yang don rtogs par 'gyur ro/ /de'i phyir bdag rig pa ma yin na don thams cad mi mthong ba kho nar 'gyur bas shes pa'i rang rig pa yin no /zhes bya ba 'di gnas pa yin no// bdag rig min pa'i phyogs dag la/ /don kun mthong med 'di yis ni/ /blo ni mngon sum mi smra ba/ /gang yin de la 'ang lan btab po/ /zhes bya ba 'di ni 'dir yang rig pa snga ma nyid do/ /gal te rang gi cha rig pa ma yin na ni blo don dang bdag nyid rig par byed par ma yin par 'gyur ro/ /don rig par byed pa ni ma yin te/ snang ba lkog tu gyur pa'i phyir ro/ /bdag nyid ni ma yin te/ khas mi len pa'i phyir ro/ /gzhan yang bde ba dang sdug bsngal ba dang/ /chags pa dang sdang ba la sogs pa dag ni rang rig pa nyid du 'gyur ba yin la/ de dag kyang blo'i rang bzhin yin pa de'i phyir/ blo mngon sum ma yin pa nyid ni mngon sum gnod pas ji ltar khas len pa'i spyod yul yin/ 'on te blo'i rang bzhin no zhe na/ de ni mi rung ste/ rten dmigs goms pa'i khyad par las// tha dad par ni 'jug pa can/ /bde sdug 'dod pa la sogs pa'i/ /khyad par mngon sum de dag ni/ /blo nyid rten gyi khyad par ni/ /de shig mig la sogs par bskyod pa'i bde ba phan tshun tha dad pa dang/ gzugs la sogs pa'i yul can yang yin no/ / de bzhin du goms pa las mig la sogs pa'i yul nyid la shin tu gsal ba nyid la sogs pa'i dmigs pa la sogs pa skye ba yang rnam par shes pa nyid yin gyi yul la sogs pa ni ma yin no/ /gal te rnam par shes pa'i tshogs pa

  233. 117a

    nyid las yul skye bar 'gyur ba ni/ de las snyim? chus gtor ba nyid do des na 'di dag lkog tu gyur par khas blangs nas mngon sum gyi gnod pa byas pa yin no/ /'di ltar de las tha dad gzhan/ /de shes gang yin cung zad kyang// rtogs med 'dzin par byed pa na/ /rtogs pa nyid na rang rig pa'i mngon sum nyid du brjod do zhes lan cig ma yin par 'di bshad zin to/ /'on te 'di dag rnam par shes pa gzhan gyis rig par khas len na/ de lta na ni gal te gzhan gyis rig yin na/ /gzhan gyis kyang ni de spyod 'gyur/ /rgyu gzhan yod pa'i bde ba la sogs pa yang shes pa gzhan gyi rig pa yin na/ des na gzhan gyi bde ba la sogs pa rig pa ma yin yang bde ba nyid la sogs par 'gyur ro/ /gzung bar bya ba nyid kyis rig pa yin na/ rang dang gzhan gyi bde ba rig pa dag la khyad par 'ga' yang yod pa ma yin no/ /bdag nyid kyi bde ba rig pas bde ba nyid du 'gyur ro zhes ma yin te/ gzhan gyi yang sim par byed pa'i bdag nyid yin pa'i phyir ro/ /gzhan gyi me sreg par mi byed pa 'am/ gzhan gyi tsan dan gyis sim par mi byed pa ni ma yin no/ /'on te yid dge ji ltar yin/ /rang gi tsan dan gyis sim byed/ /gzhan gyi la ci de 'gyur ram/ /de ni gdung byed bdag nyid dam yid dge min la tshul ji ltar/ /de la rang gi bde skyes yin/ /gzhan gyi bde ba rig pa la/ /'di lta nyid du rab brtan bya/ /gang gi rang gi ma skyes pa/ /de tshe ci ste 'di bden min/ /rang gi bde bas bde zhe na/ /ma yin rang bzhin dbyer med phyir/ /ring? phyir de yi rang bzhin nyid/ /rig na ring ba ci zhig yod/ /gal te ma rig phyir de lta/ /min na rig na rang rig nyid/ /bdag nyid kun gyis/ rig pa ni/ /rang rig gi ni mtshan nyid yin/ /phyogs cig gis na reg? yin na/ /de las gzhan pa rig ma yin/ /

  234. 117b

    gal te bde ba la sogs pa bdag nyid thams cad kyis bdag gam lus la sogs pa yin na/ bdag gam lus rang rig par 'gyur ro/ /dngos pa ma gzhan du rang rig par 'gyur ga/ /rang rig par byed pa bdag nyid thams cad kyi rjes su zhugs na rang rig pa nyid du 'gyur te/ rang rig pa nyid kyi mtshan nyid min pa'i phyir/ /gal te gzhan gyi bde bar yang rjes su zhugs na ni rang rig pa nyid du yang 'gyur te/ de lta ma yin par mi rung ba'i phyir ro/ /'on te rjes su zhugs kyang bde ba rig par rnam par 'gyur ba ni ma yin te/ dbye ba yod pa'i phyir ro/ /bde ba ci yod de las skyes pa dang/ der snang bas bde ba'i blo yin gyi/ ji ltar yang rung ba ni ma yin no/ /gzhan gyi bde ba rig pa la ni/ gzhan gyi bde ba dang de las dngos su skyes pa ma yin no/ /de ni rtags pas skyes pa yin te/ yul las ni ma yin no/ /rjes su dpag pa'i sgo nas gzhan gyi bde ba rig pa'i phyir ro/ /bdag nyid rig pa de'i rang? bzhin du snang ba dang/ mngon sum du yin na zhes bya ba ni rnam par dbye ba yin no zhen 'di la brjod pa/ des skyed pa dang der snang ba'i/ /gal te blor rig gzhan min na/ /dmigs pa byed pa gzhan la yang/ /gnyis de gdon mi za bar yod/ /gzhan pha rol gyi bde ba la dmigs pas kyang de'i rang bzhin nyid 'dzin par byed pa yin te/ der na der snang ba nyid ni khas blangs pa de nyid las grub pa nyid do/ /des na rtags las mthong ba ni ma yin gyi mig la sogs pa dang mtshungs pa yin pa'i phyir don gyis de las skyes pa nyid du 'gyur ba'i gnyi gar 'gyur bas khyad par med do/ /ci ste de las skyes min zhing/ /der snang can yang ma yin na// // blo de'i yul med can du 'gyur/ /dam bzung na spyi dag kyang/ /mi 'dzin de ni cung zad kyang/ /dngos min zhes kyang sngar bshad do/ /khas blangs pa ni tshad ma'i stobs la brten par 'gyur ba ma yin no/ /des na don dam pa ni 'di nyid de/ blo rtags

  235. 118a

    las skyes par mi rigs pa dang/ der snang ba yang ma yin pa nyid na ni de lta na ni/ 'o na yul gyi mtshan nyid ba'i phyir gzhan bde ba la sogs pa yul ma yin pa'i phyir gzhan gyi rig pa la snang ba 'di yul gyi rnam pa can ma yin par 'gyur ro/ /gal te spyi snang ba yin te/ de la rjes su dpag pa ni spyi'i yul can yin pa'i phyir ro zhe na ma yin te/ spyi ni gsal ba ma bzung bar mi 'dzin pa'i phyir ro zhes bya ba dang/ spyi ni gsal ba dang yi ge dang rnam pas stong pa'i phyir ro zhes kyang bshad zin to/ /'o na ni blo yang de'i rnam pas stong pa nyid de/ des ni 'di'i blo'i rnam par yang mi 'gyur ro zhe na/ de ni ma yin te/ tho ni nye bar gzhag pa yis/ /nyer sgyur srid min 'dod pa min/ /goms pa yis ni stobs las blo// de rnams can de 'jig rten rig /de nyid kyi phyir bshad pa/ de phyir don snang ba de ni/ /blo de las gzhan min des na/ /mngon sum dang ni bdag rig grub/ /rnam pa de blo'i bdag yin na ni/ /mngon sum dang bdag rig par 'grub po/ /gal te gzhan gyis bde ba'i rang bzhin la rjes su dpag pa yin pa de lta na yang/ de las gzhan gyi rnam pa la ni rang rig pa nyid do/ /de yang gzhan gyi bde ba'i rang bzhin yin no zhe na/ ma yin te/ gzhan gyis ma rig pa'i phyir ro/ /gzhan gyis rtogs pas gnod pa de'i rang bzhin du ji ltar 'gyur/ de la bar chod la sogs pa ni srid pa ma yin no/ /bar du chod na ji ltar bdag gi bde ba yin/ /de dang de 'brel par rig pa'i phyir ro zhe na/ ma yin te/ gzhan la 'brel pa rtogs pa med pa'i phyir ro/ / gzhan gyi rig min rang bzhin ni/ /khyod kyi yin zhes brjod pa de/ /rgyal po'i bka' byung them skas? kyi/ /rim pas steng du gnas pa yin/ /dpyod pa byed pa gzhan dag kyang khyod pa rig pa 'di lta bu yod do zhes nges par byed pa ni ma yin te/

  236. 118b

    'di nyid kyis rtogs pa ma yin te/ 'di 'di'i ma yin no zhes rtogs pa'i phyir ro/ /'on te gzhan gyis kyang rang bzhin de nyid rtogs pa yin no/ /de lta na 'ang bde ba la spyod pa ni ma yin no/ /bde ba spyod pa'i mngon sum gyis yin gyi/ rjes su dpag pas ni ma yin no zhe na/ 'di la brjod pa/ gal te de la 'don? byed kyang/ /mngon sum nyid ni min zhe na/ /don mtshungs tha dad de gang las/ /rang gi ngo bo mngon du byed pa nyid ni mngon sum yin no zhes bstan zin to/ /des na rnam pa mtshungs pa dag la dbye ba mi 'thad do/ /rgyu'i dbye ba tha dad do zhe na/ 'o na ni rang gi ngo bo tha dad par 'gyur ro/ /gal te rgyu tha dad pa med pa mi 'thad pa'i phyir rgyu tha dad par khas len pa de lta na yang tha dad pa ni rang gi ngo bo kho nar rigs so/ /gnyi ga'i rang bzhin yang mngon du byed pa nyid yin pa'i phyir rgyu tha dad par yang mi rigs so mthong ngo zhe na/ rang gi ngo bo tha dad par yang khas blang dgos so/ /des rnam pa mtshungs pa nyid mi rung ngo/ /'on te rgyu'i bye brag las rtogs pa'i rang bzhin nyid khyad par yod pa yin no zhe na/ ma yin te/ rtogs pa khyad par yod kyang gsal ba'i rnam pa nyid ni mngon sum yin pa'i phyir ro/ /ma mthong don cig ldan sogs kyis/ /gal te myong ba des yin na/ /gzhan ni rnam kun mi 'dzin 'gyur/ /myong ba'i dbye ba bsal zin to/ /ci ste yang rnam pa tha dad pa med kyang ma mthong ba'i dbang gis mngon sum dang cig shos su nges pa yin no/ /de bzhin du dbang po ldan pa la sogs pa/ don cig la 'du ba la sogs pa las kyang yin no/ /'di ltar bdag gi bdag dang 'du ba'i bde ba ni bdag gi yin la/ /gzhan gyis ni de lta bu ma yin no/ /des na gzhan gyi bde ba rig pa na bde ba nyid du 'gyur ba ma yin no zhe na/ gal te mngon sum du byed pa nyid yod pa'i phyir rnam pa tha dad pa med kyang mngon sum dang/ /mngon sum ma yin pa'i mtshan nyid du nges pa yin na de'i tshe/ mngon sum nyid la yang mngon sum dang mngon sum ma yin par

  237. 119a

    nges pa zhes bya bar 'gyur ro/ /de lta yin na yang don tha dad par brtags pas ci zhig bya ste/ ma mthong ba dang ldan pas dngos po cig nyid de lta bu ma yin par 'gyur te/ bde ba nyid sdug bsngal la sogs pa yin no zhes so/ /'das na tha dad pa yang mi rigs so/ /'di yang ma mthong ba'i bye brag nyid las yin no zhe na/ 'gyur mod rang rig pa'i rnam pa tha dad pa yang de bzhin du 'gyur ro/ de nyid kyi phyir gzhan rnam pa thams cad du 'dzin par mi 'gyur ro/ /don mtshungs pa la sbyor ba tha dad pa yang bsal zin pa nyid do/ /mig la sogs pa yang gsal ba tha dad pa nyid las brtag pa yin te/ 'di ltar/ dang po gsal ba mthong gyur pa/ /de la mngon sum nyid du gnas /mi gsal bar ni rtogs pa de/ /mngon sum bdag nyid du mthong min/ /gsal ba nyid dang dkar po rtogs pas yul du byas pas na 'di 'jig rten mngon sum nyid du byas pa yin no/ /gang gi phyir mig la sogs pa'i rgyu yod kyang/ /gang gi tshe gsal bar snang bar ma gtogs pa ni bdag gi 'ga' zhig ma gsal ba nyid du mthong ba yin na/ de mngon sum du rtogs pa ni ma yin no/ zhes bya ba 'di ni 'jig rten dag cig pa kho na'o/ /'on te gsal ba nyid du 'gyur ba'i dbang po las skyes pa ni mngon sum yin no/ /'di ltar/ gsal las yang dag 'dzin pa nyid/ /dbang po las ni nye bar rig /gnyis med phyir na gnyis po ni/ /ji lta bu yin yin mi 'gyur/ /nye bar gnas pa nyid dang gsal ba nyid gsal ba nyid du rtogs pa'i yul gang yin pa de nyid 'jig rten mngon sum du 'dod pa yin no/ / dbang po med par ni nyi bar gnas pa rtogs pa yin pas/ /de'i yan lag ma tshang ba'i phyir mngon sum ma yin par 'gyur ro zhes na/ de ni mi rung ste/ 'di ltar/ /nyeg dang ni gzhan pa dag /mngon sum cig shes rgyu ma yin /gzhan du bya rgod

  238. 119b

    la sogs pa'i/ /ring mthong mngon sum nyid min 'gyur/ /'di ltar skyes bu 'ga' zhig ni ring por mthong ba 'ga' zhig ni de lta ma yin no/ /des na de dag gi rig pa mngon sum ma yin par 'gyur ram ci/ 'on te de yang/ de'i gsal ba de nyid ni/ /thag ring min zhes brjod byed de/ /dang po'i nus pa la bltos nas/ /ring dang mi ring rnam par gnas/ /gang zhig gsal ba nyid du blta bar nus pa de nyid ring ba ma yin no zhe na/ gal te de lta na yang gsal bar mthong ba thams cad ni/ gal te thag ring mi 'dod na/ /de min na ni 'di thag ring pas/ /dbang po'i rgyu ma yin no/ /de'i phyir gsal par snang bar mtshungs pa nyid dang dbang po'i rnam par shes pa dag /mngon sum dang mngon sum ma yin par rnam par gnas pa yin no/ /zhes bya ba ni rigs pa dang ldan pa yin no/ /thams cad du gzhan gyi bde ba rig pa na bde ba nyid du 'gyur te/ mngon sum du byas pas so/ /mngon sum du ma byas na ni rnam pa dang bcas pa nyid kyis rang rig pa nyid do/ /gang dag rnal 'byor mngon sum gyi/ /gzhan gyi bde ba la sogs pa/ /myong la nyams myong mtshungs pa na/ /de yang de bzhin gdung bar 'gyur/ /'jig rten rgyang phan pa dang spyod pa pa ma yin pa gzegs zan pa la sogs pa rnal 'byor pa yod pa gang yin pa dag la/ /de ni nges pa mngon sum gyi gzhan gyi bde ba la sogs pa rigs pa no rnal 'byor pa de dag kyang 'dod chags la sogs pa dang ldan par 'gyur ro/ /lhag ma ni spros zin pas yang mi spro'o/ /'on te/ gsal te yul dbang 'dus med pas/ /de las 'byung ba'i sdug bsngal ni/ /de dag la ni skye min na/ /'on te gang la dbang po dang yul brang ba la bde ba la sogs pa skye ba de nyid la sogs pa tha snyad bya bar 'os pa yin no/ /rnal 'byor pa la ni sum mang la sogs pa'i yul dang 'phrad pa las bde ba la sogs pa skye bo ma yin te/ des na de ltar 'gyur ba ma yin no/ /gal te dbang po dang yul las skyes pa ma yin na/ /bde ba la sogs

  239. 120a

    ba de da'i yin no zhe na/ de yang mi rung ste/ sdug bsngal skye ba 'gyur nyid ni/ /sdug bsngal myong min 'on kyang ni/ /sdug bsngal shes pa skyes pa yin/ /gang gi phyir/ sdug bsngal la sogs myong min par/ /gdung dang phan 'dogs rgyu ma yin/ 'di ltar/ phan tshun lus kyi dbang po phrad pa las byung ba/ skyes pa dang bud med kyi bde ba la spu ldang ba la sogs pa skyed par byed pa'i cha thun mong ma yin nam/ de lta 'o na zhe na/ thun mong du dga' ba nyid du 'gyur ro/ /de'i phyir rang rig pa yin na bde ba nyid du 'gyur gyi/ gzhan du ni ma yin no/ /rang rig pa tsam ni skye ba tsam dang/ mig la sogs pa dang ldan pa yang me yin pas na bde nyid gnyi ga la yang mtshungs par 'gyur ro/ /de la der goms pa med pa'i phyir ro zhe na ma yin te/ goms pas ni bde ba tsam byed pa yin na/ de ni skyes pa'i phyir myong ba mtshungs par 'gyur ro/ /khyed la rnam par dbye ba 'di ji ltar zhe na/ bshad pa/ gang tshe rang nyid sdug bsngal gyi/ /rang gi ngo bor snang ba ni/ /gdung yin de mi shes min pa/ /de tshe de ltar thal mi 'gyur/ /gang zhig bde ba rang rig pa de ni// bde ba nyid la rnal 'byor pa gang gzhan gyis bde ba la sogs pa dmigs pa tsam gyi rnal 'byor pa de ni chags pa la sogs pa dang ldan pa nyid ma yin no/ /des na rnal 'byor pa de dag de'i sdug bsngal la sogs las gdung bar mi 'gyur ro/ /me la sogs pa myong ba'i ji ltar gdung zhe na/ ma yin te/ rnal 'byor pa la de med pa'i phyir ro/ /gzhan la ji ltar 'gyur ce na/ me la sogs pa ni de lta bu nyid du rigs pa ma yin pa'i phyir ro/ /rang rig pas byed pa'i bde ba la sogs pa gang yin pa de dag ni de las gzhan de ma yin pa'i phyir ro/ /rig pa thams cad myong bar mtshungs par 'gyur ba ma yin no/ /des na shes pa thams cad kyis/ /dmigs myong ba dag ni tha dad yin/ /don dang 'dra ba dmigs pa de/ /rang rig gsal ba dag myong yin/ /de'i rnam par 'jog par nus pa ni

  240. 120b

    myong ba'i dmigs pa yin la/ bdag gi ngo bo rang nyid gsal ba ni rig pa yin no/ /des na bde ba dang rig pa gdung bar byed kyi de'i rnam pa nye bar 'jog pa tsam gyis ni ma yin no/ /de gnyis la khyad par ci yod ce na/ don dam par ni ci yang med de/ bde ba dang de'i rnam pa ni khyad par 'ga' yang med do/ /'on kyang bdag nyid des zin par sems pa nang gi sdug bsngal lo zhes nges par zad do/ /rnal 'byor pa rnams ni de lta ma yin pas de bzhin nyid du bde ba nyid ma yin no/ /de'i phyir rnam par shes pa ni rang rig pa nyid de de lta ma yin na bde ba la sogs pa'i rnam par dbye ba srid pa ma yin no/ /shes rab la sogs pa goms pa'i khyad par nyid las ma yin nam de dag ni snang bzhin pa'i don dang mi mthun pa ma yin no/ /don de yang shes rab la sogs pa'i rang bzhin ni ma yin te/ de la goms pas mi 'jug pa'i phyir ro/ /de la goms pas don mngon par 'du byed pa ni ma yin no/ /de'i phyir don las tha dad pa'i shes rab de ni rnam pa dang bcas pa yin no/ /shes rab la sogs pa rnam par shes pa la sogs pa rnam par shes pa'i rang bzhin ma yin pa ma yin nam/ des de rnam pa med pa yin yang rnam par shes pa rnam par med par mi 'gyur ro zhe na/ de ni ma yin te/ shes rab de ni rnam byed de/ /ci ltar de 'dzin yid kyang yin/ /de don 'dzin yang don rnams ni/ /med na de phyir rnam shes kyang/ gal te shes rab don gyi khyad par 'dzin pa yin yang rnam par shes pa yin na ni/ rnam par shes pa yang rnam par med par don ci ste mi 'dzin/ de yang rnam pa med du zad mod ce na/ de ni mi rung ste 'di ltar/ /shes rab ces kyang skad cig la/ /dag ba'i don ni snang ba yin/ /de yang rjes dpag gzhan dag ni/ /shes rab nyid du mi 'thad phyir/ /de yang rnam pa dang bcas pa yin no/ /zhes bstan cing ston par 'gyur ba nyid do/ /gal te rnam par shes pa rang rig par mi 'dod na/ de'i tshe don 'ga' yang rtogs

  241. 121a

    pa med pa'i phyir tha snyad med pa nyid du 'gyur ro/ /de bshad pa ni/ gzhan yang mngon sum med pa na/ /blo ni rtags la bltos par 'gyur/ de yang dbang po don nam blo/ /yang na yid byed snga mar 'gyur/ /rgyu 'bras tshogs pa 'di dag las/ /srel pa can gzhan yod min te/ /nus pa mthong ba med phyir ro/ /de la 'khrul phyir dbang po min/ /mngon sum nyid ma yin pa na lkog tu gyur pa'i yul can rjes su dpag pa dang 'jug pa yin/ de yang rtags las yin la/ rtags de yang dbang po la sogs pa'i yid la byed pa'i mthar thug pa yin te/ 'brel pa dang ldan pa gzhan med pa'i phyir ro/ /don gyis go ba yang 'brel pa mthong ba nyid de las yin no/ /de ni mthong ba gzhan du mi 'jug pa'i phyir ro/ /de la re zhig dbang po ni ma yin te/ 'khrul pa'i phyir ro/ / rtags ni 'khrul pa med pa yin na/ dbang po ni/ de lta ma yin par mi 'thad pa ma yin te/ rgyu nyid du khas blangs par bya'o/ /nus pa yang 'bras bu ma mthong bar mi nges so/ /don yang de bzhin/ yang dbang po bzhin du 'khrul pa'i phyir ro/ /blo yid byed shes yin de yang ma grub nyid/ /blo ni rtags ma yin te/ de ni bsgrub nyid yin pas ma grub pa'i phyir ro/ /yid la byed pa yang sngar gyi blo de nyid yin la/ der yang skyes pa'i dus su ma grub na/ gzhan gyi tshe ji ltar grub/ /'di ltar/ ma grub pa ni rtags nyid min/ /rtags ni grub par 'gyur ba yin no/ /de lta ma yin par rtags nyid yin na ni/ thams cad rtags nyid du 'gyur bas thams cad kyi thams cad grub par 'gyur ro/ /ci ste yang re zhig gsal bar 'gyur ba'i don ni mngon sum du grub pa nyid de/ de lta ma yin na don zhes bya bar yod par mi 'gyur bas tha snyad med par 'gyur ba'i phyir 'gro ba long zhing lkugs par 'gyur ro/ /don yod pa tsam las kyang don gsal bar 'gyur ba ma yin te/ de lta ma yin na thams cad gsal bar thal bas thams cad kyi thams cad mthong bar thal bar 'gyur ro/ des na

  242. 121b

    gang la don gsal ba nyid du gyur pa de ni blo yin no/ /de nyid kyi phyir te/ ma shes par ni blo gsal yang dmigs pa med de/ shes pa ni rjes su dpag pa las rtogs so zhes bshad pa yin no zhe na/ 'di la lan/ gal te don gsal rtags yin par/ /'dod na de nyid shes min nam/ /'dis ni gsal 'gyur don gsal te/ /gsal ba nyams su myong min na/ /de yis gsal 'gyur mi nges phyir/ /gal te gsal ba rtags yin na/ 'on te gsal bar gyur ba'i don rtags yin yang bla ste rnam pa thams cad du gsal ba nyams su myong dgos te/ gsal bar gyur pa myong ba ni gsal bar myong ba sngon du 'gro ba can yin pa'i phyir ro/ /dus gcig gi tshe nyams su myong ba'i gsal ba ni gzhan gyi tshe khyad par gyur pa yin pas/ rnam pa thams cad du mngon sum gyis myong bar 'gyur ba yin no/ /rjes su dpag pas myong ba yin na ni thug pa med do/ /don gyis gsal ba de mngon sum yin na ni/ blo yang mngon sum nyid do/ /des na gsal ba lkog tu gyur pa nyid kyis don lkog tu gyur pa nyid du 'gyur te/ des na rtags ma yin no/ /'on te las nyid du snang ba'i don gzung bar bya ba'i ming gi rnam grangs can gyi rtags yin no/ /las nyid ni bya ba med par 'gyur ba ma yin no/ /bya ba yang blo yin no/ /de smras pa ni/ de ni phyi rol yul dag dang/ /'brel pas mngon sum nyid du dmigs/ 'di la brjod pa/ bya ba byas pa'i khyad par ni/ /las nyid 'gar yang gzhan du min/ /bya bas byas pa'i khyad par ni/ /bya ba tsam nyid rjes dpog 'gyur/ /gal te las nyid ces bya ba/ bya ba byas pa'i khyad par yin na byas pa tsam nyid du rjes su dpag par 'gyur med/ /blo'i bya ba ni rjes su dpag pa ma yin no dngos po'i rang bzhin las gzhan pa'i bya ba ni yang med do/ /'di ltar byed po 'am las la gnas pa ni med do/ /bya ba brjod kyi gzhan la min/ /bya ba

  243. 122a

    brjod kyi gzhan 'am yin/ /byed po la gnas byed po las/ /gzhan smin las gnas las las med/ /de'i phyir mthong ba snang ba dang/ /gzhan la las ni gzhan ma yin no/ /'on te don ni bzung ba nyid du rig pa yin la/ blo ni 'dzin pa nyid du yin te/ 'di ltar nges blo don du bzung ngo zhes rtogs pa yin no zhe na/ de yang mi rung ste/ de tshe blo ni byed pa ste/ 'dzin pa nyid ni de las gzhan/ /de nyid yin 'gyur blo gzhan ni/ /ci yi phyir na rtogs par byed/ /gal te don las mthong gzhan na/ /rang bzhin su yis mthong bar 'gyur/ /bya ba byas pa'i 'on te gsal te don nyid kyi/ /khyad par 'ga' zhig yin 'dod na/ /de'i tshe skye ba dang ni 'jig med pa'i/ /don la khyad par 'ga' yang med/ /blo 'dzin pa de ni de'i tshe don skye ba ni khas mi len to/ /'dzin par byed pa'i rtogs pa ni grub pa nye bar 'jog pa yin te/ blos ni ji ltar gnas pa bzhin 'dzin pa tsam byed pa yin no/ /gzung ba tsam nyid kyis ni khyad par du 'gyur ba ma yin no/ /rang bzhin gzhan du 'dzin na yang 'khrul pa nyid du 'gyur ro/ /de'i rang bzhin du 'dzin yang snga ma phyi ma'i rang bzhin nyid 'dzin par thal ba'i phyir ro/ /ji ltar sgron sogs rang dus dang/ /'brel pa bum sogs gsal byed pa/ de bzhin shes pa'ang yin zhe na/ de la'ang brtsad pa mtshungs pa nyid/ /gal te don rnams ji lta bu yin pa de lta bu nyid sgron mas mngon par gsal bar byed na/ des kyang dus kyi mdza' dag khyab par gsal bar byed par 'gyur te/ gzhan du na 'khrul pa tsam nyid do/ /'on te 'dzin pa'i dus su don gzhan skyes pa yin no zhe na/ de'i tshe de 'dod na yang shes so/ /skad cig 'jig par thal bar 'gyur/ /gal te 'di rtogs pa'i rang bzhin ma yin pa las ldog pa'i rang bzhin du skye ba yin na/ shes pa dang dus mtshungs pa nyid kyis skad cig ma rang rig pa nyid yin pa'i phyir don gzhan gyis

  244. 122b

    brtags pas ci bya/ gal te blo ni 'dzin par byed pa nyid du rtogs la/ don ni gzung ba nyid du rtogs so zhes bstan pa ma yin nam zhe na/ gal te don g.yo ba med pa'i rang bzhin yin no/ /gang gi tshe de lta bu'i rang bzhin skye ba de'i tshe ni de nyid de lta bur gyur par skye bo zhes brjod pa na/ de ltar don gzung ba nyid du ji ltar brjod par 'gyur/ /ngas blo gzung ngo zhes bya ba'i tha snyad rtogs pa skyes pa tsam las gzhan du cung zad kyang rtogs par byed pa ma yin no/ /de skad du bshad pa ni dngos po'i 'brel pa mdza' dag ni skyed par byed pa nyid kyis nye bar sbyor ba'i khyad par gyi rgyu dang 'bras bu'i cha'i khyad par las gnas skabs kyis khyad par bstan pa'i phyir gzhan du rnam par gzhag par bya ba yin no/ /tha snyad la ni dngos po grub pa ma yin te/ de ni gzhan du yang 'thad pa'i phyir ro/ /'di ltar/ rang gi rgyu'i dngos po las/ /don 'di sngar yang yod pa yin/ /de lta de ltar dngos 'di la/ /de yi mthong ba 'di skyes so/ /mngon sum rjes dpag dag gis ni/ /don 'di rtogs pa nyid ma yin/ /des na 'jig rten tha snyad pa 'di /long ba brgyud pa 'ba' zhig go /gzhan yang gal te don gyi khyad par 'ga' zhig nyid gzung ba yin na de'i tshe/ de yang shes pa shes ma gyur/ /gal te shes pa rtags yin na/ /shes su yongs su bcad med par/ /de shes shes bya de gang las/ /gal te shes 'gyur nyid du ni/ /yongs bcad de de'i rang bzhin nyid/ /blo gzhan don med khyad par ni/ /de nyid de ltar rab tu brjod/ /shes 'gyur nyid du bcad med kyang/ /de ni ji ltar go byed yin/ /don shes zhes byar shes pa ni/ shes pa zhes byar rtogs pa yin/ /don shes tsam du shes pa ni/ /de'i don nyid du rig pa yin/ /de yi ngo bor rig pas na/ /don rnams de yi ngo bor gnas/ /dkar po nyid du rig pa'i don/ /de las dkar po gzhan nam ci/ /de ltar 'di ni bshad zin pa yin no/ /'on te mthong ba gzhan nyid yin na de'i tshe mthong bar gyur pa zhes yongs su mi gcod par

  245. 123a

    'gyur ro/ /de bshad pa ni mthong ba mthong 'gyur min gzhan gyis/ /mthong 'gyur 'ga' yang mthong 'gyur med/ /gal te mthong ba mthong bar 'gyur ba las gzhan ma mthong ba yin na ji ltar mthong bar gyur pa'i rang bzhin yongs su gcod/ /de lta ma yin na gzhan gyis mthong bar gyur pa la yang/ 'di ni gzhan gyis mthong bar gyur pa'o zhes mthong bar gyur pa'i tha snyad du 'gyur ro/ /ji ltar mthong ba tsam las ngas mthong pa'o zhes de'i mthong bas don gyi khyad par mthong ba las yin pa de bzhin du khyad par de bzhin gyi mthong ba la yang gdon mi za bar 'dod pa'i phyir 'di ni gzhan gyis mthong bar gyur pa'o zhes bya bar 'gyur ro/ /'on te khyad par de ni ci ba? nyid ma yin te/ des na gzhan gyis mthong bar gyur pa ma mthong ba'i phyir dang/ rang gis mthong bar gyur pa ma mthong ba'i phyir rang gis mthong ba zhes bya ba de nyid rtogs pa ma yin no zhe na/ de yang mi rung ste/ khyad par de gzhan mthong ba las/ /yod phyir rang blo rtogs par 'gyur/ /gal te khyad par mang po yin pa de lta na yang/ de dag rang gi rig par bya ba de dag nyid ma yin pas de dag gis kyang mthong bar 'gyur ba nyid yin te/ des na rang gi gzhan gyi blo rtogs 'gyur ro/ /des ni mthong bar gyur pa ni rang nyid rig par bya bar 'gyur dgos so/ /'on te de yang rig pa gzhan gyis mthong bar 'gyur ro zhe na/ de lta yin na de la yang rtogs par 'gyur ba nyid yod par gyur pas thug pa med par 'gyur ro/ /'on te mthong bar gyur pa nyid cig kho na yin na/ de lta na ni gzhan gyi mthong ba la yang khyad par de nyid yin pas rang gi blo rtogs pa nyid du 'gyur ro/ /gang gi tshe ji srid du gzhan gyis mthong bar gyur pa nyid gzhan gyis rtogs pa de'i tshe/ bdag gis mthong bar gyur pa nyid med kyang/ gzhan gyis mthong bar gyur pa

  246. 123b

    mthong bas rang gi blo rtogs par 'gyur ro/ /mthong bar gyur pa de ni rang dang gzhan la ltos te khyad par yod pa ma yin te/ 'on te rang nyid kyi mthong bar gyur pa nyid kyang yod pa yin te/ de las rang gi blo rtogs pa yin no zhe na ma yin te/ rang gis mthong bar gyur pa dang/ gzhan gyis mthong bar gyur pa dag la khyad par med pa'i phyir ro/ /rang gis mthong bar gyur pa nyid ni rang gis mthong ba dang 'brel pa rtogs na shes pa yin no/ /de ma rtogs na ni rang gis mthong bar gyur pa nyid ces bya ba 'di nyid ga las yin/ de'i phyir rang nyid kyis mthong bar gyur pa ma yin yang/ gzhan gyis mthong bar gyur pa nyid rtogs pas rang gi blo rtogs par 'gyur ro/ /'on te mthong bar gyur pa nyid gang yin pa de rang gi blo rtogs pa yin yang/ skyon med de de 'di la cung zad kyang chad pa med do zhe na/ chad pa med de/ de lta mod kyis dngos po'i de kho na nyid du mi 'gyur bas chad pa kho na'o/ /'di ltar/ mthong bar gyur pa nyid rtogs nas/ /nga'am 'di zhes ga las yin/ /de las gzhan ltos gang gis kyang/ /bzlog pa nyid ni yod ma yin/ /rang rig ngo bor gyur na ni/ /de bzlog pa ni 'gyur ma yin/ /rang rig gzhan gyis myong zhes pa/ /ha cang bab chol ches pa nyid/ /rang rig pa ni 'di kho na ste/ /gzhan gyis spyod yul ma yin par gyur pa gsal ba zhes bya ba gang yin pa'o/ /de phyir rang chos ltos med can/ /don chos phan 'gar ba las ni/ /blo ni rjes su dpog ma yin/ /blo rtogs mngon sum gang yin pa/ /rang chos rang blo las gzhan ce/ /blo la brtan pa 'ga' zhig gis blo rjes su dpog par 'gyur ro/ /yul la sogs pa'i chos thun mong ba ni rjes su dpag par bya ba thun mong ba nyid rtogs pa kho na'o/ /des na bdag gi blo rjes su dpog par byed pa ni bdag gis chos su 'gyur dgos so/ /rang gi chos kyang blo las gzhan ni med do/ /rang gi chos nyid blo nyid yin par zad pas de lkog tu gyur na/ rjes su dpog par byed pa ji ltar 'gyur/ 'on te bde ba la sogs

  247. 124a

    pa blo dang tshogs pa mtshungs pa las skyes pa de dag ni bdag gis chos yin pas na de dag las rjes su dpog par byed do zhe na/ 'di la bshad pa/ rgyu mtshungs pa las skye ba de/ blo las tha dad gang las yin/ /gzhan skyes de yang 'khrul la can/ /gal te bde ba yul dang dbang po la sogs pas skyed pa yin na/ thams cad rig pa'i rang bzhin nyid do zhes bstan zin to/ /'on te mthong bar gyur pa'i yul la bde ba skyes pa de las rang gi blo rjes su dpog go zhe na/ bde ba de yang gzhan gyis ma yin no zhes bya ba ga las/ gzhan gyi bde ba la gzhan gyi rtogs pa ji ltar nus she na/ rang rig pa ma yin na rnam par dbye ba 'di ji ltar 'gyur/ /'jigs pa la sogs pa las kyang spu ldang ba nyi ba skye ba nyid do/ /gal te bde ba la sogs pa rang rig pa nyid du rnam par gnas pa yin na de'i tshe gzhan dang 'brel pa mi rtogs so zhes bya bar rigs pa yin no/ /de lta ma yin na ni gzhan dang 'brel pa nyid gang gis bzlog /bdag gi spu ldang ba des na bdag gi yin par rjes su dpog go zhe na/ 'di yang ga las yin te/ gzhan gyi chung mas bde ba mi skyed pa ni ma yin no/ /bde ba la sogs pa myong bar gyur pa'i bdag nyid spu ldang ba la sogs pa skyed par byed pas na rang dang 'brel pa 'am/ de lta ma yin pa zhes bya ba 'di rang du dgos/ rang gi bde bas spu ldang ba la sogs pa skyed par sgrub na/ rang dang 'brel pa nyid rtogs la/ /rang dang 'brel pa nyid rtogs na yang ngas bskyed par rtogs pas phan tshun brten pa'i nyes pa yin no/ /gzhan yang blo'i rjes su 'gro ba dang ldog pa'i rjes su byed pa 'am/ de'i rjes su byed pa blo rjes su byed pa yin grang na/ de la gzugs sogs yul ni lnga po dang/ dbang po dang ni dmigs pa dag/ ma gtogs de'i 'bras bu gzhan/ /nye par mtshon pa ma yin no/ /de la gnyis ni dbang po 'das/ /don

  248. 124b

    lnga dag las gzugs mthong las/ /skyes pa gzhan du srid bral ba/ /gang yin gcig kyang rtogs pa med/ /gnyis ni dbang po 'das zhes bya ba ni/ dbang po dang dmigs pa'o/ /gzugs la sogs pa don lnga po dag la ni gcig kyang gzugs mthong ba las skyes pa de lta bur gyur par rtogs pa med do/ /gzugs la sogs pa ni gzugs mthong ba las skyes pa ma yin te/ rgyu gzhan las skyes pa'i phyir ro/ /gzugs mthong ba las skyes pa nyid yin na ni de dag nyid du 'gyur ro/ /'di ltar/ gzugs mthong don rnams thams cad la/ /yod phyir srog tshogs thams cad la/ /tha dad de bzhin de las ni/ /skye ba'i phyir yang de bzhin te/ /skyes pa'i phyir yang don yang 'gyur/ /ji ltar gzugs mthong srog chags so so la tha dad ba de bzhin du gzugs la sogs par yang 'gyur ro/ / de na gal te/ thams cad kyis ni dmigs nyid na/ /de yi khyad par nges pa na/ /de shes srog chags so so la/ /sna tshogs su ni snang bar thal/ /so so rang nyid dmigs na ni/ /rang rig las na shes pa nyid/ /gal te gzugs la sogs pa srogs chags so so la/ / tha dad pa yi rang bzhin na/ /thams cad kyi dmigs par 'gyur bas gcig par gzugs la sogs pa tsam dmigs par 'gyur na/ de ltar yang ma yin pa des na re shig phyogs 'di ni ma yin no/ /'on te rang gi mthong bas bskyed pa'i gzugs la sogs pa nyid du dmigs so zhe na/ de lta yin na gzhan dag gis rig pa ma yin pa'i phyir rang rig pa khas blangs pas na don nyid nyams par 'gyur ro/ /de ste gzhan gyis dmigs pa yin na de lta na/ de skyes pa nyid kyis ni de la yang khyad par gnas yod par gyur la/ de yang gzhan gyis dmigs par bya bas na thug pa med par 'gyur ro/ /rang gi rig pa dag gzhan gyi rig pas/ de ltar shes med gang yin te/ rtags zhes bya ba bab tsol te/ ma rtogs pa nyid ni rtogs ma yin no/ /des na rtags kyi mtshan nyid med pa'i phyir blo zhes rjes su dpag

  249. 125a

    dpas rtogs pa yin no zhes bya ba 'di ni mi rung ngo/ /yang na don gzhan rtogs su chug pa de lta na yang/ rtags yod na yang de dang ni/ /lhan cig 'brel ba mthong med par/ /ji ltar rtogs 'gyur rtags dang na/ /ma mthong ba'i gsal byed min/ /me la sogs pa mthong ba nyid rang las skyes pa'i du ba la sogs pa skyes pas rjes su dpog gi /gzhan du ni ma yin no/ /sngar ma mthong ba'i me ma mthong ba'i du bas rjes su dpog par byed na ni mthong ba ni med do/ /rtags de nyid las sngar don grub pa nyid du brjod na ni/ /de las yang ni dpe gzhan ni/ /sgrub byed yin phyir thug med 'gyur/ /rjes su dpag par ni dpe spong bar byed pa ni ma yin no/ /de lta yin na rjes su dpag pa nyid du mi 'gyur te/ mngon sum bzhin no/ /mngon sum la tshad ma gzhan yod pa'i phyir rjes su dpag pa nyid ma yin na 'di la yang mtshungs so/ /des na dpe sgrub par byed pa'i rjes su dpag pa de yang dpe gzhan las yin pa'i phyir thug pa med pas na rtogs par mi 'gyur ro/ /'on te don gyi go bas sgrub par byed na/ de ltar rtogs pa ni 'ga' yang med do/ /gal te rtogs pa med na don nyid mi 'thad do zhes rtogs pa ni 'ga' yang med do/ /gal te rtogs pa med na rtogs pa'i don med do zhe na/ rtogs pa zhes bya ba 'di ci zhig /rtogs pas yul du byas pa'o zhe na/ rtogs pa ma rtogs na rtogs pas yul du byas pa de nyid bsal bar bya ba yin nam/ bdun na gnas pa nyid do zhe na/ bdun na gnas pa yang ma rtogs par ji ltar rtogs pa sgrub par byed pa yin/ rtogs so zhe na/ de la yang bdun na gnas pa yod pas na 'di la thug pa med pa bshad zin to/ /des na mdun na gnas pa nyid dam/ don gyi rnam pa gzhan yang rung ste/ rtogs pa ma grub na ni rtogs pa nyid ma yin no/ /de'i phyir blo las don sgrub kyi/ /don las ji ltar yang de min/ /de ma grub par don rang nyid/ /

  250. 125b

    rab tu grub pa med phyir ro/ /blo las don grub po/ /blo med par don grub na ni/ /thams cad thams cad mthong bar 'gyur ro/ /rang gi tshe rang nyid blo don la byed pa 'jug par mthong ba de'i tshe don rtogs so zhes bya bar 'gyur gyi/ gzhan du ni 'ga' yang rtogs so zhes bya bar mi 'gyur bar??/ thams cad rang nyid rtogs par 'gyur ro/ /de'i phyir don las blo grub pa ni ma yin te/ sngar bshad pa'i skyon du thal ba'i phyir ro/ /mngon sum blo dang de las ni/ /brjod dang g.yo 'gul sogs mthong nas/ /gzhan sel rjes dpag mi 'gyur te/ bdag la 'brel pa mthong ba'i phyir/ /gal te mngon sum gyi bdag nyid la blo dang/ /de dang 'brel pa can dag rnam pa ci zhig ltar mthong na de'i tshe/ de dang 'brel ba'i rtags mthong ba las gzhan la yang blo rjes su dpog par 'gyur gyi gzhan du ni 'thad pa ma yin no/ /gzhan gyis mthong ba'i don to zhes rjes su dpog go zhe na/ rang nyid kyis mthong ba ga las rtogs/ /rjes su dpag pa las so zhe na/ de la yang gzhan dgos pas thug pa med do/ /mngon sum nyid kyis rtogs so zhe na/ mngon sum don sngon po rtogs pa ma yin nam/ ji ltar dpe yin/ rang dang 'brel pa yang rtogs so zhe na/ 'o na rang 'bral pa ni mthong bar 'gyur ba nyid yin no/ /gal te de rtogs na ni bdag nyid kyang des rang rig pas rtogs par 'gyur ro/ /de gzhan gyis rtogs na ni thugs pa med do/ /de la yang mthong bar 'gyur ba nyid do/ /gzhan kho nar rtogs pa'i yul du gyur ba yin pa'i phyir ro/ /des na don mthong bar gyur par rtogs pa dang/ /mthong bar gyur pa'i rtogs pa zhes bya ba la sogs pas so/ /gang gi tshe rtogs pa rtogs pa de'i tshe ni mthong bar gyur pa ma yin te/ de'i tshe rtogs pa nyid dmigs par 'gyur ro/ /des na yul tsam nyid rtogs kyi mthong bar gyur pa nyid ces bya ba ni ma yin pas na don gyis go ba skye bar mi 'gyur ro/ /gzhan yang/

  251. 126a

    yid kyi blo la rtags kyi don 'ga' yang yod pa ma yin te/ de gang gis de brtags su 'gyur ba'i don mngon sum du gyur pa ni med do/ /dran pa nyid kyang mngon sum ma yin te/ des na yid kyi blo la don gyi rtags/ rab tu grub pa yod min phyir/ /ji ltar rjes su dpag ba ces bya ba ni lhag ma'o/ /'on te der yang rang rig pa la sogs pa don gyi snang ba snang ba yin pas na/ de las rjes su dpog pa yin no zhe na/ 'di la lan btab zin to/ /de tshad ma ma yin pa'i phyir don snang ba ji ltar 'gyur/ snang ba ni mthong ba yin te/ bde ba 'am bde ba ma yin zhes bya bar the tshom za ba tsam tu zong zhe na/ bden pa ma yin pa zhes bya ba 'di ci zhig /slu ba gang yin pa nyid do zhes ma yin te/ de'i rang bzhin la bslu ba med pa'i phyir ro/ /rang bzhin der ni gdon mi za bar bde bar 'gyur ba nyid yin no/ /bde ba ma yin pa'i tha snyad byed pas bden pa ma yin no zhe na/ tha snyad 'di ci zhig tshad ma'o zhe na/ tshad mas rtogs pa ji ltar mi bden/ mi bden pa nyid du rtogs pa'i phyir ro zhe na/ ma yin te/ mi bden pa nyid de'i rang bzhin las ma rtogs par rtogs pa med pa'i phyir ro/ /rang gi ngo bo tsam rtogs kyi don bya ba gzhan ni ma yin pas so zhes bya ba yang 'brel pa ma yin te/ de lta yin na rang rig par thal bar 'gyur ba'i phyir ro/ /gzhan gyis rig pa yin no zhe na ma yin te/ dran bas mthong bar 'gyur ba nyid du mngon par zhen pa'i phyir ro/ /'dir la snga ma'i rang bzhin nyid ni yod pa ma yin pa'i phyir 'di rtogs pa ma yin no/ /ci ste 'di yul du byed na 'o na ni dran pa ma yin no/ /rang rig pa nyid ni mngon sum tsam mo zhes pa rig pa yin no/ /rang rig pa nyid ni de ltar rtogs so zhes tha snyad du byed pa yin no/ /gzhal bya dang bral ba'i rtogs ba

  252. 126b

    nyid mi bden pa yin gyi 'jig rten las 'das pa nyid la sogs pa ni ma yin te/ de ltar tha snyad med pa'i phyir ro/ /gzhan yang don gyi go ba 'am/ gzhan yang rung ste/ blo gzhan gyis/ /khyod kyi blo ni blo gzhan gyis/ /ji ltar rab tu gsal bar 'gyur/ blo dag phan tshun rab tu gsal bar byed par ji ltar 'gyur/ gang gi phyir gsal min rab tu mtshungs pa'i phyir/ /gsal bya gsal byed gang las yin/ /rab tu gnas pa'i bdag nyid ma yin pa dag ni phan tshun nam/ gzhan du gsal bya gsal byed kyi dngos por mi 'thad do/ /sgron ma'i 'od gsal ba'i bdag nyid kyis bum pa la sogs pa gsal ba ma yin pa gsal bar byed kyi gzhan gyis ni ma yin no/ /yul ni ji ltar gsal ba yin/ /gsal la ngo bo 'pho phyir ro/ /rang nyid gsal ba la de las gzhan dag 'phos pa'i phyir gsal ba yin te/ dper na mar me'i 'od la sogs pa gsal ba bzhin no/ /gsal de 'ang de yi ngo bo nyid/ /rang nyid rab tu gsal ba yin/ /'o na ji ltar bum pa'i rang bzhin gzhan yin la 'od kyang gzhan yin pa de bzhin du rnam par shes pa'i rang bzhin gzhan yin la/ gzugs la sogs pa'ang gzhan yin par 'gyur ro zhe na/ de ni de ltar ma yin te/ de lta yin mod 'on kyang 'di/ /myong las phyi rol sgron sogs bzhin/ /myong ba med par gsal bya dang/ gsal bar byed par rtogs ma yin/ gal te rnam par shes pa dang yul dag gzhan nyid mod/ /de lta mod kyis rnam par shes pa'i bdag nyid ni/ sgron ma bzhin du rang gsal bar 'gyur dgos te de nyid rnam par shes pa gzhan gyis gzung ba yin no zhe na/ /de ni mi rung ste/ de dang chos mtshungs nyid kyis ni/ /gal te rang las tha dad pa'i/ /rnam shes kyis ni 'di 'dzin na/ /rigs 'di phyi rol nyid du 'ang 'gyur/ /'on te phyi rol 'di min na/ /rang rig nyid du ci mi 'gyur/ /de yang snang

  253. 127a

    ba gzhan gyis ni/ /rab tu gsal bar 'gyur ma yin/ /de nyid kyi phyir bshad pa/ da ltar blo la blo 'dod na/ /blo ni rang nyid rig pa grub/ /de ltar min na yul yang ni/ /blo dang lhan cig chos mtshungs nyid/ /gal te rang nyid rab tu gsal ba'i blo la blo 'phros pa'i phyir/ blos blo gsal ba yin no/ 'o na ni blo nyid rig par byed pa yin no/ /de lta ma yin te/ blo rang nyid gsal ba ma yin no/ /de yang de'i rang bzhin can nyid kyis chos mtshungs pa yin pa'i phyir blo'i gsal bar byed par 'gyur ro/ /de'i phyir deng kyi blo rang nyid/ /gsal ba'i ngo bor rab gsal zhing/ /gzhan der ngo bo 'phos pa yis/ /gsal ba la ni rab gsal nyid/ /gzugs dang blo'i gsal bar bya ba dang/ /gsal bar byed pa'i dngos po de lta bu nyid yin te/ 'di lta ste/ cig ni rang nyid rab tu gsal ba yin la/ /gzhan ni de'i rang bzhin du bskyed pa'o/ /gal te blo cig rang nyid du gsal ba yin mod/ /gzhan ni gsal bya dang 'dra ba yod pa las yin te/ dper na pha'i gzugs 'dzin to zhes bya pa bzhin no zhe na/ 'dra ba yin yang de yis ni/ /blo gzhan rab tu gsal mi 'dod/ /rang nyid rab tu gsal phyir don/ /de yi ngo bos rab gsal yin/ /gsal ba ma yin pa ni gzhan gyis gsal gyi/ /gsal ba nyid ni blos mtshungs pa tsam gyis gsal ba ma yin no/ /don dam pa ni gsal ba ma yin pa yang gsal ba ma yin no/ /ji ltar don rab tu gsal zhe na/ don de'i ngo bor te/ gsal ba'i rang bzhin gyis gsal ba yin gyi gzhan gyis gsal ba ni ma yin no/ /blo dag ni rang nyid yang/ rang nyid rab tu gsal bar mtshungs pa'i phyir na gsal bar bya ba gsal bar byed pa'i dngos po ma yin te/ dper sgron gnyis gnyis? mar? me dang/ bum pa dag kyang de rten nas/ /gsal bya gsal byed ngo bo yis/ /tha snyad

  254. 127b

    rab tu rgyas par byed/ /sgron ma gnyis la 'dra ba dang/ /skye ba yod kyang phan tshun gsal bya gsal byed? gyi dngos po nyid ma yin no/ /'o na mar me dang bum pa gnyis ji lta zhe na/ mar me'i tshogs pa la bum pa de'i ngo bor skye ba'i phyir ro/ /des na de yang? rang nyid rab tu gsal ba nyid kyis gsal ba yin gyi/ gzhan du ni ma yin no/ /de bzhin du rjes su 'gro ba dang ldog pa dag las kun btags pa'i dmigs kyis bkar ba las de ltar tha snyad med pa yin gyi/ don dam par ni spros pas chog go / yul dang dbang po tsam gyis ni/ /mthong zhes bya bar nges ma yin/ /des na gang las 'di 'gyur ba/ /gzhan de'ang mthong bar gdon mi za/ /gal te yul dang dbang po tsam las mthong ngo snyam du nges pa yin na ni/ thams cad mthong ngo zhes bya bar nges par 'gyur ro/ /mthong bar 'gyur ba nyid mthong ngo zhes bya bar nges so zhe na/ mthong bar gyur pa zhes bya ba 'di ci zhig gang la mthong ba skyes pa'o/ /mthong ba zhes bya ba 'di ci zhig ces de nyid 'dri? ba ma yin nam/ gang la mig la sogs pa mngon du phyogs pa'o/ /mig mngon du phyogs so zhes bya ba ji ltar rtogs/ de la yang ji ltar zhes pa nyid kyi tha snyad du byed pas thug pa med do/ /'on te mthong ba skyes pa tsam las nges so zhe na mthong bar gyur pa zhes bya ba 'di ci zhig gang las mthong ba skyes/ nyams su myong ba nyid las nges pa'i phyir ro/ nyams su myong ba'i myong ba tsam las ni nyams su myong ngo zhes bya bar nges pa ma yin te/ dkar po nyid nyams su ma myong bar dkar po nyid do zhes mi nges pa bzhin no/ /de'i phyir gang zhig nyams su myong ba'i rjes su 'brang ba'i nges pa de lta bur gyur pa myong ba nyid las 'gyur ba yin te/ de ltar nges pa ni rigs pa yin no/ /dran pa las kyang bdag rig grub/ /shes pa gzhan gyis rig na ni/ /ring? sogs 'dzin par mi 'gyur te/ /yi? phyi mang po gnas

  255. 128a

    med phyir/ /yul shes pa de shes pa'i khyad par nyid las rang rig pa grub pa ni ma zad kyi dran pa las kyang de grub pa yin no/ /gal te dran pa las ni myong ba tsam grub pa ma yin nam/ rang rig pa ni ma yin te/ gzhan gyis myong ba la yang dran pa 'thad pa kho na'o zhe na/ de ni lan du mi rung ste/ shes pa gzhan gyis rig pa yin na ni/ ring po la sogs pa 'dzin par mi 'gyur te/ phyi mo mang po mi gnas pa'i phyir/ dper na thung ngu gnyis par med par sbyor ba na de mi gnas pa bzhin no/ /mi gnas pa ni gnas pa dang lhan cig tu rtogs pa ma yin no/ /zhes sngar bstan zin to/ /ring po dang cher bsrings pa la sogs pa mi 'dzin pa nyid do/ /phyi mo re zer? 'dzin na ni ring po la sogs pa 'dzin pa ma yin no/ /chod? pa yang rtog pa ma yin no/ /snga phyi gcig tu bsdom nas rtogs so zhe na/ ma yin te/ de yang rtogs pa'i yul yin pa'i phyir ro/ /ring po la sogs pa'i mtshan nyid kyi don rtogs pa nyid ma yin nam zhe na/ rtogs mod kyi 'on kyang ring po la sogs pa'i mtshan nyid kyi don rtogs pa ni ma yin no/ /des na thung ngu gnyis bzhin du 'di ni phyi mo gnyis zhes rtogs par 'gyur gyi/ ring po gzhan ni ma yin no/ /gal te rang gi blo rang rig pa yin pa de yi lta na/ ji ltar ring po la sogs ba 'dzin/ de'i rnam pa can gyi blo cig rig pa na ring po rig par snang bar bzhag go /'o na ni rang rig pa ma yin par smra ba'i ltar na yang de'i rnam pa can gyi blo cig rig pa yod pa de nyid de/ 'on kyang blo gzhan gyis yin pa 'ga' zhig tu za? ngo?// gnas skabs 'di gnyis la khyad par ni yod pa ma yin no/ /'di ltar/ rig bya nyid phyir rig bya ni/ /gzhan gyis rig yin phyi rol bzhin/ /des ni blo yang rig bya'i phyir/ /rig par byed pa gzhan yod 'gyur/ /de ni mi rung ste/ gang gi

  256. 128b

    phyir 'di ltar yang 'gyur ro/ /gsal bya nyid phyir gsal bya ni/ /gzhan gyis gsal yin bum pa bzhin/ /des na da ni mar me yang/ /gzhan gyis gsal ba nyid du 'gyur/ /'di la ni cung zhig bshad zin to/ /gal te blo snga ma blo gzhan gyis rig pa yin na/ de'i tshe ni de'i rnam pa can gyi blo rig pa med pa'i phyir dang/ yul yang de'i tshe med pa'i phyir rig pa med pa nyid las nyams su myong ba ma lus pa 'jig par 'gyur ro/ /zhe bstan pa yin no/ /'on te yang phyi mo rnams mi gnas pa yin pa de'i phyir na/ ring po la sogs pa mi 'dzin pa ma yin no zhe na/ de yang mi rung ste 'di ltar/ gnas na go rims med pas ni/ /blo la cig car snang ba'i phyir/ /yi ge rim med ring mi 'gyur/ /gnas pa go rims med par rtogs pa ni ring po la sogs par 'gyur ba ma yin te/ dus rim gyis rtogs pa la ring po zhes rnam par 'jog pa'i phyir ro/ /phyi mo rnams la rim pa yang yod pa nyid do zhe na/ ma yin te/ mdza' i gnas skabs su 'di ring ngo zhes bya ba la sogs par rtogs pa'i phyir ro/ / de'i tshe ni rig pa rtogs pa yod pa ma yin te/ blo de ni snga ma las gzhan nyid do/ /'on te 'di ni snod dang phyi ma 'dzin pa cig nyid do zhe na/ de yang mi rung ste 'di ltar/ phan tshun 'dres pa med pa yi/ /yig cha rim ldan ji ltar na/ /rim pa la phan 'dogs byed/ /phan tshun gnas pa med pa nyid kyis ma 'brel par yi ge'i cha snga ma dang phyi ma dag ji ltar blo cig grub par byed pa yin/ blo ni yul 'dzin par byed pa yin pas yul tha dad na blo yang tha dad pa yin pas ji ltar rim pa dang ldan par rtogs/ de skad du yang don 'ga' yang ma shes na ni blo dmigs pa ma yin te/ don shes na ni rjes su dpag pas rtogs so zhes smras pa yin no/ /ji ltar de don shes pa las don gyi rjes su 'brangs nas rtogs pa de bzhin du/ de tha dad pa las tha dad pa can

  257. 129a

    du yang yin no/ /'di ltar de ltar kho bo'i blo skyes so zhes 'jig rten dag tha snyad du byed pa yin no/ /'on te 'di ni don gyi bdag nyid cig nyid ring po la sogs par rtogs pa yin te/ 'di ltar/ dang po nyid ring po la sogs pa cig skye ba yin no/ /de'i phyir ring po cig nyid rtogs pas ring po'i blo yang cig nyid yin no zhes na/ de yang mi bden te/ 'di ltar/ snga ma mdza' yi bar gnas na/ /'o na sgra ni 'phel bar 'gyur/ /rim min 'dzin phyir tha mar ni/ /rim ldan blo yang med par 'gyur/ /gal te 'di yi yi ge'i bdag nyid yin na de'i blo dang po nyid kyis rtogs pa'i phyir dus la sdod par mi 'gyur zhing/ snga ma'i cha la mthong bar yang blo tha mas ring po la sogs pa rtogs par 'gyur ro/ /de ste cha gzhan rtogs pas ring po la sogs pa yin na ni de'i tshe/ ring po gcig nyid do zhes bya bar mi 'gyur ro/ /'on te snga ma yang phyi ma'i rjes su 'jug la/ phyi ma gnang yang rtogs pa yin no zhe na/ de lta yin na sgra 'phel bar 'gyur te/ snga ma rjes su 'brang ba'i phyir dang/ phyi ma yang skye ba'i phyir ro/ /'di ring po yin no zhes bya ba la sogs par thal yang tha ma'i gnas skabs su yin na de'i tshe ni rim pa med par bzung ba sna rim pa dang ldan pa'o zhes bya ba'i blor mi 'gyur ro/ /snga ma la bltos te rim par 'gyur ba yin no zhe na ma yin te/ blo snga phyi dag tha dad pa'i phyir ro/ /'on te dang po'i skyes pa'i blo cig po nyid gnas pa yin no zhe na/ de yang mi 'thad de/ de 'og yul ni gnas med phyir/ /blo ni rang nyid gnas ma yin/ /ma 'phel ba'i sgra ni 'phel ba'i dus na yod ba ma yin no/ /de lta na ni zhes ni 'di la ba gzhan yin pa'i phyir na mi gnas pa nyid do/ /'on te mi gnas kyang rang nyid gnas so zhe na/ de'i tshe yang/ rang nyid gnas na phyi nas ni/ /mi 'jig khyad par med phyir ro/ /

  258. 129b

    gal te yul med kyang de 'dzin pa'i rang bzhin gyi blo gnas pa yin na/ nam yang 'jig par mi 'gyur bas shin tu ring par mi 'gyur ro/ /'on te yul med par yul 'dzin pa yod pa ma yin na de'i tshe ring por 'dzin par mi 'gyur te/ cha tsam 'dzin pa'i phyir ro/ /'on te yi ge'i bdag nyid cig kho na rim ma yin par skyes pa dus gzhan du sdod pa yin no zhe na/ de ni mi rigs te/ yi ge'i rim med cig car ni/ /skyes pa la yang skyon 'di yin/ /gal te cig car skyes pas dus cung zad tsam yang sdod pa yin na/ gtan du gnas par 'gyur te/ /phyis kyang khyad par med pa'i phyir ro/ /gzhan yang/ lan cig brtsal skyes phyir rtsol ba/ /phyi ma phyi ma sdod mi 'gyur/ /rtsol ba gang gis dang po'i rang bzhin bsgrubs pa de nyid kyis phyi ma'i cha yang ma yin te/ de las tha mi dad pa'i phyir ro/ /de'i tshe gzhan don med pa nyid du 'gyur ro/ /yi ge rnams ni gsal ba yang/ /skyon 'di rjes su gnas pa nyid/ /lan cig btsal bas thams cad gsal ba'i phyir rtsol ba gzhan med do/ /de'i phyir blo cig gi cha shas rnams ring por 'dzin pa ma yin pas khas blangs par bya ba yin no/ /de'i tshe yang/ du ma yis ni de 'dzin na/ /tha ma'i blo gang de myong la/ /de'ang ring por 'dzin min na/ /des na ring blo dran mi 'gyur/ /gang gi tshe blo du mas cha shas rnams ring por 'dzin na de'i tshe/ tha ma'i blo blo gzhan gzhan gyis nyams su myong ba yin la/ de yang ring por 'dzin pa ma yin pa des na ji ltar ring ba'i blo dran par 'gyur/ nyams su ma myong ba'i dran pa ma yin no/ /nyams su myong yang blo tha ma blo gzhan gyis myong ba yin gyi/ blo snga ma dag ni chod pa'i phyir nyams su myong ba ma yin no/ /tha ma yang ring por 'dzin par byed pa ma yin te/ de'i phyir ring po la sogs pa'i blo dran par yang mi 'gyur ro/ /'on te blo rnams blo

  259. 130a

    gzhan gyis so sor 'dzin pa de'i phyir thams cad dran pas ring ba'i blo dran pa yin no zhe na/ de yang rigs pa ma yin te/ 'di ltar/ blo rnams so so tha dad du/ /myong na de sgra thos pa ni/ /chod pa med par snang mi 'gyur/ /sbyor ba byed pa'ang gsal ba yin/ /blo 'dzin pa'i blo rnams kyis sgra'i cha'i blo rnam par bcad pa'i phyir rnam par ma bcad pas mi snang bar mi 'gyur ro/ /rnam par bcad pa ni rnam par ma chad par rtogs par nus pa ma yin no/ /mtshams sbyar bas rtogs pa yin no zhe na/ de la bshad pa ni sbyor bar byed pa'ang gsal ba ni/ de ni gzhan la 'ang mtshungs pa yin/ /yi ge'ang cig car thos par 'gyur/ /zhes bya ba la sogs pas so/ /gzhan yang gal te chad pa mthong yang ni/ /rnam chad med par 'khrul 'gyur na/ /thung ngu gnyis ni brjod par yang/ /rnam chad med par 'khrul par 'gyur/ /thung ngu gnyis ni bar med par brjod pa ma yin pas rnam par chad pa ma yin pas na rnam par chad pa'i phyir cig pa'i blo med pa yin no/ /gal te phyi ma la yang rnam par chad pa de yod pa nyid yin la de lta na yang/ rnam par chad pa med pas rlom pa yin no/ /'o na ni thung ngu gnyis brjod pa la yang rigs pa mtshungs pa'i phyir na ci ste ma mthong/ /'di ni rnam par chad pa rtogs pa ma yin gyi 'on kyang rnam par mchad pa nyid yin te/ 'khrul ba ni ma yin no zhes bya ba'i phyogs 'di nyid bzod pa yin no/ /gzhan yang/ dbang po rnam chad mthong ba yang/ /dbang po las chad mi sgro 'dogs/ /mi rung dbang po'i blo thams cad/ /phyin ci log tu thal phyir ro/ /gal te rnam par chad ba med par rtogs pa'i 'khrul pa nyid yin na/ de'i tshe dbang po la skyes pa 'am yid la byung ba yin/ gal te yid las byung ba ma yin na ni dbang po'i blo thams cad phyin ci log tu 'gyur ro/ /'di ltar/ yi ge'i bdag nyid kun mdza' yang/ /mig 'dzums tshad du gnas pa yin/ /de yang rim gyis rdul phan ni/ /du

  260. 130b

    ma dag dang 'brel par rdzogs/ /rdul cig mda' dus chung ba yi/ /mthar thug dus kyang skad cig 'dod/ /blo yang skad cig de nyid 'dod/ /yi ge rim gyis rtogs par 'gyur/ /de phyir yi ge gzugs sogs la/ /blo gzhan gyis ni chod na yang/ /chod ba med par snang ba can/ /thams cad log pa'i don can 'gyur/ /yi ge thams cad ni rim gyis rtogs pa yin te/ skad cig ma gzhan dang gzhan rgyun dang ldan pa'i rang bzhin gyis yi ge 'dzin pa'i phyir ro/ /gzugs la sogs pa dag la yang rim gyis skye ba la rten pa yin no/ /des na de yang dbang pos mgal me'i 'khor lo bzhin du rtog pa 'khrul pa skyed par byed yin na/ 'gar yang 'khrul ba ma yin no/ /'on te yid las byung ba'i 'khrul pa yin no zhe na/ de'i tshe nyes pa gzhan du 'gyur te/ 'di ltar/ dbang po'i 'khrul pa las gzhan du/ /dngos po rnams ni sbyor byed pa/ /tha dad mtshon byed 'khrul pa gang/ /dran yin de ni rnam rtog can/ /brjod dang 'brel pa de las ni/ /gsal bar snang nyid gang la zhig /yid kyis bslad pa ni gsal ba nyid las 'das sam/ 'jug pa nyid gsal ba yin no zhes bya ba 'di ni mi rung ste/ /yi ge la sogs pa'i rnam pa can gyi rnam par shes pa ni gsal ba'i rnam par 'dod pas de ji lta na yid las byung ba'i 'khrul pa yin zhes bya bar rigs so/ /brjod pa dang 'brel pa nyid la ni gsal bar snang ba srid pa ma yin te/ rnam rtog rjes su 'brel pa ni/ /don gsal snang ba nyid ma yin zhes bshad do/ /de bzhin du dbang pos gzugs la sgra sbyor ba/ /yod pa min zhes bshad zin to/ /'on te dbang pos chod pa mthong ba yang/ /gal te rtogs pas sbyor byed na/ /rgyu min chad par snang ba dang/ /rigs dam gnod pa can med pa/ /chod pa zhes bya de gang las/ /rnam par chad pa med par snang ba ni rnam par chad par bya ba yin no zhes brtag par bya ba ma yin no/ /mngon sum ni gzhan du brtag

  261. 131a

    par bya ba ma yin te/ mngon sum gyis gnod pa'i phyir rtog pa nyid med pa yin phyir brtags pa yin no/ /de'i phyir 'di ni mi rung ngo/ /'on te rang rig pa med pa'i phyir blo gzhan gyis rig par khas len pa yin na/ blo cig par 'byung ba yang ma yin te/ des na blo gzhan gyis chod pa'i phyir rnam par chad par mthong ba yin no zhe na/ 'di la bshad pa/ gal te blo nus nges pa'i phyir/ /zhe na de ni ga las 'dod/ /cig par blo ni mthong med phyir/ /de nyid 'di ltar dpyad bya yin/ /blo rnams nus pa nges pas na/ /cig par 'gyur ba yin na/ nus pa nges pa nyid gang las nges par bya/ 'on te cig par ma mthong ba'i phyir nus pa nges pa yin na 'o na ni rnam par chad pa mthong ba med de/ ma mthong na ni de la yang yod pa'i phyir ro/ /'on te der ma mthong ba tshad ma yin na/ 'o na cig car ma yin par mthong ba'i phyir rnam par chad pa mthong ba rtogs she na/ 'di rnam par dpyad dgos so/ /gal te blo cig par mthong ba med pa ma yin nam/ don? rtogs pa yin yang/ byung ba dang byung ba'i rang bzhin mthong bar cig par dmigs pa ni med de/ rim kho nas snang ba'i phyir ro/ /khyed la lung yang yod pa ma yin te/ 'di ltar/ 'di ni gnas pa ma yin zhing/ go skabs med de/ sems gnyis snga phyi med par 'byung ba gang yin pa'o/ /zhes bshad pa yin no zhe na/ de yang mi rung ste/ de rnams rigs mthun pa yin la/ nus pa nges par 'gyur ba yin/ /'di ltar rnam par rtog pa rnams/ /rim gyis 'byung par yang dag rtogs/ /blo rnams ni rigs mthun pa'i rnam par shes pa skyed pa la bltos nas nus pa nges pa yin gyi spyi ni ma yin no/ /'di ltar rnam par brtog pa rnams rim gyis 'byung bar yang dag par rtogs pa yin no/ /mig la sogs pa'i rnam par shes pa dag ni shes pa nyid rigs mthun pa'i mig la sogs pa'i rnam

  262. 131b

    par shes pa nyid skyed par mi byed kyi thams cad ni ma yin no/ /de la gal te rigs ma mthun pa gzung ba dang 'dzin pa'i rang bzhin gnyis skyed pa la 'gal ba ci yod/ /ngo shes pa zhes bya'i rtog pa rnam par rtog pa yin yang gsal bar snang ba pha rol lo? dag 'dod pa ma yin nam zhe na/ 'dod pa ni ma yin na de lta na ni ma yin no/ /'di ltar/ 'di ni gang zhig mthong don la/ /ngo shes byed pa'i rtog pa dag /gsal bar snang bas mngon sum du/ /rtog pa de yang bsal ba yin/ /dbang po'i rnam pa la snga phyi 'dzin pa'i nus pa med pa'i phyir/ gsal bar snang ba'i rnam par rtogs pa nyid mngon sum yin no zhes mngon sum nyid du sems pa gang yin pa de yang bsal ba yin no/ /'di ltar/ rtogs pa gsal bar snang min pas/ /de? ni ji ltar mngon sum nyid// gsal bar snang ba nyid yin yang/ /'khrul phyir tshad ma nyid ma yin/ 'di ltar/ sgra dang sgong dang mar me sogs/ /tha dad rtogs pa dag la yang/ /gsal snang yod min de 'dra'i blo/ /ji ltar mngon sum yin par 'gyur/ /'on te der? ni gnod pa yod pa'i phyir/ /mngon sum nyid ma yin na gang gis gnod/ bar du chod pas so/ /'di la yang snga phyi'i rang bzhin snang ba'i mtshan nyid rnam par chad pa yod pa nyid do/ /de'i phyir ngo shes pa las ni/ /yig rtsogs cig tu nges pa med/ /tshad mas ma yin pa'i phyir/ /de'i phyir/ yig rnams phyi mo tha dad kyang/ /ngo shes pa yis gcig nyid du/ /rtogs pa de ni ring po sogs/ /ci nas 'dzin par 'gyur ma yin/ /zhes gang smras pa de yang tshig tsam du zad de/ ngo shes pa de ni tshad ma yin no zhes bstan pa'i phyir ro// gzhan yang ngo shes pa ni dbang po las skyes pa dang mngon sum du ma yin te/ 'di ltar/ sngon myong dran las di? yi chos/ /sgro 'dogs med par de nyid ni/ /'di zhes bya bar shes pa mang/ de yang ci ltar dbang skyes yin/ sngon myong ba med par ni mi zhen la/

  263. 132a

    dran pa med na de nyid 'di yin no zhes bya ba de lta bu'i rang bzhin ni shes par mi 'gyur ro/ /ngo shes pa na da lta myong bar 'gyur ba dang cig tu 'dzin pa'i rang bzhin yin la/ dran pa med pa yang sngon gyi rang bzhin du 'dzin pa ma yin no/ /dran pa'i yul gyi don ni mngon sum gyi yul ma yin te/ gzhan du na sngon myong ba thams cad mngon sum nyid du 'gyur bas na da ltar gyi dbang po byed pas ci bya/ 'on te rgyan zhig la sngon mthong ba mi dran par yang 'gyur ba des na da ltar gyi dbang por byed pa la bltos pa yin no zhe na/ gal te de lta na dbang po'i byed pa de nyid du 'gyur mod/ /yul du song bas ci zhig bya/ /yul rung ba nyid med pas dbang pos mi nus so zhe na/ gal te de lta na yul gzhan du mthong ba la ngo shes pa med do/ / yul gzhan dang 'brel pa dang ldan pa'i rang bzhin ni rung ba'i yul na gnas pa ma yin no/ /yul gnyis dang 'brel pa can nyid rung ba'i yul na gnas pa yin te/ de'i phyir nyes pa 'di med do zhe na/ dran pa med pa nyid du ci ste mi rtogs/ 'o na dran yang de nyid 'di yin no zhes bya bar ji ltar 'gyur/ 'brel pa yang dran pa'i phyir nyes pa med do zhe na/ ngo shes pa tshad? ma ma yin no/ /'brel pa med pa yin gyi 'brel pa can ni ma yin no zhe na/ 'o na ni de la sngon gyi yul dang dus dang 'brel pa med pas da ltar ba kho na'i rang bzhin yin pa'i phyir snga ma phyi ma dag tha dad pa nyid do/ /'on te de nyid 'di yin no zhes rtogs pa'i phyir tha dad pa ma yin na ni de nyid gang gis rtogs zhes de nyid dpyod pa ma yin nam/ rtogs pa tsam tshad ma ma yin te/ de lta ma yin na mngon sum nyid sgrub par byed pa'i gal gyi ci zhig bya/ gal te sngon gyi dus la sogs pa dang mtshungs par rtogs pa yang/ rtag pa nyid yin par brjod na don thams cad rtag pa nyid du 'gyur te/ de'i tshe skyes pa yang ngo/ /de lta ba'i rang bzhin

  264. 132b

    du rtogs pa na yang? rtog pa nyid do/ /gal te gang? cig de la skyes na ji ltar mi rtag pa nyid yin/ gal te yang sngar mi skyes pa de lta na yang yod pa nyid do/ /ma skyes pa ji ltar yod zhig pa yang ji ltar yod ces rtsad pa mtshungs so/ /snga na med pa dang zhig nas med pa dag la ni khyad par med do/ /khyad par ni 'di yod de zhig pa ni dran pa yin no/ /snga ma byung ba yang srid pa'i rjes su dpag pas rtogs so/ /'byung ba nyid du rtogs kyi snga ma nyid du ni ma yin no/ /'byung bar 'gyur ba nyid du rtogs pa zhes bya bar 'gyur ba'i mngon sum du 'gyur ba zhes bya ba ma yin nam/ des na de'i tshe med pa phyis 'byung ngo zhes bya bar 'dod na/ 'di yang mngon sum du gyur to/ zhes sngon du byung ba nyid du rtogs kyis/ da ltar yod do zhes bya ba ni ma yin no/ /'gyur mod ji ltar da ltar yang yod pa yin no zhe na/ da ltar yang yod pa'i phyir da ltar yang yod pa yin no zhe na/ 'o na dbus su ji ltar yod? ces bya/ /da ltar mngon par nyid las te/ sngar med pa ni da ltar dmigs pa ma yin na/ 'o na 'di mngon sum yin no/ / rjes su dpag pa yang ma yin te/ de sngon yod pa nyid dang 'brel pa ma bzung ba'i phyir ro/ /bar chad med par mthong ba la 'brel ba? 'dzin to zhe na ma yin te/ bar chad med par mthong ba la tshad ma med pa'i phyir ro/ /bar chad med par ngas mthong de zhes bya ba yang dran pa las gzhan pa'i tshad ma ni ma yin no/ /de nyid ngo shes pa yin no zhe na ma yin te/ tshad ma nyid gsal bar bya ba yin pa'i phyir ro/ /mi bslu ba'i phyir tshad ma yin no zhe na/ de'i phyir mi bslu ba 'di don med pa tsam la yin te/ don dbye ba med pa yin gyis de nyid kyis ni ma yin te/ tshad ma med pa'i phyir ro/ /de lta ma yin na de nyid don bya ba dang 'brel pa'i phyir/ /de nyid kyi tshe don bya ba nyams su myong bar 'gyur ro/ /don bya ba med pa'i phyir ro zhe na/ de ni ji ltar bya ba dang

  265. 133a

    'brel pa gzhan dag tha mi dad phyis de nyid la don bya ba myong ba yin no zhes bya ba yang mi 'thad de/ gang gi phyir de la yang don bya ba gzhan mi bslu ba khas blang bar bya ba yin la/ de la yang gzhan yin pas mthar thug pa med par mi 'gyur ro/ /de'i phyir ngo shes pa tshad ma yin no zhes bya ba 'di ni gnas pa nyid do/ /de'i phyir phyi mo 'dzin par 'bad pa'i phyir gsal chod pa med par ring po la sogs pa 'dzin pa ma yin no/ /'on te rnam par shes pa gcig par skye bar 'dod na de yang mi 'thad de 'di ltar/ don dang shes pa myong ba dag /gcig par 'byung bar 'dod min zhing/ /don dang shes pa'i bdag nyid dag /so sor rtogs pa'ang long ma yin/ /she? pa gcig car mi skye ba ni yid kyi rtags yin pa'i phyir zhes smras pa'i phyir ro/ /don snang ba'i shes pa dang don yan gar ba rtogs pa yang ma yin te/ rang gis rig pa'i rang bzhin nyid du phyi rol gyi son po la sogs pa nyid snang bar rtogs kyi/ de la gzhan yang rtags pa ni ma yin no/ /'on te da gnyi ga rnam pa gcig nyid kyis ma 'phrigs pa yin te/ dper na bde ba dang de rag pa dag bzhin ni zhe na/ de yang mi rung ste 'di ltar/ don du snang ba'i rnam shes dang/ /phyi rol gyi don? 'ba' zhig ni/ /rnam pa gcig phyir gzung min te/ /tha dad med par thal phyir ro/ /gal te bde ba la sogs pa dag dang de'i blo yang rnam pa gcig nyid yin na de'i tshe de la tha dad pa med pa nyid do/ /tha dad par snang ba med par tha dad pa ma yin te/ bde ba myong ba la 'ba' zhig go zhes rigs so/ /de bzhin du sngon po la sogs pa yang ngo/ /de'i phyir dgro ba 'di na bde ba la sogs pa dang sngon po la sogs pa las gzhan rig pa med pa'i phyir na bde

  266. 133b

    ba la sogs pa bzhin du sngon po la sogs pa yang rang rig pa yin no zhes rig pa 'di ni gdon mi za'o/ /'on te 'dir rig pa gzhan tha dad par gsal ba nyid du rtogs pa med pa de lta na yang de yod pa nyid de/ dper na gzugs la sogs pa nges pa'i snang ba bzhin no zhe na/ de yang mi rung ste 'di ltar/ lags par rtogs pa'i khyad par gyis/ /myong la legs par rtogs med pa'i/ /don dang don shes gang de dag /phyi nas ji ltar so sor dran/ /snang ba yang gal te de la tha dad par 'dzin pa'i tshad ma 'ga' yang med na tha dad pa med pa kho na'o/ /rig pa dang tha dad pa mtshon pa yin na tha dad par brtags pa yin te de ltar yang ma yin no/ /de'i phyir rig pa ni tha dad pa ma yin no/ /snang ba ni sngon po las tha dad? par res 'ga' 'ba' zhig dmigs pa yin la/ 'ga' zhig na gzugs kyang dmigs pa yin no/ /des na ji ltar gzugs 'ba' zhig gam/ snang ba 'ba' zhig gam/ snang ba dang bcas pa'i gzugs yin pa de bzhin du/ rnam par shes pa 'ba' zhig dang/ rig pa dang bcas pa'i don yin pa'i phyir snang ba gnyis su 'gyur ro/ /dom? dang don gyi yid dag ni/ /myong bar? rim gyis skye ba la'ang/ snang ba sna tshogs pa nyid kyi/ /brtsad pa'i skyon 'di gdon par dkar/ /ji ltar cig car myong ba khas len pa la don dang don snang ba'i snang gnyis su thal bar 'gyur ro zhes bya ba'i skyon gdon par dka' ste de bzhin du rim pa la yang bo?/ /'di ltar/ re zhig don rig cing des na don snang rig pa yin/ don rig pa ni dag pa yi rim? ba tsam du 'gyur ma yin/ don rig pa rig pa gzhan gyis rig pa na/ /don rig pa'i rang bzhin du rig pa yin te/ des na don pa nyis su snang bar thal ba yin no/ /de lta ma yin na de'i rig pa gzhan gyis don gyi rig pa yin no zhes ji ltar rigs/ de'i phyir dus phyis kyang don snang bar mi 'gyur na/ de lta yang ma yin//

  267. 134a

    'di ltar sngon po la sogs pa'i/ /rnam pa cig nyid nyams myong cig/ rtogs kyi sngon por snang ba ni/ /myong la myong ba gzhan ma yin/ /'di ltar rnam par dpyad par bya ste/ ci nyes pa 'di shes pa cig car ba'i phyogs sam rim gyis pa'i phyogs la yin/ gal te cig car ba yin na/ de ni mi rung ste/ cig car ni sngon po'i rnam pa dang rim pa gnyis myong ba med do/ /'on te rim gyis pa yin na de'i tshe yang rim pa tsam phyis dran pas rtogs pa ma yin te/ sngon po dang bcas pa nyid du rtogs pa'i phyir ro/ /das na skyon 'di ni ma yin no zhe na/ ma yin pa yang yin te/ 'di'i don 'di yin no/ /sngon po la sogs pa'i rnam pa myong ba dang cig pa nyid dam/ sngon po sngon po la sogs pa'i rnam pa dang cig yin gyi sngon po la sogs pa snang ba'i myong ba la don las ma rtogs pa'i myong ba gzhan ni rtogs pa ma yin no zhes bya ba yin no/ /yang na sngon po la sogs pa'i rnam pa cig dang bde ba myong ba'i rang bzhin cig rig gi bde ba la sogs pa rig pa la 'dzin par byed pa gzhan rnam yin te/ de la yang gzhan dgos pas thug pa med pas rig pa myong ba mdza' med par 'gyur ro/ /da ni skabs nyid la 'jug par bya'o/ /shes pa gzhan gyis rjes myong bar/ /'gyur ba de la'ang dran pa mthong/ /de ni gang gis myong ba yin/ /gal te de yang gzhan gyis na/ /shes rig 'breng ba rjes 'brel can/ /'di skyed de ni gang zhig yin/ /gal te shes pa shes pa gzhan gyis myong ba yin na/ /de ji ltar rtogs par bya/ /der yang dran pa myong ba'i phyir ro/ /'on te shes pa gzhan gyis rig pa yin te/ de yang dran pa nyid tshad ma yin no/ /de'i tshe shes pa dang de rig pa rnams kyis 'breng pa rjes su 'brel ba dang ldan pa 'di skyed par byed pa'i rgyu gang yin/ /gal te snga blo de nyid na/ /yul gzhan la ni 'pho mi 'gyur/

  268. 134b

    phyi ma phyi mas snga ma nyid 'dzin gyi/ /sngon po la sogs pa'i yul ni ma yin pas de 'dzin pa nyid du mi 'gyur ba kho na'o/ /'di ltar/ gzung ba'i mtshan nyid kyir gyur pa/ /nye ba bskyed byed blo de dag /mi 'dzin par ni shes phyi ma/ /ji ltar gzhan ni 'dzin par 'gyur/ / bdag la shes skyed rang bzhin du/ /nges pa'i nang gi yan lag ni/ /de dag ni gzhan phyi ma yi/ /yan lag gang gi gegs byed 'gyur/ /gal te blo rang nyid rig pa'i rang bzhin du gyur pas don 'dzin na ni de'i phyir/ ji ltar nyes pa'i don 'dzin pa'i phyir yul gzhan la 'pho bar 'gyur ro/ /gang gi tshe blo blo gzhan gyis 'dzin pa de'i tshe ni shes pa snga ma blo phyi mas gzung ba'i mtshan nyid du gyur cing/ nye bar gnas pa de mi 'dzin par sngon po la sogs par 'dzin par ji ltar 'gyur/ /bdag dang 'brel ba nyid kyis nye bar gyur pa'i gzung bar bya ba bor nas gzhan 'dzin par nus pa ni 'thad pa ma yin no/ /'on te phyi rol nye bar gnas pa de gegs byed pa yin pa'i phyir yul gzhan 'pho ba yin no zhe na de ni mi rung ste/ 'di ltar/ phyi rol don ni nye bas kyang/ /de la gsal byed nus ma yin/ /gzhan du yul du nye ba na/ /'gal yang blo myong mi 'gyur ro/ /de lta yin dang dran pa med par 'gyur ro/ /'on te gegs byed pa med pa can myong ba can yin no zhe na/ de ni mi bden te/ 'di ltar/ don de min pa'i gnas skabs 'ga' / /yod min des na rtsa ba ni/ /med na blo yi dran pa yang/ /med phyir 'dod pa e re mtshar/ /don ces bya ba dran pa tsam du 'gyur gyi nyams su myong ngo zhes bya ba ni ma yin no/ /'on te don gyis go bas na nyams su myong ba'i don gyis rang gi myong ba rtogs pa yin no zhe na/ de yang mi rung ste/ gang gi tshe don myong ba nyid med par gyur pa de'i tshe/ don gyis go ba yang ngo/ /gang gi tshe don gyis go ba mang don gyis go ba gzhan yin pa'i phyir thug pa med pa nyid do/ /de'i phyir myong ba nyams su myong bar gyur pa dran pa yin gyi gzhan

  269. 135a

    ni ma yin no/ /de'i phyir don gyis gegs byed pa'i phyir nyams su myong ba med cing dran pa yang med par 'gyur ro/ /yod tsam las kyang don myong ba ma yin no/ /dbang po dang 'brel pas so zhe na/ de yang gang las rtogs par bya/ dbang po dang 'brel pa gzhan las so zhe na thug ba med do/ /'das sogs rnam rtog gang dag la/ /don nye ba ni yod min la/ /'pho ba'i rgyu ni med pa'i phyir/ /don la dpyod par mi srid 'gyur/ /'das pa la sogs pa'i rnam par rtog pa rnams ni dbang po dang 'brel pa ma yin te/ des na ji ltar nyams su myong ba nyid du nges/ /de'i phyir don la sems par mi 'gyur gyi/ /sems pa la sogs pa sems pas thug pa med par 'gyur ro/ /'on te der yang yul dang dus gzhan gyi bdag nyid can gyi don yod pa yin no zhe na/ 'o na ni de'i tshe thams cad du gegs byed par 'gyur ba yin la de lta yin la de lta yin dang 'pho bar mi 'pho bar 'gyur ba kho na ste/ de nyid kyis bzlog pa'i phyir ro/ /dbang po'i rnam par shes pa la ni don nye bar gnas pa nyid gegs byed pa yin te/ des na blo dang des rig pa dag rgyun rnam par chad par 'gyur la res 'ga' ba ni de lta ma yin par 'gyur gyi/ dpyod pa'i rgyun la ni phyin chad pa yang yul yin pa'i phyir gtan du gegs byed pa yod pas na/ der don nyid rig par 'gyur gyi rig pa ma yin pa'i phyir rig pa dran par ma 'gyur ro/ /'on te gegs byed pa ma yin na/ de lta yin na sems pa sems pa la sogs pa'i rgyun rig pa nyid du 'gyur bas don la sems pa mi srid par 'gyur ro/ /'on te yang gang gi bdag la shes pa skyed par byed pa nus pa 'ga' zhig yod pa yin la de rims kyis zad par gyur bas na/ yul gzhan la 'pho bar 'gyur ma yin no zhe na/ de yang mi rigs te 'di ltar/ gal te bdag la shes skyed pa'i/ /nus pa rim gyis thad

  270. 135b

    pa na/ /yul gzhan la ni 'pho 'gyur na/ /don blo de nyid gang las yin/ /gal te blo snga ma blo 'dzin pa la nus pa med pa yin na nus pa dang bral bas na yul gzhan la 'pho bar 'dod pa'i don gyi blo de nyid med par 'gyur ro/ /nus pa skyed par byed pa yin gyi mi nus pa ni ma yin no/ /de'i phyir/ sngar gyi blo ni nus zad na/ /don la 'pho bar mi 'gyur te/ 'di ltar/ blo sngon med par blo ma yin/ /ci'i phyir zhe na/ don gzhan chags zhes nus nyams na/ /shes pa skye ba ma rtogs phyir/ /gal te blo snga ma rgyu nyid ma yin no don gzhan la chags pas nus pa nyams kyang blo gzhan skyed bar 'gyur te/ rgyu ma yin na mi mthun pa 'am mi mthun pa ma yin yang rung ste/ gzhan thob pa 'am cig shos kyang med pa ma yin no/ /des na blo snga ma rgyu nyid yin pas de nus pa med pa'i phyir don gyi blong mi 'gyur bas na yul gzhan la 'pho ba shin tu yang med par gsal lo/ /'o na ni gang zhig rnam par shes pa 'jug pa'i rnam par shes pa thams cad skyed par byed pa yin na de'i ltar na rnam par shes pa snga ma rgyu ma yin pa nyid do kun gzhi'i rnam par shes pa de nyid las cig car 'jug pa'i rnam par shes pa skye ba'i phyir ro/ /des na nged la yang rgyu ma yin no/ /'jug pa'i rnam pa shes pa snga ma'i rgyu yin na ni 'bras bu de yod pa dang med pa'i rjes su 'gro ba dang ldog pa'i rjes su byed pa'i phyir kun gzhi rnam par shes pa rgyu ma yin par 'gyur ro zhe na/ 'di la bshad pa/ cig car rigs mi mthun skye yang shin tu gsal ba'i sems cig gis/ /nus pa nyams par byas pa'i phyir/ /kun gzhi las gzhan 'byung ba min/ /gang zhig kun gzhi rnam par shes pa rgyu ma yin pa de'i ltar na/ gang las res 'ga' cig car rigs mi mthun pa'i rnam par shes pa skye yang rnam par shes pa don gzhan la chags pas

  271. 136a

    mi mthun par gyur pa shin tu gsal ba cig gis mi mthun par bya ba'i phyir yang kun gzhi las gzhan 'byung ba ma yin no/ /des na der yang nyid mtshungs pa de ma thag pa'i rkyen yin no/ /'o na de nyid las mthun pa dang mi mi mthun pa'i rnam par shes pa mi skye ba skye ba yin pa'i phyir kun gzhi'i rnam par shes pas ci zhig bya zhe na/ kun gzhi rnam par shes pa bsam pa 'di zhog cig /yang na de'i bag chags kyi gzhi kun brtags pa yin pa'i phyir nyes pa med do/ /gal te rnam par shes pa snga ma rgyur mi 'dod na ni de'i tshe/ de lta min na yid 'jug ni/ /mtshungs la yid gzhan bltos mi 'gyur/ /gal te rgyu yin na snga ma'i yid 'jug par mtshungs pa la ni yid phyi ma bltos par 'gyur te/ rgyu ma yin pa ni bltos par bya ba nyid du 'thad pa'i phyir ro/ /des na bltos pa'i phyir 'di ni rgyu nyid do zhes bya ba ni rigs pa dang ldan pa'i nges pa yin no/ /gzhan yang/ yid shes rim bzhin skye bas kyang/ /bltos pa rab tu grub pa yin/ /yid kyi rnam par shes pa'i rgyu ni mtshungs pa de ma thag pa'i rkyen tsam nyid rgyu yin no/ /de yang rgyu ma yin na ni rgyu med pa can yin pa'i phyir cig car skye bar 'gyur ro/ /de'i phyir shes pa phyi ma ni shes pa snga ma'i rgyu can nyid yin pas na/ rnam par shes pa snga ma nus pa med na 'ga' yang med par 'gyur/ /yid cig yin phyir gzhan la ni/ /chags pa gzhan las mi 'gro phyir/ /shes gzhan mi skye zhe na min/ /la lar cig car 'byung phyir ro/ /gal te yid ni cig nyid do/ /de la yang gzhan du song bas gzhan du mi 'gro ba'i phyir rnam par shes pa snga ma ni rgyu ma yin pa nyid do zhe na/ de yang mi rigs te/ 'di ltar yid de yang rnam par shes pa snga ma nyid yin te/ de las gzhan tshad ma grub pa ni ma yin no/ /de ni rnam par shes

  272. 136b

    pa cig car mi skye bar bsgrub par bya ba yin la/ de yang rnam par shes pa snga mas gzhan la chags pas mi mthun par 'gyur ba nyid las yin no/ /lhan cig skye ba yang res 'ga' dmigs so/ /'jug pa mtshungs pa'ang mtshungs pa'i phyir// thams cad tshe gzhan rtogs mi 'gyur/ /gang zhig yid gcig pas byas pas/ /rnam par shes pa gzhan mi skye ba de'i ltar na mtshungs par 'jug pa dang gzhan du rung ste/ thams cad kyi tshe mi skyo bar 'gyur ro/ /ded kyi ltar na ni mnyam par 'jug pa la ni skye la/ gzhan du ni mi skye ba'i phyir cung zad kyang 'gal ba med do/ /yid med par rim pas ji ltar 'gyur zhe na rnam par shes pa mi mthun par gyur pa'i phyir ro/ /zhes bshad zin to/ /bdag yod ldan pa tsam las ni/ /skye na'ang cig car skye bar 'gyur/ /gang la rim gyis 'gyur pa de la ni yul gzhan rtogs pa yod pa ma yin no/ /bde ba la sogs pa'i 'khor lo ni bdag dang yid 'brel pa tsam las skyes pa yin pa'i phyir ro zhes bstan pa yin no/ /'on te yin cig nyid yin pa'i phyir na blo'i bya ba cig byed par 'gyur na/ de ni mi rung ste/ 'di ltar/ gcig las bya ba gcig yin na'ang/ /ji ltar mar me du mas mthong/ /ji ltar mar me gcig gis kyang mthong ba du ma skyed pa de bzhin du yid kyang 'gyur ro/ /'on te lta ba po du ma'i dbang gis so zhe na/ 'di la yang bzung ba du ma'i dbang gis yin par mtshungs so/ /yid ni rgyu yang ma yin te/ bag chags las nges pa'i phyir rnam par shes pa de lta bur gyur pa yin no/ /yid ni rtag ba'i phyir/ rim gyis kyang nus med 'gyur te phyis kyang bye brag med phyir ro/ rtag pa ni 'gags kyang khyad par du 'gyur ba ma yin te/ khyad par de nyid dang gzhan mi rung ba'i phyir ro/ /gang gi phyir de bdag khyad par 'gyur ma yin/ /gal te gzhan na de ci yin/ /de dang 'brel na'ang 'di de yin/ /mi 'gyur rang bzhin cig pa

  273. 137a

    nyid/ /'di lus skyes bu bshad pa yin/ /gang dag lus dang skyes bu dag cig yin pa'i phyir bya ba cig kho na'o snyam du sems pa de yang/ ci'i phyir ram me du ma yod/ /rim gyi kyang ni med 'gyur te/ phyis kyang bye brag med phyir ro zhes bya ba 'dis rtogs pa nyid do/ /'on te de khyad par yod pa yin na/ de'i tshe nus pa khyad par can dang ldan pa'i rnam par shes pa de nyid de'i rim pa'i phyir lus dang skyes bu dag du? nyid du khas len pa ni med do/ /gal te 'du byed las nges na de byis ga las blo nyid las/ /zhe na yin mod 'dod pa nyid/ /'du byed kyang gnas pa nyid pas de las nges pa ma yin no/ /'on te phyis skye phan de las shes pa las skyes pa'i rgyu 'du byed yin pa'i phyir blo nyid las 'du byed yin no/ /gal te da ltar na 'di bdag cag gi 'dod pa nyid yin no/ /blos skyes pa'i 'du byed ni bag chags zhes bya ba'i ming gi rnam grangs can yin te/ nges na nges pa'i blo snga ma nyid las te/ gzhan yang tshad ma med pa'i phyir ro/ /blo las ma gtogs pa'i bag chags zhes bya ba ni yin no/ /'on te yang shes pa gzhan ni skyed byed tsam du zad gyi gzung ba ni ma yin no/ /des na blo snga ma skyes par byed pa yin yang gzung ba ma yin pa ma yin te/ de'i phyir yul gzhan la 'pho ba yin no zhe na/ de ni mi bden te/ 'di ltar/ gzung la gzung nyid skyed byed las/ gzhan min skyed byed nyid mtshan nyid/ gzung bar bya ba'i dngos po la ni shes pa skyed par byed pa nyid gzung ba'i mtshan nyid yin no/ /'di ltar snang ba gzung yin ma yin min/ /cha med pa la'ang phra sogs med/ /snang ba ni nam yang gzung ba ma yin par rnam par shes skyed par byed pa mi srid do/ /thams cad kyi gzung bar bya ba nyid de/ de lta bu nyid du mthong ba

  274. 137b

    yin no/ /'on te snang ba ni cha shas dang bcas pa yin pa'i phyir/ pha rol gyi cha la sogs pa skyed byed yin yang gzung ba ma yin gyi/ cha med pa'i rnam par shes pa ni ma yin te/ cha med pa nyid kyi phyir ro/ /snang ba ni cha dang bcas pa'i phyir de ltar 'thad do/ /gzung ba'i nus pa nyams su 'gyur gyi/ /skyed byed bdag nyid gzhan min na/ de ni mi rigs te 'di ltar/ gzung ba'i mtshan nyid can la ni/ /gzung las skyed byed gzhan med de/ /gzugs sogs de ltar min par ni/ /blo la dngos su phan 'dogs med/ /gzung ba ni brgyud pas ni gzung ba ma yin par blo la 'dogs par 'gyur gyi/ /dngos su ni ma yin par phan 'dogs pa mi srid pas skyed par byed pa'i blo ni gzung ba nyid do/ /gzung ba'i mtshan nyid las 'di yin /de dngos nges pa gzhan ci yod/ /blo la'ang de yod de yi phyir/ /de yang de nyid du rnam gnas/ /zhes bya ba ni bar skabs kyi tshigs su bcad pa'o/ /de'i phyir blo ni gzung ngam yin pa ma yin no/ /gang gi phyir/ 'dzin pa yi ni nyer len dang/ myong ba sems kyi gzung mtshan nyid/ /sems kyi gzung ba nyid ni 'dzin pa'i rnam par shes pa'i nye bar len pa'i dngos po dang/ myong ba nyid yin na ni 'dir gzhan phra ba nyid la sogs pas gzung ba ma yin pa ni ma yin no/ /gal te nye bar len pa'i dngos po nyid gzung ba yin na/ nye bar len pa'i dngos po de yang rang gi blo 'di yin no/ /de lta ma yin gzhan gyi blo yang rig par thal bar 'gyur ro/ /gzhan gyi sems mi 'dzin pa ni nye bar len pa'i dngos po ma yin pa'i phyir ro/ /gzugs la sogs pa ni rgyang ring ba dang phra ba la sogs pa'i ngo bos mi 'dzin pa la dbang po'i rnam par shes pa'i nye bar len pa ma yin pa'i phyir ro zhes bya ba'i yul rnam par dbye ba'o//

  275. 138a

    gal te blo yang gzung ba ma yin na de yang mig la sogs pa bzhin du gzung ba nyid du mi 'gyur ba kho na'o/ /'on te blo ni don go bas rtogs pa des na dran pa yin no zhe na/ de ni mi 'thad de/ thams cad du don gyi go ba med pa'i phyir ro/ /gang gi tshe ka ba bum pa la sogs pa/ /brtad dang bcas pas 'grang byed pa/ /de tshe spros ni rab mang bas/ /don gyi go ba skye mi 'gyur/ ring ba dang bcas pas 'brang ba dal ni don gyis go ba skye ba ma yin no/ /'on te dar yang don gyis go ba 'jug pa yin no zhe na ma yin te/ 'jug pa rtogs pa med pa'i phyir ro/ /don go yod pa'i dngos po ni/ /tha dad pa yi rtogs par 'gyur/ /'di ni don dam don rig gam/ /'on te gnyi ga la skyes 'grang/ /re shig don las min don las/ /blo rnams thams cad rtogs par 'gyur/ /don rtogs las kyang nga yi zhes/ /de ltar don blo rtogs blo 'gyur/ /de nyid gnyi ga ni las kyang rtogs pa 'grub ma yin/ /de yi phyir na rang rig pa/ /nyid phyir bdag nyid rig par gnas/ /gal te don nyid las rang rig pa rtogs pa yin na rig tsam rtogs par 'gyur gyi/ bdag gi rig pa ni ma yin no/ /'on te don rig pa las yin no zhe na/ don rig pa de nyid don gyis go bas rtogs pa ma yin nam/ de nyid las don gyi go bar ji ltar 'gyur te/ phan tshun brten pa'i nyes par thal ba'i phyir ro/ /gang gi phyir mthong ba'i don gzhan du mi 'thad pa'i phyir ma mthong ba'i don rtogs pa ni don gyis go ba yin na/ don myong ba yang mthong ba ma yin pa des na gang las don gyis go bar 'gyur/ /de nyid kyi phyir gnyi ga mthong ba med de/ /cig mthong na ni gnyi ga mthong ba ma yin no/ /de'i rig pa ni rang rig pa kho na ste/ de lta ma yin na mi grub pa'i

  276. 138b

    phyir ro/ /des gzhan gyi mngon sum gyi bdag nyid kyi blo gzhan gyis rig pa yin na zhes khas blangs pa de la sngar gyi blo thams cad 'dzin pas yul gzhan la 'pho bar mi 'gyur ro/ /gal te nye bar len pa nyid kyis blo rigs pa yin la/ phra ba la sogs pa ma yin pas gzugs la sogs pa yin na de'i tshe rnal 'byor pa rnams kyi gzhan gyi blo dang gzugs la sogs pa rig pa ji ltar yin zhe na/ 'di ni skyon med de 'di ltar/ gzugs sogs dang ni sems de ltar/ gzung ba'i mtshan nyid dpyod pa 'di/ /ma dag blo can ma yin gyi/ rnal 'byor rtogs pa bsam mi khyab/ rnal 'byor pa rnams ring po dang thung ngu dang phra mo dang/ gzhan gyi sems rig pa ji ltar zhes bya ba 'di ni da ltar bsam par bya ba ma yin te/ gzung ba'i mtshan nyid ni bdag cag gis tshu rol mthong ba rnams la bltas te bshad pa yin no/ /blo'i rgyud yongs su dag pa'i rnal 'byor pa rnams la ji ltar zhes bya ba'i bsam pa 'dis ci zhig bya/ de'i phyir 'di ni gzhag par bya ba yin no/ /'di ji ltar yin pa de ltar yang cha tsam zhig bshad zin to// gal te bdag gi blo 'dzin na rtag tu 'dzin par 'gyur ro zhes bya ba 'di ga las yin/ 'dzin pa ma yin no zhes bya bar ni yul gzhan la 'pho ba nyid las rtogs pa yin no zhe na/ de yang mi rigs te 'di ltar/ de la phra sogs ngo bo yis/ /gzung ba gzung min nyid 'gyur na/ /gzugs sogs blo la sngar med gang/ /phyis skyes pa ni ci zhig yod/ /de la gang sngon med pa phra mo la sogs pa'i ngo bo nyid ni yod pa ma yin no/ /gal te yul ni khyad med kyang/ /'dzin pa bye brag yod 'gyur na/ /'on te de rgyu ngan min pa// de na rnam dbyer ldan mi 'gyur/ /de phyir rang blo 'dzin 'gyur na/ /de ma thag pa'i rgyu yis ni/ /gang yin de nyid 'dzin 'gyur ba/ /des na don gzhan rtogs mi 'gyur/ /zhes bya ba ni bar skabs kyi tshigs su bcad pa'o/ /gal te rgyu nyid gzung ba yin no

  277. 139a

    zhes bya ba 'di mi rigs pa ma yin nam/ /dngos po rnams ni nus pa du ma can yin pa'i phyir ro/ /des na gang zhig yul gzhan la 'pho ba'i dus med pa'i gzung ba'i nus pa yang gzhan yin la/ gang gi mthas dom gyi rnam par shes pa phye ma skye ba skyed par byed pa tsam gyis nus pa yang gzhan yin no/ /dngos po rnams nus pa du ma dang ldan pa nyid kyang 'bras bu du ma skye ba nyid las nges pa yin te/ gzhan du na 'bras bu sna tshogs skye bar mi 'gyur ro zhe na/ de yang gyi na ste/ 'di ltar/ nus ba du ma cig byed kyang/ /dngos rnams ngo bo nyid kyi 'bras/ /gcig dang du ma byed ces brjod/ /'di ni rang gi rgyu la rag las pa skye ba'i dngos po rnams kyis rang bzhin yin te/ 'di ji ltar zhes brgal zhing brtag par 'os pa ni ma yin no/ /rang gi rgyu la so sor nges pa skye bar 'gyur ba de sum dgag tu yod/ /de lta ma yin na nus pa 'di 'dra ba yang ga las zhes de yang brgal zhing brtag pa la mi grol lo/ /rang gi rgyu las zhe na/ da ni 'dis ci zhig bya/ /rang bzhin nyid kyis chog mod dngos po gzhan brtags pas ci zhig bya/ gal te nus pa nges pa rang gi rgyu dang 'brel pa yin no zhes 'jig rten na grags pa ma yin nam/ grags pa 'di ni yod na nus pa gzhan du grags pa ni med do/ /rang gi ngo bor gyur pa'i chos tha dad par sgro btags pa tsam gyis de ltar rtogs pa'i phyir ro/ /'di ji ltar zhe na/ nus pa la yang nus pa'i blo gzhan mthong ba'i phyir ro/ /'di ltar gal te dngos bo nus pa dang ldan phyir 'bras bu rgyu yin na/ nus pa'i nus pa'ang ga las zhes/ ci'i phyir na rtogs mi 'dod/ /de'i phyir nus pa ni rtogs pa tsam du zad do/ gzhan gsal bas rnam par bzhag pa yin pa'i phyir ro/ /gal te nus pa med na gcig las du mar 'gyur ba'i dngos po ji ltar 'byung

  278. 139b

    nus pa tha dad pa yod pas ni 'byung ba zhes bya bar rigs pa yin no/ /'dir bshad pa/ gal te gcig las du ma yin/ ma yin dga' zhig gcig las gcig /'bras bu tshogs pa dag las 'byung/ /gcig kyang tshogs pa gnyis 'gyur phyir de ni du ma byed ces brjod/ /'bras bu 'byung ba ni phal cher tshogs pa las byung ba yin no/ /'ga' zhig ni gcig la gcig skye'o/ /de ltar du ma las du ma dang/ gcig las kyang du ma yin te/ gang gi tshogs ba ci 'dra ba de nyid las cig gam du ma der 'gyur ba yin te/ phal cher ni tshul de lta bu nyid yin no/ /'di ltar gang gis 'bras bu gcig gam du ma skyed par byed cig gam du med lta bur gyur pa de ni rgyu nyid las gyur pa yin no/ /'ga' zhig tu nus pa'i dbye ba yang dogs pa ma yin nam zhe na/ nus pa yang de la phan pa la brten pas na de dag de'i zhes brjod pa yin no/ /gzhan du ni ma yin te/ de'i tshe de dag don gzhan nyid du 'gyur ro/ /don gzhan nyid yin na yang de ltar mthong bar thal ba yin no/ /yang na las cig byung ba gang yin pa ni 'gal yang med do/ /tshogs pa nyid las 'bras bu du ma skyes pa yin no/ /'o na ji ltar cig gis du ma byung zhes brjod ce na/ cig chogs pa gnyis kyi nang du chud pas 'bras bu dum skyed bar bya ba'i phyir na de skad brjod de/ dper na mar me cig nyid skyes bu du ma la mtshungs pa de ma thag pa'i tshogs pa du ma dang 'bral pa'i phyir mthong ba du ma bskyed pa bzhin no /ji ltar yang cig nyid nus pa du ma dang ldan pa de bzhin du 'bras bu du ma dang ldan pa de yang 'gyur ro/ de'i phyir nus pa du ma med kyang 'bras bu du mar 'gyur ro/ /de ltar na 'o na ji ltar cig 'bras bu du ma dang ldan pa de bzhin du/ blo cig kyang rang gi yul can gyi blo gzhan dang don gyi yul can yang skyed par byed par 'gyur ro/ /de la res

  279. 140a

    'ga' ni blo'i yul can gyi blo yin la/ /res 'ga' ni don gyi yul can yin pa'i phyir yul gzhan la 'pho bar 'gyur ro zhes ma yin te/ khyad par med pa'i phyir thams cad kyi tshe gnyi ga skyed par 'gyur ro/ /skye ba kho na'o zhe na/ de ni ma yin te/ 'di lta ma gol te blo gzhan don dang ni /rnam shes snga ma 'dzin 'gyur na/ /de 'tshe dpyod sogs don gcig la/ /rtag tu rim gyis mthong ba yi/ /brjod gnyis tsam min nyid 'gyur zhing/ /bdag dang de rig snang ba'i phyir/ /gcig kyang gnyis nyid snang bar 'gyur/ /gal te sngar gyi blo dang gzugs la sogs pa'i don 'dzin ba'i blo gnyis skye ba yin na de'i tshe blo snga ma'i don dang phyi ma'i don snang ba'i phyir rim gyis dmigs pa'i gnyis gang yin pa de rim pa ma yin par snang bar 'gyur ro/ /don 'dzin pa'i rang bzhin med pa blo snang ba ni ma yin te/ /de ni de'i rang bzhin yin pa'i phyir ro/ /don 'dzin par snang na yang don de de nyid snang ba yin pa'i phyir snga ma dang phyi ma'i brjod pa gnyis snang bar 'gyur ro/ /de bzhin du gcig nyid gnyis su snang bar 'gyur te/ don bdag nyid dang de'i blo snang pa'i phyir ro/ /sngar ni re shig rang nyid snang ba yin la phyis ni de'i blo snang ba yin te/ des na gnyis snang bar 'gyur ro/ /'on te don snang ba'i rim thag par blo 'dzin pa ni ma yin te/ blo ni mngon sum du rang gi ngo bos 'dzin pa ma yin no zhe na/ 'on gal te don gyi go bas rtogs kyang de'i tshe bdag dang de'i blo snang ba'i phyir thal ba de med do/ /dus gzhan du don gyis go ba yin te/ rgyun mi 'chad par don du rims kyis 'dzin pa'i 'dus ni don gyi go ba 'ga' yang ming ngo zhe na/ de ni ma yin te/ gal te don gyis rtogs na ni/ /gtan 'gyur gzhan gyi tshe na min/ /des na don gyis go bas ni/ /me la lan brgya snang bar 'gyur/ /'on te rang gi blo sdom par byed pa'i dus gzhan du na de'i tshe gzhan gyis?

  280. 140b

    skye ba yin na/ de'i tshe yang gang las don bor 'gyur/ /mthong 'ga' ang? de tshe yod min te/ /de yi tshe na don gyis ni/ /go bar byed pa 'das phyir ro/ /don mthong bas 'das pa ni ji ltar de las don gyi go ba 'byung/ /dran par gyur pa las don gzhan du yang don gyi go ba yin no zhe na/ /dran pa nyid don gyi go bas rtogs par 'gyur gyis/ myong ba ni ma yin no/ /der yang brjod pa gnyis dang gnyis su snang ba'i phyir ro/ /'on te ma myong ba ni mi dran te/ des na myong ba dran no zhe na/ de ni ma yin te/ bdag gis nyams su myong 'gyur zhes/ /'di ltar dran pa 'jug pa na/ /de yi blo ni yod 'gyur ces/ /de ltar don gyis go mi srid/ /gang gi tshe sngon myong ba dran no zhes dran pa nyid dang de blo la 'jug pa de'i tshe/ sngar don gyis go ba med la/ phyis kyang ma yin pas dran pa ga la srid/ gang gi tshe don dran pa de'i tshe yang dran pa de'i myong ba yang rjes su dpog pa ni phyir/ dran pa dang myong bar yang don gyis rnam par cig car snang bar thal bar 'gyur ro/ /de ltar yid dang dran pa'i dus su yang don gsal ba'i rnam par rig par thal lo/ /'on te gsal ba'i rnam pa gnyis rig go? zhe na/ de yang mthong ba nyid yin pas lan du mi rung ngo/ /'on te gang ba zhig 'dod pa de'i tshe don gyis go bo yin te/ gang gi phyir dran pa de'i phyir nyams su myong bar gyur pa yin no zhe na/ gang gi phyir dran pas mnyams su myong ba yin no zhes so zhes ji ltar ni gang gi phyir myong ba de phyir myong ba yin no zhes bya ba dang/ de bzhin du gang gis phyir dran pa des na dran pa yin no zhes bya ba'i ?? tshul du 'gyur bas tshad ma ?? so/ /'dod pa yang myong bar 'gyur ba'i don la skye ba yin na myong ba ni nam yang myong bar 'gyur ba ma yin pas na ji ltar 'dod pas don gyis go bar skyed/ de'i phyi mo gzhan gyis blo rig pa mi rung ba kho na'o/ /ci ste/ gal te yul gzhan 'pho ba na/ tha ma nyams su myong min na/ /gzhan gyis nyams su myong ba bzhin/ /thams cad myong med thal bar 'gyur/ /

  281. 141a

    gal te yul gzhan la 'pho ba'i dus na rnam par shes pa'i rgyun gyi tha ma/ yul gzhan la 'pho ba'i dus kyi sngon rol gyi shes pa de nyams su myong bar ma gyur na/ de'i tshe gzhan gyis myong ba ma yin par 'gyur ro/ /nyams su myong bar gyur pa'i myong ba nyams su myong bar 'gyur ba med pa'i phyir gzhan gyis nyams su myong ba gyur ba bzhin no/ /des na tha na nyams su myong ba'i phyir ji srid dngos po myong bar gyur ba'i bar gyi de'i sngar myong bar gyur pa dag kyang ma myong bar 'gyur ro/ dper na gzhan gyis nyams su myong yang de nyams su myong ba med pa'i phyir/ gzhan gyis myong ba de bzhin du rang gis nyams su myong bar 'gyur pa yang 'gyur ro/ /don gyi rang bzhin de ni gzhan la bltos nas kyang de lta bu nyid yin pa'i phyir ji ltar myong ba yin/ gal te ji ltar gzhan nyams su myong ba na rang nyid nyams su myong ba med pa'i phyir gzhan gyi myong ba yin par rnam par gzhag pa de bzhin du gzhan gyis nyams su myong ba ma yin pas rang gis myong ba yin no zhes rnam par bzhag go zhe na/ de ni mi rung ste/ gal te tshad ma yod na rnam par zhog cig /ji ltar gzhan gyis myong bar byas pa bdag gi mngon sum ma yin la/ gzhan gyis yin no zhes kyang rnam par gzhag par nus pa ma yin pa de bzhin du/ bdag gi mngon sum du 'dod pa yang dag gam gzhan gyis zhes rnam par bzhag par 'os pa ma yin no/ /gang de don rang gi ngo bos snang ba ma yin nam/ de ji ltar mngon sum nyid ma yin/ gzhan ma rtogs pas gzhan ma rtogs par 'gyur ro zhes bya ba ni ma yin no zhe na/ de yang rang nyid rtogs pa ma yin te/ des na rang rig pa nyid do/ /'on te bdag ni byed pa po nyid du rtogs so zhe na/ ma yin te/ lus las ma rtogs pa ni bdag med pa nye ba'i phyir ro/ /lus nyid byed pa po

  282. 141b

    yin no zhe na/ ma yin te/ lus kyang las yin pa'i phyir ro/ /gang gi phyir lus la sogs pa ni rang rig pa med pa yin no/ /rang rig pa nyid yin na yang rtsod pa med do/ blo myong ba med pa yin no zhe na/ bdag rang rig pa yin pa des don myong na de tsam gyis ma ? pa med pa'i phyir blo don med do/ /de nyid kyi phyir bshad pa/ gal te bdag myong mngon sum yin/ /gzhan gyis myong 'gyur ma yin no/ /gang gis de skad brjod 'gyur ba/ /bdag gi myong de ga las grub/ /bdag gis myong bar gyur pa ma yin no zhes bya ba ga las/ gzhan gyis myong bar gyur pa yin na 'di gzhan gyis bdag ma yin zhes bya ba ga las yin/ rang rig mas myong ba yin na ni rang rig pa grub pa yin pa nyid yin pa'i phyir rtsod pa med pa kho na'o/ /de'i phyir rang rig pa ma yin na thams cad nyams su myong bar gyur ba ma yin par thal ba yin no/ /gal te mig la sogs pa myong ba med kyang mig la sogs pa med par gyur to zhes bya ba'i tha snyad du 'gyur ba de bzhin du/ /bdag nyid rig pa nyams su myong ba ci ste mi 'dod ce na/ 'di la bshad pa/ gsal rgyu ma grub par 'gyur gyi/ gsal bar 'dod pa'i gsol ba min/ /gal te gsal ba ma grub kyang/ /gsal na 'gro 'di gsal bar 'gyur/ /gsal ba'i rgyu mig la sogs pa'i rang bzhin ma grub kyang/ /don gsal bar 'gyur te gsal ba gsal ba'i phyir ro/ /nga'i mig gis gsal ba ji ltar ce na/ nga'i rang rig pa skyed par byed pa'i phyir nga'i mig gi gsal ba zhes brjod pa yin no/ /rig pa yang rig pa nyid las nga'i yin no/ /rig pa de yang rang rig pa ma yin na ni/ 'ga' yang bdag dang 'brel par rtog par mi 'gyur bas na/ rang gi ngo bo tsam gyis gsal bar 'gro ba mdza' dag gsal ba'i phyir/ ha cang thal bar 'gyur ro/ /gal te gang las gsal ba bskyed pa de gsal ba yin pa'i phyir ji ltar ha cang thal

  283. 142a

    par 'gyur zhe na/ gal te gsal ba skyes tsam gyis/ /gsal na de tshe mdza' dag 'gyur/ /gang gis gsal ba zhes bya ba/ /'di ni 'brel ba med ba min/ /des rang gi ngo bo nyid/ /tsam gyis thams cad gsal bar 'gyur/ /ci ste don? de'i rang bzhin nyid/ /yin na rang nyid rig par brjod/ /tshad ma rnam 'grel gyi 'grel pa las/ mngon sum gyi le'u ste gsum pa'o// //rdzogs so// //bam po dang po/ /rang gi don gyi rjes su dpag pa'i de ma thag tu gzhan gyi don gyi rjes su dpag pa brjod de/ gzhan gyi don gyi rjes su dpag pa ni rang gi don gyi su dpag pa sngon du 'gro ba can yin pa'i phyir ro/ /de la gzhan don rjes su dpag pa ni/ /rang gis mthong don rab gsal byed/ /rang gis mthong ba ni rgol ba dang phyir rgol ba rang gis mthong ba ste/ bstan par bya ba dang ston par byed pa dag rang gis mthong ba zhes bya ba'i tha tshig go /gal te nyan par byed pa yod na ni de dag rnams kyang yin te de dag kyang dbang du bya ba yin pa'i phyir ro/ /log par rtogs pa bsal ba ni shugs nyid las 'grub cing/ rang gis rtogs pa'i don 'dis gzhan la gsal bar byed pa yin la/ /de yang lus dang ngag gi rnam par rig byed kyi rang bzhin yin no/ /de la rang gis mthong pa'i don ni tshul gsum pa'i rtags so/ /gal te rang gis mthong ba smos pa ni rang gis mthong ba'i don tsam ston pa yin pa'i phyir/ tshul gsum pa'i rtags zhes bya ba gang las yin/ des na lkog tu gyur pa'i rang bzhin rjes su dpag par bya ba mdza' dag gi gzhan la gsal bar byed pa gzhan gyi don rjes su dpag par bya bar 'gyur ro zhe na/ 'di la rjod pa tshul gsum rtags las ma gtogs pa/ /gsal byed gzhan ni yod ma yin/ /de ni gzhan gyis rtogs bye bar/ /mi nus phyir

  284. 142b

    na gsal ma yin/ /gang la gzhan yid ches pa de ni gsal bar brjod do/ /de nyid kyi phyir khyad par du 'phags pa'i rjod pa rab kyi tshig smos so/ /gzhan yid ches pa yang tshad mas rtogs pa la yin te/ gal te rjes su dpag par bya ba yang tshad mas rtogs na ni de'i tshe rtsod pa med pa nyid do/ /tshul gsum pa'i rtags gsal bar byed pa'i sgo nas yin na ni/ rtsod pa'i gzhir gyur pa'i rjes su dpag par bya ba rtogs pa'i phyir tshig don med pa ma yin no/ /de las rjes su dpag pa skye ba'i phyir de yang nye bar brtags nas rjes su dpag pa yin no/ /gal te rjes su dpag pa skyed par byed pa'i phyir tshig rjes su dpag pa yin na/ mngon sum skyed pa'i phyir gzhan gyi don gyi mngon sum du yang 'gyur ro zhe na/ de ni legs pa ma yin te/ ji ltar tshig las mthong ba yi/ 'brel pa dran par gyur pa na/ rjes dpag skye ba de bzhin du/ /'gar yang mngon sum skye ma yin/ /tshul gsum rtags ni dran pa na/ /nges par rjes dpag skye bar 'gyur/ rang gis rtogs pa'i don tsam ni/ /brjod pas mngon sum rig ma yin/ /tshig tsam las ni gzhan la mngon sum skye ba med do/ /gal te ri dags rgyug pa la ltos zhes bya ba las mthong ba skye bar mthong ba ma yin nam zhe na/ ma yin te/ der yang rjes su dpag pa de ma thag pa yin pa'i phyir ro/ / 'di ltar/ de ltar ltos zhes bya bas de/ /don de mngon phyogs la sbyor zhing nga? yi de ltar rtogs pa yang/ /don gyis bstan par 'gyur ba yin/ /'di ni ri dags blta ba la mngon du phyogs par gyis shig ces nges par sbyor ba yin te/ mngon du phyogs pa ni nga? ji ltar bar khyod kyang de bzhin no zhes so/ /des na de ltar mngon du phyogs bar 'gyur na/ dbang po rnams kyis byed pa 'jug go zhes dran pa'i phyir rjes su dpag pa nyid do/ /des na rjes su dpag pas mngon sum srid par bltas te/ 'jug

  285. 143a

    pa yin no/ /de lta na 'o na mngon sum ma yin pa'i yul la srid pa'i rjes su dpag pa 'jug na rang bzhin gyi gtan tshigs yin te/ tshig gi 'bras bu'i gtan tshig gsal ba ni ma yin no/ /'di ltar du ba la 'dir me yod ces/ / tshigs gis 'brel pa tsam zhig ni bstan par 'gyur gyi du ba ni/ /mngon sum nyid kyis bstan pa yin/ /des na gzhan gyi rjes su dpag pa ni tshul gsum pa'i rtag ston pa'o zhes bya ba tshad ma kun las btus pa'i 'grel pa dang 'gal lo zhe na de ni mi 'thad de/ gang gi phyir tshig kun dran pa'i don yin te/ des na de la tshad brjod kyis/ /mngon sum gyi ni rtogs pa la/ /rtag tu tshig ni don med do/ /mkhas pa rnams la ni/ gtan tshig 'ba' zhig brjod par zad// ces 'di ni bshad pa nyid do de bzhin du 'brel pa 'ba' zhig kyang ngo zhes blta bar bya'o/ /yang na der yang 'khrul pa bsal ba'i phyir 'di ni du ba'o/ /zhes bya ba'i tshig la bltos par bya ba nyid do/ /'di ltar/ 'di nges phyir na ?nga la ni/ /'di la du bar rtogs pa byung/ /'dir yang ci'i phyir khyod 'khrul ces/ de ltar gzhan gyis rtogs par byed/ /tshig gi don ni 'di yin te/ /de la mngon sum gyi mthong ba'i don ni gzhan la tshig gis ston pa ma yin te/ 'on kyang de'i rgyu yin pa'i phyir de ni gzhan gyi don gyi rjes su dpag pa nyid do/ /'di ni du ba nyid de gzhan du ni blta bar mi bya'o/ /'di ni sngar dmigs pa gang yin de las rnam pa gzhan du gyur pa ma yin te/ de ni mtshan nyid can yin pa'i phyir ro/ /zhes bya ba 'di don gyis brjod par 'gyur ba yin no/ /des na rjes su dpag pa'i tshul nyid sgras ston par byed kyi/ mngon sum la ni nam yang sgyas byed pa ma yin no/ /shin tu goms pa

  286. 143b

    las ni rjes su dpag pa spros pa ma yin pa'i phyir 'jig rten las gzhan du mngon no/ /de'i phyir tshig ni rjes su dpag pa'i rgyu nyid bdag gir byed pas 'jog pa yin no/ /tshig ni de'i rgyu yin pa'i phyir rang bzhin rjes su dpog pa nyid yin gyi 'di na du ba yod de ces bya ba rgyu rjes su dpag pa ni ma yin te/ tshig gi rang bzhin gyi rjes su dpag pa yin pa'i phyir ro zhe na/ de ni ma yin te rang don rjes su dpag pa du ba 'ang/ bar du rang bzhin gtan tshigs 'jug pa deng yang dpyod po rab bzhin rtags/ /med par 'khrul pa dang mi 'bral/ /'dir smras pa/ 'di la 'bras bu'i gtan tshigs ni/ /mi nyams 'gal ba ci zhig yod/ /de ni bar du chod na yang/ /'bras bu'i gtan tshigs spong ma yin/ /rang gi don gyi rjes su dpag par ni/ /'bras bu'i gtan tshigs yod pa nyid do ces de tsam zhig brjod par 'dod pa la bar chod brtan pa gang tu nye bar mkho/ gzhan gyi don gyi rjes su dpag par ni 'bras bu'i gtan tshigs mi srid pa nyid do/ /du ba yod pa'i phyir ro zhes bya ba'i tshig ni rang bzhin gyi gtan tshigs la dngos su yod pa yin pa'i phyir ro/ /des na mi rjes su dpag pa la gzhan gyi don gyi rjes su dpag pa mang ngo zhe na/ de ni ma yin te/ ji ltar srid pa la brten nas/ bstan bcos mdzad pas gzhan don gyi/ /rjes su dpag nyid bshad la de/ /med mod chad pa ci zhig yod/ /yang na gang du 'khrul pa med pa'i rang gi don gyi rjes su dpag pa der 'bras bu'i gtan tshigs chod pa med pa nyid do/ /gzhan gyi rjes su dpag par yang tshul de nyid yin pas sgra las dngos kho nar rjes su dpag pa skyes pa yin no/ /'khrul pa med na brjod pas ci zhig bya zhe na/ 'brel pa bstan pa'i phyir yin pas skyon med do/ /tshul gsum pa'i rtags yod pa ston pa ni ci

  287. 144a

    ltar srid pa bzhin no zhes da ltar kho na brjod pa yin no/ /gzhan yang rjes su dpag pa med par ni/ /tshig la tshad ma nyid med pa/ /de tsam nyid gcig mngon 'dod kyi/ /tshig rnams thams cad de lta min/ /ji skad du ji ltar mngon sum dang rjes su dpag pa gnyis tshad ma yin te/ tshig kyang tha snyad kyi rgyu yin pa'i phyir ro/ /tshig med par 'jig rten gyi tha snyad yongs su rdzogs pa ma yin no zhes brjod pa de la bshad pa/ mngon sum dang ni rjes dpag dang/ / tshig med par ni 'jig rten gyi/ /tha snyad med par 'gyur ram ci/ /cig de yang tshad nyid dam/ /mngon sum la sogs pa med pa sngon mthong ba'i don dran nas kyang 'jug pa med dam ci/ cig da ni dren pa yang tshad? ma yin/ 'on te tshad ma ma yin pa nyid na/ de lta bu'i don can gyi tshig kyang tshad ma ma yin par mtshungs so/ /gang du tshad ma yin pa der ni rjes su dpag pa'i rgyu nyid kyis yin gyi gzhan du ni ma yin no/ /'dir ni 'di tsam zhig brjod par 'dod pa yin gyi/ tshig thams cad rjes su dpag pa thams cad kyi rgyu yin pa ni ma yin no/ /tshig ni rjes su dpag pa nyid de dang rgyud nyid ni tshad ma nyid ma yin no/ /thams cad rjes su dpag par bstan pa ni nye bar mkho pa med do/ /de'i phyir tshul gsum pa ston pa'i tshig nyid do/ /'o na ni rig byed kyi tshig ji ltar tshad ma nyid yin zhe na/ der yang zla ba bcu gnyis ni lo yin no zhes bya ba la sogs pa mngon sum dang rjes su dpag pa'i don ston pa nyid kyis tshad ma yin te/ gzhan du ni tshad ma ma yin pa ste/ dper na skyes bu'i tshig bzhin no/ /skyes bus ma byas pa nyid kyis tshad ma yin no zhe na ma yin te/ yid ches pa med pa'i phyir ro/ /tshig tsam gyis ni su yang yid mi ches so/ /gal te mngon sum ltar rig byed yin na/ ci ste thams cad kyis mi rtogs

  288. 144b

    la/ /skad cig ma nyid la sogs pa'i bzhin du/ rjes su dpag pa las kyang thams cad rtogs pa ma yin no/ /'khrul pa yin na 'dir yang 'khrul pa yin no zhe na/ rjes su dpag pa la yid ches pa'i gnas de'i rigs can gyi rjes su dpag pas bzlog la rig byed la ni de'i rigs can gyi tshig gis ma yin pas 'di ni mi mtshungs so/ /rjes 'gro dang ni 'brel pas na/ /rjes su dpag pa tshad ma yin/ /rig byed la ni rjes 'gro dag /mthong bas med ces sngar dpyad do/ /yang na don 'di yin te tshul gsum pa ston pa'i tshig nyid gzhan gyi don gyi rjes su dpag pa yin gyi/ /rig byed kyi tshig ni ma yin te/ de la tshul gsum pa med pa'i phyir ro/ /de la ni bden pa nyid rjes su 'gro ba mthong ba med pa dang phyogs kyi chos kyang mthong ba med pa nyid do// 'di ltar skyes bus ma byas pa nyid kyis ldog pa yin gyi/ bden pa nyid ngang ni rjes su 'gro ba med do/ /ci ste zla ba bcu gnyis po yin no zhes bya bas rjes su 'gro ba yin no zhe na/ 'di la brjod pa/ me la sbyin bsregs la sogs dag/ rig byed nyid du des pa med/ /'ga' zhig gis ni byas pas 'di/ /skyes bus byas pa nyid du rtogs/ /'di ni brgya la skyes bus ma byas pa'i nang du 'ga' zhig gis bcug pa yin te/ 'ga' zhig tu yan lag gzhan byas par thos pa yin no/ /de lta bu'i tha snyad de dran na yin no zhe na ma yin te/ yid ches pa med pa'i phyir ro/ /gzhan dag la yang thal bar 'gyur ba'i phyir ro/ /'di thams cad ni sngar bstan zin pas 'dir mi spro ste/ gzhag go /gal te tshul gsum pa'i rtags nyid rang gi mthong ba'i sgras brjod na/ tshul gsum pa'i rtags ston pa gzhan gyi don rjes su dpag par bya'o/ /zhes brjod par bya'i/ rang gi mthong ba smos las ci bya zhe na/ ma yin te/ don gzhan

  289. 145a

    yod pa'i phyir ro/ /'di ltar gzhan la bstan par bya nyid phyir/ bdag mthong min yang gzhan dag gi mthong ba sgrub byed ces kha cig /de spang? phyir bdag mthong ba'i tshig/ gzhan gyi don gyi rjes su dpag par ni rang gis rtogs pa'i dbang du bya ba ma yin te/ gzhan nyid rtogs par bya ba'ang yin pa'i phyir ro/ /gal te rtags te gzhan gyis rtogs na gzhan rtogs par 'gyur ba nyid do/ /rgol bas ma rtogs pa ji ltar gzhan rtogs zhes ni brjod par mi bya ste/ gol bas rtogs kyang gzhan dag ni/ rang rtogs med par rtogs ma yin/ /gal te de yod de nyid 'dir/ /'gyur byed gzhan gyis ci zhig bya/ /de tsam gyis ni 'di rgol bas rtogs so zhes yid ches pa ma yin gyi/ 'on kyang 'dis shes nas bstan nam/ de lta ma yin yang bla ste/ ngas ni de ltar rtogs so zhes rang nyid rtogs pa'i phyir/ spros pa bla lhag gi rnam par dpyad pa 'dis ci zhig bya zhes?/ bsam pa 'dis rang gis ma rtogs kyang gzhan gyis rtogs pa rtags su 'dod pas/ bsam pa de dgag pa'i phyir rang gis mthong ba smos so/ /gal te de lta na rang kho nas mthong ba yin par 'gyur bas gzhan gyis mthong ba rnam par dpyad pa'i phyir/ don med pa gzhan thog tu bab po zhe na/ ma yin te/ gnyi gas mthong ba bstan pa'i don du yin pa'i phyir 'di ni mtshan nyid ji ltar gnas pa nyid do/ /des ni log par rtogs pa yang bsal ba yin no/ /ci ste de'i don nyid do zhes bya bar 'gyur ba na/ ma yin te/ gang gi don du bde? smos? pa de ni gang gis sgras bsdu ba yin no/ /zhes mi rigs so/ /rang gi ma rtogs par ni gzhan gyis rtogs so zhes brjod par mi nus so/ /gal te de gzhan gyis rtogs par 'gyur mod/ /gzhan gyis rtogs so zhes yongs su shes? pa de?

