Text
ff. 1b–373a · 744 folio sides
- 1b
/ bam po nyi shu bzhi pa// // 'dzin byed kyi bu zhes bya ba ni/ gleng gi zhe// rgyal po'i khab na bzhugs te/ de'i tshe rgyal po'i khab na/ bramaze che zhing mtho ba 'dzin byed ces
- 2a
bya bya bya/ / bya ba zhig gnas so// 'dam bu sbyin zhes bya ba'i grong na ni/ bram ze rgyal zhes bya ba zhig gnas te/ de gnyis mdza' zhing ba shes la gcugs par gyur to// de nas bram ze rgyal chung ma dang lhan cig tu rtse zhing dga' la dga' dgur spyod pa las chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na
- 2b
sdug la mdzes pa zhig btsas te/ de'i btsas ston rgyas par byas nas/ ming shA ri'i bu zhes bya ba dang / nye rgyal zhes bya bar btags so/ / de nas phyi zhig na bram ze 'dzin byed kyi chung ma la yang bu chags nas/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed dekhye'u 'di bram ze che zhing mtho ba 'dzin byed kyi bu yin pas na/ khye'u 'di'i ming 'dzin byed kyi bu zhes gdags so zhes zer ro// de nas 'dzin byed kyi bu 'o ma dang / zho dang / mar dang / zhun mar dang / mar gyi snying khus bskyed bsrings nas/ gang gi tshe de gnyis cher skyes pa de'i
- 3a
@#tshe de gnyis ka byis pa slob pa'i grwar gtad nas/ de gnyis ka yang yi ge'i mthar phyin par longs te/ de gnyis kas bstan bcos thams cad lobs so/ / nye rgyal gyis ni lo bcu drug lon nas dbang po'i brda sprod pa yang lobs te/ gzhung gis rgol ba thams cad tshar bcad do// de nas phyi zhig na dka' thub kyi nags tshal du rten bcas nas/ de kun tu rgyu dag gi nang du rab tu byung ngo // der gang gi tshe sangs rgyas 'jig rten du byung ba de'i tshe/ bram ze'i bu shA ri'i bu dang / mo'u 'gal gyi bu gnyis bcom ldan 'das kyi bstan pa la rab tu byung nas/ der de gnyis kyis nyon mongs pa thams cad spangs te/ dgra bcom pa nyid mngon sum du byas nas/ bcom ldan 'das kyis de gnyis las gcig ni shes rab che ba rnams kyi mchog tu bstan to/ / gcig ni rdzu 'phrul can rnams kyi mchog tu bstan to// bram ze'i khye'u 'dzin byed kyi bu ni rgyal po'i zham ring ba dpa' bor gyur te/ rgyal po'i/
- 3b
pho brang der rtag tu 'gro ba las/ de shes rab dang ldan pa'i phyir/ rgyal po gzugs can snying pos blon po'i mchog tu bsgos nas/ longs spyod kyi gzhi chen po yang byin te/ 'jig rten dag ni 'byor pa 'dod pa yin no/ / de nas phyi zhig na des kyang thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod la/ des khyim gyi 'byor pa rgyas par byas te bzhag go/ de nas des rgyal po'i khab der rgyal po la rten cing bram ze dang khyim bdag rnams kyi nor len par byed do// bram ze dang khyim bdag rnams las brten cing rgyal po'i nor len par byed do/ / de nas phyi zhig na tshe dang ldan pa shA ri'i bus 'dzin byed kyi bu gdul ba'i dus la bab par mthong nas/ snga dro sham thabs dang chos gos bgos te/ lhung bzed thogs nas/ bram ze 'dzin byed kyi bu'i khyim ga la ba dar song ngo // de'i tshe bram ze 'dzin byed kyi bu shing ma li ka'i 'dab na/ ba 'jo ba'i zhal ta byed cing 'dug pa las/ bram ze 'dzin byed kyi bus thag ring po zhig nas tshe dang ldan pa shA ri'i bu mthong ngo / / mthong nas kyang tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu la yan lag thams cad kyis 'khyud nas/ khyim gyi nang du khrid de stan shams pa la 'dug tu bcug ste/ kye shA ri'i bu bshos gsil la/ 'o ma yang gsol cig ces byas so// shA ri'i bu na re 'dzin byed kyi bu nga la sems dga'
- 4a
par byas zin gyis des chog go/ / 'dzin byed kyi bus smras pa/ kye shA ri'i bu khyod yun ring mo zhig na gdod bdag gi khyim du phyin na/ ci'i phyir zan cig tsam yang zar mi btug shA ri'i bus smras pa/ 'dzin byed kyi bu 'di ltar khyod ni ngang tshul 'chal zhing ngang tshul nyams pa yin te/ rgyal po la brten cing / bram ze dang khyim bdag rnams kyi nor len par byed la/ bram ze dang khyim bdag rnams la brten cing rgyal po'i nor len pa'i phyir ro/ / 'dzin byed kyi bus smras pa/ kye shA ri'i bu bdag ni khyim pa ste/ khyim na gnas pa lags pas na/ bdag gis ni bdag nyid dang / pha ma dang / bu dang / chung ma dang / bran dang / bran mo dang / las byed pa dang / ni shes 'tshe ba dang / mdza' bo dang / snying gnyen dang / nye du dang / rgan rabs rnam kyang yang dag par bde bas tshim par bya dgos so/ / rgyal po la yang sa gzhi'i rag lus la/ lha yang rjes dgos/ sngon gyi mtshun dag kyang gtor dgos/ dge sbyong dang bram ze rnams kyang zan sbyin dgos te/ bdag gis ni chos bzhin du byed pa 'ba' zhig gis bde blag tu 'byor par mi nus so// shA ri'i bus smras pa/ 'dzin byed kyi bu 'o na khyod nyid la dri bar bya/ khyod kyi ji ltar bzod pa bzhin du de'i lan thob cig/ dper na mi zhig gis pha ma gnyis kyi phyir chos ma yin pa spyod cing log par spyod de/ de chos ma yin pa spyod cing log par spyod pa des/ lus dang
- 4b
bral te shi ba'i 'og tu ngan song ngan 'gror log par ltung ba sems can dmyal ba rnams su skyes nas/ de sems can dmyal pa'i srungs ma rnams kyis bzung ste/ sdug bsngal drag pa dang mi bzad pa dang / tsha ba dang / yid du mi 'ong ba'i tshor ba myong du bcug nas/ de na re sems can dmyal ba'i srungs mo dag bdag la gnod pa 'di dang 'di lta bu dag ma byed cig/ de ci'i phyir zhe na/ bdag gis pha ma'i phyir chos ma yin pa spyod cing log par spyad pas/ bdag chos ma yin pa spyad cing log par spyad pa des/ lus dang bral te shi ba'i 'og tu ngan song ngan 'gro log par ltung ba'i sems can dmyal ba rnams su skyes par zad do zhes zer na/ 'dzin byed kyi bu de ji snyam du sems/ mi de sems can dmyal ba'i srungs ma rnams las don de 'grub par 'gyur ram/ 'dzin byed kyi bus smras pa/ shA ri'i bu de ni mi 'grub bo// shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang / las kyi yon tan ngag gis longs spyod rnams bsgrubs te/ pha ma gnyis la dus dus su yang dag par ri mo byed pa dang / yang dag par bsnyen bkur byed pa dang / yang dag pa'i bde bas rten par byed de/ sdig pa'i las cung zad kyang mi byed la/ bsod nams kyi lam yang yang dag par blangs te 'dug na/ de la pha ma yang 'di snyam du sems te/ rigs kyi bu 'di ni dad pa dang ldan zhing sgrub bong la/ rigs pas 'chog
- 5a
yin te/ rigs kyi bu 'dis ni chos dang ldan pa dang / las kyi yon tan dag gis longs spyod rnams bsgrubs nas/ dus dus su bdag cag la yang dag par ri mo byed/ yang dag par bsnyen bkur byed/ yang dag par bde ba la sten par byed de/ sdig pa'i las kyang cung zad kyang mi byed la/ bsod nams kyi lam yang yang dag par blangs te 'dug go snyam mo/ / rigs kyi bu pha ma la slar snying brtse bar byed pa de ni dge ba'i chos rnams 'phel ba 'ba' zhig tu 'gyur bar re bar bya ste/ yongs su 'grib par mi 'gyur ro// 'dzin byed kyi bu dper na mi zhig gis bu dang / chung ma dang / bran dang / bran mo dang / las byed pa dang / zho shas 'tsho ba rnams dang / mdza' bo rnams dang / snying gnyen dang / nye du dang / rgan rabs rnams dang / rgyal po dang / lha rnams dang / dge sbyong dang / bram ze rnams kyi phyir chos ma yin pa spyod cing log par spyod de/ de chos ma yin pa la spyod cing log par spyod pa des lus dang bral te shi ba'i 'og tu ngan song ngan 'gro log par ltung ba sems can dmyal ba rnams su skyes nas/ de sems can dmyal ba'i srungs ma rnams kyis bzung ste/ sdug bsngal drag po dang / mi bzad pa dang / tsha ba dang / yid du mi 'ong ba'i tshor ba myong du bcug nas/ de na re/ sems can dmyal ba'i srungs mi dag bdag la gnod pa 'di dang 'di lta bu dag ma byed cig/
- 5b
de ci'i phyir zhe na/ bdag gis dge sbyong dang bram ze rnams kyi phyir chos ma yin pa spyad cing / log par spyad par zad do zhes zer na/ 'dzin byed kyi bu ji snyam du sems/ mi de sems can dmyal ba'i srungs ma rnams las don de 'grub par 'gyur ram/ 'dzin byed kyi bus smras pa/ shA ri'i bu de ni mi 'grub po// shA ri'i bus smras pa/ 'dzin byed kyi bu dad pa dang ldan pa'i rigs kyi bus chos dang ldan pa dang / las kyi yon tan dag gis longs spyod rnams bsgrubs te/ dge sbyong dang bram ze rnams la zas sbyin par byed do// sdig pa'i las kyang cung zad kyang mi byed la/ bsod nams kyi lam yang yang dag par blangs te 'dug na/ de la dge sbyong dang bram ze rnams kyis dge ba'i sems kyis slar snying brtse bar byed do// 'dzin byed kyi bu de ltar dge sbyong dang / bram ze rnams kyis dge ba'i sems kyis slar snying brtse bar byas pa'i skyes bu gang zag de'i ni/ dge ba'i chos rnams 'phel ba 'ba' zhig tu 'gyur bar re bar bya ste/ yongs su 'grib par mi 'gyur ro// de skad ces smras nas/ bram ze 'dzin byed kyi bu ngus te mchi ma glags so// de nas bram ze 'dzin byed kyi bus gos kyi mtha' mas mchi ma phyis nas// tshe dang ldan pa shA ri'i bu la 'di skad ces smras so// kyai shA ri'i bu 'di na bdag gi mchis brang bag sar blangs nas/ ring por ma lags pa zhig mchis te/ de'i slad du bdag gis bag ma
- 6a
mchis par sdig pa kha na ma tho ba mang po bgyis kyis/ btsun pa shA ri'i bu bag sar 'di bdag gis gtan du slar btang la/ deng slan chad btsun pa shA ri'i bu las tshangs par spyod pa lnga pa'i bslab pa'i gzhi rnams yang dag par nod par 'tshal lo/ / de nas tshe dang ldan pa shA ri'i bus/ bram ze 'dzin byed kyi tshangs par spyod pa lnga pa'i bslab pa'i gzhi rnams la gnas par byas nas stan las langs te song ngo / / de nas tshe dang ldan pa shA ri'i bu lho phyogs kyi ri'i nags khrod ga la ba der song ba las/ dge slong gzhan zhig 'od ma'i tshal byA ka lan ta ka na gnas pa nas/ lho phyogs kyi ri'i nags khrod ga la ba der song nas/ dge slong des thag ring po zhig na/ tshe dang ldan pa shA ri'i bu mthong ngo // mthong nas kyang tsha dang ldan pa shA ri'i bu ga la ba dar song ste phyin nas/ tshe dang ldan pa shA ri'i bu'i rkang pa la mgo bos phyag 'tshal te/ phyogs gcig tu 'dug go// phyogs gcig tu 'dug nas/ tshe dang ldan pa shA ri'i bus/ dge slong de la 'di skad ces smras so// dge slong khyod da gdod ga las 'ongs/ dge slong des smras pa/ btsun pa shA ri'i bu bdag dgazod 'od ma'i tshal bya ka lan ta ke gnas pa nas mchis so/ / shA ri'i bus smras pa/ bram ze 'dzin byed kyi bu shes sam/ tshe dang ldan pa shA ri'i bu bdag 'tshal te/ tshe dang
- 6b
ldan pa shA ri'i bu'i sngon gyi khyim na gnas pa'i tshe'i grogs po lags so/ / shA ri'i bus smras pa/ tshe dang ldan pa bram ze 'dzin byed kyi bu gnod pa chung ngam/ nyam nga ba chung ngam/ bde ba dang ldan nam/ nad med dam/ stobs dang ldan par rgyal po'i khab na gnas sam/ ston pa mthong bar dga' 'am/ chos mnyan par dga' 'am/ dge slong des smras pa/ tshe dang ldan pa shA ri'i bu bram ze 'dzin byed kyi bu ni ston pa blta bar dga'/ chos mnyan par yang dga' mod kyi/ gnod pa dang ldan zhing sdug bsngal dang ldan te nad par gyur pas/ gal te nad de kho nas 'chi bar 'gyur yang srid do/ / de nas shA ri'i bus chos gos snam sbyar bgos te/ bram ze 'dzin byed kyi bu'i khyim ga la ba der song ba las/ bram ze 'dzin byed kyi bus thag ring po zhig nas tshe dang ldan pa shA ri'i bu mthong ngo / / mthong nas kyang khri las ldang du rtsol lo// de nas tshe dang ldan pa shA ri'i bus/ bram ze 'dzin byed kyi bu khri las ldang ba rtsol ba mthong nas/ bram ze 'dzin byed kyi bu la smras pa/ 'dzin byed kyi bu nga 'dug pa'i stan gzhan dag kyang yod kyis/ khyod khri las ma ldang zhig ces byas nas/ tshe dang ldan pa shA ri'i bu stan bshams pa la 'dug go/ / 'dug nas kyang tshe dang ldan pa shA ri'i bus bram ze 'dzin byed kyi bu la 'di skad ces smras so// 'dzin byed kyi bu ci khyod bzod pa dang ldan nam/ 'tsho 'am/ ci khyod kyi
- 7a
sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba drag po rnams med par gyur tam/ phyir thu bar ma gyur tam/ med par gyur par mngon nam/ phyir thu bar gyur par mi mngon grang / 'dzin byed kyi bus smras pa/ btsun pa shA ri'i bu bdag ni bzod pa dang ldan pa ma yin/ 'tsho ba dang ldan pa ma yin te/ bdag gi lus la sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyir thu zhing phyir 'phel bar mngon gyi/ med par mem gyur to/ / btsun pa shA ri'i bu dper na mi stobs che rab cig gis mi nyam chung rab cig gi mgo bo 'breng ba bzang po ring pos dam du bcings na/ de'i mgo bo mo bzad par na bar 'gyur ba de bzhin du/ btsun pa shA ri'i bu bdag gi mgo bo la tshor ba mi bzad cing 'dug ste/ bdag gi tshor ba de dag phyir thu zhing 'phel bar mngon gyi/ med par ma gyur to// btsun pa shA ri'i bu dper na ba glang gsod pa 'am/ ba glang gsod pa'i slob mas pa glang bsha' ba'i gri rnon pos pa glang gi lto dral na/ de'i lto ba'i tshor ba mi bzad par 'gyur ba de bzhin du/ btsun pa shA ri bu bdag gi lto ba'i nad mi bzad par 'dug ste/ bdag gi tsher ba de dag phyir thu zhing phyir la bar mngon gyi/ med par ma gyur to// btsun pa shA ri'i bu dper na mi stobs che rab gnyis kyis
- 7b
mi stobs chung rab gcig dpung pa g.yas g.yon nas bzung ste/ me mngag gi nang du sreg par byed na/ de'i lus mi bzad par tsha bar 'gyur ba de bzhin du/ btsun pa shA ri'i bu bdag gi lus shin tu tsha zhing 'dug ste/ bdag gi tshor ba de dag phyir thu zhing phyir la bar mngon gyi/ med par mi gyur to// btsun pa shA ra dwa ti'i bu des na bdag ni bzod pa dang ldan pa ma yin/ tshor ba dang ldan pa ma yin te/ bdag gi lus la sdug bsngal drag pa dang / mi bzad pa dang / tsha ba dang / yid du mi 'ong ba'i tshor ba tshabs chen po dag gis thebs te/ bdag gi tshor ba de dag phyir thu/ zhing phyir la bar mngon gyi/ med par ma gyur to// shA ri'i bus smras pa/ 'dzin byed kyi bu 'on khyod nyid la dri bar byas/ khyod kyis ji ltar bzod pa de bzhin du lan thob cig/ 'dzin byed kyi bu ji snyam du sems/ sems can dmyal ba dang dud 'gro gang gdam/ btsun pa shA ri'i bu sems can dmyal ba bas ni dud 'gro gdam mo// dud 'gro dang yi dgas gang gdam btsun pa shA ri'i bu dud 'gro bas ni yi dgas gdam mo/ / yi dgas dang mi gang gdam/ btsun pa shA ri'i bu yo dgas pas ni mi gdam mo// mi dang rgyal chen bzhi'i ris kyi lha gang gdam btsun pa shA ri'i bu mi bas rgyal chen bzhi'i ris kyi lha gdam mo/ / rgyal chen bzhi'i ris kyi lha dang sum cu rtsa gsum pa'i lha gang gdam/ btsun pa shA ri'i bu rgyal chen bzhi'i ris kyi lha
- 8a
bas ni sum cu rtsa gsum pa'i lha gdam mo/ / sum cu rtsa gsum pa'i lha dang 'thab bral ba'i lha gang gdam/ btsun pa shA ri'i bu sum cu rtsa gsum pa'i lha bas ni 'thab bral ba'i lha gdam mo/ / 'thab bral ba'i lha dang dga' ldan pa'i lha gang gdam/ btsun pa shA ri'i bu 'thab bral ba'i lha bas ni dga' ldan pa'i lha gdam mo// dga' ldan pa'i lha dang 'phrul dga' ba'i lha gang gdam/ btsun pa shA ri'i bu dga' ldan pa'i lha bas ni 'phrul dga' ba'i lha gdam mo// 'phrul dga' ba'i lha dang gzhan 'phrul dbang byed pa'i lha gang gdam/ btsun pa shA ri'i bu 'phrul dga' ba'i lha bas ni gzhan 'phrul dbang byed pa'i lha gdam mo// gzhan 'phrul dbang byed pa'i lha dang tshangs pa'i 'jig rten pa gang gdam/ btsun pa shA ri'i bu gzhan 'phrul dbang byed pa'i lha bas ni tshangs pa'i 'jig rten gdam mo// 'dzin byed kyi bu tshangs pa'i 'jig rten gad ma zhes zer ram/ btsun pa shA ri'i bu tshangs pa'i 'jig rten gdam zhes mchi'o/ / de nas bram ze 'dzin byed kyi bu yud tsam zhig cang mi zer bar 'dug nas/ tshe dang ldan pa shA ri'i bu la 'di skad ces smras so// btsun pa shA ri'i bu de ltar gzhan 'phrul dbang byed kyi lta bas tshangs pa'i 'jig rten gdam par gyur na/ tshangs pa'i 'jig rten du skye bar 'gyur ba'i lam mchis sam/ 'dzin byed kyi bu lam yang yod/ srang yang
- 8b
yod de/ rigs kyi bu 'am/ rigs kyi bu mo dad pa dang ldan pas de bsgoms na/ 'dod pa'i 'dun pa spangs nas/ de la shas cher gnas pas tshangs pa'i 'jig rten du skal ba mnyam par skye bapar 'gyur ba de ngas bshad na/ de khyod kyis shes par nus sam/ btsun pa shA ri'i bu khyod kyis shod cig dang bdag gis mnyan no// shA ri'i bus smras pa/ 'dzin byed kyi bu 'di na 'phog/ pa nyan thos ni 'dod pa'i yon tan lnga sems kyi nye ba'i nyon mongs pa bskyed pa/ shes rab kyi gnas ngan len skyed pa/ 'phongs par 'gyur ba'i sa phyogs mya ngan las 'da' bar mi 'gyur pa spangs nas/ byams pa dang ldan pa'i sems kho na med pa/ dgra zla med pa/ gnod pa med pa/ yangs pa/ chen por gyur pa/ gnyis su med pa/ tshad med pa shin tu bsgoms pas phyogs gcig tu mos te/ khyab par byas nas rdzogs par byas te gnas so// de bzhin du phyogs gnyis pa dang / de bzhin du gsum pa dang / de bzhin du bzhi pa dang / tha dang / 'og dang / thad kar rnam pa thams cad du 'jig rten 'di dag thams cad byams pa dang ldan pa'i sems kho na med pa/ dgra zla med pa/ gnod pa med pa/ yangs pa/ chen por gyur pa/ gnyis su med pa/ tshad med pa shin tu bsgoms pas mos te/ khyab par byas nas rdzogs par byas te gnas so// de bzhin du snying rje dang / dga' ba dang / btang snyoms chen por
- 9a
gyur pa'i bar du rgyas par brjod par bya ste/ 'dzin byed kyi bu 'di ni lam yin/ 'di ni srang yin te/ rigs kyi bu 'am/ rigs kyi bu mo dad pa dang ldan pas de/ bsgoms na/ 'dod pa'i 'dun pa spangs nas/ de la shas tshor gnas pas/ tshangs pa'i 'jig rten du skal ba mnyam par skye bar 'gyur ro zhes byas so// de ltar tshe dang ldan pa shA ri'i bus bram ze 'dzin byed kyi bu tshad med pa bzhi la gnas par byas nas song ngo / / de nas tshe dang ldan pa shA ri'i bu song nas ring po ma lon par bcom ldan 'das kyis dgongs pa/ dge slong shA ri'i bus bram ze 'dzin byed kyi bu la de'i steng du bden pa rnams ma bshad pa ni tshar phyin pa ma yin no snyam du dgongs nas/ 'od ma'i tshal nas mi snang bar gyur te/ bram ze 'dzin byed kyi khyim du bzhugs par gyur to/ / de nas bram ze 'dzin byed kyi bus/ bcom ldan 'das gdan la bzhugs par mthong ngo // mthong nas kyang bcom ldan 'das la shin tu dga' bar gyur to// dga' bar gyur nas kyang khri las langs te 'dug go/ de nas bcom ldan 'das kyis de la de dang 'thun pa'i chos bstan te/ des na bram ze 'dzin byed kyi bus stan de nyid la 'dug bzhin du phyir mi 'ong ba'i 'bras bu mngon sum du byas so/ / de ltar bcom ldan 'das kyis bram ze 'dzin byed kyi bu phyir mi 'ong ba'i 'bras bu la gnas par mdzad nas/ 'dzin byed kyi bus khyim nas mi snang
- 9b
par gyur te/ tshe dang ldan pa shA ri sh+mi 'od ma'i tshal du ma phyin par/ bcom ldan 'das ches sngar 'od ma'i tshal du gshegs nas nyid kyi gdan la bzhugs so// de nas bcom ldan 'das gshegs nas ring po ma lon par bram ze 'dzin byed kyi bu shi ste dus las 'das nas/ tshangs pa'i 'jig rten du skyes so// de nas tshe dang ldan pa shA ri'i bu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug nas/ de ro bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu khyod da gzod ga las 'ongs/ shA ri'i bus gsol pa/ btsun pa bdag gis bram ze 'dzin byed kyi bu tshangs pa'i gnas bzhi la gnas par bgyis nas/ da gzod de nas mchis lags so/ bka' stsal pa/ shA ri'i bu ci'i phyir khyod kyis bram ze 'dzin byed kyi bu la de'i steng du bden pa rnams ma bstan/ ci ste bstan du zin na/ chos 'dul ba 'di rtogs pa zhig shA ri'i bu de lta mod kyi/ khyod song ba'i 'og tu nga 'od ma'i tshal 'di nas mi snang bar gyur te/ bram ze 'dzin byed kyi bu'i khyim du 'dug nas/ ngas de la de'i steng du bden pa rnams bstan te/ des phyir mi 'ong ba'i 'bras bu mngon sum du byas nas/ de shi ste dus las 'das nas/ tshangs pa'i 'jig rten du skyes so// de ltar ngas 'dzin byed kyi bu bden pa rnams la gan
- 10a
par byas nas/ khyod 'od ma'i tshal du ma phyin par nga thog mar phyin no// de nas bcom ldan 'das la/ tshe dang ldan pa shA ri'i bus 'di skad ces gsol to// btsun pab sangs rgyas bcom ldan 'das rnams de ltar ngo mtshar gyi chos dang ldan pa ni ngo mtshar lags so/ / de nas dge slong rnams kyis/ sangs rgyas bcom ldan 'das la zhus pa/ btsun pa bram ze 'dzin byed kyi bus las ci bgyis na/ las de'i rnam par smin pas phyug cing nor mang la longs spyod che ba'i rigs su skyes la/ bcom ldan 'das kyang des mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// btsun pa des smon lam gang du btab lags/ bka' stsal pa/ dge slong dag sngon byung ba 'das pa'i dus na/ grong khyer 'thab med ces bya ba na/ rgyal po klu lha zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du chos bzhin du rgyal srid
- 10b
byed do/ / de'i tshe grong khyer 'thab med na rgyal po klu lha'i mdun na 'don phyug cing nor mang la longs spyod che ba/ nor dang gser du ma dang ldan pa/ yongs su 'dzin pa yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig 'dug pa des/ rgyal po la brten cing / bram ze dang khyim bdag rnams kyi nor len par byed/ bram ze dang khyim bdag rnams la brten cing rgyal po'i nor len par byed do/ / de nas de'i tshe bram ze dbul po gzhan zhig bram ze mdun na 'don de'i thad nas thag mi ring ba zhig na 'dug pa des/ bram ze mdun na 'don des rgyal po la brten cing bram ze dang / khyim bdag rnams la nor len par byed/ bram ze dang khyim bdag rnams la brten cing rgyal po'i nor len par byed de/ gzhi des na khang bzangs kyi steng na 'dug cing / skyes pa med par bud med 'ba' zhig dang / sil snyan rnams kyis rtse zhing dga' la dga' dgur spyod par rig go// de nas bram ze dbul po des bsams pa/ 'di dpal 'di lta bu dag nyams su myong ba ci yang rung ba de dag thams cad ni sbyin pa dang / dul ba dang / yang dag par sdom pa'i las rnam pa gsum gyi 'bras bu yin gyis/ ma la bdag gis kyang dge ba'i rtsa ba'i chos cung zad tsam yang dag par blangs te gnas par bya gor ma chag/ 'on tang des dbul ba chad par 'gyur ro snyam du de lta bu'i sems skyes so// sangs rgyas bcom ldan 'das
- 11a
rnams 'jig rten du mi 'byung ba'i tshe/ rang sangs rgyas rnams 'jig rten du 'byung ste/ rang sangs rgyas shig de'i khyim sgor 'ongs so// de nas bram ze dbul po des thag ring po zhig nas rang sangs rgyas de mthong ngo / / mthong nas kyang de la shin tu dga' ba skyes so// dga' ba skyes nas/ bram ze des rang sangs rgyas de la bsod snyoms phul lo// bdag nyid chen po de dag ni lus kyis chos ston par byed kyi/ ngag gis ma yin te/ des bsod snyoms de blangs nas/ de kho na nas nam mkha' la song ngo // de nas bram ze de lhag par yang dga' ba skyes nas/ rkang pa la dmigs te phyag 'tshal nas smon lam btab pa/ kye ma dge ba'i rtsa ba 'dis na/ bdag gang dang gang du skyes pa de dang der phyug cing nor mang la longs spyod che ba'i rigs su skye bar gyur cig/ bdag gis kyang rgyal po la brten cing bram ze dang / khyim bdag rnams kyi nor len pa dang / bram ze dang khyim bdag rnams las rten cing rgyal po'i nor len par gyur cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe bram ze dbul por gyur pa gang yin pa de ni 'dzin byed kyi bu 'di kho na yin te/ des rang sangs rgyas de la bsod snyoms phul nas/ smon lam btab pa'i
- 11b
las de'i rnam par smin pa des na/ gang dang gang du skyes pa de dang der phyug cing nor mang la longs spyod che ba'i rigs su skyes te/ des der bram ze dang khyim bdag rnams la rten cing rgyal po'i nor len par byed/ rgyal po la brten cing bram ze dang khyim bdag rnams kyi nor len par byed la/ dge slong dag nga rang sangs rgyas bye ba phrag 'bum pas kyang ches lhag par khyad par du 'phags pa nga lta bu 'di mnyes par byas te/ mi mnyes par ma byas so// gzhan yang yang dag par rdzogs pa'i sangs rgyas 'od srungs kyi bstan pa la dge bsnyen du gyur te/ des der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems/ de'i tshe dge bsnyen du gyur pa gang yin pa de ni 'dzin byed kyi bu 'di kho na yin te/ des tshe gcig tu skyabs su 'gro ba dang / bslab pa'i gzhi rnams bsrungs nas 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das gang yin pa de bdag gis mnyes par byed par gyur cig/ mi
- 12a
mnyes par byed par ma gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// rab bzang zhes bya ba ni/ sum cu rtsa gsun/ pa'i lha'i nang nas/ lha'i dbang po brgya byin la/ dri za'i rgyal po rab dga' zhes bya ba zhig yod de/ des lha'i dbang po brgya byin dga' bar bya ba'i phyir de dang 'brel pa'i klu dbyangs sbyor ba la zhugs so/ / de nas gang gi tshe byang chub sems dpa' dga' ldan gyi gnas na bzhugs pa las/ rnam pa bzhi'i gzigs pas 'jig rten la gzigs nas/ yum gyi lhums su gshegs pa de'i tshe/ lha'i dbang po brgya byin gyis/ dri za'i rgyal po rab dga' la smras pa/ rab dga' byang chub sems dpa' lha'i ris dga' ldan nas shi 'phos te/ yum gyi lhums su nyid mtshams sbyar nas/ gang gi tshe bltam ste cher skyes pa de'i tshe/ bdud rtsi brnyes nas de 'gro ba rnams tshim par mdzad par 'gyur gyis/ khyod kyis kyang 'dzam bu'i gling du nying mtshams sbyor cig dang / khyod la yang des bdud rtsi'i skal ba byin par 'gyur ro// rab dgas smras pa/ ko'u shi ka bdag gis glu dbyangs sbyar ba brtsams lags te/ re zhig de lags
- 12b
par bgyis na/ slad kyis slebs so zhes zer ro// de nas de'i tshe grong khyer ku sha na/ kun tu rgyu rab bzang zhes bya ba rdzu 'phrul can grong khyer ku sha na gnas pa'i gyad kyi bu thams cad kyis bkur sti byed/ bla mar byed/ ri mor byed/ mchod par byed cing / dgra bcom par bkur ba zhig yod de/ des mtsho ma dros pa'i 'gram na nyin par gnas so// der yang de la lha dang k+Sha rnams kyis bkur sti byed/ bla mar byed/ ri mor byed/ mchod par byed do// de res 'ga' ni mtsho ma dros pa'i 'gram de nyid na nyin par gnas shing 'dug go/ ras 'ga' ni mtsho ma dris pa de nyid nas thag mi ring ba zhig na/ shing u dum wA ra'i tshal zhig yod pa der song nas 'dug go// de nas gang gi tshe byang chub sems dpa' bltams pa'i tshe/ lha'i dbang po brgya byin gyis dri za'i rgyal po rab dga' la smras pa/ rab dga' byang chub sems dpa' bltams kyis tshur dang / bdag cag gis de'i mchod pa'i las brtson par bya'o// rab dgas smras pa/ ko'u shi ka bdag gis glu dbyangs sbyor ba brtsams lags te/ re zhig de lags par bgyis nas slad kyis slebs so zhes zer ro// de nas byang chub sems dpa'i che ba nyid kyis u dum wA ra'i tshal der/ u dum wA ra'i me tog rnams kha 'bus par gyur to// de nas kun tu rgyu rab bzang gis shing u dum wA ra'i me tog kha 'bus pa mthong nas// mthong ma thag tu
- 13a
yid dga' bar gyur te/ des bsams pa/ gna'i kun tu rgyu rgas shing 'khogs la gtugs pa/ sde tshan gyi slob dpon chen po dag las bdag gis thos na bzhin gshegs pa dgra bcom pa yang dag par rdzogs pa'i sangs rgyas rnams dang / 'khor los sgyur ba'i rgyal po dang / u dum wA ra'i me tog ni brgya lam na 'byung bar zad do zhes zer ba las na/ u dum wA ra'i tshal 'dir yang bdag gis bsod nams kyis u dum wA ra rnams kyi me tog kha 'bus par gyur to snyam mo// der gang gi tshe byang chub sems dpa' rgan po dang / nad pa dang / shi ba gzigs nas/ nags khrod du gnas bcas pa de'i tshe/ lha'i dbang po brgya byin gyis/ dri za'i rgyal po rab dga' la smras pa/ rab dga' byang chub sems dpa' de ni rgar po dang / nang pa dang / shi ba gzigs nas/ nags khrod du gnas bcas kyis/ bdag cag dong la de'i mchod pa'i las la brtson par bya'o// rab dgas smras pa/ kro'u shA bdag gis klu dbyangs sbyar ba brtsams lags te/ de re zhig lags par bgyis nas slad kyis slebs so zhes zer ro// der gang gi tshe byang chub sems dpa' bla na med pa'i ye shes brnyes nas/ lan gsum du bzlas te/ chos kyi 'khor lo rnam pa bcu gnyis chos bzhin du bskor ba de'i tshe/ brgya byin gyis yang dri za'i rgyal po rab dga' la smras pa/ rab dga' bcom
- 13b
ldan 'das kyis bla na med pa'i ye shes brnyes nas/ lan gsum du bzlas te/ chos kyi 'khor lo rnam pa bcu gnyis bskor bar bzhed kyis/ tshur bdag cag song la chos mnyan par bya'o/ / rab dgas smras pa/ ko'u shi ka bdag gis glu dbyangs sngar brtsams lags te/ re zhig de lags par bgyis nas slad kyis slebs so zhes zer ro// der gang gi tshe bcom ldan 'das kyis lan gsum du bzlas te/ chos kyi 'khor lo rnam pa bcu gnyis bskor ba de'i tshe/ u dum wA ra'i tshal de dag rnam pa thams cad du me tog rgyas par gyur te/ des na dpag tshad mang por dri bsung gis rgyas par gyur te/ rgyu des na kun tu rgyu rab bzang lhag par yang yid dga' bar gyur nas/ 'di dag ni bdag gi bsod nams las gyur pa yin no snyam mo// der gang gi tshe bcom ldan 'das kyis yan gsum du bzlas te chos kyi 'khor lo rnam pa bcu gnyis chos bzhin du bskor ba de'i tshe/ lnga snga dang / nye ba'i lnga sde rnams dang / grong gi byis pa mgo mtho lnga bcu btul to/ / shing bal gyi shing gi nags khrod du gshegs nas/ bzang sde drug cu'i pha tshan bden pa rnams la bkod do// snga pa'i grong du gshegs nas/ grong grong na gnas pa'i bu mo dga' mo dang / dga' stobs ma gnyis bden pa la bkod do// lteng rgyas su gshegs nas/ ral pa can stong rab tu phyung ste bsnyen par rdzogs par mdzad do//
- 14a
ga ya'i rtse mo'i mchod rten gyi drung du gshegs nas/ dge slong stong po de dag cho 'phrul rnam pa gsum gyis yid ches par mdzad de/ g.yung drung gi mthar thug pa bla na med pa'i grub pa dang bde ba'i mya ngan las 'das pa la bkod do/ / smyig ma'i nags khrod du gshegs nas/ yul ma ga d+ha'i rgyal po bzo sbyangs gzugs can snying po lha brgyad khri dang / yul ma ga d+ha'i bram ze dang / khyim bdag 'bum phrag du ma dang thabs gcig tu bden pa rnams la gnas par mdzad do// rgyal po'i khab tu gshegs nas/ 'od ma'i tshal ba zhes te/ shA ri'i bu dang mo'u 'gal gyi bu g.yog 'khor nyis brgya lnga bcu dang ldan pa gnyis rab tu phyung nas bsnyen par rdzogs par mdzad do/ / mnyan du yod par gshegs nas/ rgyal bu rgyal byed kyi tshal ba zhes te/ cho 'phrul chen po bstan nas/ dge tshul bskul byed rab tu phyung ste/ des kyang nyon mongs pa thams cad spangs nas/ dgra bcom pa nyid mngon sum du byas te/ de rdzu 'phrul gyis 'gro zhing gnas gzhan dang gzhan dag nas dus ma yin pa'i me tog dang 'bras bu rnams blangs shing mkhan po dang dge 'dun la 'bul bar byed do/ / de nas phyi zhig na de mtshe ma dros pa'i 'gram du song nas/ de der dga' bar gyur te/ des der nyin par gyis gnas btab pa las/ kun tu rgyu rab bzang gis smras pa/ grogs po 'di ni nga'i nyin par gyi gnas yin gyis 'dir ma 'dug cig
- 14b
dge tshul pa skul byed kyis smras pa/ 'di ni thams cad kyi thun mong ba yin no// kun tu rgyu rab bzang gis smras pa/ nga dang rdzu 'phrul gyis 'gran par gyis shig/ de nas 'di'o cag gnyis gang rgyal ba de'i nyin par gyi gnas su bya'o zhes byas nas/ de gnyis rdzu 'phrul ston pa la zhugs pa las/ der dge tshul pa skul byed kyis kun tu rgyu rab bzang pham par byas nas/ de yul yul por gyur te/ u dum wA ra'i tshol de nyid du song nas 'dug go// der gang gi tshe bcom ldan 'das kyis sangs rgyas kyi 'phrin las thams cad mdzad nas/ ku sha'i grong khyer du gshegs te/ gzims mal gyi tha mar zhugs nas bzhugs so// de nas der bcom ldan 'das kyis dgongs pa/ da ni de bzhin gshegs pas gdul bar bya ba kun tu rgyu rab bzang dang / dri za'i rgyal po rab dga' gnyis lus so snyam du dgongs so/ / de nas yang bcom ldan 'das kyis dgongs pa/ kun tu rgyu rab bzang ngas gdul bar sla na/ dri za'i rgyal po rab dga' ni rgyags shing bag med par gnas te/ de nga'i thad du mi 'ong gis/ nga nyid de'i thad du 'gro'o snyam du dgongs te/ bcom ldan 'das kyis der sprul pa zhig bzhag nas/ shing sA la zung gi tshal nas mi snang bar gyur te/ sum cu rtsa gsum pa'i lha'i nang du gshegs nas/ dri za'i rgyal po rab dga'i pho brang gi sgor byon te/ der bcom ldan 'das kyis dgongs pa/ 'di'i nga rgyal bcag na gdod
- 15a
de'i 'og tu bden pa rnams kyi snod du rung ngo snyam du dgongs te/ bcom ldan 'das kyis de gdul ba'i phyir dri za'i rgyal po zhig tu sprul nas/ bai DUR+Ya'i bi wang rgyud/ stong pa zhig bsnams te/ dri za'i rgyal po rab dga'i sgo drung du gzhes nas/ 'phrin gyis bzlugs te/ dri za'i rgyal po zhig sgo na sdod de/ de khyod dang lhan cig tu pi wang len par 'dod do zhes byas te/ de nas de thos ma thag tu dri za'i rgyal po rab dgas bsams pa/ ma la dri za'i rgyal po gzhan 'ga' zhig ma byung grang / de ni bdag gis tshar gcad par bya'o snyam du bsams nas smras pa/ nang du bos shig dang bdag gis ci nus pa bstan to zhes byas so// des de nang du bos nas pi wang lan pa la zhugs so// de nas bcom ldan 'das kyis de gdul ba'i phyir/ pi wang gi rgyud gcig bcad pa dang / dri za'i rgyal po rab dgas kyang de mthong nas kyang rgyud gcig bcad do// de nas bcom ldan 'das kyis mthar gyis rgyud thams cad bcad de/ rgyud gcig pu lus par byas nas/ de las kyang sgra thams cad 'byung bar mdzad do// de nas rab dgas kyang rgyud thams cad bcad de/ des kyang rgyud gcig pu de las sgra thams cad 'byung bar byas so/ / de nas bcom ldan 'das kyis rgyud gcig pu de yang bcad de sgra thams cad kyang 'byung bar mdzad do// de nas dri za'i rgyal po rab dgas bsams pa
- 15b
bdag gis ni de las lhag par cung zad kyang bstan par mi nus pas na/ 'di ni bdag las cher khyad par du 'phags pa zhig go snyam mo// de nas de'i skabs su bcom ldan 'das kyis dgongs pa/ 'di nga rgyal nga dang mtshungs pa su yang med do snyam du de ltar 'dzin pa de med par gyur to snyam du thugs su chud de/ bcom ldan 'das kyis de nga rgyal bcag nas rang bzhin kyi skur bsgyur to/ / de nas des bcom ldan 'das mthong nas/ de shin tu dga' ba skyes te/ dga' bar gyur nas/ bcom ldan 'das kyi zhabs la phyag 'tshal te/ chos mnya pa'i phyir spyan sngar 'dug go/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na dri za'i rgyal po rab dgas stan de nyid la 'dug bzhin 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so/ / de nas bcom ldan 'das sum cu rtsa gsum pa'i lha'i nang nas mi snang bar gyur to// de'i tshe u duma? wA ra'i tshal de'i me tog rnams brnyings par/ gyur te/ kun tu rgyu rab bzang gis u dum wA ra'i tshal de'i me tog rnams brnyings par gyur pa mthong ngo // mthong nas kyang de mya ngan chen po skyes te/ des bsams pa/ bdag gi/
- 16a
bsod nams kyis u dum wA ra'i tshal 'di rnam pa thams cad du me tog rgyas par gyur pa las/ da ni bdag rgas shing 'khogs la gtugs par gyur te/ na chod lo brgya nyi shu lon na/ u dum wA ra'i tshal gyi me tog 'di dag brnyings par gyur pa las na/ bdag ring po mi thogs par 'chi bar 'gyur ro snyam nas/ rgyu des na shin tu mya ngan byed cing sdug bsngal la smra sngags 'don par byed do/ / de nas de la dga' ba'i lha zhig gis/ rab bzang la smras pa/ u dum wA ra'i tshe la 'di ni khyod kyi bsod nams kyis rnam pa thams cad du me tog rgyas par gyur pa ma yin gyi/ sa phyogs 'di ni 'khor los sgyur ba'i rgyal po'i skyed mos tshal gyi sa yin te/ gang gi tshe 'khor los sgyur ba'i rgyal po 'byung ngam/ byang chub sems dpa' 'byung bar 'gyur ba de'i tshe/ u dum wA ra'i tshal 'dir me tog rnams kha 'bu bar 'gyur ro// gang gi tshe 'khor los sgyur ba'i rgyal po rgyal sar zhugs pa/ 'am/ byang chub sems dpas bla na med pa'i ye shes brnyes par gyur pa de'i tshe ni/ u dum wA ra'i tshal me tog 'di rnams thams cad du me tog rgyas par 'gyur ro// gang gi/ tshe 'khor los sgyur ba'i rgyal po grongs su nye ba 'am/ de bzhin gshegs pa yongs su mya ngan las 'dar nye bar gyur pa de'i tshe ni u dum wA ra'i tshal gyi me tog 'di rnams
- 16b
rnyings par 'gyur ro/ / gang gi tshe 'khor los sgyur ba'i rgyal po grongs sam/ de bzhin gshegs pa yongs su mya ngan las 'das par gyur pa de'i tshe ni u dum wA ra'i tshal 'di'i me tog rnams bskam par 'gyur te/ da ltar yang de bzhin gshegs pa 'jig rten du byung nas/ de gzims mal gyi tha mar zhugs nas/ do nub nam phyed na phung po'i lhag ma med ba'i mya ngan las 'das pa'i dbyings su mya ngan las 'da' bar 'gyur te/ de'i dbang gis u dum wA ra'i tshal de rnyis par gyur gyis/ khyod de'i rgyus ha cang yang mya ngan ma byed cig sdug bsngal bar ma byed cig/ smre sngags ma 'don cig ces byas so// de nas kun tu rgyu rab bzang 'di snyam du sems te/ bdag la ra ba yang yod la/ bcom ldan 'das go'u ta ma des kyang bdag gi the tsom de sel bar nus kyis/ ma la bdag bcom ldan 'das go'u ta ma ga la ba der song la der phyin nas/ zhu ba lung bstan par gnang na phyogs 'ga' zhig zhu'o snyam nas/ u dum wA ra'i tshal nas mi snang bar gyur te/ grong khyer ku shan gyad kyi nye 'khor shing sA la zung gi tshal du phyin par gyur to// de'i tshe tshe dang ldan pa kun dga' bo ni/ kun dga'i ra ba'i sgo'i thang gi 'chag na 'chag cing 'dug go// de nas kun tu rgyu rab bzang gis tshe dang ldan pa kun dga' bo thag ring po zhig nas mthong ngo // mthong nas kyang che nga
- 17a
ldan pa kun dga' bo ga la ba der song ste phyin nas/ tshe dang ldan pa kun dga' bo la 'di skad ces smras so// btsun pa kun dga' bo bdag gis thos na/ bcom ldan 'das go'u ta ma do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes grags na/ bdag chos rnams la yang the tsom mchis/ bdag la re ba yang mchis la/ bcom ldan 'das go'u ta ma des kyang bdag gi the tshom de sel bar nus na/ gal te btsun pa kun dga' bo 'o mi brgyal na/ bcom ldan 'das go'u ta ma de ga la bzhugs pa der bzhud la/ der phyin nas gal te zhu ba'i bka' lan stsal bar gnang na/ phyogs 'ga' zhig zhu'o zhes byas so// tshe dang ldan pa kun dga' bo yang ltas la mkhas te des bsams na/ bcom ldan 'das kyis sprul pa zhig bzhag ste/ 'dul ba'i dbang gis gang zhig tu gshegs par rig nas/ kun tu rgyu rab bzang la smras pa/ rab bzang thong / bcom ldan 'das ni sku mnyel bde bar gshegs pa ni sku mnyel gyis/ de bzhin gshegs pa la gnod pa ma byed cig ces byas so// de nas kun tu rgyu rab bzang gis/ tshe dang ldan pa kun dga' bo la 'di skad ces smras so// btsun pa kun dga' bo sngon gyi kun tu rgyu rgas shing 'khogs la gtugs pa rnams las bdag
- 17b
gis thos na/ de bzhin gshegs pa dgra bcom pa yang dag par rdzogs pa'i sangs rgyas rnams ni brgya lam brgya lam na 'jig rten du 'byung bar zad de/ dper na u dum wA ra'i me tog bzhin no zhes mchi la/ bcom ldan 'das go'u ta ma de yang do nub nam phyed na phung po'i lhag ma med pa'i mya ngan las 'das pa'i dbyings su yongs su mya ngan las 'das par 'gyur na/ bdag chos rnams la yang the tsom mchis/ bdag la re ba yang mchis la/ bcom ldan 'das go'u ta ma nges kyang bdag gi the tsom sel bar nus na/ gal te btsun pa kun dga' bo 'o ma brgyal na/ bcom ldan 'das go'u ta ma de ga la bzhugs pa der bzhud la/ der phyin nas gal te zhu ba'i bka' lan stsal bar gnang na/ phyogs 'ga' zhig zhu'i zhes byas so// de nas lan gsum gyi bar du tshe dang ldan pa kun dga' bos/ kun tu rgyu rab bzang la smras pa/ rab bzang thong / bcom ldan 'das ni sku mnyel/ bang bar gshegs pa ni sku mnyel gyis/ de bzhin gshegs pa la gnod pa ma byed cig ces byas so// de nas de'i skabs su bcom ldan 'das sum cu rtsa gsum pa'i lha'i nang nas mi snang bar gyur te/ gzims mal du zhugs nas/ bcom ldan 'das kyis lha'i snyan rnam par dag pa mi las 'das mnga' bas/ tshe dang ldan pa kun dga' bo kun tu rgyu rab bzang dang de lta bu'i tshig brjod pa gsan to//
- 18a
gsan nas kyang tshe dang ldan pa kun dga' bo la bka' stsal pa/ kun dga' bo thong / kun tu rgyu rab bzang ma dgag par nang du thong la/ ci dang ci 'dod pa 'drir chug cig/ de ci'i phyir zhe na/ 'di ni nga gzhan mu stegs can kun tu rgyu dag dang bar skabs kyi gtam brjod pa'i tha ma yin no// 'di lta ste/ kun tu rgyu rab bzang 'di ni ngas dge slong tshur shog ces bya bas rab tu phyung ba'i rnams kyi tha ma yin no/ / de nas bcom ldan 'das kyis skabs phye nas/ kun tu rgyu rab bzang dga' zhing mgu la yi rangs shing mgu la rab tu dga' ste/ yi rangs shing dga' ba dang bde ba skyes nas/ bcom ldan 'das ga la bzhugs pa der song ste phyin nas/ bcom ldan 'das dang lhan cig tu mngon sum du yang dag par dga' ba dang / yang dag par mgu bar 'gyur ba'i gtam sna tshogs byas te/ phyogs gcig tu 'dug go// phyogs gcig tu 'dug nas/ bcom ldan 'das la/ kun tu rgyu rab bzang gis 'di skad ces gsol to/ / kye go'u ta ma 'jig rten na mu stegs kyi gnas tha dad pa 'di dag ni 'di lta ste/ 'od srungs rdzogs byed dang / kun tu rgyu gnag lhas kyi bu dang // smra 'dod kyi bu mo'i bu yang dag rgyal ba can dang / mi pham sgra'i la ba can dang / ka t+ya'i bu nog can dang / gcer bu pa gnyen gyi bu de rnams kyis rang rang gis dam bcas pa lags so//
- 18b
de nas bcom ldan 'das kyis de'i tshe tshigs su bcad pa bka' stsal pa/ rab bzang nga ni na tshod nyi shu dgu lon nas// legs pa gang yin tshol phyir rab tu byung bar gyur// rab bzang nga ni rab tu byung ba'i phyin chad nas/ / lo grangs lnga bcu'i bar du ting 'dzin bsgom pa byas// ngas ni tshu khrims rnams dang zhabs dang rig pa dang // sems kyi rtse gcig btud pa dag kyang bsgom par byas/ / rigs par ldan pa'i chos kyi phyogs tsam brjod pa yang // 'di las phyi rol pa yi dge sbyong gzhan la med// rab bzang chos 'dul ba gang la 'phags pa'i lam yan lag brgyad pa med pa de la ni dge sbyong dang po yang med/ de la ni dge sbyong gnyis pa dang / gsum pa dang / bzhi pa yang med do// rab bzang chos 'dul ba gang la 'phags pa'i lam yan lag brgyad pa yod pa de la ni dge slong dang po dang / gnyis pa dang / gsum pa dang / bzhi pa yang yod de/ de bas na 'di las phyi/ rol pa'i dge sbyong rnams dang / bram ze rnams la ni mid de/ pha rol rgol ba'i dge sbyong rnams sam/ bram ze rnams kyis stong ngo zhes nga ni de skad du 'khor 'dir seng ge'i sgra yang dag par sgrogs so zhes gsungs so/ / chos kyi rnam grangs 'di bshad pa na/ kun tu rgyu rab bzang chos kyi mig rdul med cing dri ma dang bral la rnam par dag ste/ kun tu rgyu chos
- 19a
mthong ba/ chos rnyed pa/ chos rtogs pa/ chos kyi gting bslebs pa/ som nyi las brgal ba/ the tsom las brgal ba/ gzhan gyi dring mi 'jog pa gzhan gyis bkrir med pa/ ston pa'i bstan pa'i chos rnams la mi 'jigs pa thob par gyur nas/ stan las langs te bla gos phrag pa gcig tu gzar nas/ bcom ldan 'das ga la pa de logs su thal mo sbyar ba btud de/ tshe dang ldan pa kun dga' bo la smras pa/ btsun pa kun dga' bos ni rnyed pa legs par rnyed do// btsun pa kun dga' bo ni slob dpon chen po'i nye gnas su dbang bskur ba lags so/ / bdag kyang rnyed pa legs par rnyed pa lags te/ bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyad pa spyod par 'tshal lo zhes byas so// de nas tshe dang ldan pa kun dga' bo stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa kun tu rgyu 'di ni legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos por 'gyur bar 'tshal na/ bcom ldan 'das kyis thugs brtse ba'i slad du rab tu dbyung
- 19b
bar mdzad par gsol/ de nas bcom ldan 'das kyis kun tu rgyu rab bzang la dge slong tshur shog/ tshangs par spyod cig ces bka' stsal nas/ tshig de thos ma thag tu skra dang kha spu ni bregs nas zhag bdun lon pa tsam du gyur/ chos gos snam sbyar ni gyon/ spyod lam ni bsnyen par rdzogs nas lo brgya lon pa lta bur 'dug par gyur/ lag na ni lhung bzed dang chu snod thogs par gyur to/ / 'dir smras pa/ de bzhin gshegs pas tshur zhes bka' stsal pas// de ni skra bregs lus la snam sbyar gyon// sangs rgyas kyis ni dgongs pas go bgos nas mod la dbang po rab tu zhi bar gnas/ / de nas bcom ldan 'das kyis de la lung phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur
- 20a
to/ / de nas tshe dang ldan pa rab bzang 'di snyam du sems te/ bdag gis ston pa yongs su mya ngan las 'da' ba mthong bar bya ba ni bdag gi cha ma yin gyis/ ma la bdag gis byin rlabs rnam pa lnga byin gyis brlabs la/ de bas sngar yongs su mya ngan las 'da' bar bya'o snyam nas/ tshangs pa mtshungs par spyod pa rnams kyis ni bdag dge slong gi cha lugs su mthong bar gyur cig/ mu stegs pa gzhan rnams kyis ni mu stegs pa'i cha lugs su mthong bar gyur cig/ tshangs pa mtshungs par spyod pa rnams kyis ni bde blag tu bdag gi thang du'ong nus par gyur cig/ mu stegs pa gzhan dag gis ni chu chen pos bskor bar mthong bar gyur cig/ tshangs pa mtshungs par spyod pa rnams kyis ni bdag gis khyogs 'khyer nus par gyur cig/ 'di las phyi rol pa rnams kyis ni brgya 'am stong gis kyang 'khyer mi nus par gyur cig/ tshangs pa mtshungs par spyod pa rnams kyis ni bdag gi rus bu bsreg pa'i ma sbar nus par gyur cig/ 'di las phyi rol pa rnams kyis ni brgya'am stong gis kyang slar mi nus par gyur cig/ tshangs pa mtshungs par spyod pa rnams kyis ni bdag gi rus bu mthong bar gyur la/ mthong nas kyang rus bu la mchod pa byed par gyur cig/ mu stegs pa gzhan rnams kyis ni mthong bar ma gyur cig ces byas nas/ der tshe dang ldan pa rab bzang gis byin rlabs rnam pa lnga byin gyis
- 20b
brlabs te/ yongs su mya ngan las 'das so// de nas ku shang grang byar du lha rnams kyis rab bzang yongs su mya ngan las 'das so zhes sgra bsgrags so// de nas de thos ma thag tu mu stegs pa gzhan kun tu rgyu rnams kyis ras kyi ba ngan dag bsgreng ste/ lam po che dang / srang dang / bzhi mdo dang / sum mdo rnams su sgra bsgrags pa/ dge sbyong go'u ta ma na re/ phyi rol pa'i dge sbyong ngam/ bram ze med de/ pha rol smra ba rnams ni dge sbyong ngam/ bram zes stong ngo zhes de skad du 'khor 'dir yang dag pa'i seng ge'i sgra sgrogaso so zhes zer la da ni bdag cag gi tshangs pa mtshungs par spyod pa 'di yang yongs su mya ngan las 'das so zhes ku sha'i grong khyer thog thag tu bsgrags nas/ shing sA la zung gi tshul du dong ste rab bzang ga la 'dug pa der chas pa las de'i thad du 'gro ma nus so/ / de nas dge slong rnams kyis de dag mthong nas/ kye khyed rnams 'dir ci la 'ongs/ de dag gis smras pa/ bdag cag gi tshangs pa mtshungs par spyod pa yongs su mya ngan las 'das te/ bdag cag gis de'i rus bu la mchod pa bya'o// dge slong rnams kyis smras pa/ 'di ni nged kyis tshangs pa mtshungs par spyod pa yin gyi/ khyed kyi ma yin no// ci khyed kyis skra bregs la chos gos snam sbyar gyon pa ma mthong ngam/ de dag gis smras pa/ bdag cag gis ni dbyug gu gsum dang ril
- 21a
ba spyi blugs thogs pa de lta bur mthong ngo / / dge slong rnams kyis smras pa/ gal te 'di khyed kyi tshangs pa mtshungs par spyod pa yin zhe na/ 'di'i thad du shog la mchod pa gyis shig/ de nas de thos ma thag tu mu stegs pa gzhan dag rab bzang gi thad du 'gro 'dod pa las/ chu chen pos bskor bar mthong nas 'gro ma nus so// de nas dge slong rnams kyis smras pa/ 'o lta dang nged kyi tshangs pa mtshungs par spyod pa yin gyi/ khyed kyi ma yin no// 'di ltar nged ni 'di'i thad du bde blag tu 'gro nus pa yin te/ khyed kyang nged kyi mthus 'di'i thad du shog cig ces byas nas/ de dag thams cad rab bzang gi rus bu'i thad du dong ngo // de nas dge slong rnams kyis smras pa/ gal te khyed kyi/ tshangs pa mtshungs par spyod pa yin zhe na/ 'di'i khyogs khyer cig/ de nas de thos ma thag tu mu stegs pa gzhan kun tu rgyu de dag gi khyogs bskur zhes byas na/ gdeg par ma nus so/ / de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i khyogs khyer te bskur gyis ltos shig ces byas nas/ dge slong rnams kyis khyogs khyer te gang du bsregs pa'i gnas su bzhag nas/ dge slong rnams kyis smras pa/ gal te 'di khyed kyi tshangs pa mtshungs par spyod pa yin zhe na/ rus bu
- 21b
bsregs pa'i me bus shig/ de nas mu stegs pa gzhan dag gis rus bu bsreg pa'i me sbar zhes byas na/ sbar ma nus so// de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ 'di ni rus bu bsregs pa'i me bdag cag gis sbar ro zhes byas nas/ dge slong rnams kyis de'i rus bu bsregs pa'i me sbyar to// rus bu bsreg pa'i me sbar nas/ yang smras pa/ gal te 'di khyed kyi tshangs pa mtshungs par spyod pa yin zhes na/ khyed kyis 'di'i rus bu bsregs pa'i me 'o mas sod cig ces byas nas/ mu stegs pa gzhan dag gi de'i rus bu bsreg pa'i me gsod ces byas na gsod ma nus so// de nas dge slong rnams kyis smras pa/ 'di ni nged kyi tshangs pa mtshungs par spyod pa yin te/ nged kyis 'di'i rus bu bsregs pa'i me gsod do zhes byas nas/ dge slong rnams kyis de'i rus bu bsregs pa'i me bsad do// me bsad nas yang smras pa/ gal te 'di khyed kyi tshangs pa mtshungs par spyod pa yin zhe na/ 'di'i rus bu 'di rnams long la mchod pa gyis shig/ de nas mu stegs pa gzhan kun tu rgyu rnams kyis rus bu blang zhes byas na/ rus bu ma mthong ngo // de nas dge slong rnams kyis rus bu de dag blangs te/ rus bu mchod rten gyi nang du bzhag nas 'dug pa dang / phye ma dang / me tog rnams kyis bkur sti byas te dong ngo // // bam po nyi shu lnga pa// de nas dge slong
- 22a
rnams kyis/ sangs rgyas bcom ldan 'das la gsol ba/ btsun pa tshe dang ldan pa rab bzang 'di kun gyi 'og tu rab tu byung la thob ma kho nar yongs su mya ngan las 'das te/ de'i 'og tu gdod bcom ldan 'das yongs su mya ngan las 'da' bar gyur pa la gzigs/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam/ gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ grong khyer wA rA Na sin/ rgyal po kri kri zhes bya ba rgyal po byed de/ de'i tshe rgyal po kri kri'i mdun na 'don gyi bu gzugs bzang zhing blta na sdug la/ mdzes pa mdog bzang ba gser gyi mdog can mgo bo gdugs lter 'dug pa lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa/ lus skyes bu chen po'i mtshan sum cu rtsa gcig kyis legs par brgyan pa/ dpe byad bzang po brgyad cus mdzes par byas pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di'i rus 'od srungs yin pa / khye'u 'di'i ming 'od srungs nyid du gdags so zhes zer ro// de nas khye'u 'od srungs 'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe
- 22b
cher skyes pa de'i tshe/ mtshan mkhan bye brag byed pa dag gis lung bstan pa/ khye'u 'od srungs 'di gal te rab tu ma byung na ni/ 'khor los sgyur ba'i rgyal por 'gyur ro// gal te skra dang kha spu bregs nas/ chos gos tshon can gyon te/ yang dag pa'i dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'jig rten du grags pa chen po dang ldan par 'gyur ro zhes zer ro/ / de nas byang chub sems dpa' 'od srungs kyi mdza' bo bshes pa bram ze'i khye'u mya ngan med ces bya ba zhig yod pa des de'i lung bstan pa de thos nas/ de thos ma thag tu smras pa/ grogs po shes par gyis la/ nga dang ma 'grogs par khyod dka' thub kyi tshul du ma 'gro zhig ces byas so// de nas byang chub sems dpa' mya ngan las 'das pa la dgongs pa nas/ nga khyod dang ma 'grogs kyi bar du mi 'gro'o zhes byas so// de nas der gang gi tshe byang chub sems dpa' bod srungs kyis rgan po dang / nad pa dang / shi ba gzigs nas/ nags tshal gyi nang du gshegs pa de'i tshe/ mya ngan med mi dga' bar gyur te/ des ji ltar dam bcas pa bzhin du ma byas so snyam mo// de nas gang gi tshe byang chub sems dpa' 'od srungs bla na med pa yang dag par rdzogs pa'i byang chub mngon par rdzogs par sangs rgyas nas/ wA rA NA sir gshegs pa de'i tshe/ des der lan gsum du bzlas te/ chos kyi 'khor lo rnam pa bcu gnyis chos bzhin du
- 23a
bskor nas/ de rgyal po kri kris bshos la spyan drangs te/ rgyal pos de kho na'i mtshan mo lam yang mdzes par byed du bcug/ de kho na'i mtshan mo bza' ba dang bcas pa gtsang ma bzang po rnams sbyar te/ gdan bshams nas chur bkang ste/ bcom ldan 'das la 'phrin gyis gdugs chod bskul nas/ rgyal po de nyid kyis bdug pa dang / bye ma dang / spos dang me tog dang / gdugs dang / rgyal mtshan dang / ba dan rnams khyer te/ sol snyan gyi sgra chen po sgrogs shing / drang srong smra ba nas yang dag par rdzogs pa'i sangs rgyas 'od srungs bsu nas/ 'byor pa chen pos wA rA NA sir sman drangs so// de nas bram ze'i khye'u mya ngan med kyis byang chub sems dpa' 'od srungs bla na med pa yang dag par rdzogs pa'i byang chub mngon par rdzogs par sangs rgyas nas/ wA rA NA ser gshegs te/ de rgyal po kri kris bshos la spyan drangs nas/ rgyal po des de kho na'i mtshan mo lam yang mdzes par byed du bcug/ de kho na'i mtshan mo bza' ba dang bca' ba gtsang ma bzang po mang po rnams kyang sbyar te/ gdan bshams pas chur bkang ste/ bcom ldan 'das la 'phrin gyis gdugs tshod bskul nas/ rgyal po de nyid kyis bdug pa dang / phye ma dang / spos dang / me tog dang / gdugs dang / rgyal mtshan dang / ba dan rnams khyer te/ sil snyan gyi sgra chen po sgrogs shing / drang srong smra ba nas yang
- 23b
dag par rdzogs pa'i sangs rgyas 'od srungs bsu nas 'byor pa chen pos wA rA NA sir spyan drangs so zhes thos so/ / thos nas kyang sngon gyi dga' bar gyur pas thag mi ring ba zhig tu 'dug ste lha bar byed la/ drung du ltar 'gror mi'i 'dod do// de nas yang dag par rdzogs pa'i sangs rgyas kyis dgongs nas/ phyag glang po ches sna lta bu brkyang ste phyag gis bzung nas drangs te bka' stsal pa/ mya ngan med khyod ci'i phyir nga dang 'phrang du 'ong bar mi 'dod/ des gsol pa/ sngon bdag la dam bzhes pa ni/ nga gang du 'gro ba der khyod khrid de 'gro'o zhes khyod kyis dam bcas pa las/ gcig pu dkar thub kyi nags tshal du bzhud de/ sngon bdag mi dga' ba'i gzhi mchis pa'i slad du mchi mi 'tshal lo// yang dag par rdzogs pa'i sangs rgyas 'od srungs kyis bka' stsal pa/ ngas ni mya ngan las bdas pa las bsams te smras pa yin na/ yong yang khyod der phyin tu zin na/ ci la phan te da ni dam bcas pa de'i dus la bab bo// mya ngan med kyis gsol pa/ btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa skud par 'tshal lo// de nas yang dag par rdzogs pa'i sangs rgyas 'od srungs kyis de dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang phog ste/ des lung de mnos pa
- 24a
'og tu le lo byed cing 'dug pa las/ der gang gi tshe yang dag par rdzogs pa'i sangs rgyas kyis dgon pa'i bsngags pa bstan pa de'i tshe/ des yid la bya ba mnos nas/ dgon pa'i gnas shig tu song ste 'dug pa las/ gang gi tshe yang dag par rdzogs pa'i sangs rgyas 'od srungs kyis sangs rgyas kyi 'phrin las thams cad mdzad nas/ gzims mal gyi tha mar zhugs pa de'i tshe lha rnams kyis kun tu sgra bsgrags te/ yang dag par rdzogs pa'i sangs rgyas 'od srungs do nub nam phyed na phung po'i lhag ma med pa'i mya ngan las 'das pa'i dbyings su mya ngan las 'da' bar 'gyur ro zhes sgra bsgrags so/ / de nas dge slong mya ngan med kyis lha nam mkha' la 'gro ba de dag gi sgra thos so// thos nas kyang de sdug bsngal chen po skyes te/ bcom ldan 'das ni mya ngan las 'da' bar 'gyur la/ bdag gis ni khyad par ci yang ma thob bo snyam nas/ de gzhi de las shin tu mya ngan byed cing sdug bsngal la smre sngags 'den par byed do// de nas de la dga' ba'i lhas de mthong nas smras pa/ mya ngan med ci'i phyir khyod shin tu mya ngan byed cing sdug bsngal la smre sngags 'don par byed/ gal te yang dag par rdzogs pa'i sangs rgyas 'od srungs mthong na de la bya ba ci zhig yod/ mya ngan med kyis smras pa/ yang dag par rdzogs pa'i sangs rgyas 'od srungs kyi bstan pa la bya ba gang yin pa de dag thams cad bya'o/ / de nas de thos ma thag tu lte des khyer te/ yang dag par rdzogs pa'i sangs rgyas 'od srungs kyi spyan
- 24b
sngar bab par bzhag nas/ de yang dag par rdzogs pa'i sangs rgyas 'od srungs ga la ba der song ste phyin nas/ zhabs la mgo bos phyag 'tshal te/ phyogs gcig tu 'dug go// de nas yang dag par rdzogs pa'i sangs rgyas 'od srungs kyis de dang 'thun pa'i chos bstan te/ des na mya ngan med kyis stan de la 'dug bzhin du nyon mongs pa thams cad spangs te/ dgra bcom pa nyid mngon sum du byas/ so// de nas mya ngan med kyis dgra bcom pa nyid thob nas 'di snyam du ma la bdag gis ston pa yongs su mya ngan las 'dab ba mthong bar bya ba ni bdag gi cha ma yin gyis/ bdag sngar yongs su mya ngan las 'da' bar bya'o snyam mo/ / de nas mya ngan med yongs su mya ngan las 'das nas/ de'i 'og tu yang dag par rdzogs pa'i sangs rgyas 'od srungs yongs su mya ngan las 'das so// de nas lce des bsams pa/ 'dis khyad par 'di lta bu thob pa ci yang rung ba de dag thams cad ni bdag gi mthu yin no snyam nas/ kye ma dge ba'i rtsa ba 'dis na/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas// bdag de bas sngar yongs su mya ngan las 'da' bar gyur la/ de'i 'og tu ston pa yongs su mya ngan las 'da' bar gyur cig ces smon lam btab bo// dge slong dag ji snyam du sems//
- 25a
de'i tshe lhar gyur pa gang yin pa de ni rab bzang 'di kho na yin te/ des der smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur la/ bdag sngar yongs su mya ngan las 'das nas/ de'i 'og tu ston pa yongs su mya ngan las 'da' bar gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis ngamanyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// bdag sngar yongs su mya ngan las 'das nas/ de'i 'og tu ston pa yongs su mya ngan las 'da' bar gyur cig ces smon lam de ltar btab pa des ni 'di sngar yongs su mya ngan las 'das nas/ ro'i 'og tu yongs su mya ngan las 'da' bar 'gyur ro/ / dge slong ga gzhan yang 'das pa'i dus na nags khrod gcig na drang srong lnga brgya tsam gnas so// nags khrod de na lha zhig kyang gnas te/ de drang
- 25b
srong de dag la shin tu dga' bar gyur to/ / de'i tshe yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kham sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang dag par rdzogs pa'i sangs rgyas 'khor ba 'jin gis 'dra ba chen po bstan pa de'i tshe/ lha de yang 'dra ba chen po der 'dus te/ des yang dag par rdzogs pa'i sangs rgyas 'khor ba 'jig las chos thos nas nags khrod du song ste/ des drang srong de dag gi mdun du yang dag par rdzogs pa'i sangs rgyas 'khor ba 'jig gi bsngags pa brjod do/ / de nas de thos ma thag tu drang srong de dag yang dag par rdzogs pa'i sangs rgyas 'khor ba 'jig mthong 'dod ches pa'i sems skyes nas/ de dag gis lha de nyid mdun du bdar te/ yang dag par rdzogs pa'i sangs rgyas 'khor ba 'jig ga la ba der dong ste/ drang srong lnga brgya po de dag gis thag ring po nas yang dag par rdzogs pa'i sangs rgyas sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la/ rnam par dag pa dang ldan pa'i sangs rgyas bcom ldan 'das
- 26a
@#/ mthong ngo ngo// mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde bci 'dra ba de lta du rnam/ bcu gnyis kyi bar du mi gnas kyi sems la goms par byas pa la yang nyams bde ba de lta bu skye bar mi 'gyur ro// de ltar dga' ba skyes nas kyang / yang dag par rdzogs pa'i sangs rgyas 'khor ba 'jig ga la ba der dong ste lhags nas/ yang dag par rdzogs pa'i sangs rgyas 'khor ba 'jig gi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas yang dag par rdzogs pa'i sangs rgyas 'khor ba 'jig gis de rnams kyi bsam pa dang / bag la nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong lnga brgya po de dag gis stan de dag nyid la 'khor bzhin du bden pa rtogs ma thag tu phyir mi 'ong ba'i 'bras bu mngon sum du byas so// de dag gis bden pa mthong nas gsol pa/ btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs bar spyod pa spyad par 'tshal lo/ / de nas yang dag par rdzogs pa'i sangs rgyas 'khor ba 'jig gis drang srong lnga brgya po de dag la dge slong tshur shog ces bya ba'i tshig gis rab tu phyung ste/ bsnyen
- 26b
par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / babad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyi mchod cing rjed pa dang / gus par smra ba'i gnas su gyur to// de nas gang gi tshe yang dag par rdzogs pa'i sangs rgyas 'khor ba 'jig gis sangs rgyas kyi 'phrin las thams cad mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'da' bar bzhed de/ gzims mal gyi tha mar zhugs pa de'i tshe/ dge slong lnga brgya po de dag gis bsams pa/ bdag cag gis ston pa yongs su mya ngan las 'da' ba blta ba ni bdag cag gi cha ma yin gyis/ mal bdag cag sngar yongs su mya ngan las 'da' bar bya'o snyam nas/ dge slong lnga brgya po de dag sngar yongs su mya ngan las 'das te/ de'i 'og tu yang dag par rdzogs pa'i sangs rgyas 'khor ba 'jig yongs su mya ngan
- 27a
las 'das so/ / de nas lha des smon lam btab pa/ 'di rnams kyis yon tan gyi tshogs 'di lta bu thob pa ci yang rung ba de dag thams cad ni bdag gi mthu yin gyis/ kye ma dge ba'i rtsa ba 'dis na bdag gis kyang ston pa 'di lta bu mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur la/ bdag kyang ston pa de gzims mal gyi tha mar zhugs pa'i snga rol du yongs su mya ngan las 'da' bar gyur cig ces byas so/ / dge slong dag ji snyam du sems/ de'i tshe lhar gyur pa gang yin pa de ni rab bzang 'di kho na yin te/ des der smon lam btab pa des na/ dge slong yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyed par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ nga gzims mal gyi tha mar zhugs pa na 'di sngar yongs su mya ngan las 'das te/ de'i 'og tu yongs su mya ngan las 'da' 'o// de nas dge slong rnams kyis/ sangs rgyas bcom ldan 'das la gsol ba/
- 27b
pa bcom ldan 'das kyis 'chi ka'i na tsha nyams su myong ba na/ tshe dang ldan pa rab bzang gi skyabs mdzad de/ gzhung drung gi mthar thug pa grub pa dang bde ba'i mya ngan las 'das pa la gnas par mdzad pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga'achi ka'i na tsha nyams su myong ba na/ 'di 'jigs pa yod pa'i sa phyogs nas byung ste/ 'jigs pa med pa'i gnas su ji ltar bzhag pa de nyon cig/ dge slong dag sngon byung ba 'das pa'i bus na/ grong khyer wA rA NA si na/ rgyal po tshangs pas byin zhes bya ba rgyal po byed de/ rgyal po tshangs pas byin gyi rta cang shes mchog tu bzang ba cig yod de/ de'i mthus na rgyal po tshangs pas byin gyis nyi 'og gi rgyal po thams cad la dpya phaba'o// de nas phyi zhig na rta cang shes de shi nas/ de'i gtam kun tu grags par gyur te/ rgyal po tshangs pas byin gyi rta cang shes de shi'o zhes 'dzer to// de nas de thos ma thag tu nyi 'og gi rgyal po thams cad kyis bsams pa/ des bdag cag la dpya phab pa ci yang rung ba de dag thams cad ni rta cang shes de'i drin kho nar zad de/ da ni de shi zin pas/ da ni gal te bdag cag gis de phyi rol du byung ba mthong na ni/ bdag cag gis de der ci dga' dgur byar yod do snyam nas/ de dag de la glags lta zhing 'khod do// rgyal po tshangs pas byin gyis kyang / ji ltar nyi 'og gi rgyal po de dag glags lta zhing 'khod pa'i
- 28a
@#gtam thos nas/ thos ma thag tu de dag gis 'jigs nas/ grong khyer gyi nang nas phyi rol du 'byung ba'i thugs mi thub bo// de nas phyi mig na byang phyogs nas tshong pa dag gis zong du rta ded de wA rA NA sir lhags so/ / de nas rgyal po tshangs pas byin gyis byang phyogs nas tshong pa dag gis zong du rta ded de 'ongs so zhes thos nas/ thos ma thag tu rgyal po des rta brtag pa la mkhas pa'i mi dag btang ste/ khyed deng la zong du rta ded de 'ongs pa thams cad nyos shig/ lhag par yang de dag gi nang na rta cang shes 'ga' yod kyang srid kyis/ ltos shig ces bsgo'o// de nas rgyal po tshangs pas byin gyi zha ba ring ba rnams kyis/ lha bka' stsal pa bzhin 'tshal lo zhes gsol nas/ rta de dag thams cad nyos te/ de dag gis bltas na/ de'i nang na rta'i mchog gang yin pa de rta cang shes yin par gyur nas/ de dag gis rgyal po de la gsol to// de nas de thos ma thag tu rgyal po de shin tu mgu bar gyur nas/ des rta'i tshong pa de dag la gser dngul mang po byin no/ / de nas phyi zhig na rta cang shes de la zhon nas skyed mos tshal gyi sar byung ba drang / nyi 'og gi rgyal po rnams kyis rgyal po tshangs pas byin skyed mos tshal du byung ngo zhes thos so/ / thos nas kyang dpung gi tshogs yan lag bzhi go bskon nas wA rA NA sir lhags te/ skyed mos tshal bskor te 'khod do// de nas rgyal po tshangs pas byin ci
- 28b
bya gtol med par gyur te/ dgar 'gro bar bya snyam nas/ des thams cad bor te rta cang shes la non nas skyed mos tshal gyis nas phyir 'byung ngo snyam pa las bltas na/ skyed mos tshal thams cad pha rol gyi dmag tshogs kyis 'khor zhing 'dug go/ / rta cang shes kyis ni chos nyid kyis rgyal po'i srog 'byin par 'gyur ro// skyed mos tshal de yang grong khyer gyi 'obs kyis chod de/ grong khyer gyi 'obs de yang za ba la me tog pad+mas gang bar 'dug go/ / de nas rta cang shes kyis bsams pa/ bdag gis gud du ni 'bros mi nus so snyam nas// des pad+ma'i 'dab ma de dag la gom pa bor te grong khyer logs su chas te song ngo / / de nas nyi 'og gi rgyal po rnams kyis mthong nas mda' ste'u ka nya sngas rta cang shes de'i lto dral to// de nas rgyal po des kyang de mthong nas/ 'jigs shing skrag ste/ rta 'di chu 'di'i nang du shi nas bdag 'di kho nar bar mdor ma rung bar mi 'gyur grang snyam mo// de nas rta cang shes kyis rgyal po 'jigs skrag par shes nas/ rgyal po yid gso ba'i phyir tshigs su bcad de smras pa/ 'di ltar g.yul du bdag gi lus// mdas bsnun pa ni gzigs mod kyi// thar par bgyis nas gdod 'gum gyis// rgyal po khyod ni ma sbrengs shig/ ces smras nas/ rta cang shes des rgyal po de grong khyer gyi nang du bskyal te/ 'jigs pa med pa'i gnas su bzhag nas shi'o// dge slong dag ji snyam du sems/ de'i tshe rta cang
- 29a
shes su gyur pa byang chub sems dpa'i spyod pa la gnas pa de ni nga nyid yin no/ / de'i tshe rgyal por gyur pa gang yin pa de ni rab bzang 'di kho na yin te/ de'i tshe yang nga 'chi ka'i na tshas thebs pa na/ 'di 'jigs pa'i gnas dang ldan pa las bsgral te/ 'jigs pa med pa'i gnas su bzhag go// da ltar yang nga 'chi ka'i na tshas thebs pa na/ 'di 'jigs pa dang / ldan pa'i 'khor ba las bsgral te/ g.yung drung gi mthar thug pa grub pa dang bde ba'i mya ngan las 'das pa la bzhag go/ gzhan yang nga 'chi ka'i na tshas thebs pa na/ 'di 'jigs pa'i gnas dang ldan pa las bsgral nas/ 'jigs pa med pa'i gnas su bzhag ste/ dge slong dag sngon byung ba 'das pa'i dus na/ grong khyer kan n+ya ku ba tsha zhes bya ba na/ rgyal po rna ba zhes bya ba rgyal po khyed de/ rgyal po de yang ri dgas gshor ba la shin tu sred nas/ de phyi zhig na dpung gi tshogs yan lag bzhi go bskon nas/ ri dgas gshor du song ba las/ chu klung zhig gi 'gram na ri dgas lnga brgya khyu gcig tu 'khod pa rgyal po des dpung gi tshogs yan lag bzhis bskor du bcug nas/ ci nas kyang ri dgas gcig kyang mi 'chor ba de lta bur byas so// de nas ri dgas kyi khyu mchog gis bsams pa/ bdag ni ri dgas kyi khyu 'di'i gtso bo yin pas na/ bdag gis 'di rnams kyi grub pa dang bde ba bsam dgos so snyam nas/ kho ra khor yug tu bltas te/ ri
- 29b
dgas rnams phyogs gang logs su byung na thar bar 'gyur zhig gu snyam pa las/ des bltas na/ chu klung drag po'i 'gram ma gtogs par dpung gi tshogs yan lag bzhis mtshams med par bskor te chu klung gi 'gram de na ni su yang mi 'dun par mthong ngo / / de nas byang chub sems dpa' des bsams pa/ ri dgas 'di rnams kyis ni chu klung 'di 'bog pa'am/ mchong ba 'am/ 'bros par yang mi nu kyis/ de lta ma yin par nga nyid chu klung 'di'i dbus su rkang lag btsugs te 'dug par bya'o snyam nas/ ri dgas de rnams la khyed kyis mchongs la nga'i rgyab tu rkang lag gis brten te pha rol gyi 'gram du dong zhig ces byas nas/ byang chub sems dpa' des chu klung gi dbus su rkang lag btsugs te 'dug go// byang chub sems dpa' rnams ni stobs kyi shugs dang ldan pa yin pas na/ de chu/ klung des bskyod mi nus par 'dug nas/ de de na 'dug pa'i rgyab tu ri dgas rnams kyis mchong zhing rkang la btsugs te pha rol gyi 'gram du dong ngo // de dag dong ba'i rmig pas byang chub sems dpa' de'i rgyab chod par gyur to/ / de nas ri dgas tha mar lus pa des mthong nas/ de dogs pa skyes te/ bdag ni bsgral mi nus gor ma chag snyam mo// de nas byang chub sems dpa' des de dogs pa skyes par mthong nas yid gsol te/ grogs po ma 'jigs shig/ khyod 'chi bar dogaso pa med do zhes byas nas/ byang chub sems dpa' des ri dgas bsgral te pha rol tu song nas/ byang
- 30a
chub sems dpa' de dus las 'das so/ / dge slong dag ji snyam du sems/ de'i cher dgas kyi bu khyu mchog tu gyur pa byang chub sems dpa'i spyod pa la gnas pa gang yin pa de ni nganyid yin no/ / ri dgas lnga brgya por gyur pa gang yin pa de dag ni grong khyer ku sha na gnas pa'i gyad lnga brgya po 'di dag kho na yin no// de'i tshe ri dgas tha mar lus pa gang yin pa de ni bzang 'di kho na yin te/ de'i tshe yang nga 'chi ka'i na tsha dang ldan par gyur pa na/ 'di 'jig pa dang ldan pa'i gnas nas bsgral te/ 'jigs pa med pa'i gnas su bzhag go// da ltar yang nga 'chi ka'i natshas thebs pa na/ rab bzang la sogs pa gyad lnga brgya po 'di dag 'jigs pa dang bcas pa'i 'khor ba las bsgral nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / de nas der bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod kyis cung zad ci mthong / gsol pa/ btsun pa mthong lags so/ / bka' stsal pa/ khyod kyis ci mthong / gsol pa/ btsun pa bcom ldan 'das kyis 'dul ba'i dbang gis sprul pa zhig bzhag ste/ gzhig tu gshegs par mthong lags so// bka' stsal pa/ kun dga' bo de ni de bzhin no// de ni de bzhin te/ kun dga' bo da ltar de bzhin gshegs pa'i gdul bar bya ba gnyis shig lus te/ dri za'i rgyal po rab dga' dang / kun tu rgyu rab
- 30b
bzang gnyis so/ / de lang 'di snyam du sems te/ kun tu rgyu rab bzang ni ngas gdul bar sman/ dri za'i rgyal po rab dga' ni rgyags shing bag med par gnas pa yin pas/ ngas sprul pa bzhag ste/ sum cu rtsa gsum pa'i lha'i nang du song nas/ dri ba'i rgyal po rab dga' bden pa rnams la gnas par byas te 'dir 'ongs so// de nas dge slong rnams kyis/ sangs rgyas bcom ldan 'das la zhus pa/ btsun pa rab dgas las ci bgyis shing bsags na/ las de'i rnam par smin pas lha rnams kyi nang du skyes te/ dri za'i rgyal por gyur la/ 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe lho phyogs nas rol mo mkhan gyi slob dpon mchog cig 'ongs te/ wA rA NA sir phyin to// de nas slob dpon chen po yin pa'i phyir/
- 31a
rnam pa mayis parnyes nas longs spyod kyigan 'chogs rten du rgyun// 'jig rten dadani 'byor pa 'don pa yin te/ des kyim kyi khor dargyas par byas te banag so/ tshe wA rA NA si de nyid na dge bsnyen dbul po zhig gnas te/ des rol mo mkhan bde ba chen po nyams su myong ba de mthong nas/ de'i las de la chags pa skyes te/ las de'i mthas 'di bde ba de lta bu nyams su myong bar gyur pa las na/ las 'di ni bzang po zhig yin no snyam nas/ des tshe gcig gi bar du skyabs su 'gro ba dang / bslab pa'i gzhi rnams bsrungs te 'chi kar smon lam btab pa/ kye ma dge ba'i rtsa ba 'dis na bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar gyur cig/ rol mo mkhan thams cad kyi rgyal por yang gyur cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par mgyur cig ces byas so/ / dge slong dag ji snyam du sems/ de'i tshe dge bsnyen du gyur pa gang yin pa de ni dri za'i rgyal po rab dga' 'di kho na yin te/ des der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa'i las de'i rnam par smin pas 'di gang dang gang du skyes pa de dang der phyug cing nor mngal longs spyod che ba'i
- 31b
rigs su skyes te/ dge slong dag yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa mtshas par gyur nas/ 'dis nga mnyes par byas te/ mi mnyes par ma byas so// de nas dge slong rnams kyis/ bcom ldan 'das la gsol pa/ btsun pa bcom ldan 'das kyis 'chi ka'i na tsha dang ldan pa na/ 'dul ba'i dbang gis 'di lta bur po brgyal bar gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang / nga 'chi ka'i na tsha dang ldan pa na/ gdul bar bya ba'i phyir ji ltar sdug bsngal chen po dang ldan par gyur pa de nyon cig/ dge slong dag sngon byung ba 'das pa'i dus na/ grong khyer thub med rgyal zhes bya ba na/ rgyal po rgyal ba po zhes bya ba rgyal po byed de/ phyi zhig na de'i btsun mo la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji ska dag dag sa zhes ming 'dogs par byed do// khye'u 'di rgyal ba po'i sras yin pas na/ rnam par rgyal ba zhes gdugs so zhes zer ro/ / de nas khye'u rnam par rgyal ba po'o ma dang / mo dang / mar dang / zhun mar dang / mar gyi snying lus bskyed bsrings te/ de gang gi tshe cher skyes pa de'i tshe/
- 32a
khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas/ las kyi gnas tha dad pa 'di lta ste/ glang po che bzhon pa dang rta bzhon pa dang / mtshon cha bcang ba dang / 'phong dang / mdun du brtsu ba dang / phyir bsnur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa 'phang ba dang / 'khor lo 'phang ba dang / gcod pa dang / bsreg pa dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to// de nas de phyi zhig na bas de la bsgo ba/ khyod kyi pha'i yul 'byor pa dang rgyas par 'dug gis/ yul phyogs de dag ltar song zhig ces bya ba nas/ ji ltar yab kyis bka' stsal pa de bzhin du 'tshal lo zhes byas nas/ de skye bo phal po ches zham ring byas te/ yul phyogs de dag ltar song ngo // de song ba'i 'og tu rgyal po rgyal ba po dus las 'das nas/ blon po rnams kyis rgyal po'i bu de la pho nya btang nas/ khyod kyi yab nongs kyis slar gshegs te/ yab kyi rgyal srid bskyang du gsol
- 32b
zhes spring ngo / / rgyal po'i bu de yang byams pa'i rang bzhin can/ snying rje dang ldan pa/ sems can la byams pa ni ga ste/ de thos ma thag tu nges kyang blon po rnams la pho nya btang nas snag rung ste/ gal te nga'i yab kyi yul khams na/ sems can ji snyed gnas pa de dag khyed kyis dge ba bcu'i las kyi lam la bkod na ni ngas yab kyi rgyal srid bskyang bar bya'o zhes spring ngo // de nas rlon bopo rnams kyis yang pho nyas bzlugs te/ jo bo ji ltar bzhed pa bzhin du bdag cag gis bgyi bar 'tshal lo zhes spring nas/ de de dag spyan drangs te rgyal sar bcug nas/ de sbyin pa dag sbyin zhing / bsod nams dag byed pa la zhugs te/ zas 'dod pa la ni zas sbyin par byed/ skom 'dod pa la ni skom sbyin par byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ bzhon pa 'dod pa la ni bzhon pa sbyin par byed/ yo byad gzhan 'dod pa la ni yo byad gzhan sbyin par byed cing / nad pa gso ba'i nad 'brang bcas te/ yo byad thams cad sbyar nas/ sman ba rnams dang / nad g.yog rnams bskos te/ nad pa rnams dang / mgon med pa rnams kyi rimi gro byed do// bza' ba dang bca' ba mang po dag kyang sta gon byas te/ nam mkha' la gnas pa dang / chun gnas pa dang / thang la gnas pa'i srog chags rnams la sbyin par byed do// 'jig rten dag kyang dge bcu'i las kyi lam la 'god par byed de/ der dge ba bcu'i las kyi lam
- 33a
yang dag par blangs pa'i rgyus sems can phal cher lha'i nang du skyes so/ / de dag der skyes pa'i lha'i gnas rnams gang bar gyur to// de nas lha'i dbang po brgya byin gyis bsams pa rgyu gnyis kyis ni lha'i gnas rnams gang bar 'gyur te/ de bzhin gshegs pa 'byung ba dang / 'khor los sgyur ba 'byung ba 'di gnyis yin na/ ci da ltar de bzhin gshegs pa 'jig rten du byung ngam/ 'on te 'khor los sgyur ba 'jig rten du byung zhig gu snyam mo// de nas des bltas na/ de bzhin gshegs pa yang 'jig rten du ma byung // 'khor los sgyur ba'i rgyal po yang 'jig rten du ma byung ngo / / 'o na su'i mthus lha'i gnas rnams gang bar gyur snyam ste/ des bltas na/ rgyal po rnam par rgyal ba'i mthus de ltar gyur par mthong nas/ lha'i dbang po brgya byin gyis bsams pa/ 'di ci zhig sgrub cing 'dug sgyu ma ste/ des bltas na/ bla na med pa yang dag par rdzogs pa'i byang chub sgrub par mthong ngo // de nas lha'i dbang po brgya byin gyis bsams pa/ re zhig 'di sems brtan po yin nam/ 'on te sems mi brtan pa yin pa ji brtags la/ gal te sems brtan po zhig yin na ni 'di la mchod pa bya'o// de ste sems mi brtan pa zhig na ni 'di brtan por 'gyur bar bya'o snyam du bsams nas/ lha'i dbang po brgya byin gyis yul der sems can mang po sprul nas/ sprul pa de dag gis/ blon po de dag la smras pa/ gal te rgyal po 'dis bdag cag zas dang
- 33b
skom gyis tshim par byed na ni/ de lta na ni de'i 'og tu bdag cag gis kyang dge ba bcu'i las kyi lam yang dag par blangs te gnas par bya'o// de nas blon po rnams kyis/ rgyal po rnam par rgyal ba la gsol to/ / de nas rgyal po rnam par rgyal bas sprul pa de dag bkug ste bsgo ba/ ngas khyed zas dang skom gyis tshim par bya'o// sprul pa rnams kyis smras pa/ lha khyod kyis bdag cag zas dang skom gyis tshim par byed mi nus te/ bdag cag ni gsar du bsad pa'i mi sha ni za/ mi khrag ni 'thung ngo // de nas rgyal po bsams pa/ 'di dag ni mi ma yin te/ 'di dag ni mi ma yin pa yin la sha dang khrag 'di lta bu ni ma bsad kyi bar du mi rnyed do/ / 'on kyang gal te 'di rnams dge ba bcu'i las kyi lam yang dag par blangs te gnas par gyur na/ bdag gi sha dang khrag gis tshim par bya'o snyam du bsams nas/ byang chub sems dpa' des/ sprul pa rnams la smras pa/ gal te khyed dge ba bcu'i las kyi lam yang dag par blangs te gnas par byed na/ ngas nga rang gi sha dang khrag gis tshim par bya'o/ / sprul pa rnams kyis smras pa/ khyod kyi ltar bzhed pa bzhin du bgyi'o// de nas de thos ma thag tu byang chub sems dpas lus thog thag nas sha rnams bcad de/ de dag kha byin nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis bdag 'jig rten long ba 'dren pa med pa ston pa med par/ de bzhin gshegs
- 34a
pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su gyur cig ces/ bla na med pa yang dag par rdzogs pa'i byang chub tu smon lam btab nas/ sprul pa de dag thams cad dge ba bcu'i las kyi lam la bkod do/ / de nas lha'i dbang po brgya byin gyis bsams pa/ byang chub sems dpa' 'dis ni mchog tu dka' ba byas mod kyi/ bon kyang bdag gis 'di'i lus snga mkho bzhin du 'gyur bar byed ma nus so/ / gzhan yang 'di'i spro ba bskyed dgos snyam nas/ byang chub sems dpa' de la smras pa/ grogs po khyod sha rnams gcod pa dang / chu ba dang / rtsa bradang brephreng rnams gcod pa na/ cung zad tsam yang sems mi dga' ba lta yod dam/ byang chub sems dpas smras pa/ kye nga ni sha rnams gcod pa dang / chu ba dang / rtsa brang breng rnams gcod pa na/ cung zad kyang sems mi dga' ba med de/ bdag nyis 'phongs pa mthong na/ lhag par yang sems can dmyal ba dang / dud 'gro dang / yi dgas su skye ba'i sems can rnams la snying rje skyes so/ / brgya byin gyis smras pa/ grogs po khyod kyi de ji ltar yid ches par rung / byang chub sems dpas smras pa/ ngas grogs po khyod bden pa bskul bas rangs par bya'o zhes byas nas
- 34b
byang chub sems dpa' bden pa bskul ba byas te/ bden pa dang bden pa'i tshig gang gis ji ltar bdag gi sha rnams gcod pa dang / chu ba dang / rtsa brang breng rnams gcod pa na/ cung zad kyang sems mi dga' ba med na/ bden pa dang bden pa'i tshig des bdag gi lus 'di snga ma kho bzhin du gyur cig ces byas nas/ de skad brjod ma thag tu byang chub sems dpa'i lus de snga ma kho bzhin du gyur to// de nas lha'i dbang po brgya byin gyis rang bzhin gyi gzugs su bsgyur te/ rkang pa la phyag 'tshal nas bzod par gsol te/ grogs po khyod la ngas gtse ba'i bsam pas gnod pa byas par bzod par mdzod cig/ de lta mod kyi/ khyod nyid spro ba bskyed pa'i phyir khyod la gnod pa byas par zad do zhes smras nas/ lha'i dbang po brgya byin de nyid du mi snang bar gyur to// dge slong dag ji snyam du sems/ / de'i tshe byang chub sems dpa' gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe na yang nga 'dul ba'i dbang gis sdug bsngal bar gyur to/ / da ltar yang nga 'dul ba'i dbang gis sdug bsngal bar gyur to// yon rabs zhes bya ba ni/ gleng gni mnyan du yod pa na bzhugs te/ de'i chom du yod pa na/ khyim bdag gcig gnas bdes/ thabs bla bab pa las chung ma blangs te/ de de dang lhan cig tu rtse zhing dga' la dga' dgur spyod do// phyi zhig na des sangs rgyas la dang
- 35a
pa dang / chos la dad pa dang / dge 'dun la dad par gyur nas/ skyabs su 'gro ba dang / bslab pa'i gzhi rnams blangs te/ sbyin pa dag sbyin zhing / bsod/ nams dag byed pa la zhugs so// de'i khyim de khron pa dang 'dra bar gyur te/ nyin gcig bzhin du de'i khyim du dge 'dun gyi phyir bskos pa'i dge slong rnams zan ze'o// de nas phyi zhig na khyim bar ga des sangs rgyas la sogs pa dge slong gi dge 'dun spyan drangs te/ des de dag bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ bcom ldan 'das ba shos gsol zin te/ gsang sder ni gyu/ phyag ni bcabs par rig nas/ stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de'i bsam pa dang / ngag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khyim bdag des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bcom ldan 'das kyis de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so//
- 35b
de nas phyi zhig na dge slong gsar du dgra bcom pa zhig khyim der dge 'dun gyi phyir bskos pa'i chos ston gyi res la ba ba ste 'ongs so// phyi bzhin du gtsug lag khang gi sna la gtogs pa'i phyir mi 'ong ba zhig kyang 'ongs so/ / de nas khyim bdag des de gnyis zan sbyin par byas nas/ tshe dang ldan pa shA ri'i bus bsams pa/ dge slong des ni khyim bdag de la yon gyi rabs gdon par mi nus so snyam/ khyim de'i nang du song ste/ stan bshams pa la 'dug nas/ dge slong des tshe dang ldan pa shA ri'i bu la gsol ba btab ste/ gnas brtan yon gyi rabs gdon par gsol zhes byas so/ / de nas tshe dang ldan pa shA ri'i bus/ khyim der yon gnas tshogs par mthong nas de kho na dang 'thun pa'i yon gyi rabs bton nas bdag gis ni sbyin pa'i 'bras bu'i tshad rgyas bar brjod par mi nus so/ / bcom ldan 'das ni thams cad gzigs pa yin pas/ 'bras bu dang rnam par smin pa mkhyen to zhes smras te/ des yon gyi rabs bton nas/ khyim bdag de'i chung ma la yang de dang 'thun pa'i chos bstan te/ des na khyim bdag de dang chung mas phyir mi 'ong ba'i 'bras bu mngon sum du byas nas/ tshe dang ldan pa shA ri'i bus chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar byas nas/ stan las langs te song ngo // de nas phyi zhig
- 36a
na khyim bdag de'i blo skyes pa/ bdag khyim na gnas pas chog gis/ bcom ldan 'das kyi bstan pa la rab tu 'byung ngo snyam nas bza' bran gnyis kas sbyin pa dag sbyin zhing bsod nams dag byas nas/ bcom ldan 'das kyi bstan pa la rab tu byung ngo // rab tu byung nas nyon mongs pa thams cad spangs te/ dgra bcom pa nyid mngon sum du byas nas/ de dgra bcom pa khams gsum pa'i 'dod chags dang bral bar gyur te/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa 'di gza' bran gnyis kyis las ci bgyis na/ las de'i rnam par smin pas phyug cing nor mngal longs spyod che ba'i rigs su skyes te 'di gnyis kyis bcom ldan 'das kyang mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra
- 36b
bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di gnyis kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di gnyis rab tu byung nas/ der 'di gnyis kyis sbyin pa dag sbyin zhing / bsod nams ngag byas te/ tshe gcig tu tshangs par spyod pa spyad nas/ 'chi kar smon lam btab pa/ kye ma dge ba'i rtsa ba 'dis bdag cag gnyis gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de dag cag gnyis kyis mnyes par byed par gyur cig mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so//
- 37a
dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyi gsung rab la rab tu byung ba'i bza' bran de gnyis ni rab tu byung ba 'di gnyis kho// na yin te/ de gnyis kyis der rab tu byung nas/ sbyin pa dag sbyin zhing / bsod nams dag byas te/ tshe gcig tu tshangs par spyod pa bsrungs nas// 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mang la longs spyod che ba'i rigs su skyes te/ de gnyis kyis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// // bam po nyi shu drug pa// / / rgan zhugs gnyis zhes bya ba de la/ rgan zhugs dang po ni/ gleng gzhi mnyan du yod pa na bzhugs te/ de na gang gi tshe khyim bdag mgon med zas sbyin gyis rgyal po rgyal byed kyi tshal du gtsug lag khang rnam pa thams cad yongs su rdzogs par byed du bcug nas/ sangs rgyas la sogs pa dge slong gi dge 'dun la phul te/ sbyin pa dag sbyin zhing / bsod rnams dag byed pa la zhugs pa de'i tshe/ mnyan du yod pa de nyid na khyim bdag gzhan zhig gnas pa des bsams pa/ bdag gis khyim bdag mgon med zas sbyin 'di sbyin pa gtong bas zil gyis non par
- 37b
'gyur ba'i thabs lta ci yod skam mo/ / de nas des bsams pa/ ma la bdag gis rgya mtsho'i nang du 'gro ba'i don bsgrubs la/ gal te bdag gis der rgya mtsho'i gru bo che'i don grub par gyur te/ phyir 'ong na ni/ de lta na bdag gis khyim bdag mgon med zas sbyin sbyin pa gtong bas zil gyis gnon par nus so snyam mo// de nas de rgya mtsho chen po'i nang du zhugs nas/ rin po che'i gling du 'gro ba bsgrubs te/ rgya mtsho'i gru bo che'i don grub nas mnyan du yod par phyin to// de der 'ongs nas sbyin pa dag sbyin zhing / bsod nams dag byed pa la zhugs nas/ 'on kyang khyim bdag mgon med zas sbyin zil gyis gnon par ma nus so/ / de nas phyi zhig na khyim bdag des/ tshe dang ldan pa shA ri'i bu la dris pa/ gtsun pa shA ri'i bu thabs ci zhig gis na/ bdag gis khyim bdag mgon med zas sbyin dge ba bgyis pas zil gyis gnon par nus/ tshe dang ldan pa shA ri'i bus smras pa/ khyim bdag mgon med zas sbyin ni bsod nams can che bar grags pa yin te/ des ni gter bdag po yod pa dang / bdag po med pa dang / chu na yod pa dang / skam la yod pa dang / ring ba dang nye ba rnams kyang mthong bas na/ de na khyod kyis sbyin pa gtang bas zil gyis gnon par mi nus bcom ldan 'das kyi bstan pa la rab tu byung na/ de 'ba' zhig gis de khyod kyis zil gyis gnon par nus so// de nas de thos ma thag tu khyim bdag des sbyin pa dag sbyin zhing / bsod
- 38a
nams dag byas nas/ bcom ldan 'das kyi bstan pa la rab tu byung ngo // de rab tu byung ste/ brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas khyim bdag mgon med zas sbyin gyis khyim bdag che ge mo zhig gis khyod zil gyis gnon par bya ba'i phyir sangs rgyas kyi bstan pa la rab tu byung ngo / / de ltar rab tu byung nas/ nyon mongs pa thams cad spangs te/ dgra bcom pa nyid mngon sum du byas so zhes thos so// de thos ma thag tu khyim bdag mgon med zas sbyin dga' bar gyur te/ dge slong de gal 'dug pa der song ste phyin nas/ rkang pa la phyag 'tshal te smras pa/ khyod rab tu byung bas bdag zil gyis non par gyur to/ / ra bdag gis khyod ji srid 'tsho ba'i bar du gos dang / zas dang / mal cha dang / stan dang / nad gsos dang / sman zong rnams ci bzhed pa bstan par bgyi'o zhes byas so//
- 38b
de nas dge slong rnams kyis/ sangs rgyas bcom ldan 'das la gsol ba/ btsun pa khyim bdag 'dis khyim bdag mgon med zas sbyin sbyin pa gtong bas zil gyis gnon par 'tshal ba las zil gyis gnon par ma nus te/ rab tu byung bas zil gyis non par gyur pa dang / bcom ldan 'das kyang 'dis mnyes par bgyis te/ mi mnyes par ma bgyis la/ bcom ldan 'das kyi bstan ba la rab tu byung nas/ nyon mongs pa thams cad spangs te/ dgra bcom pa nyid ji ltar mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang khyim bdag 'dis khyim bdag chu stod zil gyis gnon par bya'o snyam pa las/ zil gyis gnon par ma nus te/ rab tu byung bas zil gyis mnan nas/ de der rab tu byung ste/ tshe gcig tu tshangs par spyad nas/ 'chi kar smon lam btab pa/ kye 'di ltar bdag gis yang dag par rdzogs sangs rgyas 'od srungs kyi bstan pa la tshe gcig tu tshangs par spyod pa spyad nas/ sbyin pa dag byin zhing / bsod nams dag byas pa'i dge ba'i rtsa ba 'dis ni/ bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnye
- 39a
/ par byed par mgyur cig/ de kho na'i bstan pa lar 'dubyung nas/ nyon mongs pa thams cad spangs te/ dmabacom pa nyid mngon sum du byed par gyur cig ces byas so/ / dge slong dag ji snyam du sems// de'i tshe khyim bdag tu gyur pa gang yin pa de ni dge slong 'di kho na yin te/ de'i tshe yang 'dis khyim bdag chu stod sbyin pa gtong bas zil gyis gnon par bya'o snyam pa las/ zil gyis gnon par ma nus nas rab tu byung bas zil gyis non par gyur la/ da ltar yang 'dis khyim bdag mgon med zas sbyin sbyin pa gtong bas zil gyis gnon par bya'o snyam pa la/ zil gyis gnon par ma nus nas/ rab tu byung nas zil gyis non par gyur to// des der tshe gcig tu tshangs par spyod pa spyad nas/ 'chi kar smon lam btab pa/ 'di ltar yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas dge slong rnams kyis/ sangs rgyas bcom ldan 'das
- 39b
la gsol pa/ btsun pa dge slong 'din rgya chen po la mos te/ gzhan rnams zil gyis gnon par 'tshal la/ bdag ni gzhan gyis zil gyis non par mi 'tshal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar rgya chen po la mos te/ gzhan rnams zil gyis gnon par 'dod la/ bdag ni gzhan gyis zil gyis gnon par mi 'dod pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo sum khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gser thub ces bya ba 'jig rten du byung ste/ de gang gi tshe bla na med pa yang dag par rdzogs pa'i byang chub mngon par rdzogs pa'i sangs rgyas nas/ rgyal po'i pho brang bde ldan du byon te/ de'i phyir rgyal po bde bas rang gi skyed mos tshal du gtsug lag khang ba cig par btsams te/ des der gzhon nu rnams dang / blon po rnams dang / dpa' bo'i sde tshan rnams dang / grong rdal gyi mi rnams dang / yul gyi mi rnams dang / skye bo mang po thams cad bsags na sa bsgo ba/ khyed las su 'dir nor shin tu mang por bskyed nus pa des/ gtsug lag khang 'di rtsigs shig ces byas so// de'i tshe khyim bdag gcig gis rgyal
- 40a
@po de dang / gong nas gong du nor bskyed pa la zhugs te/ gser bye ba phrag dgu la thug par bskyed do// de nas des de yan chad du bskyed pa'i thugs mthub ste/ 'di ni rgyal rig spyi bo nas dbang bskur ba yin te/ 'di 'dis skyebs par 'gyur du 'ong ngo snyam nas bskyed pa de btang ngo // de nas rgyal po bde bas gtsug lag khang de rnam pa thams cad du yongs su rdzogs par byas nas/ sangs rgyas gser thu ba nyan thos kyi dge 'dun dang bcas pa la phul te smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ ston pa 'di kho na dang 'a dra ba mnyes par byed par gyur cig/ mi mnyes par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe khyim bdag tu gyur pa gang yin pa de ni khyim bdag 'di kho na yin te/ de'i tshe yang 'di rgya chen po la mos te/ gzhan rnams ni zil gyis gnon par 'dod la/ bdag ni gzhan gyis gnon par mi 'dod par gyur to// da ltar yang 'di ni rgya chen po la mos te/ gzhan rnams ni zil gyis gnon par 'dod la/ bdag ni gzhan gyis zil gyis gnon par mi 'dod par gyur to// rgan zhugs gnyis pa ni/ gleng gzhi mnyan du yod pa na bzhugs te/ der gang gi tshe mi blun po
- 40b
'phags skyes pos shAkya rnams kha btag pa de'i tshe/ yul ser skya'i gnas na tshe dang ldan pa kun dga' bo'i sring mo'i bu pa ma gnyis dang bral te/ ser skya'i gnas na mgon med par 'khyam zhing 'dug go/ de'i tshe mnyan du yod pa na gnas pa'i khyim bdag cig de gnyis kyi pha'i grogs por gyur pa de/ bya ba zhig la yul ser skya'i gnas su phyin te/ des khye'u de gnyis mthong ma thag tu ngo shes nas dris te/ bu khyed gnyis kyi pha ma ga la 'khod ces byas so/ / khye'u de gnyis kyis smras pa/ 'phags skyes pos bsad de/ de gnyis dang bral bas bdag cag gnyis mgon med de phan tshun 'khyam zhing 'dug go/ khyim bdag des smras pa/ gal te khyed gnyen 'dun rnams kyis bskyang ba med na/ mnyan du yod par deng zhig dang / btsun pa kun dga' bo de khyed gnyis kyi zhang po yin te/ de yang gnyen la mnyen gshin pa sa/ des khyed gnyis sbyang bar 'gyur ro// khye'u gnyis kyis smras pa/ bdag cag gnyis rgyal bu rgyal byed kyi tshal du 'gro ba'i lam mi shes na/ der 'gro ba'i lam gang yin// khyi bdag des smras pa/ bu gnyis tshur shog dang re zhigang yul ser skya'i gnas su don cig bsgrubs la/ de nas ngas khyed gnyis rgyal bu rgyal byed kyi tshal du bkri'o zhes byas nas/ khyim bdag de song ngongo/ / des bsgrub par bya ba gang yin pa de dag thams cad bsgrubs nas/ khye'u de gnyis khrid de mnyan du yod par 'ongs nas/ de gnyis rgyal bu rgyal byed kyi tshal gyi sgor bzhag ste bsgo ba/ khyed gti
- 41a
kyi zhang po dka' thub kyi gnas 'di na 'dug ste/ des khyed gnyis sbyang bar 'gyur ro zhes byas nas khyim bdag de song ngo // de song nas khye'u de gnyis sgo khang gi nang du zhugs te 'khod pa la/ kun dga' bos ngo ma shes te dris pa/ bu khyed gnyis su yin/ ga las 'ongs// de gnyis kyis smras pa/ yul ser skya'i gnas kyi shAkya che ge mo zhig gi bu lags so// kun dga' bos smras pa/ khyed gnyis kyi pha ma gar song / khye'u gnyis kyis smras pa/ 'phags skyes pos bsad de/ bdag cag gnyis dA ra lus nas/ mgon ma mchis par gyur pas/ de'i slad du bdag cag gnyis phan tshun 'khyam zhing mchis so/ / bdag cag gnyis kyis thos nas/ rgyal bu rgyal byed kyi tshal 'di na/ bdag cag gnyis kyi zhang po 'dug ces grags nas bdag cag gnyis de'i thad du mchis so// de nas de thos ma thag tu tshe dang ldan pa kun 'ga' bo yi mug nas/ da ji ltar bya snyam mo// de nas dge slong rnams kyis de mthong nas dris pa/ btsun pa kun dga' bo khyod ci'i phyir yi mug par gyur/ kun dga' bos smras pa/ khye'u 'di gnyis bdag gi sring mo'i bu yin te/ 'di gnyis pha ma med par gyur pas 'dir 'ongs te/ bdag gis 'di gnyis mthong nas yi mug par gyur te/ bdag gis 'di gnyis ji ltar bskyang bar bya/ bcom ldan 'das kyis kyang dad pas byin pa chud gson par mi bya'o zhes gsungs so snyam mo// dge slong rnams kyis smras pa/ phan 'dogs pa la phan
- 41b
par bya'o zhes bcom ldan 'das kyis ma gsungs sam/ 'di gnyis kyis kyang bdag cag la lhung bzed kyi bya bta' dang / me tog dang / 'bras bu rnams kyis phan thogs par 'gyur ro zhes byas so/ / de nas tshe dang ldan pa kun dga' bos de gnyis blangs te bskyang bar byas so// dge slong rnams kyis kyang kha zas cung zad tsam dag khyer te 'ong zhing de gnyis la sbyin par byed do// tshe dang ldan pa kun dga' bo sa ni bsod snyoms gang ba blangs shing de gnyis la phyed sbyin par byed do/ / phyed ni bdag nyid za bar byed de/ de'i rgyus kun dga' bo nyam chung zhing rid la sgeg cing lus kyi mthu med par gyur to/ / de nas bcom ldan 'das kyis/ dge slong kun dga' bo nyam chung zhing ring la sgeg cing lus kyi mthu med par gyur pa gzigs so// gzigs nas dge slong rnams la bka' stsal pa/ dge slong dag ci'i phyir dge slong kun dga' bo nyam chung zhing rid la sgeg cing lus kyi mthu med par gyur/ dge slong rnams kyis gsol pa/ btsun pa tshe dang ldan pa kun dga' bos sring mo'i bu gnyis blangs nas/ des bsod snyoms gang ba blangs shing phyed ni bdag nyid 'tshal// phyed ni de gnyis la stsol bar bgyid de/ btsun pa rgyu ni de lags/ rkyen ni de lags te/ des na tshe dang ldan pa kun dga' bo nyam chung zhing rid la sreg cing lus kyi mthu ma mchis par gyur lags so/ / de nas bcom ldan 'das kyis/ tshe dang ldan pa kun dga' bo la bka' stsal pa/ kun
- 42a
dga' bo khye'u de gnyis rab tu 'byung ngam/ gsol pa/ rab tu 'byung lags so// de nas bcom ldan 'das kyis/ dge slong rnams la bka' stsal ba/ dge slong dag de'i phyir dge 'dun gyi zas ni rab tu 'byung ba la bltos pa rangs gnang ngo / / ci rigs pa'i las lhung bzed kyi bya btang dang / me tog dang / 'bras bu dang / so shing rnams kyang 'bul du chug cig ces bka' stsal to/ / de nas gang gi tshe bcom ldan 'das kyis dge 'dun gyi zas zar gnang ste/ de gnyis de za zhing 'dug pa dang / rtsed mo la zhugs shing 'khod do// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod na re khye'u gnyis rab tu 'byung ngo zhe na/ ci'i phyir rab tu mi 'byung / gsol pa/ bcom ldan 'das rab tu 'byung lags so/ / bka' stsal pa/ bo na rab tu 'byung na ci nyes/ gsol pa/ bcom ldan 'das kyis gang zag lo bco lnga ma lon pa rab tu dbyung bar mi bya/ bsnyen par rdzogs par mi bya'o zhes bka' stsal te/ 'di gnyis lo bdun las ma lags na/ bdag gis 'di gnyis rab tu ji ltar dbyung lags/ bka' stsal pa/ kun dga' bo khye'u 'di gnyis kyis dge 'dun gyi kha zas bshams pa las// bya rog slod nus sam/ bcom ldan 'das rdo thog lags so// bka' stsal pa/ de bas na lo bdun lon pa bya rog slong nus pa rab tu 'byung bar ngas gnang gis/ rab tu byung zhig/ de nas
- 42b
de ltar bcom ldan 'das kyis lo bdun lon pa bya rog skrod nus pa rab tu 'byung bar gnang gis/ rab tu phyung zhig ces bka' stsal nas/ tshe dang ldan pa kun dga' bos khye'u de gnyis rab tu phyung ste/ kha tor slob tu bcug go/ de nas bdag gis gnyen yin snyam ste/ byams snyems pas slob tu ma btub nas/ nyin par ni dri mo gtam gyis dus 'das par byed do// mtshan mo ni rmugs pa dang / gnyid kyis dus 'das par byed do// de nas tshe dang ldan pa mo'u 'gal gyi bu chen pos de gnyis mthong nas/ des tshe dang ldan pa kun dga' bo la smras pa/ kun dga' bo khye'u 'di gnyis ci'i phyir mi slob kun dga' bos smras pa/ btsun pa mo'u 'gal gyi bu chen po 'di gnyis bdag la nyam bu shed bgyid de/ bdag kyang byams pa'i dbang du gyur nas tshar gcod mi phod do// mo'u 'gal gyi bus smras pa/ kun dga' bo khyod byams pa'i dbang du gyur te slob mi phod na/ dge slong gzhan dag la gtod cig/ tshe dang ldan pa kun dga' bos smras pa/ btsun pa mo'u 'gal gyi bu chen po sa zhig rang gi dge ba'i phyogs bor to/ / 'di gnyis slob tu btub/ des smras pa/ khyod kyi bshes gang yin pa de la tshol cig/ kun dga' bos smras pa/ btsun pa khyod nyid bdag gi bshes lags so zhes byas nas/ tshe dang ldan pa kun pos khye'u de gnyis kyi lag pa nas bzung ste/ tshe dang ldan pa mo'u 'gal gyi bu chen po la phul nas smras pa/ bu khyed gnyis ngal slob tu mi btub na/ btsun
- 43a
pa 'di la slobs shig ces byas so/ / de nas khye'u de gnyis kyis bsams pa/ dge slong 'di ni mi bsrun pa zhig yin gor ma chag/ de bas bdag cag gnyis 'di la gtad do snyam nas/ brtson 'grus su slob par gyur to// tshe dang ldan pa mo'u 'gal gyi bu chen po yang des shing / 'grogs na bde bar khye'u de gnyis kyis shes nas nyam bu shed byed de de'i thad du slob tu mi btub bo/ / de nas tshe dang ldan pa kun dga' bos smras pa/ btsun pa mo'u 'gal gyi bu chen po khye'u 'di gnyis ci'i slad du mi slob/ des smras pa/ tshe dang ldan pa kun dga' po bdag la yang 'di gnyis kyis nyam shed byed de bdag la slob tu mi btub bo/ / kun dga' bos smras pa/ 'di gnyis skyo ba bskyed 'tshal lo// de ltar ma bgyis na/ 'di gnyis slob tu mi btub bo// des smras pa/ tshe dang ldan pa kun dga' bo ji ltar 'dod pa de bzhin du bya'o zhes byas nas/ mo'u 'gal gyi bu chen pos khye'u de gnyis khrid de 'chag tu song nas/ des de gnyis skyo ba bskyed pa'i phyir sems can dmyal ba zhig sprul to/ / de nas khye'u de gnyis 'chag pa'i sa nas thag mi ring ba zhig nas/ 'jigs pa chen po'i sgra grag ste/ de thos nas tshe dang ldan pa mo'u 'gal gyi bu chen po'i thad du song ngo // de nas tshe dang ldan pa mo'u 'gal gyi bu chen pos/ de gnyis la dris pa/ bu gnyis sgra 'di ci zhig gi sgra/ de gnyis kyis smras pa/ slob dpon sgra chen po 'di ci zhig gi sgra lags pa bdag cag gnyis kyis kyang glo bar ma chud
- 43b
do/ / mo'u 'gal gyi bu chen pos/ de gnyis la smras pa/ khyed gnyis deng la sgra chen po 'di ga las byung ba ltos shig/ de nas da gnyis kyis tshe dang ldan pa mo'u 'gal gyi bu chen pos bsgo ba bzhin du mnyan te phyogs der song ngo / / de gnyis kyis der song ste bltas na/ sems can dmyal ba mang po dag gcod pa dang / gtub pa dang / brdeg pa dang / 'tshed pa la sogs pa'i sdug bsngal rnams nyams su myong ba mthong nas dris pa/ khyed su dag cig/ sprul pa rnams kyis smras pa/ sems can dmyal ba pa yin no// de gnyis kyis de nyid la lcags kyi rdza bum chen po zhig khol zhing 'dug pa mthong la/ de'i nang du 'tshed pa ni 'ga' tsam yang mi snang ngo // de ltar mthong nas dris pa/ ci'i phyir ljags kyi rdza bum 'di don med par khol zhing 'dug/ sprul pa rnams kyis smras pa/ 'di ni don med par ma yin gyi/ kun dga' bo'i sring mo'i bu gnyis rab tu byung nas/ dad pas byin pa spyod la/ le lo byed cing 'dug pa de gnyis shi ba'i 'og tu 'dir skye bar 'gyur te/ gnyis kyi phyir lcags kyi rdza bum 'di khol zhing 'dug go// de nas de thos ma thag tu khye'u de gnyis 'jigs pa chen po skyes te/ de gnyis 'jigs shing skrag nas/ tshe dang ldan pa mo'u 'gal gyi bu chen po'i thad du song ngo / / de nas tshe dang ldan pa mo'u 'gal gyi bu chen pos de gnyis mthong nas dris pa/ bu gnyis sgra chen po 'di ga las byung // de nas khye'u de gnyis kyis/ tshe dang ldan pa
- 44a
mo'u 'gal gyi bu chen po la thams cad rgyas par bsnyad do/ / de nas mo'u 'gal gyi bu chen pos/ de gnyis la smras pa/ bu gnyis de ni ngas khyed gnyis la byas na khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis/ de'i phyir khyed gnyis sems can dmyal bar skye bar mi 'gyur ba de ltar gyis shig/ de nas de thos ma thag tu khye'u gnyis brtson 'grus su slob pa la zhugs so/ / de nas de gnyis kyis sems can dmyal ba'i sdug bsngal de gal te snga dro dran par gyur na ni/ de gnyis zan stor bar 'gyur ro// de ste phye ma red dran par gyur na ni ci zos pa yang skyug par 'gyur ro// rgyu des na de gnyis nyam chung zhing rid la sgeg cing lus kyi mthu med par gyur to// de nas tshe dang ldan pa kun dga' bos de gnyis mthong nas/ tshe dang ldan pa mo'u 'gal gyi bu chen po la dris pa/ btsun pa mo'u 'gal gyi bu chen po ci'i slad du khye'u 'di gnyis nyam chung zhing rid la sreg cing lus kyi mthu med par gyur// de nas tshe dang ldan pa mo'u 'gal gyi bu chen pos de la thams cad rgyas par bskrad do/ / de nas tshe dang ldan pa kun dga' bos/ de la smras pa/ 'di gnyis ha cang mi dga' ches te/ brubs gzir bar gyur na/ na par 'gyur du 'o gas/ sprob bskyed dgos so// moT 'gal gyi bus spras pa/ khyod rdo ltar 'dod pa de bzhin du bya'o zhes byas nas/ tshe dang ldan pa mo bu 'ga'agyo sa chen pos/ khyo'u des
- 44b
la smras pa/ stan khyer la 'chag tu 'dong ngo // de gnyis kyis smras pa/ baphags pa bdag cag gnyis 'chag pas cho ga lags so// bdag cag gnyis ni 'di nyid na mchus shing slob par 'tshal lo/ / mo'u 'gal gyi bu chen pos smras pa/ bu gnyis 'chags de logs su mi 'dong bar 'chags gzhan du 'dong ngo zhes byas nas/ khye'u de gnyis khrid de 'chag sa gzhan du dong nas/ tshe dang ldan pa mo'u 'gal gyi bu chen pos de gnyis spro ba bskyed pa'i phyir thag mi ring ba zhig tu mtho rise shig sprul te/ de na lha'i bu rna cha gdub kor dag cing mgul par thogs pa/ lus do shal dang se mo dos brgyan pa/ lha'i bu mo dag gis bskor ba dag pheg rdob par byed de/ rtse zhing dga' la dga' dgur spyod do// de nas khye'u de gnyis 'chag pa'i sa nas thag mi ring ba zhig nas pheg rdob pa'i sgra grag ste/ de thos nas tshe dang ldan pa mo'u 'gal gyi bu chen po'i thad du song ngo // de nas tshe dang ldan pa mo'u 'gal gyi bu chen pos de gnyis mthong nas dris pa/ bu gnyis sgra 'di tshe zhig gi sgra/ de gnyis kyi sbas pa/ slob dpon sgra 'di ci zhig gi sgra lags pa bdag cag gnyis kyis kyang gro bar ma chud do// mo'u 'gal gyi bu chen pos/ de gnyis la sbas pa/ khyed gnyis deng la sgra 'di ga las byung ba ltos shig/ de nas de gnyis kyis/ tshe dang ldan pa mo'u 'gal gyi bu chen pos bsgo ba bzhin du mnyan te phyogs der song ngo // de gnyis der song ste
- 45a
bltas na/ lha'i sran chagatsu kor dag cing 'gul bar thogs pa/ lus do shAl dang se mongs ldan pa l+h+wab srung gagis bkor bdag re ga pa par byed de/ dga' la dga' dgur spyod par mthong nas dris pa/ khyed su dag cig/ sprul pa rnams kyis smras pa/ lha'i bu yin no// de gnyis kyis de nyid na seng ge'i khro gnyis lnga'i bu mo mang po dag gis bskor cing 'dug pa mthong la/ de'i steng na lha'i bu su yang mi 'dug go// de ltar mthong nas de gnyis ngo mtshar du gyur to// ngo mtshar du gyur nas dris pa/ ci'i phyir seng ge'i khri 'di gnyis stong par 'dug ste/ 'di gnyis la lha'i bu su yang mi 'dug/ sprul pa rnams kyis smras pa/ kun dga' bo'i sring mo'i bu gnyis rab tu byung nas/ brtson 'grus brtsams shing 'dug pa 'di gnyis nam shi 'phos te dus las 'das pa de'i tshe/ 'dir skye bar 'gyur te/ de gnyis dang bdag cag lhan cig tu rtse zhing dga' la dga' dgur spyod par 'gyur ba'i seng ge'i khri yin no// de nas de thos ma brag tu khye'u de gnyis dga' bar gyur nas/ bdag cag gnyis kyi brtson 'grus kyis 'bras bu chen po thob par gyur te/ sems can dmyal bar skye ba las kyang thar la/ lhar skye ba yang thob par gyur to snyam du rig nas/ sems dga' bzhin du mo'u 'gal gyi bu chen po'i thad du song ngo // de nas mo'u 'gal gyi bu chen pos de gnyis mthong nas dris pa/ bu gnyis sgra 'di ga las byung / de nas
- 45b
khye'u de gnyis kyis/ tshe dang ldan pa mo'u 'gal gyi bu chen po la thams cad rgyas par bskrad do// de nas mon 'gal gyi su chen pos/ de gnyis la smras pa/ bu gnyis de ni ngas khyed gnyis la byas na/ khyed gnyis nga la yid mi ches te/ da ni don de khyed cag gnyis kyis mngon sum du mthong ba yin gyis/ de'i phyir lhag par yang brtson 'grus brtsam par gyis shig/ de nas de thos ma thag tu khye'u de gnyis lhag par brtson 'grus su slob pa la zhugs so/ / de nas phyi zhig na de gnyis kyis 'khor lo ltar bsdus pa'i mdo brtsams te/ de gnyis kyis de thos nas 'di snyam du sems te/ 'khor ba na 'khor phan chad/ zo chun rgyun mo'i 'khrul 'khor bzhin du yang dang yang du sems can dmyal ba dang / dud 'gro dang / yi dgas dang / lha dang mir 'khor dgos pas na/ bdag cag gnyis la lhar skye ba yang mi dgos/ mir skye ba yang mi dgos kyis/ bdag cag gnyis kyis dngos po med pa nyid du brtson 'grus pa rtsam par bya'o snyam mo// de nas tshe dang ldan pa mo'u 'gal gyi bu chen pos de gnyis yid skyo bar gyur par rig nas/ yid la bya ba'i lung phog ste/ de gnyis kyis kyang brtson pa dang / bsgrub pa dang / 'bad pas nyon mongs pa thams cad spangs nas dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' lag mthil du 'dra ba'i
- 46a
@sems dang ldan pa/ can dan spangs pa lta bur bsim par gyur pa/ rig pas sgong basbubs bcom pa/ rig pa dang / mngon par shes pa dang / so so yang dag/ par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to/ / de gnyis kyis dgra bcom pa nyid thob nas rdzu 'phrul gyis gnas tha dad pa gzhan dang gzhan du 'gro zhing/ dus ma yin pa'i me tog rnams dang 'bras bu rnams blangs te/ dge 'dun la 'bul bar byed do/ / de nas tshangs pa mtshungs par spyod pa gzhan dag gis tshor te/ 'di gnyis ni mthu che ba yin no snyam mo// de ltar mthong nas de rnams bdag cag nyid la skyo ba skyes te/ lo babadun lon pa 'di gnyis kyis kyang yon tan 'di lta bu thob na/ bdag cag sgra'i mdog lan gsum gyur kyi bar du bdag cag gis ci yang ma thob bo snyam ste/ skyo bar gyur nas nyon mongs pa thams cad spangs te/ dgra bcom pa nyid mngon sum du byas so// / de nas dge slong rnams kyis/ sangs rgyas bcom ldan 'das la zhus pa/ btsun pa dge tshul pa de gnyis kyis las ci bgyis na/ las de'i rnam par smin pas lo bdun lon nas rab tu byung nas/ nyon mongs pa thams cad spaspangs te/ dgra bcom pa nyid mngon sum du bgyis lags/ bcom ldan 'das
- 46b
kyis bka' stsal pa/ smon lam gyi dbang las gyur to// gsol pa/ btsun pa 'di gnyis kyis smon lam gang du btab lags/ bka' stsal pa/ sngon byung ba 'das pa'i dus na bskal pa bzang po 'di nyid la/ skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de phyi zhig na dge slong gi dge 'dun mang pos zham ring byas te/ yul ka shi'i phyogs su ljongs rgyu zhing gshegs pa las/ wA rA NA sir byon to// de'i tshe mdza' sde lnga brgya tsam skyed mos tshal gyi sar byung nas pheg rdob par byed do// rtse zhing dga' la dga' dgur spyod pa las/ mdza' sde de rnams kyis thag ring ba zhig nas yang dag par rdzogs pa'i sangs rgyas 'od srungs mthong ngo // mthong nas kyang de dag gi blo skyes pa/ da ltar sangs rgyas byung bas 'jig rten brgyan te/ 'dzam bu'i gling dgra bcom pas gang zhing 'dug na/ bdag cag khyim na 'dug pas chog gis/ bcom ldan 'das kyi bstan pa la rab tu 'byung ngo snyam mo// der kha cig na re/ ji srid du bdag cag gi 'byung ba chen po gzhon pa de srid du 'dod pa rnams longs smad la/ phyir rgas pa'i tshe rab tu byung bas slebs so zhes zer nas/ de dag rab tu ma byung ste/
- 47a
de dag las kha cig ni bu yang byung / bu mo yang byung ngo // kha cig ni shi'o// de nas phyi zhig na kha cig gi blo skyes pa/ da ni bdag cag gi khyim so 'dzin pa dag byung zin gyis bdag cag dong la/ bcom ldan 'das yang dag par rdzogs pa'i sangs rgyas 'od srungs kyi bstan pa la rab tu 'byung ngo zhes zer ro// der kha cig na re/ da ni bdag cag gi bu rnams kyi khyim yang dbub par bya/ bu mo rnams kyang bag mar gtang bar bya'o snyam nas/ de'i skabs su yang rab tu ma byung ngo // de nas phyi zhig na de dag thams cad shi nas/ de dag gi nang na sa gnyis shig lus par gyur te/ de gnyis phyis skyo ba skyes nas/ bdag cag sngon lo nyi shu rtsa lnga lon pa na/ bdag cag gzhon nu'i gnas skabs su bab pa'i tshe/ rab tu 'byung bar dad pa skyes pa las/ bdag cag de'i tshe rab tu ma byung nas thams cad shi ste/ bdag cag gnyis ka lus par gyur la/ bdag cag kyang da ni rgas shing 'khogs la gtugs par gyur te/ bdag cag gnyis kyang ring po mi thogs par 'chi bar 'gyur bas na/ bdag cag gnyis khyim na gnas pas chog gis 'dod la/ bdag cag gnyis yang dag par rdzogs pa'i sangs rgyas 'od srungs kyi bstan pa la rab tu byung ngo snyam nas/ sbyin bdag byin zhing / bsod nams dag byas te/ yang dag par rdzogs pa'i sangs rgyas 'od srungs kyi bstan pa la rab tu byung ngo // bcom ldan 'das kyis dge slong gsar bus dge 'dun gyi bsnyen bkur
- 47b
gyis shig ces bkar stsal pas/ de gnyis kyis dge 'dun gyi g.yog byed cing 'dug la/ gzhan dag gis kyang nan zhugs zhes bya ba'i tshig rjod par byed do// de nas de gnyis la gcig shin tu mi dga' bar gyur to/ / cig shos ni bzod pa dang ldan te/ des de la bshad de/ btsun pa dge slong 'di dag la sems sdang bar ma byed cig/ 'di ni 'di rnams kyis nyes pa ma yin gyi/ 'di ni bdag cag/ gnyis kyis nyes pa yin no// gal te bdag cag gnyis gzhon nus tshe nas rab tu byung na ni/ 'di rnams kyis bdag cag gnyis la rgan zhugs zhes bya ba'i tshig rjod par mi 'gyur ba zhig na/ da ni rgas pas tshe// rab tu byung bar gyur te/ de bas tang bdag cag gnyis la rgan zhugs zhes bya ba'i tshig brjod par zad do zhes dge slong des de la bshad kyis byang bar byas nas cang mi zer bar 'dug go// de nas de gnyis kyis ji srid 'tsho'i bar du tshangs par spyod pa spyad nas/ 'chi kar smon lam btab pa/ de ltar bdag cag gnyis yang dag par rdzogs pa'i sangs rgyas 'od srungs kyi bstan pa la ji srid 'tshe ba'i bar du tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gnyis kyis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa
- 48a
nyid mngon sum du byed par gyur cig/ gal te des byis pa chung ches pa rab tubyung bar mi bya'o zhes bsgrub pa'i gzhi rnams bcas par gyur na yang / de'i tshe bdag cag gnyis pas brten nas gnang bar gyur cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srung kyi bstan pa la rab tu byung ba'i rgan zhugs pa gang yin pa de gnyis ni dge tshul pa rab tu byung ba 'di gnyis kho na yin te/ de gnyis kyis der ji srid 'tsho ba'i bar du tshangs par spyod pa spyad nas 'chi kar smon lam btab pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di gnyis kyis nga mnyes par byas te/ mi mnyes par ma byas la/ 'di gnyis lo bdun lon pa na/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas 'di gnyis kho na las brten te/ lo bdun lon pa bya rog skrod nus pa rab tu dbyung bar ngas gnang ngo // las brgya tham pa las sdom gyi tshigs su bcad pa drug pa rdzogs so// sdom ni/ 'bye bo grum stod long ba dang // gcer bu 'od srungs gtso bo dang // glang chen gnas dang sar na// ri dgas kyi ni brtul zhugs can// zla ba mi'am ci gnyis po// 'phye bo zhes
- 48b
bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ khyim bdag cig gnas pa des thabs zlar bab pa las chung ma blangs nas/ de de dang lhan cig tu rtse zhing dgar la dga' dgur spyod pa las/ phyis de'i chung ma la bu chags nas/ de zla ba dgu 'am bcu lon pa dang / bu btsas na/ de ro stod ni gzugs bzang zhing blta na sdug la mdzes la/ ro smar ni/ yan lag ma tshang ba zhig byung ngo // de btsas pa'i tshe khyim der don thams cad 'byor grub par gyur te/ thang la 'gro ba'i tshong pa dang / chu la 'gro ba'i tshong pa dang / rgya mtsho'i gru bo che'i don yang grub nas phyir 'ongs/ ba glang dang ma he'i khyu yang 'phel bar gyur/ las kyi sgo thams cad kyang 'byor grub par gyur nas/ khyim bdag des bsams ra/ 'di ni khye'u 'di'i mthu yin te/ des na bdag gi don thams cad 'byor grub par gyur pas na/ bdag gis bu 'phye bo btsas pa 'di ni dpal yon can zhig yin no snyam mo// de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di 'phye bo yin pas/ ming yang 'phye bo kho nar gdags so zhes zer ro// de nas khye'u 'phye bo'o ma dang / zho dang / mar dang / zhun mar dang / mar gyi snying khus bskyed bsrings so// de nas de ji tsam du cher skyes pa de tsam du khyim bdag de'i khyim 'byor cing rgyas par gyur to// de nas de kun tu grags par gyur te/ 'di'i mthus
- 49a
las ci'i sgo bsams pa de dag thams cad 'byor grub pa las na/ khye'u 'di ni dpal yon can zhig yin no zhes grags so// de nas de thos ma thag tu mnyan du yod pa na gnas ba'i skye bo mang po dag dus dus su de la bltar 'gro zhing don ci rtsom de dag thams cad de'i ming gis rtsom par byed de/ de dag gi mthus 'byor grub par 'gyur ro// de nas de lhag par yang mnyan du yod ba tho ga thag tu grags par gyur to/ / de nas de gang gi tshe cher skyes pa de'i tshe/ phas de'i khyogs rin po che las byas te/ de de la zhon zhing 'gro'o// de nas de khyim de nyid du yi ge slob tu bcug ste/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che ba rtag pa dang spos brtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba lagasal ba dang / yid gzungs pa dang / brtag pa rnam pa brgyad la byang bar gyur to// de nas bya zhig na khyogs la non te/ skye bo bal po ches g.yog byas nas/ skyed mos tshal gyi sar song ba las des bltas na/ skye bo bal po che sde tshan nas rje tshan dang / mtshan nas pa tshan du rgyal bu rgyal byed kyi tshal du 'dong ba mthong nas ya mtshan du gyur te dris pa/ skye bo bal po che 'di dag gang du 'dod
- 49b
de dag gis smras pa/ bcom ldan 'das la bltar 'gro'o// grum pos sbas pa/ bcom ldan 'das zhes bya ba de ji lta bu zhig/ de dag gis smras pa/ gangs kyi ngos dang nye ba drang srong ser skya dka' thub kyi gnas nas thag mi ring ba zhig tu shAkya'i bu zhig skyes nas/ de bram ze mtshan mkhan bye brag phyed pa dag gis lung bstan pa/ gal te 'di khyim na gnas na ni 'khor los sgyur ba'i rgyal por 'gyur ro/ / gal te skra dang kha spu bregs nas/ chos gos tshon can gyon te/ yang dag pa'i dad pas khyim nas khyim med par rab tu byung na ni/ de bzhin gshegs pa dgra bcom pa yang dag par rdzogs pa'i sangs rgyas su 'gyur te/ grags pa chen po dang ldan par 'gyur ro zhes byas nas/ de thos ma thag tu de bcom ldan 'das la blta 'dod par gyur te/ de skye bo phal po che de dag gis g.yog byas nas/ rgyal bu rgyal byed kyi tshal du dong ngo // de'i tshe bcom ldan 'das 'khor brgya phrag du ma'i gung la bzhugs te chos ston to// de nas khye'u 'phye bo des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo // mthong nas kyang mchog tu dga'
- 50a
bskyes te/ dge ba'i rtsa ba bsags pa'i rgyu las byung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du ni gnas kyi sems la goms par byas pa la yang nyams bde ba de lta bu skye bar mi 'gyur ro/ / de ltar mthong nas kyang sangs rgyas la gus pa'i phyir khyogs las babs te/ zug bzhis 'phye zhing bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ de nas 'phye bo des stan de nyid la 'dug bzhin du 'jig tshogs la lta ba'i ri'i rtse mo mthon de/ nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas bsams pa/ gal te bdag gi lus 'di 'dra bar ma gyur tu zin na/ bdag kyang legs par gsungs pa'i chos 'dul ba la rab tu byung ste/ chu bo rnams las brgal bar bya ba dang / sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya ba zhig gu snyam mo/ / de nas sems bskyed ma thag tu de'i lus kyi yan lag rangs par gyur to// de nas de lhag par yang bcom ldan 'das la shin tu dga' bar gyur to// dga' bar gyur nas stan
- 50b
las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung nas bsnyen par rdzogs par mdzad de/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag ma bril du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus pa'i smra ba'i gnas su gyur to// de nas dge slong rnams kyis/ sangs rgyas bcom ldan 'das la zhus pa/ btsun pa 'bye bos las ci bgyis na/ las de'i rnam par smin pas phyug cing nor mngal longs spyod che ba'i rigs
- 51a