  290. 145b

    mkho ba med de/ rang rtogs pa tsam gyis gzhan la chog pa'i phyir ro zhe na/ 'o na ji ltar rang gis ma shes pa gzhan la nye bar 'gong?/ gzhan la grub pas so zhe na/ 'o na gzhan la grub po ces bya ba de nyid du 'gyur ro/ /des na rang nyid ma rtogs par der ji ltar 'gyur/ tshu rol mthong bas gzhan gyis rtogs pas mngon sum du ni mi byed do/ /rjes su dpag pa yang rang gis rtogs pa la bltos pa yin no/ /des na gzhan gyis rtogs so zhes nges pa ni rang gis kyang rtogs pa yin no/ / 'on te gzhan gyi lung las rtogs la rang gis kyang de rtogs pa yin mod kyi 'on kyang/ rgol bas lung de khas ma blangs pas ma rtogs so zhes tha snyad byed do/ /des na lung las gzhan gyis rtogs kyis rang nyid kyis ma yin pa gang yin pa de yang/ sgrub par byed pa nyid do zhe na/ 'dir brjod pa yongs rtags yongs su len pa'i phyir rjes su dpag pa'i yul la tshig/ tshad ma nyid du 'dod ma yin/ der ni rjes dpag 'jug mi 'gyur/ lung tshad ma 'ang tshad ma ma yin/ gal te tshad ma yin na ni gnyi ga la grub pa nyid de tshad mas mthong ba gzhan bzhin no/ /tshad ma ma yin pa nyid na 'ga' la ma yin no/ /khas blangs pa'i phyir pha rol po nyid la grub po zhe na/ rjes su dpag pa'i yul la khas blangs pas lung tshad ma nyid ma yin te/ yongs su brtags pa khas len pa'i phyir ro/ /de ni mngon sum dang/ rjes su dpag pa'i yul ma yin pa la tshad ma yin gyi de'i yul ni ma yin no/ /thams cad du tshad ma yin na rjes su dpag pas ci bya ste/ tshig tsam gyis don grub pa'i phyir ro/ /'di ltar grangs can gyis/ /bde ba la sogs pa sems med pa yin te/ skye ba can nam mi rtag pa'i phyir/ /gzugs la sogs pa bzhin no zhes bya ba ni/ gzhan la rab tu grub par bya/

  291. 146a

    'dod pa yin gyi/ grangs can rang nyid la ni skye ba can nam mi rtag pa nyid ma grub po/ /der gal te tshig tshang ma yin pa'i phyir rab tu grub na/ grangs can gyi tshig kyang tshang ma nyid yin pas blo dang bde ba la sogs pa de nyid kyis sems pa med par grub pas rjes su dpag pas ci bya/ 'on te mi rtag pa nyid la sogs pas sangs rgyas pa'i tshig gis grub pa de'i tshe blo la sogs pa sems pa can du grub pa'i phyir rjes su dpag pas phyin ci log tu mi 'grub pa'i phyir rjes su dpag pa don med pa nyid do/ /'on te rjes su dpag pa yang tshad ma yin pas de las bzlog pa yang 'grub po zhe na/ de ltar yin na ni tshad ma ma yin pa nyid do zhes bshad pa ni/ lung la gnod phyir gzhan la ni/ /sgrub byed rjod phyir de yi tshe/ /de ni tshad min de bas na/ /des grub ma lus grub ma yin/ /gang gi tshe rjes su dpag pas phyin ci log tu sgrub par rtsom pa de nyid kyis tshe/ brtag mi bzod pa'i phyir tshig de tshad ma ma yin pa nyid de/ khas blang pa 'dod pa'i phyir ro/ /lung ni khas blangs pas tshad ma'i dngos por byas pa yin pas/ de dor na de'i tshad ma nyid kyang de bzhin du 'gyur ro/ /des na der rab tu grub pa'i gtan tshig grub pa nyams pa'i phyir bsgrub bya grub pa yang nyams par 'gyur ro/ /de la rag las pa'i bdag nyid thams cad ni de'i rjes su mi 'jug pa ma yin te/ de la rag las pa nyid ma yin par thal ba'i phyir ro/ /gtan tshigs grub pa la tshad ma nyid yin gyi/ sems pa nyid la ni ma yin no/ /zhe na ma yin te/ 'ga' zhig la 'khrul pa mthong bas thams cad la yid brtan tu med par thal ba'i phyir ro/ /'on te mi slu ba can gyi tshig de ni tshad ma yin te/ phyogs

  292. 146b

    gcig ma yin no zhe na/ 'o na ni de'i tshe gtan tshigs de rgol ba dang phyir rgol ba gnyis ga la grub par 'gyur ro/ /'on te tshad mas 'grub kyang grangs can tshad ma'i gtsug lag mi shes pa'i phyir pha rol la rab tu grub pa nyid do zhe na/ de yang mi 'thad de de ltar na ni grangs can rang gis ma tshang gsal bar byed pa yin no/ /de lta mod kyis skyon ci yod/ /rang la grub pa'i rtags kyis ni/ /des 'dis rtogs par byas pa yin/ /gzhan du ma shes pa tsam gyis/ /kun tu mi shes par mi 'os/ gtan tshigs sgrub par nus pa ma yin zhes te/ de bsgrub bya bsgrub par yang mi nus pa ni ma yin no/ /de ni re zhig gtan tshigs de las bsgrub bya rtogs pa nyid de/ rang las grub pa'i gtan tshigs yin pa'i phyir ro/ /ci ste 'di ngo bzlog par nus pa'i phyir/ rgol ba brtan pa ma yin no zhe na/ de yang mi rung ste/ bsgrub bya bsgrub pa'i gtan tshigs grub pas gzhan gyis ci bya 'di ltar re zhig khyod la de grub ste/ de grub yon tan ci zhig yod/ /thams cad pa yis bya ci dgos/ /bya ba'i tshul 'di ci zhig yin/ /bsgrub bya bzhin du gtan tshigs kyang ngas sgrub dgos so/ /zhes bya ba 'di rgyal po'i bka' 'am ci/ /thams cad mi shes pa ni rtogs par nus pa ma yin no/ /don te rang nyid nges pa bzhin du gzhan dag kyang nges par 'dod pas sgrub byed brjod pa yin no zhes bya ba'i tshul gyis na de ni mi rigs so zhe na/ de yang yang dag pa ma yin te/ 'di ltar/ 'dir ni gzhan dag des pa ni/ /skye ba tsam gyis dgos pa yin/ /rang gis nges pa bzhin du zhes/ /bya ba'i khyad par don med do/ /gzhan dag gis nges pa tsam zhig don gyi gnyer gyi/ 'dir nye bar mkho ba med pa'i khyad par gzhan ni ma yin no/ /mkho ba med pa'i khyad par ni rtog pa dang ldan pa khas len

  293. 147a

    pa ma yin no zhe na/ 'dir brjod pa gang zhig gzhan gyis rtogs pa ni/ /bye brag tu ni shes med pa de la 'dis rtogs zhes bya ba'i/ /blong ni ji ltar 'gyur ba yin/ /'di ni ngas ma bslus te/ yang dag par rtogs pa nyid do ces rang gis ma rtogs pas ji ltar rtogs/ ci ste 'dis ci bya ste rtogs pa tsam ni gzhan la 'gyur ba yin la/ de tsam zhig gis rgol ba'i tshig gis don byas pa yin pas 'di la nyes pa ci yod/ /de ltar na 'o na 'di yang lan yin par 'gyur te/ nga yis khyod ni bslus nas kyang/ /'ga' zhig rtogs par byas pa yin/ /ngas rtogs pa yis khyod la 'dir/ /dgos pa gzhan ni ci zhig yod/ /gang gi tshe sgrub pa byed par snang ba 'ga' zhig ji ltar rung bar brjod nas/ ngas khyod rtogs par byas so zhes smra ba de'i tshig de la lan ji skad gdab/ de la sun 'byin pa brjod par bya'o zhe na ma yin te/ sun 'byin pas ni rgol bas ma rtogs pa brjod par bya ba yin na/ rgol ba des ni ngas rtogs pas khyed la ci dgos zhes lan 'di btab pa yin no/ /ngas kyang de ltar na ma rtogs so zhes brjod do zhe na/ 'o na gzhan la sun 'byin pa brjod par bya ba ma yin te/ 'dir ngas rtogs pa med pas de tsam zhig brjod par bya'o/ /ma rtogs pa 'thad pa dang bcas pa nyid do ces bstan pa'i phyir sun 'byin pa yang brjod par bya'o zhe na/ de lta na ni 'o na/ gal te gzhan gyis 'thad pa dang/ /bcas pa'i sun 'byin brjod bya na/ /rgol bas kyang ni 'thad pa dang/ /bcas pa'i sgrub byed brjod par bya/ /ji ltar ngas 'dir 'di ltar ma rtogs zhes phyir rgol bas 'thad pa dang bcas par brjod par bya ba de bzhin du rgol bas kyang sgrub par byed pa 'thad pa dang bcas par brjod par bya ste de lta ma yin na 'dir ji ltar ngas ma rtogs pa de bzhin du gzhan gyis kyang brgya?

  294. 147b

    la mi rtogs pa srid do snyam pa'i dogs pa dang 'bral bar mi 'gyur ro/ /gzhan gyi don grub par nges par med par tshim pa la brten pa ma yin no/ /rgyal bar 'dod pa tsam gyis ni mkhas pa 'jug pa 'am/ /de'i don du bstan bcos byed pa ma yin te/ de kho na 'jug pa'i don yin pa'i phyir ro/ /de'i phyir rang gis rtogs na 'dis ni 'di rtogs te/ 'di ma rtogs par brjod pa ni brdzun yin no zhes bya bar 'gyur ro/ /rang gis rtogs pa med pa ni/ /gal te gzhan khas mi len na rgol bar ston par byed pa ma yin par 'gyur na bdag nyid nyams par 'dod pa su yod/ /rang nyid tshad mas rtogs na ni/ mkhas mi len yang gzhan mi bden par smra ba rtogs par 'gyur ro/ /'on te rang gis rtogs kyang gzhan gyis rtogs so zhes ji ltar shes she na/ gal te phyir rgol bas ma rtogs su chug kyang nyan par byed pa dag ni rtogs pa nyid do/ /nyan par byed pa dag gis rtogs pas gal te des ma rtogs na de'i tshe de la tshogs pa med pa yin te/ rgol ba'i nyes pa ni tsam yin no/ / 'o ma dmus long la bstan pa/ /med kyang ston byed nyams pa min/ /rgol ba 'gas kyang phyir rgol la/ /mig byin pas ni yod ma yin/ /'o ma dkar po'o zhes brjod pa na/ mig ma tshangs pas gal te ma rtogs na yang phyir rgol ba dmus long nyid kyis nyes pa yin te/ ji ltar der rgol ba'i nyes pa yin par 'gyur/ dbang po dag gis rtogs pa de tsam gyis rgol ba'i tshig don byas par 'gyur ba yin no/ /ci ste yang/ gzhan don byed pa snying rje yis/ /yid drangs rnams kyis nyan pa bos/ /rtogs pa gyis tshim pa dang/ /'brel 'di ji ltar 'thad pa yin/ /rang yongs su tshim pa tsam ni gzhan gyi don byed pa'i 'dod pa ma yin te/ de dag ni gzhan gyi rmongs pa bsal ba'i don du 'dod pa yin no/ /de la phyir rgol

  295. 148a

    pa rtogs par bya ba'i don du zhugs pa dag nyan pa po tsam rtogs pas yongs su tshim mo zhes bya ba 'di go gang la 'phangs pa gang la 'phogs pa yin/ phyir rgol ba rtogs par bya ba'i phyir rtsom pa ni gang la yin la nyan pa po tsam rtogs pas chog pa gang na yin/ gzhan yang/ de phyogs 'dzin pas nyams pa yis/ /nyan po gang tshe rtsod byed pa/ /der yang rgol bas nyan pa po/ /gzhan yang btsal bar bya ba yin/ /nyan po phyir rgol gyur pa na/ /nyan po gzhan du spo bas na/ /thug med des na rgol ba ni/ /su yi ston pa byed par 'gyur/ /'on te nyan po'i 'jig rten ni/ /rgol ba'i phyogs su gyur na yang/ /de lta na yang phyogs ltung phyir/ /nyan po min par gsal ba nyid/ /'di la brjod pa/ 'di gzhan don byed ces bya ste/ /skal med la yang de lta 'am ci/ /nus las 'das nas ma byas pas/ /snying rje'i bdag nyid ma yin min/ /snying rje ldan yang skal ldan gyi/ /don byed par ni nus pa yin/ /skal ldan min la nus pa ni/ /nyams kyis snying rje nyams ma yin/ /de ni snying rje can ma yin no zhes rtogs pa ma yin no/ /nyan po rnams phyogs su lhung na ni/ /mi rtogs pa nyid pas gdon mi za bar nyan pa po gzhan btsal ba yin no/ /thams cad rtsod pa ni ma yin te/ dgos pa med pa'i phyir dang/ phan tshun ltos pa'i phyir ro/ /ci ste de dag kyang phan tshun rgol ba dang/ phyir rgol ba nyid yin pa de lta na ni tha snyad mdza' dag chad par 'gyur la mthong ba yang med de/ de'i phyir nyan pa po'i rtogs pa tsam nyid kyis smra ba yongs su rdzogs pa yin no/ /gang zhig gzung bar mi 'os pa la sogs pa brjod pas gzhan pham par byed pa de ni brtse bar byed pa med pa nyid do/ /de'i phyir rang gis rtogs pa nyan pa po la sogs pa la bstan pas bdag nyid ston pa'i nus pa la

  296. 148b

    bsten pa yin no/ /des na gzhan la grub pa ni lung las 'grub pa nyid do/ /gal te lung de yang gzhan gyis khas blangs pa de'i tshe/ des las rab tu grub pa'i phyogs kyi chos las de bdag nyid rtogs pa ma yin nam zhe na/ ma yin te/ phyogs cig gnod par 'gyur ba can ni de ltar khas len par mi rung ba'i phyir ro/ /de nyid kyi phyir bshad pa gal te lung de ldan la grub/ /ce na gang gi lung gang yin/ /tshad mas gnod par grub pa yi/ /lung de ji ltar grub pa yin/ /gal te tshad ma ma yin zhing gzhan gyi khas blang pa yang ma yin na gang gi lung gang yin/ /gal te khas ma blangs kyang lung de dang ldan pa yin na grangs can yang yin pas ma yin pa gnyis ka la grub pa nyid do/ /ci ste khas ma blangs pa'i phyir de lta ma yin na/ 'ga' yang lung de dang ldan pa ma yin pas 'ga' la yang ma grub po/ /de ni lung yang yin par mi 'gyur te/ tshad mas gnod pa'i phyir de ni lung ltar snang ba yin no/ /tshad ma ltar snang ba las rtogs na ni de rmongs pa nyid yin pas de gzhan gyi rmongs pa ma bzlog pa'i phyir rgol ba nyid ma yin no/ / tshad ma ltar snang ba mi shes na gzhan ji ltar rmongs pa ma yin/ mi shes pa yang ma yin te/ 'di ltar/ de rang 'gal ba khas len pa/ de nyid kyis ni ji ltar 'gyur/ /de dang 'gal ba khas len na/ /de dor yan lag tshad ma gang gi tshe 'di de dang 'gal ba khas len pa de nyid kyi tshe lung de mi bden par yang rtogs pa yin te/ de dang 'gal ba khas len pa ni/ de med par mi 'gyur ba yin pa'i phyir ro/ /rmongs pa'i phyir skyon med do zhe na/ rmongs na ni ston par byed pa nyid ma yin no zhes bshad zin to/ /rmongs pa bskyed nas de bzlog pa'i phyir na/ rgol ba'i 'bras bu grub po zhe na/ ma yin te/ dug kyang sbyin par thal ba'i phyir ro/ /smra ba la bzo ba nyid kyis rmongs par byed pa ni/ rgol ba nyid do zhe na ma yin te/ yongs su dag pa'i dngos po gsal bar ston pa

  297. 149a

    ni smra ba la bzo ba yin pa'i phyir ro/ /'di ltar/ mdor bsdus pa dang rgyas pa yis/ /tshad ma dang ldan dngos po ni/ /ston byed smra la bzo bar ni/ /de nyid rig pa rnams kyis bzhed/ /rnam pa ji ltar yang rung ste/ /rgyal bar 'dod pas gzhan bzlog par byed pa yin no zhe na/ ma yin te/ rnam pa ji ltar yang rung pas bzlog pas/ gzhan bdag gzhan dag gi gnas su 'gyur ba'i phyir ro/ /'o na gang gi tshe yongs su dag pa'i dngos po brjod pas kyang gzhan rmongs pa de'i tshe ji ltar rgol ba nyid yin zhe na/ nyan pa po rtogs pas chog pa'i phyir te/ dmus long gis ma mthong bas ni nyi ma gsal bar byed pa ma yin par mi 'gyur ro/ /'di ltar skal ldan yang ni rtogs min na/ /ston par byed pa'i skyon yin gyi/ /gal te mi shes tshig de las/ /don rtogs med pas der mi 'gyur/ /gal te gsal ba brjod pas mi rtogs na/ /phyir rgol ba la dad pas ci zhig bya/ /de ni yi ge phyi mo 'don pa'i mkhan po'i khang par zhugs par zhugs so/ /'on te mkhas pa dag la ni de lta bu'i/ /sgrub byed nye bar dgod par bya ba ma yin te/ mi mkhas pa la bstan pa'i don du dgod pa'i phyir ro/ /gang gi phyir de yang skyon 'brel par med pa nyid 'gel ba'i phyir ro/ /'di ltar rin dang rin la de lta bu nyid kyi phur ma 'ching ba nyid do ce na/ 'di ni glen pa'i gtam 'dis nga'i slong phor du chad 'thungs te/ ngas 'di'i slong phor du gcig 'thung ngo zhes bya ba de byung ba yin no/ /gzhan yang grangs can rang nyid mi rtog pa/ nyid las sems med rtogs ma yin/ /des na grangs can rang nyid ni/ /rig pa tshad ma gzhan yod 'gyur// gzhan la rab tu grub pa'i sgrub byed kyi rang nyid kyis bsgrub bya ni rtogs pas rigs pa ma yin no/ /des na 'di'i don de sgrub par byed pa rang la rab tu sgrub par byed pa yod par 'gyur ro/ /de yod pa nyid do zhe na/ de lta na 'o na/ rang rtogs gang la

  298. 149b

    byung gyur pa'i/ /sgrub byed de ni zhes mi brjod/ /rang nyid la rab tu grub pa'i rgyu mtshan gyis sgrub par byed pa de nyid ci ste nye bar mi dgod de/ nam mkhar bldad pa'i ngal ba gzhan gyis ci bya/ gtan tshigs gsal ba'i ngo bo yod bzhin du dka' ba byed pa'i ngo bo ni legs pa ma yin no/ /grangs can la de lung las grub pa'i phyir rang la grub pa'i phyir rang la grub pa'i sgrub byed nye bar ma bkod do zhe na/ lung de nyid gzhan la yang sgrub par byed pa nyid ma yin nam/ ma yin te gzhan la tshad ma ma yin pa'i phyir ro zhe na/ tshad ma ma yin pa las rang nyid kyang ji ltar rtogs/ /de la tshad ma yin pa'i phyir ro zhe na/ gal te tshad ma yin na thams cad la ci ste ma yin/ khas blangs pa med pa'i phyir ro zhe na/ grangs can yang ci ste 'di las khas len des brtags pa'i phyir ro zhe na/ gal te de lta na gzhan la yang 'gyur te/ 'di ltar/ rigs pa gang gis lung 'dzin pa/ /de ni 'dis kyang cis mi 'dzin/ /rigs pa gang gis yongs su brtags pa'i lung grangs can gyis tshad mar 'dod pa'i rigs pa de rigs pa de sangs rgyas pa la yang ci ste/ ma yin des khas ma blangs pa'i phyir ro/ /zhe na de lta na 'o na mi rtog pa'i phyir sems pa med pa yin no zhes bya ba'i rig pa yang ji ltar khas len/ rigs pas thob pa ni gdon mi za bar khas blangs par bya'o zhe na/ bstan bcos khas len pa yang mtshungs so/ /de lta yin dang gnyis ka la grub pa'i sgrub par byed pa srid pa na/ sgrub par byed pa gzhan nye bar 'god pas bdag nyid ngal bar byed pas ci bya/ gal te don 'di ni rnal 'byor pas rtogs par bya ba yin te/ des na gzhan la ni sgrub par byed pa/ rnam pa ji lta bu yang rung pas rtogs par bya ba yin no zhe na/ 'di ni rnal 'byor pas rtogs par bya ba yin no/ /zhes gzhan

  299. 150a

    gyis kyang rang gi bsgrub bya la brjod nus ma yin nam/ de'i rnal 'byor pa la tshad ma med do/ /zhes kyang brjod par mi nus te/ 'di ltar sngar ni sgrub byed gang dag gi /tha mal par 'gyur rtogs pa dang/ /dbang po 'byung ba'i sgrub de dag /de'i don nus shes la nus yin/ /rang bzhin grub pa'i rnal 'byor pa ni 'ga' yang med de tshad ma med pa'i phyir ro/ /de ltar yang mi rtag na yang tshad med nyid ces sngar bshad zin to/ /de'i phyir tha mal bar 'gyur ba las phyis thabs rjes su bsgrubs pas rnal 'byor pa nyid du 'gyur ba yin gyi/ bkra shis kyis sgrubs pas ni ma yin no/ /de lta yin dang/ sgrub par byed pa gang dag gis/ /de sgrub par byed pa'i thabs rtogs pa dang/ thabs de rjes su sgrub pa las dbang po 'byung ba ste/ don de rtogs pa'i rang bzhin gyi mngon sum gyi dbang po 'am/ yang na de 'dra ba'i rtogs pa'i sgrub par byed pa'i dbang po nyid la brjod do/ /de'i sgrub par byed pa de dag ni thabs su gyur pa'i don gyi dang po de sgrub par byed pa nus pa ste mthu shes pa la nus pa nyid de/ de'i rnal 'byor pas rtogs pa'i don khas len na'o/ /des na med pa'i sgrub par byed par nye bar dgod pas ci zhig bya/ ji ltar bde bar gshegs pas rnal 'byor pa'i sgrub par byed pa brjod pa de bzhin du gzhan gyis kyang brjod par rigs so/ /'on te rnal 'byor pa srid pa'i sgo nas kyang de'i sgrub par byed pa nye bar blang bar nus pa ma yin na/ de'i tshe 'dir mi smra ba nyid 'thob po/ /gang gi phyir gang yang rjes 'gro rnam chad can/ spyis kyang spyod yul ma yin pa'i/ /don de dag la bsgrub bya dang/ /sgrub byed dpyod pa cung zad med/ /don gang zhig spyi nyid dam/ /spyi'i khyad par gyis sgrub par byed pas rjes su rtogs par nus pa de la bsgrub bya dang/ sgrub byed la sems par byed pa yin no/ /de la spyi sems pa ni/ re zhig nged kyi rnal

  300. 150b

    'byor pa srid pa dang/ des don 'di mthar pa yin no zhes bya ba 'di yang srid do zhes bya'o/ /yang na don 'di nyid yin no zhes khyad par du'o/? /gang zhig ? thams cad du rjes su 'gro ba med pas spyis kyang yul du bya bar mi nus de lta bu'i dngos po dag? pa ni bsgrub? bya dang sgrub byed kyi dbang du byas pa'i spyod pa 'ga' yang med do/ /tshad ma'i dpyad pa lta re zhig zhog ste/ 'di na 'di lung gcig pus rtogs par bya ba yang ma yin no/ /des na de la tshad ma 'jug par byed pa ni bdag nyid tshad ma'i yul mngon par mi shes pa/ /ma? rungs pa'i bdag nyid ston pa yin no/ /'on te 'di ji srid ma rtogs pa de srid du ni sgrub par byed pa ltar snang ba mi shes te/ des na de'i bsam pas sgrub par byed pa nyid do/ /gang gi tshe 'di sgrub par byed pa ma yin no zhes shes pa de'i tshe ni sgrub par byed pa ma yin par 'gyur bas 'di la skyon ci yod zhe na/ de yang mi bden te/ 'di ltar/ skyes bu'i bsams pa'i dbang gis na/ /de nyid de nyid mi 'jog na/ /gtan tshigs der snang med 'gyur te/ de ni dngos rten min phyir ro/ /skyes bu'i 'dod pa tsam ni gtan tshigs kyang gtan tshigs ma yin pa dang/ gtan tshigs ma yin pa yang gtan tshigs nyid du byed pa'i phyir/ /gtan tshigs dang der snang ba rnam par gzhag pa med par 'gyur ba 'am yod na ni skyes bu'i 'dod pa sel bar byed do/ /de'i phyir gzhan gyis khas blangs pa ni sgrub par byed pa ma yin no/ /gzhan yang ma brtags pa'i lung las ni shes pa tsam zhig skye bar 'gyur gyi/ dngos po nges pa ma yin no/ /shes pa tsam gyis ni dngos po 'grub pa ma yin te/ 'di ltar/ don yod shes la ltos bcas yod med pa shes pas sgrub byed min/ /yod kyang dngos dang 'brel med pa'i/ /rtogs pa rtogs pa med dang mtshungs/ /don yod pa nyid gzhan sgrub par byed pa yin gyi med pa ma yin no/ /med pa las grub pa zhes bya ba ni rgyu med pa can no/ /med

  301. 151a

    pa shes pa yod pa de las grub pa yin no zhe na de med na de de'i shes pa yin no/ /zhes gang las shes pa nyid dngos su sgrub par byed pa yin no zhe na/ ma yin te/ /mngon sum nyid du thal ba'i phyir ro/ de'i phyir med na shes pa las 'grub pa ma yin no// gal te shes pa tsam las kyang rtogs pa yod pa yin te/ rnam pa ji ltar yang rung bar sgro btags pa'i don can las so zhe na ma yin te/ dngos po dang bcas pa'i sgro 'dogs pa ni dngos po'i sgo nyid nas rtogs pa yin no/ /gal te dngos por gyur pa'i rtags med par ni rtogs kyang de'i tshe de rtogs pa ltar snang ba nyid de/ gtan tshigs ltar snang ba las 'byung ba'i phyir ro/ /du ba min las dur rig pa? las/ /me rtogs pa ni bden ma yin/ /phyin ci log tu sgro 'dogs pa/ /sgrub bya sgrub par byed ma yin/ gzhan yang 'di ni rang gi don gyi rjes su dpag par gtan la phab? zin to/ rtags gsum nyid kyi don sgrub par byed pa yin gyi gzhan ni ma yin no/ /des na/ rang bzhin dang ni 'bras bu 'am/ /snang ba mthong ba med nyid rtags/ /'brel de dngos las grub yin na/ /rang la ci yi phyir ma grub/ /gal te bsgrub bya'i rang bzhin du gyur bar tshad mas grub pa'i phyir dngos po la grub pa yin na de'i tshe ci ste grangs can rang nyid la ma grub/ /tshad mas grub pa ni gnyis ka la grub pa yin te/ tshad ma thun mong ba yin pa'i phyir ro/ /'on te tshad ma med na ni de'i tshe gzhan gyis kyang gzhan rtogs par ni mi rigs/ ci ltar grongs can mi rtag pa nyid la sogs pa'i gtan tshigs khyed la grub pa de las rtogs par gyis shig ces/ sgrub par byed pa de bzhin du/ gzhan yang 'di ni khyod la grub pa yin te/ ji ltar tshad mas grub pa'i gtan tshigs las ngal? rtogs pa de bzhin du rtogs pa dang ldan pa gzhan yang yin no/ /de lta ma yin na grang can rtogs pa sngon du gtong ba nyid du mi 'gyur ro/ /bdag cig pu mkhas pa yin gyi/ gzhan ni de lta ma yin no/ /zhes ni sems pa dang ldan pa rtog pa ma yin no/ /de'i phyir gzhan gyis khas blangs pa tsam gyis ni mkhas pa rnams la sgrub par byed pa sbyor bar mi rigs so//

  302. 151b

    'o na ni ji ltar khyod dang sngon gyi slob dpon rnams kyis gzhan la grub pa'i sgrub par byed pas bsgrub bya grub par 'dod ce na/ de ni ma yin te/ gang phyir gzhan gyis brtags pa yis/ /thal ba sgrub pa gnyis 'brel phyir/ /gcig med na gzhan dgag phyir yin/ /de ni thal bar bsgrub pa yin gyi/ /de las bsgrub bya nges pa ni ma yin te/ gzhan gyis khas blangs pa tsam las ni bsgrub bya nges pa med do/ /'o na ci'i phyir zhe na/ 'brel pa de gcig med na gzhan med par bstan pa'i don du'o/ /bsgrub bya med par ni sgrub byed srid pa ma yin no/ /thal bar bsgrub pa de ni 'di yin te/ du ma la yod pa'i gcig po ni yul la sogs pa'i khyad par gzhan dang ldan pa ma yin te/ yul dang dus dang gnas skabs kyi khyad par nges pa gcig dang 'dres pas rnam par ma bcad pa'i rang bzhin gzhan gyis stong pa'i phyir zhes bya ba dang de bzhin du cha shas bsgyur bas kyang thams cad bsgrub par 'gyur te/ tha dad pa med pa'i phyir ro zhes bya ba la sogs pa'o/ /gang gi phyir de lta bu'i dngos po ni yul la sogs pa tha dad pa dang 'brel pa 'gal ba'i phyir ro/ /gal te gcig yin yang khyab pa'i phyir yul la sogs pa du ma dang ci 'brel pa ci 'gal zhe na/ ma yin te dus du ma dang 'brel ni mthong ba mi nus pa'i phyir dang ngo/ /sngon dang phyi ma'i dus su khyab pa nyid ni mngon sum gyis dmigs pa ma yin te/ sngon dang phyi ma'i dngos po ni rtog pa'i yul yin pa'i phyir ro/ /gang zhig 'das par mthong ba de ni sngon gyi dus yin la/ gang zhig ma 'ongs par mthong ba ni phyi ma'i dus yin te/ de'i dus su mthong ba'i dngos po las tha dad pa'i dus gzhan ni med do/ /gal te dus med pa'i phyir ji ltar snga ma la sogs pa'i tha snyad du 'gyur/ de bzhin du yul yang med pa'i phyir de zhe na/ dus yod kyang ji ltar snga ma dang phyi ma'i tha snyad du 'gyur/ dus dang 'brel pa tsam gyis

  303. 152a

    ni snga ma la sogs pa'i tha snyad kyi yul du 'gyur ba ma yin te/ da ltar byung ba yang thal ba'i phyir ro/ /dus tha dad pa'i phyir te/ 'di ltar/ gang zhig sngon gyi dus sogs dang/ ldan de sngon sogs tha snyad ston/ /de'i yang sngon dang phyi ma ni/ ngo bo nyid las gzhan min phyir/ /sngon gyi dus kyi dngos po dang ldan pa ni/ sngon yin la/ phyi ma'i dus kyi dngos po dang ldan pa ni de bzhin du phyi ma yin no zhes bya ba la sogs pa'o/ /dus nyid ji ltar sngon yin zhe na/ dus kyi sngon nyid la sogs pa ni rang gi ngo bo nyid kho nas yin no/ /de bzhin du yul yang yin no zhe na/ 'di ni de lta ma yin te/ gang gi phyir de dag rtags dang khyab nyid na/ sngon nyid la sogs ji ltar grub/ lhan cig spyod pa de bzhin phyir/ /zhe na phan tshun brten par 'gyur/ /yul dang dus dang khyab pa dang/ rtag pa yin yang/ ra ma Na la sogs pa lhan cig spyod pa sngon la sogs pa yin pa'i phyir/ de ltar 'gyur bas ci 'gal/ /lhan cig spyod pas 'ga' zhig la yang tha snyad mi byed pa ni ma yin te/ dper na khyi'u 'bod do zhes bya ba bzhin no/ /de bzhin du 'dir yang dus de ni 'das so zhes tha snyad do zhe na de phan tshun du brten pa'i nyes par 'gyur bar khyod dang 'brel par 'gyur ro/ /lhan cig spyod pa'i snga ma nyid/ /sngar ni dus dang 'brel pa las/ /dus kyi sngon nyid la sogs kyang/ /lhan cig spyod dang 'brel phyir yin/ /gcig ni sngon du ma grub na/ /gcig kyang gnas par ci ltar 'gyur/ /gnyis po lhan cig 'byung na ni/ /sngon nyid phan tshun byas mi 'gyur/ /ci srid dus snga ma nyid la sogs pa ma yin pa de srid du lhan cig spyod pa rnams ni 'gyur ba'i phyir mngon par 'dod pa mi 'grub po/ /'on te gnyi ga'i snga ma'i nyid la sogs pa dus mtshungs pa dang phan tshun byed pa mi rtogs pa'i phyir phan tshun

  304. 152b

    byas pa nyid med pas rang bzhin de rang gi rgyus skyed par yin pa'i phyir/ snga ma la sogs pa'i ngo bo de ni dngos po nyid yin te/ de'i phyir dus yongs su rtogs pa ni don med do/ /'di ltar 'das pa'i dngos po gang yin pa de ni snga ma yin par brjod la/ gang rtogs pa ma yin pa de ni phyi ma gang yod pa de ni da ltar bar brjod do/ /gal te dus med pa'i phyir/ 'di nyid ci ltar zhe na dus yod kyang ji ltar zhes bstan zin to/ /des na 'di ni lan ma yin no/ /gzhan yang/ rgyu yod pa dang med pa las/ /'bras bu yod par med de'i phyir/ /snga ma phyi ma rnam gnas pas/ /ma mthong brtags pas ci zhig bya/ /sngon dang phyi yi tha snyad ni/ /yod pa dang med pa rnam par gnas pas yin no/ /de yang rgyu yod pa dang med pa dag las rgyu de yang rang gi rgyu nyid yod pa dang med pa las yin pa'i phyir ma mthong ba rtogs pa ni rig pa dang ldan pa ma yin no/ /'on te yun ring ba dang myur ba la sogs pa'i rang bzhin yongs su gcod pa'i rgyu thog ma dang tha ma med pa'i dus 'dod pa yin no zhe na/ de yang cung zad kyang ma yin te/ 'di ltar gal te yun ring myur sogs blo'i/ /bzung ba dus su 'dod na ni/ /thog ma tha ma med dus las/ /ci ltar myur sogs blo 'gyur yin/ /gal te de dag dus kyi rang bzhin 'dzin pa yin na de'i tshe thog ma dang tha ma med pa nyid dang/ khyab pa nyid kyis de nyid 'dzin par 'gyur te/ yun ring po la sogs pa gzhan gyis de lta bur 'dzin pa mi srid pa'i phyir ro/ /gzung ba'i rang bzhin gang yin pa/ /de nyid don du rigs par rtogs/ /dngos po rnam pa gzhan du ni/ / gnas par 'dod pa ma yin no/ /yun ring myur sogs dbye ba rnams/ /phan tshun du ni tha dad phyir/ /de ni dus la thal 'gyur bas/ /khyab dang gcig nyid ci ltar yin/ /'on te/ don 'di dus ni yun ring zhes/ /gnas lugs rnam par dbye

  305. 153a

    ba las/ /yun ring mi ring sogs dpe rnams/ /dus kyi rang bzhin rjes su 'gro nyid?/ /yun ring ba dang myur ba la sogs pa ni dus kyi rang bzhin gyi rjes su 'gro bar rtogs kyi dngos po'i rang bzhin gyi nang du gtogs par ni ma yin pas na khyab pa'i dus rnam par gnas so/ /'di ltar gang zhig gang dang rjes 'brel bar rtogs pa de ni de dang ldan pa yin te/ dper na khra bo ba lang? gi rang bzhin dang rjes su 'brel par rtogs pa de dang ldan pa yin pa bzhin pas dus kyang de bzhin du rnam par bzhag go zhe na/ de lta na ni 'o na/ yun ring myur sogs dbye ba ni/ /dus kyi rang bzhin rjes 'gro la/ dus zhes bya ba spyi yin pa/ /de'i phyir dus ni 'grub mi 'gyur/ /dus kyi rjes kyi tshig don gyi nang du 'dod pa yin gyi/ spyi ni ma yin te/ de ni tshig gi don gzhan yin pa'i phyir ro/ /yun ring ba la sogs pa las tha dad pa'i dus su ni yod pa ma yin no/ /dus zhes bya ba ni de dag la ming tsam zhig 'ga' zhig gis zor yang bar bya ba'i don du bkod pa yin no/ /yun ring la sogs de dag kyang// byed pa las ni gzhan ma yin/ /yun ring bya zhes de lta bur/ /bya ba'i rang bzhin la 'jug phyir/ /yun ring po nas byas so zhes byed pa dang gzhi mthun par rtogs pas yun ring po la sogs pa'i de nyid ni/ bya ba'i rang bzhin gyi nang du chud pa nyid do/ / bya ba yang las dang byed pa po'i dngos po las tha dad pa ma yin te/ 'di ltar lhas byin byed ces byed pa ni/ /byed pa po las tha dad du/ /rtogs min de ni tshad ma yis/ /gcig nyid du ni rtogs phyir ro/ /las byed bum pa byed do zhes bya ba la bum pa dang las byed kyi khyad par las tha dad pa'i bya ba ni mngon sum gyis dmigs pa yin no/ /de med pa'i phyir rjes su dpag pas kyang ma yin pas bya ba ni med pa nyid do/ /'di ltar chad gyur las gzhan bcad pa med/ /'gro po las gzhan

  306. 153b

    'gro ba med/ /thog med bag chags khyad par las/ /rtogs pa 'ba' zhig tha dad yin/ /thog ma med pa'i bag chags dang rgyud 'brel par byas pa dag don gyi de kho na nyid la mngon par zhen pa/ nyams par gyur pa'i so so'i skye bo dag rjes su 'gro ba dang ldog pa las tha dad par nye bar bzhag ste/ tha dad pa las bzlog pa la yang tha dad par shes par byed de/ /des na bya ba tha dad par zhen pa 'di ni phyin ci log pa tsam du zad do/ /'di ltar gal te bya ba lhas byin las/ /tha dad med na gzhan dag de dag? /mi 'gyur gzhan yang bya ba dang/ /ldan phyir bya ba gzhan zhes brtag /'di yang sngar bstan zin pa nyid de/ thog ma med pa'i bag chags las/ /skyes pa'i yid kyis rtogs pa las ma rtogs par mngon sum gyi ni rjes su 'gro ba dang/ ldog par rtogs pa ma yin no/ /kham po gnyis pa/ /'on te bya ba 'di ni/ yod pa nyid du gyur pa ma? yin pas mngon sum gyis tha dad par dmigs pa ma yin na/ gal te yod pa nyid du gyur pa ma yin du chug pa de lta na yang/ rtags la sogs pa dang ldan par ma gyur mod/ /dngos po las tha dad pa yin na mngon sum gyi dmigs pa la 'gal ba ci yod/ /des na yun ring ba dang myur ba la sogs pa'i bya ba'i khyad par nyid yin gyi de kho na nyid ni ma yin te/ ci ltar 'di ltar de bzhin zhes bya ba la sogs pa'i don bzhin no/ /'di ltar de bzhin zhes 'di dag dngos po las ni tha dad 'gyur/ /gal te rnam rtog tha dad kyi/ /sgrub byed yin na ji ltar dang/ /gal te gang zhig rnam par rtogs pa gang dang ldan pa de dang rjes su mthun pa'i rang bzhin rnam par rtog pa'i yul gyi don de nyid don dam pa yin na/ de'i tshe de ltar la sogs pa yang tshig gi don du 'gyur bas de dag gang gi nang du bsdu/ dus la sogs pa ni de'i rgyu

  307. 154a

    mtshan du mi 'dod la/ ma rtogs pa ma yin na/ /'on te de dag ni bya ba'i khyad par nyid yin na/ de lta yin na yun ring ba la sogs pa yang yin pas/ dus la sogs pa rtogs pa'i ngal ba ni don med do/ /de'i phyir snga ma dang phyi ma dus su gyur pa'i tshig gi don 'dzin pa med pa'i phyir mngon sum gyis ni khyab pa 'dzin pa ma yin no/ /'on de dus khyab pa med kyang yul khyab par 'dzin pa ni 'gal ba med par 'dod na ma yin te/ de la yang de'i rten las tha dad par spyi la sogs pa mi dmigs pa'i phyir ro/ /de lta bu'i rang bzhin ni/ yul la sogs tha dad pa dang 'brel par 'gal ba'i phyir ro/ /der zhugs pa ni gzhan du yang de ltar 'gyur ba ma yin te/ tha dad pa med pas thams cad zhugs pa na gong bu gcig tu 'gyur ro/ /rten der ma zhugs par ni der zhugs pa 'jug pa ma yin no/ /'on te 'di gnyis mtshungs so snyam pa'i blo skye ba yin te des na spyi tha dad pa dang tha mi dad pa yin no zhe na/ 'di la brjod pa/ blo rnams mtshungs pa nyid yin na/ ci ltar don ni mtshungs pa nyid/ /gzhan du mtshungs pa nyid kyis ni/ /mtshungs de gzhan la 'gyur ma yin/ /mtshungs rnams don la yod na ni/ /don las tha dad par rig 'gyur/ /don la mthong ba med pa ni/ /ci ltar don la yod par brtag/ rjes su 'gro ba'i rnam pa can gyi blo skye bo zhes brjod pa 'di'i don gang yin/ don ma brtags par rnam par ci ltar rung bar rtogs pa'i don can gyi tshig gis ni don bden pa sgrub par byed pa ma yin no/ /rnam par dpyad na ni mtshungs pa'i rnam pa can gyi blo zhes bya ba'i sgra'i don rnam pa gnyis su 'gyur te/ brgya zhig ma rang gi ngo bo mtshungs pa'i phyin mtshungs pa'i rnam pa 'am/ yang na don gyi rnam pa mtshungs pa'i phyir yin/ rnam pa gzhan ni mi srid pa'i phyir ro/ /rang gi ngo bo mtshungs pa'i rnam

  308. 154b

    pa nyid yin na ni rang gi ngo bo nyid du 'gyur gyi/ don rnam pa mtshungs pa dang ldan pa ni ma yin pa'i phyir don mtshungs par mi 'gyur ro/ /blo'i rnam pa de yang rang gi mtshan nyid kho na yin gyi/ de'i spyi ni ma yin te/ de'i blo gzhan la med pa'i phyir dang/ don la brten pa yang med pa'i phyir ro/ /'on te don gyi rnam pa nyid mtshungs pa'i phyir/ de'i rnam pa can gyi blo zhes brjod do zhe na de yang mi bden te/ rnam pa gnyis snang bar thal ba'i phyir ro/ /rnam pa gnyis po de ni snang ba nyid do zhe na/ ma yin te/ 'di ltar rang lha'i phyogs su lhung bas na/ tshig tsam gyis ni rtogs pa las/ /don grub ma lus grub 'gyur te/ /sgra ni kun la 'jug phyir ro/ /de na rnam pa mtshungs pa can gyi blo zhes bya ba 'di ni/ blo med kyi blo 'khrugs pa yin na/ /des na spyi yod pa ma yin no// 'on te lkog shal la sogs pa dang ldan pa nyid kyis mtshungs pa'i rnam pa nyid de dang tha mi dad pa'i mtshan nyid kyi spyi ni yul dag dus la sogs par nges pa'i gsal ba gzhan dang ldan par 'gyur ba'i phyir skyon med do zhe na/ de na ma yin te/ de ltar mngon sum gyis gzung ba/ /med phyir rnam pa'ang gcig ma yin/ /gcig phyir gcig ni shes pas na/ /gsal ba thams cad 'dzin par 'gyur/ /rnam pa gcig yin pa'i phyir/ /rnam pa gcig gzung na yang rnam pa dang ldan pa'i don thams cad gzung bar thal lo/ /'on te rnam pa ni gzung ba nyid do/ /rnam pa dang ldan pa 'dzin par mi 'gyur te/ de las tha dad pa'i phyir ro/ /tha dad par ni 'dzin par nus pa ma yin gyi/ gzhan ni de'i bdag nyid kho na las 'dzin pa yin no zhe na/ de yang ma yin te/ de bdag nyid dang de bdag can/ /de bdag min par brjod ma yin/ /brgyud pas de'i bdag cag yin na/ tha mi dad pa nyid du thal/ /rnam pa gzhan dang rnam pa gzhan de'i bdag nyid kyis de'i bdag cag nyid yin no/ /rnam pa

  309. 155a

    gzhan de rnam pa dang ldan pa dang/ de'i bdag nyid can yin pa'i phyir/ de'i bdag nyid can rnam pa dang ldan pa 'dzin par 'gyur ro/ /gal te de dang tha mi dad pa'i rnam pa dang ldan pa mi 'dzin na/ rnam pa gzhan gzung yang de las gzhan 'dzin par mi 'gyur ro/ /tha mi dad pa ni 'dzin pa'i rgyu mtshan ma yin te/ /rnam pa dang ldan pa mi 'dzin pa'i phyir ro/ /'on te de dang tha mi dad pa'i phyir de ni rnam pa gzhan nyid du mi 'gyur ro zhe na/ de lta na ni 'o na rnam pa tha dad pa ma yin pa'i phyir rnam pa dang ldan par yang mi 'gyur ro/ /'dis ni rnam par bshad pa byed pa'i tshig kyang spangs pa yin te/ gcig la zhig pas ni thams cad la zhig par mi 'gyur te/ gsal ba gzhan la gnas par dmigs pa yin no zhe na/ rnam pa tha dad pa med pa'i phyir de dang tha dad pa med pa ni gsal ba gzhan du 'gyur pa ma yin te/ rnam pa gzhan bzhin no/ /'on te nag po la sogs pa'i dbye bas rnam pa dang ldan pa ni gzhan nyid du 'gyur gyi/ rnam pa gzhan ni ma yin no zhe na/ de ni ma yin te/ gal te nag sogs gzhan yin na/ /de tha dad las tha dad gang/ /de dang 'brel phyir tha dad na/ /rnam pa'ang der ni cis mi 'gyur/ /gal te nag po la sogs pa rnam pa dang ldan pa las gzhan yin na/ ci ltar do tha dad pas tha dad par 'gyur/ /gzhan tha dad pas ni gzhan tha dad pa ma yin no/ /rgyu nyid kyis tha dad par byed pa nyid do zhe na/ ma yin te/ rgyu nyid med pa'i phyir ro/ /yon tan nyid ni rdzas kyi rgyu ma yin te/ de dang grub pa dang bde ba gcig tu skyes pa'i phyir ro/ /rgyu nyid yin yang de las gzhan tha dad pa skyes pa'i phyir de la yang 'brel pa can tha dad par byed pa gzhan yod par 'gyur ro/ /rgyu nyid ni 'brel pa can ma yin te/ de lta ma yin na ma du ba'i 'brel pa can 'gyur ro/ /ma mthong ba'i phyir de lta ma

  310. 155b

    yin no zhe na/ 'o na ni 'brel pa can yang rgyur me mthong bas na rgyu nyid du brtags par mi bya'o/ /tha dad min phyogs la tha dad/ /ce na rnam pa'ang tha dad nyid/ /tha dad las dbye med tha dad/ /gzhan du tha dad med mi 'gyur/ /nag po la sogs pa ni rnam pa dang ldan pa las tha dad pa ma yin te/ des na tha dad pa las tha mi dad po'i gang yin pa de yang tha dad pa yin pa'i phyir rnam pa dang ldan pa tha dad do zhe na/ 'o na ni rnam pa yang de dang tha mi dad pas tha dad par thal lo/ /rnam pa yang rnam pa dang ldan pa dang tha dad pa ma yin te/ des na tha dad pa dang tha mi dad pa ni rnam pa dang ldan pa gzhan dang/ rnam pa las kyang tha dad par 'gyur ro/ /rnam pa ni tha mi dad pa nyid de/ rnam pa yon tan tu gyur pa ni nag po la sogs pa'i yon tan dang 'brel pa ma yin te/ yon tan rnams phan tshun mi 'du ba'i phyir te/ de'i yon tan rnams ni yon tan can la 'du ba yin no zhes bya ba gzhung yin no zhe na/ de ni mi rigs te/ tha dad ni 'di brjod par rigs/ /gcig pa la ni dbyer med phyir/ /'di 'dir 'di ni ma yin zhes/ rtog pa tha dad las byung yin/ /'o na tha dad 'gyur zhe na/ 'di ni byis pa'i rtsed mor 'gyur/ /tha dad phyogs ni yod spangs te/ phyogs gzhan la ni brten pa'i phyir/ /der yang nyes pa mthong ba yis/ /slar yang snga ma la brten phyir/ /de'i phyir rnam pa'i mtshan nyid kyang spyi ma yin no/ /'dis ni gtso bo'i mtshan nyid kyang gsal ba yin te/ de yang rjes su 'gro ba yin na/ de'i gnas skabs thams cad 'dzin pa'i phyir thams cad thams cad mthong bar 'gyur te/ de kho na gzhan med pa'i phyir na/ gnas skabs de gtso bo'i rang bzhin yin pa'i phyir ro/ /'on te don dam par na thams cad snang ba nyid do/ /'khrul pas mi snang ngo zhes rnam par 'khrul pa yin no zhe na/ de yang mi rigs te/ 'di ltar/ thams cad snang ba med dam ci/ /'on te snang yang 'khrul pa yin/ /

  311. 156a

    'dir ni tshad ma min te/ /rtog pa 'ba' zhig tsam du zad/ /thams cad rgyu las nus pa yis/ /rang bzhin du ni gnas pa gang/ /de ni gtso bo 'gro ba kun/ /de las skyes par grur pa yin/ /gal te khyab dang rtag par ni/ /gnas pa de nyid spyi yin la/ /gsal ba gsal ba phan tshun du/ /tha dad par ni mthong ba yin/ /'dir 'di ni 'gal ba yin te/ /yon tan rnams kyis rang bzhin mchog/ mthong ba'i lam du 'gro ma yin/ /mthong ba'i lam du gang 'gyur te/ /sgyu ma lta bur shin tu gsog ces bya ba'o/ /gang gi phyir/ 'bras bu'i sgo nas brtags pa gang/ /de gsog nyid kyis de yang ni/ /gsog 'gyur rgyu la de yi ni/ /rang bzhin gyis ni yod phyir ro/ /ci ste gzhan nyid de 'bras sngar/ /yod smra ba ni nyams par 'gyur/ /gang zhig mthong ba med pa yi/ /dngos po de nyid yod dam min/ /de'i phyir gtso bo'i mtshan nyid kyang spyi ma yin no/ /'on te yang snga ma dang phyi ma'i dngos po la mngon sum mi 'jug pa'i phyir gal te dus kyi dbye ba tha dad pa'i gsal ba khyab pa'i spyi mi 'dzin pa de lta na yang/ dus mtshungs pa yul tha dad pa'i khyab pa ni 'dzin pa nyid do snyam na de yang ma yin te/ 'di ltar/ dus tha dad par gyur pa yi/ /gsal ba khyab pa mi 'dzin na/ /spyi la dgos pa yang yin te/ /de 'dra'i tha snyad 'gyur ma yin/ /ra dkar pos lha gsol cig byas pa na sngar lha gsol ba mthong de nyid 'di yin no snyam pas/ rigs rjes su 'gro ba'i phyir lha gsol ba'i don du tha snyad pa dag gis de spyir 'dod pa yin no/ /dus gcig tu mthong ba de ni tha snyad la nye bar mkho ba ma yin te/ gnyi ga yang sngar gyi rjes su 'brangs pas de'i rigs gnyid du rtogs pa'i phyir ro/ /snga ma dang phyi ma dag la yang snga phyi'i gsal ba gsal bar snang ba dang/ mi gsal bar snang ba'i rnam pa dag las tha dad pa'i spyi gzhan ni rtogs pa med do/ /de bzhin dus mtshungs pa dag la yang gsal

  312. 156b

    ba'i rnam pa gnyis las med do/ /'o na ci ltar 'di gnyis so zhes bya ba rtogs pa yin zhe na/ rtogs pa 'di ni snga phyi byung ba sha la yang mtshungs so/ /'di ltar/ de la mtshungs pa'i rnam pa ni/ /mngon sum gyis mthong yod ma yin/ /gsal ba dus mtshungs pa dag la'ang/ mngon sum gyis mthong ba med/ /spyi zhes bya ba ni tshig gi lhag ma'o/ /snga ma dang phyi ma'i gsal ba'i bzhin du dus mtshungs pa dag la yang rnam pa mtshungs pa nyid tha dad par rtogs pa med do/ /de ni rtogs pa tsam 'ba' zhig tu zad de rtogs par bya ba mi mthong ba'i phyir ro/ /rtogs par bya ba'i rnam pa med par ni rtogs pa 'ga' yang rtogs pa ma yin no/ /mtshungs pa'i rnam par rtog pa gang/ /de ni dmigs pa med par skye/ de yi gzung ba snang med phyir/ /ston dang phyi ma'i khyad par bzhin/ /gang mtshungs pa'i rtogs pa de thams cad ni dmigs pa med pa yin te/ de la gzung ba mi snang ba'i phyir ro/ /dper na dus tha dad pa'i gsal ba'i spyi la dmigs par 'dod pa bzhin te/ gsal ba dus mtshungs pa'i spyi'i yul can gyi rtogs pa yang/ spyi'i rnam pa snod pa med pa yin no zhes bya ba ni/ rang bzhin gyi gtan tshigs so/ /'o na thams cad mi 'dra ba yin pa'i phyir spyi med na shes pa de ci ltar skye zhe na/ de yang mi bden te/ gal te rtogs pa 'di dag ni/ /'ga' zhig nyid la 'jug na yang/ /rgyu tsam nyid la nges 'gyur gyi/ /spyi rtogs par go ci ltar 'gyur rgyu med par nges pa ma yin pa'i phyir/ /rgyu tsam zhig brtag pa nyid du rigs kyi spyi la go cir 'gyur/ yang na de las gzhan bdag las ldog pa tsam nyid spyir 'gyur pa'i phyir chad pa ci yod/ /de yang ngo bo med pa yin no zhes bstan zin to/ /gzhan yang bag chags sa bon mang ba las/ /sgro 'dogs pa'i rnam pa gang/ /de tsam gyis ni chog pa'i phyir/ /spyi gzhan ci ltar don

  313. 157a

    med min/ /tha snyad pa tsam de kho na nyid du ma rtags pa yang rigs su 'grub pa'i phyir gzhan du ngal ba lhur len pa gzhan gyi ci zhig bya/ gal te chos dang chos min pa/ /grub phyir rigs ni don dam na/ /de yi chos kyis sgrub byed nyid/ /tshad ma dang gang gis 'jal ba yin/ /rigs rang gi ngo bor grub par gyur kyang chos la sogs pa'i sgrub par byed pa nyid ni/ bye brag tu khong du chud pa ma yin te/ rigs gzhan las tha dad pa med pa'i phyir ro/ /de bzhin du grub pa ma yin na ni 'bras bu la nye bar mkho ba ma yin pa'i phyir rigs 'dzin pa don med do/ /yang na de lta bu'i rtogs pa'i khyad par gyis nye bar mtshon pa'i gsal ba nyid chos la sogs pa'i sgrub par byed pa yin pas de nyid spyi yin no/ /'on te gal te rtag pa dang khyab pa'i spyi med na spyi'i rnam pa can gyi rtog pa khyab pa nyid med par 'gyur ro zhe na/ de ni mi rigs te/ rtogs pa de la rgyu 'ga' zhig gi /yod do zhes ni rtogs par 'gyur/ /gzhal bya'i rnam pa yod pa'i phyir/ /gzhal bya yongs su rtogs pa yin/ /spyi'i rnam pa'i gzhal bya ni/ /nyams su myong bar med do/ /de ltar yang sngar bstan pa nyid do/ /de'i phyir mngon sum gyi myong ba med pa'i phyir spyi ni med pa nyid do/ /snang ba'i rang bzhin pa yang de las gzhan thun mong ba nyid du nyams su myong ba med pas spyi med do/ /gal te spyi gsal ba cig gis mthar thug pa'i phyir zhes bya ba chos can gyi spyi med pa'i phyir khyed la chos can ma grub pas na/ gzhi ma grub pa nyid ma yin nam zhe na/ de ni ma yin te/ 'di ni thal ba sgrub byed pa/ des na gzhi ma grub nyid min/ /gal te 'di 'gyur 'dir yang der/ /min na gnyi ga'ang zhes 'dod 'dir/ /gal te de ltar gsal ba gcig gi mthar thug pa yin na/ de'i tshe yul gyi khyab pa dang ldan pa gzhan

  314. 157b

    dang 'brel par mi 'gyur ro/ /ma yin na ni gnyi ga yang zhes bya bar 'gyur ro/ /gal te gzhan dang ldan pa gsal ba gcig gi mthar thug par mi 'gyur ro zhes bya ba grub pa la sgrub pa yin no/ /gsal ba gcig la gnas pa ni ma yin te/ gsal ba thams cad la khyab pa'i phyir ro/ /spyi ni gsal ba gcig nyid la gnas par 'dod pa ma yin no zhe na/ skyon 'di med de/ de ni thun mong nyid yin na/ khyab pa mngon sum gyis rig 'gyur/ /de yi ngo bo gzhan gyi ni/ /ngo bo 'dzin pa ma 'khrul min/ /gal te spyi khyab pa yin na/ /mngon sum gyi tshad mas khyab pa nyid du 'dzin par 'gyur ro/ /phyin ci log tu 'dzin pa ni tshad ma nyid ma yin no/ /gal te khyab pa nyid du rtogs na ni/ /gsal ba mdza' dag rtogs pa nyid du 'gyur te/ khyab par bya ba ma gzung bar khyab par byed pa nyid du mi rtogs pa'i phyir ro/ /rtogs pa yang med do/ /nges na de lta bu'i rang bzhin ma yin no/ /des na spyi nyid med pa'i phyir chos gnyi ga ldog go /gal te 'di gnas pa'i phyogs yin na ni/ /chos can ma grub pa'i skyon du 'gyur ro/ /'di ni phan tshun 'gal ba ston pa lhur byed pa yin no/ /kho bo cag de lta bu'i don bsgrub par ni mi nus te/ de lta bur 'gyur ba gzhan ma mthong ba'i phyir ro/ /rjes su dpag pa na dpe med par 'jug pa ma yin no/ /'on te spyi ni gzhan du mi 'thad pas rtogs par bya ba/ don thams cad dang mi mthun pa yin te/ de la gzhan gyi chos 'gal bas 'gal ba brjod par bya ba ma yin no/ /gzhan gyi chos ni gzhan dang 'brel pa ma yin pa'i phyir ro/ /lus can gyi dngos po'i chos lus can ma yin pa'i spyi la ni sbyor bar mi bya'o zhe na/ de ni ma yin te/ 'di ltar/ tha ma'i khyad par lus min yang/ /khyab par pha rol 'dod ma yin no/ /de bzhin spyi yang khyab par ni/ /'gyur ba min par gzung bar gyis/ lus can ma yin pa dang bral ba'i tha ma yi khyad par gang yin pa

  315. 158a

    de yang so sor nges pa'i rten can yin gyi/ khyab par ni ma yin no/ /de bzhin du spyi yang lus can ma yin pa'i phyir/ khyab pa ma yin pa las 'da' bar ni mi 'gyur ro/ /'on te khyad par de ni lus can ma yin yang/ de nyid kyi phyir khyab pa ma yin no zhe na/ 'o na ni rnam par dbye ba 'di lus can dang cig shos kyis byas pa ma yin te/ khyab pa dang cig shos kyi rgyu mtshan ni spyi dang khyad par gyi ngo bo nyid yin no/ /yin mod ci skyon zhe na/ ma grub pa nyid ma yin nam/ spyi ni khyed kyis kyang chos can nyid du nye bar blangs pa'i phyir grub pa ma yin nam zhe na/ de ni ma yin te 'di ltar khyab pa nyid ni ma bzung bar/ /ci ltar spyi no gzung bar brjod/ /gal te de ni rang ngo bos/ /gzung na de phyir ci ltar spyi/ / gzung zhes bya ba tshig gi lhag ma'o/ /spyi rang gis ngo bos bzung na khyab pa nyid dam cig shos su 'dzin par 'gyur ro/ /khyab pa nyid du 'dzin to zhe na/ de gsal ba mdza' dag la khyab pa'i spyi la 'jug pa gang ba ngo tsam gyis 'jug pa ni mngon sum la yod pa ma yin no/ /'on te gsal ba dag tu ni mi 'dzin to zhe na/ de lta na 'o na spyi gsal ba gcig dang 'brel pa gzung ba ni ci ltar khyab pa nyid du 'dzin pa yin/ gsal ba gcig gi khyad par can nyid na yin na ni/ gsal ba de'i khyad par can yin pas khyad par bzhin du spyi ma yin par 'gyur ro/ /'on te rnam grangs gzhan gyis gsal ba gzhan gyi khyad par du yang 'dzin to zhe na/ de lta yin na spyi de nyid 'di yin no zhes ci ltar rtogs/ de nyid 'di yin no/ /zhes mngon sum gyis ni mi rtogs so zhes dpyad zin to/ /de'i phyir spyi rang bzhin ma grub pa nyid ji ltar khyab pa nyid sgrub bar byed/ /de phyir lus can min las dang/ /spyi las gang du 'ang khyab mi grub/ /mngon sum gyis kyang mthong med phyir/ /spyi

  316. 158b

    ni stong pa nyid du 'gyur/ /gal te spyi ma grub na ci lta khyed kyis spyi'i yul khyab pa yin par sgrubs chos can nyid nye bar len na ni de la chos 'ga' zhig sgrub par 'gyur gyi/ gzhan du ni ma yin no zhe na/ de ni ma yin te de ltar/ 'di ni bshad zin to/ /'di ni thal ba sgrub yin te/ 'di rtsa ba'i gtan tshigs ni ma yin no/ /khyod gal te spyi khyab pa khas len na/ de mngon sum dang de la sogs pa'i tshad mas sgrub dgos te/ khas len pa ni tshad ma'i rgyu mtshan can yin pa'i phyir ro/ /yul dang dus rnam par 'char pa'i gsal ba gcig dang 'debs rnam par ma bcad pa'i rang bzhin gzhan dang bral bar rtogs pas ci ltar de khyab pa yin zhes khas blangs par rigs mngon sum gyi dngos po du ma bzung na yang/ de las tha dad pa 'am gzhan rtogs pa med pa'i phyir ro/ /ma rtogs pa ni khas blang par mi rigs so/ /gal te dmigs pa'i rnam pa nyid spyi yin no zhe na/ ma yin te/ rnam pa la ni khyab pa med pa'i phyir ro/ /khyab pa nyid du dmigs na ni/ gsal ba mdza' dag dmigs par 'gyur ro/ /de lta yin dang/ yul dang dus tha dad pa'i gsal ba mdza' dag rtogs par thal ba yin no/ /rnam pa gcig gi mthar thug pa nyid la ma khyab par grub na ni chos can ma grub pa yang spangs pa nyid do/ /'o na ci ltar 'di thal ba sgrub pa yin zhe na/ pha rol pos rnam pa nyid spyi yin par khas blangs zhing/ yang na khyab pa'i phyir thal ba sgrub pa nyid do/ /yang na khyab pa'i phyir gsal ba gcig gi mthar thug ba nyid du dmigs par mi 'gyur ro/ /zhes bya ba thal ba'i don yin la/ bzlog pa ni rtsa ba'i gtan tshigs yin na/ /thal ba ni/ rtsa ba'i gtan tshigs kyi khyab pa/ sgrub pa'i don nyid do/ /gzhan dag ni rang bzhin gzhan dang bral ba'i phyir zhes bya ba ni rtsa ba'i gtan tshigs yin la/ thal ba ni de rtogs par bya ba nyid yin no/ /'di nye bar

  317. 159a

    bkod pa yang rtsa ba'i mthar thug par bstan pa'i phyir ro/ /bral ba'i phyir zhes bya ba'i gtan tshigs ni med pa dgag pa'i rang bzhin yin la/ de ni spyi dngos po med pa yin na yang grub pa nyid do/ /gtan tshigs dngos po med pa la ni dngos po'i rang bzhin gyi chos can khas blangs par bya ba ma yin te/ de dag med na de med ces/ /brjod pa las kyang de rtogs phyir/ /zhes so/ /de ni ma yin pa nyid do/ /gal te spyi ni chos can na/ /de la khyab pa min nyid sgrub/ /gtan tshigs dngos med tsam yin na/ /gang tu ci zhig gang gis sgrub/ /med pa tsam de gtan tshigs yin/ /gang yang 'brel pa med pa'i phyir/ /ci ltar bsgrub bya sgrub pa yin/ /'on te gsal ba gzhan dang 'brel pa dang bral ba yin na/ de'i tshe yang de gang yin zhes nges par brtag par bya ba nyid do/ /de'i phyir nges pa gzhan gyis brjod pa'i spyi blo la gnas par 'gyur ba yin no/ /phyogs kyi chos nye bar bsdu ba med par ni gtan tshigs bsgrub bya sgrub par byed nus pa ma yin no/ /'on te gzhan sel ba'i mtshan nyid kyi spyi bde bar gshegs pa la grub pa yin no zhe na/ de ltar gzhan gyis 'dod pa nyid du 'gyur te/ gzhan gyis khas blangs pa ni nyes kyang sun 'byung bar 'dod pa nyid do/ /gzhan yang gzhan sel ba'i mtshan nyid kyis spyi ni khyab pa nyid du 'dod pa kho na 'di ltar/ ldog pa mtshungs pa nyid dag ni/ /yod srid dngos po'i rjes 'gro med/ /'jug pa la sogs bral 'gyur phyir/ 'on te spyi yod pa ma yin pa la yang bral ba'i mtshan nyid kyi gtan tshigs ni yod pa nyid do zhe na/ de yang ma yin te/ med pa la ni gtan tshigs mi rung ba'i phyir ro/ /med pa sgrub pa la rung ba nyid do/ /med pa sgrub pa la rung ba nyid do zhe na/ ma yin te/ 'brel pa med na gcig med pas gzhan med par rtogs par byed ba yin no/ /'brel pa la rjes su 'gro ba la 'dzin pa yin

  318. 159b

    te/ nges na de'i stobs kyis gang na khyab par byed pa med pa de na khyab par bya ba med pa yin no zhes mi mthun pa'i phyogs med pa tsam zhig ston te/ rtsa ba'i gtan tshigs ma yin no/ /'on te so sor nges pa'i dngos po'i yul med par sgrub pa'i phyir khyab par byed pa mi dmigs pa yang nye bar len to zhe na/ de lta yin na/ 'di na gang shing sha pa med do zhes bya ba'i tshul gyis tshad mas grub pa'i chos can gzhan yod dgos so/ /'on te 'dir yang dngos po dngos po med pa thun mong ba'i chos can du len to zhe na/ de yang mi 'thad de/ dngos po dang dngos po med pa thun mong gzhan pa med pa'i phyir ro/ /rnam par rtog pa'i snang ba nyid gnyi ga'i thun mong gi chos can yin no zhe na/ de lta na ni 'on te dngos po nye bar len pa can ma yin par bsgrub pa la de dmigs pa gzhan gtan tshigs yin pa'i phyir de ni gyi na'o/ /de'i phyir 'di rtsa ba'i gtan tshigs ni ma yin te/ spyi chos can grub pa med pa'i phyir ro/ /gzugs la sogs pa nyid spyi yin no zhes bya ba'i phyogs la ni/ /'di thal ba sgrub pa ma yin te/ de dag khyab pa nyid ma yin pa ni mngon sum gyis rtogs pa'i phyir ro/ /de'i phyir rgol ba gnyi ga la grub pa nyid gtan tshigs yin gyi/ phyir rgol gcig pu la grub pa ni ma yin no/ /gal te gang zhig gnyi ga la rab tu grub pa de ni don nyid yin pas don smos pa ci dgos she na/ de ni ma yin te/ gang gi phyir ci ltar cig la rtags tsam las/ /grub bzhin gnyi ga la yang 'gyur/ /gang phyir rtogs pa 'di dag ni/ /nges par skye dang 'brel ma yin/ /des na phyogs dang mthun phyogs las gang yang rung ba nyid la sogs pa gnyi ga yang ma grub pa yin yang don nyid ma yin pa'i phyir gtan tshigs ma yin no/ /'di ltar don smos de ni sgra dag dang/ /rtog pas sgra btags bdag nyid can/ /rtags nyid min par sgrub don te/ /don las don ni grub phyir ro/ /rang

  319. 160a

    gi mthong ba'i khyad par can gyi/ /don smos pa gang yin pa de ni sgra dang rtog pa tsam gyis sbyar ba'i bdag nyid can gtan tshigs ma yin par bstan pa'i phyir te/ don nyid las go bar byed pa nyid srid pa'i phyir/ /gal te ma grub pa dang 'gal ba dang ma nges pa'i mtshan nyid dag kho na ma rtogs pa'i don sgrub pa la gtan tshigs ma yin pa ma yin nam/ gal te 'di la tshul gsum yod na ci ltar gtan tshigs ma yin par 'gyur/ /de ste tshul gsum med na de'i tshe rang gi don rjes su dpag pa'i mtshan nyid kho nas bzlog zin par don smos pas ci bya ste/ gzhan gyi don gyi rjes su dpag pa ni tshul gsum pa'i rtags ston pa yin pa'i phyir zhe na/ ma yin te/ rang gi don gyi rjes su dpag pa la yang rtog pas sgro btags pa'i tshul gsum gtan tshigs kyi mtshan nyid thob pa yin pas/ ji ltar de las ldog pa yin 'o na 'dir smos pa de bya ba ma yin te/ rang gi don gyi rjes su dpag pa nyid du 'gyur bar bya ba yin pa'i phyir ro zhe na/ 'di la brjod pa rang gi nges pa bzhin gzhan dag la zhes gsungs pa'i phyir/ 'dir byas pa der yang 'gyur ba'i phyir skyon med do/ /de nyid du ci'i phyir ma yin zhe na/ der byas sam 'dir yang blang ste/ 'gal ba ci yod/ /'dir byas pa la ni dgos pa yod pa yang/ / yin te/ 'di ltar rtog sogs kyis byas gtan tshigs 'ga' / rang gi don du rtogs mi byed/ /su yang bdag nyid mngon 'dod las/ /slu bar byed pa yod dam ci/ /gzhan yang gzhan gyis don nyid la/ mchog tu 'bad par bya ba yin no zhes bdag nyid chen po 'di nyid la cher 'bad do zhes bstan pa'i phyir 'dir yang don smos so/ /don dam par ni rtog pas btags pa'i gtan tshigs ma nges pa nyid do/ /'di ltar/ rtog dang lung dag byed pa po'o/ /'dod pa tsam dang rjes

  320. 160b

    'brel dang/ /dngos las gzhan du 'gyur ba'i phyir/ /brtags pa dag ni 'khrul pa yin/ /rtog pas sgro btags pa ni bsgrub bya'i dngos po dang 'brel pa ma yin te/ bag chags tsam dang rjes su 'brel pa'i phyir ro/ /gal te de lta na ma 'brel pa nyid kyis gtan tshigs ma yin no zhe na/ 'brel pa ni 'di nyid kyis 'phen pa'i phyir ro/ /gang du yang 'brel pa dngos su bstan pa ni med do/ /des na don smos so/ /phyogs dang mthun pa'i phyogs las gang gang yang rung ba nyid ni rtag pa dang mi rtag pa dag las gcig la nges pa ma yin te/ gang dang gang phyogs su byas pa de la bltos te/ de dang der 'pho pa'i phyir ro/ /'di 'dra bas ni dngos por 'grub pa ma yin te/ rjod par 'dod pa gzhan du 'gyur na gzhan sgrub pa'i phyir ro/ /gal te phyogs ni bsgrub bya yin bde la bltos nas gzhin phyogs ma yin pa'i phyir de la phyogs ma yin pa'i phyir de la phyogs dang mthun pa'i phyogs gang yang rung ba nyid ces bya ba'i chos de'i mi mthun pa'i phyogs las ldog pa ma yin nam/ des na ci ltar gtan tshigs ma yin/ phyogs dang mthun pa'i phyogs dag la des pa'i chos ni bsgrub bya la 'khrul pa mi srid do zhe na/ de ni ma yin te/ 'di ltar phyogs dang mthun phyogs dngos po la/ /'gar yang nges pa yod ma yin/ /mi rtag nyid tsam phyogs min te/ /gzhan pa dag kyang srid phyir ro/ / gal te phyogs dang mthun pa'i phyogs dag las gang yang rung ba'i phyir zhes bya ba'i don/ /sgra dang bum pa'i mi rtag pa nyid kyi spyi la mi 'khrul pa'i chos dang ldan pa'i phyir ro zhes bya ba 'di yin na ni/ de'i tshe chos de byas pa nyid la sogs pa'i mtshan nyid kho na ste/ mi 'khrul pa'i chos de nyid gang yang rung ba'i sgras bstan pa'i phyir ro/ /mi 'khrul pa'i chos de ni byas pa nyid la sogs pa'i mtshan nyid kho na'o/ /de lta yin na ni gtan tshigs de dngos po nyid yin gyi brtags pa ni ma yin no/ /

  321. 161a

    'on te brjod par 'dod pa las phyogs byas pa nyid yin na de ni mi rung ste/ gal te mi rtag pa nyid du brjod par 'dod pas phyogs yin pa de lta na yang de tsam gyis mi rtag pa nyid du mi 'grub ste/ rtag pa nyid kyis brjod par 'dod ba ni de nyid kyi che med par 'gyur ba'i phyir ro/ /gal te dngos po la mi rtag pa nyid kyis phyogs su 'grub na nyid du 'gyur ro/ /de'i phyir brtags pa'i chos ni sgrub par byed pa ma yin no/ /rang la grub pa'i don gyi sgrub par byed pa de yang tshul gsum pa nyid kyi rtags nyid yin te/ des na tshul gsum pa'i rtags ston pa ni gzhan gyis rjes su dpag pa yin no/ /des na gang dag gis phyogs kyi tshig kyang sgrub par byed par 'dod pa de dag ni/ mi rigs par smra bar bstan par 'gyur te/ de ni ma grub pa'i phyir ro/ /bsgrub bya sgrub par byed yin gyi/ bsgrub bya nyid ni ma yin no/ /tshig sgrub par byed pa yin no zhe na/ ma yin te/ tshig ni dngos su sgrub pa ma yin pa'i phyir te/ bsgrub bya dang 'brel pa ma yin pa'i phyir ro/ /tshig ni don dang 'brel pa ma yin no/ /de'i phyir don gyis don rtogs phyir don la/ /phyogs dang gtan tshigs brjod nus med/ /des na de dag rang nyid las bsgrub par byed pa gnas ma yin/ sgra ni mi rtag ste byas ba'i phyir ro/ /zhes tshul gsum pa byas pa nyid mi rtag pa go bar byed pa yin te/ de de la 'khrul pa med pa'i phyir ro/ /phyogs kyi tshig gam gtan tshigs kyi tshig ni ma yin no/ /de lta ma yin na sgra rtag ste/ gzhal bya'i phyir zhes bya bas kyang bsgrub bya grub par 'gyur te/ de la yang phyogs dang gtan tshigs kyi tshig yod pa'i phyir ro/ /de'i don der ma 'brel pa'i phyir gtan tshigs ma yin no zhe na/ 'o na ni 'brel pa'i phyir don nyid kyis don rtogs par 'gyur te/ tshig? ni

  322. 161b

    dngos su sgrub par byed pa ma yin no zhes bya bar 'gyur ro/ /tshig ni don med par yang yod pa'i phyir ro/ /gang du gtan tshigs kyi tshig sgrub par byed pa ma yin pa der/ phyogs kyi tshig sgrub par byed pa ma yin par ni ma brjod par grub bo/ /'on te bsgrub bya'i tshig bsgrub bya'i don sgrub par byed pa'i sgo nas sgrub par byed pa yin na zhe na/ ma yin te/ gtan tshigs don med par thal ba'i phyir ro/ /'on te dam bcas pa tsam ni sgrub par byed pa ma yin pa'i phyir gtan tshigs 'god do zhe na/ ci ltar sgrub byed ma yin bsgrub byed yin/ lhan cig pa sgrub byed yin no zhe na/ ci ltar mkho ba med pa lhan cig tu byed/ 'ga' yang nye bar mi mkho ba lhan cig tu 'dod pa ni med do/ /de'i phyir tshig ni sgrub par byed pa ma yin no/ /gzhan yang phyogs kyi tshig de smra ba po'i/ /bsam pa ston par byed pa la/ /chad yin de las the tshom dag /skye phyir dngos su sgrub byed min/ /der the tshom gyi rgyu nyid ni gtan tshigs ma yin no/ /don dang ma 'brel pa nyid kyis the tshom gyi rgyu yin te/ de ltar ma yin na gtan tshigs dgod pa don med par 'gyur ro/ /'o na ni ci ltar tshig bsgrub par bya pa'i don sgrub par byed pa ma yin pa de bzhin du sgrub par byed pa ni don kyang de las rtogs par byed pa ma yin te/ der yang de 'brel pa med pa nyid do/ /'brel pa yin na ni bsgrub par bya ba dang/ 'brel pa yang gang gis bzlog par byed ce na/ de ni bden te/ sgrub par byed pa'i don kyang tshig gis sgrub par byed pa ma yin pa nyid do/ /der bsam pa stan pa la tshad ma yin pa'i phyir te/ des na dngos su ni sgrub par byed pa ma yin no/ /sgrub par byed pa la yang tshig gi tshad ma nyid 'phen pa yin no/ /bsgrub bya la yang tshad ma 'phen par 'gyur ro zhe na/ ma yin te/ der ni de nyid kyi tshe tshad mar 'gyur ba'i phyir ro/ /tshig gis ni sngon zhugs pa'i tshad ma 'phen pa yin te/ de la brjod pa srid pa'i phyir ro/ /da

  323. 162a

    ltar ba la ni mngon sum nyid tshad ma yin pas/ de la tshig gis ci bya/ /mngon sum gyi don la ni gzhan gyi nye bar brtan pa chen po ma yin no/ /de'i tshig ni sgrub par byed pa ma yin no/ /'o na phyogs kyi tshig brgyud nas sgrub par byed pa yin te/ dper na sgrub par byed pa'i tshig bzhin no zhe na/ de yang ma yin te/ bsgrub par bya ba brjod pa yis/ /brgyud pa yis kyang nus pa med/ /gtan tshigs brjod pa rang nyid la/ /nus pa med kyang nus ston byed gal te tshad mas grub pa'i nus pa ston par byed pa yin na ni ci ltar sgrub par byed pa'i tshig sgrub par byed pa yin pa de bzhin du/ phyogs kyi tshig kyang 'gyur ba yin na ni/ ma grub par ston pa na ci ltar grub par byed pa yin rang nyid mi nus pa ni nus pa la brten par nus pa dang ldan par 'gyur ba ma yin no/ /'di ltar/ 'gyel ba 'gyel ba la brten nas/ /gang duAng brtan par 'gyur ma yin/ /de bzhin ma grub ma grub pa/ /de nyid kyis ni rab grub min/ /phyogs kyi tshig gis ni bsgrub par bya ba ma grub pa nyid brjod par bya ba'i phyir mi ltar phyogs kyi tshig sgrub par byed pa yin/ gtan tshigs kyi tshig ni rang nyid nus pa med kyang nus pa med pa rjod par byed pa yin pa'i phyir/ sgrub par byed pa brjod do/ /bsgrub bya'i don dang 'brel pa yis/ /sgrub par byed pa brjod pa'i phyir/ tshig ni sgrub byed yin brjod de/ /de rang nyid ni sgrub byed min/ /des ni gzhan gyi don dang rjes su dpag pa zhes bya ba ni 'gal ba yin no/ /'di ltar/ bstan par bya ba la bltos nas ni rang don nyid yin la/ ston par byed pa la bltos nas ni rjes su brjod pa tsam du zad do/ /zhes gang brjod pa de yang gsal ba yin te/ de ni rjes su dpag pa'i rgyu yin pa nyid kyi nye bar brtags nas rjes su dpag par brjod kyis/ rang nyid ni ma yin no/ /des na bstan par bya ba la bltos nas ni/ de rang gi don

  324. 162b

    nyid do zhes bya ba ni gyi na brjod pa nyid de/ de la ni tshul gsum pa'i rtags nyid rtogs par byed pa yin pa'i phyir rang gi don yin gyi/ tshig ni ma yin te/ de las don rtogs pa med pa'i phyir ro/ /dran par byed pas de yang phan 'dogs pa yin pa'i phyir rtogs par byed pa nyid do zhe na/ ma yin te/ tshig gis ni ces su brjod pa tsam zhig brjod pa'i phyir ro/ /des na tshig ni gnyis ka la bltos kyang rjes su brjod pa nyid do/ /de'i gzhan gyi don nyid ni ston par byed pa la bltos nas yin te/ ston par byed pa la ni des cis kyang phan btags pa med do/ /de'i rjes su dpag pa'i rgyu yin pa nyid kyis rjes su dpag pa nyid ni bstan par bya ba la bltos pa nyid do/ /gal te gzhan la bltos nas ni gzhan gyi don yin la/ gzhan la bltos nas ni rjes su dpag pa nyid yin par 'gyur bas/ 'di ji ltar yin zhe na/ yon tan nyid la skyon du sgro 'dogs pa 'am/ gang gi phyir ston par byed pa de la de rjes su dpag par mi 'gyur gyi/ /bstan par bya ba nyid la yin pa de nyid kyi phyir/ de ston par byed pa la gzhan gyi don yin par 'gyur ro/ /de lta ma yin na ni rang gi don du yang 'gyur te/ des rang nyid de'i don byed pa'i phyir ro/ /nye bar brtags pa'i dgos pa yang bshad zin to/ /tshig ni rnam pa gzhan gyi don sgrub par byed pa ma yin pa'i phyir ro/ /gal te dran pa la yang tshig tshad ma 'am tshad ma yin/ tshad ma yin no zhe na ci ste don lam yin chad ma ma yin na ci ltar de las dran pa skye zhe na/ de nyid kyi phyir te/ de lta ma yin na de las tshad ma nyid du 'gyur gyi/ dran pa ni ma yin no/ /dran pa la de rgyu yin gyi shes par byed pa ma yin pas na/ tshad ma nyid yod pa ma yin no/ /don dang 'brel pa med pa'i phyir de las dran pa nyid ci ltar 'gyur/ du ba ni mi dang 'brel pa'i phyir dran pa bskyed par byed pa yin no/ /de

  325. 163a

    bzhin du gal te de dang sgra yang 'brel pa yin na/ de ltar dran pa bskyed par 'gyur ro/ /'di ltar/ dran pa gang dang gang yin pa/ de ni 'brel pa las yod yin/ de ltar lkog tu gyur me ba ni/ /du ba la ni dran pa yin/ de ni ma yin te dran pa tsam 'brel pa las yin pa'i phyir na/ 'brel pa dang dran par byed par 'gyur ba ni ma yin te/ don dang ma 'brel ba las kyang yin pa'i phyir 'di gnyis la 'gal ba ci yod 'di ltar mthong ba'i don la 'bad rtsol 'am/ mang du lhan cig spyod pa'i/ /gang rung don 'gal zhig las kyang/ /dran pa skye ba min nas ci/ /'on te nges pa'i rang bzhin gyi dran pa ni 'brel pa nyid las yin gyi gzhan las ni ma yin no zhe na/ de ni rigs te/ 'brel pa med par ni de de da res pa ma yin no// 'on kyang sgra las ni nges pa'i rang bzhin du dran no zhes ma grub pa des ni 'brel par mi 'grub bo/ /'di ltar 'brel pa ma brtags pa dag ni the tshom du 'gyur ba yin no/ /sgra las ni the tshom skye bar dmigs pa nyid yin no/ /'o na ci ltar des ni de kho na ltar yin no/ /zhes bya bar nges zhe na ma yin te/ nges pa de ni tshad ma nyid las yin pa'i phyir ro/ /'di ltar sngar zhugs pa tshad mas brtags pa nyid las nges pa yin gyi tshig tsam gyis ni ma yin no/ /'o na tshad ma'i nges pa'i tshig las yin la de lta na yang tshig tshad ma nyid do zhe na 'di la brjod pa/ de ltar 'di la 'dod pa nyid/ /rang nyid don la de tshad min/ /gang phyir don 'di grub pa na/ /ded la tshad ma ci yang med/ /don la ni tshig tshad mar yin te/ tshad ma tshad ma zhes byas pas ni chad pa ci yang med do/ /tshad ma yang tshig las ni grub pa ma yin te/ de ni rang rig pas grub pa'i phyir ro/ /de la ni dran par byed pa tsam yin te/ nges pa ni rang rig pa de kho na las yin no/ /ci tshig med par yang yin nam/ zhe na/ yin pa

  326. 163b

    nyid de 'bad rtsol las kyang dran pa mthong ba'i phyir ro/ /'on te gang gi tshe 'bad rtsol las ma yin pa de'i tsher ni tshig tshad ma yin no zhe na/ de ni 'di ltar/ tshig las don la log par ni/ /dran pa 'ang skye bar mthong ba yin/ /bden dang mi bden pa dag gis/ /tshig las khyad par mthong ba med/ /don la rtog na de yi tshe/ /de ni rang nyid rjes dpag nyid/ /dran pa log par 'jug pa ni/ /'bad rtsol las kyang skye ba yin/ /de'i phyir rtags 'ga' zhig la shin tu dpyad pa nyid las sngar tshad ma'i rang bzhin des la yin te/ des na tshig ni tshad ma ma yin no/ /tshad ma lam yin/ don la yang ma yin/ 'bad rtsol la yang ma yin no/ /lkog tu gyur pa'i don la ni rjes su dpag pa nyid tshad ma yin la/ tshig ni de'i sgo nas yin no/ /gal te 'brel pa 'dzin pa'i tshad ma da ltar 'das pa'i phyir ci ltar 'brel pa des/ /lta ni dran pa yod pa yin na de ni tshad ma ma yin zhe na/ tshad ma nges bskyed pa'i phyir tshad ma nyid do/ /des na tshad ma las skyes dran pa ni/ /btags nas tshad ma ji ltar min/ /tshad ma min las skyes pa gang/ /de ni tshad ma min par 'dod/ /dran pa 'di ni tshad ma las byung ba yin no zhes bya ba 'di la yang dran pa nyid rgyu mtshan ma yin nam/ /dran pa de yang dran pa gzhan las yongs su dag pa la brten par 'gyur ba'i phyir ngas pa skye bar ga la gyur/ /dran 'di brtan pa yin zhe na/ log la brtan pa med dam ci/ /don thob phyir na log min na/ /de ni grub pa nyer gzhag nyid/ /'di la yang brjod de/ /'di ni rang las rang gi ngo bo rtogs/ /tha snyad las ni tshad ma nyid ces dang po nyid du bshad zin to/ /tha snyad kyang don thob pa'i mtshan nyid du dmigs pa nyid yin te/ gzhan ni mkho ba dang ldan pa ma yin no/ /gal te dran pa 'ga' zhig rang nyid las brtan pa yin pa des na 'di tshad ma la sogs pa nges pa

  327. 164a

    yin gyi tha snyad las ni ma yin no zhe na/ de ni ma yin te/ 'di ltar/ brtan nyid de ni thob pa las/ gzhan goms pa las gzhan du ni/ /brtan pa nye bar skye ma yin/ /gal te don thob pa'i mtshan nyid tha snyad goms pa nyid med na ni/ /de ci ltar thob pa la nye bar mkho ba'i brtan par 'gyur/ /gzhan goms pas/ gzhan du brtan par 'gyur na ni/ /'jig rten gyi tha snyad de nyid chad par 'gyur ro/ /de'i phyir 'khor ba pa rnams kyi tshul ni 'di tsam du zad pa'i phyir/ kun tu tha snyad pa'i tshad ma mi 'jug pas skyon med do/ /de'i phyir tshig rjes su dpag pa'i rgyu yin pas/ /rjes su dpag pa yin no zhes bya ba 'di gnas pa yin no/ /gal te slob dpon phyogs kyi tshig bzhed pa nyid ma yin nam/ ji skad du/ rang nyid des bzhin gzhan dag la/ /nges pa bskyed par 'dod pa yi/ /phyogs chos 'brel pa bsgrub bya dag /brjod pa las gzhan spang bar bya/ /zhes gsungs pa yin no zhe na/ de ni ma yin te/ 'di ltar/ gtan tshigs don gyi yul nyid kyis/ /nus med de ni brjod par bshad/ ji skad du/ rjes dpag bya der bstan pa ni/ /gtan tshigs don gyi yul du 'dod/ /ces gsungs so/ /ngod kyi ltar na ni rjes su dpag par bya ba bstan pa gang yin pa de gtan tshigs kyi don gyi yul nyid du yin gyi/ sgrub par byed pa ni ma yin no/ /des na dngos su sgrub par byed pa nyid spangs pas bsgrub par bya ba brjod pa de nus pa med par bstan pa nyid do/ /'o na ni ci ltar phyogs kyang chos nyid dang/ 'brel pa dang bsgrub bya brjod pa bstan par khas len ce na/ phyogs kyi chos dang 'brel pa dang bsgrub par bya ba yang brjod pa zhes bya ba'i don 'di ni ma yin te/ 'brel pa bsgrub bya dag brjod pa ste/ gang byas pa de ni mi rtag pa'o zhes khyab pa'i nang du 'dus pa nyid du

  328. 164b

    bsgrub bya brjod pa yin gyi/ ma bcas pa'i rang bzhin du ni ma yin no/ /sgrub par byed pa la khyab par byed pa nyid du gdon mi za bar bstan par bya ba kho na'o/ /des na yan lag gnyis nyid bstan par bya ba yin no/ /'brel pas ni tshul gnyis 'phangs pa'i phyir gtan tshigs tshul gsum pa nyid do/ /de'i phyir sgra mi rtog go zhes bya ba thog ma dang tha mar yang bstan par bya ba ma yin te/ tshul gnyis pa tsam nyid kyis bsgrub bya 'grub pa'i phyir ro/ /gal te de la'ang nus yod de/ /gtan tshigs tshig ni 'jug phyir na/ /de ni the tshom gyis shes par/ /'dod pas skabs la brten pa yin/ /mi mthun phyogs khas len na yang/ /de mtshungs phyir na thug med 'gyur/ /ci ste yang gal te phyogs kyi tshig med na gtan tshigs kyi tshig ma dpyad par thob babs pa dang 'dra bar 'brel pa med par 'gyur ba'i phyir mi 'jug cing/ de las gtan tshigs kyi tshig 'jug pa'i phyir de yang sgrub par byed pa nyid do/ /zhe na/ ma yin te/ the tshom za ba dang/ shes par 'dod pa dang/ skabs dang de'i rtogs pa dang/ 'dod pa rnams kyang sgrub par byed pa nyid du 'gyur bas dag gi yan lag bcur 'gyur ro/ /'di ni 'dir the tshom za ba'o/ /khyod kyis shes par 'dod pa ni 'di nyid do/ /khyod kyi skabs ni 'di nyid do/ /'di ni ngas rtogs pa'o/ /'dir ni nga 'dod pa yin no zhes de ltar ag? tshom 'chos shing dag gi yan lag bcur rab tu dgod par bya'o/ /de bzhin du mi mthun phyogs khas blangs na yang sgrub par byed pa 'jug pa de'i phyir dang lhan cig mi mthun pa'i tshig de yang sgrub par byed pa nyid du thal bar 'gyur ro/ /ci ste bsgrub bya des bag tsam ni the tshom la sogs pa yang bstan pa med par 'gyur ba yin pa'i phyir/ /sgra'i spros pa tsam las nye bar sbyor ba de dag gis don la gnas pa'i don 'ga' yang mi 'gyur ro/ /des na the tshom la sogs pa ni dor ba yin te/ de rjes su brjod pas na cung

  329. 165a

    zad kyang mi byed pa'i phyir ro/ /zhe na/ gal te de lta na dam bcas pa'i tshig kyang rgol ba'i rjes su brjod pa tsam yin te nang gi yan lag nyid ni ma yin no/ /nang gi yan lag nu pa ni/ /tshul gsum dag la yang ? gnas/ /de la dran pa bskyed pa ni/ /de nyid tshig la yang dag gnas/ /re zhig rang gi don gyi rjes su dpag par ni tshul gsum pa'i rtags nyid las sgrub par bya ba'i don de rtogs pa yin no/ /rang gi don gyis rjes su dpag par ni dang po nyid du bsgrub bya snang ba ma yin no/ /de ni gtan tshigs las nges par 'gyur ba yin no/ /des na rang nyid nges par bzhin du dang po bsgrub bya dgod pa ma yin na/ /phyis kyang blang bar bya'o zhe na/ phyis kyang blang bar bya ba ma yin te/ rang gi don gyi rjes su dpag pa nyid bzhin no/ /gang gi tshe pha rol po la yang tshul gsum las rtogs pa skye pa de'i tshe de rang gi don gyi rjes su dpag pa dang khyad par ci yod/ de'i phyir dam bcas pa dang 'jug bsdu ba dag ni mi brjod pa nyid do/ /nye bar gtod pa yang brjod par bya ba ma yin te/ mthong ba'i nus pa ston pa'i don du gnyer ba yin pa'i phyir ro/ /de de na yod pa tsam las gzhan ba'i nus pa ni med la/ sgra la yod pa tsam de ni phyogs kyi chos nyid las rtogs pa yin no/ /ci ste mang ngam bcas pa ni lung gtan tshigs ni rjes su dpag pa/ das ni mngon sum nye bar gtod pa ni nye bar 'jal ba/ tshad ma thams cad kyi byed pa'i yul rab tu ston pa lhung byed pa ni mjug bsdu ba yin no snyam na/ de ni de ltar ma yin te/ 'di ltar gal te rjes dpag las grub na/ tshad ma /gzhan gyis 'dir ci bya/ / rjes dpag las mi grub ce na/ tshad ma gzhan gyis 'dir ci bya// //bam po gsum pa/ /gal te gtan tshigs kyi nus pa nyid las don de rtogs na tshad mas gzhan gyi byed pas ci bya/ tshad ma thams cad kyi byed pa 'jug pa gang yin pa

  330. 165b

    de la ci byar yod de/ rgyu'i dbang gis byed pa'i tshogs pa de ltar 'gyur ba la ci ste 'di/ 'di ltar 'gyur zhes brgal zhing brtag pa la brten pa ni ma yin no zhe na/ gal te de ltar gyur na de bden na/ dam bca' ba ni tshad ma ma yin te/ de las the tshom skye ba'i phyir ro/ / zhes bshad zin to/ /nye bar 'jal ba tshad ma yin te/ 'di yang de bzhin no/ /zhes nye bar 'jal ba med par ni gtan tshigs las bsgrub bya mi 'grub po zhe na de ni ma yin te/ gang gi phyir/ phyogs chos nyid 'gyur 'di nyid ni/ /nye bar 'jal bar bstan pa yin/ /de bzhin sgra yang byas pa zhes/ /de ltar nye bar ston pa yin/ /spyir 'brel pa bzung ba na/ /ji ltar khyab pa la brten pa'i mi rtag pa nyid la sogs pa 'grub ce na/ byas pa nyid la sogs pa khyad par la brten pa nyid kyis rab tu 'grub pa'i phyir ro/ /khyad par gyi rten can de nyid ni/ 'di yang de bzhi no zhes nye bar 'jal bar rab tu grags pa/ 'di yang byas pa yin no zhes bya ba'i phyogs kyi chos nyid kyis bstan pa yin no/ /nye bar 'jal ba'i tshad ma gzhan du thal bar 'gyur zhe na/ ma yin te/ rjes su dpag pa'i nang du 'dus pa'i phyir ro/ ba lang dang 'dra ba'i phyir 'di ni ba men yin no zhes sgra'i khyad par dang 'brel pa sgrub pa ni nye bar 'jal ba'i yul yin la/ de yang rjes su dpag pa'i yul las gzhan ma yin pa'i phyir der rjes su dpag pa nyid tshad ma yin no/ /nye bar 'jal ba smra ba rnams kyis kyang rjes su dpag pa gzhan 'dod pa ni ma yin no/ /de'i yul ni byas pa nyid kyis 'dra ba yin no zhe na/ ma yin te/ byas pa nyid las gzhan pa'i 'dra ba med pa'i phyir ro/ /dbyug thogs gnyis las ma gtogs pa'i/ /dbyug can nyid 'dra gzhan yod min/ /de la gal te 'dra med na/ /ci ltar 'di ni 'dra ba zhes/ /gzhan du rtogs 'gyur rgyu gzhan ni/ /rtogs pa nyid ni 'thob par 'gyur/ /de ni ma yin te/ gal te 'brel pa mthong ba yi/ /'bras bu la ni rgyur brtag na/ /de'i tshe rgyu yang rgyu nyid du/ /mthong ba nyid ni thob par 'gyur/ /gzhan

  331. 166a

    yang/ gal te de la 'dra ba ni/ /yod na ci yi phyir mi snang/ /phra sogs phyir na ma mthong bar/ /de nyid du ni ci ltar rtog /dngos po'i ngo bo la gzhan par/ /rnam rtog la yang snang ma yin/ /rang? snang med pa tha dad du/ /rnam par 'jog pa ngo mtshar? che/ /'dra ba thogs med bag chags dang/ /'brel pa'i rnam par rtog pa yis/ /sgro btags bdag nyid yongs brtags na/ /de nyid du na de yod min/ /dngos dang 'brel phyir 'di yis ni/ /don bya byed pa'i tha snyad dag /'grub yin 'dra ba nyid las ni// don yang mthong ba yod ma yin/ /gal te nang khyad yod na ni/ /der yang ci yi phyir mi rtogs/ /gang gis don de byed pas 'dra 'gyur ba/ /'dra bar mngon par 'dod pa nyid las ni don thob pa ma yin te/ ma he la sogs las 'o ma la sogs pa'i don bya ba thob pa'i phyir ro/ /'on te de la nang gi khyad par yod de/ des na mi 'dra ba las mi 'dra ba yin gyi don bya ba de/ nyid ni ma yin no zhe na/ gal te de lta na nang gi khyad par ni phan tshun ba lang dag la yang yod pa nyid do/ /des na 'dra ba dang mthun pa'i don bya ba med pas mi slu ba nyid med do/ /gzhan yang/ mi 'dra ba'i rtogs pa'i skye ba'i phyir/ mi 'dra ba gzhan du yod pa yin no zhes bya bar 'gyur ro/ /de ni 'dra ba med pa tsam las 'gyur ro zhe na/ 'dra ba yang mi 'dra ba med pa tsam la yin no zhes bya bar 'gyur ro/ /'dra ba nyid mi 'dra ba med pa yin no zhe na/ ji ltar/ dngos po dngos po med par 'gyur/ mi 'dra ba med pa tsam nyid mi 'dra bar ci ste mi 'gyur te/ /mi 'dra ba nyid ni rgol ba gnyi ga la grub pa yin la/ de med pa tsam gyis 'dra ba'i tha snyad yang yongs su rdzogs pa'i phyir 'dra ba gzhan rtogs pa ni don med pa nyid do/ /de'i phyir nye bar 'jal ba ni tshad ma gzhan ma yin no/ /'on te dam bca' ba'i don lung gis grub pa'i phyir/ dam bca' bsgrub par

  332. 166b

    byed bar brjod bzhin/ de stan yang dam bca' ba la dgos pa ci yod de/ 'di ltar/ gal te don de lung nyid kyis/ /grub na dam bca' ci zhig bya/ /gal te don de lung gis na/ /mi 'grub dam bca' ci zhig bya/ /lung ni tshad ma med par ni/ /ci ste don ni grub mi 'gyur/ / lung bcas don ni dam bcas pa/ /tsam gyis sgrub par byed mad yin/ /ci ste shin tu goms pa las/ /dam bcas gtan tshigs tsam dag las/ /de la rtogs pa grub yod pas/ /dam bca' i tshig ni don ldan na/ /de tshe 'ang shin tu goms pa'i phyir/ /yan lag lnga tshig ga la yod/ /phyogs nyid kyis ni bstan pa'i phyir/ /de tshe dam bca' de yang med/ /'o na ji ltar 'di skad ces/ /ded kyi ltar na ni phyogs bstan pa gang yin pa de/ sgrub par byed pa nyid du ni ma yin gyi 'on kyang gtan tshigs kyi yul nyid du yin no zhes brjod ce na/ de nyid smras pa ni/ gal te yul bstan med par ni/ /gtan tshigs 'jug pa med pa'i phyir/ /yul bstan pa dag nyid las ni/ /nus pa med par 'dod ce na/ /byas pa'i phyir zhes bya ba de tsam las mi rtag pa yin par brjod na/ gang ming rtag pa grub pa mi shes te/ des na sgra mi rtag go zhes dam bca' gzhan nye bar blang ba yin no/ /de nga ni gtan tshigs kyi yul nyid dam gzhan du nye bar len kyang blang ste/ thams cad du dag 'di gnas pa yin te/ yul ma bstan na gtan tshigs 'jug pa med pa'i phyir gdon mi za bar yul bstan par bya ba yin no/ /de'i phyir ? bsgrub bya sgrub pa'i sngon rol du gdon mi za bar yod pa ni sgrub par byed pa nyid do/ /de ma yin na sgrub par byed pa nyid med par 'gyur ro/ /tshad ma'i 'bras bu nye bar 'god pa yin no zhe na/ bstan pa tshad ma'i 'bras bu dang/ dam bca' ba dang/ phyogs zhes ming gzhan byas pas legs pa thob pa ma yin de ni zur zer la 'khor lo zhes brjod pa zhes bya ba'i tshul der 'gyur ro/ /des na yul bstan pa nyid las de'i nus pa 'grub

  333. 167a

    po zhe na/ 'di la the tshom la sogs pa dag kyang rgyu nyid du thal lo zhes brjod zin to/ /yul bstan de yang khyab pa ni/ /sngon 'gro can gyi tshig gam ni/ /gzhan du brjod par byed 'gyur na/ /de ni gnyi ga'ang legs pa min/ /dam bca' bas yul bstan par bya ba yin no zhes bya ba 'di la dpyad par bya ste/ ci khyab pa sngon du 'gro ba can gyi sbyor ba la yin nam/ 'on te/ lnga pas gtan tshigs bstan pa la yin/ de las cir 'gyur/ khyab sngon can la de med kyang/ /sgra ni byas yin 'di 'dra kun/ /mi rtag ces ni brjod pas kyang/ /don gyi de ni 'jig blor 'gyur/ /gang byas pa de thams cad ni mi rtag pa yin no zhe na/ thams cad nye bar bsdus nas khyab pa bstan na/ des khyab pa'i byas pa nyid de la nye bar bstan pa la de lta bu nyid do zhes te sgra mi rtag pa nyid do snyam du shes pas yul nye bar bstan pa'i don gyi dam bca' ba'i tshig gis ci bya ste/ yul gzhan nyid du rab tu grub pa'i phyir ro/ /ci ste dam bca' ba'i tshig med par ci ltar gtan tshigs 'gal bar des zhe na/ nyes pa 'di ni med do/ /phyir rgol ba dag 'gal ba ni/ /yongs su shes par 'gyur snyam pas/ /dam bca' byed pa ma yin te/ /rang gnod pa la ci ltar brtson/ /dam bca' i tshig ma sbyar na/ ci ltar gtan tshigs de ni 'gal ba yin no zhes/ gzhan dag gis shes zhes bya ba'i rgal ba 'di su la yin/ rgol ba la'o zhe na/ de ni yang dag pa ma yin te/ /legs pa nyid thog tu bab ste rgol bas ma shes mod ngas de la bde blag bsgrub pas ci bya/ bstan bcos byed pas khyab pa sngon du 'gro ba can gyi sbyor ba bya bar bstan pa la/ 'gal ba med pa'i phyir na rgol ba la phan pa chen pos byas pas na bstan bcos byed pa'i nyes pa yod ma yin te/ de ni rgol ba la gnod pa'i don du bstan bcos byed pa ma yin no/ /phyir rgol la rjes su bzung bar bya ba nyid do zhe na/ gzhan la ci ste sdang ste 'di

  334. 167b

    ni gyi na'o/ /gzhan yang gal te sgra ni rtag ste byas pa'i phyir ro/ /gang byas pa de ni mi rtag pa yin no zhes bya ba 'dir 'gal ba brtsad pa yin na/ de'i tshe smyon pa ma yin pa su yang de nyid kyi tshe rtag pa nyid du dam bcas nas mi rtag nyid du dam bcas nas mi rtag pa nyid kyis khyab pa nye bar ston par byed pa ni med do/ /'on te rtags pa nyid kyis khyab pa nye bar ston bar byed na/ de'i tshe khyab pa phyin ci log nyid las 'gal ba nyid du rtogs par 'gyur ro/ /gzhan yang sgra rtag ste byas pa'i phyir zhes bya ba'i skabs su dam bca' ba'i sbyor ba gang yin pa de las bltos nas 'gal ba brjod pa 'am 'on te dam bcas pa med par glo bur thor thungs kyis sgrub par byed pa'i ngag la yid 'byung bar 'gyur ba des na/ gang gi phyir dam bcas pas skabs kyi don rigs par bya ba'i phyir de nye bar sbyor ba yin na/ 'di la rjod pa skabs med par ni dam bca' ba brjod pa yang glo bur thur rdungs nyid do/ /phyir rgol bas skabs byas so zhe na/ dam bca' ba'i tshig gi bya rgyu byas zin par 'gyur te/ spros pas chog go /gal te dam bca' ba mod na sgrub pa mtshang bar 'gyur ba ma yin nam/ de skad du yang/ dam bca' ba la sogs pa rnam pa las gang yang rung ba cig dang bral na yang mtshang ba yin zhes brjod pa yin no zhe na/ de sgrub par byed pa'i yan lag yin na/ mtshang bar 'gyur ba zhig na/ dam bca' ba grub par byed pa'i yan lag yin pa ni bzlog pa nyid do/ /sgrub par byed pa'i yan lag ma tshang na ma tshang bar 'gyur na/ dam bcas par ni sgrub par byed pa'i yan lag ma yin te/ 'di ltar/ phyogs bstan pa ni med na yang 'grub pa la ni gegs med phyir/ gsum las tshul gang rung ba nyid/ /ma bstan ma tshang yin par brjod/ /de dang ma 'brel pa de ni de'i yan lag ma yin/ de ma tshang bas ma tshang ba yang ma yin no/ mkho ba med pas kyang ma tshang bar 'gyur na ni/ /mkho ba med pa rnams mdza' med pas ma tshang ba

  335. 168a

    med pas ma tshang ba med pa nyid med par 'gyur/ /'on te nye bar mkho pa med pa med kyang ma tshang ba ma yin na/ de lta yin na/ dam bcas pa'i tshig med pa la yang mtshungs pa'i phyir/ brtsad par mi bya'o/ /gal te dam bca' bsgrub par byed pa khas len na/ de'i tshe dam bcas pa ni bsgrub par bya ba bstan pa'i zhes bya ba dam bca' ba'i mtshan nyid ha cang khyab ches par 'gyur te/ bsgrub par bya ba ma grub pa yin yang sgrub par byed par 'gyur ba'i phyir ma grub pa'i gtan tshigs brjod pa yang dam bca' bar 'gyur ro/ /gang zhig dam bcas ba sgrub par byed pa ma yin pa de la ni bsgrub par byed bstan pa zhes bya ba dam bca' ba'i mtshan nyid yin yang gtan tshigs ltar snang ba dam bca' bar mi 'gyur te/ sgrub par byed par gyur pa ma yin pa'i bsgrub par bya bar bstan par dam bca' ba yin pa'i phyir ro/ /de'i phyir/ bsgrub bya brjod pa dam bca' na 'ang/ /smra de la skyon 'thad min te/ /sgrub byed dbang du byas nyid kyis/ /gtan tshigs ltar snang thal min phyir/ /sgrub par byed pa yin na ni sgrub par byed pa ma yin par mi 'gyur te/ des na sgrub par byed pa yin pa'i phyir der thal bar mi 'gyur te/ gtan tshigs ltar snang ba ni sgrub par byed pa nyid kyi dbang du byas pa'i phyir ro/ /bsgrub par bya ba bstan pa nyid med pas dam bca' ba'i mtshan nyid med pa'i phyir gtan tshigs ltar snang ba bstan pa ni dam bcas pa ma yin no/ /gal te bsgrub par bya ba bstan pa dam bca' ba yin gyi/ sgrub par byed pa bstan pa ma yin pa'i phyir/ ci ltar sgrub par byed pa ltar snang ba dam bcas pa nyid du thal bar 'gyur zhe na/ 'di la brjod pa/ bsgrub par bya ba bstan pa zhes bya ba 'di la/ gal te sgrub par bya ba nyid du bstan par bsgrub par bya ba bstan pa yin na ni/ de'i tshe sgrub par byed pa ltar snang ba dam bca' bar mi 'gyur te/ bsgrub par bya ba

  336. 168b

    nyid du bstan pa ma yin pa'i phyir ro/ /'on kyang bstan par bya ba ma bstan par 'gyur te/ bsgrub par bya ba nyid du bstan pa zhes bya gang bstan pa zhes bya ba yin pa mi shes par 'gyur ro/ /'on te gang zhig bsgrub bya nyid du 'os pa de bstan pa yin no zhe na/ de'i tshe yang ci ltar bstan zhes skabs ma bstan zhing phyir bsgrub par bya ba nyid du bsgrub? byed pa nyid du zhes khyad? par med pa'i phyir sgrub par byed pa ltar snang ba yang dam bca' ba nyid du 'gyur ro/ /ci ltar na lnga pa 'am gzhan gyis sgrub par byed pa nyid du 'am/ bsgrub par bya ba nyid du bstan ces brjod par bya/ lnga pa sgrub par byed pa nyid du bstan pa dang pos bsgrub par bya ba nyid du bstan pa yin no zhe na/ 'di gang las/ de ltar sgra'i don grags pa'i phyir ro zhe na/ gal te de lta na bsgrub par bya ba bstan pa zhes dam bcas pa'i mtshan nyid mi bya bar 'gyur te/ bsgrub par bya ba nyid du bstan pa nyid du dam bcas pa yin no zhes 'jig rten na yang sgra'i don du grags pa yin no/ /phyogs kyis mtshan nyid ni log par rtogs pa bsal ba'i don du yin no zhes 'chad par 'gyur ro/ /de'i phyir bsgrub par bya ba bstan pa nyid dam bca' pa yin pa'i phyir mtshan nyid don med pas na/ bsgrub par bya ba bstan pa ni dam bca' ba nyid yin pa'i phyir/ sgrub par byed pa ltar snang ba yang thal bar 'gyur ro/ /khyad kyi phyogs la yang bsgrub pa phyir bstan pa dam bca' ba nyid yin pas ji ltar gtan tshigs ltar snang ba dam bca' ba ma yin zhe na/ sgrub par byed pa nyid du ma gyur pa'i bsgrub bya bstan pa zhes bya bas de spangs pa ma yin nam/ gal te sgrub par byed par gyur pa yang ? rgyal 'gyur ro zhe na the tshom ldog pa'i rgyu rigs mi mthun pa nyid yin zhes brjod do/ /'di ltar khyad par med par brjod na yang/ rigs gcig the tshom skye 'gyur te/ /gzhan du bsgrub bya brjod pa kun/ /dam bca' bar ni thal bar 'gyur/ /re zhig rtsod pa ni rtsod pa lhur len

  337. 169a

    pas brtsad par bya ba yin te/ bum pa bya'o zhes bsgrub par bya ba bstan pa dam bca' bar thal bar 'gyur ro/ /shes par byed pa'i gtan tshigs kyi dbang du byas pa'i phyir de la bltos pa'i bsgrub par bya ba bstan pa nyid dam bca' ba yin no zhe na/ gal te de lta na sgrub par byed par 'gyur ba ma yin pa'i bsgrub par bya ba bstan pa dam bca' ba yin pa'i phyir sgrub par byed pa ltar snang ba yang dam bca' bar mi 'gyur ro/ /zhes bya ba 'di grub po/ /gal te grub brjod sgrub byed phyir/ /gzhan dag la yang skyon med na/ /nga ni bsgrub bya bstan pa dag /ci ltar sgrub byed yan lag yin/ /gal te gzhan dag kyang 'di skad du brjod de/ sgrub par byed par gyur pa'i bsgrub bya bstan pa dam bca' ba yin no/ /sgrub par byed pa ltar snang ba ni sgrub par byed pa ma yin te/ ma grub pa'i phyir ro/ /sgrub par byed pa ma yin pa'i phyir ni dam bcas pa ma yin te/ dam bca' pa ni sgrub par byed pa yin pa'i phyir ro zhe na/ gal te ma grub pa nyid kyis sgrub par byed pa ltar snang ba sgrub par byed pa ma yin na ma grub pa'i don gyis dam bca' bar yang ci ltar sgrub par byed par 'gyur/ dam bca' ba ni ma grub pa nyid kyis sgrub par byed pa yin te/ gal te grub na ni yul nye bar ston pa nyid du mi 'gyur ro zhe na/ gal te de ltar na sgrub par byed par snang ba yang dam bca' ba nyid kyis sgrub par byed par 'gyur ba'i mi bzlog pa nyid do/ /dam bca' ba nyid kyi sgo nas sgrub par byed par 'gyur mod/ /'di la skyon ci yod ce na/ ma grub pa nyid skyon du mi 'gyur ro/ /dam bcas pa ni ji bcas pas sgrub pa ma yin te/ des na skyon nyid do zhe na/ sgrub par byed pa nyid kyis ni ci ltar sgrub par byed pa ma yin no/ rang gi don la bltos nas sgrub par byed pa yin no zhe na/ ma yin te/ don dang ldan pa sgrub par byed pa yin pa'i phyir ro/ /de nyid ni de'i sgrub par byed pa ma

  338. 169b

    yin la/ sgra'i phur ma tsam yang sgrub par byed pa ma yin te/ thams cad du brjod par bya bsgrub par byed pa yin pa'i phyir ro/ /bsam pa ston pa la ni tshad ma nyid du bshad pa yin no/ /'on te don nyid sgrub par byed pa yin no zhe na/ 'o na dam bcas pa thams cad phyi rol gyi don ston pas nus pa'i phyir de nyid kyis bsgrub bya 'grub par 'gyur ro/ /de'i phyir dngos dang brgyud pas de la grub pa mi skye ba'i phyir dam bca' ba ni sgrub par byed pa ma yin no/ /gzhan dag brjod pa ni dam bcas pa'i sgrub par byed pa yin te/ ltar snang ba dang bcas te brjod pa'i phyir ro/ /ltar snang ba dang bcas pa nyid ni sgrub par byed pa nyid dang lhan cig par mthong ba'i phyir ro/ /sun 'byin par smra bas brjod pa/ mngon sum gyis ma nges so/ /tshig gi bdag nyid kyi khyad par du byas pa'i phyir skyon med do zhes lan/ gdab bo/ /sun 'byin pas ma nges so zhe na/ sun 'byin par ma yin par gyur pa zhes lan yin no zhes bya ba de thams cad ni mi rung ste/ 'di ltar/ ltar snang bcas sogs bkod pa dang/ /lan ni 'brel mang bzhad gang de/ /'di ltar de ni rigs pa nyid/ /ma yin no zhes bshad zin to/ /ma mthong ba tsam gyis ni gtan tshigs go bar byed pa ma yin no/ /ci ltar rung ba'i khyad par gyis ni ma nges pa spong ba ma yin te/ de ni mi mthun pa'i phyogs dang 'gal bas spong ba'i phyir ro/ /'di ni sngar bshad zin te/ 'don pa na 'don pa gzhan sngon du 'gro ba can yin no zhes bya ba la/ rgyas pa 'don pas ma nges pa brtsad la na/ rig byed kyi khyad par can yin pa'i phyir ro zhes lan brjod na/ rig byed la khyad par ci zhig yod/ /gang zhig gzhan du gdon par mi nus pa'o zhe na/ 'di i ni lan ma yin te/ /mi mthun pa'i phyogs dang 'gal ba med pa'i khyad par gyis na de las gtan tshigs bzlog par mi nus so/ /de lta ma yin na de lta bu ma yin pa zhes bya ba sus brjod par mi nus pa'i phyir/ bgrod pa dang lan la? sogs

  339. 170a

    pa 'di ni rung ba ma yin pa'i phyir/ dam bca' bsgrub par byed pa yin la sngar bshad pa sun 'byin pa nyid yin no/ /gal te 'o na dam bca' bar nges par bstan par bya ba ma yin na/ de lta na phyogs kyis mtshan nyid ci'i don du yin/ bsgrub par bya ba'i don ni gtan tshigs kyi nus pas go bar bya ba nyid yin pas de phyogs yin nam de lta ma yin yang rung ste dpyad pa 'dis ci bya ste/ ci ltar rtogs pa de ltar 'gyur ro zhe na/ de ni bden te/ bsgrub brjod rtogs pa'i don can nyid/ /yin yang rmongs med phyir mtshan nyid/ /ngo bo tshig phrad bdag nyid 'dod/ /tshig gis de yi mtshan nyid bzhi/ /ma grub sgrub byed min don brjod/ /rgol bas khas blangs pa bzung ngo/ /mtshan nyid ces bya ba thams cad ni rmongs pa bsal ba'i phyir bstan pa yin te/ brjod pa gzhan yang de bzhin no/ /de la bsgrub par bya ba dang cig shos kyi yul la/ chen po rnams kyang phyin ci log tu log par rtogs pa chen po yod la/ de ma bzlog na yang don ma yin pa'i sgo gnas chen po'i tshul skyed par byed do/ /nyes pa dang 'brel pa ma bzlog pa ni dge ba ma yin no/ /'di ltar mig la sogs pa gzhan gyi don yin no/ /zhes bya ba la gzhan gyi don tsam bsgrub bya ma yin pa la yang bsgrub byar brjod cing/ bdag gi don nyid bsgrub bya yin yang/ bsgrub bya ma yin pa dang/ bstan bcos tshad mar smra ba bstan bcos las grub pa yang/ bsgrub byar brjod pa dang/ dam bca' ba ni bsgrub par bya ba bstan pa'o zhes bya ba'i mtshan nyid 'dis sgrub par byed pa nyid du bstan pa la yang phyogs nyid du 'gyur ro zhes bya bar yang rtogs pa dang/ bstan bcos byed pa'i 'dod pa bsgrub bya ma yin pa khas ma blangs kyang/ bsgrub par bya ba nyid du zhes log par rtogs te/ des na de bsal ba'i phyir rang gi ngo bo dang tshig phrad dang/ 'dod pa dang rang nyid kyi tshig gzhis ma grub pa dang/ sgrub par byed pa ma yin pa dang/ don gyis brjod pa

  340. 170b

    dang/ rgol bas khas blangs pa bzung bar rig par bya'o/ /ma grub pa kho na bsgrub par bya ba yin la de bzhin du gzhan yang ste/ des na nges par bzung bas phyin ci log de bsal bar rig par bya'o/ /de la rigs pa ni/ /gal te tshad mar gyur pa'i bstan bcos nyid las don 'di 'grub na/ tshad ma gzhan gyi bsgrubs pas co bya/ gzhan la bstan bcos tshad ma ma yin pa des na de'i don du yin no zhe na/ bdag nyid la ci ltar na tshad ma yin/ khas blangs pa nyid kyis so zhe na/ gzhan gyis kyang khas blang bar bya'o/ /de bzhin du gal te de bsgrub par bya ba yin na/ ci ltar sgrub byed nyid du ston/ /don gyi brjod pa bsgrub bya ma yin na dag gi don shes pa nyid du mi 'gyur la/ gzhan du yang grub pa la sgrub pa nyid do/ /skabs dang don dang sgra gzhan nye ba dag las sgra'i don nges pa'i phyir ro/ /skabs mi shes pas ni brjod par 'dod pa'i don mi rtogs pa'i phyir de dang lhan cig tu tha snyad kyi lam du ci ltar 'jug /de skad du yang rab tu brjod pa yin te/ dngos su brjod pa'i don ni phyugs kyis kyang 'dzin pas de la nus pa khyad par du 'phags pa ci yod ce'o/ /de nyid kyi phyir bshad pa/ ma brjod na yang 'dod pas khyab bdag gi don gzhan bsgrub byar 'dod/ dper na 'dus pa'i bdag nyid rnams gzhan gyi don du bsgrub pa na/ /bdag gi don de ni ma brjod kyang 'dod pa khyab pa'i bsgrub bya yin zhes bstan pa'i don du 'dod pa smos so/ /'dod pas khyab po zhes bya ba de nyid ga las she na skabs las so/ /skabs dang rjes su mthun par 'dod pa 'byung ba yin te de lta ma yin na/ rtogs pa dang mi ldan pa nyid du thal ba'i phyir ro/ /'di ltar gal te skabs su gzhan bar la skabs su bab pa ni gzhan yin la/ bsgrub bar bya ba yang gzhan yin na ni/ de ni rgol ba nyid ma yin/ skyon 'di nyid de la mod la 'gyur ro/ /gal te 'di bdag nyid smra na des bdag nyid la skabs su ma bab pa brjod pa'i sgo nas skyon brjod pa nyid du 'gyur ro/ /de yang skyon yod

  341. 171a

    mod phyir rgol ba yang yang dag pa'i skyon mi brjod pa'i phyir skyon du 'gyur ro zhe na ma yin te/ gal te de'i don bstan pa'i sgo nas skyon med pa'i phyir ro/ /ji skad du bdag gzhan yin zhe na ni de ma grub po zhes bshad pa yin te/ gal te bdag gzhan yin na ni de dpe la ma grub po/ /gal te yang gzhan tsam zhig sgrub na de'i skabs su bab pa ma bsgrub par 'gyur ba'am/ grub pa la sgrub par 'gyur ro/ /de ltar brjod pa'i phyir rgol ba la nyes pa ci yod/ /gal te 'dod pas khyab pa ma brjod kyang/ bsgrub bya nyid du bstan pa'i phyir yin na/ 'o na ni de bzhin mi 'dod pa bzlog pa'i phyir yang yin par 'gyur te/ gang gi phyir dag ni rnam par gcod pa'i 'bras bu can yin pa'i phyir ro/ /mi 'dod pa zhes bya ba ni cung zad kyang yod pa ma yin te/ 'ga' zhig gis 'ga' zhig 'dod pa'i phyir ro/ /des na 'dod pa smos pa ni rgol ba 'dod pa yin no zhes bstan pa'i don du yin no/ /de la ni rang nyid ces bya ba'i don 'thob pa kho na'o/ /gal te bstan bcos byed pa'i 'dod pa de'i 'dod pa yang yin na ni de'i 'dod pa nyid yin pas de ldog pa ma yin no/ /'dod pa ma yin pa nyid na bzlog pa yin no zhe na ma yin te 'dod pa smos pa nyid kyis bzlog pa'i phyir ro/ /ci ltar phyir rgol ba dang nyan par byed pa rnams kyis 'od de bsgrub bya ma yin no zhes 'dod pa smos pa sgrub pa de bzhin du bstan bcos byed pa'i 'dod pa yang de nyid kyis bzlog pa 'am rang nyid smos pas kyang gzhan 'dod pa thams cad bzlog pa'i phyir ci'i phyir slob dpon gyi rang nyid ces bya bas ni bstan bcos la mi bltos par khas blangs ston par byed do zhes bstan bcos tsam 'gog par bshad ce na/ 'di la lan du/ gzhan 'dod thams cad bzlog na yang/ /'brel par bdag nyid sgra bshad pa/ /dogs pa'i gnas ni bzlog pa ste/ /'di ni de'i don byas pa yin/ gal te rgol ba la bltos pa'i 'dod pa smos pa nyid kyis gzhan 'dod pa thams cad

  342. 171b

    bzlog pa de ltar yin na yang/ bstan bcos byed pa'i 'dod pa la bsgrub par bya ba nyid yin par dogs pa nyid de/ de lta ma yin na bstan bcos dang 'gal ba'i gtan tshigs go bar byed pa ma yin pas na/ bstan bcos byed pa'i 'dod pa ni gdon mi za ba nyid du rgol ba'i yang yin par 'gyur ro zhes bya ba'i blor 'ga' zhig 'gyur te/ des na dogs pa'i gnas bzlog pa'i phyir rang nyid smos so/ /de nyid kyi phyir rang nyid smos pa'i dgos pas ni bstan bcos bsal ba nyid yin par bshad do/ /gang gi phyir rang nyid kyi sgra la 'di ni bstan bcos byed pa'i 'dod pa bzlog pa'i phyir byas pa yin no/ /gzhan gyis 'dod pa bzlog pa ni 'bad pa med pa nyid du grub pa yin no/ /de'i phyir 'dod pa smos pa'i dgos pa ni/ ma brjod kyang 'dod pas khyab pa bsgrub bya yin no zhes bya ba 'di nyid yin te 'dod pa smos pa ni gzhan gyi don zhes bya ba la 'dus pa ma yin pa gzhan gyi don bsgrub bya nyid yin no/ /gal te ni chos dang/ chos can dag gi khyad par yin gyi/ bsgrub bya ni ma yin pa ma yin nam/ gal te bsgrub bya nyid yin na ci ltar khyad par du 'gyur/ bsgrub par bya ba dang khyad par dag gcig pa ni ma yin no/ /slob dpon gyis chos kyi khyad par phyin ci log tu bsgrub pa'i phyir 'gal ba yin no/ /zhes bya ba la sogs pa bshad pa yin no zhe na/ de bshad pa ni/ /de ni bltos nas chos dag dang/ /chos can khyad par yin par brjod/ /'dod pas yul du byas pa'i bsgrub bya de ni gzhan la bltos te/ khyad par du brjod shes rab shin du gzhon pa gzhan dag smras pa nyid bsgrub bya yin no zhes/ 'di ltar mig la sogs pa ni gzhan gyi don no zhes pha rol gyis smras pa la/ sun 'byin pa brjod pas bshad pa/ /bdag ma grub pas dpe la ni/ /de don ma grub gal te de/ /bsgrub min 'o na khyod kyi de/ /de yi khyad par yin par 'gyur/ /bdag gi don ni nges kyis bsgrub bya ma yin te/ gzhan

  343. 172a

    gyis don tsam sgrub pa'i phyir ro zhe na/ gal te bsgrub bya ma yin na ni de de nyid kyis khyad par yin pa'i phyir khyad par dang 'gal bar 'gyur ro/ /bsgrub bya nyid ci'i phyir sgrub par mi byed ce na ma yin te/ gzhan la bltos nas lan 'debs par bzhed pa'i phyir te/ de tsam gyis gzhan bzlog na rang gi phyogs bsgrub pa'i 'bad pa byas pas ci bya/ da ni ci ltar ma brjod pa yang bsgrub par bya ba nyid yin te/ brjod pa yin pa'i phyir ro/ /bsgrub par bya ba ni brjod pa nyid yin te/ de lta ma yin na ha cang thal bar 'gyur ro/ /ma brjod pa nyid du khyad par med phyir thams cad bsgrub par bya bar 'gyur na/ thams cad dpe la nye bar bstan par nus pa ni ma yin no/ /de lta na ni bzlog pa bsgrub pa'i phyir thams cad gtan tshigs ma yin par 'gyur ro zhe na/ 'di la bshad pa/ ma brjod na yang 'dod pa ni/ skabs las rtogs par 'gyur ba yin/ /de dpe rjes 'gro med pa yi/ /skyon yang ji skad bdag gzhan na/ /de ma grub ces bshad bzhin te/ /der ni 'dod na gnod byed yin/ /gal te 'dis de nyid smras pa yin pa de lta na yang skabs kyi 'dir don ni 'di yin par lta'o/ /tshig thams cad skabs la ma bltos par ni don ston par nus pa ma yin no/ /de'i phyir dam pa lugs gnas dag /ngag gi mthar thug brtags nas ni/ / ngag don nges par bya ba'i phyir/ /'jug pa 'gro ba'i tshul lugs yin/ /mkhas pa'i skye bo mdza' dag gi lugs ni 'di nyid yin no/ /mig la sogs pa ni gzhan gyi don yin no zhes bya ba 'dir yang dag gi don bdag gi don to zhes bya ba yin no/ /de nyid kyi phyir de la bltos nas dpe la rjes su 'gro ba med pa yang yin te/ de bsgrub par bya ba yin pa'i phyir ro/ /slob dpon gyis kyang de kho na bzhin du bstan te/ bdag gzhan yin no zhe na ni ma grub bo zhes te/ dpe la ma grub po zhes bya bar blta

  344. 172b

    bar bya'o/ /des ni de'i 'dod pa phyin ci log tu grub pas ni 'dod pa la gnod par byed pa yin no/ /gal te skabs su bab pa'i don nyid bsgrub par bya ba yin no zhes bya ba 'di ci ltar shes she na/ de'i phyir bshad pa gal te gang la rtsod pa yis/ /sgrub bkod de bsgrub bya min na/ /bsgrub bya ci yin gzhan du na/ /mi 'dod pa 'am 'bras med 'gyur/ /gal te gang la rtsod pa gang las bdag 'grub pa'i bdag gi don nyid de kho na bsgrub par bya ba ma yin na/ de las gzhan sgrub na yang ma 'brel pa'i phyir/ 'ga' yang bsgrub par bya ba ma yin par 'gyur ro/ /de lta na ni phyogs gnyis sgrub pa la ltos te 'gal bsgrub pa'i phyir mi 'dod pa 'am/ de spangs nas sgrub na yang 'bras bu med pa grub pa la sgrub pa nyid du 'gyur ro/ /'on te bdag bsgrub bya ma yin yang/ gzhan tsam rab tu bsgrub pas kyang 'grub pa yin no/ /bsgrub par bya ba ma yin pa'i yul la ni phyir rgol bas rjes su 'gro ba med pa'i skyon brjod par bya ba ma yin te/ rjes su 'gro ba med pa la sogs pa'i skyon ni bsgrub par bya ba la bltos pa yin pa'i phyir ro zhe na/ de ni ma yin te/ gang gi phyir gal te gzhan grub na yang bsgrub bya min/ /'dod 'grub de lta yin na kun 'grub 'gyur/ /nye ba'i khyad par 'ga' zhig ni/ /'grub 'gyur gzhan min de ni ga las yin/ /gal te gzhan bsgrub pas kyang gzhan 'grub par 'gyur na ni de'i tshe/ 'dod pa bzhin du phyin ci log kyang 'grub par 'gyur ro/ /de lta yin dang/ gtan tshigs thams cad 'gal ba dang dpe bsgrub byas stong par 'gyur te/ phan tshun 'gal ba'i chos kyi tshogs ni ga la yang rjes su 'gro ba med pa'i phyir ro/ /'dod pa'i phyir bsgrub par bya ba de nyid 'grub kyi gzhan ni ma yin no zhe na/ ma yin te 'dod pa'i dbang gis gtan tshigs kyi byed pa yul rnam par dbye ba mi 'thad pa'i phyir ro/ /de lta yin na ni gzhan bzlog pa 'dod

  345. 173a

    pa'i phyir bzlog pa grub pa dgag tu med de/ 'dod par khyad par med pa'i phyir ro/ /gang gis rgol ba 'dod pa 'grub la phyir rgol ba 'dod pa ma yin pa 'brel pa'i khyad par yang yod pa ma yin no/ /brjod par 'dod pa'i chos rjes su 'gro ba med na skyon yin no zhe na/ gal te de lta na 'dod pa 'dod pa byed pa'i 'gal ba 'ga' yang med pa'i phyir ro/ /brjod pa dang ni thams cad la rjes su 'gro ba yod pa'i phyir ro/ /brjod pas rjes su 'gro ba med na/ bsgrub bya phyin ci log tu sgrub pa nyid kyis 'gal ba yin no/ khyad par 'gal ba ni ma brjod pa nyid la bltos nas yin gyi gzhan du ni med pa'i phyir ro/ /'dis ni gnyis bcas sbyor ba la/ /rjes 'gro med dang 'gal ba dag /bstan pa yin no ci ste yang/ /bsgrub par bya ba spyir 'dod na/ /de nyid don gzhan med pa'i phyir/ /lus mi 'gyur na 'grub ma yin/ /brjod byas stong pa'i rjod byed rnams/ /'di de mi shes kyis bslad yin/ /gnyis pa dang bcas par bsgrub pa'i sbyor ba rnams la rjes su 'gro ba med pa'i nyes pa dang/ 'gal ba nyid kyang rigs pa 'di nyid kyis bstan pa yin no/ /'di ltar tshul rol mdzes pa bdag na re/ bum pa ni mngon par gsal ba'i sems pa can lus kyi mtshan nyid kyis skyes bu dang/ bum pa gang yang rung bas gnyis pa can yin te/ utpa la ma yin pa'i phyir rtsig pa bzhin no zhes 'dzer to/ /skyes bu ni sems pa mngon par gsal ba'i khyad par can gyi lus yin gyi/ gzhan bdag la sogs pa 'jig rten pha rol dang ldan pa ma yin no/ /der yang mngon sum gyi yul ma yin pa'i phyir ro/ /rjes su dpag pa nyid sgrub par byed pa yin pas gtan tshigs brjod do zhe'o/ / bsam pa ni skyes bu de lta bu ni mdzub tshugs su sgrub par nus pa ma yin te/ dpe la ma grub pa'i phyir ro/ /des na spyir gang yang rung bas gnyis pa can du bsgrub pas yin te/ bsgrub bya sgrub par byed pa ni thabs yin no zhes bya ba yin no/ 'dir brjod pa/ 'di

  346. 173b

    la spyi 'am khyad par gang/ /bsgrub par bya ba de nyid do/ /brjod 'dod nyid ni bsgrub bya zhes/ /'di ni gcig tu nges pa yin/ /zhes bya ba'i 'brel gyi don to/ /'di ltar sgras zin pa ni skyes bu nyid yin pas de la bltos nas rjes su 'gro ba med par 'gyur ro zhes rigs pa snga ma nyid do/ /'on te 'ba' shig grub pa yin mod kyis/ de bsgrub par bya ba ni ma yin no zhe na/ de'i tshe yang ha cang thal bar 'gyur ro zhes bstan zin to/ /'dir khyad par 'phangs pa med pa la ma yin nam zhe na/ /de ni ma yin te/ gang gi phyir lus ma grub na gsal ba med pa'i phyir spyi ga la yod/ /ba lang gi gsal ba med par ni spyi sred pa ma yin no/ /gsal ba zhig kyang spyi mi 'jig ste rtag pa'i phyir ro/ /gsal bar byed pa med pa'i phyir tha snyad kyi spyod yul ma yin no/ /gsal ba yod na spyi de bzhin du 'gyur ba'i phyir ro zhe na/ ma yin te 'dir srid pa med pa'i phyir ro/ /de lta bu'i skyes bu ni tshad ma gzhan gyis srid pa ma yin no/ /ji ltar gsal ba med na spyi tha snyad kyi yul ma yin pa de bzhin du gang yang rung ba'i spyi yang yin no/ /tshad ma 'di nyid las grub bo zhe na/ ma yin te/ phan tshun rten pa'i nyes par thal ba'i phyir ro/ /rjes su dpag pa'i tshad ma yod na spyi yod la/ spyi yod na rjes su dpag pa yod pa'i phyir te/ spyi ma grub pa la ni rnam pa yod pa ma yin no/ /des na ji ltar gang yang rung ba zhes bya ba gtan tshigs ma yin pa de bzhin du bsgrub bya yang ma yin no/ /'di ltar phyogs dang mthun pa'i phyogs las gang yang rung ba'i phyir zhes bya ba la/ phyogs nyid la sgra yod kyi phyogs dang mthun pa'i phyogs gnyis las gang yang rung ba ni ma yin te/ sgra la 'gal ba med pa ma yin pa'i phyir te/ gang yang rung ba'i sgra ni rnam par rtog pa yul gzhan can yin pa'i phyir ro/ /nges pa'i chos srid na ni gzhan 'god pa ma yin no/ /gzhan nye bar bkod pa med par ni gang yang rung ba'i sgra 'jug pa mi srid do/ /de'i phyir 'di ni mi rung ngo/ /gzhan yang gal te 'dir de lta bu'i skyes bu nyid sgrub pa

  347. 174a

    ma yin na de'i tshe/ snam bu dang bum pa gang yang rung bas gnyis pa can yin no/ /zhes bya ba nyid rjod par 'gyur te/ ci'i phyir gnyi gar bum pa nyid smos/ de la sgrub par byed par smra ba'i bsam pas ni 'di yin te/ gal te snam bu chos cad? du blangs nas bum pa gnyis pa dang bcas pa yin pa'i phyir grub pa la sgrub par 'gyur ro/ /spyir gnyis pa dang bcas pa nyid la yang nyes pa 'di nyid yin no/ /zhes bstan zin to/ /de mi 'phen na sgrub par byed pa'i 'bras bu ci yin te/ yang na ni mi 'dod par 'gyur ro// de'i phyir gnyi gar bum pa'i rigs bstan pa ni shugs kyi skyes bu nyid kyi gnyis pa dang bcas par bstan par 'gyur ro/ /zhes bya ba'i don du yin no/ /de ltar na yang 'dir skyes bu nyid nges par brjod par 'dod pa yin pa'i phyir gang yang rung ba smos pa ni don med do/ /des na 'di ni mo sham yin no zhes bya ba la sogs pa'i tshig bzhin du rang gi tshig dang 'gal ba yin no/ /'di ltar shugs kyis nges par 'thob 'gyur zhing/ /gang rung brjod pas rnam brtags yin/ /nges pa dang ni rnam par brtags/ /gnyi ga gcig la 'gyur bar dka' / /gnyi gar bum pa nye bar bkod pas ni bum pa'i rigs rang nyid kyis gnyis pa dang bcas par 'gal ba'i phyir/ shugs kyis skyes bu nyid bsgrub par bya ba yin na/ ci ltar de las bzlog pa sgrub par byed pa gang yang rung ba brjod/ ma yin te/ gang yang rung ba brjod pa ni rjes su 'gro ba'i don du yin te/ rtsig pa la skyes bu rjes su 'gro ba ni med do zhe na/ ci ltar gzhan rjes su 'gro bas skyes bu gzhan grub/ /shugs kyis so zhe na/ shugs de gang yin/ ci gtan tshigs kyi'am de lta tshig gi yin re zhig gtan tshigs kyis ni ma yin te/ utpal ma yin pa nyid skyes bus gnyis pa dang bcas pa nyid dang 'brel ba med pa'i phyir te ma nges pa'i phyir ro/ /'di ltar bum pa ni 'jig rten pha rol dang ldan pa skyes bu dang bum pa gang yang rung bas gnyis dang bcas

  348. 174b

    pa yin te zhes khyad? sgrub pa'i phyir ro/ /brjod par 'dod pa gzhan du gyur na gzhan yang sgrub par byed pa la rag med ce na/ ma yin te/ brjod par 'dod pa la bltos pa'i sgrub par byed pa nyid ma yin no zhes bstan zin pa'i phyir ro/ /'on te tshig gi shugs kyi yin no zhe na/ 'di ni ngo tsha ba'i lta ba yin te/ tshig gi shugs kyi ni don 'grub pa ma yin te/ der ma 'brel pa'i phyir ro/ /'di ltar/ tshon po nyin par mi za zhes/ /de skad brjod par gyur pa na/ /mtshan mo za bar der min te/ /log par brjod pa'ang srid phyir ro/ /gal te bum pa gzhan du de lta bu'i skyes bu yod par tshad mas thob pa yin na ni de'i tshe tshad ma'i rtsa ba can gyis brjod par 'dod pas sbyar ba'i tshig gzhan gyi don rjes su dpag par 'gyur ba yin te/ rang gis mthong ba ston pa ni/ gzhan gyi don gyi rjes su dpag pa nyid yin pa'i phyir ro/ /tshad ma 'di nyid kyi grub po zhe na ma yin te/ phan tshun rten pa'i skyon du 'gyur ro/ zhes bshad zin to/ /tshad ma yod na sgrub byed yin la bsgrub byed yin na tshad mar 'gyur ba'i phyir ro/ /gal te 'jig pa bsgrub pa la yang/ /rigs pa mtshungs ma yin nam// 'di ltar/ ci ga sgra'i mi rtag pa nyid bsgrub par bya ba yin nam/ 'on te bum pa'i yin gal te sgra'i yin na ni de mthun pa'i phyogs la med do/ /de sde? bum pa'i yin na de sgra la med pa'i phyir 'gal ba yin no/ /de bzhin du byas pa nyid kyang ngo/ /'on te 'di ni rnam par rtog pa dang mtshungs pa yin no zhe na/ de lta yin na skyes bu la yang yin pas mtshungs so zhe na/ 'di la lan/ sgra dang bum pa'i khyad par gyi/ /rtog na 'jig pa'ang mtshungs she na/ ma yin 'jig pa grub pa yis/ /sgra ni de ldan sgrub phyir ro/ /de bzhin don gzhan yod na ni// bum pa'ang de dang ldan par 'gyur/ /ci ltar dag gi shugs kyis thob pa'i skyes bu ma grub pa de bzhin du mi rtag pa nyid ma grub po zhe na/ de ni ma yin te/ de bzhin du ji ltar phyogs dang mthun pa'i phyogs gang yang rung pa nyid de bzhin du byas pa yang ngo zhes bya ba yang ngo//

  349. 175a

    snga na med pa dang zhig nas med pa'i dbus na gnas pa'i ngo bo mi rtag pa nyid ni bum pa la grub pa'i phyir ro/ /gal te grub kyang de ni gzhan nyid yin pa des na ji ltar sgra mi rtag par 'gyur te/ mi rtag pa de nyid ni sgra la yod pa ma yin no/ /de? 'dra? pa? yin? par 'gyur ro zhe na/ rjes su 'gro ba gzhan yin na/ /ji ltar 'dra ba 'grub par 'gyur/ /de ltar yin na skyes bu yang/ /grub la brten phyir lan don med/ /de ni ma yin te/ gzhan nyid yin pas 'dra ba yin/ /de lta min na de ci ltar/ /gcig la 'dra ba yod? min te// zla po la ni ltos phyir ro/ /'di ltar snga na med pa dang zhig nas med pa'i mtshan nyid kyis nye bar mtshon pa'i mi rtag pa nyid ni ci 'dra ba bum pa la yin pa de 'dra ba nyid sgra la yang yin te/ snga nas med pa la sogs pa srid pa'i phyir ro/ /sgra brjod ma thag tu 'jig pa yin no zhes bya ba la ni rtsod pa med do/ /de bzhin du gal te chos can bum pa yang rtsig pa dang 'dra bas de dang ldan par 'gyur ba yin na 'di sgrub par byed par 'gyur ba yin no/ /chos can bum pa dang rtsig pa dag ni skyes bu gnyis pa dang bcas pa nyid du 'dra pa ma yin no/ /gal te 'dir yang mi rtag pa nyid kyi spyi tshig tu smos kyang mthar gtugs pa'i don ni sgra la gnas pa'i khyad par nyid yin la/ des kyang rjes su 'gro ba ma yin pa'i phyir ci ltar de 'grub ce na/ 'dir brjod pa/ mi rtag sgra yi khyad par can/ /rjes 'gro med na ma 'brel ba/ /zlog phyir ma yin mi ldan dang/ /gzhan ldan rnam gcod rnam pa gnyis/ /mi ldan gcod phyir gzhan dang ni/ /rjes 'gro med par 'gyur ma yin/ /gal te mi rtag pa nyid khyad par can rjes su 'gro ba ma yin pa de lta na yang rjes su 'gro bas khyad par can du 'gyur ro/ /bsgrub par bya ba ni tshogs pa yin te/ de gal te sngar grub na sgrub par byed pa'i don ci yin de'i phyir 'ba' zhig rjes su 'gro na/ mi rtag pa sgra la grub pas spyi nyid dang khyad par can nyid kyi bdag nyid du gsal

  350. 175b

    bar byed pa yin no/ /gal te 'ba' zhig rjes su 'gro bas khyad par can gyi mi rtag pa nyid ci ltar 'grub/ gzhan dang rjes su 'gro bas gzhan sgrub na ni ha cang thal bar 'gyur ro/ /de ltar na ni gtan tshigs thams cad 'gal ba dang/ dpe bsgrub par bya bas stong bar 'gyur ro// smras pa'i chos rjes su 'gro ba med na skyon 'dir 'gyur kyi gzhan ma yin no zhe na/ ma yin te bsgrub par bya ba nyid du khyad par med pa'i phyir ro/ /skyon med na ni 'ga' yang 'dod pa la gnod pa byed par mi 'gyur ba'i phyir thams cad kyi 'dod pa 'grub par 'gyur ro zhe na/ ma yin te/ ma 'brel pa rnam par gcod pas khyad par du byed pa'i phyir ro/ /ma 'brel pa dang gzhan dang 'brel pa rnam par gcod pas ni khyad par rnam pa gnyis so/ /sgra nyid mi rtag go zhes de ltar ni byed pa yin te 'on kyang sgra yang ste mi rtag pa nyid du 'dra ba'i phyir ro/ /skyes bu sgrub pa la ni da ltar srid pa ma yin te/ bum pas gnyis pa dang bcas pa nyid ni rtsig pa dang bum pa dag la mtshungs par ma yin no/ /gang yang rung bas gnyis pa dang bcas pa nyid mtshungs so zhe na/ ma yin te/ des kyang rnam pa la gnod pa'i phyir ro// gal te nges pa med na ni gang yang rung bas gnyis pa dang bcas pa nyid kyis mtshungs par 'gyur ba yin na/ 'dir ni nges pa nyid de/ rtsig pa ni bum pas gnyis pas bcas pa yin la/ bum pa ni de lta bu skyes bus gnyis pa dang bcas pa yin no/ /zhes bya ba ni gzhan gyi bsam pa'o/ /gal te so sor nges pa la gang yang rung ba'i tshig sbyor ba nyid ma yin nam/ de ci ltar nges pa la gang yang rung ba nyid med/ des na rnam par brtag pa dang so sor nges pa dag 'gal ba ma yin no/ /'di ltar lhas? byin dang mchod sbyin dag las gang yang rung ba la zan byin cig ces bya ba ni nges pa gcig la zan sbyin pa nyid rnam par gnas so/ /de bzhin du 'dir yang skyes bu gnyis pa dang bcas pa nyid du nges pa yin no zhe na/ 'dir tshig gis nges pa thob ba ni ma yin te/ bya rog dang ta la'i? tshul? du nges par?

  351. 176a

    grub pa'i phyir/ /de yang mngon sum gyis dmigs pa yin no/ /'dir ni skyes bu dang bum pa gang yang rung bas gnyis pa dang bcas par brjod pa la skyes bu la nges pa mngon sum gyis grub pa ma yin no/ /za ba ni dngos po'i shugs kyis gcig la nges pa yin gyi tshig gi shugs kyis ni ma yin to/ /za ba go'am? ster ba po bskul ba rang gi 'dod pas 'jug pa'i phyir ro/ /gal te 'di brjod kyang zan mi ste par ma mi zan ni nges par gnas pa ma yin no/ /'dir yang sgrub par byed pa'i shugs kyis nges par rtogs so zhe na ma yin te/ bzlog pa la yang srid pa'i phyir ro zhe na bstan zin to/ /'dis ni/ khyad par la ni rjes 'gro med/ /spyi ni grub pa sgrub pa yin/ /gal te mi rtag pa nyid kyi spyi grub pa na ni glog? ba sogs ba 'ga' zhig la grub pa'i phyir grub pa la sgrub pa yin no/ /'on te sgra'i khyad par can gyi mi rtag pa yin na de'i tshe de bum pa la med pa'i phyir rjes su 'gro ba med do zhes bya ba de yang bsal ba yin te/ gang gi phyir spyi nyid sgra la ma grub pa'i phyir bsgrub par bya ba yin no/ /de bshad pa ni/ de spyi sgrub par bya ba yin pas/ /grub pa grub pa nyid ma yin/ /chos can khyad par can de ni/ /rjes 'gro med pa'i skyon ldan min/ /gal te gzhi la mi bltos pa'i mi rtag nyid bsgrub par bya ba yin na ni grub par sgrub par 'gyur ba yin no/ /sgra la spyi sgrub pa yin pa des ba grub pa sgrub pa ma yin no/ /gal te sgra la sgrub pa dang/ spyi zhes bya ba ni 'gal ba yin te/ sgra'i spyi khyad par can nyid khyad par yin no/ /gal te spyi yin na ci ltar khyad par yin/ khyad par yin no zhes na ni ci ltar spyi yin zhe na/ de ni ma yin te/ spyi yis rjes 'gro grub na ni/ /de la 'brel ba bzung las gzhan/ /khyad par gyi ni mthar thug nyid/ /phyogs chos dang ni ldan las yin/ /sgra'i khyad par gyi rjes su 'gro ba bstan pas sgra'i khyad par can nyid du grub pa ni ma yin te/ 'ba' zhig gis rjes su 'gro ba

  352. 176b

    mthong bas de'i khyad par can nyid grub pa yin te/ de nyid do zhes 'dra bas gcig nyid du brjod par 'dod pa'i phyir ro/ /gzhan la ston par byed pas ni du ba me med na mi 'byung ba bstan par bya ba yin te/ de ltar mes khyab? pa grub pa ni gang la nye ba de nyid du ma'i blo skyed par byed de 'brel pa de bzhin du bzung pa'i phyir ro/ /yul gang na yod pa'i me ni yul de nyid du skyed par byed do/ /yul gzhan dang gzhan du rgyu bas 'brel pa rtogs pa'i phyir ro/ /gal te spyir rtogs na ci ltar khyad par rtogs zhe na/ spyi ni khyad par med na mi 'byung ba'i phyir te/ des na rtogs pa la nyes pa med do/ /yul dang dus dang gnas skabs so sor nges par ma rtog par ni tha snyad gang yang mi 'grub po/ /'di ni tshad ma dpyad par sngar bstan zin pa'i phyir yang ma bzlas so/ /de'i phyir chos can gyi khyad par can gyi spyi sgrub pa'i phyir grub pa sgrub pa ma yin la rjes su 'gro ba med pa'i skyon yang med do/ /gal te bsgrub bya dang lhan cig spyi rtogs par bya ba yin la/ bsgrub par bya ba yang rjes su dpag pas shugs kyi rtogs pa yin no/ /phyi'i khyab pa tsam gyis ni 'grub pa ma yin te/ phyogs ma yin pa'i byas pa thams cad mi rtag pa yin no zhes de ltar khyad par ston pa ni ma yin no/ /des na nang gi khyab pa mi 'grub po/ /phyi'i khyab pa yin na ni der bsgrub bya grub pa mi skye'o/ /gzhan khyab pas gal te gzhan 'grub na ni thams cad kyis thams cad 'grub par thal bar 'gyur ro zhe na/ de yang gyi na ste/ 'di ltar/ 'di ni bshad zin gang gi phyir/ /chos can bcas par khyab rtogs te/ /gang gang 'di 'drar gyur pa'i phyogs/ /de ni bsgrub bya med mi 'byung/ /phyogs 'di ni mi dang ldan pa yin te/ du ba dang ldan pa'i phyir tshang? bde bzhin no zhes de lta bur rtogs pa'i shugs kyis sngar nyid gzung ngo zhes brjod do/ /de lta ma yin te/ bsgrub bya yang rang gi ngo bo nyid gzung na rjes su dpag pas ci bya/ /sngar gyi du ba

  353. 177a

    rtogs pa nyid du ba 'di yang me rtogs kyi/ 'byung bar 'gyur ba med par ni rtogs par nus pa ma yin no/ /des de'i rang bzhin rtogs pa yod pa nyid kyis rtogs so zhes tha snyad tsam du brjod do/ /tha snyad tsam gyis bzung ba yin na/ don dam par ma bzung ba'i phyir ci ltar mi slu ba yin zhe na/ de lta bu'i don bya ba byed pa nyid la der 'dzin pa'i phyir mi bslu ba yin no// /kham po bzhi pa/ /nges? pa 'di ci zhe na/ rgyu dang 'bras bu'i dngos po nges pa'i phyir ro/ /nges pa de nyid ci ltar 'dzin zhe na/ tha snyad 'di nyid las so/ /'brel pa la sogs pa thams cad ni thog ma med pa'i tha snyad las shes pa yin gyi don dam par ni ma yin no zhes bstan zin to/ /de'i phyir spyi 'brel pa gzung na khyad par rtogs par 'gyur ba yin te/ de ni khyad par med par med pa'i phyir ro/ /tha snyad thams cad ni de lta bu nyid do/ /'dis ni chos can chos dag gis/ /chos dang chos can khyad par can/ /'gog pa dag ni bsal yin te/ /chos can de ltar mi 'grub phyir/ /sgra mi rtag pa'o zhes dam bcas pa na/ /gal te sgra mi rtag par bsgrub pa yin na/ sgra la sgra'i khyad par can gyi mi rtag pa 'am/ mi rtag pa nyid kyis khyad par can gyi sgra 'grub par bya ba yin par 'gyur ro/ /des na de las bzlog pa sgrub pa'i phyir 'gal ba yin te/ ji ltar gtan tshigs 'di sgra la mi rtag pa nyid sgrub pa de bzhin du sgra'i khyad par can gyi mi rtag pa nyid med pa yang yin pa'i phyir 'gal ba yin no zhes smras pa de yang 'dod pa bsgrub byar brjod pa 'dis bsal ba yin no/ /sgra la mi rtag pa'i sgra bsgrub pa ni ma yin te/ mi rtag pa tsam zhig bsgrub pa'i phyir ro/ /mi rtag tsam bsgrub na ci ltar spyi sgrub par 'gyur zhe na/ ma yin te/ de ltar nyid du spyi sgrub pa'i phyir ro/ /chos can dang lhan? cig tshogs pa sgrub pa'i phyir ro/ /chos can sgra la mi rtag pa dang/ sgra'i spyi gzhan bsgrub par bya ba ni ma yin te/ des na de bzlog kyang nyes

  354. 177b

    pa yod pa ma yin no/ /mi rtag pa tsam bzlog na ni skyon du 'gyur ro/ /ji ltar 'dus pa'i phyin ci log tu 'gyur zhe na/ gnyis las gcig med na spyi bzlog par 'gyur ba'i phyir ro/ /gcig lus na ni tshogs pa srid pa ma yin no/ /de nyid kyi phyir chos can la 'ba' zhig nyid bsgrub par bya ba yin te/ de lta bu nyid 'dus pa sgrub pa'i phyir te/ gcig la gnyis pa sgrub na tshogs par 'grub pa'i phyir ro/ /'o na ci ltar chos dang chos can dang/ de tshogs pa dang khyad par bzlog pa tha dad? ce na/ de'i sgo nas bzlog pa'i phyir ro/ /de'i go nas tshogs pa bzlog pa ni des? tha snyad byed pa yin no/ /don dam par ni tshogs pa bsam pa nyid do/ /sgra ni mi rtag pa'i sgra'am sgra'i mi rtag pa dang ldan pa yin no/ zhes bya ba'i 'dus pa bsal ba yin no zhe na/ de ltar ni dam bcas pa ma yin te mi srid pa'i phyir ro/ /sgra mi rtag go zhes dam bcas par ni chos can gzhan la spyi sgrub pa nyid du rtogs pa ma yin no/ /de'i phyir rnam pa gzhan du tshogs pa sgrub mi srid pa'i phyir/ chos can la sogs pa 'ba' zhig bsal ba nyid kyis tshogs pa bsal ba yin gyi/ sgra mi rtag pa nyid kyis sgra bsal bas ni ma yin te/ de ltar bsgrub par bya ba mi 'dod pa'i phyir ro/ /mi 'dod pa bsal ba ni skyon ma yin no/ /chos can la ni tshogs pa dang/ /bsal ba 'gal ba ma yin te/ /gang phyir de ltar sgrub 'dod min/ /'dir chos 'ba' zhig bsgrub bya yin/ /zhes bya ba ni bsdu ba'o/ /gal te 'dod pa smos pa bsgrub byar mi 'dod pa bzlog kyang nyes pa med par bstan pa lhur gnyer ba yin na/ de la ci ltar chos can la sgra'i khyad par can gyi mi rtag pa nyid bkag pa la skyon med pa de bzhin du nam mkha' i yon tan nyid kyis khyad par can gyi mi rtag pa nyid bkag kyang skyon med pa nyid do zhe na/ de ni bden te/ de lta na yang rang nyid smos pa ni log pa dgag pa'i phyir yin no/ /'di ltar/ chos can gcig la bstan bcos las/ chos rnams du ma rnam bzhag kyang/ /bdag nyid 'dod pa bsgrub bya zhes/ /bdag nyid kyis ni sgra smos so/ /kha cig na re bstan bcos la mthong ba ni bsgrub

  355. 178a

    par bya ba nyid yin te/ de la gnod pas ni gtan tshigs dang dam bca' ba dag gi skyon du 'gyur zhe'o/ /de ltar yang rigs pa'i bshad pa las/ dam bca' ba ni lung yin te/ lung gi don ston pa'i phyir lung zhes brjod de gzhan du ni ma yin no zhes bya ba la/ rnam 'grel las/ gzhan du na lung tshad ma yin pa'i phyir dang dam bca' ba ni the tshom sgrub par byed pa'i phyir ci ltar gcig tu 'gyur/ de nyid ni lung gi don gzhan la ston pas na/ lung gi don yin no/ /de'i phyir dam bca' pa ni lung yin te/ de'i don la gnod na gtan tshigs kyi skyon yin te/ bstan bcos la gnod pa'i phyir ro/ /bstan bcos dang 'gal ba'i gtan tshigs ni bsgrub bya sgrub par byed pa ma yin no/ /dam bca' ba'i skyon yang yin no/ /mi rtag pa nyid kyang nam mkha' i yon tan nyid dang don gcig la 'du ba nyid bsgrub par bya ba yin te/ ci ltar bstan bcos sam gtan tshigs gzhan 'ga' zhig gis de la nam mkha' i yon tan nyid bsgrub par bya ba ltar/ dam bca' ba'i don ni de lta bu'i mi rtag pa nyid yin no/ /de yang des bsal pas dam bca' ba'i skyon yin no/ /'di ltar/ skad cig de ma thag 'jig na/ /nam mkha' i yon tan bdag nyid brdzun/ /dus gzhan dag tu 'jig na yang?/ /nam mkha' i yon tan bdag nyid brdzun/ /gal te sgra'i bdag nyid de rgyu med pa'i phyir skad cig gi mod la 'jig na ji ltar nam mkha' i yon tan nyid du 'gyur/ rten ces bya ba ni gnas pa'i rgyu yin na skad cig ma ni gnas pa ma yin no/ /skad cig gcig ni rang gi rgyu nyid las yin no/ /'on te dus gzhan du gnas pa yin na/ de ni rang gi rgyu las skyes pa yin pas/ de'i tshe yang rgyu'i dbang gis gnas pa'i phyir rten gyi ci bya/ /'on te rten gyi dbang gis dus gzhan du gnas pa yin na/ mi 'jig pa nyid kyis gnas pa ma yin nam/ rten gyis ci bya/ gang gi rten med na ltung bar 'gyur ba sgra ni lci ba nyid kyang ma yin la nam mkha' yang 'dzin pa'i rang

  356. 178b

    bzhin la brten pa ma yin no/ /nam mkha' ni lci ba dag 'dzin par byed pa ma yin no/ /lci ba ltung ba 'dzin pa yi/ /bdag nyid nam mkha' la yod min/ /lci min ltung ba med pa'i phyir/ /'dzin par byed pas ci zhig bya/ /rlung gis bskyod par gyur pa yi/ /sgra de? de yis 'dzin 'dod de/ / gal te nam mkha' 'dzin min na/ /de ni 'jig pa nyid du 'gyur/ /bltos nas 'jig 'gyur de lta bu/ /de ni de yi rang bzhin nyid/ /'jig rgyu med kyi bar du de/ /gnas pa'i phyir na rtan gzhan med/ /de ltar de ni rten med par/ /gnas 'gyur 'di ni nges pa nyid/ /gal te skad cig gnas pa dang/ /dus gzhan gnas la yod min la/ /rtag rnams la yang yod min na/ /rten nyid de ni don med yin/ /de bden de ltar na yang 'di/ /rtag tu lhan cig skyes rang bzhin/ /'di yang dpyad par bya min zhes/ /bya bar yang ni rtogs pa yin/ /de'i phyir mi rtag pa'i bdag nyid kyi don la brten gyis don ma yin pa'i phyir mi rtag par sgrub par byed pa de ni brten pa nyid kyis gnod par byed pa yin pa'i phyir gtan tshigs kyi skyon dang dam bca' ba'i skyon yin no zhe na/ shing la brjod pa gal te bstan bcos khas blangs phyir/ /thams cad? gzung bas de gcig la/ /rab tu gnod gang gtan tshigs dang/ /dam bca' bdag skyon 'gyur na/ /sgra mi rtag par sgrub pa na/ /dri ze'i yon tan bzlog pa'i phyir/ /gtan tshigs 'gal 'gyur skabs min phyir/ /min na de yi gzhan la'ang mtshungs/ /gal te bstan bcos khas blangs pa tsam gyis bstan bcos la gnod na gtan tshigs dang dam bca' ba'i skyon du 'gyur na/ de'i tshe sgra nam mkha' i yon tan yin pa bkag rang bzhin du dri ba'i yon tan las bzlog pa bsgrub ba la yang 'gyur ro/ /gang gi phyir ci ltar de yi brjod pa/ / de'i chos nam mkha' i yon tan nyid dang 'brel par gyur pa'i mi rtag pa nyid de bsgrub bya yin pa de bzhin du bstan bcos de byed pa'i 'dod pa dri'i chos can gzhan dang 'brel pa'i yon tan dang 'brel pa nyid bstan bcos des bsgrub par yang yin par 'gyur te/ der? gag? na

  357. 179a

    yang bstan bcos de dang 'brel pa mi 'thad pa'i phyir na dam bcas pa'i skyon du 'gyur ba nyid do/ /dri ni skabs su gtogs pa ma yin pa'i phyir na ci ltar zhes kyang brjod par bya ba ma yin te/ nam mkha' i yon tan yang skabs su gtogs pa ma yin pa'i phyir/ gnyi ga la yang khyad par med do/ ci ste chos can 'dir skabs yin/ /de la bstan bcos don gnod nyid/ /bstan bcos don khas blangs pa'i phyir/ /chos can gzhan duAng skabs ces min/ /gal te 'dir chos can skabs yin yang/ /de ni chos de'i gzhi yin pa'i nyid kyis so/ /'on te bstan bcos kyi sgo na chos gzhan gyi rten yin pas kyang ngo zhe na/ de lta na ni 'o na de dang bstan bcos gcig gis brjod pa chos can gzhan dang 'brel pa'i 'brel pa nyid kyang yin pa'i phyir skyon mtshungs so/ /'on te yang chos de'i gzhir gyur pa'i chos can skabs yin pa'i phyir/ chos gzhan yang bsgrub bya'i phyogs su gtogs pa yin te rgol bas kyang de ltar 'dod pa'i phyir ro/ /de nyid brjod pa ni/ chos can chos sogs sgrub byed kyi/ /ci ste rgol 'dod yin brjod na/ /nam mkha' i yon tan nyid kyang rgol bas 'dod pa nyid yin te/ bsgrub bya'i chos can du bzung ba'i chos yin pa'i phyir/ mi rtag pa nyid bzhin no/ /de bzhin du bsgrub bya'i spyi'i phyogs gcig gi khyad par yin pa'i phyir zhes bya ba la sogs pa'o zhe na/ de la brjod pa bsgrub par bya ba'i spyi'i phyogs gcig gi khyad par yin pa tsam gyis ni/ skabs ma yin pa la 'dod pa 'byung ba ma yin te/ 'di ltar/ gnas skabs 'ga' yis 'dod 'gyur zhing/ /de rtogs pa yang de dag gis/ /nan gyi khyod 'di 'dod ces pa/ /gsal bar dbang phyug dpyod pa yin/ /bsgrub par bya ba'i spyi'i phyogs gcig gi khyad par nyid tsam ni 'dod pa 'jug par byed pa ma yin no/ /'jug par byed na yang 'dod pa dang sgrub par byed pa 'jug pa rtag tu mi 'chad par thal bar 'gyur ro/ /'on te

  358. 179b

    bsgrub par bya ba'i spyi'i phyogs gcig gi khyad par nyid du 'dod pa'i phyir ro zhes bya bar 'dod na/ de ltar yin na 'dod pa de nyid bsgrub par bya/ /nga? yin la sgrub par byed pa yang de nyid yin pa'i phyir dam ba'i don nyid sgrub par byed par 'gyur ro/ /de'i phyir skabs gang yin pa de nyid la 'dod pa 'byung ste/ de lta ma yin na ha cang thal ba'i phyir ro/ /des na rtsod pa'i gnas nyid la 'dod pa 'jug gi nam mkha' i yon tan nyid la ni ma yin no/ /gal te skabs las 'dod pa 'byung bas skabs ni de'i rgyu yin pas na de ci ltar bya/? /rgyu las 'bras bu 'grub/ /rgyu nus pa thogs pa med pa 'bras bu go bar byed pa yin no zhe na/ ji ltar na de ltar rtogs par bya/ /de'i 'bras bu tshig mthong ba'i phyir ro zhe na/ 'o na ni 'bras bu tshig nyid las rtogs kyis skabs las ma yin pa'i phyir ci ltar de nyid kyis rtogs par brjod ce na/ 'dir brjod pa/ de nyid nus pa tshig las ni/ /rtog 'gyur de las 'dod pa ni/ /des pa nyid rtogs de yi phyir/ /skabs las rtogs par brjod pa yin/ /tshig las ni 'dod pa tsam rtogs so/ /skabs ni rgyu yin pa'i phyir 'dod pa go bar byed pa ma yin no/ /des na tshig gi rtogs pa nus pa thogs pa med pa'i skabs nyid 'dod pa so so nges pa go bar byed pa yin pa'i phyir na de nyid kyis yin par brjod do/ /skabs med kyang khyod kyi 'dod pa 'di yin no zhes bya ba 'di la ni rigs pa ci yang med do/ /des na 'bras bu'i rtags can min brjod de/ /'khrul pa yis ni gnod par 'gyur/ /med na mi 'gyur min 'dod la/ /gnod kyang gzhan la ci zhig gnod/ /'bras bu tshig gam rgyu go bar byed pa yin la rgyu yang skabs yin no/ /nam mkha' i yon tan nyid la ni go bar byed pa med de de la rgyu de med pa'i phyir ro/ /'bras bu tshig de yang nam mkha' i yon tan la med do/ /de lta na yang 'di ni khyod 'dod pa yin no zhes 'bras bu'i rtags med par 'dod par brjod pa ni 'khrul pas gnod par 'gyur ro/ /bsgrub par bya ba spyi'i phyogs gcig gi khyad par nyid la sogs

  359. 180a

    pa ni 'dod pa'i 'bras bu ma yin la nus pa thogs pa med pa'i rgyu yang ma yin no/ /med na mi 'byung ba'i don la gnod na ni khyab par byed pa med pas khyab par bya ba mi 'byung ba'i phyir/ sgrub byed dang bsgrub par bya ba dag gi skyon du 'gyur ba yin no/ / nam mkha' i yon tan nyid ni med na mi 'byung ba'i don ma yin no/ /med na mi 'byung ba ma yin pa la gnod pa na de las gzhan pa'i bsgrub bya la gnod pa ci yod/ gal te bstan bcos khas blangs te/ rtsod pa la 'jug pa nyid ma yin nam/ des na rang nyid bstan bcos la gnas pa la ni de'i don gnod na nges par skyon du 'gyur ro zhe na/ ma yin te bshad zin pa'i phyir ro/ /dri la sa'i yon tan phyin ci log tu byas pa la yang skyon du 'gyur ro zhes so/ /rjes dpag rang gi spyod yul la/ /lung la bltos pa med par bshad/ /des grub de ni legs par grub/ /de tshe bstan bcos bltos ma yin/ /'brel pa stobs la brten pa'i rjes su dpag pa ni rang gi yul la/ bstan bcos la bltos pa ma yin te/ mngon sum bzhin du tshad ma yin pa'i phyir ro/ /gang cung zad mthong ba de thams cad gcig lung la bltos sam de bzhin du rjes su dpag pa yang lung la ltos sam ci/ ci ste bdag cag lta bu'i mngon sum ni nges par lung la bltos pa yin te/ lung gi gnod na ni 'khrul pa nyid do/ /lha'i mig dang ldan pa'i tshig ni bdag cag lta bu'i mngon sum gyi gnod pa ma yin te/ rab rib can gyis mthong bas ni cig shos kyi mthong ba la gnod pa ma yin no zhe na/ de ni bden te gal te lta'i mig can tshig kun gyi/ byed po yin na tshig 'di rigs pa yin/ /de 'di 'ga' zhig yod kyang bdag cag gis/ /de ni de bzhin gsal bas des ma yin/ /tshig phan tshun 'gal ba nyid kyis lung byed pa thams cad rig pa ma yin no zhes bya bar rtogs so/ /thams cad mkhyen pa ma yin mod de lta na yang khyed cag pas kyang zhan par ni ma yin no zhe na/ de lta na 'o na lung thams

  360. 180b

    cad dang 'gal ba spangs dgos na de ni mi nus pa nyid do/ /des na rjes su dpag pa skye bar mi 'gyur ba kho na'o/ /'on te rang gi khas blangs pa'i lung gi bstan bcos dang 'gal ba nyid spang bar bya ba yin na/ de lta na ni brtags nas khas blang bar bya ba yin no/ /rtog pa'i dus na yang rjes su dpag pa tshad ma ma yin te/ bstan bcos dang 'gal ba ma spangs pa'i phyir ro/ /de'i tshe bstan bcos khas blangs pa med pa nyid pas 'gal ba spang bas ci bya zhe na/ de lta na ni 'o na des grub pa'i bsgrub pa bya ba de ni legs par grub pa nyid do/ /grub pa ni phyis ma grub par mi 'gyur ro/ /de dang 'gal ba'i lung khas blangs pas ma grub pa nyid du 'gyur ro zhe na/ 'o na ni bstan bcos thams cad dang 'gal ba spangs pa de nyid do/ /khas blang ba la bltos nas 'gyur ba yin gyi/ gzhan du ni ma yin no zhe na/ khas blangs thams cad? la ci ste ma yin/ brtag mi bzod pa nyid kyis so zhe na/ de lta na ni 'o na brtags pa ni tshad ma yin la de nyid kyang des gnod pa'i phyir rang gsad pa'i phyir gshed byed slongs pa'i tshul du 'di 'gyur ro/ /de nyid kyi phyir bstan bcos nyid tshad mas 'gal ba'i phyir de'i tshe bltos par bya ba ma yin no/ /des na de ni gnod par byed pa ma yin no/ /gal te de'i tshe bstan bcos la bltos par bya ba ma yin na 'o na rtsod pa dor ba nyid du 'gyur ro/ /de tshe rtsod dor 'gyur zhe na/ de tshe khas blangs med phyir min/ /'di ni khas blangs thabs yin te/ /de tshe yod kyang yan lag min/ /bstan bcos la ma brten par rtsod pa mi byed pa ni ma yin te/ de'i tshe khas ma blangs pa'i phyir ro/ /khas len pa'i thabs ni brtag pa nyid yin no/ /ma brtags par ro khas blangs so/ /zhe na ni de'i tshe yod kyang yan lag ma yin te/ tshad mas gnod pa'i phyir ro/ /brtag mi bzod pa'i bstan bcos ni de'i tshe gnod par byed pa ma yin te/ 'o na gang gi tshe khas blangs pa'i bstan bcos gnod par byed pa'i yan lag yin zhe na/ 'dir brjod pa/ de ltar yul gnyis rnam

  361. 181a

    dag na/ /de ni bstan bcos yongs 'dzin par/ /'dod pa'i dus yin de yi tshe/ /bstan bcos kyis ni gnod par 'gyur/ /de ltar zhes bya ba ni mngon sum dang rjes su dpag pas mngon sum dang ltog tu gyur pa'i yul gnyis po yongs su dag pa na gal te de tsam gyis yongs su tshim gyis yongs su ma tshim pa de'i tshe bstan bcos 'dzin par 'dod pas na de ni bstan bcos len pa'i dus yin par 'gyur te/ de nyid kyi tshe bstan bcos gnod par byed pa yin no/ /gang gi phyir/ des grub don la de dang ni/ /'gal par sems pa mi rung phyir/ /gnas gsum par ni 'pho ba na/ /bstan bcos len par rigs ldan yin/ /brtags nas bstan bcos khas blangs na bstan bcos de las rab tu grub pa'i don la de dang 'gal bar sems pa ni mi rigs so/ /gal te bstan bcos de ni legs brtags na/ /de ni ci ltar dam bca' gnod/ /de la slar yang brtag par bya min te/ /gal te rtogs de ni brtags mi 'gyur/ /de'i phyir mngon sum dang rjes su dpag pa dag gis brtags te de'i yul ma yin pa gnas gsum pa la 'pho ba'i rgyu mtshan du bstan bcos khas len pa'i phyir na rjes su dpag pa'i yul la lung gnod par byed pa ma yin no/ /'on te yang gang zhig ma dpyad par bstan bcos khas len na bstan bcos gnod par byed pa yin pa'i phyir dam bca' ba'i skyon du 'gyur ro zhe na/ de ni ma yin te/ 'di ltar/ der yang bsgrub bya'i chos dang ni/ /med na mi 'byung la gnod nyid/ /spang bar bya yi gzhan min te/ /thug pa med pa thal phyir ro/ /gal te bstan bcos khas blangs pa tsam gyis de'i don la gnod pa spang par bya ba yin na dril? sa'i yon tan phyin ci log tu sgrub pas kyang nyes par 'gyur ro/ /de'i phyir bsgrub par bya ba'i chos dang 'brel pa nyid kyis gnod pa spang par bya ba'i 'brel pa med pa gzhan dag gi ma yin no zhes bya ba 'di gnas pa yin no/ /gal te bstan bcos khas ma blangs

  362. 181b

    par rtsod na yang sun 'byin pa gtso bor byed pa tsam du 'gyur te/ bstan bcos la mi brten pa ni med par 'gyur ba'i phyir ro zhe na/ tshad mas grub pa khas len pa dang de bzhin du tshad mas ma grub pa khas len pa med pa nyid du 'gyur te/ gang zhig gnas gsum par bstan bcos khas mi len pa de med pa ma yin gyi gnas gsum pa las gzhan du ni bstan bcos kyis ci bya/ 'di ltar dpyod pa kun la bstan bcos dag /gzung zhes lugs 'di gang gis byas/ /nga? ni grub mdza' med rnams kyis/ /du bas ma ni rtogs mi 'gyur/ /gal te tshad ma thams cad grub pa'i mdza' khas blangs nas 'jug pa nyid yin na/ 'jig rten pa lang rdzi la sogs pas du ba las me rtogs par yang mi 'gyur ro/ /ci ste 'jig rten pha rol la nye bar mkho ba'i don gang yin pa de nyid bstan bcos khas len pa sngon du 'gro ba can yin gyi gzhan ni ma yin no zhe na/ de yang ma yin te/ bstan bcos khas blangs med par ni/ /gal te de ni tshad ma yis/ /des na de tshe bstan bcos ni/ /sngon du gtong pa gang du dgos/ /gal te khas ma blangs na bstan bcos kyis gnod par dogs par 'gyur ro/ /khas blangs na ni bstan bcos kyi gnod pa shes te des na de'i tshe ni bsgrub par mi bya ba nyid do zhe na/ ma yin te/ tshad mas bsgrub pa ni mi 'dod kyang 'gyur ba'i phyir ro/ /bstan bcos ni de'i tshe gtong ba nyid do/ /gal te bdag nyid kyis ci ltar dor bar 'os shes na/ ma yin te 'brel pa med pa'i phyir ro/ /de'i yon tan dang ldan pas de'i yin no/ /'di ltar/ skya bo reng bur skyes gyur cing/ /yon tan nyes pa ma mthong la/ /grub mdza' mi zad gdon de ni/ /kye ma su yis bgos pa yin/ /gal te rigs pas kyang grub pa'i mdza' ngor? bar mi nus na de'i tshe/ 'di grub pa'i mdza' ma yin te/ grub mdza' i tshul gyis byis pa rnams kyi gdon mi zad pa zhig te/ de las thar bar smi nus pa'i phyir ro/ /lhan cig 'brel par skyes nyid las//

  363. 182a

    yongs su dor bar mi nus na/ /skye bo rang bur skyes pa dag /de ldan lhan cig ji ltar skyes/ /tshad ma spangs phyir yon tan dang/ /nyis pa rnam dbye gang la yod/ /de phyir rjes su dpag pa ni/ /bstan bcos khas len pa sngon du 'gro ba can ma yin no/ / gal te bstan bcos dang 'gal ba'i rjes su dpag pa ci ltar nges par byed pa yin/ des na de dang rjes su mthun pa'i dpe bstan bcos dang 'gal ba spang par bya ba nyid do zhe na/ de ni ma yin te/ 'di ltar/ gal te dpe la bstan bcos kun/ /sgrub par byed pa gcig nyid la/ /bstan pa sgrub byed 'gyur zhe na/ /'di ni 'jig rten 'das lugs yin/ /bstan bcos dang 'gal ba ni spang par mi nus pa nyid do/ /bstan bcos nyid phan tshun 'gal ba'i phyir ro/ /thams cad tshad ma 'am tshad ma yin par 'gyur/ /re zhig tshad ma yin na ni/ thams cad 'gal ba mi spongs te/ phan tshun 'gal ba'i phyir ro/ /tshad ma nyid ma yin pa ma yin te skye bo thams cad kyi tshig dang 'gal ba ni rtag tu yod pa'i phyir ro/ /mdza' med pa dang ni 'gal ba spangs par nus pa ma yin no/ /de ltar sgrub par byed par yin par 'gyur zhes bya ba'i lam 'di ni 'jig rten las 'das pa yin no/ /gal te chos can de nyid kyi chos nyid la gnod na/ brjod pa la yang yid ches pa ci yod de/ gnod par byed pa ni sgrub par byed pa srid pa ma yin no zhe na/ de yang mi rigs te/ de lta yin na 'ga' yang sgrub par byed pa nyid du mi 'gyur te/ gcig bsgrub pa nyid kyis gdon mi za bar de las gzhan pa gnod par 'gyur ba'i phyir ro/ /gzhan yang/ 'brel med chos ni ma grub pas/ /ma grub pa ni ji ltar 'gyur/ /de grub yin na de sgrub brjod/ /gtan tshigs skyon ldan ci ltar yin/ /gal te 'brel pa med pa'i chos kyis gnod pa spang bar bya ba yin na gtan tshigs nyid med par 'gyur ro/ /gal te gzhan la gnod kyang

  364. 182b

    gzhan ci'i phyir mi 'grub du ba gcig gis kyang med pa grang ba'i reg pa yod pa dang med pa dag sgrub par byed par dmigs so/ /'gal ba'i phyir bsgrub pa mi 'gal lo zhe na/ nam mkha' i yon tan la yang 'gal ba mtshungs so/ /gal te gtan tshigs de ni dngos po dang/ dngos po med pa dag gis sgrub par byed par 'gyur med kyi/ /bstan par bya ba go ci ltar bstan bcos dang 'gal ba'i don rtogs par 'gyur/ des na bstan bcos kyi don dang 'brel pa yang dpe la bstan par bya ba yin te/ de'i tshes nye bar blangs pa med par ni gtan tshigs las bsgrub bya rtogs pa ma yin no zhe na/ de ni ma yin te/ 'di ltar/ chos can chos ni ma lus pa/ /dpe bstan med pa kho nar ni/ /skye bo tshig dang du sogs las/ /sems ldan me sogs rjes dpog byed/ /bstan bcos las grub pa 'brel pa med pa'i chos nyid re zhig zhog ste/ chos can de'i chos kyang 'ga' yang dpe la nye bar blangs pa med pa kho nar 'jig rten 'di dag dang du ba la sogs pa'i gtan tshigs las sems pa can dang me la sogs pa rtogs pa nyid do/ /de las gzhan pa'i chos bkag ces te/ me mi 'grub pa ni ma yin la/ bstan par bya bas mi rtogs pa yang ma yin no/ /gzhan yang/ bstan par bya ba de mi 'dod kyang ngal te/ mi 'khrul pas na ngo bo dang/ /rgyu dag sgrub par byed pa'i don/ /'ga' yi smra ba la gnod pas/ /ngo bo nyid las ldog ma yin/ /rang gi rgyu dang 'brel pa'i don rnams kyi ngo bo nyid ni/ /skyes bu'i 'dod pas ldog pa ma yin no/ /gtan tshigs las bsgrub bya 'grub pa'i rgyu ni mi 'khrul pa yin la de yang yod pas na ci ste sgrub par byed pa ma yin/ /'on te 'di sgrub par byed pa yin mod/ /phyir rgol ba de go ci ltar rtogs she na/ de'i phyir bshad pa/ ngo bo nyid las ldog mi 'gyur/ /de ni 'dod pa'i bsgrub bya yi/ don dang med na mi 'byung bar/ /rtogs pa gzhan dag gtan tshigs nges/ /ci ltar rtogs par 'gyur ma yin/ /nus pa thogs pa med pa las/ /

  365. 183a

    gzhan 'bras bu bskyed pa la ma zhugs pa'i rgyu ni bzlog par nus kyi shes par byed pa ni 'brel pa'i stobs kyis tshul gsum rtogs pa bskyed pa de nyid kyis bzlog par nus pa ma yin no/ /rtags las gal te mi des na/ /skyes bus mi 'dod bzhin du ni/ /me yis tshig par gyur pa yi/ /tshig pa'i sdug bsngal rab tu bzlog /de la mi 'khrul pa nyid rtogs pa nyid kyis ni de rtogs par mi byed pa ma yin te/ khyad par gyi khyad par can khyad par dang ldan par rtogs pas khyad par mi rtogs pa ni ma yin te/ med na mi 'byung ba'i phyir ro/ /thams cad yin mod kyi 'on kyang rgol ba mi rigs pa byed par 'gyur ro/ /zhe na/ 'di la brjod pa/ gtan tshigs brjod dam mi brjod kyang/ /'gal na rgol bas ci zhig byas/ /des brjod nyes pas bstan bcos la// gnod byed du ni de skyes min/ /gzhan gyi don gyi rjes su dpag pa ni tshig gi skyon yon tan gyi 'bad du byas pa yin gyi/ don gyi ni ma yin no/ /'dir rgol bas ni nyes pa'i rigs 'ga' yang byas pa med do/ /bstan bcos gnod par byas zhe na/ ma yin te/ ma brjod kyang gtan tshigs nyid bstan bcos kyis gnod par byed pa yin no/ /ci'i phyir de lta bu'i gtan tshigs 'god ce na/ gzhan med pa'i phyir ro/ /nam mkha' i yon tan nyid la sogs pa la mi gnod par mi rtag pa nyid sgrub par byed pa gang yin pa ni 'ga' yang med do/ /ci ste kha dog nyid du mi 'jug ce na ma yin te/ sgrub par byed pa'i yan lag mi brjod pa ni shin tu cher tshar bcad pa'i phyir ro/ /bstan par bya ba yang gdon mi za bar rtogs par bya ba yin no/ /de'i phyir 'dir rgol pa la ni skyon yod pa ma yin no/ /gnod byed brjod phyir skyon ce na/ gal te ma brjod na de ci/ /gnod pa min nam mi rigs byed/ /min te ci las skyon can yin/ /ces bya ba ni bar skabs kyi tshigs su bcad pa'o/ /de lta na mi 'o na gtan tshigs

  366. 183b

    ltar snang ba brjod pa la yang skyon yod pa ma yin te/ gtan tshigs ltar snang ba yang rang nyid de ltar 'gyur ba yin pa'i phyir rgol ba la nyes pa ci yod/ /de yang des brjod pa'i nyes pas nyes pa dang ldan par 'gyur ba ni ma yin te/ rang nyid des pa can yin pa'i phyir ro/ /gtan tshigs brjod rung ma brjod rung/ /ma grub rgal bas 'dir ci byas/ de yi brjod pa'i nyes pa yis/ /de ni ma grub 'gal ba min/ /de ni ma yin te/ gtan tshigs ltar snang gzhan dag la/ /rang 'dod nyid ni sgrub med phyir/ /don med brjod pas skyon 'gyur na/ /de sgrub phyir na 'dir ma yin/ /de la sgrub pa'i don du sgrub par byed pa brjod par bya ba la de sgrub par byed pa ma yin brjod pa ni don med pa brjod pa'i phyir na skyon du 'gyur ro/ /don dang ldan pa brjod pa'i skabs su don med par brjod pa ni don med pa nyid do/ /'di ni bsgrub bya sgrub par byed pa brjod pa'i phyir nyes pa med de/ 'dir ni/ ma brjod pa nyid skyon yin no/ /'dir yang ma brjod pa skyon yin no/ /zhen ma yin te/ sgrub par byed pa yang yod pa'i phyir ro/ /'dir ni bstan bcos kyi don nam mkha' i yon tan nyid la gnod par byed pa ma yin pa mi srid do/ /gal te gtan tshigs kyis bstan bcos kyi don la gnod la mi rtag pa nyid kyang ci ltar sgrub par byed de/ /de nyid kyis ma nges pa'i phyir ro zhe na/ 'dir brjod pa/ gal te la lar bstan bcos 'ga' / /rigs min pas na rigs smra ba/ /gzhan pa dag kyang bgeg byed ces/ /bya ba rgyal rigs lugs yin no/ /bstan bcos mdza' dag gi don 'gal ba ma yin te/ bstan bcos 'ga' zhig nyid la de yod pa'i phyir ro/ /'brel pa yod pa dang med pa dag gis sgrub par byed pa dang sgrub par byed pa ma yin pa 'di la 'gal ba ci yod/ mi rigs pa bkag pas rigs pa yang dgag pa ches bya ba 'di ni rgyal po'i dag yin no/ /gzhan yang/ don kun mtshungs par byas pas ni/ /sgrub byed brjod par nus ma yin/ /des na kun

  367. 184a

    du bsgrub bya dang/ /sgrub byed gzhag pa 'di nyams 'gyur/ /don thams cad dang mi 'gal bar ni sgrub par byed pa 'ga' yang brjod par mi nus te/ skabs kyi bsgrub bya dang 'brel pa tsam nyid la bltos par byas pa yin no/ /de lta ma yin na ni mi srid pa'i phyir ro/ /bstan bcos kyi don dang mi 'gal ba ni bya ba yin no zhe na/ ma yin te/ khyad par med pas gzhan la yang 'gyur ba'i phyir ro/ /ci ste bstan bcos kyi 'gal ba yang spangs par bya ba yin na de lta na ni 'ga' yang sgrub par byed pa nyid yin par mi 'gyur bas na thams cad du bsgrub bya dang sgrub byed kyi dngos po 'jig par 'gyur ro/ /'o na ni ci'i phyir bstan bcos khas len zhe na/ de ni bden te 'dir 'di nyid sgrub par 'dod pa yin te/ dang po bstan bcos khas blang bar bya ba ma yin no/ /byas pa yin na yang tshad ma dang 'gal bas phyis kyang dor ba nyid dge'o/ /pha rol po dag 'dod pa ni dam bcas pa ni bstan bcos khas blangs pa yin no/ /des na bstan bcos khas blangs nas 'gal bar bya ba ma yin te/ grub pa'i mdza' khas blangs nas rtsod pa byed pa la 'jug pa'i phyir ro zhe'o/ /gal te nam mkha' i yon tan nyid bkag kyang gtan tshigs kyi skyon ma yin na 'o na ci ltar 'gal ba mi 'khrul pa can sgrub par byed pa'i skyon du 'gyur der yang sgrub par byed ba gzhan gyis rab tu grub pa'i don dang 'gal ba las nyes par 'gyur ba yin la 'dir yang bstan bcos las grub pa'i don dang 'gal ba nyid skyon yin pa'i phyir ro zhe na/ de ni ma yin te/ 'di ltar/ chos can cig la 'gal ba dag /mi rung phyir na 'gal des la/ /gnod 'gyur 'dir ni de 'dra ba'i/ /'gal ba yod pa ma yin no/ /'gal ba mi 'khrul pa phan tshun 'gal ba'i don la mi 'khrul pa gnyi ga yang stobs mtshungs pa nyid de/ gnyi ga yang lung la brten pa'i phyir ro/ /rjes su dpag pa ni dngos po'i stobs kyis zhugs pa yin

  368. 184b

    la/ lung ni de lta bu ma yin te/ des na de dag ni 'gal pa'i mi 'khrul pa bzhin du phan tshun gnod pa byed pa ma yin no/ /gnyi ga yang sgrub par byed pa nyid ni ma yin te/ 'gal ba dag chos can gcig la mi srid pa'i phyir ro/ /bstan bcos ni 'gal ba'i rjes su dpag pa la bltos te tshad ma nyid ma yin pas de'i don gnod par bya ba nyid yin gyi/ 'gal ba'i mi 'khrul ba bzhin du gnod par byed pa ni ma yin no/ /tshad ma'i stobs kyis gzung ba ma yin pa'i bstan bcos ni tshad ma nyid yin pa bkag pa nyid do// de'i phyir 'gal ba mi 'khrul pa can gyi phyogs nye bar bkod pa'i phyogs na bzod pa ma yin no/ /ci ste dbang po las 'das pas byas pa'i bstan bcos de ci ltar rjes su dpag pas gnod/ des na des gegs byas pa'i rjes su dpag pa yang tshad ma ma yin pa nyid do/ /de'i phyir stobs mtshungs pa'i phyir na 'gal ba mi 'khrul pa bzhin du 'dir yang skyon nyid du zhe na/ de ni ma yin te/ 'di ltar/ gal te 'gal ba'i rjes dpag kyang/ /bstan bcos kyis ni gnod gyur na/ /tshad ma mdza' dag nyams 'gyur te/ /lung nyid 'ba' zhig lus par 'gyur/ /gal te rjes su dpag pa mdza' dag bstan bcos kyi gnod pa de'i tshe rjes su dpag pas bstan bcos kyi don gzhan la sgrub pa'i phyir lung dam bca' bar ci ltar 'gyur/ /rjes su dpag pa 'am gzhan bstan bcos kyi mi gnod pa'i tshad ma gang yin pa ni yod pa ma yin te/ rtag pa dang mi rtag pa nyid la sogs pa'i rjes su dpag pa ni phan tshun bstan bcos kyi gnod pa'i phyir dang/ me yod do zhes bya ba la sogs pa yang stong pa nyid kyis bstan bcos kyis gnod pa'i phyir ro/ /'on te de tshad ma ma yin pa ci ltar rjes su dpag pa'i gnod par byed pa yin/ rjes su dpag pas gnod pas tshad ma yin gyi thams cad ni ma yin no zhe na/ bstan bcos kyi gnod pa'i rjes su dpag pa de

  369. 185a

    nyid tshad ma ma yin no zhes bya ba khyed kyi phyogs ma yin nam des na khyod kyi phyogs der ba ni ma 'thad do/ 'on te brtags pa tshad ma yin pas na des gnod par byed pa yin no zhe na/ rjes su dpag pa nyid brtag pa ma yin nam/ des na bstan bcos des gnod pa'i brtag pa ci ltar bstan bcos tshad mar 'gyur ba'i rgyu yin te/ de la med pa de la yod par byed pa ni ma yin no/ /de'i phyir mngon sum sngon du 'gro ba can gyi rjes su dpag pa nyid rtsa ba brtan pa'i phyir tshad ma yin pas des gnod pa'i phyir bstan bcos tshad ma ma yin pa'i phyir na de'i gnyen po ma yin te/ des na 'dir yang 'gal ba mi 'khrul pa bzhin du 'gyur ba ma yin no/ /des na nam mkha' i yon tan ma yin pa dang/ lhan cig pa'i mi rtag pa sgrub par byed pa ni sgrub par byed pa nyid yin gyi/ /skyon dang ldan pa ni ma yin no/ /'gal ba mi 'khrul pa ni rtag pa dang de med par sgrub par byed pas gtan tshigs ma yin pa nyid de de yod pa dang med pa dag chos can cig la mi srid pa'i phyir ro/ /nam mkha' i yon tan nyid mi rtag pa nyid dang 'gal ba ma yin pa'i phyir chos can cig la sgrub pa la skyon gang la yod/ 'on te/ de dag gnod bya gnod byed ni/ /min yang bstan bcos don slad phyir/ /'brel pa med kyang gnod ce na/ /thams cad thams cad kyis gnod 'gyur/ skabs kyi gtan tshigs de nyid dam gzhan gyi dri la sa'i yon tan phyin ci log tu byed pa'i phyir yang 'gyur ro/ /'brel yod des na de nyid la/ /gnod 'gyur zhe na ma yin te/ /gtan tshigs kun rang bsgrub bya la/ /yon tan nyes par byed phyir ro// gal te chos can de la nam mkha' i yon tan nyid de/ yod pa yin pa'i phyir 'brel pa yin du chug pa de lta na yang bsgrub bya ma yin te skabs ma yin pa'i phyir skabs ma yin pa yang gnod pas skyon yod pa ma yin te/ gtan tshigs thams cad

  370. 185b

    ni rang gi bsgrub bya la bltos te skyon yon bsam par 'dod pa'i phyir ro/ /de rang gi bsgrub par bya ba la mi mthun pa med kyang gal te de las gzhan 'brel pa med pa la gnod pas bstan bcos la gnod pa'i mtshan nyid kyis nyes pas 'gyur na ni de'i tshe gtan tshigs gzhan gyis kyang chos can gzhan du yang gnod pa byed pa'i skyon mtshungs pa yin no/ /zhes bstan pa'i phyir bshad pa/ bsgrub bya med na mi 'byung ba'i/ /'brel pa de na 'dir rtogs med/ /'dir ni bstan bcos gnod 'ba' zhig /skyon yin de gzhan byas la'ang mtshungs/ /bsgrub bya'i khyad par byed pa med par bsgrub pa ni spang bar bya ba yin te/ bsgrub par bya ba 'grub pa med pa na mi 'byung ba gang yin pa de la gnod na ni de med na khyab par bya ba yang ldog pa yin pa'i phyir ro/ /nam mkha' i yon tan nyid med na ni bsgrub bya med na mi 'byung ba nyid ma yin te des na de med kyang bsgrub bya 'gog pa ma yin no/ /gzhan yang/ gal te bstan bcos khas blangs phyir/ /bstan bcos mthong ba ma lus bsgrub/ /dpe dang gtan tshigs ma grub smra/ /dam bca' bar ni thal bar 'gyur/ /tshad ma kun las btus pa'i bshad pa byed pa na re/ bstan bcos khas blangs pa'i phyir bstan bcos su mthong ba ma lus pa bsgrub bya yin te/ de lta ma yin na bstan bcos khas blangs pa don med pa nyid do/ /de'i don mi sgrub na ni bstan bcos khas blang ba 'gar yang nye bar mkho ba ma yin zhing khas blang bar yang mi 'os so/ /rang dbang du tshad ma yin na ni tshad mas cung zad kyang byar med do/ /des na bstan bcos khas blangs nas de'i don grub par bya ba nyid do/ /des na de dang 'gal ba ni skyon nyid do zhes zer ro/ /'di la brjod pa/ ma grub pa'i gtan tshigs dang dpe bstan pa dag kyang dam bca' bar 'gyur te/ de dag kyang res 'ga' bstan bcos kyi don du 'gyur ba'i phyir ro/ /'gyur mod nyes pa ci yod ce na/ thams cad dam bca' ba nyid du 'gyur te des na ma grub pa la sogs pa'i skyon

  371. 186a

    brjod par bya ba ma yin no/ /gal te bstan bcos kyi don ma yin pa gang yin pa de gtan tshigs su brjod par bya ba yin pas de la ma grub pa la sogs pa'i nyes pa'i go skabs su 'gyur ro zhe na/ ma yin te/ de yang rang gi kha nas khas blang ba'i phyir ro/ /'on te rang gi kha nas khas blangs pa'i dam bca' ba ma yin na gzhan gyi kha nas khas blangs pa ma yin par gsal ba nyid do gzhan bye brag la sogs pa ltar na yang bsgrub par bya ba bstan pa dam bca' ba yin pa'i phyir ma grub pa'i sgrub par byed pa bstan pa yang yin par 'gyur ro/ /de'i ltar na yang gal te bstan bcos kyi don bstan pa ma yin pa dam bca' bar mi 'gyur yang/ bstan pa ni 'gyur ba nyid do/ /'di ltar rnam par bshad pa las/ /dam bca' ba ni lung yin par brjod do/ /gal te dam bcas pa gang yin pa de ni lung yin gyi lung ni dam bca' ba nyid ma yin pa ma yin nam zhe na ma yin te/ dam bca' ba ni lung gi don ston pas lung yin gyi/ rang gi ngo bos ni ma yin no/ /des na bsgrub par bya ba bstan pa dam bca' ba yin pa'i phyir ma grub pa'i gtan tshigs la sogs pa dam bcas par 'gyur te/ de yang lung gi don yin pa'i phyir ro/ /bstan bcos kyi don mdza' dag bsgrub bya yin pa de ni bden med kyis/ de ltar yang sgrub par byed pa nyid du brjod pa ni dam bca' ba ma yin te/ bsgrub bya nyid du 'dod pa ma yin pa'i phyir ro/ /rab tu byed pa rigs pa'i sgo las/ de la yang rang nyid bsgrub par bya ba nyid du 'dod pa 'gal ba'i don gyis ma bsal ba ni phyogs yin no zhes bshad pa'i phyir ro/ /sgrub par byed pa nyid du bstan pa ni 'dod phugs nyid ma yin no/ /bsgrub par bya ba ni las yin na sgrub par byed pa nyid du 'dod pa ni las ma yin te/ dper na 'o mas 'bras chan bca' bo zhes bya ba la 'o ma bzhin no/ /tshad ma kun las btus las kyang rang gi ngo

  372. 186b

    bo kho nar zhes nges par gzung ba'i phyir ro/ /rigs pa can bsgrub par bya ba bstan pa ni dam bca' ba'o zhes bya ba la/ bsgrub par bya ba nyid du zhes dngos por gtsor byed pa'i nges par gzung ba'i phyir/ bsgrub par bya ba bstan pa ni dam bca' ba ma yin no zhe na/ 'di la brjod pa/ gal te sgrub byed nyid brjod pa ma yin 'dod pa smos phyir na/ bsgrub bya rigs pas thob pa ni/ /tshig las ldog pa ma yin no/ /bstan bcos khas blang ba'i phyir zhes bya ba 'di gal te rigs pa yin na do tse ltar rigs pa thob pa tshig las ldog rigs pa ston pa'i tshig ni rigs pa nyid 'gog par byed pa ma yin no/ /'on te tshig gis bstan pa'i rigs pa yang sgrub par byed pa nyid du bstan pa bsgrub bya ma yin pa'i sgrub par byed pa nyid do zhe na/ de ni ma yin te/ de lta yin na 'di gnyis ni/ 'gal ba mi 'khrul can 'gyur te/ bstan bcos khas blangs phyir zhes dang/ /de bzhin 'dod sogs brjod de'o/ /gal te 'dod pa brjod pa la sogs pa'i rigs pas sgrub par byed pa bsgrub par bya ba ma yin par bsgrub pa dang de bzhin du bstan bcos khas blangs pa'i phyir ro/ /zhes bya ba 'dis bsgrub par bya ba nyid yin pa de lta na gcig la phan tshun 'gal ba'i don bsgrub pa de gnyis the tshom skyed par byed par 'gyur ro/ /de lta yin dang bstan bcos khas blangs pa'i phyir ro/ zhes bya ba 'di sgrub par byed pa ma yin pa'i phyir bstan bcos la mthong ba sgrub par byed pa nyid du 'dod pa yin yang bsgrub par bya ba nyid yin par ga la 'gyur/ 'on te bstan bcos khas blangs pa'i phyir zhes bya ba 'di rigs pa ma yin la de ltar na rgal bas 'dod pas bsgrub par bya ba yin gyi sgrub par byed pa nyid du 'dod pa ni ma yin no zhe na/ 'dir bshad pa/ gal te mi 'dod sgrub min no/ /rgol ba mi 'dod chos gzhan yang/ /sgrub min de tshe bsgrub bya ba/ /min la gnod pas ci zhig 'gal/ /nam mkha' i yon tan nyid kyang rgol bas 'dod pa ni ma yin te des na bsgrub

  373. 187a

    bya ma yin no/ rtog pa dang ldan pa skabs der nas skabs ma yin pa la/ phugs kyis 'dod pa ci ltar byed/ gal te bstan bcos khas blang nas rang gis brjod pa'i gtan tshigs kyis 'gal bar 'gyur na/ gdon mi za bar nyes pa can du 'gyur ro zhe na/ ma yin te/ rang nyid dang phyir rgol ba'i 'dod pa bsgrub pa'i phyir skyon yod pa ma yin no zhes bstan zin to/ /'on te tshad ma dang yang 'gal ba yin te/ gal te sgra nam mkha' i yon tan ma yin na skyes pa'i gnas nyid du thos par 'gyur ro/ /nam mkha' i yon tan nyid yin na ni de dang ldan pa'i phyir gzhan du yang thos pa yin no zhe na/ de ni ma yin te/ de nyid du de 'dzin pa'i phyir gzugs bzhin no/ /thag ring na 'dug pas ci phyir thos zhe na/ 'o na de'i tshe gzugs kyang nam mkha' i yon tan du 'gyur ro/ /gzhan yang nam mkha' i de gcig gam du ma yin par 'gyur/ gal te gcig yin na dpag tshad stong phrag tu yang de'i yon tan thos par 'gyur ro/ /du ma nyid yin na brjod pa'i yul nyid du thos par 'gyur ro/ /de'i phyir sgra nam mkha' i yon tan yin par gang las kyang rtogs pa ma yin no/ /gal te nam mkha' i yon tan nyid ma yin na gnas pa nyid du mi 'gyur ro/ /don ni gdon mi za bar gnas pa dang ldan par 'gyur ba yin no/ /de la gzugs dang reg pa dang ro dang dri rnams kyi rten ni sa la sogs pa 'byung ba chen po bzhin yin no/ /sgra'i ni nam mkha' i yin te rten pa ma yin par mi 'thad pa'i phyir ro zhe na/ 'o na ni sa la sogs pa rnams kyang gtan tshigs de nyid kyis nam mkha' la brten pa nyid do/ /ma yin te yon tan ma yin pa'i phyir ro zhe na/ rten pa nyid yin na yon tan ma yin pa de nyid mi 'grub la rten pa ma yin pa nyid na sgra yang yon tan nyid du mi 'grub po/ /sa la sogs pa ni yon tan gyi rten yin pa'i phyir yon tan ma yin no zhe na/ nam mkha' rten yin na de nyid

  374. 187b

    mi 'grub po/ gzugs la sogs pa dang sa la sogs pa dag ni nam mkha' la brten pa nyid du 'gyur ro/ /sa la sogs pa dang gzugs la sogs pa ni nam mkha' la 'phrod pa 'du ba ma yin pa'i phyir ro/ /gzugs la sogs pa ni sa la 'du ba yin no zhe na/ 'phrod pa 'du ba zhes bya ba 'di ci zhig /dbyer med par 'gyur bar gnas pa nyid do zhe na/ 'o na sgra nam mkha' i yon tan ma yin te/ de dang lhan cig tu dbyer med par ma rtogs pa'i phyir ro/ /dri yang sa la de bzhin no/ /'on te nam mkha' la dmigs pa'i phyir sgra ni de la brten pa yin la/ de'i gnas kyang de nyid yin no zhe na/ 'o na ni shing bal la sogs pa yang der dmigs pa'i phyir nam mkha' la brten par 'gyur te/ nges 'dzin pa'i phyir ro/ /yang ba'i phyir rang nyid gnas pa yin no zhe na/ ma yin te/ sgra yang de bzhin du 'gyur bas na nam mkha' i yon tan ma yin pa nyid do/ /'on te shing bal sogs pa ni sa la yang gnas so nam mkha' la gnas pa ni nam mkhas byas pa ma yin te/ rlung gis gzung ba yin pa'i phyir ro zhe na/ sgra yang de bzhin yin pas na nam mkha' i yon tan nyid ma yin no/ /'di ltar/ rlung g+gis 'das par 'gyur ba yi/ /sgra ni gzhan du thos pa yin/ /de yi rten ni rlung nyid do/ /gzhan brtags pas ni ci zhig bya/ /ci ltar rlung gis gzung ba shing bal la sogs pa rlung gi yon tan ma yin pa de bzhin du sgra yang ngo/ /ji ltar ras bal nam mkha' la/ /rlung gis khyer ba de bzhin du/ /sgra yang rlung gis bzlog phyogs ni/ /gang du 'ang sgra ni rig gam ci/ /'on te yon tan dang ldan pa med pa'i phyir sgra ni rlung gis 'da' bar mi nus pa nyid do/ /shing bal ni 'gal ba med des yin pa'i phyir ro/ /de lta ma yin na ni nyi ma dang grib ma la sogs pa yang khyer bar 'gyur ro zhe na/ 'o na ni de ci ste khyer bar 'gyur/ /de'i rten gyi rdzas nyid ded pa'i phyir ro zhe na/ gal te 'byor par 'dus pa'i phyir/ /rlung gis 'dod par 'gyur na ni/ /rtog 'di'ang sgra la yod min te/ /nam mkha' ci ltar khyer par

  375. 188a

    'gyur// //bam po lnga pa/ /'on te nam mkha' khyer na ni/ /de lta na ni bya med min/ /de ni khyab dang khyer ba ni/ /srid ces shin tu 'thad pa dka' / /gzhan yang/ gal te 'byor pa 'du ba yis/ /khyer ba yin par 'dod na ni/ /rlung dang 'byor pa 'du ba mis/ 'dus pa yin par ci mi 'gyur/ /sgra ni rlung gi yon tan nyid yin par 'gyur te/ de'i sgo nas de yul gzhan du 'gro ba'i phyir ro/ /rlung gi yon tan ni reg pa nyid do zhe na/ rdzas ni yon tan gcig nyid du ma nges pa'i phyir ro/ /sa ni gzugs dang ro dang dri dang reg pa dang ldan pa yin no/ zhes bya ba la sogs pa gzhan gyi grub mdza' yin pa'i phyir ro/ /yon tan yin yang dri rlung gis khyer bar mthong ba yin no/ /de lta na yang 'byor ba'i sa la 'du ba nyid kyis khyer ba yin no zhe na/ ma yin te/ de dmigs kyang sa dmigs pa med pa'i phyir ro/ /de las skyes pa 'ba' zhig nyid rlung gis bdas pa yin na ci 'gal/ yon tan ni bya ba med pa'i phyir ro/ /'ba' zhig khyer ba'i phyir ni bya ba med pa de nyid mi 'grub bo la/ lhan cig tu khyer na ni bya ba dang bcas par mi 'grub po zhe na/ ma yin te/ lhan cig pa khyer par ma grub pa'i phyir ro/ /yon tan bya ba dang ldan par ci ltar 'gyur zhe na/ 'di skyon gzhan yin par 'gyur ro/ /gal te bstan bcos la la yi/ /rigs min yon tan log 'gag pas/ /rigs pa gzhan yang mi 'dod pa/ /'di ni rgyal po'i lugs yin no/ /gzhan yang/ rang gi gnas su 'jig pa la/ /khyer pa zhes bya yod ma yin/ /bya dang ldan pa zhes bya ni/ /'jig pa'i dngos po la yod min/ /de 'dra'i skad cig yul gzhan du/ /skye ba yon tan la cis med do?// gzhan dag sgra ni chu rlabs dang/ /'dra bar 'dod pa min nam ci/ /gzhan yang/ yon tan las gzhan yon tan can/ /tshad ma yis ni 'thad ma yin/ /reg bya la sogs tha dad pa/ /gzhan pa dmigs su yod dam ci/ /gal te dri 'byor par 'du bas na

  376. 188b

    gang gis sa dang lhan cig 'dod pa yin na sgra yang sa la sogs pa'i yon tan nyid dongs na sa la sogs pa'i yon tan nyid de des na sa la sogs pa dang lhan cig 'dod pa yin pas nam mkha' rtog pas ci bya/ /gzhan yang sa la sogs pa ni 'dzin pa la sogs las kyi brtag par bya ba yin du chug kyang nam mkha' go skabs 'byed pa'i phyir ro zhe na/ skabs 'byed pa zhes bya ba 'di ci zhig gnas pa la gegs med pa'o/ /sa la sogs pa ni yul phan tshun gnas pa'i gegs byed pa yin te/ de bas na go skabs 'byed par byed pa'i 'byung ba chen po 'ba' zhig yod dgos la de yang nam mkhas yin no zhe na/ de yang gyin ste/ 'di ltar/ gal te 'byung ba gzhan gnas na/ gnas pa la ni gags yod min/ /phan tshun yod pa min na yang/ /gnas pa la ni gags yod min/ /gal te 'byung ba chen po gzhan/ /med par 'byung chen gzhan gnas na/ /'byung ba che gzhan med pa tsam/ /nam mkha' zhes ni bya bar brjod/ /gal te nam mkha' med na rlung la sogs pa 'byung ba chen po gzhan dag gang du gnas zhe na/ gal te 'byung ba chen po gzhan med na/ nam mkha' yang gang du gnas zhes thug pa med par 'gyur ro/ /'on te nam mkha' ni rten med pa'i ngo bo dang/ gzhan gyi rten du 'gyur ba yang yin no zhe na/ 'o na rlung yang rten med pa'i ngo bo dang gzhan gyi rten du 'gyur ba yang yin pa'i phyir don gzhan yongs su rtogs pa legs pa ma yin no/ /gzhan yang/ ci ltar nam mkha' 'ga' zhig tu/ /ltung ba'i ngo bo 'dzin ma yin/ /'gro ba dang ldan rlung gi gzhi/ /nam mkha' yin par ci ltar rtogs/ /gal te rlung gi nam mkha' las/ /'gro la gegs med 'di lan min// 'gro ba sa ni gegs med pa/ /gegs byed pa dang bral bas yin/ /'on te khyab dang rtag pa yi/ /nam mkha' gzhan gyis ci ltar 'dzin/ /des na 'di la rten med cing/ /gzhan gyi rten du gyur yin na/ /gzugs med pa dang khyab pa'i phyir/ /bdag kyang

  377. 189a

    de'i rang bzhin nyid/ /de nyid gzhan gyi rten du ni/ /ci'i phyir na rtog ma yin/ /gang la de 'dra'i bdag med pa/ /de la nam mkha' ci byar yod/ /yul yang khyab phyir nam mkha' yi/ /bya ba de las brtag par gyis/ /phan tshun du ni khyab pas na/ / khyab rnams gcig nyid ci ste min/ /gal te nam mkha' la ni snang ba zhes tha snyad bya ba yin gyi bdag la sogs pa la ni ma yin pas de ci ltar cig pa nyid yin zhe na/ gal te tha snyad kyi rjes su 'brangs pa de tha snyad ji lta ba bzhin du don rtogs pas na de dang rjes su mthun pa nyid du rigs pa yin no/ /bu ga nyid nam mkha' yin te bu ga med par byed pa med pa na de ltar tha snyad byed pa yin no zhe na/ gang gi tshe bu ga med par byed pa yod pa de'i tshe nam mkha' gar song/ nam mkha' blo nas byung bar ni mi dmigs so// de med na yang de dang gzhan na yang med pa'i phyir nam mkha' gar song/ /zhig go zhe na/ rtag pa ni bzang po de nyid na yod do zhe na/ bu ga yang med la nam mkha' yang yod do zhes bya ba ni 'gal lo/ /de yang yod pa nyid de de ltar ma yin na de gnas pa nyid du mi 'gyur ro zhe na/ ci ste gnas pa zhes bya ba ni 'di ci zhig /ci bzung ba 'am/ 'on te thogs par ma byas pa nyid yin/ gal te bzung ba yin na de ni ma yin te/ bum pa la sogs pa ni nam mkhas 'dzin pa ma yin gyi 'on kyang sas 'dzin pa yin no/ /'on te thogs par ma byas pa yin na/ de yang mi bden te/ 'di ltar/ gang las 'di ni thogs 'gyur ba/ /de med na de der 'gyur gyi/ /nam mkha' la ni thog med pa/ /bsal bar nam mkha' ldang ba yin/ /de phyir 'byung ba chen po bzhi /med na nam mkha' zhes brjod de/ /'byung chen de las gzhan dag tu/ /bsnyad la tshad ma dang ldan min/ /'dis ni phyogs kyang brjod pa yin no/ /de yang khyad pa nyid kyis skabs 'byed pa la sogs pa nyid ma yin no/ /'di ltar khyab la nub phyogs la sogs par/ /rtogs min gzhan pa las ma yin/ /

  378. 189b

    de la gzhan 'gro yang min te/ /de ni med par thal phyir ro/ /gal te khyab pa'i yul de nyid shar yin na de las gzhan du gnas pa'i nub tu ci ltar 'gyur/ 'on te de la ngar bzhin gnyi ga yin na/ de lta yin na gnyi gar rtogs par thal par 'gyur ro/ /'on te so sor nges pa'i gsal byed yod pa las yul gyi rang bzhin du ma las rang bzhin 'ga' zhig gsal bar 'gyur te/ dper na pha dang bu la sogs pa'i rang bzhin dag /bu la sogs pa las ltos nas pha la sogs pa mngon par gsal ba bzhin no zhe na/ de yang ma yin te/ 'di ltar/ yul gyi rang bzhin nges pa ni/ /gzhan gang las ni gsal 'gyur ba/ /de nyid las ni shar phyogs su/ /dngos rnams rang bzhin rig par 'gyur/ /gang las phyogs kyi rnam par dbye ba de shar dang nub la sogs na gnas pa'i/ skyes bu la bltos nas nub la sogs par 'gyur ba de nyid las dngos po nyid de ltar 'gyur bar/ ci ste khas mi len/ skyes bu la sogs pa yul gzhan la bltos nas shar gyi yul na gnas pa'i phyir shar phyogs nyid yin no/ /de yang nyi ma la bltos pa yin pa'i phyir phyogs brtags pa sa ci bya/ gal te nyi ma la sogs pa dag las phyogs mngon par gsal bar yin na/ nyi ma la sogs pa'i shar phyogs kyi nyi ma la sogs pa yang/ nges yin pa'i phyir 'di ni phan tshun rten pa'i skyon de yin no/ /de tsam gyis tha snyad rab tu 'grub pa'i phyir gzhan la ltos pa'i 'bad pas ci bya/ gal te bltos pa med par yang 'di ni drang po'i zhes bya ba la sogs pa'i tha snyad du 'gyur ba'i phyir lung don gzhan nyid yin no zhe na/ de yang ma yin te/ 'di ltar/ der yang dran zhes ltos bya ba'i/ /khyad par mthong ba yod pa yin/ /phyi nas shin tu goms pas na/ /gzhan med par ni de ltar rtogs/ /'di la khyod la drang po yin no zhes 'jig rten na tha snyad dmigs pa yin no/ /de las kyang shin tu goms pa las gyis de'i rjes su 'brang ste bltos par bya ba med par yang

  379. 190a

    'gyur ro/ /'di ga las zhe na/ gzhan du yang de'i rjes su 'gro ba dang ldog pa'i rjes su byed pa las rgyu dang rgyu can gyi dngos po yin no/ /'di ltar rgya mtsho'i dkyil na gnas pa'i mi 'khrul ba skyes par gyur pa dag /gza' dang skar ma mthong ba yis/ /phyogs kyi rnam dbye nges par 'gyur/ /skar ma la sogs dang 'brel las/ /phyogs gzhan pa ni mthong ba med/ /rang gi ngo bor snang ba ni/ /de rtogs par ni ji ltar brjod/ /'di ltar shar phyogs zhes bya bas ni nyi ma 'char ba dang 'brel pa nyid yid la nges par gnas par 'gyur pa yin no/ /de ni ma yin te/ nyi ma gzhan du mthong yang phyogs lo rmongs pa skyes pa'i yid can rnams sngar rtogs pa'i phyogs de nyid shes par 'gyur gyi/ nyi ma 'char ba'i dbang gis ni ma yin no/ /'di ltar nyi ma 'char ba yang nub phyogs la brten par rtogs pa yin no/ /zhe na de la yang brjod pa/ gang la 'khrul yid kyis ni/ /nub dang 'brel 'dod gyur pa la/ /kun dga' grong sogs kyis mtshan pa'i/ /yul der de nyid yin par goms/ /grong dang kun dga' ra ba la sogs pa de dag sngon gyi gnas skabs su nyi ma 'char ba la bltos te nub phyogs la sogs pa'i nye bar mtshon pa brtag par rgyun du dmigs pa de la goms pas nyams pa'i phyir nyi ma 'char ba'i rjes su mi 'brang gi /'on kyang des nye bar mtshon pa de nyid phyogs yin na zhes bag chags brtan pa dang 'brel pa las tha snyad du byed do/ /de'i phyir thog med bag chags dang 'brel pa/ /mngon du phyogs pa'i sems rnams kyi/ /de ni don dang bral ba'i phyir/ /rtogs pa 'ba' zhig nyid yin no/ /shin tu sems bstan pa la phyogs pa g.yeng ba thag gcad pa'i yid dang ldan pa la yang phyogs la sogs pa'i rang bzhin nges pa ni med de/ /'on kyang skyod pa'i dang bral ba'i phyir/ 'jig rten de'i rang bzhin des pa med pa/ song ba'i rjes su 'gro ba'i tshul gyi yod nyams

  380. 190b

    pa nyid kyis tha snyad byed pa'i phyir 'dod ci byar yod/ gal te thog med phyir bden na/ /med pa yang bden par 'gyur/ /dbang phyug la sogs rtogs pa yang/ /thog ma med phyir cis mi bden/ /des na phyogs sogs gnas pa yis/ /lugs 'di legs pa nyid ma yin/ /'di ni bstan bcos ngan goms las/ /nye bar 'ongs pa tha snyad tsam du zad/ /thog ma med phyir bstan bcos rnams/ /thams cad bden par 'gyur min te/ /phan tshun 'gal bas gnod bya dang/ /gnod par byed pa'i ngo bo'i phyir// de'i phyir don rnams nyid phan tshun bltos nas shar ro nub po zhes bya ba la sogs pa'i ming du tha snyad kyi don du rgan po dag gis bkod pa yin no/ /'du byed pa yang thog ma med pa can yin pa'i phyir tha snyad nyid sad par gyur pas de ltar tha snyad byed pa yin no/ /tha dad par nye bar bstan pa'i ngo bo de nyid dus la sogs par brjod pa la ston pa yin te/ 'di ltar 'byung ngo/ /da ltar yod do/ /'byung bar 'gyur ro zhes bya bar rtogs pa las lhas byin la sogs pa'i 'das pa dang/ ma 'ongs pa la sogs pa'i dus gsum par 'jog na/ dus byung bar 'gyur ro zhes bya ba la sogs pa las kyang dus gzhan gnas par thal ba'i phyir thug pa med par 'gyur ro/ /'on te dus ni rang gi ngo bo nyid kyis snga ma yin gyi dus gzhan la bltos pa ni ma yin no/ /phyogs kyang de bzhin te/ rang gi ngo bor 'gyur ba'i chos kyis bye brag gi tha snyad byed pa yin te/ shar ni dbang po'i phyogs so zhe na/ de lta na shing la sogs pa'i don rnams kyang rang nyid snga ma dang phyi ma la sogs pa yin gyi snga ma nyid la sogs pas dus gzhan la bltos pa ni ma yin no/ /'on te dus la sogs pa'i snga ma nyid la sogs pa ni rang las ma yin te/ 'on kyang de dang 'brel pa'i don la ltos pa yin no/ /'di ltar/ rgyal po gang dag sngar 'das pa de dang 'brel pa la ltos na/ de la dus 'das

  381. 191a

    yun ring zhes/ /bya ba nyid du rnam par 'jog /'dir brjod pa/ gal te dus kyis 'das la sogs/ /dngos dang 'brel ba las yin na/ /dngos po yi ni 'das nyid de/ /dus la bltos par 'gyur bas na/ /phan tshun rten pas gcig nyid dang/ /gnas pa med par 'gyur ba yin/ /gal te cig car 'das pa nyid/ /yin na thug pa med par 'gyur/ /cig car 'byung ba gnyis dag ni/ /phan tshun dang ni rgyu ma yin/ /gal te de dag gzhan las ni/ /de la'ang gzhan phyir thug med 'gyur/ /gzhan yang gal te/ sgra ni nam mkha' i yon tan yin la/ rlung ni yon tan reg /me'i yon tan gzugs/ chu'i yon tan ro/ sa'i yon tan dri yin la/ dus kyi yon tan gang yin par brjod par bya/ bdag la sogs pa yang de bzhin no/ /'on te dus kyi yon tan chen po nyid la sogs pa yin no/ /de ni bdag la sogs pa'i yang yin no/ /des na bdag nyid kyi so sor des pa 'ga' zhig brjod par bya'o/ /'on te don rnams gnang ba dang 'gog pa yin no zhe na/ de dag ni rjes su 'gro ba dang ldog pa dang ldan pa'i rgyu'i dbang nyid las yin no/ /de yang rang gi rgyu las yin pa'i phyir rgyu brgyud pa thog ma med pa nyid yin no/ /gzhan yang/ gal te khyab dang rtag pa yis/ /gnang dang bkag par nus na ni/ /bdag kyang de ltar 'thob 'gyur te/ /khyad par gzhan ni 'dod med phyir/ /'di ltar dus dang yul dang bdag dang nam mkha' zhes bya ba 'di dag ni rtag pa nyid la sogs par mtshungs pa yin no/ /des na/ yul dang dus ni mtshungs gyur pa/ /bya ba dang ni mi ldan phyir/ /'dis byas 'dis ni ma yin zhes/ /chos min mthun pa ci ltar rig /de'i phyir nam mkha' la sogs par smra ba ni ma yin pa nyid do/ /nges na smra ba nam mkha' i yon tan ni tshad mas 'thad pa ma yin no/ /gzhan yang/ sgra ni nam mkha' dang rlung las 'byung ba yin na 'di rlung gis yon tan nyid du cis mi brjod/ /'di ni nam mkha' nyid du thos pa yin te/ des na 'di

  382. 191b

    ni nam mkha' i yon tan nyid du rtogs so zhe na/ 'phar sogs nam mkha' mthong min nam/ /ce na de de'i yon tan du mi brjod/ /de rten gzhan yang yod ces 'thad min te/ /sgra la'ang snga sogs gzhan dag yod pa nyid/ /gal te gang zhig gang du gnas par dmigs pa de de'i yon tan yin na/ 'bar ba la sogs pa yang ci ste nam mkha' i yon tan ma yin/ de la ni cig pa dang shing la sogs pa rten gzhan yod pa'i phyir der gnas par rtogs pas nam mkha' i yon tan ma yin no zhe na/ de ni ma yin te/ gnyi ga la gnas pas gnyi ga'i yon tan du 'gyur ro/ /sgra la yang pa Ta ha dang dung la sogs pa yod pa yin no/ /yul gzhan du thos pa'i phyir ro zhe na/ 'di ni snang ba la sogs pa dag la yang mtshungs so/ /de la ni nor bu la sogs pa brten na yang dmigs pa'i phyir ro zhe na/ sgra yang brdungs pa'i rdzas yod pas de mtshungs so/ /de'i phyir skra ni nam mkha' i yon tan ma yin te/ der gnas par dmigs kyang der gnas pa ma yin te/ snang ba la sogs pa bzhin no/ /nam mkha' ni gnas par byed pa nyid kyang ma yin te/ thogs pa med pa'i phyir ro// nam mkha' i ni gzugs med pa bstan du med pa thogs pa med pa yin no/ /snang ba yang na nam mkha' shes pa yin te/ gang du snang ba nyid yod pa der nam mkha' brtags pa'i phyir nam mkha' ni brtags par yod pa yin no/ /des na sgra nam mkha' i yon tan yin no/ /zhes bya ba ni legs par brjod pa ma yin no/ /des na nam mkha' i yon tan nyid la gnod kyang skyon 'ga' yang med do/ /gzhan yang phyogs mtshan phyi rol don can gyi/ rang nyid sgra yang don med 'gyur/ /rang nyid kyi sgra ni bstan bcos khas blangs pa'i phyir bstan bcos byed pa'i 'dod pa bsgrub bya nyid du 'gyur ba de bzlog pa don nyid de/ dgos pa gzhan ni med do/ /gal te de yang bsgrub par bya ba nyid yin na ni/ de don med pa nyid du 'gyur te/ de lta na ni phyogs kyis mtshan nyid don dang 'brel pa ma yin pa'i phyir ro/ /gal

  383. 192a

    te bstan bcos 'dod 'jug don/ /'o na dogs 'di gang las yin/ /de ni tshad ma bkag med na/ /'dzin pa gang gis bzlog par 'gyur/ /gal te tshad mas bkag na yang/ /tshig las gang gis 'jug par 'gyur/ /de dag sngar yang grub mdza' ni rang gis 'dod pa nyid kyis 'dzin/ /de ni phyogs kyang ci zhig ltar/ /gzhan 'dzin pa ni cis mi 'thob/ /gal te rtogs pa po rtog pa sngon du byed pa las yin na brtag pa de nyid de'i bstan bcos khas len pa'i rgyu mtshan yin pa des ni ci ltar bstan bcos la 'dod pas 'jug par bya ba'i phyir rang nyid smos/ bstan bcos thams cad ni brtag bzod pa ma yin te/ des na tshad mas gnod pa yongs su ma dag pa la 'jug pa ma yin pa nyid pas na 'dod pas 'jug pa ga la srid/ 'di ltar rtog pa sngon byas byed pa ni/ /'dod pa tsam las 'jug ma yin/ /rnam par dpyod byed skyes bu ni/ /blo bzang gis ni dang po'i rten/ /gal te rtogs ldan min na ni/ /'dod nyid de'i rgyu mtshan te/ /de'i dang po khas len pa/ /de tsam gyis ni zhugs pa'i phyir/ /des ni gnyis pa gsum pa yang/ /de bzhin du ni 'gyur ba yin/ /de dag de don du slob na/ /mi 'dod par ni bslab bya yin/ /gal te snga ma bzhin 'di yang khyod kyi 'dod pa nyid kyis bzung ba'i phyir bstan bcos 'dod pas bzung ba yin no zhes bya ba'i tshul 'di nyid smos pas bsgrub par bya ba yin na/ de'i tshe brtags nas khas blangs par bya ba yin te/ 'dir 'dod pa tsam ni skabs su 'gyur ba ma yin no zhes 'dod pas 'jug pa dang 'gal ba'i rigs pa bstan par rigs pa yin no/ des na gal te bstan bcos las mthong ba bsgrub bya yin na/ rang nyid smos pa ni rigs pa nyid do/ /de ltar na 'o na bstan bcos kyi don spangs nas rang nyid 'dod pa'i don bsgrub pa la yang/ gal te tshad mas gnod na de las su yang mi 'jug pa

  384. 192b

    nyid do/ /gal te mi gnod do zhe na yang rang nyid 'jug pas na rang nyid smos pa ci bya zhe na/ lan du/ 'dod gnod med dang bsgrub bya min/ /thug pa med par bstan pas na/ /log par rtog pa bsal pa'i phyir/ /'dir ni rang nyid sgra byas so/ /bstan bcos thams cad ni log par rtogs pa bsal ba'i phyir yin te/ des na 'dir yang bstan bcos las mthong ba bsgrub par bya ba yin no zhes log par rtogs pa sel ba yin no/ /rnam pa gang gis she na/ 'dod pa la gnod pa med pa dang/ bsgrub par bya ba nyid ma yin pa dang/ thug pa med par bstan pas so/ /bstan bcos las mthong ba ni/ /gnod kyang 'dod pa la gnod pa yod pa ma yin no/ /med na mi 'byung ba ma yin nyid kyang bsgrub bya ma yin la/ med na mi 'byung ba ma yin pa yin yang de bsgrub bya yin na ni thug pa med par thal ba zhes bya ba'i rig pa'i ni rang nyid smos pas bstan pa yin no/ /de na 'di ni ma yin no/ /gzhung lugs kyis byas khyad par ni/ /yongs su spangs nas rab grags pa'i/ /chos can dag ni gzung don du/ /gzhan ni rang nyid sgra brjod zer/ /gzhung gis bkod pa'i khyad par nam mkha' i yon tan nyid kyis mtshan nyid kyi chos can gang yin pa de yongs su spangs nas/ rang nyid rab tu grub pa bstan bcos byed pas bsgrub pa ma yin pa'i chos can gang yin pa de spyi nas bzung ba'i phyir rang nyid stong pa yin te/ 'di ltar/ chos can gang zhig rang nyid rnam par gnas pa yin gyi/ gzhan gyis byas pa ni ma yin pa de/ chos can yin gyi gzhan ni ma yin no zhes bya ba 'di shugs kyi bstan pa yin no zhe na/ de ni ma yin te/ 'di ltar/ dpyad pa nyid kyi skabs kyis na/ /rab ? rten ni grub 'gyur te/ /rab 'dod brtags pa'i khyad par ni/ /dngos rnams la rtsod med phyir ro/ /chos can 'ga' zhig la rtag pa dang/ mi rtag pa nyid la sogs par dpyod pa byed pa ni grub pa'i rang bzhin la byed pa yin no/ /de'i rang bzhin nyid

  385. 193a

    bsgrub par bya ba gang yin pa de la ni re zhig de nyid dpyad par bya ba yin te/ chos can ma grub pa na bsgrub pa mi srid pa'i phyir ro/ /'on te sgra'i rang bzhin bsgrub pa nyid do zhe na/ 'o na ni de nyid chos can gyi rang bzhin du blang bar bya ba yin te/ ma grub pa'i khyad par blangs pa ci zhig bya/ 'on te rgol ba de lta bu nyid mi rtag par sgrub par 'dod do zhe na/ de ni ma yin te/ 'di ltar nyan po der 'dod med phyir te/ de las de 'grub min pa'i phyir/ /nam mkha' i yon tan dang ldan pa/ /bsgrub byar brjod pa'i don med min/ rtog pa sngon du byed pa dag gi tshig ni don med par 'jug pa ma yin no/ /re zhig phyir rgol ba ni nam mkha' i yon tan nyid kyi khyad par can gyi mi rtag pa sgrub par 'dod pa ma yin no/ /mi 'dod pa nyid dam bca' ba tsam gyis grub pa yang ma yin te/ de lta ma yin na nam mkha' i yon tan ma yin pa'i sgra ni mi rtag ste byas pa'i phyir ro zhes bya bar yang 'grub par 'gyur la/ ci ltar 'dod pa'i don gzhan yang 'grub par 'gyur ro/ /'on te rgol ba de lta bu nyid du 'dod do zhe na/ de lta yin na de lta bu dpyod pa dang dral ba 'dod pa tsam gyis 'jug pa sus zlog ste/ des na 'di ni ma yin no/ /ci ste grub par bstan pa yis/ /chos can bsgrub bya min brjod na/ /rang gi ngo bo nyid bstan pa/ /zhes bya ba 'di nyid kyis te rtogs/ /'di ltar/ grub dang sgrub pa'i ngo bor ni/ /bstan pa dang ni yod min na/ /bsgrub bya nyid du bstan pa zhes/ bya ba 'di ni 'bras ldan 'gyur/ /ci ste 'di skad 'chad par byed de/ /rang nyid grub par 'gyur ba nyid yin no zhes brjod pas na chos can gyi rang gi ngo bo bsgrub bya ba ma yin pa nyid de/ de ltar ma yin na de rang nyid smos pas khyad par du byas pas don gyi rigs ci zhig 'grub par 'gyur/ 'di ltar re zhig chos can grub par bstan pa tsam gyi phyir ni smos pa ma yin te/ dpyod pa'i skabs nyid kyis grub pa'i

  386. 193b

    phyir ro/ /de'i phyir rab tu grub pa nyid yin gyi/ bsgrub par bya ba ni ma yin no zhes bsgrub bya nyid ma yin par bstan pa'i phyir rang nyid smos pa yin te/ des na chos can bsgrub bya ma yin zhe na/ de yang mi 'thad de/ 'di ltar/ gang zhig grub dang sgrub byed pa'i// rtogs ldan de ni 'ga' yod min/ /de tshe rtogs pa de nyid ni/ /ci ltar bsgrub byar rtogs par 'gyur/ /de lta na ni 'o na rang gi ngo bo kho nas zhes smos pa don med pa nyid do/ dpyad pa'i skabs nyid kyi grub pa bsgrub bya ma yin no zhes brjod pa yin zhe na/ de yang mi 'thad de/ 'di ltar/ gang zhig grub kyang sgrub pa yi/ /rtogs pa don 'ga' yod min/ /de'i tshe rtogs de nyid nga yi/ /bsgrub byar rtogs par 'gyur/ /de lta na ni 'o na rang gi ngo bo kho nas zhes smos pa don med pa nyid de/ dpyad pa skabs nyid kyis grub par bsgrub par bya ba nyid ma yin pa'i phyir ro/ /grub pa ni rtsod pa'i gnas su 'gyur ba ma yin no/ /de ltar na/ gtan tshigs the tshom la brjod phyir/ /bsal ba gtan tshigs rten ma yin/ /de bzhin du dpyod pa'i yang rten ma yin no/ /grub pa yang de bzhin no zhe na/ 'dir brjod pa/ rang gi ngo bo smos pa ni grub pa bzlog pa'i don du ma yin te/ sgrub byed nyid du bstan pa'i ma grub pa'i bzlog pa'i don yin pa'i phyir ro/ /de nyid kyi phyir rang gi ngo bo kho nas zhes nges par bzung ba nyid du 'bras bu gcig tu bstan te de lta ma yin na gnyi ga so sor bstan par 'gyur ro/ /'o na ci'i phyir grub pa sgrub pa'i ngo bo dag ces bshad ce na/ /ma grub pa chos can grub pa ngo bor ston pa dang/ de bzhin du chos sgrub par byed pa'i ngo bor ston pa zhes bshad par bya'o/ /chos can grub pa'i ngo bo bstan pa de yang 'ba' zhig par te/ dper na/ bdag ni 'du ba can gyi rgyu'o/ /zhes sam de bzhin du/ nam mkha' i yon tan gyi sgra ni mi rtag pa'o zhes chos can gyi khyad par nyid du ston pa'o/ /yang na gang du chos can khyad par

  387. 194a

    du byas pa der/ nam mkha' i yon tan gyi sgra mi rtag ste/ zhes brjod pa'i phyir na mi rtag pa nyid bsgrub par bya ba yin gyi nam mkha' i yon tan ma yin no zhes ji ltar shes te/ sgra gang yin pa de nam mkha' i yon tan yin nam 'on te nam mkha' i yon tan gyi sgra gang yin pa de mi rtag pa yin par sgrub ces mi shes par 'gyur ro zhe na/ sgra mtshungs kyang de yang skabs nyid la rtogs par bya ba yin te/ de ltar yang bstan zin to/ /'o na ci ltar sgra mnyam par bya ba yin no zhes bya ba rang gi ngo bo smos pa'i rnam par bcad bar bya bar bstan par 'gyur te/ des rnam par gzung ba'i don yin na ni de mi 'thad do zhe na/ de ni bden te/ de lta na yang de la gzhan gyi phyir byas pa gzhan gyi don du yang 'gyur ba yin pa'i phyir khas blangs nas de skad brjod de ci ste yang bsgrub byar byed pa de lta na yang rang gi ngo bo smos pa bzlog par byed pa'i phyir skyon med do/ /zlog pa ci ltar thob ce na/ de la rtsod pa mthong ba'i phyir de yang phyis bstan par bya'o/ /rjes su dpag pa spyi yin/ /yul can nyid du bshad pa yin/ /'dir ni de skad ma brjod kyang/ /phyogs la 'gal ba cung zad med/ /slob dpon gyi rjes su dpag pa ni spyi'i yul can yin no/ /chos can grub zin pa'am de las gzhan 'ga' zhig bsgrub par bya ba yin na ni spyir mi 'gyur te/ des na gal te rang nyid smos pa chos can bsgrub bya yin pa ma spangs pa de lta na yang skyon yod pa ma yin te/ rang gi mtshan nyid yin pa nyid kyis spangs pa'i phyir ro/ /gzhan yang gal te chos can bsgrub par byas/ de la cir 'gyur de mi nus/ /ci ltar rtags rjes 'gro med phyir/ /'di dag gi skyon yin nam ci/ /yan lag phyi ma la bltos pa/ /phyogs skyon 'dod min de lta na/ /gtan tshigs la sogs nyes pa yang/ /phyogs kyi skyon du thal 'gyur te/ /thams cad phyogs la gnod phyir ro/ /de phyir de tsam dang 'brel pa/ /phyogs kyi skyon 'dod gzhan min te/ /

  388. 194b

    mngon sum la sogs 'gal ba bzhin/ /bsgrub par bya ba nyid du 'dod pa 'gal ba'i don gyis ma bsal ba la phyogs yin no zhes phyogs kyi mtshan nyid ma yin nam/ de la gal te chos can nyid phyogs su byas na skyon ci yod/ 'on te chos can nyid bsgrub bar nus pa ma yin te/ rang gi mtshan nyid ni bsgrub par bya ba ma yin pa'i phyir ro/ /chos can yod par bsgrub pa ni rang gi mtshan nyid bsgrub par 'gyur na/ thams cad gtan tshigs ni khyad par dang rjes su 'gro ba med pa'i phyir ro zhe na/ 'o na ni dpe med pa'i phyir der gtan tshigs nyid nus pa med pa yin te des na gzhan gyi skyon ni gzhan gyi skyon yin no/ /zhes bya bar mi rigs so/ /'on te 'di ni phyogs kyi yang skyon nyid de 'grub par mi rung ba'i phyir ro zhe na/ de lta na 'o na gtan tshigs kyi skyon thams cad kyi skyon du 'gyur te/ de'i skyon gyis phyogs nyid 'grub par mi rung ba'i phyir ro/ /'on te dper na sgra mi rtag go zhes/ bya ba lta bur gang la sgrub par byed pa'i gtan tshigs gzhan srid pa der ni mig gi gzung ba'i phyir zhes bya ba la sogs pa lta bur gtan tshigs kyi skyon yin no/ /'di ltar phyogs la ni sgrub par mi rung ba nyid kyi skyon yod par ma yin te/ gtan tshigs gzhan gyis 'grub pa'i phyir ro/ /gang du gtan tshigs 'ga' yang med pa de ni phyogs kyi skyon yin no/ /srid pa'i rang gi bsam pa phyogs kyi tshigs gi bstan par bya ba yin na de ni ci ltar tshad mas gnod na mi srid pa de bzhin du rang gi mtshan nyid yin yang yin pa des na 'di ni phyogs kyi nyes pa nyid yin no/ /zhes bya bar rigs so zhe na/ 'dir brjod pa phyogs kyi mi srid pa nyid 'di/ /cig gtan tshigs la ltos sam/ 'on te de rang la gnas yin/ /de ni gnyi ga ltar yang min/ /gal te brtags dang 'brel bas skyon/ /der 'gyur de nyid rtags skyon nyid/ /don rang rten skyen min te/ /mthong ba yis kyang 'grub phyir ro/ /rang gi rang bzhin gyis grub par/ /mi rung yin na mngon sum gyis kyang 'grub

  389. 195a

    par mi 'gyur ro/ /rjes su dpag pas mi 'grub po zhe na/ 'on te rjes su dpag pa nyid kyis skyon yin no/ /de nyid kyi phyir gal te ma grub pa'i chos can sgrub par byed na der yang gtan tshigs kyi skyon nyid de/ /der yang gtan tshigs rjes su 'gro ba med pa'i phyir ro/ /grub pa la sgrub pa'i skyon ni rjes su dpag pas grub pa la yin te/ des ni phyogs kyi skyon nyid do/ /de'i phyir rang nyid kyi rjes su dpag pa las grub pa ni gzhan la bltos nas phyogs yin no/ /lung gi grub pa ni phyogs ma yin te/ gal te mngon sum gyis grub pa'i rang gi mtshan nyid ni gtan tshigs kyi skyon gyis phyogs nyid ma yin pa ma yin nam/ lung gis grub pa la ji ltar lung gi yul ni spyi yin la/ spyis kyang rjes su 'gro ba yod pa yin pas de ji ltar phyogs kyi skyon yin no zhe na/ 'di nyid brjod pa ma yin nam gtan tshigs kyi skyon gyi ni phyogs kyi skyon ma yin no/ /'o na ci zhe na de tsam las gyur pa nyid do 'di la yang de tsam las gyur pa ni yod pa nyid do/ /'di ltar/ gal te lung gi de grub na/ /gtan tshigs kyis ni ci zhig dgos/ /lung gis grub pa min na ni/ /ci ltar lung gis grub ces bya /'on te gzhan ma grub kyang rang nyid ni lung las grub pa yin no zhe na/ de yang ma yin te/ 'di ltar/ gal te lung ni tshad yin na/ /pha rol la yang grub pa nyid/ /de ste lung ni tshad min na/ /rang nyid la yang ma grub nyid/ /de phyir rang la rjes su dpag pa nyid phyogs yin no/ /gal te rang nyid la mngon sum gyi grub pa'i me phyogs la yang ci gzhan te ma yin zhe na/ ma yin te/ rang bzhin des phyogs ma yin pa'i phyir ro/ /de ni spyi'i tshul gyi phyogs yin gyi khyad par gyi tshul gyis ni ma yin no/ /rang nyid gzhan gyis ni de mngon sum gyi grub pa ma yin no/ /des na mngon sum gyi grub pa la rjes su dpag pa yod pa ma yin no zhes bya ba 'di gnas pa yin no/ /gal te de lta na ni/ 'di ltag rmen?