su skyes lags/ las ci bgyis na/ las de'i rnam par smin pas 'phye bor gyur la/ 'dis bcom ldan 'das mnyes par bgyis te/ mi mnyes par ma bgyis la/ rab tu 'byung ba'i sems bskyed ma thag tu 'di'i bkra mi shis pa ma mchis par gyur te/ bkra shis par gyur te/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las byas shing bsags te/ dge slong dag sngon byung ba 'das pa'i dus na/ bskal bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa// bde bar gshegs pa// 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA NA si na/ dge bsnyen mang du thos pa rig pa dang grol ba'i spobs pa dang ldan pa'i chos smra ba/ dge bsnyen gyi skye bo thams cad kyis bkur sti byed/ bla mar byed/ ri mor byed/ mchod pa byed pa zhig gnas so// de nas gang gi tshe yang dag par rdzogs pa'i sangs rgyas 'od srungs wA rA NA sir gnas bcas te bzhugs pa de'i tshe/ dge bsnyen gyi skye bo rnams yang dag par rdzogs pa'i sangs rgyas 'od srungs kyi thad du dong ste chos mnyan to// de nas yang dag par rdzogs pa'i sangs rgyas 'od srungs ljongs de dag nas gud du gshegs pa de'i tshe/
- 51b
dge bsnyen de dag dge bsnyen de la chos mnyan to// dge bsnyen gyi skye bo de dag gis kyang dge bsnyen de la yon du kar sha pa Ni lnga brgya lnga brgya sbyin par byed do// dge bsnyen des kyang kar sha pa Na lnga brgya po de dge 'dun la 'bul bar byed do/ / de nas phyi zhig na dge bsnyen gyi sde tshan de dag dang lhan cig tu gtsug lag khang du dong ngo // de'i tshe dge slong gi dge 'dun rnams 'dul ba'i tshe ga'i las bya ba zhig byung nas/ gtsug lag 'ang skyong gis dge bsnyen thams cad gtsug lag khang gi phyi rol du bskrad de/ 'di khyed kyis mnyan par ma byed cig ces byas so// de nas dge bsnyen gyi sde tshan de dag gis/ dge bsnyen de la smras pa/ de ltar bdag cag ni dge slong rnams kyis bskrad du rung na/ khyod lta bu mang du thos pa rig pa dang grol ba'i spobs pa dang ldan pa'i chos smra ba yin na/ ci ste bskrad ces zer nas/ de dag der mkhas par 'dzin pa gang yin pa de med par gyur to// de nas dge bsnyen de gzhi des khros nas/ de nas dge slong rnams la smras pa/ ngas ni 'phye bo khri la 'dug pa khyed rnams la ci rnyed pa bsgrubs te byin na/ khyed kyis ni bdag gcig pu la mi zer bar mang po'i nang du sma phab bo zhes byas so/ / de nas dge slong rnams kyis bsams pa/ nyon mongs pa de ni smas shing nyams par gyur to snyam nas/ dge bsnyen de la smras pa/ dge bsnyen khyod kyis tshig rtsub po smras kyis/ nyes pa la nyes so zhes bshags par gyis shig/ las 'di'i 'bras bu mi sdug pa myong bar gyur ta re zhes byas so// de nas dge bsnyen de yang 'gyod pa chen po skyes te/
- 52a
yon gnas 'di lta bu dag la tshig rtsub po smras pa ni bdag gis ma legs pa byas so snyam ste/ nyes pa la nyes so zhes bshags nas/ sbyin pa dag sbyin ning / bsod nams dag byas te/ tshe gcig tu skyabs su 'gro ba dang / bslab pa'i gzhi rnams kyang bsrungs nas 'chi kar smon lam btab pa/ kye ma 'di ltar bdag gis sems can dag pa 'di lta bu dgal tshig rtsub po sbas pa'i las 'di bdag la 'ong bar ma gyur cig/ de ste yang las 'di'i 'bras bu gdon mi za bar bdag la smin par gyur na yang / rab tu 'byung ba'i sems bskyed ma thag bdag gi bkra mi shis pa med par gyur te/ bkra shis par gyur cig/ bdag gis sangs rgyas dang / chos dang / dge 'dun la bkur sti byas pa dang / sbyin pa dag sbyin zhing / bsod nams dag byas padang / tshe gcig tu skyabs su 'gro ba dang / bslab pa'i gzhi rnams bsrungs pa'i dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ 'jig rten na bdag gi ming 'jig rten thams cad kyi bkra shis su gyur cig/ bdag gis ci bsams pa dang / ci 'dod pa de dag thams cad 'byor grub par gyur cig ces byas so// dge slong dag ji snyam du sems/ de'i tshe dge bsnyen du gyur pa gang yin pa de ni 'phye bo 'di kho na yin te/ des dge slong de dag la tshig rtsub po spras pa'i las de'i rnam par smin pas ni/ tshe rabs
- 52b
lnga brgyar 'bye bor gyur to/ / des sbyin pa dag sbyin zhing / bsod nams dag byas te/ tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa'i las de'i rnam par smin pas ni gang dang gang du skyes pa de dang der phyug cing nor mang la longs spyod che ba'i rigs su skyes te/ 'jig rten thams cad kyi bkra shis su gyur nas/ 'dis nga mnyes par byas te/ mi mnyes par ma byas la/ rab tu 'byung ba'i sems bskyed ma thag tu bkra mi shis pa med par gyur te/ bkra shis par byung bar gyur nas/ nga'i bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// // bam po nyi shu bdun pa// / grum stod ces bya ba ni/ gleng gni mnyan du yod pa na bzhugs te/ de'i tshe nags khrod cig na/ drang srong lnga brgya tsam gnas te/ de dag de khon na 'khod cing me'i sbyin sreg byed do// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa
- 53a
stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang / ldan su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtog par bya/ su ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med/ de nas bcom ldan 'das kyis dgongs pa drang srong lnga brgya po rnams gdul ba'i dus la ba babo snyam du dgongs nas/ bcom ldan
- 53b
'das kyis ci nas drang srong lnga brgya po de dag gis/ me'i sbyin sreg gi thab de dag thams cad kyi nang du sangs rgyas kyi zhabs kyi rjes mthong la/ de phan chad me 'ang mi nus pa de lta bur byin gyis brlabs so// de nas de dag 'di snyam du sems te/ rjes 'di'i mthus bdag cag gis thab rnams kyi nang du mi nus par gyur pa las na/ rjes 'di ni dge ba zhig yin pa 'dra ste/ rjes 'di lha chen po'i rjes ma yin grang snyam nas/ drang srong lnga brgya po de dag gis sangs rgyas kyi rjes de dag la bsreg bya phul nas/ sangs rgyas kyi mthus sbyin sreg de dag rang 'bar bar gyur te/ me lce tshangs pa'i 'jig rten la thug par song ngo / / de nas drang srong rnams kyis de mthong nas ya mtshan du gyur te/ lha chen pos bdag la dgongs so snyam mo// de nas bcom ldan 'das kyis de rnams drang ba'i phyir/ rgyal bu rgyal byed kyi tshal la thug pa'i bar du zhabs su rjes gcig nas gcig tu byin gyis brlabs so/ / de 'di snyam du sems te/ lha chen po ni lam 'dir gshegs so snyam nas zhabs kyi rjes gcig nas gcig tu rjes de dag la mchod pa byed cing dong nas/ de dag mthar gyis rgyal bu rgyal byed kyi tshal du zhugs so// de'i tshe bcom ldan 'das 'khor brgya phrag du ma'i gung la bzhugs te chos ston to// de nas drang srong lnga brgya po de dag gis sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis
- 54a
btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyi smras pa lta bu/ blogasal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las byung ba'i sems can gyis dang sangs rgyas mthong ba'i nyams bde ba de ci 'dra ba de lta bu ni/ lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro// de ltar mthong nas kyang / bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod de// de nas bcom ldan 'das kyis de rnams kyi bsam pa dang / bag la nyal ba dang / khams dang / shes ba dang / rang bzhin thugs su chud nas/ de dang 'thun pa'i chos bstan te/ de nas drang srong de dag gis stan de nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ / de dag gis bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na// bdag cag kyang bcom
- 54b
zha ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de rnams la lung yang phog ste/ de rnams kyis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa rig pa'i sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur stil mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pabacom ldan 'das kyis drang srong 'di rnams kyi zhabs kyi rjes bstan pas drangs te/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar rab ba zhigs yin te/ 'das pa'i dus na yang drang srong lnga bcu po 'di rnams ji ltar nabs kyi rjes bstan pas drangs te/ rab tu byung nas che gcig tu tshangs par spyod pa skyong du
- 55a
bcug pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i che lo che khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ der gang gi tshe yang dag par rdzogs pa'i sangs rgyas 'od srungs kyis cho 'phrul chen po bstan pa de'i tshe/ des skye bo phyi ma rnams la thugs brtse ba dang / drang srong lnga brgya po de dag drang ba'i phyir rtags su rung ba'i sangs rgyas kyi rjes byin gyis brlabs so/ / de'i tshe lho phyogs na dkar thub kyi nags shig na/ drang srong lnga brgya tsam gnas pa de dag steng gi bar snang las ri spos kyi ngang ldang la chas te dong ba las/ de dag ri rab la rdugs pa bzhin du sangs rgyas kyi zhabs kyi rjes rnams kyi steng du rdugs nas/ de rnams ya mtshan du gyur te/ bdag cag rdzu 'phrul yang ma nyams la nam mkha' la yang thogs par gyur to snyam mo/ / de nas de dag la dga' ba'i lhas/ de dag la smras pa/ khyed ni rdzu 'phrul ma nyams mod kyi/ khyed kyi 'og na sangs rgyas kyi zhabs kyi rjes yod la de'i steng du ni brgya byin dang tshangs pa la sogs pas kyang 'gro mi nus so/ / de nas drang srong de rnams zhabs kyi rjes de la shin tu dga' bar gyur to// dga' bar gyur nas/ sa la babs te zhabs kyi rjes
- 55b
/ de dag la bkur sti byed pa la zhugs so// yang dag par rdzogs pa'i sangs rgyas 'od srungs kyis de rnams drang ba'i phyir drang srong gnas pa la thub pa'i bar du zhabs kyi rjes gcig nas gcig tu byin gyis brlab nas/ drang srong rnams kyis bsams pa/ rjes 'di dag ni lha chen po'i yin te/ de ni lam 'dir gshegs so snyam nas/ rjes de thog thag tu drang srong gnas par dong nas/ drang srong lnga brgya po de dag gis thag ring po zhig nas yang dag par rdzogs pa'i sangs rgyas 'od srungs mthong ngo / / mthong nas kyang de dag yang dag par rdzogs pa'i sangs rgyas 'od srungs la shin tu dga' bar gyur to// dga' bar gyur nas/ yang dag par rdzogs pa'i sangs rgyas 'od srungs ga la ba der dong ste lhags nas/ zhabs la mgo bos phyag 'tshal te/ bla gos phrag pa gcig tu gzar nas yang dag par rdzogs pa'i sangs rgyas 'od srungs ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo// de nas yang dag par rdzogs pa'i sangs rgyas 'od srungs kyis de dag rab tu phyung ste/ bsnyen par rdzogs par mdzad nas/ de rnams la lung yang phog ste/ de dag gis der tshe gcig tu tshangs
- 56a
par spyod pa spyad kyang gang gis kyang yon tan gyi tshogs mthob nas/ 'chi kar de dag gis smon lam btab pa/ 'di ltar bdag cag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / gang gis kyang yon tan gyi tshogs ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan padas de bdag cag gis mnyes par byed par gyur cig/ mi mnyes par byed par mgyur cig/ de lo na'i bstan pa la rab tu byung nas/ nyon mongs ba thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe drang srong lnga brgya por gyur pa gang yin pa de dag ni nga srong lnga brgya po 'di dag kho na yin te/ de dag gis der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs
- 56b
mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ / mongs pa thams cad spangs te/ dgra bcom pa nyid mngon sum du byas so// long ba zhes bya ba ni/ bcom ldan 'das yul mi thi la na/ lha chen po'i a mra'i tshal na bzhugs te/ de'i tshe yul mi thi lan/ khyim bdag sna tshogs can zhes bya ba phyug cing nor mang la longs spyod che ba/ rnam thos kyi bu'i nor dang mnyam pa// rnam thos kyi bu'i nor dang 'gran pa zhig 'dug pa des/ thab zlar bab pa las chung ma bla te/ dede dang lhan cig tu rtse zhing dga' la dga' dgur spyod par byed do/ / phyi zhig na de'i chung ma la bu chags nas/ de zla ba dgu'am bcu lon pa dang / bu byad ngan po long ba zhig bcas so// de nas khyim bdag des bu de mthong ngo / / de mthong ma thag tu pha ma gnyis sdug bsngal chen po skyes te/ bdag cag gnyis brgya lam lan cig na bu btsas kyang 'di 'dra bar gyur na/ bdag cag gnyis la bu byad ngan po long ba 'di lta bu mi dgos kyis/ phye ma red nam sros la phyir byung la khyi rnams la sbyin no zhes byas nas/ pha ma gnyis kyis de phyir phyung ste/ lam po cher bor nas khyi rnams la byin no// sangs rgyas bcom ldan 'das bgrod pa gcig pus lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs
- 57a
pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan la bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrog pa rnams ni chos nyid kyis ni dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gnol/ su ni ngan song du 'bab/ su ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phag bI nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su srin zin pa las ye shes kyi mtshon gyis brtol bar bya/ sul ni sangs rgyas byung ba'i brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu
- 57b
srin rnams kyi gnas/ / dus rlabs yol bar 'gyur yang srid// gdul bar bya ba'i srid rnams la// sangs rgyas dus las yol ba med/ de nas bcom ldan 'das kyis dgongs pa/ khye'u 'di lung bstan pa'i dus la bab ste/ khye'u 'di las brten nas gdul bar bya ba'i skye bo mang po drang bar bya dgos so snyam du dgongs nas/ bcom ldan 'das kyis ci nas khye'u de khyis bza' bar mi 'gyur bar byin gyis brlabs so/ / de nas bcom ldan 'das nang par sngar bzhengs nas/ sham thabs dang chos gos gsol te/ lhung bzed bsnams nas/ dge slong gi tshogs kyis zham ring byas te/ dge slong gi dge 'dun gyis mdun du bdar nas/ yul mi thi lar gshegs te/ bcom ldan 'das khye'u de 'dab nye ba zhig tu bzhugs so// de nas yul mi thi naganas pa'i skye bo mang pos sangs rgyas bcom ldan 'das mthong ngo / / mthong nas kyang ya mtshan du gyur to// sngon gyi dge ba'i rtsa bas bskul nas/ bcom ldan 'das ga la bde lhags so// de nas bcom ldan 'das 'di snyam du dgongs te/ ma la bdag gis ci nas khye'u 'dis tshe snga ma dran par 'gyur zhing tshig kyang smra la/ nga dang lhan cig tu gtam zer bar 'gyur ba de lta bu'i ting nge 'dzin la snyoms par 'jug par bya'i snyam du dgongs nas/ bcom ldan 'das kyis de ltar byin gyis brlabs te/ khye'u des sngon gyi tshe rabs dran nas tshig smra zhing / bcom ldan 'das dang
- 58a
lhan cig gtam zer bar gyur te/ der bcom ldan 'das kyis/ khye'u de la bka' stsal pa/ khye'u khyod mi sdug pa yin nam/ bcom ldan 'das mi sdug pa lags so/ / khye'u khyod mi sdug pa yin nam/ bde bar gshegs pa mi sdug pa lags so// bka' stsal pa/ lus dang / ngag dang / yid kyi nyes par spyod pa'i las kyi 'bras bu rnam par smin pa sdug pa nyams su myong ba yod mod/ gsol pa/ bcom ldan 'das lus dang / ngag dang / yid kyi nges par spyod pa'i las kyi 'bras bu rnam par smin pa mi sdug pa nyams su myong ba mchis lags so/ / bka' stsal pa/ khyod kyi mi dge ba'i bshes gnyen su yin/ gsol pa/ rang gi sems lags so// de nas de thos mthag tu skye bo phal po che rnams ya mtshan du gyur te/ sems can 'di lta bu sngon gyi tshe rabs dran la/ tshig kyang smra zhing / bcom ldan 'das gtam zer bar zhig gu snyam mo// sangs rgyas bcom 'das rnams na sman slebs par dka' ba yin te/ de dag gis bcom ldan 'das la zhus pa'i thugs ma thub nas/ tshe dang ldan pa kun dga' bo la dris pa/ btsun pa kun dga' bo sems can 'di lta bu sngon gyi tshe rabs kyang dran la/ tshig smra ming bcom ldan 'das dang lhan cig gtam zer ba di su zhig/ tshe dang ldan pa kun dga' ngos spras pa/ sangs rgyas bcom ldan 'das la zhus shig
- 58b
de dag gis smras pa/ sangs rgyas bcom ldan 'das rnams ni snyan slebs par dka' bas na/ bdag cag gis sangs rgyas bcom ldan 'das la zhu ba'i thugs mi thub bo// kun dga' bos smras pa/ sangs rgyas bcom ldan 'das ni bdag gis kyang snyan slebs par dka' ba yin mod kyi/ khyed la snying btse ba'i phyir zhu bar bya'o zhes byas nas/ tshe dang ldan pa kun dga' bos bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa sems can 'di lta bu sngon gyi tshe rabs dran la tshig smra zhing / bcom ldan 'das dang bka' mchid bgyid pa su lags/ bcom ldan 'das kyis bka' stsal pa/ kun dga' bo sems can 'di ni sdig pa byed byed pa yin te/ 'dis sdig pa'i las mang po byas so// kun dga' bo sngon byung ba 'das pa'i dus na/ yul mi thil 'di nyid na rgyal po mi sdug pa zhes bya ba rgyal po byed de/ rgyal po de phrag dog can zhig tu gyur nas/ de gang gi tshe btsun mo'i 'khor gyis zham ring byas nas/ skyed mos tshal gyi sa'am gzhan gang du 'gro bar 'dod pa na/ de'i lam thams cad du mi med par byed do/ / skar khung rnams dang / sgo rnams kyang yol ba stug pos gcod par byed do// brgyal 'ga' zhig gis glo thor du btsun mo'i 'khor mthong na des de'i mig 'byin par byed de/
- 59a
de lta bu'i tshul gyis des sems can mang po mig med par byas so// de nas phyi zhig na de btsun mor 'khor gyis zham ring byas te/ skyed mos tshal gyi sar song ngo // sangs rgyas bcom ldan 'das rnams 'jig rten na mi bzhugs pa'i tshe/ rang sangs rgyas sdug cing 'phongs pa rnams la snying brtse ba/ bas mtha'i gnas mal na gnas pa/ 'jig rten gyi yon gnas gcig pu bse ru lta bu dag 'jig rten du 'byung ste/ rang sangs rgyas shig lam de nas 'ongs pa de rgyal po'i zham ring ba rnams kyis ma tshor nas/ de de'i btsun mo'i 'khor gyi mdun du bab bo/ / bud med de dag gis de'i lus mdzes pa dang / sems mdzes pa mthong nas/ de dag dga' bar gyur to// dga' bar gyur nas gdong g.yogs pa phye ste/ btud cing phyag byas so// de nas rgyal pos kyang de thos te/ thos ma thag tu de phrag dog gi gzhi las khro ba'i kun nas dkris pa chen po skyes te/ de khros nas rgyal po'i zham ring ba rnams la bka' stsal te/ khyed dang la rab tu byung ba de'i mig gnyis byung zhig ces bsgo'o// de nas de thos ma thag tu rgyal po'i zham ring ba rnams kyis rang sangs rgyas de bzung nas/ mig gnyis phyung ste/ rang sangs rgyas de yang sngon gyi las myong bar 'gyur ba mngon sum du gyur pas rdzub yang ma dran na/ 'phrul pa lta ci smos/ de nas rang sangs rgyas des
- 59b
bsams pa/ nyon mongs 'di ni smas shing nyams par gyur te/ 'khor ba na 'khor zhing yun ring por sdug bsngal chen po rnyed na mi rung gis/ 'di'i ra ma da' bya dgos so snyam ste/ steng gi nam mkha' la mngon par 'phags pas 'bar ba dang / lam mer 'dug pa dang / char 'bebs pa dang / glog 'gyu ba'i cho 'phrul rnams bstan to// so so'i skye bo rnams ni rdzu 'phrul gyis myur du dad par byed de/ rgyal po de sdong po sog les bcad pa bzhin du zhabs la phyag 'tshal te smras pa/ skal ba chen po dang ldan pa mar spyon/ bdag nyes par spyod pa'i 'dam du bying ba'i lag nas drang du gsol zhes byas so/ / bdag nyid chen po de yang gzhi des yongs su mya ngan las 'das nas/ rgyal po des de'i sku gdung la mchod pa byas te smon lam btab pa/ 'di ltar bdag gis sems can dag pa 'di lta bu la gnod pa byed du bcug pa'i las de'i 'bras bu bdag gis myong bar ma gyur cig/ 'di ltar phyir yang bkur sti byas pa rnams kyi dge ba'i rtsa ba 'dis na/ bdag gang dang gang du skye bar 'gyur de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par
- 60a
gyur cig ces byas so/ / dge slong dag ji snyam du sems/ de'i tshe rgyal po mi sdug par gyur pa gang yin pa de ni long ba 'di khon yin te/ des rang sangs rgyas de'i mig gnyis byung ba dang / sems can stong phrag du ma'i mig med par byas pa'i las de'i rnam par smin pa sa lo brgya phrag du ma dang / lo stong phrag du mar dbus long 'ba' zhig tu gyur te/ sems can dmyal bar yang bcos par gyur to/ / de nas shi 'phos nas kyang tshe rabs lnga brgyar yi dgas su skyes te/ der yang 'dis dmus longs du gyur pa 'ba' zhig gis sdug bsngal chen po myong bar gyur to/ / yi dgas las shi 'phos nas/ tshe rabs lnga brgya dud 'gror skyes te/ der yang dmus long 'bal zhig tu gyur to// dud 'gro las shi 'phos nas/ tshe rabs lnga brgyar mir skyes te/ thams cad du dmus long du gyur to// de nas dge slong rnams kyis gsol pa/ btsun pa sems can 'di sdug bsngal 'di las na mthar bar 'gyur lags bka' stsal pa dge slong dag nyan thos dang / rang sangs rgyas kyi sa las 'das pa'i yang dag par rdzogs pa'i sangs rgyas yid bzang zhes bya ba 'jig rten du 'byung bar 'gyur te/ de'i gsung rab la sems can 'di mir skye bar 'gyur te/ dbang po tshang bar 'gyur ro// de nas de'i gsung rab la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro// nges
- 60b
dgra bcom pa thob kyang nyal ba'i tshe/ las las skye ba'i bya rog dag lhag nas/ mig gnyis 'byin par gyur la/ de gzhi de las yongs su mya ngan las 'das par 'gyur te/ der 'di las de las thar par 'gyur ro/ / de nas de thos ma thag tu skye bo phal po che de dag skyo ba chen po skyes te/ nyon mongs pa'i dbang gis 'khor ba na sdug bsngal 'di lta bu rnyed par 'gyur ro snyam mo// de nas bcom ldan 'das kyi de dag yid skyo bar gyur par thugs su chud nas/ de dang 'thun pa'i chos bstan te/ des na skye bo mang po de dag gis stan de dag nyid la 'khod bzhin du kha cig gis ni dro bar gyur pa skyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bra bu mngon sum du byas so/ / kha cig gri ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas/ dgra bcom pa nyid mngon sum du byas so// kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar 'gyur ba dang kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang /
- 61a
kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gnol chos la babab dge 'dun la bab par gyur to/ / gcer bu pa 'od srungs zhes bya ba ni/ gleng gzhi rgyal po'i khab na bzhugs te/ de'i tshe ri khrod cig na bram ze'i dbul po zhig gnas pa de ning blas kyis 'tsho bar byed de/ / de nas phyi zhig na de'i chung ma la bu chags nas/ de zla ba dgu 'am bcu lon pa dang / bu btsas te/ de'i btsas ston rgyas par byas nas/ khye'u 'di ming ji skad gdags zhes de'i ming 'dogs par byed do/ / khye'u 'di 'od srungs kyi rigs yin pas na/ khye'u 'di'i ming 'od srungs su gdags so zhes zer ro// de nas khye'u 'od srung 'o ma dang / zho dang / mar dang / zhun mar dang / mar gyi snying khu rnams kyis bskyed bsrings nas// de gang gi tshe cher skyes pa de'i tshe/ de pa dang lhan cig tu zhing las la 'gro'o// de nas des bltas na/ pha des srog chags stong phrag du mkha 'dogs par byed pa mthong nas/ pha la smras pa/ yab cig khyod kyis srog chags stong phrag du ma gyin 'da' la sdug bsngal bar byed pa 'di lta bu'i 'cho ba khyod pa ci dgos/ bas sbas pa/ su bdag cag gi 'tshe ba ni 'di yin te/ gzhan med do// de nas khye'u des bsams pa/ bdaga' tshe ba 'di lta bu btang la
- 61b
chags khrod du gnas bca' 'o snyam nas/ nges par 'byung bar chas so// de nas gang gi tshe bcom ldan 'das kyi bla na med pa'i ye shes brnyes nas/ mthar gyis gdul bar bya ba rnams kyi don/ mdzad cing / rgyal po'i khab tu gshegs nas/ bcom ldan 'das kyi grags pa kun tu rgyas par gyur to// de nas bcom ldan 'das bdud rtsi'i cha rab bebs shing / bdud rtsis 'gro ba rnams tshim par mdzad do/ / khye'u 'od srungs kyis kyang dge sbyong go'u ta ma rgyal po'i khab na bzhugs te/ de bdud rtsi'i char 'bebs shing / bdud rtsis 'gro ba rnams tshim par mdzad do zhes thos nas/ thos ma thag tu pha ma la gsol te/ yab yum bdag dge sbyong go'u ta ma'i thad du tshangs par spyod pa spyod du mchi'o zhes byas nas song ngo // de nas rgyal po'i khab tu 'gro zhes byas na/ des der gcer bu pa gnyen gyi bu mthong nas/ des bsams pa/ dge sbyong go'u ta ma ni 'di yin no snyam nas/ de de'i thad du rab tu byung ngo // rab tu byung nas kyang des lhas kyi dpyad lobs nas/ de de la slob dpon gyi mchog tu gyur to// de nas de'i ming 'od srungs zhes bya ba gang yin pade med par gyur te/ ming gcer bu pa 'od srungs dang rus gcig pa gcer bu pa 'od srungs dang rus gcig pa zhes bya bar gyur te/ byi zhig na des bdag nyid tshe zad pa'i rtags mthong nas bsams pa/ bdag ni zhag bdun na med par 'gyur ro snyam mo//
- 62a
de nas bcom ldan 'das kyi bstan pa la dga' ba'i lhas de la sbran te/ gcer bu pa 'od srungs dang rus gcig pa mi dgar ma byed cig/ bcom ldan 'das de ni 'chi ba las nges par 'byung bar 'gyur ba'i lam ston pa yin te/ de ni rgyal po'i khab 'di nyid na bzhugs kyis/ de la bsnyen bkur gyis shig/ de ltar byas dang khyod la legs par 'gyur ro zhes byas so// de nas de thos mthag tu gcer bu pa 'od srungs dang rus gcig pa rgyal po'i khab nas byung ste/ 'od ma'i tshal logs su chas pa las/ lam byed du de'i blo skyes pa/ dge slong rnams ni ngo tsha shes shing khrel yod pa yin la/ bdag ni gcer bur 'dug pas na/ de dag dang mngon sum du phrad du 'gro mi phod kyis bdag re zhig 'od ma'i tshal du mi 'gro bar lam phyed 'di nyid du 'dug par bya'o/ / lam phyed 'di nyid du 'dug bzhin du bdag gis dge sbyong go'u ta ma la bsnyen bkur bya'o snyam mo// sangs rgyas bcom ldan 'das bgrod par cig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa// stobs
- 62b
bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du byung ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go// rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ gcer bu pa 'od srungs
- 63a
dang rus gcig pa gdul ba'i dus la ba po snyam du dgongs nas/ 'od ma'i tshal nas byung ste/ sa phyogs gang na gcer bu pa 'od srungs dang rus gcig pa 'dug pa sa phyogs der gshegs nas/ gcer bu pa 'od srungs dang rus gcig pas thag ring po zhi gnas sangs rgyas bcom ldan 'das mthong ngo // mthong nas kyang bcom ldan 'das ga la na der song ste phyin nas/ bcom ldan 'das dang lhan cig tu mngon sum du yang dag par mgu ba dang / yang dag par dga' bar 'gyur ba'i gtam sna tshogs byas nas/ phyogs gcig tu 'dug go/ nas gcer bu pa 'od srungs dang rus gcig pas/ bcom ldan 'das la 'di skad ces gsol to// kye go'u ta ma gal te nus nas nub lung bstan pa'i slad du go'u tams bdag la skabs phye na bdag phyogs 'ga' zhig zhu'o/ / bcom ldan 'das kyis bka' stsal pa/ 'od srungs re zhig nga rgyal po'i khab tu bsod snyoms la 'gro dgos pas/ khyod kyi zhu ba lung bstan pa'i skabs su ma bab kyis/ kun dga' ra ba'i phyi rol tu shog cig dang / der khyod kyi zhu ba bstan pa'i skabs su bab bo// gsol pa/ kye go'u ta ma gal te bdag kyang gzhan du 'gyur srid la yang na go'u ta ma yang gzhan du 'gyur srid do/ / de bzhin du lan gnyis lan gsum du gcer bu pa 'od srungs dang rus gcig pas gsol pa/ gal te zhus nas zhu ba lung bstan pa'i slad
- 63b
du skabs phye na/ go'u ta ma khyod la 'di nyid du phyogs 'ga' zhig zhu'o// de nas lan gnyis lan gsum gyi bar du bcom ldan 'das kyis/ gcer bu pa 'od srungs dang rus gcig pa la 'di skad ces bka' stsal to/ / 'od srungs re zhig nga rgyal po'i khab tu bsod snyoms la 'gro dgos pas/ khyod kyi zhu ba lung bstan pa'i skabs su ma bab kyis/ kun dga' ra ba'i phyi rol tu shog cig dang / der khyod kyi zhu ba lung bstan pa'i skabs su bab bo// gsol pa/ kye go'u ta ma gal te zhus nas zhu ba lung bstan pa'i skabs phye na go'u ta ma khyod la 'di nyid du phyogs 'ga' zhig zhu'o/ / bcom ldan 'das kyis bka' stsal pa/ 'od srungs khyod don 'di lan gnyis lan gsum gyi bar du nges par gleng bar byed na/ 'od srungs khyod ci dang ci 'dod pa zhus shig/ gsol pa/ go'u ta ma ci lags/ sdug bsngal rang gis bgyis sam/ bka' stsal pa/ 'od srungs sdug bsngal rang gis byas so zhes ngas ma bshad do// kye go'u ta ma ci lags/ sdug bsngal gzhan gyis bgyis sam/ 'od srungs sdug bsngal gzhan gyis byas zhes bya ba de ni ngas lung ma bstan to// kye go'u ta ma ci lags/ sdug bsngal rang gis kyang bgyis/ gan gyis kyang bgyis pa lags sam/ 'od srungs sdug bsngal rang gis kyang byas/ gzhan gyis kyang byas zhes bya ba de yang ngas lung ma bstan to// kye go'u ta ma ci lags/ sdug bsngal rang gis
- 64a
ma bgyis pa dang / gzhan gyis ma bgyis pa dang / rgyu las byung ba yang ma lags sam/ 'od srungs 'di yang ngas lung ma bstan to// go'u ta ma ci lags/ sdug bsngal la bdag gis bgyis pa dang / gzhan gyis bgyis pa dang / rgyu las byung ba yang ma lags zhes bgyi ba yang lungs bstan to zhes gsung ngam/ 'od srungs sdug bsngal rang gis byas pa dang / gzhan gyis byas pa dang / rgyu las byung ba yang ma yin nam zhes 'drin/ lung ma bstan to zhes bzer ro// kyo go'u ta ma ci lags sdug bsngal ma mchis pa kho na lags sam 'od srungs sdug bsngal ni ye med pa ma yin te/ yod pa kho na yin no// kye go'u ta ma sdug bsngal rang gis bgyis pa lags na/ ci nas bdag gi sdug bsngal shes par 'gyur ba dang / mthong bar 'gyur ba de lta bu'i chos bcom ldan 'das kyis bdag la bstan par smon no// 'od srungs gang gi tshor ba yang de nyid yin la/ myong ba yang de nyid yin na ni/ de lta na sdug bsngal rang gis byas pa yin par 'gyur la/ 'od srungs ni de skad mi zer ro// 'od srungs gang gi tshor ba yang gzhan yin la/ myong ba yang gzhan yin na ni/ de lta na sdug bsngal gzhan gyis byas pa yin par 'gyur na/ 'od srungasang de skad mi zer ro// 'od srungs gang gi sdug bsngal rkyen rnams med par byung bar gyur na ni/ de lta na sdug bsngal rang gis byas pa dang /
- 64b
gzhan gyis byas pa dang / rgyu las byung ba yang ma yin par 'gyur na/ 'od srungs nga ni de skad mi zer ro// de bzhin gshegs pa ni mtha' de gnyis la mi rten par dbu ma'i lam gyis chos ston cing / 'di lta ste/ 'di yod na 'di 'byung la/ 'di skyes pas 'di skye bar gyur te/ di lta ste/ ma rig pa'i rkyen gyis 'du byed rnams 'byung / 'du byed kyi rkyen gyis rnam par shes pa 'byung / rnam par shes pa'i rkyen gyis ming dang gzugs 'byung / ming dang gzugs kyi rkyen gyis skye mched drug 'byung / skye mched drug gi rkyen gyis reg pa 'byung / reg pa'i rkyen gyis tshor ba byung tshor ba'i rkyen gyis sred pa 'byung / / sred pa'i rkyen gyis len pa 'byung / len pa'i rkyen gyis srid pa 'byung / srid pa'i rkyen gyis skye ba 'byung / skye ba'i rkyen gyis rga shi dang / mya ngan dang smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ / 'di lta ste/ 'di med na 'di mi 'byung la/ 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed 'gag/ 'du byed 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug
- 65a
'gags pas reg pa 'gag/ reg pa bgags pas tshor ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag/ srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang 'khrug pa rnams 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro// chos kyi rnam grangs 'di bshad pa na/ gcer bu pa 'od srungs dang rus gcig pa chos rnams la ches kyi mig rdul med cing dri ma dang bral ba skyes so/ / de nas gcer bu ba'od srungs dang rus gcig pas chos mthong / chos rnyed/ chos rtogs chos kyi gting slebs/ so pa nyi las rgal/ the tsom las rgal te/ gzhan gyi dring mi 'jog cing / gzhan gyis bkri ba med la/ ston pa'i bstan pa'i chos rnams la mi 'jigs pa thob nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag ni 'das pa lags so// mngon par zhugs pa lags so/ / btsun pa bdag bcom ldan 'das la skyabs su mchis pa dang / chos la skyabs su mchis pa dang / dge slong gi dge 'dun la skyabs su mchis pa lags te/
- 65b
bdag dge bsnyen lags par gzung du gsol/ bdag mngon par dad par 'gyur te/ da slan chad snying thag pa nas skyabs su mchi lags so zhes gsol nas/ de ltar gcer bu pa 'od srungs dang rus gcig pa bcom ldan 'das kyis gsungs pa la mngon par bstod cing rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas so/ ngo // de nas gcer bu pa 'od srungs dang rus gcig pa bcom ldan 'das kyi thad nas song nas/ ring po ma lon par badrus ma zhig gis brdungs te bsad nas/ de 'chi kar dbang po rnams dang zhing bzhin gyi mdog yongs su dag la pags pa'i mdog dkar por 'dug go/ / de nas dge slong mang po dag snga dro sham thabs dang chos gos gyon nas/ lhung bzed thogs te/ rgyal po'i khab tu bsod snyoms la dong nas/ dge slong mang po rgyal po'i khab tu bsod snyoms la rgyu ba na/ gcer bu pa 'od srungs dang rus gcig pas lam phyed de nyid du bcom ldan 'das la zhu ba zhus te/ de bcom ldan 'das kyi thad nas song nas/ ring po ma lon par ba drus mas brdungs te bsad nas de 'chi kar dbang po rnams dang zhing bzhin gyi mdog yongs su dag la pags pa'i mdog dkar por 'dug go zhes thos so/ / thos nas kyang rgyal po'i khab nas bsod snyoms blangs nas zan zos te phyis bsod snyoms blang ba spangs nas/ lhung bzed dang chos gos bzhag ste/ rkang pa bkrus nas
- 66a
bcom ldan 'das gal ba der dong ste lpags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas dge slong mang pos bcom ldan 'das la 'di skad ces gsol to/ / btsun pa 'di na bdag cag dge slong mang po snga dro sham thabs dang chos gos gyon te/ lhung bzed thogs nas/ rgyal po'i khab tu bsod snyoms la mchis pa na/ btsun pa bdag cag dge slong mang po rgyal po'i khab tu bsod snyoms la rgyu ba rnams kyis gcer bu pa 'od srungs dang rus gcig pas shul phyed de nyid du bcom ldan 'das la zhu bzhus nas/ de bcom ldan 'das kyi thad nas song nas/ ring po ma lags par badrus mas brdungs te/ bkum nas de 'gum kar dbang po rnams dang zhing bzhin gyi mdog yongs su dgal/ pags pa'i mdog dkar por mchis so thos lags na/ btsun pa de'i 'gro ba ni gang lags/ skye ba'i gnas ni gang lags/ 'chi ba'i gnas ni gang lags/ bka' stsal pa/ dge slong dag rigs kyi bu de ni nor du gyur pa yin te/ des nga'i chos kyi rjes su 'thun pa'i chos mngon par rtogs pas na/ des ni nga la gnod pa ma byas kyis/ dge slong dag rigs kyi bu des ni 'di lta ste/ chos la lhag par bya ba byas nas mya ngan las 'das kyis/ de'i rus bul rus bu'i mchod pa gyis shig ces bka' stsal te/ der bcom ldan 'das kyis gcer bu pa 'od srungs dang rus
- 66b
gcig pa mchog tu gyur par lung bstan nas/ rgyal po'i khab der lha rnams kyis gcer bu pa 'od srungs dang rus gcig pa yongs su mya ngan las 'das so zhes bsgrags so// de nas de thos ma/ thag tu gzhan mu stegs pa rnams kyis ras kyi ba dan dag bsgreng ste/ lam po che dang / srang dang / bzhi mdo dang / sum mdo rnams su bsgrags te/ dge sbyong go'u ta ma na re/ nga'i chos 'dul ba 'di 'ba' zhig la mthar thug pa yod kyi/ gzhan la med do zhe na/ nged kyi tshangs pa mtshungs par spyod pa 'di yang yongs su mya ngan las 'das so zhes smras nas/ de dag de'i blad du dong ste/ 'di'i rus bu la mchod pa bya'o snyam mo// dge slong dag kyang de'i thad du dong ste/ 'di'i rus bu la mchod pa bya'o snyam mo// de nas der gzhan mu stegs pa kun tu rgyu rnams na re/ 'di ni bdag cag gi tshangs par tshungs par spyod pa yin gyis/ bdag cag gis 'di'i rus bu la mchod pa bya'o zhes zer ro// dge slong dag na re/ yang 'di ni bdag cag gi tshangs pa mtshungs par spyod pa yin gyis/ bdag cag gis 'di'i rus bu la mchod par bya'o zhes zer ro// de nas gzhan mu stegs pa kun tu rgyu dag na re/ bdag gi dbang ni lha gang dag gis rgyal po'i khab 'dir bsgrags pa de dag yin no zhes zer ro/ / dge slong dag na re/ yang 'di su'i tshangs par tshungs par spyod pa yin pa lha de dag nyid la dri bar bya'o zhes zer ro// de nas de thos ma thag tu gzhan mu stegs pa kun tu
- 67a
rgyu ba dag gis lha de dag nyid la gsol ba btab ste/ 'di su'i tshangs pa mtshungs par spyod pa yin pa dang / su'i ma yin pa de lha rnams gsungs shig ces byas so// de nas chos rtogs pa'i lha rnams na re/ 'di ni dge slong rnams kyi tshangs pa mtshungs par spyod pa yin te/ 'dis bcom ldan 'das las chos rtogs nas/ des na 'di bar ma dor yongs su mya ngan las 'das par gyur to zhes zer ro/ / de nas de thos ma thag tu gzhan mu stegs pa kun tu rgyu rnams skyengs nas/ sa phyogs de nas song ngo // de nas dge slong rnams kyis de'i rus bu la rus bu'i mcho pa byas te/ 'od ma'i tshal du dong nas/ bcom ldan 'das la zhus pa/ btsun pa gcer bu pa 'od srungs dang rus gcig pa 'dis las ci bgyis na/ las de'i rnam par smin pas badrus mas brdungs te bkum lags/ bcom ldan 'das kyis bka' stsal pa// dge slong dag de nyid kyis las de lta bu byas shing bsags te/ 'di'i sngon gyi gtam rgyud ni pus ka ras ra'i gtam rgyud las 'byung ba bzhin du ming po bzhis sring mo bsad pa'i bar du rgyas par brjod par bya'o/ / gsol pa// btsun pa gcer bu pa 'od srungs dang rus gcig pas las ci bgyis na/ las de'i rnam par smin pas 'dis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to//
- 67b
gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la/ dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i grags pa kun tu rgyas par gyur to// de nas yang dag par rdzogs pa'i sangs rgyas 'od srungs kyis wA rA NA sir gnas bcas te/ bdud rtsi'i char 'bebs shing / bdud rtsis 'gro ba rnams tshim par mdzad do// de'i tshe yul de na bram ze zhig gnas pa des kyang / wA rA hA sI na yang dag par rdzogs pa'i sangs rgyas 'od srungs zhes bya ba bdud rtsi'i char 'bebs te/ bdud rtsi'i 'gro ba rnams tshim par mdzad do zhes thos so// thos nas kyang yul drang srong smra bar song nas/ yang dag par rdzogs pa'i sangs rgyas 'od srungs de gal bzhugs pa der song ste phyin nas/ yang dag par rdzogs pa'i sangs rgyas 'od srungs kyi zhabs la mgo bos phyag 'tshal nas/ chos mtshan pa'i phyir spyan sngar 'dug go/ / de nas yang dag par rdzogs pa'i sangs rgyas 'od srungs kyis de dang 'thun pa'i chos bstan te/ des yang dag par rdzogs pa'i sangs rgyas 'od srungs las chos thos nas
- 68a
skyabs su 'gro ba dang / bslab pa'i gzhi rnams blangs nas song ngo // de nas des tshe gcig tu sbyin pa dag byin zhing / bsod nams dag byas te/ skyabs su 'gro ba dang bslab pa'i gzhi rnams bsrungs nas 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu skyabs su 'gro ba dang / bslab pa'i gzhi rnams bsrungs kyang yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems de'i tshe bram zer gyur pa gang yin pa de ni gcer bu pa 'od srungs dang rus gcig pa 'di kho na yin te/ des der sbyin pa dag byin zhing / bsod nams dag byas te/ tshe gcig tu skyabs su 'gro ba dang / bslab pa'i gzhi rnams bsrungs nas/ ba che kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang
- 68b
mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas so// / bam po ci shu brgyad pa/ 'od srungs gtso ba zhes bya ba ni/ gleng gzhi mnyan du yod pa na bzhugs te/ de'i tshe ri'i sul shig na/ drang srong 'khor khri cis stong yod pa zhig gnas te/ drang srong de yang bstan bcos thams cad kyi mthar phyin pa/ rdzu 'phrul che zhing mthu che ba zhig ste/ des bram ze khri nyis stong po de dag bsam gtan bzhi dang / mngon par shes pa lnga la bkod do// de nas gang gi tshe bcom ldan 'das kyis mtsho chen po ma dros pa'i nang du las kyi rnam par smin pa lung bstan nas/ mtsho de nyid kyi nang nas 'khor lnga brgya dang / nam mkha' la rgyal bu rgyal byed kyi tshal du gshegs so// drang srong de 'khor dang bcas pas kyang / bcom ldan 'das mtsho de nyid kyi nang nas nam mkha' la gshegs pa mthong ngo // mthong ma thag tu bcom ldan 'das la dga' bar gyur nas/ thams cang por bcom ldan 'das kyi phyi bzhin 'brang zhing / de dag rgyal bu rgyal byed kyi tshal du zhugs nas/ bcom ldan 'das ga la bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis drang srong khri nyis snying po de rnams kyi bsam pa dang / bag la nyal dang
- 69a
khams dang / shes pa dang / rang bzhin thugs su chud nas/ de dang 'thun pa'i chos bstan te/ des na drang srong khri nyis stong po de rnams kyis stan de dag nyid la 'khod bzhin du bden pa rtogs pa'i mod la phyir mi 'ong ba'i 'bras bu mngon sum du byas so/ / drang srong gtso bo des ni thos pas rgyags shing dregs pas ci yang ma thob bo// de nas drang srob khri nyis stong po de rnams stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'i chos 'dul ba la rab tu byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis drang srong khri nyis stong po de dag dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas de rnams la lung yang phog ste/ de rnams kyis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so/ / drang srong gtso bo de ni rab tu byung yang ci yang ma thob bo// de nas des de thos nas 'bad pa la zhugs te/ des ring po ma lon par sde snod gsum lobs nas/ rig pa dang grol ba'i
- 69b
spobs pa dang ldan pa'i chos smra bar gyur to/ / de nas phyi zhig na de'i blo skyes pa/ bdag ni sems can stong phrag du ma dgal chos ston la/ bdag nyid ni chos ston par mi 'dod de/ bdag gi grogs po 'di dag thams cad kyis dgra bcom pa nyid thob nas/ bdag gis ni de thos nas/ ci bya gtol med par gyur te/ khyad par ci yang ma thob kyis/ bdag gis mnyan pa dang sems pa btang la/ re zhig bsgrib par bya'o snyam nas/ des thos pa de nyid sems pa dang / 'jal ba dang / nye bar brtags pas nyon mongs pa thams cad spangs nas/ dgra bcom pa nyid mngon sum du byas te/ dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba// dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis sangs rgyas bcom ldan 'das la gsol ba/ btsun pa drang srong de thos pa'i rgyags pas dregs nas ci yang ma thob la/ slad kyis thos pa de nyid sems pa dang / 'jal ba dang / nye bar brtags/
- 70a
pas nyon mongs pa thams cad spangs nas/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'dis sems pa dang / 'jal ba dang / brtags pas/ bsam gtan bzhi dang / mngon par shes pa lnga ji ltar bskyed pa de nyon cig/ dge slong dag sngon byung ba 'das pa'i dus na/ ri khrod cig na bram ze 'od srungs gtso bo zhes bya ba zhig gnas te/ phyi zhig na de rtsa ba dang 'bras bu dag gi don la ri'i sul zhig tu song ba las/ des der drang srong khri nyis stong mthong nas/ mthong ma thag tu de dag la shin tu dga' bar gyur nas/ des bsams pa/ bdag ni khyim gyi chos la gnas la/ 'di rnams ni khyim gyi gnas nas nges par byung ba las na// 'di rnams ni 'khor ba las grol ba yin gor ma chag gis/ ma la bdag kyang 'di dag kho na'i thad du rab tu 'byung bar bya'o snyam nas/ des thams cad bor te/ drang srong de dag gi thad du rab tu byung ste/ de der song nas bstan bcos thams cad khong du chud par gyur to// de nas phyi zhig na drang srong gtso bo de shi nas/ bram ze'i khye'u khri nyis stong po de rnams drang srong de shi ba'i phyir shim mya ngan byed cing sdug bsngal la smre sngags 'don par byed do/ / de nas 'od srungs gtso bo des/ de dag la smras pa/ bram ze'i khye'u dag ha cang mya ngan ma byed/ sdug bsngal bar ma byed
- 70b
sngags 'don par ma byed cig dang / ngas khyod kyi dgongs pa thams cad sbyar bar bya'o zhes byas nas/ des bram ze'i khye'u khri nyis stong po de dag thams cad bsdus te/ de dag la yid la byed pa yang/ phog nas/ de dag thams cad kyis kyang bsam gtan bzhi dang / mngon par shes pa lnga bskyed do// de nas phyi zhig na 'od srungs gtso bos bsams pa// bdag gi slob ma 'di rnams kyis ni bdag gi yid la byed pas chos de lta bu rtogs par gyur la/ bdag ni thos pas rgyags shing dregs pas ci yang ma thob na/ bdag la thos pa 'di ci dgos snyam nas des kyang sems pa dang 'jal ba dang / nye bar brtags pas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe 'od srungs gtso bor gyur pa gang yin pa de ni drang srong 'di kho na yin te/ de'i tshe yang 'di thos pa'i rgyags pas dregs pas ni yang ma thob la/ byis thos pa de nyid sems pa dang / 'jal ba dang / nye bar brtags pabs/ bsam gtan bzhi dang / mngon par shes pa lnga bskyed do// da ltar yang 'di thos pa'i rgyags pas dregs pas sngar ci mang ma thob la/ phyis thos pa de nyid sems pa dang 'jal ba dang / nye bar brtags pas/ nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas
- 71a
bcom ldan 'das la zhus pa/ btsun pa drang srong 'khor dang bcas pa rnams kyis las ci bgyis na/ las de'i rnam par smin pas 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di rnams kyis smon lam gang du btab lags/ bka' stsal pa dge slong dag sngon byang ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ gang gi tshe de sangs rgyas kyi 'phrin las thams cad mdzad nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das nas/ rgyal po mdzes ldan gyis de'i sku gdung la mchod pa byas te/ sku gdung gi mchod rten brtsigs nas/ mchod rten de la bkur sti chen po byas te/ mchod rten gyi dus ston gyi lugs btod do// de nas
- 71b
phyi zhig na mchod rten de'i mchod rten gyi dus ston la bab pa na/ rgyal po mdzes ldan gyi khams su gtogs pa/ ri khrod kyi rgyal po 'khor khri nyis stong dang ldan pa zhig gis kyang mchod pa'i las la brtson par byas nas smon lam btab pa/ dge ba'i rtsa ba 'dis bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ ston pa 'di dang 'dra ba'i bstan la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de nas zham ring ba rnams kyis de mthong nas dris pa/ lha gcig gis smon lam ci btab lags/ de nas rgyal pos kyang de dag rgyas par bsnyad do// de nas zham ring ba rnams kyis smras pa/ bdag cag gis kyang lha cig las brten te ston pa 'di 'dra ba mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems de'i tshe ri khrod kyi rgyal por gyur pa gang yin pa de ni drang srong 'di kho na yin no// de'i tshe de'i 'khor khri nyis stong por gyur pa gang yin pa de ni bram ze khri nyis stong po 'di dag kho na yin te/ der mchod rten de la bkur sti byas nas/ smon lam btab pa'i las de'i rnam par smin pas gang dang gang du skyes pa de dang der phyagacig nor mang la
- 72a
longs spyod che ba'i rigs su skyes nas/ 'dis mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// drang srong khri nyis stong po 'di rnams kyis kyang de nyid las brten nas/ 'di rnams kyis nga mnyes par byas te/ mi mnyes par ma byas la nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyigasung rab la 'di dag thams cad rab tu byung ste/ der 'di dag thams cad kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to/ / gling chen gnas zhes bya ba ni/ gleng gzhi rgyal po'i khang na bzhugs te/ de'i tshe rgyal po'i lab kyi rgyal po gzugs can snying po'i glang po che'i bra grang chen snying po zhes bya ba phyug cing nor mang la longs spyod che ba/ yongs su 'dzin pa mang ba/ rnam thos kyi bu'i nor dang mnyam pa/ rnam thos kyi bu'i nor dang bgran pa zhig gnas pa des thabs zla ra bab pa las chung ma blangs nas/ de de dang lhan cig tu rtse zhing dga' dgur spyod do// de nas phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang
- 72b
zhing blta na sdug la mdzes pa zhig btsas te/ de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di rgyu skar nag pa la skyes la gcig tu na glang po che'i bla glang chen snying po'i bu yin pas na/ khye'u 'di'i ming nag pa glang chen gnas zhes gdags so zhes zer ro// de nas khye'u nag pa glang chen gnas 'o ma dang / zho dang mar dang / zhun mar dang / mar gyi snying khus bskyed bsrings nas/ de gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phod dang / mdun du brna ba dang / phyir/ bsnur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo 'phang ba dang / gcad pa dang / gshegs dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'bang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to//
- 73a
de nas phyi zhig na de'i pha ma gnyis shi nas/ de rgyal po gzugs can snying pos glang po che'i blar bskos te pha'i las thabs de nyid byin no// de nas des thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod do// de nas phyi zhig na des bcom ldan 'das kyi bstan pa la dad pa rnyed nas/ skyabs su 'gro ba dang / bslab pa'i gzhi rnams blangs te/ des sbyin pa dag sbyin zhing / bsod nams dag byas nas/ bcom ldan 'das kyi bstan pa la rab tu byung ngo // de rab tu byung nas sde snod gsum bslabs te/ rig pa dang grol ba'i spobs pa dang ldan pa'i chos smra bar gyur to/ / de nas phyi zhig na des bsams pa/ bdag gis thos pa'i sgo nas bya ba gang yin pa de dag ni byas zin gyis/ da byin chad ni bdag gis yid la byed pa la 'bad par bya'o snyam du bsams te/ des yid la byed pa bzung nas/ srod dang tho rangs mi nyal ba nyams su blangs te gnas pas 'du shes med 'du shes med mir skye mched kyi bsam gtan gyi bar du bskyed nas/ des slob ma lnga brgya bsdus te/ 'khor dang ldan par gyur to// de nas phyi zhig na de 'khor dang bcas pa ljongs rgyu zhing dong ste/ de mthar gyis spyod yul rgyu ba las slar log nas/ blon po rnams kyis rgyal po gzugs can snying po la rab tu byung ngo zhes gsol te/ lha gcig nag pa glang chen gnas ni rab tu byung la/ de yang bu ma mchis te/ dum
- 73b
mchis pas na/ de ci bdog pa thams cad lha gcig mnga' lags so zhes byas so// de nas rgyal pos smras pa/ nga ni shi ba nor dbang du zad kyi/ gson po'i ni mi dbang ste/ rig kyi bu de yang da dung gson por 'dug la/ drang srong rnams ni phyir yang 'bab cing khyim na gnas par 'gyur yang srid do zhes byas nas/ rgyal pos de'i khyim nas ci yang ma bzhes so// de nas phyi zhig na de'i chung mas nag pa glang chen gnas 'khor lnga brgya dang bcas pa rgyal po'i khab tu lhags so zhes thos so/ / thos nas kyang des 'khor dang bcas pa spyan drangs te khyim du zan byin no// de nas de'i chung mas bsams pa/ ci 'di bya ba byas pa yin nam/ 'on te so so'i skye bo yin zhig gu/ gal te so so'i skye bo yin na ni 'di drang ba'i thabs shig bya'o snyam nas/ des de zan za ba'i tshe khang thog nas zangs gzhong gcig mdun du bor nas/ de de'i sgras skrag par gyur la/ gcig tu na zan za ba'i tshe der zangs gzhong de la gris brud pa ltar yang byed do// des de mthong nas bsams pa/ 'di ni dgra bcom pa ma yin te/ 'di ni so so'i skye bo yin pas/ bdag gis 'di drang nus so snyam nas/ rkang pa la phyag 'tshal te smras pa dang / jo bo mi bzhugs pas bdag gi longs spyod 'di dag dmas par gyur to/ / de bas na jo bosang yang 'khor brgya lnga bcu dang khyim 'dir bshos gsol bar cig nang zhes byas so// de nas na ga pa glang chen gnas kyis chung ma la cang mi zer bar khas blangs nas
- 74a
des phyi nyin de 'khor brgya lnga bcu dang zan byin nas yang byi de nyin par 'khor lnga brgya dang zan la bos so/ / de bzhin du mthar gyis bud med des 'khor je nyung je nyung ngu phri nas tha ma'i nyin par gcig pu zan la bos te/ de des zan byin nas de drang ba'i phyir 'phongs pa'i tshig smra zhing / jo bo mi bzhugs pas 'di ltar bran rnams kyis kyang brnyas so zhes zer ro// des snga nas rol po khye'u zhig la bsgo ste/ gang gi tsheng chos nyan cing 'dug pa de'i tshe/ khyod kyis ngalan gsum gyi bar du 'gug pa thong la/ nga'i gar du shog cig ces springs shig/ de nas khyod kyi thad du ma 'ongs pa dang / de'i 'og tu khyod kyis nga'i tse to nas bzung la jo bo'i mdun du rdegs shig ces byas te bzhag go// de nas khol po khye'u des kyang de kho na bzhin du byas nas/ bud med des smras pa jo bo dgazigs/ khyod nyid kyi mdun du yang bdag 'di kho na lta zhing mchis so zhes byas so// de nas thos ma thag tu nag pa glang chen gnas khro ba'i kun tu dkris pa chen po skyes nas/ khros pas chung mas snga nas mal du ral gri bzhag pa da blangs nas/ shugs nas byung nas khye'u de'i steng du brgyugs nas/ chung mas rkang pa la phyag byas te smras pa/ jo bo re zhig gzu lums ma mdzad par bslab pa'i gzhi rnams phul la/ de'i 'og tu 'di bcos pas slebs so// de nas nag pa glang chen gnas kyis chung ma de nyid kyi mdun du bslab pa'i gzhi rnams phul te/ chos gos tshon
- 74b
can rnams bor nas/ khyim pa'i gos rnams bgos te 'dug go// de nas chung ma na re 'di ni bdag gis jo bo drang ba'i thabs bgyi ba'i slad du de ltar bgyis pa rabs kyis/ jo bos 'di la 'on du mi gzung bar gsol/ jo bo'i khyim gyi 'byor pa ni rgya che ba lags kyis/ da slan chad jo bo 'dod pa rnams kyang spyod cing bzhugs shig/ sbyin pa dag kyang sbyin par mdzod cig/ bsod nams dag kyang mdzod cig ces zer ro/ / de nas rgyal po gzugs can snying pos/ nag pa glang chen gnas kyis bslab pa rnams phul te nyams par byas so zhes thos nas/ rgyal pos de la 'gug pa btang nas de la sngon gyi las thabs byin no/ / de nas dge slong mang po dag snga dro sham thabs dang chos gos bgos te/ lhung bzed thogs nas/ rgyal po'i khab tu bsod snyoms la dong ste/ dge slong mang po dag rgyal po'i khab tu bsod snyoms la rgyu ba na/ nag pa glang chen gnas kyis bslab pa rnams phul te nyams par byas so zhes thos so// thos nas kyang rgyal po'i khab nas bsod snyoms blangs nas/ zan zos te zas byis len pa spangs nas/ lhung bzed dang chos gos bzhag ste/ rkang pa bkrus nas/ bcom ldan 'das gal bzhugs pa der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'khod nas/ dge slong mang po rnams kyis/ bcom ldan 'das la 'di skad ces gsol to//
- 75a
btsun pa 'di na bdag cag dge slong mang po snga dro sham thabs dang chos gos 'tshal te/ lhung bzed thogs nas/ rgyal po'i khab tu bsod snyoms la mchis pa na btsun pa bdag cag dge slong mang po khab tu bsod snyoms la rgyu ba rnams kyis nag pa glang chen gnas kyis bslab pa rnams phul te nyams par bgyis so zhes thos lags so/ / bcom ldan 'das kyis dge slong rnams la bka' stsal pa/ / dge slong dag rigs kyi bu de ni yun ring du khyim du mi gnas te/ da ni yang nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro zhes bka' stsal to// de nas phyi zhig na bcom ldan 'das kyis nag pa glang chen gnas gdul ba'i dus la bab par gzigs nas/ snga dro sham thabs dang chos gos gsol te/ lhung bzad bsnams nas/ rgyal po'i khab tu bsod snyoms la gshegs te/ mthar gyis rgyal po'i khab tu bsod snyoms bzhes nas/ nag pa glang chen gnas kyi khyim gang na 'dug pa der gshegs te/ byon nas khyim gyi sgon bzhes te/ de drang ba'i phyir 'od zer bkye nas/ des de'i khyim thams cad gser zhun ma'i kha dog lta bur snang bar gyur to// de nas nag pa glang chen gnas kyis bsams pa/ 'od 'di su'i yin zhig gu/ bcom ldan 'das kho na'i yin gor ma chag na/ bcom ldan 'das gal bzhugs te/ bdag la dgongs shig gu snyam pa
- 75b
dang / de'i skabs su 'phrin pa 'ongs nas nag pa glang chen gnas la sbran te/ bcom ldan 'das sgon bzhugs so zhes byas so// de nas gus par bsgrim pa/ bcom ldan 'das gal bzhugs ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das ga la bde logs su thal mo sbyar ba btud nas/ bcom ldan 'das la gsol pa/ bcom ldan 'das bka' ci stsal lags/ bcom ldan 'das kyis bka' stsal pa/ khyod khyim na gnas pa thong la tshur shog/ yang nga'i thad du rab tu byung zhig ces bka' stsal to// 'di ltar bcom ldan 'das kyis ni/ tshe rabs gzhan dang gzhan dag tu bla ma dang bla ma'i gnas lta bur gyur pa/ su'i ngag kyang ma bcug pas na/ bcom ldan 'das kyi bka' yang sus kyang gcog nus pa med do/ / de nas des gsol pa/ bdag bcom ldan 'das kyis bka' ji skad stsal pa bzhin du 'tshal lo zhes gsol nas/ bcom ldan 'das kyi phyi bzhin 'brang ste/ bcom ldan 'das kyis 'od ma'i tshal du khrid nas/ rab tu phyung ste bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la nus pa/ btsun pa nag pa glang chen
- 76a
gnas kyis las ci bgyis na/ las de'i rnam par smin pas bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags// bcom ldan 'das kyis bka' stsal pa/ dge slong dag sngon byung ba 'das pa'i dus na/ ri khrod kyi grong zhig na khyim bdag nag pa zhes bya ba phyug cig nor mang la longs spyod che ba/ yongs su 'dzin pa mang ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa las/ phyi zhig na de dpyid ka'i dus na shing yal ga 'khrigs shing me tog rgyas pa'i skyed mos tshal gyi sar byung ngo / / sangs rgyas 'jig rten du mi 'byung ba'i tshe/ rang sangs rgyas sdug cing 'phongs pa rnams la snying brtse ba/ bas mtha'i gnas mal na gnas pa/ 'jig rten gyi yon gnas gcig pu rnams 'jig rten du 'byung ste/ rang sangs rgyas shig ri khrod der bsod snyoms la 'gro 'dod nas/ des skyed mos tshal de na rol mo'i sgra grag pa thos nas/ des bsams pa/ bdag gang dka' ba'i lto 'di'i phyirari ni ri khrod du 'gro ci dgos kyis/ skyed mos tshal 'di'i nang du song dang / 'di nas bdag gi bsod
- 76b
snyoms 'byung bar 'gyur ro snyam ste/ rang sangs rgyas de skyed mos tshal der song nas/ khyim bdag des lus mdzes pa dang / sems mdzes pa de mthong ngo // mthong nas kyang khyim bdag de rang sangs rgyas de la shin tu dga' bar gyur to/ / de dga' bar gyur nas/ bshos gsol te smras pa/ 'phags pa khyod ga la bzhugs/ bdag gis khyod kyi bsnyen bkur bgyi'o// rang sangs rgyas kyis smras pa/ nags khrod gag mo zhig na 'dug go zhes smras nas/ rang sangs rgyas de dong ngo // de nas khyim bdag de dus dus su nags khrod der bshos 'bul zhing bsnyen bkur yang byed do// / de nas phyi zhig na khyim bdag de de blta ba'i phyir song ba las/ rang sangs rgyas de shing zhig gi drung du gnas bcas te/ klu'i rgyal po'i lus bskyil te/ gnyid log pa bzhin skyil mo krung bcas te 'dug go/ de nas khyim bdag des rang sangs rgyas de rab tu dben par gnas pa mthong nas/ de yang rab tu 'byung bar 'dod pa'i sems skyes so// de nas rang sangs rgyas de'i thad du song nas/ rkang pa la phyag 'tshal te smras pa/ 'phags pa bdag rab tu phyung zhig dang / bdag kyang khyod kyi thad du tshangs par spyod par spyad par 'tshal lo// rang sangs rgyas kyi smras pa/ nga ni rab tu 'byin par mi byed de/ drang srong rnams rab tu 'byin par byed kyis/ drang srong rnams kyi nang du song la rab tu 'byung bar gyis shig/ de nas de thos ma thag tu khyim bdag des khyim gyi 'khor btang
- 77a
nas/ sbyin pa dag sbyin zhing / bsod nams dag byas te/ drang srong rnams kyi nang du rab tu byung nas/ de der rab tu byung ste/ bsam gtan bzhi dang / mngon// par shes pa lnga bskyed do// de rab tu byung nas/ rang sangs rgyas de yongs su mya ngan las 'das so// de nas drang srong de'i blo skyes pa/ bdag song la yon gnas kyi mchog dge ba'i bshes gnyen de la bsnyen bkur bya'o/ / 'on tang de las bdag gis gong ma'i khyad par rtogs par 'gyur ro snyam ste/ de nags khrod der song ba las/ des der rang sangs rgyas de ni ma mthong gi/ rang sangs rgyas gzhan zhig nags khrod der mthong nas/ des de la dris pa/ 'phags pa'i dge slong sha tshugs dang kha dog 'di lta bu zhig nags khrod 'di nang 'dug 'dug pa gar song / rang sangs rgyas kyis smras pa/ yongs su mya ngan las 'das so// des smras pa/ de gang du mya ngan las 'das/ de nas rang sangs rgyas des des sku gdung de dag bstan to// de nas des sku gdung gi mchod rten brtsigs nas/ bdug pa dang / phye ma dang / spos dang / me tog rnams kyis bkur sti byas te smon lam btab pa/ kye ma dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa bdag gis mnyes par byed par gyur cig/ mi
- 77b
mnyes par ma gyur cig/ yon tan 'di lta bu dag kyang bdag gis thob par shog cig ces smon lam btab nas sa phyogs de nas song ngo // de nas phyi zhig na de shi'o// de shi 'phos te dus las 'das nas/ tshangs pa'i 'jig rten du skyes so// dge slong dag ji snyam du sems/ de'i tshe khyim bdag nag par gyur pa gang yin pa de ni/ nag pa glang chen gnas 'di kho na yin te/ des rang sangs rgyas de la bkur sti byas nas/ smon lam btab pa'i las de'i rnam par smin pas gang dang gang du skyes pade dang der phyug cing nor mngal longs spyod che ba'i rigs su skyes te/ nga rang sangs rgyas bye ba phrag 'bum pas kyang chas khyad par du 'phags pa nga lta bu 'dis mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mong pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la gsol pa/ btsun pa nag pa glang chen gnas mchis 'brang gis thabs bgyis te 'dod pa spyod du stsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di chung ma des thabs byas nas ji ltar 'dod pa spyod du bcug pa de nyon cig/ dge slong dag sngon byung ba 'das pa'i dus na/ grong khyer wA rA nA si na/ rgyal po tshangs pas byin zhes bya ba rgyal po byed de
- 78a
de'i tshe rgyal po tshangs pas byin gyi mdun na 'don bram ze mas byin zhes bya ba zhig yod de/ phyi zhig na de'i chung ma la bu chags nas/ bu mche ma gnyis byung ste/ de gnyi kyi btsas ston rgyas par byas te/ khye'u 'di gnyis kyi ming ji skad gdags zhes ming 'dogs par byed do// khye'u 'di gnyis mes byin gyi bu yin pas na/ khye'u gcig gi ming ni me'i bu zhes gdags so/ / gcig gi ming ni me lce zhes gdags so zhes zer ro// de nas khye'u me'i bu dang / me lce gnyis ngo ma dang / zho dang / mar dang / nun mar dang / mar gyi snying khus bskyed pa srings nas/ gang gi tshe de gnyis cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+hU zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs nas las rnam pa drug la mkhas pa'i bram zer gyur te/ de gnyis mthar gyis rig pa'i gnas bco brgyad la byang bar gyur to// phyi zhig na de gnyis kyis pa chos dang chos ma yin/
- 78b
pas rgyal srid 'dzin pa mthong ngo // de nas phyi zhig na de gnyis kyi blo skyes pa/ pa med par gyur gyi 'og tu ni/ bdag cag gnyis pa'i las thabs su bsko bar 'gyur gyis/ bdag cag gnyis khyim na gnas pa gtang ngo zhes zer ro/ / 'di skad ces kyang zer te/ 'jig rten pha rol gyis 'jig pa'i mis ni/ rgyal srid kyi phyir gsod pa dang / bcing ba dang / rdeg pa'i las byed pa bas/ nags khung du shing shun gyi gos gyon zhing / shing thog za la/ gcan gzan dag dang lhan cig gnas kyang bla'o zhes zer nas pha la gsol te/ yab yum bdag cag gnyis dka' thub kyi rags tshal du mchi'o zhes byas so/ / pha ma gnyis kyis smras pa/ bu gnyis gang gi phyir drang srong rnams dka' thub spyod pa de ni/ khyed gnyis kyi lag na 'dug ste/ nged shi ba'i 'og tu khyed gnyis cod pan med pa'i rgyal srid 'dzin par 'ong ngo / / khye'u gnyis kyis smras pa/ bdag cag gnyis 'jigs pa yang de kho na yin te/ de'i phyir nags khung du gnas bca' bar 'dod pas na/ bdag cag gnyis ni 'dod pa la longs spyod pa'i rngo mi thog go// de ltar pha ma gnyis kyis/ de gnyis lan du ma bkag kyang dgag ma nus nas/ de gnyis la pha mas smras pa/ rab tu 'byung bar gyis la/ gal te khyad par cung zad thob par gyur na/ de dganyis la ltar shog cig ces byas so// de nas de gnyis kyis smras pa/ khyed gnyis/
- 79a
ji ltar bgyis pa bzhin du 'tshal lo zhes byas nas/ khye'u de gnyis kyis bam la mchi phyag byas te/ rags khung du gnas bcas so// de gnyis der rab tu byung nas/ bsam gtan bzhi dang / mngon par shes pa lnga bskyed do// de nas phyi zhig na de gnyis kyi blo skyes pa/ bdag cag gnyis kyis bam la dam bcas pa/ gal te khyad par cung zad thod par gyur na/ khyed gnyis la ltar 'ong ngo zhes byas kyis 'dong ngo zhes zer nas/ steng gi nam mkha' las dong ste/ pha ma gnyis kyi thad du phyin to// de nas de mthong ma thag tu pha ma gnyis de la shin tu dga' bar gyur to/ / dga' bar gyur nas smras pa/ khyed gnyis kyang bsod snyoms 'dod la/ de gnyis kyang bsod nams 'dod kyis/ 'dir bdag cag gi skyed mos tshal du gnas par gyis shig dang / bdag cag gnyis kyis zan sbyar ro zhes byas so// de gnyis kyis smras pa/ khyed gnyis ji ltar dgyes pa bzhin du bgyi'o zhes byas nas/ skyed mos tshal de nyid du yal ga dang / lo ma'i skyil po bcas nas 'khod do// de nas de gnyis wA rA NA si'i phyogs kun tu bkur sti bya ba dang / bla mar bya ba dang / ri mor bya ba dang / mchog pa bya ba'i gnas su gyur to/ / de nas rgyal po tshangs pas byin gyis mdun na 'don mes byin gyi bu gnyis de ltar rdzu 'phrul che zhing mthu che bar gyur to zhes thos nas/ thos ma thag tu ngo mtshar
- 79b
du gyur te/ g.yar drangs nas zan byin no// za na byin nas/ rkang pa la phyag 'tshal te smras pa/ dus dus su khyed gnyis nga la ltar shog cig ces byas so// de nas de gnyis kyis smras pa/ lha ji ltar dgyes pa bzhin du bgyi'o zhes byas nas de gnyis song ngo // de nas dus dus su de gnyis steng gi nam mkha' las 'gro zhing / rgyal po'i pho brang du 'dong bar byed de/ rgyal po tshangs pas byin la bltar 'gro'o// rgyal po tshangs pas byin gyis kyang de gnyis 'ongs nas/ nam mkha' de nyid las pang du blangs te stan la bzhag nas/ bza' ba dang bca' ba ga ma bzang po mang pos tshim par byas te/ chos mnyan pa'i phyir mdun du 'dug go// de nas phyi zhig na rgyal po tshangs pas byin gyi 'bangs ri khrod pa rnams log nas/ dpung gi tshogs go bskon techas nas/ des bu mo la bsgo ba/ bu drang srong de gnyis nam 'ongs dang ngadz+ra lngar bkur sti byed pa de kho na bzhin du khyod kyis kun gyis shig ces byas nas/ rgyal po de song ngo // de nas phyi zhig na rgyal po'i pho brang du drang srong me'i bu'i don zhig yod par phyin/ der drang srong me lce btang ste/ de steng gi nam mkha' las rgyal po'i pho brang du 'ongs nas/ bu mo des drang srong nam mkha' la 'dug pa bang du blangs te 'byung nas stan la bzhag go/ / bud med rnams ni reg na gdug pa yin te/ bu mo des reg ma thag tu drang srong me lce rdzu 'phrul de las nyams so// bu mo de yang drang
- 80a
srong de gzugs bzang zhing blta na sdug la mdzes pa mthong nas chags par gyur te/ de de dang dben pa zhig tu zhugs nas/ de de dang lhan cig tu nyal po byas so// de nas de btsun mo'i 'khor gyis tshor te/ de dag gis bsams pa/ gal te bdag cag gis drang srong 'di la tshig 'ga' byas na ni/ drang srong 'di rdzu 'phrul che bas dmod pa 'dor srid do snyam ste/ de dag 'jigs skrag nas cung zad kyang ma smras so// drang srong de yang rgyal po'i pho brang de nyid du 'dug cing / rkang pas 'gror ngo tsha ste ma phod do// de nas phyi zhig na rgyal po tshangs pas byin gyis ri khrod pa phab nas phyir log ste/ rgyal po'i pho brang du 'ongs pa dang / des drang srong ma lce ba dir 'ongs so zhes thos nas/ thos ma thag tu rgyal po de la bltar song ste/ des bza' ba dang bca' ba gtsang ma bzang po mang po dag phul lo/ / bu mos kyang drang srong de'i sgomakhyer te 'ongs so// de nas de mthong ma thag tu drang srong de shin tu chags par gyur to// drang srong de myos pa tsam du chags par gyur nas/ rgyal po de'i spyan sngar lag pa brkyang nas/ lag pas bzung zhes byas pa dang / rgyal pos de mthong nas/ mthong ma thag tu ral gri rnon po thogs te/ drang srong de bsod par byas pa dang / bu mo'i mthong nas drang srong de la smras pa/ mkhan po ci lags/ khyod gsang nan dgos pa'i phyir 'khrul te/ khyod kyis 'dir phyag brkyang lags
- 80b
sam zhes byas so/ / de nas rgyal po tshangs pas byin de bzhin du yid ches par gyur te/ drang srong 'dis 'khrul to snyam du bsams nas/ skyen par skom phul lo// de nas de la zan byin nas chos mnyan pa'i phyir mdun du 'dug go/ / de nas drang srong me'i bu dka' thub kyi nags tshal na 'dug pas bsams pa/ ci drang srong de da tsam gyi bar du ma 'ongs na snyam ste/ des bltas na/ 'dod pa spyod par gyur la stobs su chud cing 'dug par mthong nas/ 'di deng du srog yal bar 'gyur srid do snyam nas/ steng gi bar snang las rgyal po'i pho brang du 'ongs so// rgyal po tshangs pas byin gyis kyang drang srong de nam mkha' de nyid las pang du blangs nas stan la bzhag ste/ chos mnyan pa'i phyir mdun du 'dug de nas des rgyal po de la chos thig tsam bshad nas nu bo khrid de steng gi nam mkha' las dka' thub kyi nags tshul du song ngo / / de nas des de la yid la byed pa'i man ngag phog nas des phyir yang bsam gtan bzhi dang / mngon par shes pa lnga bskyed do/ / de nas phyi zhig na rgyal po tshangs pas byin gyi bcan mo 'khor rnams kyis bsams pa/ bu mo 'dis ma legs pa 'di lta bu byas pa de gal te bdag cag gis ma gsol na bdag cag la yang 'di'i phyir gyod byung bar 'gyur ro snyam nas/ de rnams kyis rgyal po la gsol to// de nas de thos ma thag tu rgyal po tshangs pas byin zhe sdang chen po'i dbang
- 81a
du gyur nas/ des dpung gi tshogs yan lag bzhi'i go bskon te/ drang srong de'i gnas su song nas/ drang srong me lces rgyal po tshangs pas byin dpung gi tshogs pan lag bzhi dang chas te 'ongs pa mthong ngo / / mthong nas kyang sems pa la zhugs te/ 'di bsam pa ji lta bu zhig gis 'dir 'ongs snyam ste/ des ltas na/ bdag gsod par 'dod do snyam du rig nas/ de nyid dad pa bskyed pa'i phyir/ steng gi bar snang la mngon par 'bagra te 'dug go// de nas rgyal po tshangs pas byin gyis drang srong me lce steng gi bar snang la mngon par 'phags te 'dug pa mthong nas/ mthong ma thag tu de'i khro ba'i kun nas dkris pa de med par gyur to// the tsom skyes pa/ ci 'di ngas ji skad thos bde bzhin du gyur tam/ 'on te ma gyur skum nas tshigs su bcad de smras pa/ bram ze me lce bdag gis ni/ 'dod pa spyod ces sngar thos na// tshig de bden pa yin nam ci// 'on te ci lags mi spyod dam// rgyal po chen po de bden te/ / khyod kyis gzhan las thos pa bzhin// bdag ni lam ngan zhug gyur te// chags pa'i gnas su myos par gyur// de nas rgyal po tshangs pas byin the tsom skyes te/ drang srong mo'i bu'i thad du song nas/ des drang srong de la dris pa/ drang srong ci lags/ 'di'i slad du bdag gis ji skad thos pa de kho na bzhin lags sam/ drang srong gis smras pa/ rgyal po chen
- 81b
po de kho na bzhin du bden mod kyi/ nyon mongs pa rnams ni de ltar mthu che'o// rgyal pos smras pa/ 'o na ji ltar 'dod pa yang longs spyod par byed la/ rdzu 'phrul 'di lta bu dag dang yang ldan/ drang srong gis sbas pa/ rgyal po chen po drang srong 'di gang gi tshe 'dod pa spyod par gyur pa de'i tshe na rdzu 'phrul las nyams so// 'di gnas de nas bdag gis khrid de lung yang phog yid la byed pa'i thabs kyang bstan nas/ 'dis kyang phyir yang rdzu 'phrul bskyed do// de nas de thos ma thag tu rgyal po de de la dga' bar gyur nas/ des drang srong de'i rkang pa la bya gang tshal te/ bzod brag sol nas song ngo // dge slong dag ji snyam du sems de'i tshe drang srong me'i bur gyur pa byang chub kyi spyod pa la gnas pa gang yin pa de ni nga nyid yin no// de'i tshe de'i chu bor gyur pa gang yin pa de ni nag pa glang chen gnas 'di kho na yin no/ / de'i tshe rgyal po'i bu mor gyur pa gang yin pa de ni chung ma 'di kho na yin te/ de'i tshe yang des tshangs par spyod pa'i gnas las nyams par byas te/ 'dod pa spyod pa la gnas par byas pa las/ de ngas de nas drangs te/ phyir yang bsam gtan bzhi dang / mngon par shes pa lnga la gnas par byas la/ da ltar ya 'dis 'di tshangs par sbyor ba'i gnas las nyams par byas nas/ 'dod pa la gnas par byas pa las/ de ngas de nas drangs te/ g.yung drung gi mthar thug pa grub pa dang bde ba'i mya ngan las 'das
- 82a
pa la bzhag go/ / gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung nas/ des 'dir tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// // bam po nyi shu dgu pa// sa ra Na zhes bya ba ni/ gleng gzhi rgyal po'i khab na bzhugs te/ de'i tshe yul gyen du rgyal zhes bya ba na ni/ rgyal po rab snang zhes bya ba rgyal po byed do// yul dpa' rab ces bya ba na ni/ rgyal po 'char ka zhes bya ba rgyal po byed do/ / de gnyis phan tshun mi mthun par gyur pas/ dus dus su skye bo phal po che kha 'dog par byed do// de nas gang gi tshe tshe dang ldan pa ka t+ya ya na'i bus nyon mongs pa thams cad spangs te/ dgra bcom pa nyid mngon sum du byas pa de'i tshe/ des bsams pa/ bcom ldan 'das ni bdag gi sdug bsngal dang / yid mi bde ba mang po sel ba yin/ bde ba dang yid bde ba rnam pa du ma sgrub pa yin/ sdig pa mi dge ba'i chos rnam pa du ma sel ba yin/ chos rnam pa du ma sgrub pa yin la/ dge ba'i bshes gnyen ni sangs rgyas bcom ldan 'das las brten te rus pa'i ri la ni brgal khrag gi rgya mtsho ni bskams na/ bcom ldan 'das de'i bka' drin bdag gis ji ltar bsab par bya snyam mo// de nas des bsams pa/ sangs rgyas bcom ldan 'das 'jig rten du 'byung ba gang yang
- 82b
rung ba de dag thams cad ni sems can la phan pa'i phyir 'byung ba kho nar zad kyis mal bdag gis kyang sems can la phan pa bya'o snyam mo/ / de nas de sems pa la zhugs te/ bdag gis gdul bar bya ba 'ga' lta ci yod snyam pa dang / des bltas na/ yul dpa' rang bya ba na gnas pa'i skye bo mang po rnams lhag par bdag gis gdul bar bya ba yin par mthong nas/ bcom ldan 'das ga la bzhugs pa der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag cag ljongs rgyu zhing mchi bar 'tshal lo// bcom ldan 'das kyis bka' stsal pa/ ka t+ya ya na'i bu khyod la/ bdag brgal nas gzhan sgrol cig/ bdag grol nas gzhan grol bar gyis shig/ bdag dbugs phyin nas gzhan dbugs phyung zhig/ bdag yongs su mya ngan las 'das nas/ gzhan yongs su mya ngan las zlo zhig/ de nas tshe dang ldan pa ka t+yA ya na'i bu bcom ldan 'das kyi zhabs la mgo bos phyag 'tshal te/ 'khor lnga brgya dang ljongs rgyu zhing song ngo // de nas de mthar gyis rgyu zhing song song ba las yul gyen du rgyal du phyin nas/ de der phyin nas rgyal po gtum po rab snang sangs rgyas kyi bstan pa la zhugs par byas so// yul dpa' rab tu song nas rgyal po 'char
- 83a
ka dad pa phun sum tshogs pa la gnas par byas so/ / skye bo phal po che yang bcom ldan 'das kyi bstan pa la dad par byas so// de nas phyi zhig na yul dpa' rab kyi rgya po 'char ka'i btsun mo la bu chags nas/ de zla ba dgu'am bcu lon pa dang / du gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming sar na zhes bya bar btags so/ / de nas khye'u sar na 'o ma dang / no dang / mar dang / nun mar dang / mar gyi snying khus bskyed bsrings te/ mtsho'i nang gi pad+ma bzhin du skyed drag par gyur to/ / de nas de gang gi tshe cher skyes pa de'i tshe khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa'i 'di lta ste/ glang po che bzhon pa dang / rta bzhon pa dang / mtshon cha bcang ba dang / 'bong dang / mdun du brtsu ba dang / phyir bskur ba dang / g.yul las thar par bya ba dang / lcags kyus gzung ba dang / zhags pas gzung ba dang / mdanga' po che 'phang ba dang / rdo rje rtse gcig pa gdang ba dang / tshon rtse gcig tu gdab pa dang / 'khor lo 'phang ba dang / gcod pa dang / gshogs dang / lag pas gzung ba dang / rkang pa'i stangs dang / mgo bo bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang /
- 83b
tshabs cher gtang ba rnams kyang bslabs nas/ gnas lnga la byang bar gyur to// de nas phyi zhigan gzhon nu sa ra Na tshe dang ldan pa ka t+ya ya na'i bu la brten nas bcom ldan 'das kyi bstan pa la da pa rnyed de/ skyabs su 'gro ba dang / bslab pa'i gzhi rnams blangs so// de nas des bltas na/ pha chos dang chos ma yin pas rgyal po byed pa mthong ngo // de nas des bsams pa yab nongs pa'i 'og tu ni bdag rgyal sar 'jug par 'ong ste/ bdag la rgyal srid mi dgos kyis/ bcom ldan 'das kyi bstan pa la rab tu byung la/ chu bo rnams las brgal bar bya ba dang sbyor ba rnams las 'da' bar bya ba'i phyir brtson pa dang / bsgrub pa dang / 'bad par bya'o snyam nas/ yab yum la gsol te/ tshe dang ldan pa ka t+ya ya na'i bu'i thad du rab tu byung ste/ bsnyen par rdzogs so// de nas tshe dang ldan pa ka t+ya ya na'i bus bsams pa/ 'di yul 'di nas bkar dgos snyam nas/ de khrid de yul gyen du rgyal du song nas de na 'khod do// de nas zhig na tshe dang ldan pa sa ran snga dro chos gos dang sham thabs gyon te/ lhung bzed thogs nas/ grong khyer gyen du rgyal du bsod snyoms la song ngo // de yang spyod yul gyi rgyus mi shes la lam po che dang srang gi rgyus la mi mkhas pa zhig ste/ de mthar gyis bsod snyoms rgyu zhing song song ba las rgyal po gtum po rab snang gi pho brang gi chab sgor byin nas/ rab sgo ba rnams med pa'i
- 84a
skabs su de rgyal po'i pho brang gi nang du song nas/ de rgyal po'i btsun mo rnams kyis mthong nas/ gzugs bzang zhing bltan sdug la mdzes te lus kyi sha rgyas par 'dug go/ / de nas de mthong ma thag tu de dag de la shin tu dga' bar gyur te/ de dag gis bsams pa/ dge slong 'di 'di ltar gzugs mdzes shing na so gzhon la/ tshangs par spyod pa la yang gnas so snyam mo/ / de nas de dag dga' bar gyur pas/ de'i stan bshams te 'dug tu bcug na/ bza' ba dang bca' ba gtsang ma bzang po mang pos tshim par byas nas/ tshe dang ldan pa sa ra Na bskor te/ chos mnyan pa'i phyir gung la bzhag go// de nas de na 'dug pa'i skabs su rgyal po gtum po rab snang btsun mo'i 'khor du 'ongs so// btsun mo rnams kyi lugs kyis/ gang gi tshe rgyal po btsun mo'i 'khor du 'ong ba de'i tshe langs te bsur 'gro ba yin na/ de rnams chos nyan pa la 'dun ches nas ldang ba dang / bsu ba yang ma byas so// de nas rgyal po gtum po rab snang gis bsams pa/ ma la dag btsun mo rnams kyis ma bsu ba 'di ci las gyur snyam nas/ rgyal pos de 'phrigs te/ de khros bzhin du btsun mo'i 'khor du song ngo // de der song ste bltas tshe dang ldan pa sa ra na btsun mo rnams kyis bskor ba mthong nas/ rgyal po de lhag par yang khro ba'i kun tu dkris pa skyes te/ de khros nas bsams pa/ dge slong gis nga'i chung ma mthong gis
- 84b
med do snyam mo/ / de nas des bsams pa/ re zhig 'di 'dod chags dang bral ba yin nam/ 'on te 'dod chags dang ma bral ba yin brtag par bya'o snyam ste/ de nas tshe dang ldan pa sa ran la smras pa/ ci khyod dgra bcom pa yin nam/ des smras pa/ rgyal po chen po ma yin no// rgyal pos smras pa/ ci khyod phyir mi 'ong ba dang / lan cig phyir 'ong ba dang / rgyun du zhugs pa thob pa yin nam/ 'du shes med 'du shes med min skye mched dang / ci yang med pa'i skye mched dang / rnam shes mtha' yas skye mched dang / nam mkha' mtha' yas skye mched thob pa yin nam/ bsam gtan bzhi pa dang / gsum pa dang / gnyis pa dang / bsam gtan dang po thob pa yin nam/ des smras pa/ rgyal po chen po ma yin no// de nas rgyal pos bsams pa/ dge slong 'di 'dod rags dang bral ba ma yin la/ 'di mkhar po dang slob dpon gyis ma bslabs kyis/ ngas 'di bslab par bya'o snyam nas zham ring ba rnams bos te de lcag gis zhen par gzhus te gtang ngo / / de nas de lcug gis gzhus pas pags pa ral nas khros te bsams pa/ bdag mnyes par dus ngan pa'i rgyal po gtum po 'dis brdabs kyis bdag pa'i yul du song la/ pa'i yul du 'dug ste/ dpung gi tshogs yan lag bzhi go bskon te song la/ dus ngan pa'i rgyal po rgyal po gtum po'ang rdul bton te btang ngo snyam mo/
- 85a
@dang ldan pa ka t+ya ya na'i bu ga la 'dug pa der song ste byin nas/ tshe dang ldan pa ka t+ya ya na'i bu'i rkang pa la phyag 'tshal te smras pa/ mkhan po bdag ma nongs par dus ngan pa'i rgyal po rgyal po gtum po des brdabs pas na/ bdag pa'i yul du mchis te/ der mchis nas dpung gi tshogs yan lag bzhi go bskon te mchis la/ dus ngan pa'i rgyal po rgyal po gtum bo de rdul bton te btang gis/ bslab pa'i gzhi rnams bzhes su gsol/ gnas brtan gyis smras pa/ bu khro ba'i dbang du ma 'gro zhig/ bcom ldan 'das kyis rab tu byung bas ni 'jig rten gyi chos brgyad de/ rnyed pa dang / ma rnyed pa dang / thags pa dang / grags pa ma yin pa dang / bstod pa dang / spad pa dang / bde ba dang / sdug bsngal thams cad bzod par bya'o zhes ma gsungs sam zhes byas te/ gnas brtan des de la lan du ma bkag kyang dgag ma nus nas/ tshe dang ldan pa ka t+ya ya na'i bus de la smras pa/ bu de ltar khyod khro 'dod na/ da ltar nanam sros su nye ste/ lam na seng ge dang / stag dang / gzig dang / dreng mo rnams kyis 'jigs pa yod kyis/ do nub kyi tshel 'dir 'dug la nang par song zhig ces byas so// de nas des smras pa/ mkhan pos ji skad bka' stsal pa bzhin 'tshal lo zhes byas na// de gnas brtan de dang gnas khang gcig tu nyal te/ tshe dang ldan pa ka t+ya ya na'i bus de bzlog pa'i phyir de
- 85b
byin gyis brlabs te/ ci nas de nyal ba'i rmi lam du des bslab pa phul te/ pha'i yul du song nas pas de rgyal srid la dbang byed du bcug ste/ dpung gi tshogs yan lag bzhi byin nas 'di skad ces bsgo ste/ khyod kyis thog ma kho nar las su bya ba ni dgra tshar gcod par gyis shig ces byas nas/ de thos ma thag tu des dpung gi tshogs yan lag bzhi go bson nas rgyal po gtum borab snang gi yul du dmag drangs pa las/ rgyal po gtum po rab snang gis de g.yul du pham par byas te/ thug par gyur nas rgyab kyis phyogs par byas te/ gsor por bzung nas gson du btang ste/ de gshed ma'i mi rnams kyis khrid de bsad pa'i sar byin du nye ba dang / des bltas na rmi lam nyid na/ tshe dang ldan pa ka t+ya ya na'i bu grong khyer gyen du rgyal na bsod snyoms byed cing 'dug pa mthong nas/ des khus btab ste mkhan po bdag gi skyabs mdzad du gsol/ bdag la dka' ba mdzad pa dang / srog 'phangs pa sbyin par mdzad du gsol zhes zer zhing 'dug pa rmi lam du mthong bar byin gyis brlabs so/ / de nas de des sba gnas sad kyang / rmi lam la yang dag pa tsam du 'dzin cing de bzhin du rdol nas/ tshe dang ldan pa ka t+ya ya na'i bus de la smras pa/ bu khyod kyis rmi lam mthong bar zad kyis/ ma 'jigs shig/ de nas de thos ma thag tu sa ran dga' bar gyur nas/ sems pa la zhugs te/ sar na zhes bya ba de ni nga nyid yin zhing 'dug
- 86a
la bdag gis ni sems can gcig la yang 'tshe ba ma byas na/ de bdag khro ba'i dbang du song ste/ mi lam du yang skye bo mang po de skyed bsad kyis/ don nu gcer ba 'di snyam bdag gis btang ngo snyam mo/ / de nas gnas brtan des de'i yid skyo bar rig nas/ de dang 'thun pa'i chos bstan te/ des na sa ra nas stan de nyid la 'dug bzhin du nyon mongs pa thams cad spangs te/ dgra bcom pa nyid mngon sum du byas so// de nas rgyal po gtum po rab snang gis bdag gis dge slong lcug gis gzhus pa gang yin pa de rgyal po 'char ka'i bu yin no zhes thos nas/ de'i thad du song ste/ rkang pa la phyag 'tshal nas bzod par gsol te/ de nyid las brten nas tshe dang ldan pa ka tu ya na'i bu zhag bdun gyi bar du bshos la spyan drangs so// nas byi zhig na tshe dang ldan pa ka t+ya ya na'i bus bsams pa/ rnyed pa dang bkur sti skyes kyis gcod dgos snyam nas/ tshe dang ldan pa sa ra na dang lhan cig tu rgyal po'i khab tu song ngo // de nas tshe dang ldan pa sa ra na ji ltar gyur pa'i skabs de dge slong rnams kyis thos so// thos nas kyang bcom ldan 'das la zhus pa/ btsun pa sa ra na nas las ci bgyis na las de'i rnam par smin pas phyug cing nor mang la longs spyod che ba'i rigs su skyes lags/ las ci bgyis na las de'i rnam par smin pas rgyal po gtum po rab snang gis lcug gis gzhus la
- 86b
'dis bcom ldan 'das kyang mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di nyid kyis las byas shing bsags te/ dge slong dag sngon byung ba 'das pa'i dus na/ grong khyer wA rA Na si na/ rgyal po tshangs pas byin rgyal po byed do// phyi zhig na de'i btsun me'i 'khor gyis nam ring byas te/ skyed mos tshal gyi sar song ba las/ rgyal po gnyid kyis log go// bud med rnams ni me tog dang 'bras bu la sred pas de'i btsun mo rnams skyed mos tshal der phan tshun rgyu ba la zhugs so/ / sangs rgyas bcom ldan 'das rnams 'jig rten du mi 'byung ba'i tshe/ rang sangs rgyas rnams 'jig rten du byung ste/ rang sangs rgyas shig skyed mos tshal der mtshan mo dgongs mal btab nas lus mdzes pa dang sems mdzes pa de bud med de dag gis mthong nas/ mthong ma jug tu de la dga' ba skyes so/ / dga' ba skyes nas rkang pal phyag 'tshal te/ chos mnyan pa'i phyir mdun du 'khod do// de nas rgyal po de sad de/ btsun mo'i 'khor mi snang nas/ khros te ral gri rnon po thogs nas/ rjes gar byung ba'i thog tu song ba las/ rgyal po des rang sangs rgyas de btsun mo'i 'khor la chos 'chad cing 'dug pa mthong ngo // mthong nas kyang dge slong gis nga'i chung ma mthong
- 87a
jo snyam ste/ de ldag par yang khro ba'i kun tu dkris paskyes te/ des nam ring 'khor rnams la bsgo ste/ rang sangs rgyas de lcug gis zhen par gzhus te btang ngo // de nas rang sangs rgyas des bsams pa/ nyon mongs pa 'di ni smras shing nyams par gyur te/ 'di gtan du 'khyams na mi rung gis/ ra mda' bya dgos so snyam bsams nas/ nam mkha' la 'phags te/ 'bar ba dang / lam mer 'dug pa dang / char 'bab pa dang / klog 'gyu ba la sogs pa'i tshe baphrul bstan to// so so'i skye bo rnams ni rdzu 'phrul gyis myur du dad par 'gyur te/ de mthong ma thag tu de la shin tu dga' bar gyur to// dga' bar gyur nas/ sdong po sog les bcad pa bzhin du de'i rkang pa la phyag 'tshal te smras pa/ skal ba chen po dang ldan pa mar ston/ bdag nyes par spyod pa'i 'dam du bying ba las lag nas drongs shig ces byas so// de nas rang sangs rgyas de de nyid la snying brtse ba'i phyir sa la babs nas/ des de'i rkang pa la phyag 'tshal te bzod pa gsol nas/ ji srid 'tsho ba'i bar du yo byad thams cad bstabs te/ skyed mos tshal de nyid du yal ga dang / lo ma'i skyil po pu gnas/ yo byad thams cad kyis bsnyen bkur byas so/ / de nas phyi zhig na rang sangs rgyas des bsams pa/ bdag la lus khol ba 'di ci dgos kyis/ bdag ni ba mya ngan las 'das pa'i khams su 'gro bar bya'o snyam
- 87b
nas/ 'bar ba dang / lam mer 'dug pa dang / char 'bab pa dang / glog 'gyu ba'i cho 'phrul bstan te/ yongs su mya ngan las 'das so// de nas rgyal po des de'i sku gdung la mchod pa byas nas/ sku gdung gi mchod rten brtsigs te/ mchod rten la bkur sti chen po byas nas smon lam btab pa/ kye ma 'di ltar bdag gis sems can dag pa 'di lta bu la gnod pa byas pa'i las 'di bdag gis myong bar ma gyur cig/ bdag gis phyir yang bkur sti byas pa'i dge ba'i rtsa ba 'dis na/ bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad bar du 'phags pa'i ston pa bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe rgyal po tshangs pas byin zhes bya bar gyur pa gang yin pa de ni sa ra na 'di kho na yin te/ des rang sangs rgyas la gnod pa byas pa'i las de'i rnam par smin pas gang dang gang du skyes pa de dang der lus la lcag gis gzhus pas lcag 'og tu shi nas/ / 'di sang rang sangs rgyas bye ba phrag 'bum pas kyang ches khyad par 'phags par lta bu mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mong
- 88a
pa thams cad spangs te/ dgra bcom pa nyid mngon sum du byas so// gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung nas 'dis der tshe gcig tu tshangs par spyad de/ dbang po rnams yongs su smin par byas pa des na/ da ltar rnam par grol bar gyur to// ri dgas kyi brtul zhugs can zhes bya ba ni/ gleng gni rgyal po'i khab na bzhugs te/ de'i tshe yul bi te ha'i ljongs na/ ri dgas kyi brtu zhugs can ri dgas kyi pags pagyon zhing rwa thogs pa ri dgas rnams dang lhan cig tu rtsa za zhing chu thung ba lnga brgya tsam zhig 'khod do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar ga nag ba gsum la mkhas pa/ mi 'jigs pa bzhis mi 'jig pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin du sa gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing
- 88b
'dug/ su ni nyamang bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab su ni ngan song du bab/ su ni ngas ngan song nas phyung ste/ mtho rasi dang / thar pa dang / 'bras bu la gzhag par bya/ su ni nyes par spyod pa'i ngadam du bying ba las lag nas drang bar byasu ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu dang bcas par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la/ sangs rgyas dus las yol ba med// de nas bcom ldan 'das kyis dgongs pa/ ri dgas kyi brtul zhugs can lnga brgya po rnams gdul ba'i dus la bab po / snyam du dgongs nas/ bcom ldan 'das kyis ci nas ri dgas kyi brtul zhugs can de rnams kyis ri dgas de dag rgyal po'i khab tu 'gro ba mthong la/ mthong nas de rnams kyang ri dgas
- 89a
de dag dang lhan cig tu rgyal po'i khab tu 'gro bar 'gyur ba de lta bur byin gyis brlabs so/ / de nas de dag der song nas/ bcom ldan 'das kyis sprul pa'i ri dgas de dag mi snang bar byas so/ / de nas skye bo phal po che de dag gi de rnams mthong nas rnam par smod par byed do// de ltar smad nas de rnams rgyal po'i khab nas byung ste/ 'od ma'i tshal logs su chas so/ / de nus bcom ldan 'das kyis de rnams la thugs 'artsela'i phyir mdun du bzhugs so// de nas ridags kyi brtul zhugs can lnga brgya po da dkrigs blag ring po zhig nas bcom rjen 'das mthong ngo / / mthong nas kyang de dag bcom ldan 'das la dga' bar gyur to// dga' bar gyur nas/ bcom ldan 'das ga la bzhugs pa der dong ste lhag nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de rnams kyi bsam pa dang / bag la nyal ba dang / khams dang shes pa dang / rang bzhin thugs su chud nas/ de dang 'thun pa'i chos bstan te/ des na ri dgas kyi brtul zhugs can lnga brgya po de dag gis stan de nyid la 'khod bzhin du bden pa mngon par rtogs pa'i mod la phyir mi 'ang ba'i 'bras bu mngon sum du byas te/ de dag gis bden pa mthong nas/ bcom ldan 'das la 'di skad ces gsol to// btsun pa bdag cag les
- 89b
par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis dge slong tshur shog ces bya ba tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis sangs rgyas bcom ldan 'das la zhus pa/ btsun pa dge slong 'di rnams kyis ci bgyis na/ las de'i rnam par smin pas ri dgas kyi cha lugs su mchis la/ ri dgas rnams dang lhan cig tu rtsa za zhing chu 'thung bar gyur nas/ 'di rnams kyis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ dge slong dag 'di rnams nyid kyis las byas shing bsags te/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs
- 90a
su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo skur ra/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de dge slong gi dge 'dun mang po dang thabs gcig tu ljongs rgyu zhing gshegs pa las rgyal po'i khab tu gshegs so// de'i tshe rgyal po'i khab na dka' thub kyi gnas shig na bram ze 'khor lnga brgya dang ldan pa zhig gnas pa des/ bcom ldan 'das 'od srungs 'khor dang bcas pa mthong ngo // mthong nas kyang bram ze'i khye'u rnams la smras pa/ khyed 'od srungs kyi dge slong ri dgas bzhin du rgyu ba 'di dag la ltos/ 'di rnams ni gnas med de/ gang dga' bar rgyu bar byed do zhes byas so// de nas phyi zhig na bram ze des bcom ldan 'das kyi bstan pa la dad pa rnyed nas/ de bram ze'i khye'u de dag dang lhan cig tu yang dag par rdzogs pa'i sangs rgyas 'od srungs kyi thad du rab tu byung ngo // de dag der rab tu byung nas/ tshe gcig tu tshangs par spyod pa spyad pa las/ yon tan gyi tshogs ci yang ma thob nas/ de dag gis 'chi kar smon lam btab pa/ 'di ltar bdag cag gis yang dag par rdzogs pa'i sangs rgyas 'od srungs kyi bstan pa la rab tu byung nas/ tshe gcig tu tshangs par spyod pa spyad kyang yon tan gyi tshogs ci yang ma thob kyis/ yang dag
- 90b
par rdzogs pa'i sangs rgyas 'od srungs kyis bram ze'i khye'u tha ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe dge slong lnga brgyur gyur pa gang yin pa de dag ni/ ri dgas kyi brtul zhugs can 'di dag kho na yin te/ de rnams kyis der dge slong rnams la tshig rtsub po smras pa/ 'di dag ni ri dgas bzhin du rgyu'o zhes byas pa'i las de'i rnam par smin pas tshe rabs lnga brgyar ri dgas su skyes nas/ da ltar srid pa tha ma dang / gnas tha mar gyur pa'i bar du yang ri dgas kyi cha lugs 'dzin par gyur te/ de rnams kyis der tshe gcig tu tshangs par spyod pa spyad nas/ 'tsho kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag cag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong
- 91a
dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'di rnams kyisang mnyes par byas te/ mi mnyes par ma byas las/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / zla ba zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze che zhing mtho ba zla ba bde zhes bya ba zhig gnas te/ des thabs zla rabab pa las chung ma blangs nas/ de de dang lhan cig rtse zhing dga' la dga' dgur spyod pa las/ phye zhig na de'i chung ma la bu chags nas/ de la yid la 'dod pa 'di lta bu zhig skyes te/ gzhung gyis rtsod pa rnams dang lhan cig tu gtam zer yang ci ma rung snyam mo// de nas des khyim thab la bsnyad do// jo bo bdag la yid la 'dod pa 'di lta bu zhig skyes te/ bdag gzhung gis rtsod pa rnams dang lhan cig tu gtam zer yang ci ma rung snyam bgyid do zhes byas so// bram ze de yang ltas la mkhas pa zhig/ de'i blo skyes pa/ 'di ljon 'dug pa'i sems can de'i mthu yin te/ des 'di'i yid la 'dod pa de lta bu skyes so snyam mo// de nas zla ba dgu'am bcu lon pa dang / bu mo gzugs bzang zhing blta na sdug la mdzes pa zhig btsas
- 91b
te/ de'i btsas ston rgyas par byas nas/ bu mo 'di'i ming ji skad gdags zhes ming 'dogs par byed de/ bu mo 'di zla ba bde ba'i bu mo yin pas na/ bu mo 'di'i ming zla ba zhes gdags so// zhes zer ro// de nas bu mo zla ba 'o ma dang / zho dang / mar dang / zhun mar dang / mar gyi snying lus bskyed bsrings te/ mtsho nang gi pad+ma bzhin du skye drag par gyur nas/ gang gi tsheche de chen mor gyur pa de'i tshe/ khyim de nyid du yi ge bslabs te/ de ring po ma lon par yi ge'i mthar phyin nas/ des khyim de nyid du pha ma las bstan bcos thams cad lobs te/ gzhung gis rtsod pa thams cad tshar bcad nas/ des tshig tu bya ba thos so cog lo bas so// de nas phyi zhig na des mnyan du yod pa 'di nyid na dge sbyong go'u ta ma thams cad mkhyen pa/ thams cad gzigs pa yin par bdag nyid las 'che ba zhig yod do zhes thos nas/ thos ma thag tu bu mo de ya mtshan du gyur te/ bdag song la/ dge sbyong go'u ta ma de ci 'dra ba blta bar bya'o snyam ste/ pha ma gnyis la gsol nas/ rgyal bu rgyal byed kyi tshal du song ste/ bu mo des thag ring po zhig nas sangs rgyas bcom ldan 'das sku skyes du chen po'i mtshan sum cu rtsa gnyis kyi legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing
- 92a
dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes te/ dge ba'i rtsa ba bsags pa'i rgyu las b yung ba'i sems can gyis dang po sangs rgyas mthong ba'i nyams bde ba ci 'dra ba de lta bu ni lo bcu gnyis kyi bar du zhi gnas kyi sems la goms par byas pa la yang nyams bde ba de lta bu skye bar mi 'gyur ro/ / de de ltar dga' ba skyes nas/ bcom ldan 'das gal bzhugs pa der song ste phyin nas/ bcom ldan 'das kyi skabs la mgo bos phyag 'tshal te/ chos mnyan po'i phyir spyan sngar 'dug go/ / de nas bcom ldan 'das kyis de'i bsam pa dang / bgal nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bas twe/ des na bu mo zla bstan de nyid la 'dug pa bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong ma'i dngos po thob tu rung na/ bdag kyang
- 92b
bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de skye dgu'i bdag mo chen mo go'u ta mi la gtad nas/ skye dgu'i bdag mo chen mo go'u ta mis de rab tu phyung ste/ bsnyen par rdzogs par byas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// der gang gi tshe bcom ldan 'das kyis/ dge slong ma rnams la bka' stsal pa/ dge slong ma rnams kyis las la 'du ba logs shig sa ces shig ces pa las/ skye dgu'i bdag mo go'u ta mis so sor thar pa'i mdo 'don mi nus nas/ de bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal/ te/ phyogs gcig tu 'dug go// phyogs gcig tu 'dug nas/ bcom ldan 'das la/ skye dgu'i bdag mo go'u ta ma si 'di skad ces gsol to// bcom ldan 'das kyis dge slong rnams kyis kyang las kyi 'dun ma logs shig tu gyis shig/ dge slong ma rnams kyis kyang las kyi 'dun ma logs shig tu gyis shig ces bka' stsal la/ bcom ldan 'das kyis dge slong rnams la ni so sor thar pa bstan/ dge slong ma rnams la ni ma bstan lags na/ bcom ldan 'das kyis so sor thar pa bstan du gsol/ bdag gis bzung bar 'tshal lags so// sangs rgyas
- 93a
bcom ldan 'das rnams ni tshig re re nas smos shing chos gsungs mi srid de/ de'i skabs med do// de nas der bcom ldan 'das kyis/ skye dgu'i bdag mo go'u ta mi la bka' stsal pa/ kye go ru ta mi gcig spras pas 'dzin nus na ni bstan par bya'o zhes gsungs so// de nas de'i tshe dge slong ma zlab 'khor de nyid du 'dus te/ dge slong ma zla bas bla gos phrag pa gcig tu gzar nas/ bcom ldan 'das ga la ba de logs su thal me sbyar ba btud de/ bcom ldan 'das la 'di skad ces gsol to// bcom ldan 'das kyis so sor thar pa bstan du gsol/ lan cig bka' stsal pas bdag gis gzung bar 'tshal lo// de nas bcom ldan 'das kyis dge slong ma rnams la so sor thar pa'i mdo bstan te/ lan cig bka' stsal pas dge slong ma zla bas lobs nas/ des sde snod gsum yang lobs so// tshig tu bya ba ci yang rung ba de dag thams cad kyang thos ma thag tu lobs nas/ bcom ldan 'das kyis de thos pa 'dzin pa rnams kyis chog tu bstan to/ / de nas dge slong rnams kyis/ sangs rgyas bcom ldan 'das la zhus pa/ btsun pa dge slong ma zla bas las ci bgyis na/ las de'i rnam bar smin pas byug cing nor mngal longs spyod che ba'i rigs su skyes la/ 'dis bstan bcos thams cad kyang lobs te/ gzhung gis rtsod pa thams cad tshar bcad nas/ 'dis bcom
- 93b
ldan 'das kyang mnyes par byas te/ mi mnyes par ma bgyis la/ bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon/ sum du bgyi sa la/ 'dis thos pa thams cad kyang 'dzin nus te/ bcom ldan 'das kyis kyang thos pa 'dzin pa rnams kyi mchog tu bstan lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i gsung rab la 'di rab tu byung ngo / / dgang las rab tu byung bar gyur pa de yang dag par rdzogs pa'i sangs rgyas 'od srung kyis thos pa 'dzin pa rnams kyi mchog tu bstan to// de nas des der tshe gcig tu tshangs par spyod ba spyad nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang /
- 94a
mthob kyis/ yang dag par rdzogs pa'i sangs rgyas 'od srungs kyis zam ze'i khye'u bla ma lung bstan pa gang yin pa'i sangs rgyas bcom ldan 'das de dag gis mnyes par byed par/ gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig/ ji ltar bdag gri mkhan mo yang dag par rdzogs pa'i sangs rgyas 'od srungs kyis thos pa 'dzin pa rnams kyi mchog tu lung bstan pa de bzhin du/ bdag kyang shAkya thub pa shAkya'i rgyal po des thos pa 'dzin pa rnams kyi mchog tu ston par shog cig ces byas so/ / dge slong dag ji snyam du sems/ de'i tshe yang dag par rdzogs pa'i sangs rgyas 'od srungs kyis gsung rab la 'di rab tu byung ba'i dge slong mar gyur pa gang yin pa de ni dge slong ma zla ba 'di kho na yin te/ des der rab tu byung nas tshe gcig tu tshangs par spyod pa spyad de/ 'chi kar smon lam btab pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes bapar byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas nas/ ngas 'di
- 94b
thos pa 'dzin pa rnams kyis chog tu bstan to/ / mi 'am ci gnyis zhes bya ba de la/ mi 'am ci dang po ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas des thabs blar bab pa las chung ma blangs nas/ des de dang lhan cig rtse zhing dga' la dga' dgur spyod pa las phyi zhig na de'i chung ma la bu chags nas/ de zla ba dgu'am bcu lon pa dang / bu gzugs bzang zhing blta na sdug la mdzes pa mdog bzang ba/ gser gyi mdog can mgo bo gdugs ltar 'dug pa/ lag pa ring ba/ da bral ba'i dbyes che ba/ sna mtho ba/ sna legs pa/ smin ma stug pa zhig btsas te/ de'i btsas ston rgyas par byas nas/ khye'u 'di'i ming ji skad gdag sa zhes ming 'dogs par byed de/ khye'u 'di mchog tu byad gzugs mdzes te/ byad gzugs mi 'am ci dang 'dra bas na/ khye'u 'di'i ming mau dam ci zhes gdags so zhes zer ro// de nas khye'u mi 'am ci 'o ma dang / zho dang / mar dang / zhun mar dang mar gyi snying lus bskyed bsrings te/ mtsho'i nang gi pad+ma bzhin du sre drug par gyur ro// de gang gi che cher skyes pa de'i tshe/ yi ge dang / khong rtsis dang / shid dgod pa dang
- 95a
lag rtsis dang / dbyung ba dang / sra ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag ba dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas grong khyer chen po drug po thams cad du de'i grags pa rgyas par gyur to// mnyan du yod pa na khyim bdag che ge mo'i bu byad gzugs mi 'am ci dang 'dra ba zhig skyes so zhes grags so/ / de nas de thos ma thag tu skye bo bal po che ya mtshan du gyur te/ de blta ba'i phyir 'ong ngo // de nas de byad gzugs kyi rgyags pas dregs nas/ su la yang mi ldang ste/ byad gzugs nga dang mtshungs pa med do snyam mo// de nas de'i pha ma gnyis kyis bsams pa/ 'di'i dargyal bsal dgos te/ 'di la bcom ldan 'das bstan par bya'o snyam nas sbas pa/ bu su yang nga dang mtshungs pa med do snyam du byed gzugs kyi rgyags pas dregs par ma byed cig/ bu khyod kyis bcom ldan 'das ma mthong ste/ khyod ni de'i brgya'i char yang mi bod/ stong gi char yang mi phod/ 'bum gyi char yang mi med de zhes byas so// de nas thos mthag tu de la mtshan
- 95b
gyur to/ / bdag pas dge sbyong go'u ta ma ches gzugs bzang zhing blta na sdug la ches mdzes pa blta snyam nas/ skye bo mang pos g.yog byas te/ bcom ldan 'das gal ba der song ngo // rkye'u des thag ring po zhig nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis spras pa lta bu/ blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang de'i byad gzugs kyi rgyags pas dregs pa de med par gyur to// de nas de bcom ldan 'das la shin tu dga' bar gyur to// dga' bar gyur nas/ bcom ldan 'das ga la ba der song ste phyibyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang / bag la nyal ba dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khye'u mi 'am ci stan denyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun tu zhugs pa'i 'bras bu mngon sum du byas te/ des bden pa mthong nas pha ma la gsol
- 96a
te/ bcom ldan 'das kyi bstan pa la rab tu byung nas/ des kyang brtson pa dang / bsgrub pa dang / babad pa'i nyon mongs pa thams cad spangs te/ dgra bcom pa nyid mngon sum du byas so/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis khye'u de'i byad gzugs kyis rgyags pa bsal nas/ g.yung drung gi mthar thug pa grub pa dang bde ba'i mya ngan las 'das pa la bzhag pa la gzigs bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang nga sa'i de'i bya gzugs kyi rgyags pa bsal nas/ ji ltar bsam gtan bzhi dang / mngon par shes pa lnga la gnas par byas pa de nyon cig/ dge slong dag sngon byung ba 'das pa'i dus na/ grong khyer wA rA Na si na/ bram ze zhig gnas pa des/ thabs zla rabab pa las chung ma blangs nas/ de de dang lhan cig tu rtsu zhing dga' dgur spyod pa las/ phyi nig na de'i chung ma la bu chags te/ de zla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de 'o ma dang / dang mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ byad gzugs kyi rgyags pas dregs nas su la yang gsong por smras pa// phyag
- 96b
'tshal ba dang / ldang bar mi byed do// de nas de'i pha ma gnyis kyis bsams pa/ 'di'i byad gzugs kyis rgyags pa bsal dgos so// de ltar ma byas na 'di zhi bar mi 'gyur ro snyam mo// de'i tshe wA rA NA si'i sa phyogs zhig na drang srong mngon par shes pa lnga dang ldan pa/ rdzu 'phrul che zhing mthu che ba zhig gnas so// de nas bram ze des drang srong de la gsol ba btab pa/ khye'u 'di byad gzugs kyi rgyags pas dregs nas/ su la yang gsong por smra ba dang / phyogs 'tshal ba dang / ldang ba yang mi bgyid kyis/ khyod kyis de'i byad gzugs kyi rgyags pa bsal du gsol zhes byas so/ / de nas drang srong des bram ze de la cang mi smra bas khas blangs so// de nas bram ze de drang srong de'i thad nas song nas/ bu la smras pa/ bu khyod byad gzugs bdag dang mtshungs pa med do snyam du byad gzugs kyis rgyags par ma byed cig/ dka' thub kyi gnas ga ge mo zhig na drang srong zhig gnas te/ de la ni khyod kyi byad gzugs kyis brgya'i char yang mi phod/ stong gyi char yang mi phod/ 'bum gyi char yang mi bod do zhes byas so// de nas de ya mtshan du gyur to// de ya mtshan du gyur nas/ drang srong de ga la 'dug pa der song ste/ drang srong des khye'u de mthong nas/ des khye'u de bas ches byad gzugs bzang bar bdag nyid sprul to/ / de nas khye'u des thag ring po zhig nas drang srong de ches gzugs bzang ba dang / ches blta na sdug pa dang / ches mdzes pa mthong ngo //
- 97a
mthong nas kyang de'i byad gzugs kyis rgyags pa med par gyur te/ drang srong de la yang dga' bar gyur to// dga' bar gyur nas/ drang srong de ga la ba der song ste phyin nas rkang pa la mgo bos phyag 'tshal te/ chos mnyan pa'i phyir mdun du 'dug go// de nas des de dang 'thun pa'i chos bstan te/ des na khye'u de drang srong de nyid las rab tu byung ngo // de rab tu byung nas bsam gtan bzhi dang / mngon par shes pa lnga bskyed do// dge slong dag ji snyam du sems// de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe khye'ur gyur pa gang yin pa de ni khye'u mi 'am ci 'di kho na yin te/ de'i tshe yang 'di'i byad gzugs kyi rgyags pa bsal nas/ bsam gtan bzhi dang / mngon par shes pa lnga la gnas par byas so/ / da ltar yang ngas 'di'i byad gzugs kyi rgyags pa bsal nas/ g.yung drung gi mthar thug pa grub pa dang bde ba'i mya ngan las 'das pa la bzhag go// gzhan yang yang dag par rdzogs ba'i sangs rgyas 'od srungs kyi gsung rab la 'di rab tu byung ste/ des 'dir tshe gcig tu tshangs par spyod pa spyad nas/ dbang po rnams yongs su smin par byas pas na/ de'i phyir da ltar rnam par grol bar gyur to/ / mi 'am ci gnyis pa ni/ gleng gzhi yul ser skya'i gnas na bzhugs te/ der gang gi tshe bcom ldan 'das yab dang sras mjal bar mdzad pa de'i tshe/ bcom ldan 'das kyis
- 97b
nyi ma gcig na rgyal po zas gtsang gi der bshos gsol lo/ / phyi nyin ni btsun mo'i 'khor du bshos gsol lo// de gang gi tshe bcom ldan 'das btsun mo'i 'khor du bshos gsol nas slar gshegs pa de'i tshe/ grags 'dzin ma khang thog tu song nas/ bcom ldan 'das la lta zhing 'dug go/ de nas gang gi skabs su mi mthong bar gyur pa de'i skabs su khang thog nas mchongs nas/ sangs rgyas kyi mthus sa zhing stan shing bal gyi nang tshangs can 'dra bar bsgyur te/ ci nas de la cung zad kyang mi gnod par mdzad do// de nas skabs de dge slong rnams kyis thos nas// dge slong rnams kyis/ sangs rgyas bcom ldan 'das la gsol pa/ btsun pa grags 'dzin mas bcom ldan 'das kyi slad du rang gi srog btang ba la gzigs/ bcom ldan 'das kyis bka'i' stsal pa/ da ltar 'ba' zhig ma yin te/ 'das pa'i dus na yang nga'i phyir 'dis ji ltar rang gi srog btang ba de nyon cig/ dge slong dag sngon byung ba 'das pa'i dus na/ grong khyer wA rA NA si na/ rgyal po tshangs pas byin rgyal po byed do// de nas phyi zhig na rgyal po tshangs pas byin gyis dpung gi tshogs yan lag bzhi go bskon nas/ ri dgas gshor du song ba las/ de lam thub nas dpung gi tshogs kyang logs shig tu lus/ rgyal po yang logs shig tu song ste/ de dpung dang bral nas lus ngal ba dang / lus sdug bsngal ba dang / lus zhig par gyur
- 98a
te/ nags khrod cig tu zhugs te 'dug go/ nags khrod de na mi 'am ci zhig mi'am ci mo dang lhan cig tu pi wang thogs te rtse zhing dga' la dga' dgur spyod do// de nas rgyal po des de mthong nas/ mthong ma thag tu rgyal po de mi 'am ci mo de la shin tu chags par gyur te/ de 'dod chags kyi dbang du gyur nas/ mi 'am ci de dug mdas gnang du bsnun te/ de phyogs de nyid du shi'o/ / de nas rgyal po des mi 'am ci de bsad pa'i 'og tu/ mi 'am ci mo'i thad du song ste smras pa/ bzang mo tshur shog/ bdag cag gnyis dga' dgur spyad par bya'o// mi 'am ci mos smras pa/ khyim bdag shi ba'i ro mdun na 'dug bzhin du bdag khyod dang ji ltar dga' dgur spyad par bya/ re zhig 'di'i rus bu la mchod pa byas nas/ de'i 'og tu khyod ji ltar 'dod pa bzhin du bya'o zhes smras nas/ des shing rnams bsdus te spungs pa'i steng du mi 'am ci'i rus bu de bzhag nas me btang ste phyogs gcig tu 'dug go/ de nas gang gi tshe rus bu bsregs pa'i shing de dag la me 'bar bar gyur pa de'i tshe/ mi 'am ci mo de nyid mo'i nang du mchongs nas de der shi'o// de nas rgyal po de re thag chad nas/ de'i tshe tshigs su bcad de smras pa/ bdag gis don gzhan bsam bsam nas/ / log par gzhan du gyur gyis med// mi 'am ci mo spyad snyam nas// bdag gis srog chags gnyis bsad do// dge slong dag ji snyam du sems/ de'i tshe ming macir
- 98b
gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe mi'am ci mor gyur pa gang yin pa de ni grags 'dzin ma 'di kho na yin te/ de'i tshe yang 'dis nga'i phyir bdag nyid yongs su btang la/ da ltar yang 'dis nga'i phyir bdag nyid yongs su btang ngo // las brgya tham pa las sdom gyi tshigs su bcad pa bdun pa rdzogs so// / / bam po sum cu pa// sdom ni/ gang po mchod sbyin le lo can// mgon med dang ni nyam chung ba// pad+ma gnyis dang lta ba dang // rin chen nor dang stobs 'phrog pa gang po pang ni don gzigs dang / / stobs brtson rtsal dang mya ngan med// mthun mdzad dang ni pad+ma yin// bla ma gnyis dang legs mthong dang // rin chen gtsug tor rgyu rlabs dang / / rnam par rgyal ba tha ma'o// zhes bya ba ni/ sangs rgyas rnams kyi sdom gyi tshigs su bcad pa'o// gang po zhes bya ba ni/ gleng gni rgyal po'i khab na bzhugs te/ de'i blo phyogs kyi ri'i ljongs na/ ri brags kyi grong zhig na/ bram ze che zhing mthob phyug cing nor mang la longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa/ byams pa'i rang bzhin can snying rje dang ldan pa/ sems can la mnyes gshin pa/ sems can thams cad la snying brtse ba gang
- 99a
zhes bya ba zhig gnas te/ de khyim na gnas pa dang / rab tu byung ba rnams dang / slong ba thams cad la gtong zhing srung bar byed do// dus dus su mchod sbyin gyi gnas bcas nas mchod sbyin yang byed do/ / de nas mchod sbyin gyi dus shig la bab pa'i tshe/ bstan bcos thams cad kyi gzhung rnams la rtog cing gang gang gi lta ba ci 'dra ba zhig snyam ste/ des gzhung de dag yid la bzhag nas sems pa dang / 'jal ba dang / yongs su rtog par byed do// de nas phyi zhig na bram ze des mchod sbyin bya bar brtsams nas/ mchod sbyin byed pa der ston pa thams cad 'dus par gyur to/ / bram ze des kyang ston pa thams cad kyi gzhung yid la bzhag nas/ sems pa la zhugs pa las/ lta ba'i rnam pa de dag la sosems mgu bar ma gyur to/ / de nas phyi zhig na rgyal po'i khab na gnas pa'i dge bsnyen rnams kyis bram ze de'i mdun du sangs rgyas kyi bsngags pa brjod do// de nas de thos ma thag tu bram ze de bcom ldan 'das la lta 'dod par gyur to/ / de nas phyi zhig na de'i blo skyes pa/ dge sbyong bram ze stong phrag du ma bdag gi mchod sbyin la 'ongs nas longs spyod par byed la/ bcom ldan 'das go'u ta ma de ni mi 'ong na/ kye ma de yang bdag gi mchod sbyin la 'ongs te longs spyod bar byed kyang ci ma rung snyam mo// de nas bcom ldan 'das kyis bram ze de'i sems thugs kyis mkhyen
- 99b
nas dgongs pa/ bram ze 'dis bla na med pa yang dag par rdzogs pa'i byang chub las phyir mi ldog par sems skyed par 'gyur la/ de kho na las brten pa bdag gis skye bo mang po la phan gdags so/ snyam du dgongs nas/ dge slong mang pos zham ring byas te/ dge slong gi dge 'dun gyis mdun du bdar nas/ bram ze de la thugs brtse ba'i phyir ri brags kyi grong khyer der gshegs so// bcom ldan 'das der gshegs nas/ 'di snyam du dgongs te/ ma la bdag gis ci nas mchod sbyin gyi gnas der mchod sbyin gyi bdag po dang / skye bo mang po gzhan rnams kyis bdag gcig pu mthong la dge slong gi dge 'dun rnams sus kyang mi mthong ba de lta bur byin gyis brlab po snyam du dgongs te/ de ltar byin gyis brlabs nas mchod sbyin gyi gnas su gshegs so// de nas bram ze des thag ring po zhi ga nas bcom ldan 'das mthong ngo / / mthong nas kyang bcom ldan 'das la 'di skad ces gsol to// bcom ldan 'das gshegs pa legs so// bcom ldan 'das tshur gshegs/ bcom ldan 'das kyis bdag gi mchod sbyin gyi gnas su mchod pa rnams longs spyad par mdzad du gsol/ bcom ldan 'das kyis bka' stsal pa/ gang po khyod kyis nga'i lhung bzed 'di bza' ba dang / bca' ba dag gis ma bkang gi bar du longs spyod par mi bya'o// bram ze des smras pa/ bcom ldan 'das go'u ta ma ji ltar dgongs pa de bzhin du bgyi'o zhes gsol nas
- 100a
bram ze des mchod sbyin byed ba der bza' ba dang bca' ba gtsang ma bzang po mang po bshams pa de dag blangs nas/ bcom ldan 'das kyi lhung bzed gang bar byas nas/ dgang ma nus nas des nga rgyal bskyed de/ bdag gis lhung bzed 'di ma gang du mi gtang ngo snyam nas/ g.yog 'khor dang bcas pas bcom ldan 'das lhung bzed bza' ba dang bca' bas dgang ba la brtson par byed do/ / de nas bcom ldan 'das kyis dgongs pa/ da ni kha zas 'dis dge slong stong gi ngan chog go snyam nas/ lhung bzed de gang bar bstan to// de nas bram ze des bcom ldan 'das kyi lhung bzed gang bar mthong nas/ dga' bar gyur te gsol pa/ bcom ldan 'das kyi lhung bzed bltams lags kyis/ bcom ldan 'das go'u ta mas ci bder gsol cig ces byas so/ / de nas bram ze de la thugs brtse ba'i phyir mchod sbyin gyi gnas de nyid du dge slong stong gi stan sprul te/ chur rnams bkang nas/ bcom ldan 'das gral gyi gcol bzhugs so// dge slong gzhan rnams kyang rgan rims bzhin bkod do/ / de nas dge slong gi dge 'dun rnams bde bar bzhugs nas/ 'brim mkhan rnams kyis drims so// de nas bram ze des kyang de dag thams cad mthong nas/ mthong ma thag tu bcom ldan 'das la shin tu dga' bar gyur te/ dge sbyong goru ta ma 'di na rdzu 'phrul che zhing mdzuche ba yin no snyam ste/ de dga' bar gyur nas/ bcom ldan 'das kyi
- 100b
la mgo bos phyag 'tshal te gsol nas/ zla ba gsum gyi bar du bcom ldan 'das go'u ta ma dge slong gi dge 'dun dang bcas pa'i na bza' dang / zhal zas dang / gzims cha dang / gdan/ dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das bram ze de la cang mi gsung bas gnang ngo / / de nas bram ze des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad sbyar te/ sangs rgyas la sogs pa dge slong gi dge 'dun la zla/ pagasum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la/ na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ bram ze de la
- 101a
bka' stsal pa/ bram ze legs so legs so// bram ze khyod ma 'ongs pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das gang po zhes bya bar 'gyur ro// zhes gsungs so// de nas bcom ldan 'das kyis bram ze de bla na med pa yang dag par rdzogs pa'i byang chub tu lung bstan pa/ mchod sbyin gyi gnas de nyid du mi snang bar gyur te/ 'od ma'i tshal du zhugs par gyur to// mchod sbyin zhes bya ba ni/ gleng gzhi mnyan du yod pa na bzhugs tede'i tshe mnyan du yod pa na bram ze zhig gnas te/ des thabs zla ra bab pa las chung ma blangs nas/ de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags te/ de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas rigs dang 'thun pa'i ming btag te/ bo ma dang / zho dang / mar dang / zhun mar dang / mar gyi snying khus bskyed bsrings nas/ gang gi tshe de cher skyes pa de'i tshe/ yi ge dang / bram ze'i spyod lam dang
- 101b
spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / des brjod kyi rig byed dang / mchod sbyin/ gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu gzhug pa'i thabs bslabs pas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to// des bstan bcos thams cad khong du chud nas/ gzhung gis rtsod pa thams cad tshar bcad de/ de nas phyi zhig na de'i pha ma gnyis shi nas/ des bsams pa/ byad gzugs dang thos pas bdag dang mtshungs pa yang med na lhag pa lta ga la yod snyam mo/ / de'i pha yang sngon dus dus su mchod sbyin byed de/ bram ze de rnams kyis/ de la smras pa/ khye'u khyod kyi pha yang dus dus su mchod sbyin byed kyis/ khyod kyis kyang pha'i lugs dang 'thun par gyis shig/ khye'u de na re/ byad gzugs dang thos pas bdag dang mtshungs pa med na/ ci'i phyir bdag gis 'di dag la sbyin par bya ba sbyin zhes zer ro// de nas thos ma thag tu bram ze de dag de la mi dga' bar gyur to// de dag gis phyin chad de dang mi 'grul bar
- 102a
nang khrims bcas so/ / de yang de dag la mi dga' bar gyur te/ bdag la yon gnas 'di lta bu dag ci dgos snyam mo// de nas phyi zhig na bcom ldan 'das kyis dgongs pa/ bram ze'i khye'u 'dis bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ bcom ldan 'das rgyal bu rgyal byed kyi tshal nas mi snang bar gyur to/ / bram ze'i khye'u de'i khyim du sa btol nas gyen du 'phags nas/ bcom ldan 'das kyis 'od btang ste/ des khyim de thog thag tu gser zhun ma'i kha dog lta bur snang bar byas so/ / de nas de mthong ma thag tu bram ze'i khye'u de bcom ldan 'das la shin tu dga' bar gyur te// dga' bar gyur nas/ bcom ldan 'das kyi gdan bshams te 'di skad ces gsol to/ / bcom ldan 'das gdan bshams pa la bzhugs su gsol/ de nas bcom ldan 'das gdan bshams pa la bzhugs so// bzhugs nas kyang bcom ldan 'das kyis bram ze'i khye'u de la sbyin pa dang ldan pa'i chos de lta bu bstan te/ des na bram ze'i khye'u de sbyin pa btang ba'i 'dod pa skyes nas/ de sbyin pa byed 'dod pas bcom ldan 'das la 'di skad ces gsol to/ / btsun pa bdag gis sbyin pa dag sbyin zhing / bsod nams dag bgyid par rngo thog par 'gyur ba de lta bu bdag la mi bdog lags so//
- 102b
de nas bcom ldan 'das kyis de la gter bstan ste/ de mthong ma thag tu khye'u de bcom ldan 'das la lhag par yang dga' bar gyur to// dga' bar gyur nas zhabs la phyag 'tshal te gsol pa zla ba gsum gyi bar du bcom ldan 'das dge slong gis dge 'dun dang bcas pa'i na bza' dang / zhal zas dang / gzim cha dang / gdan dang / snyun gsos dang / sman zong sbyar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis bram ze'i khye'u de la cang mi gsung bas gnang ngo // de nas bram ze'i khye'u des bcom ldan 'das kyis cang mi gsung bas gnang bar rig nas/ mnyan du yod pa dang / rgyal bu rgyal byed kyi tshal gyi bar du mchod sbyin gyi gnas bcas nas/ dril bsgrags te/ bdag ya mtshan can thams cad la mchod sbyin bgyid kyis/ su mchod ston dang yon 'dod pa de dag bdag gi mchod sbyin gyi gnas su gshegs la longs spyad par gyis shig/ de nas bram ze rnams na re bram ze sdang ba la bdag cag longs spyod par mi byed do zhes zer ro/ / de nas bram ze'i khye'us smras pa/ gal te longs spyod par mi byed na/ bdag gis khyed kyi phyir yon dpag pa gang yin pa de dag thams cad bdag gis dge sbyong go'u ta ma 'khor dang bcas pa la phul la/ de kho na'i bstan pa la tshangs par spyod pa spyod par bya'o// de nas bram ze rnams kyis bsams pa/ bram