  390. 195b

    bsal ba na mig 'bras 'byung bar 'gyur ba yin te/ gal te mngon sum gyi grub pa la la phyogs med na/ de'i tshe des ma grub pa la shin tu yang med par 'gyur te/ rjes su dpag pa ni mngon sum sngon du 'gro ba can yin pa'i phyir ro/ /de bzhin du rjes su dpag pa'i yul yang mngon sum yod pa ma yin pa'i phyir ci ltar phyogs la mngon sum gyi gnod par 'gyur/ gnod ba zhes bya ba don 'jig par byed pa ni ma yin te/ 'on kyang med do zhes shes par byed pa yin no/ /de la 'gag pa gang ci snyed pa de dag thams cad ni ma dmigs pa las yin pa'i phyir/ mi dmigs par gnod par byed ba'i phyir rjes su dpag pas gnod pa nyid do/ /de skad du med pa ni de'i yul ma yin pa'i phyir ro zhe na/ bshad pa rjes su dpag pa ni mngon sum sngon du 'gro ba can yin no zhes gang brjod pa de la spyi'i yul la ni mngon sum sngon du 'gro ba can ma yin gyi/ 'on kyang me la sogs pa'i spyi bsgrub par bya ba gang yin pa der de'i gsal ba'i yul can gyis mngon sum med na rjes su dpag pa 'jug pa ma yin te/ rjes su dpag pa ni de'i gsal ba la mngon sum 'jug pa sngon du 'gro ba can yin pa'i phyir ro/ /gal te spyi la mngon sum 'jug na ni der rjes su dpag pas ci bya/ /rang gi mtshan nyid rjes su dpag pas 'grub pa na spyi'i rang bzhin la brten par 'gyur ba yin te/ khyad du ma rtogs pa'i rang gi mtshan nyid kho na spyi yin no/ /des na mngon sum gyi yul la rjes su dpog pa ma yin no zhes bya ba'i don kyang rjes su dpag pas rtogs pa ni mngon sum nyid ma yin no zhes bya ba 'di nyid yin no/ /des na de ni mngon sum gyis mi rtogs so/ /me ni tshad mang la sogs par mngon sum gyi rtogs pa nyid do phyogs mngon sum gyis gnod pa bya ba 'dir don 'di nyid do/ /de las bzlog pa'i bsal ba la mngon sum zhugs pa'i phyir gang la bsal ba med pa der

  391. 196a

    ni spyi mi srid pa nyid do/ /spyi ni gsal bas gsal bar bya ba yin pa'i phyir ro/ /gzhan yang/ sgra mnyan par bya ba ma yin no/ /zhes bya ba ni rang gi mtshan nyid bkag pa nyid phyogs yin no zhes ston par 'gyur ro/ /bkag pa bzlog pa yang yul gang bkag pa de nyid kyi sgo nas bzlog pa yin gyi/ gzhan gyis ni ma yin te gzhan ni de dang mi 'gal ba'i phyir ro/ /gal te mngon sum rjes su dpag pas gsal bar ci ltar dogs par 'gyur te/ de'i rjes su dpag pa sgra'i yul can ma yin pa'i phyir ro/ /zhe na/ de nyid kyi phyir sel bar byed pa ma 'brel pa brjod pa yin pas na bzlog par byed do/ /yang na mthong ba dang rnam par brtag par bya ba'i don dag gcig tu zhen pa'i phyir skyon med do/ /chos can grub pa sgrub pa ni phyogs kyi skyon ma yin te/ der gtan tshigs nyid skyon can du 'gyur ba'i phyir ro/ /gtan tshigs kyi skyon du 'gyur ba gang yin pa de ni phyogs kyi skyon ma yin te/ de'i gtan tshigs kyi skyon yin pa nyid kyis na gtan tshigs kyi mtshan nyid kho nas sel ba'i phyir ro/ /gtan tshigs kyi bsal ba ni phyogs kyi mtshan nyid kyang bsal bar bya ba ma yin te/ don med pa'i phyir dang yul ma yin pa'i phyir ro/ /de bshad pa ni/ rgyu sogs mtshan nyid bsal bya la/ /bltos pa med par ma khyab dang/ /ldog pa dag ni spang bya'i phyir// phyogs kyis mtshan nyid bshad pa yin/ /gtan tshigs dang dpe'i mtshan nyid kyis bsal ba nyes pa gzhag ste/ nyes pa gzhan spang ba'i phyir phyogs kyis mtshan nyid brjod pa yin no/ /'di ltar mtshan nyid mdza' dag ma khyab pa dang ldog pa spang bar bya ba'i don du yin no/ /mtshan nyid gzhan gyis bsal ba'i nyes pa gang yin pa de ni ma spangs kyang mtshan nyid ma khyab pa dang/ ha cang khyab par 'gyur ba yin pas mtshan nyid de tsam yin mod gzhan gyis ci bya/ /gang gi don du de byas pa de ni

  392. 196b

    gzhan gyis spang pa'i phyir rang nyid smos pa ni don med par 'gyur ro/ /'o na ma khyab pa dang ldog pa de gang gis sel ce na/ 'dir smras pa/ rang nyid tshig phrad ngo bo'i sgra/ /ma bsal ba dang bcas pa dang/ /ldog pa sel bar byed pa yin/ /'dod sgra khyab med sel bar byed/ /'di tsam gyis mtshan nyid yongs su rdzogs pa'i phyir gzhan gyis ci dgos/ gal te rang nyid ces ma byas pa ni bstan bcos pa'i 'dod pa yang thal bar 'gyur ro/ /tshig phrad ma byas na ni yang ma grub pa sgrub par byed pa nyid du bstan par 'gyur la/ rang gi ngo bos zhes bya ba ma byas na ni ma grub pa'i chos can phyogs su thal bar 'gyur ro/ /de las gzhan pa'i skyon ni med pas na/ de'i don du rang nyid smos pa don med par 'gyur te/ nyes pa ma yin pa'i spong ba'i don can du 'gyur ba'i phyir ro/ /'o na ni ci'i phyir ma bsal bas smos/ gal te bsal ba yang 'ga' zhig der phyogs su byed na gtan tshigs kyi skyon nyid du 'gyur bas de nyid kyis bzlog pa'i phyir ro/ /zhe na ma yin te/ ma bsal ba'i tshig dang lhan cig smos pa ni ldog pa 'gog par byed pa'i phyir ro zhes bsams pa yin no/ /ma bsal ba'i tshig med par ni ldog pa bsal bar nus pa ma yin no/ /nyes pa de ni gtan tshigs kyi mtshan nyid kho nas bkag pa'i phyir ro zhe na/ ma yin te/ de ni phyogs tsam las 'gyur ba yin pa'i phyir/ de ni gtan tshigs kyi skyon ma yin no/ /gal te 'dod pa yang bsal ba yin na/ phyogs ma yin na 'o na ci'i phyir 'dod pa smos she na/ bshad pa/ 'dod sgras khyab med sel ba yin no/ /bsal ba nyid khyab par 'dod pa ni ma yin te/ ma bsal ba yang khyab pa'i yul du srid pa'i phyir ro/ /yang na 'dod sgras khyab med sel ba yin zhes bshad pa'i phyir khyab pa'i don du yin no/ /des nam bsal ba yang khyab pa yin no/ /des smras pa ni ma bsal ba dang bcas pa dag ces bya ba'o/ /gal te ma bsal ba'i tshig ma byas pa ni

  393. 197a

    'dod pa smos pas na de yang khyab par 'byung ba yin no/ /ma bsal ba'i tshig dang lhan cig yin na srid par ga la 'gyur/ des na gal te bstan bcos las mthong pa'i don yang bsgrub par bya ba yin no/ de rang nyid kyi tshig dang bral ba'i mtshan nyid de tsam gyis rtogs pa'i phyir gzhan gyis ci bya/ de la bsgrub byar khas blangs phyogs mtshan nyid/ /de rnams la ni phyogs med nyid/ /bsal ba gnod dang lhag ma la/ /mtshan nyid 'jug pa min phyir ro/ /'dir ni de kho na'i don 'di yin te/ bsgrub bar bya ba khas blangs pas phyogs kyis mtshan nyid yin no/ /zhes bya ba'i don to/ /bsal ba la sogs pa dag kyang khas blang ba yin pa'i phyir de dag kyang phyogs su 'gyur ro zhe na/ de ni ma yin te/ bsal ba gnod pa'i phyir dang/ grub pa la sogs pa lhag ma la mtshan nyid mi 'jug pa'i phyir/ 'dod pa nyid la mtshan nyid 'jug gi /gzhan du ni ma yin no/ /de ni de lta ma yin te/ 'di bstan pas ci zhig bya/ /'dir ci zhig bsgrub ces bsgrub pa bstan pa yin no zhe na/ ma grub sgrub byed min don brjod/ /rgol bas khas blang ba gzung ngo/ /zhes bsgrub par sngar nyid bstan zin pa yang ma yin nam/ de nyid kyi mjug bsdu ba yin no/ /zhes kyang rgyas pa ma yin te/ gang zhig 'dir ni don 'di yin no zhes bstan zin pa de la mjug pa bsdu bas ci zhig bya/ gzhan dag smras pa ni phyogs kyi mtshan nyid byas pa 'di ni rnam 'grel byed pa nyid kyis yin no/ /'di ltar/ rnam 'grel gyi mtshan nyid ni mdo rnams la mi rigs par brgal ba dang/ de'i lan dang khyad par brjod pa yin te/ des na 'di ni khyad par brjod pa yin no zhes so/ /de yang ma yin te/ bsgrub par bya bar khas blang pa zhes bya bas ni sgrub par byed pa nyid du 'dod pa dang/ bstan bcos byed pa'i 'dod pas ma bzlog pa nyid do/ /'on te sgrub par byed pa nyid du zhes 'chad par byed pa

  394. 197b

    yin te/ sgrub byed nyid du 'dod pa ni bsgrub par bya ba nyid du 'dod pa ma yin no zhe na/ de yang ma yin te/ de ni bsgrub par bya ba nyid du yang 'dod pa kho na'o/ /'on te bsgrub par bya ba nyid kho nar khas blang ba zhes nges par bzung ba yin na/ de'i tshe de sgrub par byed pa nyid du khas blangs bzlog pa'i don yin pa'i phyir ma brjod pa kyang/ 'dod pas khyab pa bsgrub byar mi 'gyur ro/ /'o na bsgrub par bya ba nyid du khas len pa ni phyogs kho na'o/ /zhe na/ de lta yin na/ sgrub par byed pa nyid du khas blangs pa yang bsgrub par bya ba nyid du khas blangs pa phyogs pa nyid du gyur pas da ni gnyi ga mi srid pa ma yin te/ 'di ming gcig gi dbang du byas pa ma yin no/ /bstan bcos byed pa'i 'dod pa yang 'gyur te/ de la yang khas blang ba yod ba'i phyir ro/ /'on te nye ba'i phyir rgol ba nyid kyis khas blangs pa thob po zhe na/ de ni ma yin te/ bstan bcos byed pa'i 'dod pa yang rgol bas khas blangs pa'i phyir ro/ /gzhan yang khyab pa'i rigs pas zhes ci ste khas mi len/ blos byas pa'i nye bar bstan bcos byed pa'i 'dod pa la yang yod pa'i phyir ro/ /nye ba nyid ni ma nges pa yin no/ /bsal ba bsgrub par bya bar khas blangs par yang 'gyur ro/ /gal te bsal bas ni gnod pas bsgrub par bya bar khas blangs pa med pa'i phyir ro/ /bsgrub par 'os pas na bsgrub bya yin pa'i phyir ro/ /zhe na/ de ni ma yin te des na ni bsgrub par bya ba bstan pa ni dam bcas pa'i zhes bya ba 'di yang kha na ma tho ba med par 'gyur ro/ /mtshan nyid kyi rjes su 'brang bas na ci ltar 'os pa dang mi 'os pa rig /de'i phyir de ni ma yin no/ /de ltar ni 'o na 'di ni rigs pa'i sgo'i phyogs kyi mtshan nyid yin te/ bsgrub par bya ba nyid du 'dod par 'gyur ba 'gal ba'i don gyis ma gsal ba ni phyogs yin no zhes bya ba'o/ /de la 'di ltar brjod de/ gal te rang gi tshig phrad dang ngo bo'i sgra dag ldog pa sel bar byed pa yin

  395. 198a

    na/ rigs pa'i sgo la re? med pa'i phyir ci ltar ldog pa bkag par 'gyur zhe na/ bsgrub byar khas blangs zhes bya ba la sogs pa smos so/ /der yang bsal ba gnod pa'i phyir dang/ lhag ma la phyogs kyi mtshan nyid 'jug pa med pa'i phyir skyon med do/ /'dod par 'gyur ba zhes bya ba ni byung bar gyur pa'i dus brjod pa nas ta'i rkyen nyid yin pas bsgrub bya nyid du 'dod par 'gyur ba la mi 'jug pa na de nyid kyis de bzlog pa'i phyir skyon med do/ /gal te de lta na 'dod pa smos pas sgrub par byed par bkod pa gsal bas tshig phrad smos pa don med do zhe na/ de ni bden te/ rang nyid 'dod pa brjod pa yis/ /des bzung don ni rtogs na yang/ byed pa'i mdza' dang brel pa'i phyir/ dus gzhan bcad phyir bshad pa yin/ gal te gtso bor 'gyur ba'i byed pa po'i mdza' dang 'brel ba ma yin na ni rang nyid 'dod pa zhes bya bas dus gzhan gcod par 'gyur ba zhig na/ 'brel pa yin pa des na dus gzhan du 'dod pas yul du byas pa yang phyogs nyid du 'gyur ro/ /gal te de lta na ni rigs pa'i sgor yang de bzlog pa'i phyir tshig phrang? smos pa de bya bar 'gyur ro zhe na/ 'di la smras pa/ 'dod rkyen 'dir ni yan lag min/ /'dod par gyur pa'i tshig dag la/ /yan lag yin te de yis ni/ /gtan tshigs ma grub la sogs 'gog /tshad ma kun la btus pa 'dir/ /bstan par bya ba ni phyogs yin no/ /ci ltar 'gyur ba zhe na/ 'dod par gyur pa zhes byed ba'i mdza' gtsor 'gyur ba yin te/ des na dus gzhan dang 'brel par 'gyur ro/ /dper na lhas byin 'ongs par mthong bar 'gyur ro zhes bya ba bzhin no// des na nges par bzung bas dus gzhan du/ /'dod pa gcod pa yin no/ /'dod rkyen 'dir ni yan lag min/ /des na 'dod 'gyur tshig dag la/ /yan lag nyid yin zhes bya ba'i bzlog pa dang 'brel ba yin te/ 'dod par gyur pa'i tshig dag ni yan

  396. 198b

    lag ma yin te/ gtso bo nyid yin pa 'dir yan lag yin no zhes bya bar bshad par bya'o/ /yang tshad ma kun las btus pa 'dir ni 'byung ba'i dus su sgrub par byed pa'i yan lag ma yin la/ rigs pa'i sgor 'dod par byed pa'i tshig la ni yan lag nyid yin pas na/ ta'i rkyen des gtan tshigs ma grub? pa la sogs pa 'grog pa nyid do/ /des na 'dir tshig phrad ma smos so/ /de'i phyir chos can bsgrub par bya ba nyid du 'gyur ba yin pa'i phyir ni/ rang nyid smos pa ma yin la/ bstan bcos la 'dod pas 'jug pa'i don kyang ma yin te/ sngar bshad pa'i dgos pa nyid las so/ /rjod byed min phyir yang mi rigs/ /de rang bdag nyid kyis 'dod de/ /bstan bcos kun la ltos med par/ /de 'dod pa ni bsgrub bya nyid bstan bcos gang 'ga' zhig tu bdag nyid gnas par bya ba dang/ /rang nyid rab tu grub pa ni chos can yin no zhes bya bar ni rang nyid smos pas rjod par byed pa ma yin pa'i phyir mi 'thad de/ de rang bdag nyid kyi 'dod pa yin gyi/ 'chad pa po gzhan gyis 'dod pa ni ma yin no/ /de'i phyir bstan bcos mdza' dag la mi bltos par de'i 'dod pa bsgrub bya nyid do/ /des na mi 'dod dang 'bral pa'i/ /'dod pa la yang gnod pa na/ /ci ltar sgrub la gnod med phyir/ /phyogs dang gtan tshigs skyon med nyid/ /des na 'ga' zhig bsgrub ba na/ /bstan bcos byed pa'i 'dod pa dang 'brel pa la gnod kyang/ bsgrub bya ci lta ba la gnod pa med pa'i phyir phyogs dang gtan tshigs skyon med pa yin no/ /de ltar ma yin pa'i skyon la ni sun 'byin pa brjod pa ma yin no /gal te bstan bcos byed pa 'dod pa la/ gnod na bsgrub pa des ci zhig bya ste/ /nus pa nyams pa'i phyir ro zhe na/ 'di la ni bstan bcos la lar 'gal zhes brjod zin to/ /gzhan yang thams cad rlag par 'gyur ba las/ /cung zad cig ni thob pa bla/ /bum pa khron par lhung bas

  397. 199a

    na/ thag pa 'ang skyur bar rigs ma yin/ /de phyir rang nyid tshig phrad ngo bo'i sgra/ /ma bsal ba dang bcas pa dag /ldog pa la ni gnod byed yin/ /zhes bya ba bshad pa yin no/ /de las ma bsal ba'i tshig lus pas de 'chad pa ni/ khas blangs de yang tshad ma ni/ /dag gis dgag med yin par 'dod/ /'di la rigs pa ci yod ce na// //bam po drug pa/ /gtan tshigs the tshom la brjod phyir/ /tshad ma gcig gis phyin ci log tu sgrub pas na de med na ni tshad ma gtan tshigs kyi rten ma yin no/ /des smras pa na ni/ bsal ba gtan tshigs rten ma yin/ /gal te sgrub par byed pa'i gtan tshigs yod na ci'i phyir phyogs ma yin/ de ste ma yin na de'i tshe gtan tshigs kyi nyes par 'gyur bas/ ma bsal pa smos pas ci zhig bya zhe na/ de ni bden med kyi 'on kyang phyogs kyi nyes pas dang po nyid du bsal bas na gtan tshigs kyi skyon la ci nas kyang mi ltos par 'gyur bar bya ba'i phyir yin no/ /des na 'di ni phyogs kyi skyon nyid de/ de tsam la 'gyur ba'i phyir ro/ mngon sum dang rjes su dpag pa dag gis bsal ba la ni sgrub par byed pa 'ga' zhig la bltos pa yod pa ma yin no/ /de lta yin na sgrub par byed pa de la yang yid ches pa med par 'gyur ro/ /de'i phyir gtan tshigs kyi yul ni the tshom za ba yin no/ /the tshom gyis ni sgrub par byed pa dang gnod par byed pa'i tshad ma med pa tsam zhig mtshon pa yin gyi/ the tshom mngon du gyur pa nyid ni ma yin te/ the tshom mngon du ma gyur kyang rjes su dpag pa la glo bur du ma rtogs pa nyid do/ /yang na gang la the tshom bskyed par nus pa yod pa der gtan tshigs kyi yul nyid yin par 'gyur te/ sgrub pa dang gnod par byed pa'i tshad ma dag gis rang gi ngo bo dang de las bzlog pa dag tu nges pa ni ma yin no/ /gal te tshad ma dag gis mi

  398. 199b

    gnod pa gtan tshigs brjod pa'i yul yin na de lta na gnod pa rnam gnyis yin pa'i phyir/ ci ltar slob dpon gyi rnam pa bzhir bstan zhe na/ 'di brjod pa rjes su dpag pa'i dbye ba yis/ gnod pa de ni rnam bzhir bshad/ /rjes su dpag pa'i gnod pa ni rnam pa gsum du bstan pa bzhi pa ni mngon sum gyis gnod pa yin pa'i phyir gnod pa rnam bzhir bstan gyis gnod par byed pa'i gnod byed rnam pa gnyis ni ma yin no/ /de lta na 'o na lung dang grags pa dag gis gnod pa yang rtags nyid las yin par 'gyur te/ de lta ma yin na rjes su dpag pa'i dbye bar mi 'gyur ro zhe na/ de ni bden te/ 'di ltar/ de la khas blangs 'bras rtags te/ /'gro la grags pa rang bzhin rtags/ /yid ches pa'i tshig ni 'bras bu dang mthun pa yin la/ grags pa ni rang bzhin dang mthun pa yin no/ /ci'i phyir rtags 'di dngos nyid ma yin zhe na/ bshad pa/ yang dag nges ldan brjod 'dod pa/ /bdag gzhan yid ches mtshungs pa yi/ /phyir na rang gi tshig dang ni/ /bstan bcos gcig tu bshad pa yin/ /tshad mas grub pa'i yid ches pa yi ni 'ga' yang yod pa ma yin te/ pha rol po nyes pa thams cad dang bral ba ni thams cad mthong ba ma yin pas rtogs par mi nus pa'i phyir te/ tha snyad 'tshol bas rjes su dpag pa las kyang nges par nus pa ma yin pa'i phyir des na thams cad med pas yid ches par khas blangs pa yid ches pa yin gyi don dam par ni ma yin pa'i phyir na gang mtshungs par bstan pa'i don du rang tshig dang lhan cig tu smos par byas so/ /'di ltar/ de ltar bdag ni tshad min na/ /tshig 'di 'jug par mi 'gyur par/ /de bzhin bstan bcos grags don la/ /der bstan min na dpyod pa yang/ /gal te bdag nyid tshad mar khas mi len na ni tshig mi 'jug pa nyid du thal bar 'gyur ro/ /dper na smras pa thams cad brdzun yin no zhes bya ba la/ gal

  399. 200a

    te bdag gis ni thams cad brdzun nyi tse brjod pa yin no/ /zhes khyod kyis khas len pa yin na ni de'i tshig las ni rtogs par bya ba yin te/ de'i tshig las ni cung zad kyang bya ba ma yin no zhes bya ba'i don 'di brjod par 'gyur ro/ /de lta na ni bdag nyid du kho bo cag ngal bar byas nas te/ don de ni ma brjod kyang grub pa'i phyir ro/ /gang yang mkhas pa'i rtogs pas bsgyur? ba'i blo can gyis brjod pa de yang? gsal ba nyid de ji skad du smras pa thams cad rdzun yin no zhes/ bya ba de ni 'gog min te/ /gal te de yang 'gog na ni/ /skabs kyi don mi 'grub mi 'gyur zhe'o/ /'di ltar dus gsum 'gog pa la yang ni tshig 'di 'brel pa nyid ma yin/ tshig 'di tshad ma ma yin na/ brkus nas por bar 'gyur ba yin/ /gal te brjod pa thams cad brdzun pa yin pa de ltar bstan pa yin na rang gi tshig dang 'gal ba las mi 'thad pa nyid do/ /tshig 'jug pas bdag nyid tshad mar gyur par khas blang ba yin pa des na ji ltar de tshad ma ma yin par ston/ phyis 'gyod pa'i phyir zhe na/ de ltar na yang 'gal ba nyid de ma bstan pa nyid bla ste bdag nyid dub pas ci bya/ ma dpyad par byas pa yin no/ /'di nyid skyon te/ brtags pa la sogs pa yin no/ /'on te rdzun smra'o/ /zhes bya ba 'di ltar dang me 'ongs pa 'gog pa yin no zhe na/ de'i tshe yang brjod pa 'dis ci bya/ /'byung bar 'gyur ba la ni/ nyan pa nyid med pas ci'i don du brjod/ rdzab mkhan gyi rdzab tshig dang 'dra bas skyon med do zhe na/ ma yin te rtsod pa'i skabs yin pa'i phyir ro/ /rtsod pa'i don ni dngos po la gtan la phebs pa yin no/ /des na de'i ni ma yin no/ /de bzhin du de khas ma blangs na bstan bcos las grags pa'i don la dpyod pa yang mi 'jug pas na bstan bcos dang tshig dag ni mtshungs pa nyid do/ /mtshungs par bstan phyir bstan

  400. 200b

    bcos de'i/ /skabs brten nyid na gnod byed ces/ /don 'di bstan pa'i ched du 'di/ /rang? gi tshig dang lhan cig bshad/ /gal te bstan bcos khas ma blang na ci ltar de'i don la dpyod/ /gal te bstan bcos med na chos can nyid med par 'gyur ba'i phyir dpyod pa mi 'jug pa yin na de'i tshe bstan bcos gnod par byad pa yin gyi gzhan ni ma yin no/ /zhes bstan pa'i phyir lhan cig bshad do/ /lhan cig bshad pa ma yin pa ni pha rol po dag bstan bcos rang gi tshig pas nus pa lhag par 'dod pa'i phyir/ de lta bu nyid du 'gyur ro/ /des na 'di la dpe dag kyang/ /mtshungs pa nyid du bsten pa yin/ /tshad? ma rnams ni yod min na/ /bstan bcos tshig ni mi rung phyir ro/ /de nyid kyi phyir mtshungs par bstan pa'i don du dper 'dra bar bshad de/ tshad ma spongs na bstan bcos dang tshig mi 'thad pa'i phyir ro/ /tshad ma 'gog na bstan bcos kyang tshad mar mi 'gyur ba'i phyir ci zhig khas mi len te/ des na phan tshun 'gal ba tsam nyid du 'gyur ro/ /rang gi tshig 'gal ma gsal pa'i/ /lung la phyogs tsam bstan pa yin/ /de la ma 'ongs pa na chos/ /bde ba mi sgrub ces bya yin/ /gal te tshad ma yod pa ma yin no zhes bya ba 'di ci ltar bstan bcos dang 'gal ba yin/ /tshad ma'i chos can ni bstan bcos nyid las 'gyur ba ma yin no/ /gal te tshad ma 'ga' yang med pa yin na chos can la sogs pa ga las 'grub par 'gyur te/ des na rang gi tshig dang 'gal ba yin no/ /ci ste 'ga' zhig grub par khas len na/ gang las de grub pa de nyid tshad mar 'gyur te/ gzhal bya bsgrub pa ni tshad ma nyid las yin pa'i phyir ro/ /tshad ma med na ni 'ga' yang shes pa med do/ /zhes brjod par bya bar 'gyur ro/ /des ni 'di bstan bcas dang 'gal ba ni ma yin no/ /gal te bstan bcos khas blang bas? ? na 'gyur ba yin pa'i phyir nyes pa med do/ /

  401. 201a

    bstan bcos khas blangs so zhes ci ltar rtogs par bya zhe na/ 'di ni bden te de nyid kyi phyir 'dir bstan bcos dang 'gal ba la bsal ba'i dpe ma yin te phyogs tsam zhig bstan pa yin te/ rnam 'grel byed pas bsal pa'i dpe bshad pa ni/ ma 'ongs pa na chos bde ba sgrub par byed pa ma yin no zhes bya ba'o/ /rnam pa 'di lta bu'i yul la ni gdon mi za bar bstan bcos khas blangs par bya ba yin pa'i phyir 'di nyid bstan bcos dang 'gal ba la bsal ba'i dpe yin no// de'i phyir 'dir rang gi tshig bzhin du phan tshun 'gal ba yin no/ /de lta na ni 'o na gang du chos can tshad mas grub pa der bstan bcos khas blangs pas gnod par byed pa nyid de tshad ma yin pa'i phyir ro/ /bstan bcos la yang grub pa'i chos can la ni de khas blang pa de'i dbang nyid kyis de'i gnod par byed par 'gyur ro zhe na/ 'dir bshad pa/ de la brten min dngos po la/ /bstan bcos dang 'gal brjod na yang/ /gnod pa ma yin gnyis po dag/ nus pa mtshungs phyir gegs byed 'gyur/ /bstan bcos dang rang gi tshig dag ni khas blangs pa thams cad tshad mas grub pa'i phyir khyad par gzhan ni gcig kyang med do/ /des na gnyi ga yang stobs mtshungs pa'i phyir gegs nyid yin gyi/ gnod par bya ba dang gnod bar byed pa'i dngos po ni ma yin no/ /dper na rang gi tshig bzhin te/ /de yang de tshe rang tshig dag /de dag gang la tshad ma yod/ /de ni gzhan la gnod byed 'gyur/ /de lta min na rigs bral gyi/ /dam bca' nus pa mtshungs pa yis/ / dam bca' ma ci bzhin don can gyi/ /rjes dpag la ni ci ltar gnod/ /lung rnams tshad ma yin pa ni/ /sngar nyid rnam par bzlog pa yin/ /de'i phyir na khas blangs nas/ /dpyod pa dag la skyon 'di 'dod ces bya pa ni bar gyi tshigs su

  402. 201b

    bcad pa dag go /des na gnod phyir rjes dpag la/ /khas blangs phyi rol 'gyur min yang/ /yul gyi khyad par bstan pa yin/ /phyir na tha dad byas pa yin/ /de nyid kyi phyir gnod par byed par khas blangs pa'i phyir lung rjes su dpag pa las pha rol tu 'gyur ba ma yin yang/ yul gyi khyad par bstan pa'i phyir rjes su dpag pa las tha dad par byas so/ /rjes su dpag pa ni gnod par byed pa nyid yin la bstan bcos ni gegs byed pa nyid do/ /gegs byed pa de yang khas blangs pa yin gyi gzhan du ni ma yin no// de lta min na thal ches pa 'am/ /logs shig byas pa don med 'gyur/ /rang gi tshig kyang tha dad pa/ /tshig tsam brjod la gegs byed yin/ /gal te dogs pa med kyang rang gi tshig dang bstan bcos kyi tshig dag rjes su dpag pa las tha dad par byed pa yin na ni/ don med pa'i phyir smra ba po mi mkhas par 'gyur ro/ /'o na ni rigs ba'i sgor rang gi tshig dang khas blangs pa dang 'gal ba dag ci ltar phan tshun tha dad par byas te/ gal te ci ltar smra ba thams cad brdzun no zhes bya ba lta bur khas blangs pa'i don brjod pa'i rang gi tshig gis gnod pa 'am/ dper na 'ug pa pa la sgra rtag go zhes bsgrub pa lta bur sngar khas blangs pas gnod pa yin no zhes te/ yul tha dad par med na ni so sor bstan pa don med do zhe na/ bden te tha dad pa med pa kho na'o/ /de lta mod kyi sngar bzhag pa'i phyis nyams par byed pa ni khas blangs pa dang 'gal ba yin la/ dag de nyid rang gi don nyams par byed pa ni/ rang gi tshig dang 'gal ba yin no/ /de yi bstan bcos tshad mar ni/ khas blangs phyir na dngos kun la/ /gnod byed ce na gal te de/ /min 'dod gnod byed yin nam ci/ /rang tshig 'gal na yang tshig dang/ /bstan bcos 'gal tha dad med 'gyur/ /gal te mi 'dod na ci gnod par byed pa yin nam/ gal te ma yin no zhe na/ des 'dod na yang gnod par byed pa ci ltar 'gyur/

  403. 202a

    'dod pa tshad ma ma yin na ni tshad mar byed pa nyid ma yin no/ /sngar khas blangs par byis gzhan du byas pa ma yin no zhe na/ byas na 'gal ba ci zhig yod/ rang gi tshig dang 'gal ba nyid do zhe na/ de lta na 'o na rang gi tshig dang 'gal bar khas blangs bas rang gi tshig dang 'gal ba dang bstan bcos dang 'gal ba dag tha dad par med pa nyid du 'gyur te/ bstan bcos dang 'gal ba la mi 'dra ba med do/ /skyes bu'i 'dod pas byas pas na/ /'di tshad nyid ni yongs su rdzogs/ /gal te skyes bu'i 'dod pas bstan bcos tshad mar byas na de ni rang gi tshig la yang ma tshang ba med par yod do/ /des na rang gi tshig las bstan bcos khyad par med do/ /ci ste bstan bcos ni rang gi don bsgrub pa'i phyir khas blangs pas na tshad ma yin no/ /rang gi tshig ni gzhan gyi don du yin te des ni de tsam yin te gzhan gyi don la ni 'bad pa chen po med pa'i phyir ro/ /zhe na/ de ni ma yin te/ 'di ltar/ gal te yongs su brtags yin na/ de ni tshad ma gnod byed yin/ /gal te brtags par mi 'jug na/ /rang gi tshig las khyad par med gal te brtags nas khas blangs na/ /de'i tshe don de tshad ma nyid kyis grub pa yin pa'i phyir tshad mas gnod pa nyid do/ /ma brtags na ni de tshig tsam nyid yin pas rang gi tshig dang 'gal ba bstan bcos dang khyad par med do/ /des na grags pa don dag yang/ /bstan bcos dor na nyes pa med/ /lkog gyur dag las bstan bcos ni/ /mi 'dod dpyod pa nyid mi 'jug/ tshang mas rab tu grub pa'i chos can la dpyod pa gegs med pa'i bstan bcos 'dor yang nyes pa med do/ /'on kyang khas blangs pa dang 'gal ba 'ga' zhig te/ khas blangs pa 'gal ba'i phyir ro/ /'di bstan bcos dang 'gal ba'i yul bsal ba ni ma yin no/ /bstan bcos las grub

  404. 202b

    pa'i chos can la ni bstan bcos dor na dpyod pa 'jug mi srid pa'i phyir bstan bcos dang/ 'gal ba'i yul bsal ba ni de nyid yin no/ /bstan bcos mi 'dod na ni de la sems pa mi 'jug pa kho na'o/ /de ltar na bstan bcos la brten nas /chos can la so sor gzhag pa des na de gnod pa can yin no/ /gal te bstan bcos tshad ma can ma yin pas ji ltar so sor 'jog ce na/ /tshad ma nyid du khas blangs pa'i phyir ro/ /de lta na ni rang gis khas blangs pa kho nas tshad mar byas pa chos can rnam par 'jog par byed pa yin la chos gzhan la yang de nyid kyi sgrub pa'i phyir rang gi tshig dang 'gal ba dang bstan bcos dang 'gal ba tha dad pa med par 'gyur ro/ /'di la brtag pa phal cher ni 'gal ba brjod yin 'di lta ste/ /chags sogs chos min rtsa ba dang/ /khrus kyi chos min dag 'gyur ba'o/ /'di skad du yang sems kyi nang na gnas pa'i skyon/ /'jug dogs khrus kyi dag mi 'gyur/ /de ni lan brgyad bkrus byas kyang/ /chang bum bzhin du gtsang mi 'gyur/ /zhes brjod pa dang/ de bzhin du yang brjod pa ni/ /rang gi sgo nas ku sha 'khyil/ /bil ba can dang sngan po'i ri/ /kan kha lo yi 'jug dogs su/ /khrus byas yang 'byung srid ma yin zhes bya ba lta bu'o/ /gal te 'ga' yang gnod pa ma yin gyi 'gal ba tsam du zad pa yin na/ 'o na khas blangs pa dang 'gal ba de ci'i don du yin zhe na/ mthong dang ma mthong ba dag la/ /rigs pas grub dang rang tshig gis/ /gnod byed bstan bcos gang yin de/ /gzung bar bya phyir dpyod 'jug 'gyur/ /mthong ba dang ma mthong ba dag la tshad ma dang rang gi tshig gis mi 'gal ba'i bstan bcos khas blang bar bya ba yin gyi/ de lta ma yin par khas len na ni rtog pa sngon du byed pa can du mi 'gyur ro/ /grags pas bsal ba yang phyogs ma yin/ /de la grags pa ni rang bzhin gyi rtags yin no/ /gal te yid ches pa'i

  405. 203a

    tshig don med par mi 'byung ba yin te/ ci'i phyir zhe na/ de lta khas blangs pa'i phyir ro/ /der ni khas blangs pa'i 'brel pa yod pa yin gyi/ tshad mas grub pa ni ma yin pas/ 'bras bu'i gtan tshigs dngos po nyid ni ma yin no/ /de la gal te grags pa yang dngos po'i 'brel pa can yin na/ de'i tshe rang bzhin gyi gtan tshigs dngos nyid yin par 'gyur ro/ /'on te khas blangs pa byas pa yin na de'i tshe/ tshig bzhin du khas blangs pa nyid pas de ci ltar 'di gnod pa byed 'gyur/ gal te 'di ni yid ches pas gnod pa nyid yin te/ gang gi phyir khas blangs pa gnod byed dag skye bo rnams 'dir yid ches yin zhes par 'gyur ba yin no/ /mngon sum don dang rjes dpag dang/ /yid ches grags pas ma bsal ba zhes bya bar ni grags pa'i sgra re re dang 'brel pa yin te/ des na gnod pa ni rnam pa gsum kho na yin zhe na de ma yin te/ rjes su dpag pa'i dbye ba yang/ /gnod pa de ni rnam bzhin bshad/ /ces smos pa'i phyir dang/ slob dpon gyis kyang gang la thun mong ma yin pa'i phyir zhes bya ba la sogs pa'i tshig gi logs shig tu dper brjod pa'i rnam pa bzhir bstan pa gzhung mtshungs par 'gyur ro zhe na/ 'dir smras la 'di ni 'jig rten thams cad dang/ 'gal yin sngar ma rang nyid dang/ /yang na rang bzhin 'bras bu yi/ /ngo bos thal 'gyur 'di byas so/ /'jig rten thams cad kyi grags pas gnod pa ni grags pas gnod pa yin la/ 'ba' zhig gis grags pas gnod pa ni cig shes so/ yang? na? 'di ni rang bzhin gyi gtan tshigs kyi ngo bo nyid dang/ 'bras bu'i ngo bo gnyis thal bas sgrub par byed pa ni gnyis bstan pa yin no/ /'di ltar rgol bas ni dngos kyi sgrub byed dang/ thal ba'i sgrub byed gnyis nyid bya ba yin gyi rgol ba'i tshig dag la yang rnam pa gzhan ni ma yin no zhes bstan pa'i don

  406. 203b

    du yin no/ /yang na gang phyir kun tshe tha snyad pas/ /sgra don rjes su 'breng ba yi/ /bstan bcos ma yin des de las/ /tha dad phyir 'dir logs su byas/ /dngos ma yin yang grags pa ni/ /gdon mi za bar khas blangs bar bya ba'i phyir logs shig tu byas so/ /gal te bstan bcos dang rang gi tshig dag khyad par 'ga' yang med pa'i phyir/ bstan bcos dang 'gal ba rang gi tshig dang 'gal ba nyid yin no/ /des na gzhan rtogs par byed pa/ bstan bcos las rab tu grags pa'i chos can la rtsod pa byed pas ni/ gdon mi za bar bstan bcos kyi tshig dang/ /rang gi tshig dag tshad mar khas blang bar bya ba nyid ma yin nam/ de'i ltar na gdon mi za bar khas blangs par bya ba ma yin pa yin zhe na de yang ma yin no?/ gzhan gyi khas blangs pas bshad pa'i phyir ro/ /rgol ba gzhan dag ni rtsod pa sgrub pas na? chos can gzhan la rtsod kyang bstan bcos gdon mi za bar khas blang bar bya ba yin no zhes khas len te/ des na gdon mi za bar bstan bcos khas blang bar bya ba ma yin no/ /zhes bya ba 'di bstan pa'i phyir brjod pa yin no/ /yang na grags pa ni brjod par 'dod pa'i yul can yin la/ bstan bcos ni don dam pa'i yul can yin pa'i phyir so sor nye bar bkod do/ /de la mi yang yin la mo gsham yang yin no/ /zhes bya bar ni brjod par 'dod pa'i don gnod pa ni ma yin no/ /de'i phyir yul ni spyi dang cig shos kyis tha dad par ni brjod 'dod pa/ /bstan bcos grags pas gnod pa yi/ /rnam dbye yin phyir tha dad nyid/ /zhar la 'phros pa song zin te/ /skabs nyid la 'jug par bya'o/ /grags pa zhes bya ba 'di ci zhig yin/ re zhig gal te khyab pa dang nyid tshe ba'i 'jig rten gyi grags pa mdza' dag gzung nas ni de'i tshe/ rtag pa nyid la sogs pa yang 'jig rten mdza' dag la grags pa yin te/ des na tshad mas bkag pa na yang 'jig rten gyi grags pas gnod par 'gyur la/ /tshad ma dang 'gal ba gzhan dag la yang 'gyur ro//

  407. 204a

    grags pa'i sgras brjod par bya ba'i don gzhan ni yod pa ma yin no/ /de bzhin du mi mgo'i thod pa mi gtsang ngo zhes bya ba la sogs pa dag la yang 'gyur ro/ /'on te bstan bcos las brjod pa la gnod par mi rigs so zhe na/ de lta yin na rtag pa dang bdag la sogs pa gnod na yang skyon du 'gyur ro zhe na/ 'di la smras pa/ 'dod pa'i sgra yi brjod bya ba/ /g.yo med gang yin grags pa yin/ /grags pa nyid ni tha snyad de/ /des bskyed phyir na de skad brjod/ /khyad par 'phags par 'grub pa ni rab tu grags pa yin pas na/ des bskyed par 'dod pa'i sgras brjod par bya ba nyid g.yo ba med pa'i phyir khyad par du 'phags pa grub pa'i rang bzhin nyid do/ /rtag pa nyid la sogs pa ni g.yo ba nyid do/ /bstan bcos kyi ni de 'gyur ba med par bya nus pa ma yin te tshang mas grub pa bstan bcos kyis bzlog par nus pa ma yin te/ tshad mas gnod pa nyid kyi na/ tshad nyid yin par bzlog phyir ro/ /'dod pa'i sgra'i brjod par bya ba nyid ni de ltar g.yo ba ma yin te/ gnod par byed pa'i rjes su dpag par med pa'i phyir ro/ /de ltar yang ston par 'gyur ro/ /don la 'dod pa'i sgra'i brjod par bya ba nyid skyes bu'i 'dod pa tsam dang rjes su 'brel ba 'gog pa'i rjes su dpag pa ni 'jug pa ma yin no/ /de nyid kyi phyir bshad pa/ don la skyes bu'i 'dod pa dang/ rjes 'brel 'dod sgra'i brjod bya nyid/ /bkag med phyir na gnod med dag /skye bo rnams 'dod yid ches yin/ /ba lang nyid la sogs pa spyi'i rang bzhin du brtags pa 'dod pa'i sgras brjod par bya ba ni dgag par mi nus so/ /brtags pa'i don gyis mgu ba 'dod pa tsam gyis brtags pa ni dgag par nus pa ma yin na rig pa ni dgag par mi nus te/ de bzhin du

  408. 204b

    'di yang ngo/ /gal te tshad mas grub pa'i dngos po nyid gnod par byed pa ma yin nam zhe na/ 'dir smras pa/ rang rig pa nyid tshad ma yin la/ sgra'i nye bar len pa dang 'bras bu'i dngos por gyur pa brjod par bya ba nyid ni des grub pa'i phyir ro// gal te de lta na brjod bya nyid mngon sum gyis sgrub pa kho na yin te/ des na mngon sum gyi gsal ba'i phyogs nyid do/ /rgyu dang 'bras bu'i dngos po nyid mngon sum gyi grub pa yin gyi brjod bya rjod byed kyi dngos po gzhan ni ma yin no zhe na/ ma yin te brjod bya rjod byed kyi ngo bo de tsam yin pas/ de ci ltar na gzhan du khas len zhe na/ 'dir smras pa/ brjod bya nyid 'dir 'byung ba dang/ /byung gyur par gnas gsal ba dag /khyab pa'i spyi yin des na de/ /mngon sum gyis ni ga la rtogs/ /'on kyang thog med bag chags las/ /byung ba de lta'i tha snyad ni/ /yod phyir de ni yod do zhes/ /bya bar rtogs pa 'ba' zhig go /de ltar yang de yang tha snyad brten pa zhes 'chad par 'gyur ro/ /gzhan sel ba'i mtshan nyid kyi spyi ni sgra'i brjod byar 'dod la/ de yang dgag par nus pa ma yin te/ bag chags so sor nges pa na de lta bu'i rdzogs pa skye ba'i phyir ro/ /bag chags de ni 'dod pa tsam gyis byas pa'i brda nges pas zad pas na spyi nges par byed pa yin no/ /'di ltar/ bram ze la sogs gsal ba yis/ /gsal min nges pa 'dod pa yis/ /brda 'jug can gyi sgra yis ni/ /de las gzhan la bzlog phyir ro/ /bram ze la sogs pa'i rigs kha dog dang dbyibs des pa'i gsal bas gsal bar bya nus pa ma yin no/ /des na de dag ni gsal ba des pa la brten pas nye bar mtshon pa/ gsal ba la nges pa'i brda'i stobs kyis gsal bar 'gyur ba yin no/ /gal te 'dir da lta 'ga' zhig gis brjod bya ba ni ma yin te/ thog ma med pa nas grub pa'i brjod bya brjod byed kyi dngos po srid pa'i phyir ro/ /zhe na ma yin te/ bstan pa nyid brda yin pa'i phyir ro/ /

  409. 205a

    gzhan yang bram ze dang bram ze ma yin pa zhes bya ba 'di ni rgyu ma yin no/ /'dir ni de'i rgyu mtshan mthong ba'i rgyu/ gang yin pa des bsgrub par bya ba yin te/ de lta ma yin na gdol pa la sogs pa'i rigs dang 'di la phan tshun rnam par dbye ba ci zhig yod/ /'dis ni ba lang nyid la sogs pa'i rigs kyang gsal ba yin no/ /de dag kyang bong bu la sogs pa'i rigs dag las khyad par med do/ /nye bar mtshon nas 'jug pa'i phyir ro zhe na/ 'di la zho dag la sogs par nus pa tsam zhig dgos pa yin/ des na nye bar mtshon nyid de/ /mi tsam 'brel par mi 'gyur min/ /de bzhin du dbyangs la sogs pa'i rigs kyang de dang/ sgra gcig gi yul yin pa nyid kyis mtshon pa yin no/ /des na rigs ni rnam par rtogs pa'i yul nyid do/ /de'i phyir/ tha snyad las ni skyes pa yi/ /chos te grags pa'i sgra yis brjod/ /grags pa tsam la brda'i dngos po thob pa yin pa'i phyir/ /tha snyad las skyes pa'o/ /chos de ni grags pa'i sgrar brjod do/ /chos 'di 'ba' zhig grags pa yi/ /mtshan nyid sgrub par byed pa'i tshad ma'i sgrar brjod pa ni ma zad kyi 'on kyang/ /mngon sum sogs kyis gzhal bya yang/ /'jal byed sgra sgro btags nas brjod/ /mngon sum la sogs pa la yang gzhal ba'i don nyid phyogs ltar snang ba zhes bya ba don gzhan gyis gnod par byed pa yin no// de'i 'dod pa'i sgra'i brjod bya la sogs pa ni de dgag par mi nus pa'i phyir ro/ /de nyid kyis 'gog pa la gnod pa yin no/ /tha snyad kyi don du sbyar ba'i sgras nye bar bkod pa'i rig byed las byung ba la sogs pa'i tha snyad kyi yul thams cad dang 'gal ba med pa can ni/ smyon pa ma yin pas dgag par bya ba ma yin no/ /de nyid bshad pa ni/ /de la brten nas 'byung ba can/ /'dod pas 'jug phyir bkag med pa byas pa 'am ma byas pa rnams kyis/ /sna tshogs rang bzhin nyid kyis rung/ /thams

  410. 205b

    cad ni ngo bo nyid kyis de la brten nas 'byung ba can tha snyad las skyes pa lnga nyid la sogs pa byas pa dang ma byas pa rnams kyi rung ba nyid yin no/ /rang nyid 'byung bar 'gyur ba rnams ni thams cad la rung ba yin te/ thams cad la mi mthun pa med pa'i phyir ro/ /mi mthun pa med pa nyid rung ba yin no/ /des na/ don tsam dang ni rjes 'brel can/ /'byung ba 'am ni 'byung 'gyur ba/ /sgra yi rung ba nyid de yis/ /mi mthun pa dag gnod par 'gyur/ /sgra rnams kyi byung ba 'am 'byung ba'i sgra'i rung ba nyid ni 'gog pas bzlog par nus pa ma yin te/ mtho ris 'dod pas me'i sbyin sreg gyis shig ces bya ba la sogs pa ni khyi sha za ba la sogs pa la dgag par mi nus te/ don tsam dang rjes su 'brel pa yin pa'i phyir ro/ /don der yang mi mthun pa'i med pas rung ba nyid do/ /brda byed pa la mi mthun pa'i don ni 'ga' yang mthong ba 'am/ bstan pas rtogs pa ma yin no/ /tsam gyi sgra ni khyad par med par gzung ba'i don te/ dper na bram ze tsam la zan sbyin no/ /zan tsam sbyin par 'dod do zhes bya ba khyad par yongs su 'dzin par byed pa ma yin pa bzhin no/ /rung ba tsam de na tsam dang rjes su 'brel pa gang yin pa de la ni 'gog pa 'gag yang rigs pa ma yin no/ /des na 'gog pa rung ba nyid des gnod pa yin no/ /rung ba nyid dgag pa ni mngon sum gyis bsgrub pa ma yin no// rjes su dpag pa nyid 'jug par 'gyur grang na/ de yang dpe med pa'i phyir srid pa ma yin no zhes ston par 'gyur ro/ /gal te slob dpon gyi sgra las byung ba'i grags pas zhes gsungs kyi rung ba nyid kyis ni/ /gnod par ma gsungs pa ma yin nam/ 'dod pa'i sgra'i brjod par bya ba nyid ni rung ba nyid ma yin no/ /de lta bu'i grags pa yang ma yin te/ rung ba nyid ni grags pa'i sgra'i rgyu yin gyi grags pa nyid ni ma yin no zhe na/ 'di la bshad pa/ grags pa med kyang dngos po la/ /rung ba nyid de yi

  411. 206a

    stobs nyid las/ /de las sgra kun 'brel des na/ /de la de ni grub pa yin/ /slob dpon gyis dgongs pa yang 'di ste sgra las byung ba'i grags pa smos pas ni rung ba nyid bstan pa yin gyi/ /grub zin pa'i brjod bya nyid ni ma yin no/ / rung ba nyid ni 'dod pa tsam dang rjes su 'brel pa yin la/ /de yang brdal mi mthun pa med pa nyid do/ /sgra ni dngos po thams cad la/ /'dod pa tsam gyis 'jug pa yin/ /de tsam gyis 'jug sgra gang de/ /ci ltar 'gar yang bzlog par nas/ /dngos rnams ngo bo nyid kyis ni/ /rjod byed 'jug par byed ma yin/ /brda las mi mthun med pa ni/ /rung ba nyid ces bya bar brjod/ /'dod pa tsam gyis sprul pa gang/ /de ni don tsam rjes 'brel nyid/ /don tsam la yang bltos med na/ /brda 'dod bar ni ci ltar 'gyur/ /phyogs 'dis gang tshe bum pa la/ /zla ba'i sgra'i brjod bya nyid/ /'gog par der ni grags pa yi/ /gnod pa yin zhes mngon par 'dod/ /ces bya ba ni bar skabs kyi tshigs su bcad pa dag go /gal te mi mthun pa med pa'i rung ba nyid ji ltar 'byung ba 'am/ 'byung bar 'gyur ba yin zhe na/ 'di ltar brjod pa/ don ni 'byung dang 'byung 'gyur phyir/ /rung ba nyid kyis de lta nyid/ /ngo bo nyid las ma gtogs pa/ /rung nyid ces bya rtogs pa med/ /de la don gang zhig sgra gang gis brjod par bya ba nyid du 'dod pa de ni sgra des brjod par rung ba yin te/ dper na shing sgras brjod par rung ba nyid bzhin no/ /'ga' yang gang du yang mi mthun pa ni med do/ /gal te dpe nyid ma grub ste/ /de yang spang ba/ srid pa'i phyir ro zhe na/ de ni ma yin te/ sgra zhig brjod bya rjod byed kyi/ /dngos por tha snyad zhugs pa spong/ /des na 'jug pas don de ni/ /rtogs par mthong ba nyid yin no/ /brjod bya rjod byed kyi dngos po na/ /'di nyid du zad do de skad du yang/ /sgra gang zhig ni brjod pa na/ /rtogs 'gyur don gang yin pa de/ /sgra yi don ni yin brjod de//

  412. 206b

    don gyi mtshan nyid gzhan yod min/ /zhes brjod pa yin no/ /de lta na ni 'o na dam bca' ba'i don mngon sum gyis gnod pa nyid yin pas na/ grags pa'i gnod pas ci zhig bya zhe na/ 'dir smras pa/ 'dir de tsam zhig bsgrub pa ni ma yin gyi/ 'on kyang rigs pa 'dis yul lam dus 'ga' zhig la yang sgra thams cad rjod par 'dod pa yin la /'di la ni mngon sum 'jug pa ma yin no/ /'di ni bum pa la zla ba'i sgras brjod par bya ba nyid 'gog pa gang yin pa de'i tshe yang grags pas bsal ba yin no/ zhes smras zin to/ /gal te de ltar 'di la sgra de'i don du snang ba med do zhes brjod na ni grub pa la sgrub pa yin no/ /'on te gzhan la snang ba ma yin/ da lta yang ma yin/ rung ba tsam yang ma yin no zhes brjod na ni/ de ni ma yin te/ 'dod pa tsam gyis 'jug pa'i phyir ci ste mi srid de/ yul dang dus gzhan du mi gzhan gyis sgra dang don dag rnam pa gzhan du brjod bya brjod byed du mthong ba'i phyir/ /nges pa ga la yod/ rigs pa 'dis thams cad kyi thams cad kyis brjod par bya ba nyid du mthong ba'i phyir nyes pa med do/ /grags pas gnod pa nyid kyis na/ /khyi sha zo zhes bya ba'i/ /don 'di gang gis 'gog byed pa/ /de la rung ba nyid kyis gnod/ /gal te de nyid sha sogs kyi/ /don 'di khyod la snang zhes ni/ /rjod na mngon sum gyis gnod par/ /'gyur gyi gzhan du ga la 'gyur/ /'dir mngon sum gyis gnod pa ni yod pa ma yin no/ /grags pas gnod pa 'ba' zhig tu 'gyur grang na/ /de yang brda'i stobs kyi rung ba yin la/ rung ba ni khyi sha la sogs pa la yang yod pa ma yin no/ /gal te brda gzhan gyi dbang du 'gyur ba'i 'jig rten pa'i sgra gang yin pa de dag nyid la nges pa 'dir 'gyur gyi rig byed pa ngo bo nyid kyi don dang 'brel pa gang yin pa de dag yang nges pa med pa ci ltar 'gyur/ /tha snyad kyi don can gyi brda ni mthong ba'i yul nyid la rigs te/ dbang po las 'das pa la ni/

  413. 207a

    rtogs pa med pa'i phyir brda bya bar ci ltar nus/ lung tsam gcig pu skyabs yin pa'i phyir/ rtogs pa phan tshun brten pa'i nyes par 'gyur/ brda gzhan du byed pa yang lung de'i rjes su 'brel pa nyid yin no zhe na/ 'dir brjod pa/ rigs byed kyang ni rang bzhin gyis/ /don ldan 'di ni gang gis grub/ /der yang rmongs sdang 'jig sogs kyis/ /mi shes pa dag brda byed 'gyur/ /ji ltar gcig gis sreg byed la sogs pa dag la me la sogs pa'i ming 'dod pas byas pa de bzhin du khyi la sogs pa la yang 'gyur ro/ /don 'di ngo bo nyid kyis yin no zhes kyang mi 'grub ste/ don de ni 'jig rten gyi rjes su 'brang ba nyid kyis 'jog pa'i phyir ro/ /'jig rten na ni/ yul dang dus sogs dbye ba yis/ /sna tshogs 'gyur don mthong phyir te/ /'dir ni yul dang dus la sogs/ /khyab pa'i don yang nges ma yin/ /yul dang dus der yang res 'ga' / /mi shes pa nyid brda byed pa'am nye bar ston pa srid do/ /nye bar ston pa brgyud pa tsam nyid na mun pa brgyud pa nyid do/ /des ni de'i mos pa bzlog pa'i phyir ro/ dbang po las 'das pa'i don mthong ba nyid/ /sngon gyi don 'dzin par byed pa spangs pa'i phyir/ /brda gzhan du byed par 'gyur bas 'gal ba med do/ /yang na/ de la yang ni mngon sum gyis/ /des rtogs pa dang ldan min te/ /rjes dpag med par ri bong can/ / zla ba'i sgrar ni rtogs ma yin/ /sgra las don rtogs par ni mngon sum yin par mi 'thad do/ /ji skad du rigs byed smra ba dag na re/ tshig las don rtogs pa ni mngon sum yin no zhes 'dzer ba bzhin no/ /gal te re zhig 'di skad du rtogs pa ni mngon sum yin te rang rig pa'i rang bzhin yin pa'i phyir ro/ /zhes brjod pa ni 'di'i gzhung la gnod do/ /shes pa gzhan gyi dmigs par yang ste/ blo mngon sum ma yin no zhes bya bar gnas pa yin no zhes bya bar gnas pa'i phyir ro/ /khas len na yang

  414. 207b

    'dir yang 'dzin par bya ba yin te/ du ba las me rtogs pa yang mngon sum yin zhes so/ /'on te rjes su dpag pa'i rang bzhin med par 'gyur ro zhe na/ glo bur du ba las me rtogs pa yang de ltar 'gyur ro/ /'on te der sngar mtshams sbyor ba yod par 'gyur ro zhe na/ 'di la yang brda'i dus su yod do/ /de lta ma yin na bshad pa'i rjes su ma 'brangs par yang 'gyur te/ bshad pa nyid brda yin no/ /'on te bshad pa ni 'dod rgyal du byas pa'i rang bzhin nyid ma yin pa des na/ skyon med do zhe na de ni ma yin te/ sdang ba la sogs pas gzhan du yang 'chad par byed pa'i phyir ro/ /zhes bstan zin to/ /sdeb sbyor pa'i yin pa'i phyir yi ge dang dbyings la sogs pa ni nges pa ni tshig tu sgrub pa yin no/ /sbyor ba dam pas 'chad do zhe na/ de ltar bshad pa brgyud pa las 'byung ba long ba brgyud pa yin/ des na mngon sum gyis min zhing/ /rjes dpag med phyir 'thad par dka' / /des na ri bong can zla ba'o zhes bya ba 'di la yang mngon sum yod pa ma yin no de ltar yang sgra dang rtags dag ni de yod pa dang med pa dag la mthong ba dang ma mthong ba dran pa la bltos te/ rang gi yul rtogs par byed do zhes bstan pa yin no/ /de la gang gi phyir ri bong can ni zla ba ma yin te/ yod pa'i phyir ro zhes smra ba de/ 'di skad du rtogs pa nyid med do zhes brjod pa ni ma yin no/ /de skad smra ba ni rtogs pas gnod par 'gyur la/ rtogs pa yang mngon sum nyid yin no/ /gal te rtogs pa yod pa yin pa de lta yang/ bden pa nyid ma yin te/ zla ba gnyis su rtogs pa bzhin zhes bya ba de la grags pas/ gnod pa bstan par bya ba yin no/ /snga ma snga ma mtshams sbyor ba'i/ /grags pas rjes su dpag pa nyid/ / des na bstan bcos mdzad pas 'di/ /rjes su dpag pas gnod bzhed bar/ /brda'i dus su 'brel bar rtogs pa'i phyir rjes su dpag pa nyid de/ des na 'gro ba'i grags pas rang bzhin rtags zhes bya ba 'di grub pa nyid do/ /gal te 'di rjes su dpag pa zhes bya

  415. 208a

    bar ni rigs na/ rang bzhin gtan tshigs go ji ltar/ sngon gyi mthong ba dang lhan cig pa'i sgra las skyes pa'i rtogs pa ni rjes su dpag pa'i rang bzhin gyis gnod pa byed pa yin na/ sgra ni don gyi rang bzhin ma yin no/ /gal te brjod bya brjod byed dag / rgyu dang 'bras bu dngos yin na/ /de tshe sgra las rtogs 'gyur te/ /de lta yin na rjes dpog 'gyur/ /rjes su dpag pa la rtogs pa'i phyir 'brel pa dang ldan pa yin no/ /sgra don gyis 'brel pa de yang nye bar len pa dang nye bar len pa las 'byung ba'i dngos po yin no/ /sgra ni don dam par rkan la sogs pa'i byed pa tsam las skye ba yin gyi don gyi bskyed pa ni ma yin no/ /des na lag brda la sogs pa ltar 'dod pas rgyu dang 'bras bu'i dngos po yin gyi/ gzhan du ni ma yin no/ /'dod pas brtags pa'i rgyu dang/ 'bras bu'i dngos po ni thag pa dang/ phur ba'i 'brel pa bzhin du don dam pa la ma yin no/ /gdon mi za bar de ltar rtogs pa yang ma yin te/ /des na 'di dngos kyi rjes su dpag pa ni ma yin no/ /'o na ci ltar rang bzhin gyis brtags yin zhe na/ nye bar len par gyur pa'i don gang zhig brda gsal bar bya ba dang/ 'dod pas de lta bar byed pa de ni/ don dam par rgyu ma yin te/ gzhan brjod bar 'dod pa 'am/ rjod par 'dod ba med na don de brjod par 'dod pa med kyang yod pa'i phyir ro/ /gang zhig med par gang yod pa de ni de'i rgyu ma yin no/ /de'i phyir 'di ni nyer len nyid du ni/ /'dod pa tsam gyis brjod bya yin/ /de tsam las ni byung 'gyur ba'i/ /rang bzhin brjod par bya ba yin no/ /nye bar len pa nyid du rnam par bzhag pa nyid brjod par bya ba yin no/ /des na nye bar len pa nyid du tha snyad byed pa nyid ni grags pa yin no/ /tha snyad grags pa yin pa'i phyir/ nye bar len pa yang grags pa nyid do/ /des na brjod bar bya ba ma yin pa nyid nye bar len pa nyid du snang bas gnod pa yin no/ /gal te 'ga' zhig

  416. 208b

    gang gis nye bar len pa dang/ 'bras bu nyid du mi snang ba de nyid ni brjod par bya ba ma yin te/ sgra de las de mi snang ba'i phyir ro/ /gal te don de 'dod kyang nye bar pa len pa dang/ 'bras bu'i rtogs pa la mi snang ba yin na ni/ brjod bya ma yin par 'gyur ro/ /gal te ma snang ba nyid ma yin nam/ phyi rol gyi don nyid ni nye bar len pa ma yin te/ de med kyang yod pa'i phyir ro/ /zhes bya ba ni brjod pa nyid yin no/ /zhen ma yin te/ 'dod pa yod na snang ba'i phyir ro/ /'o na gang gi tshe don mthong ba yod na/ de brjod par 'dod pa med kyang shin tu goms pa las sbyor ba de'i tshe nyid lan ci ste mi snang ngam/ 'on te de las phyi rol gyi don snang ba med pa'i phyir rtogs pa po de skad brjod na/ de lta na rjes su dpag pa yang phyi rol gyi don gyi yul can du mi 'gyur te/ de la mi snang ba nyid kyis phyir ro/ / 'on te rnam par rtog pa de las kyang der lhag par zhen pas dngos po nyid la 'jug pa'i phyir de skad brjod na/ de lta yin na brjod par bya ba nyid la yang de bzhin nyid do/ /phyi rol gyi don thams cad kyi tshe 'thob pa ni ma yin te/ grags pa ni don dam pa tshad ma ma yin pa'i phyir ro/ /tshad ma ma yin pa nyid kyis brjod bya dang rjod byed kyi dngos po med par 'gyur ba yang ma yin te/ brjod bya rjod kyi dngos po ni de lta bu nyid du grags pa'i phyir ro/ /de'i phyir/ don gang nye bar len nyid du/ /gnas ldan de ni brjod bya nyid/ /'dod skyes nyid len ni/ /de las dgag par nus ma yin/ /don rnams thams cad de 'dra ba'i/ /grags yul brjod bya yin par 'dod/ /des na 'dod pa rag pas las/ /'jug pa'i sgra la des yod min/ /zhes bya ba ni bsdu ba'o// des na rung ba slob dpon grags pa'i sgrar bzhed pa yin no/ /de nyid ga las zhe na/ 'dir smras pa/ des ni thun mong ma yin pa/ /nyid kyi sgrar ni bstan pa de/ /gal te ma lus rung nyid las/ /brjod bya min bzhed na mi 'gyur/ /de nyid kyi phyir

  417. 209a

    bshad pa gzhan du 'dir ni gnod pa yi/ /gtan tshigs thun mong nyid mi 'gyur/ /gal te slob dpon rung ba nyid bzhed pa ma yin na/ ci ltar gnod par byed pa'i rjes su dpag pa'i gtan tshigs thun mong ma yin par 'gyur te/ yod pa nyid ni zla ba'i sgras brjod par bya ba ma yin pa bum pa la sogs pa dag la grub pa'i phyir ro/ /gang gi tshe thams cad de'i brjod par bya ba nyid yin pa de'i tshe ni 'gyur ba nyid de/ gang la yang zla ba ma yin par ma grub pa'i phyir ro/ /slob dpon gyis ni gang la thun mong ma yin pa'i phyir/ /rjes su dpag pa med la sgra las byung ba'i grags pa'i don dang 'gal bas bsal ba de ni phyogs ma yin no zhes gsungs te/ yul gang la mi mthun pa'i phyogs su gyur pa'i rjes su dpag pa thun mong ma yin pa nyid kyi phyir de med do/ /med pa na sgra las byung ba'i grags pa'i rjes su dpag pa gnod par byed pa yod pa de ni phyogs ma yin no/ /de skad du gsungs pa ni 'di dgag par mi nus pa nyid dam/ bzlog pa'i tshad ma med par nges pa nyid du ston pa yin no/ /tshad ma med par ni 'gog pas ma yin la/ nges par byed pa yod na mi nges pa yang ma yin no/ /'dir ni phyi ma snga ma dang bcas pa snga ma phyi ma dang bcas pa/ 'di gnyis phyi ma snga ma'i/ don la byed pa 'jug pa yin/ /gang gi tshe re zhig sgra las byung ba'i grags pa gtso bor yin la/ cha shas snga mar khyad par nyid yin pa de'i tshe ni bzlog pa'i tshad ma med par nges pa yin la/ gang gi tshe cha shas phyi ma khyad par nyid yin la/ snga ma gtso bor yin pa de'i tshe ni 'gog par mi nus pa yin no/ /gal te rjes su dpag pas thun mong ma yin pa nyid yin du chug pa de lta na yang ci ltar dgag par mi nus/ rjes su dpag pa kho na ni tshad ma ma yin te/ mngon sum yang srid pa'i phyir ro zhe na/ 'dir lan du/ de 'gog rjes dpag las 'gyur te/ /sgra don la dbang 'jug med

  418. 209b

    phyir/ /gal te sgra las 'byung ba'i grags pa'i rang bzhin gang yin pa de mngon sum nyid ma yin nam/ des na rjes su dpag pa med par 'gyur bas/ /thun mong ma yin par brjod pa don med pa ste ma yin zhe na/ ma yin te/ sgra'i don la dbang po mi 'jug pa'i phyir ro// sgra'i don mngon du bya bar nus pa ma yin no/ /sgra las byung ba'i grags pa'i don gyi rung ba nyid sgra'i don du nges pa tha snyad kyi rgyu yin pas/ gal te snang ba yin du chub ba de lta na yang de las tha snyad du bya ba ma yin pas na/ rung ba nyid dgag pa dang/ snang ba'i sgra dang 'brel pa can nam/ 'brel pa ni mngon sum gyi yul ma yin no/ /sgra ni nyan pa'i rnam par shes pa la snang ba yin la de'i don ni rnam par rtog pa 'am/ mig gi rnam par shes pa la snang ba yin no/ /'di dag phan tshun yul 'chol bar 'gyur ba yang ma yin no/ /gal te me dang du ba dag kyang rang yul can gyi rnam par shes pa la snang ba'i phyir ci ltar der 'gyur/ dri dang dri dang ldan pa la sogs pa yang de bzhin no zhe na/ der yang skyon du 'gyur mod de lta na yang de bsgrubs bar 'gyur ba ni ma yin no/ /de dag ni dbang po'i rnam par shes pas 'jig pa des na nyes pa med do/ /'di la ni rang rig pas shes ba'i rang gi mtshan nyid 'dzin gyi/ rjod par byed pa nyid ni ma yin la/ 'brel ba khyab pa la yang mngon sum la snang ba ma yin no/ sgra'i tha snyad la ni mi snang ba yang yod pa ma yin te/ des na mngon sum gyi yul ma yin no/ /mngon sum ni dngos po'i yul can yin pa'i phyir ro/ /des na 'di ni rjes su dpag pa'i yul nyid do/ /gal te brtags nas gzhan nas gzhan las skyes pa'i rjes su dpag par gzhan gnod par byed pa yin par 'gyur ro/ /gal te yod pa'i phyir zhes bya ba'i gtan tshigs thun mong ma yin mod/ /gtan tshigs gzhan yod par 'gyur ro zhe na/ bshad pa/ gal yod pa nyid

  419. 210a

    kyang ste/ rjes 'gro med der gtan tshigs rnams/ /thun mong ma yin pa nyid ces/ de ltar gtan tshigs dper brjod pa/ /'bras bu dang ni ldan par 'dod/ /gang la dngos po ma lus pa khyab pa'i yod pa nyid thun mong ma yin par byas pa der khyab pa med par nyon mongs pa gzhan dag smos su ci yod/ stobs dang ldan pa'i phyogs bzlog par nus pa de don du gnyer ba ni de las gzhan la bzod pa ma yin no/ /de nyid kyi phyir phyogs gtan tshigs dang ldan par bstan te/ ri bong can ni zla ba ma yin te yod pa'i phyir zhes so/ /de lta ma yin na phyogs ltar snang ba 'god pa'i skabs su gtan tshigs nye bar dgod pa'i skabs ga la yod/ gzhan du na sgra mnyan par bya ba ma yin pa 'am/ bum pa rtag pa yin no zhes bya bar yang gtan tshigs dgod par thal lo/ /ci ste tshad mas gnod pa la gtan tshigs mi srid na/ 'dir yang de ltar 'gyur ba'i phyir 'di ni gyi na'o/ /gal te 'di dgag par mi nus pa nyid du ston pa yin no/ /zhes brjod pas na mnyam par bya ba ma yin no zhes bya ba 'dir yang thal bar 'gyur zhe na/ 'dir brjod pa sgra las byung ba'i grags pa 'di/ /dngos kyis tshad ma min par brjod/ /des na gnyen po med pa la/ /gyur phyir 'di la nyes pa med/ /'dir gnod par byed par srid kyi mngon sum dang/ rjes su dpag pa dag las ni ma yin te/ des na 'dir bsal ba yin no/ /rjes su dpag pa gnyen po med pa nyid du brjod pa yin no/ /zhes 'chad par 'gyur ro/ /'o na ci ltar gnyen po mi srid do/ /thams cad ni brjod par bya ba nyid ma yin no zhe na/ de'i phyir bshad pa// kham po bdun pa/ /sgra ni brda la brten pa can/ /de yang 'dod tsam brten pa yin/ /sgra yis grub pa mi 'grub min/ /de ltar sgra byung grags pa'i tshig /sgra las byung ba'i rang bzhin thams cad grub pa nyid yin te/ 'dod pa tsam gyi brda sbyar ba'i

  420. 210b

    sgra tsam las 'gyur ba yin pa'i phyir ro/ /sgra ni gang du yang 'jug par mi nus pa ma yin no/ /don 'di nyid sgra las byung ba'i grags pa zhes bya ba la sogs pas brjod pa yin no/ /gzhan du na thun mong ma yin pa nyid du bstan par mi nus so zhes 'di bstan zin to/ /gal te rjes su dpag pa med pas na sgra las byung ba'i grags pa gnod pa med pa yin la/ gnod pa med pa nyid yin pas kyang rjes su dpag pa med pa'i phyir phan tshun brten pa'i skyon du 'gyur ro zhe na/ sgra byung grags pa 'dod tsam gyis/ /'jug pa rang nyid las mi 'grub// ma yin yod nyid rang nyid las/ /tshad ma ma yin pa nyid do/ /sgra las byung ba'i grags pa 'dod pa tsam gyis rjes su byed pa gzhan las mi mthun pa'i phyogs med par rtogs pa la bltos pa ni ma yin gyi/ de stobs dang ldan pa'i phyir rang nyid las yin no/ /'gog par byed pa yod pa nyid kyang rang nyid las ma 'brel pas na thun mong ma yin pa nyid yin pa'i phyir ro/ /gal te yod pa nyid ni brjod bya ma yin par rtogs pa des na brjod bya ma yin pas khyab pa'i phyir ci ste 'gog par byed pa ma yin no zhe na/ ma yin te/ 'dod pa tsam gyis 'byor pa ni dgag par mi nus pa'i phyir ro zhes bshad zin to/ /gal te yod pa nyid brjod bya ma yin na yod pa'i sgra nyid kyis ci ltar brjod par bya/ de'i phyir thun mong ma yin pa'i rjes su dpog pa gnod pa med pa'i sgra las byung ba'i grags pa ni gnod par byed pa nyid do/ gal te gnod par byas pa yang gnod byed du dogs na/ /de lta yin na 'gar yang gnod bye gnod byed kyi dngos por mi 'gyur bas na 'gro ba rtogs pa med pa nyid du 'gyur ro/ /des na sgra las byung ba'i grags pa nyid gnod par byed pa yin gyi/ de las bzlog pa ni ma yin no/ /des na/ rjes su dpag pas sgrub rnams la/ /'gal ba 'khrul ba med pa can/ /med par ston yin de lta bu'i/ /rtogs pa rjes dpog yin phyir ro/ /sgra las byung ba'i grags pa gnyen po'i phyogs med par bstan pas ni ci ltar

  421. 211a

    rjes su dpag pa 'di gnyen po'i phyogs med pa de bzhin du gzhan yang yin no zhes bstan pa yin te/ gnyen po srid na ni de yang tshad ma ma yin pa'i phyir gnod par byed pa ma yin par 'gyur te/ sgra las byung ba'i grags pa nyid bzhin no/ /des na de yang mi mthun pa'i phyogs thun mong ma yin pa nyid kyi phyir sgrub par byed pa ma yin te/ dper na 'di na me yod de du ba yod pa'i phyir zhes bya ba la/ 'di na me med de yod pa'i phyir me dang bral ba'i phyogs bzhin no zhes bya ba lta bu'o/ /gal te 'dod pa tsam nyid kyis sbyar bas rjod par byed pa nyid yin pa'i phyir bum pa la yang zla ba nyid yod pas dpe med par 'gyur gyi/ 'dir ni me med pa'i phyogs yod pa nyid do zhe na/ de ni ma yin te/ sgra las byung ba'i grags pa yis/ /gnod pa yod pa thun mong nyid/ /ma yin 'dir yang 'bras bu yi/ /gtan tshigs kyis gnod ci ste min/ /du ba dang ldan sa phyogs su/ /rjes su dpag pas bsgrub pa'i me/ /de ci mi 'gog pa dag la/ /gnod byed yin par ma rtogs sam/ /mi mthun phyogs kyis gnod par ni/ /dogs pa sngar nyid bzlog zin to/ /des na tshad ma thams cad la/ /dgra zla srid pa ma yin no/ /des na rjes su dpag pa las/ /'gal ba mi 'khrul can yod min/ /de lta ma yin te tshad ma la gnod pa srid pa yin na thams cad la yid brtan du med do/ /gang du ma mthong ba de la yid brtan pa med do zhe na/ ma yin te mi dmigs pa tsam ni tshad ma ma yin pa'i phyir ro/ /gnod pa yod kyang rtogs par mi nus pa'i phyir te/ dmigs pa'i mtshan nyid du gyur pa ma yin pa'i phyir ro/ /'dis brjod par 'dod pa'i grags gcig pa can nyid kyang bsal ba yin no/ /'di ltar de yang ma dmigs pa tsam gyis rtogs sam/ 'brel pas yin/ gal te ma dmigs par rtogs par byed na ni/ tshad ma ma yin pa'i phyir ci yang ma yin no/ /'on te 'brel pas yin na/ de las 'gal ba mi 'khrul pa can mi srid pa nyid do/ /de la ni 'brel

  422. 211b

    pa dang ldan pa gzhan srid pa ma yin te/ gcig la yod pa dang med pa dag mi srid pa'i phyir ro/ /de'i phyir dngos po'i stobs kyis zhugs pa'i rjes su dpag pa la 'gal ba 'khrul pa can mi srid do/ /gal te thun mong ma yin pa'i phyir rjes su dpag pa la 'gal ba mi 'khrul ba can med pa ston pa yin na de'i tshe gang la thun mong ma yin pa'i phyir rjes su dpag pa med la/ 'bras bu'i gtan tshigs dang rang bzhin gyi gtan tshigs kyis rab tu 'grub pa 'gal ba'i don gyis bsal ba der yang phyogs ma yin no zhes 'di rjes su dpag pa nyid la ci ste mi brjod/ de bzhin du mngon sum la yang brjod par bya'o zhe na/ 'di ni cung zad kyang ma yin te/ 'di ltar 'di nyid kyi mngon sum dang/ rjes su dpag pa la yang brjod pa yin no/ /gang zhig mngon sum la ni dngos po yod pa ma yin te/ rtogs pa yin pa'i phyir sgra dang sgang bu la sogs pa'i rnam pa can rab rib can gyis rtogs pa bzhin no zhes zer ba de la lan 'di gdab ste/ 'brel pa grub pas dngos po ni/ /med pa min par sgrub par byed/ /'di ltar 'brel pa yod pa ni/ /kun la dngos po yod pa yin/ /gal te 'brel ba dang mi ldan pa'i rtogs pa la dngos po yod par the tshom za ba 'am/ gzhan du brjod pa ni grub pa nyid bsgrubs par 'gyur/ 'on te bzlog pa la yin na ni de'i tshe thams cad la dngos po yod pa'i phyir bzlog pa'i phyogs thun mong ma yin pa nyid do/ /gal te mngon sum la rjes su dpag pa 'am/ gzhan pa'i gnod par byed pa mi srid pa ma yin nam/ de ni mngon du mthong ba yin pa'i phyir ro/ /mngon du mthong ba ji ltar med par bsgrub par nus te/ de nyid kyi tshe de nyid mthong ba dang mi mthong ba ni srid pa ma yin no/ / des na mi dmigs pa 'am/ gtan tshigs gzhan gyis med par bsgrub pa ni ma yin no zhe na de ni ma yin no/ /'di ltar mngon du byas pa'i rtogs pa ni/ /'ga' la'ang gnod pa yod min na/ /de lta yin na khyad med phyir/ /thams cad tshad ma nyid du thal//

  423. 212a

    sgra la sogs pa mngon du byed pa'i rang bzhin 'khrul pa'i rtog pa la yang gnod par byed pa med par 'gyur ro/ /des na mngon du byed pa tsam gyis ni tshad ma ma yin no/ /'dis ni gnod par med pa nyid kyang bsal ba yin no/ / mngon du byed pa bzhin du gnod pa med pa nyid kyi ngo bo yang ha cang ma khyab pa ma yin no/ /mi slu ba can gnod pa med par gyur pa tshad ma yin no zhe na/ de ni a ru re zos na lhas 'khrul bar byed do zhes pa'i tshul du 'gyur ro/ /gal te mi bslu ba dang ldan pa yin na gnod pa med pas ci bya ste/ mi bslu ba nyid kyis tshad ma yin pa'i phyir ro/ /'on te don byed pa'i yul la gnod pa byed pa nyid 'dzin pa yin na/ de ltar yin na de'i mi bslu ba nyid pas skyon med do/ /mi slu ba de yang snang ba ni ma yin te/ snang ba'i rang bzhin 'brel pa yod pa yin pa'i phyir mi snang yang rtogs par bya ba yin no/ /'brel pa de ni rjes su dpag pa la yang yod pa'i phyir de la gnyen po srid na gnyi ga la 'gyur ba 'am/ yang na ni 'gal la yang ma yin pa'i phyir mtshungs so/ /de'i phyir mngon sum yang mngon du byed pas ni tshad ma ma yin no/ /de nyid kyi phyir/ mngon sum yang ni don med na/ /mi 'byung ba las tshad ma nyid/ /'brel pa yi ni rang bzhin de'i/ /rgyu yin pas na gnyi ga mtshungs/ /zhes bshad do/ /'brel pa nyid tshad ma'i rgyu yin no// gal te dgos pa 'di tsam du zad na mngon sum de nyid du gnyen po med par bstan pa'i phyir/ /rjes su dpag pa med pa la zhes ci ste ma brjod rim gyis thob pa'i go rim bzlog pas dgos pa med pa'i phyir ro zhe na de yang mi bzang ste/ 'di ltar/ sgra byung grags pa'i tshad ma nyid/ /gnod pa dang ni mi ldan pa/ /bstan phyir bzlog pa'i tshad ma dag /'di nyid du bshad do/ /gal te mngon sum mam rjes su dpag pa der gegs byed pa'i tshad ma sel bar brjod na ni/ sgra las byung ba'i grags pa'i rjes su dpag pa

  424. 212b

    la don gyis bstan par mi 'gyur te/ des na don 'dis dang por thog par rgal ba yin no/ /gzhan yang gang du bstan min rjes dpag la'ang/ /bzlog pa'i rjes dpag yod min pa/ /der ni brtan pa'i rjes dpag la/ /shin tu ring bar des byas nyid/ /gang du sgra las byung ba'i grags pa gting brtan pa ma yin pa'i rjes su dpag pa la yang thun mong yin pa nyid du byed pa'i rgyus bzlog pa'i tshad ma med pa de shin tu rtsa ba brtan pa ni bzlog pa'i tshad ma med par 'bad mi dgos par grub po/ /gal te mi mthun pa med pa nyid rung ba yin no/ /zhes bya ba'i rigs pas thams cad 'dod pa'i sgras brjod par rung ba de'i phyir 'dir dngos po'i stobs kyis zhugs pa'i rjes su dpag pa nyid du 'gyur te/ de ltar mngon sum gyis dmigs pa'i phyir ro/ /zhe na ma yin te/ rjes su mthun pa nyid kyang med pa'i phyir ro/ /ji ltar de'i mi mthun pa nyid rtogs pa med pa de bzhin rjes su mthun pa nyid kyang mngon sum mam/ /gzhan las rtogs pa ma yin no/ /des na sgra las byung ba'i grags pa'i rjes su dpag pa 'di dngos po'i stobs kyis zhugs pa'i rjes su dpag par ci ltar 'gyur/ de la 'dod pa tsam las byung ba'i chos/ dngos po ma yin pa la gnod par byed pa der ci 'brel pa'i stobs las byung ba gnod par 'gyur ram zhes bya ba 'di tsam zhig dgos par bstan pa yin no/ /gal te 'dod tsam gzhan gyis dring 'jog chos/ /gdon mi za bar gnod bya min/ /de ni nye ba nyid kyis na/ /kun gyi tshe na rtogs phyir ro/ /dngos po'i stobs las 'byung gang yin/ /de ni la lar med kyang srid/ /gang phyir rgyu rnams 'bras bu la/ /des pa nyid ni yod ma yin/ /des na dngos po las byung ba'i/ /tshad la gnod byed dogs par 'gyur/ /de phyir gnod byed spangs pa 'di/ /de nyid du ni rigs pa yin/ /snum khur dang ni dbyug pa'i tshul/ /lan du brjod pa gang yin pa/ /de ni yod min dang po las/ /brgal bas de'i rims las 'das/ /'dir bshad pa/ ngag tu tha snyad tsam las grub pa yin/ /'brel

  425. 213a

    pas rjes dpog dngos pos 'jug min pa/ /gnod pa med der gzhan la gnod pa ni/ /yod par 'gyur zhes ji ltar dpyod par 'gyur/ /don 'di 'di ltar ston par byed pas na/ /rigs pa'i chos kyi rjes 'gro nyams/ /rag las pa dga' re? ba yang/ /de spangs pas byas nas ni 'jug pa mthong/ /bde blag grub pa'i mngon par 'dod pa de/ /sad pa'ang de dang mtshungs pa nyid/ /dngos pos 'jug la 'di 'dra yod min te/ /gzhi 'dzin pa ni skyon par nus ma yin/ /de ltar lam ngan zhugs pa'i rtogs pa thams cad med 'gyur ba'i/ /tshul 'di thob pa ma yin rnams kyis 'phrog pa min grang yang/ /'di la ji ltar blo ngan min nyams med pa rnams kyi lta bar 'gyur ba 'am gsal ba nyid du mthong bar mi 'gyur ro/ /de'i phyir 'di nyid du gnod pa med par bstan pa zhes bya ba 'di rigs pa yin no/ /yang na 'jig rten brjod pa la/ /rjes dpag med par brjod pa yin/ /des ni rjes su dpag pa las/ /grags pa tha dad yul can nyid/ /gang la zhes bya ba la sogs pas so/ /gang la thun mong ma yin pa'i phyir/ /rjes su dpag pa med ces bya ba ni sgrub par byed pa zhes bya ba dang 'brel lo/ /zla ba'i sgras brjod par bya ba nyid la dngos po'i stobs kyis zhugs pa'i rjes su dpag pa dngos po sgrub pa la ston pa ni yod pa ma yin no/ /gal te sgrub par byed pa'i rjes su dpag pa med na/ 'o na gang gis bzlog pa byed pa la gnod pa byed ce na/ med pa ni 'gal ba'i don sgra las byung ba'i grags pas bsal ba yin no/ /rjes su dpag pa 'gog pa 'dis ni dngos po'i stobs kyis zhugs pa'i rjes su dpag pa ma yin no/ /zhes bstan pa yin no/ /gal te 'di rjes su dpag pa yin na/ /rjes su dpag pa 'gog pas bzlog par 'gyur ro/ /rjes su dpag par mi 'dod pa yang ma yin te/ 'gro la grags pa rang bzhin rtags zhes brjod pa'i phyir ro/ /'di ltar 'di sgra las byung ba'i grags pa tsam 'ba' zhig gnod par byed pa yin

  426. 213b

    gyi/ dngos po'i stobs kyis zhugs pa'i rjes su dpag pa ni ma yin no/ /rung ba tsam nyid na mngon du phyogs par nus pa ma yin te/ de la ni dngos po tsam snang ba'i phyir ro/ /'on te yang gal te rnam par ma rtogs pa yin pa'i phyir dngos po tsam snang ba yin gyi brjod bya rjod byed kyi ngo bo ma yin na/ 'o na rgyu dang 'bras bu'i dngos po yang mi snang ba nyid do/ /de la ji ltar rgyu dang 'bras bu yi dngos po yang yin pa de bzhin du brjod bya rjod byed kyi dngos po yang yin no zhe na/ de ni bden mod kyi 'on kyang rgyu dang 'bras bu'i dngos po 'di thams cad kyi yul yin gyi/ brjod bya rjod byed kyi dngos po ni ma yin no/ /'di ltar brjod bya rjod byed ngo bo 'di/ /yul dang dus kyis mi gzhan la/ /'khrul 'gyur des na de la ci/ /rgyu 'bras nyid yod ma yin no/ /rgyu dang 'bras bu'i dngos po la gal te don dam bar mngon sum gyi tshad mas ma grub pa de lta na yang/ 'gro ba mdza' dag la bye brag med par grub pa'i dbang gis na mngon sum lta bur snang ngo/ /'di ltar nga yis sngon mthong du ba de/ /me yi rgyu dang ldan pa yin/ /gzhan du 'di nyid 'di zhes pa'i/ /shes pa skye bar ji ltar 'gyur// gal te sngar ma brtags pa de lta na yang ngas sngar mthong ba nyid do/ /'o na mngon sum rnam par rtog pa dang bcas par 'gyur ro zhe na/ ma yin te/ sngar rnam par rtog pa med pa'i phyir te/ rnam par rtog pa med bzhin bdag gis mthong ngo zhes rtogs pa'i phyir ro/ /dus gzhan du byung ba'i rnam par rtog pa'i sngar byung ba'i mngon sum rnam par rtog pa dang bcas pa'i rgyu mtshan ma yin te/ de dang 'brel pa med pa'i phyir ro/ /gal te phyis kyi dus su byung ba'i rnam par rtog pa yul med pa nyid yin pas ci ltar na des rnam par rtogs pa med pa nyid du rnam par 'jog /'das pa'i yul ni mngon sum du 'gyur ba ma yin te/ des na ji ltar rnam par rtog pa med pa nyid du rnam par 'jog ce na/ ma yin te/ mi dmigs pa 'das pa'i yul can nyid du

  427. 214a

    mi 'gal ba'i phyir ro/ /'di ltar 'das pa dang da ltar bar sgrub pa po'i mngon sum logs pa'i mtshan nyid kyi mi dmigs pa ni med pa'i tha snyad sgrub par byed pa yin no/ /'jig rten gyi tha snyad mdza' dag ni de lta bu nyid de/ de ltar ma yin na tha snyad med par 'gyur ba'i phyir/ 'ga' yang 'dug par yang mi bya 'gro bar yang mi bya bar 'gyur ro/ /de'i phyir/ gang tshe 'das dang da ltar gyi/ /mngon sum log par 'gyur ba la/ /rtogs pa po yi dran pa yi/ /'du byed rmongs pa med gyur pa/ /de tshe de mi med gyur pa'i/ /tha snyad rab tu 'jug pa yin/ /dngos 'di rnam med bcad par ni/ /'gro ba kun la 'grub pa yin/ /brjod par bya ba dang/ brjod par byed pa'i dngos po ni ngas mngon sum gyis gzung ngo zhes rtogs pa su yang med do/ 'di ltar mthong ba tsam gyis ma bstan par sgra don brjod bya rjed byed du/ /'dzin med bstan pa de yang ni/ /da ltar nyid du rtogs pa med/ /mthong ba med pa nye bar bstan pa med pa 'di ni brjod par byed pa'o/ /'di ni rjod par byed pa'o zhes sgra dang don dag 'brel ba rtogs pa ni 'ga' yang med do/ /nye bar bstan pa yang gal te 'ga' zhig smra ba na 'dod pa nyid do/ /gzhan du na 'chad pa'i rnam par rtog pa med par 'gyur ro/ /rgyu dang 'bras bu'i dngos po ni gzhan du bsgrub par nus pa ma yin no/ /gal te ming gi las ni mngon sum zhes/ /bye brag pa dag rjod par byed/ /'di ltar 'di ni mchod sbyin zhes/ /dngos po'i brda'i dus su ni/ /mthong zhing thos na de bzhin du/ /mngon sum nyid las rtogs par 'gyur/ /brda byed pa'i dus na gang gi tshe lhas byin la sogs pa ming bya bar 'dod pa'i yul gyi dngos po mdun na gnas pa mthong ba dang/ lhas byin zhes bya ba la sogs pa'i rang bzhin rna ba'i yul du dpyod pa de'i tshe/ tha snyad byed pa'i skye bo dag 'di'i ming ni 'di yin no zhes nges pa yin no/ /rigs

  428. 214b

    tha dad pa mngon sum gyis bzung ba dag la 'brel pa nges par mi 'gyur ba yang ma yin te/ 'di ltar gzhan du dran dang myong ba dag /phan tshun du ni 'brel 'gyur bar yongs su nges par mi 'gyur te/ rigs mi mthun par gnas phyir ro/ /de ni de ltar ma yin te/ / 'di ltar gal te ming can dag /'brel pa mngon sum gyis 'dzin na/ /dus gzhan dag tu gzhan nyid du/ /'dzin pa nyid du mi gyur ro/ /gal te ming dang ming can gyi 'brel ba mngon sum gyis tshad mas rtogs pa yin na/ ci ltar yul gzhan du mi gzhan la gzhan du 'gyur/ mngon sum gyis grub pa ni sngon po la sogs pa'am/ dngos po dang 'brel pa gzhan yang rung ste/ gzhan du 'gyur ba ma yin no/ /de bzhin du ming dang ming can gyi rtags pa ni nye bar bstan pa'i rjes su 'gro ba dang ldan par mthong ba nyid do/ /'di ltar re zhig 'di yi ming 'di zhes/ /'dis brjod 'di ni gsal nyid de/ /'di yi ming ni yin nyid de/ /yongs su gsal bar mi shes so/ /res 'ga' 'di ni dus gzhan tshe/ /gzhan nyid du ni byed par 'gyur/ /gzhan dang gzhan du 'dod pa zhes/ /bya ba gang gis 'gog par byed/ bdag kyang 'di lta nyid zhugs te/ /'dod pa 'ga' yang gang gis kyang/ /dgag par chas pa nyid yin yang/ /nam yang nus pa ma yin no/ /gal te dang po dang tha mar gnas thung ngu skyes bu gsum gyis rjes su song ba can dgra bo la med pa'i ming gang gis phar bar bya'o zhes bya ba'i rigs pas ci ltar 'dod pa mi bzlog ce na/ ma yin te/ de'i mtshan ma nyid dang ldan pa dang du ma nyid yin pas ci ltar log /'di yang nye bar bstan pa tsam ste/ 'di las 'das te nye bar ston par ma mthong ba ni ma yin no/ /des na ming gi las ni mngon sum ma yin no/ /de'i phyir brjod bya rjod byed kyi dngos po ni rgyu dang 'bras bu'i dngos po ltar ma yin pa'i phyir/ sgra las byung ba'i grags pa'i rjes su dpag pa ni dngos po'i stobs kyis zhugs pa'i rjes su dpag pa ma yin no/ /des ni dngos rnams yod med pa'i/ /rjes

  429. 215a

    su 'jug can rjes dpag las/ /tha dad do dbang mi 'jug pa/ /de 'dod las skyes yin zhes bstan/ /sgra las byung ba'i grags pa'i rjes su dpag pa 'di ni 'dod pa tsam gyis 'jug pa yin la/ dngos po'i stobs kyis byung ba ni ma yin no/ /des na dngos po go bar byed pa ma yin no/ /me la sbyin reg sogs sgra la/ ci ltar don 'di brtags pa ltar/ /de bzhin khyi sha la sogs pa/ /gzhan yang 'dod pas brtag par gyis/ 'dod pas brtags pa la brten pa can gyi don dag la dngos po des pa ci zhig yod/ /'on te ma mthong ba dang 'gal ba mi rtog ste/ gzhan rtog na ni ma mthong ba bstan par 'gyur ba ma yin no/ /gang du ni 'di rtogs pas mngon par 'dod pa'i/ /'bras bu 'thob par 'gyur ba med/ /de lta min na ming gis ni/ /kun gyis thams cad 'grub par 'gyur zhe na/ de ni bden te nged kyang de ltar dam bca' ba yin no/ /'on kyang khyed cag nyid don med par 'di bzhag pa la sbugs chen por 'jug par zad do/ /'di ltar gal te don brgyud pas/ des pa la ni sdong byed na/ /de nyid nye bar bstan par 'gyur// don la long ba brgyud pa nyid/ /gal te don ni rig byed pa/ /dbang po las 'das mthong yod na/ /de lta yin na phan tshun du/ /'gal ba pa ni nyid du 'gyur/ /khyed las dbang po las 'das pa mthong ba gzhan yod pa'i skabs rnyed par dka' ba ma yin no/ / 'o na don 'di yang 'ga' zhig gis brtags pa nyid yin no/ /de nyid kyis yid ches pa ma yin pas na gzhan dag kyang brtags par bya ba yin no/ /rang gis shes pas de mi shes pa la bstan pa yin no zhe na/ de nyid shes mod khyod la dpyad pas ci bya/ de ma dpyad par slu bar byed pa zhes bya bar yang 'gyur des na sems so zhe na/ 'o na nye bar bstan ba tsam gyis yid ches pa 'or cig /rang bzhin dang rkyen gyis rjes su mthun par rtog go zhe na/ rang bzhin dang rkyen gyi don de yang nye bar bstan pa nyid las grub pa

  430. 215b

    ma yin nam/ des na de yang sbyor ba mthong ba nyid las bsgrub par bya ba yin la/ sbyor ba yang rang bzhin dang rkyen gyis don las skyes pa yin pa'i phyir/ long ba brgyud pa phan tshun brten par 'gyur ro/ /de lta na chos su mi 'gyur ro zhe na/ 'di la bshad zin to/ /gzhan yang de ltar na chos su 'gyur ro zhes bya ba 'di yang nye bar bstan pa yin pa'i phyir 'di ni gyi na'o/ /gal te ri bong can ni zla ba yin no/ /yod pa'i phyir grub pa'i brjod bya bzhin no/ /des na rjes su dpag pa 'di ji ltar dngos po'i stobs kyis zhugs pa ma yin zhe na/ 'di la bshad zin te/ gzhan yang/ ri bong can zlar mi 'dod par/ /de grags gang zhig 'dod par 'gyur/ /de phyir de la dpe med can/ /de ni thun mong ma yin 'dod/ /grags pa mdza' dag spong bar byed pa la/ dpe med pa'i phyir thun mong ma yin pa'i phyir rjes su dpag pa med la zhes bshad zin pa yin no/ /ri bong can zla ba'i sgras brjod par bya ba yin par 'gro ba mdza' dag gi grags pa las byung ba de ltar mi 'dod pa de ni grags pa gzhan yang mi 'dod pa yin no zhes bya ba 'di grub pa yin no/ /des na yod pa'i phyir zhes bya ba la sogs pa'i rjes su dpag pa ni de la ltos te dpe med pa can yin no/ /de la gtan tshigs thams cad kyang thun mong ma yin pa nyid do/ /zhes bshad zin pa nyid do/ /des na ri bong can zla ba ma yin te/ yod pa'i phyir zhes ba 'di ni don ci yin zhe na/ yod pa'i phyir ro zhes bya ba'i gtan tshigs kyis ri bong can zla ba yin par mi 'gyur ro/ /zhes bya ba'i don no/ /'dis ni zla ba nyid bsgrub par nus pa ma yin no/ /'o na gang gis sgrub ma sgrub na yang ci ltar gnod par byed pa ma yin zhe na/ sgra las byung ba'i grags pa dang po'i dbang gis byung ba ma yin pas snyam du bsams pa'o/ /gal te zla ba gcig yin pa'i phyir thun mong ma yin pa nyid ma yin nam/ de ci ltar na grags pa mdza' dag snyon pa'i rgol ba la ltos nas rjes su dpag pa 'di thun mong

  431. 216a

    ma yin pa nyid du/ 'dod pa yin no zhes bya ba 'di ci ltar rnyed ce na/ 'di ni cung zad kyang ma yin te/ 'di ltar/ dpe cig nyid dbang byas nas ni/ de skad bshad min mtshan nyid phyir/ /de bzhin da trika shing min zhes/ /brjod pa la yang gnod phyir ro/ /sha ba ni shing ma yin te/ yod pa'i phyir ro zhes bya ba 'di la yang shing gcig yin pa'i phyir ro/ /zhes bya ba lan ma yin no/ /dpe cig pa nyid kyi dbang du byas nas mtshan nyid 'jug pa ni ma yin no/ /gal te dpe gcig nyid kyi dbang du byas nas mtshan nyid 'jug pa ma yin no zhes bya ba'i rigs pa 'dis ni ci yin/ dpe de bsgrub par mi bya ba ni ma yin no/ /de ste dpe gzhan yang nang du 'dus te mtshan nyid bya ba yin no/ /da ltar mtshan nyid byas pa'i bstan bcos ni tshigs med par 'grub par 'gyur bas na rtogs po nub par mi 'gyur ro zhe na/ 'o na gang du dpe gzhan med pa der ni mtshan nyid mi 'jug ma/ 'di ltar lhun po man dar mo na dang/ ti se u ral las la la sogs/ /re re'i rang bzhin yin pa'i phyir/ /dpe 'ga' yang ni yod ma yin/ /'dir bshad pa/ mtshan nyid gang de ma khyab dang/ /ha cang khyab pa dang bral bar/ /bsgrub bya des ni gzhan gyis ni/ /brjod pas na ni ma khyab par/ /'di ltar/ sha pa ni shing ma yin te/ yod pa'i phyir zhes bya'i 'dir yang grags pa gnod par brjod par bya ba yin na/ de ji ltar gzhan gyis brjod pa'i rigs pa las 'jug par 'gyur/ shing gcig nyid ni ma yin te/ blag sha la sogs pa yang yod pa'i phyir ro/ /'on te thun mong pa nyid kyi rjes su dpag pa yod pa nyid kyis des gnod par 'gyur ro zhe na/ 'dir bshad pa/ 'dir yang ga bur dngul sogs la/ /'jig rten na ni mthong ba'i phyir/ /brda las 'jug par 'gyur ba la/ /thun mong min pa nyid kyang ci/ /zla ba'i sgra'i brjod bya nyid kyang dngul la sogs pa

  432. 216b

    la mthong ba nyid do/ des na zla ba gcig nyid ji ltar yin/ /brda las 'jug pa'i sgra dag ni/ /gang duAng mi 'jug pa med do/ /des na der yang rjes su dpag pas gnod pa nyid pas na grags pa gsal ba zhes bya ba med par 'gyur ro/ /'on te dngul la sogs pa la/ /zla ba'i sgras brjod pa na grags pa la brten pa ma yin te/ 'on kyang spos kyi sbyor ba smra ba la sogs pa 'ga' zhig gis ci ltar rung bar brtags pa de dngos po la 'jug pa ma yin no/ /zhe na de ni ma yin te/ gal te la lar de grub na/ /de ni dngos stobs las grub yin/ /grags grub khas len ri bong can/ /ma yin pa la'ang bzlog med phyir/ /de'i don ni 'di yin te/ gal te ga pur la sogs pa dag la don dam par grub pa ma yin te/ spos sbyor 'chad pa la sogs pa de nyid kyis sbyor ba yin na/ 'o na ri bong can la de dngos po la grub pa des na ji ltar grags pas gnod pa'i dper 'gyur/ 'on te de ni grags pas grub pa nyid do/ /des na grags pas gnod pa yin no zhe na/ grags pas grub par khas len na ni/ ga pur la sogs pa ri bong can ma yin ba la'ang bzlog pa med pa kho na'o/ /'di ltar de la yang ma grags pa ma yin no/ /des na rjes su dpag pas gnod pa nyid du 'gyur gyi/ grags pas gnod par ni mi 'gyur ro/ /'on te ga pur la sogs pa la tshim par byed pa la sogs pa'i rgyu mtshan gyis 'jug pa yin te/ des na de dpe med ma yin no/ /des na thun mong ma yin pa nyid do zhe na/ 'di la bshad pa dngos po la ni grub pa de/ /ri bong can la'ang bzlog pa med/ /dngos de med na ri bong can/ /bzlog kyang nyes pa yod ma yin/ /gal te ga pur la sogs pa la zla ba'i sgras brjod pa nyid rgyu mtshan gyis rab tu sbyar ba yin na/ ri bong can la yang bzlog pa med de/ rgyu mtshan de yod pa'i phyir ro/ /'on te dngos po de ma grub pa'i phyir bzlog pa ma yin na/ de'i tshe ri bong can la bzlog

  433. 217a

    kyang skyon yod pa ma yin te/ dngos po dang 'brel pa dngos po med na med par 'gyur ro zhes bya ba 'di ni ma grub pa ma yin no/ /de phyir dngos med nges brda can/ /sgra las byung pa'i chos rnams dang/ /don rnams rung ba nyid yin te/ /don la dgag pa med phyir ro/ /don thams cad ni dngos po nges pa can ma yin pa'i brda tsam las byung ba'i chos rnams kyi rung ba nyid yin pa'i phyir rung ba nyid des gnod na grags pas bsal ba'i mtshan nyid kyi skyon no/ /gal te sgra thams cad rgyu mtshan gyis rab tu sbyar ba ma yin nam/ man da tsa ta'i sgra la sogs pa dag la yang spyi 'am/ khyad par gyi rang bzhin gyi rgyu mtshan 'ga' zhig yod pa nyid kyis grags pa tsa nyid ni ma yin no/ /zhe na de ni de ltar ma yin te/ sgra thams cad 'jug pa'i rgyu mtshan la brten nas/ rgyu mtshan dang ldan pa de la 'jug go /zhes bya ba la tshad ma med do/ /rgyu mtshan la la yang rgyu mtshan la bltos pas thug pa med do/ /'di ltar/ gal te la lar de grub na/ /de ni dngos stobs las grub yin// rgyu mtshan dang ldan pa zhes bya ba tshig gi lhag ma'o/ /grags grub khas len ri bong can/ /ma yin pa la'ang bzlog med phyir/ /grags pa tsam gyis sgra'i don grub par khas len na ri bong can ma yin pa la'ang bzlog pa med do/ /gang yang rung ba la 'jug pa'i brjod bya rjod kyi dngos po ni so sor nges pa nyid yin par rigs pa ma yin te/ so sor nges pa'i tshad ma med pa'i phyir ro/ /de la ci ltar rgyu mtshan la rgyu mtshan med pa kho nar 'jug pa de bzhin du/ rgyu mtshan dang ldan par yang 'gyur ro/ /rgyu mtshan la ni 'dod pa las gzhan gyis 'jug pa ma yin no/ /'on te de las ni rang bzhin nyid kyis 'jug na gzhan du yang rang bzhin gang gis bzlog par bya/ 'on te de dang lhan cig don dam pa'i 'brel ba

  434. 217b

    yod pa des ni sbyin pa la sogs pa de nyid la 'jug go zhe na/ 'di ji ltar rtogs par bya/ 'dod pa tsam gyis 'jug bzhin pa'i sgra ni da ltar ba'i sgra 'dod pa tsam gyis mthong ba nyid do/ /de ci ltar gzhan la rnam pa gzhan du 'jug /'jug bzhin pas mthong ba des na 'jug pa zhes brjod pa yin no zhe na/ ma yin te/ 'dod pa tsam gyis bcug zin pa yang srid pa'i phyir ro/ /'dod pa tsam gyis zhugs pa las khyad par gzhan mthong ba ni med do/ /'dod pa ma dmigs pa'i phyir ro zhe na/ ma dmigs pa 'di ni 'das pa'i 'dod pa la yang srid pa yin no/ /ma dmigs pa 'dod pa thams cad kyi gnod pa byed pa ni ma yin te/ da ltar nye bar gnas pa'i khyad par nyid kyis gnod par byed bzhin gyi thams cad kyi ni ma yin no/ /de'i phyir gal te 'dir 'das nas yun ring du lon pa 'ga' zhig gi 'dod pa byung ba yin la/ de'i nye bar bstan pa las da ltar ba rnams tha snyad byed pa'i phyir 'di la 'gal ba ci zhig yod/ des na rgyu mtshan bzhin du rgyu mtshan dang ldan pa la yang 'dod pas 'jug pa yin pas rgyu mtshan brtags pa don med pas ci zhig bya/ gzhan dag smra ba ni sngar rgyu mtshan la zhugs pa'i phyis rgyu mtshan can la 'jug pa ni ma yin no/ /rims kyis 'jug pa ma mthong ba'i phyir ro/ /gal te dngos po nyid dang ba lang nyid ces rgyu mtshan 'ga' zhig la yang 'jug par mthong ba nyid do zhe na/ ma yin te/ de ni sgra gzhan yin pa'i phyir ro/ /gang zhig gang la sbyar ba de'i rjod par byed pa yin te/ brjod bya rjod byed kyi dngos po thams cad ni sbyor ba mthong ba'i stobs las byung bar 'grub pa yin no/ /rjes su 'gro ba dang ldog par rtogs na ni/ /dngos po'i rkyen gyi mdza' can rdzas la 'jug pa nyid de/ /dngos po'i rkyen dang bral na rdzas la 'jug pa yin pa'i phyir ro/ /ci ste rdzas la 'jug pa ci ltar dngos po'i rkyen yod na rgyu mtshan tsam brjod par byed pa yin/ gang gi tshe rgyu mtshan tsam la 'jug pa de'i tshe ni dngos po'i rkyen don de nyid

  435. 218a

    gsal bar byed pa'i phyir rigs pa yin no/ /dngos po'i rkyen med par ni rdzas dang dngos po'i rjod pa'i ba lang gi sgra gnyis tha dad par rtogs pa ma yin no/ /des na dngos po'i rkyen gyis rnams par 'byed pa yin no zhe na/ de ni ma yin te/ rkyen thams cad ni rang gi don nyid 'jug pa ma yin no/ /rdzas la 'jug pa de gnyis la dngos po'i rkyen byas nas de'i khyad par rgyu mtshan rtogs pa'i phyir 'gal ba 'ga' yang med do/ /rang bzhin dang rkyen gyis rnam par dbye ba ni don dam pa yang yin te/ sbyor ba las tshogs pa nyid rjod byed du rtogs pa yin no/ /rang bzhin dang rkyen la sogs pa'i rnam par dbye ba ni byes pas rtogs par bya ba'i don du rnam pa 'ba' zhig ltar brtags pa yin te/ de lta ma yin na byis pas bde blag tu rtogs par bya mi nus pa'i phyir ro/ /des na rgyu mtshan la brten nas rgyu mtshan can la 'jug pa zhes bya ba 'di la tshad ma 'ga' yang med do/ /gzhan dag smra ba ni sgra ni rgyu mtshan dang ldan pa nyid la 'jug go /rgyu mtshan ni brjod par bya ba ma yin pa bzhin du rnam par gcod par byed pa yin te/ rgyu mtshan de la 'byung ba ni ma yin no zhe'o/ /de ni de lta ma yin te/ 'di ltar/ gal te la lar de grub na /de ni dngos stobs las grub yin/ /rtogs pas grub par khas len na/ /ri bong can la'ang bzlog med phyir/ /gal te rgyu mtshan la lar grub na de ni dngos po'i stobs kyis grub pa yin no/ /sgras rgyu mtshan ma rtogs na ni ji ltar des rnam par bcad pa la 'jug /gal te des rnam par bcad pa rtogs na de yang blo la gnas pas na ci ltar brjod par bya ba ma yin/ rgyu mtshan can la sgras rtogs pa yin pa'i phyir brjod par bya ba nyid yin la/ de ni rgyu mtshan la yang mtshungs pa yin no/ /'on te rdzas nyid gtso bor rtogs pa yin la/ mngar ba la sogs pa'i yon tan ni rtogs su zin kyang brjod bya ma yin te/ med na mi 'byung ba nyid kyis rtogs pa yin pa'i phyir ro zhe na/ gtso bo thal pa la sogs pa/ /brjod 'dod med na mi 'byung

  436. 218b

    yin/ /gang gi dbang du byas na ni/ /'jug pa de nyid gtso bor rigs/ /de la res 'ga' nyid ni mngar ba nyid gtso bo nyid yin la ros 'ga' ni rdzas yin pa'i phyir ro/ /brjod bya rjod byed gyi dngos po ni 'jig rten gyi rnam par gzhag pas yin no/ /mnga' ? bas don du gnyer yin na/ /rtag tu bu ram bza' bar gyis/ /gal te nad kyi don gnyer na/ /de yi don can sbrang rtsi zo/ /gang gi tshe lto la ngan gyi rigs can gyi za ba po'i 'ga' zhig yod na de'i don du bu ram bstan pas mngar ba rtogs par byed la/ gang gi tshe bdag na sel pa la sogs pa nus pa'i khyad par can sbrang rtsi la sogs pa 'ga' zhig ston par byed pa de'i tshe ni rdzas tsam bstan pa gtso bo yin no/ /de'i phyir gnyis ka yang rtogs pa yin la/ gtso bo dang phal pa'i khyad par ni 'ga' zhig gi tshe 'ga' zhig rnam pa 'ga' zhig gis yin no zhes bya ba ni rnam par dbye ba'o/ /de la gnyis rtogs pa na rgyu mtshan gzhan ni med pa'i phyir grags pa tsam zhig lus pa yin no/ /ci ste yang rgyu mtshan ni nye bar mtshon pa tsam yin te/ de brjod par bya ba ni ma yin no/ /dpe na lhas byin gyi khyim gang yin zhes pa la/ gang na bya rog yod pa'o zhes bya ba la/ bya rog kyang khyim gyi tshig gis brjod par bya ba ni ma yin pa bzhin no/ /ji ltar brjod par bya ba ma yin pa bzhin du de med kyang ltas byin gyi khyim nyid yin pas des na de blang bar bya ba ma yin pa nyid do/ /de bzhin du bram ze la sogs pa'i sgra la yang mi la sogs par ston par byed pa yin no/ /bya rog gis de nye bar mtshon ba yang ma yin te/ de ni mi rtag pa'i phyir ro/ /rtog pa sngon du byed pa ni bya rog gis nye bar mtshon pa'i lha gang la sogs pa gzhan nyid rgyu mtshan du byed de/ de ltar ma yin na de tha snyad mi 'grub pa'i phyir ro/ /'o na ci ltar brjod pa ma yin pa'i bya rog nye bar mtshon pa yin zhe na/ mngon sum gyis grub pa'i phyir ro/ /de nyid kyis ni 'di ni bya rog gi sgra nyid kyis bstan pa yin no/ /rigs

  437. 219a

    la sogs pa'i rgyu mtshan la ni ston par byed pa'i rjod byed gzhan yod pa ma yin no/ /de'i phyir brjod par bya ba ma yin pa yang rnam par gcod par byed pa yin no zhe na/ zer ba ni gang zhig logs shig tu rtogs par 'gyur ba yin la/ gang gi sgra de nyid las rtogs pa ni brjod par bya ba nyid do/ /sgras blo la skyed pa ni brjod bya nyid du bstan pa yin pa'i phyir ro/ /de la sgras rtogs pa nyid yin gyi/ brjod bya nyid ni ma yin no zhe na/ rtogs pa grub par khas len na ni/ brjod par bya ba nyid ma yin pa nyid ri bong can la yang bzlog pa med pa'i phyir ro/ rgyu mtshan bzhin du rgyu mtshan can la yang brjod bya nyid ma yin par 'gyur ro/ /zhes bya ba'i don to/ /rtogs pa nyid las brjod bya yin na ni rgyu mtshan la yang mtshungs so/ /gal te til mar byin cig ces bya bas snod rtogs pa yin yang til gyi sgra'i brjod par bya ba ni ma yin pa bzhin no zhe na/ ma yin te/ de thams cad kyi tshe rtogs pa ma yin pa'i phyir ro/ /rang gi snod khyer 'ongs pa na yang til mar ster ba'i don du gnyer ba srid pa'i phyir ro/ /de'i phyir brjod bya ma yin pa sgra gzhan gyis ma rtogs pa ni nye bar mtshon pa yin mi srid do/ /mtshon par gyur pas ni 'ga' zhig mtshon par nus kyi/ mtshon par gyur pa ma yin pas mtshon na ni/ ha cang thal ba'i phyir ro/ /'on te dang po des nye bar mtshon pa'i phyir phyis shin tu goms pa las de'i tshe de rtogs pa med kyang des rnam par bcas pa nyid la sgra 'jug go /zhe na de lta na 'o na me la sbyin sreg ces bya ba la sogs pa'i sgra khyi sha bza' ba la sogs pa la yang 'jug par 'gyur te/ bya rog bzhin du de la de'i rgyu mtshan zhugs pa'i phyir ro/ /de lta ma yin na ci ltar ba lang gi sgras don dgu la 'jug pa de ni de la grags pa yin no zhe na/ khyi sha la yang yul dang dus gzhan du mi 'jug go zhes bya ba 'di gang las de'i phyir brjod par

  438. 219b

    bya ba dang rjod par byed pa zhes bya ba 'di dngos po 'di nges pa ma yin pa nyid do/ /'dod pas bkod pa'i brda'i stobs la brten pa'i phyir ro/ /des na rig byed skyes bus ma byas pa yin yang nyes pa dang ldan pa 'ga' yang ldog pa ma yin te/ thams cad la rung ba nyid bzlog pa med pa'i phyir ro/ /rung ba nyid dang 'gog pa la/ /bdag 'gog med las skyes pa'i phyir/ /grags yin bya ba'i rjes su dpag/ rung ba'i yul can gyis gnod byed/ /'di ni brda rjes 'jug pa yi/ /sgra rnams la ni don nges pa/ /yod min ces brjod de dag rnams/ /der 'gog pa ni 'gal ba yin/ /gang zhig khyi sha la sogs pa me la sbyin sreg byed pa don ma yin no zhes bya ba de las rung ba nyid kyis yul can gyi rjes su dpag pas gnod par 'gyur ro/ /'di ltar brda tsam gyis 'jug pa'i sgra rnams la ni don nges pa med pa nyid do/ /brjod par bya ba cig kho nar 'gyur ro zhes bya ba 'di yang nges pa ci zhig yod/ de la gang dag khyi sha za bar rtogs pa ni grags pa dang 'gal ba yin no zhes zer ba de ni brgal zhing brtag par bya ba yin te/ rig byed skyes bus ma byas so zhes bya ba 'di yang grags pas gnod pa yin te/ gang gi phyir rig gi ri la ni rig gi rig byed byas la sa ma ni ni sa ri la byas so zhes grags pa'i phyir ro/ /'on te byas pa ni/ dran pa la 'jug pa yin gyi bsgrub pa la ni ma yin no/ /'di ltar legs? par byas pa la yang byed pa'i sgra mthong ste/ rgyab tu gyis shig rkang bar gyis shig ces bya ba bzhin no zhe na/ ma yin te 'dir gzhan du mi srid pa'i phyir de ltar rtogs pa yin no/ /'on te de lta ma yin pa la tshad ma med pa'i phyir rtogs pa med pa yin no zhe na/ lung thams cad kyang skyes bus ma byas par thal par 'gyur te/ der brtag pa'i rgyu mtshan yod pa'i phyir ro/ /de nyid kyi phyir/ bde bar gshegs pa pa/ /des ni rgyu mtshan can sgra yi/ /don dam sgra rnams kyi ni don/ /don dam pa nyid 'gog pa la

  439. 220a

    gnod pa med par bstan pa yin/ /rgyu mtshan las byung ba'i mnyan pa ni 'ga' yang med do/ /zhes gal te brjod na ni de la skyon yod pa la/ don dam par 'brel pa'i stobs kyis ma yin no zhes so/ /gal te brjod pa yang de la gnod pa med pa kho na'o/ /spyod pa pa la sogs pa gang dag brda las 'byung ba rnams kyang ma yin no zhes smra ba de nyid la gnod par 'gyur ro/ /de la grags pa bas ni rigs pa ma yin no/ /des na yul gyi khyad par ni/ /bstan phyir grags pa rjes dpag las/ /phyi rol gyur pa ma yin yang/ /tha dad byas yin snga ma bzhin/ /ji ltar khas blangs pa dang/ rang gi tshig skabs kyi rten nyid du khas blangs pa gnod par byed pa yin gyi/ gzhan du ni ma yin te/ dam bcas pa'i don gnod par byed pa'i phyir ro/ /rnam pa thams cad du phyin ci log gnod par byed pa nyid ni ma yin te/ gnyis dag stobs mtshungs pa'i phyir ro/ /de bzhin du grags pa yang don dam pa'i don gyi gnod par byed pa ni ma yin te/ 'on kyang rtogs pa tsam gyis grags pa spong ba la gnod par byed pa yin te/ des na don dam par ni ma yin te/ grub pa tha dad bshad pa la/ dgos pa bstan phyir 'di nyid ni/ /rgyu dang bcas pa rab brjod de/ /mngon sum rjes dpag gnod la min/ /da la slob dpon gyis 'di skad gsungs so/ /rang gi ngo bo nyid kyis bstan par bya ba rang nyid 'dod pa ni/ gal te mngon sum dang rjes su dpag pa dang lung dang grags pas ma bsal na phyogs yin no/ /dper na sgra ni mnyam pa nyid ma yin no/ /bum pa ni rtag pa'i zhes bya ba lta bu'o/ /gzhal bya'i don can gyi tshad ma dag med do zhes bya ba ni tshad ma dang bcas pa tsam gyis 'gal ba yin la/ /gang la thun mong ma yin pa'i phyir rjes su dpag pa la 'gal ba'i don sgra las byung ba'i

  440. 220b

    grags pas bsal ba de yang phyogs ma yin no/ /zhes mngon sum dang rjes su dpag pas gnod pa gzhag ste lung bstan pas gnod pa'i rgyu dang bcas par gsungs te/ dam bcas pa tsam gyis zhes bya ba dang/ sgra las byung ba'i grags pas shos par bya ba'o?// de lta ma yin te/ gal te slob dpon yul tha dad par ston par bzhed pa ma yin na ni 'di gnyis rgyu dang bcas par gsungs par mi 'gyur ro /de'i phyir rigs pa smra ba mdza' dag gis gtso bo rigs pa'i dbang phyug dam pa'i dgongs pa ni 'di nyid yin no/ /sbyor bar byed pa rnam par 'byed pa la thugs gcig tu gzhol zhing gsung ba la mkhas pa ni dgos pa yongs su rgyas pa las gzhan gsung mi srid do/ /'di ltar 'bigs byed nang nas mi bzang mun chen rgya chen mdzad pa'i thugs mnga' ba/ /dge legs rigs mthong 'od zer tshogs chen rtag tu 'gyed par mdzad pa po/ /lam bral mi gshegs gzhan gyis thogs med slob dpon sngon med nyi ma yis/ /mu stegs gzhung gi lam zhugs mtshan mo rgyu ba'i tshogs rnams thams cad bshag? /de'i phyir 'dir yul tha dad pa nyid rigs so/ /lhag ma ni sngar nyid bshad zin to/ /mngon sum gyis gnod 'di la yang/ /sgra ni du ma'i dngos nyid du/ /grags pa'i ngo bo nyid gang zhig /sna tshogs su ni snang pa yi/ /blo ni skye ba med pa'i phyir/ /mnyan la gnyis med snang gyur pa/ /gal te rtogs pa'i phyir slob dpon gyis ma gsungs kyang/ /mngon sum gyis gnod pa 'dir yang brjod par bya ba ni yod pa ma yin no/ /der yang brjod par bya ni sgra mnyam par bya ba nyid do zhes bya ba ni 'brel pa 'gog pa ma yin no/ /'o na ci zhe na sna tshogs su snang ba'i blo skye ba med pa'i phyir nyam pa la gnyis su med par snang ba'i rang bzhin gang yin pa'o/ /rigs dang 'brel pa

  441. 221a

    sogs pa ni sgra'i snang ba dang lhan cig spyod par snang ba ma yin la/ mi snang ba yang ci ltar mngon sum yin la mngon sum ma yin pa spangs pas kyang mngon sum gyis gnod par ci ltar 'gyur/ 'di yang de bzhin du ston par 'gyur ro// de'i phyir snang ba'i rang bzhin nyid spong na mngon sum gyis gnod pa'i mtshan nyid kyi skyon yin no/ /de don don bshad 'di nyid ni/ /spong na mngon sum gyis gnod 'gyur/ /de'i don nyid du slob dpon gyis/ /mngon sum don dang rjes dpag dang/ /yid ches grags pas ma bsal ba/ /zhes don smos so/ /rang bzhin de nyid don yin pa'i phyir ro/ /spyi la sogs pa ni don ma yin te/ mngon sum la snang ba'i nus pa med pa'i phyir ro/ /gang la de yang mngon sum ma yin no/ /de spong ba ni mngon sum gyis gnod pa ma yin no// 'di nyid bshad pa ni ngo bo de nyid de la don/ /lhag ma ldog pa'i mtshan nyid can/ /spyi ni dngos med ngo bo yin/ /de phyir de dbang spyod yul min/ /des ni spyi'i chos rnams ni/ /mngon sum min par grub pa'i phyir/ /spong yang gnod pa yod min zhes/ /mnyan bya smos pas bstan pa yin/ /mdun na gnas pa'i rang bzhin du gsal bar snang ba nyid don yin no/ /spyi dang 'brel pa la sogs pa dag ni ldog pa las de lta bu'i rang bzhin du brtag pa yin gyi/ don gyis rang bzhin ni ma yin nam yin te/ rigs mi mthun dang mi 'dra ba nyid la mthong ba'i phyir dang/ rang bzhin gnyis dang ldan pa'i spyi gzhan mthong ba med pa'i phyir ro/ /gal te rigs mthun rnams kyang phan tshun du mi 'dra zhes bya ba 'di dang ldan/ /des na ji ltar rigs mthun la/ /rigs mi mthun pa'i tha snyad med/ /ji ltar ba lang ba lang min/ /gzhan dag las ni ldog par mthong/ /de bzhin rta dang ba lang dag /pa rta rigs mthun gzhan dag las/ /des na log pa tsam gyis ni/ /'tshol? ba med par 'grub mi 'gyur/ /dngos po'i rang