- 103a
me'i khye'u 'di na ji skad sras pa bzhin du byed pa yin pasan/ des ni khon ltar byed srid de/ de ldan bdag cag yon gyis pham par 'gyur ro snyam nas/ de dag gis de'i nang khrims bshig nas/ mchod sbyin gyi gnas su song ste longs spyod do// de nas bram ze'i khye'u des zla ba gsum gyi bar du ya mtshan can rnams kyi bza' ba dang bcanga' ba gtsang ma bzang po sbyar nas thams cad la yo byad mang po phul te/ tha ma'i nyin par sangs rgyas la sogs pa dge slong gi dge 'dun rnams zhal zas ro brgya dang ldan pas tshim par byas nas/ bcom ldan 'das la na bza' 'bum ri ba baphul lo/ / dge slong gzhan rnams la yang re re la yang ras zung re phul lo// de nas bcom ldan 'das kyi sku ga ser gyi mdog lta bu'i mtshan gyis brgyan pa mthong nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ bram ze'i khye'u de la bka' stsal pa/ bram ze'i khye'u legs so legs so// bram ze'i khye'u khyod ma 'ongs
- 103b
pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das don gzigs zhes bya bar 'gyur ro zhes gsungs nas bcom ldan 'das gtsug lag khang du gshegs so/ / le lo can zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas pa des/ thabs zla ra bab pa las chung ma blangs nas/ de de dang lhan cig rtse zhing dga' la dga' dgur spyod pa las/ phyi zhig na de'i chung mal bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byos nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying lus bskyed bsrings nas/ mtsho'i nang gi pad+ma bzhin du skye drag par gyur to// khye'u de la lo can mchog tu le lo che bzhig ste/ khri la nyal zhing khri las ldang du mi btub nas
- 104a
pha ma gnyis kyis/ de la dris pa/ bu khyod la lus kyi nad dam/ sems kyi gdung ba 'ga' lta yod dam zhes byas nas/ de le lo'i dbang gis de dag la cung zad kyang smrar mi btub nas/ pha ma gnyis kyis de sman pa la bstan na/ sman pa na re/ 'di la lus kyi nad kyang ci yang med la/ sems kyi gdung ba yang ci yang med kyi/ le lo kho nas khri las ljang du mi btub par zad do zhes zer ro/ / de nas de la pha ma gnyis kyis lan mang du bsgo ste/ de ltar ma byed cig/ khyod 'di ltar 'dug pas bde ba thob par mi nus so// mi rnams nye bar 'tsho ba ni sgrub bod pa'i 'bras bu yin no zhes lan mang du brtul kyang de bslang ma nus so/ / de nas phyi zhig na pha ma gnyis kyi sems skyes pa/ yon gnas dag spyan drangs la bshos gsol na/ de dag mthong na zhes bskyed de ldang yang srid do snyam nas/ de dag gis ston pa drug yang drangs te zan byin nas/ khye'u des de dag mthong yang ma langs so// de nas khyim bdag gis bsams pa dge sbyong go'u ta ma ni bsod nams can che bar grags pa/ tshig btsan pa yin pas na khye'u 'dis de mthong na zhes bskyed da/ ldang bar 'gyur yang srid do snyam nas des phyid nyin sangs rgyas la sogs pa dge slong gi dge 'dun khyim du spyan drangs te/ de nyid kyi nub mo bza' ba dang bca' ba gtsang ma bzang po sbyar nas/ nang par sngar langs te/ gdan bshams nas chu ra bkang ste bzhag nas/
- 104b
bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to/ / de nas bcom ldan 'das snga dro tshos gos dang sham thabs gsol te/ lhung bzed bsnams nas/ dge slong mang pos zham ring byas te/ dge slong gi dge 'dun gyis mdun du bdar/ nas/ khyim bdag de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas khye'u des thag ring po zhi gnas sangs rgyas bco ldan 'das mdzes shing yid du 'thad la dbang po zhi ba/ thugs mchog tu dul ba dang rnam par dag pa dang ldan pa/ gser gyi mchod sdong ltar dpal 'bar ba mthong ngo // mthong nas kyang da gus par bsgrim pa'i shugs kyis langs nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pha ma gnyis dang lhan cig tu sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs so// de nas bcom ldan 'das bshos gsol zin te/ gsang sder ni gyu/ phyag ni bcabs par rig nas/ stan ches dma' ba dag blangs te/ chos mnyan pa'i phyir bcom ldan 'das kyi spyan sngar 'khod
- 105a
do/ / de nas bcom ldan 'das kyis khye'u de la brtson 'grus kyi bsngags pa brjod de/ bu bcon rdzum kyis ni blan med pa yang dag par rdzogs pa'i byang chu tho ba bar gyur ro zhes bka' stsal to/ / de nas khye'u des bsams pa/ bcom ldan 'das kyis bka' stsal pa 'di ni bzang ste/ bdag gis brtson 'grus zhan pas bla ma'i khyad par thob par mi nus kyis ma la bdag gis rgya mtsho'i nang du 'gro ba bsgrubs la/ sangs rgyas dang / chos dang / dge 'dun bkur sti bya'o snyam nas/ rgya mtsho'i nang du 'gro ba'i zong khyer te/ rgya mtsho chen po'i nang du zhugs nas/ des rin po che'i gling du 'gro ba'i don bsgrubs te/ rgya mtsho'i gru bo che'i don grub nas/ mnyan du yod par 'ongs te/ des sangs rgyas la sogs pa dge slong gi dge 'dun zla ba gsum du spyan drangs/ yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das lan bza' 'bum rib phul lo// dge slong gzhan dag la yang re rare la yang ras zung re phul nas/ bla na med pa yang dag par rdzogs pa'i byang chub tu smon lam btab ste/ dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin
- 105b
gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khye'u de la bka' stsal pa/ khye'u legs so legs so// khye'u khyod ma 'ongs pa'i dus na/ 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das stobs dang brtson 'grus kyi rtsal dang ldan pa zhes bya bar 'gyur ro zhes gsungs so/ / mgon med zas sbyi na zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na/ bram ze dbul po 'tsho bas 'phongs pa zhig gnas te de yang gso ba mang zhing g.yog 'khor mang ba zhig ste/ des bsams pa/ bdag gis phyug po gang zhig la brten te 'tsho ba btsal bar bya snyam mo// de nas des bsams pa/ khyim bdag mgon med zas sbyin ni snying rje can/ sbyin pa la sred pa yin te/ des ni bdag la dgos pa thams cad kyis bsdud par nus so snyam mo// de nas de'i grib ma dang mi 'bral ba bzhin du de'i phyi
- 106a
bzhin du 'brang ngo / / de nas khyim bdag mgon med zas sbyin gyis 'phrigs nas dris pa/ bram ze khyod nga la rag las ba ci yod/ bram zes smras pa/ khyim bdag rag ci yang las te/ khyod las brten nas 'tsho ba btsal bar 'dod do// de nas de thos ma thag tu khyim bdag mgon med zas sbyin gyis de'i 'tshog chas thams cad sbyor ba la zhugs so// de nas byi zhig na de yis khyim bdag mgon med pas sbyin dang lhan cig tu rgyal bu rgyal byed kyi tshal du song ngo // khyim bdag mgon med zas sbyin gyi lugs kyis na/ nyin gcig bzhin du g.yog 'khor lnga brgya dang rgyal bu rgyal byed kyi tshal du 'gro zhing phyag bdar byed do/ / de nas phyi zhig na de'i bya ba zhig byung nas des bram ze de mngags te/ deng khyod kyis rgyal bu rgyal byed kyi tshal du phyag bdar gyis shig ces byas nas/ khyim bdag de song ngo // bram ze de yang rgyal bu rgyal byed kyi tshal gyi byi dor byed pa la zhugs so// de nas bcom ldan 'das kyis dgongs pa/ bram ze 'di bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ bcom ldan 'das kyi ci nas cung zad tsam zhig byi dor byas pa de tsam yang byi dor byas par mi mngon pa de ltar byin gyis brlabs nas/ de des g.yengs te nyi ma rangs par thal bar gyur to// de nas des bsams pa/ da ni bdag gis mnyan du yod par mi
- 106b
phyin no snyam nas/ rgyal bu rgyal byed kyi tshal de nyid du dgongs mal btang po// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod song la rgyal bu rgyal byed kyi tshal gyi nang du bram ze de'i mas chos te/ khyod kyang de'i 'dab tu 'dug la/ des khyod la ci dris pa de'i lan khyod kyis thob cig/ gzhan yang dge slong rnams la bsgo ba/ dge slong dag gis dge ba bcab pa dang / sdig pa bshags pa'i tshul gyis gnas par gyis shig ngas bstan mod kyis 'od kyang bram ze 'di la snying brtse ba'i phyir/ su sa rdzu 'phrul ji lta bu thob kyang rung ste/ des rdzu 'phrul de lta bu ston cig ces gyis shig/ tshe dang ldan pa kun dga' bos gsol ba/ btsun pa de ltar 'tshal lo// de nas tshe dang ldan pa kun dga' bos dge slong rnams la bsgob/ rgyal bu rgyal byed kyi cha la 'di'i nang na/ bram ze 'dug pa de'i ma 'chos la/ de'i 'dab tu 'khod cig ces bsgo'o// de nas de de na 'dug pa la dge slong rnams rdzu 'phrul gyi tshe 'phrul gzhan dang gzhan dag ston pa la zhugs so/ / de nas bram ze des mthong nas/ tshe dang ldan pa kun dga' bo la dris pa/ btsun pa kun dga' bo 'di ltar rdzu 'phrul che ba/ 'di ltar mthu che ba 'di dag su dgacig/ tshe dang ldan pa kun dga' bos sbas pa/ bcom ldan 'das kyi nyan thos rnams yin no// de nas bram ze des
- 107a
bsams pa/ slob pa rnams kyang 'di khon sbyar phun sum tshogs pa dang ldan na/ dge sbyong go'u ta ma wA ci spos te/ de ci 'dra ba zhig gu snyam mo// de nas/ bcom ldan 'das kyis 'jig rten pa'i sems bskyed do// kye ma grod la ni rgyal po chen po bzhi ngal blta ba'i phyir 'ongs na legs so// nam byed na ni lha'i dbang po brgya byinang la blta ba'i phyir 'ongs na legs so/ / tho rangs ni mi mjed kyi bdag po tshangs par la blta ba'i phyir 'ongs na legs so snyam du dgongs so// de ltar bcom ldan 'das kyis thugs bskyed pa'i 'phral 'bral du rgyal po chen po bzhi dang / lha'i dbang po brgya byin dang / mi mjed kyi bdag po tshangs pa bcom ldan 'das blta ba'i phyir 'ongs so// de nas bram ze des mthong nas/ tshe dang ldan pa kun dga' bo la dris pa/ btsun pa kun dga' bo 'di 'dra ba 'di dag su dag cig/ tshe dang ldan pa kun dga' bos smras pa/ 'di dag ni rgyal po chen po bzhi dang / lha'i dbang bo brgya byin dang / mi mjed kyi bdag po tshangs pa bcom ldan 'das la blta ba'i phyir 'ongs pa yin no// de nas de thos ma thag tu bram ze de bcom ldan 'das la shin tu dga' bar gyur to/ mir gyur pa la yang 'di lta bu'i gnas thob pa yod pa lta/ kye ma bdag kyang sangs rgyas su gyur te/ 'jig rten du 'byung bar gyur cig ces byas so// de nas pas/
- 107b
pa gnas 'di lta bu ni yid smon du byas pa tsam gyis 'grub par mi 'gyur gyis/ ma la bdag gis sbyin pa dag sbyin zhing / bsod nams dag byas la/ bla na med pa yang dag par rdzogs pa'i byang chub tu smon lam gdab bo snyam nas/ nam nangs pa dang / bcom ldan 'das kyi zhabs la mgo bos phyag 'tshal te/ mnyan du yod par chas so// khyim bdag mgon med zas sbyin yang g.yog 'khor lnga brgya dang rgyal bu rgyal byed kyi tshal du dong ste/ khyim bdag mgon med zas sbyin gyis thag ring po zhig nas bram ze de mthong ngo // mthong nas kyang bram ze de la smras pa/ bram ze khyod kyis rgyal bu rgyal byed kyi tshal du deng ngo mtshar rmad du byung ba'i chos lta cung zad ci mthong / de nas bram ze des khyim bdag mgon med zas sbyin la thams cad bsnyed do/ / de nas khyim bdag mgon med zas sbyin gyis/ bram ze la smras pa/ bram ze khyod kyis ngo mtshar rmad du byung ba de lta bu dag mthong na/ khyod cu 'dod par gyur/ bram ze des smras pa/ bla na med pa yang dag par rdzogs pa'i byang chub 'dod mod kyi/ khyim bdag 'on kyang gnas de lta bu ni yid smon tsam gyis 'grub par mi 'gyur bas na/ bdag gis slongs mo byas la/ sbyin pa dag sbyin zhing / bsod nams dag bya bar 'dod do// de nas thos ma thag tu khyim bdag mgon med zas sbyin gyis
- 108a
bram ze de la nor gyi phung po chen po byin no/ / bram ze des kyang sangs rgyas la sogs pa dge slong gi dge 'dun zla ba gsum du spyan drangs nas/ rgyal bu rgyal byed kyi tshal du yo byad thams cad sbyar nas sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sog pa dge slong gi dge 'dun zhal zas ro brgya dang ldan pas tshim par byas nas/ bcom ldan 'das la na bza' 'bum ri ba phul lo// dge slong gzhan dag la yang re re la na bza' ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ bram ze de la bka' stsal pa/ bram ze legs so/ legs so// bram ze khyod ma 'ongs pa'i dus na/ 'jig rten 'ong 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang
- 108b
zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das mya ngan med ces bya bar 'gyur ro zhes gsungs so/ / nyam chung ba zhes bya ba ni/ gleng gzhi mnyan du yod pa na bzhugs te/ khyim bdag mgon med zas sbyin la mthar gyis bu bdun byung nas/ de dag rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khrus bskyed bsrings nas/ mtsho'i nang gi pad+ma bzhin du skye drag par gyur to/ / de nas phyi zhig na khyim bdag mgon med zas sbyin gyis bsams pa/ bdag gis byis pa 'di dag mdza' rje dag gi nang du gzud par bya'o// de yang dad pa dang ldan pa rnams kyi nang du gzud par bya/ / ma dad pa rnams kyi nang du gzud par mi bya'o// gal te ma dad pa rnams kyi nang du btsud par gyur na ni/ 'di dag kyang de dag gis bsten pas sang+yas kyi bstan pa la mi lta bar 'gyur srid do snyam nas/ sangs rgyas pa'i mdza' sde bo'i nang du btsud do// de la ma dad pa'i mdza' sde gang yin pa de dag ni gar thabs dang / grong rgyu ba dang smar 'tshong ma rnams la chags shing 'khod do/ / khyim bdag mgon med zas sbyin gyi bu rnams ni dge bsnyen gyi mdza' sde rnams dang / sangs rgyas dang / chos dang / dge 'dun la lhag par byed
- 109a
pa dang / bsnyen gnas dang / chos nyan pa la chags shing 'khod do// mnyan du yod bden bram ze'i khye'u dbul zhing 'tsho ba'i 'phongs pa zhig 'dug pa des bsams pa bdag mdza' sde dag gi nang du zhugs la/ bdag gis de dag las brten nas 'tshe ba btsal bar bya'o snyam nas/ dge bsnyen gyi mdza' sde'i nang du 'jug par 'dod de bris pa/ nor gyi bungs ji tsam gyis na khyed kyi nang du 'jug tu dbang / de dag gis smras pa/ kar sha pa Na lnga brgyas nged kyi nang du 'jug tu dbang ngo // bram ze'i khye'u des sbas pa/ bdag la kar sha pa Na lnga brgya lhag la yod/ de'i steng du khyed ni dbang phyug gis chog par 'dug la/ sbyin pa la sreg pa yin/ bdag ni dbul po 'tshe bas 'phongs pa zhig yin pas/ bdag gis khyed la nor de bsnyed 'bul mi nus so// de nas khyim bdag mgon med zas byin gyi bu rnams kyis spras pa/ gal te khyod bcom ldan 'das kyi bstan pa la dad par byed na ni nged kyis khyod la kar sha ba Na lnga brgya sbyin no// bram ze'i khye'us smras pa/ dge sbyong go/ tam de'i yon tan rnams bdag gis mi shes na/ dge sbyong go'u ta ma'i yon tan rnams ji lta bu yin/ de nas khyim bdag mgon med zas sbyin gyi bu rnams kyis/ bram ze'i khye'u de la sangs rgyas kyi bsngags pa brjod do/ / de nas de thos ma thag tu bram ze'i khye'u de sangs rgyas la shin tu dga' bar gyur to// dga' bar gyur nas smras pa/ bdag kyang khyed kyi nang du 'jug par bgyi'o//
- 109b
bdag kyang sangs rgyas bcom ldan 'das dang / chos dang / dge 'dun la skyabs su mchi bar bgyi'o// de nas mgon med zas sbyin gyi bu de rnams kyis bram ze'i khye'u des tshig de lta bu brjod pa thos so/ / thos nas kyang de rnams kyis de la kar sha pa Na lnga brgya phrag du ma byin no// bram ze'i khye'u de yang de rnams kyi nang du zhugs so// de nas phyi zhig na mdza' sde bo de rnams kyis blo skyes pa/ sangs rgyas la sogs pa dge slong gi dge 'dun zla ba gsum gyi bar du spyan drangs la/ yo byad thams cad kyis bsnyen bkur bya'o zhes zer ro// de'i nang na kha cig na re/ bdag cag kun gyis zla ba gsum thog thag tu de 'ba' zhig byed kyang 'dug mi nus kyis/ nyin res kyis bshos gsol bar bya'o zhes zer ro// bram ze'i khye'us smras pa// bdag ni dbul la 'tsho bas 'phongs te/ nya ni res bzung ba de lta bu bdag gis mi nus so zhes zer ro// der kha cig na re/ su sangs rgyas la sogs pa dge slong gi dge 'dun ba shos gsol mi nus pa de ni/ bdag cag gi nang nas gud du byung zhig ces zer ro// de nas bram ze'i khye'us bsams pa/ bdag gis 'di rnams kyi nang du de'u ma chud de chud na/ bdag 'di rnams kyi nang nas 'byung ba ni cha ma yin no snyam nas spros pa/ bdag gi nyin res mjug tu gyis la khyed kyi lhag rol ci yod pa de dag thams cad bdag la byin cig/ mdza' sde bo rnams kyis smras pa/
- 110a
khyod ji ltar dga' ba de bzhin du bya'o zhes byas nas/ de rnams kyis sangs rgyas la sogs pa dge slong gi dge 'dun rtsu ba gsum gyi bar du spyan drangs nas/ nyin res kyis sangs rgyas la sogs pa dge slong gi dge 'dun la yo byad thams cad kyis zla ba gsum gyi bar du bsnyen bkur byas so/ / der de dag gi lhag rol ci yod pa de dag thams cad bram ze'i khye'u la byin nas/ bram ze'i khye'us de dag thams cad bsdus te/ gzhan dag kyang kar sha pa Na gzhan dag re re la 'bul du bcug nas/ tha ma'i nyin par des sangs rgyas la sogs pa dge slong gi dge 'dun khyim du spyan drangs te/ rgyal po gsal rgyal dang / khyim bdag mgon med zas sbyin la yang bskul nas/ des de nyid kyi mtshan mo lam yang mdzes par byas// grong khyer yang mdzes par byas nas/ de nyid kyi mtshan mo bza' ba dang bca' ba gtsang ma bzang po mang po sbyar te/ nang par sngar langs nas gdan bshams te/ chur bkang nas/ bcom ldan 'das la 'phrin gyis gdugs tshod bskul ba/ btsun pa gdug tshod la bab ste bshos lags nas/ bcom ldan 'das kyis da de'i dus la bab par dgongs te gshegs su gsol zhes bskul to/ / de nas bcom ldan 'das snga dro sham thabs dang chos gos gsol te/ lhung bzed bsnams nas/ dge slong mang pos zham ring byas te/ dge slong gi dge 'dun gyis mdun du bdar nas/
- 110b
bram ze'i khye'u de'i bkad sa ga la ba der gshegs te byon nas/ dge slong gi dge 'dun gyi gung la gdan bshams pa la bzhugs so// de nas bram ze'i khye'u des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ bcom ldan 'das la che ba la 'os pa'i na bza' phul lo/ / dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsal 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ bram ze'i khye'u de la bka' stsal pa/ bram ze'i khye'u legs so legs so// ma 'ongs pa'i dus na bram ze'i khye'u khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa//
- 111a
'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'thun mdzad ces bya bar 'gyur ro zhes gsungs so/ / pad+ma gnyis zhes bya ba da la/ pad+ma dang po ni/ gleng gzhi mnyan du yod pa na bzhugs te/ rgyal po gsal rgyal gyi lugs kyis na/ nyin gcig bzhin du bcom ldan 'das blta ba'i phyir 'gro zhing / bcom ldan 'das la bdug pa dang / bye ma dang / spos dang / me tog rnams kyis mchod pa byas nas/ chos mnyan pa'i phyir spyan sngar 'dug go/ / de'i tshe kun dga' ra ba'i srungs mas gnas kyi pad+ma'i mtsho'i nang nas dus ma yin pa pad+ma zhig skyes nas/ de'i blo skyes pa rgyal po gsal rgyal nyin gcig bzhin du dus gsum du dge sbyong gau'u ta ma la bdun pa dang / phye ma dang / spos dang / me tog rnams kyis bkur sti byad kyis/ pad+ma 'di bdag gis de la dbul bar bya'o snyam nas/ de khyer te mnyan du yod par song ngo // de'i tshe sred med kyi bu la dad pa zhig gis/ ya mtshan can thams cad la mchod sbyin byed pa la zhugs so// de nas des mi de dus ma yin pa'i pad+ma de lta bu khyer te 'ong ba mthong nas/ des de la smras pa/ kye ma mi khyod kyis pad+ma'o ni bdag la byin cig dang / 'dis bdagagasi legs ldan sred med kyi bul mchod par bya'o// khyod la yang bdag gis kar sha pa Na lnga brgya sbyin no zhes byas
- 111b
so/ / de'i tshe khyim bdag mgon med zas sbyin g.yog 'khor lnga brgya dang bcom ldan 'das blta ba'i phyir chas pa las/ khyim bdag mgon med zas sbyin gyis mi des tshig de skad zer ba thos/ so// thos nas kyang des bsams pa/ 'di ni nyes par bshad pa'i chos can yin na/ nor gyi bungs 'di snyed kyis nyos te sred med kyi du la 'dul bar 'dod na/ ci'i phyir ngas nor ches mang du bskyed de nyos la/ bcom ldan 'das la dbul bar mi bya snyam nas/ des kun dga' ra ba'i srungs ma la smas pa/ ngas khyod la kar sha pa Na stong sbyin gyis/ pad+ma'o ni nga la byin cig/ de nas sred med kyi bu la dad pa des thos nas nga rgyal skyes te/ des kar sha pa Na nyis stong sbyin par byas so// de bzhin du de gnyis kyis kar sha pa Na 'bum gyi bar du gong nas gong du bskyed do/ / de nas kun dga' ra ba'i srungs ma de'i blo skyes pa/ 'di ltar khyim bdag mgon med zas sbyin lta bus mi zhig gis phyir 'bum gtong bar byed pa dang sbyar na/ dge sbyong go'u tu ma de ni che ba zhig yin gor ma chag na/ ci'i phyir bdag nyid song la/ bcom ldan 'das de la mchod par mi bya snyam du bsams nas/ kun dga' ra ba'i srungs ma des/ khyim bdag mgon med zas sbyin la smras pa/ khyim bdag bdag la nor mi dgos kyi/ bdag nyid kyis bcom ldan 'das de la mchod pa bya'o zhes byas nas/ pad+ma de khyer te rgyal bu rgyal byed kyi tshal du song
- 112a
n as kun dga' ra ba'i srungs ma des thag ring po ni gnas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me ga ser gyi snod du bzhag pa lta bu/ mchod sdong rin po che sna tshogs kyis spras pa lta bu blo gsal zhing dri ma med la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang mchog tu dga' ba skyes so// dga' ba skyes nas/ bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la mchod pa'i phyir steng du bor nas/ bcom ldan 'das kyi mthus pad+ma de shing rta'i 'phang lo tsam du gyur te/ bcom ldan 'das gshegs na ni 'gro'o// gzhes na ni sdod do// de nas kun dga' ra ba'i srungs ma des cho 'phrul de lta bu mthong nas/ lhag par yang bcom ldan 'das la shin tu dga' bar gyur te/ bla na med pa yang dag par rdzogs pa'i byang chub tu smon lam btab pa/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa
- 112b
skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis/ kun dga' raba'i srungs ma de la bka' stsal pa/ bzhin bzang legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa lha dang mi rnams kyi ston pa sangs rgyas bcom ldan 'das pad+ma'i bla ma zhes bya bar 'gyur ro zhes gsungs so/ / pad+ma gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa de nyid na/ kun dga' ra srungs pa zhig 'dug pa'i mtsho'i nang nas dus ma yin par pud+ma zhig skyes te/ de'i blo skyes pa/ pad+ma 'di bdag gis rgyal po gas rgyal la dbul bar bya'o/ / 'on tang bdag gis longs spyod chen po dag gi 'byung khung du 'gyur ro snyam nas/ de khyer te rgyal po'i pho brang du chas te song ngo // sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jig/
- 113a
pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul garnam par thar brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du'abab/ su ningan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i bdam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya// su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la
- 113b
ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas/ dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// de nas bcom ldan 'das kyis dgongs pa/ kun dga' ra ba'i srungs med bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs so// de nas kun dga' ra ba'i srungs ma des thag ring po zhig nas sangs rgyas bcom ldan 'das mthong ngo // mthong nas kyang bcom ldan bdas la shin tu dga' bar gyur to/ / dga' bar gyur nas bsams pa/ bdag gis rgyal po gsal rgyal btang la/ bcom ldan 'das la bdag nyid kyis mchod par bya'o snyam nas/ des pad+ma de bcom ldan 'das kyi steng gi nam mkha' la bor ba las/ bcom ldan 'das kyi mthus pad+ma de shing rta'i 'phang lo tsam du gyur te/ bcom ldan 'das gshegs na ni 'gro// gzhes na ni sdod do/ / de nas kun dga' ra ba'i srungs ma des cho 'phrul de lta bu mthong nas/ lhag par yang bcom ldan 'das la shin tu dga' bar gyur te/ bla na med par yang dag par rdzogs pa'i byang
- 114a
chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ kun dga' ra ba'i srungs ma de la bka' stsal pa/ bzhin bzangs legs so legs so// ma 'ongs pa'i dus na/ khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das bla ma zhes bya bar 'gyur ro zhes gsungs so/ / lta ba zhes bya ba ni/ gleng gzhi mnyan du yod pa ni bzhugs te/ de'i tshe mnyan du yod pa na khyim bdag byug cing nor mngal longs spyod che ba/ yongs su 'dzin ba yangs shing rgya che ba/ rnam thos kyi bu'i nor dang mnyam pa/ rnam thos kyi bu'i nor dang 'gran pa zhig gnas te/ khyim bdag de yang byams pa'i rang bzhin can/ snying rje dang ldan pa/ sems
- 114b
can la mnyes gshin pa/ sbyin pa la sred pa/ ya mtshan can thams cad dang lta ba'i 'alus pa/ sbyin pa la blo snyoms pa zhig ste/ de dus dus su mchod sbyin chen po byed la bstan bcos spyod pa thams cad kyi gzhung dpyod par byed de/ des bltas na thams cad kyang bdag la ni bstod/ gzhan la ni smod par byed pas/ de dag gis khyim bdag de'i sems ma mgu'o/ / de nas phyi zhig na khyim bdag des bcom ldan 'das kyi bsngags pa thos nas/ de 'di snyam du sems te/ des chos thams cad rtogs pa las na/ bcom ldan 'das de ni thams cad mkhyen pa yin par nges so snyam nas/ bsngags pa de thos ma thag tu sems bskyed pa/ kye ma bcom ldan 'das de bdag gi mchod sbyin gyi gnas 'dir gshegs kyang ci ma rung snyam mo/ / de nas bcom ldan 'das kyis dgongs pa/ bdag gis khyim bdag de'i dge ba'i rtsa ba rnams bskyed par bya dgongs la/ 'di la brtan nas gdul bar bya ba phal po che drung du yod de snyam nas/ rgyal bu rgyal byed kyi tshal nas mi snang bar gyur te/ khyim bdag de'i mchod sbyin gyi gnas na bzhugs par gyur to// de nas khyim bdag des thag ring po zhig nas sangs rgyas bcom ldan 'das mthong ngo / / mthong nas kyang dga' ba skyes so// dga' ba skyes nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos
- 115a
phyag 'tshal te/ bcom ldan 'das la 'di skad ces gsol to// kye ma bcom ldan 'das kyis bdag gi mchod sbyin gyi gnas su gshegs te longs spyod par / mas ldan nas sa na / den sa par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas/ chos mnyan pa'i phyir spyan sngar 'dug go// de nas bcom ldan 'das kyis de bla na med pa yang dag par rdzogs pa'i byang chub tu spro ba bskyed nas/ khyim bdag de bla na med pa yang dag par rdzogs pa'i byang chub la 'dod pa skyes nas des sangs rgyas la sogs pa dge slong gi dge 'dun dang bcas pa zla ba gsum spyan drangs te/ rgyal bu rgyal byed kyi tshul du yo byad thams cad sbyar nas/ sangs rgyas la sogs pa dge slong gi dge 'dun la yo byad thams cad kyis bsnyen bkur byas te/ tha ma'i nyin par sangs rgyas la sogs pa dge slong gi dge 'dun rnams la zhal zas ro brgya dang ldan pa gsol nas/ bcom ldan 'das la na bza' 'bum rib phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i sangs rgyas su
- 115b
smon lam btab pa/ kye ma dge ba'i rtsa ba 'dris na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khyim bdag de la bka' stsal pa/ khyim bdag legs so legs so// ma 'ongs pa'i dus na/ khyod 'jig rten long pa 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das legs mthong zhes bya ba 'gyur ro zhes gsungs so// / bam po sum cu gcig pa// rin po che zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa nas ded dpon zhig gis zong khyer te rgya mtsho chen po'i nang du chas so/ / ded dpon de yang mo ltas gtso bor 'dzin pa zhig ste/ des zong rnams rnga mo dang bong bu la sogs pa la bkal nas/ mnyan du yod pa'i phyir
- 116a
chen po'i nang nas byung ste/ lam po cher zhugs nas/ des sems 'di lta bu bskyed de/ gal te bdag rgya mtsho chen po'i nang nas nyiro med par bde bar 'ongs rgya mtsho'i gru bo che'i don grub nas phyir 'khor bar gyur na/ sgo 'dir bdag gis sgo'i dus ston bya'o// lam po che 'dir yang lam gyi dus ston bya'o zhes byas nas/ rgya mtsho chen por song ngo / / de nas de rin po che'i gling bgrod pa bsgrubs te/ rgya mtsho chen po'i nang nas 'gram du byung nas des bsams pa/ bdag gru bo ches rgya mtsho chen po'i nang du zhugs te/ des na bdag gis nor chen pos bsgrubs kyi/ bdag gis rgya mtsho'i 'gram 'di nyid du rgya mtsho'i lha rnams dang / gru bo che la gnas pa'i lha rnams la bkur sti bya'o snyam nas/ des rgya mtsho'i 'gram de nyid du lha rnams la bkur sti chen po byas te mnyan du yod par chas so/ / de nas de mthar gyis rgyu zhing song song ba las/ mnyan du yod par phyin nas/ mnyan du yod par zong rnams bzhag ste/ des grong khyer gyi phyi sgo chen po de dang / lam po che de'i lha rnams la mchod pa chen po byas nas/ sbyin pa dag byin zhing / bsod nams dag byed pa la zhugs te/ des rin po che'i phung po chen po srungs nas/ dge sbyong dang / bram ze dang / spyod pa pa dang / kun tu rgyu ba dang / sdug cing 'phongs pa dang / bkres pa rnams la sbyin pa byed pa la zhugs so//
- 116b
sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag po'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni nges ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las laganas drang bar su ni 'phags pa'i nor bdun med pa las 'phags pa'i nor ba dan gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba
- 117a
rnams bskyed zin pa las yongs su smin par bya/ su ni dge ba'i rgyub rnams yongs su smin pa las ye shes kyi mtshon gyis brtol bar bya/ su la ni sangs rgyas byung brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la/ / sangs rgyas dus las yol ba med// de nas bcom ldan 'das kyis dgongs pa/ ded dpon 'dis ni bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ snga dro sham thams dang chos gos gsol te/ lhung bzed bsnams nas/ dge slong mang pos zhum ring byas te/ dge slong gi dge 'dun gyis mdun du bdar nas/ sgo de nyid nas mnyan du yod pa'i nang du gshegs pa dang / ded dpon des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyis legs par brgyan cing sba bar byas pa mthong ngo / / mthong nas kyang de bcom ldan 'das la shin tu dga' ba skyes so// dga' ba skyes nas des rin po che slar gyis btab ste/ bcom ldan 'das la gtor nas/ de dag sangs rgyas kyi mthus bcom ldan 'das kyi steng du lding khang lta bur chags te 'dug nas/ bcom ldan 'das gshegs na ni 'gro'o// gzhes na ni sdod do// de nas ded dngon
- 117b
des cho 'phrul de lta bu mthong nas/ lhag par yang dga' ba skyes so// dga' ba skyes nas/ bcom ldan 'das kyi zhabs la phyag 'tshal te gsol pa/ zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis cang mi gsung bas ded dpon de la gnang ngo // de nas ded dpon des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston/ pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i
- 118a
la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so// de nas bcom ldan 'das kyis bka' stsal pa/ ded dpon legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rin chen gtsug tor can zhes bya bar 'gyur ro zhes gsungs so/ / nor zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag gcig gnas pa des/ thabs zlar bab pa las chung ma blangs nas/ de de dang lhan cig tu rje zhing dga' la dga' dgur spyod pa las/ phyi zhig na de'i chung ma la bu chags nas dezla ba dgu'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun pa'i ming btags te/ de'o ma dang / zho dang / mar dang / zhun mar dang / mar gyi snying khus bskyed bsrings nas/ de gang gi tshe cher skyes pa de'i tshe yi ge dang / khong rtsis dang / shod dgod pa dang
- 118b
lag rdzis dang / dbyung ba dang / sra ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na des zong khyer te rgya mtsho'i nang du song ba las/ rgya mtsho'i gru bo che'i don grub nas phyir 'ongs so// khyim bdag des kyang khyim bdag mgon med zas sbyin la brten nas bcom ldan 'das kyi bstan pa la dad pa rnyed de/ skyabs su 'gro ba dang / bslab pa'i gzhi rnams blangs so// de nas phyi zhig na khyim bdag des sangs rgyas la sogs pa dge slong gi dge 'dun khyim du spyan drangs te/ rang gi lag nas bza' ba dang bca' ba gtsang ma bzang po mang pos tshim par byas nas cibazhed pa bstabs te/ chos mnyan pa'i phyir spyan sngar 'dug go// de nas bcom ldan 'das kyis khyim bdag de'i bsam pa dang / bag la nyal dang / khams dang / shes pa dang rang bzhin thugs su chud nas/ de dang 'thun pa'i chos bstan te/ de nas khyim bdag de 'khor dang bcas pas stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye
- 119a
shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas yang dang yang du rgyal bu rgyal byed kyi tshal du 'gro zhing bcom ldan 'das la chos nyan par byed do/ / bdag gi bu yang dang yang du dran par byed do// kye ma de yang 'dir 'ongs te/ bcom ldan 'das kyi bstan pa la dad pa rnyed par gyur la/ chos 'di lta bu dag kyang thob na ni ci ma rung snyam mo/ / de nas phyi zhig na khyim bdag gi bu de rgya mtsho'i gru bo che'i don grub ste phyir 'ongs te/ des skyed mos tshal du rdzas rnams bzhag nas/ pha ma gnyis blta ba'i phyir shin tu rings par bdag gi khyim du song ba las/ de'i pha ma gnyis chos mnyan pa'i phyir rgyal bu rgyal byed kyi tshal du song nas/ khyim bdag gi bu des pha ma gnyis chos mnyan pa'i// phyir rgyal bu rgyal byed kyi tshal du song ngo zhes bros so// thos nas kyang de yang rgyal bu rgyal byed kyi tshal de nyid du song ste/ de der phyin nas bdag gis pha ma gnyis blta bar bya'o snyam pa las khyim bdag gi bu des pha ma gnyis chos mnyan pa'i phyir bcom ldan 'das kyi spyan sngar 'dug pa mthong ngo / / mthong nas kyang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pha ma gnyis kyi mgul nas 'jus nas/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis khye'u de'i mdun du bla na med
- 119b
pa yang dag par rdzogs pa'i byang chub tu spro ba skyed par 'gyur ba'i gtam bka' stsal to/ / de nas de thos ma thag tu khye'u de bla na med pa yang dag par rdzogs pa'i byang chub la 'dod pa skyes so// de nas khyim bdag de bcom ldan 'das las chos thos nas bu dang lhan cig tu bdag gi khyim du song ngo / / der song nas de gnyis kyis/ bu de la smras pa/ bu khyod kyis rgya mtsho chen po'i nang nas bdag cag gnyis la ci zhig khyer te 'ongs/ khye'us smras pa/ rin po che rin thang che ba dag 'tshal te mchis so// pha ma gnyis kyis/ de la smras pa/ bu khyod kyis ni rgya mtsho'i nang du song nas/ sdug bsngal stong phrag grangs med pa myong ste/ rin po che tha mal pa dag khyer te 'ongs so// bdag cag gas ni 'di nyid na 'dug bzhin du tshegs chung ngus rin po che rin thang chen po dag rnyed/ de// khye'us smras pa/ 'o na tshegs chung ngus rnyed pa'i rin po che de dag ci 'dra ba blta bar 'tshal lo// de nas pha ma gnyis kyis de la bdag cag gnyis kyi yon tan rgyas par brjod do/ / de nas de thos ma thag tu khye'u de lhag par yang bcom ldan 'das la dga' bar gyur to// dga' bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i rkyen du 'tsham pa'i chos bstan to// de nas khyim bdag
- 120a
gi bu des/ bcom ldan 'das kyi gtam mjug rdzogs par rig nas/ stan las langs te/ bla gos phrag pa gcig tu gzar nas/ bcom ldan 'das ga la ba logs su thal mo sbyar ba btud de/ bcom ldan 'das la 'di skad ces gsol to// zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis khyin bdag gi bu de la cang mi gsung ba sa gnang ngo / / de nas khyim bdag gi bu des bcom ldan 'das kyis cang mi gsung bas gnang bar rig nas/ rgyal bu rgyal byed kyi tshal du yo byad thams cad sbyar te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad kyis bsnyen bkur byas nas/ tha ma'i nyin par sangs rgyas la sogs pa dge slong gi dge 'dun la zhal zas ro brgya dang ldan pa gsol nas/ bcom ldan 'das la na bza' 'bum ri ba phul lo// dge slong gzhan dag la yang re re la ras zung re phul nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i
- 120b
sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ khye'u de la bka' stsal ba/ khyim bdag gi bu legs so legs so// ma 'ongs pa'i dus na khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das chu rlabs zhes bya bar 'gyur ro zhes gsungs so// stobs 'brog ces bya ba ni/ gleng gzhi mnyan du yod pa na bzhugs te/ de'i tshe byang phyogs kyi ngan tsa la'i rgyal po dang / lho phyogs kyi bran tsa la'i rgyal po gnyis phan tshun du mi mthun par gyur te/ dus dus su skye bo bal po ni kha 'dog par byed do// de gnyis kyi mdza' bo kau shes shing bcugs pa ni rgyal po gsal rgyal yin te/ rgyal po gsal rgyal gyis bsams ba/ bdag gis thabs ji lta bu zhig gis de gnyis bsdum par bya snyam nas de'i blo skyes pa/ bcom ldan 'das ma dul ba 'dul ba yin na/ ma la bdag gis bcom ldan 'das lagaso
- 121a
ba gdab bo snyam nas/ bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ phyogs gcig tu 'dug nas/ bcom ldan 'das la/ rgyal po gsal rgyal gyis 'di skad ces gsol to// btsun pa byang phyogs kyi ban tsa la'i rgyal po dang / lho phyogs pan tsa la'i rgyal po gnyis phan tshun mi mthun par gyur tede gnyis kyis dus dus su skye bo phal po che kha 'dog par bgyid do/ / bcom ldan 'das ni ma dul ba 'dul ba lags na/ thugs brtse ba'i slad du de gnyis kyi 'on sbyang ba'i slad du nan tan mdzad par gsol/ de nas bcom ldan 'das kyis rgyal po gsal rgyal la cang mi gsung bas gnang ngo // de nas rgyal po gsal rgyal bcom ldan 'das kyis gsungs pa la mngon par bstod de rjes su yid rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyis rgyal bu rgyal byed kyi cha la nA mi snang bar gyur te/ byang phyogs kyi yul pa na tsa la dang / lho phyogs kyi yul pan tsa la gnyis kyi bar mtshams su gshegs te bzhugs nas/ bcom ldan 'das kyis ci nas de dag 'thab par sems pa de lta bur byin gyis brlabs so/ / de nas byang phyogs kyi pan tsa la'i rgyal po dang / lho phyogs kyi pan tsa la'i rgyal po gnyis kyis dpung gi tshogs yan lag bzhi go bskon nas/ g.yul 'byed pa'i phyir so sa
- 121b
nas drangs so/ / de dag g.yul 'byed par brtsams pa las/ sang+yas kyi mthus de gnyis kas rang rang ngam ste ma nus nas/ gzhan gyis thub par mthong ste/ de gnyis so so nas shing rta re rel zhon te/ bcom ldan 'das ka la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// bcom ldan 'das kyis kyang ci nas de gnyis gcig gis gcig mi mthong bar byin gyis brlabs te/ bcom ldan 'das kyis dgongs pa/ 'di gnyis las gcig ni nga'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par 'gyur ro// gcig gis ni bla na med pa yang dag par rdzogs pa'i byang chub las phyir mi ldog par sems skyed par 'gyur ro snyam du dgongs nas/ gcig la ni 'phags pa'i bden pa bzhi'i gtam gsungs so// gcig la ni bla na med pa yang dag par rdzogs pa'i byang chub la spro bar 'gyur ba'i gtam gsungs so// de nas lho phyogs kyi pan tsa la'i rgyal po stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du
- 122a
tshangs par spyod pa spyad par 'tshal lo/ / de nas bcom ldan 'das kyis de dge slong chu shog ces bya ba tshig gis rab tu byung ste/ bsnyen par rdzogs par ba nas de la lung yang phog ste/ des kyang brtson po dang / bsgrubs pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// byang phyogs kyi phun tsala'i rgyal po yang stan las langs te/ bla gos phrag pa gcig tu gzar nas/ bcom ldan 'das gal ba der logs su thal mo sbyar ba btud de/ bcom ldan 'das la 'di skad ces gsol to// zla ba gsum gyi bar du bcom ldan 'das dge slong gi dge 'dun dang bcas pa'i na bza' dang / zhal zas dang / gzims cha dang / gdan dang / snyun gsos dang / sman zong rnams sbyar bar 'tshal na/ bcom ldan 'das kyis bdag la gnang bar mdzad du gsol/ de nas bcom ldan 'das kyis byang phyogs kyi pan tsa la'i rgyal po la cang mi gsungs pa'i gnang ngo // de nas byang phyogs kyi ban tsa la'i rgyal pos bcom ldan 'das cang mi gsung bas gnang bar rig nas/ sangs rgyas la sogs pa dge slong gi dge 'dun rang gi yul du spyan drangs te/ sangs rgyas la sogs pa dge slong gi dge 'dun la zla ba gsum gyi bar du yo byad thams cad sbyar nas/ yo byad thams cad kyis bsnyen bkur byas te/ tha ma nyon par sangs rgyas la sogs pa dge slong gi dge 'dun la zhal zas rab
- 122b
dang ldan pa gsol nas/ bcom ldan 'das lan bza' 'dur 'i 'dul lo// dge slong gzhan dag la yang re re laras zung re bul nas/ blan med pa yang dag par rdzogs pa'i byang chub tu sngon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas so/ / de nas bcom ldan 'das kyis/ pan tsa la'i rgyal po de la bka' stsal pa/ rgyal po chen po legs so legs so// ma 'ongs pa'i dus na rgyal po chen po khyod 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i la lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das rnam par rgyal ba zhes bya bar 'gyur ro zhes gsungs so// las brgya tham pa las/ sdom gyi tshigs su bcad pa brgyad pa rdzogs so/ / / sdom ni/ bu dang ri yi gcong rong glud// 'thab dang rnyis bzung gong ma sreg/ pha dang mi rgod shar dang // dbang po'i mgon
- 123a
/ tha ma yin// bu zhes byang ni/ gleng ga ni mnyan du yod pa na bzhugs te/ de'i tshe mnyan du yod pa na/ bram ze gcig gnas pa des/ thabs zla dab pa las rlung ma blangs te/ de de dang lhan cig rtse zhing dga' la dga' dgur spyod pa las/ byi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ rigs dang 'thun pa'i ming btags te/ 'o ma dang / zho dang / mar dang / zhun mar dang / mar gyi snying khus bskyed bsrangs so// 'dod pa rnams ni tsha chu dang 'dra ste/ ri tsam bsten pa de tsam du skye bar 'gyur ro// de nas phyis kyang mthar gyis bram ze de'i bu gcig nas gnyis nas/ bdun gyi bar du byung nas/ de rnams rigs dang 'ardzun ba'i ming btags te/ 'o ma dang / zho dang / mar dang / zhun mar dang / mar gyi snying khus bskyed bsrings nas/ de dag gang gi tshe cher skyes pa de'i tshe/ yi ge dang / bram ze'i spyod lam dang spyod pa dang / oM zhes bya dang / zlo zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / kha ton bya ba dang / kha ton slob tu
- 123b
gzhug pa'i thabs bslabs nas/ las rnam pa drug la mkhas pa'i bram zer gyur to// de nas phyi zhig na bram ze des bu de dag thams cad khyim phub ste/ bram ze de'i khyim na nor ci yod pa de dag thams cad so sor bgos nas bu de dag la byin no/ / de nas phyi zhig na bram ze de'i chung ma yang shi/ bram ze de yang rgas te mig mi mthong bar gyur nas/ de bu de rnams kyis khyim de nas bskrad de/ de gzhan dag gi phyi du slong zhing 'tsho bar byed do/ / sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud su ni dar/ su ni 'phod shing 'dug/ su ni nyam bar gyur/ su ni gnod pa dang ldan/ su ni 'phongs pa dang / nyam nga ba dang / gnon pa dang ldan/ su ni ngan song du gzhol/ su ni ngan song du 'bab/ su
- 124a
@ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis bram ze de gdul ba'i dus la bab par dgongs nas/ snga dro chos gos dang sham thabs gsol te/ lhung bzed dang snam nas/ mnyan du yod par bsod snyoms la gshegs te/ bcom ldan 'das mnyan du yod par gshegs na/ bram ze rgas shing 'khogs la gtugs pa/ 'khar ba dang snod thogs shing gzhan dag gi khyim du slong ba de gzigs so/ / gzigs nas kyang bram ze de la bka' stsal pa/ bram zegs shing la logs la gtugs pa khyod ci'i phyir 'khar ba dang snod thogs shing gzhan gyi khyim du slong sa
- 124b
'dug/ bram zes gsol ba/ kye go'u ta ma bdag gi bu bdun mchis te/ de rnams bdag gis bsod nams bskyed bsrings nas/ thos pas kyang mthar phyin par bgyis te bzhag nas mchis brang dang bcas te btsems te/ bdag gi khyim na ci 'dog pa de dag thams cad kyang bdag gis so sor bgos te stsal na/ de rnams kyis bdag khyim nas bskrad pas na/ 'khar ba dang snod thogs shing gzhan dag gi khyim du slong zhing rgyu bar bgyid do/ / de nas bcom ldan 'das kyis/ bram ze de la bka' stsal pa/ bram ze khyod kyis nga las tshigs su bcad pa bslabs te kun chub par byas la/ bu de rnams 'khor gyi nang na 'khod pa la bsgrags par nus sam/ bram zes gsol pa/ kye go'u ta ma bdag gis rdo thog ches so// de nas bcom ldan 'das kyis de'i tshe tshigs su bcad de bka' stsal pa/ gang dag btsas na dgar 'gyur ba// gang phyir nor ni kun bsags pa// de dag bdag gis tshems dang sbyar// bdag ni khyim nas bskrad par gyur// nor zad pa na gang dag gis/ / bdag spangs de dag bden mo min// srin po'i bu yi cha lugs can// ba ba zhes brjod de mi brjid// rtan na zho sha zad pa bzhin// na chod yal bar gyur pa na// gzhon nu rnams kyi banan nig/ gzhan gyi khyim du slong bar gyur/ / rten lam phan bu rnams pas// bdag gi 'khar ba 'di gdam ste// 'khar ba yi ni yon tan mthus// baglang brdung zhing 'ong ba dang // sbrul dang khyi za klog par
- 125a
byed/ / mun pa'i nang na mdun du 'gro// yanga'i gnas su chod kyang rig/ brdeg 'chos na yang bdag la ston// de nas bram ze des/ bcom ldan 'das kyis tshig su bcad de bka' stsal pa 'di dag thos nas/ bu rnams kyis 'khor du song ste brjod nas/ bu rnams kyis de thos ma thag tu pha la bzod pa gsol te/ snga mkho bzhin du khyim gyi bdag por bzhag go/ / de nas phyi zhig na bram ze des bsams pa/ bdag gi dpal dang skal ba dang ldan pa gang ci yang rung ba de dag thams cad ni/ bcom ldan 'das go'u ta ma de'i bka' drin yin na// ma la bdag gis bcom ldan 'das go'u ta ma de bshos gsol la/ rin thang che ba'i na bza' 'bul bar bya gor ma chag snyam nas/ bram ze des bcom ldan 'das spyan drangs te/ bza' ba dang bca' ba gtsang ma bzang po mang po dag gsol nas/ rin thang che ba'i na bza' phul lo// de nas bcom ldan 'das kyis bram ze de dag bu de rnams la/ de dag dang 'thun pa'i chos bstan te/ des na bram ze de 'khor dang bcas pas stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar babatud de/ bcom ldan 'das la 'di
- 125b
skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis bram ze de dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pa'i nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan 'das la gsol pa/ btsun pa bram ze rgas shing 'khogs la gtugs pa 'di bu rnams kyis khyim nas bskrad de/ 'di bcom ldan 'das kyis thabs dang ldan pas snga mkho'i gnas su slar sor chud par mdzad nas/ g.yung rlung gi mthar thug pa grub pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze 'di bu rnams kyis rang gi khyim nas bskrad pa las/ 'di ngas snga mkho'i gnas su bzhag nas bsam gtan bzhi dang / mngon par shes pa lnga la ji ltar gan par byas pa de nyon cig/ dge slong dag sngon byung ba 'das pa'i dus na/ grong khyer tsam pa zhes bya ba na/ khyim bdag gcig gnas
- 126a
pa de la snga phyir bu bdun byung nas/ de dag gang gi tshe cher skyes pa de'i tshe/ brtag pa rnam pa brgyad la byang bar gyur nas/ khyim bdag des bu de dag thams cad khyim phub ste/ de ni bdog pa thams cad kyang so sor bgos nas de rnams la byin no// khyim bdag de yang nas shing 'khogs la gtugs pa gyur nas/ de bu rnams kyis khyim nas bskrad de/ de rgas bzhin du zong khyer te yul gzhan du chas so/ / de'i tshe dka' thub kyi gnas shig na/ drang srong rdzu 'phrul che zhing mthu che ba zhig gnas te/ dka' thub kyi gnas de'i 'dab gcig tu de 'ongs nas/ dra srong des khyim bdag de mthong nas smras pa/ khyim bdag rgas shing 'khogs la gtugs pa khyod ci'i phyir yul gzhan du chas te 'gro// de nas khyim bdag des gtam de drang srong de la rgyas par bsnyad do// de nas drang srong gis smras pa/ khyim bdag khyod ngas ci nas bu de rnams kyi mchod pa dang rim gro byed par gyur pa de ltar bya'o zhes smras pas/ drang srong des khyim bdag de phyir bzlog ste/ rang gi gnas su khrid nas/ drang srong des de'i bu rnams la de dang 'thun pa'i chos bstan te/ des na bu de rnams kyis pa de khyim du bos nas snga mkho'i gnas su bzhag go// de nas khyim bdag des snga mami'i drin lan bsab pa'i phyir drang srong de khyim du zan byin nas/ de'i thad du rab tu byung ste/ de rab tu byung nas bsam gtan bzhi dang / mngon par shes pa lnga bskyed do//
- 126b
dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe khyim bdag tu gyur pa gang yin pa de ni bram ze 'di kho na yin no/ / de'i bur gyur pa gang yin pa de dag ni bu 'di dag kho na yin te/ de'i tshe yang 'di rgas shing 'khogs la gtugs par gyur nas/ khyim nas bskrad pa las ngas thabs dang ldan pas snga malo'i gnas su bcug ste bzhag nas/ bsam gtan bzhi dang / mngon par shes pa lnga la gnas par byas so// da ltar yang 'di rgas shing 'khogs la gtugs par gyur nas/ khyim nas bskrad pa las ngas thabs dang ldan pa'i snga mkho'i gnas su bcug ste bzhag nas/ g.yung drung gi mthar thug pa grub pa dang bde ba'i mya ngan las 'das pa la bzhag go/ gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ste/ der tshe gcig tu tshangs par spyod pa spyad nas/ dbang po rnams yongs su smin par byas pa des na/ ltar rnam par grol bar gyur to// ri zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na khyim bdag cig gnas pa des/ thabs zla bab pa las chung mablangs nas/ de de dang lhan cig tu rtse zhing dga' la dga' dgur spyod pa las/ byi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bza zhing bltan sdug
- 127a
mdzes pa zhig bcas te/ rigs dang mthun pa'i ming btags nas/ de 'o ma dang / zho dang / mar dang / zhun mar dang / mar gyi snying lus bskyed bsrings de gang gi tshe cher skyes pa de'i tshe/ yi ge dang / long rtsis dang / shod dgod pa dang / lag rtsis dang / dbyung ba dang / sba ba dang / dkram pa dang / gos brtag pa dang / nor bu brtag pa dang / rin po che brtag pa dang / spos pa rtag pa dang / sman brtag pa dang / glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang klog mkhas pa dang / mdzangs pa dang / bya ba la gsal ba dang / yid gzhungs pa dang / brtag pa rnam pa brgyad la byang bar gyur to// de nas phyi zhig na de phas mdza' sde rnams kyi nang du btang ngo / / mdza' sde bo de rnams ni lta ba dang / 'dod pa tha dad pa phan tshun mi mthun par smra bar sha stag ste/ gang dag gang la dga' ba de dag de'i bsngags brjod par byed do// khyim bdag gi bu de ni rang bzhin gyis mdzangs pa zhig ste/ thams cad kyi gzhung lugs 'drin par byed na/ la la ci zer/ la la ci zer bar gyur nas/ lta ba'i rnam pa de dag mi 'dod cing mi bzod la rung bar mi 'dzin to/ / de nas phyi zhig na dge bsnyen zhig gis sangs rgyas kyi bsngags pa yang dag pa ji lta ba bzhin du brjod nas/ de thos ma thag tu khyim bdag gi bu des dris pa/ sangs rgyas
- 127b
zhes bya ba'i sgra byung ba 'di dag ni sngon ma byung na/ sangs rgyas zhes bya ba de su zhig/ de nas dge bsnyen des de dang 'thun pa'i sangs rgyas kyi bsngags pa brjod de/ des na khyim bdag gi bu de ldan 'das blta 'dod par gyur to/ / de nas des thams cad bor te/ bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go/ / de nas bcom ldan 'das kyis de la de dang 'thun pa'i chos bstan te/ de thos nas khyim bdag gi bu de bcom ldan 'das la sems dga' bar gyur to// de nas khyim bdag gi bu des bcom ldan 'das kyi gtam mjug rdzogs par rig nas/ bcom ldan 'das kyis gsungs pa la mngon par bstod cing rjes su yi rang ste/ bcom ldan 'das kyi zhabs la mgo bos phyag 'tshal nas/ bcom ldan 'das kyi thad nas song ngo // de nas kyi zhig na de sbyin pa btang ba'i sems skyes la/ khyim na ni ci yang mi bdog par mthong nas/ de'i blo skyes pa/ bdag rgya mtsho chen po'i nang du song la/ gal te bdag gis lan cig tsam rin po che'i gling bgrod pa bsgrub nus par gyur na yang / de lta na bde blag tu sbyin pa dag sbyin zhing / bsod nams dag byed nus so snyam nas/ tshong pa lnga brgya tsam dang lhan cig tu zong khyer te rgya mtsho chen po'i nang du song nas/ des rin po che'i gling bgrod pa bsgrubs te/ phyir 'dzam bu'i gling logs su chas pa las/ de dag la rlung mi
- 128a
bzad pa byung nas/ des gru bo che de ri'i gcong rong zhig tu bcangs so// de nas rgya mtsho'i dus rlabs phyir log pa dang / tshong pa de dag 'jigs shing srag ste/ bdag cag ni shi zin no/ / bdag cag gis srog ni med zin no// dbadag cag la dka' ba byed pa dang / srog 'phangs pa sbyin pa su yod ces 'dzer to// de nas ded dpon gyis smras pa/ ma 'jigs shig ma 'jigs shig/ sangs rgyas bcom ldan 'das la skyabs su de zhig dang / des bdag cag 'phongs pa dang / dgos thag pa dang / gnod pa dang phrad pa las skya bas mdzad par 'gyur ro zhes byas so/ / de nas de thos ma thag tu tshong pa de dag rnams sangs rgyas la skyabs su song ste/ btsun pa bcom ldan 'das kyis ni 'di lta ste/ 'das pa dang / ma 'ongs pa dang / da ltar byung ba ci yang mi gzigs pa dang / mi mkhyen pa dang / thugs su ma chud pa ma mchis na/ kye ma btsun pa bdag cag 'phongs shing dgos brag la/ gnod pa dang phrad pa rnams kyi skyabs mdzad du gsol/ srog 'phangs pa stsal du gsol zhes byas so// de nas bcom ldan 'das kyis ci nas klu de rang nyid ri'i gcong rong de nas phyir log ste/ rgya mtsho'i 'gram du 'byung bar 'gyur ba de lta bur byin gyis brlabs so/ / de nas de dag rgya mtsho chen po'i 'gram du byung nas/ mthar gyis mnyan du yod par dong ste/ mnyan du yod par rdzas rnams bzhag
- 128b
nas/ bcom ldan 'das ga la bder dong ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das kyi zhabra la phyag byas nas 'di skad ces gsol to// bcom ldan 'das ni bdag cag la dka' ba mdzad mdzad pa lags/ srog 'phangs pa stsal ba lags so zhes gsol nas/ chos mnyan pa'i phyir spyan sngar 'khod do// de nas bcom ldan 'das kyis de rnams kyi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na ded dpon la sogs pa tshong pa lnga brgya po rnams kyis stan de nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de rnams kyis bden pa mthong nas gsol pa/ btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa smad par 'tshal lo// de nas bcom ldan 'das kyis de dag dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de dag la lung yang log ste/ de dag gis kyang brtson pa dang / bsgrub pa dang / 'bad pa'i nyon mongs pa
- 129a
thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pa tshong pa lnga brgya po 'di rnams ded dpon 'di las brten te/ bcom ldan 'das kyis 'jigs pa chen po las bskyabs nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'dres pa'i dus na yang tsheng pa lnga brgya po 'di rnams kyis ded dpon 'di las brten te/ ngas 'jigs pa chen po las bskyabs nas// bsam gtan bzhi dang / mngon par shes pa lnga la ji ltar bkod pa de nyon cig/ dge slong dag sngon byung ba 'das pa'i dus na/ grong khyer wA rA NA si na/ dka' thub kyi gnas shig na/ drang srong
- 129b
mngon par shes pa lnga dang ldan pa rdzu 'phrul che zhing mthu che ba zhig gnas te/ de yang wA rA NA si na gnas pa'i skye bo mang pos bkur sti bya ba dang / bla mar bya ba dang / ri mor bya ba dang / mchod par bya ba zhig go/ / de nas phyi zhig na wA rA NA sin tshong pa lnga brgya tsam gyis drang srong de la bsnyen bkur byas nas/ rgya mtsho chen po'i nang du dong ste/ de dag gis rin po che'i gling bgrod par sbubs nas/ phyir 'dzam bu'i gling logs su ches pa las/ de dag gi gru bo che mtsho'i dus rlabs kyis thang la 'phangs nas/ de dag der 'jigs shing skrag par gyur te/ bdag cag 'tsho ba'i dus skabs med do snyam nas/ de dag lha rnams la gsol ba 'debs par byed do// de nas ded dpon gyis smras pa/ bdag cag gis lha gzhan dag la gsol ba gdab ci dgos/ bdag cag drang srong de nyid la skyabs su 'gro bar bya'o/ / 'on tang des bdag cag 'phongs shing dgos thag pa dang / gnod pa dang phrad pa las skyabs byed par 'gyur zhing srog 'bangs pa sbyin par byed do// de nas de thos ma thag tu tshong pa lnga brgya po de dag drang srong de kho na la skyabs su dong ngo // de nas drang srong de la dga' ba'i lhas drang srong de la sbran nas/ drang srong des tshong balnga brgya po de dag rdzu 'phrul gyis rgya mtsho chen po'i nang nas byung ste/ rang gi dka' thub kyi tshal du bkod do// de nas tshong pa rnams kyis bsams pa/ bdag cag gson por gyur pa ci yang rung ba de dag thams cad ni drang
- 130a
srong 'di'i mthu yin no snyam nas/ sbyin padag sbyin zhing / bsod nams dag byas nas/ thams cad drang srong de'i thad du rab tu byung ste/ de dag der rab tu byung nas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems depa'i spyod pa la gnas pa de ni nga nyid yin no/ / de'i tshe ded dpon du gyur pa gang yin pa de dang / tshong par gyur pa gang yin pa de dag ni tshong ba 'di rnams kho na yin te/ de'i cha yang 'di rnams kyis ded dpon 'di kho na la brten nas ngas 'jigs pa chen po las bskyabs te/ bsam gtan bzhi dang / mngon par shes pa lnga la bkod do// da ltar yang 'di rnams kyis ded dpon 'di la brten nas/ ngas 'jigs pa chen po las bskyabs te/ g.yung drung gi mthar thug pa grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi gsungs rab la 'di dag thams cad rab tu byung ste/ der 'di rnams kyis tshe gcig tu tshangs par spyod pa spyad nas/ dbang po rnams yongs su smin par byas pa des na da ltar rnam par grol bar gyur to// glud ces bya ba ni/ gleng ga ni mnyan du yod pa na bzhugs te/ de'i tshe mnyan du yod pa na khyim bdag phyug cing nor mngal longs spyod che ba/ yongs su 'dzin pa yangs shing rgya che ba/ rnam sa
- 130b
kyi bu'i nor dang mnyam pa/ rnam thos bu'i nor dang 'gran pa zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod do// khyim bdag de yang bu mi bzhin pa zhig ste/ du dang bu mo btsas so cog 'chi bar 'gyur ro// khyim bdag de'i bas na ni tshe dang ldan pa ma 'gags pa yin te/ des khyim bdag de skyabs su 'gro ba dang bslab pa'i gzhi rnams la gnas par byas nas/ sbyin pa dang / sbyin pa'i bgo bsha' byed du bcug go// de nas phyi zhig na khyim bdag de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa zhig btsas nas/ khyim bdag des bsams pa/ thabs ji ltar byas na/ khye'u 'di tshe ring bar 'gyur zhig gu snyam nas de'i blo skyes pa/ 'phags pa ma 'gags pa 'di ni rdzu 'phrul che zhing bsod nams dang ldan pa/ che bar grags pa yin pas na/ 'di la bdag gis bu 'di g.yog tu phul na/ 'di'i mthus tshe ring bar 'gyur yang srid do snyam nas/ pha ma gnyis khye'u de tshe dang ldan pa ma 'gags pa la phul nas de nyin gcig bzhin du rgyal bu rgyal byed kyi tshal du khrid cing gso bar byed la/ dge sbyong gi cha lugs su bcug nas/ dge slong dag dang lhan cig tu bsod snyoms rgyu bar byed do// de nas de gang gi tshe shed dbye bar gyur pa de'i tshe/ khyim bdag des sangs rgyas la sogs pa dge 'dun khyim du spyan
- 131a
drangs nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas khye'u de'i glud du gser dngul mang po bul lo// bcom ldan 'das kyis kyang khyim bdag de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so/ / bcom ldan 'das gshegs nas/ khyim bdag des khye'u de'i chos gos tshon can rnams phud de/ khyim pa'i gos dang rgyan rnams bskon no// de nas de'i khyim pa'i gos dang rgyan bskon no cig mi snang bar gyur te/ tshes gos tshen can de dag 'ba' zhig 'byung bar 'gyur ro// de nas gang gi tshe na lugs de bsgyur ma nus pa de'i tshe/ dge slong gi cha lugs su 'dug bzhin du gso bar byed de/ khyim de nyid du ne'u 'dangs kyi grogs po lnga brgya dang lhan cig tu yi ge slob tu bcug go// de nas de rang gi khyim der yang dga' ba med na/ gzhan du lta ci smos te/ gtsug lag khang 'ba' zhig tu 'gro 'dod par gyur to// de nas khyim bdag des bu de gtsug la gakhang du khrid nas de nyid du gsos so// de nas des gtsug lag khang de nyid du bstan bcos thams cad rtogs par gyur nas/ de phyir khyim du 'gro mi 'dod de/ gtsug lag khang na 'dug bzhin du des rgyun du zhugs pa'i 'bras bu mngon sum du byas te/ des
- 131b
bden pa mthong nas pha ma gnyis la gsol te/ tshe dang ldan pa ma 'gags pa'i brad du rab tu byung nas/ bsnyen par rdzogs te/ tshe dang ldan pa ma 'gags pas lung yang phog nas/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas te/ dgra bcom par gyur nas bsams pa/ bdag gis gdul bar 'gyur ba 'ga' lta ci yod snyam pa dang / des bltas na bdag gi pha ma la sogs pa ne'u 'dangs kyi grogs po lnga brgya 'dul bar mthong nas/ rgyal bu rgyal byed kyi tshal nas mi snang bar gyur te/ rang gi khyim du pha ma gnyis kyi mdun nas sa brtol te byung ngo // de nas de mthong ma thag tu pha ma gnyis de la shin tu dga' bar gyur to// dga' bar gyur nas chos mnyan pa'i phyir mdun du 'dug go/ / de nas des pha ma gnyis kyi bsam pa dang / bag la nyal dang / khams dang / shes pa dang / rang bzhin rtogs nas/ de dang 'thun pa'i chos bstan te// des na pha ma de gnyis 'khor dang bcas pas stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ bden pa mthong nas skyabs su 'gro ba dang / bslab pa'i gzhi rnams la bkod de/ sbyin pa dang sbyin pa'i bgo bsha' yang byed du bcug nas/ khyim de khron pa dang 'dra
- 132a
bar byas te bzhag go/ des ne'u 'dangs kyi grogs po lnga brgya po de dag kyang skyabs su 'gro ba dang / bslab pa'i gzhi rnams la bkod do// de nas dge slong rnams kyis/ sangs rgyas bcom ldan 'das la gsol pa/ btsun pa khyim bdag gi bu 'dis las ci bgyis na/ las de'i rnam par smin pas phyug cig nor mang la longs spyod che ba'i rigs su skyes la/ bcom ldan 'das kyang 'dis mnyes par bgyis te/ mi mnyes par ma bgyis nas/ bcom ldan 'das kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis la/ 'di nyid la brten nas pha ma la sogs pa dang / ne'u 'dangs kyi grogs po lnga brgyas bden pa mthong bar gyur te/ bcom ldan 'das kyang 'dis mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'di rnams kyis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i che lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs
- 132b
rgyas bcom ldan 'das 'od srungs zhes bya ba 'jig rten du byung ste/ de'i tshe grong khyer wA rA NA sin khyim bdag gcig gnas pa las/ phyi zhig na de'i bu gzugs bzang zhing blta na sdug la mdzes pa zhig btsas te/ de gang gi tshe cher skyes pa de'i tshe/ yang dag par rdzogs pa'i sangs rgyas 'od srungs kyi bstan pa la dad pa rnyed nas skyabs su 'gro ba dang / bslab pa'i gzhi rnams blangs so/ / de gang gi nyin par btsas pa de kho na'i nyin par khyim bdag gzhan gyi bu lnga brgya yang btsas te/ gang gi tshe de cher skyes pa de'i tshe/ brtag pa rnam pa brgyad la byang bar gyur to/ / de nas de dag so so'i pham rnams kyis mdza' sde'i nang du btang ngo // de nas phyi zhig na dpyid kyi dus su mdza'o sde bo de rnams skyed mos tshal du shing ljon pa yal ga 'khrigs shing me tog rgyas pa'i nang du 'gro 'dod par gyur nas/ zla rnams kyis khye'u de sngon du gtang bar 'dod de/ khyod sngar song la bza' ba dang bca' ba dag sta gon gyis shig dang / bdag cag kyang don dag grub nas 'ong ngo zhes byas so/ / de nas de der song nas bza' ba dang bca' ba gtsang ma bzang po mang po dag sta gon byas so// yang dag par rdzogs pa'i sangs rgyas 'od srungs 'khor dang bcas pa yang sa phyogs de logs nas wA rA NA sir bsod snyoms la chas te gshegs so/ / de nas khye'u des thag ring po zhig nas yang dag par rdzogs pa'i sangs rgyas 'od srungs 'ar
- 133a
dang bcas pa mthong ngo / / mthong nas kyang des bsams pa/ yon gnas kyi mchog 'di lta bu bsod snyoms la chas te gshegs la/ bdag gis kyang tshegs chung dus bza' ba dang bca' bdag sbyar ba yod na/ bdag gis rje yang dag par rdzogs pa'i sangs rgyas 'od srungs 'khor dang bcas pa bshos gsol la/ de'i 'og tu bdag gis grogs po rnams kyi bza' ba dang bca' ba gzhan sbyar bar bya'o snyam nas/ des yang dag par rdzogs pa'i sangs rgyas 'od srungs 'khor dang bcas pa skyed mos tshal de nyid kyi nang du spyan drangs te/ bza' ba dang bca' bgatsang ma bzang po mang pos tshim par byas te/ ci bzhed pa bstabs nas/ chos mnyan pa'i phyir spyan sngar 'dug go// de nas yang dag par rdzogs pa'i sangs rgyas 'od srungs kyis de la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so// de nas khye'u des mdza' sde bo rnams kyi phyir bza' ba dang bca' ba gzhan dag sta gon byed pa la zhugs so// de nas mdza' sde bo de rnams skyed mos tshul der lhags nas/ bdag cag gi bza' ba dang bca' ba sta gon byas pa de dag thams cad yang dag par rdzogs pa'i sangs rgyas 'od srungs 'khor dang bcas pa la phul lo zhes thos so/ / de thos ma thag tu de dag shas cher khros te/
- 133b
dag khros nas khye'u de bsad par byas so// de nas khye'u de 'jigs shing skrag par gyur nas/ drang srong smra bar song ste/ des gnas de nas pha ma gnyis la bzlugs te/ pha ma gnyis kyis 'thab mo zhi bar bya bar btsal ba las/ zhi bar byed ma nus nas/ khye'u des pha ma gnyis la gsol to// yang dag par rdzogs pa'i sangs rgyas 'od srungs kyi gsung rab la rab tu byung ngo / / de rab tu byung nas sde snod gsum lobs te/ rig pa dang grol ba'i spobs pa dang ldan pa'i chos smra bar gyur nas/ des pha ma gnyis skyabs su 'gro ba dang / bslab pa'i gzhi rnams la bkod nas/ sbyin pa dang sbyin pa'i bgo bsha' byed du bcug go/ de nas mdza' sde po de rnams kyis de rab tu byung ba mthong nas/ 'gyod pa skyes te/ bdag rug gis ma legs pa byas so snyam nas/ de dag gis de'i rkang pa la phyag 'tshal te bzod pa gsol to// de las skyabs su 'gro ba dang / bslab pa'i gzhi rnams kyang blangs so// de nas phyi zhig na dge slong de nad kyis thebs nas/ de rtsa ba dang / sdong bu dang / lo ma dang / me tog dang / 'bras bu'i sman rnams kyis rim gro byas kyang sos par byed ma nus te/ des 'chi kar ldan lam btab pa/ kye ma 'di ltar bdag gis yang dag par rdzogs pa'i sangs rgyas 'od srungs kyi bstan pa la tshe gcig tu tshangs par spyod pa spyad kyang / yon tan gyi tshogs ci yang ma thob na/
- 134a
dge ba'i rtsa ba 'dis bdag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// de'i pha ma gnyis dang mdza' sde bo rnams kyang de'i mdun na 'dug par gyur te/ de rnams kyis kyang thos nas smon lam btab pa/ bdag cag kyang khyod kho na la brten te sangs rgyas bcom ldan 'das de mnyes par byed par gyur cig/ mi mnyes par byed par ma gyur cig ces byas so/ / dge slong dag ji snyam du sems/ de'i tshe sde snod gsum par gyur pa gang yin pa de ni khyim bdag gi bu 'di kho na yin no// de'i tshe pha ma gnyis su gyur pa gang yin pa de gnyis ni da lta'i pha ma gnyis kho na yin no/ / des der tshe gcig tu tshangs par spyod pa spyad nas/ 'chi kar smon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes te/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs
- 134b
mnyam pa dang / mdzad pa mnyam pa dang / thabs mnyam pa brnyes par gyur nas/ 'dis mnyes par byas te/ mi mnyes par ma byas la/ nga nyid kyi bstan pa la rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// der de'i pha ma gnyis dang mdza' sde bo de rnams kyis kyang smon lam btab des/ da ltar yang 'di kho na la brten nas 'di rnams kyis nga mnyes par byas te/ mi mnyes par ma byas so// // bam po sum cu gnyis pa// 'thab pa zhes bya ba ni// gleng gzhi mnyan du yod pa na bzhugs te/ de'i tshe yul ko sa la dang / yul ma ga d+ha'i bar mtshams na/ seng ge mthu rtsal bdo ba gnyis 'dug ste/ de gnyis de na 'dug pas/ skye bo mang po la 'dog par byed de 'grul bcad do/ / de gnyis kyis la mchod pas/ su yang lam der 'gro mi nus par gyur to// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug
- 135a
pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su na gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du bab/ su ni ngas ngan song nas byung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du byi ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams smin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas
- 135b
bcom ldan 'das kyis seng ge de gnyis gdul ba'i dus la bab par dgongs nas/ tshe dang ldan pa kun dga' bo la bka' stsal pa/ kun dga' bo khyod song la/ dge slong rnams la bcom ldan 'das yul ma ga d+har phyogs su ljongs rgyu zhing gshegs kyi/ / su bcom ldan 'das dang lhan cig ljongs rgyu zhing 'gro 'dod pa de dag chos gos dag chos shig ces sgo zhig ces bka' stsal nas// bcom ldan 'das dbyar gnas shing / dbyar bzhugs nas/ dge slong mang pos zham ring byas te/ dge slong gi dge 'dun gyis mdun du bdar nas rgyal po'i khab tu chas te mthar gyis rgyu zhing gshegs gshegs nas/ seng ge'i nags lung du byon nas/ seng ge de gnyis zas tshol du song song ba las de gnyis phrad nas 'thab par chas so// bcom ldan 'das kyang de gnyis la thugs brtse ba'i phyir mdun logs su bzhes so/ / de nas thag ring po zhig nas seng ge de gnyis kyis bcom ldan 'das mthong ngo // mthong nas kyang seng ge de gnyis kyi khro ba'i kun nas dkris pa med par gyur te/ bcom ldan 'das la shin tu dga' bar gyur nas/ de gnyis bcom ldan 'das ga la ba der song ste phyin nas/ bcom ldan 'das kyi nabs la mgo bos phyag 'tshal te bcom ldan 'das kyi zhal du lta zhing 'dug go/ / de nas bcom ldan 'das kyis/ de gnyis la bka' stsal pa/ bzhin bzangs khyed gnyis sngon gyi nye bar spyod pa'i las kyis dud 'gro'i nang du skyes
- 136a
na/ khyed gnyis da ltar yang de 'ba' zhig gi rgyu byed cing 'dug go// bzhin bzangs gnyis 'di ltar 'du byed thams cad ni mi rtag go// chos thams cad ni bdag med do// mya ngan las 'das pa ni zhi ba'o// nga la sems dga' bar gyis shig dang / dud 'gro'i skye gnas dang bral bar 'gyur yang srid do zhes bka' stsal nas/ bcom ldan 'das gshegs so// de gnyis bcom ldan 'das las chos thos nas kha' chos so// dud 'gro'i skye gnas su skyes pa rnams ni me'i drod che ste/ bcom ldan 'das la sems dga' ba skyes bzhin du shi nas lha'i nang du/ skyes so// lha'i bu 'am lha'i bu mo skyes ma thag pa ni chos nyis kyis sems rnam pa gsum skye bar 'gyur te/ bdag gang nas shi 'phos/ gang du skyes/ las gang gis skyes snyam mo// de nas dud 'gro las shi 'phos pa dang / lha'i nang du skyes pa dang / bcom ldan 'das la sems dga' bar gyur par de gnyis kyi mthong ngo // de nas de gnyis kyis bsams pa/ bdag cag gnyis zhag lon nas gzod bcom ldan 'das blta ba'i phyir 'gro ba ni bdag cag gnyis kyi cha ma yin gyis/ bdag cag gnyis zhag ma lon par bcom ldan 'das blta ba'i phyir 'gro'o snyam mo// de nas sngon seng ger gyur pa'i lha'i bu rna cha gdub kor dag cing mgul pa thogs pa/ lus do shal dang se mo des brgyan pa/ nor bu rin po che sna tshogs kyis spras pa'i cod pan can/ lus gur
- 136b
kum dang / ta ma la'i lo ma dang / sdig ka la sogs pas byugs pas/ de gnyis kyis de nyid kyi mtshan mo lha'i me tog ut+pa la dang / pad+ma dang / ku mud dang / pad+ma dkar po dang man+dA ra ba rnams kyis thu ba bkang ste/ rgyal bu rgyal byed kyi tshal thams cad 'od chen pos snang bar byas nas/ bcom ldan 'das la me tog gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'dug go// de nas bcom ldan 'das kyis de gnyis la de dang 'thun pa'i chos bstan te/ de gnyis kyis chos thos nas bden pa mthong bar gyur te/ de gnyis bden pa mthong nas rang gi gnas su song ngo // de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig bcom ldan 'das blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig nga blta ba'i phyir 'ongs
- 137a
pa ma yin gyi/ dge slong khyed kyis nags khung dkon pa na/ se ge gnyis phan tshun 'thab cing 'dug pa mthong ngam/ gsol pa/ btsun pa mthong lags so// bka' stsal pa/ ngas de gnyis la chos bstan te/ de gnyis kyis ngalas chos thob nas kha 'a chos te/ de gnyis shi 'phos te dus las 'das pa las lha'i nang du skyes te/ lhar gyur nas nga'i thad du 'ongs te/ de gnyis ngas chos bstan nas/ nga las chos thos pa des na de dag gis bden pa mthong nas rang gi gnas su song ngo // de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis seng ge de gnyis kyi kho na byang bar mdzad de/ mtho ris dang thar pa thob pa mdzad la/ yul 'khor gnyis kyi 'jig pa bsal ba la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di gnyis kyi 'o/ byang bar byas nas/ bsam gtan pani dang / mngon par shes lnga la bkod de/ yul 'khor gnyis kyi 'jigs pa yang ji ltar bsal ba de nyon cig/ dge slong dag sngon byung ba 'das pa'i dus na/ yul ka shi'i rgyal po tshangs bas byin dang / bi de ha'i rgyal po dbang chen sde gnyis phan tshun mi mthun par gyur nas/ de gnyis kyis dus dus su skye bo phal ngo che la 'dog par byed do// de nas phyi zhig na de gnyis kyis
- 137b
dpung gi tshogs yan lag bzhi go bskon nas/ g.yul 'gyed par 'dod pa'i phyir so mtshams na 'khod do// de gnyis 'khod pa'i 'dab na dka' thub kyi nags shig na/ drang srong mngon par shes pa lnga dang ldan pa/ rdzu 'phrul che ba zhig gnas pa des de gnyis la snying brtse ba'i phyir steng gi nam mkha' las 'ongs nas/ de gnyis kyi bar mtshams su 'dug go// de nas drang srong de mthong nas/ de gnyis kyi khro ba'i kun nas dkris pa med par gyur nas/ drang srong de la shas cher dga' bar gyur to// de gnyis dga' bar gyur nas/ drang srong de la smras pa bka' stsal pa ci mchis/ drang srong des smras pa/ kho na byang bar gyis shig/ rgyal po de gnyis kyis smras pa/ drang srong gis ji skad bka' stsal pa de bzhin du 'tshal lo zhes smras nas mjal du ma byas te/ drang srong gi rkang pa la phyag 'tshal nas/ chos mnyan pa'i phyir drang srong gi mdun du 'dug go// drang srong des kyang de gnyis la de dang 'thun pa'i chos bstan te/ des na rgyal po de gnyis kyi so so'i bu rab rgyal sar bcug nas/ drang srong de nyid kyi thad du rab tu byung ste/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe ka shi'i rgyal po tshangs pa byin dang / bi de ha'i rgyal po dang
- 138a
chen sder gyur pa gang yin pa de gnyis ni seng ge 'di gnyis kho na yin te/ de'i tshe yang ngas de gnyis kyi kho na byang bar byas nas rab tu byung ste/ bsam gtan bzhi dang / mngon par shes pa lnga bskyed do// da ltar yang ngas 'di gnyis kyi kho na byang bar byas nas/ mtho ris dang thar pa thob par byas so// gsol pa/ btsun pa 'di gnyis kyis las ci bgyis na/ las de'i rnam par smin pas seng ger skyes lags/ las ci bgyis na/ de nas shi 'phos nas lha'i nang du skyes la/ 'di gnyis kyis bcom ldan 'das mnyes par bgyis te/ mnyes par ma bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di gnyis dge bsnyen du gyur te/ kha mi mkhas la der 'di gnyis khros pas skye bo mang po la dud 'gro zhes bya ba'i tshig smras pa/ der 'di gnyis kyis tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig ces byas so// dge slong dag ji snyam du sems de'i tshe dge bsnyen du gyur pa gang yin pa de gnyis ni seng ge 'di gnyis kho na yin te/ deg
- 138b
kyis der skye bo mang po la dud 'gro zhes bya ba'i tshig brjod pa'i las de'i rnam par smin pas ni dud 'gror skyes so/ / de gnyis kyis der tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa des ni/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes nas/ 'di gnyis kyis nga mnyes par byas te/ mi mnyes par ma byas pa 'di na 'das pa'i dus kyi las yin no// da ltar byung ba'i las gang zhe na/ de gnyis seng ger gyur nas/ ngal sems dga' bar byas pa des na/ lha'i nang du skyes te/ 'di ni da ltar byung ba'i las yin no// rIs bzung zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na nags khrod cig na ri dgas kyi rngon pa gcig gis ri dwags gshor ba'i phyir rgya dang / rI dang / mdzel rlubs dang / rnyong mang po dag btsugs nas/ der ri dgas mang po zhig bzung ngo // rngon pa de dag kyang nang par sngar langs te/ nags khrod der dong nas/ de dag gis der ri dgas ci zin pa rnams mdas 'phangs te bsad nas de dag las nyung shas cig lus so/ / de'i tshes phyogs der bcom ldan 'das kyang gshegs so// de nas ri dgas de rnams dang rngon pa de rnams kyis thag ring po zhig nas bcom ldan 'das mthong
- 139a
ngo / / mthong nas kyang bcom ldan 'das la shin tu dga' bar gyur to// dga' bar gyur nas/ rngon pa de dag bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de rnams kyi bsam pa dang / bag la nyal dang / khams dang shes pa dang / rang bzhin thugs su chud nas/ de dang 'thun pa'i chos bstan te/ des na rngon pa de rnams kyis stan de dag nyid la 'khod bzhin du rgyun du zhugs pa'i 'bras bu mngon sum du byas te/ de dag gis bden pa mthong nas gsol pa/ btsun pa bdag cag legs par gsungs pa'i chos dul ba la rab tu 'byung zhing dge slong gi dngos po thob tu rung na/ bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dag dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du byas so// ri dgas de rnams bcom ldan 'das la sems dga' bzhin du shi 'phos te dus las 'das nas lha'i nang du skyes so/ / lha'i bu 'am/ lha'i bu mo skyes ma thag pa ni chos nyid kyis sems rnam pa gsum
- 139b
skye bar 'gyur te/ bdag gang nas shi phos/ gang du skyes/ las gang gis skyes snyam mo// de nas dud 'gro las shi 'phos pa dang / lha'i nang du skyes pa dang / bcom ldan 'das la sems dga' bar gyur par de dag gis mthong ngo / / de nas de dag gis bsams pa/ bdag cag zhag lon nas gzod bcom ldan 'das blta ba'i phyir 'gro ba ni bdag cag gi cha ma yin gyi/ bdag cag zhag ma lon par bcom ldan 'das blta ba'i phyir 'gro'o snyam mo// de nas sngon ri dgas su gyur pa'i lha'i bu rna cha gdub kor dag cing mgul pa thogs pa/ lus do shal dang se mo dos brgyan pa/ nor bu rin po che sna tshogs kyis sbas pa'i cod pan can/ lus gur kum dang / ta ma la'i lo ma dang / sprig ka la sogs pas byugs pa de dag gis/ de nyid kyi mtshan mo d+ha me tog ut+pal dang / pad+ma dang / ku mu da dang / pad+ma dkar po dang / man+dA ra ba rnams kyis bru ba bkang ste/ rgyal bu rgyal byed kyi tshal thams cad 'od chen pos snang bar byas nas bcom ldan 'das la me tog gis gtor te/ bcom ldan 'das kyi zhabs la mgo bos phyag 'tshal nas/ chos mnyan pa'i phyir bcom ldan 'das kyi spyan sngar 'khod do// de nas bcom ldan 'das kyis de dag la de dang 'thun pa'i chos bstan te/ de dag gis chos thos nas bden pa mthong bar gyur te/ de dag gis bden pa mthong nas/ rang gi gnas su dong ngo //
- 140a
de nas dge slong rnams kyis rgyal bu rgyal byed kyi tshal thams cad snang ba chen pos khyab par gyur pa mthong nas/ bcom ldan 'das la zhus pa/ bcom ldan 'das ci lags/ mdang sum mi mjed kyi bdag po tshangs pa 'am/ lha'i dbang po brgya byin nam/ 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig bcom ldan bdas blta ba'i slad du mchis lags sam/ bcom ldan 'das kyis bka' stsal pa/ dge slong dag mdang sum mi mjed kyi bdag po tshangs pa'am/ lha'i dbang po brgya byin nam 'jig rten skyong ba bzhi 'am/ lha'i bu rdzu 'phrul che zhing mthu che ba gzhan 'ga' zhig nga blta ba'i phyir 'ongs pa ma yin gyi/ dge slong khyed kyis nags khung dgon pa na/ ri dgas lnga brgya rngon pa rnams kyis mdas 'phangs te bsad pa mthong ngam/ gsol pa/ btsun pa mthong lags so// bka' stsal pa/ de dag nga la sems dga' bar gyur bzhin du shi 'phos nas/ dus las 'das pa las lha'i nang du skyes te/ lhur gyur nas nga'i thad du 'ongs te/ de dag la ngas chos bstan nas/ nga las chos thos pa des na/ de dag gis bden pa rnams mthong ste/ de dag gis bden pa mthong nas rang gi gnas su dong ngo // de nas dge slong rnams kyis bcom ldan 'das la zhus pa/ btsun pa rngon pa de dag gis las ci bgyis na/
- 140b
las de'i rnam par smin pas gdol pa'i rigs su skyes lags/ ri dgas de dag gis las ci bgyis na/ las de'i rnam par smin pas ri dgas su skyes nas/ 'di rnams kyis bcom/ ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la 'di dag thams cad rab tu byung ste/ dge slong 'thab krol cad la mi mkhas pa sha stag tu gyur te/ dge slong dag der de rnams kyis gdol pa zhes bya ba'i tshig brjod do// kha cig gis dud 'gro zhes bya ba'i tshig brjod de/ gang dag gis dud 'gro zhes bya ba'i tshig brjod pa de dag ni dud 'gror skyes so// gang dag gis gdol pa zhes bya ba'i tshig brjod pa de dag ni gdol par skyes so// der tshe gcig tu tshangs par spyod pa spyad nas/ dbang po rnams yongs su smin par byas pa des ni/ da ltar rnam par grol bar gyur to// gong ma sreg ces bya ba ni/ bcom ldan 'das dge slong nyis brgya lnga bcu'i dge slong gi dge 'dun chen po dang / tshong pa lnga brgya dang / sprang po lnga brgya dang thabs gcig tu ljongs rgyu zhing gshegs pa las/ nags khrod gcig tu lam byung ste/ bcom ldan 'das gshegs pa'i tshe/ nags khrod de'i nang gi gnas su me chen po 'bar nas/ der skye bo phal po che dga' dzags shing skrag par gyur te/ bdag cag ni tshig zin no// bdag cag ni
- 141a
'tsho bar 'gyur ba'i skabs med do snyam mo/ / de nas bcom ldan 'das kyis skye bo phal po che dag 'jigs shing skrag pa gzigs so// gzigs nas kyang 'gron po de rnams kyi mdun logs su gshegs nas/ tshigs su bcad de bka' stsal pa/ sangs rgyas kun gyi stobs gang dang // dgra bcom rnams kyi stobs gang dang // sangs rgyas dkon mcho gzi brjid kyis/ / me khyod lam ni dbye bar gyis// sangs rgyas kun gyi stobs gang dang // dgra bcom rnams kyi stobs gang dang // dam chos dkon mchog gzi brjid kyis// me khyod lam ni dbye bar gyis/ / sangs rgyas kun gyi stobs gang dang // dgra bcom rnams kyi stobs gang dang // dge 'dun dkon mchog gzi brjid kyis// me khyod lam ni dbye bar gyis// bcom ldan 'das kyis de skad ces gsungs ma thag tu me zhi bar gyur nas/ tshong pa de dag bcom ldan 'das la shin tu dga' bar gyur to// dga' bar gyur nas/ chos mnyan pa'i phyir bcom ldan 'das kyi spyan sngar 'khod do/ / de nas bcom ldan 'das kyis de dang 'thun pa'i chos bstan te/ des na de dag gi nang nas kha cig gis dro bar gyur pa bskyed do// kha cig gis ni spyi bo dang / bden pa dang 'thun pa'i bzod pa dang / 'jig rten gyi chos kyi mchog dang mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon
- 141b
sum du byas so/ / kha cig gis ni lan cig phyir 'ong ba'i 'bras bu mngon sum du byas so// kha cig gis ni phyir mi 'ong ba'i 'bras bu mngom sum du byas so// kha cig gis ni rab tu byung nas dgra bcom pa nyid mngon sum du byas so/ / kha cig gis ni 'khor los sgyur ba'i rgyal por 'gyur ba'i sa bon bskyed do// kha cig gis ni stobs kyi 'khor los sgyur bar gyur pa dang / kha cig gis ni brgya byin du 'gyur ba dang / kha cig gis ni tshangs par 'gyur ba dang / kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa/ yang dag par rdzogs pa'i byang chub kyi sa bon bskyed do// 'khor de dag gi nang nas phal cher ni sangs rgyas la gzhol/ chos la 'bab/ dge 'dun la bab par byas te dkod do// de nas dge slong rnams kyis/ bcom ldan 'das la gsol pa/ btsun pa bcom ldan 'das kyis skye bo phal po che zhugs kyis tshig par 'gyur ba las thar par mdzad nas/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas dud 'gro bal po che me'i 'jigs pa las bskyabs nas/ ji ltar 'jigs pa med pa'i gnas su bkod pa de nyon cig/ dge slong dag sngon byung ba 'das pa'i dus na/ nags khrod gcig na bya phal po che zhig gnas
- 142a
yA/ sa/ de nas rnags rjod shi sum pa la gci drud pa las mi byung bya dag rgyu nas na nus paden dang / 'thon nus pa dang gle rnas na sa bor ro/ / de'i tshe byang chub sems dpa' gong ma sreg tu skyes pa zhig yod de/ byang chub sems dpa' des thag ring po zhi ga nas me 'bar zhing 'ong ba mthong ngo // mthong nas kyang de sems can de dag la snying rje skyes te/ bdag gis sems can sdug bsngal dang phrad pa 'di rnams kyi phyir yang brtson 'grus ma bskyed na/ bdag gis sems can rnams 'khor ba las ji ltar bsgral bar bya snyam dubasams nas/ byang chub sems dpa' des 'dab ma chur spangs nas/ me chen po'i steng gi nam mkha' la 'dug ste/ 'dab ma sprugs nas tshigs su bcad de smras pa/ 'di dag 'dab ma yod mod kyi/ / 'di dgad dung 'phur mi nus// 'di dag rkang pa yod mod kyi// 'di dgad dung 'gro mi nus// 'di rnams pha ma 'phur te song // me khyod sdod lam 'gul zhig/ bden dang bden tshig gang yin pa/ / bdag gis byams sems rab bsgoms pa'i// bden pa'i tshig ni 'di yis ni// me khyod snod lam 'gul zhig/ de nas lha'i dbang po brgya byin gyis byang chub sems dpa' sems can gyi don gyi phyir mi dga' zhing 'dug pa mthong ngo / / mthong nas kyang des bsams pa/ 'di ni bskal pa bzang po'i byang chub sems dpa' yin te/ sems
- 142b
can la phan pa'i phyir mi dga' zhing 'dug gis/ ma la bdag gis grogs bya'o snyam nas/ lha'i dbang po brgya byin gyis char mo che ba pa ste/ me de zhi bar gyur nas/ sems can de dag thams cad me'i 'jigs pa las thar bar gyur to/ / dge slong dag ji snyam du sems/ de'i tshe bya gong ma sreg tu gyur pa byang chub sems dpa'i spyod pa la gnas pa gang yin de ni nga nyid yin no/ / de'i tshe nags khrod de na gnas pa'i sems can du gyur pa de dag ni skye bo phal po che 'di dag kho na yin te/ de'i tshe yang ngas de dag me'i 'jigs pa las thar bar byas te/ 'jigs pa med pa'i gnas su bkod do/ / da ltar yang ngas 'jigs pa las thar bar byas nas/ g.yung drung gi mthar thug pa 'grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi gsung rab la 'di dag thams cad kha cig ni rab tu byung ngo // kha cig ni dge bsnyen du gyur te/ der 'di rnams kyis tshegacig tu tshangs par spyod pa'i gnas bsrungs nas/ dbang po rnams yongs su smin par byas pa des na/ de ltar rnam par grol bar gyur to// pa zhes bya ba ni gleng ga ni rgyal po'i khab ni bzhugs te/ de'i tshe rgyal po'i khab na khyim bdag nor can zhes bya ba phyug cing nor mngal longs spyod che ba/ yongs su 'dzin pa yang shing rgya che ba/ rnam
- 143a
thos kyi bu'i nor dang mnyam pa/ rnam thos kyi ngu'i nor dang 'gran pa zhig gnas pa des/ thabs bla bab pa las chung ma blangs nas/ de de dang lhan cig rtse zhing dag la dga' dgur spyod pa las/ phyi zhig na de'i chung ma la bu chags nas/ de zla ba dgu'am bcu lon pa dang / khye'u gzugs bzang zhing blta na sdug la mdzes pa/ mdog bzang po gser gyi gdog can/ mgo bo gdugs ltar 'dug pa/ lag pa ring ba/ dpral ba'i dbyes che ba/ sna mtho ba/ sna legs pa/ smin ma stug pa zhig btsas te/ khye'u de btsas ma thag tu/ skye bo phal po ches blta na sdug par gyur to// de nas de'i btsas ston rgyas par byas nas/ khye'u 'di'i ming ji skad gdags zhes ming 'dogs par byed de/ khye'u 'di bcas ma thag tu skye bo phal po ches blta na sdug par gyur pas na/ de'i phyir khye'u 'di'i ming blta na sdug ces gdags so zhes zer ro// de nas khye'u blta na sdug la 'o ma dang / zho dang / mar dang / zhun mar dang / mar gyi snying khus bskyed bsrings nas/ rgyal po'i khab thams cad du de'i grags pa rgyas par gyur to// de nas gang gi tshe bcom ldan 'das kyis bla na med pa'i ye shes brnyes nas mthar gyis gdul bar bya ba'i don mdzad cing rgyal po khyab tu byon pa de'i tshe/ der bcom ldan 'das kyis 'od ma'i tshal bzhes nas/ sems can stong phrag du ma skyabs su 'gro ba dang / bslab pa smi na
- 143b
rnams la bkod do/ / skye bo mang po de dag kyang sde tshan nas sde tshan dang / batshan nas pa tshan dang / dga' sde nas dga' sder dus dus su bcom ldan 'das blta ba'i phyir 'dong bar byed do// phyin chad khye'u de blta ba'i phyir 'dong bar mi byed do// de nas phyi zhig na khye'u blta na sdug gis dris pa/ sngan chad ni skye bo mang po 'di dgang blta ba'i phyir 'ong na/ da ni nga blta ba'i phyir mi 'ong ba ci las gyur/ de dag gis smras pa/ de dag ni da ltar bcom ldan 'das blta ba'i phyir 'dong bar byed do// khye'u sa dris pa/ bcom ldan 'das zhes bya ba de su zhig/ de nas pha ma gnyis kyis de la bcom ldan 'das kyi bsngags pa rgyas par brjod do/ / de nas de thos ma thag tu khye'u de ngo mtshar du gyur te/ bdag pas ches blta na sdug pa de ji lta bu zhig snyam nas/ pha ma gnyis la smras pa/ yab yum bdag bcom ldan 'das de blta ba'i slad du mchi bar 'tshal lo// pa ma gnyis kyis smras pa/ bu thabs gcig tu 'dong ngo zhes smras pas/ pha ma gnyis khye'u de khrid de 'od ma'i tshal du song nas/ khye'u des thag ring po zhi ga nas sangs rgyas bcom ldan 'das sku skyes bu chen po'i mtshan sum cu rtsa gnyis kyi legs par brgyan cing sba bar byas pa/ me lus kyi dbyibs su 'dug pa lta bu/ me lce mar gyis btab pa lta bu/ mar me gser gyi snod du bzhag pa lta bu/ mchod sdong rin po che sna tshogs kyis sbas pa lta bu/ blo gsal zhing dri ma med
- 144a
la rnam par dag pa dang ldan pa'i sangs rgyas bcom ldan 'das mthong ngo / / mthong nas kyang bcom ldan 'das la mchog tu dga' ba skyes nas/ de la pha'i 'du shes kyang byung ste/ des pha pa zhes sgra phyung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ pa tsam du 'dzin cing bcom ldan 'das kyi zhabs drung du 'dug go/ / de'i pha ma gnyis kyang bcom ldan 'das kyi zhabs la mgo bos phyag 'tshal nas/ chos mnyan pa'i phyir spyan sngar 'dug go// de nas bcom ldan 'das kyis de dag gi rkyen du 'tsham pa'i chos bstan nas/ cang mi gsung bar bzhugs so// de nas khyim bdag nor can dang / de'i chung mas bcom ldan 'das kyi gtam mjug rdzogs par rig nas/ khye'u de'i lag pa nas bzung ste 'gro zhes byas na/ khye'u bcom ldan 'das kyi thad nas 'bral bar ma nus so// de nas pha ma gnyis kyis bsams pa/ bcom ldan 'das bdag cag gyi khyim du spyan drangs nas/ thabs des na 'di bdag cag gi khyim du bkri nus par 'gyur ro snyam nas/ bcom ldan 'das ga la ba de logs su thal mo sbyar ba btud de/ bcom ldan 'das la di skad ces gsol to/ / dgung bdun gyi bar du bcom ldan 'das bdag cag gi khyim du bshos gsol bar ci gnang zhes byas so// de nas bcom ldan 'das kyis khyim
- 144b
bdag de la cang mi gsung bas gnang ngo / / de nas khyim bdag des bcom ldan 'das kyis cang mi gsung bas gnang bar rig nas/ chung ma la smras pa/ bzang mo song la bcom ldan 'das/ kyi zhal zas sta gon gyis shig/ bdag ni khye'u dang lhan cig 'dug go zhes byas nas/ khyim bdag de khye'u de dang lhan cig tu 'od ma'i tshal du mtshan mo dgongs mal btab bo// chung mas kyang de nyid kyi mtshan mo bza' ba dang bca' ba gtsang ma bzang po mang po sbyar nas/ nang par sngar langs ste gdan bshams nas/ chur bkang ste bzhag nas/ bcom ldan 'das la 'phrin gyis gdugs tshod bskul ba/ btsun pa gdugs tshod la bab ste bshos lags na/ bcom ldan 'das kyis da de'i dus la bab par dgongs te gshegs su gsol zhes bskul to// de nas bcom ldan 'das snga dro sham thabs dang chos gos gsol te/ lhung bzed bsnams nus/ dge slong mang pos zham ring byas te/ dge slong gi dge 'dun gyis mdun du bdar nas khyim bdag de'i bkad sa ga la ba der gshegs te byon nas/ bcom ldan 'das dge slong gi dge 'dun gyi gung la gdan bshams pa la bzhugs so// de nas khyim bdag des sangs rgyas la sogs pa dge slong gi dge 'dun rnams bde bar bzhugs par rig nas/ rang gi lag nas bza' ba dang bca' ba gtsang ma bzang po mang pos tshim par byas te/ ci bzhed pa bstabs nas
- 145a
bcom ldan 'das bshos gsol zin te/ gsang sder ni gyu/ phyag ni bcabs par rig nas/ stan ches dma' ba zhig blangs te/ chos mnyan pa'i phyir 'khor dang bcas te bcom ldan 'das kyi spyan sngar 'khod do/ / de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na khyim bdag de 'khor dang bcas pas stan de dag nyid la 'khod bzhin du 'jig tshegs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhug pa'i 'bras bu mngon sum du byas so/ / de ltar bden pa mthong nas khye'u des pha ma gnyis la gsol te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dgra bcom pa
- 145b
khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das byis pa stong phrag du ma mthong yang su yang 'di kho na ltar bcom ldan 'das la 'jar bar mi bgyid lags so// bcom ldan 'das kyis bka' stsal pa/ khye'u 'di ni nga'i 'das ma thag pa'i tshe rabs lnga brgyar bur gyur pas na/ sngon gyi bag chags de kho nas 'di nga la 'jar bar byed do// gsol pa/ khye'u 'dis las ci bgyis na/ las de'i rnam par smin pas phyug cing nor mang la longs spyod che ba'i rigs su skyes te/ 'di gzugs bzang zhing blta na sdug la mdzes par gyur la/ 'dis bcom ldan 'das kyang mnyes par bgyis nas/ mi mnyes par ma bgyis te/ bcom ldan 'das kyi bstan pa la rab tu byung nas/ nyon mongs pa thams cad spangs te/
- 146a
dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ btsun pa 'dis smon lam gang du btab lags/ bcom ldan 'das kyis bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ der gang gi tshe yang dag par rdzogs pa'i sangs rgyas 'khor ba 'jig gis bla na med pa'i ye shes brnyes nas/ rgyal po'i pho brang mdzes ldan du gshegs pa de'i tshe/ rgyal po mdzes pas yang dag par rdzogs pa'i sangs rgyas 'khor ba 'jig gi phyir gtsug lag khang rnam pa thams cad yongs su rdzogs pa zhig byas nas/ yang dag par rdzogs pa'i sangs rgyas 'khor ba 'jig la phul lo// rgyal po mdzes pa de'i lugs kyis na/ nyin gcig bzhin du 'khor dang bcas te gtsug lag khang du 'gro zhing gtsug lag khang byi dor byed do/ / de nas byi zhig na rgyal po mdzes pa de gtsug lag khang du song ba la/ bya ba zhig byung nas/ des bu thu bo bskos te/ deng khyod kyis
- 146b
gtsug lag khang gi byi dor gyis shig ces bsgo nas rgyal po song ngo / / de nas rgyal po'i bu 'khor dang bcas pa gtsug lag khang gi byi dor byed pa la zhugs pa las/ yang dag par rdzogs pa'i sangs rgyas 'khor ba 'jig gis/ ci nas rgyal po'i bu des nyi ma nub kyi bar du yang gtsug lag khang gi byi dor byed mi nus pa de ltar byin gyis brlabs nas/ de gtsug lag khang de nyid du dgongs mal btab bo/ / de der dgongs ma la btab nas/ dge slong rnams cho 'phrul dag byed pa yang mthong // brgya byin dang tshangs pa la sogs pa 'ong ba yang mthong ngo // de nas de mthong ma thag tu de bcom ldan 'das la shin tu dga' bar gyur nas/ gtsug lag khang de nyid na dge slong dag gi rim gro byed pa la brtson par gyur te/ phyir grong khyer du 'gro mi 'dod pa gyur to/ / de der lo lnga stong gi bar du dge slong rnams la rim gro byed cing 'dug ste/ byams pa'i ting nge 'dzin yang bskyed nas/ des tshe gcig tu skyabs su 'gro ba dang / bslab pa'i gzhi rnams bsrungs nas/ 'chi kar smon lam btab pa/ dge ba'i rtsa ba 'dis na bdag gang dang gang du skye bar 'gyur ba de dang der gzugs bzang zhing blta na sdug la mdzes bar gyur cig/ bdag gis ston pa 'di lta bu mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams
- 147a
cad spangs te/ dgra bcom pa nyid mngon sum du byed par gyur cig ces byas so// dge slong dag ji snyam du sems/ de'i tshe rgyal po'i bur gyur pa gang yin pa de ni khye'u 'di kho na yin te/ des der yang dag par rdzogs pa'i sangs rgyas 'khor ba 'jig gi nyan thos kyi dge 'dun rnams la bkur sti byas nas/ smon lam btab pa'i las de'i rnam par smin pas gang dang gang du skye ba de dang der byug cing nor mngal longs spyod che ba'i rigs su skyes te/ dge slong dgang yang dag par rdzogs pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so// des der byams pa bsgoms pa'i las de'i rnam par smin pa des ni/ gang dang gang du skyes pa de dang der gzugs bzang zhing blta na sdug la mdzes par gyur to// gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ste/ der 'dis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// mi rgod ces
- 147b
bya ba ni/ gleng gzhi mnyan du yod pa na bzhugs te/ de'i tshe mnyan du yod pa dang rgyal po'i khab kyi bar mams na/ shing sA las nags khung na mi rgod lnga brgya tsam zhig khro zhing gnas te de dag de na 'khod pas/ skye bo mang po kha 'dog par byed do// de nas phyi zhig na der 'gron po mang po dag cig bcom nas tshong pa rnams rgyal po gsal rgyal gyi thad du dong ste/ rgyal po la gsol nas/ rgyal po gsal rgyal gyis/ bu 'phags skyes po dpung gi tshegs yan lag bzhi dang 'grogs te der btang nas mi rgod lnga brgya po de dag gson por bzung ste 'ongs nas rgyal po gsal rgyal la phul lo/ / de nas rgyal po gsal rgyal gyis mi rgod lnga brgya gsod du btang ste/ gshed ma rnams kyis mi rgod lnga brgya po de dag bsad pa'i sar khrod pa na/ sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs
- 148a
pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang / nyam nga ba dang / gnod pa dang ldan/ su ni ngan song du gzhol su ni ngan song du 'bab/ su ni ngan song du bab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa la yongs su smin par bya// su ni dge ba'i rtsa ba rnams yongs su smin zin pa las ye shes kyi mtshon gyis brtol bar byasu la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go/ / rgya mtsho chu srin rnams kyi gnas// dus rlabs yol bar 'gyur yang srid/ / gdul bar bya ba'i sras rnams la// sangs rgyas dus las yol ba med// de nas bcom ldan 'das kyis mi rgod lnga brgya gdul ba'i dus la bab par
- 148b
dgongs nas/ rgyal bu rgyal byed kyi tshal nas mi snang bar gyur te/ rgyal po'i khab tu gshegs so// de nas rgyal po gsal rgyal gyis thag ring po zhi gnas bcom ldan 'das mthong ngo // mthong nas kyang bcom ldan 'das ga la ba der song ste byin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to// bcom ldan 'das ci la gshegs lags/ bcom ldan 'das kyis bka' stsal pa/ rgyal po chen po rigs kyi bu lnga brgya po de rnams ma gsod par thong zhig/ rgyal po gsol pa/ gal te rab tu 'byung na btang bar 'tshal lo zhes gsol nas/ de nas rgyal po gsal rgyal gyis mi rgod lnga brgya po de dag phyir bzlog ste/ bcom ldan 'das la phul lo// de nas bcom ldan 'das kyis de rnams rgyal bu rgyal byed kyi tshal du khrid nas rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang 'bad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ bcom ldan 'das la gsol pa/ pa bcom ldan 'das kyis mi rgod lnga brgya srog 'phangs pa stsal te/ g.yung drung gi mthar thug pa grub pa dang bde ba'i mya ngan las 'das pa la bkod pa la gzigs/ bcom ldan 'das
- 149a
kyis bka' stsal pa/ da ltar baba' zhig ma yin te/ 'das pa'i dus na yang ngas rigs kyi bu lnga brgya po 'di rnams srog 'phangs pa byin te/ ji ltar bsam gtan bani dang / mngon par shes pa lnga la bkod pa de nyon cig/ dge slong dag sngon byung ba 'das pa'i dus na/ yul bi dwe ha zhes bya ba na/ rgyal po dbang chen sde zhes bya ba rgyal po byed de/ de nas phyi zhig na rgyal po des dpung gi tshogs yan lag bzhi go bskon nas/ ro dgas gshor du song ba las/ rgyal po de la blon po lnga brgyas glags btsal te/ de dag gis bsams pa/ de ni rgyal po 'di bdag cag gi lag na 'dug gis/ 'di na 'dug pa kho na'i tshe bdag cag gis 'di bsad do snyam mo// 'jig rten dag ni dgra dang thun gyi nang na 'dug ste/ der gzhan dag gis rgyal po la sbran nas/ de thos ma thag tu rgyal po dbang chen sde blon po lnga brgya po de dag gsod du btang ste/ de dag gshed ma rnams kyis khrid nas nags khrod cig tu zhugs te/ gsod ces byas pa las/ nags khrod de na drang srong gcig gnas te/ drang srong des blon po lnga brgya po de dag rgyal po dbang chen sde la gtong du bcug nas/ dka' thub kyi gnas su khrid de rab tu byung ngo / / rab tu byung nas de dag gis kyang bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub
- 149b
sems dpa'i spyod pa la gnas pa gang yin pa de ni nga nyid yin no/ / de'i tshe blon po lnga brgyar gyur pa de dag ni rigs kyi bu lnga brgya po 'di dag kho na yin te/ de'i tshe yang de dag gsod du btang ba las ngas srog 'phangs pa byin te/ bsam gtan bzhi dang / mngon par shes pa lnga la bkod do// da ltar yang 'di rnams pas srog byin nas g.yung drung gi mthar thug pa grub pa dang bde ba'i mya ngan las 'das pa la bkod do/ / gzhan yang yang dag par rdzogs pa'i sangs rgyas 'od srungs kyi bstan pa la 'di rnams rab tu byung nas/ 'di rnams kyis der tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// sha za zhes bya ba ni/ gleng gni rgyal po'i khaban bzhugs te/ de'i tshe mnyan du yod pa dang rgyal po'i khab kyi bar mtshams na sha za stong gnas te/ de dag gis de phyogs su 'grul bcad de/ yul ma ga d+ha dang / yul ko sa la'i skye bo mang po kha 'dog par byed do/ / de nas rgyal po gsal rgyal gyis/ rgyal po gzugs can snying po la pho nyas bzlugs te/ mnyan du yod pa dang rgyal po'i khab kyi bar mas sa na sha za stong gnas te// de dag de nas 'khod pas yul gnyis la gnod pa chen po byed pa khyod kyis shes sam/ bcom ldan 'das kyang khyod kyi khams na bzhugs na/ sha za de rnams kyi phyir khyod kyis bcom ldan
- 150a
'das la gsol ba'i rigs so zhes spring ngo / / de nas de thos ma thug tu rgyal po gzugs can snying po bcom ldan 'das ga la ba der song ste phyin nas/ bcom ldan 'das kyi gas la mgo bos phyag 'tshal te/ phyog gcig tu 'dug go// phyog gcig tu 'dug nas// bcom ldan 'das kyis rgyal po gzugs can snying po la chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par rab tu dga' bar mdzad de/ chos kyi gtam rnam grangs du mas yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ cang mi gsung bar bzhugs so// de nas rgyal po gzugs can snying pos bcom ldan 'das kyi gtam gyi mjug rdzogs par rig nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// btsun pa bcom ldan 'das kyis klu ma rungs pa dga' bo dang / nye dga' la sogs pa yang btul/ gnod sbyin ma rungs pa 'brog gnas la sogs pa yang btul na/ yul ma ga d+ha dang yul ko sa la gnyis kyi bar mtshams na sha ba'i tshogs chen po gnas te/ de dag de na 'khod pas skye bo mang po la gnod pa bgyis na/ bcom ldan 'das kyis sha za'i tshogs de dag thugs brtse
- 150b
slad du gdul bar gsol/ de nas bcom ldan 'das kyis rgyal po gzugs can snying po la cang mi gsung bas gnang ngo // de nas rgyal po gzugs can snying pos bcom ldan 'das kyis cang mi gsung bas gnang bar rig nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyis sha za de rnams gdul ba'i dus la bab par gzigs nas/ rgyal po'i kha ba nas mi snang bar gyur te/ sA la'i nags khung sha za rnams kyi 'dab tu gshegs so// de rnams kyis thag ring po zhig nas bcom ldan 'badas mthong ngo / / mthong nas kyang gzugs mi sdug par bsgyur te/ shugs chen pos bcom ldan 'das kyi thog tu brgyugs so// de nas bcom ldan 'das kyis 'jig rten pa'i thugs bskyed de/ kye ma rgyal po chen po rnam thos kyi bu gnod sbyin che bar grags so cog dang lhan cig tu nga blta ba'i phyir 'ongs na legs so snyam du dgongs nas/ bcom ldan 'das kyis thugs bskyed ma thag tu rgyal po chen po rnam thos kyi bu gnod sbyin che bar grags so cog dang lhan cig tu bcom ldan 'das ga la ba der song ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// de nas rgyal po chen po rnam thos kyi bu dang / gnod sbyin che bar grags so cog gzhan dag gis sha za'i tshogs rnams gtses nas/ de dag
- 151a
'jigs shing skrag ste/ phan tshun nu 'byer bar brtsams pa las/ bcom ldan 'das kyis de dag gdul ba'i bIr khor khor yug nas me chen po sprul nas/ de dag gis bdag cag nyid me chen pos 'khor bar mthong ste 'bros kyang ma nus nas/ bcom ldan 'das kyi zhabs drung 'ba' zhig zhi bar mthong ste/ sbubs tshol zhing bcom ldan 'das ga la ba der dong ste lhags nas/ bcom ldan 'das la bskor te 'khod do// de nas bcom ldan 'das kyis/ sha za rnams la bka' stsal pa/ khyed sngon gyi sdig pa mi dge ba'i las kyis sha za'i skye gnas dma' bar skyes la/ da ltar yang khyed skye bo mang po la gnod par byed na/ 'di nas shi 'phos na khyed kyi 'gro ba ni cir 'gyur/ skye gnas ni ci yin/ 'gro ba'i sa ni gang yin/ dag gis smras pa/ bcom ldan 'das kyis bdag cag la bka' ci stsal/ bcom ldan 'das kyis bka' stsal pa/ de phyin chad sdig pa'i las 'or la/ skyabs su 'gro ba dang / bslab pa'i gzhi rnams zung zhig/ sha za rnams kyis gsol pa/ bcom ldan 'das kyis bdag cag la bka' ji skad stsal pa de bzhin du 'tshal lo zhes gsol nas/ sha za de rnams kyis skyabs su 'gro ba dang / bslab pa'i gzhi rnams blangs te/ dbyin chad sdig pa'i las spangs so// de nas bcom ldan 'das kyis de dag la de dag dang 'tsham pa'i chos bstan nas/ shing sA
- 151b
la'i nags khung nas mi snang bar gyur te/ 'od ma'i tshal du gshegs so// sha za de rnams kyang bla na med pa'i lam la gnas par gyur nas/ phan tshun 'grul pa rnams la chu sbyin par byed do/ / kha zas kyang sbyin par byed do// lam stor ba rnams la yang lam ston par byed do// de nas yul ka shi dang / yul ko sa la'i mi rnams ngo mtshar du gyur te/ bcom ldan 'das kyis 'di ltar gdul dka' ba 'di dag btul to zhes 'dzer to/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis sha za 'di dag kyang btul te/ skyabs su 'gro ba dang / bslab pa'i gzhi rnams 'dzin du stsal/ skye bo phal po che la yang sman yon btags pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas 'di rnams sdig pa'i las las bzlog ste/ ji ltar dge ba bcu'i las kyi lam la bkod pa de nyon cig/ dge slong dag sngon byung ba 'das pa'i dus na/ sa phyogs 'di nyid na sha za'i tshogs chen po gnas gnas te/ de dag 'di na gnas pas/ yul ka shaM dang / yul ko sa la'i mi rnams ma rung bar byed pa las rgyal po'i khab kyi grong khyer na dka' thub kyi gnas shig na drang srong zhig gnas te/ skye bo mang po de dag gis sha za de dag gdul ba'i phyir drang srong de la gsol ba btab nas/ drang srong des sha za de
- 152a
dag btul te/ dge ba bcu'i las kyi lam la bkod do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe sha zar gyur pa gang yin pa de dag ni sha za 'di dag kho na yin te/ de'i tshe yang ngas 'di dag btul te/ dge ba bcu'i las kyi lam la bkod do// daltar yang ngas 'di dag sdig pa'i las las zlog te/ dge ba bcu'i las kyi lam la bkod do// // bam po sum cu gsum pa/ dbang po'i mgo zhes bya ba ni/ gleng gzhi rgyal po'i khab na bzhugs te/ de'i tshe yul yangs pa can na/ 'phong gi slob dpon dbang po'i mchog ces bya ba/ 'phong gi rig pa thams cad kyi mthar phyin pa zhig gnas pa des litsa byi lnga brgya la 'phong gi rig pa bslabs nas/ de dag kyang de la mthar byin par gyur te/ stobs po cher yang gyur to// de nas phyi zhig na rgyal po'i khab na gnas pa rnams dang yangs pa can na gnas pa rnams 'gras par gyur to/ / rgyal po'i khab na gnas pa rnams kyis dpung gi tshogs yan lag bzhi go bskon nas/ g.yul 'gyed pa'i phyir yang ba can na gnas pa rnams kyi steng du drangs so/ / de nas 'phong gi slob dpon dbang po'i mgos rgyal po'i khab na gnas pa rnams kyis g.yul 'gyed pa'i phyir bdag cag gi steng du drangs so zhes thos so// thos nas
- 152b
/ kyang g.yul 'gyed pa'i phyir 'khor lnga brgya dang bcas te rgyal po'i khab kyi dmag gi steng du drangs so// de dag gis drangs nas skye bo mang po kha btag ste/ de nas rgyal po'i khab kyi dmag rnams bros so/ / de bzhin du lan gnyis lan gsum nas/ lan lnga'i bar du rgyal po'i khab kyi skye bo mang po rnams kha btag go// de nas 'phong gi slob dpon dbang po'i mgos mi lnga stong mdas 'phangs te bsad do zhes thog thag tu grags so/ / de nas phyi zhig na rgyal po'i khab na gnas pa'i mi rnams kyis/ bcom ldan 'das la gsol te/ btsun pa dbang po'i mgo de ni bdag cag gi dgra ma lags pa'i dgra/ 'akran zla ma lags pa'i 'gran zla lags te/ btsun pa des ni mi lnga stong tsam kha btag lags na/ bcom ldan 'das kyis thugs brtse ba'i slad du dbang po'i mgo gdul bar gsol zhes byas so/ / de nas bcom ldan 'das kyis rgyal po'i khab kyi mi rnams la cang mi gsung bas gnang ngo // de nas rgyal po'i khab kyi mi rnams kyis bcom ldan 'das kyis cang mi gsung bas gnang bar rig nas/ bcom ldan 'das kyi thad nas dong ngo // de nas bcom ldan 'das kyis ci nas phyin chad dbang po'i mgo 'phong mi shes pa de lta bur byin gyis brlabs nas/ de rmongs par gyur to/ / ci'i phyir bdag 'di kho na ltar ma rung bar gyur snyam mo// de nas des ji ltar bcom ldan 'das rgyal po'i khab na bzhugs pa las/ dgyes bzhin du yangs pa can du gshegs pa
- 153a
thos nas des bsams pa/ bcom ldan 'das ni thams cad mkhyen pa/ thams cad gzigs pa yin pas/ de ci'i phyir bdag 'bong gi rig pa mi shes par gyur pa thug su chud do snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des na dbang po'i mgos stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo/ / bcom ldan 'das kyis bka' stsal pa/ dbang po'i mgo re zhig slob ma rnams sbron cig dang / de'i 'og tu khyod rab tu 'byung ba dang / bsnyen par rdzogs
- 153b
shing dge slong gi dngos por bya ba ni slebs so/ / des gsol pa/ bcom ldan 'das kyis bka' stsal pa bzhin du 'tshal lo zhes gsol nas/ bcom ldan 'das kyi thad nas song ste/ de yangs pa can du song nas/ li tsa byi lnga brgya po rnams ci nas de dag thams cad rab tu 'byung bar 'dod par 'gyur ba de lta bu'i chos bstan to// de nas de rnams kyis pha ma la gsol te/ dbang po'i mgo dang lhan cig tu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de dag gi bsam pa dang / bag la nyal dang / khams dang / shes pa dang / rang bzhin thugs su chud nas/ de dang 'thun pa'i chos bstan te/ des/ na li tsa byi lnga brgya po de rnams kyis stan de dag nyid la 'khod bzhin tu 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de rnams kyis bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom/ ldan 'das la 'di skad ces gsol to// btsun pa bdag cag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na
- 154a
bdag cag kyang bcom ldan 'das kyi thad du tshangs par spyod pa spyad par 'tshal lo/ / de nas bcom ldan 'das kyis de rnams dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pa'i nyon mongs pa thams cad spangs nas dgra bcom pa nyid mngon sum du byas so/ / de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis dbang po'i mgo/ la brten nas li tsa byi lnga brgya bcom ldan 'das kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang dbang po'i mgo la sogs pa li tsa byi lnga brgya po 'di rnams ngas sdig pa las bzlog ste/ ji ltar dge ba las kyi lam la bkod pa de nyon cig/ dge slong dag sngon byung ba 'das pa'i dus na/ grong khyer gru 'dzin ces bya ba na/ rgyal po dbang chen zhes bya ba rgyal po byed do// de nas phyi zhig na rgyal po de'i btsun mo la bu chags nas/ de zla ba dgu 'am bcu lon pa dang / bu gzugs bzang zhing bstan sdug la mdzes pa/ mdog bzang ba/ gser gyi kha dog can/ mgo bog dug
- 154b
snar 'dug pa/ lag pa rung sa/ dpral ba'i dbyes rjeb/ sna mthob/ sna legs pa/ srin mjug pa zhig bcas so// de nas de 'i bcus skyon rgyas par byas nas/ khye'u dang ming ji skad gdags zhes ming 'dogs par byed de/ khye'u 'di dbang chen gyi bu yin pas na/ khye'u 'di'i ming dbang chen sde zhes gdags so zhes zer ro// de nas khye'u dbang chen sde 'o ma dang zho dang / mar dang / zhun mar dang / mar gyi snying khus bskyed bsrings te/ de gang gi che cher skyes pa de'i tshe/ khye'u de yige slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'bong dang / mdun du dz+ra ba dang / phyir bskur ba dang / g.yul las thar par bya ba dang / lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang mtshon rtse gcig pa gdab pa dang / 'khor lo 'phang ba dang / gcod pa dang / gshog pa dang / lag pas gzung ba dang rkang pa'i stangs dang / mgong bskyab pa dang / rgyang mar 'phang ba dang / sgra grag par 'phang ba dang / gnad du 'phang ba dang / gdon mi za bar phog par bya ba dang / tshabs cher gtang ba rnams kyang bslabs nas/ gnas
- 155a
lnga la byang bar gyur to/ / de nas des bltas na/ pa dang blon po lnga brgya po de rnams chos ma yin pas rgyal po byed nas/ des bsams pa/ bdag gis rgyal srid btang la dka' thub kyi nags tshal du 'gro bar bya'o snyam ste/ pha ma la gsol nas/ nags 'dab tu gnas bcas so// de nas byi zhig na de'i pha shi'o// de shi nas nyid 'og gi rgyal po dag gis yul du gnod pa byed pa la zhugs nas/ blon po rnams kyis bsams pa/ bdag cag jo bo med pa'i phyir/ nyid 'og gi rgyal po dag gnod pa byed kyis rgyal po'i sras spyan drangs te rgyal sar gzhug go snyam nas/ rgyal po'i bu de'i thad du blon po chen po song ste/ des rgyal po'i bu la smras pa/ jo bo khyod kyi yab nongs kyis tshur gshegs/ yab kyi rgyal srid pazhes su gsol des smras pa/ gal te khyod dge ba bcu'i las kyi lam la gnas par gyur na/ de'i 'og tu byas pas slebs so zhes byas nas/ des blon po chen po de dge ba bcu'i las kyi lam la gnas par byas so/ / blon po chen po des kyang blon po lnga brgya po de dag dge ba bcu'i las kyi lam la bkod do// de nas rgyal po'i bu de spyan drangs nas rgyal sar bcug go// de nas de der 'ongs pas/ yul khams na gnas pa'i skye bo mang po thams cad dge ba bcu'i las kyi lam la bkod do/ / dge slong dag ji snyam du sems/ de'i tshe rgyal por gyur pa byang chub sems dpa'i spyod
- 155b
pa la gnas pa gang yin pa de ni nga nyid yin no/ / de'i tshe blon po chen por gyur pa gang yin pa de ni dbang po'i mgo 'di kho na yin no// de'i tshe blon po lnga brgya por gyur pa gang yin pa de dag ni li tsa byi lA po 'di dag kho na yin te/ de'i tshe yang ngas dbang po'i mgo 'di kho na las brten nas blon po lnga brgya po rnams sdig pa las bzlog ste/ dge ba bcu'i las kyi lam la bkod do// da ltar yang ngas mi tsabyi lnga brgya po 'di rnams dbang po'i mgo 'di la brten nas sdig pa las bzlog ste/ g.yung drung gi mthar thug pa grub pa dang bde ba'i mya ngan las 'das pa la bkod do// gzhan yang yang dag par rdzogs pa'i sangs rgyas 'od srungs kyi bstan pa la 'di dag thams cad rab tu byung nas/ der 'di rnams kyis tshe gcig tu tshangs par spyod pa spyad de/ dbang po rnams yongs su smin par byas pa des na/ da ltar rnam par grol bar gyur to// las brgya tham pa las sdom gyi tshigs su bcad pa dgu pa rdzogs so// / sdom ni/ brgya byin rgyal po rngon pa dang // / rmos pa dang ni bram ze gsum// khyab 'jug dang ni 'thab mo klu// shing gnyis dang ko'u sham bi// brgya byin zhes bya ba ni/ sum cu rtsa gsum pa'i lha rnams kyi nang na/ lha'i dbang po brgya byin sum cu rtsa gsum pa'i rgyal srid kyi mnga' bdag byed do/ / ches nyid kyis na lha'i bu 'chi 'pho ba'i tshe/ nye ba'i snga ltas lnga 'byung bar 'gyur te/ lha ni rang gi 'od dang ldan pa yin na/ de'i tshe 'od
- 156a
chung bar 'gyur ro/ / sum cu rtsa gsum pa'i lha rnams kyi gos dang / rgyan rnams dang / kos dang / rgyan gyi shing rnams dang / me tog dang 'bras bu'i shing rnams rlung gis bskyod nas/ yid du 'ong ba'i sgra 'byung ba yin na/ de'i tshe de dag gi sgra yid du mi 'ong ba 'byung bar 'gyur ro// lha rnams kyi lus la dri ma mi 'chags pa yin na/ de'i tshe de dag go lus la dri ma 'chags par 'gyur ro/ / lha rnams kyi mig mi 'dzums pa yin na/ de'i tshe de dag gi mig 'dzums par 'gyur ro// nye ba'i ltas lnga la ma gtogs pa/ 'chi 'pho ba'i lhas lnga/ 'byung bar 'gyur te/ gos rnams la dri ma mi 'chags pa las dri ma 'chags par 'gyur ro// me tog 'phreng rnams mi rnyis pa las rnyis par 'gyur ro// lus las dri nga ba 'byung bar 'gyur ro/ / mtshan khung gnyis las rdul 'byung bar 'gyur ro// lha'i bu 'chi 'pho ba na rang gi stan la 'dug mi 'dod par 'gyur ro// de nas phyi zhig na lha'i dbang po brgya byin la nye ba'i lhas lnga pa rnams byung ste/ des nye ba'i ltas de dag byung bar tshor nas/ tsher ma thag tu de shas cher 'jigs pa skyes te/ nga su la skyabs su 'gro bar bya/ su zhig gis bdag gnas 'di nas 'pho bar mi 'gyur bar nus shig gu snyam mo/ / de nas lha ma yin gyi bu mo bde sogs kyis sbas pa/ ko'u shi ka 'dzam bu'i gling du bzhud la/ dge sbyong dang bram ze khong dge ba'i rang bzhin
- 156b
can du bkur ba rnams la thabs ci zhig gis na/ bdag gnas 'di nas 'pho bar mi 'gyur zhes smos shig/ de dag nyid la skyabs su bzhud cig/ de nas de thos ma thag tu lha'i dbang po brgya byin lha ma yin gyi bu mo bde sogs dang lhan cig tu sum cu rtsa gsum pa'i lha'i nang nas mi snang bar gyur nas/ 'dzam bu'i gling du 'ongs te/ de dge sbyong dang / bram ze gzhan dang gzhan dag gi thad du song nas/ thabs ci zhig gis na lha'i bu 'chi 'pho bar 'gyur ba las/ 'chi 'pho bar mi 'gyur zhes dris na/ de dag gis de nyid la khyod su yin zhes phyir dris so// des smras pa/ lha'i dbang po brgya byin yin no// de nas de dag gi ni de las dga' ba dang / mchog tu dga' ba skyes te/ bdag cag la lha'i dbang po brgya byin ltar 'ongs pa 'di ni bdag cag gis rnyed do legs par rnyed do zhes zer nas/ de dag de la skyabs su 'gro bar byed do// de nas lha'i dbang po brgya byin 'di snyam du sems te/ 'di ltar bdag ni 'di rnams la 'dri bar 'dod cing skyabs su 'gro bar 'dod pa las/ 'di dag bdag la skyab su 'gro bar byed na/ bdag dge sbyong dang bram ze 'di dag lta bu la dri ci dgos snyam nas re thag chad de/ de dag la re ba med par gyur to// de nas de'i skabs su byang chub sems dpa' dga' ldan gyi gnas na bzhugs pas/ gzigs pa bzhis 'jig rten la gzigs nas/ 'dod pa na spyod pa'i ris drug tu tshig tu rjod cing kun tu spa bsgrags te/ grogs po dgang ni 'dzam bu'i gling du nyid
- 157a