  442. 221b

    bzhin can gyis ni/ /rnam par phye bar gnas pa'i phyir/ /de don gnyer ba'i tha snyad ni/ /ma 'tshol? bar ni 'jug par byed/ /rang gi ngo bor rtogs pa la/ /'tshol? pa srid pa ma yin no// /bam po brgyad pa/ /de ni de lta ma yin te/ 'di ltar gal te spyi sogs ngo bo yis/ /'ba' zhig tshe na rtags na ni/ /rang gi ngo bor rtogs pa la/ /'tshol? bar thal ba med pa nyid/ /rang gi ngo bo snang min la'ang/ /gal te 'tshol med yod na ni/ /mun par mthong ba dag la yang/ /ma 'tshol bar ni blta bar gyis/ /spyi ni gsal bas gsal bya yin/ /tha dad par ni ma rtogs pa'i/ /gsal ba'i rang bzhin gsal byed min/ /des na tha snyad ci ltar 'gyur/ /ji srid du rigs mthun pa dang mi mthun pa'i gsal ba rnams 'tshol ba med pa ma yin pa de srid du spyi ma 'tshol bar mi rtogs la/ ji srid spyi 'tshol ba med par ma rtogs pa de srid du yang gsal ba mi 'tshol bar mi rtogs par phan tshun brten pa'i nyes par 'gyur ba'i phyir spyi mi rtogs pa nyid do/ /gal te khyad par ma bzung bar khyad par can gyi blo mi 'byung ba'i phyir spyi nyid dang por rtogs so zhe na/ de ni ma yin te/ spyi yang res 'ga' yang khyad par can du 'gyur ba yin te/ phan tshun khyad par dang khyad par can gyi dngos po yin pa'i phyir ro/ /dus thams cad du spyi srid pa nyid yin na gsal ba the tshom za ba la yang ci ste mi rtogs gang zhig rnam par gcod par byed pa de ni khyad par yin la/ rnam par gcod par byed pa yang the tshom bzlog par nus pa gang yin pa de yin no/ /'di ltar/ rang gi ngo bo yod pa'i phyir/ don gyi bdag nyid ldog pa min/ /rang bzhin yod pa min pa ni/ /rang bzhin nyid kyis ldog pa yin/ /khyad par stong phrag yod kyang ni/ /snga ma ldog par 'gyur ma yin/ /gsal ba bzlog phyir de las ni/ /spyi nges par ni 'gyur ba yin/ /'di ba lang ngo snyam pa'i nges pa ni rang bzhin nges par gzung ba nyid las 'jug pa yin no/

  443. 222a

    spyi ni mtshungs pa nyid yin la/ /gsal ba rnams kyang dbyibs dang ni/ /nus pa'i dbye bas mtshungs pa nyid/ /des na rigs ni don med nyid/ /gal te lkog shal la sogs pa'i dbyibs dang 'gal pa la sogs pa'i nus pa'i phyir nges pa'i rgyu yin la/ de nyid spyi yin no/ /de yang gsal ba dag las tha mi dad pa nyid do/ /nang na tha dad pa yod? na ji ltar spyi yin no zhe na/ spyi smra ba la yang ci ltar gsal ba yin/ mi 'dra ba nyid kyis so zhe na rta dang ba lang la sogs pa la ci ste ma yin te de dag la nus pa med pa'i phyir ro/ /zhe na 'di dag phan tshun mi 'dra ba nyid yin na ci ltar nus pa yod pa yin/ dngos po'i rang bzhin nyid lan 'debs so zhe na/ rkang pa brgyad pa tsam ni 'di'i skyabs ma yin te/ de lta ma yin na spyi med pa kho nar kha dog dang dbyibs tsam phyis ma 'tshol ba'i tha snyad 'grub pa'i phyir spyi med na/ ci ltar zhes bya ba 'di brjod par mi bya ste/ dngos po'i rang bzhin nyid lan 'debs par 'gyur ro zhes bya ba'i lan bya rog gis ma zos pa'i phyir ro/ /lkog shal la sogs pa'i dbyibs ni 'tshol pa yod pa ma yin to/ gzhan lam mthong ba'i phyir ro/ /bram ze la sogs pa gang la dbyibs la sogs pa 'tshol ba yod pa dang ni/ sgre bo'i brda tsam zhig skyabs yin te/ chang mi 'thung ba la sogs pas kun tu spyod pa bzang ba tsam du zer ro/ /de'i phyir ring du song yang de las gzhan la ldog pa nyid/ spyi rnam par dbye ba'i rgyu yin gyi gzhan ni ma yin pas gzhan ni don med do/ /gzhan yang bram ze gsod dang byin sogs la/ /sdig dang bsod nams rnam gzhag pa/ /bstan bcos nyid las de'i phyir/ /tshad ma dpyad pa don med yin/ shes 'di na bshad zin to/ des na dag pa dang bsod nams skyed par byed pa nyid la sogs pa spyi'i chos rnams ni spong ?yang spong ba la gnod pa yod pa ma yin no/ /'dis mnyan bya'i sgras bstan pa yin te de dag dbang po'i shes

  444. 222b

    ba la mi snang ba'i phyir ro/ /rjes su dpag pas gnod pa yang ma yin no zhes bya ba yang bstan pa yin no/ /gal te rang bzhin des gnod na skyon yin no zhes bya ba ni 'di bstan par bya ba ma yin na sgra rang gi mtshan nyid med de zhes bya ba 'di nyid ci ste mi brjod de la phan pa'i mdza' can 'brel pa'i rgyu mtshan can gyi sgra rjod pas ci zhig bya de ltar brjod na ni 'dir 'brel pa bzlog pa nyid du 'dod par 'gyur ro/ /de yang rjes su 'gro ba dang ldog pa nyid las rtogs par bya ba yin pas na/ de ci ltar 'di mngon sum dang 'gal ba'i dper brjod ce na sgra 'dis kyang brjod par 'dod pa'i dbang gis mngon par bsams pa'i don nyid brjod pa'i phyir/ skyon med do/ /rjod par byed pa nyid kyi ci'i phyir ma brjod ce nam yin te gang gis phyir/ rnam kun brjod bya'i dngos min phyir/ /grub pas de la brten phyir dang/ /de yi stobs kyis gnod pa'i phyir/ /mnyan byas dbang po'i spyod yul bshad/ /sgra rang gi mtshan nyid kyi sgra yang rang gi mtshan nyid kyi rjod pa ma yin te/ sgra thams cad ni spyi'i yul can yin pa'i phyir ro/ /ci ste rang gzhan nyid kyi sgra spyi la 'jug byad lhag par zhen pas rang gi mtshan nyid kho na nye bar mtshon par byed do zhe na/ de lta na 'o na mnyan par bya ba'i sgra'i dbang pos gzung ba nyid nye bar mtshon pa rang bzhin rang gi mtshan nyid brjod pa yin te/ rang gi mtshan nyid kyi mtshan nyid ni de yin pa'i phyir ro/ /dbang po'i gzung bar bya ba nyid las gzhan pa'i spyi yang grub pa ni ma yin no/ /tshad mar grub pa nyid du bstan pa'i dgos pa yang/ yod pa nyid de/ tshad mas grub pas gnod par byed pa nyid de la brten pa'i phyir te/ gnas par byed pa'i phyir te/ de'i stobs kyis gnod pa'i phyir ro/ /tshad mas grub pa'i don ni de las gzhan tshad mas ma grub pa'i don gyi gnod par byed pa yin no/ /de ni 'gal bar rtogs pa na gzhan med par rtogs par byed pa yin la/ de med par rtogs par byed pa nyid gnod

  445. 223a

    pa yin gyi/ 'joms bya 'joms byed kyi ngo bo ni ma yin no/ /des na 'di ni tshad ma ma yin na/ tshad ma 'dis ni sgra rang gi mtshan nyid grub pa yin no/ /zhes yan lag dang bcas par bsgrub pa gsal bar bstan pa ni dgos pa yin no/ / rjes su dpag pas gsal ba yang bum pa rtag go zhes bya ba lta bu'o/ /de kho na mtshon pa med pa'i grangs can dngos po yod pa nyid gsal bar mthong nas rtag par khas len pa de ni rjes su dpag pas gnod pa yin no/ /de lta yin na rgyu rnams kyi/ /rtag tu nus pa med par 'gyur/ /des na rgyu yi dngos po ni/ /med pas tshol ba don med do/ /rgyu med par gyur na mngon par 'dod pa tshol ba ni don med par 'gyur te/ bya rgyu 'ga' yang med pa'i phyir ro/ /gsal ba byed do zhe na gsal ba yang don gyis rang bzhin nyid ma yin nam/ don rtags yin na gsal ba yang rtag pa yin pa'i phyir/ /rtag tu gnas pa nyid yin pas bya ba cung zad kyang med do/ /'on te gsal byed kyi tshig gi don ma yin na 'o na ni de'i dngos po las tha dad par 'gyur te 'gal ba'i chos gnas pa'i phyir ro/ /tha dad pa med na ni dngos po yang 'bras bur thal lo/ /bum sogs 'jim gong la sogs la/ /yod pa'i tshad ma yod ma yin/ /'bras bu yin phyir de yod na/ /'bras bu yod na byar ci yod/ /gsal ba yod nyid med par med/ /gsal ba med kyang yod par 'gyur/ /sgron sogs las bzhin thams cad la/ /gal te gsal bar 'dod na ni/ /rdza mkhan sogs bzhin thams cad las/ /ci ste skyes par 'dod ma yin/ /'jim gong stong phrag brgya dag tu/ /lcogs kyang de ni mthong ba med/ /mthong med der ni der yod na/ /bong bu'i rwa yang der 'gyur ro/ /phyis de mthong ba med ce na/ /phyis mthong de tshe yod par 'gyur/ /gal te bum pa phyi nas dmigs pa yin na/ /gsal ba bzhin phyis ni yod

  446. 223b

    pa yin mdo sde ci ltar yod/ /bzhan du bsal ba mi 'thad pa'i phyir ro zhe na/ 'di skyon gzhan yin la rag mod/ /ma dmigs bzhin du yod mod zhes brjod par mi nus so/ /gal te ma dmigs pa ni dmigs pa med pa ma yin nam/ des na dmigs pa med pa yin gyi/ don med par ni ci ltar 'gyur zhe na/ gal te de lta na ri bong gi rwa la sogs pa yang med pa mi 'grub bo/ /des na med pa ni rgyu med pa'i phyir ro/ /zhes bya ba gzhan tshigs su mi 'gyur ro/ /des na ri bong gi rwa don du gnyer bar len pa len par 'gyur ro/ /'di ltar de de? la yod des na 'di/ /de rgyu nyid du 'dzin par 'gyur/ /de bskyed med par 'gyur ba ni/ /de med des na med 'dod na/ des bskyed pa yi nus pa nyid/ /yod pa nyid phyir rtogs par 'gyur/ /de lta min na de rtogs pas/ /de yod pas ni rtogs mi 'gyur/ /'on te gang las gang skyes pa/ /de la de yod par rtogs na/ /skyes pa'i sngon rol shes med pa/ /de las de min ci ltar rtogs/ /de lta skye ba yod pa dang/ 'brel pa rab tu 'grub ma yin/ /ci ltar rgyu las 'bras yin pa/ /de yod las kyang de 'byung 'gyur/ /'bras gang gang zhig sngon 'gro can/ /de ni de'i zhes gnas phyir ro/ /de yod sngon 'gro can 'bras bu/ /de de nyid kyis ci ltar 'gyur/ /gzhan bzhin 'bras bu thams cad nus las 'byung ba'i phyir zhe na/ /nus pa nyid las nus 'byung 'gyur/ /tha dad med na ci ltar 'gyur/ /gal te nus las gsal skye na/ /nus la gsal ba gzhan nas ci/ /gzhan nam med pas bskyed bya min/ /gal te yod na ci ltar bskyed/ /gsal ba blo yin de yang yod/ /des na de ni bskyed bya min/ /'on te gsal ba myong yin no/ /skyed bya min de ci ltar skye/ /des na 'bras bu rang gis ni/ /bskyed pa pos gsal tshad ldan min/ /bum pa mun nad gnas pa la/ /rig pa'i tshad ma rjes dpag yod/ /bum sogs 'jim gong la sogs la/ /yod la rig

  447. 224a

    pa'i tshad ma med/ /des na thams cad gsal ba bzhin/ /byas pa'i phyir na mi rtag nyid/ /des na rtags nyid phyogs su ni/ /byas te rjes dpag ces byas gnod/ /'o na mngon sum gyi don dang rjes su dpag pa dang/ yid ches pa dang grags pas rang gi chos can lam bsal ba zhes rang gi chos can smos pa la don ci yod/ /'di ltar/ tshad mas gnod pa phyogs min zhes/ /'dod pa 'di ni rigs pa yin/ /chos can de 'am gzhan dag la/ /bya ba 'di ni gang la dgos/ /chos can gzhan la gnod pa ni/ /gnod pa ma yin par mi 'gyur ro/ /rnam pa thams cad du gnod pa ni bsgrub par nus pa ma yin pa'i phyir gtan tshigs kyi yul med pas phyogs ma yin no/ /zhes rigs so zhe na/ 'dir bshad pa/ kun tu rgol ba bdag nyid kyi/ bsgrub byar 'dod pa'i chos gang yin/ chos de ldan la gnod 'gyur gyi/ /chos gzhan gyi ni chos gzhan min/ /thams cad du rang dang gzhan gyi 'dod pas chos de chos can la yod pa nyid yin pa/ de lta na yang rgol ba rang nyid bsgrub par bya ba nyid du 'dod pa'i chos gang yin pa'i chos de dang ldan pa'i chos can la gal te gnod pa yin na de'i tshe gnod pa'i skyon du 'gyur ba yin gyi/ chos gzhan gyis khyad par du byas pa'i chos can la ni ma yin no/ /zhes rang gi chos can smos so/ gzhan du chos can gzhan la ni/ /gnod kyang 'di la ci zhig dgag /'di la rigs pa ni 'di yin te/ chos de dang ldan pa'i chos can nyid la gnod na gnod pa yin gyi/ chos gzhan dang ldan pa gnod pas ni ma yin no/ /don 'di mtshan nyid kyis rtogs kyang/ /rang gi chos can smos pa ni/ /chos can la ni gnod pas kyang/ /gnod 'gyur zhes ni 'grub don te/ /rten ni 'gal bar gyur pa yis/ /der brten pa ni 'gal ba'i phyir/ /rang gi ngo bor kho nar bstan par bya ba dang rang nyid 'dod pa zhes bya ba'i mtshan nyid kho

  448. 224b

    na las 'grub pa yin te/ rgol bas rang nyid 'dod pa ni rang gi chos pa ldan pa'i chos can nyid yin no/ /de lta yin dang de dang rjes su mthun pa la gnod pas de nyid kyi skyon du thal ba yin gyi/ gzhan du srid pa ni ma yin no zhe na/ de ni ma yin te/ rten 'gal ba'i sgo nas de'i chos kyang med par thal ba'i phyir chos can la gnod na yang gnod par ji ltar 'gyur ba bstan pa'i don to/ /gzhan du de lta'i rnam can chos/ /bsgrub bya yin zhes brjod pa'i phyir/ /de gnod nyid yin par sems pa/ /des na rang gi chos can smos/ /de lta'i rnam can chos zhes bya ba ni/ /skabs kyi chos can gyis khyad par du byas pa'i chos de nyid gnod na skyon du 'gyur gyi chos can la gnod pa yang skyon yin no/ /zhes bya bar ni sems par mi 'gyur ro/ /'di yang don gyis grub min nam/ bden te 'ga' zhig chos can ni/ /'ba' zhig bkag pa la yang ni/ /skyon dang ldan par khas len to/ /gal te chos de la gnod pas/ /skyon dang ldan par yin na de'i chos can gyi sgo nas sam dngos su yang bla ste/ rnam pa thams cad du bsgrub bya'i chos dgag pa skyon yin no zhe na/ 'di bden te/ de lta mod kyi 'di ni gzhan gyi log par rtog pa dgag pa'i don yin no/ /'di ltar kha cig chos can 'ba' zhig la gnod na yang skyon yin no zhes smra bar byed do/ /dper na mkha' sogs gzhan dag gis/ /sngon med rang bzhin bskyed med min/ /cig car sgra sogs rgyu min phyir/ /zhes bshad pa la sun 'byin pa/ /de bzhin mkha' sogs chos can gyi/ /ngo bo'ang dngos med rjod byed bzhin/ /de ltar 'dod pa'i bsgrub bya la/ /gnod pa 'ga' yang med pa nyid/ /rgol bas smras pa nam mkha' la sogs pa dag ni/ /lhan cig byed pa dag gis sngon med pa'i rang bzhin bskyed par byar med pa ma yin te/ sgra la sogs pa'i 'bras bu cig car mi skyed pa'i phyir ro/ /gal te bskyed par byar med pa'i rang bzhin

  449. 225a

    yin na ni/ sgra la sogs pa'i 'bras bu cig car kho nar byed par 'gyur ro/ /'di'i phyir rgol bas smras pa/ ci ltar 'di nam mkha' la sogs pa sngon med pa'i rang bzhin bskyed par byar med pa nyid med par bsgrub pa de bzhin du/ /nam mkha' la sogs pa'i chos can rnams dngos po nyid med par yang sgrub par byed do zhe'o/ /chos can 'ga' zhig la gnod pa ni skyon ma yin no/ /'di lta bu ni rgol ba'i skyon ma yin te/ des na nam mkha' la sogs pa dngos por gyur pa ma yin/ /zhes bya ba 'di nyid sgrub par 'dod pa yin no/ /des dngos por gyur pa ma yin pa'i nam mkha' chos can la/ nam mkha' la sogs pa ni sngon med pa'i rang bzhin brjod du med pa yin te/ cig car rgyu ma yin no zhes bya ba skyon med de/ rnam par rtog pa la gnas pa'i chos chos can la bsgrub bya sgrub pa'i phyir te/ dngos por gyur pa ni de'i chos can ma yin no/ /des na de 'ba' zhig la gnod kyang gnod pa ma yin no/ /zhes bstan pa'i phyir rang gi chos can smos so/ /chos can gzhan la gnod pas ni chos de mi 'grub pa ma yin na/ /des na bsgrub bya'i chos 'grub pa la gnod pa med pa'i phyir nyes pa ma yin no/ /yang na sngon med pa'i rang bzhin bskyed par byar med pa ma yin te/ cig car sgra la sogs pa'i rgyu ma yin pa'i phyir ro zhes bya ba'i don 'di yin te/ nam mkha' ni mi rtag pa yin te zhes bya ba'o/ /de la gzhan dag na re chos can nam mkha' rtag pa la gnod par 'gyur ro zhe'o/ /gnod med de lta na yang mi rtag pa'i nam mkha' chos can du 'gyur ro/ /gtan tshigs kyi gdon mi za ba bsgrub par bya ba las bzlog pa la gnod par 'gyur ba yin no/ /chos can rtag pa ni skabs kyi bsgrub bya'i gzhi ma yin te/ des na de la gnod pas skyon ci yod/ gal te de la gnod na chos 'di mi 'grub na ni/ 'di skyon du 'gyur ro/ /'di ltar/ nam mkha' rtag pa ma yin te/ /dbyangs kyi dbye ba yod phyir ro/ /bad kan sogs kyi mgrin pa'i bu ga nyams par

  450. 225b

    gyur ba na/ mgrin pa'i sbubs kyi nam mkha' ni/ /nyams pas dbyangs ni tha dad 'gyur/ /'di ltar/ gzeng dag dog pa dang yangs par mthong ba yin la/ de'i gnas skabs ma yin pa nyid kyang mi rtag pa nyid yin no/ /'on te de ni 'dir dngos po nyid gzhan yod pa nyid yin no/ /nam mkha' ni yangs pa la sogs pa de nyid yin no zhe na/ snga ma ci ste mi dmigs gegs yod pa'i phyir ro zhe na/ rtag pa ci ltar gegs bya bar 'gyur te 'di ni gyi na'o/ /gzhan yang snam bu la sogs pa'i yan lag can ni mi skye ba nyid do/ /'on kyang snal ma snal ma gzhan la rgyud pa tsam nyid do/ /ci'i phyir drang ba dang logs shig tu mi 'gyur zhe na/ mgrin pa'i sbubs drangs pa na yang lus logs shig tu ci ste mi 'gyur/ /des na 'di ni gyi na'o/ /de'i phyir gzhan gyi 'dod pa nyid las nam mkha' ni mi rtag pa 'am/ dngos po med pa yin no zhes bya ba 'di ni gcig nyid du nges pa yin no/ /yang na thogs pa dang bcas pa'i dngos po dang ma 'dres pa'i snang ba la sogs pa nyid nam mkha' yin te dngos po gzhan dang ma 'dres par mi rtag pa nyid nam mkha' yin no zhes bya ba ni gnas pa'i phyogs so/ /de lta bur 'gyur ba'i chos can bsgrub bya'i chos kyi khyad par can nyid du sgrub pa yin no/ /des na de las gzhan pa'i chos can gnod pa la skyon med pa nyid do/ /'di ltar 'dis ni gnyi ga sgrub pa nyid/ /yin na chos can la gnod gang/ /bsgrub par bya ba'i chos 'gog pas/ /de la gnod par 'gyur ba yin/ /gal te bsgrub bya'i chos dang chos can gyi spyi bsgrub par bya ba yin pa de lta na yang chos can gang la gnod pas skabs kyi chos de bkag par 'gyur ba de nyid la skyon du 'gyur ba yin no zhes rang gi chos can la smos pas 'di brjod pa yin no/ /de dang 'brel pa med pa kun brtags pa'i chos can la gnod pas ni ma yin no/ /'di ltar/ de ltar nyid du chos can yang/ /bsgrub bya nyid phyir 'ba' zhig min/ /chos can ni rang gi ngo bos grub pa nyid do/ /ma

  451. 226a

    grub pa'i chos can la bsgrub bya'i chos grub pa ni nye bar mkho ba med pa'i phyir ro/ /des khyad par du byas pa nyid du de bsgrubs par 'dod pa yin gyi rang gi ngo bo ni ma yin no/ /des na 'ba' zhig bkag pa la skyon med do/ /gal te rang bzhin gang gis chos can de'i gzhi nyid du 'dod pa'i rang bzhin gnod na nges par skyon du 'gyur ro zhe na/ ma yin te/ dngos po'i rang bzhin nam rtag pa'i rang bzhin gyi'am mngon par mi 'dod pa'i phyir ro/ /gzhan yang gal te chos can bsgrub bya'am/ /gtan tshigs shugs kyi rang bzhin ni/ /gzhan 'gyur dngos spyod bdag cag la/ /de bkag pas ni ci zhig bya/ /dngos po'i stobs las 'ong ba 'ga' zhig 'ga' zhig tu 'jug pa ni dngos po sems pa la sbyong ba'i 'gas kyang dgag par nus pa ma yin te/ tshad ma dang ldan pa ni tshad mas 'thad pa'i dngos po'i rjes su 'brang ba'i phyir ro/ /gal te de lta na 'dir gnod/ /cig car sgra sogs rgyu min phyir/ /bde sogs gzhan gyis bskyed nus phyir/ /ma yin zhes bya snga ma bzhin/ /bde ba dang sdug bsngal dang gti mug gi rang bzhin ni gtso bo'i sgra la sogs ba gsal ba'i rgyur 'dod do/ /des na cig car rgyu ma yin pa nyid kyi phyir bde ba la sogs pa de dngos po med pa nyid du 'gyur te/ gtso bo'i rang bzhin rtag pa nyid la gnod pa na dngos po med pa nyid du 'gyur ro/ /zhe na/ de ni ma yin te 'di ltar/ gal te 'di la gtan tshigs ni/ /des na 'gal bar 'gyur ba nyid/ /rim bzhin byed dang mi rtag nyid/ /'gal ba med phyir mi mthun phyogs/ /ldog na the tshom za ba na/ /'di ni lhag ldan khyad par 'dod/ /'dir rim ma yin pas bkag pa la rim gyis byed pa nyid ni gtan tshigs yin no/ /rims bzhin byed pa dang/ mi rtag pa nyid la yang 'gal ba med pa'i phyir te/ des ni mi rtag pa nyid med pa go bar byed pa ma yin pa'i phyir ji ltar chos can la gnod pa yin de la gnod pas ni chos la gnod par 'gyur ba ma

  452. 226b

    yin no/ /des na rang gi chos can smos so/ /gang gi phyir rang nyid 'dod pa'i chos/ /bsgrub bya de phyir de rten ni/ /gnod yin 'ba' zhig pa nyid dam/ /'jig rten la min zhes bstan to/ /'ba' zhig pa gnod pa'am de las gzhan pa'i gzhir 'gyur ba'i chos can la gnod pas ni rgol ba 'dod pa'i bsgrub bya gnod pa ma yin no/ /des na bsgrub bya'i chos la nye bar mkho ba'i chos can la gnod pa skyon yin no/ /de'i phyir rang nyid sgra'i chos can la/ /gnod pas gnod min zhes bstan pa/ /de bzhin rang gi chos can gyis/ /chos can gzhan la yang zhes brjod/ /de nyid kyi phyir/ gal te chos kyi khyad par can du bsgrub par 'dod pa'i chos can gang yin pa de la bsgrub par bya ba'i chos mngon sum dang rjes su dpag pa dang/ lung dang/ grags pa dang 'gal ba'i gnod pa med na de ni phyogs yin na gzhan du ni phyogs ltar snang ba yin no zhes sngar bshad pa/ nyid kyi don gsungs pa yin no/ /gal te khyad par can rab tu ma grub pa dang/ gnyi ga rab tu ma grub pa dang/ khyad par rab tu ma grub pa zhes bya ba phyogs ltar snang ba/ gzhan yang yod pa ma yin nam/ khyad par can rab tu ma grub pa ni dper na/ bdag ni khyad pa'o zhes bya ba lta bu'o/ /khyad par rab tu ma grub pa ni grangs can la sgra 'jig pa'o zhes bya ba'o/ /gnyi ga rab tu mi 'grub ba ni bdag ni 'du ba can gyi rgyu yin no zhes bya ba ste/ de ci ltar 'di dag nye bar ma bkod ce na/ de ni ma yin te/ 'di ltar yan lag phyi ma la gnas phyir/ phyogs kyi skyon du 'di mi 'thad/ /phyogs tsam nye bar bkod pa yis/ /de yi skyon nyid rnam gnas phyir/ /de la bdag ni khyab pa yin no zhes gal te 'ga' zhig khyab pa dang ldan pa'i bdag ni bsgrub byar byed na phyogs la skyon ci zhig yod/ chos can med pas gtan tshigs kyi rten ma grub pa'i phyir ro zhe na/ 'o na gtan tshigs kyi skyon yin gyi/ phyogs ni ma yin te/ de'i rjes su 'gro ba dang ldog pa'i rjes su byed pa'i phyir ro//

  453. 227a

    de bzhin du sgra 'jig pa'o zhes bya ba khyad par gang du ma grub/ gang du sgra la'o zhe na/ de ni skyon ma yin te/ gang gi phyir de nyid kyi phyir te/ bsgrub par bya ba yin te/ gzhan du bsgrub par bya ba'i don ci zhig yin/ 'on te bzlog par egrub pa'ang? ma grub par rjod do zhe na/ gal te rmongs pa la bzlog par grub pa de lta na yang de tsam gyi phyogs kyis skyon du 'gyur ba ma yin na/ /gal te tshad mas phyin ci log tu grub na ni de'i tshe phyogs de tshad mas gnod pa nyid yin pa'i phyir/ tshad ma dang 'gal ba'i mtshan nyid kyi skyon de nyid yin gyi skyon gzhan ma yin no/ /'on te dpe la yin na de'i tshe dpe bsgrub byas stong pa yin pa'i phyir de nyid kyi nyes pa yin gyi/ phyogs kyi ni ma yin no/ /gnyi ga rab tu ma grub pa ni gnyi ga'i ltar yang nyes pa yin pa'i phyir 'di thams cad kyi gtan tshigs kyi skyon nyid do/ /'on te gtan tshigs kyi skyon yin gyi phyogs kyi skyon du 'gyur te/ 'dir thams cad du phyogs nyid mi 'grub pa'i phyir ro/ /zhe na de lta ba ni gtan tshigs la sogs pa'i skyon thams cad phyogs kyi skyon du 'gyur te/ gang zhig phyogs la mi gnod pa'i gtan tshigs la sogs pa'i skyon de ni 'ga' yang med do/ /gang gi phyir/ sgrub byed skyon ni thams cad kyis/ /phyogs nyid kyi ni skyon du 'gyur/ /de lta na yang dam bca' ba/ /tsam dang 'brel pa phyogs skyon yin/ /de la gnod pa tsam gyis ni de phyogs kyi skyon ma yin te/ sgrub par byed pa'i skyon yang skyon du thal bar 'gyur ro/ /'on te sgrub bar byed pa'i skyon ni de la gnod pa yin yang phyogs kyi skyon ma yin no/ /zhe na de ni ma yin te/ gzhan du rtogs pa med pa'i phyir ro/ /'on te phyogs kyi rang gi ngo bo dang de'i dus las 'das nas sgrub par byed pa'i dus na dang rang gi ngo bo tha dad par 'gyur ba'i phyir phyogs kyi skyon yin gyi/ 'on kyang rjes su 'gro ba med pa la sogs pa gtan tshigs nyid kyi skyon yin no zhe na/ de ni ma yin te/ rjes su 'gro ba ni mtshungs ba'i

  454. 227b

    phyir ro/ /rjes su 'gro ba ni 'brel pa yin la de yang gnyis la gnas pa'i phyir gnyi ga'i yang yin no/ /ci ste yang bsgrub bya la ltos te de gzhi ma grub pa ni phyogs kyi skyon yin gyi/ sgrub par byed pa la bltos pa ni ma yin no/ /sgrub par byed pa la bltos pa ni sgrub par byed pa nyid kyi skyon yin no zhe na/ 'di la bshad zin to/ /gal te gnyis ga phan tshun bltos nas sgrub par byed pa yin na ni ci ltar phyogs kyi skyon yin/ /chos can chos sgrub par bya ba dang 'brel pa tsam gyis tshogs pa nyid bsgrub par bya ba yin no zhes bya ba 'di nges pa yang ma yin te/ rang gi ngo bo kho nar bstan par bya ba zhes brjod pa'i phyir ro/ /'o na ji ltar chos can ma bsgrub na grub pa mi srid pa'i phyir ro zhes bshad ce na /gzhi ma grub pas na de la gtan tshigs nyid mi srid srid do/ /snyam du dgongs pa yin no/ /des na ma grub pa'i chos dang chos can gyi spyi yang phyogs nyid do/ /des na gtan tshigs la mi ltos pa nyid kyi skyon ni/ phyogs kyi skyon yin no/ /des na/ yan lag phyi ma la bltos skyon/ /gang yin de yi rjes byed pas/ /de yin zhes bshad de yi phyir/ /rten sogs ma grub phyogs skyon min/ /'di ni bshad pa yin to/ /yan lag phyi ma la ltos pa/ /phyogs kyi skyon du 'gyur ma yin/ /de lta min na rgyu sogs kyi/ /skyon yang phyogs skyon thal bar 'gyur/ /thams cad phyogs la gnod phyir ro/ /des na de tsam dang 'brel ba/ / phyogs kyi skyon yin gzhan min te/ /mngon sum la sogs gnod pa bzhin/ /zhes so des na gzhi ma grub pa la ni phyogs kyi skyon ma yin no zhes rigs so/ /gal te sgra mnyan bya ma yin no/ /bum pa brtag pa'o zhes bya ba dang/ rjes su dpag pa ni tshad ma ma yin no// ri bong can ni zla ba ma yin no zhes bya ba 'dis ni/ chos kyis rang gi ngo bo phyin ci log pa'i gnod pa nyid bstan pa ma yin nam/ chos can dang chos kyi khyad par dang/ chos can gyi rang gi ngo bo la gnod pa ni ma yin no/ /dpe ma bstan par ni bde blag tu rtogs pa yang

  455. 228a

    ma yin pa de la 'dir rgyu ci yod ce na/ 'dir bshad pa/ 'dis sgrub yan lag gyur pa yi/ /chos can chos kyi khyad par dang/ /chos can rang gi ngo bo la/ /gnod pa dag ni bstan ba yin/ /chos kyi rang gi ngo bo zlog pa ston pa lhung byed pa'i dpe 'di nyid kyis rang gi ngo bo dang khyad par thams cad kyi bstan pa yin no/ /ci ltar gzhan gyis gzhan bstan ce na/ bsgrub bya nyid du khyad par med pa'i phyir ro/ /de la gsal ba so sor ni dper brjod par nus pa ma yin no/ /de la nye bar bstan pa la ni dgos pa yang med do/ dper brjod pa gcig bstan pas chos de bde bar shes pa'i phyir ro/ /dper rjod pa ni nye bar mtshon pa tsam yin no/ /gal te chos dang chos can gyis khyad par ci ltar chos der 'gyur zhe na/ de ni smras pa la bltas nas khyad par yin no/ /bsgrub par bya ba ni de nyid yin te/ gzhan du sgrub par byed pa 'bras bu med par 'gyur ro/ /des na don ni bstan pa yi/ /don du dpe ni phyogs tsam brjod/ /ldan don rdzas kyi mtshan nyid can/ /mthong ba la brten gzhan yod min/ /ma mthong khyad par can min na/ /dam bca' ba la dgos pa med/ /khyad par can min gzhan yod ni/ /bsgrub na sgrub pa grub na nyid/ /dper brjod pa ni 'di dag ste/ yan lag can ni yan lag dag las gzhan ma yin te/ srad dma' ba' i khyad par 'dzin pa med pa'i phyir ro/ /yan lag ni yan lag can las gzhan ma yin te/ /mngon sum ma yin pa nyid du thal ba'i phyir ro/ /rdzas ni yod pa ma yin te/ yon tan dang rdzas dag dang rdzas ma yin par thal ba'i phyir ro zhes bya'o/ /chos can gyi rang gi ngo bo sal bas ni phyi ma cig shos cig yin la/ chos can dang chos kyi khyad par sel bas ni go rims bzhin du/ dang po'i dper brjod pa gnyis yin no/ /gang zhig gang gi rang bzhin las/ /tha dad de ni de bzhin dmigs/ /de yi ngo bor dmigs med na/ /tha dad bar ni grub mi 'gyur/ /tha dad bar dmigs pa

  456. 228b

    med ni tha dad par mngon sum du 'gyur ba ma yin no/ /tha dad pa med par dmigs pa dang/ tha dad par khas len pa des na 'di ni 'gal ba yin no/ /gal te yan lag gzhan min na/ /mngon sum nyid yin gnod pa med/ /gang du yan lag can mngon sum/ /de dngos de dag kyang de bzhin/ /de lta ma yin te/ yan lag can mngon sum yin yang yan lag mngon sum ma yin na ni/ gzhan ma yin pa nyid du mi 'gyur ro/ /yang na yan lag dag ni yan lag can las gzhan ma yin te/ mngon sum ma yin par thal ba'i phyir ro/ /gzhan nyid yin na ni/ de dag mngon sum ma yin na/ yan lag can yang mngon sum ma yin par 'gyur pa'i phyir ro/ /yan lag mngon sum ma yin par ni yan lag can mngon sum du 'gyur bar rigs pa ma yin te/ yan lag can dang po bzhin no// 'on te yan lag can rags pa mngon sum yin gyi gzhan ni ma yin no zhe na/ gcig nyid ni rags par 'gal lo zhes bshad zin to/ /des na yan lag gi tshogs tsam nyid yan lag can yin gyi gzhan ni ma yin te/ des na yan lag can ni med do zhes bya bar gnas so/ /de bzhin du rdzas ni yod pa ma yin te/ zhes bya ba ni yon tan las gzhan pa zhes bya bar 'brel to/ /yon tan dang rdzas dag rdzas dang/ rdzas ma yin pa nyid du thal ba'i phyir ro zhes bya ba ni/ yon tan rdzas nyid dam/ /rdzas yon tan nyid du zhes bya ba'i don to/ /'di ltar tha dad pa yin na ni phan tshun ldog pa'i phyir/ rdzas yod pas gnas pa'i rang bzhin du gzung ba yin la yon tan rnams kyang de lta bu nyid yin no zhes rigs so/ /des na phan tshun spangs pas gnas pa nyid po dag gcig ni yon tan la yin la gzhan ni rdzas yin no/ /zhes bya ba'i rnam par dbye ba 'di ga la yin/ phan tshun spangs pa ma yin na yang ga las rnam par dbye ba yod/ 'on te yon tan la ni yon tan nyid la/ rdzas la ni rdzas nyid do zhes bya ba rnam par dbye ba yin

  457. 229a

    no zhe na/ de yang 'thad pa ma yin te/ rang gi rang bzhin las gzhan pa'i/ /yon tan nyid sogs yod ma yin/ /yon tan nyid ni gzhan yin na/ der yang yod nyid yod par 'gyur/ /des na rdzas dang khyad med pa/ /thal ba snga ma zlog pa med/ / yod nyid yod na tha dad dang/ /gzhan pa thams cad rjes su 'gyur/ /phan tshun spangs pas gnas pa nyid yin na/ rdzas dang cig shos kyi rnam par dbye ba med par 'gyur ro zhes bya ba 'di gnas so/ /tha dad pa la ni rdzas nyid dang ldan pas ni rdzas la/ yon tan nyid dang ldan pas ni yon tan no zhes tha dad par 'dogs par 'gyur na de yang yang dag pa ma yin te/ phan tshun spangs te gnas pa'i gzugs dang ro dag bzhin pas rdzas dang cig shos su 'gyur re kan/ yon tan nyid la sogs pa dang ldan pa'i phyir ro zhe na/ ma yin te yon tan gyi gsal bas gsal bar bya bas yon tan nyid yin gyi/ gzhan du ni ma yin no/ /yon tan nyid dang rdzas nyid ni mtshungs pa'i rnam pa tsam yin no/ /de'i khyad par ni de dang rigs mthun pa'i gsal bas gsal ba nyid ces bya ba yin la gsal? ba rigs mi mthun pa yang gnas pa nyid kyis yin pa'i phyir phan tshun brten pa'i skyon du 'gyur ro/ /'on te rigs rnams ni rang nyid kho nas phan tshun mi 'dra ba nyid do zhes rjod na/ de la yang mi mthun pa gnas pa nyid ldog pa'i rgyu yin no/ /rang gi ngo bos ldog pa nyid yin na ni/ gsal ba rnams kyang de ltar 'gyur ba'i phyir rigs gzhan don med do/ /gal te yon tan zhes rnam pa mtshungs pa'i rgyu mtshan yin pa'i phyir yon tan nyid la sogs pa ni yon tan nyid yin no zhe na/ de ni bar ma de'i sha lhag pa'i spyis ci bya ste/ rang gi dgos pa spyi'i rnam pa can gyi rtog pa'i rgyu mtshan ni so sor des pa nyid kyis 'grub pa'i phyir ro/ /de ltar yin na rdzas dang rdzas ma yin pa dag rang gi ngo bos ni khyad par 'ga' yang yod pa ma yin no/ /des na rdzas yod na rdzas dang rdzas ma yin pa dag khyad par med

  458. 229b

    pa nyid do/ /med na ni khyad par yod do zhes bya bar mi rigs te/ rdzas ni kun rdzob tu yod pa yin la/ yon tan ni de las sam gzhan yin pa'i phyir ro/ /rang gi ngo bo dang khyad par gnyi ga gsal ba'i sgo nas dper brjod pa na/ 'di lta ste dag thams cad ni bden pa'i don ma yin no zhes bya ba bzhin no/ /tshig kun bden pa'i don min zhes/ /dag dang bden min pa nyid kyi/ /de yi ngo bo khyad par dag /spong brjod 'dod la skyon yin/ /gang gi tshe dag nyid mi bden pa nyid spyir bzlog par 'dod pa'i tshe gnyi ga'i rang bzhin 'gal ba yin no/ /gang gi tshe chos can dag gi chos rtag pa nyid dam mi bden pa nyid brjod bya mi bden pa nyid yin pa de'i tshe ni gnyi ga'i khyad par bsal ba yin te/ dag thams cad kyi khyad par dang brjod par bya ba mi bden pa nyid bsal? ba'i phyir ro// brjod pa'i shugs kyis smra ba po tshad mar gyur pa yin te/ de'i phyir des ni dag nyid dang mi bden pa'i brjod par ba ba nyid bsal ba yin no/ /chos can gyi khyad par yang 'dir mi rtag pa nyid la sogs pa 'ga' zhig yin par lta'o/ /gal te mi rtag pa nyid du sgrub pa ma yin na ni smra ba po tshad ma khas len pa dgos pa med pa nyid do/ /gal te rtag pa nyid yin par gyur na smra ba pos 'ga' yang byed pa ma yin pa'i phyir smra ba po dag med pa nyid du 'gyur ro/ /des na 'di ni rang gi tshig dang 'gal ba yin no/ /gal te dag ni rtag gyur na/ /smra ba po ni don med lpar/ /dag gi rang bzhin sgrub med na/ /grub pa nye bar 'jog par 'gyur/ /dag gi rang bzhin sgrub par byed pa ma yin pa'i smra ba bo ni dag la phan 'dogs par byed pa nyid ma yin no/ /der gyur pa ma yin pa'i phan par byed pa ni de la ci yang ma byas pa'i phyir phan par byed pa ma yin pa'i smra ba po ni dag gis bltos par bya ba ma yin no/ /bltos par bya ba yang yin te/ des na mi rtag pa nyid du bsgrub bar bya ba yin no/ /des

  459. 230a

    na de'i khyad par bsal ba'i sgo nas 'di phyogs ltar snang ba yin no zhes gnas so/ /de la rnam 'grel mdzad pas ni dper brjod pa'i phyogs tsam zhig bstan te/ phyogs 'dis dper brjod pa bshad pa lhag ma rtogs pa'i don du'o/ /yan lag can gzhan nyid tsam bsgrub par bya ba ni ma yin gyi/ 'on kyang bya ba dang ldan pa yon tan dang ldan pa 'du ba can gyis rgyu ni rdzas yin no zhes bya ba'i rdzas kyis mtshan nyid dang ldan pa dang/ de bzhin du mthong ba la brten pa can nyid du bsgrub par bya ba yin no/ /gal te yan lag can gzhan nyid tsam du bsgrub pa yin na/ de'i tshe kun rdzob kyi bden pa tsam du de grub pa yin no/ /yan lag ni don dam par yod pa yan lag can ni kun rdzob tu yod pa yin pa'i phyir gzhan nyid tsam bsgrub par bya ba yin na grub pa la sgrub ba yin no/ /bltar mi rung ba med pa'i 'bras/ /mthong nas yan lag can 'dod do/ /khyad par can min gzhan yod ni/ /grub na grub pa sgrub pa nyid/ /rdul phra rab la sogs pa'i yan lag las tha dad pa tsam du ni blo 'khrul pa'i rnam pa'i rnam par? grub pa nyid do/ /de nyid grub na ni nges par grub pa la bsgrub par bya ba nyid do/ /ha cang ring po na gnas pa ma yin pa phan tshun nye ba nyid du gnas shing ma 'dres pa'i sgra'i yul dag la spoms gcig gi rnam par snang ba'i rtogs pa ni mthong ba nyid do/ /des na de tsam gyis ni rnam par shes pa'i rnam pa las tha dad pa'i yan lag can mi 'grub po/ /des na der rdzas kyi mtshan nyid dang ldan pa nyid bsgrub par bya ba yin no/ /de la yang yon tan rtsi ba nyid dang/ bya ba thur du 'gro ba nyid dang/ de dag gi 'du ba can gyi rgyu yin pa zhes bya ba'i mtshan nyid dang ldan na rnam par shes pa'i rnam pa las tha dad par 'grub po/ /de ltar yin dang/ gal te 'di lci 'og 'gro 'gyur/ /srang ni dma' ba dag tu 'gyur/ /lci ba nyid kyis rab tu sbyar

  460. 230b

    ba'i 'og tu 'gro ba yod na/ /gdon mi za bar des drang bas na srang mgo yang dma' bar 'gyur na/ yan lag can rtogs par byed pa de ni yod pa yang ma yin no/ /des na 'di rdzas kyi mtshan nyid dang ldan pa ma yin no zhes bshad pa ni/ /des na yon tan bya med pa/ /de phyir 'du ba can rgyu min/ /'di yon tan dang las gang dag gi 'du ba can gyi rgyu ba yin pa de med na de ltar 'gyur ba ma yin no zhes mjug pa bsdu ba'o/ /de phyir 'bras bu ngo bo dag /mthong ba med phyir de mthong min/ /de la ni bltar rung ba nyid kyang med pa med pa nyid do/ /des ni rnam pa gnyis te/ nye bar btags pa las dang/ dngos po re zhig nye bar btags pas ni ma yin te/ de'i phyir 'bras bu lci ba la sogs pa ma mthong ba'i phyir ro/ /nye bar btags pa las cig shos kyang ma yin te/ yan lag can gyi rang bzhin tha dad par mthong ba'i phyir ro/ /rnam par shes pa'i rnam par rags pa nyid du dmigs pa'i phyir te/ de las 'phags pa mthong ba med pa'i phyir ro/ /des na med na mi 'byung ba/ /gzhan gyi khyad par gnod pa yin/ /smras pa'i gzhan tsam la bltos te/ /rdzas kyi mtshan nyid dang ldan pas ni gzhan gyi khyad par yin no/ /de yang med na mi 'byung ba nyid kyis bsgrub par bya ba ma yin te/ de ltar ma yin na gzhan tsam ni bsgrub par bya ba ma yin pa'i phyir ro/ /'di ltar/ lci ba nyid dang 'og 'gro ba/ /spangs na snang ba tsam du 'gyur// snang ba tsam nyid rnam shes las/ /tha dad par ni 'thad par dka' / /rab rib kyis mthong ba'i nus pa phyin ci log tu byas pa'i mig can rnams la yang/ skra dang sha sbrang dang sbyang bu la sogs pa/ med par mos pa'i phyogs su gnas pa dag mngon sum du snang ba yin te/ de dag de ltar snang ba nyid kyis ni med par mi 'gyur ba ma yin no/ /'dir phra mo nas brtsams rdzas phreng dag /gcal nyid phyir na rdzas gzhan gyi/ /lci nyid mi rtogs ras bal gyis/ 'dab bzhag bzhin zhes gzhan dag zer/ /phra ma

  461. 231a

    rdul gnyis pa la sogs pa'i rdzas kyi phreng ba dag gzhal ba'i tshad dang sbrel ba'i phyir/ rdzas du ma'i nang na gnas pa'i rdzas gzhan gyi lcid mtshon par mi nus pa'i phyir srang mda' dma' ba mi 'dzin pa yin no/ /'di ltar kha ba'i gong bu gnyis sbyar ba na/ gal te yon tan dang bya ba ldan pa'i rdzas gzhan skye ba yin pa de lta na yang rdul gnyis pa la sogs pa'i rdzas kyi phreng ba yang de na yod pa nyid do/ /des na lcid dang ldan pa du ma'i nang na gnas pa de'i lcid mi tshor ba yin te/ ras bal gyi khur gyi nang du gzhag pa'i ras bal gyi 'da' pa'i lci ba nyid yin bzhin no/ /ma rtogs kyang de'i lci ba nyid dang thur du 'gro ba nyid med pa nyid ni ma yin te/ des na de yon tan dang khyad pa med pa de'i phyir zhes bya pa'i gtan tshigs de ma grub po zhe na/ de ni ma yin te/ 'di ltar gal te lci nyid mi rtogs na/ /bla lhag do na gang la rtogs/ /de rig 'di nyid la re gam/ /de log na ni ci ltar 'gyur/ /lci ba nyid dang 'og tu 'gro ba nyid mang na ni snang ba tsam du grub par 'gyur ro/ /de bsgrub pas ni bsgrub bar bya ba 'grub pa ma yin pa bzhin no/ /gzhan yang/ de ltar sa rdul tshogs dag la/ /de yi cig car ldan pa dang/ /so sor ldan pa'i rdul tshogs dag /so sor lhan cig gcal ba na/ /de phyir ljid ni tha dad 'gyur/ /rim gyis ldan pa'i tshogs la ni lci ba dag nyid dang ldan pa'i yan lag can du ma yod pa las 'gyur ba'i lcing chen po dang ldan pa yin pa cig car dang ldan pa la ni/ yan lag can cig nyid du zad pa'i phyir ldid? chen po nyid med de/ des na tha dad par thal bar 'gyur ro/ /tha dad par mi dmigs pa yang ma yin no/ /ras bal gyi 'dab ma du ba'i tshogs gzhag na ni rtogs pa yin te/ 'on te sngar yan lag can thams cad zhig pa na mthar yan lag can cig nyid gnas pa yin te

  462. 231b

    des na yan lag can du ma med pas na/ cig car ldan pa dang rim gyis ldan pa'i sa rdul gyi tshogs dag lcing mtshungs pa nyid yin pa'i phyir skyon med do zhe na/ de ltar na rdzas phreng gzhal ba'i phyir zhes bya ba mi 'thad par 'gyur ro/ /tha ma'i lci ba nyid mi rtogs pa yang mi 'thad do/ /'on te brtson par byed pa'i yan lag so sor gyur pa dag gi ljid ci tsam yin pa des brtsams pa yis yan lag can yang de tsam nyid yin no/ /des na srang mda' ba' i khyad par du mi 'gyur ro zhe na/ de ltar na 'o na yan lag thams cad zhig na yan lag can skye ba'i phyir/ rdul phra rab rnams kyang 'jig pas rdul phra rab brtags pa yin yin no zhes bya ba'i grub pa'i mdza' dang 'gal lo/ /'on te rnam par dbye bas 'jig pa yin na rdul phra rab dag la ni rnam par dbye ba srid pa ma yin te cha med pa'i phyir ro zhe na/ ma yin te cha med par mi rigs pa'i phyir ro/ /lus can dag ni gdon mi za bar pha rol dang tshu rol gyi rnam par dbye ba ldan par 'gyur dgos so/ /de'i phyir yan lag can 'jig pa zhes bya bar mi 'thad do/ /'on te yang rdul phra rab rnams kyang 'jig mod ded? la chad pa ci yod ce na/ de ltar na 'o na ma sha la sogs rim pa yis/ /grangs mtshungs pa ni mi rung ngo/ /ma sha'i? gong bu rnams zhig pas yan lag can cig nyid yin phyir ma sha lnga'i gong bur mi 'gyur te/ ma sha gcig nyid do zhes bya bar 'gyur ro/ /lnga zhes bya ba la sogs pa'i grangs ni lci ba du ma yod na 'gyur ba'i phyir/ cig nyid yin na ni grangs gcig nyid du 'gyur te/ yan lag can nyid yin pa'i phyir ro/ /'on te lci ba nyid gcig yin yang de ltar tha snyad byed pa yin no/ /zhe na/ de lta na yin na grangs don dam par mi 'gyur ro/ /de'i phyir yan lag rnams yan lag can gyis 'jig na/ ma sha la sogs pa dang mtshungs pa'i rgyu mtshan de la brten pa'i grangs 'thad pa ma yin no/ /des na yan lag rnams rims kyis skye ba'i phyir du ma yod pas gdon mi za bar

  463. 232a

    lcid khyad par yod par 'gyur ro/ /'on te yungs kar las sngon rol gyis gong ma thams cad ni mi rtogs pa yin te/ gcig mi rtogs pa bzhin du thams cad kyang yin te/ khyad par med pa'i phyir ro zhe na/ de ni ma yin te/ ras bal 'dab gcig ma rtogs pas/ /'dab bam de yi tshogs pa yang/ /mi rtogs pa ni 'gyur ba min/ /des na 'di ni 'byor ma yin/ /gcig ma rtogs pas de'i tshogs kyang mi rtogs pa ni ma yin te/ 'dab bal gcig gi ljid ma rtogs kyang khur bu'i ljid rtogs phyir 'dab bal gyi tshogs pa nyid ras bal gyi khur bu'i tha snyad rten pa yin no/ /gzhan yang gal te yungs kar nas brtsams te/ tshogs chen gong nas gong du ni/ /'phel brtan 'bras bu'i phreng ba yi/ /lci ba rtogs pa ma yin na// yungs kar bar gyi ljid dag kyang/ /chung du shin tu rtogs dka' bas/ /'bras bu'i lcid ni mi rtogs phyir/ /de yi rgyu nyid gzhal sbyar 'gyur/ /yungs kar ni 'o lam si'i bzhi cha'o/ /yungs kar de nas brtsams te tshogs chen po gong nas gong du 'phel pa'i 'bras bu'i rdzas kyi rgyu mtshan can gyi ljid mi rtogs na/ yungs kar las snga ma snga ma ji 'byung du 'gyur pa dag gi shin tu yang cher mi rtogs pa nyid du 'gyur ro/ /des na 'bras bu'i phreng ba'i ljid mi rtogs pa'i phyir/ 'os gzhan med pas de'i rgyu nyid gzhal bar bya ba yin no/ /zhes bya bar shin tu gsal bar rigs pa ma yin no/ /ljid kyi khyad par dang ldan par rtogs pa nyid gzhal ba yin gyi gzhan ni ma yin no/ /gong ma gong ma'i 'bras bu'i ljid mi rtogs na/ ljid de rgyu'i yin par 'gyur ro// de yang gzhal ba na de'i rgyu'i ljid yin la/ de'i yang de'i rgyu'i yin pa'i phyir rdul phra rab kyi bar gyi rgyu gzhal byar 'gyur ro/ /de dag la ni rgyu gzhan du 'gyur ba med pa'i phyir ro/ /'di ltar/ tha ma'i yan lag can zhig na/ /de dag kyang ni ljid de nyid/ /

  464. 232b

    de dang zhig bar gyur kyang ni/ /phyis kyang ljid de nyid mthong ba/ /des na rjes su dpag pa las/ /ljid nyid rdul phran dge la rtogs/ /des na yan lag can rdzas ni/ /rdzas kyi mtshan nyid dang ldan min/ /gzhan yang 'dab? pas? gyi ljid nyid du mi rtogs kyang yod pa nyid de/ de lta rung ba'i phyir ro/ /yan lag can ni mthong ba ma yin gyi 'on kyang de ni 'bras bu mthong ba nyid la yod pas yod pas rnam par bzhag par bya ba yin no/ /de dag thams cad kyang rung ba ma yin te/ 'di ltar/ don de mthong med? pas? 'dab? bzhin/ /de yi 'bras buAng rtogs ba med/ /ljid nyid rtogs med bzhin du de'i/ /yon tan thams cad rtogs med phyir/ /ma sha la sogs lhag yod min/ /dma' ba skye? bar mtshon pa yin/ /gzugs sogs lhag dang lhag ci bzhin/ /rang gi dbang pos mthong med phyir/ /mngon sum dang rjes su dpag ba dag gis ma rtogs pa ci ltar yod do zhes rtogs par bya/ gal te lci ba nyid ma rtogs kyang/ rnam pa gzhan gyis rtags pa yang srid pa'i phyir ci ltar med pa nyid yin zhe na/ ma yin te gzugs la sogs pa gzhan yang rtogs pa med pa'i phyir na ma sha la sogs pa yan lag can rnams las lhag pa ni yod pa ma yin no// //bam po dgu pa/ /'o na ji ltar srad dma' ba' i khyad par mi 'dzin pa'i phyir ro zhes slob dpon gyis dngos por nges pa nyid brjod ce na/ ma yin te/ nye bar mtshon pa yin pa'i phyir ro/ /dma' ba de 'ba' zhig brjod pa yin yang gzhan dag kyang ston par byed pa yin no/ /ci ltar thams cad mi rtogs pa zhes bya bar shes par bya zhe na/ 'di la shes par bya ba ci zhig yod/ mig la sogs pas ci ltar ci lta ba bzhin gzugs la sogs pa'i lhag dang lhag rtogs pa med pa'i phyir ro/ /yan lag can yod kyang gzugs dang ro la sogs pa'i yan lag rnams las lhag pa ni rtogs pa med do/ /de'i yon tan dang las dang ldan pa ltar rung pa'i yan lag can med pa

  465. 233a

    nyid yin pa'i phyir/ chos kyi khyad par gnod pa'i sgo nas phyogs kyi skyon yin no/ /phyogs 'di yang khas blangs pa dang/ rang gi tshig dang rjes su dpag pa dang/ grags pas gnod pa yin no/ /khas blangs rang gi tshig sogs kyi/ /gnod pa dag ni srid pas na/ /ci skad bshad pa'i phyogs kyis ni/ /dper brjod gzhan yang rtogs bya ba/ /rang gi ngo bo gnod pa la sogs pa bzhin no/ /yan lag can gyi gnod par byed pa'i rigs pas bstan pa ni 'di las gzhan slob dpon gyi gsungs pa'i dper brjod pa dag kyang rtogs par bya ba yin no/ /de yang sngar bstan pa nyid do/ /gal te bsgrub par bya ba bstan pa'i phyogs de dam bca' ba yin no zhes bya ba ni rigs pa can rnams kyi phyogs kyi yin te/ 'di las skyon ci yod ce na/ ma grub pa'i gtan tshigs dang dpe dag kyang der thal bar 'gyur ro/ /gal te bsgrub par bya bar gyur pa'i phyir bsgrub bya ma yin nam/ ma grub pa'i gtan tshigs dang dpe dag ni bsgrub par bya bar 'gyur ba yin par na/ /de ci ltar de gnyis dam bca' bar thal zhe na/ gal te da ltar bsgrub par bya ba bstan pa zhes bya bar 'grub na/ de bden pa zhig na/ bya ba dus gsum yul can phyir/ /de lta'i bdag nyid gzhan dag la/ /de ltar bkod de de yi che/ /mi 'dod na yang bsgrub byar 'gyur/ /bya ba'i rkyen thams cad ni dus gsum gyi yul can yin no/ /des na phyis bsgrub par bya bar 'gyur ba bsgrub byar 'gyur ro/ /ci ltar byis bsgrub par bya ba 'di nyid du 'gyur zhe na/ de'i tshe de lta bu'i bdag nyid du bstan pa'i phyir ro/ /de ni bsgrub par bya ba nyid yin mod kyi/ de'i tshe sgrub par byed pa nye bar bstan pas na/ de'i tshe bsgrub par bya ba ma yin no// ma grub pa ni gzhan la sgrub par byed par yang mi 'gyur te/ des na de phyi nas bsgrub par bya ba nyid yin no/ /des na phyis kyi tshe bsgrub par bya ba nyid du bstan par bya ba de dam bca' par 'gyur ro/ /gal te ci ltar bsgrub par bya ba ? bum par bya ba zhes bya

  466. 233b

    ba lta bu byed pa po la bltos pa'i bsgrub bya rtogs par byed pa ma yin pa de bzhin du 'grub par byed pa ma yin pa'i phyir ci ltar sgrub par byed pa ma grub pa dam bca' bar thal ba zhe na/ gal te 'di shes par byed pa'i skabs ma yin na 'dir bden pa zhig na shes byed skabs kyis ma grub pa/ thams cad rtogs par byed pa yin/ /de'i phyir bsgrub par bya ba'i sgra/ /'dod pa'i khyad par la brten min/ /shes par byed pa'i skabs kyis gsal bar bya ba byed pa po la bltos pa'i bsgrub par bya ba la/ gzhan pa'i bsgrub par bya ba thams cad bsgrub par bya ba'i sgras sdud par byed pa nyid do/ /des na bsgrub par bya ba gzhan rnam par gcod par nus pa ma yin no/ /byed pa po'i bsgrub par bya ba rnam par gcod pa ni shes par byed pa'i gtan tshigs kyi skabs yin pa'i phyir/ /'ga' zhig rgyu dang bcas pas 'gyur ba bzhin du rgyu med pa rnams kyang 'gyur ba ma yin te/ thams cad thams cad du 'gyur bar thal ba'i phyir ro/ /sgrub par byed pa nyid du bstan pa ma yin pa'i sgrub par byed pa phyogs yin zhes bya ba'i rgyu mtshan gzhan yang yod pa ma yin te/ des na bsgrub bya'i sgra ni 'dod pa'i khyad par la brten par nus pa ma yin no/ /byed pa po'i bsgrub par bya ba las zlog pa ni shes par byed pa'i skabs yin pa'i phyir de dang mtshungs pa ma yin no/ /des na dpe dang gtan tshigs dag /ma grub dper ni byas pa yin/ /gzhan du ri bong rwa la sogs/ /ma grub kun kyang bsgrub byar 'gyur/ /de ltar yang dpe dang gtan tshigs ma grub smra/ /dam bca' bar ni thal bar 'gyur zhes/ /sgra na mi rtag pa ste byas pa'i phyir bum pa bzhin no zhes grangs can la bltos pa gnas sam/ yang na mig gis gzung bar bya ba'i phyir nam mkha' bzhin no zhes bya ba'o/ /gal te skabs la ma bltos par dam bca' ba'i mtshan

  467. 234a

    nyid byas pa yin la/ de bzhin du ri bong gi rwa la sogs pa yang bsgrub bya nyid du thal bar 'gyur ro/ /'on te yang bsgrub par bya ba bstan pa ni dam bca' ba'o zhes bya ba 'dir yang shes par byed pa'i skabs dang 'brel pa yin la bsgrub par bya ba thams cad dam bca' bar thal ba ma yin te/ 'on kyang bsgrub par bya ba nyid du bstan pa ste/ las la bya ba'i rkyen brjod pa'i phyir ro/ /las kyang byed pa po'i phugs 'dod las yin no zhes bya bas gang la khyad par du 'phags pa yod pa'i khyad par can yin no/ /sgrub par byed pa nyid du 'dod pa ni byed pa yin pa'i phyir phugs 'dod ma yin no/ /dper na 'bras chan zos shig ces bya ba la'o ma zos pa'i bya bas byed pa po yin yang/ byed pa nyid du brjod par 'dod pas na las nyid ma yin pa bzhin no/ /de bzhin du 'dod par gyur pa las yin gyis/ 'dod par gyur pa ni ma yin no/ /gzhan yang mtshon par bya ba nyid kyi skabs su bab par 'gyur ba'i yan lag lnga po dag las/ dam bca' ba'i mtshan nyid ni yan lag gzhan gyi mtshan nyid kyi yul spangs te gnas pa yin pa'i phyir/ sgrub par byed par 'gyur ba ma yin pa'i bsgrub par bya ba bstan pa dam bca' ba yin no/ /zhes rtogs par 'gyur ro/ /de bzhin du grub pa'i mdza' rnam pa bzhi po rgyud thams cad pa dang/ mi mthun ba'i rgyu dang dbang du byed pa dang/ khas blangs pa'i tshul gyis mtshan nyid bsgrub pa'i phyir/ khas blangs pa'i grub pa'i mdza' mtshan nyid kyi bsgrub par bya ba bstan pa dam bca' ba yin par rtogs pa'i phyir/ ha cang thal ba ma yin pas skyon med do zhe na/ 'di thams cad ni de lta ma yin te/ thams cad rnam 'gas mi grub phyir/ des na las la sogs pa yi/ /khyad par nye bar bkod pa yi/ la na gyis rnam 'byed nus ma yin/ /sngar ma grub pa'i rang bzhin phyir/ /bsgrub bya'i yan lag

  468. 234b

    cis rung min/ /gang gis khas blangs mtshan nyid 'gyur/ /de yang grub mdza' nyid du mtshungs/ /de gtan tshigs nyid du khas blangs kyang bsgrub par bya ba gdon mi za bar khas len par 'gyur ba yin te/ ma grub pa ni gtan tshigs ma yin pa'i phyir ro/ / bya ba'i rkyen rnams ni dus gsum gyi yul can du bstan zin to/ /khas len pa'i sgra yang dus gsum gyi yul can nyid du bstan zin to/ /khas len pa'i sgra yang dus gsum gyi yul can ni rkyen can nyid/ bya ba smos pa ni nye bar mtshon pa yin pa'i phyir ro// des na thams cad grub mdza' mtshungs pa nyid de/ des na grub mdza' i tshul ni lan ma yin no/ /'on te bsgrub par bya ba dang sgrub par byed pa'i mtshan nyid kyi skabs su sgrub par byed pa'i mtshan nyid spangs pas bsgrub bya nye bar bstan pa dam bca' ba yin pa'i phyir bsgrub par bya ba nyid dam bca' ba yin gyi/ sgrub par byed par bstan pa ni ma yin no zhe na/ de yang ma yin te/ don ma grub pa'i phyir na mtshan nyid bsgrub pa'i sngon rol du yan lag gi mtshan nyid thams cad ma grub pa'i phyir ro// des bsgrub par bya ba bstan pa ni dam bca' ba zhes bya bas bsgrub par bya ba bstan pa thams cad dam bca' bar 'gyur te/ de las ma gtogs pa ni sgrub par byed pa nyid yin par 'gyur ro/ /yang na sgrub par byed par bstan pa las ma gtogs pa'i bsgrub par bya ba bstan pa dam bca' ba nyid do/ /zhes bya ba'i rnam par dbye ba 'di bya bar ji ltar nus/ 'o na ni the tshom du 'gyur ro zhe na/ ma yin te/ 'di la lan du 'chad par 'gyur ba'i phyir ro/ /gal te bsgrub par bya bar zhes las la bya rkyen ma yin nam/ las kyang byed pa'i 'dod phugs yin no/ /thabs nyid du 'dod pa ni sgrub par byed pa ni nyid kyis na 'dod pa phugs nyid ma yin pas de ci ltar de bsgrub bya nyid du 'gyur zhe na/ 'di ni med de sgrub par byed pa nyid thabs nyid kyi sgrub

  469. 235a

    bya nyid du 'dod pa'i phugs yin pa'i phyir ro/ /'dir khyad par du 'phags pa'i rkyen ni khas blangs pa yang ma yin no/ /kha cig ni sbyor ba'i rnam par dbye ba khas len pa'i phyir te/ gzhan dag gi ni khyad par du 'phags pa spong ba'i phyir ro/ /byung ba'i rkyen nam/ gcig gi tshig kyang der gtsug lag du 'gyur ba ma yin te/ re lde dag tu byed par 'gyur ro/ /re lde rnams su byed par 'gyur ro/ /zhes bya ba 'dod pa yin pa'i phyir ro/ /khas len pa'i grub mdza' yang yod pa nyid do/ /des na bsgrub par bya ba bstan pa ni/ dam bca' ba'o/ zhes bya ba 'di ni mi rung ngo/ /'dir chos sam chos can nam tshogs pa bsgrub bya yin grang na/ de la chos bsgrub bya ni chos mthun med/ /chos can gtan tshigs don med 'gyur/ /gal te chos bsgrub par bya ba yin la de bstan pa dam bca' ba yin na mi rtag pa nyid ces bya ba dam bca' ba yin par 'gyur ro/ /de la bsgrub par bya ba dang chos mtshungs pas de'i chos yod pa'i dpe ni dpe yin no/ /zhes bya ba dpe'i mtshan nyid 'gal bar 'gyur te/ gang gis bum pa la sogs de'i chos yod par 'gyur ba bsgrub par bya ba'i chos mi rtag pa nyid la ni/ skye ba dang ldan pa la sogs pa de'i chos yod pa yang ma yin no chos can yin na ni grub pa'i phyir bsgrub bya sgrub pa ni gtan tshigs so zhes bya ba mi 'thad par 'gyur ro/ /'on te gnyis ka bsgrub bya yin na phyogs gnyi ga la 'gyur ba'i skyon yod do/ /gal te tshogs pa bsgrub par bya ba ma yin nam/ tshogs pa ni grub pa ma yin la/ skye ba dang ldan pa la sogs pa'i de'i chos ma yin pa yin pa yang ma yin no zhe na/ 'dir bshad pa tshogs pa bsgrub bya nyid na 'ang/ /gnyis po phan tshun khyad par can/ /bsgrub bya de tshe gtan tshigs dang/ /dpe yi mtshan nyid ma grub gyur/ /dpe dang chos mthun pas bsgrub bya sgrub pa zhes bya ba ni gtan tshigs kyi mtshan nyid yin la/ bsgrub

  470. 235b

    par bya ba dang chos mthun pas de'i chos yod pa'i dpe ni dpe'o zhes bya ba ni dpe'i mtshan nyid do/ /'di ni tshogs pa bsgrub par bya ba nyid yin na mi 'byor par 'gyur ro/ /'di ltar tshogs pa ni tshogs pa can las tha dad pa ma yin pa'i phyir gnyis po de nyid bsgrub par bya bar 'gyur ro/ /bsgrub par bya ba'i chos kyi khyad par can gyi chos can gyi chos skye ba can la sogs pas ni/ dpo? la chos mthun pa yod pa ma yin te/ rnam pa de lta bu'i gtan tshigs ni chos can la yod pa gzhan dag la ma grub pas na gtan tshigs kyi mtshan nyid med do/ /mi rtag pa nyid kyi khyad par du byas pa'i chos can dang bum pa la sogs pa'i dpe dag chos mthun pa yang yod pa ma yin te/ des na dpe'i mtshan nyid kyang med pas dpe dang/ gtan tshigs kyi mtshan nyid ma grub pa po tshogs pa la mi srid pa'i phyir bsgrub bya'i sgra chos can la 'jug par 'gyur te/ tshogs pa la 'jug pa'i sgra ni yan lag rnams la yang 'jug pa yin no zhes bya ba'i tshul gyis so zhe na/ de yang mi rung ste/ mi srid phyir na bsgrub bya'i sgra/ /gal te chos can la 'jug 'dod// bstan bcos ci bya ci rigs par/ /rang nyid 'jug par 'gyur ba yin/ /de'i tshe mtshan nyid brjod pas ci zhig bya ste/ ci ltar nye bar brjod pa'i mtshan nyid don la mi srid pa'i phyir gzhan du brjod par bya ba de bzhin du/ gtan tshigs la sogs pa'i rang bzhin yang ci ltar go bar byed par 'gyur ba gzhan du rtag par 'gyur ro de bzhin du dpe'i mtshan nyid kyang yin pas na bstan bcos don med do/ /gal te phyogs chos de chos khyab pa ni gtan tshigs zhes/ khyod kyang nye bar btags nas phyogs kyi sgra chos can la 'jug par 'dod pa ma yin nam/ de ltar yang phyogs ni chos can te/ yan lag la spyi nye bar btags pa'i phyir ro zhes te/ 'dir yang skyon de nyid du 'gyur ro zhe na/ ma yin te/ 'di ltar shes par 'dod pa'i khyad par can/ /chos

  471. 236a

    can phyogs kyi rang bzhin nyid/ /gang tshe de chos gtan tshigs ni/ /ci ltar 'dir ni nyer btags nyid/ /bsgrub par bya ba'i chos kyi mtshan nyid shes par 'dod pa'i khyad par can gyi chos kyi chos gang yin pa de ni/ dngos su phyogs su 'dzin pa yin la/ de'i chos gtan tshigs yin pa de'i phyir skyon med do/ /gal te tshogs pa ma grub pa ni ci ltar de'i chos shes par bya bar 'grub ce na/ de yang mi rigs te 'di ltar/ gal te tshogs pa grub 'gyur na/ /'di ni ci ltar phyogs su 'gyur/ /bsgrub bya'i chos la the tshom ni/ /za na chos can tsam nyid phyogs/ /gang gi tshe tshogs pa grub pa de'i tshe ni/ /'di shes par 'dod pa'i khyad par can ma yin pa'i phyir/ phyogs ma yin pa nyid do/ /de ltar yang/ de la yang rang nyid bsgrub par bya ba nyid du 'dod pa ni phyogs yin ni zhes gsungs so/ /gal te grub na ni ji ltar bsgrub par bya ba nyid du 'dod pa yin/ de'i phyir phyogs chos zhes bya ba'i don ci zhe na/ bsgrub par bya ba la the tshom pa'i chos can gyi chos so zhes bya ba yin no/ /de'i tshe yang ji ltar tshogs pa ma grub na/ de'i chos mi 'grub par 'gyur/ /'o na ji ltar yan lag la spyi nye bar btags pa'i phyir ro zhes bshad ce na/ 'di brjod pa nye bar btags pa rab tu 'jug ni/ rtsod pa spang ba'i don du yin/ /chos can chos zhes brjod na ni/ /mtshan nyid ha cang thal bar 'gyur/ /'dir rtsod par byed de/ phyogs chos zhes bya ba 'di ni rung ba ma yin te/ gtan tshigs kyi rang gi ngo bo spyod pa'i dus na/ phyogs srid pa ni ma yin no/ /sa phyogs la sogs pa'i chos can tsam la gtan tshigs mthong nas khyab pa dran pa ni/ phyis bsgrub par bya ba'i chos mi rtag pa nyid la sogs pa'i blor 'gyur ro/ /sngar ni blo de med pa'i phyir chos can tsam rtogs pas lus par 'gyur ba yin no/ /bsgrub par bya ba'i chos la the tshom za'o zhe na ma yin te/ nges pa med pa'i phyir ro/ /the tshom za ba la gtan

  472. 236b

    tshigs 'jug pa ma yin nam/ ci ltar nges pa med ce na/ ma yin te grub pa dang gsal ba tsam bzlog par 'dod pa'i phyir ro/ /nges pa dang gsal ba la ni gtan tshigs 'jug pa ma yin te/ dgos pa med pa'i phyir dang mi nus pa'i phyir ro/ /de'i phyir chos can gyi chos zhes bya ba nyid brjod par bya ba yin no zhe'o/ /'di brjod pa chos can gyi chos zhes smos na/ dpe'i chos can gyi chos kyang gtan tshigs nyid du 'gyur bas mig gi gzung ba nyid kyang gtan tshigs su 'gyur ro/ /des na sa phyogs su 'gyur ba'i chos can gzung bar bya ba'i phyir phyogs smos so/ /ji ltar chos can nyid phyogs su 'gyur zhe na/ yan lag la spyi nye bar btags pa'i phyir ro zhes bshad do/ /gal te gtan tshigs 'dzin pa'i dus na/ tshogs pa blo la gnas pa ma yin pa de lta na yang phyis 'gyur ba yin no/ / gal te phyis 'gyur ba de dang po ci lta yod ce na/ de nyid kyi phyir nye bar btags pa yin te/ gzhan du na dngos nyid do/ /nye bar btags pa ni blos sgro btags pa'o/ /ci ltar med pa la blor 'gyur zhe na/ ci yid la bsams pa la yang dbul por 'gyur ram/ snal ma 'di dag gis ras yug chen btags so zhes bya ba ni ma mthong ba ma yin no/ /de la gal te/ ras yug chen yin na btags par bya ba ma yin la/ gal te btags par bya ba yin na ras yug chen ma yin te/ ras yug chen yang yin la btags par bya ba yang yin no/ /zhes bya ba ni 'gal lo/ /de la smra ba po'i bsam pa ni 'di yin te ras yug chen du 'gyur ba 'di btags par bya'o zhes bya ba'o/ /'di la yang dgos pa ci yod ce na/ dgos pa yod de/ snal ma zhes brjod na ras yug chen dang/ lug phran la sogs pa la yang thal bar 'gyur ro/ /de'i phyir de skad smos pa ni gzhan bzlog pa'i don du yin no/ /de bzhin du 'dir yang bsgrub bya grub par 'gyur bas phyogs su 'gyur ba gang yin pa de'i chos yin pa'i phyir/ dpe'i chos can gyi chos thal ba

  473. 237a

    yang med do/ /des na bsgrub par bya ba'i chos la the tshom za ba'i chos can gyi chos bya ba'i don yin no/ /'on ci ltar de'i cha ni smra ba po bsam pa'i dbang gis de'i chos yin gyi/ de'i phyogs gcig ni ma yin te/ phyogs zhes bya ba'i sgra spyi la mi bya ba'i phyir ro zhes brjod ce na/ de ni ma yin te/ gzhan gyis nyes pa gzhan dag la/ /ci lta bur na skud par byed/ /'di dag thams cad ma rungs pa'i/ /bdag nyid 'chad pa po'i skyon/ /gzhan gyis kar ka te ka zos pas gzhan gyi sna gcod par byed pa ni ma yin no/ /bsgrub par bya ba'i chos dang chos can tshogs pa ni phyogs yin no/ /de la gal te/ de'i chos khyab pa zhes bya ba'i phyir bshad na ni de'i tshe chos can yang de'i cha nyid pas de khyab pa yin par 'gyur ba'i phyir/ bsgrub par bya ba'i chos kyi khyab pa mtshon par mi 'gyur ro/ /des na de'i cha ni de'i chos yin gyi zhes smos so/ /cha'i sgra spyir brjod par byed pa yin yang/ smra ba po'i bsam pa'i dbang gis chos nyid cha yin par gzung ste/ phyogs kyi chos ni gzhan chos can gyi khyab par mi 'grub pa'i phyir ro/ /de'i phyogs gcig ni ma yin te zhes bya ba 'di'i don ni/ phyogs gcig tsam ni ma yin te/ phyogs kyi sgra spyi brjod pa ma yin pa'i phyir ro/ /phyogs kyi sgras ni sgrub par bya ba'i chos la the tshom za ba'i khyad par can gyi chos can brjod pa yin no/ /des na phyogs kyi sgra ni spyi brjod par byed pa ma yin no/ /spyi'i don rtogs pa ni shugs kyis yin no/ /chos can de'i cha ni shugs kyis de'i chos nyid do/ /de nyid ni de'i chos ma yin no/ /gal te phyogs kyis sgras gtso bor mtshungs pa'i cha shas kyi dngos po spyi brjod pa yin na de'i tshe de'i chos khyab pa zhes bya ba chos can gyi mtshan nyid kyi cha khyab pa zhes par yang 'gyur ro/ /de ltar ni 'dod pa can ma yin te/ des na de ltar 'chad pa yin no/ /de'i phyir des ni 'gad?

  474. 237b

    yang mi srid pa'i phyir gzhan du 'gyur ba'i sgra gzhan brtags pa med do/ /gzhan yang 'di ni brjod pa 'dod pa rjes su gnang ba zhes bya ba tshar gcad pa'i gnas yin no/ /rang gi phyogs kyi nyes pa ma spangs par gzhan gyi phyogs kyi skyon brjod pa ni/ 'dod pa'i rjes su snang ba'o/ /yang ni nged la ni dgos pa yod pa yin te/ nye bar brtags su rung ba'i chos can yin par bzung ba'o/ /khyed la ni de lta ma yin pa'i phyir nye bar brtags par mi rigs so/ /dngos srid gzhan du nye bar btags par rtogs pa ni ma yin no/ /gzhan yang bsgrub par bya bar bstan pa ni phyogs so zhes bya ba 'dir sngar nges par bzung bar 'gyur ram/ 'on te phyis nges par gzung bsgrub par bya ba bstan pa nyid dam bca' ba yin gyi sgrub par byed pa bstan pa ni ma yin no zhes bya ba 'am/ yang na bsgrub par bya bstan pa ni dam bca' ba nyid yin gyi gzhan du ni ma yin no zhes bya bar 'gyur/ de la/ de sngar nges bzung don med 'dir/ /phyi nges bzung na mi 'dod 'gyur/ /gang gal te sngar nges par bzung na ni don med par 'gyur te/ des bzlog par bya ba gtan tshigs bstan pa dam bca' ba nyid yin pa ni khyad par sgrub par byed pa gtan tshigs kyi mtshan nyid dang dpe'i mtshan nyid kyis bkag pa'i phyir te/ dmigs kyis bzung ba'i yul bsdom ste/ spyir btang ba 'jug pa'i phyir ro/ /phyis nges par 'dzin na ni/ bsgrub par bya ba'i gtan tshigs dang/ dpe bstan pa yang dam bca' ba nyid du 'gyur bas mi 'dod par 'gyur ro/ /gal te bsgrub par bya ba nyid bstan pa dam bca' ba yin gyi/ grub pa bstan pa ni ma yin no zhes par bzung na skyon ci yod de ni sgrub par byed pa la sogs pa dag gis 'phangs pa ma yin no zhe na/ de la 'di skad brjod de/ sgrub byed bstan pa'i shugs nyid las/ /don de bsgrub bya nyid du rtogs/ /sgrub par byed pa thams cad ni ma grub pa sgrub par byed pa'i phyir nye

  475. 238a

    bar len pa yin no/ /grub na sgrub par byed pas ci zhig bya des na sgrub par byed pa'i mtshan nyid bshad pa'i shugs nyid kyis ma grub pa'i don bsgrub par bya ba rtogs pa nyid las grub pa la thal bar mi 'gyur ba'i phyir te/ bzlog pa'i don du ni nges par bzung ba ma yin no/ /gtan tshigs sogs mtshan gyis khyab phyir/ /sgrub par byed pa dogs pa'ang med/ /'di snyam du bsgrub bya nyid du bstan pa dam bca' ba zhes sngar nges par gzung bas na/ sgra'i bya ba la bltos te ma grub par sgrub par byed pa nyid du bstan pa gsal ba'i don yin te/ sgrub par byed pas ni der nus pa ma yin no snyam na 'di la bshad pa/ gtan tshigs la sogs pa'i mtshan nyid kyi khyab pa'i phyir sgrub par byed pa nyid du bstan pa la ni dgos pa ma yin no/ /ci ltar sgra'i byed pa la bltos te snyam? grub pa sgrub par byed pa nyid du bstan pa bsgrub par bya ba nyid kho nar bstan pa zhes bya bas spangs pa de bzhin du dpe brjod pa'i shugs kyis bsgrub bya sgrub par byed pa ni gtan tshigs so/ /zhes bya ba la sogs pa'i mtshan nyid kyis/ bsgrub bya sgrub par byed pa ni gtan tshigs zhes bya ba ni bsgrub bya sgrub par byed pa nyid kyi tshul gyis yin la dpe yang de bzhin no zhes bshad par nus pa'i phyir na gtan tshigs la sogs pa'i mtshan nyid kyis khyab pa yin no/ /sngar nges bzung na de yis ni/ /dam bca' i mtshan nyid brjod don med/ /de phyir shugs kyis de rjod pa/ /khyab pa'i 'bras can yin par rtogs/ /sngar nges par bzung na don med par 'gyur bas na/ 'os med pas phyi mar nges par bzung ba yin la de yang khyab pa'i 'bras bu can yin no/ / 'di ltar bsgrub par bya ba bstan pa ni dam bca' ba kho na'o zhes bya bas gal te mtshan nyid gzhan gyis khyab pa nyid yin pa de lta na yang/ dam bca' ba kho na yin gyi dam bca' ba ma yin pa ni ma yin no zhes ma 'brel ba rnam par gcod pa dag gis

  476. 238b

    'bras bur 'gyur ba'i phyir/ sgrub par byed pa nyid du bstan pa ni dam bca' ba yin no zhes bya bas dag gis don du 'gyur te/ gzhan du don med do/ /gal te rang nyid kyis brjod pa ma yin nam/ de ltar yang/ dpe dang gtan tshigs ma grub smra/ dam bca' bar ni? thal par 'gyur/ /zhes bya ba la gzhan gyi gtan tshigs kyi mtshan nyid la sogs pas khyab pas lan btab pa na/ sngar ma grub pa'i rang bzhin phyir zhes bya ba dang/ de bzhin du thams cad rnam 'gas ma grub phyir zhes bya ba la sogs pas lan du brjod par ma yin no zhe na/ skyon 'di ni med de/ 'dis ni phan tshun 'gal ba yin/ /de ltar thal bar 'gyur ba nyid/ /de byed rang gi 'dod pa ni/ /rab tu sgrub par byed ma yin/ /'di ni phan tshun 'gal ba ston pa tsam du zad kyi/ gtan tshigs 'dis bsgrub par bya ba'i don bsgrub pa ni ma yin no/ /phan tshun 'gal ba tsam ni 'dod pa yin pa'i phyir ro/ /des na 'di ni phyis nges par bzung ba nyid do/ /de lta yin dang ma 'brel pa'i rnam par gcad pa'i phyir ji snyed dam bca' ba nyid du mi 'gyur ba de thams cad sel bar byed pa yin te/ dam bca' ba kho na'i/ dam bca' ba ma yin pa ni/ ma yin no/ /zhes sgrub par byed pa nyid kyis dam bca' ba ma yin pa de yang sel to/ /re zhig phyogs kyi mtshan nyid bsal ba yin no/ /da ni phyogs ltar snang ba'i mtshan nyid bsal ba'i phyir bshad pa/ gtan tshigs dam bca' 'gal ba ni/ /dam bca' i skyon zhes ba ru min/ /de nyid dpe nyid ma sbyangs dag /chos mi mthun pas brjod pa yin/ /gang dag ji skad du dam bca' ba dang/ gtan tshigs dang 'gal ba ni dam bca' ba 'gal ba ste/ /dper na sgra rtag ste thams cad mi rtag pa'i phyir ro zhes bya ba bzhin te/ sgra rtag pa zhes bya ba ni dam bca' ba'o/ /thams cad mi rtag pa'i phyir ro zhes bya ba ni gtan tshigs so/ /gal te thams cad mi rtag pa yin na sgra rtag par ci ltar 'gyur/ sgra med na ni thams

  477. 239a

    cad du mi 'gyur ba'i phyir ro/ /'on te sgra yang mi rtag na de ltar sgra rtag pa yin zhes bya ba smras pa/ de la smras pa 'di ni dam bca' ba'i skyon ma yin te/ 'di ltar/ 'gal ba 'dod dang 'brel med de/ /phan med lhan cig gnas pa min/ /de lta na ni rtags kyi skyon/ /thams cad dam bca' i skyon du 'gyur/ /dam bca' ba dang gtan tshigs dag 'gal ba yin na 'gal ba zhes bya ba'i dam bca' ba'i skyon du 'gyur ro/ /'gal ba de yang 'dod pa dang ma 'brel pa yin no/ /'dod pa dang ma 'brel ba de yang/ /phan pa med pa dang/ lhan cig tu yang gnas pa ma yin no/ /gal te gtan tshigs skyon dang ldan pa'i phyir don de la phan 'dogs pa ma yin pa de tsam gyis bsgrub par bya ba dang/ 'gal ba ni de'i tshe rtags kyi skyon thams cad dam bca' ba'i skyon du thal ba nyid na 'gyur ba yang ma yin te/ gang gi phyir/ phyogs skyon gzhan la bltos pa ni/ /ma yin zhes kyang bstan zin to/ /gal te gzhan la bltos pa yang/ phyogs kyi nyes pa yin na de'i tshe 'ga' yang sgrub par byed pa'i skyon nyid yin par mi 'gyur te/ dam bca' i don la gnod pas dam bca' ba'i skyon gyi nang du 'dus pa'i phyir/ sgrub par byed pa'i skyon rnams logs su mi smos pa nyid du 'gyur ro/ /sems rmongs pa med pas su zhig gcig gi nang du 'dus bzhin du logs shig tu brjod/ /de'i phyir 'di lta bu ni phyogs kyi nyes pa ma yin no/ /'on te lhan cig mi gnas pa'i rang bzhin gyis 'gal ba yin na de'i tshe/ 'dod la med na'ang ma grub yin/ gal te gtan tshigs 'dod pa'i phyogs la med na de'i tshe ma grub pa yin pa'i phyir/ ma grub pa nyid kyis de bzlog par 'gyur gyi dam bca' ba'i nyes pa ni ma yin no/ /ci ste des dam bca' ba'i don zlog par byed pa/ de lta yin na/ tshad ma gang gis de bsgrub pa tshad ma des dam bca' pa gsal ba'i skyon du 'gyur gyis/ 'gal ba zhes bya ba ni ma yin no/ /

  478. 239b

    mi rtag gtan tshigs dang ldan pas/ /sgra la de ltar rjod byed na/ /de ltar de ni bzlog par 'gyur/ /gal te mi rtag pa nyid kyi gtan tshigs dang ldan na ni/ /sgra la de ltar rab tu brjod pa yin na/ /gang gi phyir/ 'di la dpe bstan pa nyid las/ /don gzhan ci zhig mthong ba yod/ /'di gtan tshigs bstan pa ni ma yin gyi/ 'on kyang chos mi mthun pa'i dpe yin no/ /sgra rtag ste thams cad mi rtag pa'i phyir zhes bya ba 'dir yang 'di skad du sgra ni rtag ste/ mi rtag pa ni thams cad yin pa'i phyir ro/ /zhes brjod par bya ba yin no// ma sbyangs pa'i phyir de skad ni ma brjod do/ /de ltar yang/ da ni dpe nyid ma sbyangs dag /chos mi mthun pas brjod pa yin/ zhes bshad pa yin no/ /'di la ni dpe bshad pa las gzhan ni mthong ba med do/ /de nyid ga las she na/ 'di ltar gal te sgra nyid la/ mi rtag pa nyid ston pa yin na/ de lta na/ 'di gtan tshigs su 'gyur ba yin na de ltar ni mi 'thad de/ 'di ltar/ khyad par la ni gzhan rjod nas/ /spyi ni rjes su 'jug pas na/ /de khyab ma yin spyi rjes su/ /'jug la 'bras buAng ci zhig yod/ sbyor ba thams cad ni sgra las byung ba'i rigs pa'i rjes su 'breng bas rtog pa yin no/ /sgra las byung ba'i rigs pa yang sgrub pa dang dgag pa dang nges pa'o/ /bsgrub pa yang gnod par bya ba dang/ gnod par byed pa'o/ /nges pa dang yang bzhin no/ /de la gnod par bya ba dang/ gnod par byed pa'i dngos po ni spyi dang khyad par bsgrub pa dag go /de ltar res 'ga' ni sngar gnod par bye ba yin la/ res 'ga' ni gnod par byed pa yin no/ /rnam pa thams cad du khyad par ni/ gnod par byed pa yin la/ spyi ni gnod par bya ba yin no zhes gnas te/ tha snyad ni de lta bu nyid du mthong ba'i phyir ro/ /'di la yang sgra rtag pa yin no zhes khyad par sgra la rtog pa nyid kyi khyad par gzhan bsgrubs pa yin la/ mi rtag pa nyid ni spyi'i chos can la bsgrubs pa'i phyir/ gnod par bya ba dang gnod par byed pa'i dngos po 'thad pa yin no/

  479. 240a

    ji ltar yang kauN+Di n+ya la/ dar ba byin la/ bram ze thams cad la zho byin cig ces/ zho sbyin pa spyir 'jug pa dang dar ba bzhin pa khyad par du bsgrub pas gnod pa bzhin te/ dmigs kyis bsal ba'i yul gzhag ste/ spyir btang ba ni 'jug pa yin zhes so/ /de'i phyir spyi rjes su 'jug pa khyad par de khyab pa ma yin no/ /spyi rjes su 'jug pa la ni/ 'bras bu yang yod pa ma yin no/ /'di ni tshig gi shugs kyis yin te/ tshig ni skabs dang bcas pa yin pa'i phyir ro/ /gal te don 'di 'dod pa yin na ni/ de'i tshe sgra ni rtag ste/ mi rtag pa'i phyir ro zhes rjod par 'gyur ro/ /gzhan du don du ma byas pa'i khyad par dag gi ni yul gcig la 'jug pa yang yin no/ /de ltar yin dang 'gal bar yang 'gyur ro/ /rmongs pa'i phyir de ltar yang 'gyur ro zhe na/ de lta bu ni 'ga' yang mi srid de/ /de nyid du rtag pa nyid bsgrubs nas de nyid kyi tshe yang mi rtag pa nyid du brjod pa'i rmongs pa ni mi srid do/ /gang la/ dag byed pa tsam yang med pa de ni rtsod pa la dbang du bya ba yang ma yin no/ /'on te dam bca' ba dang gtan tshigs 'gal ba'i dpe 'ga' zhig ji ltar rung? ba'ang brtag par bya ba yin te/ brgya la 'ga' zhig 'di skad brjod na/ de'i tshe dam bca' pa dang/ gtan tshigs 'gal ba'i phyir/ dam bca' 'gal ba'i skyon yin no/ /zhe na/ de'i tshe ni 'dod pa nyid sbyor ba'i sgra rtag ste mi rtag pa'i phyir ro zhes bya ba yin no/ /de lta na ni nges pa'i phyir sgra nyid mi rtag pa nyid du 'gyur ro/ /des na rtag pa nyid bsal bas skyon du 'gyur ro/ /de nyid kyi phyir bshad pa/ de'i phyir sgra la gnas pa yin/ /mi rtag nyid kyis sel zhes gsungs/ /slob dpon gyis gal te sgra la gnas pa yin na/ 'dir gtan tshigs kyis dam bca' ba'i don sel bar 'gyur ro/ /zhes gsungs so/ /sgra la gnas pa nyid kyis ni/ sel bar 'gyur te/ 'gal ba dag lhan cig tu

  480. 240b

    mi gnas pa 'di ni gzhan du bstan pa yin te/ des na sel ba ma yin no/ /de na 'di ni chos mi mthun pa'i dpes bstan pa tsam du zad do/ /de ni gtan tshigs med par 'gyur ro zhe na/ bshad pa/ gtan tshigs nyer gtod bdag nyid las/ /gang du lnga pas bsgrub bya yi/ /mi mthun phyogs la mi 'khrul ba/ /brjod pa de ni dpe yin te/ gtan tshigs nyer gtod bdag nyid las gang mi rtag pa de ni thams cad yin la/ sgra ni thams cad ma yin no zhes bya ba yin no/ /'di ltar rtogs she na bshad pa/ yul gzhan la ni 'gal smra pas/ /sgra ni gzhan du brjod pa yin/ /spyi ni khyad par mi spong phyir ro/ /de yang 'thad pa ma yin no/ /rtag pa nyid 'gal ba mi rtag pa sgra las gzhan pa'i yul la smra ba nyid kyis sgra gzhan du smra ba yin no/ /thams cad mi rtag pa nyid kyis khyab pa yin no/ /sgra ni rtag pa'i phyir/ de las gzhan no zhes thams cad ma yin pa nyid ni 'di'i gtan tshigs yin te/ gzhan nyid du bstan pa'i phyir ro/ /gtan tshigs gzhan nyid de yang ma grub ste/ sgra yang thams cad yin pa'i phyir ro zhes bshad pa ni/ /spyi ni khyad par mi spong phyir/ /de yang 'thad pa ma yin no/ /khyad par spangs na ni spyi'i bdag nyid rnyed pa ma yin te/ khyad par rnams nyid kyi nang gi khyad par spangs pa'i yul la nges pa'i phyir ro/ /'on te thams cad kyi sgras ni tshad brjod pa yin na sgra ni phyogs gcig yin pas chad ba nyid ma yin no/ /snyam na de ni ma yin te/ de ltar na so sor bsal na 'ga' yang thams cad du mi 'gyur ro/ /shing sha pa nyid ni shing ma yin no zhes khyad par spong ba mthong zhe na/ de ni ma yin te/ dper na skabs 'gar shing sha pa/ nyid ni shing min zhes pa bzhin/ /thams cad mnyan pa gcig nyid la/ /'jug pa 'gog 'gyur de tsam gyis/ /thams cad med min khyad par kun/ /de min na de med 'gyur phyir/ /'on te brjod par 'dod pas sgra gcig pu nyid thams cad ma yin pa yin no/ /zhe na da ltar yin na thams cad

  481. 241a

    ma yin pa'i sgra sgra'i rnam grangs yin pa'i phyir dam bca' ba'i don gyis phyogs cig yin pas ma grub par 'gyur te/ mi rtag pa ste bcom pa yin pa'i phyir ro zhes bya ba bzhin no/ /gal te sgra la bcom nyid ji ltar ma grub rang gi ngo bo med par ni 'ga' yang yod par 'gyur ba yin no zhe na/ ma yin te chos can gyi ngo bor grub mod kyis/ gtan tshigs nyid du ma grub pa'i phyir ma grub par brjod do/ /gtan tshigs nyid ni tha dad pa yin na 'gyur gyi gzhan ni ma yin no/ /ga las shes na shes bya shes byed ni gor ma chag par tha dad par 'gyur ba'i phyir ro/ /sgra ni sgras shes par bya ba ma yin te/ shes par bya ba ma grub pa'i phyir ro/ /ma grub pa ni ma grub pas sgrub par byed pa ma yin no/ /de ste grub po zhe na/ de lta na yang bsgrub par bya ba ma yin te/ grub pa ni grub pas bsgrub par bya ba ma yin no/ /gal te bsgrub par bya ba dang gtan tshigs gcig tu mi 'dod mod/ /chos can dang sgrub par byed pa gcig pa la 'gal ba yod ce na/ 'gal ba yod de sgra yin pa'i phyir mi rtag go zhes brjod na tshogs pa bsgrub byar mi 'gyur ro// gral te shugs kyis sgra nyid mi rtag par 'gyur ba'i phyir tshogs pa nyams pa med do/ /sgra yin pa'i phyir mi rtag go zhes brjod pas na/ gzhan la mi rtag pa nyid du rtogs pa'am/ 'ba' zhig rtogs pa ni ma yin te/ du ba yin pa'i phyir du ba me dang ldan par mi 'gyur ba ni ma yin no zhe na/ de la ni spyi dang khyad par gyi ngo bos tha dad pa yod pa'i phyir 'gyur ba nyid do/ /'dir yang gal te sgra 'di ni rtag ste/ sgra yin pa'i phyir ba lang gi sgra gzhan no zhes de ltar byed na de'i gtan tshigs su 'gyur ba zhig na/ 'dir ni sgra thams cad ni rtag ste sgra yin pa'i phyir zhes bya ba spyi dang khyad par gyi dngos po med pa nyid do/ /gal te sgra chos can nyid sgrub par byed pa yin na ci 'gal/ gal te 'brel pa yod na ci ltar sgrub byed ma yin/ ci ste yang med do zhe na/ de

  482. 241b

    ltar yin na ma nges pa nyid yin te/ des na ma grub pa nyid ces bya ba'i skyon ni med do/ /thun mong ma yin pa nyid kyis ma nges pa yin pa'i phyir ro/ /des na chos can gtan tshigs yin pa la ni ma nges pa nyid kyi skyon du 'gyur gyis/ ma grub pa nyid ni ma yin no/ /'on te yang bstan par bya ba nyid dang ldan par ma grub pa'i phyir ma grub pa yin no/ /zhes brjod de/ 'di ltar gang zhig yang bstan par bya ba'i khyad par ni 'ga' yang yod pa ma yin no/ /de la sgra mi rtag go zhes sam/ sgra yin pa'i phyir mi rtag go zhes brjod par bya ba yin gyi yang brjod par bya ba ni ma yin no zhe na/ de ni ma yin te/ sgra ni mi rtag ces brjod na/ gtan tshigs gzhan la ltos par 'gyur/ /de spang phyir na sgra yin zhes/ /bya ba 'di ni yang brjod do/ /sgra yin phyir na 'jog go zhes/ /'dir yang sgra'i sgra sbyar ba/ /chos can gzhan ni sel ba la/ /nus pa dang ni 'brel pa yin/ /gal te sgra yin pa'i phyir mi rtag go zhes brjod na/ /chos can gzhan la bltos par 'gyur bas na/ de bsal ba'i phyir gnyi gar nye bar bkod pas skyon med do zhe na/ 'dir smras pa/ gal te sgra nyid nus na ni/ gtan tshigs gzhan dag don med yin/ /'on te nus pa med phyir na/ /yang brjod des ni ci zhig bya/ /de'i phyir yang bstan pa la brjod par 'dod pa gang yin pa de 'dir med pa'i phyir na ma grub pa nyid kyi skyon yin no/ /rjes su 'gro ba med pa nyid kyi skyon 'di la ci ste mi brjod ce na/ nyes pa de yang bsdu ba'i sgo nas nyes pa med par brjod pa'i skabs su 'gyur ba nyid do/ /des par brjod pa'i skabs su ni pham zin pa la pham pa med pa'i phyir dang/ brgal zhing brtags la ltos pa'i phyir na rigs pa ma yin no/ /de'i phyir chos can ni rang gi chos kyi sgrub byed du mi rigs pa nyid do/ /nus so zhe na ni rtsod pa med par tha dad la/ de lta na yang gtan tshigs don med par 'gyur ro/ /des na shes bya shes byed tha dad phyir/ /chos can gtan tshigs dngos 'gyur na/ /shes byed nyid du ma grub phyir/ /chos

  483. 242a

    can rang bsgrub byed ma grub/ /shes bya shes byed ni tha dad par mthong bas/ /de med na gtan tshigs nyid du mi 'grub bo gsal ba nyid kyis gsal byed du gyur pa'i mar me ni/ rang bzhin de ma rtogs na rang gi don bsgrub par nus pa ma yin no/ /shes par byed na ni tha dad pa yin na/ shes bya shes par byed pa yin na 'dir ni chos can gyi rang bzhin las tha dad pa yod pa ma yin no/ /des na/ shes par byed pa nyid du ma grub pas ma grub pa yin no/ /rjes su 'gro med pa las kyang shes par byed pa nyid du ma grub par 'gyur ro zhe na ma yin te/ tha dad na rjes su 'gro ba sems dpar 'gyur gyi/ de lta ma yin na tha dad pa nyid med pa'i phyir de tsam gyis nyes pa dang ldan par gyur pas rjes su 'gro ba sems pa'i bya bas ci bya/ de'i phyir chos can ni rang gi sgrub byed du ma grub bo// gal te mar me la sogs pa rang gi sgrub par byed pa grub pa nyid ma yin nam zhe na/ grub pa ni bden te/ lkog tu ma gyur pas sgrub pa ni ma yin pa des na mi mthun pa nye bar bkod pa yin no/ /mar me mthong ba na ni rang gi ngo bo la rtsod pa med do/ /'dir ni sgra mthong yang mi rtag pa nyid la rtsod pa yod pa nyid do/ /gal te rtsod pa med na ni sgra nyid bzhin du mngon sum du grub pa kho nar 'gyur ro/ /dngos po kun la chos dang ni/ /chos can rnam dbye med pa'i phyir/ /kun la nyes mtshungs she na min/ /kun rdzob tu khyad yod phyir ro/ /gal te byas pa nyid dang sgra nyid kyang mar me bzhin du mngon sum du 'grub pa ma yin nam/ ci ste chos kyi dbye ba rtag pas bsgrub bya dang sgrub par byed pa'i dngos po tha dad pa yin no/ /de ni mar me la yang mtshungs te/ de la yang mar me'i rang bzhin zhes rtogs pa tha dad pa yod pa nyid do zhe na/ ma yin te/ kun rdzob tu tha dad pa'i phyir ro/ /mar me'i rang bzhin zhes bya ba 'dir yang ji ltar tha dad par brtags pa de bzhin du bsgrub bya sgrub byed du 'gyur ba ni ma yin no/ /byed pa dang bcas pa dang byed

  484. 242b

    pa med pa'i gnas skabs la ni mar me'i tha snyad yin la rang bzhin zhes bya ba ni rang bzhin tsam la yin no/ /de la rang bzhin ni don bya ba byed pa las yin te/ rang bzhin gyis don byed pa'i phyir ro/ /mar me ni chos can no/ /byed pa med pa ni rang gi ngo bo nyid yod pa ma yin no/ /brjod par 'dod pa'i don bya ba med pas byed pa med pa yin no zhes na mi rigs te/ ha cang thal bar 'gyur ba'i phyir ro/ /de skad du brjod pas ni don 'ga' yang 'grub pa ma yin no/ /tha dad par rtogs pa yin no zhe na/ de ni spyi dang khyad par gyi dngos pos kyang grub pa'i phyir ro/ /de'i phyir chos can gyi ngo bo ni sgrub par byed pa ma yin te/ tha dad pa med pa'i phyir ro/ /byas pa dang mi rtag pa dang/ sgra rnams ni ldog pas byas pa'i tha dad pa yod pa nyid do/ /'di ltar/ don gyi rang gi ngo bo gcig /bdag nyid mngon sum yin pa la/ tshad ma rnams kyi brtags bya gang/ /ma mthong cha gzhan ci zhig yod/ /don gyi bdag nyid gcig po de ni mngon sum gyis mngon sum du byas pa de'i phyir 'di la brtags par bya ba gzhan ci zhig yod/ /gal te chos can tsam mngon sum gyis grub ba yin gyi/ mi rtag pa nyid la sogs pa'i chos ni ma yin no zhe na/ ma yin te mi rtag pa nyid dang lhan cig gcig nyid yin pa'i phyir ro/ /mi rtag pa nyid ces bya ba de las gzhan ni yod pa ma yin no/ /mi rtag gzhan nyid yin na sgra/ /chos can du ni ji ltar 'dzin/ /dus gzhan khyab dang cig shos shes/ /bya ba gnyi ga yang mi 'thad/ /gal te dus gzhan khyab na ni/ /rtag pa nyid du yod gzung bas/ /tshad gzhan stong phrag yod na yang/ /de las mi rtag nyid 'dzin min/ /ji ltar tshad ma gzhan dag las/ / mngon sum gyis ni rtogs pa nyid/ /sel gyur mngon sum tshad ma gzhan/ /thams cad kyi ni rtsa ba yin/ /sdom dang chos mtshungs pa skyed par byed pa za ba ni rgyal po'i bu dag kho na yin gyi/ tshad mar 'gyur ba'i rtogs pa dag ni ma yin no tshad ma thams cad kyi

  485. 243a

    gtso bo ni mngon sum yin na/ de ci nag po chen po'i 'di mkha' 'gro ma rnams kyis za ba 'am/ 'on te mngon sum gyis rtag pa nyid dam/ /mi rtag pa nyid rtog pa nyid rtogs pa ma yin te/ des ni dngos po thams cad kyi rang gi ngo bo tsam gcod pa yin no/ /rtag pa nyid dam mi rtag pa nyid ni phyis kyi tshad ma la brten pa yin no zhe na/ mi rtag pa nyid rang gi ngo bor gyur pa ma yin nam ci ltar ma bzung ba zhes bya bar 'gyur/ gang gi phyir rtag pa 'di ni dus kyi cha rgya cher khyab pa nyid yin la mi rtag pa ni de las zlog pa nyid do/ /dngos po khyab par gzung na ni/ /de lta khyab par gzung bar 'gyur/ /gal te de ni ma bzung na/ /mi rtag par ni rig par 'gyur/ /gang gi tshe nyid dngos po rnams dus gzhan khyab par mi rtogs pa de nyid kyi chos mi rtag pa nyid rtogs par gsal ba yin no/ /nyid rtogs pa yin gyi mi rtag pa nyid ni ma yin no zhe na/ mi rtag pa zhes bya ba 'di ci zhig /de nyid kyis khyad par du 'gyur ba'i chos gzhan ni de de nyid kyi tshe yod dam 'on te phyis yin/ de nyid kyi tshe yod ce na/ ci ste mngon sum gyis ma rtogs/ ma rtogs na ci ltar de'i bdag nyid du gyur pa yin/ de'i bdag nyid ni bdag nyid du rtogs pa yin no zhes 'brel ba nyid du rtogs na gdon mi za bar de de ltar 'gyur gyi/ de dang 'brel par ma rtogs na ni/ de ltar 'gyur bar mi 'thad do/ /phyis de dang 'brel bar rtogs so zhe na/ dmigs pa'i mtshan nyid du 'gyur gang/ /mngon sum gyis mi bcad med de/ /ji ltar de tshe yod ces bya/ /gzhan du med pa rtogs med 'gyur/ /dmigs pa'i mtshan nyid du 'gyur ba las/ mi dmigs pa gang yin la de nyid med do zhes rnam par gzhag pa yin te/ med pa sgrub par byed pa'i rnam pa gzhan ni yod pa ma yin no/ /de skad du yang/ tshad mas grub par smra rnams kyi/ /don gyi bzlog pa nyid las so zhes bshad do/ /'on te de ni 'khrul pa yin te des na ma dmigs

  486. 243b

    kyang mi skyon no zhe na/ gal te chos can 'dzin pa ni/ /kun la 'khrul pa 'jug 'gyur? na/ /chos can tshad ma med des? na/ /rjes dpag tshad mar ji ltar 'gyur/ /chos can dang ni 'brel min pa'i/ /gtan tshigs grub la ci ltar ston/ /mngon sum dang ni rjes dpag dag/ gang tshe tshad ma ma yin pa/ /de tshe gzhal bya ma grub par/ /'gyur phyir rnam par rig pa tsam/ /gang gi byung dang 'byung ba yi/ /rang bzhin mngon sum gyis gzung min/ /de tshe gtan tshigs chos can dang 'brel pa mngon sum gyis grub na/ byung dang 'byung bar 'gyur ba yis// dngos po rjes dpag las grub pas/ /de tshe mngon sum cig shos dag /grub pa rgyu dang bcas par 'gyur/ /gal te byung dang 'byung ba yis/ /dngos po gcig pu 'dod na ni/ /de tshe mngon sum tshad ma yis/ /grub phyir rjes dpag don med do/ /'khrul pa yin na ni thams cad 'jig pa nyams par 'gyur bas 'gar yang mi 'gyur ro/ /des na rtag pa'am mi rtag pa nyid ni mngon sum gyi 'grub pa nyid do/ /'on te chos yin pa'i phyir mngon sum gyis grub pa ma yin no/ /mngon sum gyis ni chos can tsam grub pa yin te/ de lta ma yin na rjes su dpag pa med par 'gyur ba'i phyir te/ chos can thams cad mngon sum gyis grub pa'i phyir ro zhe na de ni ma yin te/ 'di ltar/ chos ni mngon sum gyis grub na/ /chos can rab tu grub pa nyid/ /mngon sum yang ni yan 'gar ba'i/ /chos can sgrub par byed pa min/ /gang du yang chos med par chos can grub pa ni ma yin te/ gdon mi za bar sgra nyid dam dngos po nyid du 'dzin ma'i phyir ro/ /des na ji ltar sgra nyid la sogs par yang ste/ de la khyad par ni 'ga' yang med do /gal te 'khrul ba'i chos 'ga' zhig ma mthong mod/ /'di la skyon ci yod/ /dper na tho yor dang skyes bu dag bzhin no zhe na/ ma yin te/ mi dang tho yor med par ni/ /reng reng po tsam lta bar nus/ /khyab dang cig shos med par ni/ /'dir ni don gyi blo yod min/ /khyab dang cig shos

  487. 244a

    dang bral ba ni bzung bar nus pa ma yin no/ /de'i rang bzhin de yin na/ gal te ma bzung na ni de ma bzung ba nyid bas de ni ma bzung ba nyid du 'gyur ro/ /gal te ring por ma bzung yang mthong ba nyid ma yin nam zhe na/ ma yin te der ni yan lag nyid mthong ba'i phyir ro// de ni ring po nyid ma yin no/ /ring po nyid de ni yan lag can yin la/ de yang rjes su dpag pas rtogs par bya ba yin no/ /'di ltar gcig g.yo ba na thams cad ni/ /g.yo phyir de ni gcig go zhes/ /rtogs gyur des na gcig pa nyid/ /'di ni rjes dpag las yin no/ /yan lag gcig ma mthong ba ni yan lag gi tshogs thams cad rags par dmigs pas de gzhan dang gcig go zhes bya bar 'gyur ro zhe na/ de ni rjes su dpag pa yang ma yin te/ phan tshun 'brel ba nyid rjes dpag par 'gyur gyi gcig nyid ni ma yin no// de ni rjes su dpag pa'i yul yang ma yin te/ mngon sum ma zhugs na tshad ma gzhan gyi yul du 'gyur ro/ /de nyid ni mthong ba'ang yin la ma mthong ba yang yin na mi 'thad do/ /de'i phyir dus khyab pa 'am mi khyab pa yin yang rung ste/ de ni mngon sum gyi bzung ba yin gyi rjes su dpag pa'i yul ni ma yin no/ /de la gal te 'di rang bzhin des mngon sum gyi yul ma yin na de'i rang bzhin ma yin no/ /mngon sum gyis sngon po nyid du yul du byas pa na ni ser po la sogs pa ma yin no/ /dus gzhan khyab par ma bzung bar der ni de lta bu nyid yin par bsam par bya ste/ gzhan du na dus kyi cha'i tshogs mdza' dag bsdoms pas de nyid kyi tshe thams cad yongs su rdzogs pa'i phyir/ de nyid kyi tshe dus thams cad kyi bya ba'i don bya ba byed par thal bar 'gyur ro/ /byung ba dang 'byung ba'i dus kyi cham bzung bas na de lta ma yin no zhe na/ de ma bzung na de khyab pa nyid du yang mi 'dzin pa nyid pas dus de tsam dang 'brel par bzung bas shes par bya bar 'gyur ro/ /de lta yin na glog la sogs pa bzhin du mi rtag pa nyid do// //

  488. 244b

    bam po bcu pa/ /gal te glog la sogs pa ni zhig pas na mi rtag par 'gyur ba ma yin nam/ de'i dus dang 'brel ba tsam gyis ma yin no/ /zhe na/ 'o na 'jig par byed pa 'ga' yang med par ci ltar 'jig /sprin gyis bkab pa nyid kyis 'jig go zhe na/ 'di la yang ri shes mthun pa dang mi mthun pas gnod par ci ste mi 'dod/ de'i phyir glog kyang dus phyis mi dmigs pa nyid 'jig pa yin la de ni/ don thams cad las yang yod pas rtag pa nyid du 'dzin par nus pa ma yin no/ /gal te bum pa la sogs pa dus phyis kyang 'dzin pa ni ci ltar mi 'dzin par brjod ces na ma yin te/ de nyid ma bzung ba'i phyir ro/ /sngar gyi dus kyang bzung ba med na de'i dus na yod pa'i dngos po lta ci smos/ yud tsam dang nyi ma dang zla ba la sogs pa'i dus ni gzugs la sogs pa'i dngos po las tha dad par tshad mas grub pa 'ga' yang yod pa ma yin na/ /nyi ma dang por zla ba rtogs pa med la/ nyi ma gnyis par yang ma yin te/ de'i tshe snga ma dang phyi ma mi rtogs pa'i phyir ro/ /nyi ma la sogs pa'i dus ni dran pas rtogs so zhe na/ ma yin te dran pa tshad ma ma yin pa'i phyir ro/ /dran pa ni snga na ma med pa'i don grub pa ma yin no/ /dran pa mngon sum sngon gro can/ /mngon sum min don spyod yul min/ /mngon sum gyis ni zla ba la sogs pa'i dus ni 'dzin pa ma yin/ gal te de ni bsags pa yi/ /rang bzhin du shes brjod na ni/ /bsags pa 'dzin par byed pa yi/ /tshad ma med ces bsgrubs zin to/ /gal te mngon sum du ma yis/ /grub phyir ma grub min 'dod na/ /'ga' yis ci ltar bsgrub par nus/ /dran pa tshad ma nyid min pa/ /sngar nyid du ni bstan pa yin/ / dran pa las 'byung kun rdzob pa/ /yin gyi de ni don dam min/ /dus ni kun rdzob nyid kyis na/ /des khyab gsal bar kun rdzob pa/ /des na mi rtag pa nyid ni/ /dngos po'i rang bzhin nyid ces rtogs/ /gal te 'di ni rang bzhin nyid/ /kun rdzob tha dad ci ltar

  489. 245a

    'gyur/ /med pa yi ni kun rdzob ni/ /bsgrub bya bsgrub byed nyid ma yin/ /'brel ba yod pa nyid las ni/ /bsgrub bya sgrub byed dag tu gnas/ /'brel ba yod pa dang 'brel ba/ /bsgrub bya sgrub byed dag ma yin/ /'dir smras pa/ du ma'i gcig las log pa ni/ /rang bzhin gcig gis rtog pa yis/ /yul du byed 'gyur de bas na/ /chos dang chos can rnam pa gnas/ /dngos po kun gyi rigs mthun dang/ /cig shos don las log pa dang/ /mngon sum rtogs par gzung ba ste/ /rjes 'gro rtogs pa tsam las yin/ /gal te dbang po'i byed pa las/ /snga ma phyi mar rtog bcas pa/ /mngon sum zhe na mngon sum min/ /lhan cig 'byung yang rjes 'gro med/ /gang gis dang po cig nyid mthong/ /de ni de la rje 'gro bar/ /snang min gsal ba thams cad ni/ /snang ba nyid du thal 'gyur phyir/ /thag ring nyid la sogs pa yis/ /gsal ba mi snang zhes gnas nas/ /gsal ba gzung ba med par spyi/ /de khyab par ni 'dzin mi 'gyur/ /sngar gsal ba gzung ba'i 'du byed las gsal ba gzhan la de ltar 'dzin to zhe na/ de ni ma yin te/ 'di ltar/ de dngos gzung bas bskyed pa yis/ /'du byed dran pa'i rgyu mtshan yin/ /gsal ba 'dzin pa 'du 'byed las/ /don zhan rig par ci ltar 'gyur/ /gsal ba 'dzin pas byas pa'i 'du byed ni de nyid la dran pa'i rnam par shes pa'i rgyu yin gyi/ /snga ma med pa'i don mthong ba 'am/ sngar gyi don mthong ba'i rgyu ma yin la/ /ma mthong ba dran pa'i rgyu yang ma yin no/ /spyi yang gsal ba dag las don gzhan yin pas na da ci ltar mthong ba'i de dran par yang 'gyur ba yin/ sngar gyi don dran pa dang mthong ba las gsal ba dang cig shos kyi rnam pa can gyi gsal ba las tha dad pa gzhan ci mtshungs pa'i rnam pa can gyi rtogs pa'i rgyu mtshan spyi yin no zhes gang brjod pa/ don bya ba gcig pa khyas pa'am/ de'i rnam pa gcig byas pas mtshungs pa'i rtog par 'gyur gyi

  490. 245b

    spyi'i rang bzhin gyis byas pa ni ma yin te/ bram ze nyid la sogs par mtshungs pa bzhin no/ /gal te bram ze nyid la sogs pa'i rigs med na ci ltar bsod nams dang sdig pa rnam par gnas ce na/ rigs yod kyang ci ltar rigs ni gsad pa ma yin la chang 'thung ba yang ma yin no/ /sdig pa dang bsod nams ni lung las gzhan pa'i tshad ma yod pa ma yin no lung de nyid ji ltar rtogs te/ rig med par ni bram ze gsad par mi bya'o zhes bya bar rtogs par nus pa ma yin te/ gsal bar so sor rtogs par mi srid pa'i phyir ro/ /zhe na/ nye bar bstan pa'i mtshungs pa'i rnam pa las 'dzin pa yin pa'i phyir skyon med do/ /mtshungs pa'i rnam par 'dzin pa yang thog ma med pa'i bag chags kyi nye bar bstan pa las yin gyi/ 'dir de las gzhan pa'i tshad mas grub pa ni med do/ /gzhan yang mtshungs pa'i rtogs pas gsal pa las tha dad pa'i lus rig gam 'on te gzhan yin gzhan du ni/ /rnam par dpyod ces shes par bya/ /khyad par las ni tha dad pa'i/ /bdag nyid rigs pas grub ldan min/ /de las gzhan du rig pa la/ /gzhan du bya yod pa nyid yod min/ /gal te mtshungs pa tha dad pa'i rtogs pa tha dad pa'i rnam pa dang 'brel ba yin na/ de de ltar ma grub pa'i phyir de las spyi ci ltar 'grub/ /'on te rtogs pa tsam yin na/ de'i tshe spyi mi 'grub bo/ /rtogs pa tsam gyis ni don gyi khyad par 'grub pa ma yin no/ /gang gi rnam par rtog pa de nyid des 'grub par gyur gyi/ gzhan du ni ha cang thal bar 'gyur ro/ /gal te spyi ni tha dad pa dang tha dad pa med pa yin no zhe na/ phan tshun 'gal ba'i phyir ro/ /'di ltar tha dad las gzhan tha mi dad/ de yang ci ltar tha dad 'gyur/ /tha dad snang ni tha dad de/ /yang tha dad min ci ltar 'gyur/ /gal te tshul 'gas tha dad par/ /'dod na de nyid spyir 'gyur te/ /de ni tha dad med par ni/ /mi 'gyur shin tu tha dad phyir/ /gzhan gyis tha dad med 'dod na/ /de tshe de ni tha dad dang/ /tha

  491. 246a

    dad med min de nyid kyis/ /tha dad med na de yang ni/ /rnam pa stong 'gyur de las ni/ /gton nas de zad rtogs mi 'gyur/ /gal te tha dad tha dad min/ /mthong ba mthong ba min par thal/ /mthong dang mi mthong gcig go zhes/ /bya ba shin tu ya mtshan che/ /'di ltar dngos po yod dang med pa ni/ /mthong dang ma mthong las grub phyir/ /gcig 'gyur shi ba'ang de lta na/ /ma shi ba'i bdag tu 'gyur/ /de phyir spyi dang rtag pa yi/ /rang bzhin nyid du blta bar gyis/ /des na ldog pa'i dbye ba yis/ /chos dang chos can tha dad nyid/ /gal te de med de nyid du/ /dam ba ci 'don gyi phyogs gcig nyid/ /don dam par ni rnam dpyad na/ /de lta bur gyur ma grub phyir/ /kun rdzob pa'i dngos rnams la/ /de nyid gzhan nyid 'gog par 'gyur// kun rdzob tu yod pa'i spyi ni gsal ba las tha dad pa nyid de/ rjes su 'gro ba dang ldog pa dag las rtogs pa'i phyir ro/ /de yang kha dog la sogs pa'i rang bzhin nyid do/ /rtogs pa med de/ gnyi ga mthong ba yang gsal ba'i rnam pa gnyis las tha dad pa'i rnam pa gzhan ma rtogs so/ /der ni bsal ba gnyis kho na zhig snang ngo/ /mtshungs pa'i rnam pa yod pa'i phyir snang ba yin no zhe na/ de ni mi bden te/ snang ba rjes su dpag pas bsgrub pa zhes bya ba ni shin tu smras pa yin no/ /rtsig pa la sogs pa snad ba ci rjes su dpag pas sgrub bam/ gal te sngon byung ba'i dran pa rjid? nas de'i tshe de dran par bya ba'i phyir rjes su dpag pa rjod pa 'am 'bad pa gzhan byed par 'gyur gyi/ snad bzhin pa'i dus nyid na ni ma yin no/ /rtsig pa la sogs pa snang bzhin pa ni rtsig pa la sogs pa snang ba'am rtsig pa la sogs pa rjes su dpag pas sgrub pa ni ma yin no/ /'jig rten na gang gi phyir rtsig pa'i rnam pa snang ba de'i phyir rtsig pa 'am rtsig par snang ba yod pa yin no/ /zhes rtogs pa ni med kyi/ 'on kyang

  492. 246b

    gang gi phyir gzhan gyis dad bzhin gyis dben par rang gi ngo bo nyid du mthong ba de'i phyir yod pa 'am snang ba yin no/ zhes so/ /gsal ba'i rang bzhin gyis dben pa'i spyi ni snang ba yin no/ /spyi ni snang ba ma yin no/ /spyi ni mdog dbyibs gzhan dang ldan par mtshon pa med do/ /mdog dbyibs las phyi rol tu gyur pa nyid spyi'i rang bzhin yin no zhe na/ 'o na spyi med par 'gyur te mdog dbyibs phyi rol tu gyur pa med pa'i phyir ro/ /khyab pa nyid de'i rang gi ngo bo nyid yin no zhe na/ 'o na mdog dbyibs kyis mtshungs pa ma yin pa gang yin pa de ni mi mtshungs pa nyid do/ /khyab pas ni mdog dang dbyibs dang ldan pa yang ma yin no/ /mdog dbyibs ni khyab pa yin no zhe na/ gal te khyab pa yin na khyab pa nyid du rtogs par 'gyur ro/ /dus gzhan du rtogs pa yin no zhe na/ ma yin te gsal ba yod pa dang med pa dag las khyad par med pa'i phyir te/ sngon mi gsal ba zhig kyang de kho na ltar rtogs pa'i phyir ro/ /sngon gyi ma zhig pa ma yin te/ der dmigs pa yin pa'i phyir ro/ /ji ltar zhig ce na/ gal te ma zhig na de 'am gzhan gyis snga mar ji ltar ma dmigs khyab pa nyid du med pa'i phyir ro/ /de'i rang bzhin ni dmigs pa kho na ste/ yul khyab pa ci nyid ma gtogs pa yin te/ bsal? pa'i phyir ro zhe na bskal zhes bya ba 'di ni ci zhig mi snang ba'i bdag nyid do/ /ji ltar snang ba mi snang ba'i bdag nyid du 'gyur ro/ yul gzhan du mthong ba nyid 'das pa yin gyi/ dngos po ni ma yin no zhe na/ snang ba'i bdag las ma gtogs pa'i dngos po ni yod pa ma yin no zhes 'di ni gtan la phab zin to/ /gzhan yang yul gzhan du mthong ba zhig na khyab pa nyid zhig par 'gyur ro/ /de lta yin dang spyi mi rtag par 'gyur ro/ /de ltar gyur na yang gsal ba'i rang bzhin nyid kyi spyi ni ma yin no zhes bya bar gyur te gsal ba las tha dad pa'i mtshungs pa'i rtogs pa tsam nyid yin pas ni/ dngos po med pa'i phyir ro/ /'o na rtogs pa yin mod/ 'di

  493. 247a

    dag mtshungs so zhes bya ba ci ltar zhe na/ kha dog dang dbyibs dang/ don bya bas byas pa'i mtshungs pa sa mtshungs pa'i phyir de ltar 'gyur bas skyon med do/ /yul 'khor dang mkhar la sogs pa'i mtshungs pa bzhin no/ /gzhan yang 'di skad ces 'di ltar gal te mdog sogs gsal ba las/ gzhan ma yin par gnas na ni/ /gsal ba gzhan la rtags mi 'gyur/ /des na tha dad rnam par gnas/ /ldog pa dang ni 'jug pa dag /tha dad med ces gnas ma yin/ /des na chos dang chos can gyi/ /dbye ba rdzogs pas grub pa yin/ /des na tha dad de nyid du/ /dbang po yis ni 'dzin ma yin/ /gang phyir mngon sum gyis grub dang/ /mngon sum sngon du 'gro ba can/ /gang la rjes su dpag pa ni/ /'jug pa don dam nyid yin pa/ /de phyir sgrub byed de bzhin ni/ / kun rdzob gnas pa'i ngo bo nyid/ /de nyid gzhan nyid tshad ldan par/ /de nyid dus na de yod min/ /rtogs pa tsam las tha dad de/ /de nyid du na gsal ba'i dngos/ /des na mngon sum las grub pa/ /gsal ba nyid du rtogs par gyis/ /mngon sum sngon du 'gro ba can/ /rjes dpag las kyang gsal ba bsgrub/ /des na gal te spyi gzhan ni/ /sgrub na khyad par rig mi 'gyur/ /des na khyad par rdzogs med pas/ /khyad par la ni 'jug mi 'gyur/ /'di ltar gal te spyi rtogs na/ /de'i tshe khyad par snang ba snang ba med pas khyad par la 'jug par mi 'gyur ro/ /ma rtogs pa la 'jug pa ni 'ga' yang med do/ /'on te spyi 'dzin pa ni khyad par mthong ba skyon du 'gro ba can yin pas de dang 'brel par 'dzin pa'i phyir gang la spyi yod pa de la khyad par yod par 'gyur ro/ /zhes khyad par la 'jug go zhe na/ khyad par rtogs pa med pa de nyid ci ltar 'gyur/ /de ni spyi las rjes su dpog pa'i rtogs pa gsal ba rtogs pa yin no zhes bya bar 'gyur ro/ /de ltar yin na rjes su dpag pa'i rjes su dpag pa las? gsal bar rtogs pa yin

  494. 247b

    pa'i phyir de'i tshe yang spyi rtogs par 'gyur la/ /spyi de las kyang gsal ba'i spyi gzhan rtogs par 'gyur ba'i phyir thug pa med do/ /ci ste yang mthar gsal ba rtogs na/ de ltar yin na khyad par med pa'i phyir dang po nyid rtogs par 'gyur bas brgyud pa'i du ba pas ci bya? ba rtogs na ni don bya ba thams cad sgrub pa'i phyir 'jug pa kho na'o/ /de'i phyir spyi ni blos bkod pa nyid yin gyi phyi rol yin no/ /zhes ni mi 'thad do/ /gal te blo'i rang bzhin rtogs pa na ci ltar phyi rol la 'jug par 'gyur zhe na/ de lta bu nyid du rgyu dang 'bras bu'i dngos po mthong ba'i phyir ro/ /'o na deng kyi yang spyi rtogs pas gsal ba la 'jug par 'gyur te/ rgyu dang 'bras bu'i dngos po ni 'dir yang mtshungs pa'i phyir ro zhe na/ 'di ni a ru ra zos nas lhas 'khru bar byas so zhes pa der 'gyur ro/ /gal te rgyu dang 'bras bu'i dngos po nyid yin na par gyi spyi rbog rbog pos ce bya/ de'i phyir spyi kun kun rdzob tu/ /yod pa yin zhes bzung bar gyis/ /spyi ni dngos por yod na ni/ /'jug dang ldog pa med par 'gyur/ /spyi khas len pas ni gsal ba rtogs par khas blang bar bya ste/ de lta ma yin na 'jug pa med par 'gyur pa'i phyir ro/ /gsal ba rtogs na du ba la sogs pa'i rtags de nyid las 'gyur mod/ spyis ci zhig bya/ spyis kyang rtags su gyur pa de nyid las de rtogs pa yin no/ /ci ste rtags su gyur pa'i gsal ba gsal ba gzhan dang lhan cig rjes su 'gro ba med la/ spyi la ni yod de khyab pa yin pa'i phyir ro/ /des na spyi khas len to zhe na/ de ni de ltar mi 'thad de/ spyi ni khyab pa nyid yin yang/ de bzhin du ni bzung med par/ /gsal ba gzhan ni go byed du/ /de nyid du na ci ltar 'dod/ /gal te khyab pa yin pa de lta na yang de'i rjes su dpog pa'i dus na 'byung bar 'gyur ba'i khyab par bya ba ma grub na ci ltar de khyab par byed pa yin par 'dzin/ 'brel pa ma bzung ba las kyang rtogs na ni ha cang thal bar 'gyur te/ spyi gzhan gyi gsal ba yang rtogs par thal

  495. 248a

    ba'i phyir ro/ /'o na te de dang ma 'brel pa'i phyir ro zhes lan 'debs na/ de lta na ni 'brel pa ma bzung bas kyang rtogs par 'gyur ro/ /gzhan yang de ji ltar rtogs par bya ba zhes sngar bstan zin to/ /gzhan yang gal te spyi las gsal ba rtogs na sgra las kyang spyi rtogs pas/ de las kyang gsal ba ci ste thob par mi 'gyur/ rtogs pa de ni mi bden pa yin no zhe na/ 'o na spyi'i rtogs pa thams cad mi bden pas spyis ci zhig bya/ gal te spyi ni thams cad du yang yod do/ /gsal ba ma rtogs pa ni mi slub ma yin te/ don byed par nus pa ni gsal ba nyid yin pa'i phyir ro/ /spyi med par mi rtogs par mi nus pa'i phyir/ spyi khas len to/ /gsal pa ma rtogs pa ni de dang 'drel pa'i rtags med pa'i phyir ro zhe na/ rtags kyis kyang spyi nyid rtogs par byed pa ma yin nam/ gal te de la gsal ba rtogs pa yod na ci ste thams cad ma yin/ sgras ni spyi tsam rtogs pa yin no zhe na/ 'o na rtag las ni gsal ba rtogs so zhes bya bar 'gyur ro/ /de ltar yang skyon sngar bshad pa nyid do/ /'on te gsal ba las tha dad pa'i spyi la skyon du 'gyur gyi/ gnyi ga'i bdag nyid la ni skyon med do snyam na/ de yang mi rung ste/ gsal ba rtogs par 'gyur ba'i skyon/ /phyogs 'di la yang med dam ci/ /spyi de las kyang gsal ba la/ /ma reg par ni rtogs ma yin/ /gal te spyi gsal ba las tha dad pa dang/ tha dad pa med par 'dod pa de'i tshe yang rtogs par byed pas gsal ba rtogs sam/ 'on te de lta ma yin zhes bya ba'i tshul gnyis las mi 'dod do/ /rtogs so zhe na ni nyams su myong bar 'gyur pa'i phyir/ ci ste 'jug /gal te ma rtogs na yang 'jug pa ci ltar 'gyur/ rtogs kyang ma rtogs pa yod pas na/ 'jug go zhe na/ de ni de'i rang bzhin du rtogs pa dang ma rtogs pa yang yin no zhes bya ba ni 'gal te/ gcig la rnam grangs med bsgrub pa dang/ dgag pa gnyi ga'i bdag nyid du 'grub pa med pa'i phyir ro//

  496. 248b

    de nyid kyi phyir rnam grangs kyis tha dad pa yin te/ rnam grangs 'gas ni tha dad par rtogs pa la gzhan gyis ni ma yin no/ /zhes bya ba ni gzhung yin no zhe na/ gang gis ma rtogs pa de'i don du ji ltar 'jug /de ni de nyid kyi rnam grangs yin no zhe na/ ma rtogs na ci ltar de nyid kyis zhes rtogs/ rtogs pa la yang mi 'jug pa'i phyir skyon de nyid la ni 'jug go /des na chos can gyi mtshan nyid ni kun rdzob tu yod pa nyid do/ /de ltar na'o na sgra mi rtag ste/ sgra nyid yin pa'i phyir ro zhes bya ba 'dir yang 'gyur ro zhe na/ gang gis spyi tha dad pa yin pa de la yang bsgrub bya sgrub byed kyi dngos por ci ste mi 'gyur ba ma yin te/ dam bca' ba'i don gyi phyogs gcig nyid de/ spyi dang ldan pa de ni chos can gyi sgra nyid kyis bstan pa'i phyir ro zhe na/ 'o na 'dir yang de las gzhan las ldog pa bstan zin pa'i phyir mi 'gyur ro/ /spyi dang ldan pa'am gzhan las ni/ ldog pa de ni rtogs pa nyid/ /spyi dang ldan pa de rig pa/ /med pa rtogs par mi 'gyur nyid/ /de yi rang bzhin rtogs na ni/ /sngar nyid du ni bzlog zin to/ /de'i phyir 'di ni sgra dag las/ /ldog pa nyid ni rtogs pa yin/ /gal te sgras khyad par rnams spyi dang ldan par rtogs pa yin no zhes khas len na/ 'on de ji ltar gsal ba ma rtogs pa rtogs par 'gyur/ /gang la mgron bya ba de nyid la chag po sbyin par 'os pa ni ma yin no/ /khyad par rnams kyis rang gi ngo bo yang rtogs par 'os pa ma yin no/ /zhes sngar nyid du gtan la phab zin to/ /de'i phyir ldog pa nyid sgra'i don yin no zhes gnas so/ /gal te ldog pa yang ldog pa'i dngos por rtogs par byed par ji ltar rtogs/ gal te rtogs pa yod na yang ldogs pas ci zhig bya/ 'on kyang gzhan du mi 'thad pas ldog par rtog go zhe na/ ci ste spyi khas mi len zhe na/ rtog pa'i rjes su 'brangs nas khas len pa'i phyir spyi khas mi len to/ /ci 'jig rten na nges ldog par rtogs so snyam du rtogs pa yod dam zhe na/ mi 'dra

  497. 249a

    ba nyid du rtogs pas rtogs pa'i phyir skyon med do/ /'di ltar gal te/ dngos po mi 'dod spangs nas ni/ /ldog par sgra las rtogs min na/ /rnam par phye bas rab tu ni/ /'jug pa dang ni ldan mi 'gyur/ /gdon mi za bar rigs mi mthun pa dang/ 'di 'dra ba'i rang bzhin du rtogs par 'gyur te de lta ma yin na/ mi 'dod pa spangs nas 'jug par mi 'gyur ro/ /de ni mi 'dod pa dang mi 'dra ba ni spyi'i mtshan nyid kho na yin no zhe na/ rang nyid de ltar gyur pa ma yin na/ chos gzhan dang ldan yang ci ltar na de ltar 'gyur/ de dang ldan pa'i phyir na 'di de ltar rtogs so zhe na/ de lta bur gyur pa ma yin pa gzhan dang ldan pas rang gi ngo bor rtogs pa ma yin pa ni rtogs pa nyid du mi 'thad do/ /rang gi ngo bo mi mthun pa nyid du rtogs so zhe na/ 'o na ni spyi gzhan dang ldan pa don med do/ /gal te spyi med par tha dad pa de nyid mi rtogs so zhe na/ 'o na spyi rnams kyi khyad par ga las rtogs spyi gzhan dang ldan na ni thug pa med do/ /rang gi ngo bo nyid kyis mi 'dra ba yin na gsal ba rnams kyang de lta bu nyid du thal bas spyi don med do/ /gang gi tshe gnyis tha dad par rtogs pa de'i tshe ci ltar gcig la ni spyi gnas pa ma yin no/ /de'i phyir gdon mi za bar 'dis gsal ba rnams tha dad par rtogs par 'gyur ba yin la/ rigs mi mthun pa nyid las tha dad pa de yang thams cad la yod pa'i phyir de nyid spyi yin no/ /gal te spyi med na rigs mthun pa dang mi mthun pa tha dad pa de nyid ci ltar/ 'di ltar gsal ba phan tshun tha dad kyi/ /phan tshun spyi ni yod min na/ /gsal ba tha dad 'gyur ba nyid/ /de ni rtogs pa yod ma yin/ /gsal ba la ltos pas tha dad pa yin na/ ci ltar ba lang khra bo dang ser skya dag / rta dang pa las tha dad pa de bzhin du rta dang pa dang khra bo yang ser skya las tha dad pa'i phyir de gnyis kyang rigs mthun pa nyid du thal bar 'gyur/ gang gis thams cad sdom te brda byas pas rnam par phye bar gyur pa thams cad mthong ba yang ma yin no/ /des na de

  498. 249b

    yang rigs ma yin no zhe na/ mi rigs pa ma yin te/ 'di ltar spyi ni yod pa yin na yang/ /nyes pa 'di ni bzlog pa med/ /spyi ni gsal bas gsal bar bya/ /'dod kyi rang gi ngo bos min/ /gsal bas stong pas phyogs sogs su/ /de ni gsal ba mthong med phyir/ /des na gsal ba nyid la ni/ /ltos bya de yang kun mthong med/ /des na de yang brda yi ni/ /byed pas khyad par 'grub mi 'gyur/ /spyi yang rtogs nas brdar bya ba'am/ tha snyad du bya ba yin no/ /gsal ba med par ni spyi nye bar mtshon pa ma yin no/ /gsal ba mdza' dag mthong na ni spyi nges pa mthong ba'i phyir brda 'chol ba med par 'gyur ro/ /de'i tshe yang ni spyi ni don med pa nyid de/ gsal ba rnams nyid dngos su mthong ba'i phyir ro/ /'di ltar gsal ba gcig mthong nas 'di ni ba lang ngo zhes brdar byas pas ji ltar so sor nges pa'i spyi rtogs/ phyugs nyid la sogs pa'i spyi dag la ni spyi 'ga' yang tha dad par ma rtogs par rjod do/ /ba lang nyid tsam brda'i yul yin no zhe na/ ba lang nyid de gang yin zhe ni shes so/ /ci ltar bya ste gang zhig 'di lta bur gyur pa'i gsal bas gsal bar bya'o zhe na/ gsal ba 'di lta bur gyur pa ni des yin pa'i phyir phan tshun rten pa'i skyon du 'gyur ro/ /spyi de rtogs na ni gsal ba rnams gcig nyid yin la gsal ba rnams gcig nyid yin na yang so sor nges pa'i spyi rtogs pa yin no/ /ba lang ba lang zhes rang nyid tha dad par 'gyur ro zhe na/ ma yin te/ ba lang zhes bya ba'i spyi rta dang pa la sogs pa las mi 'jug pa nyid kyis rtogs pa'i phyir ro/ /gang la ba lang ngo zhes bya ba'i blor 'gyur ba de nyid la ba lang nyid du rtogs so zhe na/ gzhal bya shes pa med pa'i blos ji ltar gzhal bya rtogs/ kha dog dang dbyibs las tha dad pa'i gzhal bya mtshungs pa ni rtogs pa med do/ /de nyid spyi yin te/ rjes su song ba'i phyir ro zhe na/ ma yin te/ rjes su 'gro ba med pa'i phyir ro/ /kha dog na gsal ba gzhan la rjes su song ba'i rang bzhin ma yin te/ gsal

  499. 250a

    ba gcig mthong na yang de'i rjes su song bar rtogs par thal bar 'gyur ro/ /de ltar yin na gsal ba thams cad rtogs par thal bar 'gyur ro/ /spyi ni gsal bas gsal bar bya ba yin pa'i phyir de ltar rtogs par mi 'gyur ro zhe na/ 'o na ni gtan mi rtogs par 'gyur ro/ /ji tsam mthong ba tsam la rtogs so zhe na/ ma yin te spyi la ni de tsam nyid med pa'i phyir ro/ /de lta bu yin na ni spyi ma yin te/ gsal ba nyid yin pas spyi gzhan med do/ /de lta bur gyur pa'i shes pa bskyed pa nyid yin no zhes phyir bzlog par byed na ni/ de gzhan las ldog pa nyid spyir 'gyur ro/ /mang po rnams kyis de las gzhan dag las ldog pa nyid spyi yin gyi de dang rigs mi mthun pa la ldog pa tsam las gzhan pa'i spyi ni de ni 'di yin no zhes bstan par nus pa ma yin no/ /rigs mi mthun pa ni cig shos las log pa nyid yin la/ ji ltar gcig pa dang tha dad pa de'i phyir gzhan dang gzhan du mthong ba yin gyi gzhan du ma yin no/ /spyi ni 'di yin no zhes bstan par nus pa yin te/ tha dad pa med pa'i phyir bstan par nus pa ma yin no/ /zhes bya ba yang lan ma yin te/ de med par thal bar 'gyur ro/ /gsal ba 'gags nas ni spyi rnam par bzhag par nus pa ma yin te/ tha snyad med par 'gyur ba'i phyir ro/ /spyi ni gsal yang de lta bu nyid do zhes ni mi rigs te ldog pa'i rgyu mtshan can gyi tha snyad kyang yod? pa'i phyir te/ las rdzas ma yin no zhes bya ba bzhin no/ /spyi rnams kyi phan tshun tha dad pa'i tha snyad kyi rgyu yang ldog pa nyid yin no/ /'on te spyi rnams kyi phan tshun tha snyad kyi rgyu ni gsal ba dang ldan pa yin no zhe na/ de lta yin na yang skyon yod pa nyid de/ 'di ltar/ ngo bos tha dad yod pa min/ /ji ltar gzhan gyis tha dad 'gyur/ /dkar por ldan phyir snam bu ni/ /dkar po yin zhes rab tu bsgrags/ /gzhan gyi tha dad pa ni gzhan dang ldan par mi 'gyur ro/ /spyi dang gsal ba dag 'phrod pa 'du bas 'brel ba'i phyir ldan pa nyid du

  500. 250b

    'gyur ba nyid do zhe na/ spyi tha dad pa med pa gsal ba la 'phrod pa 'du ba'i phyir gsal ba rnams nyid tha dad pa med par 'gyur ro/ /des na spyi thams cad dang ldan pa'i phyir ba lang yang rta la sogs par 'gyur ro/ /gzhan yang ba lang gi spyi ni ba lang nyid yin la/ gsal ba rnams kyang rang gi ngo bos rigs mthun pa dang mi mthun pa phan tshun tha dad pa med pa de'i phyir 'di ltar gsal ba spyi gzhan tha dad par byed pa nyid yin/ 'on te gsal ba rnams rang gi ngo bos rigs mi mthun pa dag las tha dad pa yin na/ de na tha dad pa med pa de nyid spyi yin la dag mod/ gzhan gyi ci bya spyi khas blangs kyang gsal ba la tha dad pa de nyid spyi spyi gzhan dag las 'byed par byed pa yin pas 'gyur bas/ 'o na spyi'i khyad par ni grub pa nye bar 'jog pa yin no/ /de spyi ni rang gi ngo bos spyi gzhan las tha dad pa yin la/ spyi dang ldan pa ni de dang ldan pas tha dad pa yin te/ dper na dkar po'i rang bzhin ni rang nyid kho nas yin la/ snam bu ni de dang ldan pa las yin pa bzhin no zhe na/ de yang 'thad pa ma yin te/ 'di ltar/ kha dog dkar po'i rang bzhin ni/ /'ba' zhig 'gar yang rtogs pa med/ /de nas de yi rang nyid kyis/ /dkar po'i ngo bor ji ltar rtogs/ /dkar po la sogs pa ni rtag tu rdzas la gnas pa nyid do/ /nges logs su blta bar mi rung ba dag rang nyid de'i rang bzhin yin no/ zhes ji ltar 'ga' zhig gis rtogs par 'gyur/ de'i dkar po nyid de ni rdzas nyid las yin no zhes/ ci ste mi 'dod/ gal te de'i dkar po nyid rdzas yin na/ 'o na de'i rang gi ngo bo gang yin zhe na/ 'o na rdzas kyi ngo bo yang gang yin zhes nyes pa de nyid do/ /rdzas so zhes de ltar rtogs pa'o zhe na/ rdzas zhes bya ba yang kha dog dang dbyibs la ma reg pa rtogs pa med do/ kha dog dang dbyibs kyang yon tan nyid yin pa'i phyir de las gzhan du 'gyur ba'i rdzas ji ltar rtogs

  501. 251a

    pa'i yul du gyur/ /dbyibs kyang kha dog la sogs pa las tha dad pa la brten par byed pa ma yin te/ kha dog nyid de ltar zlum po la sogs pa'i rang bzhin du snang ba yin no/ /gal te rdzas kyang snang ba nyid do/ /'di ltar rig pa'i rnam par shes pas kyang bum pa de nyid ni 'di yin no zhes gcig nyid du snang bar 'gyur ro/ /yon tan tsam ni ngo shes pa ma yin te de ma yin na gzugs la reg go zhes bya bar 'gyur ro/ /reg pa'i yul ni gzugs yin par mi 'thad do/ /des na rdzas nyid ngo? shes par rigs pa dang ldan pa yin no/ /des na gang zhig gang las tha dad pa'i yul can gyi rnam par shes pas gzung bar bya ba de ni de las tha dad pa yin te dper na bum pa las snam bu bzhin rdzas kyang tha dad pa'i yul can gyi shes pas gzung bar bya ba yin no zhes bya ba ni rang bzhin gyi gtan tshigs so/ /zhe na/ 'dir brjod pa/ gzugs sogs las gzhan don la ni/ ngo shes pa ni mthong ba med/ /dran par med par snga ma ni/ /rtogs pa'i spyod yul 'gyur ma yin/ /re shig mthong ba la ni bum pa la sogs pa snang ba med do/ /reg pa'i rnam par shes pa yang dang po ma yin te/ dang po ni yan lag tsam snang ngo/ /de ni yan lag gzhan med kyang de kho na ltar snang ngo/ /de ni bum pa ma yin te/ phyogs kyi rnam par dbye ba dang ldan pa'i yan lag ma lus pa la khyab pa'i yan lag can bum pa yin pa'i phyir ro/ /gzugs tsam yang bum pa ma yin te/ gzugs kyi 'du ba can gyi rgyu la de ltar brjod pa'i phyir dang/ de'i tshe ngo shes pa yang med pa'i phyir ro/ /'on te yan lag gzhan dang gzhan dag dang yon tan gzhan la sogs pa snang ba na yan lag can 'dzin pa yin no zhes 'dod na/ de yang yod pa ma yin te/ 'di ltar/ de tshe phyogs gcig gzhan dag nyid/ /gzung

  502. 251b

    bar 'gyur ba yin pas na/ /yan lag can gyi dbyibs dag ni/ /'dzin pa yod pa ma yin no/ /de bzhin yon tan gzhan la yang/ /zhig na'ang dran pa skye ba nyid/ /rjes dpag las ni rtogs pa gang/ /mngon sum sngon 'gro med par min/ /gang gi tshe bum pa la sogs pa la yan lag gzhan dang yon tan gzhan dmigs pa de'i tshe yon tan dang yan lag gzhan ma dmigs na ji ltar yan lag can yod/ /de tsam nyid ni bum pa ma yin no/ /'on te dran pa dang lhan cig pa'i ngo shes pas bum pa la sogs pa'i yan lag can yongs su shes so zhe na/ de'i tshe yan lag dang yon tan gzhan rnam par phye na de la bum pa gang yin zhes bya bar yang 'gyur ro/ /phan tshun mi dbye ba ni tshogs pa gcig la rag las pa'i phyir ro/ /mi 'bral bar 'dzin pa'i tshad ma yang yod pa ma yin te/ phan tshun spangs te dmigs pa'i phyir ro/ /dbyer med pa ni dran pa'i rtogs pa dang ngo shes pa'i rtogs pas gzung bar bya ba yin no/ /dran pa dang ngo shes pa so sor tshad ma ma yin pa dag ni bsdoms pas tshad mar 'gyur ba ma yin no/ /gal te so sor gdung 'degs par mi nus pa rnams gzhan du nus par mthong ba ma yin nam zhe na/ ma yin te/ der de rnams 'bras bu skyed pa'i phyir ro/ /de lta bur gyur pa rgyu snga mas bskyed pa nyid nus pa yin gyi tha dad pa ni yod pa ma yin no// 'dir dran pa dang ngo shes pa gnyis la 'bras bu ci zhig yod/ /yan lag can rtogs pa'o zhen ma yin te/ de las gzhan pa'i rtogs pa gzhan med pa'i phyir ro/ /'on te nges pa'i rang bzhin gyis rtogs pa gzhan skye'o zhe na/ de ni mi rung ste/ tshad ma ma yin pa las des pa ni ma nges pa nyid do/ /tshad ma ma yin pa las ni des pa ma yin te/ tshad ma don med par thal ba'i phyir ro/ /'on te de'i tshe rjes su dpag pas yan lag gzhan nges pa la ngo shes pas gcig tu rtogs pa'i phyir yan lag

  503. 252a

    can rtogs pa yin te/ yan lag dag ni yan lag gzhan dag dang gcig pa nyid ma yin la/ yon tan yang yon tan gzhan dang cig shos ma yin no zhe na/ de yang rigs pa ma yin te/ rjes su dpag pa ni mngon sum sngon du 'gro ba can yin pa'i phyir mngon sum gyis de 'ba' zhig pa nyid du rtogs pa ji lta bar 'gyur ba de lta bur gyur pa nyid rjes su dpag pas rtogs par byed do/ /des na 'ba' zhig pa tha dad par gyur pa mngon sum gyis rtogs pa yin pa'i rjes su dpag pas kyang de lta bur gyur pa nyid rtogs pa yin no/ /de'i phyir gzhan du yang mngon sum gyis mthong ba'o/ /dngos po gcig tu ngo shes las/ ji ltar gzhan du rtogs pa yis/ /lam du mod la byed par 'gyur/ /mngon sum gyis rnam pa gzhan du rtogs pa ni ngo shes pas stong gis kyang gzhan du rtogs par bya nus pa ma yin no/ /ngo shes pa yang mngon sum nyid do zhe na/ ma yin te/ rjes su dpag pa'i yul la 'jug pa'i phyir ro/ /rjes su dpag pa de yang du pa'i yul can yin no/ /ngo shes pa ji ltar tha snyad kyi rgyu yin zhe na/ tshad ma nyid kyis zhes brjod do/ /tshad ma nyid kyang rjes su dpag pa yin pas so/ /'o na de gcig pa nyid rjes su dpag pa nyid kyis yin te des yan lag can bden pa la brten par 'gyur ba'i phyir/ ded kyis phyogs su grub po zhe na/ ma yin te/ don dam pa'i gcig pa nyid grub par byed pa ma yin no/ /don de byed pa nyid kyis de la gcig pa nyid yin gyi don dam par ni ma yin no/ /de nyid kyi don bya ba byed par 'gyur ro zhes bya ba'i nges pa yang yod pa'i ma yin te/ me gzhan gyis kyang bsregs par byed pa mthong pa'i phyir ro/ /dngos po med pa'i phyir ji ltar nye bar btags pa las gcig nyid yin zhe na/ thog ma med pa'i bag chags las nye bar btags pa brgyud pa yin

  504. 252b

    pa'i phyir skyon med do/ /yang na dang po mthong ba ni dngos kyi gcig yin par brjod la/ phyis ni der sgro btags pas don bya bas byas pa nye bar btags pa yin no/ /de'i phyir ldog pa kun brtags pa las chos dang chos can dag de nyid dang gzhan nyid du 'gyur ba yin gyi dngos po la ma yin no/ /de na tha dad pa ni yod pa ma yin te/ tha dad pa ni blos brtags pa'i dbye ba las yin no/ /dbye ba de ni mngon sum las ma yin te/ de mngon du song ba can gyi rjes su dpag pa las kyang ma yin gyi/ 'on kyang thog ma med pa'i bag chags kyis byas pa'i rjes su dpag pa brgyud pa las byung ba yin pa'i phyir don dam pa ma yin no/ /de lta na de nyid dang gzhan nyid yod pas na ci'i phyir 'gog ce na/ ma yin te/ don dam par ni rnam dpyad? na/ /de lta bur 'gyur ma grub phyir/ /kun rdzob pa'i dngos rnams la/ /de nyid gzhan nyid 'gog par 'gyur/ /zhes bshad zin to/ /don dam par ni tha mi dad la kun rdzob tu ni tha dad do zhes bya ba ni nam mkha' i gos can gyi lta ba ma yin no/ /'on kyang gnyi ga don dam pa yin no zhes bya ba'o/ /de nyid kyi phyir bshad pa/ dpag bya dpog par byed pa yi/ /tha snyad de ni gnas pa 'di/ /shes pa la grub tha dad pa/ /brten nas rnam par gnas pa yin/ /'di snyam du gal te tha dad pa med na ji ltar chos dang chos can gyi tha snyad du 'gyur zhe na/ ldog pas byas pa'i tha snyad pa yod pa'i phyir kun rdzob pa'i tha dad pa la brten pa'i phyir ro/ /kun rdzob tu tha dad pa la mi brten pa dang/ don dam par ni tha mi dad pa ma yin pa ni ma yin no/ /kun rdzob kyi tha snyad pa 'ba' shig la ni mi slu ba med la don dam pa la yang tha snyad med pas gnyi ga la dgos pa yod do/ /de'i phyir gang gi tshe/ bdag nyid ji lta'i tha dad kyi/ /mthar thug shes la tha dad par/ /chos dang chos can snang gyur pa/ /de ni tha snyad rten yin no/ /de lta ma yin na ni rjes su dpag pa la sogs

  505. 253a

    pa'i tha snyad du mi 'gyur ro/ /de skad du yang rjes su dpag pa dang rjes su dpag par bya pa'i tha snyad 'di thams cad ni blo la yod pa'i chos dang chos can gyi bye brag kho nas yin no zhes bshad do/ /des na ldog pa'i tha dad pas tha dad pa nyid skyabs su gyur pa yin no/ /'dir ni tha snyad kyis gzhag la/ /tha snyad blo dang 'brel med can/ /chos can de nyid sgrub byed dang/ /byas pa de na ma grub bstan/ /ldog pa tha dad pas log pa tha dad pa ni ma yin te/ de ni gcig yin pa'i phyir ro/ /'on kyang gang las ldog pa de tha dad pa las yin no/ /de la sgra ma yin pa las log pa'i sgra ni chos can yin la byas pa ma yin pa las bzlog pa'i byas pa nyid ni chos yin te/ thun mong dang thun mong pa nyid kyis tha dad pa'i phyir ro/ /sgra dang sgra nyid ni de lta ma yin pas na de ji ltar tha dad pa med par dngos po'i rkyen du 'gyur/ 'gyur na yang rnam grangs kho nar 'gyur ro/ /dngos po'i rkyen gyis brjod par bya ba nyid las tha dad pa yin no zhe na/ ma yin te/ phan tshun rten pa'i skyon du 'gyur ba'i phyir ro/ /drug pa'i nus pa'i las ni dngos po'i rkyen yin la/ dngos po'i rkyen gyis tha dad par 'gyur ba na yang drug pa'i nus par 'gyur ba'i phyir ro/ /gzhan yang sgra ni don gyi rgyu mtshan can gyis 'gyur pa yin gyi/ don ni sgra'i rgyu mtshan gyis 'gyur ba ma yin no/ /don de ming lta bu nyid yin te/ gang gi phyir bdag cag ni sgra'i tshad? ma can yin te/ sgra gang brjod pa de bdag cag gi tshad ma yin no/ /sgra gzhan gyis brjod na ni/ /don de gzhan? kho na'o zhe na/ de lta na 'o na rnam grangs nyid med par thal lo/ /de'i phyir sgra ni mi rtag ste/ sku nyid yin pa'i phyir zhes bya bas ni/ blo tha dad pa med pa can bsgrub par bya ba'i chos can sgra de nyid grub par byed pa nyid du bkod pa'i phyir ma grub pa yin no/ /gzhan yang gal te sgra nyid yin pa'i phyir

  506. 253b

    mi rtag pa yin na/ 'o na sgra nyid de sgra zhes bya ba nyid kyis rtogs pa yang brjod pas ci bya/ /yang brjod pa ni chos gtsor bya ba'i don du'o zhe na/ ma yin te/ 'bras bu med pa'i phyir ro/ /chos can gtsor gyur pa yin yang gtan tshigs su 'gyur ba nyid de gang gi phyir byas pas na sgra ni mi rtag pa'o zhes bya ba bzhin no/ /mar me'i tshul du ni rjes su dpag pa'i tha snyad 'gyur ba ma yin no/ /des na yang brjod pa zhes bya ba tshar gcad pa'i gnas yin no/ /tha dad par brjod par 'dod na ni ma grub pa nyid do/ / zhes gnas so/ /des na bye brag spyi'i chos tha dad pa'i/ /phyir ni rtags dang rtags can nyid/ dper na rtsol byung nyid kyi phyir/ rtsol 'byung sgra ni mi rtag bzhin/ /gang gi phyir ldog pa tha dad pa med pa can nyid kyis de tha dad med na bsgrub par bya ba dang sgrub par byed pa dag tha dad pa med pa'i nyes pa 'gyur ba des na khyad par dang spyi dag ni ldog pa tha dad pa'i phyir rtags dang rtags can nyid de/ bsgrub bya dang sgrub byed kyi dngos por mi 'gal lo/ /tha dad pa med pa la 'gyur ba'i skyon ni tha dad pa yod pa la 'gyur ba ma yin te/ 'on pa'i nyes pa ni rna ba mnyams pa las mi 'gyur ro/ /de'i phyir rtsol ba las 'byung ba sgra ni mi rtag ste rtsol ba las 'byung ba'i phyir ro/ /zhes bya ba ni ma grub pa nyid kyi skyon ma yin no/ /sgra las gnas pa'i rtsol ba las byung ba nyid ni chos can yin la/ sgra dang sgra ma yin pa la gnas pa ni gtan tshigs yin pa'i phyir bsgrub bya sgrub byed kyi dbye ba grub po/ /sgra la gnas pa'i rtsal ba las byung ba nyid rtsol ba las byung ba gzhan las tha dad pa yin gyi spyi rang bzhin du brjod par 'dod pa ni de las gzhan las tha dad pa ma yin gyi/ 'on kyang rtsol ba las byung ba ma yin pa nyid las yin no/ /des na khyab dang khyab pa ma yin pa nyid kyis tha dad pa kho na ste/

  507. 254a

    dper na shing nyid dang shing sha pa nyid bzhin no/ /ma khyab pa nyid ni khyab par 'gyur ba ma yin no/ /des na sgra'i khyad par can ma khyab pa ni chos can yin la/ de dang de ma yin pa la gnas pa ni gtan tshigs yin te/ khyab pa nyid kyis tha dad pa'i phyir ro/ /'o na khyab pa nyid med pas sgra nyid tha dad pa med pa yin pa'i phyir de ni rjes 'gro med pa'i skyon nyid du 'gyur ro/ /des na sgra nyid yin pa'i phyir zhes bya ba'i gtan tshigs de las rjes su 'gro ba med pa'i skyon nyid yin par shin tu gsal gyi/ ma grub pa nyid la sogs pa'i skyon ni ma yin no/ /ma grub pa la yang rjes su 'gro ba med pa nyid rgyu yin/ de nyid gsal bar skyon du 'thad do zhe na/ de ni ma yin te/ 'di ltar rjes 'gro med pa'i nyes pa ni/ /med pa nyid ces de brjod min/ /'dir ni ma grub pa nyid kyis/ /nyes ba'ang gsal bar 'gyur ba yin/ tha dad med pas mi grub pa nyid med par 'gyur ba ni ma yin no/ /des na ma grub pa nyid du 'gyur pa de bzhag ste/ nyes pa gzhan brjod par byed pa ni rigs pa dang 'brel pa ma yin no/ /gtan tshigs yod na de rjes su 'gro ba ba med pa la sogs pa'i rtsod pa'i yul du 'gyur ro/ /zhes bshad do/ /de'i phyir tha dad pa med na mi ma grub pa'i skyon du 'gyur la/ tha dad pa ni re zhig gi tshe la skyon med do zhes bya bar sems so/ /des na phyogs yan lag na'ang gnod med phyir/ /chos can tha dad ma grub min/ /dper na gang bur can 'di/ /rwa can nyid phyir rta min bzhin/ /gal te gong bu gzhan gcod pa'i phyir rwa can nyid phyogs kyi khyad par yin pa de lta na yang gtan tshigs nyid na 'gal ba ma yin no/ /bsgrub par bya ba dang 'brel pa'i gtan tshigs de bzhin du/ rtogs pa ni sgrub par byed pa kho na'o/ /'brel pa de ni bsgrub bya'i yan lag nyid yin yang

  508. 254b

    'gal ba med do/ /des na bsgrub bya'i dus na yan lag yin yang chos can gyi khyad par ni chos can tha dad pa la gtan tshigs yin pa nyid do/ /yang na de rtogs nas ldog phyir/ /bsgrub bya'i dus su yan lag min/ /khyad par ni gdon mi za bar bsgrub bya nyid yin par mtshon pa'i dus na yan lag tu 'gyur ba ma yin te/ de nye bar mtshon nas snga nyid du log pa'i phyir ro/ /dper na lhas byin gyi khyim gang yin zhes dris pa na/ gdan bya rog sgra sgrogs pa'i zhes bya ba la/ de lha khang la sogs pa nye bar mtshon nas da ltar log pa yin yang dus gzhan du yang de nye bar mtshon par byed pa bzhin no/ /gal te mod pa ji ltar nye bar mtshon pa yin zhe na/ de'i 'bras bu khyad par gyi mthar thug pa'i blo yod pa'i phyir ro/ /de'i phyir nye bar mtshon pa ni dam bcas pa'i don gyis phyogs gcig nyid kyis ma grub pa'i nyes pa la brten pa ma yin no/ /gal te chos can tha dad pa yin na spyi dang khyad par gyi dngos pos tha dad pa yod pa'i phyir dam bca' ba'i don gyi phyogs nyid yin pas ma grub pa nyid kyi skyon du 'gyur ba ma yin na/ 'o na chos can tha dad pa med pa nyid la skyon du 'gyur ba'i phyir/ mnyan bya nyid la sogs pa yang dam bcas pa'i don gyi phyogs gcig nyid do/ /zhes bya ba 'gyur la/ /khyab pa mtshungs pa'i byas pa nyid dang/ ma rtog pa nyid kyang 'gyur ro zhe na/ de ni ma yin te/ 'di ltar/ chos tha dad phyir khyab par yang/ /dam bca' i don du 'thad ma yin/ /rwa can yin pa'i phyir ro zhes bya ba de lta bu la sogs pa 'ba' zhig tu nam zad kyi khyad par thun mong ma yin pa mnyan bya nyid la sogs pa yang 'gyur ba ma yin te/ chos tha dad pa nyid kyi phyir ro/ /gal te sgra ma yin pa nyid gang la ldog pas sgra nyid yin pa de tsam nyid kyis mnyan bya nyid ma yin nam/ de skad du yang rna bas bzung ba'i mtshan nyid ni sgra'o zhes bshad

  509. 255a

    pa yin no zhes bshad do/ /des na ji ltar ldog pa'i tha dad pa med par chos dang chos can tha dad ce na/ de ni mi rung ste/ gang gi phyir/ phan tshun nang du 'du na ni/ /chos tha dad par rigs ldan min/ /don gzhan dang ni 'brel pa las/ /'brel med pa ni tha dad yin/ /mnyan bya nyid ni nyan pa'i rnam par shes pa dang 'brel pa'i phyir ma 'brel pa nyid las log pa yin la/ sgra ni sgra ma yin pa'i phyir spyi nyid las ldog pa yin no/ /gal te sgra mnyan par bya ba ma yin pa med pa de ltar na yang/ tshogs pa med pa'i phyir skyes bu gzhan la bltos nas mnyan par bya ba ma yin par yang 'gyur la/ sgra ma yin par ni skyes bu gzhan la ltos kyang mi 'gyur ba'i phyir mnyan par bya ba ma yin pa las log pas ni sgra nyid ma yin no/ /mnyan bya nyid de ltar 'gyur gyi sgra nyid de ma yin te/ de ni mnyan bya dang mnyan bya ma yin pa'i thun mong ma yin pa nyid yin pa'i phyir ro/ /'dis ni slob dpon gyi ji skad du gal te 'dus pa rnams ni gzhan gyi don yin te/ 'dus pa'i phyir ro/ /'dus byas ni mi rtag ste/ 'dus byas nyid yin pa'i phyir zhes bya ba dam bca' ba'i don gyi phyogs gcig gtan tshigs yin par mthong ba ma yin nam zhe na/ 'dir 'dus pa'am 'dus byas thams cad dam bca' ba'i don ma yin te/ dpe med par thal bar 'gyur ba'i phyir ro/ /'on kyang mig la sogs pa dang/ de'i phyogs gcig nyid yin no/ /ci ste yang sgra nyid thun mong ma yin par 'gyur ro zhe na/ de ltar ni brtag par mi nus te/ dam bcas pa'i don gyi thun mong ma yin pa'i chos mnyan bya nyid thun ma yin par rigs kyi/ sgra la ni sgra nyid gzhan nyid yod pa ma yin pa'i phyir ma grub pa nyid kyi gtan tshigs kyi skyon yin no zhes gsungs pa ni legs par bshad pa

  510. 255b

    yin no/ /phyogs kyi mtshan nyid bshad zin to// //bam po bcu gcig pa/ gtan tshigs kyi mtshan nyid bshad par bya ba yin no/ /de la yang gang phyir gtan tshigs dag dang ni/ /de snang phal cher phyogs chos nyid/ /des na gtan tshigs ltar snang gi /sngon du dbye las bstan par bya/ /phyogs chos mthun phyogs yod med dang/ /rnam gnyis re re dag la yang/ /rnam gsum mi mthun phyogs la yang/ /yod med rnam pa nyis phyir ro/ /gal te de la mthun phyogs la yod dang/ /rnam gnyis de med la med gang/ zhes bya ba la sogs pa gtan tshigs kyi mtshan nyid dang/ gtan tshigs ltar snang ba'i mtshan nyid dag kho na brjod par bya ba ma yin nam/ ci'i phyir phyogs chos kyi dbye ba bstan ce na/ gtan tshigs dag dang gnyan tshigs ltar snang ba phal mo che ni phyogs kyi chos nyin pa des na gtan tshigs dang gtan tshigs ltar snang ba'i mtshan nyid kyi bye brag tu gsal bar bstan pa'i phyir dang por phyogs chos kyi dbye ba bstan te/ de ltar yin dang phyogs kyi chos 'di mi gtan tshigs so/ /'di ni 'gal ba'o/ /'di ni ma nges pa yin no zhes bde bar 'chad pa dang/ 'dzin par 'gyur ro/ /de nyid kyi phyir bshad pa/ gtan tshigs rab tu dbye ba'i don/ /bde bar bzung ba grub bya'i phyir/ /phyogs chos rab tu dbye ba yis/ /mdor bsdus pa ni gsungs pa yin/ /phyogs kyi rab tu dbye bas bsdus te/ bshad pa gang yin pa de ni gtan tshigs kyi rab tu dbye ba'i don nyid bde blag tu bzung ba'i don du'o/ /gtan tshigs kyis rab tu dbye ba ni/ gtan tshigs dang gtan tshigs ltar snang ba'i mtshan nyid bstan pa'o/ /de'i don ni gtan tshigs dang gtan tshigs ltar snang ba nyid do/ de nyid kyi phyir/ gtan tshigs ltar snang gi /sngon du zhes gsungs so/ /gtan tshigs ltar snang ba ni

  511. 256a

    gtan tshigs ltar snang ngo/ /ltar snang ni 'dir nye ba'i phyogs gtan tshigs ltar snang ba yin gyi/ ltar snang ba tsam ni ma yin no/ /gal te chos can gyi chos tsam du nye bar bsdus pa'i chos sgrub par byed pa yin gyi/ phyogs kyi chos nyid du nye bar bsdus pa ni ma yin te/ nags tshad ching la sogs pa'i phyogs 'di na du ba yod do zhes chos can tsam la nye bar ston pa'i phyir ro/ /chos can tsam ni phyogs ma yin no/ /chos can ni bsgrub par bya ba ma yin te grub pa'i phyir dang/ chos kyi khyad par can gyi chos can bsgrub bya yin no/ /zhes bshad pa'i phyir ro zhe na/ de ni bden te tshogs don bsgrub bya nyid yin phyir/ /gtso bo min yang chos tsam ni/ /chos can tsam la phyogs gcig phyir/ /bsgrub bya nyid du nye bar 'dogs/ /gtan tshigs kyi byed pa'i yul tshogs pa ni bsgrub par bya ba yin no/ /de yang phyogs ma yin te grub pa'i phyir ro/ /de'i phyir bsgrub par bya ba'i chos ma grub pa'i chos can de'i khyad par can ni phyogs yin no/ /ji ltar ma grub pa'i khyad par yin zhe na/ nye bar btags pa'i phyir ro/ /dgos pa med pa'i phyir nye bar gdags par mi bya'o zhes bya ba yang 'brel pa ma yin no/ /ma yin te chos can gyi chos thams cad yin pa dgag pa'i phyir te/ zhes bya ba la sogs pa sngar bstan zin pa nyid pas yang mi rjod do/ /de ltar yin na mig gis gzung bar bya ba la sogs pa spangs pa yin no/ /gal te mig gis gzung bya nyid mthun pa'i phyogs kho na la yod pa yin gyi/ chos can gyi chos ni ma yin pas/ de las de ni chos can smos pa nyid kyis sel pa ma yin nam/ zhe na/ nye bar btags pa dang bral ba'i chos can smos pa ni bsgrub bya'i chos nyid du mi 'grub bo/ /chos mi mthun

  512. 256b

    pa'i dpe'i chos can gyi chos zhes bya bar yang 'gyur ro/ /ma yin te med la med ces bshad pa'i phyir ro/ /ji ltar de nyid la yod pa dang de nyid la med ces bya bar 'gyur ro/ /de'i phyir 'os gzhan med pas na chos can gsum pa yongs su gzung ngo/ / de yang bsgrub par bya ba'i chos can kho na'o/ /ma yin te/ dpe'i chos can nyid la yod par nges par bya ba'i don don yin par dog par 'gyur te/ yang brjod pa ni nges par gzung ba'i phyir zhes bya ba'i tshul gyis so/ /gal te yang brjod pa med pa yang nges par gzung ba nyid ma yin nam/ mthun pa'i phyogs nyid la yod pa nges par gzung ba'i phyir ro zhe na/ ma yin te/ mthun pa'i phyogs la yod pa nyid ces bya bar yang 'gyur ro/ /nges de nyid la yod zhes nges par gzung ba'i phyir yin par 'gyur te/ des na bsgrub par bya ba'i chos can yongs su gzung ba'i don du nye bar btags pa yin no/ /'o na bsgrub bya'i chos can gyi chos nyid smos par bya'o zhe na/ ma yin te/ de la yang nye bar btags pa nyid skyabs yin pa'i phyir ro/ /ma grub pa ni sgro btags pa med par khyad par du 'gyur ba ma yin no/ /phyogs zhes bya ba 'dis kyang de nyid rjod pa'i phyir khyad par ci yod ming dang ming can gyi 'brel pa sgrub pa'i 'bad pas dka' ba'i skyon yod do zhe na/ ma yin te phyogs kyi sgra yang bsgrub par bya ba'i rnam grangs yin pa'i phyir ro/ /de ltar yang skye bo dag 'di nyid phyogs yin te 'dod par bya ba ni 'di nyid do zhes tha snyad byed pa yin no/ /de ltar yang slob dpon gyis/ tshogs don bsgrub bya nyid yin phyir/ /gtso bo min yang chos sam ni/ /chos can tsam la phyogs gcig phyir/ /bsgrub bya nyid du nye bar 'dogs/ /zhes gsungs so/ /nye bar btags pa med pa'i chos can rkyang pa ni phyogs ma yin no/ /gal te chos kyi khyad par can gyi chos can rjes su dpag par bya ba ma yin nam/ de la ni de

  513. 257a

    btags pa srid pa ma yin no zhe na/ ma yin te/ der ni shes par 'dod pa'i chos kyi khyad par can zhes bya bar bsams pa yin pa'i phyir ro/ /de ltar ni rjes su dpag par 'os pas na rjes su dpag pa yin no zhes bya ba'i 'brel ba yin pa'i phyir ro/ /rjes su dpag par 'os pa gang yin pa dang/ shes par 'dod pa'i khyad par gang yin pa de ni bsgrub par bya ba yin pas ma grub pa'i phyir nye bar btags pa nyid do/ /de'i phyir nye bar btags pa'i don nyid phyogs yin no/ /nye bar btags pas bsgrub par bya bar 'dod pa'i khyad par can nyid kyi chos can ni phyogs yin no zhes bya ba'i tshig go /gal te nye bar btags pa'i khyad par gyi chos can ni chos zhes bya bar yang 'gyur ro zhe na/ phyogs smos par ni bsgrub bya'i chos can yin par yongs su bzung ba'i don te/ bsgrub par bya ba'i chos can ni chos gang yin pa de nyid gtan tshigs dang 'gal ba dang ma nges pa yin te/ phyogs de'i chos ni phyogs chos yin no/ /gal te khyad par dang khyad par can gyi dngos po 'di la khyad par ni gzhan rnam par gcod par byed pa yin pa'i phyir gzhan gyi chos nyid yin par bkag pas na thams cad thun mong ma yin pa nyid du 'gyur ro/ /rnam par gcod par byed pa ma yin pa ni khyad par ma yin no/ /byas pa sgra'i khyad par can ni sgra'i bdag nyid yin pas ji ltar bum pa la sogs pa'i bdag nyid la/ de la 'jug par 'gyur/ /tha dad pa yin pa brgya lam na 'gyur ba yang yin no/ /chos rnams ni chos can la tha dad par 'dod pa ma yin no/ /tha dad pa ni rgyu las gzhan khyad par du 'gyur ba ma yin no/ /de ltar gyur na thams cad 'bras bu'i gtan tshigs nyid du 'gyur ro/ /de'i phyir khyad par yin na de thun mong ma yin pa nyid do//

  514. 257b

    khyad par ma yin na yang phyogs kyi chos ma yin pa'i phyir ma grub pa nyid kyi skyon du thal lo zhe na/ de ni yod pa ma yin te/ 'di ltar/ chos tshig phrad tha dad dbye bas/ /mi ldan gzhan dang ldan pa dang/ /shin tu mi srid rnam gcod byed/ /gal te rnam par gcad par bya ba dang rnam par gcod par byed pa'i dngos po gcig nyid du zad na skyon 'dir 'gyur ba zhig na rnam pa ni du mar mthong ste/ kha cig tu ni ma 'brel pa rnam par gcad par byed la/ kha cig tu ni gzhan dang ldan pa/ kha cig tu ni shin tu mi ldan pa rnam par gcod pa'i phyir tha dad do/ /ldog par byed pa'i tshig phrad kyis ni rnam par bcad par bya ba yin gyi/ gcig tu nges par gzhan dang ldan pa par rnam par gcod pa nyid ni ma yin no/ /de'i don ni nges par bzung pa tsam yin la/ gzhan du nges par bzung ba la skyon yod pa yang ma yin no/ /rnam par dbye ba 'di ga las yin te/ rjod pa'i rnam pa gcig la don tha dad pa med pa'i phyir ro zhe na/ 'ba' zhig gi don tha dad pa ni ma yin te/ 'on kyang 'brel pa can tha dad pa'i phyir ro/ /'brel pa can tha dad pa ni/ khyad par khyad par can dag dang/ /bya ba dang ni lhan cig rjod/ /gtso bo ni 'brel pa can nyid yin te/ 'di ltar/ de sbyar med kyang brjod 'dod las/ /de yi don ni rdzogs par 'gyur// khyad par dang ldan cig brjod pas ni mi ldan pa rnam par gcod par byed la/ /khyad par can dang lhan cig brjod pas ni gzhan dang ldan pa/ bya ba dang lhan cig pas ni gtan mi ldan pa rnam par gcod pa yin no zhes go rim ji lta ba bzhin du 'brel to/ /nges par bzung ba na khyad par la sogs pa'i tshig nyid kyis ston par byed la/ tshig phrad ni de gsal bar byed pa yin te/ des ni de nyid mngon par byed pa'i phyir ro/ /'di ltar bum par chu khyer la shog ces bya bas/ /gal

  515. 258a

    te byed pa'i khyad par min par 'phen pa na khyad par byed pa don med par 'gyur ro/ /de bzhin du las la sogs pa yang ngo/ /de bas na nges par bzung ba na bum pa la sogs pa'i tshig gis rtogs pa nyid la/ de dag kyang tha dad pas don tha dad pa yin no/ /gal te de dag tha dad pas ni don tha dad pa nyid du 'gyur ba ma yin nam/ des par gzung ba ni thun mong ma yin pa nyid du rtogs te/ des na rjes su 'gro ba dang ldog pa dag las tha dad par brtags pas nges par bzung ba ni tshig gi phrad kyi brjod bya nyid do zhe na/ ma yin te/ de ma sbyar na mi rtogs par thal bar 'gyur ba'i phyir ro/ /gang zhig gang med kyang rtogs pa de ni ji ltar de'i don yin/ 'o na ji ltar tha dad par brjod pa dag brjod par bya ba tha dad pa med par ji ltar 'gyur/ rnam par gcod pa nyid ni sgra'i brjod par bya ba ma yin te/ de'i brjod par bya ba ni dngos po yin pa'i phyir dang/ rnam par gcod pa ni dngos po med pa'i rang bzhin pa'i phyir ro zhe na/ de ni ma yin te/ gang phyir dag 'bras rnam gcod phyir/ /dper na nag pa 'phong skyen pa'am/ /srid sgrub 'phong skyen zhes pa'ang/ /sngon po mtsho skyes 'gyur zhes bzhin/ /phan tshun don 'brel pa can gyi tshig gi tshogs ni dag go /'dir ni dag rdzogs par byed pa'i tshig nyid dag gi sgras brjod pa yin te/ de dag nyid rnam par gcod pa'i 'bras bu can yin pa'i phyir dang/ de las gzhan pa'i dag kyang med pa'i phyir ro/ /dag gang gis 'bras bu gang yin pa de nyid de'i bstan par bya ba yin pas na don ni de nyid yin no/ /rnam par gcod pa yang rnam par gcod pa las gzhan ma yin te/ des na rnam par gcad par bya ba'i don rtogs pa'i phyir/ de dang tha dad pa med pas rnam

  516. 258b

    bar gcod par yang rtogs pa yin te/ des na rnam par gcod pa nyid bsten par bya ba yin no/ /ci ste bstan par bya ba ni dngos po yin la/ rnam par gcod pa ni dngos po med pa'i rang bzhin tshad ma gzhan gyis rtogs par bya ba 'phen pa yin la/ 'phangs pa de ni kho na sgra la sogs pas gsal bar byed do zhe na/ de yang mi rung ste/ ji ltar gzhan brjod pas ni ma 'brel pa/ gzhan ni 'phen par ji ltar 'gyur/ /'brel pa med kyi 'phen na ni/ /ha cang thar ba bzlog pa med/ /gal te ldog pa ldog pa dang ldan pa las tha dad pa ma yin na/ de'i bdag nyid yin pa'i phyir 'phen par 'gyur ro/ /tha dad kyang 'brel pa'i phyir 'phen no zhe na ma yin te/ tha dad na dngos po gzhan las ldog pa med par mngon sum gyis rtogs par thal ba'i phyir ro/ /de'i phyir dngos po med pa'i tshad mas gzhan gyis ldog pa rtogs pa yin na yang/ de dang 'brel pa med pa nyid du rtogs par 'gyur ro/ /ldog pa med pa dang/ ldog pa ni 'brel par rtogs nus pa yang ma yin no/ /'on te tha dad kyang tshogs pa cig la rag las pa'i phyir ldog pa dang don lhan cig nyid du skye ba yin no snyam na/ de ni mi 'thad de 'di ltar/ de tha dad pas don de ni/ rang nyid rjes su 'gro ba'i phyir/ /gzhan yod pas ni tha mi dad/ /tha dad par ni 'gyur mi 'os/ /rwa 'di ni rwa 'di yin no zhes khyad par dang khyad par can gyi dngos por 'gyur ba ma yin te/ dus mnyam pa nyid kyis na gnyi ga yang phan tshun rnam par 'chad par rtogs pa'i phyir dang/ 'di'o zhes bya ba nyid tsam du 'gyur gyi khyad par dang khyad par can gyi ngo bo ni ma yin no/ /phan tshun phan 'dogs pa nyid yin na dus mi mtshungs pa nyid do/ /gzhi dang gzhi can gyi dngos po na khyad par dang khyad par can gyi ngo bo'i rgyu mtshan yin no zhe na ma yin te/ bla 'og tu ma rtogs pa'i phyir ro/ /ldog pa'i dbus su dngos po rtogs pa'i phyir gzhi dang gzhi

  517. 259a

    can gyi dngos po yin no zhe na/ gal te 'di ltar na 'brel par rtogs par mi 'gyur ro/ /gang zhig gang gi dbus na gnas pa de'i de yin no zhes bsnyad? pa ni ma yin te/ bum pa'i mun pa dang snang ba zhe 'am/ snam bu'i dbus na gnas pa na bum pa'i snam bu zhes tha snyad byed pa ni ma yin no/ /dngos po med pa'i dbus ni gdon mi za bar gnas par 'gyur ba yin te/ dngos po med na ni snam bu la sogs pa dbus su gnas par mi 'gyur te/ de'i khyad par nyid du thal ba'i phyir ro zhe na/ 'o na ni dngos po med pa gzhan med pa dngos po med pa'i dbus su gnas par mi 'gyur te/ khyab par thal ba nyid kyis phyir ro/ /don der ni ngo bos dngos po med pa'i dbus su yang gnas pa ma yin no/ /gang zhig gang na gnas pa de ni/ gzhi las tha dad pa'i dngos po med par mi 'gyur ba yin te/ dper na snam bu'i dbus na gnas pa bzhin no/ /dngos po med pa'i dbus na gnas pa yang dbus na gnas pa nyid yin no zhes bya ba ni rang bzhin gyi gtan tshigs so/ gal te dngos po'i dbus su ni rang nyid gnas pa yin te/ dngos po med pa ni rang nyid de'i rang bzhin yin pa'i phyir ro/ /la cha shing sbyor ba yin pa'i phyir de la yang shing dang sbyor bar byed pa gzhan yod par 'gyur ba ni ma yin te/ /rang nyid de lta bur gyur pa yin pa'i phyir zhe na/ 'di ltar/ la cha ngo bo nyid kyis ni/ /mes bzhus shing sbyor byed pa yin/ /dngos med ngo bo nyid kyis ni/ /khyab pa'i bar byed nus ma yin/ /gal te dngos po khyab min na/ /dngos po med pa don med 'gyur/ /dngos po med pa'ang khyab yin na/ /gzhan de yi dbus su ji ltar gnas/ /dngos po med pa ni rang gi ngo bo tsam gyis khyab pa'i bar du gnas

  518. 259b

    par byed pa ma yin te/ khyab pa nyid du thal bar 'gyur ba'i phyir ro/ /ma khyab pa nyid du 'dod do zhe na/ de dngos po med pas ci bya dngos po med pa ni mi 'dre bar bya ba'i don du 'dod pa yin na/ de ni dngos po rnams khyab pa ma yin pas na rang nyid grub pa'i phyir don med pa zlog tu med do/ /gal te dngos po med pa 'am dngos po med pa dang/ lhan cig pa'i rang gi rgyus ma khyab par byas so zhes bya ba la 'gal ba ci yod ce na de yang mi rung ste/ gal te dngos po med pas don/ /khyab pa ma khyab par byed na/ /sngar ni 'dres pa yod pa de/ /phyi nas ji ltar gzhan du 'gyur/ /khyab pa ni ma khyab par bya nus pa ma yin no/ /don rnams sngar ma khyab pa nyid nam 'dres pa nyid do/ /'on te sngar med pa nyid do zhe na/ 'o na 'di'i rang bzhin de lta bu yin par 'gyur te gzhan du mthong ba med pa'i phyir ro/ /'on te rang gi ngo bos ni khyab pa yang ma yin ma khyab pa yang ma yin gyi/ /khyab pa nyid dang ldan pas ni/ /khyab par dang 'gyur la de med pa nyid dang ldan pa ni/ khyab ba ma yin par 'gyur te/ ji skad du ma 'dres bdag nyid dngos rnams la/ /tha dad tha mi dad do zhes/ /gzhan gyi khyad par can gyi ni/ /spros pa 'di ni rtogs pa nyid/ /ces bshad pa yin no zhe na/ de yang mi bzang ste/ 'di ltar/ gal te gnyis dang bral ba de/ /gzhan du rtogs pa yin na ni/ /de'i tshe dngos de gzhan dang ldan/ /gnyis la brten ces rtogs par 'gyur/ /de ma yin na ni/ dngos de las gzhan gnyis dang ni/ /de bzhin ngo yi 'brel pa gzhan/ /khyad par rnams ni ma 'dres par/ /ngo bo nyid du rtogs par 'gyur ro/ /gal te de 'dres par rtog na/ /de ltar na ni 'khrul par 'gyur/ /de lta na ni don med phyir/ /ma rig pa nyid tsam du 'gyur/ /khyad par dang

  519. 260a

    ldan pa de yang khyad par rnams las rang nyid tha dad pa'i phyir/ khyad par gzhan rtog pa ni don med do/ /khyad brtse? las rang nyid kho nas tha dad pa yin na/ khyad par dang ldan pa gzhan las ni khyad par gyis tha dad pa zhes bya ba 'di la? tshod? ma ni cung zad kyang ma yin no/ /gal te rang gi ngo bos tha dad pa yod na tha dad pa de nyid khyad par dang ldan pas gzhan la bltos pa yang blta bar bya ba'o/ /tha dad pa gzhan nyid yin no zhe na ma yin te/ tha dad pa de snyed la dgos pa med pa'i phyir ro/ / rang bzhin gyis ni tha dad phyir/ /tha dad pas kun las ldog phyir/ /'dir ni tha dad gzhan du yang/ /bstan pas yon tan ci zhig yod/ /'on te 'di las kyang tha dad la/ /'di las kyang tha dad do zhes 'dod pa'i phyir tha dad par rtogs pa yin no/ /tshad mar grub pa'i don med kyang dor pa'i yul du rtag par nus pa ma yin no zhe na/ gal te de ltar na khyad par yang tha dad do zhes rtogs pa yin pa'i phyir tha dad pa gzhan khas blangs par bya la/ de las kyang tha dad pa gzhan yin pa'i phyir tha dad pa rnams thug ba med par 'gyur la/ /rang gi ngo bos ni tha dad pa med par 'gyur thal lo/ /legs par byon to/ /'gyur mod skyon ci yod/ 'di nyid khas blangs pa ma yin nam zhe na/ de ni ma yin te/ ngo bos tha dad yod min na/ /rang gzhan gyis kyang tha dad du/ /mi 'gyur tha dad med na de/ /gzhan yin par ni ji ltar 'gyur/ /rang gi ngo bos tha dad pa ma yin pa ni gzhan gyi ngo bos tha dad par 'gyur ba ma yin no/ /tha dad pa ma yin na de gzhan ma yin pa nyid du 'gyur ro/ /de rang gi ngo bo tha dad pa ma yin na gzhan nyid med la/ de med pa'i phyir ji ltar de las tha dad par 'gyur/ /'on te de las tha dad par byed pa ni rang gi ngo bos tha dad pa yin la/ des ni chos can gyi rang bzhin tha dad pa med pa yang tha dad pa byed pa yin no zhe na/ de yang

  520. 260b

    mi 'thad de 'di ltar/ gal te de ni rang bzhin gyis/ /tha dad gzhan yang de ltar 'gyur/ /shin tu ring bar song nas ni/ /slar yang 'ong bar nus pa min/ /gang gi tshe de las tha dad pa'i tha dad par byed pa po rang gi ngo bos tha dad pa ma yin pa de nyid kyi tshe de las gzhan pa dag rang tshon gyis ma bsgyur bar dmar ba'i king shu ka'i me tog gi dog pa'i phal po che nyid du 'gyur ro/ /tha mi dad pa ni tha dad par 'gyur ba nus pa ma yin no/ /tha dad pa gzhan gyis ni tha dad pa med pa tha dad pa 'gyur ba ma yin no/ /de'i phyir tha dad pa gcig rang gi ngo bos tha dad pa yin na tha dad pa dang ldan pas yang de bzhin du der 'gyur bas gzhan las tha dad pa ma yin no/ /de'i phyir gzhan der ma 'dres pa'i ngo bo nyid kyis na rang gi ngo bo nyid tha dad pa yin pa'i phyir tha dad pa tha dad pa dang don gyi rang bzhin dag de'i rab dbang kho na yin te/ des na tha dad pa nyid dag gi don yin no/ /de nyid gtsor brjod par bya ba yin no/ /de lta ma yin na dngos po brjod pa nyid du yang mi 'gyur te/ 'tshol pa ni dngos po nyid du mi rung ba'i phyir ro/ /dngos po ni don bya ba byed pa yin na thams cad 'dom na ni don bya ba srid pa ma yin no/ /don gzhan las ngo bo nyid kyis tha dad pa de yang mngon sum gyis rtogs par bya ba ma yin no/ /de la brda byas na ni de nyid sgras go bar bya ba yin pa'i phyir rnam par gcod pa nyid sgra'i brjod par bya ba yin no/ /log pa ni log pa ma yin par brjod par nus pa ma yin no/ /gal te ldog pa de rang gi ngo bor gyur pa ma yin na/ de la rang gi ngo bo brjod pa med na ji ltar de dang tha mi dad pa'i ldog pa brjod pa yin/ 'on te ldog pa tha dad pa yin na de'i tshe 'di rang gi gsal ba las rjes su song ba'i phyir rigs nyid tshul gzhan gyis bstan par 'gyur ro/ /de lta na

  521. 261a

    yang rjes su song ba'i rang bzhin nyid rtogs par bya ba yin gyi/ ldog pa ni ma yin pa'i phyir ji ltar dag rnam par gcod pa'i 'bras bu can du 'gyur zhe na de ni ma yin te/ 'di ltar bum pa de nyid de las ni// gzhan ba dag las ldog par brjod/ /ldog med pa nyid spyi dang ni/ /ldan pas tha dad 'gyur ba min/ /'di ni bstan zin te/ /rang nyid ldog pa ma yin pa de las gzhan dang ldan bas ldog par 'gyur ba ni ma yin no/ /spyi dang ldan pa ni mtshungs pa nyid du 'gyur ba yin no/ /der yang 'gyur ba ma yin te/ mtshungs pa ma yin pa ni gzhan dang ldan yang mtshungs pa nyid du 'thad pa ma yin no/ /gal te rang nyid mtshungs na ni/ /spyi rtog pa ni don med nyid/ /spyi dang ldan yang mi mtshungs pa/ /de yi bdag tu 'gyur ma yin/ /gal te spyi dang ldan par gyur kyang mtshungs pa nyid ni ma yin no/ /de ni rang gi rang bzhin du snang ba'i phyir ro/ /tha dad par snang na ni spyi dang ldan pa zhes bya bar 'thad do/ /tha dad pa med par snang na spyi zhes bya ba kho nar zad do/ /gal te tha dad par ma bzung na ni spyi zhes bya ba'am khyad par zhes bya ba tsam du 'gyur ro/ /'on te tha dad pa yang snang la tha dad par med par snang ngo zhe na/ de ni ma yin te/ gang gi phyir/ gal te tha dad par snang na/ /des na spyi dang ldan par 'gyur/ /tha dad med par snang zhe na/ /des na de ni spyir 'gyur ro/ /gcig la ni tha dad pa dang tha mi dad pa'i rang bzhin gnyis 'thad pa ma yin no/ /gal te spyi de gsal ba las rang bzhin de nyid kyis tha dad pa yang yin la/ rang bzhin de nyid kyis tha dad pa med kyang yin pa ma yin te/ 'on kyang rang bzhin 'gas ni tha dad pa yin la/ rang bzhin 'gas ni tha dad

  522. 261b

    pa med pa yin no zhes rnam par gnas pa yin no zhe na/ de ni de ltar bden pa ma yin te/ gang gi phyir phan tshun tha dad phyir na spyi/ /rang bzhin gnyis por 'gyur ma yin/ /dngos po gnyis po de la ni/ /spyi gzhan dag tu 'gyur ba yin/ /spyi'i rang bzhin tha dad phyir/ /gsal ba nyid du thal bar 'gyur/ /rang bzhin tha dad phyir na ni/ /gsal ba'i phyir yang 'thad mi 'gyur/ /gal te rang bzhin 'gas ni tha dad la bzhan gyis ni tha mi dad pa'i phyir spyi la rang bzhin gnyis yod na/ de dang phan tshun tha dad pa'i phyir gsal ba'i rang bzhin nyid du 'gyur ro/ /tha dad pa'i rang bzhin las gsal ba gzhan ni med do/ /gsal ba nyid dang ldan pa'i phyir gsal ba yin no zhe na/ gsal ba nyid ni spyi ma yin no/ /de dang lhan cig mtshungs par 'gyur/ / de ni gsal bas gzhan min na/ /khyab pa nyid min thal bar 'gyur/ /rang bzhin gnyis su rtogs na yang/ /snga ma bzhin du thal bar 'gyur/ /de'i phyir gsal ba rnams kyi spyis ni tha dad pa nyid yin te des na gsal ba nyid yin na de spyi ma yin no// 'on te spyi dang ldan pas spyi yin na de la spyi gzhan yod pa des na de rang nyid spyi dang ldan pa yin gyi spyi ni ma yin no/ /spyi dang ldan pa nyid ni spyir 'gyur ba ma yin no/ /des na spyi'i rang bzhin gnyis la mtshungs pa zhes bya ba ni blor mi 'gyur ro/ /des ni gsal ba la ma yin te/ spyi'i rang bzhin tha dad pas bar du tshod pa'i phyir ro/ /'on te khyad par dang spyi tha dad pa dag kyang rang bzhin 'gas ni tha dad pa yin la rang bzhin 'gas ni tha dad pa ma yin pa yin no zhe na/ de dag gi tha dad pa la yang spyi gzhan 'pho bar 'gyur ro/ /de lta yin na spyi dang spyi'i rang bzhin dag gsal ba nyid do/ /des na spyi snga ma dag ni mtshungs pa nyid du ma 'gyur te/ spyi dang mi ldan pa'i phyir ro/ /des na gcig kyang spyi dang ldan pa

  523. 262a

    ma yin pa'i phyir mtshungs pa ma yin pa nyid do/ /des na mtshungs pa'i rnam pa 'di dngos po dang mi ldan pa'i rtogs pa yin no/ /nges pa med par smra ba rnams kyi spyi dag ni brjod pa yod pa ma yin pa'i phyir rtogs pa'i skyong yul thams cad ni gsal ba nyid do/ /rdzogs pa yod kyang gsal ba nyid do/ /de las spyi gzhan mi 'dod na ni snga ma la yang mi srid pa ma yin no/ /tha ma spyi nyid yin na ni de las tha mi dad pa snga ma yang yin pa'i phyir snga ma dag spyi yin par 'gyur ba de'i phyir spyi'i blo dmigs pa dang bcas par 'gyur ba zhig na/ de lta yang ma yin te/ des 'di ni gyi na'o/ /de bzhin du gal te tha dad pa rnams kyi tha dad pa yang/ tha dad pa tha dad pa thams cad khyab pa yin na/ de'i phyir phan tshun tha dad pa med pa rnams tha dad pa dang ldan yang/ de dang ldan pa dag tha dad tha mi dad la gsal bar 'gyur ba ma yin pa'i phyir thams cad tha mi dad pa nyid du 'gyur ro/ /spyi de dang ldan pa tha dad ldan pa tha dad do zhe na ma yin te/ gsal ba tha dad pa med na spyi yin par mi 'gyur te/ de? ni gsal ba nyid yin par 'gyur ro/ /de yang rang las tha dad pa med pa yin pa'i phyir des na gnyis med par thal lo/ /de'i phyir ldog pa nyid spyi yin no/ / gal te ldog pa tha dad pa med pa ji ltar rigs mi mthun pa las yin pa de bzhin du rigs mthun par 'dod pa las kyang yin pas de ji ltar rigs mi mthun pa nyid las ldog pa bkab te/ rtogs par nus zhe na/ de ni bden te/ gal te rtogs pa thams cad ni/ /rang gi ngo bor zin 'gyur na/ /tha dad med par rnam phye nas/ /ji ltar yang ni rtogs mi nus/ /gang gi tshe/ 'jig rten gnas pa'i tha dad ni/ 'khrul tsam las kyang thob 'gyur ba/ /

  524. 262b

    de tshe tha dad de srid pa/ /tha dad med pa dmigs kyi 'gar/ /yul thag ring po na 'dug pa'i mtho yod la tha dad pa yod kyang rtogs par mi nus te/ der dbyibs tsam zhig rtogs pa'i phyir ro/ /khyad par spangs pa'i dbyibs tsam srid pa yang ma yin te/ yul thag ring ba nyid kyis de mi snang ba yin no/ /thams cad du snang ba tsam mtshungs pa skye ba'i phyir de nyid gsal ba las tha dad pa'i spyi yin par 'gyur ro/ /snang ba dang rnam par brtag par bya ba gcig tu byed pas de nyid tha dad pa dang tha dad pa ma yin pa'i phyir kun rdzob tu tha dad pa dang tha dad par ma yin par 'gyur gyi don dam par ni ma yin no/ /don dam pa nyid du ci'i phyir tha dad par mi 'gyur zhe na/ gcig tu byed pa'i rtogs pa la gnyis snang ba med pa'i phyir ro/ /'o na ni tha dad pa don dam pa par 'gyur te spyi nyid snang ba'i phyir ro/ /gang zhig tha dad par snang ba de ni tha dad pa kho na'o/ /zhe na de yang ma yin te/ 'di ltar/ gsal dang 'brel med rang bzhin du/ /snang ba de ni der mi 'gyur/ /yan 'gar? ba'i spyi nyid ni/ /spyi yin gsal ba'i rang bzhin bzhin/ /'on te spyi nyid dang ldan pa'i phyir 'ba' zhig kyang spyi yin par 'gyur ro zhe na/ de yang mi bzang ste/ spyi gzhan dang ni ldan pas na/ /spyi rnams spyi nyid yin na ni/ /gsal bar de las snga rol gyi/ /spyi ni gsal ba nyid du 'gyur /'o na ni 'khrul pa'i rtogs pa nyid spyi yin te/ de ni gsal ba rnams kyis mtshungs pa yin pa'i phyir ro zhe na/ 'o na gsal ba la 'jug pa 'am rtogs par mi 'gyur ro/ /blos 'khrul pa'i rang bzhin rtogs pas ni gsal ba'i rang bzhin dang de la 'jug par rigs pa ma yin te/ thal chas par 'gyur ba'i phyir ro/ /'khrul pas 'jug go zhe na/ ma yin te/ 'khrul pa gzhan med pa'i phyir ro/ /de'i tshe yang rang gi ngo bo rtogs pa'i

  525. 263a

    phyir gsal bar rtogs pa ma yin no/ /des na 'khrul pa gzhan dang gzhan khas len pa thug pa med par 'gyur ba'i phyir mi rtogs pa nyid pas 'di ni gyi na'o/ /gal te tha dad pa ? ? shos kyi spyi dang ldan pa ma yin gnyi ga'i rang bzhin du ma yin/ blos 'khrul pa nyid kyis ma yin la/ gsal ba rtogs pa yang ma yin na/ 'o na ji ltar sgra dang rtags dag las don rtogs pa'i thabs su 'gyur zhe na/ 'os gzhan med phyir rnam gcod kyi/ / 'bras bu sgra las don rtogs pa'i/ /thabs yin gzhan du 'gyur ba yin/ /tshul ni ci zhig yod par 'gyur/ /gal te 'os gzhan med pas ni dngos po rnam par 'jog? pa ma yin gyi/ 'on kyang tshad mas yin no/ /rnam par gcod pa rtags par 'dzin pa'i tshad ma ni ma dmigs pa yin no zhe na/ 'dir brjod pa/ de las gzhan dag las ldon pa/ /'jug pa nye bar dmigs pa'i phyir/ /dag ni rnam gtso? bo 'bras can zhes/ /ci phyir nges par 'dzin mi byed/ /tha snyad pa de dag las gzhan rnam par bcad? nas 'jug par dmigs so/ /ma rtogs pa la ni 'jug pa ni ma yin te/ des na rnam par gcod par nges pa yin no/ /de ni mngon sum gyis gzhan dang ma 'dres par rtogs pa yin la/ rnam par rtogs pas kyang ngo/ /de mngon sum gyis ni dngos po'i rang bzhin la gnas pa'i ldog pa nyid rtogs pa'i yul du byed la/ rnam par rtog pa rnams ni dngos po'i yul can ma yin pa nyid do/ /des na sgra dang rtog pa'i yul ni ldog pa tsam kho na yin no/ /gal te dngos po ma rtogs na ldog pa dum bur bkol te ji ltar rtogs par 'gyur zhe na/ 'di la 'di skad brjod de/ ldog pa'i

  526. 263b

    'brel pa yul rtogs pa'i spyod yul dngos po gang yin yod pa nyid/ /bden dang bden pa yin par khyab gzhan blo don ldan pa su zhig rtogs/ /ldog dang 'brel par ji tsam gyis rtogs khyed la de tsam gyis chos med/ /gal te spyis sgos sgrub na bye brag de la yon tan ci zhig yod/ /dngos po tsam zhig med na rnam par gcod pa rtogs par mi nus pa de tsam zhig tha snyad pa rnams kyis dngos po grub pa la mthu yod pa yin no/ /bden pa'i dngos po dang? 'brel? pa nyid ni rnam par gcod par rtogs par nus pa ma yin te/ bden pa dang 'brel pa ma yin pas kyang de rtogs par mthong ba'i phyir ro/ /de'i phyir dag ni rnam par gcod pa'i yul can nyid de/ de la dngos po ni mi bden pa'i phyir ro/ /gal te dngos po mi bden na de tha dad pa med pas de la gnas pa'i ldog pa yang ji ltar bden pa nyid yin zhe na/ 'dir brjod pa/ rtogs bzhin du yang 'di mi bden zhes bya ba'i tshul 'di ci zhig yin/ gal te bslu bas bden min na/ /tha dad ci ste bden mi 'dod/ rnam par gcod pa ma yin par smra ba la re zhig 'di dri bar bya ste/ rtogs pa'i yul mi bden pa zhes bya ba 'di ci zhig /gal te rtogs pa'i rang bzhin des ni yod pa nyid yin na ji ltar mi bden pa nyid yin/ 'on te ma rtogs pas yin na/ 'o na ni de'i tshe thams cad mi bden pa nyid do zhes bya ba mi bden pa nyid do/ /bden pa nyid 'ga' yang med do zhes gzhan gyis nye bar bkod pa ni/ bong bu'i 'o ma skogs pa dang mtshungs par 'gyur ro/ /'on te thob par bya ba'i rang bzhin nyid med pa des na bslu ba'i phyir mi bden pa yin gyi/ rang gi ngo bos ni ma yin/ rang gi ngo bo yod kyang thob par bya ba'i rang bzhin don du gnyer ba yin pas de med na ni de mi bden pa kho na ste/ phyin ci log nges pa nyid ni mi bden pa yin no/ /thob

  527. 264a

    par bya ba'i rang bzhin ma yin pa la thob par bya ba'i rang bzhin du 'dzin pa gang yin pa ni phyin ci log go rtogs pa las gzhan ma yin no zhe na/ de ltar na ni 'o na rnam par gcod pa ni bden no zhes bya ba de ltar 'gyur ro// 'di ltar/ 'jug byed tha snyad pa dag gis/ /gzhan bcad pa ni thob pa na/ /rnam gcod dngos po min pa ni/ /bye brag gzhan 'dir don med do/ /gal te gang zhig thob par bya ba de bden pa yin na rnam par gcod pa bden pa nyid du 'gyur te/ de thob pa'i phyir ro/ /gal te des ni mi bden pa'i dngos po rnam par bcad pa rtogs pa yin na de ni thob pa ma yin te/ bden pa'i dngos po'i rnam par bcad pa rtogs pa'i phyir ro/ /gzhan rtogs pa na gzhan thob pa ni bslu ba ma yin pa ma yin te/ des na rnam par gcod pa bden par ji ltar 'gyur zhe na/ gnas ma yin pa la mngon par zhen pa'i gnas ma yin pa la brten pa'i brgal ba 'di ci zhig yin/ re zhig tha dad pa ni thob pa yin la de tsam gyis kyang tha snyad pa chog par 'dzin to/ /gang gis rnam par gcod pa'i dbye bas nges par bzung ba'i slu ba dang 'brel bar 'gyur ba de thob pas chog par 'dzin pa'i tha snyad pa dag ni tha dad pa gzhan dang gzhan dbye ba nges par bzod pa ma yin no/ /de'i phyir/ mi slu ba ni tha snyad pa'i/ /skye bo'i rtogs pas brjod pa yin/ /don dam par ni rnam dpyad na/ /mi slu de nyid du yod min/ /'di ni brjod zin te/ ldog pa'i yul can gyi tshad ma ni kun tu tha snyad ba kho na yin te/ tha snyad las ni tshad ma nyid ces bshad pa'i phyir ro/ /gal te tshad mas tshad ma rtogs na ni thug pa med par 'gyur ro/ /tshad ma med par rtogs na ni gzhal bya yang/ yin pas gzhal bya rtogs pas tshad ma las rag ma las

  528. 264b

    par 'gyur ro/ de'i phyir bshad pa/ tshad ma nyid ni tha snyad ni/ rtogs 'gyur de nyid du ma yin/ /tshad ma'i blo ni de nyid min/ /de ltar yin na thub med brjod/ /gang phyir de la'ang rnam dpyad na/ /gal te tha snyad tshad ma nyid/ /yin na thug pa med par brjod/ /tshad ma med par rtogs na ni/ /gzhal bya la yang de ltar 'gyur/ /tshad ma med par thams cad ni/ grub phyir tshad ma'i mtshan nyid ni/ /don med nyid 'gyur de yi phyir/ /'di ni 'brel pa ma yin na/ /de'i phyir mi bslu ba ni thams cad du/ / de kho na zhib mo ma dpyad par tha snyad tsam du brten nas yin gyi/ don dam par ni ma yin no/ /'di ltar/ 'di nas chu klung 'di nas stag /srog chags gang gis 'gro bar 'gyur/ /tha dad tha mi dad gnyi gar/ /mi bslu ba ni 'thad ma yin/ gal te rtogs pa las gzhan pa'i dngos po thob na ji ltar gzhan thob pas bslu ba 'am mi bslu ba yin no/ /'on te bdag nyid thams cad kyis tha mi dad pa yin na de lta yin na de yang de'i tshe nyid rtogs pas ci'i don du 'jug pa 'am ci zhig thob par phyir 'dod/ /des na slu ba nyid ma yin pas 'di ni gcig nas ni stag yod la/ gcig nas ni chu klung gis chod pa'i tshul du 'gyur ro/ /de'i phyir/ dag ni rnam gcod 'bras can te/ /'gar yang dngos po'i yul can min/ /kho na'i sgra sbyar med na yang/ /tshig rnams kyis ni rtogs par 'gyur/ /'di ni re shig gzhag go /ci 'ga' zhig tu de ltar mthong ba yod dam zhe na/ nag pa 'phong skyen no/ /srid sgrub 'phong skyen no/ /pad+ma sngon por 'gyur ro zhes khyad par dang/ khyad par gyi gzhi dang/ bya ba rnams la sbyar ba na mthong ba nyid do/ /khyad par la nges par bzung na ni gzhan dang mi ldan pa rnams par gcod la khyad par can la nges pa nges par bzung na ni gzhan dang ldan pa/ bya ba la nges par bzung na ni shin tu mi ldan pa rnam

  529. 265a

    par gcod pa'i phyir tha dad do/ /sbyor ba med par ji ltar nges par bzung ba'i khyad par nges she na/ skabs dang brjod par 'dod pa dang/ khyad par dag las so/ /gal te ji ltar srid sgrub nyid 'phong skyen no zhes khyad par can dang lhan cig nges par bzung bas khyad par can gzhan rnam par gcod pa de bzhin du khyad par dang lhan cig pas kyang khyad par gzhan rnam par gcod par 'gyur ro/ /des na nag pa 'phong skyen pa nyid do zhes bya bas yon tan thams cad rnam par gcod par 'gyur na/ de lta na ni 'thad pa ma yin la/ mi ldan pa dang gzhan dang ldan pa rnam par gcod pa dag bye brag kyang med par 'gyur ro zhe na/ de ni bden mod kyi de yang zla bo rnam gcod pa/ /don rnams la ni rtogs 'gyur te/ /de ltar grags dang nus pa dang/ /sgra ni brjod 'dod rjes 'brang? phyir/ /de la gal te gang gi tshe 'di 'phong skyen nam/ 'on te mi skyen zhes 'phong skyen par the tshom za ba'i skabs su nag pa 'phong skyen no zhes sbyar ba de'i tshe de nyid the tshom gcod par byed pa yin pa'i phyir 'phong mi skyen pa kho na rnam par gcod do/ /de lta ma yin na nyan pa po 'byang ba med pa smra ba ni smra ba po nyid du mi 'gyur ro/ /des na bzlog pa'i? zla bo rnam par gcod pa nyid rtogs kyi/ gzhan ni ma yin no/ /de bzhin du gzhan dang ldan pa rnam par gcod pa'i dag de la yang gal te srid sgrub dang rna can gnyis 'phong gang skyen zhes so sor nges pa'i bzlog zla'i skabs yin na ni srid sgrub nyid 'phong skyen no zhes/ de las rna can nyid rnam par gcod kyi/ rA ma la sogs pa ni rnam par gcod pa ma yin no/ /de bzhin du mi ldan pa rnam par gcod pa la yang gal te ci yon tan gzhan dag kyang yod dam zhes bya ba ni skabs su yin na ni de'i tshe ni nag pa'i 'phong skyen pa nyid kyi mkhas pa la sogs pa ni ma yin no zhes 'khrul pa med pa spangs pa'i yon tan mdza' dag

  530. 265b

    rnam par gcod pa nyid do/ /srid sgrub spyod pa na yang/ gal te spyi 'gro ba na 'phong skyen pa gzhan yang yod dam zhes/ the tshom za ba'i skabs su bab pa de'i tshe khyad par dang ldan pa gzhan mdza' dag rnam par gcod pa nyid de/ de'i tshe skabs kyis thams cad bzlog zlar gyur pa nyid kyi phyir ro/ /des na mi ldan rnam gcod pas/ /chos can chos kyi khyad par yin/ /de yi khyad par can gyi chos/ /rjes 'gro med pa'i skyon rten min/ /chos de gzhan dang ldan par 'grub pas de dang ma 'brel pa nyid du rtogs pa yin te/ des na de bstan pas gzhan rnam par gcod pa ma yin pa'i phyir rjes su 'gro ba med pa'i skyon med do/ /'di ltar 'di ni phyogs kyi chos nyid do zhes bya ba 'di ni de lta bur gyur pa nyid du grags pa nyid de/ ma 'brel pa bzlog pa zlar yin pa'i phyir dang/ gzhan dang ldan pa ni bzlog pa'i phyir ro/ /don 'di rtogs par nus pa'i yang phyir te/ /gzhan dang ldan par grub pa der nges par bzung ba ni de nyid la 'bab pa ma yin te/ 'gal ba'i phyir ro/ /the tshom du gyur pa bsgrub pa 'am sel ba yin gyi/ grub pa dang 'gag pa ni ma yin no/ /bzlog pa'i zla bo dang/ de bzhin du sgra dag ni brjod par 'dod pa'i rjes su 'brang ba yin pa'i phyir de lta bu nyid du rtogs par 'gyur ro/ /brjod par 'dod pa ni gzhan yin la/ sgra ni gzhan du bstan par nus pa ni ma yin no/ /sgra ni sgron ma bzhin du ngo bo nyid kyis rtogs par byed pa ma yin no zhes bstan zin to/ /gal te 'phong skyen pa ni srid sgrub kho na'o zhes khyad par dang lhan cig nges par gzung yang gzhan dang ldan pa nyid rnam par gcod kyi mi ldan pa ni ma yin pa'i phyir skabs dang 'gal lo zhe na/ 'gal ba med de/ gang gi phyir/ gal te sgra yis srid sgrub nyid/ /khyad par du ni bstan na yang/ de la de ni dam pa yi/ don du yod pa ma yin no/ /khyad par 'dir yon tan gyi dngos po yin pa'i phyir rten par gyur pa'i chos la brjod do/ /don dam par na srid

  531. 266a

    sgrub nyid rten yin pa'i phyir khyad par can nyid do/ /dngos po'i tshul yang gzhan yin la/ /sgra'i tshul yang gzhan yin no/ /'dir ni skabs kyi dngos po'i chos gzung ba'i phyir skyon med do/ /'dir ni nges par gzung ba'i don rnam par gcod pa'i rang bzhin ni mngon sum dang rjes su dpag pa rnam par phye nas rtogs pa'i phyir mi rtogs pa'i skyon med do/ /gzhan dang ldan pa rnam par gcod pas khyad par yin na ni gcig de ltar gyur pa na gzhan de ltar ma yin par 'gyur la khyad par dang khyad par can dang ldan pa'i tshig phrad kyang khyad par med par 'gyur ro/ /gal te byas pa nyid phyogs nyid kyi chos yin na/ de las gzhan mdza' dag ma byas pa nyid du 'gyur ba dang/ sa phyogs gzhan du ba dang mi ldan par 'gyur bas de de ltar mngon sum dang rjes su dpag pa dang 'gal bar 'gyur ro/ /mngon sum gyis ni du pa gzhan du rtogs pa yin la/ byas pa nyid kyang rkyen gyi bye brag gi tha dad pa can yin pa'i phyir zhes bya ba la sogs pa'i rjes su dpag pa'am mngon sum las gzhan la rtogs pa yin no/ /rjes su dpag pa'i mtshan nyid kyi 'jig rten gyi grags pa las kyang khyad par la sogs pa dang lhan cig spyod pa'i nges par gzung ba'i don can tshig phrad dang/ ma 'brel pa rnam par gcod pa la sogs pa de'i don dag brjod par bya ba dang rjod par byed pa'i dngos po 'am gzhan dag rtogs pa'i phyir de la ji ltar gzhan du 'gyur/ /de ltar de ni phyogs chos zhes bya ba'i bsdu pa'i don bshad pa yin te/ tha dad pa dang 'brel pa'am/ tha dad pa dag 'brel pa dag bsdu ba dang/ dag gi don yin no zhes bye brag tu rtogs pa'i phyir ro/ /gal te phyogs kyi chos yin mod/ /de rnam pa dgung go slob dpon gyis ci ste bstan to/ /ma grub pa dang/ 'gal ba dang

  532. 266b

    mi nges pa dang/ yang dag pa'i gtan tshigs rnams bstan pa'i phyir de tsam bstan par bya ba yin gyi/ dgus ni dgos pa med do zhe na bshad pa/ rang bzhin 'bras bu grub don du/ gtan tshigs gnyis dang bzlog pa gnyis/ /rtsod phyir khyad par spyi dag ste/ /lhag ma ldog pa'i sgrub byed yin/ /dgu car la yang dgos pa yod pa'i phyir rnam pa dgu bstan to/ /rang bzhin dang 'bras bu dag de'i bdag nyid dang de las byung ba'i 'bral ba'i phyir gtan tshigs nyid yin gyi gzhan ni ma yin no zhes bstan pa'i phyir gnyis bstan to/ /de gnyis nyid phyin ci log tu sgrub pa bkod na 'gal yin no zhes bstan pa'i phyir gnyis so/ /gzhan dag mthong ba dang ma mthong ba tsam gyis ma nges pa yang nges par rtogs pas de rnam par bcad pa'i gzhan gnyis so/ /lhag ma gsum bstan pa ni gtso bo bstan pa'i don to/ gtan tshigs ni ldog pa'i sgo nas go bar byed pa yin no/ /des na rjes su dpag pas ni rnam par gcod pa nyid bsgrub par bya ba yin no/ /zhes bya ba'i don bstan pa yin no/ / phyogs kyi chos dgu po de dag ni 'di yin te/ gzhal bya byas dang mi rtag dang/ byas dang mnyan bya rtsol byung dang/ mi rtag rtsol byung reg min te/ /dgu po 'di dag rtags sogs la ste byas pa nyid dang brtsal ma thag tu 'byung ba dag gcig yin pa'i phyir bzlas pas ji ltar du ma nyid dam/ gtan tshigs dang 'gal ba dag tu 'gyur zhing/ dgu nyid du yang ji ltar 'gyur te/ de nyid bzlas pas ni grangs tha dad pa'i rten du 'gyur ba ma yin no/ /zhe na 'di la brjod pa/ gang gi phyir rtag dang mi rtag rtsol byung dang/ /bar du rtag pa gsum dag dag /rtsol byung min dang mi rtag rtag /sgrub byed gzhal bya nyid sogs yin/ /de'i phyir thams cad 'thad do/ /rang gi ngo bos ni sgrub par byed pa zhes bya ba cung zad cig

  533. 267a

    yod pa ma yin te/ bsgrub par bya ba la bltos nas sgrub par byed pa nyid du 'gyur ba'i phyir ro/ /bsgrub par bya ba tha dad pa 'brel pas na gcig de nyid yang dag pa'i gtan tshigs dang 'gal bar 'gyur ba'i phyir mi 'thad pa ci yang med do/ /des na gtan tshigs gnyis te byas pa nyid kyi phyir mi rtag go zhes bya ba ni rang bzhin gyi gtan tshigs yin la/ brtsal ma thag tu byung ba yin pa'i phyir zhes bya ba'i 'bras bu'o/ /byas pa nyid ni rang bzhin gyi gtan tshigs yin la/ brtsal ma thag tu 'byung ba nyid ni 'bras bu'i gtan tshigs yin no/ /zhes bya ba 'di ltar rnam par shes te/ bzlog pa ci ste mi 'gyur zhe na de'i mtshan nyid dang ldan pa'i phyir ro/ /gzhan gyi mtshan nyid dang mi ldan pa'i phyir na bzlog pa ma yin no/ /rang bzhin nyid las gzhan gyis na/ /go bya la khyab yod min te/ /rgyu ni 'khrul pa srid phyir ro/ /de phyir 'bras rnams gnyis su 'jug /byas pa nyid ni khyab mnyam pa yin pa'i phyir ro/ /khyab mnyam pa can ni 'bras bu ma yin te/ rgyu ni 'bras bu la 'phrul pa'i phyir te/ rgyu ni gdon mi za bar 'bras bu dang ldan pa ma yin pa'i phyir ro/ /des na 'bras bu thams cad ni rnam pa gnyis su 'jug pa yin no/ /brtsal ma thag tu byung ba nyid kyang rnam pa gnyis su 'jug pa des? na/ 'bras bu'i gtan tshigs yin/ /mi rtag pa tsam gyis ni brtsal ma thag tu 'byung ba'i 'bras bu shes pa rtsom pa ma yin te/ des na de mthun pa'i phyogs la rnam pa gnyis su 'jug pa yin no/ /rgyu'i de ma thag tu 'bras bu rtsom pa ni mi rtag pa thams cad kyang yin te shes pa 'bras bu yin yang dngos su khyab pa'i phyir rang bzhin gyi gtan tshigs nyid do/ /ji ltar dmigs pa nyid yod par brjod pa bzhin no/ /brtsal ma thag tu byung ba'i shes pa'i mtshan nyid ni yod pa ma yin te

  534. 267b

    de las gzhan rnams med par thal ba'i phyir ro/ /des na shes pa de ni rjes su 'gro ba dang ldog pa'i dngos pos brtsigs pa'i tha dad pa'i 'bras bu'i mkhar gyi rtse mor 'jog par byed do/ /des na rtsol ma thag tu 'byung ba'i sgras brjod par bya ba'i nges pa de ni 'bras bu'i gtan tshigs yin no/ /brtsal ma thag tu 'byung ba'i shes pa mi rtag pa'i 'bras bu yin no zhes bya ba ji ltar rtogs/ de ltar yang rtsol ba'i 'bras bu du ma yin pa'i phyir 'bras bu dang mtshungs pa'i zhes bshad pa yin no/ /gsal ba dang rtsol ba'i 'bras bu yin la 'byung ba yang yin te/ dper na mar me'i bdog pa'i rtsol ba ni bum pa'i 'bras bu nyid du sgrub par byed pa ma yin la/ 'khor lo la sogs pa'i rtsol ba ni de ltar yin pa'i phyir gnyi ga mthong bas na ji ltar gcig tu nges/ de ltar yang rnam par bshad pa byed pas/ gal te sgra rtag par 'thad par 'gyur ba ni/ de'i tshe sgra bsal bar bya ba yin la/ de lta ma yin na ni de'i tshe byed pa yin no zhes bshad do/ /sgra byed do zhes bya ba'i tha snyad tsam gyis ni sgra byed pa nyid do/ /zhes rtogs pa ma yin te/ byed pa ni sbyor ba'i don yin pa'i phyir dper na nga'i rkang par gyis shig /rgyab tu gyis shig zhes bya ba bzhin na/ /sgra rtag pa nyid kyi rgyu ni ngo shes pa yin no/ des na rtag tu yod par gyur pas na de dang de min dus ldan par/ /yod grub tshad ma dang ldan pas/ /mar me la ni du ma pa bzhin/ /sgra yang bsal bar bya ba nyid/ /bsal ba'ang nye bar dmigs pa ste/ /bsal ba'i mtshan nyid gzhan yod min/ /de bzhin du ni sngar yod pa/ /'ga' zhig las ni nyer dmigs pa/ /'bras bu nyid du 'gyur min te/ /sngar yod de tshe reg pa ni/ /'bras bu nyid du 'gyur ba yin// //bam po bcu gnyis pa/ /'di la bshad pa sngar yod pa ye shes pa ni brtsal ma thag 'byung nges min te/ sgrib byed dbang po sgra la ni/ /rnam kun nye sbyor med phyir ro/ /

  535. 268a

    dper na brtsal ma thag tu byung ba'i bum pa la rtsol ba'i 'bras bu yin gyi/ rgyu'i tshogs mdza' dag don med par thal bar 'gyur ba'i phyir rdzas mkhan gyi rtsol bas gsal bar bya ba ni ma yin pa bzhin no/ /thams cad thams cad la yod pa'i phyir ro/ /'gas kyang cung zad spyod par bya ba ma yin pa'i phyir/ 'gro ba spyod pa med par 'gyur ro/ /rgyu rnams kyis nges par byed pa yin te/ de lha ma yin na 'tshol bar 'gyur ba'i phyir ro zhe na/ des pa zhes bya ba ci zhig/ 'di ltar gzhan bzlog pa las ma gtogs par/ nges pa zhes bya yod ma yin/ /rgyu ni brgya phrag dag gis kyang/ /yod pa nye bar bzlog pa med/ /bzlog pa dngos po med pas na/ /de ni ji ltar phyis dmigs 'gyur/ /yod pa ma yin phyi nas ni/ /rtogs pa de nyid skye ba yin/ /'bras bu snga na yod smra na/ /des pa thams cad yod pa nyid/ /des na yod pa de yang ni/ /byed pa gang du 'ang rigs ldan min/ /'on te yod te bye brag tu/ /bsal ba nyid du sgrub byed la/ /gal te de'ang 'bras 'gyur na/ /de la rtogs pa gnyis su 'gyur/ /gal te med na byang mi nus/ /yon nyid yin na'ang ji ltar byed/ /yod dang med nyid gcig nyid la/ /yod pas tshad mas 'thad ma yin/ /yod na gtan du de yod nyid/ /de la rgyu yis ci zhig bya/ /med na byed par mi nus te/ /des na rgyu ni don med do/ /de'i phyir brtsal ma thag tu 'byung ba'i bum pa ni rdza mkhan gyi 'bras bu yin gyi/ gsal bar bya ba ni ma yin no/ /'o na ci dus gzhan du dmigs pa de nyid mar mes gsal bar byas pa yin pa de bzhin du sgra yang rtsol bas gsal bar bya bar 'gyur ro zhe na ma yin/ bum pa sngar yod par ni tshad mas grub pa'i phyir ro/ /sgra rtsol ba'i sngon rol na yod pa la ni tshad ma med pa'i phyir ro/ /'di la

  536. 268b

    yang ngo zhe na ma yin te/ ngo shes pa'i rtogs pa ni rnam pa brgyar gsal ba'i phyir ro/ /gsal ba ni slar 'ongs pa ma yin la/ shi ba ni slar 'tshe ba ma yin no/ /gzhan yang ci ngo shes pas shes pa yod par bsgrub pa 'am 'on te shes gnyis dbus na yod pa grub/ gal te shes pas sgrub pa zhe na/ de ni de'i tsha sngar shes pa de nyid kyis bsgrub shing dran pas tha snyad du byas pas de la ngo shes pas dgos pa ci yod/ gal te ngo shes pas ni da ltar yang de yod do zhes bsgrub pa yin la/ dran pa ni de'i dus nyid na yod pa/ sgrub par byed pa yin te/ mthong ba ji lta ba bzhin dran pa'i phyir ro zhe na/ de ni ma yin te/ 'di ltar/ gal te dran pa yod pa las/ /ngo shes rab tu 'jug 'gyur dran pa'i don la ngo shes pas/ /de ni dbang skyes ma yin nyid/ /dbang skyes dran pa ma gtogs par/ /gtogs pa gzhan ni mthong ba med/ /des na dbang skyes nyid min pas/ /dran pa tshad ma yin nyid 'gyur/ /dbang po rnams ni dran pa'i don la 'jug pa ma yin te/ gzhan du na ka n+ya/ ku rdza la sogs pa mngon sum nyid du 'gyur ro/ /des na dran pa rnams kyang mngon sum du thal par 'gyur ro/ /'on te mthong ba bzhin pa la dbang po 'jug na ngo shes pas ci bya/ dran pa dang lhan cig gcig tu rtogs pa la dgos pa'i phyir ro zhe na de ni ma yin te/ dran pa tshad ma ma yin phyir/ /des ni gzhal bya gcig nyid ji ltar yin/ /chos can bden pa ma yin pa'i/ /chos ni gsal bar mi bden nyid snga ma dus dang 'brel pa ni/ /dran pa med par rtogs ma yin/ /dngos po tsam zhig snang ba ni/ /ngo shes med kyang 'gyur ba yin/ /dkar po dang ser po la sogs pa snang ba tsam ni rtag pa'i rang bzhin snang ba ma yin

  537. 269a

    te/ dang por snang ba na yang yod pa'i phyir ro/ /'on te de la yang dus gzhan du gnas pa'i mtshan nyid rtag pa snang ba nyid de/ mngon sum gyis ni de 'gog par byed pa ma yin no/ /mngon sum sgrub byed rjod de/ dngos don 'gag par byed ma yin/ gal te? dngos po dus gzhan du khyab pa mngon sum gyis 'dzin na/ dus kyi cha kun dmigs pas na/ /shi ba'i mdza' ru 'dzin par 'gyur/ /de'i phyir sngon gyi dus ni dran pas dmigs pa yin gyi/ mngon sum gyis ni ma yin no/ /des na dran pa tshad ma yin pa'i phyir des rtogs pa'i dngos po ni gcig pa nyid mi bden par 'gyur te/ chos can mi bden na chos bden pa ma yin pa'i phyir ro/ /'on te da ltar bden pa la/ /snga ma bden min gnas pas na/ /bden dang bden min 'dres pas na/ /de gnyis gcig 'gyur gdon mi za/ /bden pa dang mi bden pa gnyis kyis gcig pa nyid de yang bden pa dang mi bden pa nyid du rigs kyi/ mi bden pa nyid ni ma yin no zhe na/ de yang gyi na ste/ /'di ltar/ gal te chos can dbang gis ni/ /bden dang bden min du gnas na/ /de ltar bas ni bden 'gyur zhing/ /da ltar min pas rdzun par 'gyur/ /da ltar byung ba bden pa'i phyir de la gnas pa'i gcig pa nyid kyang bden pa yin te/ / chos can gyi rang bzhin gyis rjes su 'jug pa'i phyir ro/ /de nyid kyi phyir dran pa'i gcig pa nyid ni mi bden no zhes bya bar 'gyur ro/ /des na dngos po la gcig nyid ma grub bo/ /gcig gcig bya bar ji ltar 'gyur/ /gal te bden na cis ma rtogs/ /bdag dang bdag nyid tshigs la ni/ /bdag nyid ci ste gnod par byed/ /'on te gzhan du mthong ba la/ /ngo shes 'di ni mthong ba med/ /de'i phyir mthong ba tha dad par mi 'gyur zhes ni rnam par des/ /ngo shes

  538. 269b

    pa'i rtogs pa 'di tha dad pa las ldog pas tha mi dad pa nyid la gnas par 'gyur ro/ /dngos po ni 'di tsam du zad de 'di lta ste/ tha dad pa dang tha mi dad pa'o/ /des na tha dad pa las ldog na tha mi dad pa nyid sgrub par byed de/ de lta ma yin na ni med pa kho nar 'gyur te/ thams cad las ldog par ni nus pa ma yin ni zhe na/ /de yang mi bzang ste/ 'di ltar/ gang gis de las ldog 'gyur ba/ /tha dad la yang khyad par yod/ /de nyid kyis ni khyad par sla'o/ /don du gzhan ni rtogs pa min/ /ngo shes pa'i rtogs pa skyes pa tsam gyis 'di ni tha dad pa'i khyad par nyid do/ /zhes rtogs pa ni bzung gi /tha dad pa dang rigs mi gcig pa'i tha dad par mi rtogs pa ni ma yin no/ /ngo shes pa 'di ni rnam pa gcig tu 'dzin pa sgrub pa bregs pa yang skyes pa'i rtswa rung? ba la sogs pa'i lo ma dag las skye bar mthong ste/ des na gzhan du yang de bzhin du btags pa nyid rigs so/ /gal te der ni dbus na gnas pa'i bregs pa nyid dmigs pa yin te/ de ni tha dad pa la yang tha mi dad par rtogs pa yin no/ /'dir ni de lta ma yin te/ skra lo bregs pa la sogs pa ni mi mthun pa nye bar bkod pa yin no zhe na/ de ni de ltar bden pa kho na ste/ ched po g.yang du lhung ba rtswa ku sha la 'jus pa dang mtshungs so/ /'di ltar bregs shes bya ba bcad pa ste/ de ni gzhan dang ma 'brel pa'o/ /des na snga ma bor ba'i phyir/ /rig pa 'brel par ji ltar 'gyur/ 'brel pa med par mthong ba ni/ /don la yang ni mtshungs pa nyid/ /gzhan dag par dang chad pa la'ang/ /shi ba'i ngo shes rnam 'jog pa'i ma rungs bdag nyid de 'ang bdag ni/ /nyams pa byed pa kho nar zad/ /snga ma'i rang bzhin zhig pa na/ /zhig dang lhan cig gcig nyid ni/ /tha dad na yang de bzhin du/ /gcig pa yin par rtogs pa yin/ /gzhan yang/ zhig pa gang du

  539. 270a

    'ang dbang po'i spyod yul min/ /des na de ni dran yul nyid du spyod/ /dran pa tshad ma nyid sngar gsal te/ /des na rtag pa tshad mas ma rtogs nyid/ /gal te da lta'i dngos po grub min yang/ /don ?sdud pa la dran? pa tshad ma yin/ /de tshe dngos po'ang de'i rjes rtogs te/ /de na snga nyid tshad mas rtogs pa la ni/ /de dang lhan cig gcig tu nges bstan pa/ /tshad ma las ni gzhan yin ji ltar 'gyur/ /dngos la bstan par skyes pa'i yid ches kyang/ /sems par byed na rang nyid kyis 'gal 'gyur/ /gzhan yang rnam par 'gyur ba med pa'i nges pa'i shes pa'i yid spro ba skyed pa'i yid can yang gal te nges pa nyid sel bar byed pa de'i tshe/ rjod pa ni gzhan la/ yid la sems pa ni gzhan yin par 'gyur ro zhe na/ ngo? shes smra ba rnams kyi ni/ /blo yi nor kur? 'di yid te/ /shin tu rgyang rings 'dzags? nas ni/ /skad cig la ni lhud par 'gyur/ /shin tu nyam pa'i gnas su rgyang ring por 'dzags? nas gam du ldigs? kyis ltung la mar me 'da' kar tshad 'bar nas 'chi ba dang 'dra'o/ /'di ltar/ dran pa myong don yul la ni/ /zhig pa la ni ji ltar 'gyur/ /myong min yul gyi don can na'ang/ /de ni ji ltar dran pa yin/ /gal te dran pa nyams su myong ba'i don gyi yul can gyi rang bzhin yin na 'das? pa? dran par mi 'gyur te/ 'das pa ni mngon sam kyis rtogs pa ma yin no/ /'on te ma rtogs pa nyid dran pas ngas par 'dzin to zhe na/ da lta yin na yang dran par mi 'gyur to/ dran pa ni snga? na? med pa'i yul can ma yin no/ /yin du chug pa de lta na yang ngo shes pa ni ma yin te/ ngo shes pa ni mngon sum mthong ba'i yul can tu ngo? rang de? de ltar ma ba yin na tsha ma yin? pa dang ma 'gyur ro/ /de nyid rangs? par gyur pa na snga ma zhes brjod do zhe na/ de? yang

  540. 270b

    phan tshun 'bral? te/ gang tshe? 'das gyur de bzung min/ /gzung tshe de ni de lta min/ /dran par gyur pa'i rang bzhin gyis/ /des ni 'das yin de dngos min/ /gal te nges par bstan pa dag /tshad ma yin par 'thad na ni/ /ngo shes pa yang de bzhin 'gyur/ /dngos po dang ldan don med nyid/ /gal te dbang po dang 'brel pa med kyang nges par bstan pa tshad ma yin no zhe na/ 'di ni rtags nyid ma rung ba spyod par mi bzod pa? dag gis mi bzod pa tsam zad do/ /'di ltar mi slu ba dang ldan pa las/ /shes pa tshad ma yin par 'dod/ /mi slu? da ltar ga la yod/ /sngar zhig pa la yod ma yin/ /gal te de gcig min mod ci/ /de las don bya de min nam/ /mi gzhan gyis kyang don bya ba/ /sgrub par byed pa kho na'o/ /de mi byed pa dag las ldog pa'i mtshan nyid don bya ba de byed pas gcig pa nyid na kun rdzob tu 'dod pa nyid de/ don gcig ni zhes bya ba dang rnam par rtog pa ni don de nus pa tsam las mi 'thad pa med par 'gyur ro/ /don bya ba dang bral ba'i don gyi yul can gyi brjod par des pa ni rtog pa dang ldan pa dag gis nus par bya ba yin no/ /de ngo shes pa'i yul ni/ don bya ba de byed pa nyid kyis gcig pa nyid do/ /des na de'i rang bzhin gyi rtags kyi rjes su dpag pa yin no/ /rang bzhin gcig pa nyid kyang/ de las gzhan brtags pa'i chos dang ldan pa'i phyir ro/ /shes pa ni de kho na nyid gcig la tshad ma yin no/ /'on bum pa la sogs pa don bya ba de byed pa la 'tsham pa rnams la bum pa de nyid 'di yin no zhes ci ste/ ngo shes par mi 'gyur zhe na/ de mtshungs? so snyam pa nyid ngo shes pa yin no// gzhan yang 'di ni bum pa de nyid khyer 'ongs so chu grang mo da ni 'di nyid yin na zhes so/ /'di ltar/ gang tshe gzhan 'on ces brjod? che/ /de yi gsal gzhan khyer 'ongs de?/ /de nyid khye? bcus 'ongs so zhes/ /nges par skye bar 'gyur ba yin/ /gang gi tshe bum

  541. 271a

    pa las gzhan byung? la sogs pa blang bar 'dod pa de las gzhan 'on cig ces brjod pa na gang gi tshe bum pa de gsal ba gzhan khyer nas 'ongs pa de'i tshe/ 'di ni bum pa re nyid khyer te/ 'ongs pa yin no zhes bya ba'i tha snyad mthong ngo/ /thog ma med pa'i bag chags dang 'brel ba'i tha snyad shin tu bstan pa'i phyir na/ nye bar btags pa ma yin pa'i dngos por mngon par rlom mo/ de'i phyir ro shes pa las sgra gcig tu nges pa ma yin no/ /rtogs par byed pa'i nus? pa mtshungs pa'i phyir ni de ltar 'khrul pa yin no/ /gal te gzhan na ji ltar na/ gzhan du yid ches 'jug par 'gyur/ /shes pa med pa gzhan la ni/ /'ga' yang gang duAng yid ches min/ 'khrul pa mthong bas gcig la ni/ /yid ches med par 'gyur ba yin/ /de bzhin de mtshungs gzhan 'ga' la/ /yid ches bar ni 'gyur ba yin/ /'on te 'du byed mtshungs pa dang ldan pa rnams kyis mi 'khrul pa la brten nas ji ltar de'i bu la sogs pa yid ches par 'gyur ba de bzhin du de'i nye bar len pa'i rgyun la yang yin no/ /ci ste skad cig ma nyid yin na ji ltar slar len 'dod par 'gyur/ /gcig nyid yin ni shin tu 'thad do/ /'di ltar byin pa phyir ni len pas na// 'jig dang ngo tsha dang ldan 'gyur/ /'jig dang ngo tsha'i 'gyur mod kyi/ /'jig dang ngo tsha 'ang gang gis byas/ /'on te de dang nye bas 'di/ /bdag nyid des zin par rtogs te/ /de ni bdag nyid des zin pa/ /ming yang nges zin par 'khrul na/ /'khrul pa de nyid skad cig rgyun la 'ang de'i/ /de lta'i tha snyad rgyu ni ci ste min/ /gzhan gyis brtags pa la'ang rgyu las skye ba las/ mngon par zhen pa'i rgyu gzhan pa ma yin no/ /bdag rtag par khas blangs kyang

  542. 271b

    ? na par zhen pa rgyu dang 'bras bus byas pa las 'grol ba ni ma yin no/ /'di ltar bdag ni snga ma dang phyi mar rang gi ngo bo gcig las 'pho ba ma yin no/ /de sna de la 'jigs /dang 'dzem pa la sogs pa med pa'i phyir/ /ji ltar 'jigs pa ma sogs par pa? sdigs/ 'on te de la 'jigs pa skye bas ni de dang ldan pas so zhe na/ ma yin te rang gi ngo bos 'jigs pa med pa nyid kyis na de la gnod pa ci yang med pa'i phyir ro/ /rgyu dang 'bras bu'i dngos po nyid tha snyad de lta bu'i rgyu yin no// tha snyad tsam gyis gnod pa ni gnod pa ma yin no/ /tha dad kyang 'brel pa'i phyir bu la gnod pas kyang gnod pa nyid do zhen ma yin te/ gzhan la gnas pas de rang nyid la brten par 'gyur? ba yin no/ /de lta ma yin na dgra la gnod pas kyang gnod par 'gyur te/ de ?? yang gnod bya gnod byed kyi mtshan nyid kyis 'di 'brel yod pa nyid do/ /gal te bu yang de dgrar gyur pa'ang/ /de gnod byas pas gnod ma yin/ /des na gnod pa'i rang bzhin gyis/ /gnod yin gzhan gyis gnod pas min/ /de'i phyir skad cig? nyid yin pas thab? dag ni rgyu las khyad yod min/ /des na tha snyad 'di dag ni/ /thams cad de lta'i rnam pa can/ /de nyid 'di yin zhes bya ba'i tha snyad thams cad ni rgyu mtshan gyis yin no/ /ngas ni sgra rtag pa nyid ma yin pa de'i phyir ji ltar brtsal ma thag tu gsal ba yin/ skye ba nyid tshad mas yul du byas pa yin te/ de'i mtshan nyid dang ldan pa'i phyir ro/ /rkyen gyi dbye bas tha dad phyir/ /sgra ni 'bras bur gyur pa yin/ /mar me la sogs dbye ba yis/ /bum sogs tha dad 'gyur ma yin/ /gsal bar byed pa che chung gis gsal bya tha dad pa 'gyur ba ma yin no/ /ci ste sgron mas gsal na utpa la sngon po dmar po dmar pa mthong ba dang/ zla ba'i 'od kyis mngon par gsal na ser po dkar po nyid dang/ ral gyis mngon par gsal na gdod dkar sham? yang sngo bsangs su ma thong

  543. 272a

    ba de lta bu la sogs par 'gyur ro zhe na/ de yang ma yin te/ 'di ltar/ gal te dngos rnams gsal byed las/ /rang bzhin gzhan du yod gyur na/ /de las gzhan pa'i rang bzhin ni/ /'bras phyir gsal byed byed por 'gyur/ /gsal bar byed pas na de'i rang bzhin las ma nyams par rang bzhin nyid phyin ci ma log par gsal bar bya ba yin no/ /de la med pa'i rang bzhin de ji ltar gsal bar byed par 'gyur te/ gzhan du na ri bong gi rwa la sogs pa yang gsal bar byed par 'gyur ro// de yang phyin ci log tu snang bas gsal bar byas pa yin no zhe na/ 'di la lan btab zin to/ /'on te 'di 'khrul pa yin pa des na skyon 'di med do zhe na/ de yang mi rung ste 'di ltar gal te gsal byed 'khrul skyed na/ /de ni ji ltar gsal byed yin/ /'ga' zhig gsal bar byed na ni/ /gsal byed gsal bar gsal byed nyid/ /de lta min na rab rib la/ /sogs pa'ang gsal byed dag tu 'gyur/ /de dag la yang 'khrul byed la/ /nyes pa gzhan ni yod ma yin/ /'on te 'khrul yang gdangs las ni/ /de yi rang bzhin? bzhin 'dzin pa/ /des na rtsol? ba la sogs pa/ /de yi gsal byed yin 'dod na/ /gal te gdangs chen po dang chung ngus la sogs pa dang 'brel ba las sgra tha dad pa nyid yin pa de lta na yang de ni 'khrul pas byas pa nyid yin gyi de kho nar ni ma yin no/ /'khrul kyang sgra'i de kho na nyid/ /gzhan gsal ba'i bdag nyid snang ba nyid do zhe na/ de la yang lan brjod pa/ gal te 'khrul pa'i rang bzhin las/ /sgra yi rang bzhin gzhan yod na/ /tha snyad? nyid du snang 'gyur te/ /gzhan du 'khrul par rtogs mi 'gyur/ /tha dad tha mi dad pa yi/ /rang bzhin du ni snang gyur na/ /tha dad zhes pas rtogs mi 'gyur/ /de lha min na gzhan nyid 'gyur/ /gal te 'khrul pa la yang ni/ /'khrul na 'khrul pa nyid

  544. 272b

    nyams 'gyur/ /'khrul la 'khrul med par rtogs na/ /nges na 'khrul ces rtogs par 'gyur/ /'khrul par snang ba'i rang bzhin las sgra'i rang bzhin bden pa gzhan yod pa tha dad par mi snang ba ni rigs pa ma yin no/ /'khrul pas tha dad par mi snang ngo zhe na/ 'khrul pa'i rang bzhin de las kyang sgra'i rang bzhin gzhan yin te/ des na de yang tha dad par snang bar thal bas yang 'khrul pa nyid nye bar dgos pa yin la/ de yang rang bzhin gzhan yin pa'i phyir thug pa med pas sgra'i bden pa'i bdag nyid ni mi rtag pa nyid do/ /'khrul pa yang 'khrul na ni sgra'i rang bzhin bden pa nyid 'ba' zhig gnas te/ des na de nyid snang bar 'gyur bas 'khrul pa zhes bya bar mi 'gyur ro/ /des na de nyid snang bas na/ /'khrul pa zhes bya yod ma yin/ /gzhal bya thams cad dor nas ni/ 'khrul pa 'khrul pa nyid du gnas/ /gal te sgra tsam gyis bskyed pa don rtogs pa'i mtshan nyid kyi don bya ba yin gyi/ chen po nyid la sogs pas byas pa'i don rtogs khyad par ni 'ga' yang med do/ /don bya ba byed pa nyid kyis gsal ba tsam? nyid bden pa yin gyi bzlog pa'i phyir gzhan ni bden pa ma yin zhe na/ de yang mi bden te/ 'di ltar/ sgra la don rtogs byed pa yi/ /don byed pa ni mthong ba med/ /don de rtogs pa skye ba ni/ /brda goms pa las 'gyur ba yin/ /bag chags sad par gyur pa yi/ /rgyu sgra rigs yin par 'dod/ /brgyad pa yin skyed? byed pa/ /tha dad byed par 'dod ma yin/ /nyer? len dbye bas tha dad du/ /'gyur gyi lhan cig byed pa min/ /des kyang lhan cig byed pa'i phyir/ /sgra ni 'byed pa byed pa yin/ /don de'i rnam pa can rnam par rtog pa'i rang bzhin gyi don rtogs pa ni skal pa mnyam pa'i bag chags dang 'brel pa nyid las skye ba yin la/ /sgra ni de la lhan cig byed pa yin pa 'am/ /bag chags sad par byed pa'i sgo nas bzung ba skyed

  545. 273a

    par byed pa yin pa des ni de'i tha dad par byed pa ma yin no/ /sgra'i dngos su don bya ba ni de'i shes pa skyed par byed pa yin la/ de ni nye ba dang ring ba'i dbye bas yid du 'ong ba dang yid du mi 'ong ba dang ldan par gsal ba dang mi gsal par tha dad par 'gyur ba nyid pas de ji ltar na rang gi don bya ba byed pa tha mi dad pa/ de ltar yin dang tha dad pa nyid dngos po nyid yin gyi 'khrul pa ni ma yin no/ /gal te sgra rtag par 'gyur na ni brtsal ma thag pa nyid ni nges par shes par mi 'gyur te/ sngar yang ci'i phyir don rtogs par mi byed/ thos par rtogs par byed nus pa'i phyir gzhan du rtogs par byed pa ma yin no zhe na/ gal te nga? rda'i? dus na thos pa de nyid da ltar yang rjes su 'jug pa ma yin nam/ rtogs pa nyid du 'gyur gyi phyis kyi rtsol ba'i snga rol tu mi rtogs par ni mi 'gyur ro/ /ma yin te de'i tshe na gsal byed med pa'i phyir ro/ /gsal bar byed pa ni dus mtshungs pa gsal bar byed pa yin no zhe na/ de ni de ltar rung ba ma yin te/ 'di ltar ji ltar gsal byed du mtshungs pa/ /gsal par byed pa ma yin pa ltar/ /de bzhin gsal byed gsal bya yi/ /bdag nyid thams cad gsal byed 'gyur/ /gal te dus gzhan gnas pa de/ /de bzhin du ni des gsal na/ /de tshe de ni dus gzhan du/ /gsal byed la bltos ji ltar 'gyur/ /rang gi rang bzhin phyin ci ma log par gsal bar byed pa ma yin pa ni/ /gsal byed du 'gyur ba ma yin no/ /dus gzhan du khyab pa'i rang bzhin gsal na ni dus gzhan gsal bar byed pas cung zad kyang byar yod pa ma yin no//

  546. 273b

    ma gsal ba gsal bar byed pa la ltos pa yin te/ de lta ma yin na de'i tshe 'ang gsal byed gzhan dgos par 'gyur/ /de la yang gzhan dgos pa'i phyir thug pa med par gnas par dka' ba'i phyir gsal ba nyid du mi 'gyur ro/ / phyis kyi shes pa'i snga rol tu dmigs pa ma yin no/ /zhes bya ba gang yin pa de yang mi 'thad de/ rtsol ba sngon rol tu yid pa ni brtsal ma thag pa'i rang bzhin gang yin pa der nges par shes pa mi 'thad pa'i phyir ro/ /rang bzhin de nyid yin pas/ de nyid dmigs pa ni yang mi dmigs pa ni mi 'thad do/ sngar 'byung ba'i rtsol ba de yang de la rnam pa thams cad du nye bar sbyor ba med pa'i phyir te/ phyi ma nyid kyis bdag nyid thams cad gsal ba'i phyir ro/ /rang gis dus 'brel pa'i rang bzhin nyid gsal bar byed do zhe na/ ci de las gzhan gyis gzhan rnam par gcod dam/ snga phyi'i shes pa gcig yin na/ rtsol dbye tha dad byed pa min/ /shes bzhin du ni tha dad phyir/ /shes bya yang ni gzhan du 'gyur/ /'on te gang gi tshe sgrib pa med pa de'i tshe dmigs par 'gyur te yod kyang mi dmigs pa ni sgrib pa'i phyir ro/ /rtsig pas bar du chod pa yi/ /bum pa yod kyang mthong mi 'gyur/ /gzhan ni de ni gsal byas na/ /phyis ni de mthong yul du 'gyur/ /de ltar mngon sum gyis grub cing// chad? ma yis ni ngas pa yin/ /sgra la'ang rtsol bar sgrib pa ni/ /med par sgrub par byed pa yin/ /yod kyang sgrib par byed pa yang na mi dmigs pa'i phyir dang/ de med na yang dmigs pa'i phyir ro/ /dmigs pa'i gegs byed pa ni rjes su 'gro ba dang ldog pa dag las sgrib par byed pa yod pas byas pa yin no/ /bsgribs pas rang nyid med par 'gyur ba'am 'gyur ba gzhan byed pa ni ma yin te/ mngon sum gyis de'i rang bzhin du dmigs pa'i phyir ro zhe na/ gzhan gyis