mtshams sbyor ba len cing 'gro ba rnams kyang bdud rtsis tshim par byed kyis/ khyed las su bdud rtsi 'dod pa de dag 'dzam bu'i gling du nying mtshams sbyor ba long zhig dang / der ngas khyed la bdud rtsi'i bgo bsha' bya'o zhes byas nas/ byang chub sems dpas yum gyi lhums su nying mtshams kyi sbyor ba blangs so// de nas lha'i dbang po brgya byin gyis bsams pa/ bdag gis dge sbyong dang bram ze rnams la bsnyen bkur bya ci dgos/ byang chub sems dpa' 'dis yum gyi lhums su nying mtshams sbyor ba blangs pas na/ de gang gi tshe bltams pa de'i tshe bdud rtsi rtogs par 'gyur bas/ de'i 'og tu bdag gis bsnyen bkur bya'o snyam nas/ des lha'i bu bzhi de'i srungs mar btang ngo // bdag nyid kyang dus dus su byang chub sems dpa'i thad du/ bsrung ba'i phyir 'gro bar byed do// bltams pa'i mod la yang bdag nyid kyis blangs so// sku cher skyes pa'i tshe yang des skyo ba bskyed de/ nges par 'byung bar bya ba'i phyir brtson pa byas so// byang chub kyi snying por yang bsrung ba'i phyir song ngo / / de nas gang gi tshe byang chub sems dpas bla na med pa'i ye shes brnyes pas/ lnga sde dang / nye ba'i lnga sde dang / grong gi byis pa bstod rims lnga bcu dang / b.rang sde'i chan rnams btul ba dang / dga' ba dang / dga' stobs bden pa rnams la bkod pa dang / lteng rgyas 'od srungs dang / chu grung 'od srungs spun rab tu byung ba dang / g.yar gshegs
- 157b
nas cho 'phrul rnam pa gsum bstan pa dang / 'od ma'i nags khrod du rgyal po gzugs can snying po dang / lha brgyad khri dang / yul ma ga d+ha'i bram ze dang / khyim bdag stong phrag du ma bden pa rnams la bkod pa de'i tshe/ lha'i dbang po brgya byin gyis bsams pa/ da dung 'di ni bdag gis bcom ldan 'das la zhu ba lung bstan pa zhu ba'i dus ma yin no snyam mo// de nas gang gi tshe bcom ldan 'das kyis rgyal po gzugs can snying po bden pa rnams la gnas par byas nas/ rgyal po'i khab tu gshegs te/ 'od ma'i tshal bzhes nas dge slong shA ri'i bu dang / mo'u 'gal gyi bu gnyis rab tu phyung ste/ bstan pa rgyas par mdzad nas/ de'i tshe sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa ma 'dres pa'i dran pa nye bar gzhag pa gsum la mkhas pa/ mi 'jigs pa bzhis mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag pa'i seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/
- 158a
suni da/ sun dang/ su ni 'phongs shing 'dug/ su ni 'amang bar gyur/ su ni gnod pa dang ldan/ su ni baphongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du dab/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las la gnas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su smin brin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs pa 'jug go// rgya mtsho chu srin rnams kyi gnas// dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis dgongs pa/ bdag gis lha'i dbang po brgya byin 'khor brgyad khri dang bcas ba bden pa rnams la dgod par bya dgos so snyam du dgongs nas/ bcom ldan 'das rgyal po'i khab nas mi snang bar gyur to// rgyal po'i khab kyi lho phyogs na/ bram ze'i grong a mra'i nags khrod
- 158b
ces bya ba de'i byang phyogs na/ ri bi de ha'i dbang po'i brag phug tu gshegs nas/ me'i khams la snyoms par zhugs so// de'i tshe lha'i dbang po brgya byin gyis bsams pa/ da ni bdag gis bcom ldan 'das la zhu ba lung bstan pa zhu ba'i dus la bab bo snyam nas/ lha'i 'khor brgyad khri dang / lha ma yin gyi bu mo bde sogs dang / dri za'i bu zur phud lnga pa dang / lhan cig tu sum cu rtsa gsum pa'i lha'i nang nas mi snang bar gyur te/ ri bo de gal 'khod nas/ der lha'i dbang po brgya byin dang / de ma yin pa'i lha stong phrag du ma'i kha dog gi mthus ri'i de thams cad snang ba chen pos khyab par gyur to/ / de nas lha'i dbang po brgya byin dbang po'i brag phug tu zhugs nas/ bcom ldan 'das me'i khams la snyoms par zhugs pa mthong ngo // mthong nas kyang des bsams pa/ sangs rgyas bcom ldan 'das me'i khams la snyoms par zhugs pa las na/ yang bdag bcom ldan 'das blta ba'i phyir 'gro ba dang / blta ba dang bsnyen bkur bya ba'i dus la ma bab bo snyam nas/ thang cig cang mi zer bar 'dug nas/ dri za'i bu gtsug phud lnga pa la smras pa/ bu gtsug phud lnga pa khyod kyis bcom ldan 'das sngar bzhengs par byed nus sam/ de ltar byas dang / de'i 'og tu bdag cag blta ba'i phyir 'gro ba dang / bsnyen bkur bya ba sla bar 'gyur ro// gtsug phud lnga pas smras pa/ ko'u shi ka
- 159a
bdag gis nus ches so zhes smras nas/ g.yog 'khor lnga brgya dang bai DUR+Ya'i pi wang blangs nas/ bcom ldan 'das gal ba der song ste byin nas gtso bo la 'os pa dang dgra bcom pa la 'os pa'i tshigs su bcad pa de dag gis bcom ldan 'das bzhed par gsol nas/ lha'i dbang po brgya byin ga la ba der song ste phyin nas/ lha'i dbang po brgya byin la 'di skad ces smras so/ / ko'u shi ka bcom ldan 'das bzhengs lags te/ khyod kyis bcom ldan 'das bltar 'gro ba dang / bsnyen bkur bya ba'i dus la bab bo// de nas bcom ldan 'das kyis dgongs pa/ kye ma dbang po'i brag phug 'di ni dog ches la/ lha'i 'khor ni mang ches kyis/ mal bdag gis phug 'di ci nas lha'i dbang po brgya byin 'khor dang bcas pa bde blag tu chos nyan pa'i 'khod bu yod pa de lta bur byin gyis brlab par bya'o snyam du dgongs nas/ bcom ldan 'das kyis dbang po'i brag phug yang par byin gyis brlabs so/ / de nas lha'i dbang po brgya byin lha ma yin gyi bu mo bde sogs dang / lha brgyad khri dang thabs gcig tu bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug nas/ lha'i dbang po brgya byin gyis/ gtam rgyud lnga ma'i don bcom ldan 'das la gsol nas brgya byin gyis
- 159b
zhu ba zhus pa/ btsun pa lha rnams dang / mi rnams dang / lha ma yin rnams dang / klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ci lags/ bcom ldan 'das kyis bka' stsal pa/ ko'u shi ka lba rnams dang / mi rnams dang / lA ma yin rnams dang / klu rnams dang // nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ni phrag dog dang ser sna yin te/ de dag 'di snyam du kye ma bdag kho na med pa dang / 'gran zla med pa dang / gnod pa med pa dang / 'thab mo med pa dang / mtshang 'dru ba med pa dang / 'gyed pa med pa dang / rtsod pa med pas gnas par bya'o snyam sems mod kyi/ 'on kyang de dag ni kho na dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / mtshang 'dru ba dang bcas pa dang / 'gyed pa dang bcas pa dang / rtsod pa dang bcas pas gnas so// brgya byin gyis gsol ba/ btsun pa de ni de lags so// de ni de lags te/ lha rnams dang / pi rnams dang / lha ma yin rnams dang / klu rnams dang / nam mkha' lding rnams dang / dri za rnams dang / lus tha dad pa gzhan dag kyang rung ste/ de dag gi sbyor ba ni phrag
- 160a
dog dang ser sna lags ste/ de dag 'di snyam du kye ma bdag khon med pa dang / 'gran zla med pa dang / gnod pa med pa dang / 'thab mo med pa dang / mtshang 'dru ba med pa dang / 'gyed pa med pa dang / rtsod pa med pas gnas par bya'o snyam du sems mod kyi/ 'on kyang de dag ni kho na dang bcas pa dang / 'gran zla dang bcas pa dang / gnod pa dang bcas pa dang / 'thab mo dang bcas pa dang / ma tshang 'dru ba dang bcas pa dang / 'gyed pa dang bcas pa dang / rtsod pa dang bcas pas gnas so// bcom ldan 'das kyis bka' stsal ba'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yid rang nas/ bcom ldan 'das la zhu ba phyi ma zhus pa/ btsun pa phrag dog dang ser sna'i gzhi na lags/ kun 'byung ba ni ci lags/ rnam pa ni ci lags/ ci las ni skye lags/ gang mchis na phrag dog dang ser sna 'byung bar 'gyur lags/ gang ma mchis na phrag dog dang ser sna 'byung bar mi 'gyur lags/ bcom ldan 'das kyis bka' stsal pa/ ko'u shi ka phrag dog dang ser sna'i gzhi ni dga' ba dang mi dga' ba'o// kun 'byung ba ni dga' ba dang mi dga' ba'o//
- 160b
rnam pa ni dga' ba dang mi dga' ba'o// skye ba ni dga' ba dang mi dga' ba ste/ dga' ba dang mi dga' ba yod na/ phrag dog dang ser sna 'byung bar 'gyur la/ dga' ba dang mi dga' ba med na// phrag dog dang ser sna 'byung bar mi 'gyur ro// brgya byin gyis gsol pa// btsun pa de ni de lags so// phrag dog dang ser sna'i gzhi ni dga' ba dang mi dga' ba lags so// kun 'byung ba na dga' ba dang mi dga' ba lags so/ / rnam pa ni dga' ba dang mi dga' ba lags so// skye ba ni dga' ba dang mi dga' ba lags te/ dga' ba dang mi dga' ba mchis na/ phrag dog dang ser sna 'byung bar 'gyur la/ dga' ba dang mi dga' ba ma mchis na/ phrag dog dang ser sna 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa dga' ba dang mi dga' ba'i gzhi ni ci lags kun 'byung ba ni ci lags/ rnam pa ni ci lags/ ci las ni skye lags/ gang mchis na dga' ba dang mi dga' pa 'byung bar 'gyur lags/ gang ma mchis na dga' ba dang mi dga' ba 'byung bar mi 'gyur ba lag
- 161a
bcom ldan 'das kyis bka' stsal pa/ ko'u shi ka dga' ba dang mi dga' ba'i gzhi ni 'dun pa'o// kun 'byung ba ni 'dun pa'o// rnam pa ni 'dun pa'o// skye ba ni 'dun pa'o// 'dun pa yod na dga' ba dang mi dga' ba 'byung bar 'gyur la/ 'dun pa med na dga' ba dang mi dga' ba 'byung bar mi 'gyur ro// brgya byin gyis gsol pa btsun po de ni de lags so/ / de ni de lags te/ dga' ba dang mi dga' ba'i gzhi ni 'dun pa legs so// kun 'byung ba ni 'dun pa lags so// rnam pa ni 'dun pa lags so// skyo nga ni 'dun pa lags te/ 'dun pa mchis na dga' ba dang mi dga' ba 'byung bar 'gyur la/ 'dun pa ma mchis na dga' ba dang mi dga' ba 'byung bar mi 'gyur te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa 'dun pa'i gzhi ni ci lags/ kun 'byung ba ni ci lags/ rnam pa ni ci lags/ ci las ni skye lags/ gang mchis na 'dun pa 'byung bar 'gyur la/ gang ma mchis na 'dun pa 'byung bar mi 'gyur lags bcom
- 161b
ldan 'das kyis bka' stsal pa/ ko'u shi ka 'dun pa'i gzhi ni rtog pa'o// kun 'byung ba ni rtog pa'o// rnam pa ni rtog pa'o// skye ba ni rtog pa ste/ rtog pa yod na 'dun pa 'byung bar 'gyur la/ rtog pa med na 'dun pa 'byung bar mi 'gyur ro// lha'i dbang po brgya byin gyis gsol pa/ btsun pa de ni de lags so// de ni de lags te/ 'dun pa'i gzhi ni rtog pa lags so/ / kun 'byung ba ni rtog pa lags so// rnam pa ni rtog pa lags so// skye ba ni rtog pa lags te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa rtog pa'i gzhi ni ci lags/ kun 'byung ba ni ci lags/ rnam pa ni ci skye lags ci las ni skye lags/ gang mchis na rtog pa 'byung bar 'gyur la/ gang ma mchis na rtog pa 'byung bar mi 'gyur lags/ bcom ldan 'das kyis bka' stsal pa/ ko'u shi ka rtog pa'i gzhi ni spros pa'o/ / kun 'byung ba ni spros pa'o// rnam pa ni spros pa'o// skye ba ni spros pa ste/ spros pa yod na rtog pa 'byung bar 'gyur la/ spros pa med na rtog pa 'byung bar mi 'gyur ro//
- 162a
ko'u shi ka de ltar na spros pa yod na rtog pa 'byung bar 'gyur ro// rtog pa yod na 'dun pa 'byung bar 'gyur ro// 'dun pa yod na dga' ba dang mi dga' ba 'byung bar 'gyur ro/ / dga' ba dang mi dga' ba yod na phrag dog dang ser sna 'byung bar 'gyur ro// phrag dog dang ser sna yod na/ dbyug pa thogs pa dang / mtshon cha thogs pa dang / 'thab pa dang mtshang 'dru ba dang / 'gyed pa dang / rtsod pa dang / g.yo byed pa dang / 'drid pa dang / chad pas gcod pa dang / brdzun zer ba dang / sdig pa mi dge ba'i chos rnam pa du ma 'byung bar 'gyur te/ de ltar na sdug bsngal gyi phung po chen po 'ba' zhig po 'di 'byung bar 'gyur ro// de ltar na spros pa med na rtog pa 'byung bar mi 'gyur ro// rtog pa med na 'dun pa 'byung bar mi 'gyur ro/ / 'dun pa med na dga' ba dang mi dga' ba 'byung bar mi 'gyur ro// dga' ba dang mi dga' ba med na/ phrag dog dang ser sna 'byung bar mi 'gyur ro// phrag dog dang ser sna med na dbyug pa thogs pa dang / mtshon cha thogs pa dang / 'thab pa dang / mtshang 'dru ba dang / 'gyed pa dang / rtsod pa dang / g.yo byed pa dang / 'drid pa dang chad pas gcod pa dang / brdzun zer ba dang / sdig pa mi dge ba'i chos rnam pa du ma 'gag par 'gyur te/ de ltar na sdug bsngal gyi phung po chen po 'ba' zhig po 'di 'gag par 'gyur ro//
- 162b
lha'i dbang po brgya byin gyis gsol pa/ btsun pa de ni de lags so// de ni de lags te/ rtog pa'i gzhi ni spros pa lags so// kun 'byung ba'i gzhi ni spros pa lags so// rnam pa ni spros pa lags so// skye ba ni spros pa lags so// spros pa mchis na rtog pa 'byung bar 'gyur la/ spros pa ma mchis na rtog pa 'byung bar mi 'gyur te/ bcom ldan 'das kyis bka' stsal pa'i don 'dir bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas bcom ldan 'das kyis bka' stsal pa la mngon par bstod cing rjes su yi rang nus/ bcom ldan 'das la zhu ba phyi ma zhus pa/ btsun pa spros pa 'gag par 'gyur ba'i lam zhes gsungs na/ btsun pa spros pa 'gag par 'gyur ba'i lam gang lags/ dge slong gang la zhugs na/ spros pa 'gag par 'gyur ba'i lam la zhugs pa gang lags/ bcom ldan 'das kyis bka' stsal pa/ ko'u shi ka spros pa 'gag par 'gyur ba'i lam ni/ 'phags pa'i lam yan lag brgyad pa yin te/ 'di lta ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang yang dag pa'i 'tshe ba dang / yang dag pa'i rtsol ba dang / yang dag pa'i dran pa dang / yang
- 163a
dag pa'i ting nge 'dzin to/ / 'di ni spros pa 'gog par 'gyur ba'i lam zhes bya ste/ de lta bu la zhugs pa'i dge slong ni spros pa 'gog par 'gyur ba' lam la zhugs ba zhes bya'o/ / lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa ni de lags te/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gi so sor thar pa'i sdom pa'i rgyu chos du zhig mchis lags/ bcom ldan 'das kyis bka' stsal pa/ ko'u shi ka spros pa 'gog par 'gyur ba'i lam la zhug pa'i dge slong gi so sor thar pa'i sdom pa'i rgyu ni chos drug yod de/ drug gang zhe na/ mig gis shes par bya ba'i gzugs rnams dang / rna bas shes par bya ba'i sgra rnams dang / sdes shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams so// s
- 163b
hi ka mig gis shes par bya ba'i gzugs rnams la yang bsten par bya ba dang / bsten par bya ba ma yin pa rnam pa gnyis yod de/ de la mig gis shes par bya ba'i gzugs gang yin pa rnams bsgrubs te gnas par bya ba'i 'os ma yin par ngas shes nas/ de dag nges par spang bar bya'o zhes ba zer ro// mig gis shes par bya ba'i gzugs gang yin pa rnams bsgrubs te gnas par 'os pa ni bsten par bya'o zhes nga zer ro/ / de la de bzhin gshegs pa ni de'i lung bstan pa la dus mkhyen par bstan to// de bzhin du rna bas shes par bya ba'i sgra rnams dang / snas shes par bya ba'i dri rnams dang / lces shes par bya ba'i ro rnams dang / lus kyis shes par bya ba'i reg bya rnams dang / yid kyis shes par bya ba'i chos rnams la yang bsten par bya ba dang bsten par bya ba ma yin pa rnam pa gnyis yod do zhes nga zer ro/ / de la yid kyis shes par bya ba'i chos bsgrubs te gnas par bya ba'i 'os ma yin par shes par bya ba gang yin pa de dag ni mngon du nges par spang ba yin no zhes nga zer ro/ / de la yid kyis shes par bya ba'i chos bsgrubs te gnas par bya ba'i 'os yin par shes pa gang yin pa de dag ni de'i skabs su de bzhin gshegs pas bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes zer ro// lha'i dbang po brgya byin gyis gsol pa/ btsun pa de ni de lags so//
- 164a
de ni de lags te/ spros pa 'gog par 'gyur ba'i lam la zhugs pa'i dge slong gi so sor thar pa'i sdom pa'i chos drug mchis te/ mig gis shes par bgyi ba'i gzugs rnams dang / rna bas shes par bgyi ba'i sgra rnams dang / snas shes par bgyi ba'i dri rnams dang / lces shes par bgyi ba'i ro rnams dang / lus kyis shes par bgyi ba'i reg bya rnams dang / yid kyis shes par bgyi ba'i chos rnams lags te/ de la btsun pa mig gis shes par bgyi ba'i gzugs rnams la yang bsten par bgyi ba dang / bsten par bgyi ba'i 'os ma lags pa rnam pa gnyis mchis zhes khyed sung ste/ de la mig gis shes par bgyi ba'i gzugs rnams bsgrubs te gnas par bgyi ba'i 'os ma lags par shes pa gang lags pa de dag gis mngon du nges par spang ba lags so zhes khyed gsung ba de la/ mig gis shes par bgyi ba'i gzugs rnams bsgrubs te gnas par bgyi ba'i 'os dpags par shes pa gang lags pa de dag nide'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin du ldan pas bsgrub par bya'o zhes khyod gsung yid kyis shes par bgyi ba'i chos rnams kyi bar du yang de bzhin du sbyar te/ bcom ldan 'das kyis bka' stsal pa'i don 'di de bzhin du bdag gis rtogs te/ mig gis shes par bgyi ba'i gzugs ji lta bu dag bsnyen
- 164b
na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i mig gis shes par bgyi ba'i gzugs rnams ni bsten par ma bya'o zhes khyod gsung / mig gis shes par bgyi ba'i gzugs ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i mig gis shes par bgyi ba'i gzugs rnams ni bsten par bya'o zhes khyod gsung / de bzhin du rna bas shes par bgyi ba'i sgra rnams dang / snas shes par bgyi ba'i dri rnams dang / lces shes par bgyi ba'i ro rnams dang / lus kyis shes par bgyi ba'i reg bya rnams dang / yid kyis shes par bgyi ba'i chos rnams ji lta bu dag bsten na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid kyis shes par bgyi ba'i chos rnams ni bsten par mi bya'o zhes khyod gsung / yid kyis shes par bgyi ba'i chos ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid kyis shes par bgyi ba'i chos rnams ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// de nas lha'i
- 165a
dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu ba phyi ma zhus pa/ btsun pa spros pa 'gog par 'gyur ba'i pham la zhugs pa'i dge slong gis chos du zhig ni spang bar bgyi/ shu la ni brtson par bgyi/ bcom ldan 'das kyis bka' stsal pa/ ko'u shi ka spros pa 'gog par 'gyur ba'i lam la zhugs pa'i dge slong gis chos gsum ni spang bar bya'o// chos gsum la ni brtson par bya ste/ 'di lta ste/ gang gis tshig dang / rtog pa dang / dpyod pa'o// ko'u shi ka tshig la yang bsten par bya ba dang / bsten par bya ba ma yin pa rnam pa gnyis yod do zhes nga zer ro// de la tshig bsgrubs te gan par bya ba'i 'os yin par shes pa gang yin pa dag ni mngon du nges par spang bar bya'o zhes nga zer ro/ / de la tshig bsgrubs te gnas par bya ba'i 'os yin par shes pa gang yin pa de dag ni de'i skabs su de bzhin gshegs pas de bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes nga zer ro// ko'u shi ka rtog par dpyod pal yang bsten par bya ba dang / bsten par bya ba ma yin pa rnam pa gnyis yod do zhes zer ro// de la rtog pa dang dpyod pa bsgrubs te gnas par bya ba'i 'os ma yin par shes pa gang yin pa
- 165b
de ni mngon du nges par spang bar bya'o zhes nga zer ro/ / de la dpyod pa bsgrubs te gnas par bya ba'i 'o sa yin par shes pa gang yin pa de dag ni de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhesang zer ro// lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa'i dge slong gis chos gsum ni spang bar bgyi/ chos gsum la ni brtson par bgyi ste/ 'di lta ste/ gang gi tshig dang rtog pa dang / dpyod pa'o// btsun pa tshig kyang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/ de la tshig bsgrubs te gnas par bgyi ba'i 'os ma lags par shes pa gang lags pa de ni mngon du nges par spang bar bya'o zhes khyod gsung / de la tshig bsgrubs te gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de bsgrub par lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung ngo // btsun pa rtog pa dang dpyod pa yang bsten par bgyi ba dang / bsten par bgyi ba ma lags pa rnam pa gnyis yod do zhes khyod gsung ste/ de la rtog pa dang dpyod pa bsgrubs te gnas par bgyi ba'i
- 166a
'os ma lags par shes pa gang lags pa de dag ni mngon du nges par spang bar legs so zhes khyod gsung / de la dpyod pa bsgrubs te gnas par bgyi ba'i 'os lags par shes pa gang lags pa de dag ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ tshig ji lta bu dag bsten na/ mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i tshig ni bsten par mi bya'o zhes khyod gsung / tshig ji lta bu dag bsten na/ mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i tshig rnams bsten par bya'o zhes khyod gsung / rtog pa dang dpyod pa ji lta bu dag bsten na/ de'i mi dge ba'i chos rnams mngon par 'phel bar 'gyur la/ dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i rtog pa dang dpyod pa ni bsten par mi bya'o zhes khyod gsung / rtog pa dang dpyod pa ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i rtog pa dang
- 166b
dpyod pa rnams ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs pas som nyi las rgal te/ the tsom dang bral lags so// de nas lha'i dbang po brgya byin gyis bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhu phyi ma zhus pa/ btsun pa spros pa 'gog par 'gyur ba'i lam la zhugs pa'i dge slong gi lus rnam pa du zhig na/ rnam pa gnyis mchis zhes gsung / bcom ldan 'das kyis bka' stsal ko'u shi ka spros pa 'gog par 'gyur ba'i lam la zhugs pa'i dge slong gi lus rnam pa gsum la/ rnam pa gnyis yod do zhes zer te/ yid bde ba'i lus dang / yid mi bde ba'i lus dang / btang snyoms kyi lus so// ko'u shi ka de'i yid bde ba'i lus kyang bsten par bya ba dang / bsten par bya ba ma yin pa rnam pa gnyis yod do zhes zer ro// de la yid bde ba'i lus bsgrubs te gnas par bya ba'i 'os ma yin par shes pa gang yin pa de ni mngon du nges par spang bar bya ba yin no zhes ngazer ro/ / de la yid bde ba'i lus bsgrubs te gnas par bya 'di 'os yin par shes pa gang yin pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes zer
- 167a
ro/ / ko'u shi ka yid mi bde ba'i lus dang / btang snyoms kyi lus kyang bsten par bya ba dang / bsten par bya ba ma yin pa'i rnam pa gnyis yod do zhes ba zer ro// yid mi bde ba'i lus dang / btang snyoms kyi lus bsgrubs te gnas par bya ba'i 'os ma yin par shes pa gang yin pa de ni mngon du nges par spang bar bya ba yin no zhes ngazer ro// de la yid mi bde ba'i lus dang / btang snyoms kyi lus bsgrubs te gnas par bya ba'i 'os yin par shes pa gang yin pa de ni/ de'i skabs su de bzhin gshegs pas de lung bstan pa'i dus mkhyen nas dran pa dang shes bzhin dang ldan pas bsgrub par bya'o zhes ngazer ro/ / lha'i dbang po brgya byin gyis gsol pa/ btsun pa de ni de lags so// de ni de lags te/ spros pa 'gog par 'gyur ba'i lam la zhugs pa'i dge slong gi lus rnam pa gsum la/ rnam pa gnyis mchis so zhes khyod gsung ste/ yid bde ba'i lus dang / yid mi bde ba'i lus dang btang snyoms kyi lus so/ / btsun pa yid bde ba'i lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ de la yid bde ba'i lus bsgrubs te gnas par bgyi ba'i 'os ma lags par shes pa gang lags pa de ni mngon du nges par spang ba lags so zhes khyod gsung / de la yid bde ba'i lus bsgrubs te/
- 167b
gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'o zhes khyod gsung / yid mi bde ba'i lus dang / btang snyoms kyi lus kyang bsten par bgyi ba dang / bsten par bgyi ba ma lags pa rnam pa gnyis mchis so zhes khyod gsung ste/ la yid mi bde ba'i lus dang / btang snyoms kyi lus bsgrubs te gnas par bgyi ba'i 'os ma lags par shes pa gang lags pa de ni mngon du nges par spang bar bgyi ba lags so zhes khyod gsung / de la yid mi bde ba'i lus dang / btang snyoms kyi lus bsgrubs te gnas par bgyi ba'i 'os lags par shes pa gang lags pa de ni/ de'i skabs su de bzhin gshegs pas de lung bstan pa'i dus mkhyen nas/ dran pa dang shes bzhin dang ldan pas bsgrub par bya'i zhes khyod gsung ste/ bcom ldan 'das kyis bka' stsal pa'i don 'di bdag gis rtogs te/ yid bde ba'i lus ji lta bu dag bsten na de'i mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid bde ba'i lus ni bsten par mi bya'o zhes byed gsung / yid bde ba'i lus ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid bde
- 168a
ba'i lus ni bsten par bya'o zhes khyod gsung / yid mi bde ba'i lus dang / btang snyoms kyi lus ji lta bu dag bsten na/ de'i mi dge ba'i chos rnams mngon par 'phel bar 'gyur la/ dge ba'i chos rnams yongs su 'grib par 'gyur ba de lta bu'i yid mi bde ba'i lus dang / btang snyoms kyi lus ni bsten par mi bya'o zhes khyod gsung / yid mi bde ba'i lus dang btang snyoms kyi lus ji lta bu dag bsten na/ de'i mi dge ba'i chos rnams yongs su 'grib par 'gyur la/ dge ba'i chos rnams mngon par 'phel bar 'gyur ba de lta bu'i yid mi bde ba'i lus dang btang snyoms kyi lus ni bsten par bya'o zhes khyod gsung ste/ bcom ldan 'das kyis bka' stsal pa'i don 'di bdag gis rtogs nas som nyi las rgal te/ the tsom dang bral lags so// / / bam po sum cu bzhi pa/ de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la nub phyi ma zhus pa/ btsun pa sems can thams cad 'dod pa gcig pa dang / 'dun pa gcig pa dang / dad pa gcig pa dang / bsam pa gcig pa lags sam/ bcom ldan 'das kyis bka' stsal pa/ ko'u shi ka sems can thams cad ni 'dod pa gcig pa dang / 'dun pa gcig pa dang / dad
- 168b
pa gcig pa dang / bsam pa gcig pa ma yin no// ko'u shi ka 'jig rten 'di dag ni khams tha dad pa yin gyi/ khams gcig pa ma yin te/ de dag ni khams gang dang gang 'dzin pa de dang de nan gyis/ mchog tu 'dzin cing mngon par zhen nas/ rjes su spyod par byed de/ 'di ni bden gyi/ gzhan ni gti mug pa'o snyam du sems so// ko'u shi ka gal te 'jig rten 'di dag khams tha dad pa dang khams dum pa ma yin du zin na/ sems can 'di dag khams gang dang gang 'dzin pa de dang de nan gyis mchog tu 'dzin cing mngon par zhen nas/ rjes su spyod par byed de/ 'di ni bden gyi gzhan ni gti mug pa'o snyam du mi sems pa zhig na/ gang gi phyir 'jig rten 'di dag khams tha dad pa dang / khams dum pa yin te/ de'i phyir sems can 'di dag khams gang dang gang 'dzin pa de dang de nan gyis mchog tu 'dzin cing / mngon par zhen nas rjes su spyod par byed de/ 'di ni bden gyi/ gzhan ni gti mug pa'o snyam du sems so// lha'i dbang po brgya byin gyis gsol pa/ btsun pa de ni de lags so// de ni de lags te/ sems can thams cad ni 'dod pa gcig pa dang / 'dun pa gcig pa dang / dad pa gcig pa dang / bsam pa gcig pa ma lags te/ btsun pa 'jig rten 'di dag ni kham tha dad pa dang / khams dum pa lags te/ de dag khams gang dang gang 'dzin pa de dang de nan gyis mchog tu 'dzin cing mngon par zhen nas/ rjes su spyod par
- 169a
bgyid de/ 'di ni bden gyi/ gzhan ni gti mug pa'o snyam du sems lags so// bcom ldan 'das kyis bka' stsal pa'i don 'di bdag gis rtogs nas somaH las rgal te/ the tsom dang bral lags so// de nas lha'i dbang po brgya byin gyis/ bcom ldan 'das las zhu ba lung bstan pa thos nas/ bcom ldan 'das kyis bka' stsal pa la mngon par bstod cing rjes su yi rang nas/ bcom ldan 'das la zhung phyi ma zhus pa/ btsun pa ci lags/ dge sbyong dang bram ze thams cad g.yung drung gi mthar thug pa dang / gtan du tshad par spyod pa'i mthar phyin pa lags sam/ bcom ldan 'das kyis bka' stsal pa/ ko'u shi ka dge sbyong dang bram ze thams cad g.yung drung gi mthar thug pa dang / gtan du dri ma dang bral ba dang / gtan du tshangs par spyod pa'i mthar phyin pa ma yin gyi/ dge sbyong ngam bram ze su yang rung ste/ bla na med pa'i rnam par grol ba la sred pa yang dag par zad cing / yang dag par sems shin tu rnam par grol bar gyur pa de dag ni g.yung drung gi mthar thug pa dang / gtan du dri ma dang bral ba dang / gtan du tshangs par spyod pa mthar byin pa yin no// lha'i dbang po brgya byin gyis gsol pa/ btsun pad ni de lags so// de ni de lags te/ dge sbyong dang bram ze thams cad g.yung drung gi mthar thug pa dang // gtan du dri ma dang bral ba dang // gtan
- 169b
du tshangs par spyod pa'i mthar byin pa ma lags kyi/ dge sbyong ngam bram ze gang yang rung ste/ bla na med pa'i rnam par grol bar gyur pa la sred pa yang dag par zad cing / yang dag par sems shin tu rnam par grol ba de dag ni g.yung drung gi mthar thug pa dang / gtan du dri ma dang bral ba dang / gtan du tshangs par spyod pa'i mthar phyin pa lags so// bcom ldan 'das kyis bka' stsa pa'i don 'di bdag gis rtogs shing / chos bdag gis rtogs nas so ma nyi las rgal te/ the tsom dang bral zhing zug rngu phyung nas yongs su yi chad par ma mchis pa'i slad du/ bdag gis bdag gang lags snyam du bdag gi yid la phyir skye bar mi 'gyur lags so/ / btsun pa zhu ba lung bstan pa'i khyad par rtogs pa gang dag bdag gis ma thob pa las/ da ni bdag gis yun ring mo zhig lags nas/ bcom ldan 'das la brten te/ 'di ltar de bzhin gshegs pa dgra bcom pa yang dag par rdzogs pa'i sangs rgyas kyis bka' stsal nas/ som nyi dang yid gnyis kyi zug rngun ba nas bton lags so/ / bcom ldan 'das kyis bka' stsal pa/ ko'u shig sngan chad dge slong dang bram ze gzhan dgal yang dri ba 'di lta bu dris par dran nam/ lha'i dbang po byin gyis gsol pa/ btsun pa glo ba dran lags te/ dus gcig cig na/ sum cu rtsa gsum pa'i lha'i 'dun sa chos bzang du lha rnams 'dus shing 'khod par gyur te/ 'di ltar de bzhin
- 170a
@gshegs pa dgra bcom pa yang dag par rdzogs pa'i sangs rgyas tshol zhing mchis pa las/ de dag gis de bzhin gshegs pa dgra bcom pa yang dag par rdzogs pa'i sangs rgyas ma rnyed nas/ stan las langs te/ so sor gyes pa de dag gi nang nas lha che bar grags so 'tshal gnas nas 'chi 'pho zhing mi snang bar gyur nas/ btsun pa lha che bar grags so 'tshal gnas na shi 'phos pas/ bdag kyang skrag cing bag tsha bar gyur te/ bdag kyang gnas 'di nas shi 'pho bar mi 'gyur grang snyam nas/ bdag dge sbyong dang bram ze gcig pu dben par gnas pas gnas shing mchis pa gang dang gang mthong ba de dang de dag de bzhin gshegs pa dgra bcom pa yang dag par rdzogs pa'i sangs rgyas lags snyam nas/ bdag de dag gi thad du mchis na/ de dag gis bdag la khyod su yin zhes 'dri ba bgyid de/ bdag gis de dag la bdag ni lha'i dbang po brgya byin yin no zhes bgyis nas/ de dag dga' zhing mgu ste/ kye ma bdag gis brgya byin mthong ngo // kye ma bdag gis brgya byin mthong ngo zhes ched du rjod par bgyid/ de dag bdag la 'dri bar bgyid kyi/ de dag la bdag 'dri bar mi bgyi lags so// de dag bdag la skyabs su mchis par bgyid kyibadag de dag la skyabs su mchi bar mi bgyid lags so/ / da slan chad bdag ni bcom ldan 'das kyi nyan thos lags te/ bcom ldan 'das la skyabs su mchis lags so// rtog pa
- 170b
la ni mtha' ma mchis/ / bdag la the tsom nem nur mchis// de bzhin gshegs pa 'chol ba'i phyir// ring mo zhig tu 'khyam 'khyam ste// long ba bdag ni rdzogs sangs rgyas// bsnyen da/ bgyid du mchis mchin// bdag gis ji ltar mnyes pa'i thabs// de dag la ni dris pa las// lam dang de bzhin grub pa yang // de dag yongs kyis bstan ma 'tshal// bdag ni cung zad ci 'dod pa/ / rtog par gyur dang dpyad pa dang // yid kyi 'gro dang 'ong ba yi// sems ni thugs kyis thugs su chud// yid kyang yid kyis rig gyur nas// de dag thams cad de ring du// bcom ldan 'das ni dgra bcom gyis// bsgrags shing lung yang bstan par gyur// khyod ni sangs rgyas ston pa khyod// rgyal ba khyod kyis bdud kyang btul// khyod kyis bag nyal bcad nas kyang / / ngan nas skye dgu grol bar mdzad// 'jig rten du ni khyed sangs rgyas// khyod las lhag pa yong ma mchis// lha dang bcas pa'i 'jog rten na// gang zag khyod kyi tha ma mchis/ / dpa' bo chen po khyod la 'dud// skyes mchog khyod la phyag 'tshal lo// sred pa'i zug rngu 'byin pa ste// nyi ma'i rigs skyes khyod la 'dud// bcom ldan 'das kyis bka' stsal pa/ ko'u shi ka khyod kyis sngon chad bden pa mthong ba dang / yid bde ba thob pa 'di lta bu nyams su myong bar dran nam/ brgya byin gyis gsol pa/ yid bde ba thob pa ni
- 171a
bdag gis myong bar dran lags so/ / bden pa mthong ba ni nyams su myong bar mi dran lags so// btsun pa lan cig gcig na lha dang lha ma yin g.yul 'byed pa na/ lha rnams ni rgyal/ lha ma yin rnams ni pham nas/ bdag gis 'di snyam du bsams te/ da ni bdag lha'i grong khyer du mchis la lha'i longs spyod gang lags pa dang / lham yi gyi longs spyod gang lags pa de dag lhan cig tu tshogs pa dga' bzhin du longs spyod par bgyi'o snyam pa de ni yid bde ba thob pa lags te/ de ni yun ring por 'thab mo'i mtha' can lags/ 'tshang 'dru ba'i mtha' can lags/ 'gyed pa'i mtha' can lags/ rtsod pa'i mtha' can lags so// btsun pa bdag gi yid bde ba thob pa dang / bden pa mthong ba 'di ni yun ring por 'thab mo ma mchis pa'i mtha' can lags/ mtshang 'drub ma mchis pa'i mtha' can lags/ 'gyed pa ma mchis pa'i mtha' can lags/ rtsod pa ma mtshas pa'i mtha' can lags so// btsun pabacom ldan 'das kyis bdag chos kyi rjes su 'gro ba'i bka' drin stsal ba gang lags pa de la bdag 'di snyam du bgyid de/ bdag gnas 'di nas shi 'phos nas mi rnams dang skal ba mnyam par byug cing nor mngal longs spyod che ba dang / rdzas dang yo byad mang ba dang / mdog pa mang ba dang / nor dang / 'bru dang / gser dang / dngul dang / mdzod dang / rang ba'i
- 171b
tshogs mang ba'i rigs gang lags pa dang / mdza' bo dang / grogs po dang / bu nu dang / nye du mang po dang / bran dang / zan mo dang / las byed pa dang / zho shas 'tshong mang ba de lta bu'i khyim du skal ba mnyam par skye bar gyur cig/ de nas bdag mthar gyis skyes te/ dbang po rnams smin nas/ sbyin pa dag byin/ bsod nams dag bgyis nas/ skra dang kha spu bregs te/ chos gos tshon can bgos nas/ yang dag pa'i dad pas khyim nas khyim med par rab tu byung ste/ btsun pa bdag 'os par gnas shing gal te bka' lung thob na bka' lung bzhin bgyid par gyur cig/ de ltar bdag 'os par gnas na/ sdug bsngal gyi mthar thug pa ni de lags so snyam bgyid do// gal te bka' lung mthob na ni de lta na bdag gzugs mchis pa'i lha yid la skyes pa/ dbang po ma nyams shing dbang po tshang ba/ yan lag dang nying lag thams cad dang ldan pa/ mdog bzang ba/ rang la 'od mchis pa/ nam mkha' la 'gro ba/ dga' ba'i zas za ba/ dga' ba'i zas dang ldan pa/ tshe ring ba/ yun ring du gnas par der bdag 'gran zla ma mchis par skye bar shog cig skam bgyid do// lha lus 'di las shi 'phos shing / / mi ma yin pa'i tshe spangs nas// rmongs pa med par mngal du 'jug/ bdag gi yid ni ston la dga'// man ngag gis ni 'phangs mi 'gyur// bstan
- 172a
pa'i lam la brten bcas shing / / tshangs par spyod pa bzhol bgyis nas// bsod snyoms rgyu bskyed par bgyi// bdag gi 'os par gnas nas kyang // gal te bka' lung thob myur na/ / bka' lung sprul ba bzhin du bgyi// de nyid bdag go sdug bsngal mtha'// gal te de ltar ma gyur nas// tshe yi mtha' ni zad pa'i tshe// 'og min lha ni gang yin pa// de dag tu ni skye bar shog/ bcom ldan 'das bdag ni rgyun du zhugs pa lags so// bde bar gshegs pa bdag ni rgyun du zhugs pa lags so// lan cig phyir 'ong bar 'gyur ba'i re ba yang bdag la mchis lags so/ / bcom ldan 'das kyis bka' stsal pa/ ko'u shi ka legs so legs so// de'i skal ba khyod la yod do// de yang bag yod pas thob bo// brgya byin gyis gsol pa/ gang gis bdag ni ni 'gyur ba// rgyun du zhugs par nges 'byung ba// bcom ldan khyod las gzhan la med// khyod kyi bstan las gzhan la med// khyad par rgya chen dang po'i gzhi// gnan dag zha la ga la mchis// byed par thob pa 'di 'dra ba// sngan chad gzhan las yod mthob// btsun pa bdag ni 'di nyid na// mchis lha lus bgyid bzhin du/ / bdag gis tshe ring thob lags kyis// blo ldan de ltar gzung du gsol// chos kyi rnam grangs 'di bshad na// lho'i dbang po brgya byin dang / lha brgyad khri mas
- 172b
rnams la chos kyi mig rdul med cing dri ma dang bral ba skyes te/ des bden pa mthong nas stan de kho na las shi 'phos nas/ stan de kho na nyid la phyir skyes so// de ltar de shi 'phos pa dang / skyes pa ni mig 'dzums pa dang mi snang bar gyur pa lus kyi reg pa'i sgo nas bcom ldan 'das kyis mkhyen to/ / lha'i dbang po brgya byin dang / lha ma yin gyi bu mo bde sogs kyis kyang rtogs so// de nas lha ma yin gyi bu mo bde sogs kyis/ lha'i dbang po brgya byin la smras pa/ ko'u shi ka khyod shi 'phos nas skyes lags sam/ brgya byin gyis smras pa/ bde sogs nga ni shi 'phos nas/ phyir skyes te 'di na 'dug bzhin du phyir bdag gi tshe thob par gyur ro// de nas lha'i dbang po brgya byin gyis bden pa mthong nas/ dga' zhing mgu la rab tu dga' zhing yid rangs te/ dga' ba dang yid bde ba skyes nas/ stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol tote/ / btsun pa bdag ni 'phags lags so// 'phags lags so// deng slan chad ji srid 'tsho'i bar du dge bsnyen lags pa dang khong nas dga' ste/ skyabs su mchis pa lags par gzung du gsol/ de nas lha'i dbang po brgya byin gyis/ dri za'i bu gtsug phud lnga pa la smras pa/ bu khyod ni bdag la phan pa dang / dben pa yin te/ bcom ldan 'das kyi thad du 'gro
- 173a
bar thog ma khyod kyis bskul to/ / bu zur phud lnga pa bdag cag 'di nas sum cu rtsa gsum pa'i lha'i yul du dong nas/ khyod kyis sngon yun ring po nas 'dod cing smon pa gang yin pa'i dri za'i rgyal po tum bu ru'i bu mo bzang mo zhes bya ba 'od bzangs de khyod kyi chung mar sbyin no/ / dri za rnams kyi dbang po khyod kyi pha'i rgyal sar yang gzhug go// de nas lha'i dbang po brgya byin gyis sum cu rtsa gsum pa'i lha rnams la smras pa/ grogs po dag bdag gis sngan chad mi mjed kyi bdag po tshangs pa la/ dus gsum du tshangs pa la 'os pa'i 'dud pa byed pa gang yin pa de ni bdag gis dbyin chad bcom ldan 'das 'di nyid la tshangs pa la 'os pa'i 'dud pas 'dud par bya'o/ / de ci'i phyir zhe na/ 'di ltar bcom ldan 'das 'di nyid tshangs pa yin/ tshangs par gyur pa yin/ zhi ba yon/ zhi bar gyur pa yin pa'i phyir ro// de nas lha'i dbang po brgya byin dang / lha gzhan rnams bcom ldan 'das kyi zhabs la mgo bos phyag 'tshal nas/ bcom ldan 'das la lan gsum bskor ba byas te/ mdun gyis phyogs shing byir nur nas/ bcom ldan 'das la 'dud bzhin du lha'i dbang po brgya byin mig lam du mi snang bar gyur nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas/ pus mo g.yas pa'i lha nga sa la btsugs te/ bcom ldan 'das de bzhin gshegs pa dgra bcom pa yang dag
- 173b
par rdzogs pa'i sangs rgyas de la phyag 'tshal lo/ / phyag 'tshal lo zhes smras nas/ lha'i dbang po brgya byin de nyid du mi snang bar gyur to// de nas dge slong rnams kyis/ sangs rgyas bcom ldan 'das la zhus pa/ btsun pa lha'i dbang po brgya byin gyis las ci bgyis na/ las de'i rnam par smin pas rdzu 'phrul che zhing mthu che bar gyur la/ 'dis bcom ldan 'das mnyes par bgyis te/ mau mnyes par ma bgyis lags/ lha brgyad khri po 'di rnams kyis kyang las ci bgyis na/ las 'di rnam par smin pas brgya byin kho na las brten nas 'di rnams kyis bcom ldan 'das mnyes par bgyis te/ mi mnyes par ma bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa 'di rnams kyis smon lam gang du btab lags/ bka' stsal pa/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo bzhi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'khor ba 'jig ces bya ba 'jig rten du byung ste/ des gang gi tshe bla na med pa'i ye shes brnyes nas/ rgyal po'i pho brang mdzes ldan du gshegs pa de'i tshe/ yang
- 174a
dag par rdzogs pa'i sangs rgyas 'khor ba 'jig gi phyir rgyal po mdzes pas gtsug lag khang lnga brgya brtsigs te/ des gnas khang drug stong byas nas/ yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la phul te/ gtsug lag khang de dag tu yo byad thams cad sbyar nas/ 'khor brgyad khri dang bcas pa yang dag par rdzogs pa'i sangs rgyas 'khor ba 'jig nyan thos kyi dge 'dun dang bcas pa la mchod pa'i las la brtson par gyur to/ / de nas gang gi tshe yang dag par rdzogs pa'i sangs rgyas 'khor ba 'jig sangs rgyas kyi 'brin las thams cad mdzad nas/ phung po'i lhag ma med pa'i mya ngan las 'das pa de'i tshe/ rgyal po mdzes pas de'i sku gdung la mchod pa byas nas/ sku gdung gi mchod rten brtsig te/ rnam pa thams cad yongs su rdzogs par byas nas/ mchod rten de la mchod pa chen po byas te smon lam btab pa/ kye ma dge ba'i rtsa ba 'dis bdag gang dang gang du skye bar 'gyur ba de dang der/ gal te de lhar skye bar gyur na ni/ lha che bar grags pa rnams kyi mnga' bdag tu gyur cig/ gal te mir skye bar gyur na ni/ mi che bar grags pa mi rnams kyi nang na rgyal srid kyi mnga' bdag tu gyur cig ces byas so/ / de nas rgyal pos smon lam 'debs pa zham ring ba rnams kyis mthong nas dris pa/ lhas smon lam ci zhig btab lags/ des de dag la rgyas par bskrad
- 174b
nas/ de thos ma thag tu de dag gis kyang mchod rten de la bkur sti byas nas smon lam btab pa/ kye ma dge ba'i rtsa ba 'dis bdag cag gang dang gang du skye bar 'gyur ba de dang der phyug cing nor mngal longs spyod che ba'i rigs su skye bar shog cig/ rgyal po 'di kho na las brten nas bdag cag gis ston pa 'di lta bu mnyes par byed par gyur cig/ mi mnyes par byed par ma gyur cig ces byas so/ / dge slong dag ji snyam du sems/ de'i tshe rgyal po mdzes par gyur pa gang yin pa de ni lha'i dbang po brgya byin 'di kho na yin te/ des der yang dag par rdzogs pa sangs rgyas 'khor ba 'jig nyan thos kyi dge 'dun dang bcas pa la bsnyen bkur byas nas/ smon lam btab pa'i las de'i rnam par smin pas ched 'ga' lhar skyes pa de'i tshe ni lha che bar grags par gyur te/ lha rnams kyi mnga' bdag byas so// ched 'ga' mir skyes pa'i tshe ni mi che bar grags par gyur nas/ mi rnams kyi rgyal srid kyi mnga' bdag byas te/ dge slong dgang yang dag par rdzog pa pa'i sangs rgyas 'khor ba 'jig dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis mnyes par byas te/ mi mnyes par ma byas so// de'i tshe zham ring ba brgyad khrir gyur pa gang yin pa de dag ni lha brgyad khri bo 'di dag kho na yin te/ de dag gis yang dag par rdzogs pa'i
- 175a
sangs rgyas 'khor ba 'jig nyan thos kyi dge 'dun dang bcas pa la bsnyen bkur byas nas/ sngon lam btab pa'i las de'i rnam par smin pas gang dang gang du skyes pa de dang der phyug cing nor mngal longs spyod che ba'i rigs su skyes te/ brgya byin 'di kho na las brten nas 'di rnams kyis nga mnyes par byas te/ mi mnyes pa ma byas so// rgyal po zhes bya ba ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa des/ thabs zlar bab pa las chung ma blangs nas/ de de dang lhan cig rtse zhing dga' la dga' dgur spyod pa las/ phyi zhig na de'i chung mal bu chags nas/ de zla ba dgu'am bcu lon pa dang bu btsas nas/ de gang gi tshe cher skyes pa de'i tshe yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang sbra dang / cho ga dang / thal ba blang ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / zod srung gi rig byed dang / mchod sbyin bya ba dang / mchod sbyin byed du gzhug pa dang / sbyin pa dang / blang ba dang / ton bya ba dang / kha ton slob tu gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur te/ de nas
- 175b
phyi zhig na de'i pham gnyis shi'o/ / de gnyis shinas khye'u des bsams pa/ bram ze rnams kyi lugs kyi na/ lo bzhi bcu rtsa brgyad kyi bar du tshangs par spyod pa spyad nas/ de'i 'og tu chung ma len par byed kyis/ bdag gis kyang lo bzhi bcu rtsa brgyad tshangs par spyod pa spyad par bya'o snyam nas/ des le bzhi bcu rtsa brgyad kyi bar du tshangs par spyod pa spyad nas chung ma blangs te de'i chung ma gzugs bzang zhing blta na skug la mdzes pa dang / g.yem zhing skyes pa 'dod pa zhig ste/ de khyim thab rgan po dang lhan cig 'dug pas snying mi tshim nas/ des skyes pa gzhan btsal to/ / de nas phyi zhig na de'i blo skyes pa/ bdag gis khyim thab 'di ltar ji srid na 'dug gi bar du ni/ bdag skyes pa gzhan dang lhan cig tu nyal ba'i skyabs med kyis/ bdag gis 'di yul gzhan du btang bar bya'o snyam nas bram ze de la smras pa/ 'di ltar jo bo'i khyim na ci yang mi bdog na khyod kyis bdag blangs ste ci bgyi/ bdag pha ma'i khyim du slar mchi'o// 'on kyang bdag gis 'tshal ma bde blag tu 'tshal du mchis so/ / bram zes smras pa/ bzang mo mi dga' bar ma byed cig/ bdag cag bram ze rnams la slong mos 'tsho ba yang yod kyis/ bdag yul gzhan du song la nor btsal te/ phyir 'ong ngo zhes byas nas chung ma la brgyags phog ste song ngo // de song nas kar sha pa Na mang po zhig rnyed nas/ de dag khyer te mnyan du yod par chas pa las
- 176a
de lam du mi rgod kyis bcom nas shin tu sdug bsngal bar gyur te/ gal te bdag khyim du yod na ni/ bram ze mo dang 'thab mo chen po 'byung bar 'gyur gyis/ bdag gis 'tsho ba 'di lta bu btang la nags lung thibs bor song ste/ bdag 'chi bar bya'o snyam nas/ de nags khung thibs por song ste/ shing ka nas thag pas btags nas 'gegs par byas pa las de'i skabs su bcom ldan 'das kyis dgongs pa/ bram ze 'di nga'i bstan pa la rab tu byung nas/ nyon mongs pa thams cad spang ste/ dgra bcom pa nyid mngon sum du byed par 'gyur ba zhig na/ de 'di lta bu'i gzu gums byed cing 'dug go snyam du dgongs nas/ bcom ldan 'das mnyan du yod pa nas mi snang bar gyur te/ nags khung thibs po der gshegs nas/ der bcom ldan 'das kyis/ bram ze de la bka' stsal pa/ bram ze ga du lums ma byed/ ngas khyod la nor sbyin no zhes bka' stsal nas/ bcom ldan 'das kyis de la gter bstan te/ dram ze khyod kyi nor 'di yin gyis/ srog 'phangs pa ma dor cig ces bka' stsal nas/ bcom ldan 'das slar gtsug lag khang du gshegs so// de nas bram ze des nor de dag khyer te rang gi khyim du song nas/ des khyim gyi 'byor pa rgyas par byas te ban gnas/ sbyin pa dag sbyin zhing / bsod nams dag byed pa la zhugs so// de nas phyi zhig na de'i blo skyes pa/ dge sbyong go'u ta ma ni bdag
- 176b
la phan pa dang dben pa yin gyis/ bdag khyim na gnas pa btang la de'i thad du rab tu 'byung bar bya'o snyam ste/ khyim gyi 'khor btang las/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'dug go// de nas bcom ldan 'das kyis de'i bsam pa dang bgal nyal dang / khams dang shes pa dang / rang bzhin thugs su chud nas/ de dang 'thun pa'i chos bstan te/ de nas bram ze de stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rje bcom nas/ rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/ dgra bcom pa nyid mngon sum du/
- 177a
byas so// de nas dge slong rnams kyis/ bcom ldan 'das la gsol pa/ btsun pa bram ze 'di dbul bas 'jigs nas bdag nyid 'gum par bgyis pa las/ bcom ldan 'das kyis nor gyi phung po chen po dang sprad de/ g.yung drung gi mthar thug pa dang bde ba'i mya ngan las 'das pa la bzhag pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze 'di dbul bas 'jigs nas bdag nyid 'chi bar byas pa las/ ngas nor gyi phung po chen po byin nas/ dge ba bcu'i las kyi lam la ji ltar gnas par byas pa de nyon cig/ dge slong dag sngon byung ba 'das pa'i dus na/ grong khyer wA rA NA si na rgyal po dbang chen sde zhes bya ba rgyal po byed de/ de'i ring la 'byor ba dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pazhi pa dang / 'khrug pa dang / nang 'khrug dang / tshem kun dang / nad dang / mu ge med pa dang 'bras sA lu dang / bu ram shing dang / baglang dang / ma he dang ldan par 'dug ste/ gnod pa med cing cher ma dkrugs la/ bu gcig bsdug pa la bya ba bzhin du chos bzhin du rgyal srid byed do/ / rgyal po de yang byams pa'i bdag nyid can snying rje dang ldan pa/ sems can la byams pa/ sbyin pa la dga' ba zhig ste/ de srin pa dag sbyin zhing
- 177b
/ bsod nams dag byed de/ dge sbyong dang / bram ze dang / sdug cing 'phongs pa dang / bkren pa rnams la ci dang ci 'dod pa sbyin par byed do// bza' ba dang bca' ba mang po dag stakon byas te/ srog chags nam mkha' na gnas pa dang / chu la gnas pa dang / thang la gnas pa rnams la sbyin par byed do// 'jig rten dag kyang dge ba bcu'i las kyi lam la 'god par byed do/ / des phyin chad bdag gis sems can rnams la thams cad sbyin no zhes dam bcas so// de chos bzhin du rgyal po byed pas/ mi dang mi ma yin pa rnams kyis kyang de la bsrung ba dang // bskyab pa dang / snga ba'i phyir brtson par byed do// de dag gis dus dus su char gyi rgyun legs par 'bebs shing 'bru rnams rgyas par byed do// rgyal po de'i 'dab kyi nying 'og gi rgyal po ni chos ma yin pas rgyal po byed do/ / shing sgrogs dang / rkang sgril dang / lag sgril dang an pa na btags pa rnams kyis yul na gnas pa'i skye bo mang po la gnod pa byed do// de'i mi rnams nan gyi dpya bla skyes rgyud mas 'jigs te/ rgyal po dbang chen sde'i yul du dong ste 'khod do// de nas phyi zhig na nyid 'og gi rgyal po de blon po mang pos zham ring byas nas/ yul ltar song song ba las/ des bltas na/ grong dang / grong khyer dang / grong rdal dang / nags khrod kyi grong dang / tsheng dus dag stongs par mthong nas/ blon po rnams la kA ye tsi
- 178a
phyir yul stongs la thug par gyur ces dris na/ blon po rnams na re/ lha rgyal po dbang chen sde'i yul 'byor pa dang / rgyas pa dang / bde ba dang / lo legs pa dang ldan pa/ skye bo mang po de dag kyang dpya khral ma mchis pa dang 'dra bar 'khod pas na/ skye bo phal po che rnams der dong ste 'khod do zhes zer ro// de nas de thos ma thag tu nyid 'og gi rgyal po de khros nas/ dpung gi tshogs yan lag bzhi go bskon te/ rgyal po dbang chen pa dang g.yul 'gyed pa'i phyir drangs so// de nas rgyal po dbang chen sdes nyid 'og gi rgyal po de khros nas dpung gi tshogs yan lag bzhi pa go bskon te/ bdag dang g.yul 'gyed pa'i phyir drangs so zhes thos so// thos nas kyang blon po rnams sogs te bsgob/ kye ngas ni tshe gcig gi 'tshe ba tsam gyi byiphyir sdig pa byed mi phod kyis/ gal te khyed yul phung bar mi 'dod na ni/ nying 'og gi rgyal po de la phyag tshol cig/ nga ni de la gnod pa byed mi phod do zhes byas nas tshigs su bcad de smras pa nags kyi nang na shing shun shar bu'i gos gyon cang / / 'bras bu zal gcan gzan dag dang 'grogs kyang bla'i// 'jig rten pha rol dag gis 'dzes pa'i mi rnams kyis// rgyal srid dag gi phyir/ ni gsad dang bcing mi bya// de nas blon po rnams kyis bsams pa/ rgyal po 'di ni su la yang gsod mi bod de/ bdag cag kun med par gyur na mi rung gis/ bdag cag thams cad kyi 'da' la
- 178b
sdug bsngal bar gyur pa bas ni/ bdag cag gis 'di gcig pu bor yang bla 'am snyam nas/ de dag gis rgyal po bor te/ nying 'og gi rgyal po de la babs so// de nas rgyal po dbang chen sdes kyang tshor te/ blon po 'di rnams kyis bdag por ro snyam nas/ nags kyi nang du gnas bcas te/ de der song nas rtsa ba dang 'bras bu za zhing 'dug go/ de song ba'i 'og tu nying 'og gi rgyal po de/ 'ongs nas/ yul ba rnams la rgyal po de gar song zhes dris na/ blon po rnams na re/ lha bros lags so zhes zer ro// de nas nyid 'og gi rgyal pos yul de cham du phab ste/ dpa' ro thams cad kyis bya dgar bgo bsha' byas nas yul de nyid du btab ste 'dug go/ / de nas de'i tshe ri khrod kyi grong zhig na/ bram ze dbul po 'tsho bas 'phongs pa zhig gnas te/ mthar gyis de'i bu dang bu mo mang po btsas nas/ de gso ba mang la/ yul der mu ge yang byung nas/ des khyim gyi bza' mi rnams bskyang ma nus so// de nas bram ze de sa wA rA NA si na rgyal po dbang chen sde zhes bya ba bzhug te/ rgyal po de yang byams pa'i bdag nyid can rnying rje dang ldan pa/ sems can la byams pa/ sbyin pa la dga' ba/ thams cad sbyin par byed pa zhig go/ zhes thos nas/ bdag de'i thad du 'gro bar bya'o// de'i thad du song ba dang / bdag gi nor de las 'ong ngo snyam nas/ wA rA NA sir song ngo // de der song nas rgyal po dbang chen sdes
- 179a
nags su gnas bcas so zhes thos so/ / thos ma thag tu bram ze de shin tu sdug bsngal bar gyur nas bsams pa/ bdag de'i thad du dka' thub kyi nags tshal du song ba dang / de de na 'dug kyang bdag la nor byin par 'gyur yang srid do snyam nas/ sa phyogs gang na byang chub sems dpa' bla der song ste/ de'i thad du song nas/ byang chub sems dpa des de la tshig 'jam pos mgu bar byas te/ rtsa ba dang 'bras bu dag byin nas dris pa/ khyod 'dir ci la 'ongs/ bram zes smras pa/ da ltar mu ge byung ste/ 'phongs shing gnod par gyur la/ bdag la gso ba yang mang na/ bdag gis de dag gso yang ma nus nas bdag gis thos na/ rgyal po dbang chen sde ni thams cad sbyin par byed do zhes thos nas/ de dag gi nor gyi 'byung khung du 'gyur ro snyam ste/ khyod kyi thad du mchis so// byang chub sems dpas smras pa/ des na nags kyi nang du gnas bcas so zhes khyod kyis ma thos sam/ da de la nor ga la yod de thos ma thag tu bram zer thag chad nas brgyal te sa la 'gyel to/ / de nas byang chub sems dpa' des gdong du chus gtor te bslang ngo // des bsams pa/ bdag la 'tshe ba 'di lta bu dgos kyis/ bdag song la nags stug po'i nang du zhugs te 'chi bar bya'o snyam nas/ thag pa khyer te nags stug po'i nang du zhugs nas/ shing kanas thag pa btags te 'geg par byas pa
- 179b
las byang chub sems dpas mthong nas/ mthong ma thag tu snying rje skyes te/ des bsams pa/ gal te bram ze 'dis bdag khrid de dgra'i thad du song na ni/ des 'di la nor gyi phung po chen po byin par 'gyur ro snyam nas/ bram ze de la smras pa/ bram ze gzu lums ma byed cig dang / ngas khyod kyi dbul ba gcod par bya'o// bram ze khyod tshur shog/ dpying ka log tu dam por bcings la/ rgyal po che ge mo zhig gi thad du khrid de song zhig dang / des khyod la nor gyi phung po byin par 'gyur ro// bram zes smras pa/ bdag ni khyod lta bu 'ching mi phod do/ / byang chub sems dpas smras pa/ the tsom med par gyis lang chings la khrid de song zhig/ de las thabs gud nam mthong ngo // de nas bram ze de na re/ khyod ji ltar 'dod pa bzhin du bgyi'o zhes byas nas/ bram ze des byang chub sems dpa' phying ka log tu dam du bcings nas khrid de wA rA NA sir chas so// de nas skye bo mang po de dag gis mthong nas ngo shes te/ de dag rgyal po'i thad du dong ste gsol na/ de dag la rgyal po yid mches nas de bltas bzhin du rgyal po'i pho drang nas byung ste/ byang chub sems dnga'i thad du song nas/ bram bi des byang chub sems dpa' dam du bcings nas khrid de 'ongs pa mthong ngo / / mthong nas kyang dris pa/ 'di khyod kyis galas khrid 'ongs/ des smras pa/ 'di ni lha'i dgra lags te/
- 180a
@'di bdag gis dka' thub kyi nags tshal na gnas pa la/ mthus bzung nas khrid de mchis so// de nas rgyal pos bsams pa/ rgyal po 'di ni lus che zhing skyobs che/ la/ bram ze 'di ni lus nyam chung bas na/ 'dis 'di bzung bar gal nus te/ 'di snying rje che la sems can la byams pas na/ 'dis bdag gis bdag bcings nas/ 'di la byin ger ma chag/ skam ste/ bram ze de la smras pa// bram ze 'di khyod kyis ji ltar bzung ba drang por smros shig/ de nas bram ze des rgyal po de la ji ltar gyur pa bzhin du bsnyad do// de nas de thos ma thag tu rgyal bo de dad par gyur nas/ sems can dag pa 'di lta bu la bdag gis gnod pa byas so snyam nas/ bdag nyid kyis bkrol te rgyal po'i pho brang du spyan drangs te/ yan lag thams cad kyis 'khyud de/ seng ge'i khri steng du ban gnas/ cod ngan gyi thabs phud de/ byang chub sems dpa'i dbul tags nas smras pa/ khyod ni rgyal po'i ngos lags kyi/ bdag ni 'os ma lags so zhes byas nas/ des de la dpung gi tshogs dang / dkor mdzod rnams phul nas/ bzod pa gsol te rang gi yul du song ngo // de nas rgyal po dbang chen sdes bram ze de la nor gyi phung po chen po byin nas/ dge ba bcu'i las kyi lam la gnas par byas so// dge slong dag de'i tshe rgyal po dbang chen sder gyur pa byang chub sems dpa'i spyod pa la gnas pa gang
- 180b
yin pa de na nga nyid yin no/ / de'i tshe bram zer gyur pa gang yin pa de ni bram ze 'di khon yin te/ de'i tshe yang 'di dbul bas 'jigs pas bdag nyid 'chi bar byas pa las/ ngas nor gyi sa po chen po byin das dge ba bcu'i las kyi lam la gnas par byas so/ / da ltar yang 'di dbul ba'i 'jig pas bdag nyid 'chi bar byas pa las/ ngas nor gyi phung po chen po byin nas/ gdung rlung gi mthar thug pa grub pa dang bde ba'i mya ngan las 'das pa la bzhag rngon pa zhes bya ba ni/ bcom ldan 'das yul ma ka d+hAr ljongs rgyu ning gshegs pa las/ po'i khab tu byon nas/ rgyal po'i khad kyi 'od ma'i cha la bya ka lan ta ka gnas pa na bzhugs so// de'i tshe lhas byin ni rgyal po'i khab na gnas pa'i skye bo mang po la rtag tu nyes pa byed do// gang dang gang la nyes pa byas pa de dang de bcom ldan 'das la nyes pas sting bar byed do// de nas bcom ldan 'das kyis/ tshe dang ldan pa kun dga' bo la bka' stsal pa/ kun dga' bo song la chos gos snam sbyar gyon te/ dge slong su yang rung ba zhig grogs su khrid la/ rgyal po'i khab tu lam po che dang / srang dang / bzhi mdo dang / sum mdo dag tu bram ze dang khyim bdag rnams kyis lhas byin nas/ lhas byin gyi phyogs kyis su la nyes pa byas pa des/ sangs rgyas sam/ chos sam/ dge 'dun la 'dogs par ma byed cig ces sgo zhig
- 181a
gal te lhas byin ni rdzu 'phrul che zhing mthu che ba yin no zhes zer na/ sngan ni rdzu 'phrul chen/ da ni de'i rdzu 'phrul nyams so zhes gyis shig ces bka' stsal to// de nas/ kun dga' bo song ste/ rgyal po'i kha ba tulam po che dang / srang dang / bzhi mdo dang / sum mdo dag tu bram ze dang / khyim bdag rnams la bsgo nas/ phyin chad bcom ldan 'das la nyes pas sting bar mi byed do/ / de nas phyi zhig na bcom ldan 'das bsnyung bar gyur nas/ sman pa 'tsho byed kyis bcom ldan 'das la sman mar lcags mda' zhes bya ba phul lo// de nas bcom ldan 'das kyis/ sman pa'i rgyal po 'tsho byed la bka' stsal pa/ 'tshe byed ngo mtshar che'am/ gsol pa/ bcom ldan 'das ngo mtshar che lags so// bka' stsal pa/ 'tshe byed rmad du byung ngam/ gsol pa/ bcom ldan 'das rmad du byung lags so// bka' stsal pa/ 'tsho byed shes sam/ gsol pa/ bcom ldan 'das bdag 'tshal lags so/ / bka' stsal pa/ 'tsho byed khyod mi shes sam/ gsol pa/ bcom ldan 'das bdag ma 'tshal lags so// bka' stsal pa/ 'tshe byed ci zhig ngo mtshar che/ gsol ba bcom ldan 'das pa rnams rba ba zhing cu 'thung la/ de dag las bdud rtsi 'di 'grub cing des sman mar zhugs mda' zhes bya ba bsgral lags so// bka' stsal pa/ 'tsho byed mi zhig mang /
- 181b
byung / gsol ba/ bcom ldan 'das sangs rgyas 'jig rten du byung ba las dam pa'i chos bstan pa dang / dge 'dun gyi sgrub pa bzang po 'byung lags so// bka' stsal ba/ 'tsho byed khyod ci zhig shes/ gsol pa/ bcom ldan 'das skyes slan chad gdon mi 'tshal bar 'gum par 'tshal lags so// bka' stsal pa/ 'tsho byed khyod ci zhig mi shes gsol pa bcom ldan 'das su gang du 'chi bde ma 'tshal lags so/ / des dge slong rnams the tsom skyes nas/ the tsom thams cad gcod pa sangs rgyas bcom ldan 'das la gsol pa/ btsun pa 'tsho byed kyis bcom ldan 'das kyis dgongs te gsungs pa rtogs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis nga'i dgongs te gsungs pa ji ltar rtogs pa de nyon cig/ dge slong dag sngon byung ba 'das pa'i dus na/ ri khrod kyi grong zhig na/ khyim bdag phyug cing nor mngal longs spyod che ba zhig gnas pa des/ thabs zlar bab pa las chung ma blangs nas/ de de dang lhan cig tu rtse zhing dga' la dga' dgur spyod do// de rtse ning dga' la dga' dgur spyod pa las/ byi zhig na de'i chung ma la bu chags nas/ de zla ba dgu 'am bcu lon pa dang / khye'u nig tsas te/ de'i btsas ston zhag bdun gsum nyi shu rtsa gcig gi bar du rgyas par byas nas/ rigs dang 'thun pa'i ming
- 182a
btags so/ / de'i 'og tu yang de rtse zhing dga' la dga' dgur spyod pa las bu zhig btsas te/ de'i yang btsas ston rgyas par byas nas rigs dang 'thun pa'i ming btag/ so// de nas bsams pa/ bdag gi bu lon 'tshob pa dang nor spyod pa skyes zin gyis/ zong khyer la bdag yul gzhan du 'gro bar bya'o snyam mo// de nas yang bsams pa/ bdag gi chung ma 'di byad bzhin bzang bas/ bdag gis 'di la kar sha pa Na mang po byin te song na ni/ skyes pa gzhan dang lhan cig tu dga' la dga' dgur spyod par 'gyur yang srid kyis/ ma la bdag gis 'di la kar sha pa na nyung ngu zhig byin te 'gro bar bya'o snyam nas/ des de la kar sha pa Na nyung ngu zhig byin nas/ de ma yin pa gser rnams ni bum pa'i nang du bcug ste/ bum pa'i mgrin pa mu tig gi 'phreng bas btsongs nas/ dur khrod du shing rta rna zhes bya ba'i drung du sbas te bzhag nas/ zong khyer te yul gzhan du song nas/ des der rnyed pa mang po grub nas/ des der yang chung ma blangs te 'dug nas de'i bu mang po btsas so/ / de nas chung ma snga ma ga du bu zhes bya bas lag 'ongs dang nye dus bshugs pa tsam gyis du gnyis gsos gnams nas/ bu gnyis kyis smras pa/ bdag cag gnyis kyi lagar song / mas sbas pa/ bu yul gage mo zhig na/ gnas che ge me zhig na 'dug ste/ de nor sun sum tshogs pa chen po dang ldan
- 182b
/ zhes kyang grag gis der song zhig dang / gal te na khyed kyi 'tshe ba'i thabs cung zad byin yang srid do zhes byas so// de nas phu bo shos pa 'tshal du song song ba las/ de lam nas lam du 'khor 'khor te/ mthar gyis pa'i drung du byin nas/ phas bzhin gyi gzugs las ngo shes nas/ skad phyung ste smras pa/ khyod ga las 'ongs/ dgar 'gro zhes byas nas/ des rgyas par bsnyad do/ / de nas pas bsams pa/ 'di ni bdag gi bu de kho na yin no snyam nas des de bdag gi thad du bzhag nas bsgo ba/ bu khyod kyis su la yang bdag gi pa yin zhes ma zer cig ces byas nas/ de de la byams par gyur to// de nas bu gzhan rnams kyis yang khye'u 'di su'i lags/ phas smras pa/ nga'i mdza' bo'i bu yin no// de nas de dag gis bsams 'di ltar 'di la shin tu byams pa las na/ 'di nyid kyi bu yin gor ma chag snyam mo// de nas de dag gcig la gcig smras te/ 'di ni bdag cag gi bu bo yin no zhes zer ro// de nas pas bsams pa/ dgra'i nang na ni 'di lta ste/ mas dben 'di ma rungs pa yin te/ 'di bsad du 'ongs gis phyir btang ngo // de lta mod kyi gal te bdag gis cung zad cig 'di la byin na yang / lhod pa can yin pa'i phyir lam du gsad du 'ong na/ ma la bdag gis 'di phyir btang ngo snyam nas/ yi ge zhig bris te byin pa/ gnas nas shar phyogs logs su dpag tshad gcig
- 183a
tsam na/ / grong nas grong du mgyogs kyi rna ba'i shing gi drung // der ni thabs mkhas bag dang ldan pas brkos nas kyang // bdag dang nor skal gcig pa khyod kyis gse bar gyis/ / mgul na 'dug pa gang yin de ni gdu bu byin// zhes zer ba zhig yi ger bris nas byin te/ des yi ge de khyer te chas nas song ba las/ nu bo rnams kyis lam du bzung ste/ ba las khyod kyis ci thob ces byas so// des smras pa/ ci yang ma thob ste yi ge 'di byin par zad do zhes byas so// de nas de dag na re/ 'di ni bas brid pa lta ste stong zhig ces byas nas de bta ste mthar gyis rang gi khyim du phyin nas/ re zhig ngal bso zhing 'dug 'dug nas/ mas smras pa/ khyod kyis pa las ci thob/ bus smras pa/ cang ma thob mod kyi/ yi ge 'di lta bu zhig/ thob bo// mas smras pa/ bu khyod pas brid de lam gyi tshegs byung kho nar zad kyi ci yang ma grub bo// bus sbas pa/ yum de ni che ba yin te/ bdag 'drid par mi byed do zhes byas nas de mi/ ge de dpyod pa la zhugs te/ grong nas zhes bya ba ni gang du skyes pa ni yin te/ de ni 'di grong zhes bstan to// grong du zhes bya ba ni gang du byung ste bsreg pa'i sa yin no// mgyogs kyi rna pa shing drung zhes bya ba la mgyogs zhes bya ban ta yin te/ de'i rnama'i shing zhes bya ba ni tan zhes byaste/ shing rtana'i drung la bya'o// gnas nis shar phyogs logs su zhes bya ba ni shar phyogs yin
- 183b
no/ / dpag tshad gcig tsam zhes bya ba 'di ni 'dir dpag tshad gcig kho na la bya'o snyam nas/ des tshigs su bcad pa de lta bur dpyad nas/ mtshan mo mi rgyu ba'i tshe dur khrod du song nas/ rdog 'dab na rta rna zhes bya ba'i shing zhig 'dug ste/ des de'i shar phyogs logs su btsal te/ gnya' shing gang tsam tshun chad du brkos pa dang / re zhig na gser gyi bum pa mgrin pa mu tig gi 'breng bas bcings pa zhig mthong nas/ de dga' ches te de blangs nas khyim du song ste/ mu tig gi 'greng ba bkrol nas ma gdu bu la byin no// dge slong dag ji snyam du sems/ de'i tshe khyim bdag tu gyur pa gang yin pa de ni nga nyid yin no/ / de'i tshe de'i bur gyur pa gang yin pa de ni 'tsho byed 'di kho na yin te/ de'i tshe yang 'dis nga'i dgongs te gsungs pa rtogs so// da ltar yang 'dis nga'i dgongs te gsungs pa rtogs so/ / de nas 'tsho byed kyis bsams pa/ bcom ldan 'das ni rdo rje lta bu'i sku mnga' la/ sku che bas na sman mar nyung ngus 'di gso bar mi nus snyam ste/ des brtags nas sman mar srang sum cu rtsa gnyis srang la btsal te/ bcom ldan 'das kyi skur gsol to// lhung bzed kyi lhag ma ni dge slong rnams la bstabs pa las/ bcom ldan 'das kyi lhung bzed kyi lhag ma'o snyam nas dge slong rnams kyis bskud cing btang ngo / / de nas lhas byin gyis bsams pa/ bdag gis kyang sman mar btung ngo snyam nas/ des 'tshe byed la dris pa/
- 184a
'tsho byed dge sbyong go'u tams sman mar ji tsam ji tsam zhig 'thungs/ 'tsho byed kyis smras pa/ srang sum cu rtsa gnyis gsol to// lhas byin gyis spras pa/ ngas kyang srang sum cu rtsa gnyis btung ngo / / 'tsho byed kyis smras pa/ bcom ldan 'das ni rdo rje lta bu'i sku mnga' la/ sku che bas na sman mar de snyed gsol ba dang 'ju bar spyod kyi/ khyod kyis ni 'ju bar mi nus so/ / lhas byin gyis smras pa/ nga yang rdo rje lta bu'i lus can yin na/ ci'i phyir 'ju mi nus zhes byas nas/ des kyang srang sum cu rtsa gnyis 'thungs so// de nas bcom ldan 'das kyis ni zhu bar gyur/ lhas byin gyis ni ma zhu bar gyur to// de nas byid nyid yang 'tsho byed kyis bcom ldan 'das la sman mar 'bras chang gyi khu ba dang sbyar ba gsol to// lhas byin gyis kyang bcom ldan 'das kyis gsol bas/ nga rgyal gyi dbang gis ma nu bzhin du sman mar 'bras chang gyi khu ba dang sbyar te 'thungs nas zug gzer gyis btab ste/ gnad la bab pa'i na tshas thebs nas gzhi de nas sdug bsngal drag pa dang / mi bzad pa dang / tsha ba dang yid du mi 'ong ba'i tshor ba myong nas nyin mtshan du gnyid kyang mi log par gyur to// tshe dang ldan pa kun dga' bo ni bra nra bol byams te/ des gtam bcom ldan 'das la gsol to// de nas bcom ldan 'das kyis phyag glang po che'i sna lta bu/ 'khor lo dang / bkra shis dang / g.yung drung ris dang ldan pa
- 184b
bsod nams brgya phrag du ma las byung ba/ 'jigs pa thams cad dbugs 'byin par byed pa'i phyag brkyang ste/ bya rgod kyi phung po'i ri las thal nas/ lhas byin gyi mgo la bzhag ste bden pas bskul ba mdzad pa/ bden pa gang gis nga'i bu gcig pa sgra gcan zin bzang po sdug gul ji lta ba bzhin du sems lhag chad med par lhas byin la yang de kho na bzhin du sems na/ bden pa des 'di'i nad zhi bar gyur cig ces gsungs nas/ bden pas bskul ba de kho na'i maud la lhas byin gyi nad zhi bar gyur te/ srog yal ba las phyir thob par gyur to// de nas des bcom ldan 'das kyi phyag mthong nas ngo shes te/ des bsams pa/ 'di ni dge sbyong go'u ta ma'i lag pa yin no snyam nas/ de yun ring po nas sems kyi rgyud g.yo sgyus bsgrubs pas rgyags pas gos shing dbang du byas pas/ de ltar sangs rgyas kyi che ba nyid kyis nad zhi bar byas kyang / 'di skad du don grub khyod kyis sman dpyad legs par lobs te/ 'dis ni khyod 'tsho ba rnyed par nus zhes zer ro/ / de nas 'khor na 'khod pa rnams kyis sgra bsgrags pa/ lhas byin nad tshabs chen pos gzir te srog yal ba las/ bcom ldan 'das kyis bden pas bskul bas sos par mdzad do zhes 'dzer to/ / lhas byin gyi phyogs su shin tu zhen pa rnams kyis kyang de thos nas/ bcom ldan 'das kyi ngo mtshar che ba brjod de/ kye ma 'di'i byams pa ni
- 185a
yang dag par phun sum tshogs par gyur to/ / kye ma sems can rnams la snying rje bsgoms so zhes bzer to// de nas dge slong rnams kyis/ lhas byin la smras pa lhas byin khyod ni bcom ldan 'das kyis sos par 'dzad do/ / kyi na ni srog dang bral zin no// lhas byin gyis smras pa/ 'di ni yid sbyar bar byed pa'i rgyu shes te/ des na 'jig rten thams cad zhi bar byed do/ / de nas de dag 'di ni drin du mi gzo ba dang / byas pa mi tsher bzhig go snyam te dong nas/ bcom ldan 'das ga la ba der dong ste lhag nas the tsom skyes te/ the tsom thams cad gcod pa sangs rgyas bcom ldan 'das la gsol pa/ btsun pa lhas byin drin du mi gzo ba dang / byas pa mi tsher ba dang / byas pa chud gzon pa la gzigs bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang 'di ji ltar drin du mi gzo ba dang / byas pa mi tsher ba dang / byas pa chud gzon par gyur pa de nyon cig/ dge slong dag sngon byung ba 'das pa'i dus na/ yul po de ha zhes bya ba na/ rgyal po dbang chen sde rgyal po byed de/ de'i tshe na nags khung dgon pa zhig na khron pa zhig yod do/ / khron pa de'i nang du srog chags lnga lhung ste/ mi dang / seng ge dang / sbrul dang / byi ba dang / byi khra rnams so// rngon pa zhig kyang nags khung dgon paden ri dgas
- 185b
gshor zhing 'dug pa las skom gyis gdungs nas khron pa de'i drung du song ste/ des khron pa de'i nang du bltas na/ mi des mi de mthong ma thag tu lus btab ste/ kye grogs po bdag cag gi skyabs gyis shig ces byas so/ / de nas des thos ma thag tu rngon pa de yang de dag la snying rje skyes nas/ gal te bdag gis 'di rnams ma byung na ni/ 'di dag thams cad gyin 'da' la 'chi bar 'gyur ro snyam nas/ des thag pa khyer te 'ongs nas de dag thams cad khron pa de'i nang nas bton to// de nas phyi zhig na rngon pa de ri dgas gshor zhing nags khung du song ba las/ ri dgas kyi rgyal po seng ge des mthong nas/ seng ges/ rngon pa la smras pa/ grogs po khyod ci'i phyir nags khung 'di na rgyu zhing 'dug/ rngon pas smras pa/ ri dgas gshor ba'i phyir bdag 'di na rgyu zhing 'dug ste/ bdag gi 'tsho ba 'di yin no// seng ges smras pa/ grogs po khyod nyon mongs par ma byed/ ngas khyod la drin lan blun par bya ste/ khyod 'di na 'dug na nyin gcig bzhin du ri dgas bzang ngo cog bsad de sha ji snyed dgos pa de snyed sbyin no zhes smras nas/ ri dgas kyi rgyal po seng ge song ste/ des nyin gci bzhin du ri dgas bzang ngo cog bsad nas de la sha mang po byin no/ / de nas phyi zhig na rngon pa des sha khur gyis bskyas te rang gi khyim du 'gro ba na/ de byi khra des mthong nas ngo shes te/
- 186a
khra des/ rngon pa la smras pa/ grogs po khyod dka' bas 'tsho ba 'di lta bu zhig gis 'tsho zhing 'dug gam/ rngon pas smras pa/ bdag gi 'tsho ba ni 'di yin te/ thabs 'dis bdag 'tsho ba tshol lo// de nas khra des bsams pa/ mi 'dis sngon bdag gi srog phyung bas na 'di la bdag gis drin lan bsab dgos so snyam nas/ des smras pa/ grogs po khyod 'dir 'dug cig dang / bdag gis khyod kyi dbul ba gcad par bya'o zhes byas nas song ngo // de nas khra de rgyal po'i pho brang 'khor du song nas bdag gis 'dir ci zhig rnyed par 'gyur zhig gu/ bdag gis de khyer nas mi de la sbyin par bya'o snyam ste/ steng gi nam mkha' la lding zhing du bltas na/ de'i tshe pho brang de na rgyal po dbang chen sde'i btsun mo dam pas rgyan thams cad bkrol nas/ gab tse'i nang du bzhag nas sla 'khru ba las/ khras rgyan rnams khyer nas mau de la byin te/ des de khyer te rang gi khyim du chas ba las/ de mi des mthong nas ngo shes te dris pa/ grogs po khyod kyis 'di ga las rnyed/ rngon pas/ de la smras pa/ khras bdag la byin no zhes byas nas/ rngon pa de rang gi khyim du song ngo / / de nas rgyal po dbang chen sdes bya ba thams cad la bsko ba/ khyed de la bya tshad thams cad du song ste/ rgyan de dag khyer te shog cig ces byas so// mi snga ma des kyang
- 186b
tsher nas bsams pa/ 'dis bdag lan gnyis khron par lhung ba las byung na mi rung gis/ bdag rgyal po'i thad du song la gsol bar bya'o// 'on tang des bdag la bya dga' byin par gyur ro snyam nas/ mi de song ste rgyal po la gsol pa/ rngon pa che ge mo zhig gis lha'i rgyan rnams khyer ro zhes byas so// de nas de thos ma thag tu del bya dga' chen po byin no// de nas rngon pa de bkug ste rgyan rnams kyang phrogs nas khri mon 'dir bcug go/ / de khri mon na 'dug pa ni byi ba des ngo shes te/ des bsams pa/ mi gang gis bdag gi srog phyung ba de ni 'di yin gyis// 'di la bdag gis drin lan bsab par bya'o snyam nas/ des smras pa/ grogs po khyod ci nyes te khri mon 'dir bcug/ de nas de la des thams cad rgyas par bsnyad do// de nas byi ba des smras pa/ grogs po khyod brtan por mdzod la spro ba chen po skyed cig dang / ngas khyod 'di na 'dug pa'i tshe zas dang skom gyis mdo mi gzung bar bya'o zhes byas nas/ byi ba de sa khri mon na 'dug pa de la zas skom gyis mdo mi bzung bar byas so/ / de nas phyi zhig na mi de khri mon na 'dug bzhin du sbrul gdug pa des srog gcig tu byas te/ 'di langs drin lan blan par bya'o snyam du bsams nas/ mi de la smras pa/ kye mi khyod ngas khri mon 'di nas thar par byas te/ dbang phyug gi bdag po chen po la gzhag par bya'o zhes byas nas/ ngas rgyal po 'di dug gis
- 187a
zin par byas la/ de bdag gis ci bya gtol med par gyur tang / de'i tshe khri mon na 'dug pas/ rgyal po 'di gzhan sub kyang sos par byed mi nus te/ dbaba' zhig gis gso nus so zhes kyis shig/ de nas rgyal po des khyod bkug pa dang / khyod der song la ba glang gi lci bas dkyil 'khor gyi sa la me sbar te/ sngags 'di bzlas brjod gyis shig dang / khyod kyi sgra thos pas nga 'ong gis/ khyod kyis nga 'ongs nas 'di skad du/ yang na mer mchongs shig/ yang na ni rgyal po'i dug med par gyis shig ces byos shig dang / ngas khyod la 'di skad bdag ni me'i nang du mchod par bya'i/ rgyal po'i dug ni med par mi bya'o zhes bya'o// de nas khyod kyis nga la 'di skad du khyod kyis srog mi gtang gi/ khyod kyis rgyal po 'di dug med par mi byar mi rung ngo zhes gyis shig dang / ngas khyod kyi tshig gis rgyal po'i dug med par bya'o// 'on tang de'i tshe rgyal po khyod la mnyes par gyur nas/ khri mon nas btang ste nor gyi phung po chen po byin par 'gyur ro zhes byas nas/ sbrul gdug pa de song ste/ rgyal po de dug gis zin nas/ rgyal po de ci bya gtol med par gyur nas/ rngon pa des/ btson srungs rnams la smras ba rgyal po 'di sus kyang dug med par mi nus te/ ngas 'di'i dug med par byed nus so zhes byas so// de nas btson srungs rnams kyis/ rgyal po la gsol to// de nas
- 187b
/ rgyal pos mi de bkug nas smras pa/ kye gal te mi khyod kyis nga'i srog kyi skyabs byed nus par gyur na/ ngas khyod la nor gyi phung po chen po sbyin no zhes byas so// de nas mi des smras pa lha brtan por mdzod la spro ba chen po skyed cig dang / bdag mchis bzhin du khyod grongs par mi 'gyur ro zhes byas nas/ mi des pa glang gi lci bas dkyil 'khor byas nas me sbar te sngags brjod do/ / de nas de thos nas sbrul gdug pa de dkyil 'khor gyi drung du 'ongs te 'dug go/ de nas mi des smras pa/ khyod 'di na 'dug pas don gnyis shig bya dgos te/ yang na ni rgyal po'i dug med par gyis shig/ yang na ni me'i nang du mchongs shig ces byas so// de nas sbrul gdug pas sbas pa/ bdag 'di na 'dug pas don gnyis bya dgos pa la/ yang na bdag nyid gtang bar bya dgos/ yang na rgyal po bsod dgos so zhes byas nas/ sbrul gdug pa de mngon du phyogs shing 'dug pa la mi des bzlog te smras pa/ khyod kyi srog bor du zin kyang ngas rgyal po'i srog mi btang gis/ khyod kyis rgyal po 'di'i dug med par mi byar mi rung ngo zhes byas so// de nas de thos ma thag tu sbrul gdug pa des rgyal po'i dug med par byas so// de nas rgyal po mnyes par gyur nas/ rngon pa de la nor gyi phung po chen po byin te btang ngo // dge slong dag ji snyam du sems/ de'i tshe rngon pa byang chub sems dpa'i spyod pa la gnas pa
- 188a
gang yin pa de ni nganyid yin no/ / de'i tshe mo'i rgyal po la gsol ba gang yin pa de ni was byin 'ad khon yin te/ de'i tshe yang 'di drin mig tho ba dang / byas pa mtshor bad/ byas pa chud gzon par gyur to/ bam po sum cu lngapa/ mos pa zhes bya ba ni/ gleng ga ni mnyan du med pa na bzhugs te/ de'i tshi yul shu par kan khyim bdag cig gnas pa des/ thabs zla bab pa las chung ma blangs nas/ de de dang lhan cig rtse zhing dga' la dga' dgur spyod pa las/ byi zhig na de'i chung ma la bu chags nas de zla ba dgu 'am bcu lon pa dang / khye'u gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming rmos pa zhes btags so// de nas khye'u rmos pa'o ma dang / zhe dang / mar dang / zhun mar dang / mar gyi snying khus bskyed bsrings te/ de gang gi tshe cher skyes pa de'i tshe/ yi ge dang / khong rtsis dang / shod dgod pa dang / lag rtsis dang / dbyung ba dang / sba ba dang / dgram pa dang / gos brtag pa dang / nor bu brtag pa dang / rin po che brtag pa dang / spos brtag pa dang / sman brtag pa dang glang po che brtag pa dang / rta brtag pa dang / go mtshon brtag pa bslabs te/ yi ge mkhas pa dang / klog mkhas pa dang / mdzangs pa dang / bya ba la gsal ba dang / yid ga chu
- 188b
pa dang / brtag pa rnam pa brgyad la byung bar gyur te// de nas phyi zhigan de'i lus shur gu yungs 'bru tsam shasugags rgyas par gyur te/ shur ngu de dag kyang blon te dol nas/ 8 lus rmas nu lub tu yog par gyur to/ / de na do'i phas sman pa thams cad dang / yo byad thams cad sbyar te/ gsos kyang de sos par byed ma nus nas/ ji tsam du tshabs che bar gyur pa de tsam du/ lus las rnag khrag 'dzag ste/ dring ba 'byung ngo // de nas de'i lus thams cad spos sna tshogs kyis byugs te/ gos kyis g.yogs nas gso bar byed do// de nas de'i phu nu rnams kyis mthong nas ming spos te/ khye'u 'di'i lus gos dang rgyan rnams kyis g.yogs te gsos pas na/ 'di'i ming sbas pa zhes zer ro// de nas de la la las ni rmos pa zhes bya bar shes so// la las ni sbas pa zhes bya bar shes so/ / de nas phyi zhig na de'i pha ma gnyis shi'o// pha ma gnyis shi nas las su bya ba thams cad khye'u des so chis byed do// de las gang byed kyang rung / zhing las gang byed kyang rung / tshong byed kyang rung / klu'i las byed kyang rung / des las byas so cog 'jig cing 'grub par mi 'gyur ro// de nas khyim bdag rmos pa de 'di snyam du sems te/ bdag gis 'dir las gang byed kyang rung ste/ zhing las byed kyang rung / tsheng byed kyang rung / gru'i las byed kyang rung / bdag gis las byas so cog 'jig cing 'grub par mi 'gyur na/ 'dzag
- 189a
rten na mo 'jig pa'i chos gang 'jig par mi 'gyur ba 'ga' lta yod dam zhig gu snyam mo/ / de nas khyim bdag rmos pa de'i mdza' bo dang / grogs po dang / nu dang / rgan rabs snying gi bu sngon gyi lha zhig khyim bdag rmos pa'i khyim go sgrog la ba der song ste byin nas/ khyim de thams cad snang ba chen pos khyab par byas te/ khyim bdag rmos ba la 'di skad ces smras so/ / khyim bdag khyod kyis 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes sam/ khyim bdag gis smras pa/ lha bdag gis ni 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes na/ lnga khyod kyis 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa shes sam/ lngas smras pa/ khyim bdag ngas kyang 'jig rten na 'jig pa'i chos can gang yin pa dang / 'jig pa'i chos can ma yin pa gang yin pa mi shes so/ / khyim bdag gis smras pa/ lha 'o na 'jig rten ni 'jig pa'i chos can gang yin pa dang / 'jig pa'i chos can ma yin pa gang yin pa sus shes lhas smras pa/ khyim bdag shes pa yod de/ dge sbyong ko'u ta ma shAkya'i bu/ shAkya'i rigs las skra dang kha spu bregs te/ chos gos tshon can bgos nas/ yang dag pa'i dad
- 189b
pas khyim nas khyim med par rab tu byung nas/ des bla na med pa yang dag par rdzogs pa'i byang chub mngon par rdzogs par sangs rgyas te/ bcom ldan 'das des ni 'jig rten na 'jigapa/ chos can gang yin pa dang / 'jig pa'i chos can ma yin pa gang yin pa mkhyen to// khyim bdag gis smras pa/ lha bcom ldan 'das de da lta ga la bzhugs/ lhas smras pa/ khyim bdag shar phyogs kyi ljongs na/ yul mnyan du yod pa zhes bya ba zhig yod de/ de'i nang du rgyal bu rgyal byed kyi tshal mgon med zas sbyin gyi kun dga' ra ba na da ltar bcom ldan 'das de bzhugs kyis/ khyim bdag khyod 'dod na/ bcom ldan 'das ga la ba der song la/ der phyin nas bcom ldan 'das la don 'di dris la/ bcom ldan 'das des khyod la ji skad du lung bstan pa de bzhin du zung zhig ces smras nas/ lha de de nyid du mi snang bar gyur to// de nas de thos ma thag tu khyim bdag rmos pa bcom ldan 'das blta 'dod par gyur to// de nas phyi zhig na/ yul shur pa ra ka'i tshong pa mang po dag gis zong khyer te/ mnyan du yod par dong nas/ de dag der dong bas/ bcom ldan 'das kyi bstan pa la dad pa rnyed par gyur te/ skyabs su 'gro ba dang / bslab pa'i gzhi rnams blangs nas/ de dag phyi zhig na zong dang rin rnams khyer te/ yul shur pa ra kar 'ongs nas/ de dag gis khyim bdag rmos pa'i mdun
- 190a
du sangs rgyas dang chos kyi bsngags pa brjod do/ / 'di skad ces kyang smras te/ bcom ldan 'das de ni thams cad mkhyen pa/ thams cad gzigs pa yin gyis de blta ba'i phyir khyod song zhig dang / des khyod kyi lus dang sems kyi nad gso bar 'gyur ro// de nas des tshig de thos lhag par yang bcom ldan 'das kyi thad du ltar 'gro ba'i spro ba skyes so/ / de nas bye zhig na khyim bdag rmos pas brgyags mang po khyer te/ bzhon pa bzang po la zhon nas/ yul shur bar kanas par zhag gis mnyan du yod par phyin te/ ji srid du bzhon du rung ba'i sa de srid du bzhon pas song nas/ bzhon pa las babs te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// phyogs gcig tu 'dug nas/ khyim bdag rmos pas/ bcom ldan 'das la 'di skad ces gsol to// btsun pa bdag ni rnag can gyi lus dus smon pa smra/ na pa / maldan das sasas na nas na/ phol mig lta bu yin no// zug rngu lta bu yin no zhes bka' stsal te/ bcom ldan 'das kyis phung po de nyid las brtsams nas/ de la de dang 'thun pa'i chos bstan te/ des na khyim
- 190b
bdag rmos pas stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rje bcom nas/ rgyun du zhugs pa'i 'bras bu mngon sum du byas te/ gal te bdag gi ru/ 'di kho na ltar ma gyur na/ bdag kyang legs par gsungs pa'i chos 'dul ba la rab tu 'byung ste/ chu bo rnams las yang dag par brgal bar bya ba dang / sbyor ba rnams las yang dag par bad bar bya ba'i phyir brtson pa dang / bsgrub pa dang / 'bad par bya ba zhig go snyam mo// de ltar rab tu 'byung ba'i sems bskyed ma thag tu khyim bdag de'i lus lag mthil bzhin du rma med par gyur/ to// de nas de lhag par yang bcom ldan 'das la dga' bar gyur to// de dga' bar gyur nas/ stan las langs te/ bla gos phrag pa gcig tu gzar nas/ bcom ldan 'das ga la bde logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis de dge slong tshur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs te/
- 191a
dgra bcom pa nyid mngon sum du byas te/ de dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang // bkur sti la mi lta ba dang / dbang po dang nye dbang dang bcas pa'i lha rnams kyis mchod cing rjed pa dang gus par smra ba'i gnas su gyur to/ / de nas tshe dang ldan pa rmos pa snga dro sham thabs dang chos gos gyon te/ lhung bzed thogs nas/ mnyan du yod par bsod snyoms la song ba las/ ba drus mas brdungs te/ bsad nas de 'chi kar dbang po rnams rnam par dang zhing bzhin gyi mdog yongs su dag ste/ pags pa'i mdog dkar bar gyur to// de nas dge slong mang po snga dro sham thabs dang chos gos gyon te/ lhung bzed thogs nas/ mnyan du yod par bsod snyoms la dong ba las/ dge slong mang po mnyan du yod par bsod snyoms la dong ba rnams kyis/ yul shur pa ra ka'i khyim bdag rmos pa zhes bya ba gang yin pa de ba drus mas brdungs te bsad nas/ de 'chi kar dbang po rnams rnam par dang zhing bzhin gyi mdog
- 191b
yongs su dag ste/ pags pa'i mdog dkar bar gyur to zhes thos so// thos nas kyang dge slong mang po rnams mnyan du yod par bsod snyoms blangs te zan zos nas/ zas byis len pa spangs te/ lhung bzed dang chos gos bzhag nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyog gcig tu 'khod do/ / phyogs gcig tu 'khod nas/ dge slong mang po rnams kyis/ bcom ldan 'das la 'di skad ces gsol to// btsun pa 'di na bdag cag/ dge slong mang po snga dro sham thabs dang chos gos 'tshal te/ lhung bzed thogs nas/ mnyan du yod par bsod snyoms la mchis pa las/ yul shur ba ra ka'i khyim bdag rmos pa zhes bgyi ba de ba drus mas brdungs te bkum nas/ de gum kar dbang po rnams rnam par dang zhing bzhin gyi mdog yongs su dag ste/ pags pa'i mdog dkar bar gyur to zhes thos lags na de'i 'gro ba ni gang lags/ de'i skye gnas ni gang lags/ 'gro ba'i sa ni gang lags/ bcom ldan 'das kyis bka' stsal pa/ dge slong dag rigs kyi bu de ni nga'i chos kyi rjes su 'thun pa'i chos rtogs pas na/ nor du gyur pa yin no// dge slong dag rigs kyi bu de mya ngan las 'das kyis/ 'di'i rus bu la rus bu'i mchod pa gyis shig/ de ltar
- 192a
/ bcom ldan 'das kyis me dang ldan pa mos pa mchog tu gyur bar rung bstan nas/ dge slong mang po rnams kyis bcom ldan 'dus kyis bka' stsal pa bzhin dum sa te/ bcom ldan 'das kyi thad nas dong nas/ de dag gis de'i rus bu la rus bu'i mchod pa byas te/ rus bu'i mchod rten brtsigs nas/ bcom ldan 'das gal ba der dong skya lkugs nas/ bcom ldan 'das kyi skabs la mgo bos phyag 'tshal te/ bcom ldan 'das la 'di skad ces gsol to// bdun pa che dang ldan pa ches pas las ci kyi sman/ las de'i rnam par smin pas ba drus mas brdungs te bkum lags/ bcom ldan 'das kyis bka' stsal pa/ dge slong dag 'di nyid kyis las de lta bu byas shing bsags pa'i steng du lhag par yang nga'i smon lam las gyur te/ bu skar ra'i sa'i sngon gyi rgyud las 'byung ba bzhin du rgyas par brjod par bya'o// gsol pa/ btsun pa tshe dang ldan pa rmos pas las ci bgyis na/ las de'i rnam par smin pas phyug cing nor mngal longs spyod che ba'i rigs su skyes lags/ las ci bgyis na/ las de'i rnam par smin pasams nu lub tu yog par gyur te/ 'di'i lus las nag zag 'jug dug/ 'di'i lus las dring po 'byung bar gyur la/ 'dis bcom ldan 'das mnyes par bgyis te/ mi mnyes par ma'i gyis nas/ bcom ldan 'das kyi ngan
- 192b
bal rab tu byung ste/ nyon mongs pa thams cad spangs nas/ dgra bcom pa nyid mngon sum du bgyis te/ rab tu 'byung ba'i sems bskyed ma thag tu de'i lus la rma ma mchis par gyur/ lags/ bcom ldan 'das kyis bka' stsal pa/ dge slong dag da ltar 'ba' zhig ma yin te/ 'das pa'i dus na yang 'dis las de dag byas shing bsags pas na/ 'di nyid kyis las byas shing bsags pa de dag gzhan su zhig gis nyams su myong bar 'gyur te/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams dang / me'i khams dang / rlung gi khams la rnam par smin par mi 'gyur te/ las dge ba dang mi dge ba rnams byas shing bsags pa rnams ni zin pa'i phung po dang / khams dang / skye mched rnams 'ba' zhig la rnam par smin par 'gyur ro// lus can dag gi las rnams ni// bskal pa brgyar yang chud mi za// tshogs shing du sa la bab pa na/ / 'bras bu nyid du smin par 'gyur// dge slong dag sngon byung ba 'das pa'i dus na/ grong khyer wA rA NA si na rgyal po tshangs pas byin zhes bya ba zhig rgyal po byed de/ de'i tshe wA rA NA sin khyim bdag gnyis zhig gnas pa las/ de gnyis phan tshun 'gras nas/ de'i nang nas gcig gis rgyal po la nor mang po zhig phul te/
- 193a
khyim bdag cig shos rgyal po las brnyas nas/ de rgyal po tshangs pas byin gyis gshegs 'gyed pa'i tshe g.yo gshegs kyis bam par byas nas/ khyim bdag del byin te/ des de rang gi khyim du khrid nas lcug gis zhen par bzhus nas/ lcags rma de dag gi nang du dug gi bye mas gtor te/ de'i lus de sha snag bu bzhin du gyur nas/ de pubu nu rnams kyis nor mang po zhig gis blus te/ sman pa'i lung gis de'i lus sos par byas so// de nas phyi zhig na de skyo ba skyes nas/ bdag khyim na gnas pas chog gis/ dka' thub kyi nags tshal du 'gro'o snyam ste/ sbyin pa dag sbyin zhing / bsod nams dag byas nas/ dka' thub kyi nags tshal du brten bcas so// de der song nas slob dpon med pa dang / man ngag med par byang chub kyi phyogs kyi chos sum cu rtsa bdun dran par byas nas/ rang sangs rgyas kyi byang chub mngon sum du byas so// de nas des bsams pa/ khyim bdag des bdag gi rgyud las bsod nams ma yin pa chen po bskyed kyis/ bdag song la khyim bdag de'i mda' bya'o snyam nas/ gnas de nyid nas nam mkha' la khyim bdag de gal ba der songs dbar ba dang / 'am mir 'dug pa dang / char 'bab pa dang / glog 'gru ba'i cho 'phrul rnams bstan to// so so'i skye bo ni rdzu 'phrul gyis myur du dad par 'gyur te/ de sdong po sog les bcad pa bzhin du de
- 193b
rkang pa la phyag 'tshal te smras pa/ skal ba chen po mar spyon/ bdag nyes par spyod pa'i 'dam du bying ba las la gnas drang du gsol zhes byas so// de nas de kho na la snying brtse ba'i phyir sal babs nas/ des de'i rkang pa la phyag 'tshal te/ bzod pa gsol nas smras pa/ 'phags pa khyod kyang bsod snyoms bzhed la/ bdag kyang bsod nams 'tshal bas/ bdag gi skyed mos tshal 'di nyid du bzhugs shing dang / bdag gis kyang yo byad thams cad kyis bsnyen bkur bgyi'o// de nas rang sangs rgyas des khyim bdag de la cang mi smra bas gnang ngo // de nas khyim bdag des rang sangs rgyas de'i phyir yal ga dang / lo ma'i spyil po phub nas/ yo byad thams cad kyis bsnyen bkur byed pa la zhugs so// de nas phyi zhig na rang sangs rgyas des bsams pa/ bdag gis rnam can gyi lus 'dis bya ba gang yin pa de ni bdag gis byas zin gyis/ ma la bdag zhi ba'i dbyings su 'jug par bya'o snyam nas/ 'bar ba dang / lam mer/ 'dug pa dang / char 'bab pa dang / glog 'gyu ba'i cho 'phrul rnams bstan nas/ phung po'i lhag ma med pa'i mya ngan las 'das pa'i dbyings su yongs su mya ngan las 'das so// de nas khyim bdag des de'i sku gdung la mchod pa byas nas/ sku gdung gi mchod rten brtsigs te/ mchod rten de la bkur sti chen po byas nas smon lam btab pa/ kye ma dge ba'i rtsa ba 'dis
- 194a
ni bdag gang dang gang du skye bar 'gyur ba de dang der phyug cing nor mang la longs spyod che ba'i rigs su skye bar shog cig/ 'di bas kyang ches khyad par du 'phags pa'i ston pa mnyes par byed par gyur cig/ mi mnyes par byed par ma gyur cig/ yon tan 'di lta bu dag kyang bdag gis thob par shog cig/ bdag gis 'di la gnod pa byas pa'i las de bdag la 'ong bar ma gyur cig/ ci ste las 'di'i rnam par smin pa bdag la gdon mi za bar 'ong bar gyur na yang rab tu 'byung ba'i sems bskyed ma thag tu bdag gi bkra mi shis pa de med par gyur te/ bkra shis pa 'byung bar gyur cig ces byas so// dge slong dag ji snyam du sems/ de'i tshe khyim bdag tu gyur pa gang yin pa de ni rmos pa 'di kho na yin te/ des khyim bdag de'i lus la lcag gis bzhus nas/ dug gi bye mas gtor ba'i las de'i rnam par smin pas ni/ gang dang gang du skyes pa de dang der lus 'di lta bur gyur to// des phyir yang rang sangs rgyas de la bkur sti byas nas/ smon lam btab pa'i las de'i rnam par smin pas ni/ gang dang gang du skyes pa de dang der phyug cing nor mang la longs spyod che ba'i rigs su skyes te/ dge slong dag rang sangs rgyas bye ba phrag 'bum pas kyang ches khyad par du 'phags pa nga lta bu 'dis mnyes par byas te/ mi mnyes par ma bgyis la/ rab tu 'byung ba'i sems bskyed ma thag tu
- 194b
de'i bkra mi shis pa med par gyur te/ bkra shis pa 'byung bar gyur te/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / gzhan yang yang dag par rdzogs pa'i sangs rgyas 'od srungs kyi gsung rab la 'di rab tu byung ni// der 'dis tshe gcig tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// bram ze gsum zhes bya ba de la/ bram ze dang po ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gis mchod sbyin bya bar brtsams te/ mchod sbyin byed pa der rgyal khams tha dad pa'i bram ze rnams 'dus par gyur te/ de dag gis bsams pa/ mchod sbyin byed pa gang du 'thab mo dang / 'tshang 'dru ba dang / 'gyed pa dang / rtsod pa 'byung ba'i mchod sbyin de ni mi 'grub bo snyam mo// de nas phyi zhig na mchod sbyin byed der ljongs na gnas pa'i bram ze dang / mthil na gnas pa'i bram ze yod kyi phyir 'dug pa rnams 'thab mo byung nas/ mthil na gnas pa'i bram ze rnams kyis smras pa/ khyed ni zhing blas kyis 'tsho ba yin pas na/ yon 'di rnams ni khyed la 'os pa ma yin no// nged ni yon gyi gnas yin bla na/ yon 'di rnams ni nged la 'os zhes zer ro// ljongs na gnas pa rnams na re/ kye khyed rnams kyang
- 195a
rgyal po'i dpa tha la zhen pa lan pas na khyed na lan gyi'is ma yinas/ ded na yin gnas yin pasan/ yin gyings can no gas zer nas/ de dag da ba mo dang / 'chang 'dru ba dang / bsed pa dang / rgyod pas galen gyon pa 'dzin pa'i skabs su bras ze gzhan migagis mdzod byin byed par gnas de nas gser dbus dang / bza' ba dang / bca'ab mang po khyer te bros pa las/ de bram ze de dag gis bzungs nas/ khu tshur dang rdog pa dag gis shin tu zhen par brdegs te bor ro// de nas de brdegs btsogs pas 'chibs 'jigs shing skrag nas/ rgyal bu rgyal byed kyi tshal du zhugs so// de der zhugs nas sangs rgyas la sogs pa dge slong gi dge 'dun spyod lam mdzes shing sla bsnyungs te/ caco med par 'khod pab mthong ngo / / mthong ma thag tu de bcom ldan 'das kyi bstan pa la dga' bar gyur to// de dga' bar gyur nas bsams pa/ bdag bram ze byed pas chog gis/ bcom ldan 'das kyi bstan pa la rab tu 'byung bar bya'o snyam nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bla gos phrag pa gcig tu gzar nas/ bcom ldan 'das gal ba de logs su thal mo sbyar ba btud de/ bcom ldan 'das la 'di skad ces gsol to// btsun pa bdag legs par gsungs pa'i chos 'dul ba la rab tu
- 195b
/ 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de la lung yang phog ste/ des kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ des dgra bcom pa nyid thob nas bsams pa/ bdag gis gdul bar bya ba 'ga' lta ci yod sa ste/ de bltas na/ mchod sbyin gyi bdag po la sogs pa bram ze stong phrag mang po 'dul bar 'gyur ba mthong nas/ rgyal bu rgyal byed kyi tshal nas mi snang bar gyur te/ gnas de nyid nas nam mkha' las mchod sbyin gyi gnas der song nas/ mchod sbyin gyi bdag po dang / bram ze gzhan dag gis dge slong de steng gi nam mkha' las 'ong ba mthong ngo // mthong nas kyang de dag dge slong de la shin tu dga' bar gyur to/ / dga' bar gyur nas/ de rnams kyis phang du 'khyud de stan la bzhag nas/ rkang pa la phyag 'tshal te/ chos mnyan pa'i phyir mdun du 'khod do/ / de nas dge slong des de dag la de dang 'thun pa'i chos bstan te/ des na mchod sbyin gyi bdag po dang / bram ze de dag gis stan de dag nyid la 'khod bzhin du 'jig
- 196a
tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas so// 'khor de dag gi nang nas phal cher na sangs rgyas la gzhol ba dang / chos la 'bab pa dang / dge 'dun la bab par byas te bkod de// de nas dge slong rnams kyis/ sangs rgyas bcom ldan 'das la zhus pa/ btsun pa bram ze 'dis las ci bgyis na/ las de'i rnam par smin pa 'dis bcom ldan 'das mnyes par bgyis te/ mi mnyes par ma bgyis la/ bcom ldan 'das kyi bstan pa la rab tu byung nas nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ smon lam gyi dbang las gyur to// gsol pa/ 'dis smon lam gang du btab lags/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA Na si na bram ze zhig gnas pa las gtan tshigs snga ma gzhin du gyur te/ rab tu byung nas des tshe gcig tu tshangs par spyod pa spyad
- 196b
nas/ 'chi kar smon lam btab pa/ 'di ltar bdag gis yang dag par rdzogs pa'i sangs rgyas 'od srungs kyi bstan pa la che gcig tu tshangs par spyod pa spyad kyang / yon tan gyi tshogs ci yang ma thob kyi/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so/ / dge slong dag ji snyam du sems/ de'i tshe bram zer gyur pa gang yin pa de ni bram ze 'di kho na yin te/ des der tshe gcig tu tshangs par spyod pa spyad nas/ 'chi kar smon lam btab ste/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnye par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dag nga yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / thabs mnyam pa brnyes par gyur nas/ 'dis
- 197a
nga mnyes par byas te/ mi mnyes par ma byas la/ nga nyid kyi bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byas so/ / bram ze gnyis pa ni/ gleng gzhi mnyan du yod pa na bzhugs te/ de'i tshe mnyan du yod pa na bram ze zhig gnas pa des/ thabs zla bab pa las chung ma blangs nas de de dang lhan cig tu rtse zhing dga' la dga' dgur spyod pa las/ phyi zhig na de'i chung ma la bu chags nas/ de zla ba dgu 'am bcu lon pa dang / bu btsas te rigs dang 'thun pa'i ming btags nas de'o ma dang / no dang / mar dang / zhun mar dang / mar gyi snying lus bskyed bsrings te/ de gung gi che cher skyes pa de'i tshe/ de yo ge bslabs so// bram ze de rnams kyi lug kyis na/ tshes brgyad dang / ches bco lnga'i nyin par gsang bar byed do// res 'ga' ni grong khyer ltar 'gro'o// res 'ga' ni mu stegs ltar 'gro 'am/ lha ltar 'gro ba 'am/ yam sreg shir rngar 'gro'o/ / de nas phyi zhig na bram ze'i khye'u de bsang dus la bab nas/ rgyal bu rgyal byed kyi tshal du song ngo // de nas de'i tshe bcom ldan 'das 'khor brgya phrag du ma'i nang na bzhugs shing chos ston to/ / bram ze'i khye'u des thag ring po zhig nas sangs rgyas bcom ldan 'das mthong ngo // mthong nas kyang bcom ldan 'das la shin tu dga' bar gyur to// dga'/
- 197b
bar gyur nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis de'i rkyen dang 'tsham par chos bstan nas/ skyabs su 'gro ba dang / bslab pa'i gzhi rnams la gnas par byas so// de nas des bcom ldan 'das kyis gtam mjug rdzogs par rig nas/ bcom ldan 'das kyis gsungs pa la mngon par bstod de rjes su yid rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo / / de nas phyi zhig na bram ze'i khye'u des mchod sbyin bya bar brtsams nas/ bram ze'i khye'u mchod sbyin gyi gnas na 'dug pas bsams pa/ gal te bcom ldan 'das mchod sbyin gyi gnas 'dir gshegs te longs spyod par mdzad cing / bcom ldan 'das gral gyi gtso la bzhugs na/ mchod sbyin gyi gnas mdzes par 'gyur ro snyam nas/ des bsams pa/ bcom ldan 'das spyan drangs te/ kye ma bcom ldan 'das mchod sbyin gyi gnas 'dir longs spyod cing gshegs par gyur cig ces bsams so// de nas bram ze des sems bskyed ma thag tu/ bcom ldan 'das rgyal bu rgyal byed kyi tshal nas mi snang bar gyur te/ mchod sbyin gyi gnas su gshegs nas/ mi snang bar bram ze thams cad kyi gral gyi
- 198a
@/ gcol bzhugs so// bram ze'i khye'u des ni sangs rgyas bcom ldan 'das bral gyi gcol bzhugs par mthong ngo // mthong nas kyang bram ze'i khye'u des btsum ldan 'das bde bar bzhugs par rig nas/ bza' ba bca' ba gtsang ma bzang po mang pos tshim par byas te/ bcom ldan 'das kyis kyang mchod sbyin gyi gnas de longs spyad nas/ mi snang bar bram ze thams cad la 'od zer btang nas/ rgyal bu rgyal byed kyi tshal du gshegs so// de nas bram ze de dag gis mchod sbyin gyi gnas thams cad snang ba chen pos khyab par mthong ngo // mthong nas kyang de dag na re/ bdag cag gi mchod sbyin grub bo zhes zer ro// kha cig na re ni/ bdag gi mchod sbyin gyi gnas su mi mjed kyi bdag po tshangs pa byung ngo zhes zer ro// gzhan kha cig na re ni/ 'di ni tshangs pa ma yin gyi/ dbang phyug de bdag cag gi mchod sbyin gyi gnas su gshegs so zhes zer ro// gzhan kha cig na re ni/ 'di ni tshangs pa yang ma yin/ dbang phyug kyang ma yin gyi/ khyab 'jug de bdag cag gi mchod sbyin gyi gnas 'dir byung ngo zhes zer ro// bram ze'i khye'u na re/ kye khyed rnams thams cad ni bslus pa yin te/ mchod sbyin gyi gnas 'dir ni bcom ldan 'das gshegs so zhes zer ro/ / de nas bram ze rnams bram ze'i khye'u la yid ma ches nas/ bram ze'i khye'us smras pa/ bdag gis sang nang par ni khyed kyi mngon
- 198b
sum du 'gyur bar bya'o zhes byas nas/ bram ze'i khye'u des phyid nyin bram ze thams cad tshogs pa'i nang du/ bla gos phrag pa gcig tu gzar te/ pus mo g.yas pa'i lha nga sa la btsugs nas rgyal bu rgyal byed kyi tshal ga la ba de logs su phyogs te/ thal mo sbyar nas sems bskyed de tshig tu smras pa/ btsun pa bcom ldan 'das ni 'di lta ste/ 'das pa dang / ma 'ongs pa dang / da ltar byung ba ci yang mi mkhyen pa'am/ mi gzigs pa 'am/ thugs su mi chud pa ci yang mi mnga' na/ kye ma bcom ldan 'das dge slong gi dge 'dun dang thabs cig tu bdag cag gi mchod sbyin gyi gnas 'dir gshegs te longs spyad par gsol zhes byas so/ / de nas de skad ces brjod pa'i mod la/ bcom ldan 'das dge slong mang pos zham ring byas te/ dge slong gi dge 'dun gyi mdun du bdar nas nam mkha' las mchod sbyin gyi gnas der gshegs te/ mi snang bar bram ze rnams kyi gdan bshams pa la bzhugs nas/ bram ze'i khye'u des sangs rgyas la sogs pa dge slong gi dge 'dun mchod sbyin gyi gnas kyi dbus su bzhugs pa mthong ngo / / mthong nas kyang bcom ldan 'das gal ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das mnyes par byas so// de nas bram ze rnams na re/ khye'u 'di ni smyos te/ gcig pu ci yang bri zhing 'dug go zhes zer ro//
- 199a
de nas bram ze'i khye'us smras pa/ bdag ni smyos pa ma yin gyi/ bcom ldan 'das dge slong gi dge 'dun gyis zham ring byas te/ mnod sbyin gyi gnas kyi dbus na bzhugs so zhes byas so/ / de nas bram ze'i khye'us de skad ces brjod ma thag tu ci nas bram ze de dag thams cad kyis bcom ldan 'das nyan thos kyi dge 'dun dang bcas par mchod sbyin gyi gnas kyi dbus na bzhugs par mthong bar 'gyur ba de lta bur bzhugs so/ / de nas bram ze'i khye'u des 'jig rten thams cad kyi mngon sum du bcom ldan 'das nyan thos kyi dge 'dun dang bcas par bza' ba dang bca' ba gtsang ma bzang po mang pos tshim par byas te/ dri bzhed pa bstabs nas/ bcom ldan 'das bshos gsol zin te/ gsang sder nigyu/ phyag ni bcabs par rig nas/ stan ches dma' ba zhig blangs te/ chos mnyan pa'i phyir spyan sngar 'dug go// de nas bcom ldan 'das kyis bram ze'i khye'u de chos kyi gtam gyis yang dag par bstan/ yang dag par 'dzin du bcug/ yang dag par gzengs bstod/ yang dag par dga' bar mdzad nas/ gdan las bzhengs te gshegs so// de nas bram ze rnams gni de las khro ba'i kun nas dkris pa chen po skyes te/ nged kyi phyir bza' ba dang bca' ba shams pa de dag dge sbyong go'u ta ma la byin no zhes zer zhing / de dag khros pas bram ze'i
- 199b
khye'u de gsod par byas pa las bros te/ rgyal bu rgyal byed kyi tshal du song na/ 'on kyang bram ze dag de'i phyi bzhin du 'brang ste/ rgyal du rgyal byed kyi tshal gyi bar du song nas smras pa/ bdag cag gis 'di rgyal du rgyal byed kyi tshal du gsod par mi nus te/ 'di ni khyim bdag mgon med zas sbyin gyis yongs su bzung ba yin pa'i steng du rgyal po gsal rgyal gyis khrims bcas so sra du rig nas phyir log go/ bram ze'i khye'u de ni 'jigs shing skrag nas/ bcom ldan 'das ga la ba der song ste phyin ras/ bcom ldan 'das kyi zhabs la mgo bos phyag 'tshal te chos mnyan pa'i phyir spun sngar 'dug go/ de nas bcom ldan 'das kyis de'i bsam pa dang / bag la nyal dang / khams dang / shes pa dang / rang bzhin thugs su chud/ nas/ de dang 'thun pa'i chos bstan te/ des na bram ze'i khye'u des stan de nyid la 'dug bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas rgyun du zhugs pa'i 'bras bu mngon sum du byas te/ des bden pa mthong nas stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mi sbyar ba btud de/ bcom ldan 'das la 'di skad ces gsol to// btsun pa bdag gis dge ba'i bshes gnyen bcom ldan 'das la brten nas/ sems can dmyal ba dang
- 200a
dud 'gro dang / yi dgas rnams las phyung ste/ lha dang mi rnams kyi nang du gom pa 'dor du stsal ba dang / 'khor ba'i mthar gtugs pa dang / khrag dang mchi ma'i rgya mtsho rnams bskams pa dang / rus pa'i la rnams bsgral ba dang / thog ma ma mchis pa'i dus nas bsags pa'i 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu thob par mdzad pa 'di lta bu ni bdag la pas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ nang mi dang gnyen mang po rnams kyis kyang ma bgyis/ sngon gyi mtshan rnams kyis kyang ma bgyis/ dge sbyong dang bram ze rnams kyis kyang ma bgyis lags so// btsun pa bdag legs par gsungs pa'i chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/ bdag kyang bcom ldan 'das kyi thad du nangs par spyod pa spyad par 'tshal lo/ / de nas bcom ldan 'das kyis dge slong chur shog ces bya ba'i tshig gis rab tu byung ste/ bsnyen par rdzogs par mdzad nas/ de la lung yang log ste/ des kyang brtson pa dang / bslab pa dang / 'dad pas nyon mongs pa thams cad spangs te/ dgra bcom pa nyid mngon sum du byas so// de nas dge slong rnams kyis/ sangs rgyas bcom ldan
- 200b
'das la gsol pa/ btsun pa bram ze'i khye'u 'di bram ze rnams kyis dgum par chad pa las/ de 'jigs shing skrag nas rab tu byung ste/ nyon mongs pa thams cad spangs nas dgra bcom pa nyid mngon sum du bgyis pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang bram ze'i khye'u 'di bram ze 'di dag kho nas gsod par byas pa las/ 'di 'jigs shing skrag nas rab tu byung ste/ ji ltar tshe gcig gi bar du tshangs par spyod pa spyad pa de nyon cig/ dge slong dag sngon byung ba 'das pa'i dus na/ bskal pa bzang po 'di nyid la skye dgu'i tshe lo nyi khri thub pa na/ yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten ma bya pa skyes bu gdul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'od srungs zhes bya ba 'jig rten du byung ste/ de'i tshe wA rA Na si na bram ze zhig gnas pa des/ thabs zla ra bab pa las chung ma blangs nas/ de de dang lhan cig rtse zhing dga' la dga' dgur spyod pa las/ de la bu yang med/ bu mo yang med/ phyi zhing na de lag pa la skom tshugs bcas te bsams pa/ 'di ltar bdag gi khyim na nor dang gser dang ldan par 'dug kyang / bu yang med/ bu mo yang med pas/ bdag shi ste dus las 'das
- 201a
/ @#/ pa'i 'og tu ci bdog pa thams cad rgyal po dbang bar 'gyur la/ bdagal bu med pas 'jig rten du yang rung bar mi 'ong ngo snyam ste/ sems khong du chud cing 'dug go/ de nas des 'di lta bur yi dam bcas te/ gal te bdag gi bu skyes par gyur na mchod sbyin byas te/ bram ze rnams la yon mang po dbul bar bya'o zhes zer zhing / de'u sbyar re zhing 'dug / de ring ngam/ sang du bdag gi bu skye bar 'gyur ro snyam sems bzhin du/ de'i 'brang du bram ze dergas nas bu yang med/ bu mo yang med par gyur to// de nas phyi zhig na bram ze des bsams pa/ bdag la bu yang med/ sbyin pa gtong ba yang ma byas la/ bdag kyang rgas kyis/ da ni bdag gi du skye yang rung / mi skye yang rung ste/ sbyin pa dag sbyin zhing bsod nams dag bya'o snyam mo/ / de nas phyi zhig na des mchod sbyin byas te/ bram ze rnams la yon mang po phul ba las/ yon de dag 'gyed pa'i tshe 'thab mo chen po byung ste/ mchod sbyin gyi bdag pos 'thab mo zhi bar bya'o zhes byas nas/ bram ze rnams kyis de nyid kyi steng du brgyugs te gsod do snyam pa las/ de 'jigs shing skrag nas/ drang srong smra ba'i gnas su song ste/ yang dag par rdzogs pa'i sangs rgyas 'od srungs kyi bstan pa la rab tu byung ngo // de der rab tu byung nas/ tshe gcig tu tshangs par spyod pa spyad de/ 'chi kar smon lam btab pa/ 'di ltar
- 201b
bdag gis yang dag par rdzogs pa'i sangs rgyas 'od srungs kyi gsung rab la tshe gcig tu tshangs par spyod pa spyad kyang / yon tan gyi tshogs ci yang ma thob kyis/ yang dag par rdzogs pa'i sangs rgyas 'od srungs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas so// dge slong dag de'i tshe bram zer gyur pa gang yin pa de ni bram ze'i khye'u 'di kho na yin te/ de'i tshe yang 'di bram ze rnams kyis gsod par byas pa las/ 'di 'jigs shing skrag nas rab tu byung ste/ cha gcig tu tshangs par spyod pa spyad nas 'dri kar smon lam btab ste/ yang dag par rdzogs pa'i sangs rgyas 'od srangs kyis bram ze'i khye'u bla ma lung bstan pa gang yin pa'i sangs rgyas bcom ldan 'das de bdag gis mnyes par byed par gyur cig/ mi mnyes par byed par ma gyur cig/ de kho na'i bstan pa la rab tu byung nas/ nyon mongs pa thams cad spangs te/ dgra bcom pa nyid mngon sum du byed par gyur cig ces byas pa des na/ dge slong dgang yang dag par rdzogs pa'i sangs rgyas 'od srungs dang shin tu mnyam pa dang / shugs mnyam pa dang / mdzad pa mnyam pa dang / grangs
- 202a
mnyam pa brnyes par gyur nas/ 'dis mnyes par byas te/ mi mnyes par ma byas la/ da ltar yang 'di bram ze rnams kyis gsod par byas pa las/ 'di 'jigs shing skrag nas rab tu byung ste/ nyon mongs pa thams cad spangs nas/ dgra bcom pa nyid mngon sum du byas so// bram ze gsum pa ni/ gleng ga ni mnyan du yod pa na bzhugs te/ de'i tshe mnyan du yod pa na bram ze zhig gis mchod sbyin byas nas/ gser dngul mang po bram ze'i rnams la yin du phul ba las/ de dag yon 'gyed pa tshe 'thab mo chen po byung nas/ der ljongs na gnas pa'i bram ze rnams na re/ khyed ni rgyal po'i dbang po rnams la sten pa yin gyi/ nged ni yon gnas yin te/ yon dbul ba'i 'os yin pas na/ yon nyi rim du dbang ngo zhes zer ro// mthil na gnas pa'i bram ze rnams na re/ khyed ni zhing blas kyis 'tsho ba tshel ba yin gyi/ nged ni yon gnas yin te/ yon dbul ba'i 'os yin pas na/ ngad ni yon nyi rim du dbang ngo zhes zer ro// sangs rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya ba dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas pa/ mi 'jigs pa bzhi 'jigs pa med pa/ 'gro ba lngar 'gro ba las rnam par grol ba
- 202b
skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad la bsam gtan pa/ mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dag par seng ge'i sgra chen po sgrogs pa rnams ni/ chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dar/ su ni 'phongs shing 'dug/ su ni nyam nga bar gyur/ su ni gnod pa dang ldan/ su ni 'phongs pa dang nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngar song du bang/ su ni ngas ngan song nas phyung ste/ mtho ris dang / thar pa dang 'bras bu la gzhag par bya/ su ni nyes par spyod pa'i 'dam du byi ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa las bskyed par bya/ su ni dge ba'i rtsa ba rnams bskyed zin pa las yongs su smin par bya/ su ni dge ba'i rtsa ba rnams yongs su sun pa las ye shes kyi mtshon gyis brtol bar bya/ su la ni sangs rgyas blang bas brgyan pa'i 'jig rten 'bras bu yod par bya snyam du ye shes gzigs par drug go// rgya mtsho chu srin rnams kyi
- 203a
gnas/ / dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med// de nas bcom ldan 'das kyis mnyan du yod pa na gnas pa'i bram ze rnams gdul ba'i dus la bab par dgongs nas/ dge slong mang pos zham ring byas te/ dge slong gi dge 'dun gyis mdun du bdar nas/ sa de yidadi las nam mkha' las mchod sbyin gyi gnas der gshegs te/ dge slong gi dge 'dun gyi gung la gdan bshams pa la bzhugs te/ de mthong mthag tu rnams bcom ldan 'das la shinatu dga' bar gyur to/ / dga' bar gyur nas/ chos mnyan pa'i phyir spyan sngar 'khod do// de nas bcom ldan 'das kyis/ bram ze de dag la bka' stsal pa/ grogs po dag chad pa drag po rnam pa lnga'i gzhir 'gyur ba'i 'thab mo'i rtsa ba 'di'i phyir 'thab tu ci yod ces bka' stsal nas/ bcom ldan 'das kyis chags pa de nyid spangs pa las brtsams nas/ de dang 'thun pa'i chos bstan te/ des na bram ze brgya phrag du ma dag gis stan de dag nyid la 'khod bzhin du kha cig ni dro bar 'gyur ba bskyed do// kha cig gis ni spyi bo dang / bden pa dang 'thun pa'i bzod pa dang / 'dzi rten gyi chos kyi mchog dang / mthong ba'i snyoms par 'jug pa bskyed do// kha cig gis ni rgyun du zhugs pa'i 'bras bu mngon sum du byas so// kha cig gis ni lan cig phyir 'ong ba'i 'bras bu
- 203b
mngon sum du bas so/ / kha cig gis ni phyir mi 'ong ba'i 'bras bu mngon sum du byas so// kha cig gis ni rab tu byung nas dgra bcom pa nyid mngon sum du byas so// kha cig gis ni 'khor los sbyar ba'i rgyal por 'gyur ba'i sa bon bskyed do/ / kha cig ni stobs kyis 'khor los sgyur bar 'gyur ba dang / kha cig gis ni brgya byin du 'gyur ba dang / kha cig gis ni tshangs par 'gyur ba dang kho cog gos ni nyan thos kyi byang chub dang / kha cig gis ni rang sangs rgyas kyi byang chub dang / kha cig gis ni bla na med pa yang dag par rdzogs pa'i byang chub kyi sa bon bskyed do// 'khor de dag nang nas phal cher ni sangs rgyas la gzhol/ chos la 'bab/ dge 'dun la bab par byas te bkod nas/ gtsug lag khang du gshegs so// de nas dge slong rnams kyis sangs rgyas bcom ldan 'das la zhus pa/ btsun pa bram ze 'di rnams kyis las ci bgyis na/ las de'i rnam par smin pas kha cig gis ni bcom ldan 'das mnyes par bgyis te/ mi mnye par ma bgyis/ kha cig gis ni rab tu byung nas/ nyon mongs pa thams cad spangs te/ dgra bcom pa nyid mngon sum du bgyis lags/ bcom ldan 'das kyis bka' stsal pa/ yang dag par rdzogs pa'i sangs rgyas 'od srungs kyi gsung rab la/ 'di rnams las kha cig ni dge bsnyen du gyur to// kha cig ni rab tu byung nas der de dag gis tshe gcig tu skyabs su 'gro ba
- 204a
dang / bslab pa'i gzhi rnams bsrungs te/ dbang po rnams yongs su sbyin par byas pa des na/ da ltar rnam par grol bar gyur to// bam po sum cu drug pa/ khyab 'jug ces bya ba ni/ bcom ldan 'das yul ma ga d+har ljongs rgyu zhing gshegs pa na/ dge slong gi dge 'dun mang po dge slong stong dang thabs gcig ste thams cad kyang sngon gyi ral pa can sha stag go/ / thams cad kyang dgra bcom pa/ zag pa zad pa/ bya ba byis pa/ byed pa byas pa/ rang gi don rjes su thob pa/ srid par kun tu sbyor ba su zad pa/ yang dag pa'i shes pas sems rnam par grol ba sha stag dang lhan cig tu yul rgyu zhing gshegs pa las/ yul ma ga d+ha ba rnams kyi mchod rten rab brtan zhes bya ba na/ smig mang nags khrod kyi rgyud thog thag gshegs nas/ de'i tshe bcom ldan 'das rang brtan du byon nas/ ma ga d+ha pa rnams kyi mchod rten rab brtan gyi phyogs der bzhugs so// de nas yul ma gang+gA rgyal po bzo sbyangs gzugs can snying pos/ bcom ldan 'das dge slong gi dge 'dun mang po dge slong song dang thangs gcig tu yul ma gang+gar ljongs rgyu zhing gshegs te/ yul ma ga d+ha pa lha rnams kyi mchod rten rab brtan zhes bya ba na/ smig ma'i nags khrod du byon to zhes thos so// thos nas kyang rgyal po'i 'byor pa chen po dang / rgyal po'i mthu chen po dang / shing rta khri nyis stong dang
- 204b
rgod ma stong brgyad brgya dang / yul ma ga d+ha na gnas pa'i bram ze dang / khyim bdag stong phrag du ma dag dang thabs gcig tu rgyal po'i khab nas byung ste/ bcom ldan 'das blta ba dang / bcom ldan 'das la bsnyen bkur bya ba'i phyir bcom ldan 'das kyi thad du song ba las grong khyer gyi sgor byung ba nas/ de'i mgo bo las cod pa na lhung nas/ de 'di snyam du sems te/ bdag gis bcom ldan 'das blta ba ma legs pa zhig tu mi 'gyur grang snyam mo/ / de nas lha rnams kyis sbran pa/ 'di ni legs par 'gyur te/ khyod kyis bcom ldan 'das blta ba dang bcom ldan 'das la bsnyen bkur bya ba ni legs par 'gyur ba yin no/ / de lta mod kyi khyod gang dag dang / dge ba'i rtsa ba bskrun pa ni de dag kha cig ni khri mon du bcug cing 'dug/ khacig ni yul dag na 'dug gis/ rgyal po khyod kyis btson rnams btang ba'i rigs so// ljongs dag tu yang dril bsgrags te/ de dag dang lhan cig tu bcom ldan 'das blta ba dang bsnyen bkur bya ba'i phyir deng zhig ces byas so/ / de nas de thos ma thag tu rgyal po gzugs can snying pos brtson rnams btang nas/ yul na gnas pa'i skye bo mang po thams bsdus te/ de skye bo phal po che dag dang lhan cig tu yul mag d+ha pa rnams kyi mchod rten rab brtan zhes bya ba na/ smig ma'o nags khrod kyi rgyud theg thag tu song nas/ des rangs
- 205a
dpung gi tshogs rnams la phyir bltas te/ des dmag tshogs chen po mthong nas rgyags pa skyes te/ byad gzugs dang / mthu bdag dang mtshungs pa med do snyam/ mo// de nas bcom ldan 'das kyis rgyal po gzugs can snying po'i sems thugs kyis mkhyen nas/ de bas kyang ches bstan sdug pa dang / ches byed gzugs bzang ba'i rgyal po lnga/ brgya mngon par sprul nas/ de dag la chos ston cing bzhugs so// de nas yul ma ga d+hA'i rgyal po bzo sbyangs gzugs can snying po bcom ldan 'das ga la ba der song nas/ de ji srid du bzhon pas 'gro bar bya ba'i sa de srid du bzhon pa la non te song nas/ rgyal thabs rnam pa lnga ste/ gtsug tor dang / gdugs dang / ral gri dang / nor bu dang / rnga yab rnams dang / lham khra bo rnams bzhag nas/ bcom ldan 'das gal ba der song ste/ rgyal po gzugs can snying pos bcom ldan 'das kyi spyan sngan/ rgyal po ches gzugs bzang zhing ches mdzes pa lnga brgya chos nyan cing 'khod pa mthong nas/ de'i byad gzugs kyis rgyags pa gang yin pa de med par gyur to// de nas de 'di snyam du sems te/ gal te bdag gis bdag gi ming dang rus nas ma smos na/ bdag bcom ldan 'das kyis ma dgongs so snyam nas/ bcom ldan 'das ga la ba der song ste phyin nas/ bla gos phrag pa gcig tu gzar te/ pus mo g.ya
- 205b
pa'i lhang sa la btsugs nas/ bcom ldan 'das ga la ba de logs su thal mo sbyar ba btud de/ bdag gi ming dang rus lan gsum gyi bar du smos te/ btsun pa bdag ni yul ma ga d+ha'i rgyal po bzo sbyangs gzugs can snying po lags so/ / btsun pa bdag ni yul ma ga d+ha'i rgyal po bzo sbyangs gzugs can snying po lags so zhes byas so// bcom ldan 'das kyis bka' stsal pa/ rgyal po de ni de yin te/ khyod ni yul ma ga d+ha'i rgyal po bzo sbyangs gzugs can snying po yin no// rgyal po chen po rang gi stan gang yin pa la 'dug cig/ de nas yul ma gats+tsha/ rgyal po bzo sbyangs gzugs can snying pos bcom ldan 'das kyi zhabs la mgo bos phyag 'tshal nas/ phyogs gcig tu 'dug go// yul ma ga d+ha'i bram ze dang khyim bdag kha cig ni bcom ldan 'das kyi zhabs la phyag 'tshal nas/ phyogs gcig tu 'khod do// kha cig ni bcom ldan 'das dang mngon sum du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas nas/ phyogs gcig tu 'khod do// kha cig ni bcom ldan 'das ga la ba de logs su thal mo sbyar ba btud nas/ phyogs gcig tu 'khod de/ btsog gis ni thag ring po ni ga nas bcom ldan 'das mthong nas/ phyogs gcig tu 'khod do// de'i tshe tshe dang ldan pa steng rgyas 'od srungs ral pa can yang 'khar de nyid du 'dus te 'dug /