  547. 274a

    smras pa de ni snga ma dang phyi ma ma brtags pa yin te/ 'di ltar/ der yang rnam 'gyur med par ni/ /ngo shes nyid las rtogs pa yin/ /dmigs pa med pa'ang mngon sum gyis/ /ji ltar rtogs par 'gyur ba yin/ /gang phyir dmigs pa ldog pas ni/ /de yi rang bzhin med par sgrub/ /gzhan gyis dmigs so zhes bya ba/ /'di la tshad ma mthong ba med/ /gal te ngo shes pa las de/ /bar du yang ni sgrub byed na/ /ngo shes rjes dpag yin 'gyur na/ /mngon sum sngon 'gro can ma yin/ /long pa brgyud pa nyid du 'gyur/ /rjes dpag gang yin de yang ni/ /de ltar gyur pa grub ma yin/ /sgrib pas chod pa mi dmigs pas na de nyid kyi che mngon sum gyis 'gyur ba med bar dmigs pa ni ma yin no/ /phyis sgrib pa med par dmigs so zhe na/ de nyid kyi tsha yod pa 'am 'gyur ba med pa yin mod/ /bar na yod pa ni lkog tu gyur pa yin pas de shes pas rtogs pa yin no/ /de lta na yang rjes su dpag par 'gyur te/ gang gi tshad ltar 'gyur ba med pa de'i tshe snga na yod pa yin no zhes rjes su dpag pa'i mtshan nyid dang ldan pa'i phyir ro/ /de la mngon sum med na rjes su dpag pa de mngon sum du 'gro ba can yul/ thams cad sngo ma dang phyis yod pa ni nga shes pa'i mtshan nyid do/ /rjes su dpag pa rjes su dpag pa sngon du 'gro ba can yin na rjes su dpag pa de yang rjes su dpag pa nyid las yin pa'i phyir mthar thug pa med pa nyid pa na mun pa brgyud pa nyid do/ /gzhan gyi mngon sum du rtogs pa des na/ mngon sum sngon du 'gro ba can yin no zhe na/ de la yang mngon sum med pa nyid do/ /gzhan gyi mngon sum du rtogs so zhes gzhan gyis rtogs pa ni ma yin no/ /'on te des smra'o zhe na/ ma yin te/ tshig tshad ma ma yin pa'i phyir

  548. 274b

    ro bden par smra yang pha rol po rang nyid kyang gang zhig des rtogs pa nyid mas rtogs so zhes ni rtogs par nus pa ma yin no/ /gzhan gyis rtogs pa dang 'dres pa med par rtogs pa ni 'di ni khyod kyis rtogs so zhes de ltar rtogs par nus pa ma yin no/ /des na phan tshun bltos pa'i skyon du 'gyur ro/ /'o na te de lta du nyid kyis rnam par 'gyur ba mthong ba des kyang de nyid rtogs so zhes rjes su dpag pa las rtogs so zhe na/ 'o na ni de lta bu nyid du 'grub kyi gcig nyid ni ma yin pas de ni rigs pa dang ldan pa ma yin no/ rjes su dpag pa ni rang gi mtshan nyid kyis yul can ma yin no/ /du ba las ni me nyid yin no zhes mi 'grub bo/ /gal te ba spu ldan pa la sogs pa'i tha snyad mtshungs pa yod pas gcig nyid yin pa bde ba dang bdag la sogs pa yang ci ste de ltar ma yin/ 'on te bde ba la sogs pa ni phan tshun ldog pa nyid du rtogs pa'i phyir gcig nyid ma yin zhe na/ de lta yin na rang dang gzhan gyis ma 'dres par rtogs pa'i phyir tha dad pa nyid du rigs so/ /de rtogs par ni yul gcig pa nyid mi rtogs pa nyid do/ /dngos po'i rang bzhin las yul gzhin? yod pa ma yin no/ /des na yod kyang sgrib pa yod pas ma dmigs so zhes bya ba de ni ma grub pa nyid do/ /gal te gzhan gyis rtogs pa de nyid nges rtogs so zhes bya ba'i rtogs pa yod pa nyid ma yin nam/ gnod par byed pa yod med pa yin te/ 'dir dpyod pa zhi ba mos gnod? par byed pa sgrub pa ni ma yin no/ /gang gi phyir gnod byed spyis? pa med par ni/ rmongs pa yis ni rtogs byed gang/ /de ni tha snyad thams cad la/ /the tshom za phyir 'jig par 'gyur/ /zhib mo rnam par dpyad na ni 'ga' yang rnam par gzhag par mi 'os par 'gyur ro zhe na/ de yang mi rung ste 'di ltar/ zhib mor dpyad pa bkag pas ni/ /tshad ma bkag par 'gyur ba yin/ /zhi ba mor dbyad pa tshad ma las/ /gzhan pa pha rol 'dod ma yin/ /'jig rten gyi tha snyad la gnang pa'i zhi ba mo dpyod pa gzhug go zhes bya ba tshad ma la

  549. 275a

    ma ltos par tha snyas? du bya'o/ zhes bya bar 'gyur ro/ /de lta yin dang bstan bcos brtsams pa don med par 'gyur ro/ /tha snyad rtsid ba'i blo 'phel bar bya ba'i phyir bstan bcos byed pa ma yin te/ bstan bcos rmongs par zlog par byed pa yin no zhes thams cad khas len pa'i phyir ro/ /gal te dbyad na gnod 'gyur na/ /bzlog par nus pa ma yin te/ /spyi bor thog ni 'bab 'gyur ba/ /shing lo yis ni skyob mi 'gyur/ /mkhas rnams la ni 'khor ba yi/ tha snyad kyang ni mi 'chad pa'am/ /ji ltar gang bzhin bsgrub pa'i phyir/ /tha snyad nyams par ga la 'gyur/ /tha snyad pa rnams kyi long ba brgyud pa nyid kyi rgyu dang 'bras bu'i dngos po'i tha snyad du 'gyur ba ni nyams pa med pa nyid do/ /de nyid kyi phyir mya ngan las 'das pa'i lam du zhugs pa rnams kyis de kho na nyid nges par btags pas bzlog par byed do/ /kun rdzob tsam las ma rtogs bar/ /'khor ba gzhan ni rtogs pa med/ /de lta yin na de nyid ni/ /mya ngan 'das pa yin zhes gnas/ /de nyid de nyid mings? zhes pa'i/ /dbye 'di don dam du yod min/ /de nyid dbyad pa med pa nyid/ /de nyid min zhes res par byed/ /de kho na nyid rnam par dpyod pa ni mdza' dag gnyis med par 'gyur ro/ /de ma btags na ni spros pa'i rang bzhin de nyid de kho na nyid ma yin pa'i 'khor ba yin no/ /des na ma nges par brtags pas 'khor ba tshad ma ni 'dod pa nyid kyis thog tu bab pa'i phyir ji ltar 'jig par 'gyur/ ji srid de kho na nyid ma mthong ba de srid du ni tha snyad log pa nyid de/ /des na 'dod pa nyid thog tu bab ste mkho ba'i skye bo rnams kyis tha snyad ni 'di yin no/ /de la bags kyis bka' ma rig pa'i phyir gang la 'jig rten phyin ci log tu gyur pa'i mi rtag ba nyid re zhig bsgrub par bya ba yin

  550. 275b

    no/ /de'i phyir gang gi tshe mthong ba de'i tshe de sngon dang phyi ma'i dus rnam par bcad bar 'dzin pa'i phyir ji ltar mthong ba de ltar bu nyid yin no zhes de rtogs pa ste/ de ltar ma yin na dngos po rnam par bzhag ba med pa kho nar 'gyur ro/ /'di la gzhan dag brjod pa ni gal te bar gyi rang bzhin 'dzin pa na snga phyi'i rang bzhin gnas pa med pa/ dmigs pa'i mtshan nyid du ma gyur pa nye bar gnas pa'i mngon sum gyis ma gzung ba de lta na yang ma dmigs pa tsam las med pa ma yin no/ /dus gzhan du de dmigs pa'i mtshan nyid kyir gyur pa de'i tshe ni dmigs pa kho na'o/ /'di ltar gang zhig gang du dmigs pa yi/ /mtshan nyid der ni nye bar dmigs/ /bum pa gzhan du dmigs gyur pa/ /de 'dra gzhan na yod ma yin/ /de bzhin du gang gi dmigs bya'i rang bzhin yin/ /de tshe de ni dmigs pa nyid/ /gzhan tshe de nyid de 'dra nyid/ /min pas gzhan tshe 'ang dmigs ma yin/ /de yang ma dpyad pa yin te/ 'di lta de'i rang bzhin gcig nyid na/ de dang de min ji ltar 'gyur/ /du ma nyid ni yin na phyis/ /de nyid dmigs zhes byar mi rung ba/ gang gis de mngon der gnas pa'i rang bzhin med pas de ma dmigs par 'gyur ba dus zhes bya ba gzhan ni yod pa ma yin no/ /sngon dang phyi'i ngo bor dmigs pa'i rang bzhin de nyid dus su bsnyad par 'gyur ba yin no/ /'di ltar bdag cag la dus 'di gnas par gyur to/ /zhes grang bas nyen pa'i rang bzhin dus yin gyi gzhan ni ma yin no/ /gal te dngos po de gcig nyid ni/ /dus kyang gcig nyid yin par 'gyur/ /des na dus de med pa'i phyir/ /de ni dmigs par gyur pa min/ /de gnas na dus med par mi 'grub pa'i phyir ro/ /gzhan nyid yin na dus rtag ba yin

  551. 276a

    pa'i phyir de yang sngon dang phyi ma'i rang bzhin la sogs par dmigs par 'gyur ba kho na'o/ /'on te dus kyi cha skad cig dang thad cig la sogs pa yin no zhe na/ de'i dus skad cig ma nyid du 'gyur ro/ /dus nyid ces bya ba'i spyi'i rta sha pa yin no zhe na ma yin te/ dus ni rdzas kyi bdag nyid yin pa'i phyir ro/ /yang na de yang sngon dang phyi ma'i dngos po dmigs pa'i phyir dus thams cad la dmigs par 'gyur ro/ /'on te dus kyi tshe rnams ma dmigs pa'i phyir mi dmigs pa de yang de lta mi rung ste/ 'di ltar gzhan mthong ba ni med pa'i phyir/ /snang ba mi mthong ji ltar 'gyur/ /mi mthong ba dang gcig nyid du/ /gang gis ji ltar mthong bar nus/ /'dis ni lhan cig byang ba 'das pa'i don khyad par yin pa yang gsal ba yin no/ /snga ma dang phyi ma'i dngos po'i skad cig gis gsal bar bya ba'i dus nyid yin par mi 'thad do/ /de'i phyir gal te sgra brtsal ma thag tu dmigs pa yin na sngar gnas pa dang/ phyis gsal ba'i rang bzhin du yang dmigs par 'gyur ro zhes bya ba 'di ni gcig tu nges pa yin no/ /des na sngon dang phyi ma'i rang bzhin de yang de nyid kyi tshe dmigs pas rang bzhin gzhan med pa'i phyir skad cig nyid du 'gyur ro/ /bum pa la sogs pa'i mtshan nyid de la yang sgrib pa 'thad pa ma yin te? bdag nyid thams cad dmigs pas na cung zad kyang ma byed pa'i phyir ro/ /'on te rtsol ba'i dbang po la phan 'dogs na de'i tshe? yang bdag nyid thams cad dmigs pas na sngon gyi rang bzhin dmigs pa'i phyir dbang po phan btags pa ni rang bzhin nges par dmigs bar byed pa ma yin no/ /des na nges par de ma thag pa'i rang bzhin du dmigs pa zhes bya ba 'dir mi 'gyur ba zhig na de ma thag pa nyid mthong ba yang yin no/ /des na de ni de tsam du zad pa yin gyi/ rtag par dbang po nye bar byed pa ma yin no//

  552. 276b

    'di ltar legs byas las kyang de lta bur/ /gyur pa de nyid nyer dmigs phyir/ /legs par byas kyang de la ni/ /de dang de ni yod ma yin/ /nye bar dmigs par mi nus pa'i/ /rtag pa nyid ni yod mi 'gyur/ /dmigs pa nyid ni yod pa'i phyir/ /dmigs pa las gzhan yod pa ma ni/ /rtag pa nyid yin na ni dmigs par nus pa ma yin no/ /gal te ma dmigs su chug mod de lta yang rtag pa nyid med par ji ltar 'gyur zhe na/ dmigs pa'i mtshan nyid ma dmigs pa nyid med pa yin no/ /gal te de'i rang bzhin ni dmigs pa ma yin pa'i mtshan nyid ma yin no zhe na/ de nyid kyi phyir dmigs pa kho na yod pa yin te/ de med na ji ltar yod pa nyid yin/ des na rtag pa nyid srid pa ma yin no/ /sgra la phan 'dogs pa'i phyogs la ni de nyid mi rtag yin no/ /de nyid kyi phyir/ bltos pa med pa 'ga' zhig tshe/ /'bras bu mi byed 'gal ba'i phyir/ /shes pa 'di 'dra res 'ga' ba' i/ /'bras bur grub pas de rtags yin no/ /sgra'am gzhan yang rung ste gal te de dus gzhan du khyab par byed pa yin na de'i tshe de kho na ltar dmigs par 'gyur te/ res 'ga' ma dmigs pa'i 'bras bu mi 'gyur ro/ /de ni res 'ga' ba' i rang bzhin can ma yin la/ gzhan du yang dmigs pa yang de 'dzin pa ma yin no/ /'on te de ni 'khrul pa yin te/ tshu rol mthong bas khyab pa'i rang bzhin dmigs pa ni nus pa ma yin la/ de mi nus na bzung bar bya ba gzhan du ma yin no/ /de ni 'khrul pa yin yang mi bslu ba'i phyir ma yin no/ /gal te 'khrul pa 'khrul pa med pa'i mthong bas gnod pa de'i tshe 'di 'khrul pa yin no zhes nges par nus pa ma yin nam zhe na/ ma yin te/ yul dang dus khyab pa'i rang bzhin sgrub par byed pa'i ngo shes kyi rtogs pas bzlog par byed pa'i phyir ro zhe na/ de ni de ltar rung pa ma yin no te/ ngo shes pa yi nus pa de/ 'dir ni sngar nyid bzlog zin te//

  553. 277a

    'di ni mngon sum nyid kyis ni/ /gnod pa yin zhes bstan zin to/ /ngo shes 'jug pa ni mngon sum gyi tshad ma ma yin no/ /mngon sum ni khyab ba'i rang bzhin 'dzin par byed pa ma yin te/ dbang po'i byed pa las yin pa'i phyir dang mi bslu ba dang ldan pa'i phyir ro/ /des ni ngo shes pa ni mngon sum nyid kyis gnod pa yin no/ /zhes sngar nyid bstan zin to/ /gzhan yang/ gal te khyab pa ma yin yang ni/ /dngos po khol? bur 'dzin byed na/ /dngos po thams cad gcig nyid de/ de yi cha shas 'dzin par 'gyur/ /gal te rang bzhin sna tshogs kyi yul dang du sdang 'brel bas ni dngos po khyab pa gcig nyid yin yang gzhan du 'dzin pa yin no zhes bya bar srid na/ dngos po mdza' dag gcig nyid du 'gyur te/ dngos po dngos po zhes thams cad la ngo shes pa yod pa'i phyir ro/ /gcig nyid yin na bum pha la sogs pa'i dbye bar mi 'gyur zhe na/ 'o na ni sgra la yang chen po la sogs pa'i dbye ba dang dbyangs la sogs pa'i dbye bar mi 'gyur ba'i phyir mtshungs so/ /dbyangs la sogs pa'i dbye ba yang sgra zhes bya ba'i don tha snyad du gcig pa nyid do zhe na/ bum pa la sogs pa'i dbye ba yang dngos po dngos po zhes bya ba'i tha snyad med dam ci/ gcig nyid dang du ma nyid du 'gyur ro zhe na/ 'o na ni gcig nyid bden pa yin no zhes bya bar 'gyur ro/ /'di ltar/ ngo shes pa yi mthu yis ni/ gcig tu 'dzin pas gcig nyid de/ /du ma nyid du 'gyur bas de/ /tshad ma can min byas par 'gyur/ /gang gi tshe ngo shes ba'i rtogs pa tshad ma yin pa de nyid kyi tsha ngo shes pa las bsgrub par bya ba mi bden ba nyid yin pas tha dad pa nyid bden bar lus pa yin no/ /de'i phyir tha dad rang bzhin 'dzin ba'i tshad ma gang la'ang tha mi dad ba don med/ tha dad dngos

  554. 277b

    la tha mi dad 'gyur ro/ /rnam rtog las yin de ni tshad ma yin/ /tha dad ba nyid bden pa yin na de tha mi dad pa ni rtog pa'i bzos sbyar ba des par 'dzin pa tsam gyis sgrub pa nyid do/ /tha dad ba mi bden na tha mi dad pa de gang zhig yin /tha mi dad pa tsam gyi ni tha snyad du 'gyur ba ma yin no/ /de'i gang la tha mi dad pa'i chos yod pa'i phyir chos can tha dad par 'gyur ba dngos po/ chos can mi bden na ni tha dad pa med pa de de ltar 'gyur ba ma yin no/ /ri bong gi rwa mi bden par ni de'i rno ba bden ba yin mi srid do/ / gal te tha dad pa yang chos can tha mi dad pa med na gang gi yin par rtogs she na/ de ni ma yin te/ 'di ltar gang phyir gzhan dang 'bral med ba/ /de nyid phyir de gzhan du brjod/ /gzhan du gzhan dang 'dren na ni/ /tha dad pa nyid nyams par 'gyur/ /tha mi dad pa ni tha dad ba bsal na med bar 'gyur te/ de'i chos kyi rang bzhin yin pa'i phyir spyi'i chos bzhin no/ /de'i phyir bltos pa med pa 'ga' zhig tshe/ /'bras mi byed pa 'gal ba'i phyir/ /shes pa 'di 'dra res 'ga' ba' i/ /'bras bur grub pas de rtags yin/ /gal te dngos po'i bdag nyid dus thams cad du gzhan du chad pa med pa'i rang bzhin nyid yin na de'i tshe 'bras bu shes pa yang de kho na bzhin du 'gyur de res 'ga' 'bras bu mi byed pa rnam par chad pa'i rang bzhin gang yin pa der mi 'gyur ro/ /de'i rang bzhin 'dzin pa na/ rang bzhin de nyid gzhan la bltos nas 'dzin pa ni ma yin te/ de yang ma bzung bar thal ba'i phyir ro/ /rnam par bshad pa'i rang bzhin gyi shes pa 'di 'dra ba ni/ /de lta bu'i rang bzhin can res 'ga' ba' i 'bras bu yin no zhes bya bar 'gyur ba'o/ /res 'ga' 'bras bu las mi rtag pa nyid rtogs pa yin no/ /gal te rang bzhin dang 'bras bur grub par bya ba'i don du dpe gnyis kyis gtan tshigs gnyis bstan pa ni mi rigs te/ brtsal ma thag tu 'byung ba'i yin pa'i phyir ro/ /

  555. 278a

    zhes bya ba 'di nyid kyis 'bras bu'i gtan tshigs dang rang bzhin gyi gtan tshigs kyang bstan par nus pa'i phyir ro/ /de zhig 'di rang bzhin yin no zhes bya ba 'di la ni rgol ba kun kha mthun pa nyid do/ /'bras bu'i gtan tshigs ni shes ba rtag pa yin pa'i phyir ro zhes da ltar kho na bstan pa nyid do/ /des na dpe gcig nyid kyis gnyi ga bstan par 'gyur ba'i phyir na byas pa'i phyir ro zhes bstan par ni don med par kho na'o zhe na/ de ni bden mod kyi 'on kyang/ 'di nyid kyis ni rang bzhin nyid/ grub kyang tha dad byas pa ni/ 'bras dang lhan cig bstan pa na/ /thams cad de 'drar shes mi 'gyur/ /'bras bu dang lhan cig bstan pa ni de dang lhan cig spyod pa yin pa'i phyir rang bzhin gyi gtan tshigs mdza' dag ni 'di lta bu nyid yin te/ rang bzhin gyi gtan tshigs kyang mthun pa'i phyogs gcig la/ 'jug pa nyid yin no zhes 'dogs par 'gyur ba de rnam par gcad pa'i/ gang zhig mthun pa'i phyogs la khyab pa'i rang bzhin gyi gtan tshigs kyi rnam pa gzhan kyang yod do zhes bya ba'i phyir ro zhes bya ba 'di logs su bstan to/ /gal te de la rigs mthun pa yod dang/ /rnam gnyis med la med gang yin/ /de ni gtan tshigs de las bzlog /'gal pa gzhan ni ma nges nyid/ / bshad pa ma yin na ma ci'i phyir logs su brjod ce na/ 'di ltar bshad ba/ rjes su dpag par bshad zin to/ /gtan tshigs brjod byas rtogs don du/ /rab tu dbye ba tsam bshad de/ /mtshan nyid las ni tha dad med/ /tha dad bar bshad pas mi de nyid gsal bar 'gyur ba yin no/ /de la rigs mthun pa yod dang/ rnam gnyis zhes bya ba ni/ dper na sgra ni mi rtag ste byas pa'i phyir zhes bya ba dang brtsal ma thag tu byung ba'i phyir ro zhes bya ba lta bu'o/ /zhes bya

  556. 278b

    pa yin no/ /de ltar ma yin te gnyi ga yang ma bstan na rnam pa gnyis zhes bya ba'i nyid 'di nyid srid pa yin gyi/ rigs mthun pa dang po yod pa nyid do/ /zhes bya ba 'di ni dpe med pa'i phyir mtshan nyid mi srid pa yin no zhes bya bar 'gyur ro/ /gal te mi mthun pa'i phyogs la ldog pa yin na de tsam gyis thams cad bsdus pa'i phyir dogs par mi rigs so zhe na/ de ni bden te de lta na yang dper brjod pa'i spros pa 'di ni rjes su dpag pa'i mtshan nyid de nyid rtogs par bya ba'i phyir yin no/ /mtshan nyid ni rang gi don rjes su dpag par bya bstan pa de nyid yin no/ /'o na ni gtan tshigs dang de 'dra ba'i rang bzhin gyi gtan tshigs dang/ mthun pa'i phyogs la khyab pa'o/ /zhes gsum ston par mi byed/ de lta na rtogs par 'gyur ro zhe na/ 'di ni rtsod pa ma yin te gang gi phyir/ des 'di 'bras bu'i rtags kyis ni/ /rang bzhin phyogs gcig rten pa 'di bshad/ /des na rtsol las gsal ba dang/ /skye bar lhan cig brjod pa yin/ /gang gi phyir rab tu dbye ba bstan pa rtogs pa'i don du yin pa des na slob dpon gyis 'bras bu'i gtan tshigs 'di yid kyis phyogs gcig brten pa'i rang bzhin yang bstan no/ /de nyid kyis phyir 'dra bar dper brjod do/ /de lta yin na 'di na du ba yod pa'i phyir me yod do zhes bya ba shin tu gsal ba'i 'bras bu rtags nyid ci ste dper mi brjod de/ /'bad pas sgrub dgos pa'i 'bras bu'i gtan tshigs brtsal ma thag tu 'gyur ba nyid dper brjod bas ci zhig bya/ des na brtsal las gsal ba dang/ skyes pa'i 'bras bu dang/ rang bzhin gyi gtan tshigs la dper brjod pa 'di 'dra bar gsungs so/ /shes pa yang brtsal ma thag tu byung ba yin la rang bzhin yang yin pa'i phyir mtshungs par dper brjod par 'gyur ro/ /gal te brtsal ba'i de ma thag pa ni rang bzhin yin la rang bzhin gyi de ma thag tu

  557. 279a

    shes pa yin te/ rgyu ma yin pa ni yul ma yin pa'i phyir ro/ /zhe na/ de ni mi rigs te/ gzhan gyi 'dod pas bshad pa yin pa'i phyir ro/ /gzhan rtog par smra ba ni sgra nyid brtsal ma thag tu byung ba yin par 'dod pas de la 'di skad pa brjod pa yin te/ yul yang rgyu yin pa nyid de rgyu ma yin na ni yul ma yin pa'i phyir ro/ /des na khyod kyis rtsol ba'i de ma thag pa'i 'dod pa'i shes pa gang yin pa de ni sgras kyang rang gi rnam par gtong pa'i sgo nas bskyed par bya ba nyid yin no/ / de'i phyir snga ma dang phyi ma gzhan gyi dngos po mdza' dag gzung bar thal te de gzhan du gzung bar mi nus pa'i phyir ro/ /thor ling du ni gzung bar mi nus so zhes bstan zin to/ /'on te yang byung ba dang 'byung ba'i rang bzhin gyi dus kyi cha'i tshogs mdza' dag la khyab pa gzung ba nyid de/ de lta ma yin na phyis mthong ba nas la de'i tshe mthong ba de ni 'di yin no zhes dran par ji ltar 'gyur/ /'di ltar 'di ni de tshe 'ang mthong ngo zhes/ /ma bzung ba la 'jug ma yin/ /bzung ba nyid na dran pas na/ /sngar gnas pa nyid sgrub par 'gyur/ /rtsod pa de yang ngan pa nyid de/ /'di ltar/ de yis 'byung 'gyur gzung ngo zhes/ /'dzin pa yis ni ma shes par/ /dran pa yis ni rnam shes pa/ /de ni mchog tu ya mtshan no/ /gang las 'dzin par byed pa'i rang bzhin can 'dzin par byed pa med pa de la de'i rjes su 'byung ba'i dran pa byed pa yod do zhes bya ba 'di ni dngos po'i de kho na rnam par byed pa la cher mkhas so/ /'byung ba'i rang bzhin ni gzung bar nus pa ma yin te/ the tshom za ba'i phyir te/ /res 'ga' med par 'gyur ba'i phyir ro/ /ci ste gal te yod par 'gyur na ngas gzung ba nyid do snyam du phyir dran pas bzung zin pa nyid do zhes yul du byed par 'gyur ro zhes bya bar rtogs pa'i phyir de yang

  558. 279b

    gzung ba kho na'o zhes bar 'dod na// //bam po bcu gsum pa/ /mi rung ste gzung ba la yang gal te de/ /don ni ji ltar 'jug par 'gyur/ /the tshom dang ni gzung ba dag/ phan tshun du ni 'gal ba yin/ /gal te de'i tshe yang yod par 'gyur na ni de'i tshe gzung ba nyid do zhes bya ba ni 'dzin pa'i byed pa che'o/ /shes pa yod pa ma yin no/ /'dzin pa'i rang bzhin yin nam/ de lta ma yin pa yin pa las rnam pa gzhan du mi 'gyur te/ phan tshun rnam par gcod pa'i rang bzhin nyid kyis phan tshun 'gal ba'i phyir ro/ /gal te mngon sum nyid la yang/ /the tshom ji ltar mngon sum nyid/ /ma dmigs pa la the tshom phyir/ /gzung la the tshom yod ma yin/ /gal te de ltar bzhin du bzung ba yin na ni/ the tshom za ba ma yin te/ de dang tha dad med pa'i phyir ro/ /de'i tshe gzung ba ni 'byung bar 'gyur ba ma yin te/ da ltar ba'i rang bzhin las tha dad pa med pa'i phyir da ltar ba nyid bzhin no/ /'o na 'byung bar 'gyur ba'i dus dang 'brel ba'i phyir 'byung bar 'gyur ba yin no zhe na/ de lta na 'o na rang gi dngos pos na dngos po rnams da ltar ba la sogs pa ma yin gyi/ 'on kyang 'byung ba dang da lta ba dang byung bar gyur ba ni/ lhan cig gcig 'byung ba'i don dag kho na ste/ dus gzhan med pa'i phyir ro/ /yod na yang bde ba lhan cig spyod pa'i don nyid yin no/ /de lta yin dang dngos po'i rang bzhin bzung ba na de'i rang bzhin yang gzung ba'i phyir the tshom za bar mi 'gyur ro/ /mi rtag pa'i don lhan cig spyod pa nyid ni 'byung ba dang byung bar gyur ba nyid ni yin no zhe na/ de lta bur gyur pa ni gzung bar mi nus pa'i phyir ngas bzung ba ni 'di nyid do zhes dran par 'gyur ro/ lhan cig spyod pa mi 'byung yang rang gi ngo bo ni gzung ba nyid do/ /zhes bya ba

  559. 280a

    yang dag pa ma yin te/ rang gi ngo bo ni byung ba dang 'byung bar 'gyur ba ma yin no zhes bya ba 'di ni khyed nyid kyi 'dod pa yin no/ /des na de'i phyir da ltar ba ni shes pas bzung ba'i phyir/ da ltar ba nyid du bzung pa yin no/ /ji ltar sngon por snang ba yi/ /shes pas sngon po nyid 'dzin bzhin/ /de ltar nyid du snang ba yang/ da ltar nyid du rtogs pa yin/ /ci ste ma bzung ba ci ltar dran zhe na/ thal ba 'di gzung ba la yang mtshungs pa ma yin nam/ 'di ltar/ 'dzin bzhin pa na dran pa med/ /de ni gzung ba'i rjes thogs 'byung/ /'das par bzung la de yi ni/ /rang bzhin med pas de dran min/ /dran pa de ltar skye ba yis/ /snga ma nyid ni ji ltar shes/ /yod min dngos med rang bzhin ni/ /ji ltar de yi ngo bo dran/ /de min rang bzhin shes par yang/ /dran pa yin zhes ba pa chol chos/ /'on te bdag zhes de tshe yod/ /des ni sngon nyid shes pa nyid/ /'dzin pa dang ni dran pa rang la'ang/ de ni nus par 'thad pa nyid/ /dang por 'dzin dang dran pa ni/ /gal te bdag las tha dad na/ /ngo bo nyid kyi de la ni/ /'dzin dang dran pa de yod min/ /'dzin dang dran pa gzhan yin na de'i rang bzhin ma yin pa de 'dzin pa po dang dran pa po ma yin pa nyid de/ lus kyang thal par 'gyur ba'i phyir ro/ /ma yin te mi rtag pa'i phyir ro zhe na/ nam mkha' la sogs par yang 'gyur ro/ /gal te de la ni de gnyis mi 'du ba'i phyir ro zhes 'dod na de yang med pa dang mtshungs te/ 'di ltar/ de yi rjes su 'brel ba'i phyir/ /'dzin dang dran dang ldan pa nyid/ /mkha' sogs kyang ni yin gyur te/ /brtsad ba de yang mtshungs pa yin/ /sngon dang phyis kyis dus su gyur ba 'ga' zhig med

  560. 280b

    par ni mi 'thad do zhes dran pa gzhan du mi 'thad pa'i phyir dran pa po rtogs pa yin no/ /de lta yin dang nam mkha' la sogs pa nyid de ltar 'gyur mod/ /don gzhan rtogs pa'i 'bar bas ci bya/ 'brel ba yang 'di nyid brtsad par bya'o/ /yang na dran pa la sogs pa yang rtag par khas blang bar bya'o/ /'di nyid bdag yin no zhe na/ gang la zin pa the tshom za/ /de la dran pas kyang ci shes/ /dran pa de tshe mad pa'i phyir/ /snga ma nyid du ci ltar rtogs/ /zhes bya ba de nyid byung ba yin no/ /de'i phyir snga ma dang phyi ma'i rang bzhin nyid ni/ /mngon sum gyis 'dzin pa ma yin la/ dran pas kyang ma yin pa'i phyir 'di ni gyi na'o/ /de'i phyir rtag pa yin na snga ma dang mtshams mi sbyor bar btsal ma thag pa nyid 'dzin par srid pa ma yin no/ /des na snga phyi ma bzung ba'i phyir sgra mi rtag pa nyid do/ /zhes bya ba 'di rnams so/ /ji skad du shes pa ni rang gi ngo bo'i de ma thag tu 'byung ba yin gyi rtsol ba'i de ma thag pa ni ma yin no/ /zhes brjod pa de ni gzhan du yang spangs par nus pa yin te/ gal te rang gi ngo bo'i de ma thag pa nyid yin pa de lta na yang/ brtsal ma thag par 'gyur ba nyid do/ /der shin tu zhib mo'i brtag pa ni dgos pa dang ldan pa ma yin no/ /de'i phyir 'bras bu dang rang bzhin gyi rtags gnyis ka yang dpe'i 'di nyid kyis bstan pa yin no/ /gal te 'bras du dang rang bzhin gyi dpe'i nyid tha dad par ci'i phyir bstan la dbye ba gzhan ni ma yin zhe na/ 'di la lan btab ba ni/ yod pa gang med mi 'byung ba'am/ /rang bdag rnam dbyer med can dang/ /de ni de dang 'khrul mi 'gyur/ zhes bya'i don du de rab dbye/ /gang zhig gang med par yod par mi 'gyur ba de nyid ni gtan tshigs yin te de 'khrul pa med pa'i phyir ro/ /tha dad ba la ni 'bras bu nyid ma rtogs par 'khrul pa med pa gzhan yod pa ma yin no/ /gal te mi 'khrul pa nyid kyis ni gtan

  561. 281a

    tshigs yin gyi 'bras bu nyid kyis ni ma yin te/ thal ba me'i 'bras bu yin na de 'khrul pa med pa ma yin no/ /de bzhin du 'bras bu ma yin pa yang ldan pa can gyi chu'i gzhi go bar byed pa yin no zhen de ni ma yin te/ 'di ltar 'bras bu nyid yin pas na go bar byed pa kho na'o zhes mi brjod kyi 'on kyang go bar byed pa nyid kyi 'bras bu kho nas yin te tha dad pa ni 'bras bu ma yin na go bar byed pa yang ma yin no zhes so/ /'das pa'i me dang yul gzhan na gnas pa las kyang byung ba'i 'bras bu thal ba de lta bus ni de ltar gyur ba go bar byed pa kho na'o/ /de nyid kyi phyir gang gis de'i khyad par las khyad par du 'gyur pa go bar byed pa nyid ni 'bras bus rab tu sbyar ba yin no/ /'dir yang rgyu mtshan yang rgyu mtshan can gyi dngos po ni de ltar gyur pa kho na'o ldan pas go bar byed pa yang yin na ni gzhi yang gnas pa'i go byed du 'gyur ro/ /'on te gzhi ni gnas pa go bar byed pa med kyang yod pa des na de ni ma yin no/ /chu la sogs pa'i gnas pa'i gzhi med par yod pa de'i phyir go bar byed pa yin no zhe na/ gal te de lta na 'bras bu go bar byed pa yin no zhes bya ba de nyid 'ongs pa yin te/ gang zhig med par gang mi 'byung ba de ni de'i 'bras bu yin no/ /gzhi can gnas pa yang gzhi med par mi 'byung ba ste/ des na de 'bras bu yin no/ /gal te gnas pa nyid 'bras bu yin gyi chu ni ma yin no zhe na/ de lta na 'o na gnas pa po nyid go bar byed pa yin gyi chu ni ma yin pas 'khrul pa med do/ /'on te gnas pa'i khyad par can gyi chu nyid go bar byed pa yin no zhen chu'i khyad par can gyi gnas pa go bar byed pa ci ste mi 'gyur/ rigs pa ni 'di nyid yin te/ rjes su 'gro ba dang ldog pa dag las go bar byed pa yin pa'i phyir ro/ /gnas

  562. 281b

    pa las gzhan pa'i chu la med do/ /gal te ltung ba yang chu nyid ma yin nam zhe na/ de chu yin du zad mod/ de nyid ni ma yin te/ chu gzhan yang chu yin pa go na'o/ /chu nyid kyi spyi ni med do zhes bstan zin to/ /yod du chug kyang de go bar byed pa ma yin te/ go bar byed pa ni gsal ba kho na'o/ /de yang 'bras bu yin pa'i phyir 'bras bu las gzhan pa'i go bar byed pa ni med do/ /'on te gsal ba de ni gcig kho na'o zhes 'dod na de yang mi rung ste/ de nyid gnas pa yin la de nyid de lta ma yin no zhes bya bar thal ba'i phyir ro/ /rnam grangs kyis de ltar yin yang skyon med do zhe na/ de lta na 'o na snga ma dang phyi ma dag gcig tu rtogs pa med pa'i phyir ci ltar gsal ba gcig nyid yin/ mi rtogs pa ni gzhan dang gcig la nyid ma yin no/ /gcig par sgrub par byed pa ni rtog pa nyid yin te/ rtogs pa dang ma rtogs pa dag ni ma yin no/ /rtogs pa med pas ni dngos po sgrub par mi 'thad pa'i phyir ro/ /ngo shes pa ni bsal zin to/ /de'i phyir thams cad du nges par dpyad pa nas 'bras bu nyid go bar byed pa'i rgyu mtshan yin no/ /chu dang thal sogs dngos po dag/ rang bzhin gang gis bskyed bya yin/ /de nyid kyis na go byed du 'ang/ /gnas phyir gzhan las rtogs ma yin/ /rang bdag rnam dbyer med can gang zhes bya ba ni/ gang zhig gang gi bdag nyid yin pa de de'i go bar byed pa yin te/ /shing sha pa shing gi bdag nyid yin pas shing go bar byed pa bzhin no/ /gal te ji ltar re shing sha pa shing gi bdag nyid yin pa de bzhin du shing yang shing sha pa'i bdag nyid ni gnyi ga med na med par 'gyur ba'i phyir ro/ /zhe na ma yin te rnam par dbye ba med pa nyid ma yin pa'i phyir ro/ /shing sha ba med kyang ba la sha la sogs pa yod pa nyid de/ sha ba ni de ltar ma yin pa'i phyir de nyid rnam par dbyer med pa can yin pas bar byed pa yin no/ /gal te

  563. 282a

    te de'i bdag nyid mtshungs na yang/ /gal te dbyer med go byed na/ /de lta yin na de bdag nyid/ /de ni go byed rgyur mi 'gyur/ /de bdag med kyang de bzhin du/ /'khrul med du ba gzhan mthong ngo/ /des na de yi bdag nyid ni// go bar byed pa'i rgyu mtshan min/ /rjes 'gro ldog pa dag las ni/ /de ni rgyu mtshan ma yin 'gyur/ /de ni de lta ma yin te/ /de bdag de las 'byung min par/ /gang du mi 'khrul go byed ni/ /min 'di bshad zin de bas na/ /de dag de yi rgyu mtshan yin/ /de yi nang gi dbye bas kyang/ /go byed de yi bdag nyid ni/ /de bdag nyid yin tha dad med/ /'bras bu de las gzhan gyur pa/ /rgyu yi yin phyir tha dad nyid/ /de nyid kyi phyir bshad pa/ /ldan pa can sogs gang dag la/ /de 'dra'i 'brel pa yod min pa/ /de dag 'khrul pa srid pa'i phyir/ /gtan tshigs min zhes bshad pa yin/ /ldan pas go bar byed pa yin na ni me yang du ba dang ldan pa yin pa'i phyir ci ste du ba'i go bar byed pa ma yin/ /mi 'khrul pa med pa'i phyir ro zhe na/ 'o na ni tha dad pa'i mi 'khrul pa de ni rgyu dang 'bras bu'i dngos po nyid do/ /'di la gzhan dag na re rgyu dang 'bras bu'i dngos pos go bar byed pa nyid yin na de ni gnyis la gnas pa yin pa'i phyir me go byed 'gyur ro/ /zhes zer ro/ /ma yin te yod pa gang med na mi 'byung ba zhes bshad pa'i phyir ro/ /rgyu dang 'bras bu la ma gtogs pa'i rgyu dang 'bras bu'i dngos po ni yod pa ma yin te/ des na rgyu dang 'bras bu'i dngos pos go bar byed pa yin no/ /zhes bya ba rgyu nyid dang 'bras bu nyid kyis go bar byed pa yin no zhes bya ba yin no/ /de lta na 'o na rgyu yang go bar byed pa ci ste/ ma yin zhe na/ yin pa kho na ste/ 'di la gzhan du 'gyur ba med do/ /de ni de ltar shes par mi nus par zad do/ /ci ltar shes pa de ltar ni go bar byed pa ma yin pa kho na'o/ /rang bzhin des ni go bar

  564. 282b

    byed pa nyid do/ /'di ltar me 'di'i du ba byed pa na/ /rgyu nyid du ni 'gyur ba yin/ /gal te byed par shes na ni/ /go byed du yang 'gyur ba nyid/ /de ltar de ldog mi nus phyir/ /de ni de yi nyes pa min/ /de lta yin dang du ba ni/ /med na med phyir de 'bras nyid tha dad khyab par byed pa nyid/ /thams cad gang phyir rgyu nyid yin/ /de bzhin du rang bzhin gyi gtan tshigs la yang brjod do/ /der yang sha pa'i bdag nyid du/ /rtogs na shing yang go byed nyid/ /de bdag bde bar rtogs med pas/ go bar byed nyid yang ma yin/ /da lta na yang rnam dbyer ni/ /med par rtogs pa go byed 'gyur/ /de phyir 'bras dang rnam dbye ni/ /med par dngos kun rtogs ma yin/ /ci ltar shing dang me dag sha pa dang du ba de'i bdag nyid dang/ rgyur ma nges par de bzhin du go bar byed pa yang ma nges pa nyid du 'gyur ro/ /nges pa yin na ci ltar go bar byed pa ma yin te/ ma nges pa go bar byed pa'i rgyu mtshan yod pa'i phyir ro/ /gal te de'i rjes su 'jug pa yin pa de lta na de de'i rgyu mtshan du 'gyur ba yin no/ /de ltar ma yin yang der 'gyur pa ha cang thal bar 'gyur ro/ /ldan pa la yang de bzhin no zhe na/ de ni ma yin te/ gang gi phyir/ ldan pa can sogs gang dag la/ /de 'dra'i 'brel pa yod min na/ /de dag 'khrul pa srid pa'i phyir/ /gtan tshigs yin? zhes bshad pa yin/ /rten dang brten pa dag ni ldan pa can yin te/ ldan pas mtshungs pa'i phyir ro/ /'du ba can ni rigs dang bya ba dang/ yon tan gyi dngos po dag go /gzhis ni brten pa go bar byed pa ma yin te/ rgyu dang 'bras bu'i dngos po zhes bya ba med na mi 'byung ba med pa'i phyir ro/ /rigs kyang de bzhin te/ gsal ba zhig pa na 'ba' zhig par rtogs pas rigs dang ldan pa rtogs par byed pa ma yin te/ rgyu dang 'bras bu'i dngos po mi srid pa nyid kyi phyir ro/ /'on

  565. 283a

    te brten pas rten go bar byed pa yin te/ de la med na mi 'byung ba yod pa'i phyir ro/ /de lta na 'on tang? rgyu dang 'bras bu'i dngos po nyid go bar byed par yin par mi 'gyur gyi/ med na mi 'byung ba nyid yin no/ /zhes bya bar 'dod do zhe na/ de yang mi rung ste/ med na mi 'byung ba'i khyad par nyid rgyu dang 'bras bu'i dngos po yin no/ /de'i phyir bshad pa/ 'brel pa yod pa yin na yang/ /de nyid rtogs pa'i sgrub byed yin/ /nges pa med na mi 'byung yin/ /nges pa med pa sgrub byed min/ /gzhan gzhan la nges pa de ni rgyu dang 'bras bu'i dngos po nyid do/ /de ma yin na ni go bar byed pa ma yin pa'i phyir ro/ /zhes bshad zin to/ /rang bzhin 'bras bu grub don du/ /gtan tshigs gnyis dang bzlog pa gnyis/ /ston to zhes bya bar bshad pa yin no/ /da ni rtsod phyir khyad par spyi dag ste zhes bya bas 'chad par byed do/ /khyad par ni thun mong ma yin pa ste/ /gcig tu ldog pa can no/ /spyi ni rjes su 'gro ba can no/ /gzhan dag ma nges pa de gnyis kyang go bar byed par smra bas/ de la slob dpon gyis de la rigs mthun la yod dang zhes bya ba la sogs pa go bar byed pa ma yin pa de nyid ston par mdzad do/ /gal te gcig tu ldog pa can ni go bar byed pa kho nar rigs so/ /zhe na gal te gcig las gcig tu ldog par grub na bden pa zhig na de ni ma grub ste/ phyogs la 'khrul par 'dogs pa'i phyir ro/ /'di ltar/ ldog pa nyid ni nges pa nyid/ /med na mi 'byung yin par brjod/ /de yang 'brel ba med la med/ /de nyid phyir na rjes 'gro gnas/ /srog la sogs pa bdag med ba la sogs pa 'di nyid ci ltar 'grub ce na/ gal te bdag dang bcas pa nyid med na mi 'byung pa yin par 'gyur na'o/ /de yang ma 'brel pa dag la mi 'grub ste/ mi mthun pa'i phyogs thams cad las mi ldog pa'i phyir te rang gi sgo nas ldog par

  566. 283b

    nus pa ma yin pa'i phyir ro/ /gang gis de la med do zhes par rtogs par 'gyur ba mi mthun pa'i phyogs thams cad ni mthong ba ma yin no/ /rjes su 'gro ba'i sgo nas ni rtogs par 'gyur ro/ /gang gi phyir nges par 'dzin pa de ni 'brel pa 'dzin pa yin la/ de yang mngon sum gyi tshad ma'i bya ba yin no/ /des na nges par bzung bas gzhan las ldog pa yang 'phen pa yin te/ de lta ma yin na nges pa'i rang bzhin mi 'dzin pa nyid do/ /'di ltar gzhan yod na yang de med na/ de yod na ni yod nyid dang/ /gzhan med na yang med min pa// des na de yi 'bras bu rtogs/ /gang gi tshe tsan dan gyi dri gzhan yod kyang 'byung ba med pa/ /de yod na ni yod pa de'i tshe tsan dan gyi dri de'i 'bras bu yin no/ /zhes 'grub kyi gzhan du ma yin pa'i phyir nges par grub po/ /de yang ldog pa med na med pa'i phyir/ /de yi bdag nyid du gyur pa'i ldog pa yang grub po/ /gal te thams cad du ni 'di ni 'di las skye ba yin zhes rjes su 'gro ba yang khyab par mi 'grub po zhe na/ de ni med 'di nyid las ni 'di skye zhes/ de tsam gyis ni de rtogs 'gyur/ / de yang gzhan las mi skye bar/ /de nyid de ltar rtogs pa yin/ /'di 'di las gzhan du yang 'byung ba nyid do/ /zhes bya ba 'di ni go bar byed pa'i rgyu mtshan ma yin te/ 'on kyang 'di nyid las 'byung gi gzhan las ni ma yin no/ /zhes bya ba yin no de ltar yang de las gzhan las sngar gyi skye ba ma mthong pa'i phyir/ /de yod na de ma thag nyid du nges pa rnams la rtogs pa yod pa nyid do/ /gal te gzhan gang rung rung las mi skyer zin kyang gzhan gyi khyad par las 'byung bar 'gyur ro/ /gzhan zhes bya ba tsam gyis thams cad mtshungs pa ni ma yin te/ des na ldog pa med do/ /de yod na yod do zhes bya ba'i ldog pa yang mi 'grub ste/ ma mthong ba las srid pa'i phyir ro zhe na/ de ni mi rung ste/ 'di ltar/ khyod kyi gtan tshigs 'di ltar 'gyur//

  567. 284a

    'di ni khyod nyid rjes 'dzin yin/ /rang nyid rjes 'dzin mi 'dod na/ /kun tu khyed nyid la gnod 'gyur/ /khyed kyi gtan tshigs ni 'di ltar go bar byed pa yin te/ rnam pa gzhan du mi srid pa'i phyir ro zhes bstan pa yin no/ /gal te de ltar mi 'dod na rten gzhan tshol cig /srid pa yang ma yin te/ de ltar na ni rang la gnod par bya ba'i phyir zug zer 'tsho ba yin no/ /gzhan yang gal te gzhan yang rgyu yin na/ de med pas na mod? la ni/ ci ltar med par 'gyur ba yin/ /de ma thag tu 'ang mi 'gyur 'di/ /mthun pa'i tshogs nye bar gnas pa las byung ba kho na yin na/ de med na ni de ma thag tu med par 'gyur ba'i phyir sha za ba la sogs pa'i gzhan gyi rgyud srid pa ma yin no// gal te de yang de ma thag pa nyid du yod pa dang med par 'gyur ba yin no zhes khas len na/ 'o na sha za de me'i dbang du byas pa'i phyir me nyid rgyu'i dngos po'i yin no/ /gal te gzhan las kyang 'gyur ba ni rjes su 'gro ba dang ldog pa med pas 'dod rgyal pa'i mi slu ba yin pa'i phyir na rtog pa sngon du byed pa rnams kyis 'bras bu so so la nges pa'i thabs tshol ba gang yin pa der mi 'gyur ro/ /gnyis su med par smra ba kho bo cag la ni don dam par rgyu dang 'bras bu'i dngos po zhes bya ba yod pa ma yin/ /de'i phyir 'brel pa sgrub pa'i tshad ma khas len na rjes su 'gro ba gsal bar gnas par 'gyur ro/ /gang gi phyir rang bzhin dag gam rgyu dngos ni/ /grub na ldog pa grub 'gyur ba/ /de yi phyir na khyad par ni/ /ldog med rjes 'gro yod pa yin/ /de'i bdag nyid la nges par ma yin pa ni de med pas nges par ldog pa ma yin no/ /'brel pa med pa ni rang ldog pas gzhan ldog par byed pa ma yin te/ thal ches pas 'gyur ba'i phyir ro//

  568. 284b

    de lta yin dang/ gson po'i lus 'di bdag med pa ma yin te/ srog la sogs pa dang mi ldan par thal bar 'gyur ba'i phyir ro zhes bya ba gtan tshigs ma yin te/ ma 'brel ba log pas ma 'brel ba gzhan ldog pa ni med do/ /'brel pa dang ldan pa khyab par byed pa ma yin pa yang ma yin la/ de'i bdag nyid de las byung ba'i 'brel pa med par khyab par bya dang khyab par byed pa pa'i dngos por 'gyur ba yang ma yin no/ /rnam pa gzhan gyis kyang ci ste ma yin zhe na/ ma yin te 'brel ba rnam pa gzhan med pa'i phyir ro/ /rnam pa de nyid kyang rtog pa nyid 'dod par sgrub par byed pa yin la/ de ltar yang mi 'gyur te des na ldog pa can du 'dod pa ni ldog pa yang med la rjes su 'gro ba yang med pa yin no/ /des na gnyi ga med pa'i phyir gson po'i lus ni bdag dang bcas pa ste/ srog la sogs pa dang ldan pa'i phyir ro/ /zhes bya ba ni go bar byed pa ma yin pa nyid do/ /'on te gnyi ga med pa'i phyir ji ltar 'di slob dpon gyis ldog pa can du gsungs te/ des kyang 'di nyid gsungs par 'os par 'gyur ro zhe na/ skyon 'di med de/ 'di ltar/ ma mthong ba tsam la brten nas/ /ldog pa 'ba' shig can du zad/ /de yi phyir na ma nges pa/ /gzhan du go bar byed par 'gyur/ /gzhan gyi bsam pa ma mthong ba tsam gyis ldog par 'grub pa la brten nas/ slob dpon gyis 'di ldog pa can du gsungs kyis ldog pa des pa nyid ni ma yin te/ de lta ma yin na ldog pa des pa yod pas go bar byed pa nyid du 'gyur ro/ /de lta na yang slob dpon gyis 'di ma nges pa'i nang du 'god par mi 'gyur ro/ /de'i phyir 'di slob dpon gyis 'di ldog pa nges pa dang ldan par bzhed pa ma yin no/ /gal te srog la sogs pa med pas ni bdag med pa la khyab pa yin la de yang gson po'i lus la med pa'i

  569. 285a

    phyir khyab par byed pa la go pas gson po'i lus la khyab par bya ba bdag med pa gdon mi za bar ldog pas na ji ltar bdag dang bcas par mi 'grub ce na/ mi 'grub ste 'di ltar/ gal te bdag ni ldog pa yis/ srog sogs dag ni ldog 'gyur na/ /srog sogs med pas bdag med la/ /khyab gyur de yang yod ma yin/ /gal te mi mthun pa'i phyogs dag khyab pa bsgrub pa yin na de'i tshe srog la sogs pa logs na gson po'i lus la bdag me pa ldog pa'i phyir rjes su 'gro ba med kyang bdag 'grub par 'gyur ba zhig na mi mthun pa'i phyogs dag gi khyab pa de nyid ni/ mthun pa'i phyogs kyi khyab pa med par mi 'grub po/ /bdag dang bcas pa dang 'brel pa ma yin pa nyid kyis ldog par byed pa nyid du mi 'grub la/ ldog par byed pa ma yin pa ldog pa ni zlog? na? zlog par bya ba ma yin pa ldog pas khyab pa mi 'grub bo/ /de'i phyir khyad par bya ba ma yin pa'i ldog pa med pas khyab par byed pa ma yin pa'i ldog pa med par mi 'grub bo/ /bdag dang bcas par 'brel pa ma yin pa nyid kyis ldog par byed pa nyid du mi 'grub la/ ldog par byed pa ma yin la ldog pa'i phyir bdag mi 'grub bo/ /gzhan ldog par ni gyur pa yi/ /gzhan ldog pa ni mi rung phyir// gal te 'brel pa med kyang ldog na ni ha cang thal bar 'gyur ro/ /de bdag de las byung zhe na/ ci ste 'di thams cad ni bdag kho na'i zhes bya bas srog la sogs pa bdag nyid yin pa 'am/ yang na de las byung ba yin te/ bdag 'du ba can gyi rgyu yin pa'i phyir ro/ /zhen 'di ni lan ma yin te/ 'di ltar gal te bdag ni dmigs pa na/ de dmigs rtogs pa med par yang/ /ma rtogs na 'di 'grub par 'gyur/ /gal te bdag dmigs pa yin na de'i bdag nyid yin pa'i phyir gzhan

  570. 285b

    yang de'i rang bzhin yin no zhes 'grub pa zhig na/ de nyid ma dmigs pas ji ltar de'i mtshan nyid yin pa'i phyir zhes bya ba'i gtan tshigs 'grub/ 'di la'o snyam pa'i blo'i rgyur 'du ba yang yod par mi 'gyur te/ bdag ma dmigs pa'i phyir ro/ /rgyu dang 'bras bu'i ngo bo ni/ /mngon sum dang mi dmigs pa sgrub pa yin gyi/ bdag mngon sum ma yin pa'i phyir/ de'i bdag nyid dang/ de las byung bar ji ltar 'gyur/ /gang gi phyir/ shin tu lkog tu gyur pa las/ /mthong dang ma mthong de grub med/ /bum pa la sogs pa bdag med pa yang ma yin te/ 'di ltar shin tu lkog tu gyur pa ni/ /mi dmigs pa las med mi rtogs/ /bdag med pa ni grub med a/ /de yi khyab pa ci ltar rtogs/ /dmigs pa'i mtshan nyid kyir gyur pa ma dmigs pa'i rjes su 'gro dang ldog pa dag gi rgyu dang khyad par byed pa'i sgrub par byed pa'i gyur pa yin na ni bdag gi dmigs par bya ba ma yin no/ /des na ci ltar de rgyu dang khyad par byed pa'i dngos po yin te/ ma yin te yang srog la sogs pa de'i bdag nyid dang de las byung ba yin no zhes mi 'grub bo/ /gzhan yang/ gzhan la mthong med ngo bo can/ /bum sogs gang med ces gang las/ /ldog pa shes pa med pa yi/ /ldog pa'i khyab pa ci ltar yin/ /gang zhig yul lam dus gzhan du mthong ba de ni da ltar 'di na med do zhes rtogs so zhes bya ba ni 'gro ba mdza' dag la grags pa yin no/ /de gang zhig nam yang rtogs pa'i yul du 'gyur ba myong ba de go de na med do zhes ci ltar rtogs par 'gyur/ mthong ba med la 'ga' yang ni/ /gang duAng rtogs par 'jug par byed/ /thams cad la ni bltos pa can/ /de bdag 'gog pa tsam du zad/ /'ga' zhig tu mthong ba nyid gzhan du mthong na/ yod dam med snyam du rtogs pa 'jug par 'gyur ro/ /med do zhes nges par gang las yin te de ltar na 'gog na gzhan gyis

  571. 286a

    bdag nyid ma yin no zhes de'i bdag nyid yin pa 'gog pa tsam du zad kyi/ bum pa la sogs pa la bdag med do zhes nges par ni mi 'gyur ro/ /khyab pa nyid yin na ni shin tu gsal bar yang med par nges pa ma yin no// nges dben par ni dmigs pas na/ /gal te bum sogs bdag med du/ /des na de ltar gson po'i lus la yang/ /de ni med ces bya bar 'gyur/ /ci ltar bum pa la sogs pa bdag gis dben par dmigs pas bdag med pa zhes bya bar rtogs pa de bzhin du gson po'i lus la yang 'gyur ro/ /de yang nges dben par ma dmigs pa ni ma yin no/ /des na dmigs par bya ba ma yin pa'i phyir/ /bum pa la sogs par bdag med par mi rtogs so/ /des na ldog pa shes pa med pa'i bdag gi ldog pa'i khyab pa/ srog la sogs pa med pa ldog pa la bdag gis khyab pa ci ltar 'gyur/ gang zhig ldog pas gang khyab par ldog pa khyab par de ldog pa ni des khyab par 'gyur ba yin na/ bdag ldog pa ni ma grub pas srog la sogs ldog pas khyab po zhes mi shes te de'i phyir ci ltar srog la sogs pa med pa ldog pa bdag gis khyab pa mi 'grub pa de'i phyir 'di la ldog pa nges pa yod pa ma yin/ /gal te ci ltar bum pa la sogs pa la srog pa sogs pa med do zhes rtogs pa de bzhin du bdag med do zhes ci ste mi rtogs zhe na mi mthun pa nye bar bkod pa ste/ 'di ltar/ srog sogs la lar mthong ba yis/ /yod med gnyis ni rtogs par 'gyur gyi mi dmigs pa tsam las ni ma yin no/ /gal te de ltar bdag mthong na/ /yod med gnyis ni rtogs par 'gyur/ /srog la sogs pa ni dmigs pa'i mtshan nyid du gyur pa yin pa'i phyir gson po'i lus ma yin pa la med par rtogs par 'gyur gyi/ bdag ni de ma yin pa'i phyir bzlog pa

  572. 286b

    yin no/ /gzhan yang bum pa la sogs pa bdag med pa yin du chug pa de lta na yang srog la sogs pa med pa ldog pas bdag 'grub pa ma yin no/ /gal te gson po'i lus la bdag med na srog la sogs pa yang yod par mi 'gyur te/ bum pa la sogs pa la srog la sogs pa ldog par byed pa ni bdag med pa yin par mthong ba'i phyir ro/ /zhe na ma yin te/ gzhan med pa ldog par byed pa ma yin pa'i phyir ro/ /'di ltar rgyu gang zhig ni med pa yis/ /bum pa la srog mthong med pa/ /lus la'ang gal te de med na/ /lus la med par rigs ma yin/ /bum pa la sogs pa la ni blo dang rtsol ba la sogs pa yang med pa nyid do/ /de'i ci ste med pas srog la sogs pa logs pa yin nam/ 'on te bdag med pa yin zhes/ /'dir khyod la the tshom med pa'i rgyu ci zhig yod/ /gang du blo la sogs pa'i rgyu gang zhig med pas/ /bum pa la sogs mi snang ba de nyid gal te lus la med par 'gyur na srog la sogs pas stong par thal ba yin na/ blo la sogs pas ni med pa ma yin pas de ci ltar srog la sogs pa ldog par thal ba yin/ 'on te gson po'i lus dang bum pa la sogs pa bdag med par chos mtshungs pa yin na gal te blo la sogs pa yod pa dang med pas byas pa'i chos mi mthun pa yod pa de ltar na yang bdag med pa yin pa'i phyir gson po'i lus kyang srog la sogs pas stong bar 'gyur ro srog la sogs pa med pas chos mi mthun pa nyid yin na yang/ bdag dang bcas par 'gyur ro zhe na/ 'di la brjod pa/ gal te cung zad chos mthun phyir/ /tha dad pa yang de rtogs na/ /de'i tshe gzhal bya nyid phyir bum sogs rnams bdag dang bcas par cis mi dpog /cung zad tsam gyis kyang chos mthun pa med pa de lta bu ni yod pa ma yin no/ /mi 'dod ce na mtshan ma nyid/ /'dod pa kun ni rgyu yin te/ /

  573. 287a

    de med par ni dngos po dang/ /dngos med rnam gzhan gang gis nus/ /'dod pas ni tshad mar 'gyur ba ma yin gyi/ 'on kyang gang la tshad ma yod pa de la rtog pa dang ldan pa 'dod par 'gyur ba yin no/ /tshad mas 'grub pa ni mi 'dod kyang bzlog par 'gyur pa ma yin no/ /tshad ma ni 'dod pa la ltos pa med pa rang dbang nyid du rigs pa yin no/ /de lta ma yin na tshad ma la rang dbang med par 'dod pas dngos po yod pa dang med pa 'dor len byad na/ dngos po dang dngos po med pa rnam par gnas par mi 'gyur te/ rgol ba'i 'dod pas ni yul du gyur pa'i bsgrub par bya ba sgrub par byed la/ phyir rgol ba'i 'dod pas ni 'dod pa'i phyir dngos po dang dngos po med pa ma 'tshol bar gnas pa med par 'gyur ro/ /'o na blo la sogs pa de dag kyang bdag yod par 'gyur ba yin zhes rtogs pa yin te/ des na blo la sogs pa yod na srog la sogs pa ldog pa ma yin no/ /zhes gang brjod pa de mi rigs so zhe na/ mi rigs pa ma yin te/ gzhan nyid de la 'jug par byed pa yin pa'i phyir ro/ /gal te bdag blo la sogs pa'i 'jug par byed pa nyid du nges pa yin na ni log pas ldog par byed pa nyid du 'thad pa yin na/ de lta ma yin te/ 'di ltar/ srog dang mig 'byed la sogs ni/ /dran 'dod rtsol ba las skye yin/ /de dag yul dbang blo las 'byung/ /de yang phan tshun rkyen la ni/ /ldos? pa'i rang gi rigs las 'byung/ /de tsam la ni bdag dngos 'di/ /rjes 'gro ldog pa la brten yin/ / gzhan du rtog na thug pa med/ /dran pa dang 'dod pa dang rtsol ba dag ni mi 'dod pa 'am de las gzhan 'ga' zhig la 'jug pa yin zhing de las ni srog dang mig 'byer ba la sogs pa 'jug go /dran pa la sogs pa gang las 'jug ce na

  574. 287b

    yul dang dbang po dang blo dag las so/ /de dag kyang phan tshun rten la ltos nas rang gi rigs las 'byung ba yin te/ yul gyi ni yul snga ma nyid la dbang po dang yul dag kyang de bzhin no/ /bdag gi dngos po ni rgyu dang rkyen gyi tshogs pa 'di dag tsam nyid la 'drel pa yin pas nye bar mkho ba med par gzhan gyis ci bya/ gal te bdag med na snga phyi mtshams 'byor pa'i rang bzhin gyi dran par mi 'gyur ba ma yin nam/ 'di ltar gang gis mthong ba de nyid dran par byed pa yin te/ gzhan gyis mthong ba ni gzhan gyis dran pa'i yul du bya bar mi nus so zhe na/ 'di yang bzlog pa ces ma yin nam/ 'di las kyang ci ltar 'grub/ /dran pa gcig las mthong ba ni med de/ snga ma dang phyi ma gcig pa nyid mngon sum gyis mi rtogs pa'i phyir dang/ dran pa yang tshad ma ma yin pa'i phyir/ gal te gzhan gyis dmigs pa dang/ mi dran pa de lta na yang gzhan gyi khyad par gyi dran par 'gyur ro/ /gzhan zhes te gzhan no cog mtshungs pa ni ma yin no/ /gang gis de nyid dran pa'i rgyur 'gyur ba gzhan ma yin pa de lta bu ni rang gi rgyu las skyes pa yin te/ rgyu dang 'bras bu nges pa'i phyir ro/ /bdag yod pa nyid kyis ni dran pa ma yin te/ 'o na gsal ba goms pa dang ldan pa'i rgyud yod pa las so/ /de lta ma yin na ni rtag tu dran pa thal bar 'gyur ro/ /gal te 'di skad du bdag yod na dran pa nyid zhes ma brjod kyi gal te dran pa ni bdag yod pa nyid de dran pa po med pa dran pa mi srid pa'i phyir ro zhe na/ de yang yang dag pa ma yin te/ 'di ltar de 'gyur na ni 'gyur phyir phyir dang/ rjes 'gro ldog pa'i rjes byed phyir/ /'di rgyu 'bras bu dngos po ste/ de ltar min na gzhan med 'gyur/ /dran pa dang ni sngon nyams su myong ba goms pa'i rjes su 'gro ba dang ldog pa'i rjes su byed pa'i phyir dang/ de 'gyur na 'gyur pa'i phyir bdag rgyu ma yin no/ /ci ste khyab pa dang rtag pa med par mi 'gyur na/ de ltar ma yin na dus

  575. 288a

    la sogs pa yang rgyu yin par thal bar 'gyur te/ khyad par med pa'i phyir ro/ /'on te myong ba po dang dran pa bo med par mi 'gyur ro zhe na/ de ni de lta ma yin te/ dran pa myong ba dag las ni/ /dran po myong po de rtogs na/ /nam mkha' de ltar yin par ni/ /ci yi phyir na rtogs mi byed/ /dran pa dang myong ba gzhan du mi 'thad pas dran pa po dang/ myong pa po 'ga' zhig rtogs pa yin gyi nam mkha' la sogs pa las gzhan du 'gyur pa ni ma yin no/ /de lta yin dang gcig dang 'ga' zhig yod do// zhes rtogs par 'gyur ro/ /de yang nam mkha' la sogs pa dang mi mthun pa ni ma yin te/ khyab pa dang rtag pa dang lus can ma yin pa la sogs par khyad par med pa'i phyir ro/ /'on te nga'o zhes byed pa po nyid du rtogs pa'i bdag yin gyi lus can ma yin pa tsam ni ma yin no zhe na/ nga'o snyam pa'i rtogs pa la ni lhas byin pa ni gar gyi rigs so zhe 'am/ sngon po'o zhes lus nyid snang ba ma yin nam/ lus kyi mi rtag pa'i phyir ro zhe na/ ma yin te lus kyi gnas skabs mi rtag pa yin gyi gnas skabs can ni 'jig rten pha rol la sogs par tha dad pa med pa'i phyir rtogs pa 'di nyid blo'i tha dad pa ni ma yin no/ /dran pa la sogs pa ni lus la gnas pa nyid du rtogs kyis lus can ma yin la gnas par ni ma yin no/ / 'on te re zhig rtogs pa po gcig 'grub pas de lus yin nam/ gzhan yin pa'i rtogs pa gzhan gyis ci bya zhe na de yang mi rung ste/ gang phyir gnas skabs tshogs las ni/ /lus gzhan rtogs pa yod min pa/ /de nyid phyir na nged kyi phyogs/ /grub pa la ni gnod med pa/ /gzhan yang rtag pa'i rang bzhin 'gyur med la/ /dran myong dag las gal te de/ /dran byed rtag tu ring don ni/ /de nyid ci ltar don rig 'gyur/ /bde la sogs pas 'gyur na ni/ /rtag pa

  576. 288b

    nyid du 'ang 'thad ma yin/ /bde sogs kyis ni 'gyur med na/ /bde la sogs par gnas mi 'thad/ /gang phyir dran pa 'bras yin pa/ /des na myong bas ces ma yin/ /'on te nga zhes rnam shes pa/ /rgyu dang 'bras bu tsam ma yin/ /'di ltar mngon mthong bzung ba ni/ /nga yi dran pas rnam nges par/ /rtogs zhes 'gro ba thams cad kyis/ /byed pa nyid na rtogs pa nyid/ /de yang ma yin te/ 'di ltar /sngon mthong dran zhes rtogs pa ni/ /bdag las skyes pa tsam gyis ni/ /tshad med de ltar yang na ni// kun 'gyur rnam gzhag med par 'gyur/ /gal te rgyu bdag las skyes pa tsam gyis shes pa tshad ma yin na/ /thams cad tshad mar 'gyur ba'i phyir/ /thams cad kyi thams cad 'grub par 'gyur te/ des na ches 'tshol bar 'gyur to/ /de'i phyir gang zhig dbang po nyams pa med pa la brten nas 'byung ba nyid tshad ma yin no/ /de lta yin dang gang gis 'di ni dran pa dang mtshams sbyor la yang nus pa yod pa yin no/ /zhes brjod par bden par 'gyur/ mig la sogs pas bskyed pa'i shes pas rjes su 'brel pa bcad pa med pa'i phyir snga phyi gcig tu rtogs pa bden pa ci ltar 'gyur/ /dran pa 'gyur ba'i rtogs pa med par ni bdag gam gzhan rjes su 'brel pas rtogs pa ma yin no/ /des na des dran no zhes bya ba 'di ni kun rdzob tsam kho na'o/ / des na kun rdzob pa'i bdag gis ni thams cad 'thad pa nyid do/ /gzhan yang/ 'khrul pa nyid kyis mnyan bya dang/ /srog sogs 'di ni mtshungs par 'gyur/ /ma yin ldog pa can yin yang/ /'di la 'khrul med phyir zhe na/ /ci ltar sgrub min nyid las de ldog min 'on don gyis de/ bsgrub bya'i rjes 'jug min de ltar/ brjod 'gyur de ni gzhan las mtshungs/ /mnyan bya nyid dang srog la sogs pa ni khyad par yod pa ma yin te/ /ldog pa 'ba' zhig par gnyi ga yang mtshungs pa'i

  577. 289a

    phyir ro/ /des na gcig ni 'khrul pa yin la rang bzhin ni ma yin no/ /zhes bya ba'i 'di ci zhig yin/ gal te ldog pa mtshungs pa ma yin te yul tha dad pa'i phyir ro/ /mnyan bya nyid ni mthun pa'i phyogs dang mi mthun pa'i phyogs gnyis ka las kyang ldog pa yin la/ srog la sogs pa ni ma yin te/ bsgrub par bya ba ma yin pa kho na las ldog pa'i phyir ro zhe na/ 'o na mnyan bya nyid ni mthun pa'i phyogs las kyang ldog go zhes bya ba mthun pa'i phyogs la rjes su 'jug pa med par bstan pa yin na/ de ni srog la sogs pa dang mtshungs pa nyid do/ /de yang mthun pa'i phyogs nyid la yod pa nyid ni ma yin no/ /mthun pa'i phyogs yod pa dang med pa nye bar dgod pa ni gang du dgos/ 'di ltar/ bsgrub min nyid las rnam chad ces/ /bsgrub bya gnas par brjod pa yin/ /de nyid phyir na don go bas/ /gcig gis gnyis ka bstan par brjod/ /nges par bzung ba des pa nyid du nges par bzung bas ni bzlog pa bsgrub pa yin te/ de lta ma yin na gal te bsgrub par bya ba ma yin pa nyid las rnam par chad pa mthun pa'i phyogs las kyang rnam par tshad pa yin na de'i tshe nges par gzung ba 'bras bu med par 'gyur ro/ /de nyid kyi phyir khyed kyis kyang bsgrub par bya ba ma yin pa nyid las rnam par 'chad pa zhes bya ba'i ngag 'di las gcig gis kyang gnyis ka bstan par byas pa yin no/ /de'i phyir rjes 'gro med pa las/ /'di 'dra'i mi 'khrul 'grub ma yin/ /nges par gzung ba'i mtshan nyid rjes su 'gro ba khyab pa'i mi 'khrul pa gang yin pa de ci ltar khyab par byed pa rjes su 'gro ba med par 'gyur/ yang na bsgrub par bya ba med pa nyid las rnam par chad pa zhes bya ba 'di ni rjes su 'gro ba rtogs pa med par rtogs pa ma

  578. 289b

    yin te/ mi mthun pa'i phyogs mdza' dag ni mthong ba ma yin no/ /rjes su 'gro ba'i sgo nas ni 'gyur ba yin te/ bdag nyid la ni 'brel pa'i phyir/ /gzhan las ldog par 'gyur ba yin/ /de las gzhan las ldog min na/ /ci ltar de la 'brel par 'gyur/ /'on te bsgrub par bya ba la yod pa nyid ma yin no zhe na/ 'o na med pa la med par 'gyur bas bsgrub par bya ba ma yin pa kho na las zhes ma 'khrul par ci ltar 'gyur/ 'di ltar bkag pa 'gog par byed pa ni/ /bsgrub pa las gzhan ci 'dra zhig /bsgrub par bya ba med pa nyid la/ med do zhes nges par gzung ba gang yin pa des ni bsgrub bya la med pa bkag pa yin te/ bsgrub par bya ba ma yin pa nyid la med pa yin gyi/ /bsgrub par bya ba la ni med pa ma yin no zhes dgag pa 'gog pas bsgrub pa nyid bsgrub par 'gyur ro/ /ci ste/ bsgrub bya med las ldog med pa/ /des na sgrub min nyid las med/ /med ces ldog pa de nyid ni/ /ci ltar med las ldog pas 'dod/ ci ste/ srog la sogs pa'i gtan tshigs la mthun pa'i phyogs med pa'i phyir de las ldog pa ma yin/ /med pa las ni ldog par nus pa ma yin te 'byung khung nyid med pa'i phyir ro/ /gang las ldog par rtogs par 'gyur ba med pa zhes bya ba ni 'ga' yang yod pa ma yin no zhe na/ gal te med pa las mi ldog na ldog pa'i ldog par ji ltar 'gyur/ /de yang med do zhe na/ gal te ldog pa'i ldog pa 'gag na ldog pa'i ldog pa las ldog par ci ltar ldog ces thug pa med pa'i phyir rtogs pa med do/ /bkag pa dang ldog pa zhes bya ba ni don gcig nyid do// ldog pa'i gzhir gyur pa gang yin pa de nyid ldog pa'i byung khung yin no/ /gal te gang dang ldan pa yod pa de bral ba'i 'byung khung ma yin nam/ dngos po med pa dang ni ldog pa yod pa ma yin no zhe na/ gang dang ldan pa mi srid pa de chos shin tu 'byung

  579. 290a

    gnas nyid ci ste ma yin/ bral ba tsam 'byung yin gyi ldan par yang gyur pa ni ma yin no/ /de ltar ma yin na ni ldog pa yod pa nyid las ldog pa yod pa zhes bya ba 'di ci ltar yin/ gal te der ni blo yod na/ /'dir yang ci ste 'dod ma yin/ /med pa shin tu gsal ba nyid/ /de yi gnas su rtogs pa yin/ /gang nam yang de ni de mi srid pa de ni de'i 'byung khung yin par shin tu yang cher rigs so/ /ldog pa med pa sgrub pa yin/ /dngos po med na'ang yod min la/ /dngos po med pa yod min zhes/ /blun po yi ni spyod la ltos/ /med pa la dngos po med do zhes ldog pa med med pa ni sgrub pa nyid yin pas/ dngos po yod pa'i mtshan nyid de ni med pa la yang yod pa yin no/ /dngos po med pa ni med pa la 'thad pa'i rang bzhin yang med la/ bzlog kyang cig shos ni yin no zhes bya ba blun po'i spyod pa las gzhan ci zhig yin/ 'di ltar/ sgrub pa dang ni dgag pa dag/ phan tshun spangs te gnas pa na/ /rnam gzhan srid ba ma yin phyir/ /gnyi ga med ces rigs ma yin/ /dngos po yod pa ma yin na gor ma chag par med pa nyid yin pa'i phyir ro/ /de nyid ni ldog par yang tha snyad byed de/ de la med pa ni de las mi ldog pa ma yin no/ /med pa nyid kyang de la med pa kho na ste/ gzhi nyid dang mi ldan pa'i phyir ro zhe na/ ma yin te/ yod pa nyid med pa kho na de la med pa yin no/ /de yang med do zhe na/ ma yin te/ dngos po dngos po med pa dag ni phan tshun med pa'i rang bzhin can yin pa'i phyir gnyi ga yang dgag par ci ltar 'gyur/ dngos po ni gdon mi za bar dngos po med pa rnam par gcad pas de nyid thob pa yin te/ dngos po med na dngos por mi 'gyur ba'i phyir ro/ /gang gi phyir dngos po med par med pa las ldog

  580. 290b

    pa de'i phyir de ldog pa la gdon mi za bar 'gyur ro/ /de lta ma yin te/ gal te dngos po med pa log kyang mi 'gyur na ni med pa kho nar 'gyur ro/ /'di ltar/ gal te dngos po yod min pa/ dngos med nyid du rtogs par 'gyur/ /ston te dngos med med na ni/ /des na dngos po rtogs par 'gyur/ /de yang med na 'gag pa 'di/ /mi dmigs pas na med phyir ro/ /gnyi ga med na dngos po ni/ /yod pa bzlog pa med pa nyid/ /gal te dngos po dngos po med pa gnyi ga yang med pa yin na/ de lta na yang dngos po'i med pa nyid bzlog tu med pa kho na'o/ /gal te dngos po yod pa ma yin na/ de lta na dngos po med par 'gyur ba ma yin no/ /de bzhin du ni dngos po med pa yang med pa nyid du 'gyur ro/ /gal te dngos po med pa ma yin la dngos por yang ma gyur na/ de nyid dngos po med par rtogs pa yin no/ /de'i phyir dgag pa 'jug pa nyid des dban par dmigs pa'i mtshan nyid kyi mngon sum gyis sgrub pa las phyi rol tu rnam par 'jog pa yin no/ /de'i phyir tshad ma gcig 'jug pa nyid kyis rnam pa gzhan la rnam pa gzhan gyis ngo bor 'jog pa yin te/ rnam pa gzhan ni yod pa ma yin no/ /gang zhig mngon sum der ma chud ba de thams cad ni gzhan kho na'o/ /dngos po'i rang bzhin 'dzin pa'i mngon sum gyis kyang de la gang zhig de'i rang bzhin du rnam par ma bcad pa de ni de'i rang bzhin du med pa yin te/ rnam pa gzhan ni yod pa ma yin no/ /dngos po med pa yod pa yongs su gcod pa na yang gang zhig de ltar rnam par ma bcad pa de dngos po nyid yin pa'i phyir rnam pa gzhan ga la srid/ gal te rnam pa gzhan med mod dngos po 'am dngos po med pa de ni med pa la med do zhes gzhi dang bcas pas gcod par nus pa ma yin te/ de nyid bcad pa med pa'i phyir ro/ /med pa ni gcad par

  581. 291a

    nus pa ma yin no zhe na/ de ni ma yin te 'di ltar/ gal te de la ldog med na/ /gtan tshigs 'jug par 'dod dam ci/ /de yang min na ldog bkag ni/ /'di nyid yin na ci ste 'gog re shig khyed la 'di tsam zhig dri ste/ /gal te mthun pa'i phyogs med pa de las mi ldog na cig 'jug par 'gyur ram/ rnam pa gzhan ni yod pa ma yin pa'i phyir ro/ /de ltar na dngos po med pa'i rang bzhin can gyi ldog par mi 'gyur ba yin te/ gal te 'jug pa'i rang bzhin gyi dngos por 'gyur na'o/ /de yang ma yin no zhe na/ 'o na ldog pa ldog pa ma yin te/ gang gi phyir khyod kyis bsgrub pa'i ldog pa bkag pa ni 'di nyid yin na/ /de'i phyir ci ste 'gog bar byed pa/ bsgrub pa ni de nyid kyi tshe dgag par rigs pa ma yin no/ /de'i phyir 'jug pa bkag pa nyid ldog pa yin pas/ de bkag pa ma yin no/ /'on te de ni 'byung khung ngam gnas nyid du rtogs pa ma yin pa'i phyir de las ldog pa ma yin pa'i phyir de las ldog pa ma yin par brjod na/ 'dir brjod pa/ sgrub dang dgag pa ma rtogs par/ /sgra las byung ba'i tha snyad gzhan/ /yod min de yang med pa la/ /med phyir 'di ni mi smra thob/ /gal te khyed la 'ga' zhig brgal zhing brtag par byed de/ /srog la sogs pa mthun pa'i phyogs la mthong ba ma yin nam/ des na de las ldog pa las thun mong ma yin pa'i ji ltar go bar byed pa yin de lta bu nyid kyang yin na mnyan bya nyid kyang go byed du 'gyur ro zhes so/ des na gdon mi za bar mthun pa'i phyogs med pa ldog pa med do/ /zhes brjod par bya dgos de ltar ma yin na 'dir mi smra ba nyid thob par 'gyur ro/ /ci ste yang de bzhin kho nar 'gyur la dran med ces bya bar 'gyur na/ ma yin te

  582. 291b

    rang nyid kyang rnam pa 'ga' zhig/ ltar gcod pa srid pa'i phyir ro/ /tshig ni bzlog par nus kyi/ blo ni ma yin te gdon mi za ba ci zhig ltar rtogs par 'gyur ro/ /gzhan yang gal te dngos po med pa nam yang bdag nyid thams cad kyi gnyis nyid dam 'byung ba nyid du rtogs par nus pa ma yin de kho na yin na tha snyad chad par 'gyur ro/ /'di ltar/ yod pa rnams la dgag pa med/ /de ni med la'ang yod ma yin/ /rigs ba 'di yi 'gro ba la/ /dgag pa'i don ni med par 'gyur/ dgag pa'i don ni med pa nyid do/ /des na med pa mi rtogs pa na ci ltar de sbyor/ /'di ltar brjod bya blo la gnas pa yis/ /de nyid rtogs par bya ba'i phyir/ /rjod par byed pa'i sbyor 'gyur na/ /med pa de gnyis yod ma yin// //bam po bcu bzhi pa/ /gal te med pa tsam yul du byed du dgag pa don med pa nyid do/ /yul rtogs pa la dgag pa sbyor ba'i phyir ro/ /sbyar na yang dgos pa med do/ /'o na gang zhig med pa de yul du bya ba yin na/ /de ltar yin na rtogs bzhin pa nyid med par ci ltar 'gyur/ /'o na rtogs pa ni rnam pa gzhan du yin no/ /med pa yang rnam pa gzhan du yin no/ /'di ltar yod pa nyid yul la sogs pa dang ldan pa 'ga' zhig gis dgag par bya ba yin no zhe na/ 'di la bshad pa gal te yul dus 'gog ce na/ ci ltar de yod de ltar ni/ /mi 'gog ci ltar de med pa/ /de ltar yang ni 'gog mi 'gyur/ /da ltar 'di na rang bzhin med do zhes bya ba yang/ dgag par nus pa ma yin pa nyid do/ /'di ltar rang bzhin gang dang yul gang dang/ dus gang yin pa de/ gal te yod na ci ltar 'gog/ 'on te med na blos yul du byed par srid pa ma yin te med pa gcad par mi nus pa'i phyir ro/ /ci ste yul du byed na de ltar yin na gzhi la sogs pa yang yul du byed par

  583. 292a

    'gyur ro/ /de lta ma yin par yul du byas mi nus pa'i phyir ro/ /gdon mi za bar byed pa'i ngo bor yongs su gcod pa yin te/ gzhan du srid pa med pa'i phyir ro/ /gal te yul 'di na med do zhes bzhi'i rang bzhin yul du byas pa yin na/ med par ci ltar 'gyur med na ci ltar yul du byed/ 'on te dgag par bya ba sgro btags nas 'gog par byed na/ de ltar yin na mthun pa'i phyogs kyang sgror btags nas mthun pa'i phyogs las ldog pa yod pa yin pa'i phyir ci ltar mthun pa'i phyogs las mi ldog/ des na phyi rol la don brten pa'i sgrub pa dang dgag pa ni tha snyad mi srid pa de'i phyir tha snyad chad par 'gyur ro/ /gal te sgrub pa'i tha snyad srid pa ma yin nam/ zhe na/ ma yin te/ yul du bya ba la sgrub pa med pa'i phyir ro/ /bum pa yod zhes bya ba gal te yod par bzung na de nyid sgrub pa yin pas yang yod do/ zhes sgrub pas ci zhig bya/ /'on te med par yin na des na 'gal ba'i phyir med pa ni yod do zhes sgrub par mi nus so/ /gal te yod par bcad na ni/ de la sgrub pa don med yin/ /med par yongs su bcad phyir na/ /sgrub pa gzhan du nus ma yin/ /de phyir dngos dngos med rten pa/ /phyi rol rten min sgra don la/ /brten nas 'dir ni sgrub pa dang/ /dgag pa thams cad 'dod pa yin/ /tshad ma'i don yang gzhan yin la/ /sgra'i don yang gzhan yin no/ /sgra'i don ni yod pa dang dngos po med pa'i rten yin gyi/ tshad ma'i don ni de lta ma yin no/ /tshad ma'i don ni dngos po med pa'i rten ma yin no/ /tshad ma'i don ni rnam pa gzhan du srid pa ma yin te/ rang bzhin nges par gzung ba'i phyir ro/ /sgra las zhig la blo ci 'dra/ /ma zhig pa la'ang de 'dra nyid/ /des na dngos dngos med rten ni/

  584. 292b

    sgra don tshad ma'i de lta min/ /des na sgrub pa dang dgag pa dag gis yul ni rnam par rtog pa can gyi blos brtags pa yin te/ rnam par rtog pa rnams ni dngos po la 'jug bar ma nges pa'i phyir ro/ /rnam par rtog pa med pa yang thams cad ni tshad ma ma yin no/ /gal te tshad ma ma yin pa/ sgrub pa'i tshul du zhugs na/ des na de tshad ma ma yin par bstan pa'i phyir dgag par byed la/ dgag pa'i tshul gyis zhugs na ni sgrub par byed do/ /gal te 'di rtogs pa 'khrul pa nyid yin pa de'i che bdag nyid yin pa de lta bu nyid du gsal bar 'gyur te/ rang rig pa la 'khrul pa med pa'i phyir ro/ /rang gi ngo bo ni gzhan du mthong bar nus pa ma yin te/ rang gi ngo bo las nyams par thal ba'i phyir ro/ /rnam pa gzhan du snang na de nyid kyang rang gi ngo bo yin pas der yang de ltar 'gyur pa'i phyir thug pa med par 'gyur ro/ /rang gi ngo bor yod na ni dngos po'i nye bar len pa can nyid 'gog pa yin no/ /chos can de yang rang gi ngo bos rtogs pas na gang gis de gnyis dang 'brel par 'gyur ba ci ltar/ sgrub pa dang dgag pa thun mong ba yin zhe na/ 'dir brjod pa/ de 'dra med na'ang chos can de/ /de dag dang ni 'brel par snang/ /de yang sgra 'jug ba nyid las/ /yod ces tha snyad rten par 'dod/ /tha snyad 'di phyi rol dang nang gi rang bzhin nyid la brten pa ni ma yin gyi/ /'on kyang sgra'i don la brten pa yin no/ /sgras ni phyi dang nang gi rang gi ngo bo rtogs pa ma yin no/ /gal te de las ma rtogs pa gzhan med pa'i phyir sgrub pa dang dgag pa dag tha snyad ji ltar rten zhe na gzhan sel ba la brten te zhes brjod de/ /gzhan sel ba la brten no zhes bya ba 'di ci zhig/ sgra la rtogs pa gang yin na'o/ /rtog pa de gang yin zhes bya ba de nyid de ltar brjod pa ma yin nam/ cung zad kyang ma yin no/ /de lta na yang tha snyad 'di ni thog ma med pa'i kun tu rmongs pa bskyed pa yin no/ /'di ltar rnam par dpyad na phyi

  585. 293a

    rol lam nang 'dra ba yod pa ma yin na'ang sgra'i don gyi mtshan nyid kyi chos can de/ sgrub pa dang dgag pa dag dang 'brel pa lta bur mngon pa yin no/ /de skad du yang 'di la dngos po cung zad med ces bshad pa yin no// gal te de la phyi rol gyi rang bzhin du sgro btags pa nyid kyi rang bzhin yod pa ma yin nam zhe na/ ma yin te shes pa dang shes bya ma rtogs pa gzhan mi srid pa'i phyir ro/ /'khrul pa'i rang bzhin yod do zhe na/ de yang gal te rang gi ngo bos rtogs na ci ltar 'khrul/ /'on te ma rtogs na ci ltar yul yin/ /ma rtogs par ni yod do zhes lhag par nges nus pa ma yin no/ /phyis 'khrul bar shes so zhe na/ 'o na dang po rang gi ngo bor ma rtogs pas ji ltar yod do zhes bya bar rnam par gzhag pa'i yul yin/ gzhan gyi rang gi ngo bos rtogs na ni rtogs pa gzhan 'khrul gyi de nyid ni ma yin pas na thug pa med do/ /'on te de mi bden pa nyid du nges pas na 'khrul par brjod do zhe na/ de ni mi bden pa gang yin/ don la ma reg pa nyid do/ /de nyid de'i rang bzhin yin ma yin nam ci ltar mi bden pa nyid yin rang gi rang bzhin la gnas pa nyid ni mi bden par 'gyur ba ma yin no/ /rnam pa gzhan du nges pa bskyed pa'i phyir mi bden pa yin no zhe na/ 'o na des pa nyid mi bden par 'gyur ro/ /des de bskyed pa'i phyir/ /de yang mi bden pa kho na'o zhe na ma yin te/ bag chags kyi nges par rnam pa gzhan du bskyed pa'i phyir ro/ /de lta yin na nges bar 'khrul pa nyid do zhes bya ba yang ma 'brel pa yin te/ de yang rang gi rang bzhin la gnas pa'i phyir ro/ /de'i phyir sgra'i don ni rang bzhin med pa nyid do/ /'o na ji ltar yod ces tha snyad du byed ce na/ sgra 'jug pa'i phyir yod do zhes tha snyad 'dogs so/ /sgra 'jug pa'i mtshan nyid kyi tha snyad las yod do zhes rtogs par 'gyur ro/ /gzhan sel ba zhes bya ba ni spyi la

  586. 293b

    sogs par 'dzin pa bzlog pa'i don du mi rtogs par byed pa yin no/ /gal te cung zad kyang ma yin no/ /zhes brjod na ni gzhan dag spag? par 'gyur ro/ /de nyid kyi phyir de yang tha snyad rten par 'dod ces smos so/ /de lta ma yin na ni tha snyad chad par 'gyur ro zhes te/ gzhan dag spong bar 'gyur ro/ /'di ltar sgra las gzhan ni rnam gcod 'dir/ /rtogs pa rnams kyi phan tshun gyis rgyu dang 'bras bu nyid kyis ni/ /dngos po 'ba' shig yod pa yin/ /me 'on cig ces brjod pa na me ma rtogs kyang me ma yin pa spangs nas 'jug go/ sgra las ni dngos po la ma rag pa'i rnam par rtogs pa rang gi ngo bo rtogs pa skye ba la brten pa yin la/ de las ni 'jug pa'i rnam par rtogs pa de las ni 'gro ba'i rang bzhin nyams su myong ba de las ni thob pa'am de lta ma yin pa zhes bya ba'i tha snyad du 'gyur gyi/ brjed par bya ba dang rjed par byed pa zhes bya ba ni 'ga' yang yod pa ma yin no/ /de lta min na don rnams kyi chos gcig bsgrubs bsam bkag pa na/ bdag nyid thams cad bsgrubs pa dang/ bkag 'gyur bdag tha dad med phyir/ /tha dad yin na gzhan dang gzhan/ /bkag pa dang ni bsgrub pa yin/ /bsgrub pa dang ni dgag pa dag/ chos can gcig la 'du mi 'gyur/ /gal te chos rnams chos can las tha mi dad pa yin pa de'i tshe chos cig bsgrub pa'am/ 'grog pa na thams cad bsgrub pa 'am bkag par 'gyur ro/ /de bsgrub pa na de'i bdag nyid ma bsgrubs pa zhes bya ba ni ma yin te/ de yang ma bsgrubs par thal ba'i phyir ro/ /dgag pa yang de bzhin no/ /dum bur bsgrub pa dang 'gog pa ni ma yin te/ tha dad med pas dum bu nyid med pa'i phyir ro/ /sgra des de bsgrub pas na de'i bdag nyid ma bsgrubs par ni mi 'thad do/ /de bsgrubs pa nyid yin mod kyi 'khrul pas ma nges pa yin no zhe na/ 'o na thams cad ma nges par 'gyur ba'i phyir rtogs pa med par 'gyur ro/

  587. 294a

    cung zad cig ni des la cung zad cig ni ma nges pa yin no zhes gzhung gzugs par nus pa yang ma yin te/ rnam par dbye ba med pa'i phyir ro/ /rnam par dbye ba yod na de ltar 'gyur gyi gzhan du ni ma yin no/ /dmigs pa nyid yod par brjod pa yin te/ de rnam par dbye bas ni yod par rnam par dbye bar 'gyur ba yin no/ /des na ci ltar gcig nyid la cung zhig ni nges par 'gyur la gzhan ni ma yin te/ des na 'di ni gyi na'o/ /gal te skad cig ma nyid des kyang sngon po des ma yin nam mthong pa ni mi 'thad pa zhes bya ba ma yin no/ /zhe na de la yang 'gal ba'i phyir ro/ /'di ltar nges pas gal te de ni ci skad cig nyid/ bsgrub pa dang bral sngon por rtogs na ni/ /gzhan gyi skad cig dngos por 'grub mi 'gyur/ /tshad mar grub pa gzhan gyis gnod ma yin/ gal te tshad mas grub pa tshad ma gzhan gyis gnod na thug pa med de/ de yang gzhan gyis yin pas yid brtan pa med pa nyid du 'gyur ro/ /'on te gal te sngon por nges par skad cig ma la 'jug pa zhes bya ba ma yin mod/ /de lta na yang des skad cig nyid bkag pa ma yin la/ de bsgrub pas kyang sngon pos nges pa la gnod pa ma yin te/ bsdu ba'i tshul gyis gnyi ga yang 'jug pa'i phyir ro/ /ldan pa ni gsum ste bsdu ba dang rnam par brtags pa dang gnod pa'o/ /bsdu ba ni sngon po yang yin la utpa la yang yin no/ /zhes bya ba ste/ chos gnyis bsdu ba'i phyir ro/ /rnam par brtags pa ni mi 'am tho yor zhes bya ba ste/ gnyi ga la mi srid pa'i phyir ro/ gnod pa ni thag pa ni sbrul ma yin no zhes bya ba ste sbrul nyid mi srid pa'i phyir ro/ /de'i phyir 'dir sngon po dang skad cig ma dag bsdu ba yin pa'i phyir skyon ci yod ce na 'dir brjod pa/ gnod pa'i mtshan nyid dang ldan phyir/ /'dir ni ci

  588. 294b

    ltar sdud par 'gyur/ /gnod bya gnod par byed pa ni/ /sdud par 'ga' yang 'ongs ma yin/ gal te sngon po nyid skad cig ma spangs par nges pa yin na skad cig ma nyid bkag par 'gyur te/ des dben pa'i rang bzhin bzung ba'i phyir ro/ /dben pa'i rang bzhin du rtogs pa nyid gnod pa yin no/ /gal te 'di la 'di med do zhes dngos po med pa'i tshad mas gnod pa ma yin nam/ mngon sum ni 'ga' la yang gnod par byed pa ma yin no zhe na/ de ni mi 'thad de 'di ltar med ces nges pa 'di nyid ni/ /tshad min 'di ni tshad 'bras yin/ /de yi dben par dmigs pa ni/ /tshad ma de la nges pa yin/ /nges ba 'di rang rgyud pa'i tshad ma ni ma yin no/ /'di ni mngon sum gyis rjes su 'brang ba yin pas 'di gzhan du 'gyur ba ni ma yin no/ /gal te ci zhig ltar dben pa'i rtogs pa skyes kyang de skyes par ma gyur pa de lta na yang der rung ba nyid kyis de 'gog pa yin no 'di yang 'og nas bstan par bya'o/ /de la gal te sngon po skad cig ma nyid yongs su spangs te des na de nyid kyi skad cig ma nyid bkag pa'i phyir/ ci ltar gzhan gyis bsgrub par 'gyur/ 'on te des kyang bsgrub pa nyid yin mod kyi 'on kyang gzhan gyis gsal bar byed do zhe na/ 'dir brjod pa/ gal te sngon gyi rtogs pa de/ /tshad min ci ltar gsal ma yin// don de gsal bar ma byas dang/ /de grub pa zhes bya ba 'bad par dka' / /des kyang gsal ba ma yin zhes/ /bya ba 'dir yang ci ltar 'gyur/ /'dir ni de bsal gzhan du ni/ /nges par 'thad dang 'brel pa ma yin/ /de'i phyir na snga ma dang/ phyi ma'ang 'khrul par rtogs pa gyis/ /yul gcig gi shes pa dag ni phan tshun 'gal bar 'gyur ba ma yin no/ /des na gcig bsgrubs pas de tha mi dad par thams cad bsgrub pa'i phyir sgra dang rtogs pa gzhan 'jug pa ni don med do/ /'on

  589. 295a

    te khyad par tha dad pa dag sgra dang rnam par rtog pa tha dad pa'i yul yin pa des na thal ba 'dir mi 'gyur ro zhe na/ tha dad pa yin na bsgrub pa dang dgag pa dag chos can gcig la 'du bar mi 'gyur ro/ /gal te phan tshun dang rten las kyang tha dad pa yin na/ de'i tshe don de dag chos can yang tha dad pa kho nas rtogs par 'gyur bas de'i tshe de dag la rten gzhan med pa'i phyir/ ci ltar gzhi mthun pa nyid du 'gyur/ ji ltar utpa la sngon po zhes yon tan dang rdzas rtogs pas na de dag la rten gzhan ni yod pa ma yin te/ des na gzhi mthun pa nyid dang khyad par dang khyad par gyi gzhi'i dngos po nyid du rtogs par mi 'gyur te/ don so sor rtog pa'i phyir bum pa dang snam bu bzhin no/ /'on te sngon po yan 'gar ba ma yin no zhe na/ de lta yin na sngon po'i rang bzhin rtogs pa nyid kyis rtogs par 'gyur te/ dum bur rtogs pa med pa'i phyir ro/ /'on te rigs dang yon tan yin na yang gzhi mthun pa mi rtogs te/ gzhi brjod pa'i sgra gzhan med pa'i phyir ro/ /'on te sngon po rdzas nyid rtogs par 'gyur gyi/ sngon po tsam ni ma yin na de lta na ni sgra gcig gis gnyis brjod la/ gzhan gyis kyang de bzhin yin pa'i phyir bzhi 'am gsum brjod pas ji ltar gzhi mthun pa 'am khyad par dang khyad par gyi gzhi'i dngos por 'gyur sgra gcig gam du ma bstan pa rang bzhin tha dad pa rnams gzhi mthun pa la rten pa ni ma yin no/ /'on te sngon po la sogs pa yan 'gar ba rtogs par mi nus pa des na gzhan dang gzhan rtogs pa gzhi mthun pa ma yin pa ma yin te/ sngon po la sogs pa de dag ni rigs ma nges pa yin la rigs la sogs pa yang yon tan ma yin par nges pa yin no/ /des na nges pa bstan pa'i phyir sgra gzhan sbyor ro zhe na/ gal te

  590. 295b

    sngo sogs mngon sum gyis/ /tha dad med par rtogs na ni/ /don de nyid ni sgra yis kyang/ /ji ltar gzhan du rtogs par 'gyur/ /gal te mngon sum la sngon po la sogs pa tha dad pa med par snang na sgra las kyang de kho na nyid snang bar 'gyur te/ de nyid la 'brel pa rtogs pa'i phyir ro/ /'on te lkog tu gyur pas de ltar snang ba ma yin no zhe na/ rtogs bzhin pa nyid ji ltar lkog tu gyur pas de ltar snang ba ma yin no zhe na/ rtogs bzhin pa nyid ci ltar lkog tu 'gyur ba yin te/ nye bar gnas pa ma yin pa'i phyir ro zhe na/ nye bar gnas pa ma yin yang sgra'i shes pa 'jug pa'i phyir ro/ /dbang po'i byed pa med pa'i phyir ro zhe na/ dbang po nyid rtogs pa'i rgyu ma yin no/ /gal te rang bzhin rtogs na ni dbang po dang dbang po ma yin pa dag la khyad par ci yod gang du nye bar gnas pa yod pa der ci ltar gzhan du rtogs/ /dbang po'i byed pa med pas na ci yang nyams su myong ba med do/ /gsal ba nyid nyams par 'gyur ro zhe na/ gal te gsal ba nyid med mod/ de ltar yod kyang rdzas so sor nges pa la ltos bar bya ba'i sngon po nyid gzhan du rtogs pa ci ltar 'gyur/ de lta yin dang tshig gzhan sbyor ba med par 'gyur ro/ /'on te sngon po la sogs pa rdzas ma nges pa la 'jug pa yin na/ de lta yin na yang sngon po sgra las sngon po nyid kyang ma nges par rtogs la/ utpa la'i sgra las yang utpa la'i rjod byed las ma nges pa yin pa'i des na slar gzhi mthun pa med na de nyid de/ ma nges pa brjod pa gnyis la don gcig rtogs pa med pa'i phyir ro/ /phan tshun rnam par gcod pa'i phyir de ltar rtogs so zhes bya ba yang 'brel pa ma yin te/ zin pa gzhan dang gzhan las ni/ /rnam par gcod pa ci ltar 'gyur/ /gal te rnam par gcod byed na/ /gzhan sel

  591. 296a

    ba nyid brjod byar 'gyur/ /gal te sngon po la sogs pa'i sgras ma nges par rtogs na phyis gzhan gyis nges par bya nus pa ma yin no/ /mngon sum gyis rtogs pa ni gzhan gyis bzlog pa ma yin te/ 'khrul pa nyid du thal bar 'gyur ro/ /'o na sgra gzhan las the tshom bzlog pa yin te/ bsdu bas rtogs pa ni bzlog par nus pa ma yin no/ /gang tshe sngon po utpa la yin nam ci 'on te gzhan yin zhes rnam par rtogs pa de'i tshe sgra gzhan las rnam par rtog pa bzlog par 'thad pa yin no zhe na/ de yang mi rung ste/ 'di ltar/ gal te sgra las rtogs pa'i don/ /rnam par brtag pa bden na ni/ /sgra gzhan dang ni 'brel pa las/ /de ni ci ltar ldog par 'gyur/ /gal te rtogs pa'i yul gyi don de bden pa yin na/ gzhan gyis de lngar ma yin par bya ci ltar nus te/ gnyi ga yang tshad ma yin pa'i phyir ro/ /'on te des the tshom du gyur pa'i rang bzhin nyid rtogs par byas pa yin la/ the tshom gyi rang bzhin yang bstan par rtogs pas bzlog par bya ba kho na'o/ /des na gzhan gyis bzlog par 'thad de/ de lta bu nyid ni de ltar gyur pa ma yin par mi 'gyur ro zhe na/ de yang mi rung ste/ gang phyir sgra de nyid kyis ni/ / bzlog bya nyid du rtogs byas la/ /des na sgra gzhan dag gis kyang/ /bsgrub bar bya ba ci zhig yod/ /gal te rtogs pa snga mas ni ma nges par bzlog par bya ba nyid du rtogs la/ phyi mas ni nges par yin pa'i phyir na/ kho ba yod do zhe na/ de yang ma yin te/ 'di ltar tshad ma'i stobs kyis 'ongs pa yi nges pa med pa gang yin te/ gzhan du bar tshad gzhan ni/ /brgya phrag gis kyang nus ma yin/ /de'i phyir snga ma 'am phyi ma gang yang rung ba cig ni tshad pa ma yin pa kho

  592. 296b

    na'o/ /des ni gzhan yang de ltar gyur pa yin pa'i phyir na sgrub pa ma yin pa'i phyir ro/ /spyi tsam brjod pa yin na ni gzhan don med do/ /'on te rjes su dpag pa ni gnod par byed pa nyid do zhe na/ ma yin te/ de yang mngon sum gyis gnod pa'i phyir ro/ /rjes su dpag pas ni rno ba dang 'bar ba la sogs pa'i khyad par 'dzin pa ma yin te/ des na des yang the tshom za ba kho na'o/ /spyi la the tshom mi za'o zhe na ni ma yin te/ spyi rtogs pa'i khyad par ma nges par rtogs pa nyid yin no/ /spyi la ni rnam bar nges par srid pa ma yin no/ /'di ltar spyi gang yin pa de la ni/ khyad par rnam par 'di ltar zhes/ /rtogs med des na spyi yi ni/ /shes pa thams cad slad ba ni/ /spyi rtogs kyang gsal ba so so nges pa nyid du rtogs pa 'dren pa ni ma yin te/ des na spyi rtogs pa ni nye bar bslad pa yin no/ /gsal ba la 'khrul pa yin gyi/ spyi la ni ma yin no zhe na/ de ni mi rung ste/ gal te de ni gsal ba la 'khrul ba spyi ni gang du 'dogs so/ /spyi ni 'gar yang bzho dgal las/ sogs pa nye bar mkho ma yin/ gal te gang gis don du 'di brtsams pa de la 'khrul na de'i tshe gzhan las ma 'khrul yang ci bya/ gal te spyi rtogs pa med na gsal ba'i yul can gyi rtogs pa de nyid mi 'thad do zhe na/ spyi nges pas kyang spyi de nyid nges par 'gyur mod/ gzhan la the tshom za bar ci ltar 'gyur/ gzhan nges par gzhan la the tshom za bar mi 'thad de/ nges pa thams cad kyis thams cad la the tshom za bar 'gyur ba'i phyir ro/ /ci ste yang srid pa nyid the tshom gyi yul yin gyi gzhan ni ma yin te/ 'di ltar/ gang zhig gang la srid pa de/ /de la 'khrul rten mthong ba na/ /de mthong ba yis de nyid la/ /the tshom 'jug par byed pa yin/ /the tshom ni srid pa dang 'khrul pa la 'thad pa yin no/ /spyi la yang gang la gang srid pa de mthong bas

  593. 297a

    de la the tshom za ba yin te/ ba lang nyid nges pa ni khra bo la sogs pa la yin la/ rta nyid nges na ni/ ngang pa la sogs pa la yang yin pa'i phyir ha cang thal ba ma yin no zhe na de ni de ltar mi rung ste/ 'di ltar khra bo la sogs the tshom gyi/ /rang bzhin tsam gyis rtogs pa las/ /rtogs pa gzhan ni 'dir yod min/ /spyi rtogs par ni ci ltar 'gyur/ /ji ltar 'di khra bo 'am 'on te khu yu yin/ sgra tsam zhig ni thos na khra bo la sogs pa'i khyad par ni nges par ma zin to/ /zhes khra bo la sogs pa'i rnam pa can gyi rnam par rtog pa nyid 'ba' zhig 'jig rten pas rtogs so/ /spyi'i rnam pa dag gzhan yang de bzhin du lta'o/ /yang na thog med bag chags dang 'brel can/ /spyi yi rnam par rig pa las/ /rnam rtog 'dir 'gyur de yi phyir/ /spyi yi dngos po rtogs ma yin/ /des na bsgrub pa dang dgag pa'i tha snyad ni phyi rol rten pa ma yin la gzhi mthun pa la sogs pa mi rung ba'i phyir ro/ /'on te sgra dang rnam par rtogs pa dag gis ni khyad par 'ba' zhig rtogs pa yin la/ khyad par de dang ldan pa ni thams cad mtshon zin pas rtogs pa yin no zhes khyad par gyi dbye ba rnams ni rtags yin te/ des na rtags kyi rdzas des na the tshom med pas khyad par gzhan rtogs pas ci bya/ rdzas ci lta bur gyur pa mi shes pas na de'i don du khyad par gzhan ston to zhe na/ de ni ma yin te/ gal te khyad cig gis don te/ rang gi rang bzhin du rtogs na/ /khyad par gzhan gyis rigs pa yin/ /gzhan pa ci zhig byed par 'gyur/ /'on te khyad cig dang 'brel pas/ /don de gzhan du rtogs na ni/ /khyad par gzhan dang 'brel pa yis/ /gzhan pa byed par nus ma yin/ /'on te khyad par gzhan dang ldan pa tsam kho nar sgra gzhan

  594. 297b

    gyis rtogs pa yin gyi de'i khyad par ni ma yin no zhe na/ de lta yin na yan 'gar du rtogs pas don byed pa ci ltar 'grub/ khyad par yan 'gar bas ni don bya ba byed par nus pa ma yin no/ /ci ste de'i sgo nyid khyad par ldan pa rtogs na ma yin te/ khyad par sla ma nyid kyis rtogs zin pa'i phyir ro/ /'on te khyad par snga mas ni khyad par gzhan dang bral ba rtogs pa yin te/ de ltar yang/ des na tha dad rnam par gnas/ /zhes rang nyid kyis brjod pa yin no zhe na/ 'o na gal te khyad par gzhan gyis 'di gzhan du gyur par tshad mar gyur pa'i rtogs pas rtogs par bya bar byas na khyad par gzhan stong gis kyang ci ltar gzhan du byed par nus/ /tshad mas grub pa ni tshad ma gzhan gyis gzhan du byed nus pa ma yin no/ /'phrod pa 'du ba'i 'brel pas khyad par thams cad dbyer med par gnas pa nyid pas de ci ltar gzhan du rtogs par nus na rtogs na ni de nyid de'i rang bzhin yin pas ci ltar gzhan gyi gzhan du byed 'on te gzhan gyis gzhan du byed pa ni ma yin gyi/ 'on kyang lhag par rnam pa tsam zhig gzhan la gyur pa yin no/ /de las gzhan bzlog pa ni mi srid par nges pa las de/ de dang ldan pa'ang yin la de las gzhan pa'i chos dang ldan par yang 'gyur ba na ma yin no zhe na/ de ni mi bden te/ 'di ltar/ gal te phyogs gzhan thob na ni/ tshad ma yis ni 'thad pa nyid/ /lhag pa stong phrag bsnan pas kyang/ /nye bzlog pa ni nus ma yin/ /'on te gzhan rnams thob med na/ /don de nyid ni bcad pa'i phyir/ /khyad par gzhan gyis ci bya ste/ /'dir ni bzlog bya 'ga' yod min/ /de'i phyir ma 'khrul pa'i rtogs pas ni thams cad rtogs par bya ba yin te/ mngon sum gyi tshad ma bzhin no/ /des na khyad par gzhan rtogs par byed pa ni don med do/ /gal te khyad par rnams tha dad pa yin zhing/ khyad par dang ldan pa yang tha dad pa yin na de'i phyir khyad par rtogs pa tsam gyis na mtshon pas mtshon pa

  595. 298a

    ma yin pa'i phyir chos can gcig la mi 'du ba nyid do/ /'on te khyad par rtogs pas kyang khyad par can rtogs par 'gyur na/ de lta yin na slar yang khyad par gcig gis rtogs pas khyad par gcig gis thams cad bzung bar 'gyur/ /mngon sum gyis ni de ltar mi 'dzin pa ma yin no/ /'on te mngon sum gyis kyang res 'ga' thag ring po nas dbyibs tsam 'dzin la/ don nye na ni mdog 'dzin pa yin no zhe na/ de yang mi 'thad de/ gal te rdzas dang mi ldan par/ /mdog dang dbyibs tsam 'dzin na ni/ /nam yang rdzas 'dzin mi 'gyur bas/ /des ni dngos po med par 'gyur/ /'on te dbyibs ni rdzas med par/ /'dzin par nus pa ma yin te/ mdog kyang rdzas med min zhe na/ /de las rdzas gzhan ci ltar 'gyur/ / de'i phyir gzhi mthun pa ma yin no/ /khyed la yang der ci ltar 'gyur zhe na/ de'i phyir bshad pa/ sna tshogs chos kyi gzhir gyur pa/ /chos can gcig gis dbang byas te/ /gcig bsgrub pa na de brten dang/ /gzhan rnams btang snyoms lta bu dang/ / 'gog na de yang dben pa dang/ /de las gzhan la ltos lta bur/ /med pa yis ni don can gyi/ /tha snyad ci ltar blos bstan pa/ /de bzhin nyid de ma btags par/ /tha dad don rten khas len pas/ /thog med bag chags las byung ba/ /'jig rten don la gnod med 'gyur/ /kho bo cag gi ltar na gzhi mthun pa la sogs pa'i yul gyi dngos po la gnas pa ma yin gyi tha snyad 'di don dam pa ma yin no/ /gzhi mthun pa la sogs pa'i yul gyi dngos po la gnas pa ma yin pa sgra'i don la gten nas yin te/ sgra'i don la brten nas dngos po la gnas pa ma yin pa 'jug pa'i phyir ro/ /'di ltar sgra zhes bya ba sgra ma yin pa la ldog pa la bltos nas sgra'i sgra chos can nyid du 'jog go /sgra de yang ngo shes pa'i stobs kyi rtag tu gnas pa nyid dang 'brel pa nyid

  596. 298b

    las phyi rol tu gyur pa ma yin pa nyid la brten pa yin no/ /des na mi rtag pa nyid la brten pa yin no/ /des na mi rtag pa nyid snang ba yin yang phyin ci log tha snyad kyis zin pa'i phyir na ma dmigs pa lta bu dang/ med pa zhes bya ba lta bur rnam par gnas pa yin no/ /des na mi rtag pa? sgrub? par byed pa'i tshad mas tha snyad gzhan bcug pas phyin ci log gi tha snyad kyi yul gsal ba'i phyir/ de'i tshe yod pa nyid du rnam par bzhag pas bsgrubs so zhes rtogs so/ /des na chos can sgra'i don de la brten pa'i bdag gi ngo bor rtogs pa yin no// 'gog na ni de dang bral bar de/ des na des dben pa nyid du rtogs pas na de las bzlog pa'i chos la ltos pa dang bcas pa nyid du rtogs so/ /bsgrub pa dang dgag pa dang ldan pa ni rtogs pa 'ba' zhig kho nar zad do/ /dngos po ni de lta bu'i rang bzhin can du 'gyur ba ma yin no/ /'di ltar 'di kho na bzhin du kho bos rtogs so zhes mngon sum gyis rtogs pa de nyid du tha snyad kyi yul du 'grub pa yin gyi/ de las rnam par rtog pa rnams gzhan dang gzhan gyis bsgrub pa 'am dgag pa cung zad byas pa ni yod pa ma yin no/ /rnam par rtog pa ni 'das pa la sogs pa'i rang bzhin la rig pa ma yin te/ de'i tshe de med pa'i phyir ro/ /de nyid kyi phyir sgra dang rnam par rtog pa ni gzhan sel ba'i yul can yin te/ 'khrul pa tsam sel ba'i phyir ro/ /'o na gang gi tshe 'khrul pa ma zhugs par 'di bum pa'o zhes rnam par rtog pa glo bur du du ba las ma rtogs pa der ci ltar sgra gzhan sel ba'i yul du 'gyur zhe na/ 'di yang mi bzang ste/ 'di ltar/ mi 'jug pa'i yul gyi me/ /'jug pa yul gyi byed pa yin/ / 'dir yang 'jug pa'i yul ma yin/ /bzlog pa yod pa kho na'o/ /'di ltar me nges pas ni me 'di ni 'jug pa'i yul yin te/ 'di la khyod ci ltar bya ba med par 'jug ces brjod pa yin pas de'i tshe bya ba med pa'i yul bzlog pa tsam rnam par rtogs pa

  597. 299a

    ni med do/ /gzhan du rtogs pa yang rtogs pa ma yin no/ /mngon sum gyi dus phyis 'byung ba'i dngos po'i rnam par rtog pas sgra'i yul gyi sngon po rtogs pa snga ma dang phyi ma'i rang bzhin ma yin te/ nye bar mi gnas pa'i phyir ro/ /de 'di'i zhes bya ba ni rnam par rtog pa 'di ma yin te/ yid kyi mngon sum yin pa'i phyir 'on te des skad cig ma nyid ma rtogs pa des na/ mngon sum nyid ma yin no zhe na/ ma yin te/ da ltar ba rtogs pa nyid skad cig ma rtogs pa yin no zhes bstan zin la/ ston par yang 'gyur ro/ /de'i phyir gzhan sel ba la brten nas chos dang chos can gyi dngos po dang/ gzhi mthun pa la sogs pa'i tha snyad du 'gyur ba yin no/ /tha dad pa'i don tha snyad kyi yul yin na ni thams cad 'thad de/ de nyid thams cad las ldog pa'i phyir ro/ /gang gis don cig la 'du bar mi 'gyur ba ldog pa ni de las gzhan ma yin no/ /'o na ci ltar sgra'i mi rtag pa zhes tha dad pa'i rgyu mtshan gyi rnam par dbye bar 'gyur ro zhe na/ dper na mchi gu'i lus zhes bya ba bzhin no/ /gal te ldog pa rnams tha dad ma yin pa'i phyir/ ci ltar tha dad par 'gyur/ ldog pa ni dngos po las tha dad pa ma yin no zhe na/ nyes pa 'di med de/ kun rdzob tu ni de dag las/ /tha dad don dam du ni min// des na sgra don tha dad dang/ /tha dad med pa'i rgyu mtshan yin/ /don dam pa la ltos nas ni nam yang tha dad yod pa ma yin gyi/ kun rdzob du ni de dag gnyis ka'i rang bzhin nyid do/ /'di ltar/ de 'bras can dang de 'bras med/ /de de la tha dad rten cig /tha dad rten can 'phel ba dang/ /'grib pa lta bur byed pa yis/ /bslad pa de dang de dag gis/ /'brel pa 'ga' las de ldan nyid/ /min yang mthong bar sbyor nges na/ /de dag bslad pa 'ang shes ma yin/ /gal te tha snyad 'di kun rdzob tu

  598. 299b

    yin na bag chags tsam gyi rgyu mtshan can tsam yin pas ci ltar mi slu ba yin zhing/ 'jig rten pa dag gis brtags te mi 'dor/ bslu ba'i tha snyad ni 'ga' yang mi 'dor ba ma yin no zhe na/ 'di ni de bzhin nyid/ ma brtags par zhes bshad zin to/ /gal te de nyid ci ltar rmongs tshabs che yang tshad mas gnod pa ma brtags par 'dug pa ni med do zhe na/ 'di la brjod pa mi bslu ba'i phyir mi rtog go /ma bslu ba yod na tha snyad pa nang gi bye brag zhib mor rtogs pa ni mi rigs so/ /mi slu ba'i don du gnyer ba de thob pa na/ yang rtog par 'os pa ni ma yin no/ /tha dad tha dad med bslu ba/ /de la gang du dgos pa yin/ /bu ram las ni tha dad pa/ /sbrang rtsis don bya med par 'gyur/ /don bya ba skye ba ni de ma yin pa las ldog pa tsam thob pas yin no/ /chos kyi dbye ba ni thog ma med pa'i bag chags las de'i 'bras bu can dang cig go shes kyi mthar thug pa'i rgyu mtshan gyi rnam par rtogs pas brtags pa yin no/ /mi bslu ba dang ldan pa de ni dngos po dang 'brel pa las so/ /de la snang ba tha dad pa brtags pa dngos po'i de kho na nyid rtogs pa la na mngon par 'dod pa'i skyes bu nus pa ma yin la/ don bya ba de don du gnyer ba gzhan dag kyang 'jig rten gyi tha snyad nyid rjes su 'brang ngo/ /de skad du yang/ dpyod dang tha snyad dag gis ni/ /'jig rten pa'i lam gnas pa/ /byis pa dang ni mkhas pa dag /shes dang brjod pa 'dra ba nyid/ /ces bshad do/ /des na chos can de rtog pa tha dad pa'i rgyu mtshan can rnam par rtogs pa'i mtshan nyid kyi nye bar bslad pa 'grib pa dang 'phel ba lta bur byed pa dag gis tha snyad kyi 'brel pa 'ga' zhig las mthong ba la nye bar sbyor te/ de'i bdag nyid dang de las byung ba las thob pa'i mtshan nyid mthong ba'i lam du byed do/ /de'i phyir tha snyad pa de dag bslad pa'i shes pa ma yin no/ /de bas na mthun pa'i phyogs sam/ mi mthun pa'i phyogs med pa las

  599. 300a

    kyang ldog par mi 'gal lo/ /gzhan yang bum pa la sogs pa bdag med par grub pa yin na/ srog la sogs pa med par 'grub par 'gyur gyi/ gzhan du ni ma yin no/ /bum pa la sogs pa la bdag med par ni grub pa yang ma yin te/ yod nyid sgrub byed byed pa'i phyir/ /de med ma yin the tshom 'gyur/ /khas blangs tshad ma yin pa la/ /med pa nyid kyang rigs ma yin/ /gson po'i lus la bdag the tshom za ba na bum pa la sogs pa la the tshom mi za bar ji ltar 'gyur/ the tshom mi za ba ni srog la sogs pa'i sgrub par byed pa 'am/ gzhan gyis yul du bya bar nus pa ma yin no/ /de'i phyir med pa las ldog med na yang/ /mthun phyogs las ldog the tshom za/ /de la the tshom za phyir te// mi mthun phyogs las ldog par yang/ /bdag la the tshom za bas bum pa la sogs pa nyid mthun pa'i phyogs mi mthun pa'i phyogs su gyur pa gtol med do/ /des na mthun pa'i phyogs las ldog par the tshom za ba des na ci ltar 'di ldog pa can yin/ gal te sangs rgyas pas khas blangs pa nyid kyis bum pa la sogs pa bdag med pa ma yin nam zhe na/ de lta na/ chos thams cad bdag dang bral ba yin pa'i phyir gson po'i lus kyang bdag med par 'gyur ro/ /sangs rgyas pas/ khas blangs pas tshad ma ma yin no zhe na/ 'o na de'i tshe bum pa la sogs pa yang des khas blangs pas bdag med pa mi 'gyur ba'i phyir nyes pa de nyid do/ /de nyid kyi phyir/ phung po gnyis las gcig la ni/ /nges par grub par gzhan las ni/ /ldog grub ma mthong ba yin yang/ /mthong med dag la the tshom za/ /ma mthong ba yin yang mthong ba med pa dmigs pa'i mtshan nyid kyir ma gyur pa dag las the tshom gyis ni 'ga' yang dngos po med par bsgrub par nus pa ma yin no/ /

  600. 300b

    gzhan yang bum pa la sogs pa la bdag med par grub tu tshug pa de ltar na yang srog la sogs las bdag bsgrub par nus pa ma yin no/ /de dag ni mi mthun pa'i phyogs las ldog pa nyid du mi grub ste/ 'jug pa yang srid pa'i phyir ro/ /gal te mi mthun pa'i phyogs la ldog pa yin na ci ltar de nyid la 'jug par 'gyur te/ bdag med pa gcig nyid srog la sogs pa dang ldan pa dang gzhan du yang 'gyur ba ni rigs pa ma yin no/ /'di phyir rgas par 'gyur ba ni ma yin te/ gcig gi ngo bor des pa nyid du rigs so zhe na/ 'di ni ma yin te/ 'di ltar/ gsal la khyab byed ma yin yang/ /de yi rigs gyur don yod pas/ /ma mthong bas 'gar de med de/ /mkhregs pa mtshon gyis bcad pa bzhin/ /yod la 'gal ba ma mthong na/ /the tshom gang las ldog par 'gyur/ /gang gis na bdag med pas gson po'i lus srog la sogs pa yang mi ldan par 'gyur ba/ bdag med cog thams cad mtshungs pa ni ma yin no/ /'on kyang bdag med pa nyid las 'ga' zhig ni srog la sogs pa dang ldan pa dang/ gzhan ni de lta ma yin par 'gyur ba yin te/ dper na mkhregs pa nyid las 'ga' zhig ni mtshon gyis bcad pa dang/ gzhan ni gzhan du 'gyur ba bzhin no/ /'di ltar/ yod la 'gal ba ma mthong na/ /the tshom gang las ldog par 'gyur/ /bdag med pa dang lhan cig 'gal ba grub pa med par ni srog la sogs pa las bdag med pa ldog par mi 'gyur ro/ /gang gi de zlog par 'gyur ba sogs pa ni bdag med pa dang/ lhan cig mi gnas pa las gzhan pa'i 'gal ba'i mtshan nyid kyi 'gal ba ma yin no/ /'o na dngos su 'gal ba med kyang rgyud nas 'gal ba'i phyir srog la sogs pa bdag med pa ldog par byed pa yin no zhe na de ni ma yin te/