- 206a
de nas yul ma ga d+ha'i bram ze dang khyim bdag rnams 'di snyam du sems te/ ci dge sbyong chen po de 'od srungs kyi thad na tshangs par spyad pa spyod dam/ 'on te lteng rgyas 'od srungs ral pa can dge sbyong chen po'i tshangs par spyad pa spyod cig gu skam mo/ / de nas bcom ldan 'das kyis yul ma ga d+ha'i bram ze dang / khyim bdag rnams kyi sems thugs kyis mkhyen nas/ tshe dang ldan pa lteng rgyas 'od srungs la tshogs su bcad de smras pa/ lteng rgyas gnas pa khyod kyis ci mthong na// 'dir ni me sbar drang srong brtul zhugs spangs// 'od srungs khyod kyi sbyin sreg ci phyir spangs/ don deng la kun nas brjod par gyis// gsol ba/ 'di na kha cig zas dang btung ba rnams// khu bcud 'dod dang bu med bsngags par bgyid/ de rnams phung po'i dri mar mthong bas na// bdag ni mchod sbyin me la dga' ma mchis// bka' stsal pa/ khyod ni 'dod pa rnams la mi dga' zhing // zas skom stan rnams la yang midag na/ / khyod ni ji ltar lha mi'i 'jig rten na// yid dga' 'od srungs dris pa'i lan thob cig/ gsol pa/ phung po med bzhi mchog ci yang med// 'dod dang srid la ma chags gzhan mi 'gyur/ / gzhan gyis bkrir med go 'bang mthong bas na// bdag ni mchod sbyin mel dga' ma mchis// mchod sbyin rnams dang brtul zhugs me rnams kyis// grol bar 'gyur rnam
- 206b
bdag gi yid kyang rmongs/ / 'chi 'pho ma mchis gnas mchog ma mthong bas// skye 'chi'i rjes 'brang ba dag ni long bar gyur// mi mchog skyob pas legs gsungs 'dus ma byas// / 'phang de ni bdag gisad mthong ngo // thub pa rnam 'dren go'u ta ma bden pa'i rtsal// khyod ni skye bo mang phyir byung ba lags// bka' stsal pa/ rab tu rnam par phye ba'i chos rnams la// gnas kyi gshis su bab pa gang yin pa/ / de ni khyod kyis legs par bsams pa yin// khyod kyis gtan la legs pas legs par 'ongs// 'od srungs 'khor rnams skyo ba ma skyed cig/ de nas tshe dang ldan pa lteng rgyas 'od srungs ral pa can gyis ji ltar sems mnyam par gnag pa de lta bu'i ting nge 'dzin la snyoms par zhugs te/ shar phyogs kyi steng gi nam mkha' la mngon par 'phags nas/ spyod lam rnam pa bzhi byed de// 'chag pa dang / sdod pa dang / 'dug pa dang / nyal bar byed do// me'i khams la snyoms par 'jug par byed do// tshe dang ldan pa lteng rgyas 'od srungs ral pa can me'i khams la snyoms par zhugs pa'i lus las 'od zer rnam pa sna tshogs byung ste/ sngon po dang / ser po dang / dmar po dang / dkar po dang btsod dang / shel gyi kha dog lta bu rnams 'byung ngo // cho 'phrul zung du yang ston par byed de/ lus kyi stod nas ni me 'bar la/ lus kyi smad nas ni chu grang mo'i rgyun 'bab bo// lus kyi slad
- 207a
nas me 'bar la/ lus kyi stod nas chu grang mo'i rgyun 'bab bo// shar phyogs su ji lta ba de bzhin du/ lho phyogs dang / nub phyogs dang / byang phyogs su yang de dang 'dra bar byas so/ / de nas tshe dang ldan pa lteng rgyas 'od srungs ral pa can gyis phyogs bzhir rdzu 'phrul gyi cho 'phrul bzhi bstan nas/ rdzu 'phrul mngon par 'du byed pa bsdus te// bla gos phrag pa gcig tu gzar nas/ pus mo g.yas pa'i lhangs la btsugs te/ bcom ldan 'das gal ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das ni bdag gi ston pa lags so// bdag ni bcom ldan 'das kyi nyan thos lags so// bcom ldan 'das ni bdag gi ston pa lags so// bdag ni bde bar gshegs pa'i nyan thos lags so/ / bcom ldan 'das kyis bka' stsal pa/ 'od srungs de ni de yin no// de ni de yin te/ 'od srungs khyod kyi ston pa ni nga nyid yin no// khyod ni nga'i nyan thos yin no// 'od srungs khyod rang gi stan ji lta ba bzhin du 'dug cig/ de nas tshe dang ldan pa lteng rgyas 'od srungs ral pa can rang gi stan ji lta ba bzhin du 'dug go// de nas yul ma ga d+ha'i bram ze dang khyim bdag rnam 'di snyam du sems te/ lteng rgyas 'od srungs ral pa can de dge sbyong chen po go'u ta ma'i thad na tshangs par spyad pa spyod pa yin gyis/ dge sbyong chen po lteng rgyas 'od srungs kyi thad na tshangs par spyad
- 207b
pa spyod pa ni ma yin no snyam mo/ / de nas bcom ldan 'das kyis/ yul ma ga d+ha'i rgyal po bzo sbyangs gzugs can snying po la bka' stsal pa/ rgyal po chen po gzugs ni skye yang skye la/ 'grig kyang 'grib ste/ de'i skye ba yang rig par bya dgos la/ 'grib pa yang rig par bya dgos so// rgyal po chen po tshor ba dang / 'dus shes dang / 'du byed rnams dang / rnam par shes pa yang skye yang skye la/ 'grib kyang 'grib ste/ de'i skye ba yang rig par bya dgos la/ 'grib pa yang rig par bya dgos so// rgyal po chen po gzugs skye ba dang 'grib pa'i chos can yin par rig nas/ gzugs de yongs su shes so// rgyal po chen po tshor ba dang / 'du shes dang / 'du byed rnams dang / rnam par shes pa skye ba dang / 'grib pa'i chos can yin par rig nas// rnam par shes pa de yongs su shes so// rgyal po chen po gzugs yongs su shes na/ gzugs de la bdag gi yin no snyam du 'dzin par mi byed/ len par mi byed/ gnas par mi byed mngon par zhen par mi byed do/ / rgyal po chen po tshor ba dang / 'du shes dang / 'du byed rnams dang / rnam par shes pa yongs su shes na/ rnam par shes pa de la bdag gi bdag yin no snyam du 'dzin par mi byed/ len par mi byed/ gnas par mi byed/ mngon par zhen par mi byed do// rgyal po chen po gzugs la mi 'dzin/ mi len/ mi gnas/ mngon par zhen par mi byed
- 208a
na/ dpag tu med pa/ grangs med pa/ mya ngan las 'das pa zhes zer ro// rgyal po chen po tshor ba dang / 'du shes dang / 'du byed rnams dang / rnam par shes pa la mi 'dzin/ mi len/ mi gnas/ mngon par zhen par mi byed na/ dpag tu med pa/ grangs med pa/ mya ngan las 'das pa zhes nga zer ro// de nas yul ma ga d+ha'i bram ze dang khyim bdag rnams 'di snyam du sems te/ ci ste gzugs bdag ma yin zhing / tshor ba dang / 'du shes dang / 'du byed rnams dang / rnam par shes pa bdag ma yin no// bdag gam sems can nam/ srog gam/ skye ba 'am/ gso ba 'am/ gang zag gam/ shed bu 'am/ shed can nam/ byed pa 'am/ byed pa po 'am/ smrab po 'am/ tshor ba po ngam/ skyed pa po 'am/ kun tu skyed pa por su zhig 'gyur/ ma skyes shing ma byung la/ 'byung bar mi 'gyur na yang phung po 'di dag ni 'dor la/ phung po gzhan ni len par mi 'gyur ro snyam mo// de nas bcom ldan 'das kyis yul ma ga d+hA'i bram ze dang khyim bdag rnams kyi sems thugs kyis mkhyen nas/ dge slong rnams la bka' stsal pa/ dge slong dag bdag bdag ces bya ba ni/ so so'i skye bo thos pa dang mi ldan pa rnams kyis so sor bzung bar zad kyi/ 'di na bdag kyang med/ bdag gi yang med do// dge slong dag skye ba na sdug bsngal 'di nyid skyel/ 'gag pa na sdug bsngal 'di nyid
- 208b
'gag go/ / skye ba na 'du byed rnams nyid skyel/ 'gag pa na 'du byed rnams nyid 'gag go// rgyu de dag dang / rkyen de dag las brten nas/ sems can rnams kyi 'du byed kyi rgyud 'jug par 'gyur ro// dge slong dag de bzhin gshegs pas ni/ sems can rnams kyi 'du byed kyi rgyud kyi ting mtshams sbyor ba thugs su chud nas/ 'chi 'pho dang skye ba zhes 'dogs par 'dzad do// lha'i spyan rnam par dag pa'i ming las 'das pas/ sems can rnams 'chi 'pho zhing 'dug pa dang / skye zhing 'dug pa/ kha dog bzang po dang / kha dog ngan pa dang / bzang po dang / ngan pa dang / bde 'gror 'gro ba rnam dang / ngan 'gror 'gro ba rnams dang / sems can las ji lta ba bzhin du 'gro ba rnams kyang yang dag par ji lta ba bzhin du rab tu mkhyen te// kye sems can 'di dag ni lus kyis nyes par spyod pa dang ldan pa dang / ngag gis nyes par spyod pa dang ldan pa dang / yid kyis nyes par spyod pa dang ldan pa dang / 'phags pa rnams la skur pa 'debs pa dang / log par lta ba dang / log par lta ba'i las dang chos yang dag par blangs pa'i phyir/ rgyu de dang / rkyen des lus dang bral te shi ba'i 'og tu ngan song ngan 'gro log par ltung ba'i sems can dmyal ba rnams su skye bar 'gyur ro// kye ma sems can 'di dag ni lus kyis legs par spyod pa dang ldan pa dang / ngag gis legs par spyod pa dang ldan pa dang / yid kyis legs par spyod pa dang ldan pa dang / 'phags pa rnams
- 209a
la skur ba mi 'debs pa dang / yang dag par lta ba dang / yang dag par lta ba'i las dang / chos yang dag par blangs pa'i phyir/ rgyu de dang / rkyen des lus dang bral te shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur ro/ / dge slong dag ngas de ltar shes shing / de ltar mthong bas na/ nga ni 'di skad du nga ni bdag de yin no zhe 'am nga ni sems can nam/ srog gam/ skye ba 'am/ gso ba 'am/ gang zag gam/ shed bu 'am/ shed can nam/ byed pa 'am/ byed pa po'am/ slub po 'am/ tsher ba po 'am/ skyed pa po'am/ kun tu skyed pa po yin no zhes mi zer ro// ma skyes shing ma byung la 'byung bar mi 'gyur na yang phung po 'di dag ni 'dor la/ phung po gzhan ni len par mi 'gyur ro snyam du mi 'dzin to/ / chos kyi brda tsam ni ma gtogs te/ de la chos kyi brda ni 'di lta ste/ 'di yod na 'di 'byung la/ 'di skyes pas 'di skye bar 'gyur te/ 'di lta ste/ ma rig pa'i rkyen gyis 'du byed rnams 'byung / 'du byed kyi rkyen gyis rnam par shes pa 'byung / rnam par shes pa'i rkyen gyis mong dang gzugs 'byung / maung dang gzugs kyi rkyen gyis skye mched drug 'byung / skye mched drug gi rkyen gyis reg pa 'byung / reg pa'i rkyen gyis tshor ba 'byung / tshor ba'i rkyen gyis sred pa 'byung / sred pa'i rkyed kyis len pa 'byung / len pa'i rkyen gyis srid pa 'byung / srid pa'i rkyen
- 209b
gyis skye ba 'byung / skye ba'i rkyen gyis rga shi dang / mya ngan dang / smre sngags bdon pa dang / sdug bsngal ba dang / yid mi bde ba dang / bakhrug pa rnams 'byung bar 'gyur te/ de ltar na sngag sngal gyi phung po chen po 'ba' zhig po 'di 'byung bar 'gyur ro/ / 'di lta ste/ 'di med na 'di mi 'byung / 'di 'gags pas 'di 'gag par 'gyur te/ 'di lta ste/ ma rig pa 'gags pas 'du byed rnam 'gag/ 'du byed rnams 'gags pas rnam par shes pa 'gag/ rnam par shes pa 'gags pas ming dang gzugs 'gag/ ming dang gzugs 'gags pas skye mched drug 'gag/ skye mched drug 'gags pas reg pa 'gag/ reg pa 'gags pas tsher ba 'gag/ tshor ba 'gags pas sred pa 'gag/ sred pa 'gags pas len pa 'gag/ len pa 'gags pas srid pa 'gag srid pa 'gags pas skye ba 'gag/ skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ de ltar na sdug bsngal gyi phung po 'ba' zhig po 'di 'gag par 'gyur ro// dge slong dag de ltar rgyu byung na sdug bsngal 'byung bar 'gyur la/ rgyu 'gags na sdug bsngal 'gag par 'gyur te/ lamached pas 'jug par mi 'gyur la/ nying mtshams sbyor ba med pas 'gag par 'gyur te/ sdug bsngal gyi mtha' ni de kho na yin no// de nas bcom ldan 'das kyi yul ma ga d+ha'i rgyal po bzo sbyangs
- 210a
/ gzugs can snying po la lan gnas su bka' phrul pa/ rgyal po chen po dzanam du sems/ gzugs sngags yin nam/ martag pa yin/ gse / brnyanapa don mi rnag pa lags sa/ / dkara' bral pa/ tag pa gang yin pa de sdug bsngal bayin nas/ drug pardal pamatshan/ sas bya/ banupa do rdzu cwan pa lags s+ho// mi nag cing sdug bsngal pa rnam par 'gyur ba'i chos can gang yin pa de la/ nr-i thos pa dang ldan pa'i 'i phags pa nyan thos bdag tu 'dzin cing / 'don bdan gi yin no// bdini bdag yin no// 'don pa dag ga na nam du na sa/ so na pa de ma lags so// / rgyal pochen po gas pa masadang/ 'du shes dang / rnam pa shes brtan pa yin du/ minyas payin/ gsol pa/ bdun brten martan pa lags so// bka' stsal pa/ mi rtag pa gang dzin pa de mug rnal payin nam/ rdzogs nas/ btsun pa da drug bsngal pa lags so// ka'agyul / sngal la/ rnam papa 'a ba'i mas can yin pa sesams padang na pa sa r nams mas tu mdon na las/ 'don danam na// dgag dan dzin ma ma/ gam sa/ nas mas so// pa 'phrul /
- 210b
rgyal po chen po de bas na gzugs gang yang rung ste/ 'das pa dang / ma 'ongs pa dang / da ltar byung nang gi 'am/ phyi rol gyi 'am/ rags pa 'am/ cha phra ba 'am/ ngan pa 'am/ bzang pobo'am/ nye ba 'am/ ring ba gang yang rung ba de dag thams cad ni bdag gi yang ma yin/ de ni bdag kyang ma yin te/ de kho na ltar yang dag par ji lta ba bzhin du yang dag pa'i shes rab kyis blta bar bya'o/ / rgyal po chen po ji snyam du sems/ tshor ba dang / 'du shes dang / 'du byed rnams dang / rnam par shes pa gang yang rung ste/ 'das pa dang / ma 'ongs pa dang / da ltar byung ba nang gi'am/ phyi rol gyi 'am/ rags pa 'am/ cha phra ba 'am/ ngan pa 'am/ bzang po 'am/ nye ba 'am/ ring ba gang yang rung ba de dag thams cad ni bdag gi yang ma yin de ni bdag kyang ma yin/ de ni bdag gi bdag kyang ma yin te/ de kho na ltar yang dag par lta ba bzhin du yang dag pa'i shes rab kyis blta bar bya'o// de ltar mthong ba'i thos pa dang ldan pa'i 'phags banyan thos ni gzugs las skyo bar 'gyur ro/ / tshor ba dang / 'du shes dang / 'du byed rnams dang / rnam par shes pa las skyo bar 'gyur ro// skyon ma chags par 'gyur ro// mchags na rnam par grol bar 'gyur ro/ / rnam par grol na bdag ni rnam par grol lo snyam du ye shes gzigs pa 'jug ste/ bdag gi skye ba ni zad do// tshangs par spyod pa spyad zin to// bya ba ni byas
- 211a
so/ / srid pa 'di las gzhan med do snyam du ye shes gzigs pa 'jug go// chos kyi rnam grangs 'di bshad pa na/ yul ma ga d+ha'i rgyal po bzo sbyangs gzugs can snying po lha brgyad khri dang / yul ma ga d+ha'i bram ze dang / khyim bdag stong phrag du ma chos rnams la chos kyi mig rdul med cing dri ma dang bral ba skyes so// de nas yul ma ga d+ha'i rgyal po bzo sbyangs gzugs can snying pos chos mthong / chos rnyed/ chos rtogs/ chos kyi gtings bslebs/ sau ma nyi las rgal/ the tsom las zhal te/ gzhan gyi dring mi 'jog cing / gzhu gyis bkri ba med la/ ston pa'i bstan pa'i chos rnams la mi 'jigs pa thob nas/ stan las langs te/ bla gos phrag pa gcig tu gzar nas/ bcom ldan 'das ga la ba de logs su thal mo/ sbar ba btud de/ bcom ldan 'das la 'di skad ces gsol to// btsun pa bdag ni 'phags lags so// 'phags lags so// btsun pa bdag ni sangs rgyas dang / chos dang / dge slong gi dge 'dun la skyabs su mchi'o// bdag deng slan chad ji srid 'tshe'i bar du khong nas dad pa'i dge bsnyen legs par gzung du gsol/ bcom ldan 'das rgyal po'i khab tu gshegs su gsol/ bdag gis bcom ldan 'das dang / dge slong gi dge 'dun rnams la bsnyen bkur bgyi'o// ji srid 'tsho'i bar du bcom ldan 'das dge slong gi dge 'dun dang bcas pa'i na bza'
- 211b
dang / zhal zas dang / gzims cha dang / gdan dang / spun gsos dang / sman zong rnams sbyar bar 'tshal lo zhes gsol to// de nas dge slong rnams kyis sangs rgyas bcom ldan 'das la gsol ba/ btsun pa bcom ldan 'das kyis rgyal po gzugs can snying po la sogs pa lha brgyad khri dang / yul ma ga d+ha'i bram ze dang / khyim bdag stong phrag tu/ ma skyabs su 'gro ba dang / bslab pa'i gzhi rnams dang / g.yung drung gi mthar thug pa grub pa dang bde ba'i mya ngan las 'das pa la bkod pa dang / gzhi de las bcom ldan 'das kyi grags pas 'jig rten kun tu rgyas par gyur pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang rgyal po gzugs can snying po la sogs pa lha brgyad khri dang / yul ma ga d+ha'i bram ze dang / khyim bdag stong phrag du ma mang po 'di rnams bsam gtan bzhi dang / mngon par shes pa lnga dang / dge ba bcu'i las kyi lam la ngas ji ltar bkod pa dang / gzhi dri ni nga'i grags pas 'jig rten rgyas par gyur pa de nyon cig/ dge slong dag sngon byung ba 'das pa'i dus na/ grong khyer rdul ldan zhes bya ba na/ rgyal po phyogs kyi bdag bo zhes bya ba rgyal po byed de/ de'i ring la 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba dang / rtsod pa dang 'thab pa zhi pa dang / 'khrug
- 212a
bdud / nang 'khrug dang / chom rkun dang / nad dang / mu ge med pa dang / 'bras snga mus dang / bu ram shing dang / baglang dang / mthe dang ldan par 'dug ste/ gnod pa med cing cher ma dkrugs la/ bu gcig pa sdug pa la bya ba bzhin du rgyal srid byed do// de nas rgyal po de btsun mo dang lhan cig rtse zhing dga' la dga' dgur spyod pa las/ btsun mo la bu chags nas/ de zla ba dgu 'am bcu lon pa dang / bu gzugs bzang zhing blta na sdug la mdzes pa zhig btsas te/ de'i btsas ston rgyas par byas nas/ ming rdul zhes bya bar btags/ so// de nas khye'u dul pang na 'tsho ba'i ma ma gnyis dang / num bskrun pa'i ma ma gnyis dang / dri ma 'khru ba'i ma ma gnyis dang / rtse ba'i ma ma gnyis te/ ma ma brgyad la gtad nas ma ma brgyad kyis 'o ma dang / zho dang / mar dang / nun mar dang / mar gyi snying khu dang / gzhan yang yo byad kyi khyad par bzang ngo cog gis bskyed bsrings te/ mtsho'i nang gi pad+ma bzhin du skye drag par gyur te/ de nas gang gi tshe cher skyes pa de'i tshe/ khye'u de yi ge slob tu bcug ste/ rgyal rigs spyi bo nas dbang bskur ba'i rgyal po rnams kyi bzo'i gnas dang / las kyi gnas tha dad pa 'di lta ste/ glang po che bzhon pa dang / rta bzhon pa dang / mtshon cha bcang ba dang / 'phong dang / mdun du brna ba dang / phyir bsnur ba dang / g.yul las thar bar bya ba dang /
- 212b
lcags kyus gzung ba dang / zhags pas gzung ba dang / mda' bo che 'phang ba dang / rdo rje rtse gcig pa 'phang ba dang / mtshon rtse gcig pa gdab pa dang / 'khor lo baphang ba dang / gcon ba dang / gshogs pa dang / lag pas gzung ba dang / rkang pa'i stabs dang / mgo bo bskyab pa dang / rgyang mar 'bang ba dang / sgra grag par 'phang ba dang / gnad du 'phang ba dang gdon mi za bar phog par bya ba dang / tshabs cher gtang ba rnams kyang bslabs nas/ gnas lnga la byang bar gyur to// rgyal po phyogs kyi bdag po'i mdun na 'don ni bram ze khyab 'jug ces bya ba yin te/ de yang mkhas shing gsal la yid gzhungs pa/ rtsis mgo'i thabs shes pa'i sha rab dang / dpyod pa dang ldan pa zhig ste/ de rgyal po phyogs kyi bdag po'i 'phrin las su bya ba thams cad byed la/ rgyal po phyogs kyi bdag pos kyang mdun na 'don bram ze khyab 'jug de la rgyal srid gtad nas/ khang bzangs kyi steng na 'dug cing / bud med 'ba' zhig dang sil snyan gyis rtse zhing dga' la dga' dgur spyod do/ / phyi zhig na bram ze khyab 'jug gi chung ma la bu chags nas/ de zla ba dgu'am bcu lon pa dang / bu gzugs pa zang zhing blta na sdug la mdzes pa zhig bcas te/ de'i btsas ston rgyas par byas nas/ ming me skyong zhes btags so// de nas khye'u me skyong 'o ma dang / zho dang / mar dang / zhun mar dang / mar gyi snying lus bskyed bsrings nas/ gang
- 213a
gi che cher skyes pa de'i tshe/ yi ge dang / bram ze'i spyod lam dang / spyod pa dang / oM zhes bya ba dang / b+ho zhes bya ba dang / gtsang s+thA dang / cho ga dang / thal batha ba dang / ril ba thogs pa dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / mchod sbyin bya ba dang / mchod skyon byed du gzhug pa dang / sbyin pa dang / blang ba dang / kha ton bya ba dang / kha ton byed du gzhug pa'i thabs bslabs nas/ las rnam pa drug la mkhas pa'i bram zer gyur te/ de mthar gyis rig pa'i gnas bco brgyad la byang bar gyur to/ / de nas de'i phas/ khye'u me skyong la smras pa/ bu khye'u 'di ni yab 'das pa'i 'og tu yab kyi thabs kyis rgyal sar 'jug par 'gyur la/ khyod ni 'di'i mdun na 'don du 'gyur gyis 'di la khyod kyis skor cig/ snga nas skor dang khyod la 'bras bu yod par 'gyur ro// me skyong gis smras pa/ jo bos ji skad bka' stsal pa bzhin du 'tshal lo zhes smras nas/ gzhon nu rdul gyi phyi bzhin du grib ma bzhin 'brang ngo / / de nas phyi zhig na/ bram ze khyab 'jug shi nas/ de shi ba'i phyir rgyal po phyogs kyi bdag po shin tu mya ngan byed cing sdug bsngal la smre sngags 'don par byed de nas gnon nu rdul gyis gsol ba/ lha khyod ci'i slad du bram ze khyab 'jug gum pa'i slad du shin tu thugs ngan mdzad cing / bo brgyal la smre sngags 'don cing bzhugs/ rgyal pos
- 213b
sbas pa/ bram ze khyab 'jug ni nga'i rgyal po'i 'phrin las bya ba thams cad byed byed de/ de'i mthus nga snying khral chung ngur 'dug go// gzhon nu rdul gyis gsol pa/ khyod bram ze khyab 'jug 'gum pa'i slad du ha cang thugs ngan ma mdzad/ ha cang po brgyal bar ma mdzad/ ha cang smre sngags 'don par ma mdzad cig dang / lha mkhan po de nyid kyi bu bram ze'i khye'u me skyong zhes bgyi ba pha bas kyang ches khyad par du 'phags pa zhig mchis pa de lhas mdun na 'don du bsko bar gsol/ 'on tang des lha'i rgyal po'i 'phrin las bgyi ba thams cad bgyid par 'gyur ro// de nas de thos ma thag tu rgyal po phyogs kyi bdag pos bram ze'i me skyong 'gugs pa btang nas/ mdun nab don du bcug go// de nas des kyang rgyal po de'i bya ba thams cad nyams su blangs so// / de nas phyi zhig na rgyal po phyogs kyi bdag pos gzhon nu rdul rgyal sar bcug nas/ phyogs kyi bdag po shi'o// de nas de'i ming gzhon nu rdul zhes bya ba de med par gyur nas/ rgyal po rdul zhes bya bar gyur to/ / de nas rgyal po rdul gyis kyang bram ze'i khye'u me skyong 'gug pa btang nas de la smras pa/ mkhan po khyod kyis ji ltar nga'i yab kyi rgyal po'i 'phrini las su bya ba thams cad byas pa de bzhin du nga'i yang gyis shig/ bram ze'i khye'us gsol ba/ lha de bzhin du 'tshal lo zhes gsol nas/ bram ze'i khye'u me skyong gis rgyal po rdul gyi rgyal srid kyi bya ba thams cad
- 214a
@/ nyams su blangs so// de nas de'i mong me skyong zhes bya ba gang yin pa de med par gyur nus/ me stong rgyab 'jug ces bya ra gyur to// de'i margyal po rdul gyi sngon gnon nu'i tshe mdza' zhing bshes la gcugs pa/ rgyal rigs gzhon nu drug cig yod pa de dag rgyal po de'i thad du 'ongs nas sbas pa/ lhas bdag cag gi yul dpog tu gsol/ de nas de thos ma thag tu rgyal pos me skyong khyab 'jug la bka' stsal te/ ma khan po khyod kyis sa chen po 'di cha bdun du bgos la/ cha drug ni gzhon nu 'di rnams la byin cig/ cha gcig ni nga'i bya'o// des gsol pa/ lha de bzhin du 'tshal lo zhes byas nas/ me skyong khyab 'jug gis sa chen po 'di cha bdun du bgos te/ cha drug ni gzhon nu drug po rnams la byin no// cha gcig ni rgyal po tshul gyi skal bar lus shing 'dug go/ / de nas rgyal po rdul gyis rgyal rigs drug po de dag rang rang gi rgyal srid la bkod do// de nas me skyong khyab 'jug ni 'dzam bu gling thams cad du tshangs par bkur te/ bram ze khyab 'jug ni tshangs pa'i lam yin no snyam du 'dzin cing tshangs pa'i lam yin par blta'o// de nas phyi zhig na bram ze khyab 'jug 'di snyam du sems te/ bdag ni rgyal khams thams cad kyi mi rnams kyis tshangs par bkur te/ bram ze khyab 'jug ni tshangs pa'i lam yin no snyam du 'dzin cing / tshangs pa'i lam yin par lta la/ gna'i bram ze rgas shing
- 214b
'khogs la 'dug pa sde tshan gyi slob dpon chen po dag las bdag gis thos na/ bram ze gang dbyar zla ba bzhi'i bar du byams pa dang ldan pa'i sems kyis gnas pa de la/ mi mjed kyi bdag po tshangs paltar 'ong ngo zhes zer gyis/ mal bdag gis thams cad spangs te/ khang bzangs kyi steng du song la byams pa dang / snying rje dang / dga' ba dang / btang snyoms dang ldan pa'i sems kyis gnas par bya gor ma chag snyam nas/ rgyal po la gsol ba/ lha mkhyen par mdzad du gsol/ bdag ni dbyar zla ba bzhi tshangs pa'i gnas pas gnas 'tshal te/ de bas na lhas lha nyid kyi rgyal po'i 'phrin las su bgyi ba gang lags pa thams cad bgyid pa'i mdun du 'don gzhan zhig bsko bar gsol zhes byas so/ / de nas rgyal po rdul gyis smras pa/ khyod ji ltar dga' ba de bzhin du bya'o/ / de nas de thos ma thag tu bram ze khyab 'jug chen pos las su bya ba thams cad spangs te/ khang bzangs kyi steng du song ste/ khang bzangs kyi steng na 'dug cing byams pa dang / snying rje dang / dga' ba dang / btang snyoms dang ldan pa'i sems kyis gnas so// de nas phyi zhig na/ de la mi mjed kyi bdag po tshangs pa bltar 'ongs nas mi mjed kyi bdag po tshangs pa'i kha dog gi mthus khang bzangs de dag thams cad snang ba chen pos khyab par gyur to/ / de nas de mthong nas tshigs su bcad de smras pa/ bdag gis kha dog 'di 'dra ba/
- 215a
sngan chad ma mthong ma thos te// kha dog ldan zhing gzugs bzang ba// grogs po khyod ni su zhig lags// mi mjed kyi bdag po tshangs pas smras pa/ gzhon nu brgya byin la sogs dang / / de bzhin lus can gzhan dag kyang // bdag la tshangs pa'i lus su shes// khyab 'jug de ltar shes par gyis// bram ze che zhing mtho ba khyab 'jug gis smras pa/ tshangs pa khyod la 'dud par bgyi/ / tshangs pa khyod la mchod pa 'tshal// bdag gi tshig ni gsan nas kyang // lan ni myur du bka' stsol cig/ mi mjed kyi bdag po tshangs pas smras pa/ khyab 'jug khyod kyis sbas pa yi/ / tshig ni bdag gis gzung bar bya// dri ba yid la ci 'dod pa// bram ze la dri bar gyis// tshe 'di yon don yang rung // phyi ma'i tshe yi don yang rung // khyod kyis dris pa de/ dang de// ngas ni nges par gcod pa bya// bram ze khyab 'jug chen pos smras pa/ bdag gi the tsom gzhan brtags the tsom rnams// bram ze kun 'gyed gzhon nu dri bar 'gyis// gang la gnas shing tsal bslab bgyis na/ / rdul med mis ni tshangs pa'i 'jig rten thog// mi mjed kyi bdag po tshangs pas smras pa/ tshangs pa ma yis rgyal spangs byas la// rtse gcig btud de zhing rje mas byas shing / dring med cing 'brig par ba spangs la// de laganas shing de la bslar byas na// rdul med ma yis tshangs pa'i 'jig rten thob// bram 'i khya 'dug chen pos smras pa/ tshangs pa
- 215b
/ gang dag ma mdzi lags// nu bram chus po 'azhin du gang gis gsogs// ngan song m+b+ha ste 'jig rten thams cad bsgribs// tshangs pathob pa'i lam yang yang mi shes// mi mdzod kyi bdag po tshangs pas smras pa/ khro dang rdzun dang ngan sems 'tshe ba dang // ngan du byed dang blo med bra ma dang // chags dang sdang dang de bzhin gti mug dang // 'chab pa dang ni ser sna ga tum tshig rnams bram ze 'di dag mi yi dring ba/ / nu 'gram chus yogs bzhin du de yis g.yogs// ngan song rgyu ste 'jig rten thams cad bsgribs// tshangs pa thob pa'i lam yang yod mi shes// chos 'di rtag tu spyod pa yin/ / de rnams las ni 'das gyur na// tshangs pa dag du skye 'gyur gyis// khyod kyis brtan por bsgrims par gyis// de skad ces smras nas/ mi mjed kyi bdag po tshangs pa de nyi du mi snang bar gyur to/ / mi mjed kyi bdag po tshangs pa mi snang bar gyur nas/ ring po ma lon par bram ze khyab 'jug chen pos bsams pa/ mi mjed kyi bdag po tshangs pas ji skad bshad pa'i don bdag gis shes te/ 'di ltar bdag khyim par 'dug ste/ khyim na gnas bzhin du gcig tu brtul te ji srid 'i tshe'i bar du tshangs par spyod pa ma 'dres pa/ yongs su rdzogs pa/ yongs su dgapa/ yongs su byas spyad par dka' na/ ma la bdag gis skra dang kha spu bregs te/ gos tshon can rnams bgos la/ yang dag pa'i dad pas khyim nas khyim med par rab tu 'byung bar bya'o/
- 216a
ma chag skam mo// de nas phyi zhig na rgyal po rdul bram ze khyab 'jug chen po gal ba der song ste phyin nas/ bram ze khyab 'jug chen po'i rkang pa la mgo bos phyag 'tshal te phyogs gcig tu 'dug go/ / de nas bram ze khyab 'jug chen pos/ rgyal po rdul la 'di skad ces smras so// yul bdag rgyal chen rdul gyis ni// de ring bdag gi tshig gson cig/ khyod nyid kyi ni rgyal srid srungs/ / khyab 'jug pa dag ni spong med// rgyal po rdul gyi smras pa/ khyod kyis 'dod pa ma skongs pa// de ni bdag gis nges par bskang // khyod kyi gnod pa bdag gis bsal// khyab 'jug pa dag ni mdor cig/ khyab 'jug chen pos spras pa/ bdag gi 'dod pa ma songs med// bdag la gnod pa byed pa'ang med// mi ma yin pa'i tshig thos na// khyim na gnas par spro ba med/ / rgyal po rdul gyis smras pa/ bram zes su yi tshig thos pas// nga dang 'dod pa spong byed pa// mi ma yin pa ci 'dra de// dris pa de ni bdag la smros// khyab 'jug chen pos smras pa/ snying rje la ni gnas nas kyang // dben pa'i bsam gtan byed pa na// de tshe tshangs pa byung nas ni// phyogs rnams thams cad snang bar byas// bdag gis de yi tshig thos nas// khyim du gnas par spro ba med// rgyal po rdul gyis smras pa/ mkhan po khyod nam bdag gi bu thu bo rgyal sar ma bcug gi bar du sdod cig dang / mkhan po rab tu byung ba'i rjes su bdag kyang rab tu 'byung
- 216b
par bya'o zhes smras nas/ tshigs su bcad de sbas pa/ bram ze gang du 'gro ba der// bdag kyang der ni 'gro bar bya// bdag gis khyod kyi slob ma bya// bdag gi ston pa khyab 'jug khyod/ khyab 'jug chen pos smras pa/ so so'i skye bo gang chags pa// 'dod pa de ni spangs par gyis// 'dod pa rnams lam lta bar// bden pa'i chos la gnas par gyis// rgyal po rdul gyis smras pa/ tshangs pa dag par skye ba'i phyir// nam mkha' dri med lta bu dang // nor bu bai DUr dag pa ltar// tshangs par spyod pa spyad par bya// khyab 'jug chen pos smras pa/ rgyal po chen po de'i dus la bab par mkhyen na de ltar mdzod ces byas/ bram ze khyab 'jug chen pos/ rgyal rigs kyi rgyal po drug la smras pa/ kye bdag ni sgra dang kha spu bregs te gos tshon can bgos la yang dag pa'i dad pa kho nas khyim nas khyim med par rab tu 'byung bar 'dod na/ khyed ji ltar byed sems/ de dag gis smras pa/ mkhan po khyod lo bdun gyi bar du sdod cig dang / lo bdun lon nas bdag cag gis bu dang nu bo dag rgyal sar bcug la/ mkhan po rab tu byung ba'i rjes su bdag cag kyang rab tu 'byung ngo // khyab 'jug chen pos smras pa/ kye lo bdun ni ha cang yun rings ches so// 'dod pa rnams ni chags par 'gyur ba'o// longs spyod rnams ni rgyags par 'gyur ba'o// 'tsho ba dang 'chi bi ni drod pa gzung dka'i'o// lo bdun lon nas kyim ba tu 'byung ma mi 'byung yang gtol med
- 217a
kyis/ bdag de rab tu 'byung ngo // de dag gis smras pa/ mkhan po khyod re zhig zod cig dang / lo drug gam/ lnga 'am/ bzhi 'am/ gsum mam gnyis sam/ gcig gam/ de bzhin du zla ba bdun nam/ drug gam/ lnga'am/ bzhi 'am/ gsum mam/ gnyis sam/ gcig gam/ zhag bdun nam/ drug gam/ lnga 'am/ bzhi 'am/ gsum mam/ gnyis sam/ gcig lon na/ bdag cag gis bu dang nu bo rnams rgyal sar bcug nas/ mkhan po rab tu byung ba'i rjes su bdag cag kyang rab tu byung ngo/ khyab 'jug gis smras pa/ kye zhag bdun yang ha cang yun ma rings sam/ 'dod pa rnams ni chags par 'gyur ba'o// longs spyod rnams ni rgyags par 'gyur ba'o// 'tshe ba dang 'chi ba ni drod gzung bar dka' 'o/ / zhag bdun lon nas kyang khyed rab tu 'byung ngam mi 'byung gtol med kyis/ bdag rje rab tu 'byung ngo // de dag gis smras pa/ zhag bdun yang btang ste/ dang nyid du bdag cag gis bu dang nu bo dag rgyal sar bcug nas mkhan po rab tu byung ba'i rjes su bdag cag kyang rab tu 'byung ngo // khyab 'jug gis smras pa/ khyed kyis de'i dus la ba par shes na/ de ltar gyis shig/ de nas bram ze khyab 'jug chen po rgyal rigs kyi rgyal po drug gi 'khor bltas nas/ bram ze che zhing mtho ba bdun bltas so// bram ze che zhing mtho
- 217b
ba bdun bltas nas/ bshes pa'i bud med bzhi bcu bltas so// bshes pa'i bud med bzhi bcu bltas nas/ bram ze'i khye'u lnga brgya bltas so// bram ze'i khye'u lnga brgya bltas nas shing rta'i kha lo pa rnams dang / glang po che'i kha lo ba rnams dang / rta pa rnams dang / shing rta pa rnams dang / mtshon ma can rnams dang / 'bod pa rnams dang / zhabs 'bring ba rnam dang / tshal za ba rnams dang / drag shul can rnams dang / dpa' bo rnams dang / rab gnon rnams dang / tshan po che chen po rnams dang / rgyal po sras du ma dag bltas te/ kye bdag ni skra dang kha spu bregs nas/ gos tshon can rnams bgos la yang dag pa'i dad pa kho nas khyim nas khyim med par rab tu 'byung na/ khyed ji ltar byed sems/ de dag gis smras pa/ bdas cag kyang mkhan po rab tu 'byung ba'i rjes su rab tu 'byung ngo / / khyab 'jug gis smras pa/ khyed kyis de'i dus la bab par shes na/ de bzhin du gyis shig ces byas nas/ bram ze khyab 'jug chen pos khyim gyi 'khor thams cad btang ste/ sbyin pa dag byin zhing / bsod nams dag byas te/ dum zhig dbul bor te gtang nas/ swa dang kha spu bregs te/ gos tshon can rnams bgos nas/ yang dag pa'i dad pa kho nas khyim nas khyim med par rab tu byung ngo // rab tu byung nas kyang nags khrod gcig tu gnas bcas nas/ yal ga dang l-i ma skyil po phug ste/ de
- 218a
@/ na 'dug nas bsam gtan bzhi dang / mngon par shes pa lnga bskyed de/ rdzu 'phrul che zhing mthun par gyur to// khyab 'jug rab tu byung nas/ rgyal po rdul g.yog 'tsha 'bum phrag du ma dang / sgra dang kha spu bregs te/ gos non can rnams bgos nas/ yang dag pa'i dad pa kho nas khyim nas khyim med par rab tu byung ngo // de bzhin du rgyul rigs kyi rgyal po drug gi 'khor dang / bram ze che zhing mtho ba bdun dang / bshes pa'i bud med bzhi bcu dang / bram ze'i khye'u lnga brgya dang / shing rta'i kha lo bi rnams dang / glang po che'i kha lo ba rnams dang / rta pa rnams dang / shing rta pa rnams dang / mtshon cha can rnams dang / zham ring ba rnams dang / tshal za ba rnams dang / drag shul can rnams dang / dpa' bo rnams dang / rab gnon rnams dang / chen po che chen po rnams dang / rgyal po'i sras du ma dag sgra dang kha spu bregs te/ gos tshon can rnams bgos nas/ yang dag pa'i dad pa kho nas khyim nas khyim med par khyab 'jug rab tu byung ba'i rjes su rab tu byung ste/ bram ze khyab 'jug gis thams cad la yid la byed pa'i lung phog nas/ de dag gis kyang brtson pa dang / bsgrub pa dang / 'bad pas bsam gtan bzhi dang / mngon par shes pa lnga bskyed do// de nas bram ze che zhing mtho ba khyab 'jug gi ming bram ze che zhing mtho ba khyab 'jug ces bya bar gyur pa de med par gyur nas/
- 218b
ston pa khyab 'jug ces bya bar gyur to// dge slong dag ji snyam du sems de'i tshe ston pa khyab 'jug ces bya bar gyur pa gang yin pa de ni nga nyid yin no// de'i tshe rgyal po rdul ces bya bar gyur pa gang yin pa de ni rgyal po gzugs can snying po 'di kho na yin no/ / de'i tshe rgyal po rdul gyis mgo drangs pa'i skye bo 'dum phrag du mar gyur pa gang yin pa de dag ni/ rgyal po gzugs can snying pos mgo drangs pa'i lha brgyad khri dang / yul ma ga d+ha'i bram ze dang / khyim bdag stong phrag dum po 'di dag kho na yin no// de'i tshe yang ngas rgyal po rdul la sogs pa yul gyi mi du ma dang / bram ze dang / khyim bdag stong phrag du ma rab tu byung nas bsam gtan bzhi dang / mngon par shes pa lnga la bkod de/ gzhi des na/ nga'i grags pas 'jig rten rgyas par gyur to/ / da ltar yang ngas rgyal po gzugs can snying po la sogs pa lnga brgyad khri dang / ma ga d+ha'i bram ze dang / khyim bdag stong phrag du ma dag dam pa'i chos kyi bcud kyis tshims par byas nas/ gsung drung gi mthar thug pa grub pa dang bde ba'i mya ngan las 'das pa la bkod do// / dam po sum cu bdun pa/ bathung mo zhes bya ba ni// gling ga zhi mnyan du yod pan bzhugs te/ de'i tshemakhan du yod pan/ skye bo phal po che 'thang ba dang / mtshang 'dru ba dang / 'byed pa dang rtsod pa la zhugs shing 'khod do// sangs
- 219a
@/ rgyas bcom ldan 'das bgrod pa gcig pu'i lam ston pa/ rnam pa gnyis kyi shes bya dang ye shes la mnga' brnyes pa/ ma 'dres pa'i dran pa nye bar gzhag pa gsum la mkhas ma/ mi 'jig pa bzhi mi 'jigs pa/ 'gro ba lngar 'gro ba las rnam par grol ba/ skye mched drug la mkhas pa/ byang chub kyi yan lag bdun la spyod yul ba/ rnam par thar pa brgyad pa/ bsam gtan pa// mthar gyis gnas pa'i snyoms par 'jug pa dgu la snyoms par 'jug pa/ stobs bcu'i stobs dang ldan pa/ yang dge pa'i seng ge'i sgra chen po sgrogs pa rnams ni chos nyid kyis nyin dus gsum mtshan dus gsum ste/ nyin mtshan dus drug tu sangs rgyas kyi spyan gyis 'jig rten la gzigs te/ su ni rgud/ su ni dUr/ su ni 'phongs shing 'dug su ni nyamang bar gyur/ su ni gnod pa dang ldan/ su ni 'phongs pa dang / nyamang ba dang / gnod pa dang ldan/ su ni ngan song du gzhol/ su ni ngan song du 'bab/ su ni ngan song du ba/ su ni ngas ngan song nas phyung ste/ mtho ris dang / thar pa dang / 'bras bu la gzhag par bya/ su ni nyes par spyod pa'i 'dam du bying ba las lag nas drang bar bya/ su ni 'phags pa'i nor bdun med pa las 'phags pa'i nor bdun gyi dbang phyug la dbang byed du gzhug par bya/ su ni dge ba'i rtsa ba rnams ma skyed pa la bskyed par bya/ su ni dge ba'i rtsa ba rnams
- 219b
bskyed zin pa las yongs su smin par bya/ su ni dge ba'i rtsa ba rnams yongs su srin zin pa las ye shes kyi mtshon gyis brtol bar bya/ su la ni sangs rgyas byung bas brgyan pa'i 'jig rten 'bras bu yod par bya snyam du ye shes gzigs par 'jug go/ / rgya mtsho chu srin rnams kyi gnas/ dus rlabs yol bar 'gyur yang srid// gdul bar bya ba'i sras rnams la// sangs rgyas dus las yol ba med/ de nas bcom ldan 'das kyis dgongs pa/ skye bo phal po che gdul ba'i dus la bab ste/ dgangs 'thab pa dang / 'chang 'dru ba dang / 'gyed pa dang / rjod pa las bzlog ste/ g.yung drung gi mthar thug pa grub pa dang bde ba'i mya ngan las 'das pa la dgod par bya'o snyam du dgongs nas/ snga dro sham thabs dang chos gos gsol te/ lhung bzed bsnams nas/ mnyan du yod par bsod snyoms la gshegs te/ skye bo phal po che ga la bder gshegs nas skye bo phal po ched de dag gis thag ring po niganas sangs rgyas bcom ldan 'das mthong ngo / / mthong nas kyang ngo mtshar bar gyur te/ bcom ldan 'das kyi phyir gdan bshams nas gsol pa/ com ldan 'das mi shegs pa legs sa legs so// bcom ldan 'das chu gshegs/ gzugs su gsol lo// de nas gdan pa gams pal bags nas/ bcom ldan 'ad
- 220a
kyis skye bo phal po che la bka' stsal pa/ grogs po dag ci byed cing 'khod/ gzhan dang 'thab dgos na/ gzhan dang 'thab cing 'dug gam/ de rnams kyis gsol pa/ bcom ldan 'das bdag cag su dang 'thab 'tshal lags/ bcom ldan 'das kyis bka' stsal pa/ grogs po dag 'o na 'khod cig dang / ngas khyed la rgyas par brjod par bya'o// de nas skye bo phal po che de dag gis bcom ldan 'das kyi zhabs la mgo bos phyag 'tshal te/ chos mnyan pa'i phyir spyan sngar 'khod do// de nas bcom ldan 'das kyis/ skye bo phal po che de dag la bka' stsal pa/ khyed ni nyon mongs pa rnams dang 'thab dgos kyis/ nyon mongs pa spang ba'i phyir 'bad par gyis shig ces/ bcom ldan 'das kyis de dag la de lta bu dang 'thun pa'i chos bstan te/ des na de dag gis khro ba'i kun nas dkris pa med par gyur nas/ stan de dag nyid la 'khod bzhin du 'jig tshogs la lta ba'i ri'i rtse mo mthon po nyi shu ye shes rdo rjes bcom nas/ rgyun du zhugs pa'i 'bras bu mngon sum du byas te/ de dag gis bden pa mthong nas/ bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ / btsun pa bdag cag legs par gsungs pa'o chos 'dul ba la rab tu 'byung ba dang / bsnyen par rdzogs shing dge slong gi dngos po thob tu rung na/
- 220b
bdag cag kyang bcom ldan 'das kyi thad du tshangs par spyod pa spyad par 'tshal lo// de nas bcom ldan 'das kyis de dag la dge slong tshur shog ces bya ba'i tshig gis rab tu phyung ste/ bsnyen par rdzogs par mdzad nas/ de dag la lung yang phog ste/ de dag gis kyang brtson pa dang / bsgrub pa dang / 'bad pas nyon mongs pa thams cad spangs nas/ dgra bcom pa nyid mngon sum du byas te/ de dag dgra bcom pa khams gsum pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'o sems dang ldan pa/ tsan dan spangs pa lta bur bsil bar gyur pa/ rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags ba dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas dge slong rnams kyis/ sangs rgyas bcom ldan 'das la gso pa/ brgyan pa bcom ldan 'das kyis skye bo phal po che thub pa las ni bar mdzad nas/ gsung drung gi mthar thug pa grub pa dang bde ba'i mya ngan las 'das pa la bkod pa la gzigs/ / bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas skyeb phal po che 'di dag pasam gtan bzhi dang /
- 221a
mngon par shes pa lnga la ji ltar bkod pa de nyon cig/ dge slong dag sngon byung ba 'das pa'i dus na/ ri khrod kyi grong zhig na bram ze zhig gis mchod sbyin byas te mchod sbyin byed pa der bram ze rnams stan gyi phyir 'thub pa las/ de'i tshe dka' thub kyi gnas shig na/ drang srong 'khor lnga brgya yod pa zhig gnas so// de nas mchod sbyin byed pa der/ tra srong des bram ze de dag 'thab pa zhi ba'i bya ba'i phyir de lta bu dang 'thun pa'i chos stan te/ des na 'thab mo de yang zhi bar gyur la/ bram ze rnams kyang skyo ba skyes nas/ de nyid kyi thad du rab tu byung ngo / / de dag der rab tu byung nas/ bsam gtan bzhi dang / mngon par shes pa lnga bskyed do// dge slong dag ji snyam du sems/ de'i tshe drang srong du gyur pa byang chub sems dpa'i spyod pa la gnas pa gang yin pa de ni nga nyid yin no/ / de'i tshe bram ze lnga brgyar gyur pa gang yin pa de dag ni skye bo phal po che de dag kho na yin te/ de'i tshe yang ngas skye bo phal po che 'thab pa zhi bar byas nas/ bsam gtan bzhi dang / mngon par shes pa lnga la bkod do// da ltar yang ngas skye bo phal po che 'thab pa zhi bar byas nas/ g.yung drung gi mthar thug pa grub pa dang bde ba'i mya ngan las 'das pa la bkod do/ / gzhan yang yang dag par rdzogs pa'i sangs rgyas 'od srungs kyi bstan pa la 'di dag thams cad rab tu byung nas/ der 'di rnams kyis tshe gcig
- 221b
tu tshangs par spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// klu zhes bya ba ni/ gleng gzhi mnyan du yod pa na bzhug / de'i tshe rgyal po gsal rgyal gyi blon po chen po zhig gyod cig la btags te/ ci bdog pa phrogs nas/ khro mon du bcug pa las/ de der zas dang skom gyis mnar te shri'o// de nas des smon lam log par btab nas/ shi 'phos te dus las 'das pa'i 'og tu gnod sbyin ma rungs pa zhig tu skyes nas/ des yul ko sa la de thams cad du mi nad btang ste/ skye bo phal po che dag kha btags par gyur nas/ ltas mkhan dag gis smras pa/ blon po chen po des 'chi kar smon lam log par btab nas/ gnod sbyin ma rungs par skyes te/ des mi nad 'di dag btang ngo zhes byas/ de nas de thos ma thag tu skye bo mang po de dag ci bya gtol med par gyur to// de nas rgyal po gsal rgyal gyis bsams pa/ 'di ni sus kyang gdul bar mi nus kyis/ 'di'i phyir bcom ldan 'das la gsol ba gdang dgos so snyam ste/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ / phyogs gcig tu 'dug nas/ rgyal po gsal rgyal gyis/ bcom ldan 'das la 'di skad ces gsol to// btsun pa bcom ldan 'das kyis ni klu ma rungs pa dga' bo dang
- 222a
nye dga' bo la sogs pa gzhan dang gzhan dag kyang btul/ gnod sbyin ma rungs pa 'brog gnas la sogs pa gzhan dang gzhan dag kyang btul na/ btsun pa blon po che po che ge mo zhig gis smon lam log par btab ste/ gnod sbyin ma rungs par skyes nas/ des bdag gi yul du mi nad btang na/ bcom ldan 'das kyis thugs brtse ba'i slad du nod sbyin ma rungs pa de gdul bar gsol/ de nas bcom ldan 'das kyis rgyal po gsal rgyal la cang mi gsung bas gnang ngo // de nas rgyal po gsal rgyal bcom ldan 'das kyis gsungs pa la mngon par bstod de rjes su yi rang nas/ bcom ldan 'das kyi zhabs la mgo bos phyag 'tshal te/ bcom ldan 'das kyi thad nas song ngo // de nas bcom ldan 'das kyi rdzu 'phrul gyis gnod sbyin de rgyal bu rgyal byed kyi tshal gyi 'dab tu bzhag nas/ bcom ldan 'das kyis de gdul ba'i phyir me chen po sprul te/ de'i kho ra khor yug nas bdag nyid me chen pos 'khor babar mthong ste/ bcom ldan 'das kyi zhabs kyi drung 'ba' zhig zhi bar mthong ngo // de nas de 'jigs shing skrag nas/ bcom ldan 'das ga la ba der song ste phyin nas/ bcom ldan 'das kyis/ gnod sbyin ma rungs pa de la bka' stsal pa/ bzhin bzangs khyod kyis sngon mi dge ba'i las byas pas/ rgyal po gsal rgyal gyis bsad pa yin na/ da yang khyod 'dir
- 222b
skyes nas/ skye bo mang po kha 'dog par byed na/ 'di nas shing phos pa'i 'og tu khyod kyi 'gro ba ni gang yin/ skye gnas ni gang yin/ 'gro ba'i sa ni gang yin/ gnod sbyin gyis gsol pa/ bcom ldan 'das kyis bka' ci sprul/ bcom ldan 'das kyis bka' stsal pa/ sdig pa'i las 'di thong zhig/ gnod sbyin gyis gsol pa/ bcom ldan 'das kyis bdag la bka' ci stsal pa bzhin du 'tshal lo/ / de skad ces gsol te/ des skyabs su 'gro ba dang / bslab pa'i gzhi rnams blangs nas/ bcom ldan 'das la gsol pa btsun pa bdag gis sdig pa'i las btang lags te/ btsun pa dang slan chad mnyan du yod pa na gnas pa'i skye bo mang po rnams kyi srungs ma dang / skyong ba ni bdag lags so// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das kyis gnod sbyin ma rungs pa de btul nas/ skye bo phal po che de dag 'jigs pa med pa'i gnas su bkod pa la gzigs/ bcom ldan 'das kyis bka' stsal pa/ da ltar 'ba' zhig ma yin te/ 'das pa'i dus na yang ngas gnod sbyin ma rungs pa 'di btul nas/ skye bo phal po che ji ltar 'jigs pa med pa'i gnas su bkod pa de nyon cig/ dge slong dag sngon byung ba 'das pa'i dus na/ grong khyer wA rA NA sin/ rgyal po tshangs pas byin
- 223a
/ rgyal po byed de/ de'i tshe yul ka shing krug dug 'dug mi brdad pa zhig byung ste/ des grong yang stongs par byed/ ljongs kyang stongs par byed cing / wA rA dzA sarba phyogs su chas pa las/ rgyal po tshangs pas byin gyis thos nas/ de thos ma thag tu 'jigs pa chen po skyes te/ des dpung gi tshogs yan lag bzhi go bskon te btang nas/ khyed dang la klug du/ bde sod cig ces bsgo'o// de nas de dag gis rkang pa la phyag 'tshal te gsol pa/ lha de ni dpung gi tshogs kyis dgum par mi nus kyis/ sngags sam sman gyis de dgum par nus lag so/ / yang na dge ba'i tshul gyis bkur ba'i dge sbyong dang bram ze rnams kyis gdul bar nus lags so zhes gsol to// de nas de'i tshe wA rA NA si de nyid na/ gdol pa'i khye'u byams pa'i rang bzhin can snying rje che ba/ sems can la byams pa zhig gnas pa des/ skye bo mang po de dag ci bya gtol med par gyur pa mthong nas/ mthong ma thag tu de snying rje skyes nas/ des skye bo mang po rnams la smras pa/ khyed ci bya gtol med par byami dgos kyis/ bdag gis klu gdug pa de gdul bar bya'i zhes byas so// de nas de'i pham gnyis na re/ de ni dbugs gtsug pa yin te/ khyod kyis de gdul mi nus so// kye'us sbas pa/ byams pa'i gom gyon pa la des chu ky-i nod par byed mi nus so zhes byas nas/ khye'u des phyogs gang na klu gdug pa de
- 223b
'dug pa'i phyogs der song nas/ klu gdug pa des thag ring po zhig nas khye'u de mthong ngo // mthong nas kyang khros nas khye'u de la dbugs btang ngo // de nas khye'u de byams pa la skom/ bar zhugs nas/ byams pa'i lta ba'i klu gdug pa de la bltas te/ des bltas ma thag tu dug med par gyur to// de nas khye'u des klu sbrul de lag pa gnyis kyis blangs nas/ mi mi gnas pa'i sa phyogs su gzhag go/ / de nas rgyal po tshangs pas byin dang / skye bo mang po gzhan dag gis gdol po'i khye'u che ge mo zhig gis klu gdug pa btul lo zhes thos nas/ thos ma thag tu rgyal po de rang nyid gdol pa'i khye'u de'i thad du song nas/ des khye'u de la dam pa sna gcig 'dam du bcug ste/ khye'u khyod la dam pa sna gcig sbyin no zhes byas so// khye'us smras pa/ dge ba bcu'i las kyi lam yang dag par blangs te gnas par mdzod cig/ yul na gnas pa'i mi rnams kyang dge ba bcu'i las kyi lam la gzud par mdzod cig ces byas so// de nas rgyal po tshangs pas byin gyis khye'u longs spyod kyi dbyings chen po byin nas/ dge ba bcu'i las kyi lam yang dag par blangs te 'dug go// yul na gnas pa'i mi rnams kyang dge ba bcu'i las kyi lam la bkod do// dge slong dag ji snyam du sems/ de'i tshe gdol pa'i khye'ur gyur pa byang chub sems dpa'i spyod pa la gnas pa gang yin pa de ni nga nyid yin no// de'i tshe klu gdug par
- 224a
gyur pa gang yin pa de ni gnod sbyin ma rungs pa 'di kho na yin no/ / de'i tshe skye bo phal po cher gyur pa gang yin pa de dag ni yul ko sa lan gnas pa'i skye bo mang po 'di dag kho na yin te/ de'i tshe yang ngas klu gdug pa btul nas/ skye bo bal po che 'jigs pa med pa'i gnas su bkod do// da ltar yang ngas gnod sbyin ma rungs pa 'di btul nas/ bo bal po che 'jigs pa med pa'i gnas su bkod do// gzhan yang yang dag par rdzogs pa'i sangs rgyas 'od srungs kyi gsung rab la 'di dag thams cad dge bsnyen du gyur te/ der 'di rnams kyis che gcig tu tshangs bar spyod pa spyad nas/ dbang po rnams yongs su smin par byas pa des na/ da ltar rnam par grol bar gyur to// shi bo gnyis zhes bya bdes/ gangan yin/ bcom ldan 'das kyad kyi yul ljongs su zhing ga/ shegs pa la/ cu rlung bzab ldan dang / grong khyer / shi'i ba rgyalam nas spya zlag bu d+he/ na na / ga Sh+T+ri 'i sa ma sa ga / na na pokun dag mas bdun pa de sa mo la zhes ma ma nan 'das kyis pa tshul pa bzhin du paldananas/ rmugs pani pa ldas sa rgyas kyims
- 224b
ldan 'das la 'di skad ces gsol to/ / btsun pa de bzhin gshegs pa'i bla gos bzhi bltab tu bgyis te bting lags na/ bcom ldan 'das kyis da de'i dus la bab par dgongs su gsol/ de nas bcom ldan 'das kyis chos gos snam sbyar stug por blta ba ste/ phangs su bzhag nas/ snang ba'i 'du shes dang ldan pa dang / dran pa dang ldan pa dang / shes bzhin dang ldan pa 'du shes thugs la dgongs shing glo g.yas phyogs kyis gzims te/ zhabs gcig gi steng du gcig gzhag go// de nas bcom ldan 'das 'di snyam du dgongs te/ 'khor 'dir so so'i skye po'i dge slong de skyed 'dus shing tshogs pa de dag thams cad ci sangs rgyas kyis 'dul ba yin nam/ 'on te nyan thos kyis 'dul ba yin zhig gu sbrum du dgongs so// de nas yang bcom ldan 'das kyis dgongs pa/ 'di na kha cig ni sangs rgyas kyis 'dul bar 'gyur ro// kha cig ni nyan thos kyis 'dul bar 'gyur ro snyam du dgongs nas/ tshe dang ldan pa kun dga' bol bka' stsal pa/ kun dga' bo khyod byang chub kyi phyogs rnams las spobs par gyis shig/ de skad ces bka' stsal nas/ bcom ldan 'das kyis ci nas 'khor thams cad du sgra des gang bar 'gyur ba de lta bur byin gyis brlabs so/ / de nas dge slong mang po dag gis tshig de lta bu gsung ba'i sgra thos nas de dag gis bsams pa/ bcom ldan 'das kyis tshe dang ldan pa kun
- 225a
dga' bo la byang chub kyi phyogs kyi gtam gyis shig par bskul bas na/ da ni tshe dang ldan pa kun dga' bos sbrang bu'i sbrang rtsi btsir ba bzhin du chos snyun no cog ston par 'gyur snyam ste/ bcom ldan 'das ga la ba der dong ste lhags nas/ bcom ldan 'das bskor te 'khod do// de nas tshe dang ldan pa kun dga' bos/ dge slong rnams la smras pa tshe dang ldan pa dag dran pa yang dag byang chub kyi yan lag dben pa la rten pa/ 'dod chags dang bral ba la rten pa/ 'gog pa la rten pa/ rnam par spong bas yongs su bsgyur ba ni/ bcom ldan 'das nyid kyi mngon par shes pas/ mngon par rdzogs par sangs rgyas nas bstan to// tshe dang ldan pa dag chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms yang dag byang chub kyi yan lag dben pa la rten pa/ 'dod chags dang bral ba la rten pa/ 'gog pa la rten pa/ rnam par spong bas yongs su bsgyur ba ni/ bcom ldan 'das nyid kyi mngon par shes pas/ mngon par rdzogs par sangs rgyas nas bstan to zhes/ tshe dang ldan pa kun dga' bos byang chub kyi yan lag 'di dag nyid las brtsams nas/ dge slong rnams la de lta bu dang 'thun pa'i chos bstan te/ des na nyan thos dang dge ba'i rtsa ba 'brel pa gang yin pa de
- 225b
dag gis stan de dag nyid la 'khod bzhin du nyon mongs pa thams cad spangs te/ dgra bcom pa nyid mngon sum du byas so// de nas bcom ldan 'das kyis tshe dang ldan pa kun dga' bo'i gtam gyi mjug rdzogs par thugs su chud nas bzhugs te/ skyil mo krung bcas nas sku drang por bsrang ste/ dran pa mngon du bzhag nas bzhugs te/ bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyod brtson 'grus skyon tam/ gsol pa/ bcom ldan 'das brtson 'grus ston lags so// bka' stsal pa/ kun dga' bo khyod brtson 'grus ston tam/ gsol pa/ bde bar gshegs pa brtson 'grus ston lags so// bka' stsal pa/ kun dga' bo brtson 'grus ni/ bla na med pa yang dag par rdzogs pa'i byang chub tu 'gyur ba'o zhes/ bcom ldan 'das kyis byang chub kyi phyogs dag nyid la btsams nas/ de lta bu dang 'thun pa'i chos bstan te/ des na bcom ldan 'das dang dge ba'i rtsa ba 'brel ba gang yin pa de dag gis stan de dag nyid la 'khod bzhin du nyon mongs pa thams cad spangs nas/ dgra bcom pa nyid mngon du byas te/ de dgra bcom pa khams gsum pa'i 'dod pa'i 'dod chags dang bral bar gyur nas/ gser dang bong bar mnyam pa/ nam mkha' dang lag mthil du 'dra ba'i sems dang ldan pa/ tsan dan spangs pa lta bur bsil bar gyur pa/
- 226a
rig pas sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa dang / chags pa dang / bkur sti la mi lta ba/ dbang po dang nye dbang dang bcas pa'i lha rnams kyis mchod cing rjed pa dang / gus par smra ba'i gnas su gyur to// de nas de'i tshe dge slong zhig gis tshigs su bcad de smras pa/ snyan pa'i chos ni gsan pa'i phyir// ston pa srung bzhin nyid kyis bskul// khyod la byang chub yan lag rnams// yod na dge slong chos shod cig/ gnas brtan kun dga' mkhas shing grags/ / byang bar gyur pas legs zhes gsol// dpa' bo khyod kyi gsung rab la// dkar bas chos rnams de dag mnga'// dran dang rnam 'byed brtson 'grus dang // dga' dang rab sbyangs ting 'dzin dang / / btang snyoms 'di dag rdul med pa// khyod kyi byang chub yan lag lags// byang chub yan lag bcud thos nas// byang chub yan lag bcud kyang rtogs// bcom ldan snyun tshabs che ba las/ / gnod pa de las bzhengs par gyur// dam chos rin chen 'di ston pa'i// chos kyi mnga' bdag de nyid kyang // dam chos gsan par bzhed gyur na// gzhan lta rdza ltar de mi nyan/ / stobs bcu mnga' bas nye rgyal ni// dge slong rnams kyi shes rab mchog/ bstan pa gang yin de nyid kyang // chos nyan 'dod pas gzir bar gyur// mdo sde 'dul ba ma mo
- 226b
'dzin/ / mkhas shing tshul dang tshul min shes// de dag dam chos nyan byed na// bzhin lta ji ltar de mi nyan// mkhas pa shes 'dod sems bzhag nas// chos bzhin nyan par byed pa ni// / sangs rgyas gsung bar skyespyod med la// de bzhin dga' ba thob par 'gyur// yid dga' lus kyang shin tu sbyangs// bde ba yang ni myong bar 'gyur// bde bar gyur na sems nyid kyi// ting 'dzin la yang rag par 'gyur/ / sems ni mnyam par gzhag pa yis// 'du byed g.yul gyi rnam pa rig/ srid pa'i 'gro las skyong bar 'gyur// chags med sems kyis grol bar 'gyur// rtag tu srid 'gro skyo gyur na/ / lha dang mi la chags pa med// bud shing med pa'i me bzhin du// dgra bcom rnams ni mya ngan 'da'// dam chos mnyan pa'i phan yon ni// mang po gzhan yang rgyal bas bstan/ / de phyir 'dir ni yod snyam du// ston pa'i bka' ni mnyan par bya// de nas dge slong rnams kyis/ sangs rgyas bcom ldan 'das la gsol pa/ btsun pa bcom ldan 'das ni legs par smras pa gsung ba dang / legs par smras pa banod pa lags te/ legs par smras pa'i don gyi slad du/ bcom ldan 'das kyis che/ dran pa kun dga' bo la bskul ba mdzad nas/ bkur sti dang ldan pas gsan kyang gsan/ bshad kyang bshad pa la gzigs/ bcom ldan 'das kyis bka' stsal pa/ dge slong dag de bzhin gshegs pa nin
- 227a
ltar 'ba' zhig legs par smras pa gsung ba dang / legs par smras pa bzhed pa ma yin gyi/ de bzhin gshegs pa ni 'das pa'i dus na yang legs par sbas pa gsu ba dang / legs par smras pa bzhed pa yin te/ legs par smras pa'i don gyi phyir ngas mchog tu dka' ba ji ltar spyad pa de nyon cig/ dge slong dag sngon byung ba 'das pa'i dus na/ rgyal po'i pho brang zhing ldan zhes bya ba na/ rgyal po shibi zhes bya ba rgyal po byed de/ de'i ring la 'byor pa dang / rgyas pa dang / bde dang / lo legs pa dang / skye bo dang mi mang pos gang ba dang / rtsod ba dang 'thab mo zhi ba dang / 'khrug pa dang / nang 'khrug dang / chom rkun dang / nad dang / mu ge med pa dang / 'bras sA lu dang / bu ram shing dang / ba glang dang / ma he dang ldan par 'dug ste/ gnod pa med cing tsher ma dkrugs la/ bu gcig pa sdug pa la bya ba bzhin du rgyal srid byed do// rgyal po de yang byams pa'i rang bzhin can snying rje dang ldan pa/ sems can labyams pasbyin pa la sred pa zhig ste/ de sbyin pa dag sbyin zhingabasod nams dge byed pa la zhugs te/ zas 'dod pa la ni zas sbyin par byed/ sgrom 'dod la ni gom sbyin bar byed/ gos 'dod pa la ni gos sbyin par byed/ rgyan 'dod pa la ni rgyan sbyin par byed/ mal stan 'dod pa la ni mal stan sbyin par byed/ bzhon pa 'dod pa la ni bzhon pa sbyin par byed/
- 227b
/ yo byad gzhan 'dod pa la ni yo byad gzhan sbyin par byed do// nad gso ba'i nang brang bcas te/ yo byad thams cad sbyar nas/ sman pa rnams dang / nad g.yog rnams bskos te/ nad pa rnams dang / mgon med pa rnams kyi rim gro byed do// bza' ba dang bca' ba gtsang ma mang po dag kyang sta gon byas te/ nam mkha' la gnas pa dang / chu na gnas pa dang / thang la gnas pa'i srog chags rnams la sbyin par byed do/ / des yi dam 'di lta bu yang bcas te/ dbyin chad bdag gis thams cad la thams cad sbyin par bya ste/ 'jig rten dag dge ba bcu'i las kyi lam la dgod par bya'o zhes dam bcas nas/ des 'jig rten thams cad dge ba bcu'i las kyi lam la bkod do// der dge ba bcu'i las kyi lam yang dag par blangs pa'i phyir/ sems can phal cher shi ba'i 'og tu lha'i nang du skyes nas/ de dag gis lha'i gnas rnams gang bar gyur to// de nas lha'i dbang po brgya byin gyis bsams pa/ 'di ci zhig sgrub/ brgya byin du 'gyur bsdu ba 'am/ 'on te tshangs par 'gyur ba sgrub cig gu skam mo// de nas des bltas na bla na med pa yang dag par rdzogs pa'i byang chub sgrub cing 'dug go// de nas lha'i dbang po brgya byin gyis bsams pa/ ci 'di sems can brtan po yin nam/ 'on te sems can mi brtan pa yin/ bdag gis rje brtags la/ gal te sems can brtan po yin na ni mchod pa bya'o// de ste/
- 228a
sems can brtan po ma yin na yang 'di'i sems stobs bskyed par bya'o gam nas/ sgra'i dbang po ba rgya byin gyis bdag nyid dran po'i gzugs su mngon par sprul nas/ de rgyal po shi bi'i khang bzangs kyi char khab la 'dug ste/ tshigs su bcad pa'i phyed smras pa/ kye ma 'du byed rnams mi rtag/ skye zhing 'jig pa'i chos can yin// zhes smras pa/ lha'i dbang po brgya byin mi ma yin pa'i cha lug can de nas cang mi zer bar 'dug go/ de nas rgyal po shi bis lha'i dbang po brgya byin mi ma yin pa'i cha lugs can gyis tshig de lta bu brjod pa thos so// thos nas kyang des bsams pa/ gcig tu na ni mya ngan las 'das pa'i rten cing 'brel bar 'byung ba'i sgo bye'o// gcig tu na ni yang dag par rdzogs pa'i byang chub kyi lam bstan to snyam mo// de nas rgyal po shi bi'i lha'i dbang po brgya byin mo ma yin pa'i cha lugs can khang bzangs kyi char kha ba la 'dug pa mthong ngo // mthong nas kyang sbyin par langs nas bla gos phrag pa gcig tu gzar te/ lha'i dbang po brgya byin mi ma yin pa'i cha lugs can ga la ba de logs su thal mo sbyar ba btud nas smras pa/ grogs po tshigs su bcad pa de tshang bar smros shig dang / bdag gis slob ma bgyis te mnyan to/ / brgya byin gyis spras pa/ khyod kyis bdag gi slob ma byas pas ci la phan/ bdag ni bkres shing zhom pas gzir te/ ci byag tol med par bla zhing 'dug go// byang chub sem
- 228b
sas smras pa/ grogs po tshigs su bcad pa chang bar spros shig/ bdag gis byud kha zas kyis tshim par bya'o// lha'i dbang po brgya byin mi ma yin gyi cha lugs can gyis smras pa// thogs po khyod kyis nga kha zas kyis tshim par byed nus sam/ nga'i kha zas dang skem ji lta bu yin pa de ni khyod kyis sbyin par dka' 'o// byang chub sems dpas smras pa/ khyod kyi zas skom ci yin// des smras pa/ mi 'phral du bsad pa'i sha dron po ni za/ khrag dron po ni 'thung ngo // de nas byang chub sems dpas bsams pa/ de lta bu'i sha khrag ni gsod par ma byas kyi bar du mi rnyed la/ bdag gis legs par smra ba pa'i don gyi phyir/ sems can gzhan su la yang gnod pa byed mi phod do snyam nas smras pa/ gal te bdag gi khrag khyod za zhing 'thung phod na ni// grogs po bdag gis sbyin nus ches kyis/ tshigs su bcad pa chang bar smros shig dang / legs par smras pa'i don gyi phyir/ bdag gis khyod la rang gi sha khrag sbyin na// de nas lha'i po brgya byin gyis tshigs su bcad pa chang bar smras pa/ kye ma 'du byed rnams mi rtag/ skye zhing 'jig pa'i chos can yin// skyes na/ ga par 'gyur ba ste// de dag nye zhi ba bde// de nas byang chub sems dpas tshogs su bcad pa chang ba de gus par mnos nas/ yun ring mo zhig tu kha ton du sbyangs nas bsams pa/ 'di ni mya ngan las 'das pa'i grong khyer gyi rten cing 'brel par
- 229a
'byung ba'i sgo yin no/ / 'di ni mya ngan las 'das pa'i grong khyer gyi lam yin no// lam 'dis yang dag par rdzogs pa'i sangs rgyas thams cad nges par 'byung ngo snyam nas/ mtshon cha rnon po blangs te smras pa/ grogs po legs par sbas pa'i don gyi phyir yon bzhes shig ces byas nas/ brang gi phyogs gcig nas sha bcad de/ lha'i dbang po brgya byin mi ma yin/ pa'i cha lugs can la byin te smras pa/ grogs po 'grangs sam/ des smras pa/ ma 'grangs so// de bzhin du brang gi phyogs ya gcig nas bcad de byin no// de bzhin du dpung pa'o sha rnams nas lus thams cad kyi sha bcad cing byin nas smras pa/ grogs po 'grangs sam/ des smras pa/ ma 'grangs so// de nas byang chub sems dpas smras pa/ da ni lus ril gyis yongs su btang ba'i dus kho na la bab bo snyam nas/ bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa chen por gyur pa 'di yis ni// sra
- 229b
pa dag tu rang byung sangs rgyas shog/ sngon gyi rgyal dbang rnams kyis ma bsgral ba'i// skye bo phal chen rgal nas bsgral bar bgyi// de ltar bla na med pa yang dag par rdzogs pa'i byang chub tu smon lam btab nas smras pa/ grogs po bdag gi lus 'di ci dga' bar gyis shig/ de nas byang chub sems dpas sems bskyed ma thag tu sa rnam pa drug tu g.yos so// nam mkha' la 'khod pa'i lha rnams kyis me tog gi char phab nas/ legs so zhes bya ba byin te/ grogs po legs so legs so// khyod kyis mchog tu dka' ba'i las byas so zhes 'dzer to// de nas lha'i dbang po brgya byin gyis bsams pa/ byang chub sems dpa' 'dis mchog tu dka' ba byas te/ bdag gis 'di'i lus snga mkho bzhin du bsgyur ba ni nus mod kyi/ 'on kyang bdag gis 'di nyid kyi spro ba tshod zin par bskyed dgos so snyam nas/ byang chub sems dpa' la smras pa/ grogs po khyod sha rnams gcod cing rgyus pa dang rtsa brang breng rnams gseb na/ sems mi dga' ba cung zad tsam ma skyes sam/ byang chub sems dpas sbas pa/ grogs po bdag gi sha rnams gcod cing rgyus pa dang rtsa brang breng rnams gse ba na/ sems mi dga' ba cung zad kyang ma skyes kyi/ bdag sdug bsngal myong ba na/ sems can dmyal ba dang dud 'gro dang / yi dgas su skyes pa'i sems can rnams 'ba' zhig la snying rje'i dbang du gyur to// lha'i dbang po brgya
- 230a
byin mi ma yin pa'i cha lugs can gyis smras pa/ grogs po khyod kyi tshig de la su zhig yid ches/ byang chub sems dpas smras pa/ bdag gis khyod la bden pa bskul ba de lta bus yid ches par bstan to/ / brgya byin gyis smras pa/ de ltar khyod kyis bden pas bskul bar chad na/ je khyod bdag gi lus 'di bden pa bskul bas snga mkho bzhin du gyur cig de skad ces smras ma thag tu/ byang chub sems dpas smras pa/ bden pa dang bden pa'i tshig gang gis 'di ltar bdag gi sha rnams gcod cing rgyus pa dang rtsa brang breng rnams gseb na/ sems cung zad mi dka' bas smrasate/ ngagags drug brjel myong ba na// sems can du rdzal pa dang / dun bgrod du/ nags su skyes pa'i sems can rnams papa 'azhig pa na rje'i dang n a/ bden pa dang bden pa'i tshig des bdag gi lus 'di snga mkho bzhin du gyur cig ces byas so// de skad ces brjod ma thag tu/ byang chub sems dpa'i lus snga mkho bzhin du gyur to// de nas de mthong ma thag tu lha'i dbang po brgya byin yi rang ste/ cha lugs de med par byas nas/ rang bzhin gyi gzugs su bsgyur te/ byang chub sems dpa'i rkang pa la phyag 'tshal nas smras pa/ bdag gis khyod la gnod pa'i bsam pas mi dga' bar byas pa ma yin gyi/ khyod nyid kyi sprob bskyed pa'i phyir/ bdag gis khyod mi dga' bar byas par zad do// khyod kyi brtson 'grus 'di
- 230b
'dra ba dang / spro ba 'di 'dra ba las na/ gdon mi za bar khyod yang dag par rdzogs pa'i byang chub mngon par rdzogs par 'tshang rgya bar 'gyur gyis/ de'i tshe bdag dran par mdzod cig/ de nas lha'i dbang po brgya byin gyis/ byang chub sems dpa' la bzod pa gsol nas/ de nyid du mi snang bar gyur to// dge slong dag ji snyam du sems/ de'i tshe rgyal po shi bir gyur pa byang chub sems dpa'i spyod pa la gnas pa gang yin pa de ni nga nyid yin te/ de'i tshe yang ngas legs par smra bas smra ba dang / legs par smra bas 'dod par gyur na/ da ltar de bzhin gshegs par gyur pab na/ legs par smra ba smra ba dang / legs par smra bar 'dod par ci ste mi mdzad/ de ci'i phyir zhe na/ dge slong dag nga ni chos rnams drang po byed pa yin pa'i phyir ro// shi bi gnyis pa ni/ gtan tshigs dang / sngon gyi rgyud snga ma dang 'dra ba las/ lha'i dbang po brgya byin gyis/ byang chub sems dpa' la smras pa/ khyod kyis bdag gi slob ma byas pas ci la phan// nga khyod la gnod pa zhig zer gyis/ gal te gnod pa de khyod kyis byed phod na ni/ de'i 'og tu tshigs su bcad pa de ngas khyod la brjod par bya'o// byang chub sems dpas smras pa/ grogs po tshogs su bcad pa de je rjod cig dang / khyod kyis bdag la gnod pa byed du bcug pa de dag thams cad bdag gis bgyi'o// grogs po tshigs su bcad pa de tshang bar smros shig/ de skad ces smras ma thag
- 231a
tu/ lha'i dbang po brgya byin gyis/ byang chub sems dpa'i mdun du tshigs su bcad pa de tshang bar brjod do// de nas byang chub sems dpas bla gos phrag pa gcig tu gzar nas/ lha'i dbang po brgya byin gyis yin pa'i cha lugs can gal ba de logs su thal mo sbyar ba btud nas/ tshogs su bcad pa de tshang bar mnos te/ yun ring mo zhig tu kha ton sbyangs nas khab sor bzhi pa stong shing leb la btsugs pa de lta bu shing leb gnyis kyi bar du bdag nyid nyal te 'chir bar byed do/ / de de na 'dug bzhin du bla na med pa yang dag par rdzogs pa'i byang chub tu smon lam btab ste/ kye ma dge ba'i rtsa ba 'dis na/ bdag 'jig rten long ba 'dren pa med pa ston pa med par/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul bya'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das su gyur cig ces byas nas/ tshigs su bcad de smras pa/ sbyin pa chen por gyur pa 'di yis na// srid pa dag tu rang byung sangs rgyas shog/ sngon gyi rgyal dbang rnams kyis ma bskal ba'i/ / skye bo phal chen gal nas bskal bar bgyi// de nas shing leb kyi bar du bcir ma thag tu/ byang chub sems dpa'i lus thams cad las khrag 'bab par gyur nas/ sa rnam
- 231b
pa drug g.yos so/ / nam mkha' la 'khod pa'i lha rnams kyis kyang me tog gi char phab nas/ legs so zhes bya ba byin no// lhag ma rnams ni shi biba'i gtam rgyud snga ma bzhin du bden pas bskul nas/ lus snga mkho bzhin du sor chud par gyur pa'i bar du brjod par bya'o// ko'u sham bai zhes bya ba ni/ sangs rgyas bcom ldan 'das yul ko'u sham bin/ khyim bdag gdangs can gyi kun dga' ra ba na bzhugs te/ de'i tshe ko'u sham bi'i dge slong ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba zhig gnas te/ de'i dge slong grogs po mang po gzhan dag kyang yod la/ de dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go// yul yangs pa can gyi dge slong zhig gis kyang / yul ko'u sham pa ri 'ongs te/ de yang ma rungs pa/ mthu rtsal che ba mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang bzhig yin la/ de'i dge slong grogs po mang po gzhan dag kyang yod la/ de dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba sha stag go// de nas de dag dbyar gnas bcas nas/ nang
- 232a
khrims bcas te/ bdag cag gi nang nas gang gis chur stong pa ci yang med pa chu med pa mthong na/ de nyid kyis dgang bar bya'o// yang na yo byad kyi zhal ta byed pa la sngun par bya'o/ / bdag gis kyang ma bkang / yo byad kyi zhal ta byed pa la yang ma sbran na/ de bdag cag gis gzhi de las nyes pa chags su gzhug go zhes zer ro// de nas der dbyar gnas bcas pa rnams yang dag pa'i gtam gtan la 'bebs pa na/ de tshig rtsub pos 'dres nas/ gcig la gcig glags 'ba' zhig lta zhing 'khod do// de'i tshe khyim bdag gcig gis sangs rgyas la sogs pa dge slong gi dge 'dun khyim du bshos la spyan drangs bcom ldan 'das dge slong mang pos zham ring byas te/ khyim bdag de'i khyim du gshegs so// bcom ldan 'das gshegs nas/ yangs pa can gyi dge slong de nub khung sar song ste bkru ba shal byas nas/ chu ra'i nang du chu chung ngu zhig las ma lus par mthong nas/ bsams pa/ dge slong thams cad dong zin pas/ da ni su yang chab khung sar 'gro ba med kyis/ bdag gos chur 'di rang gis dgang yang mi dgos/ yo byad kyi zhal ta byed pa la sman yang mi dgos so snyam nas/ des chu nyung bzhin du bor te song ngo / / de song nas ring zhig lon pa'i 'og tu/ ko'u sham pa'i dge slong de cha khung sar 'gro bar chas pa las des bltas na/ chu ra'i nang na chu nyung ngu zhig las med par
- 232b
mthong nas/ des kyang sngar yangs pa can gyi dge slong des bkru ba shal byas nas song ba mthong nas/ des bsams pa/ dge slong 'di ni las rnam gnyis byed par 'gyur te/ yang na ni bdag nyid kyis chur 'gengs par byed par 'gyur ro/ / yang na ni yo byad kyi zhal ta byed pa la sbron par byed do snyam nas de la sdod cing 'dug go// de nas de la lhan cig 'khod pa'i slob ma rnams kyis smras pa/ mkhan po dge slong thams cad ni dong lags na/ khyod 'di na ci la gzhes/ des smras pa/ bkru ba shal bya bar 'dod de/ yangs pa can gyi dge slong des bkru ba shal byas te song bas na/ de 'ongs te yang na ni kho bdag gis chu bar 'gengs par 'gyur ro// yang na ni yo byad kyi zhal ta byed pa la sbron par 'gyur ro// de dag gis smras pa/ mkhan po de 'khor dang bcas pa ni dong lags kyi/ / 'dir ma bzhes shig/ de nas des chur de dge slong rnams la bstan te khyed ltos shig/ chu 'di tsam gyis bkru ba shal byar rung ngam/ de dag gis smras pa/ mkhan po khyod kyis 'di na chu med do zhes de nyi tshe zhig gsungs shig dang / bdag cag gis khyod kyi 'jing dang / mthu dang / grogs bgyi'o zhes byas nas dong ngo // yang ba can gyi dge slong de yang 'gyod pa skye nas/ de lhan cig gnas pa'i slob ma rnams la smras pa/ kye bdag gis 'dir bkru ba shal byas pa las/ chu ra'i nang na chu nyung shas
- 233a
shig las ma lus bzhin du bor te 'ongs la/ dge 'dun gyis nang khrim bcas pa ni yang na bdag nyid kyis dga' bar bya ba dang / yang na yo byad kyi zhal ta byed pa la sbran dgos pa yin na/ de bdag rang gis kyang ma bkang la/ yo byad kyi nal ta byed pa la yang ma sbran na/ bdag 'dir 'ongs pa'i 'og tu dge slong 'ga' zhig bkru ba shal byed par mi 'gyur grang zhes byas so/ / de nas de dag gis smras pa/ mkhan po khyod kyis 'di skad du/ de'i nang na chu yod do zhes de nyi tshe zhig gsungs shig dang / bdag cag gis khyod kyi 'dzing dang / mthu dang grogs bgyi'o zhes byas nas/ de nas de dag khyim der zan zos nas phyir dong ngo // de dag gi nang nas ko'u sham bi pa rnams kyis bsams pa/ yadra ba can gyi dge slong des dge 'dun gyi na khrims las 'gal bar byas kyis/ des nyes pa byas pa'i phyir/ bdag cag gis nyes pa 'chags su gzhug go snyam te/ gdan bshams nas gaN+DI brdungs te/ dge 'dun rnam cad 'dus shing 'khod par gyur nas/ ko'u sha pa bi'i dge slong des yangs pa can gyi dge slong de la glengs pa dang / des smras pa/ de'i nang na chu yod do// des smras pa/ chu de tsam gyis bkru ba shal byar tshig gam zhes byas nas/ de dag gis de la yul med par bskon pa'i phyir dgar ba'i las byas so// de nas yang sa pa can gyi dge slong gis las de shig ste gyes
- 233b
nas/ gso sbyong gi las logs shig tu byas so// de nas ga ni de las de dag 'thab pa dang / mtshang 'dru ba dang / 'gyed pa dang / rtsod par gyur nas/ de dag 'thabs shing 'tshang // brus la bkye zhing brtsad nas 'khod do// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba rnams bkug nas bka' stsal pa/ dge slong dag khyed 'thab ste/ ma tshang 'dru zhing 'gyed la rtsod par gyur pa bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab ste 'tshang 'dru zhing 'gyed la rtsod cing ma 'khod cig/ dge slong dag khyed 'thab ste/ ma tshang 'dru zhing 'gyed la rtsod cing 'khod na ni/ dge ba'i chos rnams 'grib par 'gyur gyi/ 'phel bar mi 'gyur bar rig par gyis shig/ dge slong dag khyed mi 'thab ste/ mtshang mi 'dru zhing mi 'gyed la/ mi rtsod par 'khod na ni dge ba'i chos rnams 'phel ba 'ba' zhig tu 'gyur gyi/ 'grib par mi 'gyur bar rig par gyis shig/ dge slong dag gzhan yang dgar bas bcad pa'i dge slong gis ni 'di ltar bya dgos te/ dgar bas bcad pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin la/ dge slong grogs po mang po gzhan dag kyang ma rungs pa/ mthu
- 234a
rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin na/ de dag gis bdag la 'dod pa ma yin pas gleng bar byed la/ 'dod pa ma yin pas dran par byed kyis/ bdag gis nyes pa gleng ba de chos bzhin du mnyan par mi bya'o// de dag gis kyang bdag mi snang bar dgar bar byed de phyir bcos su med pa dang / phyir 'byung du med par sdig pa'i lta bas dgar bar byed de/ gzhi des na dge 'dun gyi 'thab mo dang / mtshang 'dru ba dang / 'gyed pa dang / rtsod pa 'byung bar 'gyur ro snyam du rig nas glengs pa'i dge slong gis nyes pa bzhin du phyir bcos na ni legs/ de ltar phyir ma bcos na 'gal bar 'gyur ro// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams btang nas/ dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang ba'i rjes su 'brang ba rnams bkug nas bka' stsal pa/ dge slong khyed 'thab ste/ mtshang 'dru zhing 'gyed la rtsod par gyur pa bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab te// 'tshang 'dru zhing 'gyed la rtsod cing ma 'khod cig/ dge slong dag khyed 'thabs te/ 'tshang
- 234b
'dru zhing 'gyed la rtsod cing 'khod na ni/ dge ba'i chos rnams 'grib par 'gyur gyi/ 'phel bar mi 'gyur bar rig par gyis shig/ dge slong dag khyed mi 'thab ste/ mtshung mi 'dru zhing mi 'gyed la/ mi rtsod par 'khod na ni/ dge ba'i chos rnams 'phel ba 'ba' zhig tu 'gyur gyi/ 'grib par mi 'gyur bar rig par gyis shig/ dge slong dag gzhan yang dgar bar byed pa'i dge slong gis ni 'di ltar bya dgos te/ dgar bar byed pa'i dge slong ni ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor ma ba yin la/ dge slong grogs po mang po gzhan dag kyang ma rungs pa/ mthu rtsal che ba/ mdo sde 'dzin pa/ 'dul ba 'dzin pa/ ma mo 'dzin pa/ rtsa 'jing che ba/ g.yog 'khor mang ba yin te/ bdag gis de la 'dod pa ma yin pas gleng bar byas/ 'dod pa ma yin pas dran par byas na/ des nyes pa de chos bzhin du mnyan par mi byed nas/ de bdag gis mi snang bar dgar bar byas te/ phyir bcos su med pa dang / phyir 'byung du med par sdig pa'i lta bas dgar bar byas te/ gzhi des na dge 'dun gyi 'thab mo dang / ma tshang 'dru ba dang / 'gyed pa dang / rtsod pa 'byung bar 'gyur ro snyam du rig nas/ 'dod pa ma yin pas gleng bar ma byed cig/ 'dod pa ma yin pas dran par ma byed cig/ gal te 'dod pa ma yin pas gleng bar byed na 'gal bar
- 235a
'gyur ro/ / de ltar de dag bcom ldan 'das kyis bka' stsal kyang / de bzhin du 'thab cing 'tshang 'dru la 'gyed cing rtsod de 'khod nas/ da rung yang gso sbyong byas par mi rtsi nas/ skabs kyi gtam de dge slong rnams kyis/ bcom ldan 'das la gsol to// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab ste/ mtshang 'dru zhing 'gyed la rtsod cing ma 'khod cig ces ngas bsgo yang / de bzhin du khyed 'thab te ma tshang 'dru zhing 'gyed la rtsod cing 'khod de/ da rung yang gso sbyong byas par mi rtsi ba bden nam/ gsol pa/ bcom ldan 'das mad lags so// bka' stsal pa/ dge slong dag khyed 'thab te/ mtshang 'dru zhing 'gyed la rtsod par ma byed cig/ dge slong dag khyed 'brab ste/ mtshang 'dru zhing 'gyed la rtsod cing 'khod na ni gso sbyong byed dam/ skabs 'byed pa'i las byed dam/ gsol ba'i dang gnyis kyi las byed dam/ gsol ba dang gzhi'i las byed kyang rung ste/ las de dag 'jig par 'gyur te/ gzhag dgos pa yin no// de ci'i phyir zhe na/ dge slong khyed ni de dag las tha dad par gnas par byed la/ de dag kyang khyed las tha dad par gnas par byed pa'i phyir ro// dge slong dag tha dad par gnas pa ni 'di gnyis yin te/ gang bdag nyid kyis bdag
- 235b
thadad par gnas par 'dogs pa dang / gang dge 'dun 'thun pas tha dad par gnas par 'dogs pa'o// de la dge slong bdag gis bdag tha dad du gnas par 'dogs pa ji lta bu zhe na/ 'di ltar dge slong gis shes bzhin du chos bzhin gyi phyogs la/ chos bzhin ma yin pa'i phyogs yin par 'jog bde lta bu ni/ bdag gis bdag tha dad par gnas par 'dogs pa yin no// dge 'dun gyis chos bzhin du tha dad par 'dogs pa ji lta bu zhe na/ 'di ltar dge 'dun gyis dge slong mi snang bar dgar bar byas te/ phyis bcos su med pa dang / phyir 'byung du med par sdig pa'i lta bas dgar bar byed pa ste/ de lta bu ni dge 'dun gyis tha dad par gnas par 'dogs pa yin no// dge slong dag lhan cig tu gnas pa ni 'dis nyi yin te/ gang gis bdag lhan cig tu gnas par 'dogs pa dang / gang dge 'dun gyis chos bzhin du lhan cig tu gnas par 'dogs pa'o// de la bdag gis bdag la lhan cig tu gnas par 'dogs pa ji lta bu zhe na/ 'di ltar dge slong gis shes bzhin du chos bzhin ma yin pa'i phyogs la/ chos bzhin gyis phyogs yin par 'jog pa ste/ de lta bu ni bdag gis bdag lhan cig tu gnas par 'dogs pa yin no// dge 'dun gyis chos bzhin du lhan cig tu gnas par 'dogs par lta bu zhe na/ 'di ltar dge 'dun gyis dge slong mi snang bar dgar bar byas te/ phyir bcos su med pa dang / phyir 'byung du med par sdig pa'i ltabs
- 236a
dgar bar byed pa ste/ de lta bu ni dge 'dun gyis chos bzhin du lhan cig tu gnas par 'dogs pa'o// de nas bcom ldan 'das kyis dgar bas bcad pa'i dge slong dang / dgar bas bcad pa'i rjes su 'brang ba dang / dgar bas bcad pa'i rjes su 'brang ba'i rjes su 'brang ba rnams btang nas/ dgar bar byed pa'i dge slong dang / dgar bar byed pa'i rjes su 'brang ba dang / dgar bar byed pa'i rjes su 'brang ba'i rjes su 'brang ba rnams bkug nas bka' stsal pa/ dge slong dag khyed 'thab te/ mtshang 'dru zhing 'gyed la rtsod cing ma 'khod cig ces ngas bsgo yang de bzhin du khyed 'thab ste/ mtshang 'dru zhing 'gyed la rtsod cing 'khod de/ da rung yang gso sbyong byas par mi rtsi ba bden nam/ gsol pa/ bcom ldan 'das mad lags so zhes bgyi ba nas/ de lta bu ni dge 'dun gyis chos bzhin du lhan cig tu 'dogs pa'o zhes bya ba'i bar snga ma bzhin du sbyar ro// de ltar de dag la bcom ldan 'das kyis bka' stsal kyang / de bzhin du 'thab cing mtshang 'dru la/ 'gyed cing rtsod de 'khod do// de nas khyim bdag cig gis sangs rgyas la sogs pa dge slong gi dge 'dun khyim du bshos la spyan drangs nas dge slong dag de dong ngo / / de nas bcom ldan 'das kyis yo byad kyi zhal ta byed pa la/ bshos 'dir drongs shig ces bka' stsal te/ sangs rgyas bcom ldan 'das rnams ni rnam pa lnga'i
- 236b
phyir yo byad kyi zhal ta byed la/ bshos len du 'jug par mdzad de/ nang du yang dag par 'jog par bzhed pa dang / lha rnams la chos ston par bzhed pa dang / nad pa gzigs par bzhed pa dang / mal stan gzigs par bzhed pa dang / nyan thos rnams la bslab pa'i gzhi bca' bar bzhed pa rnams kyi phyir ro// skabs 'dir ni bcom ldan 'das kyis 'dul ba la bslab pa'i gzhi bca' bar bzhed pa'i phyir/ yo byad kyi zhal ta byed pa la bshos len du btang ngo // de nas dge slong mang po khyim der dong ba rnams mal stan la 'khod nas 'thab te/ mtshang 'dru zhing 'gyed la rtsod par gyur to/ / de dag 'thab ste mtshang 'dru zhing 'gyed la rtsod cing 'khod de/ 'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'khod la/ ji tsam na rdeg par yang byed do/ / de nas bshos len du song bas/ bshos blangs nas/ bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug go/ de nas bcom ldan 'das kyis bshos len pa'i dge slong de la bka' stsal pa/ dge slong ci dge slong gi dge 'dun kha zas bzang pos tshim par gyur tam/ gsol pa/ btsun pa de ni de lags te/ dge slong gi dge 'dun kha zas bzang pos tshim par gyur lags na/ btsun pa 'on kyang dge slong mang po khyim der mchis pa rnams 'thab ste/ mtshang 'dru
- 237a
zhing 'gyed la rtsod par gyur to/ / de dag mtshang 'dru zhing 'gyed la rtsod cing 'khod de/ 'tsham pa ma lags pa'i lus kyi las dang / 'arnam pa ma lags pa'i ngag gi las bgyid cing mchis la/ ji tsam na rdeg par yang bgyid do zhes gsol to// de nas bcom ldan 'das bshos gsol nas/ btsug lag khang gi phyi rol tu zhabs bkrus te/ nang du yang dag 'jog pa'i phyir gtsug lag khang gi nang du gshegs so/ / de nas bcom ldan 'das phyed 'bred nang du yang dag 'jog las bzhengs nas/ dge slong gi dge 'dun gyi gung la gdan pashams pa la bzhugs so/ / gdan la bzhugs nas/ bcom ldan 'das kyis/ dge slong rnams la bka' stsal pa/ dge slong dag khyed khyim der dong ba rnams 'thab ste/ mtshang 'dru zhing 'gyed la/ rtsod par gyur nas khyed 'thab ste/ mtshang 'dru zhing 'gyed la rtsod cing 'khod de/ 'tsham pa ma yin pa'i lus kyi las dang / 'tsham pa ma yin pa'i ngag gi las byed cing 'khod la/ ji tsam na rdeg pabar yang byed pa bden nam/ btsun pa mad lags so// de nas bcom ldan 'das kyis/ dge slong rnams la bka' stsal pa/ khyim der dong ba'i dge slong sde sder chad pa rnams la khrims su byas pa'i chos rnams ngas bca' bar bya ste/ dge slong rje slar chad pa rnams kyis rtsod pa'i gzugs kyis gnas so cog spongs shig/ dge slong tha mal par 'dug pa rnams dang / nyin par
- 237b
yang rung / mtshan mo yang rung / nang par yang rung / grol yang rung ste/ gtsug lag khang gcig gam/ dgon pa 'am/ grong 'dab gcig tu gnas par ma byed cig/ lhan cig tu yang gnas par ma byed cig/ lam cig tu yang ma 'gro zhig/ lam du yang ma 'grogs shig/ brda yang ma byed cig/ brda skad kyang ma len cig/ tha mal par gnas par rtsod pa'i gcugs de khong du chud nas chos bzhin dang / 'dul ba bzhin du zhi bar byed nus la/ ston pa'i bstan pa bsrung ba'i phyir 'thun par byed na ni/ zhi bar byed pa'i thabs dag cing 'dul ba dang 'thun pa gcig gis rtsod pa'i gcugs de ni bar byas pa zhes bya'o/ / las brgya tham pa las sdom gyi tshigs su bcad pa bcu pa rdzogs te/ las brgya tham pa rdzogs so// // sngon sangs rgyas bcom ldan 'das shAkya thub pa ri kharti rtag gi steng na bzhugs te/ de'i tshe phyogs bcu'i byang chub sems dpa' sems dpa' chen po'i 'khor dang bcas pa dang / dgra bcom pa dang / lha dang / klu dang / gnod sbyin dang / dri za dang / lha ma yin dang / mi'am ci dang / lto 'phye chen po dang / nam mkha' lding dang / bdud sdig can la sogs pa mthu bo che thams cad tshogs pa de'i dus na/ sangs rgyas bcom ldan 'das kyis zhal gyi srin mtshams nas 'od rer shar gyi lus 'phags dang / lho'i 'dzam bu gling dang / nub kyi ba lang spyod/
- 238a
dang / byang gi sgra mi snyan dang / gling 'di bzhir 'od zer kun tu khyab par bkram ste/ 'od zer btang ba de'i tshe/ ri me ro bar la sogs pa chen po dang / ri dang nags tshal dang / sman ljongs ri sul khrag srog kun la yang snang bar skam de/ lag mthil dang 'dra bar gling bzhi cir snang bas gsal bar gyur/ 'od zer de dag las sangs rgyas pal po su gzugs kha dog dang dbyibs sna tshogs dang bcas pa phal po che byung ba byang chub sems dpa' dang / wA dang / klu la sogs pa sems can kun gyis mthong ste ngo mtshar du gyur to// de nas bcom ldan 'das shAkya thub pa la/ be shra ma na la sogs pa rgyal po chen po bzhis gsol pa/ 'od zer de lta bu ci'i don du mdzad pa lags zhes zhus pa las/ bcom ldan 'das kyis bka' stsal pa/ nga mya ngan las 'das pa'i 'og tu gling bzhir ngas dam pa'i chos kyi gsung rab dang / ring bsrel dang / gzugs brnyan 'di lta bu dag 'byung ste/ 'di khyod kyi lag tu gtad do// srungs shig/ de nas bcom ldan 'das la/ byang chub sems dpa' zla ba'i snying pos zhus pa/ bcom ldan 'das 'di lta bu'i rdzu 'phrul chen pos/ bcom ldan 'das mya ngan las 'das pa'i 'og tu dam pa'i chos rgyal po la gtad pa thugs rje che'o/ / snga ma 'das pa'i sangs rgyas mya ngan las 'das pa nas/ dgung lo bdun lags nas/ dam pa'i chos kyi gzugs brnyan nub na/ bco
- 238b
ldan 'das shAkya thub pa mya ngan las 'das pa'i 'og tu dam pa'i chos ji tsam gyi bar du gnas par 'gyur/ de nas bcom ldan 'das kyis bka' stsal pa/ 'di lta bu'i the tsom nus pa legs so legs so/ / nyon cig dang ngas bshad do// nga mya ngan las 'das nas/ dam pa'i chos kyi gzugs brnyan lo nyis stong gnas par 'gyur ro// byang chub sems dpa' zla ba'i snying pos gsol pa/ bcom ldan 'das dam pa'i tshes 'di tha mar ji ltar nub par 'gyur/ rgyu ci las nyams/ sus ma mchis par bgyid/ bka' stsal pa/ nga mya ngan las 'das pa'i 'og tu lo lnga brgya'i bar du/ nga ba bstan pa spyod pa'i sems can rnam par grol ba mang du 'gyur/ de nas lo lnga brgya'i bar du ting nge 'dzin spyod pa mang du 'gyur/ rgyal po dang sems can phal dam pa'i chos la dad cing / spyod pa yang phyir zhing nyung bar 'gyur ro// de nas lo lnga brgya'i bar du dam pa'i chos ston cing / sems can 'dren pa dang thar bar byed pa'i slob dpon mang du 'byung / nyan thos kyi dgra bcom ba ni nyung bar 'gyur ro/ / rgyal po dang sems can phal gyi rnams kyang nyan pa tsam du zad kyi/ nyams su len cing spyod pa'am/ brtson 'grus ni mi byed/ dad pa 'bri bar 'gyur ro// dam pa'i chos kyi srungs ma dag kyang mi dga' bar 'gyur te/ dam pa'i chos la ma dad pa rnams ni sngon pas mthu dang stobs skyes so// 'dzam bu gling gi mi'i rgyal po rnams kyang phan tshun gcig la
- 239a
gcig dmag 'dren cing 'khrug par 'gyur ro/ / de nas yang lo lnga brgya'i tshe/ lo sum brgya ni dam pa'i chos spyod pa'i lha klu la sogs pa sems can srungs ma rnams mi gnas shing / sems can chos la ma dad par 'gyur/ sems can chos spyod pa rnams kyang / chos kyi gzhung bzhin mi spyod/ brtson 'grus chung bas grub pa yang nyung bar 'gyur/ kha dog bzhi dang bzhi las gyur pa yang dri dang ro la sogs pa chung bar 'gyur ro// mi nad phyugs nad dang mu ge yang 'byung bar 'gyur ro// lo nyis brgya la dge slong yang chos bzhin mi spyod/ 'jig rten gyi khe dang grags pa tshol/ snying rje chung/ tshul khrims la mi gnas/ dam pa'i chos ma nor ba spyod pa la ni bskrun cing skur pa 'debs/ longs spyod dang yo byad 'phrog/ 'jig rten gyi rgyal po'i gsang la rten cing rgyal srid 'dzin/ rgyal po'i 'phrin par 'gro zhing ngo 'phral tshol/ rgyal po dang 'bangs 'khrugs pa'i dbyen byed/ nyo tshong dang khe spogs byed/ thabs tshol/ dam pa'i chos spyod pa yang skying nas ni nyams su blangs te mi spyod kyi/ bal cher lags ga dang 'bral gyi tshul 'chos pa la ma par byed/ de'i dus nas chos la dga' ba'i lha klu thams cad kyis kham kyi dge slong 'di ltar spyod pa'i sa gzhi bor te mi gnas shing / bdud kyi ris la sogs pa chos kyi bgegs rnams der 'byung ste/ mthu dang stobs skye bar 'gyur/ rgyal po dang blon po la sogs
- 239b
pa dad pa bri/ dge sdig gi mtshams mi zin/ dam pa'i chos la ma 'byin/ dkon mchog gsum gyi dkor dang dge 'dun gyi rdzas la ku 'phrog byed/ sdig pa la mi 'dzem/ gzugs brnyan dang mchod rten rnams khad kyis bshig/ mchod pa'i yo byad bri/ de'i tshe dam pa'i chos mi nor bar spyod pa dge slong dang khyim pa 'ga' tsam gnas pa de'i bsod nams kyis yul phyogs su la char dus su babacing lo legs/ mi nad phyugs nad nyung zhing yul bde ba dag kyang yod/ 'di lta bu mi gnas pa bal cher ni sdug bsngal mi bde ba sna tshogs 'byung / de'i dus na rgya gar dang / ma yin pa rgyal po chen po gsum 'byung ste/ gsum la yA ba na ba dang / ba lA ba dang / shi kun 'di gsum dam pa'i chos mo spyod/ dmag 'dren cing 'thab rtsod/ nub dang byang gi yul kham mang po zhig med par byas/ yul khams de'i mchod rte dang gtsug lhag khang bshig/ mes btang / mchod pa'i yo byad dang / dkon mchog gi dkor la sogs pa phrog bcom/ rgyal po 'di gsum gcig la gcig gnod pa sna tshogs kyis 'thab mo byed/ gsum car gyi rgyal srid mi bde bar 'gyur/ de nas rgyal po 'di gsum mjal du ma ste/ srid gcig tu byas/ dmag mang po 'dus nas/ rgya gar gyi yul yul gang+ga'i tshu rol 'gan d+ha ra dang / ma he da sha la sogs pa'i yul phrogs nas bzung / de'i dus na gang+ka'i pha rol lho phyogs na/ ko'u sham+bi'i yul na// rgyal
- 240a
po ma he na 'dra se zhes bya ba de la bu zhig 'byung ba de'i ming ni tu bra sa ha zhes bya ba zhig 'byung ste/ smin mtshams na lcags kyi sme ba zhig yod pa/ gru mo man chad khrag gis bskus pa zhig 'byung ba de dang lhan cig tu/ blon po lnga brgyal bu 'byung ba yang ril gyis lag pa khrig ma man chad khrag can du 'byung / de dang dus gcig tu rgyal po de la rte'u spa shes pa cig kyang byung ste/ de'i nub mo yang gnam las khrag gi char bab nas/ rgyal po ma ha ra 'dras nas/ drang srong gi mkhan po lnga mngon par shes pa zhig la bdag gi 'khor du bu dang / rta ya mtshan 'di lta bu byung khrag gi char pa bab pa ci'i ltas zhes brtags pa las/ drang srong na re/ khyod kyis bu 'dzam bu'i gling gi sa gni 'di mi'i khrag gis gsher nas/ de'i 'og tu 'dzam bu'i gling gi rgyal po chen po byed par 'gyur zhes smras so/ / rgyal bu btsas nas lo bcu gnyis lon pa dang / de'i tshe rgyal po yA ba dang / ba lA ba dang / sha kun gsum 'dus pa'i dmag sum 'bum rgyal po dang chas te rgyal po ma hen 'dra se na'i yul du drangs pa las/ yul du dmag phal po che byung bas rgyal po snying mi dga' ste/ mya ngan byed cing 'dug pa las/ bu du pre sa has/ phal dris pa/ yab 'di lta bu thugs mi dgyes pa ci las gyur ces nus pa las/ phan ra/ rgyal po byin gsum gyi dmag bdag cag gi yul du byung bas/ mi dga' zhes smras so// bus smras pa/ yab mi dgyes su ma mdzad
- 240b
cig/ dmag 'di bdag gis thub par bgyi'o zhes pa dang / ba na re/ legs so zhes smras nas/ rgyal po blon po'i bu ya mtshan can lnga brgya la sogs te dam gnyis 'bum dang chas nas 'thab mo byas pa'i tshe/ smin mtshams nas lcags kyi sme ba bskyed nas lus ril gyis lcags su byas nas/ rab tu khros te brgal ba dang / nu pra sa ha'i dmag rgyal te/ phyir log pa dang / pha na re/ bu khyod kyis rgyal po gsum gyi dmag 'di lta bu dang 'thab mo byas pa las rgyal ba legs so// da phyin chad khyod kyis rgyal srid zung zhig/ da ni 'byung ngo zhes bsgo nas rgyal srid bu sa bzung ngo / / de nas lo bcu gnyis kyi bar du rgyal po gsum gyi dmag dang 'thabs pa las/ dmag mang po yang ril gyis gtubs/ rgyal po gsum yang bzung nas med par byas so/ / de phan chad 'dzam bu gling gi rgyal po byas par gyur to// de nas rgyal pos/ blon po rnams la smras pa/ nga 'dzam bu'i gling gi rgyal po byed pa ni dga' na/ gud nas mi dag bzhig yod ces smras so/ / blon po rnams kyis ci mo dgyes zhes dris pa dang / sems can mang po 'di snyed cig bsad pa'i sdig pa che bas mi dga' na/ sdig pa 'di lta bu zhig tu byas nas sus 'byang bar 'gyur zhes smras pa dang / blon po rnams kyis smras pa/ yul bo da li po tra zhes bgyi ba na/ chos kyi mkhan po sde snod gsum shes pa/ bram ze a kan dra d+ha'i bu shir shaka
- 241a
zhes bgyi ba zhig dgon pa'i sa la gnas pa de spyan drangs na/ sdig byang bar bgyid rngo thog ces gsol ba dang / rgyal po dga' nas dge shir sha ka yang 'gugs pa btang ste rgyal po'i drung du 'ongs so/ / mkhan po shir sha ka la rgyal pos phyag byas te sdig pa byas pa rnams ci zhig gis byang bar 'gyur zhes zhus pa dang / dkon mchog gsum la lo bcu gnyis kyi bar du mchod cing skyabs su gsol na/ sdig pa 'byang bar 'gyur ro zhes byas so// de nas 'dzam bu gling na dge slong 'dug go cog la 'gugs pa btang ste/ ril gyis gang+gA'i pha rol tu yul ko'u sham+bin/ rgyal po gnas par bsdus te/ yul bzhin du chos spyod mi ster bar 'gyur ro// dge slong bsdus pa de'i tshe lam du chud zos pa yang mang / rgyal po'i 'khor du ni 'bum tsam zhig gis phyin par 'gyur ro/ / dge slong lam du chud zos pa yang gcan gzan sna tshogs dang / mi rgod dang / chu la sogs pas phal khyer te chud zos so// dge 'dun mang po phyin pa dang / dge 'dun la rgyal pos mchod ston gsol/ yon phul te mchod do// de'i tshe dge 'dun rnams gcig la gcig gtam du smras pa/ khyod kyi mkhan po ga re/ slob ma gar song / grogs po khrims zla ga re zhes so sor gtam dris pa dang / stag dang / seng ge dang / mi rgod kyis bsad pa dang / chus khyer ba dang / nad kyis btab ste shi ba la sogs pa'i gtam byas nas/ dge slong so
- 241b
so nas mya ngan langs te ngud mo 'debs/ brang rdob par 'gyur ro// de nas de'i tshe rgyal pos mya ngan ma byed cig ces bsgo ba dge 'dun rnams kyis ma nyan pa dang / rgyal po yang mi dga' bar gyur nas/ kha phyogs te nyal lo// nyal ba'i tshe smon lam du btab pa/ da 'jig rten gyi dge 'dun la ni skyabs kyang ma byung na/ dgra bcom pa zhal mthong bar shog cig ces smon lam btab pa dang / 'jig rten gyi lhas rmi lam du bstan pa/ ri gan d+ha ma ha na'i ri la/ su rad sha na'i bu su rad ces bya ba dgra bcom pa zhig bzhugs te/ de spyan drangs na sdig kyang 'byung / the tsom yang sel bar 'gyur ro zhes lung bstan pa dang / rgyal po sad de 'phral du pho nya bkye ste/ spyan drangs nas phyin pa dang / dgra bcom pa la rgyal pos mchod cing phyag byas so// de'i dus natshes bcu bzhi'i nub mo dge 'dun 'dus pa'i nang nas/ dge slong gsar zhugs rnams kyis sde snod gsum shes pa'i mkhan po shir sha ka 'dul ba bshad par gsol ba las shir sha ka na re/ mi la mi gzhar/ sna dang rna ba med na/ me long ci dgos/ bltar ci yod/ 'dul ba bshad kyang khyed 'dul ba ltar mi spyod/ chos khrims mi srungs pa la 'dul ba bshad na ci phan zhes smras pa dang / de'i tshe su rad ces bya ba dgra bcom pas seng ge'i sgra bzhin du smras pa/ sangs rgyas bcom ldan 'das kyi chos khrims ngas mnos nas/ da tsam gyi bar du rtsa
- 242a
mchog tsam yang ma nyams na/ de skad ma zer bar 'dul ba shod ces smras pa dang / mkhan po shir sha ka yang dgra bcom pa yin par shes nas/ rab tu gnod ste/ mi smra'o// shi sha ka'i slob ma dge slong a ka de zhes bya ba de 'khor 'dus pa'i nang nas langs te/ su rad ces bya ba dgra bcom pa de la khyod ci ste nga'i mkhan po la de skad smra/ khyod khrims kyang med 'dul ba yang mi shes na/ nga'i mkhan po sde snod gsum la mkhas pa de la ci'i phyir brnyas zhes khros nas/ dgra bcom pa brdegs te bsad do// de'i tshe chos la dga' ba'i gnod sbyi// di ta mu kha zhes bya bas lag par rdo rje thogs te mngon du byung nas/ dge slong a ka de la ci ste dgra bcom pa bsad ces smras nas/ rdo rje byung ste bsad do// de'i dus na dge slong gi rad ces bya bas/ dge slong shir sha kra brdegs te bsad do// de nas de'i rjes la dge slong rir gyis gcig gis gcig bsad de/ gcig kyang ma lus so// de'i dus na nam mkha' las lha klu la sog pa chos kyi srungs ma ngal po che mi dga' nas ngus pa'i mchi ma ni khrag dang me'i char sa gni der bab bo/ / nam mkha' yang ser po// nag po// dmar por rtag tu gyur cing / grog sgra chen po byung / skar ma du me ke du zhes bya ba'i lus las du ba nag po zhig byung ste/ des zla ba dang nyi ma la sogs pa'i 'od kyang med/ gcig kyang bltar mi snang bar 'ong ngo // de'i dus na sum cu rtsa
- 242b
gsum gnam gyi lha dang / yul ma hA ma ya la sogs pa'i 'khor bal po che der 'ongs nas/ dge 'dun gyi gos tshon can rir bsdus te khyer ba 'ong ngo // de'i dus na rgyal pos 'di lta bu'i ku tse sgra chen po byung ba ci las gyur ces smras pa dang / dge 'dun 'khrugs nas gcig gis gcig bsad par gyur to zhes gsol pa dang / rgyal po mi dga' nas langs te/ tho rangs mkhar gyi phyi rol gyi lha khang du phyin pa dang / dge 'dun la la ni mgo bcad/ la la ni rkang lag bcad/ kha cig ni mig phyung / 'di ltar sna tshogs su shi ba mthong nas/ dgra bcom pa dang / shir sha ka sde snod gsum shes pa'i mkhan po'i ro btsal nas gnyis ka'i ro rnyed de/ mchan khung g.yas g.yon du bcug nas/ dgra bcom pa ni nga'i ma yin/ shi sha ka ni chos kyi mdzed yin te/ 'di gnyis 'das par gyur pa ni da phyin chad nga'i srog kyang gces pa med/ rgyal srid kyang su 'dod pa la sbyin no zhes smras nas/ mig kyang btsums te mi lta bar 'gyur ro// de'i dus na blon po rnams rgyal po la snying brtse ste/ mya ngan bsang ba'i phyir mi lnga brgya pa na de ltar bcos te/ mgo dang kha spu breg tu spu gris mchod nas/ phyugs nag po dang dmar po'i ko bgyon te ba na de ltar bcos nas rgyal po'i drung du 'ongs so/ / blon pos rgyal po la ban de lnga brgya 'ongs so zhes smras pa dang / rgyal po dga' nas mig phye ste/ ban de la bltas pa dang / ban de yang
- 243a
ril gyis phyugs kyi gos gos su gyon la/ swa dang kha sku mes bsregs par mthong nas/ rgyal po dga' ste/ dkon mchog gsum la mchod pa'i yo byad 'on cig par bsgo nas/ ban de de rnams la mchod do// rgyal pos chos dris pa dang / chos tshig gcig kyang mi shes nas/ rgyal po yang mya ngan langs te ngu'o// ban de shi ba'i ro rol gyis bsdus nas bsregs te/ mchod pa byed do// de'i tshe de'i dus na 'dzam du gling gi lha chos ril nub bo// gser ni dngul ngan pa dang rdor 'gyur/ dngul ni ra gan dang rdor 'gyur/ rag na ni zangs su 'gyur// rin po che dang mu tig ni rwar 'gyur/ zas la ro drug yod pa las mngar zhing zhim pa la sogs pa bzhi ni nub/ khab dang rtsub pa gnyis lus so// sangs rgyas shAkya thub pa la byang chub sems dpa' zla ba'i snying pos zhus pa las lung bstan pa rdzogs so/ / // rgya gar skad du/ bi ma la pra b+ha pa ri br-its+tsha/ bod skad du/ dri ma med pa'i 'od kyis nus pa/ bam po dang po// thams cad mkhyen pa la phyag 'tshal lo// gang gi tshe sangs rgyas bcom ldan 'das kyis zla ba'i snying po zhes bya ba'i mdo bshad pa'i tshe/ 'dzam bu'i gling gi yul thams cad srungs ma rnams kyi lag tu so sor gtad pa na/ bcom ldan 'das bya rgod kyi phung po'i ri la bzhugs nas/ lha thams cad bsdu ba'i phyir
- 243b
'od zer btang ngo / / de nas bcom ldan 'das kyis dgongs pa bskyed ma thag tu/ lha'i rgyal po thams cad 'khor dang bcas pa bcom ldan 'das kyi spyan sngar 'dus so// de'i tshe bcom ldan 'das kyis/ rgyal po chen po rnam thos kyi bu dang / gnod sbyin gyi dbang po kun tu rgyal la bos te bka' stsal pa/ rgyal po chen po dag de'i bka' chos dang ldan pa bzhin gyis la rim gro byos shig/ nga yongs su mya ngan las 'das nas lo brgya lon pa na/ li yul zhes bya ba zhig 'byung bar 'gyur te/ de yongs su bskyang ba'i phyir/ ngas khyed kyi lag tu gtad do// rgyal po rnam thos bu khyod dang // rdzu 'phrul chen po kun tu rgyal// klu'i dbang po ma dros dang // blo rab brtan pa'i lha yi bu// nga yi tshig ni mnyan par gyis// yul 'di rgyal ba'i dbang po yis/ / 'dul ba yin te gzhan gyis min// gang dag pas ni ma btul ba'i// sems can de dag li yul 'khor// sangs rgyas lung bstan grong khyer du// so sor skye bo len par 'gyur// nga yi sangs rgyas byang chub phyir// sdug bsngal chen po myong ba dang // smon lam chen po rab mang ba// btab par gyur pa gang yin pa'i// bsod nams kyi ni tshigs de yis// yul 'a/ nga yi phyag mtshan gyur// zhi bar mya ngan nga 'das na// khyed rnams la ni gtad par bya// gang tshe nga yi byams pa'i sa// li yul 'di ni byung ba na// 'gum tir gnas mdzes der// chos
- 244a
rgyal po'i mchod rten du/ / bskal pa bzang po'i sangs rgyas rnams// de che der ni 'dul bar 'gyur// yul 'di yongs su bskyang ba'i phyir// nga yis khyed la byin pa yin/ / de nas rgyal po rnam thos bus// bcom ldan 'das la gsol ba yi// 'dren pa sangs rgyas rnams kyi bka'// gcog tu rung ba ma lags te// rab mchog rgyal bas bka' stsal pa'i/ / las 'di shin tu dka' ba lags// ston pa bcom ldan bzhugs bzhin du// yul dang ljongs rnams 'khrug ma mchis// khyod kyis dam chos bshad na yang // yongs su bsrung bar dkon lags na/ / ston pa mya ngan 'das pa'i tshe// lha yis bor ba'i yul dag tu// lha la sogs pa bsrung ba rnams// bka' bzhin mi nyan ci zhig smos// bdag cag rnams la thugs rje mdzod/ / gang zhig thos na lha rnams kun// khyod kyi bka' bzhin bgyid 'gyur ba// de 'dra'i chos ni bshad par gsol// sangs rgyas dpa' bo rnams kyi bka'// de ni sa stengs gcog tu med/ / skye bo gang du mabyung ba'i// las ni shin tu dga' lags na// bcom ldan der ni bdag cag gis// ji ltar yongs su bsrung bar bgyi// sangs rgyas rnams ni dus gsum gzigs// kun mkhyen ye shes spyan dang ldan// rgyal ba skyes mchog de yi phyir// las 'di bdag cag mchid kyis 'tshal// de phyir gtad pa nod par bgyi// rgyal bas sngar ni bka' stsal pa'i// las ni
- 244b
ji ltar bgyid 'gyur ba/ / de ltar byin gyis brlab par gsol// rgyal bas lung bstan grong khyer du// rgyal bas sngon ni lung bstan pa'i// byang chub sems dpa' rnams dang ni// gzugs bzang sdom pa 'dzin pa yi/ / dge slong brgya phrag gsum dag dang // dge slong ma ni nyes brgya 'byung // sdig pa'i las rnams gang dag gis// sngon ni smon lam btab gyur cing // sdig byed phyogs ni lnga brgya po/ / de dag rnams kyang 'byung gyur te// dge byed la ni gegs bya'i phyir// yul 'di dag tu skye bar 'gyur// dge byed mdza' bo de dag kyang // li yul dag tu skye ba len// rgyal bas lung bstan yul dag tu/ / legs pa rnams ni byed par 'gyur// ji ltar yul 'dir bdag cag rnams// legs par 'gyur deng bdag cag gis// ci nas bzung ba'i thabs btsal bar// bcom ldan bdag cag dam pa gsol/ / de la bcom ldan gsungs pa ni// dam pa'i mchog ni sbyin par byas// gnod sbyin dbang po dus kun tu// yul ni yongs su bsrung ba'i phyir// byang chub sems dpa gnas bzang 'di/ / nga yi tshig gis gzung bar gyis// yul de 'byung bar 'gyur ba ni// lha yi skyed mos tshal mchog bzhin// dge 'dun kun dga' ra bas rgyas// dri gtsang khang gis mdzes par byas/ / der ni dgon pa'i gnas rnams kyang // bde ba can dang 'dra bar 'gyur// dge slong dge slong ma yis gang // de dag theg pa mchog kyang stod// byang chub sems dpa'i gnas bzang der//
- 245a
rnams skyes pa gang yin pa// dge ba yi ni las byed cing // byang chub phyir ni sngo ba byed// ji srid thub pa'i dbang po yis// bstan pa yul der gnas pa dang // mchod par byed pa de srid du/ / yun dag kyang ni gnas par 'gyur// bstan pa dag la ma mchod na// srungs ma rnams ni 'khrug par 'gyur// yul yang yal bar 'dor ba dang // 'khrug pa'i sems kyis 'gro bar 'gyur/ / srungs ma dag ni song ba dang // yul ni lha yis bor bder// nad dang mugs nyen pa dang // rgyal po dag kyang tshe thung 'gyur// srungs ma kun tu khros pa yis// dbung rnams kyang ni med par byed/ / rgyal ba dam pa lha mchog gis lha rnams la de skad ces bka' stsal nas/ de'i 'og tu bcom ldan 'das dpal 'od ze lta bu zhes bya ba'i ting nge 'dzin la snyoms par zhugs te/ smin mtshams kyi gseb nas/ de bzhin gshegs pa'i rnam pa zhes bya ba'i 'od zer rnams byung ngo // 'od zer de dag kyang 'od zer tshad med/ grangs med par byung / bar gyur te/ sangs rgyas kyi zhing thams cad du song nas/ sangs rgyas kyi zhing gang dang gang na/ sangs rgyas bcom ldan 'das bzhugs pa der/ tshig tu brjod pa 'di skad ces 'byung ste/ lha'i lha sangs rgyas bcom ldan 'das shAkya thub pas/ gnod pa nyung ngam/ bskyod pa yang ngam/ zhes bya ba'i bar du 'dri'o// 'di skad ces kyang smras te/ sangs rgyas nyid kyi phyir ngas bskal
- 245b
pa mang por dka' byas so/ / dam pa'i chos bsdu ba'i phyir lus grangs med pa yongs su btang byas te/ sbyin pa mang po byin no// sdug bsngal shin tu mang po byang chub sems dpa' gzhan dag gis ma myong ba dag nyams su myong ste/ des bla na med pa yang dag par rdzogs pa'i byang chub rjes su thob par gyur to// de'i nga yongs su mya ngan las 'da' ba'i dus dang / skabs su bab nas 'dzam bu gling thams cad kyi yul rnams yongs su bskyang ba'i phyir/ srungs ma rnams kyi lag tu byin no// lha rnams mya nganang 'dus nas// lo brgya lon pa de'i tshe// ming ni li yul zhes byag/ rab tu 'byor par 'byung bar 'gyur// bskal pa bzang po'i sangs rgyas dang // byang chub sems dpa' skyo ba rnams kyi// 'dul ba'i phyir ni chad kyu ste// rtog ge ba dang bral ba yin// bskal pa bzang po'i rgyal sras rnams/ / li yul 'khor gyi grong khyer der// skye ba dag kyang len 'gyur zhing // mi dang 'dra bar snang bar 'gyur// sems can rnams ni smin bya dang // chos kyang mnyan par byabs phyir/ / byang chub spyod pa bzang po dag/ de che de kun spyod par 'gyur// sangs rgyas rnams kyis bdag la dgongs// kau ma'i snying po mdo sde che// mdo sde mchog ni bshad pa na// snying rjes nod pa'i sems kyis su/ / yul de bsrung bar bya ba'i phyir// gzungs sngags rnams dang 'od zer dag/ ji ltar sngon ni bskur ba bzhin// sangs rgyas zhing ni thams cad nas// yul 'khor 'dir ni skyes
- 246a
@kyi rnams/ / rgyal mchog rnams kyis bskul bar mdzod// bstan pa bsrung bar bya ba'i phyir// bdag la dbyed pas bskur bar mdzod// skyob pa shAkya seng ge yis// 'od zer de dag btang ba na/ / sangs rgyas zhing rnams song nas ni// de nyid du ni slar yang 'ongs// de nas de ma thag tu sangs rgyas kyi zhing thams cad ni bzhugs pa'i sangs rgyas bcom ldan 'das rnams kyis/ bcom ldan 'das shAkya thub pa li yul yongs su bskyang bar bzhed pa'i bstan pa yun ring du gnas par bya ba'i phyir/ skyes su 'od zer dag kyang btang // gzungs sngags dag kyang bskur te/ 'di skad ces kyang gsungs so/ / sangs rgyas bcom ldan 'das gang dag gos 'od zer dag kyang btang / gzungs sngags dag kyang byang chub sems dpa' rnams kyi lag tu bskur ba de dag gi mtshan ni 'di zhes bya/ byang chub sems dpa' de dag gi ming yang 'di zhes bya'o// de bzhin gshegs pa mu stegs thams cad 'dzud pa la dpa' ba la phyag 'tshal lo// byang chub sems dpa' tshig gsang ba la phyag 'tshal lo/ / gzungs sngags ni 'di yin te/ tad+yASh+TA/ ba ra bar/ kA sha a ra/ tsakra gaSha/ gu h+ya ka ba re swAhA/ gzungs sngags 'di la yul gyi lha dang mi rnams la/ lha rnams dam pa sbyin par 'gyur ro/ / de bzhin gshegs pa dga' ba'i chos la dpa' ba la phyag 'tshal lo// byang chub sems dpa' chos kyi dbang phyug la phyag 'tshal lo// tad+ya thA/ ba ra ti/ ki bu li
- 246b
sha si ri pa hA re bA re swA hA/ gzungs sngags 'dis ni tshe rabs dran par 'gyur ro// de bzhin gshegs pa chos la zhugs pa shin tu 'phags pa'i tog gi gsung la phyag 'tshal lo// byang chub sems dpa' 'jig rten dbang phyug la phyag 'tshal lo/ / byang chub sems dpa' rang gi yid la gsal ba'i tshig la phyag 'tshal lo// de bzhin gshegs pa mngon par 'phags pa'i rgyal po la phyag 'tshal lo/ / byang chub sems dpa' nam mkha'i tshig la phyag 'tshal lo// tad+ya thA/ hA kya ra te/ ho ho hau ho/ pA ru ra ra/ a bi ba ra/ ma bi ba ra/ Na ru he bya swA hA/ gzungs sngags 'di su 'dzin pa ngan song ngan 'gror 'gro bar mi 'gyur la/ sems can rnams kyi 'gro ba sngon gyi tshe rabs su ji lta bur gyur pa dang / tshe rabs phyi ma la cir 'gyur ba yang shes par 'gyur/ de bzhin gshegs pa bu sdug rgyal ba'i chos 'phel ba la phyag 'tshal lo/ / byang chub sems dpa' lha dang mi'i chos kyi dbang phyug la phyag 'tshal lo// tad+ya thA/ d+ha ra s+thi ta/ ta tha tA/ badz+ri bi sa re tatha tA swA hA/ gzungs sngags 'dis ni gzungs thob par gyur to// de nas de bzhin gshegs pa mi 'khrugs pa la phyag 'tshal lo// byang chub sems dpa' dri'i dbang phyug la phyag 'tshal lo// tad+ya thA/ a ba hi/ sarba ta thA ga ta b+hU ta ko De/ btib ti/ ba Ti ra Ti swA hA/ gzungs sngags 'dis ni de bzhin gshegs pa'i byang chub kyi shing drung du byang chub thob par 'gyur ro// de ban
- 247a
gshegs parnga sgra'i rgyal po la phyag 'tshal lo/ / byang chub sems dpa' dpal rgyan la phyag 'tshal lo// tad+ya thA/ tarba tA pu Te dra brane/ sarbaM sa rA Te/ gu h+ya man tra ta tha tA d+ha na swA hA/ gzungs sngags 'dis ni byang chub sems dpa' dka' ba chen po mdzad par 'gyur zhing/ sems can rnams kyang sdug bsngal dang / nad rnams las yongs su thar par 'gyur / ro// de bzhin gshegs pa 'od dpag med la phyag 'tshal lo// byang chub sems dpa' snang gsal la phyag 'tshal lo// tad+ya thA/ rad na ka te/ ba gri ba ti ta Ti b+ha ti tsan tra sA h+ma/ gzungs sngags 'dis ni byang chub sems dpa' sangs rgyas kyis zhing rnams yongs su sbyong bar byed de/ su 'di 'dzin pa'i lus dang / sems kyi sdug bsngal rnams zad par 'gyur ro// de bzhin gsheg pa shAkya thub pa la phyag 'tshal lo/ / byang chub sems dpa' 'jam dpal gzhon nur gyur pa la phyag 'tshal lo// byang chub sems dpa' kun tu bzang po la phyag 'tshal lo// tad+ya thA/ b+hin de ri bi sam sem cag pa/ daR+sha na ra shI/ sa man+ta daR+sha ra Ne swA hA/ gzungs sngags 'dis ni byang chub sems dpa' bya ba thams cad shes par gyur to// 'dis ni de bzhin gshegs pa shAkya thub pas kyang rgyunan bo rnams mdzad do/ / sangs rgyas bcom ldan 'das 'di dag gis/ gzungs sngags 'di dag yul kun tu bsrung ba'i phyir bcom ldan 'das shAkya thub pa la skyes su bskur ro// de'i tshe sangs rgyas
- 247b
bcom ldan 'das dpa' bar 'gro ba'i ting nge 'dzin la snyoms par zhugs nas/ dang po thugs bskyed pa nas byang chub kyi snying po'i mthar thug pa'i bar gyi byang chub sems dpa'i spyod pa thams cad dang / chos la gus par yang dag par rjes su dgongs so// de nas rang gi don dang / lha la sogs pa'i don gyi phyir/ de dag la yul gtams shing gtad do// tshangs pa la sogs pa'i lha rnams dang / lha thams cad kyi gzungs sngags 'di yang brjod par bya'o// na mo brah+ma Ne/ na mo rdza sarba de banAn/ tad+ya thA/ brah+ma na in drA/ de ba ta pra tiSh+Tha te/ a shwA sa ne/ bar in tre/ swa par par/ har k+Shi ma pa in dre/ san ta tha sma ra pa ha re/ am b+he ku b+ha ka krI gri shrI/ a lang kar/ sarba de/ bgrA ma swA hA/ gzungs sngags 'dis lha dang mi rnams rgyal ba thob par 'gyur zhing dgras kyang de la gnod par mi byed la/ dbang phyug thams cad kyi bdag por 'gyur ro// li yul du gang la la rgyal por 'gyur ba de 'di snyam du li yul 'di ni skye bo dang mi mang pos gang zhing / nor dang 'bru mang pos rgyas pa yin te/ yul thams cad kyi mchog dam pa yin pas/ gzhan gyi dmag tshogs 'ong bar mi nus so snyam du sems par 'gyur ro// de'i tshe rgyal po des dgon pa dang / dge 'dun gyi kun dga' ra ba dang / grong khyer dang / grong rdal dang / yul 'khor dang / rgyal po'i 'khor thams cad du/ dge slong dang / dge slong ma dang / dge bsnyen dang / dge bsnyen ma rnams dang / yul gyi mi
- 248a
thams cad sngar bshad pa'i gzungs kyi gsang sngags kyi tshig rnams kyi tshig rnams klog tu gzhug par bya'o/ / 'dzin du gzhug par bya'o// kun chub par byed du gzhug go// dge slong dang / dge slong ma dang / dge bsnyen dang / dge bsnyen ma de dag dang / yul na gnas pa'i mi de dag la yang / phye ma dang / gos dang / gdugs dang / rgyal mtshan dang / ba dran rnams dang / kha zas dang / btung ba sna tshogs dang / mchod pa'i las sna tshogs dang / yo byad thams cad kyis rim gror bya'o// btsun par bya'o// bsti stang du bya'o// mchod par bya'o// de ltar byas na li yul de gnod pa thams cad med pa dang / phyir rgol ba'i rgyal po thams cad kyi dpung gis rgyal po de'i yul gzhig par mi nus so// de nas yang phyogs bcu'i sangs rgyas kyi zhing dag nas/ sangs rgyas bcom ldan 'das rnams kyis rang rang gi mtshan dang / 'od zer dang / gzungs kyi gsang sngags kyi tshig rnams bskur ro// brgya byin dang / tshangs pa la sogs pa lha'i rgyal po sum cu rtsa gnyis po de dag dang / 'jig rten skyong ba bzhi dang / lha'i bu kun tu rgyal ba la sogs pa gnod sbyin gyi sde'i bdag po chen po nyi shu rtsa brgyad dang / byang chub sems dpa' dri ma med pa'i 'od de dang / goms la gan da'i mchod rten mchod pa'i byang chub sems dpa' nyi khri bo de dag dang / klu'i rgyal po gdon lag nyams pa la sogs pa khri brgyad stong po gang yin pa de dag gi lag tu/ bcom
- 248b
ldan 'das shAkya thub pas/ bskal pa bzang po'i byang chub sems dpa' thams cad kyi gnas/ bskal pa bzang po'i sangs rgyas bcom ldan 'das thams cad kyi phyag mtshan du gyur pa/ yul dang thub pa drang srong chen po'i gnas su gyur pa/ goms la gan da'i mchod rten de dang / dge slong dang / dge slong ma'i dge 'dun de dag bsrung ba dang / yongs su bskyang ba dang / 'tshe med par bya ba dang / babye bar mi 'gyur ba dang / sangs rgyas kyi bstan pa li yul na gnas pa de yun ring du gnas par bya ba'i phyir gtad do// sangs rgyas kyi mtshan 'di dag dang / 'od zer 'di dag/ dang / gzungs kyi gsang sngags kyi tshig 'di dag snying rjes non pa'i thugs dang ldan pa dang / gsol ba chen po btab pas skyes su bskur nas/ de bzhin du sangs rgyas bcom ldan 'das de dag gi bka' mnyan te/ brgya byin dang / tshangs pa la sogs pa lha'i rgyal po sum cu rtsa gnyis po de dag dang / 'jig rten skyong ba de dag dang / gnod sbyin gyi sde'i bdag po de dag dang / klu'i rgyal po de dag dang / dri ma med pa'i 'od la sogs pa byang chub sems dpa' de dag dang / 'khor de dag thams cad kyis thal mo sbyar te/ li yul de dang / thub pa drang srong chen po'i gnas gom sa la gan da'i mchod rten de dang / sangs rgyas kyi bstan pa de dag bsrung ba'i phyir mnos so// sangs rgyas kyi mtshan de dag dang / 'od zer de dag dang / gzungs kyi gsang sngags kyi tshig de dag kyang
- 249a
yul bsrung ba'i phyir mnos so/ / 'od zer de dag kyang byang chub sems dpa'i dri ma med pa'i 'od kyi lus la gnas par gyur to// de bzhin gshegs pa tshul khrims la rab tu gnas pa la phyag 'tshal lo/ / de bzhin gshegs pa zhi bas rol pa la phyag 'tshal lo// de bzhin gshegs pa zhi ba'i rgyal po la phyag 'tshal lo// de bzhin gshegs pa zhi ba'i bla ma la phyag 'tshal lo/ / de bzhin gshegs pa nam mkha' la rab tu gnas pa la phyag 'tshal lo// de bzhin gshegs pa mtshon cha rab tu 'jil ba la phyag 'tshal lo// de bzhin gshegs pa spyan brgya pa la phyag 'tshal lo/ / de bzhin gshegs pa 'od bzang po la phyag 'tshal lo// de bzhin gshegs pa dbang po'i rnam pa la phyag 'tshal lo// de bzhin gshegs pa nyi ma'i rnam pa la phyag 'tshal lo/ / dbang po'i rgyal mtshan zhes bya ba'i 'od zer dang / bdud rtsi'i lo ma zhes bya ba'i 'od zer dang / zhi bar 'gyur ba zhes bya ba'i 'od zer dang / lo ma dang bral ba zhes bya ba'i 'od zer dang ka zhes bya ba'i 'od zer dang / me zhes bya ba'i 'od zer dang / gnas pa zhes bya ba'i 'od zer dang / mi g.yo ba zhes bya ba'i 'od zer dang / g.yo ba dang mi g.yo ba'i 'od zer dang / thogs med sbyin zhes bya ba'i 'od zer dang / yid dang 'thad pa zhes bya ba'i 'od zer dang / bar chad med pa zhes bya ba'i 'od zer dang / rims med rgyal mtshan bye ba zhes bya ba'i 'od zer dang / 'khrug med
- 249b
gnas zhes bya ba'i 'od zer dang / tog gi blo gros zhes bya ba'i 'od zer dang / grong khyer du 'bab pa zhes bya ba'i 'od zer dang / 'khor lo snang ba zhes bya ba'i 'od zer dang / dpa' bo'i tog/ ces bya ba'i 'od zer dang / rdo rje'i rnam pa zhes bya ba'i 'od zer dang / bsod nams kyi tog ces bya ba'i 'od zer dang / bsam gtan gyi tog ces bya ba'i 'od zer dang / me lce dang ldan pa zhes bya ba'i 'od zer dang / kun tu snang ba zhes bya ba'i 'od zer dang / byang chub kyi yan lag ces bya ba'i 'od zer dang / zhi gnas kyi 'od ces bya ba'i 'od zer dang / mtha' yas pa zhes bya ba'i 'od zer dang / nor bu snang ba zhes bya ba'i 'od zer dang / dpa' bo'i rin chen ces bya ba'i 'od zer dang / zla ba snang ba zhes bya ba'i 'od zer dang / nyi ma snang ba zhes bya ba'i 'od zer dang / ye shes 'gro ba zhes bya ba'i 'od zer dang / snang ba'i rin po che zhes bya ba'i 'od zer dang / dbang po'i rgyal mtshan zhes bya ba'i 'od zer dang / 'jig rten snang ba zhes bya ba'i 'od zer dang / snying rje'i rnam pa zhes bya ba'i 'od zer dang / rgyal ba dam pa zhes bya ba'i 'od zer dang / shes rab kyi snang ba zhes bya ba'i 'od zer dang / me zhes bya ba'i 'od zer dang / 'jig rten gyi sgron ma zhes bya ba'i 'od zer dang / rab rib kyi rnam pa rab tu zhi bar byed pa zhes bya ba'i 'od zer dang / rgyal mchog ces bya ba'i 'od zer dang / 'jig rten gyi rnam pa zhes bya ba'i 'od zer dang / 'od chen po zhes bya/
- 250a