  601. 301a

    'di ltar/ de yang la lar de 'bras dang/ /bdag tu nges pa gzhan ci yod/ /gal te srog la sogs pa bdag la nges pa yin na bdag med pa dang lhan cig 'gal bar 'gyur ba yin te/ khyab par byed pa dang 'gal bas khyab par bya ba yang 'gal ba'i phyir/ srog la sogs pa ni bdag la nges pa ma yin te/ de'i bdag nyid dang de las 'byung ba med pa nges pa mi rung ba'i phyir te/ de lta ma yin par nges pa mi srid pa'i phyir/ /srog la sogs pa ni bdag gi 'bras bu nyid ma/ bdag gi bdag nyid du tshad mas mi 'grub bo/ /bdag dang 'brel ba med pa/ des ni bdag med pa las kyang/ de ni ldog par the tshom za der 'brel pa med pa ni mthun pa'i phyogs las ni ldog pa ma yin no/ /ldog tu tshug pa de lta na'ang/ /bdag med med las bdag mi 'grub/ /gang gis de ni ldog med pa/ /nges pa dngos por 'dod ma yin/ /dper na srog sogs mthun phyogs la/ /ldog pa med kyang yod min bzhin/ /gal te gtan tshigs mthun phyogs las/ /ldog med rgyu rjes 'gro can/ /rjes 'gro can min ldog med na/ / bdag med ma yin bdag bcas min/ /ci ltar mthun phyogs la med pa med kyang/ mthun pa'i phyogs la yod pa ma yin pa de bzhin du/ bdag med pa med kyang gson po'i lus la bdag yod par mi 'gyur ro/ /mi mthun pa nye bar bkod pa ma yin nam/ 'di ltar mthun pa'i phyogs la ni ldog pa med kyang yod pa ma yin te/ de med pa'i phyir ro/ /med pa la ni dngos po srid pa ma yin no/ /de yod pa'i phyir gson po'i lus la ldog pa med na gdon mi za bar yod par 'gyur te/ phung po gzhan med pa'i phyir zhe na/ de ni bden te/ mi mthun pa'i phyogs nye bar bkod pa tsam nyid kyis ni 'dod pa 'grub pa ma yin no/ /gal te mthun pa'i phyogs la yod pa ma yin na/ 'o na de nyid med pa mi ldog pa yin no/ /med pa log na ni gdon mi za bar dngos por 'gyur te/

  602. 301b

    yod pa ni med pa ldog pa nyid yin pa'i phyir ro/ /'on te mthun phyogs med pa'i phyir de lta ma yin no zhe na/ ma yin te/ med pa nyid du mi 'thad pa'i phyir ro/ /srog la sogs pa yod na ci ltar mthun pa'i phyogs med par 'gyur/ ci ltar mthun pa'i phyogs la srog la sogs pa ldog pa med kyang bzlog par mi 'gyur ba de bzhin du gson po'i lus la bdag med pa ldog kyang bzlog par mi 'gyur/ /'on te gson po'i lus ni yod pa'i phyir bzlog par 'gyur gyi/ mthun pa'i phyogs la ni ma yin te med pa'i phyir ro/ /med pa la ni dngos po srid pa ma yin no zhe na/ 'o na med pa nyid mi ldog go zhes bya bar 'gyur ro/ /med pa ni yod pa dang 'gal ba'i phyir de ldog par 'gyur gyi/ /med pa dang mi 'gal ba'i phyir de ni mi ldog pa nyid do/ /ci ltar mthun pa'i phyogs med pa de bzhin du/ de la gzhan yang med par 'gyur te/ med pa la ni med pa nyid 'gal ba ma yin no/ /'on te de de la med pa nyid do zhe na/ de lta yin na gson po'i lus la bdag med pa ldog pa yin yang bdag med pa bzlog pa mi 'gyur te/ dper na mthun pa'i phyogs la yod pa med kyang med pa ma yin pa bzhin no/ /de yod pa'i phyir ro zhe na/ de ni yod pa ma yin te 'di ltar/ gzhan yod pa yi ci ltar na/ /'khrul can nges pa zhes byar 'gyur/ /rang gi nyes pas 'khrul ba ni/ /gzhan gyis ci ltar gzhan du 'gyur/ rang nyid 'khrul pa gang yin pa de/ /ji ltar gzhan yod pas mi 'khrul pa'am gzhan du 'gyur/ gzhan yang gal te med pa la yod pa 'ga' zhig yod pa yang ma yin la/ med pa yang ma yin na/ med pa yang yod pa la yod pa yang ma yin no med pa yang ma yin no zhes ci ste khas mi len/ ci ltar med pa gzhi ma yin pa de bzhin du rten pa yang ma yin pa'i phyir 'di ni gyi na'o/ /'dir yang sngar bstan zin to/ /gzhan yang dngos po med pa tsam ni bdag med pa ma yin gyi/ 'on kyang so sor nges

  603. 302a

    pa'i rang bzhin can gyi bdag ni dngos po med pa'o/ /so sor nges pa'i rang bzhin ma mthong par der 'grub pa yang ma yin no/ /dngos po med pa ni phan tshun ldog pa ma yin te/ dngos po tha dad na dngos po rnams kyi de med pa tha dad pa'i phyir ro/ /dngos po so sor nges pa med na/ de'i dngos po med pas tha dad par ga la 'gyur/ gang gis de la bzlog pa med pa de yod par 'grub par bdag ni so sor nges pa'i rang bzhin du dmigs pa med do/ /des na bdag med pa na dngos po med pa ldog pa tsam du zad kyi/ bdag 'grub pa ni ma yin no/ /de'i phyir/ gal te gtan tshigs mthun phyogs las/ /ldog med de rgyu rjes 'gro can/ /rjes 'gro can min ldog yin na/ /bdag med ma yin bdag bcas min/ /zhes bya ba ni bsdu ba'o/ / gzhan yang/ 'jug la yang gi rang bdag nyid/ /gang med mi 'byung can grub pa/ /de phyir de nyid ldog byed de/ /'jug pa na yang 'jug byed yin/ /'jug la rten sgrub pa dag la/ /du ba gang gis rang gi ngo bo me med na mi 'byung ba can du grub pa'i me de nyid rang log pa na ldog par byed pa yin gyi/ gzhan ni ma yin la/ 'jug pa na yang me de nyid du ba la sogs pa 'jug par byed pa yin no zhes bya ba ni tshad ma'i rtogs pa yin no/ /med na mi 'byung de yang ni/ /sgrub par byed la bltos pa yin// 'bras bu mthong dang ma mthong ba/ /de dag rgyu dang 'bras bu nyid/ /med na mi 'byung ba nyid ni sgrub par byed pa mthong ba dang ma mthong ba'i mtshan nyid can/ /rjes su 'gro ldog gi sgrub byed du gyur pa med par rab tu bsgrub pa ma yin no/ /gal te tha dad pa dag ni/ med na mi 'byung ba ni rgyu dang 'bras bu'i dngos po grub pa yin gyi mthong ba dang ma mthong bas ni ma yin no zhe na/ mthong ba dang ma mthong ba de dag nyid rgyu dang 'bras bu'i dngos po yin pa'i phyir ro/ /rgyu dang 'bras bu'i dngos po ni rjes su 'gro ba dang ldog pa

  604. 302b

    dag las gzhan ma yin la/ rjes su 'gro ba dang ldog pa dag kyang mthong ba dang ma mthong ba dag las gzhan ma yin no/ /de yod na yod des med phyir/ /don gzhan rtog par 'gyur ma yin/ de khyab par byed pa ma yin pa'i phyir ro/ /khyab par byed pa ma yin pa ldog pa ni gzhan ldog par byed pa ma yin no/ /bdag kyang khyab par byed pa ma grub pas de ci ltar 'dir srog la sogs pa ldog par byed pa yin/ 'di ltar/ rtag tu yod pa med pa na/ /de dag med pa mi srid phyir/ /bdag nyid rang nyid yul dang/ dus dag tu log pa ma yin te/ rtag pa dang khyab pa nyid yin pa'i phyir ro/ /des na de med pas srog la sogs pa med pa yin no zhes bya ba 'di ma grub bo/ /'on te rjes su 'gro ba tsam nyid las bdag srog la sogs pa'i rgyu yin te/ rgyu dang 'bras bu'i dngos po thams cad ni/ thams cad du ldog pa la ltos pa ma yin no zhe na/ de yang mi rung ste/ 'di ltar/ 'bras bu'i rang bzhin tha dad rnams/ /rgyu rnams las ni 'byung ba'i phyir/ /de dag med par gzhan las 'byung/ /ci ltar des skyed rang bzhin yin/ /gal te rjes su 'gro ba tsam 'ba' zhig las/ rgyu dang 'bras bu'i dngos po yin na/ de'i tshe med par 'gyur ro zhes bya bar 'gyur ro/ /des na de dag med par yang gzhan las 'bras bu ci ltar des bskyed pa'i rang bzhin du 'gyur/ gzhan las kyang 'byung ngo zhe na ma yin te/ gzhan las de'i rang bzhin mi 'byung ba'i phyir ro/ /de'i rang bzhin ma yin na ni de nyid ma yin te 'di ltar/ tshogs pa'i nus pa tha dad phyir/ /dngos rnams sna tshogs ngo bo nyid/ /gal te de thad byed min na/ /'gro ba'i ngo bo gcig tu 'gyur/ /gal te tshogs pa tha dad pa las tha dad pa yin zhes bya ba 'di ga las/ tha dad pa ni re zhig de dmigs na ngo rgyu'i dbye bas yin ma/ 'on te de lta ma yin zhes bya ba 'di ni dpyad pa gzhan yin no zhe na/ de ni mi rung ste/ 'di ltar srog 'brel pa dag las ni/ /gal te tshogs pa tha dad pa las tha dad pa yin no/ ma mthong

  605. 303a

    ba bdag ni rtog pa yin/ nges pa med de de dang de/ /ci ltar 'gyur ba ma yin nam/ /ci ltar bdag khyab pa dang rtag pa dang rjes su 'gro ba tsam gyis rgyu yin pa de bzhin du nam mkha' la sogs pa yang yin no/ /des na bdag bzhin du nam mkha' la sogs pa yang rtogs par 'gyur bas na don mi 'grub bo/ /'on te skul bar byed pa'i bdag med par srog la sogs par 'gyur ba ni ma yin te/ des na spud pa 'bud mkhan lta bur bdag rtogs par byed pa 'am/ byed pa dag las pho long 'phen mkhan lta buAm/ mthong ba las skar khung gi bu ga nas lta bar byed pa lta bur rtogs so zhe na/ de yang mi rigs te/ 'di ltar bya med khyab par skul byed du/ /tshad ma yis ni 'thad ma yin/ /byed pa med na mi mthong phyir/ /bdag ni rab tu 'grub ma yin// //bam po bco lnga pa/ /spud pa spud par byed pa ni byed pa dang bcas pas bskul bar byed pa dang bcas pa yin no/ /de bzhin du khyab par byed pa ma yin kyang ngo/ /bdag ni de ltar ma yin pa'i phyir ci ltar de sgrub par byed pa nyid yin/ khyab pa dang lus can ma yin pa ni skul bar byed pa nyid du rig pa dang/ 'brel pa ma yin no/ /'on te de skul bar byed pa yin na ni/ de la yang skul bar byed pa gzhan yod pa'i phyir thug pa med do/ /skar khung gi nang nas lta ba ni skyes bu mig la sogs pa'i bye ba dang ldan pa yin gyis bdag ni de ltar gyur pa ma yin na/ ci ltar lta ba po yin/ de de la yang byed pa la sogs pa yod pa yin/ de la yang skar khung nas lta bar byed pa lta bu gzhan yod par rigs pas thug pa med pa nyid do/ /gzhan yang me la sogs pas rjes su 'gro ba dang ldog pa dag las rgyu dang 'bras bu'i dngos por 'gyur ba yin na/ de gzhan la rnam pa gzhan du ci ltar 'gyur/ 'on te der yang rjes su 'gro ba tsam 'ba' zhig las yin na/ de lta yin na de dag

  606. 303b

    med par gzhan pa las kyang 'gyur ro zhes bya bar 'gyur ro/ /de lta ma yin na ldog pa yang yod par 'gyur ro/ /de ltar yin dang de dag med par gzhan las kyang 'byung ste/ brgya byin gyi spyi bo la sogs pa dag las kyang 'byung bas ci ltar mes bskyed par bya ba yin/ gnyi gas med par bya ba yin no zhe na/ ma yin te/ de las gzhan las 'byung ba'i phyir/ gnyi ga la yang rgyu ma yin no/ /de las gzhan pa las kyang 'byung ba ni de'i 'bras bu ma yin la/ gzhan gyi 'bras bu nyid kyang ma yin pa'i phyir rgyu dang 'bras bu'i dngos po nyid du mi 'gyur ro/ /de ltar gyur na 'bras bu tha dad pa dang tha dad pa ma yin pa dag /rgyu tha dad pa dang tha dad pa ma yin pa la rag las pa zhes bya bar mi 'gyur te/ de med pa'i phyir ro/ /mthong ba bzhin du ji ltar spang zhe na/ ma yin te rgyu dang 'bras bu med na mthong ba yang mi srid pa nyid do/ /rtogs pa nges pa yin na sngon po'i rnam par shes pas sngon po rtogs par 'gyur gyi/ de lta ma yin na 'khrul pa dang ma 'khrul pa rnam par dbye ba med par 'gyur ro/ /gal te tshogs 'di 'dra ba 'khrul pa dang cig shos kyis rtogs pa bskyed par byed pa yin no zhes pa de'i tshe ni/ gzhal bya so sor nges par 'gyur ro/ /de lta ma yin na ci zhig ltar snang ba tsam yin par 'gyur bas 'jig rten gyi tha snyad mdza' dag tshad mar 'gyur ro/ /'on te snang ba rang nyid phan tshun tha dad pa ni rang nyid rig pa'i rtogs pas gzhal bar bya ba yin no zhe na/ de yang mi bden te/ snang ba tsam las 'jig rten gyi/ /tha snyad 'grub par 'gyur ma yin/ /de tsam 'ba' zhig snang ba ni/ /de las gzhan pa ci byar yod/ / don bya ba byed pa'i dngos po blang bar bya ba'am gzhan yin no zhes bya ba ni rtogs pa dang ldan pa rnams kyis tha snyad yin no/ /snang ba tsam ni de'i skad cig nyid la/ de ltar 'gyur ba yin pas blang ba dang dor bar bya ba ma yin no/ /de ltar na rnam par rig pa

  607. 304a

    tsam gnyis med pa yin pa'i phyir tha dad pa dang tha mi dad pa dag ma yin no/ /de'i phyir tha dad pa dang tha dad med pa ni 'bras bu'i dngos po las yin la/ rgyu dang 'bras bu'i dngos po yang rjes su 'gro ba dang ldog pa dag las yin pa'i phyir bdag gang gi yang rgyu ma yin pas na de ni gang las rjes su dpag tu med do/ /des na tshogs pa'i nus pa tha dad phyir/ /dngos po rnam pa sna tshogs ngo bo nyid/ /gal te de tha dad byed min/ /'gro 'di ngo bo gcig tu 'gyur/ /ngo bo gcig ces bya ba ni blang bya dang spang bya med pa 'am/ snang ba tsam gnyis su med pa zhes bya'o/ /'on te brgya byin gyi spyi bo ni me'i rang bzhin yang yin la/ de dang mi mthun pa'i rang bzhin yang yin no/ /des na me'i 'bras bu de las kyang 'gyur ro zhe na/ 'di la bshad pa ni/ 'di tha dad byed tha dad byed/ /min na rang bzhin gcig nyid nyams/ /gcig ni rang bzhin du man?/ /me dang me min rang bzhin na gnyis/ /dngos po tha dad pa'i mtshan nyid ni rang bzhin tha dad pa nyid yin pa'i phyir ro/ /des na du ba skyed par byed pa ni me nyid yin pa'i phyir/ 'bras bu'i gtan tshigs la 'khrul pa med do/ /de me'i rang bzhin yin na brgya byin gyi spyi bo gzhan ma yin no/ /rang bzhin gang gis tha dad pa de ni skyed par byed pa ma yin pa nyid las 'khrul pa'i dogs pa ga la yod/ des na gzhan ni des bskyed pa'i/ /rang bzhin yin te de nyid ni/ /de bskyed rang bzhin ma yin na/ /de ni de las ci ltar 'gyur/ /de phyir rgyu dang 'bras bu dag /phan tshun rang bzhin nges pa nyid/ /des na rang nyid mthong ba bzhin/ /'bras bu mthong yang de rtogs 'gyur/ /'o na chu dang 'o mas rul 'gyur bzhin/ /du ma las gcig ci ltar 'gyur/ /de ltar ni ma yin te/ gsher nus gang las rul 'gyur der/ /gnyi ga gcig nyid ci 'di ni/ tha dad gcig pa'i bdag nyid dam/ tha dad gshed nyid ci ltar

  608. 304b

    yin/ /de yi rang bzhin can gyi blo/ /tha dad med phyir gcig ces brjod/ /rgyu dang 'o ma rang bzhin gcig pa nyid ni ma yin te/ de las gzhan sra ba la sogs pa'i rang bzhin las ldog pa tha mi dad pa'i phyir gcig pa nyid do/ /'bras bu rul ba yang de bzhin te/ don dam par na rul pa yang gcig nyid ni ma yin gyi 'on kyang/ de las gzhan las ldog pas de skad brjod pa'i phyir 'khrul pa med do/ /de gzhan me ni tha dad kyi/ /cha gang gis na mer rtogs pa'i/ /rten yin des ni de skyed pa/ /des na de ltar rtogs pa yin/ /mer shes yan lag gzhan la ni/ /bltos pa nyid las 'byung ba'i phyir/ /du ba de la 'khrul med can/ /de ltar 'bras gzhan de bzhin grub/ /de bzhin zhes bya ba ni chu dang 'o ma bzhin te/ chu dang 'o ma tha dad kyang gsher pa nyid kyis de las gzhan dag las ldog pas na gsher ba nyid du rtogs pa'i gzhi yin pa bzhin du me tha dad kyang de las gzhan dag la ldog pa nyid kyis me rtogs pa'i rten yin no/ /cha gang gis zhes bya ba ni mer rtogs pa'i rgyu nyid kyis so/ /de nyid kyis rtogs pa yin te/ gzhan du ni 'khrul pa'i phyir ro/ /mer rtogs pa'i yan lag med par ni du ba mi skyed pa'i phyir de la 'khrul pa med do/ /'di ltar/ du ba bud shing 'gyur ba yi/ /yan lag la brten mer 'jog phyir/ /gal te me min de du min/ /gal te de du de med nyid/ /du ba dang bud shing gi rnam par 'gyur ba de dag gi /yan lag nyid me yin gyi gzhan ni ma yin no/ /nges na gal te brgya byin gyi spyi bo la sogs pa 'di dro ba la sogs pa'i mtshan nyid ma yin na de'i tshe de dub ma yin te/ rlangs pa la sogs pa nyid do/ /'di nyid ga las gzhan du ni ma yin no zhes ma mthong ba ni nges par rigs pa ma yin no zhe na/ 'o na sngon po la yang? bzhan du 'gyur ba ma yin no zhes bya ba 'di ga las de lta min na sngon po nyid du 'gyur ro zhe na/ du ba nyid du mi 'gyur ro zhes 'di ni mtshungs so/ /'di ga las

  609. 305a

    zhes bya ba ni gzhan yang mtshungs so/ /gal te sngon po la sogs pa ni rang gi rang bzhin gyi mtshan nyid yin te/ rang gi mtshan nyid med par ni 'byung ba ma yin no/ /bskyed par bya ba nyid dang ni du ba la sogs pa'i mtshan nyid ma yin te/ der yang rang gi rang bzhin nyid mtshan nyid yin pas 'di ni mtshungs pa ma yin no zhe na/ 'di la brjod pa/ rang bzhin tsam du snang bas ni/ /dngos po dngos por gnas ma yin/ /rang gi ngo bor snang ba ni/ /'khrul dang cig shos shes pa mtshungs/ /sngon po dang ser po la sogs pa'i rang gi ngo bo tsam du snang ba ni 'khrul pa dang ma 'khrul pa'i shes pa mtshungs pa'i phyir dngos po mi 'grub bo/ /rnam par dbye ba ni rgyu dang 'bras bus byas pa yin pa'i phyir te spros pas cho go / rang bzhin ci ltar med na mi 'byung ba yin zhe na 'di brjod pa ci lta'i rang rgyu la bltos nas/ /rang bzhin med na mi 'byung bar/ /shes bya 'jig dang byas pa nyid/ /gong du ji skad bshad pa bzhin/ /'jig pa na dang dngos po tsam dang rjes su 'brel ba yin no/ /zhes don 'di ltar bstan zin te/ des na yang skyug ldan mi bya'o/ /de'i phyir rgyu dang 'bras bu ni rjes su 'gro ldog gi mtshan nyid kho na yin pas bdag dang srog la sogs pa ni ma yin pa'i phyir go bar byed pa ma yin no/ /slob dpon gyis dgongs pa mdza' dag kyang 'di nyid yin no/ /deg? las zhe na/ ldog can mtshungs par bstan pa'i phyir/ /mnyan bya nyid ni brjod mdzad las/ /gtan tshigs min nyid rtogs pa yi/ /tshul 'dis thams cad dpag par bya/ /ldog pa can gyi gtan tshigs thams cad ?mi brjod par bya mtshungs par bstan pa'i phyir/ slob dpon gyi ldog pa can mnyan par bya ba'i nyid mo nges par bstan par mdzad pa yin te/ des na tshul 'di thams cad mi slob dpon gyi dgongs pa la

  610. 305b

    gnas pa yin no zhes bsam par bya'o/ /de ltar na re shig ldog pa can gtan tshigs ma yin no zhes bstan pa yin no/ /ldog pa can thams cad mnyan bya nyid dang mtshungs pa'i phyir dang/ de yang thun mong ma yin pa nyid kyis ma nges pa nyid yin pa'i phyir ro/ /'di ltar/ mthun phyogs mi mthun phyogs dag las/ /ldog pa yang dag nyid du ni/ /srid min ma mthong ba tsam gyis/ /ldog pa can zhes bshad pa yin rtag pa dang mi rtag pa dang/ bdag dang bcas pa dang bdag med pa'i phung po gnyis las ma rtogs pa'i phung po gzhan ni yod pa ma yin te/ dngos po dang dngos po med pa phan tshun spangs te gnas pa'i 'gal ba ni dngos po nyid yin pa'i phyir ro/ /de ltar ma yin pas 'gro ba rtsol med du 'gyur ro/ /phyogs gnyis las ma gtogs pa'i 'ga' yang med do/ /gal te mnyan par bya ba nyid rtag pa dang/ mi rtag pa gnyi ga las ldog pa yin 'on ni med pa kho nar 'gyur te/ rten med pa'i phyir ro/ /sgra ni rten yin no zhe na/ ma yin te sgra la yang nyes pa mtshungs te/ de yang thams cad las ldog pa'i phyir med ba nyid du 'gyur ro/ /'di ltar sgra rtag mi rtag the tshom za na gtan tshigs tshol ba yin/ de ni gnyi ga dang bral na/ de dag la 'dir the tshom ci/ /de las ldog pa nyid du nges pa ni de nyid du nges pa de nyid la the tshom za bar mi srid do/ /'o na ni brtan? bya nyid the tshom gyi rgyu ma yin te/ sgra tsam nyid las the tshom za ba'i phyir ro zhe na/ ci sgra nyid las the tshom za bas gzhan dag kyang the tshom gyi rgyu la brten pa ma yin par 'gyur ram/ gal te gang zhig la lar mthong ba de dag gzhan mthong ba na der dogs pa bskyed pa ma yin nam/ the tshom gyi rgyu ni de nyid yin par brjod do/ /mnyan par bya ba nyid go ci ltar the tshom gyi rgyu yin zhe na/ de ni ma yin te/ 'di ltar mthong ba bsgrub pa'i tshul gyis ni/ the tshom bkag pas dngos med la/ /the tshom za 'gyur bar ni phyogs/ /yongs su 'dzin pas ci zhig

  611. 306a

    bya/ gang du gzhal bya nyid la sogs pa/ /thun mong gi ma nges pa la the tshom za ba de ni mthong ba'i sgo nas sgrub pa'i tshul gyis yin la yul la thun mong ma yin pa la ni dgag pa'i sgo nas yin pa'i phyir 'di gnyis la khyad par ci yod/ gal te mnyan bya nyid rtag pa dang mi rtag pa dag la ma mthong ba'i phyir de dag mi rtogs pa'i rgyu nyid du 'thad pa ma yin nam/ ma mthong ba ni mi rtogs pa'i yan lag yin pa'i phyir ro zhe na/ 'di ni bzang po ma yin te/ 'di ltar 'gal bas gang tshe gcig ldog par/ /nges phyir bzlog pa'i zla bo ni/ /'jug 'gyur gnyi ga dag las kyang/ /ldog pa srid pa ma yin no/ /phan tshun spangs pas 'gal ba gnyi ga las gcig tu nges par ldog pa ni mi srid pas 'dir btang snyoms par gnas pa ni mi 'thob pa kho na'o/ /gal te gnyis las gcig la gnas par tshad ma med pa gnyis kyis the tshom za ba yin gyi/ mnyan bya nyid kyis ni byas pa ma yin nam/ de ni de ltar na ma rtogs pa'i rgyu mtshan du 'gyur bar zad do zhe na/ 'o na ni thun mong gi ma nges pa la yang tshad ma med nyid las the tshom za ba yin gyi/ de gtan tshigs kyis byas pa ni ma yin no/ /de yang mthong ba'i sgo nas the tshom gyi rgyu nyid do zhe na /mnyan bya nyid kyang ma mthong ba'i sgo nas yin pas 'di mtshungs so// 'on te the tshom za bar gyur ba na de las the tshom mi ldog pas de the tshom gyi rgyu brjod pa na mnyan bya nyid kyang de bzhin nyid pas 'di ni gyi na'o/ /gzhan yang gnyi ga la mthong gzhal bya nyid/ /gnyis kyis ci ste nges mi byed/ /gnyi ga la ni mthong ldan pa/ /gnyi ga la'ang sgrub byed yin par 'gyur/ /gang zhig gang la mthong bas na/ /de grub pa nyid du 'gyur gyi med do zhes cha gnyis pa la brten pa ga las/ /'on te phan tshun 'gal ba dang ldan pa gnyi ga la cig? la yod pa ni mi 'thad do zhe na/ de lta

  612. 306b

    na/ 'o na phyogs nyid la the tshom pa yin gyi mthun pa'i phyogs kyi sgo nas gyur pa ni ma yin no/ /mthong ba la yang phyogs la the tshom pa'i sgo kho nas the tshom du 'gyur ba yin la/ de ni gnyi ga la ma mthong ba la yang mtshungs so/ /gcig tu nges par ldog par bya ste the tshom za ba ni ma yin nam/ gcig tu nges par gnyis las ldog par ma nges pa'i phyir ro/ /gal te phung po gsum pa ni srid pa gnyi ga las ldog pa de ni rang bzhin nyid kyis mi rtogs pa'i rgyu yin te/ ldog pa can 'di ni slob dpon gyis kyang de ltar bshad pa yin no/ /de skad du yang bsgrub par bya ba'i chos mthun mong ma yin pa gang yin pa de ni khyad par ci snyed kyis mdza' dag bsdus pa de la the tshom za ba'i rgyu yin te/ de'i rten ni des bsdus pa'i phyir dang/ gcig tu nges bar ldog pa'i phyir ro zhes gsungs te/ de ci ltar 'di ldog pa nyid la the tshom za bas dogs pa'i rgyu yin zhe na/ de ni ma yin te/ gang phyir gang zhig gnyi ga las/ /ldog par nges te gzhan la ni/ /yod pas gnyi ga dag la yang/ /med 'gyur 'di ni bshad zin to/ /log par slar yang de nyid la/ /the tshom byed par ci ltar 'gyur/ /gnyi ga rnam gcod bsgrub pa ni/ /de las ldog pa las gzhan min/ /gang zhig gang las ldog pa de ci ltar de rnam par gcod pa sgrub pa byed pa ma yin/ 'on te gnyi ga rnam par gcod ba sgrub par byed pa nyid kyis mi rtogs pa'i rgyu yin no zhe na/ 'di ni med de/ 'di ltar/ gtan tshigs thams cad rnam gcod ni/ /sgrub bar byed pas gtan tshigs nyid/ /sgra dang rtags kyi ldog pa ni/ /rab sgrub byed ces rnam par gnas/ /gtan tshigs gzhan las gzhan ldog ba sgrub par byed pa yin no zhes bya ba ni bden mod kyi/ /'on kyang de ni gzhan bsgrub pa ? po nyid kyis yin ni/ /'dir ni gzhan 'phangs pa ci yang yod pa ma yin te/ gnyi ga las

  613. 307a

    ldog pa'i phyir ro/ /byas pa nyid las na rtag pa las ldog pas mi rtag pa 'phen pa yin no zhe na/ de bden to rtag pa log las mi rtag pa nyid ni bzhin du grub pa med/ /gang phyir rjes su dpag pa ni/ gzhan zlog nyid kyis don byed 'gyur/ /rjes su dpag pa ni gzhan rtag pa'i sgro 'dogs pa bcad pa tsam gyis don byas pa yin te/ rtag pa dang mi rtag pa'i rnam par mi rtog pa dag ni gcig bzlog pas gzhan rang nyid gnas pa'i phyir ro/ /der yang res 'ga' med par 'gyur ro zhe na/ ma yin te/ de mngon sum gyis grub pa'i phyir ro/ /'bras bu'i gtan tshigs la ci ltar zhe na/ 'di ni re zhig gzhag go /gal te mnyan bya nyid kyis gnyi ga yang rnam par bcad pa yin na/ de las 'grub pa mngon sum gyis grub par 'gyur ba'i phyir gtan tshigs nyid du 'gyur ro/ /gtan tshigs gzhan de gcig bsgrub pas gtan tshigs ma yin no zhe na ma yin te/ mngon sum gyis grub pa gtan tshigs gzhan gyis 'gog par byed pa'i sgrub par byed pa ci ltar 'gyur/ /'on te mngon sum ni 'gog par byed pa ma yin te/ des na gzhan gyis bsgrub pa 'am 'gog pa yin no zhe na/ ma yin te/ mnyan bya nyid kyis gnyi ga rnam par bcad pas/ ci ltar gzhan gyis grub/ de ltar ma yin no/ dor ba yang gzhan gyis sgrub pa'i phyir ji ltar na gzhan yang tshad ma ma yin par 'gyur te/ des na thams cad yid brtan du med par 'gyur ro/ /mngon sum 'gog par byed pa ma yin ? ma yin te/ de ltar yin na ni sgrub par byed pa'i rang bzhin du yang mi 'gyur ro/ /sgrub par byed pa ni dngos po rtogs par byed pa yin la/ /dngos po yang de las gzhan dang tha dad la med par rnam par bcad pa rtogs par mi 'gyur ro/ /'di ltar dngos po de gzhan dang ma 'dres pa'am /'on te gzhan dang 'dres par 'gyur/ /gzhan dang

  614. 307b

    'dres na tha snyad ni/ /med phyir dngos po nyid min 'gyur/ /de bzhin du ni gzhan dag las/ /'gog pa yang ni med par 'gyur/ /'di rnam pa dpyad par bya ste/ dngos po rang nyid kyi ngo bo gzhan las ldog pa 'am/ 'on te de ma yin/ gal te log na mngon sum gyis bzung ba 'am 'on te ma bzung/ gal te bzung ngo zhe na/ ci ltar gzhan mi 'gog /de la gzhan bkag pa ni kho na ste/ de yongs su spangs te/ de rang bzhin gzhan du snang ba gang yin pa'o/ /de lta ma yin na ? bar rtogs pa'i phyir tha snyad med pas na tshad mngon med do/ /'on te tshad ma gzhan bkag pa las tha snyad byed pa yin no zhe na/ de yang mi rung ste/ 'di ltar/ mngon sum gyis ni rtogs pa la/ /gal te gzhan gyis gnod na ni/ /mngon sum tshad ma min nyid pas/ /gzhan yang tshad ma nyid mi 'gyur/ /mngon sum tshad ma ma yin pa nyid yin na/ gzhan la yid brtan du ci yod/ /'on te dngos po gzhan dang 'dres pa yin na de las gzhan tshad mar rgyas kyang dgag pa ma yin te/ rang gi rang bzhin ni gzhan du bya bar mi nus so/ /'on te rang bzhin 'ga' zhig gis ma 'dres so zhe na/ rang bzhin gang gis ma 'dres pa'i tshul nges kyang mngon sum gyis bzung ba nyid do/ /de lta ma yin te ma bzung na ni don ldog par ci ltar yin/ gzhan gyis rtogs pa na ldog pa go ba yin no zhe na/ gzhan gyis de lta ma yin par rtogs na thams cad la yid brtan du med do zhes bstan zin te/ nyin mtshan las ni khyim phugs su/ /zhugs ma thag tu gzhan du ni/ /snang yang yin pa phyi ma yi/ /mngon sum des ni snga ma gnod/ /khang pa'i phugs su dngos po skyes pa ni tshad ma ma yin pa nyid de/ des na dang po'i mthong par gnod bar 'gyur ba yin gyi/ tshad ma nyid ni ma yin no/ /des na gal te mngon sum gyis sgra gnyis ka las log bar bzung na de'i tshe gzhan las the tshom za ba 'am de lta bu yin par mi 'gyur ro/ /mnyan bya nyid kyi grub pa las yang de bzhin no/ /des na ldog pa med pa nyid kyis na/

  615. 308a

    mnyan bya nyid las the tshom du 'gyur ba yin no/ /de bzhin du ldog pa can mdza' dag pa'o/ /slob dpon gyis ni ma mthong ba tsam la brten nas ldog pa can du bstan to/ /'o na ci ltar cig tu nges pa ldog pa'i phyir ro/ /zhes gsungs she na/ gcig tu nges par gdon mi za ba nyid ldog pa'i phyir zhes bya ba ni ma yin gyi 'on kyang gcig tu nges pa'i gdon mi za ba nyid ldog pa'i phyir ro zhes bya ba yin no/ /de ni rtag pa dang mi rtag pa la yod pa dang med pa nyid du nges pa ma yin te/ des na don dam par na log pa med pa nyid do/ /de'i phyir ma nges pa nyid de/ /de ltar na re zhig rtsod phyir khyad par zhes bya ba bshad pa yin no/ /da ni spyi bshad par bya'o/ /ci ltar ldog pa gcig tu des pa'i ldog pa can go bar byed pa ma yin pa de bzhin du gcig tu nges pa'i rjes su 'gro ba can yang yin no/ /'di ltar/ gzhal bar bya ba nyid kyi phyir/ /bum bzhin sgra yang mi rtog nyid/ /nam mkha' med la gtan tshigs 'di/ /ldog med phyir na rjes 'gro can/ /nam mkha' la ni yod pa 'am med pa ma yin te/ de med pa'i phyir ro/ /rjes su 'gro ba 'khrul pa med pa can gtan tshigs ni go bar byed pa nyid do zhe na/ de ni ma yin te/ nam mkha' med pa'i phyogs la ni/ /gal te de ni srid min yang/ /de lta na yang gzhal bya nyid/ /'di la ci ltar yang mi ldog /med pa la yang rnam pa 'ga' zhig ltar gzhal bya nyid yod pa kho na ste/ de lta ma yin na/ sgrub pa dang dgag pa dag tu tha snyad byed pa nyid med par 'gyur ro/ /yod pa 'ba' zhig ni tha snyad du nus pa ma yin no/ /phan tshun spangs te gnas pa'i bdag nyid kyang dngos po tha snyad kyi yul yin te/ de lta ma yin na ni don bya bas stong pa'i phyir don bya ba don du gnyer ba rnams kyi don du gnyer bar bya ba nyid ma yin par 'gyur ro/ /rang dang gzhan gyi rnam par 'byed pa med pa ni su zhig gang la'am ci'i don du tha snyad byed de/ des na thams cad med par kho nar 'gyur ro/ /

  616. 308b

    gzhan gyi phyogs med par ma rtogs par ni rang gi phyogs gzhung gzugs par nus pa ma yin no/ /nam mkha' yang gdon mi za bar thog pa dang bcas pa'i dngos po med pa tsam du gzhal bar bya ba yin te/ de ltar ma yin na gom gang yang ni 'gror med par 'gyur ro/ /des na yod pa'i bdag nyid kyis dngos po so sor nges pa rnam par 'jog pas dngos po med par gzhal bar bya ba yin te/ de de ltar rnam par bzhag pa tshad mas rnam par gzhag pa yin pa'i phyir gzhal bya nyid do/ /dngos po'i yul can 'ba' zhig ni tshad ma ma yin te/ tshad ma ni rnam par gcod pa'i mtshan nyid yin pas rnam par gcod par byed pa nyid tshad ma yin te/ gal te rang gi yul la gzhan gyis gnod pa ma byas na'o/ /de'i phyir tha snyad mi bslu ba nyid sgrub par byed pa'i shes pas bcad par bya ba yin pa'i phyir dngos po med pa gzhal bya kho na yin pa'i phyir gzhal bya yin pa'i phyir zhes bya ba ni rjes su 'gro ba 'khrul pa med pa can ma yin no/ /de bas na thun mong ba nyid kyis ma nges pa yin no/ /'on te gzhal nyid mngon sum gyis yongs su bcad par bya ba la brjod na de lta yin na mngon sum ni dngos po las skye ba yin pa'i phyir don byed par nus pa nyid gzhal bya yin no/ /des na don bya ba byed pa nyid go bar byed pa yin no/ /zhes bya bar 'gyur ro/ /de yang dngos po med pa las ldog pa'i phyir ldog pa'i phyir ro ldog pa dang ldan pas na ci ltar rjes su 'gro ba can gyi gtan tshigs yin/ med pa dang ldog pa can 'gyur ba yang yin zhes bshad zin to/ /des na dngos po nyid la sogs pa yang bshad pa yin no/ /de'i phyir rjes su 'gro ba dang ldog pa nyid na/ /'bras bu dang rang bzhin gyi gtan tshigs so/ /gal te dgag pa nyid ni thams cad du mi dmigs pa yis thams cad sgrub par byed ces bya ba la sogs pas mi dmigs pa yang gtan tshigs gsum pa yin par bstan pa ma yin nam/ 'on te dngos po'i yul gyi gtan tshigs kyi rab tu

  617. 309a

    dbye ba bstan pa yin/ de lta yin na mi dmigs pa'i 'brel pa bstan par bya/ dgos pa yin na/ de'i bdag nyid dang de las byung ba dag las gzhan pa'i 'brel ba ni med do zhes bstan pa yin no zhe na/ 'dir brjod pa/ rgyu dang bya ba byed med pa'i phyir/ /'bras dang khyab bya med na ni/ /go 'gyur dngos po med pa yi/ /sgrub byed gzhan ni dga' yang med/ /dngos po med pa'i zhes bya ba rang rgyud du tha snyad kyi yul du gyur pa ni 'ga' yang med kyi/ /'on kyang brjod par 'dod pa'i dngos po nyid kyi dngos po med pa yin no/ /dngos po de yang lkog tu gyur pa nyid kyis the tshom za ba na ci ltar med ces bya bar 'gyur te/ de ma dmigs pa tsam zhig go bar byed pa ma yin te/ dmigs pa'i mtshan nyid du ma gyur par yod ba'i phyir ro/ /gal te de'i rgyu ma khyab par byed pa med do/ /zhes bya bar gyur pa de lta na ni de med pa 'grub par 'gyur ro/ /de la yang 'brel ba'i rnam gnyis po de nyid yin pa'i phyir mi dmigs pa dang ldog pa nyid du grub bo/ /dper brjod pa ci ste ma sbyar ce na sbyar ba kho na'o/ /'di ltar/ rgyu dang ngo bo nyid ldog kyis/ /don ldog pa ni brjod pa las/ /mi dmigs dpe ni grub pa'i phyir/ /tha dad par ni ma bshad do/ /mi dmigs pa'i dpe ni smos pa nyid de logs shig tu ma yin ci ste zhe na/ rgyu dang ngo bo ldog pa nyid kyi 'bras bu dang rang bzhin gyi don ldog par brjod pa'i phyir ro/ /rang bzhin nyid dam rgyu dngos ni/ /grub na ldog par 'grub par 'gyur/ zhes bya ba la sogs pa 'di ni bstan zin to/ /rang bzhin mi dmigs pa yang bstan pa nyid do/ /rgyu dang ngo bo ni mi dmigs pa nyid kyis dngos po ldog pa'i phyir ro/ /de ltar yang tshad mas grub pa'i sgra rnams kyis zhes bya ba la sogs pas bshad zin to/ /dmigs pa'i mtshan nyid kyi khyad par ci ltar grub na

  618. 309b

    'dir bshad pa/ de la'ang skyes bu ma mthong las/ /srog sogs ldog pa med pa'i phyir/ /gtan tshigs the tshom za bshad pas/ /ltar rung don la de zhes bstan/ /pha rol po dag gis smras pa/ bum pa la sogs dag la ni bdag ldog pas yin te/ des na gal te gson po'i lus la yang bdag ldog na srog la sogs pa yang ldog par 'gyur ro zhes bya'o/ /'di la slob dpon gyi bdag ltar mi rung ba'i phyir bum pa la sogs pa la bdag med pa nyid ma grub ste /mi dmigs pa tsam ni the tshom gyis rgyu yin pa'i phyir ro/ /zhes bstan to/ /des na lta rung ba'i don la mi dmigs pa go bar byed pa yin no zhes bstan pa yin no/ /gal te rnam par gcod pa bsgrub pa nyid kyis gtan tshigs thams cad mi dmigs pa nyid ma yin nam/ des na gtan tshigs gsum du ji ltar 'gyur zhe na/ nyes pa 'di med de 'di ltar/ /'dis ni dngos las dngos po'i chos/ /khas blangs med par dgag pa nyid/ /sgrub byed snga ma dag gis ni/ /ma yin sgrub par byed phyir ro/ /'dis ni phyogs la sogs pa'i dngos po la yang ma yin pa sgrub pa ma yin gyi 'on kyang dngos po'i ngo bo khas blangs pa ma byas par dgag pa sgrubs pa yin la/ snga ma rang bzhin dang 'bras bu'i gtan tshigs dag gis ni ma yin pa'i sgo nas/ dgag pa sgrub pa yin no/ /des na 'brel bar mtshungs kyang yul tha dad pa'i phyir tha dad pa kho na'o/ /'o na rang bzhin mi dmigs pa la 'brel pa gang yin ce na de'i bdag nyid do zhes bshad pa ni/ de la dmigs rung rnams kyi ni/ /yod pa dmigs pa las gzhan min/ /med pa ni mi dmigs pa las gzhan ma yin pa nyid do/ /'on kyang mi dmigs pa nyid yin no/ /gal te shes pa ldog pa ni mi dmigs pa yin la/ yod pa ldog pa ni dngos po med pa ma yin nam/ de ci ltar 'di gnyis de'i bdag nyid yin/ shes pa shes bya dag tha dad pa de bzhin du de med pa dag kyang

  619. 310a

    yin no/ /shes pa nyid don gyi yod pa ni ma yin te/ shes pa med kyang de yod pa'i phyir ro/ /'di ltar lkog tu gyur pa'i don rnams kyang/ /rjes su dpag pas yod par 'dzin/ /du ba mthong ba me yod par/ /rjes su dpag pa min nam ci/ / der yang rjes su dpag pas dmigs pa nyid ni yod pa ma yin te/ rjes su dpag pa med par yang yod pas na 'khrul pa'i phyir ro/ /rjes su dpag pa ldog pas ni med pa go bar byed pa ma yin te/ 'das pa dang ma 'ongs pa dag la yang rjes su dpag pa'i phyir ro/ /zhe na/ 'di ni legs pa ma yin te/ /dmigs par bya ba med par ni/ /dmigs pa med las gzhan ma yin/ /dmigs pa'i mtshan nyid du gyur pa ni/ /de la dmigs pa med pas tha snyad du bsgrub pa yin te/ de dag gi yod pa ni dmigs pa las gzhan ma yin no/ /'di ltar dmigs par rung bar yang yin la/ ma dmigs pa yang yin no zhes bya ba 'di ni 'gal ba nyid do/ /des na dmigs pa'i mtshan nyid du 'gyur ba'i don gyi yod pa ni dmigs pa nyid do// 'di ltar gal te dmigs par bya ba nyid ni de don gyi ngo bo kho na'o/ /de ste dmigs par byed pa'i dmigs par byed pa po la gnas par brjod na/ de'i tshe yang dmigs pa'i mtshan nyid kyir gyur pa khyab pa nyid do/ /de las ldog pa med na yang tha dad par ldog pa ma yin te/ tha dad pa ni ldog pas go bar bya ba yin pa'i phyir ro/ /des na mi 'khrul par bya ba'i phyir/ /dmigs pa nyid yod par brjod do/ /tha dad pa dus mtshungs pa dmigs pas don rnams dmigs pa ni ma yin gyi/ 'on kyang der rjes su chud par dmigs par bya ba'i mtshan nyid dmigs pa nyid las yin no/ /de'i phyir dmigs pa nyid yod pa yin la de las ni de mi dmigs pa nyid med pa yin no zhes 'chad par 'gyur ro/ /

  620. 310b

    dngos po med pa rnams ni don dam par phan tshun tha dad par 'ga' yang med kyi 'on kyang bum pa med do/ /shing rta med do zhes khyad par dngos po tha dad pas tha dad pa yin no/ /don dam par ni dgag par bya ba tha dad kyang dngos po med pas tha dad pa ma yin no/ /gal te med pa nyid mi dmigs pas yin na/ de'i tshe log par rtog pa med pa nyid do/ /zhe na/ de ni bden te/ 'di ltar de phyir mi shes shes bya'i phyir/ /mi dmigs dpe gcig 'dod pa yin/ /mi dmigs pa dpe gcig ni rang bzhin mi dmigs pa'i mtshan nyid do/ / re shig shes pa dang shes bya dngos po med pa dag /tha dad par med par ma rtogs pa 'am grangs can pa gang dag shin tu rmongs pas na/ thams cad thams cad na yod do zhes kun tu 'dzin pa dang ldan pa yongs su shes pa dang bral ba'i mi shes par de dag shes par bya ba'i don du rang bzhin mi dmigs pas gcig yin no/ /'on te der bsgrub par bya ba ci zhig yin zhe na/ yul med phyir der yul can ni/ /shes brjod the tshom 'gog 'gyur te/ /dper na sreg par byed min phyir/ /me ma yin zhes bya ba bzhin/ /shes pa dang brjod pa dag gi yul ni yod pa nyid yin la/ de dag tu the tshom za ba'i yul ni der the tshom za ba yin no/ /yul de med par nges pas ni shes pa dang brjod pa dang the tshom bzlog par byed de/ bzlog pa'i yul yod pa'i phyir ro/ dper na me ma yin te sreg par byed pa ma yin pa'i phyir zhes bya ba bzhin te/ phyogs gzhan du gyur pa'i me yod na mer the tshom 'gyur gyi/ bzlog pa yod pa'i phyir te/ med na de srid par ga la 'gyur/ 'di ltar sreg par byed pa med pa las me med pa nyid ni gzhan ma yin no/ /ci ltar sreg par byed pa las/ /gzhan ma yin pa'i de bzhin du/ /dmigs su rung ba med pa ni/ /mi dmigs pa las gzhan ma yin/ /de phyir de yod pa las de'i/ /rgyu mtshan can gyi sra shes sgrub/ /dmigs pa'i

  621. 311a

    mtshan nyid du gyur pa rnams kyi med pa nyid ces bya ba ni/ mi dmigs pa'i rang bzhin las gzhan phyi rol du 'gyur ba med do/ /de bas na de grub na de'i bdag nyid dngos po grub pa kho na'o/ /gal te mi dmigs pas dngos po med pa sgrub pa ma yin nam/ /de ci ltar na bsgrub bya dang/ bsgrub par byed pa gcig nyid yin zhe na/ de yang mi rung ste/ de nyid 'dir ni ma grub ste/ /ma grub pa yi ma grub pa/ /grub 'gyur ma yin 'di la ni/ /'brel med de phyir de ma yin/ /bsgrub par bya ba dang/ sgrub par byed pa dag tha dad par 'gyur dgos so/ /zhes gang brjod pa bsgrub par bya ba dang sgrub par byed pa'i dngos po de nyid 'dir ma grub pas/ de ci ltar de bzhin du tha dad par grub pa ma grub pa ni ma grub pas mi grub bo/ /ci sred du gzhan la bsgrub bya dang bsgrub byed kyi dngos por rab tu ma grub pa de srid du tha dad par mi 'grub pa/ ci srid tha dad par ma grub pa da srid du yang bsgrub bya dang sgrub byed kyi dngos po ni 'brel pa yod na 'gyur ba yin/ mi dmigs pa dang med pa dag de'i bdag nyid kyi 'brel pa spong ba la ni 'brel pa gzhan yod pa ni yin no/ /de dag rgyu dang 'bras bu'i dngos po ni ma yin no/ /gal te dngos po med pas mi dmigs pa med pa yin te/ /gang gi tshe bum pa la sogs pa 'ga' zhig gis gsal ba nyid kyi tshe mi dmigs pa yin no zhe na/ de ni bden te/ gal te dngos po med pa mi dmigs pa las gzhan pa'i tshad mas shes pa yin na/ /de'i phyir de dag mi dmigs pa lhan cig 'brel pa 'grub gyi/ gzhan du na phan tshun rten pa'i skyon du 'gro ba gang gis zlog

  622. 311b

    'di ltar/ 'brel pa tshad mas grub na ni/ /mi dmigs pa ni tshad ma nyid/ /mi dmigs tshang ma nyid yin na/ /'brel pa rab tu 'grub pa 'gyur/ /phan tshun rten phyir gcig nyid kyang/ /rab tu grub par 'gyur ma yin/ /de nyid phyir na phan tshun gyis/ /byas pa'i 'bras bu grub ma yin/ /de'i phyir mi dmigs pa las dngos po med par mi 'grub ste/ 'brel pa med pa'i phyir ro/ /de'i bdag nyid kyi 'brel pa yin na ni mi dmigs pa de nyid med pa yin pa'i phyir tha snyad bsgrub par bya ba yin no/ /rnam pa mi mthong na med ces/ /bya ba'i tha snyad 'di 'grub pas/ /de'i 'bras yin yang de las ni/ /blo sgra the tshom med par 'grub/ /gal te tha snyad sgrub pa la yang dpe med pa nyid ma yin no/ / tha snyad thams cad ni mi dmigs pas bsgrub par bya ba yin no/ /de'i tshe dpe gzhan bsgrub pa ni thug pa med pa nyid do/ /tha snyad kyang mi dmigs pa'i 'bras bur 'gyur ba nyid do/ /des na rgyus 'bras bu sgrub par mi dmigs te/ rgyu ni gdon mi za bar de dang ldan pa ma yin pa'i phyir ro zhe na/ de ma yin te/ 'di ltar tha snyad 'di ni ltar rung ba ma mthong ba'i rgyu mtshan can du 'grub pa nyid do/ /de tsam gyi rgyud mtshan gyis med pa'i tha snyad du bya bar rung ba nyid ni ma dmigs pa'i rang bzhin yin te/ rung ba nyid ni don gzhan ma yin pa'i phyir ro/ /sems dang ldan pa de mthong bas tha dad ni gdon mi za bar 'jug pa yin no/ /dngos po med pa'i tha snyad de'i rgyu mtshan can du dran pa ni gdon mi za bar de'i sems dang ldan par 'gyur ba yin no/ /gal te lus ngag gi tha snyad 'jug par mi byed na yang mi byed mod/ tshad ma ni rtogs par sgrub par byed pa nyid kyis tshad ma yin gyi lus la sogs pa'i tha snyad bsgrub pas ni ma yin no/ /de'i phyir/

  623. 312a

    yul yod na yang rmongs pas 'dir/ /gzhan dag rjes su mi brjod par/ /grub pa dang ni mi mthun las/ /brda bran byed pa 'ang 'ba' zhig go /zhes bya ba ni bcu ba'o/ /ci ltar mthong dang ma mthong bas// rgyu dang 'bras bu nyid bsgrub bzhin/ /de gnyis las ni 'bras sogs sgra/ /tha dad don du bkod pa yin/ /mthong ba dang ma mthong ba'i khyad par ma rtogs par ni rgyu dang 'bras bu nyid gzhan yod pa ma yin no/ /'di'i 'bras bu zhes bya ba'i don ni 'di nyid yin te 'di med par ni mi 'byung ngo zhes bya ba'o/ /gal te 'di las tha dad pa yin na/ de'i tshe de med kyang 'byung ba nyid do/ /de ltar gyur na 'brel pa/ don gzhan med do/ /'on te de med par mi 'byung na/ de ltar yin na de nyid 'brel pa yin pas/ gzhan don med do/ /gal te 'brel pa med na de yod na/ de yod na yod do zhes grub pa yin no zhe na/ gal te 'brel bas de yod na/ yod ces bya bar 'dod na ni/ /de med na yang 'brel pa sngar/ /gang gis zhes ni yin par brtag /'brel pa nyid la gnas pa'i phyir/ /gcig yod pa la ci ltar 'gyur/ /gal te 'bras bu skye bar ni/ /rgyu rung bar ni 'brel pa yin na/ /rgyu nyid las ni 'bras bu skye ba zhes bya ba nyid rigs par ldan/ /'di ltar rgyu ni de lta bur gyur pa nyid du rang gi rgyu las byung ba yin no/ /rjes su 'gro ba dang ldog pa las rgyu dang 'bras bu nyid kyis dngos po gzhan ni dbang po las 'das pa mthong ba dag la yang snang ba yin no/ /de'i phyir rjes su 'gro ba dang ldog pa dag las rgyu dang 'bras bu'i tha snyad sgrub

  624. 312b

    pa yin no/ /'o na ji ltar don tha dad med par sgra tha dad par 'gyur zhe na ma yin te mthong ba dang ma mthong ba de dag nyid la tha snyad zor yang bar bya ba'i phyir 'bras bu la sogs pa'i sgra'i sbyor ba yin no/ /des na/ nus pa'i rgyu ni 'bras bu'i rang bzhin du gyur pa nyid yin no/ /des na mi dmigs pa ni rang bzhin gyi gtan tshigs yin pa de bas na 'di logs shig nye bar ma bkod do/ /gal te ci ltar de'i bdag nyid med pas rang bzhin mi dmigs pa rang bzhin gyi gtan tshigs kyi nang du 'du/ ci ltar dngos po med pa dag phan tshun tha dad pa ma yin pa de bzhin du tha mi dad pa yang ma yin no/ /bdag med pa la yang de'i don bdag nyid srid pa yang ma yin te/ ri bong gi rwa ni bong bu'i rwa'i bdag nyid ma yin no zhe na/ 'di la lan btab pa ni mi dmigs pa dag ni dgag par bya ba las zlog pa'i bdag nyid yin no/ /'di ltar rgyu las 'bras bu grub pas na/ /'di ni rang bzhin nang 'dus phyir/ /gtan tshigs rab dbye ba shang pa la/ /tha dad par ni dper ma bstan/ /stong pa'i bdag nyid kyi dngos po med pa ni tshad ma'i spyod yul du rnam par spyad pa rung ba ma yin la de ni rang gi ngo bo tsam du grub tu zin kyang cung zad kyang 'grub pa ma yin no/ /de ni dngos po 'chol bar rtogs pa'i lta ba can dag gi de ltar 'dod pa yin no/ /de la gal te dngos po rang gi ngo bo nyid kyis yul dang dus dang rang bzhin tha dad pa dang ldan pa'i phyir ldog pa yin na dngos po med pa gzhan brtags pas ci zhig bya/ 'on te rang gi ngo bos ldog pa ma yin na de ltar yang dngos po med pa gzhan zhig ni don med do/ /gcig la ni don med la/ gzhan la ni mi nus so zhes sngar bstan zin nyid do/ /de'i phyir rang gi ngo bor gyur pa'i dngos po gzhan gyi dben pa nyid

  625. 313a

    la bum pa la sogs pa'i med pa zhes tha dad pa'i tshul du de ltar ston pa yin no/ /'di ltar brjod pas 'dod pas don gyi rang bzhin gyi dben pa'i bdag nyid don gcig par dmigs pa gang yin pa de/ rang rig pa nyams su myong ba gang yin pa de nyid las dran pa sngon du 'jug pa na/ 'di ni ma dmigs pa snyam pa rtogs pa'i rang gi blo skye'o/ /de la sa phyogs dmigs pa nyid gzhan mi dmigs pa yin de gang gi phyir 'di ni gzhan gyi rang bzhin du ma dmigs so/ /zhes bya ba yin no/ /'dir don ni/ de'i rang bzhin du mi dmigs te/ 'di ni de'i rang bzhin du med do zhes bya ba 'di nyid yin no/ gal te bum pa de 'di na med do zhes te/ /'di'i rang bzhin du med do zhes bya bar bsgrub par bya ba yin nam/ ci ltar na bzlog te brjod ce na/ gal te gzhan yang 'di'i yang 'di'i nang du mi 'du na bden pa zhig na/ de'i nang du 'du ba nyid do/ 'di ltar sa phyogs de'i rang bzhin gyis dben pa 'am 'di'i bum pa'ang rung/ mkhas pa rnams la'ang ji ltar yang 'dis ni rnam dbye snang ba med/ gal te rang bzhin 'dis dben par ma gyur na 'di ltar nges dben par mi 'gyur ba'i phyir shin tu gsal bar don gzhan dag ni lta ci zhig smos/ de'i phyir des dben ba nyid 'dir de'i dngos po med pa yin no/ /gang gi phyir des dben pa'i phyogs mthong ba nyid la de ma dmigs so zhes bya ba'am/ de las gzhan gyi rang bzhin du dmigs so snyam pa'i blo skye ba de nyid kyi phyir dmigs pa dang/ ma dmigs pa dag de'i bdag nyid yin pa'i phyir mi dmigs nyid mi dmigs pa yin no/

  626. 313b

    gal te 'di shes pa gzhan mi dmigs pa yin du chug na/ shes bya gzhan mi dmigs pa ci ltar yin zhe na/ shes pa dang shes bya dag tha dad med do zhes bstan zin pa'i phyir nyes pa med do/ /yang na 'am gyi sgra ni de bzhin gyi don to/ /ci ltar 'di mi dmigs so snyam pa'i rnam par rtog pa'i yul yin pa'i phyir na de ltar nges pa'i dmigs pa dmigs pa yin pa de bzhin du ma dmigs so snyam pa'i nges pa las kyang mi dmigs pa nyid yin no/ /gal te dngos po med par bsgrub pa'i dngos po med pa yod pa nyid kyin dngos po rnams khyad par bsgrub pa ma yin nam/ de ci ltar na dngos po med pa 'chol bar mi 'gyur zhe na/ de ni ma yin te/ 'di ltar gcig dmigs nyams su myong ba las/ /'di ni dmigs so zhes bya ba 'am/ ma dmigs so zhes rtogs can gyi/ /blo ni skye bar 'gyur ba yin/ /myong ba khyad par can nyid las/ /don rnams khyad par can du rtogs/ /de lta'i bdag nyid can myong na/ /'di'i tha snyad blo rgyu yin/ /gal te myong ba khyad par du na myong ba gzhan gyi dben pa med na ni/ /myong bar bya ba'i khyad par rtogs pa la/ /gal te rang rig par de'i rang bzhin gyi myong ba nyams su ma myong na de'i tshe de'i khyad par rtogs par mi 'gyur ro/ /dngos po med par rigs pas rtogs zhe na/ dbye ba med par myong ba la dngos po tshod pa rigs par nus pa yod pa ma yin te/ tshad mas bzung pa gzhan du bya bar mi nus pa'i phyir ro/ /'di ni bstan zin pas mi brjod do/ /'di ltar dran pa med par dngos med kyi/ /tshad ma yod par srid ma yin/ khyad par gzhan gyi med par yang/ /bzlog pa'i zla'o dran ma yin/ /bzlog zla dran pa med par ni/ /dngos po med pa'i tshad ma skye ba ma yin la/ bzlog pa'i zla dran par yang khyad par can rigs med par ma yin no/ /'on te sngar khyad par

  627. 314a

    can du myong ngo zhe na/ de ltar yin na 'di yang yin pas dngos po med pa don med pa nyid do/ /'on te dngos po med pa de nyid med pa'i tha snyad du bsgrub bo zhe na/ gzhan gyis 'grub pa gzhan gyis 'grub pas ci bya// tha snyad bsgrubs pa la ni/ rang bzhin gyi gtan tshigs kyi rang bzhin mi dmigs pa de nyid yin no/ /de'i phyir gzhan gyis dben pa nyams su myong ba'i ngo bo nyid las tha dad pa'i rnam par rtog pa yin la tha dad pa de nyid ni de la gzhan med pa yin no/ /de phyir blo dbye rang nyid las/ /grub 'gyur de dag gi de'i don/ /de ltar min na thug med phyir/ /'ga' yang tha dad 'grub mi 'gyur/ /blo ni rang rig pa nyid las gzhan la ldog par rab tu grub la/ de las kyang don gyi khyad par yin pa'i phyir myong ba'i tha snyad yongs su rdzogs pa yin no/ /gal te mngon sum nyid las tha dad pa ma yin gyi/ 'on kyang dngos po med pa'i tshad ma las yin na/ de lta yin na thug pa med pa'i phyir mi rtogs par 'gyur ro/ /'di ltar/ gal te dngos po med pa yi/ /tshad mas tha dad sgrub byed na/ /dngos med de yang dngos med pa/ /gzhan gyi nges bzung de yang ni/ /gzhan gyi de yang de las ni/ /gzhan gyis yin phyir thug med 'gyur/ /de ltar na snyad med par 'gyur ro// //bam po bcu drug pa/ /gal te dngos po med pa'i tshad mas mngon sum gyi ma rtogs pa'i tha dad pa rtogs pa yin no/ /dngos po med pa de ni 'gal zla dran pa med par mi 'jug go /'gal zla dran pa yang mngon sum gyis tha dad par gzung ba las 'gyur ba yin pa'i phyir dngos po med par don med par 'gyur te/ de ltar yang sngon bzhin du mngon sum nyid kyis tha dad par 'dzin pa'i phyir ro/ /'on te der yang dngos po med par tha dad

  628. 314b

    par yin pas dngos po med pa don med pa ma yin no zhe na/ de lta yin na de'i tshe yang dran pa la bltos pas der yang dngos po med pa 'jug par byed pa'i dran pa gzhan yin par 'gyur bas thug pa med par 'gyur ro/ /'di ni khas blangs nas brjod par zad de// gang gis de'i tshe dngos po med par 'jug pa na des 'di las tha dad par 'dzin pa de ltar bzung ba ni de'i tshe 'gal zlar dran pa ni mi srid do/ /des na dngos po med pa ni 'jug par mi srid pa nyid do/ /de'i phyir gzhan gyi lta ba la ni tha dad pa rtogs pa med pa nyid do/ /de'i phyir/ rang bzhin khyad par can myong la/ /gzhan gsal ba ni gzhan ma yin/ /de phyir de mi dmigs pa yang/ /de las khyad par can mi dmigs/ /khyad par can gyi rang bzhin mi dmigs pa nyid de las gzhan med par bsgrub pa yin te/ khyad par can gyi rang bzhin myong ba med par ni gzhan der med par mi 'grub bo/ /gal te khyad par can nyams su myong bas ni/ de da lta bur gyur pa nyid du 'gyur gyi/ de de la med par ji ltar 'gyur/ yul dang dus gzhan du 'byung ba ni der med pa la ma yin te/ de ni dmigs pa'i mtshan nyid kyir gyur pa ma yin pa'i phyir ro zhe na/ de ni ma yin te/ 'di ltar/ rang bzhin khyad par can myong na/ /gzhan ma gsal bar ni ci/ /gal te gzhan gsal med na ni/ /de nyid grub par 'gyur ma yin/ khyad par can gyi rang bzhin ma myong ba ni don med pa nyid du mi 'gyur ro/ /gal te bum pa la sogs pa'i rang bzhin khyad par can myong ngo zhe na/ dngos po med pa rtogs pas gzhan gyi ci zhig bya dngos po med de rtogs kyang rang gi ngo bor khyad par rtogs pa med pa ni khyad par can gyi rang bzhin myong ba ma yin no/ /rang gi ngo bo nyid rtogs pa ni gdon mi za bar 'dod par bya ba yin no/ /dngos po med par gzhan gyi ni rang bzhin ni rang gi ngo bor rtogs nus pa ma yin no/ /zhes bstan zin to/ /de'i phyir khyad

  629. 315a

    par can nyams su myong ba nyid gzhan dang gzhan dngos po med pa sgrub pa yin la gzhan mi dmigs pa yang de'i khyad par can dmigs pa nyid yin no/ /des na mi dmigs pa 'di ni/ /rang nyid mngon sum las rtogs pas/ /rang nyid tsam gyis 'jug pa can/ /de med rnam bzhag go byed yin/ /des na rang bzhin mi dmigs pa nyid yin rang bzhin mi dmigs pa nyid dngos po med pa yin pa'i phyir mi dmigs pa dang/ dngos po med pa dag de'i bdag nyid du grub pa dang/ mngon sum gyis grub pa yang yin pas na ma grub pa dang/ 'brel pa mang pa'i nyes par mi 'gyur ro/ /mi dmigs pa de yang rgyu nus pa nyid yin pas na/ rang tsam gyi 'jug pa dngos po med pa'i tha snyad 'jug par byed pa yin no/ /de lta ma yin te/ dmigs pa ngo bo med pa ni dmigs pa yin la/ dngos po ngo bo med pa yin na/ de'i tshe thug pa med pa'i phyir mi 'grub pa nyid do zhes bshad pa ni/ gzhan du don gyi med pa nyid/ /mi dmigs pa las rtogs par 'gyur/ /gzhan gyis dmigs pa med pa nyid/ /yin pa'i phyir na thug med 'gyur/ /ci ltar dngos po ngo bo med pa mi dmigs pa las yin pa de bzhin du dmigs pa'i ngo bo med pa'i rang bzhin mi dmigs pa yang mi dmigs pa gzhan las yin la/ de'i ngo bo nyid med pa yang gzhan las yin pa'i phyir thug pa med pa las mi 'grol lo/ /'o na dmigs pas dngos po sgrub pa'i phyir na dngos po med pa mi dmigs pas sgrub pa yin no/ /dmigs pa yod pa ni gzhan gyis bsgrub pa ma yin pa'i phyir de med pa yang/ gzhan gyis bsgrub pa ma yin no zhe na de rung ste/ dmigs pa rang rig nyid kyis ni/ /grub par rigs pa dang ldan yin/ /de med rang las

  630. 315b

    'grub bo zhes/ /bya ba ha cang bab tshol ches/ /gal te rang gi ngo bo ni/ /'di ni dngos po nyid du 'gyur/ /gzhan dmigs phyir na shes med pa/ /gal te mngon sum nyid ce na/ /'on te de bzhin gzhan yod pas/ /don med pa yang 'grub par 'gyur/ /ci ste med pa'i ngo bo med pa gzhan gyi mngon sum las 'grub po zhe na/ dngos po yang de bzhin du 'gyur ro/ /gal te dngos po ni dmigs pa'i mtshan nyid du gyur pa ma yin pa'i phyir gzhan gyi mngon sum las med par mi 'gyur te/ de'i rnam par shes pa las rang bzhin gzhan yin pa'i phyir ro/ /rig pa ni rig pa las rang bzhin gzhan med pa'i phyir na/ de med pa gzhan gyis mngon sum las 'grub po/ /de ltar yang 'di ma dmigs so/ /zhes skyes bu mchog gis dmigs pa gsal gyi don med do/ /zhes ni ma yin no/ /des na mi dmigs pa 'di ni/ rang nyid mngon sum las rtogs pas zhes bya ba ni shes pa med pa'i mtshan nyid yin no zhe na/ de ni ma yin te/ gzhan dmigs pa yis pha rol po gzhan dag med par ji ltar rtogs gal te de dben pas na/ de ci mi dmigs pa las ma yin/ des dben pa nyid med par ni shes pa gzhan dmigs pas shes pa gzhan med par bsgrub pa ma yin no/ /des dben na dmigs pa nyid mi dmigs pa yin pas/ da ci lta na de las gzhan pa'i myong ba med pa mngon sum gyis rab tu grub pa/ 'o na de dmigs pa'i mtshan nyid kyis 'gyur ba zhes bya ba'i khyad par du bya ba ma yin te/ 'khrul pa med pa'i phyir ro zhe na/ de lta yin na khyad par med par 'gyur mod/ /mi dmigs pa nyid ni mi ldog go /des na dgag pa gang ci snyed pa thams cad ni mi dmigs pa las yin no zhes so/ /ma yin par dgag pa'i rang bzhin gyi dngos po med pa ni mngon sum gyis grub po/ /de nyid ni gzhan la bltos pa mi dmigs pa yang yin no/ /'di

  631. 316a

    ma dmigs so zhes skyes bu mchog sbyar ba gang yin pa de ni shes pa ma min pa'i mtshan nyid skabs yin pa'i phyir te don gyi med pa dgag pa'i phyir ni ma yin te/ de dang tha dad pa med pas dngos po'i med pa yang de nyid yin pa'i phyir ro/ /gang gi tshe yod pa dang dmigs pa dag cig nyid yin pa de'i tshe dngos po'i ldog pa yang mngon sum gyi grub pa'i nyid kyi dum bur ni ma yin no/ /gal te khyab par byed pa mi dmigs pa las/ dngos po med pa 'grub pa ma yin nam/ 'di ltar dmigs pa'i mtshan nyid du gyur pa yod pa ni/ dmigs pas khyab pa yin la/ de med pa'i stong pa'i rang bzhin las ni dngos po'i med pa 'grub po zhe na/ 'di ni bden te de lta yin na thams cad du rang bzhin mi dmigs pa 'di ni/ med pa'i sgrub byed min gyur te/ med de mngon sum nyid kyis rigs/ /gal te dmigs pa'i mtshan nyid du gyur pa'i khyad par byed pa mi dmigs pa med pa mngon sum gyis grub na 'o na thams cad du med pa de mngon sum gyis grub pa nyid las rang bzhin mi dmigs pa zhes bya ba med par 'gyur ro/ /gal te ma rmongs pa las khyab par byed pa mi dmigs pa dngos po med pa'i sgrub byed yin na/ rmongs pas kyang de nyid dran pas yul du byed par 'gyur mod/ mi dmigs pa gzhan brtags pas ci bya/ yang na gal te rang bzhin mi dmigs pa rmongs pa nyid mkhas pa la yang yin par 'gyur te/ du ba blo bung ba las rtogs pa bzhin no/ /de mngon sum nyid med pa ni ma yin no/ /gzhan yang 'dir ni khyab bya khyab byed dag /don dam du na tha dad med/ /dmigs pa nyid ni yod pa zhes// dang por rab tu sgrub phyir ro/ /ltar rung ba'i yod na ni dmigs pas khyab par byed pa mi dmigs pas sgrub par smra ba rnams kyi ston pa yin na/ 'di ni rang bzhin mi dmigs par smra ba la yang mtshungs so/ /de'i bdag nyid yin pas khyab par bya ba

  632. 316b

    dang khyab par byed pa ma yin par 'gyur ba ni ma yin no/ /de ltar yang dmigs pa ni yod pa nyid yin no zhes bstan zin to/ /gang zhig 'bras bu de ni rgyu khyab pa dang ldog pa med pa'i phyir de'i rang bzhin dang khyad par med pas na de mi dmigs pa ni sngar bzhin mi dmigs pa nyid du brjod do zhes 'bras bu mi dmigs pa rang bzhin mi dmigs pa'i khongs su? 'du ba nyid du 'chad pa'i rmongs pa de myong ba mi dmigs pa rang bzhin mi dmigs par ji ltar mi 'thad de/ de'i phyir gzhan yod pa nyid gzhan med pa nyid yin la/ gzhan mi dmigs pas gzhan dmigs pa nyid yin no/ /de yang rang bzhin mi dmigs pa kho na'o/ /gal te de lta na yang khyad par byed pa mi dmigs pa med par 'gyur ro zhe na bden te/ rang bzhin mi dmigs pa nyid du thams cad 'dus pa'i phyir/ 'dus pa ni 'dod pa nyid pas kho bo la chad pa ci yang med do/ /'o na ci ltar tha dad ce na/ shing dang sha pa lhag pa dang/ chad phyir khyab bya khyab byed dag /tha dad phyir dang nye ba dang/ /ring ba las ni tha dad nyid/ /shing nyid ni lhag pa yin la/ shing sha pa ni chad pa dang/ thag ring por ni khyab par bya ba la bltos nas khyab par byed pa mi dmigs pa yin la/ nye bar rang bzhin mi dmigs pa yin pas de dag tha dad do/ /dmigs pa'i mtshan nyid du gyur pa'i yod pa dang/ dmigs pa dag ni phan tshun khyab pa'i phyir tha dad par brtags par mi nus so/ /des rang bzhin mi dmigs pa nyid yin pas rang bzhin mi dmigs pa rang bzhin gyi gtan tshigs kyi nang du 'du'o zhes bya ba gnas so/ /de nyid kyi phyir mi snang nges pa mi rung phyir/ /gzhan du bzhag pa 'gog 'gyur dper/ /sems can gzhan la rtags med pa'i/ /rnam rtog la sogs mi 'grub bzhin/ /des na/ 'bras bu des med can 'dis ni/ /ldog pa sgrub par nus ma yin/ /nges par sgrub bya gtan tshigs la/ /dang po'i

  633. 317a

    dbang du bya ba yin/ /rang bzhin mi dmigs pa 'dis ni gtan tshigs mi mthun pa'i phyogs la med pa nges par byed pa ma yin te/ yul thag ring ba la sogs par nges pa mi rung ba'i phyir ro/ /mi snang ba la bltos nas 'di dmigs pa'i mtshan nyid kyis gyur pa'i mi dmigs pa nyid ma yin no/ /dang po rgyu dang khyab par byed pa mi dmigs pa gang yin pa ni gtan tshigs mi mthun pa'i phyir/ mdza' dag las ldog par nges par byed pa yod pa yin te/ rgyu dang rang bzhin ldog pa nyid zhes bya ba la sogs pa bshad zin to/ /khas blangs nas thal bar bsgrub pa la ni sgrub par byed pa yin no/ /gal te 'gal zhes bya ba'i rtags gzhan yang yod pa ma yin nam/ 'di na grang ba'i reg pa med de/ me yod pa'i phyir ro zhes bya ba lta bu'o/ /de'i dbye ba dang mtshan nyid ci ste ma bshad ce na/ de yang mi dmigs pa nyid kyi nang du 'dus pa'i phyir ro/ /'di ltar rang gi sbyor ba dag la de yi/ /rang gi ngo bor sbyar ba 'am/ /don la gnod byed ngo bo ste/ /yod na yod par med phyir ram/ /'gal ba'i gtan tshigs ni mi dmigs pa de nyid kyi rab tu dbye ba yin te/ de las gzhan pa'i dbye ba bzhin no/ /de lta ma yin na 'gal ba dang 'gal ba'i 'bras bu dang/ 'gal bas khyab pa la sogs pa rnams kyang gzhan du tha dad par bstan par byed par 'gyur ro/ /gang gi tshe rab tu dbye ba du ma 'di dag de nyid kyi yin pa de'i tshe nyes pa 'di med do/ /'di ltar rang gi ngo bo dang rgyu dang khyab par byed pa dang/ 'bras bu mi dmigs pa zhes bya bar rang gi ngo bos sbyor ba 'am yang na 'di na grang ba'i reg pa med do/ /me yod pa'i phyir ro dgag par bya ba'i don la gnod par byed pa'i rang gi ngo bos so/ /ci

  634. 317b

    ltar mi dmigs pa dngos po med pa sgrub byed yin pa de bzhin du dngos dang brgyud pas 'gal ba dmigs pa yang yin no/ /ci'i phyir zhe na/ 'gal ba bzlog byed yin pa'i phyir ro/ /'gal ba ci ltar 'grub ce na/ me cig yod na ni rgyu ma tshang ba med pa can gyi grang ba'i reg pa la sogs pa'i 'gal bar rtogs so/ /'gal ba ni dmigs pa dang mi dmigs pa'i mtshan nyid yin no/ /des na 'gal ba mthong ba las dmigs pa mtshan nyid kyir gyur pa mi dmigs par bsgrub bo/ /de la yul thag ring po na gnas pa'i me las dmigs pa'i mtshan nyid du gyur pa mi dmigs par rjes su dpag pas grub pas med pa sgrub par byed pa'i phyir/ 'gal ba dmigs pa ni rang bzhin mi dmigs pa las gzhan ma yin no/ /dro ba yang ma yin grang ba yang ma yin pa'i reg pa 'am/ dro ba'i reg pa de nyid kyang des dben pa yin pa'i phyir/ grang pa med pa yin te/ des na des dmigs pa nyid de mi dmigs pa nyid do/ /'gal ba'i 'bras bu dmigs pa yang de bzhin te/ 'bras bu'i gtan tshigs kyi rjes su dpag pa las/ rang bzhin mi dmigs pa grub pa yin la snga ma ni tshogs pa gcig la reg las pa'i rjes su dpag pas yin no/ /phan tshun tha dad grub phyir te/ /brtan dngos dang ni 'jig pa bzhin/ /phan tshun spangs te gnas pa'i mtshan nyid kyis 'gal ba ste/ rtag pa dang cig shes bzhin no/ /'di ltar phan tshun spangs te/ gnas pa'i mtshan nyid kyi 'gal bas ni de'i bdag nyid 'gog par rab tu

  635. 318a

    grub ste/ dper na sngar phyogs 'di ni bum pa dang bcas pa ma yin te/ de yongs su spangs te gnas pa'i phyir ro/ /zhes bya ba bzhin no/ /thams cad du dngos po med pa sgrub pa ni zlog pa dmigs pa nyid yin no/ /tshad ma gzhan gyi gnod phyir yang/ /des 'gyur dang ni bltos bcas bzhin/ /ci ltar phan tshun gnod pas 'gal ba yin pa de bzhin du tshad mas gnod pas kyang yin te/ bltos pa dang bcas pa nges par 'gyur pa yin no/ /'di bltas pa dang bcas pa dang bltos pa med pa 'am/ nges par 'gyur ba dang/ cig shos zhes bya ba ni phan tshun 'gal ba'i phyir bltos pa dang bcas pa dang nges par 'gyur ba dag ni phan tshun spangs pa ma yin tshad mas gnod pa'i mtshan nyid kyi 'gal ba'i phyir/ 'di 'gal ba gzhan yin no/ /'di ltar bltos pa dang bcas pa las ni nges par 'gyur ba med pa yin la nges par 'gyur ba yod pa dang med pa dag gis kyang don dam phan tshun spangs pas 'gal ba yin no/ /gal te de lta na tshad mas 'gal ba bsgrub pa yin gyi/ tshad mas 'gal ba zhes bya ba gzhan med do zhe na/ de ni bden mod kyi 'on kyang 'gal bas khyab pas rang bzhin las kyang don gyis na 'gal bar 'gyur ba nas 'di bshad do/ /'di la yang dgos pa ci yod ce na/ 'gal bas khyab pa dmigs pa yang gnod pa sgrub par byed pa po yin no zhes ci nas kyang bstan pa'i don du'o/ /'di ltar dngos po byung ba'i 'jig pa yang nges par 'gyur ba med de rgyu gzhan la bltos pa'i phyir ro zhe na/ zhes sbyor ba mthong ba yin no/ /'di las gzhan dag sde ba

  636. 318b

    ni/ /'gal 'bras khyab bya dmigs pa ni/ /rab tu sbyar ba gang yin pa/ /der ni 'bras bu rang bzhin gyis/ /gtan tshigs dag kyang 'du 'gyur bas/ /gtan tshigs thams cad gcig nyid kyis/ /mi dmigs pa las gzhan med 'gyur/ /des na gtan tshigs rnam gsum yang/ /de nyid kyis ni rab dbyer 'gyur/ /mi dmigs gcig pu zhig gtan tshigs yin/ 'bras bu dang rang bzhin gnyis ni de'i dbye ba'i phyir ro/ /de'i dbye ba ni de las tha dad par 'gyur ba ma yin no/ /khra bo nyid la sogs pa la ba lang nyid las tha dad par ma yin bzhin no/ /de las 'bras bu'i gtan tshigs ni 'gal ba'i 'bras bur dmigs pa min la rang bzhin gyi gtan tshigs kyang 'gal bas khyab par dmigs pa yin te/ me ma yin pa dang rtags dag med par bsgrub pa'i phyir ro zhe na/ de ni 'di ltar mi rung ste/ /de dag de las byung ba yi/ /gal te gtan tshigs 'brel pa dang/ /rjes su mthun par rtogs na ni/ /rang bzhin dang ni 'bras bu nyid/ /mi rtag pa yin nam me dang lhan cig 'brel na gtan tshigs khyab par byed pa dang 'gal ba dang 'gal bar 'gyur ba yin pas de mi dmigs pa'i ngo bor rtogs pa yin no/ /de la dngos su gtan tshigs su rtogs pa bor nas brgyud pa la brten pa ni srid pa ma yin no/ /'bras bus ni me rtogs pas de dang 'gal ba'i grang ba bzlog pa yin gyi/ dngos po med du ba grad ba sel ba la byed pa yod pa ma yin no/ /des na brgyud nas rjes su dpag pa'i rjes su dpag pa'i gtan tshigs su rtogs pa yin no/ /de la gnyis sam gsum sgra gcig gis bstan pa ni gtan tshigs gzhan nyid du 'gyur ba ma yin no/ /gang du yang sgra'i dbang gis don gzhan du 'gyur ba med do//

  637. 319a

    sbyor ba tsam zhig tha dad par byas pa yin no/ /de lta yin dang/ 'di na grang ba'i reg pa med de du ba yod pa'i phyir zhes bya ba la du ba las me rjes su dpog pa ni 'bras bu'i gtan tshigs so/ /mes grang ba'i reg pa med par bsgrubs pa ni 'gal ba dmigs pa yin la/ grang ba ma dmigs pas grang ba med pa'i tha snyad bsgrub pa ni rang bzhin mi dmigs pa'i gtan tshigs rnams brgyud ba yin no/ /des na rjes su dpag pa'i rjes su dpag pa ni rjes su dpag pa gzhan kho na'o/ /gsum po rnams sgra gcig gis bstan pas gcig nyid dam/ gtan tshigs gzhan nyid du 'gyur ba ni ma yin te de ltar na yang/ 'dis ni dngos po la dngos po'i cha zhes bya ba la sogs pa bshad zin to/ /'on te don dam par rnam par gcod pa tsam sgrub pa'i phyir mi dmigs pa nyid do/ /zhes 'dod na/ de lta yin na rang rig pa'i mngon sum nyid do/ /zhes ci ste brjod de'i phyir 'di ni mi bzad do/ /de'i phyir sbyor ba tha dad pa nyid las 'gal bas khyab pa mi dmigs pa tha dad pa yin no/ /bltos pa dang bcas pa'i phyir ni 'jig pa nges par mi 'gyur te/ 'di ltar/ rgyu gzhan las skye nye bar ni// gdon mi za ba ga la yod/ /rgyu gzhan de yang rang gi rgyu la bltos pa'i phyir nges pa ma yin la/ gzhan yang de bzhin yin pas 'bras bu yod par mi nges so/ /'on te rdza mkhan la sogs pa dang

  638. 319b

    po'i rgyu gang yin pa de nyid de'i 'jig pa'i yang yin pas nges so zhe na 'dir bshad pa/ dngos po'i rgyu las 'byung yin na/ /brgyus pa'i dub pas ci zhig bya/ /'di ltar/ gal te rgyu des 'jig pa bzhin/ / bskyed pas de yin 'jig 'gyur na/ /dngos po de nyid 'jig pa yi/ /ngang du bskyed pa ci zhig 'gyur/ gal te rang gi rang gi rgyu de nyid kyis 'jig pa bskyed nas/ de 'jig pa yin na 'jig pa'i dang can nyid du bskyed do/ /chog nyid brgyud pa 'dis ci bya/ 'dir dngos po'i rang bzhin nyid la gang 'debs so zhe na/ de ni ma yin te/ dngos po'i rang bzhin de lta ma yin pa'i phyir ro/ /'di ltar/ de ni bdag nyid grub gyur na/ /bdag la phan 'dogs byed pa gang/ /bdag la phan 'dogs byed min na/ /de yi bltos bya gang ci zhig /gal te rang gi ngo bos grub pa yin phyir 'jig pa'i rgyus bdag la phan 'dogs par byed pa ni mi srid na/ de grub pa'i rang bzhin las gzhan du 'gyur dgos so/ /de la yang med pa la 'jig pa'i rgyu med do/ /'on te grub pa la yang khyad par byed pa yin no/ /zhe na/ de lta yin na khyad par grub pa nyid dam/ 'on te de las gzhan yin la/ gal te grub pa nyid yin na snga ma bzhin du thal lo/ /gal te de ma grub na de'i bdag nyid bya ba mi nus pa'i phyir de'i bdag nyid tha dad par bya ba yin na/ de lta yin na 'di de'i phan 'dogs par byed pa ma yin pa nyid pas 'di de'i ci zhig yin te/ ci yang ma yin no zhes bya ba'i don to/ /gnyi gar snang ba ni bshig zin pas yang mi bya'o/ /gzhan yang dngos po rang gi rgyu las dus gzhan

  639. 320a

    khyab pa 'am/ de las gzhan du gyur pa grub/ /gal te phyogs dang po ltar yin na de'i tshe dus kyi cha kun khyab pa dang/ 'bras bu thams cad grub phyin par/ /gal te de tshe rtogs na ni/ /'jig par byed pas ci zhig yod/ / chus gyed? pa la rags 'dzugs pas su/ /rags 'dzugs pa ni chu bzlog don du yin/ /chu mi 'gog par rags 'dzugs pa ma yin te/ /rags 'dzugs de ni dal ba tsam du bas/ /'on te 'di ni de bzhin du rtogs pa ma yin na/ de lta yin na rang gi yul nges pas ma rtogs par ci ltar 'jig pa'i rgyu 'jug par 'gyur/ 'byung bar 'gyur ba'i dngos po rtags nas 'jug go zhe na/ ma yin te/ nges par rtags na rang gi ngo bor grub pa la/ 'jig pa'i rgyu nye bar sbyor ba ci yod/ 'gal ba'i rang bzhin gyo mo la nye bar sbyor ro zhe na/ 'gal ba 'di yang bzlog par byed pa nyid ma yin nam/ de la yang thal ba snga ma nyid so na 'dug go/ phan tshun spangs pa tsam gyis ni zlog par byed pa nyid du mi 'gyur ro/ /'on te dus gzhan gnas par grub pa 'jig pa'i rgyu stong pa'i mtshan nyid can gyi dngos po med par byed do zhes na dus gzhan du gnas pa la de dang mi 'gal ba'i bltos pa nyid byas pa ni/ de zlog par byed pa ma yin te/ gzhi po la chu bzhin no/ /chu yang bum pa so ma btang ba'i zlog bar byed pa nyid do zhe na/ de la dus gzhan du gnas pa nyid ma grub pa'i phyir ro/ /gal te rjes su dpag pas dus gzhan du gnas par grub pa nyid log par byed do zhe na/ de yang mi rung ste/ rjes su dpag pas rab grub pa/ / de nyid rtog par byed pa ma yin/ /gzhan ni med pa nyid yin pas/ /de yang ldog par byed pa min/ /gzhan ni byed pa nyid yin pas/ /de yang ldog par byed pa min/ /mngon sum dang 'dra bar rjes su dpag pa

  640. 320b

    yang tshad ma kho na'o/ /des na de grub pa yang bden pa nyid pas ci ltar de med par 'gyur/ /de med na de rtogs pa mi bden pa nyid pas na/ mngon sum dang rjes su dpag pa med par 'gyur ro/ /de med pa'i dngos po mi 'grub pa'i sa na gang zhig 'jig/ 'gyur ba srid pa 'jog pa zhe na/ de ni 'di long gom thabs dang 'dra bas dngos po gtan la mi 'bebs phyir na 'di ni gyi na'o/ /'on te de nyid 'jig pa'i rgyus gyo mo la sogs pa gzhan nyid du byed do zhe na/ 'di la yang brjod pa/ gzhan nyid bum pa la 'am ci/ /'on te 'jig pa'i rdzas la 'dod/ /bum sogs la ni gzhan nyid kyis/ /dngos po ci ltar 'grub par 'gyur/ /gal te gzhan du gyur pa nyid kyi dngos po de bum pa'i rang bzhin la yin na/ gzhan du gyur pa nyid kyi gzhi de nyid yin na/ des na bum pa rang gi ngo bor mthong bar 'gyur bas na ci ltar gzhan du 'gyur /'on te bum pa ma mthong na 'di gang gi gzhan du gyur pa yin/ bum pa la sngon du 'gro ba can gyis gzhan du gyur pa ni de'i zhes bstan par 'gyur ba yin na/ 'jig pa yod na ni/ de sngon du 'gro can ma yin no/ /'jig pa de yang gzhan du gyur na ni thug pa med do/ /'on te 'jig pa'i rdzas gzhan du 'gyur ro zhe na de yang ma zhig pa nyid ma yin nam/ ci ltar gzhan du gyur pa'i mtshan nyid 'jig par yin/ de yang sngar gyi 'jig pa'i rdzas ni mi 'jig ste/ de'i tshe med pa'i phyir ro/ /phyi ma yang ma yin te/ yod pa'i phyir ro/ /gal te khyed kyi phyogs la yang nyes pa 'di nyid de/ /'bras bu dus na rgyu med pas/ /ci ltar de de'i 'bras bu yin par 'gyur zhe na/ de ni ma yin te de ltar/ rgyu ni sngon du 'byung nyid de/ /dus mtshungs pa ni rgyu ma yin/ /'jig pa dngos dbungs?

  641. 321a

    mtshungs pa/ /yin phyir lam de rung ma yin/ /dngos po ni gzhan gyi tshe yin la/ /'jig pa yang gzhan gyi tshe yin no zhes bya ba 'di ni 'jig pa yin par mi 'thad do/ /gang gi tshe dngos po yod pa de nyid kyi tshe 'jig pa yod pa de na 'jig pa dang ldan pa zhes bya bar 'thad do/ /med pa la ni med pa tha mi dad de/ shi ba la ni shi ba med pa'i phyir ro/ /'bras bu'i ni shi pa la yang 'thad pa kho na ste de ni dngos po gzhan yin pa'i phyir ro/ /dngos po med pa ni de nyid kyi stong pa yin te/ de med do zhes gzhi mthun par rtogs pa'i phyir ro/ /dngos po'i 'jigs la zhes gzhi mthun pa ma yin pa ni bstan pa can gzhan yin pa'i phyir te/ ji ltar mchi gu'i lus zhes bya ba bzhin no/ /de bzhin me du ba zhes bya ba bzhin no mthun pa ma yin no/ /gal te 'dir yang gzhi mthun pa don dam par yod pa ma yin te/ sngon gyi rang bzhin dran pa la zhig go zhes rtogs pa ma yin la de yang phyis byung ba'i 'jigs pas yin no/ /gzhi mthun pa de ni de lta ma yin no zhe na/ de yang mi rung ste/ de lta yin na 'gal ba chen por 'gyur ro/ /'di ltar dran pa yi ni rang bzhin yin la/ de nyid du na zhig med pa/ /de tshe mthong ba'i rang bzhin ni/ /zhig go zhes bya bab chol yin/ /zhig pa zhes bya ba ni med pa nyid la brjod do/ /yod pa'i gnas skabs ni med pa ma yin no/ /med pa'i gnas skabs na yang de nyid med pa'i phyir ci ltar de'i med pa yin/ de'i phyir dngos po med par tha dad par smra ba la med do/ /zhes gzhi mthun pa med par 'gyur ro/ /des na dngos po med pa ni dngos po la gzhan ma yin pa de'i phyir gzhi mthun par 'gyur ro/ phyis 'byung ba'i dngos po med pa ni 'di nyid yin te/ de las ldog pa dang ldan pa'i snga ma gang yin pa'o/ /phyi ma mi dmigs pa yang de dmigs pa yin no/ /de yang da ltar ba'i rang bzhin gyi gzung ba 'dzin pa'i mngon sum gyi rang bzhin

  642. 321b

    yin no/ /phyi ma dang lhan cig 'byor bar 'dzin na ni 'chi ba'i mthar thug pa gzung bar thal lo zhes bstan zin to/ /des na gzhan ma 'byor par rtogs pa skyes pa tsam las grub pa gzhan la mi ltos so/ /gang gis bltos ras 'jig pa de lta bu de ni de'i rang bzhin gyi ngo bo yin no zhe na/ 'dir bshad pa/ gal te dngos po khyab min na/ /ci yi don du gzhan la ltos/ /'on te dngos rang khyab nyid na/ /de la bltos pa don med nyid/ /ces 'di ni bshad zin to/ /de nyid kyi bshad pa/ bltos med dngos po nam yang ni// da lta min par ci ltar 'gyur/ /dper na de nyid 'jig ka mar/ /'dod la brten par mi 'dod bzhin/ /dang po kho nar mngon sum gyis chad pa nyid du mthong ba na 'ga' zhig gi tshe yang de lta ma yin na ci ltar 'gyur te dper na rtag par smra ba'i de nyid 'jig pa'i gnas skabs su gyur pa bzhin no/ /bltos pa med pa skad cig kyang/ /dngos po yod mi 'gyur zhe na/ gal te dngos po 'jig pa la bltos pa med pa nyid yin na skad cig tsam yang bltos pa yod pa ma yin pas na/ skad cig kyang dngos po yod pa'i skabs med par 'gyur ro/ /de ltar yang/ rgyu med gzhan la mi ltos phyir/ /rtag tu yod pa 'am med par 'gyur zhes bshad pa yin no/ /des na dngos po mtshan nyid de ma thag tu 'jig par 'gyur ba ci ltar de'i bdag nyid du 'gyur/ / de'i bdag nyid ma yin na yang gzhi mthun pa med do zhe na/ de yang rtswa ka sha ka ku sha la 'jug pa yin te// //de ltar gyur na de dngos yin/ /dngos med de ltar ci ltar 'gyur/ /'jig pa ni dngos po phyi ma dang/ ma byon pa'i dngos po nyid yin pas/ dngos po nyid yod pa ma yin na de ci ltar 'gyur/ de'i bdag nyid du gyur pa yin la de med par yang 'gyur ro zhes bya bar mi 'thad do/ /de lta na/ 'o na 'jig pa med pas na/ 'jig pa dang mi ldan par 'jig pa can du ci ltar 'gyur zhe na/ 'jig pa

  643. 322a

    tha dad pa yod kyang rang gi ngo bo las 'phos pa med pas ji ltar 'jig pa yin/ 'jig pa'i bdag nyid kyi tha dad de nyid 'pho ba yin no zhe na/ yin la rag mod de lta na yang/ tha dad pa nyid du rtogs pa'i yul du 'gyur ba'i phyir / dngos po snga ma kho na bzhin du dmigs par 'gyur ro/ /tha dad pa'i tha dad pa ni 'di nyid yin te/ gzhan gyi rang bzhin 'phrog par byed pa'i ma yin pa zhes bya ba gang yin pa'o/ /'gal bas 'jig pa zin pa nyid do/ /'jig pa med na 'gal ba mi 'grub pa'i phyir ro/ /de'i phyir/ gang dag de yod gzhan ltos med/ /de dag de yod la des yin/ /'bras bu yi la gegs byed pa/ /med pa can gyi tshogs pa bzhin/ /dper na gang gi tshe byed pa srid pa dang bral ba'i rgyu tshogs pa tha ma rang gi 'bras bu skyed pa la 'gal ba yang bltos pa med pas de la nges pa de bzhin du dngos po yang 'jig pa bltos pa med de/ dngos po 'jig pa bltos pa med pa'i phyir skad cig ma yin no/ /bltos pa dang bcas pa yin na/ gdon mi za bar 'jig par 'gyur ba ma yin no/ /skyes pa'i phyir 'jig pa nyid do zhe na ma yin te/ 'brel pa med pa'i phyir ro/ /'brel pa med par ni gtan tshigs bsgrub bya sgrub par byed pa ma yin no/ /'jig pa rgyu med nyid yin na/ /de dag bsgrub bya sgrub byed nyid/ /phyis 'byung phyir na bsgrub bya ni/ /rgyu nyid du ni rigs ma yin/ /phyis 'byung ba'i 'jig pa ni/ /sngar byung ba'i skye ba dang ldan pa'i rgyu nyid du 'gyur bar tha dad pa ma yin to/ /'bras bu ni rgyu las gdon mi za bar 'gyur ba ma yin pa'i phyir ro/ /des na de rgyu nyid kyis ni/ /gtan tshigs ma yin no/ /gal te rgyu med pa yin na ni de'i bdag nyid du 'gyur ro zhes bya ba 'di ga las 'jig pa rgyu med pa nyid kyang ji ltar yin te/ thob pa la sogs pa'i rjes su 'gro ldog gi rjes su byed pa'i phyir dang 'bras bu'i

  644. 322b

    chos kyang de tsam pa zad pa'i phyir ro zhe na 'di la brjod pa/ dngos po phyis 'brel med pa yi/ /bdag can dngos po med 'jig na/ /der ni sngar yang mthong pa'i phyir/ /ji ltar 'jig byed rgyu can yin/ /gang zhig gang med par yang mthong ba de ci ltar de'i rgyu can yin/ rjes su 'gror tsam gyi rgyu ma yin no/ /zhes bya ba 'di ni lan cig ma yin par bstan zin to/ /ci ltar 'jig par byed pa nye bas gyo mo la sogs par gyur pa na bum pa phyi ma dang 'brel pa med par rtogs pa de bzhin du skyes ma thag par yang yin no// sngar yang phyi ma'i rang bzhin dang 'byor pa ni rtogs pa ma yin te/ 'chi ba'i mthar thug par rtogs par thal lo zhes bstan zin pa'i phyir ro/ /phyis kyang phyi ma dang 'brel pa tsam nyid 'jig pa yin no/ /'jig pa nyid kyis ma 'byor par byed pa yin no// zhe na/ de ni mi rung ste/ 'di ltar/ mi nus pa dang mi dgos phyir/ /'jig pa nyid kyis de phyas min/ /'byor ni ma 'byor pa la yang/ /'jig pa'i nus pa srid ma yin/ /gal te 'di rgyu las 'byor pa nyid du skyes so zhes na/ de ltar mngon sum gyis bzung bas na/ der 'jig pa nye bar sbyor ba ci zhig yod de/ de'i tshe ni de'i don med pa nyid du 'gyur ro/ /'on te 'di rang gi rgyu la ma 'byor ba nyid du skyes na/ de lta yin na 'jig pa don med de/ byas pa la rgyu med pa'i phyir ro/ /de'i phyir rang gi ngo bos skad cig mar gyur pa nyid mngon sum gyis rtogs pa yin te/ de lta ma yin rtogs pa mi srid pa'i phyir ro/ /gang zhig gzhan du rtogs par nus pa de ni gzhan du gyur pa nyid ma yin te/ gzhan du gyur pa nyid mngon sum gyis gnod pa'i phyir ro/ /de'i phyir nges pa ni bltos pa med pa nyid yin gyi/ gzhan ni ma yin te/ rgyu tshogs pa tha ma bzhin no/ /gal te nyi ma nub pa dang/ 'char pa bltos pa dang bcas pa yin yang gdon mi za bar 'gyur ba ma yin nam/ bltos

  645. 323a

    pa med pa nyid na ni 'char ba dang nub pa'i de ma thag pa de kho nar nub pa dang shar bar 'gyur ro/ /tshogs pa yang dngos po med pa la nges pa ni ma yin gyi/ myu gu la sogs pa don gzhan la yin no/ /des na dper? der des bzlog pa nyid du 'gyur pa skabs kyi sgrub bya sgrub pa ni ma yin no/ /zhe na/ 'dir brjod pa/ nyi ma nub dang shar pa ni/ /shar dang nub pas khyab ma yin/ /res dga' gzhan du yang 'gyur srid do/ /mi 'gyur ba la tshad ma med/ /gal te phal cher mthong ba de lta na yang tshad med pa'i phyir 'char ba dang nub pa dag gis nub pa dang 'char ba'i dngos po dag la ma khyab po/ /'di ltar bdag po la gus pa la sogs pa'i lo rgyus thos pa yin no/ /dgun ka phyi mor 'char ba dang/ /gyur par nub par 'gyur ba'i phyir/ /srid pa 'ang yod yin de bzhin du/ /gzhan pa nyid kyang srid pa nyid/ /nub pa ni nyi ma'i ma yin gyi/ 'on kyang ri la sogs pas bcad pa yin no/ /rab tu dpyad pa nyid de yang bdag la bltos pa yin gyi/ rnal 'byor pas ni gzhan du yang mthong ba yin no/ /gzhan yang bltos pa dang bcas pa rnams ni gdon mi za bar 'gyur ba ma yin no/ /zhes bya bar gal te 'ga' zhig gdon mi za bar 'gyur ba yin yang gzhan dag ni de lta ma yin pas the tshom za'o/ /tshogs pa tha ma ni dngos po tha dad pa la nges pa yin la/ 'jig par tha dad par gyur pa la ma yin no zhes gang brjod pa de yang mi rung ste/ 'di ltar ngo bo gzhan la rang rgyu las/ /nges pa gang des gsal bar ni/ /rang gi rang bzhin bdag nyid can/ /'jig pa de ltar cis ma rtogs/ /'jig pa zhes bya ba dngos po med pa'i rang bzhin gzhan nyid ni ma yin gyi/ 'on kyang phyi ma dang 'brel par rtogs pa'i ngo bo nyid yin te/ mchi gu'i lus zhes bya bar tshul gyis dngos po'i 'jig pa zhes de ltar rtogs pa'i yul du gyur pa yin no//

  646. 323b

    ci ltar tshogs pa tha ma de myur ba skyes pa'i rang bzhin du nges par dngos po yang de'i phyis kyi dngos po dang 'brel pa med pa'i tha snyad can du nges pa yin no/ /zhes ci ste mi 'dod/ gzhan yang bltos pa med pa nyid kyis phyir nges pa nyid sgrub par bya ba yin no// dngos po dang dngos po med pa'i dbye ba rtogs pa ni ltag chod nyid de/ sgra dang bum pa 'am lus can dag lus can ma yin pa rtogs pa bzhin no/ /de'i phyir 'gal bas khyab pa dmigs pa ni mi dmigs pa'i dbye ba nyid la de yang rang bzhin gyi khengs su 'du bar 'gyur ro/ /des na gtan tshigs gnyis nyid dang/ zlog pa gnyis nyid do/ /des na rigs mthun pa la yod pa dang/ rnam pa gnyis su gyur pa de ni gtan tshigs yin la/ bzlog pa'i 'gal ba yin zhing de las gzhan dag ni ma nges pa rnam pa lnga yin no/ /de la khyad par dang spyi dag go bar byed pa nyid du rtsod pa spang ba yin no/ /lhag ma rnam pa gsum ni ldog pa'i sgo nas go bar byed pa nyid du bstan pa'i phyir ro/ /'di ltar/ gtan tshigs rjes 'gro'i sgo nas ni// go byed nyid du gnas min te/ /yod tsam mnyam lhag rnam pa ni/ /gsum ga'ang go byed nyid min phyir/ /gal te rjes su 'gro bar byed pa nyid la sbyor ba yin na/ mi rtag pa'i phyir rtsol ba las byung ba ma yin no zhes bya bar yang go bar 'gyur te/ 'di la rjes su 'gro ba ni yod pa nyid do/ /'on te yod pa tsam gyis go bar byed pa ma yin te/ ldog pa dang ldan pa gcig pa la bltos pa'i rjes su 'gro ba go byed yin pa'i phyir ro zhe na/ 'o na reg par bya ba yin pa'i phyir rjes su bya ba ni go byed yin par 'gyur ro/ /'di yang go bar byed pa ma yin te/ rjes su 'gro ba ma nyam pa'i phyir ro/ /zhe na 'o na mi rtag pa'i phyir rtsol ba las byung ba yin no/ /zhes bya ba 'di go byed du 'gyur te/ 'di la rjes su 'gro ba ni stobs dang ldan pa

  647. 324a

    la ldog pa ni stobs chung ba yin no/ /'di ltar/ gtso bo de las gzhan pa ni/ /khyad par la ni bltos ma yin/ /zas sogs la ni sbyor byed pa/ /gzhan la bltos par ma mthong ngo/ /gal te rjes su 'gro bas go bar byed pa nyid du rab tu sbyor ba yin na/ ldog pa yongs su rdzogs pa yod pa la bar mi 'gyur te/ de la gus pa med pa kho nar go bar byed pa nyid sbyor bar 'gyur te/ zas la sbyor bar byed pa bzhin no/ /ldog pa'i sbyor bar byed pa yin na ni/ rjes su 'gro ba yod pa tsam bltos par 'gyur gyi/ mnyam pa'am lhag pa la ni ma yin te/ dper na rtsol ba las byung ba'i phyir mi rtag go zhes bya ba bzhin no/ /gang zhig rtsol ba las byung ba'i de ni mi rtag pa nyid yin no/ /rtag pa nyid rnam par dpyod pas go bar byed pa yin no/ /de bzhin du gtan tshigs gzhan dag kyang ngo/ /'di ltar/ gang gi de med sgrub byed pa/ /rtag pa las ni ldog pa nyid/ /mi rtag pa la yod pas de yod pas sgrub byed min/ /gal te mi rtag pa la mthong ba de ltar na yang rtag pa med par sgrub pa byed pa ma yin no/ /rtag pa la med par mthong bas ni de med par sgrub pa ni/ nges par phung po bzhin 'jug par 'gyur ro/ /mthong ba ni de las gzhan dag tu gdon mi za bar mi 'gyur ba ma yin no/ /gal te mthong ba'i sgo nas go bar byed pa yin na/ de'i tshe mthong ba'i me nyid thams cad go bar byed par 'gyur gyi/ de las gzhan pa'i gsal ba ni rtogs pa ma yin des na de las gzhan pa'i gsal ba thob pa na tshad ma ma yin par 'gyur ro/ /'on te de yang nang du bsdus pa nyid do zhe na ma yin te/ mthong ba'i rjes su 'breng bas nang du sdud par mi srid pa'i phyir ro/ /gal te ldog pa yang de'i rjes su 'gro ba nyid kyi sgo nas nges pa ma yin nam/ de ci ltar rjes su 'gro ba

  648. 324b

    gcod pa gyur pa ma yin zhe na ma yin te/ mthong ba ni ldog pa des pa la dbang du gyur pa ma yin pa'i phyir ro/ /mthong bas ni snang ba nyid nges par byed kyi de las gzhan ni ma yin no/ /gzhan mthong ba ni gzhan des pa'i rgyu ma yin no/ /'du byed pa las gzhan du yang nges so zhe na de ni mi rung ste/ dngos po gang gi rang bzhin ni/ /snang ba las 'byung 'du byed pa/ /de nges pa yi rgyu yin te/ /de las gzhan du nges pa min/ /gang gi tshe 'brel pa de nyid ldog pa gtsor gyur pa de'i tshe de'i sgo nas gtan tshigs gzhan sel ba'i go bar byed pa yin no/ /gal te mthong ba'i sgo nas 'brel pa rtog pa na ci ltar ldog pas 'brel pa rtogs par 'gyur ro/ /zhe na 'di yang 'tsham par brjod pa ma yin te/ rjes 'gros 'brel pa yin na yang/ /ldog pa gtso bor gyur nyid las/ /'da' bar 'gyur ba ma yin te/ /sngar nyid du ni brjod zin to/ /rjes su 'gro bas 'brel pa 'dzin na ni gsal ba de nyid la 'gyur gyi/ gsal ba gzhan gyis ni ma yin te/ 'di ltar de'i tshe gsal ba gzhan gyis rjes su 'gro ba rtog pa ni ma yin no/ /'on te de dang yang phyis 'gyur zhe na/ de lta yin na 'khrul par 'gyur la/ 'khrul pa'i phyir na snga ma 'brel nyid yin par mi 'gyur ro/ /gsal ba'i phyir zhes bya ba 'di ci yin/ mi snang ba'i rang bzhin ni 'brel pa 'am/ gzhan du rtog par nus pa ma yin no/ /gsal ba rnams la mtshungs par rtogs pa'i rgyu mtshan no zhe na/ mtshungs so mnyam pa'i rtogs pa ni yod mod kyi de'i rgyu mtshan 'di lta bu zhig yin no zhes ni bstan par mi nus so/ /gal te mngon sum gyis ma rtogs su chug kyang 'bras bu mthong ba las rjes su dpag pas rtogs so zhe na/ rgyu'i phyi rtogs so 'gyur gyi de spyi ni ma yin te/ 'di lta bu zhes bya ba

  649. 325a

    rtogs pa med pa'i phyir ro/ /rgyu mtshan yang 'bras bu gcig byed pa nyid yin pas gzhan ci dgos/ 'di ltar/ dbye ba 'di la bdag cag rnams dbye ba yang med do zhes/ 'di la 'jig rten mdza' dag na/ /bdag gcig tu na gnas ma yin/ /de'i phyir du ba 'di ni sgrub par byed pa'i khyad par rnams gcig 'ga' zhig med na mi 'gyur pa'i phyir 'di med pa las du ba ldog pa yin no zhes gzhan sel ba'i nyid kyi sgo nas 'brel bzung ba'i phyir sgra dang rtags kyis ni ldog pa nyid bsgrub pa yin no/ /des na ldog pa nyid gtsor rtogs pa yin la med na mi 'gyur ba nyid kyis na gsal ba'i yod pa ni shugs kyi rtogs pa yin no/ /me med pa yin na gdon mi za bar me'i gsal ba 'ga' zhig 'phen pa yin te/ de lta ma yin na/ me ma yin la ldog pa nyid du mi 'gyur ro/ /gal te gzhan pa dag ni ma nges pa zhes nges par rnam par sngar bshad pa ma yin te 'di ni rigs pa ma yin te/ lhag ma dang ldan pa dang / 'gal ba mi 'khrul pa yang ma nges pa gzhan yin pa'i phyir ro zhe na ma yin te/ bsam pa ma shes pa'i phyir ro/ /gzhan rnam pa lnga pa nges pa yin no zhes bya ba'i don 'di ni ma yin gyi 'on kyang/ de la rigs mthun la yod dang/ /rnam gnyis de med la med par nges pa gang yin pa de ni gtan tshigs yin zhing zlog par nges pa ni de ni 'gal ba yin no/ /de yang thabs de'i bdag nyid dang de las byung ba 'brel par sha stag go /gzhan dag ni ma nges pa yin te/ de ltar 'brel pa ma yin pa ni ma nges pa yin no zhes bya ba dag gi don to/ /lhag ma dang ldan pa dang 'gal ba mi 'khrul pa can yang mtshan nyid 'di nyid yin pa'i phyir de gnyis kyang ma nges pa ma zlog go /des na thams cad kha na ma tho ba med do/ /'di ltar 'gal

  650. 325b

    ba mi 'khrul pa can gzhan gyi yul phrogs pa ni bsgrub par bya ba la 'brel pa ma yin pa nyid do/ /'o na ji ltar mi 'khrul pa yin te/ 'brel pa yang ma yin la mi 'khrul pa yin no zhes bya ba 'di ni 'gal lo zhe na/ de lta na yang 'o na mi 'khrul pa yang yin la the tshom gyi rgyu yang yin no zhes bya ba 'di yang 'gal ba nyid do/ /nged kyi phyogs ltar na ni ma 'brel ba nyid kyi the tshom gyi rgyu yin no/ /mi 'khrul pa nyid ci ltar zhe na/ khas blangs pa'i sgo nas yin pas skyon med do/ /de skad du yang/ 'o na gang gi tshe sgra nyid rtag par khas blangs pa de'i tshe 'di gtan tshigs nyid du 'gyur ro zhes smras pa yin te/ 'di ltar/ gang yang mnyan par bya ba nyid/ /'jig pa nyid du mthong ba med/ rtag pa nyid la mthong ba'i phyir/ /go bar byed pa nyid du 'gyur/ go bar byed pa'i mtshan nyid du khas blangs pa'i phyir go bar byed pa yin no/ /mthong ba dang ma mthong ba tsam gyis kyang bye brag pa'i go bar byed pa'i gtan tshigs yin la/ de ni 'di la yang yod pas go bar byed pa nyid du 'gyur ro zhe na/ slob dpon gyis gsungs pa/ gal te/ 'dir 'ga' zhig byas pa nyid kyang mi rtag pa'i gtan tshigs su mi brjod na go bar byed par 'gyur ro/ /gnyi ga yang go bar byed pa nyid du brten na ni rang gis khas blangs pa nyid las the tshom du 'gyur ro/ /de'i phyir khas len pa'i bye brag nyid shin tu dogs par chud pa yin no/ /'di ltar/ gal te sgra mi rtag par ni/ /'dod na sgra nyid rtag par der/ /de yi sgo nas gtan tshigs nyid/ /yin na gzhan yang ka? byed gyur/ /rigs pa mtshungs pa can de ltar mi 'gyur ba yin te/ de lta na ni/ 'di rigs pa nyid du mi 'gyur ro/ /de lta yin dang tha snyad mdza' dag chad par 'gyur ro/ /mnyan bya nyid kyang byas pa dang gtan tshigs kyi

  651. 326a

    rigs mtshungs pa yin te des na byas pa nyid 'di yang bsgrub par bya ba las bzlog pa ma 'khrul pa med pa can yin pas/ ci ltar go ba byed pa nyid ma yin pa de'i phyir gzhan gyis khas blangs pas 'gal ba mi 'khrul pa yin gyi gzhan du ni ma yin no zhes na slob dpon gyi dgongs pa rtogs par bya ste/ 'o na gang gi tshe sgra nyid rtag par khas len pa zhes gsungs pa'i phyir ro/ /de'i phyir ma 'brel pa nyid the tshom gyi rgyu yin pas gtan tshigs la sogs pa'i mtshan nyid khyab pa yin no/ /de la phyogs kyi chos gtan tshigs yin no zhes bya bas shugs phyogs kyi chos ma yin pa ni gtan tshigs ma yin no/ /phyogs kyi chos phyin ci log 'gal ba yin pa'i phyir/ phyogs kyi chos ma yin pa'i phyir/ phyogs kyi chos ma yin pa'i ni 'gal ba ma yin no/ phyogs kyi chos gzhan ni ma nges pa yin no/ /zhes bya bas phyogs kyi chos ma yin pa ni ma nges pa ma yin no/ /des na ma 'grub pa zhes rang gi ming gi bstan bya ba yin no/ /chos can grub pa yang ma grub pa nyid la gang la yang rung ba 'am grub pa yang ngo/ /de skad du yang slob dpon gyis/ gnyis ka la ni grub chos kyis/ /tha snyad byed phyir bzlog pa 'am/ /gnyis las gcig la ma grub dang/ /chos can ma grub na mi 'dod ce'o/ /gal te phyogs kyi chos gtan tshigs yin na/ 'o na/ ci ltar sgra ni mi rtag pa ste/ byas pa mi rtag pa yin pa'i phyir dang/ rtag pa ma byas pa'i phyir ro zhe na bya ba dang/ de bzhin du ni 'bras bu ni snga ma yod pa ma yin te med pa mi byed phyir dang/ nye bar len pa len pa'i phyir dang/ thams

  652. 326b

    cad las 'byung ba ma yin pa'i phyir dang/ nus byed par nus pa'i phyir dang/ rgyu'i dngos po yin pa'i phyir ro/ /zhes bya bar 'gyur zhe na 'dir bshad pa/ gang du gtan tshigs sgrub bya yi/ /rjes 'gro 'am med na med pa dag /lnga pas brjod der dpe yin te/ /gtan tshigs nyer stong bdag nyid las/ /dper na sgra ni rtag ste byas pa mi rtag pa'i phyir ro/ /de bzhin du sgra yang byas pa yin no// sgra ni mi rtag ste rtag pa ma byas pa'i phyir ro/ /sgra ni ma byas pa yin no/ /zhes 'dir lnga pas ni chos 'thun pa dang mi mthun pa dag gis dpe bstan pa yin no zhes bya ba'i don ni de kho na dang bcas pa yin no/ / de bzhin du med pa ni/ byed pa la sogs pa la yang lta par bya'o/ /ji ltar 'di dag gtan tshigs ma yin pa de ltar ni bstan zin to/ /gzhan yang 'brel pa ma grub gtan tshigs ni/ sgrub bya sgrub par byed pa la/ /nus med 'di la de med pa/ /des na 'di dag gtan tshigs min/ /med pa mi byed pa'i phyir ro/ /zhes bya ba 'di ji ltar gtan tshigs ma yin zhe na/ med pa ri bong gi rwa la sogs pa byed pa mtho 'ong ba'i phyir ro zhes bya ba yin na 'di tsam ldog pas ni bzlog pa grub pa ma yin no/ /gal te med pa 'ga' zhig la byed pa mi dmigs pa de ltar na yang thams cad de ltar yin no/ /zhes bya ba'i khyab pa ni ga las yin bzlog pa'i 'brel pa med par ni ldog pa'i khyab pa 'grub pa ma yin no/ /du ba med pas me med la/ /khyab pa ci ltar 'grub

  653. 327a

    ce na/ /me yi dul khyab par ni/ /gal te tshad mas grub gyur na'o/ /'gro ba mdza' dag tu skor kyang de dang gzhan na yang med do zhes ldog pa'i khyab pa rtogs par nus pa ni ma yin te/ yul dus khyab par mdza' dag bskor ba nyid mi srid pa'i phyir ro/ /rjes su 'gro ba 'brel pa 'dzin na ni/ de'i shugs nyid kyi ldor pa'i khang pa rab tu 'grub bo/ /'di yang sngar bstan zin pa nyid do/ /de'i phyir 'di dag ni gtan tshigs ma yin no/ /de'i phyir phyogs kyi chos nyid gtan tshigs dang 'gal ba dang ma nges par 'gyur ba yin no/ /des ni yod pa dang med pa rab tu bstan pa'i tshul gyis gzhan gyi don gyi rjes su dpag pa nyid gsal bar byas pa yin no/ /tshul gsum la lhag ma lus par rtogs par bya ba'i phyir spros la/ lhag ma dag ni tshad ma kun las btus pa nyid las phyogs par bya ba yin te/ des na rnam 'grel mdzad pas thugs btang snyoms su mdzad// kyi'i? rtsod rnams rtag tu phyogs lhung bas/ /sdang yid rang bzhin phyogs byas nus pa ni/ /de nyid rtogs pa sgrub min yid kyi tshul/ /dbu mar gnas pas yid phyir de blo sgrubs/ /gzhung lugs pa rnams chos kyi grags dpal bzhed pa dri med de 'dra nyid kyi rtogs bya 'di/ /bdag 'dras bshad la ji ltar dbang zhes 'di la yun rings rgyu bsam na/ /'dir goms tsam gyi gal te gzhan de nyid don grub bya ba'i phyir/ /bdag dang gzhan lugs rigs dang rigs min don 'dir byas 'gyur 'dir che rigs/ /'dir legs rab mang brjod par nus mod kyi/ /gzhan rtog grub phyir mdor bsdus nas 'di byas/ /rin chen 'byung gnas nas rnyed rin chen tshogs/ /len byed mkhas pa med mod de med min/ /chags phyir grong ba mdzes pa yis/ /brgyan gyi lus ni brgyan 'dod ltar rnam 'grel rgyan yang bdag gis ni/ /byas te dregs pa'i phyir ma yin/ /de ltar sems de rtag tu de bzhin gshegs pa'i chos tshul zhib mo rtogs byed pa/ /gzhan don bsgrub brtson blo can rnams gyi blo gros 'di ni legs pa'i don du

  654. 327b

    'gyur ba ste/ /'gro ba mdza' dag dga' byed dpal dang mes dang zla ba bskyed pa'i ma'o/ /gangs chen las gzhan rgya mtsho'ang 'gro na 'gar yang mthong ba yod dam ci/ /de ltar bdag gis smad med 'dir sbyar bas/ /dge ba dri med thob pa gang yin pa/ /des ni 'gro ba kun gyi don grub par// 'gro ba 'di ni rtag tu grub 'gyur cig tshad ma'i bshad pa'i chen po rnam 'grel gyi rgyan las le'u bzhi pa'o/ /tshad ma'i bshad pa chen po rnam 'grel gyi rgyan las/ slob dpon chen po shes rab 'byung gnas spas pa'i zhal mnga' nas kyi mdzad pa rdzogs so// //bam po drug cu lhag chad med par yod do/ kha che'i mkhan po paN+Di ta skal ldan rgyal po dang/ lots+tsha ba dge slong blo ldan shes rab kyis bsgyur/ slad mi kha che'i mkhan po paN+Di ta ku mA ra shI dang/ zhu chan gyi dge slong 'phags pa shen gyis zhus shing bcos te gtan la phab pa// // bod kyi dang lha btsan po/ /rigs gsum mgon po'i sprul pa/ byang chub sems dpa' i gdung brgyud/ mi rje lhas mdzad pa/ 'phrul gyi rgyal po chen po shAkya'i dge slong lha bla ma zhi ba 'od kyi zhal snga nas dang/ dbang phyug dam pa'i mnga' bdag chen po khri bkris tso? lde btsan gyi zhal snga nas rgyal lo'i? yang rgyal lo'i chen po khu dpon gyi sku ring la khod kyi rgyal khams su bstan pa rin po che dar shing rgyas par mdzad pa'i slad du/ yon gyi bdag po chen po mdzad de/ 'gyur ma dag pa kun bcos shing/ ma 'gyur ba rnams bsgyur ba dang/ dam pa'i chos rgya cher bshad cing/ chos mi mthun pa rnams gtan la dbab pa'i sgo nas khong 'bangs yongs la drin bzhag pa'i thugs dgongs kyis rgya gar dbus b+haM ka ma shE la'i gtsug lag khang chen po mkhas pa mang po 'gyur ba'i gnas nas/ paN+Di ta mkhas pa chen po dpal su na ya sh+rI mi ta dka' ba chen pos? spyan drangs/ kha che'i grong khyer dpe nad? de nas kyi paN+Di ta mkhas pa ku mA ra sh+rI spyan drangs/ bod nas dbus gtsang ru bzhi dang/ khams rgya'i so yan chad kyi ston pa ma lus pa dang/ stod mnga' ris 'khor gsum gyi ser chags ma lus pa tsam zhabs drung chen por tshogs/ stod smad kyi lo ts+tsha ba mkhas pa yang drug /

  655. 328a

    bsogs nas/ yab mes khu dpon gyi thshaTa? daM/ sa'i snying po tho ling dpal dpe med lhun gyis grub pa'i gtsug lag khang chen por paN+Di ta dang gzhi byed kyi mkhas pa rnams kyis theg pa phyi nang gi cho mo grwa mang por dang ldan dam pa'i las la mngon dgyes pa/ smad med che ba'i bdag can rgyal po mchog /dge ba'i thugs mnga' de bas sa skyong ba/ /mi'i bdag po dbang sde'i bkas bskul nas/ brtson ldan lhag par spyod ldan 'tshad po dang/ /nyan po rgol dang phyir rgol don des dang/ /'bol gtam dga' ston rgya cher myong bya'i phyir/ /'dzam gling mkhas pa'i rgyan gyur rgyan 'di bsgyur/ /lta ngan kun sel gnyis su med pa yi/ /don dam rnam dpyod lhur len bstan bcos 'di/ /gzhung mang don mang bsgrub par dka' na yang// 'bras bu che phyir 'bad par rigs pa yin/ /log pa'i rgyun phyogs rjes su gzhol gyur pa te ba'i chu bo bzlog par dka' mod kyi/ /yang dag rigs pas legs bar brda sprad na/ /dga' yi yid la ci ste 'bab mi 'gyur/ sgra don gnyi ga nyams su bdor lon te/ /mun sprul gyis ni ma bslad legs bsgyur ba/ /sngon gyi sgyur byed dam pa de dag gi /dri tsam bro ba da ltar kho bor zad/ /dpal ldan kha che'i rigs pa yi/ /gtsug gi nor bu skal ldan ni/ /rgyal po zhes bya las thos nas/ /blo ldan bzang pos 'di bsgyur ro/ /grong khyer dpe med shar phyogs na/ /yul 'khor lo 'dzin chos bya ba grub pa'i gnas rab grags pa yod pa'i 'dabs/ rnam par rgyal ba'i zhing zhes bya bar kha che'i paN+Di ta chen po skal ldan rgyal po dang/ bod kyi lots+tsha ba blo ldan shes rab kyis bsgyur ba/ /slad kyi paN+Di ta su ma tir dang/ lots+tsha ba blo ldan shes rab kyis zhu chen byas ba'o// //mang+ga laM/