ba'i 'od zer dang / ko ka ra zhes bya ba'i 'od zer dang / a'i tshul du byed pa zhes bya ba'i 'od zer dang / dzad char ya zhes bya ba'i 'od zer dang / dpa' bo byed pa'i dang ngo rgyal mtshan zhes bya ba'i 'od zer dang / 'od can zhes bya ba'i 'od zer dang / 'od mtha' yas pa zhes bya ba'i 'od zer dang / mi bskyod pa zhes bya ba'i 'od zer dang / rgyal mtshan blo gros zhes bya ba'i 'od zer dang / 'bad pa mtho ba zhes bya ba'i 'od zer dang / bden pa can zhes bya ba'i 'od bar dang / mgu bar byed pa zhes bya ba'i 'od zer dang / rab sgrogs zhes bya ba'i 'od zer dang / 'od byed pa zhes bya ba'i 'od zer dang / rdo rje blo gros zhes bya ba'i 'od zer dang / stong pa'i rnam pa zhes bya ba'i 'od zer dang / 'dzin pa zhes bya ba'i 'od zer dang / dpa' ba'i rgyal mo zhes bya ba'i 'od zer dang / g.yo ba zhes bya ba'i 'od zer dang / mtho ris su 'gro ba zhes bya ba'i 'od zer dang / zhi ba'i rnam pa zhes bya ba'i 'od zer dang / zhi ba'i tog ces bya ba'i 'od zer dang / bsam gtan gyi rgyal mtshan zhes bya ba'i 'od zer dang / dga' ba'i tog ces bya ba'i 'od zer dang / 'dam bu lta bu'i 'od ces bya ba'i 'od zer dang / mig snang ba zhes bya ba'i 'od zer dang / klu 'byung ba zhes bya ba'i 'od zer dang / klung gi 'od ces bya ba'i 'od zer dang / skyes bu'i rnam pa zhes bya ba'i 'od zer dang / 'bar ba can zhes bya ba'i 'od zer dang / me zhes bya ba'i 'od zer dang /
- 250b
pad+ma'i 'od ces bya ba'i 'od zer dang / dbang po'i rnam pa zhes bya ba'i 'od zer dang / 'dri ba'i tshul zhes bya ba'i 'od zer dang / spyod pa zhes bya ba'i 'od zer dang / dbang po la gnas pa zhes bya ba'i/ 'od zer dang / 'khrug pa zhes bya ba'i 'od zer dang / sa'i rgyal mtshan ston pa zhes bya ba'i 'od zer dang / bden pa'i tog ces bya ba'i 'od zer dang / snang bar byed pa zhes bya ba'i 'od zer dang dengar ba'i rnam pa zhes bya ba'i 'od zer dang / dbang po la rten pa zhes bya ba'i 'od zer dang / yid la 'gro ba zhes bya ba'i 'od zer dang / rab tu 'gro mdzes zhes bya ba'i 'od zer dang / 'phral ba'i rnam pa zhes bya ba'i 'od zer dang / legs 'bar zhes bya ba'i 'od zer dang / 'dri bar byed pa zhes bya ba'i 'od zer dang / nyi ma 'khor ba zhes bya ba'i 'od zer dang / nye bar gnas pa zhes bya ba'i 'od zer dang / ye shes kyi chu zhes bya ba'i 'od zer dang / rgyal ba'i blo gros zhes bya ba'i 'od zer dang / rnam par bsgyings pa zhes bya ba'i 'od zer dang / dben pa snang ba zhes bya ba'i 'od zer dang / sangs rgyas kyi rnam pa zhes bya ba'i 'od zer dang / gtsug tor zhes bya ba'i 'od zer dang / rdo rje rgyal mtshan zhes bya ba'i 'od zer dang / rdo rje la gnas pa zhes bya ba'i 'od zer dang / bsod nams kyi rgyal mtshan zhes bya ba'i 'od zer dang / skyer tog ces bya ba'i 'od zer dang / yid dang bar byed pa zhes bya ba'i 'od zer dang / 'di dag ni sangs rgyas kyi 'od zer yin/ tad+ya thA/ lo ka hA ra/
- 251a
shud d+ha ka ru s+t+ri ti pu Sh+ya li ba/ ka ru le swA hA/ sdig pa gcod par byed pa zhes bya'o// tad+ya thA/ shud d+ha ma ti/ ad dzam b+he bu lo tsa re/ a gra ma tri/ tsu ra kA re pu s+yA hA/ dga' byed snying rje zhes bya'o// tad+ya thA/ in dra/ in dra/ bAn dre/ bA de bi sU re sA hA/ rdo rje blo gros zhes bya'o// tad+ya thA/ tra ke ba ke/ dza dza ma b+he/ b+ha ma dzA re swA hA/ pad+ma 'dul zhes bya'o/ / tad+ya thA/ shu ra/ re ba a lo ka/ ko Sha ka re swAhA/ 'byed par byed pa zhes bya'o// tad+ya thA/ tsa le be ta thA/ an+yo na/ pra dA ka re swA hA/ sbyor ba med pa zhes bya'o// tad+ya thA/ dza dzi ra/ hA ra hA le/ le le pra dzA ka re swA hA/ 'gog pa med pa zhes bya'o// tad+ya thA/ badz+re shrI kai re/ sa ra sa ra/ a dzA mA dzA/ na ri re kI/ na ri/ sad de dzI kA re pu sAt+ma/ gzhan gyis mi tshugs pa zhes bya'o// titad+ya tha/ a pu re bI bi ra/ sa da re/ ma kha ka re sA hA/ bden pa la gnas pa zhes bya'o// tad+yA thA/ dz+ye tI dzA ti/ badz+re a/ ak+Sha man dra be/ brag a be/ badz+ri mA b+h+ra/ su kha ka re sA hA/ gzungs sngags kyi dbang phyug gi rgyal mo zhes bya ste/ gzungs sngags 'di ni pha rol gyi dmag tshogs zhi bar byed pa dang / dge ba'i tshogs yongs su rdzogs par byed pa'o// tad+ya tha/ di sha karan dra ba te/ ba pra to'u sa pra ti u s+phu te swA hA/ gzungs sngags 'di ni mu ge med par byed pa dang / dbul ba med par byed pa'o// dam pa gang 'dod pa thams cad kyang thob par 'gyur te/ zhag nyi shu rtsa
- 251b
gcig gi bar du nyin lan bzhi/ mtshan lan bzhi ste/ dus brgyad du lan nyi shu rtsa re re bzlas brjod byas na/ gter ram/ yang na nor gang sa'i 'og tu sbas pa gzhan thob par 'gyur ro// thA/ o he mo he dzam b+ha ya/ ma sha ma man tra ka/ da ma ka re la b+ha ka re/ bi kA re sa di dzA kA re dag di a d+ha ka/ pra sha ma/ ne pu a ka na pra sha ma ne phuHswA hA/ nad thams cad zhi bar byed pa dang / bud med du skye ba las thar par byed pa dang / bud med rnams kyi bud med kyi nad rab tu zhi bar byed pa ste/ brtul zhugs bya mi dgos par ji ltar 'dod pa de bzhin du dus gsum du bzlas brjod bya'o/ / bud med gang la la mo mtshan gyi nad yod pa de la ni nyin gcig bzhin du lan bdun bdun bzlas brjod bya'o// tad+ya thA/ ka ka/ ko sha phuHma ma/ ra ra ra ra/ sta re phu/ sa ka re puH swA hA/ gzungs sngags 'di ni gnod pa byung ba dang / sdug bsngal thams cad med par byed par bshad de/ brtul zhugs bya mi dgos so// sangs rgyas bcom ldan 'das gang dag gi mtshan sngar smos pa dang / gang dag gis gzungs sngags bshad pa de dag ni/ bcom ldan 'das shAkya thub pa byang chub sems dpa'i spyad pa spyod pa na/ grogs su gyur pa sha stag go// sangs rgyas de dag gis mi mjed kyi 'jig rten gyi khams dang / bcom ldan 'das shAkya thub pa'i phyag mtshan// li yul 'dir skye bo mang po la phan pa'i phyir/ bskal pa bzang po'i byang chub sems dpa' rnam
- 252a
kyis skye ba blangs te/ sngar smos pa'i sangs rgyas bcom ldan 'das de dang de dag gis bcom ldan 'das shAkya thub pa'i li yul yun ring du gnas par bya ba'i phyir/ gzungs sngag de dag dang / sangs rgyas kyi 'od zer de dag dang / sangs rgyas kyi mtshan de dag skyes su bskur te/ sangs rgyas kyi sras rnams kyis zhus nas/ byang chub sems dpa' 'phags pa spyan ras gzigs dbang phyug gis/ / sems can thams cad kyi don gyi phyir/ li yul yongs su bskyang ba dang / bstan pa yun ring du gnas par bya ba'i phyir/ sangs rgyas bcom ldan 'das rnams las skyes de dag blangs nas 'dir khyer te 'ongs so/ / sangs rgyas kyi zhing sna tshogs na gnas pa'i byang chub sems dpa' mang po dag kyang / sangs rgyas kyis lung bstan pa'i yul 'di ci nas 'jig par mi/ 'gyur ba dang / bstan pa yang yun ring du gnas par bya ba'i phyir 'dir lhags nas skye ba blangs so// gang gi tshe yul der gnod pa byung na/ de'i tshe sangs rgyas kyi mtshan de dag dang / gzungs sngags// de dag dang / 'od zer sngar bshad pa de dag bris te/ grong khyer gyi sgo rnams su btsugs la/ dmag gi ru mtshon la yang bris te bzha gnas/ mi rnams kyang glog tu bcug cing 'chad du bcug na/ pha rol gyi dmag tshogs kyis 'jigs pa dang / mu ges 'jigs pa dang / las 'byang bar bya ba dang / dge ba'i phyogs yongs su rdzogs par bya ba dang / sems can rnams kyis ji lta bur bsams
- 252b
pa bzhin du phan du dogs par 'gyur ro/ / sems can nad pa rnams la yang skyabs byed par 'gyur ro// gang la sdig pa'i las shin tu lci ba dag yod na yang / des zhag nyi shu rtsa gcig gi bar du sangs rgyas kyi mtshan dang / gzungs sngags dang / 'od zer rnams bzlas brjod bya zhing / phyogs bcu'i sangs rgyas bcom ldan 'das rnams dran par bya'o// gang na sku gdung dang ldan pa'i mchod rten nam/ sangs rgyas kyi sku gzugs bzhugs pa de'i spyan sngar dus gsum du bzlas brjod byas nas/ dge ba'i phyogs las gang 'dod pa de myur du yongs su rdzogs par 'gyur te/ 'od zer de dag kyang de'i steng du gnas par 'gyur/ pha rol gi dmag tshogs 'ong na'ang bzlas brjod bya'o// yang na zhag bdun gyi bar du bklag par bya'o// su yang rung ste/ gnod pa byung ba'am/ nad pa 'am/ ji lta bu 'dod pa las/ bzlas brjod bya'am/ yang na bklag par bya'o// ci ste klog mi nus na/ de'i tshe skud pa la lan bdun bzlas brjod byas te/ mdud pa byas nas btags naganod pa thams cad las thar par 'gyur ro/ / grong khyer gang gi sgo dag tu/ sangs rgyas kyi mtshan dang / gzungs sngags dang / 'od zer rnams bris te bzhag na/ grong khyer de gzhan gyi dmag tshogs kyis gzhom par mi nus so/ / rtag tu bzlas brjod byed pa la ni sha spang mi dgos so// dngos po gzhan yang spang mi dgos so// de nas rigs kyi bu gang dag sangs
- 253a
rgyas kyi rjes su byung ba de dag shin tu dgongs shing bag cha bar gyur pa de dag la/ byang chub sems dpa' 'phags pa spyan ras gzigs dbang phyug gis 'di skad ces smras so/ / bu dag bag tsha bar gyur pa de ma byed cig/ khyod kyi don gyi phyir dge 'dun gyi kun dga' ra ba mang po dang / chos kyi rgyal pos byas pa'i dri gtsang khang la sogs pa sku gdung dang ldan pa'i mchod/ rten yul der 'byung bar 'gyur te/ ji srid du yul de na sangs rgyas bcom ldan 'das kyi bstan pa gnas kyi bar du yul de ma lus par gzhig nus pa'i rgyal po 'byung bar mi 'gyur ro// 'di sgra ste/ dngar ldan zhes bya ba yid du 'ong ba dang / phag gis mtshon pa'i grong khyer dang / grong khyer rnying pa de dag gsum yang / ji srid du sangs rgyas kyi bstan mi gnas shing / dge 'dun rnams la mchod pa dang / sangs rgyas kyi mchod rten dka' bi lan yod kyi bar du de dag 'jig par mi 'gyur ro// de nas byang chub sems dpa' 'phags pa spyan ras gzigs dbang phyug gis/ rgyal ba'i sras thams cad la bos te bskyob/ kye grogs po dag/ byang chub sems dpa' rnams dang / lha la sogs pa yongs su skyong ba gang yin pa dog gis chos drang mi ldan pa'i rgyal pos yul de gzhig pa na/ yal bar mdor cig// sa la zhig gis sangs rgyas kyi bka' ma mnyan te/ 'jig pa'i tshe yul btang bar gyur na/ bla na med pa yang dag par rdzog
- 253b
pa'i byang chub las bskal pa mang por bar chad du 'gyur ro/ / de nas gzungs sngags bshad do// tad+ya tha/ ka le/ a kA le/ ni shrA me pra be sha/ a ka le kra me/ a ni shwa me/ a pra be sha/ pa ri sa me pa ri sa ma ti/ sas se/ a sas se/ sa ku te/ pa ru re/ pa ru re/ a ga me/ a sam mo he/ sid d+he sid d+hA ya/ na mo bai ro tsa nA ya sA hA/ phaT Te na sa te A sa te su san ne sA ru ste/ sid d+he/ sid d+hA ya swA hA/ de nas byang chub sems dpa' 'phags pa spyan ras gzigs dbang phyug gis/ li yul gyi rgyal por gyur pa la dris nas/ 'di ni khyed kyi skyes yin no// ji ltar khyod kyis byas pa dang / khyed kyis dkon mchog gsum gyi phyir lus dang srog btang bar byas pa gang yin pa ni/ sangs rgyas kyi sras rnam kyis las de lta bu yin te/ khyod kyis legs par byas pa yin no/ / gang gi tshe yul du dgra chen po'i 'jig pa 'byung bar 'gyur na/ de'i tshe mdo sde 'di bklag par bya'o// bcang bar bya'o// mchod par bya'o// 'od kyang 'jigs par thams cad zhi bar gyur te/ sa ha ba ti yang grogs byed par 'gyur ro// yul bsrung ba'i phyir mdo 'di cho ga bzhin du bris te/ rgyal po'i pho brang du bcang bar bya'o// rgyal po'i pho brang phyi rol dang / grong khyer gyi sgo rnams su yang de bzhin du bris te gzhag par bya'o// lam po che dang / srang dang / bzhi mdo dang / sum mdo rnams dang / khyim bdag rnams kyi khyim du yang gzhag par bya//
- 254a
gang gi tshe mang du bklags sam/ bslabs sam/ bcangs na/ de'i tshe yul der yams kyi nad dang / gnod pa rnams las thar par 'gyur ro// byang chub sems dpa' 'phags pa spyan ras gzigs dbang phyug gis de skad ces spras nas/ bar snang la gnas pa'i lha rnams kyis/ lha'i me tog gi char ni phab/ lha'i sil snyan rnams ni dkrol/ lha'i rnga bo che rnams ni brdungs te/ byang chub sems dpa' dang / lha dang / klu'i rgyal po thams cad kyis tshig 'di skad ces brjod do// gang gi tshe yul der gzungs sngags de dag dang / 'od zer de dag dang / sangs rgyas kyi mtshan de dag 'ong bar 'gyur pa de'i tshe/ bdag cag kyang ji ltar sngon bcom ldan 'das shAkya thub pa'i thad du 'ongs pa bzhin du phyi bzhin 'ong bar bya'o// rgyal po de la yang yul bsrung ba'i phyir bdag cag gis gzungs sngags sbyin par byas te/ dam pa'i ci slong ba de bzhin du sbyin par bya'o// de nas byang chub sems dpa' zhig bud med kyi gzugs kyis// 'jig rten gyi khams rnam par snang mdzad kyi 'od zer gyis so sor brgyan pa zhes bya ba na 'dug pas// de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i mngon sum du smon lam gdab ste/ ci nas kyang bdag mi mjed kyi 'jig rten gyi khams bcom ldan 'das shAkya thub pa'i sangs rgyas kyi zhing du mchis la/ der bcom
- 254b
ldan 'das de las dam pa'i chos pad+ma dkar po zhes bgyi ba'i chos kyi rnam grangs thos par gyur cig/ der bdag gis sems can thams cad la phan pa dang / bde ba dang / nad las thar par bgyid par gyur cig ces de skad du smon lam btab nas/ byang chub sems dpa' de sangs rgyas kyi zhing de nas shi 'phos nas/ mi mjed kyi 'jig rten gyi khams su rgyal po ma skyes dgra'i pho brang du/ btsun mo dam pa'i bu mor skyes te/ dri ma med pa'i 'od ces bya bar gyur to// de nas rgyal po ma skyes dgra'i bu mor gyur pa dri ma med pa'i 'od ces bya ba 'khor de'i nang du 'dus par gyur te/ 'dug pa des bcom ldan 'das la 'di skad ces gsol to// bcom ldan 'das yongs su mya ngan las 'das nas/ lo brgya lags pa na/ li yul yongs su bskyang ba'i slad du/ bdag gis kyang bkas gtad pa nod par 'tshal lo/ / sangs rgyas bcom ldan 'das kyis sngar gsungs pa'i 'od zer btang ba rnams gang gi tshe bdag gi steng du gnas par 'gyur na/ gzungs gang gis gzungs thams cad rtogs par 'gyur gzungs de yang / bdag gis bud med kyi gzugs kyis thos par gyur cig/ gang gi tshe li yul du 'jigs pa chen po byung bar gyur pa na/ de'i tshe yul yongs su bsrung ba dang / bstan pa yang yun ring du gnas par bgyi ba'i slad du/ bdag la sangs rgyas bcom ldan 'das rnams kyis dgongs par gyur cig/ thabs kyang ston par gyur
- 255a
cig/ lha rnams kyang dam pa stsol bar gyur cig/ de bzhin du bdag der mi'i bud med gzhan 'dra bar bud med tha mal pa'i gzugs su snang bar gyur cig/ sangs rgyas kyi 'od zer de dag gi steng du gnas pa yang thob par gyur cig/ sems can gnod pas nyen pa rnams dang / nad kyis thebs pa rnams dang / sdug bsngal bar gyur pa de dag thams cad las thar par bgyi ba'i slad du/ gzungs sngags de dag kyang bdag gis thos par gyur cig/ gang gi tshe rgyal po chen po de dag phan tshun 'thab pa dang / gang gi tshe gdong dmar gyis li yul gyi yul 'khor khyed pa na yang / der bdag bud med kyi skye ba len par gyur cig/ sangs rgyas bcom ldan 'das rnams kyis theg pa chen po'i mdo sde dam pa'i chos pad+ma dkar po gsungs pa gang lags pa de yang bdag 'dzin par gyur cig/ mdo sde 'di las gzungs sngags 'byung ba rnams kyang rtogs par gyur cig/ sems can 'dul ba'i slad du/ sgra thams cad la rtogs pa'i ting nge 'dzin yang rtogs par gyur cig/ dam pa'i chos pad+ma dkar po'i chos kyi rnam grangs kyis sems can thams cad la phan 'dogs par gyur cig/ l-i yul gyi srungs ma gang lags balha rnam la yang chos kyi sbyin pa dang / mchod pa'i las bgyid par gyur cig/ theg pa chen po'i mdo sde dam pa'i chos pad+ma dkar po 'di dang / lha gang dag gis mdo sde 'di bsten cing mnos pa de dag tu
- 255b
bdag gi dbang du gyur cig/ de nas srungs ma rnam thos kyi bu dang / srin mo lam bkon ti srin mo thams cad dang / grogs po dang bcas pa dang / 'phrog ma bu dang 'khor du bcas pa de dag gis/ bcom ldan 'das dang / lha mo dri ma med pa'i 'od kyi tshig thos nas/ stan las langs te thal mo sbyar nas 'di skad ces gsol to// gang gi tshe lha mo 'di li yul du skye ba len par 'gyur ba de'i tshe/ bdag cag kyang grogs bgyid pa'i slad du/ srungs ma bgyid cing theg pa chen po'i mdo sde dam pa'i chos pad+ma dkar po dang / li yul gyi yul 'khor sangs rgyas bcom ldan 'das kyis gtad pa khyod kyis mnos so zhes dran par bgyi'o/ / de'i tshe lha'i rgyal po sum cu rtsa gnyis kyis/ lha mo de'i dam pa bcas pa 'di thos nas 'di skad ces gsol to// gang gi tshe lha mo 'di li yul bsrung ba'i slad du skye ba len par 'gyur ba de'i tshe/ bdag cag 'khor dang bcas pas kyang yul bsrung ba dang / bsam pa bzhin du 'byor par bgyi ba'i slad du grogs bgyi'o/ / de'i tshe lha mo dri ma med pa'i 'od stan las langs te/ bla gos phrag pa gcig tu gzar nas/ pus mo g.yas pa'i lgang sa la btsugs te/ thal mo sbyar nas bcom ldan 'das la dam pa gsol zhing / bcom ldan 'das kyi spyan sngar smon lam btab pa/ bcom ldan 'das bdag sems can thams cad la bu gcig pa bzhin du sems par gyur cig/ brtson 'grus gang ci
- 256a
rlom pa de thams cad grub par gyur cig/ lus bstan pa dang / sems bstan pa dang / sems can gyi don bgyid pa dang / bsam pa yongs su rdzogs par pa dang / yul gyi slad du sems mngon par brtson par gyur cig/ dam pa'i chos pad+ma dkar po'i mdo sde sems can rnams la phan 'dogs pa dang / ting nge 'dzin yang thob par gyur cig ces smras so/ / lha mos bcom ldan 'das kyi spyan sngar de skad ces smras pa de'i tshe/ bcom ldan 'das dang / lha mo dri ma med pa'i 'od kyi steng du lha'i me tog gi char bab bo// de'i tshe lha mo dri med 'od/ / byang chub sems dpa'i gnas mdzes pa// li yul du ni skyes shig ces// rgyal ba'i spyan sngar smon lam btab// skyob pa shAkya seng ge yi// bstan pa ji srid gnas pa'i bar/ / de srid bar du bdag kyang der// rtag tu skye ba 'dzin gyur cig/ rgyal ba'i spyan sngar gang gi tshe// lha mos smon lam btab pa ni// sangs rgyas zhing bzhugs rgyal rnams kyis/ / de tshe legs zhes bya ba byin// lha mo yul gyi srungs ma la// rgyal ba rnams kyis legs byin pa// rnam thos bu dang gnod sbyin dbang // kun tu rgyal gyis de bzhin thos// de tshe rnam thos bu la sogs/ / lha rnams gang dag der 'dus pas// bcom ldan 'das la tshig gis gsol// li yul yongs su bsrung ba'i phyir// lha rab dam pa 'thun gyur pa// bdag cag
- 256b
gis ni yul yang bzung / / gang tshe gser gyi rigs dag dang // skar rdo'i yul ni mdzes gyur pa// li ni dbang bar gyur pa na// gser gyi dpya ni 'jal bar 'gyur// de tshe lha mos gsol ba ni// skar rdo dang ni gser gyi rigs// lha rnams kyis ni bsrung ba'i phyir// rgyal ba skyes mchog stsal bar mdzod// sa 'di sngon gyi tshe rabs su// gang tshe bdag ni dge bsnyen ma// ming ni hu gyur pa na/ / yul 'di gnyis ni bdag gi lags// de yi 'khor du rgyal byung ba// u rgyan bdag po dbang phyug po// rgyal po stan las langs nas kyang // pus mo gnyis ni sa la btsugs// bcom ldan 'das la gsol ba ni/ / gang gi chena'i yul zhes// bya ba de ni 'byung 'gyur zhing // yongs su rgyas shing skye bos gang // de tshe skar rdo'i yul dag tu// stobs chen rgyal por bdag gyur nas// der ni li yi bdag po dang // rtag tu gnyis ni bgyid pa dang // bdag gis yul de bsrung ba'i phyir// bdag nyid kyang ni dbul bar bgyid// de yi tshe dri med 'od// lha mes smon lam 'di skad btab/ / gang tshe yul gyi dang po 'dir// sum pa mang po 'ong ba dang // gang tshe yul 'dir rgya dang ni// lan dang ni sum pa rnams// 'phags skyes po yi dmag bzhin du// yul der 'ong bar gyur pa na/ de tshe yul 'dir skye bo'i phyir// bdag gis skye ba blang bar bgyi// bdag gis skye ba der blangs pas// sum pa la sogs ldog kyar rig/ li yal ra rig ras rnams kyis// sngon ni gang du la
- 257a
bgyis pa/ / der ni bdag kyang dga' bzhin du// bdag gis su ni las rnams bgyis// der ni sngon gyi rgyal po gang // blon po khyim bdag yul mi dang // bdag sdug par gyur pa dang / / de dag dang ni bral bar gyur// de tshe bdag ni gcig pu sdug/ mau gtsang ting 'dzin thob gyur nas// der ni skyo bar gyur pa na// sngon gyi smon lam dran gyur cig tshe de yi 'khor du ni/ / ka s+pha ra yi bdag po rgyal// des ni lha mo dri med 'od// smras pa thob par gyur nas kyang // rgyal po stan las langs nas ni// 'di skad kyi ni tshig kyang smras// bdag gis tshe rabs snga mar ni// mi bzad las byas gang yin pas// shAkya rnams ni brlag pa'i phyir// bdag ni rgyal po 'phags skyes dang // mdzes pa'i yul du lhan cig dong // las de rnam smin mi bzod pa// tshe 'di la ni mi myong bar// bdag ni 'di skad smon lam 'debs// gang gi tshe na sum pa dang // 'a zha dag der dong ba dang // bdag sngon shAkya'i yul du 'phags skyes po'i g.yul ngor las byas pa gang yin pa de/ gang gi tshe lha mo 'di skyo ba chen por gyur pa na/ de'i tshe bdag 'di'i bar gyur la/ bdag gi phyir 'di skyo bar gyur cig/ drang gzungs thob par gyur pa bzhin du/ des bdag kyang sdug bsngal thams cad las grol bar gyur cig ces byas so// rgyal po de'i btsun mo dam pa 'khor de nyid kyi nang du 'dug pa des
- 257b
smon lam btab pa de'i tshe/ bdag kyang lha mo dri ma med pa'i 'od kyi mar gyur la/ bdag gis 'phags skyes po'i dmag slar ldog la/ sdig pa'i las chen po 'di lta bu bya ste/ ci bya zhes gyod btab pa'i dge ba'i sems bskyed pa gang yin pa des na/ li yul der bdag 'dri ba'i dus la ma bab kyi bar du/ bdag gis li yul de nyid du mi rtag pa nyid mthong nas/ gang gi tshe der 'azha dang sum pa 'ong ba de'i tshe/ bdag 'chi ba'i dus byas nas 'jig rten gyi khams bde ba can du skye bar gyur cig ces byas so// lha mo dri ma med pa'i 'od de'i ming po rgyal po ma skyes dgra'i bu gang yin pa de yang shin tu nga rgyal che zhing rgyags pas/ g.yul 'gyed pa blta ba'i phyir/ shAkya'i yul der rgyal po 'phags skyes po'i dmag gi zla la 'ongs nas/ des kyang g.yul der mi bsad pa la sogs pa'i sdig byas te/ gang gi tshe der sems can mang po shi ba mthong ba de'i tshe/ des sangs rgyas mthong nas/ 'gyod pa chen po dang / skyo bar gyur te/ de'i tshe des lha mo dri ma med pa'i 'od la smras pa/ nga ni khyod kyi ming po shin tu sdug pa yin pas/ ngas dmag de'i nang sdig pa'i las byas/ khyod kyis thos nas rjes su yi rang bar gyur te/ khyod kyi yid kyis mi dge ba thob par gyur pa gang yin pa'i las kyi rnam par smin pa des/ khyod kyi yul du sum pa'i dmag 'ong bar gyur te/ de'i tshed ltar ji lta ba bzhin du/ de rang khyed kyi sdug pa'i ming po
- 258a
gyur la/ khyod kyis gcig pu lung med par mi gtsang ba'i ting nge 'dzin thob par gyur pa dang / khyod kyis thog ma khonar gzugs thob par 'gyur bzhin du/ de'i tsheng khyod kyi/ mthus sems can dmyal ba dang / dud 'gro'i sdug bsngal rnams las thar par gyur nas/ gnod sbyin gyi dbang po rnam thos kyi bu'i g.yog byed pa'i gnod sbyin a dz+wa la zhes bya bar gyur la// ngas rtag tu khyod bsrung zhing / ngas rnam thos kyi bu la sogs pa de dag dang / gnod sbyin gzhan de dag dang / lha'i pho brang sum cu rtsa gnyis dag tu lha'i rgyal po de dag la dran par bskul te/ gang gi tshe khyod la dgos pa de'i tshe 'ongs nas ci 'dod pa grub par gyur cig ces smras so/ / der lha mo de nyid kyi nu mo tha chung / rgyal po ma skyes dgra'i bu mor gyur pa des smon lam btab pa/ bdag gi ming po 'phags skyes po'i dmag gi zla la sdig pa'i las byas pa bdag gis thos nas dga' bar gyur pa'i las des na/ der yang khyod kyi nu mor gyur la/ gang gi tshe las de'i rnam par smin pas bdag mya ngan gyis 'chi ba'i chus byed par 'gyur ba de'i tshe/ khyod de lta bur skyo bar gyur pa na/ bdag gis dge ba'i bshes gnyen rnyed nas/ chos gang gis 'bras bu dang po thob ste/ sdug bsngal mthar byed par 'gyur ba de lta bu'i chos thos nas/ de'i tshe sngon dang phyi ma'i las rnams dran par gyur cig ces byas so// der lha mo de'i ming po tha chung ngu gyur cing / dge bsnyen ma hu sha zhes
- 258b
bya bar gyur pa phyin chad de'i ming por gyur pa/ de'i sngon gyi las kyis sems can rnams skrag par byas/ des sring mo bcom ldan 'das kyi spyan sngar smon lam 'debs pa yang mthong ba/ bcom ldan 'das kyi spyan sngar smon lam btab nas/ li yul gyi yul 'khor yongs su bskyab pa'i phyir mnos pa yang mthong ngo // de nas lha mo dri ma med pa'i 'od kyi ming po tha chung / rgyal po ma skyes dgra'i bus/ gcom ldan 'das gang na bde logs su thal mo sbyar ba btud nas 'di skad ces gsol to// sngon bdag gis sangs rgyas bcom ldan 'das mang po la bsnyen bkur byas te/ dus thams cad du skyes par gyur nas/ rgyal srid kyi bgyi ba mang po yang bgyis so// bdag gi sring mo 'di yang bud med kyi gzugs kyis byang chub sems dpa'i spyad pa spyod pa lags te/ 'dis li yul yongs su bskyang ba'i slad du/ sum par blangs pa de ni las chen po mchid kyis 'tshal ba lags te/ bud med kyi bsam pa ni sangs rgyas bcom ldan 'das nyid kyis mkhyen par byas so// bcom ldan 'das ci nas kyang bdag gi steng du 'od zer rnams btang ba de lta bur bdag la byin gyis brlab par gsol/ ci nas kyang yul bsrung ba'i slad du grogs bgyid par 'gyur ba dang / bdag gi rigs kyis yun ring por li yul du yul 'dzin par 'gyur ba de lta bu'i gzungs kyang stsal bar stsol/ / skye ba blangs te 'bras bu thob nas gum pa'i 'og tu yang lha rnams kyi nang du skye bar gyur
- 259a
cig/ gang gi tshe li yul du sum pa 'am/ gdong dmar rnams 'ong bar 'gyur ba de'i tshe/ bdag skar rdo'i yul gyi rgyal por gyur te/ lha mo dri ma med pa'i 'od 'di'i ming por gyur la/ li yul dar bar bgyi ba'i slad du bdag de'i grogs bgyid par gyur cig ces byas so// gang gi tshe gzhon nu de skad ces gsol nas/ smon lam yang btab pa de'i tshe/ bcom ldan 'das bdud las rnam par rgyal ba zhes bya ba'i ting nge 'dzin la sgoms par zhugs so// lha rnams kyis kyang lha'i me tog gi char phab ste/ lha'i sil snyan rnams dkrol lo// bcom ldan 'das ting nge 'dzin de las bzhengs nas bka' stsal pa/ ngas thog ma sems bskyes pa nas/ byang chub kyi snying po la thug gi bar du bsod nams dang / dge ba'i rtsa ba bsags pa de dag dang // de bzhin gshegs pa mang po gzhan dag ji lta ba bzhin du/ sangs rgyas kyi 'phrin las mang po mdzad mdzad pa'i bsod nams kyi phung po chen po de dag dang / cho 'phrul de ngas gcig tu bsdus te gcig tu brtul bas/ ma 'ongs pa'i dus su lha mo dri ma med pa'i 'od 'dis yongs su bskyang ba'i phyir/ lag tu blangs pa'i li yul 'khor rab tu gnas par bya'o// de nas bcom ldan 'das bya rgod kyi phung po'i ri las mi snang bar gyur te/ phyogs gang du li yul dang / thub pa'i drang srong chen po'i gnas go ma sA la gan da'i mchod rten 'byung bar gyur pa'i phyog der bzhugs so// bcom ldan
- 259b
/ 'das de na bzugs bzhin du/ dpal thams cad kyis brgyan pa zhes bya ba'i ting nge 'dzin la snyoms par zhugs nas/ ye shes sgron ma zhes bya ba'i 'od zer btang ngo // bya rgod phung po'i rwa la gnas pa'i 'khor de dag thams cad kyis kyang gnas gcig nas 'khod bzhin du/ bcom ldan 'das gang du li yul 'byung bar 'gyur ba'i phyogs de na skyil mo krung bcas te bzhugs par mthog/ thub pa'i drang srong chen po'i gnas/ ri glang ru zhes bya ba de la gnas pa'i byang chub sems dpa' sngon bcom ldan 'das shAkya thub pa byang chub sems dpa'i spyad pa skyed pa na/ grogs su gyur pa gang yin pa de dag gis kyang 'od zer de dag btang ste/ bcom ldan 'das nyid ni gang du goms la ga na da'i mchod rten gyi chos kyi 'khor lo 'byung bar 'gyur ba'i de'i bar snang la bzhugs so// byang chub sems dpa' rnams ni gang dang gang dag tu dge 'dun gyi kun dga' ra ba dang / dgon pa'i gnas dang / dri gtsang khang dang / mchod rten chen po rnams 'byung bar 'gyur ba'i chu'i nang gi pad+ma'i steng de dag de dag la 'khod do/ / de nas der sangs rgyas bcom ldan 'das kyis gzungs sngags gang gis sangs rgyas bcom ldan 'das rnams kyis chos thams cad thugs su chud par 'gyur ba'i gzungs sngags kyi chos kyi spyi bo zhes bya ba 'di bshad do/ / tad+ya thA/ A ba par/ pra t+yab par/ pra dz+nyA ba par/ bud d+ha ba pa ra/ sad d+harma ba par/ shur ba par/ sarba d+harma san d+ha bar/
- 260a
pra badz+ra pA Ni ba par/ tiSh+Thi te pra bar swA hA/ gang gi tshe sangs rgyas bcom ldan 'das kyis gzungs sngags 'di bshad pa de'i tshe/ bya rgod kyi phung po'i ri la gnas pa'i 'khor/ thams cad kyis thos so// ri grang ru'i thom na/ bcom ldan 'das byang chub sems dpa' thams cad kyi tshogs dang thabs cig tu bzhugs pa yang mthong ngo // bcom ldan 'das kyis/ lha mo dri ma med pa'i 'od dang / gzhon nu rdo rje sde la bka' stsal pa/ khyed kyis gzungs sngags 'dis nga'i las gyis la/ li yul gyi yul 'khor khyed la gtad pa yongs su bsrung ba gyis shig/ de'i tshe lha mo dri ma med pa'i 'od dang / byang chub sems dpa' rdo rje sdes 'di skad ces gsol to// bcom ldan 'das li yul gtad pa 'di bdag cag gis nod par 'tshal lo// dri ma med pa'i 'od kyis zhus pa bam po gnyis pa/ de'i tshe bcom ldan 'das kyis dri ma med pa'i 'od dang / gzhon nu rdo rje sde'i don gyi phyir gzungs sngags gzhan bshad/ tad+ya thA/ nai rdzi te/ badz+ri te/ brdzi te/ b+ha Shi te/ d+harma skad d+hu/ a pa ra dzi te/ in dri brdzi te/ phuHswAhA/ de'i ni sangs rgyas bcom ldan 'das rin chen snying po la sogs pa gang dag la/ lha mo dri ma med pa'i 'od kyis sngon sangs rgyas nyid du thog ma sems skyes pa de dag kyang der gshegs so// gzhon nu rdo rje sdes kyang yon phul lo// sangs rgyas bcom ldan 'das
- 260b
/ de bzhin gshegs pa kun tu gzigs pa de las sngon sangs rgyas nyid du lung bstan pa thob bo// dri ma med pa'i 'od kyis sangs rgyas kyi zhing 'od kyi rgyal po zhes bya ba der byang chub thob par gyur te/ de bzhin gshegs pa zla ba'i rgyal mtshan shin tu 'phags pa'i 'od zer gyi rgyal po zhes bya bar 'gyur ro// gnas pa zhes bya ba'i bskal pa la/ 'jig rten gyi khams bud med du grags pa zhes bya bar// de bzhin gshegs pa chos kyi sgra sgrogs phyag na rin chen mdzod bsnams zhes bya bar 'gyur ro// gang gi tshe lha mo de dag de ltar sangs rgyas bcom ldan 'das kyis lung bstan pa de'i tshe/ de lung bstan pa'i phyir sangs rgyas bcom ldan 'das kyis 'od zer btang ste/ gang gi tshe lha mo dri ma med pa'i 'od kyis lung bstan pa de thob pa de'i tshe/ der byang chub sems dpa'i sems kyi tshig ces bya ba gyur te/ de phyin chad sangs rgyas kyi zhing thams cad na gnas pa'i sangs rgyas bcom ldan 'das rnams kyis kyang lung bstan to// bskal pa bzang po'i byang chub sems dpa' rnams kyis kyang byang chub gang la khyod gnas pa de ni shin tu dkon pa yin no zhes smras so/ / sangs rgyas bcom ldan 'das gang dag sngon sangs rgyas bcom ldan 'das shAkya thub pa'i thad du 'od zer gtong ba'i sangs rgyas bcom ldan 'das de dag gis kyang gsung gcig tu 'thun par gzungs sngags bshad pa/ tad+ya thA/ tarba tA/ lo kA gra/ ta thAt+pa/ ka bzi 'i/ kar dza~M/ b+hu ti ko Ti/ bi bidra dral
- 261a
shar/ sa sa sa sas sas sa/ d+ha dra prab+ha/ bab da kar na sa/ bar Nab babapa/ a sa tsa ru nan/ tsa ba ba ra Nan/ kaka ko ti rA dza na/ bya kar Na su b+hA tra/ karaH swA hA/ gzungs sngags 'di ni lung ston pa zhes bya ste/ gzungs sngags 'di sangs rgyas bcom ldan 'das rnams kyis byang chub sems dpa' rnams bla na med pa yang dag par rdzogs pa'i byang chub tu lung ston par mdzad de/ mtshan lan gsum nyin lan gsum du bzlas brjod byas na phyir mi ldog par 'gyur te/ sangs rgyas kyi byang chub tu lung bstan pa yang thob par 'gyur ro// gang gi tshe lha mo dri ma med par grags pas/ sangs rgyas nyid du lung bstan pa thob pa de'i tshe/ des bzod pa chen po thob par gyur te/ de'i tshe des smon lam btab pa/ ji srid du li yul du 'jigs pa chen po 'byung bar 'gyur ba de srid du bdag bud med kyi gzugs su snang bar gyur te/ smon lam btab pa des na/ de'i tshe bdag skar rdo'i rgyal po'i bu mor skye ba len par gyur cig ces byas so// de bzhin gshegs pa zla ba'i rgyal mtshan shin tu 'phags pa'i 'od zer gyi 'od kyi rgyal po la phyag 'tshal lo// de bzhin gshegs pa chos kyi sgra sgrogs phyag na rin chen mdzod bsnams pa la phyag 'tshal lo/ / zhes sangs rgyas kyi mtshan 'di gnyis su brjod pa ni bud med du skye ba las thar bar 'gyur te/ 'jig rten gyi khams der skye bar 'gyur ro// chos dang ldan pa'i dam pa ji lta bu 'dod
- 261b
pa de bzhin du 'grub par 'gyur to/ / sems can dmyal bar skye ba'i las rnams kyang bshags par 'gyur ro// bla na med pa yang dag par rdzogs pa'i byang chub las kyang phyir mi ldog par 'gyur ro/ / sa d+ya the dan/ da da da dA/ pra dzA ke sa pra dz+nyA ka re/ ba ra pradz+nyA/ pra ti ha te swA hA/ gzungs sngags 'di ni byang chub kyi yan lag gi me tog ces bya ste/ chos ji lta bu 'dod pa de lta bu 'thob par 'gyur ro/ / bdud ris kyi lha rnams kyis kyang sangs rgyas su sgrub pa la bar chad byed mi nus shing / glags rnyed par mi 'gyur ro// dran pa dang yang ldan par 'gyur ro/ / sems kyang phyin ci log tu mi 'gyur ro// gang gi tshe sangs rgyas bcom ldan 'das kyis gzungs sngags 'di bshad pa de'i tshe/ lha mo dri ma med pa'i 'od kyis smon lam bta pa/ bdag gis der skye ba blangs te/ skar rdo'i rgyal po'i bu mor gyur nas/ gser gyi yul gang du bdag gi pha gum pa'i sdug bsngal gyis bdag skyo bar 'gyur ba der bdag 'gro bar gyur cig ces byaso/ / de'i tshe 'khor de'i nang na rgyal po ma skyes dgra'i grong khyer skyong ba'i rigs kyi bu gzhan zhig 'dug pa des 'di skad ces smras so// bdag khyod kyi khyim thab tu gyur la/ bdag gi khyim na khyod bud med kyi lus kyis las de dag byed cing / bdag gis kyang de la bar chad byed par mi 'gyur ba dang / khyod kyi yul gyi phyi ri dang / sangs rgyas nyid sgrub pa'i bar gyis las
- 262a
ci byed pa de dag thams cad bdag gi khyim du byed cing / dka' ba'i las de dag thams cad kyang dran par gyur cig ces byas so// de nas grong khyer skyong ba de'i bur gyur pa zhig yod pa des smras pa/ / gang gi tshe sngon khyod dge bsnyen ma hu sha zhes bya bar gyur pa de'i tshe/ bdag khyod kyi bur gyur cig ces bdag gis smon lam btab nas/ de phyin chad tshe rabs thams cad du khyod ni bdag gi mar gyur la/ bdag ni khyod kyi bur gyur to// gang gi tshe khyod gser gyi yul du smon lam chen po'i dbang gi las byed par 'gyur ba dang / gang gi tshe yul der gnod pa chen po 'byung ba de'i tshe/ yang ci nas kyang bdag der sems can thams cad gnod pa las thar par bya ba'i phyir grogs su 'gyur ba dang / yul de na rgyal po med par yang bdag gis chos bzhin du skyong ba dang / bdag gzhan gyis bkol bar mi 'gyur ba dang / sangs rgyas nyid du 'gyur gyi bar du bdag khyod kyi bur gyur cig/ khyod kyang bdag gi mar gyur cig ces byas so// de'i tshe 'khor de'i nang n a lha mo dri ma med pa'i 'od de'i phyi bzhin 'brang ba'i rigs dang ldan pa'i bud med gcig 'dug pa nga rgyal gyis shin tu khengs shing rgyags la 'dod chags kyi sems dang shin tu ldan pa des smon lam ba pa/ bdag kyang khyo khyod kyi nu mor gyur te/ gzhon nu'i tshe bdag gis skyes bu mang po dag dang 'dod pa'i 'dod chags kyi phyir bgad pa dang / rtses pa gang yin pa bdag gi las de dag thams cad byang
- 262b
/ bar gyur cig ces byas so// 'khor de'i nang na skyes pa gzhan zhig sangs rgyas bcom ldan 'das kyi spyan sngar 'dug pa des/ rigs dang ldan pa'i bud med de la smras pa/ gang khyod kyis nga'i phyir gsang ba'i don gyi dam bcas pa de ni ngas mi btang zhes byas nas/ de'i tshe mi des smon lam btab pa/ gang gi tshe ma 'ongs pa na rigs dang ldan pa'i bud med 'dri lha mo dri ma med pa'i 'od dang lhan cig tu li yul na gnas shing / las chen po byed pa 'gyur ba de'i tshe/ bdag gis las 'di bshags te/ 'khor ba nas 'byung ba thob par gyur cig ces byas so// de'i tshe lha mo dri ma med pa'i ming po byang chub sems dpa' rdo rje sdes/ bcom ldan 'das kyi spyan sngar pus mo'i lhang sa la btsugs te thal mo sbyar nas 'di skad ces gsol to// btsun pa bcom ldan 'das bdag gser gyi rigs su chos dang ldan pa'i rgyal por gyur te/ yul rtas par bgyi ba'i slad du/ lha mo dri ma med pa'i 'od kyi grogs su gyur la/ li yul 'khor rtas par bgyi ba'i slad du/ gser gyi yul gang du dge bsnyen ma hu sha zhes bya ba gnas par gyur pa der/ nor sa'i 'og tu gzhag pa dang / mi shi ba rnams kyi dur khrod na yod pa gang yin pa dang / dge bsnyen ma gu sha'i nor du gyur pa gang yin pa de dag thams cad bdag gis btsal te/ gser la sogs pa nor mang po rnams stsal bar bgyi'o// lha mo dri ma med pa'i 'od 'di yang / sangs rgyas bcom ldan 'das kyi spyan sngar li yul gyi slad du nor rnams dbul bar bgyid
- 263a
do/ / gang gi tshe yul der gnod pa 'byung ba de'i tshe yang / lha 'am/ klu'am/ gnod sbyin nam/ 'byung po gang su yang nor de la dges byed par mi 'gyur ro// yul de'i drung mar gyur pa gang yin pa de dag thams cad kyang / ci nas nor de rnyed par 'gyur bar rang nyid grogs byed par 'gyur ro// sngon gsar gyi ri gang du dge bsnyen ma hu sha 'byung bar 'gyur ba der bud med gzhan zhig byung ste/ des sbyin pa mang po byin la/ tshul khrims ni des ma bsrungs te/ des 'di skad du bdag gis sbyin pa dag byin pa'i bsod nams bsags pa gang yin pa des na/ bdag gser gi rigs kyi rgyal po'i btsun mo dam par gyur la/ ci nas kyang li yul de ltas par bya ba'i phyir nor sbyin par byed pa de lta bur nga dgra grogs su gyur cig ces byas so// de'i tshe lha mo dri ma med pa'i 'od kyi mang po gzhon nu rdo rjes sdes 'di skad ces gsol to/ / gang gi tshe dmag gi dpung chen po de dag phan tshun 'gyed pa'i 'gyur ba de'i tshe/ bdag skar rdo'i rgyal por gyur nas/ gang gi tshe gdong dmar dag dmag 'dren pa de'i tshe/ ba dag gris gser gyi rigs kyi rgyal po las nor blangs te/ l-i yul rtas pA bgyi ba'i slad du/ chos bzhin du stsol bar gyur cig ces byas so// de'i tshe na rigs dang ldan pa'i bud med gzhan zhig lha mo de'i grogs mor gyur pas dang po thob pa gang yin pa de 'khor der 'dus par gyur te 'dug pa des smon lam btab pa/ bdag li yul du re rabs bdun gyi
- 263b
bar du rgyal po'i btsun mo dam par gyur cig/ gang gi tshe dmag gi dpung chen po gang yin pa de dag li yul du g.yul 'gyed pa'i dus la bab pa de'i tshe/ bdag rgya yul du skye ba len par gyur cig gang gi tshe gzhon nu rdo rje sde 'di li'i rgyal por gyur pa de'i tshe na/ bdag ni de'i btsun mo dam par gyur nas/ bdag cag gnyis kas li yul slar rtas par bgyi ba dang / dge 'dun gyi kun dga' ra ba rnams dang / dgon pa'i gnas rnams dang / mchod rten chen po dang / dri gtsang khang dang / gdong dmar rnams kyis bsregs pa gang yin pa de dag kyang / bdag cag gnyis kyis slar gsar du bgyid par gyur cig ces byas so/ / gang gi tshe de dag gis 'khor gyi nang du smon lam btab pa de'i tshe/ bcom ldan 'das rdo rje rgyal mtshan zhes bya ba'i ting nge 'dzin la snyoms par zhugs so// rgyal po rnam thos kyi bu dang / gnod sbyin kun tu rgyal dang / klu'i rgyal po ma dros pa dang / lha'i bu blo gros rab tu brtan pa dang / lha mo 'phrog ma bu dang bcas pa dang / lha mo dri ma med pa'i 'od rnams kyang / de'i tshe sangs rgyas yid la byed pa zhes bya ba'i ting nge 'dzin la snyoms par zhugs so// de nas ting nge 'dzin las langs te/ bcom ldan 'das kyi spyan sngar pus mo'i lhang sa la btsugs te 'di skad ces gsol to/ / bcom ldan 'das bdag cag gis ma 'ongs pa'i dus su li yul de bsrung ba'i slad du nod par 'tshal te/ ji ltar bcom ldan 'das kyis bka' stsal pa de
- 264a
bzhin du sug las thams cad 'tshal lo/ / de nas 'khor der 'dus pa gang yin pa'i sgra dang / klu dang / gnod sbyin dang / dri za dang / lha ma yin dang / nam mkha'/ lding dang / mi 'am ci dang / lho 'phye chen po dang / mi dang / mi ma yin pa de dag thams cad kyis/ bcom ldan 'das kyi steng du me tog gi char phab nas/ rol mo'i sgra rnam pa sna tshogs ji lta bus sangs rgyas bcom ldan 'das la mchod par 'os pa rnams kyang bsgrags so/ / de'i tshe 'khor de'i nang na rnam thos kyi bu dang / kun tu rgyal la sogs pa gang dag gi lag tu yul de bsrung ba'i phyir gtad pa de dag la 'di skad ces bka' stsal to/ / yul bsrung ba'i phyir khyod kyi lag tu yang dang yang du gtad do// gang gi tshe gdong dmar dag gis yul bzung ste/ dge 'dun gyi kun dga' rab dang / dri gtsang khang dang / mchod rten chen po rnams 'jig par byed cing sreg par byed de/ de dag gis ci nas kyang nga'i bstan pa gzhig par bya ba'i phyir smon lam log par btab pas ring po mi thogs par de dag dmag sde gnyis po de dag phan tshun 'gyed par 'gyur/ de'i tshe lha mo dri ma med pa'i 'od kyi ming po gzhon nu rdo rje sde nyid gser gyi rigs kyi yul der song nas/ gser gyi rigs kyi rgyal po la 'di skad ces smras te/ dri ma med pa'i 'od kyis zhus pa'i mdo bcom ldan 'das shAkya thub pas bka' stsal ba yod de/ li yul nas 'ongs pa 'di ni sangs rgyas bcom ldan
- 264b
'das dang / lha rnams kyis gsungs pa yin te/ sangs rgyas bcom ldan 'das rnams dang / lha rnams kyi bka' ni gcog tu rung ba ma yin no// gdong dmar gyi li yul gyi yul 'khor khyer ba'i dus la ni dbab ste/ rgya ni gser gyi rigs kyi yul du 'ong bar 'dod do// gang gi tshe phan tshun g.yul 'gyed par byed pa de ni 'jigs pa chen po yin te/ gang gi tshe gdeng dmar rnams skrag par gyur pa de'i tshe/ gser gyi rigs kyi yul du 'gro bar chas so// de la bcom ldan 'das kyis bstan pa ni 'di yin te/ gang gi tshe gser gyi rigs kyi yul gdong dmar mi gtong la// rgya yang gnod pa byed du mi 'ong ba de'i tshe/ gser gyi rigs pa yul du mdo 'di 'phrin yig tu khyer la/ gser gyi rigs kyi rgyal po la 'di skad du/ 'di ni sangs rgyas bcom ldan 'das dang / lha rnams kyis bka' stsal pa yin te/ lha dang mi rnams kyis 'gal bar byar mi rung ba yin gyis// bdag gis li yul gyi glung sbyin pa dang / skar rdo'i don gyi phyir nga la nor mang po byin ces smos la/ gang gi tshe nor thob par gyur pa de'i tshe thog mar li yul du nor rdzongs la gdong dmar la bskur cig/ li yul pa rnams la yang der sbyin par bya ste/ gang gi tshe li yul du skyes bskur ba na/ der thog mar skar nor yang bskur bar bya ste/ mi'i yul chos bzhin du bya'o// de'i tshe 'di skad du nga ni gdong dmar rnams kyi bran mi byed de/ ngas li yul gzung gis/ nga la nor byin cig dang / de dag gi dmag gi dpung chen
- 265a
po yang der 'ong bar mi nus so zhes smos shig/ gang gi tshe de'i dmag li yul du 'ong ba nA der ma 'ongs shig dang / yul dwe tsi ri ba'i rin ngas sbyin no// ci ste yul bru ba'i phyir 'dri/ yig 'di bzhin du byed par gyur na/ bdag cag gisi li yul thams cad bsdus te 'dum par bya'o zhes byas na brdzi bar mi nus te/ 'di la the tsom mi bya'o// gang gi tshe sangs rgyas bcom ldan 'das kyis lha mo dri ma med pa'i 'od dang / byang chub sems dpa' rdo rje sde la de skad ces bstan nas/ sangs rgyas bcom ldan 'das rnams 'od zer rnams gtong zhing // byang chub sems dpa' rnams gtong ba gang yin pa de dag dang / lha la sogs pa 'khor der 'dus pa gang yin pa de dag gis 'di skad ces gsungs so// bdag cag gis kyang lha mo dri ma med pa'i 'od de la gang gi tshe yul der gnod pa 'byung ba de'i tshe dran par 'gyur ba'i gzungs sngags dang / gzungs sngags gang yid la byas na/ gzungs sngags chen po gzhan rnams rtogs par 'gyur ba de sbyin par bya'o// 'on kyang sangs rgyas yid la byed pa zhes bya ba'i ting nge 'dzin thob par gyur te/ de la gnas pas sangs rgyas kyi zhing thams cad na sangs rgyas bcom ldan 'das rnams bzhugs pa rnams mthong zhing // de dag gis chos bshad pa yang thos par 'gyur la/ lha rnams kyang dam pa sbyin par 'gyur ro// de nas sangs rgyas bcom ldan 'das rnams sngon 'od zer gtong ba gang yin pa de dag thams cad kyis lha mo dri ma med pa'i 'od la legs so zhes bya
- 265b
ba byin te/ 'di skad ces gsungs so// khyod kyis yongs su bskyang ba'i phyir// li yul mnos pa gang yin pa// rgyal mchog gis ni bka' stsal bzhin// shes rab chen pos de bzhin byos// sa steng/ gzhan gyis mi tshugs pa'i// gsang sngags kyang ni sbyin par bya// gang gi tshe na li yul der// gnod 'gyur dus la bab pa na// de tshe nged kyis dgongs par bya// de 'dra'i shes rab dag kyang sbyin// de tshe tshangs pa la sogs lha// sa stengs dbang phyug sum cu gnyis// mgrin gcig 'thun par smras pa ni// klu rnams dang ni gnod sbyin dang // de bzhin 'byung po lha ma yin// mi ma yin dang mi rnam/ kyis// 'tshe bar mi 'gyur gang yin pa'i// gzungs sngags nged kyis sbyin par bya// tad+ya thA/ in+d+ra dang ta tri shu le ha se sarba pA sha ban d+ha ne/ ni tsin ta ne/ dra dra dra dra/ dza dza dza dza/ bud d+hi re/ ni tsin te// ta le hA le/ a shwa s+pha na/ ni ni ni ni/ pu pu pu pu/ in tra yul gi na/ bi sha bi sha bi sha bi sha swA hA/ 'di ni rta gnas zhes bya ba'i gzungs sngags yin te/ gzungs sngags 'dis ni rangs byed kyi srin po rnams thub la/ srid sgrub kyis kyang sgra mi snyan rnams thub par gyur to// de nas tshangs pa la sogs pa lha rnams dang / 'khor de dag thams cad kyis 'di skad ces smras so// rig sngags 'di rgyal mtshan gyi rtse mo la btags sam/ rta'i mgo la btags sam/ rang gi mgul du btags kyang rung ste/ gang dang gang du g.yul 'gyed du 'gro ba de gzhan gyis mi thub par 'gyur zhing / thams
- 266a
cad du rgyal bar 'gyur te/ lhal bya ba bzhin du gtsang mas bcang bar bya'o// li yul gyi bdag po rgyal po des kyang ras la 'dus pa chen po'i ri mo bris te/ rgyal po'i pho brang gtsang mar byas te/ thams cad du gdugs dang / rgyal mtshan dang / ba dan gyis brgyan nas/ bdug pa sna tshogs kyi snod kyis bdug ste/ me tog sna tshogs bkram zhing / me tog gi 'phreng ba sna tshogs kyis mdzes par byas la/ der g.yog gi bya ba byed pa gang yin pa de dag gis kyang ji ltar rgyal po btsun mo 'khor dang bcas pa spang ba bzhin du spang bar bya zhing / gtsang mas gos dang zas skom gtsang mar byas te/ 'dus pa chen po'i ri mo'i gzugs rgyal po'i gdan la bzhugs nas/ de'i mdun du sa gzhi skyang nul gyis legs par byugs pa la dkyil 'khor bya'o// bdag nyid kyang khrus legs par byas/ gos gtsang ma bgos la/ g.yog de rnams kyang de bzhin du byed du gzhug go// gang gi tshe sa gzhi dog par byed pa de'i tshe/ theg mar ba'i rnam lngas rgyal po'i pho brang thams cad chag chag gdab bo/ / yang na spos thams cad kyi chus gdab bo// de nas dkyil 'khor khru bcu drug pa gru bzhi lham par byas la/ der kha zas ro sum brgya dang / 'bru mar dri zhim pos bsgos pa'i mar me su brgya drug cu dang / gdugs stong nyis brgya sum cu dang / bdan stong nyis brgya sum cu dang / bum pa sum cu rtsa gnyis dang / bum pa chen po bzhi dang / rnga bo che bzhi gzhag par bya'o// gzungs swa/
- 266b
'di yang dkyil 'khor de'i dbus su gzhag par bya'o// sil snyan mang po dkrol zhing / rol mo bla mang pos bsgrags par bya'o// de nas sgrub pa pos tshangs pa la sogs pa lha rnams la bstod pa gdon cing / gzungs sngags 'di yang bzlas brjod byas te/ sgrub pa po des sgrub pa'i zla gang lha thams cad kyi bstan pa sna tshogs shes pa gzhag par bya'o// las 'di zhag bdun gyi bar du byas nas mjug btul te/ zhag bdun pa'i nyin par khrus bya'o// las 'di ni ji ltar sngar smos pa de bzhin du tshes lnga la bya'o// sgrub pa po nyid dkyil 'khor gyi drung du 'dug par bya'o// me'i thab khung ni gnyis te/ gcig ni sgrub pa po'i phyir bya'o// gcig ni sgrub pa'i zla'i phyir byas la/ der las kyi sbyin sreg lan brgya rtsa brgyad bya'o// rta gnas kyi gzungs sngags kyang lan brgya rtsa brgyad bzlas brjod bya'o// / rtswa dur ba'i sbyin sreg kyang lan brgya rtsa brgyad bya'o// gur kum gyi chus dkyil 'khor gser gyi kha dog bzhin du gyur kyi bar du chag chag mang du gdab par bya'o// sbyin sreg gi mar ni dri zhim pos bsgos pas sbyin sreg bya'o/ / dkyil 'khor skyang nul gyis mdzes par byugs pa/ gang gi tshe bzlas brjod rtsom pan/ rnga bo che brdung zhing rol mo'i sgra rnams bsgrags te// dkon mchog gsum la mchod dbyas la/ thog ma tshes lnga'i nyi ma nub ka'i dus skabs su las 'di brtsam zhing gsang sngags bzlas brjod bya'o// yang na tshes drug gam bdun la brtsam par bya'o// nang par gyi dus skabs su thog ma me lha
- 267a
spyan drangs la/ ji ltar sngar bstan pa bzhin du/ rtswa dur ba'i sbyin sreg bya'o// re'i kha zas de dag kyang byis byung la gsar pa gzhan bzhag par bya ste/ zhag gsum mam/ zhag bdun gyi bar du sbyin sreg zin pa'i rjes la/ ro'i kha zas gsar pa rnams bzhag par bya'o// dkyil 'khor de'i dbus su sangs rgyas kyi sku gzugs dang / dam pa'i chos dang / sku gdung yang gan par bya'o/ / dkyil 'khor der gdugs bcu dang / rgyal mtshan bcu dang / ba dan bcu dang / rnga bo che bcu dang / dril bu bcu dang / me tog gi 'phreng ba sum brgya drug cu dang / mar me sum brgya drug cu rnams gzhag par bya'o/ / las de ltar byas pa'i rjes la/ dkyil 'khor de nyid du ches brgyad las brtsams te/ tshes bco lnga'i bar du 'phags pa spyan ras gzigs dbang phyug gi cho ga rgyas par brtsaman bzlas brjod bya'o/ / gang gi tshe rta gnas kyi gzungs sngags kyi las de dag gis las chen po rtsom mam/ yang na g.yul chen po'i nang du 'gro bar 'dod dam/ yang na rgyal po chen po'i dbang phyug gi bdag po thob par 'dod na/ rta gnas kyi gzungs sngags 'di ji ltar 'di las cho ga rgyas pa sngar smos pa de bzhin du bzlas brjod byas nas/ de'i tshe lha rnams dam pa dang / dbang bskur ba sbyin par byed do// gang gi tshe 'phags pa spyan ras gzigs dbang phyug gi cho ga rgyas pa bzlas brjod bya bar rtsom pa na/ dkyil 'khor de nyid du snga ma'i lugs bzhin du byas na/ de'i tshe sangs rgyas bcom ldan 'das sngon 'od zer gtong zhing
- 267b
gzungs sngags bskur ba gang yin pa de dag gi thugs las skyes pa'i sku/ byang chub sems dpa' 'phags pa spyan ras gzigs dbang phyug dang / lha mang po dag thabs cig tu der gshegs nas/ dam ba yang stsol bar mdzad de/ las 'di ni ji ltar 'dod pa de bzhin du 'grub pa yin no// gzungs sngags 'di'i las 'di dag cho ga rgyas pa 'di'i las rnams ni/ gang gi tshe las chen po rtsom mam/ yang na da/ mthong nas g.yul du 'gro ba de'i tshe bzlas brjod byas te/ ya la de la bzlas brjod byas na/ bdag nyid bsrungs par 'gyur ro// dgra sta la bzlas brjod byas sam/ gzhu la bzlas brjod byas sam/ mda' la bzlas brjod bya ste/ dkyil 'khor der gur kum la lan brgya rtsa brgyad bzlas brjod byas nas/ dmag mi thams cad dang / rta thams cad kyi dpral bar thig le byas la/ grong khyer gyi sgo rnams sam/ rgyal po'i pho brang ngam/ rgyal po'i khab kyi sgo rnams su gur kum des bskus na thams cad du rgyas par 'gyur te/ 'jigs pa thams cad las yongs su thar bar 'gyur ro// de nas yang lha rnams kyis gzungs sngags gzhan byin te/ na mo brah+ma Ne/ na maHsarba de ba nAn/ tad+ya thA/ brah+ma na An dre de bA nAn+da/ pra tiSh+Thi te/ a shwas+thA nA/ ba ra in dre swa ba ri pa ri/ ha ra shrIm in dre/ san tasma ra ba ra ha ra/ Am b+ha ku b+ha ka kr-i gr-i shrI a lang kA ra/ sarba de ba grA ma swA hA/ 'di ni tshol ba'i gzungs sngags yin ta/ ji ltar 'dod pa bzhin du dkyil 'khor der bzlas brjod bya'o// gur kum la lan bdun bzlas
- 268a
brjod byas na/ rta gnas kyi gzungs sngags kyi skabs su sngar bshad pa'i las de dag thams cad kyang byed par 'gyur te/ lan bdun bzlas brjod byed pa'i mchod pa'i cho ga ni sngar bshad pa yin no/ / gang gi tshe dmag gi nang du 'gro ba na/ de'i tshe gsang sngags 'di dang / rta gnas kyi gsang sngags lan bdun bdun bzlas brjod byas na/ sngar bshad pa'i 'od zer dang / gzungs sngags rnams dang bcas par dmag dpon gyi rgyal mtshan gyi rtse mo la gdags shing lus la yang bcang bar bya'o/ / gang gi tshe rta gnas kyi rig sngags kyi bzlas brjod rtsom pa de'i tshe/ zhag bdun gyi bar du lha'i gnas su 'gro ba bzhin du gtsang sbra byas te/ spang ba rnams 'di ltar bya'o// tshes bcu gsum la rtsom na ni kun spang bar bya'o// tshes bzhi la rtsom na ni sha bza' bar mi bya'o// tshes bco lnga la rtsom na ni 'bras chen 'o ma dang sbyar ba 'am/ 'bras kyi 'o thug gam/ 'bras chan dang / mar bza' bar byas te chu btung bar mi bya'o// de nas yang sangs rgyas bcom ldan 'das kyis gzungs sngags 'di byin no/ / na maHshrI su brjod ta ma pra b+hA sa s+ya ta thag s+ya tad+ya thA/ bud d+had+harme/ A sang g+ha pra ti/ bA se/ bo d+hi bo d+hi/ dra be shrI sa re sa re/ bi sarbe duHkha shrI a lang kA ra sarba dur pra b+ha se ba ra pra tiSh+Thi te sAt+ma/ gzungs sngags gang du rta gnas kyi rig sngags bzlas brjod byed pa der brjod par bya ste/ dngos grub gang 'dod pa dang / las gzhan gang byed kyang rung / yang na gter 'dod na yang gzungs sngag
- 268b
'dis lan sum cu rtsa gsum bzlas brjod bya'o/ / de nas 'jig rten skyong ba bzhi la sogs pargyal chen bzhi'i ris kyi lha thams cad kyis thal mo sbyar te/ 'di skad ces gsol to// gnod sbyin nam 'byung po ji snyed mchis pa de dag bzlog pa'i slad du bdag cag gis gzungs sngags 'di bshad par 'tshal te/ 'byung po dang / rims dang / nad thams cad zhi bar bgyi ba dang / gzhan yang skyes pa'am/ byis rnams kyi nad gang ci yang rung ba dag la lan gsum bsrung bar bgyi'o// yang na mdud pa gsum bgyis te btags na/ 'byung pos btang ba'i nad rnams zhi bar 'gyur ro// gang gi bu btsas nas mi 'tsho ba des ni bdag nyid kyis bsgrub par bya ste/ bu rnams kyang bsrung bar bya'o// de nas rgyal po chen po bzhis/ bcom ldan 'das la 'di skad ces gsol to// bcom ldan 'das kyis kyang grub pa stsol bar gsol/ de'i tshe sangs rgyas bcom ldan 'das rdo rje rgyal mtshan gyis gzungs sngags 'di gsungs so// tad+ya tha/ bang ku dre/ bidz+ra la phuHswA hA/ gzungs sngags 'di rtsam ldan 'das shAkya thub pa dang / rdo rje rgyal mtshan gyis rgyal chen bzhi'i ris kyi lha rnams dang / byang chub sems dpa' spyan ras gzigs dbang phyug 'grub par bya ba'i phyir gsungs te/ gang gi sna nas khrag 'byung ba dang / gang gi lus las rma 'byung ba dang // yang na gzhi gzhan las gyur te/ bud med rnams kyi lus las khrag 'dzag cing 'byung ba la skud pa mar po la bsngags la spyi bor btags par byas te//
- 269a
rma la ni thug par yang bya'o// ci ste rims sam/ 'byung pos btang ba'i nad dam/ spang bar gyur na// de la skud pa la bsngags nas mdud pa bcu byas te mgul du btags so// gang la 'khru'am/ mkhris pa las gyur pa'i 'khru ba yod pa de la ni/ skud pa ser po la mdud pa bcu byas te rked par gdags so// de'i tshe byang chub sems dpa' spyan ras gzigs dbang phyug gis gzung / sngags 'ad bshad do// na mo rat+na tra yA ya/ na maHAr+yA ba lo kI ti shwa rA ya/ bo d+hi satwa ya/ ma hA satwA ya/ tad+ya tha/ sa re sa re/ bi sa re sarba bi sha na sha ni yai swA hA/ 'byung pos btang ba'i nad tham cad dang / rims nad thams cad rab tu zhi bar byed de/ gang gi tshe nad pa shi la thug par gyur te/ mdangs 'phrog pas srog gi phyed phrogs pa de la/ gzungs sngags 'di brjod par bya'o// tad+ya thA/ bo d+hi bo d+hi/ na maHAr+ya ba lo ki te shwa ra/ rash+mi pra b+hA se b+hU ta dza ma b+he/ phu phu phu phu/ ka ru le phuHswA hA/ gzungs sngags 'di rims nad thams cad dang / 'byung po'i gdon thams cad zhi bar bya ba la/ lan gsum brjod la/ skud pa la mdud pa gsum bor te gdags so// bzlas brjod ni zan zos pa'i 'og tu bya'o// gzungs 'di ni sangs rgyas thams cad dang / spyan ras gzigs dbang phyug gis gsungs so/ / na mo a sti ka ra dza ra ka ri bud+d+ha s+ya ta thA ga ta s+ya d+yaH/ ang ga re/ mang ga re/ pu tsag re/ bu phad dz+ra/ phu bud+d+ha ra dze gu h+ya ra te phu dri ba re puHswA hA/ dug gi gsang sngags yin te/ gang gis dug
- 269b
'thungs sam/ phol mig byung ngam/ rma red pa la kha zas sam/ yang na chu'am/ sman nam/ sa la lan bdun bzlas brjod byas na/ thams cad zhi bar 'gyur ro// de'i tshe rgyal chen bzhi'i ris kyi rnams kyis gzungs sngags bshad de/ sngar gang gi yon tan gsungs pa de dag gi mtshan mas bcad pa'i gzungs sngags bdag cag gis stsal bar bgyi'o// tad+ya thA/ shan ta mu khe bi mu khe bi ma le/ bi mu khe/ dr-i rna mu khe swA hA/ gzungs sngags 'di ni 'byung po'i rims thams cad dang / nad bzhi'i rims rnams dang / nad 'gro bzhi par bgyid pa ste/ gzungs sngags 'di ni 'byung po rnam kyis 'gal bar bgyir mi rung ba lags so/ / gang gi tshe rta gnas kyi rig sngags bzlas brjod bgyid pa na// thog mar gsang sngags 'di dag gis skud pa gdags par bgyi'o// dkyil 'khor gyi nang du mchi ba'i tshe yang der mtshams 'dzin pa 'di dag gzhag par bgyi ste/ gzungs sngags re re yang lan gsum gsum brjod la/ mdud pa gsum bor te/ sangs rgyas kyi spyan sngar bdug pa thams cad kyis bdug par bya'o/ / dkyil 'khor gyi mdun der byang chub sems dpa' spunu ras gzigs dbang phyug gi ri mo'i gzugs bris pa bzhag la/ du ru ka 'am/ a ka ru nag po'i bdug pa bsreg par bgyi'o/ / lha rnams la ni sra rtsi pog dang / gu gul gyi bdug pa bsreg par bya ste/ de'i tshe 'di skad du smon lam gdab par bgyi'o// ji ltar bdag sangs rgyas bcom ldan 'das rnams kyis/
- 270a
li yul gyi yul 'khor kun tu bsrung ba'i phyir las su bka' stsal ba dang / ji ltar lha rnams kyis bdag gi grogs bgyi'o zhes dam bcas pa de/ sangs rgyas rnams kyis bka' stsa pa dag/ lha rnams kyis dam bcas pa bzhin du/ bdag gi las 'di de bzhin du nges par 'grub cing mthar phyin par gyur ces bgyi'o// de'i tshe sangs rgyas bcom ldan 'das thams cad dang / byang chub sems dpa' lag na rdo rjes de bzhin gshegs pa rnams kyi mtshan 'di bshad do/ / de bzhin gshegs pa gser mchog la phyag 'tshal lo// de bzhin gshegs pa kun tu gzigs pa la phyag 'tshal lo/ / de bzhin gshegs pa dri ma med par snang ba la phyag 'tshal lo// de bzhin gshegs pa dgongs pa thams cad yongs su rdzogs pa la phyag 'tshal lo// de bzhin gshegs pa rab tu 'jigs shing bag tsha dang bral ba drang srong chen por grags pa la phyag 'tshal lo/ / tad+ya thA/ ka ra bA ra/ I ri bi ri/ sa su ra ma ma ra/ ba pa ra/ bud+d+ha a d+hIR+ShI te/ d+harma a d+hiSh+NI te/ sang g+ha a d+hiSh+NIta/ brah+ma a d+hiSh+Thi te/ shakya a d+hiSh+Thi te/ badz+ra pA Ni gu h+ya ka a d+hiSh+NI te/ big+h+nA sab+h+r-in+na te/ sarba de be a d+hiSh+Thi te swA hA/ gzungs sngags 'di ni lag na rdo rje'i gsang ba'i ye shes chen po'i mdo las gsungs te/ nad thams cad dang / 'jigs pa thams cad rab tu zhi bar byed pa yin no// de bzhin gshegs pa gnod pa thams cad gcod pa la phyag 'tshal lo// de bzhin gshegs pa shAkya thub pa la phyag 'tshal
- 270b
lo/ / tad+ya thA/ badz+ra ka ra/ dar ma ra/ sar pa tar+ya/ a Sha Sha/ bi bi su kha kar swA hA/ gzungs sngags 'di ni dbang bskur ba'i phyir sangs rgyas bcom ldan 'das rnams kyis gsungs so// s+yAd ya thed na/ de ba tsa ra pa de mA ra/ maN Da la sa ma si de ba nAn/ bud+d+ha de banAn/ puN+ye ka ra/ sarba paR+Sha kar+ya pradz+nyA dzA nA/ A hA ra mi ka ra sid+d+ha na sA hA/ dbang bskur ba'i phyir 'khor thams cad/ kyis smras so// tad+ya thA/ tshad tsa ra tsa ra tsa ra/ ka ra hu rak+Sha ho ra/ da da dang / ka ra k+Sha swA hA/ 'di ltar bdud kyi dpung gis sangs rgyas bcom ldan 'das rdo rje gdan las spyod ma nus pa de bzhin du/ gsang sngags 'dis gzhon nu rdo rje sde nyid kyis dam bcas pa las sus kyang skyod pa'am/ bzlog par mi nus so// de nas 'khor de'i nang nas dmod pas phog pa lha mo dang / bud med 'khor ba gang yin pa de dag thams cad kyis/ lha mo dri ma med pa'i 'od la 'di skad ces smras so// khyed kyis bud med du skye ba las thar par 'gyur ba'i gzungs sngags bcom ldan 'das las nos la bdag cag la byin cig dang / bdag cag gis khyod las gzungs sngags gzung bar bya'o// de nas de'i tshe lha mo dri ma med pa'i 'od kyis/ sangs rgyas bcom ldan 'das la gzungs sngags gsol nas byin no// tad+ya thA/ dza lo ka man ta pa/ sarba b+hu ya sra ka ra swA hA/ gzungs sngags 'di sus brjod pa ni bud med du skye ba las thar par 'gyur ro// tad+ya thA/ sarba bud+d+hA nAn/ sa de ga ma ra/ ga Na pA sha ra ra swA hA/
- 271a
sangs rgyas thams cad dang / lha thams cad kyis gzungs sngags 'di bshad de/ 'dis ni bar chad byed par mi nus so// de'i tshe lha mo dri ma med pa'i 'od kyis/ sangs rgyas bcom ldan 'das rnams dang / lha rnams la 'di skad ces gsol to// gzungs sngags gang gis shes rab 'thob par 'gyur ba dang / gang gis sangs rgyas bcom ldan 'das rnams kyis bka' stsal pa bzhin du sug las de dag bgyid nus par 'gyur ba dang / bdag cag la bar chad bgyid mi nus pa dang / bdag gi bar chad bgyi bar smon lam 'debs pa de dag gis kyang bdag la gtse bar mi nus pa dang / bdag gis rims kyis sangs rgyas kyi 'phrin las bgyid par 'gyur ba// sems can thams cad kyi chos dang ldan pa'i bsam pa yongs su rdzogs par bgyid par 'gyur ba'i gzungs sngags de bdag la stsal du gsol/ de'i tshe sangs rgyas bcom ldan 'das rnams dang / lha rnams kyis 'di skad ces gsungs so// sus kyang sems 'khrugs par byed mi nus par nged kyis grogs bya'o// de bzhin gshegs pa chos mngon pa'i dbang phyug la phyag 'tshal lo/ / chos la phyag 'tshal lo// dge 'dun la phyag 'tshal lo// de bzhin gshegs pa shAkya thub pa la phyag 'tshal lo// tad+ya thA/ a b+hi Shi ka/ d+hi da b+hi/ a ra b+har+ya dza ba ra/ ku ma sa sarba a ba prI ya swA hA/ gzungs sngags 'di sangs rgyas thams cad kyis dri ma med pa'i 'od kyi phyir gsungs so// tad+ya thA/ brah+ma shakra tsa sa ba hi/ be ra ma
- 271b
kag ma na kun sa man dza nu dA ru/ par mdzin dz+wa ra dza dza ni/ dzi na pi ban ka ra/ kad+hA da ra swA hA/ gzungs sngags 'di sangs rgyas bcom ldan 'das kyis/ dri ma med pa'i 'od la snang ba rnams kyis nas kyang sdig pa'i las byed mi nus par bya ba'i phyir gsungs te/ skud pa la mdud pa bdun bor la/ mgul du btags na bar chad byed pa'am/ pham par byed mi nus so// tad+ya thA/ ha te bi ha te/ ya kun Na ma swA hA/ 'gags spyan ras gzigs dbang phyug lha mo dri ma med pa'i 'od sdig bsal ba'i phyir bshad de/ bsrung ba'i phyir skud pa la mdud pa bdun bor nas mgul du btags te/ zan zos pa'i 'og tu brjod par bya'o/ / de che lha mo dri ma med pa 'od kyis 'di skad ces gsol to// gzungs gang gis mig nad zhi bar 'gyur ba de yang bdag la stsal du gsol// de bzhin gshegs pa mig rnam par spyod ba la phyag 'tshal lo/ / de bzhin gshegs pa mig gi rab rib kyi mun pa zhi bar mdzad pa la phyag 'tshal lo// de bzhin gshegs pa chos kyi spyan la gnas pa la phyag 'tshal lo// tad+ya thA/ ta ta tsak+Shu ra ma lA bA/ mi b+ha sa ra/ ma ma tsak+Shur+thashro tra/ pra b+ha sa kar swA hA/ gzungs sngags 'di sangs rgyas bcom ldan 'das rnams kyi spyan sngar lan brgya rtsa brgyad bzlas brjod byas nas/ nyin gcig bzhin du chul lan bdun bzlas brjod byas te mig la phyi bar bya'o/ / mig sman la lan lnga bzlas brjod byas te byug par bya'o// na mo badz+ra d+h+wa dza s+ya ta thA ga ta s+ya/ tad+ya thA/ in Ti ni bi Ti ni/ na sha re A ga re/
- 272a
ba kha re pu ka la khA re phuHswA hA/ gzungs sngags 'di ni 'jigs pa thams cad bsal ba dang / grong khyer bsrung ba'i phyir bya ba yin no// sangs rgyas bcom ldan 'das kyis lha mo drim med pa'i 'od dang / byang chub sems dpa' rdo rje sdel de skad ces bka' stsal nas/ de'i tshe rgyal po ma skyes dgra'i bu gzhon nu rdo rje sde gang gi tshe btsas pa de'i tshe/ bdag gi bus phyis rgyal srid kyi dbang phyug ci nas kyang thob par bya ba'i phyir/ de'i nu bo rgyal po'i bu gzhon nu rgyal po ma skyes dgra'i nu bo'i mthe bo phu bos gcod du bcug pa'i rgyal po'i bu gzhon nu 'khor de'i nang na 'dug pa des smon lam 'di skad ces btab bo/ / gang gi tshe gzhon nu rdo rje sde skar rdo'i rgyal srid 'dzin par 'gyur ba de'i chu/ bdag li yul gyi rgyal por gyur te/ yul gnyis ka gzung ba'i phyir bdag de'i grogs su gyur la/ de phyin chad gcig la gcig dgra byed pa med par gyur cig ces byas so// de'i tshe bram ze ko'u di n+ya'i slob ma bram ze'i bu zhig yod pa las/ des bram ze sangs rgyas lam dad pa gzhan zhig gi slob mar byin nas/ bram ze de yang rab tu byung ba ma yin te/ 'khor de'i nang na 'dug pa des/ sangs rgyas bcom ldan 'das dpa' bar 'gro ba'i ting nge 'dzin la snyoms par zhugs pa mthong ngo / / de nas smon lam btab pas/ bdag dpa' bar 'gro ba'i ting nge 'dzin nges pa kho nar bslabs te/ rtog par byas la/ lha mo dri ma med pa'i 'od de la/ rta gnas kyi gzungs sngags de
- 272b
grub par bya ba'i phyir/ gzungs sngags sbyin par gyur cig ces byas so// gang gis sangs rgyas bcom ldan 'das rnams bdud kyi dpung las rgyal bar 'gyur ba'i gzungs sngags 'dis gzhon nu rdo rje sde rgyal srid kyi bya ba chos bzhin du yongs su rdzogs par byed par gyur ro/ / de bzhin gshegs pa shAkya thub pa la phyag 'tshal lo// de bzhin gshegs pa rigs mchog kun tu dpa la phyag 'tshal lo/ / tad+ya thA/ sarba kar Ne/ sarba ma ra ha ra Ne/ dza li dzi tsa li/ ma ra ba ra sa ra sa ra ba ra swAhA/ bdud kyis mi thub pa'i gzungs sngags 'di zan zos pa'i 'og tu lan bdun brjod pabar bya ste/ ji ltar sangs rgyas bcom ldan 'das rnams kyis bdud bcom pa de bzhin du/ gzhon nu rdo rje sde rgyal bar 'gyur zhing mtshams kyang gcod par 'gyur ro// rta gnas kyi rig sngags ji lta ba de bzhin du las thams cad byed par 'gyur ro/ / gur kum la bsngags te thig le byas sam/ skud pa la mdud pa bdun bor te/ dkyil 'khor gyi steng du bzhag la/ nam dmag gi nang du 'gro ba'i tshe lus la btags te bcangs na/ rgyal po thob par 'gyur te/ gzungs sngags snga ma rnams ji lta ba de bzhin du bzlas brjod bya'o// gang gi tshe sangs rgyas bcom ldan 'das rnams kyis rta gnas zhes bya ba rig sngags gsung ba de'i tshe/ bcom ldan 'das kyis/ lha rnams dang / 'khor de dag thams cad la bka' stsal pa/ lha dang / klu dang / gnod sbyin dang / dri za dang / lha ma yin dang / nam mkha' lding
- 273a
dang / mi 'am ci dang // lto 'phye chen po dang / mi dang / mi ma yin pa 'dir 'dus pa gang yin pa khyed kyis ji ltar lha mo dri ma med pa'i 'od dang / gzhon nu rdo rje sde la rtag na/ zhes bya ba'i gzungs sngags byin pa bzhin du/ ngas kyang khyed la gzungs sngags byin par bya ste/ gang gis dgra thams cad dang bar 'gyur ba dang / gang gis bdag nyid shin tu byin dang ldan zhing / gzi brjid dang rab tu ldan par 'gyur ba dang / gzhal med khang dang / khyim gyi nang na gnas pa gang yin pa dag la bde legs su 'gyur ba dang / 'thab pa dang g.yul 'gyed pa gang yin pa rnams med par 'gyur ba'i gzungs sngags 'di lha mo dri ma med pa'i 'od dang / / gzhon nu rdo rje sde dang / li yul gyi don gyi phyir 'khor bzhi po khyed rnams la sbyin par bya ste/ ci nas kyang gzungs sngags 'dis khyed byin dang ldan pa dang / gzi brjid dang ldan par 'gyur ba dang / de bzhin du gzhon nu rdo rje sde gnod pa thams cad las thar par bya'o// de nas de'i tshe sa'i dbang phyug sum cu rtsa gnyis po de dag dang 'jig rten skyong ba bzhi dang / gnod sbyin gyi dbang po kun tu rgyal dang / klu'i rgyal po ma dros pa dang / 'phrog ma bu dang 'khor du bcas pa dang / li yul gyi srungs ma gang yin pa de dag thams cad stan las lang sa ste/ bcom ldan 'dra la 'di skad ces gsol to// bcom ldan 'das bdag cag gis li yul sug par blang bar 'tshal te/ gang gi tshe dri ma med pa'i 'od dang / rdo rje sde der skye ba
- 273b
len par 'gyur ba dang / gang gis tshe sangs rgyas bcom ldan 'das rnams kyis/ de gnyis kyi steng du 'od zer gtong zhing dam pa stsol bar mdzad na/ der bdag cag mchi zhing dam pa yang stsal bar 'tshal na/ bcom ldan 'das bdag cag la gzungs sngags bshad du gsol/ bdag cag gis gzung bar 'tshal lo// de'i tshe sangs rgyal bcom ldan 'das shAkya thub pa dang / sangs rgyas bcom ldan 'das 'od zer gtong ba gang yin pa de dag dang / de bzhin gshegs pa tshig gi brjod pa gtong ba gang yin pa de dag gis gzungs sngags 'di gsungs so// de bzhin gshegs pa spang ba'i rgyal srid la gnas pa la phyag 'tshal lo/ / de bzhin gshegs pa shin tu 'phags pa sangs rgyas kyi rgyal srid la gnas pa la phyags 'tshal lo// de bzhin gshegs pa seng ge'i chos kyi rgyal srid la gnas pa la phyag 'tshal lo/ / de bzhin gshegs pa byang chub kyi yan lag gi me tog mnyam pa nyid kyi rgyal srid la gnas pa la phyag 'tshal lo// de bzhin gshegs rnam par snang byed rgyal po la phyag 'tshal lo/ / de bzhin gshegs pa rnam par snang byed snying rje'i rgyal po la phyag 'tshal lo// de bzhin gshegs pa rnam par snang byed 'od kyi rgyal po la phyag 'tshal lo// de bzhin gshegs pa rnam par snang byed yod tan bsngags pa dpal gyis brgyan pa'i 'od kyi rgyal po la phyag 'tshal lo/ / tad+ya thA/ ba ra in+ne/ pa ra a pa ra/ in+ne/ ra NA ma b+he/ A kA sha ka ba ke/ in+ne/ ta ska ba ka ra Ta/ ba ba ru
- 274a
ka pra b+ha/ Sha ba su ra/ pra ti/ tiSh+Thi tha tan tu ru in+d+ra swA hA/ gzungs sngags 'di ni rnam par snang byed ces bya ste/ gzungs sngags 'dis mi dang mi ma yin pa thams cad kyi snying du sdug par 'gyur te/ gzi brjid dang ldan par 'gyur ro// sems can rnams kyis ngag mnyan par 'gyur zhing / bsgo ba mi gcog par 'gyur ro// mar yang 'dis btso bar bya ste/ sra rtsi pog dang / tsan dan sna gsum dang / dz+ham kyi dang / pha bong gi dreg pa dang // 'bug sug hang dang / gar ko ti dang / shug pa dang / sug smel dang / pi pi ling dang / rma shing dang / a ba yag dang / pu shel tsi dang / sna ma dkar po'o me tog rnams las sman gzhan rnams bsdoms pa'i tshad ji tsam yod pa sna ma dkar po'i me tog kyang de tsam du byas te/ de rnams mar drang chu'i nang du bcos la/ gzungs sngags 'di dang / dkyil 'khor 'dir sngar bshad pa'i rta gnas kyi rig sngags kyis gdab par bya'o// de ltar byas na legs par bsgrubs pa yin te/ gang gi tshe de tshes par gyur pa na/ lan sum cu rtsa gsum bzlas brjod byas te 'thungs na/ nad kyi 'jigs pa thams cad las thar bar 'gyur te/ de'i tshe lha rnams la bstod pa brjod par bya'o// rnam par snang byed ces bya ba'i mar 'di dang / rnam par snang byed ces bya ba'i gzungs sngags 'di lha dang mi rnams dga' bar byed pa yin no/ / gang gi tshe gzungs sngags 'di brjod pa de'i tshe lha rnams kyi dga' ba'i skyed mos tshal shin tu mdzes par 'gyur te/ sems dang zhing
- 274b
/ dga' bar gyur nas/ de'i tshe lha de dag gis sangs rgyas kyi bka' dran par 'gyur te/ lha mo dri ma med pa'i 'od gang na 'dug pa der lhags nas de dag gis 'di skad du/ gang gi tshe khyod kyis rnam par snang byed kyi gzungs sngags brjod pa de'i tshe/ kho bo cag gi dga' ba'i skyed mo'i tshal shin tu mdzes par 'gyur te/ shin tu lhag par brtsegs kyis/ gang bdag cag gis gzhon nu rdo rje sde'i phyir sngon bcom ldan 'das la gsol ba bzhin du/ khyod ci 'dod pa'i dam pa thams cad khyod la sbyin no zhes zer ro// gang gi tshe gzhon nu rdo rje sde dang / lha mo dri ma med pa'i 'od kyis/ bcom ldan 'das dang lha rnam kyi tshig de dag thos pa de'i tshe/ pus mo'i lhang sa la btsugs te thal mo sbyar nas 'di skad ces gsol to// bcom ldan 'das kyis bdag cag la gang sprul pa'i sug las 'di shin tu che ba lags te/ ci nas bcom ldan 'das dang / lha rnams kyis grogs mdzad na/ li yul gyi yul 'khor bdag cag gis sug par blang bar 'tshal lo// de'i tshe dri ma med pa'i 'od kyis smras pa/ gang gi tshe yul de bsrung ba'i dus la bab pa de'i tshe/ sangs rgyas bcom ldan 'das nyid kyis bdag gi steng du 'od zer gtong bar gyur cig/ ci nas kyang gang gis gzungs rtogs par gyur pa'i bzod pa de yang thob par gyur cig/ de nas de'i tshe sangs rgyas bcom ldan 'das shAkya thub pa dang / sangs rgyas bcom ldan 'das sngon 'od zer gtong ba gang yin pa dang / 'od zer dag las tshig rnams gsung
- 275a
pa gang yin pa de dag gis 'di skad ces bka' stsal to/ / dri ma med pa'i 'od legs so legs so// gang gi dus la baban/ de'i tshe khyod 'di lta bur mya ngan byed cing skyo bar gyu pa yod de/ gang gi tshe sngon gyi dge byed dang / sdig byed kyi grogs po gang yin pa de dag g.yul 'gyed par cha ba de'i tshe/ khyod kyi ming po gzhon nu rdo rje sde 'byung bar 'gyur la/ g.yul de'i nang du gtog par 'gyur te/ de'i tshe khyod mya ngan byed cing skyo bar gyur pa des na/ 'di snyam du bdag ni shi yang bla'o snyam du sems par 'gyur te/ de'i tshe khyod gnas gcig tu 'dug nas/ de bzhin gshegs pa'o dpag med kyi gzungs sngags bdud rtsi rnga dbyangs zhes bya ba brjod cing / der bcom ldan 'das la gsol ba 'debs te/ 'di skad du yid la bsams pa sna gsum las/ gcig ma grub kyi bar du bdag mya ngan gyi khang bu nas mi 'byung ste/ yang na ni ming po dang phrad par gyur cig/ yang na ni bdag 'chi bar gyur cig/ yang na ni 'khor ba las mthar byed par gyur cig ces zer bar 'gyur ro// de'i tshe sangs rgyas bcom ldan 'das rnams kyis 'di skad ces bka' stsal to/ / khyod kyis mya ngan gyi khang bu der gang gi gzungs sngags rtogs par 'gyur ba'i bzod pa thob par 'gyur te/ de'i tshe sangs rgyas bcom ldan 'das de dag gis khyod kyi steng du 'od zer gtong bar 'gyur te/ lha'i rol mo'i sgra yang thob par 'gyur ro// lha'i 'khor gyi sgra yang thos par 'gyur ro// lha'i rnga sgra yang thos par 'gyur te/
- 275b
de'i tshe sangs rgyas bcom ldan 'das rnams dang / lha rnams kyis legs so zhes bya ba byin par 'gyur ro// byir mi ldog pa'i 'khor lo'i gzungs sngags kyang rtogs par 'gyur te/ de nas gang gis khyod sems can rnams la phan 'dogs par 'gyur ba'i gzungs de dag kyang thob par 'gyur ro/ / // dri ma med pa'i 'od kyis zhus pa bam po gsum pa/ sangs rgyas bcom ldan 'das kyis/ byang chub sems dpa' 'phags pa spyan ras gzigs dbang phyug la bka' stsal pa/ sdug pa'i nu bo dus 'di dran par gyis shig/ gang gi tshe sangs rgyas bcom ldan 'das rin chen snying po grong khyer gyi nang du gshegs/ de'i tshe/ 'u bu cag gnyis kyis lung bstan pa thob nas de na 'dus te/ khyod kyis smon lam chen po btab pa/ bdag sems can 'jigs shing skrag pab ji snyed yod pa de dag thams cad thar par gyur ces byas kyis/ khyod kyis nga'i li yul dang / lha mo dri ma med pa'i 'od dang / gzhon nu rdo rje sde lag tu btang// de nas de'i tshe bcom ldan 'das kyis/ byang chub sems dpa' kun tu bzang po dang / 'jam pa la gzhon nu dang / nam mkha'i snying po dang / mthu chen thob dang / sman gyi rgyal po dang / rab tu sbyin pa la dpa' ba dang / sa'i snying po dang byang chub sems dpa' spyan ras gzigs dbang phyug la bka' stsal pa/ sngon mdza' bo dang / spun du gyur pa gang yin pa dang / bdag cag grogs bor gyur pa dbang phyug gi lha dang / ljon shing gi
- 276a
dbang phyug rgyal po dang / snying rje tha skar dbang phyug dang / gcod pa'i dbang phyug dang / dri'i dbang phyug dang / tshegs kyis dbang phyug dang / 'jig rten dbang phyug dang / 'od kyi dpa phyug dang / skye ba'i dbang phyug dang / thams cad kyi lha dang / 'di dag ni byang chub sems dpa' 'phags pa spyan ras gzigs dbang phyug gi grogs yin te/ byang chub sems dpa' de dag thams cad kyi lag tu sangs rgyas bcom ldan 'das kyis/ li yul bsrung ba gzhon nu rdo rje sde dang / lha mo dri ma med pa'i 'od gtad do// de nas byang chub sems dpa' 'jal dpal gyis 'di skad ces gsol to// bdag ni sangs rgyas bcom ldan 'das sngon byung ba gang lags pa rnams dang / phyis 'byung ba rnams de dag gis sangs rgyas kyi byang chub thob par bgyi ba'i slad du grogs su gyur pa lags te/ chos kyang mnyan/ bdag gis kyang li yul yongs su bsrung ba'i slad du nod par 'tshal te/ der skye ba blangs nas ring bsrel bgo bar bgyi'o// lha mo 'di la yang gzungs sngags gang gi tshe rabs dran par 'gyur ba dang / sangs rgyas bcom ldan 'das las chos ci thob pa de dag thams cad dran par 'gyur ba'i gzungs sngags stsal bar bgyi'o// de bzhin gshegs pa snang ba la phyag 'tshal lo// byang chub sems dpa' glang po che byed par phyag 'tshal lo/ / byang chub sems dpa' 'jam dpal gzhon nu la phyag 'tshal lo// tad+ya thA/ bA sU d+ha re b+ha shad dze/ bA dza rA sh+mi swA hA/ 'di nyin lan gsum mtshan lan gsum
- 276b
bzlas brjod byas na/ tshe rabs dran par 'gyur te/ sngon chos ci thob pa de dag thams cad dran par 'gyur ro// de nas yang byang chub sems dpa' 'jam dpal gyis gzungs sngags 'di bshad do// tad+ya thA/ prad t+yu na ru Ni/ prad t+yA pa rA/ kA ra/ na ri/ k+Sha Ni swA hA/ gang gi tshe rnal 'byor spyod pa la phyogs gcig tu 'dug pa de'i tshe bzlas brjod byas nas/ rnam par rtog pa rnams kyang byang bar 'gyur la/ dge ba'i phyogs rnams 'phel bar 'gyur ro// gang gi tshe rta gnas kyi rig sngags kyis las byed pa de'i tshe/ yang lan gsum bzlas brjod bya'o// de'i tshe byang chub sems dpa' kun tu bza' ris 'di skad ces gsol to/ / gang gi tshe lha mo 'dis thog mar gzungs rtogs par 'gyur ba de'i tshe bdag gis grogs bgyis te/ ci nas yang dag pa ji lta ba bzhin du brtags pa dang / gang gis sam can thams cad kyi las bgyis pa/ dam pa'i chos pad+ma dkar po'i chos kyi rnam grangs la glong 'khyil pa zhes bya ba'i gzungs sngags thos nas rtogs par 'gyur ba dang / gang gi tshe gzungs sngags rtogs nas sems can thams cad la sbyin par bya ba dang / ci nas gzhon nu rdo rje sde la sangs rgyas kyi bka' dran par bgyid pa dang // gzungs sngags 'di dag gis chos dran par bya ste/ sangs rgyas bcom ldan 'das rnams kyis da ltar ci gsungs pa'i sangs rgyas kyi gsung de dag thams cad dran par 'gyur ba dang / der 'dod chags zad par 'gyur bar bgyis so// de nas de'i tshe sangs rgyas
- 277a
bcom ldan 'das kyis/ byang chub sems dpa' spyan ras gzigs dbang phyug la bos te 'di skad ces bka' stsal to// sdug pa'i ru bos dus 'di dran par gyis shig/ dang gi tshe sangs rgyas bcom ldan 'das rin chen snying po grong khyer du gshegs pa de'i tshe/ grong khyer gyi sgo drung na bud med long ma// 'theng mo mdzend kyis shin tu gzir ba zhig 'dug ste/ de nas bud med long ma long dmigs byed pa zhig kyang 'dug ste/ gang gi tshe bcom ldan 'das rin chen snying po grong khyer du gshegs par chas pa de'i tshe/ sems can rnams bcom ldan 'das la mchod pa bya ba'i phyir myur zhig tu yan man du brgyugs pas/ / bud med de shin tu 'jigs shing skrag nas 'di snyam du/ ci grong khyer 'dir dmag gi dpung chen po 'ongs sa pa/ yang na rigs ngan dang / glang po che dang / seng ge dang / stag la sogs pa mang po zhig rab tu brgyugs pa zhig 'ong snyam du sems te/ de'i tshe smras pa/ snying rje'i dngag nyid par sul la zhig mchis pa bdag la smos te/ bdag ni rab tu 'jigs te/ dmag gi dbu gis bsad du 'ongs sam/ yang nag can gzan dag bdag la brdzis su 'ongs so zhes byas so// de'i tshe na spyan ras gzigs dbang phyug khyod bram ze rgan po zhig tu gyur te/ khyed kyis bud med nang pa de la 'di skad du khyod ma 'jigs shig/ grong khyer 'di na dmag gi dpung gis 'jigs pa'am/ gcan gzan mang po'i 'jigs pa 'am/ gzhan ni ci yang med kyi/ bcom ldan 'das rin chen
- 277b
snying po grong khyer du gshegs pa de la mchod pa bya ba'i phyir skye bo mang mo dag na chun du rab tu chug pa yin no zhes smras so/ / de nas bud med des/ bu khye'u de la smras pa/ bu nga'i lag nas spyong / la mdun du song ste/ gang na bcom ldan 'das bzhugs pa der khrid cig ces byas so// byis pa de yang sangs rgyas kyi 'od zer gyi mthus ma dang lhan cig du grong khyer gyi sgo der byin no// gang gi tshe bcom ldan 'das grong khyer du gshegs pa de'i tshe/ de na sems can nad pa dang / long ba dang / 'on pa dang / 'theng po dang / sgur po dang / smyon pa la sogs pa 'dug pa gang gis de dag thams sos par gyur to/ / gang gi tshe bud med de gang du bram ze chen po rgya mtsho'i rdul zhes bya bas smon lam btab pa dang / gang du byang chub sems dpa' mang po dag gis bla na med pa yang dag par rdzogs pa'i byang chub tu lung bstan pa der phyin pa de'i tshe/ bud med de yang sos par gyur te/ der sangs rgyas nyid du smon lam btab pa// gang gi tshe bram ze rgya mtsho'i rdul 'di 'tshang rgya bar 'gyur ba de'i tshe// bdag de'i bstan pa la gnas te/ gang gi bdag skyes pa'i phung po las blangs te/ sangs rgyas bstan pa'i phyir khrid pa'i bram ze de ji ltar lung ston pa bzhin bdag gis kyang der sangs rgyas nyid du lung bstan pa thob par gyur cig ces byas nas/ bud med de la sangs rgyas legs par ston pa'i bram ze gang yin pa des 'di skad du/ bdag sems can 'jigs shing skrag pa ji snyed yod pa de dag thams cad kyi
- 278a
skyabs su gyur ces smon lam btab pa de'i tshe/ bud med des kyang 'di skad du/ khyod sems can 'jigs shing skrag pa ji snyed yod pa gang dag gi skyabs su gyur pa de'i tshe/ ngadran par gyis shig/ 'on tang bdag gis kyang grogs bgyi'o zhes smras nas/ de'i tshe bud med kyis der sangs rgyas nyid du smon lam btab bo// gang gi tshe lha mo dri ma med pa'i 'od kyis sangs rgyas bcom ldan 'das las sngon skyes pa'i rgyud thos pa de'i tshe/ smon lam chen po btab nas/ 'di skad ces smras so// der byang chub sems dpa' de dag thams cad sangs rgyas par gyur la/ bdag ni da dung bud med du skye ba ma blangs/ / bcom ldan 'das kyi gzugs su snang ba na bdag shin tu ngo tsha mod kyis/ 'on kyang bcom ldan 'das kyis las chen po ji skad bka' stsal pa ni gzhan du mi 'gyur te/ bdag gis bud med du skye ba ma blangs na/ bcom ldan 'das kyi bka' stsal pa'i las de dag kyang ji ltar byed par 'gyur// de bas na 'dod chags dang / zhe sdang dang / gti mug dang ldan pa'i bud med gzhan dag ji lta ba bzhin du der bdag bud med gzugs su snang bar byas la/ gang gi tshe bdag gis sangs rgyas kyi 'phrin las thams cad dang / smon lam rnams dran par 'gyur ba de'i dus la bab pa na/ gzhon nu 'di dang lhan cig tu li yul du skye ba blangs te/ bcom ldan 'das kyis ji skad bka' stsal pa de bzhin du gyur cig/ gang gi tshe li yul du gnod pa 'byung bar gyur pa na/ der bdag cag sgrol ba por gyur cig/
- 278b
de nas thams cad mi mjed kyi 'jigs rten khams 'dir 'ongs nas/ lha dang mi'i nang du bud med kyi skye ba len pa na/ bdag gang der song yang rung ste/ thams cad du tshe rabs dran par gyur cig/ gang gi tshe sangs rgyas kyis bka' stsal pa 'di byas te/ 'chi ba'i dus byas nas kyang / gang na bud med kyi ming yang med pa'i 'jig rten gyi khams bde ba can du skye bar gyur cig/ der yang ring po ming thogs par phyir 'dir 'ongs nas/ 'gro ba lngar gtogs pa'i sems can sdug bsngal ba rnams yongs su grol bar gyur cig/ gang gi tshe byams pa 'dir gshegs pa'i tshe yang / byang chub sems dpa' nam mkha'i tshig ji lta ba bzhin du/ tshul bzhin du blta ba'i phyir 'gro bar gyur cig/ tshe rabs thams cad du sems can ji snyed kyis bdag dang lhan cig tu bsod nams bgyis pa'am/ bgyis par 'gyur ram/ yang mthong ba 'am/ ming thos kyang rung ste/ de dag thams cad bdag gis yongs su grol bar byed par gyur cig ces smon lam btab bo// gang gi tshe lha mo dri ma med pa'i 'od kyis de skad smras pa de'i tshe/ bcom ldan 'das kyis 'di skad ces bka' stsal to// sngon tshe bram zer rgya mtsho'i rdul zhes bya bar gyur pa gang yin pa de ni/ bcom ldan 'das shAkya thub pa nga yin no// gang gis bud med de la sangs rgyas bcom ldan 'das bstan pa'i bram ze rgan por gyur pa gang yin pa de ni/ byang chub sems dpa' 'phags pa spyan ras gzigs dbang phyug 'di yin no// bud med nad par gyur pa gang yin
- 279a
pa de ni/ rgyal po ma skyes dgra'i bu mo lha mo dri ma med pa'i 'od 'di yin no// de'i bu khye'ur gyur pa gang yid pa de ni/ gzhon nu rdo rje'i sde 'di yin no// phyis 'byung ba gang yin pa de dag kyang bshad par bya ste/ skar rdo rnams dang / gser gyi rigs kyi nang na ni/ thog ma kho nar dge bsnyen ma hu sha las zug ste mi'i rgyun chags par gyur nas/ dge snyen ma hu shagasar gyi rigs kyi yul de na gnas par gyur to/ / dge bsnyen ma hu sha de ni lha'i rigs yin te/ lha rnams kyi nang nas lha mi zhig la skyon byung bar gyur nas/ de chad pas bcad de/ gser gyi rol btang ngo // dmod pa yang bor te/ khyod der mi la za ba'i srin mor gyur cig ces byas so// de nas des tshong pa mang po gser 'dod pa'i phyir/ gser gyi rigs kyi ri der song ba gang yin pa rnams la brten te/ srin mo des tshong pa de dag dang lhan cig tu 'dod pa'i bde ba nyams su myong ngo / / gang gi tshe dus gzhan zhig na 'gron po gzhan dag der lhags par gyur pa na/ sngar 'ongs pa gang dag dang lhan cig tu 'dod pa'i bde ba nyams su myong bar gyur pa de dag ni zos so/ / lhas mod pa bor ba'i srin mo de yang / srin me gzhan gang dag dang / 'gron du 'gron pa de dag dang / 'dod pa'i bde ba nyams su myong ba lnga brgya po dag dang grogs mor gyur to/ / de nas byang chub sems dpa' 'og pag can zhes bya ba zhig ded dpon du gyur to// gang gi tshe lha rnams kyis de nyes pa las tshangs par byed pa de'i dus la bab pa na/ de'i tshe/
- 279b
de las bu mo zhig btsas te/ hu sha zhes bya bar ming btags so// hu sha de yang sngon de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing na gnas pa las 'di skad du sngon lha las gyur pa'i srin mo 'di ni tshe rabs mang po bdag gi mar gyur pa yin no/ / da ltar byang chub sems dpa' 'og pag can bza' bar chas kyis/ bdag 'di'i bu mor gyur la/ de'i sdig pa'i las dgag par bya'o zhes snying rje rje skad du zlos par byed do// de'i tshe 'gron pa gzhan der lhags so// de nas 'og pag can 'khor dang bcas pa'i sgo rnams bcad nas bza' bar chas so/ / gsar du lkugs pa rnams dang ni 'dus so// de nas 'og pag can de dang / srin mor 'dus par gyur pa hu sha zhes bya ba bud med chung ngu des/ pa 'og pa gtsu la 'di skad du jo bo ci nas bdag cag srin mo 'di dag gis ma zos par bros te bzhud do zhes smras so/ / de'i 'og bag can de rang gi bu mo des thar bar byas so// 'og pag can gyis kyang 'gron pa lnga brgya thams cad thar bar byas te/ kun tu lhan cig tu bros so// de'i tshe srin mo de der song na 'og bag can de ma rnyed nas/ der gsar du lhags pa'i 'gron pa gang yin pa de dag bor te/ 'og pag can la sos pa 'gron pa rnams tshol ba'i phyir rgyug go/ / de sngon lha'i 'jig rten gnas pa'i tshe byi phyin pas/ de'i phyir chad pas bcad de/ lha rnams kyis rna ba bcad nas/ gser gyi rigs kyi ri la bzhag ste/
- 280a
de la lha rnams kyis 'di skad du dmod pa bor te/ gang gi khyod la 'di skad du khyod kyi rna ba sus bcad ces the tsom 'dri bar gyur tang / des khyod dmod pa las thar bar gyur te// phyir lha'i 'jig rten du song nas sngon bzhin lhar 'gyur ro zhes byas so// de nas de'i tshe lha'i 'jig rten du phyir 'gro ba'i dus la bab ste/ de 'gron pa mang po dag tshol ba'i phyir rgyug pa na/ zhang ma ring po bgos pa bsnyil nas/ der sngon ri dgas kyi spu las gos byas pa gang yin pa gyon ste/ skra spyi bor bcings nas/ gang gi tshe tshong pa bros pa de dag gi phyi bzhin du 'ongs pa de'i tshe/ ded dpon 'og pag can de dang / tshong pa lnga brgya po de dag bzung nas zhab ma'i nang du drubs te/ phrag pa la bkal lo// de'i tshe 'og pag can gyis bgad pa dang / srin mo des dris dang / mi'i bu khyod ci'i phyir dgod/ ci ste drang por ma smras na khyod kyi khrag sa la po ste btang ngo // de nas ded dpon 'og pag can gyis de la 'di skad du/ 'di ltar mthu che ba khyod kyi rna ba mi sus ji ltar bcad ces smras nas/ de'i tshe des 'gron pa de dag btang nas bar snang la gnas te/ 'di skad du yul 'di'i ming ni rna ba'i phyir gser gyi rigs zhes bya bar 'gyur ro zhes smras nas/ rna ba snga mkho na bzhin du byung bar gyur te/ lha'i 'jig rten du song nas phyir lhar gyur to// ded dpon 'og pag can de yang 'gron pa de dag dang lhan cig du phyir gser gyi rigs kyi ril log ste/ de nas bu mo de gso zhing 'dug go/ srin
- 280b
mo de dag thams cad kyang snum par gyur te/ de dag gi nang na gang dang lhan cig du 'dod pa'i dga' ba nyams su myong nas/ de'i 'og tu sems can de nyid mi gsod pa'i 'ga' yang med do// de nas kyi mo de dag thams cad ngo che bar gyur nas/ bu de rnams gsos te/ hu sha yang lha bzhin du mchod pa'i gnas su byas so// de dag gi bu gzhon nu thog mar btsas pa de ni hu sha'i khyim thab tu gyur te/ de phyin chad gser gyi rigs rnams kyi mi'i brgyud byung bar gyur to/ / 'gron pa de dag gi bu byung ngo cog dang lhan cig tu 'dod pa'i dga' ba byas kyang de dag thams cad mgu bar byed ma nus te/ de ltar des de'i tshe 'dod pa'i bde ba dam bcas pa las thams cad mgu bar byed ma rus pas/ de'i las kyis rtag tu bud med du skye bar gyur to// hu sha las bu gcig byung nas/ dge bsnyen mar gyur te/ shu sha de'i bur gyur pa gang yin pa de der rgyal por gyur te/ de phyin chad ma'i tshed chags par gyur nas/ dge bsnyen ma hu sha gser gyi rigs kyi ri de la lha'i gzhal med khang gi nang na gnas shing / lha dang mi rnams dang / srin po rnams la chos ston to// gang gi cha shu sha 'chi ba'i dus byed pa na/ srin mo lnga brgya po gang yin pa de dag dang / lha dang srin po de las chos thos pa gang yin pa de dag da ltar gser gyi rigs kyi yul gyi srungs mar gyur to/ / de'i tshe na dge bsnyen ma hu shar gyur pa gang yin pa de ni da ltar dri ma med pa'i 'od 'di yin no// u rgyan gyi rgyal por gyur pa gang yin pa de ni/
- 281a
li yul gyi rgyal po thog mar byung ba dang gnyen byed cing bdag nyid dang yul 'bul bar byed pa gang yin pa'i skar rdo'i rgyal por 'gyur ba de yin no// ka s+pha ra'i rgyal por gyur pa gang gis bcom ldan 'das kyi spyan sngar bdag ni phar gyur cig ces smras pa gang yin pa de ni/ skar rdo'i rgyal po dbang phyug go cha zhes bya ba dri ma med pa'i par 'gyur ro// kasma ra'i rgyal po'i btsun mor gyur pas 'di skad du bdag ni mar gyur cig ces smras pa gang yin pa 'di ni/ rgyal po dbang phyug go cha de'i btsun mo dam par 'gyur ro// lha mo de'i ming por gyur pa gang gis bdag ni sdug pa'i ming por gyur te/ gang gi phyir skyo ba chen po thob nas skyo ba de la mi gtsang ba'i ting nge 'dzin thob par gyur cig ces smon lam 'debs pa gang yin pa 'di ni ming por 'gyur ro// nu mo tha chung ngu gyur pa gang gis 'di skad du// gang gi tshe bdag mya ngan gyis 'chi bar 'gyur ba de'i tshe/ khyod dge ba'i bshes gnyen dge slong gi thad du song nas/ der 'khor ba las grol bar gyur ces smon lam 'debs pa gang yin pa de ni nu mo tha chung ngu 'gyur ro/ / rdo rje sde'i nu bo tha chung gang gis li yul gyi phyir de dang lhan cig tu smon lam btab pa gang yin pa 'di ni ming por gyur te/ skar rdo'i rgyal por 'gyur ro// rgyal po ma skyes dgra'i grong khyer skye ba gang yin pa 'din gser gyi rigs kyi rgyal por 'gyur ro/ / bud med gang gis sbyin pa ni byin la/ tshul khrims ni ma bsrungs pa gang yin pa de ni rgyal po de'i btsun mor 'gyur ro// de nas de'i tshe sangs rgyas
- 281b
bcom ldan 'das kyis/ lha rnams la bka' stsal pa/ gang gi tshe lha mo 'di li yul du dang po skye ba'i dus la bab pa na/ byang chub sems dpa' byams pa dga' ldan na gnas pa lha dang bcas pas bskul te/ sngon rdo rje sde las gyur pa'i lha gang yin pa de dang / sngon dri ma med pa'i 'od las gyur pa gang yin pa de dang / grogs mor gyur pas thob pa dang lhan cig tu smon la bdang par gyur pa gang yin pa de la lha dag gis bskul te/ lha'i skye ba bor la mi'i skye ba long zhig ces thams cad dran par byed do// rgyal po ma skyes dgra'i grong khyer skyong bar gyur pa gang yin pa de dang / grong khyer skyong ba de'i bur gyur pa la yang / lha'i 'jig rten nas lha rnams kyis skul bar byed do// pha dang mar gyur pa gang yin pa dang lhan cig tu smon lam 'debs pa gang yin pa rnams la yang de'i tshe lha rnams kyis bskul te/ sangs rgyas kyis bka' stsal pa gang yin pa dang / smon lam btab pa gang yin pa rnams kyi dus ni dbab kyis/ li yul du skye ba long zhig ces dran par byed do// de la byang chub sems dpa' rdo rje sde zhes bya ba lha gang yin pa de ni li yul gyi rgyal por 'gyur ro/ / sa thob pa'i rigs kyi bud med gang yin pa de ni tshe rabs lnga'i bar du li yul gyi rgyal mor 'gyur ro// li yul du ni tshe rabs drug tu skye ba len te/ rgyal po byang chub sems dpa'i btsun mor 'gyur ro// gang gi tshe 'phags skyes po'i phyogs byas pa'i las de'i dus la bab pa na/ de'i rgyud du gyur pa ji snyed pa rnams sum par 'gyur ro// gang gi tshe
- 282a
li yul du thog ma sum pa 'ong ba de'i tshe/ lha mo 'di lha'i nang nas shi 'phos nas/ skar rdo'i rgyal po'i bu mor 'gyur ro// gang gi tshe la zhwa dang sum pa 'ong ba'i dus la bab pa de/ tshe/ lha mo dri ma med pa'i 'od 'das/ rgyal po ma skyes dgra'i grong khyer skyong ba khyim thab tu gyur pa 'di khrid nas/ gser gyi yul du khrid de 'ong bar 'gyur ro// de'i tshe der dmag gi dpung de dag 'ongs nas/ de'i pha skar rdo'i rgyal po de dang / ming po rab gnyis yul der mchi bar gyur te/ de'i tshe dri ma med pa'i 'od mya ngan gyis gzir nas/ mya ngan gyi khang bur zhugs te/ gzhan la dri ma dgos par mi gtsang ba'i ting nge 'dzin thob par 'gyur ro/ / gang gi tshe gdong dmar rnams kyis li yul bran du 'gyur ba'i dus la bab pa na/ rgyal po rnam par rgyal ba'i rtsa la de g.yul der gsad par 'gyur ro// de'i bu rgyal po rnam par rgyal ba'i grags pa zhes bya ba zhig 'byung bar 'gyur ro/ / skar rdo'i rgyal po dbang phyug go cha zhes bya ba ni bu dang bcas te li'i rgyal po dang lhan cig tu g.yul gi nang du 'chi bar 'gyur ro// da ltar gyi rdo rje sde 'di ni de'i bu rnam par rgyal ba'i go cha zhes bya bar 'gyur te/ skar rdo'i rgyal por 'gyur ro// des kyang lo gcig rgyal srid thob par 'gyur te/ de la rnam par rgyal ba'i grogs po ni la yul du 'byung ngo / / rnam par rgyal ba'i go cha ni skar rdor 'byung ngo // gang gi tshe dri ma med pa'i 'ad la sangs rgyas bcom ldan 'das rnams kyis 'od zer btang ste/ bzod pa thob par 'gyur ba'i dus la
- 282b
bab pa de'i tshe/ dge byed kyi phyogs dang / sdig byed kyi phyogs de dag kyang so sor sder 'chad par 'gyur ro// de'i tshe dge byed dang sdig byed gnyis kyi pha sngon chom rkun lnga brgya spyugs par byed pa gang yin pade rgyal por 'gyur te/ blon po chen po ni gnyis 'byung bar 'gyur ro// rgyal po'i bu rnam par rgyal ba'i grags pa zhes bya ba ni li yul gyi rgyal por 'gyur ro// rnam par rgyal ba'i go cha zhes bya ba ni skur rdon rgyal por 'gyur ro/ / gzhon nu de gnyis las dge byed ni blon po chen po gtso bo shos kyis gsos so// cig shos ni sdig byed kyis gsos so// gang gi tshe dge byed pa tsam pa de'i tshe/ tshong pa lnga brgya 'ongs te/ li yul du skyes nas/ yul don dge ba byed do// gang gi tshe sdig byed btsas pa na/ chomadun brgya spyugs pa de dag li yul du skyes te sdig pa byed do// gang gi tshe gzhon nu sdig byed bcas pa na/ chom po lnga po de dag rgyal po'i pha'i thad du btang ngo / / de nas de'i tshe gzhan dag gcig la bya ba gang yin pa 'di khyod kyis byos shig ces bsgo nas/ blon po chen po gtso bo de'i lag pa bcad do// cig shos ni ma gcad do/ / de yang sngon gang gi tshe sdig byed kyis dge byed kyi mig byung ba de'i tshe/ blon po chen po de dag phan tshun khon byung nas/ de phyin chad tshe rabs thams cad du gcig gi dgrar gcig gyur to// sdig byed kyi de la blon po chen po gtso bo ni skar rdo'i rgyal por 'gyur ro// cig shos ni li yul gyi rgyal por 'gyur ro// de gnyis kyang byis phan tshun 'thab par 'gyur ro// sdig byed kyi phyogs sngon
- 283a
dge byed kyi mig 'byin pa gang yin pa de dag gis li'i rgyal po gsod par 'gyur te/ gang gi tshe gdong dmar rnams la yul 'dzin par 'gyur ba'i dus la bab pa de'i tshe/ de gnyis phan tshun 'thab par 'gyur ro/ / de'i tshe lha mo dri ma med pa'i 'od kyi ming po da ltar rdo rje sde zhes bya ba 'di skar rdo'i rgyal po rnam par rgyal ba'i go cha zhes bya bar 'gyur te/ ming po de'i phyir mya ngar gyis gzir bar 'gyur ro/ / gang gi tshe sangs rgyas kyi 'od zer de'i steng du gnas par 'gyur ba'i dus la bab pa na/ des skar rdo'i rgyal po 'pham par 'gyur ro// ci ste bsod nams dang mi ldan na ni/ dri gtsang khung dang / dge 'dun gyi kun dga' ra ba bshig par bya'o zhes sangs rgyas bcom ldan 'das la smon lam 'debs 'debs pa gang yin pa de rnams kyang de dag gis grogs byed par mi 'gyur ro// gang gi tshe gdong dmar dag gis grogs byed cing / li yul 'dzin par 'gyur la/ dge 'dun gyi kun dga' ra ba dang / dri gtsang khang rnams 'jig par byed pa de'i tshe skar rdo'i rgyal po'apham par 'gyur ro// gang gi tshe ring bor mi thogs par gdong dmar rnams 'ong ba'i dus la bab pa de'i tshe/ dri ma med pa'i 'od shin tu mya ngan skye bar 'gyur ro// de'i tshe sangs rgyas bcom ldan 'das de dag dang / li yul gyi srungs ma'i lha gang yin pa de dag gis dgongs par 'gyur ro/ / de ni dri ma med pa'i 'od gcig pu mya ngan gyi khang bu'i nang na 'dug cing // sangs rgyas rnams la gsol ba 'debs so// bdud rtsi'i rnga sgra zhes bya ba'i gzung
- 283b
kyang brjod nas/ / de bzhin gshegs pa 'od dpag med la gsol ba 'debs te/ 'di skad du yang na ni ming po dang mjal bar gyur cig/ yang ra ni 'gum par gyur cig/ yang na ni 'khor ba las mthar / par gyur cig ces zer ro// de nas nang par gyi dus su sangs rgyas bcom ldan 'das de dag gis de'i steng du 'od zer btang ste/ gzungs sngags dang / bzod pa yang thob par gyur to// de'i tshe sangs rgyas rnams dang / lha rnams kyis legs so zhes bya ba byin te/ lha'i bu rnams dril bu'i sgra sgrogs shing rnga bo che dang / rol mo'i sgra rnams sgrogs te/ 'di skad du phyir mi ldog pa'i byang chub sems dpa'i las chen po byas so zhes zer ro/ / de'i tshe 'di snyam du pha ma la drin du gzo bar byas pas na/ bdag la mchod pa byed do snyam du bdag nyid kyis shes nas/ las dang por byed par 'gyur te/ sngoran gang gi tshe dge byed kyis yid bzhin du nor bu rin po che las/ rin po che'i char phab pa na blon po chen po dang / dge byed kyi phyir thog ma smon lam btab pa de'i tshe/ gzhan dag cig gis 'di skad du gang gi tshe bdag cag smon lam btab pa de dag thams cad las ldog par ma gyur na/ phyis ci nas bstan pa cung zad kyang 'jig par mi 'gyur bar grogs bgyi'o// gzhon nu rnam par rgyal ba'i go cha zhes bya ba sar rdo'i rgyal por 'gyur ba des kyang grogs byed par 'gyur ro/ / sdig byed kyi phyogs gang dag gis blon po chen po dang / dge byed kyi phyir smor lam btab pa yang phyis ldog par 'gyur ro// gang gi tshe bcom ldan 'das kyis tshig de skad ces
- 284a
bka' stsal pa de'i tshe/ spyan ras gzigs dbang phyug gis 'di skad ces gsol to// bdag gis kyang de'i tshe bskul bar bgyi'o// de dag thams cad la bdag gis chos kyang bshad par bgyi ste/ ci nas thams cad 'dzin par 'gyur zhing // gzhan dag la yang 'chad par 'gyur ba de ltar bgyi'o// bdag gi sring mo 'di yang bdag dang lhan cig tu byang chub kyi spyad pa lhan cig tu spyod spyod pa lags so/ / de nas de'i tshe lha thams cad langs te/ 'di skad du bdag cag kyang der mchi bar 'tshal to zhes gsol to// de'i tshe sangs rgyas bcom ldan 'das kyi steng du lha'i me tog gi char pa phab bo/ / lha'i sil snyan rnams kyang dkrol lo// de nas sangs rgyas bcom ldan 'das kyis 'di skad ces bka' stsal to// sangs rgyas bcom ldan 'das de dag gis de'i steng du 'od zer rnams btang ste/ 'od zer de dag las dgongs pa'i don ji lta ba bzhin du tshig brjod pa rnams byung ste/ ci nas gzungs sngags kyi tshig thob par gyur pa dang / gang gi tshe ming po rnam par rgyal ba'i goru g.yul las pham pa de'i don gyi phyir gzungs sngags thob par 'gyur ba dang / gzungs sngags de dag thos pas gzhan rnams kyang thob par 'gyur ba dang / gang gi tshe bcom ldan 'das kyis li yul gyi don du bka' stsal ba'i las de dag byed par 'gyur ba'i phyir/ mya ngan gyi khang bu gang na zhum zhing 'dug pa der sangs rgyas bcom ldan 'das de dag las gzungs sngags thob par 'gyur ro// de bzhin gshegs pa dgra bcom pa
- 284b
yang dag par rdzogs pa'i sangs rgyas mi gnas pa'i blo'i rgyal po gnod pa ni bar mdzad pa la phyag 'tshal lo/ / de bzhin gshegs pa dgra bcom pa yang dag par rdzogs pa'i sangs rgyas shes pa'i blo can rab rib kyi mun pa rab tu zhi mdzad la phyag 'tshal lo/ / de bzhin gshegs pa dgra bcom pa yang dag par rdzogs pa'i sangs rgyas glang po che'i bdag po la phyag 'tshal lo// de bzhin gshegs pa dgra bcom pab yang dag par rdzogs pa'i sangs rgyas rdo rje ltar gcod pa la phyag 'tshal lo/ / de bzhin gshegs pa lha'i rgyal po la phyag 'tshal lo// de bzhin gshegs pa mu stegs thams cad las shin tu 'phags pa'i rgyal po la phyag 'tshal lo/ / de bzhin gshegs pa ting nge 'dzin gyi mchog la phyag 'tshal lo// de bzhin gshegs pa mtshan gyi rgyal po la phyag 'tshal lo// de bzhin gshegs pa snang bar mdzad pa la phyag 'tshal lo/ / de bzhin gshegs pa mu stegs thams cad kyi rgyal po la phyag 'tshal lo// de bzhin gshegs pa sbyin byed kyi rgyal po la phyag 'tshal lo// de bzhin gshegs rdo rje ltar 'gro ba yon tan gyi dbang phyug rgyal po la phyag 'tshal lo/ / de bzhin gshegs pa ye shes la 'jug pa la phyag 'tshal lo// de bzhin gshegs pa ta la ltar rab tu brtan pa la phyag 'tshal lo// sangs rgyas bcom ldan 'das de dag gi mtshan rnams 'dzin pa gang yin pa ni/ sdug bsngal las yongs su thar par 'gyur ro// sngon byas pa'i sdig pa rnams kyang bshags par 'gyur ro// tshe 'di
- 285a
la yang phyug par 'gyur ro/ / mu ge'i nang du skye bar mi 'gyur ro// gnod pa thams cad las yongs su thar bar 'gyur ro// tad+ya thA/ tA rge tArka rke/ tarka tsika/ tA ka ba hu le/ tArka hU ba le/ pra tiSh+Thi te swA hA/ gzungs sngags 'di phyir mi ldog pa'i 'khor lo zhes bya ste/ su 'di brjod pa ni phyir mi ldog par 'gyur ro// sgrub pa'i thabs ni 'di yin te/ kha zas mi bze' bar g.yeng ba med pa'i sems kyi 'chags bzhin du nyin mtshan du bzlas brjod byas na/ rnam par rtog pa 'byung bar 'gyur zhing / dran pa dang ldan par 'gyur te/ bslab pa'i gni 'dzin pas bzlas brjodabya'o// tad+ya thA/ oM ha ni/ oM ha ni/ mo hi ne/ hu hu re/ hu hu re/ nu ba te/ dza ma b+ha ni/ stam b+ha ni swA hA/ gzungs sngags 'dis ni skye bo med pa'i bzod pa thob par 'gyur te/ zhag gsum gyi bar du bslab pa 'dzin pa g.yeng ba med pa'i sems kyis 'chags bzhin du bzlas brjod byas na/ tshe 'di la ma grub na yang / tshe phyi ma lo nges par 'grub par 'gyur ro// tad+ya thA/ tsa re tse re/ ya kre ya/ yak+ka yak+Sha nu dA b+hin+ti te/ ka la pa/ a tin+te te/ lo ka ad+hiSh+NI ta/ dud+d+ha ad+hISh+NI tI sUtA ad+hiSh+NI te swAhA/ gzungs sngags 'dris ni sdig pa thams cad bshags par 'gyur te/ rla bdun gyi bar du nyin lan gsum mtshan lan gsum bzlas brjod bya'o/ / tad+ya dz+dza/ mi tr-i mi tri/ rag ti rag te/ mug ta mug te/ kra ye k+ka yAM/ nub te/ mi tre/ bud+d+ha a d+hiSh+Thi te swAhA
- 285b
gzungs sngags 'dis ni 'thun pa'i bzod pa thob par 'gyur ro/ / sgrub pa'i thabs ni 'di yin te/ nang gsum bzlas brjod byas na/ lan cig kyang stong stong bya'o// rtag tu gnyid mi log pa dang / khrus bya ba dang / gtsang ba dang / gos gtsang ma gyon pas zan zos pa'i 'og tu sku gdung dang ldan pa'i mchod rten dang / sangs rgyas kyi sku gzugs kyi spyan sngar g.yeng ba med pa'i sems kyis bzlas brjod byas te/ du ru ka'i bdug pas bsregs na nad chen po rnams zhi bar 'gyur ro// gsang sngags de dag gis mar la lan stong bzlas brjod byas te/ nad pa la blud pa dang lus la bsku bar bya'o/ / 'di las sman grags pa ji lta bu yang rung ba de dag la nad pa'i nang gsum du nyin gcig bzhin du lan stong stong bzlas brjod byas te/ sra rtsi pog bsreg cing dri chu dang / dri/ zhim pos bsgos pa'i 'bru mar gyi mar me dang / ro sna gcig dbul bar bya'o// gang gi tshe cho ga 'di bzhin du bzlas brjod byas na// nad tshabs chen po rnams kyang med par 'gyur ro// tang+ka thA/ bud+d+he a ra dze a ra dze nu ba de sang kal be/ mi tre bud+d+ha a d+hiSh+Thi ti swA hA/ nang bdun gyi bar du nyin gcig bzhin du lan stong stong bzlas brjod byas te/ sems zhi bar byas na/ 'thun pa'i bzod pa thob par 'gyur te/ bslab pa 'dzin pas bzlas brjod bya'o// tad+ya thA/ se sa sa sa/ mi mi mi mi/ gir a d+hiSh+Thi te/ dza ma d+ha ko Di/ a par dzi ti/ ka la pa ba ti dzam b+ha ko Ti/ ka kA mi len/ ban dzi ri bi ti naM
- 286a
san sar/ ko Ti badz+ra le/ ba lA te/ ma mu shes ka la be/ no'u dza re/ a yiSh+Ti ka ke le swA hA/ gzungs sngags 'di ni me gnas zhes bya ste/ 'dis sa thob par 'gyur ro// sgrub pa'i thabs ni 'di yin te/ gtsang zhing khrus bya ba dang / gos gsar pa gyon cing bslab pa 'dzin pas sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod byas na/ rgyal pos 'jigs pa dang / 'jigs pa gzhan thams cad las thar bar 'gyur te/ kha zas mi za bar lan stong bzlas brjod bya'o// de la dri re 'di yi ri te/ a ka ru dang / 'bug su gtang dang / ga pur dang / shug pa dang / tsan dan rnams so// bdug pa yang 'di dag las sbyar bar bya ste/ der bdug par bya'o// mar me yang de dag gi phye ma dang sbyar te sbar ro// yang na de dag gis dris kyang bsnyen bkur bya zhing / chu dang sbyar te/ des gtor bar bya'o// ro sna gcig kyang der gzhag par bya ste/ des bsgos pa'i tshul bzlas brjod byas pas steng du gtor bar bya'o// gang gis chog 'di bzhin du byas na/ nyes pa sna tshogs las grol bar 'gyur zhing / 'jigs pa thams cad las thar bar 'gyur te/ 'jigs pa de las thar par ma gyur kye dar du snga dro zhing lan sum cu rtsa gsum gsum bzlas brjod bya'o/ / cho ga bzhin du bzlas brjod byed pa gang yin pa de ni 'jigs pa 'am/ gnod pa gang las kyang grol bar mi 'gyur ba med de// ci ste bsgrubs na/ las gang
- 286b
brtsam yang rung ste mi 'grub pa med do/ / gang zhig sgrub bam/ yang na skud pa 'dogs sam/ yang na bris te 'chang na/ gnod pa thams cad las thar par 'gyur te/ mi bsod nams dang ldan pa/ zhig ni tshe 'di nyid la 'thob par 'gyur ro// ci ste des thob par ma gyur na yang / tshe phyi ma la gdon mi za bar 'thob par 'gyur ro// tad+ya thA/ ka bi le/ ka pi la/ piN re/ d+hu dza ra stu/ mri la ha la ad tA re swA hA/ gzungs sngags 'di bzlas brjod byed pa gang yin pa des ni sems can thams cad la byams par bya'o// sgrub pa'i thabs ni 'di yin te/ khrus legs par byas shing gos gtsang ma bgos pas/ kha zas mi bza' bar sku gdung dang ldan pa'i mchod rten nam// sangs rgyas kyi sku gzugs kyi spyan sngar lan sum stong bzlas brjod bya'o// de'i bdug pa ni 'di yin te/ 'bug sug hang dang / ga pur dang / du ru ka dang / kA la nu sa ri dang / sha'i la ya ka rnams kyis bdug ste/ gang gis cho ga 'di bzhin du bzlas brjod byas pa la ni khro dong / sdang ba thams cad kyang dang par 'gyur ro/ / tsan dan dang / gur kum dang / shing dang ra dang / kar ko ti dang / shug pa dang / sman 'di rnams la sogs pa la gzungs sngags 'dis lan sum stong bzlas brjod byas te lus la btags na/ de la byad snyems kyis tshugs par mi nus la/ byas zin pa yang 'jig par 'gyur te/ byams pa'i sems dang ldan pa dang / bslab pa 'dzin pas bzlas brjod
- 287a
bya'o/ / tad+ya thA/ ra re ra rA mu/ pan Ne li be li ba ka ra mu ka ta mun d+ha re swA hA/ gzungs sngags 'di ni ting nge 'dzin yongs su rdzogs par byed pa ste/ mdzod ji lta bu dang / ting nge 'dzin gyi rnam pa ji lta bu 'dod pa de lta bu 'thob par 'gyur te/ bsam pa thams cad yongs su rdzogs par byed pa yin no// sgrub pa'i thabs ni 'di yin te/ gtsang ba dang / khrus bya ba dang / gos gtsang ma gyon pa dang / bslab pa 'dzin pas sku gdung dang ldan pa'i mchod rten nam/ sangs rgyas kyi sku gzugs kyi spyan sngar bzlas brjod bya ste/ phyogs bcu'i sangs rgyas rnams kyi mtshan phyogs re re ra lan sum cu rtsa gsum gsum brjod par bya'o/ / phyogs re rer gzungs sngags lan brgya rtsa brgyad brgyad bzlas brjod bya'o// 'di la bdug pa ni 'bug sug hang dang / ga pur dang / ka la nu sa ri dang / sha'i le ya ka dang / du ru ka rnams bsreg par bya zhing / de dag gis bsgos pa'i mar me sbyar bar bya'o// sman de dag dang sbyar ba'i chu bzhag ste/ ro sna gcig kyang bzhag nas/ yid la gang 'dod pa de sangs rgyas rnams la gsol na ji ltar 'dod pa de bzhin du 'gyur ro// tad+ya thA/ ti la ga dze/ shwa ra shwa ra/ A d+hi pa taM/ ShA ba tA ra ku le she pa ti ku le swAh+ma/ gzungs sngags 'dis lha'i mig 'thob par 'gyur ro/ / mig nad kyang med par 'gyur ro// sgrub pa'i thabs ni 'di yin te/ gos gtsang mi bgos la/ sku gdung dang ldan pa'i mchod rten nam/ sangs rgya
- 287b
kyi sku gzugs kyi spyan sngar lan brgya rtsa brgyad bzlas brjod byas nas/ mig sman 'di yang sbyar bar bya ste/ gur kum dang / ba ra dkar po sbrang rtsi dang sbyar te mig tu bskus na mig ma rung bar mi 'gyur ro// mig nad thams cad kyang med par 'gyur ro// bdug pa sbyar ba bsreg go// mig sman de la ni lan brgya rtsa brgyad bzlas par bya'o// nyin gcig bzhin du chu la lan bdun bzlas brjod byas te/ mig nad bkru bar bya'o/ / tad+ya thA/ ba ra dze/ bi ra dzi/ ku thal mig ta le e le me le Dad gA Da dgu le swA hA/ gzungs sngags 'di ni sangs rgyas rjes su dran par bya ba yin no// sgrub pa'i thabs ni 'di yin te/ bslab pa 'dzin pa dang / gtsang mas sangs rgyas kyi sku gzugs kyi spyan sngar lan dgu brgya bzlas brjod byas te/ bdug pa sbyar ba bsreg cing dri zhim pos bsgos pa'i 'bru mar gyi mar me dang / pog por dang / dri zhim pos bsgos pa'i chu dang / ro sna gcig gzhag par bya ste/ mar la bzlas brjod byas nas/ mgo bo dang khar bskus na/ mgo bo'i nad thams cad las thar par 'gyur ro// 'thungs na dran pa skye bar 'gyur ro/ / chos slob par 'dod pas mar de 'thungs na dbang po rnon por 'gyur ro// gzungs sngags gang bsgrub kyang rung ste/ 'di las smos pa bzhin du yongs su rdzogs par bzlas brjod byas te/ gzungs sngags thams cad dang / sangs rgyas kyi mtshan phyogs bcu'i phyogs re rer lan sum cu rtsa gsum gsum brjod par bya'o// gang gi tshe gzungs sngags brjod pa ni/ nyin lan
- 288a
gsum mtshan lan gsum du phyogs bcur tshe dpag med kyi snying po'i gzungs sngags brjod par bya'o/ / sangs rgyas bcom ldan 'das de dag gi phyogs re rer brjod par bya'o// sangs rgyas thams cad kyi snying po zhes bya ba'i gzungs sngags 'di dag ni yid bzhin gyi nor bu rin po che ji ltar chos dang ldan pa'i dam pa ji lta bur 'dod pa bzhin du thams cad thob par byed pa de bzhin du su rjod pa des/ sangs rgyas nyid kyang 'thob par 'gyur la/ sdug bsngal thams cad las thar par 'gyur ro// des 'di skad du bdag gis gang gi tshe sangs rgyas kyi byang chub thob nas dgrol bar bya'o// zhes byas so// de'i tshe lha mo dri ma med pa'i 'od kyis 'di skad du/ ji ltar bdag gis gzungs sngags 'di dag gis ming po thar par byas pa de bzhin du/ sems can thams cad kyang gzungs sngags 'di/ ngadag gis yongs su thar par shog cig ces byas so// nam cig na sum pa rnams der 'ong ba dang / gdong dmar gyis yul 'dzin par 'gyur ba'i dus 'ong bar 'gyur te/ de dag yang las 'di lta bu las 'gyur ro/ / gang gi tshe gzhon du sdig can byung ba na/ mi rgod byung ba de dag rgyal po'i thad du btang ste/ blon po chen po gtso bo'i khyim du song nas nor rnams khyer ro// de nas de'i mdzod sgo de na de'i chung mabud med gcig zhal ba de gsang shor gyi dogs pa'i phyir khrid de bsad do/ / de nas mi rgod de dag bzung nas/ blon po de dag gi lag tu byin no// mi rgod de dag gi bu dang / chung ma dang / nor rnam
- 288b
kyang blon po chen po de dag gi mdun du bzhag go/ / de nas blon po chen po gtso bo de khong dge ba zhig ste/ bdag gi nor 'i tshe ngo blangs so// de nas blon po chen po gtso bo de'i sring mo mtshan me nyal bar 'chas na 'chags pas der mi rgod 'ongs pa tshor nas/ rgyal po'i gam du khrid pa yang des mthong ngo // de nas de dag gi ngu dang chung ma rnams ni blor po chen po cig shos kyis khyer ro// nor rnams ni rgyal po'i dkor du bsdus nas/ blon po chen po cig shos kyis bu dang / chung mkhyer ba yang rgyal pos ma rmas so// de nas blon po cig shos kyis nu bo dang / bu la mi rgod gtso bo'i chung ma byin nas/ blon po cig shos de'i bu dang / chung ma rnams kyang mi rgod de dag gis mtshan mo brkus te/ rang gi bu dang chung ma ni phyir ma thob bo// de nas de'i tshe de dag gis smon lam btab pa// gang gi tshe khyod kyis mi'i lus thob par 'gyur ba de'i tshe/ nged kyis khyod kyi chung ma 'phrog par gyur cig ces byas so// mi rgod kyi gtso bo gang gis mdzod kyi sgo nas bud med khrid de song ba des smon lam btab pa/ bdag blon po chen po khyed kyi 'khor du skyes te/ gang gi ro khyod las byed pa de'i tshe/ ngas khyod kyi sems dkrug cing gtam ngan chen po sgrogs par gyur cig ces byas so// de nas rigs dang ldan pa'i bud med gang gis mi rgod 'odong tshor ba de la dris pa/ ngas tsher ro zhes khyod kyis bya ste ci d+ya zhes/ des smras pa/ brdzun du smra bar gyur gyis dogs pa dang / de'i sdig bdag gis lus kyis myong bar 'gyur du dogs
- 289a
pa'i phyir re zhes byas so/ / des na mi rgod kyi gtso bo des smon lam 'di skad ces btab ste/ dus thams cad du bdag blon po chen po 'di'i mdza' bo'i tshul du 'dug cing dgra/ byed par gyur cig ces byaso// de la blon po chen po gtso bo des ni skar rdo'i rgyal por 'gyur ro// cig shos ni li yul gyi rgyal por 'gyur ro// blon po chen po cig shos kyi nu ba ni/ shad ku la zhes bya bar 'gyur ro/ / bur gyur pa de ni bsod nams 'phel zhes bya bar 'gyur ro// mi rgod kyi gtso bor gyur pa de ni/ sa pe ti ku la zhes bya bar 'gyur ro// blon po chen po de'i chung ma gsod gsod pa'i mi de gnyis las gcig ni a ku na zhes bya bar 'gyur ro/ / gcig ni tu pa la zhes bya bar 'gyur ro// de'i chung ma smon lam 'debs pa gnyis las/ gcig ni mya ngan bral zhes bya bar 'gyur ro/ / gcig ni rab sdug ces bya bar 'gyur ro// blon chen po de'i chung ma mdzod kyi sgon nyal nyal ba de ni/ bid ku la'i chung ma las skar rdo'i rgyal pos khyer ba yin no/ / mi rgod rnams kyi mar gyur pa de ni mi rgod 'dzin pa rnams kyi mar gyur te/ de yang de'i grogs su 'gyur ro// rgyal po gsod pa des ni smon lam 'di skad ces btab ste/ ci nas bdag bag mar btang nas/ khyed la gsod par gyur cig ces byas so// de'i phyir na li'i rgyal pos mya ngan med pa a kun la byin no// skar rdo'i rgyal pos kyang pid ku la'i chung ma khyer bar gyur te/
- 289b
dbyin chad gcig la gcig dgrar 'gyur ro// dge byed kyi phyogs gang yin pa de dag ni li yul na dge ba byed par 'gyur ro// mched du gyur pa de dag ni la yul du sdig byed par 'a/ chung ma 'phrog par byed pa'i mi rgod de dag gis kyang blon po chen po de la 'di skad ces smras te smon lam btab pa/ khyed kyis tshes bzhin du byas te/ yus yod bzhin btang nas/ rang gnor nyi cha ngo blang bas na/ khyod dge ba ci rtso ma yang rung ste/ der bdag khyod kyi grogs su gyur cig ces byas so// sngon du pa la li'i rgyal po'i mir gyur pa'i tshe sngon lam btab pa/ rkar rje'i rgyal po'i grogs su 'gyur te/ nam de'i dus na bab pa na/ skar rdo'i rgyal po pid ku la'i chung ma khyer bar gyur te/ de'i tshe pid ku las gtam par rer po bsgrags nas/ mi de yang mi bsam pa sems pa las na/ lus 'di ci zhig bya snyam nas/ de'i tshe skyo ba chen po skye bar 'gyur ro// de'i tshe sngon gyi dge ba'i rtsa ba dran par 'gyur te/ 'di ni bud med du skye ba'i tha ma yin te/ sangs rgyas kyi bka' 'di dran par bya'o/ / de nas nam 'tshe'i bar du dge bsnyen ma'i bslab pa'i gzhi 'dzin par 'gyur te/ de'i tshe kun tu dga' ba zhes bya ba'i gzungs sngags brjod nas/ der gang gi tshe rabs dran par gyur pa ti nge 'dzin dang / bzod pa 'thob par 'gyur ro// de ras ring po mi thogs pa ral der gdong dpar dpas 'dzin par 'gyur te/ de dag thog ma li yul du 'gro 'dong pa de'o ma/ sangs rgyas
- 290a
bcom ldan 'das de dag dang / li yul gyi srungs ma'i lha de dag dang / rgyal po chen po bzhi dang / gnod sbyin kun tu rgyal dang / 'brog pa'i bu dang bcas pa dang / byang chub sems dpa' spyan ras gzigs kyi dbang phyug rnams ka bil nas mchod rten du thams cad 'ong bar 'gyur te/ der bcom ldan 'das kyi spyan sngar gzungs sngags bshad do// de'i tshe der mchod rngan de nyid las 'di ltar byang phyogs pa la sogs pa'i dmag 'ong bar 'gyur te/ shin tu mi bzad pa yin no zhes sgra rang 'byung bar 'gyur ro// de'i tshe byang chub sems dpa' spyan ras gzigs dbang phyug dang // lnga rnams dang / 'phrog ma bu dang bcas pa de dag thams cad mya ngan gyi gos bgos nas/ der 'ongs te 'di skad du gdong dmar gyi dmag 'ongs te/ dri gtsang khang dang / mchod rten dang / dge 'dun gyi kun dga' ra ba rnams kyang 'jig par byed kyis/ ci nas yul kun 'jig par mi 'gyur bar grogs gyis shig ces zer ro// de nas de'i tshe dri ma med pa'i 'od kyis 'di skad ces smras so// bdag gis bgyi ba gang lags pa de bka' stsol cig dang / da yul gyi phyir ci ste bdag gi srog yal du zin kyang de la chags pa med do// de nas lha rnams kyis 'di skad ces smras so// 'di la thabs cig kho na zhig yod de/ ci nas yul gyi mi thams cad kyis theg pa chen po'i mdo dam pa'i chos pad+ma dkar po'i mdo nyi shu rtsa gcig bris la/ dam pa'i chos pad+ma dkar po'i chos kyi rnam grangs kyi srungs
- 290b
ma'i lha de dag dang / mdo de las mi smos pa'i srin po dang / srin mo gang yin pa de dag la chos sbyin par bya ba'i phyir/ a shwa dam pa'i mchod rten chen po bklag par ste/ ro dang ldan pa'azas kya chag par bya'o/ / mar me dag kyang sbyar bar bya'o// de nas dri ma med pa'i 'od kyis 'di skad ces smras so// bdag gis yul gyi phyir thams cad 'drir gzhug pa dang / klog tu gzhug par bsgo ba'i mthu de lta bu bdag la med kyis/ yul gyi phyir bdag nyid kyis klog cing ro dang ldan pa'i zas rnams kyang gzhag go// mar me de dag sbyar ro// gang gi tshe dri ma med pa'i 'od kyis dam pa'i chos pad+ma dkar po klog pa dang / ro dang ldan pa'i zas rnams gzhag par rtsom pa de'i tshe/ gdong dmar de dag lo dang po la li yul du 'gro bar rtsom par 'gyur ro// de nas lo gsum pa'i tshe 'gro nus par 'gyur de'i tshe sdig byed kyi grogs por gyur pa'i mi rgod lnga brgya po gang yin pa de dag kyang de'i tshe mi rgod kyis 'dzin par 'gyur ro/ / de'i tshe dri ma med pa'i 'od g.yengs par 'gyur te/ dam pa'i chos pad+ma dkar po dag kyang klog par mi byed/ ro dang ldan pa'i zas rnams kyang 'grems par mi byed do// de nas gdong dmar rnams rang gyi yul nas 'phags te/ stor zla ra ba la li yul du 'gro bar chas so/ / de'i tshe li'i rgyal po sring mo dri ma med pa'i 'od la mi dga' 'o// tu bal dang / a kun gnyis kyang de'i tshe g.yengs par gyur te/ klog par mi byed/ ro dang ldan pa'i
- 291a
zas rnams kyang 'grems par mi byed/ mar me yang sbyar bar mi byed do// de ras lha rnams tsar min d+ha'i yul du g.yul 'gyed de pham par 'gyur ro// de'i tshe dri ma med pa'i 'od kyis dgag dbye'i tshes bcu bzhi la gzungs sngags brjod nas/ der lha rnams kyis yid du mi 'ong ba'i tshig smras pa/ khyod kyis dam ches pad+ma dkar bo'i chos kyi rnam grangs bdag gis nyin gcig bzhin du cho ga bzhin bklag par bya'o/ / zhes gang smras pa de/ khyod kyis ma bklags pa'i phyir/ kho bo cag pham par gyur pas/ sum pa rnams 'dir 'ong bar 'gyur ro zhes zer ro// / dri ma med pa'i 'od kyis zhus pa bam po bzhi pa/ de nas de'i tshe lha mo dri ma med pa'i 'od kyis/ bcom ldan 'das la 'di skad ces gsol to// bcom ldan 'das sngon byung ba gang lags pa dang / slad kyis ji ltar 'gyur ba dang / ci nas bdag gis jiltar dran par 'gyur ba bshad du gsol/ de nas bcom ldan 'das kyis 'di skad ces bka' stsal to// ma 'ongs pa'i dus na yul 'dir 'di lta bu byung bar 'gyur te/ de la 'di skad ces bya'o/ / li yul gyi rgyal srid sum pas 'dzin par 'gyur te/ de na gang gi tshe rgyal po 'phags skyes pos shAkya'i yul du dmag drangs pa de'i tshe/ shAkya'i yul gyi mi rgyal po'i 'khor
- 291b
du gyur pa zhig shAkya dag gi zla la g.yul bkye nas/ de'i phyi bzhin du mi gzhan zhig byung ba des der 'di skad du khyod kyis shAkya thams cad la bslab pa 'dzin du bcug nas de dag gi yul du byung na yang 'thab mo ma byas pas na ma 'ongs pa'i rus su gang du khyod kyi sku gdung dang / bstan pa byung ba der nges dge 'dun gyi kun dga' ra ba rnams dang / mchod rten chen po rnams ci nas kyang gzhig par bya'o zhes smon lam btab bo/ / de nas bcom ldan 'das kyis/ spyan ras gzigs dbang phyug la bos te bka' stsal pa/ nu sdug gang gi tshe bcom ldan 'das rin chen snying po grong khyer du gshegs pa de'i tshe/ dera'u bu cag gnyis kyis lhan cig tu sangs rgyas su lung bstan pa thob par dran par gyis shig/ de nas yang bcom ldan 'das kyis/ spyan ras gzigs dbang phyug la bka' stsal pa/ nu sdug pa li yu la der de lta bu'i dus la bab pa na/ ji ltar yang yul de cung zad kyang 'jig par mi 'gyur ro// de nas de'i tshe bcom ldan 'das kyis/ nor bu bzang la 'di skad ces bka' stsal to/ / byang chub sems dpa' spyan ras gzigs dbang phyug dang / ngas dgongs te/ u rgyan gyi yul der lung ji ltar bsgo ba de bzhin du 'dir zung zhig/ de nas gang gi tshe bcom ldan 'das kyis li yul du sum pa 'ongs pa de ltar thugs su chud pa de'i tshe/ sngar ras gzigs dbang phrag la 'di mad ces dka' stsal to// na sdug
- 292a
khyod kyis li yul 'di lta bur 'gyur ba'i dus la bab pa de'i tshe skabs phye zhig/ de nas de'i tshe spyan ras gzigs dbang phyug gis cha lugs kyis gzugs byas nas/ dge slong zhig la byin te/ des li yul der khyer te 'ong bar 'gyur ro// de'i tshe byang chub sems dpa' 'phags pa spyan ras gzigs dbang phyug gis li yul dang dmag gi dpung 'dzin pa'i lha gang yin/ pa de dag la skul bar byed do// dge slong de'ang phyis gser gyi yul du skye bar 'gyur te/ bsod nams la dga' ba zhes bya bar 'gyur ro// gang gi tshe shi bar 'gyur ba de'i tshe yang sangs rgyas kyi zhing yongs su dag par 'gro bar 'gyur ro/ / gang gi tshe sum pa 'ong bar 'gyur ba de'i tshe/ dgun zla tha chung tshes bco lnga nya'i nam phyed de dag gis/ dri ma med pa'i 'od de la bos te/ 'di lta ste/ kye rab nges li yul du dmag 'ongs so/ / rgyal po yang phyir byung ste/ yul yang shin tu mi bzad pa'i dus la bab bo zhes zer ro// gnod sbyin ser skyas kyang 'di skad du khyod dang lhan cig tu li yul bsrung ba'i phyir lag tu mnos pa'i lha dang gnod sbyin gang ji snyed yod pa de dag la ci nas gser gyi yul bsrung ba dang / ci nas sum pa dag gis bshig par mi 'gyur ba de lta bu sgo zhig ces zer ro/ / de dag kyang 'di skad du bdag cag gis yid bzhin gyi nor bu rin po che gang gis khyod las byed nus par 'gyur ba dang / ci nas sum pa rnams phyir ldog par 'gyur ba dang / rgyal po
- 292b
'ang phyir rang gi yul du 'ong bar 'gyur ba de lta bu sbyin par bya'o zhes zer ro/ / de'i tshe ci nas sangs rgyas de dag gis chos bshad pa thams cang der yongs su shes par 'gyur par bzungs sngags de'ang byin no/ / tad+ya thA/ u ka se mu ka se/ u ku ru mu ku ru phuHswAhA/ tad+ya thA/ ni rdzi ta brdzi te/ d+harma skan d+ha/ a pa rA dzi te/ in+d+ra ba b+h+ri te puHswAhA/ 'di skad du gzungs sngags 'di dag zla ba gcig gi bar du phye ma red kyi dus su lan brgya rtsa brgyad brgyad rjod cig dang / ji ltar 'gyur ba bdag gis khyod la bstan par bya ste/ gzungs sngags de dag kyang bstan par bya'o zhes kyang zer ro/ / gang gi tshe rab nges kyis zla ba gcig gi bar du gzungs sngags brjod nas/ de'i dpyid zla ra ba tshes bcu bzhi la lha rnams kyis brjod du bcug pa'i gzungs sngags gang yin pa de brjod nas/ de'i tshe bsam gtan gyi 'dun khang gi steng khang du de bzhin gshegs pa shAkya thub pa dang / de bzhin gshegs pa mi 'khrugs pa dang / de bzhin gshegs pa rin po che tog dang / de bzhin gshegs pa tshe dpag med dang / de bzhin gshegs pa rnga sgra dang / sangs rgyas bcom ldan 'das ji snyed der 'dus par 'gyur ba'i sangs rgyas bcom ldan 'das de dag thams cad thabs cig tu chos bgro ba mdzad mdzad pa der/ sangs rgyas bcom ldan 'das chos kyi 'byung gnas zhes bya ba kang+ga'iri klung gi bye ma snyed gshegs so// lha'i rgyal po sum cu rtsa ba'i sa twang der 'ong she dir med
- 293a
las rab nges zhes bya bar 'gyur ba de'i thad du tshes bcu bzhi'i nyin par 'ong bar 'gyur te/ ba lang ba sum pa rnams dpyid zla tha chung la nges par phyir ldog par 'gyur ro// de'i gzungs sdug gang dag gi sum pa rnams phyir ldog par 'gyur ba dang / mu ge'ang 'byung bar mi 'gyur ba dang / de bzhin gshegs pa chos kyi 'byung gnas zhes bya ba de dag der gshegs par 'gyur ba'i gzung sngags de dag kyang byin no/ / de bzhin gshegs pa chos 'dzin la phyag 'tshal lo// de bzhin gshegs pa chos dpa' ba'i rigs la phyag 'tshal lo// de bzhin gshegs pa chos snang la phyag 'tshal lo// de bzhin gshegs pa chos dgyes la phyag 'tshal lo// de bzhin gshegs pa chos gnas la phyag 'tshal lo// de bzhin gshegs pa chos kyi tog la phyag 'tshal lo// de bzhin gshegs pa chos kyi gzi brjid la phyag 'tshal lo/ / de bzhin gshegs pa chos dbang la phyag 'tshal lo// de bzhin gshegs pa chos brtan la phyag 'tshal lo// de bzhin gshegs pa chos brtsegs la phyag 'tshal lo tad+ya thA/ bu bu bu buHd+harma a d+hiSh+Ti te phuHa a a a/ da ku la a d+hiSh+Ti te/ bi dza rI phug tsa re phuH/ bi bi bi bi phuH/ sa sa sa sa phuH/ ko ko ko ko phuH/ hA hA hA hA phuHswAhA/ gzungs sngags 'di ni sa 'dzin pa zhes bya ste/ bab tsal la zhugs pa'i sems can gang yin pa des lan brgya rtsa brgyad bzlas brjod byas na de las thar par 'gyur ro// gang gi tshe dmag byung ba de'i tshe'ang bzlas brjod bya'o// de nas de'i tshe
- 293b
s angs rgyas bcom ldan 'das rnams kyis gzhon nu rdo rje sde dang lha mer pa nas bya bar 'gyur ba gang yin pa de'i don gyi phyir der tshes bcu bzhi'i nyin par skar rje'i rgyal po rnam par rgyal ba'i ge chal ngam stsol bar mdzad do/ / gang gi tshe der rgya dang sum pa 'ong bar 'gyur ba de'i tshe/ de li yul du rgyal srid 'dzin par 'gyur te/ yul gyi phyir glud 'jal bar 'gyur ro// dri gtsang khang dang / dge 'dun gyi kun dag ra ba dang / mchod rten rnams gdong dmar dag gis bsregs pa'ang phyir 'tshob par byed do// lo du mar yul bde ba dang / lo legs pa dang / yid du 'ong bar gnas par 'gyur te/ de'i tshe gzungs 'di'ang stsol bar mdzad do/ / na mo d+harma tsin ta ku la s+ya/ ta thA ga ta s+ya/ tad+ya thA/ tsa tsa tsa tsa/ AM AM AM/ ru tsa na gan d+he/ pa ru ra gan d+he/ re d+hA nA d+hISh+Thi te ku la a d+hiSh+ThI te sAhA/ gter rnyed par 'dod pa'am/ yang ni nor mang po rnyed par 'dod na/ kha zas mi bza' bar gzungs sngags 'di lan brgya rtsa brgyad bzlas brjod bya'o// sgrub pa'i thabs ni 'di yin te/ zhag bdun gyi bar du bslab pa bzung la/ sha mi bza' bar 'o thug gam/ 'bras chan bza' bar bya'o// zhag bdun pa'i nyin par ni kha zas mi bza' bar nang par khrus byas la/ gzungs sngags 'di'ang bzlas brjod byas te ri'i rtse mor 'phags pa spyan ras gzigs dbang phyug gi mdun du lan stong bzlas brjod bya'o/ / pad+ma song gi seng du gser gyi pad+ma bdun bzhag sde/ byang chub sems dpa' mdun du gur kum gyi dkyil
- 294a
'khor byas la/ ro dang ldan pa'i zas sna brgyad gur kum gyis bsgos pa dang / gur kum gyi chus bkang ba'i snod bzhi bzhag ste/ der spun sreg 'di'ang bya ste/ a ka ru nag po dang / tsan dan dkar po dang / tsan dan dmar po dang / tsan dan ser po rnams kyi yam sreg shing dang / 'bras ma drug pa dang / sha ri ba rnams bsreg par bya'o// cho ga ni 'di ltar bya ste dkyil 'khor du su brna yab stong la lan re bzlas brjod bya ste/ sbyin sreg bya'o// a ka ru dang / rgya spos dang / ka li ya ka dang / ga pur dang / she le ya ga dang / gur kum dang / du ru ka rnam kyi bdug pas kyang der bdug par bya'o/ / de'i tshe gzungs sngags 'di'ang ji ltar rta gnas kyi rig sngags bshad pa'i cho ga rgyas pa bzhin du bzlas brjod bya'o// gnas der ri'ang bri bar bya'o// yang na ri'i steng du bzlas brjod bya'o// de nas de'i tshe bcom ldan 'das kyis/ byang chub sems dpa' spyan ras gzigs dbang phyug la 'di skad ces bka' stsal to// de'i tshe khyod kyis rab nges de la dran par gyis la/ cho ga rgyas pa 'di'ang shod cig dang / sangs rgyas kyi bka' bzhin du byed pa gang yin pa'i byang chub sems dpa' spyan ras gzigs dbang phyug dang / dbang phyug gi lha dang / ljon phag rgyal po dang / snying rje'i dbang phyug rgyal po dang / snying rje'i dbang phyug dang / spong ba'i 'od kyi dbang phyug dang / dri za'i dbang phyug dang / tshogs kyi dbang phyug dang / 'jig rten dbang
- 294b
phyug dang / 'od kyi dbang phyug dang / rigs kyi dbang phyug dang / chos kyi dbang phyug dang / byang chub sems dpa' de dag der 'ong bar 'gyur ro// gsang sngags 'di'ang bshad da/ rab nges gsang sngags 'di rjod cig ces zer ro/ / sangs rgyas la phyag 'tshal lo// chos la phyag 'tshal lo// dge 'dun la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug la phyag 'tshal lo/ / sngon gyi tshe na bsam pa yi// gsang sngags rab tu bshad pa 'di// sems can rnams la snying brtse'i phyir// cho ga 'di ni bshad par bya// byang chub sems dpa' sems dpa' chen po 'phags pa spyan ras gzigs dbang phyug snying rje chen po dang ldan pa la phyag 'tshal lo/ / bcings pa thams cad gcod par mdzad pa la phyag 'tshal lo// 'jigs pa thams cad rab tu zhi bar mdzad pa la phyag 'tshal lo/ / sems can thams cad la byams par sems pa la phyag 'tshal lo// sems can thams cad la bde bar byed pa'i rig sngags 'di ni rab tu bshad/ tad+ya thA/ tsa ra tsa rA/ NI sa ra sa ra ta/ sa ra bi sa ra/ bud+d+ha bud+d+ha/ bo d+ha ya bo d+hA ya/ sarba satwA hi ta/ a nu ka ma b+hI/ bo d+ha ya bo d+ha ya/ mi te Ar+yA ba lo ki te shwa rA ya/ sma ra sma ra sa ma yan/ sarba satwA nAnA/ mai tri tsi ta tA nAnA/ yas sarba satwA nAn/ mor shar/ ki ri ki ri ki ri/ kau ri ki ri ki ri/ ki ri ri ri/ tu ru tu ru tu ru tu ru/ bo d+hi ma bo d+ha yA mi te/ hu ru hu ru/ mu ru mu ru/ shI
- 295a
g+h+raM a gats+tsha a gats+tsha/ sarba satwa hi tA/ nu kam bI sarba sid d+heH ma hA ka ru ni ka/ dar yA ru pAn/ sA d+ha ya sA d+ha ya/ bi d+yAn de hi/ de hi mAM pa ra/ d+ha nan/ g+ha nAn g+ha nan/ su ru me/ su ru me/ ma hA su ru me swA hA/ na mo Ar+yA ba lo ki ti shwa rA ya/ bo d+hi satwa ya/ ma hA satwa ya/ sid d+hAn tu man tra pA tA sA hA/ na mo rat+na tra yA ya/ na maHAr+yA ba lo ki shwa rA ya/ bo d+hi sa twa ya/ ma hA satwa ya/ tad+ya thA/ d+hu ru d+hu ru/ a si ma si ma li ni/ hu hu ma ma li ni/ du du be na be na mo na maHswahA/ na mo rat+na tra yA ya/ na maHAr+yA ba lo kiM taM shwa rA ya bo d+hi satwA ya/ ma hA satwA ya/ tad+ya thA/ mu ga te mug te/ ts+tshe da nai ts+tshe ra ni/ bi ts+tshe da ni bi ts+tshe da ni/ nir ma le/ mngag l+ye/ su mu khe bi mu khai/ 'jigs pa thams cad las rnam par thar par byed pa/ gnod pa thams cad las rnam par thar par byed pa ni/ rgyal po'i 'jigs pa dang / chom rkun gyi 'jigs pa dang / 'chi ba'i 'jigs pa dang / mi mdza' ba'i 'jigs pa dang / dudrug gi 'jigs pa dang / mtshon gyi 'jigs pa dang / me'i 'jigs pa dang / chu'i 'jigs pa dang / pha rol gyi dmag tshogs kyi 'jigs pa dang / dmag gi nang na 'dug pa dang / chom kun gyi nang na 'dug pa dang / seng ge'i nang na 'dug pa dang / stag gi nang na 'dug pa dang / dom gyi nang na 'dug pa dang / gzig gi nang na 'dug pa dang / gcan gzan khro bo'i nang na 'dug pa dang /
- 295b
sbrul nag po'i nang na 'jug pa dang / ljags sgrog tu bcug pa dang / shing sgrog tu bcug pa dang / ko drar bcug pa dang / sbrul po che'i nang na 'dug pa dang / glang po che'i nang na 'dug pa dang rgya mtsho'i nang na 'dug pa dang / dus kyi zhags pas zin pa dang / sdug bsngal thams cad las thar bar 'gyur zhing / gnod pa thams cad las thar par 'gyur ro// 'phags pa spyan ras gzig dbang phyug bdag la srung du gsol/ ha te bi ha te/ ha re bi ha re/ sarba na bi d+ha na sa yA pra t+ya/ r+tha kam/ mo kra Ni bir+ya TI swA hA/ dkon mchog gsum la phyag 'tshal lo// byang chub sems dpa' sems dpa' chen po 'phags pa spyan ras gzigs dbang phyug snying rje chen po dang ldan pa sems can thams cad la snying brtse ba la phyag 'tshal lo/ / sems can thams cad la byams par sems pa la phyag 'tshal lo/ / sems can thams cad sdug bsngal las rab tu thar par mdzad pa la phyag 'tshal lo// bcings pa thams cad gcod par mdzad pa la phyag 'tshal lo// 'jig pa thams cad rab tu zhi bar mdzad pa la phyag 'tshal lo/ / de la phyag 'tshal lo// de la phyag 'tshal nas/ 'phags pa spyan ras gzigs dbang phyug gi snying po las dang don thams cad sgrub pa/ nad thams cad las rnam par thar par byed pa 'di brjod par bya'o/ / tad+ya thA/ su ru su ru su ru/ tu ru tu ru/ hi li mi li/ si l-i si li/ di si li/ dz+wa laM dz+wa li ne/ u lu khA mu khe/ pug ka saM go ri kan d+ha ri/ drA di Di mA tang gi pu ka ka
- 296a
swe/ d+hu re dU re d+hu d+hu re/ d+harme d+harme/ d+ha ma ne/ shan te/ shan tan mA se mug te/ bi mug te/ dza ye bi dza ya/ hi li mi hA le/ sub ne sum ne/ su ra se a bri ta sA d+ha ni na d+hi na d+hi mu khe/ tsan+ne tsan+d+ra mu khe/ pad+me pad+ma mu khe/ shud+d+ha kan tre/ sUr+ya pra b+he sAr+yA ra shI sa tri she brah+ma sA re in+ne/ in+d+ra kra me/ b+ha ye A ra dze/ a mr-i te ma hA pra b+he dun du b+hi sA re ma d+hu ra sA re/ sarba satwa/ a nu ka me pA ya/ sA d+ha ya sA d+ha ya/ bud+d+ha ma nu sma rA hi/ d+harma ma nu sma rA hi/ sang g+ha ma nu sma ra hi/ b+hU d+hu b+hu d+h+ya/ hri da ya ma nu sma rA he/ bo d+ha ya bo d+ha ya/ bo d+hi satwa/ me karma sA d+ha ya/ ba ra d+hA ya swA hA/ ka ru Ni kA ya swA hA/ karma ma sA d+ha ya swA hA/ na maHAr+yA ba lo ki tai shwa rA ya/ sid d+ha na du man tra pa rA swA hA/ gang gi tshe 'di dag lan brgya rtsa brgyad bzlas / brjod byas na/ pad+ma'i sbyin sreg byas par 'gyur te/ de'i tshe gsang sngags 'di dag bzlas brjod bya'o// na mo rat+na tra yA ya/ na maHAr+yA ba lo ki te shwa rA ya/ bo d+hi sA tA ya/ ma hA satwA ya/ tad+ya thA/ khi ri khi ri/ tsau ri tsi ri/ su ru su ru/ gats+tsha gats+tsha tshA ya/ thA su khaM/ Ar+yA ba lo ki te shwa rA ya swA hA/ lan gsum brjod par bya'o// me tog dang bdug pa la'ang lan gsum bzlas brjod bya ste/ a ka ru'i bdug pa bsregs la/ 'phags pa spyan ras gzigs dbang phyug la slar gtang bar bya'o// 'di'i cho gar bya ba thams cad ni sngar bshad pa'i cho ga rgyas pa'i nang
- 296b
du 'dus so/ / rtswa gnas kyi rig sngags kyi dkyil 'khor las bzlas brjod ji ltar bya ba bzhin du/ 'phags pa spyan ras gzigs dbang phyug gi cho ga 'di 'ang de bzhin du bzlas brjod bya ste/ cho ga de nyid dang 'dra'o/ / de'i tshe gzungs sngags 'di'ang gser gyi pad+ma'i cho ga mchod pa'i skabs su bshad pa bzhin du brjod par bya'o// de'i tshe mdo 'di'ang gser gyi rigs kyi yul du bskur bar bya'o// de'i tshe sangs rgyas bcom ldan 'das de dag gis 'di skad ces gsungs so/ / bcom ldan 'das shAkya thub pa'i phyag mtshan li'i yul 'khor der mi ji snyed skye bar 'gyur ba de dag thams cad ni bla na med pa yang dag par rdzogs pa'i byang chub tu nges par 'gyur ba dang / phyir mi ldog pa sha stag ste/ der rgan po dang byis pa rnams kyis bsod nams ji snyed byed pa thams cad kyang bla na med pa yang dag par rdzog pa'i byang chub tu yongs su sngo bar byed do/ / de la li'i yul 'khor de ci'i phyir yang dang yang du gzhig par 'dod la/ gzhig nus par mi 'gyur zhes the tsom 'byung ste/ de'i tshe sangs rgyas bcom ldan 'das kyis bla na med pa yang dag par rdzogs pa'i byang chub tu lung bstan pa'i byang chub sems dpa' lnga brgya sangs rgyas kyi bstan pa ji srid gnas kyi bar du rtag tu yul der skye ba len par 'gyur te/ sum brgya ni dge slong dang / dge slong ma'i tshul du gan so// nyis brgya ni dge bsnyen dang / dge bsnyen ma dang / rgyal po'i 'khor dang / skyes pa dang / bud med dang / rgan po dang / byis pa'i tshul du gnas te/ byang chub sems dpa' de dag li yul 'khor
- 297a
der sems can la phan pa dang / bstan pa yongs su bsrung ba'i phyir li yul du gnas so// gang gis bcom ldan 'das la theg pa chen po mdo sde shes rab kyi pha rol tu phyin pa'i mdo'u bar byed pa'i gnas brtan rab 'byor 'di ni/ dge slong brtson 'grus las byung ba de yin par rig par bya'o// de'i tshe ci'i phyir yul de 'jig par mi 'gyur zhe na/ de bzhin gshegs pa shAkya thub pa dang / de bzhin gshegs pa chos kyi 'byung gnas de dag dang / byang chub sems dpa' spyan ras gzigs dbang phyug gis ci nas der bdag cag sum pa rnams kyi mchod rten dang / dri gtsang khang dang / dge 'dun gyi kun dga' ra ba rnams 'jig par mi 'gyur bar yul de byin gyis brlabs pa'i phyir ro/ / de bzhin gshegs pa shAkya thub pas/ ka pi la na'i mchod rten la bzhugs pa'i de bzhin gsheg pa dri ma med pa'i dpal tsan ngan gyi snying po dang thabs cig tu sangs rgyas kyi 'phrin las mdzad do zhes de ltar mkhyen to/ / de'i tshe grong khyer der mir gyur pa dge slong dang / rgyal po'i 'khor dang / gzhan yang skye bo mang po 'byung ba de dag sum pa rnams kyis sangs rgyas kyi mchod rten dang / dge 'dun gyi kun dga' ra ba rnams bshig tu 'ong ngo snyam ste/ shin tu yid mi bde bar 'gyur ro// de nas sangs rgyas bcom ldan 'das de dag gis/ ka bi la ni mchod rten de'i srungs ma'i mir 'gyur ba gang yin pa de dag 'di snyam du/ bdag cag gis sangs rgyas bcom ldan 'das grong khyer du gshegs par bya'o snyam du sem
- 297b
kyi rtog pa skyed par mdzad do/ / gang gi tshe sangs rgyas bcom ldan 'das grong khyer gyi nang du bzhugs pa de'i tshe/ ka pi la na'i mchod rten du/ sangs rgyas bcom ldan 'das chos kyi 'byung gnas rnams gshegs par 'gyur te/ lha rnams kyi mya ngan bsal ba'i phyir 'du bar mdzad do// de'i tshe de'i nub mo dri ma med pa'i 'od las/ rab nges zhes bya bar gyur pa des lha rnams ngu ba'i sgra thos so// ngu ba'i sgra thos na/ grong khyer 'dir sdig can dag mi 'ong grang snyam nas 'jigs shing skrag par gyur te/ gzungs sngags brjod do// de nas bcom ldan 'das rnams kyis 'di skad ces gsungs so// sangs rgyas bcom ldan 'das chos bzhin du grong khyer du gshegs su gsol cig/ de nas bcom ldan 'das mngon sum du bzhugs pa ji lta ba bzhin du grong khyer gyi sgo nas gshegs su gsol bar byed do// sangs rgyas bcom ldan 'das grong khyer du gshegs par gyur pa de na/ sangs rgyas bcom ldan 'das gang dag gis 'od zer gtang ba dang / de dag las tshig de dag 'byung ba de dag gis rab des de la khyod ma 'ongs pa'i dus na 'jig rten gyi khams bud med du grags pa zhes bya bar/ bskal pa bud med du grags pa zhes bya ba la sangs rgyas bcom ldan 'das chos rnam par sgrogs pa phyag na rin chen mdzod bsnams zhes bya bar 'gyur ro/ / zhes lung bstan pa thob par 'gyur ro// de'i tshe rab nges zhes bya bar gyur pa dang / ka pi la na'i mchod rten gyi drung du sangs rgyas bcom ldan 'das 'od zer gtong ba de
- 298a
dag gser gyi yul dge slong gi dge 'dun rnams dang thabs cig tu 'ong bar 'gyur te/ ci nas sum pa rnams kyi thar byed pa de las thar par bya ba'i phyir/ de sngon gyi ma byin/ pabapar len pa las grol bar mdzad do// de nas gtam de grags par gyur nas/ sum pa rnams phyir ldog par 'gyur ro// de nas de'i tshe der rab nges des phyir 'khor du 'gyur ba gang yin pa'i sem can phal po che rnams 'dul bar 'gyur ro/ / de nas sangs rgyas bcom ldan 'das kyis 'di skad ces bka' stsal to// khyed rnams ma 'ongs pa na/ ci'i phyir ba bdag sum pas nga'i yul du dri gtsang khang dang / dge 'dun gyi kun dga' ra ba rnams bshig par 'gyur snyam du the tsom gyur tam/ yang na sum pa 'di dag la ci'i phyir ba bdag ces bya zhe na/ 'das pa'i dus na rgyal po tshangs sbyin zhes bya ba zhis byung ste/ de'i yul du kun tu rgyu byang chub ces bya ba zhig byung ste/ rgyal po tshangs sbyin des yul nas bskrad nas/ rgyal po gzhan zhig gi yul du phyin te/ bdag 'dir phan tshun du rtsa ba dang 'bras bu bza 'o snyam ste/ der lo ma'i spyil po zhig byas nas 'dug go/ de nas bud med gzhan zhig jo bo'i ba 'tsho zhing 'dug pa des kun tu rgyu de mthong nas/ sems dad pa thob ste/ nyin gcig bzhin du bdag gi zas la longs spyod cig ces kha zas la mgron du gnyer to/ / ba de dag ni bud med de nyid dbang ba ma yin te/ jo bo'i yin pas na/ kun tu rgyu la kha zas byin pa gang yin pa de ni de'i sbyar bar gyur to//
- 298b
ba dag mi dbang ba'i 'o ma kun tu rgyu la byin pa gang yin pa de ni ma byin par blangs par 'gyur to// de nas ba lang de dag gi bdag por gyur pa'i mi gang yin pa des ni shAkya'i yul du skye ba blangs te/ des 'di skad du ma 'ongs pa'i dus na/ bcom ldan 'das khyod kyi bstan pa bdag gis gzhig par gyur cig ces smon lam btab ste/ de'ang gzhan yin par mi blta'i/ sum pa'i rgyal po gang li yul 'jig par byed pa de yin no/ / kun tu rgyur gyur pa gang yin pa de ni/ bcom ldan 'das shAkya thub pa nga yin no// bud med gang gis kun tu rgyu la 'o ma byin pa de ni rigs dang ldan pa'i bud med gang gis sangs rgyas dka' ba spyod ba spyad nas/ thog ma zhal zas 'bul ba 'di yin no// de nas de'i tshe sangs rgyas bcom ldan 'das kyis 'di skad ces bka' stsal to// nga'i yul der sum pa dang gdong dmar dag 'ong ba de'i rgyu ni 'di yin te/ rgyal po gzugs can snying po zhes bya ba zhig byung ste/ de'i tshe rgyal po de'i yul na bud med gzhan zhig la bu yod pa de/ zhing rmo ba'i phyir phyi rol du byung ngo // der mi gzhan zhig gis kyang de'i 'dab tu zhing rmos so/ / de nas bud med de'i bu des/ mi de'i rkyal pa dang / shing gzhong dang / phye dang / zong dag cig brkus te/ phye dang zong la sogs pa brkus pa'i phyir/ ba bdag sum pa dang / gdong dmar rnams li yul du 'ong bar 'gyur ro/ / bud med de'i bu gang gis phye dang / rgyal ba dang / shing gzhong dang / zong khyer ba da ni li'i rgyal por 'gyur ro// mi gang gi rgyal ba la sogs pa rdzas phrogs pa ni/ de'i tshe gdong dmar
- 299a
gyi rgyal por 'gyur ro/ / ba de dag ni de'i tshe dmag mir 'gyur ro// mi de'i mar gyur pa'i bud med de ni/ de'i tshe li yul gyi rgyal po'i mar 'gyur ro// ma byin par len pa byed byed pa'i mi de'i mas ni phye de blangs te/ sangs rgyas kyi nyan thos kyi dge slong grong khyer mdzes zhes bya ba la bsod snyoms su phul te/ dge ba'i rtsa ba des na yang mir skye ba thob par 'gyur ro// mi de ni mal phye byin pa dang / mas kyang dge slong grong khyer mdzes la phul ba'i bsod nams bsags pas ma 'ongs pa'i dus na li yul du dpa' sbed ces bya bar 'gyur te/ rgyu des na rnam par rgyal ba'i go cha zhes bya bar yang gyur nas/ rgyal srid thob par 'gyur te/ skar rdo'i g.yul 'gyed par 'gyur ro// phye sbyin par byed pa de ni rgyu des na mir skye ba thob par 'gyur te/ mi des lam gyi 'gram na 'bras rmos so// der mi gang dag gis 'bras chan gzan par byas pa de ni/ de'i tshe dge slong du gyur te/ des na de dag gis dge 'dun gyi nor yul gyi glad du 'jal bar 'gyur ro// der bya sna tshogs kyis 'bras zos pa gang yin pa de dag ni/ de'i tshe li'i rgyal po'i bran du 'gyur ro// de'i tshe bcom ldan 'das kyis 'di skad ces bka' stsal to// 'di ltar li yul du mi rgod mang po 'byung bar 'gyur te/ de dag gis ni gang gi tshe gzhon nu dge byed skyes pa de la phan 'dogs par 'gyur ro/ / gang gi tshe sdig byed skyes pa na de la gnod pa byed par 'gyur te/ de'i tshe mi rgod lnga brgya po de dag rgyal po yab kyi thad du gtong
- 299b
bar 'gyur ro/ / mi rgod de dag kyang li yul der skye ba len par 'gyur te/ dge 'dun gyi nor dang / mchod rten gyi nor chud gzon par byed do// mi rgod de dag kyang sngon ma byin pa len pa byed byed pa'i phyir yan lag bcad nas/ des na de dag gis kyang / li'i rgyal po rnam par rgyal ba'i grags pa gsad par 'gyur ro// ma 'ongs pa'i dus su mi rgod de dag 'khor ba las grol bar byed pa'i dge slong zla ba dag pa zhes bya ba zhig kyang 'byung bar 'gyur te/ de'ang byang chub sems dpa' 'jam dpal sngon gyi sangs rgyas rnams kyi yab kyi bya ba byed byed pa 'di yin te/ de bzhin du byang chub sems dpa' 'jam dpal 'di ni ma 'ongs pa'i dus na/ sangs rgyas bcom ldan 'das rnam 'byung bar 'gyur ba'i bskal pa bzang po'i sangs rgyas de dag gi sku gdung yang 'dzin par 'gyur ro// gang gi tshe sangs rgyas bcom ldan 'das yongs su mya ngan la 'ang pa'i de'i tshe'ang byang chub sems dpal 'jam dpal bram ze dro nas go tra zhes bya ba chos dang ldan pa zhig tu 'gyur te/ gang gi tshe rgyal po rnams phan tshun du g.yul 'gyed par chas pa de'i tshe/ bram ze dro nas ge tra bum pa zang po blangs nas sku gdung 'gyed par byed do/ / gang gi tshe li yul du byang chub sems dpa' phal po che ma byung ba dang / mchod rten phal po che dang / sangs rgyas kyi sku gzugs dang / dge 'dun gyi kun dga' rab mdzes ba dag ma byung ba de'i tshe/ byang chub sems dpa' 'jam dpal grong khyer du 'byung bar 'gyur te/ rigs dang ldan pa'i bud med du 'gyur ro// byang chub sems dpa' 'jam dpal gyi spyod pa ji lta bu zhe na/
- 300a
thams cad du 'dod dgur bsgyur ba'i gzugs can yin te/ byang chub sems dpa'i rang bzhin ji lta ba bzhin du'ang snang / rgyal po ji lta ba bzhin du'ang snang / rgyal po ji lta ba dang dge sbyong dang / bram ze'i gzugs ji lta ba dang / 'dod pa'i khams su gtogs pa'i sems can rnams kyi bar du thams cad du 'jug par 'gyur te/ rol mo mkhan rol mo'i gnas la mkhas pa gzu rnam pa sna tshogs thams cad ston pa bzhin no/ / chags pa'i sems dang ldan pa'i sems can gyi thar du'ang shin tu lhag par ston to// ci'i phyir byang chub sems dpa' 'jam dpal bud med kyi gzug su ston ce na/ gang gi phyir bud med lhag par 'dod pa'i 'dod cha gral chas pa'i sim+ba dang ldan pa ni shin tu glen zhing shin tu ser sna che bas na/ de'i phyir byang chub sems dpa' 'jam dpal lhag par bud med du ston to// bud med byang chub kyi spyad pa spyod pa dag kyang yod pas na/ de'i phyir yang byang chub sems dpa' 'jam dpal de lta bur byed do// bud med du skyes nas snying rje chen po thob par 'gyur ba'i dus kyang yod do// bud med rnams 'dzem par 'gyur ba dang / 'khor ba'i skyon rtogs par 'gyur ba dang / skyes pa gzhan spong bar 'gyur ba dag kyang yod do// gang gi tshe ba bdag sum pa der 'ongs te/ mchod rten chen po rnams dang / dri gtsang khang mang po dang / dge 'dun gyi kun dga' ra ba bzang po rnams sreg par 'gyur bar lha mo dri ma med pa'i 'od kyis rtogs pa de'i tshe/ byang chub sems dpa' spyan ras gzigs
- 300b
dbang phyug gis lha mo de la 'di skad ces smras te/ sring mo sdug pa gang gi tshe bcom ldan 'das rin chen snying po grong khyer du gshegs pa de na/ nga khyod kyi dge ba'i bshes gnyen du 'gyur te/ der 'u bu cag gnyis kyis byang chub kyi phyir dang / sems can 'jigs shing skrag pa ji snyed yod pa de dag thams cad bdag gis yongs su bskyab par bya'o zhes smon lam btab pa'i dus de dran par gyis shig/ sring mo sdug pa ji ltar dri ma med pa'i 'od ces bya bar gyur pa de'i tshe/ rdo rje'i sde dang gnyis kyis bcom ldan 'das kyi bka' mnos pa dran par gyis shig/ gzungs sngags de dag dang / sangs rgyas kyi mtshan de dag dang / 'od zer gang dag byang chub sems dpa'i spyad pa spyod pa'i 'dir mthong ba de dag ngas rgyas par bshad kyis khyod kyis bzung la ris te/ der ming po'i thad du khyer cig/ mi mjed kyi 'jig rten gyi khams su sangs rgyas de dag gis 'od zer gtang ba'ang / li yul 'di bcom ldan 'das shAkya thub pa'i phyag mtshan yin la/ bskal pa bzang po'i byang chub sems dpa' de dag sems can rnams la phan pa'i phyir der skye ba len par 'gyur ba'i phyir ro/ / chos kyi rgyal po'i mchod rten de dag la/ sangs rgyas bcom ldan 'das phal po che dag gi sku gdung mang po gnas pa de dag lha mo de'i lag tu 'ong bar 'gyur te/ mchod pa'i phyir sems can de dag la 'gyed par byed do// yul der lha mo de snying rje skye bar 'gyur te/ ci nas mchod pa'i gnas su 'gyur bar byed do// de nas grong khyer gyi nang du
- 301a
khang pa shin tu mdzes par bya ste/ grong khyer de na mi ji snyed gnas pa de dag der ci nas bsod nams byed par 'gyur zhing 'dzin pa dang / mchod pa dang / rtse bar byed par 'gyur ba dang / ci nas spyod pa de la 'jug par 'gyur bar bya'o// ci'i phyir sangs rgyas bcom ldan 'das rnams kyis li yul gyi phyir chos yang dag par 'gro ba mdzad ce na/ li yul bcom ldan 'das shAkya thub pa'i phyag mtshan yin pa dang / bskal pa bzang po'i sangs rgyas ji snyed pa de dag thams cad kyi phyag mtshan yin pa dang / ri glang mgo dang go ma sa la gan+d+ha'i mchod rten du bskal pa bzang po'i sangs rgyas thams cad 'du bar 'gyur ba dang / li yul byang chub sems dpa'i gnas su 'gyur ba'i phyir ro// de nas sangs rgyas bcom ldan 'das kyis/ byang chub sems dpa' 'phags pa spyan ras gzig dbang phyug la bka' stsal pa/ gang gi tshe gdong dmar dang rgya 'thab pa'i dus la bab pa de'i tshe nu bo khyod kyis bya ba'i dus la bab bo// rab des kyang sems can la phan pa'i phyir shes bzhin du yang skye ba len par 'gyur ro/ / sangs rgyas bcom ldan 'das de dag gis 'dir 'od zer btang nas/ bcom ldan 'das shAkya thub pa la skyes bskur te/ skyes de dag kyang byang chub sems dpa' spyan ras gzigs dbang phyug gis 'dir khyer te 'ongs nas/ sems can 'jigs shing skrag pa rnams kyi don gyi phyir snying rjes sangs rgyas kyi zhing rnams kyang stsal lo// gzungs sngags de dag dang / 'od zer de dag kyang mi
- 301b
yul gyi don du sangs rgyas kyis bzhes nas de dag gi grogs su 'gyur ro/ / byang chub sems dpa' dag kyang ci nas li yul de 'jig par mi 'gyur bar bya ba'i phyir sangs rgyas kyi zhing sna tshogs nas shi 'phos nas/ der skye ba len par 'gyur ro// gang gi tshe li yul du gnod pa byung na de'i tshe/ sangs rgyas de dag gi mtshan dang / gzungs sngags de dag dang / 'od zer gyi ming de dag bris te/ grong khyer gyi sgo rnams su bzhag la/ dmag gi nang du'ang bris te rgyal mtshan la gdags so// yang na mi dag 'dzin du gzhug cing bklag pa dang / bcang bar bya'o// pha rol gyi dmag tshogs dang / mu ge rab tu zhi bar bya ba dang / dge ba'i phyogs 'phel bar bya ba dang / sdig pa 'byang bar bya ba dang / nad las thar par bya ba rnams la'ang phan par byed pa yin no// gang la sdig pa lci ba yod na/ des zhag nyi shu rtsa gcig gi bar du phyogs bcu'i sangs rgyas rnams la rim gro byas te/ sku gdung dang ldan pa'i mchod rten nam/ sangs rgyas kyi sku gzugs kyi spyan sngar dus gsum du bzlas brjod byas na/ dge ba'i phyogs las gang 'dod pa myur du thob par 'gyur te/ 'od zer de dag kyang de'i steng du gnas par 'gyur ro// pha rol gyi dmag tshogs 'ongs pa la'ang bzlas brjod bya'o// yang na nyin gcig bzhin du lan bdun bdun 'i klag par bya'o/ / gang sdug bsngal bar gyur pa'am/ nad pa'am/ yang na ji lta bur 'dod kyang rung ste bzlas 'arjod bya'o// yang na 'aklag par bya'o// ci ste mi klog na
- 302a
'ang skud pa la mdud pa bdun bor te/ lan bdun bdun bzlas brjod byas nas btags na sdug bsngal las thar par 'gyur ro// grong khyer gang gi sgol btags na/ grong khyer der dgra 'ong mi nus par 'gyur ro/ / de nas bcom ldan 'das kyis 'di skad ces bka' stsal to// gang gi tshe gdong dmar dang rgya 'thab pa'i dus la bab pa de'i tshe/ gzhon nu rdo rje sde bcom ldan 'das kyi las su bskos pa de/ rnam par rgyal ba'i go cha zhes bya bar gyur pa na/ 'phrin yig 'di gser gyi rigs kyi yul du khyer la/ 'phrin yig 'di gser gyi rigs kyi rgyal po la bstan par bya ste/ mi mang po'i mig sngar ni bstan par mi bya'o/ / yul de'i glud kyang khyer la/ kha cig ni der bskur bar bya'o// kha cig ni skar rdor gzhag par bya'o// gang gi tshe sangs rgyas bcom ldan 'das kyis 'di skad du sngon byung ba ni 'di lta bu'o/ / ma 'ongs pa'i dus na ni 'di ltar 'gyur ro zhes bka' stsal pa de'i tshe/ bcom ldan 'das rdo rje'i dkyil 'khor zhes bya ba'i ting nge 'dzin la snyoms par zhugs so// zla ba'i tog ces bya ba'i ting nge 'dzin dang / dri ma med pa'i 'od ces bya ba'i ting nge 'dzin dang / mi g.yo ba zhes bya ba'i ting nge 'dzin dang / rnam pa thams cad med pa zhes bya ba'i ting nge 'dzin dang / dga' ba'i dbang bskur ba zhes bya ba'i/ ting nge 'dzin dang / thams cad kyi rgyan ces bya ba'i ting nge 'dzin dang / dpa' ba'i rgyal mtshan zhes bya ba'i ting nge 'dzin dang / 'od chen po zhes bya ba'i ting nge 'dzin dang / dpa' bar 'gro ba zhes bya
- 302b
ba'i ting nge 'dzin dang / ting nge 'dzin bcu po 'di dag la sangs rgyas bcom ldan 'das snyoms par zhugs nas/ smin mtshams kyi gseb nas snang ba chen po zhes bya ba'i 'od zer byung ngo // 'od zer de/ las kyang 'od zer bcu byung nas/ sangs rgyas kyi zhing thams cad du song ngo // song nas kyang sangs rgyas kyi zhing grangs med par 'phros so// sangs rgyas bcom ldan 'das rnams kyi sangs rgyas kyi zhing snyed yod pa'i zhing de dag thams cad du ji ltar li yul dang / rdo rje gzhon nu sde dang / lha mo dri ma med pa'i 'od kyi phyir sngar bshad pa bzhin du tshig tu brjod pa de dag byung ngo // de nas de'i tshe sangs rgyas bco/ ldan 'das de dag dang / bcom ldan 'das shAkya thub pas dgongs pa 'thun par rdo rje'i dkyil 'khor zhes bya ba'i gzungs sngags 'di gsungs so// tad+ya thA/ b+ho d+hi bo d+hi/ sarba a lang kA ra/ par gta/ d+harma tsakra/ ba ra ga tA/ ma ra se'i n+ya ba ra ga ta/ a pa Sha ya ba ra ga ta/ i bi dA pra d+ya ya/ na ma ru sang ska ra pra d+hA ya/ na ma ru ba pra dA ya/ b+hA ba pra d+hA ya ni ru da d+h+ya pra d+ya ya/ ta thA ga ta/ ma ra Na ha ra/ bu d+h+ya sa t+ye na/ nA ga sa t+ye na rak+Sha sa t+ye na/ a su ra sat+ye na/ sarba pa rAd sat+ye na/ rdo rje dkyil 'khor zhes bya ba'i gzungs sngags 'di ni sangs rgyas thams cad kyis gsungs te/ gang gi tshe lha mo dri ma med pa'i 'od kyis thos pa de'i mod la rdo rje'i dkyil 'khor gzungs sngags rtogs par 'gyur ro// li yul gyi don gyi phyir sangs rgyas rnams kyi chos 'di gsungs pa de'i tshe/
- 303a
lha mo dri ma med pa'i 'od kyis thal mo sbyar te 'di skad ces gsol to// bdag ni sangs rgyas bcom ldan 'das nyid kyis mkhyen pa lags te/ bdag sangs rgyas kyi zhing yongs s u dag pa rnam par snang mdzad kyi 'od zer gyis so sor brgyan pa'i 'jig rten gyi khams sangs rgyas bcom ldan 'das pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing nas mi mjed kyi 'jig rten gyi khams 'dir mi'i don bgyi ba dang / dam pa'i chos pad+ma dkar po don du gnyer ba dang / de bzhin gshegs pa shAkya thub pa'i drung du smon lam btab pa'i slad du mchis te/ dge bsnyen ma hu sha zhes bya bar gyur nas/ bram ze rgya mtsho'i rdul dang mjal ba'i slan chad lung bstan pa thob ste/ de'i tshe der smon lam btab pa/ gang du khyod sangs rgyas su 'gyur ba'i 'jig rten gyi khams der bdag byang chub kyi spyad pa spyod par gyur cig ces bgyis nas/ 'jig rten gyi khams rnam par snang mdzad kyi 'od zer gyis so sor brgyan pa zhes bgyi ba de bzhin gshegs pa pad+ma'i 'dab ma dri ma med pa'i rgyu skar gyi rgyal po mngon par shes pa'i me tog kun tu rgyas pa'i sangs rgyas kyi zhing de nas mi mjed kyi 'jig rten gyi khams 'dir bcom ldan 'das shAkya thub pa'i thad du mchi/ nanas bcom ldan 'das kyi bka' stsal pa/ mi mjed kyi 'jig rten gyi khams kyi mi rnams ni chags shing zhen la/ zhe sdang nga rgyal gyis khengs pa dang 'gying ba ste/ de dag gi don du byang chub sems dpa' rnams pan
- 303b
tshun las chen po nyams su len par byed de/ de dag gi sdig pa rnams tshe rabs kun tu sel bar byed do zhes gsungs so// de'i tshe bdag gis smon lam btab pa/ ji lta bu'i tshul dang / thabs kyis der gzhan dag mchi ba de bzhin du bdag kyang mchi bar gyur cig ces bgyis nas/ de'i tshe tshe rabs snga ma la bdag gi mar gyur pa de'i don 'gyi ba dang / ci nas ngan song du mi mchi bar bgyi ba'i slad du skye ba blangaso// sngon gyi mi mjed kyi 'jig rten gyi khams su dge bsnyen ma hu sha zhes bgyi bar gyur pa dang / gzhon nu nor bzangs kyis rnam par thar pa bdag la dris pa/ slan chad bdag gis mi'i nang du mi'i skye ba blangs te/ bdag gis sems can ngag dang 'dod chags spyad nas/ mi gzhan gyis bdag la khro mo dang glen par mthong ngo // sems can rnams yongs su grol ba'i slad du/ bud med kyi nang du mi bzad pa'i skye ba mang po dag blangs te/ rgyal mo dang / rgyal po'i bu mo dang / bud med phal dang / smad 'tshong ma dang / sdug 'phongs pa dang / bud med dbul mo dag tu gyur te/ bud med du skyes pa rnams kyi don bgyid pa dang / bud med rnams yongs su grol bar bgyid do// rang gi las kyi dbang gis ji ltar 'dod pa'i 'dod chags spyad kyang sems can de dag mgu bar ma nus te/ tshe rabs du mar mi mjed kyi 'jig rten 'dir sems can gyi don gyi slad du sdug bsngal mang po nyams su myong ste/ bud med du skye bas shin tu skyo bar gyur na/ 'on kyang bcom ldan 'das kyis sug las chen por bka' stsal te/ tshe rabs
- 304a
grangs ma mchis par bdag gis sdug bsngal bzod par bgyi 'tshal te/ bcom ldan 'das shAkya thub pa mnyes par bgyi ba dang / sangs rgyas nyid bsgrub pa'i slad du/ bdag gis smon lam chen po btab pa/ sems can la phan pa'i slad du/ tshe rabs gzhan dag tu bdag la sdug bsngal 'byung bar 'gyur ba thams cad bdag gis bzod par bgyi'o// yul de srungs shig ces bcom ldan 'das kyis bdag la bka' stsal pa gang lags pa den da dung ming yang ma mchis/ yul yang mabyung med kyi/ sangs rgyas bcom ldan 'das de ga dang / 'khor der 'dus pa sgra dang / dang / gnod sbyin dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang / srin po dang / mi dang / mi ma yin pa thams cad las dam pa blang bar bgyi'o// ji srid du bdag tshe rabs de dag tu skye ba na/ bdag la 'dod chags dang / zhe sdang gi gzhir mthong na'ang / bdag la sdig par ma gyur cig/ ci rigs par skye ba'i dus 'tshal bar gyur la/ 'di lta bu yongs su 'dzin par gyur cig/ gang gi tshe li yul thog ma 'byung ba'i dus la bab pa na/ de'i tshe yul bgyid pa'i slad du der bdag thog mar rgyal por gyur cig/ li yul du nam rgyal po de dag gi ming chags shing / rgyal rabs thog ma byung ba na/ tshe rabs bdun du rgyal po byed par gyur cig/ grong khyer dngar ldan zhes bgyi ba'ang bgyi'o// bal po se'u tshal du ni/ sangs rgyas kyi mchod rten chen po bgyi'o//
- 304b
yul rta 'jug tu ni chos dang ldan pa'i rgyal po'i mchod rten bgyi'o// 'gum tir ra ni dge 'dun gyi kun dga' ra ba chen po bgyi'o// tsarma ba nar yang dge 'dun gyi kun dga' ra ba chen po bgyi'o// ba la dikar ni dri gtsang khang chen po dang mchod rten chen po bgyi ste/ ji srid du bdag rgyal srid la gnas pa de srid du las chen po dag bgyi'o// gang gi tshe rgyal po las shi 'phos par gyur pa na'ang / byang chub sems dpa' byams pa gang na bzhugs pa lha'i nang du skye bar 'gyur te/ bdag de na mchi ba'i tshe ting nge 'dzin rnams dran par gyur cig/ de nas slar yang li yul 'dir skye ba len cing ji ltar bcom ldan 'das kyis bka' stsal pa bzhin bud med kyi gzugs su gyur te/ skar rdo'i rgyal po'i bu mo rab nges zhes bya bar gyur nas/ sangs rgyas bcom ldan 'das rnams kyis gzungs sngags ji snyed gsungs pa dang / bdag gis rtogs pa gang lags pa'i gzungs sngags de dag thams cad de'i tshe bdag gis dran par gyur cig/ mdo sde 'di'ang shin tu dran par gyur te/ ci nas thams cad rgyas par gyur cig/ gang gi tshe dmag sde gnyis 'thab par 'gyur ba dang / li yul gyi don gyi phyir las su bya ba yod par gyur pa dang / gang gi tshe gzhon nu rdo rje sde skar rdo'i rgyal po rnam par rgyal ba'i go cha zhe/ bya bar gyur nas/ li yul gyi phyir glad 'jal ba'i dus la bab pa de'i tshe/ bdag rab nges zhes bya bar gyur pas/ sangs rgyas bcom ldan 'das de dag thams cad dang / 'khor de'i nang du ji snyed 'du
- 305a
par gyur pa'i lha de dag thams cad grogs su gyur te/ mdo 'di dang gzungs sngags rnams bshad pa'i gzungs sngags de dag thams cad dang / ting nge 'dzin thams cad bdag gis tshe rabs thams cad du dran par gyur cig ces byas so/ / gang gi tshe lha mo dri ma med pa'i 'od kyis tshig de skad ces smras pa de'i tshe des ting nge 'dzin rnams thob ste/ ci nas mdo 'di la sus kyang gnod pa byed mi nus par gyur pa'i ting nge 'dzin theg pa chen po'i mdo dam pa'i chos pad+ma dkar po'i glong 'khyil pa zhes bya ba thob ste/ de'i tshe sangs rgyas thams cad kyis legs so zhes bya ba byin te/ 'di skad ces bka stsal to/ / gang gi tshe khyod las rtsom pa de'i tshe/ 'od zer de dag steng du gnas par gyur te/ de'i tshe gang gis mdo 'di dran par 'gyur zhing / shin tu nyams su len par 'gyur ba'i ting nge 'dzin sangs rgyas yid la byed pa zhes bya ba rtogs par 'gyur ro/ / sangs rgyas bcom ldan 'das rnams kyis rdo rje'i dkyil 'khor zhes bya ba'i gzungs sngags gsungs pa de'i rang bzhin gang gis gzungs sngags rtogs par 'gyur ba dang / ting nge 'dzin sbyong ba dang / sngon sangs rgyas bcom ldan 'das rnams las chos thos pa de dag thams cad kyang dran par byed do// lha mo dri ma med pa'i 'od des kyang / byang chub sems dpa' dag gis ting nge 'dzin dang / gzungs sngags ji ltar rtogs pa de de bzhin du rtogs par byed do// rnam par rgyal ba'i go chas kyang rgyal srid thob par 'gyur te/ gzhan gyis bar chad byed mi
- 305b
nus so/ / de dag gi las ni lan bdun bzlas brjod byas la/ rta gnas kyi rig sngags gang gis sdig pa rnams 'byung bar 'gyur bar yang brjod par bya ste/ nyin lan gsum mtshan lan gsum brjod na lo bdun gyis rdo rje'i dkyil 'khor gyi gzungs sngags rtogs par 'gyur ro/ / sangs rgyas bcom ldan 'das kyis rdo rje'i dkyil 'khor gyi gzungs sngags 'di bshad pa de'i tshe/ bcom ldan 'das kyi steng du lha rnams kyis me tog gi char phab ste/ lha'i rol mo'i sgra bsgrags nas/ 'di skad ces smras so// bdag cag gis kyang sngon sangs rgyas bcom ldan 'das rnams las thos pa'i gzungs sngags rnams stsa la bar bgyi'o/ / na maHsarba a t+yud ga te/ badz+ra maN Da lo ta ta ma s+ya/ ta thA ga ta s+ya/ ka na kA b+hi/ sat+ya s+ya/ bo d+hi sata s+ya/ tad+ya thA/ bud+d+ha sat+ye na/ da sa bi ri/ de na ha ya ri/ ku tsi ru pra ti/ pa da ri pa b+ha ba tu/ tsi tu/ ma dug la ra ya ka da ma pa tu/ sa pa dza ma sa ra ta swA hA/ gzungs sngags 'di ni lha rnams chad pas gcod pa'i gzungs sngags zhes bya ste/ lan brgya rtsa brgyad bzlas brjod byas la/ / rtswa dar b+ha brgya rtsa brgyad sbyin sreg byas na/ gang ci byed kyang rung ste/ lha rnams kyis gzhig par mi nus so// dkyil 'khor zlum por byas te/ lan brgya rtsa brgyad bzlas brjod byas la/ mdud pa brgya rtsa brgyad bor nas/ gang brjod pa der 'byung pos gnod pa byed mi nus so// byad stems byed par yang mi nus so// de nas de'i tshe 'khor de dag thams cad kyis gzungs sngags 'di bshad do//
- 306a
tad+ya thA/ sarba de banAn/ sarba parA na ni rdzi ta ba rdzi te/ skan dan tsa pa na/ na ta man pa nA ga sa ra/ dad tsa tsa ba pa/ tsa da mim/ b+ha s+thi mi/ daN Da ka ra Na ha ra/ su ba ra de ba ma ra swA hA/ sa ba pa ba rA ka ra Na swA hA/ 'khor thams cad kyis bshad pa'i gzungs sngags 'di lan brgya rtsa brgyad bzlas brjod bya ste/ mdud pa brgya rtsa brgyad byas nas/ skud pa de bsregs na khyim der byad stems kyis mi tshugs la/ 'byung po'i nad rnams kyang med par 'gyur ro// tad+ya thA/ ra ti thA ka ra/ deng par phu dzaM dzi ri pu ku dzi ti phu swA hA/ gzungs sngags 'di lkog ma na ba la lan bdun bzlas brjod byas nas/ g.yag rnga la mdud pa bdun bor te gdags par bya'o// tad+ya thA/ sarba bud+d+ha da ma bi Sha/ ka ra ba ba ra tsa tsa ra sa sa ra swA hA/ gzungs sngags 'di lus la nad byung ba thams cad la lan bdun bzlas brjod byas nas/ skud pa la mdud pa bdun bor te btags so// de nas de'i tshe 'khor de dag thams cad kyis pus mo'i lha nga sa la btsugs te/ 'di skad ces gsol to/ / gang gi tshe gzhon nu rdo rje sde yul skar rdo nas li yul du mchi ba'i tshe/ gzungs sngags gang gis shul du dpa' bo'i las bgyid par 'gyur ba'i gzungs sngags bdag cag gis stsal bar 'tsha so/ tad+ya thA/ bu bu de de pa bi sa sa/ ban b+ha ba ba ta/ pa pa ra sti/ ka ra swA hA/ tad+ya thA/ sha ra ka ra bA/ dzats+tsha ba ra/ sha tra tra/ na dzi swAhA/ gzungs sngags 'di 'gron du 'gro ba rnams kyis
- 306b
lan bdun bzlas brjod byas te/ khrus byas la lag par blugs nas lan bdun bzlas brjod byas te/ phyogs bzhir 'thor ram/ bdag nyid kyis 'thungs na/ de la dgras gnod pa byed par mi nus te/ dpa' bo'i las kyang byed par 'gyur ro// de nas de bzhin gshegs pa rdo rje rgyal mtshan gyis 'di skad ces bka' stsal te/ de bzhin du rnam thos kyi bu dang / dbang phyug chen po dang / kun tu rgyal ba dang / 'phrog ma bu dang bcas pa rnams kyis kyang 'di skad ces smras so// bdag cag gis kyang gzhon nu rdo rje sde de la cin sa dgra rnams gnod pa byed mi nus par gzungs sngags 'di dag sbyin no// na mo badz+ra d+h+wa dza s+ya/ ta thA ga tA s+ya/ tad+ya thA/ badz+ra bi bi bi bi ma sa ka/ su ma te/ ang+ga re/ ad+d+ha re/ ang dz+wa le/ pA dA ni sA hA/ na mo ma he shwa ra s+ya/ na mo bai shra ma Na s+ya/ na ma swan tsa ya s+ya na mo ha ri ta yai ba sa pu tra/ ba ri bA ra ya/ tad+ya thA/ sa sa sa sa/ hA hA hA hA/ pri ya pri ya pri ya pri ya/ putra pu tra pu tre yA/ da bar dang ta kar/ ts+tshan d+ha mu le bid te sha na ka ra sAhA dbang phyug chen po dang / rnam thos kyi bu dang / kun tu rgyal ba dang / 'phrog ma bu dang bcas pa rnams kyis gzungs sngags 'di bshad nas/ 'di skad ces gsol to// ci nas bcom ldan 'das kyis bdag cag sug las chen por bskos pa'i gzungs sngags gzhan gyis mi tshugs pa de dag kyang bdag cag gis bshad par 'tshal lo/ / lha mo dri ma med pa'i 'od de dang / gzhon nu rdo rje sde skar
- 307a
rdo'i rgyal po rnam par rgyal ba'i go char 'gyur ba gang lags pa des/ chad pas gcod par bgyi ba de'ang bdag cag gis bshad par bgyi'o// gang gi tshe dgra 'am/ su'ang rung ba dag sdig pa'i las rtsom pa na/ gzungs sngags bshad pa 'di gnyis lan bdun bzlas brjod byas te/ skud pa sngon po la mdud pa bdun bor nas bsregs te/ sra rtsi pog gi bdug pas bsreg la/ mi de'i ming nas brjod na gnod pa byed mi nus so// bdag cag gis yi dam dang po bcas pa bzhin du ci ste gzhon nu rdo rje sde dang / lha mo dri ma med pa'i 'od kyi bsam pa yongs su rdzogs par ma bgyis na dus gsum du gshegs pa'i sangs rgyas bcom ldan 'das thams cad kyi sku bslus par gyur cig ces byas so/ / de nas 'khor der ji snyed 'dus pa'i lha dang / klu dang / gnod sbyin dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang / mi dang / mi ma yin pa de dag thams cad kyis kyang 'di skad ces gsol to// byang chub sems dpa' rnams ji ltar dam bcas pa bzhin du bdag cag thams cad kyis kyang dam bcas te/ de ltar ma bgyis na/ bdag cag gis dus gsum gyi sangs rgyas bcom ldan 'das thams cad kyi sku bslus par gyur cig/ sa cad kyis rnam par rgyal ba'i gos cin kyang 'i yul gyi rgyal por 'gyur bar thams cad sems 'thun pas lhan cig tu dbang bskur bar bgyi'o// gang gi tshe gdong dmar dang rgya 'thab par
- 307b
'gyur ba de'i tshe/ ci nas li yul 'jin par mi 'gyur ba dang / gang gi tshe ru la gzhan nas li yul du rab tu byung ba rnams 'ongs pa na/ der ci nas rim gro med par mi 'gyur ba dang / yul gzhan nas der sems can bros pa de dag der gnas 'thob par 'gyur zhing / gdong dmar gyis bsregs pa gang yin pa'i mchod rten chen po de dag dang / dge 'dun gyi kun dga' ra ba de dag 'chos pa'i grogs byed par 'gyur bar bya ba'i phyir li yul gyi glud 'jal ba dang / rgya dang phan tshun du bag ma gtong ba dang / len par byed do// de nas sangs rgyas bcom ldan 'das kyis de'i tshe lha mo dri ma med pa'i 'od dang gzhon nu rdo rje sde gnyis la li yul gtad nas/ de'i tshe sangs rgyas bcom ldan 'das kyis/ gzhon nu rdo rje sde la 'di skad ces bka' stsal to// khyod li yul gyi rgyal po byed pa dang / lha mo dri ma med pa'i 'od kyi grogs byed par 'gyur gyis/ mdo 'di las ji skad bshad pa bzhin du khyod kyis thams cad gyis shig/ gang gi tshe khyod gser gyi rigs kyi yul du phyir log pa de'i tshe/ rgyu'i dmag li yul du 'ongs so zhes de skad thos pa dang / the tsom mi byed par li yul du song la der pho nya gtang na/ der 'ong bar mi 'gyur te/ lung yul dang gu zan gyi yul du 'gro bar 'gyur ro// de la spring yig ni nga dang gnyen du byos la/ yul nga la byin cig ces springs shig/ de nas de'i tshe khyed ni li yul gyi rgyal por 'gyur ro// dbang po'i go cha ni skar rdo'i rgyal po byed par 'gyur te/ de'ang khyod ci nas li yul gyi rgyal por 'gyur
- 308a
ba'i grogs byed par 'gyur ro/ / skar rdo'i yul du gnod pa 'byung ba'i tshe/ khyod kyis ci nas kyang gnod pa byed du ma gzhug cig/ dbang po'i go cha dang yang thog mar 'dum par gyi/ shig/ las 'di dag byed pa'i grogs su 'gyur ro// skar rdo ba ji snyed yod pa thams cad kyang grogs byed par 'gyur ro// a ku na zhes bya ba dpa' bo zhig yod de/ de sngon ye shes grags pa zhes bya bar gyur pa na/ des dar ma tir zhes bya ba'i gtsug lag khang byas so// de bas na khyod kyis a kun tshol cig dang / yul gzung ba'i phyir grogs byed par 'gyur ro// de ci'i phyir zhe na/ de dang khyod smon lam lhan cig/ tu btab pa'i phyir te/ a ku na zhes bya ba'i mi de ni sngon rgyal por gyur te/ mi rgod rnams kyis chung ma brkus te/ phyir ma rnyed pa yin no// khyod ni rgyal po de'i blon po chen po yin te/ dge byed kyi phar gyur pa yin no/ / de nas de'i tshe sangs rgyas bcom ldan 'das kyis/ gzhon nu rdo rje sde la 'di skad ces bka' stsal to// gzhon nu rdo rje sde khyod li yul 'khor du rnam par rgyal ba'i go cha zhes bya ba'i rgyal por 'gyur te/ lo sum cu'i bar du rgyal srid 'dzin par 'gyur la/ dge bsnyen du gyur nas/ li yul gyi phyir lus yongs su gtong zhing // 'bras bu thob par 'gyur ro// de nas de'i tshe bcom ldan 'das kyis/ lha mo dri ma med pa'i 'od la 'di skad ces bka' stsal to// khyod li yul du rab nges zhes bya bar gyur pa'i tshe/ mdo 'di zung zhig/ 'di la 'jug par gyis shig/ rgyas par gyis
- 308b
shig/ skar rdo'i yul du'ang ming po la skul cig dang / khyod kyi steng du 'od zer rnams gnas par 'gyur ro// gang gi tshe khyod kyis gzungs sngags rnams rtogs par gyur pa de'i tshe khyod la sangs rgyas bcom ldan 'das nyid gsungs par 'gyur zhing / lha rnams kyang ci nas khyod kyi las byed nus par 'gyur ba de lta bu rgyas par smra bar 'gyur ro// de nas de'i tshe sangs rgyas bcom ldan 'das kyis/ byang chub sems dpa' spyan ras gzigs dbang phyug la 'di skad ces bka' stsal to/ / nu sdug ji ltar bcom ldan 'das rin chen snying po grong khyer du gshegs pa'i tshe/ 'u bu cag gnyis sangs rgyas nyid du lung bstan pa thob nas/ der de skad du phyogs bcun sems can 'jigs shing skrag pa ji snyed yod pa de dag thams cad bdag gis skyabs byed par gyur cig/ de skad ces smon lam btab pa'i dus de dran par gyis la/ dnga'i li yul 'di dang / lha mo dri ma med pa'i 'od dang / gzhon nu rdo rje sde la gtad pa 'di khyod kyis long zhig/ de nas bcom ldan 'das kyis/ byang chub sems dpa' kun tu bzang po dang / 'jam dpal dang / nam mkha'i snying po dang / mthu chen thob dang / sman gyi rgyal po dang / rab sbyin dpa' bo dang / sa'i snying po dang / byams pa dang / byang chub sems dpa' spyan ras gzigs dbang phyug la 'di skad ces bka' stsal to/ / sngon 'di'i phu nu bo dang grogs su gyur pa dang / rtag tu 'grogs 'grogs pa ni 'di dag yin te/ sna tshogs kyi lha dang / dbang phyug gi lha dang /
- 309a
ljon shing gi dbang phyug rgyal po dang / snying rje'i dbang phyug dang / gzungs kyi dbang phyug dang / spong ba'i dbang phyug dang / 'od kyi dbang phyug dang / dri'i dbang phyug dang / tshogs kyi dbang phyug dang / 'jig rten gyi dbang phyug dang / 'od gsal dang / rigs kyi dbang phyug rnams so// de nas bcom ldan 'das kyis/ byang chub sems dpa' kun tu bzang po la sogs pa byang chub sems dpa' de dag thams cad la bos te 'di skad ces bka' stsal to/ / rigs kyi bu dag khyed nga'i theg pa chen po'i mdo 'di dang / gzhon nu rdo rje sde dang / lha mo dri ma med pa'i 'od yongs su zung zhig/ de nas gsang ba'i bdag po lag na rdo rje la bos te 'di skad ces bka' stsal to// khyod rtag tu nga'i phyi bzhin du 'brang ba yin gyis/ mdo 'di dang / gzhon nu rdo rje sde dang / lha mo dri ma med pa'i 'od khyod la gtad do/ / gnod sbyin dbang po rnam thos kyi bu dang / gnod sbyin kun tu rgyal ba dang / lha'i bu blo gros brtan pa dang / klu'i rgyal po ma dros pa dang / 'phrog ma bu dang bcas pa dang / lha'i ngo brang sum cu rtsa gnyis kyi lha'i rgyal po rnams dang / 'khor deng 'dus pa thams cad dang / sangs rgyas bcom ldan 'das 'od zer gtong ba de dag dang / phyogs bcu nas 'dus pa'i byang chub sems dpa' de dag thams cad mdo 'di dang / li yul dang / gzhon nu rdo rje sde dang / lha mo dri ma med pa'i 'od la gtad de/ yongs su gtad pa'i dam pas yongs su gtad do// de nas yang de dag thams cad la 'di
- 309b
skad ces bka' stsal to/ / ngas ji skad bshad pa dang / khyed kyis ji ltar dam bcas pa bzhin du grogs gyis la/ ngas dgongs pa kun thams cad nas thams cad du mthar phyin par gyis la/ ci nas log par mi 'gyur ba de ltar gyis shig/ ngas bskal pa mang por 'khor ba na dka' ba'i las shin tu mang po don dang ldan pa dag byas pa lta bu ni byang chub sems dpa' gzhan dag gis kyang ma byas so// nga'i li yul 'khor der sems can ngas yongs su smin par ma byas pa de gang yin pa de dag phyis li yul 'khor du gnas par gyur te/ nga'i chos kyis yongs su grol bar 'gyur ro// de nas bcom ldan 'das kyis/ bskal pa bzang po'i byang chub sems dpa' rnams la bos te 'di skad ces bka' stsal to// khyed thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad do/ / gang gi tshe sangs rgyas bcom ldan 'das kyis/ sangs rgyas thams cad dang / byang chub sems dpa' thams cad dang / lha thams cad dang / 'khor thams cad la mdo 'di dang / li yul dang / gzhon nu rdo rje sde dang / lha mo dri ma med pa'i 'od gtad pa de'i tshe/ sangs rgyas bcom ldan 'das shAkya thub pa'i steng du lha'i me tog gi char bab bo// lha rnams kyis lha'i rol mo'i sgra bsgrags so// lha'i rgyan gyi char yang bab bo// de bzhin du 'khor de dag thams cad kyis kyang bcom ldan 'das ji ltar 'os pa'i mchod pas bcom ldan 'das la mchod par byas so// sangs rgyas bcom ldan 'das
- 310a
de dag gis kyang mi mjed kyi 'jig rten gyi khams 'dir 'od zer shin tu mang po btang ngo / / mi mjed kyi 'jig rten gyi khams 'di na gnas pa'i sems can rnams kyis kyang sangs rgyu bcom ldan 'ad de dag 'khor gyi dkyil 'khor dang bcu pa mthong ngo / / de na gan pa rnams kyis kyang de bzhin gshegs pa shAkya thub pa 'khor dang bcas pa dang / mi mjed kyi 'jig rten gyi khams mthong ste/ 'khor thams cad dang / lha dang / mi rnams gcig gis gcig mthong bar gyur to// de nas de'i tshe dge slong kun dga' bo stan las langs te thal mo sbyar nas/ bcom ldan 'das la zhus pa/ bcom ldan 'das ma 'ongs pa'i dus na/ su la la mdo 'di klog pa dang / sems pa dang / nyan pa dang / kun chub par bgyid pa dang / 'dri ba dang / 'drir 'jug pa'i de'i bsod nams kyi phung po ji tsam du 'phel bar 'gyur/ bcom ldan 'das kyis bka' stsal pa/ sangs rgyas kyi zhing brgyad khri bzhi stong gi nang na skye bo ji snyed rnams la sbyin pa byin pa bas ni/ su mdo 'di 'chang ba 'am/ kha ton du byed pa'am/ klog pa de'i bsod nams kyi phung po ches mang bar 'gyur ro// mdor na ji ltar 'bras bu gsum pa rtogs pa de'i bsod nams kyi phung po ji snyed 'phel bar 'gyur ro zhes nga smra'o// de nas lha dang / klu dang / gnod sbyin dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang / srin po dang / 'khor de dag thams cad kyis 'di skad ces
- 310b
gsol to/ / bdag cag 'khor 'dir 'dus pa ji snyed mchis pa rnams gang du mdo 'di brjod pa der ma mchis sam/ gzhon nu rdo rje sde dang / lha mo dri ma med pa'i 'od la gzungs sngags ma sprul tam/ dam bcas pa 'di bskyed par gyur na/ bdag cag gis dus gsum du gshegs pa'i sangs rgyas bcom ldan 'das kyi sku bslus par gyur cig/ mtshams ma mchis pa'i las bgyis pa'i sdig pa ji tsam mchis pa bdag cag gis bgyis pa gyur cig/ de nas 'od zer de dag las tshigs su brjod pa 'di skad ces byung ste/ gang na mdo 'di brjod pa der bdag cag 'ong ngo zhes sgra grags par gyur to// de nas kun dga' bo dang 'khor de dag thams cad kyis zhus pa/ bcom ldan 'das chos kyi rnam grangs 'di'i ming ci lags/ ji ltar gzung bar bgyi/ bka' stsal pa/ mdo 'di'i ming ni chos kyi spyi bo zhes kyang bya/ sangs rgyas thams cad kyi chos kyi snying po zhes kyang bya/ dri ma med pa'i 'od kyis zhus pa zhes kyang bya'o// de nas bcom ldan 'das shAkya thub pas 'di skad ces bka' stsal to// ngas chos gang bshad pa de dag thams cad ni mdo 'di nyid kyi nang du 'dus so/ / bcom ldan 'das kyis de skad ces bka' stsal nas/ byang chub sems dpa' de dag dang / tshe dang ldan pa kun dga' bo dang / 'khor de dag thams cad dang / lha dang / mi dang / lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// theg pa chen po'i mdo dri ma med pa'i 'od kyi zhu ba
- 311a
zhes bya ba rdzogs so/ / lha mo dri ma med pa'i 'od kyis zhus pa'i mdo 'di shin tu dag par yod pas yid ches kyi gnas so// gzhan 'khrugs chad yod pa mang bar snang ste gleg pa ma mang du bltas so/ / / rgyu gar skad du/ dA sha sa ma dz+nyA de sha sU tra/ bod skad du/ 'du shes bcu bstan pa'i mdo// dkon mchog gsum la phyag 'tshal lo/ / 'di skad bdag gis thos pa'i dus gcig na/ bcom ldan 'das ku sha'i grong khyer gyad kyi nyen kor shing sA la zung gi tshal na bzhugs te/ yongs su mya ngan las 'da' bar dgongs pa'i dus kyi tshe/ bcom ldan 'das kyis/ 'khor bzhi po rnams la bka' stsal pa/ dge slong dag 'chi ka'i dus kyi tshe/ 'du shes bcu mngon du bsgom par bya'o// bcu gang zhe na/ tshe 'di'i spyod yul la ma chags pa'i 'du shes dang / sems can thams cad la snying rje dang byams pa'i 'du shes dang / khon du 'du 'dzin pa thams cad yongs su 'dor zhing spong ba'i 'du shes dang / tshul khrims 'chal cing 'ams pa thams cad bshags shing tshul khrims thams cad yang dag par blang ba'i 'du shes dang / bdag dang gzhan gyis nyes pa chen po byas pa dag la yang ba'i 'du shes dang / bdag dang gzhan gyis dge ba'i rtsa ba chung ngu byas pa dag la 'bras bu dang phan yon de che ba'i 'du shes dang / 'jig rten pha rol tu phyin pa'i dag la mi skrag cing 'jigs pa med pa'i 'du shes dang / 'du byed thams cad la mi rtag pa'i 'du shes dang / chos tham
- 311b
cad la bdag med pa'i 'du shes dang / mya ngan las 'das pa ni bde ba dang zhi ba'o snyam du 'du shes pa mngon par bsgrub par bya'o// bcom ldan 'das kyis de skad ces bka' stsal pa dang / dge slong dag yi rang ste/ bcom ldan 'das kyis gsungs pa la mngon par bstod do// 'du shes bcu bstan pa'i mdo rdzogs so// / rgya gar skad du/ shA rdul rna a ba dA na/ bod skad du/ stag rna'i rtogs pa brjod pa/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus cig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de nas tshe dang ldan pa kun dga' bo snga dro'i dus su chos gos dang lhung bzed thogs nas/ mnyan yod du bsod snyoms la zhugs so/ / de nas tshe dang ldan pa kun dga' bo bsod snyoms spyad de zas kyi bya ba byas nas chu mig gzhan zhig tu chu'i phyir phyin no// der phyin pa dang / yang de'i tshe chu mig de la gdol pa'i bu mo gzugs bzang mo zhes bya ba chu chu zhing 'dug go/ de nas tshe dang ldan pa kun dga' bos/ gdol pa'i bu mo gzugs bzang mo la 'di skad ces smras so// sring mo bdag la chu byin cig/ de nas gdol pa'i bu mo gzugs bzang mos/ tshe dang ldan pa kun dga' bo la 'di skad ces smras so// btsun pa kun dga' bo bdag ni gdol pa'i bu mo lags so// sring mo rus dang rigs 'dri ba ma yin gyis/ 'on
- 312a
kyang de nas chu chus la byin cig/ btung bar bya'o// de nas gdol pa'i bu mo gzugs bzang mos tshe dang ldan pa kun dga' bo la chu byin no// de nas tshe dang ldan pa kun dga' bos chu 'thungs nas song ngo / / de nas gdol pa'i bu mo gzugs bzang mos tshe dang ldan pa kun dga' bo'i bzhin dang / lus dang / skang gdangs rnams rab tu legs par mtshan mar bzung ste/ tshul ma yin/ pa'i yid la byed pas kun tu chags pa skyes par gyur te/ tshe dang ldan pa kun dga' bo la kho mo'i 'dod pa skyes na// bdag gi mas rig sngags shes pas/ de'i mthus 'phags pa kun dga' bo bkug la khye bya'o snyam du bsams so/ / de nas gdol pa'i bu mo gzugs bzang mo chu thogs nas/ gdol pa'i khyim gang na ba dir song ste phyin nas/ chu bum phyogs gcig tu bzhag nas rang gi ma la 'di skad ces smras so// kye yum mkhyen par mdzod cig kun dga' bo zhes bya ba'i dge slong dge sbyong go'u ta ma'i nyan thos bsnyen bkur ba de bdag khyor 'tshal gyis/ yum khyod kyis de 'dir khug cig/ de'i mas smras pa/ ngas kun dga' bo zhi ba dang / 'dod chags dang bral ba ma yin na dgug par nus mod kyi/ 'on kyang ko sa la'i rgyal po gsal rgyal dge sbyong go'u ta ma la mchog tu dad pas bsnyen zhing bsnyen bkur byed pas/ gal te des shes na des gdol pa'i rigs rnams rlag par 'gyur ro/ / dge sbyong go'u ta ma ni 'dod chags dang bral ba thams cad zil gyis gnon zhes thos so// de skad ces smras pa dang / gdol pa'i bu mo gzugs
- 312b
/ bzang mos/ ma la 'di skad ces smras so// gal te dge sbyong go'u ta ma de 'dod chags dang bral ba yin yang rung / de'i nye gnas dge slong kun dga' bo de ma bkug na lceb bo// gal te de khugs na ni bdag 'tshe bar 'gyur ro/ / mas smras pa/ dge sbyong kun dga' bo dgug gis/ srog ma dor cig/ de nas gdol pa'i bu mo gzugs bzang mo'i mas khang pa'i dbus lci bas byugs nas gru bzhir byas te/ dur ba brngas nas me sbar zhing / me tog dang arga brgya rtsa brgyad la sngags bzlas nas re re nas mer bsgyur ro// de la rig sngags 'di yin te/ a ma le bi ma le ku ku su ma ma na ye na ban+d+ho smi bin du na/ i tsu yA de bo ba ri sha Sha ti bi d+yota ti ga ra dza ti pasma ya pa rA dzA ya m+ba b+hi bar+d+ha yi tu be b+h+yo ma mA nu She b+h+yo gan+d+har be b+h+yaHshi ki khaM gra ha de bA bi shi ki gra ha do pa a nan ta s+ya A ga ma nA ya dzu ho ma swAhA/ de nas tshe dang ldan pa kun dga' bo sems g.yos te/ gtsug lag khang de nas langs nas gdol pa'i khyim gang na ba der song ngo // de nas tshe dang ldan pa kun dga' bo rgyang ring mo nas 'ong ba gdol pa mos mthong ngo // mthong nas kyang gzugs bzang mo la 'di skad ces smras so/ / bu 'ong ba 'u ni dge sbyong kun dga' bo yin gyis shes par gyis shig/ de nas gdol pa'i bu mo gzugs babrang mo dga' zhing mgu la yi rangs te/ tshe dang ldan pa kun dga' bo'i mal bshams so/ / de nas tshe dang ldan pa kun dga' bo gdol pa'i khyim gang na ba der song ste phyin nas/ stegs bu la brten nas phyogs gcig tu 'dug ste/ tshe dang ldan pa kun dga' bo du
- 313a
zhing 'di skad ces smras so/ / bdag gis nyam nga ba'i gnas skabs 'di thob na da ltar bcom ldan 'das bdag la mi dgongs so// de nas bcom ldan 'das kyis tshe dang ldan pa kun dga' bo la dgongs par mdzad do/ / dgongs ma thag tu yang dag par rdzogs pa'i sangs rgyas kyi sngags kyis gdol pa'i sngags nyams par mdzad do// de'i sngags ni 'di yin te/ s+thi ti ra tsu ti ra Ni swa sarba prA Ni byA/ sa ra pra saM na ni dza shaM taM sarba to pa yi i ta yo ya tra shA sh+ya d+ha b+ha yA ni tsa li tA ni la tsa li tA be de ba na ma sh+yaM ti sarba sid+d+ha tsa yo ga ni a te na sa t+ya bA kye na swa sta a nan tA ya ba k+ShA be/ de nas tshangang ldan pa kun dga' bo gdol pa'i rig sngags bkrol nas/ gdol pa'i khyim nas byung nas rang gi gtsug lag khang gang na ba der 'gro bar brtsams so// gdol pa'i bu mo gzugs bzang mos mthong nas/ tshe dang ldan pa kun dga' bo la bltas nas rang gi ma la 'di skad ces smras so/ / kye yum dge slong kun dga' bo 'di mchi zhing gda' 'o// de'i mas smras pa/ bu nges par dge sbyong go'u ta ma dran par byas pas/ des na bdag gi sngags nyams par gyur to/ / gzugs bzang mos smras pa/ yang ci yum dge sbyong go'u ta mas sngags khyad par du stobs dang ldan pa bdag cag gi de lta ma yin nam/ de la mas slar smras pa bu dge sbyong go'u ta ma'i sngags khyad par du stobs dang ldan pa yin gyi/ bdag cag gi ngo lta ma yin no// bu 'jig rten na sngags mthu dang ldan pa'i sngags gang yin pa de dag thams cad dge slong go'u ta ma
- 313b
'dod na rab tu 'joms par byed do/ / yang 'jig rten pa'i sngags mthu dang ldan pa thams cad kyis ni dge sbyong go'u ta ma'i sngags rab tu gzhom par mi nus so// de lta bas na dge sbyong go'u ta ma'i sngags ni/ chos stobs dang ldan pa yin no// de nas tshe dang ldan pa kun dga' bo bcom ldan 'das ga la ba der song ste/ rim gyis phyin nas bcom ldan 'das kyi zhabs la spyi bos gtugs nas phyogs gcig 'dug go/ phyogs gcig tu 'dug nas// bcom ldan 'das la tshe dang ldan pa kun dga' bos gnas skabs de gsol pa dang / bcom ldan 'das kyis/ tshe dang ldan pa kun dga' bo la bka' stsal pa/ kun dga' bo khyed/ kyis yi ge drug pa'i rig sngags 'di bstan gyis gzung la chongs shig/ lhogs la kun tu bzung na/ bdag nyid la phan pa dang bde bar 'gyur zhing / dge slong dang / dge slong ma dang / dge bsnyen dang / dge bsnyen ma rnams la len pa dang / bde ba thob par 'gyur ro// kun dga' bo yi ge drug pa'i rig sngags ni 'di yin te/ de bzhin gshegs pa dgra bcom pa yang dag par rdzogs pa'i sangs rgyas drug gis gsungs shing / rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / da ltar yang dag par rdzogs pa'i sangs rgyas ngas kyang gsungs pa yin gyis// de lta bas na khyod kyis zung zhig/ thon cig/ kun tu lhogs shig/ 'di lta ste/ aN Da re ke yU re dI ha ste sa ra ge be ban+d+ha ma ti d+ha ri bi Sha tsi li mi yi sAd+ha nA yu swA thA ya saM b+ha gI la go la pa ti ka Da tsi la/ kun dag
- 314a
yi ge drug pa'i rig sngags 'di ni yongs su srung ba dang / bdag nyid bkra shis par byed pa yin te/ gsod pa'i ni chad pas grol bar 'gyur ro// chad pas bcad pa ni brgyad pas bral bar 'gyur ro/ / brgyad par 'os pa ni yang de bzhin du smras pas bral bar 'gyur ro// kun dga' bo ngas lha dang bcas pa/ bdud dang bcas pa/ tshangs pa dang bcas pa'i 'jig rten na/ dge sbyong dang bram zer bcas pa'i skye dgu'i tshegs dang / lha dang mi rnams las gang zhig yig drug pa'i rig sngags 'dis bsrung ba byas nas/ bsrung skud dpung pa la btags na bkra shis par byed de/ las kyi rnam par smin pa ma gtogs par gzhan zil gyis gnon par nus pa de lta bu yang dag par rjes su ma mthong ngo / / de nas gdol pa'i bu mo gzugs bzang mos de nyid kyi mtshan mo lus khrus byas/ gos gsar pa dgos nas/ mu tig gi do shal gyis brgyan te/ grong khyer mnyan yod ga la ba de nas byung ste song nas/ grong khyer gyi sgo drung du bsdad de/ tshe dang ldan pa kun dga' bo 'ong ba la sdod cing nges par 'dir dge slong kun dga' bo 'ong ngo zhes sems so/ / de nas kyang tshe dang ldan pa kun dga' bo snga dro'i dus su chos gos dang lhung bzed thogs nas/ mnyan yod du bsod snyoms la zhug so// gdol pa'i bu mo des tshe dang ldan pa kun dga' bo rgyang ring po nas 'ong ba mthong ngo / / mthong nas kyang tshe dang ldan pa kun dga' bo'i phyi bzhin du 'brang ngo // 'dug na 'dug cing / 'gro na 'gro bar byed do// khyim gang dang gang du bsod snyoms la zhug pa de dang der skor cing
- 314b
mi smra bar sdong ngo / / de nas tshe dang ldan pa kun dga' bos gdol pa'i bu mo gzugs bzang mo phyi bzhin 'brang ba mthong ngo // mthong nas kyang ngo tsha zhing khrel gyis dog pas sdug bsngal zhing yid mi 'debs myur du mnya yod nas byung nas/ rgyal byed kyi tshal ga la ba der song ngo // de nas gdol pa'i bu mo gzugs bzang mo tshe dang ldan pa kun dga' bo'i phyi bzhin phyi bzhin du rjes su 'brang ngo // tshe dang ldan pa kun dga' bo bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ de nas tshe dang ldan pa kun dga' bos/ bcom ldan 'das la 'di skad ces gsol to// bcom ldan 'das gdol pa'i bu mo gzugs bzang mo 'di phyi bzhin du rjes su 'brang zhing mchis na mchis la/ mchin mchi zhing / khyim gang dang gang du bsod snyoms la zhugs pa'i khyim de dang de'i sgor mchis nas cang mi bar mchis so/ / bcom ldan 'das bdag la bskyab tu gsol/ bde bar gshegs pa bdag la bskyab tu gsol/ de skad ces gsol pa dang / bcom ldan 'das kyis/ tshe dang ldan pa kun dga' bo la 'di skad ces bka' stsal to/ / ma 'jigs shig ma 'jigs shig/ de nas bcom ldan 'das kyis/ gdol pa'i bu mo gzugs bzang mo la 'di skad ces bka' stsal to// ci gzugs bzang mo dge slong kun dga' bo khyim thab tu bya bar 'dod dam/ btsun pa 'tshal lags so// bcom ldan 'das kyis bka' stsal pa/ ga zugs bzang mo pha mas dge slong kun dga' bo la rjes su 'gro bar gnang ngam/ bcom ldan
- 315a
'das gnang lags so/ / bde bar gshegs pa gnang lags so// bdag gis slar yang go bar bgyi'o// de nas gdol pa'i bu mo gzugs bzang mos bcom ldan 'das las rab tu mnyan nas/ bcom ldan 'das kyi zhabs la spyi bos gtugs nas lan gsum bskor ba byas te/ bcom ldan 'das kyi thad nas slar song ste/ gang na rang gi pha ma yod pa der song ste phyin nas/ pha ma'i rkang pa la mgo bos phyag byas nas/ phyogs gcig tu 'dug go/ rang gi pha ma la 'di skad ces smras so// yab yum dge sbyong go'u ta ma rang gis dge slong kun dga' bo stsal to// de nas pha mas gdol pa'i bu mo gzugs bzang mo khrid nas/ bcom ldan 'das ga la ba der song ste phyin nas/ bcom ldan 'das kyi zhabs la spyi bos phyag 'tshal te/ phyogs gcig tu 'dug go// gdol pa'i bu mo gzugs bzang mos kyang bcom ldan 'das kyi zhabs la spyi bos phyag 'tshal nas phyogs gcig tu 'dug go/ phyogs gcig tu 'dug go/ phyogs gcig tu 'dug nas kyang gdol pa'i bu mo gzugs bzang mos/ bcom ldan 'das la 'di skad ces gsol to// 'di gnyis ni bdag gi pha ma lags so// de nas bcom ldan 'das kyis/ gdol pa'i bu mo gzugs bzang mo'i pha ma la 'di skad ces bka' stsal to// bu mo gzugs bzang mo dge slong kun dga' bo la ster ram/ de gnyis kyis gsol pa/ bcom ldan 'das stsal lo// bde bar gshegs pa stsal lo// de lta na khyed gnyis rang gi khyim du slar song zhig/ de nas gdol pa'i bu mo gzugs bzang mo'i pha
- 315b
mas bcom ldan 'das kyi zhabs la spyi bos phyag 'tshal nas/ bcom ldan 'das la lan gsum bskor ba byas te/ bcom ldan 'das kyi thad nas song ngo // de nas bcom ldan 'das kyis gdol pa'i bu mo gzugs bzang mo'i bam song nas ring po ma lon par thugs su chud nas/ gdol pa'i bu mo gzugs bzang mo la 'di skad ces bka' stsal to// gzugs bzang mo dge slong kun dga' bo don du gnyer ram/ bcom ldan 'das don du gnyer lags so// bde bar gshegs pa don du gnyer lags so// de lta yin na gzugs bzang mo dge slong kun dga' bo'i cha byad du gyis shig/ bcom ldan 'das gzung bar bgyi'o/ / bde bar gshegs pa gzung lags so// bcom ldan 'das rab tu 'byung du gsol/ bde bar gshegs pa bdag rab tu 'byung du gsol/ de nas bcom ldan 'das kyis/ gdol pa'i bu mo gzugs bzang mo la 'di skad ces bka' stsal to// dge slong ma 'dir legs par tshangs par spyod cig ces bcom ldan 'das kyis bka' stsal pa dang / gdol pa'i bu mo gzugs bzang mo skra byi zhing snam sbyar bgos par gyur to/ / de nas bcom ldan 'das kyis gdol pa'i bu mo gzugs bzang mo de ltar dge slong mar gyur cing rab tu byung ba la chos kyi gtam yang ston par mdzad yang dag par 'dzin du 'jug par mdzad/ yang dag par gzengs bstod par mdzad/ yang dag par rab tu dga' bar mdzad de/ gang zhig 'di ltar yun ring por 'khor bar bying ba'i sems can rnam
- 316a
kyi gnyen por gyur par mnyan par bya ba 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa'i ro myang bar bya ba ma yin zhing smad pa'i gtam dang / / nges par 'byung ba'i gtam dang / 'jig pa dang / nyon mongs pa dang / kun nas nyon mongs pa dang / rnam par byang ba dang / byang chub kyi phyogs kyi chos rnams dge slong ma de la bcom ldan 'das kyis yang dag par bstan pas/ de nas dge slong ma gzugs bzang mo de la bcom ldan 'das kyis yang dag par bstan/ yang dag par 'dzin du bcug/ yang dag par gzengs bstod yang dag par rab tu dga' bar mdzad/ sems dga' ba las su rung ba dang / rab tu dga' ba'i sems dang / sgrib pa med pa'i sems dang / tha ba med pa'i sems kyis bcom ldan 'das kyi bka' gang yin pa shes nas/ dge slong ma gzugs bzang mo dga' ba'i bsam pa dang / las su rung ba'i sems dang / rab tu dga' ba'i sems dang / sgrib pa med pa'i sems dang / tha ba med sems kyis bsgoms pa'i stobs rab tu ldan pa yang dag par gsal bar byed pa'i chos bstan pa kun tu shes te/ de'i tshe sangs rgyas bcom ldan 'das kyis kun gsal bar byed pa'i chos bstan pa 'di lta ste/ sdug bsngal dang / kun 'byung dang / 'gog pa dang / lam rnams bcom ldan 'das kyis dge slong ma gzugs bzang mo la rgya cher bstan pas/ de nas dge slong ma gzugs bzang
- 316b
mo stan de nyid la 'dug bzhin du 'phags pa'i bden pa bzhi po sdug bsngal dang / kun 'byung dang / 'gog pa dang / lam mngon par rtogs par gyur te/ 'di lta ste/ gos bkrus pa dri ma med pa tshe gyis bsgyur na tshen yang dag par len pa bzhin du/ dge slong ma gzugs bzang mo stan de nyid du 'dug nas bden pa bzhi po sdug bsngal dang / kun 'byung dang / 'gog pa dang / lam rnams mngon par rtogs par gyur to/ / de nas dge slong ma gzugs bzang mos chos mthong zhing chos thob la/ chos rtogs shing / chos mthar thug par khong du chud nas/ the tshom las rgal zhing / som nyi spangs / tha snyad rnams dang bral zhing dri ma med pa thob pas gzhan gyi rkyen gyis mi bkri bar ston pa'i bstan pa la chos kyi rjes su 'brang bas/ bcom ldan 'das kyi zhabs la spyi bos gtugs/ bcom ldan 'das la 'di skad ces gsol to// bcom ldan 'das bdag gis ni nongs lags so// bde bar gshegs pa bdag gis nongs lags te/ 'di ltar byis pa/ 'di ltar rmongs pa/ 'di ltar mi gsal ba/ 'di ltar mi dge ba/ bdag ni shes rab 'chal pa'i rang bzhin can lags te/ gang bdag gis dge slong kun dga' bo khyim thab tu 'tshal ba kun nas tshul ma yin lags so/ / de lta bas na btsun pa bdag gis nongs pa la nongs par khums shing / yang nongs pa la mchog tu nongs par khums nas/ nongs pa de bshags par bgyi'o// sman
- 317a
chad kyang nongs pa bsdam par bgyi'o/ / de lta bas na bcom ldan 'das kyis nongs par bzung nas nongs pa bsdam par bgyi'o// gzugs bzang mo khyod kyis nyes pa la nyed par shes nas/ 'di ltar byis pa/ 'di ltar rmongs pa/ 'di ltar mi gsal ba/ 'di ltar mi dge ba/ shes rab 'chal pa'i rang bzhin gyis gang khyod kyis dge slong kun dga' bo la khyim thab tu 'dzin zhing tshul bzhin ma yin pa byas pa la chos 'dul ba rtogs nas/ gang khyod kyis nyes pa la nyes par yang dag par lta zhing / nyes pa la nyes par yang dag par mthong nas/ de bzhin du nyes pa 'chags shing phyin chad bsdom pa ni ngas kyang khyod kyis nyes pa la nyes par gzung bar bya'o/ / phyin chad bsdoms la dge ba'i chos rnams 'phel ba nyid bsgrub par bya'i/ nyams par ni mi bya'o// de nas dge slong gzugs bzang mo la bcom ldan 'das kyis bstan zhing khyad par du rjes su gdams pas/ gcig pu dben par bag yod pas gdams shing dran pa dang shes bzhin nyams pa med pas bdag nyid gnas pas gang gi don du rigs kyi bu mo skra bregs nas chos gos bgos te/ yang dag par dad pas khyim nas khyim med par rab tu byung ba de bla na med pa'i tshangs par spyod pa la kun tu gnas pa ni mthong ba'i chos nyid la rang gis mngon par shes/ mngon du byas shing bskyed nas lung ston par byed pa yin pas/ des tshangs par spyad pas bya ba byas shing skye ba zad de srid par skye ba gzhan mi len par gyur
- 317b
to/ / mnyan yod kyi bram ze dang / khyim bdag rnams kyis bcom ldan 'das kyis gdol pa'i bu mo rab tu phyung ngo zhes thos so// thos nas kyang ji ltar gdol pa'i bu mo dge slong rnams dang yang dag par spyod par byed ces smod par byed do/ / de bzhin du dge slong rnams dang / dge bsnyen dang / dge bsnyen ma rnams dang yang dag par spyad pa spyod par byed ces smod par byed cing / ji ltar gdol pa'i bu mo la bram ze dang / rgyal rigs dang / khyim bdag shing sA la chen po lta bu rnams blta bar bya zhes zer ro// ko sa la'i rgyal po gsal rgyal gyis bcom ldan 'das kyis gdol pa'i bu mo rab tu byung zhes grags pa thos so/ / thos nas kyang ji ltar gdol pa'i bu mo zhes bya ba dang / dge slong rnams yang dag par spyad pa spyod par byed/ dge slong ma rnams dang / dge bsnyen dang / dge bsnyen ma rnams dang yang dag par spyad pa spyod par byed/ ji ltar bram ze dang / rgyal rigs dang / khyim bdag shing sA la chen po lta bu rnams kyis blta bar bya zhes smod la sems par byed cing bzhon pa bzang po sbyar te/ bzhon pa bzang po la zhon nas mnyan yod kyi bram ze dang / khyim bdag gi tshogs chen pos yongs su bskor te mdun du bdar nas mnyan yod nas 'phags te/ rgyal bu rgyal byed kyi tshal mgon med bras sbyin gyi kun dga' ra ba ga la ba der song ste/ ji srid bzhon pas 'gro ba'i sa de srid du bzhon pas byin nas bzhon pa las babs nas rkang thang gi 'khor gyis
- 318a
bskor te/ mgon med zas sbyin gyi kun dga' ra bar zhugs so// zhugs nas kyang bcom ldan 'das ga la ba der song ste phyin nas/ bcom ldan 'das kyi zhabs la spyi bos phyag 'tshal nas/ phyogs gcig tu 'dug go/ mnyan yod kyi bram ze dang khyim bdag gi tshogs chen po de dag kyang tha snyad lnga dang ldan pas 'khod do// yang bcom ldan 'das dang lhan cig mngon du phyogs te yang dga' ba dang / mgu bar gyur pa'i gtam sna tshogs mdzad de/ mjug brtul ba dang / phyogs gcig tu 'dug go/ yang gzhan dag gis bcom ldan 'das la rang rang gi pha ma'i rgyus dang / ming dang / rigs dang / rus rnams bsnyad nas phyogs gcig tu 'dug go/ yang gzhan dag gis lhan cig tu/ bcom ldan 'das ga la ba de logs su thal mo sbyar te phyag byas nas phyogs gcig tu 'dug go/ / gzhan dag ni yang 'thun par cang mi smra bar phyogs gcig tu 'khod do// de nas bcom ldan 'das kyis ko sa la'i rgyal po gsal rgyal dang / mnyan yod kyi bram ze dang / khyim bdag gi tshogs chen po de rnams kyi sems thugs kyis mkhyen nas/ dge slong ma gzugs bzang mo'i sngon gyi gnas skabs bstan par mdzad pa'i phyir dge slong dge slong ma bkug nas/ dge slong rnams la dge slong dag de bzhin gshegs pa las mngon sum du dge slong ma gzugs bzang mo'i sngon gyi gnas skabs las brtsams nas chos kyi gtam nyan par 'dod dam/ dge slong rnams kyis/
- 318b
bcom ldan 'das la gsol pa/ bcom ldan 'das de'i dus la bab lags so// bde bar gshegs pa de'i dus la bab lags so// bcom ldan 'das gang dge slong ma gzugs bzang mo'i sngon gyi gnas skabs las brtsams nas chos kyi gtam bstan du gsol/ bcom ldan 'das la slar mnyan nas gzung bar 'tshal lo// dge slong dag de lta bas na/ legs par rab tu nyon la yid la zung zhig dang ngas bshad do/ / bcom ldan 'das legs so legs so zhes gsol te/ dge slong de dag bcom ldan 'das la smrar nyan to// de dag la bcom ldan 'das kyis 'di skad ces bka' srustsal to/ / dge slong dag sngon byung ba 'das pa'i dus na/ chu bo gang+ga'i 'gram na/ a ti mug ta ka dang / swa la'i tshal gyi nags kyi phyogs gcig yod de/ de na tre shang ku zhes bya ba'i gdol ba'i rgyal po yod de/ gdol pa stong phrag du ma'i tshogs chen po dang lhan cig gnas so// yang de'i tshe dge slong dag gdol pa'i rgyal po tre shang ku zhes bya ba des skye ba snga ma'i rig byed kyi yan lag dang / nye ba'i yan lag dang bcas pa dang / gsang ba dang bcas pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa rnams dang / bzhad gad ces bya ba dang lnga pa dang / bstan bcos gzhan yang rkyang pa dang / b+ha kar Na dang / rgyang 'phan pa'i gtsug lag dang / mchod srin gyi rabs dang / skyes pa chen po'i mtshan rnams la rjes su mkhas shing
- 319a
ji ltar chos bshad pa dang / rig byed kyi brtul zhugs dang / brtan pa med par bshad pa la mkhas pa zhig ste/ yang rgyal po traM shang ku de la gzhon nu stag rna zhes bya ba'i bu yod pa/ de gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa/ yon tan thams cad dang ldan da// gzugs bzang zhing blta na sdug pa/ kha dog mdzes shing mchog tu kha dog rgyas pa dang ldan pa zhig yod do/ / de nas rgyal po tre shang ku gzhon nu stag rna la skye ba snga ma'i rig byed dran pa bslabs te/ 'di lta ste/ yan lag dang / nye ba'i yan lag dang / gsang ba dang bcas pa dang / nges par sbyar ba'i brda dang bcas pa dang / yi ge'i rab tu dbye ba dang bcas pa dang / bzhad gad ces bya ba dang / lnga pa dang / bstan bcos gzhan yang tshes ji ltar bshad pa dang rig byed kyi brtul zhugs bslabs nas/ de nas rgyal po tre shang kus 'di snyam du bsams te/ bdag gi bu gzhon nu stag rna 'di ni gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa/ yon tan thams cad kyis brgyan pa// gzugs babrang zhing blta na sdug pa/ kha dog mdzes shing mchog tu kha dog rgyas pa dang ldan pa/ sngags dang rig byed kyi pha rol tu phyin pa yin gyi/ khyim bya ste yang gang bdag gis gzhon nu stag rna dang 'thun par gzugs dang ldan pa/ rigs dang ldan pa/ tshul khrims dang ldan pa/ yon tan dang ldan pa de lta bu'i bu mo zhig gang
- 319b
nas btsal snyam mo/ / yang dus gzhan zhig gi tshe/ bram ze pad+ma'i snying po zhes bya ba gyen du 'byung ba'i lung pa'i sgo zhes bya ba na/ khyab par sa dang / chu dang / shing dang ldan pa/ rtag tu 'bru rnams smin pa/ rgyal po me sbyin zhes bya bas bram ze de la byin nas de na gnas so// bram ze pad+ma'i snying po'i pha ma bram ze'i rigs yongs su dag pa dang ldan pa/ rigs 'khrugs pa med pa/ rigs dang rus ma smad pa/ pha mes dang ma mes bdun brgyud kyi mkhan por gyur pa/ klog pa dang gsang sngags 'dzin pa/ rig byed gsum gyi pha rol tu phyin pa yan lag dang bcas pa dang / nye ba'i yan lag dang bcas pa dang / brda nges par sbyar ba dang bcas pa dang / bzhad gad ces bya ba dang / lnga pa dang / rkang pa dang / byA ka ra Na dang / 'jig rten rgyang 'phan pa'i gtsug lag dang / mchod sbyin gyi rabs dang / skyes bu chen po'i mtshan rnams rjes su sbyar ba rgyas shing grol bar ston pa zhig go/ yang bram ze pad+ma'i snying po'i bu mo yid du 'ong ba/ gzugs dang ldan pa/ tshul khrims dang ldan pa/ yon tan dang ldan/ yon tan thams cad kyis brgyan pa/ gzugs bzang zhing blta na sdug pa/ mdzes shing kha dog rgyas pa dang ldan pa/ bdag gi gzhon nu stag rna dang 'thun pas chung mar 'os so zhes bsams te/ de nas rgyal po tre shang kus don de nyid mtshan mo phal cher sems shing / mtshan mo 'das nas namanangs te/ thams cad dkar ba'i shing rta la zhon nas/ gdol pa'i blon po'i tshe ga
- 320a
kyis bskor nas/ gdol pab po zad nas byung nas byung phyogs su chas te/ gyen du 'byung ba'i lung bar sngagal ba der song ste/ de nas gdob pa rgyal pa sh+ya kus kyi 'byung ba'i lung pa'i sgo byang shar gyi mtshams na yid bde ba zhes bya'o skyed mes tshal shing sna tshogs pas khyab pa/ shing sna tshogs pa'i me tog dang ldan pa/ bya sna tshogs pa sgra snyan pa sgrogs pa lha rnams kyi dga' ba'i tshal ltar mdzes pa zhig yod de/ der phyin nas bram ze pad+ma'i snying po 'ong ba la bsdong ngo // bram ze pad+ma'i snying po bram ze'i sngags 'chad do// de nas pad+ma'i snying po de nyid kyi mtshan mo 'das nas thams cad dkar ba ri rta 'o shi rtul zhon nas/ zim mo khye nu m+b+ha brgya'i spyib ma'i tshogs kyis yongs su bskor te/ byin du 'byung ba nas 'phags te/ thum khye'u rnams la bram ze'i sngags 'chad do/ / gdol pa'i rgyal po tre shang kus bram ze pad+ma'i snying po nyi ma'i 'od zer gyi tshogs kyis bskor ba lta bu/ me 'bar ba 'od kyis bskor ba lta bu/ mchod sbyin byed babram ze'i tshigs kyis bskor ba lta bu/ gangs can sman gyi tshogs kyis bskor ba lta bu/ rgya mtsho rin po ches mdzes pa lta bu/ zla ba rgyu skar gyi tshogs kyis yongs su bskor ba lta bu/ rnam thos sras gnod sbyin gyi tshogs kyis yongs su bskor ba lta bu/ brgya byin lha'i tshogs kyis yongs su bskor ba lta bu/ bram ze slob ma'i tshogs kyis yongs su bskor ba mdzes brkyang ring po nas mthong ngo // mthong
- 320b
nas kyang bsu ste chos bzhin du byas nas 'di skad ces smras so/ / kye pad+ma'i snying po legs par 'dir byon gyis/ bya ba cung zhig spur yod kyis de nyon cig/ de skad ces smras pa dang / bram ze pad+ma'i snying pos/ gdol pa'i rgyal po tre shang ku la 'di skad ces smras so// kye tre shang ku bram ze ma yin pas kye zhes bod par mi nus shing rigs pa ma yin no// pad+ma'i snying po bdag gis kye zhes bod par mi nus shing byar rung ste/ gang gis nus par byar rung bar 'gyur la/ gang gis de ltar mi nus pa ni de ltar yang mi bya'o// kye pad+ma'i snying po skyes bu'i mnyam par rtsom pa ni sngon gyi mnyam par rtsom pa las 'gyur ro/ / 'di lta ste/ bdag gi don dang / gzhan gi don dang / bdag gi 'khor gyi don dang / 'byung po thams cad kyi don bsdus pa ni de ltar 'dir khyad par du don che ba gang yin pa smra yis nyon cig bdag la bu stag rna zhes bya ba yod kyis/ de'i chung mar bu mo byin cig/ rin gang zhig 'dod pa de sbyin par bya'o// tshig de lta bu yang thos pa dang / gdol pa'i rgyal po tre shang ku la bram ze pad+ma'i snying po mchog tu khros 'khros khrugs shing sdang bas de'i rkyen gyis dpral bar khro gnyer gsum bsdus nas bzhin rnam par gyur pas mig rnam par 'gyur zhing ne le ltar ser skyar gyur te/ gdol pa'i rgyal po tre shang ku la 'di skad ces smras so/ / tha mal pa'i gdol pa/ dman pa/ smad pa/ du ma za ba/ ngan pa ni gang bram ze rig byed kyi pha rol tu phyin pa la gdol pa dman pa gcugs pa med
- 321a
par 'joms par byed pa/ khyod kyis tshig 'di lta bu smra ba'i rigs sam/ kye blo ngan mngon pa'i nga rgyal gyis tha mal pa yin par sems sam/ dman pa don ma yin pa la don du gnyer/ gser nam yang thal bar mi 'gyur ro// snang ba dang mun pa gnyis sam/ gdol pa'i skye gnas su skyes pa'ang bram ze dam pa rnams dang / dman pa khyod dang 'brel bar 'dod pa ji ltar ma rmongs/ gdol pa'i skye gnas su skyes pa dang / kho bo dam par skyes pas dman pa dang mchog gnyis 'brel bar mi 'dod do// bram ze mchog dang mchog tu 'brel par byed par 'dod kyi/ mchog dang dman pa gnyis su 'brel bar mi 'dod do// rigs phun sum tshegs shing / rigs yongs su dag cing 'khrug med pa/ sngags kyi pha rol tu phyin pa klog pa dang / sngags mchog las byung zhing rig byed kyi pha rol tu son pa/ brda nges par sbyar ba dang bcas pa/ bram ze gang gis rig byed bklags pa de lta bu'i bram ze dang 'bral bar bya ba yin gyi/ rigs mtshig dang dman bar 'brel bar ni mi 'dod do/ / don du gnyer bar bya ba ma yin pa don du gnyer ba ni rlung zhags pas 'dzin par rtsom pa la 'jug pa yin te/ gang nga dang khyod 'brel bar byed par 'dod pa de bzhin no/ rodang rigs dman pa gnyis ni 'jig rten thams cad la mi gtsang ba yin gyis/ dman pa myur du par khyed cig/ 'di lta bu nyid ji ltar sems/ gdol pa dang gdol par lhan cig pa yin la/ dur
- 321b
srungs rnams dang ni dur srungs lhan cig pa yin te/ rigs gang dang gang yin pa de dang de 'brel bar byed pa yin te/ rgyal rigs rnams dang ni rgyal rigs lhan cig pa yin la/ bram ze rnams dang bram ze lhan cig pa yin la/ de bzhin du rje'u rigs rnams kyang rje'u rigs rnams dang lhan cig pa yin la/ de bzhin du dmangs rigs rnams kyang dmangs rigs dang lhan cig tu 'dra ba rnams phan tshun 'jug pa yin gyis/ gdol pa rnams dang bram ze ni 'brel ba med do// rigs thams cad las dman pa dang rigs mchog rnams ji ltar 'brel du 'dod/ bram ze pad+ma'i snying pos lan du de lta bu'i tshig thos pa dang / gdol pa'i rgyal po tre shang kus 'di skad ces smras so// ji ltar gser dang bral ba'i khyad par dmigs pa ltar bram ze rnams dang rigs gzhan de lta bu khyad par ni mi dmigs so/ / ji ltar mun pa dang snang ba'i khyad par dmigs pa ltar bram ze rnams dang rigs gzhan de lta bu'i khyad par ni mi dmigs so// gang bram ze rnams nam mkha' dang rgya mtsho las skyes pa ni ma yin no/ / gtsub shing gis me byung ba ltar sa rnams las skyes pa'ang ma yin no// bram ze'i skye gnas gang yin pa de nas gdol pa'i rigs kyang skyes pa yin te/ mchog nyid dang dman pa nyid du bram ze rnams la mi dmigs/ bram ze mchog rnams kyi ro'ang spong zhing mi gtsang bar byed do// rigs rnams la de lta bas na gzhan dang de la khyad par ci zhig yod// 'di ltar sdig
- 322a
pa'i las cung zad byed cing rnyog pa dang / rtsod pas sems can rnams la gnod pa bya bar bram ze rnams rab tu ston to// byad dang ro langs kyi las bram ze rnams rab tu ston to/ / las mi bzad pa rnams la'ang bsod nams yin par bram ze rnams ston to// sha za bar 'dod pas bram ze rnams kyi cho ga sbyar ba sngags bzlas nas ra lug bsad na mtho ris su 'gro bar smra'o/ / gang de lta bu mtho ris kyi lam yin na ci'i phyir bram ze bdag nyid nga dang / gzhan yang nye du dang / pha dang / ma dang / spun zla dang / sring mo dang / de bzhin du bu dang / bu mo dang / chung ma rnams sngags bzlas nas bsad par mi ston/ mdza' bo dang / gnyen dang / bdag nyid kyang yul na gnas pa sngags de bzlas nas yang mtho ris su 'gro ba drug po rnams ci'i phyir mi gtong / tham cad chom pas dus gcig tu bde 'gro mchog tu 'gro bar gyur na/ ci'i phyir phyugs rnams kyi bdag nyid kyis phyir mi byed/ bde 'gro mtho ris su ra lug 'gro bar bstan par mi bya ste/ mtho ris kyi lam de dag ma yin te/ brdzun bstan pa yin no// bram ze rnams sdang ba'i sems kyis sha bza' bar 'dod pas rnam grangs du mas thabs bsams te/ phyugs rnams bsad pa'i tshi ga bstan bapa yin no/ / gzhan yang bdag gis bram ze rnams kyi cho ga gang yin pa brjod par bya ste/ rig byed bzhi las sdig pa'i bya bar bstan te/ gser rku ba dang chang 'thung dang // bla ma'i chung ma spyod
- 322b
pa dang / / sdom pa'i tshogs ni 'jig pa ste// sdig pa bzhi ru bram ze 'dod// gser rku ba ni spang bar bya// de bzhin las gzhan sdig yod min// bram ze gang gis gser rkus na// de dag bram ze min par 'dod/ / chang ni btung bar mi bya ste// gzhan ni btung bar bya bar 'dod// bram ze gang zhig chang 'thung ba// de dag bram zer mi 'gyur ro// bla ma'i chung ma spyad mi bya// gzhan gyi chung ma 'gro bar bya/ / bla ma'i chung ma la 'gro ba// de dag bram zer mi 'gyur ro// bram ze gcig kyang gsod mi bya// bram ze min pa du ma gsod// gang zhig bram ze gsod byed pa// de dag bram zer mi 'gyur ro/ / bzhi po de dag gang yin pa// bram ze rnams la sdig par 'gyur// de dag las gzhan sdig med 'a// bzhi po de las gcig byas na// de ni bram ze yin mi 'gyur// bram ze rnams ni tshogs pa ru// chud min phyag kyang mi bya'o// stan dang chu rnams mi btab cing // bsu bar yang ni mi bya'o// bram ze nyams pa de la yang // de ni 'byung ba'i thabs snang ste// de yis lo ni bcu gnyis su// bong bu'i pags pa bgo bya zhing // kha T+wA~M kha ni thogs par bya// brod pa'i nang du bza' bar bya// dka' thub 'di ni gzung bar bya// nges par rgyun ni ma gcad bar gang gi brtul zhugs yang dag blangs/ / phyir yang bram zer 'gro bar 'gyur// lo ni bcu gnyis tshang ba ni// phyi nas de ni bram zer 'gyur// de ni 'byung ba'i thabs su bstan// bram ze yi ni da
- 323a
thub yin/ / rmongs pas las ni ngan pa ste// 'byung ba med par bstan par bya// bram ze de ni 'di lta ste/ 'di shes tha mal tsam nyid du// 'jig rten gang yin brjod par bya// bram ze'ang de lta bu'o// rgyal rigs kyang de lta bu'o// rje'u rigs kyang de lta bu'o// dmangs rigs kyang de lta bu yin no// de dag thams cad de lta bu yin pas rnam pa thams cad du bdag gi bug na/ nu stag rna la bram ze'i bu mo gzugs bzang mo chung ma'i don du byin cig/ rin gang bab pa de 'dod pa de bzhin du gzhal bar bya'o// gdol pa'i rgyal po tre shang ku las de lta bu'i tshig thos pa dang bram ze pad+ma'i snying po mchog tu khros 'khrugs shing / don de la yid sdang bas de'i rkyen gyis dpral bar khro gnyer gsum bsdus nas/ kha nas du ba 'thul zhing ne le ltar ser skyar gyur pas rnam par bsgyur zhing gdol pa'i rgyal po tra shang ku la 'di skad ces smras so/ / dmangs rigs khyod ma brtags par 'di lta bu'i tha snyad kyis 'jig rten rnams mnyam zhing rigs gcig cing tha dad pa ma yin par ston no/ / 'di ltar ji ltar dman pa'i rigs// bram ze rig byed pha rol phyin// dman pa'i rigs su gyur pa yin// rnam par nyam par khyod 'dod dam// rgyal por gyur nas de dman la// bye brag gyur par shes pa med// 'di lha ste/ yul khrims dang / grong khyer gyi khrims dang / grong gi khrims dang / ljongs kyi khrims dang / sho gam gyi lugs dang / bag ma gtong ba'i khrims dang / bag ma len pa'i khrims dang / sngon gyi
- 323b
las kyis chos rnams kyang mi shes so/ / rigs ni bzhi po 'di dag yin te/ 'di lta ste/ bram ze'i rigs dang / rgyal rigs dang / rje'u rigs dang / dmangs rigs zhes bya ba ste/ de dag gis bag ma len pa'i khrims kyang bram ze rnams kyi chung ma ni bzhir 'gyur te/ 'di lta ste/ bram ze mo dang / rgyal rigs mo dang / rje'u rigs mo dang / dmangs rigs mo yin no// kye dman/ ba rgyal rigs kyi chung ma ni rnam pa gsum du 'gyur te/ rgyal rigs mo dang / rje'u rigs mo dang / dmangs rigs mo zhes bya ba yin no// rje'u rigs kyi chung ma ni rnam pa gnyis su 'gyur te rje'u rigs mo dang / dmangs rigs mo'o// dmangs rigs kyi chung ma ni gcig ste/ dmangs rigs mo nyid yin no// kye dman pa bram ze rnams kyi bu ni rnam pa bzhir gyur te/ 'di lta ste/ bram ze mo dang / rgyal rigs mo dang / rje'u rigs mo dang / dmangs rigs mo la skyes pa yin no// rgyal rigs rnams kyi bu ni rnam pa gsum du 'gyur te/ rgyal rigs mo dang / rje'u rigs mo dang / dmangs rigs mo las skyes pa yin no// rje'u rigs rnams kyi bu ni gnyis su 'gyur te/ rje'u rigs mo dang / dmangs rigs mo las skyes pa yin no// dmangs rigs rnams kyi bu ni gcig tu 'gyur te/ dmangs rigs mo las skyes pa yin no// kye dman pa bram ze rnams kyi bu ni lus kyi stod kha nas skyes pa yin no// brang las ni rgyal rigs skyes pa yin no//
- 324a
lte ba las ni rje'u rigs skyes pa yin no// rkang pa nas ni dmangs rigs skyes pa yin te/ kye dman pa nges par bram ze rnams ni 'jig rten thams cad sgrub par byed pa de las bdag cag skyes pa yin no/ / de nas ni rgyal rigs rnams so// de nas ni rje'u rigs te gsum pa'o// de nas ni dmangs rigs te bzhi pa yin par 'dod do// kye dman pa khyod rigs te de lta bu bzhi pa yin par mi mthong ngam/ bdag rigs kyi mchog/ rigs kyi gtso bo/ phul du byung ba/ rigs kyi rab mchog dam par gyur pa dang yang dag par 'brel par 'dod dam/ dman pa khyod spang bar bya ba yin gyis/ bdag gi drung nas phyir khyed cig/ yang tshig de lta bu bram ze pad+ma'i snying po las thos pa dang / gdol pa'i rgyal po tre shang kus 'di skad ces smras so// bram ze nyon cig 'dir khyod kyis 'jig rten thams cad sgrub par byed pa de las bdag cag skyes pa yin pas thu bo bdag cag yin la/ de nas rgyal rigs rnams so// de nas rje'u rigs te gsum pa'o// de nas ni dmangs rigs te bzhi pa yin par 'dod do zhes bstan pa la rkang pa dang bcas pa/ brla dang bcas pa dang / lag pa dang rtsa ba logs dang bcas pa mir gyur pa na yin na yang cha gcig la khyad par ci zhig yod do/ / de bas na rigs bzhi ni mi 'grub bo// de lta bas na de dag la bye brag gang gis khyad par byed pa smros shig/ de bas na khyad par med pa de'i phyir yang rigs rnams 'grub pa ma yin no//
- 324b
gang zhig 'di ltar byis pa rtse ba ni lam po tshor 'jim pa'i gong bu las bsgongs nas bdag nyid ming 'dogs par byed do// 'di ni 'o na'o// 'di ni zho'o// 'di ni mar ro// 'di ni sha'o zhes brjod pabapa byis pa de dag la po ma sogs pa bzhir 'gyur ba ni ma yin no/ / yang 'jam pa bsgongs pa'i sbyor ba'i bye brag yin par shes pa ltar sgras ma yin/ rna bas ma yin/ mgo bos ma yin/ mig gis ma yin/ khas ma yin/ smras ma yin/ mgrin pas ma yin/ dpung pas ma yin/ brang gis ma yin/ rtsib logs kyis ma yin/ lto dang rgyab kyis ma yin te// brla dang de bzhin skyid pas min// rkang pa lag pas kyang ma yin// dbyibs kyis ma yin kha dog min// gnas dang 'dod pa spyod pas min// sna tshogs khyad par thams cad ni// mi rnam las ni gang yod pa/ / de ltar rang gis bsod nams rigs// skyes pa bud med mtshan mas phye// rkang pa lag pa 'thun pas na// de lo rigs su gang gis 'dod// mgo bo dang ni brang rnams dang / bags pa dbang po'i bya bar bcas// lto ba ldan la yod ma yin// cha gcig gnas la bye brag med// rigs bzhir gnas pa gang gis rtogs// de ltas mchog ni gang zhig yod// khyad par ga 'dod 'di ru smos/ / rab mchog bye brag 'dir yod min// rigs bzhi bye brag med par bshad// 'dir nyes pa de lta bu yod pas gang gi tshe/ khyod kyis brjod pa de lta ba de ni rigs pa ma yin no
- 325a
kye shes ldan bdag la slar nyon cig dang legs par bshad pa mchog tu dkar zhing mthar thug pa'i chos kyi gleng gzhi bstan pa bshad par bya yis/ thos nas rigs dang na ldan na slar smros shig dang / gang yang 'dir bstan pa nges pa dang ldan zhing rigs pa med par smra na/ phyi phyir bdag las thos nas shes ldan khong du chud na mi rnams la mchog tu gyur pa'i chos gyi bye brag ni med do/ / bram ze khyod kyis rjes su dpag pa'i tshad ma gang gis de la rnam par dpyad na bram ze rnams dang gcig yin te/ 'dir de lta bas na skye dgu rnams rigs gcig pa nyid de bdag dang yang rigs gcig pa nyid ma yin no/ / bdag dang rigs tha dad pa nyid ma yin no// tshangs pas 'jig rten 'di thams cad bskyed do zhes sla ba ni/ gal te tshangs pas bskyed ces bya ba 'di tshad mas rigs pa ma yin te/ rigs bzhi po bstan pa bram ze dang / rgyal rigs dang / rje'u rigs dang / dmangs rigs kyi tshangs pa ni rgyu ma yin te/ bram ze rnams la yang dag par dpyad na/ mi rnams kyi rigs sna tshogs pa'i rgyu 'dus pa yin te/ 'di lta ste/ mgo bo dang / kha dang / mig dang / rna ba dang / sna dang / bzhin dang / kha dog dang / dbyibs dang / rnam pa dang / skyeganas dang / zas kyi bye brag tu gyur pa rnams kyis sna tshogs par shes par bya'o// kye pad+ma'i snying po 'di lta ste/ baglang dang / rta dang / bong bu dang khyi dang / rnga mo dang / ri dgas
- 325b
bya dang / ra lug rnams sgo nga las skyes pa dang / mngal nas skyes pa dang / drod gsher las skyes pa dang / rdzus te skyes pa rnams kyis sems can rnams tha dad par shes par bya'o// 'di g+ha ste/ yang rkang pa dang / gdong pa dang / kha dog dang / dbyibs dang / zas dang / skye gnas kyis sna tshogs par yang shes par bya'o// yang de lta bas na rigs bzhi po rnams tha dad par shes par rig par mi bya'o/ / de lta bas na 'di dag bram ze rnams dang 'dra zhing gcig pa yin no// shing 'di dag kyang gang gis 'bras bu a mra dang / 'dzam+bu dang / khardzu ra dang / pa na sa dang pha le pa dang / de dag tsa ka dang / rgun 'brum dang / dbyi zo ra dang / ka pi ta dang / starga dang / na le ke ra dang / ting ni ka dang / sardza ka dang / 'bras bu dang ldan pa sna tshogs par rig par bya'o/ / 'di lta ste/ rtsa ba dang / sdong bu dang / shun lpags kyi cha dang / me tog dang / mtha' yas pa ste/ lo ma dang / me tog dang / 'bras bu dang / sna tshogs par rig par bya'o/ / 'bras bu med pa'i me tog rnam pa sna tshogs par rig par bya'o// yang de bas rigs bzhi po rnams tha dad pa ma yin no// bram ze 'di lta ste/ 'di dag ni skam las skyes pa'i shing ste/ sA la dang / na da dang / ta ma la dang / kar ni ka dang / lo ma bdun pa dang / sha ri sha dang 'o bo dar dang / tsan dan dang / sha ba dang / da pa dang / seng ldeng la sogs pa sna tshogs par rig
- 326a
bar bya'o/ / 'di lta ste/ rtsa ba dang / sdong bu dang / yun lpags kyi cha dang / matog tsam dang / sbrang po dang / lo ma dang / matog dang / 'bras bu sna tshogs par rig par bya'o/ yang de bas na rigs bzhi po'i rigs rnams la tha dad pa med par shes par bya'o// 'di lta ste/ 'di dag ni 'o ma can gyi shing ste/ u dum+ba ra dang / pa lak+Sha dang a shang tha dang / n+ya gro d+ha dang bal gu zhes bya ba la sogs pa sna tshogs par rig par bya'o/ / 'di lta ste/ rtsa ba dang // sdong bu dang / shun lpags kyi cha dang / me tog tsam dang / snying po dang / lo ma dang / me tog dang / 'bras bu rnams tha dad par rig par bya'o/ / yang de bas na rigs bzhi po'i rigs rnams la tha dad pa med par shes par bya'o// pad+ma'i snying po 'di lta ste/ yang 'di dag ni 'bras bu sman du gyur pa'i shing rnam te/ a ma la dang / a ru ra dang / skyu ru ra dang / ba ru ra dang / a ru sha ka la sogs pa dang / gzhan yang sna tshogs pa'i sman rigs sna tshogs pa las skyes pa dang / rtswa dang nags nas skyes par tha dad med par shes par rig par bya'o/ / yang de bas na rigs bzhi po rnams la tha dad med par shes par bya'o// bram ze 'di lta ste/ 'di dag ni thang las skyes pa'i me tog rnams te/ a ti mug ta ka dang / tsam pa ka dang / pa ta la dang / su ma na dang / pa ri sha ka dang / da tsu ka ra la sogs pa sna tshogs par rig par bya'o// 'di lta ste/ gzugs dang / kha dog dang / dri dang
- 326b
dbyibs sna tshogs par rig par bya'o/ / bram ze 'di lta ste/ 'di dag ni chu las skyes pa'i me tog ste/ pad+ma dang / ut+pa la dang / ku mu ta dang / so'u gan di ka dang / dri zhim la sogs pa sna tshog par rig par bya'o/ / 'di lta ste/ gzugs dang / dri dang / kha dog dang / dbyibs tha dad par rig par bya'o// yang de bas na rigs bzhi po'i rigs rnams la tha dad pa med par shes par bya'o// bram ze bram ze'i rigs kyang de lta bu'o// rgyal rigs kyang de lta bu'o// rje'u rigs kyang de lta bu'o// dmangs rigs kyang de lta bu yin te/ de lta bas na thams cad gcig pa yin no// gzhan yang khyod la bram ze rnams kyi rtogs pa brjod par bya ste/ 'di ltar skye dgu'i bdag po tshangs pa'i nim mkha' skar ma'i tshogs dang bcas pa ni mgo bo yin no// lto ba ni ro rnams yin no// brla gnyis dang rkang pa gnyis ni sa'o/ / mig gnyis ni nyi ma dang zla ba'o// ba s+phu rnams ni rtswa dang nags kyi tshogs so// nam mkha' las char 'bab pa ni mchi ma'o// chu bo rnams ni de'i gcin no// mtshe rnams ni de'i mi gtsang ba yin no/ / de lta bu ni skye dgu'i bdag po tshangs par 'dod do// tshangs pa rang gi mtshan nyid ni de lta yin par rigs sam/ khyod rang gis dpyod cig/ tshangs pa gang yin pa de las bram ze rnams kyang bar rgyal rigs rnams kyang byang / rje'u rigs rnams kyang byung / dmangs rigs rnams kyang byung bar gyur cing / de ltar na gal te skyes par nges par gyur
- 327a
na'ang 'di ltar 'gyur zhing / rigs bye brag tu byas par 'gyur te/ bram ze rnams tshangs pa'i 'jig rten du 'gro bar 'gyur zhing / rigs gsum po mtho ris su mi 'gro na ni de ltar na rigs bye brag tu byas par 'gyur ro/ / de lta ma yin na rigs bzhir mi 'gyur ro// gang gi phyir rigs bzhi po tha dad pa rnams ni/ dge ba'i las byed pas mtho ris su 'gro bar 'gyur te/ yang des na drang srong rnams kyang zhi ba'i dka' thub spyod par 'gyur ro// de'i phyir bram ze rnams la khyad par du gyur pa med do// gal te bram ze gcig la 'dir lce gnyis yod par 'gyur zhing / de bzhin dbang po gnyis dang / rwa bzhi yod/ mgo bo gnyis yod na de lta na bram ze'i rigs khyad par du byas par 'gyur ro// chags pas phyin nas gzhan dag gsod pa dang / de lta bur 'gro/ zhing gnod par byed pa dang / sems can rnams la las kyi sun 'byin zhing / des yang 'di ltar bram ze rnams ni mi dge ba'i bshes gnyen yin no// 'thab cing rtsod pa dang / pha dang yang 'khrug cing ba lang gsod par sems pa ni 'dir bram ze rnams kyi lugs so/ / srid srung gi rig byed las sngags kyis skrag par byed pa ni bram ze rnams kyi bya ba yin par bstan to// sdig pa byed pa dang / skye bo du ma slu ba dang / sgyu dang mi bzad pa de lta bu'i rnyog pas 'di ltar pha rol la gnod pa rjes su sems shing / de'i rjes la mtho ris nyid du 'gro bar 'dod na de mtho ris kyi lam ma yin te/
- 327b
bram ze gang zhig dka' thub mchog gis thul zhing brtul zhugs dang / tshul khrims dang ldan pa mi 'tshe zhing zhi ba la mngon par dga' ba'i bram ze ni tshangs pa'i gnas su skye'o// sha dang rus par bcas pa dang / sen mo dang bcas pa dang / pags pa dang bcas pa dang / bde ba dang / sdug bsngal dang / gcan dang / byis ldan par gcig la dbang po rnams la khyad par med pas de'i phyir rigs bzhi nyid du ma grub pa'o/ / bram ze 'di lta ste/ yang skyes bu 'ag zhig la bu bzhi yod par gyur la/ de dag la ming dga' byed ces bya ba dang / 'tshe byed ces bya ba dang / mya ngan med ces bya ba dang / tshe brgya pa zhes bya bar btags pas pad+ma'i snying po skyes bu de'i bur gyur pa de las dga' byed ces bya ba des dga' bar byed dam/ 'tshe byed ces bya ba des 'tshe bar byed dam/ mya ngan med ces bya ba des yid bde bar byed dam/ gang tshe brgya pa zhes bya ba des lo brgya 'tshe bar byed pa ni ma yin gyis/ yang bram ze de dag ni ming gis tha dad par rig par bya'o// rigs kyis ni ma yin no// de ci'i phyir zhe na/ 'di ltar pa'ang gcig las skyes pa'i bu yin te/ de la 'dir bod pa'i ched du pa dang / ma dang / spun zla dang // nye dus btags pa de nyid rigs yin no// gang de ltar rnam par shes pa de las gzhan du gyur pa ni 'ga' yang med do/ / bram ze bdag nyid legs par dpyod cing / bram ze'i rigs zhes bya ba dang / rje'u rigs zhes bya ba dang / dmangs rigs zhes bya ba gang zhig yin//
- 328a
rgyu thams cad kyis lag pa 'jas pa dang / sgur po dang / 'gog pa dang / 'brum bu dang / mdze dang / sha bkra dang / tha dad pa rab tu gnas te/ sha dang / klad pa dang / pags pab dang / gzhungs pa dang / rtsib logs dang / gsus pa dang / gzhan rang rang gi las kyis grub pa yin te/ de lta bu'i 'gro ba la bram zer gyur pa ni yod pa ma yin/ gang gis rigs khyad par du byas pa de bas ni rigs yod pa ma yin/ / bye brag yod pa ma yin te/ rigs bzhi nyid du ma grub bo// de lta bas na bram ze khyod la bdag 'di skad smras te/ gang 'jig rten 'di'i bram ze zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag gcig pa yin te/ thams cad la tha dang pa ni med do// de bas na bdag gi bu gzhon nu stag rna kha bu mo gzugs bzang mo chung ma'i don du byin cig/ rin du gang phab cing 'dod pa de sbyin par bya'o// de lta bu'i tshig gdol pa'i rgyal po tre shang ku las thos pa dang / bram ze pad+ma'i snying pos 'di skad ces smras so/ / yang ci khyod kyis nges brjod kyi rig byed kyang bklags/ mchod sbyin gi rig byed kyang bklags/ stan dngags kyi rig byed kyang bklags// srid srung gi rig byed kyang bklags/ tshe rig byed kyi cho ga'ang bklags/ nang gi zla ba'i dkyil 'khor khyod kyis bklags sam/ gzhan yang yan lag gi rig pa dang / dngos po brtags pa dang / bkra shis pa'i ltas dang / la nye brtags
- 328b
pa'ang bslabs shing gzhan yang khyod kyis sgra gcan 'dzin gyi 'gros dang / gza' 'gros dang / pa wa sangs kyi 'gros khyod kyis bklags sam/ gzhan yang khyod kyis 'jig rten rgyang 'phan pa dang rnam par bshad pa'i gsung rab dang / byA ka ra Na rnams dang / zla ba phyed pa rnams bslabs sam/ de skad ces dris pa dang / gdol pa'i rgyal po tre shang kus/ bram ze pad+ma'i snying po la 'di skad ces smras so/ / bram ze de bzhin te/ bdag gis de dag yang dang yang du rgya cher bklags te/ bram ze 'di ltar bdag ni 'dir rig pa'i pha rol du phyin pa thob par gyur pa yin te/ de lta bas na khyod la bram ze ldan cig pa'i chos de dag rjes su dpag pa'i sgo nas bshad par bya'o/ / bram ze bskal pa dang po sngon byung ba na 'di lta ste/ bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di thams cad gcig ste/ tha dad pa med do// sems can mo 'dra ba rnams dang / de bzhin 'dra ba de dag ni nang nas sems can 'ga' zhig gis 'bras kyi zhing gcig tu rmos shing bsrungs nas bdag gis byas so/ / de lta bu de rnams la rgyal rigs rgyal rigs zhes tha snyad du byas so// bram ze gzhan yang de dag gi nang nas sems can 'ga' zhig gis 'di snyam du bsams nas/ nad kyis yongs su bar du gcod pa dang / lba ba'i bar chad dang / zug rngu'i bar chang gang yin pa bdag gis bar chad rnams spangs nas dgon par phyin la rtswa dang / shing dang / le
- 329a
ma dang / bdab ma dang / yal ga rnams las rtswa'i spyil bu dang / lo ma'i skyil bu byas nas bsam gtan byed cing gnas te/ dus tshigs su zas don du gnyer bar nang par grong du bsod snyoms su rgyu'o/ / de nas grong khyer na gnas pa'i sems can rnams 'di snyam du sems te/ kye ma sems can 'di dag ni mchog tu dga' ba byed pa ste/ bdag tu 'dzin pa yongs su spangs nas grong dang / grong khyer dang / ljongs dang / yul nas 'phags pas/ de dag la phyi rol tu dga' ba phyi rol tu dga' ba zhes tha snyad du byas so// de la'ang grong khyer la dga' ba'i sems can rnams bkur stir byed/ bla mar byed/ phud dung du byed/ mchod par byed cing de dag la sbyin par sems so// de na sems can de dag nyid sems can gzhan khrims la gnas pa'i nor don du gnyer bar grong khyer du babs nas sngags kyi tshig klog tu 'jug go/ / de la grong khyer na gnas pa rnams 'di skad du 'di 'ba' zhig yin gyi/ sems can gzhan klog tu 'jug pas sems can de la klog tu 'jug pa klog tu 'jug pa zhes 'jig rten gyi tha snyad du byas so/ / rgyu 'di dang rkyen 'das 'jig rten du rje'u rigs byung bar gyur to// sems can gzhan dag ni/ dus la bab na rigs pas las kyi mtha' byed pas de dag la rje rigs rje rigs zhes tha snyad du byas so/ / rgyu 'di dang rkyen 'dis 'jig rten du rje'u rigs byung bar gyur to// sems can gzhan dag ni smad pa'i las byed pas bdag 'tshe bas na de dag la dmangs rigs
- 329b
dmangs rigs zhes tha snyad du byas so/ / rgyu 'di dang rkyen 'dis 'jig rten du dmangs rigs byung bar gyur to// bram ze sngon byung ba na skye dgu gzhan zhig bag ma len du shing rta zhon nas dgon pa'i phyogs gzhan zhig tu phyin pa dang / phyogs der shing rta chags pas de bas na gdol pa gdol pa zhes tha snyad du byas so// zhing rmo ba la zhing pa zhing pa zhes tha snyad du byas so// de dag la sems can 'ga' zhig gis tsheng byas nas 'tsho bar byed pas tshong pa chong pa zhes tha snyad du byas so/ / chos dang ldan pa'i tshig gis 'khor rnams dga' bar byed pas na 'jig rten gyi tha snyad du ngag 'jam pa la rgyal po rgyal po zhes 'jig rten gyi tha snyad du byas so/ / yang de dag las sems can gzhan dag gis rab tu byung nas gzhan las rgyal bas na rab tu byung ba zhes bya ste/ rab tu byung ba rab tu byung ba zhes 'jig rten gyi tha snyad du byas so/ / gzhan yang bram ze gcig tu tha snyad du byas pa de khyod la rab tu bshad par bya'o// tshangs pa'i 'jig rten du de rig byed klog par byed pas tshangs pa'o// lha'i dka' thub m chog tu gyur pas lha'i dbang po'i ko'u shi ka'i rig byed klog pa byed pa'i dbang po go'u ta ma'i rig byed klog pa nas mnyes byed go'u tam dgar nas goru ta ma dgar nas go'u ta ma zhes brjod cing dgar gnas go'u ta ma zhes zer ro/ / mkhas pa bzang po las rig byed klog pas na bzang po'i rig byed klog ces bya'o// 'di lta ste/ rig byed rnam par 'byed cing 'di ltar rgyas par rnam par 'grel zhing
- 330a
phyogs dang sdeb sbyor gyi tshogs ston pa'i slob dpon ni nyi shu rtsa gcig go/ lam gyi mchod sbyin dang srid srung gi sde rnams rnam par 'grel pas na bram ze de dag thams cad la 'chad ba zhes bya'o/ / gcig tu gyur pa las nyi shu rtsa lngar bye ba ni 'di lta ste/ skem 'dzin dang / rgyas 'dzin dang / snying po zhes bya ste/ de la skem 'dzin ni bcu'o// rgyas 'dzin brgyad do// snying po ni bdun no// 'di dag ni bram ze rnams kyis gcig tu gyur pa las bye brag nyi shu rtsa lnga ru rnam par 'grel to// bram ze rjes su dpag pa'i tshad mas sdeb sbyor 'don pa'o// phyogs gcig tu gyur pa las rnam pa stong du bstan te/ 'di lta ste/ tshul khrims shing shun dang / dgon pa dang / 'jig rten gyi mig dang / go'u ta ma dang / bram ze dang mnyam pa dang / chen po dang mnyam dang / gzhon pa chen po dang ldan pa dang / bden drag dang / rig byed thams cad pa'o// de nas tshul khrims shing shun la ni nyi shu'o// dgon pa la ni nyi shu'o// 'jig rten gyi mig la ni nyi shu rtsa bzhi'o// go'u ta ma la ni brgya'o/ / bram ze dang mnyam pa la ni brgya'o// chen po dang mnyam pa la ni lnga brgya'o// gzhon pa chen po la ni brgya'o// bden drag la ni brgya'o// rig byed thams cad pa la'ang brgya ste/ 'di dag ni bram ze'i sdeb sgor gyi 'don pa'i cha'i phyogs gcig tu gyur pa'i las rnams stong du bye nas bstan pa'o// bram ze rnams kyis rjes su dpag pa'i tshad ma 'dis lam mtshon pa ni bram ze tham
- 330b
cad kyi lam mo/ / lam gcig tu gyur pa las nyi shu rtsa gcig tu phye ba ni 'di lta ste/ ka thA dang / yid sdug dang / gnas sde dang / rgyal ba'i rna dang / bram ze rnams rkang mchog go// de las ka tha ni bcu'o yid sdug la ni bcu'o/ / gnas sde la ni bcu gcig go/ rgyal ba'i rna ba'i la ni bcu gsum mo// rang gi rkang mchog la ni bcu drug go/ drang srong ni bzhi bcu rtsa gcig ste/ 'di ltar bram ze lam gyi cha ni nyi shu rtsa gcig tu gyur pa las nyi shu rtsa gcig tu phye ba yin no/ / bram ze rnams kyi rjes su dpag pa'i tshad ma ni srid srung gi sde tshan rnams te/ de dag ni bram ze rnams kyi srid srung gi sde tshan yin no/ / mchod sbyin gcig tu gyur pa las gnyis su dbye'o// 'byung ba rnam pa bzhi las dbye ba byas pas brgyad do// brgyad pa las dbye ba byas pas nyi shu rtsa gnyis so// bram ze 'di dag nisrid srung gi dbye ba'i mchod sbyin gcig tu bsdus pa la'ang nyi shu rtsa gnyis so/ / bram ze rnams kyis rjes su dpag pa'i tshad ma la tha dad par phye na brgya nyi shu rtsa gnyis so// yang rig dbye bcu drug pa dbye ba sngon gyi bram ze gang yin pa rnams kyis yang dag par bstan to/ / 'don pa ni gnas dang / byA ka ra Na dang / 'jig rten rgyang 'phan pa'i gtsug lag dang // rkang pa dang / spyod pa'i gtsug lag dang / / 'di dag rnams las mi shes pa med de khong du chud do// de bas na 'di dag thams cad gcig nyid du shes par bya ste/ gcig tu grub pa yin te/ bram ze de bas na 'di dag ni 'jig rten
- 331a
@gyi ming tsam ste/ tha snyad tsam du bstan te/ bram ze'i rigs zhes bya ba dang / rgyal rigs zhes bya ba dang // rje'u rig zhes bya ba dang / dmangs rigs zhes bya ba 'di dag thams cad ni gcig pa yin te/ tha dad pa med kyis/ bdag gi bu gzhon nu stag rnal bu mo gzugs bzang mo chung ma'i don du byin cig/ rin gang phab cing 'dod pa de bzhin du gzhal bar bya'o// gdol pa'i rgyal po tre shang ku las de lta bu'i tshig thos pa dang / bram ze pad+ma'i snying po cang mi sme bar gyur to// zhum zhing phrag pa klog nas mgo smad de lan la spobs pa med pa de ni tha chad kyi gnas yin no// de nas gdal pa'i rgya po tre shang kus bram ze pad+ma'i snying po zhum par gyur cing phrag pa'i ga sha glod de mgo smad nas lan la spobs pa med par gnas shing cang mi smra bar gyur pa mthong ngo / / mthong nas kyang 'di skad ces sbas so/ bram ze khyod gang gi tshe 'di ltar mi 'dra ba med pas bdag dang lhan cig tu 'brel bar gyur par shes par bya'o// 'on te de ltar ma yin na ni bram ze khyod kyis 'di ltar shes par bya ste/ de la ji snyam du se bram ze gang thos pa dang / tshul khrims dang / shes rab dang / yon tan rnams dang ldan pa bram ze yin no// mchog gang yin pa de bdag gi bu gzhon nu stag rna la'ang yon tan de dag nyid yid pas bram ze nyid du 'gyur ro/ / gang zhig snod ldan gyi mchod sbyin byin cing / rta bsang gi mchod sbyin dang / mi bsang gi mchod sbyin dang / yang dag par smod pa'i mchod sbyin dang / gtan pa med pa'i mchod sbyin
- 331b
byed pas/ de dag thams cad lus dang bral nas/ bde 'gro mtho ris kyi 'jig rten du skye zhing / 'di byed pa bram ze yin par 'dod pa ni bram ze'ang de ltar ni blta bar mi bya ste/ de ci'i phyir zhe na/ bram ze rnams snod ldan gyi mchod sbyin byed cing / / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed cing / sna tshogs pa'i sngags kyis srog gcod pa 'jug par byed de/ de lta bas na bram ze khyod la bshad par bya ste/ de ni mtho ris kyi lam ma yin te/ bdag gis bram ze khyod kyi lam bshad par bya yis nyon cig/ tshul khrims bsrungs zhes blo gros don du gnyer bas bde ba gsum gyis sems rab tu zhi bar gnas pa ni 'jig rten pha rol tu bde 'gro dag thob bo// bram ze 'di ltar snga ma bzhin du sdod ldan gyi mchod sbyin las dga' ba dang / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin dag sbyin pa la dag zhing yongs su 'dzin pa de dag ni med pa la mos pa ste/ mtho ris la dga' zhing 'dod pas bram ze 'di ltar phyis kyang snod ldan gyi mchod sbyin byed cing / rta bsang gi mchod sbyin dang / mi bsang gi mchod sbyin dang / yang dag par spyod pa'i mchod sbyin dang / gtan pa med pa'i mchod sbyin byed pa ni don med cing mchog tu bcom pa chen por 'gyur ro// bram ze bdag gis smras pa de lta bu yin
- 332a
pa'i phyir 'dir bdag dang khyod lhan cig 'brel bar bya ste/ de ci'i phyir zhe na/ chos kyis gdol pa mi gtsang ba ni ma yin no// gzhan yang bram ze'i dngang tshul khrims dka' thub/ thos dang shes rab de bzhin dang // lta ba mtho ris brdul zhugs gnas// rnam pa brgyad po de dag gis// mtho ris gnas su 'gro bar 'dod// phal cher shes pa'i khyad par gyis// sna tshogs du ma'i mchod sbyin 'dir// rnam pa brgyad du nges par bstan// ma mnyam sring mo'i 'jig rten te// rab tu 'jug ldan 'di lta ste// nyi ma'i lha las skyes pa yin// mi skyes rnams ni mi las skyes/ / ba skyes pa yi gzhon pa las// gser mdog ldan las skyes pa dang // klu rnams las ni skyes pa dang // mchen sa las skyes pa ni// chen po'i chen po 'od srungs te// drang srong bde ba'i yid kyis shes// de nas yang bram ze pad+ma'i snying po la/ bdag gis bram ze rnams kyi rigs bshad par bya yis de nyon cig/ rigs ni 'di lta ste/ go'u ta ma dang / pad+ma dang ko sa dang / ko'u shi ka dang / 'od srungs dang / rgyas pa dang / snying po'i rigs dang / 'di dag ni bram ze'i rigs rnam pa bdun no// rigs de dag re re la'ang rnam pa bdun bdun du 'gyur te/ de lago'u ta ma ni/ ko'u thum dang / de dag rgya dang / ba ra dA dza dang / ber brgyad pa dang / be ka na sa dang / rdo rje rkang pa sde de dag go// de la dang+ga la ni/ a dre ya na dang /
- 332b
mthe ya dang / brga dang / sam la ni dang / mang po skyes dang / sa pan dang / any+dza tsa ste de dag go// de la ko sa las ni/ mod ga la ya na dang / 'gro na ya nu dang / lang chal ba dang / bdun tshad lag na dang / so na pu ga na ste de dag go// de la ko'u shi ka las ni/ ka na ya na dang / ba ki na dang / lo ka a kha dang / lo ki hang ste de dag go// de la 'od srung las ni/ pan da ra dang / shu ka ra dang / san ti la dang / ro tsa ni ya dang / a na pa khrag dang / ag ni be sha sde de dag go// de la rgyas pa las ni/ dza tu karna dang / d+ha na ma dang / dza ya ya na dang / pa ra sa ra dang / bya khra na ga dang / kAn tA ya na dang / o pa ma na nya ste de dag go/ de la snying po las ni/ man da yan dang / 'do mra ya nA dang / ka ta ya na dang / sha ka ya na dang / yu gan da ya na dang / kha na yan dang / ka ba sti la ya na sde de dag go// de la bram ze 'di lta bu'i rigs lnga bcur gcig gis ma tshang ba yin no// yang dag pa'i lta ba dang / sdeb sbyor gyi 'don pa dang / prA ka ra Na dang / rkang pa dang / spyod pa'i gtsug lag dang / rigs pa gzhan pa dag rgyas par bdag gis bklags kyis/ gzhan gyis ni ma yin par rig par bya'o/ / 'di ltar gnyen du bya ba la nges pa med par khyod kyis shes par gyis shig/ de lta bas na bram ze'i rigs zhes bya ba ni/ 'jig rten tha mal pas tha snyad
- 333a
du byas pa yin no/ / 'di ltar bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes b+ha babang de ltar shes par bya'o/ / de lta bas na 'di dag thams cad ni gcig pa yin te/ tha dad pa ni med do// bdag gi bu gzhon nu stag rnal bu mo gzugs bzang mo chung ma'i don du byin cig gang rin phab pa 'dod pa de bzhin du sbyin par bya'o/ / yang tshig de lta bu gdol pa'i rgyal po tre shang kus bram ze pad+ma'i snying po zhum par gyur cing phag pa bcum nas mgo smad de lan la spobs pa med pa 'di ni tha chad kyi gnas yin pas cang mi smra bar gyur to/ / de nas gdol pa'i rgyal po tre shang kus bram ze pad+ma'i snying po zhum par gyur cing phrag pa 'drum nas mgo smad de lan la spobs pa med pa ni tha chad kyi gnas yin pas cang mi smra bar gyur pa mthong ngo / / mthong nas kyang 'di skad ces smras so// ci 'di 'dra ba'i sa bon btab// de 'dra ba yi 'bras bur gyur/ / skye dgu 'di ni gcig yin te// khyad par gyur pa de la med// dbang po sna tshogs de dag gis// bya ba tha dad mthong bar bstan// bram ze dang ni rigs gzhan la// bye brag cung zad yod ma yin// bdag nyid khyod dang stod byed kyang // 'dir ni rigs pa ma yin te// skyes gnas gnyis ni phrad pa las// khub khrag gnyis 'dus pa yin// rigs
- 333b
bzhi dag ni rab bstan pa/ / de ltar yin na dud 'gro lta// khyod ni sring mo la 'jug pa// sring mo chung mar rigs ma yin// gang tshe re zhig 'jig rten 'di// tshangs las skyes par rang gis shes/ / bram zes chung ma sring mo nyid// rgyal rigs rgyal po'i sring mo nyid// de bzhin rje'u rigs rje rigs mo// dmangs rigs dmangs rigs de rigs min// gal te bram zes shes na ni/ / chung mar rigs pa ma yin no// sems can bram ze'i rigs min te// 'di dag nyon mongs las las skyes// dman pa dag ni mchog tu snang // sems can sna tshogs rten tha dad / / khyod ltar 'di dag rigs mchog ste// bram ze rgyal rigs de bzhin du// rje'u rigs dmangs rigs de dag dang // tha snyad 'jug pa yod ma yin// nges brjod rig byed mchod sbyin dang / / spyan dang gas rig byed srid srung ste// 'di ltar bzhad gang nges sbyar dang // sdeb sbyor ji ltar don med min// bdag nyid kyis ni gang byas pa// byams rigs de bzhin gso ba dang // / go rims dang ni rmongs byed dang // 'dod pa'i gzugs dang yid mgyogs dang // dri za 'jigs dang shang ka dang // sbrul dang rin chen sngags dang ni// mig 'phrul rnams ni 'jigs pa dang // grangs la mkhas par gyur pa dang // bdag la skyes bu'i rigs yod de// mtshe yi snying po rin chen dang // rang gi sring mo rnams la dga'// lha yi rdzu 'phrul yang dag 'thob// gsob
- 334a
yi ni rig pa rnams/ / gdol pa yis ni mi bslabs shing // bram ze'i rig byed pha rol phyin// ser skya la sogs skyes nas ni// sngags mchog gi ni pha rol phyin/ / bram ze'i bu ni ma yin no// bram ze'i min yang bsam par gyis// rigs ngan las skyes drang srong nag/ thub pa byi ba ya na dang // drag shul las skyes gzi brjid ldan/ 'jigs byed mngon shes lnga ldan pa// thub pa chen po de dag ni// bram ze las skyes ma yin no// ci yin bram ze yang brjod kyis// tha snyad du ni btags pa ste// rdul ldan ma ni rgyal rig las/ / mkhas shing rdul dang ldan pa dang // bstan bcos thams cad legs rtogs pa// thub pa dga' byed de las skyes// bram ze'i bu ni ma yin no// bram ze ci yang mi brjod kyis// / gzi brjid dka' thub dang ldan la// mkhas shing dul dang ldan pa ste// drang srong 'jig rten du grags pa// gang yin de ni ma nus skyed// bram ze'i bu ni ma yin no// ci yin bram ze yang brjod kyis/ / 'di dag 'jig rten tha skad de// bram ze rgyal rigs de bzhin te// de ltar rje'u rigs dmangs rigs ni// tha snyed du ni 'jig pa yin// de la bram ze khyod kyis smras 'di dag 'jig rten tha snyad tsam/ / 'di lta ste/ bram ze'i rigs zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di dag ni
- 334b
thams cad gcig cing de la tha dad pa med do/ / bdag gi bu gzhon nu stag rnal bu mo gzugs bzang mo chung ma'i don du byin cig/ rin gang phab pa de 'dod pa bzhin du gzhal bar bya'o// gdol pa'i rgyal po tre shang ku las 'di lta bu'i tshig thos nas/ bram ze pad+ma'i snying pos/ gdol pa'i rgyal po tre shang ku la 'di skad ces smras so// khyod kyi rigs ci yin/ bdag gi a tre ya'o/ / sngar ci zhig/ sngar ming ngo // ci zhig spyod par byed/ byams pa mang du'o// rabs du yin// gsum ste/ 'di lta ste/ bad sa dang / ko'u sa dang / bar dwadAdzadza'o/ / ci zhig la goms/ tshangs par spyod pa dang bcas pa'i sdeb sbyor 'don pa lnga'o// sdeb sbyor gyi gdon pa du zhig/ drug po 'di lta skye/ go'u ta ma dang / ra ma yin dang / lang ga li dang / so'u pad tsa la dang / ka pi tsi li ya dang / a ra shi se no zhes bya ba yin no// khyod kyi ma'i rigs ci yin/ bar sha ri yam mo// khyod kyis sa bya ti bklags sam/ ji ltar yin/ de la yi ge du zhig/ gdon pa ni du zhig/ tshig ni du zhig/ rkang pa ni du zhig/ yi ge ni nyi shu rtsa bzhi'o// gdon pa ni gsum mo// tshig ni gsum mo// rkang pa ni brgyad do/ / khyod kyis sa byin tra thon cig/ pad+ma'i snying po de bzhin te/ lhan cig skyes pa'i sngags bshad par bya yis nyon cig/ khyod kyis shod cig/ smras pa/ bram ze sngon byung ba
- 335a
'das pa'i dus na/ su zhes bya ba'i drang srong mngon par shes pa lnga dang ldan pa/ gzi brjid 'bar zhing mthu che ba/ bsam gtan rnams thob pa zhig byung ste des shing mkhan gyi bu mo ser sgyu ma zhes bya ba chung ma'i don du blangs so/ / de la kun tu chags pa'i sems kyis bu mo de dang lhan cig chags pa spyad pas rdzu 'phrul las nyams shing bsam gtan shor ro/ / de bdag nyid kyi nyes par spyod pas nyams pas rjes su 'gyod do// de'i tshe sngags 'di dag smras so// 'di lta ste/ oM b+hur b+hu ba sa tad sa pi tur pa re N+ya b+ha ra g+ho d+he bas di ma hi ts+tshe yo yo na pra tse da ya yang/ bram ze sngags 'dis rtog pa med par bcos nas de nyid kyi nyin zhag la bram ze sngags bzlas te/ sngon byung ba'i skye dgu'i bdag pos ral pa dang dka' thub byas te nags kyi nang na 'dug ste/ dben pa'i gnas su'ang de dang bdag dga' bar byed cing dka' thub byas pas lhas zas mchog byin nas gnas shing sngags 'di bzlas so// baM nya ka a ta sA ka n+ya a ra tA tha pa khrin/ 'di ni rgyal rigs kyi dag byed kyi sngags yin te/ oM tsin tra ma hid dA be sha ku dr-i sha sha taM shatra daM sha da~M/ 'di ni rje'u rigs rnams kyi dge byed kyi sdug yin te/ i me ta pa pra ta ba dze me d+ha ha ma/ 'di ni dmangs rigs rnams kyi dag byed kyi sngags yin te/ aM kA mA hi/ lo ke pra par ma pha dzA na/ de sha ma a pra ha na tsa b+hu bAn ta ra ya/ de lta bas na khyod kyis
- 335b
'dod pa rab tu spangs nas/ mnyam pa med pa'i tshangs pa'i 'jig rten thob bo// bram ze 'di ni tshangs pa'i mi mjed kyi bdag pos dag byed du smras pa yin te/ sngon gyi yang dag par rdzogs pa'i sangs rgyas rnams kyis rjes su yi rang bar mdzad pa yin no/ / kye tre shang ku khyod kyis rgyu skar gyi dbang po rnams bklags sam/ kye de bzhin te/ bdag gis rgyu skar gyi dbang tshad rnams khyod la bshad kyis nyon cig/ 'di lta ste/ smin drug dang / snar ma dang / mgo dang / lag dang / nab so dang / rgyal dang / skag dang / mchu dang / gre dang / dpo dang / me bzhi dang / nag pa dang / sa ri dang / sa ga dang / lha mtshams dang / snron dang / snrubs dang / chu stod dang / chu skad dang / gro bzhin dang / byi bzhin dang / mon gru dang / mon gre dang / khrubs stod dang / khrums smad dang / nam gru dang / tha skar dang / bra nyi rnams te/ kye bram ze pad+ma'i snying po de dag ni rgyu skar nyi shu rtsa brgyad do// de la rgyu skar ni du/ dbyibs ni ji snyed yod/ yud tsam dang ldan pa ni ji snyed/ zas ni ci/ rus ni ci/ lha rnams ni gang / kye bram ze pad+ma'i snying po can smin drug ni skur ma drug ste/ yu tsam sum cu'i cha dang ldan pa'o/ / zas ni zhe'o// lha ni me'o// rus ni rje'u rigs so// rgyu skar snar ma lnga ste/ dbyibs ni shing rta'i 'phang lo gnyis pa lta bu'o// yud tsam ni bzhi
- 336a
bcu rtsa lnga'i cha dang ldan pa'o/ / zas ni ri dgas kyi sha'o// lha ni skye dgu'i bdag po'o// rus ni ba ra dwa dza'o// rgyu skar mgo ni skar ma gsum ste/ dbyings ni ri dgas kyi mgo lta bu'o/ / yud tsam bco lnga'i cha dang ldan pa'o// zas ni 'bras bu dang rtsa ba'o// lha ni zla ba'o// rus ni mig ya na'o// rgyu skar lag ni skar ma gcig ste/ dbyibs ni thig le lta bu'o// yud tsam sum cu rtsa lnga'i cha dang ldan pa'o// zas ni mar gyi nying khu'o// lha ni nyi ma'o// rus ni rgyas pa'o// rgyu skar nab so ni skar ma gnyis te/ dbyibs ni rkang pa lta bu'o/ / yud tsam bco lnga'i cha dang ldan pa'o// zas ni sbrang rtsi'o// lha ni phur bu'o// rus ni dbang byed do// rgyu skar rgyal ni skar ma gsum ste/ dbyibs ni ril ba lnga bu'o/ / yud tsam sum cu'i cha dang ldan pa'o// zas ni sbrang rtsi dang yos so// lha ni phur bu'o// rus ni yid nye'o// rgyu skar skrag ni skar ma gcig ste/ dbyings ni thig le lta bu'o/ / yud tsam bco lnga'i cha dang ldan pa'o// zas ni 'o ma dang 'bras chan no// lha ni rlung lha'o// rus ni sbrul lo// bram ze pad+ma'i snying po rgyu skar 'di bdun ni shwar sgor gtogs pa'o// rgyunar mchu ni skar ma lnga ste/ dbyings ni chu'i mgur wabu'o// yub tsam sum chu'i cha dang ldan pa'o// zas ni tim gyi ri lu dang 'o ma'o// lha ni smin pa'o// rus ni ser sba'o// rgya gang
- 336b
gre ni skar ma gnyis te/ dbyibs ni rkang pa lta bu'o// yud tsam sum cu'i cha dang ldan pa'o// kha zas ni bil ba'o// lha ni skal ldan no// rus ni go'u ta ma'o// rgyu skar dbo ni skar ma gnyis te/ dbyibs ni khri lta bu'o// yud tsam bzhi bcu rtsa lnga'i cha dang ldan pa'o// kha zas ni rdo sbal gyi sha'o// lha ni 'phags pa'o// rus ni ko'u shi ka'o// rgyu skar ma bzhi ni skar ma hA ste/ dbyibs ni lag pa la bru'o// yud tsam sum cu'i cha dang ldan pa'o// zas ni bya sna tshogs dang sred da'o// lha ni nyi ma'o// rus ni sred dadang ldan no// rgyu skar nag pa ni skar gcig ste/ dbyibs ni pad+ma'i snying po lta bu'o// yud tsam sum cu'i cha dang ldan pa'o// kha zas ni shing thog sna tshogs za'o// lha ni nyi ma'o// rus ni nag pa ya na'o// rgyu skar sa ri ni skar ma gcig ste/ dbyibs ni thig le lta bu'o// yud tsam bco lnga'i cha dang ldan pa'o// kha zas ni mon sran sde'u dang 'bras dang mar ro// lha ni rlung lha'o// rigs ni yid can gyi rgyud do/ / rgyu skar sa ga ni skar ma bzhi ste/ dbyibs ni rwa'i rten mgo lta bu'o// yud tsam ni bzhi bcu rtsa lnga'i cha dang ldan pa'o// kha zas ni me tog go/ lha ni dbang po dang me lha'o// rus ni bsdus pa ya na'o// kye pad+ma'i snying po rgyu skar bdun po 'di dag ni lho phyogs kyi sgor gtogs pa'o// rgyu skar lha mtshams ni skar ma bzhi ste/ dbyibs ni glang po che'i mgo dang sna lta bu'o//
- 337a
/ yud tsam sum cu'i cha dang ldan pa'o// zas ni sha dang chang ngo // b+ha ni pur bu'o// rus ni dmigs pa yana'o// rgyu sar sngon ni skar ma gsum ste/ dbyibs ni mas nan/ / yud tsam ba co lnga'i mdang ldan // khazas N+DI 'bras dang / nas dang // / dz+nyA ni pa 'o// drus ni ring po byed do// sgras snubs m+bu ni sdig pa smyehU~M'o/ / skyed nas ma m+b+ha'i cha dang ldan pa'o// bsazhi rba pa 'bras du'o// sa ni mang rigs pa dol paldan no// rdza kyid+hA/ sgyum rgyu ma ma n-i/ zhi hU~Mng gis sas rme ba du'o// sa bras chu'i chu pa'o// shrI ng+gA'i 'a dru// sa n au dUr ba'i rgyud do/ / rgyu skar chu smad ni skar ma bzhi ste/ dbyibs ni glang po che mchod bra lta bu'o// yud tsam bzhi bcu cu lnga'i cha dang ldan po'o// 'azas ni sbrang rtsi dang mos so// A nI rgyas pani// dris ni ma gal yana'o// rgyu skar gyi bzhin ni sbyar ma gas / dbyibs nr-i pa klung gi sagro// bu'o// yung cem drug gi cha dang ldan pa'i// lta zas ni rlung // wA ni tshangs pa'o// rus ni tshangs pa dang ldan pa'o// chu ser gro bzhin ni slar ma gsum ste/ dbyibs ning la bu'o// yung tsam bram chu'i tshe dang ldan pa'o// zas ni bya shan
- 337b
khyab 'jug go/ / rus ni ka t+yA ya na gsum pa'o// kye bram ze pad+ma'i snying po rgyu skar bdun po de dag ni nub kyi sgor gtogs pa'o// rgyu skar mo na gre ni skar ma bzhi sde/ dbyibs ni byAl+yA/ bu'o// yud tsam sum cu'i cha dang ldan pa'o// kha zas ni rgya sran dang sran chung ngo // lga ni nor lha'o// rus ni ko'u n+ya'o// rgyu skar mon gru ni skar ma gcig ste/ dbyibs ni thig le lta bu'o/ / yud tsam bco lnga'i cha dang ldan pa'o// kha zas ni nas dang glo'o// lha ni chu lha'o// rus ni dan da ya na'o// rgyu skar khrums stong ni skar ma gnyis te/ dbyibs ni tu pa 'dra ba'o/ / yud tsam sumu cu'i cha dang ldan pa'o// kha zas ni lug gi sha dang khrag go/ lha ni klu dang gza' lag go/ rus ni bram ze rna can no// rgyu skur khrums smad ni skar ma gnyis te/ dbyibs ni skrod pa lta bu'o// yud tsam bzhi bcu rtsa lnga'i cha dang ldan pa'o// kha zas ni bal sran no// rma ni 'phags pa'o// rus ni nor rgyas kyi rgyud do/ / rgyu skar nam gru ni skar ma gcig ste// dbyibs ni thig le lta bu'o// yud tsam sum cu'i cha'o// kha zas ni zho'o// lha ni rgyal po'o// rus ni sring mo brgyad kyi rgyud do// rgyu skar tha sar ni skar ma gnyis te/ dbyibs ni rta 'gro ba lta ngu'o// yud tsam sum cu'i cha dang ldan pa'o// kha zas ni sbrang rtsi'i thug pa'o// lha ni dri za'o// rus ni rna 'jig nas
- 338a
kyi rgyud do/ / rgyu skar bra nye ni skar ma gsum ste/ dbyibs ni mo mtshan lta bu'o// yud tsam sum cu'i cha dang ldan pa'o// zas ni til dang 'bras so// lha ni gshin rje'o/ / rus ni brga'i rgyud do// kye pad+ma'i snying po rgyu skar bdun po rnams ni byang gi sgor gtogs pa'o// kye pad+ma'i snying po rgyu skar nyi shu rtsa brgyad po de dag las rgyu skar drug ni/ yud tsam bzhi bcu rtsa lnga'i cha dang ldan te/ 'di lta ste/ snar ma dang / nab so dang / gre dang / sa gra dang / chu smad dang / khrums zhes bya ba 'di dag go/ rgyu skar lnga ni yud tsam brtse lnga'i cha dang ldan te/ 'di lta ste/ lag dang / skrag dang / sa ri dang / snron dang / sa ga zhes bya ba de dag go// drag po'i yud tsam gyi cho ga dang ldan pa gang zhe na/ snga ma las gzhan pas/ yud tsam sum cu'i cha dang ldan no// kye pad+ma'i snying po bdun po 'di dag ni shar gyi sgo ba ste/ smin drug ni dang po'o// skag ni tha ma'o// bdun po 'di dag ni lce'i sgo ba sde/ mchu ni dang po'o/ / sa ga ni tha ma'o// rgyu skar bdun po 'di dag ni nub kyi sgo ba ste/ lha mtshams ni dang po'o// byi bzhin ni tha ma'o// rgyu skar bdun po 'di dag ni byang phyogs kyi sgo ba ste/ mon gre ni dang po'o/ / bra nye ni tha ma'o// kyang dwa'i snying po rgyu skar nyi shu rtsa brgyad po de dag las bdun ni stobs dang ldan pa ste/ bdun gang zhe na/ 'di lta ste/ shar phyogs kyi bzhi dang sa ga dang /
- 338b
lnga mtshams dang / sa ri'o// gsum ni drag po ste/ lag dang / skag dang / bra nye zhes bya ba'o// bzhi ni mchod par bya ba ste/ byang phyogs kyi gsum dang snar ma'o// lnga ni 'dzu pa ste/ gro bzhin dang / nam gru dang / monagre dang / snron dang / snrubs zhes bya ba'o// lnga ni 'dzin pa'i rigs te/ me bzhi dang / nag pa dang / skag dang / mchu dang / byi ba no/ / bzhi ni myur bar byed pa ste/ smin drug dang / mgo dang / rgyal dang / tha skar ro// kye pad+ma'i snying po rgyu skar nyi shu rtsa brgyad po de dag ni rim kyis 'jug pa gsum dang ldan te/ khyu mchog gi 'jug pa dang / be'u yi 'jug pa dang / zung lhan cig tu 'jug pa'o// de la rgyu skar sngon du 'gro zhing / zla ba phyi nas 'gro ba ni khyu mchog gi 'jug pa zhes bya'o// gang gi tshe zla ba sngon du 'gro zhing rgyu skar phyir 'byung la ni be'u 'jug pa zhes bya'o/ / yang gang gi tshe zla ba dang rgyu skar lhan cig 'jug pa de lta bu ni 'dir zung du 'jug pa zhes bya'o// gzhan yang pad+ma'i snying po gza' rnams bshad par bya yis nyon cig/ 'di lta ste/ pa wa sangs dang / gza' lhag pa dang / spen pa dang / phur bu dang / mig dmar dang / sgra gcan dang / mjug rings dang / nyi ma dang / zla ba zhes bya ba yin no// 'di dag dang / rgyu skar 'jig rten du 'dzem pa bshad cing / ji ltar nyin mtshan ring ba'ang bshad par bya ste/ de la dgun gyi zla ba gnyis
- 339a
pa'i tshes brgyad la rgyu sbyar snar ma nyin mo la yud tsam bcu gnyis su 'gyur ro/ / mtshan mo la yud tsam bco brgyad do// sos ka'i zla ba tha ma'i tshes brgyad la rmya skar ni snar ma'o/ / nyin mo la ni yud tsam bco brgyad du 'gyur ro// mtshan mo la ni yud tsam bcu gnyis so// dbyar gyi zla ba tha ma'i tshes brgyad la rgyu skar ni snar ma'o// nyin mo y ud tsam bcu bzhi'o/ / mtshan mo la ni yud tsam bcu drug go/ kye tre shang ku nyin par rnams nyin pa dang / phyi de nyin par rjes su 'gro ba yin nam/ ci yar ngo dang mar ngo rjes su 'gro ba yin nam/ ci lo rnams dgun zla tha chung gis 'a phel ba yin nam/ ci dus rnams dbyar bla rabs 'phel ba yin nam/ kye tre shang ku skad cig ma rnams kyi tshad grub pa ji lnga bu yud tsam rnams kyi ni ji lta bu yin/ kye pad+ma'i snying po bud med ras bal 'khrul ba 'da' ba shin tu ring ba drang thung bar 'dren pa ma yin na/ de lta bu ni de nyid de'i skad cig ma de'i tshad do/ / de'i skad cig ma nyi shu rtsa drug la skad cig gcig/ skad cig drug la ni thang cig gcig go/ thang cig gsum la ni yud tsam gcig go/ de lta bu'i rim pas rjes su 'brel ba'i yud tsam sum cu la ni nyin zhag tu shes par bya'o/ / yud tsam de dag la 'di lta bu'i ming du 'gyur te/ nyi ma shar ba ni skyes bu drug cu rtsa dgu'i grib ma 'jal ba ni mthon
- 339b
po bzhi pa zhes bya ba'i yud tsam du 'gyur ro/ / skyes bu drug cus gzhal ba'i grib ma ni dkar po zhes bya ba'i yud tsam du 'gyur ro// skyes bu bcu gnyis kyis gzhal ba'i grib ma'i yun la yang dag par 'phel ba zhes bya ba'i yud tsam du 'gyur ro/ / skyes bu drug gis btsal ba'i grib ma'i yun la ston zhes bya ba'i yud tsam du 'gyur ro// skyes bu lnga yis bcal ba'i grib ma'i yun la mngon par 'phel ba zhes bya ba'i yud tsam du 'gyur ro/ / skyes bu bzhi yis btsal ba'i grib ma'i yun la gang gsum zhes bya ba'i yud tsam du 'gyur ro// skyes bu gsum gyis btsal ba'i grib ma'i yun la bzhin legs zhes bya ba'i yud tsam du 'gyur ro// nyi mu gung na gnas pa ni gang gi rdo rje zhes bya ba'i yud tsam du 'gyur ro// de'i rjes la ni srin po zhes bya ba'i yud tsam du 'gyur ro/ / dbus nas rlung zhig yol ba skyes bu gcig gis btsal ba'i grib ma'i yun ni ro hi ta zhes bya ba'i yud tsam du 'gyur ro// skyes bu bzhi yis btsal ba'i grib ma'i yun ni stobs zhes bya ba'i yud tsam du 'gyur ro/ / skyes bu lngas btsal ba'i grib ma'i yun ni rnam par rgyal ba zhes bya ba'i yud tsam du 'gyur ro// skyes bu drug gis bcal ba'i grib ma'i yun ni ro thams cad pa zhes bya ba'i yud tsam du 'gyur ro/ / skyes bu bcu gnyis kyis bcal ba'i grib ma'i yun ni nor zhes bya ba'i yud tsam du 'gyur ro// skyes bu brgyad kyis bas
- 340a
ba'i grib ma'i yun ni blta ba sdug ces bya ba'i yud tsam du 'gyur ro/ / skyes bu drug cu rtsa dgus brtsal ba'i grib ma'i yun ni gzhan 'jigs shes zhes bya ba'i yud tsam du 'gyur ro/ / de dag ni nyi ma nub par rlom pa zhes bya ba'i yud tsam du 'gyur ro// de dag ni nyin mo rnams kyi yud tsam yin no// kye pad+ma'i snying po mtshan mo rnams kyi yud tsam bshad par bya ste/ 'di lta ste/ nyi ma nub pa ni drag po zhes bya ba'i yud tsam du 'gyur ro// de'i rjes la ni skar ma rgyu ba zhes bya ba'i yud tsam du 'gyur ro// de nas yang dag zung zhes bya ba'i yud tsam mo/ / de nas da ltar zhes bya ba'i yud tsam mo// de nas mtha' med ces bya ba'i yud tsam mo// de nas bong bu zhes bya ba'i yud tsam du 'gyur ro// de nas sring mo zhes bya ba'i yud tsam mo/ / nam gyi gung la gnas pa na ni cha shas zhes bya ba'i yud tsam mo// nam gyi gung 'das pa na bram ze zhes bya ba'i yud tsam mo// de nas nyis skyes zhes bya ba'i yud tsam mo// de nas marga zhes bya ba'i yud tsam mo// de nas mun 'jigs zhes bya ba'i yud tsam mo// de nas me zhes bya ba'i yud tsam mo// de nas nyi ma'i gdung ba zhes bya ba'i yud tsam mo// de nas byi bzhin zhes bya ba'i yud tsam mo/ / pad+ma'i snying po yud tsam sum cu po de dag ni nyin zhag yin par shes par bya'o// de'i skad cig yud tsam ni/ yud tsam sum cu'i cha mchog thang cig go// cha mchog
- 340b
drug mthang cig go/ / skad cig nyi shu brgya mad skad cig/ ji ltar bud med ring thung gis// ras pal 'da' ba 'dren spangs pa// 'dir de skad cig ring po ste// de yi sad cig brgya nyi shu/ skad cig gcig de drug thang cig/ thang cig sum cu yud tsam gcig/ de lta bu yi sbyor ba yis// yud tsam sum cu nyin zhag gcig/ nyin zhag sum cu zla gcig ste// zla ba bcu gnyis lo gcig go/ / bzhi 'thon dkar dang 'jam bcas dang // nyi skyes bzhin legs spong byed dang // ro hi stobs ldan rnam rgyal dang // thams cad ro pa nor dang ni// man+da ra dang gzhan 'jig dang / / drag po dang ni skar ma spyod// yang dag gzung dang da ltar dang // mtha' yas dang ni bong bu dang // srin po cha shas bram ze dang // nyis skyes a rga man 'jigs dang // me dang nyi mas gdungs pa dang / / byi bzhin zhes ni bya ba rnams// yud tsam rnams kyi ming yin no// yang bram ze dus rnams kyi 'byung ba bshad par bya yis nyon cig/ dus rnams ji ltar 'gyur ba'ang brjod par bya'o/ / mig 'byed 'dzums gnyis la thang cig gcig go/ thang cig bzhi la mchog dka' gcig go// mchog dka' bcu drug la ni dus tshod gcig go// dus tshod gsum la chu tshod gcig go/ / de la chu tshod gnyis la ni yud tsam gcig go// yud tsam gcig gi tshad ji tsam zhe na/ chu srang brgya bram par blugs nas 'dzags pa'i tshad do// chu tshod kyi bum pa'i tshad
- 341a
ji tsam zhe na/ 'ol mas gcig gis gser sor bzhi bsnyad de/ phyogs bzhi nas mnyam par zlums pa'i tshad kyi bum pa'i zhabs su brtol nas/ chu zang pa de ni cha tshod gcig gi tshad do/ / chu tshod gnyis ni yud tsam gcig go// bram ze de lta bu'i yud tsam sum cu la ni zhag gcig tu 'dod do// mig 'byed 'dzum bcu drug ni mchog dka' 'o// mchog dka' bcu drug la ni dus tshod gcig go// dus tshod drug cu rtsa bzhi la ni yud tsam gcig go// yud tsam sum cu la ni nyin zhag gcig go// nyin zhag sum cu la zla ba gcig go/ zla ba bcu gnyis la ni lo gcig go/ 'di ltar mig phye ba dang btsums pa bye ba phrag bcu drug pa 'bum phrag lnga bcu rtsa brgyad dang / stong phrag bcu la ni log cig go// yang de lta bu de ni re zhig bram ze dus 'byung ba bshad pa yin no/ / bram ze rgyang grags dang dpag tshad bskyed pa nyon cig/ rdul phra rab bdun la ni rdul phran gcig go// rdul phran bdun la ni mthong ba thams cad las phra ba'i nyi zer gcig go/ / nyi zer gyi rdul bdun la ni ri bong gi rdul gcig go// ri bong gi rdul bdun la ni lug rdul gcig go// lug rdul bdun la ni glang rdul gcig go// glang rdul bdun la ni sro ma gcig go/ / sro ma 'dun la ni shig gcig go// shig bdun la ni nas gcig go// nas bdun la ni sor gcig go// sor bcu gnyis la ni mtho gang ngo // mtho de la ni
- 341b
khru gang ngo / / khru bzhi la ni gzhu gang ngo // gzhu stong la ni chung grags gcig go/ rgyang grags bzhi la ni mag d+ha'i dpag tshad gcig go// dpag tshad gcig la rdul phra rab bye ba phrag 'bum phrag nyi shu rtsa bzhi dang / bye ba brgya stong phrag sum cu rtsa dgu yod do// yang de lta bu ni dpag tshad do// bram ze gser skyed pa'i tshad bshad par bya yis nyon cig/ na/ bcu gnyis la ni ma sha ka gcig go// ma sha ka bcu drug la ni zho gcig ste/ gser gyi tshad do// bram ze nyon cig/ zho gcig la rdul phra rab bye ba phrag gnyis dang / stong phrag nyi shu rtsa lnga dang / brgya phrag lnga dang nyag brgyad do// bram ze yang de lta bu de ni gser bskyed pa'i tshad yin no// bram ze srang gi tshad nyon cig/ ma sha ka drug cu rtsa bzhi la ni ma ga d+ha'i srang gi srang gcig go// de ni srang gi / tshad mdor bsdus pa yin no// srang gcig la rdul phra rab bye ba phrag brgyad do// brgya stong phrag bzhi bcu rtsa bzhi dang / bdun stong nyis brgya dang nyag brgyad cu yod de/ bram ze yang de lta bu de ni srang gi tshad yin no/ / bram ze khu ba gzhal ba rnams kyi tshad nyon cig/ ma ga d+ha'i srang nyi shu rtsa bzhi bre gang ste/ khu ba rnams bcal ba'i tshad do// ma ga d+ha pa rnams kyang srang dang bre mdor bstan pa yin te/ bri gang la rdul phra rab bye ba phrag nyis brgya rtsa gsum dang / brgya stong phrag sum cu rtsa dgu dang / stong phrag bdun cu rtsa bzhi dang / bdun brgya dang nyag nyi shu yod do// bram ze yang de lta bu ni khu ba rnams
- 342a
btsal ba yin no/ / bram ze 'bru rnams bcal ba'i tshad nyon cig/ srang nyi shu rtsa dgu dang zho gnyis ni ma ga d+ha'i bre gang ste/ 'bru btsal ba'i tshad do// ma sha ka drug cu ni yang bre'i tshad do/ / mdor bstan pa yin no// bre gang la rdul phra rab bye ba phrag brgya lnga bcu dang / brgya stong phrag brgyad cu rtsa gnyis dang / stong phrag drug cu rtsa gcig dang / lnga brgya yod do// yang bram ze de lta bu de ni 'bru btsal ba'i tshad yin no/ / yang kye tre shang ku rgyu skar rnams kyi lung bstan bklags na smros shig/ kye gzhan yang bdag gis rgyu skar rnams kyi lung bstan pa'i le'u zhes bya ba bshad kyis nyon cig/ kye bram ze smin drug la skyes pa ni grags pa dang ldan par 'gyur ro// snar ma la skyes pa ni legs shing skal ba dang ldan par 'gyur ro// mgo la skyes pa ni 'thab mo don du gnyer bar 'gyur ro/ / lag la skyes pa ni zas skom 'byung bar 'gyur ro// nab se la skyes pa ni zhing rmo zhing ba glang skyong bar 'gyur ro// rgyal la skyes pa ni tshul khrims dang ldan par 'gyur ro// skag la skyes pa ni 'dod chags che bar 'gyur ro// mchu la skyes pa ni mthu che bar 'gyur ro// gre la skyes pa ni tshe thung bar 'gyur ro// dbo la skyes pa ni bsnyen gnas la gnas shing tshul khrims dang ldan par 'gyur ro/ / me bzhi la skyes pa ni lag pa nas rku bar 'gyur ro// nag pa la skyes pa ni glu dang gar la mkhas shing cho ga dang rig pa dang ldan par 'gyur ro// sa ri la skyes pa ni rtsis
- 342b
la mkhas shing tshogs chen po'i gtso bor 'gyur ro/ / sa ga la skyes pa ni rgyal po'i mngag gzhug par 'gyur ro// lha mtshams la skyes pa ni zong dang bcas pa'i tshong par 'gyur ro// snron la skyes pa ni longs spyod chung bar 'gyur ro/ / snrubs la skyes pa ni grags pa sten cing bu dang ldan par 'gyur ro// chu stod la skyes pa ni rnal 'byor par 'gyur ro// chu smad la skyes pa ni rigs btsun zhing dbang phyug dang ldan par 'gyur ro/ / byi bzhin la skyes pa ni grags dang ldan par skyes bur 'gyur ro// gro bzhin la skyes pa ni rgyal pos mchod par 'gyur ro// mon gre la skyes pa ni rig pa chung bar 'gyur ro// mon gru la skyes pa ni 'phreng rgyud mkhan du 'gyur ro// khrums stod la skyes pa ni chom rkun pa'i sde dpon du 'gyur ro// khrums smad la skyes pa ni dri zhim par 'gyur ro// nam gru la skyes pa ni grub par 'gyur ro/ / tha skar la skyes pa ni rta 'tsheng bar 'gyur ro// bra nye la skyes pa ni shan par 'gyur ro// kye pad+ma'i snying po de ni rgyu skur lung bstan pa'i le'u yin no// kye tre shang ku rgyu skar nges par bstan pa'i le'u bklags na shod cig/ pad+ma'i snying po gzhan yang rgyus nges par bstan pa zhes bya ba'i le'u bstan par bya yis de nyon cig/ sprin drug la nges par brtsams pa'i grong khyer de ni dpra 'bar zhing / rin po che'i 'od kyis gas la ba nyid du nges par bstan to// snar ma la nges par brtsams pa'i grong khyer ni rnam par ston cing chos dang ldan pa'i skye bos gang bar 'gyur zhing
- 343a
nor mang po sogs la rang bzhin gyi rig pa dang ldan pa la rang gi chung mas chog shes par 'gyur ro/ / mgo la nges par brtsams pa'i grong khyer ni dpal dang ldan zhing ba glang dang / nor dang / 'phreng ba dang / longs spyod dang ldan pa khyu mchog gis gang bar 'gyur ro// lag la nges par brtsams pa'i grong khyer ni bza' ba dang bca' ba mang po dang ldan par 'gyur zhing / der rmongs pa'i rang bzhin gyis gang bar 'gyur ro// nab so la nges par brtsams pa'i grong khyer ni dpal 'bar zhing nor dang 'bru mang po dang ldan par 'gyur zhing / phyis ni 'jig par 'gyur ro/ / rgyal la nges par brtsams pa'i grong khyer ni yang dpal dang ldan zhing skye bo mi bzad pa yang sems zhi bar 'gyur ro// skye bo dam pa mang zhing chos dang ldan pa la/ der tshe ring ba dang mi gzi brjid dang ldan la/ der phyis ni 'bru'i bcud thams cad nub par 'gyur ro// skag la nges par brtsams pa'i grong khyer ni bsod nams chung zhing 'thab mo la dga' la/ skal ba dman zhing tshul khrims dang sdug bsngal dang bcas pa dang / shin tu skal pa dman zhing skye bo ma dul bas gang bar 'gyur ro// mtshul nges par brtsams pa gang yin pa de ni rig pa dang / nor che ba dang / rang gi chung mas chog shes pa skyes bu mchog tu rnam par rgyal bar gnas par 'dod do// gre la nges par brtsams pa'i grong khyer ni bud med dang / 'phreng ba dang
- 343b
zas dang / gos bzang po dang / ba glang dang / nor dang ldan par 'gyur ro// dbol nges par brtsams pa'i grong khyer ni nor dang 'bru dang ldan zhing / skyes bu dang bud med mongs pas gang bar 'gyur ro/ / me bzhi la nges par brtsams pa'i grong khyer ni rig pa dang ldan zhing nor mang la phan tshun gcugs shing mal stan dang ldan par 'gyur ro// nag pa la nges par brtsams pa'i grong khyer ni bud med dang / skyes bu thams cad dpal dang ldan zhing / phyis grong khyer mes 'tshig par 'gyur ro// sa ri la nges par brtsams pa'i grong khyer ni nor mang po tshogs shing brkam chags dang zhe sdang dang ldan zhing rmongs pa mang bar 'gyur ro/ / sa ga la nges par brtsams pa'i grong khyer ni dpal gyis 'bar zhing mchod sbyin byed pa dang / bstan bcos la mkhas pa sdug par 'gyur zhing / phyis der 'bru dang bcud mes bsregs nas 'jig par 'gyur ro// lha mtshams la nges par brtsams pa'i grong khyer ni chos dang tshul khrims kyi dbang pos rgyal zhing / rang gi chung mas chog shes la skyes bu rnams la bzlas pa dang / sbyin sreg gis pha rol don du gnyer bar 'gyur ro// snron la nges par brtsams pa'i grong khyer ni rin po che dang 'bru rnams dang ldan zhing / rtag tu rig byed dang ldan pas gang bar 'gyur ro// sbubs la nges par brtsams pa'i grong khyer ni nor dang 'bru sogs shing tshul khrims 'chal pa'i skye bos gang zhing / phyis ni sas 'jig par
- 344a
'gyur ro/ / chu spyod la nges par brtsams pa'i grong khyer ni nor gyi sprul ba dang ldan zhing brkam chags dang / zhe sdang che la rmongs shing ma dul ba'i skye bos grang bar 'gyur ro/ / chu smad la nges par brtsams pa'i grong khyer ni nor dang 'bru mang zhing / rang bzhin gyis rig pa phun sum tshogs pa dang ldan la/ skye bo rtsod pa la dga' bar 'gyur ro// gro bzhin la nges par brtsams pa'i grong khyer ni nor dang 'bru sten cing nad med la skye bo 'a brel ba'i bstan bcos la mkhas shing goms par 'gyur ro/ / mon gre la nges par brtsams pa'i grong khyer ni bud med las rgyal zhing gos dang / 'phreng ba dang / 'dod pa'i longs spyod mang po med par 'gyur ro// mon gru la nges par brtsams pa'i grong khyer ni rig pa dang mi ldan zhing g.yo la dga' zhing bud med dang btung ba dang ldan zhing / phyis ni chu yis 'jig par 'gyur ro// khrums spyod la nges par brtsams pa'i grong khyer ni de dag bde ba la dga' zhing / pha rol la gnod pa sbyor ba la rmongs pas bde ba spong bar 'gyur ro/ / khrums smad la nges par brtsams pa'i grong khyer ni rin po che dang / 'bru dang / zas skom gyis phyug cing rtag tu khyad par du 'phel bar 'gyur ro// ma gru la nges par brtsams pa'i grong khyer ni skye bo rnams blta na sdug cing bong bu dang / rnga mo dang / ba glang dang / nor dang / 'bru mang po dang ldan par 'gyur ro// tha skar la nges par brtsam
- 344b
pa'i grong khyer ni shis pa la sogs pa rten cing skye bo nang med cing bstan sdug bsdu gang bar 'gyur ro/ / dUn+te la nges par bsams pa'i grong khyer mi chod pa la dga' zhing / skal ba chung la khrims nyams shing sdug bsngal 'byung ba'i skye bo ma dul bar gnas par 'gyur ro/ / grong dang / rgyal po'i pho brang dang / de bzhin grong rnams rgyu skar gang la brtsams pa'ang mkhas pas de bzhin du rab tu brtag par bya'o/ / bzang po la dga' zhing 'jug pa de ni bdag gi skye ba snga ma la shes par byas pa yin no// kye pad+ma'i snying po de dag ni rgyu skar nges par bstan pa'i le'u yin no/ / kye pad+ma'i snying po gzhan yang rgyu skar nyi shu rtsa brgyad po de dag gi gnas nges par bshad par bya ste/ kye pad+ma'i snying po rgyu skar smin drug gi gnas ni ma ga d+ha dang / yul ka ling ka'o/ / snar ma ni skye dgu thams cad la gnas so// mgo ni lus 'phags dang / rgyal po'i zhabs 'bring ba la gnas so// lag dang / nab so dang / rgyal dang / skag rnams ni klung dang gangs can la gnas so/ / mchu ni shar phyogs kyi mi rnams la gnas so// gre ni rkun ma rnams la gnas so// dbo ni sa bon 'di rnams la gnas so// me bzhi ni yul 'khor ba rnams la gnas so/ / rgyu skar nag pa ni bya dang rkang gnyis pa rnams la gnas so// sa ri ni rab tu byung ba rnams la gnas so// sa ga ni chu la gnas pa'i sems can rnams la gnas so//
- 345a
mtshams ni tshong pa zong dang ldan pa rnams la gnas so// snron ni sgo srungs rnams la gnas so// sbubs ni 'gron po rnams la gnas so// chu stod ni bah+ni ka pa la rnams la gnas so/ / chu smad ni kam po rtse'i gling na gnas so// gro bzhin ni rkun ma dang po nya rnams la gnas so// byi bzhin ni lho phyogs pa thams cad dang / zangs gling pa rnams la gnas so/ / mon gru ni ko'u shi ka pa dang srid srungs pa rnams la gnas so// mon gre ni ku ru dang lnga mtshan na gnas so// khrums stod ni gan+d+ha ra pa rnams dang / nas gling pa rnams dang / kam po rtse rnams la gnas so/ / khrums smad ni dri za rnams la gnas so// nam gru ni gru ba rnams la gnas so// tha skar ni rta 'tsho ba rnams la gnas so// bra nye ni zhing pa bzang po rnams la gnas so// kye pad+ma'i snying po de dag ni rgyu skar rnams kyi gnas nges par bstan pa'i le'u'o// / kye tre shang ku dus gang la char 'bab pa zhes bya ba'i le'u bklags sam/ kye de ltar yin na khyod kyis shod cig/ kye pad+ma'i snying po de ltar na dus gang la char 'bab pa zhes bya ba'i le'u bshad kyis de nyon cig/ smin drug dang ldan pa'i sos ka'i zla ba tha ma la char bab pa ni/ a lang ka drug cu'i char nub bcu'i bar du 'bab cing / pa wa sangs sngon du gnas pa ni char rgyun chad med par mtshan mo char 'bab par yang dag par shes par bya ste/ dgun dang dpyid kyi bar gsum bzung bar gyur
- 345b
napa ni/ ma'i stobs zhes bya bar 'gyur te/ smin drug gi yin par bstan to// snar ma dang ldan pa sos ka'i zla ba tha ma la gang du char bab pa de/ a lang ka nyi shu rtsa gcig 'bab cing / der zhing rmos na/ las byed pa des 'bras bu dang bcas shing 'bru rnams phun sum tshogs shing der gnyis 'byung bar 'gyur te/ pho ba'i nad dang / mig nad dang / yul du rkun po mang ba ni/ snar ma'i yin par bstan to/ / mgo dang ldan pa'i sos ka'i zla ba tha ma la gang du char pa bab pa de ni/ a lang ka drug cu rtsa bzhi'i char pa 'bab cing 'bras bu dang bcas shing phyis kyang yang dag par 'bab par shes par bya zhing / rgyal po'i chad pa med cing bde ba dang gnod pa med par gyur pas ljongs rnams dga' bar gyur pa ni/ mgo'i yin par bstan to// lag dang ldan pa'i sos ka'i zla ba tha ma la gang du char bab pa na/ a lang ka bco brgyad kyi char 'bab cing / der zhing las la sbyor bas rlan chung ba spang bar bya zhing yul du rkun ma mang la/ der yang nad gsum stobs dang ldan par 'gyur te/ rims dang / tsha ba dang / sgeg nad kyis bu chung dang / khye'u dang / bu mo rnams 'chi bar 'gyur te/ lag gi yin par bstan to// nab so dang ldan pa'i sos ka'i zla ba tha ma la gang du char bab pa de ni/ a lang ka dgu bcu'i char 'bab cing sprin chen po 'byung zhing / dpyid zla tha chung la bab pa bde bar 'bab cing bar dang bcas shing rgyun du 'bab par 'gyur zhing rgyal po'i chad pa med par 'gyur te/ nab
- 346a
so'i yin par bstan to/ / rgyal dang ldan pa'i sos ka'i zla ba tha ma la gang du char bab pa de ni/ a lang ka sum cu rtsa gnyis kyi char 'bab par 'gyur te/ dma' bar zhing las bya zhing / skam sa spang bar bya'o// nges par nyin dang mtshan du 'bru bzang po phun sum tshogs shing / bram ze dang rgyal rigs der phan tshun rtsod cing mche ba can stobs dang ldan par 'gyur la// nad gsum stobs dang ldan par 'gyur te/ 'brum bu dang / 'brum bu phra mo dang / shu ba'o// 'di ni rgyal du shes par bya'o// skag dang ldan pa'i sos ka'i zla ba tha ma la gang du char bab pa de ni/ a lang ka nyi shu rtsa gcig 'bab cing de la dma' bar zhing las bya zhing / skam sa spang bar bya ste/ rlung mi bzad par ldang zhing rigs pa dang ldan pa la bar chad 'byung zhing / char des 'bru thams cad phun sum tshogs shing rgyal po dang / blon po 'khrug par 'gyur te/ skrag gi yin par bstan to// mchu dang ldan pa'i sos ka'i zla ba tha ma la gang du char bab pa der ni/ a lang ka drug cu rtsa bzhi'i char 'bab cing char dang 'bru thams cad phun sum tshogs shing / byA dang / phyugs dang / ri dgas rnams kyi mngal 'jig par 'gyur zhing skye ba dang 'chi bar 'gyur te/ mchu'i yin par bstan to/ / gro dang ldan pa'i sos ka'i zla ba tha la gang du char bab pa der ni/ a lang ka brgyad cu'i char 'bab cing / char des 'bru thams cad phun sum tshogs shing / 'bru de
- 346b
dag kyang gzhan gyi dmag gis khyer zhing mi rnams sdug bsngal dang ldan la/ mi dang phyugs kyi mngal 'jig par 'gyur te/ gre'i yin par bstan to// dobo dang ldan pa'i sos ka'i zla ba'i tha ma la gang du char bab pa de ni/ a lang ka lnga bcu rtsa dgu'i char 'bab cing 'bru thams cad phun sum tshogs shing / rgyal po'i mtshon gyis char pa 'bebs shing / bram ze dang rgyal rigs rnams rtsod par 'gyur zhing / myur bar tshul ma yin pas skye dgu rnams rlag par 'gyur te/ dbo'i yin par bstan to// me bzhi dang ldan pa'i sos ka'i zla ba tha ma'i nyi ma la gang du char pa bab pa der ni/ a lang ka lnga bcu rtsa dgu 'bab cing de la 'di lta ste/ skye bo rnams bden pa med pa dang / nad kyis mchog tu gnod cing 'bras bu chung zhing chu med pas lo nyes par 'gyur te/ me bzhi'i yin par bstan to// nug pa dang ldan pa'i sos ka'i zla ba tha ma la char bab pa der ni/ a lang ka drug cu rtsa bzhi'i char 'bab cing snying po dang ldan la/ phyis kyang 'bab cing / rgyal po'i mtshon spangs shing ljongs kyi skye bo rnams dga' bar 'gyur ro/ / drug pa'i yin par bstan to// sa ri'i drang ldan pa'i sos ka'i zla ba tha ma'i nyi ma la bab pa der ni/ a lang ka nyi shu rtsa gcig gi char 'bab cing rgyal po'i mtshon cha dang bral bar 'gyur zhing rkun ma stobs dang ldan par 'gyur te/ sa ri'i yin par bstan to// sa ga dang ldan pa'i sos ka'i zla ba tham
- 347a
@la gang du char bab pa der ni/ a lang ka lnga bcu'i char 'bab cing 'bru thams cad phun sum tshogs shing / rgyal po dang skye bo rnams spangs par 'gyur te/ me mched pa dang mche ba can stobs dang ldan pas zad par 'gyur te/ sa ga'i yin par bstan to// rtsa mtshams dang ldan pa'i sos ka'i zla ba tha ma la/ a lang kA drug cu'i char 'bab cing 'bru rnams phun sum tshogs la/ lo ma rnams rgyas par 'gyur te/ lha mtshams kyi yin par bstan to// snron dang ldan pa'i sos ka'i zla ba tha ma la/ a lang ka bcu drug gi char 'bab cing der las kyi mtha' spang bar bya zhing / gshol thogs pa spangs shing de nas 'gro bar bya ste/ gzhan gyi dmag tshegs kyis ljongs de 'jig par 'gyur te/ snron gyi yin par bstan to// snrubs dang ldan pa'i sos ka'i zla ba tha ma la/ a lang ka drug cu rtsa bzhi'i char 'bab cing 'bru rnams phun sum tshogs la/ yul der rkun po mang bar 'gyur zhing pha rol dang rtsib logs gzer ba dang mig na ba 'byung la / me tog dang 'bras bu phun sum tshogs pa dang / rgyal pos mtshon spong bar 'gyur te/ sbubs kyi yin par bstan to// chu stod dang ldan pa'i sos ka'i zla ba tha ma la/ a lang ka drug cu rtsa bzhi'i char 'bab cing gza' gnyis sngon du 'gro bas/ rta 'thab pa'i zla ba phyed kyi char 'bab cing der 'bru rnams phun sum tshogs shing / lto ba'i nad dang mig gi nang gnyis der rab tu stobs dang ldan
- 347b
par 'gyur te/ chu stod kyi yin par bstan to// chu smad dang ldan pa'i sos ka'i zla ba tha ma la/ a lang ka rdzogs par brgya'i char 'bab cing de la mtho bar zhing las bya zhing / dma' bar spang bar bya'o/ / chu bo rnams char 'bab cing dang po'i char bab pas 'bru rnams phun sum tshogs shing / g.yan pa dang / 'brum bu dang / phol mig ste/ nad gsum stobs dang ldan par 'gyur te/ chu smad kyi yin par bstan to// gro bzhin dang ldan pa'i sos ka'i zla ba tha ma la/ a lang ka drug cu rtsa bzhi'i char 'bab cing yul gcig tu bab par gyur nas/ phyis char phun sum tshogs par 'gyur zhing / chu na gnas pa rnams la gnod par 'gyur la/ nad mang ba dang rgyal po'i chad pa drag por 'gyur te/ gro bzhin gyi yin par bstan to// mon gre dang ldan pa'i sos ka'i zla ba tha ma la/ a lang ka drug cu rtsa gcig gi char 'bab cing / char gle gar babs pas de la ni dma' bar zhing las byed cing / mtho ba spang bar bya'o// mtshan mo gnod pa'i sgor 'gyur zhing 'bru rnams phun sum tshogs la nad cig stobs dang ldan te/ g.yan pa'o// rgyal po mtshon thogs par 'gyur te/ mon gre'i yin par bstan to// mon gru dang ldan pa'i sos ka'i zla ba tha ma la char cung zhig 'bab pas dma' bar zhing las bya zhing / mtho ba spang bar bya ste/ char nges 'bru thams cad phun sum tshogs shing / dmag gi
- 348a
tshogs kyis ljongs bskor bar gyur pas/ mi rnams bu phrag par thogs nas yul gzhan du 'gro bar bstan te/ mon gru'i yin par bstan to// khrums stod dang ldan pa'i sos ka'i zla ba tha ma la/ a lang ka drug cu rtsa bzhi'i char bab cing / dus dang po'i mtshan mo nyi shu rtsa dgu'i bar du ba thab mo 'byung zhing / me tog dang 'bru rnams nyams par 'gyur zhing / dus der rkun ma mang zhing nad chen po gnyis pa byung ste/ dang por ni mkhris pa'i rims dang / phyis ni gza' chen po'i stobs kyis gnod pas bud med dang skyes pa rnams 'chi bar 'gyur te/ khrums stod kyi yin par bstan to// khrums smad dang ldan pa'i sos ka'i zla ba tha la/ a lang ka rdzogs par brgya'i char 'bab par 'gyur zhing / chu bo rnams tshar 'bab/ nad chen po bzhi stobs dang ldan par 'gyur te/ 'di lnga ste/ pho ba'i nad dang / mig gi nad dang / cham pa dang / rims byung bas khye'u dang bu mo rnams 'chi bar 'gyur zhing / der mthon por zhing las bya zhing / dma' ba spang bar bya'o// nad chen pos 'chi ba mang zhing me tog dang 'bras bu phun sum tshogs par 'gyur te/ khrums smad kyi yin par bstan to// nam gru dang ldan pa'i sos ka'i zla ba tha ma la/ a lang ka drug cu'i char ba bab cing gang dma' bar zhing las bya zhing / mtho bar ni spang bar bya'o// char des lo tog thams cad phun sum tshogs shing rgyal pos mtshon
- 348b
spangs pa/ 'bru de dag kyang mdza' bo dang gnyen mi rnams kyis longs spyod cing ljongs la gnod pa med par gyur pas mdza' bo dang ldan par 'gyur te/ nam gru'i yin par bstan to// thas dang ldan pa'i sos ka'i zla ba tha ma la/ a lang ka bzhi bcu rtsa bzhi'i char 'bab cing / bar du char che bas der ni dma' bar zhing las bya zhing / mtho ba spang bar bya'o// gnyis su char phun sum tshogs shing skye bo rnams 'dus pa dang ldan zhing / rkun po stobs dang ldan par 'gyur te/ tha skar gyi yin par bstan to// bra nye dang ldan pa'i sos ka'i zla ba tha ma la gang du char bab pa der/ a lang ka rdzogs par brgya 'bab pa de'i mtho bar zhing las bya zhing / dma' ba'i sa spang bar bya'o// der lo nyes pas skye bo rnams 'chi bar 'gyur zhing / rgyal po phan tshun 'thab cing bu dang bu mo rnams 'chi par 'gyur te/ bra nye'i yin par bstan to// kye pad+ma'i snying po de dag ni dus gang la char pa bab pa'i le'u 'o// // kye pad+ma'i snying po rgyu skar de rnams dang gza' sgra gcan du ldan pas 'bras bu smin par bshad par bya'o/ / kye pad+ma'i snying po smin drug dang gza' sgra gcan du ldan pas ni yul ka ling ka dang / ma ga d+hA pa rnams la nad nye bar 'byung bar 'gyur ro// gang gi tshe snar ma dang sgra gcan du ldan pas ni skye dgu rnams la nad nye bar 'byung bar 'gyur ro/ / gang gi tshe mgo dang gza' sgra gcan du ldan pas ni lus 'phags pa rnams dang / rgyal po'i zhabs 'bring ba rnams la
- 349a
nad nye bar 'byung bar 'gyur ro/ / de bzhin du lag dang / nab so dang / rgyal dang / skag dang / gang gi tshe sgra gcan du ldan pas ni klu rnams dang / gangs can pa rnams la nad nye bar 'byung bar 'gyur ro/ / gang gi tshe mchu dang sgra gcan du ldan pas ni shar phyogs pa rnams la nad nye bar 'byung bar 'gyur ro// gang gi tshe gre dang gza' sgra gcan du ldan pas ni rkun ma'i gnas nye bar 'byung bar 'gyur ro/ / gang gi tshe dbo dang gza' sgra gcan du ldan pas ni a ban+d+ha pa rnams la nad nye bar 'byung ngo // gang gi tshe me bzhi dang gza' sgra gcan du ldan pas ni yul 'khor ba rnams la nad nye bar 'byung ngo / / gang gi tshe nag pa dang sgra gcan du ldan pas ni rab tu byung ba rnams la nad 'byung ngo // gang gi tshe sa ga dang sgra gcan du ldan pas ni chu'i sems can rnams la nad 'byung ngo / / gang gi tshe lha mtshams dang sgra gcan du ldan pas ni zong dang ldan pa'i tshong pa rnams la nad 'byung ngo // gang gi tshe snron dang sgra gcan du ldan pas ni sgo srungs rnams la nad 'byung ngo / / gang gi tshe snrubs dang sgra gcan du ldan pas ni 'gron po rnams la nad 'byung ngo // gang gi tshe chu stod dang sgra gcan du ldan pas ni a ban+ti pa rnam la nad 'byung ngo // / gang gi tshe chu smad dang sgra gcan du ldan pas ni kam po tse'i gling pa rnams dang / na pa ti pa rnams la nad 'byung ngo // gang gi tshe byi bzhin dang sgra gcan du ldan pas ni lho phyogs pa thams cad dang
- 349b
zangs gling pa rnams la nang 'byung ngo / / gang gi tshe gro bzhin dang sgra gcan du ldan pas ni rkun ma la nad 'byung ngo // gang gi tshe mon gre dang sgra gcan du ldan pas ni/ ku ru pa dang rna can pa rnams la nad 'byung ngo / / gong gi tsha mon gru dang sgra gcan du ldan pas ni gser 'tshong ba rnams la nad 'byung ngo // gang gi tshe khrums smad dang sgra gcan du ldan pas ni rol mo pa rnams la nad 'byung ngo / / gang gi tshe nam gru dang sgra gcan du ldan pas ni gru pa rnams la nad 'byung ngo // gang gi tshe tha skar dang sgra gcan du ldan pas ni rta 'tshong ba rnams la nad 'byung ngo // gang gi tshe bra nye dang sgra gcan du ldan pas ni zhing bzang po rnams la nad 'byung ngo / / kye pad+ma'i snying po 'di dag ni gza' sgra gcan du ldan pas 'bras bu rnam par smin pa zhes bya ba'i le'u'o// / rgyu skar so so'i las gargas bshad pa'i khong du chud par bya ste/ rgyu skar gang gi las gang yin pa'i drang srong rnams ni 'di ltar 'dod do// smin drug ni skar ma drug yin par rig par bya ste/ de la ni me'i bya ba bya ste/ me lha mnyes par bya ba dang / sbyin sreg byas na 'phel bar 'gyur ro// de la ba glang gi gnas bya zhing / zho sgrogs na mar che la/ ra dang lug nyo bar bya zhing / baglang dgye bar bya'o// lcags bzhu ba dang / snod thams cad bya ba dang / rin po che bcang ba dang / las kyi mtha' bya ba dang / mtshon bcang ba dang / nang khang dang khyim du me sbar
- 350a
ba dang / me tog ser po dang / dmar po'i sa bon gdab pa dang / khyim byas pa la der 'dug par bsgrub pa dang / gos gsar pa bgo bar bya zhing / rin gyis ni nyo bar mi bya'o/ / las drag po bsgrub pa g.yul 'gyed pa dang / bcing ba rnams la bzang zhing mkhas pas pha rol dang rtsod pa'i sbyor ba ni mi bya'o// spu gri bya ba dang bca' ba thams cad bya zhing // me dang ldan pa'i snod der bya zhing tshe spel ba dang / skra bkru ba dang / bud med rnams la sgeg pa dang / nyi ma de la char pa bab na dgra ldang zhing khro ba dang / dga' ba dang / drag po'i las brtsam zhing rkun ma dgyed pa bzang zhing / de la skyes pa tshe ring ba dang / grags pa dang ldan pa dang / mchod sbyin byed cing tshul khrims dang ldan par 'gyur te/ de dag ni smin drug la bya'o// snar ma la ni sa gzhi la zhing las thams cad bya ba dang / dngos po dang / gtsug lag khang dang / khyim gsar bya ba dang / bdag nyid kyi drag shul bya dgos pa rnams dang / phyugs kyi gnas dang / sa bon tham cad gdab pa dang / gos bgo bar bya bar bstan to// bu lon bdar mi rung ste/ dgra 'phel ba dang / ston mo dang / chang gi sbyor ba gnyis spang bar bya'o// nyin par de la bab nas gang skyes kyang bkra shis shing snying rje dang bzod pa ldan zhing bud med dga' ba dang / / zas la brkam pa dang / tshe ring zhing phyugs mang la nor dang 'bru mang zhing longs spyod che zhing de la rgyal bar 'gyur ro// snar ma
- 350b
la bya'o/ / zla ba dang mgor ldan pa la rig pa tshegs chung ngus khyad par du 'phags pa dang / dal ba'i las thams cad bya ste/ las gang sngar ma la bya bar bstan pa de dag thams cad la bya'o// 'o ma dang ldan pa'i shing las bzho ba dang / 'o ma can gyi sa bon gdab pa dang / rgyal po'i rgyal sar 'jug pa dang / gnas kyi don du 'gro ba dang / rta dang / glang po dang / ba glang 'dul ba la mchog tu bzang ngo / / gos gsar pa bgo ba dang / rgyan gyis brgyan par mi bya zhing / bram ze rnams kyi las thams cad de la bya bar rung ngo // nyi ma de la char bab 'de ni legs par bab par bstan to// nyi ma de la skyes pa gnyid che zhing yid g.yengs par 'gyur te/ mgo'i yin par bstan to// lag la ni don gnyer ba dang / las bzang po bya ba dang / drag po'i las rnams 'grub pas mkhas pas 'bad par bya'o/ / khron pa dang / 'obs dang / rdzing bu de la bya bar bzang ngo // ba thul ma gsar ma nyon bzang ngo // 'grub bo// mar khu btsir ba'i las dang / chang btsong ba dang / bur shing gi sa bon gzug pa dang / nyi ma de la char pa bab na char mang 'bab par shes par bya'o// nyi ma de la skyes pa khro zhing ri dgas kyi rngon pa byed par 'gyur te/ lag la bya'o// nab so la ni kha dog bcang bar bya ba dang / ba glang sbyin pa dang / gtsug phud bzhag pa'i las rung zhing sngags thams cad 'grub bo// bu don du gnyer bar chung ma blang ba dang / yang dang yang du bya bar 'dod pa'i las de rnams bya bar bzang ste/ gal
- 351a
te 'chi ba'i dogs pa yod pas g.yo ba'i las mi bya'o/ / nyin zhag de la skyes pa'i mchog tu shes shing 'dod pa chung la bud med kyi chags pa skyes bu de che zhing sna tshogs pa shes shing gcig la mi 'jug par bstan te/ nab so la bya'o// rgyal la ni bsod nams dang / grags pa dang / tshe bsring ba dang / mchod pa rtag tu bya bar bzang ngo // bram ze'i las thams cad bya bar rung zhing rgyal po dang / blon po gzhug pa dang / bla ma la bsnyen bkur bya ba dang / dul ba spyad pa dang / rgyal po dbang bskur ba dang / rang gi bu la rgyan gdags pa dang / kha spu breg pa'i bya ba rnams de la mkhas par bya'o/ / mdun na 'don bsko ba'i dang / rgyal mtshan gzugs pa dang / nyi ma de la char pa bab pa ni kun tu gnod par 'bab cing rkun ma dang nad med pas rtag tu bde bar 'gyur zhing / las thams cad bya bar rung ngo // dgra dang 'khon pa'i sbyor ba spang bar bya'o// de la skyes pa tshe ring ba dang / grags pa dang longs spyod che bar 'gyur te/ rgyal la bya'o/ / skag la drag po'i las rnams byas na khyad par du 'grub ste/ rgyan brdung ba dang / ra ba rtsig pa dang / rdzing dang lam bcad pa bzang ngo // de la sbrang bu dang / mamra sbrang mang zhing char gnod par 'bab cing / de la skyes pa ni khro zhing gnyid che bar 'gyur te/ skag la bya'o// mchu la ni 'bru thams cad kyi sa bon bya ba dang / bsdu bar bya ba dang / sa bon gzugs pa dang / mdzod
- 351b
bya zhing 'bru rnams gzhug pa dang / pa'i bya ba dang / dad pas bya ba thams cad de la bya zhing / nyi ma de la char bab pas ni/ 'bru rnams 'phel bar 'gyur zhing / nye du'i don du dad pas bya ba dang / bcud rnams bskyed pa dang / rang 'dod pa bya'o// nyi ma de la skyes pa ni tshe ring zhing bu mang ba dang / bud med la chags pa che zhing zas la gdung ba dang / g.yul du thog mar 'gro zhing rgyal bar 'gyur te/ drag po'i las thams cad la mkhas pas de la spang bar bya'o// mchu la bya'o// gre la ni dge ba dang / zhing pa'i las don du gnyer bar bya'o// de la skyu ru ra la sogs pa 'bras bu khyad par mnyam pa rnams kyi las bya ba dang / gzhon pa rnams bkra shis kyi khrus bya ba dang / bag phebs par bya ba dang / gnas bya ba dang / skal ba dang ldan zhing nye bar 'tsho ba'i las rnams bya ba dang / byis pa'i sgra bkru ba dang / sgra mdzes par bya ba dang / skal ba dang ldan pa'i las dang / nyi ma de la char bab pa legs par bab pa bstan te/ gre la'o// dbo la ni las thams cad bya ste/ khang pa rnying pa gso ba la sogs pa thams cad la bya'o// de la skyes pa yid gzhungs pa dang / grags pa dang ldan par 'gyur te/ gzhan yang de la byin mi nyams shing thams cad bstan par bstan to/ / de la char dab pa na ni thams cad phun sum tshogs par rig par bya ste/ dbo la bya'o// me bzhi la las phra ba thams cad bya zhing bram ze'i las thams cad bya bar bzang ngo //
- 352a
glang po dang / glang po mchog bzhon pa dang / rdzing bu bya ba dang / bskus na 'grub ste/ mkhas pas gzhan ni spang bar bya'o// nyi ma de la char pa bab pa mchog tu 'grub par 'gyur zhing / de la skyes pa ni dpa' zhing rku ba dang / blo dang ldan la rig pa thams cad la mkhas shing nad med cing yun ring du 'tsho ste/ me bzhi la bya'o// nag pa la ni gos bzang po bgo ba dang / rgyan gdags pa dang / rgyal po rgyan gyis brgyan pa dang / dmag chas pa la bzang bar blta'o// gser dang / dngul dang / rdzas dang / grong khyer rnams gzhal ba dang / bdag nyid rgyan gyis brgyan pa dang / dri dang spos kyis byug pa dang / yon tan gyi las glu gar bya ba dang / rnga brdung ba dang / lder bzo bya ba dang / bsrung ba dang / rol mo dang / zhal zhal dang / lag gi bzo rnams bya bar bzang ngo // nyi ma de la char bab pas sna tshogs kyis las 'grub par bstan to// de la skyes na yid gzhungs pa dang / mkhas shing 'dod pa chung ba dang / tshol ba'i ngang tshul can dang / skal ba dang ldan zhing blo rgod par 'gyur te/ tshe ring zhing bsod nams che la bud med la dga' bar 'gyur te/ nag pa'i bya ba'o// sa ri la ni rta dang bong bu 'gye ba'i dgongs pa dang / tshogs la ston mo sbyin pa dang / kha zas phra mo 'gye ba dang / rnga dang / rdza rnga dang / 'khar rnga dang / glu rnams bya ba la myur zhing 'grub bo// bag ma blang ba dang /
- 352b
ngag ma gtang ba dang / gnyen bya ba dang / gnas dang / grogs po dang / mal cha dang / khyim du 'jug pa la bzang ngo // nyi ma de la char bab na rlung mi 'chad par ldang ngo // nyi ma de la skyes pa ni yid gzungs shing nang mang la mkhas par 'gyur te/ sa ri'i bya ba'o// sa ga la ni zhing las kyi mtha' rnams bya ba dang / nas dang gro'i las kyi mtha' spang bar bya'o// ljang bu can rnams srang bapar bya zhing / 'bru dang / til dang / sran ma dang / de dag dang / shing dang / tshod ma rnams gdab cing khang pa'i las rnams bya ba dang / skra bkru ba dang / gtsang sbra bya ba la bzang ngo // nyi ma de la char bab pa ni bskal pa'i chu dang 'dra bar rig par bya'o/ / de la skyes pa ni yid bde bar blta zhing blo rno ba dang / khro zhing / skal ba dma' ba la bu med par 'gyur te/ sa ga'i bya ba'o// lha mtshams la ni bsdums bya ba dang / dal ba'i las thams cad bya ba dang / brtson 'grus brtsams pa la mkhas pas bsngags so// de la skra breg pa dang / mtshon gyi las bya ba dang / bsdu ba'i sbyor ba rnams 'grub pas bya ste/ de la brtan par 'gyur ro// gzhan ni nyon mongs pas gdungs shing nyams par bstan to// nyi ma de la char bab par legs par 'bab par bstan to// de la skyes pa gnyen dang grogs por ldan la/ chos dang tshul khrims su bcas par 'gyur te/ lha mtshams kyi bya ba'o// snron la ni thog mar rgyal po dbang bskur bar bya zhing / gzhan ni nyon mongs pas gdungs par 'gyur ro//
- 353a
grong dang / grong khyer dang / ljongs rnams bgo ba shar bya ba dang / rgyal po'i las thams cad bya ba la bzang zhing / de la skyes pa ni spun rnams kyi bu phor 'gyur zhing / tshe ring ba dang / grags pa dang ldan zhing / ngo mtshar du mkhas par 'gyur ro// rta dang glang po bzhon pa dang / khang bzangs su 'jug pa dang / grong dang / grong khyer dang / yul 'khor rnams bzung ba la mchog tu bsngags so/ / yang de la smras pa ni mi 'tshe bar bstan to// drag po'i las rnams 'grub par bstan to// mkhas pas gzhan ni spang bar bya'o// nyi ma de la char bab pa ni legs par 'bab par bstan te/ sgron gyi bya ba'o// snrubs la ni rtsa ba dang / la phug dang / rtsa ba don du gnyer bas rtsa ba'i sa bon gzugs pa'i sbyor ba rung zhing / rtsa ba ma yin pa rnams la ni ma yin no/ / bu lon rnying pa bdas na mdun na nor gnas par 'gyur ro// rtsa ba don du gnyer bar grub cing / de bzhin du bud med thams cad dang / gso ba'i rigs dang / bud med dang / khye'u dang / bu mo dang / khyog rnams khrus bya ba dang / rtsa ba thams cad sbyar ba dang / bkra shis kyi las bya ba dang / drag po'i las rnams 'grub cing / phye btags pa dang / chang gi sbyor ba la rtag tu bzang zhing / de la skyes pa nor dang ldan zhing bu mang ba la 'bras bu dang ldan par 'gyur te/ de la snang ba mi 'tsho bar bstan to// de la char bab pa legs par 'bab par mngon par bstan te/ snrubs
- 353b
kyi bya ba'o/ / chu stod la ni chu bsgyur ba dang / yur ba drang ba dang / zhing la chu blud pa dang / khron pa bya ba dang / lam du sbyin pa'i chu gzhag pa dang / rdzing bu bya ba dang / 'bras bu dang me tog la chu blud pa dang / skyed mos tshol bya ba dang / slong ba dgos pa sbyar ba la bzang zhing drang ba'i las rnams 'grub cing // de las gzhan ni mkhas pas mi bya'o// de la mes tshig pa dang / rims kyis btab pa mi 'tshe bar bstan to// nyi ma de la skyes pa ni tshe ring zhing tshul khrims kyi ngang tshul can dang / blta na sdug par 'gyur te/ chu stod kyi bya ba'o// chu smad la ni dgra mi bya zhing / gros drub pa bya zhing / bgo bar ni mi bya'o// bsdu skyogs mi bya zhing / khyim mi dbub ste/ byas na ba grub par mi 'gyur ro// phyugs kyi gnas dang / de bzhin du grong dpon bsko ba dang / tshong dpon bsko ba dang / rgyal po'i dgos pa rnams de la bya bar bzang ngo // nyi ma de la skyes pa 'khor mang po'i ngang tshul can dang / byas pa gzo bar 'gyur ba dang grogs po dang gzugs shing bsod nams dman zhing mkhas par 'gyur ro/ / tsha bas btab pa ni mi sos shing brtan par bstan to// nyi ma de la char bab pa legs par 'bab par bstan te/ chu smad kyi bya ba'o// byi bzhin la tshangs pa'i lha'i mchod pa mi bya zhing / gro bzhin la ni g.yul sprad par bya zhing / rol mo bslab pa dang / bklags pa rnams myur bar 'grub bo//
- 354a
rna cha gdags pa dang / rgyal por dbang bskur ba dang / zam me'i las thams cad de la bya zhing / gtor ma gtong ba dang / dpung la lta bar bzang ngo // de la skyes pa ni nad med pa dang / stobs dang ldan pa dang / mchog sbyin gyi ngang tshul can du 'gyur ro// nyi ma de la char bab pa de ni legs par 'bab par 'gyur ro// de la gro bzhin dang zla bar 'dzom na stor ba phyir rnyed par 'gyur te/ gro bzhin gyi bya ba'o// mon gre myur ba'i rgyu skar te/ mchod pa'i las thams cad dang / bram ze'i rig byed bklags pa dang / khrus bya ba dang / rgyal por dbang bskur ba dang / bram ze'i las bya ba dang / tshong dpon pasko ba dang / grong khyer gyi tshogs kyi dpon bsko ba la bzang ngo // de la skyes pa'i ni yid gzhungs shing grags pa dang ldan pa longs spyod che la nor mang ba dang / bu mang zhing dul ba'i bdag nyid can du 'gyur ro// stor ba dang / tshig pa dang / bsdamasas pa dang / bcings pa rnams dka' bas phyir thob bo/ / nyi ma de la char bab na ni zhag bzhi'i bar du 'bab ste/ mon gre'i bya ba'o// mon gru la ni rtag tu sman sbyar ba dang / grags pa'i las dang / srid srung gi las rnams byas na 'grub cing / zong btsong ba dang / chang btsong ba dang / de la chu 'byung ba dang / til dang / sran ma btab pa dang / rgya mtshor tshong pa chas pa rnams bzang ngo // de la rgyal po'i bka' gsal ba
- 354b
dang / sdig pa'i las mi bya'o// pho nya btab pa dang / sgo srungs dang / yi ge pa bsko ba dang / sman btub dang / sman gtang ba dang / nyi ma de la gter bsko zhing brdzang pa ni mi bya'o// gter/ gsar pa bzhag cing sman bza' bar bzang zhing / stor ba yun ring po nas btsal ba rnyed par 'gyur ro// de la skyes pa ni nad med pa dang / khro zhing gnyid che bar 'gyur te/ nyi ma de la char bab pa ni legs par 'bab par bstan to/ / mon gru'i bya ba'o// khrums stod la ni drag po'i sbyor ba thams cad 'grub par brjod do// smras pa dang / rims kyis btab pa de dag mi 'tsho bar bstan te/ de la skyes pa dag ni rna ba gsang zhing longs spyod che la gnyen rnams yid du 'ong zhing nor che la las 'thun par byed cing spro thung bar 'gyur ro// nyi ma de la char bab pa ni drag por 'bab par bstan to/ / khrums stod kyi bya ba'o// khrums smad la ni tshe ring ba dang / rgyas pa'i las bya'o// lho phyogs su mi 'gro zhing mi brtsam mo// de la skyes pa ni tshe ring zhing grags pa dang / tshe dang ldan pa dang / sum 'gyur gyis lho che zhing 'jigs pa med par 'gyur ro// nyi ma de la char bab pa ni bde bar 'bab par bstan to// khrums smad kyi bya ba'o// nam gru la ni gser dang / dngul dang / rin po che dang / 'bru bsgrub pa dang / mdzod bya ba dang / rigs rgyud kyi bya ba dang / chang gi las kyi bya bar bzang zhing / gtang ba'i las mi bya'o// lam gsar pa gdod pa dang / chu bsgyur
- 355a
'dang / khang par 'jug pa dang / mig sman sbyar ba dang / gos gsar pa 'go ba dang / dbyig blang ba bzang ngo // de la skyes pa ni slong zhing / sbyin pa dang tshul khrims/ dang ldan la/ 'phongs shing gnyen rnams kyis bsten cing chos shes par 'gyur ro// char legs par 'bab cing stor ba rnyed par 'gyur bar bstan to// nam gru'i bya ba'o// tha skar la ni skyes pa dang / bud med dang / rta sbyar ba dang / ma thab bya ba dang / rta bsgrub pa dang / shing rta bya ba dang / bu lon bya ba dang / sa bon gdab pa dang / rta dang glang po gdul ba dang / gar bya ba dang / sman sbyar ba dang / sman gtang bar bzang ngo // de la skyes pa ni blta na sdug pa dang / yid gzhungs pa dang / rgyal po'i gnang chen phun sum tshogs pa dang / nad med pa la bu skye zhing skal ba bzang po dang ldan par 'gyur ro/ / char legs par 'bab cing stor ba rnyed par 'gyur te/ tha skar gyi bya ba'o// bre nye la ni skar ma gsum yod pas/ drag po'i las bya ba dang / bran dang gla ba bsko ba dang / grub btsal ba dang / chung ma blang bar bzang ngo // de la skyes pa ni 'thab krol ba dang / srus pa byed pa dang / gya gru can dang / brdzun che ba dang / blo rno ba dang / sdig pa spyod pa dang / gtsang chung bar gyu / de la snang pa dang / nang kyi btab pa dang / rdzug bsngal bar gyur ro// 'gro ba drang bar bya'o// de la tshe nges par 'dab par de ltar mang blo'i chen po rnam
- 355b
bstan to/ / rgyu skar de'i lha'i gshin rje yin pas shi ba'i phyir zas sbyin no// de la skyes pa ni tshul khrims nyams shing bla ma la gnod pa dang / pha rol la gnod pa byed pa dang / brkam chags che ba dang / pha rol la dgra byed par 'gyur te/ bra nye'i bya ba'o// smin drug la sogs pa'i rgyu skar bdun dang / bre nye'i bar 'di dag las 'di ni bsdu bar bya ste/ de dag gi nang nas gang dag 'bru thams cad dang / sman thams cad phun sum tshogs pa la gnod par byed pa'i gza' gnas pas bsrung bar bya'o// / gzhan yang rgyu skar rnams kyi ming gi le'u bshad par bya ste/ kye pad+ma'i snying po 'di lta ste/ rgyu skar bzhi po 'di dag ni bde bar byed pa ste/ smad gsum dang snar ma'o// de bram ze gnas par byed pa ste/ de la gnas bya ba dang / rgyal po dbang bskur ba dang / gang so sor bstan pa'i las rnams bya bar bzang zhing / gzhan yang de la bshig pa dang / bsreg pa dang / bcing ba rnams byas na bkra shis par 'gyur bar bstan to/ / gzhan yang de la skyes pa bkra shis pa dang / sbyor ba chen po dang ldan par rig par bya'o// kye pad+ma'i snying po rgyu skar bzhi po 'di dag ni bde bar byed pa ste/ rgyal dang / me bzhi dang / byi bzhin dang / tha skar dang / las bya ba la myur zhing / kha ton brtsam pa dang / lam du 'gro ba dang / rgod ma bzhon pa dang / las rnams myur bar bya zhing / mtshon gyi las
- 356a
dang / sman gyi las rnams bya zhing / zla ba bzhi'i mchod sbyin bya bar brtsam mo// gzhan yang de la bshig pa dang / bsreg pa dang / bcing ba rnams bkra shis par/ brjod par rig par bya'o// gzhan yang de la skyes pa ni bkra shis shing longs spyod dang ldan pa'i rgyal por 'gyur ba dang / dbang phyug dang longs spyod du ldan zhing gong ma la sbyin pa dang tshul khrims dang ldan pa'i rgyal rigs su 'gyur ba dang / yang bram ze zhig mdun na 'don du 'gyur ro// kye pad+ma'i snying po rgyu skar lnga po 'di dag drag po ste/ 'di lta ste/ mchu dang / stod gsum dang / bra nye dang lnga ste/ yang de dag la gshog pa dang / bsreg pa dang / bcings pa rnams mi rtsol bar brjod do// 'di dag ni mngon sum ste/ 'di lta ste/ lag dang / skag dang / sa ri dang / snron dang / mon glu zhes bya ba ste/ ma shas dgu dang / dung bu drug go// bra nye ni zhing gnyis so// nab so dang / sa ga dang / smad gsum gyi gnyis kyi cha'o// zhing ni bco lnga'o// mchu dang / sbubs dang / stod gsum po de dag na tsha nges par yin no// mgo dang / rgyal dang / me bzhi dang / nag pa dang / lha mtshams dang / gro bzhin dang / nam gru dang / tha skar te/ rgyu skar 'di dag phyi ma'o// yud tsam sum cu'i zhing dang / byi bzhin gyi yud tsam mnyam pas rgyal rigs so// gzhan yang bram ze dge ba'i yud tsam du 'gyur ba dang / mi dge ba'i yud
- 356b
tsam dang / rgyu skar thams cad dang ldan zhing / gang gi gnyis ka dge ba'i yud tsam dang ldan pa'i dge bar 'gyur ro// yang gang gi tshe dge ba'i dang mi dge bar 'gyur ba de'i tshe thun mong ma yin par 'gyur ro/ / ji ltar nyin par dang mtshan mo ring thung ngu gyur par bshad par bya'o// dbyar zla ra ba dang / rgyu skar mchu dang / tshes gnam stong du ldan par gyur la/ gnam stong snga ma gro bzhin dang 'dzem na/ nyin par la yud tsam bcu bdun yod do// mtshan mo la yud tsam bcu gsum du 'gyur ro// shing bu sor drug pa nyi ma phyed la btsugs nas grib ma la sor phyed phyed kyis 'phel zhing nyi ma 'gyur la/ chu stod dang mtshan mo ldan la nyi ma dang mgo 'grogs shing dbyar gyi zla ba gnyis pa'i gnam stong dang mchur 'dzom na/ dbyar gyi gnyis pa'i bco lnga dang khrums stod du ldan na nyin par ni yud tsam bcu drug tu 'gyur ro/ / mtshan mo la ni yud tsam bcu bzhir 'gyur ro// sor gnyis kyis grib ma 'phel zhing 'gyed do// gro bzhin dang mtsha mor ldan pa la nyi ma dang rgyal du 'grogs shing dbyar zla tha chung gi gnam stong dang du 'dzom par 'gyur zhing ches pa tha skar du 'dzom na yud tsam bco lnga nyin par la yod do/ / mtshan mo la 'ang yud tsam bco ma yod do/ / sor gsum gyis grib ma 'i la mo zhing nyi ma 'gyid do// mu rgod dang mtshan mor ldan la/ ma chu dang nyin mor 'grogs shing nag pa dang dbyar kyi zla ba bzhi gnas stong du
- 357a
'dzem la/ smin drug dang tshes bco lnga 'dzem na/ nyin par la yud tsam bcu gsum yod do// mtshan mo la ni bcu bdun yod do// sor bzhi'i grib mas nyi ma bgyed la rgyu skar dang mtshan mor ldan la chu stod dang nyi mar 'grogs na/ dgun gyi zla ba dang po'i gnam stong dang lha mtshams su 'dzem zhing mgo dang bco lngar ldan na nyin par yud tsam bcu gsum yod do// mtshan mo yud tsam bcu bdun yod do// sor lnga'i grib ma 'grib pas nyi ma 'gyur zhing rgyal dang mtshan mor 'dzom la/ snron dang nyi ma 'grogs shing / dgun gyi zla ba bzhi pa'i gnam stong dang gro bzhin du 'dzem la chu stod dang bco lngar 'dzom na nyin par la yud tsam bcu bzhi'o/ / mtshan mo la ni yud tsam bcu drug go/ sor bzhi'i grib mas nyi ma 'gyur zhing mchu dang mtshan mor 'dzem la chu stod dang nyi ma 'grogs shing dpyid zla ra ba'i gnam stong dang khrums stod du 'dzem par 'gyur zhing / nag pa dang bco lnga 'dzom na nyin par la ni yud tsam bco lngar 'gyur ro// mtshan mo la'ang yud tsam bco lngar 'gyur zhing / so gsum gyi grib mas nyi ma 'gyur zhing chu stong dang mtshan mor 'dzom la/ gro bzhin dang nyi mar 'grogs par 'gyur zhing / dpyid kyi zla ba gnyis pa'i gnam stong dang tha skar du 'dzem la/ sa ga dang bco lngar 'dzem na nyin par la ni yud tsam bcu drug tu 'gyur ro// mtshan mo la ni yud tsam bcu bzhi'o// sor gnyis kyi grib mas nyi ma 'gyur
- 357b
zhing nag pa dang mtshan mor 'dzom la/ khrums stod dang nyi mar 'grogs par gyur cing / dpyid kyi zla ba gsum pa'i gnam stong dang smin drug tu 'dzom par gyur la/ snrubs dang bco lnga 'dzom na nyin par la ni yud tsam bcu drug bdun du 'gyur ro/ / mtshan mo la ni yud tsam bcu gsum mo// sor gnyis kyi grib mas nyi ma 'gyur zhing snron dang mtshan mor 'dzem la/ smin drug dang nyin par 'dzem par 'gyur cing / dpyid kyi zla ba bzhi pa'i gnam stong dang rgyal du 'dzom par gyur la/ chu stod dang bco lngar 'dzem na nyin par la yud tsam bco lnga brgyad du 'gyur ro// mtshan mo la ni yud tsam bcu gnyis su 'gyur ro/ / nyi ma phyed skad la sor phyed pa'i grib mas nyi ma 'gyur zhing chu stod dang mtshan mor 'dzem la rgyal dang nyin par 'gyur zhing / lo btsal bas yud tsam gyi bye brag rnams kyis rgyu skar de thams cad la cha dang cha ru bgo zhing gnam sbyong dang bco lngar phye bas mtshan mo dang nyin zhag tu shes par bya'o/ / lo lnga lnga zhing zla ba re re lhag par 'gyur zhing / zla ba drug na nyin mtshan mnyam par la/ de las gzhan zla 'a drug ni nyi ma ring la/ yang zla ba drug ni mtshan mo ring ngo // zla ba drug ni yud tsam de dag mnyam par rig par bya ste/ zla ba drug ni nyi ma byang phyogs su 'gro la/ zla ba drug ni lho phyogs su rgyu'o// zla ba drug ni rgya mtsho la lhag par 'gyur zhing / zla ba'i 'gros dang / nyi ma'i 'gros kyis dus 'phel bar 'gyur
- 358a
zhing rtsis dang bral bas shes par mi nus pa de ni 'di ltar lo yin par bshad par 'gyur ro/ / nyi ma dang / zla ba dang / sgra gcan dang / phur bu dang / spen pa dang / mig dmar dang / gza' lhag pa dang / 'di rnams kyi gtso bo ni phur bu'o// spen pa dang / gza' lhag dang / mig dmar dang / pa wa sangs te/ de dag dkyil 'khor 'gros so// bra nye dang / smin drug dang / snar ma dang / mgo ste/ de dag ni thun mong gi dang po'i dkyil 'khor ro// lag dang / nab so dang / rgyal dang / skag dang / de dag ni thun mong ba ste/ dkyil 'khor gnyis pa'o// mchu dang / gre dang / dbo gnyis dang / me bzhi dang / nag pa ste/ de dag ni thun mong gi dkyil 'khor gsum pa'o// sa ri dang / sa ga dang / lha mtshams dang / de dag ni thun mong ba dkyil 'khor bzhi pa'o// snron dang / snrubs dang / chu smad dang / chu stod dang / gro bzhin te/ de dag ni 'jigs pa chen por 'gyur ba'i dkyil 'khor chen po lnga'o// mon gre dang / mon gru dang / khrums gnyis dang / nam gru dang / the skar dang / bra nye ste/ de dag ni thun mong ba'i dkyil 'khor drug go// gang gi tshe rgyu skar gyi dkyil 'khor las nad de dang de'i ljongs su de'i nang yin par blta'o/ / yud tsam bcu gnyis pa'i nyin par ni gza' cu gnyis te/ mtshan mo yud tsam drug drug rgyu ste/ drug gang zhe na/ dbyar zla rdzogs pa dang / nyin par la yud tsam
- 358b
bcu bdun yod cing / nyi ma shar nas bzhi 'thon zhes bya ba'i yud tsam du 'gyur ro// nyi ma 'phags nas ni rnam par 'gro ba zhes bya ba'i yud tsam du 'gyur ro// yud tsam bcu gsum dang ldan pa'i mtshan mo la yud tsam drug la yang dag par sbyor ba zhes bya ba'i yud tsam du 'gyur ro/ / tsha bas gdungs pa'i zhes bya ba'i yud tsam du nam nangs pa dang 'gyur ro// dbyar gyi zla ba gnyis pa'i bco lnga la yud tsam bcu drug nyin par la yod cing / nyi ma shar ba na bzhi mthon zhes bya ba'i yud tsam du 'gyur ro// phyed la ni mi 'pham zhes bya ba'i yud tsam du 'gyur ro// nyi ma 'phags nas ni drag po zhes bya ba'i yud tsam du 'gyur ro/ / yud tsam bcu bzhi dang ldan pa'i mtshan mo la ni nyi ma nub par rtsom pa rnam par rgyu zhes bya ba'i yud tsam du 'gyur ro// mtshan phyed la ni sgyu ma chen po zhes bya ba'i yud tsam du 'gyur ro/ / nam nangs pa na ni me yis gdungs pa zhes bya ba'i yud tsam du 'gyur ro// rta 'thabs pa'i bco lnga ni yud tsam bco lnga dang ldan pa'i nyin par la nyi ma 'char ba la ni bzhi mthon zhes bya ba'i yud tsam du 'gyur ro/ / nyi ma 'phags nas ni mi 'pham pa zhes bya ba'i rjes thogs la dbus ma zhes bya ba'i yud tsam du 'gyur ro// nyi ma de las 'phags pa'i lha'i char zhes bya ba'i yud tsam du 'gyur ro/ / yud tsam bco lnga dang ldan pa'i mtshan mo nyi ma nub pa dang / drag po zhes bya ba'i yud tsam du 'gyur ro// mi 'pham pa zhes bya ba'i yud tsam dang / 'gro ba zhes bya ba'i yud tsam
- 359a
gyis rjes su thogs la mtshan mo byed du gyur nas nam nangs pa na me yis gdungs pa zhes bya ba'i yud tsam du 'gyur ro/ / rta 'thab pa'i tshes bco lnga la nyin mtshan mnyam pa zhes bya ba'i nyin par la yud tsam bco lngar 'gyur zhing / mtshan mo la yud tsam bco lnga'o// yud tsam nyin mtshan mnyam pa na nyi ma shas zhes bya ba'i yud tsam du 'gyur ro// cha mnyam par dbus na gnas pa na mnyam pa zhes bya ba'i yud tsam du 'gyur ro/ / nyi ma nub nas mtshan la bab pa na lha'i cha shas zhes bya ba'i yud tsam du 'gyur ro// mtshan phyed la ni mi 'pham pa zhes bya ba'i yud tsam du 'gyur ro/ / nam nangs pa na me yis gdungs pa zhes bya ba'i yud tsam du 'gyur ro// ston zla 'bring po'i bco lnga la yud tsam bcu bzhi'i nyin mo la yud cing nyi ma shar ba na bzhi mthon zhes bya ba'i yud tsam du 'gyur ro/ / dga' bral dang mnyam pa'i sgo zhes bya ba'i yud tsam gyi rjes la dbus su gyur nas/ nyi ma nub pa na chu zla zhes bya ba'i yud tsam du 'gyur ro// mtshan mo la yud tsam bcu drug dang ldan la/ nyi ma nub na rgyud ces bya ba'i yud tsam du 'gyur ro// srin po zhes bya ba'i yud tsam du/ mi 'pham pa zhes bya ba'i de'i rjes la mtshan mo phyed du gyur nas/ nam nangs pa na me yis gdungs pa zhes bya ba'i yud tsam du 'gyur ro/ / dgun bla ra ba'i bco lnga la yud tsam bcu gsum dang nyin par ldan la/ nyi ma shar ba na bzhi 'thon zhes bya ba'i yud tsam du 'gyur ro// phyed la
- 359b
ni dga' bral zhes bya ba'i yud tsam du 'gyur ro/ / nyi ma nub pa la ni bden bral zhes bya ba'i yud tsam du 'gyur ro// yud tsam bcu bdun dang ldan pa'i mtshan mo la nyi ma nub pa tsam na chu lha zhes bya ba'i yud tsam du 'gyur ro/ / mtshan phyed la ni srin po zhes bya ba'i yud tsam du 'gyur ro// nas nangs pa na me yis gdungs pa zhes bya ba'i yud tsam du 'gyur ro// dgun zla ra 'bring po'i bco lnga la ni yud tsam bcu gnyis dang ldan pa'i nyin par nyi ma shar ba na bzhi mthon zhes bya ba'i yud tsam du 'gyur ro/ / dga' byed dang / dga' bral zhes bya ba'i rjes la dbus su gyur nas/ nyi ma nub pa na rdul med ces bya ba'i yud tsam du 'gyur ro/ / yud tsam bcwo brgyad dang ldan pa'i mtshan mo nyi ma nub tsam na bden bral zhes bya ba'i yud tsam du 'gyur ro// bong bu dang srin po zhes bya ba'i rjes la mtshan phyed du gyur nas/ / na ma nangs pa na me yis gdungs pa zhes bya ba'i yud tsam du 'gyur ro// ji lngar sos ka'i dang po de ltar dbyar dang po// ji ltar dpying ka'i gnyis pa de ltar sos ka'i gnyis/ / ji ltar dpyid ka dang po de ltar ston dang po// ji ltar dgun gyi bzhi pa'i de ltar ston tha chung // ji ltar dgun 'bring de ltar dgun dang po// ji ltar dgun 'bring de ltar sos ka'i gnyis/ / de lta bur ni rgyu skar rnams// rgyu zhing rgyu bar shes par bya// rgyu skar rgyu ba dang po'i le'u'o// / ji ltar rgyu skar de dag gi nang nas nyin mtshan du ldan pas
- 360a
'phel ba dang 'grib par 'gyur bar 'gribs pa las nyin par 'phel ba'i bco lnga la zla ba phyed las gnyis pa dang / drug pa dang / dgu pa dang / bcu gnyis pa de dag gi mtshams kyi zhag 'das nas nub bo/ / sa 'dzin pa'i rgyal po chen po bzhi po shin tu 'chi ba zhes bya ba'i dang / rnam par dag pa zhes bya ba dang / 'phel ba zhes bya ba dang / tha dad pa'i rim pa zhes bya ba de dag 'a thabs 'byung ba chen po bzhi g.yo ba las sa 'gul lo/ / chu dang / dbang po dang / rlung dang / me ste/ legs ldan rnam pa bzhi po'ang gang du zla ba phyed la lan gsum g.yo te/ zla ba gcig la lan drug g.yas par gyur na pha rol gyi dmag tshogs 'ong bar 'gyur te/ dpyid zla 'bring po la sa g.yos na zhag bcu'i bar du 'jigs pa 'byung ngo // sos ka'i zla ba dang po la yang dang yang du g.yos na zhag bcu gnyis kyi 'jig pa 'byung ngo / / sos ka'i zla ba gnyis pa la yang yang g.yos na nyi shu rtsa lnga'i bar du 'byung ngo // dbyar zla ra ba la yang yang g.yos na zhag bdun cu rtsa lnga'i bar du 'jigs pa 'byung ngo / / dbyar zla 'bring po la yang yang g.yos na zla ba gsum dang bcu'i bar du 'jigs pa 'byung ngo // ston zla tha chung la yang yang g.yos na zhag lnga'i bur du 'byung ngo // dgun gyi zla ba gnyis pa la yang yang g.yos na zhag lnga bcu rtsa lnga'i bar du 'byung ngo / / dgun gyi zla ba gsum pa la yang yang g.yos na zhag brgya'i bar du 'jigs pa 'byung ngo // dgun gyi zla ba bzhi pa la
- 360b
/ yang yang g.yos na zhag nyi shu rtsa lnga'i bar du 'jigs pa 'byung ngo // dpyid bla ra ba la yang yang g.yos na zhag sum cu'i bar du 'jigs 'byung ngo // de dag ni sa g.yos pa'i dus ji tsam na smin pa yin par bstan to/ / de dag gis las kyi 'jug pa ni 'di ltar zla ba thams cad la dus rtag tu sa g.yo zhing shing dang / ri dang / chu rnams g.yo zhing shing rnams kyi lo ma ltar g.yon bskal pa lta bu'i 'jigs pa 'byung bar bstan to/ / grong khyer dang / grong dang / 'brog rnams na gnas pa'i mi rnams myur du 'pho zhing dgon par lo bco lnga'i bar du gnas par 'gyur ro// phyogs rnams nas sa rnam par g.yos na mi bde ba mi 'byung ngo / / smin drug la sa g.yos na grong khyer dang / grong rnams yang dang yang du mes bsregs pas rtswa yang mi lus par 'gyur ro// de las rnam par g.yos na sol ba mkhan dang / nor bu mkhan dang / khye'u dang / mes bskor byas pa'i gza' dang / de la skyes pa dang / lam du zhugs pa na zhing sdug bsngal bar 'gyur ro// snar ma la sa g.yo na sa bon tha mas cad nyams pas 'bru rnams 'thob par mi 'gyur zhing sdug bsngal bar 'gyur ba dang / bud med sbrum ma rnams mngal la nad 'byang ba dang / rmas pa dang / nad kyis btab pa'i mi rnams sum cha 'tshe bar 'gyur/ bdag nyid chen po dang / rgyal po dang / dpal dang ldan pa'i mi dang mi'i mchog rnams nad kyis btab par 'gyur ro// mgo la sa g.yos na sman nyams shing sman sna dang / mchod sbyin rtsom pa dang /
- 361a
mchod sbyin byed pa dang / bram me nags na gnas pa dang / dkar thub pa de dag la nad 'byung bar 'gyur ro// lag la sa rnam par g.yos na 'o ma can gyi shing rnams nyams shing zas dang skom dkon zhing 'gron po yul 'khor chas pa dang / dong dang 'o bas rko ba dang / sdig pa can dang / rkun ma rnams la sa g.yos na nad kyis 'debs par 'gyur ro// yang nab so la sa rnam par g.yos na dkyil 'khor byed pa'i zhal ta pa dang / lam gyi nor can dang / lam du 'gro ba pa dang / 'khor lo pa dang / byis pa dang / srus mkhan dang / bshan pa dang / dung 'tsho ba rnams la sa rnam par g.yos pas nad kyis 'debs par 'gyur zhing / rgyal la sa rnam par g.yos na bram ze rnams dang / de bzhin du gtso bo rnams dang / tshong pa rnams dang / ded dpon rnams dang / tshong pa ring por 'gro ba rnams la nad 'byung bar 'gyur zhing / ser bas 'bru rnams rlog shing ri khrod na gnas pa'i rgyal po'i bsnyen bkur ba rnams sa rnam par g.yos pas nad kyis 'debs par 'gyur ro/ / skag las rnam par g.yos na klu rnams dang / sbrul kha sdig pa rnams dang / grog mo rnams dang / grog phran rnams dang / srin rnams dang / khyi rnams dang / klu mgo gcig pa rnams dang / / dug sngags mkhan rnams dang / dug byed pa rnams dang / sems can khung du 'jug pa rnams sa rnam par g.yos pas nad kyis 'debs par 'gyur ro// mchu la sa rnam par g.yos na
- 361b
rgyal po rnams la nad 'byung zhing / mchod sbyin dang / shing las log pa rnams dang / 'dus pa'i ston mo las log pa rnams dang / lha'i mchod sbyin las log pa rnams dang / de la log pa tham cad dang / gang zhig de la skyes pa dang / bskyed pa dang / gang mkhas pa'i mchog tu gyur pa dang / glu mkhas rnams 'chi bar 'gyur zhing / de dag rims mthon po rnams kyis thebs par 'gyur ro/ / gre las rnam par g.yos na dus 'gyur zhing chos la dga' ba dang / sho gam gyis 'tsho ba rnams la sa g.yos na nad kyis thebs par 'gyur ro// gal te dbo la sa rnam par g.yos na tshong pa gling du 'gro ba rnams dang / ded dpon rnams dang / ri khrod na 'tsho ba rnams dang / ang ga dang / lus 'phags po dang / ma ga d+ha pa rnams dang / ni ti'i bud med blangs pa rnams sa rnam par g.yos na nad kyis thebs par 'gyur ro/ / me bzhi las rnam par g.yos na rdza mkhan rnams dang / sman pa rnams dang / tshogs kyi gtso bo rnams dang / blon po chen po rnams dang / dmag dpon rnams sa rnam par g.yos pas yang snga ma bzhin du blta'o/ / sa ri las rnam par g.yos na rkun ma tshul khrims nyams pa rnams dang / shan pa dang / shan pa la dga' ba rnams dang / shan pa'i bdab po dang / rlung za'i dka' thub pa rnams sa g.yos na nad kyis thebs par 'gyur ro// sa ga la sa rnam par g.yos na ri chen po rnams 'chad par 'gyur ro// rta rgyug pa rnams dang / lam
- 362a
na 'gro ba la rlung drag pos rdo rnams 'thor bas stobs med par byed la/ sa g.yos pas de dag nad kyis bdebs par 'gyur ro// yang nag pa la sa g.yos na rkun ma chen pos gnod pa byed pa 'ong zhing / byi rgyug pa dang / tshe long pa rnams dang / mdud pa 'grol ba'i mi rnams dang / an+d+ra pa rnams dang / bu ram shing 'phel ba rnams dang / phu ling pa rnams la skyabs med pa'i 'jigs pa 'ong zhing grogs dang bral zhing stobs che ba 'byung ngo / / sgron la sa g.yos na rgyal po chen po la gnod pa 'byung zhing / khra dang / byi ba dang / sbrul dang / de bzhin du gcan gzan gdug pa can rnams dang / gzhan gnod pa byed pa rnam dang / su ra se na pa dang / ba lci ma la rnams dang / ba lci ba gra ha pa dang / yi dgas rnams dang / sems can de dag dang / myur bar sa g.yos pas nad kyis 'debs par 'gyur ro// snrubs la sa g.yos na rkang bzhi pa rnams dang / rkang gnyis pa dang / de bzhin du gnod sbyin rnams dang / yi dgas rnams dang / sems can de dag dang / ri khrod pa rnams dang / chu med pas lo nyes shing myur du mu ge 'byung zhing ri rnams dang chad par 'gyur ro// chu stod la sa g.yos na chu la gnas pa'i nya rnams dang / shu shu ma dang / nya phyis rnams dang / chu srin rnams dang / rus sbal dang / rigs dang / rus btsun pa rnams dang / nor dang ldan pa rnams dang / mkhas pa rnams dang / gnyis pa rig+sa
- 362b
dang ldan pa rnams la 'jigs pa chen po 'byung zhing / sa g.yos pas de dag nad kyis 'debs par 'gyur ro// chu smad la sa g.yos na bzo bo mkhas pa rnams la gnod pa 'byung zhing mgar ba dang / zhal zhal mkhan rnams dang / mda' mkhan rnams dang / shing mkhan rnams dang / dbul po rnams dang / gzhan yang bzo sna tshogs pa byed pa dang / grong dang nye ba'i skam la gnas pa la gnod par 'gyur ro/ / gro bzhin la sa g.yos na mi gang zhig rgyal po mchod pa dang / klog pa rnams dang / bstan bcos mkhas pa rnams dang / snyan dngags mkhan rnams dang / glu mkhan rnams dang / su ra se na pa dang / rjes su 'jug pa rnams dang / gos 'tsheng ba dang / gi sha ta dang / sa ra da na dang / de dag gi bsam pa 'grub bo// mon gre las g.yos na nor can rnams la gnod pa 'byung zhing / phyug po rnams dang / grong khyer chen po dang / tshong dpon rnams dang / spyi cer rnams dang / bkra shis pa dang / bzang po sngags mkhan dang / ri khrod pa rnams dang / pa ri kre ba dang / ma la ba dang / grong khyer che ba gzhan rnams la gnod pa 'byung bar 'gyur ro// mon gru la sa g.yos na chu la gnas pa rnams la gnod pa chen po 'byung zhing / glang po dang / rta dang / bong bu dang / rnga mo rnams la cher sdug bsngal 'byung ngo // de bzhin du so pa rika pa dang / madra ba dang / bi li kan pa dang / ke ka yan pa dang / rten med pa dang / 'khor lo gcig pa dang /
- 363a
yul de dag gi skye bo rnams la nad 'byung ngo // khrums stod la sa rnam par g.yos na srin po'i gdon gyis 'dzin cing / de bzhin du shan pa dang / phag 'tshong ba so ba ri pa rnams 'chi bar 'gyur ro/ / tshong gis 'tsho ba'i rje'u rigs pa dang / dmangs rigs dang / zlos gar mkhan dang / nas gling pa rnams dang / rta rnams dang / gyad kyi yul pa rnams dang / khu 'jo dang ldan pa'i bud med rnams dang / mdud pa 'grol ba rnams med par 'gyur ro// khrums smad la sa g.yos na tshong pa rnams la nad 'byung zhing / chos la dga' ba dang / grub pa rnams dang / sho gam gyi las byed pa rnams dang / rgyal rigs srid sgrub kyi rgyud dang / mdza' ba rnams dang / srin dra ba'i rgyal po dang / mda' gzhu thogs pa rnams yun ring por don med par 'gyur ro// nam gru la sa g.yos na g.yul drag po shom par 'gyur zhing / grong 'joms par 'gyur ba dang / grong gi grong phung ba dang / ni ra ta ba rnams dang / rgyal yul pa dang / ra ma ta na gnas pa rnams dang / zhing las bzang po byed pa rnams dang / lung bar gnas pa'i gtso bo rnams dang / dmag dpon thams cad ngan par 'gyur ro// tha skar la sa rnam par g.yos na rta rnams la nad 'byung zhing / grong rnams 'jig par 'gyur/ spun zla gsod par 'gyur zhing / de la mang la tshogs pa dang / de la skyes pa dang / gsum thug bsngal dang rgyun du ldan par 'gyur/ bdun rgyud dang
- 363b
mngal na gnas pa dang / gza' btung 'thung ba dang / srid pa grub kyi rgyal rigs rnams phan tshun gsod par 'gyur ro// bra nye las g.yos na rkun ma rnams la nad chen po 'byung zhing rtsod pa 'byung ngo / / tshe long mkhan dang / mdud pa grol ba dang / me long gi 'khor los smras par byed pa rnams dang / de bzhin du btson srungs rnams dang / zas sdoms pa dang / gnod pa'i skye bo mi bzad pa rnams 'chi bar 'gyur ro// sa g.yos nas zhag bdun na sprin chen po g.yo bar 'gyur te/ snum zhing gnas la ri bo lta bu ldang bar 'gyur ro zhes drang srong rnams kyis bshad do/ / gnyid 'phel ba dang / gzhan yang bkra shis kyi dbyings dang / dbang po rdo rje lta bu dang / de bzhin du der dus tshigs dang / nyi ma dang zla ba sgrib cing de la kun nas sprin chen po'i mtshan nyid dang ldan zhing de dang 'dra bar mthong zhing the tsom bskyed pa'i sprin ldang zhing / 'brug bsgrags pa 'byung bar rig par bya'o zhes drang srong rnams kyis bshad de ltar shes nas gdon mi za bar sa bon rnams gdab par bya'o/ / bya rnams la 'khrug na tshong pa rnams kyi bya ba 'grub bo// de lta bu'i sa g.yos na thams cad du bkra shis pa brjod do// yang sa g.yos nas de'i rjes la zhag bdun na sprin ldang ste/ yang 'di ltar ka shi ka'i gos 'dra ba'i sprin gyis khyab cing mi mthun pa'i sgra sgrogs pas nub phyogs su 'gro la/ chu la gnas pa'i
- 364a
shu shu mar dang / ba lu ka dang / nya dang / chu srin 'dra ba'i sprin snang zhing nyi ma dang / zla ba sgrib pa de lta bu'i mtshan nyid dang ldan pa snang na de ni chus sprul pa yin par rig par bya'o/ / zhes drang srong chen po rnams kyis de skad bstan pa yin no// sgang dang / ri'i rtse mo dang / zhing rlan dang 'bral ba de dag rnams la sa bon gdab par bya ste/ dma' bar nyams par 'gyur/ de bzhin du 'dam dang chur 'gyur zhing dma' bar 'dus par 'gyur ro// de lta bu'i sa g.yos na ni chu'i yin pas shis par rig par bya'o// yang 'di ltar sa g.yos nas de'i rjes la zhag bdun gyi nang du rlung drag po mi bzad pa ldang / dus tshigs ltar ser skyar snang ba la nyi ma dang zla ba dmar por mthong zhing mtshan nyid de lta bu dang ldan par snang na/ de ni rlung gi sa g.yos pa yin par rig par bya'o// de lta bur gyur pa ni drang srong rnams kyis bstan pa yin no// de lta bu la mkhas pas 'gro bar mi bya ste/ bdag nyid bsrung bar bya zhing / dgra zla las 'jigs pa chen po 'byung bas ra ba dang 'obs kyis mchog tu bsrung bar bya'o/ / de lta bu ni sa'i sa g.yos pa'i yon tan thams cad bstan pa yin no// mi rnams kyis me yis sa g.yos pa'i khyad par rig par bya ste/ gal te sa g.yos nas de'i rjes zhag bdun gyi nang du skar mda' drag po ltung zhing / dus tshigs ltar dmar la nyi ma dang zla ba'ang dmar bar snang ba de lta bu'i mtshan dang ldan par snang ba ni me yis g.yos pa yin par rig par bya'o// bud shing las me mched par
- 364b
'gyur bas nor bsregs shing du ba'i 'phreng ba snang zhing mtshon mchog tu 'bab la chu 'khyil bsnang ba zla ba dgu'i bar du char mi 'bab bo/ / de lta bu'i sa g.yos pa mi bzad ba ni me yis sa g.yos pa yin te/ rgyal po dang rgyal rigs rnams la snga dro'i tsha ba'i gnod pa 'byung bar 'gyur zhing / rta dang / glang po dang / blon po chen po rnams la ni phyed la tsha ba'i nad 'byung la/ phyi dro ni ba lang dang phyugs rnams la nad 'byung ngo / / mtshan mo rkun ma rnams la gnod pa 'byung ngo // nam nangs pa na mtha' 'khob pa rnams la 'chi ba'i 'jigs pa 'byung ngo // de bzhin du nam phyed na ni zhag brgyad kyi bar du na bar 'gyur zhing de nas sos par 'gyur ba ste/ bud med dang skyes pa la 'byung zhing thun gsum pa ni zhing rmo ba'i rang bzhin gyi las byed pa rnams la gnod pa 'byung ngo // mar ngo la ni drag shul gyis las byed pa'i gtum po rnams la nad 'byung ngo / / yar ngo la ni bram ze mchod sbyin byed pa dang / zhing pa rnams dang / byis pa rnams dang / rgan mo rnams dang / chos la gnas pa'i gtso bo rnams la tsha ba'i nad 'byung bar 'gyur ro/ / dman pa dang / dge ba dang / dma' bar 'gyur ba rnams shes shing / gang gis snga ma'i rang bzhin du gyur pa shes pa'i bram ze'i nyi mar gyur pas blta'o// yang phur bu'i mnyam pa'i dge ba'i las rnam pa bzhi dang / dmangs rigs kyi las rnam pa bzhi dang / mnyam pa'i snyan dngags kyi las rnams shes pa dang / so ma'i las rnam pa bzhi dang / tshangs pa'i las des mnyam par
- 365a
shes pa rnams la gnod pa 'byung ngo / / / kye gzhan yang pad+ma'i snying po rgyu skar nyi shu rtsa brgyad po de dag gi nad kyi le'u bshad par bya'o// smin drug la skyes pa'am bud med nad kyis btab pa ni zhag bzhi nas sos par bstan to/ / de'i lha ni me lha yin pas zho'i gtor ma btang na/ gtor ma des nad las ldang bar bshad do// snar ma la skyes pa 'am/ bud med nad kyis btab pa ni zhag lnga'i bar du na bar 'gyur ro/ / de nas sos par 'gyur ro// de'i lha ni skye dgu'i bdag po yin pas me tog gi 'phreng ba gtsang ma'i gtor ma btang bas/ gtor ma'i las des nad las ldang bar 'gyur ro/ / mgo la skyes pa 'am/ bud med nad kyis btab pa ni zhag brgyad nas nad de las sos par 'gyur ro// de'i lha ni zla ba yin pas sran sngon gyi 'khur ba'i gtor ma btang na/ gtor ma des nad las ldang bar 'gyur ro// lag la skyes pa 'am/ bud med nad kyis btab pa ni zhag bcu'i bar du na bar 'gyur zhing de nas sos par 'gyur ro// de'i sgra ni drag po yin pas 'bras dang 'o thug gi gtor ma btang na/ gtor ma des nad de las ldang bar 'gyur ro// nab so la skyes pa 'am/ bud med nad kyis btab pa ni zhag brgyad kyi bar du na par 'gyur zhing de nas sos par 'gyur ro/ / de'i lhani nyi ma yin pas thos dang byug pa'i gtor ma btang na/ gtor ma des nad de los ldang bar 'gyur ro// rgyal la skyes pa'am/ bud med nad kyis btab ni gag
- 365b
bar dun zhing / de nas sos par 'gyur ro// de'i lha ni phur bu yin pas byug pa dang 'phreng ba'i gtor ma btang na/ gtor ma des nad de las ldang bar 'gyur ro// skag la skyes pa 'am/ bud med nad kyis btab pa ni sman gyis gso bas mi sos te/ de'i lha ni sbrul yin pa'i phyir ro// mchu la skyes pa 'am/ bud med nad kyis btab pa ni zhag brgyad kyi bar du na zhing / de nas sos par 'gyur te/ de'i lha ni mtshun yin pas 'bru dang til btags pa'i ri lu'i gtor ma btang na/ gtor ma des nad de las ldang bar 'gyur ro// gre la skyes pa 'am/ bud med nad kyis btab pa ni zhag bdun na par 'gyur zhing / de nas nad de las sos par 'gyur te/ de'i lha ni klu yin pas byug pa dang 'phreng ba'i gtor ma btang na/ gtor ma des nad de las ldang bar 'gyur ro// dbo la skyes pa'am/ bud med nad kyis btab pa ni gso ba'i sman gyis sos par mi 'gyur te/ de'i sgra ni gshin rje yin pa'i phyir ro// me bzhi la skyes pa 'am/ bud med nad kyis btab pa ni zhag ldan par 'gyur zhing // de nas sos par 'gyur te/ de'i lha ni nyi ma yin pas byug pa dang 'phreng ba'i gtor ma gtang na/ gtor ma des nad de las ldang bar 'gyur ro// nag pa la skyes pa bam/ bud med nad kyis btab pa sos par 'gyur te/ de'i lha ni dri za yin pas nas kyi ljang bu'i gtor ma btang na// gtor ma des nad de las ldang bar 'gyur ro// sa ri la skyes pa'am/ bud med nad kyis btab pa ni zug gzer che la zhag nyi shu rtsa gnyis
- 366a
kyi bar du na bar 'gyur zhing / de'i lha ni rlung lha yin pas sna tshogs 'phreng ba'i gtor ma btang na/ gtor ma des nad de las ldang bar 'gyur ro// sa ga la skyes pa 'am/ bud med nad kyis btab pa ni nad lci zhing / zhag nyi shu rtsa gcig gi bar du na bar 'gyur zhing / de nas sos par 'gyur ro// de'i lha ni me lha dang dbang po yin pas byug pa dang 'phreng ba'i gtor ma btang na/ gtor ma nges nad de las ldang bar 'gyur ro/ / lha mtshams la skyes pa 'am/ bud med nad kyis btab pa ni zla ba byed kyi bar du na bar 'gyur zhing / de nas sos par 'gyur te/ de'i lha ni nyi ma yin pas mar gyis gang ba'i gtor ma btang na/ gtor ma des nad de las ldang bar 'gyur ro// snron la skyes pa'am/ bud med nad kyis btab pa ni nad tshabs che zhing zhag bcu gsum na zhing / de nas sos par 'gyur te/ de'i lha ni dbang po yin pas byug pa dang 'breng ba'i gtor ma btang na/ gtor ma des nad de las ldang bar 'gyur ro// snrubs la skyes pa'am/ bud med nad kyis btab pa ni zla ba gcig na bar 'gyur zhing / de nas sos par 'gyur te/ de'i lha ni dmangs rigs yin pas sha'i gtor ma tang na/ gtor ma des nad de las ldang bar 'gyur ro// chu snod la skyes pa'am/ bud med nad kyis btab pa ni nad tshabs che zhing / zla ba brgyad kyi bar du na bar 'gyur zhing / de nas sos par 'gyur te/ de'i lha ni chu lha yin pas 'bras dang til btags pa'i gtor ma gtang na/ gtor ma des nad de las sos par 'gyur ro// chu smad la
- 366b
skyes pa'am bud med nad kyis btab pa ni zhag bdun gyi bar du na zhing / de nas sos par 'gyur te/ de'i lha ni sna tshogs pa yin pas 'bras dang 'o thug gi gtor ma gtang na/ gtor ma des nad de las ldang bar 'gyur ro/ / gro bzhin la skyes pa 'am/ bud med nad kyis btab pa ni nad lci zhing / lo gcig gi bar du na bar 'gyur te/ de'i lha ni khyab 'jug yin pas byug pa dang 'phreng ba'i gtor ma btang na/ gtor ma des nang de las sos par 'gyur ro/ / mon gre la skyes pa 'am/ bud med nad kyis btab pa ni nad lci zhing / zla bcu gsum gyi bar du na par 'gyur te/ de'i lha ni ba su de ba yin pas byug pa dang 'phreng ba'i gtor ma btang na/ de nad de las ldang bar 'gyur ro// mon grul skyes pa 'am/ bud med nad kyis btab na zhag bcu bdun gyi bar du na par 'gyur zhing / de nas sos par 'gyur te/ de'i lha ni chu lha yin pas 'bras bu dang lo thug gi gtor ma btang na/ gtor ma des nad de las ldang bar 'gyur ro// khrums stod la skyes pa'am/ bud med nad kyis btab par gyur na zhag bdun na bar 'gyur zhing / de nas sos par 'gyur te/ de'i lha ni klu yin pas byug pa dang 'phreng ba'i gtor ma btang na/ gtor ma des nad de las ldang bar 'gyur ro// nam gru la skyes pa 'am/ bud med nad kyis btab na nang yang zhing zhag nyi shu rtsa brgyad na bar 'gyur zhing / de nas sos par 'gyur te/ de'i lha ni rgyal yin pas spos dang me tog gi 'phreng ba'i gtor ma btang na/ gtor ma des nad de las ldang bar 'gyur ro// tha skar la skyes pa 'am/ bud med nang
- 367a
@#kyis btab par gyur na zug gzer che la zhag nyi shu rtsa brgyad kyi bar du na par 'gyur la/ de'i lha ni nyi ma yin pas mar dang sran sngon gyi gtor ma gtang na/ gtor ma des nad de las ldang bar 'gyur ro/ / bra nye la skyes pa 'am/ bud med gang nad kyis btab par gyur na sman gyis mi 'tsho ste/ de'i lha ni gshin rje yin pa'i phyir ro// mkhas pas tshul khrims la sbyar bar bya ste/ des mtho ris su 'gro bar 'gyur ro/ / kye pad+ma'i snying po de ni nad kun nas 'byung ba zhes bya ba'i le'u yin no// // gzhan yang kye pad+ma'i snying po de bcings pa thar pa zhes bya ba'i le'u bshad kyi nyon cig/ kye pad+ma'i snying po smin drug la btson du bzung ba ni zhag gsum nas thar par 'gyur ro zhes bstan to// sna ra ma la btson du bzung ba ni yang zhag gsum nas thar par 'gyur ro// mgo la btson du bzung ba ni zhag nyi shu nas thar par 'gyur ro/ / lag la btson du bzung ba ni zla ba phyed nas thar par 'gyur ro// nab so la btson du bzung ba ni/ zhag gsum nas thar par 'gyur ro// rgyal la btson du bzung ba ni zhag gsum nas thar par 'gyur ro/ / skag la btson du bzung ba ni yang zhag gsum nas thar par 'gyur ro// mchu la btson du bzung ba ni zhag bcu drug nas thar par 'gyur ro// gre la btson du bzung ba ni zhag bcu nas thar bar 'gyur ro/ / dbo la btson du bzung ba ni zhag bdun nas thar bar 'gyur ro// me bzhi la btson du bzung ba ni zhag lnga nas thar par 'gyur ro// nag pa la btson du bzung ba ni zhag bdun nas thar
- 367b
par 'gyur ro/ / sa ri la btson du bzung ba ni zhag bcu gnyis nas thar par 'gyur ro// sa ga la btson du bzung ba ni zhag nyi shu rtsa drug nas thar bar 'gyur ro// lha mtshams la btson du bzung ba na zhag nyi shu rtsa dgu nas thar par 'gyur ro/ / snron la btson du bzung ba ni zhag bcu nas thar bar 'gyur ro// sbubs la btson du bzung ba ni zhag nyi shu rtsa drug nas thar par 'gyur ro// chu stod la btson du bzung ba ni zhag bcu bzhi nas thar par 'gyur ro/ / de bzhin du chu smad la'ang brjod par bya'o// gro bzhin dang / mon gre dang / mon gru dang / khrums stod dang / khrums sprad dang / nam gru ste de dag la btson du bzung ba ni zhag bcu bzhi nas thar par 'gyur ro/ / tha skar la btson du bzung ba ni zhag gsum nas thar par 'gyur ro// bre nye la btson du bzung ba ni nyon mongs shing mi shor bar bstan to/ / kye pad+ma'i snying po de dag ni bcings pa thar pa zhes bya ba'i le'u yin no// // kye pad+ma'i snying po gzhan yang sme ba'i mtshan bshad par bya yis nyon cig/ mgo dkyil na sme ba phra zhing sa dkar po'i kha dog lta bu yod na/ bud med de ni rgyal po'i btsun mor 'gyur ro// de ni mchu pad+ma ltar dmar bar 'gyur ro// bud med kyi mgo la sme ba za zhing lig bu mig gi kha dog lta bu yod na/ de ni dmag dpon gyi chung mar 'gyur te/ nu ma gnyis kyi dkyil na thig le lta bu'i sme ba yod par 'gyur ro// smin ma gnyis kyi mtshams na sme ba yod na de ni khyim thab las brtson/
- 368a
bag med par spyod la/ khyo lnga yod par 'gyur zhing / zas dang skom mang du rnyed par 'gyur ro// gsang ba'i gnas na sme ba'i thig le yod na khyo lnga yod par 'gyur ro// gang gi mkhur tshos la sme ba yod na/ de ni khyim pa las 'phyo zhing bzod par bka' ba'i sdug bsngal thob par 'gyur ro// brla'i phyig sham na sme ba thig le lta bu yod pa dang / rna ba la sme ba yod pa ni thos pa mang zhing bag med par bstan to/ / gang gi mjug ton thig le lta bu'i sme ba yod pa ni thos pa mang zhing khyim thab kyi brtul zhugs can du 'gyur ro// gang gi ya mchu la sme ba nag po yod pa de ni brdzun smra zhing khyim tha ba las 'phyo la sdug bsngal mi bzad pa myong bar 'gyur ro/ / gang gi brla la sme ba yod pa ni snga ma dang 'dra'o// gang gi mchu la sme ba yod pa de ni bag chung zhing khyim thab las 'phyo bar bstan to/ / gang gsang ba'i nang na sme ba yod pa de ni zas dang skom mang du rnyed par 'gyur ro// kos ko dang gsang ba'i nang na sme ba yod pa de ni khyim tha ba las 'phyo zhing zas dang gos mang du rnyed par 'gyur ro/ / kye pad+ma'i snying po de ni sme ba lung bstan pa zhes bya ba'i le'u'o// // kye pad+ma'i snying po gzhan yang skyes pa'i yon tan le'u bshad kyis nyon cig/ smin drug la skyes pa'i mi ni dka' thub dang ldan zhing brtson 'grus brtan zhing dpa' la bde ba dang ldan par 'gyur ro// snar ma la skyes pa'i skyes bu ni nor dang ldan pa
- 368b
dang / chos la dga' zhing brtson 'grus brtan zhing dpa' la bde ba dang ldan par 'gyur ro// mgo la skyes pa ni 'jam zhing mdzes la lta bar 'os pa dang / khyad par du bud med la dag bar 'gyur ro/ / lag la skyes pa ni gsod cing gdung la pha rol 'jigs par byed cing las drag po la sbyor la/ khang pa bzang po rnyed par 'gyur ro// nab so la skyes pa ni 'dod pa chung zhing blo dang ldan la/ chos dang tshul khrims dang bcas shing spro thung bar 'gyur ro// rgyal la skyes pa ni bram ze chen po gzi brjid dang ldan pa 'am/ rgyal rigs su gyur nas/ rje'u rigs dang / dmangs rigs kyis mchod par 'gyur ro// skrag la skyes pa ni sna 'bud cing khro lo spro zung zhing skyes bu ngan pa rnams la lung gsal bar bstan to// mchul skyes pa ni shes rab dang ldan zhing lag pa gtsang la bsod nams che zhing / de bzhin du nor dang longs spyod du ldan par 'gyur ro// grel skyes pa ni chos ma yin pa'i blo dang ldan zhing rtag tu bla ma la smod par 'gyur ro/ / dbo la skyes pa ni longs spyod dang ldan zhing lha'i mngon par shes pa dang ldan pa'i bsod nams kyi skal ba can du 'gyur ro// me bzhi la skyes pa ni bdag nyid skyon med cing rnam par gnon cing zas bzang po za zhing dmag dpon byed cing 'joms par 'gyur ro/ / nag pa la skyes pa ni mig mdzes shing gtam sna tshogs la mkhas la/ blta na sdug cing dbang dang ldan la tshul khrims dang ldan
- 369a
par 'gyur ro/ / sa ril skyes pa ni gnyen dang ldan zhing mkhas la 'jam zhing dad pa che la grogs dang che bar 'gyur ro// sa ga la skyes pa'i skyes bu ni gzi brjid dang ldan la nor mang zhing dpa' zhing pha rol gnon pa la gtong ba dang ldan zhing skal ba che bar 'gyur ro/ / lha mtshams la skyes pa ni grogs po dang ldan zhing khyim dang ldan la/ dag cing byas pa gzo la chos kyi bdag nyid can du 'gyur ro/ / snron la skyes pa'i skyes bu ni grogs dang che la kun nas rgyal zhing 'phong gi bstan bcos la mkhas shing / bud med la dga' ba'i blo can du 'gyur ro// snrubs la skyes pa ni byas pa mi gzo la mi chos la mi dga' dpal zhing brtan la sdig pa can du 'gyur ro/ / chu stod la skyes pa'i skyes bu ni ser sna che la dbang po rgod pa dang / nya'i sha la sred cing shan par 'gyur ro// chu smad la skyes pa'i skyes bu ni sgo thung zhing gtong ba la dga' zhing mkhas la/ dga' mdzad dang ldan zhing gnyen pa shes mang bar 'gyur ro// zo bzhin la skyes pa ni bstan bcos la mkhas shing mkhas la bya ba dang ldan pa tshe ring bar 'gyur ro/ / mon zel skyes pa ni blo rgod cing nor mngal skyes bu thams cad 'joms par 'gyur ro// mon gru la skyes pa ni zhe sdang che zhing tshul khrims dang mi ldan la byi rgyug par 'gyur ro// khrums stod la skyes pa ni spyod pa'i yon tan dang ldan zhing byas pa gzo la de khar bar 'gyur ro// khrums smad la skyes pa ni shin tu mkhas shing blo dang ldan la/ bu mang zhing chos dang tshul khrims dang ldan
- 369b
zhing nor mang bar 'gyur ro/ / nam grul skyes pa ni chos shes shing rigs pa rten la/ dbul zhing nor nyung la gtong ba la dga' bar 'gyur ro// tha skar la skyes pa ni mkhas shing skye bo'i tshogs dka zhing dpa' la/ skal ba dang ldan par 'gyur ro// brenyel skyes pa ni sdig pa la spyod cing mi mkhas la sngar zhing sbyin pa la mi dga' zhing gzhan la rten pas 'tsho bar 'gyur ro// kye pad+ma'i snying po de ni skyes pa'i yon tan gyi le'u'o/ / // gzhan yang bram ze bdag gis gnas rjes su dran pa'i shes pas mngon sum du byas nas/ sems kyis rigs pa rnams gtan la phab cing sna tshogs pa'i sngon gyi gnas rjes su dran te/ tshangs pa mchog tu gyur pa de gzhan zhig yin snyam na/ de ltar blta bar mi bya ste/ nga nyid de'i tshe de'i dus na lha rnams kyi tshangs pa mchog tu gyur to/ / bdag de nas shi 'phos nas lha'i dbang po brgya byin du gyur to// de nas shi 'phos nas bram ze dgon pa pa mu khyud go'u ta ma zhes bya bar gyur to// de nas shi 'phos nas drang srong dkar po'i tog ces bya bar gyur to/ / de nas shi 'phos nas tha mal pa paN+Di ta ne tso zhes bya bar gyur to// de'i tshe bdag gis rig byed bzhi bgrags te/ 'di lta ste/ rgyal zhes bya ba'i gnod pa'i phyogs dang / sdeb sbyor gyi gnod pa'i phyogs dang / cha nyi shu rtsa gcig pa byas shing srid srungs rnams bdag gis byas so// bram ze khyod yang de'i tshe de'i dus na drang
- 370a
srong ba su zhes bya bar gyur pa de gzhan zhig yin snyam du de de ltar mi blta ste/ nga nyid de'i tshe de'i dus na drang srong ba su zhes bya bar gyur to// de'i tshangs shing mkhan gyi bu mo ser skya mo zhes bya ba chung ma'i don du blangs so/ / de la bdag kun tu chags pas rdzu 'phrul nyams shing bsam gtan dang bral te/ des bdag nyid 'gyod nas de'i tshe dag byed kyi sngags 'di dag smras so// oM b+hur b+hu ba swa/ tad sa b+hi du ra ba re NAM b+ha ra go ba sa d+hI ma hi di yon pra rjod ya/ de bas na bram ze ngas khyod la bshad par bya ste/ bdag ni tha mal pa tsam nyid de/ 'jig rten du 'di ltar bram ze zhes bya ba dang / rgyal rigs zhes bya ba dang / rje'u rigs zhes bya ba dang / dmangs rigs zhes bya ba 'di thams cad gcig pa nyid de/ thams cad tha dad pa ma yin no// de ba sa na bdag gi bu gzhon nu stag rnal bu mo gzugs bzang mo chub ma'i don du byin cig/ gang rin ji snyed phab pa de 'dod pa bzhin du gzhal bar bya'o// gdol pa'i rgyal po tre shang ku las tshig de lta bu de thos pa dang / bram ze pad+ma'i snying pos 'di skad ces smras so// khyod ni gcig tu gyur pa'i gtso bo mnyam pa med pa lha dang bcas pa'i 'jig rten na mnyam pa med pa'i bram ze chen por gyur to/ / khyod kyi bu la nga'i bu mo gzugs bzang mo sbyin par bya ste/ gzhon nu stag rna dang gzugs bzang mo gnyis tshul khrims dang / gzugs dang / yon tan dang ldan zhing
- 370b
bzang zhing mdzes pa yin te/ 'di ni bdag kyang 'dod pa yin no// de nas bram ze'i khye'u lnga brgya po de dag gis sgra chen pos kye rig pa dang ldan pa'i bram ze rnams gdol pa dang gnyen ma mdzad cig/ ma po rig pa dang ldan pa'i bram ze rig pa gsum pa rnams gdol pa dang ldan cig tu gnyen mdzad dam/ de nas bram ze pad+ma'i snying pos gleng gni bshad cing lan gyis tshigs su bcad pa rnams pa/ tre shang ku nges gang smras pa/ / de bzhin de nyid de lta bur// de nyid min te brdzun pa min// yang dag mthar gyur bden pa nyid// de nas bram ze pad+ma'i snying pos bram ze'i khye'u de dag la smad nas gdol pa'i rgyal po tre sha ku la 'di skad ces smras so/ / kye tre shang kus tshangs pa 'di mi mjed bdag pos 'byung ba bzhi las skyes bu rnam par sprul te/ mgo ni skar tshogs nam mkha' yin// de bzhin lto ba bar snang yin// ri bo rnams ni brla gnyis te// rkang pa gnyis ni sa ru gnas// nyi ma zla ba mig gnyis yin// nA dang shing rnams ba spu ste/ mchim par snar char pa'o// rgya mtsho rnams ni gcin du 'dod// ribo rnams ni phyis yin// de ni tshangs pa mi mjed bdag/ khyod dang shes pa mnyam pa med// de de bzhin du bdag gis brjod// kye tre shang ku de la ni 'dir bdag nyid ci zhig smra ru yod// yang rang gi mtshan nyid mngon sum du dpyad bas pa dang mas sbyor ba byas pa las gyur cing bde ba 'dod pas bslus nas sems can rnams mngal du 'jug pa yin te/ 'ga' yang ma skyes
- 371a
pa ni med do/ / 'jig rten thams cad ni skye ba yin te/ bram ze'i rigs dang / rgyal rigs dang / rje'u rigs dang / dmangs rigs de dag thams cad la zhar ba dang / lag pa 'jas pa dang / 'theng po dang / mdze dang / 'brum bu dang / brjed byed rnams/ sha ba wa dang / de bzhin du sems can thams cad tha dad par gnas pa'i phyir te/ rus pa dang / pags pa dang / sen mo dang / sha dang / bde ba dang / sdug bsngal dang / bshang ba dang / gci ba dang ldan zhing / dbang po rnams ni rnam par dbye ba med pa'i phyir rigs bzhi 'grub par mi 'gyur ro// bram ze gal te bram ze'i sngags kyi 'bras bu mtho ris su 'gro ba yin na/ dge sdig gi las kyi 'bras bu med cing chud za bar 'gyur ro/ / gang zhig 'gro ba lnga rnams la dge sdig las kyi 'bras bu rnam par smin par ni mthong ngo // de nas gdol pa'i rgyal po tre shang kus bram ze pad+ma snying po grags pas tsha rabacad do/ / de nas bram ze des/ gdol pa'i rgyal po tre shang ku la smras pa/ khyod ni tshangs pa dang / lha'i dbang po ko'u shi ka dang / go'u ta ma rtsibs kyi mu khyud dang / dkar po'i tog dang / ne tso mkhas pas rig byed rnams bshad par gyur cing / lha'i drang srong chen por grags pa dang ldan pa'i mchog da ltar yang
- 371b
khyod nyid yin te/ 'dir rig pa mchog gis bstan bcos thams cad byed cing / mchog tu khyad par can 'jig rten 'di'i mchog tu gyur par rigs dang ldan par spyod pa khyod yin pas tshul khrims dang ldan pa/ gzugs dang ldan pa/ yon tan dang ldan pa'i bu mo gzugs bzang mo mna' ma'i don du bdag gis khyod la sbyin par bya'o// gzhon nu stag rna dang / gzugs bzang mo gnyis mdzes shing 'thun pas kyang 'di la mos shing dga' 'o zhes smras nas/ gser gyi bum pa chus bkang ba thogs nas bram ze mngon par dad cing dga' ba dang / mgu ba dang ldan pas chu sbrengs nas bu mo byin te/ 'di skad du yang bu mo gzugs bzang mo 'di gzhon nu stag rna'i chung ma ru dga' ba'i sems kyis long zhig/ de nas gdol pa'i rgyal po tre shang kus bu mo de rang gi bu de la blangs nas/ rang gi grong khyer du phyir log ste/ chos dang ldan par grags pas rang gi rgyal srid bskyangs par gyur to// yang dge slong dag khyed de'i tshe de'i dus na gdol pa'i rgyal po tre shang ku zhes bya ba de gzhan zhig yin snyam du sems na/ de ltar blta bar mi bya ste/ nga nyid de'i tshe de'i dus na gdol pa'i rgyalA tre shang ku zhes bya bar gyur to/ / yang de'i tshe de'i dus na gzhon nu stag rna zhes bya ba gdol pa'i rgyal po tre shang ku zhes bya ba'i bur gyur pa de gzhan zhig yin snyam du sems na/ de ltar blta bar mi bya ste/ dge slong kun dga' bo 'di
- 372a
nyid de'i tshe de'i dus na gzhon nu stag na zhes bya bar gyur to/ / yang khyed de'i tshe de'i dus na bram ze pad+ma'i snying po zhes bya bar gyur pa de gzhan zhig yin snyam du sems na/ de ltar blta bar mi bya ste/ dge slong shA ra dwa ti'i bu de'i tshe de'i dus na bram ze pad+ma'i snying po zhes bya ba gyur to// yang de'i tshe de'i dus na bu mo gzugs bzang mo zhes bya ba bram ze pad+ma'i snying po'i bu mor gyur pa de gzhan zhig yin snyam du sems na/ de ltar blta bar mi bya ste/ dge slong ma gzugs bzang mo 'di nyid de'i tshe de'i dus na pad+ma'i snying po'i bu mor gyur to// der gcugs pa dang mdza' ba'i rgyus da ltar dge slong kun dga' bo 'gro na rjes su 'gro zhing / 'dug na 'dug la/ khang pa gang dang gang du bsod snyoms la zhugs pa na/ sgo de dang der mi smra bar gnas par gyur to// de nas bcom ldan 'das gleng gzhi'i rnam pa 'di nyid bstan nas/ de'i tshe tshigs su bcad de bka' stsal pa/ skye ba sngon gyi bag chags kyis// de ltar yang ni brtse nyid de// de yid gcugs pa skyes gyur pa// chu nang nas skyes ji bzhin no// de lta bas na dge slong dag 'phags pa'i bden pa bzhi mngon par rtogs pa mngon du ma byas pas brtson 'grus dang / mngon par 'bad pa dang / spro ba dang // 'dun pa drag pos tshig ma yin par rtogs par bya zhing / dran pa dang / shes bzhin gyis spyad par bya'o// bzhi po de dag gang zhe na/ sdug bsngal 'phags pa'i bden pa sdug
- 372b
bsngal dang / kun 'byung 'phags pa'i bden pa sdug bsngal dang / 'gog pa 'phags pa'i bden pa sdug bsngal dang / lam 'phags pa'i bden pa sdug bsngal te/ 'phags pa'i bden pa bzhi po de dag mngon par ma rtogs pa mngon par rtogs pa'i phyir brtson 'grus dang / mngon par 'bad pa dang / spro ba dang / 'dun pa drag pos tshig tu ma yin par rtogs par bya zhing / dran pa dang shes bzhin gyis sbyar bar bya'o// chos kyi rnam grangs 'di bshad pa na/ dge slong drug cu len pa med par zag pa rnams las sems rnam par grol lo// mnyan yod kyi skye bo'i tshigs chen po bram ze dang / khyim bdag rnams chos kyi mig rdul med cing dri ma dang bral bar gyur to// dge slong de dag dang / ko sa la'i rgyal po gsal rgyal dang / mnyan yod kyi skye bo'i tshogs chen po dang / bram ze dang / khyim bdag dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa stag rna'i mdo rdzogs so/ / / rgya gar gyi mkhan po dge slong a dzi ta shrI b+ha dra dang / zhu chen gyi lo tsA ba dge slong shAkya 'od kyis bsgyur/
- 373a
#/ dbus na bkra shes don gyis// rnam par snang mdzad pa kra shis don gyi sku// rnam par snang mdzad pakra shis gang labs pa// bkra shis dam pa des kyang dang 'dar bde legs shog/ shar nas bkra shis don gyi lha// rdo rje sems dpa' bkra shis don gyi lha// rdo rje sems dpa'i bkra shis gang lags pa// bkra shis dam pa des kyang deng 'dir bde legs shog/ ljonas bkra shis don gyi lha// rin chen 'byung ldan pakra shis don gyi lha// rin chen 'byung ldan pakra shis gang lags pa// bkra shis ram pa des kyang deng 'dir bde legs shog/ nub nas bkra shis don gyi lnga// snang ba mtha' yas bkra shis don gyi lha// snang ba mtha' yas bkra shis gang lags pa// bkra shis dam pa des kyang deng 'dir bde legs shog/ byang nas bkra shis dor gyi rtsa// don yon grub pa bkra shis don gyi lha// don yod grub pa'i bkra shis gang lags pa// bkra shis dam pa nges kyang der 'drir bde legs shog/ oM bud+d+ha ya d+hA/ oM badz+rA pa d+h+yA/ oM rAt+na ya d+hA/ oM pad+ma ya d+hu/ oM karma ya ng+ga/ yeng+garmA